మీ వార్డ్‌రోబ్‌ను ట్రెండీగా మార్చాలంటే, నటి హన్సిక ఫ్యాషన్‌ స్టయిల్‌ను ఫాలో అయితే చాలు. ఎప్పటికప్పుడు స్టయిలింగ్‌లో భిన్నమైన సెలక్షన్స్‌తో అదరగొడుతూ ఒక ట్రెండ్‌ సెట్టర్‌గా, ఒక ఫ్యాషన్‌ గైడ్‌లా కనిపించే హన్సిక, ప్రస్తుతం ఉన్న ఈ లుక్‌ కోసం ఎంచుకున్న ఫ్యాషన్‌ బ్రాండ్స్‌ ఎంటో ఇక్కడ చూద్దాం.. ఫ్యాషన్లు ఎన్ని మారినా వన్నె తరగని ట్రెండ్‌ ముత్యాలదే! తెల్లగా మెరిసిపోతూ మగువలకు మరింత అందాన్ని తీసుకొస్తాయి. వీటిని పెట్టుకున్న వెంటనే ధరించిన దుస్తుల లుక్‌ బాగా ఎలివేట్‌ అవుతుంది. సింపుల్‌ పెర్ల్‌ జ్యూలరీతో ఆఫీస్‌ దుస్తులకు స్టయిలింగ్‌ చేసుకుంటే క్లాసిక్‌ లుక్‌ మీ సొంతం. చీర, లెహంగా, డ్రెసెస్‌ మీదనైనా కూడా ఇవి చక్కగా నప్పుతాయి. ఇందుకు తగ్గట్టుగానే ముత్యాల నగల్లో వివిధ ఆకర్షణీయమైన డిజైన్స్‌లో ముత్యాల ఆభరణాలు లభిస్తున్నాయి. ముత్యాలు ఎక్కువగా డార్క్‌ షేడ్‌ దుస్తులతో ఉత్తమంగా కనిపిస్తాయి. ఇక ముత్యాల నగలను ధరించేటప్పుడు ఒక్కటే గుర్తుపెట్టుకోవాలి. వీటిని వేరే ఇతర ఆభరణాలతో కలిపి స్టయిలింన్‌ చేయకూడదు. అన్నీ ఆభరణాలు ముత్యాలవే అయితే బాగుంటుంది. ఈ చిట్కానే పైన నటి హన్సిక కూడా ఫాలో అయిందని ఫొటో చూస్తే తెలిసిపోతుంది. ఇక్కడ హన్సిక ధరించిన చీర బ్రాండ్‌ సురుమయే, ధర రూ. 23,000. బ్లౌజ్‌ ధర రూ. 6,00 నెక్‌ పీస్‌ బ్రాండ్‌: ప్రీటో ధర: రూ. 5,800 ఇయర్‌ రింగ్స్‌ బ్రాండ్‌: గోల్డెన్‌ విండోధర: రూ. 1,890

అందం కోసం ఆభరణాలను ధరించడం మామూలే కాని, అవే ఆభరణాలు అందంతోపాటు ఆరోగ్యాన్ని, టెక్నాలజీని అందిస్తే భలే బాగుంటుంది కదూ! అయితే, ఈ గాడ్జెట్స్‌ మీ కోసం..థర్మామీటర్‌చెవిపోగుశరీర ఉష్ణోగ్రతను తెలుసుకోవడానికి ఉపయోగపడే థర్మామీటర్‌ చేసే పనిని చేస్తుంది ఈ చెవిపోగు. అమెరికాలోని ఓ విశ్వవిద్యాలయంలో షిర్లీ, జుయే, యుజియా అనే ముగ్గురు విద్యార్థులు రూపొందించిన ఈ చెవిపోగుతో శరీర ఉష్ణోగ్రతను సులభంగా తెలుసుకోవచ్చు. డ్యూయల్‌ సెన్సర్‌ సిస్టమ్, ఇంటిగ్రేటెడ్‌ యాంటెనాతో తయారైన ఈ చెవిపోగు బ్యాటరీలతో పనిచేస్తుంది. దీనిని ధరించిన వ్యక్తి ఉష్ణోగ్రతతో పాటు, పరిసరాల ఉష్ణోగ్రతలను కూడా ఎప్పటికప్పుడు ట్రాక్‌ చేసి, మొబైల్‌కు సమాచారం ఇస్తుంది. పీరియడ్స్‌ మూడ్‌ స్వింగ్స్‌కు చెక్‌అమ్మాయిలకు ప్రతినెలా వచ్చే పీరియడ్స్‌లో విపరీతమైన కడుపునొప్పితో పాటు, మూడ్‌ స్వింగ్స్‌ కుదురుగా ఉండనివ్వవు. ఇప్పుడు ఈ మూడ్‌ స్వింగ్స్‌ నుంచి మిమ్మల్ని బయటపడేస్తుంది ఈ ‘ఫెమ్‌టెక్‌ బీబీ రింగ్‌’. ఇదొక స్మార్ట్‌ రింగ్, సాధారణ హెల్త్‌ ట్రాకర్‌ మాదిరిగానే ఇందులోనూ, వివిధ సెన్సర్లతో పాటు, ఎమోషన్స్‌ ట్రాకింగ్‌ సిస్టమ్‌ ఉంటుంది. పీరియడ్స్‌ సమయంలో దీనిని ధరిస్తే ప్రతినెలా భావోద్వేగాల్లో వచ్చే మార్పులను పరిశీలించి సమాచారం ఇస్తుంది. రీచార్జబుల్‌ బ్యాటరీతో పనిచేసే దీనిని, మొబైల్‌కు కనెక్ట్‌ చేసుకొని వాడుకోవచ్చు.బైస్కోప్‌ గాగుల్స్‌కళ్లకు ధరించే కళ్లజోడు స్మార్ట్‌గా మారిపోయిన విషయం తెలిసిందే! అయితే, మొబైల్‌కు కనెక్ట్‌ చేసుకొని, కావాల్సిన సమాచారాన్ని కళ్లజోడు అద్దాలపైనే చూసే వీలు కల్పించే వీటి లేటెస్ట్‌ వెర్షన్‌ వచ్చేసింది. వాటిలో ఒకటి మినీ ప్రొజెక్టర్‌లా పనిచేసే ఈ ఐఎన్‌ఎమ్‌ఓ2 వైర్‌లెస్‌ గ్లాసెస్‌. వర్చువల్‌ రియాలిటీ, ఆగ్మెంటెడ్‌ రియాలిటీలతో ఎప్పుడైనా సరే కావాల్సిన సమాచారాన్ని మీ కళ్ల ముందు ఇన్విజిబుల్‌ స్క్రీన్‌ వేసి చూపిస్తుంది. మల్టీమీడియా హెడ్‌సెట్‌ సాయంతో వాయిస్‌ కమాండ్స్‌తో ఆపరేట్‌ చేయవచ్చు. కేవలం వంద గ్రాముల బరువుతో, సౌకర్యవంతంగా ఉండే దీని ధర 599 డాలర్లు (అంటే రూ.52,302) మాత్రమే!‘లబ్‌డబ్‌’ లవ్‌ లాకెట్‌ ప్రేమికులు తరచు చెప్పుకునే మాట.. ‘నా హృదయ స్పందన నువ్వేనని’. మరి ఇప్పుడు మీ ప్రియమైన వారి గుండె చప్పుడును ఎల్లప్పుడూ మీరు వినేందుకు వీలుగా రూపొందించినదే ఈ లాకెట్‌. ఇదొక లవ్‌ లాకెట్‌. దీనిని ధరించిన వారు తమ గుండె చప్పుడును తమ ప్రియమైన వ్యక్తితో పంచుకోవచ్చు. ఇందుకోసం రెండు లాకెట్లను నేరుగా ఇద్దరు వాడుకోవచ్చు. ఒకరి వద్దే లాకెట్‌ ఉంటే, మొబైల్‌ యాప్‌లో వారి కాంటక్ట్‌ను సేవ్‌ చేసుకొని వాడాలి. లాకెట్‌లో ఉండే బటన్‌ను నొక్కినప్పుడు, మీరు ఎంచుకున్న వారికి మీ గుండె చప్పుడు ఆడియోను చేరవేస్తుంది. ధర రూ. పది నుంచి ఇరవై వేల వరకు ఉంది. వివిధ రంగుల్లో ఆన్‌లైన్‌లో అందుబాటులో ఉంది. (చదవండి: వడలిపోయిన ముఖాన్ని ఎలా తీర్చిదిద్దుకోవాలి..)

రిలయన్స్‌ ఫౌండేషన్‌ చైర్‌పర్సన్‌ నీతా అంబానీ (nita ambani) ఫ్యాషన్‌కి పెట్టింది పేరు. ప్రతీ సందర్భంలోనూ తన స్టైల్‌తో ఆకట్టుకుంటుంది. అది ట్రెడిషనల్‌ లుక్‌ అయినా మెడ్రన్‌ లుక్‌ అయినా అందరి దృష్టినీ ఆకర్షించాల్సిందే. అది అత్యంత విలువైన చీర అయినా, ఖరీదైన డైమండ్‌ నగలైనా దానికొకి స్పెషాల్టీ ఉంటుంది. ఫ్యాషన్‌ (Fashion) నిపుణులు కూడా ఫ్యాఆమెను ప్రశంసలతో ముంచెత్తేలా చేస్తుంది. తాజాగా ఆమె ధరించిన హారంలోని పెండెంట్‌ విశేషంగా నిలుస్తోంది.నీతాఅంబానీఅందమైన దుస్తులు, విలాసవంతమైన ఆభరణాలతో అభిమానులను ఆశ్చర్యపర్చడం కొత్తేమీదు. 20 ఏళ్ల నాటి చిలుక లాకెట్టు (Parrot Pendant) ఇపుడు హాట్‌ టాపిక్‌గా నిలుస్తోంది. ఇది మైసూర్ మహారాజా యదువీర్ తన పెళ్లి రోజున ధరించిన దానితో పోలీ ఉండటం విశేషం. ప్రాముఖ్యత కూడా చాలానే ఉంది .అమెరికా అధ్యక్షుడిగా రెండోసారి ఎంపికైన డొనాల్డ్ ట్రంప్ ఇచ్చిన ప్రైవేట్ విందు కోసం నీతా అంబానీ రెండు శతాబ్దాల నాటి, ప్యారెట్‌ లాకెట్‌తోపాటు, బ్లాక్‌, పర్పుల్‌, గ్రీన్‌ కలర్‌ కాంచీపురం చీరలో మెరిసారు. ఈ చీరలో 100 కంటే ఎక్కువ ముఖ్యమైన సాంప్రదాయ నమూనాలు ఉన్నాయి. ముఖ్యంగా న కాంచీపురంగొప్ప దేవాలయాల ప్రేరణ, చారిత్రక ,ఆధ్యాత్మిక సారాంశం కలయికలో దీన్ని తయారు చేశారు. ఈ చీరకున్న గ్రీన్‌, పర్పుల్‌ అంచులు మొత్తం చీర రూపాన్ని హైలైట్ చేశాయి. అలాగే దీనికి మ్యాచింగ్‌గా స్వదేశ్ నుండి వచ్చిన మణికట్టు మీద నిగనిగలాడే అంచులతో పూర్తి చేతుల బ్లౌజ్‌తో ధరించారు. చిన్న నల్ల హ్యాండ్‌బ్యాగ్‌ను కూడా దీనికి జతచేసింది. ప్యారెట్‌ పెండెంట్‌ఈ విందులో నీతా అంబానీ ధరించిన పచ్చ నెక్లెస్ అందరి దృష్టిని ఆకర్షించింది. వజ్రాలు, కెంపులు , పచ్చలతో ముత్యాలతో పొదిగిన చిలుక ఆకారపు లాకెట్‌. దీని మధ్యలో పొదిగిన రూబీ హార్ట్‌ హైలైట్‌ అని చెప్పవచ్చు.దీన్ని మొదట దక్షిణ భారతదేశంలో తయారు చేశారు. దీన్ని మైసూర్ మహారాజు యదువీర్ చామరాజ వడియార్, యువరాణి త్రిషికా కుమారితో తన వివాహ సమయంలో ఇలాంటి రకమైన చిలుక లాకెట్టును ధరించాడు. లాకెట్టుకు లోతైన ప్రాముఖ్యత ఏంటంటే.. లాకెట్టులోని పక్షి బొమ్మ వాస్తవానికి కామదేవుడి వాహనము (ప్రేమ దేవుడు).అంతకుముందు నీతా అంబానీ మొఘల్ కాలం పురాతన ఆభరణాలను ఎంచుకున్నారు. గత ఏడాది నీతా అంబానీ మిస్ వరల్డ్ పోటీలో కనిపించారు. బ్లాక్‌ టోన్ సారీ, క్లాసీ బాజుబంద్ అందరి దృష్టిని ఆకర్షించింది. ఈ బాజుబంద్ వాస్తవానికి మొఘల్ చక్రవర్తి షాజహాన్ కల్గి అట. దీని ధర రూ. 200 కోట్లు అట.అత్యంత అందమైన ఆభరణాలలో మరొకటి మిర్రర్ ఆఫ్ ప్యారడైజ్ డైమండ్ రింగ్. అనంత్ అంబానీ మంగళ్ ఉత్సవ్ వేడుకలో ఆమె దీనిని ధరించింది. ఈ ఉంగరం బరువు 52.58 క్యారెట్లు, టేపర్డ్ బాగెట్-కట్ వజ్రాలను కలిగి ఉంటుంది. దీని ధర రూ. 53 కోట్లు అని తెలుస్తోంది.

టీమిండియా స్టార్ బ్యాటర్, వికెట్ కీపర్ రిషబ్ పంత్ సోదరి సాక్షి పంత్ వివాహానికి టీమిండియా మాజీ కెప్టెన్ మహేంద్ర సింగ్ ధోనీ, అతని భార్య సాక్షి ధోని హాజరయ్యారు. సతీసమేతంగా ఈ వేడుకలో డ్యాన్స్ చేస్తూ, పాటలు పాడుతూ ధోని సందడి చేశాడు. రణబీర్ కపూర్ 2009 బ్లాక్ బస్టర్ “అజబ్ ప్రేమ్‌కి గజబ్ కహానీ”లోని “తు జానే నా” అనే సాంగ్‌కు స్టెప్పులేసిన వీడియో సోషల్ మీడియాలో వైరల్ అయింది ఈ పెళ్లిలో ఇంకో విశేషం కూడా చోటు చేసుకుంది. టీమిండియా మాజీ కెప్టెన్ ఎంఎస్ ధోని భార్య సాక్షి ధోని తన ఆకర్షణీయమైన శైలితో వార్తల్లో నిలిచింది.సాక్షి ధోని ఫ్యాషన్, స్టైల్‌కి చాలా ప్రాధాన్యత ఇస్తుంది. రిషబ్ పంత్ సోదరి వివాహ వేడుకలో పెళ్లైన ఇన్నాళ్ల తరువాత దాదాపు 15 సంవత్సరాల తర్వాత తన పెళ్లి రోజున ఆభరణాలను ఆభరణాలను తిరిగి ధరించింది.ఆ ఆభరణాలే అందరి దృష్టిని ఆకర్షించాయి. డైమండ్స్‌ ఆర్‌ ఫరెవర్‌ అన్నట్టు వజ్రాలు, పచ్చలు పొదిగిన గోల్డ్‌ జ్యుయల్లరీ ప్రత్యేక ఆకర్షణగా నిలిచాయి. గోల్డ్‌ చోకర్ నెక్‌పీస్, లేయర్డ్ నెక్లెస్, ముక్కెర, జుమ్కాలతో తన లుక్‌కు మరింత స్టైల్ యాడ్‌ చేసింది. లెమన్‌ గ్రీన్‌ కలర్‌ పట్టుచీర, స్కాలోప్-నెక్ డిజైన్ ఉన్న మ్యాచింగ్ బ్లౌజ్‌, దీనికి జతగా రెడ్‌ అండ్‌ ఆరెంజ్‌ కలర్ మిర్రర్‌ దుపట్టాతో తన లుక్‌ను మరింత ఎలివేట్‌ చేసుకొని అందరి దృష్టినీ తనవైపు తిప్పుకుంది. సాధారణంగా సోషల్‌ మీడియాకు దూరంగా ఉండే సాక్షి, దీనికి సంబంధించిన ఫోటోలను ఇన్‌స్టాలో పోస్ట్‌ చేసింది. దీంతో ఇవి వైరల్‌గా మారాయి.మరోవైపు పెళ్లి సంద‌ర్భంగా ఏర్పాటు చేసిన పార్టీలో ధోనీ, సాక్షి, పంత్ మ‌ధ్య ఆకర్ష‌ణీయ సంభాష‌ణ కూడా వైరల్‌గామారింది. త‌మ రిలేష‌న్ షిప్ లో ధోనీనే ల‌క్కీ అని సాక్షి సిగ్గుల మొగ్గలవుతూ చెప్పింది. ఇంతలో మ‌ధ్య‌లో కల్పించుకున్న పంత్, ఆడ‌వాళ్లంద‌రూ ఇలాగే అనుకుంటారని తుంటరి కమెంట్‌ చేయడంతో అక్క‌డంతా న‌వ్వులు పువ్వులు పూశాయి. ఈ వీడియోపై కామెంట్లు వెల్లువెత్తాయి.సాక్షి ధోని పెళ్లి రోజు లుక్15 సంవత్సరాల క్రితం జరిగిన తన వివాహానికి, భారీ నెక్లెస్‌, చూడామణి లాంటి ఆభరణాలు సహా బుటీ వర్క్‌, జర్దోసి ఎంబ్రాయిడరీ చేసిన ఎరుపు, ఆకుపచ్చ రంగు లెహంగా ధరించింది 2010 జూలై 10న డెహ్రాడూన్‌లో వివాహం చేసుకున్న సంగతి తెలిసిందే.

హోలీ (Holi2025) పండుగ అంటే ఉల్లాసం, ఉత్సాహం. పిల్లాపెద్దా అంతా అందంగా ముస్తాబవుతారు. ఇంద్రధనుస్సు లాంటి రంగులతో ఆటలాడుకుని తమ జీవితాలు మరింత రంగులమయం శోభిల్లాలని కోరుకుంటారు. రంగు రంగుల రంగులు, గులాల్ చల్లుకొని హోలీ ఆడతారు. ఇక సెలబ్రిటీలయితే అందంగా ముస్తాబై తమ అభిమానులను అలరిస్తారు. రంగుల పండుగను సెలబ్రేట్‌ చేసుకోవడానికి వయసుతో పని ఏముంది అని నిరూపించారు బాలీవుడ్‌ హీరోయిన్లు. వారెవరో చూసేద్దామా.2025 హోలీ కోసం సాంప్రదాయ చీరలో మాధురి దీక్షిత్ ( Madhuri Dixit ) ప్రశాంతకు చిహ్నమైన పచ్చని రంగులో అందంగాముస్తాబైనారు. తొమ్మిది గజాల అద్భుతంలో ఆకుపచ్చ రంగులో మాధురి యంగ్‌ అండ్‌ ఎనర్జటిక్‌గా కనిపించారు. 57 ఏళ్ల ఈ బాలీవుడ్ స్టార్ పండుగ కళతో ఉట్టిపడుతూ దేవతలామెరిపించింది.చీర అంటే గుర్తొచ్చే సెలబ్రిటీలలో మాధురి ఒకరు అనడంలో ఎలాంటి సందేహంలేదు. డిజైనర్ జయంతి రెడ్డి రూపొందించిన చీరకు వెండి జర్డోజీ ఎంబ్రాయిడరీ స్వీట్‌హార్ట్ నెక్‌లైన్, జుట్టుగా చక్కగా ముడి వేసుకకొని తన సిగ్నేచర్‌ లుక్‌కు మరింత వైభవాన్ని జోడించారు. చదవండి: Holi 2025 Celebrations: యంగ్‌ హీరోయిన్ల ఫ్యావరేట్‌ కలర్స్‌ ఇవే! సెలబ్రిటీ స్టైలిస్ట్, సుకృతి గ్రోవర్ మాధురి ఎథెరియల్ లుక్‌ను వజ్రాలు, పచ్చలు నిండిన మహారాణి నెక్లెస్, చెవిపోగులు, ఇతర ఆభరణలతో ఎథ్నిక్ లుక్‌కు మెరుపు వచ్చేసింది. గ్లామర్‌ విత్‌ ట్రెడిషన్‌ మాధురి షేర్‌ చేసిన ఫోటోలను ఇన్‌స్టాలో ఫ్యాన్స్‌ను ఫిదా చేస్తున్నాయి.చదవండి: Holi 2025 - నేచురల్‌ కలర్స్‌ ఈజీగా తయారు చేసుకోండిలా! తగ్గేదెలే అంటున్న రవీనా నాకేం తక్కువ అంటూ ఈ హోలీకి వచ్చేశారు మరో సీనియర్‌ నటి, 52 ఏళ్ల రవీనా టాండన్ (Raveena Tandon). 90ల కాలంలో ఒక వెలుగు వెలిగిన ఈ అందమైన దివా , ఈ హోలీకి బ్యూటీ ట్రీట్‌ను అందించింది. తన అందమైన కళ్ళతో హోలీకి రంగుల కళను తీసుకొచ్చింది. ఇద్దరు బిడ్డలతల్లి, రవీనా దేశీ స్టైల్ గ్లామ్‌లో మహారాణిలా కనిపించింది. గోధుమరంగు డ్రెస్‌కు, పింక్‌ కలర్‌ దుప్పట్టాను జోడించింది. సొగసైన ఝుంకాలు ఆమె లుక్‌నుమరింత ఎలివేట్‌ చేశాయి. హోళికా దహన్‌ శుభాకాంక్షలు అందించారు. దీనికి సంబంధించిన ఫోటోలను ఇన్‌స్టాలో పోస్ట్‌ చేశారు.

హోలీ (Holi) అంటే.. రంగుల రాజ్యం. ఆద్యంతం హుషారుగా సాగే ఏకైక పండుగ ఇదేనేమో.. డ్యాన్స్, మ్యూజిక్, విందు వినోదాల కలయికగా సాగే ఈ పండుగ సందర్భంగా అనుసరించే ఫ్యాషన్‌ కూడా కలర్‌ఫుల్‌గా ఉండాలి కదా.. కాబట్టి కలర్‌ ఫెస్ట్‌లో ప్రత్యేకంగా కనబడేందుకు తాను చెప్పే స్టైల్స్‌తో లుక్‌ని కొత్త లెవల్‌కి తీసుకెళ్లండి అని సూచిస్తున్నారు నగరానికి చెందిన ఫ్యాషన్‌ కన్సెల్టెంట్‌ సుమన్‌ కృష్ణ. ఈ ఏడాది ఆరంభం నుంచి ట్రెండింగ్‌లో ఉన్న కలర్‌.. బ్లాక్‌ని సెంటరాఫ్‌ ఫ్యాషన్‌గా చేసి హోలీ వేడుకలో త‘లుక్‌’మనవచ్చని అంటున్నారామె. ఆమె అందిస్తున్న విశేషాలు, సూచనలివీ.. – సాక్షి, సిటీబ్యూరో కలర్‌ బ్లాకింగ్‌ అంటే..? ఇది విభిన్న, కాంట్రాస్ట్‌ కలర్‌ కాంబినేషన్‌ స్టైల్‌. మామూలు వైట్‌ కుర్తా బోరింగ్‌గా ఉంటుంది. సో.. ట్రెండీ కలర్‌ కాంబినేషన్‌లతో లుక్‌కి ఎక్స్‌ట్రా గ్లామర్‌ వస్తుంది.. ఒకే షేడ్‌లో ఉండే డ్రెస్సింగ్‌ కంటే, రెండు లేదా మూడింటికి పైగా బ్రైట్‌ కలర్స్‌ మిక్స్‌ చేసి ధరించడం ద్వారా మరింత స్టైలిష్‌గా కనిపిస్తారు. కొన్ని కలర్‌ కాంబినేషన్స్‌.. ధరించే దుస్తుల మధ్య సరైన కలర్‌ కాంబినేషన్‌ చాలా కీలకం. పింక్‌–ఆరేంజ్‌ హోలీకి చాలా ఎనర్జిటిక్‌ కలర్‌ కాంబినేషన్‌ అని చెప్పొచ్చు. అలాగే..ఎల్లో–పర్పుల్‌ వంటి బ్రైట్‌ షేడ్స్‌ ట్రెడిషనల్‌ హోలీ లుక్‌కి సరైన ఎంపిక. అంతేకాకుండా బ్లూ–రెడ్‌ కూడా ట్రెండీ లుక్‌ అందిస్తాయి. వైట్‌–రేసింగ్‌ గ్రీన్‌లు క్లాసిక్‌గా కనపడాలంటే బెస్ట్‌. పీచ్‌లను సున్నితమైన, పండుగ కళ తెచ్చే కలర్స్‌గా పేర్కొనవచ్చు.స్టైల్‌–కంఫర్ట్‌ రెండింటి మేళవింపులా ఇంపుగా అనిపించాలంటే, కాటన్‌ లేదా లినెన్‌ ఫ్యాబ్రిక్స్‌ ఎంచుకోవడం మంచిది. బ్రైట్‌ టాప్‌ + లైట్‌ బాటమ్‌ – లేదా ఆపోజిట్‌ కలర్‌ బ్లాక్‌ డ్రెస్సింగ్‌ ట్రై చేయవచ్చు. బాగీ/లూజ్‌ కుర్తాస్, ఫ్యూజన్‌ ధోతి ప్యాంట్స్‌ హోలీ మూడ్‌కి సరిగ్గా సరిపోతాయి. హోలీ డాన్స్‌లో ఫుల్‌ ఫన్‌ కోసం బెస్ట్‌ ఆప్షన్‌గా పాదాలకు స్నీకర్స్‌ బెస్ట్‌. సన్‌గ్లాసెస్, వాటర్‌ ప్రూఫ్‌ మేకప్‌ – హోలీ ఎఫెక్ట్స్‌ స్టైలిష్‌గా హ్యాండిల్‌ చేయండి. ఇలా చేయొద్దు.. పూర్తిగా వైట్‌ డ్రెస్సింగ్‌ వద్దు. దీనివల్ల రంగుల మిక్స్‌ తక్కువగా కనిపిస్తుంది. హెవీ మెటీరియల్స్, సిల్క్‌ ధరిస్తే అన్‌ ఈజీగా అసౌకర్యంగా ఉంటుంది. అలాగే కాళ్లకు హీల్స్‌ ధరిస్తే జారిపడే చాన్స్‌ ఎక్కువ. మేకప్, హెయిర్‌ ప్రొటెక్షన్‌ లేకుండా వెళ్లడం పెద్ద పొరపాటు అవుతుంది.ఫైనల్‌ టచ్‌.. ఈ హోలీలో బ్లాక్‌ కలర్‌తో మ్యాజిక్‌ ట్రై చేయవచ్చు. ఫొటోలు మరింత ట్రెండీగా ఉండేలా ప్లాన్‌ చేసుకుంటే ఈ హోలీ జ్ఞాపకాలతో ఆనందాన్ని ఏడాది పాటు కొనసాగించవచ్చు.

ష్యాషన్‌ క్వీన్‌ అనగానే గుర్తొచ్చే సీనియర్‌ నటీమణులలో ముందు వరుసలో ఉంటారు ప్రముఖ నటి రేఖ. ఏడు పదుల వయసులో కూడా ఉత్సాహంగా, ఫ్యాషన్‌ ఐకాన్‌లా ఉంటారామె. ఆమె చీర కడితే ఆ చీరకే అందం. కాంజీవరం చీరలో ఆమె అందానికి అందరూ ముగ్ధులవ్వాల్సిందే. ఆమె ఏ వేదిక మీద ఉన్నా ఆ వేదిక కళకళలాడిపోవాల్సిందే.. ఆమె అద్భుతమైన నటి మాత్రమే కాదు మంచి సింగర్‌. చాలా సార్లు ఈ విషయాన్ని స్వయంగా చాటి చెప్పింది. అందానికీ, ఆత్మవిశ్వాసానికి ప్రతీక అయిన రేఖ సిగ్నేచర్ స్టైల్‌ చీరలో కాకుండా ఓవర్ సైజు బ్లేజర్‌లో మరోసారి అల్టిమేట్ స్టైల్ ఐకాన్‌గా నిలిచింది. స్టైల్, గ్రేస్, డై-హార్డ్ లుక్స్‌తో ఫ్యాషన్‌కు, మెడ్రన్‌ స్టైల్‌కు వయస్సు పనేముందని నిరూపించిన వైనం ఫ్యాన్స్‌ను ఆకట్టుకుంటోంది.ఒక రెడ్ కార్పెట్ ఈవెంట్‌లో లేడీ బాస్‌ తన ఎనర్జీతో అక్కడున్న వారి నందరినీ అబ్బురపర్చింది. ‘పింటు కి పప్పీ’ ట్రైలర్ లాంచ్‌లో అద్భుతమైన తెల్లటి ప్యాంటుసూట్‌లో చిక్‌ లుక్‌లో ఆకట్టుకుంది.శాటిన్ బ్లౌజ్‌,దానిపై లేయర్డ్ ట్రెండీ ఓవర్ సైజు బ్లేజర్‌ను జోడింకి ట్రెండీగా మెరిసింది. దీనికి వైడ్‌ లెగ్‌ ట్రౌజర్‌తో జత చేసింది. బ్లాక్‌ సన్ గ్లాసెస్, బంగారు చెవిపోగులు, స్టైలిష్‌గా వైట్‌ క్యాప్‌ ఆమె లుక్‌కు మరింత గ్లామర్‌ను తెచ్చి పెట్టాయి. అలాగే ఒక అందమైన షాయరీని చదవి వినిపించడం విశేషం.అంతేనా, మెటాలిక్ గోల్డ్ ప్లాట్‌ఫామ్ స్నీకర్లతో మరింత యంగ్‌గా, ఫ్రెష్‌గా లుక్‌తో మెస్మరైజ్‌ చేసింది. దీనికి సంబంధించిన ఫోటోలు, వీడియోలు నెట్టింట తెగ వైరల్‌గా మారాయి. ఆమె స్టైల్‌ను ఫ్యాన్స్‌ పొగడ్తల్లో ముంచేశారు. "జస్ట్ లుకింగ్ లైకే వావ్!’’, ‘‘ఆమెకు70 ఏళ్లు అని నేను నమ్మలేకపోతున్నాను" "ఫ్యాషన్ ఐకాన్" ఇలా అందరూ రేఖను ప్రశంసించారు. ఇటీవల IIFA అవార్డ్స్ 2025 వేడుకలో రేఖ అద్బుతమైన కాంజీవరం చీరలో కనిపించారు. అవార్డు ఫంక్షన్‌లో రేఖ తన ఐకానిక్ బంగారు కాంజీవరం చీరలలో అద్భుతంగా కనిపించింది. View this post on Instagram A post shared by IIFA Awards (@iifa)ఆమె లుక్‌తో పాటు, తన సహనటులు, ఇప్పటి నటులతో పాటు, అభిమానులతో ప్రేమగా ఉండటం ఆమె ప్రత్యేకత. ఇటీవల ఒక అభిమాని ప్రత్యేకంగా తీసుకొచ్చిన అందమైన బొమ్మను స్వీకరించడం, తన అభిమానాన్ని చాటుకోవడం ఇందుకు నిదర్శనం. అంతేకాదు, సినిమాకు సంబంధించి ముఖ్యమైన ఏ వేడుక అయినా, తన సమయాన్ని కేటాయించడం, కళామతల్లిపై ప్రేమను, అభిమానాన్ని ప్రదర్శించడం విశేషం. రేఖగా పాపులర్‌ అయిన భానురేఖ గణేషన్, 1954లో అక్టోబర్ 10న పుట్టింది. 180కి పైగా చిత్రాలలో నటించిన రేఖ, జాతీయ చలనచిత్ర అవార్డు, మూడు ఫిల్మ్‌ఫేర్ అవార్డులతో సహా అనేక ప్రతిష్టాత్మక పురస్కారాలను దక్కించుకుంది.

పవిత్ర రంజాన్‌ మాసం వేళ జమ్ము కశ్మీర్‌లో జరిగిన ఫ్యాషన్‌ షో తీవ్ర దుమారం రేపింది. ఫ్యాషన్‌ షోలో మహిళలు, పురుషులు పొట్టి పొట్టి దుస్తులతో తెల్లటి మంచుపై ర్యాంప్‌ వాక్‌ చేశారు. దీనికి సంబంధించిన వీడియోలు, ఫొటోలు వైరల్‌ అయ్యాయి. దీంతో ఒక్కసారిగా ఈ ఈవెంట్‌పై రాజకీయ, సామాజిక వర్గాల నుంచి తీవ్రస్థాయిలో విమర్శలు వెల్లువెత్తాయి. అంతేగాదు ఫ్యాషన్‌ షో దూమారం జమ్ముకశ్మీర్‌ అసెంబ్లీని కూడా అట్టుడికించింది. ఈ వ్యవహారంపై ప్రతిపక్ష నేతలు ఒమర్‌ ప్రభుత్వంపై దుమ్మెత్తిపోశాయి. ఈ నెల మార్చి 7న గుల్మార్గ్‌లో జరిగిన ఈ ఫ్యాషన్‌ షోపై తారాస్థాయిలో విమర్శలు వచ్చాయి. దీనిపై జమ్ముకశ్మీర్‌ సీఎం ఒమర్‌ అబ్దుల్లా 24 గంటల్లో నివేదిక ఇవ్వాలని అధికారులను ఆదేశించారు. వివాదాస్పదంగా మారిన ఈ షో వెనుకున్న డిజైనర్లు ఎవరంటే..?ఎవరా డిజైనర్‌ ద్వయం..?ఈ కార్యక్రమాన్ని నిర్వహించిన డిజైనర్లు శివన్‌ భాటియా, నరేష్ కుక్రేజా. ఈ ఇద్దరు స్థానిక సున్నితత్వాన్ని విస్మరించి పవిత్ర రంజాన్‌ మాసంలో అశ్లీల దుస్తులతో ప్రదర్శన ఇవ్వడంతోనే ఈ షో వివాదాస్పదమైంది. అయితే డిజైనర్ల ద్వయం ఫ్యాషన్‌ పరిశ్రమలో తమ 15వ వార్షికోత్సవాన్ని పురస్కరించుకుని గుల్మార్గ్‌లోని ప్రఖ్యాత స్కీ రిసార్ట్‌లో ఈ ఫ్యాషన్‌ షోని నిర్వహించారు. వాళ్ల బ్రాండ్‌కి సంబంధించిన శిల్పకళా స్కీ సూట్‌లు, అప్రెస్-స్కీ దుస్తులు, ఆర్ట్ ప్రింట్‌లు ఉన్న ట్రాన్స్‌పరేంట్‌ దుస్తులు ధరించారు ఇందులో పాల్గొన్న పురుషులు, మహిళలు. అయితే వాళ్లు సరిగ్గా రంజాన్‌ పర్వదినం సమయంలో దీన్ని నిర్వహించడతో ఇంతలా స్థానిక ప్రజల నుంచి తీవ్ర స్థాయిలో వ్యతిరేకతను దారితీసింది. పైగా ఈ ఈవెంట్‌ సాంస్కృతిక విలువలకు తిలోదాకలిచ్చే రీతిలో దారుణంగా ఉందంటూ మత పెద్దలు, ప్రజలు, రాజకీయనాయకులు మండిపడ్డారు. అయితే ఈ షోని నిర్వహించింది ప్రఖ్యాత ఫ్యాషన్‌ బ్రాండ్‌ హాలిడే. ఇది కేన్స్‌లోని 'మారే డి మోడా'లో భారతదేశపు తొలి లగ్జరీ బ్రాండ్‌గా పేరు తెచ్చుకుంది. అధునాతన సౌందర్యానికి చెందిన ఈ బ్రాండ్‌ హాలిడే రిసార్ట్‌, స్విమ్‌ దుస్తుల పరంగా ఫ్యాషన్‌లో సంచలనాలు సృష్టించింది. వారి కలెక్షన్లు డీఎల్‌ఎఫ్‌ ఎంపోరియో (ఢిల్లీ), కలఘోడా (ముంబై), బంజారా హిల్స్ (హైదరాబాద్), ఎంబసీ చాంబర్ (బెంగళూరు) లలో అందుబాటులో ఉన్నాయి.ఇద్దరు డిజైనర్లు ఫ్యాషన్‌ ఇండస్ట్రీలో అద్భుతమైన స్థానాన్ని దక్కించుకున్నారు. వారిలో శివన్ NIFT ఢిల్లీ నుంచి బ్యాచిలర్ ఆఫ్ డిజైన్, ఇస్టిట్యూట్‌​ యూరోపియో డి డిజైన్ నుంచి మాస్టర్స్ డిగ్రీని పొందారు. కాగా నరేష్ అదే సంస్థ నుంచి లగ్జరీ అండ్‌ మార్కెటింగ్‌లో మాస్టర్‌ డిగ్రీ చేశారు. ఈ బ్రాండ్‌ని ఎక్కువగా బాలీవుడ్‌ నటులు కిమ్ కర్దాషియాన్, ప్రియాంక చోప్రా, సోనమ్ కపూర్, కంగనా రనౌత్ వంటి ప్రముఖులు నిర్వహించారు. ఈ బ్రాండ్‌కి వరించిన అవార్డులు..స్వరోవీస్కీ మోస్ట్ క్రియేటివ్ డిజైనర్ ఆఫ్ ది ఇయర్ (2007)ఉత్తమ ఎమర్జింగ్ డిజైనర్లు (మేరీ క్లైర్ ఫ్యాషన్ అవార్డ్స్, 2010)ఉత్తమ రిసార్ట్ వేర్ (ఎల్లే స్టైల్ అవార్డ్స్, 2010)ఉత్తమ క్రూయిజ్ వేర్ (గ్రాజియా యంగ్ ఫ్యాషన్ అవార్డ్స్, 2011)‘మేడ్ ఇన్ ఇండియా’ లేబుల్ టు ది వరల్డ్ (గ్రాజియా యంగ్ ఫ్యాషన్ అవార్డ్స్, 2012)యంగ్ అచీవర్స్ అవార్డు (ఎంబసీ ఆఫ్ ఇండియా, ఖాట్మండు అండ్‌ టుడేస్ యూత్ ఆసియా)ఇంత మంచి పేరు, కీర్తీ దక్కించుకున్న ఈ ఫ్యాషన్‌ డిజైనర్లు గుల్మార్గ్‌ ఫ్యాషన్‌ షోతో ఒక్కసారిగా వివాదాస్పద వ్యక్తులుగా అపకీర్తిని మూటగట్టుకున్నారు, విమర్శలపాలయ్యారు. View this post on Instagram A post shared by SHIVAN & NARRESH (@shivanandnarresh) (చదవండి: వర్కౌట్లకు టైం లేదా..? ఐతే ఇలా బరువు తగ్గించుకోండి..)

ఫ్యాషన్‌ ట్రెండ్‌ అనేది నిరంతరం మారుతూనే ఉంటుంది. ఎప్పటికప్పుడూ లేటెస్ట్‌ ట్రెండ్‌ వచ్చేస్తుంటుంది. అయితే కొన్ని ఫ్యాషన్‌ డిజైన్‌లు చూస్తే అబ్బా ఇదేం ఫ్యాషన్‌ అని నెటజన్లు మండిపడేలా ఉంటాయి. అసలు వాటిని ఎలా ధరిస్తారురా బాబు అనే ఫీలింగ్‌ వచ్చేస్తుంటుంది కూడా. అయితే వాటి ధర చూస్తే అంత పలుకుతుందా అని నెటిజన్లు షాక్‌ అయ్యేలా ఉంటాయి. అలాంటి ఫ్యాషన్‌ ట్రెండ్‌ ప్రస్తుతం నెట్టింట హాట్‌టాపిక్‌గా మారింది. ఇదేం పిచ్చి ఫ్యాషన్‌ అని తిట్టుకుంటున్నారు నెటిజన్లు. నిజంగా ఇది స్టైలిష్‌ ఫ్యాషనా..? లేక తెలియక ఏదో అలా డిజైన్‌ చేశారా..? అని నెట్టింట చర్చించుకుంటున్నారు. ఫ్రెంచ్ లగ్జరీ లేబుల్ కోపర్ని కలెక్షన్‌కి సంబంధించిన డిజైనర్‌వేర్‌ వన్‌ లెగ్డ్‌ జీన్స్‌ గురించి ఫ్యాషన్ ఇన్‌ఫ్లుయెన్సర్‌ క్రిస్టీ సారా వీడియో రూపంలో తన అభిప్రాయాన్నిషేర్‌ చేసింది. దీంతో ఈ డిజైనర్‌వేర్‌ నెట్టింట హాట్‌టాపిక్‌ మారింది ఇది. ఆ వీడియోలో ఆమె భర్త సడెన్‌గా ఎంటర్‌ అయ్యి ప్రస్తుతం దీన్ని ఎవ్వరూ ధరించడం లేదని అన్నారు. అయితే సారా మాత్రం ఈ డిజైన్‌ నచ్చింది కానీ కాస్త పెద్ద సైజు కావాలన్నారు. అయితే దీని ధర మాత్రం రూ. 38 వేలు పైనే పలుకుతోందని తెలిపింది.తక్కువలో దొరికితే ఇలాంటి డిజైన్‌లు ట్రై చేయగలమని తన అభిప్రాయాన్ని పంచుకుంది. కానీ నెటిజన్లు మూవీలో ఫన్‌ కోసం నటులు వేసుకున్నారనుకున్నాం. ఇది కూడా ఓ ఫ్యాషన్‌నే అంటూ మండిపడ్డారు. అసలు ఎలా ధరించి బయటకు రాగలరు. ఏ ఫ్యాషన్‌ అయినా చూసేవాళ్లకు, మనకు కూడా కంఫర్ట్‌ ఉండాలి కదా అని కామెంట్లు చేస్తూ పోస్టులు పెట్టారు. View this post on Instagram A post shared by Kristy Sarah Scott (@kristy.sarah) (చదవండి: సమ్మర్‌లో స్లిమ్‌గా మారడం ఈజీ..! ఎలాగంటే..)

తెరపై నవరసాలను అలవోకగా పలికించే నటి నయనతార. అంతటి అభినయాన్ని మ్యాచ్‌ చేసే ధైర్యం లేక.. ఆమె అందాన్ని మ్యాచ్‌ చేసే పోటీలో మేమూ నిలబడతామన్న కొన్ని ఫ్యాషన్‌ బ్రాండ్స్‌ ఏంటో ఇక్కడ చూద్దాం.. నా ముఖంలో వచ్చిన మార్పులకు చాలామంది ప్లాస్టిక్‌ సర్జరీ కారణమని అనుకుంటుంటారు. కాని, నాకు తరచు ఐబ్రోస్‌ చేయించుకోవటం ఇష్టం. అవి గేమ్‌ చేంజర్‌ లాంటివి. ఆహారం, బరువులో వచ్చే తేడాలతో పాటు నా డిఫరెంట్‌ ఐబ్రోస్‌ స్టయిల్స్‌ కూడా నా లుక్స్‌ని మారుస్తాయని చెబుతోంది లేడీ సూపర్‌ స్టార్‌ నయన తార.అందాల చేతులకు సెలబ్రిటీ టిప్‌చేతిగాజులు చేతులకే అందాన్ని తెస్తాయి. కాని, అవి సంప్రదాయ దుస్తులకే సెట్‌ అవుతాయి. జీన్స్, వెస్టర్న్‌వేర్‌ దుస్తులకు గాజులు నప్పవు. అలాంటప్పుడు ఈ సింపుల్‌ సెలబ్రిటీ స్టయిల్‌ ఫాలో అయితే, మీ చేతులను అందంగా మార్చేయచ్చు. సింపుల్‌గా ఉండే బ్రాస్‌లెట్‌తో పాటు మరో రెండు, మూడు రకాల బ్రాస్‌లెట్స్‌ను ఒకేసారి ధరిస్తే మీ చేతులకు ఎలిగెంట్, ట్రెండీ లుక్‌ సొంతం అవుతుంది. ఇలా మీ రెండు చేతులకు లేదా ఒక చేతికి కూడా ధరించొచ్చు. ఈ విధంగా హెవీగా చేతులను స్టయిల్‌ చేసినప్పుడు మెడను, చెవులను కూడా సింపుల్‌గా స్టయిల్‌ చేసుకోవాలి. అప్పుడే మీ చేతులు హైలెట్‌ అయి అందంగా కనిపిస్తారు. ఈ టెక్నిన్‌నే నటి నయనతార కూడా ఫాలో అయింది. ఈ ఫొటోలు చూస్తే మీకే అర్థమవుతుంది. ఇక ఆలస్యం చేయకుండా జ్యూలరీ షాపింగ్‌ చేసేటప్పుడు మూడు నాలుగు రకాల బ్రాస్‌లెట్స్‌ను కూడా కార్ట్‌లో యాడ్‌ చేసుకోండి. (చదవండి: విద్యార్థులే రచయితలుగా మాసపత్రిక..!)

ఇరవై ఏళ్లుగా 35 దేశాల్లో జరిగిన బ్యూటీ అండ్‌ ఫ్యాషన్‌ ఈవెంట్లకు హోస్ట్‌గా, జడ్జ్‌గా, గ్రూమర్‌గా ఉన్నాను. ఒకప్పుడు పదిమంది అమ్మాయిలు ఫ్యాషన్‌ షోలో పాల్గొనడానికి వస్తే చాలు అనుకునేవాళ్లం. కానీ, నేడు అమ్మాయిలే కాదు, అమ్మలు అయ్యాక తమని తాము నిరూపించుకోవడానికి వచ్చే మహిళల శాతం 50 నుంచి 60 శాతానికి పెరిగింది. ప్రతి ఒక్కరికీ కల ఉంటుంది. దానిని నెరవేర్చుకునే క్రమంలో మహిళలకు సరైన ΄్లాట్‌ఫారమ్‌ దొరక్కపోవడం,ప్రొఫెషనల్‌ గా లేకపోవడం, తర్వాత చేద్దాం అనుకోవడం, కుటుంబ బాధ్యతలు అడ్డుగా ఉండటం .. వీటన్నింటి వల్ల టైమ్‌ దాటిపోతుంటుంది. కానీ, ఏదో ఒక సమయంలో రియలైజ్‌ అయి, ఆలస్యంగా అయినా తమని తాము ప్రూవ్‌ చేసుకోవడానికి ప్రయత్నిస్తున్నారు. అందుకే ఇప్పుడు ‘మిసెస్‌ బ్యూటీ’ పోటీలలో పాల్గొనే గృహిణుల సంఖ్య పెరిగింది. ‘నేను స్టేజీ మీద వాక్‌ చేయాలి, మంచి గ్లామరస్‌ డ్రెస్సులు వేసుకోవాలి, కాన్ఫిడెంట్‌గా సమాధానాలు చెప్పగలగాలి...’ ఇలా ఆలోచిస్తున్నారు. గత తరం వరకు సమాజంలో ఒక ఫ్యాషన్‌ స్టిగ్మా ఉండేది. దాని నుంచి బయటకు వచ్చేస్తున్నారు. మహిళా దినోత్సవం ఉద్దేశం కూడా అదే. అందుకు తగినట్టుగానే ఇప్పుడు చాలా వేదికలు ముందుకు వచ్చాయి. మిసెస్‌ కేటగిరీలోకి వచ్చే మహిళల మైండ్‌ సెట్, ఔట్‌ లుక్‌ పూర్తిగా మారింది. ఇప్పుడు కావాల్సింది టాలెంట్, కాన్ఫిడెన్స్‌. మహిళ జీవితమే ఒక ఛాలెంజ్‌. అందుకే, ఫ్యాషన్‌ ఇండస్ట్రీలో మహిళలు సవాళ్లను చాలా సులవుగా అధిగమిస్తున్నారు. ఒక కాలేజీ అమ్మాయి మిస్‌ కాలేజీ తర్వాత మిస్‌ ఇండియా ఆ తర్వాత మిస్‌ యూనివర్స్‌ గురించి ఆలోచిస్తున్నట్టే, గృహిణులుగా ఉన్నవారు కూడా అలాగే క్లారిటీగా ఆలోచిస్తున్నారు. గ్లామర్‌ రంగంలో గతంలో అమ్మాయిల గురించి ఉన్న నెగిటివిటీ స్థానంలో పాజిటివిటి చేరింది. ఇది చాలా మంచి మార్పు. జూన్‌లో మిసెస్‌ అండ్‌ మిస్టర్‌ గ్రాండ్‌– సి వరల్డ్‌ని హోస్ట్‌ చేస్తున్నాను. దీనికి గృహిణులుగా ఫ్యాషన్‌ షోలలో పాల్గొనేవారికి శిక్షణ ఇస్తున్నాను.– వాలెంటీనా మిశ్రా, క్రియేటివ్‌ డైరెక్టర్, మిసెస్‌ అండ్‌ మిస్టర్‌ గ్రాండ్‌– సి వరల్డ్‌ హోస్ట్‌

పవర్‌ డ్రెస్సింగ్‌ అనేది ఫ్యాషన్‌ ఎంపికలను అధిగమిస్తుంది. ఇది స్వీయ అవగాహన, వృత్తిపరంగా తమను తాము చూపాలనుకునే విధానాన్ని ప్రభావితం చేస్తుంది. సరైన దుస్తులు మానసిక కవచంగా పనిచేస్తాయి. మహిళలు కార్పొరేట్‌ రంగంలోకి ప్రవేశించడం, వృత్తినైపుణ్యాలను ప్రదర్శించడం, గౌరవాన్ని పొందడం లక్ష్యంగా పవర్‌ డ్రెస్సింగ్‌ ఉద్భవించింది.1920లలో జాకెట్, స్కర్ట్‌తో మహిళల పవర్‌ డ్రెస్సింగ్‌ వెలుగులోకి వచ్చింది. ఇది మహిళల దుస్తులు ధరించే విధానంలో విప్లవాత్మక మార్పులు తెచ్చింది. సౌకర్యం విషయంలో రాజీపడకుండా ఆధునికంగా కనిపించడానికి వీలు కల్పించింది. పనిలో లింగసమానత్వాన్ని ప్రోత్సహించడానికి ఇది ఒక ముఖ్యమైన అడుగు. ‘విజయం కోసం డ్రెస్సింగ్‌’ అనడానికి నిదర్శనంగా ఇంటర్నేషనల్‌ ఉమెన్‌ డ్రెస్సింగ్‌ బ్రాండ్‌ ‘క్వా’ ఒక ఆన్‌లైన్‌ పోల్‌ నిర్వహించింది. ఇందులో 100 మంది మహిళల్లో 99 మంది పవర్‌ డ్రెస్సింగ్‌ వల్ల ఆత్మవిశ్వాసం పెరుగుతుందని తెలిపారు.వృత్తికి తగిన డ్రెస్సింగ్‌ఉపాధ్యాయులు, వైద్యులు, రాజకీయ నాయకులు, ఐఎఎస్‌ అధికారులు, ఆర్కిటెక్ట్‌లు, కార్పొరేట్‌ లీడర్లు, వ్యాపార మహిళలు, ఆర్థిక నిపుణులు వంటి విభిన్న స్థాయిలలో పనిచేసే మహిళలకు పనిజీవితంలో సౌకర్యాన్ని, నమ్మకాన్ని ఇచ్చే వర్క్‌వేర్‌ అవసరం. ఒక కార్పొరేట్‌ ఎగ్జిక్యూటివ్‌ శక్తిని వెలికితీసేందుకు ప్యాంటుతో పాటు డిజైనర్‌ బ్లేజర్‌ను ధరిస్తారు. ఒక రాజకీయ వ్యక్తి పరిపూర్ణతకు అనుగుణంగా చీర లేదా కుర్తాను ధరించవచ్చు. టీచర్‌ లేదా డాక్టర్‌ తమ వృత్తినైపుణ్యానికి రాజీ పడకుండా తమ పనిని నిర్వహించడానికి సౌకర్యవంతమైన కుర్తా లేదా ఇండో–వెస్ట్రన్‌ను ఎంచుకోవచ్చు. విధి నిర్వహణలోని మహిళలు భారతీయ ప్రింట్‌లను ఆధునిక కట్‌లతో కలిపే దుస్తులను ధరించడానికి ఇష్టపడతారు. ఈ కాంబినేషన్‌ కూడా ప్రత్యేకంగా ఉంటుంది.పవర్‌ డ్రెస్సింగ్‌కి ప్రేరణ కోసం...→ వృత్తికి అనుగుణమైన దుస్తులు ధరించాలి. అప్పుడు పనితీరులో కూడా మెరుగుదల ఉంటుంది → పర్యావరణ స్పృహతో కూడిన ఫ్యాషన్‌ని అనుసరించడం మేలు. కాలర్‌ బ్లౌజ్‌లు, ఫంక్షనల్‌ పాకెట్స్, తక్కువ జ్యువెలరీ... వీటిలో ప్రధానమైనవి → డ్రెస్‌ నాణ్యత, ఫిటింగ్‌ మీరు హుందాగా, శక్తిమంతంగా ఉన్నారని తెలియజేస్తుంది → ఎవరికి వారు ఓన్‌ స్టైల్‌ను అభివృద్ధి చేసుకోవాలి. తమ డ్రెస్సింగ్‌ ద్వారా తమని తాము వ్యక్తీకరించుకోవడమూ అవసరమే. రంగులతో ప్రయోగాలు, ఫిట్‌గా ఉండే దుస్తుల ద్వారా మీరేమిటనేది చాటవచ్చు → ప్యాంట్‌ సూట్స్, కో–ఆర్డ్‌ సెట్స్, మిడీస్, జాకెట్స్‌.. ఇలా ఏ డ్రెస్‌ ఎంపిక అయినా ఇస్త్రీ చేసిన దుస్తులను ధరించండి. లేత రంగులు, తక్కువ ఆభరణాలతో సింపుల్‌గా ఉండేలా చూసుకోండి.సందర్భానికి తగిన ఎంపికలుభారతీయ వనిత హుందాతనానికి, మనదైన సంస్కృతికి, చక్కదనానికీ బహుముఖాల డ్రెస్సింగ్‌ శైలులను ఎంచుకుంటోంది. సందర్భానికి తగిన ఎంపిక ఇప్పుడు సాధారణంగా ఉంటోంది..డ్రేపింగ్‌ శైలులతో ఎవర్‌గ్రీన్‌గా నిలుస్తూ మహిళను పవర్‌ ఫుల్‌గా చూపుతోంది చీర. మన దేశీయ చేనేతలైన కంచి, బనారసి, చందేరీ, పోచంపల్లి, నారాయణపేట్, ధర్మవరం, ... ఇలా మనదేశంలో ఒక్కో ప్రాంత ప్రత్యేకతను, భారతీయ సంస్కృతిని ప్రపంచానికి ఘనంగా చూపుతున్నాయి. ఈ చేనేతల కట్టుతో మన మహిళలు తమ హుందాతనాన్ని ప్రపంచానికి చాటుతున్నారు.సల్వార్‌ కమీజ్‌భారతీయ మహిళల ఫార్మల్‌ దుస్తులలో మరొక ప్రధానమైనది సల్వార్‌ కమీజ్‌. సౌకర్యం, శైలి రెండింటినీ ఈ డ్రెస్‌ అందిస్తుంది. అధికారిక కార్యక్రమాలు, పార్టీలకు అనుకూలంగా ఉంటుంది. క్లిష్టమైన ఎంబ్రాయిడరీ అలంకరణతో వెలిగే అనార్కలీ సూట్లు గొప్పగా వెలుగుతుంటే, మరోవైపు స్ట్రెయిట్‌కట్‌ సూట్స్‌ ్ర΄÷ఫెషనల్‌ లుక్‌ని అందిస్తున్నాయి. ఆఫీస్‌వేర్‌గానూ, సంప్రదాయం, అధునిక మినిమలిజం మధ్య సమతుల్యతను అందిస్తున్నాయి.ఇండో– వెస్ట్రన్‌ ఫ్యూజన్‌భారతీయ దుస్తులలో అంశాలను పాశ్చాత్య సిల్హౌట్‌లతో మిళితం చేయడం దీని ప్రత్యేకత. ఆధునిక అభిరుచులకు అనుగుణంగా ప్రత్యేకమైన, స్టైలిష్‌ దుస్తులను సృష్టిస్తాయి. కుర్తా, పలాజో సెట్‌ అందుకు ఒక ఉదాహరణ. సాంస్కృతిక కార్యక్రమాలకు ఉల్లాసభరితంగానూ, అనువైనదిగానూ నిలిచింది ధోతీ ప్యాంట్‌ను కుర్తాతో జత చేయడం.వెస్ట్రన్‌ గౌన్లు పాశ్చాత్య శైలి దుస్తులలో ప్రధానంగా చెప్పుకునేవి గౌన్లు. అధికారిక కార్యక్రమాలలో గణనీయమైన ప్రజాదరణ పొందాయి. ఎ–లైన్‌ గౌన్లు, ఫ్యూజన్‌ టచ్‌ కోసం భారతీయ మోటిఫ్స్, ఎంబ్రాయిడరీతో ఇవి పార్టీలు, అధికారక విందులు, సమావేశాలలో ఈవెనింగ్‌ గౌన్లు అద్భుతమైన ఎంపికను అందిస్తున్నాయి. సిల్క్, శాటిన్‌ లేదా వెల్వెట్‌ ఫ్యాబ్రిక్‌తో డిజైన్‌ చేసిన గౌన్లపై బీడ్‌వర్క్, స్వీక్వెన్లు కలిగి మహిళ చక్కదనానికి, ఆధునికతకు అద్దం పడుతూ రిచ్‌ లుక్‌ను ఇస్తున్నాయి. ఫార్మల్‌ వేర్‌మన దేశం ఉష్ణమండలం అవడం వల్ల సౌకర్యం కోసం ఖాదీ, కోటా డోరియా వంటి కాటన్స్‌ను ఎంచుకుంటున్నారు. వీటిమీద ఎంబ్రాయిడరీలు, టై అండ్‌ డైలు, పెయింటింగ్‌లా ఉన్నవాటితో తమని తాము కొత్తగా ఆవిష్కరించుకుంటున్నారు.ఇతర అలంకారాలకూ...మ్యాచింగ్, ఎంబ్రాయిడరీ, సందర్భానికి తగిన విధంగా దుస్తుల ఎంపిక ఎలా ఉంటుందో, అలాగే ఫుట్‌వేర్‌ ఎంపిక కూడా ముఖ్యమైన జాబితాలో ఉంది. బంగారు, వజ్రాలు, కుందన్, పోల్కీ.. ఆభరణాలు సంప్రదాయ దుస్తులకు, ఆక్సిడైజ్డ్‌ ఆధునిక దుస్తులకు ఎంపికగా మారాయి. ఇండో–వెస్ట్రన్‌ శైలులు ఆభరణాల జాబితాలోనూ ప్రథమంగా ఉంటోంది. రీసైక్లింగ్‌ బెస్ట్‌ ఛాయిస్‌టెక్స్‌టైల్‌ ఇండస్ట్రీలో సస్టెయినబుల్, ఇండియన్‌ ఆర్ట్, ఇండియన్‌ టెక్స్‌టైల్, కెమికల్‌ ఫ్రీగా ఉండే హ్యాండ్లూమ్స్‌ని మహిళలు ఇష్టపడుతున్నారు. పవర్‌లూమ్స్, సింథటిక్స్‌ని దూరం పెడుతున్నారు. అంతర్జాతీయంగానూ ఎక్స్‌పరిమెంటల్‌ ప్యాషన్‌లోనూ రీ సైక్లింగ్‌ మీద దృష్టి ఎక్కువ ఉంటుంది. పాత కాలం నాటి బామ్మల పట్టుచీరలను కూడా తిరిగి ఉపయోగిస్తున్నారు. కట్‌ సిల్టౌట్స్, ఎంబ్రాయిడరీలో థ్రెడ్‌ వర్క్‌.. వంటి పాత కాలం స్టైల్స్‌ ఎంచుకుంటున్నారు. ఉదాహరణకు.. పాత బనారసి, పాత కంచి శారీస్‌ను తీసుకొని ప్యాచ్‌వర్క్‌తో మరో కొత్త డిజైనర్‌ శారీని తయారుచేస్తున్నారు. ఇండో–వెస్ట్రన్స్‌ విషయంలో చూస్తే రీ సైక్లింగ్‌కి బాగా డిమాండ్‌ ఉంది. ఉన్న వాటినే రీ క్రియేట్‌ చేస్తున్నారు. అమ్మమ్మ, అమ్మల చీరలను ఇన్నోవేషన్‌గా రీ సైక్లింగ్‌ చేయించుకొని తమ పెళ్లిళ్లకు ధరిస్తున్నారు. ఒక డ్రెస్‌ను పది మోడల్‌ డ్రెస్సులుగా ధరిస్తున్నారు. ప్రకృతి పట్ల బాధ్యతగా ఉండేది మహిళలే కాబట్టి. ఈ అవగాహన మహిళల నుండి వచ్చిందే. నార్త్‌ ఇండియన్స్‌ కూడా పాత చీరలు, వస్త్రాలతో ప్యాచ్‌వర్క్‌ చేసి బ్యాగ్స్, ఫుట్‌వేర్, క్విల్ట్‌లను సృష్టిస్తున్నారు. ఇది ఇంకా విస్తృతం అవుతుంది. మా దగ్గర పాతికమంది మహిళలు మేం ఉపయోగించగా మిగిలిన వేస్ట్‌ ఫ్యాబ్రిక్స్‌తో టాజిల్స్, రిబ్బన్స్, పౌచ్‌లు, జ్యువెలరీ, బ్యాంగిల్స్‌ తయారు చేసి అమ్ముతున్నారు. ఇవి ఇండోవెస్ట్రన్‌ ఔట్‌ఫిట్స్‌కు స్టైలిష్‌ లుక్‌నిస్తాయి. యువతరం, మహిళల ఆలోచనలకు తగినట్టుగా కెమికల్‌ ఫ్రీగా ఫ్యాషన్‌ ఇండస్ట్రీ తయారు కావడం ముదావహం. ‘పవర్‌ డ్రెస్‌’నుచూపినవారిలో...∙భారతదేశపు మొట్టమొదటి మహిళా ఫొటోజర్నలిస్ట్‌ హోమై వ్యారవల్లా. బ్రిటిష్‌ కాలం నుండి కొత్తగా స్వతంత్రదేశంగా మారడాన్ని డాక్యుమెంట్‌ చేయడంలో ప్రసిద్ధి చెందారు. గుజరాత్‌ రాష్ట్రంలో పుట్టిన ఆమె పార్సీ సమాజానికి చెందింది. తన వృత్తికి తగినట్టుగా హై రౌండ్‌ నెక్‌ బ్లౌజ్, లేతరంగు కాటన్‌ చీరలను ధరించేవారు. గౌన్లు, పలాజో ప్యాంట్లు ధరించి ఆమె తనదైన స్టైల్‌ స్టేట్‌మెంట్‌ను సృష్టించారు → నేతలలో తలమానికమైన ఇందిరాగాంధీ నేత చీరల కట్టు ఇప్పటికీ ఆమె ఆహార్యాన్ని కళ్లకు కడుతుంది. పాలిటిక్స్‌లో తన చీరకట్టు, హెయిర్‌ స్టైల్‌తో పవర్‌ఫుల్‌ ఐకాన్‌గా నిలిచారు. ఒక నిర్దిష్ట సందేశాన్ని ఇవ్వడానికి డ్రెస్సింగ్‌ని ఒక శక్తిమంతమైన మాధ్యమంగా ఉపయోగించారు. ఆమె చూపిన మార్గంలో చాలామంది మహిళా రాజకీయ వేత్తలు నేత చీరలను ధరించడం చూస్తున్నాం → సినీతారలు సందడి చేసే ఈవెంట్లను చూస్తే తమదైన స్టైలింగ్‌ డ్రెస్సులతో ఆకట్టుకునే తారలు ఎందరో. వారిలో ఎవర్‌గ్రీన్‌గా నిలిచే బాలీవుడ్‌ నటి రేఖతోపాటు దీపికా పదుకొనే, ప్రియాంకా చోప్రా, కరీనా, సోనమ్‌ .. వంటి తారలు ఏ ఈవెంట్‌లోనైనా తమ స్టైల్‌స్టేట్‌మెంట్‌ను చూపుతుంటారు. ఇటీవల నీతాఅంబానీప్రాచీన కళకు, రిచ్‌లుక్‌కి ఐకాన్‌గా మారడం గమనిస్తున్నాం.

ఉక్రేయిన్‌ అధ్యక్షుడు జెలెన్‌స్కీ అమెరికా వైట్‌హౌస్‌ ఓవల్‌ కార్యాలయంలో అధ్యక్షుడు డొనాల్డ్‌ ట్రంప్‌తో భేటీ అయిన సంగతి తెలిసిందే. ఆ సమావేశంలో ఇరువురు అధ్యక్షుల మధ్య మాటల యుద్ధం తీవ్రస్థాయిలో జరిగింది. ఆ తదనంతరం వైట్‌హౌస్‌లో జరిగిన మీడియా సమావేశంలో జెలెన్‌ స్కీ ధరించిన దుస్తులు హాట్‌టాపిక్‌గా మారాయి. అగ్రరాజ్యం అధ్యక్షుడిని వైట్‌హౌస్‌లో కలిసేటప్పుడు డ్రెస్‌ కోడ్‌ పాటించాలి కదా అంటూ ప్రశ్నలు లేవెనెత్తడం జరిగింది. ఇది అమెరికన్లను అవమానించడమే అంటూ వ్యాఖ్యలు రాగా వాటికి జెలెన్‌స్కీ తనదైన శైలిలో ధీటుగా సమాధానాలిచ్చారు కూడా. ఈ నేపథ్యంలో ఆయన ధరించిన దుస్తులు ప్రత్యేకత, డిజైనర్‌ వంటి వాటి గురించి ఈ కథనంలో తెలుసుకుందామా..!.జెలెన్‌స్కీ నల్ల కార్గోప్యాంటు, బూట్లతోపాటు ఉక్రెనియన్‌ జెండాలో ఉండే త్రిశూలం వంటి చిహ్నలతో కూడిన డ్రెస్‌ని ధరించారు. పైన ధరించిన షర్ట్‌కి మూడు బటన్లు అల్లిన లాంగ్‌ స్లీవ్‌ పోలో చొక్కాను ధరించారు. ఆయన వైట్‌హౌస్‌లోకి ఎంటర్‌ అవ్వగానే అధ్యక్షుడు డొనాల్డ్‌ ట్రంప్‌ పలకిరిస్తూ..జెలెన్‌స్కీ దుస్తులపై వ్యాఖ్యానించాడు. ఆ తర్వాత జరిగిన మీడియా సమావేశంలో రియల్ అమెరికాస్ వాయిస్ అనే కన్జర్వేటివ్ రిపోర్టర్‌ బ్రియాన్ గ్లెన్ జెలన్‌స్కీని మీరు సూటు ఎందుకు ధరించలేదు అంటూ ప్రశ్నించాడు. ఈ దేశ కార్యాలయంలో అత్యున్నత స్థాయిలో ఉన్నారు కదా..మరీ ఇలా సూట్‌ లేకుండా ఎలా వచ్చారంటూ ప్రశ్నలు గుప్పించాడు. అయితే అందుకు జెలెన్‌స్కీ త్వరలో మీకంటే మంచి సూట్‌ కచ్చితంగా ధరిస్తాను. స్వేచ్ఛను కోరుకుంటున్న తన దేశానికి ప్రతికగా ఈ వస్త్రధారణ అని ధీటుగా బదులిచ్చాడు జెలెన్‌స్కీ. మరీ ఈ దుస్తులని ఇంతలా అర్థవంతంగా తీర్చిదిద్దింది ఎవరో తెలుసా..!.ఎల్విరా గసనోవాఉక్రేనియన్ డిజైనర్ ఎల్విరా గసనోవా ఈ దుస్తులను రూపొందించింది. ఆమె డామిర్లి బ్రాండ్‌ పురుషుల దుస్తుల కలెక్షన్‌ నుంచి పోలో చొక్కా, ప్యాంటుని ధరించారు జెలెన్‌స్కీ. ఎల్విరా జెలెన్‌స్కీ కోసం ఈ పత్యేక వెర్షన్‌ను డిజైన్‌ చేసింది. దీన్ని డిజైనర్‌ 1991లో ఉక్రెయిన్ స్వీకరించిన కోట్ ఆఫ్ ఆర్మ్స్ త్రిశూలం ఉన్న షీల్డ్‌ ఆధారంగా రూపొందించిందిఈ మేరకు ఆమె తన ఇన్‌స్టాగ్రామ్‌లో తన ఉక్రెయిన్‌ భవిష్యత్తు కోసం పోరాటం సాగిస్తున్నా తమ ధైర్యానికి గుర్తుగా జెలెన్‌స్కీ సూట్‌ని కాకుండా ఉక్రెయిన్‌ బ్రాండ్‌ డామిర్లి పోలో చొక్కాను ఎంచుకున్నారు. ఇది ఆధునిక యోధుని యూనిఫాం. స్వేచ్ఛ కోసం నిలబడే దేశం అజేయమైన ఆత్మకు చిహ్నం. ఫ్యాషన్‌ సౌందర్యాన్ని అధిగమించి, ధిక్కరణ, విజయంపై విశ్వాసానికి శక్తిమంతమైన చిహ్నంగానూ, స్వరంగానూ ఉంటుంది ఈ వస్త్రధారణ అని ఎల్విరా సోషల్‌ మీడియా పోస్ట్‌లో రాసుకొచ్చింది.ఇక డిజైనర్‌ ఎల్విరా 2013లో డొనెట్స్క్‌లో తన బ్రాండ్‌ని స్థాపించారు. ఉక్రెయిన్ ప్రథమ మహిళ ఒలెనా జెలెన్‌స్కీ తరచుగా ఈ బ్రాండ్‌ బట్టలనే ధరిస్తుంటారు. దీన్ని ఆమె ఇద్దరు సభ్యులతో ప్రారంభించింది. తాను డిజైన్‌ చేయగలనా అని భయపడింది, కానీ క్రియేటివిటీగా తీర్చిదిద్దడంపై ఆసక్తి పెరిగి తనకు తెలియకుండానే వస్త్రాలు డిజైన్‌ చేయగలిగానంటోంది. నిజానికి ఆమె దంత వైద్యురాలు అవ్వాలనుకుంది. అయితే అనుకోకుండా డోనెట్స్క్ ఫ్యాషన్ డేలో పాల్గొంది. అక్కడ నుంచి ఫ్యాషన్‌ డిజైనర్‌గా మారాలని ఫిక్స్‌ అయ్యి ఈ రంగంలోకి వచ్చింది. ఆమె తొలి ఫ్యాషన్‌ షో నవంబర్‌ 01, 2013న జరిగింది. అలా ఆమె ఫ్యాషన్‌ డిజైనర్‌ ప్రస్థానం జరిగింది.Q: "Why don't you wear a suit?"Ukrainian President Zelenskyy: "I will wear costume after this war will finish." pic.twitter.com/FzJqjIAQHa— CSPAN (@cspan) February 28, 2025 (చదవండి: అరుదైన శస్త్రచికిత్స: దంతంతో కంటి చూపు..!)

