Christopher Nolan
-
ఓటీటీలోకి 'ఓపెన్హైమర్' తెలుగు వర్షన్ వచ్చేసింది
హాలీవుడ్ బ్లాక్బస్టర్ ‘ఓపెన్హైమర్’ తెలుగు అభిమానులకు గుడ్న్యూస్. ఈ హిట్ సినిమా తాజాగా ఓటీటీలో తెలుగు వర్షన్ అందుబాటులోకి వచ్చేసింది. క్రిస్టఫర్ నోలన్ దర్శకత్వం వహించిన ఈ చిత్రంలో సిలియన్ మర్ఫీ ప్రధాన పాత్రలో నటించారు. శాస్త్రవేత్త జె.రాబర్ట్ ఓపెన్హైమర్ జీవితం ఆధారంగా తెరకెక్కిన ఈ సినిమా ప్రపంచవ్యాప్తంగా ఘన విజయాన్ని అందుకుంది. అణు బాంబును కనుగొన్న శాస్త్రవేత్త జె.రాబర్ట్ ఓపెన్హైమర్ జీవితం ఆధారంగా చేసుకుని ‘ఓపెన్ హైమర్’ను రూపొందించారు. ప్రముఖ ఓటీటీ ప్లాట్ఫామ్ అమెజాన్ ప్రైమ్ వీడియో వేదికగా ఇంగ్లీష్,హిందీ వర్షన్లో రూ. 119 రెంట్ విధానంలో ఇప్పటికే అందుబాటులో ఉన్న ఓపెన్హైమర్.. మార్చి 21 నుంచి జియో సినిమాలో కూడా స్ట్రీమింగ్ అవుతుంది. తెలుగుతో పాటుగా ఇంగ్లీష్,తమిళం, కన్నడ, మరాఠీ, బెంగాలీ, హిందీ భాషల్లో అందుబాటులో ఉంది. జియో సినిమా వినియోగదారులు అయితే ఎలాంటి రెంట్ లేకుండా ఈ చిత్రాన్ని చూడొచ్చు. 96వ ఆస్కార్ వేడుకల్లో ‘ఓపెన్హైమర్’ సత్తా చాటింది. ఉత్తమ చిత్రం సహా ఏడు విభాగాల్లో అవార్డును దక్కించుకుంది. ఈ చిత్రానికే ఉత్తమ దర్శకుడిగా క్రిస్టఫర్ నోలన్, ఉత్తమ నటుడిగా సిలియన్ మర్ఫీలు పురస్కారాలు అందుకున్నారు. ఉత్తమ సహాయ నటుడు, ఉత్తమ సినిమాటోగ్రఫి, ఉత్తమ ఎడిటింగ్, ఉత్తమ నేపథ్య సంగీతం విభాగాల్లోనూ ఈ సినిమా అవార్డులు గెలుచుకుంది. రూ. 835 కోట్ల బడ్జెట్తో నిర్మించిన ఈ సినిమా బాక్సాఫీస్ వద్ద రూ.7,600 కోట్లకు పైగానే కలెక్షన్స్ సాధించి రికార్డ్ క్రియేట్ చేసింది. -
Aaron Taylor-Johnson: కొత్త జేమ్స్ బాండ్?
హాలీవుడ్ ‘జేమ్స్ బాండ్’ ఫ్రాంచైజీ సూపర్హిట్. ‘జేమ్స్ బాండ్’ సినిమా ఎప్పుడు వచ్చినా ప్రేక్షకాదరణ ఉంటుంది. ఈ ఫ్రాంచైజీలో ఇప్పటివరకు 25 సినిమాలు వచ్చాయి. హాలీవుడ్ నటుడు డేనియల్ క్రెగ్ ఎక్కువ సార్లు జేమ్స్ బాండ్గా సిల్వర్ స్క్రీన్పై కనిపించారు. 2021లో వచ్చిన జేమ్స్ బాండ్ 25వ చిత్రం ‘జేమ్స్ బాండ్: నో టైమ్ టు డై’లోనూ డేనియల్ క్రెగ్ బాండ్గా కనిపించారు. తాజాగా జేమ్స్ బాండ్ 26వ సినిమా గురించిన వార్తలు హాలీవుడ్లో వినిపిస్తున్నాయి. ఈ సినిమాకు తొలుత డేనియల్ క్రెగ్ పేరు వినిపించింది. కానీ మరోసారి బాండ్గా కనిపించేందుకు డేనియల్ ఆసక్తికరంగా లేరట. దీంతో కొత్త జేమ్స్ బాండ్గా ఎవరు కనిపిస్తారు? అనే చర్చ హాలీవుడ్లో మొదలైంది. ఈ క్రమంలో ఆరోన్ టేలర్ జాన్సన్ పేరు తెరపైకి వచ్చింది. యాక్షన్ సీక్వెన్స్లు చేయడం, వయసు రీత్యా కూడా జేమ్స్ బాండ్గా ఆరోన్ పర్ఫెక్ట్ చాయిస్ అంటున్నారు కొందరు హాలీవుడ్ సినీ ప్రేమికులు. అలాగే ‘జేమ్స్బాండ్ 26’వ చిత్రానికి క్రిస్టోఫర్ నోలన్ దర్శకత్వం వహిస్తారనే ప్రచారం సాగుతోంది. ఇక హాలీవుడ్ చిత్రాలు ‘కిక్కాస్’, ‘చాట్ రూమ్’, ‘గాడ్జిల్లా’, ‘అవెంజర్స్’ వంటి సినిమాల్లో నటించి మెప్పించారు ఆరోన్ టేలర్. -
ఓటీటీకి ఆస్కార్ అవార్డులు కొల్లగొట్టిన మూవీ.. స్ట్రీమింగ్ ఎక్కడంటే?
ఇటీవల ప్రకటించిన 96వ ప్రతిష్టాత్మక ఆస్కార్ అవార్డుల్లో ఈసారి 'ఓపెన్ హైమర్' సత్తా చాటింది. ఉత్తమ నటుడు, దర్శకుడు, చిత్రం, సహాయ నటుడు, ఒరిజినల్ స్కోర్, ఫిల్మ్ ఎడిటింగ్, సినిమాటోగ్రఫీ ప్రధాన విభాగాల్లో పురస్కారాలు కైవసం చేసుకుంది. హాలీవుడ్ దర్శకుడు క్రిస్టోఫర్ నోలన్ గురించి ప్రత్యేకంగా పరిచయం అక్కర్లేదు. ఇప్పటివరకు క్లాసిక్స్ తీసిన ఇతడు.. తొలిసారి 'ఓపెన్ హైమర్' అనే బయోపిక్ తీశాడు. దాదాపు మూడేళ్ల పాటు ఈ సినిమా కోసం కష్టపడ్డాడు. ఇప్పుడు ఆ కష్టానికి తగ్గ ప్రతిఫలం దక్కింది. దాదాపు ఎనిమిది సార్లు నామినేషన్స్లో ఉన్న ఆయన.. తొలిసారి ఉత్తమ దర్శకుడిగా ఆస్కార్ అందుకున్నాడు. తాజాగా ఈ సూపర్ హిట్ మూవీ ఓటీటీకి స్ట్రీమింగ్కు సిద్ధమైంది. ఈ నెల 21 నుంచి జియో సినిమాలో స్ట్రీమింగ్ కానుంది. ఆస్కార్లో అవార్డులు కొల్లగొట్టిన ఓపెన్ హైమర్ ఇప్పటికే అమెజాన్ ప్రైమ్లో అందుబాటులో ఉంది. కానీ రెంటల్ విధానంలో మాత్రమే స్ట్రీమింగ్ అవుతోంది. ఇక నుంచి జియో సినిమాలో ఉచితంగానే చూసేయొచ్చు. ప్రస్తుతం హిందీ, ఇంగ్లీష్ భాషల్లో మాత్రమే స్ట్రీమింగ్ కానున్నట్లు తెలుస్తోంది. త్వరలోనే దక్షిణాది భాషల్లోనూ అందుబాటులోకి వచ్చే అవకాశముంది. Keep the awards season spirit alive by binge-watching these cult movies! 🏆✨ Get ready to witness the cinematic phenomenon of Oppenheimer, streaming on #JioCinema March 21 onwards. pic.twitter.com/PUBSIFn94m — JioCinema (@JioCinema) March 18, 2024 -
ఆస్కార్లో 'ఓపెన్ హైమర్' సెన్సేషన్.. ఈ సినిమా ఎందుకంత స్పెషల్?
ప్రతిష్టాత్మక ఆస్కార్ అవార్డుల్లో ఈసారి 'ఓపెన్ హైమర్' సినిమా మెరిసింది. ఉత్తమ నటుడు, దర్శకుడు, చిత్రం, సహాయ నటుడు, ఒరిజినల్ స్కోర్, ఫిల్మ్ ఎడిటింగ్, సినిమాటోగ్రఫీ.. ఇలా ప్రధాన విభాగాల్లో పురస్కారాలు కైవసం చేసుకుంది. దీంతో ప్రపంచవ్యాప్తంగా ఉన్న సినీ ప్రేమికులు ఈ సినిమా గురించి మరోసారి చర్చించుకుంటున్నారు. అయితే ఏకంగా ఆస్కార్ వచ్చేంతలా ఈ మూవీలో ఏముంది? ప్రత్యేకత ఏంటి? హాలీవుడ్ సినిమాలు చూసేవాళ్లకు దర్శకుడు క్రిస్టోఫర్ నోలన్ గురించి ప్రత్యేక పరిచయం అక్కర్లేదు. ఇప్పటివరకు క్లాసిక్స్ తీసిన ఇతడు.. తొలిసారి 'ఓపెన్ హైమర్' అనే బయోపిక్ తీశాడు. దాదాపు మూడేళ్ల పాటు ఈ సినిమా కోసం కష్టపడ్డాడు. ఇప్పుడు ఆ కష్టానికి తగ్గ ప్రతిఫలం దక్కింది. దాదాపు ఎనిమిది సార్లు నామినేషన్స్లో ఇప్పుడు తొలిసారి ఉత్తమ దర్శకుడిగా ఆస్కార్ అందుకున్నాడు. (ఇదీ చదవండి: ఆస్కార్-2024 విన్నింగ్ సినిమాలు.. ఏయే ఓటీటీలో ఉన్నాయంటే?) సాధారణంగా హాలీవుడ్ సినిమాలంటే గ్రాఫిక్స్ కచ్చితంగా ఉంటాయి. కానీ 'ఓపెన్ హైమర్' కోసం అన్ని రియల్గా తీశారు. న్యూక్లియర్ బాంబు పేలుడు సీన్స్ కూడా కంప్యూటర్ గ్రాఫిక్స్ లాంటివి చేయకుండానే తీయడం విశేషం. అలానే ఇంగ్లీష్ సినిమాల నిడివి గంటన్నర లేదంటే రెండు గంటల్లోపే ఉంటుంది. 'ఓపెన్ హైమర్' మాత్రం దాదాపు మూడు గంటలకు పైగా నిడివితో తీశారు. గతేడాది జూలై 21న ప్రపంచవ్యాప్తంగా థియేటర్లలో విడుదలైంది. 100 మిలియన్ డాలర్స్ పెడితే.. 1000 మిలియన్ డాలర్స్ కలెక్షన్స్ వచ్చాయి. అంటే మన కరెన్సీలో రూ.7700 కోట్లకు అనమాట. (ఇదీ చదవండి: ఆస్కార్-2024 విజేతల పూర్తి జాబితా.. ఆ సినిమాకు ఏకంగా ఏడు అవార్డ్స్) ఇప్పుడంతా కలర్ ఫార్మాట్లో దాదాపు అన్ని భాషల్లో సినిమాలు తీస్తున్నారు. 'ఓపెన్ హైమర్'లో కొన్ని సీన్స్ మాత్రం బ్లాక్ అండ్ వైట్లో తీశారు. అలా ఇది తొలి బ్లాక్ అండ్ వైట్ ఐమాక్స్ మూవీగా రికార్డ్ సృష్టించింది. ఇదే సినిమాలోని రొమాంటిక్ సన్నివేశంలో భారతీయ మతగ్రంథాలు ఉండటం అప్పట్లో పెద్ద చర్చనీయాంశంగా మారింది. ఇది సరికాదని చాలామంది భారతీయ ప్రేక్షకుల విమర్శలు చేశారు. ఆ సీన్ తొలగించాలని డిమాండ్ కూడా చేశారు. ఇన్ని విశేషాలున్న సినిమా.. మన ప్రేక్షకుల్లో ముప్పావంతు మందికి నచ్చలేదు! ఇది ఇక్కడ ట్విస్ట్. (ఇదీ చదవండి: ఈ వారం ఓటీటీల్లోకి ఏకంగా 24 సినిమాలు.. ఆ మూడు స్పెషల్) -
ఆస్కార్-2024 విజేతల పూర్తి జాబితా.. ఆ సినిమాకు ఏకంగా ఏడు అవార్డ్స్
96వ ఆస్కార్ అవార్డుల వేడుక అంగరంగ వైభవంగా జరిగింది. ఈసారి భారతీయ సినిమాలు గానీ భారతీయ మూలాలున్న వ్యక్తులకు గానీ పురస్కారాలేం దక్కలేదు. మరోవైపు చాలామంది ఊహించినట్లే 'ఓపెన్ హైమర్' సినిమాకు ప్రధాన విభాగాల్లో ఏకంగా ఏడు అవార్డులు రావడం విశేషం. దీనితో పాటు 'పూర్ థింగ్స్' అనే సినిమాకు నాలుగు విభాగాల్లో పురస్కారాలు దక్కాయి. ఇంతకీ ఎవరెవరికి ఏయే అవార్డులు వచ్చాయనేది పూర్తి జాబితా ఇదిగో.. ఉత్తమ చిత్రం – ఓపెన్ హైమర్ ఉత్తమ నటుడు – కిలియన్ మర్ఫీ (ఓపెన్ హైమర్) ఉత్తమ నటి – ఎమ్మా స్టోన్ (పూర్ థింగ్స్) ఉత్తమ దర్శకుడు – క్రిస్టోఫర్ నోలన్ (ఓపెన్ హైమర్) ఉత్తమ సహాయ నటుడు – రాబర్డ్ డౌనీ జూనియర్ (ఓపెన్ హైమర్) ఉత్తమ సహాయ నటి – డేవైన్ జో రాండాల్ఫ్ (ది హోల్డోవర్స్) ఉత్తమ సినిమాటోగ్రఫీ – ఓపెన్ హైమర్ (హోయటే, హోయటేమ) బెస్ట్ ఒరిజినల్ సాంగ్ – వాట్ వజ్ ఐ మేడ్ ఫర్ (బార్బీ) బెస్ట్ డాక్యుమెంటరీ ఫీచర్– 20 డేస్ ఇన్ మరియూపోల్ బెస్ట్ అడాప్టెడ్ స్క్రీన్ప్లే– కార్డ్ జెఫర్పన్ (అమెరికన్ ఫిక్షన్) బెస్ట్ ఒరిజినల్ స్క్రీన్ప్లే – జస్టిన్ ట్రైట్, అర్థర్ హరారీ (అనాటమీ ఆఫ్ ఎ ఫాల్) బెస్ట్ కాస్ట్యూమ్ డిజైన్ – హోలి వెడ్డింగ్టన్ (పూర్ థింగ్స్) బెస్ట్ ఇంటర్నేషనల్ ఫీచర్ – ది జోన్ ఆఫ్ ఇంట్రెస్ట్ బెస్ట్ యానిమేటెడ్ ఫీచర్ – ది బాయ్ అండ్ ది హిరాన్ బెస్ట్ ఒరిజినల్ స్కోర్ – ఓపెన్ హైమర్ (లడ్విగ్ ఘోరన్న్) బెస్ట్ విజువల్ ఎఫెక్ట్స్ – గాడ్జిల్లా మైనస్ వన్ (తకాషి యమజాకీ, క్యోకో షిబుయా, మకాషి తకషాకీ, తత్సుజీ నోజిమా) బెస్ట్ ఫిలిం ఎడిటింగ్ – ఓపెన్ హైమర్ (జెన్నీఫర్ లేమ్) బెస్ట్ సౌండ్ – ద జోన్ ఆఫ్ ఇంట్రెస్ట్ (టార్న్ విల్లర్స్, జానీ బర్న్) బెస్ట్ ప్రొడక్షన్ డిజైన్ – జేమ్స్ ప్రైస్, షోనా హెత్ (పూర్ థింగ్స్) బెస్ట్ మేకప్ అండ్ హెయిర్స్టైలింగ్ – నడియా స్టేసీ, మార్క్ కౌలియర్ (పూర్ థింగ్స్) బెస్ట్ లైవ్ యాక్షన్ షార్ట్ ఫిలిం-ద వండర్ఫుల్ స్టోరీ ఆఫ్ హెన్రీ షుగర్ బెస్ట్ యానిమేటెడ్ షార్ట్ ఫిలిం- వార్ ఈజ్ ఓవర్ బెస్ట్ డాక్యుమెంటరీ షార్ట్ ఫిలిం- ద లాస్ట్ రిపేర్ షాప్ (బెన్ ఫ్రౌడ్ఫుట్, క్రిస్ బ్రోవర్స్) G.O.A.T #ChristopherNolan Won His First Ever #Oscars For #Oppenheimer 🥹❤️🔥pic.twitter.com/ygyZM2uBhj — Saloon Kada Shanmugam (@saloon_kada) March 11, 2024 -
మరో ఓటీటీకి బ్లాక్బస్టర్ మూవీ.. కేవలం వారు మాత్రమే చూసే ఛాన్స్!
