● ఈనెల 30న ఎమ్మెల్యేలతో మంత్రి ఉత్తమ్‌ సమీక్ష చేస్తారు ● కాళేశ్వరంతో పనిలేకుండా అత్యధిక వరి ఉత్పత్తి ● పాదయాత్ర సమయంలో వాగ్దానాలు పూర్తి చేస్తున్నామన్న సీఎం ● కేసీఆర్‌ పాలనపై మంత్రుల విమర్శలు ● ఇందిరమ్మ రాజ్యంతోనే సంక్షేమం, అభివృద్ధని స్పష్టీకరణ ● రూ.679 కోట్ల పనులకు శంకుస్థాపనపెండింగ్‌ ప్రాజెక్టులుమాట్లాడుతున్న సీఎం రేవంత్‌రెడ్డి సీఎం రేవంత్‌ పర్యటన ఇలా..● ఉదయం 11 గంటలకు సీఎం రేవంత్‌రెడ్డి హెలీకాప్టర్‌ ద్వారా వేములవాడ గుడి చెరువు చేరుకున్నారు. అనంతరం ప్రత్యేక కాన్వాయ్‌ ద్వారా ఆలయ గెస్ట్‌హౌస్‌కు వెళ్లారు. ● మంత్రి శ్రీధర్‌బాబు, దేవాదాయశాఖ ప్రిన్సిపల్‌ సెక్రటరీ శైలజారామయ్యర్‌ దంపతులు ఒకేచోట కలుసుకుని సీఎం రేవంత్‌రెడ్డికి స్వాగతం పలుకుతున్న క్రమంలో అన్నా, వదిన ఒకేచోట అంటూ సీఎం మాట్లాడారు. ● గెస్ట్‌హౌస్‌ నుంచి సీఎం పంచె,కండువా ధరించి రాజన్న దర్శనానికి వెళ్లారు. అంతకుముందు పోలీసులు గౌరవవందనం సమర్పించారు. సాక్షిప్రతినిధి, కరీంనగర్‌/వేములవాడ/వేములవాడఅర్బన్‌: అసంపూర్తిగా ఉన్న సాగునీటి ప్రాజెక్టులు పూర్తి చేస్తామని, ఈ నెల 30 లోపు ఉమ్మడి జిల్లా ఎమ్మెల్యేలతో మంత్రి ఉత్తమ్‌కుమార్‌రెడ్డి సమీక్ష నిర్వహిస్తారని, ప్రాజెక్టులు ఎప్పుడు పూర్తవుతాయి, ఎన్ని నిధులు కావాలి అనేది సమీక్షలో మాట్లాడుతారని ముఖ్యమంత్రి రేవంత్‌రెడ్డి అన్నారు. బుధవారం వేములవాడ రాజన్న దర్శనం అనంతరం ఆలయ గుడి చెరువు ఖాళీ స్థలంలో రూ.679 కోట్లతో అభివృద్ధి పనుల శంకుస్థాపన, ప్రారంభోత్సవం కార్యక్రమాలు నిర్వహించారు. అనంతరం ప్రజాపాలన విజయోత్సవ సభకు హాజరై మాట్లాడారు. కరీంనగర్‌ జిల్లా నుంచి పీవీ నరసింహారావు దేశానికి దిశ దశ చూపి, గ్రామస్థాయి నుంచి ఢిల్లీ వరకు తెలంగాణ బిడ్డ పరిపాలన అంటే ఎంటో చూపించారన్నారు. అలాగే పెద్దలు చొక్కారావు, ఎం.సత్యనారాయణరావు లాంటి వారు కరీంనగర్‌ నుంచి నాయకత్వం అందించారని గుర్తు చేశారు. అనంతరం వేములవాడ ఎమ్మెల్యే, ప్రభుత్వ విప్‌ ఆది శ్రీనివాస్‌ మాట్లాడారు. వేములవాడ అభివృద్ధికి అన్ని శాఖల మంత్రులు సంపూర్ణ సహకారం అందించారన్నారు. రూ.76 కోట్లతో రాజన్న ఆలయ విస్తరణ పనులు శృంగేరిపీఠాధిపతుల సూచనల మేరకు నిర్వహిస్తున్నామని వివరించారు. వేములవాడలో రూ.35 కోట్లతో నిత్య అన్నదానసత్రానికి సీఎం సభకు వచ్చే ముందు ఉత్తర్వులు జారీ అయ్యాయని పేర్కొన్నారు. ఎమ్మెల్సీ జీవన్‌రెడ్డి మాట్లాడుతూ, గత దశాబ్ద కాలంలో నిర్లక్ష్యానికి గురైన వేములవాడ పట్టణ పునర్నిర్మాణం పనులను 10 నెలల కాలంలో ప్రారంభించుకున్నామని వెల్లడించారు. గల్ఫ్‌ కార్మికులు మరణిస్తే దేశంలోనే రాష్ట్రంలో రూ.5 లక్షల పరహారం అందిస్తున్న ఏకై క ప్రభుత్వం అని పేర్కొన్నారు. వ్యవసాయశాఖ మంత్రి తుమ్మల నాగేశ్వరరావు మాట్లాడుతూ, గత ప్రభుత్వం ఎగవేసిన బకాయిలు చెల్లిస్తూనే 30 ఏళ్ల చిరకాల కోరిక యారన్‌ డిపో ఏర్పాటు చేశామని వెల్లడించారు. 365 రోజులు నేత కార్మికులకు పని కల్పించే సంకల్పం ప్రభుత్వం తీసుకుందన్నారు. రాజన్న దయతో దేశంలోనే అత్యధికంగా వరిపంట దిగుబడి వచ్చిన రాష్ట్రం తెలంగాణ అని కొనియాడారు. కోటి 53 లక్షల మెట్రిక్‌ టన్నుల దిగుబడి వచ్చిందన్నారు. రెవెన్యూశాఖ మంత్రి పొంగులేటి శ్రీనివాస్‌రెడ్డి మాట్లాడుతూ, మనందరి కష్టం ఫలితంగా ఇందిరమ్మ రాజ్యం రాష్ట్రంలో ఏర్పడిందన్నారు. రాబోయే నాలుగేళ్లలో రూ.లక్ష కోట్లతో పేదలకు 20 లక్షల ఇళ్లు నిర్మిస్తామని హామీ ఇచ్చారు. రాజకీయాలు, కులాలకతీతంగా పేదలకు ఇళ్లు మంజూరు చేస్తామని స్పష్టం చేశారు. బీసీ, రవాణా శాఖమంత్రి పొన్నం ప్రభాకర్‌ మాట్లాడుతూ, చిరకాల ఆకాంక్ష నిత్యాన్నదాన సత్రానికి నిధులు మంజూరు చేసిన ముఖ్యమంత్రికి ప్రత్యేక ధన్యవాదాలు తెలిపారు. గతంలో వాగ్దానాలకు పరిమితమైన వేములవాడ ఆలయానికి నేడు అభివృద్ధి బాటలు వేశామని తెలిపారు. రాబోయే రోజుల్లో నేత కార్మికుల ఉపాధికి బృహత్తర ప్రణాళికలు రూపొందిస్తామని ప్రకటించారు. ఐటీ, పరిశ్రమల శాఖ మంత్రి శ్రీధర్‌బాబు మాట్లాడుతూ, నిరంతరం ప్రజల్లో తిరిగే శ్రమజీవి విప్‌ ఆది శ్రీనివాస్‌ అభివృద్ధికి కట్టుబడి ఉన్నారన్నారు. పెండింగ్‌ సమస్యల పరిష్కారానికి ప్రభుత్వం చర్యలు తీసుకుంటుందని పేర్కొన్నారు. ప్రతీ ఎకరం సాగయ్యే దిశగా చర్యలు తీసుకుంటామని వివరించారు. టీపీసీసీ చీఫ్‌ మహేశ్‌కుమార్‌గౌడ్‌ మాట్లాడుతూ.. రుద్రంగి ఇవతల మర్రిపల్లి అమ్మమ్మ ఊరు, అవతల నాన్నమ్మ ఊరని తెలిపారు. పది నెలల కాలంలోనే 50 వేల ఉద్యోగాలు అందించామన్నారు. వైద్య ఆరోగ్యశాఖ మంత్రి దామోదర రాజనర్సింహ మాట్లాడుతూ ప్రజలకు ఇచ్చిన ప్రతీ మాట నిలబెడుతామన్నారు. నీటి పారుదలశాఖ మంత్రి ఉత్తమ్‌కుమార్‌రెడ్డి మట్లాడుతూ ఎల్లంపల్లి ప్రాజెక్ట్‌ స్టేజ్‌– 2, ఫేజ్‌– 1 పనులు పూర్తి చేసి లక్షా 51 వేల 400 ఎకరాలకు సాగునీరు అందిస్తామన్నారు. ఎల్లంపల్లి కెనాల్‌ నెట్‌వర్క్‌ ప్యాకేజీ– 2లో పెండింగ్‌ పనులకు రూ.170 కోట్లు ఖర్చు చేసి వేములవాడ నియోజకవర్గంలో 40,500 ఎకరాలు, కోరుట్లలో 2,500 ఎకరాలకు నీరు అందిస్తామన్నారు. సిరిసిల్లలో కాళేశ్వరం ప్యాకేజీ 9,10,11 పూర్తి చేసి లక్షన్నర ఎకరాలకు సాగునీరు అందిస్తామని పేర్కొన్నారు. ఉమ్మడి జిల్లా నీటిపారుదల ప్రాజెక్టులపై వారం రోజుల్లో సమీక్ష నిర్వహిస్తామని తెలిపారు. కార్యక్రమంలో ఎమ్మెల్సీ బల్మూరి వెంకట్‌, ప్రభుత్వ విప్‌ అడ్లూరి లక్ష్మణ్‌, ఎమ్మెల్యేలు మేడిపల్లి సత్యం, కవ్వంపల్లి సత్యనారాయణ, మక్కాన్‌సింగ్‌, విజయరమణారావు తదితరులు పాల్గొన్నారు. ‘ఆది’పై ప్రశంసల జల్లు.. వేములవాడకు బుధవారం ప్రభుత్వం మంజూరు చేసిన రూ.679 కోట్ల నిధులు, ఆలయ విస్తరణ పనుల విషయంలో స్థానిక ఎమ్మెల్యే ఆది శ్రీని వాస్‌పై ప్రశంసల జల్లు కురిసింది. సభలో సీఎం రేవంత్‌రెడ్డి మాట్లాడుతూ, గతంలో వేములవాడ ఎమ్మెల్యేను కలవాలంటే జర్మనీ వెళ్లాల్సి వచ్చేదని కానీ, ఈ ప్రభుత్వంలో ఆది వేములవాడ ఎమ్మెల్యేగా గెలిచి ప్రజల వద్దకు స్వయంగా వెళ్తున్నారని ప్రశంసించారు. అసెంబ్లీ సమావేశాలు మినహా ఏనాడు హైదరాబాద్‌ రాడని, నియోజకవర్గ అభివృద్ధి తప్ప పైరవీలు చేయడని స్పష్టం చేశారు. ఇలాంటి ఎమ్మెల్యేలు తనకు ఎంతో ఇష్టమని పేర్కొన్నా రు. అలాగే వేములవాడలో ఆలయ విస్తరణ, సాగునీటి పనుల పూర్తికి ప్రభుత్వం తీసుకుంటున్న చొర వ ఆది శ్రీనివాస్‌ కృషి అని మంత్రులు పొంగులేటి, ఉత్తమ్‌, పొన్నం, శ్రీధర్‌బాబు అభినందించారు. సీఎంకు విప్‌ ఆది శ్రీనివాస్‌, ఆయన కుమారుడు కార్తీక్‌ తలపాగా ధరింపజేసి స్వామివారి చిత్రపటం, త్రిశూలం బహూకరించారు. 2.55 గంటలకు సీఎం రేవంత్‌రెడ్డి ప్రసంగాన్ని ప్రారంభించి 3.30 గంటలకు ముగించారు. సభా వేదికపైనుంచి కిందకు దిగిన సీఎంతో పోలీసు ఉన్నతాధికారులు ఫొటో దిగారు. 3.45 గంటలకు సీఎం రేవంత్‌రెడ్డి హెలీకాప్టర్‌ ద్వారా తిరిగి హైదరాబాద్‌కు బయలుదేరి వెళ్లారు. – వేములవాడ 11.41 గంటలకు ఆలయ విస్తరణ పనులకు భూమిపూజ చేశారు. మంత్రులందరికీ ప్రభుత్వవిప్‌ ఆది శ్రీనివాస్‌ కొబ్బరికాయలు అందజేశారు. కార్యక్రమానికి శృంగేరి అర్చకులు హాజరయ్యారు. 11.45 గంటలకు ప్రారంభోత్సవాలు చేసిన సీఎం. 11.55 గంటలకు ఆలయంలోకి ప్రవేశించి మంత్రులతో కలిసి 12.20 వరకు దర్శనాలు పూర్తిచేసుకున్నారు. 12.25 గంటలకు స్వామివారి అద్దాల మంటపంలో సీఎం, మంత్రులకు దేవాదాయశాఖ అధికారులు, ప్రభుత్వవిప్‌ ప్రసాదాలు అందజేశారు. ఆలయ అర్చుకులు ఆశీర్వచనం గావించారు. అనంతరం సీఎంతో ఫొటో దిగారు. 12.45 గంటలకు దర్శనాలు పూర్తిచేసుకుని గెస్ట్‌హౌస్‌కు చేరుకున్నారు. మధ్యాహ్నం 1.20 గంటలకు ప్రారంభోత్సవాలు పూర్తి చేసి, 1.25 గంటలకు సీఎం వేదికపైకి చేరుకున్నారు. 1.35 గంటలకు జ్యోతి ప్రజ్వలన చేశారు. అనంతరం తెలంగాణ గీతం ఆలపించారు. 1.40 గంటలకు యార్నడిప్‌ వర్చువల్‌గా సీఎం ప్రారంభించారు. 1.45 గంటలకు ప్రభుత్వవిప్‌ ఆది శ్రీనివాస్‌ స్వాగత వచనాలు చేశారు.

