చైనీస్ స్మార్ట్‌ఫోన్ తయారీ సంస్థ 'షియోమీ' (Xioami) గత ఏడాది ఆటోమొబైల్ మార్కెట్లోకి అడుగుపెట్టింది. ఇందులో భాగంగానే కంపెనీ డిసెంబర్ 2024లో ఎస్‌యూ7 (SU7) పేరుతో ఎలక్ట్రిక్ కారును లాంచ్ చేసింది. షియోమీ లాంచ్ చేసిన ఈ కారును ఇప్పటికి లక్ష మంది కొనుగోలు చేసినట్లు సమాచారం. దీనికి సంబంధించిన మరిన్ని వివరాలు ఈ కథనంలో చూసేద్దాం..షియోమీ ఎస్‌యూ7 మార్కెట్లో అడుగు పెట్టి ఇంకా సంవత్సరం పూర్తి కాలేదు, అప్పుడే లక్ష యూనిట్ల అమ్మకాలను పొందగలిగింది అంటే.. చాలా గొప్ప విషయం అనే చెప్పాలి. ఎస్‌యూ7 కారు లక్ష యూనిట్ల సేల్స్ పొందిన విషయాన్ని కంపెనీ ఫౌండర్ & సీఈఓ 'లీ జున్' తన ఎక్స్ ఖాతాలో పేర్కొన్నారు. దీనికి సంబంధించిన ఫోటో కూడా షేర్ చేశారు. ఈ ఏడాది చివరి నాటికి షియోమీ ఎస్‌యూ7 మొత్తం 1.30 లక్షల సేల్స్ పొందే అవకాశం ఉందని భావిస్తున్నారు.షియోమీ ఎస్‌యూ7షియోమీ ఎస్‌యూ7 ఎలక్ట్రిక్ కారు స్టాండర్డ్, ప్రో, మ్యాక్స్ అనే మూడు వెర్షన్‌లలో లభిస్తుంది. వీటి ధరలు వరుసగా రూ.25.18 లక్షలు, రూ. 28.67 లక్షలు, రూ. 34.97 లక్షలు. ఇవి మూడు చూడటానికి చాలా మంచి డిజైన్, లేటెస్ట్ ఫీచర్స్ కలిగి ఉంటాయి. కాబట్టి ఎక్కువమంది వీటిని ఇష్టపడి కొనుగోలు చేశారు. కంపెనీ కూడా తన కస్టమర్లకు డెలివరీలను వేగంగా చేయడానికి.. ఉత్పత్తిని కూడా వేగవంతం చేసింది.ఇదీ చదవండి: ఆఫ్రికన్ దేశాలకు ఇండియన్ బైకులు: ప్యూర్ ఈవీ ప్లాన్ ఇదే..ఆరు కలర్ ఆప్షన్లలో లభించే షియోమీ ఎస్‌యూ7 ఎలక్ట్రిక్ కారు 5.28 సెకన్లలో 0 నుంచి 100 కిమీ వరకు వేగవంతం అవుతుంది. దీని టాప్ స్పీడ్ 210 కిమీ/గం కాగా.. ఇది 400 న్యూటన్ మీటర్ టార్క్, 299 పీఎస్ పవర్ ప్రొడ్యూస్ చేస్తుంది. ఇందులోని 73.6 కిలోవాట్ బ్యాటరీ ప్యాక్ సింగిల్ ఛార్జీతో గరిష్టంగా 800కిమీ రేంజ్ అందిస్తుంది.The 100,000th Xiaomi SU7 has found its owner! She chose Radiant Purple and shared, "I’ve always been a Xiaomi Fan and picked the Pro for its smart driving and range." pic.twitter.com/c8G8GrVzwO— Lei Jun (@leijun) November 18, 2024

షావోమి ఇండియా ప్రెసిడెంట్.. బీ మురళీకృష్ణన్ ఈ ఏడాది చివరి నాటికి కంపెనీ నుండి వైదొలుగుతున్నట్లు ప్రకటించారు. ఆరు సంవత్సరాలు కంపెనీలో పనిచేసిన మురళీకృష్ణన్ అకడమిక్ రీసెర్చ్‌ వైపు వెళ్తున్న కారణంగా షావోమికి రాజీనామా చేసినట్లు సమాచారం.షియోమీ ఇండియా అధ్యక్షుడిగా తన పదవికి రాజీనామా చేసినప్పటికీ.. స్వతంత్ర వ్యూహాత్మక సలహాదారుగా కొనసాగుతారని సంస్థ వెల్లడించింది. 2018లో షావోమి ఇండియాలో అడుగుపెట్టిన మురళీకృష్ణన్ 2022లో కంపెనీ ఇండియా ప్రెసిడెంట్ బాధ్యతలు స్వీకరించారు. అంతకంటే ముందు ఈయన సంస్థలో కీలక పదవులను చేపట్టారు.ఇదీ చదవండి: శుభవార్త.. మరోమారు తగ్గిన బంగారం, వెండి ధరలుఇటీవలే పది సంవత్సరాల వార్షికోత్సవాన్ని షావోమి ఇండియా పూర్తి చేసుకుంది. 2023లో మను కుమార్ జైన్ కంపెనీని వీడిన తరువాత.. సంస్థ నుంచి వెళ్తున్న వారిలో మురళీకృష్ణన్ రెండో వ్యక్తి. అయితే మురళీకృష్ణన్ స్థానంలోకి ఎవరు వస్తారనే విషయాన్ని కంపెనీ ఇంకా అధికారికంగా వెల్లడించలేదు. ప్రస్తుతం కంపెనీ సీఓఓగా సుధీన్ మాథుర్, సీఎఫ్ఓగా సమీర్ రావు, సీపీఓగా వరుణ్ మదన్, సీఎమ్ఓగా అనుజ్ శర్మ ఉన్నారు.

గత ఏడాది గ్లోబల్ మార్కెట్లో అరంగేట్రం చేసిన కొత్త ఎస్‌యూ7 ఎలక్ట్రిక్ సెడాన్‌ను.. షియోమీ ఎట్టకేలకు భారతదేశంలో తన 10వ వార్షికోత్సవ వేడుకల్లో భాగంగా ప్రదర్శించింది. లేటెస్ట్ డిజైన్, ఫీచర్స్ కలిగిన ఈ కారును సంస్థ సాయర్ ఎల్ఐ (Sawyer Li) నాయకత్వంలో రూపొందించింది. ఈయన గతంలో బీఎండబ్ల్యూ విజన్ కాన్సెప్ట్ వంటి కార్ల రూపకల్పనలో ఐదేళ్లు పనిచేశారు.చూడటానికి బీవైడీ సీల్ మాదిరిగా ఉండే ఈ కారు.. ఏరోడైనమిక్ డిజైన్ పొందుతుంది. కాబట్టి ఇది మినిమలిస్టిక్ లేఅవుట్‌తో ఒక పెద్ద టచ్‌స్క్రీన్ సెంటర్ స్టేజ్, ఒక డిజిటల్ డ్రైవర్ డిస్‌ప్లే, పెద్ద హెడ్స్-అప్ డిస్‌ప్లే, పనోరమిక్ రూఫ్‌ వంటివి పొందుతుంది.షియోమీ ఎస్‌యూ7 ఎలక్ట్రిక్ కారు 73.6 కిలోవాట్, 94.3 కిలోవాట్, 101 కిలోవాట్ బ్యాటరీ ఫ్యాక్స్ పొందుతుంది. చైనీస్ లైట్-డ్యూటీ వెహికల్ టెస్ట్ సైకిల్ (CLTC) ప్రకారం.. ఇది 800కిమీ కంటే ఎక్కువ పరిధిని అందిస్తుందని తెలుస్తోంది. ఈ కారు టాప్ స్పీడ్ గంటకు 265 కిమీ.భారతదేశంలో కంపెనీ ఈ కారును ఎప్పుడు లాంచ్ చేస్తుందనే విషయాన్ని కంపెనీ అధికారికంగా వెల్లడించలేదు. అయితే దేశీయ విఫణిలో లాంచ్ అయితే దీని ధర రూ. 24.79 లక్షల నుంచి రూ. 34.42 లక్షల వరకు ఉండే అవకాశం ఉందని తెలుస్తోంది. దీనికి సంబంధించిన మరిన్ని వివరాలు త్వరలోనే వెల్లడవుతాయి.