గతేడాది బాక్సాఫీస్ వద్ద సూపర్ హిట్ చిత్రం ఓపెన్ హైమర్. క్రిస్టోఫర్ నోలన్ తెరకెక్కించిన ఈ సినిమా ప్రపంచవ్యాప్తంగా భారీ వసూళ్లు రాబట్టింది. అంతే కాకుండా ఆస్కార్ నామినేషన్స్లో ఏకంగా 13 విభాగాల్లో నామినేషన్స్ దక్కించుకుంది. ఇటీవల ప్రకటించిన బాఫ్టా అవార్డుల్లో ఏడింటిని కైవసం చేసుకుంది. అయితే ఇప్పటికే ఓటీటీకి వచ్చేసిన ఓపెన్ హైమర్ అమెజాన్ ప్రైమ్లో స్ట్రీమింగ్ అవుతోంది. కానీ కేవలం రెంట్ విధానంలో మాత్రం చూసే అవకాశం ఉంది. దీంతో తాజాగా మరో ఓటీటీకి ఈ చిత్రాన్ని స్ట్రీమింగ్కు తీసుకొస్తున్నారు. థియేటర్లలో రిలీజైన ఎనిమిది నెలల తర్వాత హాలీవుడ్ మూవీ జియో సినిమాలో రాబోతోంది. మార్చి 21 నుంచి ఓపెన్హైమర్ స్ట్రీమింగ్ కాబోతుంది. ఈ విషయాన్ని జియో సినిమా అఫీషియల్గా ప్రకటించింది. అయితే జియో ప్రీమియమ్ కస్టమర్స్ మాత్రమే ఓపెన్హైమర్ మూవీని ఓటీటీలో చూడవచ్చు. ఓటీటీలో ఇంగ్లీష్తో పాటు హిందీ, దక్షిణాది భాషల్లో ఓపెన్హైమర్ స్ట్రీమింగ్ కానున్నట్లు తెలుస్తోంది. 13 విభాగాల్లో ఆస్కార్ నామినేషన్స్ ఇటీవల ప్రకటించిన ఆస్కార్ నామినేషన్స్లో ఓపెన్ హైమర్ ఓరేంజ్లో అదరగొట్టింది. ఏకంగా పదమూడు విభాగాల్లో నామినేషన్స్ సాధించింది. 96వ ఆస్కార్ అవార్డ్స్లో అత్యధిక నామినేషన్స్ దక్కించుకున్న మూవీగా ఓపెన్ హైమర్ రికార్డ్ క్రియేట్ చేసింది. ఈ సినిమాకు కనీసం పది వరకు ఆస్కార్ అవార్డులు దక్కే అవకాశం ఉందని హాలీవుడ్ సినీ వర్గాలు భావిస్తున్నాయి. ఈ ఏడాదిలో లాస్ ఎంజిల్స్ వేదికగా మార్చి 11న ఆస్కార్ అవార్డులను ప్రకటించనున్నారు. ఓపెన్ హైమర్ కథేంటంటే.. అణుబాంబు సృష్టికర్త ఓపెన్హైమర్ జీవితం ఆధారంగా దర్శకుడు క్రిస్టోఫర్ నోలన్ ఈ మూవీని తెరకెక్కించాడు. రెండో ప్రపంచయుద్ద సమయంలో అణుబాంబును తయారు చేయడానికి ఓపెన్ హైమర్ ఎలాంటి ప్రయోగాలు చేశాడు? తనను తాను ప్రపంచవినాశకారిగా ఓపెన్ హైమర్ ఎందుకు ప్రకటించుకోవాల్సి వచ్చిందనే కోణంలో రూపొందించారు. ఈ సినిమాలో ఓపెన్హైమర్గా సిలియన్ మార్ఫీ, అమెరికా అధ్యక్షుడు లూయిస్ స్ట్రాస్గా రాబర్ట్ డౌనీ నటించారు. -
బాఫ్టాలో మెరిసిన దీపికా పదుకోన్
ప్రముఖ దర్శకుడు క్రిస్టోఫర్ నోలన్ తెరకెక్కించిన బయోగ్రాఫికల్ థ్రిల్లర్ ‘ఒప్పెన్ హైమర్’ చిత్రానికి అవార్డుల పంట పండింది. లండన్లోని రాయల్ ఫెస్టివల్ హాల్లో 77వ బ్రిటిష్ అకాడమీ ఫిల్మ్ అవార్డుల (బాఫ్టా) ప్రదానోత్సవం ఆదివారం రాత్రి జరిగింది. దేశం నుంచి దీపికా పదుకోన్ ఈ వేడుకల్లో పాల్గొని, ‘నాన్ ఇంగ్లిష్’ విభాగంలో ఉత్తమ చిత్రానికి (ది జోన్ ఆఫ్ ఇంట్రెస్ట్) అవార్డు అందజేశారు. ఇక ‘భాఫ్టా’లో ‘ఒప్పెన్ హైమర్’ చిత్రం ఏడు విభాగాల్లో పురస్కారాలు అందుకుని సత్తా చాటింది. అవార్డులతో ‘ఒప్పెన్ హైమర్’ టీమ్ ఉత్తమ చిత్రం, దర్శకుడు, నటుడు, సహాయనటుడు, సినిమాటోగ్రఫీ, బ్యాగ్రౌండ్ స్కోర్, ఎడిటింగ్ విభాగాల్లో ‘ఒప్పెన్ హైమర్’కి అవార్డులు దక్కాయి. క్రిస్టోఫర్ నోలన్కు దర్శకుడిగా దక్కిన తొలి బాఫ్టా అవార్డు ఇది. ఇప్పటికే అత్యధిక గోల్డెన్ గ్లోబ్ అవార్డులు గెలుచుకున్న ‘ఒప్పెన్ హైమర్’ చిత్రం తాజాగా బాఫ్టాలో ఏడు పురస్కారాలు దక్కించుకుని, వచ్చే నెలలో జరిగే ఆస్కార్ రేసులో 13 విభాగాల్లో పోటీలో ఉంది. ఇక ‘బాఫ్టా’లో ‘ఒప్పెన్ హైమర్’ తర్వాత ‘పూర్ థింగ్స్’ మూవీ అధికంగా ఐదు (కాస్ట్యూమ్, మేకప్, హెయిర్–స్టైలింగ్,ప్రోడక్షన్, స్పెషల్ విజువల్ ఎఫెక్ట్స్ విభాగాల్లో) అవార్డులను పొందింది. ఆ తర్వాత ‘ది జోన్ ఆఫ్ ఇంట్రెస్ట్’ సినిమాకి మూడు పురస్కారాలు దక్కాయి. భారతీయత ఉట్టిపడేలా... ‘భాఫ్టా’ అవార్డుల ప్రదానోత్సవంలో ప్రజెంటర్గా వ్యవహరించిన దీపికా పదుకోన్ ప్రత్యేక ఆకర్షణగా నిలిచారు. ఈ కార్యక్రమంలో పాల్గొన్న తొలి భారతీయ నటి దీపికా కావడం విశేషం. ఈ వేదికపై భారతీయత ఉట్టిపడేలా చీరలో మెరిశారు దీపికా పదుకోన్. ‘చూపు తిప్పుకోలేనంత అందంగా ఉంది’ అనే ప్రశంసలు ఈ బ్యూటీ సొంతమయ్యాయి. ఈ వేడుకలో బ్యాక్ స్టేజీలో దీపికా దిగిన ఫొటోలు వైరల్ అయ్యాయి. ఇదిలా ఉంటే అంతర్జాతీయ సినీ వేడుకల్లో దీపికా పదుకోన్ పాల్గొనడం ఇది రెండోసారి. గతేడాది జరిగిన ఆస్కార్ అవార్డుల ప్రదానోత్సవంలో దీపిక ప్రజెంటర్గా వ్యవహరించారు. ‘ఆర్ఆర్ఆర్’ చిత్రంలోని ‘నాటు నాటు..’ పాటను ఆమె ఆస్కార్ వేదికపై పరిచయం చేశారు. -
బ్రిటిష్ అకాడమీ ఫిలిం అవార్డ్స్ 2024 విన్నర్స్.. ఆ హిట్ సినిమాదే పైచేయి
క్రిస్టోఫర్ నోలన్ ఆధారంగా తెరకెక్కిన ఓపెన్హైమర్ బయోపిక్ మరోసారి రికార్డు క్రియేట్ చేసింది. 77వ బ్రిటిష్ అకాడమీ ఫిలిం అవార్డు (BAFTA) వేడుకల్లో తన సత్తా చాటింది. 2024 ఏడాదికి సంబంధించి ఓపెన్హైమర్ అవార్డ్స్లో అగ్రగామిగా నిలిచింది. ఉత్తమ దర్శకుడు, ఉత్తమ చిత్రం, ఉత్తమ నటుడు సహా ఏడు అవార్డులను గెలుచుకుంది. నోలన్కు దర్శకుడిగా ఇదే తొలి BAFTA అవార్డు కావడం విషేశం. బాఫ్టా ఫిల్మ్ 2024 అవార్డుల వేడుక లండన్లోని రాయల్ ఫెస్టివల్ హాల్లో జరిగింది. పూర్ థింగ్స్ లో తన నటనకు గాను ఎమ్మా స్టోన్ ఉత్తమ నటి అవార్డును గెలుచుకుంది. ఓపెన్ హైమర్లో మనోజ్ఞ నటనకు సిలియన్ మర్ఫీ ఉత్తమ నటుడి అవార్డును గెలుచుకున్నారు. పూర్ థింగ్స్ చిత్రానికి సంబంధించి కాస్ట్యూమ్, మేకప్, హెయిర్-స్టైలింగ్, ప్రొడక్షన్, స్పెషల్ విజువల్ ఎఫెక్ట్స్ వంటి విభాగాల్లో ఐదు బాఫ్టా అవార్డులను పొందింది. ఇప్పటికే అత్యధిక గోల్డెన్ గ్లోబ్ అవార్డులు గెలుచుకున్న 'ఓపెన్హైమర్' వచ్చే నెలలో జరిగే ఆస్కార్ రేసులో తన స్థానాన్ని మరింత సుస్థిరం చేసుకుంది. ఇవన్నీ చూస్తే ఈసారి ఆస్కార్ అవార్డుల్లో ఓపెన్హైమర్ పంట పండటం ఖాయం అని చెప్పవచ్చు. BAFTA అవార్డు విజేతలు ఉత్తమ చిత్రం: ఓపెన్హైమర్ ఉత్తమ దర్శకుడు: క్రిస్టోఫర్ నోలన్ (ఓపెన్హైమర్) ఉత్తమ నటుడు: సిలియన్ మర్ఫీ (ఓపెన్హైమర్) ఉత్తమ నటి: ఎమ్మా స్టోన్ (పూర్ థింగ్స్) ఉత్తమ సహాయ నటుడు: రాబర్ట్ డౌనీ జూనియర్ (ఓపెన్హైమర్) ఉత్తమ సహాయ నటి: డావిన్ జాయ్ రాండాల్ఫ్ (ది హోల్డోవర్స్) ఉత్తమ కాస్ట్యూమ్: హోలీ వాడింగ్టన్ (పూర్ థింగ్స్) ఉత్తమ బ్రిటిష్ చిత్రం: జోనాథన్ గ్లేజర్, జేమ్స్ విల్సన్ (క్రాబ్ డే) ఉత్తమ సినిమాటోగ్రఫీ: హోట్ వాన్ హోటిమా (ఓపెన్హైమర్) ఉత్తమ ఎడిటింగ్: జెన్నిఫర్ లేమ్ (ఓపెన్హైమర్) ఉత్తమ ఒరిజినల్ స్క్రీన్ ప్లే: జస్టిన్ ట్రిట్, ఆర్థర్ హరారి (అనాటమీ ఆఫ్ ఎ ఫాల్ ) ఉత్తమ విజువల్స్: సైమన్ హ్యూస్ (పూర్ థింగ్స్ ) ఉత్తమ డాక్యుమెంటరీ: 20 డేస్ ఇన్ మరియోపోల్ Oh boy! Cillian Murphy collects his Leading Actor BAFTA for Oppenheimer 🙌 #EEBAFTAs pic.twitter.com/M5pjKhtrqZ — BAFTA (@BAFTA) February 18, 2024 Your Leading Actress winner is Emma Stone! #EEBAFTAs pic.twitter.com/Gyk48SQXrZ — BAFTA (@BAFTA) February 18, 2024 -
ఉత్తమ చిత్రంగా నిలిచిన ఆ సినిమా.. ఏకంగా ఐదు అవార్డులు!
గతేడాది జూలైలో థియేటర్లలో రిలీజైన హాలీవుడ్ సినిమా 'ఓపెన్హైమర్'. ఇండియాలోనూ ఈ సినిమా అద్భుతమైన కలెక్షన్స్ సాధించింది. ప్రముఖ దర్శకుడు క్రిస్టోఫర్ నోలన్ ఈ చిత్రాన్ని డైరెక్ట్ చేశాడు. అణుబాంబు తయారీలో కీలక పాత్ర పోషించిన అమెరికా శాస్త్రవేత్త 'రాబర్ట్ జె ఓపెన్ హైమర్' జీవిత చరిత్ర ఆధారంగా ఈ చిత్రం తెరకెక్కించాడు డైరెక్టర్ క్రిస్టోఫర్ నోలన్. తాజాగా ప్రకటించిన గోల్డెన్ గ్లోబ్ అవార్డుల్లో ఓపెన్ హైమర్ సత్తా చాటింది. కాలిఫోర్నియాలోని బేవర్లీ హిల్స్లో జరిగిన అవార్డుల వేడుకలో ఈ చిత్రం ఐదు అవార్డులను కైవసం చేసుకుంది. ఈ చిత్రంలో సిలియన్ మర్ఫీ ప్రధాన పాత్రలో నటించారు. అలాగే మార్గరెట్ రాబీ, ర్యాన్ గోస్లింగ్ నటించిన బార్బీ మూవీ సైతం పలు అవార్డులను సొంతం చేసుకుంది. గోల్డెన్ గ్లోబ్ అవార్డుల వివరాలు ఉత్తమ చిత్రం- ఓపెన్హైమర్ ఉత్తమ కామెడీ చిత్రం- పూర్ థింగ్స్ ఉత్తమ దర్శకుడు - క్రిస్టఫర్ నోలన్(ఓపెన్హైమర్) ఉత్తమ స్క్రీన్ప్లే - జస్టిన్ సాగ్ ట్రైట్, ఆర్ధర్ హరారి ( అనాటమీ ఆఫ్ ఎ ఫాల్) ఉత్తమ నటుడు- సిలియన్ మర్ఫీ(ఓపెన్హైమర్) ఉత్తమ నటి - లిల్లీ గ్లాడ్స్టోన్(కిల్లర్స్ ఆఫ్ ది ఫ్లవర్ మూన్) ఉత్తమ హాస్య నటి - ఎమ్మా స్టోన్ (పూర్ థింగ్స్) ఉత్తమ హాస్య నటుడు - పాల్ గియామట్టి(ది హోల్డోవర్స్) ఉత్తమ సహాయనటుడు - రాబర్ట్ డౌనీ జూనియర్(ఓపెన్హైమర్) ఉత్తమ సహాయనటి - డావిన్ జాయ్ రాండోల్ఫ్(ది హోల్డోవర్స్) ఉత్తమ ఒరిజినల్ స్కోర్ - లుడ్విగ్ గోరాన్సన్(ఓపెన్హైమర్) ఉత్తమ ఆంగ్లేతర చిత్రం - అనాటమీ ఆఫ్ ఎ ఫాల్ ఉత్తమ ఒరిజినల్ సాంగ్ - వాట్ వాస్ ఐ మేడ్ (బార్బీ) ఉత్తమ యానిమేటెడ్ చిత్రం - ది బాయ్ అండ్ ది హెరాన్ బాక్సాఫీస్ అచీవ్మెంట్ అవార్డు - వార్నర్ బ్రదర్స్(బార్బీ) -
ఓటీటీకి వచ్చేస్తోన్న సూపర్ హిట్ మూవీ.. స్ట్రీమింగ్ ఎప్పుడంటే?
క్రిస్టోఫర్ నోలన్ దర్శకత్వంలో తెరకెక్కించిన హాలీవుడ్ చిత్రం ఓపెన్ హైమర్. ఈ ఏడాది జూలైలో రిలీజైన ఈ మూవీ ప్రపంచవ్యాప్తంగా హిట్ టాక్ను సొంతం చేసుకుంది. ఈ హాలీవుడ్ మూవీ తాజాగా ఓటీటీకి వచ్చేందుకు సిద్ధమైంది. నవంబర్ 21 నుంచి అమెజాన్ ప్రైమ్లో స్ట్రీమింగ్ కానుంది. అయితే ఓటీటీ రిలీజ్కు మరో పది రోజులు ఉండగానే ఈ మూవీ ఆన్లైన్లో లీకైంది. గురువారం రోజే హెచ్డీ వర్షన్ ఆన్ లైన్లో దర్శనమివ్వడం ప్రస్తుతం హాట్టాపిక్గా మారింది. జూలై 21న థియేటర్లలోకి వచ్చిన ఈ మూవీ భారీగా కలెక్షన్స్ రాబట్టింది. ఈ ఏడాది హాలీవుడ్లో మూడో అత్యధిక వసూళ్లు సాధించిన చిత్రంగా నిలిచింది. (ఇది చదవండి: ఏడాదిగా వెయిటింగ్.. ఎస్ చెప్పిన పవిత్ర.. నిశ్చితార్థం ఫోటో వైరల్) అణుబాంబును కనిపెట్టిన సైంటిస్ట్ ఓపెన్హైమర్ జీవితం ఆధారంగా క్రిస్టోఫర్ నోలన్ ఈ మూవీని తెరకెక్కించాడు. అణుబాంబును కనిపెట్టడంలో ఓపెన్హైపర్ ఎదురైన సంఘటనలను ఈ సినిమాలో చూపించారు. కాగా.. ఈ చిత్రంలో సిలియన్ మర్ఫీ, రాబర్ట్ డౌనీ జూనియర్, మాట్ డామన్ కీలక పాత్రలు పోషించారు. (ఇది చదవండి: Oppenheimer Movie Review: ఓపెన్హైమర్ సినిమా రివ్యూ) Oppenheimer is yours to own on 4K, Blu-ray™, and Digital November 21. Christopher Nolan’s global blockbuster premieres at home with over 3 hours of special features. pic.twitter.com/qUJRCwPoUC — Oppenheimer (@OppenheimerFilm) October 17, 2023 -
ఆ సీన్లో ఎలాంటి తప్పులేదు.. మహాభారత్ నటుడు షాకింగ్ కామెంట్స్!