జమ్మికుంట(హుజూరాబాద్‌): జమ్మికుంట వ్యవసాయ పత్తి మార్కెట్‌లో వేలంపాటలో నిర్ణయించిన ధరలు అమలు కావడం లేదు. మిల్లర్లు రేటు తగ్గిస్తున్నారని రైతులు చెబుతున్నా అధికారులు చర్యలు తీసుకోవడం లేదు. దీంతో, ఓవైపు అనుకున్న దిగుబడి రాక, మరోవైపు సరైన ధర లేక అన్నదాతలు తీవ్రంగా నష్టపోతున్నారు. అధికారులు మార్కెట్‌లో నిర్ణయించిన ధరలు అమలు చేసేలా చర్యలు తీసుకోవాలని వారు కోరుతున్నారు. అత్యవసర పరిస్థితుల్లో అమ్మకం.. డబ్బులు అత్యవసరమైన రైతులు పత్తిని విక్రయించేందుకు ప్రైవేటు వ్యాపారుల వైపు చూస్తున్నారు. కొందరు కౌలుకు తీసుకోవడం, పట్టాదారు పాసు పుస్తకాలు లేకపోవడంతో అమ్మకాలు సాగిస్తున్న క్రమంలో మిల్లర్లు అందినకాడికి దండుకునే తంతు మొదలు పెట్టారు. మిల్లుల్లో పత్తికి తేమశాతం, నాణ్యత లేదంటూ క్వింటాల్‌కు రూ.100 నుంచి రూ.400 వరకు ధర తగ్గిస్తున్నారు. అన్నదాతలకు ఏం చేయాలో తెలియక వారు చెప్పిన రేటుకే పత్తిని ఇచ్చేస్తున్నారు. అధికారులు సీసీఐకి అమ్ముకోవాలని సూచిస్తున్నా తమ అవసరాల కోసం తప్పడం లేదని ఆవేదన వ్యక్తం చేస్తున్నారు. రెండో పెద్ద మార్కెట్‌.. జమ్మికుంట వ్యవసాయ పత్తి మార్కెట్‌ ఉత్తర తెలంగాణలో రెండో పెద్ద మార్కెట్‌. ఇక్కడికి మూడు జిల్లాలు, 20 మండలాలకు చెందిన రైతులు ఇక్కడికి పత్తిని తీసుకువస్తుంటారు. జమ్మికుంట పట్టణంలో 9 జిన్నింగ్‌ మిల్లులు ఉండగా, ఏడింటిని సీసీఐ కేంద్రాలకు నోటిఫై చేశారు. దీంతో మిల్లర్ల మధ్య పోటీతత్వం లేకుండా మిల్లుల్లో జిన్నింగ్‌కు కావాల్సిన పత్తి దొరుకుతుంది. అయితే, వేలంపాటలో నిర్ణయించిన ధరలు మార్చకుండా అధికారులు చర్యలు తీసుకుంటే రైతులకు న్యాయం జరుగుతుందని పలువురు అభిప్రాయపడుతున్నారు. తగ్గించింది ఒకరు.. నోటీసులు మరొకరికి.. పెద్దపల్లి జిల్లాలోని కాల్వశ్రీరాంపూర్‌ మండలం, జొన్నల మల్యాలకు చెందిన రైతు మడెత్తుల సతీశ్‌ ఈ నెల 10న పత్తిని జమ్మికుంటకు తీసుకువచ్చాడు. ధరలో తేడాలపై ‘సాక్షి’ దినపత్రికలో కథనం ప్రచురితమైంది. అయితే, మంజునాథ మిల్లు యజమాని ధర తగ్గిస్తే మార్కెట్‌ అధికారులు మాత్రం అడ్తిదారుకు నోటీసులు జారీ చేశారు. అడ్తిదారుకు తెలియకుండా ధర తగ్గిస్తున్న మిల్లు యజమానిపై చర్యలు తీసుకోకపోవడంపై సర్వత్రా విమర్శలు వ్యక్తమవుతున్నాయి.

‘ఈ రైతు పేరు మాదరవేన కుమార్‌. పెద్దపల్లి జిల్లా, ఓదెల మండలంలోని శానగొండ గ్రామం. ఒక ఎకరం సొంత భూమి ఉండగా, మరో మూడెకరాలు కౌలుకు తీసుకొని, పత్తి సాగు చేశాడు. జమ్మికుంట వ్యవసాయ పత్తి మార్కెట్‌కు మంగళవారం వ్యాన్‌లో మొదటిసారి 13 క్వింటాళ్ల పత్తిని తీసుకురాగా క్వింటాల్‌కు రూ.6,850 ధర నిర్ణయించారు. రాజశ్రీ కాటన్‌ ఇండస్ట్రీస్‌ మిల్లుకు తీసుకెళ్లి, దిగుమతి చేసే సమయంలో తేమశాతం, నాణ్యత లేదని రూ.100 తగ్గించి, క్వింటాల్‌కు రూ.6,750 ఇస్తామన్నారు. చేసేది లేక అతను పత్తిని అదే రేటు అమ్ముకొని, వెళ్లిపోయాడు. కేవలం ధరల్లో తేడాతోనే రూ.1,300 నష్టపోయానని, సీసీఐ కొనుగోలు చేస్తే రూ.7,500కు పైగా వచ్చేవని తెలిపాడు.’ ‘ఈ రైతుల పేరు ఎం.శ్రీకాంత్‌. జయశంకర్‌ భూపాలపల్లి జిల్లా, తాడిచెర్ల గ్రామం. ఇతను మూడెకరాల్లో పత్తి సాగు చేశాడు. గత సోమవారం జమ్మికుంట మార్కెట్‌కు వ్యాన్‌లో 13.65 క్వింటాళ్ల పత్తిని అమ్మకానికి తీసుకువచ్చాడు. వేలంలో క్వింటాల్‌కు రూ.6,850 పలికింది. రాజశ్రీ కాటన్‌ ఇండస్ట్రీస్‌ మిల్లులో దిగుమతి చేసే సమయంలో క్వింటాల్‌కు రూ.100 తగ్గించి, రూ.6,750 ధర నిర్ణయించారు. దూరం నుంచి రావడం వల్ల చేసేది లేక అదే రేటు విక్రయించానని రైతు ఆవేదన వ్యక్తం చేశాడు. ఇది ఈ ఇద్దరు రైతుల పరిస్థితే కాదు.. మిల్లర్ల తీరుతో చాలామంది నష్టపోతున్నారు.’

● కొనుగోలు కేంద్రాల్లో ఇబ్బందులు ఉండొద్దు ● తెలంగాణ బియ్యానికి ఇతర ప్రాంతాల్లో డిమాండ్‌ ● రాష్ట్ర పౌరసరఫరాల శాఖ కమిషనర్‌ డీఎస్‌ చౌహన్‌కరీంనగర్‌ అర్బన్‌: ప్రభుత్వం ఏర్పాటు చేసిన ధాన్యం కొనుగోలు కేంద్రాల్లో రైతులకు ఇబ్బందులు రాకుండా చర్యలు తీసుకోవాలని రాష్ట్ర పౌరసరఫరాల శాఖ కమిషనర్‌ డీఎస్‌ చౌహన్‌ ఆదేశించారు. బుధవారం కలెక్టరేట్‌ కాన్ఫరెన్స్‌ హాలులో కలెక్టర్‌ పమేలా సత్పతితో కలిసి ఖరీఫ్‌ ధాన్యం కొనుగోళ్లపై సమీక్షించారు. పంటను తూకం వేసిన తర్వాత రైతుల బ్యాంకు ఖాతాల్లో డబ్బులు జమ చేస్తున్నామని వివరించారు. సన్న రకాలకు క్వింటాల్‌కు రూ.500 బోనస్‌ అందిస్తున్నామని, రైతులు ప్రైవేటు వ్యాపారులకు తక్కువ ధరకు పంటను అమ్ముకొని నష్టపోకుండా అవగాహన కల్పించాలని సూచించారు. రోజూ కేంద్రాలను సందర్శిస్తూ సమస్యలుంటే పరిష్కరించాలన్నారు. సన్న రకం ధాన్యాన్ని గుర్తించేందుకు కొనుగోలు కేంద్రానికి ఒకటి చొప్పున గ్రెయిన్‌ కాలిపర్‌ యంత్రం అందించాలన్నారు. తెలంగాణ సోనా, ఆర్‌ఎన్‌ఆర్‌ తదితర రకాల బియ్యానికి ఇతర ప్రాంతాల్లో మంచి డిమాండ్‌ ఉందన్నారు. జిల్లాలో 340 కేంద్రాలు జిల్లా రైతులు వానాకాలంలో 55 శాతం దొడ్డు రకం, 45 శాతం సన్న రకాలు సాగు చేశారని కలెక్టర్‌ పమేలా సత్పతి వివరించారు. 340 కొనుగోలు కేంద్రాలు ఏర్పాటు చేయగా ఇప్పటివరకు 1,23,000 టన్నుల ధాన్యం కేంద్రాలకు చేరినట్లు పేర్కొన్నారు. మిల్లర్లు, క్షేత్రస్థాయి అధికారులతో సమన్వయం చేసుకుంటూ రైతులకు ఇబ్బంది రాకుండా అన్ని చర్యలు తీసుకుంటున్నట్లు వివరించారు. అదనపు కలెక్టర్‌ లక్ష్మీకిరణ్‌, ట్రైనీ కలెక్టర్‌ అజయ్‌యాదవ్‌, జిల్లా సహకార అధికారి రామానుజాచారి, జిల్లా వ్యవసాయ అధికారి భాగ్యలక్ష్మి, జిల్లా సివిల్‌ సప్లై అధికారి నర్సింగరావు, మేనేజర్‌ ఎం.రజనీకాంత్‌, మార్కెటింగ్‌ శాఖ అధికారులు పాల్గొన్నారు. రైస్‌మిల్‌ అసోసియేషన్‌ సభ్యులతో సమావేశం కలెక్టరేట్‌ కాన్ఫరెన్స్‌ హాలులో బుధవారం పౌరసరఫరాల శాఖ కమిషనర్‌ డీఎస్‌ చౌహన్‌.. రైస్‌ మిల్‌ అసోసియేషన్‌ సభ్యులతో సమావేశమయ్యారు. ఈ సందర్భంగా పలు అంశాలను సభ్యులు కమిషనర్‌ దృష్టికి తీసుకెళ్లారు. గన్నీ సంచుల కొరత తీర్చడంతోపాటు బాయిల్డ్‌ రైస్‌ మిల్లింగ్‌ చార్జీలు పెంచాలని కమిషనర్‌ను కోరారు.

