జ‌ర్మ‌నీ ఫుట్‌బాల్ దిగ్గ‌జం థామ‌స్ ముల్లెర్ తన 14 ఏళ్ల సుదీర్ఘ కెరీర్‌కు విడ్కోలు పలికాడు. తమ సొంత గడ్డపై జరిగిన యూరో కప్‌-2024లో జర్మనీ పెద్దగా ప్రభావం చూపలేకపోయింది. ఈ మెగా టోర్నీ క్వార్ట‌ర్ ఫైన‌ల్లోనే జర్మనీ కథ ముగిసింది.ఈ టోర్నీలో మిల్ల‌ర్ కూడా త‌న స్ధాయికి త‌గ్గ ప్ర‌ద‌ర్శ‌న చేయ‌లేక‌పోయాడు. ఈ క్ర‌మంలో త‌మ జ‌ట్టు ఓట‌మిని జీర్ణించుకోలేక‌పోయిన ముల్లెర్.. త‌న ఫుట్‌బాల్ కెరీర్‌కు ముగింపు ప‌లకాల‌ని నిర్ణ‌యించుకున్నాడు."దేశం త‌ర‌పున అత్యున్న‌త‌స్ధాయిలో ఆడ‌టం ఎల్ల‌ప్పుడూ గ‌ర్వ‌కార‌ణ‌మే. నా కెరీర్‌లో ఎన్నో విజ‌యాల‌ను చూశాను. కొన్నిసార్లు క‌న్నీళ్ల పెట్టున్న సంద‌ర్భాలు కూడా ఉన్నాయి. నేను జ‌ర్మ‌నీ త‌ర‌పున అరంగేట్రం చేసిన‌ప్పుడు ఇవ‌న్నీ సాధిస్తాని క‌ల‌లో కూడా ఊహించ‌లేదు. ఇన్నేళ్ల‌గా నాకు మ‌ద్దతుగా నిలిచిన నా స‌హ‌చ‌రుల‌కు, అభిమానుల‌కు ధన్యవాదాలు చెప్పాలనుకుంటున్నాన‌ని" త‌న రిటైర్మెంట్ నోట్‌లో ముల్ల‌ర్ పేర్కొన్నాడు. కాగా అటాకింగ్ మిడ్‌ఫీల్డ‌ర్‌గా ముల్లెర్ జ‌ర్మ‌నీకి ఎన్నో అద్భుత విజ‌యాల‌ను అందించాడు. 2014లో ఫిఫా వ‌ర‌ల్డ్ క‌ప్ గెలుపొందిన జ‌ర్మ‌నీ జ‌ట్టుకు ముల్లెరె కెప్టెన్ కావ‌డం గ‌మ‌నార్హం. త‌న కెరీర్‌లో 131 మ్యాచ్‌లు ఆడిన ముల్లెర్‌.. 45 గోల్స్, 41 అసిస్ట్‌లు త‌న పేరిట లిఖించుకున్నాడు. ఇక ఇది ఇలా ఉండగా.. యూరోకప్‌ విజేతగా స్పెయిన్‌ నిలిచింది. ఫైనల్లో ఇంగ్లండ్‌ను 2-1 తేడాతో ఓడించి టైటిల్‌ను స్పెయిన్‌ సొంతం చేసుకుంది.

పుష్కర కాలం తర్వాత స్పెయిన్‌ జట్టు అంతర్జాతీయ ఫుట్‌బాల్‌ వేదికపై మళ్లీ మెరిసింది. ప్రతిష్టాత్మక ‘యూరో’ టోర్నీలో స్పెయిన్‌ రికార్డుస్థాయిలో నాలుగోసారి చాంపియన్‌గా నిలిచింది. అంతేకాదు రెండు అత్యంత అరుదైన రికార్డులు తన పేరిట లిఖించుకుంది.భారత కాలమానం ప్రకారం ఆదివారం అర్ధరాత్రి తర్వాత జరిగిన ఫైనల్లో అల్వారో మొరాటో సారథ్యంలోని స్పెయిన్‌ 2–1 గోల్స్‌ తేడాతో ఇంగ్లండ్‌ జట్టును ఓడించింది. స్పెయిన్‌ తరఫున నికో విలియమ్స్‌ (47వ ని.లో), మికెల్‌ ఒయర్‌జబాల్‌ (86వ ని.లో) ఒక్కో గోల్‌ చేయగా... ఇంగ్లండ్‌ జట్టుకు పాల్మెర్‌ (73వ ని.లో) ఏకైక గోల్‌ అందించాడు.ఆట 68వ నిమిషంలో కెప్టెన్‌ అల్వారో మొరాటో స్థానంలో సబ్‌స్టిట్యూట్‌గా వచ్చిన ఒయర్‌జబాల్‌ సహచరుడు మార్క్‌ కుకురెల్లా క్రాస్‌ పాస్‌ను లక్ష్యానికి చేర్చి స్పెయిన్‌కు చిరస్మరణీయ విజయాన్ని అందించాడు. 90వ నిమిషంలో ఇంగ్లండ్‌ ప్లేయర్‌ మార్క్‌ గుయెహి హెడర్‌ షాట్‌ను గోల్‌ పోస్ట్‌ ముందు స్పెయిన్‌ డిఫెండర్‌ డాని ఓల్మో హెడర్‌ షాట్‌తో అడ్డుకోవడం కొసమెరుపు.తొలి జట్టుగా చరిత్రఈ గెలుపుతో స్పెయిన్‌ జట్టు 66 ఏళ్ల టోర్నీ చరిత్రలో అత్యధికంగా నాలుగుసార్లు విజేతగా నిలిచిన జట్టుగా గుర్తింపు పొందింది. గతంలో స్పెయిన్‌ 1964, 2008, 2012లలో యూరో టైటిల్‌ను సాధించింది.జర్మనీ జట్టు మూడుసార్లు (1972, 1980, 1996) విజేతగా నిలిచింది. 1966లో ఏకైక ప్రపంచకప్‌ టైటిల్‌ నెగ్గిన తర్వాత మరో అంతర్జాతీయ టైటిల్‌ నెగ్గలేకపోయిన ఇంగ్లండ్‌ జట్టుకు వరుసగా రెండోసారి యూరో టోర్నీలో నిరాశ ఎదురైంది. 2021 యూరో ఫైనల్లో ఇటలీ చేతిలో ఓడిన ఇంగ్లండ్‌కు ఈసారి స్పెయిన్‌ షాక్‌ ఇచ్చింది.బంతిని 63 శాతం తమ ఆధీనంలో ఉంచుకొని ఇంగ్లండ్‌ ఆటగాళ్లను కట్టడి చేసింది. ఏకంగా 60 సార్లు ఇంగ్లండ్‌ గోల్‌పోస్ట్‌ వైపునకు వెళ్లిన స్పెయిన్‌ 15 సార్లు గోల్‌ చేసేందుకు ప్రయత్నించింది. మరోవైపు హ్యారీ కేన్‌ కెప్టెన్సీలో ఇంగ్లండ్‌ జట్టు 31 సార్లు స్పెయిన్‌ గోల్‌పోస్ట్‌ వైపునకు వెళ్లి తొమ్మిదిసార్లు గోల్‌ లక్ష్యంగా షాట్‌లు సంధించింది.విజేతకు రూ. 72 కోట్ల 89 లక్షలుస్పెయిన్‌ టీనేజ్‌ స్టార్, 17 ఏళ్ల లమీన్‌ యమాల్‌ ‘యంగ్‌ ప్లేయర్‌ ఆఫ్‌ ద టోర్నీ’... స్పెయిన్‌కే చెందిన రోడ్రి ‘ప్లేయర్‌ ఆఫ్‌ ద టోర్నీ’ అవార్డులు గెల్చుకున్నారు. ఫైనల్‌ విజేత స్పెయిన్‌ జట్టుకు 80 లక్షల యూరోలు (రూ. 72 కోట్ల 89 లక్షలు), రన్నరప్‌ ఇంగ్లండ్‌ జట్టుకు 50 లక్షల యూరోలు (రూ. 45 కోట్ల 56 లక్షలు) ప్రైజ్‌మనీగా లభించాయి. ఓవరాల్‌గా రూ. 253 కోట్ల ప్రైజ్‌ మనీ స్పెయిన్‌కు దక్కింది.స్పెయిన్‌ అరుదైన రికార్డులు ఇవే1. యూరో టోర్నీలో ఆడిన ఏడు మ్యాచ్‌ల్లోనూ గెలుపొంది విజేతగా నిలిచిన తొలి జట్టుగా స్పెయిన్‌ రికార్డు నెలకొల్పింది. 2. ఒకే యూరో టోర్నీలో అత్యధిక గోల్స్‌ చేసిన జట్టుగా స్పెయిన్‌ గుర్తింపు పొందింది. ఫ్రాన్స్‌ (14 గోల్స్‌; 1984లో) పేరిట ఉన్న రికార్డును స్పెయిన్‌ తాజాగా తిరగరాసింది. 🔝 performance 🔝 tournament Nico Williams is the real deal 👏@Vivo_GLOBAL | #EUROPOTM pic.twitter.com/lPu38RWoX0— UEFA EURO 2024 (@EURO2024) July 14, 2024

యూరో క‌ప్‌-2024 విజేత స్పెయిన్‌కు ఆపూర్వ స్వాగతం లభించింది. ట్రోఫీతో స్వ‌దేశానికి చేరుకున్న స్పెయిన్ జ‌ట్టుకు అభిమానులు అడుగడుగునా నీరాజనాలు పలికారు. తమ సొంత గడ్డపై అడుగుపెట్టిన స్పెయిన్ జట్టు.. తొలుత ఆ దేశ రాజు ఫెలిపే VI, అతని కుటుంబాన్ని కలిశారు.ఆ తర్వాత రాజధాని మాడ్రిడ్‌లో ఓపెన్-టాప్ బస్ పరేడ్‌లో స్పెయిన్ ఆటగాళ్లు పాల్గోనున్నారు. తమ ఆరాధ్య జట్టుకు ఘనస్వాగతం పలికేందుకు అభిమానులు పెద్ద ఎత్తున మాడ్రిడ్‌లోని సిబిలెస్ స్క్వేర్ వద్దకు చేరుకున్నారు.అభిమానుల కేరింతల మధ్య స్పెయిన్ జట్టు బస్ విక్టరీ పరేడ్ జరిగింది. స్పెయిన్ ఆటగాళ్లు ట్రోఫీతో ఫ్యాన్స్‌కు అభివాదం చేస్తూ ముందుకు సాగారు. ఇందుకు సంబంధించిన వీడియోలు, ఫోటోలు సోషల్ మీడియాలో వైరలవుతున్నాయి.కాగా ఆదివారం రాత్రి జరిగిన ఫైనల్లో ఇంగ్లండ్‌ను 2-1 తేడాతో ఓడించిన స్పెయిన్ యూరోకప్ ఛాంపియన్స్‌గా నిలిచింది. స్పెయిన్‌కు ఇది నాలుగో యూరో కప్‌ టైటిల్‌ కావడం గమనార్హం. 1964, 2008, 2012 యూరో కప్‌ టైటిల్స్‌ను స్పెయిన్‌ సొంతం చేసుకుంది. 🎉🇪🇦 ¡Ojo al ambientazo en Cibeles para recibir a los #C4MPEONES de la #EURO2024!📹 @ernestoasc_ pic.twitter.com/piTQDDiqKm— MARCA (@marca) July 15, 2024

మొగదీషు: సోమాలియా రాజధాని మొగదీషులోని రద్దీగా ఉండే ఓ కేఫ్‌​ బయట ఆదివారం(జులై 14) బాంబు పేలుడు జరిగింది. ఈ ఘటనలో ఐదుగురు చనిపోయారు. మరో 20 మంది దాకా గాయపడ్డారు. కేఫ్‌ లోపల కొంత మంది టీవీలో యూరో కప్‌ ఫుట్‌బాల్‌ ఫైనల్‌ మ్యాచ్‌ చూస్తుండగా బయట కారులో పేలుడు సంభవించింది. పేలుడు తర్వాత జరిగిన తొక్కిసలాటలో పలువురు గాయపడ్డారని పోలీసులు తెలిపారు. పేలుడుకు కారణం తామే అని ఇప్పటివరకు ఎవరూ ప్రకటించలేదు. సోమాలియా ప్రభుత్వ విధానాలను వ్యతిరేకించే ఇస్లామిక్‌ మిలిటెంట్‌ గ్రూపు అల్‌షబాబ్‌ మొగదీషులో తరచూ బాంబు పేలుళ్లకు పాల్పడుతుంటుంది.

యూరో ఫుట్‌బాల్ క‌ప్‌-2024 ఛాంపియ‌న్స్‌గా స్పెయిన్ జ‌ట్టు నిలిచింది. ఆదివారం జ‌రిగిన ఫైన‌ల్లో ఇంగ్లండ్‌ను 2-1 తేడాతో ఓడించిన స్పెయిన్‌.. నాలుగో సారి యూరో క‌ప్ టైటిల్‌ను ముద్దాడింది. స్పెయిన్ విజ‌యంలో మైకెల్ ఓయర్జాబల్ కీల‌క పాత్ర పోషించాడు.చివ‌రి వ‌ర‌కు ఉత్కంఠ‌భ‌రితంగా సాగిన ఫైన‌ల్ పోరులో 86వ నిమిషంలో గోల్‌కొట్టిన ఓయర్జాబల్ స్పెయిన్‌కు అద్భుత‌మైన విజ‌యాన్ని అందించాడు.చివ‌రి వ‌ర‌కు ఉత్కంఠ‌భ‌రితంగా సాగిన ఫైన‌ల్ పోరులో 86వ నిమిషంలో గోల్‌కొట్టిన ఓయర్జాబల్ స్పెయిన్‌కు అద్భుత‌మైన విజ‌యాన్ని అందించాడు. ఈ ఫైనల్ మ్యాచ్ ఫస్ట్‌హాఫ్ నీవా నేనా అన్నట్లు సాగింది. ఇరు జట్లు కూడా తొలి ఆర్ధ భాగంలో ఒక్క గోల్‌కూడా సాధించలేకపోయాయి. ఫస్ట్‌హాప్ ముగిసే సమయానికి ఇరు జట్లు 0-0గా నిలిచాయి. ఆ తర్వాత సెకెండ్ హాఫ్‌లో 46వ నిమిషంలో నికో విలియమ్స్ అద్భుత గోల్‌తో స్పెయిన్ ఖాతా తెరిచాడు. ఇంగ్లండ్ తీవ్రంగా ప్రయత్నిస్తున్నప్పటకి గోల్ సాధించడంలో విఫలమైంది. ఈ క్రమంలో మ్యాచ్ 60 నిమిషంలో ఇంగ్లండ్ కెప్టెన్ హ్యారీ కేన్ బయటకు వెళ్లిపోయాడు. అతడి స్ధానంలో సెమీఫైనల్ హీరో వాట్కిన్స్ వచ్చాడు. అతడు వచ్చిన కూడా ఫలితం మాత్రం మారలేదు. ఇంగ్లీష్ జట్టు నిరాశలో కూరుకుపోయిన వేళ మిడ్‌ఫీల్డర్ కోల్ పామర్ 73వ నిమిషంలో సంచలన గోల్‌తో తమ జట్టుకు తొలి గోల్‌ను అందించాడు.దీంతో స్కోర్లు 1-1తో సమమయ్యాయి. మళ్లీ ఇంగ్లండ్ కమ్‌బ్యాక్ ఇవ్వడంతో స్పెయిన్ కాస్త ఒత్తడికి గురైంది. అయితే సెకెండ్‌ హాఫ్‌ సమయం ముగుస్తున్నప్పటికి గోల్‌ మాత్రం ఇరు జట్లు సాధించలేకపోయాయి. దీంతో పెనాల్టీ షుటౌట్‌ తప్పదని అంతా భావించారు.కానీ మ్యాచ్ 86వ నిమిషంలో ఓయర్జాబల్ సూప‌ర్ గోల్‌తో స్పెయిన్‌కు చారిత్ర‌త్మ‌క విజ‌యాన్ని అందించాడు. స్పెయిన్‌కు ఇది నాలుగో యూరో కప్‌ టైటిల్‌ కావడం గమనార్హం. 1964, 2008, 2012 యూరో కప్‌ టైటిల్స్‌ను స్పెయిన్‌ సొంతం చేసుకుంది. 🇪🇸 Spain are champions of Europe 🏆#EURO2024 pic.twitter.com/Ch0AF0iPWl— UEFA EURO 2024 (@EURO2024) July 14, 2024

యూరో కప్‌-2024 ఫైనల్లో ఇంగ్లండ్‌ అడుగుపెట్టింది. డార్ట్మండ్ వేదికగా జరిగిన నెదర్లాండ్స్‌తో జరిగిన రెండో సెమీఫైనల్లో 2-1 తేడాతో విజయం సాధించిన ఇంగ్లీష్‌ జట్టు.. రెండో సారి ఫైనల్‌ బెర్త్‌ను ఖారారు చేసుకుంది. ఆద్యంతం తీవ్ర ఉత్కంఠ రేపిన ఈ మ్యాచ్‌లో ఆఖరి నిమిషం గోల్‌ సాధించిన ఇంగ్లండ్‌ ప్లేయర్ ఓలీ వాట్కిన్స్‌.. తన జట్టుకు సంచలన విజయాన్ని అందించాడు.ఈ సెమీస్‌ పోరులో ఫస్ట్‌హాఫ్‌ తొలి 10 నిమిషాల్లో ఇంగ్లండ్‌పై నెదర్లాండ్స్‌ ఆధిపత్యం చెలాయించింది. తొలి ఆర్ధబాగం 7వ నిమిషంలో డచ్‌ మిడ్‌ ఫీల్డర్‌ క్జేవీ సైమన్స్ తమ జట్టుకు మొదటి గోల్‌ను అందించాడు. దీంతో ఆరంభంలోనే డచ్‌ జట్టు 1-0 ఆధిక్యంలో దూసుకెళ్లింది. అయితే కొద్దిసేపటికే ఇంగ్లండ్‌ కెప్టెన్‌ హ్యారీ కేన్ పెనాల్టీ గోల్‌తో స్కోర్‌ను సమం చేశాడు. ఫస్ట్‌ హాఫ్‌ ముగిసే సమయానికి ఇరు జట్లు చెరో గోల్‌తో సమంగా నిలిచాయి.ఇక సెకెండ్‌ హాఫ్‌ ప్రారంభమైన తర్వాత ఇరు జట్లు కొన్ని వ్యూహాత్మక మార్పులు చేశాయి. డచ్ తరుపున డోనియెల్ మాలెన్ స్ధానంలో వుత్ వెఘోర్స్ట్ సబ్‌స్ట్యూట్‌గా రాగా.. మరోవైపు త్రీ లయన్స్ జట్టుకు కీరన్ ట్రిప్పియర్ స్థానంలో ల్యూక్ షా వచ్చాడు. అయినప్పటికీ ఫలితం మాత్రం శూన్యం. ఈ క్రమంలో ఇంగ్లండ్‌ ఆఖరి 20 నిమిషాలకు ముందు తమ జట్టులో మరో రెండు మార్పులు చేసింది. స్టార్ ప్లేయర్‌లు హ్యారీ కేన్, ఫిల్ ఫోడెన్‌లు బయటకు వెళ్లగా.. వారిస్ధానాల్లో ఒల్లీ వాట్కిన్స్ , కోల్ పామర్ మైదానంలో వచ్చారు. అయితే సెకెండ్‌ హాఫ్‌ సమయం ముగుస్తున్నప్పటికి గోల్‌ మాత్రం ఇరు జట్లు సాధించలేకపోయాయి. దీంతో పెనాల్టీ షుటౌట్‌ తప్పదని అంతా భావించారు. కానీ మ్యాచ్‌ ఆఖరి నిమిషం(90వ మినిట్‌)లో సబ్‌స్ట్యూట్‌గా వచ్చిన వాట్కిన్స్ అద్భుతం చేశాడు. సంచలన గోల్‌తో వాట్కిన్స్‌ తన జట్టును రెండో సారి ఫైనల్‌కు చేర్చాడు. ఇక జూలై 15న జరగనున్న ఫైనల్లో స్పెయిన్‌తో ఇంగ్లండ్‌ తలపడనుంది.

యూరో కప్‌ ఫుట్‌బాల్‌ టోర్నీలో స్పెయిన్‌ ఫైనల్లోకి ప్రవేశించింది. ఇవాళ (జులై 10) జరిగిన తొలి సెమీఫైనల్లో స్పెయిన్‌.. ఫ్రాన్స్‌పై 2-1 గోల్స్‌ తేడాతో విజయం సాధించింది. ఈ మ్యాచ్‌లో తొలి అర్ద భాగంలోనే మూడు గోల్స్‌ నమోదయ్యాయి. 8వ నిమిషంలో రాండల్‌ కోలో ముఆని గోల్‌ సాధించి ఫ్రాన్స్‌కు ఆధిక్యాన్ని అందించాడు. అనంతరం స్పెయిన్‌ ఆటగాళ్లు 21వ నిమిషంలో లామిన్‌ యమాల్‌, 25వ నిమిషంలో డానీ ఓల్మో గోల్స్‌ సాధించారు. రెండో అర్ద భాగంలో ఫ్రాన్స్‌ ఎంత ప్రయత్నించినా.. స్పెయిన్‌ ఆధిక్యతను తగ్గించలేక పోయింది. ఫలితంగా ఓటమిపాలైంది. లామిన్‌ యమాల్‌ యూరో కప్‌ చరిత్రలోనే అత్యంత పిన్నవయస్కుడైన గోల్‌ స్కోరర్‌గా రికార్డుల్లోకెక్కాడు.ఇదిలా ఉంటే, నెదర్లాండ్స్‌-ఇంగ్లండ్‌ మధ్య రెండో సెమీఫైనల్‌ రేపు (జులై 11) జరుగనుంది. ఈ మ్యాచ్‌లో విజేత జులై 15న జరిగే ఫైనల్లో స్పెయిన్‌తో అమీతుమీ తేల్చుకుంటుంది.

