ఇల్లు కట్టిస్తానని రూ.1.5 కోట్ల మోసం ఆక్రమణలను తొలగించాలని వినతి సాక్షి, చైన్నె: సఫాయి కర్మచారిల జాతీయ కమిషన్‌ గౌరవాధ్యక్షుడు ఎస్‌.వెంకటేషన్‌ బృందం మంగళవారం దక్షిణ రైల్వేలో అధ్యయనం చేసింది. దక్షిణ రైల్వే జనరల్‌ మేనేజర్‌ ఆర్‌ఎన్‌ సింగ్‌, అధికారులు కౌశల్‌ కిషోర్‌, బి.విశ్వనాథ్‌ తదితర అధికారులతో సమావేశమయ్యారు. వివిధ క్లీనింగ్‌ కాంట్రాక్టుల కింద కాంట్రాక్టు ఉద్యోగుల విస్తరణకు సంబంధించి పలు ముఖ్యమైన పాలసీ మార్గదర్శకాలపై చర్చించారు. సఫాయి కర్మచారుల సామాజిక–ఆర్థిక, పని, సేవా పరిస్థితులకు సంబంధించిన వివిధ అంశాలపై చర్చించారు. స్టేషన్‌ క్లీనింగ్‌, ఆన్‌బోర్డ్‌ హౌస్‌కీపింగ్‌ స్టాఫ్‌, కోచ్‌ క్లీనింగ్‌, హౌస్‌ కీపింగ్‌, ట్రాక్‌ క్లీనింగ్‌ సిబ్బంది తదితర అవుట్‌సోర్స్‌ కాంట్రాక్ట్‌ ఏజెన్సీల ప్రతినిధులతోనూ సమావేశమయ్యారు. సౌకర్యాలను ఆరాతీశారు. వారి జీతాలు, పని గంటలు, వారి కాంట్రాక్టు యజమానులు దీపావళి బోనస్‌ అన్న వివరాలను సేకరించారు. సఫాయి కర్మచారిలకు వారి పని ప్రదేశాలలో యూనిఫాం, తాగు నీరు ఇతర పని పరిస్థితుల పరిస్థితిని సమీక్షించారు.ఇద్దరి అరెస్టు తిరువొత్తియూరు: చైన్నె కొడుంగయూరు పార్వతి నగర్‌ బస్‌స్టేషన్‌ వెనుక అనుమానాస్పదంగా నిలబడి ఉన్న ఇద్దరిని పోలీసులు అదుపులోకి తీసుకున్నారు. వారి వద్ద తనిఖీ చేయగా చిన్నచిన్న పార్శిళ్లలో గంజాయి కలిగి ఉన్నారు. ఇద్దరినీ పోలీస్‌స్టేషన్‌కు తీసుకువెళ్లి విచారణ చేశారు. కొడుంగయూరు తిరువళ్లూరు రోడ్డు ప్రాంతానికి చెందిన మణి అనే వడైమణి(26), చోళవరం ప్రాంతానికి చెందిన శివ అనే వెంకటేశ్‌(27) అని తెలిసింది. వీరిద్దరిపై పలు కేసులు నమోదు ఉన్నాయి. వీరు గంజాయి విక్రయిస్తూ ఉన్నట్లు తెలిసింది. ఇద్దరినీ పోలీసులు అరెస్టు చేశారు. గాంధీ విగ్రహం స్థలం మార్పుపై సమావేశం తిరుత్తణి: మపోసీ రోడ్డు మార్గంలోని గాంధీ విగ్రహం స్థలం మార్పునకు సంబంధించి ఆర్డీఓ దీప అధ్యక్షతన మంగళవారం వివిధ శాఖల అధికారులు, రాజకీయ పార్టీల ప్రతినిధులు, వ్యాపార సంఘం నిర్వాహకులతో సమావేశం నిర్వహించారు. మున్సిపల్‌ చైర్‌పర్సన్‌ సరస్వతి, తహసీల్దారు మలర్‌విలి, మున్సిపల్‌ కమిషనర్‌ బాలసుబ్రహ్మణ్యం తదితర అధికారులు, ప్రజా ప్రతినిధులు పాల్గొన్నారు. ఈ సందర్భంగా పట్టణంలో నెలకొంటున్న ట్రాఫిక్‌ సమస్య పరిష్కరించే విధంగా ప్రస్తుతం మార్కెట్‌ వద్ద ఉన్న గాంధీ విగ్రహానికి ఎలాంటి మార్పు చేయకుండా తీసుకెళ్లి నూతన బస్టాండులో ఏర్పాటు చేయాలని అధికారులు, ప్రజా ప్రతినిధులు సంయుక్తంగా తీర్మానించారు. దీంతో త్వరలో గాంధీ విగ్రహాన్ని పటిష్ట భద్రత నడుమ తీసుకెళ్లి నూతన బస్టాండులో ఏర్పాట్లు చేయనున్నట్లు ఆర్డీఓ దీప తెలిపారు. ఆదాయ పన్ను శాఖ ఆకస్మిక తనిఖీలు తిరువళ్లూరు: ప్లాస్టిక్‌షీట్‌ వాహనాలకు హోస్‌ పైపులు తయారు చేసే పరిశ్రమల్లో అదాయపు పన్ను శాఖ అధికారులు ఆకస్మిక తనిఖీలు చేపట్టారు. తిరువళ్లూరు జిల్లాలోని నయపాక్కం, గుమ్మిడిపూండి, శ్రీపెరంబదూరు తదితర ప్రాంతాల్లో పాలీహోస్‌ టోఫ్‌లీ ప్రైవేటు లిమిటెడ్‌ సంస్థ ఉంది. ఈ సంస్థలో ఇంటి పైకప్పులకు ఉపయోగించే రేకులు(షీట్‌లు) వాహనాలకు ఉపయోగించే ప్లాస్టిక్‌ పైపులు తయారు చేసి దేశం నలుమూలలకు సరఫరా చేస్తున్నారు. ఈ సంస్థకు మూడు వాహనాల్లో మంగళవారం ఉదయం అదాయపు పన్నుశాఖ అధికారులు పోలీసుల సాయంతో ప్రవేశించి ఏకకాలంలో తనిఖీలు నిర్వహించారు. ఆర్థిక లావాదేవీలు, వివిధ రాష్ట్రాలకు సరఫరా అవుతున్న వస్తువుల వివరాలు, ఉద్యోగుల సమాచారాన్ని పరిశీలించారు. పనులకు ఎలాంటి ఇబ్బందులు లేకుండా అధికారులు తనిఖీ చేపట్టారు. ఆయుధాలు ధరించిన పోలీసులు బందోబస్తు నిర్వహించారు. ఎంఎస్‌ సుబ్బులక్ష్మి పేరుతో అవార్డు ఇవ్వొద్దు ● మ్యూజిక్‌ అకాడమీకి హైకోర్టు మధ్యంతర ఉత్తర్వులు కొరుక్కుపేట: 2025 సంవత్సరానికిగాను సంగీత కళానిధి అవార్డును ఎంఎస్‌ సుబ్బులక్ష్మి పేరుతో ఇవ్వవద్దు అని మ్యూజిక్‌ అకాడమీకి మద్రాసు హైకోర్టు మధ్యంతరంగా ఆదేశించింది. మ్యూజిక్‌ అకాడమీ వార్షిక కచేరీ సీజన్‌లో ‘సంగీత కళానిధి అవార్డు’ అందజేయడం ఆనవాయితీ. డిసెంబర్‌లో జరిగే 98వ వార్షికోత్సవ కార్యక్రమంలో గాయకుడు టీఎం కృష్ణకు ఈ అవార్డును అందజేస్తామని ప్రకటించారు. తన అమ్మమ్మపై అవమానకరమైన, నీచమైన, అపవాదు వ్యాఖ్యలు కృష్ణ చేసినట్టుగా ఆమె మనవడు శ్రీనివాసన్‌ తెలిపారు. కృష్ణకు వార్డును అందజేయకూడదని సుబ్బులక్ష్మి మనవడు పిటిషన్‌ వేశారు. పిటిషన్‌పై విచారణ న్యాయమూర్తి జి.జయచంద్రన్‌ ముందు మంగళవారం జరిగింది. ఈ సందర్భంగా న్యాయమూర్తి మాట్లాడుతూ.. సంగీత కళానిధి అవార్డును ఎంఎస్‌ సుబ్బులక్ష్మి పేరు మీద టి.ఎం.కృష్ణకు ఇవ్వవద్దు అని ఆదేశించారు. ● నిర్మాణ సంస్థ డైరెక్టర్‌ అరెస్ట్‌ అన్నానగర్‌: ఊటీలో ఇల్లు కట్టిస్తానని చెప్పి రూ.ఒకటిన్నర కోట్లు మోసం చేసిన చైన్నె నిర్మాణ సంస్థ డైరెక్టర్‌ను మంగళవారం అరెస్టు చేశారు. చైన్నె రాజా అన్నామలైపురం, శ్రీనివాస అవెన్యూకి చెందిన ఇగ్నాసిస్‌ థామస్‌ సురేష్‌(59) చైన్నె పోలీస్‌ కమిషనర్‌ అరుణ్‌కు ఓ ఫిర్యాదు చేశారు. ఫిర్యాదు మేరకు వివరాలిలా ఉన్యానయి. త్యాగరాయనగర్‌లో నిర్వహిస్తున్న ఎం.ఎస్‌.నాథన్‌ ఫౌండేషన్‌ అనే నిర్మాణ సంస్థ డైరెక్టర్‌ కేవీ శంకరలింగం ఊటీలో ఇళ్లు నిర్మించి విక్రయిస్తున్నట్లు ప్రచారం చేశాడు. 8 నెలల్లో ఫ్లాట్లు నిర్మించకుంటే నష్టపరిహారం ఇస్తామని ప్రకటనలో పేర్కొన్నారు. దీనిపై ఆధారపడి థామస్‌, అతని భార్య, బావ, ఇద్దరు స్నేహితుల పేర్లతో మొత్తం 6 ఫ్లాట్లను కొనుగోలు చేసేందుకు రిజిస్ట్రేషన్‌ చేసుకున్నారు. అందుకు రూ.1కోటి 45 లక్షల 42 వేలు చెల్లించారు. కానీ కేవీ. శంకరలింగం మాత్రం ఫ్లాట్‌లు కట్టకుండా డబ్బు తిరిగి ఇవ్వకుండా మోసం చేస్తున్నాడని పేర్కొన్నారు. అతనిపై చట్టపరమైన చర్యలు తీసుకోవాలని కోరారు. ఈ ఫిర్యాదుపై విచారణకు కమిషనర్‌ అరుణ్‌ ఆదేశించారు. దీని ప్రకారం సెంట్రల్‌ క్రైమ్‌ బ్రాంచ్‌ పోలీసులు కేసు నమోదు చేసి విచారణ చేపట్టారు. కేవీ శంకరలింగాన్ని మంగళవారం అరెస్ట్‌ చేశారు. అనంతరం అతడిని జ్యుడీషియల్‌ కస్టడీకి తరలించారు. ఈ నిర్మాణ సంస్థ బాధితులు ఇంకా ఎవరైనా ఉంటే ఫిర్యాదు చేయవచ్చని కేంద్ర నేర పరిశోధన విభాగం కోరింది. తిరువళ్లూరు: వేపంబట్టులో నిబంధనలకు విరుద్ధంగా నిర్మించిన కట్టడాలను వెంటనే తొలగించాలని కోరుతూ మాజీ ముఖ్యమంత్రి ఎంజీఆర్‌ వేషధారణతో వచ్చిన ప్రభుత్వ మాజీ ఉద్యోగి విశ్వనాథన్‌ కలెక్టర్‌ డాక్టర్‌ ప్రభుశంకర్‌కు వినతి పత్రం సమర్పించారు. తిరువళ్లూరు జిల్లా 89–వేపంబట్టు గ్రామం ఉంది. ఈ గ్రామానికి చెందిన మునస్వామి, అజంతతోపాటు మరో ఐదుగురు వ్యక్తులు అక్రమంగా కట్టడాలను నిర్మించారు. ఈ కట్టడాల కారణంగా రాకపోకలకు తీవ్ర ఇబ్బందులు కలుగుతున్నాయి. అక్రమ కట్టడాలను కూల్చివేయాలని, రాకపోకలకు ఇబ్బంది కలగకుండా చర్యలు తీసుకోవాలని కోరుతూ విశ్వనాథన్‌ పలుసార్లు స్థానిక సర్పంచ్‌, బీడీఓతోపాటు ఇతర అధికారులకు వినతి పత్రాలు సమర్పించాడు. అయితే ఇంత వరకు చర్యలు తీసుకోకపోవడంతో మంగళవారం ఎంజీఆర్‌ వేషధారణలో వచ్చి కలెక్టర్‌కు వినతి పత్రం సమర్పించాడు. కలెక్టర్‌ తక్షణం స్పందించి, ఆ ప్రాంతంలో పర్యటించి, అక్రమకట్టడాలను కూల్చి రాకపోకలకు ఇబ్బంది లేకుండా చూడాలని కోరారు. ఈ వినతి పత్రంపై తక్షణం చర్యలు తీసుకోవాలని కలెక్టర్‌ సంబంధిత అధికారులను ఆదేశించారు. ఎంజీఆర్‌ వేషధారణలో కలెక్టర్‌ కార్యాలయానికి వినతిపత్రం ఇవ్వడానికి వచ్చిన వ్యక్తితో పలువురు సెల్ఫీలు తీసుకోవడానికి యత్నించారు. ఎంజీఆర్‌ వేషధారణలో కలెక్టరేట్‌కు వచ్చిన మాజీ ప్రభుత్వ ఉద్యోగి తాంబరం నుంచి మూడు ఎక్స్‌ప్రెస్‌ రైళ్లు సదరన్‌ రైల్వే అధికారులు ప్రకటన కొరుక్కుపేట: చైన్నె ఎగ్మోర్‌ రైల్వేస్టేషన్‌ అభివృద్ధి పనుల కారణంగా సిలంబు ఎక్స్‌ప్రెస్‌ రైలుతోపాటు 3 ఎక్స్‌ప్రెస్‌ రైళ్లను తాంబరం నుండి తాత్కాలికంగా నడుపుతున్నట్లు సదరన్‌ రైల్వే ప్రకటించింది. ఈ మేరకు సదరన్‌ రైల్వే విడుదల చేసిన పత్రికా ప్రకటన ఇలా ఉంది. ఎగ్మోర్‌ రైల్వే స్టేషన్‌లో అభివృద్ధి పనులు సాగుతున్నాయి. ఫలితంగా మూడు రైళ్ల సర్వీసులు తాత్కాలికంగా దారి మళ్లించబడ్డాయని, తదుపరి ఉత్తర్వులు వచ్చే వరకు ఇలాగే నడుపబడతాయని వెల్లడించారు. చైన్నె ఎగ్మోర్‌–రాజస్థాన్‌ జోధ్‌పూర్‌ ఎక్స్‌ప్రెస్‌ రైలు(22663) ఈ నెల 23 నుండి ఎగ్మోర్‌కు బదులుగా తాంబరం నుండి నడుస్తుంది. మధ్యాహ్నం 2.50 గంటలకు బయల్దేరుతుంది. జోధ్‌పూర్‌–ఎగ్మోర్‌ ఎక్స్‌ప్రెస్‌ (22664) ఈ నెల 26 నుండి తాంబరం వరకు నడుస్తుంది. చైన్నె ఎగ్మోర్‌–నాగర్‌కోయిల్‌ ఎక్స్‌ప్రెస్‌ (12667) ఈ నెల 21వ తేదీ నుంచి రాత్రి 7.30 గంటలకు తాంబరం నుంచి నడుస్తుంది. చైన్నె ఎగ్మోర్‌ –సెంగోట్టై సిలంబు ఎక్స్‌ప్రెస్‌ రైలు (20681) ఈనెల 20 నుండి తాంబరం నుండి రాత్రి 8.55 గంటలకు నడుస్తుంది. సెంగోట్టై–తాంబరం ఎక్స్‌ప్రెస్‌(20682) ఈనెల 21 నుండి తాంబరం వరకు మాత్రమే నడుస్తుందని వెల్లడించింది.

