దివంగత నటుడు సుశాంత్‌ సింగ్‌ రాజ్‌పుత్‌ మొదట సీరియల్స్‌లో నటించాడు. పవిత్ర రిష్తా సీరియల్‌ అతడికి నటుడిగా గుర్తింపు తెచ్చిపెట్టింది. ఇందులో అతడికి జోడీగా అంకితా లోఖండే నటించింది. వీరిద్దరూ షూటింగ్‌ టైంలో లవ్‌లో పడ్డారు. కానీ ఆ ప్రేమ ఎంతోకాలం సాగలేదు. ఇకపోతే 2009లో ప్రసారమైన ఈ సీరియల్‌ కొన్నేళ్లపాటు కొనసాగింది.అర్చనగా మొదలైన జర్నీతాజాగా పవిత్ర రిష్తా సీరియల్‌ ప్రేక్షకుల్ని అలరించి పదిహేనేళ్లు అవుతున్న సందర్భంగా అంకిత సోషల్‌ మీడియాలో ఎమోషనల్‌ పోస్ట్‌ షేర్‌ చేసింది. 15 ఏళ్ల క్రితం పవిత్ర రిష్తా సీరియల్‌లో అర్చనగా నా జర్నీ మొదలుపెట్టాను. తర్వాత కొన్ని వేరే ప్రాజెక్టులు కూడా చేశాను కానీ జనాలు నన్ను అర్చనగానే గుర్తుపెట్టుకుని నాపై ‍ప్రేమాభిమానాలు కురిపించారు. అందుకే ఆ పాత్ర ఇప్పటికీ నాలోనే, నాతోనే ఉంది. ఆ పాత్ర నాకు జీవితమంటే ఏంటో నేర్పింది.సుశాంత్‌ వల్లే..కెరీర్‌ ప్రారంభంలో ఇంత గొప్ప అవకాశం ఇచ్చిన సీరియల్‌ యూనిట్‌కు థ్యాంక్స్‌. సుశాంత్‌ సింగ్‌ రాజ్‌పుత్‌ సపోర్ట్‌ లేకుండా నా జర్నీయే పూర్తి కాదు. సీరియల్‌ ప్రారంభమైన కొత్తలో ఎలా నటించాలో తెలిసేది కాదు. అతడే దగ్గరుండి యాక్టింగ్‌ నేర్పించాడు. అందుకు ఎంత థ్యాంక్స్‌ చెప్పినా సరిపోదు. నాకు ఇంత ప్రేమాభిమానాలు అందించిన టీవీ ఇండస్ట్రీకి థ్యాంక్స్‌. అభిమానులు, స్టార్‌డమ్‌ ఇవన్నీ ఈ సీరియల్‌ నుంచే మొదలయ్యాయి అని ఇన్‌స్టాగ్రామ్‌ వీడియో రిలీజ్‌ చేసింది. ఈ వీడియో నెట్టింట వైరల్‌గా మారింది. అలాగే మిస్‌ యూ సుశాంత్‌ అంటూ కొన్ని ఫోటోలు కూడా షేర్‌ చేసింది. View this post on Instagram A post shared by Ankita Lokhande Jain (@lokhandeankita) View this post on Instagram A post shared by Ankita Lokhande Jain (@lokhandeankita)చదవండి: 'ఆడిషన్‌ కోసం వెళ్లి స్వలింగ సంపర్కుడిని కలిశా'.. బిగ్‌బాస్ కంటెస్టెంట్!

ఈ అత్తలున్నారే.. ఎప్పుడెలా ఉంటారో ఎవరికీ అర్థం కాదు అని కోడళ్లు ఎప్పుడూ అనుకుంటూనే ఉంటారు. ఇప్పుడు చెప్పే విషయం వింటే వారేంటి.. మీరు కూడా అదే మాట అంటారు. ఇంతకీ ఏం జరిగిందంటే... బుల్లితెర నటి అంకిత లోఖండే ఇటీవలే హిందీ బిగ్‌బాస్‌ 17వ సీజన్‌లో పార్టిసిపేట్‌ చేసింది. తను ఒక్కతే వెళ్లలేదు. వెంట భర్తను కూడా తీసుకెళ్లింది. ఆలూమగలన్నాక గొడవలు సర్వసాధారణమే! కానీ చుట్టూ కెమెరాలున్న సంగతే మర్చిపోయి ఈ దంపతులు వేరే లెవల్‌లో తిట్టుకున్నారు.. కొట్టుకున్నంత పని చేశారు. అప్పుడేమో తిట్టేసి.. ఇది చూసిన అంకిత అత్త రంజనా జైన్‌కు మండిపోయింది. నా కొడుక్కి కనీస గౌరవం ఇవ్వట్లేదు.. నేనెప్పుడో చెప్పా.. ఈమె అలాంటిది, ఇలాంటిది అంటూ విమర్శల పారాయణం చేసింది. అంకిత.. తన మాజీ ప్రియుడు, దివంగత నటుడు సుశాంత్‌ సింగ్‌ను గుర్తు చేసుకుంటే కూడా.. అంతా ఫేమస్‌ అవడం కోసమే, ఓట్ల కోసమే.. పెద్ద మాయలాడి అని నానామాటలు అంది. ఇప్పుడేమో మెచ్చుకుని కట్‌ చేస్తే అంకిత కీలక పాత్రలో నటించిన స్వతంత్ర వీర్‌ సావర్కర్‌ సినిమా మార్చి 22న విడుదలైంది. థియేటర్‌లో మూవీ చూసిన అంకిత అత్తయ్య.. నా కోడలు ఎంత బాగా కనిపిస్తుందో! మా అంకిత ఏ1. ఏక్‌దమ్‌ యాక్ట్‌ చేసింది అని మెచ్చుకుంది. ఇందుకు సంబంధించిన వీడియో వైరల్‌గా మారింది. ఇది చూసిన జనాలు.. కమల్‌ హాసన్‌ను మించిపోయిందిగా అని కామెంట్లు చేస్తున్నారు. నటి పారితోషికం? ఇకపోతే స్వతంత్ర వీర్‌ సావర్కర్‌ సినిమా కోసం డైరెక్టర్‌ కమ్‌ హీరో రణ్‌దీప్‌ హుడా 32 కిలోలు తగ్గాడు. కేవలం సినిమా పబ్లిసిటీ కోసమే రూ.6 కోట్లు ఖర్చు పెట్టారు. కానీ తొలి రోజు ఈ చిత్రం కేవలం కోటి రూపాయల పైచిలుకు మాత్రమే సాధించడం గమనార్హం. ఈ మూవీకి అంకిత ఒక్క రూపాయి కూడా పారితోషికం తీసుకోలేదు. View this post on Instagram A post shared by Viral Bhayani (@viralbhayani) చదవండి:  ఆ సినిమాలు చేశానని వేశ్య అని ట్రోల్‌ చేస్తున్నారు

బాలీవుడ్‌ నటి అంకిత లోఖండే గతంలో నటుడు సుశాంత్‌ సింగ్‌ రాజ్‌పుత్‌ను ప్రేమించింది. దాదాపు ఆరేళ్లపాటు రిలేషన్‌లో ఉన్న వీరు 2016లో విడిపోయారు. అనంతరం అంకిత..విక్కీజైన్‌ను ప్రేమించి పెళ్లి చేసుకుంది. అటు సుశాంత్‌.. రియా చక్రవర్తితో లవ్‌లో పడ్డాడు. కానీ కొంతకాలానికే డిప్రెషన్‌తో 2020లో తనువు చాలించాడు. ఈ మధ్య హిందీ బిగ్‌బాస్‌ 17వ సీజన్‌కు భర్తతో కలిసి వెళ్లింది అంకిత లోఖండే. హౌస్‌లో ఉన్ననాళ్లూ పోట్లాటలతోనే గడిపారు. బయటకు వచ్చాక మాత్రం మామూలైపోయారు. ఆఖరికి సొంత అత్త కూడా.. అయితే హౌస్‌లో ఉన్నప్పుడు తరచూ సుశాంత్‌ గురించి మాట్లాడింది అంకిత. ఇది చూసిన నెటిజన్లు.. సుశాంత్‌ క్రేజ్‌ను క్యాష్‌ చేసుకోవడానికే అతడి పేరు వాడుకుంటోందని విమర్శించారు. అంత ప్రేముంటే ఎందుకు విడిపోయిందో.. చనిపోయిన వ్యక్తి గురించి మాట్లాడటం అవసరమా? సింపతీ కోసమే ఇలా చేస్తోందని ట్రోల్‌ చేశారు. ఆఖరికి ఆమె సొంత అత్తయ్య కూడా అదే మాట అనడంతో అగ్గిమీద గుగ్గిలమైంది నటి. తనకంలాంటి సింపతీ అక్కర్లేదని చెప్పింది.  నా లైఫ్‌ నా ఇష్టం.. తాజాగా మరోసారి ఈ అంశంపై మాట్లాడుతూ.. 'నా జీవితం నా ఇష్టం. నాకెవరైనా తెలిసినా.. వారి గురించి ఏదైనా మంచి విషయాలు తెలిసున్నా వాటిని బయటకు చెప్తూ ఉంటాను. దాన్ని ఎవరూ ఆపలేరు. మీరు తిట్టుకోండి.. ఏమైనా చేసుకోండి.. నాకవసరమే లేదు' అని చెప్పుకొచ్చింది. కాగా అంకిత.. బిగ్‌బాస్‌ 17వ సీజన్‌ థర్డ్‌ రన్నరప్‌గా నిలిచింది. చదవండి: ఓటీటీలో దూసుకెళ్తోన్న ఊరుపేరు భైరవకోన.. టాప్‌లో ట్రెండింగ్!