కరీంనగర్‌టౌన్‌: సోమాజిగూడ యశోద హాస్పిటల్లో ఇటీవల నియోనియాకు అరుదైన చికిత్స అందించి, ఓ వ్యక్తి ప్రాణాలు కాపాడామని ఆస్పత్రి పల్మనాలజిస్టు విశ్వేశ్వరన్‌ బాలసుబ్రమణ్యం తెలిపారు. బుధవారం కరీంనగర్‌లోని యశోద మెడికల్‌ సెంటర్‌లో ఏర్పాటు చేసిన విలేకరుల సమావేశంలో ఆయన మాట్లాడారు. 50 ఏళ్ల వయసున్న సంగు శ్రీనివాస్‌ను తీవ్ర న్యుమోనియా కారణంగా యశోద హాస్పిటల్‌కు రిఫర్‌ చేశారన్నారు. అతని ఆరోగ్య పరిస్థితి అత్యంత విషమంగా ఉండటంతో ఐసీయూకి తరలించామని తెలిపారు. న్యుమోనియా ఊపిరితిత్తుల్లో వస్తుందని, శ్రీనివాస్‌కు మాత్రం ఊపిరితిత్తులతోపాటు కాలేయంలో వచ్చిందని పేర్కొన్నారు. సెప్సిన్‌, సెప్టిక్‌ షాక్‌ కారణంగా వెంటిలేటర్‌పై ఉంచి, చికిత్స ప్రారంభించినట్లు వెల్లడించారు. 40 రోజులపాటు యాంటీబయాటిక్స్‌, శస్త్రచికిత్స, నిపుణులైన వైద్యుల పర్యవేక్షణలో చికిత్స పొందిన శ్రీనివాస్‌ పూర్తిగా కోలుకున్నాడని అన్నారు. చలికాలంలో తగిన జాగ్రత్తలు తీసుకోవాలని, వ్యాక్సిన్‌ ద్వారా న్యుమోనియాను నియంత్రించవచ్చని చెప్పారు. అనంతరం శ్రీనివాస్‌ మాట్లాడుతూ.. మెరుగైన వైద్యం వల్లే తాను పూర్తిగా కోలుకున్నానంటూ వైద్యులకు కృతజ్ఞతలు తెలిపాడు. సమావేశంలో హాస్పిటల్‌ సిబ్బంది పాల్గొన్నారు. పల్మనాలజిస్టు విశ్వేశ్వరన్‌

చలి.. పంజా విసురుతోంది రోజురోజుకూ ఉష్ణోగ్రతలు పడిపోతుండడంతో చలి తీవ్రత పెరిగిపోతోంది. బుధవారం పెద్దపల్లి జిల్లాలో గరిష్టంగా 29.2 కాగా, కనిష్టంగా 15.2 డిగ్రీలకు తగ్గింది. ఉదయం, రాత్రి వేళల్లో చలి పంజా విసురుతుండడంతో జిల్లా ప్రజలు వణికిపోతున్నారు. చలి నుంచి రక్షణ కోసం స్వెట్టర్లు, రగ్గులు కొనుగోలు చేస్తూ ఉపశమనం పొందుతున్నారు. ఉదయం వేళ మంచుకురుస్తూ జివ్వు మంటున్న చలితో వాహనదారులు ఇబ్బందులు పడుతున్నారు. పెద్దపల్లి జిల్లా మాతాశిశు కేంద్రంలో పుట్టిన పసిపాపలతో భానుడి కిరణాల కోసం ఎదురుచూస్తూ ఇలా ‘సాక్షి’ కెమెరాకు కనిపించారు. డాక్టర్లు సైతం చిన్నా పెద్ద తేడా లేకుండా చలి దాటికి రక్షణ చర్యలు తీసుకోవాలని సూచిస్తున్నారు. – జ్యోతినగర్‌/సాక్షి ఫొటోగ్రాఫర్‌, పెద్దపల్లి

కోల్‌సిటీ: గోదావరిఖనిలోని సింగరేణి ఇనిస్టిట్యూట్‌ ఆఫ్‌ మెడికల్‌ సైన్సెస్‌ (సిమ్స్‌) కళాశాలను బుధవారం రాత్రి డైరెక్టర్‌ ఆఫ్‌ మెడికల్‌ ఎడ్యుకేషన్‌ (డీఎంఈ) డాక్టర్‌ వాణి సందర్శించారు. గురువారం మంచిర్యాల జిల్లాలో సీఎం రేవంత్‌రెడ్డి పర్యటించనున్న నేపథ్యంలో ఆ కార్యక్రమానికి ముందస్తుగా చేరుకునేందుకు వెళ్తుండగా మార్గమధ్యంలో గోదావరిఖనిలో ఆగారు. సిమ్స్‌ మెడికల్‌ కళాశాలను సందర్శించి టీచింగ్‌ హాల్‌, మెడికోల హాస్టల్‌, స్టాఫ్‌ క్వార్టర్స్‌, కళాశాల ఆవరణతో పాటు పరిశుభ్రత, సీసీ కెమెరాలు తదితరాలను పరిశీలించి కళాశాల నిర్వాహకులను అభినందించారు. కాలేజీని సందర్శించడానికి ముందు కలెక్టర్‌ కోయ శ్రీహర్షను కలిశారు. రాత్రి ఎన్టీపీసీలోనే డీఎంఈ బస చేస్తారని సమాచారం. గురువారం ఉదయం గోదావరిఖని ప్రభుత్వ జనరల్‌ ఆసుపత్రిని సందర్శిస్తారని తెలిసింది. డీఎంఈతో సిమ్స్‌ ప్రిన్సిపాల్‌ హిమబిందు, సిద్దిపేట మెడికల్‌ కళాశాల ప్రిన్సిపాల్‌ విమల, హెచ్‌వోడీలు అరుణ తదితరులు పాల్గొన్నారు. మొదటిసారి డీఎంఈ సిమ్స్‌ వచ్చిన సందర్భంగా ప్రిన్సిపాల్‌తో పాటు హెచ్‌వోడీలు ఘనంగా స్వాగతం పలికారు.

● ఏరియాల్లోని వివిధ విభాగాలకు బదిలీ ● పోస్టింగ్‌ల నియామకానికి కౌన్సెలింగ్‌ గోదావరిఖని: సింగరేణిలోని మహిళా కార్మికులకు ప్రత్యేక విధులు కేటాయించేందుకు యాజమాన్యం సిద్ధమైంది. మహిళా కార్మికుల సంఖ్య క్రమంగా పెరుగుతుండడంతో వివిధ విభాగాల్లో సర్దుబాటు చేయాలని నిర్ణయించింది. సంస్థలో సుమారు 3వేల మందికి పైగా మహిళా కార్మికులు పనిచేస్తున్నారు. వారి సేవలను పలు విభాగాల్లో సమర్థవంతంగా వినియోగించుకునేందుకు కసరత్తు పూర్తి చేసింది. సీఎండీ బలరాం ఆదేశాల మేరకు ఏరియాల వారీగా వారికి పోస్టులను కేటాయించాలని చూస్తోంది. సంస్థ వ్యాప్తంగా మహిళా కార్మికులు ఉపరిత విభాగాల్లో పనిచేస్తున్నారు. డిపార్ట్‌మెంట్లు, జీఎం కార్యాలయాలు, వర్క్‌షాప్‌, స్టోర్స్‌, సివిల్‌ తదితర విభాగాల్లో పర్మినెంట్‌ మహిళా కార్మికులు విధులు నిర్వహిస్తున్నారు. సింగరేణి ప్రత్యేక దృష్టి.. మహిళా కార్మికులను యాజమాన్యం పెద్దఎత్తున రి క్రూట్‌ చేసుకుంటోంది. కారుణ్య నియామకాల్లో భా గంగా తండ్రుల స్థానంలో వారి కూతుళ్లు విధుల్లో చేరుతున్నారు. ఉన్నత చదువులు చదివిన వారు స్యూటేబుల్‌ పోస్టింగ్‌కు ఎదురుచూస్తున్నారు. ఈక్రమంలో యాజమాన్యం పలు విభాగాల్లో సేవ లు వినియోగించుకోవాలని ప్రణాళిక సిద్ధం చేసింది. ఏరియాల్లో కౌన్సెలింగ్‌ మహిళా కార్మికులను వివిధ విభాగాల్లోకి బదిలీ చేసేందుకు యాజమాన్యం కౌన్సెలింగ్‌ నిర్వహిస్తోంది. తమ ఉద్యోగాలను పలు విభాగాల్లో సమర్థవంతంగా వినియోగించుకోవచ్చని వారికి సూచిస్తోంది. సర్ఫేజ్‌లోని అన్ని డిపార్ట్‌మెంట్లలో వీరికి విధులు కేటాయించనుంది. సింగరేణి మహిళా కార్మికుల హోదాలు విభాగం హోదా ఓసీపీలు, సీహెచ్‌పీ కన్వేయర్‌ ఆపరేటర్లు సివిల్‌ పంప్‌ఆపరేటర్లు, వాల్వ్‌ఆపరేటర్లు అండర్‌ గ్రౌండ్‌, ఓసీపీ చార్జర్‌ సేఫ్టీ ల్యాంప్‌, ల్యాంప్‌రూం ఫిట్టర్‌ గనులు, ఆస్పత్రులు, గెస్ట్‌హౌస్‌లు కుక్‌ క్యాంటీన్లు వెండర్లు, క్యాంటీన్‌ ఉమెన్‌(కుక్‌హెల్పర్‌) గనులు, డిపార్ట్‌మెంట్లు ఆఫీస్‌ అటెండెంట్‌, స్వీపర్లు ఓసీపీ, సర్వేఆఫీస్‌ సర్వే మజ్దూర్‌ ఏరియా, ఓసీ స్టోర్స్‌ స్టోర్స్‌ ఇష్యూ మజ్దూర్లు ప్రింటింగ్‌ ప్రెస్‌ బైండర్‌, మిషిన్‌ ఉమెన్‌ ల్యాబ్‌, సీహెచ్‌పీ షాంప్లింగ్‌ మజ్దూర్లు బేస్‌వర్క్‌షాప్‌, ఓసీపీ ఈపీ గ్రీజర్‌/హెల్పర్లు ఓసీపీలు ఎక్స్‌ప్లోజివ్‌ క్యారియర్‌

గోదావరిఖని: ఓసీపీ–3 ప్రాజెక్టును ఈఅండ్‌ఎం డైరెక్టర్‌ సత్యనారాయణరావు బుధవారం సందర్శించారు. క్వారీ ప్రాంతాన్ని పరిశీలించి పలు విషయాలు తెలుసుకున్నారు. భారీ యంత్రాలను పూర్తిస్థాయిలో వినియోగించి ఉత్పత్తి లక్ష్యాల దిశగా ముందుకు సాగాలన్నారు. బొగ్గు అవసరాల దృష్ట్యా రవాణాకు ఎలాంటి అంతరాయం ఏర్పడకుండా చూడాలని, లక్ష్యాలను సాధించేందుకు తీసుకోవాల్సిన చర్యలపై అధికారులకు దిశానిర్దేశం చేశారు. డైరెక్టర్‌ వెంట ఆర్జీ–2 ఏరియా జనరల్‌ మేనేజర్‌ బి.వెంకటయ్య, ప్రాజెక్ట్‌ అధికారి మధుసూదన్‌, ఎస్‌ఓటూ జీఎం రాముడు, వకీల్‌పల్లి ప్రాజెక్ట్‌ అధికారి నెహ్రూ, ఏరియా ఇంజినీర్‌ నరసింహారావు, ప్రాజెక్ట్‌ ఇంజినీర్‌ రాజాజీ, ఏరియా వర్క్‌ షాప్‌ డీజీఎం ఎర్రన్న, మేనేజర్‌ ఓసీపీ–3 బారత్‌ కుమార్‌, సర్వే అధికారి నర్సింగరావు, ఏరియా సెక్యూరిటీ అధికారి షరీఫ్‌ మహమ్మద్‌ తదితరులు ఉన్నారు.

హుజూరాబాద్‌: పట్టణ పరిధిలోని బోర్నపల్లి చెరువులోపడి వృద్ధురాలు మృతి చెందింది. పోలీసులు తెలిపిన వివరాలు.. నక్క సరోజన (58) ఈ నెల 17న ఇంటి నుంచి బయటకు వెళ్లి తిరిగి రాకపోవడంతో కుమారుడు కుమార్‌ పోలీసులకు ఫిర్యాదు చేశారు. కుటుంబ సభ్యులు చుట్టుపక్కల గాలించగా బోర్నపల్లి చెరువులో బుధవారం శవమై తేలింది. మృతురాలి కొడుకు ఫిర్యాదుతో కేసు నమోదు చేసుకొని దర్యాప్తు చేస్తున్నామని సీఐ తిరుమల్‌గౌడ్‌ తెలిపారు. చికిత్స పొందుతూ యువరైతు.. ఎల్లారెడ్డిపేట(సిరిసిల్ల): యువరైతు రోడ్డు ప్రమాదంలో గాయపడి 14రోజుల పాటు మృత్యువుతో పోరాడి బుధవారం మృతిచెందాడు. వివరాలు.. ఎల్లారెడ్డిపేట మండలం పదిర గ్రామానికి చెందిన ఇర్రి రాజశేఖర్‌రెడ్డి(38) ద్విచక్ర వాహనంపై ఈ నెల 5న రాత్రి రాగట్లపల్లి నుంచి పదిరకు వెళ్తుండగా, రోడ్డు పక్కన చెట్టును ఢీకొని సమీప పొలంలో పడిపోయాడు. ఆ రాత్రంతా పొలంలోనే ఉండిపోయాడు. అతడి ఆచూకీ కోసం ఆ రోజు కుటుంబ సభ్యులు వెతికినా ఫలితం లేకుండా పోయింది. ఉదయం పొలం వద్దకు వెళ్లిన రైతులు చూసి కుటుంబ సభ్యులకు సమాచారం అందించారు. ఈ ఘటనలో తలకు తీవ్ర గాయాలు కావడంతో సృహ కోల్పోయిన అతడిని మొదట ఎల్లారెడ్డిపేటకు తరలించారు. పరిస్థితి విషమంగా ఉండడంతో హైదరాబాద్‌ తరలించగా చికిత్స పొందుతూ మృతిచెందాడు. రాజశేఖర్‌రెడ్డి తనకున్న మూడెకాల భూమిని సాగు చేసుకొని కుటుంబాన్ని పోషించుకుంటున్నాడు. బాధిత కుటుంబాన్ని ఆదుకోవాలని గ్రామస్తులు కోరుతున్నారు. మృతుడికి భార్య శ్రీజ, కుమారుడు విహాన్‌రెడ్డి, కూతురు నిహరిక ఉన్నారు. కేసు దర్యాప్తు చేస్తున్నట్లు ఎస్సై రమాకాంత్‌ తెలిపారు. జాతీయస్థాయి పోటీలకు ఎంపికకమాన్‌పూర్‌(మంథని): లక్నోలో జరుగనున్న జాతీయస్థాయి పరుగుపందెం పోటీలకు కమాన్‌పూర్‌ మండల కేంద్రానికి చెందిన నల్లవెళ్లి ఆనంది ఎంపికై ంది. హన్మకొండలో బుధవారం నిర్వహించిన 68వ రాష్ట్రస్థాయి అండర్‌ 16 విభాగంలో 400 మీటర్ల పరుగుపందెంలో ప్రతిభకనబర్చి బంగారు పతకం సాధించింది. కాగా ఆనంది ఆదిలాబాద్‌ జిల్లా స్పోర్ట్స్‌ పాఠశాలలో పదో తరగతి చదువుతోంది.