ముంబైలో ఫ్యాషన్‌ టూర్‌–2025 సందర్భంగా టైగర్ ష్రాఫ్ . మానుషి చిల్లర్ అద్భుతంగా కనిపించారుముంబైలో జరిగిన బ్లెండర్స్ ప్రైడ్ ఫ్యాషన్ టూర్ లో బాలీవుడ్‌ తారలు టైగర్ ష్రాఫ్ ,మానుషి చిల్లర్ అందరి దృష్టిని ఆకర్షించారు. ప్రముఖ డిజైనర్‌ తరుణ్ తహిలియాని డిజైన్‌ చేసిన డిజైనర్‌ దుస్తుల్లో ర్యాంప్‌ వ్యాక్‌ చేశారు.శనివారం రాత్రి బ్లెండర్స్ ప్రైడ్ ఫ్యాషన్ టూర్‌ ముంబైలో అద్భుతంగా జరిగింది. తరుణ్ తహిలియాని కోచర్ మాస్టర్ క్లాస్ లో టైగర్ ష్రాఫ్ మానుషి చిల్లర్ అద్భుతంగా కనిపించారు టైగర్ ఎంబ్రాయిడరీ సూట్‌లో, మనుషి పాస్టెల్ లెహంగాలో ఆకట్టుకున్నారు. ట్రెడిషనల్‌ హ్యాండ్‌మేడ్‌, సమకాలీన ఫ్యాషన్ ట్రెండ్‌ పరిపూర్ణ సమ్మేళనంతో రూపొందించిన దుస్తుల్లో మోడల్స్‌ హైలైట్‌గా నిలిచారు. ముఖ్యంగా టైగర్, మానుషి ఇద్దరూ ఆత్మవిశ్వాసం, అధునాతనతకు ప్రతి రూపాలుగా ఫ్యాషన్ ఔత్సాహికులను ఆశ్చర్యపరిచారు. ఈ ఫ్యాషన్‌టూర్‌కి సంబంధించిన వీడియోను తరుణ్‌ తహిలియానీ ఇన్‌స్టాలో పోస్ట్‌ చేశారు. View this post on Instagram A post shared by Tarun Tahiliani (@taruntahiliani)ఇదీ చదవండి: సిక్స్‌ ప్యాక్ పెళ్లికూతురు, ఇంటర్నెట్‌ను షేక్‌ చేస్తోంది! టైగర్ ష్రాఫ్ డీప్ ప్లంజింగ్ సిల్క్ షర్ట్, ఫిట్టెడ్ బ్లాక్ ప్యాంటుతో కూడిన బ్లాక్‌ ఎంబ్రాయిడరీ సూట్‌లో మెరిశాడు. ముఖ్యంగా అతని పొడవైన, నల్ల జాకెట్, సంక్లిష్టమైన అలంకరణలు,బోల్డ్ కళ్ళజోడు ,లేయర్డ్ బంగారు ఆభరణాలతో మెరిసిపోతూ రాజ వైభవాన్ని తెచ్చిపెట్టింది.మరోవైపు, మనుషి చిల్లార్ మృదువైన పాస్టెల్-రంగు లెహంగాలో ఆధునిక మహారాణిలా కనిపించింది. విలాసవంతంగా ఎంబ్రాయిడరీ చేయబడిన స్కర్ట్ అద్భుతంగా కనిపించింది. హెరిటేజ్ పోల్కి, పచ్చ ఆభరణాలతో విశేషంగా నిలిచాయి. చోకర్ ,మాంగ్ టిక్కాతో సహా, సొగసైన బన్ ఆమె రూపానికి రాయల్‌ లుక్‌ తీసుకొచ్చింది.

నగరంలో జరుగుతున్న మిస్‌ అండ్‌ మిసెస్‌ స్ట్రాంగ్‌ – బ్యూటీఫుల్‌ ఆడిషన్స్‌ ఆకట్టుకున్నాయి. మాసాబ్‌ ట్యాంక్‌లోని జేఎన్‌ఎఫ్‌ యూలో శుక్రవారం యువతులతో పాటు వివాహిత మహిళలకు ఈ ఆడిషన్స్‌ నిర్వహించారు. ఇందులో రెండు తెలుగు రాష్ట్రాల్లో విభిన్న రంగాలకు చెందిన వారు ఈ పోటీల్లో హుషారుగా పాలుపంచుకున్నారు. కార్యక్రమంలో సినీనటుడు జోయల్, మిస్‌ ఇండియా రన్నరప్‌ నిషితా తదితర ఫ్యాషన్‌ రంగ ప్రముఖులు న్యాయనిర్ణేతలుగా వ్యవహరించారు. ఈ ఆడిషన్స్‌ ద్వారా ఎంపికైన వారు మార్చి 29న జరిగే ఫైనల్స్‌లో పోటీ పడతారని నిర్వాహకురాలు కిరణ్మయి అలివేలు తెలిపారు. – సాక్షి, సిటీబ్యూరో గ్యాలరీ కోసం ఇక్కడ క్లిక్‌ చేయండి : హైదరాబాద్ : ఆకట్టుకున్న మిస్‌ అండ్‌ మిసెస్‌ స్ట్రాంగ్ ఆడిషన్స్‌ (ఫొటోలు) శిల్పారామానికి గోల్డ్‌ గార్డెన్‌మాదాపూర్‌ : మాదాపూర్‌ శిల్పారామం అరుదైన పురస్కారాన్ని అందుకుంది. తెలంగాణ ప్రభుత్వం డిపార్ట్‌మెంట్‌ ఆఫ్‌ హార్టీకల్చర్‌ ఎనిమిదో గార్డెన్‌ ఫెస్టివల్లో మాదాపూర్‌ శిల్పారామానికి ల్యాండ్‌స్కేప్‌ గార్డెన్‌ నిర్వహణకు గానూ గోల్డ్‌గార్డెన్‌ సర్టిఫికెట్, జ్ఞాపికను అందజేశారు. ఈ అవార్డు ఇచ్చినందుకు శిల్పారామం ప్రత్యేక అధికారి జి.కిషన్‌రావు సంతోషం వ్యక్తం చేశారు .డిపార్ట్‌మెంట్‌ ఆఫ్‌ హార్టీకల్చర్‌ ఎనిమిదో ఫెస్టివల్లో ప్రదానం

ప్రముఖ యూట్యూబర్‌గా పేరుగాంచిన ప్రజక్తాకోలి తన చిరకాల ప్రియుడు వృషాంక్ ఖనాల్‌ని వివాహం చేసుకుంది. ఆమె మోస్ట్‌లీసేన్ అనే యూట్యూబ్ ఛానెల్‌తో రోజువారీ జీవిత పరిస్థితులకు సంబంధించిన కామెడీతో ఫేమస్‌ అయ్యింది. అలాగే నెట్‌ఫ్లిక్స్ రొమాంటిక్ డ్రామా మిస్‌మ్యాచ్డ్‌లో ప్రధాన పాత్ర పోషించి మంచి గుర్తింపు తెచ్చుకుంది. ఇక ఆమె ప్రీ వెడ్డింగ్‌, వివాహ వేడుకల్లో మహారాష్ట్ర సంప్రదాయన్ని హైలెట్‌ చేసేలా ఆమె లుకింగ్‌ స్టైల్‌ ఉంది. అయితే ఆమె ధరించి ఆకుపచ్చ నెక్లెస్‌ తిల్హరి అందరి దృష్టిని అమితంగా ఆకర్షించింది. అసలేంటి నెక్లెస్‌..? దాని విశిష్టత ఏంటి వంటి వాటి గురించి తెలుసుకుందామా..!.ప్రజక్తా తన వివాహ వేడుకలో జరిగే ప్రతీ కార్యక్రమానికి ఆమె ధరించిన దుస్తులు, నగలు టాక్‌ ఆఫ్‌ ది టౌగా మారాయి. ప్రీ వెడ్డింగ్‌, వెడ్డింగ్‌ లుక్స్‌ కోసం మినిమలిస్టిక్‌గా ఉండే స్టైల్‌కి ప్రాధాన్యత ఇచ్చారు. సంప్రదాయం ఉంట్టిపడేలా ఆధునిక ఫ్యాషన్‌ తగ్గ దుస్తుల శైలిని ఎంచుకున్నారు. అయితే ఈ జంట రిసెప్షన్‌ కోసం నేపాలి సంప్రదాయాన్ని అనుసరించారు. వరుడు వృషాంక్ బ్రౌన్ బ్లేజర్ ధరించి, ఐవరీ కుర్తా సెట్‌తో అందంగా కనిపించాడు. నేపాలీ టచ్‌ కోసం సాంప్రదాయ ఢాకా టోపీని జోడించారు. ఇక ప్రజక్త సాంప్రదాయ నేపలీ క్రిమ్సన్ బంగారు పట్టు నేత చీరను ఎంపిక చేసుకుంది. దానికి తగిన విధంగా బంగారు ఆభరణాలను జత చేసింది. మెడలో ధరించి ఆకుపచ్చ నెక్లెస్‌ స్పెషల్‌ ఎట్రాక్షన్‌గా నిలిచింది. దీన్ని తిల్హారీ నెక్లెస్‌ అని పిలుస్తారు.తిల్హారీ నెక్లెస్ అంటే..?తిల్హారీ నెక్లెస్ అనేది మంగళసూత్రం లాంటిది. ఇది నేపాల్‌లో మహిళల వైవాహిక స్థితికి సంకేతం. ఇది పోటే అని పిలిచే పూసలతో తయారు చేసిన దండవలె ఉండి, కింద తిల్హారీగా పిలిచే స్థూపకార లాకెట్టు ఉంటుంది. నెక్లెస్‌ రెండు భాగాలను విడిగా తీసుకువచ్చి ఆపై ఒకదానితో ఒకటి సమలేఖనం చేస్తారు. వధువులు తిల్హారీ ధరించడం అనేది పవిత్రమైనది, శుభప్రదమైనదిగా చెబుతుంటారు.(చదవండి: 37 ఏళ్ల తర్వాత కుంభమేళాలో కలుసుకున్న స్నేహితులు..!)

పాల మీగడను తలపించే లేత పసుపు రంగువసంతకాలాన్ని మరింత కళగా మార్చేస్తుంది. కాంతిమంతమైన రంగులను వెనక్కి నెట్టేస్తూ ఇండో– వెస్ట్రన్‌ స్టైల్‌ అయినా, సంప్రదాయ వేషధారణ అయినా ఈ స్ప్రింగ్‌ సీజన్‌లో బటర్‌ ఎల్లో స్పెషల్‌ మార్క్‌ వేస్తోంది.. పాజిటివ్‌ ఎనర్జీని చుట్టూ నింపడంలోనూ ప్రకృతిలో కొలువుండే ఆహ్లాదాన్ని కళ్లకు కడుతూ మదిని దోచేస్తోంది. రెట్రో స్టైల్‌కి సరైన ఎంపికగా నిలుస్తోంది. కార్పోరేట్‌ సంస్కృతికి కొత్త అర్ధం చెబుతూ మెట్రో స్టైల్‌తో బెస్ట్‌ మార్కులు కొట్టేస్తుంది.ఈ వసంత కాలంలోనే కాదు రాబోయే వేసవిలోనూ హాయిగొలిపే రంగుల జాబితాలో ముందు వరుసలో ఉంటుంది బటర్‌ ఎల్లో. ఈ లేత పసుపు రంగు షేడ్స్‌ సంప్రదాయ క్లాసిక్‌ వేర్‌లోనే కాదు బోల్డ్‌ కాంట్రాస్ట్‌ కలర్స్‌తోనూ జత కలుస్తుంది. మృదువైన, ప్రకాశవంతమైన రంగుల ఎంపికలో బటర్‌ ఎల్లో ముందువరసలో ఉంది. లాంగ్‌ గౌన్లు, స్టైలిష్‌ కార్పొరేట్‌ వేర్‌గానే కాదు ఫ్యాషన్‌ వేదికలపైనా లేత పసుపు రంగు తనదైన ముద్ర వేస్తోంది. చందేరీ, షిఫాన్, జార్జెట్‌ ఫ్యాబ్రిక్‌లలో బటర్‌ ఎల్లో మరింత ఆకర్షణీయంగా కనిపిస్తుంటే కాటన్, పట్టులలో రిచ్‌ లుక్‌తో అబ్బురపరుస్తుంది. కాంట్రాస్ట్‌ కలర్‌ ఆలోచనకు ఈ షేడ్‌ను దూరంగా పెట్టవచ్చు. సేమ్‌కలర్‌ ఎంబ్రాయిడరీ వర్క్, ఫ్లోరల్‌ ప్రింట్స్‌లో తెలుపు, గాఢమైన పసుపు రంగు మోటిఫ్స్, పోల్కా డాట్స్‌ బటర్‌ ఎల్లోను మరింత ఆకర్షణీయంగా మార్చుతాయి. ఇటీవల బాలీవుడ్‌ ఫ్యాషన్‌ ఐకాన్‌ సోనమ్‌ కపూర్‌ ముంబైలోని ఫ్యాషన్‌ ఈవెంట్‌ బీవోఎఫ్‌ గాలాలో డిజైనర్‌ జార్జ్‌ స్టావ్‌పోలోస్‌ రూపొదించిన లేత పసుపు షిఫాన్‌ గౌను ధరించి అందరి దృష్టిని ఆకర్షించింది. ఈ లుక్‌ 1970ల నాటి వింటేజ్‌ గ్లామర్‌ను తన డ్రెస్సింగ్‌ ద్వారా చూపింది.. ప్రాచీన అందాన్ని ఆధునికతతో మేళవించినట్టుగా తన డ్రెస్సింగ్‌ ద్వారా చూపుతూ ఈ సీజన్‌కు తప్పనిసరిగా ఉండవలసిన బటర్‌ ఎల్లో ప్రాముఖ్యతను చాటింది. (చదవండి: పువ్వులు పంచే అందం..!)

నగరంలో ఫ్యాషన్, గ్లామర్‌ ప్రపంచం సరికొత్త సందడి పులుముకుంది. ఈవెంట్స్‌ రంగం ఉత్సాహంతో ఉరకలేస్తోంది. తొలిసారిగా మిస్‌ వరల్డ్‌ పోటీలు తెలంగాణ రాష్ణంలోని హైదరాబాద్‌ నగరంలో నిర్వహించనున్నట్లు నిర్వాహకులు ప్రకటించడమే ఈ సందడికి కారణం. ప్రపంచస్థాయి అందాల పోటీకి ఆతిథ్యం ఇచ్చే అవకాశం రావడం భాగ్యనగరంలోని ఫ్యాషన్‌ రంగానికి చెందిన ఔత్సాహికులకు కలర్‌ ఫుల్‌ కలలకు ఊతమిస్తోంది. ప్రపంచ సుందరి పోటీలకు ఆతిథ్యం ఇవ్వడం నగరానికి మరింత గ్లోబల్‌ లుక్‌ తెచి్చపెడుతోంది. మొత్తం 120 దేశాలు పాల్గొనే ఈ అతిపెద్ద ఈవెంట్‌ దాదాపు నెల రోజుల పాటు నగర కేంద్రంగా జరగడం వల్ల అంతర్జాతీయంగా ఖ్యాతి పొందనుంది. ముఖ్యంగా ఇప్పటి వరకూ జరగని స్థాయిలో అంతర్జాతీయ ఫ్యాషన్, మోడలింగ్‌ రంగాలను నగరం ఆకర్షిస్తోంది. తద్వారా నగరంలో ఔత్సాహిక యువతకు అవకాశాలు విస్తరిస్తాయి. అదే విధంగా నగరం, చుట్టుపక్కల చారిత్రక ప్రదేశాలు, సంప్రదాయ హస్తకళలు ప్రపంచం దృష్టికి రానున్నాయి. ఇప్పటికే పలు చిత్రాల ద్వారా అంతర్జాతీయ ఖ్యాతిని అందుకున్న నగరం టాలీవుడ్‌ పరిశ్రమకు సైతం మరింత ఊపునివ్వనుంది. గొప్ప విశేషం.. ఎందరో యువత కల.. హైదరాబాద్‌ దేశంలోనే ఓ గొప్ప నగరంగా ఎదుగుతోంది. ఫ్యాషన్‌ రంగానికి సంబంధించి ఇది ప్రారంభం మాత్రమే. ఇలాంటివెన్నో నిర్వహించగల సామర్థ్యం నగరానికి ఉంది. ఒకనాటి బ్యూటీ కాంటెస్ట్‌ విజేతగా.. ప్రపంచ వ్యాప్తంగా ఎందరో అందమైన యువతులకు మన నగరం వేదిక కావడాన్ని చూసే రోజు కోసం ఎంతో ఉది్వగ్నంగా ఎదురుచూస్తున్నాను. – శిల్పారెడ్డి, మాజీ మిసెస్‌ ఇండియా బ్యూటీ ఈవెంట్స్‌ కేంద్రంగా.. గత కొంత కాలంగా బ్యూటీ క్వీన్స్‌కు మాత్రమే కాదు బ్యూటీ ఈవెంట్స్‌కు సైతం చిరునామాగా మారుతోంది. నగరానికి చెందిన శిల్పారెడ్డి మొదలుకుని గత ఏడాది సుష్మ తొండేటి వరకూ మిసెస్‌ ఇండియా కిరీటాన్ని నగరవాసులు ఎందరో గెలుచుకున్నారు. ఇక మానసా వారణాసి వంటివారు మిస్‌ ఇండియా కిరీటాలను తీసుకొచ్చారు. పూనమ్‌ కౌర్, మధుశాలిని వంటి మిస్‌ హైదరాబాద్‌లు అనంతరం సినీతారలుగా రాణించారు. నగరంలోని కళాశాలల నుంచి క్లబ్స్‌ వరకూ బ్యూటీ కాంటెస్ట్‌లను నిర్వహిస్తున్నాయి.ఈ తరహా ఈవెంట్లకు మరింత ప్రొఫెషనలిజాన్ని మిస్‌ వరల్డ్‌ అందించడం తధ్యం. ఏదేమైనా విశ్వనగరంగా మారుతున్న హైదరాబాద్‌కు ప్రపంచ సుందరి పోటీలు రావడం సమయోచితం అని చెప్పాలి. (చదవండి: ఆరోగ్య ప్రయోజనాలందించే బెస్ట్‌ చట్నీలివే..!)

పాకిస్తానీ హీరోయిన్ మావ్రా హొకేన్(Mawra Hocane) గురించి ప్రత్యేకంగా పరిచయం చేయాల్సిన పని లేదు. తొలుత బుల్లితెరపై కనిపించిన మావ్రా ఆ తరువాత హీరోయిన్‌గా రాణించింది. ఇప్పటికే తన డ్రీమీ వెడ్డింగ్‌ ఫోటోలతో ఇంటర్నెట్‌లో సందడి చేసిన ఈ అమ్మడు తాజాగా తన మెహిందీ వేడుకకు సంబంధించిన ఫోటోలను ఇన్‌స్టాలో షేర్‌ చేసింది. దీంతో ఆమె ఫ్యాషన్‌​ శైలికి ఫ్యాన్స్‌ ఫిదా అయిపోతున్నారు. అమీర్ గిలానీ(Ameer Gilani)ని ఇటీవల(ఫిబ్రవరి 5న) రిజిస్టర్ మ్యారేజ్ చేసుకుంది. ఇరు కుటుంబ సభ్యులతో పాటు స్నేహితులు హాజరైన వివాహానికి సంబంధించిన ఫొటోలు షేర్ చేస్తూ ఎమోషనల్ పోస్ట్ పెట్టిన సంగతి తెలిసిందే. ఇపుడు మెహిందీ లగాకే రఖ్‌లీ అంటూ, మెహందీ వేడుక నుండి అనేక చిత్రాలను పోస్ట్ చేసింది. ఇందులో అప్సరసలా మెరిసిపోయింది. View this post on Instagram A post shared by MAWRA (@mawrellous) గోల్డెన్‌ టోన్ ఎంబ్రాయిడరీ మస్టర్డ్‌ ఎల్లో -టోన్ ఘరారా సెట్‌ను ధరించింది.. దీనికి చిన్న ఫ్రాక్-శైలి కుర్తాతో పాటు ఫ్లేర్డ్ ఘరారాను జత చేసింది. అంతేకాదు డబుల్-దుపట్టా లుక్‌ లేటెస్ట్‌ ట్రెండ్‌కు అద్దం పడింది. మెజెంటా దుపట్టా , ఇంకోటి పర్పుల్‌ అండ్‌ బంగారు రంగు దుపట్టాను లుక్‌ను జత చేసింది. ఇక దీనికి జతగా బంగారు ఆభరణాలు, సింపుల్‌ మేకప్ లుక్‌తోతన ఫ్యాషన్‌ స్టైల్‌ను చాటుకుంది మావ్రా. మావ్రా హొకేన్ ప్రీవెడ్డింగ్‌ వేడుకల్లో ఎంబ్రాయిడరీ చేసిన సేజ్ గ్రీన్ షరారా సెట్‌లో అందంగా మెరిసింది.కాగా మావ్రా 2011లో ఈ అమ్మడు ‘కిచారి సాల్స’(Kichari Salsa) బాలీవుడ్ రొమాంటిక్ మూవీతో హీరోయిన్‌గా ఇండస్ట్రీకి ఎంట్రీ ఇచ్చింది. తరువత 2016లో ‘సనమ్ తేరీ కసమ్’ (Sanam Teri Kasam)తో నటిగా మంచి గుర్తింపు తెచ్చుకుంది.

దాదర్‌: దక్షిణ ముంబైలోని ప్రముఖ ఫ్యాషన్‌ స్ట్రీట్‌కు కొత్త లుక్‌ ఇవ్వాలని బహన్ముంబై మున్సిపల్‌ కార్పొరేషన్‌ (బీఎంసీ) నిర్ణయం తీసుకుంది. అందుకు అవసరమైన నూతన ప్రణాళిక రూపొందించి సిద్ధంగా ఉంచింది. సలహాదారుల కమిటీ సమరి్పంచిన నివేదిక ప్రకారం ఈ ప్రతిపాదనకు తుది మెరుగులు దిద్దే పనులు కూడా పూర్తయ్యాయి. త్వరలో టెండర్ల ప్రక్రియ ప్రారంభిస్తామని బీఎంసీ అదనపు కమిషనర్‌ (సిటీ) అశ్వినీ జోసీ తెలిపారు. ఈ ప్రక్రియ పూర్తికాగానే ప్రత్యక్షంగా పనులు ప్రారంభమవుతాయని ఆయన చెప్పారు. విదేశీ పర్యాటకులను ఆకర్షించేలా.. నగరంలో ప్రధాన రైల్వే స్టేషన్‌లైన చర్చిగేట్‌–చత్రపతి శివాజీ మహారాజ్‌ టర్మినస్‌ (సీఎస్‌ఎంటీ) మధ్య ఈ ఫ్యాషన్‌ స్ట్రీట్‌ ఉంది. దీనికి కూత వేటు దూరంలో ఆజాద్‌ మైదానం ఉంది. ఇక్కడ నేటి యువతను ఆకర్శించే అనేక కొత్త డిజైన్‌లతో కూడిన దుస్తులు, డ్రెస్‌ మెటీరియల్స్‌ లభిస్తాయి. దీంతో ఈ మార్కెట్‌ నగరంతోపాటు పశి్చమ, తూర్పు ఉప నగరాలు, శివారు ప్రాంతాల్లో ఎంతో గుర్తింపు పొందింది. ఇక్కడ రకరకాల దుస్తులతోపాటు, చేతి గడియారాలు, హ్యాండ్‌ బ్యాగులు, లగేజీ బ్యాగులు, బెల్టులు, బూట్లు తదితర ఫ్యాషనబుల్‌ వస్తువులు చౌక ధరకే లభించడంతో నిత్యం వేల సంఖ్యలో జనాలు వస్తుంటారు. అంతేగాకుండా దేశ నలుమూలలు, వివిధ రాష్ట్రాల నుంచి నగరానికి వచి్చన పర్యాటకులు ఫ్యాషన్‌ స్ట్రీట్‌ను తప్పకుండా సందర్శిస్తారు. వివిధ పనుల నిమిత్తం ముంబైకి వచి్చన వారు కూడా ఇక్కడికి వచ్చి తమకు నచ్చిన దుస్తులు, సామాగ్రి కొనుగోలు చేస్తారు. అన్ని రకాల, ఆధునిక ఫ్యాషన్‌ దుస్తులు లభించడంతో ఇక్కడికి పేదలతోపాటు, మధ్యతరగతి, ధనిక అని తేడా లేకుండా అన్ని వర్గాల వారు వస్తుంటారు. ఇక్కడికి వచ్చిన వారు ఖాళీ చేతులతో తిరిగి వెళ్లరు. ముఖ్యంగా నేటి యువత ఆధునిక ఏసీ షాపింగ్‌ మాల్స్‌ల కంటే ఫుట్‌పాత్‌పై వెలసిన ఈ ఫ్యాషన్‌ స్ట్రీట్‌కే ఎక్కువ ప్రాధాన్యత ఇస్తారు.లైసెన్సులు లేకుండానే వ్యాపారం..ప్రస్తుతం ఇక్కడ 6/8 లేదా 8/8 చదరపుటడుగులతో కూడిన చిన్న చిన్న టేలాలు, షాపులు ఇలా 250–300 వరకు ఉన్నాయి. ఇందులో లైసెన్స్‌గల షాపులు 112 ఉన్నాయి. మిగతా దుకాణాలన్నీ టెంపరరీ కావడంతో షట్టర్లు, డోర్లు, విద్యుత్‌ దీపాలు లేవు. చార్జింగ్‌ లైట్లతోనే వ్యాపారాలు కొనసాగిస్తారు. ఇక్కడ నిత్యం లక్షల రూపాయల లావాదేవీలు జరుగుతాయి. రాత్రుల్లు దొంగల నుంచి తమ వస్తువులను కాపాడుకునేందుకు అందులో పనిచేసే వారు లేదా యజమానులు అక్కడే నిద్రపోతుంటారు. ఇలాంటి చరిత్రగల ఫ్యాషన్‌ స్ట్రీట్‌ త్వరలో సింగపూర్, యూరోప్‌ దేశాల తరహాలో కొత్త హంగులు, విద్యుత్‌ దీపాలతో దర్శనమివ్వనుంది. షాపింగ్‌లకు వచ్చే కస్టమర్లకు ఇక్కడ తాగునీరు, మరుగుడొడ్లు లేవు. దీంతో షాపింగ్‌కు వచి్చన వారు తీవ్ర అసౌకర్యానికి గురవుతున్నారు. అయితే ఆధునీకీకరించే ఈ ప్రాజెక్టులో కస్టమర్లకు అవసరమైన కనీస వసతులు, అల్పాహార స్టాళ్లు, సేదతీరేందుకు బెంచీలు ఇతర మౌలిక సదుపాయాలు కల్పించనున్నారు. అధునిక సీసీ కెమెరాలతో భద్రతకు సైతం ప్రాధాన్యత ఇవ్వనున్నారు.

ఆహార పథ్యాలు, వ్యాయామాలతోనే కాకుండా కొన్ని రకాల చిట్కాలని అనుసరించడం ద్వారా కూడా సన్నగా, నాజూకుగా కనపడవచ్చు. అదెలాగంటే ఫ్యాషన్‌ అనేది స్టైల్‌’గా మాత్రమే కాకుండా నాజూగ్గా... అందంగా కనపడేలా కూడా చేస్తుంది. ఇందుకోసం చేయవలసిందల్లా శరీరంలో మీకు సమస్యగా అనిపించే ప్రాంతాలను గుర్తించడమే– అది మీ నడుము భాగమా లేదా మీ తొడలలో లేదా మీ పిరుదులలో సమస్యగా ఉందా అన్నది తెలుసుకోవాలి. ఇందుకోసం మీ గదిలో ఏకాంతంగా అద్దం ముందు నిల్చుని ప్రతి శరీర భాగాన్ని క్షుణ్ణంగా పరిశీలించుకొని, లోపాలను దాచి పెట్టుకోటానికి ప్రయత్నించాలి. లేదంటే కుటుంబ సభ్యులు, సన్నిహితుల సహకారం తీసుకోవడంలో తప్పు లేదు. శరీరంలోని ఈ భాగాలు శరీరం కన్నా పెద్దగా కనపడకుండా చూసుకోవాలి.మనం తీసుకునే ఆహారం శారీరక ఎదుగుదలకే కాదు, మనసు మీద కూడా ప్రభావం చూపిస్తుంది. కొన్ని రకాల ఆహారాలు మనసును నిరుత్సాహంగా మార్చితే, కొన్నిరకాల ఆహారాలు మనసును ఉత్తేజపరుస్తాయి. కార్బోహైడ్రేట్లు సెరోటోనిన్‌ అనే హార్మోన్‌ను విడుదల చేస్తాయి. ఇది ఫీల్‌గుడ్‌ హార్మోన్‌. అందుకే మన రోజువారీ ఆహారంలో కార్బొహైడ్రేట్‌లు ఉండేటట్లు చూసుకోవాలి. అలాగే మితిమీరిన చక్కెర స్థాయులు లేని కార్బోహైడ్రేట్‌లను తీసుకోవడం మంచిది. తిన్న తర్వాత త్వరగా జీర్ణమై రక్తంలో చక్కెర స్థాయులను పెంచే ఆహారానికి బదులుగా కూరగాయలు, బీన్స్, పొట్టు తీయని ధాన్యాలను తీసుకోవాలి.క్యారట్‌ శరీరంలో రక్తాన్నే కాదు... ఆ రక్తంలో ప్లేట్‌లెట్‌ కౌంట్‌ని కూడా పెంచుతుంది. దీన్ని తీసుకోవడం వల్ల ఆ సమస్యతో బాధపడేవారు త్వరగా ఉపశమనం పొందారని సర్వేలో తేలింది. క్యారెట్‌ని నేరుగానైనా, సలాడ్‌ రూపంలోనైనా ఎలా తీసుకున్నా ఫలితం ఉంటుంది.ఆయుర్వేదం ప్రకారం భోజనం చివరిలో నెయ్యి, బెల్లం మిశ్రమాన్ని తినడం వల్ల జీర్ణ క్రియ మెరుగుపడుతుంది. జీవక్రియ సవ్యంగా సాగుతుంది. శరీరంలోని వ్యర్ధాలన్నీ బయటకు పోయి ఆరోగ్యంగా ఉంటుంది. ముఖ్యంగా జీవశక్తి పెరుగుతుంది. నెయ్యి, బెల్లం రెండిట్లోనూ పోషక ప్రయోజనాలు ఎక్కువే. నెయ్యిలో ఉండే ఆరోగ్యకరమైన కొవ్వులు ఎముకల ఆరోగ్యాన్ని పెంచి, రోగనిరోధక శక్తిని కూడగడితే, బెల్లంలో మెగ్నీషియం, క్యాల్షియం వంటి ఖనిజాలు సమృద్ధిగా ఉంటాయి. అందువల్ల భోజనానంతరం నెయ్యి, బెల్లం తినడం వల్ల శరీరానికి కావలసిన ఇతర ΄ోషకాలు పుష్కలంగా అందుతాయి. ΄ోషకాహార లోపం రాకుండా శరీరం సవ్యంగా పనిచేస్తుంది. అయితే, తినమన్నారు కదా అని పెద్ద పెద్ద ముక్కలు తినేయకూడదు. చిన్న ముక్క తింటే చాలు. (చదవండి: సిట్‌ రైట్‌: సరిగ్గా కూర్చుందాం ఇలా..!)

సాక్షి, సిటీబ్యూరో: కొన్నేళ్ల క్రితం ఫ్యాషన్‌ ఔత్సాహికులు అత్యాధునిక డిజైన్ల వైపు మొగ్గు చూపేవారని, కానీ ప్రస్తుతం మళ్లీ పాత రోజుల్లోకి వెళ్తున్నారని, ఆనాటి డిజైన్లకు మళ్లీ ఆదరణ పెరుగుతోందని ప్రముఖ జువెల్లరీ డిజైనర్, విభ జ్యూవెలరీ వ్యవస్థాపకురాలు అనీషారెడ్డి అభిప్రాయపడ్డారు. ఆర్థికంగా సాధారణ స్థాయి మొదలు విలాసవంతమైన జీవితం గడుపుతున్న మహిళల వరకు ఆభరణాల ఖర్చు విషయంలో ఆచితూచి వ్యవహరిస్తున్నారని.. దీనికి అనుగుణంగా రూపొందిస్తున్న కలెక్షన్లకు మాత్రమే మార్కెట్‌లో ఆదరణ పెరుగుతోందని అన్నారు. మణికొండ వేదికగా నూతనంగా రూపొందించిన వింటెరా కలెక్షన్‌ను బుధవారం ఆవిష్కరించారు. అంతరంగమే.. ప్రేరణ అందించేలా..మన ఆలోచనల్లోని మార్పులు, చేర్పులు, ఆచరణాత్మక దృక్పథాలే మన విజయాలు, గమ్యాన్ని నిర్ణయిస్తాయని విద్యావేత్తలు, ప్రముఖులు స్పష్టం చేశారు. నగరంలోని వోక్స్‌సెన్‌ విశ్వవిద్యాలయంలో నిర్వహించిన టెడ్‌ ఎక్స్‌ టాక్స్‌లో పలువురు ప్రముఖులు పాల్గొని యువతకు విజయాల సాధనలో దిశానిర్ధేశం చేశారు. ఇంటర్నేషనల్‌ ట్రైనర్, మోటివేషనల్‌ స్పీకర్, బెస్ట్‌ సెల్లింగ్‌ పుస్తకాల రచయిత, ఆరి్టస్ట్, ట్రాన్స్‌ఫర్మేషన్‌ కోచ్‌ మయూర్‌ కల్‌బాగ్‌ స్వీయ–ఆవిష్కరణ పరివర్తనపై తన దృక్పథాలతో ఆకట్టుకున్నారు. అఘోరి – యాన్‌ అన్‌టోల్డ్‌ స్టోరీ, స్మైల్‌ ఎట్‌ స్ట్రెస్, రైజింగ్‌ వాటర్‌ఫాల్‌ అడ్వెంచర్స్‌ ఆఫ్‌ పూర్ణ వంటి విజయవంతమైన పుస్తకాలకు ప్రసిద్ధి చెందిన కల్‌బాగ్‌ తన ప్రసంగంలో వృద్ధికి ఉ్రత్పేరకంగా ఆంతరంగిక భావనను చూపారు. ఎర్టెన్‌ ట్యూన్స్‌ సహవ్యవస్థాపకుడు అసోసియేట్‌ డీన్‌ సంతోష్‌ కొచెర్లకోట, పద్మశ్రీ అవార్డ్‌ గ్రహీత చింతకింది మల్లేశం, చుర్రోల్టో హైదరాబాద్‌ – జాసా మీడియా వ్యవస్థాపకుడు నీహర్‌ బిసాబతిని పాల్గొన్నారు. మలేషియా రెగట్టాలోలో సిటీ సెయిలర్స్‌ మలేషియాలోని పెర్దానాలో జరగనున్న 21వ లంకావై అంతర్జాతీయ రెగట్టాకు మన రాష్ట్రానికి చెందిన 11 మంది సెయిలర్స్‌ ఎంపికయ్యారు. ముంబైలో ఇటీవల జరిగిన సీనియర్‌ నేషనల్స్‌లో కాంస్యం గెలుచుకున్న ప్రీతి కొంగర, జోగులాంబ గద్వాల్‌కు చెందిన చాకలి కార్తీక్‌తో కలిసి 470 మిక్స్‌డ్‌ క్లాస్‌ సీనియర్స్‌ విభాగంలో పోటీపడనున్నారు. పలు జాతీయ ఛాంపియన్‌షిప్స్‌లో స్వర్ణాలు సాధించిన నగరానికి చెందిన వైష్ణవి వీరవంశం, నల్గొండ జిల్లాకు చెందిన యువ గిరిజన బాలుడు శ్రావణ్‌ కాత్రవత్‌తో 420 మిక్స్‌డ్‌ క్లాస్‌ జూనియర్స్‌లో పోటీ పడుతున్నారు. వీరు ప్రస్తుతం భారత్‌లో నంబర్‌–1 ర్యాంక్‌లో ఉన్నారు. రిజ్వాన్‌ మొహమ్మద్, రసూల్‌పురాకు చెందిన లాహిరి కొమరవెల్లి, వినోద్‌ దండు, చంద్రలేఖ, భానుచంద్ర, రవికుమార్, బద్రీనాథ్‌ కూడా పోటీ పడుతున్నారని తెలంగాణ సెయిలింగ్‌ అసోసియేషన్‌ అధ్యక్షుడు సుహీమ్‌ షేక్‌ తెలిపారు.

ప్రయాగ్‌రాజ్‌:ప్రధాని మోదీ తాను ధరించే దుస్తుల ప్రత్యేకత గురించి వేరే చెప్పనవసరం లేదు. దుస్తుల విషయంలో ఆయన ఎప్పటికప్పుడు ఫ్యాషన్‌ ట్రెండ్‌ను అనుసరిస్తూ అందరి దృష్టిని ఆకర్షిస్తుంటారు. సంప్రదాయ దుస్తులు ధరించే సందర్భం ఏదైనా ఉంటే ఖచ్చితంగా సంప్రదాయానికి తగట్టు వ్యవహరిస్తూనే ఫ్యాషన్‌ను ఫాలో అవుతుంటారు.బుధవారం(ఫిబ్రవరి5) ప్రయాగ్‌రాజ్‌లో జరుగుతున్న మహాకుంభమేళాకు ప్రధాని హాజరయ్యారు. ఈ సందర్భంగా ప్రధాని ఏకంగా మూడు రకాల దుస్తులు ధరించారు. అరాలీ ఘాట్‌ నుంచి త్రివేణి సంగమానికి బోట్‌లో వెళుతున్న సమయంలో సంప్రదాయ కుర్తా,పైజామా పైన నెహ్రూ జాకెట్‌ ధరించారు.ఇక త్రివేణి సంగమంలో పవిత్ర స్నానమాచరించే సమయంలో మాత్రం ప్రధాని సంప్రదాయానికి భిన్నంగా అథ్లీజర్‌ దుస్తులను ధరించారు. మెడలో నీలిరంగు స్కార్ఫ్‌ వేసుకుని మణికట్టుకు రుద్రాక్ష మాల చుట్టుకున్నారు.స్నానం పూర్తయి హారతి ఇచ్చే సమయంలో కుర్తా,చుడీదార్‌ పైజామా వేసుకున్నప్పటికీ కుర్తాపై పఫ్ఫర్‌ జాకెట్‌ ధరించారు.తలపై రంగురంగుల పహారీ టోపీ ధరించారు. ప్రధాని కుంభమేళా పర్యటన సమయంలో ధరించిన దుస్తుల విషయంలో సోషల్‌మీడియాలో చర్చ జరుగుతోంది.

భారత బ్యాడ్మింటన్ క్రీడాకారిణి పీవీ సిందులో మరోసారి తన ఎటైర్‌తో అందర్నీ ఆకర్షించింది. సింధు కోర్టులో మెరుపు షాట్లతో అబ్బుర పర్చడంమాత్రమే కాదు, తనదైన శైలి ఫ్యాషన్‌తో అందమైన చీర కట్టుతో ఆకట్టుకుంది. ‘మీ అండ్‌ మైన్‌’ అంటూ ఇన్‌స్టాలో ఒక ఫోటోను పోస్ట్‌ చేసింది. దీంతో అభిమానులను ఆమె లుక్‌కి ఫిదా అవుతూ కామెంట్స్‌పెట్టారు.ఫ్రెండ్‌ పెళ్లికి వెళ్లిన పీవీ సింధు క్లాసిక్ ఇండియన్ కాంజీవరం చీరలో అద్భుతంగా కనిపించింది. అందమైన బిగ్‌ జరీ బోర్డ్‌ పట్టుచీరలో నవ్వుతూ యువరాణిలా కనిపించింది. చీర అంతా తెల్లటి ఎంబ్రాయిడరీ అందంగా కనిపిస్తోంది. దీనికి జతగా మల్టీ లేయర్‌ నెక్లెస్, మ్యాచింగ్‌ చెవిపోగులతో తన లుక్‌ ను మరింత ఎలివేట్‌ చేసుకుంది. మృదువైన కర్ల్స్‌లో స్టైల్ చేసి అలా వదిలేసింది. ఇదీ చదవండి: ఇన్నాళ్లకు శుభవార్త, ప్రముఖ ఫ్యాషన్ స్టైలిస్ట్ ఫోటోలు వైరల్‌వెంకట దత్త సాయి విషయానికొస్తే, అతను తెల్లటి కుర్తా-పైజామా సెట్‌లో ఎప్పటిలాగానే మెరిసిపోయాడు. తన లుక్‌ను మరింతగా పెంచుతూ,పీచ్-హ్యూడ్ఎంబ్రాయిడరీ జాకెట్‌ ధరించాడు. ఇంకా గోల్డెన్‌ ఎంబ్రాయిడరీ, బటన్స్‌ జాకెట్‌కు ట్రెండీ స్టైల్‌ను జోడించాయి. View this post on Instagram A post shared by PV Sindhu (@pvsindhu1) కాగా రెండుసార్లు ఒలింపియన్ అయిన సింధు గత సంవత్సరం డిసెంబర్‌లో వ్యాపారవేత్త వెంకట దత్త సాయిని వివాహం చేసుకుంది. అంగరంగ వైభవంగా జరిగిన ఈ వేడుకల్లో ప్రతీది ప్రత్యేక ఆకర్షణగా నిలిచాయి. మెహిందీ, సంగీత్‌ వేడుకల్లో అందంగాముస్తాబై, ఫ్యాషన్‌ ప్రియులు కూడా ఆశ్చర్యపోయేలా చేశారు. సమయానికి తగ్గట్టుఅద్భుతమైన సాంప్రదాయ దుస్తులతో ఈ జంట అందరి దృష్టిని తమవైపు తిప్పుకున్నారు. మ్యాచింగ్‌ డైమండ్‌ ఆభరణాలతో పీవీ సింధు కొత్త ట్రెండ్‌ను క్రియేట్‌ చేసింది.ఇదీ చదవండి: తెల్లవెంట్రుకలను చూసి చింతించాల్సిన అవసరం లేదు! ఇంట్రస్టింగ్‌ స్టోరీ

ప్రముఖ ఫ్యాషన్ స్టైలిస్ట్,సంజనా బాత్రా తన అభిమానులకు గుడ్‌ న్యూస్‌ అందించింది. ఇండియాలో సెలబ్రిటీ ఫ్యాషన్ స్టైలిస్ట్‌లలో ఒకరిగా పేరు తెచ్చుకున్న సంజనా బాత్రా తల్లి కాబోతోంది. ఈ విషయాన్ని ఆమె సోషల్‌ మీడియా ద్వారా వెల్లడించింది. దాదాపు పెళ్లైన అయిదేళ్ల తరువాత తమ తొలిబిడ్డకు జన్మనివ్వబోతున్నారు. దీంతో పలువురు సెలబ్రిటీలు, ఫ్యాన్స్‌ సంజన బాత్రా , అవ్రాల్ బెరి దంపతులకు అభినందనలు తెలిపారు.గర్భధారణను అత్యంత హృద్యంగాసంజన ,ఆమె భర్త అవ్రాల్ బెరి ఇన్‌స్టాగ్రామ్‌లో బ్లాక్‌ అండ్‌ వైట్‌లో ఒక అద్భుతమైన రీల్‌ను పంచుకున్నారు. ఇందులో వారి పెట్‌ డాగ్స్‌తో పాటు తాము తల్లిదండ్రులను కాబోతు న్నామనే విషానే అందంగా ప్రకటించారు. అవర్‌ ప్యాక్‌ ఈజ్‌ గ్రోయింగ్‌ అనే క్యాప్షన్‌తో తమ కుటుంబంలోకి మరో ప్రాణం రాబోతోందనే విషయాన్ని వెల్లడించారు. సంజన ఒక ఫ్లోవీ గౌనులో మెరుస్తూ, తన బేబీ బంప్‌ను అప్యాయంగా పట్టుకుంది. తీగలపై వేలాడుతున్న బేబీ దుస్తులు మరింత అద్భుతంగా కనిపించాయి. సెలబ్రిటీలు,అభిమానులు కాబోయే తల్లిదండ్రులపై ప్రేమను కురిపిస్తున్నారు. View this post on Instagram A post shared by Sanjana Batra (@sanjanabatra) ముందుగా అభినందనలు తెలిపినవారిలో బాలీవుడ్ నటి పరిణీతి చోప్రా ఒ‍కరు. ఆమె "అభినందనలు బాచీ" కామెంట్‌ చేసింది. ఇంకా హీరోయిన్‌ శిల్పా ఫ్యాషన్ ఇన్ఫ్లుయెన్సర్ ఇషితా మంగళ్ , ఫ్యాషన్ కన్సల్టెంట్ స్టైలిస్ట్ స్మృతి సిబల్ ,ప్రముఖ ఇన్ఫ్లుయెన్సర్ సాక్షి సింధ్వాని తదితరులు లవ్‌ ఎమోజీలతో తమ సంతోషాన్ని ప్రకటించారు. ముంబైకి చెందిన సంజనా యూనివర్సిటీ ఆఫ్‌ లండన్‌లో స్క్రీన్‌ అండ్‌ ఫిల్మ్‌ స్టడీస్‌లో మాస్టర్‌ డిగ్రీ చేసింది. స్వదేశానికి తిరిగొచ్చాక అడ్వరై్టజింగ్‌ ప్రొడక్షన్‌ హౌస్‌లో పని చేయడం మొదలుపెట్టింది. ఆ క్రమంలోనే స్టయిలింగ్‌ మీద ఆమె దృష్టి పడింది. క్రియేటివ్‌ రంగంలోనే స్థిరపడాలనే తపన ఆమెను ఫ్యాషన్‌ రంగంలోకి ప్రవేశించేలా చేసింది. బ్యూటీ అండ్‌ లైఫ్‌స్టయిల్‌కి సంబంధించిన ఒక వెబ్‌ మ్యగజైన్‌కి ఎడిటర్‌గా పనిచేస్తున్న సమయంలోనే హృతిక్‌ రోషన్‌ నటించిన ‘బ్యాంగ్‌ బ్యాంగ్‌’ సినిమాకు పనిచేసింది. అలా ఆమెకు అవకాశాలు వెతుక్కుంటూ వచ్చాయి. ఆలియా భట్, ప్రాచీ దేశాయ్, శిల్పా శెట్టి, పరిణీతి చోప్రా, కల్కి కోశ్చిలిన్, హుమా కురేశీ, జాక్వెలిన్‌ ఫెర్నాండేజ్‌ వంటి ఎందరో నటీమణులకు ప్రముఖులకు స్టైలింగ్ చేసింది. అలాగే పద్మావత్, గల్లీ బాయ్ వంటి చిత్రాలలో ఆమె చేసిన కృషికి ఆమె ప్రత్యేకంగా ప్రశంసలు అందుకుంది. వోగ్ ఇండియా, హార్పర్స్ బజార్ ఇండియా, ఎల్లే ఇండియాతో సహా అనేక మ్యాగజైన్‌లలో స్టైల్స్‌ ప్రత్యేక ఆకర్షణగా నిలిచాయి. సంజన బాత్రా , కెన్నెల్‌ కిచెన్‌ ఫౌండర్‌ అవ్రాల్ బెరి పదేళ్ల పరిచయం తరువాత2020లో పెళ్లి చేసుకున్నారు.

అప్పటి వరకు అమ్మనాన్న, కుటుంబ సంరక్షణలో సాఫీగా సాగిపోయే జీవితం ఒక్కసారిగా తలకిందులైతే..! 16 ఏళ్ళ వయసులో తాన్యా జీవితం అలాగే అయ్యింది. తల్లిదండ్రులు విడాకులు తీసుకోవడం, తండ్రి వదిలేసి వెళ్లటంతో తల్లి దేవేశ్వరి నాయల్‌ తాన్యాను, ఆమె తమ్ముడిని పెంచటానికి అనేక ఆర్థికపరమైన సవాళ్ళను ఎదుర్కొంది. ఆ సమయంలో కూలిపోతున్న కలల ప్రపంచాన్ని నిర్మించుకోవడానికి తాన్యా తల్లికి చేదోడుగా ఉండి, తను కూడా సొంతకాళ్లపై నిలబడింది. ఫ్యాషన్‌ డిజైనర్‌గా, విజయవంతమైన వ్యాపారవేత్తగా ఎదిగింది.జీవితంలోని ఏదో ఒక దశలో చీకటి క్షణాలు కమ్ముకుంటాయి. ఇలాంటప్పుడు కూడగట్టుకున్న ధైర్యం నిలిచిన విధానం ఎంతోమందికి స్ఫూర్తిగా నిలుస్తుంది. తనను తాను నిలదొక్కుకోవడమే కాకుండా తల్లికి చేదోడుగా ఉంటూ ఎదిగిన తాన్యా యువతకు స్ఫూర్తిగా నిలిచే ఓ పాఠం.ముంచెత్తే సవాళ్లుపదహారేళ్ల వయసు అంటే ఎన్నో కలలతో కూడుకున్నది. కుటుంబం నుంచి భద్రతను కోరుకునే కాలం. అలాంటి సమయంలో ఇల్లు అభద్రతలో కూరుకు΄ోయింది. వయసులో ఉండటం కారణంగా చుట్టూ నిండా ముంచెత్తే సవాళ్లను ఎదుర్కొంది. అయినప్పటికీ జాగ్రత్తగా నిర్ణయం తీసుకోవడం, అచంచలమైన స్ఫూర్తితో, ఆమె తన పరిస్థితుల సంక్లిష్టతలను బ్యాలెన్స్‌ చేసుకోగలిగింది. సరైన చదువు లేకపోవడంతో తగిన ఉపాధి దొరకక దేవేశ్వరినాయల్‌ చాలా కష్టపడేది. దీంతో కుటుంబ ఆర్థిక ఒత్తిడి ఆమె తట్టుకోలేకపోయేది. ఈ క్లిష్ట సమయంలో తాన్య ఒక ప్రైవేట్‌ ఇన్‌స్టిట్యూట్‌లో ఫ్యాషన్‌ డిజైనింగ్‌ కోర్సును అభ్యసిస్తూనే చిన్న పిల్లలకు ట్యూషన్‌ చెప్పే బాధ్యతను తీసుకుంది. ఇంతలో, కొత్త అవకాశాల కోసం తమ ఇంటిని వదిలిపెట్టారు. తాన్య నాటి రోజులను గుర్తుచేసుకుంటూ–‘పరిచయస్తుల ద్వారా మా అమ్మతో కలిసి రాష్ట్ర దూరదర్శన్‌ కేంద్రానికి చేరుకున్నాను. అక్కడ, గిరిజనుల దుస్తులను డిజైన్‌ చేయడానికి నాకు ఆఫర్‌ వచ్చింది. అప్పటి సెంటర్‌ డైరెక్టర్‌ అనుపమ్‌ జైన్, ఆమె తల్లి మధ్య జరిగిన సంభాషణలో నాకో మార్గం కనిపించింది. దూరదర్శన్‌ సిబ్బందికి ఒక సాధారణ టిఫిన్‌ సెంటర్‌ను ఏర్పాటు చేయాలని జైన్‌ మాతో చెప్పింది. ఇది మా జీవితాలకు ఒక మలుపుగా మారింది’ అంటుంది తాన్యా.అంకిత భావందేవేశ్వరి గర్వాలీ, హిందీ భాష రెండింటిలోనూ నిష్ణాతులు. ఆమె భాషా ప్రావీణ్యం దూరదర్శన్‌ లోని ఒక అధికారి దృష్టిని ఆకర్షించింది. మారుమూల ప్రాంతాల నుండి వచ్చిన అనేక మంది స్థానిక కళాకారులు హిందీ రాకపోవడంతో ఇబ్బంది పడుతుండేవారు. వారి ఆలోచనలను హిందీలోకి అనువదించడం ద్వారా దేవేశ్వరి భాషా అంతరాన్ని తగ్గించేవారు. అలా దేవేశ్వరి, తాన్య స్థిరమైన ఆదాయం పొందడం అక్కడ నుంచే మొదలైంది. తాన్య అంకితభావం, నైపుణ్యం దూరదర్శన్‌ కేంద్రంలో కళాకారుల కోసం దుస్తులను రూపొందించే అవకాశాన్ని కూడా సంపాదించిపెట్టింది. కుటుంబం ప్రధాన జీవనోపాధిగా ఆమె పాత్రను మరింత పటిష్టం చేసింది. ఎంతోమందికి ఇబ్బంది అనిపించే బాధ్యతను తాన్యా అతి చిన్న వయసులోనే అలా తీసుకుంది. (కీర్తి సురేష్‌ మెహిందీ లెహెంగా విశేషాలు, ఫోటోలు వైరల్‌)సామాజికంగా ఉన్నతంగా!చట్టబద్ధంగా విడాకులు తీసుకున్నప్పుడు, దేవేశ్వరి గుండెలో ఆమె మాజీ భర్త పట్ల ద్వేషం ఉండేది. ఆమె తన గౌరవాన్ని తిరిగి పొందాలని చదువుతో తన పిల్లలను ఉన్నత స్థాయికి తీసుకురావాలనుకుంది. నిశ్శబ్ద ప్రతీకారంతోనే సామాజికంగా ఉన్నతంగా నిలబడాలని ఆశించింది. వివిధ మార్గాల్లో ఆదాయ వనరులతో ఆమె తాన్య, తరుణ్‌ను మర్చంట్‌ నేవీలోకి పంపగలిగింది. పోరాటం నుండి విజయం వరకు తాన్య ప్రయాణం అనేక మైలురాళ్లతో సాగింది. వాటిలో అత్యంత ప్రతిష్టాత్మకమైనది గిన్నిస్‌ బుక్‌ ఆఫ్‌ వరల్డ్‌ రికార్డ్స్‌లో ఆమె పేరు పొందుపరచడం. (Paris Fashion Week 2025 : అపుడు మంటల్లో.. ఇపుడు దేవతలా ర్యాంప్‌ వాక్‌!)నేడు, తాన్య తన స్వంత సంస్థ అయిన ‘తంతి’ వ్యవస్థాపకురాలు. ఈ పదం సంస్కృతం నుండి తీసుకున్నది. ఒక చిన్న వెంచర్‌గా ప్రారంభమైన ‘తంతి’ ఇప్పుడు అభివృద్ధి చెందుతున్న వ్యాపారం. డిజైనర్లు, టైలర్లు, మహిళలతో సహా 53 మందికి వ్యాపారం ద్వారా ఉపాధి కల్పిస్తోంది. ఉత్తరాఖండ్‌లో తాన్యా నాయల్‌ పేరు ఇప్పుడు పరిచయం చేయాల్సిన అవసరమే లేదు. ఆ పేరు ఒక్కటి చాలు, ఆమె స్థాయి ఏంటో ఇట్టే చెప్పేస్తారు.

మహానటి ఫేం కీర్తి సురేష్‌ తన ప్రియుడు ఆంథోనీ తట్టిల్‌తో గత ఏడాది ఏడు అడుగులు వేసింది. పదిహేనేళ్ల డేటింగ్‌ను అత్యంత గోప్యంగా ఉంచి ఉన్నట్టుండి ఆంటోనీని వివాహ మాడి అభిమానులు సర్‌ప్రైజ్‌ చేసింది. తాజాగా తమ మెహిందీ వేడుకకు సంబంధించిన ఫోటోలును సోషల్‌ మీడియాలో షేర్‌ చేసింది. దీంతో ఇవి వైరల్‌గా మారాయి. ముఖ్యంగా కీర్తి సురేష్‌ ధరించిన లేత గులాబీరంగు లెహంగా విశేషాలు ఆసక్తికరంగా మారాయి. మరి ఆవివరాలేంటో తెలుసుకునే ప్రయత్నం చేద్దాం. కీర్తి సురేష్ వైబ్రంట్ లెహంగాతో అందంగా మెరిసిపోయింది. ఇన్‌స్టాగ్రామ్ హ్యాండిల్‌లో భర్త ఆంథోనీతో తన మెహందీ వేడుక ఫోటోలతోపాటు, పింక్‌ వైబ్రంట్ లెహంగా ఫోటోలను షేర్ చేసింది.కీర్తి, ఆంథోనీ ఇద్దరూ మ్యాచింగ్‌ దుస్తుల్లో అసలైన పెళ్లికళతో అందంగా కనిపించారు. చక్కటి ఎంబ్రాయిడరీ చేసిన గులాబీ రంగు కలిసిన బహుళ వర్ణ లెహెంగాలో కీర్తి మురిపించింది. దీనికి మిర్రర్‌ వర్క్‌, మోటిఫ్‌లు స్పెషల్‌ ఎట్రాక్షన్‌గా నిలిచాయి. ఇంకా పాస్టెల్-హ్యూడ్ స్లీవ్‌లెస్ బ్లౌజ్, లేత వంకాయ గులాబీ రంగు కలగలిసిన దుపట్టా మరింత ఎట్రాక్టివ్‌గా అమరాయి. ఇక తమిళ అక్షరాలతో రూపొందిన చెవిరింగులు భలే ఉన్నాయ్‌! చాలా సాధారణమైన మేకప్‌, తేలికపాటి ఆభరణాలను ఎంచుకుంది. మరికొన్ని ఫోటోలలో సన్ గ్లాసెస్ పెట్టుకుని చలాకీగా చిలిపిగా కనిపించింది. మరోవైపు, ఆంథోనీ మ్యాచింగ్ కుర్తా-పైజామా ధరించాడు. ప్రకాశవంతమైన-నీలం రంగు కుర్తా, గులాబీ జాకెట్‌తో కీర్తి లుక్‌కు అద్దినట్టు సరిపోయాడు.కాగా కీర్తి సురేష, ఆంథోనీ వివాహం గ్రాండ్‌గా గోవాలో (2024, డిసెంబర్ 12) జరిగింది. తొలుత తమిళ బ్రాహ్మణ సంప్రదాయాల ప్రకారం మూడుముళ్లు వేయించుకుంది. అలాగే మలయాళీ క్రైస్తవ సంప్రదాయం ప్రకారం ఉంగరాలు మార్చుకున్న సంగతి తెలిసిందే. అలాగే పసుపు తాడుతో తన లేటెస్ట్‌ మూవీ బేబీజాన్‌ ప్రమోషన్స్‌లో కనిపించి అందర్నీ ఆశ్చర్య పర్చింది.

వివాహ వేడుక అనగానే ఆ సందడి, ఆ వైభవం మన కళ్ల ముందు ఇట్టే నిలుస్తుంది. వేదికపై వధూవరులిద్దరూ ప్రత్యేక అందంతో వెలిగిపోతుంటారు.అందుకు, వారి డ్రెస్‌ డిజైన్స్‌ ప్రధాన ఆకర్షణగా ఉంటాయి. ‘ఈ వెడ్డింగ్‌ సీజన్‌కి కాంట్రాస్ట్‌ కలర్స్, కాన్సెప్ట్‌ థీమ్స్‌నితమ డ్రెస్సుల్లో ఉండేలా కోరుకుంటున్నారు’ అంటూ ప్రస్తుత ట్రెండ్‌ను పరిచయం చేస్తున్నారు హైదరాబాద్‌ వాసి సెలబ్రిటీ, బ్రైడల్‌ అండ్‌ గ్రూమ్‌ ఫ్యాషన్‌ డిజైనర్‌ అమూల్య క్రిష్ణ కొచర్‌. ‘‘వెడ్డింగ్‌తో తోపాటు ప్రతి ఈవెంట్‌కి స్పెషల్‌గా డ్రెస్సింగ్‌ ఎలా ఉండాలో రీసెర్చ్‌ చేస్తుంటాం. ఆ డిజైన్స్‌ కస్టమర్ల ముందు పెడుతుంటాం. వారు ఏయే స్టైల్స్, కలర్‌ కాంబినేషన్స్‌ కోరుకుంటున్నారో దానిని బట్టి ప్రస్తుతం వేటిని ఇష్టపడుతున్నారో అర్ధమైపోతుంది. కాంట్రాస్ట్‌ కలర్‌ ట్రెండ్‌కిందటేడాది వరకు వధూవరులిద్దరికీ ఒకే కలర్‌ డ్రెస్సింగ్‌ ఎంపిక ట్రెండ్‌లో ఉండేది. ఇప్పుడు కాంట్రాస్ట్‌ కలర్‌ ట్రెండ్‌ అయ్యింది. ఉదాహరణకు.. అబ్బాయి గోల్డెన్‌ కలర్‌ కుర్తా పైజామా దానికి కాంట్రాస్ట్‌గా అమ్మాయి లావెండర్‌ లేదా, రెడ్, గ్రీన్‌లో గోల్డెన్‌ కలర్‌ కాంబినేషన్‌ ఉండేలా ఎంచుకుంటున్నారు. అబ్బాయి సూట్‌కి తగినట్టు అమ్మాయి లెహంగా బార్డర్‌లోనో, ఎంబ్రాయిడరీలోనో చిన్న మార్పు కోరుకుంటున్నారు కానీ ఒకే కలర్‌లో కాదు. దీంతో ఇద్దరి డ్రెస్సింగ్‌ చాలా ఆకర్షణీయంగా కనిపిస్తుంది. ప్రతీ వెడ్డింగ్‌ సీజన్‌కి కలర్‌ కాంబినేషన్స్‌లో మార్పులు వస్తుంటాయి.రీ యూజబుల్‌ కాన్సెప్ట్‌పెళ్లికి చాలా ఖర్చు పెట్టి ఒక డ్రెస్‌ని డిజైన్‌ చేసుకుంటారు. తిరిగి దానిని మళ్లీ ఎప్పుడూ ధరించరు. ఇది ఓల్డ్‌ కాన్సెప్ట్‌. ఇప్పుడు మాత్రం పెళ్లి, సంగీత్, రిసెప్షన్‌ డ్రెస్సులను చిన్న చిన్న మార్పులతో మళ్లీ మళ్లీ ధరించేలా కాన్సెప్ట్స్‌ని ఇష్టపడుతున్నారు. దీంతో ఒక ట్రెడిషనల్‌ డ్రెస్‌ను వెస్ట్రన్‌ స్టైల్‌తో ఎన్ని విధాలుగా మార్చులు చేసి ధరించవచ్చో స్టైలింగ్‌ చేసి చూపిస్తాం. పెళ్లికే కాకుండా ఇతర ఫంక్షన్స్‌కు కూడా అదే డ్రెస్‌ను మళ్లీ ధరించవచ్చు. ప్రతిసారి ఆ డ్రెస్‌ కొత్త స్టైల్‌తో ఆకట్టుకుంటుంది.సంప్రదాయ చేనేత–ఇంపోర్టెడ్‌ ఫ్యాబ్రిక్‌సాధారణంగా పెళ్లికి మన చేనేతలనే ఇష్టపడతారు. వాటిలో కంచిపట్టుదే ప్రథమ స్థానం. పట్టు బ్లౌజ్‌కే కాదు చీరకూ ఎంబ్రాయిడరీని ఇష్టపడేవారున్నారు. పూర్తి సంప్రదాయబద్దమైన చీరకట్టు అయినా డ్రేపింగ్‌లో మార్పులు ఉన్నాయి. రిసెప్షన్‌ ఇతర వెస్ట్రన్‌ స్టైల్స్‌కి మాత్రం ఇంపోర్టెడ్‌ ఫ్యాబ్రిక్‌కి ప్రాముఖ్యం ఇస్తున్నారు. ముఖ్యంగా ఇటలీ ఫ్యాబ్రిక్‌ని వెస్ట్రన్‌స్టైల్స్‌కి ఉపయోగిస్తున్నాం. మన డిజైన్స్‌ ఇంటర్నేషనల్‌ టెక్నిక్స్‌పెళ్లి అనగానే మనదైన సంప్రదాయ కళ ఉట్టిపడేలా ఏనుగులు, మామిడిపిందెలు. పల్లకి.. కాన్సెప్ట్‌ డిజైన్స్‌ ఉంటాయి. ఇవి ఎప్పటికీ ఎవర్‌ గ్రీన్‌ డిజైన్స్‌. ఈ డిజైన్స్‌కి ఇంటర్నేషనల్‌ ఎంబ్రాయిడరీ టెక్నిక్స్‌ ఉపయోగిస్తుంటాం. వర్క్‌ నీటుగా, ఆకర్షణీయంగా, కోరుకున్న కాన్సెప్ట్‌ ఉండటంతో ఈ టెక్నిక్స్‌ను ఇష్టపడుతున్నారు’’ అని వివరించారు అమూల్య క్రిష్ణ కొచర్‌. (చదవండి: ఇంట్లోనే ఇన్‌స్టంట్‌ గ్లో..!)

బాలీవుడ్‌ నటి సోనమ్ కపూర్ అహుజా గురించి ప్రత్యేకంగా చెప్పాల్సిన పనిలేదు. బాలీవుడ్‌లో అత్యధిక పారితోషకం తీసుకునే హీరోయిన్‌లో ఆమె ఒకరు. నేషనల్‌ ఫీల్మ్‌ అవార్డుతో సహా పలు ఫిల్మ్‌​ ఫేర్‌ అవార్డులు అందుకున్న నటి. అలాగే ఫోర్బ్స్‌ మ్యాగ్జైన్‌లో 2012, 2016లలో అత్యంత శక్తిమంతమైన మహిళల జాబితాలో చోటు దక్కించుకుంది. అంతేగాదు ఆమె ఇల్లు కూడా భారతీయ వారసత్వ కళకు అద్దం పట్టేలా అత్యంత అందంగా ఉంటుంది. ఫ్యాషన్‌ పరంగా కూడా సోనమ్‌కి సాటి లేరెవ్వరూ. అంతలా ఆమె ఫ్యాషన్‌ వార్డ్‌ రోబ్‌లో బ్రాండెడ్‌ ప్రొడక్ట్స్‌ కలెక్షన్‌ భారీగానే ఉంటుంది. సందర్భానుసారంగా డ్రెస్సింగ్‌ స్టైల్‌ అందుకు తగ్గ యాక్సెసరీలు ధరిస్తారామె. తాజాగా ఆమె ధరించి వాచ్‌ చూస్తే కళ్లు చెదిరిపోతాయి. దాని ధర కూడా అంతేస్థాయిలో అవాక్కయ్యేలా ఉంటుంది. మరీ ఆ వాచ్‌ విశేషాలేంటో సవివరంగా చూద్దామా..!.సోనమ్ కపూర్(Sonam Kapoor) ఇటీవల పారిస్ ఫ్యాషన్ వీక్‌(Paris Fashion Week)లో జరిగిన ఎలీ సాబ్ హాట్ కోచర్ షో(Elie Saab haute couture show)కు హాజరయ్యారు. ఈ ఈవెంట్‌ కోసం ఆమె ఉల్లాసభరితమైన ఆల్-వైట్ లుక్‌లో మైమరిపించింది. ఆమె పీస్‌ఫుల్‌ డ్రెస్సింగ్‌ వేర్‌ మనసుకు ఆహ్లాదంగా కనుచూపుని తిప్పుకోని విధంగా ఉంది. ముఖ్యంగా ఆమె చేతికి ధరించిన వాచ్‌ అందరి దృష్టిని ఆకర్షించింది. నటి హై-ఎండ్ వాచ్ - పియాజెట్ లైమ్‌లైట్ గాలా ప్రెషియస్ రెయిన్‌బోని ధరించింది. దీన్ని పూర్తిగా విలువైన రంగు రాళ్లతో డిజైన్‌ చేశారు. అచ్చం రెయిన్‌ బో కలర్స్‌ మాదిరిగా ధగ ధగ మెరుస్తూ ఉంటుంది ఈ వాచ్‌. బ్రాస్‌లెట్‌ మాదిరిగా ఉన్న ఈ వాచ్‌ ధర దగ్గర దగ్గర రూ. 94 లక్షలు పైనే అంటే.. రూ. 1 కోటి పలుకుతుందట. 1973ల నాటి వింటేజ్ పీస్ అయినా ఈ వాచ్‌ మరోసారి ఫ్యాషన్‌ ప్రియుల మనుసుని దోచుకునేలా హైలెట్‌గా నిలిచింది. ఇక సోనమ్‌ తన సోదరి, స్టైలిస్ట్ చిత్ర నిర్మాత రియా కపూర్ డిజైన్‌ చేసిన డ్రెస్‌ని ధరించారు. ఆ డ్రస్‌కి తగ్గట్టు సన్‌గ్లాసెస్‌, గులాబీ ఆకారపు చెవిపోగులు, స్టేట్మెంట్‌ రింగులు, ఈ లగ్జరీ వాచ్‌తో రాయల్టీగా కనిపించారు సోనమ్‌. View this post on Instagram A post shared by Rhea Kapoor (@rheakapoor) (చదవండి: 61 ఏళ్ల వయసులో బరువు తగ్గిన నవజ్యోత్‌ సింగ్‌ సిద్ధూ.. జస్ట్‌ ఐదు నెలల్లోనే..)

