ధర్మారం: ప్రభుత్వ ఉద్యోగులు అంకితభావంలో పనిచేస్తూ ప్రజలకు అందుబాటులో ఉండాలని అదనపు కలెక్టర్‌ వేణు అన్నారు. ధర్మారం మండలం నందిమేడారం ప్రాథమిక ఆరోగ్య కేంద్రాన్ని, పత్తిపాక వరిధాన్యం కోనుగోలు కేంద్రాన్ని బుధవారం సందర్శించారు. ఆసుపత్రి లో వసతులు, సిబ్బంది పనితీరు, రికార్డులను పరిశీలించారు. పత్తిపాక క్రాస్‌రోడ్డు వద్ద ఉన్న వరిధాన్యం కొనుగోలు కేంద్రాన్ని సందర్శించి నిర్వాహకులకు పలు సూచనలు చేశారు. రైతులకు ఎలాంటి ఇబ్బందులు కలుగకుండా నిబంధన ప్రకారంగా ధాన్యం కొనుగోలు చేయాలన్నారు. కాంటా వేసిన ధాన్యాన్ని వెంటనే మి ల్లులకు తరలించాలని తెలిపారు. ఆయన వెంట తహసీల్దార్‌ అరీఫ్‌, ఆర్‌ఐ వరలక్ష్మీలున్నారు. సర్వే వివరాల ఆన్‌లైన్‌పై శిక్షణ కోల్‌సిటీ: రామగుండం నగరపాలక సంస్థలో నిర్వహిస్తున్న కుటుంబ సర్వేలో సేకరించిన వివరాలను ఆన్‌లైన్‌లో నమోదు చేసేందుకు మంథని జేఎన్‌టీయూ విద్యార్థులకు బుధవారం బల్దియా అధికారులు ప్రత్యేక శిక్షణ ఇచ్చారు. 175 మంది విద్యార్థులకు హైదరాబాద్‌లో శిక్షణ పొందిన నగరపాలక సంస్థ సిస్టం మేనేజర్‌ సుధాకర్‌ డెమో ద్వారా వివరించారు. సర్వే ద్వారా సేకరించిన వివరాలను సంబంధిత వెబ్‌సైట్‌ తెరుచుకున్న వెంటనే ఆన్‌లైన్‌లో నమోదు ప్రక్రియ ప్రారంభిస్తామని అసిస్టెంట్‌ కమిషనర్‌ రాజలింగు వెల్లడించారు. విద్యతోపాటు నాణ్యమైన భోజనం అందించాలిజూలపల్లి: బాలికలకు విద్యతో పాటు నాణ్య మైన భోజనం అందించాలని రాష్ట్ర మహిళా కమిషన్‌ సభ్యురాలు కటారి రేవతిరావు అన్నా రు. జూలపల్లి మండలం తేలుకుంట కస్తూరిబా గాంధీ బాలికల విద్యాలయాన్ని బుధవారం ఆకస్మిక తనిఖీ చేశారు. సరుకులు, కూరగాయలు, బియ్యం, వంటగది, తాగునీటి కుళాయిలను పరిశీలించారు. వంటగది అపరిశుభ్రంగా ఉండటంపై ఆగ్రహం వ్యక్తం చేశారు. శుభ్రంగా ఉండేలా చర్యలు తీసుకోవాలని ఆదేశించారు. విద్యార్థులతో కలిసి భోజనం చేశారు. ఈ సందర్భంగా విద్యార్థులకు సరిపడా బెడ్స్‌ లేవని, ప్రహరీ ఎత్తు పెంచేందుకు సహకరించాలని ప్రిన్సిపాల్‌ శ్రీలత కోరారు. అనంతరం తేలు కుంట, చీమలపేటలోని అంగన్‌వాడీ కేంద్రాలను పరిశీలించారు. విద్యార్థుల సంఖ్య, గర్భి ణులకు పౌష్టికాహారం, చిన్నారులకు ఆటపాటల విద్యను పరిశీలించి గర్భిణులకు సీమంతం చేశారు. ఆమె వెంట పెద్దపల్లి ఐసీడీఎస్‌ సీడీపీవో కవిత, అంగన్‌వాడీ సూపర్‌వైజర్‌ లక్ష్మీ తదితరులున్నారు. నాణ్యతలో రాజీలేకుండా ముందుకు సాగాలిగోదావరిఖని: నాణ్యతతోనే సంస్థ భవిష్యత్‌ ముడిపడి ఉందని, ఉద్యోగులు రాజీలేకుండా ముందుకు సాగాలని సింగరేణి డైరెక్టర్‌ డి.సత్యనారాయణరావు అన్నారు. బుధవారం బొగ్గు నాణ్యతా వారోత్సవాల ముగింపు వేడుకలకు ముఖ్య అతిథిగా హాజరై మాట్లాడారు. బొగ్గు కొనుగోలు దారులు, ఏరియా జీఎంలు, అన్నిగనుల మేనేజర్లతో అవగాహన సదస్సు నిర్వహించారు. బొగ్గు నాణ్యత లోపిస్తే సంస్థ మనుగడే కష్టంగా మారుతుందన్నారు. ఏటా బొగ్గు నాణ్యత వారోత్సవాలు నిర్వహిస్తూ కార్మికులకు అవగాహన కల్పిస్తున్నామని తెలిపారు. సింగరేణి బొగ్గు కొనుగోలుకు మార్కెట్లో కస్టమర్లు పోటీ పడుతున్నారని అన్నారు. అనంతరం నాణ్యత ప్రతిజ్ఞ చేయించారు. ఆర్జీ–1 జీఎం లలిత్‌కుమార్‌, రీజియన్‌ క్వాలిటీ జీఎం భైధ్యా, కార్పొరేట్‌ క్వాలిటీ జీఎం రవికుమార్‌, ఆర్జీ–2,3, శ్రీరాంపూర్‌ జీఎంలు వెంకటయ్య, సుధాకర్‌రావు, శ్రీనివాస్‌, క్వాలిటీ డీజీఎం సాయిప్రసాద్‌ తదితరులు పాల్గొన్నారు.

పెద్దపల్లి మండలం దేవునిపల్లిలోని శ్రీలక్ష్మీనృసింహస్వామి ఆలయ ఆవరణలో బుధవారం రథోత్సవం వైభవంగా జరిగింది. వేకువజామునే స్వామి వారి రథం వద్ద ప్రత్యేక పూజలు నిర్వహించి తాళ్లతో లాగుతూ ఊరేగించారు. ఉమ్మడి కరీంనగర్‌ జిల్లాతో పాటు మహారాష్ట్ర తదితర ప్రాంతాల నుంచి లక్షకు పైగా తరలివచ్చిన భక్తజనంతో ఆలయ ఆవరణ కిక్కిరిసిపోయింది. స్వామి వారిని దర్శించుకుని కోరమీసాలు, ఇతర మొక్కులు సమర్పించుకున్నారు. ఎమ్మెల్యే విజయరమణారావుకు ఆలయ అర్చకులు పూర్ణకుంభంతో స్వాగతం పలకగా ఆలయంలో ప్రత్యేక పూజలు చేశారు. ఎలాంటి ఇబ్బందులు కలుగకుండా ఏసీపీ గజ్జి కృష్ణ ఆధ్వర్యంలో సీఐ ప్రవీణ్‌కుమార్‌, ఎస్సై స్వామి బందోబస్తు పర్యవేక్షించారు. డీసీపీ చేతన పూజలు చేసి అధికారులు, సిబ్బందికి పలు సూచనలు చేశారు. కాగా జాతరకు వచ్చిన భక్తులకు అవసరమైన పూజాసామగ్రిని వ్యాపారులు అధిక ధరలకు విక్రయించి దోపిడీ చేశారని భక్తులు ఆరోపించారు. – పెద్దపల్లిరూరల్‌/సాక్షి ఫొటోగ్రాఫర్‌, పెద్దపల్లి

పెద్దపల్లిరూరల్‌: పెద్దపల్లి పట్టణాన్ని అన్ని విధాలా అభివృద్ధి చేసి రూపురేఖలు మారుస్తానని ఎమ్మెల్యే విజయరమణారావు అన్నారు. పట్టణంలోని తెనుగువాడ, బందంపల్లిలో సీసీరోడ్డు, డ్రైనేజీల నిర్మాణాలను ప్రారంభించి మాట్లాడారు. కనీస మౌలిక వసతులు కల్పించడంతో పాటు పట్టణాన్ని జిల్లా కేంద్ర హోదాకు తగ్గట్టు తీర్చిదిద్దుతానన్నారు. కౌన్సిలర్‌ సంపత్‌, నాయకులు పాల్గొన్నారు. చీకురాయి, బందంపల్లిల్లో ఏర్పాటు చేసిన ధాన్యం కొనుగోలు కేంద్రాన్ని ఎమ్మెల్యే విజయరమణారా వు ప్రారంభించారు. ధాన్యాన్ని కేంద్రాల్లోనే విక్రయించి మద్దతు ధర పొందాలన్నారు. సుందరీకరణకు ప్రణాళికాబద్ధంగా కృషి సుల్తానాబాద్‌: పట్టణ సుందరీకరణకు ప్రణాళికాబద్ధంగా కృషి చేస్తామని ఎమ్మెల్యే విజయరమణారా వు అన్నారు. శాసీ్త్రనగర్‌లో రూ.41.21లక్షలతో చేపట్టిన టీఎఫ్‌ఐడీసీ పనులకు శంకుస్థాపన చేశారు.

పెద్దపల్లిరూరల్‌: జిల్లాలోని పల్లెల్లో చేపట్టిన అభివృద్ధి పనుల్లో వేగం పెంచాలని కలెక్టర్‌ కోయ శ్రీహర్ష అన్నారు. కలెక్టరేట్‌లో బుధవారం సంబంధిత అధి కారులతో సమీక్షించారు. అమ్మ ఆదర్శ పాఠశాల కమిటీల ద్వారా చేపట్టిన పనులను త్వరితగతిన పూర్తి చేయాలని ఇంజినీరింగ్‌ అధికారులను ఆదేశించారు. అంగన్‌వాడీ కేంద్రాల మరమ్మతు, టాయిలెట్ల నిర్మాణానికి చర్యలు తీసుకోవాలన్నారు. పంచాయతీ రాజ్‌ ఈఈ గిరీశ్‌బాబు పాల్గొన్నారు. 15లోపు విద్యుత్‌ పనులు పూర్తి చేయాలి జిల్లాలోని అంగన్‌వాడీ కేంద్రాలకు విద్యుత్‌ సరఫరా పనులను డిసెంబర్‌ 15వ తేదీలోగా పూర్తి చేయాలని కలెక్టర్‌ కోయ శ్రీహర్ష అన్నారు. అంగన్‌వాడీ కేంద్రాల్లో విద్యుత్‌ సరఫరా, ఫ్యాన్‌, లైట్‌ తదితర సౌకర్యాలు కల్పించాలన్నారు. అవసరమైన నిధులను సమకూరుస్తామని తెలిపారు. జిల్లా సంక్షేమ శాఖ ఇన్‌చార్జి అధికారి వేణుగోపాల్‌రావు తదితరులు పాల్గొన్నారు. కలెక్టర్‌ కోయ శ్రీహర్ష