హిందీ బిగ్‌బాస్‌ 17వ సీజన్‌లో బుల్లితెర జంట అంకిత లోఖండే- విక్కీజైన్‌ సెంటరాఫ్‌ అట్రాక్షన్‌గా నిలిచారు. వీరి గొడవలు, కొట్లాటలు, ప్రేమలు, ఆప్యాయతలు, ఈర్ష్య, అసూయలు.. ఇవన్నీ ప్రేక్షకులకు వినోదాన్ని పంచాయి. అయితే ఈ షో వల్ల ఎక్కువ నెగెటివిటీని మూటగట్టుకుంది అంకితనే! తాజాగా ఈ బ్యూటీ తనకు ఎదురైన చేదు అనుభవాన్ని బయటపెట్టింది. ఓ షోకి హాజరైన ఆమెకు క్యాస్టింగ్‌ కౌచ్‌ ఎప్పుడైనా ఫేస్‌ చేశావా? అన్న ప్రశ్న ఎదురైంది. ఇందుకు ఆమె అవునని తలూపుతూ ఆనాటి ఇబ్బందికర పరిస్థితులను గుర్తు చేసుకుంది. ఎగిరి గంతేశా.. 'దక్షిణాది చిత్రపరిశ్రమలో నేను ఓ ఆడిషన్‌కు వెళ్లాను. తర్వాత వాళ్లు కాల్‌ చేసి మీరు సెలక్ట్‌ అయ్యారు, వచ్చి సంతకం చేయండన్నారు. నేను సంతోషంతో ఎగిరిగంతేశాను. ఈ విషయం అమ్మకు చెప్పి సంబరపడ్డాను. అయితే ఇంత తేలికగా ఎలా సెలక్ట్‌ చేశారబ్బా అన్న అనుమానం కూడా వచ్చింది. నేను సంతకం చేయడానికి వెళ్లినప్పుడు నాతో వచ్చిన వ్యక్తిని బయటే ఉండమన్నారు. లోపలికి వెళ్లాక నన్ను కాంప్రమైజ్‌ కావాలని అడిగారు. షాకయ్యాను. నేనలాంటిదాన్ని కాదని.. నాకప్పుడు 19 ఏళ్లే. నన్ను హీరోయిన్‌ చేస్తారేమోనని కాంప్రమైజ్‌ అంటే ఏంటని అడిగాను. అందుకు వాళ్లు.. నిర్మాతతో ఒక రాత్రి ఉండాలని చెప్పారు. అప్పుడు నేను.. మీ నిర్మాతకు టాలెంట్‌ అవసరం లేదనుకుంటా.. కేవలం ఒక అమ్మాయి తన పక్కన ఉంటే చాలనుకుంటున్నాడు. నేను అలాంటిదాన్ని కాదని చెప్పి అక్కడి నుంచి వచ్చేశాను' అని చెప్పుకొచ్చింది. అయితే సౌత్‌లో ఏ భాషా ఇండస్ట్రీలో ఇలాంటి అనుభవం ఫేస్‌ చేసిందో వివరంగా చెప్పలేదు. చదవండి: ‘భూతద్ధం భాస్కర్ నారాయణ’ మూవీ రివ్యూ

బిగ్‌బాస్‌ షోకి కావాల్సిందే గొడవలు, లవ్‌ ట్రాకులు. అందుకనే ఆచితూచి కంటెస్టెంట్లను ఎంపిక చేసుకుంటూ ఉంటుంది బిగ్‌బాస్‌ టీమ్‌. అన్ని భాషల్లో కంటే హిందీ బిగ్‌బాస్‌ ఈ విషయంలో ఓ మెట్టు పైనే ఉంటుంది. ఆల్‌రెడీ బ్రేకప్‌ చెప్పుకున్న జంటలను, ప్రేమలో ఉన్నవారినీ, పెళ్లైన దంపతులను తీసుకొస్తారిక్కడ. ఇంకేముంది.. బుల్లితెర ఆడియన్స్‌కు సినిమా కనిపిస్తుంది. అలా హిందీ బిగ్‌బాస్‌ 17వ సీజన్‌లో బుల్లితెర జంట అంకిత లోఖండే-విక్కీ జైన్‌ను తీసుకొచ్చారు. చుట్టూ కెమెరాలున్నాయన్న సంగతే మర్చిపోయి గొడవపడ్డారు. మావాడిమీదకు కాలెత్తుతుందా? అని విక్కీ తల్లి, నీ కొడుకు చేయెత్తింది మర్చిపోయావా? అని అంకిత తల్లి వాదులాడుకున్నారు. అలా ఈ దంపతుల విభేదాలు రెండు కుటుంబాల మధ్య గొడవలుగా మారాయి. విక్కీ లేకపోతే నీ గేమ్‌ ఎక్కడ? అయితే ఈ వారం జరిగిన మిడ్‌ వీక్‌ ఎలిమినేషన్‌కు విక్కీ బలయ్యాడు. ఐదు రోజుల క్రితం హౌస్‌లో నుంచి బయటకు వచ్చేశాడు. నేటి గ్రాండ్‌ ఫినాలేతో షోకి ఎండ్‌ కార్డ్‌ పడనుంది. ఈ క్రమంలో శనివారం నాడు దర్శకుడు రోహిత్‌ శెట్టి బిగ్‌బాస్‌ హౌస్‌లో అడుగుపెట్టాడు. ఫైనలిస్టులతో మాట్లాడి వారికి శుభాకాంక్షలు చెప్పాడు. అలా అంకిత లోఖండేతోనూ ముచ్చటించాడు. విక్కీ నిన్ను పట్టించుకోవడం లేదని, నువ్వెంత బాధపడుతున్నా లెక్క చేయడం లేదని ఫీలయ్యావు. అసలు విక్కీనే లేకపోతే నీ ఆట ఎలా ఉండేది? అని అడిగాడు. నేనేమీ అతడిని అడ్డుకోలేదు అందుకు అంకిత.. తను లేకపోతే ఇంకా బాగా ఆడేదాన్ని. సరైన నిర్ణయాలు తీసుకునేదాన్నది బదులిచ్చింది. అందుకు రోహిత్‌.. విక్కీ కూడా బయట ఇదే అంటున్నాడు అని చెప్పాడు. అంకిత మాట్లాడుతూ.. నేనేమీ అతడిని ఆటకు అడ్డుకోలేదు. నిన్ననే నా జర్నీ చూసుకున్నాను. విక్కీ నేను చాలాసార్లు గొడవపడ్డాం. అయినా సరే అతడు ఎప్పటికీ నాకు హీరోనే అని చెప్పింది. ఆ తర్వాత బిగ్‌బాస్‌ అనుమతితో ఓ ఆసక్తికర వార్తను అంకితకు చేరవేశాడు రోహిత్‌. ఆమెవరో తెలీదు 'విక్కీ ఇప్పటికి రెండుసార్లు పార్టీ చేసుకున్నాడు. ఓ పార్టీలో సనా, ఆయేషాతో పాటు మరో అమ్మాయి కూడా ఉంది. ఆమెవరో నాకు తెలీదు. కానీ ఆ ఫోటోలు నెట్టింట వైరలవుతున్నాయి. ఇప్పుడు మూడోసారి కూడా పార్టీ చేసుకుంటున్నాడు' అని చెప్పాడు. ఇందుకు అంకిత నవ్వుతూనే బయటకు వచ్చాక గట్టిగానే దెబ్బలు పడతాయి అని బదులిచ్చింది. కాగా సనా, ఆయేషా మరెవరో కాదు బిగ్‌బాస్‌ 17వ సీజన్‌లో పాల్గొన్న కంటెస్టెంట్లే! View this post on Instagram A post shared by Purva Rana (@purva_rana) చదవండి: పదేళ్లుగా ప్రేమించుకుంటున్నాం.. అయోధ్యలోనే మా పెళ్లి!

