భారతీయ సినిమాల్లో శృంగారపు సన్నివేశాలకు హద్దు ఉంటుంది కానీ హాలీవుడ్‌లో అలా కాదు. తెరపై రొమాంటిక్‌ సీన్స్‌ చూపించాలని డిసైడ్‌ అయితే.. వాళ్లకంటే బోల్డ్‌గా మరెవరూ చూపించరు. అయితే ఆ సీన్స్ చేసేటప్పుడు హీరో హీరోయిన్లు ఒక్కోసారి చాలా ఇబ్బంది పడాల్సి వస్తుంది.  ‘టైటానిక్‌’ హీరోయిన్‌ కేట్ విన్‌స్లేట్‌  కూడా అలాంటి సన్నివేశాలు చేయాల్సి వచ్చినప్పుడు చాలా ఇబ్బంది పడ్డారట.  భర్త ముందే బోల్డ్‌ సీన్స్‌లో నటించడం..ఇబ్బందిగా, విచిత్రంగా అనిపించిందట.  ‘టైటానిక్‌’ సినిమా తర్వాత  లియోనార్డో డికాప్రియో, కేట్‌ కలిసి  ‘రెవల్యూషనరీ రోడ్’ అనే సినిమాలో నటించారు. ఆ సినిమాకి కేట్‌ మాజీ భర్త సామ్‌ మెండిస్‌ దర్శకత్వం వహించారు. అందులో ఉన్న రొమాంటిక్‌ సీన్స్‌..అప్పట్లో సంచలనం సృష్టించాయి. భర్త డైరెక్షన్‌లో లియోనార్డో డికాప్రియోతో కలిసి కేట్‌ రొమాన్స్‌ చేసింది. తాజాగా కేట్‌ ఆ విషయం గురించి మాట్లాడుతూ.. ‘రివల్యూషనరీ రోడ్ మూవీ టైంలో రెండోసారి డికాప్రియోతో కలిసి నటించడం ఆనందంగా అనిపించింది. ఆ సినిమాకి డైరెక్టర్ నా భర్తే కాబట్టి.. డికాప్రియోతో శృంగారపు సన్నివేశాలలో నటించేటప్పుడు ఓవైపు ఇబ్బందిగా, మరోవైపు విచిత్రంగా ఫీలయ్యాను’ అని కేట్‌ తెలిపింది. ఆ సినిమాకి కేట్ బెస్ట్ యాక్ట్రెస్ గా గోల్డెన్ గ్లోబ్ అవార్డు అందుకుంది.

సినిమా లవర్స్‌కి.. అందులోనూ ప్రేమకథా చిత్రాల ప్రేమికులకు ఈ ప్రేమికుల దినోత్సవానికి సిల్కర్‌ స్క్రీన్ పై ‘టైటానిక్‌’ ప్రత్యక్షం కానుంది. టైటానిక్‌ ఓడలో పరిచయం అయి, ప్రేమికులుగా దగ్గరయ్యే జాక్, రోజ్‌లు చివరికి ఓడ ప్రమాదంలో దూరమయ్యే ఈ విషాదభరిత ప్రేమకథ ప్రపంచవ్యాప్తంగా ప్రేక్షకులను అలరించింది. ప్రేమికులుగా లియో నార్డో డికాప్రియో, కేట్‌ విన్ ్సలెట్‌ల కెమిస్ట్రీని అంత సులువుగా ఎవరూ మరచిపోలేరు. జేమ్స్‌ కామెరూన్  తెరకెక్కించిన ఈ ఎవర్‌గ్రీన్  లవ్‌స్టోరీ విడుదలై 25 ఏళ్లయింది. ఈ సిల్వర్‌ జూబ్లీ సందర్భంగా ఈ చిత్రాన్ని హై క్వాలిటీతో మళ్లీ సిల్వర్‌ స్క్రీన్ పైకి తీసుకు రావాలనుకుంటున్నారు. ఈ విషయాన్ని సోషల్‌ మీడియా ద్వారా ప్రకటించి పోస్టర్‌ని, ట్రైలర్‌ని విడుదల చేసింది చిత్ర నిర్మాణ సంస్థల్లో ఒకటైన ట్వంటీయత్‌ సెంచురీ ఫాక్స్‌. ప్రేమికుల దినోత్సవం సందర్భంగా వచ్చే నెల 10న ఈ చిత్రాన్ని విడుదల చేయనున్నారు. 4కే ప్రింట్‌తో త్రీడీ వెర్షన్ లో ఈ లవ్‌స్టోరీ కొత్త హంగులతో రావడానికి సిద్ధమవుతోంది. ఇక 1997 నవంబర్‌లో విడుదలైన ‘టైటానిక్‌’ సంచలన విజయం సాధించిన విషయం తెలిసిందే. ప్రపంచవ్యాప్తంగా రూ. 13 వేల కోట్లకు పైగా కలెక్ట్‌ చేసి, రికార్డు సృష్టించింది. 2010లో జేమ్స్‌ కామెరూన్  అద్భుత సృష్టి ‘అవతార్‌’ విడుదలయ్యే వరకూ అత్యధిక వసూళ్లు సాధించిన చిత్రం రికార్డ్‌ ‘టైటానిక్‌’దే. కామెరూన్  తన సినిమా రికార్డ్‌ని తానే బద్దలు కొట్టడం విశేషం. ఇక ఆస్కార్‌ అవార్డ్స్‌లో 14 నామినేషన్లు దక్కించుకుని, 11 అవార్డులను సొంతం చేసుకున్న ఘనత కూడా ‘టైటానిక్‌’కి ఉంది. ప్రేక్షకుల ఆదరణతో పాటు ఇలా పలు రికార్డులు సొంతం చేసుకున్న ఈ చిత్రం త్రీడీ వెర్షన్‌ని 2012లో విడుదల చేశారు. ఇప్పుడు మరింత క్వాలిటీతో ‘టైటానిక్‌’ రానుంది.

టైటానిక్‌ హీరో లియొనార్డో డికాప్రియో ఓ మోడల్‌తో కలిసి డిన్నర్‌కు వెళ్లాడు. తనకంటే 25 ఏళ్లు చిన్నదైన మోడల్‌ విక్టోరియా లామస్‌తో కలిసి మంగళవారం రాత్రి ఓ రెస్టారెంట్‌కు వెళ్లాడు. ఇందుకు సంబంధించిన ఫోటో నెట్టింట వైరల్‌గా మారింది. ఇక డిన్నర్‌ పూర్తవగానే ఇద్దరూ వేర్వేరు కార్లలో ఇంటికి వెళ్లిపోయినట్లు తెలుస్తోంది. ఈ విషయం తెలిసి వారేమైనా ప్రేమలో ఉన్నారని కొందరు భ్రమపడుతున్నారు. కానీ ఇద్దరి మధ్య ఉన్న స్నేహంతోనే ఇలా కలిసి డిన్నర్‌ను ఆస్వాదించారట. కాగా నటుడు లారెంజో లామస్‌ కూతురే విక్టోరియా లామస్‌. ఎక్కువగా మోడలింగ్‌పైనే ఫోకస్‌ పెట్టిన విక్టోరియా ద లాస్ట్‌ థింగ్‌ ద ఎర్త్‌ సేడ్‌, ఎ విర్చుయస్‌ రోల్‌, టు నైనర్‌ వంటి సినిమాల్లోనూ నటించింది. లియొనార్డో డికాప్రియో విషయానికి వస్తే ఇటీవలే అతడు తన ప్రేయసి కెమిలా మోరోన్‌కు బ్రేకప్‌ చెప్పాడు. ప్రస్తుతం అతడు మోడల్‌ గిగి హాడిడ్‌తో లవ్‌లో ఉన్నట్లు అంతర్జాతీయ కథనాలు వెలువడ్డాయి. న్యూయార్క్‌ ఫ్యాషన్‌ వీక్‌ పార్టీలో వీరిద్దరూ క్లోజ్‌గా కనిపించడంతో ఈ ఊహాగానాలకు మరింత బలం చేకూరినట్లైంది. గిగి విషయానికి వస్తే ఆమె ప్రియుడితో విడిపోయి ఒక్కగానొక్క బిడ్డతో కలిసి ఉంటోంది. View this post on Instagram A post shared by Izabel Alves (@fofocamiope) చదవండి: తనపై జరిగిన దాడిపై తొలిసారి స్పందించిన హీరో తొలిసారి కూతురిని చూసి రేవంత్‌ ఎమోషనల్‌

సినిమాలో ఎవరి పారితోషికం ఎక్కువ అంటే హీరోలదే అన్న సమాధానం వస్తుంది. అది అందరికీ తెలిసిన విషయమే! అయితే రానురానూ షూటింగ్‌ బడ్జెట్‌ కంటే కూడా కథానాయకుల పారితోషికానికి పెట్టే బడ్జెటే ఎక్కువవుతూ వస్తోంది. ఇప్పటికే టాలీవుడ్‌, బాలీవుడ్‌ హీరోలు రూ.40, 50, 100 కోట్ల వరకు తీసుకుంటున్నారు. అయితే హాలీవుడ్‌ హీరోలు మాత్రం ఓస్‌, వందేనా.. మేము వెయ్యి కోట్లు తీసుకుంటున్నాం. అయినా ఇది మాకు చాలా మామూలు విషయమని తేలికగా తీసిపారేస్తున్నారట. హాలీవుడ్‌లో ఏ హీరో ఎక్కువ పారితోషికం తీసుకుంటున్నాడనేదానిపై తాజాగా ఓ సర్వే లెక్కలు బయటకు వచ్చాయి. ఇందులో టామ్‌ క్రూయిజ్‌ దాదాపు రూ.800 కోట్ల(100 మిలియన్‌ డాలర్స్‌) చొప్పున తీసుకుంటున్నాడట! టాప్‌ గన్‌: మావెరిక్‌ సినిమాకు ఇంత మొత్తాన్నే వసూలు చేసినట్లు తెలుస్తోంది. అయితే ఈ సినిమాకు నిర్మాత కూడా టామ్‌ క్రూయిజే కావడంతో బోనస్‌గా అతడికి మరో రూ.180 కోట్ల దాకా వచ్చాయట. అంటే మొత్తంగా ఒక్క సినిమాకే ఈ స్టార్‌ హీరో దాదాపు వెయ్యి కోట్ల మేర వెనకేశాడన్నమాట. ఇక ఆస్కార్‌ అవార్డుల ఫంక్షన్‌లో హోస్ట్‌ క్రిస్‌ రాక్‌ చెంప చెల్లుమనిపించి సెన్సేషన్‌ అయిన విల్‌ స్మిత్‌ ఎమాన్సిపేషన్‌ మూవీకిగానూ రూ.280 కోట్లు (35 మిలియన్‌ డాలర్స్‌) అందుకున్నాడట. లినార్డో డికాప్రియో, బ్రాడ్‌ పిట్‌ ఇద్దరూ తాము నటిస్తున్న సినిమాకు రూ.240 కోట్లు(30 మిలియన్‌ డాలర్స్‌) అందుకున్నారట. డ్వేన్‌ జాన్సన్‌ రూ.180 కోట్లు (22.5 మిలియన్‌ డాలర్స్‌), క్రిస్‌ హేమ్స్‌వర్త్‌, డెంజెల్‌ వాషింగ్టన్‌, విన్‌ డీజిల్‌, జాక్విన్‌ ఫోనిక్స్‌, టామ్‌ హార్డీ, విల్‌ ఫెరల్‌, ర్యాన్‌ రెనాల్డ్స్‌ తలా రూ.160 కోట్లు (20 మిలియన్‌ డాలర్స్‌) వెనకేసుకుంటున్నారట. చదవండి: ప్రాణం కాపాడినవాన్నే అణచివేస్తే.. 'పరంపర 2' సిరీస్​ రివ్యూ వేదం బ్యూటీ ఇలా అయిపోయిందేంటి?

హాలీవుడ్‌ స్టార్‌, 'టైటానిక్‌' హీరో లియొనార్డో డికాప్రియో ఉక్రెయిన్‌కు భారీ విరాళాన్ని ప్రకటించాడు. రష్యా భీకర దాడులతో దద్దరిల్లిపోయిన ఉక్రెయిన్‌కు తనవంతుగా రూ.77 కోట్లను విరాళంగా అందించాడు. కాగా ఉక్రెయిన్‌తో లియొనార్డోకు అవినాభావ సంబంధం ఉంది. ఇతడి అమ్మమ్మ హెలెన్‌ ఇండెన్‌బిర్కెన్‌ ఉక్రెయిన్‌లోని ఒడెస్సాలో జన్మించింది. కానీ 1917లో తన తల్లిదండ్రులతో కలిసి జెర్మనీకి వలస వెళ్లింది. జెర్మనీలోనే పెళ్లి చేసుకుని స్థిరపడిపోయిన ఆమె 1943లో లియొనార్డో తల్లి ఇర్మెలిన్‌కు జన్మనిచ్చింది. ఇతడు ఏడాది వయసున్నప్పుడే తల్లిదండ్రులు విడిపోగా లియొనార్డో అమ్మమ్మతో ఎక్కువ సమయం గడిపేవాడు. లియొనార్డో నటించిన ప్రతి సినిమా ప్రీమియర్‌కు వెళ్లేదామె. అతడి యాక్టింగ్‌ కెరీర్‌కు ఎంతగానో సపోర్ట్‌ చేసిన హెలెన్‌ 93 ఏళ్ల వయసులో 2008లో మరణించింది. ఈ అనుబంధాన్ని గుర్తు చేసుకున్న స్టార్‌ హీరో ఉక్రెయిన్‌కు ఏకంగా 77 కోట్ల రూపాయల విరాళాన్ని ప్రకటించి ఎంతో మంది మనసులు గెలుచుకున్నాడు. Leonardo DiCaprio just donated 10 million to the Ukraine armed forces. absolute stud. #LeonardoDiCaprio @LeoDiCaprio #humanitarian — Michael Rosenbaum (@michaelrosenbum) March 9, 2022

అమెజాన్‌ అధినేత జెఫ్‌ బెజోస్ ఇటీవల హాలీవుడ్‌ హీరో లియోనార్డో డికాప్రియోను ఓ కార్యక్రమంలో కలిశారు. ఆ కార్యక్రమంలో తన ప్రియురాలు, డికాప్రియోకు సంబంధించిన ఓ వీడియో నెట్టింట వైరల్‌గా మారడంతో జెఫ్‌ బెజోస్‌ ట్విటర్‌ వేదికగా బెదిరింపులకు పాల్పడ్డారు. అయితే ఇదంతా సరదాకే. అసలు సంగతి ఏంటంటే.. గత శనివారం అమెరికాలోని లాస్‌ఏంజెల్స్‌లో జరిగిన లాక్మే ఆర్ట్‌+ఫిల్మ్‌ గాలా ఈవెంట్ కి అమెజాన్‌ అధినేత తన ప్రియురాలు లారెన్‌ సాంచెజ్‌తో కలిసి హాజరయ్యారు. అదే వేడుకకు డికాప్రియో కూడా వచ్చారు. ఆ కార్యక్రమంలో డికాప్రియో, లారెన్‌ సాంచెజ్‌ కాసేపు ఏదో విషయమై సంభాషించుకున్నారు. ఇందుకు సంబంధించి ఓ వీడియో సోషల్ మీడియాలో చక్కర్లు కొడుతోంది. దీంతో ఈ వీడియో పై బెజోస్‌ ఫన్నీగా స్పందిస్తూ ట్వీట్ చేశారు. అందులో.. ‘ప్రమాదం! ఏటవాలుగా ఉన్న కొండ ప్రాంతం’ అని హెచ్చరిక బోర్డును పట్టుకొని చొక్కా లేకుండా తాను దిగిన ఓ ఫొటోను ఆ వీడియోకు జత చేస్తూ.. ‘లియో ఇక్కడకు రా.. నీకొకటి చూపించాలి’ అంటూ బెజోస్‌ ఓ ట్వీట్‌ చేశారు. ప్రస్తుతం ఈ ట్వీట్‌ వైరలయ్యింది. ఇప్పటికే దానిని 17 మిలియన్ల వ్యూస్ రాగా, 1.4 లక్షల లైకులు వచ్చాయి. ఈ వీడియో చూసిన నెటిజన్లు ఫన్నీగా కామెంట్లు పెడుతున్నారు. Leo, come over here, I want to show you something… @LeoDiCaprio https://t.co/Gt2v9JZTNz pic.twitter.com/KqGLB839NI — Jeff Bezos (@JeffBezos) November 8, 2021 చదవండి: అవును నా ఇంట్లో దెయ్యాలున్నాయి.. తరిమేశాను: నటి