‘యూరో’ కప్‌ ఫుట్‌బాల్‌ టోర్నీ-2024 తొలి సెమీఫైన‌ల్‌కు స‌ర్వం సిద్ద‌మైంది. మంగ‌ళ‌వారం అలియాంజ్ ఎరీనా వేదిక‌గా జ‌ర‌గ‌నున్న‌ సెమీఫైన‌ల్-1లో ఫ్రాన్స్‌, స్పెయిన్ జ‌ట్లు తాడో పేడో తెల్చుకోనున్నాయి. ఈ సెమీస్ పోరులో గెలిచి ఫైన‌ల్ బెర్త్‌ను ఖారారు చేసుకోవాల‌ని ఇరు జ‌ట్లు ఉవ్విళ్లూరుతున్నాయి. స్పెయిన్‌ ఫైనల్‌కు చేరుతుందా?అయితే ఆడిన అన్ని మ్యాచ్‌ల్లోనూ గెలిచి జోరు మీదున్న స్పెయిన్‌కు సెమీస్ ముందు గాయాలు, కార్డ్ సస్పెన్షన్‌ల బెడ‌ద వెంటాడుతోంది. ఇప్ప‌టికే కీల‌క మ్యాచ్‌కు ముందు రాబిన్ లే నార్మాండ్, డాని కార్వాజల్ ఇద్దరూ సస్పెండ్ అయ్యారు. మ‌రోవైపు , యువ మిడ్‌ఫీల్డర్ పెడ్రీ టోని క్రూస్ గాయం కార‌ణంగా టోర్నీ నుంచి వైదొలిగాడు. ఈ క్ర‌మంలో డిఫెన్స్‌లో రాబిన్ లే నార్మాండ్, డాని కార్వాజల్ స్ధానాలను నాచో, జీసస్ నెవాస్ భ‌ర్తీ చేయ‌నున్న‌ట్లు తెలుస్తోంది. అదేవిధంగా పెడ్రీ ప్రత్యామ్నాయంగా వచ్చిన డాని ఓల్మో ప్లేయింగ్‌లో త‌న స్దానాన్ని సుస్థిరం చేసుకోనున్నాడు.స్పెయిన్ జోరును ఫ్రాన్స్ అడ్డుకుంటుందా?ఇక సెమీస్‌కు ముందు ఫ్రాన్స్ టీమ్‌లో ఎట‌వంటి గాయాలు, కార్డ్ సస్పెన్షన్‌లు లేవు. జ‌ట్టు మొత్తం క్లియ‌ర్‌గా ఉంది. కానీ ఫ్రాన్స్ సెమీస్‌కు వ‌చ్చిన‌ప్ప‌టికి త‌మ స్ధాయికి తగ్గ ప్ర‌ద‌ర్శ‌న చేయ‌లేక‌పోయింది. గోల్స్ సాధించ‌డంలో ఫ్రాన్స్ త‌మ మార్క్ చూపించలేక‌పోయింది. కెప్టెన్ కైలియన్ ఎంబాపే గాయం కావ‌డం ఫ్రాన్స్‌ను కాస్త దెబ్బ‌తీసింది. అత‌డు తిరిగి జ‌ట్టులోకి వ‌చ్చిన‌ప్ప‌టి మున‌ప‌టి జోరును ప్ర‌ద‌ర్శించ‌లేక‌పోతున్నాడు. సెమీఫైన‌ల్లోనైనా ఎంబాపే స‌త్తాచాటుతాడో లేదో వేచి చూడాలి. కాగా సెమీఫైనల్‌ చేరే క్రమంలో స్పెయిన్‌ 11 గోల్స్‌ చేయగా... ఫ్రాన్స్ కేవ‌లం మూడు గోల్స్ మాత్ర‌మే సాధించింది.

న్యూఢిల్లీ: భారత సీనియర్‌ స్టార్‌ క్రికెటర్‌ రవిచంద్రన్‌ అశ్విన్‌ చెస్‌లో అడుగు పెట్టాడు. గ్లోబల్‌ చెస్‌ లీగ్‌లో ఈసారి కొత్తగా చేరిన అమెరికన్‌ గ్యాంబిట్స్‌ జట్టుకు అశ్విన్‌ సహ యజమానిగా ఉన్నాడు. గత ఏడాది పోటీపడిన చింగారీ గల్ఫ్‌ టైటాన్స్‌ జట్టు స్థానంలో కొత్తగా అమెరికన్‌ గ్యాంబిట్స్‌ జట్టు వచ్చింది.టెక్‌ మహీంద్రా, అంతర్జాతీయ చెస్‌ సమాఖ్యసంయుక్త ఆధ్వర్యంలో గత ఏడాది దుబాయ్‌లో తొలి గ్లోబల్‌ చెస్‌ లీగ్‌ జరిగింది. ఈ ఏడాది టోర్నీకి లండన్‌ నగరం వేదిక కానుంది. అక్టోబర్‌ 3 నుంచి 12వ తేదీ వరకు ఆరు జట్ల మధ్య గ్లోబల్‌ చెస్‌ లీగ్‌ రెండో ఎడిషన్‌ జరగనుంది. ఫైనల్‌ బెర్త్‌ ఎవరిదో! మ్యూనిక్‌: ఆడిన అన్ని మ్యాచ్‌ల్లోనూ గెలిచి జోరు మీదున్న స్పెయిన్‌... నిలకడలేమితో సతమతమవుతున్న ఫ్రాన్స్‌... ‘యూరో’ కప్‌ ఫుట్‌బాల్‌ టోర్నీ లో ఫైనల్లో చోటు కోసం నేడు తొలి సెమీఫైనల్లో ‘ఢీ’కొననున్నాయి. సెమీఫైనల్‌ చేరే క్రమంలో స్పెయిన్‌ 11 గోల్స్‌ చేయగా... ఫ్రాన్స్‌ మూడు గోల్స్‌ సాధించింది. ‘యూరో’ టోర్నీ చరిత్రలో ఈ రెండు జట్ల మధ్య ఆరు మ్యాచ్‌లు జరిగాయి. నాలుగుసార్లు ఫ్రాన్స్‌ గెలుపొందగా...ఒక మ్యాచ్‌ ‘డ్రా’గా ముగిసి, ఒక మ్యాచ్‌లో స్పెయిన్‌ నెగ్గింది. తొలి విజయం కోసం... అంతర్జాతీయ మహిళల ఫుట్‌బాల్‌ ఫ్రెండ్లీ మ్యాచ్‌ల్లో భాగంగా మయన్మార్‌ జట్టుతో భారత జట్టు రెండు మ్యాచ్‌లు ఆడనుంది. యాంగూన్‌లో నేడు జరిగే తొలి మ్యాచ్‌లో ఆశాలతా దేవి సారథ్యంలో భారత్‌ బరిలోకి దిగనుంది. తెలంగాణ అమ్మాయి సౌమ్య గుగులోత్‌ కూడా టీమిండియాకు ప్రాతినిధ్యం వహించనుంది.ప్రపంచ ర్యాంకింగ్స్‌లో 67వ స్థానంలో ఉన్న భారత జట్టు ఇప్పటివరకు ఐదుసార్లు మయన్మార్‌ జట్టుతో తలపడినా ఒక్కసారీ విజయం సాధించలేదు. నాలుగు మ్యాచ్‌ల్లో ఓడిన టీమిండియా ఒక మ్యాచ్‌ను మాత్రం ‘డ్రా’ చేసుకుంది.

జర్మనీ వేదిక‌గా జ‌రుగుతున్న యూరో కప్‌ ఫుట్‌బాల్‌ టోర్నీ-2024లో సెమీఫైనల్‌ బెర్త్‌లు అధికారకంగా ఖరారయ్యాయి. శ‌నివారం రాత్రి స్విట్జర్లాండ్‌తో ఆఖ‌రి వ‌ర‌కు ఉత్కంఠ భరితంగా సాగిన‌ మ్యాచ్‌లో విజ‌యం సాధించిన ఇంగ్లండ్ మూడో జ‌ట్టుగా సెమీస్‌కు అర్హ‌త సాధించ‌గా.. ఆదివారం జరిగిన మ్యాచ్‌లో టర్కీని ఓడించి నెద‌ర్లాండ్స్ నాలుగో జ‌ట్టుగా సెమీస్‌లో అడుగుపెట్టింది.ఇంగ్లండ్‌-స్విట్జర్లాండ్‌ మ్యాచ్‌ నిర్ణీత సమయానికి 1-1తో సమమైంది. కానీ పెనాల్టీ షూటౌట్‌లో ఇంగ్లండ్‌ 5 గోల్స్‌ చేయగా స్విస్‌ జట్టు 3 గోల్స్‌కే పరిమితమై ఓట‌మి చ‌వి చూసింది. మ‌రోవైపు నాలుగో క్వార్టర్స్‌ మ్యాచ్‌లో నెదర్లాండ్స్‌ 2-1తో టర్కీని ఓడించింది.కాగా యూరో క‌ప్ సెమీఫైన‌ల్లో నెద‌ర్లాండ్స్ అడుగుపెట్ట‌డం 20 ఏళ్ల త‌ర్వాత ఇదే తొలిసారి కావ‌డం గ‌మ‌నార్హం. కాగా ఇప్ప‌టికే ఫ్రాన్స్‌, స్పెయిన్ త‌మ సెమీఫైన‌ల్స్ బెర్త్‌ల‌ను ఖారారు చేసుకున్న సంగ‌తి తెలిసిందే. ఇక‌ మంగళవారం జరిగే తొలి సెమీఫైనల్లో స్పెయిన్‌తో ఫ్రాన్స్‌; బుధవారం జరిగే రెండో సెమీఫైనల్లో ఇంగ్లండ్‌తో నెదర్లాండ్స్‌ తలపడతాయి.

బెర్లిన్‌: యూరో కప్‌ ఫుట్‌బాల్‌ టోర్నీలో రెండు దశాబ్దాల తర్వాత నెదర్లాండ్స్‌ జట్టు సెమీఫైనల్లోకి దూసుకెళ్లింది. టర్కీ జట్టుతో ఆదివారం జరిగిన చివరి క్వార్టర్‌ ఫైనల్లో నెదర్లాండ్స్‌ 2–1 గోల్స్‌ తేడాతో గెలిచింది. 35వ నిమిషంలో సామెత్‌ అకెదిన్‌ గోల్‌తో టర్కీ ఖాతా తెరిచింది. 70వ నిమిషంలో డెవ్రిజ్‌ గోల్‌తో నెదర్లాండ్స్‌ స్కోరును 1–1తో సమం చేసింది. 76వ నిమిషంలో టర్కీ ప్లేయర్‌ మెర్ట్‌ ముల్డర్‌ ‘సెల్ఫ్‌ గోల్‌’ చేయడంతో నెదర్లాండ్స్‌ 2–1తో ఆధిక్యంలోకి వచ్చింది. ఆ తర్వాత ఈ ఆధిక్యాన్ని నెదర్లాండ్స్‌ కాపాడుకొని 2004 తర్వాత మళ్లీ యూరో టోరీ్నలో సెమీఫైనల్‌ బెర్త్‌ను ఖరారు చేసుకుంది. మంగళవారం జరిగే తొలి సెమీఫైనల్లో స్పెయిన్‌తో ఫ్రాన్స్‌; బుధవారం జరిగే రెండో సెమీఫైనల్లో ఇంగ్లండ్‌తో నెదర్లాండ్స్‌ తలపడతాయి.

హాంబర్గ్‌: యూరో కప్‌ ఫుట్‌బాల్‌ టోర్నీలో మాజీ చాంపియన్‌ ఫ్రాన్స్‌ సెమీ ఫైనల్లోకి అడుగు పెట్టింది. క్వార్టర్‌ ఫైనల్‌ మ్యాచ్‌లో ఫ్రాన్స్‌ ‘షూటౌట్‌’ ద్వారా మరో మాజీ విజేత పోర్చుగల్‌ను ఓడించింది. నిర్ణీత సమయంతో పాటు అదనపు సమయం ముగిశాక కూడా ఇరు జట్లు 0–0తో సమంగా నిలవగా షూటౌట్‌ అనివార్యమైంది. ఇందులో ఫ్రాన్స్‌ 5–3తో పోర్చుగల్‌పై విజయం సాధించింది. ఆల్‌టైమ్‌ గ్రేట్‌లలో ఒకడైన క్రిస్టియానో రొనాల్డో తన జాతీయ జట్టు తరఫున ఆఖరి మ్యాచ్‌ ఆడేశాడు. ఆరో సారి యూరో కప్‌లో బరిలోకి దిగిన రొనాల్డో ముందే ఇది తనకు చివరి యూరో అని ప్రకటించాడు. 2026 వరల్డ్‌ కప్‌లో 41 ఏళ్లు ఉండే అతను వరల్డ్‌ కప్‌ ఆడే అవకాశాలు దాదాపుగా లేవు! పేరుకు రెండు పెద్ద జట్లే అయినా ఈ క్వార్టర్స్‌ పోరు పెద్దగా ఉత్కంఠ, మలుపులు లేకుండా సాగింది. ఇరు జట్లూ కూడా డిఫెన్స్‌కే ప్రాధాన్యనివ్వడంతో ఆటలో వేగం కనిపించలేదు. అటు రొనాల్డో, ఇటు ఎంబాపె కూడా పెద్దగా ప్రభావం చూపలేకపోయారు. పోర్చుగల్‌ ప్లేయర్లలో బ్రూనో ఫెర్నాండెజ్, వితిన్హ కొట్టిన షాట్‌లను ప్రత్యర్థి గోల్‌కీపర్‌ మైక్‌ మెగ్నన్‌ నిలువరించగా...ఫ్రాన్స్‌ ఆటగాళ్లు రాండల్, కామవింగాలకకు గోల్స్‌ అవకాశం వచి్చనా కీపర్‌ రూబెన్‌ డయాస్‌ను దాటి బంతి వెళ్లలేకపోయింది. అదనపు సమయంలో రొనాల్డో కొట్టిన ఒక కిక్‌ కూడా గోల్‌ బార్‌ మీదనుంచి వెళ్లిపోయింది. ఇక ఆ తర్వాత ఇరు జట్లు జాగ్రత్తగానే ఆడాయి. షూటౌట్‌లో తొలి నాలుగు ప్రయత్నాల్లో ఫ్రాన్స్‌ తరఫున డెంబెలె, ఫొఫానా, కౌండే, బార్కొలా గోల్స్‌ కొట్టగా...పోర్చుగల్‌ తరఫున రొనాల్డో, బెర్నార్డో సిల్వ, న్యూనో మెండెస్‌ గోల్‌ సాధించగా జోవో ఫెలిక్స్‌ విఫలమయ్యాడు. దాంతో స్కోరు ఫ్రాన్స్‌ పక్షాన 4–3తో నిలిచింది. ఐదో షాట్‌ను కూడా ఫ్రాన్స్‌ ప్లేయర్‌ హెర్నాండెజ్‌ గోల్‌ సాధించి తమ జట్టును గెలిపించాడు. మరో క్వార్టర్‌ ఫైనల్లో స్పెయిన్‌ 2–1 తేడాతో ఆతిథ్య జర్మనీని ఓడించింది. శనివారం జరిగిన క్వార్టర్స్‌లో ఇంగ్లండ్‌ షూటౌట్‌లో 5–3తో స్విట్జర్లాండ్‌ను ఓడించి సెమీస్‌ చేరింది.

యూరో కప్‌-2024 ఫుట్‌బాల్‌ టోర్నీలో మాజీ చాంపియన్‌ పోర్చుగల్‌కు చేదు అనుభవం ఎదురైంది. కీలకమైన క్వార్టర్‌ ఫైనల్‌ మ్యాచ్‌లో ఫ్రాన్స్‌ చేతిలో ఓడిపోయింది. తద్వారా రిక్తహస్తాలతో టోర్నమెంట్‌ నుంచి నిష్క్రమించింది.ఈ క్రమంలో ప్రతిష్టాత్మక యూరో కప్‌ టోర్నీలో పోర్చుగల్‌ లెజెండరీ ఫుట్‌బాలర్‌ క్రిస్టియానో రొనాల్డో శకం ముగిసినట్లయింది. కాగా జర్మనీ వేదికగా జరుగుతున్న యూరో కప్‌ 2024 ఎడిషన్‌లో స్లొవేనియాను ఓడించి క్వార్టర్స్‌లో అడుగుపెట్టిన పోర్చుగల్‌.. తాజాగా ఫ్రాన్స్‌తో తలపడింది.ఇరు జట్లు ఒక్క గోల్‌ కూడా చేయలేకనూట ఇరవై నిమిషాల పాటు సాగిన ఈ కీలక మ్యాచ్‌లో ఇరు జట్లు ఒక్క గోల్‌ కూడా చేయలేకపోయాయి. ఈ నేపథ్యంలో పెనాల్టి షూటౌట్‌లో భాగంగా ఫ్రాన్స్‌ 5-3తో పోర్చుగల్‌పై పైచేయి సాధించింది. ఈ క్రమంలో కెలియన్‌ ఎంబాపే బృందం సెమీస్‌కు దూసుకెళ్లింది.మరోవైపు భారీ అంచనాలతో టోర్నీలో అడుగుపెట్టిన పోర్చుగల్‌ ఇంటిబాట పట్టింది. కాగా 39 ఏళ్ల రొనాల్డోకు జాతీయ జట్టు తరఫున ఇదే చివరి మ్యాచ్‌ కానుంది. ఇందుకు సంబంధించి ఈ పోర్చుగల్‌ ఆటగాడు ఇప్పటికే సంకేతాలు ఇచ్చాడు.ఇక ఆరోసారి యూరో కప్‌లో భాగమైన రొనాల్డో ఈ టోర్నీలో రికార్డు స్థాయిలో 14 గో​​ల్స్‌ సాధించాడు. అయితే, ఈసారి మాత్రం షూటౌట్‌లో మినహా గోల్స్‌ స్కోర్‌ చేయలేకపోయాడు.పోర్చుగల్‌ వీరుడిగానే కాదు..అంతర్జాతీయ ఫుట్‌బాల్‌ చరిత్రలో క్రిస్టియానో రొనాల్డో అత్యధిక గోల్స్‌ వీరుడిగా కొనసాగుతున్నాడు. పోర్చుగల్‌ తరఫున అతడు 130 గోల్స్‌ కొట్టాడు.మరోవైపు.. అర్జెంటీనా దిగ్గజం లియోనల్‌ మెస్సీ 108 గోల్స్‌తో రెండో స్థానంలో కొనసాగుతున్నాడు. అయితే, మెస్సీ ఖాతాలో వరల్డ్‌కప్‌ ఉండగా.. రొనాల్డోకు మాత్రం ఆ లోటు అలాగే ఉండిపోయింది. కాగా యూరో కప్‌-2024లో ఫ్రాన్స్‌ సెమీ ఫైనల్లో స్పెయిన్‌తో తలపడనుంది.

యూరో కప్‌ 2024 క్వార్టర్‌ ఫైనల్‌ బెర్త్‌లన్నీ ఖరారయ్యాయి. స్పెయిన్‌, జర్మనీ, పోర్చుగల్‌, ఫ్రాన్స్‌, ఇంగ్లండ్‌, స్విట్జర్‌లాండ్‌, నెదర్లాండ్స్‌, తుర్కియే జట్లు ఫైనల్‌ 8కి అర్హత సాధించాయి. ఇవాళ (జులై 3) జరిగిన చివరి రౌండ్‌ ఆఫ్‌ 16 మ్యాచ్‌లో ఆస్ట్రియాపై తుర్కియే 2-1 గోల్స్‌ తేడాతో గెలిచింది. Mert Günok's incredible 95th-minute save 🤯😱#EUROLastMinute | @Hublot pic.twitter.com/N2AImAbc7A— UEFA EURO 2024 (@EURO2024) July 2, 2024తుర్కియే తరఫున మెరి దెమిరల్‌ రెండు గోల్స్‌ చేయగా.. ఆస్ట్రియా తరఫున మైఖేల్‌ గ్రెగోరిచ్‌ గోల్‌ చేశాడు. చివరి నిమిషంలో తుర్కియే గోల్‌కీపర్‌ మెర్ట్‌ గునాక్‌ అద్భుతమైన స్టాప్‌తో మ్యాచ్‌ డ్రా కాకుండా చేశాడు. మరోవైపు, నిన్న జరిగిన మరో రౌండ్‌ ఆఫ్‌ 16 (ప్రీ క్వార్టర్‌ ఫైనల్స్‌) మ్యాచ్‌లో రొమేనియాపై నెదర్లాండ్స్‌ 3-0 గోల్స్‌ తేడాతో గెలుపొంది, క్వార్టర్‌ ఫైనల్‌కు అర్హత సాధించింది.క్వార్టర్‌ ఫైనల్స్‌ షెడ్యూల్‌..స్పెయిన్‌ వర్సెస్‌ జర్మనీ (జులై 5)పోర్చుగల్‌ వర్సెస్‌ ఫ్రాన్స్‌ (జులై 6)ఇంగ్లండ్‌ వర్సెస్‌ స్విట్జర్లాండ్‌ (జులై 6)నెదర్లాండ్స్‌ వర్సెస్‌ తుర్కియే (జులై 7)

యూరో కప్‌ 2024లో ఆరు క్వార్టర్‌ ఫైనల్‌ బెర్త్‌లు ఖరారయ్యాయి. స్పెయిన్‌, జర్మనీ, ఇంగ్లండ్‌, స్విట్జర్‌లాండ్‌, పోర్చుగల్‌, ఫ్రాన్స్‌ జట్లు ఫైనల్‌-8కు చేరాయి. మరో రెండు బెర్త్‌లు ఖరారు కావల్సి ఉంది.ఇవాళ (జులై 2) జరిగిన మ్యాచ్‌లో క్రిస్టియానో రొనాల్డో జట్టు పోర్చుగల్‌.. స్లొవేనియాపై 3-0 గోల్స్‌ తేడాతో గెలుపొందింది. నిర్ణీత సమయంతో పాటు (90 నిమిషాలు) అదనపు సమయంలోనూ (30 నిమిషాలు) గోల్స్‌ నమోదు కాకపోవడంతో మ్యాచ్‌ పెనాల్టీ షూటౌట్‌ల వరకు వెళ్లింది. పెనాల్టీ షూటౌట్స్‌లో పోర్చుగల్‌ మూడు అవకాశాలను గోల్స్‌గా మలచగా.. స్లొవేనియా మూడు అవకాశాలను వృధా చేసుకుంది. పోర్చుగల్‌ గోల్‌ కీపర్‌ డియోగో కోస్టా అద్భుతమైన ప్రదర్శన కనబర్చి స్లోవేనియా మూడు ప్రయత్నాలను అడ్డుకున్నాడు. నిర్ణీత సమయంలో లభించిన పెనాల్టీని గోల్‌గా మలచడంలో విఫలమైన క్రిస్టియానో రొనాల్డో.. షూటౌట్స్‌లో ఓ గోల్‌ చేశాడు. పోర్చుగల్‌ క్వార్టర్‌ ఫైనల్లో కైలియన్‌ ఎంబపే జట్టు ఫ్రాన్స్‌తో తలపడనుంది.క్వార్టర్‌ ఫైనల్స్‌ షెడ్యూల్‌..స్పెయిన్‌ వర్సెస్‌ జర్మనీ (జులై 5)పోర్చుగల్‌ వర్సెస్‌ ఫ్రాన్స్‌ (జులై 6)ఇంగ్లండ్‌ వర్సెస్‌ స్విట్జర్లాండ్‌ (జులై 6)నాలుగో క్వార్టర్‌ ఫైనల్‌ (జులై 7)

డసెల్‌డార్ఫ్‌ (జర్మనీ): యూరో కప్‌ ఫుట్‌బాల్‌ టోర్నీలో మాజీ చాంపియన్‌ స్పెయిన్‌ జట్టు ‘హ్యాట్రిక్‌’ విజయం నమోదు చేసింది. గ్రూప్‌ ‘బి’లో భాగంగా అల్బేనియాతో జరిగిన లీగ్‌ మ్యాచ్‌ లో స్పెయిన్‌ 1–0 గోల్‌ తేడాతో గెలిచింది. ఆట 13వ నిమిషంలో స్పెయిన్‌ జట్టుకు ఫెరాన్‌ టోరెస్‌ ఏకైక గోల్‌ అందించాడు. మూడు విజయాలతో స్పెయిన్‌ తొమ్మిది పాయింట్లతో గ్రూప్‌ ‘బి’ టాపర్‌గా నిలిచి ప్రిక్వార్టర్‌ ఫైనల్‌కు చేరింది. గ్రూప్‌ ‘బి’లో భాగంగా క్రొయేషియా జట్టుతో జరిగిన మ్యాచ్‌ను డిఫెండింగ్‌ చాంపియన్‌ ఇటలీ 1–1తో ‘డ్రా’ చేసుకుంది. క్రొయేíÙయా తరఫున లూకా మోడ్రిచ్‌ (55వ ని.లో), ఇటలీ తరఫున జకాగ్ని (90+8వ ని.లో) ఒక్కో గోల్‌ చేశారు. యూరో టోర్నీ చరిత్రలో గోల్‌ చేసిన అతి పెద్ద వయస్కుడిగా మోడ్రిచ్‌ (38 ఏళ్ల 289 రోజులు) గుర్తింపు పొందాడు. నాలుగు పాయింట్లతో రెండో స్థానంలో నిలిచిన ఇటలీ జట్టు కూడా ప్రిక్వార్టర్‌ ఫైనల్లోకి అడుగు పెట్టింది. గ్రూప్‌ ‘డి’లో జరిగిన మ్యాచ్‌ల్లో ఆస్ట్రియా 3–2తో నెదర్లాండ్స్‌ను ఓడించగా... ఫ్రాన్స్, పోలాండ్‌ మధ్య జరిగిన మ్యాచ్‌ 1–1తో ‘డ్రా’గా ముగిసింది. ‘డి’ గ్రూప్‌ నుంచి ఆస్ట్రియా, నెదర్లాండ్స్, ఫ్రాన్స్‌ ప్రిక్వార్టర్స్‌కు చేరుకున్నాయి.