సాక్షి, ముంబై: షావోమి  తన పాపులర్‌ స్మార్ట్‌ఫోన్‌ ఎంఐ ఎ1 లో కొత్త ఎడిషన్‌ విక్రయాలను ప్రారంభిస్తోంది. క్రిస్మస్‌ సందర్భంగా రెడ్‌ కలర్‌ వెర్షన్‌ లో దీన్ని కస్టమర్లకు అందుబాటులోకి తీసుకొచ్చింది.  రేపు (డిసెంబర్‌12వ తేదీనుంచి)  ఫ్లిప్‌కార్ట్‌, ఎంఐ హోం స్టోర్స్‌ద్వారా  ప్రత్యేకంగా విక్రయించనుంది.  గ్లోబల్ హాలిడే సీజన్‌ను సెలబ్రేట్‌  చేస్తున్న షావోమి ఇండియాలో కూడా క్రిస్మస్‌ సేల్‌ను ప్రకటించింది. ఈ ఎంఐ ఎ1 రెడ్  స్పెషల్ ఎడిషన్‌ రూ. 13,999 ధరలో బ్లాక్, గోల్డ్‌ అండ్‌ రోజ్‌ గోల్డ్‌ ఎడిషన్‌లో లభిస్తుంది. భారత్‌లో ఈ ఏడాది సెప్టెంబర్‌లో  ధర రూ. 14,999కి లాంచ్‌ చేసిన కంపెనీ ఇటీవల దీనిపై  వెయ్యి రూపాయల పర్మినెంట్‌ డిస్కౌంట్‌ ప్రకటించింది. ఎంఐ ఎ1 ఫీచర్లు 5.5 అంగుళాల ఫుల్‌ హెచ్‌డీ డిస్‌ప్లే కార్నింగ్ గొరిల్లా గ్లాస్ ఆండ్రాయిడ్ 7.1.2 నౌగాట్ 2గిగాహెడ్జ్‌ ఆక్టా-కోర్ క్వాల్కమ్ స్నాప్‌డ్రాగన్‌ 625 ప్రాసెసర్ 4జీబీ ర్యామ్‌ 64జీబీ స్టోరేజ్‌ 12 మెగాపిక్సల్ డ్యుయల్ బ్యాక్ కెమెరాలు 5 మెగాపిక్సల్ సెల్ఫీ కెమెరా 3080 ఎంఏహెచ్‌ బ్యాటరీ

'దేశ్‌ కా స్మార్ట్‌ఫోన్‌'గా షావోమి ఇటీవల ప్రవేశపెట్టిన రెడ్‌మి 5ఏ స్మార్ట్‌ఫోన్‌కు అనూహ్య స్పందన వస్తోంది. తొలి సేల్‌కు ముందే ఈ స్మార్ట్‌ఫోన్‌ 10 లక్షలకు పైగా రిజిస్ట్రేషన్లను పొందింది. ఎంఐ.కామ్‌, ఫ్లిప్‌కార్ట్‌లో ఈ రిజిస్ట్రేషన్ల వెల్లువ కొనసాగింది. ఈ స్మార్ట్‌ఫోన్‌ రేపటి(డిసెంబర్‌ 7) నుంచి తొలిసారి విక్రయానికి వస్తోంది. రెండు వేరియంట్లలో ఈ స్మార్ట్‌ఫోన్‌ లాంచ్‌ అయింది. 2జీబీ ర్యామ్‌, 16జీబీ స్టోరేజ్‌ వేరియంట్‌ ధర రూ.4,999కాగ, 3జీబీ ర్యామ్‌, 32జీబీ స్టోరేజ్‌ వేరియంట్‌ ధర 6,999 రూపాయలు.  అయితే బేస్‌ మోడల్‌ ధర 5999 రూపాయలు. వెయ్యి రూపాయల డిస్కౌంట్‌తో బేస్‌ మోడల్‌ను రూ.4,999కే విక్రయిస్తుంది. ''1 మిలియన్‌ మార్కును పొందాం. ఇంకా కౌంటింగ్‌ కొనసాగుతోంది. ఫ్లిప్‌కార్ట్‌, ఎంఐ.కామ్‌లలో తొలిసారి విక్రయానికి వస్తున్న రెడ్‌మి 5ఏకు 1 మిలియన్‌కు పైగా రిజిస్ట్రేషన్లు పొందాం. యే హాయ్‌#దేశ్‌ కా స్మార్ట్‌ఫోన్‌'' అని షావోమి ఇండియా మేనేజింగ్‌ డైరెక్టర్‌, వైస్‌ ప్రెసిడెంట్‌ మను కుమార్‌ జైన్‌ తెలిపారు. ఏ  డార్క్‌ గ్రే, గోల్డ్‌, రోజ్‌ గోల్గ్‌ కలర్‌ వేరియంట్స్‌లో ఇది లభ్యం. రెడ్‌మి 5ఏ ఫీచర్లు 5 అంగుళాల హెచ్‌డీ తాకే తెర స్నాప్‌డ్రాగన్‌ 425 ప్రాసెసర్‌ ఆండ్రాయిడ్‌ నోగట్‌, ఎంఐయూఐ 9 వెర్షన్‌ 2జీబీ ర్యామ్‌, 3జీబీ ర్యామ్‌ 16జీబీ, 32జీబీ  స్టోరేజ్‌ 128జీబీ వరకు  విస్తరించుకునే అవకాశం   13 ఎంపీ రియర్‌ కెమెరా 5 ఎంపీ సెల్ఫీ కెమెరా 3000ఎంఏహెచ్‌ బ్యాటరీ

షావోమి రెడ్‌మి 5, రెడ్‌మి 5 ప్లస్‌ స్మార్ట్‌ఫోన్ల లాంచింగ్‌ తేదీ వివరాలు అధికారికంగా ప్రకటించింది. డిసెంబర్‌ 7న ఈ స్మార్ట్‌ఫోన్లను తీసుకురాబోతున్నట్టు తెలిపింది. 18:9 యాస్పెప్ట్‌ రేషియో డిస్‌ప్లేలతో ఈ స్మార్ట్‌ఫోన్లను లాంచ్‌ చేయబోతున్నట్టు సమాచారం. ఈ రెండు స్మార్ట్‌ఫోన్లలో రెడ్‌మి 5కి చైనీస్‌ టెలికమ్యూనికేషన్స్‌ సర్టిఫికేషన్‌ అథారిటీ టీనా నుంచి క్లియరెన్స్‌ కూడా వచ్చింది. దీనికి సంబంధించి కొన్ని స్పెషిఫికేషన్లను కూడా బహిర్గతం చేసింది. రెడ్‌మి 5కు 5.7 అంగుళాల హెచ్‌డీప్లస్‌ డిస్‌ప్లే, యాస్పెక్ట్‌ రేషియో 18:9, స్మార్ట్‌ఫోన్‌కు వెనుకవైపు ఫింగర్‌ప్రింట్‌ స్కానర్‌,  స్నాప్‌డ్రాగన్‌ 625 ప్రాసెసర్‌, 4జీబీ ర్యామ్‌, 64జీబీ స్టోరేజ్‌, వెనుకవైపు కెమెరా 12ఎంపీ సెన్సార్‌, ముందు వైపు 5 ఎంపీ కెమెరా, 3,300 ఎంఏహెచ్‌ బ్యాటరీ, ఆండ్రాయిడ్‌ నోగట్‌ 7.0  ఫీచర్లుంటాయని తెలుస్తోంది. ఈ ఫోన్‌ అంచనా ధర రూ.13,700గా వెల్లడవుతోంది. రెడ్‌మి నోట్‌ 4 కంటే కాస్త ఎక్కువనే.   అదేవిధంగా కాస్త పెద్దదిగా రెడ్‌మి 5 ప్లస్‌ స్మార్ట్‌ఫోన్‌, రెడ్‌మి 5 కంటే పెద్దదిగా ఉంటుందని తెలుస్తోంది. రెడ్‌మి 5 ప్లస్‌ స్మార్ట్‌ఫోన్‌కు 5.9 అంగుళాల ఫుల్‌ హెచ్‌డీప్లస్‌ డిస్‌ప్లే, ఆక్టా-కోర్‌ క్వాల్‌కామ్‌ స్నాప్‌డ్రాగన్‌ 625 ప్రాసెసర్‌, 3జీబీ ర్యామ్‌, 32జీబీ స్టోరేజ్‌, వెనుకవైపు రెండు కెమెరాలు, 4000 ఎంఏహెచ్‌ బ్యాటరీ ఉంటాయని రిపోర్టులు చెబుతున్నాయి. కాగ, షావోమి అత్యంత ప్రతిష్టాత్మకమైన దేశ్‌ కా స్మార్ట్‌ఫోన్‌ నేడు విడుదల కాబోతుంది. దేశీయ స్మార్ట్‌ఫోన్‌ ఇండస్ట్రీకి ఇది అతిపెద్ద ఆశ్చర్యకరమైన విషయమని షావోమి తెలిపింది.       