న్యూఢిల్లీ: దేశ రాజధానిలో వాయు కాలుష్యం తారస్థాయికి చేరుతోంది. దీంతో ఢిల్లీ వాయు కాలుష్యం వల్ల భవిష్యత్తులో తలెత్తే సమస్యలపై.. అక్కడి ప్రజలకు అవగాహన కల్పించడానికి కొంతమంది గ్రూపులుగా చేరి నిరసనలు చేపడుతున్నారు. ఈ నేపథ్యంలో ఢిల్లీ ప్రభుత్వం తక్షణమే చర్యలు తీసుకోవాలని డిమాండు చేస్తున్నారు. ఈ క్రమంలో హాలీవుడ్‌ నటుడు, పర్యావరణ ప్రేమికుడు లియోనార్డో డికాప్రియో సోషల్‌ మీడియా వేదిక ఢిల్లీ నిరసనకారులకు మద్దతు తెలిపాడు. ‘న్యూఢిల్లీలోని ఇండియా గేట్‌ వద్ద సుమారు 1500 వందల మంది సమూహాంగా చేరి నగరంలో ప్రమాదకరంగా మారుతోన్న వాయు కాలుష్యంపై తక్షణమే చర్యలు తీసుకోవాలని ప్లకార్డులతో నిరసన వ్యక్తం చేశారు. ‘ప్రపంచ ఆరోగ్య సంస్థ’ నివేదిక ప్రకారం వాయు కాలుష్యం వల్ల భారతదేశంలో ప్రతి ఏటా సుమారు 10.5 లక్షల మంది మృత్యువాత పడుతున్నారు. ఇది ప్రపంచ  వాయు కాలుష్యా మరణాల గణాంకాలలో 5వ స్థానంలో ఉంది’ అని ఈ ఆస్కార్‌ అవార్డు గ్రహీత తన ఇన్‌స్టాగ్రామ్‌లో రాసుకొచ్చారు. అదే విధంగా ఈ నిరసనకు.. కొద్ది గంటలోపే ప్రభుత్వం స్పందించిందని తెలిపారు. ఈ క్రమంలో... కాలుష్య నివారణకై భారత ప్రధాని కార్యాలయం ఓ ప్రత్యేక కమిటీని నియమించిందని, ఈ కమిటి సమస్యపై సుదీర్ఘ విచారణ చేపట్టి రెండు వారాల్లోగా నివేదిక కూడా ఇవ్వనుందని లియోనార్డో తన పోస్టులో పేర్కొన్నారు.    View this post on Instagram #Regram #RG @extinctionrebellion: Over 1500 citizens gathered in at India Gate, in New Dehli, to demand immediate action on the cities hazardous pollution levels.⁣ ⁣ According to the World Health Organisation, air pollution in India is estimated to kill about 1.5 million people every year; these statistics make air pollution the fifth-largest killer in India. ⁣ ⁣ People of all ages joined the demonstration, which succeeded to directly trigger action for Indian citizens:⁣ 1. The Indian Prime Ministers office set up a special panel to address the issue, within a few hours of the protest. The panel is due to report on the issue within 2 weeks.⁣ 2. The Supreme Court of India asked the Central Government and respective state governments to fix the crop and waste burning issue of Dehli within a week. ⁣ 3. The Center accepted that Green Fund will be used to combat toxic air pollution. ⁣ 4. The Indian Prime Minister asked the Agriculture Ministry to distribute equipment urgently so that crop burning is no longer necessary. ⁣ ⁣ Despite these promises, the air is still unsafe and activists will keep the pressure on until the air pollution reaches safe levels. ⁣ ⁣ The protest was organised by a collaboration of movements; @xrebellionind @LetMeBreathe_In @FridaysForFutureIndia_ along with other activists. ⁣ ⁣ Photography by Arjun Mahatta and co, via @FridaysForFuture ⁣ ⁣ #RightToBreathe #ExtinctionRebellion #IndiaGate #SolutionNotPollution #ActNow #RebelForLife A post shared by Leonardo DiCaprio (@leonardodicaprio) on Nov 18, 2019 at 7:24am PST అలాగే  లియోనార్డో డికాప్రియో క్లైమేట్‌ యాక్టివిస్ట్‌ గ్రూప్‌, ఎక్స్‌టింక్షన్ రెబెలియన్‌లు వంటి సామాజిక సంస్థల గురించి ఇన్‌స్టా పోస్టులో ప్రస్తావిస్తూ.. ‘ ఈ కార్యకర్తలు వాయు కాలుష్యాన్ని తగ్గించడానికి ప్రభుత్వం ఎలాంటి చర్యలు తీసుకోబోతుంది, అలాగే కాలుష్యం తీవ్రత స్థాయి తగ్గి.. సాధారణ స్థాయికి వచ్చే వరకు ఈ సంస్థ ప్రభుత్వంపై ఒత్తిడి తీసుకోస్తుంది’ అని రాసుకోచ్చిన ఈ పోస్టుకు ‘నాకు మంచి భవిష్యత్తు కావాలి’ అంటూ ప్లకార్డును పట్టుకుని నిరసన తెలుపుతున్న ఓ చిన్నారి ఫోటోను జత చేశారు. అదే విధంగా న్యూఢిల్లీలోని కాలుష్యం గురించి ప్రస్తావించారు. కాగా చెన్నై నీటి సంక్షోభం గురించి కూడా అతడు ఇటీవల ట్వీట్‌ చేసిన సంగతి తెలిసిందే. ఇక పర్యావరణ ప్రేమికుడైన ఈ హలీవుడ్‌ నటుడు వాతావరణ సమస్యలపై అవగాహన కల్పించేందుకు 1998లోనే తన పేరు మీద ఓ సంస్థను స్థాపించాడు. ఆహార కాలుష్యంపై 2016లో వచ్చిన ఓ డాక్యూమెంటరీ నిమిత్తం 2015లో భారత్‌కు కూడా వచ్చాడు.

ప్రపంచంలోనే అతి పొడవైన రైయిన్‌ ఫారెస్ట్‌ అయిన అమెజాన్‌ అడవుల్లో ఇప్పుడు కార్చిచ్చు రగులుకుంది. గత రెండు వారాలుగా మంటలను అదుపులోకి తెచ్చేందుకు అక్కడి యంత్రాంగం సాయశక్తులా కృషి చేస్తోంది. ప్రతీ ఏటా ఈ అడవుల్లో వేల సంఖ్యలో అగ్ని ప్రమాదాలు సంభవించటం వల్ల ప్రకృతి సమతుల్యత దెబ్బతింటుందని పర్యావరణవేత్తలు ఆవేదన వ్యక్తం చేస్తున్నారు. ఇప్పటికే అమెజాన్‌ను కాపాడేందుకు స్వచ్ఛంద సంస్థలు విరాళాల సేకరణకు నడుం బిగించాయి. తాజాగా ఈ కార్యక్రమానికి తనవంతు సాయం అందించడానికి హాలీవుడ్ హీరో లియోనార్డో డికాప్రియో ముందుకు వచ్చారు. అమెజాన్‌లో తరుచూ జరుగుతున్న అగ్నిప్రమాదాలను అరికట్టేందుకు మరికొంత మందితో కలిసి రక్షణ చర్యలు తీసుకునేందుకు సిద్ధమవుతున్నారు. అందుకోసం 5 మిలియన్‌ డాలర్లు (దాదాపు రూ. 35 కోట్లు) రూపాయలను తన సేవా సంస్థద్వారా అందించనున్నట్టుగా ప్రకటించారు. View this post on Instagram #Regram #RG @earthalliance #EarthAlliance, launched in July by @LeonardoDiCaprio, Laurene Powell Jobs, and Brian Sheth, has formed an emergency Amazon Forest Fund with a commitment of $5 million dollars to focus critical resources for indigenous communities and other local partners working to protect the life-sustaining biodiversity of the Amazon against the surge of fires currently burning across the region. Join Us. 100 percent of your donation will go to partners who are working on the ground to protect the Amazon. Earth Alliance is committed to helping protect the natural world. We are deeply concerned about the ongoing crisis in the Amazon, which highlights the delicate balance of climate, biodiversity, and the wellbeing of indigenous peoples. To learn more or to donate, please visit ealliance.org/amazonfund (see link in bio) Photos: @chamiltonjames, @danielbeltraphoto 2017 A post shared by Leonardo DiCaprio (@leonardodicaprio) on Aug 25, 2019 at 6:51am PDT

అది సెలబ్రిటీలకు, యువ రాజులకు స్వర్గధామం. ప్రైవేటు బీచుల మీదుగా వీచే చల్లటిగాలులు, అహ్లాదకరమైన వాతావరణంతో అలరారే పరిసరాల మధ్య అనంద డోలికల్లో తేలిపోతూ కమ్మని సువాసనల మధ్య కమనీయ ముచ్చట్లతో మురిసిపోతూ పసందైన వంటకాల రుచులను ఆస్వాదిస్తూ ‘స్వర్గమే కదా ఇదీ!’ అంటూ తూగే ప్రాంతమది. నిజంగా చెప్పాలంటే సెలబ్రిటీలకు అది ఓ రహస్య స్వర్గం. రసమయ లోకం. అన్యులకు అందని ఆనందాల తీరం. అక్కడి రాయల్‌ విల్లా నిజంగా రారాజుల విల్లానే. అందుకే ప్రముఖ హాలీవుడ్‌ సెలిబ్రిటీలు లియోనార్దో డికాప్రియా, మెరిల్‌ స్ట్రీప్, క్రిస్టినో రొనాల్డో, కైలి మినోగ్, మెల్‌గిబ్సన్‌లు తరచు వచ్చి పోతుంటారు.  గ్రీస్‌లోని అథేనియా రివీరాలో ఓ ప్రైవేటు ద్వీపకల్పమే ఈ స్వర్గధామం. 72 ఎకరాల విస్తీర్ణంలో విలాసవంతమై 16 హోటల్‌ బీచెస్, 8 ప్రైవేటు బీచెస్, రాయల్‌ విల్లాలు ఉన్నాయి. బంధు, మిత్రులతో కాకుండా సకల పని వారలతో కలసి వచ్చినా వారందరికి తగిన వసతులు అందుబాటులో ఉన్నాయి. విల్లాలలోనే కాకుండా హోటళ్లలో కూడా విశాలమైన పడక గదులు, విశ్రాంతి గదులతో పాటు, స్వీయ పాకానికి వంట శాలలు, అధునిక మధు శాలలు, వ్యాయామానికి ప్రైవేటు జిమ్ములు ఉన్నాయి. సూర్య చంద్రుల ఆగమ, నిష్క్రమణ సంధ్యా కాంతులకు అనుగుణంగా, అల్పాహార, మధ్యాహ్న, విందు భోజనాలను ఆస్వాదించేందుకు అన్ని దిక్కుల అహ్లాద ఏర్పాట్లు ఉన్నాయి. ఒకటేమిటీ మార్బుల్‌ బాత్‌రూమ్‌లతోపాటు ఇండోర్, అవుట్‌ డోర్‌ స్విమ్మింగ్‌ పూల్స్‌ ఉన్నాయి. అవసరాన్నిబట్టి వాటిలోని నీరును వేడినీరుగా కూడా మార్చుకునే వెసలుబాటూ ఉంది. 24 గంటలపాటు వంటవాడు అందుబాటులో ఉండడమే కాకుండా 24 గంటలపాటు సర్వీసు ఉంటుంది.  సెలబ్రిటీలు ప్రత్యేక ఆకర్షణగా ఈ స్వర్గధామంలో అడుగుపెట్టేందుకు ఓ హెలిపాడ్‌తో పాటు హెలికాప్టర్‌ సర్వీసులు అందుబాటులో ఉన్నాయి. ముందుగా చెప్పుకుంటే అమ్మాయికి అబ్బాయి పెళ్లి ఆఫర్‌ చేసినప్పుడు హెలికాప్టర్‌ గుండా పుష్పాభిషేకం కూడా చేస్తారు. ఇన్ని సౌకర్యాలు ఉన్నాయి కదా! అత్యంత ఖరీదు కాబోలు అనుకుంటే పొరపాటే! ఇక్కడి అన్నింటి కన్నా విలాసవంతమైన 400 చదరపు అడుగుల రాయల్‌ విల్లాలో ఒక రోజు ఉండేందుకు కేవలం లక్ష రూపాయలే. అతిథుల కోసం సూట్లతోపాటు హోటళ్లలో ఒకటేసి గదులు కూడా ఉన్నాయి. పనివారలు, వ్యక్తిగత సిబ్బంది కోసం ఇతర గదులు ఉన్నాయి. సాధారణంగా సెలబ్రిటీలు ఇక్కడి సొంత వంటవాళ్లను వెంట తెచ్చుకుంటారు.‘మామ మియా’ సినిమాను 2008లో ఇక్కడే తీశారు. అప్పుడు ఆ సినీ తారలలోపాటు యావత్‌ నిర్మాణ సిబ్బంధి ఇక్కడే ఉన్నారు. అందుకనే వివిధ స్థాయిల వ్యక్తులను, వారి అవసరాలను, అభిరుచులను దష్టిలో పెట్టుకొని ఇక్కడ తగిన ఏర్పాటు చేశారు.  ప్రముఖ గ్రీక్‌ ఆర్కిటెక్ట్‌లు, ఇంటీరియర్‌ డిజైనర్స్‌ ఇక్కడి వసతులను ఆకర్షణీయంగా తీర్చి దిద్దారు. రాల్ఫ్‌ లారెన్, కామెరిచ్, విల్లా లూమి, మురానో లాంటి ప్రముఖ నిపుణులు ఇక్కడి ఫర్నీచర్‌కు రూపకల్పణ చేశారు. అతిథుల అభిరుచులకు అనుగుణంగా పెద్ద పెద్ద చెట్లను తొలగించి కూడా వాటి స్థానంలో ఎప్పటికప్పుడు ఇతర చెట్లను రీప్లాంట్‌ చేయడం ఇక్కడ మరో విచిత్రం, విశేషం అని కూడా చెప్పవచ్చు. అందమైన అమ్మాయిలు మరింత అందంగా మెరిసి పోవాలనే ఉద్దేశంతోనేమోగానీ రాయల్‌ విల్లా నిర్వాహకులు ఇటీవల అమ్మాయిల కోసం 24 క్యారెట్ల బంగారు స్విమ్మింగ్‌ సూట్లుకు తెప్పించారట!

తమిళనాట గతంలో ఎన్నడూ లేనంతగా నీటి సమస్య ఏర్పడింది. ప్రధాన రిజర్వాయర్లన్నీ అడుగంటడంతో చెన్నై నగరంలో తీవ్ర సంక్షోభం నెలకొంది. ఇప్పటికే స్పందించిన ప్రభుత్వం ప్రత్యామ్నాయాల కోసం ప్రయత్నిస్తున్న వర్షాలు భారీగా కురిస్తే తప్ప సమస్య పరిష్కారమయ్యా దారి కనిపించటం లేదు. తాజాగా ఈ విషయంపై హాలీవుడ్ హీరో లియోనార్డో డికాప్రియో స్పందించారు. తన ఇన్‌స్టాగ్రామ్‌ పేజ్‌లో బావి దగ్గర నీటి కోసం చూస్తున్న మహిళల ఫోటోను పోస్ట్ చేసిన డికాప్రియో చెన్నై సమస్యపై సుధీర్ఘ కామెంట్ చేశారు. ఈ సమయంలో చెన్నైని వర్షం మాత్రమే కాపాడగలదని అభిప్రాయపడ్డారు. అంతేకాదు చెన్నైలో సామాన్య ప్రజానీకం ఎదుర్కొంటున్న సమస్యలను కూడా తన పోస్ట్‌లో ప్రస్తావించారు డికాప్రియో. ‘చెన్నైలో అత్యవరస పరిస్థితి ఏర్పడటంతో అంతా పరిష్కార మార్గాల కోసం అన్వేషిస్తున్నారు. ప్రజలు ప్రభుత్వం ట్యాంకర్ల ద్వారా అందించే నీటి కోసం గంటల తరబడి క్యూ లైన్‌లలో నిలబడాల్సి వస్తోంది. నీరు అందక హోటళ్లు, రెస్టారెంట్‌లు మూసేస్తున్నారు. మెట్రోలో ఏసీల వినియోగం ఆపేశారు’ అంటూ కామెంట్‌ చేశారు లియోనార్డో డికాప్రియో. View this post on Instagram #Regram #RG @bbcnews: "Only rain can save Chennai from this situation." A well completely empty, and a city without water. The southern Indian city of Chennai is in crisis, after the four main water reservoirs ran completely dry. The acute water shortage has forced the city to scramble for urgent solutions and residents have to stand in line for hours to get water from government tanks. As the water levels depleted, hotels and restaurants started to shut down temporarily, and the air con was turned off in the city's metro. Officials in the city continue to try and find alternative sources of water - but the community continue to pray for rain. Tap the link in our bio to read more about Chennai's water crisis. (📸 Getty Images) #chennai #watercrisis #india #bbcnews A post shared by Leonardo DiCaprio (@leonardodicaprio) on Jun 25, 2019 at 1:42pm PDT

ఏదైనా కథ చెప్పాలంటే అనగనగా లేదా అప్పట్లో ఒకడుండేవాడు అని మొదలుపెడతాం. హాలీవుడ్‌ డైరెక్టర్‌ క్వెంటిన్‌ టరంటినో కూడా తన లేటెస్ట్‌ కథను ఇలానే చెప్పబోతున్నారు. బ్రాడ్‌ పిట్, ఆల్‌ పాచినో, లియోనార్డో డికాప్రియో ముఖ్య తారలుగా దర్శకుడు క్వెంటిన్‌ రూపొందించనున్న చిత్రం ‘వన్స్‌ అపాన్‌ ఎ టైమ్‌ ఇన్‌ హాలీవుడ్‌’. 1969 కాలంలో ఫేడవుట్‌ అయిపోయిన టీవీ సిరీస్‌ యాక్టర్, అతని బాడీ డబుల్‌  సర్వైవ్‌ అవ్వడానికి పడ్డ స్ట్రగుల్‌ ఏంటో ఈ సినిమాలో చూపించదలిచారట క్వెంటిన్‌. ఫేడవుట్‌ అయిన హీరోగా బ్రాడ్‌ పిట్, బాడీ డబుల్‌ క్యారెక్టర్‌లో లియొనార్డో డీ కాప్రియో నటించనున్నారు. 2019లో  ఈ చిత్రాన్ని రిలీజ్‌ చేయాలనుకుంటున్నారు. రక్తం ధారలై ప్రవహించకపోతే రుచించని క్వెంటిన్‌ ఒక ఫెయిల్డ్‌ యాక్టర్‌ జీవితాన్ని ఎలా చూపిస్తారోనని  ఆసక్తిగా ఎదురుచూస్తున్నారు ఆయన ఫ్యాన్స్‌.

హాలీవుడ్‌ హీరో, టైటానిక్‌ ఫేమ్‌ లియోనార్డో డికాప్రియో డేటింగ్‌ వ్యవహారం హాట్‌ టాపిక్‌గా మారింది. అవివాహితుడైన 43 ఏళ్ల డికాప్రియో ఇప్పటిదాకా డజను పైగా అమ్మాయిలతో అఫైర్లు నడిపాడు. తాజాగా అర్జెంటీనా మోడల్‌, నటి కమిలా మోర్రోనె(20)తో డికాప్రియో డేటింగ్‌లో ఉన్నాడు.  ఫేజ్‌ సిక్స్‌ సంచిక ఈ మేరకు డికాప్రియో రొమాంటిక్‌ లైఫ్‌పై ఓ ప్రత్యేక కథనాన్ని ప్రచురించింది.  కమిలా అతని కన్నా వయసులో 23 ఏళ్లు చిన్నది కాగా.. కమిలా తల్లి వయసు కూడా డికాప్రియో కన్నా రెండేళ్లు తక్కువే కావటం గమనార్హం. గత డిసెంబర్‌ నైనా అగ్దల్‌తో విడిపోయి.. కమిలియా తో రిలేషన్‌ షిప్‌ మొదలుపెట్టారు. పలు ఈవెంట్లలో వీరిద్దరూ కలిసి జంటగా చక్కర్లు కొడుతున్నారు. కాగా, 1997లో బ్రిటీష్‌ సింగర్‌ ఎమ్మా బంటన్‌తో మొదలైన ఈ డేటింగ్‌ వ్యవహారం ఇప్పుడు కమిలియాతో కొనసాగుతోంది. డికాప్రియో డేటింగ్‌ చేసిన వారిలో బిజౌ ఫిలిప్స్‌, క్రిస్టన్‌ జంగ్‌, ఎమ్మా మిల్లర్‌, గిసెలె బుంద్చన్‌, బార్‌ రఫైలి ఉన్నారు. ఇక 2010లో మోడల్‌ అరెథా విల్సన్‌తో డేటింగ్‌ వ్యవహారం బెడిసి కొట్టడం.. ఆమె బాటిల్‌తో డికాప్రియో తల పగలకొట్టడం.. ఆపై ఆమెకు రెండేళ్ల జైలు శిక్ష... అతని రొమాంటిక్‌ లైఫ్‌లో ఓ చేదు అనుభవంగా మిలిగిపోయింది.