గెల్‌సెన్‌కిర్చెన్‌ (జర్మనీ): యూరో కప్‌ ఫుట్‌బాల్‌ టోరీ్నలో డిఫెండింగ్‌ చాంపియన్‌ ఇటలీ జట్టుకు చుక్కెదురైంది. మాజీ విజేత స్పెయిన్‌తో శుక్రవారం జరిగిన గ్రూప్‌ ‘బి’ లీగ్‌ మ్యాచ్‌లో ఇటలీ 0–1 గోల్‌ తేడాతో ఓడిపోయింది.మరోవైపు.. వరుసగా రెండో విజయంతో స్పెయిన్‌ జట్టు ప్రిక్వార్టర్‌ ఫైనల్‌ దశకు అర్హత సాధించింది. ఆట 55వ నిమిషంలో స్పెయిన్‌ ఫార్వర్డ్‌ అల్వారో మొరాటో హెడర్‌ షాట్‌ను ఇటలీ గోల్‌కీపర్‌ గియాన్లుగి డొనారుమా నిలువరించాడు.అయితే ఇటలీ గోల్‌కీపర్‌ నిలువరించిన బంతి ఇటలీ డిఫెండర్‌ రికార్డో కాలాఫియోరి కాలికి తగిలి తిరిగి గోల్‌పోస్ట్‌లోకి వెళ్లింది. దాంతో ఇటలీ సెల్ఫ్‌ గోల్‌తో స్పెయిన్‌ 1–0తో ఆధిక్యంలోకి వెళ్లి చివరిదాకా ఈ ఆధిక్యాన్ని కాపాడుకుంది. ఇతర మ్యాచ్‌ల్లో ఆస్ట్రియా 3–1తో పోలాండ్‌ జట్టుపై, ఉక్రెయిన్‌ 2–1తో స్లొవేకియాపై గెలిచాయి. చదవండి: T20 WC 2024: దక్షిణాఫ్రికా సూపర్‌...

ఫ్రాంక్‌ఫర్ట్‌ (జర్మనీ): యూరో కప్‌ ఫుట్‌బాల్‌ టోర్నీలో గత రన్నరప్‌ ఇంగ్లండ్‌ జట్టు ఖాతాలో తొలి ‘డ్రా’ చేరింది. డెన్మార్క్‌తో గురువారం జరిగిన గ్రూప్‌ ‘సి’ లీగ్‌ మ్యాచ్‌ను ఇంగ్లండ్‌ 1–1 గోల్స్‌తో ‘డ్రా’గా ముగించింది. ఇంగ్లండ్‌ తరఫున ఆట 18వ నిమిషంలో హ్యారీ కేన్‌ గోల్‌ చేయగా... 34వ నిమిషంలో హిజుల్‌మండ్‌ గోల్‌తో డెన్మార్క్‌ జట్టు స్కోరును సమం చేసింది. ఆ తర్వాత రెండు జట్లు మరో గోల్‌ చేయలేకపోయాయి. గ్రూప్‌ ‘ఎ’లో స్కాట్లాండ్, స్విట్జర్లాండ్‌ మధ్య జరిగిన మ్యాచ్‌ 1–1తో... గ్రూప్‌ ‘సి’లో స్లొవేనియా, సెర్బియా మధ్య జరిగిన మ్యాచ్‌ కూడా 1–1తో ‘డ్రా’గా ముగిశాయి.

యూరో కప్‌ 2024లో దిగ్గజ ఫుట్‌బాలర్‌ క్రిస్టియానో రొనాల్డో జట్టు పోర్చుగల్‌ బోణీ కొట్టింది. గ్రూప్‌-ఎఫ్‌లో భాగంగా ఇవాళ (జూన్‌ 19) జరిగిన మ్యాచ్‌లో పోర్చుగల్‌.. చెక్‌ రిపబ్లిక్‌పై 2-1 గోల్స్‌ తేడాతో విజయం సాధించింది. ఉత్కంఠభరితంగా సాగిన ఈ మ్యాచ్‌లో తొలి అర్ద భాగంలో ఇరు జట్లు ఒక్క గోల్‌ కూడా సాధించలేదు. ద్వితియార్ధంలో తొలుత (62వ నిమిషంలో, లుకాస్‌ ప్రొవోద్‌) చెక్‌ రిపబ్లిక్‌, ఆతర్వాత పోర్చుగల్‌ (69వ నిమిషంలో, రాబిన్‌ హ్రనాక్‌) గోల్స్‌ చేయడంతో స్కోర్లు సమం అయ్యాయి. అయితే నిర్ణీత సమయం ముగిశాక 92వ నిమిషంలో ఫ్రాన్సిస్కో అద్భుతమైన గోల్‌ చేయడంతో పోర్చుగల్‌ 2-1 తేడాతో విజయం సాధించింది.చరిత్ర సృష్టించిన క్రిస్టియానో రొనాల్డోచెక్‌ రిపబ్లిక్‌తో మ్యాచ్‌లో బరిలోకి దిగడం ద్వారా పోర్చుగల్‌ స్టార్‌ ఆటగాడు క్రిస్టియానో రొనాల్డో చరిత్ర సృష్టించాడు. రొనాల్డో ఆరు యూరో కప్‌లు ఆడిన తొలి ఆటగాడిగా రికార్డు నెలకొల్పాడు. రొనాల్డో 2004, 2008, 2012, 206, 2020, 2024 ఎడిషన్లలో పాల్గొన్నాడు. రొనాల్డో తర్వాత క్రొయేషియా ఆటగాడు లూకా మోడ్రిక్‌, పోర్చుగల్‌ ఆటగాడు పెపె అత్యధికంగా ఐదు యూరో కప్‌లు ఆడాడు.జార్జియాను చిత్తు చేసిన తుర్కియేగ్రూప్‌-ఎఫ్‌లో భాగంగా నిన్న జరిగిన మరో మ్యాచ్‌లో జార్జియాపై తుర్కియే 3-1 గోల్స్‌ తేడాతో విజయం సాధించింది. తుర్కియే తరఫున మెర్ట్‌ ముల్దర్‌ (25వ నిమిషం), ఆర్దా గులెర్‌ (65వ నిమిషం), ముహమ్మెద్‌ కెరెమ్‌ (97వ నిమిషం) గోల్స్‌ చేయగా.. జార్జియా తరఫున జార్జెస్‌ 32వ నిమిషంలో గోల్‌ చేశాడు.ఇవాల్టి మ్యాచ్‌లు..క్రొయేషియా వర్సెస్‌ అల్బేనియా (గ్రూప్‌-బి)జర్మనీ వర్సెస్‌ హంగేరీ (గ్రూప్‌-ఏ)

యూరో కప్‌-2024ను రొమేనియా ఘనంగా ఆరంభించింది. సోమవారం మ్యూనిచ్ వేదికగా గ్రూపు-ఈలో భాగంగా ఉక్రెయిన్‌తో జరిగిన తమ తొలి మ్యాచ్‌లో 3-0 తేడాతో రొమేనియా ఘన విజయం సాధించింది. కాగా 24 ఏళ్ల యూరో ఛాంపియన్‌ షిప్‌ చరిత్రలో రొమేనియాకు ఇదే తొలి విజయం కావడం విశేషం.కళ్లుచెదిరే గోల్‌..ఈ మ్యాచ్‌ ఫస్ట్‌హాఫ్‌ హోరాహోరీగా సాగింది. తొలి 20 నిమిషాల పాటు ఇరు జట్ల గోల్‌ కీపర్స్‌ ఎటువంటి గోల్స్‌ సాధించేందుకు అవకాశమివ్వలేదు. ఈ క్రమంలో ఫస్ట్‌ హాఫ్‌లో 29వ నిమిషాన రొమేనియా కెప్టెన్‌ నికోలే స్టాన్సియు అద్బుతమైన గోల్‌తో మెరిశాడు. రజ్వాన్ మారిన్ నుంచి పాస్‌ అందుకున్న స్టాన్సియు రైట్‌ కార్నర్‌ వైపు నుంచి కళ్లుచెదిరే రీతిలో గోల్‌ కొట్టాడు. స్టాన్సియు పవర్‌ ఫుల్‌ కెనాన్‌ షాట్‌ను ఉక్రెయిన్‌ గోల్‌ కీపర్‌ ఆండ్రీ లునిన్‌ ఆపలేకపోయాడు. దీంతో ఫస్ట్ హాఫ్‌ ముగిసే సమయానికి రొమినేయా 1-0 ఆధిక్యంలోకి వెళ్లింది. అనంతరం సెకెండ్‌ హాఫ్‌లో రజ్వాన్ మారిన్, డెన్నిస్ మాన్‌ చెరో గోల్‌ సాధించి రొమేనియాకు చారిత్రత్మక విజయాన్ని అందించారు. 🇷🇴🚀 This goal from Nicolae Stanciu (31) vs Ukraine is absolutely incredible! 😍Hit with sweet perfection. 🤌 pic.twitter.com/LJGDwsHAJS— EuroFoot (@eurofootcom) June 17, 2024

యూరో కప్‌ ఫుట్‌బాల్‌ టోర్నీ-2024లో ఫ్రాన్స్‌ శుభారంభం చేసింది. సోమవారం డసెల్డార్ఫ్ అరేనా వేదికగా ఆస్ట్రియాతో జరిగిన మ్యాచ్‌లో 1-0 తేడాతో ఫ్రాన్స్‌ విజయం సాధించింది. 90 నిమిషాల గేమ్‌లో ఫ్రాన్స్‌ ఒక్క గోల్‌ సాధించగా.. ఆస్ట్రియా మాత్రం ఒక్కగోల్‌ కూడా నమోదు చేయలేకపోయింది.ఫ్రాన్స్‌కు బిగ్‌ షాక్‌..ఇక ఈ మ్యాచ్‌లో ఫ్రాన్స్‌ కెప్టెన్‌, స్టార్‌ ప్లేయర్‌ కైలియన్‌ ఎంబాపె గాయపడ్డాడు. ఎంబాపే ముక్కుకు బలమైన గాయమైంది. ఈ మ్యాచ్‌ 86వ నిమిషంలో ఎంబాపే, ఆస్ట్రియన్ ఫార్వడ్డర్‌ కెవిన్ డాన్సో ఇద్దరూ అనూహ్యంగా ఒకరొకరు ఢీకొన్నారు.ఈ క్రమంలో కెవిన్ డాన్సో భుజం ఎంబాపే ముక్కుకు బలంగా తాకింది. దీంతో అతడి ముక్కు నుంచి రక్తస్రావం ప్రారంభమైంది. వెంటనే ఫిజియో వచ్చి ఎంబాపేకు చికిత్స అందించాడు. అయినప్పటకి రక్తం ఆగకపోవడంతో మైదానం నుంచి అతడిని బయటకు తీసుకువెళ్లారు. మ్యాచ్‌ అనంతరం అతడిని ఆస్పత్రికి తీసుకువెళ్లి స్కానింగ్‌ చేయించగా.. ముక్కు ఎముక విరిగినట్లు వైద్యులు గుర్తించారు. ఈ క్రమంలో ఎంబాపే గాయంపై ఫ్రెంచ్‌ ఫుట్‌బాల్‌​ సమాఖ్య అప్‌డేట్‌ ఇచ్చింది. ముక్కు ఎముక విరిగినట్లు ఎఫ్‌ఎఫ్‌ఎఫ్‌ సైతం ధువీకరించింది."కైలియన్‌ ఎంబాపే ఆస్పత్రి నుంచి తిరిగి ఫ్రెంచ్‌ జట్టు బేస్‌ క్యాంప్‌నకు తిరిగి వచ్చాడు. సోమవారం డ్యూసెల్‌డార్ఫ్‌లో జరిగిన ఆస్ట్రియా-ఫ్రాన్స్ మ్యాచ్‌ సెకెండ్‌ హాఫ్‌లో ఎంబాపే​ ముక్కుకు గాయమైంది. దురదృష్టవశాత్తూ అతడి ముక్కు ఎముక ఫ్రాక్చర్‌ అయింది. ​మా కెప్టెన్‌కు తొలుత వైద్య సిబ్బంది చికిత్స అందించగా.. ఆ తర్వాతి ఆస్పత్రిలో డాక్టర్ ఫ్రాంక్ లే గాల్ పరిశీలించారు. అతడికి ముక్కు ఎముక విరిగినట్లు ఫ్రాంక్ లే నిర్ధారించాడు. అతడు కొద్ది రోజుల పాలు మా వైద్య బృందం పర్యవేక్షణలో ఉండనున్నాడు.అయితే ఎంబాపేకు వెంటనే సర్జరీ చేయాల్సిన అవసరం లేదు. అతడు గాయం నుంచి కోలుకునేందుకు వైద్యులు ప్రత్యేకమైన మాస్క్‌ను ఇవ్వనున్నారు. అతడు తిరిగి మళ్లీ మైదానంలో అడుగుపెడతాడని ఆశిస్తున్నామని ఎఫ్‌ఎఫ్‌ఎఫ్‌ ఒక ప్రకటనలో పేర్కొం‍ది. ఒకవేళ ఎంబాపే టోర్నీ మొత్తానికి దూరమైతే ఫ్రాన్స్‌కు గట్టి ఎదురుదెబ్బ అనే చెప్పాలి.🚨🇫🇷 Kylian Mbappé has just left the hospital after it was confirmed that he broke his nose.Mbappé will not undergo surgery despite initial indications, waiting to decide how to manage him for upcoming two games. pic.twitter.com/Fhbhft1OAO— Fabrizio Romano (@FabrizioRomano) June 17, 2024

యూరో కప్‌-2024లో నెదర్లాండ్స్‌ బోణీ కొట్టింది. ఈ మెగా ఈవెంట్‌లో భాగంగా ఆదివారం హాంబర్గ్ వేదికగా పోలాండ్‌తో జరిగిన మ్యాచ్‌లో 2-1తో నెదర్లాండ్స్‌ సంచలన విజయం సాధించింది. నువ్వా నేనా అన్నట్టుగా సాగిన ఈ గేమ్‌లో ఆఖరికి విజయం డచ్‌ జట్టునే వరించింది.తొలుత ఫస్ట్‌హాఫ్‌ 16వ నిమిషంలో ఆడమ్‌ బుకస పోలండ్‌కు మొదటి గోల్‌ను అందించాడు. అనంతరం 29వ నిమిషంలో నెదర్లాండ్స్‌ ఫార్వర్డ్‌ కోడి గక్పో అద్బుతమైన గోల్‌ కొట్టి స్కోర్‌ను 1-1తో సమం చేశాడు.ఫస్ట్‌హాఫ్‌ ముగిసే సమయానికి ఇరు జట్లు చెరో గోల్‌తో సమంగా నిలిచాయి. ఈ క్రమంలో బ్రేక్‌ సమయంలో పొలాండ్‌ మేనెజర్‌ మిచాల్ ప్రోబియర్జ్ తమ జట్టులో ఒక మార్పు చేశాడు. జాకుబ్ మోడర్‌కు బదలుగా ఇంపాక్ట్‌ సబ్‌గా స్జిమాన్‌స్కీ జాకుబ్ తీసుకువచ్చాడు.కానీ ఎటువంటి ఫలితం లేదు. దీంతో ప్రోబియర్జ్ మళ్లీ 10 నిమిషాల తర్వాత మరో రెండు మార్పులు చేశాడు. కానీ ఫలితం ఏ మాత్రం మారలేదు. ఇక సెకెండ్‌ హాఫ్‌ ముగిసే సమయం దగ్గరపడుతుండడంతో 1-1 డ్రాగా ముగుస్తుందని అంతా భావించారు.వౌట్ వెఘొర్స్‌ అద్బుతం..ఈ క్రమంలో డచ్ మేనేజర్ రోనాల్డ్ కోమాన్ తీసుకున్న ఓ నిర్ణయం అందరి అంచనాలను తారుమారు చేసింది. ఆఖరి బ్రేక్‌ సమయంలో రోనాల్డ్ కోమాన్.. మెంఫిస్ డిపే స్థానంలో వౌట్ వెఘోర్స్ట్‌ని ఇంపాక్ట్‌ సబ్‌స్ట్యూట్‌గా తీసుకువచ్చాడు.మైదానంలో అడుగపెట్టిన వెఘొర్స్‌.. ఆట మరికొద్దిసేపట్లో ముగుస్తుందనగా 83వ నిమిషంలో గోల్‌కొట్టి డచ్‌ జట్టుకు అద్భుతమైన విజయాన్ని అందించాడు. దీంతో నెదర్లాండ్స్‌ జట్టు ఒక్కసారిగా సంబరాల్లో మునిగి తేలిపోగా.. పొలాండ్‌ నిరాశలో కూరుకు పోయింది.చదవండి: ఆర్చరీలో భారత్‌కు ఒలింపిక్‌ బెర్త్‌

ఫుట్‌బాల్ అభిమానులు ఆస‌క్తిక‌గా ఎదురుచూసిన ప్ర‌తిష్ఠాత్మ‌క‌ యూరో కప్‌-2024కు తెర లేచింది. ఈ టోర్నమెంట్‌లో ఆతిథ్య జ‌ర్మ‌నీ శుభారంభం చేసింది. శనివారం మ్యూనిక్‌ వేదికగా జరిగిన తొలి మ్యాచ్‌లో స్కాట్లాండ్‌పై 5-1తో జర్మనీ అద్భుత విజ‌యం సాధించింది.ఈ తొలిపోరులో ఏ దశలోనూ పత్యర్ధికి జర్మనీ అవకాశమివ్వలేదు. ఈ మ్యాచ్ 10వ నిమిషంలో ఫ్లోరియన్ విర్ట్జ్ జర్మనీకి తొలి గోల్‌ను అందించాడు. ఆ తర్వాత జమాల్ ముసియాలా, కై హావర్ట్జ్ ఫస్ట్‌హాఫ్‌లో మరో రెండు గోల్స్‌ను అందించారు. దీంతో ఫస్ట్‌హాఫ్‌ ముగిసేసరికి జర్మనీ 3-0 ఆధిక్యంలోకి వెళ్లింది. ఆ తర్వాత సెకెండ్‌ హాఫ్‌లో కూడా జర్మనీ అదరగొట్టింది. ఇక ఈ విజయంతో జర్మనీ ఖాతాలో మూడు పాయింట్లు వచ్చి చేరాయి. అనంతరం జరిగిన మరో మ్యాచ్‌లో స్విట్జర్లాండ్‌ అద్బుతమైన ప్రదర్శన కనబరిచింది. హంగేరీ జ‌ట్టుపై 3-1తో స్విస్ జ‌ట్టు ఘన విజయం నమోదు చేసింది. ఇక ఈ మెగా టోర్నీ జర్మనీలోని 10 పట్టణాల్లో జరగనుంది. మొత్తం 24 జట్లను ఆరు గ్రూప్‌లుగా విభజించారు. ఈ టోర్నీ జూలై 14న బెర్లిన్‌లో జరిగే ఫైనల్‌తో ముగుస్తుంది. ఇక గ్రూప్‌ ‘ఎ’లో జర్మనీ, స్కాట్లాండ్, హంగేరి, స్విట్జర్లాండ్‌... గ్రూప్‌ ‘బి’లో స్పెయిన్, క్రొయేషియా, ఇటలీ, అల్బేనియా... గ్రూప్‌ ‘సి’లో ఇంగ్లండ్, స్లొవేనియా, సెర్బియా... గ్రూప్‌ ‘డి’లో నెదర్లాండ్స్, పోలాండ్, ఫ్రాన్స్, ఆస్ట్రియా... గ్రూప్‌ ‘ఇ’లో బెల్జియం, స్లొవేకియా, రొమేనియా, ఉక్రెయిన్‌... గ్రూప్‌ ‘ఎఫ్‌’లో పోర్చుగల్, చెక్‌ రిపబ్లిక్, జార్జియా, టర్కీ జట్లు ఉన్నాయి.