టాస్మాక్‌ దుకాణం ముందు ఆందోళన ● పోలీసులు అడ్డుకోవడంతో తోపులాట, అరెస్ట్‌ వేలూరు: వేలూరు పాత బస్టాండ్‌లోని టాస్మాక్‌ దుకాణాన్ని మూయించాలని కోరుతూ సీపీఎం పార్టీ ఆధ్వర్యంలో ధర్నా నిర్వహించారు. ఆ పార్టీ జిల్లా కమిటీ సభ్యులు ఏయుమలై అద్యక్షతన కార్యకర్తలు దుకాణానికి తాళం వేసే ప్రయత్నం చేశారు. ఈ సందర్భంగా వారు మాట్లాడుతూ కొత్త, పాత బస్టాండ్‌లోని సుమారు 5 టాస్మాక్‌ దుకాణాలను మూసి వేయాలని వీటి వల్ల ప్రయాణికులు తీవ్ర ఇబ్బందులు ఎదుర్కొంటున్నారని, రాత్రి వేళల్లో మహిళలు బస్టాండ్‌కు రావాలంటే భయాందోళన చెందుతున్నారని ఆరోపించారు. వీరిని పోలీసులు అడ్డుకోవడంతో పోలీసులు కార్యకర్తల మధ్య తోపులాట జరిగింది. దీంతో పోలీసులు చేసేది లేక కార్యకర్తలను అరెస్ట్‌ చేసి ప్రైవేటు కళ్యాణ మండపంలో ఉంచారు. ఈ ధర్నాలో ఆ పార్టీ జిల్లా కార్యదర్శి సరోజ, పట్టణ కార్యదర్శి సింబుదేవన్‌ తదితరులు పాల్గొన్నారు. లారీ చక్రంలో చిక్కుకుని మహిళ మృతి అన్నానగర్‌: చైన్నె సమీపంలోని కోవిలంపాక్కం కలైనార్‌ రోడ్డుకు చెందిన ధనభాగ్యం (45). ఆమె ఇంటి పనులు చేసుకుంటూ జీవనం సాగిస్తోంది. మంగళవారం నార్త్‌బౌండ్‌ రోడ్డు నుంచి మేడవాక్కం మెయిన్‌ రోడ్డు జంక్షన్‌ వద్ద రోడ్డు దాటుతుండగా.. లారీ ధనభాగ్యంను ఢీకొట్టింది. ఈ క్రమంలో ఆమె అక్కడికక్కడే మృతి చెందింది. ఈ ఘటనపై పోలీసులు కేసు దర్యాప్తు చేస్తున్నారు. రాజరాజ చోళుని కాలం నాటి రాగి నాణెం లభ్యం అన్నానగర్‌: కడలూరు జిల్లాలోని పన్రూట్టి అదుతు ల్లా ఉలుంతంప ట్టు తెన్‌ పెన్నా నదీ తీరంలో పు రావస్తు శాస్త్రవేత్త ఇమ్మాన్యుయేల్‌ మెల్‌ ఫీల్డ్‌ సర్వే చేపట్టారు. ఈ స మయంలో పురాతన రాగి నాణెం బయల్పడింది. ఇది దేవనాగరి లిపిలో ‘శ్రీ రాజరాజ’’అని చెక్కిన రాజరాజ చోళుడి కాలం నాటి నాణెం అని తేలింది. కాగా ఉలుంతంపట్టులో లభించిన ఈ రాగి నాణెం ఇప్పటివరకు లభించిన నాణేల్లో పరిమాణంలో చిన్నదని పురావస్తు శాస్త్రవేత్తలు పేర్కొంటున్నారు. మరుగుదొడ్ల నిర్మాణాలను పూర్తి చేయండి తిరువళ్లూరు: మరుగుదొడ్లు నిర్మాణం కోసం ప్రభుత్వం నుంచి రుణాలు పొందిన వారు వెంటనే పనులను పూర్తి చేయాలని కలెక్టర్‌ డాక్టర్‌ ప్రభుశంకర్‌ సూచించారు. తిరువళ్లూరు జిల్లా వ్యాప్తంగా స్వచ్భ భారత్‌ కార్యక్రమంలో భాగంగా ప్రపంచ టాయిలెట్స్‌ డేను నిర్వహించారు. ఈ సందర్బంగా విష్ణువాక్కంలో నిర్వహించిన కార్యక్రమంలో కలెక్టర్‌ డాక్టర్‌ ప్రభుశంకర్‌ హాజరై ప్రసంగించారు. మరుగుదొడ్లు నిర్మాణాల కోసం ప్రభుత్వం నుంచి రుణాలు పొందిన వారు వెంటనే పనులను పూర్తీ చేయాలని ఆదేశించారు. అనంతరం స్వచ్చ భారత్‌పై ప్రజల చేత ప్రతిజ్ఞ చేయించారు. ఈ కార్యక్రమంలో ప్రాజెక్టు డైరెక్టర్‌ జయకుమార్‌, బీడిఓ రవితో పాటు పలువురు పాల్గొన్నారు. వండలూర్‌ జూలో హిప్పోపొటామస్‌ జననం తిరువొత్తియూరు: వండలూరు, జూలాజికల్‌ పార్కులో 5 ఆడ హిప్పోలు, 2 మగ హిప్పోలను సంరక్షిస్తున్నారు. ఈక్రమంలో ప్రక్ష్‌ కుర్ది అనే ఆడ నీటి ఏనుగు 8 నెలలు గర్భిణిగా ఉన్న క్రమంలో ఆగస్టు 21న ప్రసవించింది. తల్లి పిల్లను వేర్వేరుగా పరిరక్షిస్తున్నారు. ఈక్రమంలో ఆడ హిప్పో పిల్ల పుట్టిన 8వ రోజున అనుమానాస్పద స్థితిలో మృతి చెందింది. అలాగే మరో ఆడ నీటి ఏనుగు రెండు రోజుల క్రి తం పిల్లకు జన్మనిచ్చింది. పార్కు నిర్వాహకులు నిరంతరం వీటిని పర్యవేక్షిస్తున్నారు. చైన్నె ఫ్లవర్‌ షోకు ముమ్మర ఏర్పాట్లు కొరుక్కుపేట: చైన్నెలో జరిగే పూల ప్రదర్శనకు ఏర్పాట్లు ఊపందుకున్నాయి. ఇందుకోసం ఊటీ బొటానికల్‌ గార్డెన్‌లో పూలకుండీలను సిద్ధం చేస్తున్నారు. నీలగిరిజి ల్లాలోని ఊటీలో ఏటా వేసవి కాలంలో పూల ప్రదర్శన నిర్వహించారు. కొడైకెనాల్‌లోని బ్రయంట్‌ పార్క్‌లో ఫ్లవర్‌ షో కూడా జరుగుతోంది. ఇప్పుడు చైన్నెలోని సెమ్మెలీ పార్క్‌లో కూడా వార్షిక పూల ప్రదర్శన నిర్వహిస్తున్నారు. చైన్నెలో పూల ప్రదర్శన కోసం తమిళనాడులోని వివిధ ప్రాంతాల్లో ఉద్యానవన శాఖ వారు తోటలోని పూల మొక్కలను సిద్ధం చేసి చైన్నెకి తరలించి అలంకరించనున్నారు. ఇందుకోసం తమిళనాడులోని అన్ని పార్కుల్లో పూల కుండీలను సిద్ధం చేసే పనులు కొనసాగుతున్నాయి. ఇందుకోసం నీలగిరి జిల్లా ఊటీలోని బొటానికల్‌ గార్డెన్‌లో పూల కుండీలను సిద్ధం చేసే పని కూడా ప్రారంభించారు. నీలగిరి జిల్లాలో లక్ష పూల కుండీల తయారీ పనులు శరవేగంగా సాగుతున్నట్లు అధికారులు వెల్లడించారు.

నటి కీర్తి సురేష్‌కునటి కీర్తి సురేష్‌ తమిళసినిమా: నటి కీర్తి సురేష్‌కు పెళ్లికళ వచ్చేసిందా ప్రస్తుతం సినీ వర్గాల్లో జరుగుతున్న చర్చ ఇదే. 2013లో గీతాంజలి అనే చిత్రం ద్వారా మాతృభాషలో కథానాయకగా పరిచయమైన నటి కీర్తి సురేష్‌ ఆ తర్వాత రింగ్‌ మాస్టర్‌ అనే చిత్రంలో నటించారు. దాంతో కోలీవుడ్‌ దృష్టి కీర్తిపై పడింది. అలా దర్శకుడు విజయ్‌ ఆమెను ఇదు ఎన్న మాయం అనే చిత్రం ద్వారా తమిళ చిత్రపరిశ్రమకు పరిచయం చేశారు. విక్రమ్‌ ప్రభు కథానాయకుడిగా నటించిన ఆ చిత్రం ఆశించని విజయాన్ని సాధించలేదు. అయితే ఆ తర్వాత శివ కార్తికేయన్‌ సరసన నటించిన రజిని మురుగన్‌, రెమో చిత్రాలు మంచి విజయాన్ని సాధించాయి. ఆ తర్వాత కెరీర్‌ పరంగా కీర్తి సురేష్‌కు వెనక్కి తిరిగి చూసుకునే అవకాశం రాలేదు. తెలుగులో నటించిన మహానటి చిత్రం జాతీయ అవార్డును తెచ్చిపెట్టింది. అలా మలయాళం, తమిళం, తెలుగు భాషల్లో క్రేజీ కథానాయకిగా రాణిస్తున్న ఈ అమ్మడు ఇటీవలే బేబీ జాన్‌ చిత్రంతో బాలీవుడ్‌ రంగ ప్రవేశం చేశారు. అలా దశాబ్దం కాలంలోనే పాన్‌ ఇండియా కథానాయకిగా పేరు తెచ్చుకున్నారు. కాగా ఈమె గట్టిగా పరిచయమైన అతి తక్కువ కాలంలోనే ఉమెన్‌ సెంట్రిక్‌ కథ చిత్రాల గుర్తింపు తెచ్చుకున్నారు. ఇప్పుడీ కేరళ కుట్టి వయసు 32 ఏళ్లు. అయితే చాలా కాలంగానే కీర్తి సురేష్‌ పెళ్లికి సిద్ధమవుతున్నట్లు ప్రచారం జోరుగానే సాగింది. ముంబాయికి చెందిన ఒక యువ వ్యాపారవేత్తను కీర్తి సురేష్‌ పెళ్లి చేసుకోబోతున్నారు అనే ప్రచారాన్ని ఆమె తండ్రి సురేష్‌ ఖండించారు. కాగా తాజాగా మరోసారి కీర్తి సురేష్‌ త్వరలోనే పెళ్లి పీటలు ఎక్కబోతున్నట్లు ప్రచారం సామాజిక మాధ్యమాల్లో హోరెత్తుతోంది. అంతేకాకుండా ఈసారి పెళ్లి కొడుకు పేరు, పెళ్లి వేదిక వంటి విషయాలు కూడా వైరల్‌ అవుతున్నాయి . కీర్తి సురేష్‌ తన 15 ఏళ్ల స్నేహితుడయిన ఆంటోనితో ఏడడుగులు వేయడానికి సిద్ధమవుతున్నారని, కేరళలో పుట్టిన అతను దుబాయ్‌ కి వెళ్లి అక్కడ సెటిల్‌ అయినట్టు, వీరి పెళ్లి ఇరు కుటుంబాల అనుమతితో డిసెంబర్‌లో జరగబోతున్నట్లు వీరి పెళ్లికి గోవాలోని సుందరమైన ప్రదేశం వేదిక కాబోతున్నట్లు ప్రచారం జరుగుతుంది. అదేవిధంగా కీర్తి సురేష్‌ తన ప్రేమికుడితో ఉన్న ఫొటోలు ఇప్పుడు సామాజి మాధ్యమాల్లో వైరల్‌ అవుతున్నాయి. అయితే ఈ విషయంపై నటి కీర్తి సురేష్‌ కానీ ఆమె తల్లిదండ్రులు గానీ స్పందించకోవడం గమనార్హం.

వేలూరు: రాణిపేట జిల్లా వాలాజ సమీపంలోని దన్వంతరి ఆరోగ్య పీఠంలో పీఠాధిపతి మురళీధర స్వామిజీ ఆధ్వర్యంలో లోక క్షేమం కోరుతూ 1,008 శంఖ తీర్థ అభిషేక పూజలు జరిగాయి. ఈనెల 22,23న కాల బైరవర్‌ జయంతిని పురష్కరించుకుని వెయ్యి కిలోల వీభూది అభిషేక పూజలు నిర్వహించనున్నారు. దీంతో ముందుస్తుగా పీఠంలోని శివన్‌ సన్నిధిలో వేద పండితులు స్వామి వారికి ప్రత్యేక పూజలు, అభిషేకాలు, పుష్పాలంకరణలు చేశారు. అనంతరం దీపారధన పూజలు చేసి శంఖాలను ఉంచి ప్రత్యేక పూజలు చేశారు. అనంతరం స్వామి వారికి శంక అభిషేక పూజలు చేపట్టారు. ఈ పూజా కార్యక్రమంలో భక్తులు అధిక సంఖ్యలో చేరుకొని ప్రార్థనలు నిర్వహించారు.