‘రోజ్‌... నువ్వు బతకాలి. నాకోసం నువ్వు బతకాలి’. ‘జాక్‌  నువ్వు లేకపోతే నేను బతకలేను. నాకు నువ్వు కావాలి’ ‘రోజ్‌.. నాకు నువ్వు బతకడమే కావాలి.. నన్ను వదిలెయ్‌. నా చేయి వదిలేయ్‌’. రోజ్‌ వదల్లేక వదల్లేక జాక్‌ చేతిని వదిలేస్తుంది. ‘టైటానిక్‌’ సినిమా చివర్లో గాఢ ప్రేమికులు జాక్‌–రోజ్‌ల సంఘర్షణ ఇది. బండరాయిని ఢీ కొని, ప్రమాదానికి గురైన టైటానిక్‌ ఓడ సాక్షిగా సముద్రంలోనే సమాధి అయినవాళ్లు, ప్రాణాలను కాపాడుకున్నవాళ్లూ ఉన్నారు. విరిగిపోయిన ఓ ముక్క మీద రోజ్‌ ఉంటుంది. జాక్‌ మునిగిపోతాడు. వాళ్ల ప్రేమ అలా విషాదంగా ముగిసిపోతుంది. 20 ఏళ్ల క్రితం వచ్చిన ‘టైటానిక్‌’లో లియొనార్డో డికాప్రియో (జాక్‌), కేట్‌ విన్స్‌లెట్‌ (రోజ్‌) తమ నటనతో మైస్మరైజ్‌ చేశారు. సినిమా చూసిన వాళ్లందరూ దర్శకుడు జేమ్స్‌ కేమరూన్‌ కొంచెం కనికరించి, జాక్‌ని బతికించి ఉంటే బాగుండేదనుకున్నారు. కేట్‌ విన్స్‌లెట్‌ మనసులో కూడా ఇదే అభిప్రాయం ఉంది. ఇటీవల ఓ అవార్డు ఫంక్షన్‌లో పాల్గొన్న కేట్‌ ఈ విషయాన్ని వ్యక్తపరిచారు. ‘‘విరిగిన ముక్క మీద జాక్‌కి కూడా చోటు ఉంది. కానీ, జేమ్స్‌ కామెరూన్‌ అతన్ని చనిపోయినట్లు చూపించాలనుకున్నారేమో. ఆ సీన్‌ చేస్తున్నప్పుడు ఏమీ అనిపించలేదు కానీ, సినిమా విడుదలైన 20 ఏళ్లకు జాక్‌ చేతిని రోజ్‌ వదలాల్సింది కాదు అనిపిస్తోంది’’ అన్నారు కేట్‌. అంత గాఢమైన ప్రేమకథలో నటించారు కాబట్టి.. ‘టైటానిక్‌’ తీస్తున్న సమయంలో ఒకరి పట్ల మరికొరికి ఆకర్షణ ఏదైనా ఉండేదా? అన్న ప్రశ్నకు –‘‘అదేంటో కానీ, మా మధ్య అలాంటిదేం జరగలేదు. అప్పుడు మేమిద్దరం చాలా చిన్నవాళ్లం. సినిమాలో గాఢమైన రొమాంటిక్‌ సీన్స్‌ ఉన్నాయి కాబట్టి, మా మధ్య ఎట్రాక్షన్‌ మొదలై ఉంటుందని ఊహించారు. ఇప్పటికీ ఆ ఊహలోనే ఉన్నారు. బట్‌.. సారీ మా మధ్య అలాంటిదేం లేదు. 20 ఏళ్లుగా మేం మంచి స్నేహితులుగా ఉండిపోయాం’’ అన్నారు కేట్‌ విన్స్‌లెట్‌.

లాస్ ఏంజెలిస్: విఖ్యాత దర్శకుడు జేమ్స్ కామెరూన్ 1997లో తెరకెక్కించిన చిత్రం టైటానిక్. ప్రపంచ వ్యాప్తంగా రికార్డు వసూళ్లు రాబట్టిన ఈ మూవీ అస్కార్ వేడుకల్లో అవార్డుల పంట పండించింది. ఈ మూవీలో హీరోహీరోయిన్లుగా నటించిన లియోనార్డో డికాప్రియో, కేట్ విన్స్‌లేట్‌లు జీవితాంతం టైటానిక్ విజయాన్ని మరిచిపోరు. రెండు దశాబ్దాలు గడిచినా కేట్, డికాప్రియోల రిలేషన్‌పై హాలీవుడ్‌లో వదంతులు ప్రచారం అవుతూనే ఉన్నాయి. ఈ క్రమంలో ఓ టీవీ షోలో పాల్గొన్న సందర్భంగా నటుడు డికాప్రియోతో తన రిలేషన్‌ను షేర్‌ చేసుకున్నారు. 'టైటానిక్ మూవీ తర్వాత మా ఇద్దరికి చాలా గుర్తింపు దక్కింది. ఇప్పటికీ మా ఇద్దరినీ ప్రేక్షకులు గుర్తుంచుకోవడానికి కారణం టైటానిక్. ఆ మూవీ షూటింగ్‌లో ఏర్పడ్డ మా స్నేహబంధం నేటికీ కొనసాగుతోంది. మేం ఒకరినొకరం పరస్పరం గౌరవించుకుంటూ ముందుకు సాగుతున్నాం. ఇంకా చెప్పాలంటే డికాప్రియో నాకు కుటుంబసభ్యుడు లాంటివారు. అతడితో స్నేహం దేవుడిచ్చిన వరంగా భావిస్తాను. వాస్తవానికి మాపై ఎన్నో వదంతులు ప్రచారంలో ఉన్నాయి. నిజానికి టైటానిక్‌ క్లైమాక్స్‌లో జరిగినదే నిజ జీవితంలోనూ జరిగిందంటూ' నటి కేట్ చమత్కరించారు. 


 లాస్‌ ఎంజెల్స్‌: ప్రముఖ హాలీవుడ్‌ నటుడు, ఆస్కార్‌ అవార్డు విజేత లియోనార్డో డికాప్రియో కరీబియన్‌ దీవుల్లో ప్రత్యక్షం అయ్యారు. ఆయన తన గర్ల్‌ఫ్రెండ్‌, మోడల్‌ నైనా అగ్దాల్‌ (25) పుట్టిన రోజు వేడుకల అక్కడే ఘనంగా జరిపారు. మార్చి 26న ఆమె పుట్టిన రోజు కావడంతో కొం‍తమంది స్నేహితులతో కలిసి లియోనార్డో​ప్రత్యేక విమానంలో వెళ్లినట్లు ఓ ఆంగ్ల వెబ్‌సైట్‌ పేర్కొం‍ది.
 
 ‘ఆయన ఇప్పుడే విమానంలో వెళ్లారు. అయితే, ఆ విమానం ఆయనది కాదు’ అని కూడా ఆ సైట్‌ పేర్కొంది. ఎంజెలీనాతో విడిపోయిన తర్వాత డికాప్రియో గత ఏడాది (2016) జూలై నుంచి నైనాతో ఆయన డేటింగ్‌ చేస్తున్నారు. ఇటీవల జరిగిన ఆయన 42వ పుట్టిన రోజు వేడుకలో ఫ్రాన్స్‌లోని ఓ దీవిలోగల రిసార్ట్‌లో ఇద్దరు కలిసి ఉన్నారు.


 
 లండన్: సూపర్ మోడల్ గా తనకంటూ పేరు సంపాదించుకుంది నినా అగ్డాల్. ప్రస్తుతం తాను లగ్జరీ జీవితాన్ని లీడ్ చేస్తున్నానని, గతంలో అలాంటి పరిస్థితులు లేవని కొన్ని వ్యక్తిగత విషయాలను వెల్లడించింది. తన సొంతదేశం డెన్మార్క్ నుంచి అమెరికాకు పొట్టచేత పట్టుకుని తక్కువ డబ్బుతో.. ఎక్కువ భయంతో వచ్చినట్లు తెలిపింది. ఆ సమయంలో ఆమె చేతిలో కేవలం 40 అమెరికన్ డాలర్లు మాత్రమే ఉన్నాయట. దాంతోపాటు మరెన్నో భయాలు తనను వెంటాడాయని చెబుతోంది. నటిగానూ అడుగులు వేస్తోంది నినా.
 
 ప్రస్తుతం తన వయసు 24 ఏళ్లు.. కాగా ఆరేళ్ల కిందట తన పరిస్థితి వేరని చెప్పుకొచ్చింది మోడల్ నినా అగ్డాల్.  18 ఏళ్లున్నప్పుడు డెన్మార్క్ లోని హిల్లేరోడ్ నుంచి మయామి, ఫ్లోరిడాలకు వచ్చినప్పుడు ఎంతో భయం భయంగా ఉండేదట. అసలు ఇంగ్లీష్ అంటే తనకెంతో భయమని, స్కూల్లోనూ తనకు నచ్చని సబ్జెక్ట్ అదేనని నినా అంటోంది. అంచెలంచెలుగా ఎదిగిన నినా మోడల్ గా తనకంటూ పేరు, డబ్బు, హోదాను సంపాదించుకుంది. హాలీవుడ్ హీరో లియోనార్డో డికాప్రియోతో డేటింగ్ చేస్తూ ఇటీవల తరచుగా వార్తల్లో నిలుస్తుంది ఈ ముద్దుగుమ్మ. రోజుకు మూడుసార్లు కచ్చితంగా వర్కవుట్స్ చేస్తానని, లేకపోతే ఆరోగ్యంతో పాటు శరీరాకృతి దెబ్బతింటుందని ఇండస్ట్రీలో ఉండాలంటే ఇలాంటివి తప్పవంటోంది.


 కాలిఫోర్నియా: తళతళ మెరసే వజ్రాల వెనక రక్తం మరకలు ఉన్నాయన్న విషయం మనకు తెల్సిందే. వజ్రాల కోసం అంగోల, కాంగో, లిబేరియా దేశాల్లో రక్తం ఏరులై పారింది. సియెర్రా లియోన్ లాంటి దేశాల్లో బానిసలతో వజ్రపు గనులను తవ్వించారు. ప్రపంచంలో వజ్రాల కోసం యుద్ధాలు జరిగిన సంఘటనలే కాకుండా వజ్రాలతో ఆయుధాలు కొనుగోలు చేసి యుద్ధాలు చేసిన చరిత్ర కూడా ఉంది. ఒక్క మాటలో చెప్పాలంటే రక్తం ధారల నుంచి పుట్టుకొచ్చిందే వజ్రం. అందుకనే 2007లో హాలివుడ్‌లో ‘బ్లడ్‌డైమండ్’ పేరితో ఓ సినిమా వచ్చింది. ఆ సినిమాలో ప్రముఖ హాలివుడ్ నటుడు లియోనార్డో డికాప్రియో హీరోగా నటించారు.
 
 స్వచ్ఛమైన కార్బన్ నుంచి వజ్రాలు ప్రకృతి సిద్ధంగా తయారవుతాయని తెల్సిందే. వందల కోట్ల సంవత్సరాల అత్యున్నత ఉష్ణోగ్రత, భూపొరల్లో కలిగే అత్యధిక ఒత్తిడి కారణంగా భూగర్భంలో వందకిలోమీటర్ల లోపల బొగ్గుగనులు వ జ్రాల గనులుగా మారుతాయి. ప్రపంచం మొత్తంలో ఇప్పటివరకు ఉత్పత్తయిన వజ్రాల్లో కేవలం 0.1 శాతం మాత్రమే రక్తపుటేరులతో తడిసిపోయాయని, నాటు వజ్రాల వ్యాపారాన్ని నిర్వహించే ‘కింబర్లే ప్రాసెస్’ వెల్లడించింది. అయినా రక్తపు చరిత్రలేని ఈకో ఫ్రెండ్లీ కృత్రిమ వజ్రాల ఫ్యాక్టరీ ఇప్పుడు అమెరికాలోని కాలిఫోర్నియాలో అందుబాటులోకి వచ్చింది.
 
 ‘డైమండ్ ఫౌండ్రీ’ని ఆస్ట్రియా, అమెరికనైన మార్టిన్ రుషుసు గతేడాది నవంబర్‌లో స్థాపించి, దానికి ప్రస్తుతం సీఈవోగా వ్యవహరిస్తున్నారు. ట్విట్టర్ వ్యవస్థాపకుడు ఎవాన్ విలియమ్స్‌తోపాటు, బ్లడ్ డైమండ్‌లో నటించిన డికాప్రియో తదితర 12 మంది బిలియనీర్లు ఇందులో పెట్టుబడులు పెట్టారు. ఇంతకుముందు తనతోపాటు కలసి నానో సోలార్ కంపెనీలో పనిచేసిన ఇంజనీర్ల బృందాన్నే మార్టిన్ ఇందులోకి తీసుకున్నారు. సూర్యుడి ఉపరితలంపై ఉండే వేడికి సమానమైన, దాదాపు పదివేల ఫారన్‌హీట్ డిగ్రీల ఉష్ణోగ్రత కలిగిన ప్లాస్మాను రియాక్టర్‌లో ఉత్పత్తి చేయడం ద్వారా ఈ కంపెనీ కృత్రిమ వజ్రాలను తయారు చేస్తోంది.
 
 ప్రపంచంలో కృత్రిమ వజ్రాలను ఉత్పత్తిచేసే కంపెనీలు ఇప్పటికే మార్కెట్‌లో ఉన్నాయని, అయితే తాము అనుసరించే విధానం ఇతర కంపెనీలకన్నా భిన్నమైనదని, తాము పర్యావరణానికి అనుకూలమైన ఇంధనాన్ని మాత్రమే వజ్రాల తయారీకి వినియోగిస్తామని మార్టిన్ వివరించారు. మార్కెట్‌లో దొరికే వజ్రాలకన్నా తాము పది నుంచి 15 శాతం తక్కువకు వజ్రాలను సరఫరా చేస్తామని, నెలకు వెయ్యి కారెట్ల బరువుగల వజ్రాలను తయారు చేస్తామని ఆయన చెప్పారు.
 ఇప్పటి వరకు తమ కంపెనీ తయారు చేసిన వజ్రాల్లో 12 క్యారెట్ల వజ్రమే అతి పెద్దదని ఆయన తెలిపారు. 0.13 క్యారెట్ల బరువుగల వజ్రం 305 డాలర్లకు, 2.30 క్యారెట్లు కలిగిన వజ్రం 23 వేల డాలర్లకు విక్రయిస్తున్నామని ఆయన చెప్పారు. ప్రకృతి సిద్ధంగా దొరికే వజ్రాలకు, కృత్రిమ వజ్రాలకు ధరలో పెద్ద తేడా ఏమీ ఉండదని, ఏదైనా వజ్రం, వజ్రమేకదా! అని మార్టిన్ వ్యాఖ్యానించారు. రక్తం మరకలు గుర్తురాకుండా ఉండాలంటే ఈ కృత్రిమ వజ్రాలే మేలేమో!


 న్యూయార్క్: కారు ప్రమాదం నుంచి ఆస్కార్ అవార్డు పొందిన నటుడు బయటపడ్డాడు. ప్రముఖ హాలీవుడ్ నటుడు, ఆస్కార్ అవార్డు విజేత లియోనార్డో డికాప్రియో ప్రయాణిస్తున్న కారు ఓ చిన్న ప్రమాదానికి గురైంది. ఆయన కారు వెనుక ఓ మినీ కూపర్ తగలడంతో అది స్వల్పంగా దెబ్బతిన్నది. ఈ ప్రమాదం జరిగిన సమయంలో ఆయన గర్ల్ ఫ్రెండ్గా ఇప్పటికే వదంతులు వ్యాపించిన నైనా అద్గాల్ కూడా ఉంది.
 
 వీకెండ్ ట్రిప్ లో భాగంగా తన కొత్త గర్ల్ ఫ్రెండ్ తో న్యూయార్క్ సమీపంలోని ఈస్ట్ హాంప్టన్ వైపు వెళుతుండగా ఈ ప్రమాదం చోటుచేసుకుంది. ఈ ఘటన జరిగిన అక్కడికి అంబులెన్స్ కూడా వచ్చింది. అయితే, ఇది స్వల్ప ప్రమాదమే అని వారు చెప్పారు. కాగా, కారు ఢీకొట్టిన సమయంలో వారిద్దరు తమ సీట్లో నుంచి ముందు సీట్లకు తగిలారని, ఆ సమయంలో వేగం తక్కువగా ఉండటంతో పెద్దగా ప్రమాదం జరగలేదని స్థానిక మీడియా వెల్లడించింది.


 లాస్ ఎంజెల్స్: ఆస్కార్ అవార్డు విజేత, ప్రముఖ హాలీవుడ్ నటుడు లియోనార్డో డికాప్రియోను ఒక చిత్రానికి ఒప్పించడం అంత తేలికైన పనికాదని ప్రముఖ హాలీవుడ్ దర్శకుడు బజ్ లార్మన్ చెప్పారు. డికాప్రియాతో 1996లో రోమియో జూలియట్, 2013 ది గ్రేట్ గ్యాట్స్బై అనే రెండు చిత్రాలకు లార్మన్ దర్శకత్వం వహించారు. ఈ సందర్భంగా సినిమాలు ఎంపిక చేసుకునే విషయంలో డికాప్రియో చాలా జాగ్రత్తగా వ్యవహరిస్తాడని అన్నారు.
 
