క్రికెట్‌ చరిత్రలో అత్యంత అద్భుతమైన క్యాచ్‌కు న్యూజిలాండ్‌, ఇంగ్లండ్‌ మధ్య తొలి టెస్ట్‌ మ్యాచ్‌ వేదికైంది. ఈ మ్యాచ్‌లో న్యూజిలాండ్‌ ఆటగాడు గ్లెన్‌ ఫిలిప్స్‌ నమ్మశక్యం కాని రీతిలో ఒంటిచేత్తో డైవింగ్‌ క్యాచ్‌ అందుకున్నాడు. ఈ క్యాచ్‌ చూసి బ్యాటర్‌ ఓలీ పోప్‌ సహా ఫీల్డ్‌లో ఉన్న వారందరికి మతి పోయింది. ఫిలిప్స్‌ విన్యాసం చూసి నెటిజన్లు ముగ్దులైపోతున్నారు. ఇదేం క్యాచ్‌ రా బాబు అంటూ కామెంట్లు పెడుతున్నారు. ఈ క్యాచ్‌కు సంబంధించిన వీడియో సోషల్‌మీడియాలో వైరలవుతుంది.Glenn Phillips adds another unbelievable catch to his career resume! The 151-run Brook-Pope (77) partnership is broken. Watch LIVE in NZ on TVNZ DUKE and TVNZ+ #ENGvNZ pic.twitter.com/6qmSCdpa8u— BLACKCAPS (@BLACKCAPS) November 29, 2024వివరాల్లోకి వెళితే.. ఇంగ్లండ్‌ బ్యాటింగ్‌ 53వ ఓవర్‌లో న్యూజిలాండ్‌ కెప్టెన్‌ టామ్‌ లాథమ్‌ టిమ్‌ సౌథీని బౌలింగ్‌కు దించాడు. అప్పటికే ఓలీ పోప్‌.. హ్యారీ బ్రూక్‌తో కలిసి ఐదో వికెట్‌కు 151 పరుగులు జోడించాడు. సౌథీ వేసిన షార్ట్‌ పిచ్‌ డెలివరీకి ఓలీ పోప్‌ కట్‌ షాట్‌ ఆడగా.. గ్లెన్‌ ఫిలిప్స్‌ అకస్మాత్తుగా ఫ్రేమ్‌లోకి వచ్చి అద్భుతమైన క్యాచ్‌ పట్టుకున్నాడు. ఫలితంగా పోప్‌ 77 పరుగుల వ్యక్తిగత స్కోర్‌ వద్ద పెవిలియన్‌ బాట పట్టాడు.మ్యాచ్‌ విషయానికొస్తే.. ఓలీ పోప్‌ ఔటైన అనంతరం కెప్టెన్‌ బెన్‌ స్టోక్స్‌ క్రీజ్‌లోకి వచ్చాడు. బ్రూక్‌ 86 పరుగుల వద్ద బ్యాటింగ్‌ కొనసాగిస్తున్నాడు. ఇంగ్లండ్‌ స్కోర్‌ 232/5గా ఉంది. ఇంగ్లండ్‌ ఇన్నింగ్స్‌లో జాక్‌ క్రాలే 0, బెన్‌ డకెట్‌ 46, జాకబ్‌ బేతెల్‌ 10, జో రూట్‌ 0, ఓలీ పోప్‌ 77 పరుగులు చేసి ఔటయ్యారు. న్యూజిలాండ్‌ బౌలర్లలో నాథన్‌ స్మిత్‌ 2, టిమ్‌ సౌథీ, మ్యాట్‌ హెన్రీ, విలియమ్‌ ఓరూర్కీ తలో వికెట్‌ పడగొట్టారు.అందకుముందు న్యూజిలాండ్‌ తొలి ఇన్నింగ్స్‌లో 348 పరుగులకు ఆలౌటైంది. కేన్‌ విలియమ్సన్‌ (93) ఏడు పరుగుల తేడాతో సెంచరీ చేజార్చుకున్నాడు. ఆఖర్లో గ్లెన్‌ ఫిలిప్స్‌ (58 నాటౌట్‌) బాధ్యతాయుతంగా బ్యాటింగ్‌ చేసి హాఫ్‌ సెంచరీ చేశాడు. టామ్‌ లాథమ్‌ (47), రచిన్‌ రవీంద్ర (34) ఓ మోస్తరు స్కోర్లు చేశారు. ఇంగ్లండ్‌ బౌలర్లలో బ్రైడన్‌ కార్స్‌, షోయబ్‌ బషీర్‌ తలో 4 వికెట్లు పడగొట్టగా.. అట్కిన్సన్‌ 2 వికెట్లు దక్కించుకున్నాడు.

క్రికెట్‌ చరిత్రలో మరో అత్యద్భుత క్యాచ్‌ ఆవిష్కృతమైంది. ఇంగ్లండ్‌లో జరిగిన ఓ ఛారిటి మ్యాచ్‌ ఈ సూపర్‌ క్యాచ్‌కు వేదికైంది. వివరాలు పూర్తిగా తెలియని ఓ మ్యాచ్‌లో సోమర్‌సెట్‌ క్లబ్‌కు ఆడిన బెంజమిన్‌ స్లీమన్‌ నమ్మశక్యం కాని రీతిలో కళ్లు చెదిరే డైవింగ్‌ క్యాచ్‌ అందుకున్నాడు. బెంజమిన్‌ విన్యాసానికి సంబంధించిన వీడియో సోషల్‌మీడియాలో వైరలవుతుంది. ఈ క్యాచ్‌ను చూసిన వారు ఔరా అంటున్నారు. నేటి ఆధునిక క్రికెట్‌లో ఎన్నో అద్భుతమైన క్యాచ్‌లు చూసుంటాం. ఈ క్యాచ్‌ వాటన్నిటిలో ప్రత్యేకమనకుండా ఉండలేం.THAT'S A SCREAMER... BENJAMIN SLEEMAN...!!! 🤯pic.twitter.com/H2RvoD8Rou— Mufaddal Vohra (@mufaddal_vohra) August 12, 2024ఈ వీడియోలో లెగ్‌ స్పిన్‌ బౌలర్‌ వేసిన బంతిని బ్యాటర్‌ బౌలర్‌ తలపై నుంచి గాల్లోకి భారీ షాట్‌ ఆడాడు. లాంగ్‌ ఆన్‌లో ఉన్న బెంజమిన్‌ అమాంతం గాల్లో ఎగురుతూ సిక్సర్‌గా వెళ్లాల్సిన బంతిని ఒడిసిపట్టుకున్నాడు. ఇది చూసిన వారంతా ముక్కున వేలేసుకున్నారు. నాన్‌ స్ట్రయికర్‌ ఎండ్‌లో ఉన్న బ్యాటర్‌ అయితే తలపై చేతులు పెట్టుకుని ఇదెక్కడి క్యాచ్‌ రా సామీ అని ఎక్స్‌ప్రెషన్‌ పెట్టాడు.

వీడియో వైరల్‌ కావడానికి అసాధారణ అద్భుతాలతో పనిలేదు. ‘ఆహా’ అనిపిస్తే చాలు. ఇది అలాంటి వైరల్‌ వీడియోనే. ప్రఖ్యాత ఫొటోగ్రాఫర్‌ మార్క్‌ స్మిత్‌ తీసిన వీడియో నెటిజనులను మంత్రముగ్ధులను చేసింది. చేపను క్యాచ్‌ చేస్తున్న ఒక డేగకు సంబంధించిన క్లోజ్‌–అప్‌ షాట్‌ ఇది.కెమెరామన్‌గా మార్క్‌ స్మిత్‌ అద్భుతమైన పనితనం ఈ వీడియోలో కనిపిస్తుంది. ఈ స్టన్నింగ్‌ వీడియో 124 మిలియన్‌ల వ్యూస్‌ను సొంతం చేసుకుంది.

స్థానిక సమస్యలను పరిష్కరించాలని డిమాండ్‌ చేస్తూ కొన్నిచోట్ల ఎన్నికలను బహిష్కరించారనే వార్తలను మనం వినేవుంటాం. అయితే ఉత్తరప్రదేశ్‌లోని పిలిభిత్‌ పరిధిలో గల పండరి గ్రామస్తులు ఇప్పుడు విచిత్రమైన డిమాండ్‌ వినిపిస్తున్నారు. అది నెరవేరాకే ఓటు వేస్తామని తెగేసి చెబుతున్నారు. లేదంటే ఎన్నికలను బహిష్కరిస్తామని ‍హెచ్చరించారు.   పండరి గ్రామస్తులు కొన్నాళ్లుగా పులుల దాడులతో భీతిల్లిపోతున్నారు. ఈ సమస్యను పరిష్కరించకుంటే రాబోయే లోక్‌సభ ఎన్నికల్లో తాము ఓటువేయమని చెబుతున్నారు. పండరి గ్రామం టైగర్ రిజర్వ్‌కు ఆనుకుని ఉంటుంది. దీంతో గ్రామంలో తరచూ పులుల దాడులు చోటుచేసుకుంటున్నాయి. ఎంతకాలమైనా ఈ సమస్య పరిష్కారం కావడం  లేదని, అందుకే తాము రాబోయే లోక్‌సభ ఎన్నికలను బహిష్కరించనున్నామని పేర్కొంటూ గ్రామస్తులు పలుచోట్ల పోస్టర్లు అంటిస్తున్నారు.  ఈ ప్రాంతంలో ప్రధాన సమస్య పులుల భీభత్సమని, వాటి కారణంగా ఇక్కడి రైతులు పొలాలకు కాపలా కాసేందుకు వెళ్లలేకపోతున్నారని స్థానికులు చెబుతున్నారు. పాఠశాల విద్యార్థులు కూడా పులుల భయంతో స్కూలుకు వెళ్లడం లేదని దీంతో ఇక్కడి పిల్లల భవిష్యత్తు అయోమయంగా తయారయ్యిందని వారు వాపోతున్నారు. ప్రభుత్వం ఈ ప్రాంతంలోకి పులుల రాకను అరికట్టేవరకూ తాము ఓటు వేసేందుకు వెళ్లేదిలేదని గ్రామస్తులు చెబుతున్నారు.

‘వ్యాపారం అన్నాక నమ్మకమే కాదు కాస్త స్పెషాలిటీ కూడా ఉండాలి’ అంటూ రకరకాల పబ్లిసిటీ గిమ్మిక్కులు చేస్తుంటారు కొందరు వ్యాపారులు. ముంబైలో ‘వికెట్‌–కీపర్‌ దోశవాలా’ అనే టిఫిన్‌ సెంటర్‌ ఉంది. బోడిగుండుకూ మోకాలికీ ముడిపెట్టినట్లు ‘వికెట్‌ కీపర్‌కు, దోశకు ఏమిటి సంబంధం?’ అనే కొశ్చెన్‌ వస్తుంది. ఈ టిఫిన్‌ సెంటర్‌ స్పెషాలిటీ ఏమిటంటే... పెనం మీద తయారైన వేడి వేడి దోశను కస్టమర్‌కు ప్లేట్లో పెట్టి ఇవ్వరు. కస్టమర్‌ ఒక ప్లేటు పట్టుకొని కాస్త దూరంలో నిలబడాలి. పెనం మీద ఉన్న వేడి వేడి దోశను బాల్‌ని విసిరినట్లు గాల్లో విసిరేస్తారు. కస్టమర్‌ మహాశయుడు ఈ దోశను తన ప్లేటుతో క్యాచ్‌ పట్టాలి. ‘ఇదేమి పిచ్చి నాయనా’ అని మనం అనుకున్నా సరే ‘ఆ కిక్కే వేరప్పా’ అంటున్నారు ఈ టిఫిన్‌ సెంటర్‌కు రెగ్యులర్‌గా వచ్చే కస్టమర్‌లు.

పాకిస్తాన్‌-శ్రీలంక జట్ల మధ్య ఇవాళ (జులై 16) మొదలైన తొలి టెస్ట్‌ మ్యాచ్‌లో కళ్లు చెదిరే క్యాచ్‌ ఒకటి నమోదైంది. పాక్‌ ఆటగాడు ఇమామ్‌ ఉల్‌ హాక్‌ ఈ క్యాచ్‌ పట్టాడు. షార్ట్‌ లెగ్‌లో ఫీల్డింగ్‌ చేస్తున్న ఇమామ్‌.. గాల్లోకి ఎగురుతూ అద్భుతమైన డైవింగ్‌ క్యాచ్‌ అందుకున్నాడు. అఘా సల్మాన్‌ బౌలింగ్‌లో ఈ ఫీట్‌ నమోదైంది. ఇమామ్‌ సూపర్‌ క్యాచ్‌ పట్టడంతో సమరవిక్రమ పెవిలియన్‌ బాట పట్టక తప్పలేదు. Imam ul Haq with a superb catch@ImamUlHaq12#PakistanCricket #PAKvSL #CricketTwitter pic.twitter.com/gXtjHezRF4 — Hamza Siddiqui (@HamzaSiddiqui56) July 16, 2023 ఇమామ్‌ విన్యాసానికి ఫిదా అయిపోయిన క్రికెట్‌ అభిమానులు, సోషల్‌మీడియా వేదికగా అతనిపై ప్రశంసల వర్షం కురిపిస్తున్నారు. వాటే క్యాచ్‌ అంటూ కామెంట్లు చేస్తున్నారు. క్యాచ్‌కు సంబంధించిన వీడియో ప్రస్తుతం నెట్టింట వైరలవుతుంది. ఇమామ్‌ క్యాచ్‌ పట్టిన వెంటనే అంపైర్లు తొలి రోజు ఆటకు ముగించారు. పలు మార్లు వర్షం అంతరాయం కలిగించడంతో తొలి రోజు కేవలం 65.4 ఓవర్ల ఆట మాత్రమే సాధ్యపడింది. ఆట ముగిసే సమయానికి శ్రీలంక తొలి ఇన్నింగ్స్‌లో 6 వికెట్ల నష్టానికి 242 పరుగులు చేసింది. ధనంజయ డిసిల్వ (94) క్రీజ్‌లో ఉన్నాడు.  ఈ మ్యాచ్‌లో శ్రీలంక టాస్‌ గెలిచి తొలుత బ్యాటింగ్‌ ఎంచుకుంది. డిసిల్వతో పాటు ఏంజెలో మాథ్యూస్‌ (64) అర్ధసెంచరీలతో రాణించారు. నిషాన్‌ మధుష్క (4), కుశాల్‌ మెండిస్‌ (12), దినేశ్‌ చండీమాల్‌ (1) విఫలం కాగా.. దిముత్‌ కరుణరత్నే (29), సదీర సమరవిక్రమ (36) ఓ మోస్తరు స్కోర్లు చేశారు. పాక్‌ బౌలర్లలో షాహీన్‌ అఫ్రిది 3 వికెట్లు పడగొట్టగా.. నసీం షా, అబ్రార్‌ అహ్మద్‌, అఘా సల్మాన్‌  తలో వికెట్‌ దక్కించుకున్నారు. 