వేలూరు: ఇండియన్‌ మెడికల్‌ అసోషియేషన్‌, ఇమ్మాజింగ్‌ సంఘం, తమిళనాడు, పుదుచ్చేరి సంయుక్తంగా ప్రాక్టికల్‌ రేడియాలజిపై ఒక రోజు సదస్సు వేలూరు నరువి ఆసుపత్రిలో జరిగింది. ఈ సదస్సుకు ఆ సంఘం రాష్ట్ర అధ్యక్షులు చిన్నదురై అబ్దుల్లా అధ్యక్షత వహించగా వేలూరు బ్రాంచ్‌ అధ్యక్షులు మదన్‌మోహన్‌ ఆహ్వానించారు. నరువి ఆసుపత్రి చైర్మన్‌ సంపత్‌ జ్యోతి ప్రజ్వలన చేసి ప్రసంగించారు. రాష్ట్ర స్థాయి సదస్సును వేలూరు లో నిర్వహించడం అభినందనీయమన్నారు. డాక్ట ర్లు కొత్త కొత్త విషయాలను తెలుసుకునేందుకు పరిశోధనలు చేయాల్సిన అవసరం ఉందన్నారు. అనంతరం సదస్సు పుస్తకాన్ని ఆవిష్కరించారు. ఈ కార్యక్రమంలో ఆ సంఘం రాష్ట్ర కార్యదర్శి ప్లోరో నెల్‌సన్‌, వేలూరు సీఎంసీ ఆసుపత్రి డాక్టర్‌లు శ్యామ్‌, శ్రీధర్‌, జిల్లా కోశాధికారి సహాన, డాక్టర్‌ మైకిల్‌ రాజన్‌, అశోక్‌ మిత్ర, డాక్టర్‌లు గురు క్రిష్ణన్‌, ప్రియాంక, కలైఅరసన్‌ తదితరులు పాల్గొన్నారు.

రివ్యూలపై పరారీ చిత్ర యూనిట్‌ తమిళసినిమా: ప్రముఖ దర్శకుడు రాజు మురుగన్‌ సమర్పణలో రూపొందిన చిత్రం పరారీ. కళా ఫిలిమ్స్‌ ప్రైవేట్‌ లిమిటెడ్‌ పతాకంపై హరి శంకర్‌ నిర్మించి, కథానాయకుడిగా నటించిన ఈ చిత్రం ద్వారా నవ నటి సంగీత కథా నాయకిగా పరిచయం అయ్యారు. కాగా దర్శకుడు రాజు మురుగన్‌ శిష్యుడు ఎళిల్‌ పెరియ వేడు దర్శకుడిగా పరిచయం అయ్యారు. శ్యాన్‌ రోల్డన్‌ సంగీతాన్ని, శ్రీధర్‌ ఛాయాగ్రహణం అందించిన పరారీ చిత్రం ఈనెల 22న తెరపైకి రానుంది. ఈ సందర్భంగా చిత్ర యూనిట్‌ మంగళవారం సాయంత్రం స్థానిక సాలిగ్రామలోని ప్రసాద్‌ ల్యాబ్‌లో మీడి యా సమావేశం నిర్వహించారు. ఇందులో పాల్గొన్న దర్శకుడు రాజు మురుగన్‌ మాట్లాడుతూ ఇది తన శిష్యుడు ఎళిల్‌ పెరియ వేడు దర్శకత్వం వహించిన చిత్రం అనీ, ఈ చిత్రానికి మోరల్‌ సపోర్ట్‌ చేయడానికే సమర్పకుడి వ్యవహరించినట్లు చెప్పారు. కథ, దర్శకుడు,ఆలోచన అంతా ఆయనదేనని చెప్పారు. సామాజిక బాధ్యతతో కూడిన గ్రామీణ రాజకీయ నేపథ్యంలో సాగే కథా చిత్రం పరారీ అని పేర్కొ న్నారు. నిర్మాత, కథానాయకుడు హరి శంకర్‌ మాట్లాడుతూ నిర్మాతగా తనకింది తొలి ప్రయత్నం అని, అందరం కలిసి మంచి చిత్రాన్ని చేశామని భావిస్తున్నానన్నారు. తనకిది తొలి చిత్రం అని నటి సంగీత అన్నారు. తాను మినహా ఈ చిత్రంలో నటించిన వారంతా స్టేజ్‌ ఆర్టిస్టులని, వారి నుంచి తాను చాలా నేర్చుకున్నానని ఆమె చెప్పారు. చిత్ర దర్శకుడు ఎళిల్‌ పెరియ వేడు మాట్లాడుతూ తాను గురువు రాజు మురుగన్‌ సహకారం లేకపోతే ఈ చిత్రం సాధ్యం అయ్యేది కాదన్నారు. ఎలాంటి అసమానతలు లేకుండా ప్రజలు జీవించాలన్న ఇతివృత్తంతో రూపొందించిన చిత్రం పరారీ అని పేర్కొన్నారు. చిత్రం తిరువణ్ణామలై నేపథ్యంలో సాగుతుందని చెప్పారు. దీంతో అక్కడ మూడు నెలలు నటీనటులతో రిహార్సల్స్‌ చేయించి ఆ తర్వాత షూటింగ్‌ నిర్వహించినట్లు చెప్పారు.తమిళసినిమా: సినిమాలపై విమర్శలు (రివ్యూలు)హద్దు మీరుతున్నా యా? విశ్లేషణ పేరుతో కొందరు పబ్లిసిటీ పొందే ప్రయత్నం చేస్తున్నారా? అలాంటి అదుపు తప్పిన విమర్శలతో చిత్రాలకు ఇబ్బంది కలుగుతుందా ? ఈ ప్రశ్నలకు సినీ ప్రముఖుల నుంచి అవుననే సమాధానమే వస్తోంది. ఇటీవల నటుడు రజినీకాంత్‌ కథానాయకుడిగా నటించిన వేట్టైయన్‌, సూర్య కథానాయకుడిగా నటించిన కంగువ వంటి భారీ చిత్రాలకు ప్రేక్షకులు థియేటర్లకు రాకపోవడానికి కారణం ఇలాంటి విమర్శలేనని ప్రముఖ సినీ పంపిణీదారుడు, మల్టీప్లెక్స్‌ థియేటర్ల సంఘం అధ్యక్షుడు తిరుపూర్‌ సుబ్రమణియన్‌ పేర్కొన్నారు. ఈయన ఇటీవల ఓ వీడియోలో పేర్కొంటూ కొత్త చిత్రాలు విడుదలై మొదటి షో పూర్తి అయిన వెంటనే యూట్యూబ్‌ ఛానెల్స్‌లో ప్రేక్షకుల విమర్శలు భయానికి గురిచేస్తున్నాయన్నారు. ఈ ఏడాది విడుదలైన మెగా బడ్జెట్‌ చిత్రాలకు కూడా ప్రేక్షకులు థియేటర్లకు రాకపోవడానికి కారణం ఇదేనన్నారు. ప్రపంచవ్యాప్తంగా ఒకే సమయంలో సినిమాలు విడుదలైతే బాగుంటుందనే అభిప్రాయాన్ని వ్యక్తం చేశారు. తమిళనాడులో కొత్త చిత్రాలు ఉదయం 9 గంటల షో తో ప్రారంభమవుతున్నాయని, అయితే ఇతర రాష్ట్రాల్లో వేకువ జామున నాలుగు గంటలకే షోలు మొదలవుతున్నాయి అన్నారు. దీంతో అక్కడి నుంచి ఉదయం 7 గంటలకే సోషల్‌ మీడియా ద్వారా వ్యాపిస్తున్న విమర్శలు తమిళనాడులో 9 గంటలకు విడుదలవుతున్న చిత్రాలకు ప్రేక్షకులను థియేటర్లకు రాకుండా చేస్తున్నాయన్నారు. కొత్త చిత్రాల గురించి నెగిటివ్‌ విమర్శలు చేస్తూ యూట్యూబ్‌ ఛానల్‌ను లబ్ధి పొందవచ్చుననే భావనతో చాలా అడ్డదిడ్డంగా విమర్శల దాడి చేస్తున్నారన్నారని ఆరోపించారు. దీంతో కోట్లు ఖర్చు చేసి చిత్రాలు నిర్మించి చిత్రాలు థియేటర్లకు తీసుకువచ్చే నిర్మాతలకు అలాంటి విమర్శలతో వ్యాపారానికి ముప్పు కలుగుతోందన్నారు. ఇటీవల కేరళలో ఒక నిర్మాత కోర్టులో కేసు వేసి సినీ విమర్శలను కొద్ది రోజులు వాయిదా వేయాలన్న కోరికను వ్యక్తం చేసినట్లు విన్నానని, అదేవిధంగా ఇక్కడ కూడా చిత్రాలు విడుదలైన రెండు వారాల వరకు విమర్శలు రాకుండా నిషేధం విధించాలని కోరికలు వ్యక్తం చేశారు. ఈ ఏడాది విడుదలైన ఇండియన్‌ – 2, వేట్టయన్‌, కంగువ అలాంటి వ్యతిరేక విమర్శల కారణంగా తీవ్ర నష్టం కలిగిందని తిరుపూర్‌ సుబ్రమణియన్‌ పేర్కొన్నారు. తిరుపూర్‌ సుబ్రమణియన్‌

తమిళసినిమా: నటుడు అజిత్‌ ప్రస్తుతం విడాముయర్చి, గుడ్‌ బ్యాడ్‌ అగ్లీ చిత్రాల్లో నటిస్తున్న విషయం తెలిసిందే. ఆయన ఇలా ఏకకాలంలో రెండు చిత్రాల్లో నటించడం ఇదే మొదటిసారి అని చెప్పవచ్చు. వీటిలో లైకా ప్రొడక్షనన్స్‌ సంస్థ నిర్మిస్తున్న విడాముయర్చి షూటింగ్‌ జాప్యం జరగడంతో, అజిత్‌ గుడ్‌ బాడ్‌ అగ్లీ చిత్రానికి కూడా కాల్‌ షీట్స్‌ కేటాయించారు. తెలుగు చిత్ర నిర్మాణ సంస్థ మైత్రీ మూవీస్‌ నిర్మిస్తున్న ఈ చిత్రానికి ఆధిక్‌ రవిచంద్రన్‌ కథ, దర్శకత్వం బాధ్యతలను నిర్వహిస్తున్నారు. నటి త్రిష నటిస్తున్న ఇందులో ప్రసన్న సునీల్‌ అర్జున్‌దాస్‌, ప్రభు తదితరులు ముఖ్య పాత్రలు పోషిస్తున్నారు. దేవి శ్రీ ప్రసాద్‌ సంగీతాన్ని అందిస్తున్న ఈ చిత్రంలోని ఫస్ట్‌లుక్‌ పోస్టర్‌ను ఇటీవల విడుదల చేయగా మంచి రెస్పెన్స్‌ తెచ్చుకుంది. ముఖ్యంగా అజిత్‌ అభిమానులను ఖుషీ చేసింది. కాగా తాజాగా ఇందులో మరో ముఖ్యపాత్రకు నటుడు యోగిబాబు ఎంపిక చేశారు. ఇప్పుడు ఆయన అజిత్‌తో దిగిన ఫొటోలు సామాజిక మాధ్యమాల్లో వైరల్‌ అవుతున్నాయి. నటుడు అజిత్‌ చాలా కాలం తర్వాత ఈ చిత్రంలో త్రిపాత్రాబినయం చేయడం విశేషం. పూర్తిగా కమర్షియల్‌ అంశాలతో యాక్షన్‌ ఎంటర్‌టైనర్‌గా రూపొందుతున్న గుడ్‌ బ్యాడ్‌ అగ్లీ చిత్రం షూటింగ్‌ ఇప్పటికే హైదరాబాద్‌, స్పెయిన్‌ దేశంలో చిత్రీకరణను జరుపుకుంది. త్వరలో తదుపరి షెడ్యూల్‌కు చిత్ర యూనిట్‌ సిద్ధమవుతున్నారు. కాగా చిత్రాన్ని వచ్చే ఏడాది సంక్రాంతి సందర్భంగా జనవరిలో విడుదల చేయడానికి సన్నాహాలు చేస్తున్నట్లు సమాచారం.