 ఆయన ముఖ్యంగా ప్రకృతి ప్రేమికుడని, పర్యావరణానికి ఇబ్బంది కలిగించే అంశాలున్న కథలకు ఆయన ససేమిరా ఒప్పుకోడని, అది ఆయనకు మాత్రమే ఉన్న గొప్ప ఆలోచన అని కొనియాడారు. నిర్ణయాలను అంత తేలికగా తీసుకోడని ఆచితూచి అందరికీ మంచి జరుగుతుంది అనుకుంటేనే ఆ సినిమాకు ఒప్పుకుంటాడని, తన చిత్రం ద్వారా పర్యవరణానికి ఎలాంటి హానీ జరగదని భావిస్తేనే అంగీకరిస్తాడని తెలిపారు. అందుకే తనకు ఎన్నిసార్లయినా సినిమా తీసేందుకు సిద్ధంగా ఉంటానని, మా ఇద్దరి ఆలోచనలు కూడా దాదాపు సమీపంగానే ఉంటాయన్నారు.


 పెద్దగా ఎండలేదు. వాతావరణం శాంతియుతంగా ఉంది. పరిసరాల్లో పెద్దగా అలికిడి లేదు. ఎవరి పనుల్లో వాళ్లు ఉన్నారు. అమెరికన్‌ నటుడు జోన్హా హిల్‌ కూడా సరదాగా నడుచుకుంటూ వెళుతున్నాడు. చెవుల్లో హియర్‌ఫోన్స్‌.. మధురమైన పాటలు వింటున్నాడు. ఇంతలో వెనుక నుంచి ఓ వ్యక్తి ఫోన్‌ పట్టుకొని పరిగెత్తుకొచ్చాడు. ఫొటో ఫొటో అంటూ బెదరగొట్టాడు. జోన్హా హిల్‌ బెదిరిపోయాడు. కాస్తా తెరుకొని చూస్తే.. హాలీవుడ్‌ సూపర్‌ స్టార్‌ లియోనార్డో డికాప్రియో.. స్టన్‌ అయ్యాడు జోన్హా హిల్‌.
 
 'ద వోల్ఫ్‌ ఆఫ్‌ వాల్‌స్ట్రీట్‌' సినిమాలో తన సహ నటుడైన జోన్హా హిల్‌ను ఇలా ఆటపట్టించాడు డికాప్రియో. ఒక్కసారిగా ఫొటో ఫొటో అంటూ డికాప్రియో మీదపడటంతో ఏంటో అర్థం కాక బెదిరిపోయాడు హిల్‌. నిజానికి ఈ ఇద్దరు మంచి స్నేహితులు. ఆస్కార్‌ వేడుకల్లోనూ కలిసి కామెడీ షోలు చేశారు. ఈ నేపథ్యంలో తన స్నేహితుడిని కాస్తా ఆటపట్టించడానికి 'టైటానిక్‌' స్టార్‌ ఇలా బెదరగొట్టాడు. ఈ వీడియో ఇప్పుడు ఆన్‌లైన్‌లో హల్‌చల్ చేస్తోంది.


 లాస్ ఏంజిల్స్‌: ‘టైటానిక్’ హీరో లియోనార్డో డికాప్రియో మళ్లీ ప్రేమలో మునిగిపోయాడు. తన కొత్త ప్రియురాలి నినా ఆగ్డాల్‌తో ఆయన ఓ విహారనౌకలో విహారించాడు. ఇబిజాలోని సముద్రతీరంలో వీరు మిత్రులతో కలిసి షికారు చేశారు. 41 ఏళ్ల డికాప్రియో ఇటీవల ‘రెవరెంట్’ సినిమాకుగాను ఆస్కార్ అవార్డు గెలుపొందిన సంగతి తెలిసిందే. ఈ ఆనందంలో ఉన్న ఆయన తాజాగా డానిష్ మోడల్ నినాతో చెట్టాపట్టాలేసుకొని తిరుగుతున్నాడు.
 
 అయితే, గతవారం డికాప్రియో నిర్వహించిన పలు స్వచ్ఛంద సేవా కార్యక్రమాల్లో నినా పాల్గొనలేదు. వీరు జంటగా కనిపించకపోవడంతో వీళ్ల మధ్య అప్పుడే చెడిందా అని వార్తలు వచ్చాయి. అయితే, ఈ రూమర్స్ కొట్టిపారేస్తూ ఈ లవర్స్ తాజాగా నౌకవిహారంలో స్నేహితులతో కలిసి ఎంజాయ్ చేశారు. లగ్జరీ బోటులో సముద్రయానం చేస్తూ ఆనందంగా సాగిన ఈ జర్నీలో డికాప్రియో సన్నిహితులు, మిత్రులు కూడా పాల్గొన్నారు. మొత్తానికి ఈ నౌకవిహారం ద్వారా నినా-డికాప్రియో జంట తమ బ్రేకప్ కాలేదు.. తాము ప్రేమలో మునిగిపోయి ఉన్నామని చాటారు.


 ప్రముఖ హాలీవుడ్ నటుడు లియోనార్డో డికాప్రియో, బ్రాడ్ కాస్టర్ డేవిడ్ అటన్ బరో, బిజినెస్ దిగ్గజం రిచర్డ్ బ్రాన్ సన్ లు రాష్ట్రీయ స్వయం సేవక్ సంఘ్(ఆర్ఎస్ఎస్) తరఫున ప్రచారం చేయనున్నారా? అంటే అవుననే వార్తలు వినిపిస్తున్నాయి. సంఘ్ పరివార్ కు చెందిన కొందరు వ్యక్తులు తెలిపిన వివరాల ప్రకారం ఈ నెల 30, 31 తేదీలలో యూకే పర్యటనకు వెళ్లనున్న ఆర్ ఎస్ఎస్ చీఫ్ మోహన్ భాగవత్ ను హాలీవుడ్ ప్రముఖులు కలవనున్నట్లు తెలిపారు. బీఫ్ వినియోగం, శాఖాహారంపై ఆర్ ఎస్ఎస్ తరఫున వీరందరూ ప్రచారం చేయనున్నట్లు వివరించారు. ఆ తర్వాత కాంటర్బ్యూరీలోని ఆర్చీ బిషప్ ను కలుస్తారని చెప్పారు. హిందూ స్వయం సేవక్ సంఘ్ ఆధ్వర్యంలో నిర్వహించనున్న మహా శివీర్ గ్రాండ్ క్యాంప్ కోసం యూకే వెళ్తున్న ఆయన మిగిలిన కార్యక్రమాల్లో పాల్గొంటారని తెలిపారు.
 
 కాగా, జంతు వధలపై డికాప్రియో ఎప్పటినుంచో ప్రచారం చేస్తుండగా, వేగన్ అయిన బ్రాన్ సన్ తాను సొంతగా వేగన్ ఎయిర్ లైన్ ను ప్రారంభించబోతున్నట్లు 2015లో ప్రకటించారు.సంఘ్ పరివార్ కు అమెరికా, యూరప్, ఆఫ్రికా, ఆస్ట్రేలియా, తూర్పు ఆసియా దేశాల్లో ప్రచారకులు ఉన్నారు.


 లండన్: టైటానిక్ హీరో.. ఇటీవల రెవనాంట్ చిత్రంలో అద్భుతమైన నటనతో ఆస్కార్ అవార్డును దక్కించుకున్న ప్రముఖ హాలీవుడ్ స్టార్ లియోనార్డో డికాప్రియో కాలు ఇప్పుడు ఓ చోట నిలవడం లేదంట. ఆయన ప్రతి రోజు ప్లైట్ లో వెళ్లి వస్తున్నాడంట. అది సినిమా షూటింగ్ కోసం అనుకుంటే భ్రమపడ్డట్టే. ఎందుకంటే ఆయన ఇప్పుడు విమానంలో ఎగురుతుంది ఓ గర్ల్ ఫ్రెండ్ కారణంగా. ఇటీవలె ఆమెపై మనసు పారేసుకున్న డికాప్రియో ఆమెకు ఫిదా అయ్యి ఎస్సెక్స్ లో ఉంటున్న ఆమె వద్దకు ప్రతి రోజు విమానంలో వెళ్లి వస్తున్నాడని హాలీవుడ్ వర్గాలు గుప్పుమంటున్నాయి.
 
 డికాప్రియో ఆమెతో చాలా గాఢంగా డేటింగ్ చేస్తున్నాయని చెబుతున్నాయి. ఆమె ఎవరో కాదు.. మొన్నటి వరకు ఓ బాయ్ ఫ్రెండ్తో ఉంటూ ఇటీవలే అతడికి గుడ్ బాయ్ చెప్పిన మోడల్ రాక్సీ హార్నర్. ఎస్సెక్స్ కు చెందిన రాక్సీ హార్నర్ ఇటీవల తన మాజీ బాయ్ ఫ్రెండ్ జోఎక్స్ కు టాటా చెప్పింది. అనంతరం డికాప్రియోకు దగ్గరయింది. గత మంగళవారం కూడా ప్రత్యేకంగా బ్రిటన్ వెళ్లిన డికాప్రియో ఆమెతో బార్లలో చిందులు, నైట్ క్లబ్బుల్లో షికార్లు, అనంతరం లండన్లోని చిల్టర్న్ ఫైర్ హౌజ్ అనే హోటల్ లో ఉన్నారంట. అంతేకాకుండా పలు మ్యూజిక్ పార్టీల్లో డికాప్రియో ఆమెతో కలిసి చిందులేస్తున్నాడట.


 లాస్‌ ఏంజిల్స్‌: 'రెవనెంట్‌' సినిమాతో ఈ ఏడాది ఆస్కార్ అవార్డును సొంతం చేసుకున్న హాలీవుడ్ సూపర్ స్టార్ లియోనార్డో డికాప్రియో ఇండోనేషియాలో చిక్కులు ఎదుర్కొంటున్నాడు. ఆయన తమ దేశానికి రాకుండా నిషేధం విధించాలని ఇండోనేషియా భావిస్తోంది. పర్యావరణ  కార్యకర్త అయిన 41 ఏళ్ల లియో గత నెల ఇండోనేషియాలోని సమత్రా దీవులను సందర్శించాడు.  ఆ తర్వాత అమెరికా తిరిగి వచ్చిన ఆయన ఇండోనేషియాలోని పామాయిల్‌ తోటలు పర్యావరణానికి తీవ్ర హాని చేస్తున్నాయని, ముఖ్యంగా అటవీ వర్షపాతం తగ్గిపోవడానికి ఇవి కారణమవుతున్నాయని  ఆయన వ్యాఖ్యలు చేశాడు.
 
 పామాయిల్‌ తోటల కారణంగా సమత్ర దీవుల్లోని లెవుసర్ పర్యావరణ ప్రాంతంలోని జంతువుల మనుగడ ప్రమాదంలో పడిందని, అక్కడి పులులు, ఏనుగులు ఆవాస స్థలాలను కోల్పోతున్నాయని చెప్పాడు.  పెద్ద ఎత్తున చేపడుతున్న ఈ తోటల కోసం అడవులను కాల్చివేసి.. నరికివేసే పద్ధతిని అక్కడి రైతులు వాడుతున్నట్టు యూఎస్‌ మ్యాగజీన్ తన కథనంలో తెలిపింది. ఈ తోటల విస్తరణ ఇటీవలికాలంలో పెద్ద ఎత్తున కొనసాగుతుండటంతో ఏనుగులు, ఇతర అటవీ జంతువులకు ఆహారం, నీరు లభించడం లేదని, దీంతో ఈ జీవులు ఇతర ప్రాంతాలకు వలస పోతున్నాయని ఆవేదన వ్యక్తం చేశాడు.
 
 డియోకాప్రియో చేసిన వ్యాఖ్యలు, ఈ విషయంలో అతడు రాసిన వ్యాసంపై ఇండోనేషియా కన్నెర్ర జేసింది. అతడు మరోసారి ఇండోనేషియా రాకుండా నిషేధం విధిస్తామని ఆదేశ అధికార ప్రతినిధి హెరు సాంతోసో తెలిపారు. తమ దేశం గురించి సోషల్‌ మీడియాలో రెచ్చగొట్టే వ్యాఖ్యలు చేస్తూ.. లేనిపోని కల్పనలు కల్పిస్తున్న ఆయనను బ్లాక్‌లిస్టులో పెడతామని హెచ్చరించింది.


 ఈ ఏడాది ఉత్తమ నటుడిగా ఆస్కార్ అవార్డు సాధించాడు. లెక్కకు మిక్కిలి సినిమాల ద్వారా ప్రపంచవ్యాప్తంగా అభిమానుల్ని సంపాదించుకున్నాడు. సోషల్ మీడియాలో అతని ఫాలోవర్ల సంఖ్య 3.6 కోట్ల మందికి పైనే. అన్నింటికి మించి పర్యావరణ పరిరక్షణ కోసం విపరీతంగా పాటుపడతాడు. ఫలానాచోట, ఫలానా కారణం వల్ల వాతావరణం కలుషితం అవుతోందని తెలిస్తేచాలు, స్టార్ డమ్ ను పక్కన పెట్టి ప్రకృతి ప్రేముకులతో కలిసి ఆందోళనకు దిగుతాడు. ప్రకృతి సమతుల్యం కోసం పరితపించే ఆ లక్షణమే హాలీవుడ్ హీరో లియోనార్డో డికాప్రియోను ఇప్పుడు చిక్కుల్లో పడేసింది.  
 
 అమెరికా సహా ప్రపంచ దేశాల్లో చాలా ఏళ్లుగా పర్యావరణ పరిరక్షణ కోసం అనేక కార్యక్రమాలు చేస్తోన్న, చేస్తున్నవారిని ప్రోత్సహిస్తోన్న డికాప్రియో గతవారం ఇండోనేసియాలో పర్యటించాడు. అక్కడి ప్రఖ్యాత గునుంగ్ లేసర్ జాతీయపార్కును సందర్శించిన సందర్భంలో ఇండోనేసియా ప్రభుత్వ తీరుపై ఘాటైన విమర్శలు చేశాడు. దీంతో అక్కడి ప్రభుత్వం డికాప్రియోపై దేశబహిష్కరణ వేటు వేస్తామని హెచ్చరించింది.
 
 దాదాపు 10 లక్షల హెక్టార్లు విస్తరించి ఉన్న గునుంగ్ పార్క్ ప్రపంచ ప్రఖ్యాత ఎకోజోన్లల్లో ఒకటి. అరుదైన వృక్షజాతులు, జంతుజాలానికి నిలయం. సముద్ర మట్టానికి 3వేల అడుగుల ఎత్తులో  రమణీయతతో అలరారే ఆ ప్రాంతంలో పామ్ ఆయిల్ ప్లాంట్లకు అనుమతినివ్వడం ద్వారా విధ్వంసానికి పూనుకుంది  ఇండోనేసియా ప్రభుత్వం. పామ్ ఆయిల్ ప్లాంట్లను ఇటీవల భారీగా విస్తరిస్తోంది కూడా. పామాయిల్ మొక్కల కోసం అడవిని చదునుచేయడంతోపాటు, పంటను నాశనం చేస్తున్నాయనే మిశపై ఒరాంగుటన్(అరుదైన చింపాజీలు)లను విచక్షణా రహితంగా చంపేస్తున్నారు.
 
 వీటన్నింటిపై ఇండోనేసియన్లే కాక ప్రపంచ ప్రపంచ దేశాల్లోని పర్యావరణ ప్రేమికులంతా ఆందోళననలు చేస్తున్నారు. వారికి మద్దతుగా ఇండోనేసియాకు వచ్చిన డికాప్రియో ప్రభుత్వం తీరును విమర్శిస్తూ సోషల్ మీడియాలో పోస్టులు పెట్టాడు. దీంతో మా దేశాన్ని అవమానించేలా వ్యాఖ్యలు చేసినందుకు వివరణ ఇవ్వమంటూ స్థానిక అధికారులు డికాప్రియోకు నోటీసులు జారీచేశారు. నోటీసులు అందుకునేలోపే నటుడు స్వదేశం అమెరికాకు వెళ్లిపోయాడు. గతంలో తమ దేశ అధికారులను వేధించాడనే ఆరోపణలపై నటుడు హారిసన్ ఫోర్డ్ (ఇండియానా జోన్స్, స్టార్ వార్స్ ఫేమ్) ను కూడా దేశం నుంచి బహిష్కరిస్తామని హెచ్చరించింది ఇండోనేసియా ప్రభుత్వం. 
 


 లాస్‌ఏంజిల్స్‌: ప్రముఖ ఎం టీవీ ప్రజెంటర్ లారా వైట్‌మోర్‌- రాక్ సింగర్ రోరీ విలయమ్స్‌ ప్రణయబంధానికి బీటలు పడ్డాయి. బాఫ్టా అవార్డుల ప్రదానోత్సవం సందర్భంగా లియోనార్డో డికాప్రియోతో లారా నైటౌట్‌ చేయడం.. ఈ ప్రేమికుల మధ్య చిచ్చు రేపింది. రోరీ నుంచి లారా విడిపోయింది.
 
 గత నెలలో లండన్‌లోని రాయల్ ఓపెరా హైజ్‌లో జరిగిన బాఫ్టా వేడుకల సందర్భంగా 'రెవెనంట్' స్టార్‌ లియో, లారా సన్నిహితంగా కనిపించారు. చెట్టాపట్టాలేసుకొని ఫొటోలకు పోజులిచ్చారు. ఈ సాన్నిహిత్యమే లారా-రోరీ బ్రేకప్ కు దారితీసింది. లారా (30) గత ఏడాది వేసవి నుంచే తనకంటే ఏడాది చిన్నవాడైన రోరీతో డేటింగ్ చేస్తోంది. వీళ్ల ప్రణయబంధం పెళ్లిపీటల వరకు వెళుతుందని భావించారు. ఇటీవల బోయ్‌ఫ్రెండ్‌ను ఈ అమ్మడు తన కుటుంబసభ్యులకు కూడా పరిచయం చేసింది. ఈ క్రమంలో బాఫ్టా వేడుకల్లో లియో-లారా కలిసి తిరుగడమే వీరి బంధానికి బ్రేక్ వేసింది. అయితే తాను లియోతో స్నేహంగా మాత్రమే గడిపానని, అంతకుమించి ఎలాంటిది జరుగలేదని లారా చెప్తోంది. లారాతో తాను విడిపోలేదని, ప్రస్తుతం తన మ్యూజిక్ కెరీర్‌పైనే దృష్టిపెట్టానని రాక్‌ సింగర్ రోరీ తెలిపాడు. లియో ఎపిసోడ్‌ వీరి బ్రేకప్‌కు దారితీసిందని సన్నిహితులు చెప్తున్నారు.