● ఈనెల 30న ఎమ్మెల్యేలతో మంత్రి ఉత్తమ్‌ సమీక్ష చేస్తారు ● కాళేశ్వరంతో పనిలేకుండా అత్యధిక వరి ఉత్పత్తి ● పాదయాత్ర సమయంలో వాగ్దానాలు పూర్తి చేస్తున్నామన్న సీఎం ● కేసీఆర్‌ పాలనపై మంత్రుల విమర్శలు ● ఇందిరమ్మ రాజ్యంతోనే సంక్షేమం, అభివృద్ధని స్పష్టీకరణ ● రూ.679 కోట్ల పనులకు శంకుస్థాపనపెండింగ్‌ ప్రాజెక్టులుమాట్లాడుతున్న సీఎం రేవంత్‌రెడ్డి సీఎం రేవంత్‌ పర్యటన ఇలా..● ఉదయం 11 గంటలకు సీఎం రేవంత్‌రెడ్డి హెలీకాప్టర్‌ ద్వారా వేములవాడ గుడి చెరువు చేరుకున్నారు. అనంతరం ప్రత్యేక కాన్వాయ్‌ ద్వారా ఆలయ గెస్ట్‌హౌస్‌కు వెళ్లారు. ● మంత్రి శ్రీధర్‌బాబు, దేవాదాయశాఖ ప్రిన్సిపల్‌ సెక్రటరీ శైలజారామయ్యర్‌ దంపతులు ఒకేచోట కలుసుకుని సీఎం రేవంత్‌రెడ్డికి స్వాగతం పలుకుతున్న క్రమంలో అన్నా, వదిన ఒకేచోట అంటూ సీఎం మాట్లాడారు. ● గెస్ట్‌హౌస్‌ నుంచి సీఎం లుంగీ–కండువా ధరించి రాజన్న దర్శనానికి వెళ్లారు. అంతకుముందు పోలీసులు గౌరవవందనం సమర్పించారు. సాక్షిప్రతినిధి, కరీంనగర్‌/వేములవాడ/వేములవాడఅర్బన్‌: అసంపూర్తిగా ఉన్న సాగునీటి ప్రాజెక్టులు పూర్తి చేస్తామని, ఈ నెల 30 లోపు ఉమ్మడి జిల్లా ఎమ్మెల్యేలతో మంత్రి ఉత్తమ్‌కుమార్‌రెడ్డి సమీక్ష నిర్వహిస్తారని, ప్రాజెక్టులు ఎప్పుడు పూర్తవుతాయి, ఎన్ని నిధులు కావాలి అనేది సమీక్షలో మాట్లాడుతారని ముఖ్యమంత్రి రేవంత్‌రెడ్డి అన్నారు. బుధవారం వేములవాడ రాజన్న దర్శనం అనంతరం ఆలయ గుడి చెరువు ఖాళీ స్థలంలో రూ.679 కోట్లతో అభివృద్ధి పనుల శంకుస్థాపన, ప్రారంభోత్సవం కార్యక్రమాలు నిర్వహించారు. అనంతరం ప్రజాపాలన విజయోత్సవ సభకు హాజరై మాట్లాడారు. కరీంనగర్‌ జిల్లా నుంచి పీవీ నరసింహారావు దేశానికి దిశ దశ చూపి, గ్రామస్థాయి నుంచి ఢిల్లీ వరకు తెలంగాణ బిడ్డ పరిపాలన అంటే ఎంటో చూపించారన్నారు. అలాగే పెద్దలు చొక్కారావు, ఎం.సత్యనారాయణరావు లాంటి వారు కరీంనగర్‌ నుంచి నాయకత్వం అందించారని గుర్తు చేశారు. అనంతరం వేములవాడ ఎమ్మెల్యే, ప్రభుత్వ విప్‌ ఆది శ్రీనివాస్‌ మాట్లాడారు. వేములవాడ అభివృద్ధికి అన్ని శాఖల మంత్రులు సంపూర్ణ సహకారం అందించారన్నారు. రూ.76 కోట్లతో రాజన్న ఆలయ విస్తరణ పనులు శృంగేరిపీఠాధిపతుల సూచనల మేరకు నిర్వహిస్తున్నామని వివరించారు. వేములవాడలో రూ.35 కోట్లతో నిత్య అన్నదానసత్రానికి సీఎం సభకు వచ్చే ముందు ఉత్తర్వులు జారీ అయ్యాయని పేర్కొన్నారు. ఎమ్మెల్సీ జీవన్‌రెడ్డి మాట్లాడుతూ, గత దశాబ్ద కాలంలో నిర్లక్ష్యానికి గురైన వేములవాడ పట్టణ పునర్నిర్మాణం పనులను 10 నెలల కాలంలో ప్రారంభించుకున్నామని వెల్లడించారు. గల్ఫ్‌ కార్మికులు మరణిస్తే దేశంలోనే రాష్ట్రంలో రూ.5 లక్షల పరహారం అందిస్తున్న ఏకై క ప్రభుత్వం అని పేర్కొన్నారు. వ్యవసాయశాఖ మంత్రి తుమ్మల నాగేశ్వరరావు మాట్లాడుతూ, గత ప్రభుత్వం ఎగవేసిన బకాయిలు చెల్లిస్తూనే 30 ఏళ్ల చిరకాల కోరిక యారన్‌ డిపో ఏర్పాటు చేశామని వెల్లడించారు. 365 రోజులు నేత కార్మికులకు పని కల్పించే సంకల్పం ప్రభుత్వం తీసుకుందన్నారు. రాజన్న దయతో దేశంలోనే అత్యధికంగా వరిపంట దిగుబడి వచ్చిన రాష్ట్రం తెలంగాణ అని కొనియాడారు. కోటి 53 లక్షల మెట్రిక్‌ టన్నుల దిగుబడి వచ్చిందన్నారు. రెవెన్యూశాఖ మంత్రి పొంగులేటి శ్రీనివాస్‌రెడ్డి మాట్లాడుతూ, మనందరి కష్టం ఫలితంగా ఇందిరమ్మ రాజ్యం రాష్ట్రంలో ఏర్పడిందన్నారు. రాబోయే నాలుగేళ్లలో రూ.లక్ష కోట్లతో పేదలకు 20 లక్షల ఇళ్లు నిర్మిస్తామని హామీ ఇచ్చారు. రాజకీయాలు, కులాలకతీతంగా పేదలకు ఇళ్లు మంజూరు చేస్తామని స్పష్టం చేశారు. బీసీ, రవాణా శాఖమంత్రి పొన్నం ప్రభాకర్‌ మాట్లాడుతూ, చిరకాల ఆకాంక్ష నిత్యాన్నదాన సత్రానికి నిధులు మంజూరు చేసిన ముఖ్యమంత్రికి ప్రత్యేక ధన్యవాదాలు తెలిపారు. గతంలో వాగ్దానాలకు పరిమితమైన వేములవాడ ఆలయానికి నేడు అభివృద్ధి బాటలు వేశామని తెలిపారు. రాబోయే రోజుల్లో నేత కార్మికుల ఉపాధికి బృహత్తర ప్రణాళికలు రూపొందిస్తామని ప్రకటించారు. ఐటీ, పరిశ్రమల శాఖ మంత్రి శ్రీధర్‌బాబు మాట్లాడుతూ, నిరంతరం ప్రజల్లో తిరిగే శ్రమజీవి విప్‌ ఆది శ్రీనివాస్‌ అభివృద్ధికి కట్టుబడి ఉన్నారన్నారు. పెండింగ్‌ సమస్యల పరిష్కారానికి ప్రభుత్వం చర్యలు తీసుకుంటుందని పేర్కొన్నారు. ప్రతీ ఎకరం సాగయ్యే దిశగా చర్యలు తీసుకుంటామని వివరించారు. టీపీసీసీ చీఫ్‌ మహేశ్‌కుమార్‌గౌడ్‌ మాట్లాడుతూ.. రుద్రంగి ఇవతల మర్రిపల్లి అమ్మమ్మ ఊరు, అవతల నాన్నమ్మ ఊరని తెలిపారు. పది నెలల కాలంలోనే 50 వేల ఉద్యోగాలు అందించామన్నారు. వైద్య ఆరోగ్యశాఖ మంత్రి దామోదర రాజనర్సింహ మాట్లాడుతూ ప్రజలకు ఇచ్చిన ప్రతీ మాట నిలబెడుతామన్నారు. నీటి పారుదలశాఖ మంత్రి ఉత్తమ్‌కుమార్‌రెడ్డి మట్లాడుతూ ఎల్లంపల్లి ప్రాజెక్ట్‌ స్టేజ్‌– 2, ఫేజ్‌– 1 పనులు పూర్తి చేసి లక్షా 51 వేల 400 ఎకరాలకు సాగునీరు అందిస్తామన్నారు. ఎల్లంపల్లి కెనాల్‌ నెట్‌వర్క్‌ ప్యాకేజీ– 2లో పెండింగ్‌ పనులకు రూ.170 కోట్లు ఖర్చు చేసి వేములవాడ నియోజకవర్గంలో 40,500 ఎకరాలు, కోరుట్లలో 2,500 ఎకరాలకు నీరు అందిస్తామన్నారు. సిరిసిల్లలో కాళేశ్వరం ప్యాకేజీ 9,10,11 పూర్తి చేసి లక్షన్నర ఎకరాలకు సాగునీరు అందిస్తామని పేర్కొన్నారు. ఉమ్మడి జిల్లా నీటిపారుదల ప్రాజెక్టులపై వారం రోజుల్లో సమీక్ష నిర్వహిస్తామని తెలిపారు. కార్యక్రమంలో ఎమ్మెల్సీ బల్మూరి వెంకట్‌, ప్రభుత్వ విప్‌ అడ్లూరి లక్ష్మణ్‌, ఎమ్మెల్యేలు మేడిపల్లి సత్యం, కవ్వంపల్లి సత్యనారాయణ, మక్కాన్‌సింగ్‌, విజయరమణారావు తదితరులు పాల్గొన్నారు. ఆదిపై ప్రశంసల జల్లు.. వేములవాడకు బుధవారం ప్రభుత్వం మంజూరు చేసిన రూ.679 కోట్ల నిధులు, ఆలయ విస్తరణ పనుల విషయంలో స్థానిక ఎమ్మెల్యే ఆది శ్రీని వాస్‌పై ప్రశంసల జల్లు కురిసింది. సభలో సీఎం రేవంత్‌రెడ్డి మాట్లాడుతూ, గతంలో వేములవాడ ఎమ్మెల్యేను కలవాలంటే జర్మని వెళ్లాల్సి వచ్చేదని కానీ, ఈ ప్రభుత్వంలో ఆది వేములవాడ ఎమ్మెల్యేగా గెలిచి ప్రజల వద్దకు స్వయంగా వెళ్తున్నారని ప్రశంసించారు. అసెంబ్లీ సమావేశాలు మినహా ఏనాడు హైదరాబాద్‌ రాడని, నియోజకవర్గ అభివృద్ధి తప్ప పైరవీలు చేయడని స్పష్టం చేశారు. ఇలాంటి ఎమ్మెల్యేలు తనకు ఎంతో ఇష్టమని పేర్కొన్నా రు. అలాగే వేములవాడలో ఆలయ విస్తరణ, సాగునీటి పనుల పూర్తికి ప్రభుత్వం తీసుకుంటున్న చొర వ ఆది శ్రీనివాస్‌ కృషి అని మంత్రులు పొంగులేటి, ఉత్తమ్‌, పొన్నం, శ్రీధర్‌బాబు అభినందించారు. సీఎంకు విప్‌ ఆది శ్రీనివాస్‌, ఆయన కుమారుడు కార్తీక్‌ తలపాగా ధరింపజేసి స్వామివారి చిత్రపటం, త్రిశూలం బహూకరించారు. 2.55 గంటలకు సీఎం రేవంత్‌రెడ్డి ప్రసంగాన్ని ప్రారంభించి 3.30 గంటలకు ముగించారు. సభా వేదికపైనుంచి కిందకు దిగిన సీఎంతో పోలీసు ఉన్నతాధికారులు ఫొటో దిగారు. 3.45 గంటలకు సీఎం రేవంత్‌రెడ్డి హెలీకాప్టర్‌ ద్వారా తిరిగి హైదరాబాద్‌కు బయలుదేరి వెళ్లారు. – వేములవాడ 11.41 గంటలకు ఆలయ విస్తరణ పనులకు భూమిపూజ చేశారు. మంత్రులందరికీ ప్రభుత్వవిప్‌ ఆది శ్రీనివాస్‌ కొబ్బరికాయలు అందజేశారు. కార్యక్రమానికి శృంగేరి అర్చకులు హాజరయ్యారు. 11.45 గంటలకు ప్రారంభోత్సవాలు చేసిన సీఎం. 11.55 గంటలకు ఆలయంలోకి ప్రవేశించి మంత్రులతో కలిసి 12.20 వరకు దర్శనాలు పూర్తిచేసుకున్నారు. 12.25 గంటలకు స్వామివారి అద్దాల మంటపంలో సీఎం, మంత్రులకు దేవాదాయశాఖ అధికారులు, ప్రభుత్వవిప్‌ ప్రసాదాలు అందజేశారు. ఆలయ అర్చుకులు ఆశీర్వచనం గావించారు. అనంతరం సీఎంతో ఫొటో దిగారు. 12.45 గంటలకు దర్శనాలు పూర్తిచేసుకుని గెస్ట్‌హౌస్‌కు చేరుకున్నారు. మధ్యాహ్నం 1.20 గంటలకు ప్రారంభోత్సవాలు పూర్తి చేసి, 1.25 గంటలకు సీఎం వేదికపైకి చేరుకున్నారు. 1.35 గంటలకు జ్యోతి ప్రజ్వలన చేశారు. అనంతరం తెలంగాణ గీతం ఆలపించారు. 1.40 గంటలకు యార్నడిప్‌ వర్చువల్‌గా సీఎం ప్రారంభించారు. 1.45 గంటలకు ప్రభుత్వవిప్‌ ఆది శ్రీనివాస్‌ స్వాగత వచనాలు చేశారు.

రామగిరి(ముత్తారం): పాఠశాల సరిసరాలను ని త్యం పరిశుభ్రంగా ఉంచాలని కలెక్టర్‌ కోయ శ్రీహర్ష ఆదేశించారు. ముత్తారంలోని కస్తూరిబా గాంధీ బా లికల విద్యాలయాన్ని కలెక్టర్‌ మంగళవారం ఆకస్మికంగా తనిఖీ చేశారు. స్కూల్‌ పరిసరాలు, వంటగది, స్టోర్‌ రూం, తరగతి గదులను పరిశీలించారు. గతనెలలో విద్యాలయంలో జరిగిన సంఘటనతో విద్యార్థులు, తల్లిదండ్రులు ఆందోళన వ్యక్తం చేస్తు న్న నేపథ్యంలో కలెక్టర్‌ కేజీబీవీని తనిఖీ చేశారు. ఆ త్మస్థయిర్యం నింపడానికి విద్యార్థులతో ముచ్చటించారు. మౌలిక వసతులు, విద్యాబోధన, వివిధ స మస్యలపై విద్యార్థులను అడిగి తెలుసుకున్నారు. సమస్యలు ఉంటే తన దృష్టికి తీసుకు రావాలని ప్రత్యేకాధికారి స్వప్నకు సూచించారు. మెనూ ప్రకారం విద్యార్థులకు నాణ్యమైన భోజనం అందించాలన్నారు. తర్వాత విద్యార్థులతో కలిసి భోజనం చేశారు. సౌకర్యాలు బాగున్నాయని కలెక్టర్‌కు పలువురు తెలిపారు. అయితే, సెప్టిక్‌ ట్యాంక్‌ వద్ద నీటి నిల్వలు తొలగించేందుకు సైడ్‌ డ్రెయిన్‌ నిర్మించా లని కలెక్టర్‌ ఆదేశించారు. డీపీవో వీర బుచ్చయ్య, డీఎల్‌పీవో సతీశ్‌, ఎంపీడీవో సురేశ్‌, డిప్యూటీ తహసీల్దార్‌ షఫీ తదితరులు పాల్గొన్నారు. ధాన్యం కొనుగోలు కేంద్రాల సందర్శన ముత్తారం మండలం మచ్చుపేట, మైదంబండ, ముత్తారంలోని ధాన్యం కొనుగోలు కేంద్రాలను కలె క్టర్‌ కోయ శ్రీహర్ష సందర్శించారు. గన్నీబ్యాగుల కొ రత లేకుండా చూడాలని, ధాన్యం కొనుగోలు చేసిన వెంటనే ఆన్‌లైన్‌లో నమోదు చేసి రైస్‌మిల్లులకు తరలించాలని సూచించారు. ఏడీఏ అంజని, ఏవో అనూష, ఏఈవో శ్రీలత తదితరులు పాల్గొన్నారు. కలెక్టర్‌ కోయ శ్రీహర్ష ఆదేశం ముత్తారం కేజీబీవీ ఆకస్మిక తనిఖీ విద్యార్థులతో కలిసి భోజనం చేసిన జిల్లా ఉన్నతాధికారి

పెద్దపల్లిరూరల్‌: భారత మాజీప్రధాని ఇందిరాగాంధీ పేదల సంక్షేమానికి ఎంతగానో పాటుపడ్డారని ఎమ్మెల్యే విజయరమణారావు అన్నారు. స్థానిక ప్ర గతినగర్‌ వద్ద మంగళవారం ఇందిరాగాంధీ జ యంతి సందర్భంగా ఆమె చిత్రపటానికి పూలమా ల వేసి నివాళి అర్పించారు. కాంగ్రెస్‌ పట్టణ అధ్యక్షుడు సురేశ్‌గౌడ్‌, వ్యవసాయ మార్కెట్‌ కమిటీ చైర్‌పర్సన్‌ ఈర్ల స్వరూప, కౌన్సిలర్లు మల్లయ్య, సంప త్‌, నాయకులు ఉప్పు రాజు, శ్రీకాంత్‌, సారయ్యగౌ డ్‌, జగదీశ్‌, మస్రత్‌, శ్రీనివాస్‌, సంతోష్‌, శ్రీనివాస్‌, బొంకూరి అవినాష్‌, నర్సయ్య పాల్గొన్నారు. పెద్దపల్లి సుందరీకరణపై ప్రత్యేక దృష్టి పట్టణ సుందరీకరణపై ప్రత్యేక దృష్టి సారిస్తానని ఎమ్మెల్యే విజయరమణారావు అన్నారు. మున్సిపల్‌లోని పలువార్డుల్లో రూ.1.32 కోట్ల అంచనా వ్యయంతో చేపట్టిన సీసీ రోడ్డు, డ్రైనేజీల పనులను ఆయన ప్రారంభించి మాట్లాడారు. ప్రజలకు కనీస మౌలిక వసతులు కల్పిస్తామని తెలిపారు. భవిష్యత్‌ లో తాగునీటి ఇబ్బందులు రాకుండా శాశ్వత చర్య లు తీసుకోవాలని అధికారులకు సూచించారు. వ్య వసాయ మార్కెట్‌ కమిటీ చైర్‌పర్సన్‌ ఈర్ల స్వరూ ప, నాయకులు సారయ్య, రాజేందర్‌, మస్రత్‌, ఉ ప్పు రాజు, మాధవి, భిక్షపతి, మల్లయ్య, సంపత్‌, సుభాష్‌రావు, అమిరిశెట్టి సతీశ్‌, కొమ్ము సుధాకర్‌, పూదరి మహేందర్‌, తిరుపతి, ఎడెల్లి శంకర్‌, కటికెనపల్లి రవి, వేముల రాజు, సాయి పాల్గొన్నారు. ఇందిరాగాంధీకి ఘననివాళి గోదావరిఖని: నగర మేయర్‌ బంగి అనిల్‌కుమార్‌, నాయకులు బొంతల రాజేశ్‌, తిప్పారపు శ్రీనివాస్‌ ఇందిరాగాంధీ విగ్రహానికి పూలమాలలు వేసి నివాళి అర్పించారు. నాయకులు ముస్తఫా, లింగస్వామి, రమేశ్‌, సింహాచలం తదితరులు ఉన్నారు. ఎమ్మెల్యే విజయరమణారావు