ఢిల్లీలో ఇటీవల జరిగిన ఓ ఫ్యాషన్‌ షోలో సోనమ్‌ కపూర్‌ ర్యాంప్‌వాక్‌ చేశారు. వావ్‌.. డ్రెస్‌.. హూ ఈజ్‌ ద డిజైనర్‌? ఇలా ప్రశ్నలకు ఓహ్‌.. షీ ఈజ్‌ జయంతిరెడ్డి ఫ్రమ్‌ హైదరాబాద్‌.. ఇలాంటి సమాధానాలలో నగరం పేరు వినిపించడం ముంబయి, ఢిల్లీ, చెన్నై, గోవా, బెంగళూరు.. తదితర చోట్ల సర్వసాధారణంగా మారుతోంది. ఒకప్పుడు సెలిబ్రిటీలు తమ ఫ్యాషన్‌ డిజైనర్‌ అనగానే ముంబయి డిజైనర్‌ పేరు చెప్పేవారు. ఇప్పుడు నగరంలో టాప్‌ డిజైనర్లు సెలిబ్రిటీ డిజైనర్లుగా పేరొందారు. – సాక్షి, సిటీబ్యూరోనగర డిజైనర్ల విజయాలు ఔత్సాహిక డిజైనర్లకు స్ఫూర్తిని అందిస్తున్నాయి. ఫ్యాషన్‌ డిజైనింగ్‌ ఇన్‌స్టిట్యూట్‌ విద్యార్థులకు గెలుపు పాఠాలను వినిపిస్తున్నాయి. ఈ నేపథ్యంలో నగరానికి చెందిన హామ్‌స్టెక్‌ ఫ్యాషన్‌ డిజైనింగ్‌ ఇన్‌స్టిట్యూట్‌ ఫ్యాకల్టీలు నగరానికి చెందిన పలువురు టాప్‌ సెలిబ్రిటీ డిజైనర్ల గురించిన విశేషాలను అందిస్తున్నారు. ‘సోమ్‌’.. ఫేమ్‌.. నగరానికి చెందిన డిజైనర్‌ శ్రియా సోమ్‌ ఆధునిక మహిళ డ్రీమ్‌ డ్రెస్సింగ్‌ను అందిస్తారు. సున్నితమైన హస్తకళ, క్లిష్టమైన అలంకారాలు, సొగసైన ఛాయాచిత్రాలకు ఆమె లేబుల్‌ శ్రియా సోమ్‌ ప్రసిద్ధి చెందింది. పీవీ సింధు, జాన్వీ కపూర్, లీసా హేడన్‌ తదితరులు ఆమె జాబితాలో ఉన్న కొందరు సెలిబ్రిటీలు.. అంతేకాక ఆమె సోషల్‌ మీడియా ఇన్‌ఫ్లుయెన్సర్‌ కూడా. అందానికి వన్నెలు.. అనుశ్రీ.. క్లిష్టమైన పనితనం, ఆకర్షణీయమైన సిల్హౌట్‌లు ఉన్న ఎథెరియల్‌ లెహంగాలకు అనుశ్రీ రెడ్డి లేబుల్‌ పర్యాయపదంగా మారింది. లెహంగా సిల్హౌట్‌లు వాటి డీప్‌ కట్‌వర్క్‌ నెక్‌లైన్‌లు, ఎంబ్రాయిడరీ కట్‌వర్క్‌ అంచులతో ఉన్న దుపట్టాలకు ఆమె హాఫ్‌ శారీస్‌ ప్రసిద్ధి చెందాయి. అందమైన గులాబీలు, పాస్టెల్‌ల నుంచి రాయల్‌ వైలెట్లు, బంగారు పసుపు వరకూ రంగుల మిశ్రమాన్ని ఆమె చాకచక్యంగా ఉపయోగిస్తారు. ఇటీవలి లాక్మే ఫ్యాషన్‌ వీక్‌లో ఆమె కలెక్షన్స్‌.. అందమైన ఆర్గాన్జా, పూల ఎంబ్రాయిడరీ కట్‌వర్క్, తక్కువ చతురస్రాకార నెక్‌లైన్‌లు అన్ని షేడ్స్‌ న్యూడ్‌లు పింక్‌లతో మెరిపించాయి. ఆమె వర్క్‌ చేసిన సెలిబ్రిటీలలో అలియాభట్, కత్రినాకైఫ్, తాప్సీ పన్ను.. తదితరులు ఉన్నారు. ఆకా‘సమంత’.. అర్చన.. ఇటీవల నగరం నుంచి జాతీయస్థాయికి ఎదిగిన డిజైనర్లలో అర్చనరావు ముందు వరుసలో ఉన్నారు. 2012లో లాక్మే ఫ్యాషన్‌ వీక్‌లో తన లేబుల్‌ను ప్రారంభించారు. ఆ మరుసటి ఏడాదే ‘వోగ్‌ ఇండియన్‌ ఫ్యాషన్‌ ఫండ్‌’ను గెలుచుకున్నారు. ఇటీవల విడుదలైన ప్రభాస్‌ కల్కి సినిమాకు ఆమె చేసిన వర్క్‌ ప్రశంసలకు నోచుకుంది. బాలీవుడ్‌ బాద్‌‘షా’.. నగరం నుంచి బాలీవుడ్‌ తారలకు డిజైన్లు అందించిన ఘనతను గౌరంగ్‌ షా సొంతం చేసుకున్నారు. దేశంలోని వివిధ ప్రాంతాలకు చెందిన నేత కార్మికుల పనితనానికి పట్టం కడుతూ చేతితో నేసిన చీరలకు ప్రసిద్ధి చెందాడు. విద్యాబాలన్, సోనమ్‌ కపూర్, అదితీరావ్‌ హైదరీ సహా మరెందరో ఆయన డిజైన్లకు జై కొట్టారు. మహానటి సినిమా ద్వారా జాతీయ పురస్కారం అందుకున్నారు. మనదే ‘జయం’.. జయంతి రెడ్డి డిజైన్‌లు రాయల్‌ అద్భుత కథల వైబ్‌లను అందించడం ఖాయం. ఆమె డిజైన్‌Œలు సంప్రదాయ స్కర్ట్‌లు/లెహెంగాలతో జత చేసిన ఆధునిక క్రాప్‌–టాప్‌ సిల్హౌట్‌లు ఆసక్తికరమైన మిక్స్‌. గోల్డెన్, సిల్వర్‌జరీతో కూడిన ఆమె ఎంబ్రోయిడరీ వర్క్‌ ఎప్పుడూ టాక్‌ ఆఫ్‌ ద టౌన్‌. అర్చనరావు డిజైన్‌ చేసిన న్యూడ్‌ కలర్‌ లేత గోధుమరంగు చీరకు బేబీ పింక్‌ కట్‌ వర్క్‌ బోట్‌ నెక్‌ బ్లౌజ్‌ మెటాలిక్‌ సిల్వర్‌ బెల్ట్‌తో జత చేసి, నటి సమంతా మెరిశారు. ఫెమినా వెడ్డింగ్‌ టైమ్స్‌లో ప్రదర్శించబడిన టూ–టోన్డ్‌ కార్సెట్‌ రఫిల్‌ డ్రెస్‌లో జాన్వీ కపూర్‌ మెరిశారు. స్టార్‌ ప్లేయర్‌ పీవీ సింధు, డిజైనర్‌ శ్రియా సోమ్‌ మొదటి సోలో షో కోసం ర్యాంప్‌ వాక్‌ చేసింది. లాక్మే ఫ్యాషన్‌ వీక్‌లో షో స్టాపర్‌గా లీసా హేడన్‌ డిజైనర్‌ శ్రియా సోమ్‌ మెరిసే, పొడవాటి చేతుల చోళీ అద్భుతమైన లెహంగా ధరించి.. అందరినీ ఆకట్టుకుంది. ఇటీవల సోనమ్‌ కపూర్‌ గౌరంగ్‌ షా డిజైన్‌ చేసిన పసుపు రంగు కుర్తా లెహంగా స్కర్ట్‌తో మ్యాచింగ్‌ దుపట్టా ధరించి ఒక ఈవెంట్‌కు హాజరయ్యారు. ఇటీవల జరిగిన ఉత్సవాల్లో, బాలీవుడ్‌ నటి మలైకా అరోరా ఖాన్‌ డిజైనర్‌ గౌరంగ్‌షా తీర్చిదిద్దిన ఆల్‌ ఇన్‌ ఆల్‌ అనార్కలీ సూట్‌ ధరించారు. ఓ సినిమా సక్సెస్‌ ప్రెస్‌ మీట్‌ ఈవెంట్‌కి రకుల్‌ ప్రీత్‌ సింగ్‌ అర్చనారావు డిజైన్లు ధరించి హాజరై అందరి దృష్టినీ ఆకర్షించారు. ఇదీ చదవండి: మూడే మూడు చిట్కాలతో మిరాకిల్‌ : దెబ్బకు 8 కిలోలు తగ్గింది!

ప్రముఖ ఫ్యాషన్ ఇన్‌ఫ్లుయెన్సర్ తన చిరకాల ప్రియుడితో వివాహ బంధంలోకి అడుగు పెట్టింది. 'కర్ల్ గర్ల్' అనే ఇన్‌స్టా యూజర్‌నేమ్‌తో ప్రసిద్ధి చెందిన రూపాలీ హసీజా, బాక్సర్‌, హెల్త్‌ కోచ్‌ విజయ్‌కాంబ్లీని పెళ్లాడింది. ఈ వేడుకకు సంబంధించిన ఫోటోలను ఇన్‌స్టాలో షేర్‌ చేసింది.దీంతో కొత్త జంటకు అభినందనల వెల్లువ కురుస్తోంది.పెళ్లికూతురు ముస్తాబులో రూపాలీ యువరాణిలా మెరిసిపోయింది. తెలుపు , గోధుమ రంగు మేళవించిన పువ్వులు, న్యూడ్-టోన్డ్ షీర్‌ చీరను ధరించింది. దానికి సరిపోయే దుపట్టాతో స్టైల్ చేసింది. రూపాలీ లుక్‌లో మరో హైలైట్ ఆమె ఆభరణాల ఎంపిక. వివాహ వేడుకను దృష్టిలో ఉంచుకుని, డైమండ్ నెక్‌పీస్, మ్యాచింగ్ కుందన్ మాంగ్ టీకా,మ్యాచింగ్ స్టడ్ చెవిపోగులు భలే అందంగా అమరాయి. చదవండి: పదేళ్ల తరువాత తొలిసారి : తన బాడీ చూసి మురిసిపోతున్న పాప్‌ సింగర్‌మరోవైపు, రూపాలి భర్త విజయ్‌ కాంబ్లీ ఆలివ్ రంగు కుర్తా-పైజామా ధరించాడు. అలాగే దానికి మ్యాచింగ్‌ తలపాతో పెళ్లి కొడుకు ముస్తాబులో రాజాలా ఉన్నాడు. తిలకం దిద్దడం, ముద్దు పెట్టుకోవడం లాంటి అందమైన ఫోటోను స్పెషల్‌ ఎట్రాక్షన్‌గా ఉన్నాయి. ఆచారాన్నిజనవరి 24న పెళ్లకున్నట్టు తెలిపింది. 10.1 లక్షలకుపైగా ఫాలోయర్లున్న రూపాలి తన స్పెషల్‌ డేగురించి ఇలా పోస్ట్‌ చేసింది. నేను నీ రాణిని, నువ్వు నా రాజావి."మై రాణి హన్ తేరే, తు రాజా మేరా వే మై హీర్ తేరే సజ్నా, తు రంఝా మేరా వే) అంటూ పేర్కొంది. (అందం, ఆరోగ్యమే కాదు, బరువు తగ్గడంలో కూడా ‘గేమ్‌ ఛేంజర్‌’ ఇది!) View this post on Instagram A post shared by R U P A L I H A S I J A (@curlgirlofficial)ఫ్యాషన్‌ ఇన్‌ఫ్లూయెన్సర్‌గా పాపులర​ అయిన రూపాలీ ఎట్టకేలకు తన చిరకాల ప్రియుడిని వివాహం చేసుకుంది, అతనితో మూడు సంవత్సరాలుగా డేటింగ్ చేస్తోంది. గత ఏడాది డిసెంబర్‌లో ప్రపోజల్ ఫోటోలను షేర్ చేసింది. బీచ్‌లో అందమైన తమ డ్రీమ్‌ ప్రపోజల్‌ ఫోటోలను తమ బంధాన్ని అభిమానులకు తెలిపిన సంగతి తెలిసిందే.గ్యాలరీ కోసం ఇక్కడ క్లిక్‌ చేయండి

రెట్రో స్టైల్‌ ఎప్పుడూ బెస్ట్‌గా మార్కులు కొట్టేస్తూ ఉంటుంది.ఫుట్‌వేర్‌లోనూ కంఫర్ట్‌ మిస్‌ కాకుండా కలరఫుల్‌గా ఆకట్టుకుంటుంది. జిమ్, ఆఫీస్, క్యాజువల్‌ వేర్‌గా పేరున్న స్నీకర్స్‌ ఈ ఏడాది ఫుట్‌వేర్‌ ట్రెండ్‌లో ముందుండబోతున్నాయి. మెన్‌ అండ్‌ ఉమెన్‌ ఇద్దరూ కోరుకునే ఈ స్నీకర్స్‌ బ్రైడల్‌ వేర్‌గానూ పర్‌ఫెక్ట్‌ ఛాయిస్‌గానూ నిలుస్తున్నాయి. తమ ప్రత్యేక రోజును మరింత చిరస్మరణీయంగా మార్చుకోవాలనుకునే వధువులకు స్నీకర్స్‌ సరైన ఎంపిక అవుతున్నాయి. ఈ స్టైలిష్‌ కిక్స్‌ సంప్రదాయ హైహీల్స్‌కు సౌకర్యవంతమైన, ఫ్యాషన్‌ని అందిస్తున్నాయి. పెళ్లి వేడుక అనగానే సంగీత్, రిసెప్షన్‌ హంగామాలు కళ్లముందు కదలాడతాయి. హుషారెత్తించే డ్యాన్సులు, డీజే సాంగ్స్‌తో యువత ఆటాపాటల్లో మునిగితేలుతుంటారు. వీరి స్పీడ్‌ చిందులకు స్నీకర్స్‌ బెస్ట్‌ ఎంపిక. కాక్‌టెయిల్‌ పార్టీకి సంగీత్‌కి జిగేల్మనిపించే డ్రెస్సులే కాదు వాటికి ΄ోటీగా నిలిచే హ్యాండీక్రాఫ్టెడ్‌ స్నీకర్స్‌ కలర్‌ఫుల్‌గా ఆకట్టుకుంటున్నాయి. కస్టమైజ్డ్‌హీల్స్‌ను వదులుకుని ఫ్యాషన్‌ కంటే సౌకర్యాన్ని ఎంచుకుంటున్నారు ఈ తరం వధువులు. దీంతో ట్రెండ్‌ను తామే కొత్తగా సెట్‌ చేస్తున్నారు. దీంతో ఫుట్‌వేర్‌ నిపుణులు, డిజైనర్లు కలిసి అందరి దృష్టిని ఆకర్షించేలా స్నీకర్లు అదంగా తయారుచేస్తున్నారు. క్లాసిక్‌ వైట్‌ స్నీకర్స్‌తో కాకుండా అద్భుతమైన సాంప్రదాయ డిజైనర్‌ స్నీకర్లను అందిస్తున్నారు. హీల్స్‌ నుంచి ప్లాట్‌ లెహెంగా స్నీకర్, శారీ స్నీకర్‌ .. అంటూ ఫ్యాబ్రిక్‌ మోడల్‌కు తగిన విధంగానే కాదు పూర్తి భిన్నమైన రంగులను ఫన్‌ ఇష్టపడే వధువులు ఎంచుకుంటున్నారు. హల్దీ, సంగీత్, బ్యాచిలర్‌ పార్టీలకు తగిన విధంగా తమ పాదరక్షలను కూడా ఎంచుకుంటున్నారు. ఎత్తున్న హీల్స్‌ నుంచి ఫ్లాట్‌గా ఉండే స్నీకర్స్‌ను ధరించడం వల్ల మడమల నొప్పి లేకుండా రెచ్చి΄ోయి డ్యాన్స్‌ చేయవచ్చు అనేది నవతరం ఆలోచన. వీటిలో గోటా ఎంబ్రాయిడరీ స్నీకర్స్‌. స్టైప్‌ స్నీకర్స్, కాన్వాస్‌ స్నీకర్స్‌...గా అందుబాటులో ఉన్నాయి. స్పెషల్‌ డిజైనింగ్‌కి ఆర్డర్‌ఏ బ్రాండ్‌ స్నీకర్‌ అయినా వాటిని ప్రింటెడ్, లేస్, స్వరోస్కి, పూసలు, అద్దాలు, కుందన్స్‌తో అందంగా తీర్చిదిద్దుతున్నారు. సోషల్‌మీడియా వేదికగానూ కస్టమైజ్డ్‌ షూ/స్నీకర్స్‌ డిజైనింగ్‌కి ఆర్డర్‌ మీద అందంగా తయారు చేసి ఇస్తున్నారు.

క్రియేటివ్‌ జీల్‌కి నిలువెత్తు నిదర్శనం స్టయిలిస్ట్‌ నిధి జెస్వానీ! అవుట్‌ డేటెడ్‌ అనే మాటను దరిదాపుల్లోకి కూడా రానీయదు. డిజైన్స్‌లో కానీ.. స్టయిలింగ్‌లో కానీ కాలమే ఆమెతో పోటీ పడాలి!నిధి జెస్వానీ.. పుట్టి, పెరిగింది ముంబైలో! మాస్‌ మీడియాలో డిగ్రీ, అడ్వర్టయిజింగ్‌లో మాస్టర్స్‌ చేసింది. చదువైపోయాక ప్రముఖ ఫ్యాషన్‌ డిజైనర్, స్టయిలిస్ట్‌ తాన్యా ఘావ్రీ దగ్గర ఇంటర్న్‌గా చేరింది. ఎన్నో ఫ్యాషన్‌ షోలకు అసిస్టెంట్‌ స్టయిలిస్ట్‌గా పనిచేసింది. వాణిజ్య ప్రకటనలు, మ్యూజిక్‌ ఆల్బమ్స్‌తో పాటు సెలబ్రిటీల వివాహాది శుభకార్యాల్లో వారి కుటుంబ సభ్యులకు స్టయిలింగ్‌ చేసింది. తను స్టయిల్‌ చేసే ప్రతివ్యక్తి ఇష్టాయిష్టాలకు అనుగుణంగానే లేటెస్ట్‌ ఫ్యాషన్‌ను అనుసరిస్తూ వాళ్లను అందంగా, ఎలిగెంట్‌గా ప్రెజెంట్‌ చేసి, అతిథుల ఫేవరిట్‌ స్టయిలిస్ట్‌గా మారింది. క్రియేటివిటీ హై లెవెల్లో ఉండే తన డిజైన్స్‌తో బాలీవుడ్‌ అటెన్షన్‌ను గ్రాబ్‌ చేసింది. చాలామంది డైరెక్టర్స్‌ తమ సినిమాలకు ఆమెను కాస్ట్యూమ్‌ డిజైనర్‌గా పెట్టుకున్నారు. ఆధునిక డిజైన్స్‌కు సంప్రదాయ టచ్‌నిచ్చి, చాలా త్వరగా నిధి బాలీవుడ్‌లో తన ప్రత్యేకతను చాటింది. అది సెలబ్రిటీలే ఆమెను సంప్రదించేలా చేసింది. మీరా కపూర్, నుస్రత్‌ భరూచా, శ్రద్ధా శ్రీకాంత్, భూమి పెడ్నేకర్, కృతి శెట్టి, రకుల్‌ప్రీత్‌ సింగ్, మృణాల్‌ ఠాకూర్, సారా అలీ ఖాన్, శ్రద్ధా కపూర్, కృతి సనన్‌లకు స్టయిలిస్ట్‌గా పనిచేసింది.

ఇండో–వెస్ట్రన్‌ స్టైల్‌ ఎప్పుడూ ట్రెండ్‌లో ఉండేదే. బ్రైడల్‌ అయినా క్యాజువల్‌ అయినా ప్రత్యేక సందర్భం అయినా మీ డ్రెస్‌ని కేప్‌/షావల్‌/ జాకెట్‌గా పేరున్న ఒకే ఒక టాప్‌తో లుక్‌ని పూర్తిగా మార్చేయవచ్చు. మెడ నుంచి భుజాల మీదుగా చేతులను కప్పుతూ ఉంటుంది కాబట్టి దీనిని షావల్‌ టాప్‌ అంటుంటారు. ఈ టాప్‌ లుక్‌ మోడల్‌ని స్టైల్‌కి తగినట్టు మార్చుకోవచ్చు. ట్రెండ్‌లో ఉన్న ఈ మోడల్‌ జాకెట్స్‌ హుందాతనం, రిచ్‌ లుక్‌తో ఆకట్టుకుంటున్నాయి. వివాహ వేడుకల్లో గ్రాండ్‌గా వెలిగిపోవాలంటే ఎంబ్రాయిడరీ చేసిన కేప్‌ని ఎంచుకోవచ్చు. గెట్‌ టు గెదర్‌ వంటి ఈవెనింగ్‌ పార్టీలకు లేస్‌తో డిజైన్‌ చేసిన టాప్‌తో స్టైల్‌ చేయచ్చు. శారీ గౌన్స్‌ మీదకు మాత్రమే అచ్చమైన పట్టు చీరలకు కూడా ఈ సింగిల్‌ పీస్‌తో స్పెషల్‌ అట్రాక్షన్‌ను తీసుకురావచ్చు. లెహంగా బ్లౌజ్‌ మీదకు దుపట్టా ప్లేస్‌ షాల్‌ జాకెట్‌ మరింత ప్రత్యేకతను తీసుకు వస్తుంది. థ్రెడ్‌ వర్క్, ప్రింటెడ్‌ షావల్‌ జాకెట్స్‌ ఇండో వెస్ట్రన్‌ డ్రెస్సులకు స్పెషల్‌ లుక్‌ని జత చేస్తాయి.సందర్భాన్ని బట్టి ఒక డ్రెస్‌ను గ్రాండ్‌గా ధరించవచ్చు అదే మోడల్‌ని సింపుల్‌గానూ అలంకరించవచ్చు.

అపర కుబేరుడు, రిలయన్స్‌ అధినేత ముఖేష్‌ అంబానీ భార్యగానే కాదు, రిలయన్స్‌ ఫౌండేషన్‌ చైర్మన్‌ నీతా అంబానీ వ్యాపారవేత్తగా, పరోపకారిగా అందరికి సుపరిచితమే. నీతా అంబానీ ఐపీఎల్‌ జట్టు ముంబై ఇండియన్స్‌ ఓనర్‌ కూడా. అలాగే నీతా ముఖేష్‌ అంబానీ కల్చరల్‌ సొసైటి ఆధ్వర్యంలో ప్రాచీన కళలకు, సంస్కృతులకు పెద్ద పీట వేస్తున్నారు. అనేక మంది కళాకారులను ఎన్‌ఎంఏసీసీ ద్వారా ఆదరిస్తున్నారు. అయితే నీతా అంబానీ ఫ్యాషన్‌ ఐకాన్‌ కూడా. చేనేత చీరలు, ఖరీదైన పట్టుచీరలు, విలువైన డైమండ్‌ ఆభరణాలు, లగ్జరీ బ్యాగులు, లగ్జరీ పాదరక్షలు, ఇలా ఒకటనేమిటి ప్రతీ విషయంలోనూ తనదైన శైలితో అందర్నీ ఆకట్టుకుంటూ ఉంటారు. తాజాగా నూతన సంవత్సర వేడుకల్లో మరోసారి ప్రత్యేకంగా నిలిచారు. గోల్డెన్ కఫ్తాన్ గౌనులో నీతా అంబానీ గ్లామ్ న్యూ ఇయర్ లుక్ అభిమానులు, ఫ్యాషన్‌ ప్రియుల దృష్టిలో పడ్డారు. దాని ధర ఎంత అనేది కూడా హాట్‌ టాపిక్‌గా మారింది. View this post on Instagram A post shared by Ritika kadam (@ritikahairstylist)సన్నిహితులు ,కుటుంబ సభ్యుల మధ్య 2025 ఏడాదికి స్వాగతం పలికారు నీతా అంబానీ. కొత్త కోడలు అనంత్‌ అంబానీ భార్య రాధిక మర్చెంట్‌కు ఇది మొదటి న్యూఇయర్‌ కావడం మరో విశేషం. న్యూ ఇయర్ సందర్భంగా అనంత్, ఆకాష్ అంబానీ జంట అందంగా కనిపించారు. ఇక నీతా అంబానీ 60 ఏళ్ల వయసులో కూడా డిజైనర్ ఆస్కార్ డి లా రెంటా కలెక్షన్‌, మౌస్‌లైన్ ఫాబ్రిక్‌తో రూపొందించిన ముదురు బంగారు కఫ్తాన్ గౌనులో అప్పరసలా మెరిసిపోయారు. నెక్‌లైన్‌ క్రిస్టల్ లీవ్స్‌, లాంగ్‌ కేప్ స్లీవ్స్‌, అందమైన కఫ్తాన్ సిల్హౌట్, వీటన్నింటికీ మించి ఫ్లోర్-స్వీపింగ్ హెమ్‌లైన్‌ మరింత ఆకర్షణీయంగా నిలిచారు. ఇంతకీ ఈ లగ్జరీ గౌన్‌ ధర ఎంతో తెలుసా? దీని ధర సుమారు రూ. 1.54 లక్షలు.

ఆధునికత మనకు ఎన్నింటినో పరిచయం చేస్తుంది.కానీ, ఫ్యాషన్‌లో మాత్రం రాబోయే రోజుల్లో హిస్టరీ రిపీట్‌ కాబోతోంది. వింటేజ్‌ హుందాగా విచ్చేస్తోందిముదురు రంగులు విదిల్చికొని లేత రంగులు కొత్త భాష్యం చెబుతున్నాయి. పవర్‌లూమ్స్‌ ఎంత పెరిగినా హ్యాండ్‌లూమ్స్‌ అందించే సౌకర్యానికి నవతరం పెద్ద పీట వేస్తోంది. 2025 ఫ్యాషన్‌ రంగంలో ప్రధానంగా కనిపించే పాత– కొత్తల కలయిక. ఫ్యాబ్రిక్‌ అనేది మన మనస్తత్వాన్ని ఎదుటివారికి పరిచయం చేస్తుంది. డిగ్నిఫైడ్‌ లుక్‌తో ΄ాటు మేనికి సౌకర్యాన్నిచ్చే సస్టెయినబుల్‌ ఫ్యాబ్రిక్‌ని నిన్నటి తరమే కాదు నేటి తరమూ ఆసక్తి చూపుతుంది. సస్టెయినబిలిటీ ఫ్యాబ్రిక్, పేస్టల్‌ కలర్స్, హెరిటేజ్‌ డిజైన్స్‌ ముందు వరసలో ఉన్నాయి. ప్రపంచవ్యాప్త ఫ్యాషన్‌ షోలలోనూ వీటి హవానే కనిపిస్తోంది. హైదరాబాద్‌ వాసి, ఫ్యాషన్‌ డిజైనర్‌ హేమంత్‌ సిరి ఈ విషయం గురించి మరిన్ని వివరాలు ఇలా మన ముందుంచారు.నాణ్యమైన ఫ్యాబ్రిక్‌ మెటీరియల్‌ నాణ్యత పెరిగేకొద్దీ ధర కూడా ఎక్కువ చెల్లించాల్సి వస్తుంది. అయినా మేనికి హాయినిచ్చే ఫ్యాబ్రిక్‌నే ప్రపంచమంతా ఇష్టపడుతున్నారు. ఉదాహరణకు.. కలంకారీ డిజైన్స్‌ తీసుకుందాం. ఈ డిజైన్స్‌లో చాలా రెప్లికాస్‌ వచ్చాయి. ఔట్‌లైన్‌ కలంకారీ అయినా, డిజైన్‌ మొత్తం కెమికల్‌ ప్రింట్‌ ఇస్తున్నారు. ఇలాంటప్పుడు ఖర్చు తగ్గవచ్చు. కానీ, ఒరిజనల కలంకారీ ఫాబ్రిక్‌కి ఎప్పుడూ డిమాండ్‌ ఉంటుంది. ఇక .. కంచి, గద్వాల్, పైథానీ వంటి హ్యాండ్లూమ్స్‌లోనూ ఇమిటేషన్‌ పవర్‌లూమ్స్‌ వచ్చి, ఖర్చు తగ్గవచ్చు. కానీ, ఒరిజనల్‌ హ్యాండ్లూమ్‌ వైభవం ఎప్పటికీ తగ్గదు. పైగా, అలాంటి వాటిని తమ వార్డ్రోబ్‌లోకి తెచ్చుకోవడానికి మరింత ఆసక్తి కనబరుస్తున్నారు. ప్రతి ఒక్కరూ ఆర్గానిక్‌ కలర్స్‌ ఇష్టపడుతున్నారు. మన దేశీయ ఉత్పత్తుల తయారీని ప్రొత్సహించడం, పెంచడం వంటి వాటి వల్ల ధరల్లోనూ మార్పులు వస్తాయి. డిమాండ్‌ పెరుగుతుంటే ఉత్పత్తి కూడా పెరుగుతుంది.లేలేత రంగులుఫ్యాబ్రిక్‌పై వాడే రసాయనాల ముదురు రంగులు తగ్గిపోనున్నాయి. ఇప్పటికే చాలా పెళ్ళిళ్లలోనూ చూస్తుంటాం. లేత రంగులు, నేచురల్‌ కలర్స్‌కి వచ్చేశారు. పేస్టల్‌ కలర్స్‌లో ఉండే గొప్పతనం ‘రిచ్‌’గా, ప్రత్యేకంగా చూపుతుంది. అందుకే నవతరం పేస్టెల్‌ కలర్స్‌వైపు మొగ్గుచూపుతుంది. ఈ ఆలోచనలు నిన్నటితరాన్నీ ఆకట్టుకుంటున్నాయి. ఫ్యాషన్‌ ప్రపంచంలో లేత రంగులు గొప్పగా వెలిగి΄ోనున్నాయి.హ్యాండ్‌ ఎంబ్రాయిడరీబామ్మలనాటి సంప్రదాయ ఎంబ్రాయిడరీ వర్క్స్‌ మళ్లీ పురుడు పోసుకుంటున్నాయి. అంతేకాదు హ్యాండ్‌ పెయింట్, గాడీగా లేని ఎంబ్రాయిడరీని ఇష్టపడుతున్నారు. కొన్ని రకాల ప్రింటెడ్‌ ఫ్యాబ్రిక్‌ను కూడా తమ డ్రెస్‌ డిజైన్స్‌లలో చూపుతున్నారు. తేలికగా ఉండేలా..ఏ డ్రెస్‌ అయినా సరే కంఫర్టబుల్‌గా, సులువుగా ధరించే వీలు ఉండే డ్రెస్‌ల మీద ఫోకస్‌ పెరుగుతోంది. పెళ్లి వంటి గ్రాండ్‌ అకేషన్స్‌ అయినా లైట్‌వెయిట్‌ను ఇష్టపడతున్నారు. ఫ్యాషనబుల్‌గా కనిపించాలనుకున్నా సపై్టయినబుల్‌ ఫ్యాబ్రిక్‌ని ఇష్టపడుతున్నారు. వింటేజ్‌ స్టైల్‌రిసెప్షన్, ఫ్యాషన్‌ షో వంటి వేడుకలలో హైలైట్‌ కావడానికి డ్రెస్సుల ‘కట్స్‌’ మీద ఎక్కువ ఫోకస్‌ చేస్తున్నారు. దీని వల్ల జ్యువెలరీ తక్కువ వాడుతున్నారు. ఇందులో భాగంగా హెరిటేజ్‌ కాన్పెప్ట్, రెట్రో స్టైయిల్‌ ముందుకు వస్తోంది. మెరుస్తున్న ఐవరీ చందేరీపై అప్లిక్‌ పూల వర్క్‌తో ప్రిన్సెస్‌ డయానా డ్రెస్‌లో నాటి రోజులను ముందుకు తీసుకువస్తుంది. ఆర్గానిక్‌ ముల్‌ చందేరి ఫ్యాబ్రిక్‌తో డిజైన్‌ చేసిన డ్రెస్‌ రొమాంటిక్‌ ఫినిషింగ్‌ టచ్‌ను జోడిస్తుంది. చేతితో ఎంబ్రాయిడరీ చేసిన మందార పువ్వులు, మిర్రర్‌ వర్క్‌లతో నిండిన ముల్‌ చందేరీ డ్రెస్, ఫెదర్‌లైట్‌ వైట్‌ కేప్‌ మొత్తం రూపాన్ని అందంగా మార్చేస్తుంది. కాలం పరుగులు తీస్తూనే ఉంది.చేతితో ఎంబ్రాయిడరీ చేసిన మందార పువ్వులు, మిర్రర్‌ వర్క్‌లతో నిండిన ముల్‌ చందేరీ డ్రెస్, ఫెదర్‌లైట్‌ వైట్‌ కేప్‌ మొత్తం రూపాన్ని అందంగా మార్చేస్తుంది.

నవాబుల కాలం నుంచి ఇప్పటి దాకా షేర్వానీకి ఏమాత్రం క్రేజ్‌ తగ్గకపోగా రోజురోజుకూ పెరుగుతోంది. ఒకప్పుడు రాజ కుటుంబీకులు, సంపన్నవర్గాలకే షేర్వానీ పరిమితమయ్యేది. రానురాను పేద, ధనిక అందరూ షేర్వానీ అంటే ఆసక్తి కనబరుస్తున్నారు. పెళ్లిళ్లు, పేరంటాల్లో కుటుంబ సభ్యులంతా చిన్నాపెద్దా తేడా లేకుండా షేర్వానీ ధరించాల్సిందే.. బ్రాండెడ్‌ దుస్తులు మార్కెట్‌ను రాజ్యమేలుతున్నా.. రాజుల కాలం నాటి షేర్వానీలు పండగలు, శుభకార్యాలకు సరికొత్త శోభను తీసుకువస్తున్నాయి. ఇదే ఇప్పుడు నయా ట్రెండ్‌గా మారింది. అభిరుచులకు అనుగుణంగా షేర్వానీ డిజైన్లలోనూ మార్పులొచ్చాయి. రాకుమారులు.. సినీహీరోలు.. రాజకీయ నాయకులు ఇలా సెలబ్రెటీలంతా భారతీయ సంస్కృతికి అద్దంపట్టేలా షేర్వానీని ధరించేందుకు మొగ్గు చూపుతున్నారు. కేవలం మన సంస్కృతే కాదు.. పాశ్చాత్య డిజైన్ల సమ్మేళనంగా సరికొత్త షేర్వానీలు మార్కెట్‌లో ఆదరణ పొందుతున్నాయి. హైదరాబాద్‌లో కేవలం నిజాం నవాబులు, ముస్లిం, మార్వాడీ సమాజంలోనే షేర్వానీ ఆహార్యం కనిపించేంది. ఇప్పుడు ఈ ఫ్యాషన్‌ అందరి ఒంటి మీదకు చేరింది. మొదట్లో కేవలం పెళ్లి కుమారుడే షేర్వానీతో ఊరేగేవాడు.. ఇప్పుడు వరుడే కాదు.. పెళ్లి బరాత్‌కు హాజరయ్యే ప్రతి ఒక్కరూ ఈ డ్రెస్‌ వేర్‌ను వాడటం పరిపాటిగా మారింది. విభిన్న రకాలతో షేర్వానీలతో బరాత్‌కే కొత్త అందం వస్తుందనే ప్రచారంతో వివాహంలో షేర్వానీ డ్రెస్‌ కోడ్‌గా మారింది. షేర్వానీ అంటే మక్కువ ఇండో వెస్టన్‌ డిజైన్స్‌తో వినియోగదారులకు నచ్చే విధంగా షేర్వానీలు తయారు చేస్తున్నాం. నేటి యువత మాములు డిజైన్‌ షేర్వానీలకు కాకుండా స్టైయిలి‹Ùగా కనబడటానికి కొత్త డిజైన్స్‌ను ఫాలో అవుతున్నారు. మారుతున్న డిజైన్స్‌కు అనుగుణంగా మా వద్ద షేర్వానీలు తయారవుతాయి. ప్రస్తుతం అన్ని మతాలు, వర్గాల వారు వీటిని ధరిస్తున్నారు. వారి వారి సంప్రదాయల డిజైన్లలో తయారు చేస్తున్నాం. షేర్మానీలు ధరించి శుభకార్యాలకు వెళితే ఎంతో సంతోషాన్ని ఇస్తుంది. శుభకార్యాలు పెళ్లిళ్లు విందుల్లో షేర్వాణి ధరించి వెళ్లే వారివైపే అందరి చూపు ఉంటుంది. నేటి యువత వీటిని ధరించడానికి మక్కువ చూపుతున్నారు. – ఇబ్రాహీమ్‌ బుఖారీ, జహాపనా డిజైనర్స్‌ వ్యవస్థాపకుడు బనారస్‌ పట్టుతో తయారీ షేర్వానీల తయారీలో బనారస్‌ పట్టుదే పైచేయి. ఈ పట్టుతోనే వీటిని ఉత్పత్తి చేసే అవకాశమున్నందున.. ఫ్యాషన్‌లో బనారస్‌ షేర్వానీలదే హవా. పురుషులు వ్రస్తాలలో పట్టుకు అంతగా ప్రాధాన్యత ఇవ్వరు. కేవలం షేర్వానీలలో మాత్రం ఈ పట్టుకే పట్టం కడుతున్నారు. ఇలా వస్త్ర నాణ్యతకు అనుగుణంగా వీటి ధరల్లో హెచ్చు తగ్గులున్నాయి. రూ.2వేల నుంచి రూ.2 లక్షల వరకు షేర్వానీలు లభ్యమవుతున్నాయంటే వీటికి మార్కెట్‌లో ఉన్న డిమాండ్‌ను అర్థం చేసుకోవచ్చు. వీటికి ఉన్న ఆదరణ దష్ట్యా షేర్వానీ ప్రియులు కస్టమైజ్డ్‌ డిజైన్లు చేయించుకుంటున్నారు. ఈ నేపథ్యంలో ప్రత్యేకంగా డిజైనర్లు సైతం పుట్టుకొచ్చారు. నగరంలో బుఖారీ ఫ్యామిలీ జహాపనా డిజైనర్స్‌ పేరుతో షేర్వానీ రంగంలో విప్లం తీసుకొచి్చంది. యుత్‌కు నచ్చే స్టయిల్స్‌తో పాటు అన్ని కట్స్‌లో షేర్వానీలు తయారవుతున్నాయి.

బాడ్మింటర్‌ స్టార్‌ పీసీ సింధు తన కలల రాకుమారుడితో ఏడడుగులు వేసింది. ఉదయపూర్‌లో అంగరంగ వైభవంగా జరిగిన వేడుకలో దత్త సాయితో కలిసి వివాహ బంధంలోకి అడుగు పెట్టింది. ఈ సందర్బంగా పీవీ సింధు వెడ్డింగ్‌ ఔట్‌ ఫిట్స్‌ ప్రత్యేక ఆకర్షణగా నిలిచాయి అంతేకాదు, మొత్తం పెళ్లి వేడుకల్లో ప్రఖ్యాత డిజైనర్లకు సంబంధించిన అందమైన దుస్తులను ఎంపిక చేసుకోవడం విశేషం. సబ్యసాచి ముఖర్జీ నుంచిమనీష్ మల్హోత్రా వరకు, తన ప్రతీ బ్రైడల్‌ లుక్‌లోనూ అందరి దృష్టిని తనవైపు తిప్పుకుంది .డిజైనర్‌ మనీష్ మల్హోత్రా పీవీ సిందు ఐవరీ-టోన్డ్ బ్రైడల్ చీర వివరాలను ఇన్‌స్టాలో పంచుకున్నారు.పెళ్లి ముహూర్తానికిబంగారు, వెండి జరీతో చేతితో నేసిన చీరను ముహూర్తానికి కట్టుకుంది. ఈ చారలో బద్లా జర్దోజీ ఎంబ్రాయిడరీ దీనికి స్పెషల్‌ ఎట్రాక్షన్‌. ఆమెధరించిన మేలి ముసుగులో పీవీ సింధు, వెంకటదత్తసాయి పేర్లు రాసి ఉండడం మరో ఎట్రాక్షన్‌.సింధుతో తన వివాహానికి మనీష్ మల్హోత్రా డిజైన్‌ చేసిన ఐవరీ కలర్‌ బ్రోకేడ్ షేర్వానీలో అందంగా కనిపించాడు వెంకట దత్త సాయి. దీనికి సింధుతో కలిసి మ్యాచింగ్‌ అన్‌కట్‌ డైమండ్‌ ఆభరణాలను ఎంచుకున్నాడు. బంగారు, వెండితో తయారుచేసిన స్టోల్,షాఫా జతచేసి తన వెడ్డింగ్‌ లుక్‌కి సరైన న్యాయం చేశాడు.వరమాల వేడుకకు సబ్యసాచి ముఖర్జీవరమాల వేడుక కోసం సింధు , వెంకట దత్త సాయి ఇద్దరూ సబ్యసాచి ముఖర్జీ దుస్తులను ఎంచుకున్నారు. గోల్డెన్‌ అండ్‌ రోజ్‌ కలర్‌ ఎంబ్రాయిడరీ రెడ్ లెహంగా ,ఫుల్ స్లీవ్ చోలీతో, షీర్ దుపట్టా ధరించింది. వరుడు వెంకట సాయి గోల్డెన్ వర్క్‌, లేత గోధుమరంగు రంగు షేర్వానీలో అందంగా కనిపించాడు. ఈ ఔట్‌ఫిట్‌కి పగిడి(తలపాగా), ముత్యాల హారం మరింత లుక్‌ తెచ్చిపెట్టాయి. రిసెప్షన్‌ లుక్‌ ఈ జంట ఫల్గుణి షేన్ పీకాక్‌ స్టైలిష్‌ ఔట్‌ఫిట్‌ లెహెంగాలో పెళ్లి కళ ఉట్టి పడుతూ కనిపించింది సింధు. స్వరోవ్స్కీ, సీక్విన్ క్రిస్టల్ వర్క్‌ను కలిగి ఉన్న ఐవరీ టల్లే లెహెంగా ఆమె రూపానికి మరింత గ్లామర్‌ అందించింది. డైమండ్-లేయర్డ్ నెక్లెస్‌, పచ్చల పెండెంట్‌, మ్యాచింగ్ చెవిపోగులతో పాటు, ఎంగేజ్‌మెంట్‌ డైమండ్ రింగ్‌ను కూడా ధరించింది.మరోవైపు, వెంకట దత్త సాయి టోనల్ సిల్క్ ఎంబ్రాయిడరీ , సీక్విన్ డిటైలింగ్‌తో సొగసైన భారీ ఎంబ్రాయిడరీ బ్లేజర్, బ్లాక్‌ వెల్వెట్ బంద్ గాలా ధరించారు. సంగీత్‌, హల్దీకిఇక సంగీత్‌, హల్దీ వేడుకల్లో అబు జానీ సందీప్‌ కోశ్లా డిజైన్‌ చేసిన దుస్తుల్లో మెరిసిపోయారు సింధు, సాయి దంపతులు.

రిలయన్స్ రిటైల్ తన వినియోగదారులకు మరిన్ని బ్రాండ్లను చేరువ చేసేందుకు ప్రయత్నిస్తోంది. అందులో భాగంగా హైదరాబాద్‌లోని ఎల్‌బీనగర్‌ సమీపంలో నాగోల్‌-అల్కపురి క్రాస్‌ రోడ్‌ వద్ద కొత్తగా ‘యూస్టా’ ఫ్యాషన్‌ బ్రాండ్‌ స్టోర్‌ను ప్రారంభించింది. ఇప్పటికే దేశంలోని చాలా ప్రాంతాల్లో ఈ స్టోర్లు ఉన్నాయని కంపెనీ అధికారులు తెలిపారు. దక్షిణ భారతదేశంలో మరింతగా తమ వ్యాపారాన్ని విస్తరించేందుకు సంస్థ ప్రయత్నిస్తోందని పేర్కొన్నారు.దేశంలోని యువత అధికంగా ఇష్టపడే స్టైల్స్‌లో విభిన్న మోడల్స్‌ను యూస్టా అందిస్తోందన్నారు. ప్రస్తుతం యూస్టా స్టోర్స్ మహారాష్ట్ర, తెలంగాణ, ఛత్తీస్‌గఢ్, కేరళ, తమిళనాడు, పశ్చిమ బెంగాల్, ఉత్తరప్రదేశ్, జార్ఖండ్, ఉత్తరాఖండ్‌ రాష్ట్రాల్లో విస్తరించినట్లు చెప్పారు. ప్రీమియం మోడల్స్‌తోపాటు సామాన్యులకు అందుబాటు ధరల్లో ఫ్యాషన్‌ ఉత్పత్తులను అందిస్తున్నట్లు చెప్పారు.ఇదీ చదవండి: ‘బంగారం’లాంటి అవకాశం.. తులం ఎంతంటే..యువతను ఆకర్షించేలా చాలా ఫ్యాషన్‌ రిటైల్‌ కంపెనీలు తమ వ్యాపారాన్ని విస్తరిస్తున్నాయి. అందుబాటు దరల్లోనే తమ ఉత్పత్తులను అందిస్తున్నాయి. గార్మెంట్‌ పరిశ్రమ కూడా స్థానికంగా ఎంతో వృద్ధి చెందుతోంది. ఈ రంగంలో ఇతర దేశాలకు చేసే ఎగుమతులు అధికమవుతున్నాయి. స్థానికంగా మంచి ఉత్పత్తులు అందిస్తే సంస్థల బ్రాండ్‌కు ఆదరణ పెరుగుతుందని కంపెనీలు భావిస్తున్నాయి.

మేకప్‌ అందంగా కనిపించడానికే కాదు ఆత్మవిశ్వాసాన్నీ కలిగిస్తుంది. అయితే, మేకప్‌ ఉత్పత్తుల ఎంపికలోనూ, వాడకంలోనూ సాధారణంగా కొన్ని పొరపాట్లు చేస్తుంటారు. వాటిని నివారించడానికి సరైన అవగాహన ఉండాలి. వాతావరణానికి తగిన విధంగా మేకప్‌ ఉత్పత్తులు సీజన్‌ని బట్టి వాడేవి ఉంటాయి. అందుకని, బ్రాండ్‌ అని కాకుండా ప్రొడక్ట్‌ గురించి పూర్తి సమాచారం తెలుసుకోవాలి. వేడి, చలి వాతావరణానికి తగిన నాణ్యమైన ఉత్పత్తులను ఎంచుకోవాలి. దీంతో పాటు అవి తమ చర్మ తత్త్వానికి ఎలా ఉపయోగపడతాయో చెక్‌ చేసుకోవాలి. అందుకు ప్రొడక్ట్స్‌ అమ్మేవారే స్కిన్‌ టెస్ట్‌కి అవకాశం ఇస్తారు. శుభ్రత ముఖ్యంమేకప్‌ వేసుకోవడానికి ముందు ముఖాన్ని శుభ్రపరుచుకోవాలి. చాలా మంది ఈ విషయాన్ని అంతగా పట్టించుకోరు. కానీ, అప్పటికే చర్మంపై పేరుకుపోయిన జిడ్డు, దుమ్ము కణాలు చేరుతాయి. ముఖం శుభ్రం చేయకుండా మేకప్‌ వేసుకుంటే బ్యాక్టీరియా ఎక్కువ వృద్ధి చెందుతుంది. దీనివల్ల కూడా ముఖ చర్మం త్వరగా పాడవుతుంది. సాధారణ అవగాహన లైనర్, ఫౌండేషన్, కాజల్‌.. ఇలా ఏ మేకప్‌ ప్రొడక్ట్‌ ఉపయోగించినా కొన్ని మిస్టేక్స్‌ సహజంగా జరుగుతుంటాయి. ఇలాంటప్పుడు మేకప్‌ పూర్తిగా తీసేయాల్సిన అవసరం లేదు. సాధారణంగా ఫౌండేషన్‌ అయితే బ్లెండింగ్‌ బాగా చేయాలి. ఎంత బాగా బ్లెండ్‌ చేస్తే లుక్‌ అంత బాగా వస్తుంది. బ్యూటీ ప్రొడక్ట్‌ ఎంత అవసరమో అంతే వాడాలి. లేదంటే ఎబ్బెట్టుగా కనిపిస్తుంది. మేకప్‌లో ఫేస్‌ షేప్, స్కిన్‌ టోన్, బాడీకి తగినట్టు కూడా మేకప్‌ ఉంటుంది. ఇందుకు ముందుగా నిపుణుల సూచనలు తీసుకోవచ్చు.మరికొన్ని...నాణ్యమైనవి, ఖరీదైనవి అని కాకుండా తమ స్కిన్‌ టోన్‌కి తగిన మేకప్‌ ప్రొడక్ట్స్‌ ఎంపిక చేసుకోవాలి. మేకప్‌కి ఒకరు వాడిన టవల్, బ్రష్, స్పాంజ్‌ వంటివి మరొకరు ఉపయోగించకూడదు. వాటిని పూర్తిగా శుభ్రం చేసిన తర్వాతనే తిరిగి వాడాలి. రాత్రి పడుకునే ముందు తప్పనిసరిగా మేకప్‌ తొలగించాలి. లేక;yతే స్వేదరంధ్రాలు మూసుకు;yయి, మచ్చలు ఏర్పడే అవకాశం ఉంది. ఫౌండేషన్‌ని ఒకసారి ఎక్కువ మొత్తంలో ఉపయోగిస్తే హెవీగా కనిపిస్తుంది. తక్కువ మొత్తాన్ని అప్లై చేసి, పూర్తిగా బ్లెండ్‌ చేయాలి.మేకప్‌ ట్రెండ్స్‌ని అనుసరించడం కన్నా, తమ ముఖానికి నప్పే అలంకరణను ఎంచుకోవడం మేలు. రోజంతా ఉన్న మేకప్‌ పైన మరొకసారి టచప్‌ చేయకపోవడమే మంచిది. మస్కారా వంటివి మరొక కోట్‌ వేయకుండా బ్రష్‌ను తడిపి, కనురెప్పలపై అద్దవచ్చు. లిప్‌స్టిక్‌ను ఉపయోగించే ముందు లిప్‌ బ్రష్‌ను వాడితే, అలంకరణ నీటుగా వస్తుంది. – శ్రీలేఖ, మేకప్‌ ఆర్టిస్ట్‌

ముత్యాల ఆభరణాలు మనసును ఆహ్లాదంగా మార్చేస్తాయి. ముత్యాల వరసలతో చేసిన డ్రెస్సులు వేసుకుంటే.. వేడుకలలో హైలైట్‌గా నిలుస్తున్న ఈ స్టైలిష్‌ డ్రెస్సులను సెలబ్రిటీలే కాదు నవతరమూ కోరుకుంటోంది.వెస్ట్రన్, ఇండియన్‌ పార్టీ ఏదైనా ముత్యాల డిజైనరీ డ్రెస్సులను ధరిస్తున్నారు స్పెషల్‌ అట్రాక్షన్‌గా నిలుస్తున్నారు.సాధారణంగా ఆభరణాలలో చూసే ముత్యాలను డ్రెస్‌ డిజైనింగ్‌లో విరివిగా ఉపయోగిస్తున్నారు. అందుకే, ముత్యాలు ఇటీవల ఫ్యాషన్‌లో కీలకమైన అంశంగా మారాయి. తెలుపు, సిల్వర్, వైట్‌ గోల్డ్‌ కాంబినేషన్‌లో ఉన్న మెటీరియల్‌పైన తెల్లని ముత్యాలను మరింత ఆకర్షణీయమైన ఎంపికగా డిజైనర్లు ఎంచుకుంటున్నారు. ఈ తరహా దుస్తులు స్వచ్ఛతకు, క్లాసీ లుక్‌కు ఉదాహరణగా నిలుస్తున్నాయి. శారీస్, స్కర్ట్స్‌ మీదకు టాప్స్‌గా ఉపయోగించే వాటిలో కోర్‌ జాకెట్స్, ష్రగ్స్, బ్లౌజ్‌ బ్యాక్‌ డిజైన్‌కి ఎక్కువ శాతం ముత్యాల వరసలను ఎంచుకుంటున్నారు. లెహంగా, శారీ ఎంబ్రాయిడరీలోనూ జర్దోసీ, సీక్వెన్స్‌తోపాటు కాంబినేషన్‌గా ముత్యాల వరసలు విరివిగా కనిపిస్తున్నాయి. వింటర్‌–సమ్మర్‌ పార్టీవేర్‌కి, ఇండోవెస్ట్రన్‌ స్టైల్స్‌కి చిన్న, పెద్ద ముత్యాలను ఉపయోగిస్తూ చేసే డ్రెస్‌ డిజైన్స్‌ ఆకర్షణీయమైన ఎంపికగా మారింది. ముత్యాలతో చేసే డిజైన్స్‌ ఖరీదులో ఘనంగా ఉంటే వాటి స్థానంలో ఉపయోగించే వైట్‌ బీడ్స్‌తో రెప్లికా డిజైన్లు యువతను అమితంగా ఆకట్టుకుంటున్నాయి. దీనితో తక్కువ ఖరీదులోనూ ఈ తరహా డిజైన్స్‌ లభిస్తున్నాయి. ఈ డిజైనరీ డ్రెస్సులే ఓ పెద్ద అట్రాక్షన్‌ కావడంతో మరే ఇతర ఆభరణాలు, హంగుల అవసరం ఉండదు. (చదవండి: కృష్ణభక్తురాలిగా ఐపీఎస్‌ అధికారిణి .. పదేళ్ల సర్వీస్‌ ఉండగానే..)

ఫ్యాషన్ సామ్రాజ్యం ‘మ్యాంగో’ వ్యవస్థాపకుడు, అధినేత ఇసాక్ ఆండిక్ కన్నుమూశారు. శనివారం ఆయన పర్వత ప్రమాదంలో మరణించినట్లు పోలీసులు తెలిపారు. ఆండిక్ వయసు 71 ఏళ్లు. బార్సిలోనా సమీపంలోని మోంట్‌సెరాట్ గుహలలో బంధువులతో హైకింగ్ చేస్తుండగా కొండపై నుండి 100 మీటర్లకు పైగా జారి పడిపోయాడని పోలీసు ప్రతినిధి తెలిపారు."మాంగో నాన్-ఎగ్జిక్యూటివ్ ఛైర్మన్, వ్యవస్థాపకుడు ఇసాక్ ఆండిక్ ఆకస్మికంగా మృతి చెందారని తెలియజేయడానికి చింతిస్తున్నాం" అని కంపెనీ సీఈవో టోని రూయిజ్ ఒక ప్రకటనలో తెలిపారు. ఆయన నిష్క్రమణ భారీ శూన్యతను మిగిల్చిందని, ఆయన కంపెనీ కోసం జీవితాన్ని అంకితం చేశారని, వ్యూహాత్మక దృష్టి, స్ఫూర్తిదాయకమైన నాయకత్వంతో చెరగని ముద్ర వేశారని పేర్కొన్నారు.ఇస్తాంబుల్‌లో జన్మించిన ఆండిక్ 1960లలో ఈశాన్య స్పానిష్ ప్రాంతమైన కాటలోనియాకు వలస వెళ్లి 1984లో ఫ్యాషన్‌ బ్రాండ్‌ మ్యాంగోను స్థాపించారు. ఫోర్బ్స్ ప్రకారం ఆయన నెట్‌వర్త్‌ 4.5 బిలియన్‌ డాలర్లు. ఆయన ప్రస్తుతం కంపెనీకి నాన్ ఎగ్జిక్యూటివ్ చైర్మన్‌గా ఉన్నారు. ప్రపంచంలోనే అతిపెద్ద ఫాస్ట్ ఫ్యాషన్ రిటైలర్ అయిన ఇండిటెక్స్ అధినేత అమాన్సియో ఒర్టెగాను ఢీకొట్టిన వ్యాపారవేత్త ఆండిక్.తిరుగులేని బ్రాండ్‌దాదాపు 2,800 స్టోర్‌లతో యూరప్‌లోని అతిపెద్ద ఫ్యాషన్ గ్రూపులలో మ్యాంగో ఒకటిగా ఉంది. దాని వెబ్‌సైట్ ప్రకారం మ్యాంగో గ్రూప్‌ ప్రపంచవ్యాప్తంగా 120 కంటే ఎక్కువ దేశాలలో వ్యాపారాలు నిర్వహిస్తోంది. 15,500 మంది ఉద్యోగులతో ప్రముఖ అంతర్జాతీయ ఫ్యాషన్ గ్రూపులలో ఒకటిగా తన స్థానాన్ని సుస్థిరం చేసుకుంది. 2023లో కంపెనీ టర్నోవర్ 3.1 బిలియన్ యూరోలు.

సాక్షి, అమరావతి: దేశీయ నేత్ర రక్షణ వ్యాపారం వేగంగా విస్తరిస్తోంది. గతంలో కేవలం చూపు కోసమే వినియోగించిన కళ్లజోళ్లు ఇప్పుడు ట్రెండీ ఫ్యాషనబుల్‌ ఐటమ్స్‌గా మారిపోయాయి. యువత వస్త్రధారణకు అనుగుణంగా సరికొత్త డిజైన్లతో ఉన్న కళ్లజోళ్లను వినియోగిస్తోంది. బరువు తక్కువగా ఉండి.. విభిన్న రంగుల్లో పెద్ద ఫ్రేమ్‌లున్న కళ్లజోళ్లను వినియోగించడం ఇప్పుడు ట్రెండీగా మారింది. మొన్న అసెంబ్లీ బడ్జెట్‌ సమావేశాల్లో రాష్ట్ర పరిశ్రమల శాఖ మంత్రి భరత్‌ వినియోగించిన భారీ కళ్లజోడు అందరినీ ఆకర్షించింది. సినీనటుల నుంచి గ్రామీణ యువత వరకు కళ్లజోడు ఫ్యాషన్‌ వస్తువుగా మారింది. ప్రస్తుతం దేశీయ కళ్లజోళ్ల మార్కెట్‌ రూ.54,863 కోట్లు ఉండగా.. అది 2032 నాటికి ఏటా 12 శాతంపైగా వృద్ధి సాధిస్తూ రూ.1,53,384 కోట్లకు చేరుతుందని అంచనా వేస్తున్నారు. భారత్‌లో 30 కోట్ల మంది దృష్టి మెరుగుదల కోసం కళ్లజోళ్లను వాడాల్సి ఉండగా.. కేవలం 12 కోట్ల మందే వినియోగిస్తుండటంతో ఈ మార్కెట్‌పై కార్పొరేట్‌ సంస్థలు ప్రధానంగా దృష్టి సారిస్తున్నాయి. ఇప్పుడు అత్యధికులు కంప్యూటర్లు, ఫోన్లతో ఎక్కువ సమయం గడిపేస్తుండటంతో నేత్ర సంబంధ సమస్యలు తలెత్తడం అత్యంత సహజమైన పరిమాణంగా మారిపోయింది. దీంతో ప్రతి ఒక్కరికీ కళ్లజోడు తప్పనిసరి అనే పరిస్థితి ఏర్పడుతోంది. ఇటు ఫ్యాషన్‌తోపాటు చూపు కోసం కళ్లజోళ్ల మార్కెట్‌కు డిమాండ్‌ అధికంగా ఉండటంతో రిటైల్‌ చైన్‌ సంస్థలు తమ వ్యాపార కార్యకలాపాలను ద్వితీయ, తృతీయ శ్రేణి నగరాలకూ విస్తరిస్తున్నాయి. లెన్సుల మార్కెట్టే ప్రధానం మొత్తం దేశీయ ఐకేర్‌ మార్కెట్‌ రూ.54,863 కోట్లు ఉండగా.. అందులో ఒక్క లెన్సుల మార్కెట్‌ పరిమాణమే రూ.22,908 కోట్లు ఉంటుందని అంచనా. కాంటాక్ట్‌ లెన్స్‌లతో పాటు కాస్మొటిక్‌ లెన్స్‌లు ముఖ్యంగా బ్లూలైట్‌ లెన్స్‌ల వినియోగం భారీగా పెరుగుతోంది. మారుతున్న సాంకేతిక పరిజ్ఞానాన్ని వినియోగిస్తూ స్మార్ట్‌ గ్లాస్, ఆర్టిఫిషియల్‌ ఇంటెలిజెన్స్‌తో పనిచేసే కళ్లజోళ్లు మార్కెట్లోకి ప్రవేశిస్తున్నాయి. ఒక వ్యక్తి సొంత అవసరాలకు అనుగుణంగా కావాల్సినప్పుడు కావాల్సిన విధంగా మారే ప్రోగ్రాంతో ఆర్టిఫిషియల్‌ ఇంటెలిజెన్స్‌తో పనిచేసేలా వీటిని రూపొందిస్తున్నారు. భారత్‌ మార్కెట్‌లో అవకాశాలను అందిపుచ్చుకోవడానికి ఇటలీ, జర్మనీ, జపాన్, ఫ్రాన్స్‌ వంటి దేశాలు ఆసక్తి చూపిస్తున్నాయి. దీనికి ఇటీవల ఢిల్లీలో జరిగిన ఎగ్జిబిషన్‌లో వివిధ దేశాల నుంచి 1,500కుపైగా విదేశీ బ్రాండ్స్‌ పాల్గొనడమే నిదర్శనమంటున్నారు.

సంజయ్‌ లీలా భన్సాలీ సినిమా అంటే ఫ్యాషన్‌ డిజైనర్లందరికీ పండుగ! ఆయన సినిమా విడుదల తర్వాత చిన్న చిన్న బోటీక్‌ ఓనర్స్‌ నుంచి టాప్‌ మోస్ట్‌ ఫ్యాషన్‌ డిజైనర్స్‌ దాకా అందరూ ఆ చిత్రం రిఫరెన్స్‌తో కొత్త కలెక్షన్స్‌ను విడుదల చేస్తారు. అలాంటిది కాస్ట్యూమ్‌ డిజైనర్‌గా, స్టయిలిస్ట్‌గా తొలి అవకాశమే సంజయ్‌ లీలా భన్సాలీ మూవీలో వస్తే.. అదృష్టమే అనుకుంటారు! అలాంటి చాన్స్‌ దక్కించుకున్న అదృష్టవంతురాలే ఇక్కడ పరిచయమవుతున్న స్టయిలిస్ట్‌ అర్చా మెహతా!అర్చా మెహతా స్వస్థలం ఢిల్లీ. కెరీర్‌ విషయంలో తండ్రి ఏం చెప్తే అదే అనుకొని, ఇంటర్‌ అయిపోగానే ఇంజినీరింగ్‌ కాలేజీలో చేరింది. కాలేజీ కల్చరల్‌ ప్రోగ్రామ్స్‌లో భాగమైన ర్యాంప్‌ వాక్‌లో పాల్గొన్నది. అప్పుడు గ్రహించింది తన అసలు ప్యాషన్‌ ఫ్యాషనే అని! ఆ విషయాన్ని తండ్రితోనూ చెప్పింది. కూతురి ఇష్టాన్ని గుర్తిస్తూ ఆయన వెంటనే అర్చాను ఇంజినీరింగ్‌ మాన్పించి, ఫ్యాషన్‌ డిజైనింగ్‌ కోర్స్‌ కోసం లండన్‌ పంపించాడు. అక్కడ ఆమె ఫ్యాషన్‌ డిజైనింగ్‌తో పాటు స్టయిలింగ్‌ గురించి కూడా తెలుసుకుంది. కోర్స్‌ పూర్తవగానే అక్కడే సుప్రసిద్ధ ఫ్యాషన్‌ డిజైనర్ల దగ్గర ఇంటర్న్‌గా పనిచేసింది. తర్వాత ముంబై చేరింది. వెంటనే ప్రముఖ దర్శకుడు సంజయ్‌ లీలా భన్సాలీ చిత్రం ‘గోలియోంకీ రాస్‌లీలా రామ్‌లీలా’కి అసిస్టెంట్‌ స్టయిలిస్ట్, అసిస్టెంట్‌ కాస్ట్యూమ్‌ డిజైనర్‌గా పనిచేసే అవకాశం దొరికింది. అది పనిలో అనుభవాన్నే కాదు.. టాలీవుడ్‌లో ఎంట్రీనీ కల్పించింది. ‘హార్ట్‌ ఎటాక్‌’ మూవీలో అగ్రతారలకు స్టయిలిస్ట్‌గా! అందులో ఆమె కేవలం కాస్ట్యూమ్స్‌ మీదే కాదు స్కార్ఫ్‌లు, యాక్ససరీస్, ఆఖరకు పచ్చబొట్టు లాంటి వాటిపైనా దృష్టి పెట్టి స్టయిలింగ్‌ చేసింది. తక్కువ ఎక్స్‌పోజింగ్‌తో ట్రెండీ లుక్‌ ఇచ్చినందుకు హీరోయిన్స్‌ ఆదా శర్మ మెప్పును కూడా పొందింది. అప్పటి నుంచి అదే ఆమె సిగ్నేచర్‌ స్టయిలింగ్‌ అయింది. ఆ స్కిల్‌కి టాలీవుడ్, బాలీవుడ్‌ సెలబ్రిటీస్‌ చాలామంది ఫిదా అయ్యారు. ఆ జాబితాలో కీర్తీ సురేశ్, మృణాల్‌ ఠాకుర్, కృతీ శెట్టీ, రాశీ ఖన్నా, కాజల్‌ అగర్వాల్, సంయుక్తా మీనన్, కళ్యాణీ ప్రియదర్శన్, కేథరిన్‌ త్రెసా, హన్సిక, మెహ్రీన్, ప్రణీత, దిశా పాట్నీ, నుస్రత్‌ భరూచా ఎట్సెట్రా ఉన్నారు. వాళ్లంతా అర్చాను తమ పర్సనల్‌ స్టయిలిస్ట్‌గా అపాయింట్‌ చేసుకున్నారు. ఈ హీరోయిన్స్‌కే కాదు శర్వానంద్, నితిన్‌ లాంటి హీరోలకూ ఆమె స్టయిలింగ్‌ చేస్తోంది. ∙దీపిక కొండి

భారతీయ సంస్కృతికి అద్దం పట్టే రీతిలో సాగిన ఫ్యాషన్‌ వాక్‌ ఔరా అనిపించింది. ఆయా రాష్ట్రాల వస్త్రధారణతో సాగిన క్యాట్‌ వాక్‌ అందరినీ ఆకట్టుకుంది. తెలంగాణ రాష్ట్రం, హైదరాబాద్‌లోని రాయదుర్గంలోని ఎఫ్‌డీడీఐ ఆడిటోరియంలో ప్రధాని నరేంద్ర మోదీ భావజాలమైన వారసత్వ చేనేత వ్రస్తాలను ప్రోత్సహించేందుకు చేపట్టిన అవతరణ్‌–2024లో భాగంగా బుధవారం ఫ్యాషన్‌ వాక్‌ నిర్వహించారు. ఎఫ్‌డీడీఐ(ఫుట్‌వేర్‌ డిజైన్‌ డెవలప్‌మెంట్‌ ఇనిస్టిట్యూట్‌)లోని ఫ్యాషన్‌ డిజైన్‌ విభాగం రెండో సంవత్సరం విద్యార్థులు ఫ్యాషన్‌ వాక్‌ నిర్వహించారు. ఆయా రాష్ట్రాల్లో వివిధ పేర్లతో పిలిచే చీర కట్టు, పంచెకట్టుతో ర్యాంప్‌పై విద్యార్థులు మెరిశారు. యువతులు వివిధ రాష్ట్రాల సంప్రదాయాలను కళ్లకు కట్టినట్లు ప్రదర్శించారు. సాంఘిక సంస్కరణల చుట్టూ ఉండే సంప్రదాయ కథలలో భారతీయ సంస్కృతిని ప్రతిబింబించే రీతిలో వ్రస్తాలను డిజైన్‌ చేశారని ఎఫ్‌డీడీఐ ఎగ్జిక్యూటివ్‌ డైరెక్టర్‌ ఎన్‌.తేజ్‌ లోహిత్‌రెడ్డి పేర్కొన్నారు. నిఫ్ట్‌ అసోసియేట్‌ ప్రొఫెసర్‌ మధుప్రియ ఝా ఠాకూర్, ఎల్‌జీఏడీ సీనియర్‌ ఫ్యాకల్లీ సి.వేణుగోపాల్‌ న్యాయనిర్ణేతలుగా వ్యవహరించారు. బెస్ట్‌ డిజైనర్, బెస్ట్‌ మోడల్‌ను ఎంపిక చేయనున్నారు. (చదవండి: చందమామ లేదు.. యూట్యూబ్‌ ఉంది..!)

బాలీవుడ్ ద‌ర్శ‌క నిర్మాత కరణ్ జోహార్ , ఫ్యాబులస్ లైవ్స్ vs బాలీవుడ్ వైవ్స్ సీజన్-3లో నటించిన షాలిని పాసి లేటెస్ట్‌ సెన్సేషన్‌. ఢిల్లీకి చెందిన ఈమె సోషల్‌ యాక్టివిస్ట్‌, ఆర్టిస్ట్‌ కూడా. ఫ్యాషన్‌కు మారు పేరు. మరోవిధంగా చెప్పాలంటే వాకింగ్ ఫ్యాషన్ఎగ్జిబిషన్. అదిరిపోయే డ్రెస్‌లు, అద్భుతమైన హెడ్‌పీస్‌లు, ఆకట్టుకునే బ్యాగ్‌లు ఇలా షాలిని స్టైల్‌ ప్రత్యేకంగా నిలుస్తోంది. ముఖ్యంగా ఆమె బ్యాగులు హాట్‌ టాపిక్‌గా నిలుస్తున్నాయి.ఆమె బ్యాగుల కలెక్షన్‌ చాలా స్పెషల్‌మాత్రమేకాదు, ధర కూడా కళ్లు చెదిరే రేంజ్‌లోనే. పావురాలు, చిలుకలు, పాత కెమెరాలు ఇలా రకరకాల షేపుల్లో ఆమె బ్యాగులు మెస్మరైజింగ్‌గా ఉంటాయి.ఒక ఎపిసోడ్‌లో, షాలిని క్లాసిక్ క్లిక్ కెమెరాను పోలి ఉండే క్లచ్‌తో కనిపించింది. పాతకాలపు కెమెరా ఆకారంలో క్రిస్టల్-స్టడెడ్ హ్యాండ్‌బ్యాగ్ ధర సుమారు 5 లక్షల రూపాయలు. మరో ఎపిసోడ్‌లో ఆమె చేతిలో మెరిసిన ఫ్లెమింగో క్లచ్ ధర అక్షరాలా రూ. 5,400,000.బ్రిక్ ఫోన్ బ్యాగ్ ధర రూ. 600,000, ఇంకా 8 లక్షల, 30వేల విలువ చేసే టీవీ టెస్ట్ స్క్రీన్ బ్యాగ్, దాదాపు రూ. 3 లక్షల విలువ చేసే క్రిస్టల్ హార్ప్ క్లచ్‌తో ఆకర్షణీయమైన లుక్‌లో ఆకట్టుకుంటోంది. ఇవి కాకుండా, షాలిని జెల్లీ ఫిష్, టెడ్డీ బేర్స్, చిలుకలు, గులాబీలు, కుక్కలు , ఇతర ఫన్నీ బ్యాగ్స్‌కూడా ఆమె సొంతం.కాగా షాలిని పాసి భర్త బిలియనీర్,పాస్కో గ్రూప్ ఛైర్మన్ సంజయ్ పాసి. ఈ దంపతుల రాబిన్ రాబిన్‌ . ఇక ఈ సిరీస్‌లో మహీప్ కపూర్, నీలం కొఠారి, భావన పాండే, రిద్ధిమా కపూర్ సాహ్ని, సీమా సజ్దేహ్ ​​మరియు కళ్యాణి సాహా చావ్లా కూడా నటించారు

ఎన్నో రకాల బ్రాండెడ్‌ హ్యాండ్‌బ్యాగ్‌లు చూసుంటారు. అందాల భామలు, సెలబ్రిటీలు, ప్రముఖులు ధరించే అత్యంత లగ్జరియస్‌ బ్యాగ్‌లను ఎన్నో రకాలు చూశాం. అయితే వాటన్నింటిని తలదన్నేలా అత్యంత వెరైటీ బ్యాగ్‌ని రూపొందించింది ప్రముఖ లగ్జరీ బ్రాండ్‌ మోస్చినో. ఇటీవల కొన్ని ప్రముఖ బ్రాండ్‌లు అత్యంత హాస్యస్పదమైన రీతిలో బ్యాగ్‌లు డిజైన్‌ చేసి వార్తల్లో నిలిచిన సంగతి తెలిసిందే. తాజాగా ఆ జాబితాలోకి ఈ లగ్జరీ బ్రాండ్‌ మోస్చినో కూడా చేరిపోయిందా అనిపిస్తుంది ఈ బ్యాగ్‌ డిజైన్‌ చూస్తే..ఎలా ఉందంటే..మోస్చినో మార్కెట్‌లోకి విడుదల చేసిన ఈ హ్యండ్‌ బ్యాగ్‌ అచ్చం కొత్తిమీర కట్టలా కనిపిస్తుంది. అలా రూపొందించాలనే క్రియేటివిటీని మెచ్చుకోవచ్చు. ఎందుకంటే అచ్చం ఆకుకూర మాదిరిగా చక్కగా డిజైన్‌ చేశారు. ఇది డిజిటల్ ప్రింట్‌తో కూడిన కొత్తిమీర ఆకృతిలో ఉన్న పర్సు. ఇది త్రీ డైమెన్షనల్ ఎఫెక్ట్‌తో కనిపిస్తుంది. ఆ పర్సుపై కనిపించే ఆకులు కూడా సహజత్వం ఉట్టిపడేలా చాలా అద్భతంగా డిజైన్‌ చేశారు. దీని ధర వింటే మాత్రం అంత ఖరీదు అవసరమా అనే ఫీల్‌ తప్పక వస్తుంది. కొత్తిమీర ఆకృతిలో ఉన్న ఈ హ్యండ్‌బ్యాగ్‌ ధర అక్షరాల రూ. 3 లక్షలు పైనే ఉంటుందట. హైరేంజ్‌ ఫ్యాషన్‌ అంటే ఇదేనేమో. ఏం బ్రాండ్‌లో ఏమో..! క్రియేటివిటీలో మేటర్‌ నిల్‌ ధరలు మాత్రం వామ్మో.. అనేలా ఉన్నాయి కదూ..!.(చదవండి: సోనమ్ కపూర్ లేటెస్ట్ లెహంగా ..కానీ బ్లౌజ్‌ మట్టితో..!)