సాక్షి, చైన్నె : ఆర్థిక సంఘం బృందం మంగళవారం చైన్నె శివారులలో విస్తృతంగా పర్యటించింది. నెమ్మేలి నిర్లవణీకరణ ప్రాజెక్టును సందర్శించారు. 16వ ఆర్థిక సంఘం చైర్మన్‌ అరవింద్‌ పనగారియా, సభ్యులుు అజయ్‌ నారాయణ్‌, అనీ జార్జ్‌ మాథ్యూ, మనోజ్‌ పాండా బృందం రాష్ట్ర పర్యటనకు వచ్చిన విషయం తెలిసిందే. సీఎం స్టాలిన్‌, అఽధికారులతో భేటీ తొలి రోజున జరిగింది. మంగళవారం ఈ బృందం ఈసీఆర్‌ మార్గంలోని నెమ్మెలిలో ఇటీవల పూర్తిచేసిన నిర్లవణీకరణ ప్రాజెక్టును సందర్శించింది. ఇక్కడ నీటి శుద్ధీకరణ ప్లాంట్‌లు, సముద్రం నుంచి నీటి తరలింపు, ఇక్కడి నుంచి చైన్నెనగరం వైపుగా నీటిని సరఫరా చేసేందుకు చేసిన ఏర్పాట్ల గురించి అధికారులు ఈ బృందానికి వివరించారు. ఇక్కడి నీరు ఎంత మందికి ఉపయోగకరంగా ఉంది. ఈ ప్రాజెక్టుకు వెచ్చించిన మొత్తం తదితర అంశాలపై అధ్యయనం చేసింది. అక్కడి నుంచి నేరుగా శ్రీపెరంబదూరు పారిశ్రామికవాడకు చేరుకుని ఇక్కడి పారిశ్రామిక ప్రగతిని అధ్యయనం చేశారు. ఫాక్స్‌కాన్‌ పరిశ్రమ, మొబైల్‌ విడి భాగాల తయారీ పరిశ్రమ, ఎగుమతి కేంద్రాన్ని సందర్శించారు. ఇక్కడి ఏర్పాట్లను పరిశీలించారు. అలాగే, ఆసియాలోనే వర్కింగ్‌ ఉమెన్స్‌ కోసం ఇక్కడ నిర్మించిన బహుళ అంతస్తుల తరహా హాస్టల్‌ను పరిశీలించారు. ఇక్కడ బస చేసి ఉన్న మహిళలకు కల్పించిన సౌకార్యలు, భద్రతను పరిశీలించారు. 18 వేల మంది ఇక్కడ బస చేసి ఉన్న సమాచారంతో విస్మయం చెందారు. అక్కడి నుంచి చైన్నె కు చేరుకున్న ఈ బృందం సాయంత్రం మదురైకు విమానంలో బయలు దేరి వెళ్లింది. అక్కడి నుంచి కారులో రామేశ్వరానికి వెళ్లారు. బుధవారం రామేశ్వరంలోని రామనాథస్వామి ఆలయంలోపూజల అనంతరం తంగచ్చి మండపానికి వెళ్లనున్నారు. ఇక్కగ పీఎం గృహ నిర్మాణ పనులను పరిశీలించనున్నారు. రామనాథపురం నగర పాలక సంస్థలో జరిగే కార్యక్రమానికి హాజరు అవుతున్నారు. కిలడి పురావస్తు పరిశోధన ప్రదేశానికి వెళ్లనున్నారు. తర్వాత మదురైకు చేరుకుంటారు. అనంతరం మదురై నుంచి ఈ బృందం ఢిల్లీకి బయలుదేరి వెళ్లనుంది.

● వేకువ జామున రెండు గంటల నుంచి క్యూలైన్‌ ● నిద్రాహారాలు మాని అనారోగ్యంతో ఖైదీల ఇబ్బందులు పళ్లిపట్టు పాఠశాల హెచ్‌ఎం అరెస్టు పళ్లిపట్టు: 3వ తరగతి విద్యార్థినిని లైంగిక వేధింపులకు గురిచేసిన పాఠశాల ప్రధానోపాధ్యాయుడిని పోక్సో యాక్ట్‌, ఎస్సీ, ఎస్టీ నేరాల కింద పోలీసులు మంగళవారం అరెస్టు చేశారు. వివరాలు.. పళ్లిపట్టు ఆంజనేయనగర్‌ ప్రభుత్వ ప్రాధమిక పాఠశాలలో 3వ తరగతి చదువుతున్న ఇరుళ కుటుంబానికి చెందిన విద్యార్ధినిపై ఆ పాఠశాల హెచ్‌ఎం చంగల్వరాయన్‌ లైంగిక వేధింపులకు పాల్పడిన ఘటన పళ్లిపట్టులో కలకలం రేపింది. సంఘటనకు సంబంధించి చిన్నారి తల్లి పళ్లిపట్టు పోలీసులకు ఇచ్చిన ఫిర్యాదు మేరకు డీఎస్పీ కందన్‌ ఆధ్వర్యంలో కేసు నమోదు చేసి హెచ్‌ఎం చెంగల్వరాయన్‌ను మంగళవారం పోలీసులు అరెస్టు చేశారు. కోర్టులో హాజరుపరిచి పుళళ్‌ సెంట్రల్‌ జైలుకు తరలించారు. వేలూరు: వేలూరు పేరు చెబితేనే గుర్తుకు వచ్చేది సెంట్రల్‌ జైలు మాత్రమే. తమిళనాడులోనే రెండో పెద్ద జైలైన వేలూరులో 1078 మంది విచారణ, శిక్ష పొందుతున్న వేర్వేరు ఖైదీలు ఉంటున్నారు. అయితే 60 మంది ఖైదీలు మాత్రమే ఉండాల్సిన ప్రాంతంలో మొత్తం 70 మంది ఖైదీలను ఉంచారు. దీంతో స్థలం లేక రాత్రి వేళల్లో ఖైదీలు తీవ్ర ఇబ్బందులు పడుతున్నారు. వీటితో పాటు ఒక్కో ప్రాంతంలో మూడు మరుగుదొడ్లు మాత్రమే ఉన్నాయి. జైళ్లశాఖ నిబంధనల ప్రకారం జైలు ఖైదీలు వేకువ జామున 5.30 గంటలకే నిద్ర లేవాలి, అనంతరం నిద్రపోయిన వారిపై జైలు అధికారులు చర్యలు తీసుకుంటారు. గదుల వద్ద మూడు మరుగుదొడ్లు మాత్రమే ఉన్నందున ఖైదీలు ఉదయం చాలా సమయంలో క్యూలైన్‌లో వేచి ఉండి కాలకృత్యాలకు వెళ్లాల్సిన పరిస్థితి ఏర్పడుతుంది. దీంతో జైలులోని ఖైదీలు వేకువ జామున 2 గంటలకే నిద్ర లేచి మరుగుదొడ్లు వద్ద క్యూలైన్‌లో నిలిచి కాలకృత్యాలు తీర్చుకుంటున్నారు. వేకువ జామున 2 గంటలకే నిద్ర లేవడంతో ఖైదీలకు నిద్ర చాలడం లేదు. వృద్ధ ఖైదీలు నిద్రాహారాలు నిలిచి వెళ్లడంతో తీవ్ర అనారోగ్యానికి గురి అవుతున్నారు. వీటిపై ఇటీవల జైలు నుంచి బయటకు వచ్చిన ఒక ఖైదీ మాట్లాడుతూ వేలూరు సెంట్రల్‌ జైలులో ఖైదీలకు అవసరమైన మరుగుదొడ్లు లేవని తెలిపారు. ఉదయం 5.30 గంటలకే ఖైదీలు నిద్ర లేచి హాజరు కావాల్సిన పరిస్థితి ఉందన్నారు. వీటిపై అధికారులు విచారణ జరిపి ఖైదీలకు న్యాయం చేయాలని కోరారు.

సాక్షి, చైన్నె: ఎన్‌కౌంటర్‌లో ఇటీవల హతమైన రౌడీ ిసీసింగ్‌ రాజ బంధువులు, సన్నిహితులకు చెందిన 14 చోట్ల మంగళవారం పోలీసులు, రెవెన్యూ అధికారులు విస్తృత సోదాలలో నిమగ్నమయ్యారు. కట్ట పంచాయతీలు, స్థల కబ్జాలు, హత్య కేసులలో నిందితుడైన రౌడీ సీసింగ్‌ రాజ కోసం పోలీసులు గతకొన్ని నెలలుగా తీవ్రంగా గాలించిన విషయం తెలిసిందే. బీఎస్పీ నేత ఆర్మ్‌ స్ట్రాంగ్‌ హత్యలో ఇతడి మీద తొలుత అనుమానాలు వచ్చాయి. ఎట్టకేలకు ఆంధ్రాలో పట్టుబడ్డ ఇతడిని చైన్నెకు తీసుకొచ్చారు. తప్పించుకునే క్రమంలో పోలీసులు ఎన్‌కౌంటర్‌లో హతం చేశారు. గతంలో ప్రభుత్వ స్థలాలను కబ్జా చేసి వందలాది మందికి చేతులు మార్చిన సీసింగ్‌ రాజపై ప్రస్తుతం రెవెన్యూ అధికారులు దృష్టి పెట్టారు. అతడు ఎన్‌కౌంటర్‌లో మరణించడంతో బంధువులు, సన్నిహితుల మీద గురి పెట్టారు. తాంబరం, సేలయూరు, ముడిచ్చూరు, పెరుంగళత్తూరు పరిసరాలలోని వీరి నివాసాలలో విస్తృతంగా సోదాలు జరుగుతున్నాయి. స్థల కబ్జాలకు సంబంధించి సృష్టించి డాక్యుమెంట్లు, స్థలాలను చేతులు మార్చడం ద్వారా సంపాదించిన ఆస్తులు తదితర వివరాల సేకరణలో 14 మంది రెవెన్యూ అధికారులతో కూడిన బృందం నిమగ్నమైంది.

●తమిళ సంప్రదాయంలో వివాహం అన్నానగర్‌: కారైకుడికి చెందిన ఓ యువకుడు తైవాన్‌ యువతిని ప్రేమించి తమిళ సంస్కృతి ప్రకారం పెళ్లి చేసుకున్నాడు. వివరాలు.. శివగంగై జిల్లా కారైకుడి సమీపంలోని పాధరకుడికి చెందిన ఆరుముగం రెండో కుమారుడు సతీష్‌ కుమార్‌. ఇతను గత 6 సంవత్సరాలుగా తైవాన్‌లోని ఒక ప్రైవేట్‌ కంపెనీలో పనిచేస్తున్నాడు. ఆ సమయంలో తైవాన్‌కు చెందిన హో హాసిన్‌ హీతో ప్రేమలో పడ్డాడు. ఇదిలా ఉండగా సతీష్‌ కుమార్‌ ఉద్యోగం మారడంతో ప్రస్తుతం అమెరికాలో ఉద్యోగం చేస్తున్నాడు. ఈ నేపథ్యంలో సతీష్‌ కుమార్‌, హో హాసిన్‌ హీ పెళ్లి చేసుకోవాలనుకున్నారు. ఇద్దరూ తమ తల్లిదండ్రులకు చెప్పారు. ఇరు కుటుంబీకులు అంగీకరించారు. దీంతో హో హాసిన్‌ హీ తల్లిదండ్రులు తమిళ సంస్కృతి ప్రకారం వివాహాన్ని నిర్వహించడానికి అంగీకరించారు. దీని ప్రకారం అతని తల్లిదండ్రులు, బంధువులు, స్నేహితులు అందరూ తైవాన్‌ నుంచి కరైకుడి వచ్చారు. ఆదివారం కారైకుడిలోని ఓ కల్యాణమండపంలో సతీష్‌ కుమార్‌, హో హాసిన్‌ హీ దంపతులు వేద మంత్రోచ్ఛారణలతో తమిళ సంప్రదాయ పద్ధతిలో పెళ్లి చేసుకున్నారు. ఈ వివాహ వేడుకకు పెద్ద సంఖ్యలో ప్రజలు హాజరై వధూవరులకు శుభాకాంక్షలు తెలిపారు.

● 8 మంది టాస్మాక్‌ షాపు ఉద్యోగుల తొలగింపు అన్నానగర్‌: ఎంఆర్‌పీ కంటే ఒక్కో మద్యం బాటిల్‌పై రూ.10 అధికంగా వసూలు చేస్తున్న టాస్మాక్‌లోని 8 మంది ఉద్యోగులను అధికారులు తొలగించారు. వివరాలు.. చైన్నె పక్కనే ఉన్న కాంచీపురం జిల్లాలో 131 టాస్మాక్‌ దుకాణాలు, చెంగల్పట్టు జిల్లాలో 89 టాస్మాక్‌ దుకాణాలు ఉన్నాయి. వీటిలో మద్యం తాగేవారి నుంచి అదనపు సొమ్మును నిరోధించేందుకు ఈనెల 15వ తేదీ నుంచి 220 టాస్మాక్‌ దుకాణాల్లో డిజిటల్‌గా స్కానర్ల ద్వారా రసీదులు జారీ చేస్తున్నారు. ఈ క్రమంలో కాంచీపురం జిల్లా వాలాజాబాద్‌ సమీపం ఊట్టుకాడు పక్కనే ఉన్న టాస్మాక్‌ షాపులో డిజిటల్‌ పద్ధతిలో విక్రయించే ఒక్కో బాటిల్‌పై అదనంగా రూ.10 వసూలు చేస్తున్నట్లు మద్యం ప్రియులు వీడియో తీసి సోషల్‌ మీడియాలో ప్రచారం చేశారు. దీంతో కాంచీపురం జిల్లా టాస్మార్క్‌ అధికారులు సోమవారం విచారణ జరిపి ఊత్తుకాడు టాస్మాక్‌ షాపులో మద్యం విక్రయ ధర కంటే రూ.10 అధికంగా వసూలు చేసిన టాస్మాక్‌ షాపు ఇద్దరు సూపర్‌ వైజర్లు, ఆరుగురు ఉద్యోగులు సహా 8 మందిని విధుల నుంచి తొలగిస్తూ ఉత్తర్వులు జారీ చేశారు.