 20 ఏళ్ల అనుబంధం వాళ్లది. ఎప్పుడూ కలిసినా ఆత్మీయంగా హత్తుకునే చక్కని స్నేహబంధం వాళ్లది. 'టైటానిక్'  చిత్రంతో వెండితెరపై మెరిసిన ఆ జంటే జాక్‌-రోజ్‌ అలియాస్ లియోనార్డో డికాప్రియో, కేట్ విన్స్‌లేట్‌. 22 ఏళ్ల సుదీర్ఘ నిరీక్షణ అనంతరం లియో ఆస్కార్ పురస్కారాన్ని అందుకున్నాడు. ఈ శుభసందర్భంలో అందరూ ఆయనను అభినందనలతో ముంచెత్తగా.. ఆయన సన్నిహితురాలైన కేట్‌ మాత్రం అభినందనలతోపాటు కొన్ని ఆత్మీయమైన ముచ్చట్లూ పంచుకుంది.
 
 'ఒంటరిగా ఇంకెంతకాలం జీవితాన్ని గడుపుతావు.. తొందరగా పెళ్లి చేసుకొని కుటుంబ జీవితాన్ని ప్రారంభించు' అని ఆత్మీయురాలిగా సలహా ఇచ్చింది. లియో ఆస్కార్ గెలువడంతో తనకే ఆ పురస్కారం వచ్చినంత ఆనందంలో మునిగిపోయిన కేట్‌.. ఈ సందర్భంగా అతనికి వైవాహిక జీవితం గురించి సలహాలు కూడా ఇచ్చిందని ఆమె సన్నిహితులు  'హాలీవుడ్‌లైట్‌.కామ్‌'కు తెలిపారు. 'లియో తన కలను కూడా నెరవేరిస్తూ చూడాలని కేట్‌ కోరుకుంటోంది. అందుకే పెళ్లి చేసుకొని కుటుంబ జీవితాన్ని ప్రారంభించమని అతనికి సూచించింది. పిల్లలకు లియో మంచి తండ్రి కాగలడు అన్న విషయంలో కేట్‌ కు ఎలాంటి సందేహం లేదు' అని ఆమె సన్నిహితులు తెలిపారు.
 
 తండ్రి బాధ్యత ఎంతో బావుంటుందని, ఆ పాత్రతో ఒక్కసారి ప్రేమలో పడితే, నువ్వు తప్పకుండా దానిని ఆస్వాదిస్తావని లియోకు కేట్‌ వివరించిందన్నారు. నిజానికి లియోనార్డో మంచి రసికుడు. ఆయనకు చాలామంది గర్ల్‌ఫ్రెండ్స్ ఉన్నారు. ఈ నేపథ్యంలో ఆయనకు ఉన్న గర్ల్‌ఫ్రెండ్స్‌లో ఎవరైనా భార్యగా సరిపోతారో లేదో తాను వచ్చి చెక్‌ చేస్తానని ఆమె లియోతో జోక్‌ కూడా చేసిందని వారు వివరించారు.
 


  అవార్డ్ మర్చేపోయాడు!
  ఇరవై మూడేళ్ల తర్వాత దక్కిన తొలి ఆస్కార్‌ను ఎంత అపురూపంగా చూసుకోవాలి? ఉత్తమ నటునిగా ఆస్కార్ అవార్డు దక్కించుకున్న  లియొనార్డో డికాప్రియో మాత్రం ఈ బంగారు బొమ్మను మర్చిపోయాడు. సహజంగా పార్టీ ప్రియుడైన డికాప్రియో తన స్నేహితులకు ఆస్కార్  వేడుకల తర్వాత పెద్ద పార్టీ ఇచ్చాడు.   ఆ పార్టీలో హ్యాపీగా గడిపిన ఆయన పార్టీ అయిపోయాక, అందుకున్న ఆస్కార్ ప్రతిమను మర్చిపోయి,  కారు ఎక్కేశారు.
 
 ఇక కారు స్టార్ట్ అవుతుందనగా సదరు హోటల్ సిబ్బంది పరిగెత్తుకుంటూ వచ్చి కారులో ఉన్న డికాప్రియో ఒక చేతితో ష్యాంపైన్ బాటిల్, మరో చేతితో ఆస్కార్ ఇవ్వగానే ఆశ్చర్యపోవడం అందరి వంతైందట. ఇదిలా ఉండగా, బాలీవుడ్ సూపర్‌స్టార్ అమితాబ్ బచ్చన్ డికాప్రియోను అభినందించారు. ‘‘ఎట్టకేలకు డికాప్రియో ఉత్తమ నటునిగా ఆస్కార్ అందుకున్నాడు. అతడు ఈ గౌరవానికి అర్హుడు’’ అంటూ ట్విట్టర్ ద్వారా శుభాకాంక్షలు తెలియజేశారు. డికాప్రియోతో కలిసి ‘గ్రేట్ గాట్స్‌బీ’ అనే హాలీవుడ్ చిత్రంలో నటించారు అమితాబ్. ఆ సమయంలో డికాప్రియోతో కలిసి ఉన్న కొన్ని ఫొటోలను సోషల్ మీడియాలో పంచుకున్నారాయన.  
  
  స్విల్వెస్టర్‌కు మరో కండల వీరుడి ఓదార్పు!
  కండలు తిరిగిన నటుడు సిల్వెస్టర్ స్టాలెన్‌కు ఈ ఏడాది ఆస్కార్ అవార్డుల్లో నిరాశే ఎదురైంది. దాదాపు 40 ఏళ్ల తర్వాత దక్కిన మూడో నామినేషన్‌లో కూడా ఆస్కార్ ఆయనను వరించలేదు.  1977లో ‘రాకీ’ తర్వాత ‘క్రీడ్’ చిత్రానికి గానూ ఈ ఏడాది ఉత్తమ సహాయనటుని విభాగంలో పోటీపడ్డారు. అయితే ఈ సారి కూడా ఆయనను ఆస్కార్ వరించలేదు. ‘బ్రిడ్జ్ ఆఫ్ స్పైస్’ చిత్రానికి గానూ మార్క్ రైలాన్స్ ఈ విభాగంలో ఆస్కార్ అందుకున్నారు. స్టాలెన్ దీని గురించి ఏ కామెంట్ చేయకపోయినా, ఆయన సోదరుడు ఫ్రాంక్ మాత్రం అకాడమీ తీరును దుయ్యబట్టాడు.
 
 మార్క్‌కు ఈ అవార్డు ఇవ్వడం ఆస్కార్ అకాడమీ సిగ్గు పడాల్సిన విషయమంటూ ఆయన ట్వీట్ చేశారు. అయితే, కండల వీరుడైన మరో నటుడు ఆర్నాల్డ్ ష్వార్జెనగర్ మాత్రం స్టాలెన్‌కు బాసటగా నిలిచారు. ‘ఎవరేమన్నా సరే,  నాకు మాత్రం నువ్వే బెస్ట్’ అంటూ ట్వీట్ చేశారు ఆర్నాల్డ్. ఇది ఇలా ఉండగా, అకాడెమీని విమర్శించిన ఫ్రాంక్ సైతం ‘‘అవార్డు వచ్చిన మార్క్‌ను విమర్శించాలన్నది నా ఉద్దేశం కాదు. ఈ అవార్డుకు నా సోదరుడు స్టాలెన్ అర్హుడని చెప్పాలనే ఆ వ్యాఖ్యలు చేశా’’ అంటూ వివరణ ఇచ్చారు.
  
  అతి తక్కువ ఆదరణ
  ‘ఆస్కార్ సో వైట్’ అనే విమర్శల నుంచి బయటపడటానికి ఆస్కార్ అకాడమీ ఈ ఏడాది ఆస్కార్ వేడుకలకు హోస్ట్‌గా నల్ల జాతీయుడు క్లిస్ రాక్‌ను వ్యాఖ్యాతగా ఎంపిక చేసింది. కానీ, ఈ చిట్కాలేవీ టీవీ రేటింగ్స్‌ను మాత్రం పెంచలేకపోయాయి. భారత కాలమానం ప్రకారం సోమవారం ఉదయం జరిగిన ఆస్కార్  వేడుకలను ప్రపంచవ్యాప్తంగా 3 కోట్ల 43 లక్షల మంది టీవీల్లో వీక్షించారట. గడిచిన ఎనిమిదేళ్లతో ఇంత తక్కువ వ్యూయర్‌షిప్ నమోదు కావడం ఇదే తొలిసారి. నీల్ ప్యాట్రిక్ హ్యారిస్ వ్యాఖ్యాతగా  వ్యవహరించిన 87వ ఆస్కార్ వేడుకలను 3 కోట్ల 72 లక్షల మంది చూశారు. అయితే ఈ సారి నల్ల జాతీయులెవరూ నామినేట్ కాకపోవడం కూడా దీనికి కారణమని కొంత మంది సినీ విశ్లేషకులు చెబుతున్నారు.


 ముంబై: ఆస్కార్ అవార్డు గెల్చుకున్న హాలీవుడ్ నటుడు లియోనార్డో డికాప్రియో(41)కు బాలీవుడ్ బిగ్ బీ అమితాబ్ బచ్చన్ అభినందనలు తెలిపారు. డికాప్రియోకు కంగ్రాట్స్ చెప్తూ బిగ్‌ బి ట్వీట్ చేశారు. ‘ద రెవనెంట్’ చిత్రానికి గానూ డికాప్రియో ఉత్తమ నటుడిగా ఆస్కార్ అవార్డును అందుకున్న సంగతి తెలిసిందే.
 
 'ఆస్కార్ అవార్డు అందుకున్న నా సహ నటుడు, జంటిల్‌మెన్ లియోనార్డోకు శుభాకాంక్షలు. ఈ అవార్డు తీసుకునేందుకు అన్ని విధాల అర్హుడివి’ అని అమితాబ్ ట్వీట్ చేశారు. వీరిద్దరూ కలిసి ఉన్న ఫొటోలను పోస్ట్ చేశారు. 2013లో రిలీజైన ‘ద గ్రేట్ గేట్స్‌బై’ చిత్రంలో డికాప్రియోతో కలిసి అమితాబ్ నటించారు.


 23 ఏళ్ల సుదర్ఘ నిరీక్షణ అనంతరం ఆస్కార్ అవార్డు వరించడంతో ఇటు లియోనార్డో డికాప్రియో అటు ఆయన అభిమానులు పట్టరాని సంతోషంలో మునిగిపోయారు. ఐదు నామినేషన్లు పొందినా రాని ఆస్కార్ పురస్కారం.. 'రెవెనంట్‌'లో నటనకుగాను ఆరో నామినేషన్‌తో డికాప్రియోను వరించింది. ఉదయం ఈ ఆనందంతో తబ్బిబ్బైన లియో రాత్రి మాత్రం పార్టీలో ఫుల్‌ జోష్‌తో గడిపాడు. టీఎంజెడ్‌ డాట్‌కామ్‌ వెల్లడించిన వీడియో ప్రకారం.. ఆస్కార్ వచ్చిన సందర్భంగా డికాప్రియో హాలీవుడ్‌లోని ఓ రెస్టారెంట్‌లో తన స్నేహితులకు మస్త్‌ పార్టీ ఇచ్చాడు. ఈ పార్టీలో ఆయన తాగడమే కాదు ఎలక్ట్రిక్ సిగార్‌తో ధూమపానం కూడా చేసినట్టు తెలుస్తోంది. ఎంతో కష్టం తర్వాత దక్కిన ఆస్కార్‌ కావడంతో సహజంగానే ఆయన తన స్నేహితులతో రెస్టారెంట్‌లో ఆనందంగా గడిపాడని సన్నిహితులు చెప్తున్నారు.
 
 అయితే రెస్టారెంట్‌లో ఫుల్ మజా చేసిన లియో తన ఆస్కార్ పురస్కారాన్ని అక్కడే వదిలేసి వచ్చినట్టు కనిపిస్తోంది. రెస్టారెంట్‌లో నుంచి నిదానంగా నడుచుకుంటూ వచ్చి తన కారు ఎక్కిన ఆయనకు ఆ తర్వాత కాసేపటికి వచ్చిన ఓ వ్యక్తి  బ్యాటిల్ అందించగా, మరో వ్యక్తి వచ్చి బంగారు ఆస్కార్ బొమ్మను అందించాడు. గతంలోనూ స్క్రీన్ యాక్టర్స్ గిల్డ్ అవార్డుల ప్రదానోత్సవం అనంతరం లియో గట్టిగా దమ్ము కొడుతూ కనిపించిన ఫొటోలు హల్‌చల్‌ చేశాయి.
 


 23 ఏళ్ల నిరీక్షణ తరువాత కల నిజం చేసుకున్న హాలీవుడ్ నటుడు లియోనార్డో డికాప్రియో, అదే రోజు మరో అరుదైన రికార్డ్ సృష్టించాడు. 'ద రివెనెంట్' చిత్రానికి గాను ఉత్తమ నటుడిగా ఆస్కార్ అందుకున్న డికాప్రియోకి సోషల్ మీడియాలో శుభాకాంక్షలు వెల్లువెత్తాయి. 88వ అకాడమీ అవార్డ్స్ ఫంక్షన్లో ఉత్తమ నటుడిగా డికాప్రియో అవార్డ్ అందుకున్న మరుక్షణం ఆయన ట్విట్టర్ పేజ్పై భారీ సంఖ్యలో విషెస్ పోస్ట్ అయ్యాయి.
 
 ఆదివారం రాత్రి (భారత కాలమానం ప్రకారం సోమవారం ఉదయం)జరిగిన అవార్డ్ వేడుకల్లో ఉత్తమ నటుడిగా ఆస్కార్ అవార్డ్ను అందుకున్నాడు డికాప్రియో. అవార్డ్ ప్రదానం అయిన తొలి నిమిషంలోనే ఏకంగా 4 లక్షల 40 వేల శుభాకాంక్షల పోస్ట్లు వచ్చాయి. ఆ తరువాత ఉత్తమ చిత్రాన్ని ప్రకటించిన తరువాత కూడా ఇదే స్థాయిలో శుభాకాంక్షల ట్వీట్లు వచ్చాయి.


 బంగారు వర్ణంలో మెరిసిపోయే ఆ బొమ్మ అంటే అందరికీ అభిమానమే. ఒక్కసారైనా ఆ బొమ్మను దక్కించుకుంటే జీవితానికి ఓ సార్థకత చేకూరినట్లే అని ప్రతి సినీ కళాకారుడూ కోరుకుంటాడు. బంగారు ప్రతిమ దక్కడం అంత సులువు కాదు. అందుకే, దక్కినవారు ప్రపంచాన్ని జయించినంత ఆనందపడిపోతారు. లాస్ ఏంజిల్స్‌లోని డాల్బీ థియేటర్‌లో జరిగిన 88వ ఆస్కార్ అవార్డు వేడుకల్లో అలా విజయగర్వం పొందిన విజేతలు చాలామందే ఉన్నారు. అట్టహాసంగా జరిగిన ఈ ఉత్సవంలో స్వర్ణవర్ణంలో మెరిసిపోయిన ఆస్కార్‌ను అందుకుని, ఉద్వేగానికి లోనైనవారి జాబితా ఎక్కువే.
 
 కళ్లు చెదిరే అందంతో ముస్తాబై వచ్చిన తారలు ప్రత్యేక ఆకర్షణగా నిలిచారు. హాస్య నటుడిగా మంచి గుర్తింపు తెచ్చుకున్న క్రిస్ రాక్ ఈ వేడుకకు వ్యాఖ్యాతగా వ్యహరించారు. ఇక.. ఆస్కార్ వేడుక విశేషాలు తెలుసుకుందాం...
  
 ♦ అరడజను ఆస్కార్‌లతో ‘మ్యాడ్ మ్యాక్స్’ పండగ    
 ♦ ముచ్చటగా మూడు ఆస్కార్‌లతో ‘రెవనెంట్’  
 ♦ 87 ఏళ్ల ఎన్నీ మార్కొనీ (సంగీత దర్శకుడు)కి తొలి ఆస్కార్
  
 ఉత్తమ చిత్రం: స్పాట్‌లైట్   
 నటుడు: లియోనార్డో  డికాప్రియో  
 నటి: బ్రీ లార్సెన్  
 దర్శకుడు: అలెజాండ్రో  
 సహాయనటుడు: మార్క్ రెలైన్స్  
 సహాయనటి:  అలీషియా
 ఛాయాగ్రహణం: ఎమాన్యుల్  
 ఫిల్మ్ ఎడిటింగ్: మార్గరెట్   
 కాస్ట్యూమ్ డిజైనర్: జెన్నీ బెవాన్
  
 ఉత్తమ చిత్రకథ ఇదే: ‘ఉత్తమ’ చిత్రంగా ఆస్కార్ గెల్చుకున్న ‘స్పాట్‌లైట్’ కథలోకి వస్తే... బోస్టన్‌లోని క్యాథలిక్ చర్చిల్లో పిల్లలపై 90 మంది పాస్టర్లు అత్యాచారం జరుపుతారు. వారి చీకటి జీవితాలను ప్రపంచానికి చూపించడానికి ‘బోస్టన్ గ్లోబ్’ పత్రికా రిపోర్టర్ మైఖేల్ రెజెండస్ తన సహోద్యోగులతో కలిసి చేసిన పోరాటమే ‘స్పాట్‌లైట్’ చిత్రం. 2001లో జరిగిన ఈ యథార్థ ఘటనకు తెర రూపం ఇచ్చారు నటుడు,దర్శకుడు టామ్ మెకార్తి. ఆస్కార్ సాధించిన మొదటి ఇన్వెగెస్టిగేటివ్ జర్నలిస్ట్ మూవీగా చరిత్రకెక్కింది. దర్శకుడు టామ్ మెకార్తి రెండో నామినేషన్‌లోనే తొలి ఆస్కార్‌ను సాధించారు.
  