జగిత్యాలక్రైం: జగిత్యాల రూరల్‌ మండలం తిమ్మాపూర్‌ గ్రామానికి చెందిన బీజేపీ నాయకుడు దుబ్బాక రమేశ్‌పై గుర్తు తెలియని వ్యక్తులు దాడికి పాల్పడ్డారు. బుధవారం ఉదయం మోతె బైపాస్‌రోడ్‌లో వాకింగ్‌కు వెళ్తుండగా నలుగురు వ్యక్తులు కారులో వచ్చి మంకీక్యాపులు, మాస్క్‌లు ధరించి ఇనుపరాడ్లతో దాడిచేసి పరారయ్యారు. ఈ దాడిలో రమేశ్‌ తల పగలింది. చేయి విరిగిపోయింది. రమేశ్‌ కేకలు వేయడంతో రోడ్డుపై వెళ్తున్న ఓ యువకుడు గమనించి వారి బంధువులకు సమాచారం అందించారు. వెంటనే బాధితుడిని ప్రైవేటు ఆస్పత్రిలో చేర్పించారు. రూరల్‌ సీఐ కృష్ణారెడ్డి, ఎస్సై సదాకర్‌ సంఘటన స్థలానికి చేరుకున్నారు. ఆస్పత్రిలో బాధితుని నుంచి వివరాలు సేకరించారు. నిందితుల కోసం గాలింపు చర్యలు చేపట్టారు. సీసీ పుటేజీలో కనిపించిన కారుకు నంబరు లేకపోవడంతో ఆ రహదారి వెంట వెళ్లిన వాహనాల వివరాలు సేకరిస్తున్నారు. బాధితుడు రమేశ్‌ ఫిర్యాదు మేరకు అనుమానితులుగా ఉన్న ముగ్గురిపై కేసు నమోదు చేసి దర్యాప్తు చేస్తున్నట్లు సీఐ తెలిపారు. కారులో వచ్చిన నిందితులు ఇనుపరాడ్లతో మూకుమ్మడి దాడి బాధితుడికి ప్రైవేటు ఆస్పత్రిలో చికిత్స నిందితుల కోసం పోలీసుల గాలింపు

రాయికల్‌: పట్టణంలోని పలు స్వీట్‌ హౌస్‌లు, దుకాణ యజమానులకు ఫుడ్‌ ఇన్‌స్పెక్టర్లమంటూ గుర్తు తెలియని వ్యక్తులు ఫోన్‌కాల్‌ చేసి లైసెన్స్‌ ముగిసిందని, రెన్యువల్‌ చేయించుకోవాలని, లేకుంటే షాపు సీజ్‌ చేస్తామని బెదిరిస్తున్నారు. కొందరు భయాందోళనకు గురై ఆగంతకులు పంపించిన స్కానర్‌కు డబ్బులు పంపించారు. లైసెన్స్‌ రెన్యూవల్‌ కోసమని సదరు నంబర్‌కు ఫోన్‌చేస్తే స్విచ్‌ ఆఫ్‌ రావడంతో బాధితులు పోలీసులను ఆశ్రయి ంచారు. సైబర్‌క్రైం టో ల్‌ఫ్రీ నంబరు 1930కు ఫిర్యాదు చేసినట్లు పేర్కొన్నారు. ఇలా పట్టణంలోని పలువురికి ఆగంతకులు ఫోన్లు చేస్తూ డబ్బులు అడగడం పరిపాటిగా మారింది. డబ్బులు వసూలు చేసిన గుర్తు తెలియని వ్యక్తులు సైబర్‌క్రైంను ఆశ్రయించిన బాధితులు

గోదావరిఖని: అధునాతన సాంకేతిక పరిజ్ఞానంతో బొగ్గు ఉత్పత్తి మరింత పెంచాలని సింగరేణి డైరెక్టర్‌ వెంకటేశ్వర్‌రెడ్డి అన్నారు. బుధవారం ఆర్జీ–2 ఏరియాలో పర్యటించారు. ఆర్జీ–2 జీఎం వెంకటయ్య, ముఖ్య అధికారులతో సమావేశమై ఉత్పత్తి లక్ష్యాల సాధనపై దిశానిర్థేశం చేశారు. కృషిభవన్‌లో ఏర్పాటు చేసిన సీసీ కెమెరాల పని తీరును పరిశీలించారు. యంత్రాల పనితీరు, ఉద్యోగుల యోగ క్షేమాలు ఎప్పటికప్పుడు తెలుసుకుంటూ నిరంతర పర్యవేక్షణ కోసం ఉపయోగపడుతాయన్నారు. డైరెక్టర్‌ వెంట ప్రాజెక్టు అధికారి ఎస్‌.మధుసూదన్‌, ఎస్‌ఓటూ జీఎం రాముడు, ప్రాజెక్టు ఇంజినీర్‌ రాజాజీ, సర్వే అధికారి నర్సింహరావు, ఏరియా సెక్యూరిటీ అధికారి షరీఫ్‌ ఉన్నారు.

కోనరావుపేట(వేములవాడ): వేములవాడలో బుధవారం సీఎం రేవంత్‌రెడ్డి సభకు ఆటోలో వెళ్లిన మహిళలు ప్రమాదానికి గురయ్యారు. కోనరావుపేట మండలం ఎగ్లాస్‌పూర్‌ గ్రామం నుంచి 11 మంది మహిళలు ఆటోలో సీఎం సభకు వెళ్లి తిరిగి వస్తున్నారు. ఈక్రమంలో వేములవాడలోని బైపాస్‌రోడ్డులో వేరే వాహనం ఢీకొట్టడంతో ఆటో రెండు పల్టీలు కొట్టింది. ఈ ప్రమాదంలో ఆటోలో ఉన్న 11 మంది మహిళలు గాయపడ్డారు. గాయపడిన వారిలో పిల్లి మమత, తాళ్లపెల్లి భూదవ్వ, అంగన్‌వాడీ టీచర్‌ హసీనా, సీఏ కవిత, వేములవాడ లాస్య, లత, చెప్యాల లాస్య, కనకలక్ష్మి, చక్రాల పావని, గుంటి లక్ష్మి, తాడూరి లత ఉన్నారు. వీరంతా వేములవాడ ప్రభుత్వ ఆస్పత్రిలో చికిత్స పొందుతున్నారు. వీరిని ఎమ్మెల్యే ఆది శ్రీనివాస్‌ తదితరులు పరామర్శించారు. మహిళకు గాయం ఇల్లంతకుంట: మండలంలోని వెల్జిపురం గ్రామానికి చెందిన బొర్ర పోషవ్వ వేములవాడలో సీఎం సభకు వెళ్తుండగా జరిగిన ప్రమాదంలో గాయపడింది. ఆటోలో కాలు బయటపెట్టి కూర్చున్న క్రమంలో పక్క నుంచి మరో ఆటో కాలును తాకుతూ వెళ్లడంతో మడమకు తీవ్ర గాయాలయ్యాయి. సిరిసిల్లలోని ప్రైవేట్‌ ఆసుపత్రిలో చేర్పించి చికిత్స అందిస్తున్నారు. 11 మంది మహిళలకు గాయాలు

● 12 మంది రిమాండ్‌ ధర్మపురి: గంజాయిని తరలిస్తున్న 12 మంది ముఠాను పోలీసులు బుధవారం పట్టుకుని రిమాండ్‌కు తరలించినట్లు ఎస్సై మహేశ్‌ తెలిపారు. స్థానిక పోలీస్‌స్టేషన్‌లో ఏర్పాటు చేసిన సమావేశంలో వివరాలు వెల్లడించారు. మండలంలోని నేరెల్ల పల్లెప్రకృతివనం వద్ద కొందరు అనుమానితులు ఉన్నట్లు సమాచారం అందింది. సీఐ రాంనర్సింహారెడ్డి ఆదేశాల మేరకు పోలీస్‌ సిబ్బందితో అక్కడికి చేరుకుని అనుమానితులను అదుపులోకి తీసుకున్నారు. వారిని ప్రశ్నించి.. బ్యాగుల్లో తనిఖీ చేయగా.. కిలోకుపైగా గంజాయి లభించింది. బీహార్‌కు చెందిన పింటు కుమార్‌, రాజ్‌కపూర్‌ పటేల్‌, ఆనంద్‌కుమార్‌, దిల్వర్‌కుమార్‌, బిషాల్‌ కుమార్‌, జ్యోతిష్‌కుమార్‌, ఫంకజ్‌కుమార్‌, బిట్టు పటేల్‌తోపాటు ఇతర నిందితులను అరెస్టు చేసి రిమాండ్‌కు తరలించారు. వీరిలో ముగ్గురు మైనర్లు ఉన్నారు. ఏజెన్సీపై కేసుసిరిసిల్లటౌన్‌/వేములవాడఅర్బన్‌: వేములవాడలో బుధవారం జరిగిన సీఎం సభ ప్రాంగణంలోని మీడియా పాయింట్‌లో గడువు ముగిసిన చిప్స్‌ ఇవ్వడంతో కేసు నమోదైంది. సిరిసిల్ల జిల్లా కేంద్రంలోని మణికంఠ ఏజెన్సీలో గడువు ముగిసిన ఆహార పదార్థాలు విక్రయిస్తున్నారనే సమాచారం మేరకు ఫుడ్‌ ఇన్‌స్పెక్టర్‌ అనుష తనిఖీ చేశారు. రూ.6,100 విలువైన ఆహార పదార్థాలు సీజ్‌ చేసినట్లు తెలిపారు. ఉత్తరప్రదేశ్‌ పోలీసుల అదుపులో ఇద్దరు జగిత్యాల వాసులు ● జిల్లావాసుల ఖాతాల్లోకి రూ.2కోట్లు మళ్లింపు జగిత్యాలక్రైం: జిల్లాకు చెందిన ఇద్దరు వ్యక్తులను ఉత్తరప్రదేశ్‌ పోలీసులు బుధవారం రాత్రి అదుపులోకి తీసుకుని కోర్టు అనుమతితో వారి రాష్ట్రానికి తరలిస్తున్నారు. గొల్లపల్లి మండలం దట్నూర్‌ గ్రామానికి చెందిన మిట్టపల్లి రమేశ్‌, జగిత్యాలకు చెందిన అల్లె సత్యం కలిసి కాంబోడియలో ఉన్న సైబర్‌ నేరస్తులకు తమ ఖాతాలు ఇచ్చారు. ఉత్తరప్రదేశ్‌కు చెందిన సైబర్‌ నేరస్తులు రూ.2 కోట్లు కాజేసి వీరి ఖాతాల్లోకి మళ్లించారు. వీరు ఆ డబ్బును మహారాష్ట్రలోని పూణెకు చెందిన వ్యక్తికి పంపించారు. ఈ క్రమంలో మూడురోజుల వ్యవధిలోనే ఉత్తరప్రదేశ్‌ పోలీసులు జగిత్యాలకు చేరుకుని మంగళవారం రాత్రి ముగ్గురిని అదుపులోకి తీసుకున్నారు. విచారణ అనంతరం ఒకరిని వదిలిపెట్టి మిట్టపల్లి రమేశ్‌, అల్లె సత్యంను ఇక్కడి కోర్టు అనుమతి తీసుకుని ఉత్తరప్రదేశ్‌కు తరలించారు. గుర్తు తెలియని వ్యక్తి మృతదేహంకొండగట్టు(చొప్పదండి): కొడిమ్యాల మండలంలోని పూడూరు శివారులో గుర్తు తెలియని వ్యక్తి మృతదేహం కనిపించినట్లు ఎస్సై సందీప్‌ తెలిపారు. ఓ పత్తి చేనులో సుమారు 40 ఏళ్ల నుంచి 50 ఏళ్లున్న వ్యక్తి మృతదేహం కనిపించినట్లు పేర్కొన్నారు. పత్తి చేను యజమాని ఫిర్యాదు మేరకు కేసు దర్యాప్తు చేస్తున్నట్లు ఎస్సై తెలిపారు.