● డాక్టర్‌ మిక్కిలి ప్రసన్నకుమార్‌ వ్యాఖ్య కొరుక్కుపేట: అణు పేలుళ్ల విపత్తులను విచ్ఛినం చేసే యాంటీ న్యూక్లియర్‌ షీల్డ్‌ ప్రాజెక్టును జాతికి అంకితం చేస్తున్నట్లు సిగ్మా–9 ఏరోస్పేస్‌ అండ్‌ డిఫెన్స్‌ రీసెర్చ్‌ సెంటర్‌ ప్రైవేట్‌ లిమిటెడ్‌ సీఎండి మిక్కిలి ప్రసన్నకుమార్‌ తెలిపారు . హైదరాబాద్‌కు చెందిన సిగ్మా–9 ఏరోస్పేస్‌ అండ్‌ డిఫెన్స్‌ ఆధ్వర్యంలో ఆదివారం రాత్రి యాంటీ న్యూక్లీయర్‌ షీల్డ్‌ ప్రాజెక్టును ప్రముఖ శాస్త్రవేత్తల బృందంతో కలసి మిక్కిలి ప్రసన్నకుమార్‌ ఘనంగా ప్రారంబించారు . ఈ సందర్భంగా ఆయన మాట్లాడుతూ అణురక్షణ విధానంలో ఒక చారిత్రాత్మక ఘట్టానికి సిగ్మా–9 సంస్థ అత్యాధునిక యాంటీ న్యూక్లీయర్‌ షీల్డ్‌ ( అను నిరోధక షీల్డ్‌ వ్యవస్థ)వ్యవస్థను విజయవంతంగా అభివృద్ది చేసిందన్నారు. ప్రపంచంలోని అణుదాడులను ఎప్పటికప్పుడు ఎదుర్కోనేలా యాంటీ న్యూక్లీయర్‌ షీల్డ్‌ దోహదపడుతుందని తెలిపారు. అంతేకాకుండా యాంటీ–న్యూక్లియర్‌ షీల్డ్‌ అణు విస్ఫోటనాలు వాటి రేడియోధార్మిక పరిణామాల వినాశకరమైన ప్రభావాల నుంచి మానవాళిని , పర్యావరణాన్ని రక్షించాల్సిన ప్రపంచ అవసరాన్ని సూచిస్తుందన్నారు. సిగ్మా–9 గత 15 సంవత్సరాలుగా రక్షణ సాంకేతికతతో యాంటీ న్యూక్లియర్‌ షీల్డ్‌ను పరిశోధనాత్మకంగా ఆవిష్కరింపజేసిందని తెలిపారు. గామా కిరణాలు, న్యూట్రాన్‌లతో సహా న్యూక్లియర్‌ రేడియేషన్‌ల హానికరమైన ప్రభావాలను ఎదుర్కోవడానికి రూపొందించబడిన ఈ అత్యాధునిక సాంకేతికత ప్రపంచవ్యాప్తంగా మొదటిదని వివరించారు. ఈ కార్యక్రమంలో సిగ్మా–9 అడ్వైజరీ బోర్డు ఛైర్మెన్‌ డాక్టర్‌ మల్లి బాబు ,శ్రీరామచంద్రమూర్తి, సుభాష్‌ చంద్రబోస్‌, లెఫ్టినెంట్‌ కల్నన్‌ ముద్దా అబ్రహాం లింకన్‌, డీఎంకేకొరట్టూరు డివిజన్‌ డిఫ్యూటీ సెక్రటరీ చల్లగాలి యాకోబు, గేటర్‌ చైన్నె రెవెన్యూ సీనియర్‌ ఆఫీసర్‌ ఎంపి తిరుపాల్‌తోపాటు సిగ్మా–9 మహిళా నిర్వాహకులు ఇందిర, కీర్తీ, రాధ, రమణి, కంచన్‌, తులసీ, శ్వేత, నవనీత, వాణి, చరిత, సౌఖ్య సహా పలువురు శాస్త్రవేత్తలు పాల్గొన్నారు.

●స్కూటీ అదుపు తప్పడంతో ప్రమాదం అన్నానగర్‌: కారైకుడి సమీపంలో ఆదివారం రాత్రి స్కూటీ అదుపుతప్పి రోడ్డు పై నిల్వ ఉన్న వర్షపు నీటిలో పడి ఓ మహిళ ఊపిరాడక మృతి చెందారు. శివగంగై జిల్లా కారైకుడి సమీపంలోని రాస్తా ప్రాంతానికి చెందిన కలైచెల్వి (50) కారైకుడిలోని ఓ కేఫ్‌లో పనిచేస్తున్నారు. ఆదివారం రాత్రి పని ముగించుకుని స్కూటీ పై ఇంటికి వెళ్తుండగా.. రాస్తా నది వంతెన దగ్గరకు రాగానే ఎదురుగా వస్తున్న వాహనం హెడ్‌ లైట్ల వెలుగులో రోడ్డు కనిపించలేదు. దీంతో స్కూటీ తప్పి రోడ్డు పక్కనే ఉన్న బారియర్‌ ను ఢీకొట్టింది. గాయాలపాలై స్ఫృహతప్పి పక్కనే ఉన్న కాలువలో నిలిచిన వర్షపు నీటిలో కలైచెల్వి పడిపోయారు. ఈ క్రమంలో ఊపిరాడక ఆమె మృతి చెందినట్లు తెలుస్తోంది. పాదచారులు గుర్తించి పోలీసులకు సమాచారం అందించారు. పోలీసులు మృతదేహాన్ని స్థానిక ప్రభుత్వాసుపత్రికి తరలించి కేసు దర్యాప్తు చేస్తున్నారు. గర్భిణి వద్ద నగలు నగదు చోరీ తిరువొత్తియూరు: ఆసుపత్రిలో చికిత్స పొందుతున్న గర్భిణి వద్ద నగలు, నగదును చోరీ చేసిన గుర్తు తెలియని వ్యక్తి కోసం పోలీసులు గాలిస్తూ ఉన్నారు. వివరాలు.. తిరువళ్లూరు జిల్లా, పొన్నేరి పుదురుకు చెందిన కమల (65). ఈమె 8 నెలల గర్భం గర్భిణిగా ఉన్న తన కుమార్తెను తీసుకుని గత 7వ తేదీ చైన్నె తండయార్‌పేట ప్రాంతంలో ఉన్న మహిళా ప్రసూతి ఆసుపత్రిలో చికిత్సకు చేర్చారు. ఆ సమయంలో గర్భిణి వద్ద ఉన్న ఆరు సవర్ల బంగారు నగలు, వెండి గొలుసులు, వెయ్యి రూపాయలను ఆ మాయమాటలు చెప్పి ఓ వ్యక్తి ఆమె వద్ద చోరీ చేశాడు. దీని గురించి ఆ తల్లి ఆమె తల్లి కమల ఇచ్చిన ఫిర్యాదు మేరకు పోలీసులు కేసు విచారణ చేస్తున్నారు.

ఫైర్‌ చిత్రానికి షకీలా ప్రశంసలుతమిళసినిమా: మనసుల్ని హత్తుకునే, మనుషుల్ని ఆలోచింపజేసే కథా చిత్రాలు అరుదుగానే వస్తుంటాయి. అలాంటి చిత్రం ఫైర్‌ అంటున్నారు చిత్ర వర్గాలు. నిర్మాత జేఎస్‌కే ప్రధాన పాత్రను పోషించి, స్వీయ దర్శకత్వంలో జేఎస్‌కే ఫిలిం కార్పొరేషన్‌ పతాకంపై నిర్మిచిన చిత్రం ఫైర్‌. ఈ చిత్రాన్ని మహిళలకు కోసం ప్రత్యేకంగా స్థానిక ఎన్‌ఎఫ్‌డీసీ థియేటర్‌లో ప్రదర్శించినట్లు మీడియాకు విడుదల చేసిన ప్రకటనలో పేర్కొన్నారు. ముఖ్యంగా మహిళా ఆటోడ్రైవర్లు, వివిధ శాఖల్లో పని చేసే మహిళలు ఈ చిత్రాన్ని చూసినట్లు పేర్కొన్నారు. వారితో పాటు నటి షకీలా, నటి సాక్షీ అగర్వాల్‌ తదితరులు కూడా ఫైర్‌ చిత్రాన్ని చూశారట. నేటి సమాజానికీ, ముఖ్యంగా మహిళలకు అవసరం అయిన అంశాలతో రూపొందిన చిత్ర ఫైర్‌ అని మహిళలు ఎంతగానో అభినందించినట్లు పేర్కొన్నారు. అందులో ఒక మహిళా ఆటోడ్రైవర్‌ నటుడు బాలాజీ మురుగదాస్‌ పోషించిన పాత్ర బాగా ఆకట్టుకోవడంతో ఆయన్ని ఉద్రేకంతో గట్టిగా కౌగిలించుకుని, పిచ్చి అవేశంతో ఏదేదో మాట్లాడిందనీ చెప్పారు. ఫైర్‌ చిత్రాన్ని చూసిన నటి షకీలా ఎంతగానో ప్రశంసించారని, ఈమె పేర్కొంటూ నటుడు బాలాజీ మురుగదాస్‌ను గట్టిగా కౌగిలించుకుని విడవకపోవడంతో ఇది సినిమా అని నచ్చ చెప్పే ప్రయత్నం చేయడానికి చిత్ర వర్గాలు ఎంతగానో ప్రయత్నించి అక్కడ నుంచి పంపినట్లు చెప్పారు. అలా మహిళలను కదిలించడమే ఈ చిత్ర విజయాన్ని నిర్ణయించిందని ఫైర్‌ చిత్ర యూనిట్‌ పేర్కొన్నారు. ముఖ్యంగా ఆడపిల్లల తల్లులు ఈ చిత్రం గురించి గొప్పగా మాట్లాడటం పెద్ద కిరీటం చుట్టినట్లు అవుతుందన్నారు. ఇది ఇన్వెస్టిగేషన్‌ థ్రిల్లర్‌ జోనర్‌లో రూపొందించిన కథా చిత్రం అని చెప్పారు. చిత్రం ప్రారంభం నుంచి తదుపరి ఏం జరుగుతుందో అన్న ఉత్కంఠతో కథ సాగుతుందిన ఫైర్‌ చిత్ర యూనిట్‌ పేర్కొన్నారు. చిత్రాన్ని త్వరలోనే విడుదల చేయడానికి సన్నాహాలు చేస్తున్నట్లు వారు చెప్పారు. దర్శకుడు సుందర్‌.సీ, నటి కుష్బూ తమిళసినిమా: విజయాలకు చిరునామాగా మారిన దర్శకుడు సుందర్‌.సీ. ఈయన ప్రయాణం దర్శకుడిగా మొదలయినా, ఆ తరువాత కథానాయకుడిగా, నిర్మాతగా సక్సెస్‌ఫుల్‌గా సాగుతోంది. జనరంజకమైన చిత్రాలకు కేరాఫ్‌ ఈయన. అందులోనూ వినోదం, హీరోయిన్లను అందంగా తెరపై చూపించడం సుందర్‌.సీ స్పెషల్‌. నటి, నిర్మాత, రాజకీయనాయకురాలు కుష్బూ ఈయన అర్ధాంగి అన్నది తెలిసిందే. కాగా ఇటీవల అరణ్మణై చిత్రాన్ని నాలుగు సీక్వెల్స్‌ చేసి సక్సెస్‌ అయిన సుందర్‌.సీ హార్రర్‌, కామెడీ, సెంటిమెంట్‌ అంశాలతో కూడిన కథా చిత్రాలను తెరకెక్కించడంలోనూ సిద్ధహస్తుడని నిరూపించుకున్నారు. కాగా తాజాగా నయనతార ప్రధాన పాత్రలో మూక్కుత్తి అమ్మన్‌ – 2 చిత్రాన్ని తెరకెక్కింబోతున్నట్లు ఇటీవలే ప్రకటన వెలువడిన విషయం తెలిసిందే. దీన్ని వేల్స్‌ ఫిలిం ఇంటర్నేషనల్‌ పతాకంపై ఐసరి గణేశన్‌ నిర్మించనున్నారు. కాగా తాజాగా మరో చిత్రానికి సుందర్‌.సీ గ్రీస్‌ సిగ్నల్‌ ఇచ్చారు. ఈయన ఇంతకు ముందు కలగలప్పు 1, 2 చిత్రాలను తెరకెక్కించారు. వినోదానికి పెద్దపీట వేసిన ఈ రెండు చిత్రాలు మంచి విజయాన్ని సాధించాయి. దీంతో వాటికి మూడో సీక్కెల్‌ను తెరకెక్కించడానికి సన్నాహాలు జరుగుతున్నాయి. ఈ విషయాన్ని నటి కుష్బూ సోమవారం తన ఇన్‌స్ట్రాగామ్‌లో పేర్కొన్నారు. ఆమె తన అవ్నీ సినిమాస్‌ పతాకంపై ఈ చిత్రాన్ని నిర్మింస్తున్నట్లు తెలిపారు. త్వరలోనే ఈ చిత్రం సెట్‌పైకి వెళ్లనుందనీ, ఇందులో నటించే నటీనటులు, సాంకేతిక వర్గం వివరాలను త్వరలోనే వెల్లడించనున్నట్లు అందులో పేర్కొన్నారు. కాగా కన్నన్‌ రవి గ్రూప్‌తో కలిసి ఆమె ఈ చిత్రాన్ని నిర్మించనున్నారు. కాగా గత చిత్రాల తరహాలోనే కలగలప్పు 3 చిత్రం కూడా వినోదంతో కూడిన జనరంజక కథా చిత్రంగా ఉంటుందని భావించవచ్చు. నటి తమన్నా తమిళసినిమా: నటుడు అరుణ్‌విజయ్‌ కథానాయకుడిగా పటించిన తాజా చిత్రం వణంగాన్‌. సంచలన దర్శకుడు బాలా దర్శకత్వం వహించిన ఈ చిత్రాన్ని వి.హౌస్‌ పతాకంపై సురేశ్‌ కామాక్షి నిర్మించారు. ఈ చిత్రం నిర్మాణ కార్యక్రమాలను పూర్తి చేసుకుని త్వరలో తెరపైకి రావడానికి సిద్ధం అవుతోంది. ఈ సందర్భంగా చిత్ర కథానాయకుడు అరుణ్‌విజయ్‌ దర్శకుడు బాలా గురించి మీడియాకు విడుదల చేసిన ఒక ప్రకటనలో ‘మనస్ఫూర్తిగా చెబుతున్నాను. నేను సినీ రంగ ప్రవేశం చేసినప్పటి నుంచీ మీ చిత్రాలు చూస్తున్నాను, మిమ్మిల్ని చూసి ఆశ్యర్యపోని రోజు లేదు. ఒక నటుడిగా మీ చిత్రంలో నటించే అవకాశం రాదా..? అని ఎప్పటి నుంచో ఎదురు చూస్తున్నాను. అలాంటిది ఇప్పుడు వణంగాన్‌ చిత్రంలో అవకాశం కల్పించినందుకు ధన్యవాదాలు. షూటింగ్‌ సమయంలో కూడా ఈ చిత్ర కథలోని అనుభూతిని నేను గ్రహించలేకపోయాను. అయితే ఇప్పుడు చిత్రాన్ని వెండితెరపై చూసినప్పుడు నా భావాలను వ్యక్తం చేయడానికి మాటలు చాలడం లేదు. నా తల్లిదండ్రులు సంతోషపడేలా చేసిన మీకు చాలా ధన్యవాదాలు. నా సినీ జీవితంలో వణంగాన్‌ చాలా ముఖ్యమైన చిత్రంగా నిలిచిపోతుందనడంలో ఏమాత్రం సందేహం లేదు. ఈ చిత్రంపై ఎంతో నమ్మకం ఉంచి, పక్కా బలంగా నిలిచిన నిర్మాత సురేశ్‌ కామాక్షీకి కృతజ్ఞతలు. ప్రేక్షకులతో కలిసి ఈ చిత్రాన్ని త్వరలోనే చూడడానికి ఆసక్తిగా ఎదురు చూస్తున్నాను’ అని నటుడు అరుణ్‌విజయ్‌ వణంగాన్‌ చిత్రంపై తన ఆనందం వ్యక్తం చేశారు. వణంగాన్‌ నా కెరీర్‌లోనే ముఖ్యమైన చిత్రంగా ..