● కలెక్టర్‌ కోయ శ్రీహర్ష పెద్దపల్లిరూరల్‌: జిల్లాలో ఏర్పాటు చేసిన కొనుగోలు కేంద్రాల ద్వారా సేకరించిన 1,18,260 క్వింటాళ్ల సన్నరకం ధాన్యానికి రూ.5,91,30,600 బోనస్‌ చెల్లించినట్లు కలెక్టర్‌ కోయ శ్రీహర్ష తెలిపారు. సన్నరకం క్వింటాలుపై రూ.500 చొప్పున బోనస్‌ చెల్లిస్తున్నామన్నారు. ఈనెల 14 నుంచి 18వ తేదీ వరకు 1,503 మంది రైతుల నుంచి ధాన్యం సేకరించామని కలెక్టర్‌ వివరించారు. అభ్యసన సామర్థ్యాలు పెంచాలి ప్రభుత్వ పాఠశాలల్లో చదివే విద్యార్థుల కనీస విద్యా ప్రమాణాల పెంపునకు కృషి చేయాలని కలెక్టర్‌ కోయ శ్రీహర్ష ఉపాధ్యాయులకు సూచించారు. రాఘవాపూర్‌ జెడ్పీ హైస్కూ ల్‌లో ఉపాధ్యాయుల ఓరియంటేషన్‌ కార్యక్రమంలో కలెక్టర్‌ మాట్లాడారు. ఒకటి నుంచి ఐదో తరగతి వరకు చదివే విద్యార్థులకు కనీస విద్యాప్రమాణాలు అందేలా చూడాలన్నారు. హెచ్‌ఎం, ఉపాధ్యాయులు పాల్గొన్నారు. మాతృ మరణాలపై సమీక్ష పెద్దపల్లిరూరల్‌: జిల్లాలో మాతృ మరణాల శాతం తగ్గించేందుకు అవసరమైన చర్యలు తీసుకోవాలని జిల్లా వైద్య, ఆరోగ్య శాఖ అధికారి(డీఎంహెచ్‌వో) అన్న ప్రసన్నకుమారి సూచించారు. స్థానిక డీఎంహెచ్‌వో కార్యాలయంలో మంగళవారం నిర్వహించిన సమీక్ష లో ఆమె మాట్లాడారు. జిల్లాలో నాలుగు మా తృమరణాలు సంభవించాయని, అందుకు గల కారణాలపై చర్చించి పలు సూచనలు చేశారు. సమావేశంలో డీసీహెచ్‌ఎస్‌ శ్రీధర్‌, ప్రోగ్రాం ఆఫీసర్‌ వాణిశ్రీ, సదానందం, రమణ, స్రవంతి, శ్రీరాం, కిరణ్‌ పాల్గొన్నారు.

‘రాజన్న’కు స్వయం ప్రతిపత్తి కావాలి ● టీటీడీ తరహాలో అటానమస్‌ హోదా కల్పించాలంటున్న భక్తులు ● హైదరాబాద్‌ సంస్థానంలో అత్యంత ప్రాచీన ఆలయంగా ఎములాడ ● వేములవాడ రాజరాజేశ్వరునికి నేడు సీఎం రేవంత్‌రెడ్డి కోడె మొక్కులు ● బసంత్‌నగర్‌ విమానాశ్రయం, నిజాం షుగర్స్‌ హామీలపై చర్చసాక్షిప్రతినిధి,కరీంనగర్‌●: ఉమ్మడి కరీంనగర్‌ జిల్లాలోనే కాదు రాష్ట్రంలోనే అత్యంత పురాతన, చారిత్రక ఆలయం వేములవాడ శ్రీరాజరాజేశ్వర స్వామి దేవాలయం. హైదరాబాద్‌ సంస్థానంలోనూ నిజాంరాజులు పెద్దపీట వేసిన ఏకై క ఆలయం. 1830 లోనే దక్షిణ భారతదేశంలో రోజుకు రూ.4 లక్షల ఆదాయం ఉన్న ఆలయాలు రెండే. ఒకటి తిరుపతి, రెండోది వేములవాడ. అంతటి ఘనచరిత్ర కలిగిన ఆలయంలో బుధవారం కోడెమొక్కులు చెల్లించుకునేందుకు సీఎం రేవంత్‌రెడ్డి వస్తున్నారు. ఈ సందర్భంగా ఆలయాన్ని మరింత అభివృద్ధి చేసేందుకు టీటీడీ, యాదాద్రి(ప్రతిపాదన దశ) తరహాలో స్వయం ప్రతిపత్తితో కూడిన ప్రత్యేక బోర్డు ఏర్పాటు చేయాలని భక్తులు కోరుతున్నారు. అటానమస్‌ హోదాకు ప్రయత్నాలు రాజన్న ఆలయానికి వందల ఏళ్ల చరిత్ర ఉంది. తెలంగాణ, ఏపీతోపాటు కర్ణాటక, మహారాష్ట్ర, చత్తీస్‌గఢ్‌, మధ్యప్రదేశ్‌ తదితర రాష్ట్రాల భక్తులకు రాజరాజేశ్వర స్వామివారు ఇలవేల్పు. కోరిన కోర్కెలు తీర్చే దేవుడిగా అనాదిగా పూజిస్తున్నారు. ఒకప్పుడు భక్తుల రద్దీని గమనించిన నాగిరెడ్డి అనే ధర్మకర్త వేములవాడలో మరో కోనేరు నిర్మించారు. ఇది నిజామాబాద్‌, మహారాష్ట్ర, కర్ణాటక నుంచి వచ్చే వారికి అనుకూలంగా ఉండేది. క్రమంగా ఇది పాడవుతోంది. ప్రధాన ఆలయంతోపాటు బద్దిపోచమ్మ, భీమన్న ఆలయాలు కూడా పురాతనమైనవే. దేవస్థానానికి ఉప ఆలయాలుగా ఉన్న నాంపల్లి లక్ష్మీనరసింహస్వామి, మామిడిపల్లి సీతారామచంద్ర స్వామి తదితర ఆలయాలను కలిపి క్లస్టర్‌గా అటానమస్‌ బోర్డును ఏర్పాటు చేసి(వీటీడీఏ కాకుండా), అభివృద్ధి చేయాలని రాజన్న ఆలయ ఉద్యోగులు, భక్తులు కోరుతున్నారు. యాదాద్రికి డెవలప్‌మెంట్‌ అథారిటీ ఏర్పాటు చేసిన సమయంలో వేములవాడలోనూ ఏర్పాటు చేయాలన్న డిమాండ్‌ వచ్చింది. వెంటనే అప్పటి సీఎం కేసీఆర్‌ ఇక్కడ వేములవాడ టెంపుల్‌ డెవలప్‌మెంట్‌ అథారిటీ(వీటీడీఏ)ను ఏర్పాటు చేశారు. ఇప్పుడు యాదాద్రికి అటానమస్‌ హోదా కల్పించేందుకు ప్రయత్నాలు మొదలైన దరిమిలా.. వేములవాడకూ కల్పించాలన్న అభిప్రాయం వ్యక్తమవుతోంది. ఆదాయం జీతాలు, పింఛన్లకే.. ఆలయానికి ప్రధానంగా కోడె మొక్కులు, హుండీ ద్వారా ఆదాయం వస్తుంది. ఆలయ నిర్వహణ ఖ ర్చు ఏటా రూ.200 కోట్ల పైమాటే. ఇందులో అధికశాతం దాదాపు రూ.30 కోట్ల వరకు జీతాలు, పింఛన్లకే వెచ్చిస్తుండటం వల్ల ఆలయ అభివృద్ధికి నిధులు సరిపోవడం లేదు. ఇవిగాక కరెంటు బిల్లులు, ప్రసాదాలు, శివరాత్రి, ఇతర ఉత్సవాలు కలిపితే వచ్చే ఆదాయం కన్నా ఖర్చయ్యేదే ఎక్కువ. అందు కే, ప్రత్యేక అటానమస్‌ బోర్డు ఉంటే తప్ప అభివృద్ధి ఊపందుకోదని పలువురు భక్తులు అంటున్నారు. తాజా నిర్ణయాలపై హర్షం.. వేములవాడ రాజరాజేశ్వర క్షేత్రం అభివృద్ధి పనులకు సోమవారం రాష్ట్ర ప్రభుత్వం రూ.127.65 కోట్లు విడుదల చేయడాన్ని స్థానికులు స్వాగతిస్తున్నారు. ఇందులో ఆలయ కాంప్లెక్స్‌ విస్తరణ, భక్తులకు అవసరమైన అధునాతన సదుపాయాలకు రూ.76 కోట్లు, ఆలయం నుంచి మూలవాగు బ్రిడ్జి వరకు ఉన్న రోడ్లను విస్తరించేందుకు రూ.47.85 కోట్లు మంజూరు చేసింది. అలాగే, మూలవాగులో బతుకమ్మ తెప్ప నుంచి జగిత్యాల కమాన్‌ జంక్షన్‌ వరకు రూ.3.8 కోట్లతో నూతన డ్రైనేజీ నిర్మాణానికి ఆమోదం తెలిపారు. అలాగే, వీటీడీఏ పరిధిని మొత్తం జిల్లాకు విస్తరించడం, పట్టణీకరణకు పెద్దపీట వేయడంపై రాజన్నసిరిసిల్ల జిల్లావాసులు హర్షం వ్యక్తం చేస్తున్నారు. విమానాశ్రయంపై చర్చ.. వరంగల్‌లో మామునూరు విమానాశ్రయ నిర్మాణంపై ప్రభుత్వం స్పష్టమైన ప్రకటన చేసి, నిధులు విడుదల చేసిన నేపథ్యంలో బసంత్‌నగర్‌ విమానాశ్రయంపై మరోసారి చర్చ మొదలైంది. మంత్రి కోమటిరెడ్డి వెంకటరెడ్డి సైతం ఈ విషయమై సానుకూలత వ్యక్తం చేయడంతో ఆశలు చిగురించాయి. గత ప్రభుత్వ హయాంలో సర్వే చేసి, ఎయిర్‌పోర్ట్‌ అథారిటీ ఆఫ్‌ ఇండియాకు నివేదిక సమర్పించినా పురోగతి లేదు. వరంగల్‌ ఎయిర్‌పోర్టు సాకారమవుతున్న వేళ.. బసంత్‌నగర్‌ విమానాశ్రయంపైనా స్పష్టమైన హామీ ఇవ్వాలని ఉమ్మడి కరీంనగర్‌ జిల్లావాసులు కోరుతున్నారు. నిజాం షుగర్స్‌పై గంపెడాశలు జగిత్యాల జిల్లా మల్లాపూర్‌ మండలంలోని ముత్యంపేట నిజాం షుగర్స్‌ ఫ్యాక్టరీని తిరిగి తెరిపించాల్సి ఉంది. వాస్తవానికి రూ.210 కోట్ల బ్యాంకు బకాయిలకు గానూ ప్రభుత్వం ఇప్పటికే రూ.192 కోట్లు చెల్లించింది. మిగతా మొత్తం చెల్లింపు, ఉద్యోగులకు వేతనాలు, పింఛన్ల సర్దుబాటుకు పరిష్కార మార్గాలు వెతుకుతోంది. ఫ్యాక్టరీ పునః ప్రారంభమైతే ఉపాధితోపాటు జిల్లా పారిశ్రామికంగా అభివృద్ధి చెందుతుందని జగిత్యాల జిల్లావాసులు గంపెడాశలు పెట్టుకున్నారు. దుష్ప్రచారానికి తెర ఒకప్పుడు రాజన్న ఆలయానికి వస్తే పదవీ గండం అన్న దుష్ప్రచారం ఉండేది. కానీ, అదంతా వట్టిదే అని తేలిపోయింది. ప్రధాని మోడీ, కేంద్రమంత్రి బండి సంజయ్‌, సీఎం రేవంత్‌ రెడ్డి, కాంగ్రెస్‌ ఎంపీ రాహుల్‌గాంధీ, ఎమ్మెల్యే ఆది శ్రీనివాస్‌ విజయాలే ఇందుకు నిదర్శనం. పాత ప్రచారం పోయి, ఇప్పు డు రాజన్నకు కోడెమొక్కులు చెల్లిస్తే విజయం తథ్యమన్న మాట విస్తృతంగా వాడుకలోకి వచ్చింది.రాజన్న ఆలయం వద్దనే అన్నీ.. వేములవాడలో సీఎం రేవంత్‌రెడ్డి పర్యటన షెడ్యూల్‌ ఇదీ సిరిసిల్ల/వేములవాడఅర్బన్‌: వేములవాడ శ్రీరాజరాజేశ్వరస్వామి ఆలయం వద్దనే బుధవారం నాటి సీఎం రేవంత్‌రెడ్డి పర్యటన షెడ్యూల్‌ను ఖరారు చేశారు. హైదరాబాద్‌ బేగంపేట నుంచి ఉద యం 9గంటలకు హెలీకాప్టర్‌లో బయలుదేరి 9.45కు వేములవాడ చేరుకుంటారు. ఉద యం 9.55గంటలకు పోలీస్‌ గౌరవ వందనం స్వీకరిస్తారు. 10 గంటల నుంచి 10.15 గంటల వరకు ఆలయ అతిథిగృహంలో రెస్ట్‌ తీసుకుంటారు. 11గంటలకు రాజన్న ఆలయానికి చేరుకుని, స్వామివారికి పూజలు నిర్వహిస్తా రు. 11.45 గంటలకు ధర్మగుండం వద్ద శంకుస్థాపన కార్యక్రమంలో పాల్గొంటారు. 12.15 గంటలు అతిథి గృహానికి చేరుకుంటారు. 12.30 నుంచి 1.40 వరకు రాజన్న ఆలయ గ్రౌండ్‌లో ఏర్పాటు చేసిన బహిరంగసభలో పాల్గొని ప్రసంగిస్తారు. 1.45 గుడిచెరువు గ్రౌండ్‌ హెలీప్యాడ్‌కు చేరుకుంటారు. హైదరాబాద్‌కు హెలీకాప్టర్‌లో బయల్దేరి 2.30 గంటలకు బేగంపేటకు చేరుకుంటారు. ఈ మేరకు సీఎం పర్యటన షెడ్యూల్‌ను ఖరారు చేసినట్లు అధికారవర్గాలు వెల్లడించాయి.పకడ్బందీ ఏర్పాట్లువేములవాడలో బుధవారం జరిగే సీఎం రేవంత్‌రెడ్డి పర్యటనకు అధికారులు పకడ్బందీ ఏర్పాట్లు చేశారు. సీఎం పర్యటనకు తీసుకోవాల్సిన భద్రత ఏర్పాట్లు, ఇతర చర్యలపై సీఎం సెక్యూరిటీ సిబ్బంది, పోలీస్‌, ఇతరశాఖల అధికారులతో కలిసి కలెక్టర్‌ సందీప్‌ కుమార్‌ ఝా సమీక్షించారు. సీఎం రేవంత్‌రెడ్డి వేములవాడకు ఉదయం చేరుకుంటారని తెలిపారు. శ్రీ రాజరాజేశ్వర స్వామివారిని దర్శించుకుని, వివిధ అభివృద్ధి పనులకు ప్రారంభోత్సవాలు చేస్తారని పేర్కొన్నారు. అనంతరం బహిరంగసభలో పాల్గొంటారన్నారు. సభ అనంతరం అతిథిగృహం వద్ద లంచ్‌చేసి హెలికాప్టర్‌ ద్వారా హైదరాబాద్‌ వెళ్తారని తెలిపారు. ముఖ్యమంత్రి పర్యటన నేపథ్యంలో విధులు నిర్వహించే సిబ్బందికి ప్రత్యేకంగా గుర్తింపు కార్డులు అందిస్తామని, అవి ఉన్నవారిని మాత్రమే పోలీసులు అనుమతిస్తారని తెలిపారు. సీఎం కాన్వాయ్‌లో పూర్తి సిబ్బందితో కూడిన అంబులెన్స్‌ ఏర్పాటు చేయాలన్నారు. బహిరంగసభ వద్ద మెడికల్‌క్యాంపు పెట్టాలన్నారు. ఎస్పీ అఖిల్‌ మహాజన్‌, అదనపు కలెక్టర్‌ ఖీమ్యానాయక్‌, అదనపు ఎస్పీలు చంద్రయ్య, శేషాద్రినిరెడ్డి, వేములవాడ ఆర్డీవో రాజేశ్వర్‌, ఇతరశాఖల పాల్గొన్నారు.ధార్మిక.. కార్మిక క్షేత్రంలో సమస్యలు ఇవీ..రాజన్నసిరిసిల్ల జిల్లా ధార్మిక, కార్మిక, కర్షక క్షేత్రంగా సిరిసిల్ల, వేములవాడ మున్సిపాలిటీలతో పాటు 261 గ్రామాలతో విస్తరించి ఉంది. చిన్నజిల్లాగా పేరున్న ఈ జిల్లాలో అపరిష్కృతంగా ఉన్న అనేక సమస్యలు ప్రజలకు ప్రతిబంధంకంగా మారాయి. ప్రతిపక్ష నేతగా రేవంత్‌రెడ్డి ఇక్కడికి అనేక పర్యాయాలు వచ్చినా.. సీఎం హోదాలో వేములవా డకు తొలిసారి బుధవారం వస్తున్నారు. ప్రజా సమస్యలపై అవగాహన కలిగిన సీఎం రేవంత్‌రెడ్డిపై జిల్లా ప్రజలు కోటి ఆశలు పెట్టుకున్నారు. జిల్లాలో రెండు పాయలుగా అటు మానేరు.. ఇటు మూలవాగు పారుతోంది. ధార్మిక క్షేత్రమైన వేములవాడ, కార్మిక క్షేత్రమైన సిరిసిల్ల, కర్షకుల నిలయాలైన పల్లెల్లో నెలకొన్న ప్రధాన సమస్యలు ఇవీ.. – సిరిసిల్ల– 8లోu