కరీంనగర్‌ అర్బన్‌: అటవీశాఖలో ఇక అనుమతులు సులువే. దేశవ్యాప్తంగా ఒకే విధానం అమలు చేస్తుండటంతో కార్యాలయంలో నిరీక్షణకు తెరపడినట్లే. అటవీశాఖలో ఒకే దేశం–ఒకే అనుమతి (వన్‌ నేషన్‌–వన్‌ పర్మిట్‌) విధానం అమల్లోకి వచ్చింది. కలప, వెదురుతో పాటు అటవీ ఉత్పత్తులను దేశంలో ఎక్కడినుంచి ఎక్కడికై నా తరలించేందుకు వెసులుబాటు కల్పిస్తుంది. ఇదంతా ఆన్‌లైన్‌ వేదికగా జరగడంతో క్షేత్రస్థాయిలో అనుమతులు ఇక సులభమే. కలప ఉత్పత్తుల తరలింపులో కొందరు సామిల్‌ నిర్వాహకులు చేతివాటం ప్రదర్శిస్తున్నారనే ఆరోపణలున్న నేపథ్యంలో ఈ విధానంతో అడ్డుకట్ట పడనుంది. ఆన్‌లైన్‌తో పారదర్శక విధానం ఆన్‌లైన్‌లో దరఖాస్తు చేయడం వల్ల పారదర్శకత పెరుగుతుంది. కార్యాలయం, అధికారుల చుట్టూ తిరగాల్సిన పనిలేదు. దరఖాస్తును పరిశీలించి అనుమతులు జారీచేయాల్సిన బాధ్యత అధికారులదే. ఒకవేళ తిరస్కరించినా తగిన కారణం చూపాల్సిందే. దీనివల్ల సాధారణ ప్రజానీకానికి ప్రయోజనం కలుగుతుంది. కేవలం కలపనే కాదు.. వెదురు. అడవుల్లో దొరికే ఇతర ఉత్పత్తులు ఏవైనా ఆన్‌లైన్‌లో దరఖాస్తు చేసుకొని మనకు కావాల్సిన ప్రదేశానికి తరలించేందుకు అవకాశం ఏర్పడింది. కేవలం మన జిల్లా, రాష్ట్రం పరిధిలోనే కాదు.. దేశంలో ఎక్కడి నుంచి ఎక్కడికై నా వీటిని తీసుకెళ్లేందుకు ఈ అనుమతి సరిపోతుంది. నూతన విధానంపై ఇప్పటికే జిల్లా పరిధిలోని సామిల్‌, టింబర్‌ డిపో నిర్వాహకులకు అటవీ శాఖ ఆధ్వర్యంలో అవగాహన కల్పించారు. ఆన్‌లైన్‌ విధానం ఎలా పనిచేస్తుంది. ఎలా దరఖాస్తు చేయాలి, ఏ వివరాలు నమోదు చేయాలి, ఎంత కాలంలో అనుమతులొస్తాయి.. ఇలా అన్నిరకాల అంశాలను వారికి వివరించారు. సందేహాలను నివృత్తి చేశారు. ఎన్టీపీఎస్‌ పోర్టల్‌లోనే దరఖాస్తు కొత్త విధానంలో అనుమతులు పొందేందుకు నేషనల్‌ ట్రాన్సిట్‌ పాస్‌ సిస్టం (ఎన్టీపీఎస్‌) పోర్టల్‌లో దరఖాస్తు చేసుకోవాలి. పేరు, ఫోన్‌నంబర్‌ వివరాల ఆధారంగా రిజిస్ట్రేషన్‌ చేసుకోవాలి. వాటి ఆధారంగా పోర్టల్‌లో లాగిన్‌ అయి మనకు కావాల్సిన అనుమతిని పొందాల్సి ఉంటుంది. అన్ని వివరాలను పొందుపరిస్తే అవి ఆ ప్రాంత ఎఫ్‌ఆర్‌వోకు చేరుతుంది. అన్నీ పరిశీలించుకొని నిర్ధారణ చేసుకున్న తర్వాత అక్కడి నుంచి డీఎఫ్‌వోకు చేరుతుంది. దరఖాస్తు, ఎఫ్‌ఆర్వో సిఫార్సు ఆధారంగా డీఎఫ్‌వో అనుమతులు జారీ చేస్తారు. ఇదంతా ఆన్‌లైన్‌ ప్రక్రియ కావడంతో కార్యాలయాల చుట్టూ తిరగాల్సిన అవసరం ఉండదు. కేవలం 24 గంటల వ్యవధిలో అనుమతులు జారీ అవుతాయి. అక్రమాలకు చెక్‌ మన వ్యక్తిగత స్థలంలోనో, పంట పొలంలోనో టేకు చెట్లున్నాయి. వాటిని కొట్టి కర్రను వినియోగించుకోవాలనుకుంటే.. ఇది వరకు అటవీశాఖ కార్యాలయం చుట్టూ తిరగాల్సి వచ్చేది. అదే సమయంలో అధికారులు, సిబ్బంది చేయి తడిపితేనో, లేక రాజకీయ పలుకుబడిని ఉపయోగిస్తేనో పనవుతుంది. లేకపోతే కాదనే భావన చాలామందిలో నెలకొంది. దీనికి నిదర్శనమే అన్నట్లుగా నిబంధనలు, ఇతరత్రా అంశాలను సాకుగా చూపి తిప్పించుకున్న ఘటనలూ ఏసీబీకి పట్టించిన ఘటనలు లేకపోలేదు. సామిల్‌లో కలపతో తయారైన వస్తువులను, టింబర్‌ డిపోలో ఉన్న కర్రను కొనుగోలు చేసిన వినియోగదారులు వాటిని తమ ప్రాంతానికి తీసుకెళ్లాలంటే అటవీ అధికారుల అనుమతి తప్పనిసరి. ఇదంతా మ్యానువల్‌ విధానంలో ఉండేది. కర్ర పరిమాణం, కర్రతో తయారుచేసిన వస్తువులు, ఎప్పుడు, ఎక్కడి నుంచి ఎక్కడకు తీసుకెళ్తారు, ఏ వాహనంలో తరలిస్తారు.. ఇలా అన్ని వివరాలను రాసి, ఎస్‌ఆర్‌సంతకం తీసుకున్నాకే తరలించేందుకు అవకాశం ఉండేది. ఈ అనుమతి రాకపోతే వ చ్చేవరకు ఎదురుచూడాల్సి వచ్చేది. అయితే.. కొందరు సామిల్‌ నిర్వాహకులు అధికారులను మచ్చిక చేసుకొని సదరు అనుమతిని దుర్విని యోగం చేశారన్న ఆరోపణలున్నాయి. ఒకటే పర్మి ట్‌ను నాలు గైదు చోట్లకు వినియోగించడం, తక్కువ వస్తువులను చూపి ఎక్కువ తరలించడం.. ఇలా చేతివాటం ప్రదర్శించేవారన్న విమర్శలు కోకొల్లలు. అటవీశాఖలో ‘ఒకే దేశం–ఒకే అనుమతి’ అమలు ప్రజలకు సత్వర అనుమతులు

● పూర్తిస్థాయిలో ఆధునీకరణ పనులుకరీంనగర్‌ కార్పొరేషన్‌: స్వల్ప మరమ్మతులతో సరిపెట్టాలనుకున్న కళాభారతిని సుందరంగా తీర్చి దిద్దుతున్నారు. సంవత్సరాలుగా నిరుపయోగంగా ఉన్న నగరపాలకసంస్థ కార్యాలయ ఆవరణలోని కళాభారతికి మరమ్మతులు చేపట్టాలని గత నెలలో కలెక్టర్‌ పమేలా సత్పతి నిర్ణయించడం తెలిసిందే. ఈ నెల 14వ తేదీన జరిగిన బాలల దినోత్సవ ఉత్సవాలను కళాభారతిలోనే జరిపించాలనే సంకల్పంతో పనులు చేపట్టారు. సంబంధిత కాంట్రాక్టర్‌ అనుకున్న రీతిలో పనులు పూర్తి చేయకపోవడంతో కళోత్సవాలకు కళాభారతి అందుబాటులోకి రాలేదని అధికారులు చెబుతున్నారు. ఇదే సమయంలో మరమ్మతులతో సరిపెట్టకుండా, పూర్తిస్థాయిలో ఆధునీకరించే దిశగా పనులు చేపట్టారు. ఏళ్లుగా నిరుపయెగం ఉమ్మడి జిల్లాలో కళోత్సవాలు, వివిధ సంఘాల కార్యక్రమాలకు వేదికై న కళాభారతి చాలాఏళ్ల నుంచి నిరుపయోగంగా ఉంది. గత ప్రభుత్వ హయాంలో నగరంలోని ఎస్‌ఆర్‌ఆర్‌ కళాశాల ఆవరణలో ఆధునిక ఆడిటోరియం నిర్మాణం చేపట్టడంతో కళాభారతి మరుగున పడిపోయింది. కాని ఆ నిర్మాణ పనులు పూర్తి కాకపోవడంతో ఆడిటోరియం ప్రారంభానికి నోచుకోలేకపోయింది. ఈ క్రమంలో కళాభారతిని మళ్లీ వినియోగంలోకి తేవాలని కలెక్టర్‌ నిర్ణయించారు. మరమ్మతులకు సుమారు రూ.12 లక్షల వరకు ఖర్చవుతుందని అంచనా వేశారు. ఈ నెల 14వ తేదీన నాటికి కళాభారతిని అందుబాటులోకి తీసుకురావాలని ఆదేశించారు. పనుల్లో జాప్యం మూలంగా 14వ తేదీ నాటికి సిద్ధం కాలేకపోయింది. దీంతో కాంట్రాక్టర్‌ను మార్చారు. పూర్తిస్థాయిలో ఆధునీకరించాలని నిర్ణయించారు. పైన కొత్తగా రేకులు వేయడంతో పాటు, లోపల సీలింగ్‌ చేశారు. కుర్చీలకు మరమ్మతులు చేయడంతో పాటు, ముందు వరుసలో కొత్తగా ప్రత్యేక సీట్లు అమర్చుతున్నారు. మరుగుదొడ్ల మరమ్మతులు పూర్తి చేశారు. రంగులు వేస్తున్నారు. పూర్తిస్థాయిలో ఆధునీకరణ పనులకు సుమారు రూ.30 లక్షల నుంచి రూ.35 లక్షల వరకు ఖర్చు కానున్నట్లు అధికారులు అంచనా వేస్తున్నారు. ఈ నెల 25వ తేదీలోగా పనులు పూర్తి చేసి, అందుబాటులోకి తీసుకువస్తామని అధికారులు చెబుతున్నారు. పనులు పరిశీలించిన కలెక్టర్‌ కళాభారతి ఆధునీకరణ పనులను మంగళవారం కలెక్టర్‌ పమేలా సత్పతి పరిశీలించారు. లైటింగ్‌, సౌండ్స్‌ ఏర్పాటు పనులను, వేదికను, పార్కింగ్‌ స్థలాన్ని పరిశీలించారు. ప్రేక్షకుల సీట్ల సంఖ్య, ఏర్పాటు చేయబోయే వివిధ సౌకర్యాలను గురించి అధికారులను అడిగి తెలుసుకున్నారు. మరమ్మతులకు సంబంధించి నగరపాలకసంస్థ డీఈ యాదగిరికి పలు సూచనలు చేశారు. స్థానిక సంస్థల అదనపు కలెక్టర్‌ ప్రఫుల్‌దేశాయ్‌, నగరపాలకసంస్థ కమిషనర్‌ చాహత్‌ బాజ్‌పేయ్‌ పాల్గొన్నారు.