ప్రముఖ హాలీవుడ్ దర్శకుడు క్రిస్టోఫర్ నోలన్ తెరకెక్కించిన చిత్రం ఓపెన్ హైమర్. జూలై 21న ప్రపంచవ్యాప్తంగా థియేటర్లలో రిలీజైంది. ఇండియాలోను విడుదల కావడంతో ఈ సినిమాకు ప్రేక్షాదరణ పెరుగుతోంది. అయితే ఈ చిత్రంలోని ఓ సన్నివేశం తీవ్ర వివాదానికి దారితీసింది. ఈ చిత్రంలోని ఓ సీన్లో భగవద్గీత గురించి ప్రస్తావించడంపై ఇండియన్స్ మండిపడుతున్నారు. అలాంటి సీన్స్లో భగవద్గీతను చూపించాల్సిన అవసరం ఏంటని పలువురు నిలదీస్తున్నారు. ఆ సీన్పై వస్తున్న విమర్శల నేపథ్యంలో ప్రముఖ హిందీ బుల్లితెర నటుడు నితీశ్ భరద్వాజ్ స్పందించారు. ఆయన శ్రీకృష్ణ, మహాభారతం సీరియల్స్లో కృష్ణుడి పాత్ర పోషించారు. అయితే ఆ సన్నివేశంలో ఎలాంటి తప్పులేదని ఆయన షాకింగ్ కామెంట్స్ చేశారు. క్రిస్టోఫర్ నోలన్ సినిమాలోని వివాదాస్పద సన్నివేశాన్ని ఆయన సమర్థించారు. అణుబాంబు సృష్టితో జపాన్లో పెద్దసంఖ్యలో ప్రజలు మరణించారని.. ఆ సమయంలో ఆయన ఆందోళనకు గురయ్యారని వివరించారు. (ఇది చదవండి: రాజకీయాల్లోకి స్టార్ హీరో.. ఆయన చేతుల్లో ఉందన్న నటుడు!) ఇంటర్వ్యూలో నితీష్ భరద్వాజ్ మాట్లాడుతూ..'జపాన్ జనాభాలో మెజారిటీ ప్రజలు నాశనం కావడానికి కారణంఅణు బాంబు. అలాంటి మారణహోమానికి కారణమైన ఓపెన్ హైమర్ పశ్చాత్తాప పడ్డారు. ఆ సంఘటన అతనికి కన్నీళ్లను తెప్పించింది. దీంతో అతని చేసిన తప్పుకు చింతిస్తున్నాడు. గతంలో ఆయన ఇచ్చిన ఓ ఇంటర్వ్యూలో కన్నీటి పర్యంతమవడం నేను చూశా. ఒక శాస్త్రవేత్త తన పరిశోధనల గురించే ఎక్కువగా ఆలోచిస్తాడు. ఆయన కోణం నుంచి ఆ సీన్ చూడాలి. అది శృంగార సన్నివేశమైనప్పటికీ.. అతని ఆలోచనలన్నీ జరిగిన విధ్వంసంపైనే ఉన్నాయని చూపించే ప్రయత్నం చేశారు. అతనిది మానసిక సంఘర్షణ. ఆ సన్నివేశాన్ని వివాదం చేయకుండా..ఓపెన్ హైమర్ భావోద్వేగం కోణంలో చూడాలని ప్రజలను కోరుతున్నా.' అంటూ సలహా ఇచ్చారాయన. కాగా.. కై బర్డ్, మార్టిన్ J షెర్విన్ రాసిన 2005 జీవిత చరిత్ర అమెరికన్ ప్రోమేథియస్: ది ట్రయంఫ్ అండ్ ట్రాజెడీ ఆఫ్ J రాబర్ట్ ఓపెన్హైమర్ ఆధారంగా ఈ చిత్రాన్ని తెరకెక్కించారు.ఈ చిత్రంలో రామి మాలెక్, గ్యారీ ఓల్డ్మన్, డేన్ డెహాన్, జోష్ హార్ట్నెట్, కెన్నెత్ బ్రానాగ్, మాథ్యూ మోడిన్, కేసీ అఫ్లెక్, ఆల్డెన్ ఎహ్రెన్రిచ్, జాసన్ క్లార్క్ ప్రధాన పాత్రలు పోషించారు. (ఇది చదవండి: సినిమాల్లో నటనే కాదు.. అమ్మతనం ఉట్టి పడుతోంది!) -
'ఓపెన్హైమర్' సినిమాలో ఆ సీన్ తొలగించండి: సమాచార మంత్రిత్వ శాఖ
హాలీవుడ్ సినిమా 'ఓపెన్హైమర్' భారతదేశంలో కూడా అద్భుతమైన బాక్సాఫీస్ ఓపెనింగ్ను సాధించింది. ప్రముఖ దర్శకుడు క్రిస్టోఫర్ నోలన్ డైరెక్ట్ చేసిన ఈ సినిమా జులై 21 న విడుదలైంది. 'అణుబాంబు పితామహుడు' అని పిలువబడే వ్యక్తి J. రాబర్ట్ ఓపెన్హైమర్ బయోపిక్ కావడంతో భారీ అంచనాలతోనే సినిమా విడుదలైంది. ఈ సినిమాలో నోలన్ క్రియేటివిటీ అద్భుతంగా ఉన్నా.. భారతీయుల నుంచి కొంత వ్యతిరేకత వచ్చింది. (ఇదీ చదవండి: 'కల్కి' టైటిల్ రిలీజ్కు ఎందుకు రాలేదంటే: అమితాబ్) భగవద్గీతలో శ్రీ కృష్ణుడు తెలిపిన 'సృష్టించింది నేనే.. నాశనం చేసింది నేనే' అనే సూక్తిని స్ఫూర్తిగా తీసుకుని అణుబాంబు తయారు చేశానని J. రాబర్ట్ ఓపెన్హైమర్ అప్పట్లో చెప్పారు. ఈ వ్యాఖ్యాన్ని కూడా సినిమాలో చూపించారు. అంత వరకు బాగానే ఉన్నా.. ఒక సన్నివేశం మాత్రం కొంతమంది భారతీయ సినీ ప్రేక్షకులను కలవరపరిచింది. అశ్లీల సన్నివేశంలో భగవద్గీత ప్రస్తావన తీసుకురావడాన్ని నెటిజన్లు తప్పు పడుతున్నారు. అంతేకాకుండా సినిమాను నిషేధించాలని కూడా వారు డిమాండ్ చేస్తున్నారు. ఈ విషయంపై సమాచార ప్రసార (ఐబి) మంత్రి అనురాగ్ ఠాకూర్ను ప్రశ్నిస్తున్నారు. ఈ సీన్కు అభ్యంతరం చెప్పకుండా ఎలా సెన్సార్ ఇచ్చారని ఫైర్ అవుతున్నారు. దీంతో తాజాగా సమాచార, ప్రసార మంత్రిత్వ శాఖ ఈ వివాదంపై స్పందించింది. సినిమాలోని అభ్యంతరకర సన్నివేశాన్ని తొలగించాలని 'ఓపెన్హైమర్' టీమ్ను కోరింది. దీంతో నేటి నుంచి ఆ సన్నివేశాన్ని తొలిగించే అవకాశాలే ఎక్కువగా ఉన్నాయి. -
Oppenheimer Movie Review: ఓపెన్హైమర్ సినిమా రివ్యూ
టైటిల్: ఓపెన్హైమర్ నటీనటులు: సిలియన్ మర్ఫీ, ఎమిలీ బ్లంట్, మేట్ డెమన్, రాబర్ట్ డౌనీ జూనియర్, ఫ్లోరెన్స్, జోష్ హార్ట్ నెట్, కేసీ ఎఫ్లెక్ తదితరులు నిర్మాత: ఎమ్మా థామస్ , క్రిస్టోఫర్ నోలన్ దర్శకత్వం: క్రిస్టోఫర్ నోలన్ సంగీతం: లుడ్విగ్ గోరాన్సన్ సినిమాటోగ్రఫీ: Hoyte van Hoytema విడుదల తేది: జులై 21 ది బాట్మాన్ బిగిన్స్, ది డార్క్ నైట్ , డన్కిర్క్, టెనెట్ వంటి అద్భుతమైన చిత్రాలను డైరెక్ట్ చేసిన క్రిస్టోఫర్ నోలన్ నుంచి తాజాగా 'ఓపెన్హైమర్' చిత్రం భారీ అంచనాలతో ప్రపంచవ్యాప్తంగా జులై 21న విడుదలైంది. ఇది ఒక బయోపిక్. అణుబాంబు తయారీలో కీలక పాత్ర పోషించిన అమెరికా శాస్త్రవేత్త 'రాబర్ట్ జె ఓపెన్ హైమర్' జీవిత చరిత్ర ఆధారంగా ఈ చిత్రం తెరకెక్కించాడు డైరెక్టర్ క్రిస్టోఫర్ నోలన్. ఓపెన్హైమర్ కథేంటంటే.. కేంబ్రిడ్జ్ యూనివర్సిటీలో చదువుకుంటున్న యంగ్ ఓపెన్హైమర్ (సిలియాన్ మర్ఫీ) పరిచయంతో ఈ సినిమా ప్రారంభమవుతుంది. అక్కడి నుంచి అతను న్యూక్లియర్ ఫిజిక్స్ లో పరిజ్ఞానం ఉన్న శాస్త్రవేత్తగా క్రమంగా ఎదుగుతుంటాడు. అదే సమయంలో అమెరికా అణు బాంబును తయారు చేసే పనిలో ఉంటుంది. అప్పుడు 1945 రెండో ప్రపంచ యుద్ధానికి అమెరికా సన్నద్ధమవుతూ ఉంటుంది. ఇలాంటి సమయంలో శత్రు దేశాలని ఎదుర్కొనేందుకు అణుబాంబు తయారు చేసి పరీక్షించాలని 'మాన్హాటన్ ప్రాజెక్టు'ను అమెరికా ప్రారంభిస్తుంది. న్యూక్లియర్ ఫిజిక్స్ లో మంచి పరిజ్ఞానం ఉన్న సైంటిస్ట్గా గుర్తింపు ఉన్న ఓపెన్హైమర్ను (సిలియాన్ మర్ఫీ) నాయకుడిగా నియమిస్తుంది. అతనికి సహాయంగా లూయిస్ స్ట్రాస్ (రాబర్ట్ డౌనీ జూనియర్)ను భాగస్వామిని చేస్తుంది. అలా అతను ఫాదర్ ఆఫ్ ఆటమ్ బాంబ్గా తన జర్నీ ఎలా మొదలైందో డైరెక్టర్ నోలన్ అద్భుతంగా చూపించాడు. అసలు అణుబాంబును అమెరికా ఎందుకు తయారు చేయాల్సి వచ్చింది? హిరోషిమా-నాగసాకిపైనే వారు ఎందుకు దాడి చేశారు? అనేది ఈ కథలో తెలుపుతాడు నోలన్. ఈ దాడి తర్వాత ఓపెన్హైమర్ మానసిక పరిస్థితి ఎలా ఉండేది? ఆపై అతని జీవితంలో ఎలాంటి మార్పులు చోటుచేసుకున్నాయి? అతనిపై వచ్చిన విమర్శలను ఓపెన్ హైమర్ భార్య కెథెరిన్ లేదా కిట్టి (ఎమిలీ బ్లంట్) ఎలా ఎదుర్కొంది? భగవద్గీతలో శ్రీ కృష్ణుడు తెలిపిన 'సృష్టించింది నేనే.. నాశనం చేసింది నేనే' అనే సూక్తిని స్ఫూర్తిగా తీసుకుని అణుబాంబు తయారు చేశానని ఓపెన్హైమర్ ఎందుకు వెల్లడించారు? చివరికి ఓపెన్ హైమర్ రియలైజ్ అయ్యింది ఏంటి ? లాంటి అంశాలు ఈ కథలో కీలకంగా ఉంటాయి. ఇంటర్వెల్ సమయంలో ఒక రొమాన్స్ సీన్లో భగవద్గీతను చూపిస్తూ వచ్చే సీన్ కొంతమేరకు ఇబ్బందిని కలిగిస్తుంది. దీనిని సెన్సార్ ఎలా అంగీకరించిందనేది ప్రశ్నార్థకం. ఎలా ఉందంటే.. హాలీవుడ్ డైరెక్టర్ క్రిస్టోఫర్ నోలన్ ఇప్పటి వరకు 6 ఆస్కార్ అవార్డులు, 21 సార్లు అస్కార్ నామినేషన్లకు వెళ్లిన టాప్ డైరెక్టర్. ఆయన సినిమాలకు ప్రపంచవ్యాప్తంగా ఫ్యాన్స్ ఉన్నారు. ఈ సినిమా 3 గంటల 10 నిమిషాల నిడివితో విడుదలైంది. ఇదొక్కటే కొంచెం మైనస్ అని చెప్పవచ్చు. క్రిస్టోఫర్ నోలన్ సినిమాలు ప్రేక్షకులకి అంత సులభంగా అర్థం కావు. ఎందుకంటే అతని స్క్రీన్ ప్లే కొంచెం డిఫరెంట్గా ఉంటుంది. కానీ అతను ఎంచుకున్న కాన్సెప్ట్ బాగుంటుంది. నిడివి ఎక్కువగానే ఉన్నా అతని ఫ్యాన్స్ను మాత్రం నిరాశపరచలేదు. ఈ సినిమాలో ఎలాంటి తికమకలు లేకుండా కథను చాలా నీట్గా చెప్పుకుంటూ వెళ్లాడు కాబట్టి అందరికీ కనెక్ట్ కావచ్చు. సినిమా ప్రారంభంలో కొంచెం స్లోగానే కథ రన్ అవుతుంది. ప్రజెంట్, పాస్ట్.. ఇలా నడుస్తూ ఉంటుంది. ఇది కొంచెం ఇబ్బందిగానే ఉన్నా ఓపెన్ హైమర్ అణుబాంబు తయారీ టీమ్లోకి అడుగుపెట్టిన సమయం నుంచి అసలు కథ మొదలవుతుంది. అక్కడి నుంచి చాలా ఆసక్తిగా స్టోరీ నడుస్తుంది. అణుబాంబును తయారు చేసిన తరువాత ట్రయల్ విజయవంతం కావడం, ఆపై మొదటిసారి హిరోషిమా-నాగసాకిపై ప్రయోగించడం.. దాని వల్ల కలిగిన విధ్వంసం ఆ శాస్త్రవేత్తను ఎలాంటి మానసిక వేదనకి గురి చేసింది అన్న సన్నివేశాలు బాగా చూపించాడు నోలన్. అలాగే అమెరికన్ ప్రెసిడెంట్, ఓపెన్ హైమర్ మధ్య నడిచే అప్పటి రాజకీయాలే కాకుండా ఆ సమయంలో వారిద్దరి మధ్య వచ్చే సంభాషణల భావోద్వేగాల సీన్లు బాగుంటాయి. మానవత్వాన్ని ఒక వెపన్లో పెట్టి వినాశనం చేస్తున్నాను అని ఓపెన్ హైమర్ వేదన చెందే సన్నివేశంలో 'సిల్లియన్ మర్ఫీ' ఎంతో ఎమోషనల్గా నటించారు. ఫిజిక్స్, న్యూక్లియర్ సైన్స్పై ఆసక్తితో పాటు అవగాహన ఉన్న వారు ఈ కథకు బాగా రిలేట్ కాగలుగుతారు. ఈ చిత్రంలోని కొన్ని టెక్నికల్ బ్రిలియన్స్ ని ఎంజాయ్ చేయాలంటే అణుబాంబు దాడి గురించి ముందే కొంత అవగాహనతో సినిమాకు వెళ్తే తప్పకుండా ఎంజాయ్ చేస్తారు. సినిమా నిడివి కాస్త ఎక్కువగా ఉండటంతో సగటు ప్రేక్షకుడిని అంత సమయం పాటు థియేటర్లో కూర్చోబెట్టడం కొంచెం మైనస్. మొదట్లో ఒక గంటపాటు సీన్లన్నీ చాలా నెమ్మదిగా ఉంటాయి. దీంతో అన్ని వర్గాల ప్రేక్షకులు ఈ చిత్రంతో కనెక్ట్ అవుతారని గ్యారెంటీ లేదు. ఎవరెలా చేశారంటే.. ఈ సినిమాలో ఓపెన్హైమర్ పాత్రలో 'సిలియాన్ మర్ఫీ' పర్ఫెక్ట్గా నటించాడు. మనం సినిమా చూస్తున్నంత సేపు.. అణుబాంబును తయారు చేసిన వ్యక్తి ఆ సమయంలో ఇంతలా మదనపడ్డాడా..? అని తప్పకుండా అనిపిస్తుంది. ఈ సినిమా మొత్తాన్ని ఓపెన్హైమర్గా సిలియాన్ మర్ఫీనే క్యారీ చేశారు. అతనికి భార్యగా నటించిన ఎమిలీ బ్లంట్ పాత్ర సినిమాను మరో రేంజ్కు తీసుకెళ్తుంది. తన భర్త తయారు చేసిన బాంబ్ వల్ల కుటుంబంలో ఎలాంటి సమస్యలు వచ్చాయి? వాటిని ఎలా ఎదుర్కొంది? భర్తకు సపోర్ట్గా నిలిచిన విధానం ఆడియన్స్ని మెప్పిస్తుంది. ఈ సినిమాలో ఓపెన్హైమర్కు సహాయకుడిగా నటించిన రోల్లో 'రాబర్ట్ డౌనీ జూనియర్' మెప్పించాడు. అటామిక్ కమిషన్ హెడ్గా అతని పాత్ర చాలా కీలకంగా ఉంటుంది. ప్రధానంగా 'మేట్ డెమన్' ఎయిర్ఫోర్స్ జనరల్ పాత్రలో కావాల్సినంత ఇంటెన్సిటీని తీసుకొచ్చారు. టెక్నికల్ పరంగా చూస్తే.. సినిమాటోగ్రఫీ చాలా బాగుంది. ఆ టైమ్లోని సీన్లను ఈ జనరేషన్కు రీచ్ అయ్యేవిధంగా చూపించాడు. దీంతో స్క్రీన్పై మంచి ప్రజంటేషన్ కనిపిస్తుంది. సినిమాలో ఒకపైపు రియాలిటీని చూపిస్తూనే.. మరోవైపు ఆర్టిఫిషియాలిటీని కూడా చూపించారు. ఇక ఈ సినిమాలో ఎడిటింగ్ వన్ ఆఫ్ ద బెస్ట్ అని చెప్పవచ్చు. సినిమాలో చాలా మంది రోల్స్ కనిపిస్తూ పోతున్నా.. పర్ఫెక్ట్ కంటిన్యూటీని ఫాలో అయ్యాడు. క్వాంటమ్ ఫిజిక్స్ కూడా ఈజీగా అర్థం అయ్యేలా కథను ఎడిట్ చేశారు. నోలన్ సినిమాలో సౌండ్ వర్క్ చాలా ప్రత్యేకంగా ఉంటుంది. ముఖ్యంగా అణుబాంబు పేలుడు సమయంలో వచ్చే సీన్ మెప్పిస్తుంది. ఈ సినిమాకు రియల్ బాంబ్ ఉపయోగించామని చెప్పారు. అది నిజమో కాదో తెలియదు. నోలన్ ఫ్యాన్ అయితే ఖచ్చితంగా సినిమా నచ్చుతుంది. ఒకవేళ నార్మల్ ఆడియన్ అయితే స్టోరీ కొంచెం నిడివి ఎక్కువ ఉందని అనిపించక మానదు, అలాగే కొన్ని సన్నివేశాలు సాగదీసినట్లుగా కూడా ఉంటాయి. సినిమా అభిమానులకు మాత్రం మంచి అనుభూతి అయితే ఇస్తుంది. ఏదేమైనా ఈసారి హాలీవుడ్ నుంచి ఆస్కార్ బరిలో ఈ సినిమా కచ్చితంగా ఉండే అవకాశం ఉంది. - బ్రహ్మ కోడూరు, సాక్షి వెబ్డెస్క్ -
అవతార్-2ను మించిన టికెట్ ధరలు.. ఆ సినిమాకు ఎందుకంత క్రేజ్!