భారత్‌లో నెంబర్‌ వన్‌ స్మార్ట్‌ఫోన్‌ కంపెనీగా దక్షిణ కొరియా దిగ్గజం శాంసంగ్‌ స్థాయికి చైనీస్‌ స్మార్ట్‌ఫోన్‌ తయారీదారి షావోమి చేరుకుంది. సెప్టెంబర్‌తో ముగిసిన క్వార్టర్‌లో టాప్‌ స్లాట్‌లోకి షావోమి కూడా చేరుకున్నట్టు రీసెర్చ్‌ సంస్థ ఐడీసీ తెలిపింది. ఏడాది మూడో క్వార్టర్‌లో 9.2 మిలియన్‌ స్మార్ట్‌ఫోన్ల రవాణాతో షావోమి మార్కెట్‌ షేరు 23.5 శాతంగా నమోదైంది. దేశంలో అ‍త్యంత వేగవంతంగా దూసుకెళ్తున్న స్మార్ట్‌ఫోన్‌ బ్రాండులల్లో షావోమి కూడా ఉందని, ఈ ఏడాది మూడో క్వార్టర్‌లో కంపెనీ వృద్ధి రేటు కనీసం 300 శాతం(ఏడాది ఏడాదికి)గా ఉన్నట్టు ఐడీసీ తన క్వార్టర్లీ మొబైల్‌ ఫోన్‌ ట్రాకర్‌, క్యూ3 2017లో మంగళవారం పేర్కొంది. శాంసంగ్‌ సీక్వెన్షియల్‌గా(క్వార్టర్‌ క్వార్టర్‌కు) 39 శాతం వృద్ధిని నమోదుచేయగా.. ఏడాది ఏడాదికి 23 శాతం వృద్ధిని నమోదుచేసింది. శాంసంగ్‌ మార్కెట్‌ వాల్యులో 60 శాతం దాన్ని కీమోడల్స్‌ గెలాక్సీ జే2, గెలాక్సీ జే7 నెక్ట్స్‌, గెలాక్సీ జే7 మ్యాక్స్‌లున్నాయి.  షావోమి బెస్ట్‌ సెల్లింగ్‌ స్మార్ట్‌ఫోన్‌గా రెడ్‌మి నోట్‌4 నిలిచింది. ఈ క్వార్టర్‌లో నాలుగు మిలియన్ల రెడ్‌మి నోట్‌4 యూనిట్లను షావోమి రవాణా చేసింది. వచ్చే క్వార్టర్‌లలో శాంసంగ్‌, షావోమి రెండు తమ ఛానల్స్‌ను మరింత బలోపేతం చేసుకుంటాయని, తీవ్రమైన పోటీకర స్మార్ట్‌ఫోన్‌ మార్కెట్‌లో లీడర్‌షిప్‌ కోసం ఈ రెండు కంపెనీలు పోటీ పడనున్నాయని ఐడీసీ ఇండియా సీనియర్‌ అనాలిస్ట్‌ ఉపాసన జోషి చెప్పారు. షావోమికి వెబ్‌సైట్‌ ద్వారా నమోదవుతున్న విక్రయాలు అధికంగా ఉన్నాయి. మొత్తంగా ఆన్‌లైన్‌ ఛానల్‌ ద్వారా వచ్చే షేరు 32 శాతం నుంచి 37 శాతం పెరిగింది. భారత మార్కెట్‌లోకి ప్రవేశించిన మూడేళ్లలోనే ఎక్కడా చూడనంత వృద్ధిని చూశామని షావోమి ఇండియా మేనేజింగ్‌ డైరెక్టర్‌, షావోమి వైస్‌ప్రెసిడెంట్‌ మను జైన్‌ తెలిపారు. అతి తక్కువ సమయంలో అన్ని రంగాల్లోనూ మార్కెట్‌ లీడర్‌గా నిలిచిన తొలి బ్రాండు తమదేనన్నారు.  

సాక్షి, ముంబై:  చైనా మొబైల్‌ మేకర్‌ షావోమి  భారత మార్కెట్లో  తన దూకుడును మరింత పెంచేంది. తాజాగా వై1  సిరీస్‌లో  సరికొత్త  బిగ్‌  స్మార్ట్‌ఫోన్లను లాంచ్‌ చేసింది.  ఇ-తరాన్ని లక్ష్యంగా చేసుకుని,   బ్రాండ్ కొత్త సిరీస్‌ను ప్రత్యేకంగా భారత మార్కెట్లో  ఆవిష్కరించింది వై 1 సిరీస్‌లో    మూడు వైవిధ్యమైన  డివైస్‌లను ఆకర్షణీయమైన ఫీచర్లు, ఆకట్టుకునే ధరలో, వినూత్న రంగుల్లో విడుదల చేసింది.  అలాగే నవంబర్‌ మధ్యనాటికి ఎంఐయుఐ అప్‌గ్రేడ్‌ కూడా లభించనుందని ప్రకటించింది.  అంతేకాదు వీటికి  బాలీవుడ్‌ భామ కత్రీనా కైఫ్‌   బ్రాండ్‌ అంబాసిడర్‌గా వ్యవహరించనుంది.   కత్రీనా సైన్‌ చేసిన   రెడ్‌ మి  వై1  మొబైల్స్‌ను ప్రత్యేకంగా   అందించనుంది. రెడ్‌ మి  వై 1, 3జీబీ/ 32 జీబీ వేరియంట్ రూ .8,999,  4జీబీ /64జీబీ  వేరియంట్ కోసం రూ. 10,999లుగా నిర్ణయించింది.  అలాగే    రెడ్‌మి వై 1 లైట్‌ పేరుతో   బడ్జెట్‌ధరలో రూ .6,999 కే అందిస్తోంది.  నవంబరు 8 మధ్నాహ్నం 12గంటలనుంచి ఎంఐ, అమెజాన్‌లలో విక్రయానికి లభిస్తుందని  తెలిపింది.  ఈ డివైస్‌తో ఇన్‌ఫ్రారెడ్‌ రిమోట్‌ను కూడా ఉచితంగా  అందిస్తోంది.  రెడ్‌ మి  వై 1 ఫీచర్స్  5.5 అంగుళాల హెచ్‌డీ  స్క్రీన్ కార్నింగ్‌ గొర్రిల్లా గ్లాస్ ప్రొటెక్షన్‌ క్వాల్ కామ్ స్నాప్ డ్రాగన్ ప్రాసెసర్ 13 మెగాపిక్సెల్ రియర్‌ కెమెరా 16 మెగాపిక్సెల్ ఫ్లాష్ సెల్ఫీ కెమెరా 3080ఎంఏహెచ్‌ బ్యాటరీ రెడ్‌ మి వై1 లైట్‌  ఫీచర్స్  5.5 అంగుళాల  హెచ్‌డీ  స్క్రీన్,  కార్నింగ్‌ గొర్రిల్లా గ్లాస్ ప్రొటెక్షన్‌ క్వాల్ కామ్ స్నాప్ డ్రాగన్ 425 ప్రాసెసర్ 2జీబీ ర్యామ్ 16 జీబీ ఇన్ బిల్ట్ స్టోరేజ్  13 మెగాపిక్సెల్ బ్యాక్ కెమెరా 3080 ఎంఏహెచ్‌ బ్యాటరీ Presenting Katrina Kaif as the face of our brand new series – Redmi Y1. RT to win a personally signed #Redmi Y1 by Katrina Kaif. pic.twitter.com/L05X0bcnhc — Redmi India (@RedmiIndia) November 2, 2017


 
 
 బీజింగ్‌:  ప్రముఖ చైనా  మొబైల్‌ మేకర్‌ షావోమి మరో  ఫ్లాగ్‌షిప్‌ స్మార్ట్‌ఫోన్‌ ను లాంచ్‌ చేసింది. రెడ్‌ మి 4 ఏ, రెడ్‌మి నోట్‌ 4తో   అమ్మకాల సునామీ సృష్టించిన  షావోమి   ఈ విజయ పరంపరలో  మరో డివైస్‌ను  చైనాలో విడుదల చేసింది. గత నెలలో రెడ్‌మి నోట్‌  5 ఏ పేరుతో  లాంచ్‌ చేసిన  ఈ స్మార్ట్‌ఫోన్‌ కొత్త వెర్షన్‌ ప్రారంభించింది.  కొత్త 4జీబీ ర్యామ్‌  వేరియంట్  లో దీని ధరను రూ.12వేలకు కస్టమర్లకు అందుబాటులో ఉంచింది. పాత వెర్షన్‌ లోని స్నాప్‌ డ్రాగెన్   425 ప్రాసెసర్‌  మెరుగుపర్చి(  క్వాల్కమ్‌ స్నాప్‌డ్రాగన్‌ ఆధారిత 435 ప్రాసెసర్‌) కొత్త వేరియంట్‌ను లాంచ్‌ చేసింది.  ప్లాటినం సిల్వర్, షాంపైన్ గోల్డ్ రోజ్ గోల్డ్ కలర్స్‌లో చైనాలో ప్రస్తుతానికి  లభిస్తోంది.  2జీబీ, 16జీబీ స్టోరేజ్‌,ధర రూ. 6700, 3జీబీ, 32 జీబీ స్టోరేజ్‌ వేరియంట్‌ను  కూ.  8645 ధరలో  ఈ స్మార్ట్‌ఫోన్‌ను ఆగస్టులో చైనాలో లాంచ్‌  చేసింది.   అయితే ఈ ఏడాది  చివరిలోపు ఇండియాలో కూడా  లాంచ్‌ చేయనుందని  తెలుస్తోంది.  అధికారిక సమాచారం వచ్చేంతవరకు ఎపుడు లాంచ్‌ చేయనుంది అనేది  ప్రస్తుతానికి  సస్పెన్సే.
 