ప్రముఖ హెయిర్‌ స్టైలిస్ట్‌ అమిత్‌​ ఠాకూర్‌ గురించి ప్రత్యేకంగా చెప్పాల్సిన పనిలేదు. బాలీవుడ్‌ ప్రముఖ హీరోయిన్లు ఆలియా భట్, ప్రియాంక చోప్రా, కత్రినా కైఫ్, కియారా అద్వానీ నుంచి నీతా అంబానీ వంటి ప్రముఖులందిరికీ హెయిర్‌ స్టైలిస్ట్‌ అమిత్‌. సెలబ్రిటీ హెయిర్‌స్టైలిస్ట్ అమిత్ మాత్రం కురుల అందం కోసం హెయిర్ బోటాక్స్, కెరాటిన్‌ వంటి ట్రీట్‌మెంట్‌లు అస్సలు తీసుకోవద్దని చెబుతున్నారు. తాను తన క్లయింట్‌లకు కూడా అస్సలు సూచించని అన్నారు. అసలు ఇవెందుకు మంచివి కావు అనేది అమిత్‌ మాటల్లోనే సవివరంగా తెలుసుకుందాం..!.ఈ రోజుల్లో జుట్టుకి సంబంధించిన హెయిర్‌ ట్రీట్‌మెంట్లు సర్వసాధారణం. అయినప్పటికీ అందమైన శిరోజాల కోసం ఈ ట్రీట్‌మెంట్‌లు మాత్రం తీసుకోవద్దని హెయిర్‌ స్టైలిస్ట్‌ అమిత్‌ అంటున్నారు. తన క్లయింట్‌లకు కూడా ఇలాంటి ట్రీట్‌మెంట్‌లను సూచించని అన్నారు. ఈ రోజుల్లో కురుల కోసం అందరూ చేయించుకునే హెయిర్ బోటాక్స్ లేదా కెరాటిన్‌ వంటి వాటికి తాను ప్రాధాన్యత ఇవ్వనని అన్నారు. తాను బాలీవుడ్‌ హీరోయిన్‌లకు, ప్రముఖులకు ఇలాంటి హెయిర్‌ ట్రీట్‌మెంట్లు అస్సలు సిఫార్సు చేయనని అన్నారు. ప్రస్తుత రోజుల్లో ఈ ట్రీట్‌మెంట్లు సర్వసాధారణమే అయినప్పటికీ.. ఇవి మంచివి కావని వాటి గురించి వివరించారు అమిత్‌. ఎందుకు మంచివి కావంటే..హెయిర్‌ బోటాక్స్‌ అనేది ప్రోటీన్లు, విటమిన్లు, యాంటీఆక్సిడెంట్లతో కూడిన డీప్‌ కండిషనింగ్‌ ట్రీట్‌మెంట్‌. ఇది తాత్కాలిక చికిత్స. ఇది సాధారణంగా రెండు నుంచి నాలుగు నెలలు పడుతుంది. ఇక కెరాటిన్‌ చికిత్స అంటే.. ఇది జుట్టులో సహజంగా ఉండే ప్రోటీన్‌. ఈ చికిత్సలో ఫార్మాల్డిహైడ్ వంటి కొన్ని రసాయనాలు ఉంటాయి. వాస్తవానికి దీన్ని చాలా దేశాల్లో నిషేధించారు. నిపుణుల అభిప్రాయం ప్రకారం..ఇది కేన్సర్‌ కారకమైనదని అన్నారు అమిత్‌. ఈ రెండు చికిత్సల ప్రాథమిక స్వభావమే తాను ప్రాధాన్యత ఇవ్వకపోవడానికి ప్రధాన కారణమని చెబుతున్నారు అమిత్‌. హెయిర్‌ బోటాక్స్‌ జుట్టుని మంచిగా ఉంచినప్పటికీ..జుట్టులోని సహజ పోషకాలను కోల్పోయేలా చేస్తాయి. పైగా ఇది అధిక వేడిని కలుగజేస్తుంది. దీని వల్ల జుట్టులో ఉండే సహజ ప్రోటీన్ల నిర్మాణం ప్రాథమికంగా మారిపోతుంది. ఇవి స్వల్పకాలిక చికిత్సలే తప్ప ఏ మాత్రం సత్ఫలితాలనివ్వదు. పైగా దీర్ఘకాలంలో జుట్టుకి ఎక్కువ హానిని చేకూరుస్తాయి. పదేపదే ఈ ట్రీట్‌మెంట్లు తీసుకోవడం వల్ల పలు దుష్ప్రభావాలకు గురయ్యే ప్రమాదం లేకపోలేదని హెచ్చరిస్తున్నారు. అదీగాక తాను సహజమైన జుట్టు ఆకృతికే ప్రాధాన్యత ఇస్తానని, అలాగే దీర్ఘకాలంలో జుట్టు ఆరోగ్యాన్ని మెరుగుపరిచే మంచి అలవాట్లకే తాను ప్రాధాన్యత ఇస్తానని చెప్పుకొచ్చారు అమిత్‌. ఆ దిశగానే తన కస్టమర్లను కూడా ప్రోత్సహిస్తానని అన్నారు. View this post on Instagram A post shared by Amit Thakur (@amitthakur_hair) (చదవండి: శ్రద్ధా కపూర్‌ బ్యూటీ సీక్రెట్‌ ఇదే..! ఇష్టంగా పోహా..!)

శ్వేతా శర్మది సాధారణ మధ్యతరగతి కుటుంబ నేపథ్యం. విజయగాథలు వింటూ పెరిగింది. అవన్నీ ఆమెలో ఏదో సాధించాలనే తపనను రగిలించాయి. వివిధ రంగాల పట్ల ఆసక్తిని కలిగించాయి. వాటిల్లో ఒకటే ఫ్యాషన్‌ డిజైనింగ్‌. ముంబైలోని నేషనల్‌ ఇన్‌స్టిట్యూట్‌ ఆఫ్‌ ఫ్యాషన్‌ టెక్నాలజీ నుంచి ఫ్యాషన్‌ కమ్యూనికేషన్‌లో బ్యాచిలర్స్‌ డిగ్రీ చేసింది. ‘బెట్టీ ఆఫ్‌ ఎల్‌’ పోటీలో గెలిచి, ‘ఎల్‌ ఇండియా’లో ఇంటర్న్‌గా చేరింది. అప్పుడే తన పేరును శ్వేతా బెట్టీగా మార్చుకుంది. ఆ సమయంలోనే ప్రముఖ ఫ్యాషన్‌ డిజైనర్ల దగ్గర పనిచేసే చాన్స్‌ను అందుకుంది. స్టయిలింగ్‌పై పట్టు సాధించింది. తర్వాత టీఎల్‌సీ చానల్లో ఫ్యాషన్‌ ఎడిటర్‌గా చేరింది. కాస్ట్యూమ్‌ డిజైనర్‌గానూ చేసింది. ఆ వర్కే ఆమెకు బాలీవుడ్‌లో ఎంట్రన్స్‌ కల్పించింది. అమితాబ్‌ బచ్చన్, ఫర్హాన్‌ అఖ్తర్‌లాంటి ఉద్దండులు నటించిన ‘వజీర్‌’ సినిమాకు కాస్ట్యూమ్‌ డిజైనర్‌గా అవకాశం ఇస్తూ! ఆ తర్వాత ఆమె వెనక్కి మళ్లే అవసరమే రాలేదు. ఆమె ఈస్తటిక్‌ సెన్స్‌కి ముచ్చటపడిన రాధికా ఆప్టే.. తనకు స్టయిలింగ్‌ చేయమని కోరింది. యెస్‌ చెప్పింది శ్వేతా. మూవీ ఈవెంట్స్‌లో రాధికా స్టయిల్, గ్రేస్‌ చూసిన బాలీవుడ్‌ దివాస్‌ అంతా శ్వేతా స్టయిలింగ్‌కి క్యూ కట్టారు. సోనమ్‌ కపూర్, రియా కపూర్, అదితీ రావ్‌ హైదరీ, ట్వింకిల్‌ ఖన్నా, లీసా రే, కృతి సనన్, కియారా ఆడ్వాణీ, జాక్వెలిన్‌ ఫెర్నాండేజ్, కరిశ్మా కపూర్, యామీ గౌతమ్, సోనాక్షీ సిన్హా.. ఆ వరుసలోని వాళ్లే! నటీమణులే కాదు ఇంటర్నేషనల్‌ మోడల్స్‌ కూడా ఆమె స్టయిలింగ్‌కి ఫ్యాన్స్‌ అయిపోయారు. తమ స్టయిలిస్ట్‌గా ఆమెను అపాయింట్‌ చేసుకున్నారు. అలా తన ఫ్యాషన్‌ సెన్స్‌తో సెలబ్రిటీలకు మెరుగులు దిద్దుతూనే సెంట్రల్‌ సెయింట్‌ మార్టిన్స్‌ (యూనివర్సిటీ ఆఫ్‌ ది ఆర్ట్స్‌ లండన్‌) కాలేజ్‌లో కాంటెంపరరీ ఫైన్‌ ఆర్ట్స్‌లో కోర్స్‌ చేసింది. ఫొటోగ్రఫీ నేర్చుకుని, మహిళా క్రికెటర్స్‌తో ఫొటో సిరీస్‌ కూడా చేసింది. ఫ్యాషన్‌ కంటెంట్‌తో శ్వేతా.. బ్లాగ్‌నూ నిర్వహిస్తోంది. ఆమె ఇన్‌స్టా హ్యాండిల్‌కూ క్రేజీ ఫాలోయింగ్‌ ఉంది. అలాగే స్టయిలింగ్‌ అనేది నా దృష్టిలో మన పర్సనాలిటీని వ్యక్తపరచే ఒక మీడియం లాంటిది. వార్డ్‌రోబ్‌ మన స్వభావాన్ని రిఫ్లెక్ట్‌ చేసే అద్దం లాంటిదని అంటోంది శ్వేతా.– శ్వేతా బెట్టీ. (చదవండి: లాక్మే ఫ్యాషన్ వీక్ ర్యాంప్‌: ‘తగ్గేదెలే’ అంటున్న స్పెషల్‌ బ్యూటీ)

న్యూఢిల్లీకి చెందిన లండన్‌ ఫ్యాషన్‌ స్టైలిస్ట్‌ ప్రేరణ చాబ్రామరికొద్ది రోజుల్లో బిడ్డకు జన్మనివ్వబోతోంది. ఫ్యాషన్‌ డిజైనర్‌గా, యూట్యూబర్‌గా అభిమానులకు దగ్గరైన ఆమె ఈ సందర్భాన్ని సంతోషాన్ని ఇన్‌స్టాలో షేర్‌ చేసుకుంది. అంతేకాదు తన భర్తను కూడా తన ఫాలోవర్లకు పరిచయం చేసింది. అలాగే తను ఎందుకు మెటర్నిటీ ఫోటో షూట్‌ చేసుకున్నదీ వివరించింది.అసలు మెటర్నీటి ఫోటో షూట్ అవసరమా అని ఆలోచించి చివరికి రెండు రకాలు ఫోటోషూట్‌ చేసుకున్నాను అంటూ ఇన్‌స్టాలో అద్భుతమైన ఫోటోలను షేర్‌ చేసింది. ఫ్యాషన్‌ డిజైనర్‌ను కాబట్టి క్రియేటివ్‌గా ఉంటాను, కనుక మెటర్నిటీ ఫోటోషూట్‌కూడా విభిన్నంగా ఉండాలని ఆలోచించానని ఆమె తెలిపారు. (పొట్టిగా ఉండే అమ్మాయిలు స్కర్ట్స్‌ వేసుకోవద్దా? ఇవిగో ట్రిక్స్‌ అండ్‌ టిప్స్‌)‘‘మొదటి ఫోటో షూట్‌ కోసం పర్పుల్ అండ్‌ పింక్‌ కలర్‌ డ్రెస్‌ ఎంచుకున్నా..దీన్నే ది పెర్ల్స్ ఆఫ్ జాయ్ అంటాం. త్వరలోనే తల్లికాబోతుండటం ఆనందాన్ని తీసుకొచ్చింది. ఇపుడు అమ్మగామారబోతున్నాను.. దాదాపు కలలో జీవిస్తున్నాను. స్వేచ్ఛకు ప్రతీక అయిన పసుపు రంగులో రెండో ఫోటోషూట్‌ చేశాను. దీన్ని గోల్డెన్ బ్లూమ్ అంటాం. ఈ సందర్భంగా అమ్మ నాతో ఉండటం ఇంకా సంతోషం’’ అంటూ ఇన్‌స్టా పోస్ట్‌లో ప్రేరణ వెల్లడించింది.

వినాయక చవితి, దసరా, బతుకమ్మ సంబరాలు ముగిసాయి. ఇక దీపావళి సందడి షురూ కానుంది. ఏ పండగఅయినా భక్తి, ముక్తితోపాటు కొత్తబట్టలు, అందంగా ముస్తాబు కావడం ఈ హడావిడి ఉండనే ఉంటుంది. ముఖ్యంగా వెలుగుల పండుగ దీపావళికి ఆరడుగల అందగాళ్లు, చందమామ లాంటి ముద్దుగుమ్మలు ట్రెండీగా, ఫ్యాషన్‌గా మెరిసిపోవాలని ఆరాటపడతారు. ఆరడుగులు అంటే గుర్తొచ్చింది.. పొట్టిగా ఉన్నామని..లావుగా ఉన్నామని తమకు ఏ డ్రెస్‌ సూట్‌ కాదు అని చాలామంది అమ్మాయిలు దిగులు పడుతూ ఉంటారు. పొట్టిగా ఉండటం మన తప్పు కాదు. కానీ మన శరీరారినిక తగ్గట్టు దుస్తులను ఎంచుకుంటే స్పెషల్‌ బ్యూటీగా మెరిసిపోవడం ఖాయం. అదెలాగో చూసేద్దామా! ఫ్యాషన్ ట్రిక్స్పొడవుగా మారడానికి మ్యాజిక్ సొల్యూషన్ ఏమీ లేదు, కానీ పొడుగ్గా కనిపించేలా కొన్ని ఫ్యాషన్ ట్రిక్స్ ఉన్నాయి. ఫ్యాషన్‌కి స్లైల్‌కి ఖచ్చితమైన నియమాలేవీ లేవు. శరీర రంగును బట్టి, బాడీకి తగ్గట్టుగా కలర్‌ను ఎంచుకుంటే చాలు. చక్కని ఫిట్టింగ్‌, డ్రెస్సింగ్ స్టైల్‌లో ఒక చిన్న మార్పు ఎలిగెంట్‌ లుక్‌ను ఇస్తుంది.జీన్స్, టీషర్ట్ ఎలాంటి వారికైనా ఇట్టే నప్పుతాయి. మ్యాచింగ్‌ కలర్స్‌ చాలా ముఖ్యం. మాక్సీ స్కర్ట్స్ లేదా డ్రెస్‌లు పొడవాటి అమ్మాయిలకు మాత్రమే బాగుంటాయి అనే అపోహను నమ్మవద్దు. మల్టిపుల్ లేయర్డ్ స్కర్ట్స్ కాకుండా మంచి కట్‌ స్కర్టులు ఎంచుకోండి. పొడవు స్కర్‌ అయితే టక్-ఇన్ టీ-షర్టుతో, కట్‌ జాకెట్‌తో ,హై హీల్డ్ షూ వేసుకుంటే లుక్‌ అదిరిపోతుంది.నిలువుగీతలు ఉన్న డ్రెస్‌లు పొడవుగా కనిపించేలా చేస్తాయి.కుర్తా లేదా చీర ధరించినపుడు సౌకర్యవంతమైన హైహీల్స్‌ వాడండి. అంతేకాదు డ్రెస్‌కు తగ్గట్టు , స్టైలింగ్ టిప్స్ పాటించాలి. ఉదాహరణకు క్లచ్‌లు, క్రాస్ బాడీ పర్సులు , చిన్న బ్యాగ్‌లు బెస్ట్‌ ఆప్షన్‌. మరీ పెద్దబ్యాగుల జోలికి అస్సలు వెళ్లవద్దుకుర్తీలకు, లేదా చీరల బ్లౌజ్‌లకు హైనెక్, రౌండ్ నెక్ కాకుండా, వీ నెక్‌, డీప్‌ నెక్‌, డీప్ రౌండ్ నెక్ లాంటివి ఎంచుకోండి. వర్టికల్ అప్పీల్‌కోసం ప్లంగింగ్ v-నెక్‌లైన్ టాప్‌లను ధరించండి. దీంతో పొడవుగా కనిపించడమే కాదు, సన్నగా కూడా కనిపిస్తారు.చిన్న ప్రింట్లు, సింపుల్ ఎంబ్రాయిడరీ ఔట్‌ ఫిట్‌ చూడడానికి బావుంటాయి. భారీ ఎంబ్రాయిడరీ, చీర పెద్ద పెద్ద అంచులున్న చీరలు అన్ని అకేషన్స్‌కు నప్పవు.ఎథ్నిక్ వేర్ కోసం పొడవాటి జాకెట్ స్టైల్ లెహెంగా లేదా సల్వార్ సూట్‌లకు దూరంగా ఉండండి. ఇదీ చదవండి : ఉద్యోగులకు దీపావళి కానుకగా ఏకంగా బెంజ్‌కార్లు, అంతేనా?!

బాలీవుడ్‌ స్టార్‌ డైరెక్టర్‌ కరణ్‌ జోహోర్‌ ఎన్నో విలక్షణమైన సినిమాలను నిర్మించి మంచి నిర్మాతగా పేరు తెచ్చుకున్నాడు. ఎన్నో అవార్డులను అందుకున్నాడు. దర్శకుడిగా, నిర్మాతగా తానెంటో చూపించడమే గాక బుల్లి తెరపై కూడా వ్యాఖ్యతగా మంచి పేరు తెచ్చుకున్నారు. అలాగే ఎప్పటికప్పుడూ లగ్జరీ ఫ్యాషన్‌ ట్రెండ్‌తో అందర్నీ ఆశ్చర్యపరుస్తుంటారు. అందుకు తగ్గట్లుగా ఉండే ఆయన ఆహార్యం ఫ్యాషన్‌కే ఐకానిక్‌గా నిలిచేలా ఉంటుంది. ఎప్పుడు అత్యంత లగ్జరియస్‌ బ్రాండ్‌ వేర్‌లతో కనిపించే కరణ్‌ తాజాగా ఈసారి అత్యంత ఖరీదైన టైతో అందర్నీ ఆశ్చర్యపరిచాడు. సాధారణం 'టై' అత్యంత ఖరీదైనదైన వేలకు మించి పలకదు ధర. కానీ కరణ్‌ ధరించిన 'టై' అత్యంత విలక్షణమైనది, అత్యంత ఖరీదైనది కూడా. ఇటీవల ముంబైలో జరగిన జియో వరల్డ్ ప్లాజా ఈవెంట్‌లో షియపరెల్లి బ్రాండ్‌కి చెందిన లేత గోధమ కలర్ కోట్‌తో వెరైటీ టైతో కనిపించారు.ఈ 'టై'ని హెయిర్‌తో రూపొందిచడం విశేషం. ఆ కోట్‌కి తగ్గ కలర్‌లో ఇంగీష్‌ వాళ జట్టుమాదిరిగా ఉంటుంది. చెప్పాలంటే ఆ కార్యక్రమానికి వచ్చిన వాళ్ల దృష్టి అంతా ఆ 'టై' పైనే ఉంది. ఇంతకీ అదెంత ఖరీదు తెలిస్తే కంగుతింటారు. దీని ధర సుమారు రూ. 1.93 లక్షలు.. అంటే దగ్గర దగ్గర రెండు లక్షలు పలుకుతోంది.(చదవండి: 'ఆభరణాల గౌను'లో సారా అలీఖాన్‌ రాయల్‌ లుక్‌..!)

బాలీవుడ్‌ నటుడు సైఫ్‌ అలీఖాన్‌ కూతురు తండ్రికి తగ్గ తనయ అనేలా తన నటనతో ప్రేక్షకులను ఆకట్టుకుంటోంది. తన అందం అభినయంతో వేలాది అభిమానుల మనుసులను గెలుచుకుంది. అంతేగాదు తన విలక్షణమైన నటనతో ఫిల్మ్‌ఫేర్‌ అవార్డులు అందుకుంది. ఎప్పటికప్పుడూ తన బ్యూటీఫుల్‌ ఫోటోలను షేర్‌చేస్తూ సోషల్‌ మీడియాలో యాక్టివ్‌గా ఉండే సారా తాజాగా సరికొత్త రాయల్టీ లుక్‌లో మెస్మరైజ్‌ చేసింది. ఈ స్టైలిష్‌ లుక్‌ ఆమె ఫ్యాషన్‌ శైలి ఏంటో చెప్పకనే చెబుతోంది. ఏస్‌ డిజైనర్లు అబు జానీ, సందీప్‌ ఖోస్లా ఈ గోల్డ్‌ జ్యువెలరీ గౌనుని రూపొం‍దించారు.రకరకాల వజ్రాలు, కెంపులు, వైఢ్యూర్యాలతో పొదిగిన గౌను అది. ఎంత అద్భుతంగా ఉందంటే..ఆ డిజైనర్‌వేర్‌లో సారా దేవతలా ధగధగ మెరిసిపోతోంది. మల్టీకలర్‌ రాళ్లు, పూసలుతో.. చేతితో ఎంబ్రాయిడరీ చేసిన గౌను ఇది. ఈ గౌనుని సాంప్రదాయ మేళవింపుతో కూడిని ఆధునిక డిజైనర్‌వేర్‌లా తీర్చిదిద్దారు డిజైనర్లు.ఆ ఆభరణాల గౌనులో సారా లుక్‌ నాటి రాజుల దర్పాన్ని కళ్లకు కట్టినట్లు చూపిస్తున్నట్లుగా ఉంది. అందుకు తగ్గట్లు జుట్టుని చక్కగా హెయిర్‌ బన్‌ మాదిరిగా వేసిన తీరు, సింపుల్‌ మేకప్‌ లుక్‌ సారా అందాన్ని రెట్టింపు చేశాయి. అందుకు సంబంధించిన ఫోటోలు నెట్టింట తెగ చక్కర్లు కొడుతున్నాయి. ఇంకెందుకు ఆలస్యం మీరు కూడా ఓ లుక్కేయండి మరీ..!. View this post on Instagram A post shared by Sara Ali Khan (@saraalikhan95)(చదవండి: ఈ జంట 150 ఏళ్లు జీవించాలని ఏం చేస్తున్నారో తెలిస్తే ఆశ్చర్యపోతారు!)

నవరాత్రులలో దాండియా ఆటలు ప్రత్యేకమైనవి. ఉత్సాహపరిచే ట్యూన్స్‌కి అనుగుణంగా నృత్యం చేయడానికి చాలామంది ఆసక్తి కనబరుస్తుంటారు. ఇలాంటప్పుడు ధరించే డ్రెస్‌ కూడా అడుగుల కదలికలకు తగినట్టుకదులుతున్న మెరుపులా నవరాత్రులకు ఆకర్షణీయమైన హంగుగా అమరాలి. నవరాత్రులలో దాండియా నృత్యాలు అనగానే మనకు పెద్ద పెద్ద అద్దాలతో ఎంబ్రాయిడరీ చేసిన సంప్రదాయ లెహంగా– చోలీలు గుర్తుకు వస్తాయి. ఎప్పుడూ ఒకే తరహా కాకుండా ఈసారి దాండియా డ్రెస్సులకు కొంత ఫ్యూజన్‌ ని జత చేసి, కొత్తగా మెరిపిద్దాం. అందుకు, మీ వార్డ్‌రోబ్‌ని పండగ స్పెషల్‌గా మార్చేయండి. వార్డ్‌రోబ్‌లో ఉన్న డ్రెస్సులతోనే నవరాత్రుల్లో న్యూ లుక్‌తో ఆకట్టుకునే తొమ్మిది ఐడియాలు.. దాండియా రాత్రిలో అబ్బురపరచడానికి మరో అందమైన ఆలోచన చీరకట్టు. వేరే డ్రెస్సులు వేసుకోవడం ఇష్టం లేదు, చీరతో దాండియాలో పాల్గొనాలంటే స్టైలిష్‌ బ్లౌజ్‌ బదులుగా సంప్రదాయ హెవీ ఎంబ్రాయిడరీ వర్క్‌ బ్లౌజ్‌ను ఎంచుకోవాలి. పెద్ద పెద్ద చెవిపోగులు, పాపిట బిళ్లను జత చేయండి. శారీ గౌన్‌ లేదా మల్టీకలర్‌ ప్లెయిన్‌ షిఫాన్, బనారస్, ఇకత్‌ శారీస్‌... కలంకారీ, జైపూర్‌ ప్రింట్స్‌ ఈ వేడుకకు బాగా నప్పుతాయి. వీటిమీదకు ఇండోవెస్ట్రన్‌ క్రాప్‌ టాప్‌ బ్లౌజ్‌లు, సిల్వర్‌/ఆక్సిడైజ్డ్‌ ఆభరణాలు ధరిస్తే ఎందరిలో ఉన్నా ప్రత్యేకంగా కనిపిస్తాయ్‌. టీనేజ్‌లో ఉన్న అమ్మాయిలు లైట్‌ వెయిట్‌తో డ్రెసప్‌ అవాలనుకుంటారు. ఇలాంటప్పడు ఫ్లోరల్‌ పింట్స్, బ్రొకేడ్‌ స్కర్ట్‌ లేదా పలాజో ధరించి, టాప్‌కి తెల్లటి షర్ట్‌ జత చేయండి. దీనికి ఆక్సిడైజ్డ్‌ హారాలను అలంకారానికి ఉపయోగించండి. మోకాళ్ల కింది వరకు ఉండే గాగ్రాలు, ధోతీ ΄్యాంట్ల మీదకు స్టైలిష్‌ క్రాప్‌ టాప్‌లు వేసుకోవచ్చు. ధోతీ ప్యాంట్‌లను హారమ్‌ ప్యాంట్స్‌ అని కూడా పిలుస్తారు. ఇలాంటి పండగల సీజన్‌లో ఈ ప్యాంట్స్‌ మంచి లుక్‌ని ఇస్తాయి. వీటిమీదకు ఎంబ్రాయిడరీ జాకెట్స్‌ లేదా సింపుల్‌ క్రాప్‌టాప్స్‌ ధరించినా చాలు దాండియా హుషారు వెంటనే పలకరిస్తుంది. ప్రతిరోజూ కొత్తదనం నింపుకోవడం ఎలా అని ఆలోచనలో పడినట్లైతే దుపట్టాతో లుక్‌ని ఇట్టే మార్చేయవచ్చు. బాందినీ దుపట్టాలు నవరాత్రి కళను ఇట్టే సృష్టిస్తాయి. సల్వార్‌ కమీజ్‌ వేసుకున్నా బాందినీ దుపట్టాలను భుజం మీద నుంచి నడుము వరకు తీసుకువచ్చి, వెడల్పాటి ఎంబ్రాయిడరీ బెల్ట్‌ను పెట్టేస్తే ఆకట్టుకునే లుక్‌తో మెరిసి΄ోతారు. ఆక్సిడైజ్డ్‌ జూకాలు, హారాలు వేసుకుంటే చాలు. సిల్వర్‌/ఆక్సిడైజ్డ్‌ హారాలు, చైన్లు, థ్రెడ్‌ జ్యువెలరీ నవరాత్రి డ్రెస్సుల మీదకు ఆకర్షణీయంగా అమరుతాయి. ఆడ–మగ వాళ్లు కూడా ఈ జ్యువెలరీని హెవీ డిజైన్‌ ధోతీ ప్యాంట్ల మీదకు ధరించవచ్చు.

న్యూఢిల్లీ: ఫ్యాషన్‌ రిటైలర్లు ప్రస్తుత ఆర్థిక సంవత్సరంలో 15 శాతం వరకు ఆదాయ వృద్ధిని నమోదు చేసే అవకాశం ఉంది. నెట్‌వర్క్‌ విస్తరణ ఇందుకు కారణమని రేటింగ్‌ ఏజెన్సీ ఇక్రా నివేదిక వెల్లడించింది. ‘ద్రవ్యోల్బణం ఎదురుగాలులు ఉన్నప్పటికీ ఫ్యాషన్‌ రిటైలర్ల నెట్‌వర్క్‌ విస్తరణ 2024–25లో రాబడి పెరుగుదలకు తోడ్పడుతుంది. సర్వేలో పాలుపంచుకున్న కంపెనీల నిర్వహణ లాభాల మార్జిన్‌ ప్రస్తుత ఆర్థిక సంవత్సరంలో 13–14 శాతం శ్రేణిలో ఉండే అవకాశం ఉంది. ఏప్రిల్‌–జూన్‌లో ఫ్యాషన్‌ రిటైలర్లు స్టోర్‌ నెట్‌వర్క్‌ విస్తరణ, కొత్త ఉత్పత్తుల శ్రేణిని ప్రవేశపెట్టడం ద్వారా 18 శాతం వృద్ధిని నమోదు చేశాయి. జూలై–సెపె్టంబర్‌ త్రైమాసికంలో ఈ రంగ కంపెనీలు మోస్తరు వృద్ధి నమోదు చేస్తాయి. పండుగ సీజన్‌లో ఆదాయ వృద్ధి పుంజుకునే అవకాశం ఉంది. దీని ఫలితంగా అంత క్రితంతో పోలిస్తే 2024–25లో ఆదాయం 14–15 శాతం పెరుగుతుందని అంచనా’ అని ఇక్రా తెలిపింది.పరిమితంగానే డిస్కౌంట్లు.. ‘చదరపు అడుగుకు సగటు అమ్మకాల్లో జూన్‌ త్రైమాసికంలో ప్రీమియం సెగ్మెంట్‌ 3 శాతం క్షీణించింది. అయినప్పటికీ వాల్యూ ఫ్యాషన్‌ విభాగాలు కొంత సానుకూల ప్రభావాన్ని చూపించాయి. ఈ విభాగం మహమ్మారి ముందస్తు స్థాయిని మొదటిసారి తాకింది. కొత్త స్టోర్స్‌ రాక, ప్రారంభించిన నూతన కేటగిరీల కోసం పెరిగిన ప్రకటనలు, ప్రమోషనల్‌ ఖర్చుల కారణంగా తగిన రాబడి కంటే తక్కువగా గతేడాదితో పోలిస్తే ఫ్యాషన్‌ రిటైలర్ల మార్జిన్లు స్థిరంగా ఉన్నాయి. 2023–24 రెండవ త్రైమాసికం నుండి డిస్కౌంట్లు పరిమితంగానే ఉన్నాయి. ఎందుకంటే కంపెనీలు తమ స్థూల మార్జిన్లను రక్షించుకోవడంపై దృష్టి సారిస్తున్నాయి. ముఖ్యంగా పండుగల సీజన్‌తో ప్రకటనలు, ప్రమోషన్లపై రిటైలర్లు దూకుడుగా ఖర్చు చేస్తూనే ఉన్నారు’ అని ఇక్రా నివేదిక వెల్లడించింది.

మసాబా గుప్తా.. ఇండియన్‌ ఫ్యాషన్‌ ఇండస్ట్రీలో ఒక వైబ్రెంట్‌ వేవ్‌! ఆమె రాకముందు మన ఫ్యాషన్‌లో బిగ్‌ అండ్‌ బోల్డ్‌ ప్రింట్స్‌ అంతగాలేవు! ఇప్పుడవి చాలామంది సెలబ్రిటీస్‌కి మోస్ట్‌వాంటెడ్‌ క్యాజువల్స్‌గా మారి, వాళ్ల స్టయిలింగ్‌ వార్డ్‌రోబ్స్‌కి చేరిపోతున్నాయి. క్రెడిట్‌ గోస్‌ టు ‘హౌస్‌ ఆఫ్‌ మసాబా!’ కుడోస్‌ టు క్రియేటర్‌ మసాబా గుప్తా!నా స్కిన్‌ కలర్, నా జుట్టు తీరుతో చాలా అవమానాలు ఎదుర్కొన్నా! అమ్మ ఇచ్చిన ధైర్యమే నన్ను నిలబెట్టింది. ఏ రంగంలో అయినా ప్రతికూలతలు ఉంటాయి. వాటిని మనకు అనుకూలంగా మలచుకోగలగడమే సక్సెస్‌! అంటుంది మసాబా గుప్తా.మసాబా గుప్తా ఎవరో సినీ,క్రికెట్‌ ప్రియులు చాలామందికి తెలిసే ఉంటుంది. నటి నీనా గుప్తా, క్రికెటర్‌ సర్‌ వివియన్‌ రిచర్డ్స్‌ కూతురు. చిన్నప్పుడెప్పుడూ ఫ్యాషన్‌ డిజైనర్‌ కావాలని కలకనలేదు ఆమె. తండ్రిలా ఆటల మీదే ఆసక్తి చూపింది. టెన్నిస్‌ ప్లేయర్‌ కావాలని కష్టపడింది. తనకు పదహారేళ్లు వచ్చేటప్పటికి ఆ ఆసక్తి, ప్రయత్నం మ్యూజిక్, డాన్స్‌ మీదకు మళ్లాయి. లండన్‌లో ఆ రెండిటిలో శిక్షణ తీసుకోవడం మొదలుపెట్టింది. కానీ అక్కడ ఒంటరిగా ఉండలేక వాటిని మధ్యలోనే వదిలేసి ముంబై చేరుకుంది.వచ్చాక, యాక్టింగ్‌ ఫీల్డ్‌ పట్ల ఇంట్రెస్ట్‌ చూపించింది. అది గమనించిన నీనా గుప్తా, ‘ఇక్కడి ఫిల్మ్‌ ఇండస్ట్రీ ఎక్స్‌పెక్ట్‌ చేసే సంప్రదాయ సౌందర్య ప్రమాణాలు వేరు. నువ్వు అందులో సెట్‌ కావు. సో.. ఆ ఆలోచనకు ఫుల్‌స్టాప్‌ పెట్టేయ్‌’ అంటూ బిడ్డను వెనక్కి లాగింది. ఏమాత్రం నిరుత్సాహపడక, తన క్రియేటివిటీని తన కాలేజ్‌ ఈవెంట్స్‌లో ప్రదర్శించసాగింది మసాబా. ఆ సమయంలోనే ఆమెలోని ఈస్తటిక్‌ సెన్స్, ఫ్యాషన్‌ స్పృహను కనిపెట్టిన ఫ్యాషన్‌ డిజైనర్, ఆథర్‌.. వెండెల్‌ రోడ్రిక్స్‌ ఆమెను ఫ్యాషన్‌ డిజైనింగ్‌ వైపు ప్రోత్సహించాడు. దాంతో మసాబా.. ముంబై, ఎస్‌ఎన్‌డీటీ యూనివర్సిటీ(శ్రీమతి నాథీబాయీ దామోదర్‌ ఠాక్రసే మహిళా విశ్వవిద్యాలయ్‌)లో అపరెల్‌ మాన్యుఫాక్చర్‌ అండ్‌ డిజైన్‌ను అభ్యసించింది.తను పూర్తిస్థాయిలో ఫ్యాషన్‌ ఇండస్ట్రీలో అడుగుపెట్టే టైమ్‌కి.. పెద్ద ప్రింట్లు, డార్క్‌ కలర్ల జాడ అంతగా కనపడలేదు ఆమెకు. దాంతో ఆ రెండిటినే తన యూఎస్‌పీగా మార్చుకుని ‘హౌస్‌ ఆఫ్‌ మసాబా’ లేబుల్‌ని ఆవిష్కరించింది. ఇండియన్‌ ఫ్యాషన్‌ ప్రపంచంలో అదొక సంచలనం. లేత రంగులు, ప్లెయిన్, చిన్న చిన్న డిజైన్స్‌నే ఎంచుకుంటున్న సెలబ్రిటీలకు మసాబా ప్రింట్స్‌æ వైబ్రెంట్‌గా తోచాయి. ఆ లేబుల్‌కి మారారు. ఆ అవుట్‌ఫిట్స్‌లో సెలబ్రిటీల అపియరెన్స్‌ రేడియెంట్‌గా కనిపించసాగింది.ప్రత్యేక స్టయిల్‌గా గుర్తింపురాసాగింది. అంతే ‘హౌస్‌ ఆఫ్‌ మసాబా’ బాలీవుడ్‌ సెలబ్రిటీల ఫేవరెట్‌ బ్రాండ్‌ అయిపోయింది. ఇంట్లో వేసుకోవడానికి మొదలు బీచ్‌లో వ్యాహ్యాళి, ప్రయాణాలు, సినిమాలు, పార్టీలు, ఫంక్షన్లు, అవార్డ్‌ ఈవెంట్స్‌ దాకా దేనికైనా మసాబా డిజైనర్‌ వేర్‌ కావాల్సిందే అని కోరుకునే స్థాయికి చేరుకుంది ఆ డిమాండ్‌! ఆ లిస్ట్‌లో సోనమ్‌ కపూర్, ప్రియంకా చోప్రా, కరీనా కపూర్‌ ఖాన్, కరిశ్మా కపూర్, కత్రినా కైఫ్, రాణీ ముఖర్జీ, విద్యా బాలన్, సొనాక్షీ సిన్హా, మీరా రాజ్‌పుత్‌ కపూర్, మౌనీ రాయ్, కరణ్‌ జోహార్‌ లాంటి మహామహులంతా ఉన్నారు. ‘హౌస్‌ ఆఫ్‌ మసాబా’ వెడ్డింగ్, రిసార్ట్‌ వేర్‌లోనూ సిగ్నేచర్‌ డిజైనింగ్‌ను మొదలుపెట్టింది. అంతేకాదు స్విమ్‌ వేర్, మెన్స్‌ వేర్, ఫ్యాషన్‌ జ్యూల్రీలోనూ తన నైపుణ్యాన్ని చూపిస్తోంది.ఇవి చదవండి: Elnaaz Norouzi: పర్షయన్‌ ప్రజ్ఞ!

ఎల్నాజ్‌ నౌరోజీ.. గ్లామర్, టాలెంట్‌ రెండూ ఉన్న నటి. ఇరాన్‌లో పుట్టింది. జర్మనీలో పెరిగింది. కెరీర్‌ వెదుక్కుంటూ భారత్‌కు చేరింది. సినిమా, సిరీస్‌లతో తగిన గుర్తింపు కోసం ప్రయత్నిస్తోంది! జర్మన్, ఇంగ్లిష్, ఫ్రెంచ్, ఉర్దూ, పంజాబీ, హిందీ భాషల్లో అనర్గళంగా మాట్లాడుతుంది.మోడలింగ్‌ అన్నా, యాక్టింగ్‌ అన్నా ఎల్నాజ్‌కు చిన్నప్పటి నుంచీ ఆసక్తి. అందుకే తన పద్నాలుగో ఏటనే మోడలింగ్‌లోకి అడుగుపెట్టింది. ట్వల్త్‌ క్లాస్‌ పాస్‌ అయ్యాక, ఓ ఏడాది పాటు థియేటర్‌లో ట్రెయినింగ్‌ తీసుకుంది. పర్షియన్‌ డాన్స్, హిప్‌ హాప్, కథక్‌లోనూ శిక్షణ పొందింది.మోడలింగ్‌లో కొనసాగుతూనే గ్రాడ్యుయేషన్‌ పూర్తి చేసింది. మోడలింగ్‌లో భాగంగా ఆసియా, యూరప్‌ దేశాలు చుట్టొచ్చింది. ఇండియాలో జరిగిన ఎన్నో యాక్టింగ్‌ వర్క్‌షాప్స్‌కి హాజరైంది. తనకు ఈ దేశం నచ్చడంతో ఇక్కడే స్థిరపడింది. షారుఖ్‌ ఖాన్, సల్మాన్‌ ఖాన్, అజయ్‌ దేవ్‌గన్‌ లాంటి బాలీవుడ్‌ ఉద్దండులతో కలసి ఎన్నో టీవీ కమర్షియల్స్‌లో నటించింది.‘మాన్‌ జావో నా’ అనే పాకిస్తానీ మూవీలో, ‘ఖిదో ఖుండీ’ అనే పంజాబీ చిత్రంలో, పంజాబీ మ్యూజిక్‌ సెన్సేషన్‌ గురు రంధావా ‘మేడ్‌ ఇన్‌ ఇండియా’ అనే మ్యూజిక్‌ వీడియోలో నటించింది. కానీ ఎల్నాజ్‌ను దేశమంతటికీ పరిచయం చేసింది మాత్రం నెట్‌ఫ్లిక్స్‌ ‘సేక్రడ్‌ గేమ్స్‌’ సిరీసే! తర్వాత జీ5లో స్ట్రీమ్‌ అయిన ‘అభయ్‌’సిరీస్‌లోనూ నటించింది. ఆమె ప్రధాన పాత్ర పోషించిన తాజా సిరీస్‌ ‘రణ్‌నీతి: బాలాకోట్‌ అండ్‌ బియాండ్‌’ జియోసినిమాలో స్ట్రీమ్‌ అవుతోంది.‘జన గణ మన’ అనే చిత్రంతో కోలీవుడ్‌లోకీ అడుగుపెట్టింది ఎల్నాజ్‌. ఇరానియన్‌ ఫిల్మ్‌ ఇండస్ట్రీ నుంచీ ఆమెకు ఆఫర్లు వచ్చాయి. కానీ అక్కడున్న ఆంక్షల వల్ల వాటిని తిరస్కరించినట్టు ఓ ఇంటర్వ్యూలో చెప్పింది. "నాకు కొత్తకొత్త విషయాలను నేర్చుకోవడం చాలా ఇష్టం. అలా ఎప్పటికప్పుడు ఏదో ఒకటి నేర్చుకొనే అవకాశం దొరుకుతూనే ఉంది ఈ ఎంటర్‌టైన్‌మెంట్‌ ఇండస్ట్రీలో!" – ఎల్నాజ్‌ నౌరోజీఇవి చదవండి: పరివర్తనం: ‘దేవరపాలెం.. దేవరపాలెం..’

బంజారాహిల్స్‌: రసాయనాలు లేకుండా సహజ సిద్ధంగా లభించే వనరులతో చేతితో తయారు చేసిన దుస్తులు, కళాకృతుల ప్రదర్శన ‘మండి’ పేరుతో బంజారాహిల్స్‌ రోడ్‌ నెం.12లోని క్రాఫ్ట్‌ కౌన్సిల్‌ ఆఫ్‌ తెలంగాణ భవన్‌లో గురువారం ప్రారంభమైంది. ఈ నెల 26 నుంచి 28వ తేదీ వరకు కొనసాగనున్న ఈ ప్రదర్శనను సినీ నటి, యాంకర్‌ ఝాన్సీ ప్రారంభించారు.దేశవ్యాప్తంగా 22 రాష్ట్రాలకు చెందిన ప్రఖ్యాత హస్తకళాకారులు తమ ఉత్పత్తులను ప్రదర్శనలో ఉంచారు. పూర్తిగా చేతితో తయారు చేసిన ఈ ఆకృతులు నగర మహిళలను ఆకట్టుకున్నాయి. ఎలాంటి కెమికల్స్‌ ఉపయోగించకుండా ప్రకృతి సిద్ధంగా వినియోగించిన సామాగ్రితోనే అల్లిన బుట్టలు, నేసిన దుస్తులు, తయారుచేసిన పర్‌ఫ్యూమ్‌లో ఇక్కడ ప్రత్యేక ఆకర్షణగా నిలిచాయి. నగర నలుమూలల నుంచి మహిళలు పెద్ద సంఖ్యలో విచ్చేసి ఈ ఉత్పత్తులను కొనుగోలు చేశారు.ముఖ్యంగా ఎకోఫ్రెండ్లీ బ్యాగులు, దుస్తులు, ఇతర వస్తువులు ఇక్కడ ఆకట్టుకుంటున్నాయి. ఎంబ్రాయిడరీ వర్క్‌ మరో ఆకర్షణగా నిలిచింది. సెరామిక్‌ జ్యువెలరీ, జూట్‌ బ్యాగులు, కేరళ మురల్‌ ఆర్ట్, హ్యాండ్‌మేడ్‌ పేపర్‌ ప్రొడక్ట్స్, రస్టిక్‌ సెరమిక్‌ పీసెస్, పామ్‌ లీఫ్‌ ఉత్పత్తులు ఇక్కడ ప్రదర్శించారు. పర్యావరాణానికి పెద్దపీట వేస్తూ హస్తకళాకారులు తీర్చిదిద్దిన ఈ ఆకృతులను సదరు కళాకారులు ఒక వైపు ఆన్‌లైన్‌లో విక్రయిస్తూనే మరోవైపు ఈ ప్రదర్శనలో అందుబాటులో ఉంచుతున్నారు.ఎకోఫ్రెండ్లీ ఉత్పత్తులకు హైదరాబాద్‌ బ్రాండ్‌గా మారిందని ఈ సందర్భంగా పలువురు హస్తకళాకారులు తెలిపారు. ప్రదర్శనలో సీసీటీ చైర్‌పర్సన్‌ అనురాధ బిష్ణోయ్‌ కూడా పాల్గొన్నారు.ఇవి చదవండి: ఇన్‌ఫ్లుయెన్సర్స్‌.. @రూ. 5 వేల కోట్లు!

తమ క్రియేటివ్‌ డిజైన్స్‌తో ఇతరులను అందంగా చూపే ఫ్యాషన్‌ డిజైనర్లు తమ కోసం వార్డ్‌ రోబ్‌ను ఎంత ఘనంగా తీర్చిదిద్దుకుంటారు. ఈ విషయమై హైదరాబాద్‌లో మోడల్స్‌కి, ఫ్యాషన్‌ షోల కోసం డిజైన్స్‌ క్రియేట్‌ చేసే హేమంత్‌ సిరి ‘లెస్‌ ఈజ్‌ క్లాసీ’ అంటూ సింపుల్‌గా ఉండే తన వార్డ్‌ రోబ్‌ను పరిచయం చేస్తున్నారు. ‘‘చిన్నప్పటి నుంచి చేనేతలు అంటే బాగా ఇష్టం ఉండేది. దీంతో మా అమ్మ, అమ్మమ్మల చీరలను నాకు అనువుగా డిజైన్‌ చేసుకునేదాన్ని. నేను డిజైన్‌ చేసిన దుస్తులను వేసుకున్నవారు అందంగా కనిపించాలనే తపన ఎప్పుడూ ఉంటుంది. అయితే, నన్ను నేను కూడా బెస్ట్‌గా చూసుకోవాలి. నా విషయానికి వచ్చేసరికి కొన్ని ఎక్స్‌పర్‌మెంట్స్‌తో ΄ాటు సౌకర్యంగా ఉండేలా చూసుకుంటాను. మోడల్స్‌కి, ఫ్యాషన్‌ షోస్‌ కోసం డిజైన్‌ చేయడంలో ఫ్యాబ్రిక్, కలర్స్‌ మీద ప్రత్యేక దృష్టి పెడతాను. నాకోసం అయితే ఇండోవెస్ట్రన్‌ లుక్‌ ఉండేలా చూసుకుంటాను. కొంచెం ్ర΄÷ఫెషనల్‌గా ఉండాలి అనుకుంటే హ్యాండ్లూమ్‌ శారీస్‌ ఎంచుకుంటాను.లెస్‌ ఈజ్‌ క్లాసీ..ఏదైనా ఈవెంట్‌కి వెళ్లాలి అనుకుంటే ముందు నన్ను నేను తెలుపు, క్రీమ్‌ కలర్‌ డ్రెస్‌లో ఊహించుకుంటాను. అంతేకాదు, ఆర్గానిక్‌ కలర్స్, ఆర్గానిక్‌ ఫ్యాబిక్స్ర్‌తో సింపుల్‌గా ఫార్మల్‌ లుక్‌ని ఇష్టపడతాను. హెవీ శారీస్‌ అయినా సరే సింపుల్‌గా ఉండే బ్లౌజ్‌నే ఉపయోగిస్తుంటాను. లెస్‌ ఈజ్‌ క్లాసీ అనిపించేలా ఉంటాను.లగ్జరీ కలర్స్‌..పేస్టల్‌ కలర్స్‌లో లైట్‌ క్రీమ్, పింక్, గోల్డ్‌.. ఇష్టపడతాను. ఈ రంగులు ఒక లగ్జరీ లుక్‌తో ఆకట్టుకుంటాయి. క్రీమ్‌ లేదా ఐవరీ అంటేనే లగ్జరీ కలర్స్‌. లైట్‌ బ్లూ, లైట్‌ గ్రీన్‌.. వంటివి డే ఫంక్షన్స్‌కి, లైట్‌ సిల్వర్, లైట్‌ క్రీమ్‌ డ్రెస్సులు, శారీస్‌ నైట్‌ ఈవెంట్స్‌కి వాడతాను.ప్రయాణాల్లో సౌకర్యం..ఖ΄్తాన్స్‌ ఎక్కువ సౌకర్యంగా ఉంటాయి. పలాజోలు, జీన్స్, లైట్, ఫ్లోరల్‌ కలర్‌ నీ లెంగ్త్‌ ఫ్రాక్స్‌ని ఉపయోగిస్తాను.బొట్టుతో గుర్తింపు..నా పర్సనల్‌ స్టైలింగ్‌లో బొట్టు సిగ్నేచర్‌ అయిపోయింది. ముందు స్టికర్స్‌ వాడేదాన్ని. ఆర్గానిక్‌ కలర్స్‌పైన గ్రిప్‌ వచ్చాక కుంకుమ తయారు చేసుకుని, వాడుతున్నాను. వివాహవేడుకల వంటి ఎంత పెద్ద ఈవెంట్‌ అయినా సింపుల్‌ జ్యువెలరీనే ఉపయోగిస్తాను’’ అని వివరించారు ఈ డిజైనర్‌. – నిర్మలారెడ్డి, ‘సాక్షి’ ఫీచర్స్‌ ప్రతినిధిఇవి చదవండి: డ్యాన్సింగ్ సిటీ.. హిప్‌హాప్‌ స్టెప్స్‌..

పారిస్‌ ఫ్యాషన్‌ వీక్‌లో ప్రపంచంలోనే అత్యంత ఖరీదైన హ్యాండ్‌ బ్యాగ్‌ మెరిసింది. ఈ ఫ్యాషన్‌ షోలో టైటిల్‌ కోసం పోటీదారులు వినూత్న లగర్జీ ఫ్యాషన్‌లతో మోడల్స్‌ గట్టి పోటీస్తున్నారు. ఇక ఈ హ్యాండ్‌ బ్యాగ్‌ణి ఫ్రెంచ్‌ బ్రాండ్‌ రాబన్నే రూపొందించింది. దాదాపు 18 క్యారెట్ల బంగారంతో రూపొందించడం. అందువల్ల ఇదే ప్రపంచంలోనే అత్యంత ఖరీదైనా హ్యాండ్‌ బ్యాండ్‌గా నిలిచింది. ఫ్రాన్స్‌కి సంబంధించిన 1969 నాటి దివంగత గాయని ఫ్రాంకోయిస్‌ హార్టీ మినీడ్రెస్‌ గౌరవార్థం ఆమెకు నివాళిగా ఈ బ్యాగ్‌ని రూపొందించినట్లు బ్రాండ్‌ వ్యవస్థాపకులు చెబుతున్నారు. లెజెండ్‌ హార్డీ కోసం ప్రత్యేకంగా ఓ మినీడ్రెస్‌ని రూపొందించారు. అది వెయ్యి బంగారు ఫలకాలతో దాదాపు 300 క్యారెట్ల వజ్రాలతో డిజైన్‌తో రూపొందించారు. ఆ రోజుల్లో ఇది అత్యంత ఖరీదైన డ్రెస్‌గా వార్తల్లో నిలిచింది. దాని లగ్జరీకి తగ్గ రేంజ్‌లో ఈ హ్యాండ్‌ బ్యాగ్‌ని డిజైన్‌ చేశారు. అంతేగాదు జ్యువెలరీతో కూడిన ఈ లగ్జరీ డ్రెస్‌ని ధరించినప్పుడూ హార్డీని సెక్యూరిటీ గార్డుతో కూడిన సాయుధ వాహనంలో తీసుకు రావాల్సి వచ్చేదట. అయితే తాజాగా రూపొందించిన బంగారపు హ్యాండ్‌ బ్యాగ్‌ని మైసన్‌ రాబన్నే, ఆభరణాల వ్యాపారి ఆర్థస్‌ బెర్‌ట్రాండ్‌ల సహకారంతో రూపొందించారు. ఇది ఏకంగా రూ. 2.32 కోట్లు విలువ చేస్తుందట. ఈ హ్యాండ్‌ బ్యాగ్‌కి చైన్‌లను అనుసంధానించడానికి కూడా బంగారపు డిస్క్‌లనే అనుసంధానించడనే వాడటం విశేషం. దీన్ని రూపొందించడానికి హ్యాండ్‌క్రాప్‌ కళాకారులకు వంద గంటలపైనే సమయం తీసుకుందట. ఈ రాబన్నే బ్రాండ్‌ 1966లో ప్రారంభమయ్యింది. అప్పటి నుంచి ప్లాస్టిక్‌ వంటి సంప్రదాయేతర పదార్థాలను ఉపయోగించి ఫ్యాషన్‌ ప్రపంచమే ఆశ్చర్యపోయే డిజైన్‌ వేర్‌లను తీసుకొచ్చింది. అలా ఇది వినూత్న దుస్తుల ఆవిష్కరణకు ప్రసిద్ధి చెందిందిగా పేరుగాంచింది. అంతేగాదు కాంటెంపరరీ మెటీరియల్స్‌(గ్లాస్‌, సిరామిక్‌, వుడ్‌, వజ్రాలు, బంగారం, ప్లాస్టిక్‌)తో ధరించడానికి వీలుకాని 12 దుస్తులను డిజైన్‌ చేసి అందరి దృష్టిని ఆకర్షించింది. అంతేగాదు ఈ 1969 ప్యారిస్‌ ఫ్యాషన్‌ షోలో చాలా విభిన్న ఉపకరణాలతో రూపొందించిన ఫ్యాషన్‌ వస్తువులను పరిచయం చేసింది. అవి వరుసగా.. గ్లాస్ బ్యాగ్-దీన్ని ఇటాలియన్ గ్లాస్ మేకర్ వెనిని గ్లాస్ పాస్‌టిల్స్‌తో రూపొందించారు, సిరామిక్ బ్యాగ్, పర్షియన్‌ వర్క్‌షాప్ ఆస్టియర్ డి విల్లట్టే చిన్న క్లే డిస్క్‌లతో తయారు చేశారు. View this post on Instagram A post shared by Arthus Bertrand (@arthusbertrand) (చదవండి: పాలనురుగు చీరలో పాలరాతి శిల్పం!..మూత్యాల బ్లౌజ్‌ ధర ఏకంగా..!)

పండుగ సీజన్ ఫుల్‌ స్వింగ్‌లోకి వచ్చేసింది. వినాయక చవితి తరువాత వరుసగా వచ్చే పండుగల సందడి మామూలుగా ఉండదు. ఇంటిని అందంగా అలంకరించుకోవడం, పిండి వంటలు మాత్రమే కాదు, పండుగకు అందంగా తయారు కావడం, స్పెషల్‌ ముస్తాబుతో మురిసిపోవడం చాలా సాధారణం. అందుకే ఫెస్టివల్ లుక్‌లో ఎలా మెరిసి పోవాలో చూద్దాం.శరీరాన్ని తేమగా ఉంచుకోవాలి. చర్మం హైడ్రేటెడ్‌గా ఉంటేనే మెరుస్తూ ఉంటుంది. ఇందుకోసం తగినన్ని నీళ్లు తాగాలి. అలాగే ఫ్యాటీఫుడ్స్‌కు దూరంగా ఉంటూ, ఆరోగ్యకరమైన ఆహారం, ఆకుకూరలు, పండ్లకు ప్రాధాన్యత ఇవ్వాలి. ఉపవాసాల సమయంలో తేలికపాటి ఆహారం తీసుకోవాలి. పల్చటి మజ్జిగ, పండ్ల రసాలు మెనూలో చేర్చుకోవాలి. ఒత్తిడికి దూరంగా ఉంటూ సంతోషంగా ఉండేందుకు ప్రయత్నించాలి. రోజూ వాకింగ్‌, యోగా లాంటి వ్యాయామం చేస్తే ఫేస్‌లో చక్కటి గ్లో వస్తుంది. అలాగే ముఖానికి ఇంట్లోనే తయారు చేసుకునేలా ఫేస్‌ ప్యాక్‌, జుట్టు అందం కోసం ప్యాక్‌లు వేసుకోవడం మర్చిపోవద్దు. ఫేస్‌ ప్యాక్‌బంగాళాదుంపను మిక్సిలో వేసి రసం తీసి పక్కన పెట్టుకోండి. ఇందులో కొద్దిగా శనగపిండి, నాలుగు చుక్కల బాదం నూనె, కొద్దిగా తేనె వేసి బాగా కలపండి. ముఖాన్ని ముందుగా శుభ్రం చేసుకున్న తరువాత దీన్ని అప్లయ్‌ చేసి, పూర్తిగా ఆరడానికి 10-15 నిమిషాలు ఆగి చల్లని నీటితో శుభ్రంగా కడగాలి. ఆ తరువాత సబ్బు, ఫేస్‌ వాష్‌ లాంటివి వాడకండి. మీ ఫేస్‌లోని మెరుపు చూసి మీరే ఆశ్చర్యపోతారు. ఈ మిశ్రమాన్ని శుభ్రపర్చిన గాజు సీసాలో దాచుకోవచ్చు. చర్మం ముడతలు లేకుండా,కాంతిమంతంగా ఉండాలంటే..: టేబుల్‌ స్పూన్‌ మినప్పప్పు, 6 బాదాంపప్పులు కలిపి నీటిలో రాత్రంతా నానబెట్టాలి. ఉదయాన్నే ఈ రెండింటినీ మెత్తగా రుబ్బాలి. ఈ మిశ్రమాన్ని శరీరానికి పట్టించి, మృదువుగా రుద్దాలి. అరగంట తర్వాత శుభ్రపరుచుకోవాలి. చర్మం మృదువుగా, తాజాగా కనిపిస్తుంది.∙టేబుల్‌ స్పూన్‌ చొప్పున ఆరెంజ్‌ జ్యూస్, నిమ్మరసం తీసుకొని కప్పు పెరుగులో కలపాలి. ఈ మిశ్రమాన్ని శరీరానికి పట్టించి, ఆరనివ్వాలి. తర్వాత చల్లని నీటితో స్నానం చేయాలి.జుట్టుకు బలమైన చూర్ణంఅరకప్పు డ్రైఫ్రూట్స్‌... బాదం, పల్లీలు, పొద్దుతిరుగుడు గింజలు, వాల్‌నట్స్‌; అరకప్పు ఓట్స్, పచ్చి శనగపప్పు, పెసరపప్పు కలిపి అరకప్పు, సబ్జా గింజలు అరకప్పు, అవిసె గింజలు అరకప్పు చొప్పున తీసుకుని దోరగా వేయించి చూర్ణం చేసుకుని డబ్బాలో నిల్వ చేయాలి. ఈ పొడిని టేబుల్‌ స్పూన్‌ తీసుకుని టీ లేదా స్మూతీలో వేసుకుని తాగాలి. టీ అలవాటు లేని వాళ్లు వేడినీళ్లలో కలుపుకొని రోజూ ఉదయాన్నే తాగితే రాలడం తగ్గి జుట్టు ఒత్తుగా పెరుగుతుంది. ఈ పొడి జుట్టు సంరక్షణకే గాక ఆరోగ్యాన్నీ మెరుగు పరుస్తుంది.ఫ్యాషన్‌ అండ్‌ ​ మ్యాజిక్‌మంచి కలర్‌ఫుల్‌ డ్రెస్‌లను ఎంచుకోండి. పండుగ సీజన్‌లో ప్యాషన్‌ ,లేదా సంప్రదాయ దుస్తులు ఏదైనా సరే మన శరీరానికి నప్పేలా ఉండాలి. డ్రెస్‌కు సరిపడా సింపుల్‌, లేదా హెవీ జ్యుయలరీ ఉంటే అద్భుతమైన ఫెస్టివ్‌ లుక్‌ మీసొంతం అవుతుంది.

కొన్ని ప్రముఖ లగ్జరీయస్‌ ప్యాషన్‌ బ్రాండ్‌లు మార్కెట్లోకి రీలిజ్‌ చేసే కొత్త వస్తువులు చాలా విలక్షణంగా ఆకర్షణీయంగా ఉంటాయి.పైగా వాటికో స్పెషాలిటీ తప్పక ఉంటుంది. ఆ ఫేమస్‌ బ్రాండ్‌లు రిలీజ్‌ చేసే వస్తువులపై క్రేజ్‌ మాములుగా ఉంటుంది. అందరూ అటెన్షన్‌ ఆ వస్తువు పైనే ఉంటుంది. అంతలా ఫ్యాషన్‌ ప్రపంచంలో వాటికి క్రేజ్‌ ఉంటుంది. అయితే ఫ్యాషన్‌కే ఐకానిక్‌ సింబల్‌గా ఉన్న ఈ లగ్జరీ బ్రాండ్‌ బ్యాగ్‌ చూస్తే మాత్రం ఇదేం బ్యాగ్‌ రా బాబు అంటూ ముఖం చిట్లించేస్తారు. ప్రస్తుతం నెట్టింట ఈ బ్యాగ్‌పై సర్వత్ర విమర్శలు, జోక్‌లు వినిపిస్తున్నాయి. ప్రాడ్‌ అనే ప్రముఖ లగ్జరీ బ్రాండ్‌ ఈ మెటాలిక్ టోట్ బ్యాగ్‌ని లాంచ్‌ చేసింది. ఈ బ్రాండ్‌ మరింత వినూత్నంగా ఈ బ్యాగ్‌ని రూపొందించింది. పురుషులకు ఇలా డిజైన్‌ చేయడం మరింత విస్మయానికి గురిచేసింది. ఇది మన బస్సుల్లోనూ, రైల్వే టాయిలెట్లలోనూ ఫ్లోర్‌ మాదిరిగా ఈ మెటాలిక్‌ బ్యాగ్‌ ఉంది. చూసిన వాళ్ల అంతా భయనాకంగా ఉందంటూ ఘెరంగా పోలికలు చెబుతూ కామెంట్లు చేస్తున్నారు. పబ్లిక్‌ ట్రాన్స్‌పోర్ట్‌లో కనిపించే ప్లోర్‌ మాదిరిగా బ్యాగ్‌ని డిజైన్‌ చేయడం ఏమిటి. ఇది ఫ్యాషన్-ఫార్వర్డ్ స్టేట్‌మెంట్ లేదా విచిత్రమైన డిజైన్ అని ప్రశ్నలు లేవెనెత్తారు. సర్వత్రా ఈ బ్యాగ్‌ డిజైన్‌పై విమర్శలు వెల్లవెత్తాయి. ఇదేం డిజైన్‌ అంటూ తిట్టిపోస్తున్నారు. అయితే ఇంతలా విమర్శలు వస్తున్న ఈ బ్యాగ్‌ ధర వింటే కచ్చితంగా షాకవ్వుతారు. ఏకంగా రూ. 2.73 లక్షలు పలుకుతుందట. పురుషుల కోసం ప్రత్యేకంగా రూపొందించిన ఈ బ్యాగ్‌ డిజైన్‌ పరంగానే కాకుండా ధర పరంగానూ క్లిక్‌ అయ్యేలా లేదు కదూ..!.(చదవండి: ఇంత టాలెంటా..! ఓ పక్క నృత్యం..మరోవైపు..!)

ఇటీవల జరిగిన గ్లోబల్‌ ఫ్యాషన్‌ ఫెస్టివల్‌లో నటి, మోడల్‌ ఊర్వశి రౌతేలా వేదిక మీద నడుస్తూ ఉంటే దివి నుంచి దిగి వచ్చిన దేవకన్యగా అందరి దృష్టినీ ఆకర్షించింది. ఆమె ధరించిన అచ్చమైన బంగారంతో రూపొందించిన మణిపూర్‌ సంప్రదాయ బ్రైడల్‌ డ్రెస్‌ స్పెషాలిటీని చూపుతిప్పుకోనివ్వలేదు. ఈ ఏడాది జరిగిన గ్లోబల్‌ ఫ్యాషన్‌ ఫెస్టివల్‌లో 24 క్యారెట్ల స్వచ్ఛమైన బంగారంతో డిజైన్‌ చేసిన పాట్లోయ్‌ డ్రెస్‌లో నటి, మోడల్‌ ఊర్వశి రౌతేలా మెరిసిపోయింది. ఈ ప్రత్యేక సందర్భం కోసం ఆమె బంగారు జరీ దారాలతో ఎంబ్రాయిడరీ చేసిన ఎరుపు రంగు పాట్లోయ్‌ను ధరించింది. సాధారణంగా వధువులు ధరించే సంప్రదాయ దుస్తుల మధ్య ఊర్వశి అద్భుతంగా మెరిసిపోయింది. ప్రఖ్యాత మణిపురి డిజైనర్‌ రాబర్ట్‌ నౌరెమ్‌ రూపొదించిన ఈ దుస్తులలో మణిపూర్‌లోని మెయిటీ కమ్యూనిటీ సాంస్కృతిక గొప్పతనాన్ని, నైపుణ్యాన్ని ప్రదర్శించారు. సాధారణంగా మణిపూర్‌ వధువులు ఈ దుస్తులను ధరిస్తారు. పాట్లోయ్‌ అనేది వారి సంప్రదాయంలోని ప్రత్యేకమైన, ఐకానిక్‌ డ్రెస్‌.క్లిష్టమైన వర్క్‌స్థూపం, డ్రమ్‌ ఆకారపు స్కర్ట్‌ని పాట్లోయ్‌ అంటారు. మణిపురి బ్రైడల్‌ని ప్రత్యేకంగా చూపే వాటిలో ఇది అత్యంత ముఖ్యమైనది. మందపాటి ఫైబర్, వెదురుతో డ్రమ్‌ ఆకారం చేసి, శాటిన్‌ క్లాత్‌ని చుడతారు. దానిని థ్రెడ్‌వర్క్, సీక్విన్స్‌, అద్దాలతో భారీగా అలంకరిస్తారు. స్కర్ట్‌పైన చేసే వారి హస్తకళ చాలా క్లిష్టమైనది. ఒక పాట్లోయ్‌ని పూర్తి చేయడానికి కొన్ని రోజుల పాటు కృషి చేస్తారు. దీనికి అలంకరణగా నడుము పట్టీ, వధువు తలమీదుగా కప్పే షీర్‌ వీల్, మోచేతులవరకు ఉండే జాకెట్టుతో ఈ డ్రెస్‌కు పూర్తి లుక్‌ వస్తుంది. ఇతర అలంకరణలో లేయర్డ్‌ నెక్లెస్‌లు, కోక్‌గీ లీటెంగ్‌గా పిలిచే కేశాలంకరణ ఆభరణాలు ప్రత్యేకమైనవి.పాట్లోయ్‌ చరిత్రపాట్లోయ్‌ మూలాలు మెయిడింగు భాగ్యచంద్ర మహారాజ్‌ (1763–1798) పాలనలో గుర్తించినట్టు చారిత్ర ఆధారాల ద్వారా తెలుస్తోంది. అతను శాస్త్రీయ రాస్‌–లీలా నృత్యానికి ఈ దుస్తులను పరిచయం చేశాడు. కాలక్రమేణా ఇది మెయిటీ వధువుల సంప్రదాయ వివాహ దుస్తులలో భాగమైంది. దీంతో వీరికి పాట్లోయిస్‌ సృష్టించే కళ తరతరాలుగా సంక్రమించింది. అధికారిక సంస్థల కంటే కుటుంబాలలో నేర్చిన నైపుణ్యాలతో పాట్లోయ్‌ను రూపొందించడం అనేది శ్రమతో కూడుకున్న ప్రక్రియ. దీని తయారీలో చాలా మంది కళాకారులు పాల్గొంటారు. అందుకే, దీనిని సామూహిక సమాజ ప్రయత్నంగా చెబుతారు. తన వేషధారణ ఎంపిక ద్వారా, ఊర్వశి ఫ్యాషన్‌ స్టేట్‌మెంట్‌ మాత్రమే కాకుండా మణిపూర్‌ గొప్ప సాంస్కృతిక వారసత్వాన్ని ప్రపంచ వేదికపైకి తీసుకురావడంలో సహాయపడింది.డిజైనర్‌ రాబర్ట్‌రాబర్ట్‌ నౌరెమ్‌ ఈశాన్య భారతదేశంలోని సాంప్రదాయ ఫ్యాషన్‌ను హైలైట్‌ చేయడానికే ప్రయత్నిస్తుంటారు. అతను గతంలో సుస్మితా సేన్, హర్నాజ్‌ కౌర్‌ సంధు, లారా దత్తా వంటి ప్రముఖ వ్యక్తులకు ఇన్నాఫీ, ఫనెక్‌ వంటి సాంప్రదాయ మణిపురి దుస్తులలో మెరిపించాడు. ఇన్నాఫీ అనేది బ్లౌజ్‌పై ధరించే తేలికపాటి మస్లిన్‌ శాలువా. ఫనెక్‌ అనేది మణిపురి మహిళలు సాధారణంగా ధరించే చారలతో కూడిన చీరలాంటి వస్త్రం. ఈ ఏడాది గ్లోబల్‌ ఫ్యాషన్‌ ఫెస్టివల్‌లో మొదటిసారిగా ఊర్వశి రౌతేలా చేత మణిపురి బ్రైడల్‌ డ్రెస్‌ను ధరింపజేసి అంతర్జాతీయ ప్రేక్షకులకు ఆకట్టుకున్నారు. (చదవండి: అత్యంత సంపన్న మేకప్‌ ఆర్టిస్ట్‌..ఎంత చార్జ్‌ చేస్తాడంటే..?)