హాలీవుడ్ దర్శకుడు క్రిస్టోఫర్ నోలన్ తెరకెక్కించిన చిత్రం ఓపెన్ హైమర్. ఈ చిత్రం జూలై 21న ప్రపంచవ్యాప్తంగా విడుదల కాబోతోంది. హాలీవుడ్ నటుడు సిలియన్ మర్ఫీ ప్రధాన పాత్రలో నటించిన ఈ చిత్రం కోసం ఇండియాలోనూ ఫ్యాన్స్ ఎంతో ఆసక్తిగా ఎదురు చూస్తున్నారు. ఈ మూవీని 2005లో కై బర్డ్, మార్టిన్ జె. షెర్విన్ రచించిన అమెరికన్ ప్రోమేథియస్ జీవితచరిత్ర ఆధారంగా తెరకెక్కించారు. ఈ చిత్రంలో ఎమిలీ బ్లంట్, మాట్ డామన్, రాబర్ట్ డౌనీ జూనియర్, ఫ్లోరెన్స్ పగ్, జోష్ హార్ట్నెట్, కేసీ అఫ్లెక్, రామి మాలెక్, కెన్నెత్ బ్రానాగ్ ప్రధాన పాత్రల్లో కనిపించారు. ఈ చిత్రానికి లుడ్విగ్ గోరాన్సన్ సంగీతమందించారు. (ఇది చదవండి: స్వీయ దర్శకత్వంలో నచ్చినవాడు.. క్రేజీ అప్డేట్ వచ్చేసింది! ) అయితే భారత్లో ఇప్పటికే టికెట్స్ ప్రీ బుకింగ్స్ కూడా ప్రారంభమయ్యాయి. ఈ చిత్రానికి సంబంధించి ఐమాక్స్లో కళ్లు చెదిరే రేట్లకు టికెట్స్ అమ్ముడవుతున్నాయి. ఈ మూవీ మొదటి రోజు షోలకు ఒక్కో టికెట్ ధర రూ.2450 పలుకుతోంది. గతంలో జేమ్స్ కామెరూన్ విజువల్ వండర్ అవతార్-2 సినిమా టికెట్ ధర బెంగళూరులో గరిష్ఠంగా రూ.1700 మాత్రమే పలికింది. అంతటి ప్రపంచవ్యాప్తంగా క్రేజ్ ఉన్న అవతార్ను సినిమాను మించి టికెట్ ధరలు ఉండడంతో సినీ ప్రియులు ఆశ్చర్య పోతున్నారు. మనదేశంలో సాధారణంగా టిక్కెట్ ధరలు నగరాన్ని బట్టి మారుతుంటాయి. తాజాగా ముంబయిలో ఓపెన్ హైమర్ మూవీ టికెట్ ధర రూ.2450 ( ఎలాంటి పన్నులు లేకుండా) ఇప్పటికే అమ్ముడయ్యాయి. ముంబయిలోని పీవీఆర్ ఐకాన్, ఫీనిక్స్ పల్లాడియంలో సాయంత్రం ఏడు, రాత్రి పది గంటల షో కోసం సినిమా రిలీజ్ రోజున టిక్కెట్స్ బుక్ కావడంతో అందరి కళ్లు ఈ సినిమాపైనే ఉన్నాయి. ఈ భారీ టికెట్ ధరలు చూస్తే ఓపెన్ హైమర్ మొదటి రోజే భారీ వసూళ్లు రాబట్టనున్నట్లు తెలుస్తోంది. గతవారంలో టామ్ క్రూజ్ మూవీ మిషన్: ఇంపాజిబుల్ – డెడ్ రికనింగ్ పార్ట్ వన్ ఇండియాలో మొదటి రోజు రూ.12.50 కోట్లు వసూలు చేసింది. తాజాగా సిలియన్ మర్ఫీ నటించిన ఓపెన్హైమర్ ఆ చిత్రాన్ని అధిగమిస్తోందేమో వేచి చూడాల్సిందే. అసలేంటీ ఓపెన్హైమర్? ఒపెన్హైమర్ అమెరికన్ సైద్ధాంతిక భౌతిక శాస్త్రవేత్త జె.రాబర్ట్ జీవితం ఆధారంగా తెరకెక్కించారు. ఆయన మొదటి అణు బాంబును అభివృద్ధి చేసిన భౌతిక శాస్త్రవేత్త. కై బర్డ్, మార్టిన్ జె షెర్విన్ రచించిన రాబర్ట్ జీవిత చరిత్ర అమెరికన్ ప్రోమేథియస్ ఆధారంగా రూపొందించారు. కాగా.. ఇప్పటికే హాలీవుడ్ సమ్మె ప్రభావం ఈ చిత్రంపై ఉండదని మేకర్స్ ప్రకటించిన సంగతి తెలిసిందే. (ఇది చదవండి: ఈమెని గుర్తుపట్టారా? మీరనుకునే హీరోయిన్ మాత్రం కాదు!) -
పాత్రను అర్థం చేసుకోవడానికి భగవద్గీత చదివా!
అమెరికన్ భౌతిక శాస్త్రవేత్త జె. రాబర్ట్ ఓపన్హైమర్ జీవితం ఆధారంగా రూపొందిన చిత్రం ‘ఓపెన్హైమర్’. క్రిస్టోఫర్ నోలన్ దర్శకత్వంలో రూపొందిన ఈ చిత్రంలో ఓపన్హైమర్ పాత్రను సిలియన్ మర్ఫీ పోషించారు. ఈ పాత్రను అర్థం చేసుకోవడానికి తాను భగవద్గీత చదివానని పేర్కొన్నారు సిలియన్. భగవద్గీతకి, ఈ పాత్రకి లింక్ ఏంటీ? అంటే.. రెండో ప్రపంచ యుద్ధం అప్పుడు అణు బాంబు తయారు చేయడానికి భగవద్గీతలో శ్రీకృష్ణుడు చెప్పిన ‘సృష్టించింది నేనే.. నాశనం చేసింది నేనే’ అనే శ్లోకం ప్రేరణగా నిలిచిందని ఓపెన్హైమర్ వెల్లడించారు. అందుకే ఆయన పాత్ర చేయడానికి భగవద్గీత చదివానని సిలియన్ మర్ఫీ అన్నారు. ఓపెన్హైమర్ జీవితంలో కీలకంగా నిలిచిన అణు బాంబు తయారీ ప్రధానాంశంగా రూపొందిన ‘ఓపెన్హైమర్’ యూనివర్సల్ పిక్చర్స్ ద్వారా ఇంగ్లిష్లో ప్రపంచవ్యాప్తంగా ఈ నెల 21న విడుదల కానుంది. -
సినీ కార్మికుల సమ్మె.. రిలీజ్కు సిద్ధమైన భారీ బడ్జెట్ మూవీ!
క్రిస్టోఫర్ నోలన్ దర్శకత్వంలో తెరకెక్కుతోన్న ఎపిక్ బయోగ్రాఫికల్ థ్రిల్లర్ ఓపెన్హైమర్ . యూనివర్సల్ పిక్చర్స్ నిర్మిస్తున్న ఈ చిత్రం ఇంగ్లీష్లో మాత్రమే జులై 21న విడుదలవుతుంది. ఈ మూవీ 2005లో కై బర్డ్, మార్టిన్ జె. షెర్విన్ రచించిన అమెరికన్ ప్రోమేథియస్ జీవితచరిత్ర ఆధారంగా తెరకెక్కించారు. (ఇది చదవండి: అలా చేస్తే కఠిన చర్యలు.. సల్మాన్ ఖాన్ మాస్ వార్నింగ్..!) మాన్హట్టన్ ప్రాజెక్ట్లో మొదటి అణ్వాయుధాలను అభివృద్ధి చేయడంలో సహాయపడిన సైద్ధాంతిక భౌతిక శాస్త్రవేత్త జె. రాబర్ట్ ఓపెన్హైమర్ గురించి ఈ చిత్రంలో చూపించనున్నారు. ఈ చిత్రంలో సిలియన్ మర్ఫీ టైటిల్ క్యారెక్టర్గా నటించగా.. ఎమిలీ బ్లంట్, మాట్ డామన్, రాబర్ట్ డౌనీ జూనియర్, ఫ్లోరెన్స్ పగ్, జోష్ హార్ట్నెట్, కేసీ అఫ్లెక్, రామి మాలెక్, కెన్నెత్ బ్రానాగ్ ప్రధాన పాత్రల్లో కనిపించారు. ఈ చిత్రానికి లుడ్విగ్ గోరాన్సన్ సంగీతమందించారు. హాలీవుడ్ సినీ కార్మికుల సమ్మె.. ప్రభావం ఉండదన్న మేకర్స్ ఇప్పటికే ఏఐ వల్ల వచ్చే ముప్పుపై సినీ కార్మికులు ఆందోళనకు దిగారు. తమ వేతనాలు పెంచాలని రోడ్డెక్కారు. ఇప్పటికే హాలీవుడ్లో అన్ని రకాల షూటింగ్లు నిలిచిపోయాయి. అయినప్పటికీ సినిమా విడుదలకు ఎటువంటి ప్రభావం ఉండదని యూనివర్సల్ పిక్చర్స్ ప్రకటించింది. ఆందోళనల నడుమ ఓపెన్ హైమర్ రిలీజ్ కానుంది. క్రిస్టోఫర్ నోలన్ తెరకెక్కించిన ఈ చిత్రంలో ఒళ్లు గగుర్పాటు కలిగించే సన్నివేశాలు, యాక్షన్ సీన్స్ ఉండనున్నాయి. (ఇది చదవండి: స్టార్ హీరోయిన్ చెల్లెలితో డేటింగ్.. తొలిసారి స్పందించిన నటుడు! ) -
ఆ సినిమా నాకు ఇప్పటికీ అర్థం కాలేదు: మాధవన్
Madhavan Rocketry The Nambi Effect Showing In Cannes Festival 2022: టాలీవుడ్, కోలీవుడ్, బాలీవుడ్లలో మంచి గుర్తింపు ఉన్న నటుడు మాధవన్. ఇప్పటి వరకు హీరోగా, నటుడిగా అలరించిన మాధవన్ డైరెక్టర్గా బాధ్యతలు చేపట్టనున్నాడు. మాధవన్ మొదటిసారిగా దర్శకత్వం వహించిన చిత్రం 'రాకెట్రీ: ది నంబీ ఎఫెక్ట్'. ప్రస్తుతం కేన్స్ ఫిల్మ్ ఫెస్టివల్ జరుగుతున్న విషయం తెలిసిందే. ఈ వేడుకలో మాధవన్ చిత్రం 'రాకెట్రీ: ది నంబీ ఎఫెక్ట్'ను ప్రదర్శించారు. అనంతరం ఈ కార్యక్రమంలో నిర్వహించిన చర్చలో భాగంగా మాధవన్తోపాటు కేంద్రమంత్రి అనురాగ్ ఠాకూర్, నంబి నారాయణ్ చిత్ర నిర్మాత శేఖర్ కపూర్, గీత రచయిత తదితరులు పాల్గొన్నారు. ఈ కార్యక్రమంలో మాధవన్ పలు ఆసక్తికర విషయాలను పంచుకున్నారు. 'ఆర్యభట్ట నుంచి సుందర్ పిచాయ్ వరకు సైన్స్ అండ్ టెక్నాలజీకి సంబంధించి ఇండియాకి చెందిన అనేక వ్యక్తులకు ఎన్నో అసాధరణమైన చరిత్ర ఉంది. వీరికి సినీతారలు, నటీనటుల కంటే ఎక్కువ అభిమానులు ఉన్నారు. యువతకు వారెంతో స్ఫూర్తి. కానీ ఇలాంటి వారిపై మేము సినిమాలు తీయడం లేదు.సైన్స్ అండ్ టెక్నాలజీలో అద్భుతాలు సృష్టించి వరల్డ్వైడ్గా గుర్తింపు పొందిన వ్యక్తులను సినీ ప్రొడ్యూసర్స్ గుర్తించడం లేదు. క్రిస్టోఫర్ నోలాన్ సినిమాకు రివ్యూ ఇవ్వడానికి సమీక్షకులు భయపడతారు. ఎందుకంటే ఆయన తీసిన సినిమాలు అర్థంకాకో, ఏదో ఒకటి రాసి ఫూల్ అవ్వడానికి ఇష్టపడరు. నిజం చెప్పాలంటే ఆయన తెరకెక్కించిన 'ఇన్సెప్షన్' నాకు ఇప్పటివరకు అర్థం కాలేదు. కానీ ఆయనకు సైన్స్పై ఉన్న పరిజ్ఞానం వల్ల ఆయనపై నాకు చాలా గౌరవం ఉంది.' అని మాధవన్ తెలిపాడు. View this post on Instagram A post shared by R. Madhavan (@actormaddy) -
2 నెలలు... 7 లక్షల టికెట్లు...
దాదాపు ఏడు నెలల తర్వాత సినిమా థియేటర్లు మళ్లీ ఆరంభమైన విషయం తెలిసిందే. లాక్డౌన్లో విడుదలైన తొలి సినిమా ‘టెనెట్’. క్రిస్టఫర్ నోలన్ దర్శకత్వంలో రూపొందిన ఈ హాలీవుడ్ చిత్రాన్ని ఎక్కువమంది ప్రేక్షకులు చూశారని ‘బుక్ మై షో’ పేర్కొంది. అక్టోబర్ 16 నుంచి డిసెంబర్ 18 వరకూ ఈ సినిమా టికెట్లు 3 లక్షల వరకూ అమ్ముడుపోయాయని కూడా లెక్క చెప్పింది. థియేటర్ల రీ–ఓపెన్ తర్వాత మన దేశంలో ఇన్ని టికెట్లు తెగిన సినిమా ఇదేనంటూ ‘షో ఆఫ్ ది ఇయర్ –2020’ అనే తన రిపోర్ట్లో తెలిపింది. ప్రస్తుతం దేశవ్యాప్తంగా తెరిచిన 2800 థియేటర్ స్క్రీన్లలో, ఈ రెండు నెలల్లో మొత్తం మీద 7 లక్షల టికెట్లు తెగినట్టు బుక్ మై షో వారి నివేదిక వివరించింది. ఎక్కువ మంది చూసిన చిత్రాలలో రెండు, మూడు స్థానాల్లో తమిళ సినిమా ‘బిస్కోత్’, ఆ తర్వాత ‘ఇరండామ్ కూత్తు’ నిలిచాయి. ఆ తర్వాత హిందీ చిత్రం ‘సూరజ్ పే మంగళ్ భారీ’, బెంగాలీ సినిమా ‘డ్రాకులా సార్’ టికెట్లు బాగా తెగాయి. -
అత్తకు ప్రశంసలు.. అల్లుడి ఆనందం
ప్రముఖ హాలీవుడ్ దర్శకుడు క్రిస్టోఫర్ నోలన్ దర్శకత్వం వహించిన యాక్షన్ డ్రామా ‘టెనెట్’ శుక్రవారం(డిసెబంర్ 4) భారత్లో విడుదలైంది. జూన్లోనే విడుదల కావాల్సిన ఈ సినిమా లాక్డౌన్ కారణంగా వాయిదా పడింది. హిందీ, తెలుగు, తమిళం, ఇంగ్లీష్ భాషల్లో రిలీజ్ అయిన ఈ సినిమా కరోనా పరిస్థితుల్లో కూడా ప్రేక్షకుల నుంచి విశేష స్పందన అందుకుంటోంది. ఇక ఈ సినిమాలో బాలీవుడ్ నటి డింపుల్ కపాడియా కీలక పాత్రలో నటించారు. ఆమె పాత్రకు మంచి మార్కులు పడ్డాయి. ఈ క్రమంలో డైరెక్టర్ క్రిస్టఫర్ నంచి డింపుడ్ కపాడియా ఓ లెటర్ అందుకున్నారు. సినిమాలో ముఖ్య పాత్ర పోషించింనందుకు కృతజ్ఞతలు తెలుపుతూ లేఖలో రాశారు. చదవండి: యూపీ సీఎంతో అక్షయ్ భేటీ ఈ లెటర్ను బాలీవుడ్ నటుడు అక్షయ్ కుమార్ తన ట్విటర్ అకౌంట్లో షేర్ చేశారు. అల్లుడిగా గర్వించే క్షణం అంటూ ఉప్పొంగిపోయారు.‘ క్రిస్టోఫర్ నోలస్ నుంచి డింపుల్ కపాడియాకు కృతజ్ఞతలు తెలుపుతూ లేఖ వచ్చింది. నేను ఆమె స్థానంలో ఉంటే ఆశ్యర్చంతో ఉండిపోయేవాడిని. టెనెట్లో ఆమె నటన చూసి సంతోషంగా అనిపించింది. ఆమె అల్లుడిగా గర్వంగా ఫీల్ అవుతున్నాను’. అని ట్వీట్ చేశారు. కాగా డింపుల్ కపాడియా కూతురు ట్వింకిల్ ఖన్నాని అక్షయ్ కుమార్ వివాహం చేసుకున్న విషయం తెలిసిందే. చదవండి: అల్లు అర్జున్కు నో చెప్పిన అనసూయ Here’s my proud son-in-law moment! #ChristopherNolan pens a heartfelt note to #DimpleKapadia on the eve of their release.Had I been in her place,I wouldn’t have been able to move in awe but having watched her working her magic in #Tenet,I couldn’t be more happy and proud of Ma ♥️ pic.twitter.com/EgSehxio1I — Akshay Kumar (@akshaykumar) December 5, 2020 -
‘టెనెట్’ చూసి ఆనందించండి: క్రిస్టోఫర్ నోలాన్
ప్రముఖ హాలీవుడ్ దర్శకుడు క్రిస్టోఫర్ నోలాన్ భారతీయ సినీ అభిమానులకు ఓ తీపి కబురు అందించారు. ఆయన దర్శకత్వం వహించిన ‘టెనెట్’ సినిమాను ఇండియాలో విడుదల చేస్తున్నట్లు తెలిపారు. ‘టెనెట్’ చిత్రాన్ని ఆయన కరోనా కాలంలోనే విడుదల చేసి అందరిని అశ్చర్యపరిచిన విషయం తెలిసిందే. అయితే తాజాగా ఆ సినిమా డిసెంబర్ 4 (శుక్రవారం)న భారత్లోని పలు నగరాల్లో విడుదల కాబోతుందని పేర్కొన్నారు. ఈ సందర్భంగా ఆయన ఇండియన్ అభిమానులకు కోసం ఓ విడియోను సందేశాన్ని పంచుకున్నారు. ‘హాయ్.. నేను ‘టెనెట్’ చిత్ర దర్శకుడైన మీ క్రిస్టోఫర్ నోలాన్. భారతీయ అభిమానులకు ఓ విషయం చెప్పదలుచుకున్నాను. మీరు(అభిమానులు) రేపు టెనెట్ సినిమా చూడబోతున్నారు. మీకు ఈ అవకాశం రావటం పట్ల నాకు చాలా థిల్లింగ్ ఉంది. టెనెట్ బిగ్ స్క్రీన్పై విడుదల కాబోతుంది. ముంబైతో పాటు పలు దేశాల్లో విడుదల అవుతున్నందుకు చాలా సంతోషంగా ఉంది. సినిమా చూసి ఆనందించండి. మీకు కృతజ్ఞతలు’అని ఆ వీడియో ద్వారా నోలాన్ అభిమానులను పలకరించారు. చదవండి: అందరి సమక్షంలో ఆస్కార్ అదే విధంగా ఈ సినిమాకు సంబంధించిన కొన్ని సన్నివేశాలు ఇండియాలోని ముంబైలో తెరకెక్కించామని, ఆ సీన్స్లో ఇండియన్, బాలీవుడ్ నటి డింపుల్ కపాడియాతో నటించిన అనుభవాన్ని పంచుకున్నారు. ఆమెతో నటించిన పలు సన్నివేశాలు తనకు చాలా ఉత్సాహం కలిగించాయని తెలిపారు. తనతో కలిసి షూటింగ్లో పాల్గొనడం ఆనందం కలిగించిందని చెప్పారు. ఈ చిత్రం ఇంగ్లీష్, హిందీ, తమిళ్, తెలుగు భాషల్లో విడుదల కానుంది. కరోనా వైరస్తో సినిమా థియేటర్లు మూతపడిన విషయం తెలిసిందే. ఇక ప్రభుత్వం లాక్డౌన్ నిబంధనలు పాటిస్తూ మళ్లీ థియేటర్లను ప్రారంభించుకోవచ్చని అనుమతులు ఇచ్చింది. కాగా, లాక్డౌన్ అనంతరం థియేటర్లలో విడుదలయ్యే భారీ బడ్జెట్ చిత్రం టెనెట్. ఇప్పటికే ఈ చిత్రాన్ని 70 దేశాల్లో విడుదల చేశారు. తాజాగా ఇండియాతో పాటు డెన్మార్క్, ఎస్టోనియా, ఇటలీ, నార్వే, యూకే, అమెరికాలో విడుదల చేస్తున్నట్లు చిత్ర యూనిట్ పేర్కొంది. బాట్మాన్ బిగిన్స్, ది డార్క్ నైట్ సిరీస్, ఇన్సెప్షన్, ఇంటర్ స్టెల్లార్ వంటి సూపర్ హిట్ చిత్రాలను తెరకెక్కించిన దర్శకుడిగా ప్రపంచవ్యాప్తంగా క్రిస్టోఫర్ నోలాన్ అభిమానులను సంపాదించుకున్న విషయం తెలిసిందే. Christopher Nolan has a special message for audiences in India. #Tenet In Cinemas Tomorrow. #ChristopherNolan pic.twitter.com/Fhtr8ZYEq2 — Warner Bros. India (@warnerbrosindia) December 3, 2020 -