 
 
 రెడ్‌ మీ నోట్‌ 5 ఏ
 
 5.5 అంగుళాల హెచ్‌డీ డిస్‌ప్లే
 720x1280 పిక్సల్స్  రిజల్యూషన్‌
 ఆండ్రాయిడ్‌ నౌగట్‌ 7.1.1
 4 జీబీ ర్యామ్‌
 64 జీబీ ఇంటర్నల్‌ స్టోరేజ్‌
 స్టోరేజ్‌ 128 దాకా విస్తరించుకునే  సదుపాయం
 13 ఎంపీ రియర్‌ కెమెరా
 16ఎంపి ఫ్రంట్‌కెమెరా
 3080 ఎంఏహెచ్‌ బ్యాటరీ


 సాక్షి, బీజింగ్‌: షావోమి వరుస లాంచింగ్‌ లతోమ దూసుకుపోతోంది. ఎంఐ మిక్స్‌2,  నోట్‌ బుక్‌ 3,  నోట్‌ బుక్‌ ప్రో ల్యాప్‌ట్యాప్‌ను సోమవారం చైనాలో  లాంచ్‌ చేసింది.   15.6 అంగుళాల డిస్‌ప్లే విత్‌  కార్నింగ్‌  గొరిల్లా గ్లాస్‌ 3 ప్రొటెక్షన్‌  , 8వ జనరేషన్‌ ఇంటెల్‌కోర్‌  ఐ7 ప్రాసెసర్‌తో నోట్‌బుక్‌ను   పరిచయం చేసింది. మూడు వేరియంట్లలో దీన్న విడుదల చేసింది.
 
  డ్యూయల్‌ కూలింగ్‌ సిస్టం , టచ్‌ప్యాడ్‌ విత్‌ ఫింగర్‌ పింట్‌ సెన్సర్‌, మెగ్నీషియం అలోయ్‌  ఫ్రేమ్ డాల్బీ అట్మోస్  ఇతర ఫీచర్లుగా నిలవనున్నాయి.  అలాగే ఆపిల్ మ్యాక్‌ బుక్‌ ప్రో  కీబోర్డుతో  పోలిస్తే 19 శాతం పెద్దదైన బ్యాక్‌లిట్‌ కీబోర్డు దీని సొంతం . అలాగే16జీబీ ర్యామ్‌, ఫాస్ట్‌చార్జింగ్‌ ప్రత్యేకతలుగా కంపెనీ చెబుతోంది. కోర్ ఐ7,  8 జీబీ మోడల్‌ ధర రూ. 68,700 గాను,    ఇంటెల్‌ కోర్‌ ఐ5  8 జీబీ ర్యామ్‌ మోడల్‌ ధర రూ.62,800గాను,    ఇంటెల్‌ కోర్ ఐ7 16జీబీ   రూ.54,900గాను  ఉండనుంది.  ఇది త్వరలో చైనాలో విక్రయాలు మొదలుకానున్నాయి.   ఇతర మార్కెట్లలో అందుబాటుపై   అధికారిక వివరాలకోసం  వెయిట్‌ చేయాల్సిందే.
  


 
 
 సాక్షి,  బీజింగ్‌: మొబైల్‌ దిగ్గజం షావోమి మరో రెండు ఉత్పత్తులను లాంచ్‌  చేసింది. ఎంఐ మిక్స్‌ 2 పేరుతో మరో ఫ్లాగ్‌షిప్‌ స్మార్ట్‌ఫోన్‌ను,  ఎంఐ నోట్‌బుక్‌  ప్రో ను కస్టమర్లకు అందుబాటులోకి తెచ్చింది.   ముఖ్యంగా ఎంఐమిక్స్‌కు సక్సెసర్‌గా  ఎంఐమిక్స్‌ 2ను  సోమవారం చైనా మర్కెట్లో ప్రవేశపెట్టింది.   చైనాలో  ఈ మధ్యాహ్నం జరిగిన ప్రత్యేక కార‍్యక్రమంలో    వీటిని విడుదల చేసింది.   భారీ స్క్రీన్‌, ర్యామ్‌,  స్టోరేజ్‌ కెపాసిటీ తమ ప్రత్యేకతలుగా కంపెనీ చెబుతోంది.
 ఎంఐ మిక్స్‌ 2 ఫీచర్స్‌ 
 5.99  ఫుల్‌  స్క్రీన్‌ డిస్‌ప్లే
 6/8 జీబీ ర్యామ్‌
 64/128 256/ ఇంటర్నల్‌ స్టోరేజ్‌
 16ఎంపీ రియర్‌ కెమెరా విత్‌ సోనీ  సెన్సర్‌
 12ఎంపీసెల్ఫీ కెమెరా
 3400 ఎంఏహెచ్‌ బ్యాటరీ
 
 
 మరోవైపు ఇది ఐ ఫోన్‌ 7కి గట్టి పోటీఇవ్వనుందని ఇండస్ట్రీ వర్గాలు భావిస్తున్నాయి.   6జీబీ ర్యామ్‌ / 64జీబీ స్టోరేజ్‌  వేరియంట్ ధర  3,299(సుమారు రూ.32,335) యెన్‌లుగాను, 6జీబీ ర్యామ్‌ / 128 జీబీ స్టోరేజ్‌  వేరియంట్   3,599 (సుమారు రూ.36వేలు) యెన్‌గాను, 6జీబీ ర్యామ్‌ / 256 జీబీ స్టోరేజ్‌  3,999 (సుమారు రూ.39 వేలు) యెన్‌ గాను కంపెనీ నిర్ణయించింది. అంతేకాదు సూపర్ బ్లాక్ కలర్ లో ప్రత్యేకంగా అందుబాటులో ఉన్న ఈ స్మార్ట్‌ఫోన్‌ రియర్‌ కెమరా రింగ్‌ను 18 క్యారెట్ల బంగారు రింగ్‌ను అమర్చడం మరో విశేషంగా ఉంది.


 సాక్షి, ముంబై:  చైనా మొబైల్‌  మేకర్‌ షావోమి మరో సరికొత్త స్మార్ట్‌ఫోన్‌ను మంగళవారం లాంచ్‌ చేసింది.   బిగ్‌ లాంచ్‌ అంటూ  ఊరిస్తూ వచ్చిన కంపెనీ  ఎంఐ ఎ 1  పేరుతో డ్యుయల్‌ రియర్‌ కెమెరాలతో  దీన్ని  మార్కెట్లో ప్రవేశపెట్టింది.   షావోమి గ్లోబల్‌లాంచ్‌ 2017లో  ఇండియాలో మొట్ట మొదటి  రెండు రియర్‌ కెమెరాలతో స్మార్ట్‌ఫోన్‌ను  ఎంఐ లవర్స్‌కి అందుబాటులోకి తెచ్చింది. 
 ఆన్‌లైన్‌  రీటైలర్‌ ఫ్లిప్‌కార్ట్‌లో ప్రత్యేకంగా లభించనుంది.   ఫుల్‌ మెటల్‌బాడీ,  ప్రీమియం డిజైన్‌ , 10వీ స్మార్ట్‌ పీఏ హై క్వాలిటీ ఆడియో, యూఎస్‌బీ టైప్‌-సీ పోర్ట్‌లతోపాటు  డ్యూయల్‌ కెమెరా(ఫ్లాగ్‌ షిప్‌)(డీఎస్‌ఎల్‌ఆర్‌ ఎక్స్‌పీరియన్స్‌ ఇన్‌ పాకెట్‌)  వన్‌ వైడ్‌ యాంగిల్‌ కెమెరా, వన్‌ వర్టికల్‌ కెమెరా  తమ తాజా డివైస్‌  ప్రత్యేకతలుగా కంపెనీ చెబుతోంది.  క్రియేటెడ్‌ బై షావోమి, పవర్డ్‌ బై గూగుల్‌ అని షావోమి తెలిపింది. దీని ధరను  రూ.14,999గా  నిర్ణయించింది. అయితే సెప్టెంబర్‌ 12వ  తేదీ మధ్యాహ్నం నుంచి ఇది విక్రయానికి అందుబాటులోఉండనుంది. అంతేకాదు ఈ ఏడాది చివరి నాటికి గూగుల్‌ తాజా ఓఎస్‌ ఓరియో  ఆప్‌డేట్‌ అందిస్తుందిట.
 