పోర్చుగల్‌ ఫుట్‌బాల్‌ స్టార్‌ క్రిస్టియానో రొనాల్డో మరో మైలురాయిని అందుకున్నాడు. పోర్చుగల్‌ తరపున రొనాల్డో 200వ మ్యాచ్‌ ఆడాడు. పురుషుల ఫుట్‌బాల్‌లో ఈ ఘనత సాధించిన తొలి ఆటగాడిగా రొనాల్డో చరిత్రకెక్కాడు. యూరోకప్‌ 2024 క్వాలిఫయింగ్‌ టోర్నీలో భాగంగా పోర్చుగల్‌ మంగళవారం అర్థరాత్రి ఐస్‌లాండ్‌తో తలపడింది. మ్యాచ్‌లో పోర్చుగల్‌ 1-0 తేడాతో నెగ్గింది. పోర్చుగల్‌ తరపున వచ్చిన ఏకైక గోల్‌ కూడా క్రిస్టియానో రొనాల్డోదే కావడం విశేషం. ఆట 89వ నిమిషంలో రొనాల్డో జట్టుకు గోల్‌ అందించాడు. ఇక​ రొనాల్డోకు ఇది 123వ అంతర్జాతీయ గోల్. 200వ మ్యాచ్‌ ఆడడంపై క్రిస్టియానో రొనాల్డో స్పందించాడు. ''చాలా సంతోషంగా ఉంది. దేశం తరపున 200 మ్యాచ్‌ల్లో ప్రాతినిధ్యం వహిస్తానని ఊహించలేదు. నా కెరీర్‌లో ఇదొక గొప్ప ఘనతగా భావిస్తున్నా'' అంటూ చెప్పుకచ్చాడు. కాగా యూరో 2024 క్వాలిఫయింగ్‌ టోర్నీలో గ్రూప్‌-జెలో ఉన్న పోర్చుగల్‌ తాము ఆడిన నాలుగు మ్యాచ్‌ల్లోనూ నాలుగు విజయాలు అందుకొని టాపర్‌గా కొనసాగుతుంది. "I'm so happy. For me it's an unbelievable achievement" We spoke to Mr 200 @Cristiano Ronaldo... pic.twitter.com/LpaInwxHej — UEFA EURO 2024 (@EURO2024) June 20, 2023 The historical scorer of the teams 🐐🇵🇹⚽️#CR7𓃵 #CR200#CristianoRonaldo pic.twitter.com/i0z0DHaTKA — عمر المدريدي ⓮㉟ (@omar14rmd) June 20, 2023 🙌🙌🙌#EURO2024 @selecaoportugal pic.twitter.com/JydpIv0BSE — UEFA EURO 2024 (@EURO2024) June 20, 2023 చదవండి: మెస్సీని మిస్సయ్యాం!.. అర్జెంటీనా వస్తానంటే భారత్‌ వద్దన్నది

యూరో–2024 క్వాలిఫయింగ్‌ టోర్నీలో మాజీ విజేత పోర్చుగల్‌ వరుసగా రెండో విజయం సాధించింది. గ్రూప్‌ ‘జె’లో భాగంగా సోమవారం తెల్లవారుజామున లక్సెంబర్గ్‌తో మ్యాచ్‌లో పోర్చుగల్‌ 6–0తో గెలిచింది. కెప్టెన్‌ క్రిస్టియానో రొనాల్డో తన సూపర్‌ఫామ్‌ను కొనసాగిస్తున్నాడు. వరుసగా రెండో మ్యాచ్‌లోనూ గోల్స్‌తో మెరిశాడు. ఆట 6వ, 31వ నిమిషంలో రొనాల్డో జట్టు తరపున గోల్స్‌ కొట్టాడు. మిగతావారిలో జావో ఫెలిక్స్‌(ఆట 15వ నిమిషం), బెనార్డో సిల్వా(ఆట 18వ నిమిషం), ఒటావియో(ఆట 77వ నిమిషం), రాఫెల్‌ లావో(ఆట 88వ నిమిషం)లో గోల్స్‌ సాధించారు. కాగా అంతర్జాతీయ ఫుట్‌బాల్‌లో అత్యధిక గోల్స్‌ చేసిన క్రీడాకారుల జాబితాలో ప్రస్తుతం రొనాల్డో 122వ గోల్స్‌తో అగ్రస్థానంలో ఉన్నాడు. లిష్టెన్‌స్టయిన్‌తో జరిగిన తొలి మ్యాచ్‌లోనూ రొనాల్డో రెండు గోల్స్‌ చేశాడు.   

యూరో–2024 క్వాలిఫయింగ్‌ టోర్నీలో భాగంగా నేపుల్స్‌లో ఇటలీతో జరిగిన మ్యాచ్‌లో ఇంగ్లండ్‌ 2–1 గోల్స్‌ తేడాతో గెలిచింది. 1961 తర్వాత ఇటలీ జట్టును వారి సొంతగడ్డపైనే ఇంగ్లండ్‌ ఓడించడం గమనార్హం. ఇంగ్లండ్‌ తరఫున రైస్‌ (13వ ని.లో), కెప్టెన్‌ హ్యారీ కేన్‌ (44వ ని.లో)... ఇటలీ తరఫున రెటుగుయ్‌ (56వ ని.లో) ఒక్కో గోల్‌ చేశారు. ఈ మ్యాచ్‌ ద్వారా హ్యారీ కేన్‌ ఇంగ్లండ్‌ తరఫున అత్యధిక అంతర్జాతీయ గోల్స్‌ చేసిన ప్లేయర్‌గా రికార్డు నెలకొల్పాడు. 53 గోల్స్‌తో వేన్‌ రూనీ పేరిట ఉన్న రికార్డును 54వ గోల్‌తో హ్యారీ కేన్‌ సవరించాడు.

పోర్చుగల్‌ ఫుట్‌బాల్‌ స్టార్‌ క్రిస్టియానో రొనాల్డో మరొక రికార్డును తన ఖాతాలో వేసుకున్నాడు. ఫిఫా వరల్డ్‌కప్‌లో జట్టును గెలిపించడంలో విఫలమైన రొనాల్డో జర్మనీ వేదికగా జరుగుతున్న యూరోకప్‌ 2024 క్వాలిఫయర్‌లో మాత్రం దుమ్మురేపాడు. గ్రూప్‌-జెలో భాగంగా గురువారం లిచెన్‌స్టెయిన్, పోర్చుగల్‌ మధ్య మ్యాచ్‌ జరిగింది. ఈ మ్యాచ్‌ రొనాల్డోకు 197వది కావడం విశేషం. ఈ నేపథ్యంలో ఒక దేశం తరపున(పోర్చుగల్‌) తరపున అత్యధిక మ్యాచ్‌లు ఆడిన ఆటగాడిగా రొనాల్డో చరిత్ర సృష్టించాడు. ఈ మ్యాచ్‌కు ముందు వరకు 196 మ్యాచ్‌లతో కువైట్‌కు చెందిన బాదర్ అల్-ముతావాతో సమంగా ఉన్నాడు. ఫిఫా వరల్డ్‌కప్‌లో భాగంగా మొరాకోతో జరిగిన క్వార్టర్స్‌ ఫైనల్‌ రొనాల్డోకు 196వ మ్యాచ్‌. ఇక మ్యాచ్‌లోనూ రొనాల్డో రెండు గోల్స్‌తో అదరగొట్టాడు. ఆట 51వ నిమిషంలో లభించిన పెనాల్టీ కిక్‌ను గోల్‌గా మలిచిన రొనాల్డో ఆట 63వ నిమిషంలో మరో గోల్‌ చేశాడు. దీంతో పోర్చుగల్‌ 4-0 తేడాతో లిచెన్‌స్టెయిన్‌ను చిత్తుగా ఓడించింది. ఇక ఓవరాల్‌గా పోర్చుగల్‌ తరపున 197 అంతర్జాతీయ మ్యాచ్‌లు ఆడిన రొనాల్డో 120 గోల్స్‌ కొట్టి ఆల్‌టైమ్‌ లీడింగ్‌ గోల్‌ స్కోరర్‌గా కొనసాగుతున్నాడు. 💚❤️1⃣9⃣7⃣ Take a bow, @Cristiano 👏👏👏#EURO2024 pic.twitter.com/ArgPz0MEYD — UEFA EURO 2024 (@EURO2024) March 23, 2023

‘ఇట్స్‌ కమింగ్‌ హోమ్‌... యూరో కప్‌ ప్రారంభమైన రోజు నుంచి ఇంగ్లండ్‌ అభిమానులు ఎప్పటిలాగే ఆశలు, అంచనాలతో హోరెత్తించారు. ఇక 55 ఏళ్ల తర్వాత ఒక మేజర్‌ టోర్నీలో ఫైనల్‌ చేరడంతో వారి ఉత్సాహానికి అవధులు లేకుండా పోయాయి. సొంతగడ్డపై జరిగే తుది పోరులో కచ్చితంగా తమ జట్టే గెలుస్తుందని భావించి ముందస్తు సంబరాలకు సిద్ధమైపోయారు. కానీ యూరో కప్‌ ఇంగ్లండ్‌ ఇంటికి రాలేదు. లండన్‌ నుంచి సుమారు వేయి మైళ్ల దూరంలోని రోమ్‌ నగరానికి తరలి పోయింది. పెనాల్టీ షూటౌట్‌ వరకు చేరిన సమరంలో సత్తా చాటిన ఇటలీ యూరప్‌ చాంపియన్‌గా నిలిచింది. ఆ జట్టు యూరో గెలవడం ఇది రెండోసారి కాగా... ఇంగ్లండ్‌ తొలి టైటిల్‌ విజయానికి మరోసారి దూరంగా నిలిచిపోయింది. లండన్‌: ప్రతిష్టాత్మక ఫుట్‌బాల్‌ టోర్నీ యూరో కప్‌ –2020ని ఇటలీ సొంతం చేసుకుంది. భారత కాలమానం ప్రకారం ఆదివారం అర్ధరాత్రి దాటిన తర్వాత జరిగిన ఫైనల్లో ఇటలీ పెనాల్టీ షూటౌట్‌లో  3–2తో ఇంగ్లండ్‌ను ఓడించింది. నిర్ణీత సమయంతో పాటు అదనపు సమయం కూడా ముగిసిన తర్వాత  ఇరు జట్లు 1–1 గోల్స్‌ స్కోరుతో సమంగా నిలువడంతో విజేతను నిర్ణయించేందుకు పెనాల్టీ షూటౌట్‌ అనివార్యమైంది. అంతకుముందు తొలి అర్ధభాగంలో ఇంగ్లండ్‌ తరఫున 2వ నిమిషంలో ల్యూక్‌ పాల్‌ షా గోల్‌ సాధించగా... రెండో అర్ధభాగంలో లియోనార్డో బొనుసి 67వ నిమిషంలో ఇటలీకి గోల్‌ అందించి స్కోరు సమం చేశాడు. తాజా విజయంతో వరుసగా 34 మ్యాచ్‌ల పాటు ఓటమి ఎరుగని ఘనతను సాధించిన ఇటలీ 1968 తర్వాత మళ్లీ యూరో ట్రోఫీని గెలుచుకుంది. మేజర్‌ టోర్నీలలో గతంలో ఆరు సార్లు పెనాల్టీ షూటౌట్‌లోనే ఓటమి పాలైన ఇంగ్లండ్‌కు ఈ ఫలితం కూడా అదే వేదనను మిగిల్చింది. ఇటలీ ఖాతాలో నాలుగు ప్రపంచకప్‌ టైటిల్స్‌ (1934, 1938, 1982, 2006) కూడా ఉన్నాయి. చాంపియన్‌ ఇటలీ జట్టుకు కోటి యూరోలు (రూ. 88 కోట్ల 46 లక్షలు), రన్నరప్‌ ఇంగ్లండ్‌ జట్టుకు 70 లక్షల యూరోలు (రూ. 61 కోట్ల 91 లక్షలు) ప్రైజ్‌మనీగా లభించాయి.   హోరాహోరీ... 90 వేల సామర్థ్యం గల వెంబ్లీ స్టేడియం... కరోనా కారణంగా అధికారికంగా 67 వేల మందికే అనుమతి. అయితేనేం... తమ జట్టు ఆడుతోంది కాబట్టి టికెట్‌ లేని వీరాభిమానులు కూడా గేట్లు బద్దలు కొట్టి పెద్ద సంఖ్యలో స్టేడియంలోకి దూసుకొచ్చారు. ఫైనల్లో తొలి 30 నిమిషాల ఆట చూస్తే స్థానిక అభిమానుల సుదీర్ఘ నిరీక్షణ ముగిసేలా కనిపించింది. ఆట ఆరంభంలోనే ట్రిప్పియర్‌ ఇచ్చిన హాఫ్‌ వాలీ క్రాస్‌ పాస్‌ను నేరుగా ఇటలీ గోల్‌ పోస్ట్‌లోకి షా పంపడంతో స్టేడియం దద్దరిల్లింది. 1 నిమిషం 57వ సెకన్లో షా చేసిన ఈ గోల్‌ ఒక యూరో ఫైనల్లో అత్యంత వేగవంతమైన గోల్‌గా గుర్తింపు పొందింది. ఒక్కసారిగా షాక్‌కు గురైన ఇటలీ మెల్లగా కోలుకునే ప్రయత్నం చేసింది. జట్టు మిడ్‌ ఫీల్డర్లు  చక్కటి పాస్‌లతో బంతిని తమ ఆధీనంలోనే ఉంచుకున్నారు. ఆధిక్యం అందుకున్న తర్వాత కూడా ఇంగ్లండ్‌ ఆశ్చర్యకరంగా డిఫెన్స్‌కే పరిమితమైంది. ముఖ్యంగా కెప్టెన్‌ హ్యరీ కేన్‌ కనీసం ఒక్క గోల్‌ స్కోరింగ్‌ అవకాశం కూడా సృష్టించకుండా పేలవ ప్రదర్శన కనబర్చడం జట్టును దెబ్బ తీసింది. రెండో అర్ధ భాగంలో ఇటలీ శ్రమకు తగిన ఫలితం లభించింది. వెరాటీ కొట్టిన హెడర్‌ను ఇంగ్లండ్‌ కీపర్‌ పిక్‌ఫోర్డ్‌ అడ్డుకున్నా... సమీపంలోనే ఉన్న బొనుసి గోల్‌ పోస్ట్‌లోకి పంపించడంలో సఫల మయ్యాడు. అదనపు సమయంలో మాత్రం ఇరు జట్లు గోల్‌ కోసం తీవ్రంగా శ్రమించి విఫలమమయ్యాయి. దాంతో విజేతను నిర్ణయించేందకు షూటౌట్‌ అనివార్యమైంది. షూటౌట్‌లో ఇటలీ 3–2తో ఆధిక్యంలో ఉన్న సమయంలో సాకా గోల్‌ చేసి ఉంటే మ్యాచ్‌ సడెన్‌డెత్‌కు వెళ్లేది. అయితే తొలిసారి జాతీయ జట్టు తరఫున పెనాల్టీ తీసుకున్న సాకా కొట్టిన కిక్‌ను ‘మ్యాన్‌ ఆఫ్‌ ద మ్యాచ్‌’ డొనరుమా ఎలాంటి ఆందోళన లేకుండా ఎడమ వైపునకు డైవ్‌ చేస్తూ కూల్‌గా ఆపడంతో ఇంగ్లండ్‌ కథ ముగిసింది.   ఇంగ్లండ్‌ ప్లేయర్‌ సాకా కొట్టిన చివరి షాట్‌ను నిలువరిస్తున్న ఇటలీ గోల్‌కీపర్‌ డొనరుమా పునరుజ్జీవం... నాలుగుసార్లు ప్రపంచ చాంపియన్‌... 2018లో జరిగిన ప్రపంచకప్‌కు కనీసం అర్హత సాధించలేకపోయింది. ఇటలీ ఫుట్‌బాల్‌ చరిత్రలో అత్యంత విచారకర క్షణాలవి. ప్రదర్శన పాతాళానికి పడిపోయిన జట్టును తీర్చిదిద్దే బాధ్యతను కొత్త కోచ్‌ రాబర్టో మన్సినీ తీసుకున్నాడు. అక్కడి నుంచి ఇటలీ ‘పునరుజ్జీవం’ పొందింది. ‘యూరో’ క్వాలిఫయింగ్‌ టోర్నీలో ఆడిన పది మ్యాచ్‌లలో పది కూడా గెలిచి అజేయంగా, అందరికంటే ముందుగా ప్రధాన టోర్నీకి అర్హత సాధించింది. గత ఏడాదే జరగాల్సిన ఈ మెగా టోర్నీ కోవిడ్‌ కారణంగా ఏడాది వాయిదా పడింది. ఆ సమయంలో ఇటలీ దేశం తీవ్ర క్షోభను అనుభవించింది. కరోనా కారణంగా ఆ దేశంలో ఏకంగా 1 లక్షా 27 వేల మరణాలు నమోదయ్యాయి. 27 దేశాల యూరోపియన్‌ యూనియన్‌లో ఇదే పెద్ద సంఖ్య. గత 16 నెలల్లో వివిధ రూపాల్లో లాక్‌డౌన్‌లను ఎదుర్కొన్న ఇటలీకి ‘యూరో’ కొత్త ఆరంభాన్నిచ్చింది. ఈ టోర్నీలో సొంతగడ్డ రోమ్‌లో ఆడిన మూడు మ్యాచ్‌లను గెలిచిన జట్టు అభిమానులకు ఆనందాన్ని పంచింది. ఫైనల్‌తో కలిపి ఇటలీకి వరుసగా 34 మ్యాచ్‌లలో ఓటమి అనేదే లేదు. అసాధారణ పరిస్థితులను అధిగమించి, తమకు ఊరటనందిస్తూ సాధించిన ఈ విజయానికి యావత్‌ ఇటలీ పులకించిపోయిందంటే అతిశయోక్తి కాదు. ఆ ముగ్గురిపై ఆగ్రహం... 19, 21, 23... ఇంగ్లండ్‌ తరఫున మూడు పెనాల్టీలు వృథా చేసిన బుకాయో సాకా, జేడన్‌ సాంచో, మార్కస్‌ రాష్‌ఫోర్డ్‌ల వయసులు ఇవి. చెప్పుకోదగ్గ అంతర్జాతీయ అనుభవం లేని కుర్రాళ్లు.   అత్యుత్తమ కోచ్‌లలో ఒకడిగా గుర్తింపు పొందిన సౌత్‌గేట్‌ ప్రణాళిక పెనాల్టీల విషయంలో తప్పుగా తేలింది. ఫామ్‌లో ఉన్న స్టెర్లింగ్‌కు అవకాశం ఇవ్వకపోవడం, ఇద్దరు సీనియర్లు హ్యరీ కేన్, హ్యారీ మాగ్వైర్‌ తొలి రెండు పెనాల్టీలు తీసుకొని కీలకమైన, తీవ్ర ఒత్తిడి ఉండే మిగతా పెనాల్టీలను యువ ఆటగాళ్లకు వదిలేయడం కూడా పెద్ద తప్పే. మ్యాచ్‌ ఫలితం తర్వాత నల్ల జాతీయులైన ఈ ముగ్గురు యువ ఆటగాళ్లపై దురదృష్టవశాత్తూ ఇంగ్లండ్‌ అభిమానులు వర్ణ వివక్ష వ్యాఖ్యలతో విరుచుకు పడ్డారు. తీవ్ర పదజాలంతో వారిని దూషిస్తూ తమ ఆగ్రహాన్ని ప్రదర్శించడంపై ఫుట్‌బాల్‌ సమాజం అసంతృప్తి వ్యక్తం చేసింది. మరోవైపు ఓటమి అనంతరం ఇంగ్లండ్‌ వీధుల్లో కూడా అభిమానులు వీరంగం సృష్టించారు. లీసెస్టర్‌ స్క్వేర్‌ వద్ద చెత్త పోసి బాటిల్స్‌ తగలబెట్టి రచ్చ రచ్చ చేశారు. మ్యాచ్‌ ముగియగానే పలువురు ఇటలీ అభిమానులపై దాడులు కూడా చేయడం విషాదం! అవార్డులు గోల్డెన్‌ బూట్‌ (టోర్నీ టాప్‌ స్కోరర్‌) క్రిస్టియానో రొనాల్డో (పోర్చుగల్‌–5 గోల్స్‌) గోల్డెన్‌ బాల్‌ (టోర్నీ బెస్ట్‌ ప్లేయర్‌) డొనరుమా (ఇటలీ)

లండన్‌: యూఈఎఫ్‌ఏ చాంపియన్‌షిప్‌ యూరోకప్‌ 2020లో ఇంగ్లండ్‌ జట్టు 55 ఏళ్ల తర్వాత ఫైనల్లో అడుగుపెట్టింది. డెన్మార్క్‌తో జరిగిన ఫైనల్‌ మ్యాచ్‌లో 2-1 తేడాతో విజయం సాధించింది. 1966 ప్రపంచకప్‌ తర్వాత ఒక మేజర్‌ టోర్నీలో ఇంగ్లండ్‌ ఫైనల్లో అడుగుపెట్టడం ఇదే. ఇక మ్యాచ్‌ విషయానికి వస్తే ఆట 30వ నిమిషంలో డెన్మార్క్‌ ఆటగాడు మిక్కెల్‌ డ్యామ్స్‌గార్డ్‌ ఫెనాల్టీ కిక్‌ను అద్బుతమైన గోల్‌గా మలిచాడు. అయితే డెన్మార్క్‌ ఆటగాళ్ల తప్పిదంతో ఇంగ్లండ్‌ కూడా కాసేపటికే ఖాతా తెరిచింది. మ్యాచ్‌ ముగిసేసమయానికి ఇరు జట్లు 1-1తో సమంగా నిలవడంతో ఆట అదనపు సమయానికి వెళ్లింది. అయితే అదనపు సమయం అవకాశాన్ని ఇంగ్లండ్‌ అద్భుతంగా ఉపయోగించుకుంది. ఆ జట్టు ఆటగాడు హారీ కేన్‌ ఫెనాల్టీ కిక్‌ను అద్బుత గోల్‌గా మలవడంతో ఇంగ్లండ్‌ ఆధిక్యంలోకి వెళ్లగా.. అదనపు సమయం ముగిసేలోపు డెన్మార్క్‌ మరో గోల్‌ చేయడంలో విఫలమైంది. దీంతో ఇంగ్లండ్‌ యూరోకప్‌లో ఫైనల్‌ చేరింది. 

లండన్‌: యూఈఎఫ్‌ఏ చాంపియన్‌షిప్‌ యూరోకప్‌ 2020 కప్‌లో ఇటలీ ఫైనల్లో అడుగుపెట్టింది. స్పెయిన్‌తో జరిగిన సెమీస్‌ మ్యాచ్‌లో ఫెనాల్టీ షూటౌట్‌ ద్వారా ఇటలీ విజయం సాధించింది. మ్యాచ్‌లో భాగంగా ఇటలీ తరపున 60వ నిమిషంలో ఫెడెరికో చిసా గోల్‌ చేయగా.. స్పెయిన్‌ తరపున అల్వారో మొరాటా 80వ నిమిషంలో గోల్‌ చేశాడు. మ్యాచ్‌ ముగిసే సమయానికి 1-1తో సమంగా నిలిచిన ఇటలీ, స్పెయిన్‌లు తమకు కేటాయించిన ఎక్స్‌ట్రా టైమ్‌లోనూ గోల్‌ చేయడంలో విఫలమయ్యాయి. దీంతో ఫెనాల్టీ షూటౌట్‌ ద్వారా ఫలితం తేల్చాల్సి వచ్చింది. ఆద్యంతం ఉత్కంఠభరితంగా సాగిన ఫెనాల్టీ షూట్‌ట్‌లో ఇటలీ 4-2 తేడాతో స్పెయిన్‌పై విజయం సాధించింది. ఇక రెండో సెమీస్‌ మ్యాచ్‌ భారత కాలమాన ప్రకారం రాత్రి 12.30 గంటలకు ఇంగ్లండ్‌, డెన్మార్క్‌ మధ్య జరగనుంది. బ్రెజిల్‌ 21వసారి ఫైనల్లోకి...  రియో డి జనీరో: కోపా అమెరికా కప్‌ ఫుట్‌బాల్‌ టోర్నమెంట్‌లో బ్రెజిల్‌ జట్టు 21వసారి ఫైనల్లోకి దూసుకెళ్లింది. పెరూ జట్టుతో జరిగిన తొలి సెమీఫైనల్లో బ్రెజిల్‌ 1–0తో నెగ్గింది. ఆట 34వ నిమిషంలో నేమార్‌ అందించిన పాస్‌ను లుకాస్‌ పక్వెటా గోల్‌ పోస్ట్‌లోనికి పంపించాడు. అర్జెంటీనా, కొలంబియా జట్ల మధ్య రెండో సెమీఫైనల్‌ విజేతతో ఫైనల్లో బ్రెజిల్‌ తలపడుతుంది. వందేళ్లకంటే ఎక్కువ చరిత్ర కలిగిన ఈ టోర్నీలో బ్రెజిల్‌ తొమ్మిదిసార్లు విజేతగా, 11 సార్లు రన్నరప్‌గా నిలిచింది.  