బిగ్‌బాస్‌లో కొట్లాటలు సహజం. పెళ్లైన జంటల్ని తీసుకొచ్చి మరీ వాళ్ల మధ్య చిచ్చు పెడుతుంటాడు బిగ్‌బాస్‌. అయితే భార్యాభర్తలు గొడవపడటం, తిరిగి కలిసిపోవడం సర్వసాధారణం. ఈ పోట్లాటలు చాలానే చూశాం. కానీ కనీవినీ ఎరగని రీతిలో లోపల భార్యాభర్తలు ఫైటింగ్‌లు చేస్తుంటే బయట వారి తల్లులు ఆగ్రహంతో ఊగిపోతున్నారు. ఒకరినొకరు నిందించుకుంటున్నారు. దీనికి గల కారణమేంటి? అసలేమైంది? అనేది తెలియాలంటే ఇది చదివేయండి.. ఒకరిని మించి మరొకరు హిందీ బిగ్‌బాస్‌ 17వ సీజన్‌లో బుల్లితెర జంట అంకిత లోఖండే- విక్కీ జైన్‌ పాల్గొంది. చుట్టూ కెమెరాలున్నా సరే ఎప్పుడూ ఏదో ఒకదాని గురించి ఇద్దరూ పోట్లాడుతూనే ఉంటారు. అందరిముందే భర్తను చులకన చేసి మాట్లాడటమే కాక ఒకానొక సమయంలో అతడిని తన్నిందా ఇల్లాలు. అతగాడేమీ తక్కువ కాదన్నట్లు భార్య ముందే మరో అమ్మాయి చేయి పట్టుకుని మాట్లాడిందే కాక అర్ధాంగి మీదకే చేయెత్తాడు. వీళ్లు చేసే రచ్చకు ఇది సాంపుల్‌ మాత్రమే! అంకిత అయితే పదేపదే తన మాజీ ప్రియుడు, దివంగత నటుడు సుశాంత్‌ సింగ్‌ రాజ్‌పుత్‌ గురించి ఎప్పుడూ ఏదో ఒక విషయం మాట్లాడుతూనే ఉంది. ఇదేనా నీ సంస్కారం? ఇది విక్కీ జైన్‌ తల్లి రంజనాకు మింగుడుపడలేదు. ఇంకేముంది.. ఇంటర్వ్యూలలో కోడలి తీరును ఉతికారేసింది. సింపతీ కోసమే నా కోడలు తన మాజీ ప్రియుడైన సుశాంత్‌ను తలుచుకుంటోంది. అతడు బతికి ఉన్నప్పుడు ఎంతో ప్రేమను పొందాడు. ఎన్నో గొప్ప పనులు చేశాడు. ఇప్పుడతడు లేడు. మరి తన గురించి తలుచుకుని ఏం లాభం? అంకిత నా కొడుకును కాలితో తన్నడం చూసి తట్టుకోలేకపోయాం. మన దేశంలో భర్తను దేవుడిగా చూస్తారు. కానీ నువ్వు నీ భర్తను ఎలా చూస్తున్నావు? ఇదేనా సంస్కారం? అని తిట్టిపోసింది. మరో ఇంటర్వ్యూలో అంకితను తన ఇంటి కోడలిగా తెచ్చుకోవడమే ఇష్టం లేదని చెప్పింది. కానీ కుమారుడి ఇష్టాన్ని కాదనలేక మౌనంగా ఉన్నామని చెప్పింది. నీ తల్లి కూడా ఇంతేనా? అయితే భార్యాభర్తలన్నాక లక్ష గొడవలుంటాయి. ప్రతిదాంట్లో మనం దూరనవసరం లేదు. వారి సరదా చేష్టలను సీరియస్‌గా తీసుకోనవసరం లేదు అని గట్టిగానే కౌంటర్‌ ఇచ్చింది అంకిత తల్లి వందన. ఎనిమిదేళ్లపాటు సుశాంత్‌తో కలిసి ప్రయాణించింది. బ్రేకప్‌ చెప్పుకున్నాక కూడా అతడి మంచే కోరుకుంది. అతడి గురించి ఆలోచిస్తే సింపతీనా? అని ఆగ్రహించింది వందన. ఇకపోతే ఫ్యామిలీ వీక్‌లో భాగంగా మంగళవారం నాడు అంకిత తల్లి, విక్కీ తల్లి ఇద్దరూ హౌస్‌లో అడుగుపెట్టారు. విక్కీని తన్నినందుకు అంకితకు ఆమె అత్త మొట్టికాయలు వేసింది. 'నీ ప్రవర్తన చూశాక నా భర్తకు ఎంత కోపమొచ్చిందో తెలుసా? ఆవేశంతో నీ తల్లికి ఫోన్‌ చేసి నువ్వు కూడా ఇలాగే నీ భర్తను తంతావా? నీ కూతురికి అదే నేర్పించావా? అని అడిగాడు' అని చెప్పింది. ఇకనైనా గొడవలు తగ్గించేస్తారా? ఈ మాటలు విని అంకిత బాధపడింది. ఈ మధ్యే నాన్న చనిపోయాడని, అలాంటప్పుడు ఈ గొడవలోకి మా అమ్మను ఎందుకు లాగుతున్నారంటూ ఏడ్చేసింది. అనంతరం అంకిత తల్లి బిగ్‌బాస్‌ హౌస్‌లో అడుగుపెట్టింది. కూతురు-అల్లుడును దగ్గరకు తీసుకున్న ఆమె ఇద్దరూ గొడవలు తగ్గించుకుని ఆప్యాయంగా ఉండమని సలహా ఇచ్చింది. మరోవైపు సోషల్‌ మీడియాలో బాలీవుడ్‌ హీరోయిన్‌ కంగనా.. అంకితాకు మద్దతుగా నిలబడటం విశేషం. మరి ఇకనుంచైనా అంకిత- విక్కీ పోట్లాటలు ఆపేస్తారా? లేదా అలాగే మొండిగా వ్యవహరిస్తారా? అనేది చూడాలి! చదవండి: ఎంతోమందికి లైఫ్‌ ఇచ్చిన హీరో విజయ్‌కాంత్‌.. ఆయన కుమారుడి కోసం..

బిగ్‌బాస్‌ షోలో సింగిల్‌ కంటెస్టెంట్లతోపాటు అప్పుడప్పుడూ జోడీలను కూడా తీసుకొస్తుంటారు. మాజీ ప్రేమికులను, ప్రస్తుత ప్రేమపక్షులను, పెళ్లి చేసుకున్న దంపతులను షోకి రప్పిస్తూ ఉంటారు. అలా హిందీ బిగ్‌బాస్‌ 17వ సీజన్‌లో బాలీవుడ్‌ జంట అంకితా లోఖండే- విక్కీజైన్‌ను తీసుకొచ్చారు. అక్కడ ఇక్కడ సేమ్‌ టు సేమ్‌... వీరు ఇంట్లో ఎలా ఉన్నారో బిగ్‌బాస్‌ హౌస్‌లోనూ అలాగే ఉన్నారు. అలకలు, కోపతాపాలు, గిల్లికజ్జాలు, పోట్లాటలు, ప్రేమానురాగాలు.. ఇలా అన్నింటినీ చూపిస్తున్నారు. అయితే ఇటీవల అంకిత తనకు నెలసరి రాలేదని కంగారు పడింది. ఒంట్లో కూడా నిస్సత్తువగా ఉందని, రోజులు గడుస్తున్నా పీరియడ్స్‌ రావడం లేదని భర్తతో చెప్పింది. మొదట విక్కీ జైన్‌ అదేంటి.. ఇంతవరకు రాకపోవడమేంటి? అని అడిగాడు. అందుకు ఆమె సమాధానమిస్తూ.. నెలసరి రాకపోవడంతో మెడికల్‌ రూమ్‌కు పిలిచి ప్రెగ్నెన్సీ టెస్ట్‌ కూడా చేశారు అని పేర్కొంది. పరీక్షల రిజల్ట్‌ ఇదే రక్త, మూత్ర పరీక్షలు చేశారు, కానీ ఫలితాలు మాత్రం చెప్పలేదట. దీంతో అంకిత ప్రెగ్నెంటా? కాదా? అని అభిమానులు కంగారుపడుతున్నారు. తాజాగా ఆమె ప్రెగ్నెన్సీ రిపోర్టులు వచ్చినట్లు తెలుస్తోంది. పరీక్షలో నెగెటివ్‌ వచ్చిందని వార్తలు వినిపిస్తున్నాయి. మరి ఇదెంతవరకు నిజమన్నది తెలియాల్సి ఉంది. ఇదే నిజమైతే త్వరలో పేరెంట్స్‌గా ప్రమోషన్‌ పొందనున్నామని ఆలోచిస్తున్న అంకిత- విక్కీల ఆశల మీద నీళ్లు గుమ్మరించినట్లవుతుంది. కాగా హిందీ బిగ్‌బాస్‌ 17వ సీజన్‌ అక్టోబర్‌ 15 న అంగరంగ వైభవంగా మొదలైంది. ఈ సారి కూడా సల్మాన్‌ ఖానే వ్యాఖ్యాతగా వ్యవహరిస్తున్నాడు. చదవండి: బ్యాంకు ఉద్యోగాన్ని వదిలేసి.. రెస్టారెంట్లు మూసేసి నటననే నమ్ముకున్నాడు..

ప్రస్తుతం బాలీవుడ్‌లో  బిగ్ బాస్ 17 సీజన్‌ అభిమానులను అలరిస్తోంది. ఈ ఏడాది కూడా సల్మాన్ ఖాన్‌ హోస్ట్‌గా వ్యవహిస్తున్నారు. అయితే హౌస్‌లో ఈసారి భార్యభర్తలు కంటెస్టెంట్స్‌గా అడుగుపెట్టారు. బుల్లితెర నటులైన అంకిత, విక్కీ జైన్ రియాల్టీ షో  స్ట్రాంగ్‌ కంటెస్టెంట్స్‌గా కొనసాగుతున్నారు. హౌస్‌లోకి వెళ్లినప్పటి నుంచి ఇద్దరి మధ్య చాలాసార్లు వివాదాలొచ్చాయి.  (ఇది చదవండి: నాగచైతన్య-చందు మొండేటి మూవీ.. ఆసక్తిగా ఫస్ట్‌ లుక్‌ పోస్టర్!) అయితే తాజాగా హౌస్‌లో భార్యభర్తలిద్దరూ సరదాగా మాట్లాడుకుంటూ కనిపించారు. పక్కనే మరికొందరు కంటెస్టెంట్స్ ఉండగా.. ఒకరినొకరు తోసుకుంటూ హౌస్‌లో అల్లరి చేశారు. విక్కీ చేసిన సరదా కాస్తా అంకిత కోపానికి కారణమైంది.  దీంతో ఆమె వెంటనే తన చెప్పులను తీసి భర్తపైకి విసిరింది. హౌస్‌లోని కంటెస్టెంట్స్‌ ముందే తన భర్తను చెప్పులతో కొట్టింది. దీనికి సంబంధించిన వీడియో సోషల్ మీడియాలో తెగ వైరలవుతోంది. కాగా.. ఈ వారం నామినేషన్స్‌లో  అంకిత లోఖాండే ఉన్నారు. కానీ ఆమె భర్త విక్కీ మాత్రం నామినేట్ కాలేదు. కాగా.. గతంలో  తనతో ఎక్కువ సమయం మాట్లాడటం లేదని.. ఇతర హౌస్‌మేట్స్‌తోనే చనువుగా ఉంటున్నారని అంకిత చాలాసార్లు హోస్ట్‌కు ఫిర్యాదు చేసింది.  మరోవైపు తాను కేవలం ఆటపైనే దృష్టి పెట్టాలనుకుంటున్నట్లు అంకితకు వివరించాడు. అయితే హౌస్‌లో వీరిద్దరి తీరుపై ఫ్యాన్స్‌తో పాటు నెటిజన్స్ సైతం మండిపడుతున్నారు.  అయితే అంతకుముందే విక్కీ జైన్‌ మరో మహిళ కంటెస్టెంట్‌తో సన్నిహితంగా మెలిగారు. హౌస్‌లోని ఉన్న సనాతో చేయి పట్టుకుని కనిపించారు. ఇది చూసిన నెటిజన్స్ అతని తీరుపై ఆగ్రహం వ్యక్తం చేశారు. హౌస్‌లో భార్య ఉండగా.. ఇలా చేయడమేంటని ప్రశ్నిస్తున్నారు, మరికొందరేమో సనానే అతని చేయి పట్టుకుందని విమర్శిస్తున్నారు.   (ఇది చదవండి: ఓటీటీలో 20 సినిమాలు.. ఆ హిట్ సినిమా ఉచితం కాదు!) Mujhe yeh vali fight dekhni hain Serious vali nahi bolna mat chappal maari 😂 Kyuki yeh bohot Masti vala tha jaise bestfriends ek dooshre ko maarte hain Ek gala daba raha ek chapal 😂😂🤣 Ankita is in muanku mood#ankitalokhande #vickyjain #biggboss17 #munawarfaruqui pic.twitter.com/zbtRESokWN — Ankitalokhande (fan) (@Ankitafam) November 19, 2023