గోదావరిఖని: అనారోగ్యంతో ఇటీవల మర ణించిన హెడ్‌ కానిస్టేబుల్‌ కుటుంబ సభ్యులకు రామగుండం పోలీస్‌ కమిషనర్‌ శ్రీనివాస్‌ భద్ర త ఎక్స్‌గ్రేషియా చెక్కును మంగళవారం అంద జేశారు. గోదావరిఖని వన్‌లౌన్‌లో హెడ్‌కానిస్టేబుల్‌గా పనిచేసిన కె.లక్ష్మీనారాయణ భార్య శంకరమ్మకు రూ.8లక్షల విలువైన చెక్కును ఆ యన అందజేశారు. అడిషనల్‌ డీసీపీ(అడ్మిన్‌) రాజు, సూపరింటెండెంట్‌ సంధ్య, జూనియర్‌ అసిస్టెంట్‌ నజియా తదితరులు పాల్గొన్నారు. ‘కేశోరాం’ కార్మికుల నిరసన పాలకుర్తి(రామగుండం): బసంత్‌నగర్‌ కేశో రాం సిమెంట్‌ కంపెనీ కాంట్రాక్ట్‌ కార్మికులు మంగళవారం నల్లబ్యాడ్జీలు ధరించి విధులకు హాజరయ్యారు. దీపావళి బోనస్‌ విషయంలో యాజమాన్యం వైఖరిని నిరసిస్తూ కార్మిక సంఘం అధ్యక్షుడు కౌశిక హరి ఇచ్చిన పిలుపు మే రకు సంఘం ప్రధాన కార్యదర్శి మాదాసు శ్రీని వాస్‌ ఆధ్వర్యంలో నల్లబ్యాడ్జీలు ధరించి ఉ ద యం విధులకు హాజరయ్యారు. నాయకులు పెరుమాండ్ల రమేశ్‌, వేల్పుల సంపత్‌యాదవ్‌, బత్తిని సతీశ్‌, ముల్కనూరి శ్రీధర్‌, చిలగాని శ్రీనివాస్‌, సాధిఖ్‌పాషా, ప్రసాద్‌ పాల్గొన్నారు. నృత్య ప్రదర్శనలో ప్రతిభ గోదావరిఖనిటౌన్‌: కార్తీక మాసం సందర్భంగా శ్రీశైలం దేవస్థానంలో నిర్వహించిన నృత్య ప్రదర్శనలో నగరానికి చెందిన కళాకారులు మామిడి వైష్ణవి, ఇంజపురి వామిక అద్భుత ప్ర తిభ కనబర్చారు. శ్రీశైలం ఆలయ కమిటీ చైర్మ న్‌ శివారెడ్డి నుంచి ప్రశంసపత్రాలు అందుకున్నారు. గురువు గుమ్మడి ఉజ్వల, తల్లిదండ్రు లు, నృత్య కళాకారులు వారిని అభినందించారు. వేగంగా ధాన్యం కొనుగోళ్లు ధర్మారం(ధర్మపురి): ధాన్యం కొనుగోళ్లలో వే గం పెంచాలని జిల్లా కో ఆపరేటివ్‌ అధికారి శ్రీ మాల సూచించారు. మేడారం, ధర్మారం, ఎర్రగుంటపల్లి, బంజేరుపల్లి, మల్లాపూర్‌, పత్తిపాకలోని ధాన్యం కొనుగోలు కేంద్రాలను మంగళవారం ఆమె తనిఖీ చేసి రైతులతో మాట్లాడా రు. వారి సమస్యలను అడిగి తెలుసుకున్నారు. కొనుగోలు కేంద్రాల నిర్వాహకులు ట్యాబ్‌లో వివరాలు వెంటనే నమోదు చేయాలని ఆదేశించారు. నిర్దేశిత ఽతేమశాతం ఉన్న ధాన్యాన్ని వెంటనే తూకం వేసి మిల్లులకు తరలించాలని సూ చించారు. కార్యక్రమంలో మేడారం సహకార సంఘం కార్యదర్శి రాసూరి మల్లారెడ్డి, కొనుగోలు కేంద్రం నిర్వాహకులు పాల్గొన్నారు. ఉచిత శిక్షణకు దరఖాస్తులు ఆహ్వానంగోదావరిఖని: సీఎస్‌ఆర్‌లో భాగంగా నిరుద్యో గ యువతకు ఉపాధి కల్పించేందుకు మైక్రోస్మాల్‌ అండ్‌ మీడియం ఎంటర్‌ప్రైజెస్‌ ఆధ్వర్యంలో ఉచిత కంప్యూటర్‌(డీటీపీ) కోర్సులో శిక్షణ ఇవ్వనున్నట్లు అధికార ప్రతినిధి కిరణ్‌బాబు మంగళవారం తెలిపారు. కోర్సు నేర్చుకునేందుకు సింగరేణి ఉద్యోగుల పిల్లలు, వారి కుటుంబ సభ్యులు, ప్రభావిత, పరిసర ప్రాంత నిరుద్యోగ మహిళలు, యువతుల నుంచి దర ఖాస్తులు ఆహ్వానిస్తున్నామని పేర్కొన్నారు. అ ర్హత గల అభ్యర్థులు ఆధార్‌కార్డు, కులం సర్టిఫికెట్‌, పదో తరగతి పాస్‌ సర్టిఫికెట్‌, మూడు పాస్‌పోర్టు సైజ్‌ ఫొటోలతో ఈనెల 25లోగా జీవీటీసీలో అందజేయాలని కోరారు. క్వింటాల్‌ పత్తి రూ.6,761 పెద్దపల్లిరూరల్‌: స్థానిక వ్యవసాయ మార్కెట్‌లో పత్తి క్వింటాలుకు మంగళవారం గరిష్టంగా రూ.6,761 ధర పలికింది. కనిష్టంగా రూ.5,856, సగటు ధర రూ.6,611గా నిర్ధారించామని ప్రత్యేక శ్రేణి కార్యదర్శి దేవరాజ్‌ పృథ్వీరాజు తెలిపారు. మొత్తం 1,043 క్వింటాళ్ల పత్తి కొనుగోలు చేసినట్లు పేర్కొన్నారు.

సాక్షి, పెద్దపల్లి: రామగుండంలోని జీవితకాలం ముగిసిన బీ–థర్మల్‌ విద్యుత్‌ కేంద్రం స్థానంలో 800 మెగావాట్ల కొత్త పవర్‌ ప్లాంట్‌ స్థాపించేందుకు రాష్ట్ర ప్రభుత్వం నిర్ణయించింది. డిప్యూటీ సీఎం భట్టివిక్రమార్క ఇటీవల రామగుండంలో పర్యటించి ప్లాంట్‌ సాధ్యాసాధ్యాలపై సమీక్షించారు. సుమారు రూ.10 వేల కోట్ల వ్యయంతో 800 మెగావాట్ల సామర్థ్యం గల సూపర్‌ క్రిటికల్‌ పవర్‌ ప్లాంట్‌ నెలకొల్పేందుకు నిర్ణయించారు. అయితే, జెన్‌కో, సింగరేణి సంయుక్త భాగస్వామ్యంలో గణాంకాలు తేలకపోవడంతో ప్లాంట్‌ పనుల్లో జాప్యమవుతోందని ఉద్యోగులు అంటున్నారు.డీపీఆర్‌ కోసం..పెద్దమొత్తంలో పెట్టుబడి భరించే అవకాశం లేదని సింగరేణి, తెలంగాణ రాష్ట్ర విద్యుత్‌ ఉత్పత్తి సంస్థ(జెన్‌కో) సంయుక్త భాగస్వామ్యంతో నిర్మించాలని రాష్ట్ర ప్రభుత్వం కీలక నిర్ణయం తీసుకుంది. దీనికి సంబంధించిన విధివిధానాలను సింగరేణితో కలిసి వారంలోగా రూపొందించాలని జెన్‌కోకు రాష్ట్ర ఇంధనశాఖ గత సెప్టెంబర్‌లో ఆదేశాలు జారీచేసింది. సమగ్ర ప్రాజెక్టు రిపోర్టు (డీపీఆర్‌)ను నెలలోగా తయారు చేయాలని జెన్‌కోకు సూచించింది. ఈ క్రమంలో రెండ్రోజుల క్రితం డిజిగ్‌ అనే సంస్థ డీపీఆర్‌ తయారు చేసేందుకు ప్లాంట్‌ను సందర్శించింది. పాత విద్యుత్‌ కేంద్రాన్ని తొలగించేందుకు వివిధ విభాగాలకు చెందిన ఇంజనీర్లను జెన్‌కో ప్రత్యేకంగా నియమించినట్టు విశ్వసనీయ సమాచారం.1971 నుంచి బీ–థర్మల్‌లో విద్యుత్‌ ఉత్పత్తిఉమ్మడి ఆంధ్రప్రదేశ్‌లో బొగ్గు, నీరు అందుబాటులో ఉండటంతో రామగుండంలో 1965 జూలై 19న అప్పటి సీఎం కాసు బ్రçహ్మానందరెడ్డి 62.5 మెగావాట్ల సామర్థ్యం గల బీ–థర్మల్‌ పవర్‌ ప్లాంట్‌కు శంకుస్థాపన చేశారు. 1971లో ఇది విద్యుత్‌ ఉత్పత్తిని ప్రారంభించింది. ప్లాంట్‌ నిర్మాణానికి అప్పటి రాష్ట్ర ప్రభుత్వం రూ.14.80 కోట్లు ఖర్చు చేసింది. సెంట్రల్‌ ఎలక్ట్రిసిటీ అథారిటీ(సీఈఏ) నిబంధనల ప్రకారం 1996 వరకే ఈ ప్లాంట్‌ను నడిపించాల్సి ఉంది.కానీ, దాని జీవితకాలం పొడిగిస్తూ వచ్చారు. మరోవైపు కొన్నేళ్లుగా ప్లాంట్‌లో బాయిలర్‌ ట్యూబ్స్‌ లీక్‌కావడం, మిల్స్, టర్బైన్‌ విభాగాల్లో తరచూ సమస్యలు తలెత్తడంతో గుదిబండగా మారింది. విద్యుత్‌ ఉత్పత్తికి ఆటంకం ఏర్పడింది. తరచూ షట్‌డౌన్‌ కావడం, ఆ తర్వాత పునరుద్ధరించేందుకు ప్రతీసారి బాయిలర్‌ మండించేందుకు సుమారు రూ.25 లక్షల వరకు ఖర్చు అవుతుండటంతో నిర్వహణ భారమైంది. అంతేకాదు.. దాని జీవితకాలం ముగియటంతో ప్లాంట్‌ను మూసి వేశారు.భాగస్వామ్యంపై పీటముడిపాత ప్లాంట్‌ పరిధిలో 560 ఎకరాల స్థలం, అనుభవం కలిగిన ఇంజనీర్లు, శ్రామిక శక్తి ఉన్న జెన్‌కోను కాదని, సింగరేణి భాగస్వామ్యంతో ప్లాంట్‌ ఏర్పాటు చేయడాన్ని జెన్‌కో ఉద్యోగులు వ్యతిరేకిస్తున్నారు. గతనెలలో వివిధ రూపాల్లో నిరసన తెలియజేశారు. అయినా, ప్రభుత్వం సింగరేణి భాగస్వామ్యంతో నిర్మించేందుకు ఆసక్తి చూపుతోంది. మరోవైపు.. జెన్‌కో 76 శాతం, సింగరేణి 24 శాతం వాటాతో ప్లాంట్‌ నిర్మించేందుకు జెన్‌కో ఇంజనీర్లు సముఖత వ్యక్తం చేసినట్టు సమాచారం. అయితే, సింగరేణి సంస్థ తమకు 50 శాతం వాటా ఇవ్వాలని ఉన్నతస్థాయి సమావేశంలో పట్టుబట్టినట్టు సమాచారం. భాగస్వామ్యం లెక్కలు తేలి రెండు సంస్థల మధ్య ఒప్పందం కుదిరితేనే కొత్త ప్లాంట్‌ శంకుస్థాపనకు అవకాశం ఉంటుంది. అప్పుడే జెన్‌కో పాలకమండలి పాత ప్లాంట్‌ను మూసివేసినట్టుగా ఆమోదం తెలిపే అవకాశాలుంటాయని జెన్‌కో ఉద్యోగులు చెబుతున్నారు. జెన్‌కో, సింగరేణి సీఎండీల మధ్య సయోధ్య కుదుర్చేంచేందుకు ఉపముఖ్యమంత్రి సాయంతో రామగుండం ఎమ్మెల్యే మక్కాన్‌సింగ్‌ రాజ్‌ఠాకూర్‌ ప్రయత్నాలు చేశారు. మధ్యేమార్గంగా నిర్ణయానికి వచ్చి ఫౌండేషన్‌ స్టోన్‌ వేసేందుకు సిద్ధమయ్యేలా చూడాలని ఆయన సూచించారు.