యాషెస్‌ సిరీస్‌లో భాగంగా లార్డ్స్‌ వేదికగా ఇంగ్లండ్‌, ఆస్ట్రేలియా మధ్య రెండో టెస్టు ఆసక్తికరంగా సాగుతుంది. తొలి ఇన్నింగ్స్‌లో ఇంగ్లండ్‌ను 325 పరుగులకే పరిమితం చేసిన ఆసీస్‌ 91 పరుగుల తొలి ఇన్నింగ్స్‌ ఆధిక్యం సాధించింది. అనంతరం రెండో ఇన్నింగ్స్‌లోనూ ఆసీస్‌ వికెట్‌ నష్టపోకుండా 58 పరుగులు చేసింది. ప్రస్తుతం 149 పరుగుల ఆధిక్యంలో ఉన్న ఆసీస్‌ పట్టు బిగించేలా కనిపిస్తోంది. ఈ విషయం పక్కనబెడితే.. ఇటీవలే ఆస్ట్రేలియా ఆటగాళ్లు తీసుకుంటున్న పలు క్యాచ్‌లు వివాదాస్పదంగా మారుతున్నాయి. డబ్ల్యూటీసీ ఫైనల్‌లో గిల్‌ క్యాచ్‌ను గ్రీన్‌ అందుకున్న తీరుపై విమర్శలు వెల్లువెత్తాయి. అనంతరం యాషెస్‌ సిరీస్‌లోనూ బర్మింగ్‌హమ్‌ వేదికగా జరిగిన తొలి టెస్టులోనూ మళ్లీ గ్రీన్‌ మరో వివాదాస్పద క్యాచ్‌తో వార్తల్లో నిలిచాడు. బెన్‌ డక్కెట్‌ ఇచ్చిన క్యాచ్‌ను థర్డ్‌ స్లిప్‌లో ఉన్న గ్రీన్‌ అందుకున్నాడు. అయితే బంతి నేలను తాకినట్లు క్లియర్‌గా ఉన్నా థర్డ్‌ అంపైర్‌ మరోసారి గ్రీన్‌కే ఓటు వేశాడు. ఈ రెండు స​ందర్భాల్లో గ్రీన్‌ విలన్‌గా మారితే.. తాజాగా స్టీవ్‌ స్మిత్‌ వివాదాస్పద క్యాచ్‌ల జాబితాలో చేరాడు.  తొలి ఇన్నింగ్స్‌లో ఆసీస్‌ 416 పరుగులకు ఆలౌట్‌ కాగా.. ఇంగ్లండ్‌కు తొలి ఇన్నింగ్స్‌లో మంచి ఆరంభం లభించింది. అయితే రూట్‌ (10 పరుగులు) ఔటైన తీరు వివాదాస్పదంగా మారింది. స్టార్క్‌ వేసిన బంతిని(46.3వ ఓవర్‌లో) రూట్‌ ఎదుర్కొనే క్రమంలో బ్యాక్‌వర్డ్‌ స్క్వేర్‌ వద్ద స్మిత్‌ చేతికి చిక్కాడు. అయితే క్యాచ్‌ అందుకున్న విధానంపై అనుమానంతో ఫీల్డ్‌ అంపైర్లు నిర్ణయాన్ని థర్డ్‌ అంపైర్‌కు నివేదించారు. రిప్లేను పరిశీలించిన థర్డ్‌ అంపైర్‌ ఔట్‌గా ప్రకటించాడు. రిప్లేలో బంతి నేలను తాకుతుందని క్లియర్‌గా తెలుస్తున్నప్పటికి.. ఔట్‌ ఇవ్వడం ఏంటని ఇంగ్లండ్‌ అభిమానులు ఆగ్రహం వ్యక్తం చేశారు. దీనికి సంబంధించిన వీడియో సోషల్‌ మీడియాలో వైరల్‌గా మారింది. Nine wickets ☝ Three hundred and thirty-five runs 🏏 Another day of Test match cricket to savour 👇 pic.twitter.com/48K4lXmk2J — England Cricket (@englandcricket) June 30, 2023

Big Bash League 2022-23- Sensational Catch: బిగ్‌బాష్‌ లీగ్‌లో బ్రిస్బేన్‌ హీట్‌ క్రికెటర్‌ మైఖేల్‌ నీసర్‌ అందుకున్న క్యాచ్‌ సోషల్‌ మీడియాలో చర్చనీయాంశమైంది. ‘‘ఇంతకీ అది.. అవుటా? కాదా’’ అన్న అంశంపై చర్చ నడుస్తోంది. కొంతమందేమో ఇదో గొప్ప క్యాచ్‌ అని నీసర్‌ను ప్రశంసిస్తుంటే.. మరికొందరు మాత్రం ఇలా కూడా అవుట్‌ ఇస్తారా అని అంపైర్ల నిర్ణయాన్ని తప్పుపడుతున్నారు. ఇంతకీ ఏం జరిగిందంటే.. ఆస్ట్రేలియా బిగ్‌బాష్‌ టీ20 లీగ్‌లో భాగంగా ఆదివారం సిడ్నీ సిక్సర్స్‌, బ్రిస్బేన్‌ హీట్‌ జట్ల మధ్య మ్యాచ్‌ జరిగింది. టాస్‌ గెలిచిన హీట్‌ తొలుత బ్యాటింగ్‌ ఎంచుకుంది. నిర్ణీత 20 ఓవర్లలో 5 వికెట్ల నష్టానికి 224 పరుగుల భారీ స్కోరు చేసింది. ఇక లక్ష్య ఛేదనకు దిగిన సిడ్నీ.. గెలుపు కోసం తీవ్రంగా పోరాడింది. అయితే, 209 పరుగులకు ఆలౌట్‌ కావడంతో బ్రిస్బేన్‌ హీట్‌ 15 రన్స్‌ తేడాతో విజయం సాధించింది. అయితే, సిడ్నీ ఫ్యాన్స్‌ మాత్రం తమ జట్టు మిడిలార్డర్‌ ఆటగాడు జోర్డాన్‌ సిల్క్‌ అవుట్‌ కాకపోయి ఉంటే ఫలితం వేరేలా ఉండేదని అభిప్రాయపడుతున్నారు. 23 బంతుల్లో 3 ఫోర్లు, 2 సిక్స్‌ల సాయంతో 41 పరుగుల వ్యక్తిగత స్కోరు​ వద్ద సిల్క్‌ పెవిలియన్‌ చేరాడు. హీట్‌ బౌలర్‌ స్టీకెటీ బౌలింగ్లో మైకేల్‌ నాసర్‌ పట్టిన సంచలన క్యాచ్‌ కారణంగా అవుటయ్యాడు. పందొమ్మిదో ఓవర్‌ రెండో బంతిని సిల్క్‌ షాట్‌ ఆడే క్రమంలో లాంగాఫ్‌లో నీసర్‌ క్యాచ్‌ అందుకున్నాడు. ఈ క్రమంలో బ్యాలెన్స్‌ కోల్పోయిన నీసర్‌ బౌండరీ దాటే సమయంలో బాల్‌ను గాల్లోకి ఎగిరేశాడు. బౌండరీ అవతల బంతి గాల్లో ఉండగా.. తన అడుగులు కిందపడకుండా.. బంతిని ఒడిసిపట్టి.. మళ్లీ ఇవతలకు విసిరేసి.. బౌండరీ దాటి క్యాచ్‌ పట్టేశాడు.  ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది.  కొంతమంది దీనిని అవుట్‌ ఇవ్వడం కరెక్టే అంటూ ఉండగా.. మరికొందరు మాత్రం పాపం సిల్క్‌ అంటూ జాలిపడుతున్నారు. అది సిక్సరా లేదంటే అవుటా అన్న విషయం తేల్చలేక ఇంకొందరు అయోమయంలో పడిపోయారు. అది సిక్సర్‌ అయి ఉంటే సిల్క్‌ తమ జట్టును తప్పక విజయతీరాలకు చేర్చేవాడంటూ కామెంట్లు చేస్తున్నారు. కాగా నిబంధనల ప్రకారం.. బౌండరీ లైన్‌ అవతల క్యాచ్‌ అందుకునే, దానిని విసిరేసే సమయంలో ఫీల్డర్‌ గ్రౌండ్‌కు టచ్‌ కాక.. ఇవతల బాల్‌ను అందుకుంటే అది క్యాచే! చదవండి: BCCI: కీలక టోర్నీల్లో వైఫల్యాలు.. భారీ మూల్యం! ఇక ఆటగాళ్లకు కఠిన పరీక్ష.. ఏమిటీ ‘యో–యో’ టెస్టు? WC 2023: సర్వ సన్నద్ధం కోసం... బీసీసీఐ సమావేశం! 20 మందితో ప్రపంచకప్‌ సైన్యం Michael Neser's juggling act ends Silk's stay! Cue the debate about the Laws of Cricket... #BBL12 pic.twitter.com/5Vco84erpj — cricket.com.au (@cricketcomau) January 1, 2023

మనకు రానిది ప్రయత్నించి కొన్నిసార్లు చేతులు కాల్చుకున్న సందర్బాలున్నాయి. తాజాగా ఒక అభిమాని క్యాచ్‌ అందుకోవడం సాధ్యం కాదని తెలిసినా అత్యుత్సాహం ప్రదర్శించి అనవసరంగా ముక్కు పచ్చడి చేసుకున్నాడు. ఇదంతా బిగ్‌బాష్‌ లీగ్‌ సీజన్‌-12లో చోటు చేసుకుంది. విషయంలోకి వెళితే.. ఇక మంగళవారం బ్రిస్బేన్‌ హీట్‌, సిడ్నీ థండర్స్‌ మధ్య మ్యాచ్‌ జరిగింది. సిడ్నీ థండర్స్‌ ఇన్నింగ్స్‌ సమయంలో జట్టు ఓపెనర్‌ మాథ్యూ గిల్క్స్‌ దూకుడుగా ఆడుతున్నాడు. 56 పరుగుల వద్ద ఉన్నప్పుడు మిచెల్‌ స్వీప్సన్‌ బౌలింగ్‌లో లాంగాన్‌ దిశగా భారీ సిక్సర్‌ బాదాడు. అయితే బంతి నేరుగా స్టాండ్స్‌వైపు దూసుకొచ్చింది. అయితే స్టాండ్స్‌లో నిలబడిన ఒక అభిమాని అత్యుత్సాహం ప్రదర్శించాడు. తనవైపు వస్తున్న క్యాచ్‌ను అందుకోవాలని ప్రయత్నించాడు. కానీ పాపం క్యాచ్‌ పట్టడంలో విఫలం కావడంతో బంతి నేరుగా అతన్ని ముక్కు మీద గట్టిగా తాకి పక్కకు పడింది. అయినా కూడా తనకేం కాలేదన్నట్లుగా అంతా ఒకే అని సింబల్‌ చూపించాడు. అయితే కాసేపటికే సదరు అభిమాని ముక్కు నుంచి రక్తం దారలా కారసాగింది. ఇది గమనించిన బ్యాటర్‌ మాథ్యూ గిల్క్స్‌ అతని వైపు చూడగా.. ముక్కుకు కర్చీఫ్‌ అడ్డుపెట్టుకున్న అభిమాని పర్లేదులే అన్నట్లుగా సైగ చేశాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. మ్యాచ్‌లో సిడ్నీ థండర్స్‌ 10 వికెట్ల తేడాతో ఘన విజయం సాధించి పాయింట్ల పట్టికలో టాప్‌ పొజిషన్‌కు చేరుకుంది. తొలుత బ్యాటింగ్‌ చేసిన బ్రిస్బేన్‌ హీట్‌ నిర్ణీత 20 ఓవర్లలో ఆరు వికెట్ల నష్టానికి 121 పరుగులు చేసింది. కొలిన్‌ మున్రో 43 పరుగులతో టాప్‌ స్కోరర్‌గా నిలవగా.. పియర్సన్‌ 27, గ్జేవియర్‌ బార్‌లెట్‌ 28 నాటౌట్‌ రాణించారు. అనంతరం బ్యాటింగ్‌ చేసిన సిడ్నీ థండర్స్‌ ఒక్క వికెట్‌ కూడా నష్టపోకుండానే కేవలం 11.4 ఓవర్లలోనే లక్ష్యాన్ని అందుకుంది. అలెక్స్‌ హేల్స్‌ 59 నాటౌట్‌, మాథ్యూ గిల్క్స్‌ 56 నాటౌట్‌ జట్టును గెలిపించారు. Anyone know this guy who can let us know if his nose is all good?! 🫣@KFC #BucketMoment #BBL12 pic.twitter.com/YVjvgg6a9v — KFC Big Bash League (@BBL) December 27, 2022 చదవండి: Ashwin-Shreyas Iyer: మొన్న గెలిపించారు.. ఇవాళ ర్యాంకింగ్స్‌లో దుమ్ములేపారు దెబ్బ అదుర్స్‌.. ఒక్క ఇన్నింగ్స్‌తో అన్నింటికి చెక్‌

శ్రీలంక క్రికెటర్‌ చమిక కరుణరత్నే క్యాచ్‌ పట్టబోయి మూతిపళ్లు రాలగొట్టుకున్న సంగతి తెలిసిందే. లంక ప్రీమియర్‌ లీగ్‌లో భాగంగా గాలే గ్లాడియేటర్స్‌, జఫ్నా కింగ్స్‌ మధ్య మ్యాచ్‌లో ఇది చోటుచేసుకుంది. కాగా నోటి నుంచి రక్తం కారడంతో ప్రథమ చికిత్స తీసుకొని మళ్లీ మైదానంలోకి వచ్చాడు. మ్యాచ్‌ తర్వాత కరుణరత్నేను ఆసుపత్రికి తరలించి మూతికి సర్జరీ నిర్వహించారు. మూతికి 30 కుట్లు కూడా పడ్డాయి. ప్రస్తుతం కరుణరత్నే విశ్రాంతి తీసుకుంటున్నాడు. ఇదే విషయాన్ని కరుణరత్నే తన ఇన్‌స్టాగ్రామ్‌లో చెప్పుకొచ్చాడు. ''నాలుగు పళ్లు ఉడినా తిరిగి వచ్చాయి.. మూతికి 30 కుట్టు పడ్డాయి.. కానీ నేను ఇప్పటికి నవ్వగలను. త్వరలోనే కోలుకొని తిరిగి జట్టులోకి వస్తా.. సీ యూ సూన్‌'' అంటూ మెసేజ్‌ చేశాడు. ఇక మ్యాచ్‌ విషయానికి వస్తే.. కాండీ ఫాల్కన్స్‌ ఐదు వికెట్ల తేడాతో విజయం సాధించింది. తొలుత బ్యాటింగ్‌ చేసిన గాలే గ్లాడియేటర్స్‌ 20 ఓవర్లలో 8 వికెట్ల నష్టానికి 121 పరుగులు చేసింది. మోవిన్‌ శుభసింగా 38 బంతుల్లో 40 పరుగులు, ఇమాద్‌ వసీమ్‌ 34 పరుగులు చేశాడు. ఆ తర్వాత బ్యాటింగ్‌ చేసిన ఫాల్కన్స్‌ 30 బంతులు మిగిలి ఉండగానే ఐదు వికెట్లు కోల్పోయి టార్గెట్‌ను అందుకుంది. కమిందు మెండిస్‌ 44, పాతుమ్‌ నిస్సాంక(22), ఆండ్రీ ఫ్లెచర్‌(20) పరుగులు చేశారు.  Chamika Karunaratne lost 4 teeth while taking a catchpic.twitter.com/WFphzmfzA1 — Out Of Context Cricket (@GemsOfCricket) December 8, 2022 View this post on Instagram A post shared by Chamika Karunaratne (@chamikakarunaratne) చదవండి: LPL 2022: మూతిపళ్లు రాలినా క్యాచ్‌ మాత్రం విడువలేదు ఆట గెలవడం కోసం ఇంతలా దిగజారాలా?