నిషేధిత గుట్కా విక్రయించిన వ్యాపారి అరెస్టు పళ్లిపట్టు: నిషేధిత గుట్కా నిల్వవుంచి విక్రయించిన వ్యాపారిని సోమవారం పోలీసులు అరెస్టు చేశారు. తిరువళ్లూరు జిల్లాలో నిషేధిత గుట్కా, పొగాకు ఉత్పత్తుల విక్రయం, అక్రమ రవాణా అరికట్టే విధంగా తిరువళ్లూరు జిల్లా ఎస్పీ శ్రీనవాస పెరుమాళ్‌ ఆదేశాల మేరకు పోలీసులు పటిష్ట నిఘావుంచి తనిఖీలు ముమ్మరంగా నిర్వహిస్తున్నారు. ఈక్రమంలో పొదటూరుపేటలోని నగరి రోడ్డు మార్గం కన్నికాపురం వద్ద దుకాణంలో నిషేధిత గుట్కా, పొగాకు ఉత్పత్తులను నిల్వ వుంచి విక్రయిస్తున్నట్లు పోలీసులకు రహస్య సమాచారం అందింది. దీంతో పొదటూరుపేట ఎస్‌ఐ సుగంతి తన సిబ్బందితో దుకాణంలో సోమవారం తనిఖీ చేపట్టారు. ఈ సందర్భంగా దుకాణంలో నిల్వ వుంచిన నిషేధిత 1250 గ్రాముల గుట్కా పొగాకు ప్యాకెట్లు స్వాధీనం చేసి షణ్ముగాన్ని అరెస్టు చేశారు. దోమల మందు తాగి ఆత్మహత్యాయత్నం తిరువొత్తియూరు: నెల వారీ పరీక్షలలో తక్కు మార్కులు వచ్చాయని తల్లి మందలించడంతో 11 తరగతి చదువుతున్న ఓ విద్యార్థిని దోమల మందు తాగి ఆత్మహత్యకు ప్రయత్నించి, ఆసుపత్రిలో చికిత్స పొందుతోంది. వివరాలు.. చైన్నె సాలిగ్రామం శివాలయం వీధికి చెందిన యువరాజు (45), ఇతని కుమార్తె అదే ప్రాంతంలో ఉన్న ప్రైవేటు పాఠశాలలో 11 తరగతి చదువుతోంది. ఈ క్రమంలో పాఠశాలలో నెల వారి పరీక్షలు తక్కువ మార్కులు పొందడంతో విద్యార్థినిని ఆమె తల్లి తీవ్రంగా మందలించినట్లు తెలిసింది. దీంతో ఆ బాలిక ఇంటిలో ఉన్న దోమల మందు తాగి ఆత్మహత్యకు యత్నించింది. తల్లిదండ్రులు గుర్తించి ఆస్పత్రి తరలించారు. ప్రస్తుతం ఆమె పరిస్థితి విషమంగా ఉన్నట్లు సమాచారం. 7 నెలల పాప గొంతులో చిక్కుకున్న తైలం డబ్బా.. ● చిన్నారికి అస్వస్థత అన్నానగర్‌: చైన్నె సమీపంలో ఉన్న కాంచీపురం జిల్లా మేట్టుపాళయం గ్రామం మేడు ప్రాంతానికి చెందిన అజిత్‌, డయానా దంపతులు. వీరికి గుగణేష్‌ అనే 7 నెలల కుమారుడు ఉన్నాడు. ఇతను ఇంట్లో ఆడుకుంటుండగా తల్లిదండ్రులు గమనించని సమయంలో నేల పై పడి ఉన్న తైలం డబ్బా తీసుకుని నోటిలో పెట్టుకున్నాడు. పిల్లవాడు డబ్బా ఎలా ఉమ్మివేయాలో తెలియక తీవ్రంగా ప్రయత్నిస్తున్నాడు. పిల్లవాడి గొంతులోకి వెళ్లి నొప్పిని భరించలేక ఏడవడం ప్రారంభించాడు. బిడ్డ ఎందుకు ఏడుస్తోందని తల్లిదండ్రులు ఆరా తీయగా, చిన్నారి నోటి నుంచి రక్తం కారుతోంది. తల్లిదండ్రులు వెంటనే చిన్నారిని కాంచీపురం ప్రభుత్వాసుపత్రికి తరలించారు. అత్యవసర విభాగంలో చేర్చిన చిన్నారిని వైద్యులు పరీక్షించి చిన్నారి పరిస్థితి విషమంగా ఉన్నట్లు గుర్తించారు. ఆ తర్వాత డాక్టర్లు చిన్నారిని మెల్లగా పైకి లేపి గొంతుకు, శ్వాసనాళానికి మధ్య బలంగా ఇరుక్కున్న తైలం డబ్బాను లారింగోస్కోప్‌తో బయటకు తీసి చిన్నారి ప్రాణాలను కాపాడారు. ఎస్‌ఐ సస్పెన్షన్‌ కొరుక్కుపేట: గుట్కా కేసును సక్రమంగా విచారించకుండా నిందితులకు సహకరించిన సబ్‌ ఇన్‌స్పెక్టర్‌ను సస్పెండ్‌ చేస్తూ ఎస్పీ ఆదేశించారు. వివరాలు.. కొద్ది రోజుల క్రితం తేని సుబ్బన్‌ వీధిలోని ఓ గోడౌనన్‌లో రూ.1. 67 లక్షలు విలువైన నిషేధిత పొగాకు, గుట్కా ప్యాకెట్లను పోలీసులు స్వాధీనం చేసుకున్నారు. దీనికి సంబంధించి నాగరాజ్‌ (55), పాండి (65), అమర్‌ సింగ్‌ (33)లను అరెస్టు చేశారు. తేని పళనిశెట్టిపట్టి సబ్‌ఇన్‌స్పెక్టర్‌ ఇద్రిస్‌ఖాన్‌ నేతృత్వంలో జిల్లా పోలీసులు కేసు దర్యాప్తు చేపట్టాలనిఎస్పీ శివప్రసాద్‌ ఆదేశించారు. ఈ కేసుకు సంబంధించిన వ్యక్తిని విడుదల చేసేందుకు పళనిశెట్టిపట్టి ఎస్‌ఐ జగన్‌ తేని సాయుధ పోలీసుగా బదిలీ అయ్యారు. అలాగే కేసును సక్రమంగా విచారించకుండా ఇద్రీస్‌ ఖాన్‌ నిందితులతో టచ్‌లో ఉన్నారనే ఆరోపణలు వచ్చాయి. నేరగాళ్లకు సహకరిస్తున్నట్టు విచారణలో తేలింది. దీంతో ఎస్‌ఐ ఇద్రిస్‌ ఖాన్‌ను తాత్కాలికంగా విధుల నుంచి తప్పించాలని ఎస్పీ ఆదేశించారు. నకిలీ బంగారం నగలు తాకట్టు పెట్టి రూ. 11 లక్షలు మోసం ●నలుగురి అరెస్టు తిరువొత్తియూరు: చైన్నె రెడిల్స్‌లో తాకట్టు దుకాణంలో నకిలీ బంగారం నగలు తాకట్టు పెట్టి రూ.11 లక్షలు మోసం చేసిన నలుగురిని పోలీసులు అరెస్టు చేశారు. వివరాలు..చైన్నె, రెడిల్స్‌ మార్కెట్‌ ప్రాంతంలో ఉన్న తాకట్టు దుకాణంలో నకిలీ బంగారం 25 సవర్లు నగలు తాకట్టు పెట్టి రూ. 11 లక్షల 65 వేలు నగదు తీసుకొని మోసం చేసినట్లు పోలీసులకు ఫిర్యాదు అందింది. దీంతో కేసు నమోదు చేసి రెడిల్స్‌ సమీపంలోని విలన్గాడు చెందిన రాజాజీ నగర్‌ కు చెందిన శ్రీధర్‌ (48), ఎన్నూరు సునామీ నగర్‌ ప్రాంతానికి చెందిన తంగతురై (42), ఇసక్కిదురై (39), కుమార్‌ (42) అనే నలుగురిని పోలీసులు అరెస్టు చేశారు. వారిని కోర్టులో హాజరు హాజరపరిచి రిమాండ్‌ నిమిత్తం జైలుకు తరలించారు.

తమిళసినిమా: సినిమా అన్నది రంగుల ప్రపంచం. ఇక్కడ ప్రతి భావానికీ ఒక్కో కలర్‌ ఉంటుంది. ముఖ్యంగా అందానికి ప్రేక్షకుల నుంచి ఆనందం అనే భావం వ్యక్తం అవుతుంది. అందుకే సినిమాలో అందమైన నటనకు ప్రాముఖ్యత ఉంటుంది. అలాంటి అందానికి నిలువెత్తు నిదర్శనం నటి తమన్నా భాటియా. అందుకే ఈమెను ఆమె అభిమానులు మిల్కీ బ్యూటీ అని పిలుచుకుంటారు. 16 ఏళ్ల ప్రాయంలోనే నటిగా రంగప్రవేశం చేసిన ఈ మహారాష్ట్రీయ భామ నటించిన తొలి చిత్రం చాంద్‌ సా రోషన్‌ చేరా. ఈ హిందీ చిత్రం ఆశించిన విజయాన్ని సాధించకపోయినా, వెంటనే తెలుగులో శ్రీ అనే చిత్రంలో నటించే అవకాశం ఈమెను వెతుక్కుంటూ వచ్చింది. అలా దక్షిణాదిలో తన నటనకు శ్రీకారం చుట్టిన తమన్నకు ఆ వెంటనే తమిళంలో కేడీ చిత్రంలో నటించే అవకాశం వరించింది. అయితే ఈమెను విజయాల బాట పట్టించిన చిత్రం మాత్రం హ్యాఫీ డేస్‌ అనే తెలుగు చిత్రం, కల్లూరి అనే తమిళ చిత్రం. ఈ 34 ఏళ్ల మగువకు నటిగా వయసు రెండు దశాబ్దాలు అవుతోంది. ఇప్పటి వరకూ హిందీ, తెలుగు, తమిళం తదితర భాషల్లో 85 చిత్రాలు చేసి పాన్‌ ఇండియా కథానాయకిగా తనకంటూ ప్రత్యేక స్థానాన్ని సంపాదించుకున్నారు. అదే విధంగా తెలుగు,తమిళ భాషల్లో దాదాపు స్టార్‌ హీరోలందరితోనూ నటించిన రికార్డు ఈ బ్యూటీది. ఆరంభంలో అందాలారబోతకే ప్రాముఖ్యత నిచ్చిన తమన్నా, బాహుబలి వంటి కొన్ని చిత్రాల్లో తన నటనా సత్తాను చాటుకున్నారు. నటిగా రెండు దశాబ్దాలకు చేరువలో ఉన్నా నాటౌట్‌ కాకపోవడం విశేషం. ఇప్పటికీ హిందీ, తెలుగు, తమిళం చిత్రాల్లో కథానాయకిగా నటిస్తూనే ఉన్నారు. ఎన్ని చిత్రాలు చేసినా ఐటమ్‌ సాంగ్స్‌కు ఈ బ్యూటీ స్పెషల్‌ అని చెప్పక తప్పదు. చాలా చిత్రాలను ఈమె ఐటమ్‌ సాంగ్స్‌ విజయతీరం దాటించాయంటే అతిశయోక్తి కాదు. ఇటీవల రజనీకాంత్‌ కథానాయకుడిగా నటించిన జైలర్‌ చిత్రంలో నువ్వు కావాలయ్యా పాట కుర్రకారును గిలిగింతలు పెట్టించింది. అదేవిధంగా హిందీ చిత్రం సీ్త్ర 2 లో తమన్న స్పెషల్‌ సాంగ్‌ ఆ చిత్ర విజయానికి బలంగా నిలిచింది. అలా నటి తమన్న ఆడితే ఆడియన్స్‌ ఊగిపోతారన్నమాట. ఇకపోతే తమన్న డ్రస్‌ సెన్స్‌ గురించి కచ్చితంగా చెప్పుకోవలసిందే. ఈమెకు డ్రస్‌ అందాన్నిస్తాయా? డ్రస్‌కే తమన్న అలంకారం అవుతుందా? అన్నది పెద్ద క్వశ్చన్‌ మార్కే. గ్లామరస్‌ దుస్తులతో కుర్రకారును సన్మోహనం చేసే కిటుకు ఈమె నుంచే నేర్చుకోవాలి. తాజాగా అలాంటి వైరెటీ దుస్తులతో సామాజిక మాధ్యమాల్లో తమన్న హల్‌చల్‌ చేస్తున్నారు. కాగా ప్రస్తుతం సికందర్‌ కా ముఖద్దర్‌ అనే హిందీ చిత్రంలోనూ, ఓదెల 2 అనే తెలుగు చిత్రంలోనూ నటిస్తున్నారు. నటి ఫైర్‌ చిత్రాన్ని చూసిన మహిళలు, చిత్ర యూనిట్‌తో నటి షకీలా

సాక్షి, చైన్నె: సాంకేతిక నైపుణ్యాలలతో తమ ప్రతిభను చాటే విధంగా ఇంటర్‌ కాలేజ్‌ టెక్నికల్‌ ఫెస్ట్‌లో విద్యార్థులు దూసుకెళ్లారు. సోమవారం సవీత ఇంజినీరింగ్‌ కళాశాలలో 15వ జాతీయ ఇంటర్‌ కాలేజ్‌ టెక్నికల్‌ అండ్‌ మేనేజ్‌ మెంట్‌ ఫెస్ట్‌ –2024 జరిగింది. ఇందులో విద్యార్థులు తమ కొత్త ఆవిష్కరణలను ప్రదర్శించారు. నైపుణ్యాలను చాటుకునే దిశగా పోటీలలో ఇండస్ట్రీ5.ఓ నినాదంతో 21వ శతాబ్ధపు అవసరాలలో నైపుణ్యాలను పెంపొందించే దిశగా పోటీలలో దూసుకెళ్లారు. 60 వర్క్‌షాపులు, 70 ఈవెంట్‌లు, 700లకు పైగా ఈవెంట్‌లు, పార్ట్‌షిఫ్‌లు, పేపర్‌ ప్రెజెంటేషన్‌లు, ప్రాజెక్టు డిస్‌ ప్లే, హ్యాకథాన్‌ వంటి అంశాలలో విద్యార్థులు తమ సత్తాను చాటుకునే విధంగా దూసుకెళ్లారు. ప్రతిభ చాటిని వారికి రూ. 10 లక్షల నగదు బహుమతి ప్రదానం చేశారు. 36 గంటల పాటు జరిగిన ఈ పోటీల గురించి డైరెక్టర్‌ డాక్టర్‌ ఎస్‌ రాజేష్‌, ప్రిన్సిపల్‌ డాక్టర్‌ర్‌ వి విజయ చాముండీధ్వరిలు మాట్లాడుతూ, అధ్యాపకులు, అనువజ్ఞులు, పూర్వ విద్యార్థులతో సహా నిపుణులైన న్యాయ నిర్ణేతల మార్గదర్శకంలో ఈ పోటీలు జరిగాయని వివరించారు. అభ్యాసకులకు వాస్తవ ప్రపంచ సమస్య, పరిష్కార వేదిక అందించేందుకు ఈ పోటీ దోహదకరంగా మారిందన్నారు. సాంకేతిక నైపుణ్యాలను ప్రదర్శించమే కాకుండా సమస్యలకు పరిష్కారం దిశగా విద్యార్థులు తమ ప్రతిభను ఈ పోటీల ద్వారా చాటుకున్నారని తెలిపారు.