కరోనా కాలంలోనూ భారీ వసూళ్లును రాబట్టిన ‘టెనెట్’
కరోనావైరస్ కారణంగా టాలీవుడ్తో పాటు ప్రపంచ వ్యాప్తంగా విడుదల కావాల్సిన పలు సినిమాలు వాయిదా పడిన విషయం తెలిసిందే. ఇక ఇప్పట్లో సినిమాలు లేవనుకున్న సమయంలో అందరిని ఆశ్చర్యపరుస్తూ హాలీవుడ్ దర్శకుడు క్రిస్టోఫర్ నోలాన్ దర్శకత్వం వహించిన టెనెట్ సినిమాలను విడుదల చేశారు. జాన్ డేవిడ్ వాషింగ్టన్, రాబర్ట్ ప్యాటిన్సన్, ఎలిజబెత్ డెబికీ వంటి స్టార్స్ నటించిన ఈ సినిమా ఆగస్ట్ 26 ప్రపంచ వ్యాప్తంగా భారీ స్థాయిలో విడుదలైంది. 225 మిలియన్ డాలర్లతో వార్నర్ బ్రదర్స్ ఈ సినిమాను నిర్మించారు. సైన్స్ఫిక్షన్ స్పై డ్రామా ఇది. ముంచుకొస్తున్న మూడో ప్రపంచ యుద్ధంలో పొంచివున్న అణుధార్మిక ప్రమాదం గురించి ఈ సినిమాలో చూపించారు. అయితే సినిమా తీయడమే ఓ సాహసం అయితే.. కరోనా సమయంలో విడుదల చేయడం మరో సాహసం అని చెప్పొచ్చు. కోవిడ్ సమయంలోనూ టెనెట్ 53 మిలియన్ డాలర్లు రాబట్టింది. అంటే మన భారత కరెన్సీలో 387 కోట్లు. ఇంకా ఈ సినిమా లాభాల్లోకి రావాలంటే 180 మిలియన్ డాలర్లు రాబాట్టాలి. అయితే కరోనా కష్టకాలంలోనూ ఆ మాత్రం వసూలు రాబట్టిందంటే గొప్పవిషయమనే చెప్పాలి. అసలు ఈ సినిమా బాక్సాఫీస్ కలెక్షన్స్ పై మొదటి నుంచి కూడా చాలా అనుమానాలు వచ్చాయి. ఈ రేంజ్ లో కలెక్షన్స్ వస్తాయని ఎవరు అనుకోలేదు. త్వరలోనే భారత్తో పాటు ఇతర దేశాల్లోనూ విడుదల చేసేందుకు నిర్మాతలు ప్లాన్ చేస్తున్నారు. మరి ఇండియాలో ఈ సినిమా ఏ స్థాయిలో విజయాన్ని అందుకుంటుందో చూడాలి. -
భవిష్యత్తుని చూపెట్టే టెనెట్
టైమ్ ట్రావెల్ సినిమా అనగానే మన ‘ఆదిత్య 369’ సినిమా దర్శకుడు సింగీతం శ్రీనివాసరావు గుర్తుకు వస్తారు. హాలీవుడ్ సినిమాల్లో టైమ్ ట్రావెల్ అనగానే క్రిస్టోఫర్ నోలన్ గుర్తుకు వస్తారు. ‘మెమెంటో’, ‘బ్యాట్మెన్ సిరీస్’లతో పాటు ‘ఇన్సెప్షన్’, ‘ఇంటర్స్టెల్లార్’ వంటి పలు చిత్రాలను తెరకెక్కించిన దర్శకుడు క్రిస్టోఫర్. కాగా ఇన్సెప్షన్, ఇంటర్స్టెల్లార్ తదితర చిత్రాల్లో టైమ్ ట్రావెల్ నేపథ్యం ఉంటుంది. దాంతో ఆయన తెరకెక్కించిన తాజా చిత్రం ‘టెనెట్’ కూడా టైమ్ ట్రావెల్ నేపథ్యంలో ఉంటుందని చాలామంది ఊహించారు. ‘‘ఈ సినిమా టైమ్ ట్రావెల్ నేపథ్యంలో ఉండదు. అలాగే నా గత కొన్ని చిత్రాల్లోలా ఇందులో నేను ఫిజిక్స్ పాఠం చెప్పటం లేదు. అయితే గతం నుండి భవిష్యత్తుని చూడటం ఈ సినిమాలో ఉంటుంది. కానీ అదొక జర్నీలా ఉండదు. ఇది ప్రేక్షకులకు పూర్తిగా కొత్త అనుభూతిని ఇస్తుందని చెప్పగలను అన్నారు క్రిస్టోఫర్. తన భార్య ఎమ్మా థామస్తో కలిసి ఈ చిత్రాన్ని నిర్మించారు నోలన్. ఈ చిత్రాన్ని వార్నర్ బ్రదర్స్ సంస్థ జూలై 31న ప్రపంచవ్యాప్తంగా విడుదల చేయాలను కుంటోంది. అప్పటికి ప్రపంచవ్యాప్తంగా ఎక్కడెక్కడ థియేటర్లు రీ ఓపెన్ అవుతాయో అక్కడ రిలీజ్ చేయాలనుకుంటున్నారట. విడుదల తేదీని వాయిదా వేయాలనుకోవడంలేదని హాలీవుడ్ టాక్. -
ఏడు దేశాల్లో సినిమా షూటింగ్
బాలీవుడ్ తారలు హాలీవుడ్ సినిమాల్లో అప్పుడప్పుడు మెరుస్తూనే ఉంటారు. ప్రియాంక చోప్రా అయితే ఏకంగా అమెరికన్ సింగర్ నిక్ జోనస్ను పెళ్లాడి అక్కడికే మకాం మార్చేసింది. ఇక ఐశ్వర్యరాయ్, దీపికా పదుకోన్లు హాలీవుడ్లో సినిమాల్లో కనిపిస్తూ వస్తున్నారు. తాజాగా సీనియర్ నటి డింపుల్ కపాడియా, హాలీవుడ్ క్రేజీ దర్శకుడైన క్రిస్టోఫర్ నోలన్ దర్శకత్వంలో నటించడానికి అంగీకరించిన విషయం తెలిసిందే. అకాడమీ అవార్డు గ్రహిత క్రిస్టోఫర్ నోలన్ దర్శకత్వంలో డింపుల్ కపాడియా నటిస్తున్న చిత్రం ‘టెనిట్’. ప్రస్తుతానికి ఈ సినిమా షూటింగ్ దశలో ఉంది. ఈ నేపథ్యంలో సినిమానికి సంబంధించిన సన్నివేశాలు సోషల్ మీడియాలో వైరల్గా మారాయి. తాజాగా డింపుల్, క్రిస్టోఫర్లు సెట్లో కబుర్లు చెప్పుకుంటూ ఉన్న ఫోటోలు వైరల్ అవుతున్నాయి. యాక్షన్ థ్రిల్లర్ నేపథ్యంలో తెరకెక్కనున్న ‘టెనిట్’ను దాదాపు ఏడు దేశాల్లో షూటింగ్ చేయనున్నట్లు తెలుస్తోంది. ఈ చిత్రంలో ఆస్కార్ విజేత డేవిడ్ వాషింగ్టన్ హీరోగా నటిస్తున్నారు. బాబీ(1973), సాగర్(1985) సినిమాలకు ఉత్తమ నటిగా ఫిలింఫేర్ అవార్డులు అందుకున్న డింపుల్ కపాడియా...‘లీలా’(2000) తో హాలీవుడ్లో తెరంగేట్రం చేశారు. Christopher Nolan & Dimple Kapadia on set todayhttps://t.co/97zmLc9nxd #TENET pic.twitter.com/pN9qeGSi7f — ibabysky (@Ibabysky) July 27, 2019 -
హాలీవుడ్ మళ్లీ పిలిచింది
హాలీవుడ్ సినిమాల్లో మన ఇండియన్ తారలు అప్పుడప్పుడు మెరుస్తూనేఉన్నారు. ఐశ్వర్యా రాయ్, ప్రియాంకా చోప్రా, దీపికా పదుకోన్ ఇలా హాలీవుడ్ సినిమాల్లో కనిపిస్తూనే వచ్చారు. ప్రియాంక అయితే ఏకంగా హాలీవుడ్కే మకాం మార్చేశారు. తాజాగా సీనియర్ నటి డింపుల్ కపాడియా ఓ హాలీవుడ్ సినిమాలో నటించడానికి అంగీకరించారు. హాలీవుడ్ క్రేజీ దర్శకుల్లో ఒకరైన క్రిస్టోఫర్ నోలన్ దర్శకత్వంలో తెరకెక్కబోయే చిత్రంలో డింపుల్ నటించనున్నారు. ఇంగ్లీష్ సినిమాలో నటించడం ఆమెకు ఇది మొదటిసారేం కాదు, ‘లీలా’ (2002) అనే ఆంగ్ల చిత్రంలో ఆల్రెడీ నటించారామె. యాక్షన్ థ్రిల్లర్గా తెరకెక్కే తాజా చిత్రంలో ఆస్కార్ విజేత డేవిడ్ వాషింగ్టన్ హీరోగా నటించనున్నారు. ఈ సినిమాకు ‘టెనిట్’ అనే టైటిల్ ఫిక్స్ చేశారు. సుమారు ఏడు దేశాల్లో ఈ సినిమాను షూట్ చేయనున్నారట. వచ్చే ఏడాది జూలై 17న రిలీజ్ కానున్న ఈ చిత్రాన్ని వార్నర్ బ్రదర్స్ డిస్ట్రిబ్యూట్ చేయనున్నారు. -
నెక్ట్స్ ఏంటి?
‘డంకర్క్’ తర్వాత హాలీవుడ్ దర్శకుడు క్రిస్టోఫర్ నోలన్ సినిమా ఏ జానర్లో ఉంటుందో అనే ఆసక్తి హాలీవుడ్ ఇండస్ట్రీలో, ఆయన అభిమానుల్లో ఉంది. లేటెస్ట్గా వినిపిస్తున్న వార్తేంటంటే.. నోలన్ ఓ యాక్షన్ ఫిల్మ్ ప్లాన్ చేస్తున్నట్టు హాలీవుడ్ సమాచారం. ఈ సినిమా భారీ బడ్జెట్తో రూపొందనుందట. ‘బ్లాక్లాన్స్మేన్’ చిత్రంలో హీరోగా నటించిన జాన్ డేవిడ్ వాషింగ్టన్ ఇందులో హీరోగా నటించనున్నారట. ‘ట్విలైట్’ కథానాయిక రోబర్ట్ పాటిసన్ హీరోయిన్గా నటిస్తారట. నోలన్, అతని భార్య ఎమ్మా థామస్ ఈ చిత్రాన్ని నిర్మించనున్నారు. వార్నర్ బ్రదర్స్ డిస్ట్రిబ్యూట్ చేయనుంది. ఇంకా షూటింగ్ మొదలుపెట్టలేదు కానీ ఈ చిత్రాన్ని జూలై 17, 2020లో విడుదల చేస్తామని ప్రకటించారు. -
జూలై సెంటిమెంట్
హాలీవుడ్ దర్శకుడు క్రిస్టోఫర్ నోలన్ తదుపరి సినిమా ఏంటా? అని ప్రపంచవ్యాప్తంగా ఆయన అభిమానులు ఎదురుచూస్తున్నారు. అయితే నోలన్ ఎప్పటిలానే ఏం చేస్తున్నాడో, ఎవరితో చేస్తున్నాడో అన్న విషయం ఇంకా ప్రకటించలేదు. కానీ విడుదల తేదీని మాత్రం ప్రకటించేశారు. 2020 జూలై 17న నోలన్ కొత్త చిత్రం రాబోతోందని నిర్మాణ సంస్థ వార్నర్ బ్రదర్స్ కంపెనీ ప్రకటించింది. నోలన్ రూపొందించిన ఎక్కువ శాతం సినిమాలను ఈ నిర్మాణ సంస్థే నిర్మించింది. నోలన్ తన సినిమాలను జూన్– జూలై సీజన్లో రిలీజ్ చేయడానికి ఇష్టపడతారు. ఆ సెంటిమెంట్నే మళ్లీ రిపీట్ చేశారు. నోలన్ గత ఐదు చిత్రాల్లో 4 సినిమాలు జూలైలో రిలీజ్ కావడం విశేషం. -
లావయ్యానని కామెంట్ చేస్తే..!
అన్నె హతవేకి యూత్లో ఉన్న ఫాలోయింగ్ గురించి ప్రత్యేకించి చెప్పక్కర్లేదు. సోషల్ మీడియాలోనూ ఆమె పోస్ట్లను ఫ్యాన్స్ ఎగబడి ఫాలో అవుతుంటారు. తాజాగా ఆమె ఒక వీడియో పోస్ట్ చేసింది. ఆ వీడియోలో ఆమె భారీ ఎక్సర్సైజ్లు చేస్తూ ఉంది. సన్నగానే ఉంది కదా? ఈ స్థాయిలో ఎక్సర్సైజ్లు ఎందుకు? అని ఎవ్వరూ ప్రశ్నించకముందే ఆమె చెప్పేసింది, తను ఆ ఎక్సర్సైజ్లు చేస్తోంది బరువు పెరగడానికని! క్రిస్టొఫర్ నోలన్ సినిమాలు ‘ది డార్క్ నైట్ రైజెస్’, ‘ఇంటర్స్టెల్లార్’ సినిమాలతో హాలీవుడ్ టాప్ హీరోయిన్లలో ఒకరుగా ఎదిగిన హతవే, తాజాగా ఓ సినిమాకు లావు అమ్మాయిగా కనిపించనుంది. అందుకు ఈ ఎక్సర్సైజ్లు చేస్తోంది. ‘‘త్వరలోనే నేను బాగా లావవుతా. నేను లావయ్యానని ఎవరైనా కామెంట్ చేస్తే, బాడీ షేమింగ్కు వెళితే, నేనొక్కటేమాట చెబుతా.. నేను కాదు, మీరు లావవుతారు. ఇలా బాడీ షేమింగ్కు దిగితే!’’ అంటూ ఆ వీడియోతో పాటు కామెంట్ చేసింది. ఇప్పుడు ఈ కామెంట్ సోషల్ మీడియాలో ట్రెండింగ్! బాడీ షేమింగ్ ఒక్క సినీ పరిశ్రమ అనే కాకుండా అన్ని చోట్లా ఒక అబ్యూజ్గా మారిపోతున్న రోజుల్లో దాని గురించి ఒక టాప్ హీరోయిన్ మాట్లాడటం మంచి విషయమని కామెంట్స్ వినిపిస్తున్నాయి. ఇంతకీ ఏ సినిమాకోసం హతవే లావెక్కుతుందన్న విషయం మాత్రం సస్పెన్స్!! -
షారుక్ రీమేక్?
కమల్హాసన్ రూపొందించిన పొలిటికల్ థ్రిల్లర్ ‘హే రామ్’ (2000). ఈ సినిమా ఎంత మంచి విజయం సాధించిందో తెలిసిందే. మూడు నేషనల్ అవార్డ్స్ కూడా సొంతం చేసుకుంది. హిందీ–తమిళ భాషల్లో రూపొందిన ఈ సినిమాలో షారుక్ ఖాన్ కీలక పాత్ర పోషించారు. విశేషం ఏంటంటే... ఇప్పుడు ఈ సినిమా రైట్స్ను షారుక్ ఖాన్ సొంతం చేసుకున్నారట. ఇటీవల క్రిస్టోఫర్ నోలన్ ఇండియాను సందర్శించినప్పుడు అదే వేడుకలో పాల్గొన్న కమల్హాసన్ ఈ విషయాన్ని వెల్లడించారు.‘‘అప్పట్లో హే రామ్’ సినిమాను షారుక్ ఖాన్ కేవలం ఫ్రెండ్షిప్ కోసం చేశారు. ఈ సినిమాలో నటించినందుకు తనకు వాచ్ మాత్రమే ఇవ్వగలిగాను. ఎందుకంటే సినిమా పూర్తయ్యేసరికి అతనికి ఇవ్వడానికి నా దగ్గర ఏమీ మిగల్లేదు. కానీ ఇప్పుడు షారుక్ ఓ వాచ్ కంపెనీకే బ్రాండ్ అంబాసిడర్ అయ్యారు. ఈ సినిమా రైట్స్ను షారుక్ ఖాన్ ఇటీవలే భరత్ షా (‘హే రామ్’ సినిమా కో–ప్రొడ్యూసర్) దగ్గర నుంచి తీసుకున్నారు. ఈ సినిమా మెమొరీస్ అతని దగ్గర ఉండి ఉంటాయి. ఎందుకంటే అతను ఈ సినిమా కోసం ఫ్రెండ్షిప్, సర్వీస్ ఇచ్చాడు కాబట్టి’’ అని పేర్కొన్నారు కమల్. ఇంతకీ ‘హే రామ్’ రైట్స్ను షారుక్ సొంతం చేసుకున్నారంటే ఈ సినిమాను హిందీలో రీమేక్ చేస్తారని ఊహించవచ్చు. -
నా ఉద్దేశంలో బెస్ట్ ఇండియన్ ఫిల్మ్ అదే
ఫిల్మ్ ప్రిజర్వేషన్, ఫిల్మ్ పై సినిమాలు తీయడంలోని ప్రాముఖ్యత గురించిన ఈవెంట్లో పాల్గొనడానికి హాలీవుడ్ దర్శకుడు క్రిస్టోఫర్ నోలన్ ఇండియా వచ్చిన విషయం తెలిసిందే. ఈ వేడుకలో క్రిస్టోçఫర్ నోలన్ దర్శకత్వం వహించిన ‘ఇంటర్స్టెల్లార్, డంకర్క్’ సినిమాలను ప్రదర్శించారు. అలాగే నోలన్ కొన్ని ఇండియన్ సినిమాలు చూశారు. ఈ సందర్భంగా నోలన్ మాట్లాడుతూ –‘‘ఇండియన్ ఫిల్మ్ మేకర్స్ను కలవాలని, వాళ్ల స్టైల్ తెలుసుకోవాలని చాలాసార్లు అనుకున్నాను. ఈ ప్రయాణం ద్వారా అది నెరవేరింది. ఈ విజిట్లో సత్యజిత్ రే తీసిన ‘పథేర్ పాంచాలి’ (1955) సినిమా చూశాను. నా దృష్టిలో ‘పథేర్ పాంచాలి’ బెస్ట్ ఇండియన్ ఫిల్మ్. దర్శకుడు సత్యజిత్ రే చేసిన ఎక్స్ట్రార్డినరీ వర్క్ ఇది. ఫ్యూచర్లో మరికొన్ని ఇండియన్ సినిమాలు చూడాలనుకుంటున్నాను. ఇండియన్ ఫిల్మ్ ఇండస్ట్రీ నుంచి ఎన్నో విషయాలు నేర్చుకోవాలనే ఆసక్తి ఉంది. ఇప్పుడు ఇండియాకు రావటానికి అది కూడా ఒక కారణమే’’ అని అన్నారాయన. -
ఇప్పుడు మేం ఫిల్మ్ స్టార్స్ కాదు!