లంక ప్రీమియర్‌ లీగ్‌లో ఒక ఆసక్తికర ఘటన చోటుచేసుకుంది. క్యాచ్‌ తీసుకునే క్రమంలో మూతి పళ్లు రాలగొట్టుకున్నాడు లంక క్రికెటర్‌ చమిక కరుణరత్నే. కాండీ ఫాల్కన్స్‌, గాలె గ్లాడియేటర్స్‌ మధ్య జరిగిన మ్యాచ్‌లో ఇది చోటుచేసుకుంది. గాలె గ్లాడియేటర్‌ ఇన్నింగ్స్‌ సమయంలో బ్యాటర్‌ ఇచ్చిన క్యాచ్‌ను అందుకునేందుకు కరుణరత్నే పరిగెత్తుకొచ్చాడు. అదే సమయంలో మరో ఇద్దరు ఫీల్డర్లు కూడా రావడం చూసిన కరుణరత్నే వారిని వద్దని వారించాడు. ఇక క్యాచ్‌ను సులువుగా పట్టుకున్నట్లే అని మనం అనుకుంటున్న దశలో బంతి అతని మూతిపై బలంగా తాకింది. ఆ దెబ్బకు అతని ముందు పళ్లు ఊడివచ్చాయి. నోటి నుంచి రక్తం కారుతున్నప్పటికి క్యాచ్‌ను మాత్రం జారవిడవలేదు. ఆ తర్వాత పెవిలియన్‌ వెళ్లి ప్రథమ చికిత్స తీసుకొని తిరిగి మైదానంలోకి అడుగుపెట్టాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక మ్యాచ్‌ విషయానికి వస్తే.. కాండీ ఫాల్కన్స్‌ ఐదు వికెట్ల తేడాతో విజయం సాధించింది. తొలుత బ్యాటింగ్‌ చేసిన గాలే గ్లాడియేటర్స్‌ 20 ఓవర్లలో 8 వికెట్ల నష్టానికి 121 పరుగులు చేసింది. మోవిన్‌ శుభసింగా 38 బంతుల్లో 40 పరుగులు, ఇమాద్‌ వసీమ్‌ 34 పరుగులు చేశాడు. ఆ తర్వాత బ్యాటింగ్‌ చేసిన ఫాల్కన్స్‌ 30 బంతులు మిగిలి ఉండగానే ఐదు వికెట్లు కోల్పోయి టార్గెట్‌ను అందుకుంది. కమిందు మెండిస్‌ 44, పాతుమ్‌ నిస్సాంక(22), ఆండ్రీ ఫ్లెచర్‌(20) పరుగులు చేశారు.  Chamika Karunaratne lost 4 teeth while taking a catchpic.twitter.com/WFphzmfzA1 — Out Of Context Cricket (@GemsOfCricket) December 8, 2022 చదవండి: క్రిప్టో కరెన్సీ కంటే దారుణంగా పడిపోతున్నారు.. టీమిండియాపై సెహ్వాగ్‌ సెటైర్‌

'క్యాచెస్‌ విన్‌ మ్యాచెస్‌' అని అంటారు. కొన్ని క్యాచ్‌లు మ్యాచ్‌లు గెలిపించిన సందర్బాలు ఉన్నాయి. ఒక్కోసారి బెస్ట్‌ ఫీల్డర్‌ అని చెప్పుకునే ఆటగాళ్లు కూడా క్యాచ్‌లు జారవిడుస్తుంటారు. ఒక్కోసారి ఈజీ క్యాచ్‌లు అందుకునే క్రమంలో చేసే తప్పిదాలు నవ్వును తెప్పిస్తుంటాయి. తాజాగా వీటిన్నింటిని మించిన క్యాచ్‌.. చరిత్రలో మనం ఎప్పుడు చూడని క్యాచ్‌ గురించి ఇప్పుడు మాట్లాడుకుందాం. విషయంలోకి వెళితే.. విలేజ్‌ లీగ్‌ గేమ్‌లో భాగంగా.. ఆల్డ్‌విక్‌ క్రికెట్‌ క్లబ్‌, లింగ్‌ఫీల్డ్‌ క్రికెట్‌ క్లబ్‌ మధ్య మ్యాచ్‌ జరిగింది. లింగ్‌ఫీల్డ్‌ క్రికెట్‌ క్లబ్‌ బ్యాటింగ్‌ సమయంలో 16 ఏళ్ల అలెక్స్‌ రైడర్‌ బౌలింగ్‌కు వచ్చాడు.  అతను వేసిన బంతిని బ్యాటర్‌ షాట్‌ ఆడే ప్రయత్నంలో గాల్లోకి లేపాడు. దీంతో అలెక్స్‌ రైడర్‌ కాట్‌ అండ్‌ బౌల్డ్‌తో బ్యాట్స్‌మన్‌ను పెవిలియన్‌ చేరుస్తాడని భావించారు. అయితే క్యాచ్‌ అందుకున్నట్లే అందుకున్న రైడర్‌ చేతి నుంచి బంతి జారిపోయింది. ఇక్కడే ఎవరు ఊహించని ట్విస్ట్‌ జరిగింది. క్యాచ్‌ అందుకునే క్రమంలో అప్పటికే కింద పడిపోయిన  రైడర్‌ తన కాలును పైకి లేపడం.. అదే సమయంలో బంతి జారి అతని కాలు మీద పడి మళ్లీ గాల్లోకి లేవడం.. ఈసారి రైడర్‌ ఎలాంటి మిస్టేక్‌ లేకుండా  క్యాచ్‌ తీసుకోవడం జరిగిపోయాయి. రైడర్‌ క్యాచ్‌ అందుకునే చర్యలో బిజీగా ఉన్నప్పుడు తోటి ఆటగాళ్లు సహా ప్రత్యర్థి ఆటగాళ్లు నోరెళ్లబెట్టి చూడడం విశేషం. మొత్తానికి అలెక్స్‌ రైడర్‌ క్యాచ్ అందుకోవడం.. బ్యాటర్‌ పెవిలియన్‌ చేరడం జరిగిపోయింది. దీనికి సంబంధించిన వీడియోను స్టంప్‌ కెమెరాలో రికార్డయింది.  ఈ వీడియోనూ దట్స్‌ సో విలేజ్‌ తన ట్విటర్‌లో షేర్‌ చేసింది. ఇది చూసిన అభిమానులు.. 'గ్రేటెస్ట్‌ క్యాచ్‌ డ్రాప్‌ ఎవెర్‌' అంటూ కామెంట్‌ చేశారు. View this post on Instagram A post shared by Cricket District (@cricketdistrict) The greatest dropped catch ever!? 😂 Brilliant clip from @AldwickCC's stump cam! pic.twitter.com/Cpmd80QdGP — That’s so Village (@ThatsSoVillage) June 16, 2022 చదవండి: క్రికెట్‌లో ఇలాంటి అద్భుతాలు అరుదుగా.. 134 ఏళ్ల రికార్డు బద్దలు కొట్టిన పృథ్వీ షా

జీవితంలో మనకు అప్పుడప్పుడూ కొన్ని రకాల సందర్భాలు ఎదురవుతుంటాయి. కింద ఇచ్చిన పరిస్థితి మీకు ఎప్పుడైనా ఎదురైతే ‘క్యాచ్‌–22 సిచ్యువేషన్‌’లో ఉన్నట్లు. ► ఏదైనా ఒక సందర్భంలో ఒక అడుగు ముందుకు వేయబోతే సమస్యల్లో చిక్కుకునే పరిస్థితి ఎదురుకావడం. (క్లిక్‌: ఉత్త ప్యాంగసియన్‌ ఆశ.. ఇంతకీ ఎవరు ఇతను?)   ► మీరు మీ కళ్లజోడును ఎక్కడో పెట్టి మరిచిపోతారు. అయితే అవి ఎక్కడున్నాయో వెదకాలంటే కళ్లజోడు తప్పనిసరి. ఇదొక విచిత్ర పరిస్థితి. ∙మీరు కారు డ్రైవ్‌ చేస్తూ ఒక సైకిలిస్ట్‌ను ఢీకొట్టారు. ‘నువ్వు సైకిలిస్ట్‌ను చూశావా?’ అని జడ్జి అడుగుతాడు. ‘చూశాను’ అని అంటే ‘చూస్తూ కూడా ఎందుకు ఢీకొట్టావు?’ అని అడుగుతాడు. ‘చూడలేదు’ అని చెబితే ‘అంత నిర్లక్ష్యమా!’ అంటాడు. ఇదొక సంకట పరిస్థితి. (నయా ఇంగ్లిష్‌: ఘోస్ట్‌ కిచెన్‌ అంటే?) జోసెఫ్‌ హెలీ రాసిన క్యాచ్‌–22 సెటైరికల్‌ నవలతో ఈ ‘క్యాచ్‌–22’ అనే ఎక్స్‌ప్రెషన్‌ మొదలైంది. రెండో ప్రపంచయుద్ధ నేపథ్యం తీసుకొని రాసిన ఈ నవలలో యుద్ధంలో ఉండే క్రూరత్వం, వినాశనాన్ని వ్యంగ్యాత్మకంగా  చెబుతారు రచయిత. (క్లిక్‌: అక్కడి పరిస్థితి హెలైసియస్‌గా ఉంది..!)

Pujara Drops Simple Catch Of Keegan Petersen: దక్షిణాఫ్రికా గడ్డపై తొట్టతొలి టెస్ట్‌ సిరీస్‌ గెలిచే అవకాశాన్ని టీమిండియా చేజేతులా జారవిడిచింది. నిర్ణయాత్మకమైన మూడో టెస్ట్‌లో పేలవ ఫీల్డింగ్‌ కారణంగా మ్యాచ్‌ను ప్రత్యర్ధికి వదులుకుంది. ప్రత్యర్ధికి 212 పరుగుల ఫైటింగ్‌ టార్గెట్‌ నిర్ధేశించినప్పటికీ సునాయాసమైన క్యాచ్‌లు వదిలేయడం ద్వారా మ్యాచ్‌పై పట్టు కోల్పోయింది. నాలుగో రోజు ఆట కీలక దశలో(126/2) కీగన్ పీటర్సన్ ఇచ్చిన లడ్డు లాంటి క్యాచ్‌ను పుజారా నేలపాలు చేశాడు. బుమ్రా బౌలింగ్‌లో పీటర్సన్ బ్యాట్ అంచును ముద్దాడిన బంతి, నేరుగా పూజారా చేతుల్లో ల్యాండైంది. అయితే పూజారా వదిలేసాడు.  ఇది చూసిన కోహ్లి మిన్నకుండిపోయాడు. కాగా, పుజారా.. పీటర్సన్‌ క్యాచ్‌ వదిలేసే సమయానికి దక్షిణాఫ్రికా.. విజయానికి ఇంకా 83 పరుగుల దూరంలో ఉండింది. పీటర్సన్‌ కీలక ఇన్నింగ్స్‌(113 బంతుల్లో 10 ఫోర్లతో 82) ఆడి టీమిండియాకు విజయాన్ని దూరం చేశాడు.  కాగా, దక్షిణాఫ్రికా గడ్డపై తొలి సిరీస్‌ విజయాన్ని సాధించి చరిత్ర సృష్టింద్దామనుకున్న టీమిండియాకు భంగపాటు ఎదురైంది. నిర్ణయాత్మక మూడో టెస్ట్‌లో దక్షిణాఫ్రికా 7 వికెట్ల తేడాతో ఘన విజయం సాధించి, 3 మ్యాచ్‌ల సిరీస్‌ను 2-1తేడాతో కైవసం చేసుకుంది. టీమిండియా నిర్ధేశించిన 212 పరుగుల లక్ష్యాన్ని దక్షిణాఫ్రికా జట్టు కేవలం 3 వికెట్లు మాత్రమే కోల్పోయి సునాయాసంగా ఛేదించింది. కీగన్‌ పీటర్సన్‌(82) సమయోచితమైన బ్యాటింగ్‌తో దక్షిణాఫ్రికాను విజయపు అంచులదాకా తీసుకెళ్లగా.. డస్సెన్‌(41 నాటౌట్‌), బవుమా(32 నాటౌట్‌) జట్టును విజయతీరాలకు చేర్చారు.  టీమిండియా బౌలర్లలో బుమ్రా, షమీ, శార్ధూల్‌లు తలో వికెట్‌ పడగొట్టారు. అంతకుముందు భారత్‌ తొలి ఇన్నింగ్స్‌లో 223, రెండో ఇన్నింగ్స్‌లో 198 పరుగులకు ఆలౌట్‌ కాగా, దక్షిణాఫ్రికా తొలి ఇన్నింగ్స్‌లో 210 పరుగులు చేసిన సంగతి తెలిసిందే. తొలి టెస్ట్‌లో భారత్‌ ఘన విజయం సాధించి 1-0 ఆధిక్యంలో నిలువగా, ఆతర్వాత దక్షిణాఫ్రికా వరుసగా రెండు, మూడు టెస్ట్‌లు గెలిచి సిరీస్‌ను చేజిక్కించుకుంది. సీనియర్ల గైర్హాజరీలో సఫారీ జట్టు అద్భుతంగా రాణించి, టీమిండియాపై చారిత్రక సిరీస్‌ విజయాన్ని నమోదు చేసింది.  చదవండి: IND Vs SA 3rd Test: విరాట్‌ కోహ్లిపై నిషేధం..?

Joshua da Silva Vs Dhananjaya de Silva.. క్రికెట్‌ మ్యాచ్‌లో ప్రత్యర్థి ఆటగాళ్ల మధ్య మాటలయుద్ధం జరగడం సహజం. వెస్టిండీస్‌, శ్రీలంక మధ్య జరుగుతున్న రెండో టెస్టులో ఒక ఆసక్తికర ఘటన చోటుచేసుకుంది. ఇక ఆటగాళ్లు ప్రతీకారం ఈ విధంగా కూడా తీసుకుంటారా అని అనిపించడం ఖాయం. వారిద్దరే ధనుంజయ్‌ డిసిల్వా.. జోషువా ద సిల్వా. ధనుంజయ్‌ డిసిల్వా శ్రీలంక ఆల్‌రౌండర్‌ కాగా... జోషువా ద సిల్వా వెస్టిండీస్‌ వికెట్‌ కీపర్‌. ఇక విషయంలోకి వెళితే.. లంక, విండీస్‌ మధ్య జరిగిన తొలి టెస్టులో విండీస్‌ కీపర్‌ ద సిల్వా..  లసిత్‌ ఎంబుల్దేనియా బౌలింగ్‌లో ధనుంజయ్‌ డిసిల్వాకు క్యాచ్‌ ఇచ్చి వెనుదిరిగాడు. ఆ మ్యాచ్‌లో 54 పరుగులు చేసిన జోషువా.. కీలక సమయంలో రాణించినప్పటికి జట్టును ఓటమి నుంచి కాపాడలేకపోయాడు. చదవండి: WI vs SL: క్రీజులో పాతుకుపోయాడు.. తెలివైన బంతితో బోల్తా తాజాగా రెండో టెస్టులో ఈసారి 2 పరుగులు చేసిన ధనుంజయ్‌ డిసిల్వా.. వీరాస్వామి పెరుమాల్‌ బౌలింగ్‌లో జోషువా ద సిల్వాకు క్యాచ్‌ ఇచ్చి వెనుదిరిగాడు. పెవిలియన్‌కు వెళ్తున్న ధనుంజయ్‌ను ఉద్దేశించి జోషువా ..''నువ్వు నా క్యాచ్‌ పట్టావు.. నేను నీ క్యాచ్‌ పట్టా.. క్రికెట్‌లో జరిగేది ఇదే'' అనడం స్టంప్‌ మైక్‌లో రికార్డయింది. తాజాగా దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక మ్యాచ్‌లో మూడోరోజు ఆట ముగిసేసమయానికి రెండో ఇన్నింగ్స్‌లో శ్రీలంక 2 వికెట్ల నష్టానికి 46 పరుగులు చేసింది. పాతుమ్‌ నిస్సాంక 21, చరిత్‌ అసలంక 4 పరుగులతో ఆడుతున్నారు.  అంతకముందు వెస్టిండీస్‌ తొలి ఇన్నింగ్స్‌లో 253 పరుగులకు ఆలౌట్‌ అయింది. రమేశ్‌ మెండిస్‌ 6 వికెట్లు తీయగా.. ఎంబుల్డేనియా 2, జయవిక్రమ 2 వికెట్లు తీశారు. చదవండి: ICC Test Rankings: టాప్‌-5లోకి దూసుకొచ్చిన షాహిన్‌.. దిగజారిన విలియమ్సన్‌ "You catch me, I catch you - that's how it works in cricket" - @joshuadasilva08 😂 After being caught by (Dhananjaya) de Silva in the first Test, (Joshua) Da Silva promised revenge - and he got it! #SLvWI pic.twitter.com/GqkKR4NM3U — 🏏FlashScore Cricket Commentators (@FlashCric) November 30, 2021