రోమ్‌: యూరో కప్‌ టోర్నీలో ఇంగ్లండ్‌ ఫుట్‌బాల్‌ జట్టు 25 ఏళ్ల విరామం తర్వాత మళ్లీ సెమీఫైనల్లోకి దూసుకెళ్లింది. ఉక్రెయిన్‌తో జరిగిన చివరి క్వార్టర్‌ ఫైనల్లో ఇంగ్లండ్‌ 4–0 గోల్స్‌ తేడాతో ఘనవిజయం సాధించింది. ఇంగ్లండ్‌ తరఫున కెప్టెన్‌ హ్యారీ కేన్‌ రెండు గోల్స్‌ (4వ, 50 ని.లో) చేయగా... మగురె (46వ ని.లో), హెండర్సన్‌ (63వ ని.లో) ఒక్కో గోల్‌ సాధించారు. బుధవారం లండన్‌లో జరిగే సెమీఫైనల్లో డెన్మార్క్‌తో ఇంగ్లండ్‌ ఆడుతుంది. ఇప్పటివరకు ఒక్కసారి కూడా యూరో కప్‌ టైటిల్‌ నెగ్గలేకపోయిన ఇంగ్లండ్‌ చివరిసారి ఈ టోర్నీలో 1996లో సెమీఫైనల్‌ చేరింది. 1966 ప్రపంచకప్‌ ఫైనల్లో పశ్చిమ జర్మనీపై 4–2తో గెలిచిన తర్వాత ఇంగ్లండ్‌ జట్టు ఓ పెద్ద టోర్నీ నాకౌట్‌ మ్యాచ్‌లో నాలుగు గోల్స్‌ చేయడం ఇదే ప్రథమం.    

యూరోకప్‌ 2020 చివరి అంకానికి చేరుకుంటున్న తరుణంలో నాటకీయ పరిణామాలు చోటు చేసుకుంటున్నాయి. శుక్రవారం ఇటలీ, బెల్జియం మధ్య జరిగిన క్వార్టర్‌ ఫైనల్‌ మ్యాచ్‌లో ఇటలీ జట్టు స్ట్రైకర్‌ సిరో ఇమ్మొబైల్ చేసిన పని అభిమానులను ఆశ్చర్యం కలిగించింది. ఆట 31వ నిమిషంలో ఇమ్మొబైల్ తనకు బంతిని పాస్‌ చేయాలని మిడ్‌ ఫీల్డర్‌కు సైన్‌ ఇచ్చాడు. బంతి తన వద్దకు చేరడంతో ఇమ్మొబైల్ గోల్‌ కొట్టేందుకు యత్నించాడు. ఈ నేపథ్యంలో బెల్జియం డిఫెండర్‌ బంతిని తన్నే ప్రయత్నంలో ఇమ్మొబైల్ కాలికి తగిలింది. దాంతో అతను కింద పడిపోయి నొప్పితో విలవిలలాడాడు. అయితే ఉద్దేశపూర్వకంగా ఇది జరగకపోవడంతో మ్యాచ్‌ రిఫరీ దీన్ని పట్టించుకోలేదు. అయితే ఆ వెంటనే ఇటలీ మిడ్‌ఫీల్డర్‌ నికోలో బారెల్లా గోల్‌తో మెరిశాడు. దీంతో హాఫ్‌టైమ్‌ ముగిసేలోపే ఇటలీ భోణీ కొట్టడంతో ఆటగాళ్లంతా సంబరాల్లో మునిగిపోయారు. అప్పటివరకు నొప్పితో విలవిలలాడుతున్నట్లు కనిపించిన ఇమ్మొబైల్‌ పైకిలేచి చిరునవ్వుతో జట్టు దగ్గరికి చేరుకొని చీర్‌ చెప్పాడు. ఇదంతా చూసిన అభిమానులు ఇమ్మొబైల్‌ చేసిన పనికి నోరెళ్లబెట్టారు. ' ఏం యాక్టింగ్‌రా బాబు.. నువ్వు ఇక్కడ ఉండాల్సింది కాదు' అని కామెంట్‌ చేశారు. దీనికి సంబంధించిన వీడియోలు సోషల్‌ మీడియాలో వైరల్‌గా మారాయి. కాగా ఇమ్మొబైల్‌ చర్యపై ఇంగ్లండ్‌ మాజీ క్రికెటర్‌ కెవిన్‌ పీటర్సన్‌ స్పందించాడు. '' రగ్బీ గేమ్‌ ఆటగాళ్లు ఫుట్‌బాల్‌ ఆటగాళ్లకు ఇలాంటి ట్రిక్స్‌ నేర్పించి ఉంటారు. ఈ పనికి రగ్బీ వారికి ఎక్కువ మొత్తం చెల్లించాలి'' అంటూ కామెంట్‌ చేశాడు. ఇక మ్యాచ్‌లో బెల్జియంను 2-1 తేడాతో ఓడించిన ఇటలీ సెమీస్‌లోకి అడుగుపెట్టింది. బారెల్లా, ఇన్‌సిగ్నేలు చెరో గోల్‌ సాధించారు. కాగా సెమీస్‌ పోరులో ఇటలీ స్పెయిన్‌లు వెంబ్లే స్టేడియం(లండన్‌)లో తలపడనున్నాయి. 🚨⚽️ | NEW: Injured Italian player suddenly recovers when Italy scores #Euro2021 pic.twitter.com/bdEWYMCFAw — News For All (@NewsForAllUK) July 2, 2021

సెయింట్‌ పీటర్స్‌బర్గ్‌: యూరో కప్‌ ఫుట్‌బాల్‌ టోర్నమెంట్‌లో శుక్రవారం జరిగే తొలి క్వార్టర్‌ ఫైనల్లో మూడుసార్లు చాంపియన్‌ స్పెయిన్‌తో స్విట్జర్లాండ్‌ జట్టు తలపడుతుంది. ప్రిక్వార్టర్‌ ఫైనల్లో ప్రస్తుత ప్రపంచ చాంపియన్, గత యూరో కప్‌ రన్నరప్‌ ఫ్రాన్స్‌ జట్టును ఓడించి స్విట్జర్లాండ్‌ ఈ మెగా టోర్నీలో తొలిసారి క్వార్టర్‌ ఫైనల్‌ చేరింది. అదే జోరును కొనసాగించి సెమీఫైనల్‌ బెర్త్‌ దక్కించుకోవాలని స్విట్జర్లాండ్‌ పట్టుదలతో ఉంది. అయితే స్పెయిన్‌తో జరిగిన 22 మ్యాచ్‌ల్లో స్విట్జర్లాండ్‌ ఒక్కసారి మాత్రమే నెగ్గి 16 సార్లు ఓడిపోయి, ఐదుసార్లు ‘డ్రా’ చేసుకుంది. క్వార్టర్‌ ఫైనల్‌ చేరే క్రమంలో స్పెయిన్‌ మొత్తం 11 గోల్స్‌ చేసి టాప్‌ ర్యాంక్‌లో ఉంది. స్విట్జర్లాండ్‌ విజయావకాశాలు షాకిరి, సెఫరోవిచ్, గావ్రనోవిచ్‌ ఆటతీరుపై ఆధారపడి ఉన్నాయి. స్పెయిన్‌ జట్టు తరఫున మొరాటా, సారాబియా, సర్జియో బుస్కెట్స్, ఫెరెన్‌ టోరెస్‌ కీలకం కానున్నారు. రాత్రి 9 గంటల 30 నిమిషాలకు మొదలయ్యే ఈ మ్యాచ్‌ను సోనీ సిక్స్‌ చానెల్‌ ప్రత్యక్ష ప్రసారం చేయనుంది.    ఇక్కడ చదవండి: Wimbledon 2021: సానియా జోడీ శుభారంభం

గ్లాస్గో (స్కాట్లాండ్‌): యూరో కప్‌ ఫుట్‌బాల్‌ టోర్నీలో లీగ్‌ దశ నుంచి నాకౌట్‌ దశకు అర్హత పొందిన చివరి జట్టు ఉక్రెయిన్‌ ఏకంగా క్వార్టర్‌ ఫైనల్లోకి దూసుకెళ్లింది. భారత కాలమానం ప్రకారం మంగళవారం అర్ధరాత్రి దాటాక జరిగిన చివరి ప్రిక్వార్టర్‌ ఫైనల్లో ఉక్రెయిన్‌ 2–1 గోల్స్‌ తేడాతో స్వీడన్‌ జట్టును ఓడించి ఈ టోర్నీ చరిత్రలో తొలిసారి క్వార్టర్‌ ఫైనల్‌ బెర్త్‌ను దక్కించుకుంది. అదనపు సమయం కూడా ముగియడానికి నాలుగు నిమిషాలు ఉందనగా ఉక్రెయిన్‌ తరఫున సబ్‌స్టిట్యూట్‌ అర్తెమ్‌ డావ్‌బిక్‌ ‘హెడర్‌’ షాట్‌తో గోల్‌ చేసి స్వీడన్‌ కథను ముగించాడు. నిర్ణీత సమయంలో రెండు జట్లు 1–1తో సమంగా నిలిచాయి. శుక్రవారం మొదలయ్యే క్వార్టర్‌ ఫైనల్స్‌లో స్పెయిన్‌తో స్విట్జర్లాండ్‌; ఇటలీతో బెల్జియం; చెక్‌ రిపబ్లిక్‌తో డెన్మార్క్‌; ఇంగ్లండ్‌తో ఉక్రెయిన్‌ తలపడతాయి. ఇక్కడ చదవండి: UEFA EURO 2020: ఫ్రాన్స్‌ చేజేతులా...

లండన్‌: ప్రపంచటెస్టు చాంపియన్‌షిప్‌ ఫైనల్‌ ముగిసిన త‌ర్వాత ఇంగ్లండ్‌తో సిరీస్‌కు చాలా సమయం ఉండడంతో ఆటగాళ్లంతా లండన్‌ వీధుల్లో చక్కర్లు కొడుతున్నారు. టీమిండియా కెప్టెన్ విరాట్ కోహ్లి త‌న భార్య అనుష్క శర్మతో కలిసి సరదాగా గడుపుతుంటే.. వైస్‌ కెప్టెన్లు రోహిత్‌, రహానేలు మాత్రం తమ కుటుంబసభ్యులతో యూకేలో అందమైన ప్రదేశాలను చూస్తు ఎంజాయ్‌ చేస్తున్నారు. కానీ వీరికి భిన్నంగా రిషభ్‌ పంత్‌ మాత్రం యూరో 2020 కప్‌ను చూస్తూ ఎంజాయ్‌ చేస్తూ కనిపించాడు. కాగా మంగ‌ళ‌వారం రాత్రి లండ‌న్‌లోని వింబ్లే స్టేడియంలో ఇంగ్లండ్‌, జ‌ర్మనీ మ‌ధ్య జ‌రిగిన ప్రిక్వార్టర్స్‌ మ్యాచ్ వీక్షించడానికి వెళ్లాడు. త‌న ముగ్గురు ఫ్రెండ్స్‌తో క‌లిసి వెళ్లిన పంత్ మ్యాచ్‌ సందర్భంగా సెల్ఫీల‌తో సంద‌డి చేశాడు. దానికి సంబంధించిన ఫొటోలు ఇప్పుడు వైర‌ల్ అవుతున్నాయి. ఇంగ్లండ్‌, జర్మనీ మ్యాచ్ చూడ‌టం మంచి అనుభూతిని క‌లిగించిందంటూ పంత్‌ ట్వీట్ చేశాడు. ఇక ఇంగ్లండ్‌లో డెల్టా వేరియంట్‌ కేసులు ఎక్కువగా కలవరపెడుతున్నాయి. మ్యాచ్‌ను వీక్షించడానికి వచ్చిన ప్రేక్షకుల్లో ఎక్కువశాతం మాస్క్‌ ధరించకుండానే వచ్చారు. అభిమానులు కూడా పంత్‌ ట్వీట్‌పై కాస్త భిన్నంగా స్పందించారు. '' ఏ టీమ్‌కు స‌పోర్ట్ చేశావ‌ని ఒక‌రు.. మాస్క్ ఎందుకు పెట్టుకోలేద‌ని'' మ‌రొక‌రు కామెంట్‌ చేశారు.  కాగా ఈ మ్యాచ్‌లో ఇంగ్లండ్‌ జట్టు 2-0తో జ‌ర్మనీని ఓడించింది.  ఇక కివీస్‌తో జరిగిన ప్రపంచటెస్టు చాంపియన్‌షిప్‌ ఫైనల్లో రిషబ్‌ పంత్‌ అంతగా ఆకట్టుకోలేకపోయాడు. రెండో ఇన్నింగ్స్‌లో 41 పరుగులు చేసినా చివరి వరకు నిలబడకపోవడంతో టీమిండియా తక్కువ స్కోరుకే ఆలౌటై కివీస్‌ చేతిలో పరాజయం పాలైంది. తద్వారా డబ్ల్యూటీసీ తొలి టైటిల్‌ను కివీస్‌ గెలుచుకుంది. ఇక ఇంగ్లండ్‌తో ఐదు మ్యాచ్‌ల టెస్టు సిరీస్‌ ఆగస్టు 4 నుంచి ప్రారంభం కానుంది. చదవండి: రాజీవ్‌ఖేల్‌రత్న రేసులో అశ్విన్‌, మిథాలీ రాజ్‌ జెర్సీని వేలం వేయనున్న టిమ్‌ సౌథీ.. కారణం ఏంటంటే View this post on Instagram A post shared by Rishabh Pant (@rishabpant)

అమ్‌స్టర్‌డామ్‌: పోర్చుగల్‌ స్టార్‌ ఫుట్‌బాల్‌ ఆటగాడు క్రిస్టియానో రొనాల్డో 36 ఏళ్ల వయసులోనూ ఫిట్‌నెస్‌కు అత్యంత ప్రాధాన్యమిస్తాడు. డైట్‌ను కచ్చితంగా ఫాలో అయ్యే రొనాల్డో తన ఆహారంలో కేలరీస్‌ ఎక్కువగా లభించే జంక్‌ఫుడ్‌ లేకుండా జాగ్రత్త పడతాడు. తాజాగా ఒక మీడియా సమవేశంలో తన ముందున్న కోకకోలా బాటిల్‌ను పక్కన పెట్టేసి ఇలాంటివి ఎంకరేజ్‌ చేయొద్దంటూ చెప్పడం సోషల్‌ మీడియాలో వైరల్‌గా మారింది. విషయంలోకి వెళితే.. యూఈఎఫ్‌ఏ యూరోకప్‌ 2020లో భాగంగా రొనాల్డో జట్టు కెప్టెన్‌ హోదాలో కోచ్‌ ఫెర్నాండో సాంటోస్‌తో కలిసి మంగళవారం ప్రెస్‌ కాన్ఫరెన్స్‌లో పాల్గొన్నాడు. అయితే తాను కుర్చీలో కూర్చునేటప్పుడు టేబుల్‌పై కోకకోలా బాటిల్స్‌ కనిపించాయి. వెంటనే వాటిని చేతిలోకి తీసుకొని పక్కన పెట్టేసి.. '' ఇలాంటివి వద్దు.. మంచినీరు మాత్రమే తాగండి'' అంటూ వాటర్‌బాటిల్‌ను తన చేతిలో తీసుకొని చెప్పాడు. కోచ్‌ ఫెర్నాండోస్‌ రొనాల్డో ఏం చేస్తున్నాడో అర్థం కాలేదు.. కానీ తర్వాత తన మాటలతో అర్థం చేసుకున్న అతను రొనాల్డొను అభినందించాడు. యూరోకప్‌ 2020లో భాగంగా పోర్చుగల్‌ గ్రూఫ్‌ ఎఫ్‌లో ఉంది. పోర్చుగల్‌తో పాటు జర్మనీ, ప్రాన్స్‌, హంగేరీ కూడా ఉండడంతో అంతా ఈ గ్రూఫ్‌ను ''గ్రూఫ్‌ ఆఫ్‌ డెత్‌''గా అభివర్ణిస్తున్నారు. కాగా 2016లో జరిగిన యూరోకప్‌లో రొనాల్డో ఆధ్వర్యంలోనే పోర్చుగల్‌ ఫ్రాన్స్‌ను ఫైనల్లో ఓడించి తొలిసారి విజేతగా నిలిచింది. డిపెండింగ్‌ చాంపియన్‌ హోదాలో బరిలోకి దిగుతున్న పోర్చుగల్‌ మరోసారి చాంపియన్‌గా నిలవాలని చూస్తుంది. 36 ఏళ్ల రొనాల్డోకిది వరుసగా ఆరో ‘యూరో’ చాంపియన్‌షిప్‌ కావడం విశేషం. కాగా రొనాల్డో అంతర్జాతీయ మ్యాచ్‌ల్లో పోర్చుగల్‌ తరపున ఇప్పటివరకు 104 గోల్స్‌ చేశాడు. మరో ఏడు గోల్స్‌ చేస్తే అంతర్జాతీయ ఫుట్‌బాల్‌లో ఒక దేశం తరఫున అత్యధిక గోల్స్‌ చేసిన ప్లేయర్‌గా ప్రపంచ రికార్డు సృష్టిస్తాడు. ప్రస్తుతం ఈ రికార్డు ఇరాన్‌ మాజీ ప్లేయర్‌ అలీ దాయి (109 గోల్స్‌) పేరిట ఉంది. చదవండి: UEFA EURO 2020: నెదర్లాండ్స్‌ బోణీ 7 సెకన్లు.. 60 మీటర్ల దూరం.. ఏమా వేగం Cristiano Ronaldo was angry because they put Coca Cola in front of him at the Portugal press conference, instead of water! 😂 He moved them and said "Drink water" 😆pic.twitter.com/U1aJg9PcXq — FutbolBible (@FutbolBible) June 14, 2021

అమ్‌స్టర్‌డామ్‌: యూరో కప్‌ ఫుట్‌బాల్‌ టోర్న మెంట్‌లో మాజీ చాంపియన్‌ నెదర్లాండ్స్‌ గెలుపు బోణీ కొట్టింది. గ్రూప్‌ ‘సి’ మ్యాచ్‌లో నెదర్లాండ్స్‌ 3–2తో ఉక్రెయిన్‌ను ఓడించింది. నెదర్లాండ్స్‌ తరఫున జార్జినో వినాల్డమ్‌ (52వ ని.లో), వెగోర్ట్స్‌ (59వ ని.లో), డమ్‌ఫ్రీస్‌ (85 వ ని.లో) ఒక్కో గోల్‌ చేశారు. ఉక్రెయిన్‌ తరఫున కెప్టెన్‌ ఆండ్రీ యామలెంకో (75వ ని.లో)... మలినోవ్‌స్కీ (79వ ని.లో) ఒక్కో గోల్‌ సాధించారు. గ్రూప్‌ ‘డి’లో జరిగిన మరో మ్యాచ్‌లో చెక్‌ రిపబ్లిక్‌ 2–0తో స్కాట్లాండ్‌పై గెలిచింది. చెక్‌ ప్లేయర్‌ పాట్రిక్‌ షీక్‌ ఈ రెండు గోల్స్‌ (42వ, 52వ ని.లో) సాధించాడు. గ్రూప్‌ ‘ఇ’లో జరిగిన పోరులో స్లోవేకియా 2–1 గోల్స్‌ తేడాతో పోలాండ్‌పై గెలిచింది. పోలాండ్‌ గోల్‌ కీపర్‌ స్జెజెన్సీ (18వ ని.లో) సెల్ఫ్‌ గోల్‌తో స్లోవేకియాకు తొలి గోల్‌ను అందించగా... రెండో గోల్‌ను స్క్రినియార్‌ (69వ ని.లో) చేశాడు. పోలాండ్‌ తరుఫున నమోదైన ఏకైక గోల్‌ను లినెట్టీ (46వ ని.లో) సాధించాడు.

కొపెన్‌హగన్‌: యూరో కప్‌ ఫుట్‌బాల్‌ టోర్నమెంట్‌లో తొలిసారి ఆడుతున్న ఫిన్లాండ్‌ జట్టు... తమ మొదటి మ్యాచ్‌లోనే మాజీ చాంపియన్‌ డెన్మార్క్‌కు షాక్‌ ఇచ్చింది. గ్రూప్‌ ‘బి’లో భాగంగా జరిగిన పోరులో ఫిన్లాండ్‌ 1–0తో డెన్మార్క్‌పై సంచలన విజయాన్ని నమోదు చేసింది. ఫిన్లాండ్‌ ఆటగాడు పొహాన్‌పొలావో ఆట 60 నిమిషంలో గోల్‌ చేశాడు. గ్రూప్‌ ‘బి’ మ్యాచ్‌లో బెల్జియం 3–0తో రష్యాపై నెగ్గింది.  గ్రూప్‌ ‘డి’ మ్యాచ్‌లో ఇంగ్లండ్‌ 1–0తో క్రొయేషియాపై... గ్రూప్‌ ‘సి’ మ్యాచ్‌లో ఆస్ట్రియా 3–1తో నార్త్‌ మెసడోనియాపై నెగ్గాయి.

రోమ్‌: ప్రతిష్టాత్మక యూరో కప్‌ ఫుట్‌బాల్‌ టోర్నమెంట్‌లో మాజీ చాంపియన్‌ ఇటలీ శుభారంభం చేసింది. గ్రూప్‌ ‘ఎ’లో భాగంగా టర్కీతో జరిగిన మ్యాచ్‌లో ఇటలీ 3–0 గోల్స్‌ తేడాతో గెలిచింది. 53వ నిమిషంలో టర్కీ ప్లేయర్‌ దెమిరల్‌ సెల్ఫ్‌ గోల్‌తో ఇటలీ ఖాతా తెరిచింది. ఆ తర్వాత కిరో ఇమోబిల్‌ (66వ నిమిషంలో), లొరెంజో (79వ నిమిషంలో) ఇటలీ జట్టుకు ఒక్కో గోల్‌ అందించారు. గ్రూప్‌ ‘ఎ’లో భాగంగా వేల్స్, స్విట్జర్లాండ్‌ జట్ల మధ్య మ్యాచ్‌ 1–1తో ‘డ్రా’గా ముగిసింది.