ఒకప్పుడు కటిక దారిద్యంతో చాలా తిప్పలు పడ్డాడు. కాలేజీ పీజులు చెల్లించడానికి పుస్తకాలు అ‍మ్మాడు. నేడు ప్రపంచమే ఆశ్చర్యపోయే రేంజ్‌లో ఫ్యాషన్‌ ప్రపంచానికి ఐకానిక్‌ డిజైనర్‌గా ఎదిగాడు. అతడి బ్రాండే భారదేశంలోని అతిపెద్ద లగ్జరీ బ్రాండ్‌గా కితాబులందుకుంది. అంతేగాదు బాలీవుడ్‌ సెలబ్రిటీల మోస్ట్ వాంటెడ్ వెడ్డింగ్‌ డిజైనర్‌గా పేరు తెచ్చుకున్నాడు. ఇంతకీ అతడెవరంటే..ఫ్యాషన్‌ ప్రపంచానికి అలానాటి సంప్రదాయ దుస్తులతో కొంత హంగులు తీసుకొచ్చి ప్రపంచమే కళ్లప్పగించి భారత్‌ ఫ్యాషన్‌ వైపు చూసేలా చేశాడు. అతడే సబ్యసాచి ముఖర్జీ. అద్భుతమైన హస్తకళకు, అచంచలమైన నిబద్ధతకు నిలువెత్తు నిదర్శనం ఈ కాస్ట్యూమ్‌ డిజైనర్‌. సబ్యసాచి బ్రాండ్‌ ఓ డిజైన్‌ మాస్ట్రో పీస్‌గా ఫ్యాషన్‌ పరిశ్రమలో నీరాజనాలు అందుకుంటోంది. అయితే అతడి జీవితమేమి గోల్డెన్‌ స్పూన్‌ బేబీలా సాగలేదు.సబ్యసాచి ఫిబ్రవరి 23, 1974లో పశ్చిమబెంగాల్‌లోని మానిక్తలాలో జన్మించాడు. భారతీయ బ్రాండ్‌ 'సబ్యసాచి' వ్యవస్థాపకుడు. అంతేగాదు ఫ్యాషన్ డిజైన్ కౌన్సిల్ ఆఫ్ ఇండియాలో బోర్డు సభ్యుడైన అతిపిన్న వయస్కుడు. అయితే అతడి బాల్యంలో దుర్భరమైన జీవితాన్ని గడిపాడు. ఆయన తన ప్రాథమిక విద్యను అరబిందో విద్యామందిర్‌లోనూ, మాధ్యమిక విద్యను కోల్‌కతా సెయింట్‌ జేవియర్‌ కళాశాలలోనూ పూర్తి చేశాడు. అతడి ఎన్నుకున్న ఫ్యాషన్‌ కెరీర్‌ని కుటుంబ సభ్యులంతా వ్యతిరేకించారు. ఓ పక్క ఇంట్లో కటిక దారిద్యం మరోవైపు ఊహకందని ప్యాషన్‌ ప్రపంచం..అయినా సరే తన లక్ష్యాన్ని, కోరికను వదిలిపెట్టలేదు. కాలేజీ ఫీజల కోసం పుస్తకాలు అమ్ముతూ నానాపాట్లు పడి చదువు పూర్తి చేశాడు. తాను ఫ్యాషన్‌ రంగంలో నిలదొక్కుకునేంత వరకు రకరకాల ఉద్యోగాలు చేశాడు. ఫ్యాషన్‌ డిజైనింగ్‌ కోర్సని ఏదోలా పూర్తి చేసి, వెంటనే తన సొంత లేబుల్‌ని ప్రారంభించాడు. అందులో తన డిజైన్‌ చేసిన దుస్తులను విక్రయించే యత్నం చేశాడు. అయితే ఆ క్రమంలో చాలా ఇబ్బందులు పడేవాడు. చివరికీ తన డిజైన్‌లు ఎవరైన కొంటారా? అనే అనుమానం ఎదురయ్యేంతకు చేరిపోయాడు. అలాంటి సమయంలో సరిగ్గా 2001లో లాక్మే ఫ్యాషన్ వీక్‌ అతడి పాలిట వరంలా వచ్చింది. అందులో తన కలెక్షన్స్‌ని ప్రదర్శించి చూశాడు. అది మొదలు ఇక వెను తిరిగి చూసే అవకాశం లేకుండా అచంచలంగా ఎదుగుతూ..ఎన్నో అవార్డులు, సత్కారాలు అందుకున్నాడు సబ్యసాచి ముఖర్జీ. బ్రాండ్‌ విశిష్టత..సబ్యసాచి ప్రపంచవ్యాప్తంగా ఉన్న పురాతన వస్త్రాలు, సాంస్కృతిక సంప్రదాయాలు వంటి మూలాలను ఆధారం చేసుకుని డిజైనర్‌ వేర్‌లను రూపొందించడం ఈ బ్రాండ్‌ విశిష్టత. అతని డిజైన్‌లు నిగూఢమైన అర్థాన్ని, కాలనుగుణ ఫ్యాషన్‌కి సరిపోయేలా వివరణను ఇచ్చేలా ఉండేవి. అతడి క్రియేటివిటీకి "ఫెమినా బ్రిటిష్ కౌన్సిల్"కి "ది మోస్ట్ ఔట్‌స్టాండింగ్ అండ్ యంగ్ డిజైనర్ ఆఫ్ ఇండియా అవార్డు వంటి ఎన్నో అవార్డులు ప్రశంసలు వచ్చాయి. పైగా అంతర్జాతీయ ఖ్యాతీని తెచ్చిపెట్టాయి. అంతేగాదు బాలీవుడ్‌ దిగ్గజ తార వివాహ డ్రెస్‌లను రూపొందించే డిజైనర్‌గా పేరుతెచ్చుకున్నారు. అతడి డిజైన్‌లు రెడ్‌ కార్పెట్‌పైనే గాక మ్యాగజైన్‌ కవర్‌లపై కూడా మెరిశాయి. ఇక సబ్యసాచి బ్రాండ్‌ నికర విలువ దాదాపు రూ. 114 కోట్లు ఉంటుందని అంచనా. ఇది భారతదేశపు అత్యంత అద్భుతమైన లగ్జరీ డిజైనర్‌ బ్రాండ్‌గా ఓ వెలుగు వెలుగుతోంది. ఈ బ్రాండ్‌ కాలిఫోర్నియా, అట్లాంటా, లండన్,దుబాయ్‌ వంటి దేశాల్లో కూడా స్టోర్‌లను కలిగి ఉంది.(చదవండి: జస్ట్‌ రెండు కుట్టు మిషన్‌లతో.. ఏకంగా వెయ్యి కోట్ల సామ్రాజ్యం!)

ఇటీవల యువత కంటెంట్‌ క్రియేటర్లుగా, సోషల్‌ మీడియా ఇన్‌ఫ్లుయెన్సర్‌గా సత్తా చాటుతున్నారు. తమ టాలెంట్‌ ఏంటో ప్రపంచానికి చూపిస్తున్నారు. చిన్నగా బ్లాగర్‌గా మొదలుపెట్టి ఊహించని స్థాయిలో కోట్లు ఆర్జిస్తూ అందర్ని ఆశ్చర్యపరుస్తూ సెలబ్రిటీలుగా మారిపోతున్నారు. అందరికి స్ఫూర్తిగా నిలుస్తున్నారు. అలాంటి కోవకు చెందిందే ఈ కోమల్‌ పాండే. ఫ్యాషన్‌ బ్లాగర్, కంటెంట్‌ క్రియేటర్, సోషల్‌ మీడియా ఇన్‌ఫ్లుయెన్సర్‌. దేన్నయినా కామెడీ టచ్‌తో క్యాచీగా చెప్పడం ఆమె ప్రత్యేకత. ఢిల్లీలో పుట్టిపెరిగిన కోమల్‌ పాండే బీకామ్‌ గ్రాడ్యుయేట్‌. ఆమె ఫ్యాషన్‌ సెన్స్‌ చూసి ఫ్రెండ్స్‌ ఎంకరేజ్‌ చేయడంతో 2012లో ది కాలేజ్‌ ఆప్‌ కౌచర్‌’ పేరుతో ఫ్యాషన్‌ బ్లాగ్‌ స్టార్ట్‌ చేసింది. ఫ్యాషన్‌కి సంబంధించిన అన్ని విషయాలూ డిస్కస్‌ చేసే ఆమె బ్లాగ్‌ షార్ట్‌ టైమ్‌లోనే మంచి ఫాలోయింగ్‌ సంపాదించుకుంది.ఆ తర్వాత ఆమె యూట్యూబ్‌ చానల్‌నూ మొదలుపెట్టింది. పదిలక్షల సబ్‌స్క్రైబర్స్‌కి రీచై, యూట్యూబ్‌ గోల్డ్‌ బటన్‌ను అందుకుంది. దేశంలోనే టాప్‌ 7 డిజిటల్‌ స్టార్స్‌ లిస్ట్‌లో చేరి, ఫోర్బ్స్‌ మేగజీన్‌ కవర్‌ మీద మెరిసింది. దాదాపు 40 కోట్ల నెట్‌ వర్త్‌తో రిచెస్ట్‌ యూట్యూబర్స్‌లో ఒకరిగా ఉంది.(చదవండి: ఎముకలు కొరికే చలి! ఆ ఫీల్‌ కావలంటే ఈ మ్యూజియంకి వెళ్లాల్సిందే..!)

సాక్షి, సిటీబ్యూరో: తినే తిండిలో మాత్రమే కాదు మనం ధరించే దుస్తుల్లోనూ రసాయనాల వినియోగం మితిమీరుతోంది. స్వచ్ఛంగా మెరిసిపోయే తెల్లని కాటన్‌ వస్త్రం తయారీలో కూడా ఆ రంగు కోసం కెమికల్స్‌ వాడతారని బహుశా చాలా మందికి తెలియకపోవచ్చు. అయితే ఆహారం తరహాలోనే ఆహార్యంపై కూడా పెరుగుతున్న శ్రద్ధ.. నగరవాసుల్లో ఆర్గానిక్‌ దుస్తుల పట్ల ఆసక్తికి కారణమవుతోంది.తిరిగే ప్రదేశం సహజమైన ప్రకృతి అందాలతో ఉండాలి తినే తిండి కూడా సహజమైనదే అయి ఉండాలి.. ధరించే దుస్తులు కూడా సహజసిద్ధమైన రీతిలో రూపొందించినవి కావాలి. లేకపోతే అనారోగ్యాలు ఎటు నుంచి దాడిచేస్తాయో తెలీదు.. ఈ స్పహ ఆధునికుల్లో పెరుగుతోంది. దీనికి అనుగుణంగా ఇప్పటికే కొన్ని బ్రాండెడ్‌ దుస్తులు మార్కెట్లో కనిపిస్తుండగా.. ఇప్పుడిప్పుడే దేశవ్యాప్తంగాæ డిజైనర్లు కూడా ఆర్గానిక్‌ దుస్తులకు అడ్రస్‌గా మారుతున్నారు. అలాంటివారిలో సిటీ డిజైనర్‌ సంతోష్‌ ఒకరు. గతంలో పూణె ఫ్యాషన్‌ వీక్‌లో వీటిని ప్రదర్శించారాయన.కాస్ట్‌ లీ కాదు.. ధనవంతులు మాత్రమే సస్టెయినబుల్‌ ఫ్యాషన్‌ ను కొనుగోలు చేయగలరని అభిప్రాయం ఏర్పడింది. అయితే తెలివిగా షాపింగ్‌ చేయాలనుకునే ఎవరికైనా ఈ తరహా దుస్తులు అందుబాటులోనే ఉంటాయని అంటున్నారు డిజైనర్లు. ‘అందరూ అనుకున్నట్టు ఆర్గానిక్‌ ఫ్యాషన్‌ దుస్తులు మరీ ఖరీదైనవి ఏమీ కాదు. ఉత్పత్తి వ్యయం కూడా మీటర్‌కి రూ.వెయ్యిలోపే అవుతుంది. అయితే వీటి వాడకంపై ఫ్యాషన్‌ ప్రియుల్లో మరింత అవగాహన పెరగాల్సి ఉంది’ అంటూ చెప్పారు నగరానికి చెందిన డిజైనర్‌ నయన్‌. సేంద్రియ పద్ధతిలో తయారు.. ఆధునిక వినియోగదారులు పర్యావరణ అనుకూల డిజైన్‌ ట్రెండ్‌లను అనుసరిస్తుండటంతో హానికరమైన రసాయనాలు, పురుగు మందులు లేకుండా ఉంటాయి సేంద్రియ పద్ధతిలో తయారైన వ్రస్తాలకు డిమాండ్‌ విస్తరిస్తోంది. ఉత్పత్తిదారులు సరళమైన, తటస్థ–రంగు దుస్తులు రూపొందిస్తున్నారు. వీటిలో తెలుపు, నలుపు క్రీం రంగులు కీలకమైనవి. కార్క్, వెదురు, జనపనార, ఆర్గానిక్‌ కాటన్, రీసైకిల్‌ కాటన్‌ లినెన్‌ సస్టెయినబుల్‌ ఫ్యాషన్‌ ఉత్పత్తిలో కీలకమైన ముడి పదార్థాలుగా మారాయి. సేంద్రియ పద్ధతిలో పత్తి లేదా జనపనార వంటి పర్యావరణ అనుకూల పదార్థాలతో రూపొందించిన జీన్స్‌ దుస్తులు కూడా మార్కెట్లో లభ్యమవుతున్నాయి. శీతాకాలంలో వెచ్చదనాన్ని అందించే స్వెటర్ల కోసం, ఉన్ని లేదా అల్పాకాతో తయారు చేసినవి అందుబాటులోకి వచ్చాయి.వ్యర్థాల రీసైక్లింగ్‌.. ఫ్యాషన్‌ పరిశ్రమలో వ్యర్థాలను తగ్గించడానికి అప్‌సైక్లింగ్‌ రీసైక్లింగ్‌ పద్ధతులు అనుసరిస్తున్నారు. డిజైనర్లు కొత్త ప్రత్యేకమైన దుస్తుల వెరైటీల సృష్టి కోసం పాత వ్రస్తాలు, స్క్రాప్‌లు, దుస్తుల తయారీలో వాడగా మిగిలిపోయిన వాటిని సృజనాత్మకంగా పునర్నిరి్మస్తున్నారు. ఇది వ్రస్తాల జీవితచక్రాన్ని పొడిగించడంలో, వ్యర్థాలను తగ్గించడంలో సహాయపడుతోంది. అలాగే స్లో ఫ్యాషన్‌ మూవ్‌మెంట్‌.. స్లో ఫ్యాషన్‌ అనే భావన పెరిగింది. వినియోగదారులు తమ ఫ్యాషన్‌ ఎంపికల విషయంలో కంటికి ఇంపుగా ఉండే దుస్తుల కన్నా ఒంటికి మేలు చేసేవే మిన్న అనే భావనకు వస్తున్నారు. ఎక్కువ కాలం ధరించగలిగే శాశ్వతమైన, మన్నికైన దుస్తులను ఎంచుకుంటున్నారు. మరో వైపు ఇది సంప్రదాయ హస్తకళ స్థానిక కళాకారులకు ఇది ఊతమిస్తోంది. సంప్రదాయ నేయడం, అద్దకం, ఎంబ్రాయిడరీ పద్ధతులను సంరక్షించడానికి ప్రోత్సహించడానికి బ్రాండ్‌లు కళాకారులతో కలిసి పనిచేస్తున్నాయి. ఇది సంప్రదాయ కళలను పునరుజ్జీవింపజేయడమే కాకుండా హస్తకళాకారుల పురోభివృద్ధి అవకాశాలను కూడా పెంచుతోంది."రసాయన రహితంగా పూర్తి ఆర్గానిక్‌ దుస్తుల తయారీ అనేది ఇప్పటికీ కొంత సాహసంతో కూడిన ప్రయోగమే అని చెప్పాలి. ఎందుకంటే పూర్తిగా ఆర్గానిక్‌ ఫ్యాబ్రిక్, డైతో తయారు చేసినవి తక్కువ షేడ్స్‌లో మాత్రమే లభ్యమవుతాయి. దేశంలో ఇప్పటికే కొన్ని బ్రాండ్స్‌ నాచురల్‌ డైస్‌తో చేసిన దుస్తులు విక్రయిస్తున్నప్పటికీ.. అవి కూడా పూర్తిగా 100శాతం ఆర్గానిక్‌ అని చెప్పలేం. ఆర్గానిక్‌ దుస్తులకు కాటన్, లినెన్, పట్టు.. ఫ్యాబ్రిక్స్‌ మాత్రమే నప్పుతాయి. అలాగే ఈ దుస్తుల తయారీకి మిగిలిన వాటి తయారీతో పోలిస్తే పట్టే సమయం కూడా బాగా ఎక్కువ. ‘నేను రూపొందించిన ఆర్గానిక్‌ దుస్తుల తయారీలో ఫ్యాబ్రిక్‌ మొత్తం చేనేతలనే వినియోగించాను. సిద్ధిపేటలోని ఆదర్శ్‌ సొసైటీ ఆధ్వర్యంలో డాక్టర్‌ సునంద ఈ ఫ్యాబ్రిక్స్‌ తయారీ చేయించారు. అదేవిధంగా ఉల్లిపాయ, పసుపు వంటి దినుసులతో పాటు చెట్ల ఆకులు, కాండం, వేర్లు.. వీటిని ఉపయోగించి ఆకుపచ్చ, విభిన్న రకాల బ్లూషేడ్స్, ఎల్లో, బ్రిక్‌ షేడ్స్‌తో కలర్స్‌ సృష్టించాం. కొంచెం డల్‌ ఫినిష్‌ ఉండే ఫ్యాబ్రిక్‌కి అత్యాధునిక డిజైనింగ్‌ వర్క్‌ జత చేసి ఆకట్టుకునేలా డ్రెసెస్‌ క్రియేట్‌ చేశాం. మొత్తం 20 డ్రెస్సెస్‌ క్రియేట్‌ చేస్తే.. 16 రకాల డిజైన్లను ఈ షోలో ప్రజెంట్‌ చేశాను’ అంటూ చెప్పారు సిటీ డిజైనర్‌ సంతోష్‌."నేచురల్‌ డై తయారీ యూనిట్‌ స్థాపించి..సింథటిక్‌ వంటి వ్రస్తాలు ఎంచుకుంటే అది పర్యావరణానికి హానికరమని, మన ఆరోగ్యానికి కూడా చేటు చేస్తుందనే స్పృహ నగరవాసుల్లో ఇప్పుడిప్పుడే వస్తోంది. అలాగే దుస్తుల తయారీలో వాడే కొన్ని మెటీరియల్స్‌ ఆక్సిజన్‌ నాణ్యతను కూడా దెబ్బతీస్తాయి. అంతేగాకుండా కెమికల్‌ డైలను నివారించాల్సిన అవసరం ఉంది. కొన్ని రకాల ఆకులు తదితర సహజోత్పత్తుల ద్వారా తయారైన రంగుల వినియోగం పెంచాలి. నేచురల్‌ డైతో తయారైన.. పూర్తి సహజసిద్ధమైన ఫ్యాబ్రిక్‌ను అందించేందుకు సిటీ శివార్లలో మా సొంత డైయింగ్‌ యూనిట్‌ను ప్రారంభించాం. – మమత తుళ్లూరి, డిజైనర్‌ఇవి చదవండి: ఇది.. మైక్రోకరెంట్‌ ఫేస్‌ లిఫ్ట్‌ డివైస్‌!

అన్నూ పటేల్‌.. ఫ్యాషన్‌ ఇండస్ట్రీలో స్పెషల్‌ స్టయిల్‌ ఆమెది! ఆ స్పెషాలిటీకి బాలీవుడ్‌ ఫిదా అయింది! అటు ఫ్యాషన్‌లో.. ఇటు స్టార్స్‌ స్టయిలింగ్‌లో సీనియర్స్‌తో ఇన్‌స్పైర్‌ అవుతూ, తన ప్రత్యేకతను చాటుకుంటూ సాగుతున్న ఆమె గురించి నాలుగు మాటలు ..అన్నూ పటేల్‌ స్వస్థలం గుజరాత్‌లోని వడోదర. ఫ్యాషన్‌గా ఉండటం, రకరకాల కలర్‌ కాంబినేషన్స్‌లో బట్టలు కుట్టించుకోవడమంటే ఆమెకు చిన్నప్పటి నుంచి ఆసక్తి. కనుకే, ఫిజియోథెరపీలో చేరిన కొన్నాళ్లకే అది తన కప్‌ ఆఫ్‌ టీ కాదన్న విషయాన్ని గ్రహించింది. ఫ్యాషన్‌ మీదే మనసు పారేసుకుంది. ఆలస్యం చేయక, వడోదరలోని ఐఎన్‌ఐఎఫ్‌డీ (ఇంటర్‌ నేషనల్‌ ఇన్‌స్టిట్యూట్‌ ఆఫ్‌ ఫ్యాషన్‌ డిజైన్‌)లో చేరింది. గ్రాడ్యుయేషన్‌ ఫస్టియర్‌లోనే ఆమె ఫ్యాషన్‌ ఐడియాస్‌కి ముచ్చటపడిన ఇన్‌స్టిట్యూట్‌ ఆమెకు ‘ద మోస్ట్‌ ఇన్నోవేటివ్‌ కలెక్షన్‌’ అవార్డ్‌నిచ్చింది. సెకండియర్‌లో ఉన్నప్పుడు ‘అన్నూస్‌ క్రియేషన్‌’ లేబుల్‌ను స్టార్ట్‌ చేసింది.ఆ చిన్న పట్టణంలో ఫ్యాషన్‌ ఇన్‌స్టిట్యూట్‌ అయితే ఉంది కానీ.. డిజైనర్‌ వేర్‌కి డిమాండ్‌ ఎక్కడ? అందుకే మొదట్లో తను డిజైన్‌ చేసిన దుస్తులను ఇంటింటికీ వెళ్లి అమ్మి, డిజైనర్‌ వేర్‌ పట్ల మధ్యతరగతి, ఎగువ మధ్యతరగతి వారికి మోజు కలిగేలా చేసింది. ఆ ప్రయత్నం.. ఆమె చదువైపోయేలోపు ఫ్యాషన్‌ మార్కెట్‌లో ‘అన్నూ క్రియేషన్‌’కి స్పేస్‌ని క్రియేట్‌ చేసింది. దాన్ని స్థిరపరచు కోవాలంటే తన లేబుల్‌కు ఒక స్పెషాలిటీ ఉండాలని ఆలోచించింది అన్నూ. ఈ దేశంలో పెళ్లికిచ్చే ప్రాధాన్యం స్ఫురణకు వచ్చింది.బ్రైడల్‌ వేర్‌ డిజైన్‌లో తన ప్రత్యేకతను చాటుకుంటే తన మార్కెట్‌ ఎక్కడికీ పోదని తెలుసుకుంది. తన ఐడియాను అర్థం చేసుకునే టీమ్‌ని ఎంచుకుని డిజైనింగ్‌ మొదలుపెట్టింది. తొలుత సామాన్యులకే బ్రైడల్‌ వేర్‌ ఇచ్చింది. అవి అసామాన్యుల మనసునూ దోచాయి. దాంతో అన్నూ క్రియేషన్‌ సెలబ్రిటీల స్థాయికి చేరింది. బ్రైడల్‌ వేర్‌ చేస్తున్నప్పుడే అన్నూకి ఫ్యాషన్‌ మార్కెట్‌లో ఎత్నిక్‌ వేర్‌కీ స్పేస్‌ కనపడింది. ముందు తనకు, తన టీమ్‌కి క్యాజువల్‌ ఎత్నిక్‌ వేర్‌ డిజైన్‌ చేసి, వాటిని ధరించి.. ఫొటో షూట్‌ చేయించి, సోషల్‌ మీడియాలో పోస్ట్‌ చేయసాగింది. అవీ సెలబ్రిటీల దృష్టిలో పడి అన్నూ బ్రాండ్‌కి క్యూ కట్టసాగారు.ఆ డిమాండ్‌ను చూసి ‘ఎఫ్‌ అండ్‌ ఎఫ్‌ (ఫ్రిల్‌ అండ్‌ ఫ్లేర్‌)’ పేరుతో క్యాజువల్‌ ఎత్నిక్‌ వేర్‌ డిజైన్‌ను స్టార్ట్‌ చేసింది. ‘ఎఫ్‌ అండ్‌ ఎఫ్‌’ అంటే కుర్తీలు, ఇండో– వెస్ట్రన్‌ అవుట్‌ఫిట్స్‌కి పర్‌ఫెక్ట్‌ బ్రాండ్‌ అనే ఫేమ్‌ని సంపాదించింది. తనే కొత్త అవుట్‌ఫిట్‌ని డిజైన్‌ చేసినా వాటిని సోషల్‌ మీడియాలో పోస్ట్‌ చేయడం అన్నూ అలవాటు. అలా ఆమె డిజైన్స్‌ అన్నిటినీ ఫాలో అయిన కొందరు బాలీవుడ్‌ సెలబ్స్‌.. తమకు స్టయిలింగ్‌ చేయమని ఆమెను కోరారు. తొలుత అప్రోచ్‌ అయింది మలైకా అరోరా! ఆ తర్వాత కృతి ఖర్బందా, సోఫీ చౌధరీ, తారా సుతారియా, మౌనీ రాయ్, జాన్వీ కపూర్, హెజల్‌ కీచ్‌ వంటి వాళ్లంతా అన్నూ పటేల్‌ స్టయిలింగ్‌ క్లయింట్ల లిస్ట్‌లో చేరిపోయారు. ‘సామాన్యులకు డిజైన్‌ చేస్తున్నా, సెలబ్రిటీలకు స్టయిలింగ్‌ చేస్తున్నా.. ఆయా స్థాయిల్లో అంతే ఎఫర్ట్స్‌ పెడతాను, అంతే కమిట్‌మెంట్‌తో ఉంటాను. నా డిజైనర్‌ వేర్‌ని.. నా స్టయిలింగ్‌ని కోరుకుంటున్న వాళ్ల సంతోషమే నాకు ముఖ్యం. అది నాకు కోటి అవార్డులతో సమానం!’ అంటుంది అన్నూ పటేల్‌.ఇవి చదవండి: Sanam Saeed: ప్రైడ్‌ ఆఫ్‌ పాకిస్తాన్‌.. ఫ్యాన్‌ ఆఫ్‌ ఇండియా!

మైండ్, బాడీ ఫిట్‌గా ఉంటే డ్రెస్సింగ్‌ కూడా కాన్ఫిడెంట్‌గా కనిపిస్తుంది. ‘జిమ్‌లో వర్కవుట్స్‌ ఫిజికల్‌ ఎక్సర్‌సైజ్‌ అయితే, మన వార్డ్‌రోబ్‌ మైండ్‌ ఎక్సర్‌సైజ్‌’ అంటున్నారు హైదరాబాద్‌ వాసి ఫిట్‌నెస్‌ ట్రైనర్‌ అనుప్రసాద్‌. జిమ్‌వేర్‌తో పాటు రెగ్యులర్, పార్టీవేర్‌ విషయంలో తీసుకునే స్పెషల్‌ కేర్‌ గురించి అనుప్రసాద్‌ మాటల్లో...‘‘ఉదయం ఏ డ్రెస్‌ వేసుకోవాలనేది ప్రతిరోజూ ఆలోచించేలా చేస్తుంది. అందుకే, క్యాజువల్‌ వేర్‌గా కొన్ని, సందర్భానుసారంగా వార్డ్‌రోబ్‌ను సెట్‌ చేసుకుంటాను. సాధారణంగా తక్కువ డబ్బులతో డ్రెస్‌ ఎంపిక చేసుకొని, రిచ్‌గా ఉండేలా కనిపించడానికి ప్లాన్‌ చేస్తుంటాను. ఇండోవెస్ట్రన్‌ డ్రెస్‌తోనూ హుందాతనాన్ని, మన సంస్కృతిని ప్రతిబింబిస్తూ స్టైల్‌గా కనిపించవచ్చు. పెయింటింగ్స్‌ వేస్తుంటాను కాబట్టి కలర్‌ కాంబినేషన్స్‌ విషయంలో అవగాహన ఉంది. చాలా వరకు మ్యాచింగ్‌ గురించి ఆలోచన చేయను. శారీస్‌ మీదకు కాంట్రాస్ట్, క్రాప్‌టాప్స్, ష్రగ్స్‌ కూడా సెట్‌ చేస్తాను. కాటన్స్‌కి ఎక్కువ ్రపాధాన్యత ఇస్తాను. బెస్ట్‌ డ్రెస్డ్‌ అవార్డ్‌..మిసెస్‌ ఇండియా తెలంగాణ బెస్ట్‌ డ్రెస్డ్‌ ఈవెంట్‌ (2019)కి క్రియేటివ్‌గా ఆలోచించాలనుకున్నాను. శారీ, బ్లౌజ్‌కి తెలంగాణ సంస్కృతిని ప్రతిబింబించేలా బతుకమ్మ, బోనాలు.. మొదలైనవాటితో నేనే ఫ్యాబ్రిక్‌ పెయింటింగ్‌ వేశాను. ఆ శారీనే కట్టుకున్నాను. రెండు వేల రూపాయల్లో ఆ శారీని తయారుచేసి, ప్రదర్శించి, అవార్డు దక్కించుకున్నాను.పూసలు గుచ్చి..లంగా ఓణీ, పట్టు చీరలు సంప్రదాయ వేడుకల సందర్భాలలో కట్టుకుంటాను. దీంట్లోనే ప్రత్యేకంగా కనిపించాలంటే బ్లౌజ్‌ సింగిల్‌ హ్యాండ్‌కి పూసల హారాలు లేయర్లు గుచ్చి, నాట్‌ చేస్తాను. దాదాపు నెలకు మూడు, నాలుగు ఈవెంట్లకు హాజరవుతుంటాను. అందుకు కొత్తదనం, నిండుదనం ఉండేలా ప్లాన్‌ చేసుకుంటాను.జిమ్‌ టీ షర్ట్స్‌..శారీస్‌కు సాధారణ బ్లౌజులే కాదు జిమ్‌కు వేసుకునే టీ షర్ట్స్‌ కూడా వాడతాను. బ్లాక్‌ క్రాప్‌టాప్‌ కాటన్‌ శారీకి వాడతాను. మంచి కలర్‌ కాంబినేషన్స్‌ ఉండేలా, సింపుల్‌ లుక్‌ని క్రియేట్‌ చేస్తాను. జిమ్‌లో మన కదలికలకు తగ్గినట్టు ఫ్లెక్సిబుల్‌ డ్రెస్‌ ఉండాలి. క్వాలిటీ కూడా చూడాలి. క్యాజువల్‌ వేర్‌గా జీన్స్, టీషర్ట్స్‌ మాత్రమే కాదు లాంగ్‌ స్కర్ట్స్‌ కూడా ఉపయోగిస్తాను.టై అండ్‌ డై చేస్తాను..వైట్‌ కాటన్‌ మెటీరియల్‌ తెప్పించుకొని, టై అండ్‌ డై టెక్నిక్‌తో కొత్త డిజైన్స్‌ సృష్టిస్తుంటాను. ఒక శారీకైతే వేరుశనగ గింజలను ముడివేసి, పెయింట్‌ చేశాను. త్రీడీ పెయింటింగ్స్‌ చేస్తుంటాను. ఏ వేస్ట్‌ మెటీరియల్‌ ఉన్నా దానిని అందంగా క్రియేట్‌ చేస్తాను. ఇండిపెండెంట్స్‌ డే వంటి అకేషన్స్‌కి ఎంచుకున్న శారీకి క్రాప్‌టాప్‌తో మ్యాచ్‌ చేశాను.జ్యువెలరీ తయారీ..తక్కువ ధరలో జ్యువెలరీ ఇప్పుడు మార్కెట్‌లో దొరుకుతుంది. కొంచెం సమయం కేటాయిస్తే చాలు అలాంటి ఫ్యాషన్‌ జ్యువెలరీని మనమే ఇంకా తక్కువ ధరలో తయారుచేసుకోవచ్చు. బెల్ట్‌తో మరో స్టైలిష్‌ లుక్‌ వచ్చేలా చూసుకుంటాను. అలా.. క్లే జ్యువెలరీ, థ్రెడ్‌ జ్యువెలరీ నేనే తయారు చేసుకుంటాను’’ అని వివరించారు ఈ ఫిట్‌నెస్‌ ట్రైనర్‌.ఇవి చదవండి: 'శ్రుతి' తప్పిన ప్రకృతి.. కనురెప్పనూ కాటేసింది!

న్యూయార్క్‌ ఫ్యాషన్‌ వీక్‌ ఫ్యాషన్‌ ఔత్సాహికులను పర్యావరణ స్ప్రుహ వైపుకు అడుగులు వేసేలా సృజనాత్మకతకు పెద్దపీట వేస్తోంది. ఆ వేదికపై టాప్‌ డిజైనర్‌ క్రియేషన్‌ని మొత్తం పర్యావరణహిత ఫ్యాషన్‌తోనే నింపేసింది. ఆ అద్భుతమైన ఫ్యాషన్‌ బ్రాండ్స్‌ ప్రదర్శనల్లో కమలహాసన్‌ లేబుల్‌ హౌస్‌ ఆప్‌ ఖద్ధర్‌ను సుతారా కలెక్షన్స్‌ ఆవిష్కరించింది. ఇక్కడ కోలీవుడ్‌ నటుడు కమలహాసన్‌ ఖాదర్‌ ప్రాముఖ్యత ప్రపంచవ్యాప్తంగా తెలిసేలా ఈ బ్రాండ్‌ని ప్రమోట్‌ చేస్తున్నారు. అలాగే ఇది వంద శాతం ఎకో బ్రాండ్‌. నేత కార్మికుడు నుంచి నేరుగా ఈ ఫాబ్రిక్‌ను తీసుకుని రూపొందిస్తారు. ఈ ఫ్యాబ్రిక్‌ మొత్తం సేంద్రీయ రంగులతోనే తయారు చేయడం విశేషం. సుతారా కలెక్షన్స్‌ సినిమా, కళలను స్ఫూర్తిగా తీసుకుని స్థిరమైన ఫ్యాషన్‌ దృక్పథాన్ని అందించాలనే లక్ష్యంతో ఈ సరికొత్త ఫ్యాషన్‌ కలెక్షన్‌తో ముందుకొచ్చింది. ఆ నేపథ్యంలోనే టొమాటో లెదర్‌, ఖద్దర్‌ డెనిమ్‌ పిక్‌ నిట్‌, మస్లిన్‌ ఖాదీ, వృత్తాకార మెష్‌ ఫ్యాబ్రిక్‌తో సహా పర్యావరణ అనుకూల పదార్థాలతో ఫ్యాషన్‌ని ఆకట్టుకునే యత్నం చేస్తోంది. ఇది హస్తకళాకారుల నైపుణ్యాన్ని నొక్కి చెబుతోంది. అదీగాక సెలబ్రిటీలు, ప్రముఖులు, డిజైనర్లు పర్యావరణ అనూకూల ఫ్యాషన్‌ వైపే మొగ్గు చూపుతున్నారు. ఇటీవల ప్రముఖ బాలీవుడ్‌ హీరో సైఫ్‌ అలీఖాన్‌ కూతరు సారా అలీఖాన్‌ 60ల నాటి రెట్రో చీరలతో రూపొందించిన లెహంగాతో మెరిసిన సంగతి తెలిసిందే. జీరో కార్బన్‌కి ప్రాధాన్యత ఇచ్చేలా పాత వస్త్రాలను రీసైక్లింగ్‌ చేసి పొదుపు షాపింగ్‌కి ప్రాముఖ్యత ఇవ్వడం విశేషం. అందులోనూ ప్రముఖ లగ్జరీ బ్రాండ్‌లే జీరోవేస్ట్‌ డిజైన్‌కి ప్రాముఖ్యత ఇచ్చి..సరికొత్త డిజైనర్‌వేర్‌లను క్రియేట్‌ చేస్తుండటం మరింత విశేషం. ఈ ఫ్యాషన్‌ ట్రెండ్‌కి అత్యంత విశేష ప్రజాదరణ లభించడమే గాక పర్యావరణ అనుకూల ఫ్యాషన్‌కి పెరుగుతున్న క్రేజ్‌ని ప్రతిబింబిస్తోంది. (చదవండి: 60ల నాటి చీరలతో రూపొందించిన లెహంగాలో సారా అలీఖాన్‌ స్టన్నింగ్‌ లుక్‌..!)

ప్రముఖులు, సెలబ్రిటీలు ట్రెండ్‌కి తగ్గట్టు లగ్జరీయస్‌ దుస్తులు ధరిస్తారు. ముఖ్యంగా ప్రముఖ బ్రాండెడ్‌ దుస్తులతో ఫ్యాషన్ ప్రపంచానికి ఐకానిక్‌గా ఉంటుంది వారి డ్రెస్సింగ్‌ స్టైల్‌. అలాంటిది బాలీవుడ్‌ నటుడు సైఫ్‌ అలీఖాన్‌ కుమార్తె సారా అలీఖాన్‌ మాత్రం ఫ్యాషన్‌కే సరికొత్త అర్థం ఇచ్చే డిజైనర్‌ వేర్‌లో తళుక్కుమంది. ఈ ముద్దుగుమ్మ దుస్తుల వేస్ట్‌కి అడ్డుకట్ట వేసేలా పర్యావరణ హిత ఫ్యాషన్‌ శైలిని తీసుకొచ్చింది. ఇంతకీ ఆమె ఎలాంటి ఫ్యాబ్రిక్‌ డ్రెస్‌ ధరించింది అనే కదా సందేహం..!అంబానీ ఇంట గణేష్‌ చతుర్థి వేడుకలో ఓ రేంజ్‌ జరిగిన సంగతి తెలిసిందే. ఈ వేడుకలో బాలీవుడ్‌ అగ్ర తారలంతా పాల్గొని సందడి చేశారు. ఈ కార్యక్రమంలో పాల్గొనేందుకు సారా ప్రత్యేకమైన దుస్తులను ఎంచుకుంది. డిజైనర్‌ మయ్యూర్‌ గిరోత్రా కోచర్‌ రూపొందించిన అందమైన లెహెంగాలో ఈ బుట్టబొమ్మ మెరిసింది. అయితే ఈ లెహంగాని డిజైనర్‌ 50, 60ల నాటి పాత చీరలను రీసైక్లింగ్‌ చేసి రూపొందిచారు. చూడటానికి ఈ లెహంగా వివిధ రంగుల చీరల కలయికతో అందంగా ఉంది. ఈ లెహంగాలో సారా స్టన్నింగ్‌ లుక్‌ చూపురులను తిప్పుకోని విధంగా ఆకర్షణీయంగా కనిపించింది. చెప్పాలంటే సారా ఎంచుకున్న డిజైనర్‌ వేర్‌ దుస్తుల వేస్ట్‌ని అరికట్టేలే ఫ్యాషన్‌ ట్రెండ్‌ని సరికొత్త విధంగా సెట్‌ చెయ్యొచ్చు అని ప్రేరణ కలిగించేలా ఉంది ఆమె మెస్మరైజ్‌ లుక్‌. ఈ మిక్స్‌డ్‌ కలర్‌ లెహంగాకి సారా పర్పుల్‌ కలర్‌ బ్లౌజ్‌ని జత చేసింది. ఈ బ్లౌజ్‌కి డోరీ టైస్‌ , గోల్డ్‌ బ్రోకెడ్‌ ఎంబ్రాయిడరీ, గొట్టా పట్టీ బార్డర్‌లు ఉన్నాయి. అలాగే ఈ లెహంగాకి మ్యాచ్‌ అయ్యేలా రాగి కలర్‌తో కలగలసిన బంగారు టిష్యు సిల్క్‌ దుప్పట గ్రాడ్‌ లుక్‌ని తెచ్చిపెట్టింది. అందుకు తగ్గట్టు మంచి ఐషాడో, మిరుమెట్లుగొలిపే ఐలైనర్‌, న్యూడ్‌ లిప్‌షేడ్‌తో చాలా సింపుల్‌ మేకప్‌లో మెరిసింది. హెయిర్‌ని కూడా టై చేసి వదిలేసింది. అంతేగాదు తన లెహంగాకి మ్యాచింగ్‌ అయ్యేలా తలలో ఊదారంగు పూలను ధరించింది. అలాగే చెవులకు జుమ్మీలు, మెడకు పోల్కీ చోకర్‌ నెక్లస్‌తో గ్రాండ్‌గా కనిపించింది సారా. అందుకు సంబంధించిన వీడియో నెట్టింట తెగ వైరల్‌ అవుతోంది. మీరు కూడా ఓ లుక్కేయండి. View this post on Instagram A post shared by Mayyur Girotra Official (@mayyurgirotracouture) (చదవండి: కివీ కర్రీ..శ్రీలంక ఫేమస్‌ రెసిపీ..!)

‘కొత్త డ్రెస్‌ వేసుకుంటే ఆ రోజంతా హుషారుగా అనిపిస్తుంటుంది. అందుకే ఉదయం లేస్తూనే ఆ రోజు వేసుకోదగిన డ్రెస్‌ గురించి ప్లానింగ్‌ చేసుకుంటాను’ అంటోంది రచయిత్రి, సాంగ్‌ రైటర్‌ కడలి. ఖమ్మం నుంచి హైదరాబాద్‌ వచ్చి సాహిత్యం, సినిమాల్లో కృషి చేస్తున్న కడలి పాఠకులకు పరిచితమే. ‘రైటర్‌ అంటే కాటన్స్‌ మాత్రమే వేసుకోవాలనేం ఉండదు. కంఫర్ట్‌గా ఉండే డ్రెస్సులు ఏవైనా వేసుకోవచ్చు. అందుకే నా వార్డ్రోబ్‌లో అన్నీ మోడ్రన్, కలర్‌ఫుల్‌ డ్రెస్సులు ఉంటాయి’ అంటోంది కడలి.‘‘మన వార్డ్రోబ్‌ మనకు ఒక అద్దం లాంటిది. ఈ విషయం చెప్పడానికి నేను రాసిన ఒక కథను పరిచయం చేయాలి. ఆ కథలో ఒక యంగ్‌ అమ్మాయి హీరోయిన్‌ అవ్వాలనుకుంటుంది. కానీ చుట్టూ రకరకాల మాటలతో డిప్రెస్‌ అయ్యి ఆత్మహత్య చేసుకోవాలనుకుంటుంది. రైలు పట్టాల దగ్గరకు వెళ్లి అక్కడ జరిగిన ఒక సంఘటనతో ఇంటికి తిరిగి వచ్చేస్తుంది. అద్దంలో తన ముఖం చూసుకొని అందంగా తయారవ్వాలనుకుని కళ్లకు కాటుక పెట్టుకుంటుంది. తర్వాత జీవితంపై ఆశతో స్వీయప్రేరణతో తనను మెరుగు చేసుకుంటుంది ఆ కథలో. అంటే మనం ఎలా ఉండాలో మన చుట్టూ ఉన్నవారు డిసైడ్‌ చేయరు. మనకు మనమే నిర్ణయించుకోవాలి.నాకు నేను ప్రేరణగా!నేను షార్ట్స్‌ కూడా వేసుకుంటాను. బట్టలను బట్టి ఒక అమ్మాయి వ్యక్తిత్వాన్ని ఎలా జడ్జ్‌ చేస్తారో ఇప్పటికీ అర్ధం కాదు. అందుకే కొన్ని సభలకు టీ షర్ట్స్, జీన్స్‌ వేసుకెళతాను. ఈ అమ్మాయా రైటర్‌ రా?! అని ఆశ్చర్యపోయేవారున్నారు. ఏది సౌకర్యంగా ఉంటుందో అది వేసుకున్నంత మాత్రాన వ్యక్తిత్వానికి మార్కులు వేయకూడదు. ఎవరైనా అలా అన్నా నేను పట్టించుకోను. మీటింగ్‌ సందర్భాలలో కుర్తీస్‌ వేసుకుంటాను. రెడీ అవ్వాలి అనిపిస్తే మాత్రం ఏ మాత్రం రాజీ పడను. కాన్ఫిడెంట్‌గా ఉండాలి..నా మనసుకు నచ్చిన డ్రెస్‌ వేసుకుంటాను కాబట్టి కాన్ఫిడెంట్‌గా కూడా ఉంటాను. నా స్నేహితుల జాబితాలో ఫ్యాషన్‌ డిజైనర్లు ఉన్నారు. వారి డిజైన్స్‌ నాతో ట్రై చేస్తుంటారు. వాటిలో నచ్చినవి తీసుకుంటాను.అమ్మ చీరలను కొత్తగా!అమ్మ కట్టుకునే చీరలు చూసి నాకూ అలా చీరలు కట్టుకోవాలనిపిస్తుంది. మా అమ్మకు మూడు బీరువాల చీరలున్నాయి. రెగ్యులర్‌ చీరలు తప్ప వాటిని కట్టుకోదు. దీంతో అమ్మ చీరలను నేను కట్టుకుంటుంటాను. ‘అంచు చీరలు నీవేం కట్టుకుంటావు, పెద్దదానిలా’ అంటుంది. కానీ, బ్లౌజ్‌ డిజైన్‌తో స్టైలిష్‌ లుక్‌ తీసుకువస్తాను. దీంతో అమ్మ కూడా ఆశ్చర్యపోతూ ‘చాలా బాగుంది’ అని కితాబు ఇచ్చేస్తుంది. పండగలు, కుటుంబ ఫంక్షన్లు, వేడుకలకు సందర్భానికి తగినట్టు లంగాఓణీలు, పట్టుచీరలు అన్నీ ప్రయత్నిస్తాను.భిన్నంగా ఉండాలని..రచయిత్రి అనగానే ముతక చీరలు, కళ్లద్దాలు ఉండాలని చాలా మంది అనుకునేవారు. కానీ, నా వార్డ్రోబ్‌ మాత్రం వాటన్నింటికన్నా భిన్నం. రచయిత్రులు అంటే ఇలాగే ఉండాలి అనే ఆలోచనల్లోనుంచి ఒక మార్పు తీసుకురావాలని బుక్‌ లాంచింగ్‌ వంటి కార్యక్రమాలకు జీన్స్, టాప్స్‌ ట్రై చేస్తుంటాను. ప్రతీ రోజూ కొత్తగా ఉండాలనుకుంటాను. ఏ డ్రెస్‌ వేసుకొని రెడీ అవుతామో ఆ రోజు ఆ డ్రెస్‌ ప్రభావం మన మీద ఉంటుంది.ఫ్యాషన్‌ షోలు..దేశ, విదేశాల్లోనూ ఫ్యాషన్‌ షోలు నడుస్తుంటాయి. వాటిలో ప్రసిద్ధ డిజైనర్లు సీజన్‌ని బట్టి కలర్, డిజైన్‌ థీమ్‌ని పరిచయం చేస్తుంటారు. వాటి కోసం ఆన్‌లైన్‌ సెర్చింగ్‌తో పాటు, ఫ్యాషన్‌ మ్యాగజీన్స్‌ కూడా చూస్తుంటాను. ఆ కలర్‌ డ్రెస్‌ కాంబినేషన్స్‌ నేనూ ప్రయత్నిస్తుంటాను. ఎక్కువగా మాత్రం బ్లాక్‌ అండ్‌ వైట్‌ కలర్స్‌ ఇష్టపడతాను. ఆ కాంబినేషన్‌ డ్రెస్సులు కూడా చాలానే ఉన్నాయి నా దగ్గర’’ అంటూ వార్డ్‌రోబ్‌ విశేషాలను షేర్‌ చేసుకుంది. – నిర్మలారెడ్డి

సాక్షి, సిటీబ్యూరో: ఒకేరోజున ముగ్గురు ఆల్‌ ఇండియా టాప్‌ క్లాస్‌ ఫ్యాషన్‌ డిజైనర్లు తమ డిజైన్లతో నగరాన్ని పలకరించారు. తమదైన శైలికి చెందిన అంతర్జాతీయ దుస్తుల శ్రేణిని నగరవాసులకు అందుబాటులోకి తెచ్చారు. దేశంలోనే అగ్రగామి డిజైనర్లుగా పేరొందిన ఢిల్లీకి చెందిన అబ్రహమ్, ఠాకూర్‌ ద్వయంతో పాటు రాహుల్‌ మిశ్రాలు హాజరయ్యారు.అదే విధంగా ప్రముఖ డిజైనర్‌ దుస్తుల బ్రాండ్‌ సత్యపాల్‌.. బంజారాహిల్స్‌ రోడ్‌ నెం1లో ఉన్న సత్వా సిగ్నేచర్‌ టవర్‌లో వరుసగా తమ స్టోర్స్‌ను ఏర్పాటు చేయడంతో పాటు ఒకేరోజున వాటిని ప్రారంభించారు. సిటీ ఫ్యాషన్‌ సర్కిల్‌లో సందడి నింపిన ఈ అత్యాధునిక దుస్తుల స్టోర్ల ప్రారం¿ోత్సవం, లాంచింగ్‌ పారీ్టలకు సినీనటులు తమన్నా, నిహారికా, శోభితా దూళిపాళ్ల, సిరత్‌ కపూర్‌తో పాటు నగరంలోని పలువురు సెలబ్రిటీలు హాజరై డిజైనర్లకు అభినంధనలు తెలిపారు. ఈ సందర్భంగా హాజరైన అతిథులతో డిజైనర్లు తమ కలెక్షన్స్‌ గురించిన విశేషాలను పంచుకున్నారు.

ఒక వ్యక్తి ఫుడ్‌ డెలివరీ స్థాయి నుంచి మోడల్‌గా ఎదిగి అందరిచేత శెభాష్‌ అనిపించుకున్నాడు. తన కలను సాకారంచేసుకునేందుకు అతను పడిన కష్టాలు, అవమానాలు ఎందరికో స్ఫూర్తినిస్తుంది. అతనెవరు? ఎలా తన కలను సాకారం చేసుకున్నాడంటే..ముంబైకి చెందిన సాహిల్‌ సింగ్‌ మోడల్‌గా తన సక్సెస్‌ జర్నీ ఎలా సాగిందో సోషల్‌ మీడియా వేదికగా షేర్‌ చేసుకున్నారు. తాను రెండేళ్లు స్విగ్గీ డెలివరీ ఏజెంట్‌గా పనిచేసినట్లు తెలిపారు. ఆ తర్వాత బర్గర్‌ కింగ్‌లో ఒక ఏడాది చెఫ్‌ పనిచేసినట్లు చెప్పుకొచ్చాడు. తన తొలి మోడలింగ్‌ ప్రదర్శనకు ముందు ఎనిమిది నెలలు పాటు మ్యాంగో మార్ట్‌లో పనిచేసినట్లు వివరించాడు. అంతేగాదు పాఠశాల విద్య పూర్తి అయిన తర్వాత నుంచే పలు రకాల ఉద్యోగాలు చేసినట్లు తెలిపాడు. అయితే స్విగ్గీ ఫుడ్‌ డెలివరీ ఏజెంట్‌గా నెలకు రూ. 18,000 నుంచి రూ. 22,000 సంపాదించినట్లు తెలిపాడు. 2009లో ఓ మోడల్‌ పోస్టర్‌ చూసిన తర్వాత తాను ఏం చేయాలనేది తెలిసిందన్నాడు. ఆ తర్వాత మోడల్‌ అయ్యేందుకు కావాల్సిన పరిజ్ఞానంపై దృష్టిసారించినట్లు తెలిపాడు. అందుకోసం రోడ్డుపక్కనే వాలెట్‌లు వంటివి అమ్మేవాడినని కూడా చెప్పుకొచ్చాడు. అంతేగాదు దాదాపు 200 ఆడిషన్స్‌ చేసినట్లు తెలిపాడు. అలా ఈ ఏడాది చివరికి ర్యాంప్‌పై నడిచే అవకాశాన్ని దక్కించుకోగలిగాని ఆనందంగా చెప్పాడు. తనను మోడల్‌గా స్ట్రీక్స్‌ అనే ఫ్యాషన్‌ సంస్థ ఎంపిక చేసినట్లు వెల్లడించాడు. తనలోని లోపాలను గురించి కూడా నిజాయితీగా వివరించాడు. తన ఎత్తు కేవలం 5 అడుగుల 10 అంగుళాలని, ఇది బెస్ట్‌ మోడల్‌గా ఎంపికయ్యేందుకు కావాల్సిన అర్హత కాదని చెప్పాడు. తాను ర్యాంప్‌పై నడిచేలా అనుమతించమని పదేపదే అభ్యర్థించాల్సి వచ్చేదని అన్నారు. అయితే స్ట్రీక్స్‌ తనను హీల్స్‌ ధరించాలనే షరతుపై వారు అందుకు అంగీకరించినట్లు తెలిపారు. అంతేగాదు మోడల్‌ అయ్యేందుకు ఎలాంటి టెక్నీక్స్‌ ఫాలో అవ్వాలో సూచించాడు. అంతేగాదు ఈ ఫీల్డ్‌లోకి కొత్తగా వెళ్తున్నవారికి మార్గదర్శకత్వం వహించేలా ఇన్‌స్టాగ్రాంలో కొత్త సిరిస్‌ ప్రారంభించాడు. అలాగే మోడలింగ్‌ రంగంలో రాణించాలంటే ఫోటోగ్రాఫర్‌లు, స్టైలిస్ట్‌లు, డిజైనర్లు, మంచి స్టూడియో వ్యక్తులు వంటి నెట్‌వర్క్‌ ఉండాలి. అప్పుడే ఈజీగా మోడల్‌ అవ్వగలరని చెబుతున్నాడు. ఈ నెట్‌వర్క్‌ కోసం సోషల్‌ మీడియా వంటి సాయంతో అలాంటి వ్యక్తులకు టచ్‌లో ఉండేలా నేరుగా మెసేజ్‌లు పెట్టడం, ఇమెయిల్స్‌ పంపడం వంటివి చేయాలని సూచించాడు. నిజంగా ఇతడి కథ ఎందరికో స్పూర్తి కదూ..!. View this post on Instagram A post shared by Sahil Singh | fashion & grooming tips | (@fashiontipssahil) (చదవండి: ప్రపంచ కొబ్బరి దినోత్సవం: కొబ్బరితో చేసే ప్రసిద్ధ వంటకాలివే..!)

సోఫా, బెడ్‌పైకి రకరకాల మోడల్స్‌లో కుషన్స్‌ కనపడుతుంటాయి. వాటిల్లో డాన్సింగ్‌ కుషన్స్‌ని చూశారా? ఎంబ్రాయిడరీ, ప్యాచ్‌వర్క్, పెయింటింగ్‌ కాంబినేషన్స్‌తో రూపుదిద్దుకునే ఈ కుషన్‌ డిజైన్స్‌ సృజనాత్మకతకు అద్దంపడతాయి. లివింగ్‌ రూమ్, బెడ్‌ రూమ్, కిడ్స్‌ రూమ్స్‌కి ప్రత్యేక ఆకర్షణగా నిలుస్తాయి.పిల్లల ఫ్రాక్స్‌ను పోలిన నెటెడ్‌ మెటీరియల్‌తో డిజైన్‌ చేసి, అటాచ్‌ చేసిన డాన్సింగ్‌ డాల్స్‌ని కుషన్‌ కవర్స్‌కి జతచేసినా.. డోర్స్‌కి హ్యాంగ్‌ చేసినా అదనపు హంగునిస్తాయి. ఈ డెకరేటివ్‌ కుషన్స్‌ని వివాహ వేడుకలు, పిల్లల పుట్టినరోజు పార్టీల కోసం కూడా డిజైన్‌ చేస్తున్నారు క్రియేటర్స్‌. వీటిలో నెటెడ్, లేస్, ముత్యాలు, కలర్‌ రిబ్బన్స్‌ వంటి వాటì నీ ఉపయోగిస్తున్నారు.

ఫ్యాషన్‌ అండ్‌ లైఫ్‌ స్టయిల్‌ బ్లాగర్‌. ‘The Style Edge’ ఫౌండర్‌. సోషల్‌ మీడియా స్టార్‌. ఇన్‌స్టాలో ఆమెకు ఏడు లక్షలకు పైగా ఫ్యాన్స్‌ ఉన్నారు. సొంతూరు ముంబై. ఆర్కిటెక్చర్‌లో గ్రాడ్యుయేషన్‌ చేసింది.కాలేజీ రోజుల్లోనే తన పేరు మీదే యూట్యూబ్‌ చానెల్‌ స్టార్ట్‌ చేసింది. డార్క్‌ స్కిన్‌ వల్ల తను ఎదుర్కొన్న వివక్షను వివరిస్తూ చేసిన వీడియోతో పాపులర్‌ అయింది. అది ఆమెకు మోడలింగ్‌ చాన్స్‌నిచ్చింది. ర్యాంప్‌ మీద షో స్టాపర్‌గా నిలిచింది. ‘Grazia India’ లాంటి ఫ్యాషన్‌ మ్యాగజీన్‌లు ఆమె ఫొటోతో కవర్‌ పేజ్‌ని మేకప్‌ చేసుకున్నాయి. బెస్ట్‌ ఫ్యాషన్‌ బ్లాగర్‌గా ఎన్నో అవార్డులూ అందుకుంది సంతోషి శెట్టి.ఇవి చదవండి: హెల్త్‌ ఎమర్జెన్సీ ప్రకటించండి

రంగుల్లో పింక్‌తో, కాస్ట్యూమ్స్‌లో స్కర్ట్‌తో మగవాళ్లకు స్టయిలింగ్‌ చేసి.. ఫ్యాషన్‌కి ముఖ్యంగా డ్రెసింగ్‌కి, కలర్స్‌కి జెండర్‌ లేదు.. కంఫర్టే ముఖ్యం అంటూ దేశంలో మెన్‌ ఫ్యాషన్‌ గ్రామర్‌ని, గ్లామర్‌ని మార్చేసిన స్టయిలిస్ట్‌.. నితాశా గౌరవ్‌! రణ్‌వీర్‌ సింగ్‌ పర్సనల్‌ స్టయిలిస్ట్‌!‘న్యూస్‌ పేపర్స్, అన్నిరకాల మ్యాగజీన్స్, బుక్స్, ఆర్ట్, ట్రావెల్, నేచర్, మ్యూజిక్‌.. ఇవన్నీ నాకు ఇన్‌స్పిరేషనే! స్టయిల్‌ అండ్‌ ఫ్యాషన్‌కి మినిమలిజం, మాగ్జిమలిజం రెండూ అవసరమే! ఈ రంగంలో రాణించాలంటే ఫ్యాషన్‌కి సంబంధించిన ఫార్మల్‌ ఎడ్యుకేషన్‌ తప్పనిసరి. పనిని ప్రేమించాలి’ అని చెబుతుంది నితాశా గౌరవ్‌. నితాశా.. లండన్‌ కాలేజ్‌ ఆఫ్‌ ఫ్యాషన్, న్యూయార్క్‌లోని ఫ్యాషన్‌ ఇన్‌స్టిట్యూట్‌ ఆఫ్‌ టెక్నాలజీలో ఫ్యాషన్‌కి సంబంధించిన ఫార్మల్‌ ఎడ్యుకేషన్‌ని పూర్తిచేసింది. ఇండియాకు తిరిగి రాగానే ఫెమినా ఇండియాలో ఉద్యోగంతో ఫ్యాషన్‌ కెరీర్‌ని మొదలుపెట్టింది. ఫెమినాలో నాలుగేళ్ల కొలువు తర్వాత నిఫ్ట్, ఫ్యాషన్‌ కమ్యూనికేషన్‌ డిపార్ట్‌మెంట్‌లో చేరింది. అందులో కొన్నాళ్లు చేశాక.. ఇండిపెండెంట్‌గా ఏదైనా స్టార్ట్‌ చేయాలని ఆలోచిస్తున్నప్పుడే కొన్ని ఫ్యాషన్‌ షోస్‌కి, షూట్స్‌లో మోడల్స్‌కి స్టయిలింగ్‌ చేసే చాన్స్‌ రావడంతో ఆ పనిలో పడిపోయింది.అలాంటి ఒకానొక సందర్భంలో ఫిల్మ్‌ఫేర్‌ షూట్‌కి బాలీవుడ్‌ హీరో రణ్‌వీర్‌ సింగ్‌కి స్టయిలింగ్‌ చేసే అవకాశం దొరికింది. ఆ క్రమంలో నితాశా ఆలోచనలు, పని విధానం రణ్‌వీర్‌కి నచ్చాయి. ముఖ్యంగా ఫెమినైన్‌ అనుకునే కలర్స్, డ్రెసెస్‌తో ఆమె తనకు స్టయిలింగ్‌ చేస్తున్న తీరు మరీ నచ్చింది. దాంతో. తర్వాత కూడా చాలా ఈవెంట్స్‌కీ వాళ్ల అసోసియేషన్‌ కొనసాగింది. అలా రణ్‌వీర్‌కి ఆమె ఇచ్చిన కొత్త లుక్‌.. టాక్‌ ఆఫ్‌ ద కంట్రీ అవడంతో సెకండ్‌ థాట్‌ లేకుండా నితాశాను తన పర్సనల్‌ స్టయిలిస్ట్‌గా అపాయింట్‌ చేసుకున్నాడు రణ్‌వీర్‌. అది ఆమె ఊహించనిది. మనసులో సంతోషం కుదిపేస్తున్న బాధ్యత ఆమెను స్టడీగా నిలబెట్టింది.రణ్‌వీర్‌కి పర్సనల్‌ స్టయిలిస్ట్‌ అంటే ఆమె క్రియేటివిటీకీ అతనికున్నంత దూకుడు, ఎనర్జీ ఉండాలి! ‘యెస్‌..’ అనుకుంటూ ఆ జాబ్‌ని చాలెంజింగ్‌గా తీసుకుంది. నిలబెట్టుకుంది. స్టయిలిస్ట్‌గా తనను ఎంచుకోవడంలో రణవీర్‌ తీసుకున్న నిర్ణయానికి అతన్ని గర్వపడేలా చేసిందే తప్ప‘ఇట్‌ హ్యాపెన్స్‌’ అని సర్దుకుపోయేలా చేయలేదు. గల్లీ బాయ్, బేఫిక్రే లాంటి సినిమాలే అందుకు దృష్టాంతాలు. ఆమె అనుష్కాకూ పనిచేసింది స్టయిలిస్ట్‌గా ‘జబ్‌ హ్యారీ మెట్‌ సెజల్‌’ సినిమాలో!ఫ్యాషన్‌ రూల్‌ బుక్‌ని అన్‌ఫాలో కావడమే ఆమె ప్రత్యేకత. డిఫరెంట్‌ స్టయిల్స్‌ని మిక్స్‌ అండ్‌ మ్యాచ్‌ చేయడంలో దిట్ట ఆమె! ఆ స్పెషాలిటీ, ఆ ఫ్యూజన్‌కి ధనుష్, అర్జున్‌ కపూర్, షాహిద్‌ కపూర్, అభయ్‌ డియోల్‌లూ ముచ్చటపడి.. వాళ్లూ ఆమెను పర్సనల్‌ స్టయిలిస్ట్‌గా అపాయింట్‌ చేసుకున్నారు.ఇవి చదవండి: ‘పంచాయతీ’ రిజర్వేషన్లు మారుతాయి

‘మనం ఎలా ఉంటున్నామో మన వార్డ్‌రోబ్‌ మనకే పరిచయం చేస్తుంది అందుకే, పర్ఫెక్ట్‌ ప్లాన్‌ కంపల్సరీగా ఉండాల్సిందే. అలాగని ఎప్పుడూ షాపింగ్‌ చేయాల్సిన అవసరం లేదు. ఉన్న వాటినే కొద్దిపాటి మార్పులతో మనదైన బడ్జెట్‌లో స్టయిలిష్‌ లుక్‌తో మార్కులు కొట్టేసేలా డిజైన్‌ చేసుకోవాలి. సందర్భానుసారమే కాదు సీజన్‌ని బట్టి కూడా ఎంపిక ఉండాలి..’ అంటూ తన వార్డ్‌రోబ్‌ ముచ్చట్లను మనతో పంచుకుంటున్నారు హైదరాబాద్‌ గచ్చిబౌలిలో ఉంటున్న సుమిత కందిమళ్ల.కొన్ని మార్పులే.. కొత్తగా!ఓల్డ్‌ శారీస్‌తో న్యూ లుక్‌ ఈ రోజుల్లో ఒక మంచి డిజైన్‌ ఘాగ్రా కొనాలంటే చాలా ఖర్చు. అందుకని, అదే మోడల్స్‌లో అంతే లుక్‌తో ఉండే తక్కువ రేట్‌ లెహంగాలు ఆన్‌లైన్‌ వేదికలపై వెతికి తీసుకుంటాను. పాతికేళ్ల క్రితం ఉన్న చీరలను రీయూజ్‌ చేయాలనే ఆలోచనతో చుడీదార్స్, లెహంగాలను డిజైన్‌ చేయిస్తుంటాను. చేనేతలకు పేరొందిన ్రపాంతాలకు వెళ్లినప్పుడు అక్కడి స్థానిక మార్కెట్‌లో షాపింగ్‌ చేస్తాను. దీని వల్ల తక్కువ బడ్జెట్‌లో అనుకున్నవి లభిస్తాయి.డిజైన్స్‌కి ముందుగా డ్రాయింగ్‌..శారీస్‌ను బట్టి బ్లౌజ్‌ డిజైన్స్‌ నాకేవి బాగుంటాయో ఒక పేపర్‌ మీద డ్రా చేసుకుంటాను. ఆ తర్వాత ఎప్పుడూ కుట్టించే టైలర్‌ దగ్గర ఇస్తాను. మనం ఉండే ప్లేస్, వాతావరణాన్ని బట్టి కూడా స్టైల్‌ మార్చుకోవాల్సి ఉంటుంది. నైట్‌ పార్టీ అయితే షిమ్మర్, గ్లిట్టర్‌ లైట్‌ వెయిట్‌ డ్రెస్సులను ఎంపిక చేసుకుంటాను. వేసవిలో కంచిపట్టు కాకుండా బెనారస్, షిఫాన్స్‌ని ఎంపిక చేసుకుంటాను. పూజలు అంటే పట్టు చీరలు సహజమే. పెళ్లి, రిసెప్షన్‌ వంటివాటికి చీరలు కట్టినా హెయిర్‌స్టైల్స్‌లో మార్పులు చేసుకుంటాను. జ్యువెలరీని కూడా మిక్స్‌ అండ్‌ మ్యాచ్‌ చేస్తుంటాను. వీటికి తగినట్లుగా డిజైనర్‌ బ్యాగ్స్, సన్‌గ్లాసెస్, వాచీ కలెక్షన్స్‌ యూజ్‌ చేస్తాను.కలర్స్‌.. కాంట్రాస్ట్‌..ఎప్పుడూ ఒకే తరహా వేస్తే డ్రెస్సింగ్‌ అయినా, కలర్‌ కాంబినేషన్స్‌ అయినా బోర్‌గా అనిపిస్తుంది. కొన్నిసార్లు గ్రీన్‌ షేడ్స్‌లో కావాలనుకుంటే మోనోక్రోమ్‌ లుక్‌లో ప్లాన్‌ చేసుకుంటాను. ఒక్కోసారి పూర్తిగా కాంట్రాస్ట్‌ వేసుకుంటాను. నా డ్రెస్సింగ్‌ లేదా మేకప్‌లో ఏమైనా చేంజెస్‌ కోసం మా అమ్మాయిల సూచనలూ తీసుకుంటాను. బర్త్‌ డే పార్టీలకు పూర్తిగా వెస్ట్రన్‌ వేర్, డే టైమ్‌ అయితే నీ లెంగ్త్, ఈవెనింగ్‌ అయితే షార్ట్స్‌ కూడా ప్లాన్‌ చేసుకుంటాను. కొన్నింటిని డెనిమ్, లెదర్‌ జాకెట్స్‌తో కవర్‌ చేసేవీ ఉంటాయి.ముగ్గురం... డిఫరెంట్‌గా!నాకు ఇద్దరూ అమ్మాయిలే కాబట్టి నాతోపాటు వారికీ అన్నీ సెట్‌ చేయాల్సిందే. చాలావరకు ఫ్యామిలీ కాంబినేషన్‌ సేమ్‌ కలర్‌ థీమ్‌ అంటుంటారు. కానీ, ఒక్కొక్కరు ఒక్కో స్కిన్‌ టోన్‌లో ఉంటారు. వారికి నచ్చిన కలర్‌ కాంబినేషన్స్‌ తీసుకొని ప్లాన్‌ చేస్తాను. ఒకరిని ట్రెడిషనల్‌గా, మరొకరిని ఫ్యాన్సీగా తయారు చేస్తాను. నేను వారికి భిన్నంగా ఉండేలా ప్లాన్‌ చేసుకుంటాను.ఒకరికి బ్రేస్‌లెట్స్‌ ఇష్టం, మరొకరికి రింగ్స్‌ ఇష్టం. నాకు గాజులు బాగా ఇష్టం. ఒకరు బ్రేస్‌లెట్‌ ధరిస్తే, మరొకరు పది, పదకొండు రింగ్స్‌ పెట్టుకుంటారు. ఇంకొకరు బ్యాంగిల్స్‌ ఎక్కువగా వేసుకుంటారు.తిరుపతికి వెళితే అక్కడి నుంచి రకరకాల గాజులు కొనుక్కొస్తాను. డ్రెస్‌కు తగినట్టు గాజులు అలా సెట్‌ చేస్తాను. ప్రతి ఫంక్షన్స్‌కి 2–3 రోజుల ముందే ప్రతిదీ సెట్‌ చేసి ఉంచుతాను.ఆల్‌టైమ్‌ ఫేవరెట్‌..మగ్గం వర్క్‌లో థ్రెడ్‌ వర్క్‌ కన్నా జర్దోసి వర్క్‌ చాలా ఇష్టం. అందుకే, వెల్వెట్‌ మీద హెవీ వర్క్‌ చేయించాను. ఇది ఎప్పటికీ ట్రెండ్‌లో ఉంటుంది. వెల్వెట్‌ లెహంగాకి ఎంబ్రాయిడరీ చేయించాను. దానికి బ్లౌజ్‌ మారుస్తుంటాను. మగ్గం వర్క్‌లో క్వాలిటీ మాత్రం మిస్‌ కాకూడదు.పాతదైనా ప్రత్యేకమే..మా అమ్మమ్మ చీరల్లో నుంచి నా దగ్గరకు ఒక గద్వాల కాటన్‌ శారీ వచ్చింది. అప్పటి నేత ఇప్పటికీ బాగుంటుంది. దానిని కూడా డిజైనర్‌ బ్లౌజ్‌తో ఫంక్షన్స్‌కి కట్టుకుంటాను. ఏ చీర కొన్నా నా తర్వాత నా పిల్లలకు ఆ చీరలు వెళ్లేలా ప్లాన్‌ చేసుకుంటాను. నా పెళ్లప్పుడు కొన్న కోటా చీర ఇప్పటికీ కట్టుకుంటాను.