IND Vs NZ Highlights Superb low catch by KS Bharat: న్యూజిలాండ్‌తో జరుగుతున్న తొలి టెస్ట్‌లో న్యూజిలాండ్‌ ఎట్టకేలకు విల్‌ యంగ్‌ రూపంలో  తొలి వికెట్‌ కోల్పోయింది. వృద్ధిమాన్‌ సాహా స్థానంలో సబ్‌ట్యూట్‌గా వచ్చిన వికెట్‌ కీపర్‌ కేఎస్‌ భరత్‌ అద్భుతమైన క్యాచ్‌ అందుకున్నాడు. ఇన్నింగ్స్‌ 66 ఓవర్‌ వేసిన ఆశ్విన్‌ బౌలింగ్‌లో..  విల్‌ యంగ్‌  బ్యాట్‌ను తాకి బంతి వికెట్‌ కీపర్‌ కేఎస్‌ భరత్‌ చేతికి వెళ్లింది. అయితే ఆప్పీల్‌ చేయగా అంపైర్‌ దాన్ని తిరస్కరించాడు. వెంటనే భరత్‌ పట్టు పట్టిమరీ కెప్టెన్‌ రహానే  సహాయంతో రివ్యూకు వెళ్లాడు. ఈ క్రమంలో రీ ప్లేలో బంతి బ్యాట్‌ను తాకినట్లు సృష్టంగా కన్పించింది. దీంతో అంపైర్‌ తన నిర్ణయాన్ని వెనుక్కు తీసుకుని ఔట్‌గా ప్రకటించాడు. దీంతో ఎట్టకేలకు ఒక్క వికెట్‌ దక్కడంతో భారత శిబిరంలో ఆనందం నెలకొంది. కాగా వృద్ధిమాన్‌ సాహా మెడ నొప్పి కారణంగా జట్టుకు దూరమయ్యాడు. మెడికల్‌ టీం అతడి ఆరోగ్య పరిస్థితిని పర్యవేక్షిస్తోంది. ఈ క్రమంలో సాహా స్థానంలో తెలుగు క్రికెటర్‌ భరత్‌ను మైదానంలోకి పంపినట్లు బీసీసీఐ వెల్లడించింది. ఇక తొలి ఇన్నింగ్స్‌లో కేవలం ఒకే ఒక్క పరుగు చేసి సాహా తీవ్రంగా నిరాశపరచడంతో భరత్‌ను జట్టులోకి తీసుకోవాలంటూ నెటిజన్లు ట్రోల్‌ చేసిన సంగతి తెలిసిందే. ఈ నేపథ్యంలో యాదృచ్చికంగా మూడో రోజు ఆటలో భాగంగా భరత్‌ కీపింగ్‌ చేయడం గమనార్హం. చదవండి: India Vs Nz 1st Test: వారెవ్వా భరత్‌... విల్‌ యంగ్‌ అవుట్‌ KS Bharat takes a good low catch to dismiss Will Young 👏🔥 Ravi Ashwin the wicket taker ❤️#INDvNZ #INDvsNZ#NZvIND #NZvsINDpic.twitter.com/Fo4JOdtn7T — CRICKET VIDEOS 🏏 (@AbdullahNeaz) November 27, 2021 WHAT. A. CATCH! 🙌 Let's relive this brilliant glovework & DRS call from @KonaBharat 🎥 https://t.co/MkkXnnuc6M #TeamIndia #INDvNZ @Paytm — BCCI (@BCCI) November 27, 2021 UPDATE - Wriddhiman Saha has stiffness in his neck. The BCCI medical team is treating him and monitoring his progress. KS Bharat will be keeping wickets in his absence.#INDvNZ @Paytm — BCCI (@BCCI) November 27, 2021

సాధారణంగా ఇంట్లో పెంపుడు జంతువులుగా.. శునకాన్ని పెంచుకోవడానికి  ఎక్కువ మంది ఇష్టపడుతుంటారు. కుక్కను విశ్వాసానికి గుర్తుగా భావిస్తారు. చాలా మంది వీటిని.. తమ ఇంట్లో ఒక సభ్యుడి మాదిరిగానే ట్రీట్‌ చేస్తారు. శునకం కూడా తమ యజమాని పట్ల ఎనలేని ప్రేమను, అభిమానాన్ని చూపిస్తుంటుంది. బయటకు వెళ్లిన తమ యజమాని వచ్చేవరకు గుమ్మం వద్దనే కాచుకుని ఉంటాయి. యజమాని తప్ప వేరే వారు ఏది తినడానికి పెట్టిన కనీసం ముట్టుకోవు. చిన్న పిల్లల నుంచి పెద్దవాళ్ల వరకు కుక్కలతో ఆడుకోవడానికి ఇష్టపడుతుంటారు. మరికొంత మంది కుక్కలకు చిన్నచిన్న పనులు నేర్పిస్తుంటారు.  ఏదైన వస్తువును లేదా బాల్‌ను విసిరి.. దాని వెనుక పరిగెడతారు. కుక్క నోటికి అందించి తెచ్చేలా దానికి ట్రైనింగ్‌ ఇస్తారు. ఇలాంటివి తరచుగా మనం సోషల్‌ మీడియాలోను.. మనచుట్టు చూస్తునే ఉంటాం. తాజాగా, భారత్‌ మాజీ క్రికెట్‌ ప్లేయర్‌ సచిన్‌ టెండుల్కర్‌ ఒక ఆసక్తికర వీడియోను తన ట్విటర్‌ఖాతాలో పోస్ట్‌ చేశారు. ప్రస్తుతం ఆ వీడియో సోషల్‌ మీడియాలో చక్కర్లు కొడుతుంది. దీనిలో ఒక వీధిలో కొందరు చిన్న పిల్లలు క్రికెట్‌ ఆడుతున్నారు. ఒక బాలిక లెఫ్ట్‌హ్యాండ్‌తో బ్యాటింగ్‌ చేస్తుంది. ఒక బాలుడు వేగంగా బౌలింగ్‌ చేస్తున్నాడు. అక్కడ ఒక శునకం కీపింగ్‌ చేస్తుంది. ఆ బాలుడు స్పీడ్‌గా బౌలింగ్‌ చేయగానే ఆ కుక్క.. దాన్ని తన నోటితో క్యాచ్‌ పట్టేసుకుంటుంది. అదే విధంగా ఆ బాలిక.. షాట్‌ కొట్టగానే వేగంగా పరుగెత్తుకుంటూ వెళ్లి ఆ బాల్‌ను తీసుకొస్తుంది. ఈ వీడియోలో శునకం.. కీపింగ్‌, ఫీల్డింగ్‌, క్యాచ్‌లతో.. ఆల్‌రౌండర్‌ ప్రతిభ కనబరుస్తుంది. ఈ ఆసక్తికర వీడియోను తన స్నేహితుడు పంపించినట్లు సచిన్‌ తెలిపాడు. ఆల్‌ రౌండర్‌ ప్రతిభ కనబరుస్తున్న శునకానికి మీరు ఏమని పేరుపేడతారంటూ సచిన్‌.. ట్యాగ్‌ చేశారు. ప్రస్తుతం ఇది సోషల్‌ మీడియాలో వైరల్‌గా మారింది. దీన్ని చూసిన నెటిజన్లు.. ‘తమ చిన్ననాటి జ్ఞాపకాలు గుర్తుకొస్తున్నాయని’, ‘ ఆల్‌ రౌండర్‌ శునకం’, ‘లగాన్‌ సినిమా గుర్తొస్తుందంటూ..’ కామెంట్‌లు చేస్తున్నారు.  Received this from a friend and I must say, those are some 'sharp' ball catching skills 😉 We've seen wicket-keepers, fielders and all-rounders in cricket, but what would you name this? 😄 pic.twitter.com/tKyFvmCn4v — Sachin Tendulkar (@sachin_rt) November 22, 2021

Adil Rashid takes spectacular diving catch:  టి20 ప్రపంచకప్‌2021లో భాగంగా  ఇంగ్లండ్, బంగ్లాదేశ్‌ మ్యాచ్‌లో ఆదిల్‌ రషీద్‌ అద్బుతమైన క్యాచ్‌తో ఆభిమానులను ఆశ్చర్యపరిచాడు. బంగ్లాదేశ్‌ ఇన్నింగ్స్‌ 6వ ఓవర్‌ వేసిన క్రిస్‌ వోక్స్‌ బౌలింగ్‌లో.. షకీబ్‌ అల్‌ హసన్‌ భారీ షాట్‌కు ప్రయత్నించాడు. అది కాస్త మిస్‌ టైమ్‌ అయ్యి  బంతి గాల్లోకి లేచింది. అయితే షార్ట్‌ ఫైన్‌ లెగ్‌లో ఫీల్డింగ్‌ చేస్తున్న రషీద్‌ పరిగెత్తుకుంటూ వెళ్లి క్యాచ్‌ను అందకున్నాడు. కాగా ఈ క్యాచ్‌కు సంబంధించిన వీడియోను ఐసీసీ ఇనస్ట్రాగ్రామ్‌లో షేర్‌ చేసింది. చదవండి: T20 World Cup 2021: అలా అయితేనే టీమిండియా సెమీస్‌కు.. లేదంటే.. View this post on Instagram A post shared by ICC (@icc)     var request = 'https://www.sakshi.com/knowwidget/kwstr_1981407197.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Jagadeesha Suchith Stunning Catch: ఐపీఎల్ 2021లో వరుస అపజయాలతో పాయింట్ల పట్టికలో చివరి స్ధానంలో నిలిచిన సన్‌రైజర్స్‌ హైదరాబాద్‌  ప్లేఆప్‌ రేసు నుంచి అధికారికంగా  నిష్క్రమించింది. అయితే శనివారం పంజాబ్ కింగ్స్‌తో జరిగిన మ్యాచ్‌లో హైదరాబాద్ సబ్‌స్టిట్యూట్ ఫీల్డర్‌ జగదీశ సుచిత్  స్టన్నింగ్ క్యాచ్‌తో అభిమానుల్ని ఆశ్చర్యపరిచాడు. మ్యాచ్‌లో ఇన్నింగ్స్ 15వ ఓవర్ వేసిన జాసన్ హోల్డర్ బౌలింగ్‌లో దీపక్ హుడా  మిడాన్ దిశగా కొట్టిన షాట్‌ను  మెరుపు వేగంతో  గాల్లోకి ఎగురుతూ సుచిత్ సింగిల్ హ్యాండ్‌తో ‍క్యాచ్‌ పట్టాడు. ప్రస్తుతం ఈ వీడియో వైరల్‌ అవుతోంది. కాగా చివరి వరకు ఉత్కంఠ భరితంగా సాగిన ఈ మ్యాచ్‌లో పంజాబ్ కింగ్స్‌ 5 పరుగుల తేడాతో విజయం సాధించింది. చదవండి: హోల్డర్‌ మెరిసినా... సన్‌రైజర్స్‌ అవుట్‌ pic.twitter.com/jvRijSA0pS — Sardar Khan (@SardarK07004661) September 25, 2021

Kane Williamson Taken Wonderful Catch: దుబాయ్‌ వేదికగా ఢిల్లీ క్యాపిటల్స్‌తో  బుధవారం జరిగిన మ్యాచ్‌లో సన్‌రైజర్స్‌ఓటమి చెందినప్పటికీ.. ఆ జట్టు కెప్టెన్‌ కేన్ విలియమ్సన్ ఆధ్బతమైన క్యాచ్‌తో  అభిమానుల మనసును గెలుచుకున్నాడు. 135 పరుగుల లక్ష్యంతో బరిలోకి దిగిన ఢిల్లీ ఆదిలోనే ఓపెనర్‌ పృథ్వీ షా వికెట్‌ను కోల్పోయింది.  ఖలీల్ అహ్మద్ బౌలింగ్‌లో భారీ షాట్‌కు ప్ర‌య‌త్నించిన పృథ్వీ షాను  కేన్ విలియ‌మ్స‌న్‌ ఆధ్బతమైన క్యాచ్‌తో పెవిలియన్‌కు పంపాడు. ప్రస్తుతం ఈ క్యాచ్‌కు సంబంధించిన వీడియో సోషల్‌ మీడియాలో వైరల్‌ అవుతుంది. కాగా ఢిల్లీ, సన్‌రైజర్స్‌ హైదరాబాద్‌పై 8 వికెట్ల తేడాతో ఘనవిజయం సాధించింది. ఈ విజయంతో ఢిల్లీ పాయింట్ల పట్టికలో ఆగ్రస్థానానికి చేరుకోగా, సన్‌రైజర్స్‌  ప్లేఆఫ్‌ ఆశలు దాదాపు గల్లంతయ్యాయి. చదవండి: Shreyas Iyer: ఆ నిజాన్ని అస్సలు జీర్ణించుకోలేకపోయా.. ఇప్పుడు కూడా pic.twitter.com/lie44CD0Ks — Simran (@CowCorner9) September 22, 2021

ఉత్కంఠభరితంగా సాగిన చివరి వన్డేలో టీమిండియా, ఇంగ్లండ్‌ మహిళల జట్టుపై విజయం సాధించిన విషయం తెలిసిందే. అయితే అంతకు ముందు ఇంగ్లండ్‌ బ్యాటింగ్‌ టైంలో టీమిండియా డ్యాషింగ్‌ బ్యాట్స్‌ఉమెన్‌ స్మృతి మంధాన ఒడిసి పట్టిన క్యాచ్‌.. మ్యాచ్‌ మొత్తానికే హైలైట్‌గా నిలిచింది.  59 బంతుల్లో 5 ఫోర్లతో 49 పరుగులు చేసిన నాట్‌ స్కివర్‌ (49; 5 ఫోర్లు).. దీప్తి బౌలింగ్‌లో లాంగ్‌ షాట్‌ కోసం ప్రయత్నించింది. ఆ టైంలో బౌండరీ లైన్ దగ్గర స్మృతి మంధాన డైవ్ చేస్తూ కళ్లు చెదిరే రీతిలో క్యాచ్‌ అందుకుని పెవిలియన్‌కు చేర్చింది. Out of 10, how much would you rate this stunner by Smriti Mandhana? 😍🙌 #ENGvIND #ENGWvINDW pic.twitter.com/M66ivgC88v — Female Cricket (@imfemalecricket) July 3, 2021 కాగా, ఈ క్యాచ్‌ ఇప్పుడు సోషల్‌ మీడియాలో వైరల్‌ అవుతోంది. సూపర్‌ ఉమెన్‌ అంటూ తెగపొగిడేస్తున్నారు ఫ్యాన్స్‌. ఇదిలా ఉంటే 2-1తేడాతో సిరీస్‌ ఓడిన టీమిండియా.. జులై 9న మొదలుకాబోయే టీ20 సమరానికి సిద్ధమవుతోంది.

క్రైస్ట్‌చర్చ్‌: త్రీ డైమెన్షన్‌ ప్లేయర్‌కు పర్ఫెక్ట్‌ పర్యాయపదం రవీంద్ర జడేజానే అని మరో సారి రుజువైంది. బ్యాట్‌తో మెరుపులు మెరిపించగలడు.. బౌలింగ్‌తో మాయ చేయగలడు.. అంతకుమించి ఫీల్డింగ్‌తో మెస్మరైజ్‌ చేయగలడు. కివీస్‌తో జరుగుతున్న రెండో టెస్టుల్లో జడేజా సూపర్‌ మ్యాన్‌ను తలపించే ఓ విన్యాసం చేశాడు. మహ్మద్‌ షమీ వేసిన ఇన్నింగ్స్‌ 72వ ఓవర్‌ చివరి బంతిని వాగ్నర్‌ స్వ్కెర్‌ లెగ్‌లో భారీ షాట్‌ ఆడాడు. ఆ బంతి బౌండరీ వెళ్లడం పక్కా అన్నట్టు కెమెరా కూడా బౌండరీ లైన్‌నే చూపించింది. కానీ అక్కడే ఫీల్డింగ్‌ చేస్తున్న జడేజా ఎవరూ ఊహించని విధంగా కళ్లు చెదిరే రీతిలో గాల్లోకి ఎగిరి ఒంటి చేత్తో క్యాచ్‌ అందుకుని ఓ మై గాడ్‌ అనిపించాడు. ఆ ఊహించని సూపర్‌మ్యాన్‌ క్యాచ్‌కు వాగ్నర్‌ షాక్‌కు గురికాగా.. సహచర క్రికెటర్లు ఆనందంలో మునిగిపోయారు.  ప్రస్తుతం రవీంద్ర జడేజా సూపర్‌ మ్యాన్‌ క్యాచ్‌కు నెటిజన్లు ఫిదా అవుతున్నారు. దీంతో ప్రస్తుతం ఈ వీడియో సోషల్‌ మీడియాలో తెగ వైరల్‌ అవుతుంది. ‘జడ్డూ కాదు జాదు’, ‘మానవమాత్రులకు సాధ్యం కాదు.. సూపర్‌ మ్యాన్‌ అతడు’, ‘సలాం జడ్డూ భాయ్‌’, ‘త్రీ డైమెన్షన్‌ ప్లేయర్‌ అంటే అర్థం జడేజా’ అంటూ నెటిజన్లు కామెంట్‌ చేస్తున్నారు. ‘రెండో రోజు ఆటలో జడేజా విభిన్న కోణాలను మనం చూశాం. తొలుత గ్రాండ్‌హోమ్‌ను బంతితో ఔట్‌ చేశాడు. అనంతరం వాట్లింగ్‌ను ఆ తర్వాత వాగ్నర్‌ను తన సూపర్‌ ఫీల్డింగ్‌తో ఔట్‌ చేశాడు’అంటూ హర్ష భోగ్లే ట్వీట్‌ చేశాడు.   #INDvsNZ #NZvsIND #ravindrajadeja what a spectacular catch. pic.twitter.com/FnqRTqZrcB — Captain Kantor (@Bhramshastra) March 1, 2020 చదవండి: హమ్మయ్య.. ఆధిక్యం నిలిచింది సెమీస్‌ రేసులో కివీస్‌...   