బాలీవుడ్ యంగ్ హీరో సుశాంత్ సింగ్ రాజ్‌పుత్‌ బీటౌన్‌లో పరిచయం అక్కర్లేని పేరు. ఎంస్‌ ధోని సినిమాతో సినీ ప్రేక్షకుల మనసులను ఆకట్టుకున్నారు. అయితే ఎవరు ఊహించని విధంగా సుశాంత్ మరణించారు. ముంబయిలోని తన గదిలో సూసైడ్ చేసుకున్న సంగతి తెలిసిందే. అయితే తాజాగా సుశాంత్ సింగ్ రాజ్‌పుత్‌ పేరు మరోసారి వార్తల్లో నిలిచింది. ఆ వివరాలేంటో తెలుసుకుందాం.  ప్రస్తుతం హిందీ బిగ్‌ బాస్‌ సీజన్-17 జరుగుతోంది. ఈ రియాలిటీ షోకు సల్మాన్ ఖాన్ హోస్ట్‌గా వ్యవహరిస్తున్నారు. అయితే ఈ షోలో బాలీవుడ్ నటి, సుశాంత్ ప్రియురాలు అంకితా లోఖాండే కంటెస్టెంట్‌గా పాల్గొంది. ఈ నేపథ్యంలో హౌస్‌లో ఉన్న ఆమె తన మాజీ ప్రియుడు సుశాంత్‌ను గుర్తుకు తెచ్చుకుంది. అతని గురించి మరో కంటెస్టెంట్‌ మునావర్ ఫారూఖీతో మాట్లాడింది. అంకితా లోఖండే సుశాంత్ సింగ్ రాజ్‌పుత్‌ అంత్యక్రియలను మళ్లీ గుర్తు చేసుకున్నారు. మునావర్ ఫరూఖీతో మాట్లాడుతూ.. అలాంటి వ్యక్తిని కోల్పోవడం నా జీవితంలో ఇదే మొదటిసారి. సుశాంత్ మరణం నాకు తీవ్ర దిగ్భ్రాంతి కలిగించింది.  అందువల్లే నేను అతని అంత్యక్రియలకు కూడా హాజరు కాలేదు. ఈ విషయం తెలిసి కూడా నేను వెళ్లలేకపోయాను. ఆ పరిస్థితిలో నేను సుశాంత్‌ను చూడలేను. విక్కీ నన్ను వెళ్లమని చెప్పాడు. కానీ నేనే నిరాకరించాను. నా జీవితంలో ఇలాంటి పరిస్థితి ఎప్పుడు ఎదురుకాలేదు. మొదటిసారి మా నాన్నని అలా చూశా. ఒక వ్యక్తిని కోల్పోతే కలిగే నష్టాన్ని నేను గ్రహించా. కాగా.. అంకిత తండ్రి శశికాంత్ లోఖండే ఈ ఏడాదిలోనే మరణించారు. అంకిత ప్రస్తుతం బిగ్ బాస్ -17లో తన భర్త విక్కీ జైన్‌తో కలిసి పాల్గొంది. వీరిద్దరు 2021లో పెళ్లి చేసుకున్నారు.  #AnkitaLokhande talks abt SSR, what a great man he was, his funeral, how it’s difficult talking abt him in past tense n breaks down remembering him n her dad ❤️#BB17 #BiggBoss17 pic.twitter.com/MWUshVXPG0 — Rachit (@rachitmehra_2) November 20, 2023

భార్యాభర్తల మధ్య వంద గొడవలు జరుగుతాయి. ఆ గొడవలన్నీ నీటిబుడగలాంటివే! ఇలా దెబ్బలాడుకుని అలా కలిసిపోతుంటారు. ఇప్పుడు చెప్పుకునే జంట కూడా ఇదే కోవలోకి వస్తుంది. బాలీవుడ్‌ జంట అంకితా లోఖండే- విక్కీ జైన్‌ హిందీ బిగ్‌బాస్‌ 17వ సీజన్‌లోకి వెళ్లారు. ఇక బిగ్‌బాస్‌ ఉన్నదే ఆలూమగల మధ్య చిచ్చు పెట్టడానికి! ఈ క్రమంలో వీళ్లు ఎన్నో సార్లు గొడవపడ్డారు. తర్వాత ఎప్పటిలాగే కలిసిపోయారు. ఒంట్లో బాగోలేదు.. పీరియడ్స్‌ కూడా.. అయితే తాజాగా ఓ ఆసక్తికర విషయానికి బయటపెట్టింది అంకిత లోఖండే. 'నాకెందుకో ఒంట్లో బాగోలేనట్లు అనిపిస్తోంది. నాకు ఈ నెల పీరియడ్స్‌ కూడా రాలేదు. ఇంటికి వెళ్లాలనిపిస్తోంది అని భర్తతో వాపోయింది. దీంతో అవాక్కైన విక్కీ.. అదేంటి? నీకు పీరియడ్స్‌ వచ్చాయనుకున్నానే అని చెప్పగా.. లేదు.. నన్ను మెడికల్‌ రూమ్‌కు పిలిచి ప్రెగ్నెన్సీ టెస్ట్‌ చేశారు. నిన్న రక్తపరీక్షలు చేశారు. ఈరోజు మూత్రపరీక్ష చేశారు. కానీ ఫలితాలను మాత్రం చెప్పలేదు. రిజల్ట్‌ కోసం వెయిటింగ్‌ అందుకే టెన్షన్‌ అవుతోంది. నేను ఎలా ఫీలవుతున్నాననేది మాటల్లో చెప్పలేను. ఏమీ అర్థం కాకుండా ఉంది' అని చెప్పుకొచ్చింది. ఒకవేళ పాజిటివ్‌ ఫలితాలు వస్తే మాత్రం బిగ్‌బాస్‌ హౌస్‌లో పేరెంట్స్‌ అయిన జంటగా ఈ దంపతులు చరిత్రలో నిలిచిపోతారు. కాగా బిగ్‌బాస్‌ 17వ సీజన్‌ అక్టోబర్‌ 15 న మొదలైంది. ఈ సారి కూడా సల్లూ భాయ్‌ వ్యాఖ్యాతగా వ్యవహరిస్తున్నాడు. చదవండి: యావర్‌ చేతికి ఎవిక్షన్‌ ఫ్రీ పాస్‌.. రతిక సేవ్‌? కానీ ఆ లేడీ కంటెస్టెంట్‌ బలి!

బాలీవుడ్‌ స్టార్‌ సుశాంత్‌ సింగ్‌ మరణం ఇప్పటికీ మిస్టరీగానే మిగిలింది. ఆయన మరణించి మూడేళ్లు దాటిన(2020 జూన్‌లో ఆత్మహత్య చేసుకున్నాడు).. ఇప్పటికీ ఆయన గురించి వార్తలు వస్తూనే ఉన్నాయి. ఆయన మాజీ ప్రియురాలు అంకిత లోఖండేతో పాటు అతన్ని పెళ్లి చేసుకోవాలనుకున్న రియా చక్రవర్తి.. ఇప్పటికీ సుశాంత్‌ని తలచుకొని బాధపడుతుంటారు. తాజాగా హీరోయిన్‌ అంకితా లోఖండే..సుశాంత్‌తో బ్రేకప్‌ గురించి ఆసక్తికర వ్యాఖ్యలు చేసింది. సుశాంత్‌ని తాను ఎంతగానో ప్రేమించానని, కానీ ఇతరుల మాటలను విని తనకు బ్రేకప్‌ చెప్పాడని ఆవేదన వ్యక్తం చేసింది.  ‘మేమిద్దరం విడిపోవడానికి పెద్ద కారణాలేవి లేవు. సుశాంత్‌ విడిపోదామని చెప్పగానే నేను షాకయ్యాను. ఆయన నిర్ణయంతో రాత్రికి రాత్రే నా జీవితంలోని పరిస్థితులన్నీ మారిపోయాయి. బ్రేకప్‌ ఎందుకు చెప్పాడో తెలియదు. కానీ అతని నిర్ణయాన్ని మాత్రం తప్పుబట్టాలని నేను ఎప్పుడు అనుకోలేదు. ఎదుట వాళ్ల మాటలు విని ఆయన నాకు బ్రేకప్‌ చెప్పాడేమో అనిపిస్తుంది’అని అంకితా లోఎఖండే చెప్పుకొచ్చింది.  కాగా, సుశాంత్‌ ఇండస్ట్రీకి అడుగుపెట్టిన తొలినాళ్లలోనే అంకితతో పరిచయం ఏర్పడింది. ఇద్దరు కలిసి ఓ సీరియల్‌లో నటించారు. ఈ క్రమంలోనే వీరిద్దరి మధ్య ప్రేమ చిగురించింది. అయితే సుశాంత్‌ హీరోగా మారిన తర్వాత పరిస్థితులు మారాయి. వీరిద్దరు విడిపోయారు.  ఆ తర్వాత సుశాంత్‌.. రియా చక్రవర్తితో ప్రేమాయణం కొనసాగించాడు. ఇద్దరు కలిసి పెళ్లి చేసుకోవాలనుకున్నారు. కానీ అనుహ్యంగా 2020లో ఆత్మహత్య చేసుకున్నాడు. 