సాక్షి, సిటీబ్యూరో: ఫెమినా మిస్‌ ఇండియా..! ఈ స్థాయికి చేరుకోవడం ఎంతో మంది ఫ్యాషన్‌ ఔత్సాహికుల చిరకాల కోరిక. సౌందర్య రంగంలో అత్యున్నత స్థానమైన ఫెమినా మిస్‌ ఇండియాగా నిలవాలంటే దేహ సౌందర్యమే కాదు.. ఆత్మ సౌందర్యం, విజ్ఞాన కౌశలం, సేవా తత్పరత అన్నింటికీ మించి ఆత్మస్థైర్యం కూడా ఉండాలంటున్నారు ఫెమినా మిస్‌ తెలంగాణ ప్రకృతి కంబం. ఈ సారి ఫెమినా మిస్‌ ఇండియా పోటీలకు తెలంగాణ రాష్ట్రం నుంచి ప్రకృతి కంబం ఎంపికయ్యారు. ఇందులో భాగంగా ముంబై వేదికగా జరిగిన ప్రీ ఫెమినా మిస్‌ ఇండియా పేజెంట్స్‌లో తన ప్రత్యేకతను చాటుకుని ఫెమినా మిస్‌ తెలంగాణ–2024గా నిలిచారు. మరి కొద్ది రోజుల్లో జరగనున్న ఫెమినా మిస్‌ ఇండియా పోటీల్లో దేశవ్యాప్తంగా పాల్గొనే 30 మంది అందాల ముద్దుగుమ్మల్లో తానూ ఒకరు. ఈ నేపథ్యంలో తన ప్రయాణంలోని అనుభవాలు, అనుభూతులను ‘సాక్షి’తో పంచుకున్నారు. ఆ విషయాలు ఆమె మాటల్లోనే..ఫైనల్స్‌లో తెలుగమ్మాయి..ఫెమినా మిస్‌ ఇండియా కిరీటాన్ని గెలుచుకోవడం నా చిరకాల స్వప్నం. గతంలో జరిగిన సౌందర్య పోటీల్లో పాల్గొని టాప్‌ 5 స్థానంలో నిలిచి ఆ కిరీటాన్ని అందుకోలేకపోయాను. కానీ ఈ సారి ఫెమినా మిస్‌ ఇండియా క్రౌన్‌ గెలిచి హైదరాబాద్‌ ఖ్యాతిని విశ్వవ్యాప్తం చేయాలని ధృడ నిశ్చయంతో ఉన్నారు. మిస్‌ వరల్డ్‌ పోటీలకు దేశం నుంచి ప్రాతినిథ్యం వహించాలన్నా కూడా ఫెమినా మిస్‌ ఇండియా కిరీటమే ప్రామాణికం. ఫైనలిస్టుగా ఎంపిక చేయడానికి బెంగళూరులో జరిగిన ఆడిషన్స్‌లో ప్రతి రాష్ట్రం నుంచి దాదాపు రెండు వందల మంది ష్యాషన్‌ ఔత్సాహికులు పాల్గొన్నారు. అందులో ఎంపిక చేసిన కొద్ది మందితో ముంబైలో మరో పేజెంట్‌ నిర్వహించగా.. అందులో ఫెమినా మిస్‌ తెలంగాణగా నేను నిలవడం ఎంతో ఆనందాన్నిచ్చింది.జీవితం నేర్పిన పాఠాలు..నా జీవితంలో స్వతహాగా ఎదుర్కొన్న విపత్కర పరిస్థితులు, అడ్డంకులే నన్ను ఈ స్థాయికి చేర్చాయని అనుకుంటాను. ప్రతి సమస్య నుంచీ, ప్రతి సందర్భం నుంచీ జీవిత పాఠాలను నేర్చుకున్నాను. సౌందర్య రంగం అంటే అందంగా ఉంటే సరిపోతుందిని అంతా అనుకుంటారు. కానీ.. అందంతో పాటు ఆలోచనలు, అభిరుచులు, సంపూర్ణమైన వ్యక్తిత్వం, సామాజిక బాధ్యత–అవగాహన ఇలా పలు అంశాలను పరిశీలించాకే, పరీక్షించాకే ఆ గౌరవమైన స్థానానికి ఎంపిక చేస్తారు. మల్టీ క్వీన్‌...నాకు 5 భాషల్లో ప్రావీణ్యముంది. ఫ్యాషన్‌తో పాటు థ్రోబాల్, బ్యాడ్మింటన్, స్విమ్మింగ్, బాస్కెట్‌బాల్, క్యారమ్‌ వంటి క్రీడల్లో ఛాంపియన్‌ని. పలు ఈవెంట్లలో ట్రాక్‌ ఫీల్డ్‌ అథ్లెట్‌గా విజేతగా నిలిచాను. డ్యాన్స్‌–కొరియోగ్రఫీలో మంచి ప్రావీణ్యముంది. బాలీవుడ్, జాజ్, బ్యాలే, ఫోక్, సౌత్‌ స్టైల్స్‌ ఇలా అన్ని స్టెప్పుల్లో వైవిధ్యాన్ని ప్రదర్శించగలను. క్విల్లింగ్, పాట్‌ పెయింటింగ్, గ్లాస్‌ పెయింటింగ్, మండాల ఆర్ట్స్‌ వంటి పలు కళల్లో మంచి పట్టు ఉంది. సమర్థవంతమైన అమ్మాయిగా నిలవడంలో ఈ అంశాలన్నీ దోహదపడ్డాయి. ఫ్యాషన్‌ రంగానికి సంబంధించి గతంలో మిస్‌ గ్రాండ్‌ కర్ణాటక, టైమ్స్‌ ఫ్రెస్‌ ఫేస్‌తో పాటు పలు పేజెంట్లలో విజేతగా నిలిచాను. యాక్టింగ్‌ పై మక్కువతో టాలీవుడ్‌ వేదికగా ఒక సినిమాలో నటించాను. మరికొద్ది రోజుల్లో వెండి తెరపైన విడుదల కానుంది. ఇవన్నీ చేయగలడంలో నా టైమ్‌ మేనేజ్మెంట్‌ కీలకపాత్ర పోషిస్తుంది.25 ఏళ్ల వయసులో..ఈ పోటీలకు అర్హత వయస్సు 25 ఏళ్లు మాత్రమే.. ఇంత చిన్న వయసులో సామాజికంగా, మానసికంగా, మోడలింగ్‌లో ఉన్నత భావజాలం ఉండాలంటే జీవితాన్ని అంకితం చేయాలి. నడక, నడవడిక, అందం, ఆలోచనలు, డ్రెస్సింగ్, మోడ్రన్‌ ట్రెండ్స్‌ ఇలా ప్రతీ విషయంలో ఉన్నతంగా ఉంటేనే ఈ పోటీల్లో రాణించగలం. అక్క దగ్గర మోడలింగ్, అమ్మా–నాన్నల దగ్గర సామాజిక అంశాల పైన అవగాహన పొందాను. బాక్స్‌ ఆఫ్‌ స్మైల్‌ పేరుతో అమ్మా నాన్నలు పేద విద్యార్థులకు చేసే సేవా కార్యక్రమాలు నాలో సామాజిక స్పృహను పెంచాయి.

కొన్ని రకాల నైపుణ్యాలు, తెలివితేటల జీన్స్‌ రీత్యా ఒకరి నుంచి ఒకరికి సంక్రమిస్తాయి. ఆ కుటుంబంలో అత్యంత ప్రతిభావంతుడు ఉంటే. ఆ పరంపర అతని తర్వాత తరంలో ఎవరో ఒకరు కొనసాగిస్తుంటారు. వెంటనే అతన్ని అంతకు ముందు జనరేషన్‌ వ్యక్తితో పోల్చుకుంటూ..ఆ వ్యక్తి జ్ఞాపకాలను గుర్తు తెచ్చుకోవడం సహజం. అలానే ఓ ప్రముఖ ఫ్యాషన్‌ ఐకాన్‌ని చూడగానే నాటి అందాల యువ రాణి దివంగత డయానాని గుర్తు తెచ్చుకుంటారు అంతా. ఇంతకీ ఎవరా మోడల్‌ అంటే..?ఆ మోడల్‌ పేరు కేథరిన్‌ కిట్టి ఎలియనోర్‌ స్పెన్సర్‌. ఆమె గ్లామర్‌తో ఫ్యాషన​్‌ ప్రపంచాన్ని శాసిస్తోంది. చూడటానికి దివంగత యువరాణి డయానాలా అందంగా ఉంటుంది. కిట్టి ఎర్ల్‌ స్పెన్సర్‌-విక్టోరియా ఐట్‌కెన్‌ల పెద్ద కుమార్తె. ఇక్కడ కిట్టి తండ్రికి స్వయనా అక్కే వేల్స్‌ దివంగత యవరాణి డయానా. అంటే కిట్టి స్వయానా.. డయాన మేనగోడలు. బహుశా ఆ జీన్స్‌ ఆమెలో కూడా ఉంటాయి కాబట్టి కిట్టి డయానాలా ఉండి ఉండొచ్చు. ఇక కిట్టీ 2015 నుంచి మోడల్‌గా మారింది. ఎస్టీ లాడర్, బల్గారి, వోగ్, రాల్ఫ్ లారెన్, జిమ్మెర్‌మాన్‌లతో సహా ప్రపంచంలోని అనేక ప్రతిష్టాత్మక బ్రాండ్‌లతో కలిసి పనిచేశారామె. ప్రిన్స్ హ్యారీ- మేఘన్ మార్క్లేల వివాహంలో తొలిసారిగా కిట్టీ పేరు మారు మ్రోగిపోయింది. మరో డయానాలా ఉందే అని అంతా అనుకున్నారు. ఆ తర్వాత టాట్లర్ కవర్‌పై మోడల్‌గా కనిపించిన ఆమెనే కిట్టి అని ప్రపంచమంతా గుర్తించడం ప్రారంభించింది. ఈ గుర్తింపే కిట్టిని ఫ్యాషన్‌ కెరియర్‌ మకుటం లేని రాణిని చేసింది. అయితే కిట్టీ తల్లి విక్టోరియా ఐట్కెన్‌ కూడా మాజీ బ్రిటిష్‌ మోడలే కావడం విశేషం. ఇక కిట్టి మోడలింగ్ ఏజెన్సీ స్టార్మ్ మేనేజ్‌మెంట్‌కు సంతకం చేయడమే గాక ఇటాలియన్ లగ్జరీ పవర్‌హౌస్ డోల్స్ అండ్‌ గబ్బానాకు గ్లోబల్‌ అంబాసిడర్‌గా కూడా ఉంది.వ్యక్తిగత జీవితం..బిలియనీర్ మైఖేల్ లూయిస్‌ని పరిణయమాడింది. అంతేగాదు తన వివాహ సమయంలో లగ్జరీ బ్రాండ్‌ ఫ్యాషన్‌ హౌస్‌ నుంచి డికాడెంట్‌ గౌనుని ధరించి అందర్నీ ఆశ్చర్యపరిచింది. ఇక కెరీర్‌ పరంగా.. ఆమె లండన్‌ రీజెంట్స్ యూనివర్శిటీలో లగ్జరీ బ్రాండ్ మేనేజ్‌మెంట్‌లో ప్రత్యేకత కలిగిన యూరోపియన్ బిజినెస్ స్కూల్ నుంచి మాస్టర్‌ డిగ్రీ పూర్తి చేసింది. కాగా, 33 ఏళ్ల కిట్టి ఇటీవలే పండంటి ఆడపిల్లకు జన్మనిచ్చింది. నాలుగు నెలల తర్వాత తన బిడ్డ పేరుని, ఫోటోని షేర్ చేసుకుంది.(చదవండి: హృదయాన్ని కదిలించే ఘటన: 19 ఏళ్ల తర్వాత భారత్‌లో తండ్రిని..!)

హైదరాబాద్: భారతీయ కళానైపుణ్యాన్ని ప్రోత్సహించే స్వదేశ్ బ్రాండ్, అంతర్జాతీయ వస్త్ర తయారీదారులు ఫాల్గుణి షేన్ పీకాక్‌తో కలిసి హైదరాబాద్‌లో స్వదేశ్ ఫ్లాగ్ షిప్ స్టోర్‌లో ప్రత్యేక ప్రదర్శనను ప్రకటించారు. ఫాల్గుణి షేన్ పీకాక్ 20వ వార్షికోత్సవంలో ఏర్పాటు చేసిన ఈ కార్యక్రమంలో సంప్రదాయ పద్ధతులను అత్యాధునిక ఫ్యాషన్ డిజైన్ తో మేళవించారు. కాంచీవరం సిల్క్స్, చికంకారీ ఎంబ్రాయిడరీ, బనారసి బ్రోకేడ్స్ వంటి ఐకానిక్ భారతీయ హస్తకళలు ఉన్నాయి.స్వదేశ్‌లో ప్రత్యేకంగా లభించే ఈ లిమిటెడ్ ఎడిషన్ కోచర్.. భారతీయ హస్తకళా వారసత్వాన్ని పునఃసమీక్షిస్తుంది. వినూత్న డిజైన్‌తో పాటు అద్భుతమైన కళానైపుణ్యాన్ని ప్రదర్శిస్తుంది. ఫాల్గుణి షేన్ పీకాక్ 20 సంవత్సరాల కాలంలో ప్రపంచవ్యాప్తంగా ప్రముఖ లగ్జరీ కోచర్ డిజైనర్‌గా తన స్థానాన్ని సుస్థిరం చేసుకుంది. సంప్రదాయ కళానైపుణ్యాన్ని జోడిస్తూ, రంగులతో ప్రయోగాలు చేస్తూ సరిహద్దులను విస్తరించింది. వర్చువల్ స్టైలింగ్ వంటి మార్గదర్శక ఫీచర్ల ద్వారా టెక్నాలజీ పరంగా బ్రాండ్ అభివృద్ధి చెందింది. అందుకే ఇది సెలబ్రిటీలకు సైతం నచ్చేసింది.రెండు దశాబ్దాల ఫ్యాషన్ ఆవిష్కరణను ప్రతిబింబిస్తూ, ఫాల్గుణి షేన్ పీకాక్ సహ వ్యవస్థాపకుడు షేన్ పీకాక్ ఇలా పేర్కొన్నాడు, "స్వదేశ్‌తో కలిసి నడవడం స్పెషల్‌గా అనిపిస్తోంది. ఎందుకంటే మా డిజైన్లకు భారతీయ హస్తకళ తోడవటంతో ఫ్యాషన్‌లో కొత్త కోణాలను అన్వేషించేందుకు ఉపయోగపడుతుంది. మొట్టమొదటిసారిగా భారత్‌తో పనిచేసి ఇక్కడి వారసత్వం, సంస్కృతి నుంచి ప్రేరణ పొందే ఆకృతులను తయారు చేశాం. ఈ లిమిటెడ్ ఎడిషన్ సేకరణలో క్లిష్టమైన జరీ వర్క్ తో బెస్పోక్ చీరలు ఉన్నాయి. హైదరాబాద్ లోని స్వదేశ్ స్టోర్‌ను సందర్శించేందుకు వస్త్రప్రియులను ఆహ్వానిస్తున్నాము" అని చెప్పారు.

ఉత్తర కొరియా అధ్యక్షుడు కిమ్ జోంగ్ ఉన్ నియంతృత్వ పాలన గురించి ప్రత్యేకంగా చెప్పాల్సిన పనిలేదు. పాలన ప్రజా రంజకంగా కంటే ప్రతి చిన్న విషయంపైనా ఆంక్షలు విధిస్తూ నిరంకుశత్వ ధోరణితో పాలన సాగిస్తాడు కిమ్‌. అక్కడ ప్రజల జీవిన విధానం దగ్గర నుంచి ధరించే దుస్తులపై కూడా ఆంక్షలు ఉంటాయి. 'స్వేచ్ఛ' అన్న పదానికి సంకేళ్లు వేసేలా ఉంటుంది అక్కడ ప్రజల జీవన విధానం. విచిత్రమేమిటంటే దీన్ని తమ జాతీయతను గౌరవించడమని సగర్వంగా చెప్పుకుంటుంది ఉత్తర కొరియా. ఇప్పుడు ఇదంతా ఎందుకంటే..జీన్స్‌ అంటే ఎంత క్రేజ్‌ అనేది ప్రత్యేకంగా చెప్పాల్సిన పనిలేదు. దేశ విదేశాల్లో యువత ఎంతో ఇష్టంగా ఫ్యాషన్‌ ట్రెండ్‌గా ధరిస్తుంది. అలాంటి జీన్స్‌ని ఉత్తర కొరియా బ్యాన్‌ చేయడమే గాక ధరించటాన్నే నేరంగా, ముప్పుగా చూస్తుంది. ఇలా ఎందుకంటే..!ఉత్తరకొరియ జీన్స్‌ని ఎందుకు బ్యాన్‌ చేసిందంటే..రెండో ప్రపంచ యుద్ధం తర్వాత 20వ శతాబ్దంలో కొరియా రెండు వేర్వేరు దేశాలుగా విడిపోయింది. దక్షిణ, ఉత్తర కొరియాలుగా విడిపోయింది. ప్రతి దేశం అమెరికాతో ప్రభావితమవుతుంది. అది ఆహార్యం, విద్య, ఫుడ్‌, టెక్నాలజీ పరంగా ప్రతి ఒక్క అంశంలోనూ ఆ దేశం ప్రభావం ఉంటుంది. అయితే అందుకు విరుద్ధం ఉత్తరకొరియా ఉంటుంది. ఇక్కడ దక్షిణ కొరియా అమెరికాకి మిత్ర దేశంగా ఉంటే..ఉత్తర కొరియా మాత్రం అమెరికాకి పూర్తి వ్యతిరేకి. అంతేగాదు ఆ దేశానికి సాన్నిహిత్యంగా ఉన్న ప్రతిదీ కూడా తనకి వ్యతిరేకం అన్నంతగా ఆ దేశాన్ని వ్యతిరేకిస్తుంది ఉత్తర కొరియా. అందులో భాగంగానే పాశ్చాత్య సంస్కృతి ప్రభావం తన దేశంపై పడటాన్ని అస్సలు ఇష్టపడదు ఉత్తర కొరియా. అందులోని జీన్స్‌ అమెరికాకి సంబంధించిన ఫ్యాషన్‌ శైలి. ఇది ఉత్తర కొరియా దృష్టిలో ఫ్యాంటు కాదు పాశ్చాత్య వ్యక్తిత్వం, స్వేచ్ఛ, తిరుగుబాటుకి చిహ్నంగా పరిగణిస్తుంది. అందువల్లే ఉత్తర కొరియా దేశ సంస్కృతికి అనుగుణంగా, క్రమశిక్షణ విధేయతకు పెద్ద పీఠవేసేలా ఆహార్యం ఉండాలని నొక్కి చెబుతుంది. ఈ జీన్స్‌ అనేది జస్ట్‌ ఫ్యాషన్‌ కాదు అంతకు మించి తీవ్రమైన ముప్పుగా పరిణిస్తుంది. అందువల్లే ఉద్యోగాలు, ఎడ్యుకేషన్‌ ఇండస్ట్రీలోనూ ఎక్కడ కూడా ప్రజలు జీన్స్‌ ధరించకూడదు. తమ దేశ సంప్రదాయానికి అనుగుణంగానే ఉండాలి. ఇది పాలనకు అత్యంత ముఖ్యమని ఉత్తర కొరియా విశ్వసించడం విశేషం. అంతేగాదు దీన్ని ఆ దేశం స్వచ్ఛమైన సామ్యవాదానికి అనుగుణంగా ఉండేలా చేయడమని విశ్వసిస్తోంది. ఈ జీన్స్‌ని తిరగుబాటుకు, ధిక్కారానికి చిహ్నంగా పేర్కొంటుంది. అందువల్లే తమ ప్రజలు ఈ నియమాన్ని ఉల్లంఘించకుండా ఉండేలా దుస్తుల కోడ్‌ని అమలు చేయడమే గాక వీధుల్లో అందుకోసం పోలీసుల చేత పెట్రోలింగ్‌ నిర్వహిస్తోంది కూడా. ఒకవేళ ఎవ్వరైన జీన్స్‌ ధరించి కనబడితే తీవ్రమైన పరిణామాలు ఎదుర్కొనవల్సి ఉంటుంది. ముఖ్యంగా జరిమానా, బహిరంగ అవమానం లేదా జైలు శిక్ష అనుభవించాల్సి ఉంటుంది. అక్కడ అధ్యక్షుడు కిమ్‌ తన పాలనపై పట్టు కోసం ప్రజల వ్యక్తిగత స్వేచ్ఛకు సంబంధించిన చిన్న చిన్న విషయాలపై కూడా ఆంక్షలు వేస్తూ నియంతలా పాలన చేస్తుంటాడని స్థానిక మీడియా పలు కథనాల్లో పేర్కొంది కూడా. (చదవండి: స్పేస్‌లో చిక్కుకుపోయిన సునీతా విలియమ్స్‌..అన్ని రోజులు ఉండిపోతే వచ్చే అనారోగ్య సమస్యలు?)

‘మనసుకు నచ్చిన రంగులు ఉండాలి. ట్రెండ్‌కు తగినట్టు ఉండాలి. స్పెషల్‌ లుక్‌ అనిపించాలి. అన్నింటికి మించి సౌకర్యంగా ఉండాలి’అంటూ ఎంచుకునే డ్రెస్సింగ్‌ విషయంలో తీసుకునే జాగ్రత్తల గురించి హైదరాబాద్‌లోని అత్తాపూర్‌లో ఉంటున్న నిఖితారెడ్డి తన వార్డ్‌రోబ్‌ ముచ్చట్లను ఈ విధంగా పంచుకున్నారు.ఐదేళ్ల లోపు పిల్లలకు ఎంబ్రాయిడరీ డ్రెస్సులు ఆన్‌లైన్‌లో చాలా డిజైన్స్‌ వస్తున్నాయి. నా శారీ కలర్‌ లేదా పార్టీ థీమ్‌ కలర్‌ని బట్టి వాటిని ఎంపిక చేసుకుంటాను. పాప వేసుకున్న పింక్‌ కలర్‌ లెహంగా, దుపట్టా అలా ప్లాన్‌ చేసిందే. పట్టు డ్రెస్సులు మాత్రం మెటీరియల్‌ తీసుకొని, స్టిచింగ్‌ చేయిస్తాను.కలర్‌ కాంబినేషన్స్‌..నా ఫేవరెట్‌ కలర్స్‌ ఆరెంజ్, పింక్‌. దీంతో నా వార్డ్‌రోబ్‌లో ఈ కలర్‌ కాంబినేషన్‌ డ్రెస్సులు ఎక్కువ చేరుతుంటాయి. అయితే, ఒకే విధంగా కాకుండా డిఫరెంట్‌ కాంబినేషన్స్‌లో ఉండేలా ప్లాన్‌ చేసుకుంటాను. చుడీదార్‌ ఎంపిక చేసుకున్నా ఒక చిన్న ఆరెంజ్‌ ఎలిమెంట్‌ అయినా ఉండాలి. ఇదే కాంబినేషన్‌లో బేబీ షవర్‌ సమయంలో మా ఫ్యామిలీ షూట్‌కి పట్టుచీర, కుర్తా పైజామా సెట్‌ ఆరెంజ్‌ కాంబినేషన్‌ ఉండేలా ప్రత్యేకంగా డిజైన్‌ చేయించుకున్నాం.సెలబ్రిటీ స్టయిల్‌..ఆరెంజ్‌ శారీ స్టైల్‌లో నటి అదితీరావు హైదరీ ఫొటో సోషల్‌ మీడియా లో చూశాను. నాకు బాగా నచ్చింది. ఆ విధంగా ఉండాలని ఆరెంజ్‌ శారీ, బ్లౌజ్‌ మెటీరియల్‌ అన్నీ సొంతంగా ఎంపిక చేసుకుని, డిజైన్‌ చేయించుకున్నాను. ముత్యాలు, పచ్చలు, కుందన్స్‌ కాంబినేషన్‌ జ్యువెలరీని దానికి సెట్‌ చేశాను.మిక్స్‌ అండ్‌ మ్యాచ్‌..పెళ్లి సమయంలో తీసుకున్న చీరలు, అమ్మవాళ్లు కానుకగా ఇచ్చినవి.. ప్రత్యేక సందర్భాలలో వేసుకోవడానికి బ్లౌజ్‌ డిజైన్స్‌ ద్వారా మార్పులు చేస్తుంటాను. కానీ, చాలా వరకు ఏ డ్రెస్‌ సెట్‌ ఎలా ఉంటే అలాగే వేసుకోవాలనుకుంటాను. పెద్దగా మిక్స్‌ అండ్‌ మ్యాచ్‌ చేయను.థీమ్‌ పార్టీలు..ముందుగా కంఫర్ట్‌గా ఉండే డ్రెస్సులకే ్రపాధాన్యత ఇస్తాను. ఇప్పుడు మదర్‌ డాటర్‌ కాంబినేషన్‌ సెట్స్‌ వస్తున్నాయి. వాటిని ప్లాన్‌ చేస్తాను. అలాగే, పాపకు నాకు బర్త్‌ డే గిఫ్ట్స్‌ డ్రెస్సులు వస్తుంటాయి. వాటిని చిన్న మార్పులతో థీమ్డ్‌ పార్టీలకు ప్లాన్‌ చేస్తాను.ఎంబ్రాయిడరీ.. క్వాలిటీ ఫస్ట్‌..ఫ్లోరల్‌ ప్రింట్స్‌ స్టోర్స్‌లోనూ ఆన్‌లైన్‌లోనూ మార్కెట్‌లో ఎంపిక చేసుకుంటాను. కానీ, ఎంబ్రాయిడరీ అయితే కొన్ని ప్రత్యేకమైన చోట్లనే బాగుంటాయి. డిజైన్‌ పరంగానూ, క్వాలిటీ పరంగానూ బాగున్నవి అయితేనే ఎంబ్రాయిడరీ డ్రెస్సులను ఎంపిక చేసుకుంటాను.ఫ్లోరల్స్‌..దగ్గరి బంధువుల పెళ్లిలో ప్రతిదీ వేడుకగా ఉండాల్సిందే. ముఖ్యంగా సంగీత్, హల్దీ, రిసెప్షన్‌.. వంటి వేడుకలకు వైవిధ్యంగా ఉండాలి. హల్దీ ఫంక్షన్‌ కోసం రెడీ అవ్వడానికి ఫ్లోరల్‌ డిజైన్స్, ఫ్లోరల్‌ జ్యువెలరీ బాగుంటుంది. ఇందుకు ఆన్‌లైన్‌ మార్కెట్‌లోనూ మంచి మంచి మోడల్స్‌ లభిస్తున్నాయి. ఫ్లోరల్‌ డిజైన్స్‌ అలా ఎంపిక చేసుకుని తీసుకున్నవే. మా కజిన్‌ హల్దీ ఫంక్షన్‌కి డ్రెస్‌ ప్రత్యేకంగా డిజైన్‌ చేయించారు. వెస్ట్రన్‌ స్టయిల్‌..బ్లాక్‌ థీమ్డ్‌ డ్రెస్‌ను న్యూ ఇయర్‌ సందర్భంగా, కజిన్స్‌తో బర్త్‌డేస్‌కు వెళ్లాలంటే మోడర్న్‌గా ఉండేవి ప్లాన్‌ చేసుకుంటాను.ప్రయాణాలకు ఒక స్టయిల్‌..ఇతర రాష్ట్రాల నుంచి వచ్చి ఎగ్జిబిషన్స్‌ స్టాల్స్‌ పెడుతుంటారు. వాటిలో లాంగ్‌ ఆరెంజ్‌ ఫ్రాక్‌ ఎంపిక చేసుకున్నాను. ఇలాంటివి టూర్స్‌కి వెళ్లినప్పుడు వేసుకుంటాను. వాటిల్లో ఫొటోస్‌ కూడా బ్రైట్‌గా వస్తాయి. అలాగే, లాంగ్‌ ఫ్రాక్స్‌లోనే డిఫరెంట్‌ మోడల్స్‌ ఉండేలా చూసుకుంటాను.

సాక్షి, సిటీబ్యూరో: దేశవ్యాప్తంగా యువ ప్రతిభను కనిపెట్టి, వారిని ప్రోత్సహించే ప్రతిష్టాత్మక పోటీ ‘అలీ క్లబ్‌ మిస్‌ అండ్‌ మిస్టర్‌ టీన్‌ ఇండియా’. ఈ పోటీలో పాల్గొనడానికి, విజేతగా నిలవడానికి దేశవ్యాప్తంగా యువత ఆసక్తి చూపిస్తుంది. అయితే ‘అలీ క్లబ్‌ మిస్‌ అండ్‌ మిస్టర్‌ టీన్‌ ఇండియా–2024’ పోటీల్లో హైదరాబాద్‌కు చెందిన 17 ఏళ్ల కాటేపల్లి ఐశ్వర్య ఫైనలిస్ట్‌గా నిలిచి అందరి దృష్టినీ ఆకర్షించింది.ఫ్యాషన్, జీవనశైలి, వినోద రంగాల్లో యువ ప్రతిభతో వారి కలలను నెరవేర్చుకోవడానికి అద్భుత వేదికగా ఫ్యాషన్‌ పోటీలు నిలుస్తా్తయి. ముఖ్యంగా నగరంలో ‘అలీ క్లబ్‌ మిస్, మిస్టర్‌ టీన్‌ ఇండియా’.. ‘లిమ్కా బుక్‌ ఆఫ్‌ రికార్డ్స్‌’ ద్వారా గుర్తింపు పొందింది. ఇలాంటి వేదికపై తన అభిరుచులు, ఫ్యాషన్‌పై ఆమె అంకితభావంతో విజేతగా నిలవడానికి గ్రాండ్‌ ఫినాలేకి చేరుకుంది. సెమీ ఫైనల్స్‌ ఆత్మస్థైర్యాన్ని పెంచింది... ప్రస్తుతం షాఫ్ట్‌ మల్టీమీడియాలో కంప్యూటర్‌ సైన్స్‌పై దృష్టి సారిస్తూ 12వ తరగతి చదువుతోంది ఐశ్వర్య. ఆమె చదువులతో పాటు మల్టీమీడియా, ఫైన్‌ ఆర్ట్స్‌లో డిప్లొమా కోసం కృషి చేస్తుంది. నగరంలోని డిజిటల్‌ మార్కెటింగ్‌ ఏజెన్సీలో పనిచేస్తూ వాస్తవ ప్రపంచ అనుభవాన్ని పొందుతోంది. ఈ ప్రయాణం వ్యక్తిగతంగానే కాకుండా వృత్తిపరమైన వృద్ధికి ఆమె నిబద్ధతను ప్రతిబింబిస్తుంది. ఈ నెల 31న ఢిల్లీ వేదికగా జరగనున్న గ్రాండ్‌ ఫినాలేలో విజేతగా నిలవడానికి ఇప్పటికే అక్కడికి చేరుకున్నానని ఐశ్వర్య తెలిపింది.గత నెలలో జరిగిన సెమీ–ఫైనల్‌ రౌండ్‌లో దేశవ్యాప్తంగా పాల్గొన్న ఫ్యాషన్‌ ఔత్సాహికులను దాటుకుని గ్రాండ్‌ ఫినాలేలో అడుగుపెట్టడం మరింత ఆత్మస్థైర్యాన్ని పెంచిందని ఆమె అన్నారు. దేశవ్యాప్తంగా యువ ప్రతిభావంతులకు గుర్తింపునిచ్చే ఈ వారసత్వంలో ప్రాతినిథ్యం వహిస్తూ హైదరాబాద్‌ నగరాన్ని మరోసారి జాతీయ వేదికపై నిలపడం సంతోషంగా ఉందన్నారు. తన తోటి పారి్టసిపెంట్స్‌తో కలిసి జడ్జిల ప్యానెల్‌ ముందు తమ సామర్థ్యాలను ప్రదర్శించే ఫినాలే కోసం ఆసక్తిగా ఎదురుచూస్తున్నానని ఐశ్వర్య తెలిపింది.

అందుబాటులో ఉన్న వనరులతోనే అద్భుతాలను క్రియేట్‌ చేసేవాళ్లను నేర్పరులు అంటారు. ఆ కేటగరీలో లక్ష్మీ లెహర్‌ను చేర్చొచ్చు. పర్‌ఫెక్షన్‌ కోసం ప్రపంచంలో ఉన్న ద బెస్ట్‌ని ఆర్డర్‌ చేయదు. కళ్ల ముందున్న వాటితోనే ప్రపంచానికి ద బెస్ట్‌ని చూపిస్తుంది. అందుకే ఆమె సెలబ్రిటీ స్టయిలిస్ట్‌ అయింది.లక్ష్మీ ముంబై నివాసి. ఫ్యాషన్‌ డిజైనింగ్‌ గ్రాడ్యుయేషన్‌ తర్వాత పలు ఫ్యాషన్‌ పత్రికల్లో పనిచేసింది. ప్రాక్టికల్‌ ఎక్స్‌పీరియెన్స్‌ కోసం ప్రముఖ సెలబ్రిటీ స్టయిలిస్ట్‌ అనాయితా శ్రాఫ్‌ స్టయిలింగ్‌ కంపెనీ ‘స్టయిల్‌ సెల్‌’లో చేరింది. ఆమె సృజనకు, పనితీరుకు అనాయితా ఇంప్రెస్‌ అయింది. ఆమె స్థాయి స్టార్‌ స్టయిలింగ్‌ అని గ్రహించింది. లక్ష్మీని సెలబ్రిటీ సర్కిల్‌కి పరిచయం చేసింది. ముందుగా.. కరీనా కపూర్‌ ఎయిర్‌ పోర్ట్‌ అపియరెన్స్‌కి స్టయిలింగ్‌ చేసింది లక్ష్మీ. ఆ కూల్‌ లుక్స్‌కి.. కరీనాను క్యాప్చర్‌ చేయడానికి ఫాలో అయిన పాపరాట్సీ ఫిదా అయిపోయారు.కరీనా ఫ్యాన్స్‌ అయితే క్రేజీ.. చెప్పక్కర్లేదు. ఆ స్టయిల్‌ని కరీనా కూడా కంఫర్ట్‌గా ఫీలై.. స్పెషల్‌ అకేషన్స్‌కి ఆమెను స్టయిలిస్ట్‌గా అపాయింట్‌ చేసుకుంది. లక్ష్మీ స్టయిలింగ్‌ని కియారా ఆడ్వాణీ, జాక్వెలిన్‌ ఫెర్నాండేజ్, జాన్వీ కపూర్, ఆలియా భట్, సారా అలీ ఖాన్, అనన్యా పాండే, శ్రద్ధా కపూర్, రశ్మికా మందన్నా, సమంత, పూజా హెగ్డేలూ కోరుకున్నారు.ఆ సెలబ్రిటీల క్యాజువల్‌ లుక్‌ నుంచి రెడ్‌ కార్పెట్‌ వాక్స్, కార్పొరేట్‌ ఈవెంట్స్, ఎండార్స్‌మెంట్స్, సినిమా ప్రమోషన్స్, ఫంక్షన్స్, పెళ్లిళ్లు.. అంతెందుకు వాళ్లు గడపదాటాలంటే చాలు లక్ష్మీ వాళ్లను స్టయిలింగ్‌ చేయాల్సిందే! అంత డిమాండ్‌లో ఉంది ఆమె. సెలబ్రిటీ ఒంటి తీరు, బాడీ లాంగ్వేజ్‌ని బట్టి స్టయిలింగ్‌ చేస్తుంది లక్ష్మీ. సింపుల్‌ చేంజెస్‌తోనే వైబ్రెంట్‌గా కనిపించేలా వాళ్లను మారుస్తుంది. ఫిమేల్‌ సెలబ్రిటీలే కాదు మేల్‌ సెలబ్రిటీలూ ఆమెకు ఫ్యాన్సే! వాళ్లలో రితిక్‌ రోషన్‌ ముందుంటాడు. తర్వాత సైఫ్‌ అలీ ఖాన్‌. ఆ ఇద్దరికీ లక్ష్మీ స్టయిలింగ్‌ చేస్తోంది.స్టయిల్‌ అంటే సెల్ఫ్‌ ఎక్స్‌ప్రెషన్‌! స్టయిలింగ్‌ కోసం ప్రపంచ బ్రాండ్స్‌ అన్నిటినీ వార్డ్‌రోబ్‌లో నింపక్కర్లేదు. ఉన్న రెండు జతలతో కూడా స్టయిల్‌ క్రియేట్‌ చేసుకోవచ్చు. అయితే మనకు ఏది నప్పుతుంది.. ఏది సౌకర్యంగా ఉంటుందనే స్పృహ ఉండాలి. అంతేకాదు మనమున్న చోటునూ దృష్టిలో పెట్టుకోవాలి. నలుగురిలో కలసిపోయినట్టు ఉంటూనే మన ప్రత్యేకతతో మెరిసిపోవాలి. అదీ స్టయిల్‌ అంటే! సింపుల్‌ అండ్‌ కంఫర్టబుల్‌ అన్నమాట. నేను స్టయిలింగ్‌ చేసిన సెలబ్రిటీల్లో నాకు.. కరీనా, జాక్వెలిన్, సారా అలీ ఖాన్, జాన్వీ కపూర్‌లు అంటే చాలా ఇష్టం! – లక్ష్మీ లెహర్‌ఇవి చదవండి: ధైర్యసాహసాలు అనగానే మరో ఆలోచనే.. చమేలీ.. ఓ ధీశాలి!

దీక్షా జునేజా.. సిననిమ్‌ ఆఫ్‌ టాలెంట్‌. అరుదైన ఆర్టిస్ట్‌! ఆమె స్వస్థలం.. చండీగఢ్‌. సెటిల్డ్‌ ప్లేస్‌.. ముంబై. మిగిలిన వివరాలు..దీక్ష తల్లిదండ్రులు శశి జునేజా, అశోక్‌ జునేజాకు ఎంటర్‌టైన్‌మెంట్‌ ఇండస్ట్రీతో ఎలాంటి సంబంధం లేదు. ఆర్టిస్ట్‌ అవ్వాలని దీక్షా అనుకోలేదు. మాస్‌ కమ్యూనికేషన్స్‌లో పీజీ చేసింది. చదువైపోగానే చండీగఢ్‌లోని 94.3 మై ఎఫ్‌ఎమ్‌లో ఇంటర్న్‌గా చేరింది. తర్వాత ఆల్‌ ఇండియా రేడియోలో అనౌన్సర్‌ ఉద్యోగంలోకి మారింది.రేడియో కొలువులో ఉన్నప్పుడు కంటెంట్‌ రైటర్‌గానూ పనిచేసింది. ఆ టైమ్‌లోనే ఆమెను ముంబై పిలిచింది మోడలింగ్‌లో చాన్స్‌ ఉంది రమ్మంటూ! గ్లామర్‌ ఫీల్డ్‌ తనకు వర్కవుట్‌ అవుతుందో కాదో అనుకుంటూనే ముంబై చేరింది.టీవీ కమర్షియల్స్‌తో మోడల్‌గా రాణిస్తున్నప్పుడే ‘ఘుమక్కడ్‌’ అనే మూవీలో అవకాశం వచ్చింది. తర్వాత చాలా చిత్రాల్లోనే కనిపించినా నటిగా ఆమెకు గుర్తింపు తెచ్చినవి మాత్రం ‘ద జోయా ఫ్యాక్టర్‌’, ‘రాజ్మా చావల్‌’ సినిమాలే.సిల్వర్‌ స్క్రీన్‌ మీది ఆమె పెర్‌ఫార్మెన్స్‌ వెబ్‌ స్క్రీన్‌ ఆపర్చునిటీస్‌నీ తెచ్చిపెట్టింది. అలా ‘గర్ల్‌ఫ్రెండ్‌ చోర్‌’, ‘గిల్టీ మైండ్స్‌’, ‘యునైటెడ్‌ కచ్చే’ వంటి వెబ్‌ సిరీస్‌లు చేసి ఓటీటీ వీక్షకులనూ తన వీరాభిమానులుగా మార్చేసుకుంది. ఆమె నటించిన ‘పిల్‌’ అనే వెబ్‌ సిరీస్‌ ప్రస్తుతం ‘జియో సినిమా’లో స్ట్రీమ్‌ అవుతోంది.దీక్షా మంచి కవయిత్రి కూడా. తన కవితలను సోషల్‌ మీడియాలో పోస్ట్‌ చేస్తుంటుంది. ఆమె సోషల్‌ మీడియాలో చాలా యాక్టివ్‌గా ఉంటుంది. దీక్షా ఇన్‌స్టాగ్రామ్‌ హ్యాండిల్‌కి లక్షల్లో ఫాలోవర్స్‌ ఉన్నారు.పేరు, ప్రతిష్ఠల మీద నాకు మోహం లేదు. చేసే పనిపట్ల నిబద్ధత, గౌరవం ఉంది. పనే దైవం అనే మాటను నమ్ముతాను, ఫాలో అవుతాను! – దీక్షా జునేజా

బాలీవుడ్‌ నటి, దివంగత టాలీవుడ్‌ నటి శ్రీదేవి కూతురు జాన్వీ కపూర్‌ గురించి ప్రత్యేకంగా చెప్పాల్సిన పనిలేదు. తన అందం, అభినయంతో ఎంతో మంది అభిమానుల మనుసులను దోచుకుంది. వరుస సినిమాలతో బిజీగా ఉన్న జాన్వీ ఆయా సినిమాల ప్రమోషన్‌లతో డిఫరెంట్‌ డిజైనర్‌వేర్‌లతో సందడి చేస్తోంది. ఇటీవల ఎన్‌ఎంసీసీలో ప్రదర్శించడానికి సిద్ధంగా ఉన్న రాజాధిరాజ్‌ అనే మ్యూజికల్‌ ప్రీమియర్‌ కోసం రెడ్‌కార్పెట్‌పై ఎరపు రంగు ఆర్గాంజా చీరతో అబ్బురపరిచింది. కొత్త పెళ్లికూతురు లుక్‌లా ఉంది ఆమె శారీ డిజైనింగ్‌ స్టైల్‌. ఆ చీరకు తగ్గట్లు కాంగ్రాస్ట్‌ గ్రీన్‌ బ్లౌజ్‌ జాన్వీకి మరింత అందాన్ని ఇచ్చింది. ఫ్యాషన్‌ ఔత్సాహికులందర్నీ జాన్వీ కపూర్‌ ఎంపిక చేసుకున్న సరోజా రమణి చీరలపై దృష్టిసారించేలా చేసింది. ఇక్కడ జాన్వీ ధరించిన ఆర్గాంజా ఎరుపు రంగు చీరపై చేతిలో చేసిన ఎంబ్రాయిడరీ, పురాతన డబ్కా, మోతీ, సీక్విన్‌ వర్క్‌లతో అలంకరించి ఉన్నాయి. దీంతోపాటు బాల్డా లేస్‌ బార్డర్‌ కూడా ఉంది. జెనీ సిల్క​ ఆకుపచ్చ బ్లౌజ్‌ జత చేయడం ఆ ఎరుపు రంగు ఆర్గాంన్జా చీర లుక్‌ మరింత ఆకర్షణీయంగా కనిపించింది. అంతేగాదు ఈ బ్లౌజ్‌ పూర్తి నిడివి గల స్లీవ్‌ని కలిగి ఉంది. అలాగే నెక్‌లైన్‌లో ఉండి, క్లిష్టమైన జరీ వర్క్‌ కలిగి ఉంది. ఈ చీర ఖరీదు రూ. 1.62 లక్షలు. ఈ చీర జాన్వీ దేశీ లుక్‌ని ఓ లెవెల్‌కి కనిపించేలా చేసింది. ఆ చీర తగ్గట్టు చెవిపోగులు, నెక్‌లెస్‌తో సింపుల్‌గా కనిపించింది. జుట్టుని కూడా వదులుగా వేసి అచ్చమైన తెలుగింటి ఆడపడుచులా అందంగా కనిపించింది. View this post on Instagram A post shared by Viral Bhayani (@viralbhayani) (చదవండి: పంద్రాగస్టు వేడుకల్లో ప్రధాని మోదీ లుక్‌ వేరేలెవెల్‌!)

‘‘జాబ్, స్కూల్‌కి వెళ్లే ఇద్దరు పిల్లలు, ఫ్యామిలీతో టైమ్‌ అసలు సరిపోదు. అయితే మనకోసం మనం కొంచెం టైమ్‌ అయినా ఉండేలా చూసుకోవాలి అనుకుంటాను. నలుగురిలోకి వెళ్లినప్పుడు ప్రత్యేకంగా కనిపించడానికి, అదే విధంగా నా బడ్జెట్‌ ప్రకారం డ్రెస్సింగ్‌ ఉండేలా ఎంపిక చేసుకుంటాను.వేడుకలకు, ప్రత్యేక రోజుల్లో రెడీ అవడానికి ప్రతీ ఒక్కరూ తమదైన ప్టైటల్‌ని డ్రెస్సింగ్‌లో చూపుతుంటారు. హైదరాబాద్‌ ఎల్‌.బినగర్‌లో ఉంటున్న సాఫ్ట్‌వేర్‌ ఉద్యోగిని చందనామారం తన డ్రెస్సింగ్‌ గురించీ, వార్డ్రోబ్‌ విషయాలను ఈ విధంగా షేర్‌ చేసుకున్నారు. హుందాగా...ఆఫీస్‌కి వెళ్లేటప్పుడు డిగ్నిఫైడ్‌గానూ, కంఫర్ట్‌గానూ ఉండేలా చూసుకుంటాను. అందుకు కుర్తీలు, జీన్స్‌ ఉంటాయి. వీటిలోనే మిక్స్‌ అండ్‌ మ్యాచ్‌కి ట్రై చేస్తుంటాను.డిజైనర్‌ శారీస్‌..రిసెప్షన్‌ వంటి వేడుకలకు డిజైనర్‌ శారీస్‌ను ఎంచుకుంటాను. జనరల్‌గా మార్కెట్‌లో వస్తున్న ట్రెండ్స్‌ను కూడా ఫాలో అవుతుంటాను. వీటిలో నాకు ఎలాంటి ఔట్‌ఫిట్‌ అయితే బాగుంటుందో చెక్‌ చేస్తుంటాను. స్టిచింగ్‌కు సంబంధించినప్పుడు ఇన్‌స్టా పేజీలు కూడా చూస్తుంటాను. అలాంటి డిజైన్స్‌ చేయమని బొటిక్స్‌లో చెబుతుంటాను. శారీకి తగినట్టు బ్లౌజ్‌ సెట్‌ చే యడానికి డిజైనర్‌ హెల్ప్‌ తీసుకుంటాను.తక్కువ బడ్జెట్‌లో బెటర్‌లుక్‌..పెళ్లి, ఇంట్లో పండగలు వంటి సందర్భాలలో మనదైన సంప్రదాయ కట్టునే ఇష్టపడతాను. దీనికోసం ఎక్కడైనా శారీస్‌ కలెక్షన్‌ గురించి కూడా తెలుసుకుంటాను. కొన్నిచోట్ల నచ్చినా బడ్జెట్‌ మించి ఉంటే తీసుకోను. అయితే, అవే మోడల్స్‌లో మరో చోట ఒకటికి బదులు రెండు చీరలు వచ్చేలా ఎంపిక చేసుకోవడం గురించి ఆలోచిస్తుంటాను. తక్కువ బడ్జెట్‌లో మంచి డ్రెస్సింగ్‌ ఉండేలా చూసుకుంటాను. సాధారణంగా ఎక్కువ డబ్బులు పెట్టి కొన్న చీరలు, డ్రెస్సులు వేసుకుంటే నలుగురిలో వెళ్లినప్పుడు మన అప్పిరియన్స్‌ బాగుంటుంది అనుకుంటారు. కానీ, తక్కువ బడ్జెట్‌లో బెటర్‌గా కనిపించేలా ΄్లాన్‌ చేసుకోవడం మంచిది’’ అని వివరిస్తున్నారు ఈ ఉద్యోగిని.నోట్‌: మీరూ మీ వార్డ్‌రోబ్‌ లేదా మీ అమ్మాయి వార్డ్‌రోబ్‌ గురించి, డ్రెస్సింగ్‌ విషయంలో తీసుకుంటున్న విశేషాల గురించి ఫొటోలతో సహా ‘సాక్షి’ ΄ాఠకులతో పంచుకోవచ్చు. బాగున్న వాటిని మై వార్డ్‌రోబ్‌ శీర్షికన ప్రచురిస్తాం. మా చిరునామా: మై వార్డ్‌రోబ్‌, సాక్షి ఫ్యామిలీ, సాక్షి, రోడ్‌ నం.1, బంజారాహిల్స్, హైదరాబాద్‌ –34. sakshifamily3@gmail.com

గతంతో పోలిస్తే విభిన్నంగా యూత్‌ స్వాతంత్య్ర దినోత్సవాన్ని జరుపుకుంటున్నారు. అందులో ఫ్యాషన్, స్టైలింగ్‌ కూడా ఇప్పుడు భాగమైంది. వస్త్రధారణ, యాక్సెసరీస్‌లలో ట్రైకలర్స్‌ను జతచేస్తూ స్వాతంత్య్ర స్ఫూర్తిని ప్రతిబింబిస్తున్నారు. కార్పొరేట్‌ ఆఫీసుల్లో, కాలేజీల్లో అని తేడా లేకుండా ప్రతిచోటా నిర్వహిస్తున్న ఇండిపెండెన్స్‌ డే ఈవెంట్స్‌ ఈ ఫ్రీడమ్‌ ఫ్యాషన్‌కు సరికొత్త వన్నెలు అద్దుతున్నాయి. – సాక్షి, సిటీబ్యూరోదేశ భాషల్ని వేష భాషల్లో మమేకం చేసి ప్రదర్శించే అవకాశం అందిస్తుంది ఈ రోజు. నగరం నలువైపులా నిర్వహించుకునే వేడుకల్లో భాగం అవుతూ.. రోజువారీ వస్త్రధారణకు భిన్నంగా, ఇండిపెండెన్స్‌ డే స్పెషల్‌గా కనిపించాలనుకునే వారి కోసం నగరానికి చెందిన ప్రముఖ ఫ్యాషన్‌ డిజైనింగ్‌ ఇన్‌స్టిట్యూట్‌ హామ్‌ స్టెక్‌ కాలేజ్‌ ఆఫ్‌ క్రియేటివ్‌ ఎడ్యుకేషన్‌కు చెందిన డిజైన్, స్టైల్‌ ఫ్యాకలీ్టలు అందిస్తున్న సూచనలు ఇవే..త్రివర్ణశోభితంగా.. మహిళలు..సంప్రదాయంగా కనిపించాలంటే.. ఒక తెల్ల చీరపైన కుంకుమ పువ్వు, ఆకుపచ్చ అంచులు లేదా త్రివర్ణ మూలాంశంతో ఉండే చీర ఎంచుకోవాలి. అలాగే సంప్రదాయ ఆభరణాలు, మ్యాచింగ్‌ క్లచ్‌తో పూర్తి రూపాన్ని అలంకరించవచ్చు. అదే మోడ్రన్‌ లుక్‌లో కనిపించాలంటే ఈ రంగులలో చిక్‌ సల్వార్‌ కమీజ్‌ లేదా లెహంగా చోలీని కూడా ఎంచుకోవచ్చు. దీనికి తెలుపును జత చేయచ్చు. అదేవిధంగా కుంకుమపువ్వు/ఆరేంజ్‌ లేదా ఆకుపచ్చ దుపట్టా కుర్తీ అత్యాధునిక ఎంపికగా అనిపిస్తుంది.భిన్నత్వంలో ఏకత్వాన్ని చూపొచ్చు ఇలా..భారతదేశ గొప్పతనం భిన్నత్వంలోని ఏకత్వం. ఇది ప్రదర్శించడానికి డ్రెస్సింగ్‌ చక్కని అవకాశం. మహిళలు.. ప్రాంతీయ వస్త్రధారణ: కంజీవరం పట్టుచీర వంటి నిర్దిష్ట ప్రాంతాల సంప్రదాయ దుస్తులను ధరించవచ్చు. తమిళనాడు లేదా గుజరాత్‌కు చెందిన బంధనీ దుపట్టాతో ప్రాంతీయ వైవిధ్యాన్ని హైలైట్‌ చేయచ్చు. అలాగే జూకాలు, బ్యాంగిల్స్‌ లేదా బంగారంతో కూడిన స్టేట్‌మెంట్‌ నెక్లెస్‌ ఇతర అలంకరణలు వస్త్రధారణకు పరిపూర్ణతను అందిస్తాయి. పురుషుల ధోతీ–కుర్తా లేదా త్రివర్ణ రంగులలో షేర్వాణి ఎంచుకోవచ్చు.స్టైలిష్: షేర్వానీపైన నెహ్రూ జాకెట్‌ ధరించడం అంటే ఆడంబరపు టచ్‌ జోడించినట్టే. అలాగే పాష్‌ లుక్‌ కోసం దుస్తులకు సంప్రదాయ తలపాగా లేదా సొగసైన వాచ్‌ వంటి ఇతర అలంకారాలు జత చేయచ్చు. ఆధునికత ఉట్టిపడాలంటే సంప్రదాయ దుస్తులకు పైస్లీ, పూలు లేదా రేఖాగణిత ప్రింట్లు వంటి నమూనాలు సమకాలీన ట్విస్ట్‌ను జోడిస్తాయి.ట్రైకలర్స్‌లో.. మేన్లీ.. మగవాళ్లు సంప్రదాయం ఉట్టిపడేలా కనిపించడానికి తెల్లని చుడిదార్‌ లేదా పైజామాతోనూ, కుంకుమపువ్వు లేదా ఆకుపచ్చ రంగు కుర్తా ధరిస్తే.. ఓ వైపు సౌకర్యవంతంగా మరోవైపు గౌరవప్రదంగానూ ఉంటుంది. అదనపు టచ్‌ కోసం సరిపోయే స్కార్ఫ్‌ లేదా స్టోల్‌ను జోడించవచ్చు. మోడ్రన్‌ లుక్‌లో మెరవాలంటే.. తెల్లటి చొక్కా మీద కుంకుమపువ్వు లేదా ఆకుపచ్చ రంగు టైలర్డ్‌ బ్లేజర్‌ని ధరించాలి. ఇది అఫిషియల్‌కూ.. ఫెస్టివల్‌కూ మధ్య సరైన సమతుల్యత.మరికొన్ని సూచనలు..ఆకుపచ్చ, తెలుపు రంగుల్లో పూలకుర్తీ లేదా కుంకుమ పువ్వుతో కూడిన ప్రింటెడ్‌ చీరను మహిళలు ధరించవచ్చు. లగ్జరీ టచ్‌ కోసం కాటన్‌ లేదా సిల్క్‌ వంటి ఫ్యాబ్రిక్‌లను ఎంచుకోవాలి. అలాగే సూక్ష్మమైన త్రివర్ణ నమూనా లేదా జాతి ముద్రలతో కూడిన స్కార్ఫ్‌ లేదా శాలువా వస్త్రధారణకు నిండుదనాన్నిస్తుంది. కుంకుమ/ఆరెంజ్, ఆకుపచ్చ రంగులలో సున్నితమైన నమూనాలు లేదా ఎంబ్రాయిడరీతో కూడిన కుర్తా, సంప్రదాయ మూలాంశాలతో ప్రింటెడ్‌ షర్టులు కూడా మగవాళ్లకు స్టైలిష్‌ ఎంపికగా ఉంటాయి. ట్రైకలర్‌ జోష్‌ను జోడించడానికి మూడు రంగుల పాకెట్‌ చతురస్రాన్ని లేదా నమూనా స్కార్‌్ఫను ఎంచుకోవచ్చు.ఇతర అలంకరణ..స్టేట్‌మెంట్‌ క్లచ్‌ లేదా త్రివర్ణ–నేపథ్య హ్యాండ్‌బ్యాగ్‌తో ఫ్రీడమ్‌ టచ్‌ను జోడించవచ్చు. అయితే సహజ సౌందర్యాన్ని పెంచేలా పరిమిత మేకప్‌ వేసుకోవాలి. – బ్రౌన్‌ లేదా టాన్‌లో ఉన్న సంప్రదాయ లోఫర్‌లు లేదా కుర్తా–పైజామాతో పురుషుల ఫ్రీడమ్‌ లుక్‌ని పూర్తి చేస్తాయి. ఫార్మల్‌ సెట్టింగులు, న్యూట్రల్‌ షేడ్స్‌లో పాలిష్‌ చేసిన డ్రెస్‌ షూలు కూడా అనువైనవి.– ఇతర అలంకరణలు: క్లాసిక్‌ వాచ్, అధునాతన బెల్ట్‌ లేదా సొగసైన జత సన్‌ గ్లాసెస్‌ జోడించవచ్చు.పురుషుల కోసం..– త్రివర్ణ పాచెస్‌ లేదా ఎంబ్రాయిడరీతో సాదా కుర్తా లేదా షర్టును కొత్తగా మార్చవచ్చు. – విలక్షణమైన, సూక్ష్మమైన త్రివర్ణ వివరాలతో జాకెట్‌ లేదా వెయిస్ట్‌కోట్‌ను డిజైన్‌ చేయవచ్చు.భారతీయ సంస్కృతికి నిదర్శనంస్వాతంత్య్ర దినోత్సవం స్వేచ్ఛ, ఏకత్వం, సాంస్కృతిక వైవిధ్యంతో నిండిన వేడుక. వస్త్రధారణ ఈ రోజు దేశభక్తి స్వాతంత్య్రంపై గౌరవాన్ని మాత్రమే కాకుండా వ్యక్తిగత శైలి, సాంస్కృతిక సంపదను కూడా ప్రతిబింబిస్తుంది. కాబట్టి ఎంచుకున్న వస్త్రధారణ సంప్రదాయమైనా, ఆధునికమైనదైనా లేదా రెండింటినీ మిళితం చేసినదైనా సరే, దాన్ని అత్యంత అంగీకారయోగ్యంగా ధరించడమే కీలకం. స్వాతంత్య్ర థీమ్‌తో డ్రెస్సింగ్‌ అంటే పార్టీ కల్చర్‌కు కాదు భారతీయ సంస్కృతికి నిదర్శనం అనేది గుర్తుంచుకోవాలి.మహిళల కోసం..సాదా దుపట్టాకు మూడు రంగుల ఎంబ్రాయిడరీని జోడించవచ్చు. లేదా హెడ్‌బ్యాండ్‌లు లేదా బ్రోచెస్‌ వంటి వాటితో స్పెషల్‌ లుక్‌ను తీసుకురావచ్చు. త్రివర్ణ స్వరాలు లేదా ప్రత్యేక థీమ్డ్‌ చీర లేదా సల్వార్‌ కమీజ్‌ని డిజైన్‌ చేసుకోవచ్చు.ఇవి చదవండి: 18వసారి జెండా ఎగురవేసిన సీఎం నితీష్‌ కుమార్‌

సాక్షి, సిటీబ్యూరో: నగరంలోని పార్క్‌ హోటల్‌ వేదికగా జరిగిన బిగ్గెస్ట్‌ ఫ్యాషన్‌ షోలో టాప్‌ మోడల్స్‌ క్యాట్‌ వాక్‌ తో అలరించారు. ఇండియన్, వెస్ట్రన్‌ లుక్స్‌తో మోడల్స్‌ ర్యాంప్‌ పై సోమవారం సందడి చేశారు.లండన్‌లోని ప్రముఖ రేవన్స్‌ బోర్న్‌ యూనివర్సిటీ, సవరియా ఎడ్యుకేషనల్‌ కన్సల్టెన్సీ సంయుక్త భాగస్వామ్యంతో పలు కొత్త కోర్సులను లాంచ్‌ చేశారు. ఇందులో భాగంగా ఎంబీఏ ఫ్యాషన్‌ మేనేజ్‌మెంట్, బీకాం, బీఏ చేసిన వారికీ సైబర్‌ సెక్యూరిటీ మేనేజ్‌మెంట్, లగ్జరీ మేనేజ్మెంట్‌ వంటి కోర్సులను లాంచ్‌ చేశారు.ఈ ఆవిష్కరణ కార్యక్రమంలో ఏర్పాటు చేసిన డెలిగేట్‌ మీట్‌ అండ్‌ గ్రీట్‌ ఫ్యాషన్‌ షో అలరించింది. ముఖ్య అతిథిగా రావెన్స్‌బోర్న్‌ విశ్వవిద్యాలయం వైస్‌ ఛాన్సలర్‌ ఆండీ కుక్, డిప్యూటీ వైస్‌ ఛాన్సలర్‌ ప్రొఫెసర్‌ సైమన్‌ రాబర్ట్‌షా, యూనివర్సిటీ ప్రతినిధులు మోహిత్, గంభీర్‌ తదితర ప్రతినిధులు, ఫ్యాషన్‌ ఔత్సాహికులు పాల్గొన్నారు.

‘అనుకొని ఈ ఫీల్డ్‌లోకి రాలేదు. అనుకోకుండా ఎంటర్‌ అయ్యాను. ఈ జాబ్‌ రొటీన్‌గా ఉండదు. నేర్చుకోవడానికి రోజూ ఏదో ఒక కొత్త విషయం ఉంటుంది. కెరీర్‌లో నేను ఏ ఎక్సయిట్‌మెంట్‌నైతే కోరుకున్నానో అది ఈ ఫీల్డ్‌లో దొరికింది. అందుకే ఇందులో సెటిల్‌ అయిపోయాను!’ – సలోనీ పటేల్‌.ఆమె పుట్టింది, పెరిగింది.. న్యూ ఢిల్లీలో. పంజాబీ కుటుంబం. చిన్నప్పుడే కథక్‌ డాన్స్‌లో శిక్షణ పొందింది. ఎలక్ట్రానిక్స్‌ అండ్‌ ఇన్‌స్ట్రుమెంటేషన్‌లో బీటెక్‌ చేసింది. చదువైపోగానే టీసీఎస్‌ (టాటా కన్సల్టెన్సీ సర్వీసెస్‌)లో జావా డెవలపర్‌గా పనిచేసింది. కానీ ఎలాంటి ఉత్సాహాన్నివ్వని ఆ ఉద్యోగం ఆమెకు ఆసక్తినివ్వలేదు. అందుకే ఇతర కెరీర్‌ ఆప్షన్స్‌ని ఎక్స్‌ప్లోర్‌ చేద్దామనుకుని టీసీఎస్‌ జాబ్‌కి రిజైన్‌ చేసింది.ఉద్యోగం కోసం దరఖాస్తులు పెట్టుకుంటూనే ఎంబీఏ ఎంట్రెన్స్‌ రాసింది. సీట్‌ వచ్చింది. బిజినెస్‌ స్కూల్లో జాయిన్‌ కావడానికి 6 నెలల టైమ్‌ ఉండటంతో మళ్లీ ఉద్యోగ అన్వేషణలో పడిపోయింది. ఈలోపే ‘పర్పుల్‌ థాట్స్‌’ అనే మోడలింగ్‌ ఏజెన్సీ నుంచి మోడలింగ్‌ చాన్స్‌ వచ్చింది. ఏంబీఏలో జాయిన్‌ అయ్యేవరకు సరదాగా మోడలింగ్‌ చేద్దామని ఆ చాన్స్‌కి ఓకే చెప్పింది.ర్యాంప్‌ వాక్‌లు, కొత్తకొత్త వాళ్ల పరిచయం, కొత్త కొత్త ప్రదేశాలకు వెళ్లడం.. ఇవన్నీ మోడలింగ్‌ మీద సలోనీకి ఇంట్రెస్ట్‌ను పెంచాయి. మోడలింగ్‌లోనే కెరీర్‌ వెదుక్కోవాలని నిశ్చయించుకుంది.మోడలింగ్‌ షూట్‌ కోసం ఒకసారి ముంబై వెళ్లినప్పుడు.. అక్కడ యాక్టింగ్, థియేటర్‌ వర్క్‌షాప్‌కి హాజరైంది. నచ్చడంతో థియేటర్‌లో ట్రైనింగ్‌ తీసుకుంది. పలు నాటకాల్లో నటించింది. ఆ టైమ్‌లోనే ప్యార్‌ విచ్, పీవైటీ (ప్రెటీ యంగ్‌ థింగ్‌) మ్యూజిక్‌ వీడియోల్లో కనిపించింది.సలోనీ థియేటర్‌ పర్‌ఫార్మెన్స్‌ జీటీవీ ‘కోల్డ్‌ లస్సీ ఔర్‌ చికెన్‌ మసాలా’ అనే వెబ్‌ సిరీస్‌లో అవకాశాన్నిచ్చింది. ఆ తర్వాత ‘ద హార్ట్‌బ్రేక్‌ హోటల్‌’ అనే వెబ్‌ సిరీస్, ‘ద ఎలిఫెంట్‌ ఇన్‌ ద రూమ్‌’ అనే షార్ట్‌ ఫిల్మ్‌లోనూ నటించింది. సలోనీకి బ్రేక్‌నిచ్చిన సిరీస్‌ మాత్రం ఎమ్‌ఎక్స్‌ ప్లేయర్‌లోని ‘క్యాంపస్‌ డైరీస్‌’.ఆమె నటించిన మరో షార్ట్‌ ఫిల్మ్‌ ‘ద గుడ్‌ న్యూస్‌’ ఆమెకు మంచి పేరు తెచ్చిపెట్టడమే కాదు పలు ఇంటర్నేషనల్‌ ఫిల్మ్‌ షార్ట్‌ ఫిల్మ్‌ ఫెస్టివల్స్‌లో స్క్రీన్‌ అయ్యి, అవార్డులనూ అందించింది.సలోనీ సామాజిక సేవా కార్యకర్త కూడా! ఏమాత్రం సమయం చిక్కినా ముంబైలో జరిగే సేవాకార్యక్రమాల్లో పాలుపంచుకుంటుంది. కోవిడ్‌ సమయంలో తన సేవింగ్స్‌ అన్నిటినీ కోవిడ్‌ రిలీఫ్‌ ఫండ్‌కి డొనేట్‌ చేసింది.సలోనీ లేటెస్ట్‌ వెబ్‌ సిరీస్‌లు ‘సన్‌ఫ్లవర్‌’ జీ5లో, ‘పాట్‌లక్‌’ సోనీ లివ్‌లో స్ట్రీమ్‌ అవుతున్నాయి.

అనితా డోంగ్రే.. ఫ్యాషన్‌తో ఏ కాస్త పరిచయం ఉన్న వాళ్లకైనా బాగా తెలిసిన పేరు! ఇంకా చెప్పాలంటే ఇండియన్‌ ఫ్యాషన్‌కి ఆమె ఓ క్రియేటివ్‌ సిగ్నేచర్‌! మిడిల్‌ క్లాస్‌ ఫ్యామిలీ నుంచి ‘హౌస్‌ ఆఫ్‌ అనితా డోంగ్రే’కి రీచ్‌ అయిన ఆ త్రెడ్స్‌ అండ్‌ నాట్స్‌ జర్నీ గురించి..అనితా డోంగ్రే.. ముంబై వాసి. సంప్రదాయ సింధీ కుటుంబం ఆమెది. ఇంటి పనులకే జీవితాన్ని అంకితం చేసిన ఆడవాళ్లున్న నేపథ్యంలో పెరిగి.. ఉద్యోగినులుగా, బాసులుగా, పారిశ్రామిక వేత్తలుగా రాణిస్తున్న ఆడవాళ్ల మధ్యకు చేరింది. తనింట్లోని స్త్రీల్లా కాకుండా, తాను ఎరిగిన ప్రపంచంలోని మహిళల్లా ఉండాలని నిశ్చయించుకుంది. ఆ నిశ్చయానికి ప్రేరణ సాధికారిక స్త్రీలే అయినా స్ఫూర్తి మాత్రం అనితా వాళ్ల అమ్మ! తన అయిదుగురు సంతానానికి ఆవిడే బట్టలు కుట్టేది. అవి రెడీమేడ్‌ దుస్తులకు ఏమాత్రం తీసిపోయేవికావు. పిల్లలు వాటిని స్కూల్లో వేడుకలు, ఫ్యామిలీ ఫంక్షన్స్‌కి వేసుకెళితే స్నేహితులు, బంధువులంతా ఏ షాప్‌లో కొన్నారంటూ కితాబులిచ్చేవారు. అలాంటి సందర్భాల్లోనే అమ్మ నైపుణ్యానికి మురిసిపోయేది అనితా. వర్కింగ్‌ విమెన్‌ని చూశాక.. అమ్మ పనితనాన్ని తనూ అందిపుచ్చుకుని వర్కింగ్‌ విమెన్‌కి అనువైన దుస్తులను డిజైన్‌ చేసి ఫ్యాషన్‌ను శాసించాలని కల కన్నది. తొలి అడుగుగా ముంబైలోని ఎస్‌ఎన్‌డీటీ (శ్రీమతి నతీబాయీ దామోదర్‌ ఠాకర్సే) మహిళా యునివర్సిటీలో ఫ్యాషన్‌ డిజైన్‌లో డిగ్రీ చేసింది.యూనివర్సిటీ నుంచి బయటకు రాగానే తండ్రి దగ్గర కొంత డబ్బు అప్పు తీసుకుని, రెండు కుట్టుమిషన్లు కొని, సోదరితో కలసి చిన్న బొటిక్‌ పెట్టింది. కాలేజీ అమ్మాయిలు, ఉద్యోగినులను కోసం డ్రెసెస్‌ని డిజైన్‌ చేసి.. సేల్‌కి పెట్టింది. అనితా సృజనకు ఆమె బొటిక్‌ ఉన్న కాంప్లెక్స్‌లోని లేడీస్‌ డ్రెస్‌ వేర్‌ షాప్స్‌ అన్నీ వెలవెలపోసాగాయి. దాంతో ఆ మాల్‌లోని లేడీస్‌ ఎంపోరియం షాప్స్‌ వాళ్లంతా అనితా బొటిక్‌ని అక్కడి నుంచి ఎత్తేయించాలని పట్టుబట్టారు. మాల్‌ ఓనర్‌ వాళ్ల డిమాండ్‌కి తలొంచక తప్పలేదు.. అనితా వాళ్లు ఆ మాల్‌ నుంచి షిఫ్ట్‌ అవకతప్పలేదు.చేతిలో విద్య ఉంటే ఇక్కడ కాకపోతే ఇంకో చోట.. అనే ధీమాతో మరో చోటును వెదుక్కుంది. కొన్ని నెలలల్లోనే బొటిక్‌ని కాస్త ఏఎన్‌డీ డిజైన్స్‌ అనే ఫ్యాషన్‌ లేబుల్‌గా మార్చేసింది. ఇక మిషన్‌ వీల్‌ వెనక్కి తిరగలేదు. ఏఎన్‌డీ లేబుల్‌ కాస్త ‘హౌస్‌ ఆఫ్‌ అనితా డోంగ్రే’గా అవతరించింది. దేశీ, క్యాజువల్, బ్రైడల్, గ్లోబల్‌ .. దుస్తులకు పర్‌ఫెక్ట్‌ బ్రాండ్‌గా స్థిరపడింది. ఆ క్రియేటివ్‌ కంఫర్ట్‌కి సామాన్యులే కాదు సెలబ్రిటీలూ ముచ్చటపడ్డారు. అనితా డోంగ్రే డిజైన్డ్‌ దుస్తులతో ముస్తాబవ్వాలని క్యూ కట్టారు. ఆ వరుసలో మాధురి దీక్షిత్, మలైకా అరోరా, కాజోల్, కత్రినా కైఫ్, ప్రియంకా చోప్రా, మానుషీ చిల్లర్, కృతి సనన్, ఆలియా భట్, జాన్వీ కపూర్, మృణాల్‌ ఠాకుర్, కాజల్‌ అగర్వాల్, దియా మిర్జా, శోభిత ధూళిపాళ, రాధికా ఆప్టే, సొనాలీ బెంద్రే, మీరా కపూర్, పూజా హెగ్డే, కరిష్మా కపూర్, రష్మికా మందన్నా, అర్జున్‌ కపూర్, అయుష్మాన్‌ ఖురానా, విజయ్‌ దేవరకొండ లాంటి వాళ్లంతా కనిపిస్తారు.సంప్రదాయ కట్టు, కార్పొరేట్‌ లుక్, కార్పెట్‌ వాక్, పార్టీ వేర్‌.. ఏది కావాలన్నా, ఏ తీరులో మెరవాలన్నా ఏ వర్గం వారైనా కోరుకునే బ్రాండ్‌ ‘హౌస్‌ ఆఫ్‌ అనితా డోంగ్రే’నే! ఫ్యాషన్‌ ప్రపంచంలో ఆమెకు తిరుగులేదు అనే స్థాయికి ఎదిగింది. పింక్‌ సిటీ పేరుతో జ్యూల్రీ లైన్‌నూ స్టార్ట్‌ చేసింది. ప్రస్తుతం ఆమె దగ్గర మూడు వేలకు పైగా ఉద్యోగులు పనిచేస్తున్నారు. ఎంతోమంది ఔత్సాహిక ఫ్యాషన్‌ డిజైనర్స్‌ ఆమె గైడెన్స్‌ తీసుకుంటున్నారు. వీళ్లు సరే.. పలు ప్రాంతాల్లోని ఎంతోమంది చేనేత కళాకారులకూ పని కల్పిస్తోంది అనితా డోంగ్రే.