మొహాలి: దక్షిణాఫ్రికాతో జరుగుతున్న రెండో టీ20లో టీమిండియా సారథి విరాట్‌ కోహ్లి కళ్లు చెదిరే రీతిలో క్యాచ్‌ అందుకొని ఔరా అనిపించాడు. కీలక సమయంలో ప్రమాదకరంగా మారుతున్న బ్యాట్స్‌మన్‌ను తన సూపర్బ్‌ క్యాచ్‌ ఔట్‌ చేశాడు. ఇది టీమిండియాకు టర్నింగ్‌ పాయింట్‌ అని విశ్లేషకులు అభిప్రాయపడ్డారు. హాఫ్‌ సెంచరీతో అదరగొడుతున్న డికాక్‌ నవదీప్‌ సైనీ వేసిన 12 ఓవర్‌ రెండో బంతిన స్ట్రేట్‌ డ్రైవ్‌ ఆడాడు. అది కాస్తా గాల్లోకి లేవడంతో మిడాఫ్‌లో ఫీల్డింగ్‌ చేస్తున్న కోహ్లి చిరుతలా పరిగెత్తుకుంటూ వచ్చి డైవ్‌ చేసి ఒంటి చేత్తో క్యాచ్‌ అందుకున్నాడు. దీంతో డికాక్‌ షాక్‌ గురై భారంగా క్రీజు వదిలి వెళ్లాడు. టీమిండియా ఆటగాళ్లతో సహా అభిమానులు ఆనందంతో కేరింతలు కొట్టారు. అప్పటివరకు సాఫీగా సాగుతున్న సఫారీ ఇన్నింగ్స్‌ కోహ్లి క్యాచ్‌తో కకలావికలం అయింది. డికాక్‌తో పాటు బవుమా రాణిస్తుండటంతో సఫారీ జట్టు భారీ స్కోర్‌ సాధిస్తుందనుకున్నారు. అయితే డికాక్‌ ఔటైన తర్వాత మిగతా బ్యాట్స్‌మెన్‌ తడబడటంతో టీమిండియా ముందు ఓ మోస్తారు లక్ష్యాన్ని నిర్దేశించింది. ఇక ప్రస్తుతం కోహ్లి అందుకున్న క్యాచ్‌ సోషల్‌ మీడియాలో హల్‌చల్‌ చేస్తోంది. నెటిజన్లు కోహ్లిని ప్రశంసలతో ముంచెత్తుతున్నారు. 

ఒంటారియో: అంతర్జాతీయ క్రికెట్‌కు వీడ్కోలు చెప్పినా తనలో సత్తా తగ్గలేదని టీమిండియా మాజీ ఆల్‌రౌండర్‌ యువరాజ్‌ సింగ్‌ నిరూపిస్తున్నాడు. గ్లోబల్‌ టీ20 కెనడాలో టోరంటో నేషనల్స్‌ కెప్టెన్‌గా వ్యవహరిస్తున్న యువీ మైదానంలో తనదైన శైలిలో అలరిస్తున్నాడు. బ్రాంప్టాన్‌ వాల్స్వ్‌తో జరిగిన మ్యాచ్‌లో యువరాజ్‌ సింగ్‌ పట్టిన క్యాచ్‌ హైలైట్‌గా నిలిచింది. గార్డన్‌ బౌలింగ్‌లో సిమన్స్‌ ఇచ్చిన క్యాచ్‌ను మూడు సార్లు ప్రయత్నించి ఒడిసిపట్టాడు. స్టన్నింగ్‌ క్యాచ్‌ అంటూ ఈ వీడియోను గ్లోబల్‌ టీ20 కెనడా అధికార ట్విటర్‌ పేజీలో షేర్‌ చేశారు. శనివారం జరిగిన ఈ మ్యాచ్‌లో బ్యాటింగ్‌, బౌలింగ్‌, ఫీల్డింగ్‌లో రాణించి మునుపటి యువీన గుర్తు చేశాడు. ఈ మ్యాచ్‌లో టోరంటో నేషనల్స్‌ ఓడినప్పటికీ కెప్టెన్‌గా యువరాజ్‌ సత్తా చాటాడు. 22 బంతుల్లో 5 సిక్సర్లు, 3 ఫోర్లతో 51 పరుగులు సాధించాడు. రెండు ఓవర్లు వేసి ఒక వికెట్‌ పడగొట్టాడు. అంతేకాదు షాహిద్‌ ఆఫ్రిదిని రనౌట్‌ చేయడంలోనూ కీలకపాత్ర పోషించి తనలోని సిసలైన ఆల్‌రౌండర్‌ను మళ్లీ వెలుగులోకి తెచ్చాడు. (చదవండి: యువీ మళ్లీ చెలరేగాడు.. కానీ)

చెస్టర్‌ లీ స్ట్రీట్‌ : వెస్టిండీస్‌ ఆల్‌రౌండర్‌, లెఫ్టార్మ్‌ స్పిన్నర్‌ ఫాబియన్‌ అలెన్‌ స్టన్నింగ్‌ రిటర్న్‌ క్యాచ్‌తో ఔరా అనిపించాడు. ప్రపంచకప్‌లో భాగంగా శ్రీలంక స్టార్‌ బ్యాట్స్‌మన్‌ కుశాల్‌ మెండిస్‌ను మెస్మరైజ్‌ క్యాచ్‌తో ఔట్‌ చేసి అలెన్‌ ఆకట్టుకున్నాడు. సోమవారం రివర్‌సైడ్‌ గ్రౌండ్‌లో శ్రీలంక ఇన్నింగ్స్‌ సందర్బంగా ఈ ఆసక్తికరమైన సంఘటన చోటుచేసుకుంది. ఫాబియన్‌ అలెన్‌ వేసిన 32వ ఓవర్‌ చివరి బంతిని కుశాల్‌.. బౌలర్‌కు కుడి భాగం నుంచి దూరంగా డ్రైవ్‌ ఆడాడు. అయితే బ్యాట్స్‌మన్‌ ఊహించిన దాని కంటే బంతి ఎక్కువగా గాల్లోకి లేచింది. అయితే ఎవరూ ఊహించని విధంగా అలెన్‌ గాల్లోకి ఎగిరి రెండు చేతులా బంతిని అందుకున్నాడు. దీంతో ఒక్కసారిగా కుశాల్‌ షాక్‌కు గురై భారంగా క్రీజు వదిలి వెళ్లాడు. ఇక అలెన్‌ స్టన్నింగ్‌ క్యాచ్‌తో శ్రీలంకతో సహా కరేబియన్‌ ఆటగాళ్లు ఆశ్చర్యానికి లోనయ్యారు. ఇక ప్రస్తుతం ఈ క్యాచ్‌కు సంబంధించిన వీడియో నెట్టింట్లో తెగ హల్‌చల్‌ చేస్తోంది. అలెన్‌ స్టన్నింగ్‌ క్యాచ్‌కు నెటిజన్లు ఫిదా అవుతున్నారు. ఇక ఇప్పటికే వెస్టిండీస్‌ ఆటగాళ్లు కళ్లు చెదిరే రీతిలో క్యాచ్‌లు అందుకున్నారు. ఆస్ట్రేలియా మ్యాచ్‌లో కరేబియన్‌ ఫాస్ట్‌ బౌలర్‌ కాట్రెల్‌ బ్రిలియంట్‌ క్యాచ్‌తో వార్తల్లో నిలిచిన విషయం తెలిసిందే. 

నాటింగ్‌హామ్‌: ప్రపంచకప్‌లో భాగంగా ఆస్ట్రేలియాతో జరగుతున్న మ్యాచ్‌లో వెస్టిండీస్‌ ఫాస్ట్‌ బౌలర్‌ షెల్డన్ కాట్రెల్ కళ్లు చెదిరే రీతిలో క్యాచ్‌ అందుకొని ఔరా అనిపించాడు. కరేబియన్‌ బౌలర్‌ థామస్‌ వేసిన 45 ఓవర్‌ రెండో బంతిని స్టీవ్‌ స్మిత్‌ ఫైన్‌ లెగ్‌ వైపు భారీ షాట్‌ ఆడతాడు. అక్కడ బౌండరీ లైన్ వద్ద ఫీల్డింగ్ చేస్తున్న కాట్రెల్‌ సిక్సర్ వెళ్లే బంతిని గాల్లోకి ఎగిరి అందుకున్నాడు. ఐతే బ్యాలెన్స్ కోల్పోయిన కాట్రెల్‌ బౌండరీ హద్దును తాకబోతున్నట్లు గమనించి బంతిని లోపలికి విసిరేశాడు. అనంతరం మళ్లీ లైన్ లోపలికి వచ్చి బంతిని అందుకొని ఆశ్చర్యపరిచాడు. కాట్రెల్‌ స్టన్నింగ్‌​ క్యాచ్‌తో స్మిత్‌తో సహా ఆసీస్‌ ప్యాన్స్‌ షాక్‌కు గురయ్యారు.     ఇక వృత్తిరీత్యా సోల్జర్‌ అయిన కాట్రెల్‌.. ఈ సూపర్‌ క్యాచ్‌ అందుకోవడంతో కామెంటేటర్ల్‌ అతడికి నిజంగా సెల్యూట్‌ చేయాల్సిందే అంటూ వ్యాఖ్యానించారు. ప్రస్తుతం కాట్రెల్‌ క్యాచ్‌కు సంబంధించిన వీడియో నెట్టింట్లో తెగ హల్‌చల్‌ చేస్తోంది. ‘వికెట్‌ తీసిన వెంటనే సెల్యూట్‌ చేసే కాట్రెల్‌కు.. ఈ క్యాచ్‌తో మనం అతడికి సెల్యూట్‌ చేయాల్సిందే’ అంటూ నెటిజన్లు కామెంట్‌ చేస్తున్నారు. ఇక ప్రపంచకప్‌లో భాగంగా పాకిస్తాన్‌, ఆస్ట్రేలియాతో మ్యాచ్‌లలో వికెట్‌ తీసిన వెంటనే సెల్యూట్‌ చేస్తూ అతడు అందరినీ ఆశ్చర్యానికి గురిచేసిన విషయం తెలిసిందే. ప్రస్తుత ప్రపంచకప్‌లో కాట్రెల్‌ సెల్యూటే సోషల్‌ మీడియాలో తెగ ట్రెండ్‌ అవుతోంది.  

అడిలైడ్‌ : ఆస్ట్రేలియాతో జరుగుతున్న తొలి టెస్ట్‌ మ్యాచ్‌లో టీమిండియా కెప్టెన్‌ విరాట్‌ కోహ్లి కేవలం 3 పరుగులకే అవుటయ్యాడు. ఆస్ట్రేలియా ఫీల్డర్‌ ఉస్మాన్‌ ఖవాజా అనూహ్య క్యాచ్‌తో అతడు త్వరగా పెవిలియన్‌ చేరాడు. ఎప్పట్లానే నాలుగో స్థానంలో బ్యాటింగ్‌ దిగిన కోహ్లి 16 బంతుల్లో 3 పరుగులు చేశాడు. 11 ఓవర్‌ మూడో బంతికి కోహ్లి అవుటయ్యాడు. పాట్‌ కమిన్స్‌ వేసిన వైడ్‌ బాల్‌ను అవుట్‌సైట్‌ బాదాడు. బౌండరీ వైపు దూసుకుపోతున్న బంతిని ఊహించనివిధంగా ఎడమవైపు డైవ్‌ చేసి ఉస్మాన్‌ ఖవాజా ఒంటిచేత్తో ఒడిసిపట్టాడు. కష్టమైనసాధ్యమైన క్యాచ్‌ పట్టి కోహ్లిని అవాక్కయ్యేలా చేశాడు. కోహ్లి నిరాశగా పెవిలియన్‌ చేరాడు. మైదానంలోని సహచరులంతా ఖవాజాను అభినందనలతో ముంచెత్తారు. ఆట మొదటి సెషనల్‌లో ఖవాజా పట్టిన క్యాచ్‌ హైలెట్‌గా నిలిచింది.   Incredible from @Uz_Khawaja! #AUSvIND | @bet365_aus pic.twitter.com/eLgBLnQssM — cricket.com.au (@cricketcomau) December 6, 2018

కార్డిఫ్‌: సుదీర్ఘ ఇంగ్లండ్‌ పర్యటనకు వెళ్లిన భారత్‌కు టీమిండియా ఓపెనర్‌ శిఖర్‌ ధావన్‌ ఇప్పటి వరకు మంచి శుభారంబాన్ని అందించలేకపోయాడు. రెండు మ్యాచ్‌ల్లో కలపి కేవలం 14 పరుగులు మాత్రమే చేశాడు. కానీ శుక్రవారం జరిగిన రెండో టీ20లో తన మార్క్‌ ఫీల్డింగ్‌తో ఔరా అనిపించాడు. ఈ మ్యాచ్‌లో భారత్‌ ఓటమి నిరాశ కలిగించినప్పటికి అభిమానులకు ఈ క్యాచ్‌ను తెగ ఎంజాయ్‌ చేస్తున్నారు. సిక్స్‌ వెళ్లే బంతిని ధావన్‌ బౌండరీ లైన్‌ వద్ద గాల్లోకి ఎగిరి మరి అద్భుతంగా అందుకున్నాడు. టీమిండియా ఆల్‌రౌండర్‌ హార్దిక్‌ పాండ్యా వేసిన 14 ఓవర్‌ తొలి బంతిని ఇంగ్లండ్‌ కెప్టెన్‌ ఇయాన్‌ మోర్గాన్‌ భారీ షాట్‌ కొట్టాడు. దాదాపు సిక్స్‌ అని అందరూ భావించారు. కానీ బౌండరీ లైన్‌ వద్ద ఉన్న ధావన్‌ అనూహ్యంగా ఆ బంతిని అందుకోని ఆశ్చర్యపరిచాడు. దీంతో మైదానంలో ఆటగాళ్లు, ప్రేక్షకులు సంభ్రమాశ్చర్యానికి లోనయ్యారు. ఈ ఫీట్‌కు ఫీల్డింగ్‌ దిగ్గజం, దక్షిణాఫ్రికా మాజీ క్రికెటర్‌ జాంటీ రోడ్స్‌ సైతం ఫిదా అ‍య్యాడు. ‘అరే ఎం క్యాచ్‌.. కబడ్డీలో ఇలాంటి ఫీట్స్‌ చేస్తారు’  అని ప్రశంసించాడు. ప్రస్తుతం ఈ వీడియో నెట్టింట్లో హల్‌చల్‌ చేస్తోంది. ఇక ఈ మ్యాచ్‌ భారత్‌ 5 వికెట్ల తేడాతో ఓటమి చెందడంతో మూడు టీ20ల సిరీస్‌ 1-1తో సమమైంది.