కరీంనగర్‌ కార్పొరేషన్‌: నగరంలో ఇంటింటి కుటుంబ సర్వేను వేగవంతం చేయాలని నగరపాలకసంస్థ కమిషనర్‌ చాహత్‌ బాజ్‌పేయ్‌ ఆదేశించారు. నగరంలోని తీగలగుట్టపల్లి, బొమ్మకల్‌ గ్రామపంచాయతీ పరిధిలోని పలు ప్రాంతాల్లో జరుగుతున్న సర్వే తీరును పరి శీలించారు. నగరపాలకసంస్థ డిప్యూటీ కమిషనర్‌ స్వరూపారాణి, బొమ్మకల్‌ పంచాయతీ కార్యదర్శి హిదయతుల్లా పాల్గొన్నారు. లీకేజీలను సరిచేయాలినగరంలోని వాటర్‌ పైప్‌లైన్‌ లీకేజీలను సరిచేయాలని నగరపాలకసంస్థ కమిషనర్‌ చాహత్‌ బాజ్‌పేయ్‌ ఆదేశించారు. నగరంలో భగత్‌నగర్‌ రిజర్వాయర్‌ సమీపంలో లీకేజీని, అంబేడ్కర్‌నగర్‌ రిజర్వాయర్‌ను మంగళవారం తనిఖీ చేశారు. తాగునీటి సమయవేళల రిజిస్టర్లను పరిశీలించారు. లీకేజీలను సరిచేయాలని, ఎక్కడా తాగునీటి సరఫరా సమయవేళల్లో జాప్యం చోటు చేసుకోరాదని సూచించారు. ‘ఏడాది పాలనలో కాంగ్రెస్‌ ఉద్ధరించింది ఏమీలేదు’కరీంనగర్‌టౌన్‌: కాంగ్రెస్‌ ప్రభుత్వం ఏడాది పాలనలో ఉద్ధరించిందేమీ లేదని బీజేపీ జిల్లా అధ్యక్షుడు గంగాడి కృష్ణారెడ్డి విమర్శించారు. మంగళవారం కరీంనగర్‌లోని పార్టీ జిల్లాశాఖ కార్యాలయంలో ముఖ్యనేతల సమావేశం జరి గింది. అధ్యక్షత వహించిన కృష్ణారెడ్డి మాట్లాడుతూ కాంగ్రెస్‌ ప్రభుత్వ వైఫల్యాలను ఎండగట్టడానికి బీజేపీ శ్రేణులు సమాయత్తం కావాలన్నారు.ఏడాది పాలనతో అన్ని వర్గాలవారిని మోసం చేసిన ఘనత కాంగ్రెస్‌కే దక్కుతుందన్నారు. అధికారం కోసం అడ్డగోలుగా ఇచ్చిన హామీలను అమలు చేయలేక రోజుకో నాటకం ఆడుతున్నారని అన్నారు. ప్రజాపాలన పేరుతో దరఖాస్తులను స్వీకరించిందే తప్ప ప్రజలకు చేసిందేం లేదన్నారు. మాజీ ఎమ్మెల్యే బొడిగె శోభ, నేతలు బాస సత్యనారాయణరావు, డి.శంకర్‌, కోమల ఆంజనేయులు, గుగ్గిళ్లపు రమేశ్‌, ఇనుగొండ నాగేశ్వర్‌రెడ్డి, బూట్ల రాజేంద్రప్రసాద్‌ పాల్గొన్నారు. పెండింగ్‌ డీఏలు విడుదల చేయాలని ధర్నాకరీంనగర్‌: పెండింగ్‌లో ఉన్న నాలుగు డీఏల ను విడుదల చేయాలని, నూతన పీఆర్సీని జూలై 2023నుంచి అమలు చేయాలని డిమాండ్‌ చేస్తూ మంగళవారం తెలంగాణ ఆల్‌ పెన్షనర్స్‌ అండ్‌ రిటైర్డ్‌ పర్సన్స్‌ అసోసియేషన్‌ అధ్వర్యంలో కలెక్టరేట్‌ ఎదుట ధర్నా చేపట్టారు. జిల్లా అధ్యక్షుడు చందుపట్ల జనార్దన్‌ మాట్లాడుతూ.. కమ్యూటేషన్‌ తగ్గింపును 15ఏళ్ల నుంచి 12ఏళ్లకు కుదించాలన్నారు. అర్హత కలిగిన ఈపీఎస్‌ పెన్షనర్లకు కనీస పెన్షన్‌ రూ.15వేలు చెల్లించాలని డిమాండ్‌ చేశారు. అనంతరం కలెక్టర్‌ పమేలా సత్పతికి వినతిపత్రం సమర్పించారు. కట్టా నాగభూషణచారి, తిరుమలయ్య, వెంకటయ్య, చంద్రయ్య, ప్రభాకర్‌రెడ్డి, రామకృష్ణయ్య, మల్లయ్య తదితరులు పాల్గొన్నారు. ఉద్యోగులపై రాజకీయమా? కరీంనగర్‌ అర్బన్‌: ఉద్యోగులపై రాజకీయ వ్యవహారాలను రుద్దడం ఉద్యోగలోకం సహించదని టీఎన్జీవో జిల్లా అధ్యక్షుడు దారం శ్రీనివాస్‌రెడ్డి అన్నారు. మంగళవారం సంఘం జిల్లా కార్యవర్గ సమావేశంతో పాటు హౌస్‌ బిల్డింగ్‌ సొసైటీ సమావేశం నిర్వహించారు. పలు జిల్లాల్లో ఉద్యోగులపై రాజకీయ నేతల దాడులను తీవ్రంగా ఖండించారు. ఉద్యోగులకు సొంత జెండా.. ఎజెండా ఉండదని, ప్రభు త్వ లక్ష్యమే ఉద్యోగుల పంతమని వివరించారు. దాడులు పునరావృతమైతే పోరాటా లకు వెనుకాడేదిలేదని స్పష్టం చేశారు. జిల్లా కార్యదర్శి సంగెం లక్ష్మణరావు, నాగుల నరసింహస్వామి, హరికృష్ణ, శ్రీనివాస్‌ పాల్గొన్నారు.

● మేయర్‌ యాదగిరి సునీల్‌రావు కరీంనగర్‌ కార్పొరేషన్‌: క్రీడలను ప్రోత్సహించే క్రమంలో స్మార్ట్‌సిటీలో భాగంగా రూ.14 కోట్లతో స్పోర్ట్స్‌ కమర్షియల్‌ కాంప్లెక్స్‌ నిర్మిస్తున్నట్లు మేయర్‌ వై.సునీల్‌రావు తెలిపారు. నగరంలోని అంబేడ్కర్‌ స్టేడియంలో నిర్మిస్తున్న స్పోర్ట్స్‌ కమర్షియల్‌ కాంప్లెక్స్‌ను మంగళవారం సందర్శించారు. కాంప్లెక్స్‌లో టైల్స్‌, ఫ్లోరింగ్‌, కలర్స్‌ పనులతో పాటు వ్యాపారం కోసం నిర్మించిన 22 షెట్టర్లు, 22విశ్రాంతి గదులు, వేయి మంది సామర్థ్యంతో బ్యాంకెట్‌ హాల్‌, డైనింగ్‌హాల్‌ తదితర నిర్మాణాలను పరిశీలించారు. మేయర్‌ మాట్లాడుతూ స్మార్ట్‌సిటీ ప్రాజెక్ట్‌లో భాగంగా కమర్షియల్‌ కాంప్లెక్స్‌ నిర్మిస్తున్నట్లు తెలిపారు. పనులు చివరిదశకు చేరుకున్నాయని, వచ్చే నెలలో ప్రారంభించేలా చూస్తామన్నారు. టెండర్‌ద్వారానే కమర్షియల్‌ కాంప్లెక్స్‌లోని వ్యాపార షెట్టర్లను కేటాయిస్తామని వెల్లడించారు. స్టేడియం ఆవరణలో నగరపాలకసంస్థ ద్వారా ఇండోర్‌స్టేడియం, బాస్కెట్‌బాల్‌ కోర్టు, ఫుట్‌బాల్‌ కోర్టు, హాకీ కోర్టు, కబడ్డి కోర్టుతో పాటు వాకింగ్‌ ట్రాక్‌, లైటింగ్‌ సిస్టమ్‌ ఏర్పాటు చేశామన్నారు.

గోదావరిఖని: వినియోగదారుల విశ్వసనీయతకు సింగరేణి పెద్దపీట వేస్తోంది. కోలిండియాలోని వివిధ బొగ్గు గనుల సంస్థలు బొగ్గు ఉత్పత్తి చేస్తున్నా.. సింగరేణి బొగ్గుకే మంచి డిమాండ్‌ పలుకుతోంది. దేశవ్యాప్తంగా అనేక విద్యుత్‌, సిమెంట్‌, ఫార్మా, ఐరన్‌ కంపెనీలకు సింగరేణి బొగ్గు సరఫరా చేస్తోంది. ఒప్పంద సమయంలోని నిబంధలన ప్రకారం నాణ్యతలో రాజీ పడడంలేదు. మాటకు కట్టుబడి వినియోగదారుల విశ్వసనీయత పెంచుకుంటోంది. ఏటా బొగ్గు నాణ్యత వారోత్సవాలు నిర్వహిస్తూ కార్మికులకు అవగాహన కల్పిస్తోంది. ‘మహారత్నాల’కు దీటుగా.. మహారత్న కంపెనీలకు దీటుగా సింగరేణి బొగ్గు ఉత్పత్తిలో దూసుకెళ్తోంది. ఏటా సుమారు 70 మిలియన్‌ టన్నులు ఉత్పత్తి చేస్తూనే.. కస్టమర్లకు విక్రయిస్తోంది. బొగ్గు నాణ్యతపై రాజీలేకుండా ముందుకు సాగుతోంది. దీంతో సింగరేణి బొగ్గు కొనుగోలుకు మార్కెట్‌లో కస్టమర్లు పోటీ పడుతున్నారు. రైల్వే, రోడ్డు మార్గాల ద్వారా బొగ్గును రావాణా చేస్తోంది. ప్రధానంగా థర్మల్‌ పవర్‌ ప్లాంట్లకు అధికంగా సరఫరా చేస్తోంది. ఉత్పతికి అనుగుణంగా డిమాండ్‌ కూడా ఉంటోంది. ప్రధానంగా సింగరేణి జీ–5, 7, 8, 10, 11 గ్రేడ్‌ బొగ్గును అధికంగా అమ్ముతోంది. వివిధ సంస్థలకు సరఫరా సింగరేణి సంస్థ 14 సంస్థలకు బొగ్గు సరఫరా చేస్తోంది. నాన్‌పవర్‌ సెక్టార్‌లో ఐటీసీ భద్రాచలం, నవభారత్‌, హెవీ వాటర్‌ ప్లాంట్‌, ఏసీసీ వాడి, కేశోరాం సిమెంట్‌ పరిశ్రమకు బొగ్గు విక్రయిస్తోంది. అలాగే పవర్‌ సెక్టార్‌లో బీటీపీఎస్‌ మణుగూరు, కేటీపీఎస్‌ పాల్వంచ, కేటీపీపీ భూపాలపల్లి, మహా జెన్‌కో చంద్రపూర్‌, ఎన్టీపీసీ రామగుండం, వీటీపీఎస్‌ విజయవాడ, బీటీపీఎస్‌, వైటీపీఎస్‌, ఆర్‌టీపీఎస్‌ రాయచూర్‌, టంగెడ్‌కో సంస్థలకు బొగ్గు సరఫరా చేస్తోంది. నాణ్యతకు పెద్దపీట.. వినియోగదారుల విశ్వసనీయతను కాపాడుకునేందుకు సింగరేణి క్వాలిటీ విభాగాన్ని ప్రత్యేకంగా ఏర్పాటు చేసింది. కార్పొరేట్‌ స్థాయిలో జీఎంతోపాటు రామగుండం, బెల్లంపల్లి, కొత్తగూడెం రీజియన్లలో జీఎంలను నియమించింది. ఏరియాల స్థాయిలో ప్రత్యేక విభాగం నాణ్యతపై డేగకన్ను వేస్తోంది. బొగ్గు నాణ్యత నిర్ధారణ ఇలా.. బొగ్గు నాణ్యత పరీక్షలకు సింగరేణి గతంలో ప్రభుత్వ రంగ సంస్థకు చెందిన సిమ్‌టార్‌కు కేటాయించేది. కానీ ఇప్పుడు కేంద్రప్రభుత్వం ఆమోదించిన ఐదు ప్రైవేట్‌ ఏజెన్సీలకు బొగ్గు నాణ్యత పరీక్షల బాధ్యత అప్పగించింది. బొగ్గు కొనుగోలు చేసే సంస్థ తనకు నచ్చిన ఏజెన్సీని ఎంపిక చేసుకుని బొగ్గు నాణ్యత పరీక్షించుకునే వీలుంది. సింగరేణి ద్వారా ప్రతీరోజు సీహెచీపీలో నాణ్యత పరీక్ష కొనసాగుతోంది. బెల్ట్‌పై వస్తున్న బొగ్గు శాంపిల్‌ సేకరించి పొడిగా తయారు చేసి భద్రపరుస్తోంది. ఇలా రెండు పరీక్షలు నిర్వహించినా నాణ్యత ఒకేవిధంగా తేలుతోంది. క్వాలిటీ తగ్గితే కొనుగోలుదారు టన్ను ధరపై పోరాటం చేసే అవకాశం ఉంటుంది. వాస్తవంగా క్వాలిటీ తగ్గినట్లు నిరూపిస్తే చెల్లించిన డబ్బులు అదే క్వాలిటీ ప్రకారం తీసుకుని మిగతా డబ్బు వినియోగదారునికి చెల్లించాల్సి ఉంటుంది. అయితే సేకరించి బొగ్గును ప్రతీరోజు ప్రైవేట్‌ ఏజెన్సీ ల్యాబ్‌కు పంపిస్తుంది. అందులో ఒక శాంపిల్‌ బయోమెట్రిక్‌ లాక్‌ ద్వారా లాకర్‌ భద్రపరుస్తారు. క్వాలిటీలో తేడా వస్తే లాకర్‌లోని శాంపిల్‌ను పరీక్షించేందుకు వీలుంటుంది. నేడు ముగింపు వేడుకలు బొగ్గు నాణ్యత వారోత్సవాలు ఈనెల 14న ప్రారంభమయ్యాయి. ఈనె 20న ముగుస్తున్నాయి. ఈ సందర్భంగా బుధవారం గోదావరిఖని ఇల్లెందు క్లబ్‌లో క్వాలిటీ విభాగం ఆధ్వర్యంలో వేడుకలు నిర్వహిస్తారు. వినియోగదారులపై అత్యంత నమ్మకం బొగ్గు నాణ్యతపై సింగరేణి ప్రత్యేక దృష్టి నేడు ముగింపు వేడుకలకు ఏర్పాట్లు నాణ్యతను బట్టి బొగ్గు ధరలు(టన్నుకు రూ.లలో) గ్రేడ్‌(జి) ధర 1 6,510 2 6,300 3 6,210 4 6,160 5 5,685 6 5,230 7 4,830 8 3,830 9 3,150 10 3,010 11 2,520 నాణ్యతపై రాజీలేదు ఉత్పత్తిలో నాణ్యత తగ్గితే విశ్వసనీయత సన్నగిల్లుతుంది. బొగ్గు నాణ్యత విషయంలో రాజీలేకుండా ముందుకు సాగుతున్నాం. కొత్తగూడెంతోపాటు మూడు రీజియన్లలో క్వాలిటీ జీఎంలను నియమించాం. థర్మల్‌, సిమెంట్‌, ఐరన్‌, ఫార్మా కంపెనీలకు అధికంగా బొగ్గు విక్రయిస్తున్నాం. – బలరాం, సింగరేణి సీఎండీ