రోమ్‌: స్టార్‌ ఆటగాళ్లంతా పాల్గొనే ప్రతిష్టాత్మక ఫుట్‌బాల్‌ టోర్నీ ‘యూరో కప్‌’కు రంగం సిద్ధమైంది. కరోనాతో గతేడాది వాయిదా పడిన ఈ మెగా ఈవెంట్‌ను ఈ సంవత్సరం నిర్వహిస్తున్నారు. నేడు అర్ధరాత్రి 12.30  నుంచి జరిగే తొలి మ్యాచ్‌లో ఇటలీతో టర్కీ తలపడుతుంది. గతంలో ఎన్నడూ లేని విధంగా ఒక్క ఆతిథ్య దేశం కాకుండా 11 దేశాల్లో ఈ సారి యూరో కప్‌ నిర్వహిస్తుండటం విశేషం. రోమ్‌ (ఇటలీ)లో మొదలయ్యే ఈ టోర్నీ రష్యా, అజర్‌బైజాన్, జర్మనీ, రుమేనియా, స్పెయిన్, నెదర్లాండ్స్, హంగేరి, డెన్మార్క్, స్కాట్లాండ్‌లలో లీగ్‌ మ్యాచ్‌లు జరుపుకొని ఇంగ్లండ్‌లో జూలై 12న జరిగే ఫైనల్‌తో ముగుస్తుంది. రెండు సెమీ ఫైనల్‌ మ్యాచ్‌లు కూడా లండన్‌లోనే జరుగనున్నాయి. మొత్తం 24 జట్లు ఆరు గ్రూపులుగా తలపడనున్నాయి. మ్యాచ్‌ల్ని స్టేడియంలో ప్రత్యక్షంగా తిలకించే అవకాశముంది. కరోనా ప్రొటోకాల్‌ను అనుసరించి తీవ్రత తక్కువ ఉన్న దేశాల్లో అధిక సీట్ల సామర్థ్యంతో, వైరస్‌ తీవ్రంగా ఉన్న దేశాల్లో స్వల్ప సంఖ్యలోనైనా ప్రేక్షకుల్ని అనుమతిస్తున్నారు. టీవీలో ఈ మెగా టోర్నీని ‘సోనీ నెట్‌వర్క్‌’ ప్రసారం చేస్తోంది. తెలుగు ఫుట్‌బాల్‌ అభిమానుల కోసం ఇటీవలే కొత్తగా ప్రారంభించిన ‘సోనీ టెన్‌ 4’ చానల్‌లో తెలుగులో వ్యాఖ్యానంతో తొలిసారి యూరో కప్‌ను ప్రసారం చేస్తున్నారు.   ఎవరు ఏ గ్రూపులో... టర్కీ, ఇటలీ, వేల్స్, స్విట్జర్లాండ్‌ (ఎ), డెన్మార్క్, ఫిన్లాండ్, బెల్జియం, రష్యా (బి), నెదర్లాండ్స్, ఉక్రెయిన్, ఆస్ట్రియా, నార్త్‌ మెక్‌డోనియా(సి),  ఇంగ్లండ్, క్రొయేషియా, స్కాట్లాండ్, చెక్‌ రిపబ్లిక్‌ (డి), స్పెయిన్, స్వీడెన్, పొలండ్, స్లోవేకియా (ఇ),   హంగేరి, పోర్చుగల్, ఫ్రాన్స్, జర్మనీ (ఎఫ్‌). 

లిస్బన్‌: ప్రతిష్టాత్మక ‘యూరో కప్‌’ ఫుట్‌బాల్‌ టోర్నమెంట్‌ టైటిల్‌ను నిలబెట్టుకునేందుకు స్టార్‌ ప్లేయర్‌ క్రిస్టియానో రొనాల్డో నాయకత్వంలో 26 మంది సభ్యులతో కూడిన పోర్చుగల్‌ జట్టు బరిలోకి దిగనుంది. యూరప్‌లోని 11 వేదికల్లో 24 జట్ల మధ్య జూన్‌ 11 నుంచి జూలై 11 వరకు ఈ టోర్నీ జరగనుంది. రొనాల్డో కెప్టెన్సీలోనే పోర్చుగల్‌ జట్టు 2016లో తొలిసారి ‘యూరో’ చాంపియన్‌గా అవతరించింది. 36 ఏళ్ల రొనాల్డోకిది వరుసగా ఆరో ‘యూరో’ చాంపియన్‌షిప్‌ కావడం విశేషం. రొనాల్డో మరో ఏడు గోల్స్‌ చేస్తే అంతర్జాతీయ ఫుట్‌బాల్‌లో ఒక దేశం తరఫున అత్యధిక గోల్స్‌ చేసిన ప్లేయర్‌గా ప్రపంచ రికార్డు సృష్టిస్తాడు. ప్రస్తుతం ఈ రికార్డు ఇరాన్‌ మాజీ ప్లేయర్‌ అలీ దాయి (109 గోల్స్‌) పేరిట ఉంది. ఈసారి పోర్చుగల్‌ జట్టుకు క్లిష్టమైన ‘డ్రా’ ఎదురైంది. గ్రూప్‌ ‘ఎఫ్‌’లో ప్రపంచ చాంపియన్‌ ఫ్రాన్స్, మాజీ విశ్వవిజేత జర్మనీ, హంగేరిలతో పోర్చు గల్‌ ఆడనుంది. ఈనెల 27న ‘యూరో’ కోసం పోర్చుగల్‌ సన్నాహాలు మొదలుపెట్టనుంది.   చదవండి: French Open: మరో స్టార్‌ ప్లేయర్‌ దూరం 


 * వేల్స్, పోర్చుగల్ సెమీస్ పోరు
 * యూరో కప్
 లియోన్: గ్యారెత్ బేల్, క్రిస్టియానో రొనాల్డో.. ప్రపంచ ఫుట్‌బాల్‌లో అత్యంత విలువైన ఆటగాళ్లే కాకుండా తమ ఆటతో అభిమానులను మంత్రముగ్ధులను చేయగల సత్తా ఉన్నవారు. స్పానిష్ లీగ్‌లో రియల్ మాడ్రిడ్ తరఫున ఈ ఇద్దరు సూపర్ స్టార్లు కలిసే ఆడతారు. ఒకరి గురించి మరొకరికి బాగా తెలుసు. ఎవరి బలమేమిటో.. బలహీనత ఏమిటో ఇరువురికి మంచి అవగాహన ఉంది. గత మూడేళ్లలో వీరిద్దరి అద్భుత ప్రదర్శన కారణంగా రియల్ మాడ్రిడ్ రెండు చాంపియన్స్ లీగ్ టైటిళ్లను దక్కించుకోగలిగింది.
 
 అయితే ఇప్పుడు తమ జట్ల ఆశలను మోస్తూ ప్రత్యర్థులుగా ఎవరు గొప్పో తేల్చుకునేందుకు సిద్ధమవుతున్నారు. యూరో కప్‌లో భాగంగా నేటి (బుధవారం) రాత్రి వేల్స్, పోర్చుగల్ జట్ల మధ్య తొలి సెమీఫైనల్ జరగనుంది. నిజానికి ఈ మ్యాచ్‌ను రెండు జట్ల మధ్య కాకుండా ఇద్దరి స్టార్ల షోగానే అంతా భావిస్తున్నారు. ఇక తమ సంచలన ప్రదర్శనతో గత 50 ఏళ్లలో ఓ మేజర్ టోర్నీ ఫైనల్లో అడుగుపెట్టిన తొలి బ్రిటిష్ జట్టుగా చరిత్ర సృష్టించాలని వేల్స్ ఉవ్విళ్లూరుతుండగా... కిందా మీదా పడుతూ ఇక్కడిదాకా వచ్చిన పోర్చుగల్ ఈ మ్యాచ్‌లోనైనా స్పష్టమైన ఆధిక్యం ప్రదర్శించి టైటిల్ వేటలో నిలవాలని భావిస్తోంది.
  
 జోష్‌లో వేల్స్
 ఇప్పటికే ప్రపంచ రెండో ర్యాంకర్ బెల్జియంను క్వార్టర్స్‌లో కంగుతినిపించి తామేమిటో వేల్స్ నిరూపించుకుంది. ఆ మ్యాచ్‌లో బేల్ పెద్దగా రాణించకపోయినా సమష్టి కృషితో సెమీస్‌కు రాగలిగింది. అయితే అంతకుముందు మ్యాచ్‌ల్లో తను చూపిన ప్రతిభ అద్భుతం. ఇప్పటికే మూడు గోల్స్‌తో జోరుమీదున్నాడు. నిజానికి వేల్స్ ఇక్కడిదాకా రాగలుగుతుందని ఎవరూ ఊహించలేదు. కానీ తమ గ్రూప్‌లో టాప్‌లో నిలిచింది.
 
 అలాగే బెల్జియంపై 3-1తో నెగ్గి అందరికీ షాక్ ఇచ్చింది. హల్ రాబ్సన్-కను సూపర్ ఫామ్ ఇక్కడా కొనసాగితే పోర్చుగల్‌కు ఇబ్బందులు తప్పవు. కానీ మిడ్‌ఫీల్డర్ ఆరోన్ రామ్‌సే, డిఫెండర్ బెన్ డేవిస్ ఈ మ్యాచ్‌కు దూరం కావడం గట్టి ఎదురుదెబ్బగానే భావించవచ్చు. రామ్‌సే స్థానంలో ఇప్పటిదాకా బెంచికే పరిమితమైన ఆండీ కింగ్‌ను ఆడించనున్నారు.
  
 రొనాల్డో ఫామ్ కీలకం
 మరోవైపు పోర్చుగల్ ఆటతీరు సెమీస్ వరకు అంత అద్భుతంగా సాగలేదనే చెప్పవచ్చు. నిర్ణీత 90 నిమిషాల్లో ఇప్పటిదాకా ఒక్క గోల్ కూడా చేయకుండా సెమీస్‌కు చేరింది. తమ గ్రూప్ మ్యాచ్‌లన్నీ డ్రాగానే ముగిశాయి. క్వార్టర్స్‌లో పెనాల్టీ షూటవుట్‌తో నెగ్గింది. జట్టు ఒత్తిడినంతా భరిస్తున్న రొనాల్డో.. హంగెరీతో మ్యాచ్‌లో రెండు గోల్స్ చేసి నాలుగు యూరో కప్‌లలో గోల్స్ చేసిన తొలి ఆటగాడిగా నిలిచాడు.
 
 అయితే ఐస్‌లాండ్, ఆస్ట్రియా, క్రొయేషియా, పోలండ్‌లపై విఫలమయ్యాడు. అతడి ఫామ్‌లేమి జట్టును ఆందోళనపరుస్తోంది. ఈసారైనా తన హోదాకు తగ్గ ఆటతీరును ప్రదర్శించాలని అతడి అభిమానులు కోరుకుంటున్నారు. తను మరో గోల్ సాధిస్తే యూరో చరిత్రలో తొమ్మిది గోల్స్ చేసిన మైకేల్ ప్లాటిని సరసన నిలుస్తాడు. డిఫెండర్ పెపే గాయం కారణంగా ఆడేది అనుమానంగా మారింది.
  
 మైదానంలోకి పిల్లల్ని తేకండి
 పారిస్: మ్యాచ్‌ను గెలిచిన ఆనందంలో తమ భార్యా పిల్లలతో మైదానంలో సంబరాలు జరుపుకోవడం ఇక కుదరదని యూరో చాంపియన్‌షిప్ నిర్వాహకులు తేల్చి చెప్పారు. క్వార్టర్స్‌లో బెల్జి యంపై విజయంతో సంచలనం సృష్టించిన అనంతరం వేల్స్ ఆటగాళ్లు తమ పిల్లలను మైదానంలోకి తీసుకొచ్చి ఎంజాయ్ చేశారు. ‘ఇది యూరో చాంపియన్‌షిప్. ఫ్యామిలీ పార్టీ ఎంతమాత్రం కాదు. చిన్న పిల్లలకు స్టేడియం అంత సురక్షితమైనది కాదు. ఒకవేళ అభిమానులు ఫీల్డ్ పైకి వస్తే వారి భద్రత పరిస్థితి ఏమిటి? మేం ఎలా సమాధానం చెప్పుకోవాలి?’ అని టోర్నీ డెరైక్టర్ మార్టిన్ కాల్లెన్ ప్రశ్నించారు.


 యూరో కప్‌లో ఐస్‌లాండ్ సంచలన ప్రదర్శన క్వార్టర్స్‌లో ముగిసింది. సూపర్‌స్టార్లతో నిండిన ఆతిథ్య  ఫ్రాన్స్ జట్టు తమ స్థాయికి తగ్గట్టుగానే ఆడి సెమీఫైనల్లోకి ప్రవేశించింది. అయితే పసికూన ఐస్‌లాండ్ ఈ మ్యాచ్‌లో అసాధారణ తెగువ చూపింది. ఫ్రాన్స్ డిఫెన్స్ లోపాలను సొమ్ము చేసుకుంటూ ద్వితీయార్ధంలో రెండు గోల్స్ కూడా సాధించి శభాష్ అనిపించుకోగలిగింది. ఇక సెమీస్‌లో తమ చిరకాల శత్రువు జర్మనీపై ప్రతీకారం తీర్చుకునేందుకు ఫ్రాన్స్ సిద్ధమవుతోంది.
  
 * యూరో కప్ సెమీస్‌లోకి ప్రవేశం
 * క్వార్టర్స్‌లో 5-2తో ఐస్‌లాండ్‌పై విజయం
 పారిస్: యూరో చరిత్రలో అత్యధిక టైటిళ్లు సాధించిన జట్టుగా నిలిచేందుకు ఫ్రాన్స్ జట్టు మరో అడుగు ముందుకేసింది. ఆదివారం జరిగిన చివరి క్వార్టర్ ఫైనల్స్‌లో స్ట్రయికర్ ఒలివియర్ గిరౌడ్ రెండు గోల్స్‌తో అదరగొట్టడంతో ఆతిథ్య జట్టు 5-2 తేడాతో ఐస్‌లాండ్‌పై నెగ్గింది. దీంతో తమ చిరకాల శత్రువు జర్మనీతో అమీతుమీ తేల్చుకునేందుకు శుక్రవారం జరిగే సెమీఫైనల్లో బరిలోకి దిగనుంది.
 
 గత ప్రపంచకప్ క్వార్టర్స్‌లో ఫ్రాన్స్ జట్టు జర్మనీ చేతిలోనే ఓడింది. ప్రిక్వార్టర్స్‌లో ఇంగ్లండ్‌ను కంగుతినిపించిన ఐస్‌లాండ్‌ను ఈ మ్యాచ్‌లో ఫ్రాన్స్ జట్టు తేలిగ్గా తీసుకోలేదు. వారి బలం, బలహీనలతలపై దృష్టి పెట్టి తగిన వ్యూహాలతో బరిలోకి దిగింది. దీనికి తోడు సొంత అభిమానుల మద్దతుతో ఆరంభం నుంచే చెలరేగిన ఫ్రాన్స్ పూర్తి స్థాయి అటాకింగ్‌తో తొలి అర్ధభాగంలోనే నాలుగు గోల్స్‌తో పైచేయి సాధించింది. ఓవరాల్‌గా ఫ్రాన్స్ తరఫున ఒలివియర్ గిరౌడ్ (12, 59వ నిమిషాల్లో), పోగ్బా (20), పయేట్ (43), గ్రిజ్‌మన్ (45) గోల్స్ సాధించారు. ఐస్‌లాండ్‌కు సితోర్సన్ (56), జర్నాసన్ (84) గోల్స్ అందించారు.
  
 ఆరంభం నుంచే దూకుడు
 మ్యాచ్ ప్రారంభం నుంచే ఫ్రాన్స్ జట్టు ఆటగాళ్లు ఎదురుదాడికి దిగారు. దీంతో జట్టు 12వ నిమిషంలో ఖాతా తెరిచింది. మిడ్‌ఫీల్డ్ నుంచి మటౌడి ఇచ్చిన పాస్‌ను ఏరియాలో అందుకున్న గిరౌడ్ గోల్‌గా మలిచాడు. 18వ నిమిషంలో ఐస్‌లాండ్ ఆటగాడు బొడ్‌వర్సన్ హెడర్ ప్రయత్నం నేరుగా గోల్‌కీపర్ లోరిస్ చేతుల్లోకి వెళ్లింది. కానీ మరో నిమిషంలోనే రైట్ వింగ్ కార్నర్ నుంచి గ్రిజ్‌మన్ ఇచ్చిన పాస్‌ను పాల్ పోగ్బా హెడర్ గోల్‌గా మలిచి ఆధిక్యాన్ని 2-0కి పెంచాడు.
 
 ఇదే జోరుతో ప్రథమార్ధం మరో రెండు నిమిషాల్లో ముగుస్తుందనగా ఫ్రాన్స్ రెండు గోల్స్‌తో రెచ్చిపోయింది. 43వ నిమిషంలో గ్రిజ్‌మన్ ఇచ్చిన పాస్‌ను ఐస్‌లాండ్ ముగ్గురు డిఫెండర్లకు చిక్కకుండా బాటమ్ కార్నర్ వైపు గోల్ చేయగా 45వ నిమిషంలో బ్యాక్ నుంచి పోగ్బా ఇచ్చిన లాంగ్ పాస్‌ను అందుకున్న గ్రిజ్‌మన్ బంతిని కాస్త ముందుకు తీసుకెళ్లి చిప్ షాట్‌తో గోల్ కీపర్ పైనుంచి నెట్‌లోకి పంపి ఫస్ట్ హాఫ్‌ను 4-0తో ముగించాడు. 56వ నిమిషంలో ఐస్‌లాండ్ మ్యాచ్‌లో బోణీ చేసింది.
 
 రైట్ ఫ్లాంక్ నుంచి సిగర్డ్‌సన్ ఇచ్చిన క్రాస్‌ను పోస్టుకు అతి సమీపం నుంచి సితోర్సన్ గోల్ చేశాడు. అయితే వెంటనే కోలుకున్న ఫ్రాన్స్ 59వ నిమిషంలోనే ఐదో గోల్ చేసింది. 40 గజాల దూరం నుంచి సంధించిన పయేట్ ఫ్రీకిక్‌ను వేగంగా అందుకున్న గిరౌడ్ హెడర్‌తో గోల్ చేశాడు. పలు ప్రయత్నాల అనంతరం ఐస్‌లాండ్ ఫ్రాన్స్ డిఫెన్స్‌ను ఛేదించి రెండో గోల్ చేయగలిగింది. అరి స్కులసోన్ క్రాస్‌ను జర్నాసన్ గోల్ చేసి ప్రత్యర్థి ఆధిక్యాన్ని కాస్త తగ్గించగలిగినా ప్రయోజనం లేకపోయింది.
  
 సెమీస్‌లో ఎవరితో ఎవరు
 పోర్చుగల్ X వేల్స్
 గురువారం రాత్రి 12.30 గంటల నుంచి
  
 జర్మనీ X ఫ్రాన్స్
 శుక్రవారం రాత్రి 12.30 గంటల నుంచి
 సోనీ సిక్స్‌లో ప్రత్యక్షప్రసారం
 
 1 యూరోలో వరుసగా ఐదు మ్యాచ్‌ల్లో ఒక్క మార్పు కూడా లేకుండా బరిలోకి దిగిన జట్టుగా ఐస్‌లాండ్ చరిత్ర సృష్టించింది.


 * నేడు బెల్జియంతో వేల్స్ క్వార్టర్స్ పోరు
 * బేల్‌పైనే అందరి దృష్టి
 * యూరో కప్
 లిల్లీ: ఒకరిదేమో అరంగేట్రం స్థాయి... మరొకరిదేమో ‘ఫిఫా’ ర్యాంకింగ్‌లో రెండో స్థానం. కొత్త చరిత్ర కోసం ఒకరు... పాత చరిత్రను తిరగరాయడానికి మరొకరు. ఈ నేపథ్యంలో యూరోపియన్ చాంపియన్‌షిప్‌లో మరో రసవత్తర పోరుకు రంగం సిద్ధమైంది. నేడు (శుక్రవారం) జరగనున్న క్వార్టర్స్ పోరులో కొత్త కూన వేల్స్‌తో.... రెండో ర్యాంకర్ బెల్జియం అమీతుమీకి సిద్ధమైంది.
 
 అర్హత పోటీల్లో అద్భుతమైన ఆటతీరుతో తొలిసారి యూరోకప్‌కు అర్హత సాధించిన వేల్స్... లీగ్, ప్రిక్వార్టర్స్‌లోనూ అంచనాలకు మించి రాణించింది. నార్తర్న్ ఐర్లాండ్‌తో మ్యాచ్‌లో ఆఖరి నిమిషాల్లో ఒత్తిడిని జయించి గెలవడం జట్టులో ఆత్మవిశ్వాసాన్ని ఆమాంతం పెంచింది. దీంతో క్వార్టర్స్‌లోనూ అదే స్థాయిలో ఆడాలని పట్టుదలగా ఉంది. అలాగే 1958 ప్రపంచకప్ తర్వాత ఓ మేజర్ టోర్నీలో వేల్స్ బరిలోకి దిగడం ఇదే మొదటిసారి కావడంతో గెలుపుతో కొత్త చరిత్ర సృష్టించాలని భావిస్తోంది.
 
 దీనికోసం ఏడాది కిందట క్వాలిఫయింగ్ టోర్నీలో బెల్జియంపైనే ఏకైక గోల్ సాధించిన ఫ్రికిక్ నిపుణుడు గ్యారెత్ బేల్‌పైనే జట్టు మరోసారి భారీ ఆశలు పెట్టుకుంది. అయితే బెల్జియం దాడులను నిలువరించాలంటే వేల్స్ రక్షణశ్రేణితో పాటు గోల్ కీపర్ హెన్నెసే శక్తికి మించి రాణించాలి.
  
 మరోవైపు స్టార్ ఆటగాళ్లతో కూడిన బెల్జియం ఈ మ్యాచ్‌లో ఫేవరెట్‌గా బరిలోకి దిగుతోంది. లీగ్ దశలో రెండు మ్యాచ్‌లే గెలిచినా.. ప్రిక్వార్టర్స్‌లో హంగేరిపై నాలుగు గోల్స్‌తో తమ సత్తా ఏంటో చూపెట్టింది. వ్యూహాలను రచించడం, అమలు చేయడంలో కోచ్ విల్‌మోట్స్ దిట్ట. యూరోలో  1980లో రన్నరప్‌గా నిలిచిన బెల్జియం ఆ తర్వాత పెద్దగా ఆకట్టుకోలేకపోయింది. కానీ ఈ లీగ్ తొలి మ్యాచ్‌లోనే ఇటలీలాంటి మేటి జట్టుపై గెలవడంతో ఇప్పుడు టైటిల్‌పై ఆశలు పెట్టుకుంది. వేల్స్‌తో పోలిస్తే అన్ని రంగాల్లో మెరుగ్గా ఉన్న బెల్జియంకు స్టార్ స్ట్రయికర్ ఈడెన్ హజార్డ్ కొండంత అండ. చివరి నిమిషాల్లో తన స్ట్రయికింగ్‌తో మ్యాచ్ ఫలితాలను తారుమారు చేయడం ఇతని ప్రత్యేకత. టోబీ, విర్‌మాలెన్, లుకాక్, మునేర్‌లూ రాణిస్తే వేల్స్‌కు కష్టాలు తప్పవు.