 జాతి వివక్ష ఉంటే.. నాకెలా చాన్స్ దక్కేది: వ్యాఖ్యాత క్రిస్ రాక్ ఆస్కార్ నామినేషన్లలో ఈసారి ‘నో బ్లాక్ నామినీస్’ అనే వివాదం చెలరేగిన విషయం తెలిసిందే. ‘ఆస్కార్ సో వైట్’ అని నల్లజాతికి చెందిన పలువురు తారలు ఈ వేడుకలను బహిష్కరించారు. అందుకేనేమో ఓపెనింగ్ మోనోలాగ్‌లోనే, ‘‘ఈసారి అవార్డుల కార్యక్రమాన్ని ‘వైట్ పీపుల్ చాయిస్’ కార్యక్రమంగా విమర్శిస్తున్నారు. అలా అయితే నాకిక్కడ హోస్ట్‌గా వ్యవహరించే చాన్స్ వచ్చి ఉండేది కాదు కదా! 1950, 60ల్లో జరిగిన ఆస్కార్ అవార్డు వేడుకల్లో కూడా బ్లాక్ నామినీస్ ఎవరూ లేరు.
 
 కేవలం 88వ ఆస్కార్ల కార్యక్రమంలో జరగడం ఇది కొత్తన్నట్లు చాలామంది మాట్లాడటం విచిత్రం’’ అని క్రిస్ పేర్కొన్నారు. ఇదో అందమైన సాయంత్రం: లియోనార్డో డికాప్రియో (ఉత్తమ నటుడు) - 1991లో ‘క్రిట్టర్స్ త్రీ’ అనే చిత్రం ద్వారా లియొనార్డో డికాప్రియో వెండితెరపై కనిపించారు. ఆ తర్వాత పలు పాత్రలు చేసినప్పటికీ 1997లో నటించిన ‘టైటానిక్’ చిత్రం ప్రపంచవ్యాప్తంగా ఆయన్ను పాపులర్ చేసింది.
 
 1993లో ‘వాట్స్ ఈటింగ్ గిల్బెర్ట్ గ్రేప్’ చిత్రానికిగానూ ఉత్తమ సహాయనటునిగా తొలిసారి ఆస్కార్ నామినేషన్ దక్కించుకున్నారు లియొనార్డొ. ఆ తర్వాత ‘ఏవియేటర్’, ‘బ్లడ్ డైమండ్’, వోల్ఫ్ ఆఫ్ వాల్ స్ట్రీట్’ చిత్రాలకుగానూ నాలుగు సార్లు నామినేషన్ దక్కించుకున్నప్పటికీ అవార్డు మాత్రం వరించలేదు. ‘రెవనెంట్’ చిత్రానికి నామినేషన్ దక్కించుకుని, పాతికేళ్ల కెరీర్‌లో ఈసారి డికాప్రియో అవార్డు కూడా సాధించారు. పర్యావరణ పరిరక్షణ కోసం ఆయన ఎప్పట్నుంచో పోరాడుతున్నారు. దాన్ని ప్రస్తావించడానికి ఇదే సరైన వేదికగా భావించారాయన.
 
 ‘‘ప్రకృతికి, మనిషికీ ఉండే అనుబంధమే ‘రెవనెంట్’. రాను రాను వాతావరణంలో చోటు చేసుకుంటున్న మార్పులు మనిషినే కాక, మిగతా జీవుల అస్థిత్వాన్ని ప్రమాదంలోకి నెడుతున్నాయి. దీనిపై మనందరం పోరాడాల్సిన అవసరం ఉంది. మన  పిల్లలు, వాళ్ల పిల్లల బంగారు భవిష్యత్తు గురించి మాట్లాడటానికి అవకాశం ఇచ్చిన అందరికీ కృతజ్ఞతలు. చివరిగా ఓ మాట... రాబోయే కాలంలో ఈ గ్రహానికి ప్రమాదంగా పరిణమించే వేటినీ మనం ఉపేక్షించకూడదు. ఆ విషయాన్ని నేను తేలికగా తీసుకోను. ఈ ఆస్కార్ తో నా బాధ్యత ఇంకా పెరిగింది. ఈ అందమైన సాయంత్రాన్ని ఎప్పటికీ మర్చిపోలేను’’ అని డికాప్రియో అన్నారు.  
  
 ఇప్పుడు రంగుని చూడటంలేదు:  అలెజాండ్రో గొంజాలెజ్ ఇన్నారిటు (ఉత్తమ దర్శకుడు) - ‘బర్డ్‌మ్యాన్’ చిత్రానికిగాను గతేడాది ఉత్తమ చిత్రం, ఉత్తమ దర్శకుడు విభాగాల్లో ఆస్కార్ దక్కించుకున్న మొదటి మెక్సికన్ దర్శకుడు అలెజాండ్రో. ఈసారి ‘రెవనెంట్’ చిత్రానికి ఉత్తమ దర్శకుడి అవార్డు అందుకున్నారు. అలెజాండ్రో  మాట్లాడుతూ - ‘‘వరుస ఆస్కార్లను అస్సలు ఊహించలేదు. ఈ సినిమాలో హీరో పాత్ర తన కొడుకుతో ‘‘నీ మాట ఎవరూ ఇక్కడ వినరు. కేవలం రంగునే చూస్తారు’’ అనే డైలాగ్ ఉంటుంది. మన అదృష్టం కొద్దీ మన జనరేషన్‌కు అలాంటి కష్టాల్లేవు. ఒకవేళ మనకెంత జుత్తు పెరిగినా ఎవరూ పట్టించుకోరు (పొడుగ్గా పెరిగిన తన జుత్తును చూపిస్తూ). అలాగే మన రంగును కూడా. కేవలం టాలెంట్ కే క్రైటీరియా’’ అనడం వీక్షకులను నవ్వించింది.
  
 ఇక్కడిదాకా వస్తాననుకోలేదు: బ్రీ లార్సెన్ (ఉత్తమ నటి) - బుల్లి తెర నటిగా అడుగుపెట్టిన బ్రీ లార్సెన్ ‘రూమ్’ చిత్రంతో తొలి ఆస్కార్ అందుకున్నారు. ‘‘నాకు ఫిల్మ్ మేకింగ్‌లో నచ్చేదేంటంటే ఓ సినిమా రూపొందడంలో చాలామంది కృషి ఉంటుంది. అలాగే ఈ సినిమా వెనక కూడా చాలా మంది ఉన్నారు. వాళ్లందరికీ చాలా థ్యాంక్స్. నేనిక్కడిదాకా వస్తాననుకోలేదు’’ అని చెప్పారు.
  
 మార్కొనీ ఎట్టకేలకు సాధించారు: ఇప్పటికి అయిదు సార్లు ఆస్కార్ నామినేషన్లు దక్కించుకున్న పెద్ద వయస్కునిగా సంగీత దర్శకుడు 87 ఏళ్ల ఎన్నీ మార్కొని కల చివరికి నిజమైంది. క్వెంటిన్ టరొంటినో తెరకెక్కించిన ‘ద హేట్‌ఫుల్ ఎయిట్’ చిత్రానికిగానూ ‘ఒరిజినల్ స్కోర్’ విభాగంలో ఆయన నామినేషన్ దక్కించుకున్నారు. ఈసారి మాత్రం తాతగారిని బంగారు బొమ్మ వరించింది. ఆస్కార్ అందుకున్న 87 ఏళ్ల వ్యక్తిగా అకాడమీ చరిత్రలో నిలిచిపోయారు.
  
 ఆ సినిమాటోగ్రాఫర్ కు హ్యాట్రిక్
 1995లో ‘ఎ లిటిల్ ప్రిన్సెస్’తో ఉత్తమ సినిమాటోగ్రాఫర్ విభాగంలో తొలిసారిగా ఆస్కార్ నామినేషన్ దక్కించుకున్న స్పానిష్ సినిమాటోగ్రాఫర్ ఎమాన్యుల్ లుబెజ్కి. ఆ తర్వాత నాలుగు నామినేషన్లు దక్కించుకున్నా ఆస్కార్ వరించలేదు. చివరికి 2013 ఆస్కార్లలో ‘గ్రావిటీ’ చిత్రానికిగానూ ఉత్తమ సినిమాటోగ్రాఫర్‌గా తొలి ఆస్కార్‌ను సొంతం చేసుకున్నారు. 2014లో ‘బర్డ్‌మ్యాన్’ చిత్రానికో ఆస్కార్, ఇప్పుడు 2015కి సంబంధించిన అవార్డుల్లో ‘ద రెవనెంట్’ చిత్రానికి ఆస్కార్ అందుకున్నారు. వరుసగా మూడు ఆస్కార్‌లతో హ్యాట్రిక్ సాధించారు.
 - డి.జి. భవాని, బి. శశాంక్
  
 విజేతల వివరాలు :-
 చిత్రం: స్పాట్‌లైట్, నటుడు: లియోనార్డో  డికాప్రియో (‘ద రెవనెంట్’), నటి: బ్రీ లార్సెన్ (‘రూమ్’), ఉత్తమ దర్శకుడు: అలెజాండ్రో గొంజాలెజ్  (‘ద రెవనెంట్’), సహాయనటుడు: మార్క్ రెలైన్స్ (బ్రిడ్జ్ ఆఫ్ ద స్పైస్), సహాయనటి:  అలీషియా వికందర్ (ద డనిష్ గాళ్), ఛాయాగ్రహణం: ఎమ్మాన్యుల్ లుబెజ్కి  (‘ద రెవనెంట్’), ఒరిజినల్ స్క్రీన్‌ప్లే: టామ్ మెకార్తి, జోష్ సింగర్ (‘స్పాట్‌లైట్’), ఎడాప్టడ్ స్క్రీన్‌ప్లే: ఆడమ్ మెక్కే, చార్లస్ రాండోల్ఫ్ (‘ద బిగ్ షార్ట్’), ఫిల్మ్ ఎడిటింగ్: మార్గరెట్ సిక్సల్ (‘మ్యాడ్ మ్యాక్స్: ఫ్యూరీ రోడ్’), సౌండ్ ఎడిటింగ్: మార్క్ మ్యాంజిని, డేవిడ్ వైట్ (‘మ్యాడ్ మ్యాక్స్: ఫ్యూరీ రోడ్’), సౌండ్ మిక్సింగ్:  క్రిస్ జెంకిన్స్, గ్రెగ్ రుడ్లొఫ్, బెన్ ఓస్మొ (‘మ్యాడ్ మ్యాక్స్: ఫ్యూరీ రోడ్’), కాస్ట్యూమ్ డిజైనర్: జెన్నీ బేవ్యాన్ (‘మ్యాడ్ మ్యాక్స్: ఫ్యూరీ రోడ్’), ప్రొడక్షన్ డిజైన్: కొలిన్ గిబ్సన్, లిసా థాంప్సన్ (‘మ్యాడ్ మ్యాక్స్: ఫ్యూరీ రోడ్’), మేకప్ అండ్ హెయిర్ స్టయిలింగ్:  లెస్లీ వ్యాండర్‌వాల్ట్, ఎల్కావార్డేగా, డమియన్ మార్టిన్ (‘మ్యాడ్ మ్యాక్స్: ఫ్యూరీ రోడ్’), విజువల్ ఎఫెక్ట్స్: ‘ఎక్స్ మెషినా’, యానిమేటడ్ షార్ట్‌ఫిలిమ్: బేర్ స్టోరీ, యానిమేటడ్ ఫీచర్ ఫిలిమ్: ఇన్‌సైడ్ ఔట్, డాక్యుమెంటరీ ఫీచర్: అమీ, డాక్యుమెంటరీ షార్ట్ సబ్జెక్ట్: ఎ గాళ్ ఇన్ ద రివర్: ద ప్రిన్స్ ఆఫ్ ఫర్‌గివ్‌నెస్, విదేశీ చిత్రం: సన్ ఆఫ్ సొ (దేశం: హంగేరి), ఒరిజినల్ సాంగ్: రైటింగ్స్ ఆన్ ద వాల్ (‘స్పెక్టర్’), ఒరిజినల్ స్కోర్: ఎన్నీ మార్కోని (‘ద హేట్‌ఫుల్ ఎయిట్’)
  
 ఉత్తమ నటుడుగా ఆస్కార్ అందుకున్న లియొనార్డో డిక్రాపియోకి ప్రపంచవ్యాప్తంగా చాలామంది అభిమానులు ఉంటారు. ముఖ్యంగా మన తెలుగు పరిశ్రమకు చెందినవాళ్లల్లో డికాప్రియోను ఇష్టపడే తారలు ఉన్నారు. ఈ ‘టైటానిక్’ ఫేంకు అవార్డు దక్కిన సందర్భంగా ఇక్కడి సినీ తారలు ఏమన్నారో తెలుసుకుందాం...
  
 ‘‘రెండేళ్లుగా ఈ క్షణాల కోసమే ఎదురు చూస్తున్నా.
 చివరికి లియొనార్డొ ఉత్తమ నటుడిగా ఆస్కార్ అందుకున్నాడు.
 పూర్తి అర్హత ఉన్న నటుడికే దక్కింది. చాలా ఆనందంగా ఉంది’’            - అల్లు అర్జున్
  
 ‘‘కంగ్రాచ్యులేషన్స్ చాంపియన్.. నువ్వు సింహానివి.
 నీ అర్హతకు తగ్గదే లభించింది. నువ్వు చాలా సాధించావ్.
 భవిష్యత్తులో ఇంకా ఎన్నో సాధిస్తావ్’’    - అఖిల్
  
 ‘‘అవార్డు దక్కించుకున్నా దక్కించుకోకపోయినా లియొనార్డొ ఎప్పటికీ నా ఫేవరెట్ నటుడే.
 అందుకే తనకు అవార్డు రావడం చాలా ఆనందంగా ఉంది.
 గతంలో నామినేషన్లు పొందినప్పుడు కూడా తనే గెలవాలని కోరుకున్నాను’’           - త్రిష
  
 ‘‘హమ్మయ్యా! ఎట్టకేలకు లియోనార్డొ ఆస్కార్ దక్కించుకున్నాడు.
 అయితే ‘రెవనెంట్’ చిత్రం ఒక్కదానికే కాదు.
 మొత్తం అతను నటించిన అన్ని చిత్రాలకూ ఆస్కార్ వస్తే బాగుండేది.
 గత ఏడాది ఆయన హీరోగా నటించిన ‘వోల్ఫ్ ఆఫ్ వాల్ స్ట్రీట్’కి  ఆస్కార్  వచ్చి ఉండాల్సింది’’     - చార్మి
  
 35 ఏళ్ల తర్వాత హంగేరీకి ఆస్కార్
 ఉత్తమ విదేశీ చిత్రం విభాగంలో హంగేరి, ఫ్రాన్స్, డెన్మార్క్, కొలంబియా, జోర్డాన్ దేశాలకు సంబంధించిన చిత్రాలు నిలిచాయి. హంగేరీ దేశానికి చెందిన ‘సన్ ఆఫ్ సౌల్’ ఆస్కార్ గెల్చుకుంది. ఈ చిత్రదర్శకుడు లాష్లో నెమెస్‌కి ఇది తొలి చిత్రం కావడం విశేషం. మరో విశేషం ఏంటంటే.. 35ఏళ్ల తర్వాత హంగేరీ దేశాన్ని వరించిన ఆస్కార్ ఇది. అంతకుముందు ‘మెఫిస్టో’ (1981) అనే చిత్రానికి ఆస్కార్ దక్కింది. రెండో ప్రపంచ యుద్ధ సమయంలో సాగే కథతో ఈ చిత్రాన్ని రూపొందించారు.


 ఎస్, ఎస్, ఎస్.. ఇట్స్ లియోనార్డో డికాప్రియో.. ఫైనల్లీ ద కింగ్ ఈజ్ బ్యాక్.. ఇది ట్విట్టర్ లో ఆయన అభిమానుల ప్రతిస్పందన.. ఐదుసార్లు బెస్ట్ నటుడిగా నామినేషన్ పొంది.. అందినట్టే ఊరించి చివరినిమిషంలో చేజారుతూ వస్తున్న ఆస్కార్ పురస్కారం ఎట్టకేలకు డికాప్రియోను వరించడంతో ఆయన అభిమానులే కాదు సహ నటులు సైతం హర్షాతిరేకాలు వ్యక్తం చేశారు. 'టైటానిక్'లో ఆయనకు జోడీగా నటించిన కేట్ విన్స్ లెట్ కూడా ఆనందబాష్పాలు రాలుస్తూ తన ఆనందాన్ని ప్రకటించింది.
 
 ఇక ట్విట్టర్ లో అభిమానులు డికాప్రియో తొలి ఆస్కార్ అందుకున్నందుకు ఫిబ్రవరి 28న అధికారికంగా ప్రపంచవ్యాప్త సెలవును ప్రకటించాలని పేర్కొన్నారు. ఇప్పటికైనా డికాప్రియో ప్రతిభను గుర్తించారని ఆనందం వ్యక్తం చేశారు.
 
 ఇటు బాలీవుడ్ ప్రముఖులు అనీల్ కపూర్, అనుపమ్ ఖేర్, ఫర్హాన్ అఖ్తర్ తదితరులు ట్విట్టర్ లో లియోనార్డో డికాప్రియోకు అభినందనలు తెలిపారు. ఇప్పటికైనా ఆయన ప్రతిభకు తగిన గుర్తింపు లభించిందని ఆనందం వ్యక్తం చేశారు. బ్రయన్ క్రాంస్టన్ (ట్రంబో), మైఖేల్ ఫాస్ బెండర్ (స్టీవ్ జాబ్స్), ఎడ్డీ రెడ్మైనీ (ద డానిష్ గర్ల్), మాట్ డామన్ (ద మార్షియన్) వంటి హీరోలు రేసులో ఉన్నా 'ద రెవెనంట్' సినిమాలో చూపిన అద్భుతమైన అభినయానికిగానూ డికాప్రియో ఆస్కార్ సాధించారు. ఆయనకు గతంలో 'ద వోల్ఫ్ ఆఫ్ వాల్ స్ట్రీట్', 'బ్లడ్ డైమండ్' వంటి సినిమాలకు ఆస్కార్ నామినేషన్ లభించింది.


 లాస్ ఏంజిల్స్: 23 ఏళ్ల సుదీర్ఘ నిరీక్షణ. ఐదు నామినేషన్లు. అయినా అందకుండా ఊరిస్తున్న ఆస్కార్. ఎట్టకేలకు 'టైటానిక్' హీరో లియోనార్డో డికాప్రియో కల నెరవేరింది. థ్రిల్లర్ డ్రామా 'ద రెవెనంట్' సినిమాలో చూపిన తన నటవిశ్వరూపానికిగాను డికాప్రియో ఉత్తమ నటుడిగా ఆస్కార్ ట్రోపీని అందుకున్నాడు. 'రెవెనంట్' సినిమాలో పగ తీర్చుకునే ఫర్ ట్రాపర్ పాత్రలో అసాధారణ అభినయాన్ని చూపిన డికాప్రియో అకాడమీ పురస్కారాన్ని అందుకొని భావోద్వేగంతో ప్రసంగించాడు. సినిమా దర్శకుడు ఇనారితు, సహ నటుడు టామ్ హార్డీతోపాటు చిత్ర యూనిట్ కు కృతజ్ఞతలు తెలిపాడు.
 