కాంగ్రెస్‌లో బహుముఖ పోటీ నెలకొంది. ఆల్ఫోర్స్‌ విద్యాసంస్థల అధినేత నరేందర్‌రెడ్డి, ఎంపీ కంటెస్టెంట్‌ వెలిచాల రాజేందర్‌ రావు మధ్య గట్టిపోటీ నడుస్తోంది. వీరిద్దరూ తమకు టికెట్‌ కేటాయించాలని ఇప్పటికే అధిష్టానాన్ని కోరారు. ఇటీవల నరేందర్‌రెడ్డికి ఒకసారి ఢిల్లీ నుంచి మరోసారి పీసీసీ చీఫ్‌ నుంచి ఆహ్వానాలు రావడం గమనార్హం. 1,50,000 మందితో ఆయన ఓటర్‌ ఎన్‌రోల్‌మెంట్‌, 42నియోజకవర్గాల్లో పర్యటనలు, 71 ప్రభుత్వ ఉద్యోగాల కోసం ప్రత్యేక యాప్‌ తదితరాలతో ప్రచారంలో అందరి కన్నా ముందున్నారు. వెలిచాల రాజేందర్‌రావు కూడా గట్టిగానే ప్రయత్నాలు సాగిస్తున్నారు. తన రాజకీయ నేపథ్యం, యువత, నిరుద్యోగుల విషయంలో తనకున్న వ్యూహాలతో ముందుకు సాగుతున్నారు. కాంగ్రెస్‌ ఎన్నికల వ్యూహకర్త సునీల్‌ కనుగోలు కూడా వీరిద్దరి పేర్లు పరిశీలిస్తున్నట్లు తెలిసింది. తాజాగా మరో అభ్యర్థి ప్రసన్న హరికృష్ణ కూడా కాంగ్రెస్‌ టికెట్‌ కోసం పోటీ పడుతున్నారు. ● బీఆర్‌ఎస్‌ విషయానికి వస్తే మాజీ మేయర్‌ రవీందర్‌సింగ్‌ ముందు నుంచి తానే గులాబీ పార్టీ అభ్యర్థినని ప్రచారం చేసుకుంటున్నారు. ఎన్‌రోల్‌మెంట్‌ ముగిసిన దరిమిలా.. అన్ని నియోజకవర్గాల్లో పర్యటిస్తూ మద్దతు కూడగడుతున్నారు. బీఎన్‌.రావు ఉమ్మడి నాలుగు జిల్లాల్లో వరుసగా పర్యటిస్తున్నారు. రావుఫౌండేషన్‌, ఐఎంఏలో తాను చేసిన సేవలు గెలిపిస్తాయని నమ్ముతున్నారు. యాదగిరి శేఖర్‌రావు కూడా గులాబీ పార్టీటికెట్‌ ఆశిస్తున్నారు. పార్టీతో పనిలేకుండా తన ప్రచారం తాను చేసుకుపోతున్నారు. టికెట్‌ వచ్చినా రాకున్నా.. ఈ ముగ్గురు స్వతంత్రులుగానైనా బరిలో నిలవనున్నారు. ● బీజేపీ నుంచి పొల్సాని సుగుణాకర్‌రావు, మంచిర్యాలకు చెందిన రఘుపతి, రాణీరుద్రమ తదితరులు టికెట్‌ ఆశిస్తున్నారు. ఇండిపెండెంట్లు సైతం భారీగానే బరిలో ఉన్నారు. మాజీ డీఎస్పీ గంగాధర్‌, లక్ష్య్‌ విద్యాసంస్థల అధినేత ఎండీ.ముస్తాఖ్‌అలీ, డాక్టర్‌ హరికృష్ణారెడ్డి తదితరులు గ్రాడ్యుయేట్‌ ఎమ్మెల్సీ బరిలో ఉన్నారు. తమ పార్టీ నుంచి టికెట్‌ ఆశిస్తున్న ఆయా అభ్యర్థుల బలబలాలు, సామర్థ్యాలను క్షేత్రస్థాయిలో రహస్య సర్వేల ద్వారా అంచనావేసి త్వరలోనే ప్రధాన పార్టీలు ఓ నిర్ణయానికి రానున్నాయి.

రామగుండం/ఫెర్టిలైజర్‌సిటీ: సన్నరకం ధా న్యం విక్రయించిన రైతులకు క్వింటాలుకు రూ. 500లను త్వరలోనే చెల్లిస్తామని రామగుండం ఎమ్మెల్యే మక్కాన్‌సింగ్‌ రాజ్‌ఠాకూర్‌ అన్నారు. పెద్దంపేట, ఎల్కలపల్లిలో ఆదివారం ఆయన ధాన్యం కొనుగోలు కేంద్రాలు ప్రారంభించి మాట్లాడారు. ఓబీసీ సెల్‌ జిల్లా అధ్యక్షుడు పెండ్యాల మహేశ్‌.. సీఎం రేవంత్‌, డిప్యూటీ సీఎం భట్టి, మంత్రి శ్రీధర్‌బాబు, ఎమ్మెల్యే మక్కాన్‌ సింగ్‌ చిత్రపటాలకు ధాన్యంతో అభిషేకం చేశా రు. కాంగ్రెస్‌ మండల ఇన్‌చార్జి పెండ్రు హన్మాన్‌రెడ్డి, నాయకులు ఉరిమెట్ల రాజలింగం, సింగం కిరణ్‌కుమార్‌గౌడ్‌, మేర్గు కుమార్‌గౌడ్‌, పూ దరి సత్తయ్యగౌడ్‌, ఆముల శ్రీనివాస్‌, తమ్మనవేణి కుమార్‌, కొండ వెంకటస్వామిగౌడ్‌, తూ ళ్ల రాములు, గోపాల్‌యాదవ్‌, మనోహర్‌రెడి, రాజ్‌కుమార్‌ తదితరులు పాల్గొన్నారు. రైతుల ఖాతాల్లో జమచేస్తాం కాల్వశ్రీరాంపూర్‌(పెద్దపల్లి): కాంగ్రెస్‌ ప్రభు త్వం ఇచ్చిన హామీ మేరకు సన్నరకం ధాన్యం క్వింటాలుకు రూ.500 బోనస్‌ను త్వరలోనే రై తుల బ్యాంకు ఖాతాల్లో జమచేస్తామని పెద్దపల్లి ఎమ్మెల్యే విజయరమణారావు అన్నారు. మంగపేట, కూనారం గ్రామాల్లో ఆదివారం ఆ యన ధాన్యం కొనుగోలు కేంద్రాలను ప్రారంభించి మాట్లాడారు. నియోజకవర్గంలో రైతుల కు ఇబ్బందులు లేకుండా, వడ్లలో కోత లేకుండా తూకం వేస్తున్నామని తెలిపారు. దళాలరు ను నమ్మి మోసపోవద్దని రైతులకు సూచించారు. సింగిల్‌విండో చైర్మన్‌ పురుషోత్తం, మాజీ ఎంపీపీ సారయ్యగౌడ్‌, నాయకులు మొగిలి, రాజమల్లు తదితరులు పాల్గొన్నారు. ‘రామగుండంలో పోలీసు పాలన’ గోదావరిఖని: రామగుండంలో ప్రజాపాలనకు బదులు పోలీసు పాలన నడుస్తోందని బీఆర్‌ఎ స్‌ జిల్లా అధ్యక్షుడు, మాజీ ఎమ్మెల్యే కోరుకంటి చందర్‌ ఆరోపించారు. స్థానిక ప్రెస్‌క్లబ్‌లో ఆదివారం ఆయన విలేకరుల సమావేశంలో మా ట్లాడారు. ప్రజా సమస్యలపై తాము బల్దియా కార్యాలయంలో నిరసన తెలిపితే ఎమ్మెల్యే రా జ్‌ఠాకూర్‌ బీఆర్‌ఎస్‌ నేతలపై పోలీసులతో కేసు లు పెట్టి వేధిస్తున్నారని ఆరోపించారు. మహి ళా కార్పొరేటర్లు, దళిత మహిళలను సీఐ దు ర్భాషలాడడం దుర్మార్గమన్నారు. డిప్యూటీ మే యర్‌ నడిపెల్లి అభిషేక్‌రావు మాట్లాడారు. నా యకులు అముల నారాయణ, కల్వచర్ల కృష్ణవే ణి, కవితాసరోజిని, నూతి తిరుపతి, పిల్లి రమే శ్‌, బొడ్డు రవీందర్‌, నారాయణదాసు మారు తి, అచ్చే వేణు, తోకల రమేశ్‌, సట్టు శ్రీనివాస్‌, జాహిద్‌పాషా, నీరటి శ్రీనివాస్‌, కిరణ్‌జీ, రమ్యయాదవ్‌, ముద్దసాని సంధ్యారెడ్డి, గుర్రం పద్మ, వెంకటేశ్‌ తదితరులు పాల్గొన్నారు. ‘ప్రజలను ఆగం చేస్తున్నారు’ కమాన్‌పూర్‌(మంథని): కాంగ్రెస్‌ అధికారంలో కి వచ్చి ఏడాది కావొస్తున్నా ఆరు గ్యారంటీల ను అమలు చేయకుండా ప్రజలను ఆగం చే స్తోందని మాజీ ఎమ్మెల్యే పుట్ట మధు విమర్శించారు. బీఆర్‌ఎస్‌ ఆధ్వర్యంలో ఆదివారం మండల కేంద్రంలో ప్రజావంచన నిరసన ప్రదర్శన చేపట్టారు. మధు మాట్లాడుతూ, మేనిఫెస్టో క మిటీ చైర్మన్‌గా ఉన్న ఎమ్మెల్యే సంక్షేమ పథకా ల అమలులో విఫలమయ్యారని విమర్శించా రు. నాయకులు తాటికొండ శంకర్‌, బొమ్మగా ని అనిల్‌, మేకల సంపత్‌, కొండ వెంకటేశ్‌, ఉప్పరి శ్రీనివాస్‌, పొన్నం రాజేశ్వరి, నల్లగొండ నాగరాజు, గుర్రం లక్ష్మీమల్లు, చిందం తిరుప తి, నీలం శ్రీనివాస్‌, సాయికుమార్‌, సత్యనారాయణ తదితరులు పాల్గొన్నారు. రేపు ఆర్టీసీ డిపో ఎదుట ధర్నా గోదావరిఖని: ఆర్టీసీ కార్మికుల సమస్యలు పరి ష్కరించాలనే డిమాండ్‌తో ఈనెల 19న స్థానిక డిపో ఎదుట ధర్నా నిర్వహిస్తామని సీఐటీ యూ రాష్ట్ర ఉపాధ్యక్షుడు భూపాల్‌ తెలిపారు. ఆదివారం స్థానిక శ్రామికభవన్‌లో జరిగిన సమావేశంలో ఆయన మాట్లాడారు.