 ప్రిక్వార్టర్స్‌లో ఓడిన స్పెయిన్  2-0తో ఇటలీ విజయం  యూరో కప్
  
 పారిస్: యూరోకప్ ఫుట్‌బాల్‌లో డిఫెండింగ్ చాంపియన్ స్పెయిన్‌కు చుక్కెదురయింది. సోమవారం జరిగిన ప్రి క్వార్టర్ ఫైనల్లో 2-0తో గెలిచిన ఇటలీ... 2012 ఫైనల్లో ఎదురైన దారుణ ఓటమికి ప్రతీకారం తీర్చుకుంది. 1994 అనంతరం స్పెయిన్‌ను ఇటలీ ఓడించడం ఇప్పుడే కావడం విశేషం.  చిలినీ (33), పెల్లే (90) జట్టు తరఫున గోల్స్ సాధించారు. శనివారం జరిగే క్వార్టర్స్‌లో ఇటలీ జట్టు జర్మనీతో ఆడుతుంది. మ్యాచ్ ఆరంభం నుంచే స్పెయిన్ గోల్‌పోస్టుపై ఇటలీ దాడులు చేసింది.
 
 దీనికి ఫలితం 33వ నిమిషంలో దక్కింది. తమకు లభించిన ఫ్రీకిక్ ద్వారా ఎడర్ సంధించిన బంతి నేరుగా గోల్ కీపర్ చేతుల్లోకి వెళ్లినా తను పట్టు కోల్పోవడంతో చేజారింది. అయితే సమీపంలోనే ఉన్న డిఫెండర్ గియోర్గియో చిలినీ వెంటనే బంతిని నెట్‌లోకి పంపడంతో ఇటలీ సంబరాల్లో మునిగింది. ఓవరాల్‌గా ప్రథమార్ధంలో ఇటలీ పూర్తి ఆధిక్యం ప్రదర్శించినా స్పెయిన్ కీపర్ అప్రమత్తత కారణంగా పలు గోల్స్ అవకాశాలు విఫలమయ్యాయి. ద్వితీయార్ధంలోనూ ఇటలీ జోరు కొనసాగింది. 90వ నిమిషంలో సబ్‌స్టిట్యూట్ డార్మియాన్ ఇచ్చిన పాస్‌ను నేర్పుగా పెల్లే గోల్ చేయడంతో ఇటలీకి తిరుగులేని విజయం లభించింది.
  
  


 జిల్లాలో బెట్టింగ్ మాఫియా రెచ్చిపోతోంది. కొంతకాలం క్రితం వరకు క్రికెట్‌కే పరిమితమైన బెట్టింగ్ జాడ్యం కబడ్డీ, ఫుట్‌బాల్, ఇతర పోటీలపైనా సాగుతోంది. పోలీసుల వరుస దాడులతో కొంతకాలం క్రితం తగ్గుముఖం పట్టినా ఇటీవల మళ్లీ విజృభిస్తోంది.  
  
 ఏలూరు: జిల్లాలో బెట్టింగ్ మాఫియా క్రమేపీ మళ్లీ పుంజుకుంటోంది. కొంతకాలం క్రితం పోలీసుల దాడులతో కాస్త తగ్గినట్టు కనిపించినా మళ్లీ కోరలు చాస్తోంది. క్రికెట్‌తో మొదలైన బెట్టింగ్ ఝాఢ్యం మెల్లమెల్లగా అన్ని క్రీడలకూ పాకుతోంది. క్రీడతో సంబంధం లేకుండా ఏ పోటీలైనా బెట్టింగ్‌లు జోరుగా నిర్వహిస్తున్నారు. ప్రస్తుతం జరుగుతున్న యూరో కప్ ఫుట్‌బాల్, కోపా అమెరికన్ ఫుట్‌బాల్ టోర్నీ, ప్రొ కబడ్డీ పోటీలపై కూడా జూదం జోరుగా సాగుతోంది.
 
 గతంలో ఏలూరు నగర పరిధిలోని వన్‌టౌన్, టూటౌన్ పోలీస్‌స్టేషన్‌ల పరిధిలో మొత్తం ఆరు కేసులు నమోదయ్యాయి. పెదవేగి మండల పరిధిలోని వేగివాడలో ఒక కేసు నమోదుకావడం గమనార్హం. పట్టణ ప్రాంతాలతో పాటు పల్లెలకూ ఈ మాఫియా విస్తరించిందనడానికి నిదర్శనం. పోలీసుల నిఘా కారణంగా ఎక్కువ మంది బుకీలు ఫోన్‌ల ద్వారా బెట్టింగ్‌లు నిర్వహిస్తున్నారు. ఈ నెల 23న భీమవరం టూటౌన్ పోలీస్‌స్టేషన్ పరిధిలోని చిన అమిరంలో బెట్టింగ్ స్థావరంపై దాడి చేసిన పోలీసులు భారీస్థాయిలో నగదుతో పాటు నిందితులను పట్టుకున్నారు.
  
 కాదేదీ బెట్టింగ్‌కు అనర్హం
 నిమ్మకాయలు విసిరే పందాల నుంచి మోటార్ వాహనాల టోటల్ ఎంత అంటూ నంబర్ల మొత్తాలపై కూడా పందేలు జరుగుతున్నాయి. క్రికెట్ పోటీలు జరిగితే బెట్టింగ్ నిర్వాహకులకు పండగే. ఒక వేళ ఎక్కడా క్రికెట్ పోటీలు లేకపోతే ఇతర క్రీడలపై పందేలు వేస్తున్నారు. ఏవీ లేకపోతే గ్రామ ముఖద్వారంలో నిలబడి రాబోయే మోటారు వాహనం టోటల్ ఎంత ఉంటుందనేది కూడా పందెం వేసుకుంటున్నారు.
 
 జేబులు గుల్ల
 బెట్టింగ్‌కు అలవాటు పడిన యువతలో చాలామంది చిరువ్యాపారులు, తల్లిదండ్రుల చాటు బిడ్డలు కావడంతో బెట్టింగ్‌లో వేలు గడించాలనే దురాశతో వడ్డీ వ్యాపారులను ఆశ్రయిస్తున్నారు. ఇదే అవకాశంగా మలుచుకున్న వ్యాపారులు వారికి ఎక్కువ వడ్డీకి అప్పులు ఇస్తున్నారు. దీంతో వారి వ్యాపారు మూడు పువ్వులు, ఆరు కాయలుగా ఉంది.
  
 బెట్టింగ్ నివారణకు చర్యలు తీసుకున్నాం
 ఏలూరు డివిజన్ పరిధిలో ఇప్పటికే బెట్టింగ్‌ల నిరోధానికి చర్యలు తీసుకున్నాం. త్వరలో ప్రొ కబడ్డీ ప్రారంభం కానున్న నేపథ్యంలో బెట్టింగ్ నిరోధానికి ప్రత్యేక చర్యలు ప్రారంభించాం. బెట్టింగ్ బుకీలను గుర్తించేందుకు ప్రత్యేక నిఘా బృందాలను ఏర్పాటు చేశాం. గతంలో బుకీలు, బెట్టింగ్‌లకు డబ్బులు వడ్డీకి అప్పులిచ్చే వ్యాపారులపైనా నిఘా కొనసాగిస్తున్నాం. బెట్టింగ్‌లపై ప్రజల వద్ద సమాచారం ఉంటే నేరుగా మాకు ఫిర్యాదు చేస్తే వారి వివరాలు గోప్యంగా ఉంచి నేరస్థులను కఠినంగా శిక్షిస్తాం. - ఏలూరు డీఎస్పీ గోగుల వెంకటేశ్వరరావు


 ► తొలిసారి క్వార్టర్స్‌కు చేరిన పోలాండ్
 ► షూటౌట్‌లో స్విట్జర్లాండ్‌కు నిరాశ
 ► యూరో కప్ టోర్నీ
  
 సెయింట్ ఎటెని (ఫ్రాన్స్): కీలకదశలో ఒత్తిడిని అధిగమించిన పోలాండ్ జట్టు ప్రతిష్టాత్మక యూరో కప్ ఫుట్‌బాల్ టోర్నమెంట్‌లో తొలిసారి క్వార్టర్ ఫైనల్‌కు దూసుకెళ్లింది. శనివారం జరిగిన తొలి ప్రిక్వార్టర్ ఫైనల్లో పోలాండ్ ‘పెనాల్టీ షూటౌట్’లో 5-4తో స్విట్జర్లాండ్‌ను ఓడించింది. నిర్ణీత సమయం వరకు రెండు జట్లు 1-1తో సమఉజ్జీగా నిలిచాయి. దాంతో అరగంటపాటు అదనపు సమయం పొడిగించారు. అయితే అదనపు సమయంలోనూ ఫలితం తేలకపోవడంతో విజేతను నిర్ణయించడానికి షూటౌట్ అనివార్యమైంది. షూటౌట్‌లో స్విట్జర్లాండ్ తరఫున రెండో కిక్‌ను జాకా వృథా చేయగా... మిగతా నలుగురు ఆటగాళ్లు స్కోరు చేశారు. మరోవైపు పోలాండ్ జట్టులో ఐదుగురు ఆటగాళ్లూ సఫలమై చిరస్మరణీయ విజయాన్ని సాధించారు.
 
 
 యూరో టోర్నీ చరిత్రలో తొలిసారి నాకౌట్ దశకు చేరుకున్న పోలాండ్, స్విట్జర్లాండ్ జట్ల మధ్య మ్యాచ్ ఆరంభం నుంచే దూకుడుగా సాగింది. లీగ్ దశలో అజేయంగా నిలిచిన పోలాండ్ అవకాశం దొరికినపుడల్లా స్విట్జర్లాండ్ గోల్‌పోస్ట్‌పై దాడులు చేసింది. ఎట్టకేలకు ఆ జట్టు 39వ నిమిషంలో ఖాతా తెరిచింది. ఎడమవైపు నుంచి గ్రోసిస్కీ అందించిన పాస్‌ను ‘డి’ ఏరియాలో అందుకున్న బ్లాస్‌జికౌస్కీ గోల్‌పోస్ట్‌లోనికి పంపించాడు. దాంతో పోలాండ్ 1-0తో ఆధిక్యంలోకి వెళ్లింది. రెండో అర్ధభాగంలో స్విట్జర్లాండ్ ఆటగాళ్లు స్కోరును సమం చేయాలనే ఏకైక లక్ష్యంతో జోరు పెంచారు.
 
 అయితే పోలాండ్ గోల్‌కీపర్ లుకాస్ ఫాబియాన్‌స్కీ వారికి అడ్డుగోడలా నిలిచాడు. ఇక పోలాండ్ విజయం ఖాయమైందని అనుకుంటున్న తరుణంలో... స్విస్ స్టార్ జెర్దాన్ షాకిరి 82వ నిమిషంలో గాల్లో తేలుతూ బైసైకిల్ కిక్‌తో గోల్ చేసి స్కోరును సమం చేశాడు. నిర్ణీత సమయం ముగిసేలోపు రెండుసార్లు పోలాండ్‌కు గోల్ చేసే అవకాశం వచ్చినా ఆ జట్టు ఆటగాళ్లు వృథా చేసుకున్నారు. అయితే షూటౌట్‌లో మాత్రం గురి తప్పకుండా విజయాన్ని ఖాయం చేసుకున్నారు.
 
 
  వేల్స్ జోరు...
  తొలిసారి యూరో టోర్నమెంట్‌లో ఆడుతోన్న వేల్స్ జట్టు మరో విజయం సాధించి క్వార్టర్ ఫైనల్లోకి అడుగుపెట్టింది. నార్తర్న్ ఐర్లాండ్‌తో శనివారం జరిగిన రెండో ప్రిక్వార్టర్ ఫైనల్లో వేల్స్ జట్టు 1-0తో గెలుపొందింది. ఆట 75వ నిమిషంలో నార్తర్న్ ఐర్లాండ్ ఆటగాడు మెకౌలే ‘సెల్ఫ్ గోల్’ చేయడంతో వేల్స్ 1-0తో ఆధిక్యంలోకి వెళ్లింది. వేల్స్ స్టార్ ప్లేయర్ గ్యారెత్ బేల్ ఆడిన క్రాస్ షాట్‌ను గోల్‌పోస్ట్ ముందు నుంచి తప్పించబోయిన నార్తర్న్ ఐర్లాండ్ ఆటగాడు మెకౌలే బంతిని తమ గోల్‌పోస్ట్‌లోనికి పంపించడంతో వేల్స్ ఖాతాలో గోల్ చేరింది. లీగ్ దశలో ఆడిన మూడు మ్యాచ్‌ల్లోనూ గోల్ చేసిన బేల్ నాకౌట్ మ్యాచ్‌లో మాత్రం ప్రత్యర్థి జట్టు సెల్ఫ్ గోల్ చేయడంలో కీలకపాత్ర పోషించడం విశేషం.


 ►  ప్రిక్వార్టర్స్‌లోకి ప్రవేశం
 ► ఇటలీ, బెల్జియం కూడా ముందుకు యూరో కప్
  
 లిల్లీ (ఫ్రాన్స్): వరుస విజయాలతో ఊపుమీదున్న ఇటలీ జట్టుకు.. యూరోపియన్ చాంపియన్‌షిప్‌లో ఐర్లాండ్ షాకిచ్చింది. మ్యాచ్ ఆసాంతం ఇటలీ దాడులను అడ్డుకోవడమే కాకుండా ఆఖరి నిమిషాల్లో సంచలన గోల్‌తో ప్రత్యర్థిని కంగుతినిపించింది. ఫలితంగా బుధవారం అర్ధరాత్రి జరిగిన గ్రూప్-ఇ ఆఖరి లీగ్ మ్యాచ్‌లో ఐర్లాండ్ 1-0తో ఇటలీపై గెలిచి ప్రిక్వార్టర్స్ బెర్త్‌ను ఖాయం చేసుకుంది. ఈ గ్రూప్‌లో చెరో ఆరు పాయింట్లతో ఇటలీ, బెల్జియం కూడా నాకౌట్ దశకు చేరుకున్నాయి. ఐర్లాండ్ తరఫున రాబీ బ్రాడీ (85వ ని.) ఏకైక గోల్ సాధించాడు.
 
 బెల్జియం గెలుపు: మరో మ్యాచ్‌లో బెల్జియం 1-0తో స్వీడన్‌పై గెలిచింది. నైనంగోలన్ (84వ ని.) బెల్జియం తరఫున ఏకైక గోల్ చేశాడు. స్వీడన్ స్టార్ స్ట్రయికర్ ఇబ్రమోవిచ్ కెరీర్‌లో తన చివరి మ్యాచ్ ఆడేశాడు. యూరో తర్వాత కెరీర్‌కు గుడ్‌బై చెబుతున్నట్లు మంగళవారమే ప్రకటించిన అతను ఈసారి గోల్ చేయలేకపోయాడు.


 ► రెండో విజయంతో ప్రిక్వార్టర్స్‌లోకి స్పెయిన్ 
 ► టర్కీపై 3-0తో గెలుపు  యూరో కప్
  
  
 నైస్ (ఫ్రాన్స్): వరుసగా మూడో టైటిల్ వేటలో ఉన్న డిఫెండింగ్ చాంపియన్ స్పెయిన్ యూరో కప్‌లో తొలిసారిగా తమ స్థాయికి తగ్గ ఆటతీరును ప్రదర్శించింది. ప్రత్యర్థిపై అన్ని విభాగాల్లో రాణించడంతో పాటు ఫార్వర్డ్ ఆటగాడు అల్విరో మొరాటా తన విమర్శకులకు సమాధానం చెబుతూ ఏకంగా రెండు గోల్స్‌తో మెరిశాడు. దీంతో శుక్రవారం అర్ధరాత్రి టర్కీతో జరిగిన మ్యాచ్‌లో స్పెయిన్ 3-0తో ఏకపక్ష విజయాన్ని అందుకుంది. చెక్ రిపబ్లిక్‌తో జరిగిన గత మ్యాచ్‌లో అందివచ్చిన అవకాశాలను వినియోగించుకోలేకపోయిన మొరాటా (34, 48వ నిమిషాల్లో) ఈ మ్యాచ్‌లో రెండు గోల్స్‌తో దుమ్మురేపగా... నోలిటో (37) ఓ గోల్ చేశాడు.
  
 అయితే తమ జట్టు ఓటమి అనంతరం టర్కీ అభిమానులు అలజడిని సృష్టించారు. స్టేడియంలోనికి క్రాకర్స్ విసిరారు. గ్రూప్ ‘డి’ విభాగంలో జరిగిన ఈ మ్యాచ్ ప్రథమార్ధమంతా స్పెయిన్ ఎదురుదాడే సాగింది. 11వ నిమిషంలో పీకే హెడర్ లక్ష్యాన్ని తాకలేకపోయింది. 25వ నిమిషంలో  హకన్ కల్హనోగ్లు ఫ్రీకిక్ స్పెయిన్ గోల్‌బార్ పైనుంచి వెళ్లింది. అయితే మూడు నిమిషాల వ్యవధిలో స్పెయిన్ రెండు గోల్స్ సాధించి టర్కీకి షాక్ ఇచ్చింది. ద్వితీయార్ధం ప్రారంభమైన మూడో నిమిషంలోనే మొరాటా మళ్లీ మెరిశాడు. గోల్ పోస్ట్‌కు ఆరు గజాల దూరం నుంచి బంతిని నెట్‌లోనికి పంపడంతో జట్టుకు తిరుగులేని ఆధిక్యం లభించింది.
 
 
 బెల్జియం బోణీ: యూరో కప్‌లో బెల్జియం బోణీ చేసింది. ఇటలీతో తమ తొలి మ్యాచ్‌ను ఓడిన ఈ జట్టు గ్రూప్ ‘ఇ’లో ఐర్లాండ్‌తో జరిగిన మ్యాచ్‌లో 3-0తో నెగ్గింది. తమ నాకౌట్ ఆశలను సజీవంగా నిలబెట్టుకుంది. లూకాక్ (48, 70వ నిమిషాల్లో) రెండు గోల్స్‌తో రెచ్చిపోగా.. ఏక్సెల్ విట్సెల్ (61) మరో గోల్ చేశాడు.
 
 ఐస్‌లాండ్ చేజేతులా: గ్రూప్ ‘ఎఫ్’లో భాగంగా శనివారం హంగేరి జట్టుతో జరిగిన మ్యాచ్‌ను ఐస్‌లాండ్ 1-1తో ‘డ్రా’ చేసుకుంది. 40వ నిమిషంలో లభించిన పెనాల్టీని సద్వినియోగం చేసుకున్న గిల్ఫీ సిగుర్డ్‌సన్ తమ జట్టుకు గోల్ అందించాడు. అయితే 88వ నిమిషంలో ఐస్‌లాండ్ ప్లేయర్ సెవార్సన్ ‘సెల్ఫ్ గోల్’ చేయడంతో మ్యాచ్ ‘డ్రా’ అయింది.
  
  
 ‘యూరో’లో నేడు
 గ్రూప్ ‘ఎ’ చివరి రౌండ్ లీగ్ మ్యాచ్‌లు
 రొమేనియా x అల్బేనియా
 రాత్రి గం. 12.30 నుంచి సోనీ ఈఎస్‌పీఎన్‌లో ప్రత్యక్ష ప్రసారం
 
  ఫ్రాన్స్ x  స్విట్జర్లాండ్
  రాత్రి గం. 12.30 నుంచి సోనీ సిక్స్‌లో ప్రత్యక్ష ప్రసారం


 1-0తో స్వీడన్‌పై గెలుపు యూరో కప్
  
 టౌలస్ (ఫ్రాన్స్): తొలి మ్యాచ్‌లో సంచలన ప్రదర్శనతో బెల్జియంను బోల్తా కొట్టించిన ఇటలీ జట్టు... రెండో మ్యాచ్‌లోనూ ఆకట్టుకుంది. ప్రత్యర్థులు అంచనాలకు మించి రాణించినా.. ఆఖరి నిమిషాల్లో అద్భుతం చేసింది. ఫలితంగా యూరో కప్‌లో భాగంగా శుక్రవారం జరిగిన గ్రూప్-ఇ లీగ్ మ్యాచ్‌లో ఇటలీ 1-0తో స్వీడన్‌పై గెలిచింది. దీంతో ఆరు పాయింట్లతో ప్రిక్వార్టర్స్ బెర్త్‌ను ఖాయం చేసుకుంది. స్టార్ స్ట్రయికర్ ఎడెర్ (88వ ని.) ఇటలీ తరఫున ఏకైక గోల్ సాధించాడు. సమఉజ్జీల సమరంగా సాగిన ఈ మ్యాచ్‌లో ఇరుజట్లు పరస్పరం దాడులు చేసుకున్నా తొలి అర్ధభాగంలో గోల్స్ నమోదు కాలేదు. అయితే రెండో అర్ధభాగంలో ఇటలీ త్రీ మెన్ డిఫెన్స్‌తో వ్యూహాత్మకంగా ఆడింది. స్వీడన్ కీలక ఆటగాడు ఇబ్రమోవిచ్‌ను అడుగడుగునా నిలువరిస్తూ మ్యాచ్‌లో ఉత్కంఠను పెంచింది. అయితే ఆట మరో రెండు నిమిషాల్లో ముగుస్తుందనగా ఇటలీ తరఫున ఎడెర్ గోల్ చేసి జట్టును ప్రిక్వార్టర్స్‌కు చేర్చాడు.
 
 
  జర్మనీని నిలువరించిన పోలెండ్
 పారిస్: ఆద్యంతం హోరాహోరీగా సాగిన జర్మనీ, పోలెండ్ గ్రూప్-సి మ్యాచ్ 0-0తో డ్రా అయ్యింది. ఈ టోర్నీలో గోల్స్ లేకుండా డ్రా అయిన తొలి మ్యాచ్ ఇదే. మ్యాచ్ మొత్తం అత్యం త పటిష్టమైన జర్మనీ అటాకింగ్‌కు పోలండ్ వ్యూహాత్మకంగా చెక్ పెట్టింది.
 
  క్రొయేషియా చేజేతులా...
  సెయింట్ ఎటెన్నా: గ్రూప్ ‘డి’లో భాగంగా చెక్ రిపబ్లిక్‌తో గెలవాల్సిన మ్యాచ్‌ను క్రొయేషియా జట్టు ‘డ్రా’తో ముగించింది. చివరి నిమిషాల్లో చెక్ రిపబ్లిక్ చెలరేగి స్కోరును సమం చేసింది. పెరిసిక్ (37వ ని.), రాకిటిక్ (59వ ని.) క్రొయేషియాకు గోల్స్ అందించారు. చెక్ తరఫున స్కోడా (76వ ని.), నిసిడ్ (90+4) గోల్స్ చేశారు. 86వ నిమిషంలో మైదానంలో కాస్త అలజడి చోటు చేసుకోవడంతో కొద్దిసేపు ఆటకు అంతరాయం ఏర్పడింది. ఇంజ్యూరీ టైమ్‌లో లభించిన పెనాల్టీని నిసిడ్ (చెక్) గోల్‌గా మలిచి మ్యాచ్‌ను ‘డ్రా’గా ముగించాడు.