బాలీవుడ్‌ నటి, కాబోయే తల్లి దీపికా పదుకొణె తన అందం అభినయంతో వేలాదిగా అభిమానులను సొంతం చేసుకుంది. ఇటీవల కల్కి మూవీ ప్రమోషన్లో హైహిల్స్‌తో వచ్చి అందర్నీ ఆశ్యర్యపరిచింది. కాబోయే తల్లి దీపికా తన బేబి బంప్‌తోనే కల్కి మూవీలో నటించటం విశేషం. ఇటీవల తన భర్త రణ్‌వీర్ తో పాటూ ముంబాయి డిన్నర్ డేట్‌కు వెళ్లింది. అక్కడ ఓ రెస్టారెంట్‌లో దీపికా తన బాడీగార్డుతో.. కెమెరాకు చిక్కింది. కాబోయే తల్లి అయిన దీపికా వైట్ ప్యాంట్, సింపుల్ మేకప్ లుక్ తో సబ్యసాచి పూల కుర్తా ధరించింది. ఆమె ప్రెగ్నెన్సీ డ్రెస్ కాబోయే తల్లులకు సౌకర్యాంగా ఉండే డ్రెస్‌ ఇది. ఈ బ్యూటీ తన ప్రెగ్నెన్సీ లుక్ కోసం చక్కటి పూల కుర్తాలో మెరిసింది. స్వీకరించింది. ఈ పూల కుర్తీని సవ్యసాచి డిజైన్ చేశారు. అక్కడ పలువురి అభిమానులతో మాట్లాడటమే గాక ఫోటోలకు ఫోజులిస్తూ కట్టిపడేసే అందంతో అలరించింది. ఇక్కడ దీపికా తన రేంజ్‌కి తగ్గట్టు లూయిస్ విట్టన్ హ్యాండ్‌ బ్యాగ్‌ను ధరించింది. చెప్పాలంటే ఈ పూలకుర్తీలో బేబీ బంప్‌ని దాచేస్తూ సరికొత్త రూపంతో అందంగా కనిపించింది. కాగా, ఆమె ధరించిన బ్రాండెడ్‌ బ్యాగ్‌ ధర ఏకంగా 3.25 లక్షలు పలుకుతుందట. View this post on Instagram A post shared by Viral Bhayani (@viralbhayani) (చదవండి: స్పేస్‌లో ఎక్కువ కాలం ఉంటే ఆరోగ్య సమస్యలు వస్తాయా..? బెస్ట్‌ స్పేస్‌ ఫుడ్స్‌ ఇవే..!)

హస్త కళలపై ఇష్టంతో చిత్రలేఖనం, బ్లాక్‌ప్రింటింగ్‌ నేర్చుకుంది. చదివింది ఆర్కిటెక్చరల్‌ ఇంజినీరింగ్‌. చేనేతకారులకు అండగా ఉండాలని చర్ఖా సంస్థను ప్రారంభిం చింది. మువ్వన్నెల జెండా రంగులు... మధ్యన మన సంస్కృతికి చిహ్నమైన ముగ్గును చిత్రించి, చేనేత వస్త్రంతో కండువాను డిజైన్‌ చేసింది. పేటెంట్‌ హక్కునూ పొందింది. తన హ్యాండ్లూమ్‌ చీరలను ధోతీ కట్టులా డిజైన్‌ చేసి, వాటినే తన రోజువారీ డ్రెస్‌గా మార్చుకుంది. సికింద్రాబాద్‌ మారేడుపల్లిలో ఉంటున్న ప్రతిమ రాపర్తి తన వార్డ్‌రోబ్‌ను సరికొత్తగా మార్చుకుంది.‘ప్రపంచానికి కాటన్‌ దుస్తులను మన దేశమే పరిచయం చేసింది. మనదైన సంస్కృతిని మనమే పరిచయం చేసుకోవాలి. అలాగే మనల్ని అందరూ గుర్తించాలి. ఈ ఆలోచనే చేనేతలకు దగ్గరగా ఉండేలా చేసింది. 2018లో ‘చర్ఖా’ పేరుతో చేనేతలకు మద్దతుగా నిలవాలని సంస్థను ప్రారంభించాను.ట్రై కలర్స్‌లో ముగ్గు..స్వాతంత్య్రదినోత్సవం సందర్భంగా ట్రై కలర్స్‌ డ్రెస్‌ ధరించి వెళ్లడానికి చాలా కష్టపడేదాన్ని. ఆరెంజ్, బ్లూ, గ్రీన్‌ కలర్స్‌ ఉండేలా డ్రెస్సింగ్‌ చేసుకునేదాన్ని. అలా కాకుండా ఆ రోజుకి ఏదైనా ప్రత్యేకమైన యునిఫామ్‌ ఉంటే బాగుంటుంది అనుకున్నాను. చేనేత క్లాత్‌ను ఎంపిక చేసుకొని, అంచుగా వాటికి నేచురల్‌ కలర్స్‌ని జత చేశాను. మూడు రంగుల మధ్యలో ఉండే ధర్మచక్ర మన అడ్మినిస్ట్రేషన్‌కి, విజ్‌డమ్‌కి ప్రతీక. ధర్మచక్రను మన డ్రెస్సుల్లో వాడకూడదని, దాని బదులుగా ముగ్గు డిజైన్‌ చేశాను. ముగ్గు అనేది మన సంస్కృతికి, స్త్రీల కళా హృదయానికి ప్రతీక.25 చుక్కలు..మధ్య చుక్క ఈ డ్రెస్‌ ఎవరు ధరిస్తారో వారికి ప్రతీక. మిగతా 24 చుక్కలు మన పూర్వీకులు, కాలానికి ప్రతీకగా అనుకోవచ్చు. అలాగే, ఆ చుక్కలన్నీ కలుపుతూ వెళితే మన సమాజ వృద్ధికి, రాబోయే తరానికి సూచికగానూ ఉంటాయి. ఈ డిజైన్‌ని కండువా, శారీ, ధోతీ, ఘాఘ్రా చోళీకి తీసుకున్నాను. దీనికి పేటెంట్‌ రైట్‌ కూడా తీసుకున్నాను. ఈ డిజైన్‌ కండువాను ఎవరైనా ధరించవచ్చు.చేనేత చీరలతో ధోతీ కట్టు..నా దగ్గర ఎక్కువగా ఉన్న హ్యాండ్లూమ్‌ చీరలని ప్రత్యేక కట్టుగా మార్చుకోవాలనుకున్నాను. సౌకర్యంగా ఉండేలా చీరలను ధోతీగా కన్‌వర్ట్‌ చేసుకున్నాను. సెల్, మనీ, కార్డ్స్‌ పెట్టుకోవడానికి ఈ ధోతీకి పాకెట్స్‌ కూడా ఉంటాయి. పూర్వం రోజుల్లో గోచీకట్టు చీరలను వాడేవారు. ఆ డిజైన్‌ ప్రతిఫలించేలా నాకు నేను కొత్తగా డిజైన్‌ చేసుకున్న డ్రెస్సులివి. టూర్లకు, బయటకు ఎక్కడకు వెళ్లినా ఇలాంటి డ్రెస్‌తోనే వెళతాను. నాకు నేను ప్రత్యేకంగా ఉండాలనుకుంటాను. వీవర్స్, టైలర్స్, బ్లాక్‌ప్రింట్, హ్యాండ్‌క్రాఫ్ట్స్‌ వారితో కలిసి వర్క్‌ చేస్తాను. ఇకో ఫ్రెండ్లీ హ్యాండీ క్రాఫ్ట్, టైలరింగ్, పెయింటింగ్‌... వంటివి గృహిణులకు నేర్పిస్తుంటాను’’ అని వివరించారు ప్రతిమ. – నిర్మలారెడ్డి, సాక్షి ఫీచర్స్‌ ప్రతినిధి

సాక్షి, సిటీబ్యూరో: లక్షణమైన దక్షిణాది అమ్మాయిలా ముస్తాబు కావడం ఎంతో ఇష్టమని ప్రముఖ సినీతార శ్రియ శరన్‌ తెలిపారు. కేపీహెచ్‌బీ రోడ్‌ నంబర్‌–1లో నూతనంగా ఏర్పాటు చేసిన క్రియా జ్యువెల్స్‌ను బుధవారం ఆమె ముఖ్య అతిథిగా హాజరై ప్రారంభించారు.ఈ సందర్భంగా ఆమె మాట్లాడుతూ.. అందరు మగువల్లానే తనకూ బంగారు ఆభరణాలు ఎంతో ఇష్టమన్నారు. ఆభరణాలు మగువలకు మరింత సౌందర్యాన్ని పెంచుతాయని పేర్కొన్నారు. క్రియా ఆధ్వర్యంలోని లైట్‌ వెయిట్‌ ఆభరణాలు వినూత్నంగా ఉన్నాయని చెప్పారు. సినిమాల గురించి మాట్లాడుతూ.. తెలుగులో తేజా సజ్జా సినిమాలో, తమిళ్‌లో సూర్యతో మరో సినిమాలో నటిస్తున్నానని తెలిపారు. వారసత్వం, సంప్రదాయ ఆవిష్కరణలో భాగంగా క్రియా జ్యువెల్లరీని ప్రారంభించామని నిర్వాహకులు కొణిజేటి వెంకట మహేష్‌ గుప్తా అన్నారు. వజ్రాభరణాలతో పాటు ప్రత్యేకంగా విక్టోరియన్‌ కలెక్షన్‌ అందుబాటులో ఉన్నాయన్నారు. మరికొద్ది రోజుల్లో మరిన్ని స్టోర్లను ప్రారంభించను న్నామని ఆయన తెలిపారు.

సాక్షి, సిటీబ్యూరో: ఫ్యాషన్‌ డిజైనింగ్, అధునాతన ఫ్యాషన్‌ ట్రెండ్స్‌కు హైదరాబాద్‌ నగరం ‘సోల్‌ సిటీ’ అని ప్రముఖ బాలీవుడ్‌ ఫ్యాషన్‌ డిజైనర్‌ అనిత ఓస్వాల్‌ తెలిపారు. దశాబ్దాల కాలం నుంచే ఇక్కడి రిచ్‌ కల్చర్‌ ప్రసిద్ధి చెందిందని, ఆ సాంస్కృతిక వారసత్వాన్ని ఇప్పటికీ కొనసాగిస్తూ సౌందర్య వాణిజ్య రంగానికి కూడా కేంద్రంగా రాజసాన్ని నిలుపుకుంటుందని ఓస్వాల్‌ తన అభిప్రాయాన్ని వెల్లడించారు.విశ్వసుందరి ఐశ్వర్యరాయ్‌కు జ్వువెల్లరీ డిజైన్‌ చేస్తున్న సమయంలో పలుమార్లు దక్షిణాది సౌందర్య సొగసుల పైన చర్చించిన సందర్భాలూ ఉన్నాయని ఆమె గుర్తు చేసుకున్నారు. అనిత ఓస్వాల్‌ డిజైన్‌ చేసిన బంగారు, వజ్రాభరణాలను నగరంలోని రూం 9 పాప్‌ అప్‌ వేదికగా ‘ఝౌహరి’ పేరుతో ప్రదర్శిస్తున్నారు. తనతో పాటు కవిత కోపార్కర్‌ ఆధ్వర్యంలోని అత్యంత విలువైన ప్రతా పైథానీ, బనారస్‌ శారీస్‌నూ ప్రదర్శిస్తున్న ’ఝౌహరి’ని ప్రముఖ సామాజిక వేత్త శ్రీదేవి చౌదరి ఆవిష్కరించారు. ఈ సందర్భంగా ఓస్వాల్‌ నగరంలోని ఫ్యాషన్‌ హంగులను, బాలీవుడ్‌ తారల అభిరుచులను పంచుకున్నారు.హైదరాబాద్‌.. డ్రీమ్‌ ప్రాజెక్ట్‌..విలాసవంతమైన జీవితాల్లో ఆభరణాలు, జీవన శైలి ప్రధానమైన అంశాలని ఓస్వాల్‌ వివరించారు. 25 ఏళ్లుగా బాలీవుడ్‌ తారలకు జువెల్లరీ డిజైన్స్‌ రూపొందిస్తున్నానని, కానీ హైదరాబాద్‌ వేదికగా తన డిజైన్స్‌ ప్రదర్శించడం డ్రీమ్‌ ప్రాజెక్ట్‌గా పెట్టుకున్నానని అన్నారు. మాజీ మిస్‌ యూనివర్స్‌ ఐశ్వర్య రాయ్, ప్రియాంక చోప్రా, కిరన్‌ ఖేర్, సోనాక్షి సిన్హా, సంజయ్‌ లీలా భన్సాలీ వంటి స్టార్స్‌కు డిజైనర్‌గా చేశాను. ఐశ్వర్యరాయ్‌ భారతీయ సంస్కృతిలోని ఆభరణాల సౌందర్య వైభవాన్ని మరింత ఉన్నతంగా గ్లోబల్‌ వేదికపైన ప్రదర్శించడానికి ఇష్టపడేదని ఆమె అన్నారు.ఫ్యాషన్‌ ఐకాన్‌ ప్రియాంక చోప్రా అంతర్జాతీయ స్థాయి డిజైనింగ్‌ను అందిపుచ్చుకోవడంలో ఆసక్తిగా ఉంటుంది. ఎప్పటికప్పుడు న్యూ ట్రెండ్స్‌ను అనుకరిస్తూ, సృష్టిస్తూ ఫ్యాషన్‌కు కేరాఫ్‌గా నిలిచే హైదరాబాద్‌ ఫ్యాషన్‌ ఔత్సాహికులను కలవడం, వారి అభిరుచులను మరింతగా గమనించడం సంతోషాన్నిచ్చింది. సెలబ్రిటీ సీక్రెట్స్‌ వ్యవస్థాపకురాలు డా.మాధవి నేతృత్వంలో రిచ్‌ లైఫ్‌ను ప్రతిబింబించే కవిత కోపార్కర్‌ ప్రతా పైథానీ, బనారస్‌ డిజైన్‌లతో రూం 9 పాప్‌ అప్‌లో... 3 రోజుల పాటు నగర ఫ్యాషన్‌ ప్రేమికులకు మరో ప్రపంచాన్ని చేరువ చేయనుందని ఆమె తెలిపారు.ఇవి చదవండి: An Inch.. ఆర్ట్ పంచ్! రూపం సూక్ష్మం.. కళ అనంతం!

మానవ పరిణామంలోని తొలి నాగరిక కళ చేనేత. నాగరికతల ప్రస్థానంలో ఇది పడుగు పేకల పోగుబంధం. ఇది తరతరాల చేనేత కళాకారుల రంగుల కళ. ఆచ్ఛాదనతో అందానికి మెరుగులు దిద్దే అరుదైన కళ. ఇది కాల పరీక్షలను తట్టుకున్న అపురూప కళ. ఒంటికి హత్తుకుపోయే చేనేత వస్త్రాల సుతిమెత్తదనాన్ని ఆస్వాదించాలనుకోవడం ఒక రంగుల కల.నాగరికతకు తొలి గుర్తు వస్త్ర«ధారణ. వస్త్రాలను తయారు చేసే చేనేత తొలి నాగరిక కళ. చేనేత వెనుక సహస్రాబ్దాల చరిత్ర ఉంది. పత్తి నుంచి నూలు వడికి వస్త్రాలను నేయడం క్రీస్తుపూర్వం 3000 నాటికే విరివిగా ఉండేది. ఉన్ని కంటే పత్తితో వస్త్రాలు నేయడం సులువు కావడంతో వివిధ ప్రాచీన నాగరికతల ప్రజలు చేనేత వస్త్రాలవైపే మొగ్గు చూపేవారు. సింధులోయ నాగరికత వర్ధిల్లిన మొహెంజదారో శిథిలాల్లో ప్రాచీన చేనేతకు సంబంధించిన ఆనవాళ్లు, నాణ్యమైన నూలు దారపు పోగులు, అద్దకానికి ఉపయోగించే రంగుల అవశేషాలు ఉన్న కుండలు దొరికాయి.ఇవి మన దేశంలో చేనేత కళ ప్రాచీనతకు నిదర్శనంగా నిలుస్తున్నాయి. పారిశ్రామిక విప్లవం తర్వాత మరమగ్గాల వినియోగం పెరిగినప్పటి నుంచి చేనేత ప్రాభవం కొంత తగ్గుముఖం పట్టిందేగాని, అదృష్టవశాత్తు కొన్ని ఇతర ప్రాచీన కళల మాదిరిగా అంతరించిపోలేదు. చేనేతకు మన దేశంలో ఇప్పటికీ అద్భుతమైన ఆదరణ ఉంది. కొన్ని నగరాలు, పట్టణాలు ఇప్పటికీ చేనేతకు చిరునామాగా తమ ఉనికి చాటుకుంటున్నాయి. ప్రభుత్వాలు కూడా చేనేతను ప్రోత్సహించడానికి తగిన చర్యలు తీసుకుంటున్నాయి. ఆగస్టు 7న జాతీయ చేనేత దినోత్సవం సందర్భంగా ఈ ప్రత్యేక కథనం మీ కోసం...మన దేశంలో వారణాసి, చందేరి, జైపూర్, సూరత్, పానిపట్, లక్నో, భదోహీ, అల్మోరా, బాగేశ్వర్, కోటా, మహేశ్వర్, చెన్నై, కంచి, కన్నూర్, కాసర్‌గోడ్, మైసూరు, మంగళూరు, భాగల్‌పూర్, బంకా, ముర్షిదాబాద్, బిష్ణుపూర్, ధనియాఖలి, సంబల్‌పూర్, బరంపురం వంటి ఎన్నో నగరాలు, పట్టణాలు ఇప్పటికీ చేనేత కళను, సంప్రదాయాన్ని కాపాడుకుంటూ వస్తున్నాయి. తమ ప్రత్యేకతను చెక్కుచెదరకుండా నిలుపుకుంటూ వస్తున్నాయి. కేంద్ర ప్రభుత్వం 2019–20లో విడుదల చేసిన లెక్కల ప్రకారం మన దేశవ్యాప్తంగా 35.22 లక్షల మంది చేనేత కార్మికులు పూర్తిగా ఇదే వృత్తిని నమ్ముకుని జీవనోపాధి పొందుతున్నారు. చేనేత రంగంపై ఆధారపడి పరోక్షంగా ఉపాధి పొందుతున్న వారిని కూడా కలుపుకొంటే ఈ సంఖ్య 43 లక్షలకు పైగానే ఉంటుంది. చేనేత రంగంలో నేత, అద్దకం, నేతకు సంబంధించిన ఇతర పనులను చేసే ఈ కార్మికుల్లో దాదాపు 70 శాతం మహిళలే! దేశవ్యాప్తంగా దాదాపు 16 వేల చేనేత సహకార సంఘాలు పనిచేస్తున్నాయి. ఈ సహకార సంఘాల ద్వారా చేనేత కార్మికులు తమ ఉత్పత్తులను మార్కెట్‌కు చేరవేయగలగడమే కాకుండా, తమ శ్రమకు తగిన ప్రతిఫలాన్ని పొందగలుగుతున్నారు.ఫ్యాషన్లలోనూ చేనేత ముద్ర..యంత్రాల ద్వారా తయారయ్యే వస్త్రాల్లోని యాంత్రికతకు భిన్నంగా ఉండటమే చేనేత వస్త్రాల ప్రత్యేకత. అందుకే, ఎన్ని ఫ్యాషన్లు మారుతున్నా, చేనేత వస్త్రాలు తమ ప్రత్యేకతను నిలుపుకుంటూనే వస్తున్నాయి. చేనేత కార్మికుల కళానైపుణ్యం, ఎప్పటికప్పుడు కొత్తపుంతలు తొక్కే వారి సృజనాత్మకత కారణంగా కూడా ఆధునిక ఫ్యాషన్ల పోటీని చేనేత వస్త్రాలు సమర్థంగా తట్టుకుని నిలబడగలుగుతున్నాయి. రంగులు, డిజైన్లు, అద్దకం పద్ధతుల్లో చేనేత కార్మికులు ఎప్పటికప్పుడు కొత్తదనాన్ని అందిపుచ్చుకుంటున్నారు. మన దేశంలో తయారయ్యే చేనేత చీరలు, పంచెలు, తువ్వాళ్లు, దుప్పట్లు, ఇతర వస్త్రాలకు విదేశాల్లో కూడా బాగా గిరాకీ ఉంది.మన దేశం నుంచి అమెరికా, కెనడా, బ్రిటన్, స్పెయిన్, ఇటలీ, ఫ్రాన్స్, జర్మనీ, నెదర్లండ్స్, గ్రీస్, పోర్చుగల్, స్వీడన్, యూఏఈ, మలేసియా, ఇండోనేసియా, జపాన్, ఆస్ట్రేలియా, దక్షిణాఫ్రికా వంటి ఇరవైకి పైగా దేశాలకు చేనేత ఉత్పత్తులు ఎగుమతి అవుతున్నాయి. మన దేశం నుంచి 2023–24 ఆర్థిక సంవత్సరంలో 11.7 బిలియన్‌ డాలర్లు (రూ. 93,931 కోట్లు) విలువ చేసే చేనేత వస్త్రాలు విదేశాలకు ఎగుమతి అయినట్లు కేంద్ర ప్రభుత్వం వెల్లడించిన లెక్కలు చెబుతున్నాయి. ఈ మొత్తం గత ఆర్థిక సంవత్సరం ఎగుమతుల కంటే 6.71 శాతం ఎక్కువ. ఆధునిక ఫ్యాషన్ల హవాలోనూ చేనేత వస్త్రాలకు ఆదరణ ఏమాత్రం తగ్గకపోగా, పెరుగుతూ వస్తోందనడానికి ఈ లెక్కలే నిదర్శనం.తెలుగు రాష్ట్రాల్లో చేనేత చిరునామాలు..మన రెండు తెలుగు రాష్ట్రాల్లోనూ చేనేతకు చిరునామాలైన ఊళ్లు ఉన్నాయి. ఆంధ్రప్రదేశ్‌లో పొందూరు మొదలుకొని వెంకటగిరి వరకు, తెలంగాణలో పోచంపల్లి మొదలుకొని గద్వాల వరకు చేనేత కళలో అంతర్జాతీయంగా పేరు ప్రఖ్యాతులు పొందిన ఊళ్లు ఉన్నాయి. శ్రీకాకుళం జిల్లా పొందూరు పట్టణం ఖద్దరు చేనేతకు చిరకాలంగా ప్రసిద్ధి పొందింది. పొందూరు ఖద్దరు హోదాకు చిహ్నంగా గుర్తింపు పొందింది. పొందూరు ఖద్దరు పంచెలను అమితంగా ఇష్టపడేవారిలో మహాత్మాగాంధీ సహా ఎందరో స్వాతంత్య్ర సమర యోధులు, అక్కినేని నాగేశ్వరరావు వంటి సినీ ప్రముఖులు, దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి వంటి రాజకీయ ప్రముఖులు ఎందరో ఉన్నారు. పొందూరు ఖద్దరు నాణ్యత చూసి ముచ్చటపడిన గాంధీజీ, ఆ నేత మెలకువలను నేర్చుకునేందుకు తన కొడుకు దేవదాస్‌ గాంధీని పొందూరుకు పంపారు. ప్రధాని నరేంద్ర మోదీ ఆహ్వానం మేరకు పొందూరు చేనేత కళాకారులు బల్ల భద్రయ్య, జల్లేపల్లి కాంతమ్మ గత ఏడాది ఢిల్లీలో జరిగిన స్వాతంత్య్ర దినోత్సవ వేడుకల్లో పాల్గొన్నారు.కాకినాడ జిల్లా ఉప్పాడ చేనేత కేంద్రంగా ప్రసిద్ధి పొందింది. యు.కొత్తపల్లి, గొల్లప్రోలు మండలాల్లోని ఉప్పాడ పరిసరాలకు చెందిన ఎనిమిది గ్రామాల్లోని చేనేత కార్మికులు సంప్రదాయ జాంధానీ చీరల నేతలో అత్యంత నిష్ణాతులు. ఈ గ్రామాల్లో తయారయ్యే చీరలు ఉప్పాడ జాంధానీ చీరలుగా ప్రసిద్ధి పొందాయి. బంగారు, వెండి జరీ అంచులతో రూపొందించే ఉప్పాడ జాంధానీ చీరలకు జాగ్రఫికల్‌ ఇండికేషన్‌ (జీఐ) గుర్తింపు లభించింది. కర్నూలు జిల్లా కోడుమూరు చేనేత కార్మికులు గద్వాల చీరల నేతకు ప్రసిద్ధి పొందారు. ఇదే జిల్లా ఆదోనిలో చేనేత కార్పెట్లు, యోగా మ్యాట్లు వంటివి తయారు చేస్తున్నారు.అనంతపురం జిల్లా ధర్మవరం చేనేత కార్మికులు ప్రాచీన కాలంలోనే అగ్గిపెట్టెలో పట్టే చీరలను నేసిన ఘనత సాధించారు. ఇక్కడి చీరలకు కూడా జాగ్రఫికల్‌ ఇండికేషన్‌ (జీఐ) దక్కింది. బంగారు తాపడం చేసిన జరీతో రూపొందించిన ధర్మవరం చీరలకు దేశ విదేశాల్లో మంచి గిరాకీ ఉంది. ఫ్యాషన్‌ ప్రపంచంలో శరవేగంగా వస్తున్న మార్పులకు దీటుగా ఇక్కడి చేనేత కళాకారులు ఎప్పటికప్పుడు కొత్త కొత్త డిజైన్లను రూపొందిస్తూ, తమ ప్రత్యేకతను నిలుపుకుంటూ వస్తున్నారు. తెలంగాణలోని పోచంపల్లి ఇక్కత్‌ చీరలకు ప్రసిద్ధి పొందింది. ఇక్కడి ఇక్కత్‌ చీరలు అంతర్జాతీయ స్థాయిలో మన్ననలు పొందాయి. ప్రధాని నరేంద్ర మోదీ ఫ్రాన్స్‌ పర్యటనకు వెళ్లినప్పుడు ఫ్రాన్స్‌ అధ్యక్షుడి భార్య బ్రిగేటే మెక్రాన్‌కు పోచంపల్లి ఇక్కత్‌ చీరను ప్రత్యేకంగా బహూకరించారు. పోచంపల్లిలో తయారయ్యే పట్టు, నూలు చీరలు, డ్రెస్‌ మెటీరియల్స్, దుప్పట్లు, రజాయిలు, స్టోల్స్‌ స్కార్వ్స్, కర్టెన్లు వంటి వాటికి సూడాన్, ఈజిప్ట్, ఇండోనేసియా, యూఏఈ వంటి దేశాల్లో మంచి గిరాకీ ఉంది. పోచంపల్లి మండలం జలాల్‌పూర్‌ గ్రామానికి చెందిన చేనేత కార్మికుడు రాపోలు రామలింగం 2015లో జాతీయ చేనేత దినోత్సవం రోజున ప్రధాని నరేంద్ర మోదీ చేతుల మీదుగా అవార్డు అందుకున్నారు. రాష్ట్రపతి ద్రౌపది ముర్ము ఇక్కడకు వచ్చినప్పుడు పోచంపల్లి చేనేత కళాకారులు భోగ బాలయ్య, సరస్వతి దంపతులు తాము స్వయంగా నేసిన భారత చిత్రపటం గల వస్త్రాన్ని బహూకరించారు.నల్లగొండ జిల్లా పుట్టపాక గ్రామం తేలియా రుమాల్‌ వస్త్రాల తయారీకి ప్రసిద్ధి పొందింది. నేతకు ముందుగా దారాన్ని నువ్వుల నూనెలో నానబెట్టి తయారు చేసే ఈ వస్త్రాలకు జాగ్రఫికల్‌ ఇండికేషన్‌ (జీఐ) గుర్తింపు కూడా లభించింది. పుట్టపాక గ్రామం తేలియా రుమాల్‌ వస్త్రాలతో పాటు దుపియన్‌ చీరలకు కూడా అంతర్జాతీయ ప్రసిద్ధి పొందింది. పుట్టపాక వస్త్రాలు ఎందరో జాతీయ, అంతర్జాతీయ ప్రముఖుల మనసు దోచుకున్నాయి. మాజీ ప్రధాని ఇందిరా గాంధీ, సోనియా గాంధీ వంటివారు పుట్టపాక వస్త్రాలకు ఫిదా అయిన వారే! ఇక్కడి తేలియా రుమాల్‌ వస్త్రాలు అమెరికా అధ్యక్ష భవనం వైట్‌హౌస్‌లోను, లండన్‌ మ్యూజియంలోనూ చోటు సంపాదించుకోవడం విశేషం. పుట్టపాక చేనేత కళాకారులు గజం గోవర్ధన్, గజం అంజయ్య ‘పద్మశ్రీ’ అవార్డు పొందారు. ఇక్కడకు సమీపంలోని ఆలేరుకు చెందిన చింతకింది మల్లేశం ఆసు యంత్రం తయారీకి గుర్తింపుగా ‘పద్మశ్రీ’ పొందారు. ఒకే ప్రాంతానికి చెందిన ముగ్గురు చేనేత కళాకారులు ‘పద్మశ్రీ’ అవార్డు పొందడం దేశంలోనే అరుదైన విశేషం.మన దేశంలో 5000 ఏళ్ల చరిత్ర!మన దేశంలో చేనేతకు ఐదువేల ఏళ్లకు పైబడిన చరిత్ర ఉంది. సింధులోయ నాగరికత కాలం నుంచి ఇక్కడి జనాలు వస్త్రాలను నేసేవారు. ప్రాచీన భారత దేశంలో ప్రతి గ్రామంలోనూ చేనేతకారుల కుటుంబం కనీసం ఒక్కటైనా ఉండేది. పదహారో శతాబ్ది నాటికి చేనేత ఉత్కృష్టమైన కళ స్థాయికి ఎదిగింది. మంచి నైపుణ్యం కలిగిన చేనేత కళాకారులకు రాజాదరణ ఉండేది. ఎందరో రాజులు తమ విజయగాథల చిత్రాలను చేనేత వస్త్రాలపై ప్రత్యేకంగా నేయించుకునేవారు. మొగల్‌ పరిపాలన కొనసాగినంత కాలం మన దేశంలో చేనేతకు అద్భుతమైన ఆదరణ ఉండేది.బ్రిటిష్‌ హయాంలో మరమగ్గాలు ప్రవేశించడంతో చేనేతకు గడ్డురోజులు మొదలయ్యాయి. బ్రిటిష్‌వారు ఇక్కడి నుంచి నూలును ఇంగ్లండ్‌కు తరలించి, అక్కడి మిల్లుల్లో తయారయ్యే వస్త్రాన్ని ఇక్కడకు తీసుకువచ్చి అమ్మేవారు. ఈ పరిస్థితి కారణంగానే ఖద్దరు ఉద్యమం, విదేశీ వస్తు బహిష్కరణ ఉద్యమం స్వాతంత్య్ర పోరాటంలో భాగంగా మారాయి. బెంగాల్‌ విభజనకు వ్యతిరేకంగా ‘స్వదేశీ ఉద్యమం’ 1905 ఆగస్టు 7న కలకత్తాలో మొదలైంది. స్వదేశీ ఉద్యమానికి గుర్తుగా ఆగస్టు 7ను కేంద్ర ప్రభుత్వం 2015లో జాతీయ చేనేత దినోత్సవంగా ప్రకటించింది. స్వదేశీ ఉద్యమంలో భాగంగా అప్పట్లో మహాత్మాగాంధీ స్వయంగా రాట్నం నుంచి నూలు వడికేవారు.అప్పట్లో ఊరూరా ఎంతోమంది స్వాతంత్య్ర సమర యోధులు గాంధీజీ పంథాలోనే రాట్నంపై నూలు వడికి, ఆ నూలుతో నేసిన ఖద్దరు వస్త్రాలనే ధరించేవారు. బ్రిటిష్‌ పాలన అంతమై దేశానికి స్వాతంత్య్రం వచ్చిన తర్వాత చేనేత పరిశ్రమ తిరిగి పుంజుకోవడం ప్రారంభమైంది. సంప్రదాయ కుటీర పరిశ్రమగా చేనేత పరిశ్రమ ఈనాటికీ కొనసాగుతోంది. వస్త్రధారణలో వస్తున్న మార్పులను, జనాల అభిరుచుల్లో వస్తున్న మార్పులను ఎప్పటికప్పుడు అందిపుచ్చుకుంటూ, తనను తాను నవీకరించుకుంటూ చేనేత పరిశ్రమ తన ప్రత్యేకతను చాటుకుంటోంది.దేశవ్యాప్తంగా ఉన్న 16 నేషనల్‌ ఇన్‌స్టిట్యూట్స్‌ ఆఫ్‌ ఫ్యాషన్‌ టెక్నాలజీ (నిఫ్ట్‌), 28 చేనేతకారుల సేవా కేంద్రాలు ఏటా జాతీయ చేనేత దినోత్సవాన్ని ఘనంగా జరుపుకొంటాయి. పలుచోట్ల చేనేత వస్త్రాల ప్రదర్శనలను నిర్వహిస్తాయి.చేనేతలో మన ఘనత..– చేనేత చీరలు కేవలం చీరలు మాత్రమే కాదు, ఏ చీరకు ఆ చీరను ఒక కళాఖండంగా పరిగణిస్తారు ఫ్యాషన్‌ నిపుణులు. అంతర్జాతీయ ఫ్యాషన్‌ నిపుణులు తమ సేకరణలో భారత్‌ చేనేత చీరలను తప్పకుండా చేర్చుకోవడమే మన చేనేత ఘనతకు నిదర్శనం.– ప్రపంచవ్యాప్తంగా వినిగించే చేనేత వస్త్రాల్లో మన దేశంలో తయారైనవి 95 శాతం వరకు ఉంటాయి. చేనేతలో ఇప్పటికీ మనది తిరుగులేని స్థానం.– చేనేత వస్త్రాల తయారీలో బెనారస్‌ మొదలుకొని కంచి వరకు ఏ ప్రాంతానికి చెందిన వైవిధ్యం ఆ ప్రాంతానికే సొంతం. చేనేత కళలోని ఈ వైవిధ్యం కారణంగానే వివిధ ప్రాంతాలకు చెందిన చేనేత వస్త్రాలు ప్రత్యేకంగా జాగ్రఫికల్‌ ఇండికేషన్‌ (జీఐ) గుర్తింపును సాధించగలిగాయి.– చేనేత పరిశ్రమ మన దేశంలోనే అతిపెద్ద కుటీర పరిశ్రమగా కొనసాగుతోంది. వస్త్రాల రూపకల్పన శైలిలో సంప్రదాయ పరంపర, ప్రాంతీయ వైవిధ్యం, సృజనాత్మకత, అసాధారణ నైపుణ్యం ఫలితంగా మన చేనేత కళాకారులు అంతర్జాతీయంగా కూడా మన్ననలు పొందగలుగుతున్నారు.– భారత గ్రామీణ వ్యవస్థలో వ్యవసాయం తర్వాత ఎక్కువ మందికి ఆర్థిక పరిపుష్టిని కల్పిస్తున్నది చేనేత రంగమే!– మన దేశం నలుమూలలకు చెందిన 65 చేనేత ఉత్పత్తులకు, ఆరు ఉత్పత్తి చిహ్నాలకు జాగ్రఫికల్‌ ఇండికేషన్‌ (జీఐ) ఉంది. ఇన్ని ఉత్పత్తులకు జీఐ లభించడం చేనేత పరిశ్రమ వైవిధ్యానికి నిదర్శనం.

‘అమ్మా!, ఈ డ్రెస్‌ సరిగా లేదు, ఈ డిజైన్‌ ఓల్డ్‌.. అందరిలోనూ డల్‌గా కనిపిస్తాను, అందుకే నేను ఫంక్షన్‌కు రాను’ అనే మాటలు టీనేజ్‌ అమ్మాయిలు ఉన్న ఇంట్లో తరచూ వినిపిస్తుంటాయి. ఎంపిక చేసిన డ్రెస్‌ సరిగా లేదనో, మ్యాచింగ్‌ కుదరలేదనో ... చెప్పే మాటలు అమ్మలకు పెద్ద సవాల్‌గా ఉంటాయి. ‘‘మరో అకేషన్‌కి బెస్ట్‌ది సెలక్ట్‌ చేద్దాం. ఇప్పటికి ఇలా రెడీ అయి పో’’ అని కూతుళ్లకు సర్దిచెబుతూ ఉంటారు అమ్మలు. ‘ఇలాంటి ఇబ్బందికర సందర్భాలు ఎదురవకుండా సందర్భానికి తగినట్టు రెడీ అవడానికి మా అమ్మాయి విషయంలో సింపుల్‌గా అనిపించే కొన్ని టెక్నిక్స్‌ ఫాలో అవుతుంటాను’ అని చెబుతున్నారు సంయుక్తా మరపడగ. హైదరాబాద్‌లో ఫ్యాషన్‌ డిజైనర్‌గానూ రాణిస్తున్న సంయుక్త చెబుతున్న విశేషాలు.‘సాధారణంగా అమ్మాయిల డ్రెస్సింగ్‌ కోసం తరచూ షాపింగ్‌ చేస్తుంటాం. బాగున్నవీ, బాగోలేనివీ వార్డ్రోబ్‌లో చాలా డ్రెస్సులు వచ్చి చేరుతుంటాయి. ప్రతీసారీ కొత్తగా అనిపించేలా డ్రెస్సింగ్‌ ఉండేలా చూసుకోవడం కూడా ఇబ్బందిగా అనిపిస్తుంటుంది. ప్రతీ ఈవెంట్‌కి సందర్భానికి తగినట్టు డ్రెస్సింగ్‌ అవడం తప్పనిసరి కాబట్టి ఈ జాగ్రత్తలు తీసుకుంటాను.బెస్ట్‌ ఆఫ్‌ 5..క్యాజువల్‌గా బయటకు, రోజూ కాలేజీకి, పండగలు, గెట్‌ టు గెదర్స్, పెళ్ళిళ్లు.. ఇలా సందర్భాలను బట్టి మన డ్రెస్సింగ్‌ ఎలా ఉంటుందో చూసుకోవాలి. వాటిలో బెస్ట్‌ 5 అనేవి ఎంపిక చేసుకోవాలి. 1. సాధారణంగా బయటకు వెళ్లినప్పడు ఫంకీ స్టైల్‌ ఉంటే బాగుంటుంది. అందుకు మోడర్న్‌ వేర్‌ని ఎంపిక చేసుకోవచ్చు. వీటిలోనే స్ట్రీట్‌ స్టైల్‌ మిక్స్‌ అండ్‌ మ్యాచ్‌ డ్రెసింగ్‌ అయితే బాగుంటుంది. 2. పండగలకు, ఎంగేజ్‌మెంట్స్‌కి సంప్రదాయ లుక్‌లో కనిపించాలి. ఇందుకు ఫ్యాన్సీ టచ్‌ ను మిక్సప్‌ చేయచ్చు. ఇండోవెస్ట్రన్‌ డ్రెస్సింగ్‌ కూడా ఈ సందర్భాలలో బాగుంటుంది.3. కాలేజీలో ప్రత్యేకమైన ఈవెంట్స్‌ ఉన్నా ఫంకీ లుక్‌తో ఉండే ప్లెయిన్‌ ఫ్యాబ్రిక్స్‌ బాగుంటాయి. వీటిలోనే ముదురు, లేత రంగుల కాంబినేషన్స్‌ ఎంపిక చేసుకోవచ్చు. వీటిలో డార్క్‌ కలర్‌ టాప్స్, లైట్‌ షేడ్స్‌ స్కర్ట్స్‌ని వార్డ్రోబ్‌లోకి చేర్చుకోవచ్చు. పూర్తి వెస్ట్రన్‌ స్టైల్స్‌ కూడా కాలేజీ ఈవెంట్స్‌కు బాగుంటాయి. 4. వివాహ వేడుకలకు బెనారస్, పైథానీ, ఇకత్, పట్టుతో తయారైన ఏ ఫ్యాబ్రిక్‌తో అయినా లెహంగా, శారీ, చుడీదార్‌ డిజైన్స్‌.. ఎంపిక చేసుకోవచ్చు. వీటిలోనూ జాకెట్స్, టాప్స్‌.. వెస్ట్రన్‌ స్టైల్‌లో డిజైన్‌ చేయించుకోవచ్చు. 5. ఒక్కో ఈవెంట్‌కు ఒక్కో స్టైల్‌లో కనిపించేలా కనీసం 5 నుంచి 6 డ్రెస్‌లు సిద్ధంగా ఉంటే వాటినే మిక్స్‌ అండ్‌ మ్యాచ్‌ కూడా చేసుకోవచ్చు. లెహంగా ప్లెయిన్‌ ఉంటే డార్క్‌ బ్లౌజ్‌ క్రాప్‌ టాప్స్, వెస్ట్రన్‌ టాప్స్‌తో మిక్సప్‌ చేయచ్చు."మా అమ్మాయి వార్డ్రోబ్‌లో ఇలా సందర్భానికి తగినట్టు డ్రెస్సులు ఉండేలా చూసుకోవడం వల్ల ఎంత పెద్ద అకేషన్‌ వచ్చినా పెద్దగా ఇబ్బందిగా అనిపించదు. దీనివల్ల టైమ్‌ ఆదా అవుతుంది. అనవసర షాపింగ్‌కూడా తగ్గుతుంది.’’ – నిర్మలారెడ్డి"ఆభరణాల ఎంపిక కాలేజీ ఈవెంట్స్‌కి పెద్ద పెద్ద ఇయర్‌ రింగ్స్‌ బాగుంటాయి. ముదురు రంగు డ్రెస్సుల మీదకు ముత్యాలు లేదా పెండెంట్‌ ఉండే సన్నని చెయిన్‌ ధరిస్తే చాలు. ఫ్యాన్సీ డ్రెస్సింగ్‌ అయితే ఇయర్‌ రింగ్స్‌తో మేనేజ్‌ చేయచ్చు. పూర్తి సంప్రదాయ లుక్‌ అయితే సందర్భాన్ని బట్టి టెంపుల్‌ జ్యువెలరీని ఎంపిక చేసుకుంటే చాలు." – సంయుక్త మరపడగఇవి చదవండి: Aarti Kumar Rao: ప్రయాణ దారులలో.. ప్రకృతి గీతాలతో..

అనంత్‌ అంబానీ, రాధికా మర్చంట్‌ల జామ్‌నగర్‌ ప్రీవెడింగ్‌ సెలబ్రేషన్‌ గుర్తుండే ఉంటుంది! ఆ వేడుకలో కళ్లు తిప్పుకోనివ్వని ముస్తాబుతో మెరిసిపోయింది పెళ్లికూతురు. అంతేకాదు ఆ ఈవెంట్‌కి హాజరైన ఆలియా భట్, కరీనా కపూర్‌ ఖాన్, సోనమ్‌ కపూర్, నతాశా పూనావాలాలూ సెంటర్‌ ఆఫ్‌ అట్రాక్షన్‌గా నిలిచారు. రాధికా మర్చంట్‌ సహా వాళ్లందరినీ అంత అందంగా తయారుచేసిన స్టయిలిస్ట్‌ రియా కపూర్‌! ఆమె నైపుణ్యానికి ఆ సంబరాన్ని మించిన ఉదాహరణ లేదేమో! ఆమె ప్రతిభకు విశేషణం జోడించాలంటే.. ‘గివ్‌ ఏ గర్ల్‌ ద రైట్‌ షూస్‌ అండ్‌ షి కెన్‌ కాంకర్‌ ద వరల్డ్‌!’ అని హాలీవుడ్‌ స్టార్‌ మార్లిన్‌ మాన్రో మాట. దాన్ని నిజం చేసి చూపించింది రియా కపూర్‌.. ప్రొడ్యూసర్, సెలబ్రిటీ స్టయిలిస్ట్‌ అండ్‌ ఆంట్రప్రెన్యూర్‌గా.. అని చెప్పాలి!ఇండియాలో ఫ్యాషన్‌ ఇండస్ట్రీ.. కాలు మోపలేనంత మంది ఉద్దండులతో నిండిపోయుంది. అలాంటి రంగంలోకి ‘డ్రమాటిక్‌ లిటరేచర్‌’ ఎడ్యుకేషనల్‌ బ్యాక్‌గ్రౌండ్‌తో.. ఫ్యాషన్‌ మీద ఆసక్తి అనే ఒకే ఒక్క క్వాలిఫికేషన్‌తో తల దూర్చి.. తన స్టయిల్‌ను ప్రదర్శించగలిగేంత స్పేస్‌.. గుర్తింపు పొందగలిగేంత ప్రత్యేకతను సాధించింది రియా కపూర్‌! ఈ మొత్తం ప్రయాణంలో ఆమెక్కడా తన తండ్రి పరపతిని ఉపయోగించుకోలేదు. తన శక్తినే నమ్ముకుంది! ఇంతకీ వాళ్ల నాన్న ఎవరంటే బాలీవుడ్‌ సీనియర్‌ నటుడు అనిల్‌ కపూర్‌.ఆయనకు రియా రెండో సంతానం. నటి సోనమ్‌ కపూర్‌కి చెల్లి. వాళ్లమ్మ సునీతా కపూర్‌ జ్యూలరీ డిజైనర్‌. ‘మా చిన్నప్పుడు మా అమ్మ, పిన్ని ఇద్దరూ పెయింటింగ్‌ వేస్తుంటే అదేంటో నాకు తెలిసేది కాదు.. గోడల మీద పెయింట్‌ వేసినట్టే అనిపించేది. నాకు ఊహ తెలిశాక ఒకసారి మా అమ్మ పెయింట్‌ చేసిన చిన్న ఫ్రేమ్‌లో ఒక ఇంటర్నేషనల్‌ జ్యూలరీ బ్రాండ్‌ లాకెట్‌ను చూశాను. అప్పుడు తెలిసింది మా అమ్మ పెయింటింగ్‌ వాల్యూ! అప్పటి నుంచి నాకు డిజైనింగ్‌.. ఫ్యాషన్‌ మీద ఇంట్రెస్ట్‌ క్రియేట్‌ అయింది’ అని చెబుతుంది తన స్టయిలింగ్‌ పునాది ఎక్కడ పడిందో గుర్తుచేసుకుంటూ! అయినా అకడెమిక్‌గా ఆర్ట్స్‌ని ఎంచుకుంది. న్యూయార్క్‌లో ‘డ్రమటిక్‌ లిటరేచర్‌’ చదివింది.దానికి తగ్గట్టే తొలుత నిర్మాతగా మారింది ‘ఆయశా’ చిత్రంతో! తర్వాత ఖూబ్‌సూరత్, వీరే ది వెడింగ్, థాంక్యూ ఫర్‌ కమింగ్, క్రూ సినిమాలనూ ప్రొడ్యూస్‌ చేసింది. ఖూబ్‌సూరత్, వీరే ది వెడింగ్‌ మూవీస్‌ ఆమెకు మంచి పేరు తెచ్చిపెట్టాయి. ఒకరకంగా ఆ సినిమాలతోనే ఆమె స్టయిలింగ్‌ కెరీర్‌ కూడా మొదలైందని చెప్పొచ్చు. ఎందుకంటే ‘ఆయశా’ స్టయిలిస్ట్‌ అయిన పర్నియా కురేశీకి రియా అసిస్టెంట్‌గా వ్యవహరించింది. ఆ లెక్కన ఆమె తొలి క్లయింట్‌ తన సోదరి సోనమ్‌ కపూరే! రియా పూర్తి స్టయిలిస్ట్‌గా మారింది మాత్రం కాన్స్‌ ఫిల్మ్‌ ఫెస్టివల్‌ రెడ్‌ కార్పెట్‌ వాక్‌కి సోనమ్‌ను తీర్చిదిద్ది! అప్పటి నుంచి అక్కకు పర్సనల్‌ స్టయిలిస్ట్‌గా అపాయింట్‌ అయింది.తన బ్యానర్‌లోని సినిమాల కథానాయికలకూ తనే స్టయిలింగ్‌ చేస్తోంది. అలా కరీనా కపూర్, భూమి పెడ్నేకర్, టబు, కృతి సనన్‌ మొదలైన హీరోయిన్లకూ స్టయిలింగ్‌ చేసింది రియా! ప్రముఖ స్టయిలిస్ట్‌లు అభిలాషా దేవ్నానీ, తాన్యా ఘావ్రీలతోనూ పనిచేసింది. అక్కతో కలసి ‘రిసోన్‌’అనే ఫ్యాషన్‌ బ్రాండ్‌నూ స్టార్ట్‌ చేసింది. అంతేకాదు వీగన్‌ ఫుట్‌వేర్‌ బ్రాండ్‌ ‘ద సీఐఏ స్టోర్‌’తోనూ కలసి ప్లస్‌ సైజ్‌ మహిళల కోసం ‘ఆర్‌కే’ పేరుతో షూస్‌ని డిజైన్‌ చేసింది. ఇలా అన్ని రంగాల్లో తన మార్క్‌ చూపిస్తూ సక్సెస్‌ఫుల్‌గా కొనసాగుతోంది రియా కపూర్‌!కొత్తగా ఆలోచించడం.. కొత్తగా చేయడం.. ఆ క్రమంలో సవాళ్లను ఎదుర్కోవడం నాకు చాలా ఇష్టం. నా జర్నీని మోటివేట్‌ చేసేది అదే! స్టయిల్‌ అంటే సెలబ్రేటింగ్‌ ద మూడ్‌. మన కట్టుబొట్టు ద్వారా మన మూడ్‌ని అవతలి వాళ్లకు కమ్యూనికేట్‌ చేయడం! ఆత్మను పట్టుకోవడం! ఇంకా చెప్పాలంటే కంఫర్ట్‌! ఫ్యూచర్‌ అంతా క్రూయల్టీ ఫ్రీ ఫ్యాషనే! అంటే వీగన్‌ ఫ్యాషన్‌! ఈ రంగంలోకి వచ్చే వాళ్లెవరైనా ఫలితాన్ని ఆశించి కాదు.. ఆ ప్రయాణాన్ని నమ్మి రావాలి! – రియా కపూర్‌

అత్యంత ప్రభావవంతమైన వ్యక్తి, స్టైల్‌కి ఐకాన్‌ అయిన నటాషా పూనావాల ఎప్పటికప్పుడూ సరికొత్త ఫ్యాషన్‌తో అందర్నీ ఆశ్చర్యపరుస్తుంటుంది. ఆమె స్వతహాగానే ఫ్యాషన్‌గా ఉంటుంది ఆమె ఆహార్యం. ఆమె ఎప్పటికప్పుడూ ట్రెండ్‌ని సెట్‌ చేసే సరికొత్త డిజైనర్‌ వర్‌ దుస్తులతో తుళ్లక్కుమంది. అలానే ఈసారి ఫ్రాన్స్‌లో జరిగిన సమ్మర్‌ గాలా 2024 కోసం క్రిస్టల్స్‌తో అలంకరించిన గౌనుని ధరించింది. ఈ గాలా ఈవెంట్‌లో నటాషా ధరించిన మార్టిన్‌ గ్లాస్‌ ఆకృతి పర్సు హైలెట్‌గా నిలిచింది. ఈ పర్సు వోడ్కా, జిన్‌, కాక్‌టెయిల్‌ వంటి జ్యూస్‌లనే సర్వ్‌ చేసే మార్టిన్‌ గ్లాస్‌ ఆకృతిలో ఉండటం అందర్నీ ఆశ్చర్యపరిచింది. అక్కడ ఉన్న ప్రేక్షకుల దృష్టిని ఈ పర్సు ఎక్కువగా ఆకర్షించింది. అంతేగాదు సోషల్‌ మీడియాలో సైతం అందుకు సంబంధించిన ఫోటోల్లో కనిపించిన ఈ పర్సే అందరి దృష్టిని అట్రాక్ట్‌ చేసింది. ఇక్కడ నటాషా ముగ్ధమనోహరంగా ఉండేలా ట్రాన్స్‌పరేంట్‌ క్రిస్టల్‌ గౌనులో మెరిసిపోయింది. అందుకు తగ్గట్లు చేతికి ధరించిన పర్సు ఎవర్‌ గ్రీన్‌గా ఉంది. అంతేగాదు ఈ మార్టిన్‌ గాజు ఆకృతి పర్సుని క్రిస్టల్స్‌తో అలంకరించడంతో నటాషా దివి నుంచి భువి వచ్చిన దేవకన్యలా ధగ ధగ మెరిసిపోయింది. ఈ పర్సు ఓపెనింగ్‌ అద్దం మాదిరిగా ఉంటుంది. జుడిత్ లీబర్ బ్రాండ్‌కి చెందిన ఈ పర్సు ధర ఏకంగా రూ. 4.85 లక్షలు పైనే ఉంటుందట. నటాషా ఎప్పుడూ డిఫెరెంట్‌ ఫ్యాషన్‌ ప్రయోగాలు చేస్తూనే ఉంటుంది. అందులో భాగంగానే ఈ సారి ఆమె ధరించి గ్లాస్‌ ఆకృతి పర్సు అందరి మనసులను దోచుకుంది. ముఖ్యంగా ఫ్యాషన్‌ ప్రియులను ఈ పర్సు ఎంతగానో ఆకట్టుకుంది. అంతా వాటే ఏ స్టైలిష్‌ పర్సు అని ప్రశంసిస్తున్నారు కూడా. ఎవరీ నటాషా?భారతదేశంలో అత్యంత సంపన్న వ్యాపారవేత్తల్లో ఒకరైన అదార్‌ పూనావాలా భార్యే నటాషా పూనావాలా. ఆమె అతిపెద్ద వ్యాక్సిన్ తయారీదారుగా ప్రసిద్ధి చెందిన సీరమ్ ఇన్‌స్టిట్యూట్ ఆఫ్ ఇండియా (SII)కి ఎగ్జిక్యూటివ్ డైరెక్టర్‌. 2023 నాటికి, సెరమ్ ఇన్‌స్టిట్యూట్ ఆఫ్ ఇండియా విలువ రూ. 1.92 లక్షల కోట్లుగా ఉందని నివేదికలు సూచిస్తున్నాయి. అంతేగాదు ఆమె సైరస్ పూనావల్ల గ్రూప్‌లోని వివిధ కంపెనీల కోసం సృజనాత్మకతతో కూడిన వ్యాపార వ్యూహాలతో లాభాల బాట పట్టించడంలో నటాషా కీలక పాత్ర పోషిస్తుంది. ఆమె తన అత్తగారి గౌరవార్థం 2012లో స్థాపించబడిన కుటుంబ ఫౌండేషన్ అయిన విల్లో పూనావల్లా ఫౌండేషన్‌కు చైర్‌పర్సన్‌గా కూడా పనిచేస్తుంది. అలాగే భారతదేశం కోసం బ్రిటీష్ ఆసియన్ చిల్డ్రన్స్ ప్రొటెక్షన్ ఫండ్‌కు చైర్‌పర్సన్‌గా వ్యవహరిస్తోంది. పైగా బ్రిటిష్ ఏషియన్ ట్రస్ట్‌కు ఇండియా అడ్వైజరీ కౌన్సిల్‌లో సభ్యురాలు కూడా.(చదవండి: హీరోయిన్‌ కత్రినా అనుసరించే రెండుపూటల భోజనం, షట్పావళి డైట్‌ ప్లాన్‌ అంటే..?)

8 ఏళ్లుగా క్రియేటీవ్‌ ఆర్ట్స్‌ ఆధ్వర్యంలో స్టైల్‌ పితార ఫ్యాషన్‌ లైఫ్‌ స్టైల్‌ ఎగ్జిబిషన్‌ను నిర్వహిస్తున్నట్లు ప్రతినిధులు రమారాటి, వైశాలి ఇనాని, మీనల్‌ శారద, వినిత బల్దువలు పేర్కొన్నారు. కోఠిలోని కార్యాలయంలో సోమవారం స్టైల్‌ పితార పోస్టర్‌ను ఆవిష్కరించారు. గృహిణులు వారి ప్రతిభతో తయారు చేసిన ఉత్పత్తులను వారే స్వయంగా స్టాళ్లలో ప్రదర్శించే అవకాశం ఉందన్నారు. సామాజికంగా, ఆధ్యాతి్మకంగా క్రియేటివ్‌ ఆర్ట్స్‌ చారిటీ సంస్థ ఎన్నో సేవా కార్యక్రమాలను నిర్వహిస్తుందన్నారు. ఈ నెల 25, 26 తేదీల్లో రెండు రోజుల పాటు రామ్‌కోఠిలోని కచి్చభవన్‌లో ఎగ్జిబిషన్‌ను ఏర్పాటు చేయనున్నట్లు వివరించారు. ఈ ఎగ్జిబిషన్‌ను ప్రముఖ సంఘ సేవకురాలు భగవతి మహేష్‌ బలద్వా, ప్రముఖ వైద్యురాలు డాక్టర్‌ శ్వేత అగర్వాల్‌ ప్రారంభిస్తారన్నారు. దేశంలోని వివిధ రాష్ట్రాలకు చెందిన మహిళలు ప్యాషన్‌ డిజైనింగ్, పేపర్‌ స్టాల్స్, ఫుడ్‌స్టాల్స్, గేమ్స్, జువెలరీ, హ్యాండీ క్రాప్‌్ట, ఫుడ్‌ ఐటమ్స్‌ 100కుపైగా స్టాళ్లలో ఏర్పాటు చేయనున్నారు.

ముత్యాలతో చేసిన నగలు, వాచ్‌లు అదిరిపోతాయి. ముత్యపు కాంతి, అందమే ఓ రేంజ్‌లో ఉంటుంది. వాటిని ధరిస్తే ఏదో ప్రకాశవంతమైన అనుభూతి కలుగుతుంది. ఎంత ఖరీదు చేసే డైమండ్లు ఉన్నా.. ముత్యాల ముందు అవన్నీ పక్కకు వెళ్లిపోవాల్సిందే అన్నంతగా ప్రకాశిస్తుంటాయి. అలాంటి ముత్యాలతో చీరనే రూపొందిస్తే.. ముత్యాల చీర దాని అందమే మతిపోయేలా ఉంటుంది. అలాంటి చీరనే ధరించింది బాలీవుడ్‌ నటి షానాయ కపూర్‌.ఆమె ఇటీవల జరిగిన అనంత్‌ రాధికల పెళ్లికి హాజరైన ఫోటోలను నెట్టింట షేర్‌ చేసింది. ఆ వేడుకలో అందరూ పలు ఖరీదైన డిజైనర్‌ చీరలు,లెహంగాలతో దర్శనమివ్వగా. షానాయ మాత్రం ఓ డిఫెరెంట్‌ లుక్‌లో ప్రత్యేక ఆకర్షగా కనిపించింది. ఆమె ఈ గ్రాండ్‌ వివాహ వేడుకకి మల్హోత్రా డిజైన్‌ చేసిన ముత్యాలతో చీరలో తళుక్కుమంది. దాదాపు లక్ష ముత్యాలతో రూపొందించిన చీరలో ప్రకాశవంతమైన లుక్‌తో మెస్మరైజ్‌ చేసింది. వాటికి తగ్గట్టు చెవులకు సింపుల్‌ డైమండ్‌ స్టడ్‌లు, చేతికి చక్కటి ముత్యాలతో కూడిన బ్రాస్‌లెట్‌తో అదిరిపోయింది. హెయిర్‌ని చాలా సింపుల్‌ పోనీస్టైల్‌ని ఎంచుకుంది. అలాగే ప్రకాశవంతంగా కనిపించే లైట్‌ మేకప్‌కి ప్రాధాన్యత ఇచ్చింది షానాయ. అందుకు సంబంధించిన ఫోటోలు నెట్టింట తెగ వైరల్‌ అవుతున్నాయి. మీరు కూడా ఓ లుక్కేయండి.(చదవండి: వైద్యురాలు కమ్‌ మోడల్‌: తొలి మిస్‌ యూనివర్సల్‌ పెటైట్‌గా కన్నడ బ్యూటీ!)

అమెజాన్‌ ఇండియా ఆధ్వర్యంలో ప్రైమ్‌ డే ఈ నెల 20న నిర్వహిస్తున్నారు. ఈ సందర్భంగా అమెజాన్‌లో బ్యూటీ అండ్‌ లగ్జరీ కేటగిరీల సారధిగా ఎంపికైన సీనియర్‌ మార్కెటింగ్‌ మేనేజర్‌ షాలిని మట్టాతో భేటీ అవకాశాన్ని అందిస్తున్నామని సంస్థ ప్రతినిధులు తెలిపారు. జంషెడ్‌పూర్‌కు చెందిన షాలిని విశాఖపట్నంలో పెరిగి..ఐఐటీ ఢిల్లీలో ఇంజనీరింగ్‌ డిగ్రీని, ఐఐఎం కోల్‌కత్తాలో ఎంబీఏ పూర్తి చేసుకున్నారనీ, ఆపై కంటెంట్, సోషల్‌ మీడియా మార్కెటింగ్‌ రంగంలోకి ప్రవేశించారన్నారు. విధుల్లో భాగంగా లైవ్‌ వీడియో షాపింగ్‌ను పర్యవేక్షిస్తారని, క్రియేటర్‌ కమ్యూనిటీలను నిరి్మంచడం, బ్యూటీ సోషల్‌ మీడియా, ఇన్‌ఫ్లుయెన్సర్‌ కంటెంట్‌ క్రియేషన్‌ వర్క్‌స్ట్రీమ్‌లను నిర్వహిస్తారన్నారు.

రాయదుర్గం: మిస్టర్‌ అండ్‌ మిస్‌ ఫ్యాషన్‌ గాలా–2024 అట్టహాసంగా సాగింది. ఆదివారం రాత్రి హైదరాబాద్‌ నాలెడ్జి సిటీలోని టీహబ్‌ ప్రాంగణంలో ప్రముఖ ఎంటర్‌టైన్‌మెంట్, ఈవెంట్‌మేనేజ్‌ మెంట్‌ కంపెనీ థర్డ్‌ ఐ ఎంటైర్‌టైన్‌మెంట్‌ ఆధ్వర్యంలో గ్రాండ్‌ ఫినాలే కార్యక్రమాన్ని నిర్వహించారు. 100 మంది మోడలింగ్‌ ఔత్సాహికులు ఈ కార్యక్రమంలో పాల్గొని సందడి చేశారు. మోడల్, నటుడు ఈశ్వర్‌సాయి, ఫ్యాషన్‌ డైరెక్టర్, కొరియోగ్రాఫర్‌ వంశీ పి పల్లెతో సహా పరిశ్రమ నిపుణుల బృందం ఈ పోటీకి న్యాయనిర్ణేతలుగా వ్యవహరించారు. గ్రాండ్‌ ఫినాలేలో ఫైనలిస్టులు ర్యాంప్‌ వాక్, టాలెంట్‌ షోకేస్, పర్సనాలిటీ రౌండ్‌తో సహా వివిధ రౌండ్లలో పోటీపడ్డారు. మిస్టర్‌ ఫ్యాషన్‌ గాలా–2024 విజేతకు లక్ష నగదు బహుమతి, రన్నరప్‌కు రూ.50వేలు అందిస్తారు. ప్రఖ్యాత ఫ్యాసన్‌ డిజైనర్లు, కొరియోగ్రాఫర్లు, పరిశ్రమ నిపుణులు పాల్గొని ఈ ఫైనల్‌ కార్యక్రమంలో తమ అనుభవాలను పంచుకున్నారు. షో నిర్వహణతో టీహబ్‌ ప్రాంగణమంతా సందడిగా మారింది.

శ్రుతి.. ఉత్తరప్రదేశ్, ఝాన్సీలో పుట్టిపెరిగింది. కంప్యూటర్‌ సైన్స్‌లో ఇంజినీరింగ్‌ గ్రాడ్యుయేట్‌. మేకప్, ఫ్యాషన్‌ అంటే చాలా ఆసక్తి. అందుకే తన తొలి వీడియోను వాటి మీదే అంటే.. హెయిర్‌ స్టయిల్స్‌ మీదే తీసి యూట్యూబ్‌లో అప్‌లోడ్‌ చేసింది. అప్పుడు ఆమె అమెరికాలో సాఫ్ట్‌వేర్‌ జాబ్‌ చేస్తోంది.ఆ వీడియోకు ఆమె ఊహించని రీతిలో వ్యూస్, షేర్స్‌ వచ్చాయి. ఆ ప్రోత్సాహం, ఉత్సాహంతో ‘ShrutiArjunAnand’ పేరుతో యూట్యూబ్‌ చానెల్‌ను స్టార్ట్‌ చేసింది. 2013లో ఆమె ఇండియా వచ్చేవరకు ఆ చానెల్‌లో ఎక్కువగా ఫ్యాషన్‌ కంటెంట్‌ వీడియోలే అప్‌లోడ్‌ అయ్యేవి. ఇండియా వచ్చేశాక యూట్యూబ్‌ చానెల్‌ మీద ఫుల్‌ టైమ్‌ వర్క్‌ చేయడం మొదలుపెట్టింది.డే టు డే లైఫ్‌లోని పరిస్థితులు, కుటుంబ విషయాలను కథానాంశాలుగా తీసుకుని కామెడీ టచ్‌తో వీడియోలుగా తీసి తన చానెల్‌లో అప్‌లోడ్‌ చేస్తోంది. తన చానెల్‌కున్న లక్షల వ్యూస్, మిలియన్ల సబ్‌స్క్రైబర్స్‌తో ఆమె 2016లోనే టాప్‌ 10 ఇండియన్‌ యూట్యూబర్స్‌ లిస్ట్‌లో చేరిపోయింది. ఇప్పుడు శ్రుతి.. దేశంలోకెల్లా రిచెస్ట్‌ యూట్యూబర్స్‌లో ఒకరు.ఒక్క శ్రుతే కాదు ఆమె భర్త అర్జున్, కూతురు కూడా టాప్‌ యూట్యూబర్సే. ఇంకా చెప్పాలంటే ఆమె కుటుంబమంతా యూట్యూబర్సే. ‘ShrutiArjunAnand Digital Media’ ప్రైవేట్‌ లిమిటెడ్, ‘Shruti Makeup & Beauty’ ప్రైవేట్‌ లిమిటెడ్‌ అనే రెండు కంపెనీలను స్థాపించి తన ఫ్యామిలీ మెంబర్స్‌తో కలసి పనిచేస్తూ సోషల్‌ మీడియా వ్యూయర్స్‌ నచ్చే.. మెచ్చే కంటెంట్‌ని క్రియేట్‌ చేస్తోంది శుత్రి అర్జున్‌ ఆనంద్‌.

మన దేశీయ సంప్రదాయ కళలప్రాముఖ్యత ఎంతటిదో మనకు తెలిసిందే. పంజాబ్‌ ‘ఫుల్కారీ కళ’కు ప్రసిద్ధి. వారి సంప్రదాయ వేడుకలలో ప్రధానంగా కనిపిస్తుంది. ‘పూల కళ’గా పేరొందిన ఈ వర్క్‌ దుపట్టాలు, చీరలమీదనే కాదు ఆధునిక డ్రెస్సుల మీద, ఇతర యాక్సెసరీస్‌లోనూ కనువిందు చేస్తోంది. నక్షత్రాల్లా మెరిసి΄ోతూ ఆకర్షణీయంగా కనిపించే ఈ కళ పండగల వేళ మరింత ప్రత్యేకతను చాటుతోంది. ఫ్యాషన్‌ వేదికల మీదా కనువిందు చేస్తోంది.ఒక్కోప్రాంతానికి ఒక్కో విశిష్టత ఉన్నట్టే ఒక్కో కళ కూడా తన ప్రత్యేకతను చూపుతుంటుంది. హిందీలో ‘ఫూల్‌’ అంటే పువ్వు అని అర్థం. వేదకాలంలోనూ ఈ జానపద కళ మూలాలున్నాయని చెబుతుంటారు. అయితే, 15వ శతాబ్దంలో పంజాబ్‌లోని మహిళల ద్వారా మొదలైందని తెలుస్తుంది. వివాహాలు ఇతర వేడుకలలో మహిళలు ఫుల్కారీలు ధరించడం, బహుమతులు ఇవ్వడం అక్కడి సంప్రదాయం. ఇది పూర్తిగా గృహసంబంధమైన దేశీయ కళ. ఖద్దరు క్లాత్‌పైన రంగు రంగుల సిల్క్, కాటన్‌ దారాలతో ఎంబ్రాయిడరీ చేస్తారు. రేఖాగణితంలోని జామెట్రీని ఈ డిజైన్లు ΄ోలి ఉంటాయి.ఎవర్‌గ్రీన్‌ ఆర్ట్‌ వర్క్‌..ఫుల్కారీ కండువాలు, శాలువాలు, దుపట్టాలకు మాత్రమే పరిమితంగా ఉండేది. కానీ నేడు కుర్తాలు, లెహంగాలు, జాకెట్లు, స్టోల్స్, చీరలు, ష్రగ్‌లు, స్కర్ట్‌లు, కఫ్తాన్లు, ఫ్యూజన్‌ అవుట్‌ఫిట్‌లు, ΄ాదరక్షలు, బెల్ట్‌లు, హెయిర్‌ బ్యాండ్స్, బ్యాగ్‌లు, ΄ûచ్‌లు, క్లచ్‌లు, గొడుగుల డిజైన్లలోనూ.. ఫుల్కారీ కళ కనిపిస్తోంది.విభిన్న డిజైన్లు..ఈ డిజైన్లలో బాగ్, ఛమాస్, నీలక్, చోప్‌.. వంటి 52 రకాల ఫుల్కారీలు ఉన్నాయి. అయితే, వీటిలో కొన్ని మాత్రమే ఇప్పుడు వాడుకలో ఉన్నాయి. గతంలో ఈ ఎంబ్రాయిడరీని స్త్రీలు చేతులతో చేసేవారు. ఇప్పుడు యంత్రాలు, ఆధునిక పద్ధతులలో కొత్త వస్తువులను ఉపయోగిస్తున్నారు. ఈ కళ టెక్నిక్స్‌ని చాలా మంది ఆధునిక డిజైనర్లు గ్లోబల్‌ మార్కెట్‌ను చేరుకోవడానికి ఎంచుకుంటున్నారు.యాక్ససరీస్‌లోనూ ఫుల్కారీ వర్క్‌ప్రకృతితో ప్రేమ..ఫుల్కారీ మూలాంశాలకు ప్రేరణ ప్రకృతియే. తల్లీకూతుళ్ల అనుబంధం, జంతువులు, పక్షులు, ఉద్యానవనాలు, బంతి, మల్లెలు, నెమలి, ఆవ పూలు... స్త్రీల భావోద్వేగాలకు అద్దం పడుతున్నాయా అన్నట్టు ఈ కళ సృజనాత్మకతకు అద్దం పడుతుంది.సంప్రదాయ రంగులు..ఫుల్కారీ కళలో రంగుల వాడకం చాలా ముఖ్యమైన ΄ాత్ర ΄ోషిస్తుంది. సాంప్రదాయకంగా నాలుగు రంగులు మాత్రమే ఉపయోగిస్తారు. కాబోయే వధువులకు ఎరుపు, రోజువారీ వాడకంలో నీలం, నలుపు, ముదురు షేడ్స్‌ ఉపయోగిస్తారు. ఉత్సాహాన్ని సూచించడానికి ఎరుపు, శక్తి కోసం నారింజ, సంతానోత్పత్తికి ఆకుపచ్చ రంగును వాడతారు.