సాక్షి, చైన్నె: 2026 ఎన్నికలలో అన్నాడీఎంకేతో పొత్తు ఉండదని తమిళగ వెట్రి కళగం అధ్యక్షుడు, సినీ నటుడు విజయ్‌ స్పష్టం చేశారు. సంపూర్ణ మెజారిటీ లక్ష్యంగా ముందుకు సాగి అధికారం చేజిక్కించుకుంటామని వ్యాఖ్యానించారు. తమిళగ వెట్రి కళగం మహానాడు వేదికపై విజయ్‌ చేసిన వ్యాఖ్యల గురించి ప్రత్యేకంగా చెప్పనక్కర్లేదు. ఇందులో తమతో కలిసి వచ్చిపార్టీలకు అధికారంలో వాటా నినాదం రాష్ట్రంలోని రాజకీయ పక్షాలలో విస్తృత చర్చకు దారి తీసింది. అలాగే తమ ప్రత్యర్థులుగా బీజేపీ, డీఎంకేను ఎంపిక చేసుకున్న విజయ్‌ అన్నాడీఎంకేను పల్లెత్తి మాట్లాడలేదు. దీంతో అన్నాడీఎంకేతో కలిసి ప్రయాణం చేస్తారన్న చర్చ ఊపందుకుంది. ఇందుకు అనుగుణంగా ఓ తమిళ మీడియా ఆదివారం కథనం ప్రచురించింది. అన్నాడీఎంకే, తమిళగ వెట్రి కళగంల మధ్య రహస్య ఒప్పందాలు జరిగి ఉన్నట్టు, ఈ మేరకు 80 స్థానాలలో విజయ్‌ అభ్యర్థులు పోటీలో ఉంటారని ఆ కథనంలో వివరించారు. ఇది కాస్త వైరల్‌ కావడంతో విజయ్‌ అలర్ట్‌ అయ్యారు. పొత్తు లేదు.. విజయ్‌ ఆదేశాల మేరకు తమిళగ వెట్రి కళగం వర్గాలు ఓ ప్రకటన విడుదల చేశాయి. ఈ కథనాన్ని ఖండించారు. తప్పుడు సమాచారాలు, ఆధార రహిత కథనాలు వద్దని హితవు పలికారు. తమిళగ వెట్రి కళగం రాజకీయ ప్రయాణం పూర్తిగా తమిళనాడు ప్రజల సంక్షేమంతో ముడి పడి ఉందని వివరించారు. మహానాడు వేదికగా తమ నేత చేసిన వ్యాఖ్యలు, సిద్ధాంతాలను గుర్తుచేస్తూ, ప్రజా బలం, మద్దతు ద్వారా సంపూర్ణ మెజారిటీతో అధికారం చేజిక్కించుకోవడమే లక్ష్యంగా ధీమా వ్యక్తం చేశారు. తమిళనాడు ప్రజల రక్షణకు సుపరిపాలన అందించడమే ధ్యేయంగా ముందుకెళ్తున్నామని, ఈ సమయంలో గందరగోళం సృష్టించే విధంగా వ్యవహరించ వద్దని సూచించారు. తమిళనాడు ప్రజల ఆదరణ, అభిమానం చూసి ఓర్వ లేకే కొందరు ఇలాంటి దుష్ప్రచారం చేస్తున్నారని ఆగ్రహం వ్యక్తం చేశారు. అన్నాడీఎంకేతో కూటమికి అవకాశం లేదని, వారితో పొత్తు లేదని పేర్కొంటూ, తమ ప్రయాణం ప్రజలతో అని ముగించారు.

● బంకమట్టి సేకరణకు ప్రభుత్వం అనుమతివ్వడంపై కుమ్మరుల హర్షం తిరుత్తణి: నవంబర్‌ 13న కార్తీక దీపోత్సవం సందర్భంగా ప్రమిదల తయారీ ఊపందుకుంది. ఇందుకోసం బంకమట్టిని ఉచితంగా తరలించేందుకు ప్రభుత్వం అనుమతితో కుమ్మరులు రెట్టింపు ఉత్సాహంతో పెద్దసంఖ్యలో ప్రదిమలు తయారు చేసి విక్రయానికి సిద్ధమతున్నారు. కార్తీక మాసంలో కార్తీక దీపోత్సవం వేడుకగా జరుపుకోవడం పరిపాటి. కొండ కార్తీక, ఊరే కార్తీకగా రెండు రోజుల పాటు దీపాల పండుగను మహిళలు వేడుకగా జరుపుకుని తమ ఇళ్ల నిండా ప్రమిదలతో దీపాలు వెలిగించి కాంతి నింపడం పరిపాటి. ఇందుకోసం తిరుత్తణి, పళ్లిపట్టు పరిసర ప్రాంతాల్లోని 20 గ్రామాల్లో కుమ్మరులు ప్రమిదలు తయారీ చేసే పనుల్లో నిమగ్నమైయ్యారు. మార్కెట్‌లో రకరకాల ప్రమిదలు అందుబాటులోకి వచ్చినా కుమ్మరులు బంకమట్టితో చేసే ప్రమిదలకు మహిళల్లో డిమాండ్‌ భారీ ఉంది. దీంతో ప్రమిదల వ్యాపారం సైతం జోరుగా సాగుతుంది. చిన్నసైజు ప్రమిదలు రూ. 10కి 5 విక్రయిస్తున్నట్లు, పెద్ద సైజు రూ. 20కు 5 విక్రయిస్తున్నట్లు తెలిపారు. బంకమట్టికి ప్రభుత్వం ఉచిత అనుమతి గతంలో బంకమట్టి వినియోగించేందుకు ప్రభుత్వం ఆంక్షలు విధించేది. దీంతో కుమ్మరి కార్మికులు డబ్బులు ఖర్చుపెట్టి బంకమట్టి తీసుకొచ్చి తయారు చేసేందుకు భారీగా ఖర్చు చేయాల్సి వచ్చేది. ప్రస్తుతం సీఎం స్టాలిన్‌ కుమ్మరి కులస్తుల బతుకులు బాగుపడాలనే ఆశయంతో బంకమట్టి ఉచితంగా తరలించి మట్టి కుండలు, వినాయకుడి బొమ్మలు, ప్రమిదలు తయారు చేసుకునేందుకు అనుమతితో చాలామంది కుమ్మరి కులస్తులు జీవనోపాధి పొందుతున్నారు.

సింగ్స్‌ గాంబిట్‌ ఇంటర్నేషనల్‌ ఫైడ్‌ రేటెడ్‌ చెస్‌ టోర్నమెంట్‌ 2024 పోటీలు ఈనెల 14 నుంచి 17వ తేదీ వరకు వేళచ్చేరి గురునానక్‌ కళాశాలలో జరిగింది. ఇందులో చెంగల్పట్టు జిల్లాకు చెందిన క్రీడాకారుడు ఏఆర్‌ ఇలంపర్తి టైటిల్‌ను కై వసం చేసుకున్నాడు. టైటిల్‌ విజేతతో పాటు వివిధ కేటగిరీల వారీగా రూ. ఒక లక్ష, రూ. 75 వేలు , రూ. 60, రూ 50 వేలు చొప్పున నగదు బహుమతులు ట్రోఫీలను సోమవారం జరిగిన కార్యక్రమంలో గ్రాండ్‌ మాస్టర్‌ ఎం. శ్యామ్‌ సుందర్‌, టోర్నమెంట్‌ చైర్మన్‌ మంజిత్‌ సింగ్‌ నాయర్‌ అందజేశారు. –సాక్షి, చైన్నె

● ఆందోళన చేపట్టిన గ్రామస్తులు తిరువళ్లూరు: రోడ్డును ఆక్రమించుకుని ఆలయ నిర్మాణం చేపట్టారని ఆరోపిస్తూ ప్రైవేటు వ్యక్తి హైకోర్టులో వేసిన పిటిషన్‌లో భాగంగా ఆలయ ప్రహరీగోడను రెవెన్యూ అధికారులు కూల్చివేసిన సంఘటన జిల్లా వ్యాప్తంగా సంచలనం కలిగించిన క్రమంలో పుల్లరంబాక్కం గ్రామస్తులు అదివారం రాత్రి హిందూ ప్రజా పార్టీ నేతలతో కలిసి ఆందోళన నిర్వహించారు. తిరువళ్లూరు జిల్లా పుల్లరంబాక్కంలో ప్రసిద్ధి చెందిన శ్రీరుక్మిణి సత్యభామ సమేత శ్రీచందన గోపాలకృష్ణ శ్రీసంతాన వినాయకుడి ఆలయం ఉంది. ఈ ఆలయాన్ని దాదాపు వందేళ్ల క్రితం నిర్మించారు. ఈ క్రమంలో ఆలయానికి సమీపంలో అదే గ్రామానికి చెందిన వనితశ్రీధరన్‌ కుటుంబం నివాసం ఉంటున్నారు. ఈ కుటుంబానికి, ఆలయ నిర్వాహకులకు మధ్య ఆలయానికి సమీపంలో ఉన్న స్థలంపై వివాదం ఉంది. సంబంధిత స్థల వివాదంపై వనితశ్రీధరన్‌ హైకోర్టులో పిటిషన్‌ దాఖలు చేయగా వారికి అనుకూలంగా తీర్పు వచ్చింది. రోడ్డును ఆక్రమించి ఆలయాన్ని నిర్మించిన క్రమంలో కృష్ణుడి ఆలయాన్ని తొలగించాలని హైకోర్టు ఆదేశాలు జారీ చేసింది. ఇందులో భాగంగానే గత గురువారం భారీ పోలీసు బందోబస్తు నడుమ ఆలయాన్ని తొలగించడానికి అధికారులు రాగా వివాదం చెలరేగింది. దీంతో అధికారులు ఆలయానికి వెనుక వున్న గోడను మాత్రం తొలగించి వెళ్లిపోయారు. ఈ నేపథ్యంలో హిందు ప్రజాపార్టీ నేతలతో కలిసి స్థానికులు ఆదివారం రాత్రి ధర్నా నిర్వహించారు. ముఖ్యఅతిథిగా పార్టీ ప్రధాన కార్యదర్శి సెంథిల్‌ హాజరయ్యారు.

తమిళ సినిమా: నటి నయనతారను కోర్టు బోనులో నిలబెట్టడానికి నటుడు ధనుష్‌ సిద్ధం అవుతున్నట్లు తెలుస్తోంది. వివరాలు.. నయనతార తన జీవితంలో జరిగిన ముఖ్య ఘటనలతో ఓ డాక్యుమెంట్‌ చిత్రాన్ని రూపొందించిన విషయం తెలిసిందే దానికి నయనతార బిహైండ్‌ ది ఫెయిరీ టేల్‌ అనే పేరు నిర్ణయించారు. అందులో నటి నయనతారతో దర్శకుడు విఘ్నేశ్‌ శివన్‌ ప్రేమ, పెళ్లి వంటి పలు ఆసక్తికరమైన సన్నివేశాలు చోటుచేసుకున్నాయి. అదేవిధంగా నయనతార నటించిన పలు చిత్రాలలోని ముఖ్య సన్నివేశాలను పొందుపరిచారు. అయితే నయనతార విగ్నేశ్‌ శివన్‌ల ప్రేమ చిగురించడానికి కారణమైన చిత్రం నానూ రౌడీదాన్‌. ధనుష్‌ నిర్మించిన ఈ చిత్రంలో విజయ్‌ సేతుపతి, నయనతార జంటగా నటించారు. విగ్నేష్‌ శివన్‌ దర్శకత్వం వహించారు. కాగా ఈ చిత్రంలోని కొన్ని సన్నివేశాలను తన డాక్యుమెంటరీ వాడుకోవడానికి ధనుష్‌ ను అనుమతి కోరగా అందుకు ఆయన నిరాకరించారు. అయినప్పటికీ ఆ చిత్రంలోని సన్నివేశాలను డాక్యుమెంటరీ ట్రైలర్‌లో వాడారు. ధనుష్‌ తన అనుమతి లేకుండా తన చిత్రంలోని సన్నివేశాలను వాడినంతకాలం రూ. 10 కోట్లు నష్టం పరిహారం కోరుతూ నటి నయనతారకు నోటీసులు జారీ చేశారు. ఈ విషయమై నయనతార ధనుష్‌పై తీవ్ర ఆరోపణలు చేసిన విషయం తెలిసిందే. కాగా నయనతార, విఘ్నేశ్‌ శివన్‌ల డాక్యుమెంటరీని నెట్‌ ఫిక్స్‌ సంస్థ సోమవారం స్ట్రీమింగ్‌ చేసింది. అందులోనూ నానుమ్‌ రౌడీ దాన్‌ లోని కొన్ని సన్నివేశాలు చోటు చేసుకోవడంతో ధనుష్‌ ఆగ్రహం వ్యక్తం చేసినట్లు ఆయన వర్గం పేర్కొన్నారు. అయితే ప్రస్తుతం ఇడ్లీ కడై చిత్ర షూటింగ్‌ కోసం వేరే ఊరిలో ఉన్నారు. ఆయన చైన్నెకి తిరిగి వచ్చిన తరువాత నయనతారపై కోర్టులో పిటిషన్‌ దాఖలు చేయడానికి సిద్ధమవుతారట. అయితే ధనుష్‌ నటుడుగా దర్శకుడిగా నిర్మాతగా బిజీగా ఉండటంతో ఆయన తరపున ఆయన తండ్రి, దర్శకుడు కస్తూరి రాజా నయంతారపై కోర్టులో సిద్ధమవుతున్నట్లు ధనుష్‌ వర్గాలు చెబుతున్నారు. అయితే ఈ వ్యవహారంపై చట్టపరంగా ఎదుర్కోవడానికి తాము సిద్ధమేనని నయనతార పేర్కొన్న విషయం తెలిసిందే. దీంతో ఈ వ్యవహారం ఎటు దారి తీస్తుందో అనే చర్చ కోలీవుడ్‌ వర్గాల్లో జరుగుతోంది.