● కలెక్టర్‌ పమేలా సత్పతికరీంనగర్‌ అర్బన్‌: తాగునీరు, పారిశుధ్యంపై జిల్లాలోని అన్ని పాఠశాలల విద్యార్థులకు, ఆస్పత్రి సిబ్బంది, మున్సిపల్‌ కార్మికులకు అవగాహన కల్పించాలని కలెక్టర్‌ పమేలా సత్పతి ఆదేశించారు. జిల్లా నీరు, పారిశుధ్య మిషన్‌ మొదటి సమన్వయ సమావేశం కలెక్టర్‌ అధ్యక్షతన కలెక్టరేట్‌ కాన్ఫరెన్స్‌ హాల్లో మంగళవారం జరిగింది. ఏది పరిశుభ్రమైన తాగునీరో విద్యార్థులకు తెలియపరిచే విధంగా అవగాహన కార్యక్రమాలు ఏర్పాటు చేయాలన్నారు. మిషన్‌ భగీరథ నీటిపై అవగాహన కల్పించాలని, క్లోరినేషన్‌ ప్రాధాన్యత వివరించాలన్నారు. అన్ని ఇండ్లలోనూ మరుగుదొడ్లు ఉండేలా చర్యలు తీసుకోవాలన్నారు. నివాస స్థలం లేని వారికి కమ్యూనిటీ మరుగుదొడ్లు నిర్మించాలని తెలిపారు. ఆసుపత్రులలో వెలువడే వ్యర్థాలను వేరు చేయడంపై ఆసుపత్రి సిబ్బందికి, మునిసిపల్‌ కార్మికులకు సమన్వయ సమావేశం ఏర్పాటు చేసి అవగాహన కల్పించాలని అన్నారు. యూనిసెఫ్‌ సిబ్బంది ఆర్వో, మిషన్‌ భగీరథ, భూగర్భ జలాల ప్రాముఖ్యతను తెలిపే ప్రయోగాన్ని చేశారు. ప్రపంచ మరుగుదొడ్ల దినోత్సవం పోస్టర్‌ను ఆవిష్కరించారు.

‘రాజన్న’కు స్వయం ప్రతిపత్తి కావాలి ● టీటీడీ తరహాలో అటానమస్‌ హోదా కల్పించాలంటున్న భక్తులు ● హైదరాబాద్‌ సంస్థానంలో అత్యంత ప్రాచీన ఆలయంగా ఎములాడ ● వేములవాడ రాజరాజేశ్వరునికి నేడు సీఎం రేవంత్‌రెడ్డి కోడె మొక్కులు ● బసంత్‌నగర్‌ విమానాశ్రయం, నిజాం షుగర్స్‌ హామీలపై చర్చసాక్షిప్రతినిధి,కరీంనగర్‌●: ఉమ్మడి కరీంనగర్‌ జిల్లాలోనే కాదు రాష్ట్రంలోనే అత్యంత పురాతన, చారిత్రక ఆలయం వేములవాడ శ్రీరాజరాజేశ్వర స్వామి దేవాలయం. హైదరాబాద్‌ సంస్థానంలోనూ నిజాంరాజులు పెద్దపీట వేసిన ఏకై క ఆలయం. 1830 లోనే దక్షిణ భారతదేశంలో రోజుకు రూ.4 లక్షల ఆదాయం ఉన్న ఆలయాలు రెండే. ఒకటి తిరుపతి, రెండోది వేములవాడ. అంతటి ఘనచరిత్ర కలిగిన ఆలయంలో బుధవారం కోడెమొక్కులు చెల్లించుకునేందుకు సీఎం రేవంత్‌రెడ్డి వస్తున్నారు. ఈ సందర్భంగా ఆలయాన్ని మరింత అభివృద్ధి చేసేందుకు టీటీడీ, యాదాద్రి(ప్రతిపాదన దశ) తరహాలో స్వయం ప్రతిపత్తితో కూడిన ప్రత్యేక బోర్డు ఏర్పాటు చేయాలని భక్తులు కోరుతున్నారు. అటానమస్‌ హోదాకు ప్రయత్నాలు రాజన్న ఆలయానికి వందల ఏళ్ల చరిత్ర ఉంది. తెలంగాణ, ఏపీతోపాటు కర్ణాటక, మహారాష్ట్ర, చత్తీస్‌గఢ్‌, మధ్యప్రదేశ్‌ తదితర రాష్ట్రాల భక్తులకు రాజరాజేశ్వర స్వామివారు ఇలవేల్పు. కోరిన కోర్కెలు తీర్చే దేవుడిగా అనాదిగా పూజిస్తున్నారు. ఒకప్పుడు భక్తుల రద్దీని గమనించిన నాగిరెడ్డి అనే ధర్మకర్త వేములవాడలో మరో కోనేరు నిర్మించారు. ఇది నిజామాబాద్‌, మహారాష్ట్ర, కర్ణాటక నుంచి వచ్చే వారికి అనుకూలంగా ఉండేది. క్రమంగా ఇది పాడవుతోంది. ప్రధాన ఆలయంతోపాటు బద్దిపోచమ్మ, భీమన్న ఆలయాలు కూడా పురాతనమైనవే. దేవస్థానానికి ఉప ఆలయాలుగా ఉన్న నాంపల్లి లక్ష్మీనరసింహస్వామి, మామిడిపల్లి సీతారామచంద్ర స్వామి తదితర ఆలయాలను కలిపి క్లస్టర్‌గా అటానమస్‌ బోర్డును ఏర్పాటు చేసి(వీటీడీఏ కాకుండా), అభివృద్ధి చేయాలని రాజన్న ఆలయ ఉద్యోగులు, భక్తులు కోరుతున్నారు. యాదాద్రికి డెవలప్‌మెంట్‌ అథారిటీ ఏర్పాటు చేసిన సమయంలో వేములవాడలోనూ ఏర్పాటు చేయాలన్న డిమాండ్‌ వచ్చింది. వెంటనే అప్పటి సీఎం కేసీఆర్‌ ఇక్కడ వేములవాడ టెంపుల్‌ డెవలప్‌మెంట్‌ అథారిటీ(వీటీడీఏ)ను ఏర్పాటు చేశారు. ఇప్పుడు యాదాద్రికి అటానమస్‌ హోదా కల్పించేందుకు ప్రయత్నాలు మొదలైన దరిమిలా.. వేములవాడకూ కల్పించాలన్న అభిప్రాయం వ్యక్తమవుతోంది. ఆదాయం జీతాలు, పింఛన్లకే.. ఆలయానికి ప్రధానంగా కోడె మొక్కులు, హుండీ ద్వారా ఆదాయం వస్తుంది. ఆలయ నిర్వహణ ఖ ర్చు ఏటా రూ.200 కోట్ల పైమాటే. ఇందులో అధికశాతం దాదాపు రూ.30 కోట్ల వరకు జీతాలు, పింఛన్లకే వెచ్చిస్తుండటం వల్ల ఆలయ అభివృద్ధికి నిధులు సరిపోవడం లేదు. ఇవిగాక కరెంటు బిల్లులు, ప్రసాదాలు, శివరాత్రి, ఇతర ఉత్సవాలు కలిపితే వచ్చే ఆదాయం కన్నా ఖర్చయ్యేదే ఎక్కువ. అందు కే, ప్రత్యేక అటానమస్‌ బోర్డు ఉంటే తప్ప అభివృద్ధి ఊపందుకోదని పలువురు భక్తులు అంటున్నారు. తాజా నిర్ణయాలపై హర్షం.. వేములవాడ రాజరాజేశ్వర క్షేత్రం అభివృద్ధి పనులకు సోమవారం రాష్ట్ర ప్రభుత్వం రూ.127.65 కోట్లు విడుదల చేయడాన్ని స్థానికులు స్వాగతిస్తున్నారు. ఇందులో ఆలయ కాంప్లెక్స్‌ విస్తరణ, భక్తులకు అవసరమైన అధునాతన సదుపాయాలకు రూ.76 కోట్లు, ఆలయం నుంచి మూలవాగు బ్రిడ్జి వరకు ఉన్న రోడ్లను విస్తరించేందుకు రూ.47.85 కోట్లు మంజూరు చేసింది. అలాగే, మూలవాగులో బతుకమ్మ తెప్ప నుంచి జగిత్యాల కమాన్‌ జంక్షన్‌ వరకు రూ.3.8 కోట్లతో నూతన డ్రైనేజీ నిర్మాణానికి ఆమోదం తెలిపారు. అలాగే, వీటీడీఏ పరిధిని మొత్తం జిల్లాకు విస్తరించడం, పట్టణీకరణకు పెద్దపీట వేయడంపై రాజన్నసిరిసిల్ల జిల్లావాసులు హర్షం వ్యక్తం చేస్తున్నారు. విమానాశ్రయంపై చర్చ.. వరంగల్‌లో మామునూరు విమానాశ్రయ నిర్మాణంపై ప్రభుత్వం స్పష్టమైన ప్రకటన చేసి, నిధులు విడుదల చేసిన నేపథ్యంలో బసంత్‌నగర్‌ విమానాశ్రయంపై మరోసారి చర్చ మొదలైంది. మంత్రి కోమటిరెడ్డి వెంకటరెడ్డి సైతం ఈ విషయమై సానుకూలత వ్యక్తం చేయడంతో ఆశలు చిగురించాయి. గత ప్రభుత్వ హయాంలో సర్వే చేసి, ఎయిర్‌పోర్ట్‌ అథారిటీ ఆఫ్‌ ఇండియాకు నివేదిక సమర్పించినా పురోగతి లేదు. వరంగల్‌ ఎయిర్‌పోర్టు సాకారమవుతున్న వేళ.. బసంత్‌నగర్‌ విమానాశ్రయంపైనా స్పష్టమైన హామీ ఇవ్వాలని ఉమ్మడి కరీంనగర్‌ జిల్లావాసులు కోరుతున్నారు. నిజాం షుగర్స్‌పై గంపెడాశలు జగిత్యాల జిల్లా మల్లాపూర్‌ మండలంలోని ముత్యంపేట నిజాం షుగర్స్‌ ఫ్యాక్టరీని తిరిగి తెరిపించాల్సి ఉంది. వాస్తవానికి రూ.210 కోట్ల బ్యాంకు బకాయిలకు గానూ ప్రభుత్వం ఇప్పటికే రూ.192 కోట్లు చెల్లించింది. మిగతా మొత్తం చెల్లింపు, ఉద్యోగులకు వేతనాలు, పింఛన్ల సర్దుబాటుకు పరిష్కార మార్గాలు వెతుకుతోంది. ఫ్యాక్టరీ పునః ప్రారంభమైతే ఉపాధితోపాటు జిల్లా పారిశ్రామికంగా అభివృద్ధి చెందుతుందని జగిత్యాల జిల్లావాసులు గంపెడాశలు పెట్టుకున్నారు. దుష్ప్రచారానికి తెర ఒకప్పుడు రాజన్న ఆలయానికి వస్తే పదవీ గండం అన్న దుష్ప్రచారం ఉండేది. కానీ, అదంతా వట్టిదే అని తేలిపోయింది. ప్రధాని మోడీ, కేంద్రమంత్రి బండి సంజయ్‌, సీఎం రేవంత్‌ రెడ్డి, కాంగ్రెస్‌ ఎంపీ రాహుల్‌గాంధీ, ఎమ్మెల్యే ఆది శ్రీనివాస్‌ విజయాలే ఇందుకు నిదర్శనం. పాత ప్రచారం పోయి, ఇప్పు డు రాజన్నకు కోడెమొక్కులు చెల్లిస్తే విజయం తథ్యమన్న మాట విస్తృతంగా వాడుకలోకి వచ్చింది.రాజన్న ఆలయం వద్దనే అన్నీ.. వేములవాడలో సీఎం రేవంత్‌రెడ్డి పర్యటన షెడ్యూల్‌ ఇదీ సిరిసిల్ల/వేములవాడఅర్బన్‌: వేములవాడ శ్రీరాజరాజేశ్వరస్వామి ఆలయం వద్దనే బుధవారం నాటి సీఎం రేవంత్‌రెడ్డి పర్యటన షెడ్యూల్‌ను ఖరారు చేశారు. హైదరాబాద్‌ బేగంపేట నుంచి ఉద యం 9గంటలకు హెలీకాప్టర్‌లో బయలుదేరి 9.45కు వేములవాడ చేరుకుంటారు. ఉద యం 9.55గంటలకు పోలీస్‌ గౌరవ వందనం స్వీకరిస్తారు. 10గంటల నుంచి 10.15గంటల ఆలయ అతిథిగృహంలో రెస్ట్‌ తీసుకుంటారు. 11గంటలకు రాజన్న ఆలయానికి చేరుకుని, స్వామివారికి పూజలు నిర్వహిస్తా రు. 11.45 గంటలకు ధర్మగుండం వద్ద శంకుస్థాపన కార్యక్రమంలో పాల్గొంటారు. 12.15 గంటలు అతిథి గృహానికి చేరుకుంటారు. 12.30 నుంచి 1.40 వరకు రాజన్న ఆలయ గ్రౌండ్‌లో ఏర్పాటు చేసిన బహిరంగసభలో పాల్గొని ప్రసంగిస్తారు. 1.45 గుడిచెరువు గ్రౌండ్‌ హెలీప్యాడ్‌కు చేరుకుంటారు. హైదరాబాద్‌కు హెలీకాప్టర్‌లో బయల్దేరి 2.30 గంటలకు బేగంపేటకు చేరుకుంటారు. ఈ మేరకు సీఎం పర్యటన షెడ్యూల్‌ను ఖరారు చేసినట్లు అధికారవర్గాలు వెల్లడించాయి.పకడ్బందీ ఏర్పాట్లువేములవాడలో బుధవారం జరిగే సీఎం రేవంత్‌రెడ్డి పర్యటనకు అధికారులు పకడ్బందీ ఏర్పాట్లు చేశారు. సీఎం పర్యటనకు తీసుకోవాల్సిన భద్రత ఏర్పాట్లు, ఇతర చర్యలపై సీఎం సెక్యూరిటీ సిబ్బంది, పోలీస్‌, ఇతరశాఖల అధికారులతో కలిసి కలెక్టర్‌ సందీప్‌ కుమార్‌ ఝా సమీక్షించారు. సీఎం రేవంత్‌రెడ్డి వేములవాడకు ఉదయం చేరుకుంటారని తెలిపారు. శ్రీ రాజరాజేశ్వర స్వామివారిని దర్శించుకుని, వివిధ అభివృద్ధి పనులకు ప్రారంభోత్సవాలు చేస్తారని పేర్కొన్నారు. అనంతరం బహిరంగసభలో పాల్గొంటారన్నారు. సభ అనంతరం అతిథిగృహం వద్ద లంచ్‌చేసి హెలికాప్టర్‌ ద్వారా హైదరాబాద్‌ వెళ్తారని తెలిపారు. ముఖ్యమంత్రి పర్యటన నేపథ్యంలో విధులు నిర్వహించే సిబ్బందికి ప్రత్యేకంగా గుర్తింపు కార్డులు అందిస్తామని, అవి ఉన్నవారిని మాత్రమే పోలీసులు అనుమతిస్తారని తెలిపారు. సీఎం కాన్వాయ్‌లో పూర్తి సిబ్బందితో కూడిన అంబులెన్స్‌ ఏర్పాటు చేయాలన్నారు. బహిరంగసభ వద్ద మెడికల్‌క్యాంపు పెట్టాలన్నారు. ఎస్పీ అఖిల్‌ మహాజన్‌, అదనపు కలెక్టర్‌ ఖీమ్యానాయక్‌, అదనపు ఎస్పీలు చంద్రయ్య, శేషాద్రినిరెడ్డి, వేములవాడ ఆర్డీవో రాజేశ్వర్‌, ఇతరశాఖల పాల్గొన్నారు.ధార్మిక.. కార్మిక క్షేత్రంలో సమస్యలు ఇవీ..రాజన్నసిరిసిల్ల జిల్లా ధార్మిక, కార్మిక, కర్షక క్షేత్రంగా సిరిసిల్ల, వేములవాడ మున్సిపాలిటీలతో పాటు 261 గ్రామాలతో విస్తరించి ఉంది. చిన్నజిల్లాగా పేరున్న ఈ జిల్లాలో అపరిష్కృతంగా ఉన్న అనేక సమస్యలు ప్రజలకు ప్రతిబంధంకంగా మారాయి. ప్రతిపక్ష నేతగా రేవంత్‌రెడ్డి ఇక్కడికి అనేక పర్యాయాలు వచ్చినా.. సీఎం హోదాలో వేములవా డకు తొలిసారి బుధవారం వస్తున్నారు. ప్రజా సమస్యలపై అవగాహన కలిగిన సీఎం రేవంత్‌రెడ్డిపై జిల్లా ప్రజలు కోటి ఆశలు పెట్టుకున్నారు. జిల్లాలో రెండు పాయలుగా అటు మానేరు.. ఇటు మూలవాగు పారుతోంది. ధార్మిక క్షేత్రమైన వేములవాడ, కార్మిక క్షేత్రమైన సిరిసిల్ల, కర్షకుల నిలయాలైన పల్లెల్లో నెలకొన్న ప్రధాన సమస్యలు ఇవీ.. –సిరిసిల్ల8లోu