 ప్రకృతి ప్రేమికుడైన డిక్రాపియో ఈ సందర్భంగా పర్యావరణ అంశాన్ని ప్రస్తావించాడు. 'సహజమైన ప్రపంచంతో మనిషి అనుబంధాన్ని మా 'రెవెనంట్' సినిమా చాటింది. వాతావరణం మారుతున్న సంగతి వాస్తవం. ఇది ప్రస్తుతం జరుగుతోంది. మన భూగోళంపై ప్రభావం చూపుతోంది. యావత్ జీవకోటి ఎదుర్కొంటున్న తీవ్రమైన ముప్పు ఇది. దీనిని అడ్డుకునేందుకు మనం అందరం కృషి చేయాల్సిన అవసరముంది' అని డికాప్రియో పేర్కొన్నాడు.
 
 డికాప్రియో 'రెవెనంట్' సినిమా బెస్ట్ యాక్టర్, బెస్ట్ డైరెక్టర్ వంటి ప్రతిష్టాత్మక పురస్కారాలు తన ఖాతాలో వేసుకున్నా.. అనూహ్యంగా 'స్పాట్ లైట్' సినిమా ఉత్తమ చిత్రంగా ఆస్కార్ ను ఎగరేసుకుపోవడం గమనార్హం.


 లాస్ ఏంజిల్స్ :  ప్రపంచ చలనచిత్ర రంగంలో అత్యున్నతంగా భావించే ఆస్కార్ అవార్డుల ప్రదానోత్సవం అంగరంగ  వైభవంగా కొనసాగుతోంది.  88వ ఆస్కార్ అవార్డుల పురస్కారాల్లో ఈసారి 'మ్యాడ్ మాక్స్: ఫ్యూరీ రోడ్' అవార్డుల రేసులో దూసుకుపోతోంది. ఇప్పటివరకూ ఏకంగా ఆరు అవార్డులను తన ఖాతాలో వేసుకుంది. జార్జ్‌ మిల్లర్‌ దర్శకత్వం వహించిన మ్యాడ్ మ్యాక్స్: ఫ్యూరీ రోడ్ చిత్రం 10 నామినేషన్లను దక్కించుకున్న విషయం తెలిసిందే. 'మ్యాడ్‌ మాక్స్‌: ఫ్యూరీ రోడ్‌'  చిత్రం కథనానికి వెళితే ఓ మహిళ, మరి కొందరు మహిళా ఖైదీలతో కలిసి చేసిన పోరాటానికి మ్యాక్స్‌ అనే వ్యక్తి సహాయం చేస్తాడు. వారు తమ సొంత భూమిని వెదుక్కుంటూ జీవించడానికి చేసే పోరాటమే ఈ చిత్రం.
 
 కాస్ట్యూమ్ డిజైన్‌లో జెన్నీ బీవాన్‌కు ఆస్కార్ దక్కింది. జెన్సీ బీవాన్‌కు ఆస్కార్ దక్కడం ఇదో రెండోసారి. మ్యాడ్ మ్యాక్స్ ఫ్యూరీ రోడ్ సినిమాకు ప్రొడక్షన్ డిజైనర్‌గా ఉన్న కొలిన్ గిబ్సన్, లీసా థాంప్సన్ కూడా ఆస్కార్‌ను గెలుచుకున్నారు. మేకప్-హెయిర్ స్టయిల్ విభాగంలోనూ మ్యాడ్ మ్యాక్స్ ఫిల్మ్‌కే ఆస్కార్ దక్కింది. ఫిల్మ్ ఎడిటింగ్‌లోనూ ఫ్యూరీ రోడ్‌కు ఆస్కార్ దక్కింది. మార్గరేట్ సిక్సల్ ఆ కేటగిరీలో ఆస్కార్‌ను అందుకున్నారు. సౌండ్ ఎడిటింగ్‌లో మార్క్ మాంగిని, డేవిడ్ వైట్‌లు ఆస్కార్లను అందుకున్నారు. సౌండ్ మిక్సింగ్ విభాగంలో క్రిస్ జెన్‌కిన్స్, గ్రెగ్ రుడాల్ఫ్, బెన్ ఓస్మో ఆస్కార్‌ను గెలుచుకున్నారు.
 
 ఉత్తమ్‌ ఎడిటింగ్ ‌(సీక్సెల్‌)
 కాస్టూమ్‌ డిజైనింగ్‌(జెన్నీ బెవన్‌)
 ప్రొడక్షన్‌ డిజైనింగ్‌(కొలిన్‌ గిబ్సన్‌)
 మేకప్‌, కేశాలంకరణ(లెస్లే వాండర్‌వాల్ట్‌, ఎల్కా వార్డెజ్‌)
 సౌండ్‌ ఎడిటింగ్‌( మార్క్‌ మాగ్నీ, డేవిడ్‌ వైట్‌)
 సౌండ్‌ మిక్సింగ్‌(క్రిస్‌ జెన్‌కిన్స్‌, గ్రిజ్‌ రడాల్ఫ్‌)


 లాస్ఏంజిల్స్ :  2016 సంవత్సరానికి ఆస్కార్ పురస్కారానికి  (88వ అకాడమీ అవార్డ్స్) తెర లేచింది. ప్రపంచంలోనే ప్రతిష్టాత్మకమైన ఆస్కార్ అవార్డుల ప్రదానోత్సవం లాస్ ఏంజిల్స్లో వైభవంగా ప్రారంభమైంది. భారత కాలమానం ప్రకారం సోమవారం ఉదయం అమెరికాలోని లాస్ ఏజెల్స్లో హాలీవుడ్ డాల్బీ థియేటర్లో ఈ వేడుగ అట్టహాసంగా జరుగుతోంది.  ప్రతి ఏడాదిలాగే ఈ సంవత్సరం కూడా వివిధ విభాగాల్లో మొత్తం 20 మంది నటులు ఆస్కార్ కోసం పోటీపడుతున్నారు. అయితే ఇందులో 70 శాతం మంది ఇది వరకు ఆస్కార్
 తీసుకున్నవాళ్లే కావడం విశేషం.
 ఇక 'టైటానిక్' ఫేమ్  లియోనార్డో డికాప్రియో సినిమా 'రెవనెంట్'  ఈ ఏడాది అత్యధికంగా 12 విభాగాల్లో  నామినేషన్లను సాధించింది. ఇక మరో చిత్రం మ్యాడ్ మాక్స్: ఫ్యూరీ రోడ్ చిత్రం పది అంశాల్లో పోటీ పడనుంది.  ఉత్తమ చిత్రాల బరిలో ది బిగ్ షార్ట్,  బ్రిడ్జ్ ఆఫ్ స్పైస్,  బ్రోక్లెన్,  మాడ్ మాక్స్:ఫ్రే రోడ్, ది మార్టిన్, ది రెవెనెంట్, రోమ్, స్పాట్ లైట్ చిత్రాలు ఉన్నాయి.
 
 ఉత్తమ నటుడి విభాగంలో స్టార్ హీరోలు లియోనార్డో డికాప్రియో, బ్రయాన్ క్రాన్ స్టన్, మాట్ డామన్, మైఖెల్ ఫాస్బెండర్, ఎడ్డిల్ లు పోటీ పడుతున్నారు. ఉత్తమ నటి విభాగంలో కేట్ బ్లాంచెట్, బ్రై లార్సన్, జెన్నిఫర్ లారెన్స్, షార్లెట్ రాంఫ్లింగ్, రోనన్ లు నామినేషన్స్ పొందారు. కాగా టైటానిక్ సుందరి కేట్ విన్స్లెట్ 'స్టీవ్ జాబ్స్ ' సినిమాకు గాను.. ఉత్తమ సహాయ నటి విభాగంలో నామినేషన్ పొందింది.
 
 88వ ఆస్కార్ అవార్డులు ఇవీ...
 88వ ఆస్కార్ అవార్డులు ఇవీ...
 ఉత్తమ నటుడు : లియెనార్డో డి కాప్రియో (ది రివెనెంట్)
 ఉత్తమ నటి : బ్రి లార్సన్ (రూమ్)
 ఉత్తమ సహాయ నటి అలీషియా వికందర్ ( ద డానిష్ గర్ల్)
 ఉత్తమ స్క్రీన్ ప్లే- స్పాట్ లైట్
 
 బెస్ట్ కాస్ట్యుమ్ డిజైనర్ -జెన్నీబీవన్ (మ్యాడ్ మాక్స్: ఫ్యూరీ రోడ్)
 మేకప్ అండ్ హెయిర్ స్టయిలింగ్ (మ్యాడ్ మాక్స్: ఫ్యూరీ రోడ్)
 ఉత్తమ ప్రొడక్షన్ డిజైన్:  కొలిన్ గిబ్సన్, లిసా థామ్సన్ (మ్యాడ్ మాక్స్: ఫ్యూరీ రోడ్)
 బెస్ట్ ఫిల్మ్ ఎడిటింగ్: మార్గరేట్ సిక్సల్ (మ్యాడ్ మాక్స్: ఫ్యూరీ రోడ్)
 బెస్ట్ సౌండ్ ఎడిటింగ్:డేవిడ్ వైట్ అండ్ మార్క్ మంగిని (మ్యాడ్ మాక్స్: ఫ్యూరీ రోడ్)
 
 బెస్ట్ సినిమాటోగ్రఫీ ...ఎమాన్యువల్ లుబెజ్కి (ద రెవెనంట్)
 బెస్ట్ యానిమేషన్ ఫీచర్ ఫిల్మ్ (ఇన్సైడ్ అవుట్)
 బెస్ట్ యానిమేషన్ షార్ట్ ఫిల్మ్ (ది బేర్ స్టోరీ)
 బెస్ట్ సహాయ నటుడు మార్క్ రిలాన్స్(బ్రిడ్జి ఆఫ్ స్పైస్)
 బెస్ట్ డైరెక్టర్ అలెజాండ్రో (ది రివెనెంట్)


 లండన్‌: 'టైటానిక్‌' హీరో లియోనార్డ్ డికాప్రియో అవార్డు ఫంక్షన్లలో ఏం చేసినా అది వైరల్‌ అయ్యే పరిస్థితి కనిపిస్తోంది. గోల్డెన్ గ్లోబ్ పురస్కారాల వేడుకలో ఆయనను పాప్ సింగర్ లేడీ గాగా విరుసుగా తోసుకొనిపోవడం.. అది చూసి లియోనార్డ్ బిత్తరపోవడం తెలిసిందే. ఆ వీడియో అప్పట్లో ఆన్‌లైన్‌లో బాగానే హల్‌చల్ చేసింది. ఈసారి బాఫ్టా అవార్డుల వేడుక ఈ వైరల్‌కు వేదిక అయింది. ప్రేమికుల రోజు సందర్భంగా తొలిసారి ఈ వేడుకలో 'కిస్‌ క్యామ్‌'ను ప్రవేశపెట్టారు.
 
 అయితే, ఊహించినట్టు ప్రేమికులుగా భావిస్తున్న మైఖేల్ ఫాస్‌బెండర్‌, అలిషియా వికాండర్ మాత్రం ఈ 'కిస్‌ క్యామ్‌' ఫోకస్‌ అయిన సందర్భంగా ముద్దు పెట్టుకోలేదు. ఇది అందరినీ ఒకింత నిరాశపరిచింది. అయితే ఈ లోటును డికాప్రియో చాలా తెలివిగా పూడ్చాడు. 81 ఏళ్ల డామ్‌ మ్యాగీని, 41 ఏళ్ల లియోనార్డోని ఒకేఫ్రేములో ఈ కెమెరా ఫిక్స్ చేయగానే.. ఊహించనిరీతిలో లియోనార్డో ముందుకొచ్చి మ్యాగీని ఆత్మీయంగా ముద్దాడారు. 'హ్యారీపోటర్‌' సినిమాలో కీలక పాత్రలో నటించిన మ్యాగీ కూడా ఈ కిస్‌ను ఆత్మీయంగా స్వీకరించారు. ఇది ఊహించినట్టే ఆన్‌లైన్‌లో హల్‌చల్‌ చేస్తోంది.
 
 'కిస్‌ క్యామ్‌'ను ఫాస్బెండర్, వికండర్ జోడీ మాత్రమే నిరాశపరిచింది. బ్రయాన్ క్రాంస్టన్-జూలియన్ మూర్‌, రెబెల్ విల్సన్-ఎడ్డీ ఇజార్డ్ జంటలు ఈ క్యామ్‌లో చుంబనాలతో ఆహూతులను అలరించాయి. బాఫ్టా అవార్డుల వేడుకలో లియోనార్డో డికాప్రియో హీరోగా నటించిన 'రెవెనంట్‌' మరోసారి దుమ్మురేపింది. ఈ సినిమాను ఉత్తమ నటుడు, ఉత్తమ దర్శకుడు, ఉత్తమ చిత్రం అవార్డులు వరించాయి.
  
 
 Maggie Smith and Leonardo DiCaprio on the BAFTA Kiss Cam pic.twitter.com/A6TuSIdksx
 — Leo DiCaprio News (@NewsDiCaprio) February 14, 2016


 ప్రపంచంలో బలమైన నాయకుడు, రష్యా అధినేత వ్లాదిమిర్ పుతిన్‌. రష్యాను తిరుగులేకుండా పరిపాలిస్తున్న ఆయనకు వివాదాస్పదుదిగానూ పేరుంది. విలక్షణమైన నేతగా పేరొందిన ఆయన పాత్రను పోషించాలని 'టైటానిక్‌' హీరో లియోనార్డో డికాప్రియో ముచ్చటపడుతున్నారు. తాజాగా 'రెవెనంట్‌' సినిమాలో హూ గ్లాస్‌గా నటించి అదరగొట్టిన ఈ 41 ఏళ్ల హీరో తన అభినయానికి ఆస్కార్ నామినేషన్ పొందారు. గోల్డెన్‌ గ్లోబ్‌ పురస్కారాన్ని కైవసం చేసుకున్నారు. 'ద వోల్ఫ్ ఆఫ్ వాల్‌స్ట్రీట్‌' వంటి ఎన్నో విభిన్నమైన చిత్రాల్లో నటించిన డికాప్రియో తాజాగా తెరపై కనిపించేందుకు సిద్ధమవుతున్నట్టు తెలిపారు.
 
 'పుతిన్ చాలా ఆసక్తికరమైన వ్యక్తి. ఆయన పాత్ర పోషించడం నాకెంతో ఇష్టం' అని ఈ హాలీవుడ్ స్టార్ తెలిపారు. అంతరించిపోతున్న సైబీరియన్ పులుల సంకరక్షణపై అవగాహన కోసం 2010లో ఓసారి పుతిన్‌ను డికాప్రియో స్వయంగా కలిశారు. రాజకీయాలకు సంబంధం లేకుండా తన ఫౌండేషన్ ఆధ్వర్యంలో పులుల సంరక్షణ గురించి అప్పట్లో పుతిన్‌తో చర్చించినట్టు ఆయన చెప్పారు.


 2016 సంవత్సరానికి ఆస్కార్ అవార్డుల ప్రదానానికి రంగం సిద్దమైతోంది. అత్యంత ప్రతిష్టాత్మకమైన ఆస్కార్ పురస్కారానికి (88వ అకాడమీ అవార్డ్స్) నామినేషన్లను ఆస్కార్ కమిటీ వెల్లడించింది. లియోనార్డో డికాప్రియో సినిమా 'రెవనెంట్'  ఈ ఏడాది అత్యధికంగా 12 విభాగాల్లో  నామినేషన్లను సాధించింది.
 
 మరో చిత్రం మ్యాడ్ మాక్స్: ఫ్యూరీ రోడ్ చిత్రం పది అంశాల్లో పోటీ పడనుంది.  ఉత్తమ చిత్రాల బరిలో ది బిగ్ షార్ట్,  బ్రిడ్జ్ ఆఫ్ స్పైస్,  బ్రోక్లెన్,  మాడ్ మాక్స్:ఫ్రే రోడ్, ది మార్టిన్, ది రెవెనెంట్, రోమ్, స్పాట్ లైట్ చిత్రాలు ఉన్నాయి.
 
 ఉత్తమ నటుడి విభాగంలో స్టార్ హీరోలు లియోనార్డో డికాప్రియో, బ్రయాన్ క్రాన్ స్టన్, మాట్ డామన్, మైఖెల్ ఫాస్బెండర్, ఎడ్డిల్ లు పోటీ పడుతున్నారు. ఉత్తమ నటి విభాగంలో కేట్ బ్లాంచెట్, బ్రై లార్సన్, జెన్నిఫర్ లారెన్స్, షార్లెట్ రాంఫ్లింగ్, రోనన్ లు నామినేషన్స్ పొందారు. కాగా టైటానిక్ సుందరి కేట్ విన్స్లెట్ 'స్టీవ్ జాబ్స్ ' సినిమాకు గాను.. ఉత్తమ సహాయ నటి విభాగంలో నామినేషన్ పొందింది.
  
 మరో వైపు ఉత్తమ విదేశీ భాషా చిత్రాల విభాగానికి నామినేషన్ దాఖలు చేసిన..మరాఠీ చిత్రం 'కోర్ట్' తుది నామినేషన్లలో చోటు సంపాదించలేక పోయింది. దీంతో ఈ ఏడాది కూడా భారతీయులకు నిరాశే మిగిలింది.  ఫిబ్రవరి 28న ఆస్కార్ అవార్డుల ప్రదానోత్సం జరగనుంది.