సాక్షి, హైదరాబాద్‌ : తమకున్న బౌలింగ్‌ బలంతోనే తక్కువ స్కోర్లను కాపాడుకుంటూ ఐపీఎల్‌-11 సీజన్‌ ప్లే ఆఫ్‌ బెర్త్‌ను ఖాయం చేసుకుంది సన్‌రైజర్స్‌ హైదరాబాద్‌. సోమవారం ఉప్పల్‌ వేదికగా రాయల్‌ చాలెంజర్స్‌ బెంగళూరుతో జరిగిన మ్యాచ్‌లో సన్‌రైజర్స్‌ 5 పరుగుల తేడాతో విజయం సాధించిన విషయం తెలిసిందే. ఈ మ్యాచ్‌లో సన్‌రైజర్స్‌ స్టార్‌ ఆటగాడు యూసఫ్‌ పఠాన్‌ పట్టిన ఓ క్యాచ్‌ ఇప్పుడు సోషల్‌ మీడియాలో హాట్‌ టాపిక్‌ అయింది. ఆ క్యాచ్‌ ఎవరిదో కాదు.. అప్పటికే జోరుమీద ఉన్న ఆర్సీబీ కెప్టెన్‌ విరాట్‌ కోహ్లిది. షకీబుల్‌ హసన్‌ బౌలింగ్‌లో కోహ్లి భారీ షాట్‌ ఆడేందుకు ప్రయత్నించగా.. బంతి అనూహ్యంగా థర్డ్‌మ్యాన్‌ పొజిషన్‌లో ఫీల్డింగ్‌ చేస్తున్న యూసఫ్‌ పఠాన్‌ వైపు దూసుకొచ్చింది. అంతే వేగంతో పఠాన్‌ గాల్లోకి ఎగురుతూ ఒంటి చేత్తో క్యాచ్‌ పట్టేశాడు. ఈ క్యాచ్‌తో మైదానంలోని ఆటగాళ్లు, అభిమానులు షాక్‌కు గురయ్యారు. కోహ్లి సైతం ఆశ్చర్యం వ్యక్తం చేస్తూ మైదానం వీడాడు. దీంతో మ్యాచ్‌ ఒక్కసారిగా టర్న్‌ అయింది ఆ వెంటనే డివిలియర్స్‌, మొయిన్‌ అలీల వికెట్లు కోల్పోయిన ఆర్సీబీ చివరకి ఓటమి చవిచూసింది. అన్న క్యాచ్‌పై తమ్ముడు ఇర్ఫాన్‌ పఠాన్‌‘‘ క్యాచ్‌ పట్టినవా.. చెట్టు మీదున్న మామిడి పండు తెంపినవా’’ అంటూ ట్విటర్‌లో చమత్కరించాడు. ఈ ట్వీట్‌కు ‘అది పఠాన్‌ చేయి.. అందులో నుంచి జారిపోవడం చాలా కష్టం’ అని సన్‌రైజర్స్‌ సంచలనం రషీద్‌ ఖాన్‌ బదులిచ్చాడు. Ye Pathan k hath hai bohat mushkil se catch chot jata hai 🖐🏻🖐🏻 — Rashid Khan (@rashidkhan_19) 8 May 2018

సాక్షి, బెంగళూరు: 'ఈ సాలా కప్ నమ్‌దే' (ఈ ఏడాది కప్ మనదే) ఆశలకు గండిపడుతున్న వేళ.. రాయల్‌ చాలెంజర్స్‌ బెంగళూరు వరుస ఓటములు ఆ జట్టు అభిమానులను నిరాశకు గురి చేస్తున్నాయి. ఆదివారం కోల్‌కతా నైట్‌ రైడర్స్‌తో జరిగిన మ్యాచ్‌లో సైతం ఓడి.. పాయింట్ల పట్టికలో దిగువ నుంచి రెండో స్థానంలో ఆర్సీబీ నిలిచింది. అయితే మ్యాచ్‌లో అర్థ సెంచరీతో రాణించిన కోహ్లి.. చివర్లో పట్టిన ఓ స్టన్నింగ్‌ క్యాచ్‌ ఆకట్టుకుంది. ఓటమి అంచుల్లో కూడా అభిమానులు ఆ క్షణాన్ని ఎంజాయ్‌ చేశారు. కోహ్లి సూపర్‌ మ్యాన్‌లా డైవ్‌ చేసి మరీ పట్టిన ఆ క్యాచ్‌కు కోహ్లి సతీమణి ఇచ్చిన హవభావాలు సోషల్‌ మీడియాలో వైరల్‌ అవుతున్నాయి. వాటిని పోస్టు చేస్తూ... ‘భయ్యా అంత కష్టపడి క్యాచ్‌ పడితే.. నువ్వు ఇచ్చే ప్రతిఫలం ఇంతేనా వదినా?’ అంటూ ఓ వ్యక్తి ట్వీట్‌ చేయగా.. ‘ఆ ఎక్స్‌ప్రెషన్‌ను ఏమని అర్థం చేసుకోవాలంటూ’ మరో వ్యక్తి ట్వీట్‌ చేశాడు. ‘అనుష్క ఇచ్చిన వావ్‌ ఎక్స్‌ప్రెషన్‌ బాగుందంటూ’ ఇంకో వ్యక్తి ట్వీట్‌ చేశాడు. ఇదిలా ఉంటే కోహ్లి రాణిస్తున్నప్పటికీ.. బౌలింగ్‌. ఫీల్డింగ్‌​ విభాగాల్లో విఫలం అవుతుండటంతో జట్టు పరాజయం పాలవుతోంది. ఈ విషయంపై కోహ్లి మీడియా ముందే అసంతృప్తి వ్యక్తం చేశాడు కూడా. Anushka's reaction on kohli catch 😍 Waah dude is unbelievable 😂 @imVkohli @AnushkaSharma pic.twitter.com/hQlmYfnQEK — Akash 🇮🇳 (@ViratBomB_) 29 April 2018 That spectacular catch by @imVkohli & @AnushkaSharma 's reaction 😍💕💕😘👌#Virushka #ViratKohli #AnushkaSharma #RCBvKKR pic.twitter.com/zQX73jSinC — Virushka Updates (@VirushkaUpdate_) 29 April 2018 it was a Stunner Catch by @imVkohli.... and Million Dollar Typical Wifey expression by @AnushkaSharma.... No matter Whr U stay, Which team u support... You feel bad for #ViratKohli.... Most Hard working Cricketer ryt now...#RCBvKKR #KKRvRCB #RCB #Ipl2018 #Kohli — Rohit Jaiswal (@rohitjswl01) 29 April 2018 Anushka sharma’s reaction to virat kohli’s catch is everything 😂😂😂 — Sanj® (@sanjeevsangar) 29 April 2018 @imVkohli Super "Kohli" Man.., @imVkohli made ab's present felt in yesterdays match., superb catch champion @RCBTweets @IPL @ABdeVilliers17 #IPL pic.twitter.com/OqDeuqQ7Dl — Touseef (@imetsf) 30 April 2018

సాక్షి, బెంగళూరు : ఫుల్‌ ఫామ్‌తో ఉన్న కోహ్లి.. లాంగ్‌ ఆన్‌లో కొట్టిన బంతి... ఎవరూ ఊహించని క్యాచ్‌. ఢిల్లీ డేర్‌డెవిల్స్‌ ప్లేయర్‌ ట్రెంట్‌ బౌల్ట్‌ (న్యూజిలాండ్‌ ఆటగాడు) పట్టిన సూపర్‌ క్యాచ్‌తో ఏం జరుగుతుందో అర్థంకాక కోహ్లి కాసేపు బిత్తరపోయాడు. క్రికెట్‌ ప్రపంచం మొత్తం ఇప్పుడు ఈ క్యాచ్‌ గురించే చర్చిస్తోంది. గత రాత్రి బెంగళూర్‌ రాయల్‌ చాలెంజర్స్‌ వర్సెస్‌ ఢిల్లీ డేర్‌ డెవిల్స్‌తో జరిగిన మ్యాచ్‌లో ఇది చోటు చేసుకుంది. 30 పరుగుల వ్యక్తిగత స్కోర్‌ వద్ద హర్షల్‌ పటేల్‌ వేసిన ఫుల్‌ టాస్‌ బంతిని కోహ్లి బౌండరీ మీదకు తరలించాడు. అయితే అప్పటికే లైన్‌ వద్ద కాసుకుని ఉన్న బౌల్ట్‌.. బంతి గాల్లో ఉండగానే అమాంతం ఎగిరిన కుడి చేత్తో ఒడిసి పట్టేశాడు. ఆపై బౌండరీ లైన్‌పై పడకుండా బాడీని బ్యాలెన్స్‌ చేశాడు. ఊహించని ఆ క్యాచ్‌కు కోహ్లి కంగుతినగా.. ఎంపైర్లు రివ్యూ కోసం థర్డ్‌ అంపైర్‌ను సంప్రదించారు. ఇక రిప్లైలో అది ఔటని తేలింది. ఈ వీడియోను ఇండియన్‌ ప్రీమియర్‌ లీగ్‌ అఫీషియల్‌ ఈ సీజన్‌కు ఇప్పటిదాకా ఇదే ఉత్తమ క్యాచ్‌ అని పేర్కొంటూ ట్వీట్‌ చేసింది. మరోవైపు సోషల్‌ మీడియాలో కూడా ఈ వీడియోను షేర్‌ చేస్తూ పలువురు ట్రెంట్‌ సూపర్‌ మ్యాన్‌ అంటూ ప్రశంసలు కురిపిస్తున్నారు. డేవిడ్‌ లాయ్‌, మైకేల్‌ వా, షేన్‌ వార్న్‌ లాంటి దిగ్గజాలతోపాటు బెన్‌ స్ట్రోక్స్‌.. ఆకాశ్‌ చోప్రా, అలెక్స్‌ హేల్స్‌ కూడా ట్రెంట్‌ బౌల్ట్‌ పై లైఫ్‌ టైమ్‌ క్యాచ్‌ అంటూ ప్రశంసలు గుప్పిస్తున్నారు. What a catch ! What a catch! What a catch ! https://t.co/56MmwrJEIf — David 'Bumble' Lloyd (@BumbleCricket) 21 April 2018 A night of what the.... in the #IPL2018 !! Trent Boults catch is as good a catch as you will ever see & ABD batting was an exhibition & all class !! Wow.... — Shane Warne (@ShaneWarne) 21 April 2018 I think we could quite easily have just seen the Greatest EVER catch .... #TrentBoult #IPL #Virat — Michael Vaughan (@MichaelVaughan) 21 April 2018 Don't think you can even describe that as a catch....that's something different 😲😲😲 #trentbolt — Ben Stokes (@benstokes38) 21 April 2018 That is ridiculous from Boult — Alex Hales (@AlexHales1) 21 April 2018 Saturday was the day of batsmen. Some sensational hitting. Lynn, Gayle, Rahul, Pant, AB. But I’ll remember this day for that Trent Boult one-handed magic. Might not see a better catch in the entire IPL. #respect #RCBvDD — Aakash Chopra (@cricketaakash) 21 April 2018

బీజింగ్‌ : భర్తతో గొడవ పడి బిల్డింగ్‌ అంచున నిల్చున్న ఓ మహిళ ప్రమాదవశాత్తు కిందకి పడిపోవడం గమనించిన ఓ పోలీసు అధికారం సాహసం చేశారు. ఒట్టి చేతులతో బిల్డింగ్‌పై నుంచి కిందికి పడుతున్న ఆమెను క్యాచ్‌ పట్టుకున్నారు. ఈ ఘటన చైనాలో చోటు చేసుకుంది. వేగంగా కిందికి పడుతున్న మహిళను పట్టుకోవడంతో సదరు పోలీసు అధికారి వెన్నెముకకు గాయమైంది. దీంతో సహచరులు ఆయన్ను ఆసుపత్రికి తరలించారు. ప్రస్తుతం ఆసుపత్రిలో చికిత్స పొందుతున్న ఆయన పరిస్థితి మెరుగ్గానే ఉన్నట్లు అధికారులు తెలిపారు. కాగా, ఇందుకు సంబంధించిన సీపీ ఫుటేజి వీడియో సోషల్‌మీడియాలో వైరల్‌ అవుతోంది. పోలీసు సాహసాన్ని నెటిజన్లు మెచ్చుకుంటున్నారు.

జొహన్నెస్‌బర్గ్ ‌: వాండరర్స్‌ వేదికగా భారత్‌-దక్షిణాఫ్రికా మధ్య జరిగిన నాలుగో వన్డేలో ప్రొటీస్‌ కెప్టెన్‌ మార్క్‌రమ్‌ అద్భుత ఫీల్డింగ్‌తో వావ్‌ అనిపించాడు. రబడా వేసిన 46 ఓవర్‌ చివరి బంతిని భారత ఆల్‌రౌండర్‌ హార్దిక్‌ పాండ్యా భారీ షాట్‌ కొట్టాడు. అదే దిశలో ఆఫ్‌సైడ్‌ సర్కిల్‌ ఎండ్‌లో ఫీల్డింగ్‌ చేస్తున్న మార్క్‌రమ్‌ అంతే వేగంతో గాల్లోకి ఎగిరి బంతిని ఒడిసి పట్టుకున్నాడు. దీంతో పాండ్యా పెవిలియన్‌ చేరాడు. అయితే ఈ అద్భుత క్యాచ్‌కు సఫారీ ఆటగాళ్లతో పాటు మైదానంలోని ప్రేక్షకులంతా ఆశ్చర్యానికి లోనయ్యారు. ఏ మాత్రం సాధ్యం కాని క్యాచ్‌ను మార్క్‌రమ్‌ అద్భుత ఫీల్డింగ్‌తో అందుకోవడం మ్యాచ్‌కే హైలెట్‌గా నిలిచింది.

మెల్‌బోర్న్‌ : ‘క్రికెట్‌ చరిత్రలో ఇలాంటి క్యాచ్‌ చూసుండరు’..  బిగ్‌బాష్‌ లీగ్‌లో అడిలైడ్‌ స్ట్రైకర్స్‌, మెల్‌బోర్న్‌ రెనిగేడ్స్‌ మ్యాచ్‌లో కామెంటేటర్‌ నోట వచ్చిన మాట ఇది. ఈ వీడియో మీరు చూసిన ఇదే మాట అంటారు. అంత అద్భుత క్యాచ్‌ అందుకున్నాడు.. కాదు కాదు.. అందుకున్నారు.  అడిలైడ్‌ స్ట్రైకర్స్‌ ఆటగాళ్లు బెన్‌ లాఫ్‌లిన్‌‌, జేక్‌ వెదరాల్డ్‌లు. మెల్‌బోర్న్‌ రెనిగేడ్స్‌​బ్యాట్స్‌మన్‌ వెస్టిండీస్‌ ఆల్‌రౌండర్‌ డ్వాన్‌ బ్రావో, యువ బౌలర్‌ రషీద్‌ ఖాన్‌ బౌలింగ్‌లో భారీ షాట్‌ ఆడాడు. అది గాల్లో ఉండగా బౌండరీ వద్ద  పరుగెత్తుతూ బెన్‌ లాఫ్‌లిన్‌ అందుకున్నాడు. ఈ క్రమంలో నియంత్రణ కోల్పోయిన లాఫ్‌లిన్‌ బంతిని బౌండరీ లైన్‌ వద్ద గాల్లోకి విసిరేసి పడిపోయాడు. అయితే ఈ బంతిని జేక్‌ వెదరాల్డ్‌ చక్కటి డైవ్‌తో అందుకొని మైమరిపించాడు. ఈ క్యాచ్‌తో ఒక్క క్షణం మైదానంలో ఏం జరిగిందో అర్ధం కాలేదు. ఆ వెంటనే కామెంటేటర్‌ మైకెల్‌ స్లాటర్‌ ఇలాంటి బెస్ట్‌ క్యాచ్‌ ఇప్పటి వరకు చూసుండరు అని వ్యాఖ్యానించాడు. ఈ క్యాచ్‌కు మైదానంలోని అభిమానులే కాకుండా ప్రపంచ వ్యాప్తంగా ఉన్న క్రికెట్‌ ప్రేమికులు సైతం ముగ్ధులయ్యారు.  ‘నేను లాఫ్‌లిన్‌ వెనుకే పరుగేత్తాను. అతను క్యాచ్‌ పట్టుకుంటాడనుకున్నా కానీ అతను నాకు పని పెట్టాడు. మరో కొన్ని అడుగులు వెనక్కి వేసి క్యాచ్‌ అందుకున్నా’ అని మ్యాచ్‌ అనంతరం వెదరాల్డ్‌ ఆనందం వ్యక్తం చేశాడు. ఇక ఈ మ్యాచ్‌లో అడిలైడ్‌ స్ట్రైకర్స్‌ 26 పరుగుల తేడాతో విజయం సాధించింది.