 
 
 ఎంఐ ఏ1   ఫీచర్లు
 5.5 ఫుల్‌ హెచ్‌డీ డిస్‌ప్లే
 కోర్నింగ్‌ గొరిల్లా గ్లాస్‌
  క్వాల్కం స్నాప్‌ డ్రాగన్‌ 625 ఆక్టాకోర్‌ ప్రాసెసర్‌
 ఆండ్రాయిడ్‌ నౌగట్‌ 7.1
 4 జీబీ ర్యామ్‌
 64 జీబీ ఇంటర్నల్‌స్టోరేజ్‌
 128 దాకా విస్తరించుకునే  అవకాశం
 12 ఎంపీ పిక్సెల్‌ డ్యుయల్‌ రియర్‌  కెమెరా
 5ఎంపీ సెల్ఫీ కెమెరా
 3080 ఎంఏహెచ్‌ బ్యాటరీ


 సాక్షి, న్యూఢిల్లీ: ఈ-కామర్స్‌ ఫ్లాట్‌ఫామ్స్‌లపై సంచలన విక్రయాలను నమోదుచేస్తున్న రెడ్‌మి ఫోన్లపై క్యాష్‌బ్యాక్‌ ఆఫర్‌ అందుబాటులోకి వచ్చింది. షావోమి పాపులర్‌ స్మార్ట్‌ఫోన్లు రెడ్‌మి నోట్‌4, ఎంఐ మ్యాక్స్‌ 2 స్మార్ట్‌ఫోన్లపై పేటీఎం క్యాష్‌బ్యాక్‌ ఆఫర్‌ను ప్రకటించింది. ఎంఐ స్టోర్‌ యాప్‌, ఎం.కామ్‌ వెబ్‌సైట్‌పై ఈ రెండు స్మార్ట్‌ఫోన్లను పేటీఎం డిజిటల్‌ వాలెట్‌ ద్వారా కొనుగోలు చేసే కస్టమర్లకు రూ.300 క్యాష్‌బ్యాక్‌ను అందించనున్నట్టు ఈ ఈ-కామర్స్‌ ప్లాట్‌ఫామ్‌ తెలిపింది. వాలెట్‌లోనే ఈ రూ.300 క్యాష్‌బ్యాక్‌ లభించనుంది. కేవలం ఒకే ఒక్క లావాదేవీకి, ఒకే యూజర్‌కు ఈ పేటీఎం క్యాష్‌బ్యాక్‌ ఆఫర్‌ అందుబాటులో ఉండనుంది.  షావోమి రెడ్‌మి నోట్‌4 స్మార్ట్‌ఫోన్‌ 2017 తొలి క్వార్టర్‌లో అత్యధికంగా రవాణా అయిన స్మార్ట్‌ఫోన్‌గా తాజా రిపోర్టుల్లో నిలిచింది. 
  
 ఆండ్రాయిడ్‌ 7.0 నోగట్‌ ఆధారితంగా ఎంఐయూఐ 8 ద్వారా రెడ్‌మి నోట్‌4 పనిచేస్తుంది. 5.5 అంగుళాల పుల్‌ హెచ్‌డీ 2.5డీ కర్వ్‌డ్‌ గ్లాస్‌ ఐపీఎస్‌ డిస్‌ప్లేను, స్నాప్‌డ్రాగన్‌ 625 ఎస్‌ఓసీని కలిగి ఉన్న ఈ స్మార్ట్‌ఫోన్‌ 2జీబీ ర్యామ్‌, 3జీబీ ర్యామ్‌, 4జీబీ ర్యామ్‌ వేరియంట్లలో ఇది లాంచ్‌ అయింది. 
  
 ఎంఐ మ్యాక్స్‌ 2 స్మార్ట్‌ఫోన్‌ కూడా ఆండ్రాయిడ్‌ 7.1.1 నోగట్‌ ఆధారితంగా ఎంఐయూఐ 8 ద్వారా పనిచేస్తుంది. 2గిగాహెడ్జ్‌ ఆక్టా-కోర్‌ స్నాప్‌డ్రాగన్‌ 625 ఎస్‌ఓసీతో 4జీబీ ర్యామ్‌ను ఇది కలిగి ఉంది. 6.44 అంగుళాల ఫుల్‌-హెచ్‌డీ డిస్‌ప్లే, 12ఎంపీ రియర్‌ కెమెరా, 5 ఎంపీ ఫ్రంట్‌ ఫేసింగ్‌ కెమెరా దీనిలో ఫీచర్లు. 
  


 రెడ్‌మి 4ఏ స్మార్ట్‌ఫోన్‌ కొత్త వేరియంట్‌ను షావోమి మంగళవారం లాంచ్‌ చేసింది. ఒరిజినల్‌ హ్యాండ్‌సెట్‌కు అదనపు ర్యామ్‌, స్టోరేజ్‌తో ఈ వేరియంట్‌ను మార్కెట్‌లోకి తీసుకొచ్చింది. కొత్తగా తీసుకొచ్చిన ఈ వేరియంట్‌ 3జీబీ ర్యామ్‌, 32జీబీ ఇన్‌బిల్ట్‌ స్టోరేజ్‌ను కలిగి ఉంది. దీని ధర 6,999 రూపాయలు. ఎంఐ.కామ్‌, ఫ్లిప్‌కార్ట్‌, అమెజాన్‌ ఇండియా, పేటీఎం, టాటా క్లిక్‌లలో గురువారం నుంచి ఈ ఫోన్‌ విక్రయానికి వస్తోంది. '' సర్‌ప్రైజ్‌, మేము అద్భుతమైన ధర రూ.6,999లో రెడ్‌మి 4ఏ(3జీబీ ర్యామ్‌+32జీబీ ఫ్లాష్‌ మెమరీ) కొత్త వేరియంట్‌ను లాంచ్‌ చేస్తున్నాం'' అని షావోమి ఇండియా మేనేజింగ్‌ డైరెక్టర్‌, షావోమి వైస్‌ప్రెసిడెంట్‌ మను కుమార్‌ జైన్‌ ట్వీట్‌ చేశారు. ఈ ఏడాది మార్చిలో రెడ్‌మి 4ఏ స్మార్ట్‌ఫోన్‌ను షావోమి లాంచ్‌చేసిన సంగతి తెలిసిందే. దీని ధర రూ.5,999. లాంచ్‌ చేసినప్పుడు ఈ ఫోన్‌కు 2జీబీ ర్యామ్‌, 16జీబీ స్టోరేజ్‌ కలిగి ఉంది. ప్రస్తుతం స్టోరేజ్‌ను, ర్యామ్‌ను మరింత పెంచుతూ కొత్త వేరియంట్‌ను మార్కెట్‌లోకి తీసుకొచ్చింది. 
  
 రెడ్‌మి 4ఏ ఫీచర్లు...
 హైబ్రిడ్‌ డ్యూయల్‌ సిమ్‌ కార్డు స్లాట్‌
 ఎంఐయూఐ 8 ఆధారిత ఆండ్రాయిడ్‌ 6.0 మార్ష్‌మాలో
 5 అంగుళాల హెచ్‌డీ డిస్‌ప్లే
 1.4గిగాహెడ్జ్‌ క్వాడ్‌ కోర్‌ స్నాప్‌డ్రాగన్‌ 425ఎస్‌ఓసీ
 13 ఎంపీ రియర్‌ కెమెరా
 5 ఎంపీ ఫ్రంట్‌ కెమెరా
 4జీ వాయిస్‌ఓవర్‌ ఎల్టీఈ
 3120 ఎంఏహెచ్‌ బ్యాటరీ
 ఇన్‌బిల్ట్‌ స్టోరేజ్‌ను మైక్రోఎస్డీ కార్డు ద్వారా 128జీబీ వరకు పెంపు


 సాక్షి: స్మార్ట్‌ఫోన్‌ మార్కెట్‌లో ముఖ్యంగా ఆన్‌లైన్‌ పరంగా తిరుగులేకుండా దూసుకెళ్తున్న షావోమి, రెడ్‌మి నోట్‌ 5 సిరీస్‌ తొలి స్మార్ట్‌ఫోన్‌ను మార్కెట్‌లోకి తీసుకొచ్చేసింది. రెడ్‌మి నోట్‌ 5ఏ పేరుతో దీన్ని లాంచ్‌ చేసింది. మూడు వేరియంట్లతో రెండు మోడల్స్‌(స్టాండర్డ్‌ ఎడిషన్‌, హై ఎడిషన్‌)లో ఈ స్మార్ట్‌ఫోన్‌ను ప్రవేశపెట్టింది. మొత్తంగా మూడు ర్యామ్‌, మెమరీ స్టోరేజ్‌ వేరియంట్లు ఈ మోడల్స్‌లో భాగం. బేస్‌ వేరియంట్‌ 2జీబీ ర్యామ్‌+16జీబీ స్టోరేజ్‌ను కలిగి ఉంది. దీని ధర 699 యువాన్లు అంటే సుమారు 6,700 రూపాయలు.
  
 అదేవిధంగా మిగతా రెండు ప్రీమియం వేరియంట్లలో ఒకటి 3జీబీ ర్యామ్‌+32జీబీ స్టోరేజ్‌ను కలిగి ఉండగా.. రెండోది 4జీబీ ర్యామ్‌+64జీబీ స్టోరేజ్‌ను కలిగి ఉంది. 3జీబీ ర్యామ్‌ వేరియంట్‌ ధర 899 యువాన్లు అంటే సుమారు 8,600 రూపాయలు. 4జీబీ ర్యామ్‌ వేరియంట్‌ ధర 1,199 యువాన్లు అంటే సుమారు 11,500 రూపాయలు. ఈ మూడు వేరియంట్లు ఎంఐ.కామ్‌, జేడీ.కామ్‌లలో నేటి(మంగళవారం) నుంచే విక్రయానికి వస్తున్నాయి.
  