హిందీ బిగ్‌ బాస్ సీజన్ -17 విజయవంతంగా కొనసాగుతోంది. అయితే ఈ షోకు సల్మాన్ ఖాన్ హోస్ట్‌గా వ్యవహహరిస్తున్నారు. ఈ సీజన్‌లో భార్యా భర్తలైన బుల్లితెర నటీ అంకితా లోఖాండే, విక్కీ జైన్ కంటెస్టెంట్స్‌గా హౌస్‌లో అడుగుపెట్టారు. హౌస్‌లోకి ప్రవేశించినప్పటి నుండి వారి మధ్య గొడవలు జరుగుతున్నాయి. ఒకరిపై ఒకరు విమర్శలు చేసుకోవడం కనిపించింది. దీంతో ఆమె భర్త విక్కీ జైన్‌ తీరుపై నెటిజన్స్ తీవ్రస్థాయిలో మండిపడుతున్నారు.  తాజా ఎపిసోడ్‌లో విక్కీ.. అంకితను ఉద్దేశించి వ్యాఖ్యలు చేశారు. తనను చూసి ముఖం చాటేస్తోందని ఆరోపించారు.  (ఇది చదవండి: పిచ్చోడంటూ తిట్టిన శోభ.. ఉగ్రరూపం దాల్చిన ప్రిన్స్‌) విక్కీ మాట్లాడుతూ.. "నువ్వు నీలోని నీచమైన బుద్ధిని చూపిస్తున్నావు. అది నాకు ఇష్టం లేదు. నీ చుట్టూ ఉన్నవాళ్లంటే కనీస గౌరవం కూడా లేదు. ఈ ఇంట్లో కనీసం ఒకరితోనైనా మీరు మంచిగా ఉన్నావా? ఎవరినీ లెక్కచేయవు. ఇంత వరస్ట్‌గా నిన్ను ఎప్పుడూ చూడలేదు. కనీసం నన్ను ఇక్కడైన కాస్తా మనశ్శాంతిగా ఉండనివ్వండి. నీ ప్రవర్తన చూస్తుంటే నాకు సిగ్గుగా అనిపిస్తోంది." అని అంకితతో అన్నాడు. అయితే విక్కీ తీరుపై నెటిజన్స్‌ ఆగ్రహం వ్యక్తం చేస్తున్నారు. హౌస్‌లో అంకిత పట్ల అతని తీరు ఏం బాగాలేదని కామెంట్స్ చేస్తున్నారు. . ఓ నెటిజన్ రాస్తూ.. అంకితకు ఇంత చెడ్డ భర్త ఉన్నాడా? ఆమెతో చాలా అసభ్యంగా ప్రవర్తిస్తున్నాడు. ఏది ఏమైనా ఇతరుల ముందు ఆమెపై అరవవడం ఏంటి? అని పోస్ట్ చేశారు. మరో నెటిజన్ రాస్తూ.. “ఆమెలాంటి భర్త విక్కీని ఎవరూ కోరుకోరు. నేను అతనిని ద్వేషిస్తున్నాను అంటూ రాసుకొచ్చింది.  ఏది ఏమైనా బిగ్‌బాస్ హోస్‌లో భార్య పట్ల విక్కీ జైన్ అలా వ్యవహరించడం సరికాదని నెటిజన్స్ అభిప్రాయం వ్యక్తం చేస్తున్నారు.  (ఇది చదవండి: రూ.1000 కోట్ల కల.. డిసెంబర్‌ వరకు వెయిట్‌ చేయాల్సిందే!) #AnkitaLokhande and her spat with #VickyJain! I think both are very strong headed about their perceptions! Vicky believes his game to be right and wants her to be cordial to the housemates while ankita doesn’t seem on the same page!#BB17• #BiggBoss17 pic.twitter.com/Ea6W70nX3Q — adya (@d_addy_a) October 26, 2023

బిగ్‌బాస్‌ షో.. ఈ రియాలిటీ షోలోకి ఒక్కసారైనా వెళ్లిరావాలనుకునేవారు కొందరైతే.. మాకొద్దురా బాబూ అని తూర్పు తిరిగి దండం పెట్టేసేవాళ్లు మరికొందరు. అటు ప్రేక్షకుల్లోనూ బిగ్‌బాస్‌ను ఆరాధించేవాళ్లున్నారు, తిట్టిపోసేవాళ్లూ ఉన్నారు. విచిత్రం ఏంటంటే తిడుతూనే బిగ్‌బాస్‌ షోను చూసే జనాల సంఖ్యా ఎక్కువే! బిగ్‌బాస్‌కు వస్తున్న ఆదరణను బట్టే అన్ని చోట్లా ప్రతి ఏడాది కొత్త సీజన్లు వస్తూనే ఉన్నాయి. ప్రస్తుతం తెలుగు, తమిళంలో ఏడో సీజన్‌ నడుస్తుండగా తాజాగా హిందీలోనూ కొత్త సీజన్‌ షురూ అయింది. అక్టోబర్‌ 15న హిందీ బిగ్‌బాస్‌ 17వ సీజన్‌ ప్రారంభమైంది. ఈ షోలోకి 17 మంది సెలబ్రిటీలు అడుగుపెట్టారు. అందులో హీరోయిన్‌ మన్నారా చోప్రా, కమెడియన్‌ మునావర్‌ ఫరూఖి, క్రిమినల్‌ లాయర్‌ సనా రేస్‌ ఖాన్‌తో పాటు రెండు జంటలు కూడా ఉన్నాయి. నీల్‌ భట్‌-ఐశ్వర్య శర్మ, అంకితా లోఖండే-విక్కీ జైన్‌ దంపతులున్నారు. ఈ సీజన్‌లో అందరి కళ్లు అంకిత- విక్కీ దంపతుల మీదే ఉంది. ఈ రియాలిటీ షో కోసం అంకితా లోఖండే భారీ ఎత్తున షాపింగ్‌ కూడా చేసింది. ఇకపోతే ఈ సీజన్‌లో అత్యధిక పారితోషికం అందుకుంటున్నవారిలో అంకిత లోఖండే మొదటి స్థానంలో ఉన్నట్లు తెలుస్తోంది. ఈ సీజన్‌కుగానూ ఆమె వారానికి రూ.10-12 లక్షల మేర పారితోషికం అందుకున్నట్లు భోగట్టా! ఆమె భర్త విక్కీ జైన్‌ మాత్రం వారానికి ఐదు లక్షలతో సరిపెట్టుకుంటున్నాడట! ఏమైనా అంకితా లోఖండే బుల్లితెరమీదే కాదు బిగ్‌బాస్‌ షోలోనూ తన డామినేషన్‌ చూపిస్తోంది! చదవండి: సిద్దార్థ్‌ చిన్నా మూవీ ఓటీటీలోకి వచ్చేది అప్పుడే!

బాలీవుడ్‌ నటి అంకిత లోఖండే ఇంట తీవ్ర విషాదం చోటు చేసుకుంది. ఆమె తండ్రి శశికాంత్‌ లోఖండే(68)శనివారం కన్నుమూశారు. తండ్రి మరణంతో ఆమె కన్నీరుమున్నీరుగా విలపిస్తోంది. ఆదివారం ఉదయం శశికాంత్‌ అంత్యక్రియలు జరగ్గా అంకిత తండ్రి పాడె మోసింది. తండ్రిని తలుచుకుని ఆమె భావోద్వేగానికి లోనవుతుండగా భర్త విక్కీ జైన్‌ ఆమెను ఓదార్చే ప్రయత్నం చేశాడు. ఇందుకు సంబంధించిన వీడియో సోషల్‌ మీడియాలో వైరలవుతుండగా అభిమానులు విచారం వ్యక్తం చేస్తున్నారు. ఎవరీ అంకిత? ఇండోర్‌లో జన్మించిన అంకితకు నటనంటే ఆసక్తి. తన కలను సాకారం చేసుకునేందుకు 2005లో ముంబైకి వచ్చింది. అవకాశాలు వెతుక్కునే క్రమంలో ఆర్థిక ఇబ్బందులు ఎదురయ్యాయి. రూమ్‌ రెంట్‌ కట్టడానికి డబ్బుల్లేని సమయంలో తండ్రే తనను ప్రోత్సహిస్తూ డబ్బులు సమకూర్చేవాడు. మొదట 'టాలెంట్‌ హంట్‌' రియాలిటీ షోలో పాల్గొన్న ఆమె నాలుగేళ్ల తర్వాత 'పవిత్ర రిష్తా' సీరియల్‌లో నటించింది. ఈ ధారావాహికతో ఆమెకు పెద్ద బ్రేక్‌ వచ్చింది. సుశాంత్‌తో బ్రేకప్‌ ఈ సీరియల్‌ షూటింగ్‌ సమయంలో సహనటుడు సుశాంత్‌ సింగ్‌తో ప్రేమలో పడింది. ఆరేళ్ల పాటు సుశాంత్‌తో రిలేషన్‌షిప్‌లో ఉంది. సుశాంత్‌తో బ్రేకప్‌ తర్వాత మరో బాలీవుడ్‌ నటుడు విక్కీజైన్‌తో ప్రేమలో పడింది. మూడేళ్ల డేటింగ్‌ తర్వాత 2021 డిసెంబర్‌లో వీరిద్దరూ పెళ్లి చేసుకున్నారు. అంకిత 'మణికర్ణిక','బాఘీ 3' సినిమాలు చేసింది. View this post on Instagram A post shared by Instant Bollywood (@instantbollywood) View this post on Instagram A post shared by Varinder Chawla (@varindertchawla) చదవండి: టాప్‌ హీరోయిన్‌.. 18 ఏళ్లకే హీరోయిన్‌.. పెళ్లైన డైరెక్టర్‌తో ప్రేమే కొంప ముంచిందా? గదిలో శవమై