వాన రాకడ ఫ్యాషన్‌ పోకడ.. రెండూ అనూహ్యమే. ఎప్పుడు కురుస్తుందో.. ఎప్పుడు మెరుస్తుందో.. తెలియని పరిస్థితుల్లో.. సిటీలోని ఫ్యాషన్‌ లవర్స్‌ ఎలాంటి ఫ్యాషన్‌ అనుసరించాలో తెలియక సిటీలోని ఫ్యాషన్‌ లవర్స్‌ని అయోమయపు మబ్బులు కమ్మేస్తుంటాయి. దీనిని దృష్టిలో ఉంచుకుని నగరానికి చెందిన హామ్‌స్టెక్‌ ఫ్యాషన్‌ ఇన్‌స్టిట్యూట్‌ నగరవాసుల కోసం మాన్‌సూన్‌ ఫ్యాషన్‌ తొలకరి చినుకులు కురిపిస్తోంది.. ⇒ సీజన్‌కు అనుగుణంగా మార్పు చేర్పులు⇒ అందుబాటులో వాటర్‌ ప్రూఫ్‌ ఫ్యాబ్రిక్స్‌⇒ తేమను విడగొట్టే పాలియెస్టర్‌ బ్లెండ్స్‌⇒ జాయ్‌ఫుల్‌గా ఉంచే బ్రైట్‌కలర్స్‌⇒ ఫుట్‌ వేర్‌ కూడా ఫ్యాషనబుల్‌గా మహిళలు వాటర్‌ ప్రూఫ్‌ ఫ్యాబ్రిక్స్‌ను ఎంచుకోవాలి. నైలాన్, పాలియెస్టర్‌ మేళవింపు ఫ్యాబ్రిక్స్, అలాగే ట్రీటెడ్‌ కాటన్‌..వంటివి బెస్ట్‌. అనుకోని వర్షం కలిగించే ఇబ్బందులను తగ్గిస్తూ మనల్ని పొడిగా ఉంచుతాయి. లైట్‌ వెయిట్‌తో, గాలి పీల్చుకోవడానికి అనువుగా ఉండే లినెన్‌ లేదా కాటన్‌ అయితే త్వరగా పొడిగా మారతాయి. ఉష్ణోగ్రతల్లో హెచ్చుతగ్గులను స్వీకరించేందుకు లేయరింగ్‌ స్టైల్‌ (ఒక దాని మీద మరొకటి ధరించడం) ఉపకరిస్తుంది. బ్రైట్‌కలర్స్‌తో ప్రయోగాలు చేయాలి. ఎల్లో, గ్రీన్, బ్లూ కలర్స్‌ మబ్బు పట్టిన వాతావరణంలో సైతం మూడ్స్‌ని జాయ్‌ఫుల్‌గా ఉంచుతాయి. అలాగే ట్రెంచ్‌ కోట్స్, పార్కాస్, స్టైలిష్‌ వాటర్‌ ప్రూఫ్‌ జాకెట్స్‌. వంటి.స్టైలిష్‌ రెయిన్‌ వేర్‌ వినియోగించాలి. ఠిమగవాళ్లు బోర్‌ కొట్టించే రెయిన్‌ కోట్స్‌ను విడిచిపెట్టి లైట్‌ వెయిట్‌ వాటర్‌ ప్రూఫ్‌ జాకెట్స్, హుడీస్‌ – విండ్‌ బ్రేకర్స్‌ వినియోగించాలి. తేలికపాటి డిజైన్స్‌ను ఎంచుకోవాలి. తేమను విడగొట్టే పాలియెస్టర్‌ బ్లెండ్స్‌ లాంటి ఫ్యాబ్రిక్స్‌ను వినియోగించాలి. ఇవి త్వరగా పొడిగా మారతాయి. రోజంతా సౌకర్యవంతంగా ఉంచుతాయి. నేవీ, చార్కోల్, ఆలివ్‌ రంగులు వంటివి నప్పుతాయి. ఇవి మరకలి్న, బురద తుంపర్లని దాచే వీలు కలి్పస్తాయి. ట్రౌజర్స్, షర్ట్స్, అవుటర్‌ వేర్‌లో ఈ షేడ్స్‌ పాలిషి లుక్‌ అందిస్తాయి. చినోస్, జీన్స్‌ క్యాజువల్‌ ట్రౌజర్స్‌ను లైట్‌ వెయిట్‌ స్వెటర్స్, గాలి బాగా తగిలేలా చేసే షర్ట్స్‌తో కాంబినేషన్‌గా వాడవచ్చు. ఇవి అటు కంఫర్ట్‌ ను, ఇటు స్టైల్‌నూ అందిస్తాయి. పాదరక్షలిలా... మహిళలు పాదాలను పొడిగా ఉంచుతూనే ఫ్యాషనబుల్‌గా ఉండేలా ఫుట్‌ వేర్‌ను ఎంచుకోవాలి. రబ్బర్‌ బూట్స్, వాటర్‌ ప్రూఫ్‌ స్నీకర్స్, డ్యూరబుల్‌ ఫ్లాట్స్‌.. వంటివి బెస్ట్‌. మగవాళ్లు మంచి మెటీరియల్‌తో తయారైన వాటర్‌ ప్రూఫ్‌ బూట్స్, స్టర్డీ లోఫర్స్‌ ఫుట్‌వేర్‌గా ఎంచుకోవాలి. కాన్వాస్‌ షూస్, స్యూడ్‌లు వాడవద్దు.. యాక్సెసరీస్‌ ఇలా.. ఠిమహిళలు కనీసస్థాయికి జ్యుయలరీ తగ్గించి, వాటర్‌ ప్రూఫ్‌ యాక్సెసరీస్‌ వినియోగించాలి. వాటర్‌ ప్రూఫ్, స్లీక్‌గా ఉండే బ్యాగ్స్, బ్యాక్‌ ప్యాక్స్‌ క్యారీ చేస్తే మొబైల్స్‌ వంటి ముఖ్యమైనవి భధ్రపరచుకోవచ్చు. మగవాళ్లు.. వాటర్‌ రెసిస్టెంట్‌ ఫీచర్స్‌ ఉన్న యాక్సెసరీస్‌ బెస్ట్‌. లెదర్, సింథటిక్‌ల కలయికతో రూపొందిన వాచ్‌లు, బ్యాగ్స్‌ వాడాలి. ⇒ తడిసిన పరిస్థితిలో సైతం మ్యానేజ్‌ చేయగలిగేలా హెయిర్‌స్టైల్‌ మార్చుకోవాలి. జుట్టు బిగుసుకుపోకుండా నియంత్రించే యాంటీ ఫ్రీజ్‌ ఉత్పత్తులు వాడాలి లేదా జుట్టును పూర్తిగా వెనక్కి సెట్‌ చేసి ఉంచాలి. ⇒ కలర్‌ఫుల్‌గా ఉండే నాణ్యమైన బ్రాండెడ్‌ గొడుగును వెంట తీసుకెళ్లాలి. వర్షాకాలంలో వాన నుంచి రక్షణగా మాత్రమే కాదు మన స్టైల్‌కి చిహ్నంగా కూడా కనిపించాలి. రెయిన్‌లోనూ ఫ్యాషైన్‌ సాధ్యమే.. వానలు పడుతున్నంత మాత్రాన ఫ్యాషన్స్‌ను విడిచిపెట్టనక్కర్లేదు. అయితే సీజన్‌కి అనుగుణంగా కొన్ని మార్పు చేర్పులు తప్పనిసరి. వాటర్‌ ప్రూఫ్‌ అనేది దుస్తులకైనా యాక్సెసరీస్‌కైనా ఒక రూల్‌గా పెట్టుకోవాలి. ఇదే విధంగా కొన్ని జాగ్రత్తలు తీసుకుంటే రెయినీ సీజన్‌ను స్టైల్‌గా ఎంజాయ్‌ చేయవచ్చు... –చారోల్, హామ్‌స్టెక్‌ ఫ్యాషన్‌ డిజైనింగ్‌ ఇన్‌స్టిట్యూట్‌.

ఫ్యాషన్ ప్రపంచం శరవేగంగా మారిపోతోంది. క్రియేటివ్‌ డిజైన్లు, ఆర్టిస్టిక్ ఫ్యాషన్‌ సరికొత్త స్టైల్స్‌ నిరంతరం మారిపోతూనే ఉంటాయి. జూలై 9న ఫ్యాషన్‌డే గా జరుపుకుంటారని మీకు తెలుసా? పదండి దీని కథా కమామిష్షు ఏంటో తెలుసుకుందాం.ఫ్యాషన్ ప్రభావాన్ని , ప్రాభవాన్నిఫ్యాషన్ పోకడలను అర్థం చేసుకోవడమే ఫ్యాషన్‌ డే ఉద్దేశం. ఫ్యాషన్ ఔత్సాహికులు, డిజైనర్లు, ఫ్యాషన్ ప్రియులందరికీ ఇది ఒక గొప్ప అవకాశాల్సి కల్పిస్తుంది. ఫ్యాషన్ సాంస్కృతిక ఔచిత్యంతో పాటు సృజనాత్మకత, సృజనాత్మకత, వాస్తవికతను గుర్తించి, డిజైనర్లు, ఫ్యాషన్‌ స్టయిల్స్‌ను అభినందించేందుకు ఫ్యాషన్ డే 2024ని ప్రపంచవ్యాప్తంగా జరుపుకుంటారు. పూర్వంనుంచీ మన ధరించే వస్త్రాలు ఒక స్టేటస్‌ సింబల్‌. ప్రస్తుతం ఫ్యాషన్ కళాత్మక వ్యక్తీకరణ మారింది. సామాజిక మార్పులతో పాటు ఫ్యాషన్‌లోకూడా విప్లవాత్మక మార్పు లొచ్చాయి. ఫ్యాషన్‌ అంటే కేవలం బట్టలు మాత్రమే కాదు. అలంకరణలో సృజనాత్మక వ్యక్తీకరణ ప్రతీది ఫ్యాషనే.ఫ్యాషన్ డే 2024: ధీమ్‌ఈ ఏడాది పర్యావరణ అనుకూల పద్ధతులను పాటిస్తూ, నైతిక, ఆలోచనాత్మక వినియోగాన్ని హైలైట్ చేసేలా 'సస్టెయినబుల్ ఎలిగాన్స్' అనే థీమ్‌తో ఫ్యాషన్‌ డే నిర్వహిస్తున్నారు. సుస్థిరత, ఫ్యాషన్ కలిసి జీవించే దిశగా ఫ్యాషన్ డే 2024ని జరుపుకుంటూ భూమా తరక్షణలో భాగం కావడం.

పారిస్‌ అంటే ఫ్యాషన్‌కు పుట్టినిల్లు. కానీ, మన తెలుగు మహిళలు ఆ ఫ్యాషన్‌ కేంద్రానికే ఫ్యాబ్రిక్స్‌ ఎగుమతి చేస్తున్నారు. పారిస్‌లో జరగనున్న ఒలింపిక్స్‌లో క్రీడాకారులు ఉపయోగించే లేస్‌ వస్త్రాలు, దిండ్లు, తువాళ్లు మన నరసాపురం నుంచి తయారయ్యి విమానం ఎక్కాయి. ఇదీ మన ఘనత.సూది మొనకు దారం తగిలించి చకచకా వారి మునివేళ్లు కదిలించారంటే చాలు వన్నెచిన్నెల లేసులు క్షణాల్లో కళ్లముందు ఆవిష్కృతమవుతాయి. ఔరా అనిపించేలా హ్యాండ్‌ మేడ్‌ ఉత్పత్తులు సిద్ధమవుతాయి. అబ్బురపరిచే అల్లికలతో గోదావరి జిల్లాలకు ఖండాంతర గుర్తింపు తెచ్చిన అతివల హస్త నైపుణ్యం ఇప్పుడు పారిస్‌లో జరగనున్న ఒలింపిక్స్‌ వరకూ చేరింది. ఆ ఘనతను సాధించింది జిల్లా, నరసాపురం రూరల్‌కి చెందిన మారుమూల గ్రామం సీతారామపురం.లేసుల పరిశ్రమబ్రిటిష్‌ కాలంలో నరసాపురం జలరవాణాకు‡కేంద్రంగా ఉండేది. అప్పట్లో ఇక్కడకు వచ్చిన క్రిస్టియన్‌ మిషనరీ సంస్థలు పేద మహిళలకు ఉపాధిగా లేసు అల్లికలు నేర్పించారు. కాలక్రమంలో ఈ పని పెద్ద పరిశ్రమగా విస్తరించింది. పేద, ధనిక తేడా లేకుండా తీరిక వేళల్లో కాలక్షేపంగా అల్లికలు సాగిస్తుంటారు. నరసాపురం కేంద్రంగా కోనసీమ, రాజ మహేంద్రవరం, భీమవరం ్రపాంతాల్లో వేలాది కుటుంబాలు ఈ హస్తకళ ద్వారా జీవనోపాధి పొందుతున్నాయి. ఈ పనిలో ఉన్న మహిళలకు తోడ్పాటును అందించేందుకు 2005లో నాటి సి.ఎం. వైఎస్‌ రాజశేఖరరెడ్డి సీతారాంపురం వద్ద లేస్‌పార్క్‌ను ్రపారంభించారు. టవల్స్, టేబుల్‌ క్లాత్స్, లంచ్‌ మ్యాట్స్, క్రోషే బ్యాగ్స్, డెకో కుషన్స్, బీచ్‌ కలెక్షన్స్‌ తదితర మన హ్యాండ్‌ మేడ్‌ లేసు ఉత్పత్తులకు విదేశాల్లో మంచి ఆదరణ ఉంది. నరసాపురం పరిసరాల్లో లేసు ఉత్పత్తులను ఎగుమతి చేసే కంపెనీలు వంద వరకు ఉన్నాయి. మారుతున్న ఫ్యాషన్, అభిరుచులు, ఆర్డర్లకు అనుగుణంగా తమ నైపుణ్యానికి మెరుగులు దిద్దుకుంటూ ట్రెండింగ్‌లో ఉంటూ చైనా, వియత్నాం దేశాలకు గట్టిపోటీనిస్తున్నారు గోదావరి జిల్లాల మహిళలు.. ఎంతో గర్వంగా ఉంది పారిస్‌ ఒలింపిక్స్‌కు మన లేసు, క్లాత్‌తో తయారుచేసిన ఉత్పత్తులు అందించే అవకాశం రావడం చాలా గర్వంగా ఉంది. ఈ లేస్‌ ఇండస్ట్రీని ప్రభుత్వాలు గుర్తించి వ్యవస్థీకృతం చేస్తే విదేశాల్లో మనదేశ మహిళల నైపుణ్యానికి గుర్తింపు వస్తుంది. ఒలింపిక్స్‌కు పని చేసే అవకాశాన్ని మహిళలు ఎంత సంతోషంగా స్వీకరించారంటే ప్రతి ఒక్కరూ తామే గోల్డ్‌మెడల్‌ సాధించినంత ఆనందంగా ఉన్నారు.– కలువకొలను రామ్‌చంద్రుడు, జేజే ఎక్స్‌పోర్ట్స్‌ అధినేతపదేళ్లుగా లేసు అల్లికలుమా చిన్నతనంలో మా అమ్మ, పిన్నమ్మలు అంతా కూడా లేసు అల్లికలు అల్లేవారు. నాకు అçప్పటి నుంచి అల్లికలపై అవగాహన ఉంది. గత 10 ఏళ్లుగా లేసు అల్లికలు చేస్తున్నాను. పిల్లలిద్దరినీ కూడా ఉన్నత చదువులు చదివించుకోగలుగుతున్నాం. ఇంట్లో పనులు అయ్యాక ఖాళీ సమయంలో లేసు అల్లికల ద్వారా కుటుంబ ఆర్థిక పరిస్థితులు మెరుగుపడ్డాయి. – పులపర్తి లక్ష్మికుమారి, మొగల్తూరుపారిస్‌ వేదిక మీద మన లేసుఈ నెల 26 నుంచి పారిస్‌ వేదికగా ్రపారంభం కానున్న ఒలింపిక్స్‌ క్రీడా సంగ్రామంలో నరసాపురం ఉత్పత్తులు కొలువుదీరే అవకాశం దక్కింది. సీతారాంపురంలోని జేజే ఎక్స్‌పోర్ట్స్‌ సంస్థ కేంద్రం పరిధిలోని ఎక్స్‌పోర్ట్‌ ప్రమోషన్‌ కౌన్సిల్‌ ఫర్‌ హ్యాండీక్రాప్ట్స్‌ (ఈపీసీహెచ్‌) ద్వారా ఈ అర్డర్‌ సాధించినట్టు సంస్థ నిర్వాహకులు తెలిపారు. దాదాపు వంద రకాల డిజైన్లు పంపిస్తే వాటిలో ఆరు డిజైన్లను నిర్వాహకులు ఎంపిక చేశారు. పోటీల్లో పాల్గొనే క్రీడాకారులు, ప్రపంచ నలుమూలల నుంచి తరలివచ్చే సందర్శకులకు గుర్తుండిపోయే విధంగా ఒలింపిక్స్‌ థీమ్, లోగోలతో లేస్, ఫ్యాబ్రిక్‌లను ఉపయోగించి టవల్స్, డెకో కుషన్స్, బీచ్‌ కలెక్షన్స్, క్రోషే మ్యాట్స్‌ తదితర హ్యాండ్‌ మేడ్‌ ఉత్పత్తులను డిజైన్‌ చేసి సిద్ధం చేసి పారిస్‌కి పంపారు. త్వరలో మన లేసు ఉత్పత్తులు ఒలింపిక్స్‌ క్రీడాకారులతో పాటు సందర్శకుల చేతుల్లోకి చేరనున్నాయి. తమ ఉత్పత్తులకు అరుదైన గుర్తింపు దక్కడం పట్ల ఈ ్రపాంత మహిళలు ఆనందం వ్యక్తం చేస్తున్నారు– విజయ్‌కుమార్‌ పెనుపోతుల, సాక్షి, భీమవరం.ఫొటోలు : సవరం కృష్ణానందం

ఇంటి అలంకరణలో హస్తకళల శోభే వేరు! ఆ జాబితాలో ‘సుజానీ’నీ చేర్చొచ్చు. అత్యంత లగ్జూరియస్‌ ఆర్ట్‌గా భావించే ఈ కళ ఆల్‌టైమ్‌ హోమ్‌ డెకర్‌గా పేరొందింది. ముఖ్యంగా సోఫా కుషన్స్, బెడ్‌ స్ప్రెడ్స్‌ మీద సుజానీ అమితంగా ఆకట్టుకుంటుంది.మధ్య ఆసియాలోని శతాబ్దాల కిందటి ఎంబ్రాయిడరీ కళే ‘సుజానీ’. సుజానీ అంటే పార్శీలో ‘సూది’ అని అర్థం. తజికిస్తాన్, ఉజ్బెకిస్తాన్, కజకిస్తాన్‌ దేశాల సంచార తెగలలో పుట్టిన కళ ఇది. అక్కడి సంప్రదాయ వస్త్రాలపైన ఈ కళను చూస్తాం.ఒక బెడ్‌ స్ప్రెడ్‌ హ్యాండ్‌ ఎంబ్రాయిడరీ పూర్తి చేయడానికి కనీసం 40 గంటల సమయం పడుతుంది. కళాకారుల నైపుణ్యం, అంకితభావం ఈ డిజైన్లలో స్పష్టంగా కనిపిస్తుంటుంది. గతకాలపు కథలతో.. గొప్పదైన వారసత్వంతో.. ముచ్చటగొలిపే ఈ ఎంబ్రాయిడరీ వస్త్రాలను సుజానీ రెట్రో కలెక్షన్‌ ద్వారా సొంతం చేసుకోవచ్చు.ఇవి చదవండి: ప్లాస్టిక్‌ ట్యూబ్స్‌ డిస్పెన్సర్‌ హోల్డర్‌..

సోనాక్షీ సిన్హా తన పెళ్లితో టాక్‌ ఆఫ్‌ ద సోషల్‌ మీడియా అయింది. అంతకుముందు నుంచే సనమ్‌ రతన్సీ సెంటర్‌ ఆఫ్‌ ద అట్రాక్షన్‌ అయింది సోనాక్షీ సిన్హా వెన్నంటే ఉంటూ! ఎందుకంటే సనమ్‌.. సోనాక్షీ పర్సనల్‌ స్టయిలిస్ట్‌! అంతేకాదు ఆమెకు సోనాక్షీతో మరో పర్సనల్‌ రిలేషన్‌ కూడా ఉంది. ఆమె.. సోనాక్షీ సిన్హా ఆడపడచు! ఇక్కడ మాత్రం సనమ్‌ పరిచయం స్టార్‌ స్టయిలిస్ట్‌గానే!ఎడిటోరియల్‌ స్టయిలింగ్, సెలబ్రిటీ స్టయిలింగ్‌ రెండూ వేటికవే ప్రత్యేకం. అయితే ఎడిటోరియల్‌ స్టయిలింగ్‌ కొంచెం కూల్‌. సెలబ్రిటీ స్టయిలింగ్‌ కాస్త స్ట్రెస్‌ఫుల్‌! కానీ చాలెంజింగ్‌గా ఉంటుంది. కొత్త ఉత్సాహాన్ని నింపుతుంది. నేను స్టయిలింగ్‌ చేసే సెలబ్రిటీల్లో నాకు అదితీ రావ్‌ హైదరీ అంటే ఇష్టం. నా పని మీద ఆమెకు నమ్మకం ఎక్కువ.నేనేది చెప్పినా ఆమె లుక్స్‌ని ఎన్‌హాన్స్‌ చేయడానికే చెబుతానని ఆమెకు తెలుసు. అందుకే నేను ఏ కాస్ట్యూమ్‌ తెచ్చినా ట్రై చేస్తుంది. స్టయిలింగ్‌ రంగంలోకి రావాలనుకునే వారికి ఒకటే సలహా.. కొత్త కొత్త ట్రెండ్స్‌ని గమనిస్తూండాలి. మంచి స్టయిలిస్ట్‌ల దగ్గర ట్రైన్‌ అవ్వాలి. వాళ్ల వర్క్‌తో ఇన్‌స్పైర్‌ అవ్వాలి. నిరంతరం నేర్చుకుంటూ ఉండాలి. ప్రయోగాలకు వెనుకాడకూడదు! – సనమ్‌ రతన్సీసనమ్‌.. క్రియేటివ్‌ జీన్‌తో సంపన్న కుంటుంబంలో పుట్టిపెరిగింది. ఆమె తండ్రి.. ఇక్బాల్‌ రతన్‌సీ స్వర్ణకారుడు. రియల్‌ ఎస్టేట్‌ వ్యాపారి. క్రియేటివ్‌ జీన్‌ని తండ్రి నుంచే పొంది ఉంటుంది సనమ్‌. ఆమెకు ఊహ తెలిసేనాటికే ఫ్యాషన్‌ పట్ల ఆసక్తి పెంచుకుంది. అందుకే స్కూల్‌కి వెళ్లే వయసులోనే నిశ్చయించుకుంది పెద్దయ్యాక తను ఫ్యాషన్‌ డిజైనర్‌ కావాలని! అనుకున్నట్టుగానే ఫ్యాషన్‌ రంగంలోనే గ్రాడ్యుయేషన్‌ పూర్తిచేసింది. చదువయ్యాక ఫ్యాషన్‌ మ్యాగజైన్స్‌లో పనిచేసింది.ఆ సమయంలోనే ఒక ఫ్రెండ్‌ ద్వారా అప్పటికే సెలబ్రిటీ స్టయిలిస్ట్‌గా పాపులర్‌ అయిన అనాయితా ష్రాఫ్‌ని కలసింది. ఆమెతో సంభాషణ సనమ్‌లో స్టయిలింగ్‌ పట్ల ఇంట్రెస్ట్‌ని క్రియేట్‌ చేసింది. అప్పుడు అనాయితా ఒక బ్రాండ్‌ అడ్వర్టయిజ్‌మెంట్‌ కోసం దీపికా పదుకోణ్‌కి స్టయిలింగ్‌ చేస్తోంది. ఆ షూటింగ్‌ విరామంలోనే అనాయితాను సనమ్‌ కలసింది. స్టయిలింగ్‌ పట్ల సనమ్‌ చూపిస్తున్న ఉత్సుకతను గుర్తించిన అనాయితా ఆ షూటింగ్‌లో తన పనిని గమనించమని సనమ్‌కి చెప్పింది.షూటింగ్‌ పూర్తయ్యాక అడిగింది ‘స్టిల్‌ ఆర్‌ యూ ఇంట్రెస్టెడ్‌ ఇన్‌ స్టయిలింగ్‌?’ అని! ‘ఎస్‌.. వెరీమచ్‌!’ అని బదులిచ్చింది సనమ్‌. ‘అయితే నా దగ్గర జాయినై పో.. రేపటి నుంచే వచ్చేసెయ్‌’ అంటూ తన కంపెనీ ‘స్టయిల్‌ సెల్‌’లో సనమ్‌కి జాబ్‌ కన్‌ఫర్మ్‌ చేసింది అనాయితా. తెల్లవారి నుంచే ‘రా–వన్‌’ షూటింగ్‌కి బయలుదేరింది సనమ్‌.. అనాయితాకు అసిస్టెంట్‌గా! ఆ సినిమా హీరో షారుఖ్‌ ఖాన్‌కి అనాయితా స్టయిలింగ్‌ చేస్తోందప్పుడు.ఆ ప్రాజెక్ట్‌ తర్వాత అవకాశాల కోసం వెదుక్కోవలసిన అవసరం లేకపోయింది సనమ్‌కి. ఇంకెవరి రికమండేషన్‌ పనీ పడలేదు. సెలబ్రిటీ ఇండివిడ్యువల్‌ పర్సనాలిటీని హైలైట్‌ చేసే ఆమె వర్క్‌ స్టయిల్‌ ఎంతోమంది స్టార్స్‌కి నచ్చింది. సైఫ్‌ అలీ ఖాన్, అదితీ రావ్‌ హైదరీ, హుమా ఖురేషీ, రాజ్‌కుమార్‌ రావు, మనీషా కోయిరాలా, జహీర్‌ ఇక్బాల్, అలయా ఎఫ్, రియా చక్రవర్తి, కత్రినా కైఫ్‌లాంటి వాళ్లెందరో కోరి మరీ సనమ్‌ను తమ పర్సనల్‌ స్టయిలిస్ట్‌గా అపాయింట్‌ చేసుకున్నారు. ఫితూర్, ద గర్ల్‌ ఆన్‌ ద ట్రైన్, మలాల్‌ వంటి సినిమాలకూ పనిచేసింది. తన కీర్తిని పెంచుకుంది.

ముంబైలో హోటల్‌ మేనేజ్‌మెంట్‌ చేసిన నిఖిల్‌కు ప్రయాణాలు చేయడం అంటే బోలెడు ఇష్టం. ఎంత ఇష్టం అంటే రోజూ 50 నుంచి 100 కిలోమీటర్‌లు ఎక్కడో ఒకచోటుకి వెళ్లిరావాల్సిందే. అయితే ఒకానొక రోజు మాత్రం... ‘ఎప్పుడూ ముంబై మాత్రమేనా.. ఔట్‌సైడ్‌ ముంబై కూడా వెళ్లాలి’ అనుకున్నాడు.అలా బైక్‌పై ఆజ్మీర్, బెంగళూరుకు వెళ్లాడు. ఇక అప్పటి నుంచి మొదలైన ఔట్‌సైడ్‌ ముంబై ప్రయాణాలు ఆగలేదు. ఈ ప్రయాణాల పుణ్యమా అని మన దేశంలోని ‘మోటో వ్లాగింగ్‌’ ప్రఖ్యాత యూట్యూబర్‌లలో ఒకరిగా నిఖిల్‌ శర్మ పేరు తెచ్చుకున్నాడు.నిఖిల్‌ ఫ్యాన్‌ బేస్‌ విషయానికి వస్తే..యూట్యూబ్, ఇన్‌స్టాగ్రామ్‌లలో ఫాలోవర్‌ల సంఖ్య లక్షలలో ఉంది. తాను వీడియోలు చేయడం మొదలుపెట్టినప్పుడు మన దేశంలో వ్లాగింగ్‌కు పెద్దగా ్రపాచుర్యం లేదు. డైలీ వ్లాగింగ్‌ చేయడం ద్వారా ఆడియెన్స్‌తో ఎప్పటికప్పుడూ టచ్‌లో ఉండేవాడు. మన దేశంలో ఏ మూలన ఉన్న ఆడియెన్స్‌ అయిన నిఖిల్‌ చెబుతున్న కబుర్లు విని ఊహాల్లోనే తాను ఉన్న చోటుకి వెళ్లేవారు.వ్లాగింగ్‌కు ఆవలి ప్రపంచంలోకి వెళితే..నిఖిల్‌కు నటన అంటే ఇష్టం. బాలీవుడ్‌ సినిమాల్లో, టీవీ సీరియల్స్‌లో నటించాడు. ఫ్లైట్‌ అటెండెంట్‌గా కొంతకాలం ఉద్యోగం కూడా చేశాడు. ఉద్యోగం మానేసినప్పుడు తల్లిదండ్రులు ఆందోళన పడ్డారు. అదే సమయంలో తండ్రి చనిపోవడంతో కుటుంబాన్ని పోషించాల్సిన బాధ్యత తన భుజస్కంధాలపై పడింది. ‘వ్లాగింగ్‌ వదలేయ్‌. డబ్బు సంపాదనపై దృష్టి పెట్టు’ అని కొద్దిమంది సలహా ఇచ్చారు. అయితే ఎన్ని ప్రతికూల పరిస్థితులు ఎదురైనా తన ప్యాషన్‌కు ఎప్పుడూ దూరం కాలేదు.ఆ ప్యాషనే తనను ప్రతిష్ఠాత్మకమైన యూట్యూబ్‌ ఫ్యాన్స్‌ ఫెస్టివల్‌లో పాల్గొనేలా చేసింది. ఔట్‌సైడ్‌ ముంబై యాత్రలు చేస్తే చాలు అనుకున్న అతడిని అమెరికా, కెనడా, ఇండోనేషియ, సౌత్‌ కొరియా, జపాన్‌... మొదలైన దేశాలకు వెళ్లేలా చేసింది. ‘ఫోర్బ్స్‌ 30 అండర్‌ 30–ఇండియా’ జాబితాలో చోటు సంపాదించేలా చేసింది. క్లాతింగ్‌ బ్రాండ్‌ లేబుల్‌ ఎంఎన్‌తో డిజైనర్, ఎంటర్‌ప్రెన్యూర్‌గా నిరూపించుకున్న నిఖిల్‌... ‘ఎన్ని చేసినా వ్లాగింగ్‌ అనేది నా ప్యాషన్‌’ అంటున్నాడు.ప్రతిభతో పాటు..మన ప్యాషన్‌కు ప్రతికూల పరిస్థితులు ఎదురు కావచ్చు. రాజీ పడి వేరే దారి చూసుకోవడం సులభం. రాజీ పడకుండా నచ్చిన దారిలోనే వెళ్లడం కష్టం. అయితే ఆ కష్టం ఎప్పుడూ వృథా పోదు. తప్పకుండా ఫలితం ఇస్తుంది. ప్రతిభతో పాటు ఓపిక కూడా ఉండాలి. తొందరపాటు వల్ల నష్టపోయిన ప్రతిభావంతులు ఎంతోమంది ఉన్నారు. – నిఖిల్‌ శర్మఇవి చదవండి:

అమ్మాయిల సంప్రదాయ అలంకరణలో స్కర్ట్‌కు ప్రత్యేక స్థానం ఉంటుంది. ఒకేతరహా ఫ్యాబ్రిక్‌తో స్కర్ట్‌ సాదాసీదాగా కనిపించేది. దీనికి అదనపు హంగుగా కుచ్చులు జత చేసి, ఒకవైపు నుంచి మరోవైపుకు సెట్‌ చేస్తే.. వచ్చిన స్టైల్‌ డ్రేప్డ్‌ స్కర్ట్‌. షార్ట్‌ కుర్తీ, ట్యునిక్, ఖఫ్తాన్‌ వంటి టాప్స్‌ ఎంపిక ఏదైనా డ్రేప్డ్‌ స్కర్ట్‌కి జత చేస్తే ఆ స్టైల్‌ అదుర్సే మరి.ఇండియన్‌ ట్రెడిషనల్‌ డ్రెస్‌గా ఆకట్టుకునే డ్రేప్డ్‌ స్కర్ట్‌ వెస్ట్రన్‌ స్టైల్‌లోనూ యంగ్‌స్టర్స్‌ని ఆకట్టుకుంటుంది. ఫ్లోరల్‌ ప్రింట్లు, ఎంబ్రాయిడరీ వర్క్‌తో మరింత ఆకర్షణీయంగా రూపుదిద్దుకుంటుంది.డ్రేప్డ్‌ స్కర్ట్‌ అంచులు ఎగుడు దిగుడుగా ఉండటమే దీని ప్రత్యేకత. అందుకే ఎక్కువ భాగం ఈ స్కర్ట్‌కి ఎంబ్రాయిడరీ వంటి హంగులు అవసరం లేదు. టాప్‌గా ఎంచుకునే కుర్తీ, లాంగ్‌ అండ్‌ షార్ట్‌ జాకెట్స్, ఖఫ్తాన్, ట్యునిక్స్‌ని ఎంబ్రాయిడరీ లేదా ఫ్లోర ల్‌ వర్క్‌తో రిచ్‌లుక్‌ని తీసుకురావచ్చు.ప్లెయిన్‌ శాటిన్, సిల్క్‌ మెటీరియల్‌తో విరివిగా కనిపించే డ్రేప్డ్‌ స్కర్ట్‌ సెట్స్‌ ఇండోవెస్ట్రన్‌ లుక్‌ని సొంతం చేస్తుంది. అందుకే ఈ స్టైల్‌ యూత్‌ని అట్రాక్ట్‌ చేస్తుంది.టాప్‌ టు బాటమ్‌ ఒకే రంగులో ప్లెయిన్‌గా ఉండే డ్రేప్డ్‌ స్కర్ట్‌ సెట్స్‌ ఫ్యామిలీ గెట్‌ టు గెదర్‌ వేడుకలకు ప్రత్యేకంగా నిలిస్తే, పట్టు, ఫ్లోరల్, జరీ వర్క్‌తో డిజైన్‌ చేసినవి వివాహ వేడుకలలోనూ గ్రాండ్‌గా కనిపిస్తాయి.ఇవి చదవండి: Priya Sisters: ఆదాయం కన్నా.. అభిరుచిగానే మిన్న!

సాక్షి, సిటీబ్యూరో: అద్భుతమైన వారసత్వ సంపద, అధునాతన ఫ్యాషన్‌ హంగులకు పెట్టింది పేరు హైదరాబాద్‌ మహానగరం. విభిన్న రంగాల్లో తనదైన ముద్రవేసుకుంటూనే యావత్‌ ప్రపంచం అనుసరిస్తున్న ఫ్యాషన్‌ పోకడలను ఎప్పటికప్పుడు అందిపుచ్చుకుంటోంది. ముఖ్యంగా ఈ ఫ్యాషన్‌ ప్రపంచంలో దుస్తుల డిజైనింగ్‌ అనేది ముఖ్యమైంది. వివిధ దేశాలకు భారత్‌ వస్త్ర ఉత్పత్తులను ఎగుమతి చేసే సంస్కృతిని హైదరాబాద్‌ డిజైనింగ్‌ రంగం ఇప్పటికీ కొనసాగిస్తోంది. ఈ రంగానికి భారత్‌లో దాదాపు 350 బిలియన్‌ డాలర్ల బిజినెస్‌ మార్కెట్‌ ఉంది.ఫ్యాషన్‌లోని విభిన్న అంశాల్లో హైదరాబాద్‌ వేదికగా ఉన్నందున ఈ అవకాశాలను వినియోగించుకుంటూ ఫ్యాషన్‌ డిజైనింగ్‌ రంగంలో నగర విద్యార్థులు మంచి కెరీర్‌కు బాటలు వేసుకుంటున్నారు. ఆర్థికంగా, ఉద్యోగావకాశాల పరంగా, అంకుర సంస్థల ఏర్పాట్లలోనూ రాణిస్తున్నారు.ఈ ఫ్యాషన్‌ ఔత్సాహికుల కోసం ప్రత్యేకంగా ఫ్యాషన్‌ డిజైనింగ్‌ కోర్సులు, ఇన్‌స్టిట్యూషన్లను నెలకొల్పారు. ప్రభుత్వ యూనివర్సిటీలో సైతం ఈ కోర్సులకు మంచి డిమాండ్‌ ఉంది. రాష్ట్రంలోని వివిధ జిల్లాలకు చెందిన ఔత్సాహిక ఫ్యాషన్‌ డిజైనర్లు ఈ కోర్సుల్లో తమ ప్రతిభ నిరూపించుకుంటూ జాతీయ స్థాయిలో రాణిస్తున్నారు.ఫ్యాషన్‌ రంగానికి కేంద్రంగా.. నగరంలోని మాసబ్‌ట్యాంక్‌ వేదికగా ఉన్న జవహర్‌లాల్‌ నెహ్రూ ఆర్కిటెక్చర్‌ అండ్‌ ఫైన్‌ ఆర్ట్స్‌ యూనివర్సిటీతో పాటు పలు ప్రైవేట్‌ రంగ సంస్థలు ఈ ఫ్యాషన్‌ డిజైనింగ్‌ కోర్సులను అందిస్తున్నాయి. 9 నెలల పాటు ఉండే ఈ ఫ్యాషన్‌ డిజైనింగ్‌ కోర్సులో రెండు సెమిస్టర్లు ఉంటాయి. ఇందులో భాగంగా ప్రిన్సిపుల్స్‌ ఆఫ్‌ ఫ్యాషన్, ఫ్యాషన్‌ ఆర్ట్‌ అండ్‌ ఇల్ల్రస్టెషన్, టెక్స్‌టైల్‌ అండ్‌ పాటర్న్‌ మేకింగ్, గార్మెంట్‌ కన్‌స్ట్రక్షన్, సర్ఫేస్‌ ఆర్నమెంటేషన్‌ వంటి అంశాల్లో శిక్షణ అందిస్తున్నారు.అనంతరం డిజైనింగ్‌ వృత్తిలో నైపుణ్యులైన మార్కెటింగ్‌ మర్చెండైజింగ్, క్యాడ్‌ బేసిక్స్, పోర్ట్‌ఫోలియో వంటి విభిన్న అంశాల్లోనూ శిక్షణ ఉంటుంది. ఈ కోర్సులు చేస్తున్న నగర విద్యార్థులు జాతీయ, అంతర్జాతీయ స్థాయి ఫ్యాషన్‌ షోలలో, ప్రముఖ ఫ్యాషన్‌ డిజైనింగ్‌ కంపెనీలో అవకాశాలను పొందుతూ భవిష్యత్‌లో కూడా ఫ్యాషన్‌ రంగానికి హైదరాబాద్‌ కేంద్రంగా నిలుస్తుందని నిరూపిస్తున్నారు.వినూత్న ఆలోచనకు వారధి..అందరిలా కాకుండా వినూత్నంగా ఆలోచించే నా విధానానికి ఫ్యాషన్‌ డిజైనింగ్‌ కోర్స్‌ తోడ్పాటు అందించింది. ఈ డిజైనింగ్‌ కోర్స్‌లో భాగంగా డిజైన్స్‌ ఎలా రూపొందించాలి.. వాటిని మార్కెట్లోకి ఎలా తీసుకెళ్లాలి.. మారుతున్న అధునాతన ఫ్యాషన్‌ జీవనానికి అనుగుణంగా మన ఆలోచనలు ఎలా మార్చుకోవాలి తదితర అంశాల్లో అవగాహన పెంచుకున్నాను. జీవితానికి భరోసా ఇచ్చే వృత్తి విద్య కోర్సుల్లో ఫ్యాషన్‌ డిజైనింగ్‌ అత్యుత్తమమైంది. మంచి ఫలితాలను అందిస్తుంది. ఈ కోర్సు చేయడమే కాకుండా 2023లో జాతీయస్థాయిలో ఉత్తమ డిజైనింగ్‌ బృందంలో ఒకడిగా అవార్డు అందుకున్నాను. – దీక్షిత్, ఫ్యాషన్‌ డిజైనర్‌.అవకాశాలు పుష్కలం.. ఈ ఫ్యాషన్‌ డిజైనింగ్‌ కోర్స్‌కు గతంలో ఇంటర్‌ అర్హతగా ఉండేది. కానీ ప్రస్తుతం పదవ తరగతి చదివిన వాళ్లకు కూడా అవకాశం కలి్పస్తున్నారు. ఈ కోర్స్‌ చేసిన తర్వాత ఫ్యాషన్‌ రంగంలో అవకాశాలతో పాటు వ్యక్తిగతంగా బోటిక్‌లను ఏర్పాటు చేసుకోవచ్చు. కేవలం ఒక్కో డిజైనింగ్‌కు రూ.10 వేల నుంచి లక్షల్లో సంపాదించుకునే వేదికలు, అవకాశాలు పుష్కలంగా ఉన్నాయి. ఎంతోకాలంగా నగరంలోని ఫ్యాషన్‌ డిజైనింగ్‌ పరిశ్రమను వివిధ రాష్ట్రాలు, దేశాల నుంచి వచి్చన డిజైనర్లు వినియోగించుకోగా ఈ మధ్యకాలంలో స్థానికంగానే ఫ్యాషన్‌ డిజై నర్లు పుట్టుకొస్తున్నారు. దుబాయ్‌ వంటి దేశాల్లో అవకాశాలను పొందుతున్నారు.గ్లోబల్‌ రన్‌వేలో మనమే టాప్‌.. హితమ్స్‌ అకాడమీ(హెచ్‌ఐఐటీఎంఎస్‌) అప్పారల్‌∙ఫ్యాషన్‌ రంగంలో ఔత్సాహిక విద్యార్థులకు శిక్షణ అందించడానికి విభిన్న ప్రాజెక్టులను రూపొందించాం. నగరంలోని జేఎన్‌ఏఎఫ్‌ఏ యూనివర్సిటీతో పాటు ఫ్యాషన్‌ క్యాపిటల్‌గా ప్రసిద్దిగాంచిన ఇటలీలోని ప్రముఖ ఫ్యాషన్‌ డిజైనింగ్‌ సంస్థ ఐఎంబి మిలాన్‌ ఆధ్వర్యంలో సర్టిఫికేషన్‌ కోర్సులను అందిస్తూ.. మా విద్యార్థులకు ఏకకాలంలో రెండు యూనివర్సిటీల సర్టిఫికేట్లను అందిస్తున్నాం.ఔత్సాహిక విద్యార్థులను సైట్‌ విసిట్, వర్క్‌షాప్‌లో భాగంగా ఇటలీకి తీసుకెళ్లి అధునాతన ఫ్యాషన్‌ డిజైనింగ్‌లపై అవగాహన కల్పిస్తున్నాం. భారత్‌లోని 350 బిలియన్‌ డాలర్ల బిజినెస్‌ మార్క్‌ను రాష్ట్రానికి చెందిన విద్యార్థులు అందుకునేలా.. కోర్సులో బాడీ పోస్టర్, కలర్‌ కాంబినేషన్‌ సైకాలజీ, ఔట్‌ ఫిట్, ఫ్యాబ్రిక్‌ అనాలసిస్‌ వంటి అంశాల్లో ఇంటర్నేషనల్‌ స్టాండర్డ్స్‌తో శిక్షణ అందిస్తున్నాం. జాతీయ అంతర్జాతీయ ఫ్యాషన్‌ షోలలో భాగం చేస్తూ.. ప్రాక్టికల్‌ అనుభవాన్ని చేరువ చేస్తున్నాం.ఈ మధ్యనే మా విద్యార్థులు ఢిల్లీ వేదికగా నిర్వహించిన ‘ద గ్లోబల్‌ రన్‌వే’ ఫ్యాషన్‌ ఈవెంట్లో మొదటి బహుమతి పొంది అందరి దృష్టిని నగరం వైపునకు మరల్చారు. ఈ అవార్డును ప్రముఖ అంతర్జాతీయ ఫ్యాషన్‌ డిజైనర్‌ రీనా ధాకా చేతులమీదుగా అందుకున్నారు. శిక్షణ అనంతరం బోటిక్‌లను ప్రారంభిస్తూ, ప్రముఖ సెలబ్రిటీలకు ఫ్యాషన్‌ డిజైనర్లుగా కొందరు సెటిల్‌ అయ్యారు. 10 వేల మందికి శిక్షణ అందించడమే కాకుండా ఈ రంగానికి ప్రోత్సాహం అందించడం కోసం 40 శాతం స్కాలర్‌íÙప్‌ అందిస్తున్నాం. – రఫీ, హితమ్స్‌ అకాడమీ (హెచ్‌ఐఐటీఎంఎస్‌) ఫౌండర్, హైదరాబాద్‌.

అమ్మాయిలు కోరుకునే సౌకర్యవంతమైన డ్రెస్‌ కుర్తీ ఎప్పుడూ ఒకే స్టైల్‌లో కాకుండా భిన్నమైన వెస్ట్రన్‌ కట్స్‌తో లేయర్డ్‌ టాప్స్‌గా పేరు మార్చుకొని మరీ ట్రెండ్‌లో ఉంటున్నాయి. అసమానంగా ఉండటమే ప్రత్యేకతగా ఇండో–వెస్ట్రన్‌ స్టైల్‌లో ఆకట్టుకునే ఈ డ్రెస్‌ డిజైన్స్‌ యువతను మరింత మోడరన్‌గా మార్చేస్తాయి. అటు క్యాజువల్‌ వేర్‌గానూ, ఇటు పార్టీవేర్‌గానూ కూడా యువతను ఆకట్టుకుంటున్నాయి.టు లేయర్స్‌గా ఉండే ఖఫ్తాన్‌ స్టైల్‌ కుర్తీ సెట్‌ కలర్‌ కాంబినేషన్‌తో సరైన ఎంపిక అవ్వాలి.నెటెడ్, చందేరీ ఫ్యాబ్రిక్‌ లేయర్స్‌తో ఉండే అసిమెట్రిక్‌ కుర్తీ ప్రత్యేక సందర్భాలలోనూ స్టైల్‌గా కనిపిస్తుంది.ధోతీ ప్యాంట్‌కు అసిమెట్రికల్‌ కట్‌తో ఉండే కుర్తీ, దానిపైకి ఎంబ్రాయిడరీ చేసిన వెస్ట్రన్‌ టాప్‌ ఇండోవెస్ట్రన్‌ స్టైల్‌తో ఆకట్టుకుంటుంది.

బాలీవుడ్‌లో అనుష్కా శర్మకు మంచి నటిగానే కాదు స్టయిల్‌ ఐకాన్‌గానూ పేరుంది. ఎయిర్‌ పోర్ట్‌ లుక్‌ నుంచి రెడ్‌కార్పెట్‌ వాక్‌ దాకా సందర్భానికనుగుణంగా ఆమె «ధరించే కాస్ట్యూమ్స్‌కి వీర ఫ్యాన్‌ బేస్‌ ఉంది. ఆ ఫ్యాషనిస్టా వెనుక స్టయిలిస్ట్‌ అలియా అల్‌ రుఫై కృషి ఉంది. ఆమె ఎవరో తెలుసుకుందాం..అలియా అల్‌ రుఫై.. వాళ్లమ్మ ఇండియన్‌. నాన్న అరబ్‌. అందుకే తనను తాను హాఫ్‌ ఇండియన్, హాఫ్‌ అరబ్‌గా అభివర్ణించుకుంటుంది అలియా. పన్నెండవ ఏట నుంచే ఆమెకు ఫ్యాషన్‌ మీద ఆసక్తి ఏర్పడింది. కారణం వాళ్లమ్మే. వింటేజ్‌ స్టయిల్‌కి కంటెంపరరీ టచ్‌నిచ్చి క్రియేట్‌ చేసుకునే ఆమె డ్రెస్‌లు, బ్లౌజెస్‌ అలియాను అమితంగా ఆకట్టుకునేవట. ఆ ఆకర్షణే తన చుట్టూన్న వాళ్ల డ్రెస్‌ సెన్స్‌ని, కల్చర్స్‌ని గమనించే గుణాన్ని పెంచిందట అలియాలో. ఆ తపనే ఆమెకు ఫ్యాషన్‌ మ్యాగజైన్స్‌నీ పరిచయం చేసింది. వాటి ప్రభావంతో తన డైలీ రొటీన్‌ డ్రెసెస్‌లోనే ఏదో ఒక కొత్తదనాన్ని తీసుకొచ్చేది.తన ఫ్రెండ్‌ సర్కిల్లో కాంప్లిమెంట్స్‌ అందుకునేది. ఒకసారి బాల్యంలోనే.. ఇతిహాద్‌ ఎయిర్‌వేస్‌లో బిజినెస్‌ క్లాస్‌లో ప్రయాణిస్తున్నప్పుడు.. ఒక బ్లాంకెట్‌ని ఇంటికి పట్టుకొచ్చేసిందిట దొంగతనంగా! తర్వాత దాన్ని స్కర్ట్‌గా మలచుకుందట. అలా ఆమెకు ఫ్యాషన్‌ మీదున్న శ్రద్ధ తనతో పాటే పెరుగుతూ వచ్చింది. ముంబై యూనివర్సిటీలో ఏంబీఏ పూర్తి చేసింది. అయినా ఏదో వెలితి. తనకు జాబ్‌ శాటిస్‌ఫాక్షన్‌ దొరికేది ఫ్యాషన్‌ రంగంలోనే అని ఆమె ప్రగాఢ విశ్వాసం. అందుకే ‘హార్పర్స్‌ బజార్‌’లో జూనియర్‌ ఫ్యాషన్‌ ఎడిటర్‌గా ఆఫర్‌ వస్తే.. రెండో ఆలోచన లేకుండా అందులో చేరింది.అక్కడ పనిచేస్తున్నప్పుడే అనుకోకుండా బాలీవుడ్‌ నుంచి కాల్‌ అందుకుంది.. ‘మధుర్‌ భండార్కర్‌ తీస్తున్న ‘ఫ్యాషన్‌’ సినిమాకి స్టయిలిస్ట్‌గా ఉన్న రీతా ధోడీకి అసిస్టెంట్‌ కావాలి. రాగలరా?’ అంటూ! ‘వై నాట్‌.. అఫ్‌కోర్స్‌’ అంటూ వెంటనే రీతా ధోడీ స్టయిల్‌ టీమ్‌లో మెంబర్‌ అయింది. ‘తొలి అవకాశమే కంగనా రనౌత్, ప్రియంకా చోప్రాలతో కలసి పనిచేయడం.. నా అదృష్టం! వాళ్ల దగ్గర చాలా నేర్చుకున్నాను. ఇంకా చెప్పాలంటే ‘ఫ్యాషన్‌’ సినిమా ఫ్యాషన్‌ ప్రపంచం గురించి నాకెన్నో విషయాలను తెలియజెప్పింది. ఎన్నో మెలకువలనూ నేర్పింది’ అని చెబుతుంది అలియా.ఆ సినిమా ఆమె కెరీర్‌కి మైలు రాయి అనుకోవచ్చు. అక్కడి నుంచి ఆమె ప్రయాణం ముందుకే సాగింది. పలు ఫ్యాషన్‌ షోలకు పనిచేసింది. ఎన్నో ఫ్యాషన్‌ మ్యాగజైన్స్‌కి ఆర్టికల్స్‌ రాసింది. అలా ఆమె నైపుణ్యం చూసిన అనుష్కా శర్మ .. అలియాను తన పర్సనల్‌ స్టయిలిస్ట్‌గా నియమించుకుంది. ఆమె అనుష్కా దగ్గర చేరగానే అనుష్కా తీరుతెన్నులే మారిపోయాయి. ఏ డ్రెస్‌ అయినా అనుష్కా కోసమే డిజైన్‌ అయిందేమో అన్నంత ఆప్ట్‌గా.. ఏ యాక్ససరీకైనా ఆమె వల్లే అందం వస్తుందేమో అన్నంత గ్రేస్‌ఫుల్‌గా కనిపించసాగింది ఆ నటి.దీన్ని బాలీవుడే కాదు యూరప్‌ ఫ్యాషన్‌ ప్రపంచమూ గమనించింది. అలియాకు చాన్స్‌ల వరద కురిపించింది. సెలబ్స్‌ ఎవరైనా రెడ్‌కార్పెట్‌ మీద కాలు పెట్టాలంటే అలియా స్టయిలింగ్‌ చేయాల్సిందే అన్నంత పాపులర్‌ అయిపోయింది. అలా దీపికా పదుకోణ్, ఆలియా భట్, కియారా ఆడ్వాణీ, యామీ గౌతమ్, నర్గిస్‌ ఫక్రీ, శ్రద్ధా కపూర్‌ వంటి వాళ్లందరికీ అలియా పర్సనల్‌ స్టయిలిస్ట్‌గా పనిచేసింది.ఫ్యాషన్‌లో మరింత స్కిల్‌ సంపాదించుకునేందుకు 2018లో మసాచ్యుసెట్స్‌ ఇన్‌స్టిట్యూట్‌ ఆఫ్‌ టెక్నాలజీ నుంచి ఫ్యాషన్‌ రంగంలో పట్టభద్రురాలైంది."అంకితభావం, హార్డ్‌వర్కే నన్నీ రోజు ఇండస్ట్రీలో ఈ స్థాయికి చేర్చాయి. బ్యూటీ అంటే నా దృష్టిలో సింప్లిసిటీ! మీ స్కిన్‌తో మీరు ఎంత కంఫర్టబుల్‌గా ఉంటే అంత అందంగా కనపడతారు. నా వింటేజ్‌ ఫ్యాషన్‌కి ఇన్‌స్పిరేషన్‌ మా అమ్మే అని చెబుతాను. సందర్భానికి తగ్గట్టు ఆమె రెడీ అయ్యే తీరే నాలో ఫ్యాషన్‌ సెన్స్‌ని పెంచింది. సీజన్స్‌ మారుతుంటాయి. ఫ్యాషన్‌ మాత్రం ఇవాల్వ్‌ అవుతూంటుంది. ఈ సత్యాన్ని గమనిస్తే స్టయిలిస్ట్‌లకు తిరుగులేదు.నేర్చుకోవడానికి బాలీవుడ్‌ని మించిన ఇండస్ట్రీ లేదు. మెంటర్‌ కన్నా రెండడుగులు ముందుండాలి ఎప్పుడూ! ఫలానా పని చేయండి అని మెంటర్‌ ఆర్డర్‌ వేయగానే ఆల్రెడీ డన్‌ అనే ఆన్సర్‌ ఉండాలి మన దగ్గర. నా ఫిలాసఫీకి వస్తే.. ఈ క్షణంలో బతకడాన్ని మించిన ఆనందంలేదు అంటాను. అదే అందం. చిన్న చిన్న విషయాల్లో ఆనందం వెదుక్కుంటాను!" – అలియా అల్‌ రుఫైఇవి చదవండి: తను.. గూంగీ గుడియా కాదు.. ఉక్కు మహిళ!

స్టార్స్‌ని వాళ్లు పోషించే పాత్రలకు తగ్గట్టుగా.. వాళ్లు అటెండ్‌ అయ్యే ఈవెంట్లకు అనుగుణంగా తీర్చిదిద్దడమంటే అంత ఆషామాషీ వ్యవహారమేం కాదు! కానీ దాన్ని అవలీలగా చేసేసే స్కిల్‌ పేరే మోహిత్‌ రాయ్‌!‘స్టయిలిస్ట్‌ బై డే, బ్యాట్‌మన్‌ బై నైట్‌’ అని తనను తాను వర్ణించుకునే మోహిత్‌ రాయ్‌ స్వస్థలం ఢిల్లీ. అక్కడి నేషనల్‌ ఇన్‌స్టిట్యూట్‌ ఆఫ్‌ ఫ్యాషన్‌ టెక్నాలజీలో గ్రాడ్యుయేషన్‌ చేశాడు. వెంటనే హార్పర్స్‌ బజార్‌ ఇండియా మ్యాగజైన్‌లో ఫ్యాషన్‌ స్టయిలిస్ట్‌గా ఉద్యోగం దొరికింది. అక్కడ మూడేళ్లు పనిచేశాక ముంబైకి మకాం మార్చాడు. అక్కడైతే అవకాశాలు ఎక్కువుంటాయని. అక్కడ ‘ద వార్డ్‌రోబిస్ట్‌’లో క్రియేటివ్‌ డైరెక్టర్‌గా చేరాడు.రెండేళ్లకు ‘హార్పర్స్‌ బజార్‌ బ్రైడ్‌ ఇండియా’లో ఫ్యాషన్‌ డైరెక్టర్‌గా కొలువు దొరికింది. అప్పుడే.. ‘ఫాలో మీ టు’ ఫొటో సిరీస్‌తో ఫేమస్‌ అయిన రష్యన్‌ ఫొటోగ్రాఫర్‌ మురాద్‌ ఉస్మాన్‌ తన భార్య నటాలియాతో ఇండియా వచ్చాడు. ఆ ఇద్దరితో అద్బుతమైన కవర్‌ షూట్‌ చేయించాడు హార్పర్స్‌ బజార్‌ కోసం. అది వైరల్‌ అయి మోహిత్‌ని పాపులర్‌ చేసింది. ఆ ఖ్యాతిని తన అంట్రప్రెన్యూర్‌షిప్‌కి పిల్లర్‌గా వేసుకున్నాడు. ‘ఎమ్‌ఆర్‌ (మోహిత్‌ రాయ్‌) స్టయిల్స్‌’ను స్థాపించాడు.ఈ సంస్థ స్టార్‌ స్టయిలింగ్, సెలబ్రిటీ వెడ్డింగ్స్‌ మీద ఫోకస్‌ చేస్తుంది. దీని ద్వారానే మోహిత్‌ బాలీవుడ్‌లోకి అడుగుపెట్టాడు. అతను మొదట స్టయిలింగ్‌ చేసింది.. హీరోయిన్‌ సోనాక్షీ సిన్హాకు. తర్వాత చిత్రాంగదా సింగ్, కరీనా కపూర్, కంగనా రనౌత్, శిల్పా శెట్టిలాంటి బాలీవుడ్‌ సెలబ్రిటీలు ఎందరికో స్టయిలిస్ట్‌గా చేశాడు.ఎమ్‌ఆర్‌ స్టయిల్స్‌ బాధ్యతలు చూసుకుంటూనే తన స్నేహితుడు షోహ్న దాస్‌తో కలసి ‘గ్రెయిన్‌ ఫ్యాషన్‌ కన్సల్టెన్సీ’నీ ప్రారంభించాడు. పలు ఫ్యాషన్‌ లేబుల్స్‌కి డిజైన్, స్టయిలింగ్‌లో గైడెన్స్‌ ఇస్తుందీ సంస్థ.‘స్టార్‌కున్న ఇండివిడ్యువల్‌ స్టయిల్‌ అండ్‌ పర్సనాలిటీని ఎలివేట్‌ చేయటమే స్టయిలిస్ట్‌ జాబ్‌’అని నమ్మే మోహిత్‌ రాయ్‌ని ‘మీకిష్టమైన సెలబ్రిటీ ఎవరు’ అని అడిగితే ‘సోనాక్షి సిన్హా’ అని చెబుతాడు. ‘ఫ్యాషన్‌ విషయంలో సోనాక్షీ ఎక్స్‌పరిమెంటల్‌ అండ్‌ ఓపెన్‌. రెండేళ్లు ఆమెతో కలసి పనిచేశాను. స్టయిలిస్ట్‌ని నమ్ముతుంది. చెప్పేది వింటుంది. డిఫర్‌ అయితే డిస్కస్‌ చేస్తుంది. ఆ చర్చలు నాకెంతో ఉపయోగపడ్డాయి. నా పనిని మెరుగుపరచాయి. అందుకే సోనాక్షీ అంటే నాకు చాలా రెస్పెక్ట్‌’ అంటాడు మోహిత్‌ రాయ్‌."నా పనిని చూసుకున్న ప్రతిసారీ .. అరే ఇంతకన్నా బాగా చేసుండాల్సింది అనిపిస్తుంది. అందుకే రోజూ ఆత్మవిమర్శ చేసుకుంటాను. పొరపాట్ల నుంచి పాఠాలు గ్రహిస్తాను. దానివల్ల నా పనితీరు రోజురోజుకి మెరుగవుతుంది. సెలబ్రిటీలకు స్టయిలింగ్‌ చేస్తున్నప్పుడు మన వర్క్‌ స్టయిల్‌ హార్డ్‌వర్క్‌ అండ్‌ స్మార్ట్‌వర్క్‌ల కాంబినేషన్‌గా ఉండాలి!" – మోహిత్‌ రాయ్‌

నిఖిల్‌ అనిల్‌ బ్రిజ్‌లాల్‌ కుమార్‌ శర్మ aka నిఖిల్‌ ముంబైకర్‌.. మోటో వ్లాగర్, బిజినెస్‌మన్‌. టాప్‌ టెన్‌ రిచెస్ట్‌సోషల్‌ మీడియా ఇన్‌ఫ్లుయెన్స్‌ర్స్‌ ఆఫ్‌ ఇండియాలో ఒకడు. హోటల్‌ మేనేజ్‌మెంట్‌లో డిగ్రీ పూర్తి చేసిన ఈ ముంబై వాసి కొన్నాళ్లు ఖతార్‌ ఎయిర్‌వేస్‌లో ఫ్లయిట్‌ అటెండెంట్‌గా పనిచేశాడు.చిన్నప్పటి నుంచి యాక్టింగ్‌ మీదున్న ఇంట్రెస్ట్‌ ఆ ఎయిర్‌వేస్‌ కొలువులో కుదురుగా ఉండనివ్వలేదు. దాంతో ముంబైకి తిరిగొచ్చి.. నటనలో లక్‌ని పరీక్షించుకున్నాడు. అట్టే అవకాశాలు రాలేదు. వీడియోగ్రఫీ అంటే కూడా ఆసక్తి ఉండటంతో మైండ్‌ని అటువైపు మోల్డ్‌ చేసుకున్నాడు. యూట్యూబ్‌ని వేదికగా మలచుకున్నాడు. మోటర్‌ బైక్‌ మీద తను వెళ్లిన ప్రదేశాలను షూట్‌ చేస్తూ ఆ వీడియోలను తన యూట్యూబ్‌ చానెల్‌లో పోస్ట్‌ చేయసాగాడు. అలా అతని లద్దాఖ్‌ మోటో ట్రిప్‌ వ్లాగ్‌ తన చానెల్‌ సబ్‌స్క్రైబర్స్‌ని అమాంతం పెంచేసింది. పాపులారిటీని తెచ్చిపెట్టింది. దేశవ్యాప్తంగా ఉన్న తన ఫ్యాన్స్‌ని కలవడానికి నిఖిల్‌ ఓ2ఓ (కన్యాకుమారి టు కశ్మీర్‌) బైక్‌ రైడ్‌ చేశాడు. ‘ముంబైకర్‌ నిఖిల్‌’ పేరుతోనే కీ చైన్స్, బెల్ట్‌ల బ్రాండ్‌ని స్థాపించాడు. ఇవి ఎక్స్‌క్లుజివ్‌గా అమెజాన్‌లోనే దొరుకుతాయి.ఇవి చదవండి: Revathi Pillai: తానొక.. డిజిటల్ స్టార్.. అండ్ ఇన్‌స్టా ఇన్‌ఫ్లుయెన్సర్‌..

భారతదేశంలోని అతిపెద్ద బ్యూటీ ఈవెంట్ ‘గ్లామ్ అప్ ఫెస్ట్ 2024’ రెండో ఎడిషన్‌ షురూ అయింది. స్వదేశీ ఇ-కామర్స్ సంస్థ ఫ్లిప్‌కార్ట్ ద్వారా జూన్ 14 నుండి జూన్ 17 వరకు జరిగే ఈ ఈవెంట్‌లో గ్లామ్ అప్ సేల్‌తో పాటు ప్రీమియం, స్వదేశీ D2C బ్రాండ్‌లు వినియోగదారులకు అందుబాటులో ఉంటాయి. అందం, సౌందర్య సాధనాలు, చర్మ సంరక్షణ, సువాసన ఉత్పత్తుల అద్భుతమైన డీల్స్‌ అందిస్తుంది. ఇంకా సరికొత్త లాంచ్‌లు, డీల్స్ , సిగ్నేచర్ కలెక్షన్స్‌, బ్రాండ్ లాంచింగ్స్‌, ఇంటరాక్టివ్ యాక్టివిటీలు, ఫ్యాషన్‌ షో, ప్రోడక్ట్ ట్రయల్స్ డెడికేటెడ్‌ ఫోటో అండ్‌ వీడియో స్టేషన్లు ఉంటాయి.ముంబైలోని జియో వరల్డ్ కన్వెన్షన్ సెంటర్‌లో ప్రకటించిన ఈ గ్లామ్ అప్ ఫెస్ట్ సెకండ్‌ ఎడిషన్‌లో 3,500+ బ్యూటీ అండ్ లైఫ్‌స్టైల్ ఇన్‌ఫ్లుయెన్సర్‌ఏకం చేసే ఈ గ్రాండ్ ఈవెంట్‌లో 70కిపైగా టాప్‌ బ్రాండ్‌ ఉత్పత్తులు అందుబాటులో ఉంటాయి. గ్లామ్ అప్ ఫెస్ట్ లైఫ్ స్టైల్ ఇన్‌ఫ్లుయెన్సర్‌ల కోసం అద్భుతమై ప్లాట్‌ఫారమ్‌ను అందిస్తోందని ఫ్లిప్‌కార్ట్‌ FMCG అండ్‌ జనరల్ మర్చండైజ్ బిజినెస్ హెడ్ మంజరీ సింఘాల్ తెలిపారు. తమ కస్టమర్లకు ఈ ఈవెంట్‌ చక్కటి బ్యూటీ షాపింగ్ అనుభవాన్ని అందిస్తుందన్నారు.స్థానిక, అంతర్జాతీయ బ్రాండ్‌లను ఒకే తాటిపైకి తీసుకువస్తూ, ఈ ఏడాది ఫ్లిప్‌కార్ట్ గ్లామ్ అప్ ఫెస్ట్‌ను తాప్సీ పన్ను, సిద్ధాంత్ చతుర్వేది, రోహిత్ సరాఫ్, అదా శర్మ , పష్మీనా రోషన్‌లతో సహా పలువురు ఈ ఫెస్ట్‌ను సెలబ్రేట్‌ చేసుకుంటారు. వర్చువల్ ట్రై-ఆన్, వీడియో కామర్స్, స్కిన్ ఎనలైజర్‌లు లాంటి వినూత్న సాధనాలతో ఫ్లిప్‌కార్ట్ , AR , VR సామర్థ్యాలను కూడా ఉపయోగించుకోవచ్చు.

Sewing Machine Day 2024 జాతీయ కుట్టు మెషీన్‌ దినోత్సవాన్ని ప్రతి సంవత్సరం జూన్ 13న జరుపుకుంటారు. ఏంటి ఇదొక డే కూడా ఉందా అని ఆశ్చర్యపోతున్నారా? ఉంది.. దీని కథా కమామిష్షు తెలియాలంటే.. ఈ స్టోరీ చదవాల్సిందే.ఆది మానవుడు ఆకులు, నార వస్త్రాలు కట్టుకుని తిరిగేవాడని చరిత్ర చెబుతోంది. పరిణామ క్రమంలో వస్త్రధారణలో అనేక పరిణామా లొచ్చినప్పటికీ, కుట్టుయంత్రాన్ని తయారు చేయడం విప్లవాత్మకమైన పరిణామమని చెప్పవచ్చు. వీటన్నింటికి మాతృక కుట్టుమెషీన్‌ను కనుగొనడమే. అలా 1790లో కుట్టు మెషీన్‌ ఆవిష్కరణ సందర్భాన్ని జాతీయ కుట్టు యంత్ర దినోత్సవంగా జరుపుతారు. ఆంగ్ల ఆవిష్కర్త థామస్ సెయింట్ దీనికి పేటెంట్‌ తీసుకున్నారు. కానీ థామస్ కుట్టు యంత్రం రూపకల్పన ముందుకు సాగలేదు. దీని తొలి నమూనా 1874లో తయారైంది. విలియం న్యూటన్ విల్సన్ అనే వ్యక్తి లండన్‌లోని పేటెంట్ కార్యాలయంలో సెయింట్ డ్రాయింగ్‌లను గుర్తించారు. ఈ డిజైన్‌కు కొన్ని సర్దుబాట్లు చేసి వర్కింగ్ మోడల్‌ను రూపొందించారు ఈ నమూనా ఇప్పుడు లండన్ సైన్స్ మ్యూజియంలో ప్రదర్శనకు ఉంది. అయితే 1800ల తరువాత కుట్టు యంత్రాలు విస్తృతంగా అందుబాటులోకి వచ్చాయి.ఎలియాస్ హోవే ,ఐజాక్ సింగర్ కుట్టు యంత్రాలను అభివృద్ధి చేసి ప్రాచుర్యంలోకి తెచ్చారు. ఆ తరువాత సామాన్య మానవుడికి కుట్టు మెషీన్లు అందుబాటులో వచ్చాయి. ఆ తరువాత అనేక కంపెనీలకు చెందిన, మెషీన్లు ఆధునిక హంగులతో అందుబాటులోకి వచ్చాయి. విభిన్న డిజైన్లతో ఫ్యాషన్‌ ప్రపంచం పరుగులు తీయడానికి, కుట్టుకళకు ఇంత ప్రాధాన్యత రావడానికి కారణమైన కుట్టు యంత్రాల ఆవిష్కారం, చరిత్ర గురించి తెలుసు కోవడం చాలా అవసరం.