అసలు అసలే.. నకిలీ నకిలీయే. అసలు చూసినప్పుడు కలిగిన తృప్తి నకిలీ చూసినప్పుడు ఉంటుందా? అంటున్నారు అమితాబ్ బచ్చన్. ఆయన ‘అసలు’ అని రిఫర్ చేసినది ‘ఫిల్మ్’ గురించి, ‘నకిలీ’ అన్నది ‘డిజిటల్’ గురించి. డిజిటల్ టెక్నాలజీని ఆయన జిరాక్స్తో పోల్చుతున్నారు. ‘ఫిల్మ్’తో తీసిన సినిమా ఇచ్చే తృప్తే వేరని, డిజిటల్ ఫార్మాట్లో కొంచెం అసంతృప్తి ఉంటుందని ఆయన అన్నారు. ఇంతకీ ‘ఫిల్మ్’ గొప్పదనం గురించి అమితాబ్ ఎందుకు చెప్పారంటే.. ప్రముఖ హాలీవుడ్ దర్శకుడు ‘క్రిస్టోఫర్ నోలన్’ ఫిల్మ్ గురించి, పాత సినిమాలను ఎలా భద్రపరచాలి? తదితర విషయాలపై ఇండియాలో జరుగుతున్న సమావేశాల్లో పాల్గొనడానికి విచ్చేశారు. ముంబైలో జరిగిన ఈ సమావేశాల్లో పలువురు భారతీయ సినీ ప్రముఖులు పాల్గొన్నారు. వాళ్లల్లో అమితాబ్ ఒకరు. మొదట్లో సినిమాలు తీయడానికి ఫిల్మ్ వాడేవారనే విషయాన్ని ప్రత్యేకంగా చెప్పక్కర్లేదు. ఆ తర్వాత ఫిల్మ్ స్థానంలో డిజిటల్ టెక్నాలజీ వచ్చింది. ఇప్పుడు 25 టేక్స్ అయినా ఓకే ఈ మార్పు గురించి అమితాబ్ మాట్లాడుతూ ‘‘ఫిల్మ్ ఇండస్ట్రీ, ఫిల్మ్ స్టార్స్’ అని అంటుంటాం. అయితే ఇప్పుడే ఫిల్మ్ మాయమైపోయింది. అందుకని ‘ డిజీ యాక్ట్, డిజీ డిజీ’ అని పిలవాలేమో. డిజిటల్ హవా నడుస్తున్నప్పుడు పాత పద్ధతిని వదలకుండా ఫిల్మ్ మీద సినిమా తీస్తున్న క్రిస్టోఫర్ నోలన్ని అభినందించాలి. ఫిల్మ్ అనేది ఒరిజినల్. డిజిటల్ దానికి జిరాక్స్ లాంటిది. పికాసో గీసిన బొమ్మలను జిరాక్స్ తీసి, మ్యూజియమ్లో పెడితే ఒరిజినల్ చూసిన తృప్తి కలుగుతుందా? ‘కదిలే బొమ్మల’కు దృశ్యరూపం ఇచ్చిన ఫిల్మ్ మరుగునపడిపోయాక థియేటర్లో ప్రొజెక్షన్ రూమ్స్ని మార్చారు, డిజిటల్ సినిమాని ప్రదర్శించడానికి వీలుగా థియేటర్లను మార్చారు, కెమెరాలు మారిపోయాయి. చివరికి ‘కదిలే బొమ్మ’లకు దృశ్యరూపం ఇవ్వడానికి చేసిన కృషి, ఆ పరికరాలన్నింటినీ వదిలేశారు. మా అప్పుడు ఫిల్మ్ కెమేరాలు చాలా పెద్దగా ఉండేవి. వాటి ముందు నిలబడగానే మాకు తెలియని భయం, భారం అనిపించేవి. మా వృత్తి మీద మాకు భయభక్తులు కలిగించేది. మేం క్రమశిక్షణగా ఉండేవాళ్లం. ఫిల్మ్ ఎక్కువ స్టాక్ ఉండేది కాదు. అందుకని పొదుపుగా వాడాల్సి వచ్చేది. ఇప్పుడైతే ఒక్క టేక్లో సీన్ ఓకే కాకపోతే 25 టేక్స్ తీసుకోవచ్చు. అప్పుడూ తృప్తిగా అనిపించకపోతే అనిపించేంతవరకూ తీసుకుంటూ ఉండొచ్చు. డైరెక్టర్కీ, ఆర్టిస్ట్లకూ అంత వెసులుబాటు ఉంటుంది. మా అప్పుడు ‘ఒక్క టేక్’లో చేయాల్సిందే. నా మొదటి సినిమా ‘సాత్ హిందూస్తాన్’ని తక్కువ బడ్జెట్తో తీశారు. ముడి సరుకు తక్కువ ఉండేది. ఒక కొత్త ఆర్టిస్ట్గా ఒక్క టేక్లో సీన్ చేయడం అనేది నాకు పెద్ద సవాల్గా అనిపించింది. నేనెప్పటికీ మరచిపోలేని విషయం ఏంటంటే.. ఆ సినిమా చివరి రోజున నేనొక పెద్ద సీన్ చేయాల్సి వచ్చింది. అప్పుడు అబ్బాస్ (డైరెక్టర్) ‘మన దగ్గర 60 అడుగుల ఫిల్మ్ మాత్రమే మిగిలి ఉంది. ఒకే టేక్లో నువ్వు చేసేయాలి. ఎందుకంటే నా దగ్గర ఫిల్మ్ లేదు’ అన్నారు. భయపడుతూ ఆ సవాల్ని స్వీకరించాను. ఇప్పుడు అంత ఒత్తిడి లేదు కదా. ఏదైనా అప్పటి రోజులే మంచివి. ఇంకో చాన్స్ లేకపోవడం వల్ల మా దృష్టంతా చేసే సీన్ మీదే ఉండేది. ఎంతో శ్రద్ధగా పని చేసేవాళ్లం. ఇప్పుడు పని చేయడంలేదని కాదు. మా అప్పుడు ఇంకా ఎక్కువ జాగ్రత్త తీసుకునేవాళ్లం. అప్పట్లో కెమెరాలో 1000 అడుగుల ఫిల్మ్ ఉండేది. అది అయిపోయాక మళ్లీ లోడ్ చేసేవాళ్లు. ఒక సెకనుకి 24 ఫ్రేములు తిరిగేవి. ఫ్రేమ్స్ అంత ఫాస్ట్గా కదులుతుంటే.. ఆ స్పీడ్ మా నటనకు ఓ హద్దు విధించినట్లుగా అనిపించేది. త్వరగా చేసేయాలనే నిర్భంద పరిస్థితి ఆ ఆర్టిస్ట్కి ఓ హద్దులానే ఉంటుంది కదా. అదే మాకు నటన, క్రమశిక్షణ, పట్టుదల అన్నీ నేర్పించింది. -
నోలన్కి కమల్ సారీ
కమల్హాసన్.. దేశం గర్వించదగ్గ నటుడు. క్రిస్టోఫర్ నోలన్... ప్రపంచమంతా అభిమానులు సంపాదించుకున్న దర్శకుడు. ఈ ఇద్దరూ ఒకే వేదిక పై కలిస్తే ఎలా ఉంటుంది? సినీ ప్రియులకు కనువిందుగా ఉంటుంది. ఈ వేడుకలో నోలన్ను క్షమాపణలు కోరారు కమల్ హాసన్. క్షమాపణలు ఎందుకు కోరారు? కమల్ ఏం పొరపాటు చేశారు అనుకుంటున్నారా? మేటర్ ఏంటంటే డిజిటల్ ఏజ్లో కూడా నోలన్ ఫిల్మ్ మేకింగ్కు ఇంకా (సెల్యులాయిడ్) రీల్ పద్ధతులనే పాటిస్తారు. డిజిటల్ యుగంలో సెల్యులాయిడ్ సినిమా ఆవశ్యకతను, ఫిల్మ్ ప్రిజర్వేషన్ ఇంపార్టెన్స్ను డిస్కస్ చేయటం కోసమే నోలన్ ఇండియా వచ్చారు. నోలన్ ఇండియాకు రావడం ఇది ఫస్ట్టైమ్. ‘‘నోలన్ను కలిశాను. తన లేటెస్ట్ సినిమా ‘డంకర్క్’ను డిజిటల్ ఫార్మాట్లో వీక్షించినందుకు క్షమాపణలు కోరాను. బదులుగా నా ‘హే రామ్’ సినిమా వీక్షించమని డిజిటల్ ఫార్మాట్ ప్రింట్ అయనకు అందించాను. నోలన్ నా ‘పాపనాశనం’ సినిమా చూశారని తెలిసి ఆశ్చర్యపోయాను’’ అని పేర్కొన్నారు కమల్. వీళ్లిద్దరూ కలిసి ముచ్చటిస్తున్న ఫొటోను ట్వీటర్లో షేర్ చేశారు కమల్. -
స్పెషల్ బాండ్.. స్పెషల్ డైరెక్టర్!
బాండ్.. జేమ్స్బాండ్. 56 సంవత్సరాల బ్రాండ్ అది. 24 సినిమాల ఎంటర్టైన్మెంట్. ఎంతో మంది దర్శకులు మారిపోయారు. ఎంతో మంది నటులూ మారిపోయారు. ఆ బ్రాండ్ ఇప్పటికీ అలాగే ఉంది. బాండ్ సినిమా వస్తోందంటే యాక్షన్ సినిమా అభిమానులకు పండగే. ఇక ఈసారి వచ్చేది 25వ సినిమా కదా! కాబట్టి ఈ స్పెషల్ బాండ్ సెట్స్పైకి వెళ్లకముందు నుంచే రోజూ వార్తల్లో కనిపిస్తోంది. ఇంతకుముందు నేటితరం టాప్ డైరెక్టర్ క్రిస్టొఫర్ నోలన్ బాండ్ 25వ సినిమాకు డైరెక్టర్ అని వినిపించింది. ఆ తర్వాత వరుసగా టాప్ డైరెక్టర్స్ పేర్లన్నీ ఒక్కొక్కటిగా వినిపిస్తూ వచ్చాయి. ఇక ఎట్టకేలకు స్పెషల్ బాండ్ దర్శకుడు ఫిక్స్ అయిపోయాడు. ఆయనే మన డేనీ బోయల్. ‘స్లమ్డాగ్ మిలియనీర్’, ‘127 అవర్స్’ సినిమాలతో ఇండియన్ సినిమా అభిమానులకూ బాగా దగ్గరైన డేనీ, జేమ్స్బాండ్ కొత్త సినిమాకు దర్శకత్వం వహిస్తున్నానని స్వయంగా ప్రకటించాడు. ఇప్పుడే అసలైన చర్చ మొదలైంది. డ్రామా, థ్రిల్లర్ జానర్కు పెట్టింది పేరైన డేనీ బోయల్, బాండ్ లాంటి ఔట్ అండ్ ఔట్ యాక్షన్ సినిమాను ఎలా తెరకెక్కిస్తాడా అన్నది ఆసక్తికరం.ఇప్పటికే దర్శకులు మారినప్పుడల్లా బాండ్ సినిమా ప్లాట్, కోర్ ఎమోషన్, టోన్ మారిపోతూ వచ్చింది. ముఖ్యంగా స్కై ఫాల్, స్పెక్టర్ సినిమాలతో శామ్ మెండిస్ బాండ్ రూపు రేఖలనే మార్చేశాడు. దీంతో ఇప్పుడు కొత్తగా, అదీ స్పెషల్ సినిమాకు, ఈ స్పెషల్ డైరెక్టర్ డేని బోయల్ ఏ టోన్ పట్టుకొస్తాడో చూడాలి. గత నాలుగు జేమ్స్బాండ్ సినిమాలకు హీరో అయిన డేనియల్ క్రెయిగ్ ఈ సినిమాలోనూ నటిస్తున్నాడు. -
నోలన్.. ఆస్కార్ ఎప్పుడు దక్కెన్?
మార్చి 4న ప్రకటించిన ఆస్కార్ అవార్డుల్లో బెస్ట్ డైరెక్టర్ క్యాటగిరీలో విన్నర్గా క్రిస్టొఫర్ నోలన్ అనే పేరు వినిపిస్తుందని కోట్లాదిమంది ఆయన అభిమానులు ఎదురుచూశారు. 21వ శతాబ్దపు సూపర్ సక్సెస్ఫుల్ దర్శకుల్లో టాప్ పొజిషన్లో ఒకరుగా ఉంటూ వస్తోన్న క్రిస్టోఫర్ నోలన్, తన ఇరవై ఏళ్ల కెరీర్లో మొదటిసారి ఆస్కార్కు బెస్ట్ డైరెక్టర్గా ఈ ఏడాదే నామినేట్ అయ్యాడు. ‘డంకర్క్’ పేరుతో తన పంథాకు భిన్నంగా, ఒక వార్ డ్రామాను తెరకెక్కించిన నోలన్, ఈ సినిమాతో అయినా ఆస్కార్ తప్పకుండా అందుకుంటాడన్న ఆశలు పెట్టుకున్నారు అభిమానులు. బెస్ట్ పిక్చర్, బెస్ట్ డైరెక్టర్ రెండు విభాగాల్లో ఏదో ఒక విభాగానికి ఆయన అవార్డు అందుకుంటాడని భావించిన ఫ్యాన్స్కు ఈ ఏడాదీ నిరాశే ఎదురైంది. మరి నోలన్ అవార్డు ఎప్పుడు అందుకుంటాడు? ప్రపంచవ్యాప్తంగా మిలియన్ల డాలర్లు కురిపిస్తోన్న సినిమాలను అందిస్తోన్న నోలన్, ఆస్కార్కు అర్హత సాధించేది ఎప్పుడు? నిజానికి నోలన్ గత చిత్రాలతో పోల్చి చూస్తే ‘డంకర్క్’ ఆయనను దర్శకుడిగా అన్నివిధాలా కొత్తగా పరిచయం చేసిన సినిమా. మేకింగ్లోనూ మ్యాజిక్ చూపించాడు. అయితే ఆస్కార్స్ మాత్రం గెలెర్మో డెల్టోరోకు మొగ్గు చూపింది. ‘డంకర్క్’ అన్నివిధాలా సరైన సినిమా అనుకున్నప్పుడే అవార్డు మిస్ అయింది. ఇక మళ్లీ నోలన్ సినిమా ఆస్కార్ వద్ద ఎప్పుడు నిలబడుతుందో.. నోలన్ అభిమానుల ఆస్కార్ కల ఎప్పుడు నెరవేరుతుందో!! ∙క్రిస్టొఫర్ నోలన్ -
ఎవరు కొట్టినా ఫస్టే!
ఆస్కార్ అవార్డుల ప్రదానానికి సరిగ్గా రెండు వారాల సమయం ఉంది. ఒక సోమవారం పోయి, ఇంకో సోమవారం వచ్చేస్తే, ఎవరెవరు ఆస్కార్ చేతిలో పట్టుకొని ఇంటికెళతారో తెలిసిపోతుంది. ఇప్పటికే ఎవరెవరు గెలుస్తారనేదానిపై ఎక్కడిలేని చర్చ జరుగుతోంది. అందులోనూ ‘బెస్ట్ డైరెక్టర్’ క్యాటగిరీకి వచ్చేసరికి ఆ చర్చ తారాస్థాయికి చేరుకుంది. ఈసారి బెస్ట్ డైరెక్టర్కు నామినేట్ అయిన వారిలో అందరూ డిఫరెంట్ జానర్ సినిమాలకు నామినేట్ అయినవారే! ఈ లిస్ట్లో ఉన్నవారంతా ఇప్పటివరకూ ఒక్క ఆస్కార్ కూడా పొందలేదు. కాబట్టి ఇందులో ఎవ్వరు ఆస్కార్ కొట్టినా అది ఫస్టే!! బెస్ట్ డైరెక్టర్కు నామినేట్ అయిన దర్శకుల గురించి ఈ వారం చూద్దాం.. క్రిస్టొఫర్ నోలన్ (సినిమా: డంకర్క్) ఇరవై ఏళ్లుగా హాలీవుడ్ను ఓ ఊపు ఊపేస్తోన్న డైరెక్టర్ క్రిస్టొఫర్ నోలన్. ఆయన సినిమాలకు పిచ్చిగా అభిమానులు ఉన్నారు. ఆయన సినిమా వస్తోందంటే బాక్సాఫీస్ బద్దలైపోతుంది. ఇప్పుడున్న వాళ్లలో టాప్ కమర్షియల్ డైరెక్టర్ ఎవరంటే అందరూ నోలన్ పేరే చెప్పేస్తారు. అలాంటి నోలన్కు బెస్ట్ డైరెక్టర్ క్యాటగిరీలో ‘డంకర్క్’ వరకూ ఒక్క నామినేషన్ కూడా దక్కలేదు. తన శైలికి భిన్నంగా.. రెండో ప్రపంచయుద్ధం నేపథ్యంలో, డంకర్క్ ఎవాక్యుయేషన్ను కథగా ఎంచుకున్న నోలన్, టైమ్ అనే అంశాన్ని ‘డంకర్క్’ సినిమాలో బలంగా వాడుకుంటూ సక్సెస్ సాధించాడు. వార్ జానర్ సినిమాల్లో డంకర్క్ ఓ అద్భుతమైన ప్రయోగం. అలాంటి సినిమాకు నామినేట్ అవ్వడంతో సహజంగానే నోలన్ ఆస్కార్ కూడా అందుకోవడం పక్కా అని అభిమానులు భావిస్తున్నారు. గతంలో స్క్రీన్ప్లేకు రెండు, నిర్మాతగా ఒక ఆస్కార్కు నామినేట్ అయిన నోలన్.. ఒక్క ఆస్కార్ కూడా అందుకోలేదు. ఈసారి ఆయనకే అవార్డు వస్తే, బెస్ట్ డైరెక్టర్గా అవార్డు అందుకుంటాడు నోలన్. అది ఆయన అభిమానులు ఎప్పట్నుంచో కంటోన్న ఓ గొప్ప కల! గెలెర్మో దెల్తోరో (సినిమా: ది షేప్ ఆఫ్ వాటర్) నోలన్ తర్వాత ఈ లిస్ట్లో బెస్ట్ డైరెక్టర్ అవార్డు అందుకుంటాడన్న క్రేజ్ గెలెర్మో సొంతం చేసుకున్నాడు. ‘ది షేప్ ఆఫ్ వాటర్’తో ఇప్పటికే పలు అవార్డు వేడుకల్లో సత్తా చాటిన గెలెర్మో ఆస్కార్ రేసులో భారీ అంచనాల మధ్యనే అవార్డు అందుకుంటాడన్న పేరు తెచ్చుకున్నాడు. గెలెర్మోకి గతంలో ఒక నామినేషన్ దక్కింది. ఇప్పుడిది రెండోది. ఈసారి ఆస్కార్ను సొంతం చేసుకుంటే ఆయనకిది ఫస్ట్ ఆస్కార్. ‘ది షేప్ ఆఫ్ వాటర్’తో బెస్ట్ సినిమాటిక్ ఎక్స్పీరియన్స్ ఇచ్చాడన్న పేరు తెచ్చుకున్నాడు గెలెర్మొ. జోర్డన్ పీలే ( సినిమా: గెటౌట్) కామెడీ నటుడు, రచయిత జోర్డన్ పీలే దర్శకుడిగా మారి చేసిన మొదటి సినిమా ‘గెటౌట్’. మొదటి సినిమాకే జోర్డన్ ఆస్కార్కు నామినేట్ అవ్వడం విశేషం. ఆఫ్రికన్ – అమెరికన్ సంతతికి చెందిన వారిలో ఆస్కార్కు నామినేట్ అయిన ఐదోవాడు జోర్డన్. ఇతనే గనక బెస్ట్ డైరెక్టర్గా ఆస్కార్ కూడా అందుకుంటే, ఈ ఐదుగురిలో ఆస్కార్ అందుకున్న మొదటివాడవుతాడు జోర్డన్. హారర్ కామెడీ జానర్లో జోర్డన్ ‘గెటౌట్’లో చేసిన ప్రయోగం అద్భుతమైన రెస్పాన్స్ తెచ్చుకుంది. మేకింగ్ పరంగా తనకంటూ ఒక స్టైల్ సెట్ చేసుకున్నాడతను. నోలన్, గెల్మెరోలకు పోటీ ఇచ్చేలా జోర్డన్ కనిపించడం లేదని సినీ పండితుల అభిప్రాయం. కానీ ఆస్కార్కు నామినేట్ అయిన వారిలో ఎవరు గెలుస్తారన్నది చివరివరకూ చెప్పలేం కాబట్టి వేచి చూడాల్సిందే! పాల్ థామస్ ఆండర్సన్ (సినిమా: ఫాంటమ్ థ్రెడ్) ఆండర్సన్ ఈ లిస్ట్లో ఆస్కార్కు బాగా దగ్గరి వ్యక్తి. గతంలో ఆరుసార్లు ఆస్కార్కు నామినేట్ అయిన ఆండర్సన్, అవార్డు అయితే ఒక్కటీ అందుకోలేదు. ఇంగ్లాండ్ నేపథ్యంలో 1950ల కాలంలో నడిచే కథ పట్టుకొని, ‘ఫాంటమ్ థ్రెడ్’తో ఆండర్సన్ ఒక బెస్ట్ సినిమాటిక్ ఎక్స్పీరియన్స్ ఇచ్చాడు. మేకింగ్లో ఆయన స్థాయిని ఈ సినిమాలో అడుగడుగునా చూడొచ్చు. ‘ఫాంటమ్ థ్రెడ్’ కమర్షియల్గా మంచి సక్సెస్. విమర్శకుల ప్రశంసలను కూడా అందుకుంది. ఇప్పటికే ఆరుసార్లు ఆస్కార్ మిస్ అయిన ఆండర్సన్ ఈసారైనా అవార్డు అందుకుంటాడని ఆయన అభిమానులు ఆశిస్తున్నారు. ఈ లిస్ట్లో ఆండర్సన్పై పెద్దగా అంచనాలైతే లేవుకానీ, పోటీ అయితే బాగానే ఇచ్చేలా కనిపిస్తున్నాడు. డిఫరెంట్ జానర్లో తమ బ్రాండ్ చాటుకున్న ఈ దర్శకుల్లో ఆస్కార్ ఎవరు అందుకుంటారన్నది తెలియాలంటే మార్చి 4 వరకూ ఎదురు చూడాల్సిందే! మరి ఆరోజు బెస్ట్ డైరెక్టర్ క్యాటగిరీలో ‘అన్డ్ ది అవార్డ్ గోస్ టూ..’ అనగానే ఎవరు లేచి నిలబడతారన్నది ఎదురు చూడాల్సిందే!! గెటా గర్విగ్ (సినిమా: లేడీ బర్డ్) ఏ సినీ పరిశ్రమలో అయినా డైరెక్టర్ అనేసరికి మేల్ డామినేషనే కనిపిస్తుంది. ఎక్కడో మెరుపుల్లా వుమన్ డైరెక్టర్స్ కనిపిస్తారు. గెటా గర్విగ్ చిన్న మెరుపు కాదు. మామూలు మెరుపు కూడా కాదు. ‘లేడీ బర్డ్’ సినిమాతో ఆమె హాలీవుడ్కు పరిచయమై, మొదటి సినిమాతోనే ఒక స్టార్ అనిపించుకుంది. 90 ఏళ్ల ఆస్కార్ చరిత్రలో బెస్ట్ డైరెక్టర్గా ఇప్పటివరకూ నామినేట్ అయిన లేడీ డైరెక్టర్స్ ఐదుగురే! అందులో ఒక్కరికే (కేథరిన్ బైగ్లో – 2010) అవార్డు దక్కించుకుంది. ఇప్పుడు గెటా గనక అవార్డు దక్కించుకుంటే ఆమె రెండో వ్యక్తి అవుతుంది. ఒక కమింగ్ ఆఫ్ ఏజ్ కథను చాలా సున్నితంగా, అద్భుతంగా సినిమాగా ఆవిష్కరించిన గెటా, ‘లేడీ బర్డ్’తో కమర్షియల్ సక్సెస్, విమర్శకుల ప్రశంసలు కూడా అందుకుంది. -
నోలన్ – అమితాబ్ మీట్.. దేనికోసం!?