తెరపై తళుకులీనే తారలు మేకప్‌ వేసుకోవడం సర్వసాధారణం. కెమెరా ముందు మాత్రమే కాదు ఏదైనా పార్టీలు, ఫంక్షన్స్‌ ఉన్నా సరే మేకప్‌ వేసుకున్నాకే అడుగు బయటపెడ్తుంటారు. కానీ సరిగా మేకప్‌ వేసుకోకపోయినా, దాని డోస్‌ ఎక్కువైనా సరే ప్రేక్షకులు అస్సలు సహించరు. మేకప్‌ ఎలా వేసుకోవాలో కూడా మేమే నేర్పాలా? అని చిందులు తొక్కుతారు. తాజాగా బాలీవుడ్‌ నటి అంకిత లోఖండేకు కూడా ఇలానే క్లాస్‌ పీకుతున్నారు నెటిజన్లు.  అంకిత- విక్కీ జైన్‌ దంపతులు ఇటీవల రాహుల్‌ మహాజన్‌ భార్య నటల్య బర్త్‌డే పార్టీకి హాజరయ్యారు. ఈ నూతన దంపతులు బ్లాక్‌ డ్రెస్‌లో పార్టీలో తళుక్కుమని మెరిశారు. ఈ వేడుకలో తను ఎలా రెడీ అయిందో తెలుపుతూ మచ్చుకు కొన్ని ఫొటోలు వదిలింది అంకిత. దీనిపై నెటిజన్లు స్పందిస్తూ.. 'నువ్వు ధరించిన డ్రెస్సుకు, వేసుకున్న మేకప్‌కు సంబంధమే లేదు, 'మరీ అంత మేకపా? నువ్వు సహజంగానే బాగుంటావు, కాస్త టచప్‌ మాత్రమే సరిపోతుంది, కానీ ఇలా ఓవర్‌ మేకప్‌ అస్సలు బాగోలేదు', 'చాలా, ఇంకాస్త రుద్దుకోకపోయావా?' అంటూ తిట్టిపోస్తున్నారు. కానీ ఆమె అభిమానులు మాత్రం అంకిత లుక్‌ను చూసి దీపికా పదుకోణ్‌, కెండల్‌ జెన్నర్‌తో పోల్చుతూ పొగడ్తల వర్షం కురిపిస్తున్నారు. View this post on Instagram A post shared by Ankita Lokhande Jain (@lokhandeankita) View this post on Instagram A post shared by 💥CASHMAKEUPARTISTRY 💥 (@cashmakeupartistry) చదవండి: కీర్తి సురేష్ 'చిన్ని' సినిమా రివ్యూ.. ఎలా ఉందంటే?

Ankita Lokhande- Vicky Jain Are Married: సుశాంత్‌ సింగ్‌ మాజీ ప్రేయసి, బాలీవుడ్‌ నటి అంకితా లోఖండే ప్రియుడు విక్కీ జైన్‌ను వివాహమాడింది. ఈ వేడుకకు ముంబైలోని గ్రాండ్‌ హయత్‌ హోటల్‌ వేదికైంది. వధువు అంకిత గోల్డెన్‌ కలర్‌ లెహంగా ధరించగా, వరుడు విక్కీ జైన్‌ కూడా వధువుకు సరిపోలే బంగారు- తెలుపు రంగు షేర్వాణీ ధరించాడు. వేదిక వద్దకు వధూవరులిద్దరు పాతకాలపు కారులో రావడం ఆకట్టుకుంది. వీరి పెళ్లి వేదికను వివిధ రకాల పూలతో అందంగా అలంకరించారు. కాగా కరోనా నిబంధనల నేపథ్యంలో కేవలం కుటుంబ సభ్యులు, సన్నిహితులు, సినీ ప్రముఖుల మధ్య వీరి వివాహ కార్యక్రమం ఈరోజు(డిసెంబర్‌ 14) ముంబైలో అంగరంగ వైభవంగా జరిగింది. ఈ కార్యక్రమంలో భాగంగా తన మెహందీ, ఎంగేజ్‌మెంట్‌, హల్దీ, సంగీత్‌ కార్యక్రమాలకు సంబధించిన ఫొటోలను అంకిత కొద్ది రోజులుగా షేర్‌ చేస్తూ వచ్చింది. దీంతో ఆమె ఫొటోలు నెట్టింట వైరల్‌గా మారాయి. ఇండోర్‌లో జన్మించిన అంకిత 2005లో తన నటన కలను సాకారం చేసుకోడానికి ముంబైకి వచ్చింది. తన టాలెంట్‌ నిరూపించుకునేందుకు 'టాలెంట్‌ హంట్‌' రియాలిటీ షోలో పాల్గొంది. చదవండి: (భార్యభర్తలుగా తొలిసారి మీడియా ముందుకు కత్రినా-విక్కీ, వీడియో వైరల్‌) నాలుగేళ్ల తర్వాత 'పవిత్ర రిష్టా' టీవి సీరియల్‌తో పెద్ద బ్రేక్‌ వచ్చింది. ఈ సీరియల్‌తో పరిచయమైన సుశాంత్‌ సింగ్‌తో డేటింగ్‌ చేస్తున్నట్లు 2019లో అంకిత ప్రకటించింది. తర్వాత సుశాంత్‌తో ఆరేళ్ల పాటు రిలేషన్‌షిప్‌లో ఉంది. కంగనా రనౌత్‌ నటించిన 'మణికర్ణిక'తో సినిమాల్లోకి అడుగుపెట్టింది అంకిత. తర్వాత 'బాఘీ 3' చిత్రంలో కూడా నటించింది.  సుశాంత్‌తో బ్రేకప్‌ తర్వాత మరో బాలీవుడ్‌ నటుడు విక్కీజైన్‌తో ప్రేమలో పడింది. గత మూడేళ్లుగా వీరు ప్రేమలో మునిగితేలుతున్నారు.  చదవండి: (Katrina Kaif: సల్మాన్‌, రణ్‌బీర్‌ నుంచి కత్రినాకు ఖరీదైన బహుమతులు, అవేంటంటే..)

బాలీవుడ్‌ నటి, దివంగత నటుడు సుశాంత్ సింగ్ రాజ్‌పుత్‌ మాజీ ప్రేయసి అంకిత లోఖండే త్వరలో వివాహం చేసుకోనుంది. గత మూడేళ్లుగా ప్రేమలో ఉన్న అంకిత- విక్కీజైన్‌లు డిసెంబర్‌ 14న మూడుముళ్ల బంధంతో ఒకటికానున్నారు. ముంబైలోని గ్రాండ్‌ హయత్‌ హోటల్‌ ఈ వివాహ వేడుకకి వేదిక కానుంది. ఇప్పటికే అంకిత ఇంట్లో పెళ్లి వేడుకలు షురూ అయ్యాయి. శనివారం(డిసెంబర్‌ 11) అంకిత- విక్కీల ప్రి వెడ్డింగ్‌ సెలబ్రేషన్స్‌ జరుపుకున్నారు. తాజాగా అంఖితా మెహందీ ఫంక్షన్‌ను గ్రాండ్‌గా జరుపుకుంది. ఈ వేడుకకు సంబంధించిన ఫోటోలు సోషల్‌ మీడియాలో ప్రస్తుతం వైరల్‌గా మారాయి. కరోనా నిబంధనల నేపథ్యంలో ఇరు కుటుంబ సభ్యులు, స్నేహితులు, సన్నిహితులు మాత్రమే వీరి పెళ్లి వేడుకకు హాజరుకానున్నారని తెలుస్తోంది. ఇండోర్‌లో జన్మించిన అంకిత 2005లో తన నటన కలను సాకారం చేసుకోడానికి ముంబైకి వచ్చింది. తన టాలెంట్‌ నిరూపించుకునేందుకు 'టాలెంట్‌ హంట్‌' రియాలిటీ షోలో పాల్గొంది. నాలుగేళ్ల తర్వాత 'పవిత్ర రిష్టా' టీవి సీరియల్‌తో పెద్ద బ్రేక్‌ వచ్చింది. ఈ సీరియల్‌తో పరిచయమైన సుశాంత్‌ సింగ్‌తో డేటింగ్‌ చేస్తున్నట్లు 2019లో అంకిత ప్రకటించింది. తర్వాత సుశాంత్‌తో ఆరేళ్ల పాటు రిలేషన్‌షిప్‌లో ఉంది. కంగనా రనౌత్‌ నటించిన 'మణికర్ణిక'తో సినిమాల్లోకి అడుగుపెట్టింది అంకిత. తర్వాత 'బాఘీ 3' చిత్రంలో కూడా నటించింది.  సుశాంత్‌తో బ్రేకప్‌ తర్వాత మరో బాలీవుడ్‌ నటుడు విక్కీజైన్‌తో ప్రేమలో పడింది. గత మూడేళ్లుగా వీరు ప్రేమలో మునిగితేలుతున్నారు. పెద్దల అనుమతితో ఇప్పుడు పెళ్లిపీటలెక్కుతున్నారు.