 ఈ మూడు వేరియంట్లు షాంపైన్‌ గోల్డ్‌, రోజ్‌ గోల్డ్‌, ప్లాటినం సిల్వర్‌ రంగుల్లో లభ్యం కానున్నాయి. స్లీక్‌ మెటల్‌ యూనిబాడీ, వెనుకవైపు యాంటీనా బ్యాండ్స్‌, సింగిల్‌ కెమెరా సెటప్‌, ముందు వైపు నేవిగేషన్‌ బటన్స్‌ ఉన్నాయి. కిందివైపు యూఎస్‌బీ టైప్‌-సీ పోర్టు, డ్యూయల్‌ స్పీకర్‌ గ్రిల్స్‌, టాప్‌ ఎడ్జ్‌లో 3.5ఎంఎం ఆడియో జాక్‌, ప్రీమియం వేరియంట్లకు వెనుకైపు ఫింగర్‌ప్రింట్‌ స్కానర్‌తో ఇది రూపొందింది. 
  
 రెడ్‌మి నోట్‌ 5ఏ ఫీచర్ల విషయానికొస్తే...
 5.5 అంగుళాల హెచ్‌డీ డిస్‌ప్లే
 లేటెస్ట్‌ ఎంఐయూఐ 9 సాఫ్ట్‌వేర్‌
 రెండు సిమ్‌ స్లాట్స్‌(నానో+నానో)
 మెమరీని పెంచుకోవడానికి మైక్రోఎస్డీ స్లాట్‌(128జీబీ వరకు విస్తరణ)
 స్టాండర్డ్‌ వేరియంట్‌కు స్నాప్‌డ్రాగన్‌ 425 ఎస్‌ఓసీ
 ప్రీమియం వేరియంట్‌కు స్మాప్‌డ్రాగన్‌ 435 ఆక్టాకోర్‌ ప్రాసెసర్‌ విత్‌ యాడ్రినో 505 జీపీయూ
 13 ఎంపీ రియర్‌ కెమెరా విత్‌ ఎల్‌ఈడీ ఫ్లాష్‌
 స్టాండర్డ్‌ వేరియంట్‌కు 5 మెగాపిక్సెల్‌ సెల్ఫీ కెమెరా
 ప్రీమియం వేరియంట్లకు ఫ్రంట్‌ కెమెరా 16మెగాపిక్సెల్‌
 3080 ఎంఏహెచ్‌ బ్యాటరీ


 స్మార్ట్‌ఫోన్‌ మార్కెట్‌లో సంచలనాలు సృష్టిస్తున్న షావోమి నుంచి మరో కొత్త స్మార్ట్‌ఫోన్‌ నేడు మార్కెట్‌లోకి రాబోతుంది. రెడ్‌మి 4 సిరీస్‌ పాపులారిటీ అనంతరం రెడ్‌మి 5 సిరీస్‌లో స్మార్ట్‌ఫోన్లను లాంచ్‌ చేసేందుకు షావోమి సిద్ధమైంది. ఈ సిరీస్‌లో భాగంగా రెడ్‌మి నోట్‌ 5ఏను రెండు వేరియంట్లలో నేడు షావోమి మార్కెట్‌లోకి లాంచ్‌ చేస్తున్నట్టు తెలుస్తోంది. గత వారంలోనే రెడ్‌మి నోట్‌ 5ఏ స్మార్ట్‌ఫోన్‌ను ఆగస్టు 21న లాంచ్‌ చేయనున్నట్టు షావోమి ధృవీకరించింది. ప్రస్తుతం ఇది చైనీస్‌ మార్కెట్లలోకి మాత్రమే ప్రవేశించబోతుంది. మరికొన్ని నెలల్లో భారత్‌లోకి వచ్చేయనుంది. గిజ్బోట్ నివేదిక ప్రకారం రెడ్‌మి నోట్‌ 5ఏ మూడు కార్డు స్లాట్స్‌ను కలిగి ఉండబోతుంది. రెండు సిమ్‌ కార్డు కోసం కేటాయిస్తుండగా.. మూడోది మైక్రో ఎస్‌డీ కార్డుకు కేటాయించనుంది. 
  
 అంచనాల ప్రకారం రెడ్‌మి నోట్‌ 5ఏ ఫీచర్లు...
  5.5 అంగుళాల హెచ్డీ 720పీ డిస్‌ప్లే
 ఆండ్రాయిడ్‌ 7.1.1 నోగట్‌ ఓఎస్‌
 బేసిక్‌ మోడల్‌ : క్వాడ్‌కోర్‌ స్నాప్‌డ్రాగన్‌  425 ఎస్‌ఓసీ
                       2జీబీ ర్యామ్‌
                       16జీబీ స్టోరేజ్‌
                   128 జీబీ వరకు విస్తరణ మెమరీ
                        16 ఎంపీ రియర్‌ కెమెరా
                        5 ఎంపీ ఫ్రంట్‌ కెమెరా
 టాప్‌ మోడల్‌ : ఆక్టా-కోర్‌ స్నాప్‌డ్రాగన్‌ 435 ఎస్‌ఓసీ
                        3 జీబీ ర్యామ్‌
                        32 జీబీ స్టోరేజ్‌
                    128 జీబీ వరకు విస్తరణ మెమరీ
                    రెండు వైపుల 16 ఎంపీ సెన్సార్స్‌


 న్యూఢిల్లీ: ఆంధ్రప్రదేశ్‌లోని తూర్పు గోదావరి జిల్లా రావులపాలెంలో ఇటీవల రెడ్‌మి నోట్‌-4 కాలి భావన సూర్యకిరణ్ అనే  యువకుడికి గాయాలైన ఘటనపై  చైనా కంపెనీ షావోమీ స్పందించింది. ఇందులో తమ తప్పేమీ లేదనే రీతిలో... ఫోన్‌ను విపరీతమైన ఒత్తిడికి గురి చేసినందునే ఈ ఘటన చోటుచేసుకుని ఉంటుందని పేర్కొంది. 
 కస్టమర్‌తో పలుమార్లు మాట్లాడిన అనంతరం కాలిపోయిన ఫోన్‌ను తెప్పించుకుని పరిశీలించామని ఫోన్‌పై  వేరే ఒత్తిడితో బ్యాక్‌ కవర్‌తో పాటు బ్యాటరీ ప్రభావితమైందని, స్ర్కీన్‌ దెబ్బతిన్నదని ప్రాథమికంగా వెల్లడైందని కంపెనీ పేర్కొంది. ఫోన్‌ దెబ్బతినడానికి సరైన కారణమేంటనేది పూర్తి పరిశోధన అనంతరం తేలుతుందని తెలిపింది.
 సంబంధిత వార్త... కాలిపోయిన 'నోట్‌-4'.. యువకుడికి గాయాలు!


 న్యూఢిల్లీ : చైనీస్‌ స్మార్ట్‌ఫోన్‌ దిగ్గజం షావోమి ఈ ఏడాదిలో ఇప్పటి వరకు రెండే స్మార్ట్‌ఫోన్లను డ్యూయల్‌ రియర్‌ కెమెరాలతో లాంచ్‌ చేసింది. ఈ రెండు స్మార్ట్‌ఫోన్లు ఇంకా భారత్‌లోకి ప్రవేశించలేదు. త్వరలోనే ఈ రెండు స్మార్ట్‌ఫోన్లలో ఒకటి అంటే తొలి డ్యూయల్‌ కెమెరా షావోమి స్మార్ట్‌ఫోన్‌ భారత మార్కెట్‌లోకి రాబోతుంది. ఈ విషయాన్ని షావోమి మేనేజింగ్‌ డైరెక్టర్‌, వైస్‌ ప్రెసిడెంట్‌ మను కుమార్‌ జైన్‌ తన మైక్రోబ్లాగింగ్‌ వెబ్‌సైట్‌ ట్విట్టర్‌ ద్వారా తెలిపారు. '' ఇంకా మీరు ఎన్నో రోజులు వేచిచూడాల్సిన పనిలేదు. షావోమి తొలి డ్యూయల్‌ కెమెరా ఫోన్‌ వచ్చే నెలలో భారత్‌లోకి వచ్చేస్తోంది. అయితే అదేంటో మీరు గెస్‌ చేయగలరా?'' అని జైన్‌ ట్వీట్‌ చేశారు.   
  
 అయితే ఈ రెండు స్మార్ట్‌ఫోన్లలో ఒకటి షావోమి ఎంఐ 5ఎక్స్‌ను గత నెలలోనే చైనా మార్కెట్‌లోకి లాంచ్‌ చేశారు. 4GB+64GB తో దీన్ని అక్కడ ప్రవేశపెట్టారు. దీని ధర అక్కడ 1,499 యువాన్లు. భారత్‌లో సుమారు 14,200 రూపాయల వరకు ఉండొచ్చు. ఈ ఫోన్‌ అతిపెద్ద ఆకర్షణ, వెనుకవైపు రెండు కెమెరాలు. రెండు కూడా 12 మెగాపిక్సెల్‌వే. ఫ్రంట్‌ వైపు రియల్‌-టైమ్‌ బ్యూటిఫికేషన్‌ ఫీచర్‌తో 5ఎంపీ కెమెరాను అమర్చింది కంపెనీ. 5.5 అంగుళాల ఫుల్‌-హెచ్‌డీ డిస్‌ప్లే, ఆక్టా-కోర్‌ క్వాల్‌కామ్‌ స్నాప్‌డ్రాగన్‌ 625 ప్రాసెసర్‌, 128జీబీ విస్తరణ మెమరీ, 3080ఎంఏహెచ్‌ బ్యాటరీ దీనిలో మిగతా ఫీచర్లు.  
  