హాలీవుడ్ సూపర్స్టార్ డైరెక్టర్ క్రిస్టఫర్ నోలన్ ఫ్యాన్స్కు ఒక శుభవార్త! ఆయన మార్చి నెలలో ఇండియా వస్తున్నారట!! హాలీవుడ్ సినిమా పరిచయమున్న ఈ తరం ఇండియన్ సినీ అభిమానికి నోలన్ పేరు ఎక్కడో ఓ దగ్గర వినిపించే ఉంటుంది. అలాంటి సినిమాలు తీశారాయన. ఈ డిజిటల్ యుగంలోనూ ఫిల్మ్పైనే సినిమా తీస్తానని పట్టుబట్టి, ఆ రకంగానూ పాత ట్రెండ్నే కొత్తగా పరిచయం చేసిన నోలన్ ఇండియా వస్తున్నారన్న విషయాన్ని బిగ్ బీ అమితాబ్ బచ్చన్ స్వయంగా తెలియజేశారు. నోలన్ ఇండియా రావడానికి, బిగ్ బీ అది అనౌన్స్ చేయడానికి సంబంధం ఏంటనేగా? వీరిద్దరి కాంబినేషన్లో ఏదైనా సినిమా వస్తుందా అని కూడా అనేసుకుంటున్నారా? ప్రస్తుతానికి అదైతే కాదు కానీ, కొడాక్ కంపెనీ ఇండియాలో ఫెసిలిటీ లాంచ్ చేస్తోంది. ఇప్పుడు మరుగున పడిన ఫిల్మ్కు మళ్లీ క్రేజ్ తెచ్చే దిశగా, ఫిల్మ్లో కింగ్ అనిపించుకున్న కొడాక్ కంపెనీ ప్రయత్నిస్తోందట. అందుకే డిజిటల్ నుంచి సినిమాను ఫిల్మ్ వైపుకు మళ్లిస్తోన్న నోలన్ చేతుల మీదుగా లాంచ్ చేస్తే బాగుంటుందని ఆయనను ఇన్వైట్ చేసిందట. అంటే త్వరలోనే ఈ సూపర్స్టార్స్ను ఒక దగ్గర చూడొచ్చు! 2012 తర్వాత నోలన్ మళ్లీ ఇండియా రాలేదు. దీంతో ఇది ఆయన అభిమానులకు స్పెషల్ అకేషనే!! -
ఆస్కార్ హంగామా మొదలైంది
‘ఆస్కార్ అవార్డ్ విన్నింగ్ సినిమా’ అన్నది ఒక సినిమాకు తిరుగులేని బ్రాండ్. ఆ బ్రాండ్ను దక్కించుకునేందుకు ఏటా అదిరిపోయే సినిమాలు పోటీ పడుతుంటాయి. జనవరిలో నామినేషన్స్ అనౌన్స్ అయిన రోజు నుంచే ఏ సినిమాకు ఆస్కార్ వస్తుందన్న చర్చ మొదలైపోతుంది. ఇక ఈ ఏడాదికి అయితే ఇంకా నామినేషన్స్ రాకముందే ఆస్కార్ సందడి కనిపిస్తోంది. 2017 సంవత్సరానికి సంబంధించి ఆస్కార్ అవార్డుల వేడుక మార్చి 4, 2018న జరగనుంది. 2017లో చాలానే బెస్ట్ అనిపించుకునే సినిమాలు రావడంతో ఇప్పట్నుంచే అసలు నామినేషన్స్కి ఏ సినిమాలు ఎంపికవుతాయి? అందులో నిలిచి, గెలిచే సినిమా ఏది? అన్న చర్చ పెద్ద ఎత్తున జరుగుతోంది. క్రిస్టోఫర్ నోలన్ తీసిన ‘డన్కిర్క్’, స్పీల్బర్గ్ తీసిన ‘ది పోస్ట్’, ‘షేప్ ఆఫ్ వాటర్’, ‘వండర్ వుమన్’, ‘లేడీ బర్డ్’, ‘కాల్ మి బై యువర్ నేమ్’ తదితర సినిమాల పేర్లు రేసులో ఉంటాయని ఎక్కువమంది అంచనా! మరి ఇందులో ఎన్నింటికి నామినేషన్స్ దక్కుతాయన్నది జనవరి 23 వరకు వెయిట్ చేస్తే తెలుస్తుంది. ఇక అస్కార్ను ఏ సినిమా తన్నుకుపోతున్నది తెలియాలంటే మాత్రం మార్చి 4 వరకూ వెయిట్ చేయాల్సిందే!! -
‘జేమ్స్బాండ్ 25’ నోలన్ చేస్తాడా?
‘బాండ్.. జేమ్స్బాండ్..’ సినీ అభిమానులను దశాబ్దాలుగా ఉర్రూతలూగిస్తున్న క్యారెక్టర్ ఇది. ఇప్పటివరకూ 24 బాండ్ సినిమాలొస్తే అన్నీ యాక్షన్ సినిమా అభిమానులకు పండగలాగానే నిలిచాయి. ఇక 25వ సినిమా కూడా వచ్చేస్తుందనేసరికి ఈ స్పెషల్ బాండ్ ఎంత హంగామా చేస్తాడోనని అభిమానులు ఇప్పట్నుంచే ఎదురు చూస్తున్నారు. ఇప్పటికి చాలామంది బాండ్ క్యారెక్టర్లో కనిపించిన నటులు మారిపోయారు. చాలామంది డైరెక్టర్లూ మారిపోయారు. అయినా బాండ్ క్రేజ్ మాత్రం ఇప్పటికీ అలాగే ఉంది. గత నాలుగు బాండ్ సినిమాలకు హీరో అయిన డానియల్ క్రెయిగ్ ఐదోసారి చివరిసారి ఈ 25వ సినిమాలోనే కనిపిస్తాడట. 2019 నవంబర్లో బాండ్ 25వ సినిమా వస్తుందని అనౌన్స్ అయితే చేశారు కానీ, క్రెగ్ కాకుండా ఇంకా ఎవరెవరు ఈ సినిమాకు పని చేస్తున్నారన్నది సస్పెన్సే! తాజాగా కొద్ది రోజులుగా ఓ పుకారు షికారు చేస్తోంది. అదే.. ఇప్పుడున్న టాప్ డైరెక్టర్స్లో ఒకరైన క్రిస్టోఫర్ నోలన్ ఈ సినిమాకు దర్శకుడన్నది. నిజంగానే నోలన్ ఈ సినిమాకు పని చేసున్నాడా? అంటే సమాధానం లేదు. ‘డన్కిర్క్’ తర్వాత నోలన్ తన కొత్త సినిమా ఇంకా అనౌన్స్ చేయలేదు. చేస్తే బాండ్ సినిమా చేస్తూ ఉండొచ్చు కూడా. మరి యాక్షన్కి పెట్టింది పేరైన బాండ్ సినిమాకు నోలన్ స్టైల్ ఎలా కుదురుతుందో? ఎందుకంటే నోలన్ అంటే ఎక్కువ ఫిలాసఫీకి, లాజిక్కీ ఇంపార్టెన్స్ ఇస్తాడు. బాండ్ అంటే లాజిక్కి అందకుండా ఫుల్ యాక్షన్ ఉంటుంది. మరి.. నోలన్ బాండ్ ఎలా ఉంటాడో? అని ప్రస్తుతానికి లెక్కలు వేసుకోవాల్సిందే, అనౌన్స్మెంట్ వచ్చేవరకూ. 2018 మార్చిలో బాండ్ 25 షూట్ మొదలవుతుంది. -
హాలీవుడ్ తెరపై రెండో ప్రపంచ యుద్ధం
ది డార్క్ నైట్, ఇన్సెప్షన్, ఇంటర్స్టెల్లర్ లాంటి సినిమాలతో అంతర్జాతీయ స్థాయిలో గుర్తింపు తెచ్చుకున్న క్రిస్టోఫర్ నోలన్, మరో ఇంట్రస్టింగ్ సినిమాకు రెడీ అవుతున్నాడు. ప్రస్తుతం ప్రపంచవ్యాప్తంగా పీరియాడిక్ సినిమాల హవా నడుస్తోంది. అదే బాటలో రెండు ప్రపంచ యుద్ధ నేపథ్యంలో ఓ సినిమాను తెరకెక్కించడానికి రెడీ అవుతున్నాడు క్రిస్టోఫర్. ప్రస్తుతం స్క్రిప్ట్ దశలో ఉన్న ఈ సినిమాకు సంబంధించిన నటీనటుల వివరాలను త్వరలోనే వెల్లడించనున్నారు. రెండో ప్రపంచ యుద్ధ సమయంలో బ్రిటీష్ ఫోర్స్ చేపట్టిన ఆపరేషన్ డైనమో కథను ఈ సినిమాలో చూపించనున్నారు. పూర్తి స్థాయి యాక్షన్ వార్ డ్రామాగా ఈ సినిమాను తెరకెక్కిస్తున్నారు. త్వరలోనే సెట్స్ మీదకు వెళ్లనున్న ఈ వార్ డ్రామా, 2017 జూలైలోరిలీజ్ కానుంది. క్రిస్టోఫర్ నోలన్ గత చిత్రాల తరహాలోనే భారీ బడ్జెట్తో ప్రతిష్టాత్మకంగా ఈ సినిమాను తెరకెక్కిస్తున్నారు. తన ప్రతీ సినిమాతో అంతర్జాతీయ సినీ వేదికల మీద సత్తా చాటే ఈ స్టార్ డైరెక్టర్ మరోసారి అదే ఫీట్ రిపీట్ చేయడానికి ప్లాన్ చేసుకుంటున్నాడు. -
హాలీవుడ్లో... బొమ్మల బాపు
సినిమా స్క్రిప్ట్ల్లో బాపు సినిమా స్క్రిప్ట్ ప్రత్యేకమైనది. ఇంచక్కా ప్రతి సన్నివేశానికి బొమ్మలు వేసి స్క్రిప్టు బుక్లో ముందే సినిమా చూపిస్తారు. ఇలా చాలా తక్కువ మంది మాత్రమే బొమ్మలతో స్క్రిప్ట్లు తయారు చేసుకుంటారు. ‘ఇన్సెప్షన్’ నుంచి ఇటీవలి ‘ఇంటర్స్టెల్లార్’ చిత్రాల దాకా హాలీవుడ్లో తనదైన ముద్ర వేసిన దర్శకుడు క్రిస్టఫర్ నోలన్. ఈ దిగ్దర్శకుడు కూడా స్క్రిప్ట్ను స్కెచ్లుగా మార్చే కళాకారుడే. ఈ విషయాన్ని ఆయనే స్వయంగా వెల్లడించారు. ట్రైబె కా చిత్రోత్సవాల్లో ముఖ్య అతిథిగా పాల్గొన్న క్రిస్టఫర్ మాట్లాడుతూ ‘‘మూలకథ కూడా రాసుకోను. అంతా స్కెచ్ వర్కే ఉంటుంది. దీంతో కథలో తర్వాత ఏం జరుగుతుంది అన్న విషయంపై నాకు పూర్తి అవగాహన ఉంటుంది. ఇదే నా శైలి. నా ‘మెమొంటో’ చిత్రానికి మాత్రమే స్క్రిప్ట్ రాసుకున్నాను. మిగతా వాటన్నిటికీ ఇలస్ట్రేషన్స్ వేసుకున్నా’’ అని చెప్పారు. -
అద్భుతలోక ప్రయాణం
ఇంటర్ స్టెల్లార్ హైదరాబాద్ నుండి విజయవాడ... అంతర్నగర ప్రయాణం - ఇంటర్సిటీ! భారతదేశం నుండి అమెరికా... అంతర్జాతీయ ప్రయాణం - ఇంటర్నేషనల్ జర్నీ! మరి, మన సౌర కుటుంబం నుండి మరో సౌర కుటుంబానికి ప్రయాణం...? అది - ‘ఇంటర్స్టెల్లార్’ ప్రయాణం! బూడిద తుపాన్లు, ఆమ్ల వర్షాలు, చెదపట్టిన పంటలు - అలా మనిషి మనుగడ సాగించ లేని ప్రమాద స్థితిలో భూమి. మళ్లీ భూమి లాంటి మరో గ్రహం వెతికే ప్రయాణమే - తాజా హాలీవుడ్ సంచలనం ‘ఇంటర్స్టెల్లార్’ కథావస్తువు. కూపర్ ఒక రైతు. పూర్వాశ్రమంలో నాసా పెలైట్. అతనికి పదేళ్ల కూతురు మర్ఫి. పదిహేనేళ్ల కొడుకు టామ్. భార్య లేదు. ఏదో అతీతశక్తి ఆ గదిని ఆవహించిందని మర్ఫి నమ్ముతుంది. ఆ అతీతశక్తి గురుత్వాకర్షణ తరంగాల ద్వారా ఒక సందేశాన్ని పంపుతుంది. ఆ సందేశం తండ్రీ కూతుళ్లని రహస్యంగా నడుస్తున్న నాసా కేంద్రానికి చేరేలా చేస్తుంది. ప్రొఫెసర్ జాన్ బ్రాండ్ ఆధ్వర్యంలో ఆ నాసా కేంద్రం పని చేస్తూంటుంది. విశ్వంలో వామ్హోల్స్ ఉన్నాయని, వాటిని ‘వాహకం’లా వాడుకుని కొత్త గ్రహాలకు చేరే అవకాశం ఉందని చెబుతాడు బ్రాండ్. ఆ విధంగా ఇప్పటికే ముగ్గురు వ్యోమగాములు మిల్లర్, ఎడ్మండ్, మాన్ మూడు గ్రహాల్ని కనుక్కొన్నారని, వాటిని దర్శించారని, ఆ ముగ్గురి పేర్లే ఆ గ్రహాలకు పేర్లుగా పెట్టారని చెబుతాడు. ఈ మూడు గ్రహాలు గార్గాంటా అనే కృష్ణబిలం (బ్లాక్ హోల్) చుట్టూ పరిభ్రమిస్తుంటాయి. ఆ గ్రహాల డాటాను సేకరించమని, ఆ మూడింటిలో ఏ ఒక్క గ్రహంపైనైనా మనిషి మనుగడకు అనువుగా ఉందేమో కనుక్కు రమ్మని కూపర్కు జాన్బ్రాండ్ చెబుతాడు. బ్రాండ్ కూతురు, జీవశాస్త్ర నిపుణురాలు అయిన అమెలా, మరో ఇద్దరు వ్యోమగాములు, మరో రెండు రోబోలు టర్స్, కేస్లతో కలిసి ఎండ్యూరెన్స్ అనే స్పేస్ షిప్ (అంతరిక్ష నౌక) ద్వారా కూపర్ అంతరిక్షయానం చేస్తాడు. అయితే బ్రాండ్ దగ్గర రెండు ప్రతిపాదనలుంటాయి. మనిషి మనుగడ సాగించగల గ్రహాన్ని వెతకడం ప్లాన్-ఎ. అలా మూడు గ్రహాలు మనిషి మనుగడకు అనుకూలం కాని పక్షంలో తమ వెంట తీసుకెళ్లిన, ఫలదీకరించిన వివిధ రకాల జీవుల పిండాల్ని ఆ గ్రహాలపై మనగలిగేలా చేయడం ప్లాన్-బి. కూపర్కి ప్లాన్-బి ఇష్టం ఉండదు. ఆ గ్రహాలపై డాటా సేకరించడం, తిరిగి భూమిని చేరుకొని తన కూతుర్ని కలుసుకోవడం అనేది అతని కోరిక. ప్రత్యక్షంగా బయటపడకపోయినా జాన్బ్రాండ్కు ప్లాన్-ఎ ఫలించదని నమ్మకం. అతని ఆశ అంతా ప్లాన్-బి మాత్రమే. తప్పకుండా తిరిగి వస్తానని మాట ఇచ్చి బయలుదేరతాడు కూపర్. వెళ్లేముందు తన చేతి వాచిని కూతురికి ఇస్తాడు. తండ్రి వెళ్లడం ఇష్టం లేని మర్ఫి ఆ చేతి వాచిని విసిరి కొడుతుంది. అదొక పుస్తకాల అల్మారాలో పడిపోతుంది. కూతురి జ్ఞాపకాలతో కూపర్ బయలుదేరతాడు. వీరు ప్రయాణిస్తున్న స్పేస్ షటిల్ని ఒక రాకెట్, రోదసిలో విడిచిపెడుతుంది. అప్పటికే భూమి చుట్టూ పరిభ్రమిస్తున్న ఎండ్యూరెన్స్ అనే అంతరిక్ష నౌకను స్పేస్ షటిల్ అతుక్కొంటుంది. అక్కడ నుండి ఎండ్యూరెన్స్ అంతరిక్ష నౌక వేగంగా రోదసియానం చేస్తుంది. మన శనిగ్రహం దాటగానే వామ్హోల్ని గుర్తిస్తారు. ఒక వైపు దూరి మరోవైపు వెలుపలకి వచ్చే సొరంగ మార్గం లాంటిదే వామ్హోల్. ఒక విశ్వం నుండి మరో విశ్వానికి తక్కువ సమయంలో ఈ వామ్హోల్ ద్వారా ప్రయాణించవచ్చు. అలా ప్రయాణించి అవతలి వైపుకు చేరుతుంది ఎండ్యూరెన్స్ అంతరిక్షనౌక. అక్కడ నుండి షటల్ ద్వారా మిల్లర్ గ్రహాన్ని