 సత్తుపల్లి : సత్తుపల్లి పట్టణానికి రవాణా చేస్తున్న రూ.77 వేల విలువైన గుట్కా ప్యాకెట్లను శనివారం తెల్లవారుజామున పోలీసులు పట్టుకున్నారు. పట్టణ సీఐ పి.రాజేంద్రప్రసాద్‌ కథనం ప్రకారం హైదరాబాద్‌ నుంచి సత్తుపల్లికి హోల్‌సేల్‌గా గుట్కా ప్యాకెట్లను కారులో రవాణా చేస్తున్న ముఠాను పక్కా సమాచారంతో వాహనాల తనిఖీలో పట్టుకున్నట్లు తెలిపారు. సత్తుపల్లిలో ఎండీ అఖిల్‌ ప్రైవేట్‌ ఉద్యోగం చేస్తూ హైదరాబాద్‌కు చెందిన సయ్యద్‌ జహంగీర్‌తో కలిసి అక్రమంగా గుట్కా ప్యాకెట్లను చేరవేస్తున్నట్లు విచారణలో తేలిందన్నారు. ఖమ్మం పట్టణానికి చెందిన కారు డ్రైవర్ ఎస్‌కే షహబుద్దీన్‌ సహకారం అందించాడని తెలిపారు. ముగ్గురిపై కేసు నమోదు చేశామని చెప్పారు. తనిఖీల్లో ఏఎస్సై రామచంద్రరాజు, ఐడీ పార్టీ కానిస్టేబుళ్లు బి.వెంకటేశ్వరరావు, రాజేష్‌ ఉన్నారు.
 
 ఫోటో నెంబరు: 01ఎస్‌పిఎల్‌01, రైటప్‌ : పట్టుబడిన గుట్కాలను చూపిస్తున్న సీఐ రాజేంద్రప్రసాద్‌


 పేరు : ఆనంద్‌
 ఉంటున్నందిః  సింధియాలోని న్యూకాలనీ
 వత్తిః చిరు వ్యాపారి ( తోపుడు బండిపై ఇడ్లీ అమ్ముతాడు)
 ప్రవత్తి  పాములు పట్టడం
 సెల్‌ నంబర్‌  98490 23527
 పాములను చూస్తే అందరూ భయపడతారు. ఎక్కడ కాటు వేస్తుందోనని పరుగులు తీస్తారు. ఆనంద్‌ మాత్రం వాటితో ఆడుకుంటాడు. చాకచక్యంగా పట్టుకుంటాడు.  పట్నాల ఆనంద్‌ సింధియా,న్యూకాలనీలో ఉంటున్నాడు. అందరిలాగే ఆనంద్‌కు సర్పాలంటే చిన్నతనంలో భయమే.అయితే 15 సంవత్సారల క్రితం న్యూకాలనీలో బుజ్జి అనే పదేళ్ల బాలుడ్ని కొండచిలువ చుట్టేసి కలవరం సష్టించింది. అక్కడ వారంతా భయంతో దూరంగా జరిగారే తప్పా బాలుడ్ని రక్షించే సాహసం చేయలేదు. ఆ సమయంలో ఆనంద్‌ ధైర్యం చేసి ఆ కొండచిలువను బలంగా లాగి దూరంగా విసిరేసి ఆ బాలుని రక్షించాడు. అదేlమాదిరిగా స్నేహితులతో యారాడ వెళ్లినప్పుడు ఓ విషసర్పం వీరిపై దూసుకు వస్తుంటే ఆనంద్‌ ధైర్యంగా ముందుకు వెళ్లి ఆ సర్పాన్ని బంధించి కొండపై విడిచిపెట్టాడు.  అప్పట్నించీ ఆనంద్‌ పాముల ఆనంద్‌గా మారిపోయాడు. ఇంతవరకూ రెండు వేల వరకూ వివిధ రకాల పాములను పట్టుకుని అటవీప్రాంతంలో విడిచిపెట్టాడు. ఆనంద్‌ ధైర్యాన్ని చూసి ఇండియన్‌ నేవి,షిప్‌యార్డ్‌ తదితర పరిశ్రమల వారు ఆయా ప్రాంతాల్లో సర్పాలు సంచరిస్తే ఫోన్‌ చేస్తారు. నెలకు కొంతమొత్తాన్ని ఇస్తారు. చిన్న టిఫిన్‌దుకాణం నడుపుకుంటూ బతుకుతున్నాడు. ఎవరైనా ఫోన్‌ చేస్తే తక్షణం స్పందించి పాములు పడతాడు.  –మల్కాపురం 
  


 ముంబైః ప్రపంచాన్ని పిచ్చెత్తిస్తున్న పోకేమాన్ గో గేమ్.. ఇప్పుడు సాధారణ పౌరుల్నే కాదు సెలబ్రిటీలను వదలడం లేదు. ఇటీవలే పోకేమాన్ గో గురించి తెలుసుకున్న బాలీవుడ్ నటి అనుష్కా శర్మ పోకేమాన్ గో గేమ్ కు ఫిదా అయిపోయింది. బయటకు వెళ్ళి పోకేమాన్ లను వెతికి పట్టుకోవడంలో ఎంత ఆనందం ఉందో తెలుస్తోందని, ఈ గేమ్ తనకు ఎంతో ఇష్టంగా ఉందని అంటోంది. నిజంగానే జంతువులను వేటాడేందుకు వెళ్ళిన వేటగాడిలా పోకేమాన్ లను వెతుక్కుంటూ వెళ్ళడం వాటిని వేటాడి పట్టడం ఎంతో అద్భుతంగా ఉందంటోంది. ఇటీవల సుల్తాన్ సినిమాలో తనదైన పాత్రతో అభిమానులకు మరింత చేరువైన అనుష్కా.. సినిమా షూటింగ్ లు, డైలీ రొటీన్ లైఫ్ కు భిన్నంగా పోకేమాన్ గో ఆడుకుంటూ సరదాగా టైమ్ పాస్ చేయాలని సంబరపడిపోతోంది.
 
 మొబైల్ గేమ్ ప్రియులను అమితంగా ఆకట్టుకుంటున్న సరికొత్త ఆట పోకేమాన్ గో బాలీవుడ్ నటి అనుష్కా శర్మకూ ఎంతో నచ్చేసిందట. పోకేమాన్ లను వెతుక్కుంటూ బయటకు వెళ్ళి ఒక్కోటి పట్టుకోవడంలో ఆనందమే వేరంటూ ఇప్పుడు ఆ బాలీవుడ్ తార  తెగ సంబరపడిపోతోంది. తానో  నైపుణ్యంగల పోకేమాన్ హంటర్ గా మారిపోవాలని ఉందని చెప్తున్న ఆమె.... మొదటి పోకేమాన్ ను పట్టుకున్న తర్వాత.. ఆటపై తనకు మరింత మక్కువ పెరిగిందని, పో్కేమాన్ల కోసం వెతుకుతూ ప్రయాణించడం ఎంతో సంతోషంగా ఉందని చెప్తోంది. మొదటిసారి పోకేమాన్ క్యాచ్ చేసిన అనంతరం తాను సాధించిన అద్భుతానికి గుర్తుగా ఓ వీడియోను యూట్యూబ్ లో పోస్ట్ చేసింది.
 
 ఫోన్ లో గేమ్ ఆన్ చేసి ఇంటర్నెట్ కు కనెక్ట్ అయిన తర్వాత జీపీఎస్ ఆధారంగా ఆడే పోకేమాన్ గో... ఇంతకు ముందున్న మొబైల్ గేమ్ లకు భిన్నంగా అందర్నీ ఆకట్టుకుంటోన్న విషయం తెలిసిందే. ఫోన్ లో ఉన్న కెమెరా కనెక్ట్ అవ్వడంతోనే చుట్టుపక్కల ప్రాంతాల్లో ఎక్కెడెక్కడ పోకేమాన్ లు ఉన్నాయో జీపీఎస్ వ్యవస్థ ద్వారా  స్క్రీన్ లో కనిపిస్తుంటుంది. ఒకేచోట ఉండేకన్నా.. అలా నడుస్తూ కారిడార్లు, రోడ్లు, ఆఫీస్ లు, పార్క్ లు, మైదానాలు ఎక్కడికైనా వెళ్ళి ఈ పోకేమాన్ లను పట్టుకోవచ్చు. కనిపించిన వెంటనే పసిగట్టి, వాటిని పోకేబాల్ తో కొడితే చాలు అవి మన సొంతం అయిపోతాయన్న మాట. అలా ఆడుతూ ముందుకు పోతుంటే ఆటలో ఒక్కో లెవెల్ ను దాటే అవకాశం ఉంటుంది. ఇలా గేమ్ ఆడుతూ మొత్తం పోకేమాన్ లు తనసొంతమే చేసుకోవాలనుంది అంటోంది అనుష్క. అంతేకాదు తాను ఓ మంచి పోకేమాన్ హంటర్ గా కూడా పేరు తెచ్చుకోవాలనుకుంటున్నట్లు ఈ సందర్భంగా చెప్తోంది.


 లండన్: ఇక వీడియోలో మాటలు వినిపించకపోయినా నష్టం లేదని, లిప్ రీడింగ్ టెక్నాలజీతో తెలుసుకోవచ్చని అంటున్నారు ఈస్ట్ ఆంగ్లియా విశ్వవిద్యాలయం అధ్యయనకారులు. వినికిడి లోపం ఉన్నవారికి విషయాలను కమ్యూనికేట్  చేయడంతోపాటు , నేర పరిశోధనకు ఈ కొత్త టెక్నాలజీ మరింత ప్రయోజనకరంగా ఉండేట్టుగా అభివృద్ధి చేసినట్లు చెప్తున్నారు.
 
 ధ్వని సరిగా వినిపించని సమయంలో  సదరు వ్యక్తులు ఏం మాట్లాడుతున్నారో తెలుసుకునేందుకు విజువల్ స్పీచ్ రికగ్నిషన్ టెక్నాలజీ ని ఉపయోగించి మాటలను గుర్తించేందుకు  ఈ కొత్త పరిజ్ఞానాన్ని అభివృద్ధి పరచినట్లు ప్రొఫెసర్ రిచర్డ్ హార్వే, డాక్టర్ హెలెన్ ఎల్ బీర్  లు చెప్తున్నారు. రికార్డు చేసిన ఆడియోలు, ధ్వని, మాటలు, సీసీ టీవీ ఫుటేజ్ లోని ఆధారాలు... సంభాషణలు సరిగా అర్థంకాని సమయంలో ఈ టెక్నాలజీ వినియోగించవచ్చని పరిశోధకులు చెప్తున్నారు. లిప్ రీడింగ్ టెక్నాలజీని మరింత అభివృద్ధి పరచి, అందరికీ అందుబాటులోకి తెచ్చేందుకు దృశ్య సంభాషణ శాస్త్రంలో తాము మరింత పరశోధన జరుపుతున్నామని సైంటిస్టులు చెప్తున్నారు. శిక్షణా పద్ధతి ద్వారా మునుపటి లిప్ రీడింగ్ పద్ధతులను మెరుగు పరిచేందుకు తాము ప్రయత్నిస్తున్నామని డాక్టర్ బేర్ వివరించారు.  
 
 సమర్థవంతంగా పెదాల కదలికలను చదివే వ్యవస్థ (లిప్ రీడింగ్) ను  నేర పరిశోధన నుంచీ ఎంటర్ టైన్ మెంట్ వరకు ప్రతి విషయానికీ వినియోగించవచ్చని పరిశోధకులు తెలిపారు. పిచ్ లో ఉన్నపుడు  ఫుడ్ బాల్ క్రీడాకారుల అరుపులు,  సంభాషణ తదితర ధ్వనులను సులభంగా గుర్తించేందుకు ఇప్పటికే లిప్ రీడింగ్ టెక్నాలజీని వాడుతున్నారు. అయితే కార్లు, ఎయిర్ క్రాఫ్ట్ కాక్ పిట్లు వంటి శబ్దాల స్థాయి ఎక్కువగా ఉండే పరిస్థితుల్లో ఈ కొత్త  టెక్నాలజీ అత్యంత ఉపయోగకరంగా ఉంటుందని అంటున్నారు.  వినికిడి శక్తి లేనివారు వినియోగించే స్పీచ్ ఇంపెయిర్మెంట్స్ కు  ప్రత్యామ్నాయంగా ఈ లిప్ రీడింగ్ టెక్నాలజీతో అత్యధిక ప్రయోజనాలు ఉంటాయని డాక్టర్ బేర్ చెప్తున్నారు.
 
 పెదవుల కదలికల ద్వారా రూపాన్ని, ఆకారాన్ని గుర్తించడం అనేది పెద్ద సమస్యగా కనిపించినా ఓ క్రమ పద్ధతిలో ఈ మెషీన్ల కు పెదాల కదలికలు, ఆకారాన్ని బట్టి  శిక్షణ ఇవ్వడం ద్వారా అది సాధ్యమౌతుందని హార్వే అన్నారు. ధ్వనిశాస్థ్రం, స్పీచ్ అండ్ సిగ్నల్ ప్రాసెసింగ్ పై షాంఘై లో జరిగే అంతర్జాతీయ సదస్సులో తమ  పరిశీలనలను  సమర్పించనున్నారు. ఐఈఈఈ ఇంటర్నేషనల్ కాన్ఫరెన్స్ ఆఫ్ అకౌస్టిక్స్ - స్పీచ్ అండ్ సిగ్నల్ ప్రాసెసింగ్ 2016 జర్నల్ ప్రొసీడింగ్స్ లో పరిశోధనా వివరాలను  ప్రచురించారు.


 ఇస్లామాబాద్: మొబైల్ ఫోన్ చార్జింగ్ పెడుతుంటే పేలిపోయిన ఘటనలు మనం చూశాం. అయితే జేబులో ఉన్న మొబైల్ ఫోన్కు అకస్మాత్తుగా మంటలంటుకున్న వీడియో ఒకటి ఇప్పుడు సోషల్ మీడియాలో వైరల్గా మారింది.
 
 పాకిస్తాన్లో జరిగిన ఈ ఘటనలో ఓ వ్యక్తి అప్పుడే బస్ దిగి రోడ్డుపై నడుచుకుంటూ వెళ్తుండగా.. అతని జేబులోని మొబైల్ ఫోన్ బ్యాటరీ నుండి అకస్మాత్తుగా మంటలు వెలువడి చూస్తుండగానే అతన్ని మొత్తం కమ్మేశాయి. దీంతో ఆర్తనాదాలు చేస్తూ అతడు రోడ్డుపై పరిగెడుతోంటే.. అక్కడి వారు భయభ్రాంతులకు లోనయ్యారు. ఇంతలోనే అక్కడి స్థానిక మార్కెట్లోని ఓ వ్యక్తి బకెట్తో నీళ్లు తీసుకొచ్చి అతనిపై పోయడంతో మంటలు అదుపులోకి వచ్చాయి. అయితే ప్రస్తుతం అతని పరిస్థితి ఎలా ఉందనే విషయం తెలియరాలేదు. సంఘటనా స్థలంలో ఉన్న వ్యక్తి ఎవరో దీనిని వీడియో తీసి ఆన్లైన్లో పోస్ట్ చేశారు.
 
  


 ముంబై:
 ఇంగ్లాండ్, దక్షిణాఫ్రికాల మధ్య వాంఖడే మైదానంలో శుక్రవారం జరిగిన మ్యాచ్ లో ఓ ఆసక్తికరమైన సంఘటన చోటు చేసుకుంది. ఈ   మ్యాచ్‌లో ఇరు జట్లు పరుగుల వరద కురిపించాయి. అయితే ఈ మ్యాచ్‌లో  దక్షిణాఫ్రికా విసిరిన 230 పరుగుల భారీ లక్ష్యాన్ని ఇంగ్లండ్ బ్యాట్స్‌మెన్‌లు ఛేదించే క్రమంలో బౌండరీ అవతల ఉన్న సెక్యురిటీగార్డు ఓ అద్భుతమైన క్యాచ్ పట్టి ప్రేక్షకులు దృష్టిని ఆకర్షించాడు. బౌండరీ లైన్ అవతలకు వేగంగా వస్తున్న బంతిని ఒంటి చేత్తో చాలా సులభంగా పట్టుకున్నాడు.
 