‘ఎమ్మెల్సీ’ కోసం పార్టీల సర్వే ● అభ్యర్థుల బలాబలాలపై రహస్యంగా సమాచార సేకరణ ● ఇప్పటికే పూర్తయిన గ్రాడ్యుయేట్‌ ఎమ్మెల్సీ ఓటర్ల జాబితా ● ప్రచారాన్ని ముమ్మరం చేస్తున్న అభ్యర్థులు ● ప్రధాన పార్టీలు, ఇండిపెండెంట్లలో పెరుగుతున్న పోటీసాక్షిప్రతినిధి,కరీంనగర్‌: గ్రాడ్యుయేట్‌ ఎమ్మెల్సీ ఎన్నికల వేడి క్రమంగా పెరుగుతోంది. ఇటీవల ఓటర్ల నమోదు ప్రక్రియ పూర్తయింది. అభ్యర్థులు ఉమ్మడి ఆదిలాబాద్‌, నిజామాబాద్‌, మెదక్‌, కరీంనగర్‌ జిల్లాల్లో పర్యటనలు ప్రారంభించారు. ప్రస్తుత ఎమ్మెల్సీ పదవీకాలం మార్చితో ముగియనుండటంతో రాజకీయపార్టీలు కూడా అభ్యర్థుల బలా బలాలపై ఆరా తీస్తున్నట్లు సమాచారం. ఇందుకోసం సొంతపార్టీ నేతలతోపాటు పలు ప్రైవేటు ఏజెన్సీల సాయం తీసుకుంటున్నట్లు తెలిసింది. తొలుత అభ్యర్థుల అంగబలం, అర్ధబలం ప్రామాణికంగా తీసుకుంటున్న పార్టీలు, తరువాత నాయకుడి చరిష్మా, రాజకీయ నేపథ్యం, గతంలో నిర్వహించిన పదవులు, ఇతర విషయాలను పరిగణనలోకి తీసుకుంటున్నాయి. ఇప్పటికే ప్రధాన పార్టీలు రహస్యంగా నియమించుకున్న పలు బృందాలు కరీంనగర్‌ గ్రాడ్యుయేట్‌ ఎమ్మెల్సీస్థానంలోని పలు నియోజకవర్గాల్లో తిరుగుతున్నాయి. కాంగ్రెస్‌.. బీఆర్‌ఎస్‌ మధ్య హోరాహోరీ.. గ్రాడ్యుయేట్‌ ఎమ్మెల్సీ ఎన్నికల్లో అన్ని ప్రధాన పార్టీల్లో బహుముఖ పోటీ నెలకొంది. కాంగ్రెస్‌– బీఆర్‌ఎస్‌ మధ్య హోరాహోరీ పోరు ఉండే అవకాశం కనిపిస్తోంది. ప్రస్తుతం గ్రాడ్యుయేట్‌ ఎమ్మెల్సీగా ఉన్న జీవన్‌రెడ్డి కాంగ్రెస్‌ పార్టీకి చెందినవారు కావడంతో ఈ స్థానాన్ని ఎలాగైనా నిలబెట్టుకోవాలని హస్తంపార్టీ వ్యూహాలు రచిస్తోంది. ఉద్యమఖిల్లాగా పేరొందిన కరీంనగర్‌ గ్రాడ్యుయేట్‌ స్థానాన్ని సొంతం చేసుకుంటే తమ పార్టీకి ఇక్కడ తిరిగి పట్టు చిక్కుతుందన్న పట్టుదలతో బీఆర్‌ఎస్‌ పావులు కదుపుతోంది. అదే సమయంలో పట్టభద్రుల స్థానంలో ఈ సారి సత్తా చాటాలని బీజేపీ సైతం అదే స్థాయిలో ఆశలు పెట్టుకుంది.

కోల్‌సిటీ(రామగుండం): గోదావరిఖనికి చెందిన పల్లెర్ల రమేశ్‌గౌడ్‌ నీడ అనే స్వచ్ఛంద సేవా సంస్థను ఏర్పాటు చేశాడు. దీని పేరిట 2016లో వాట్సాప్‌ గ్రూపు క్రియేట్‌ చేశాడు. ఇందులో 80 మంది సభ్యులున్నారు. గోదావరిఖని తిరుమల్‌నగర్‌కు చెందిన సతుకు రాజ్యలక్ష్మి, వినోభానగర్‌కు చెందిన రాసూరి రాజేశ్వరికి, తిలక్‌నగర్‌కు చెందిన మేకల గంగకు, రామగుండంలోని రాయదండికి చెందిన బోరి నర్సయ్యకు సొంతిల్లు లేదు. పిల్లలతో వారు పడుతున్న ఇబ్బందులను చూసి, దాతల నుంచి విరాళాలు సేకరించి, ఇళ్లు నిర్మించి ఇచ్చారు. నీడ ఆరోగ్యమస్తు పెన్షన్‌ అనే పథకాన్ని 2018లో ప్రారంభించారు. డయాలసిస్‌ పేషెంట్లకు రూ.521 చొప్పున ప్రతీ నెల అందిస్తున్నారు. రమేశ్‌ మన 100 రూపాలు.. సమాజం కోసం పేరిట మరో వాట్సాప్‌ గ్రూపును ఏర్పాటు చేశాడు. ఇందులో సామాన్యులు సైతం చేరుతున్నారు. ప్రతీ నెల రూ.100 జమ చేస్తున్నారు. ఆ డబ్బులతో నిరుపేదలకు ఆర్థికసాయం అందిస్తున్నారు.

కరీంనగర్‌స్పోర్ట్స్‌: క్రికెట్‌ క్రేజ్‌ ఉన్న ఆట. దేశప్రజలకు ఎంతో ఇష్టం. చిన్న పిల్లల నుంచి పెద్దవాళ్ల వరకు ఎంతో ఆస్వాదిస్తారు. యువత, చిన్నారులు బంతి, బ్యాటుతో మైదానంలో సందడి చేస్తుంటారు. గల్లీలో మొదలైన ఆట ఆసక్తిఉన్నవారిని అంతర్జాతీయ మైదానం వరకు చేరుస్తుంది. ఇలా ఉమ్మడి కరీంనగర్‌ జిల్లా నుంచి రజనీ వేణుగోపాల్‌, కౌశిక్‌రెడ్డి రాష్ట్రజట్టులో ఆడగా ఇప్పుడు కట్ట శ్రీవల్లి హైదరాబాద్‌ మహిళల జట్టుకు ప్రాతినిథ్యం వహిస్తోంది. ఫాస్ట్‌బౌలర్‌గా రాణిస్తూ శభాష్‌ అనిపించుకుంటోంది. డిసెంబర్‌ 4న గుజరాత్‌లోని అహ్మదాబాద్‌లో బీసీసీఐ సీనియర్‌ మహిళల వన్డేజట్టుతో తలపడనున్న హైదరాబాద్‌ టీం తరఫున ఆడనుంది. ఆదివా రం హెచ్‌సీఏ విడుదల చేసిన హైదరాబాద్‌ ఉమెన్స్‌టీంలో శ్రీవల్లి పేరు ఉండడం విశేషం.కరీంనగర్‌లోని సవరన్‌ ప్రభుత్వ పాఠశాలలో ఇంగ్లిష్‌ ఉపాధ్యాయుడిగా పనిచేస్తున్న కట్ట లక్ష్మారెడ్డి చిన్న కూతురు శ్రీవల్లి. సొంతూరు రాజన్న సిరిసిల్ల జిల్లా ఇల్లంతకుంట మండలం వంతడ్పుల కాగా.. 1985నుంచి కరీంనగర్‌లోని శ్రీపురంకాలనీలో నివాసం ఉంటున్నారు. తల్లి ఉమారాణి బ్యూటీపార్లర్‌ నడిపిస్తోంది. అక్క జిగిషా ఇంగ్లాండ్‌లో సాఫ్ట్‌వేర్‌గా ఉద్యోగం చేస్తోంది. శ్రీవల్లి 1 నుంచి 10వ తరగతి వరకు కరీంనగర్‌లోని ప్రయివేటుపాఠశాలల్లో చదివింది. ప్రస్తుతం ఓపెన్‌ ఇంటర్‌లో హెచ్‌ఈసీ చేస్తోంది. కరీంనగర్‌లో 5వ తరగతి చదువుతున్న సమయంలో క్రికెట్‌పై శ్రీవల్లికి ఉన్న ఆసక్తిని పీఈటీ రహీం గ్రహించాడు. గొప్ప ప్లేయర్‌ అవుతుందని గుర్తించి, ఆటలో ఓనమాలు నేర్పించాడు. బౌలింగ్‌పై ఆసక్తి ఉండడంతో ఫాస్ట్‌బౌలర్‌గా తీర్చిదిదాడు. 6వ తరగతి చదువుతున్న సమయంలో జాతీయస్థాయి పాఠశాలల పోటీలకు ఎంపికై ంది. మధ్యప్రదేశ్‌లోని కందువాలో జరిగిన జాతీయస్థాయి పాఠశాలల అండర్‌–14 పోటీల్లో సత్తాచాటింది. 2022లో పూణెలో జరిగిన అండర్‌–19 పోటీల్లో రాణించింది. 10వ తరగతి పూర్తయిన తరువాత హైదరాబాద్‌లో క్రికెట్‌ శిక్షణ తీసుకుంది. హైదరాబాద్‌ క్రికెట్‌ అసోసియేషన్‌ నిర్వహించిన మహిళల క్రికెట్‌ క్యాంప్‌లో పాల్గొని బెస్ట్‌ ఫాస్ట్‌బౌలర్‌గా తయారైంది. హైదరాబాద్‌ తరఫున ఫాస్ట్‌ బౌలర్‌గా డిసెంబర్‌ 4న అహ్మదాబాద్‌లో బీసీసీఐ సీనియర్‌ మహిళల వన్డే జట్టుతో తలపడనున్న హైదరాబాద్‌ టీం తరఫున ఫాస్ట్‌బౌలర్‌గా కట్ట శ్రీవల్లిని సెలెక్టర్లు ఎంపిక చేశారు. హెచ్‌సీఏ నిర్వహించిన శిక్షణ శిబిరంలో రాణించి ఫాస్ట్‌బౌలర్‌ కేట గిరిలో తొలిస్థానం సాధించింది. భవిష్యత్‌లో ఇండియన్‌ ఉమెన్‌ టీంకు ఆడాలన్నదే తన కోరికని చెబుతోంది. శ్రీవల్లి ఎంపిక కావడంపై జిల్లా క్రికె ట్‌ సంఘం అధ్యక్ష, కార్యదర్శులు వి.ఆగంరావు, ఎన్‌.మురళీధర్‌రావు హర్షం వ్యక్తం చేశారు. హైదరాబాద్‌ క్రికెట్‌ జట్టులో చోటు బీసీసీఐ సీనియర్‌ మహిళల జట్టుతో మ్యాచ్‌కు ఎంపిక డిసెంబర్‌ 4న గుజరాత్‌లోని అహ్మదాబాద్‌లో మ్యాచ్‌ ఫాస్ట్‌బౌలర్‌గా రాణిస్తున్న కరీంనగర్‌ బాలిక

గోదావరిఖని: బీజేపీ ప్రభుత్వం బొగ్గు గనుల వేలా న్ని రద్దు చేయాలని సీపీఎం జిల్లా కార్యదర్శివర్గ స భ్యుడు ముత్యంరావు డిమాండ్‌ చేశారు. స్థానిక శ్రా మికభవన్‌లో ఆదివారం జరిగిన సమావేశంలో ఆ యన మాట్లాడారు. తెలంగాణలోని బొగ్గు గనులను సింగరేణి సంస్థకు కేటాయించకుంటే భవిష్యత్‌లో ఉద్యోగ అవకాశాలు ఉండవన్నారు. కాగా, ఈనెల 23, 24వ తేదీల్లో ఎన్టీపీసీ ఏరియాలో జరిగే సీపీఎం మహాసభలను విజయవంతం చేయాలని ఆయన కోరారు. నాయకులు ఆరేపల్లి రాజమౌళి, మెండె శ్రీనివాస్‌, తోట నరహరిరావు, ఆసరి మహేశ్‌, రాజేశ్వరచారి, నంది నారాయణ, శివరాంరెడ్డి, దుర్గాప్రసాద్‌, ఈద వెంకటేశ్వర్లు, ఎస్‌.శ్రీనివాస్‌, పోలేటి నరేశ్‌ తదితరులు పాల్గొన్నారు. హామీలు అమలు చేయాలి రామగిరి(మంథని): ఎన్నికలకు ముందు ముదిరాజ్‌లకు ఇచ్చిన హామీలను అమలు చేయాలని తెలంగాణ ముదిరాజ్‌ మహాసభ రాష్ట్ర ఉపాధ్యక్షుడు బల్ల సత్తయ్య కోరారు. ముదిరాజ్‌ సంఘం అధ్యక్షుడు అనవేన శ్రీనివాస్‌ అధ్యక్షతన ఈనెల 21న నిర్వహించనున్న దశాబ్ది ఉత్సవాలు, ప్రపంచ మత్స్యకారుల దినోత్సవ ప్రచార పోస్టర్‌ను కల్వచర్ల గ్రామంలో ఆదివారం ఆవిష్కరించారు.