Ankita Lokhande Pre Wedding Celebrations And Photos Viral: బాలీవుడ్‌ నటి, దివంగత నటుడు సుశాంత్ సింగ్ రాజ్‌పుత్‌ మాజీ ప్రేయసి అంకిత లోఖండే త్వరలో వివాహం చేసుకోనుంది. ముంబైలో తన ప్రియుడు విక్కీ జైన్‌తో పెళ్లి పీటలు ఎక్కనుంది. ఈ విషయాన్ని విక్కీ తన ఇన్‌స్టా గ్రామ్‌లో వారి ప్రీ-వెడ్డింగ్‌ వేడుకల్లోని ఫొటోలను షేర్‌ చేసుకున్నాడు. ఈ ఫొటోలో వధువు పింక్‌, గోల్డెన్‌ బార్డర్‌తో గ్రీన్‌ కలర్‌ సారీలో కనిపిస్తుంది. అంకిత కొన్ని సాంప్రదాయ ఆభరణాలను ధరించడం మనం చూడొచ్చు.  మరోవైపు విక్కీ జైన్‌ ఆఫ్‌-వైట్‌ కుర్తా వేసుకున్నాడు. అంకిత కూడా 'పవిత‍్రం' అని క్యాప్షన్‌ ఇస్తూ ఒక ఫొటోను సోషల్‌ మీడియాలో పంచుకుంది. View this post on Instagram A post shared by Ankita Lokhande (@lokhandeankita) ఈ పోస్ట్‌లపై పలువురు ప్రముఖులు కామెంట్‌ బాక్స్‌లో హార్ట్‌ ఎమోజీస్‌తో తమ శుభాకాంక్షలు తెలిపారు. ఈ వారం ప్రారంభంలో సన్నిహితుల మధ్య ఈ వేడుకలు జరుపుకున్నారు. వాటికి సంబంధించిన ఫొటోలు, వీడియోలు సోషల్‌ మీడియాలో వైరల్ అయ‍్యాయి. అంకిత, విక్కీ కొన్ని రోజుల క్రితం వారి వెడ్డింగ్‌ కార్డ్స్‌ కూడా పంచినట్లు సమాచారం. నవంబర్‌లో అంకిత తన ఫ్రెండ్స్‌ కోసం బ్యాచిలొరెట్‌ పార్టీ ఇచ్చిందని తెలుస్తోంది. ఈ జంట డిసెంబర్‌ 12, 13, 14 తేదిల్లో వివాహం చేసుకోనున‍్నట్లు పుకార్లు జోరందుకున్నాయి. అయితే ఇప్పటివరకు అధికారికంగా ధ్రువీకరించలేదు.  View this post on Instagram A post shared by Vicky Jain (@jainvick) ఇండోర్‌లో జన్మించిన అంకిత 2005లో తన నటన కలను సాకారం చేసుకోడానికి ముంబైకి వచ్చింది. తన టాలెంట్‌ నిరూపించుకునేందుకు 'టాలెంట్‌ హంట్‌ రియాలిటీ షోలో పాల్గొంది. నాలుగేళ్ల తర్వాత 'పవిత్ర రిష్టా' టీవి సీరియల్‌తో పెద్ద బ్రేక్‌ వచ్చింది. ఈ సీరియల్‌తో పరిచయమైన సుశాంత్‌ సింగ్‌తో డేటింగ్‌ చేస్తున్నట్లు 2019లో అంకిత ప్రకటించింది. తర్వాత సుశాంత్‌తో ఆరేళ్ల పాటు రిలేషన్‌షిప్‌లో ఉంది. కంగనా రనౌత్‌ నటించిన 'మణికర్ణిక'తో సినిమాల్లోకి అడుగుపెట్టింది అంకిత. తర్వాత 'బాఘీ 3' చిత్రంలో కూడా నటించింది. 

Pavitra Rishta 2 Serial: బుల్లితెరపై ప్రభంజనం సృష్టించిన 'పవిత్ర రిష్తా' సీరియల్‌ ఇప్పుడు రెండో సీజన్‌ రాబోతోంది. ఇందులో దివంగత నటుడు సుశాంత్‌ సింగ్‌ రాజ్‌పుత్‌ మానవ్‌ పాత్రలను ప్రేక్షకులను ఆకట్టుకున్నాడు. ఈ రెండో సీజన్‌లో సుశాంత్‌ మానవ్‌ పాత్రలో ప్రముఖ బుల్లితెర నటుడు షాహీర్‌ షేక్‌ నటిస్తున్నాడు. ఈ నేపథ్యంలో షాహిర్‌ ఇటీవల ఓ ఇంటర్వ్యూలో పలు ఆస్తికర విషయాలను పంచుకున్నాడు. అలాగే పవిత్ర రిష్తాలో మానవ్‌ పాత్రకు తాను ఒకే చెప్పడంతో చాలా మంది తనని భయపెట్టారంటూ ఆసక్తికర వ్యాఖ్యలు చేశాడు. షాహిర్‌ మాట్లాడుతూ.. ‘ఈ ఆఫర్‌ రాగానే చాలా ఎక్జైయిట్‌ అయ్యాను. కానీ కొంతమంది నా దగ్గరకి వచ్చి నిజంగానే నువ్వు ఈ మానవ్‌ పాత్ర చేయడానికి సిద్దంగా ఉన్నావా? అని ప్రశ్నించడం మొదలు పెట్టారు. ఎందుకంటే ఎంతో పాపులర్‌ అయిన సీరియల్‌ ఇది. అంతేగాక లెజెండరీ నటుడు సుశాంత్‌ చేసిన పాత్ర కావడంతో ప్రేక్షకుల్లో మరిన్ని అంచనాలు పెరిగిపోతాయని హెచ్చరించారు. ఇవి అన్ని విని నాలో భయం మొదలైంది. ఈ పాత్ర చేయాలా వద్దా? అని ఆలోచనలో పడిపోయాను’ అంటూ చెప్పుకొచ్చాడు. అంతేగాక ‘మహాభారతం సీరియల్‌ సమయంలో కూడా అర్జునుడు పాత్రకు కూడా అంతే భయపడ్డాను. ఈ పాత్ర నేను చేయగలనా? లేదా? అని ఆలోచించాను. కానీ పట్టుదలతో ప్రయత్నిస్తే తప్పుకుండా సక్సెస్‌ అవుతామనే సిద్దాంతాన్ని గట్టిగా నమ్ముతాను. అలా మహభారతంలో నటించడానికి ఒప్పుకున్న. ఇప్పుడు మానవ్‌ పాత్రకు కూడా అలాంటి పరిస్థితియే ఎదురైంది. దీంతో ఈ దీన్ని చాలెంజీంగ్‌ తీసుకున్నాను. ప్రయత్నించకుండానే అవకాశాన్ని వదులుకోవడం కరెక్ట్‌ కాదు అనుకున్న. అందుకే పవిత్ర రిష్తాలో నటించడాలని గట్టిగా నిర్ణయించుకున్నా’ అని పేర్కొ‍న్నాడు. కాగా ‘పవిత్ర రిష్తా 2’లో అర్చన పాత్రలో అంకిత లోఖండే నటిస్తుంది. అయితే ఈ సీరియల్‌ను ప్రకటించగానే సుశాంత్‌ అభిమానులు ఈ సీరియల్‌పై విమర్శలు గుప్పించారు. మానవ్‌ పాత్రలో వేరొకరిని ఊహించుకోలేమని, సుశాంత్‌ వల్లే పవిత్ర రిష్తా సీరియల్‌ హిట్టయిందని, అలాంటిది అతడు లేకుండా రెండో సీజన్‌ ఎలా తీస్తారని ప్రశ్నిస్తున్నారు. ‘మానవ్‌ అంటే ఒక పేరు కాదు, అది ఒక ఎమోషన్‌.. మానవ్‌ 2గా సుశాంత్‌ను కాకుండా మరొకరిని ఊహించుకోలేం’ అంటూ #BoycottPavitraRishta2 అనే హ్యాష్ ట్యాగ్‌ను ట్రెండ్‌ చేస్తున్నారు. ఇక సుశాంత్‌ అంటే నిజమైన ప్రేమే ఉంటే అంకిత ఈ సీరియల్‌లో నటించేందుకు ఒప్పుకునేదే కాదని అంకిత లోఖండేను కూడా విమర్శిస్తున్నారు. View this post on Instagram A post shared by ALTBalaji (@altbalaji)

'పవిత్ర రిష్తా' సీరియల్‌ పేరు వినగానే చాలామందికి గుర్తొచ్చే వ్యక్తి సుశాంత్‌ సింగ్‌ రాజ్‌పుత్‌. 2009లో ఏక్తాకపూర్‌ తెరకెక్కించిన ఈ సీరియల్‌ బుల్లితెర మీద ప్రభంజనం సృష్టించింది. మానవ్‌గా సుశాంత్‌ సింగ్‌, అర్చనగా అంకిత లోఖండేల నటనకు ఆడియన్స్‌ ఫిదా అయ్యారు. సుమారు ఐదేళ్లపాటు ప్రసారమైన ఈ సీరియల్‌ ద్వారా బుల్లితెర ప్రేక్షకులకు ఎంతగానో దగ్గరయ్యాడు సుశాంత్‌. తాజాగా ఈ సీరియల్‌ రెండో సీజన్‌ త్వరలో సందడి చేయబోతుందంటూ ఆల్ట్‌ బాలాజీ ఇన్‌స్టాగ్రామ్‌లో వెల్లడించింది. 'ఆర్డినరీ జీవితాల్లో కొన్నిసార్లు ఎక్స్‌ట్రార్డినరీ లవ్‌స్టోరీలు కూడా కనిపిస్తాయి. పవిత్ర రిష్తా షూటింగ్‌ జరుపుకుంటోంది. త్వరలో ఆల్ట్‌ బాలాజీలో స్ట్రీమింగ్‌ కానుంది' అని ప్రకటన రిలీజ్‌ చేసింది. ఈ సీజన్‌లో అర్చన పాత్రను మరోసారి అంకిత చేస్తుండగా మానవ్‌ పాత్రలో నటించేందుకు షాహీర్‌ను ఎంపిక చేసుకున్నట్లు ఫొటోతో సహా వెల్లడించారు. View this post on Instagram A post shared by ALTBalaji (@altbalaji) అయితే సుశాంత్‌ సింగ్‌ అభిమానులు మానవ్‌ పాత్రలో వేరొకరిని ఊహించుకోలేకపోతున్నారు. సుశాంత్‌ వల్లే పవిత్ర రిష్తా సీరియల్‌ హిట్టయిందని, అలాంటిది అతడు లేకుండా రెండో సీజన్‌ ఎలా తీస్తారని ప్రశ్నిస్తున్నారు. 'మానవ్‌ అంటే ఒక పేరు కాదు, అది ఒక ఎమోషన్‌.. మానవ్‌ 2గా సుశాంత్‌ను కాకుండా మరొకరిని ఊహించుకోలేం' అంటూ #BoycottPavitraRishta2 అనే హ్యాష్ ట్యాగ్‌ను ట్రెండ్‌ చేస్తున్నారు. సుశాంత్‌ అంటే నిజమైన ప్రేమే ఉంటే అంకిత ఈ సీరియల్‌లో నటించేందుకు ఒప్పుకునేదే కాదని సదరు నటిని కూడా విమర్శిస్తున్నారు. If this lady really loved our SSR then she would never take part in this serial again . Such a fake lady😠🤒. Thank god SSR was break-up with her.#BoycottPavitraRishta2 Eyes On Law Minister 4 SSR#SSRians pic.twitter.com/vFVKYuaIR0 — Scarcastic memer (@scarcasticmemer) July 13, 2021 #BoycottPavitraRishta2 No one will be able to take Sushant's place. @itsSSR 🌿🌸💫✨🦋🌼🦋✨💫🌸🌿 Pavitra Rista serial was popular for Sushant, not for any Natunkita. OUR MANAV ONLY SUSHANT#BoycottBullywood #BoycottPavitraRishta2 pic.twitter.com/aY7lTAPDsB — Pari Sona Sanjay (@PariSonaSanjay) July 13, 2021 #pavitrarishta pic.twitter.com/XP92sIZL8r — Ankita lokhande (@anky1912) July 11, 2021 looking so cheap...how can a person even think to cash a dead person's name... #BoycottPavitraRishta2#Boycottankita#JusticeForSushantSinghRajput pic.twitter.com/LnhqoS6e1R — debashree (@debashr35191593) July 13, 2021 #BoycottPavitraRishta2 You deserve this only.God will never leave you in peace. You are killing his soul everyday! Why remake after his death not before?? @ektarkapoor @Shaheer_S @anky1912 VULTURES!! pic.twitter.com/t5oWT57f3S — Ritu🇮🇳 (@Sushritu) July 13, 2021