 16వ ఓవర్లో జో రూట్(44 బంతుల్లో 83; 6 ఫోర్లు; 4 సిక్సర్లు) ఓ అద్భుతమైన సిక్సర్ కొట్టాడు. అయితే బౌండరీ దాటి వేగంగా వస్తున్న ఆ బంతిని సెక్యురిటీ గార్డు చాలా సునాయాసంగా పట్టుకొని ఎలాంటి హావ భావాలు లేకుండా తిరిగి బంతిని గ్రౌండ్‌లోకి వేశాడు. దీన్ని చూసిన వారిలో చాలా మంది ఇంత సునాయాసంగా బంతిని పట్టుకున్న వ్యక్తిని పొగడ్తలతో ముంచెత్తారు.


 ముంబై:
 ఇంగ్లాండ్, దక్షిణాఫ్రికాల మధ్య వాంఖడే మైదానంలో శుక్రవారం జరిగిన మ్యాచ్ లో ఓ ఆసక్తికరమైన సంఘటన చోటు చేసుకుంది. ఈ   మ్యాచ్‌లో ఇరు జట్లు పరుగుల వరద కురిపించాయి. అయితే ఈ మ్యాచ్‌లో  దక్షిణాఫ్రికా విసిరిన 230 పరుగుల భారీ లక్ష్యాన్ని ఇంగ్లండ్ బ్యాట్స్‌మెన్‌లు ఛేదించే క్రమంలో బౌండరీ అవతల ఉన్న సెక్యురిటీగార్డు ఓ అద్భుతమైన క్యాచ్ పట్టి ప్రేక్షకులు దృష్టిని ఆకర్షించాడు. బౌండరీ లైన్ అవతలకు వేగంగా వస్తున్న బంతిని ఒంటి చేత్తో చాలా సులభంగా పట్టుకున్నాడు.
 
 16వ ఓవర్లో జో రూట్(44 బంతుల్లో 83; 6 ఫోర్లు; 4 సిక్సర్లు) ఓ అద్భుతమైన సిక్సర్ కొట్టాడు. అయితే బౌండరీ దాటి వేగంగా వస్తున్న ఆ బంతిని సెక్యురిటీ గార్డు చాలా సునాయాసంగా పట్టుకొని ఎలాంటి హావ భావాలు లేకుండా తిరిగి బంతిని గ్రౌండ్‌లోకి వేశాడు. దీన్ని చూసిన వారిలో చాలా మంది ఇంత సునాయాసంగా బంతిని పట్టుకున్న వ్యక్తిని పొగడ్తలతో ముంచెత్తారు.


 ముంబై:
 ఇంగ్లాండ్, దక్షిణాఫ్రికాల మధ్య వాంఖడే మైదానంలో శుక్రవారం జరిగిన మ్యాచ్ లో ఓ ఆసక్తికరమైన సంఘటన చోటు చేసుకుంది. ఈ   మ్యాచ్‌లో ఇరు జట్లు పరుగుల వరద కురిపించాయి. అయితే ఈ మ్యాచ్‌లో  దక్షిణాఫ్రికా విసిరిన 230 పరుగుల భారీ లక్ష్యాన్ని ఇంగ్లండ్ బ్యాట్స్‌మెన్‌లు ఛేదించే క్రమంలో బౌండరీ అవతల ఉన్న సెక్యురిటీగార్డు ఓ అద్భుతమైన క్యాచ్ పట్టి ప్రేక్షకులు దృష్టిని ఆకర్షించాడు. బౌండరీ లైన్ అవతలకు వేగంగా వస్తున్న బంతిని ఒంటి చేత్తో చాలా సులభంగా పట్టుకున్నాడు.
 
 16వ ఓవర్లో జో రూట్(44 బంతుల్లో 83; 6 ఫోర్లు; 4 సిక్సర్లు) ఓ అద్భుతమైన సిక్సర్ కొట్టాడు. అయితే బౌండరీ దాటి వేగంగా వస్తున్న ఆ బంతిని సెక్యురిటీ గార్డు చాలా సునాయాసంగా పట్టుకొని ఎలాంటి హావ భావాలు లేకుండా తిరిగి బంతిని గ్రౌండ్‌లోకి వేశాడు. దీన్ని చూసిన వారిలో చాలా మంది ఇంత సునాయాసంగా బంతిని పట్టుకున్న వ్యక్తిని పొగడ్తలతో ముంచెత్తారు.


 తిరువనంతపురం: కేరళలో వామపక్ష పార్టీ  నాయకుడు  దొంగతనం చేస్తూ   అడ్డంగా బుక్కయ్యాడు. సీసీటీవీ ఫుటేజ్ ఆధారంగా అతని నిర్వాకం వెలుగులోకి వచ్చింది. కాసర్ గోడ్ జిల్లాకు చెందిన ప్రముఖ  సీపీఎం నాయకుడు రాఘవన్  ఒక విదేశీయుడి ఇంట్లో దొంగతనానికి  ప్రయత్నించినపుడు రికార్డైన దృశ్యాలను పోలీసులు  బుధవారం విడుదల చేశారు.  దీంతో కలకలం రేగింది. 
 
 పోలీసులు అందించిన ప్రకారం  మొహమ్మద్ యూనుస్ అనే  వ్యాపారి కుటుంబం విదేశాల్లో ఉంటోంది.  వారికి సంబంధించిన ఒక విలాసవంతమైన  భవనంలో దొంగతనం జరిగినట్టుగా చుట్టు పక్కల వారు యూనుస్  బంధువులకు సమాచారం అందించారు. వారు పోలీసులకు  ఫిర్యాదు చేయడతో ఈ షాకింగ్ న్యూస్ వెలుగులోకి వచ్చింది.
 
 అక్కడి సీసీటీవీ ఫుటేజ్ ను పరిశీలించిన పోలీసులు  నిందితుడు సీపీఎం నాయకుడు రాఘవన్ గా గుర్తించారు.  పెద్ద ఐరన్ రాడ్, ఒక బ్యాగు పట్టుకొని  ఆ వ్యాపారి ఇంటిముందు తచ్చాడుతున్న దృశ్యాలు స్పష్టంగా రికార్డయ్యాయి.  నిందుతుడు పరారీలో ఉన్నాడని తెలిపారు.  విచారణ జరుగుతోందని, దర్యాప్తు అనంతరం  పూర్తి వివరాలు వెల్లడి చేస్తామని పోలీసులు తెలిపారు.  
 అటు తమ నాయకుడి నిర్వాకంపై  వెంటనే స్పందించిన   పార్టీ అతడిని పార్టీనుంచి సస్పెండ్ చేసింది.
 
 కాగా కేరళ విదేశాలలో నివసించే  భారతీయులకు,  ఎన్నారైలు కు చెందిన  విలువైన ఆస్తలుకు,   లగ్జరీ  గృహాలకు కేరళ నిలయం.  దీంతో ఈజీగా ఇక్కడి ఇళ్లు దొంగలకు టార్గెట్ గా మారాయి.  ఈ నేపథ్యంలో సీసీ కెమెరాలు  తప్పనిసరిగా అమర్చుకోవాలని   పోలీసులు యజమానులను హెచ్చరించారు.   ఫలితంగా  2013 లో తిరువంతపురంలో   కరుడు కట్టిన నేరస్తుడు బంటీ చోర్  ఆటకట్టించిన సంగతి తెలిసిందే.
  
 
  


 పట్టు పట్టడంలో ఉడుముతో పోటీపడి..  ప్రమాదం నుంచి బయటపడ్డాడు ఓ యువకుడు. తనదారిన తాను వెళుతోన్న ఉడుమును పట్టుకునే ప్రయత్నం చేసి కొండగుహలో.. బండరాళ్ల మధ్యలో ఇరుక్కుపోయిన అతగాడిని కాపాడటానికి ఏకంగా భారీ యంత్రాలను రంగంలోకి దింపాల్సి వచ్చింది. వివరాల్లోకి వెళితే..
 
 నిజామాబాద్ జిల్లా మద్నూరు మండలం పెద్ద శెక్కర్గకు హన్మాండ్లు(22) గొర్రెలకాపరి. ఆదివారం తన స్నేహితులతో కలిసి గొర్రెలు కాయడానికి వెళ్లిన హన్మాండ్లుకు ఓ ఉడుము కనపడింది. దాన్ని పట్టుకుందామనుకున్నాడు.. మొదటి ప్రయత్నంలోనే అది సర్రున జారిపోయి బండరాళ్ల మధ్యన దూరింది. హన్మాండ్లు కూడా వీరుడిలా బండరాళ్ల మధ్యకు ప్రవేశించాడు. ఉడుము మాత్రం నేల బొరియల్లోకి దూరిపోగా హన్మాండ్లు మాత్రం దిక్కుతోచని స్థితిలో అలా రాళ్ల మధ్యే ఇరుక్కుయాడు.
 
 అతడ్ని బయటికి తీయడానికి స్నేహితులు చేసిన ప్రయత్నాలన్నీ విఫలం కావడంతో విషయాన్ని గ్రామస్తులకు చెప్పేందుకు వెళ్లారు. ఈలోపు అరకొర సిగ్నల్స్ అరకొరగా కొట్టుమిట్టాడుతున్న మొబైల్ ఫోన్ నుంచి తండ్రికి ఫోన్ చేసి తన దుస్థితిని వివరించాడు హన్మాండ్లు. 
  
 ఆ తర్వాత ఊరంతా ఒక్కటైంది. పలుగు, పారల సాయంతో హనుమాండ్లును బయటికి తీసే ప్రయత్నం చేశారు. కానీ విఫలమయ్యారు. ఇక చేసేదేమీలేక చివరికి ఓ జేసీబీ యంత్రాన్ని తెప్పించి ఆ ప్రాంతమంతా తొవ్వించారు. బండరాళ్లన్నింటినీ తొలిగించిన తర్వాతగానీ సురక్షితంగా బయటికి రాలేదు హన్మాండ్లు. ఆ తర్వాత భయంతో వణికిపోతూ అతడు.. నవ్వుతూ ఊరివాళ్లు ఇళ్లకేసి బయలుదేరారు..
 
         హన్మండ్లు పాక్కుంటూ లోపలికెళ్లిన ప్రాంతం
 
 
             హన్మండ్లు చద్ది.. దీన్ని చూసే గుర్తుపట్టారు..
 
 
       హన్మండ్లుతో మాట్లాడుతున్న గ్రామస్తులు
 
 
        జేసీబీతో రాళ్లను తీస్తున్న దృశ్యం
 
 
         బయటకు వచ్చిన హన్మండ్లు


 కోస్గి(మహబూబ్‌నగర్): ఇంట్లో ఎవరూ లేరు...ఇక తనకు అడ్డే లేదని ధైర్యంగా తలుపు తాళాలు పగులగొట్టి దొంగతనానికి ఉపక్రమించిన ఓ వ్యక్తి.. అనుకోకుండా ఇంటి యజమానికి దొరికిపోయాడు. సోమవారం రాత్రి మహబూబ్‌నగర్ జిల్లా కోస్గి పట్టణంలో చోటుచేసుకుంది. ఈ సంఘటన వివరాలు ఎస్‌ఐ భాగ్యలక్ష్మిరెడ్డి కథనం మేరకు..రామాలయం చౌరస్తా సమీపంలో దోమ ప్రసాద్ నివాసం ఉంటున్నాడు. రెండు రోజుల క్రితం ప్రసాద్ కుటుంబసభ్యులు బంధువుల ఇంటికి వెళ్లారు.
 
 ఇంటి సమీపంలోనే టైలర్‌గా పనిచేసే బండ రాము అనే యువకుడు రాత్రి పది గంటల సమయంలో ఇంటి తాళాలు పగుల గొట్టి ఇంట్లోకి చొరబడ్డాడు. లోపలి నుంచి గడియ వేసుకొని బీరువా తాళాలు పగుల గొడుతుండగా ప్రసాద్ ఇంటికి వచ్చాడు. లోపలి నుంచి శబ్దాలు వస్తుండడం, తాళాలు పగిలి ఉండటం గమనించాడు. అతడు బయటి నుంచి గడియ పెట్టి చుట్టు పక్కల వారిని అప్రమత్తం చేశాడు. సమాచారం అందుకున్న పోలీసులు అక్కడికి చేరుకోవటంతో అందరూ కలసి ఇంట్లో చిక్కిన రామును పట్టుకున్నారు.


 అనంతపురం జిల్లాలో బుధవారం ఉదయం కలకలం రేపిన చిరుత ఎట్టకేలకు అటవీశాఖ అధికారులకు  చిక్కింది.  చిరుత బుధవారం ఉదయం 7 గంటలకు అచన్నపల్లికి చెందిన శ్రీనివాసులు అనే వ్యక్తికి కనిపించడంతో అతడు భయాందోళనలకు గురై గ్రామంలోకి పరుగులు తీశాడు.  గ్రామస్తులు కేకలు వేయడంతో చిరుత భయంతో చెట్ల పొదల్లోకి వెళ్లి దాక్కుంది.  దీంతో సమాచారం అందుకున్న అటవీశాఖ అధికారులు అక్కడికి చేరుకున్నారు.
  
 చిరుత సంచరిస్తున్న విషయం తెలుసుకున్న మంత్రి పల్లె రఘునాథ రెడ్డి ఆ స్థలాన్ని పరిశీలించారు. చిరుత నుంచి రక్షణ కల్పించాలని మంత్రి అధికారులను ఆదేశించారు. దీంతో రంగంలోకి దిగిన అటవీశాఖ అధికారులు చాకచక్యంగా వ్యవహరించి గురువారం ఉదయం చిరుతను పట్టుకున్నారు.


 బీజింగ్: చైనాలోని దక్షిణాది రాష్ట్రం గ్వాంగ్డాంగ్లో సినిమాను తలపించేలా ఓ నాటకీయ సన్నివేశం చోటు చేసుకుంది. వర్షం వచ్చే సూచన ఉండటంతో ఓ వ్యక్తి ఓ భవనం ముందు వేగంగా నడుచుకుంటూ వెళ్తున్నాడు. ఆ భవంతిలోని పైఅంతస్తులో ఓ బాలుడు కిటికీలో వేలాడుతూ ప్రమాదకర పరిస్థితిలో కనిపించాడు. ఆ వ్యక్తి వెంటనే అప్రమత్తమై మరొకరితో కలసి పడిపోతున్న బాలుణ్ని రక్షించేందుకు ప్రయత్నించాడు.
 
 ఇద్దరు రెండు చేతులు చాచి బాలుణ్ని ఒడిసి పట్టుకున్నారు. దీంతో ఏడాది వయసున్న ఆ చిన్నారి క్షేమంగా బయటపడ్డాడు. ఈ సన్నివేశాన్ని చిత్రీకరించిన గ్వాంగ్డాంగ్ టీవీ ప్రసారం చేసింది. ఈ సంఘటన ఆదివారం జరగగా.. ఫొటోలను శుక్రవారం విడుదల చేశారు. ఈ వీడియో సోషల్ మీడియాలో హల్చల్ చేస్తోంది. నైస్ క్యాచ్ అంటూ నెటిజెన్లు కామెంట్ చేశారు. ప్రాణాలు రక్షించిన వ్యక్తిని హీరోగా అభివర్ణించారు.
 
  


 
 ‘ఫైనల్ బెర్త్ దూరమైన తర్వాత జట్టులో స్ఫూర్తి నింపడం కష్టం. అయినా మేం మంచి ప్రదర్శన కనబర్చాం. పాక్‌పై బంగ్లాదేశ్ గెలుస్తుందని భావించాం. కానీ అది జరగలేదు. కాబట్టి మిగతా వాటితో పోలిస్తే ఈ మ్యాచ్‌లో కాస్త రిలాక్స్‌డ్‌గా ఆడాం. 
   పాక్, లంక మ్యాచ్‌ల్లో కీలక సమయంలో తప్పులు చేశాం. క్యాచ్, స్టంప్‌లు మిస్ చేసినా జట్టు ప్రదర్శన సంతృప్తినిచ్చింది’      - కోహ్లి (భారత కెప్టెన్)