కరీంనగర్‌ కార్పొరేషన్‌: మాజీ ప్రధాని ఇందిరాగాంధీ పేదల పెన్నిధి అని డీసీసీ అధ్యక్షుడు,మానకొండూరు ఎమ్మెల్యే కవ్వంపల్లి సత్యనారాయణ కొనియాడారు. మంగళవారం ఇందిరాగాంధీ జ యంతి సందర్భంగా డీసీసీ కార్యాలయంలో, ఇందిరాచౌక్‌లోని ఇందిరా గాంధీ విగ్రహానికి పూలమాల వేసి నివాళి అర్పించారు. సుడా చైర్మన్‌ కోమటిరెడ్డి నరేందర్‌రెడ్డి, మాజీ ఎమ్మెల్యేలు ఆరెపల్లి మోహ న్‌, కొడూరి సత్యనారాయణగౌడ్‌, పార్టీ నియోజకవర్గ ఇన్‌చార్జి పురుమల్ల శ్రీనివాస్‌, వైద్యుల అంజన్‌ కుమార్‌, ఎండీ.తాజ్‌, గడ్డం విలా స్‌ రెడ్డి, ఆకారపు భాస్కర్‌ రెడ్డి,పులి ఆంజనేయులుగౌడ్‌, అరుణ్‌ కుమార్‌,అబ్దుల్‌ రహమాన్‌ పాల్గొన్నారు.

సిరిసిల్ల: గోదావరి జలాలను ఎస్సారెస్పీ, కాళేశ్వరం, దేవాదుల ప్రాజెక్టుల ద్వారా జిల్లాలోని మధ్యమానేరుకు చేర్చారు. ఇక్కడి నుంచి జిల్లాలోని గంభీ రా వుపేట మండలం ఎగువమానేరుకు చేర్చాల్సి ఉంది. ఇందు కోసం ఉద్దేశించిన కాళేశ్వరం ప్రాజెక్టు 9వ ప్యాకేజీ పనులు నత్తనడకన సాగాయి. 16 ఏళ్ల కి త్రం అప్పటి సీఎం దివంగత నేత డాక్టర్‌ వైఎస్‌ రా జశేఖర్‌రెడ్డి శంకుస్థాపన చేసినా ఈ ప్రాజెక్టు పనులు స్వరాష్ట్రంలోనూ కొసముట్టలేదు. మధ్యమానేరు నుంచి మల్కపేట రిజర్వాయర్‌ వరకు సొరంగంలో లైనింగ్‌ పనులు పూర్తి అయ్యాయి. గతేడాది రెండు పంపులతో ట్రయల్‌ రన్‌ ద్వారా ఒక్క టీఎంసీ నీటి ని ఎత్తిపోశారు. గోదావరి జలాలు అన్నపూర్ణ, రంగనాయకసాగర్‌ ద్వారా మల్లన్నసాగర్‌, కొండపోచమ్మకు చేరినా.. పక్కనే ఉన్న మల్కపేట, ఎగువ మానేరుకు చేరలేదు. ఎగువ మానేరు, కోనరావుపేట మండలం నిమ్మపల్లి మూలవాగు, ఎల్లారెడ్డిపేట సింగసముద్రం, జిల్లెల్ల నక్కవాగు జలాశయాలు నిండి వాగులు పారితే సాగు నీటి సమస్య తీరనుంది. అటు వైపు కథలాపూర్‌ మండలం కలికోట సూరమ్మ చెరువుకు గోదావరి జలాలు చేరాలి. శ్రీపాద ఎల్లంపల్లి ప్రాజెక్టు పనులు తుది దశకు చేరాయి. అవి పూర్తి అయితే జిల్లాలో సాగునీటి సమస్య శాశ్వతంగా తీరుతుంది.

●● వేములవాడ పట్టణంలో రోడ్ల విస్తరణ పనులు పెండింగ్‌లో ఉన్నాయి. సిరిసిల్లకు రైల్వే లైన్‌ నిర్మాణం భూసేకరణ స్థాయిలోనే ఉంది. అది పూర్తయితే జిల్లాకు రైలు భాగ్యం కలుగుతుంది. ● జిల్లా మీదుగా మంజూరైన జాతీయ రహదారిని కోరుట్ల వరకు పూర్తి చేస్తే రవాణా సౌకర్యాలు మెరుగుపడతాయి. ● ఎంపీ పొన్నం ప్రభాకర్‌ హయాంలో 2013లో సిరిసిల్లకు మంజూరైన 15 పడకల బీడీ కార్మికుల ఈఎస్‌ఐ ఆస్పత్రి ఇంకా నిర్మాణం కాలేదు. భూమి కేటాయించినా భవన నిర్మాణం పెండింగ్‌లో ఉంది. ● సిరిసిల్లలో ప్రభుత్వ డిగ్రీ కాలేజీ ఏర్పాటు, జేఎన్‌టీయూ సొంత భవనం నిర్మించాల్సి ఉంది. జిల్లాలోని ప్రాథకమి, ఉన్నత, జెడ్పీ స్కూళ్లలో మౌలిక వసతులు లేవు. ● కోనరావుపేట మండలం మూలవాగుపై వట్టిమల్ల–నిమ్మపల్లి, బావుసాయిపేట–వెంకట్రావపేట, మామిడిపల్లి–నిజామాబాద్‌ గ్రామాల మధ్య హైలెవల్‌ వంతెనలు నిర్మించాల్సి ఉంది. ● సిరిసిల్లలో జిల్లా జనరల్‌ ఆస్పత్రిలో వసతులు పెంచాలి. నిత్యం వెయ్యి మంది రోగులతో ఆస్పత్రి కిటకిటలాడుతుండగా ఆ స్థాయిలో వసతులు లేవు. ● సిరిసిల్ల, వేములవాడలో అండర్‌ గ్రౌండ్‌ డ్రైనేజీ నిర్మాణం ప్రతిపాదనల్లోనే ఉంది. ● చందుర్తి– మోత్కురావుపేట రహదారి నిర్మించాలి. వేములవాడ–సిరికొండ (నిజామాబాద్‌ జిల్లా) రహదారిని ఫోర్‌లేన్‌గా విస్తరించాలి. మానాల– మరిమడ్ల రోడ్డు పూర్తి చేయాలి. ● సిరిసిల్ల, వేములవాడ పట్టణాల్లో విలీనమైన 12 గ్రామాల ప్రజలు విలీన బంధం వీడిపోవాలని ఆశిస్తున్నారు. ఆ దిశగా ప్రభుత్వం నిర్ణయం తీసుకోవాల్సి ఉంది. ● మధ్యమానేరు నిర్వాసితుల సమస్యలు పూర్తి స్థాయిలో పరిష్కరించి ఉపాధి చూపాలి. ● జిల్లాలో ఫుడ్‌ ప్రాసెసింగ్‌ యూనిట్లు, కోల్డ్‌ స్టోరేజీ గోదాములు నిర్మించాల్సిన అవసరం ఎంతైనా ఉంది. ● యువతకు ఉపాధి కల్పించేందుకు పరిశ్రమలు ఏర్పాటు చేయాల్సిన అవసరం ఉంది. పరిశ్రమలు స్థాపిస్తే గల్ఫ్‌ వలసలు తగ్గుతాయి. స్థానికంగా ఉపాధి అవకాశాలు పెరుగుతాయి. విప్‌ చొరవతో.. రాజన్న సిరిసిల్ల జిల్లాలో ఇప్పటికే ప్రభుత్వ విప్‌ ఆది శ్రీనివాస్‌ చొరవతో అనేక అభివృద్ధి పనులకు నిధులు మంజూరయ్యాయి. వేములవాడ పట్టణ అభివృద్ధి, మధ్యమానేరు నిర్వాసితులకు ఇళ్ల మంజూరు, సిరిసిల్ల నేతన్నలకు నూలు డిపో, కలికోట సూరమ్మ చెరువుకు, కోనరావుపేట మండలం లచ్చపేట చెరువు భూసేకరణకు ఇలా అనేక అభివృద్ధి పనులకు నిధులు మంజూరయ్యాయి. సీఎంపై ఆశలు రేవంత్‌రెడ్డి ముఖ్యమంత్రి హోదాలో జిల్లాకు వస్తున్న సందర్భంగా ప్రధాన సమస్యలు పరిష్కరిస్తారనే ఆశలు ఉన్నాయి. జిల్లా అభివృద్ధికి బాటలు వేయాలని ప్రజలు ఆకాంక్షిస్తున్నారు.