ఒక్కసారైనా బిగ్‌బాస్‌కు వెళ్లాలని చాలామంది కలలు కంటుంటారు.. కానీ బిగ్‌బాస్‌కు వెళ్లిన కొద్దిమంది మాత్రం దాన్నో పీడకలగా అభివర్ణిస్తారు. ఎందుకంటే.. ఈ రియాలిటీ షో కొందరికి ప్రత్యేక గుర్తింపుతో పాటు పాపులారిటీని తెచ్చిపెడితే మరికొందరికి మాత్రం అప్రతిష్టను మూటగడుతుంది. అందుకే ఈ షో నుంచి పిలుపు వచ్చినా అందులో అడుగు పెట్టాలంటేనే వెనకడుగు వేస్తుంటారు కొందరు సెలబ్రిటీలు. దివంగత నటుడు సుశాంత్‌ సింగ్‌ మాజీ ప్రేయసి, నటి అంకిత లోఖండే కూడా ఇదే కోవలోకి చెందుతుంది. తను హిందీ బిగ్‌బాస్‌ షోలోకి ఎంట్రీ ఇవ్వనుందంటూ గత కొంతకాలంగా ప్రచారం ఊపందుకున్న విషయం తెలిసిందే. ఈ రూమర్లు అంకిత వరకూ చేరాయి. దీంతో ఈ ఊహాగానాలకు చెక్‌ పెడుతూ తాను బిగ్‌బాస్‌కు వెళ్లడం లేదని తేల్చిపారేసింది. "ఈ ఏడాది నేను బిగ్‌బాస్‌ షోలో పార్టిసిపేట్‌ చేస్తున్నట్లు వచ్చిన వార్తలు చదివాను. కానీ అవి నిరాధారం. నేను ఆ షోలో భాగం కావడం లేదు. నేను బిగ్‌బాస్‌ షోలో భాగం కానప్పటికీ ప్రజలు నన్ను ద్వేషించడంలో మాత్రం ముందున్నారు" అంటూ ఇన్‌స్టాగ్రామ్‌లో రాసుకొచ్చింది. View this post on Instagram A post shared by Ankita Lokhande (@lokhandeankita) చదవండి: Sushant Singh: ఆ నవ్వులు చూస్తుంటే కన్నీళ్లొస్తున్నాయి

బాలీవుడ్‌ నటుడు సుశాంత్‌ సింగ్‌ రాజ్‌పుత్‌ మరణించి నేటికి ఏడాది. ఈ సందర్భంగా అతడి మాజీ ప్రేయసి, నటి అంకిత లోఖండే పదేళ్ల క్రితం సుశాంత్‌తో కలిసి దీపావళి వేడుకల్లో డ్యాన్స్‌ చేసిన వీడియోను సోషల్‌ మీడియాలో షేర్‌ చేసింది. 'ఇది 2011 దీపావళి నాటి వీడియో. నీ జ్ఞాపకాలు మాత్రమే మిగిలాయి సుశాంత్‌.. నిన్ను ఎప్పటికీ ప్రేమిస్తూనే ఉంటాం' అని రాసుకొచ్చింది. ఇందులో బ్లాక్‌ డ్రెస్‌ ధరించిన సుశాంత్‌ చిరునవ్వులు చిందిస్తూ అంకితతో స్టెప్పులేశాడు. ఆయన చిరుదరహాసాన్ని చూస్తుంటే అభిమానుల కళ్లలో నీళ్లు తిరుగుతున్నాయి. ప్రస్తుతం ఈ వీడియో వైరల్‌గా మారింది. కాగా సుశాంత్‌ గతేడాది జూన్‌ 14న బాంద్రాలోని తన నివాసంలో ఉరికి వేలాడుతూ కనిపించాడు. ఎంతో భవిష్యత్తున్న టాలెంటెడ్‌ నటుడు హఠాత్తుగా ఆత్మహత్య చేసుకోవడమేంటని అభిమానులు ఒక్కసారిగా ఉలిక్కిపడ్డారు. ఇది ఆత్మహత్య కాదని, బాలీవుడ్‌ మాఫియా చేయించిన హత్య అని ఆరోపించారు. సుశాంత్‌ మృతిపై అనేక అనుమానాలు వ్యక్తం కావడంతో సీబీఐ విచారణ కూడా జరుపుతోంది. సుశాంత్‌ ఈ లోకాన్ని విడిచి పెట్టి సంవత్సరం పూర్తైనా అభిమానుల గుండెల్లో మాత్రం ఇప్పటికీ కొలువై ఉన్నాడు. ఇదిలా వుంటే పవిత్ర రిష్తా సీరియల్‌ షూటింగ్‌ సమయంలో అంకిత, సుశాంత్‌ సింగ్‌ల మధ్య ప్రేమ చిగురించింది. దాదాపు ఆరేళ్లపాటు ప్రేమించుకున్న వీరు 2016లో విడిపోయారు. ఆ తర్వాత సుశాంత్,‌ రియా చక్రవర్తిని లవ్‌ చేసిన సంగతి తెలిసిందే. చదవండి: నేను సారా అలి ఖాన్‌ కలిసి గంజాయ్‌ పీల్చాం: రియా

ఇంజ‌క్ష‌న్ అంటే చిన్న పిల్ల‌ల‌కే కాదు.. చాలా మంది పెద్ద‌వారికి కూడా విపరీత‌మైన భ‌యం. కొంద‌రైతే ఏకంగా ఏడుస్తారు. న‌టి అంకిత లోఖండే కూడా ఇదే కోవ‌లోకి వ‌స్తారు. కోవిడ్ టీకా తీసుకునేట‌ప్పుడు పాపం భ‌యంతో ఏడ్చినంత ప‌ని చేశారు అంకిత‌. ఇందుకు సంబంధించిన వీడియోను త‌న ఇన్‌స్టాగ్రామ్‌లో షేర్ చేయ‌డంతో ప్రస్తుతం ఇది తెగ వైర‌ల‌వుతోంది.  "నేను వ్యాక్సిన్ వేయించుకున్నాను.. ఇక మీ వంతు" అనే క్యాప్ష‌న్‌తో షేర్ చేసిన ఈ వీడియోలో అంకిత‌కు న‌ర్స్ వ్యాక్సిన్ వేయ‌డానికి వ‌స్తుంది. టీకా తీసుకునే స‌మయంలో అంకిత చాలా భ‌య‌ప‌డుతుంది. ప్లీజ్ నెమ్మ‌దిగా వేయండి అని న‌ర్స్‌ని రిక్వెస్ట్ చేస్తుంది. అంకిత అంత‌లా భ‌య‌ప‌డ‌టం చూసి న‌ర్స్ కూడా న‌వ్వుతుంది. ఇక వ్యాక్సిన్ వేస్తుండ‌గా అంకిత బ‌ప్పా.. బ‌ప్పా అంటూ దేవుడిని త‌ల‌చుకుంటు.. ఏడ్చినంత ప‌ని చేశారు. ఇన్‌స్టాగ్రామ్‌లో షేర్ చేసిన ఈ వీడియో ప్ర‌స్తుతం తెగ వైర‌ల‌వుతోంది. అంకిత స్నేహితులు, అభిమానులు చాలా ముద్దుగా ఉన్నావ్ అంటూ కామెంట్ చేస్తుండ‌గా.. కొంద‌రు "మాకు కూడా వ్యాక్సిన్ అంటే చాలా భ‌యం" అంటున్నారు నెటిజ‌నులు. కోవిడ్ క‌ట్ట‌డి కోసం దేశ‌వ్యాప్తంగా వ్యాక్సినేష‌న్ ప్రారంభ‌మైన సంగ‌తి తెలిసిందే. మే 1 నుంచి 18-44 ఏళ్ల వారికి టీకా వేయ‌డానికి కేంద్రం అంగీక‌రించిన‌ప్ప‌టికి ప‌లు రాష్ట్రాల్లో వ్యాక్సిన్ కొర‌త వ‌ల్ల ఇంకా ప్రారంభం కాలేదు. చ‌ద‌వండి: ఏడాది కూడా ఆగలేకపోయావా అంకితా!