డెల్టాలో.. కుండపోత రాష్ట్రాలకు పన్నుల విభజనలో కేంద్రం సమతుల్య విధానం అనుసరించే విధంగా 50 శాతం వాటాను అందజేయాలని సీఎం ఎంకే స్టాలిన్‌ డిమాండ్‌ చేశారు. ప్రస్తుతం కేంద్ర నిధుల పంపిణీ తమిళనాడు అభివృద్ధికి అడ్డుగా మారి ఉందని ఆవేదన వ్యక్తం చేశారు. తమిళనాడు తరపున అందజేసిన నివేదికపై ప్రత్యేక శ్రద్ధ చూపించాలని 16వ ఆర్థిక సంఘానికి విజ్ఞప్తి చేశారు. సాక్షి, చైన్నె : కేంద్ర ప్రభుత్వంపై సీఎం స్టాలిన్‌ మరోసారి తీవ్ర విమర్శలు చేశారు. వివరాలు.. 16వ ఆర్థిక సంఘం అధ్యక్షుడు డాక్టర్‌ అరవింద్‌ పనగారియా నేతృత్వంలోని కమిటీ తమిళనాడు పర్యటనకు వచ్చిన విషయం తెలిసిందే. ఆదివారం రాత్రి ఈకమిటీకి చైన్నెలోని ఓ హోటల్‌లో ప్రభుత్వ తరపున విందు ఏర్పాటు చేశారు. ఈసందర్భంగా కమిటీలోని వారిని సీఎం స్టాలిన్‌ ఆహ్వానిస్తూ సత్కరించారు. సోమవారం ఉదయం అదే హోటల్‌లో ఆర్థిక సంఘం చైర్మన్‌ అరవింద్‌ పనగారియా, సభ్యులు అజయ్‌ నారాయణ్‌, అనీ జార్జ్‌ మాథ్యూ, మనోజ్‌ పాండా, సీనియర్‌ మంత్రి దురై మురుగన్‌, డిప్యూటీ సీఎం ఉదయనిధి స్టాలిన్‌, ఆర్థిక మంత్రి తంగం తెన్నరసు, మంత్రులు కేఎన్‌ నెహ్రూ, ఐ పెరియస్వామి, పొన్ముడి, ఏవీ వేలు, మూర్తి, టీఆర్‌బీ రాజ, ప్రభుత్వ ప్రధాన కార్యదర్శి మురుగానందం, ఫైనాన్స్‌ కమిటీ సెక్రటరీ రిత్విక్‌ పాండేతో పాటు వివిధ శాఖల కార్యదర్శులతో సమావేశం జరిగింది. ఇందులో సీఎం ఎంకే స్టాలిన్‌ ప్రసంగిస్తూ, రాష్ట్రాల అవసరాలు, అంచనాలను సంతృప్తి పరిచే విధంగా, భారత దేశాన్ని ప్రపంచంలోనే ఆర్థిక సూపర్‌ పవర్‌గా మార్చే రీతిలో ఆర్థిక కమిషన్‌ సహకారం అందిస్తుందని ఆశిస్తున్నట్టు వ్యాఖ్యానించారు. కేంద్ర ప్రభుత్వం, వివిధ రాష్ట్ర ప్రభుత్వాల మధ్య భారత రాజ్యాంగ అధికారాలు బాధ్యతల పంపిణీ ఇప్పటికే జరిగినట్టు గుర్తు చేస్తూ, ఆ మార్గదర్శకాల ప్రకారం తాము అనుసరించే సమాఖ్య తత్వశాస్త్రం గురించి వివరించారు. ఆరోగ్యం, విద్య, సామాజిక సంక్షేమం, వ్యవసాయం వంటి రంగాల పురోగతితో పాటు ముఖ్యమైన ప్రాజెక్టుల రూపకల్పన , అమలులో రాష్ట్ర ప్రభుత్వాలే అధికంగా బాధ్యతలు వహిస్తున్నాయని తెలిపారు. ఈ బాధ్యతలన్నింటినీ నెరవేర్చడం కోసం రాష్ట్రాలకు ఉన్న అధికారాలు కొన్నింటిని గుర్తు చేశారు. దీని ఆధారంగా గత 15వ ఆర్థిక సంఘం సిఫార్సుల మేరకు రాష్ట్రాలకు కేటాయించదగిన పన్ను రాబడి వాటా 41 శాతం పెంపును ఆహ్వానిస్తున్నామన్నారు. అయితే గత 4 ఏళ్లలో ఈ సిఫార్సుకు వ్యతిరేకంగా ప్రభుత్వానికి పన్ను ఆదాయంలో 33.16 శాతం మాత్రమే వస్తున్నట్లు వివరించారు. సగం వాటా ఇవ్వాల్సిందే.. రాష్ట్రాల కోసం అదనపు పన్నులు , సర్‌చార్జీలు పన్ను విభజనలో చేర్చబడ్డాయని, ఇదే కాకుండా కేంద్ర ప్రభుత్వం, రాష్ట్ర ప్రభుత్వాలు సంయుక్తంగా అమలు చేసే ప్రాజెక్టులలో రాష్ట్ర ప్రభుత్వ వాటాలో తమిళనాడు వంటి రాష్ట్రాల నిధులు కూడా నిరంతరం పెరుగుతూనే ఉన్నాయని విరించారు. ఒకవైపు కేంద్ర ప్రభుత్వం నుంచి రాష్ట్ర ప్రభుత్వాలకు చెల్లించాల్సిన పన్ను పంపిణీ తగ్గింపు కారణంగా, మరోవైపు కేంద్ర ప్రభుత్వం ప్రవేశపెట్టిన పథకాలపై రాష్ట్ర ప్రభుత్వం ఖర్చు చేసిన నిధులు పెనుభారంగా మారుతున్నాయని ఆందోళన వ్యక్తం చేశారు. ఆదాయంలో రాష్ట్రాలకు పన్నుల వాటా 50 శాతం పంపకం చట్టబద్ధం అని, అందరికీ ఇది ఆమోదయోగ్యంగా ఉంటుందని వ్యాఖ్యలు చేశారు. అందుకే తాము 50 శాతం వాటా కు పట్టుబడుతున్నామన్నారు. రాష్ట్ర ప్రభుత్వాలకు 50 శాతం పన్ను భాగస్వామ్యాన్ని సిఫార్సు చేయడమే కాకుండా నిర్ధారించడంపై దృష్టి పెడుతారని ఆశిస్తున్నట్లు తెలిపారు. రాష్ట్రాల మధ్య పన్నుల విభజన నియంత్రణలో సమతుల్య విధానం అవసరం అని సూచించారు. తమిళనాడులో సుపరిపాలన కొనసాగుతోందని పేర్కొంటూ, ప్రస్తుతం కేంద్రం అనుసరిస్తున్న పన్ను భాగస్వామ్య విధానం అభివృద్ధికి అవరోధంగా ఉన్నట్టు వ్యాఖ్యలు చేశారు. రాష్ట్రాలకు అవసరమైన ఆర్థిక వనరులను అందించడం ద్వారా ఆ రాష్ట్రాలు తమ అభివృద్ధిని కొనసాగించడానికి వీలుంటుందన్నారు. రాష్ట్రాలకు నిధులు తగ్గించే సి అభివృద్ధిని ఆశించడం సాధ్యమా?, అభివృద్ధి కుంటుపడకుండా వ్యవహరించాల్సిన బాధ్యత కేంద్రంపై లేదా? అని ప్రశ్నించారు. రాష్ట్రాలు అభివృద్ధి చెందడానికి నిధుల పంపిణీ వ్యవస్థను, భారత దేశ ఆర్థిక వ్యవస్థను మార్చడం ద్వారా సాధ్యమవుతుందన్నారు. మునుపటి నిధుల కమిటీల సిఫార్సులను జాగ్రత్తగా పరిశీలించాలని, వాటిలో లోపాల వల్ల అనేక రాష్ట్రాల్లో ఆశించిన విధంగా వృద్ధి, పురోగతి జరగలేదని స్పష్టమవుతుందన్నారు. ● నాగై అతలాకుతలం న్యూస్‌రీల్‌అన్నాడీఎంకేతో పొత్తు ప్రసక్తే లేదు పన్నుల విభజనలో సమతుల్య విధానం అవసరం కేంద్రం తీరుతో కుంటుపడుతున్న రాష్ట్రాల అభివృద్ధి నివేదికపై ప్రత్యేక శ్రద్ధ చూపండి 16వ ఆర్థిక సంఘం భేటీలో సీఎం స్టాలిన్‌ వ్యాఖ్యలురాష్ట్రంలో మూడు సమస్యలు.. తమిళనాడు మూడు కీలక సమస్యలను ఎదు ర్కొంటుందని ఈ సందర్భంగా వివరించారు. గత కొన్నేళ్లుగా ప్రకృతి తీవ్ర ప్రభావాన్ని చూపడంతో పెను విపత్తులను ఎదుర్కొంటు న్నట్లు గుర్తు చేశారు. వరదల కారణంగా ప్రజల జీవితం, ఆస్తి, జీవనోపాధితో పాటు రాష్ట్రంలో మౌలిక సదుపాయాలు దెబ్బ తింటున్నాయని వివరించారు. ఈ నష్టాలు అధిగమించేందుకు భారీగా నిధులను వెచ్చించాల్సి ఉందన్నారు. ఇందుకు కేంద్రం నుంచి తగిన నిధులు, సహకారం అన్నది లేకుండా ఉన్న విషయాన్ని ప్రస్తావించారు. తమిళనాడులో వృద్ధుల జనాభా పెరుగుతోందని, ఇది రాష్ట్ర జనాభా వ్యవస్థలో మార్పునకు కీలకంగా మారిందని వివరించారు. తమిళనాడు ప్రస్తుత జనాభాలో సగటు వయస్సు 36.4 ఏళ్లుగా ఉన్నట్టు గుర్తుచేస్తూ 16వ ఆర్థిక సంఘం సిఫార్సుల్లో ఇది 38.5 శాతంగా ఉంటుందని ఆశిస్తున్నామన్నారు. వృద్ధుల సంఖ్య పెరుగుతుండడంతో అందుకు తగ్గ అవసరాలను తీర్చాల్సిన అవసరం ఉందన్నారు. ఇక, మూడో సమస్య పట్టణీకరణ అని పేర్కొంటూ ఆర్థిక వనరులు, తదితర సవాళ్లను వివరించారు. తమిళనాడులోని 8 కోట్ల మంది ప్రజల నమ్మకం, విశ్వాసానికి అనుగుణంగా అభివృద్ధికి భరోసా ఇచ్చే విధంగా ఈ సంఘం సిఫార్సులు చేస్తుందని ఆశిస్తున్నామని , తమిళనాడు ప్రభుత్వం తరపున అందజేసిన నివేదికను సమగ్రంగా పరిశీలించి న్యాయం చేకూర్చాలని విజ్ఞప్తి చేశారు.

పళ్లిపట్టు: మూడో తరగతి విద్యార్థినిపై పాఠశాల ప్రధానోపాధ్యాయుడు లైంగిక వైధింపులకు గురిచేశాడనే ఆరోపణతో సోమవారం విద్యార్థులు పాఠశాల బహిష్కరించి ఆందోళనకు దిగారు. పళ్లిపట్టు పట్టణ పరిధిలోని ఆంజనేయనగర్‌లో ప్రభుత్వ ప్రాథమిక పాఠశాలలో 15 మంది బాల, బాలికలు చదువుకుంటున్నారు. ఆ పాఠశాల హెచ్‌ఎంగా చెంగల్వరాయన్‌(59) విధులు నిర్వహిస్తున్నారు. పాఠశాలలో చదువుకుంటున్న ఇరుళ కుటుంబానికి చెందిన చిన్నారిని హెచ్‌ఎం పాఠశాల మరుగుదొడ్డిలో లైంగికంగా వేధించినట్లు ఆరోపణలు వచ్చాయి. అయితే చిన్నారితో పాటు తల్లిదండ్రుల వద్ద పోలీ సులు చేపట్టిన విచారణలో హెచ్‌ఎం లైంగిక వేధింపులకు పాల్పడలేదని తెలిపారు. ఈ క్రమంలో ఆదివారం చిన్నారి మాట్లాడిన ఓ వీడియో సామాజిక మాధ్యమాల్లో వైరలైంది. పాఠశాల హెచ్‌ఎం మరుగుదొడ్డికి రమ్మని చెప్పి తనను లైంగికంగా వేధించినట్లు చిన్నారి చెప్పడం కలకలం రేపింది. ఈ ఘటనతో చిన్నారులను వారి తల్లిదండ్రులు బడికి పంపకుండా హెచ్‌ఎంపై చర్యలు తీసుకోవాలని ఆందోళనకు దిగారు. విద్యార్ధులు తరగతుల బహిష్కరణతో విద్యాశాఖ మండల అధికారి కుమరగురుబరన్‌, రెవెన్యూ శాఖ అధికారులు, పోలీసులు పాఠశాలకు చేరుకుని విద్యార్థుల తల్లిదండ్రుల వద్ద విచారణ చేపట్టారు. లైంగిక దాడికి పాల్పడ్డ హెచ్‌ఎంను వెంటనే అరెస్ట్‌ చేసి న్యాయం చేయాలని అంతవరకు తమ పిల్లలను బడికి పంపమని స్పష్టం చేశారు. కాగా ప్రారంభంలో హెచ్‌ఎం విద్యార్థిపై లైంగిక దాడి చేయలేదని, చిన్నారి తల్లిదండ్రులు పేర్కొని తర్వాత.. చిన్నారి వీడియోలో భిన్నంగా చెప్పడం అనుమానాలకు తావిస్తోంది. పాఠశాలను బహిష్కరించిన విద్యార్థులు