 * రష్యాపై 2-1తో విజయం  
 * హామ్‌సిక్ అద్భుత ప్రదర్శన  
 * యూరో కప్
 లిలీ మెట్రోపోల్ (ఫ్రాన్స్): ఏమాత్రం అంచనాలు లేకుండా తొలిసారి యూరో ఫుట్‌బాల్ చాంపియన్‌షిప్‌లో బరిలోకి దిగిన స్లొవేకియా జట్టు అదరగొట్టే ఆటతీరుతో అద్భుతం చేసింది. తొలి మ్యాచ్‌లో వేల్స్ జట్టు చేతిలో ఓడినప్పటికీ... రెండో మ్యాచ్‌లోనే తేరుకొని నాకౌట్ అవకాశాలను సజీవంగా నిలబెట్టుకుంది.
 
 రష్యా జట్టుతో బుధవారం జరిగిన గ్రూప్ ‘బి’ లీగ్ మ్యాచ్‌లో స్లొవేకియా 2-1 గోల్స్ తేడాతో గెలిచింది. స్లొవేకియా తరపున వీస్ (32వ నిమిషంలో), హామ్‌సిక్ (45వ నిమిషంలో) ఒక్కో గోల్ చేయగా... రష్యాకు గ్లుషకోవ్ (80వ నిమిషంలో) ఏకైక గోల్‌ను అందించాడు.  
  
 ఆరంభంలో అంతగా దూకుడు కనబరచని స్లొవేకియా 32వ నిమిషంలో అందివచ్చిన అవకాశాన్ని గోల్‌గా మలచింది. మధ్య భాగంలో నుంచి హామ్‌సిక్ అందించిన లాంగ్‌పాస్‌ను ఎడమవైపున అందుకున్న వీస్ ‘డి’ ఏరియాలో ఇద్దరు రష్యా డిఫెండర్లను ఏమార్చి కుడికాలితో బలమైన షాట్ కొట్టి బంతిని గోల్‌పోస్ట్‌లోనికి పంపించాడు.
 
 ఆ తర్వాత 45వ నిమిషంలో హామ్‌సిక్ ఎడమవైపు నుంచి క్లిష్టమైన కోణం నుంచి కొట్టిన షాట్ నేరుగా గోల్‌పోస్ట్‌లోనికి వెళ్లడంతో స్లొవేకియా 2-0తో ఆధిక్యంలోకి వెళ్లింది. రెండో అర్ధభాగంలో రష్యా ఎదురుదాడులు చేసినా... స్లొవేకియా పటిష్టమైన డిఫెన్స్‌తో వారి ఆశలను వమ్ము చేసింది. చివర్లో సబ్‌స్టిట్యూట్ గ్లుషనోవ్ గోల్ చేసినా... రష్యాకు నిరాశే మిగిలింది.
  
 పోర్చుగల్‌ను నిలువరించిన ఐస్‌లాండ్
 సెయింట్ ఎటెని: క్రిస్టియానో రొనాల్డో, నాని, పెపెలాంటి పలువురు స్టార్ ఆటగాళ్లతో కూడిన పోర్చుగల్ జట్టుకు తొలి మ్యాచ్‌లో ‘డ్రా’ ఎదురైంది. ట్విట్టర్‌లో రొనాల్డోకు ఉన్న ఫాలోవర్స్ (43 లక్షలు)లో పదోవంతు కూడా జనాభా లేని ఐస్‌లాండ్ (3 లక్షల 32 వేలు) జట్టు యూరో అరంగేట్రంలోనే పటిష్టమైన పోర్చుగల్‌ను 1-1తో నిలువరించి అందరి దృష్టిని ఆకర్షించింది. పోర్చుగల్ తరఫున నాని (31వ నిమిషంలో)...
 
 ఐస్‌లాండ్ తరఫున బిర్కిర్ జార్నాసన్ (50వ నిమిషంలో) ఒక్కో గోల్ చేశారు. స్కోరును సమం చేశాక... ఐస్‌లాండ్ మొండి పట్టుదలతో పూర్తి రక్షణాత్మకంగా ఆడటంతో పోర్చుగల్ మరో గోల్ చేయడంలో విఫలమైంది. ఐస్‌లాండ్ ఆటతీరుపట్ల రొనాల్డో అసంతృప్తి వ్యక్తం చేశాడు. స్కోరును సమం చేశాక ఐస్‌లాండ్ ఆటగాళ్లు గోల్‌పోస్ట్ ముందు బస్సు అడ్డుపెట్టి ఆడినట్లు వ్యవహరించారని విమర్శించాడు.
  
 స్విట్జర్లాండ్, రొమేనియా మ్యాచ్ డ్రా
 గ్రూప్ ‘ఎ’లో స్విట్జర్లాండ్, రొమేనియాల మధ్య బుధవారం జరిగిన మ్యాచ్ 1-1తో డ్రా అయింది.   18వ నిమిషంలో రొమేనియాకు లభించిన పెనాల్టీ కిక్‌ను బొగ్దాన్ స్టాన్‌కు గోల్‌గా మలిచాడు. స్విట్జర్లాండ్ తరఫున 57వ నిమిషంలో మెహమెది  గోల్ చేశాడు. ప్రస్తుతం స్విట్జర్లాండ్ ఖాతాలో నాలుగు, రొమేనియాకు ఒక పాయింట్ ఉన్నాయి.
  
 ‘యూరో’లో నేడు ఇంగ్లండ్ X వేల్స్ సా.గం. 6.30 నుంచి
 ఉక్రెయిన్ X నార్తర్న్ ఐర్లాండ్ రా.గం. 9.30 నుంచి
 జర్మనీ X పోలాండ్ రా.గం. 12.30 నుంచి
 సోనీ సిక్స్‌లో ప్రత్యక్ష ప్రసారం


 * ప్రపంచ రెండో ర్యాంకర్‌పై ఇటలీ సంచలన విజయం
 * యూరో కప్‌లో శుభారంభం
 లియాన్ (ఫ్రాన్స్): గత రెండు ప్రపంచకప్‌లలో లీగ్ దశలోనే నిష్ర్కమించి... గత ప్రాభవం కోసం పరితపిస్తున్న ఇటలీ జట్టు యూరో కప్‌లో మాత్రం తొలి మ్యాచ్‌లోనే ఆకట్టుకుంది. ప్రపంచ రెండో ర్యాంకర్ బెల్జియంతో సోమవారం అర్ధరాత్రి దాటాక జరిగిన గ్రూప్ ‘ఇ’ లీగ్ మ్యాచ్‌లో ఇటలీ 2-0 గోల్స్ తేడాతో సంచలన విజయం సాధించింది. ఇటలీ తరఫున 32వ నిమిషంలో గియాచెరిని తొలి గోల్ చేయగా... ఇంజ్యురీ టైమ్‌లో (90+3వ నిమిషంలో) గ్రాజియానో పెలె రెండో గోల్‌ను అందించాడు.
  
 ప్రస్తుత ఇటలీ జట్టు గతంలో ఎన్నడూలేని విధంగా బలహీనంగా ఉందని, ఆ జట్టు నుంచి యూరోలో అద్భుతాలు ఆశించకూడదని పలువురు విశ్లేషకులు వేసిన అంచనా తొలి మ్యాచ్ ప్రదర్శనతో పటాపంచలైంది. గత మూడు యూరో టోర్నీలకు అర్హత పొందడంలో విఫలమైన బెల్జియం ఈసారి మాత్రం క్వాలిఫయింగ్‌లో గ్రూప్ ‘బి’ టాపర్‌గా నిలిచి ఏడాది క్రితమే బెర్త్‌ను ఖాయం చేసుకుంది.
 
 దూకుడైన ఆటతీరుకు పెట్టింది పేరైన బెల్జియం తొలి మ్యాచ్‌లో అందివచ్చిన అవకాశాలను వృథా చేసుకొని మూల్యం చెల్లించుకుంది. ఇటలీ గోల్‌పోస్ట్‌పై ఏకంగా 18 సార్లు దాడులు చేసినప్పటికీ ఫినిషింగ్ లోపం ఆ జట్టును వేధించింది. మరోవైపు ఇటలీ వచ్చిన అవకాశాలను సద్వినియోగం చేసుకొని బోణీ కొట్టింది. తాజా ఫలితంతో గత 34 ఏళ్లలో బెల్జియంపై అధికారిక మ్యాచ్‌లో ఓటమి ఎరుగని రికార్డును ఇటలీ నిలబెట్టుకుంది.
 
 మ్యాచ్‌లో పూర్తి సమన్వయంతో ఆడిన ఇటలీ 32వ నిమిషంలో ఖాతా తెరిచింది. బెల్జియం డిఫెన్స్‌ను బోల్తా కొట్టిస్తూ లియోనార్డో బోనూచి అందించిన పాస్‌ను అందుకున్న గియాచెరిని మిగతా పనిని పూర్తి చేశాడు. ఆ తర్వాత స్కోరును సమం చేసేందుకు బెల్జియం ఆటగాళ్లు తీవ్రంగా ప్రయత్నించారు. 53వ నిమిషంలో లుకాకు ఎడమవైపు నుంచి దూసుకెళ్లి కొట్టిన షాట్ గోల్‌పోస్ట్‌పై నుంచి బయటకు వెళ్లింది. ఆ తర్వాత కూడా బెల్జియం ఆటగాళ్లు దాడులు చేసినా పటిష్టమైన డిఫెన్స్‌తో ఇటలీ వారి అవకాశాలను అడ్డుకుంది.
  
 హంగేరి అదుర్స్
 నాలుగు దశాబ్దాల తర్వాత యూరో చాంపియన్‌షిప్‌కు అర్హత పొందిన హంగేరి జట్టు అద్భుత విజయంతో బోణీ కొట్టింది. ఆస్ట్రియాతో మంగళవారం జరిగిన గ్రూప్ ‘ఎఫ్’ లీగ్ మ్యాచ్‌లో హంగేరి 2-0 గోల్స్ తేడాతో గెలుపొందింది. హంగేరి తరఫున 62వ నిమిషంలో ఆడమ్ సజాలాయ్, 87వ నిమిషంలో జోల్టాన్ స్టీబెర్ ఒక్కో గోల్ చేశారు. 40 ఏళ్ల హంగేరి గోల్‌కీపర్ గాబోర్ కిరాలీ ఈ మ్యాచ్‌లో పాల్గొని యూరో టోర్నీ చరిత్రలో మ్యాచ్ ఆడిన పెద్ద వయస్కుడిగా రికార్డు నెలకొల్పాడు.
  
 ‘యూరో’లో నేడు
 రష్యా X స్లొవేకియా సా.గం. 6.30 నుంచి
 రుమేనియా X స్విట్జర్లాండ్  రా.గం. 9.30 నుంచి
 ఫ్రాన్స్ X అల్బేనియా  రా.గం. 12.30 నుంచి
 సోనీ సిక్స్‌లో ప్రత్యక్ష ప్రసారం


 * చెక్ రిపబ్లిక్‌పై నెగ్గిన డిఫెండింగ్ చాంపియన్
 * ఉక్రెయిన్‌ను ఓడించిన విశ్వవిజేత    
 * యూరో కప్
 తులూజ్ (ఫ్రాన్స్): వరుసగా మూడోసారి చాంపియన్‌గా నిలిచి హ్యాట్రిక్ సాధించాలనుకుంటున్న స్పెయిన్... రెండు దశాబ్దాలుగా ఊరిస్తోన్న టైటిల్‌ను మళ్లీ నెగ్గాలనే పట్టుదలతో ఉన్న జర్మనీ... యూరో ఫుట్‌బాల్ చాంపియన్‌షిప్‌లో శుభారంభం చేశాయి. గ్రూప్ ‘డి’లో భాగంగా సోమవారం జరిగిన లీగ్ మ్యాచ్‌లో డిఫెండింగ్ చాంపియన్ స్పెయిన్ 1-0 గోల్ తేడాతో చెక్ రిపబ్లిక్‌పై కష్టపడి నెగ్గగా...
 
 ఆదివారం అర్ధరాత్రి దాటాక జరిగిన గ్రూప్ ‘సి’ లీగ్ మ్యాచ్‌లో ప్రస్తుత ప్రపంచ చాంపియన్ జర్మనీ 2-0తో ఉక్రెయిన్‌ను ఓడించింది. గత రెండు యూరో టోర్నమెంట్‌లలో ఓటమి ఎరుగని స్పెయిన్ తమ జోరును ఈసారీ కొనసాగించింది. అయితే చెక్ రిపబ్లిక్‌పై ఆ జట్టు ఒక్క గోలే చేయగలిగింది. ఆట 87వ నిమిషంలో గెరార్డ్ పీకే హెడర్ షాట్‌తో చెక్ రిపబ్లిక్ గోల్ కీపర్ పీటర్ సెచ్‌ను బోల్తా కొట్టించడంతో స్పెయిన్ ఖాతా తెరిచింది.
 
 అంతకుముందు స్పెయిన్‌కు పలుమార్లు గోల్ చేసే అవకాశాలు వచ్చాయి. అయితే చెక్ రిపబ్లిక్ గోల్ కీపర్ పీటర్ సెచ్ అడ్డుగోడలా నిలబడి స్పెయిన్ బృందంలో ఆందోళన పెంచాడు. కానీ మూడు నిమిషాల్లో మ్యాచ్ ముగుస్తుందనగా ఎడమవైపు నుంచి ఇనియెస్టా కొట్టిన షాట్ ‘డి’ ఏరియాలో పీకే గాల్లోకి ఎగిరి హెడర్ షాట్‌తో లక్ష్యానికి చేర్చడంతో స్పెయిన్ ఊపిరి పీల్చుకుంది.  
  
 సబ్‌స్టిట్యూట్‌గా వస్తూనే: ఉక్రెయిన్‌తో జరి గిన మ్యాచ్‌లో జర్మనీ తరఫున 19వ నిమిషంలో ముస్తాఫీ... 92వ నిమిషంలో (ఇంజ్యురీ టైమ్) బాస్టియన్ ష్వాన్‌స్టీగర్ ఒక్కో గోల్ చేశారు. స్టార్ ప్లేయర్ ష్వాన్‌స్టీగర్ 90వ నిమిషంలో సబ్‌స్టిట్యూట్‌గా బరిలోకి దిగాడు. ఆ తర్వాత రెండు నిమిషాలకే గోల్ చేశాడు. ఎడమవైపు నుంచి ఒజిల్ కొట్టిన షాట్‌ను ‘డి’ ఏరియాలో అందుకున్న ష్వాన్‌స్టీగర్ బంతిని గోల్‌పోస్ట్‌లోకి పంపిం చాడు. 2009 తర్వాత ష్వాన్‌స్టీగర్ అంతర్జాతీయ మ్యాచ్‌లో గోల్ చేయడం ఇదే ప్రథమం.
  
 ఐర్లాండ్, స్వీడన్ మ్యాచ్ ‘డ్రా’: గ్రూప్ ‘ఇ’లో భాగంగా స్వీడన్, ఐర్లాండ్ జట్ల మధ్య జరిగిన మ్యాచ్ 1-1తో ‘డ్రా’గా ముగిసింది. 48వ నిమిషంలో హూలాహన్ ఐర్లాండ్‌కు తొలి గోల్ అందించగా... 71వ నిమిషంలో ఐర్లాండ్ ప్లేయర్ క్లార్క్ చేసిన సెల్ఫ్ గోల్‌తో స్వీడన్ స్కోరును సమం చేసింది.
  
 ‘యూరో’లో నేడు ఆస్ట్రియా X హంగేరి రా.గం. 9.30 నుంచి పోర్చుగల్ X ఐస్‌లాండ్
 రా. గం. 12.30 నుంచి సోనీ సిక్స్‌లో ప్రత్యక్ష ప్రసారం


 * ఆఖరి నిమిషాల్లో గోల్‌తో అద్భుతం
 * 2-1తో రొమేనియాపై నెగ్గిన ఫ్రాన్స్ యూరో కప్
 పారిస్: క్షణాలు ఆవిరైపోతున్నాయి... ఉత్కంఠ అంతకంతకు పెరిగిపోతోంది... కిక్కిరిసిన స్టేడియం కాస్త నిశ్శబ్దంగా మారిపోతోంది.... ఇక ఆట ముగియడానికి మిగిలింది ఒక్క నిమిషమే... అటు ఆటగాళ్లలోనూ ఇటు ప్రేక్షకుల్లోనూ... ఎటు చూసిన ఉద్విగ్న క్షణాలే... ఆతిథ్య హోదాలో ఆడుతున్న తొలి మ్యాచ్‌లోనే డ్రా తప్పదేమో అనుకుంటున్న తరుణంలో... మిడ్‌ఫీల్డర్ దిమ్రితి పేయట్ సంచలన గోల్‌తో ఫ్రాన్స్‌ను గట్టెక్కించాడు.
 
 89వ నిమిషంలో తనను రౌండ్ చేసిన ఐదుగురు రొమేనియా ఆటగాళ్ల మధ్య నుంచి బంతిని మెల్లగా ముందుకు తెస్తూ బలహీనమైన లెఫ్ట్ ఫుట్‌తో బంతిని కర్ల్ చేస్తూ కళ్లు చెదిరే రీతిలో గోల్‌పోస్ట్‌లోకి పంపాడు. అంతే యూరోపియన్ చాంపియన్‌షిప్‌లో భాగంగా శుక్రవారం  రాత్రి జరిగిన గ్రూప్-ఏ మ్యాచ్‌లో ఫ్రాన్స్ 2-1తో రొమేనియాపై గెలిచి సంబరాల్లో మునిగిపోయింది. తొలి అర్ధభాగంలో ఇరుజట్లు హోరాహోరీగా తలపడటంతో వచ్చిన అవకాశాలన్నీ వృథా అయ్యాయి.
 
 అయితే 57వ నిమిషంలో ఒలివర్ గిరౌడ్ ముందుకు దూసుకొచ్చి ధైర్యంగా కొట్టిన హెడర్.. రొమేనియా గోల్‌పోస్ట్‌ను ఛేదించింది. అయితే మరో ఎనిమిది నిమిషాల తర్వాత లభించిన పెనాల్టీ స్పాట్‌ను బోగ్దాన్ స్టాంక్ (రొమేనియా) అద్భుతమైన గోల్‌గా మలిచి స్కోరును 1-1తో సమం చేశాడు. తర్వాత ఫ్రాన్స్ ఎన్ని ఎదురుదాడులు చేసిన రొమేనియా రక్షణశ్రేణి సమర్థంగా తిప్పికొట్టడంతో మ్యాచ్‌లో ఉత్కంఠ తారాస్థాయికి చేరింది. చివరి నిమిషాల్లో దిమిత్రి ఆపద్బాంధవుడిలా వచ్చి జట్టును గట్టెక్కించాడు.
  
 స్విట్జర్లాండ్ గెలుపు
 మరో మ్యాచ్‌లో స్విట్జర్లాండ్ 1-0తో అల్బేనియాపై నెగ్గింది. ఆట ఐదో నిమిషంలోనే గ్జెహర్డిన్ షాకిరి ఇచ్చిన కార్నర్ పాస్‌ను ఆరడుగుల రెండు అంగుళాల ఎత్తు కలిగిన సెంటర్ బ్యాక్ ఫ్యాబిన్ సాచేర్ అమాంతం గాల్లోకి లేచి తలతో బాదాడు. అంతే గింగరాలు తిరుగుతూ బంతి నెట్‌లోకి దూసుకుపోయింది. దీంతో స్విస్ 1-0 ఆధిక్యంలోకి వెళ్లింది.
 
 26వ నిమిషంలో అల్బేనియాకు స్కోరును సమం చేసే అవకాశం వచ్చినా... టౌలెంట్ జకా కొట్టిన బంతి క్రాస్ బార్ పైనుంచి వెళ్లింది. ఇక ఇక్కడి నుంచి ఇరుజట్లు పరస్పరం దాడులు చేసుకున్నా ఒక్క గోల్ కూడా నమోదు కాలేదు.
  
 వేల్స్ అదుర్స్
 యూరో చరిత్రలో బరిలోకి దిగిన తొలి మ్యాచ్‌లోనే వేల్స్ అదరగొట్టింది.  శనివారం జరిగిన గ్రూప్-బి మ్యాచ్‌లో వేల్స్ 2-1తో స్లోవేకియాపై నెగ్గింది. స్టార్ మిడ్‌ఫీల్డర్ గ్యారెత్ బేల్ (10వ ని.), రాబ్సన్ కాను (81వ ని.) వేల్స్ తరఫున గోల్స్ చేయగా... ఆండ్రేజ్ డుడా (61వ ని.) స్లోవేకియాకు గోల్ సాధించిపెట్టాడు.  మ్యాచ్‌లో  అన్ని విభాగాల్లో వేల్స్ ఆకట్టుకుంది.  
 
 10వ నిమిషంలో విలియమ్స్ ఇచ్చిన పాస్‌ను 30 అడుగుల దూరం నుంచి బేల్ అద్భుతమైన ఫ్రీ కిక్‌తో గోల్‌పోస్ట్‌లోకి పంపాడు. దీంతో వేల్స్ 1-0 ఆధిక్యంలోకి వెళ్లింది. తొలి అర్ధభాగంలో కాస్త నిరాశ చెందిన స్లోవేకియన్లు.. రెండో అర్ధభాగంలో పూర్తిగా ఎదురుదాడులకు దిగారు. ఫలితంగా పటిష్టమైన వేల్స్ డిఫెన్స్‌ను ఛేదిస్తూ రైట్ ఫ్లాంక్ నుంచి మ్యాక్ ఇచ్చిన పాస్‌ను సబ్‌స్టిట్యూట్ డుడా బాటమ్ కార్నర్ నుంచి గోల్‌పోస్ట్‌లోకి పంపాడు.
 
 దీంతో స్కోరు 1-1తో సమమైంది. ఇక ఇక్కడి నుంచి ఇరుజట్లు గోల్స్ కోసం హోరాహోరీగా పోరాడాయి. బేల్‌ని కార్నర్ చేస్తూ స్లోవేకియా పన్నిన వ్యూహాలను వేల్స్ ఆటగాళ్లు తిప్పికొట్టారు. ఫలితంగా ఆట మరో తొమ్మిది నిమిషాల్లో ముగుస్తుందనగా రాబ్సన్ కాను వేల్స్‌కు రెండో గోల్ అందించి జట్టును గెలిపించాడు.
  
 ‘యూరో’లో నేడు
  టర్కీ X క్రొయేషియా
  సా.గం. 6.30 నుంచి
  పోలాండ్ X నార్తర్న్ ఐర్లాండ్
  రా.గం. 9.30 నుంచి
  జర్మనీ X ఉక్రెయిన్
  రా.గం. 12.30 నుంచి సోనీ సిక్స్‌లో ప్రత్యక్ష ప్రసారం


 పారిస్ : వచ్చే ఏడాది జరిగే యూరో కప్‌లో ఇంగ్లండ్ ఫుట్‌బాల్ జట్టు తొలి బెర్త్ దక్కించుకుంది. యూరో క్వాలిఫయింగ్‌లో భాగంగా గ్రూప్ ‘ఇ’లో జరిగిన మ్యాచ్‌లో ఇంగ్లండ్ 6-0తో సాన్ మారినోను చిత్తు చేసింది. స్టార్ ఫుట్‌బాలర్ వేన్ రూనీ 13వ నిమిషంలో చేసిన గోల్‌తో తమ దేశం తరఫున అత్యధిక గోల్స్ (49) చేసిన ఆటగాడిగా బాబీ చార్ల్‌టన్ సరసన నిలిచాడు.