 ఇక ఎంఐ 6 విషయానికి వస్తే, ఈ స్మార్ట్‌ఫోన్‌ను షావోమి ఈ ఏడాది ఏప్రిల్‌లో లాంచ్‌ చేసింది. క్వాల్‌కామ్‌ లేటెస్ట్‌ స్నాప్‌డ్రాగన్‌ 835 ఫ్లాగ్‌షిప్‌ ఎస్‌ఓసీతో ఇది రూపొందింది. 6జీబీ ర్యామ్‌, 5.15 అంగుళాల ఫుల్‌ హెచ్‌డీ డిస్‌ప్లే, 3.5ఎంఎం ఆడియో జాక్‌, 64జీబీ, 128 జీబీ ఇంటర్నల్‌ స్టోరేజ్‌, 3,350 ఎంఏహెచ్‌ బ్యాటరీ దీనిలో ఫీచర్లు. ఈ ఫోన్‌కు కూడా 12ఎంపీ లెన్స్‌తో వెనుకవైపు రెండు కెమెరాలున్నాయి. దీంతో 4కే వీడియో రికార్డింగ్‌ సామర్థ్యం కలిగి ఉంది. ముందు వైపు 8ఎంపీ సెల్ఫీ కెమెరాతో ఇది రూపొందింది. 


 
 
  చైనీస్‌ మొబైల్‌  మేకర్‌ షావోమీ తన నూతన స్మార్ట్‌ఫోన్ 'ఎంఐ 6సీ'ని త్వరలో విడుదల చేయనుంది. చైనీస్ సామాజిక సైట్ బైడులో ధర, స్టోరేజ్‌, స్పెసిఫికేషన్స్,  డిజైన్ వివరాలు బహిర్గతమయ్యాయి. ప్రధానంగా 4/6 జీబీ ర్యామ్, 64/128 జీబీ స్టోరేజ్ వేరియెంట్లలో విడుదల కానుంది.  స్టోరేజ్‌ ఆధారంగా వీటి ధరలు వరుసగా రూ.18,900, రూ.23,600గా ఉండనుంది. అలాగే ఈ ఫోన్‌కు సంబంధించిన  లీక్‌ అయిన వెనుక, ముందు భాగాల  ఫోటోల ఆధారంగా వెనుకవైపు ద్వంద్వ కెమెరా సెటప్ లేదు.  ఫ్లాష్ మాడ్యూల్తోపాటు పైన ఒకే ప్రధాన సెన్సార్ మాత్రమే ఉంది. అయితే, లీక్ ఫ్లాష్ ప్రక్కన ఉన్న నల్లని విండో  5 మెగాపిక్సెల్  ద్వితీయ కెమెరాగా కనిపిస్తోంది.  రీసెంట్‌ లీక్‌  ప్రకారం ఈ స్మార్ట్‌ఫోన్‌ ఫీచర్లు ఇలా ఉండనున్నాయని అంచనా.
 
  
 షావోమీ 'ఎంఐ 6సీ'  ఫీచర్లు
 
 5.1 ఇంచ్ ఫుల్ హెచ్‌డీ డిస్‌ప్లే
 1920 x 1080 పిక్సల్స్ స్క్రీన్ రిజల్యూషన్
  2.2 గిగాహెడ్జ్ ఆక్టాకోర్ స్నాప్‌డ్రాగన్ 660 ప్రాసెసర్
 ఆండ్రాయిడ్ 7.1 నూగట్
  4/6 జీబీ ర్యామ్
 64/128 జీబీ స్టోరేజ్
 12 మెగాపిక్సల్ బ్యాక్ కెమెరా
 5 మెగాపిక్సల్ సెల్ఫీ కెమెరా
 4100 ఎంఏహెచ్ బ్యాటరీ
  


 న్యూఢిల్లీ: దేశంలో రూ.10,000లోపు బెస్ట్‌ సెల్లింగ్‌ స్మార్ట్‌ఫోన్స్‌లో షావోమి అగ్రస్థానం దక్కించుకుంది. 2017 రెండో త్రైమాసికానికి సంబంధించి రీసెర్చ్‌ సంస్థ కౌంటర్‌పాయింట్‌ రీసెర్చ్‌ నిర్వహించిన ఒక సర్వేలో ఈ విషయం వెల్లడయ్యింది. షావోమికి చెందిన ‘రెడ్‌మి నోట్‌–4’, ‘రెడ్‌మి–4’ స్మార్ట్‌ఫోన్లు వరుసగా 7.2 శాతం, 4.5 శాతం మార్కెట్‌ వాటాతో తొలి రెండు స్థానాలను ఆక్రమించాయి.
 ఇక 4.3 శాతం వాటాతో శాంసంగ్‌ ‘గెలాక్సీ జే2’ మూడో స్థానంలో ఉంది. ఒప్పొ ఏ37, శాంసంగ్‌ గెలాక్సీ జే7 వరుసగా 3.5 శాతం, 3.3 శాతం వాటాలతో నాలుగు, ఐదో స్థానంలో ఉన్నాయి. 2017 తొలి అర్ధభాగంలో రూ.10,000లోపు విభాగంలో ‘రెడ్‌మి నోట్‌–4’ టాప్‌ సెల్లింగ్‌ స్మార్ట్‌ఫోన్‌గా అవతరించిందని కౌంటర్‌పాయింట్‌ రీసెర్చ్‌ అసోసియేట్‌ డైరెక్టర్‌ తరుణ్‌ పాఠక్‌ తెలిపారు.


 ధర రూ. 16,999
 న్యూఢిల్లీ: చైనాకు చెందిన ప్రముఖ మొబైల్‌ హ్యాండ్‌సెట్స్‌ తయారీ కంపెనీ ‘షావోమి’ తాజాగా ‘మి మ్యాక్స్‌ 2’ స్మార్ట్‌ఫోన్‌ను మార్కెట్‌లోకి తీసుకువచ్చింది. దీని ధర రూ.16,999గా ఉంది. ఇందులో 6.44 అంగుళాల ఫుల్‌ హెచ్‌డీ స్క్రీన్, క్వాల్‌కామ్‌ స్నాప్‌డ్రాగన్‌ 625 ప్రాసెసర్, 4 జీబీ ర్యామ్, 64 జీబీ ఇంటర్నల్‌ మెమరీ, 12 ఎంపీ రియర్‌ కెమెరా, 5 ఎంపీ ఫ్రంట్‌ కెమెరా, 5,300 ఎంఏహెచ్‌ బ్యాటరీ వంటి పలు ప్రత్యేకతలున్నాయని కంపెనీ పేర్కొంది.
 
 ‘మి మ్యాక్స్‌ 2’ స్మార్ట్‌ఫోన్స్‌ జూలై 27 నుంచి వినియోగదారులకు అందుబాటులోకి రానున్నవి. కాగా కంపెనీ తన మూడో వార్షికోత్సవం సందర్భంగా ఈ స్మార్ట్‌ఫోన్స్‌ను జూలై 20, 21 తేదీల్లో మి.కామ్, మి హోమ్స్‌లో కస్టమర్లకు అందుబాటులో ఉంచుతోంది.


 ఎంఐ మ్యాక్స్‌ 2ను షావోమి గ్రాండ్‌గా మంగళవారం భారత మార్కెట్లోకి లాంచ్‌ చేసింది. ఈ లాంచింగ్‌ సందర్భంగానే కంపెనీ తమ ఎంఐ 3వ వార్షికోత్సవాన్ని భారత్‌లో గ్రాండ్‌గా సెలబ్రేట్‌ చేయనున్నట్టు వెల్లడించింది. ఈ వార్షికోత్సవాన్ని పురస్కరించుకుని కంపెనీ ఓ స్పెషల్‌ సేల్‌ను కూడా నిర్వహించనుంది. జూలై 20, జూలై 21వ తేదీల్లో తమ యాక్ససరీస్‌పై బంపర్‌ డిస్కౌంట్లు, ఒక్క రూపాయికే ఫ్లాష్‌ సేల్‌ను అందిస్తుంది. కొత్తగా లాంచైన స్మార్ట్‌ఫోన్లు రెడ్‌మి 4, రెడ్‌మి నోట్‌4లను కంపెనీ ఈ సేల్‌లో అందుబాటులోకి రానున్నాయి.
  