● రంగాపూర్‌ ప్రాథమిక పాఠశాలలో చదువుతున్న మనుశ్రీకి హైదరాబాద్‌లోని అపోలో ఆస్పత్రిలో ఆర్‌బీఎస్‌కే వైద్యులు శస్త్రచికిత్స చేయించారు. పైసా ఖర్చులేకుండా గుండె జబ్బుకు ఆపరేషన్‌ చేయించడంతో కుటుంబసభ్యులు సంతోషం వ్యక్తం చేస్తున్నారు. ● ఆర్‌బీఎస్‌కే బృందాలు మూడు నెలల్లో 26మంది చిన్నారులకు గుండె సంబంధిత ఆపరేషన్లు చేయించారు. హైదరాబాద్‌లోని కార్పొరేట్‌ ఆస్పత్రుల్లో ఉచితంగా శస్త్రచికిత్స చేయించేలా కలెక్టర్‌ కోయ శ్రీహర్ష ప్రత్యేక చొరవ చూపారు. పెద్దపల్లిరూరల్‌: పేద చిన్నారులకు సంపూర్ణ ఆరోగ్యవంతమైన భవిష్యత్‌ అందించడం లక్ష్యంగా కేంద్రప్రభుత్వం రాష్ట్రీయ్‌ బాల స్వస్థీయ కార్యక్రమం(ఆర్‌బీఎస్‌కే) అమలు చేస్తోంది. జిల్లాలో కలెక్టర్‌ కోయ శ్రీహర్ష ఈ పథకం ద్వారా గుండె సంబంధిత వ్యాధులతో బాధపడుతున్న వారికి ఉచితంగా శస్త్రచికిత్సలు చేయిస్తున్నారు. తద్వారా వారికి పునర్జన్మనిస్తున్నారు. గత నాలుగు నెలల్లోనే 36 మంది చిన్నారులు గుండె సంబంధిత వ్యాధులతో బాధపడుతున్నట్లు గుర్తించారు. అందులో 26 మందికి ఆపరేషన్లు చేయించారు. పేదరికంలో మగ్గుతున్న వారి కుటుంబాల్లో సంతోషం నింపుతున్నారు. ప్రస్తుతం అపోలో ఆస్పత్రిలో మరో నలుగురు చిన్నారులకు చికిత్స చేయిస్తున్నామని ఆర్‌బీఎస్‌కే ప్రోగ్రాం అధికారి డాక్టర్‌ కిరణ్‌కుమార్‌ తెలిపారు. ఆరోగ్య లోపాలు గుర్తించేందుకు.. జిల్లాగా అవతరించాక తొలి కలెక్టర్‌ అలుగు వర్షిణి ప్రభుత్వ పాఠశాలలు, ఎయిడెడ్‌ స్యూళ్లలో చదివే టీ నేజీ పిల్లల్లో వ్యాధులు, ఆరోగ్యపరమైన లోపాలను గుర్తించేందుకు ఆర్‌బీఎస్‌కే వైద్యబృందాలను నియమించారు. వీరికోసం 10 వాహనాలు సమకూర్చా రు. మహిళా సంఘాల ద్వారా వాహనాలు కొనుగో లు చేయించారు. అద్దె ప్రాతిపదికన ఆర్‌బీఎస్‌కేకు సమకూర్చారు. అప్పట్నుంచి వైద్యబృందం కిట్లతో పాఠశాలలకు వెళ్లి చిన్నారులకు వైద్య పరీక్షలు నిర్వహిస్తున్నారు. ఒక్కో బృందంలో ఇద్దరు మెడికల్‌ ఆఫీసర్లు, ఫార్మాసిస్టు, స్టాఫ్‌నర్స్‌ ఉంటారు. ఆర్‌బీఎస్‌కే ద్వారా నిర్ధారించిన వ్యాధులతో బాధపడుతున్న వారికి వైద్యచికిత్సలు అందించేందుకు ప్రభుత్వ ఆస్పత్రులు, పేరొందిన ప్రైవేట్‌ ఆస్పత్రులతో ఒప్పందం కుదుర్చుకున్నారు. బాధితులకు మెరుగైన వైద్యసేవలు అందిస్తున్నారు. తల్లిదండ్రులు వస్తే మేలు పుట్టుకతోనే సంక్రమించే 32 రకాల వ్యాధులను చిన్నతనంలోనే గుర్తించి చికిత్స అందించేందుకు కేంద్రప్రభుత్వం 2013 ఫిబ్రవరి 6న ఆర్‌బీఎస్‌కే (రాష్ట్రీయ బాల్‌ స్వాస్థ్య కార్యక్రమ్‌) అమల్లోకి తీసుకొచ్చింది. జిల్లాలో ఆర్‌బీఎస్‌కే వైద్యబృందాలు అంగన్‌వాడీ, ప్రైమరీ, అప్పర్‌ ప్రైమరీ, హైస్కూల్‌, ఎయిడెడ్‌ పాఠశాలలను సందర్శిస్తూ విద్యార్థులకు వైద్యపరీక్షలు చేస్తున్నాయి. వైద్యబృందాల పర్యటన సమాచారాన్ని విద్యార్థులు, తల్లిదండ్రులకు ముందుగానే అందిస్తున్నారు. అయితే, తల్లిదండ్రుల సమక్షంలో వైద్య పరీక్షలు చేస్తే ఆశించిన ఫలితాలు వస్తాయనే అభిప్రాయాలు వ్యక్తమవుతున్నాయి. కానీ, ఆర్‌బీఎస్‌కే సిబ్బంది.. నేరుగా విద్యార్థులనే సమస్య అడిగి వైద్య పరీక్ష చేసి, వివరాలను ఆన్‌లైన్‌లో నమోదు చేస్తున్నారు. గుండె సంబంధిత వ్యాధిగ్రస్తులకు ఉచిత ఆపరేషన్లు కలెక్టర్‌ చొరవతో బాలబాలికలకు మెరుగైన వైద్యంపిల్లలకు మంచి భవిష్యత్‌ గుండె సంబంధిత వ్యాధులతో బాధపడే పేద పిల్లలకు మంచి భవిష్యత్‌ అందించడం లక్ష్యంగా జిల్లాలో ప్రత్యేక చర్యలు తీసుకుంటున్నాం. ఆర్‌బీఎస్‌కే ద్వారా ఉచితంగా ఆపరేషన్లు చేయిస్తున్నాం. ఇందుకోసం జిల్లా ప్రభుత్వ ఆస్పత్రిలో ప్రత్యేక వార్డు ఏర్పాటు చేశాం. గుండె సంబంధిత వ్యాధులతో బాధపడుతున్న చిన్నారులను గుర్తించి శస్త్రచికిత్సలు చేయిస్తున్న డీఎంహెచ్‌వో అన్న ప్రసన్నకుమారి, ఆర్‌బీఎస్‌కే ప్రోగ్రాం కో ఆర్డినేటర్‌ డాక్టర్‌ కిరణ్‌కుమార్‌, ఆర్‌బీఎస్‌కే మొబైల్‌ హెల్త్‌టీంకు అభినందనలు. – కోయ శ్రీహర్ష, కలెక్టర్‌ సంతోషంగా ఉన్నాం మా బాబు ఏడాది నుంచే ఏదోసమస్యతో బాధపడుతున్నడు. ప్రైవేట్‌ ఆస్పత్రుల్లో చూపించినా నయం కాలేదు. అప్పులపాలైనం. ఆర్‌బీఎస్‌కే వాళ్లు వైద్యశిబారినిక తీసుకెళ్లారు. పరీక్షించిన డాక్టర్లు.. గుండె సంబంధిత వ్యాధి ఉందని నిర్ధారించి ఓపెన్‌ హార్ట్‌ సర్జరీ చేయించారు. నేను ప్రైవేట్‌ ఎలక్ట్రీషియన్‌ను. పేదరికం. నయాపైసా ఖర్చు లేకుండా సర్జరీ చేయించిండ్రు. నాలుగేళ్ల బాబుకు పునర్జన్మ ఇచ్చిండ్రు. సంతోషంగా ఉంది. – అఫ్సానా, అబ్దుల్‌ హసన్‌ తల్లిఈ విద్యార్థిని పేరు ఐశ్వర్య. మంథని మండలం వెంకట్రావుపల్లి స్వగ్రామం. అదేఊరులోని ప్రభుత్వ ప్రాథమిక పాఠశాలలో చదువుకుంటోంది. ఆర్‌బీఎస్‌కే వైద్య బృందం పరీక్షించి గుండె సంబంధిత వ్యాధితో బాధపడుతున్నట్లు గుర్తించింది. తల్లిదండ్రులతో మాట్లాడి హైదరాబాద్‌లోని అపోలో ఆస్పత్రికి తరలించింది. ఇటీవల ఉచితంగా శస్త్రచికిత్స చేయించింది.

జ్యోతినగర్‌(రామగుండం): ఎన్టీపీసీ రామగుండం అన్నపూర్ణకాలనీకి చెందిన గోలివాడ చంద్రకళ మహిళా మిత్ర మండలి వ్యవస్థాపక అధ్యక్షురాలు. సేవా కార్యక్రమాలు నిర్వహిస్తూ ప్రజలతో మమేకమవుతున్నారు. ఈ క్రమంలో తన ఆలోచనలను మిత్రులు, శ్రేయాభిలాషులకు తెలియజేసి, 19 ఫిబ్రవరి 2023న సీతారామ సేవా సమితి పేరిట వాట్సాప్‌ గ్రూపు ఏర్పాటు చేశారు. ఇందులో 130 మంది సభ్యులున్నారు. ప్రతినెలా కొందరు రూ.100, మరికొందరు రూ.200 చొప్పున, పుట్టినరోజు అయితే కొంత ఎక్కువ డబ్బులను జమ చేస్తున్నారు. పెద్ద మొత్తం కాగానే.. అందరూ చర్చించుకుంటున్నారు. పేదవాళ్ల సమాచారం తెలుసుకొని, వారి ఇళ్లకు వెళ్లి, కావాల్సిన సాయాన్ని నగదు రూపంలో గానీ, వస్తురూపంలో గానీ అందిస్తున్నారు. ఇప్పటివరకు 80 మందికి పైగా పేదలకు సాయం చేశామని, ప్రభుత్వ పాఠశాలల్లో విద్యార్థులకు ప్లేట్స్‌, వాటర్‌ బాటిళ్లు అందించామని చంద్రకళ తెలిపారు.

పెద్దపల్లిరూరల్‌: జిల్లాలో చేపట్టిన గ్రూప్‌–3 పరీక్ష లు తొలిరోజు ప్రశాంతంగా ముగిశాయని కలెక్టర్‌ కోయ శ్రీహర్ష తెలిపారు. పట్టణంలోని ట్రినిటి డిగ్రీ కాలేజీ, రామగిరి జేఎన్టీయూలోని పరీక్ష కేంద్రాల ను కలెక్టర్‌ సందర్శించి పరీక్ష నిర్వహణను తీరును పర్యవేక్షించారు. మొత్తం 18 పరీక్ష కేంద్రాల్లో 8,947 మంది అభ్యర్థులు పరీక్షలు రాయాల్సి ఉండగా, ఉ దయం జరిగిన ఫస్ట్‌ పేపర్‌కు 4,557 మంది హాజరయ్యారు. అలాగే సెకండ్‌ సెషన్‌లో 4,440 మంది అ భ్యర్థులు హాజరయ్యారని కలెక్టర్‌ వివరించారు. సోమవారం ఉదయం నుంచి మధ్యాహ్నం వరకు కూడా పరీక్ష ఉంటుందని కలెక్టర్‌ తెలిపారు. అభ్య ర్థులు నిబంధనలు పాటించాలని సూచించారు. సుల్తానాబాద్‌లో.. సుల్తానాబాద్‌(పెద్దపల్లి): స్థానిక శ్రీవాణి జూనియర్‌ కాలేజీ, ప్రభుత్వ జూనియర్‌ కళాశాలలో పరీక్షలు ప్రశాంతంగా జరిగాయి. నిర్దేశిత సమయం ముగిశాక వచ్చిన నలుగురిని అధికారులు అనుమతించలేదు. అదనపు కలెక్టర్‌ అరుణశ్రీ, తహసీల్దార్‌ మధుసూదన్‌రెడ్డి పరీక్ష కేంద్రాలను తనిఖీ చేశారు. పరీక్ష కేంద్రం తనిఖీ రామగిరి(మంథని): సెంటినరీకాలనీ జేఎన్టీయూ పరీక్ష కేంద్రంలో పరీక్షలు ప్రశాంతంగా జరిగాయి. కలెక్టర్‌ కోయ శ్రీహర్ష, అడ్మిన్‌ డీసీసీ రాజు, గోదావరిఖని ఏసీపీ రమేశ్‌, టీజీపీఎస్‌సీకి చెందిన ఇద్దరు పరిశీలకులు పరీక్ష కేంద్రాన్ని తనిఖీ చేశారు. గోదావరిఖనిలో.. గోదావరిఖనిటౌన్‌: స్థానిక ప్రభుత్వ డిగ్రీ కళాశాల, అశోక్‌నగర్‌లోని జెడ్పీహెచ్‌ఎస్‌, మార్కండేయకాలనీ చైతన్న డిగ్రీ, పీజీ కళాశాల, శారదనగర్‌ ప్రభుత్వ బాలికల జూనియర్‌ కళాశాల, ఎన్టీపీసీలోని సెయింట్‌ క్లేర్‌ స్కూల్‌, జెడ్పీహెచ్‌ఎస్‌లో గ్రూప్‌–3 పరీక్ష కేంద్రాలు ఏర్పాటు చేశారు. ఉదయం 8.30 గంటలకు నుంచే అభ్యర్థులను పరీక్షహాల్‌లోకి అనుమతించారు. ఉదయం 9.30 గంటల తర్వాత అభ్యర్ధులను అనుమతించలేదు. ప్రభుత్వ డిగ్రీ కళాశాలలో ఆలస్యంగా వచ్చిన ఏడుగురు అభ్యర్థులను అనుమతించకపోవడంతో వారు నిరాశతో వెనుదిరిగారు. ఆరుగురు ఆలస్యం.. జ్యోతినగర్‌(రామగుండం): జెడ్పీ హైస్కూల్‌లో 274 మందికి 109 మంది, సెయింట్‌ క్లేర్‌ హైస్కూ ల్‌లో 480 మందికి 307 మంది అభ్యర్థులు పరీక్షకు హాజరయ్యారు. సెయింట్‌ క్లేర్‌ సెంటర్‌కు ఆలస్యంగా వచ్చిన ఆరుగురు అభ్యర్థులను పోలీసులు గేటు వద్ద నిలిపివేశారు. దీంతో వారు నిరాశతో వె నుదిరి పోయారు. ఎలాంటి అవాంఛనీయ సంఘటనలు చోటుచేసుకోకుండా రామగుండం సీఐ ప్రవీణ్‌కుమార్‌, ఎన్టీపీసీ ఎస్సై సతీశ్‌ తమ సిబ్బందితో గట్టి బందోబస్తు ఏర్పాటు చేశారు. ఉదయం 4,557మంది, మధ్యాహ్నం 4,440 మంది అభ్యర్థులు హాజరు

● శిక్షణలో ఉన్న పలువురు ఉమ్మడి జివ్లావాసులు ● తాజాగా జూనియర్‌ అసిస్టెంట్లుగా ఎంపిక ప్రభుత్వ ఉద్యోగం కోసం తపన పడ్డారు.. నిత్యం గంటలకొద్దీ పుస్తకాలతో కుస్తీ పట్టారు.. చివరకు అనుకున్నది సాధించారు.. పోలీస్‌ కానిస్టేబుళ్లుగా ఎంపికయ్యారు.. ఈ వార్త వారితోపాటు వారి కుటుంబాల్లో ఎంతో సంతోషం తీసుకువచ్చింది.. కానీ, ఈ ఉద్యోగంతోనే ఆ కానిస్టేబుళ్లు ఆగిపోలేదు.. శిక్షణలో ఉన్నా గ్రూప్స్‌ తదితర పోటీ పరీక్షలు రాస్తున్నారు.. తాజాగా ఉమ్మడి కరీంనగర్‌ జిల్లాకు చెందిన చాలామంది గ్రూప్‌–4 ద్వారా జూనియర్‌ అసిస్టెంట్లుగా ఎంపికయ్యారు.. పలువురు గ్రూప్‌–1 మెయిన్స్‌ రాశారు.. గ్రూప్‌–2 కూడా సన్నద్ధమవుతున్నట్లు తెలిపారు. ఉన్నత ఉద్యోగమే లక్ష్యంగా ముందుకు సాగుతున్నారు. వారిపై ప్రత్యేక కథనం.