చేరుతారు. గ్రావిటేషనల్ టైమ్ డైలేషన్ (గురుత్వాకర్షణ ఎక్కువగా ఉన్న చోట సమయం నెమ్మదిగా గడుస్తుంది). మిల్లర్ గ్రహంపై ఒక గంట సమయం, మన భూమి మీద 7 సంవత్సరాలతో సమానం. ఆ గ్రహం అంతా సముద్రమే. అక్కడ దిగి డాటా సేకరించే సమయంలో కనీవినీ ఎరుగని భారీ అల ముంచెత్తుకు రావడంతో తిరుగు ప్రయాణమౌతారు. అలా మిల్లర్కి వెళ్లి ఇలా ఎండ్యూరెన్స్ తిరిగి చేరడానికి వారికి 3 గంటల సమయం పడుతుంది. అప్పటికి భూమి మీద 23 సంవత్సరాలు గడిచాయి. కూపర్ కూతురు మర్ఫి పెద్దదై, నాసాలో బ్రాండ్ దగ్గర అసిస్టెంట్ సైంటిస్ట్గా పని చేస్తుంటుంది. కొడుకు టామ్ పెద్దవాడై పెళ్లి చేసుకొని తన సంతానాన్ని వీడియో ట్రాన్స్మిషన్ ద్వారా తండ్రి కూపర్కి పరిచయం చేస్తాడు. ఆ క్షణం కూపర్ మానసిక సాంత్వన పొందుతాడు. వీలైనంత త్వరగా మిషన్ను పూర్తి చేయాలనుకుంటాడు. మిగిలిన రెండు గ్రహాల్లో ఏదో ఒక గ్రహం వెళ్లడానికే ఫ్యూయల్ (ఇంధనం) ఉంటుంది. ఇంతలో మాన్ గ్రహం నుండి సంకేతాలు రావడంతో ఆ గ్రహంపై వాలతారు. దీర్ఘనిద్రలో ఉన్న డా. మాన్ని నిద్రలేపుతారు. ఆ గ్రహం అంతా గడ్డకట్టిన మంచు ముక్కలా ఉంటుంది. అక్కడ 67 గంటలు పగలు, 67 గంటలు రాత్రి. ఆ గ్రహం మనిషి బ్రతకడానికి అనువైన స్థలం అని డా. మాన్ నమ్మబలుకుతాడు. ఏమైనా తను తిరిగి భూమిని చేరాలని కూపర్ చెబుతాడు. అది డా. మాన్కు నచ్చదు. కూపర్ ఆక్సిజన్ పైప్ను తొలగించి వైజర్ (హెల్మెట్ ముందున్న పారదర్శక గాజుపలక)ను పగలగొట్టి చంపే ప్రయత్నం చేస్తాడు డా. మాన్. ఆ గ్రహం కూడా మానవాళికి పనికిరాదని అర్థమైపోతుంది. అతి కష్టం మీద కూపర్, అమెలీలు అక్కడ నుండి బయటపడతారు. ఈ లోపు మాన్ మరో షటిల్తో ఎండ్యూరెన్స్ని చేరి అతుక్కోవాలని చూస్తాడు. కానీ పాస్వర్డ్ తెలియక ప్రమాదానికి గురై పేలిపోతాడు. ఇప్పుడు కూపర్కి రెండు లక్ష్యాలు. కానీ ఒక్కటే సాధించగలడు. వెనక్కి కూతురి దగ్గరకు వెళ్లడమా లేదా మూడో గ్రహం ఎడ్మండ్ చేరడమా. కానీ అమెలీ లక్ష్యం మాత్రం సుస్పష్టం. అది ఎడ్మండ్ గ్రహాన్ని చేరడమే. కూపర్కి ఆమె ఆంతర్యం అర్థమయ్యాక తను విడిపోవాలనుకుంటాడు. విడిపోయేముందు అమెలీని ఎడ్మండ్ వైపు పయనమయ్యేలా ‘స్లింగ్షాట్’ ఆపరేషన్ చేస్తారు (ఇంధనం ఖర్చు కాకుండా ఒక గ్రహపు గురుత్వాకర్షణ శక్తిని ఉపయోగించుకొని వేగంగా ప్రయాణించే ప్రక్రియే ‘స్లింగ్ షాట్’). ఆమె అలా ఎడ్మండ్ వైపు ప్రయాణం అవుతుండగా, కూపర్ ఒక్కడే ఆ ఎండ్యూరెన్స్ నుండి విడిపోయి విశ్వంలో పడిపోతాడు. అలా విడిపోవడం మూలాన ఇంధన ఖర్చు తగ్గించినవాడవుతాడు. అంతేకాక ఎడ్మండ్ గ్రహం కూడా మానవాళికి పనికి రాకపోతే ప్లాన్-బి అమలు చేయాలి. అది అతనికి ఇష్టం లేదు. అన్నిటికన్నా ప్రధానం మాట ఇచ్చినట్లుగా కూతుర్ని కలవడం. అందుకే విశ్వంలో పడి పోయాడు. అలా విశ్వంలో ప్రయాణిస్తుండగా వామ్హోల్ లాంటి మరో గొట్టంలో పడి పోతాడు. అయితే అది వామ్హోల్లా లేదు. ఫోర్ డెమైన్షనల్ హైపర్ క్యూబ్ (టెస్సిరాక్ట్). ఆ క్యూబ్లో భూత, వర్తమానాలు బంధించబడి ఉంటాయి. తన కూతురు చిన్నప్పటి దృశ్యాలు మొదలు పెద్దయ్యేంత వరకు ప్రతిదీ క్షుణ్ణంగా కనబడుతుంది. ఇక్కడ భూమి మీద బ్రాండ్ అవసాన దశలో, తన పరిశోధనలో సింగులారిటీ మిస్ అయ్యిందని, ఇక భూమి మీద మనిషి అంతరించి పోవాల్సిందేనని చెప్పి మరణిస్తాడు. మానవాళిని ఏ విధంగాైనె నా సరే భూమి నుంచి ఖాళీ చేయించాలన్న మర్ఫీని ఆ విషయం కలవరపెడుతుంది. అదే సమయంలో హైపర్ క్యూబ్లో కూతురి మర్ఫీ గది దగ్గరకు కూపర్ చేరి బుక్ షెల్ఫ్ని కదుపుతాడు. వాచి కింద పడుతుంది. ఆ వాచ్ లోని టైం ఒక ఈక్వేషన్కు ఆధారంలా తోస్తుంది. భూమ్యాకర్షణ శక్తి నుండి మానవాళి తప్పించుకొని విశ్వంలో బతకడానికి ఆధారం దొరుకుతుంది. ఆ హైపర్ క్యూబ్ నుండి వెలువడ్డాక కూపర్ స్పృహ కోల్పోతాడు. అప్పటికి మానవాళి స్పేస్ ఫారింగ్ సొసైటీ (అంతరిక్షంలో నివసించగల సంఘం)గా అవతరించి ఉంటుంది. కూపర్ కళ్లు తెరిచేసరికి శనిగ్రహం ఆవరణలో ఓ స్పేస్ స్టేషన్ హాస్పిటల్లో ఉంటాడు. చూడటానికి 40 ఏళ్ల వయసులా ఉన్న కూపర్ వయసు అప్పటికి 124 ఏళ్లు. అక్కడ 95 ఏళ్ల తన కూతుర్ని కలుస్తాడు. ఆమె వృద్ధురాలై అవసాన దశలో ఉంటుంది. ఎడ్మండ్ గ్రహానికి వెళ్లి అమెలీని కలవాల్సిందిగా తండ్రిని కోరుతుంది మర్ఫి. కూపర్ తిరిగి ఎడ్మండ్కి ప్రయాణమవుతాడు. విశ్లేషణ: ఈ సినిమాలో వాస్తవం ఎంత, కల్పన ఎంత? అంటే... వాస్తవం ఒక ఆధారం మాత్రమే! మిగతా అంతా కల్పనే... అత్యద్భుతమైన కల్పన. మాటలకందని ఊహాశక్తి. దానికి దృశ్యరూపమిచ్చిన క్రిస్టఫర్ నోలన్కు వెయ్యి వీరతాళ్లు వేయొచ్చు.విశ్వంలో కృష్ణబిలాలు (బ్లాక్ హోల్స్) ఉన్నాయని రూఢి అయింది. అయితే వామ్హోల్స్ ఉంటాయని ఇంకా రూఢి కాలేదు. కాంతిని కూడా మింగేయగల శక్తి కృష్ణబిలానిది. అయితే కాంతివేగం కంటే తక్కువ వేగంతో వామ్హోల్స్ ప్రయాణం చేయొచ్చు అన్నది కల్పన. అది నిజమే కాబోలు అన్నంత గొప్పగా తెరపై ఆవిష్కరించారు. గ్రావిటేషనల్ టైమ్ డిలేషన్ - అంటే విశ్వంలో మనం ఒక చోట కూర్చుని రెండు వేరు వేరు గ్రహాలపై గాని, గ్రహ కూటముల వద్దగాని గడియారాల్ని పరికించి చూస్తే సమయంలో మార్పుంటుంది. గురుత్వాకర్షణ శక్తి ఎక్కువగా ఉన్నచోట టైమ్ నెమ్మదిగా గడుస్తుంది. లేని చోట వేగంగా గడుస్తుంది. దీన్ని ఆధారం చేసుకొని మిల్లర్ గ్రహంపై మూడు గంటల సమయం, భూమి మీద 21 సంవత్సరాలతో సమానం అని చెబుతారు. భూమి మీద మర్ఫి, టామ్లు పెద్దవాళ్లై ఉంటారు. కానీ కూపర్, అమెలీలు యవ్వనంలోనే ఉంటారు. ఇది అందమైన, తెలివైన కల్పన. మనమిక్కడ ఆదివారంలో ఉన్నా అమెరికా వాళ్లు శనివారంలోనే ఉంటారు. కానీ ఏకకాలంలో శని, ఆదివారాల్ని భూవాసులు అనుభవిస్తున్నట్లు ఆకాశంలో కూర్చుని చూసేవాడికి తెలుస్తుంది. ఇదీ అంతే! ఈ సినిమాలో మరో అద్భుతం ఎండ్యూరెన్స్ స్పేస్ షిప్. దాని ఆకారం, అది పని చేసే విధానం రెండూ అద్భుతాలే. అతి దగ్గర్లోనే అలాంటి నిజమైన స్పేష్షిప్ని చూస్తామనిపిస్తోంది. ఇంటర్నేషనల్ స్పేస్ స్టేషన్ని ఆధారం చేసుకొని ఎండ్యూరెన్స్ అనే స్పేస్షిప్ని డిజైన్ చేశారు. టార్స్ అనే రోబో కోసమైనా ఈ సినిమా చూడాలి. ఒక ఆరడుగుల బీరువాలా ఉండే టార్స్ సున్నితమైనవాడు, విధేయుడు, రక్షకుడు. సినిమా చూస్తున్నంత సేపు టార్స్ని ఒక మిషన్లా చూడము. ఒక మనిషిని చూస్తున్నట్లు చూస్తాము. దాంతో అనుబంధం పెంచుకుంటాం. మిల్లర్ నీటి గ్రహంపై డాటా సేకరించే విధానం. భారీ అల నుండి తప్పించుకొనే విభాగం. అలాగే మాన్ గ్రహంపై చివరి నిమిషంలో ల్యాండర్ (షటిల్)ని అందుకొనే సన్నివేశాలు అద్భుతం... మరో మాట లేదు. టార్స్ ఎక్కడ మిస్ అవుతాడో అని మనం కంగారు పడిపోతాము. డా. మాన్ దొంగగా ఎండ్యూరెన్స్ని డాక్ చేయాలనుకొని ప్రమాదంలో పడి పేలిపోతాడు. ఆ సమయంలో ఒక చక్రం ఆకారంలో చుట్టూ 12 క్యాప్సూల్స్ కలిగిన స్పేష్షిప్ ఎండ్యూరెన్స్ పాక్షికంగా దెబ్బతిని భూచక్రంలా గిర్రున తిరుగుతుంది. అంత వేగంగా తిరుగుతున్న స్పేస్షిప్తో అంతే వేగంగా తిరుగుతూ కూపర్ ప్రయాణిస్తున్న షటిల్ని లాక్ చేసే సన్నివేశం పరమాద్భుతం. వర్ణించలేం... చూడాల్సిందే. చివరగా ఫోర్ డెమైన్షనల్ హైపర్ క్యూబ్ లాంటి ప్రదేశం... అందులో కూపర్ చిక్కుకున్న విధానం. తన కూతురి భూత వర్తమానాల దృశ్యాలు మాటలకందవు. ఇలా తీయడం ఎలా సాధ్యం అని జుట్టు పీక్కోవాల్సి వస్తుంది. ఇదంతా కల్పనే కదా అనుకున్నా, నువ్వు నమ్మి తీరాల్సిందే అని ఆ దృశ్యాలు సవాలు విసురుతాయి. దర్శకుడు క్రిస్టఫర్ నోలన్, సంగీత దర్శకుడు హాన్స్ జిమ్మర్కి సింగిల్ పేజీలో కథ ఇచ్చి సంగీతం కంపోజ్ చేయమన్నాడట. అది చదివి థీమ్ని కంపోజ్ చేసి వినిపించాడట జిమ్మర్. గ్రీన్ మ్యాట్లు, బ్లూ మ్యాట్లు లేకుండా ముందుగానే గ్రాఫిక్స్ డిజైన్ చేసి వాటిని డిజిటల్ ప్రొజెక్టర్స్తో లొకేషన్లో ప్రొజెక్ట్ చేసి ఈ సినిమాని షూట్ చేశారు. గ్రాఫిక్స్ మీద ఆధారపడకుండా స్పేస్షిప్ లోపలి భాగం అంతా నిజంగానే నిర్మించారు. అంచేత ఐమ్యాక్స్ కెమేరా కదలికలకు ఇబ్బంది రావడంతో కెమేరామెన్ ఐమ్యాక్స్ కెమేరాను రీ డిజైన్ చేసుకొని వాడారు. ‘ఇంటర్స్టెల్లార్’ సినిమా ప్రాజెక్ట్ నిజానికి 2006లో ప్రారంభమైంది. అప్పుడు దర్శకుడు స్టీవెన్ స్పీల్బర్గ్. ఈ సినిమాకు నాలుగేళ్ళు రైటర్లాగా పనిచేశారు జొనాథన్ నోలన్. కాలిఫోర్నియా ఇన్స్టిట్యూట్ ఆఫ్ టెక్నా లజీలోరిలెటివిటి థియరీని అభ్యసించాడు. ఇంతలో పారమౌంట్ పిక్చర్స్ నుండి స్పీల్బర్గ్ తప్పుకోవడంతో మరో దర్శకుడు కావాల్సి వచ్చింది. జొనాథన్ నోలన్ తన సోదరుడు క్రిస్టఫర్ నోలన్ను రికమెండ్ చేశాడు. అలా 2012లో ఈ సినిమా పట్టాలెక్కింది. కూపర్గా నటించిన మాథ్యూ మెక్ కనౌగీ, తూరు మర్ఫీ (మెక్కింగి ఫో)తో నటించిన సన్నివేశాలు అత్యంత భావోద్వేగాలకు గురి చేస్తాయి. ఒకానొక దశలలో కూపర్ ప్రయాణం ఆపేసి కూతురితో ఉండచ్చు కదా అనేంతగా వీరిద్దరి మధ్య బంధాన్ని పటిష్ఠం చేశాడు దర్శకుడు. డా. మాన్ ప్రవర్తన ఈ సినిమాలో కాస్త వింతగా ఉంటుంది. అతను కూపర్ని చంపే ప్రయత్నం చేయకుండా ఉండి ఉంటే బాగుండనిపిస్తుంది. ఏది ఏమైనా ఇది అద్భుత దృశ్య భాండాగారం. చూడండి. మూడు గంటలపాటు అంతరిక్షంలో విహరించండి. విచిత్ర కథల... వెండితెర మెజీషియన్: క్రిస్టఫర్ నోలన్ హాలీవుడ్లో సుప్రసిద్ధ దర్శకుడు. ‘మెమెంటో’ (మన ‘గజిని’ సినిమాకు మూలం ఇదే), ‘బ్యాట్మన్ బిగిన్స్’, ‘ది డార్క్ నైట్’, ‘ఇన్సెప్షన్’ లాంటి అపురూప చిత్రాలను అందించింది ఆయనే. అద్భుతమైన ఊహాశక్తితో అంతు చిక్కని కథాంశాలను తెరకెక్కించడం ఆయన ప్రత్యేకత. ఆయన ప్రతి సినిమా ఒక పజిల్... కానీ, ప్రేక్షకులకు యమ క్రేజ్. విడుదల: 2014 నవంబర్ 5 (యూఎస్ఎ) దర్శకుడు: క్రిస్టఫర్ నోలన్ సినిమా నిడివి: 169 నిమిషాలు నిర్మాణ వ్యయం: 165 మిలియన్ డాలర్లు (దాదాపు 1,000 కోట్ల రూపాయలు) ఇప్పటి వరకూ వసూళ్లు: 597.2 మిలియన్ డాలర్లు (దాదాపు 3,700 కోట్లు) మదన్ (‘ఆ నలుగురు’ ఫేం) సినీ రచయిత దర్శకుడు