 ఒక్క రూపాయి ఫ్లాష్‌ సేల్‌ కింద రెడ్‌మి 4ఏ, వై-ఫై రిపీటర్‌ 2, 10,000 ఎంఏహెచ్‌ ఎంఐ పవర్‌ బ్యాంక్‌ 2లను అందుబాటులో ఉంచుతున్నట్టు షావోమి చెప్పింది. గోయిబిబో ద్వారా దేశీయ హోటల్స్‌ బుకింగ్‌ చేసుకునే వారికి రూ.2000 తగ్గింపును షావోమి ప్రకటించింది. అంతేకాక ఎస్‌బీఐ డెబిట్‌, క్రెడిట్‌ కార్డు హోల్డర్స్‌కు అదనంగా 5 శాతం క్యాష్‌బ్యాక్‌, 8000 రూపాయలకు మించి లావాదేవీలు చేస్తే ఒక్కో కార్డుపై 500 రూపాయల వరకు క్యాష్‌బ్యాక్‌ను ఇవ్వనున్నట్టు తెలిపింది. 
  
 కొత్తగా లాంచైన ఎంఐ మ్యాక్స్‌ 2 స్మార్ట్‌ఫోన్‌ కూడా జూలై 20వ తారీఖు మధ్యాహ్నం 12 గంటల నుంచి అందుబాటులోకి రానుంది. అప్పటి నుంచి స్టాక్స్‌ అయిపోయే వరకు దీని విక్రయించనున్నామని కంపెనీ చెప్పింది. రెడ్‌మి 4, రెడ్‌ మి నోట్‌ 4, రెడ్‌మి 4ఏ స్మార్ట్‌ఫోన్లు కూడా ఈ రెండు రోజుల సేల్‌లో అందుబాటులో ఉంటాయి. ఎంఐ క్యాప్సల్స్‌ ఇయర్‌ఫోన్స్‌, ఎంఐ హెడ్‌ఫోన్స్‌ కంఫర్ట్‌, ఎంఐ ఇన్‌-ఇయర్‌ హెడ్‌ఫోన్స్‌ ప్రొ హెచ్‌డీ, ఎంఐ ఇన్‌-ఇయర్‌ హెడ్‌ఫోన్స్‌ బేసిక్‌, ఎంఐ సెల్ఫీ స్టిక్‌, ఎంఐ వీఆర్‌ ప్లే వంటి యాక్ససరీస్‌పై 300 రూపాయల వరకు కంపెనీ డిస్కౌంట్‌ను ఆఫర్‌ చేయనుంది.
  
 10 రెడ్‌మి 4ఏ ఫోన్లు, 10000 ఎంఏహెచ్‌ సామర్థ్యమున్న 25 పవర్‌ బ్యాంకులు, 15 వైఫై రిపీటర్‌ 2 యూనిట్లు ఒక్క రూపాయి ఫ్లాష్‌ సేల్‌లో యూజర్లకు అందుబాటులో ఉంటాయి. ఈ ఫ్లాష్‌ సేల్‌ను యూజర్లు తమ సోషల్‌ ఛానళ్ల ద్వారా కూడా షేర్‌ చేసుకోచ్చని షావోమి పేర్కొంది. రెండు రోజుల్లోనూ ఈ ఫ్లాష్‌ సేల్‌ ఉదయం 11 గంటలకు, మధ్యాహ్నం 1 గంటకి నిర్వహించనుంది.     


 
 
 భారత స్మార్ట్‌ఫోన్‌ మార్కెట్లో సంచలనాలు సృష్టిస్తున్న షియోమి, వచ్చే వారంలో న్యూఢిల్లీలో ఓ లాంచ్‌ ఈవెంట్‌ను నిర్వహిస్తోంది. ఈ లాంచ్‌ ఈవెంట్‌ కోసం ఆహ్వానాలు సైతం పంపిస్తోంది. ఇంతకీ ఈ ఈవెంట్‌లో లాంచ్‌ చేయబోయేది ఏంటో తెలుసా. మే నెలలో చైనాలో లాంచ్‌ చేసిన ఎంఐ మ్యాక్స్‌2 స్మార్ట్‌ఫోన్‌. ఈ నెల 18న ఎంఐ మ్యాక్స్‌2 స్మార్ట్‌ఫోన్‌ను షియోమి భారత్‌లో లాంచ్‌ చేయబోతుందని తెలుస్తోంది. దీని ధర కూడా  సుమారు రూ.16,100గానే ఉండబోతుందట. ''బిగ్‌ ఈజ్‌ బ్యాక్‌'' అనే ట్యాగ్‌లైన్‌తో కంపెనీ ఈ స్మార్ట్‌ఫోన్‌ను చైనాలో ఆవిష్కరించింది. దీని ప్రత్యేక ఆకర్షణ పెద్ద స్క్రీన్‌, బ్యాటరీ. ఎంఐ మ్యాక్స్‌ను పోలిన మాదిరిగానే ఎంఐ మ్యాక్స్‌ 2 డిజైన్‌ కూడా ఉంది. 
  
 ఎంఐ మ్యాక్స్‌2 స్మార్ట్‌ఫోన్‌ ఫీచర్లు ఈ విధంగా ఉన్నాయి..
 6.44 అంగుళాలతో ఫుల్‌ హెచ్‌డీ డిస్‌ప్లే
 5300ఎంఏహెచ్‌ బ్యాటరీ
 ఆక్టా-కోర్‌ స్నాప్‌డ్రాగన్‌ 625 ఎస్‌ఓసీ
 4జీబీ ర్యామ్‌
 64జీబీ, 128జీబీ స్టోరేజ్‌ వేరియంట్లు
 12ఎంపీ రియర్‌ కెమెరా
 5ఎంపీ ఫ్రంట్‌ ఫేసింగ్‌ కెమెరా
 ఎంఐయూఐ ఆధారిత ఆండ్రాయిడ్‌ నోగట్‌
 4జీ వీవోఎల్‌టీఈ, డ్యుయల్ బ్యాండ్ వైఫై, బ్లూటూత్ 4.2, యూఎస్‌బీ టైప్ సి, క్విక్ చార్జ్ 3.0.
 అయితే రెండు స్టోరేజ్‌ వేరియంట్లను భారత్‌లో లాంచ్‌ చేస్తుందో లేదో ఇంకా స్పష్టంకాలేదు. 


 టెక్‌ ఇండస్ట్రీకి షియోమి బిగ్‌ సర్‌ప్రైజ్‌ ఇవ్వబోతుంది. ఎంఐ, రెడ్‌మి సిరీస్‌ స్మార్ట్‌ఫోన్లతో ఆన్‌లైన్‌ మార్కెట్లో సంచలనాలు సృష్టిస్తున్న షియోమి, మూడో సబ్‌-బ్రాండును లాంచ్‌ చేసేందుకు ప్లాన్‌ చేస్తోంది. ఈ నెల చివర్లోనే షియోమి తన మూడో సబ్‌-బ్రాండును ప్రకటించబోతుందని రిపోర్టులు పేర్కొంటున్నాయి. ఎంఐ, రెడ్‌మి బ్రాండులు ఎక్కువగా ఆన్‌లైన్‌ రిటైల్‌ను ఫోకస్‌ చేస్తే, ఈ మూడో సబ్‌-బ్రాండు ఆఫ్‌లైన్‌ మార్కెట్‌లో గట్టిపోటీ ఇవ్వనుందని తెలుస్తోంది. అయితే ఈ మూడు సబ్‌-బ్రాండు ఏంటన్నది ఇంకా తెలియరాలేదు. 
  
 వివో, ఒప్పో లాంటి ఈ సబ్‌-బ్రాండు తీవ్ర పోటీ ఇస్తుందని చైనీస్‌ న్యూస్‌ వెబ్‌సైట్‌ మైడ్రైవర్స్‌రిపోర్టు చేసింది. దేశవ్యాప్తంగా రిటైల్‌ స్టోర్లను పెంచి చైనా ఆఫ్‌లైన్‌ మార్కెట్‌లోనూ తన సత్తాన్ని చాటాలని షియోమి ప్లాన్‌ చేస్తుందని జీఎస్‌ఎంఏరినా తెలిపింది. అయితే ఒప్పో, వివోలకు వేల కొద్దీ స్టోర్లలో బలమైన పంపిణీ నెట్‌వర్క్‌లు ఉన్నాయి. ఆన్‌లైన్‌ స్పేస్‌లో మాత్రం షియోమినే తిరుగులేని స్థాయిలో ఉంది. షియోమి కాస్త ఆలస్యంగానే ఆఫ్‌లైన్‌ మార్కెట్‌పై దృష్టిసారించడం ప్రారంభించినట్టు రిపోర్టులు పేర్కొంటున్నాయి.. ఇటీవలే కంపెనీ భారత్‌లోనూ తన తొలి ఎంఐ హోమ్‌ స్టోర్‌ను ఆవిష్కరించిన సంగతి తెలిసిందే.  ఆశ్చర్యకరంగా షియోమి నుంచి రాబోతున్న కొత్త స్మార్ట్‌ఫోన్లు అప్‌కమింగ్‌ సబ్‌-బ్రాండులో ఉండనున్నాయని లీకేజీలు చెబుతున్నాయి. ఈ  స్మార్ట్‌ఫోన్లను కూడా షియోమి ఈ నెల చివర్లోనే లాంచ్‌ చేస్తోంది.