● యువకుడి ఆత్మహత్య ● అల్గునూర్‌లో ఘటన ● మృతుడు మంచిర్యాల జిల్లావాసి తిమ్మాపూర్‌: కట్టుకున్న భార్య, లోన్‌ తీసుకున్న బ్యాంకు అధికారులు వేధించడంతో ఓ వ్యక్తి ఆత్మహత్య చేసుకున్న ఘటన అల్గునూర్‌ శివారులో శనివారం జరిగింది. ఎల్‌ఎండీ పోలీసులు తెలిపిన వివరాల ప్రకారం.. మంచిర్యాల జిల్లా దండెపల్లికి చెందిన దామనపల్లి జగదీష్‌(34) చిగురుమామిడి మండలం సీతారాంపూర్లో భార్యతో కలిసి నివాసం ఉంటున్నాడు. మినీ ట్రక్కు నడుపుకుంటూ జీవనం సాగిస్తున్నాడు. ఈ క్రమంలో అవసరాల నిమిత్తం కరీంనగర్‌లోని యాక్సిస్‌ బ్యాంకులో పర్సనల్‌ లోన్‌ తీసుకున్నాడు. వాయిదాలు సరిగ్గా చెల్లించకపోవడంతో లోన్‌ కట్టాలని అధికారులు వేధించసాగారు. దీంతోపాటు భార్య సైతం కుటుంబ విషయాలై వేధిస్తోంది. మనస్తాపం చెందిన జగదీశ్‌ ఈనెల13న ఇంట్లో నుంచి వెళ్లిపోయాడు. తిమ్మాపూర్‌ మండలం అల్గునూర్‌ శివారులోని కాకతీయ కాలువ పక్కన ఉన్న చెట్ల పొదల్లో ఉరివేసుకున్నాడు. అటుగా వెళ్లిన రైతులు గమనించి పోలీసులకు సమాచారం అందించారు. ఎల్‌ఎండీ ఎస్‌ఐ వివేక్‌, బ్లూకోల్డ్స్‌ సిబ్బంది నరేశ్‌, లక్ష్మీనారాయణ సంఘటన స్థలానికి చేరుకుని మృతదేహాన్ని పరిశీలించారు. భార్య, బ్యాంకు అధికారి వేధింపులు తట్టుకోలేకనే ఆత్మహత్య చేసుకుంటున్నట్లు మృతుడివద్ద సూసైడ్‌ నోట్‌ లభించింది. కేసు దర్యాప్తు చేస్తున్నట్లు ఎస్సై వివరించారు. గురుకులం ప్రిన్సిపాల్‌ సస్పెన్షన్‌● కాస్మోటిక్‌ చార్జీలు కాజేశారని విద్యార్థుల ఆందోళన ● ఉత్తర్వులు జారీ చేసిన ఆర్‌సీవో అంజలిజగిత్యాలరూరల్‌: జగిత్యాలరూరల్‌ మండలం లక్ష్మీపూర్‌లోని మహాత్మ జ్యోతిరావు పూలే గురుకులం ప్రిన్సిపల్‌ మమతపై చర్యలు చేపట్టాలని విద్యార్థులు శనివారం ఆందోళనకు దిగారు. గతంలో కాస్మోటిక్‌ చార్జీలు కాజేశారని, తమపై దురుసుగా ప్రవర్తించారని, ఆమెను సస్పెండ్‌ చేసేవరకూ ఆందోళన చేపడతామని మొండికేశారు. దీంతో కరీంనగర్‌ ఆర్‌సీవో అంజలి లక్ష్మీపూర్‌కు చేరుకున్నారు. విద్యార్థులను సముదాయించారు. ప్రిన్సిపాల్‌ను సస్పెండ్‌ చేయాల్సిందేనని వారు భీష్మించుకోవడంతో ఆర్‌సీవో ఉన్నతాధికారులకు సమాచారం అందించారు. ప్రిన్సిపల్‌ సెక్రటరీ సైదులు ఆదేశాల మేరకు ప్రిన్సిపాల్‌ మమతను సస్పెండ్‌ చేస్తూ ఉత్తర్వులు జారీ చేశారు. దీంతో విద్యార్థులు కేరింతలు కొడుతూ సంబరాలు చేసుకున్నారు. గంజాయి తరలిస్తున్న ఇద్దరి అరె స్టువీణవంక(హుజూరాబాద్‌): వీణవంక మండలం ఘన్ముక్కుల గ్రామానికి చెందిన బొంగోని పవన్‌సాయి, నర్సింగాపూర్‌కు చెందిన బుర్ర శ్రీనాథ్‌ గంజాయి తరలిస్తుండగా పోలీసులు పట్టుకున్నారు. స్థానిక పోలీస్‌స్టేషన్‌లో జమ్మికుంట సీఐ రవి వివరాలు వెల్లడించారు. పవన్‌సాయి, శ్రీనాథ్‌ ఈ నెల 14న మహారాష్ట్రలోని బల్లార్షా వెళ్లి రూ.22వేల విలువ చేసే 1.135కిలోల గంజాయి కొనుగోలు చేసి రాత్రి ఘన్ముక్కులకు చేరుకున్నారు. ఈ నెల 15న కోర్కల్‌ గ్రామంలో విక్రయించేందుకు బైకుపై వెళ్తుండగా రెడ్డిపల్లి గ్రామం వద్ద పోలీసులు పట్టుకున్నారు. గంజాయిని స్వాధీనం చేసుకొని రిమాండ్‌కు తరలించినట్లు సీఐ వివరించారు. కార్యక్రమంలో ఎస్సై తిరుపతి, సిబ్బంది ఉన్నారు. జల్సాలకు అలవాటు పడి.. బొంగోని పవన్‌సాయి, శ్రీనాథ్‌ జల్సాలకు అలవాటుపడ్డారు. సిగరేట్‌, మద్యం, గంజాయి తాగుతూ డబ్బుల కోసం గంజాయిని ఇతరులకు అమ్మేవారు. పవన్‌సాయి 2023లో గంజాయి అమ్ముతూ పోలీసులకు దొరకడంతో కేసు నమోదైంది. జైలుకు కూడా వెళ్లి వచ్చాడు. అయినా తీరు మారకుండా మళ్లీ గంజాయికి అలవాటు పడ్డాడు.

● తెలిసిన అన్ని గ్రూపుల్లో సమాచారం పోస్టు ● సభ్యులతోపాటు దాతల నుంచి విరాళాల సేకరణ ● ఇబ్బందుల్లో ఉన్నవారికి అందజేత ● సేవాభావం చాటుతున్న ఉమ్మడి జిల్లాలోని పలు సంస్థలుహెల్పింగ్‌ హ్యాండ్స్‌ కమాన్‌పూర్‌(మంథని): కమాన్‌పూర్‌ మండల కేంద్రానికి చెందిన నారగోని సతీశ్‌ తన స్నేహితులతో కలిసి 2018లో హెల్పింగ్‌ హ్యాండ్స్‌ పేరిట వాట్సాప్‌ గ్రూపు ఏర్పాటు చేశాడు. ఇందులో ప్రస్తుతం సుమారు 1,000 మంది సభ్యులున్నారు. అందరూ కలిసి పలు సేవా కార్యక్రమాలు చేపడుతున్నారు. కరోనా సమయంలో ఎంతో మందికి నిత్యావసర సరుకులు అందించారు. రైలు ప్రమాదంలో రెండు కాళ్లు పొగుట్టుకున్న పందిల్ల సుమన్‌కు రూ.1.60 లక్షలతోపాటు సామగ్రి అందజేశారు. మండల కేంద్రానికి చెందిన తోటపల్లి భూమయ్యకు రూ.1.06 లక్షలు, గుండారం గ్రామానికి చెందిన రాసకొండ ప్రేమ్‌సాగర్‌ కేన్సర్‌తో చనిపోగా అతని కుటుంబానికి రూ.1.13 లక్షలు ఇచ్చారు. అంతేకాకుండా నిరుపేద అడబిడ్డల వివాహాలకు, అనాథ అశ్రమాలకు ఆర్థికసాయం అందిస్తూ ఆదర్శంగా నిలుస్తున్నారు.జీనియస్‌ చెస్‌ అకాడమీ సప్తగిరికాలనీ(కరీంనగర్‌): పెద్దపల్లి జిల్లా సుల్తానాబాద్‌కు చెందిన సిలివేరి మహేందర్‌ నరాలకు సంబంధించి తీవ్ర అనారోగ్యానికి గురయ్యారు. హైదరాబాద్‌లోని ఓ ప్రైవేటు ఆస్పత్రికి తీసుకెళ్తే రూ.30 లక్షలు ఖర్చవుతాయని వైద్యులు తెలిపారు. ఆ సమయంలో ఆయనకు కరీంనగర్‌లోని జీనియస్‌ చెస్‌ అకాడమీ అండగా నిలిచింది. మహేందర్‌ సమస్యకు సంబంధించిన పోస్టు తన వాట్సాప్‌ గ్రూపులో రావడంతో అకాడమీ డైరెక్టర్‌ కంకటి కనకయ్య, కోచ్‌ కంకటి అనూప్‌కుమార్‌ వెంటనే స్పందించారు. సాయం చేయాలని కోరడంతో వాట్సాప్‌ గ్రూప్‌లోని చిన్నారుల తల్లిదండ్రులు రూ.లక్ష అందించారు. ఆ మొత్తాన్ని చెక్కు రూపంలో ఒలింపిక్‌ సంఘం ఉమ్మడి జిల్లా బాధ్యులు జనార్దన్‌ రెడ్డి, రమేశ్‌ రెడ్డిలకు అందించి, నేరుగా ఆస్పత్రి అకౌంట్‌లో జమ చేయించారు.ఇల్లంతకుంట బడి దోస్తులు, ఎఫ్‌బీఐ ఇల్లంతకుంట(మానకొండూర్‌): ఇల్లంతకుంట ఉన్నత పాఠశాలలో 2005 పదోతరగతి బ్యాచ్‌ విద్యార్థులు 58 మంది బడి దోస్తులు పేరిట వాట్సాప్‌ గ్రూపు ఏర్పాటు చేసుకున్నారు. ప్రతినెలా సభ్యులు రూ.100 చొప్పున జమ చేస్తున్నారు. ఇల్లంతకుంటకు చెందిన కాసుపాక తిరుపతి మృతిచెందగా బాధిత కుటుంబానికి రూ.11 వేలు, వల్లంపట్లలో ఎర్రవెల్లి శంకర్‌ చనిపోగా బాధిత కుటుంబానికి రూ.15 వేలు, ఇల్లంతకుంటలో రొడ్డ శ్రీకాంత్‌ అనారోగ్యానికి గురవగా రూ.11 వేలు, బండారి రమేశ్‌ మరణించగా అతని కుటుంబానికి రూ.13 వేలు ఆర్థికసాయం చేశారు. అలాగే, ఇదే పాఠశాలకు చెందిన 1996 పదోతరగతి బ్యాచ్‌ విద్యార్థులు ఫోరం ఫర్‌ బెటర్‌ ఇల్లంతకుంట(ఎఫ్‌బీఐ) వాట్రాప్‌ గ్రూపుగా ఏర్పడ్డారు. అనంతారం గ్రామానికి చెందిన ఓల్లాల అంజయ్య చనిపోగా బాధిత కుటుంబానికి రూ.73 వేలు అందించారు. అనాథ పిల్లలకు సాయం చేస్తున్నారు. ఇల్లంతకుంట, దాచారం, వల్లంపట్ల గ్రామాల్లో ఉచిత వైద్య శిబిరాలు ఏర్పాటు చేశారు. గల్ఫ్‌లో చనిపోయినవారి కుటుంబసభ్యులకు ఉచితంగా కుట్టు మెషిన్లు పంపిణీ చేశారు.

శంకరపట్నం(మానకొండూర్‌): మండలంలోని కాచాపూర్‌కు చెందిన దాసరి కనకమ్మ(75) నీటి సంపులో పడి, మృతిచెందినట్లు గ్రామస్తులు తెలిపారు. వారి వివరాల ప్రకారం.. కనకమ్మ భర్త మల్లేశం కొన్ని నెలల క్రితం చనిపోయాడు. వయసు పైబడటంతో ఇద్దరు కుమారులు వంతులవారీగా ఆమెకు తిండి పెడుతున్నారు. ఈ క్రమంలో కనకమ్మ శనివారం ప్రమాదవశాత్తు నీటి సంపులో పడి, చనిపోయింది. కుటుంబసభ్యులు ఆమె అంత్యక్రియలు పూర్తి చేశారు. కేశవపట్నం ఎస్సై రవిని వివరణ కోరగా తమకు ఎలాంటి ఫిర్యాదు అందలేదని పేర్కొన్నారు. రాష్ట్రస్థాయి చెస్‌ పోటీల్లో ప్రతిభకరీంనగర్‌ స్పోర్ట్స్‌: హైదరాబాద్‌లో ఇటీవల జరిగిన 68వ రాష్ట్రస్థాయి పాఠశాలల అండర్‌–17 చెస్‌ పోటీల్లో కరీంనగర్‌ అల్ఫోర్స్‌ పాఠశాల విద్యార్థి సుప్రీత్‌ ప్రతిభ కనబరిచి, జాతీయ పోటీలకు ఎంపికయ్యాడు. ఈ సందర్భంగా శనివారం పాఠశాలలో జరిగిన కార్యక్రమంలో అతన్ని అల్ఫోర్స్‌ విద్యాసంస్థల చైర్మన్‌ నరేందర్‌ రెడ్డి అభినందించారు. ఈ కార్యక్రమంలో ఉపాధ్యాయులు, విద్యార్థులు తదితరులు పాల్గొన్నారు. రిటైర్డ్‌ గని కార్మికుడి మృతి గోదావరిఖని: నగరంలోని మార్కండేయ కాలనీ శివాలయం వీధికి చెందిన రిటైర్డ్‌ సింగరేణి కార్మికుడు ఆకుల తిరుపతయ్య(65) శుక్రవారం రాత్రి హఠాత్తుగా మృతి చెందారు. ఆయన కొంతకాలంగా అనారోగ్యంతో బా ధపడుతున్నారు. సింగరేణిలో మైనింగ్‌ సర్దార్‌గా పనిచేసి ఐదేళ్ల క్రితం ఉద్యోగ విరమణ చేశారు. ఆయనకు.. భార్య, ఇద్దరు సంతానం ఉన్నారు. ఐఎన్‌టీయూసీలో క్రియాశీలకంగా పనిచేశారు. తిరుపతయ్య మృతికి ఐఎన్‌టీయూసీ నాయకులు ప్రగాఢ సంతాపాన్ని వ్యక్తం చేశారు.

పెద్దపల్లిరూరల్‌: ఇద్దరు మహిళల మృతికి కారణమైన కారు డ్రైవర్‌ చల్ల పవన్‌కల్యాణ్‌, యజమాని చల్ల శ్రీనివాస్‌లను శనివారం అ రెస్టు చేసినట్టు సీఐ ప్రవీణ్‌కుమార్‌ తెలిపారు. ఈ నెల 12న తెల్లవారుజామున పెద్దపల్లి పట్టణ శివారు రంగంపల్లిలోని ఓ ఫంక్షన్‌హాల్లో పని ముగించుకొని, నడుచుకుంటూ వెళ్తున్న కుక్క కాంతమ్మ, అమృతలను కారుతో బలంగా ఢీకొట్టి ఆగకుండా వెళ్లిపోయారన్నారు. ఈ ప్రమాదంలో ఆ మహిళలు అక్కడికక్కడే మృతిచెందగా కేసు నమోదు చేశామని పేర్కొన్నారు. కారును 4 రోజులు దాచారు.. ప్రమాదానికి కారణమైన కారును నిందితులు అప్పన్నపేటలో 4 రోజులు దాచా రు. అయితే, వాహనం కొత్తది కావడం, దానిపై నంబర్‌ ప్లేట్‌ లేకపోవడంతో పో లీసులు సీసీ కెమెరాల్లో పరిశీలించినా ఆచూకీ దొరకలేదు. ఈ క్రమంలో నిందితులు కారు ఆనవాళ్లను మార్చేందుకు శనివారం అప్పన్నపేట నుంచి తీసుకెళ్తున్నారన్న సమాచారంతో అక్కడికి వెళ్లారు. డ్రైవర్‌ పవన్‌కల్యాణ్‌, యజమాని శ్రీనివాస్‌ లను అదుపులోకి తీసుకొని, కారును స్వాధీనం చేసుకున్నట్లు సీఐ తెలిపారు. సీఐతోపాటు ఎస్సై లక్ష్మణ్‌రావు, పోలీసులను ఏసీపీ కృష్ణ అభినందించారు.