 కాలిఫోర్నియా: 73 గోల్డెన్ గ్లోబ్ అవార్డుల ప్రదానోత్సవం కాలిఫోర్నియాలోని బెవెర్లీ హిల్స్లో అట్టహాసంగా జరిగింది. హాలీవుడ్ తారల వెలుగుజిలుగుల మధ్య ఆద్యంతం కన్నులపండువగా జరిగిన ఈ వేడుకలో ఉత్తమ నటుడి అవార్డు 'టైటానిక్' స్టార్ లియోనార్డ్ డీకాప్రియోను వరించింది. డ్రామా కేటగిరిలో 'ద రెవెనంట్' సినిమాలో చూపిన అభినయానికిగాను ఆయనకు ఈ పురస్కారం దక్కింది. ఉత్తమ నటి పురస్కారాన్ని బ్రీ లార్సన్ కైవసం చేసుకుంది. డ్రామ కేటగిరీలో 'రూమ్'  సినిమాలో చూపిన నటనకుగాను ఆమెను ఈ అవార్డు వరించింది.
 
 డ్రామా కేటగిరీలో ఉత్తమ చిత్రంగా 'రెవెనంట్' నిలువగా, మ్యూజికల్, కామెడీ కేటగిరీలో 'మార్షియన్' ఉత్తమ సినిమా అవార్డు దక్కించుకుంది. ఈ ఏడాది 'రెవెనంట్' చిత్రం అధిక గోల్డెన్ గ్లోబ్ పురస్కారాలతో సత్తా చాటింది. డ్రామా కేటగిరీలో ఉత్తమ దర్శకుడి అవార్డు కూడా 'రెవెనంట్' డైరెక్టర్ అలెజాండ్రో ఇనారితును వరించింది. ఇక మ్యూజికల్ కామెడీ కేటగిరీలో ఉత్తమ నటుడిగా మాట్ డామన్ (మార్షియన్), ఉత్తమ నటిగా జెన్నిఫర్ లారెన్స్ (జాయ్)  పురస్కారాలు దక్కించుకున్నారు. ఇక 'క్రీడ్' సినిమాకుగాను సీనియర్ నటుడు సిల్వెస్టర్ స్టాలోన్ ఉత్తమ సహాయ నటుడి పురస్కారం గెలుపొందారు.


 ఎప్పుడు షూటింగ్లతో అభిమానులతో బిజీ బిజీగా ఉండే హాలీవుడ్ రొమాంటిక్ అండ్ యాక్షన్ హీరో లియోనార్డో డికాప్రియో భారత్ లో సందడి చేశాడు. వాతావరణ మార్పులపై తెరకెక్కిస్తున్న ఓ డాక్యుమెంటరీ షూటింగ్ కోసం ఇక్కడకు వచ్చిన డికాప్రియో షూటింగ్ గ్యాప్లో తాజ్ మహాల్ను సందర్శించాడు. అయితే డికాప్రియో ఇండియా పర్యటన వివరాలను చాలా గోప్యంగా ఉంచారు. శనివారం ఉదయం లియోనార్డో తాజ్ను సందర్శించినట్టుగా చెపుతున్నారు. తాజ్ పరిసరాల్లో ఈ హాలీవుడ్ స్టార్ తీసుకున్న సెల్పీ ఫోటో సోషల్ మీడియాలో హల్చల్ చేస్తోంది.
 
 లియోనార్డో శనివారం ఉదయం 7గంటల 15 నిమిషాల సమయంలో క్యాప్, బ్లాక్ గాగుల్స్తో తాజ్ సందర్శనకు వచ్చాడు. అయితే ముందుగా సమాచారం లేకపోవటం, సెక్యురిటీ పరంగా కూడా ఎలాంటి హడావిడి లేకపోవటంతో చాలా సమయం వరకు అభిమానులను ఆయన్ను గుర్తించలేదు. చాలాసేపటికి  లియోనార్డోను గుర్తించిన ఓ అభిమాని ఫోటో తీసే ప్రయత్నం చేయగా అక్కడ ఉన్న ఆయన సెక్యురిటీ సిబ్బంది అడ్డుకున్నారు. తాజ్ పరిసరాల్లో ఉల్లాసంగా గడిపిన లియోనార్డో డికాప్రియో తరువాత షూటింగ్ నిమిత్తం ఢిల్లీ వెళ్లిపోయాడు.


 ది రెవెనెంట్ : టీజర్
 నిడివి : 2 ని. 25 సె.
 హిట్స్ : 1,29,69,755
 లియోనార్డో డికాప్రియో నటించిన ఈ చిత్రం టీజర్ ప్రస్తుతం యూట్యూబ్‌లో ఒక సంచలనం. బర్డ్‌మ్యాన్ చిత్ర దర్శకుడే ఈ చిత్రాన్నీ డెరైక్ట్ చేస్తున్నారు. వన్యప్రాణులను అన్వేషించే లియో ఒక ఎలుగుబంటి దాడిలో చనిపోతాడు. అన్వేషణ బృందం సభ్యులు అతడి చావుకు అతణ్ణి వదిలేసి వెళ్లిపోతారు. తిరిగి అతడు బతికాక ఏమౌతుందన్నదే కథ. ‘చావంటే నాకు భయం లేదు. ఎందుకంటే ఆల్రెడీ నేను ఒకసారి చనిపోయినవాణ్ణి’ అనే డైలాగ్ చెబుతున్నప్పుడు లియో ఎక్స్‌ప్రెషన్స్ చూసి తీరాల్సిందే. అందుకు క్రిస్మస్ వరకు ఆగాల్సిందే. రెవెనెంట్ అంటే చనిపోయి, తిరిగి బతికినవాడు. ఈవారం హిట్స్‌లో రెవెనెంట్ టాప్‌లో ఉన్నాడు.
 
  
 స్పెక్టర్ : ట్రైలర్
 నిడివి : 2 ని. 32 సె.
 హిట్స్ : 91,12,624
 ఇరవై నాల్గవ జేమ్స్‌బాండ్ మూవీ ‘స్పెక్టర్’ ట్రైలర్ హిట్‌లమీద హిట్‌లు కొడుతోంది. డేనియల్ క్రెయిగ్ జేమ్స్‌బాండ్‌గా నటిస్తున్నారు. డెరైక్టర్ శ్యామ్ మెండెస్. చిత్రాన్ని నిర్మిస్తున్నది సోనీ పిక్చర్స్.  స్కై ఫాల్ చిత్రం తర్వాత రెండేళ్ల విరామంతో రాబోతోంది కనుక జేమ్స్‌బాండ్ 007 అభిమానులు ఎంతో ఆసక్తిగా స్పెక్టర్ కోసం ఎదురు చూస్తున్నారు. ఇవన్నీ సరే.. బాండ్ గాళ్ ఎవరనేగా మీ సందేహం! ఫ్రెంచ్ నటి లీయా సెడ్యూక్స్. బాండ్ గాళ్‌గా తొలిసారి నటిస్తున్న ఈ ముప్పై ఏళ్ల యువతి డేనియల్‌కు దీటుగా ఉంటుందా? లేక అతడిని మించిపోతుందా అన్నది అక్టోబర్ 26న తేలిపోతుంది.
 
  
 రయీస్ : టీజర్
 నిడివి 1 ని. 05 సె.
 హిట్స్ : 42,53,190    
 బూట్‌లెగ్గర్‌గా (చట్టవ్యతిరేక పదార్థాల విక్రేతగా) మొదలై, డాన్‌గా ఎదిగిన పాత్రధారిగా షారుఖ్‌ఖాన్‌ని ‘రయీస్’ చిత్రంలో చూడవచ్చు. ఆయన లుక్ అందులో డిఫరెంట్‌గా ఉండబోతోందని ఈ టీజర్ చూస్తే అర్థమౌతుంది. మాస్టారు కాస్త ‘ఛక్ దే’ స్టెయిల్‌లో కూడా కనిపిస్తారు. కళ్లకు సుర్మా ఉంటుంది. గడ్డం సరేసరి. మనిషి బక్కగా... అంటే స్లిమ్‌గా, రఫ్‌గా ఉంటాడు. ‘దందే సె బడా కోయీ ధరమ్ నహీ హోతా’ వంటి ఆయన మాత్రమే డెలివరీ చెయ్యగల డైలాగుల్ని శాంపిల్‌గా విసిరారు. చిత్రం 2016 ఈద్‌కి విడుదల అవుతోంది. అదే రోజు విడుదల కానున్న ఇంకో సినిమా సల్మాన్‌ఖాన్ నటిస్తున్న ‘సుల్తాన్’.
 
  
 అహల్య : షార్ట్ ఫిల్మ్
 నిడివి : 14 ని.
 హిట్స్ : 31,68,792
 ఇదొక ఎపిక్ థ్రిల్లర్. రామాయణంలోని అహల్య కథను తీసుకుని, దానికి ఆధునికతను మిక్స్ చేసి సుజయ్ ఘోష్ తీసిన థ్రిల్లర్ ఈ లఘుచిత్రం. వృద్ధుడైన భర్త, యవ్వనవతి అయిన భార్య, ఒక పోలీస్ ఆఫీసర్, కొన్ని రాతి బొమ్మలతో స్టోరీ సాగుతుంది. భర్త సౌమిత్ర చటర్జీ. భార్య రాధికా ఆప్టే. తోతారాయ్ చౌదరి పోలీస్ ఇన్‌స్పెక్టర్. మొదట ఇన్‌స్పెక్టర్ తలుపు తట్టడంతో కథ మొదలౌతుంది. అదే ఇన్‌స్పెక్టర్ ప్రాణంతో పెనుగులాడుతూ పెడబొబ్బలు పెడుతుండగా (మనిషి కనిపించడు. అరుపులు మాత్రమే వినిపిస్తాయి) కథ ఎండ్ అవుతుంది. అసలేం జరిగిందన్నది ఫిల్మ్ చూస్తే తెలుస్తుంది.
 
  
 బాజీరావ్ మస్తానీ : టీజర్ ట్రైలర్
 నిడివి : 3 ని. 06 సె.
 హిట్స్ : 29,63,867
 సంజయ్ లీలాబన్సాలీ దర్శకత్వం వహించి, నిర్మిస్తున్న బాజీరావ్ మస్తానీ టీజర్ ట్రైలర్ కనువిందుగా ఉంది. భావోద్వేగమూ, భయానకమూ అయిన చరిత్ర ఘట్టాలతో సిద్ధమౌతున్న ఈ చిత్రంలో రణ్‌వీర్‌సింగ్ మరాఠా పీష్వా బాజీరావ్ ఐ గా నటిస్తున్నారు. ప్రియాంకా చోప్రా ఆయన మొదటి భార్యగా కనిపిస్తున్నారు. అయితే అందరి దృష్టీ బాజీరావ్ రెండో భార్యగా నటిస్తున్న దీపికా పదుకొనే మీదే (కథాపరంగా) ఉంటుందన్న సంగతి ట్రైలర్ చూస్తే తెలుస్తోంది. సాధారణ భార్య స్థానం నుంచి పరిణతి చెందిన ఒక యోధురాలిగా దీపిక అసమాన నటన  ప్రదర్శించారు. చిత్రం విడుదల డిసెంబర్ 18.
 
  
 జీ క్రయింగ్
 ఫర్ సల్మాన్‌ఖాన్
 నిడివి : 15 సె.
 హిట్స్ : 5,53,494
 ఇది మూవీ ట్రైలర్ కాదు. టీజర్ కాదు. షార్టెస్ట్ ఫిల్మూ కాదు. రియాలిటీ. తల్లితో కలిసి భజ్‌రంగి భాయ్‌జాన్ సినిమా చూస్తున్న చిన్నారి సుజీ... ఎండింగ్‌లో ‘ఐ వాంట్ సల్మాన్’ అని బుగ్గలపైకి కన్నీరు జారేలా ఏడుస్తూ తల్లి ఒడిలో వాలిపోవడాన్ని లక్షల మంది భారమైన హృదయాలతో వీక్షిస్తున్నారు. తల్లి మదీహా ఆ చిన్నారిని బుజ్జగిస్తూ ‘ఎందుకు నీకు సల్మాన్‌ని చూడాలనిపిస్తుంది’ అని అడిగినప్పుడు ‘ఐ లవ్ సల్మాన్’ అని మళ్లీ గుక్కపెట్టి ఏడుస్తుంది. భజ్‌రంగి భాయ్‌జాన్ ఎంతగా కదిలించిందో చాలా రివ్యూలు చెప్పాయి. అంత కన్నా గొప్పగా పాప కన్నీళు ఆ సినిమాను రివ్యూ చేశాయి!
 
 
  


 అమ్మ జ్ఞాపకం
 సినీరంగంలో ‘అమ్మకూచి’ ముద్ర సాధారణంగా హీరోయిన్లకే ఉంటుంది. అయితే, హాలీవుడ్‌లో ఓ వెలుగు వెలుగుతున్న ‘టైటానిక్’ హీరో లియొనార్డో డికాప్రియో కూడా అమ్మకూచే. లియొనార్డో బాల్యంలోనే తల్లిదండ్రులు విడిపోయారు. అతడి బాల్యంలో ఎక్కువ కాలం జర్మనీలోని తల్లి పుట్టింట్లోనే గడిచింది. ఐదుసార్లు ఆస్కార్, రెండుసార్లు గోల్డెన్ గ్లోబ్ అవార్డులు సాధించిన డికాప్రియో, తన తల్లి కారణంగానే ఇన్ని విజయాలు సాధించగలిగానని చెప్పుకుంటాడు. పన్నెండో ఏటనే తాను నటుణ్ణవుతానని చెప్పడంతో తల్లి ఇర్మెలిన్ అతడికి అవకాశాల కోసం స్టూడియోల చుట్టూ తిరిగేది.
 
 బాలనటుడిగా టీవీ సీరియల్స్‌లో నటించిన డికాప్రియో, క్రమంగా హాలీవుడ్‌లో అడుగుపెట్టాడు. ‘టైటానిక్’ ఘనవిజయం తర్వాత పూర్తిగా అతడి దశ తిరిగిన సంగతి తెలిసిందే.


 టాలివుడ్లో హయ్యస్ట్ పేయిడ్ యాక్టర్ ఎవరో..  'మిస్టర్ పర్ఫెక్ట్' ఆమిర్ ఖాన్ ఒక్కో సినిమాకు ఎంత మొత్తం తీసుకుంటాడో అందరికీ తెల్సిందే! ఇక ప్రపంచ వ్యాప్తంగా మార్కెట్ ఉన్న హాలీవుడ్ ఇండస్ట్రీలో హయ్యస్ట్ పేయిడ్ యాక్టర్ ఎవరనే విషయానికి వస్తేమాత్రం కళ్లను, చెవులను కొద్దిగా సర్దుకోవాల్సి వస్తుందేమో! అవును.. ప్రపంచ సినీ చరిత్రలో ఎన్నడూ లేని విధంగా ది రివనెంట్ (2015, డిసెంబర్ విడుదల) హీరోగా నటించేందుకు ఓ నటుడు అక్షరాల రూ. 138.25  కోట్లు (25 మిలియన్ యూఎస్ డాలర్లు) వసూలు చేశాడు! ఇంతకీ ఆ హీరో ఎవరంటే..
  
 ప్రేమకథలు, నిజ జీవితగాథల్లో నటించిన పాత్రకల్లా జీవంపోసే లియోనార్డో డికాప్రియో! ఇప్పటివరకు ఒక్క ఆస్కార్ అవార్డునూ సొంతం చేసుకోలేకపోయిన ఈ టైటానిక్ హీరో పారితోషికం విషయంలో మాత్రం ఇతర నటులందరినీ తోసిరాజన్నాడు. నటీనటుల పారితోషికం వివరాలను వెల్లడిస్తూ హాలీవుడ్ ప్రొడ్యూసర్స్, ఏజెంట్స, ఎగ్జిక్యూటివ్స్ సంయుక్తంగా రూపొందించిన జాబితాను ఇటీవలే విడుదల చేశారు.
 
 అందులో 20 మిలియన్ డాలర్లు (రూ. 110.6 కోట్లు) పారితోషికాన్ని పొందుతున్నవారిలో రాబర్ట్ డౌనీ జూనియర్ (ఐరన్ మ్యాన్ ఫేమ్), మాట్ డామన్ (బార్న్ సుప్రిమసీ, ది డిపార్టెడ్ ఫేం) సరసన ఇటీవలే చేరిన నటీమణి.. సాండ్రా బుల్లక్! గతేడాది ప్రేక్షకుల్ని మెస్మరైజ్ చేసిన 'గ్రావిటీ' మూవీలో లీడ్ రోల్ ప్లే చేసినందుకు ఆమెకు దక్కిన మొత్తం అక్షరాలా నూటాపది కోట్ల రూపాయలన్నమాట!  2014లో విడుదలైన 'మేల్ఫీసెంట్' సినిమాకు గాను సీనియర్ నటీమణి ఏజిలీనా జోలీ 15 మిలియన్ యూఎస్ డాలర్లు (దాదాపు రూ.82 కోట్లు) తీసుకుందట!


 ముంబై: ప్రపంచకప్ ఫుట్ బాల్ ఫీవర్ విశ్వవ్యాప్తంగా అభిమానులను పట్టుకుంది. ప్రముఖులు, రాజకీయ నేతలు, అభిమానులు ఉత్సాహంగా ఫుట్ బాల్ టోర్ని కోసం ఎదురు చూస్తున్నారు. దేశవ్యాప్తంగా లక్షలాది మంది ఫుట్ బాల్ అభిమానులు టెలివిజన్ ప్రసారాన్ని తిలకించేందుకు సిద్ధమవుతున్నారు. 
  
 వరల్ట్‌కప్‌ ఫుట్‌బాల్ టోర్నిని తిలకించే విధంగా బ్రెజిల్ వెళ్లేందుకు ఆరుగురు గోవా ఎమ్మెల్యేలకు ముఖ్యమంత్రి మనోహర్ పారికర్ అనుమతించారు. ఇప్పటికే దేశవ్యాప్తంగా అభిమానులు బ్రిజిల్ కు చేరుకునేందుకు సిద్ధమవుతున్నారు. 
  
 హాలీవుడ్ స్టార్ లియోనార్డో డికాప్రియో తన 21 స్నేహితులతో బ్రెజిల్ కు ప్రయాణమయ్యారు. రియో డి జెనిరో లోని విలాసవంతమైన టోపాజ్ మైదానంలో ఫుట్ బాల్ మ్యాచ్ వీక్షించనున్నారు. 
  
 బాలీవుడ్ లో కూడా ఫుట్ బాల్ క్రేజ్ ఊపందుకుంది. బాలీవుడ్ నటులు రితేష్ దేశ్ ముఖ్, జెనిలియా డిసౌజా, రామ్ కుమార్, ఇషా గుప్తాలు లు ఉత్సాహంతో మ్యాచ్ లు చూసేందుకు ఎదురు చూస్తున్నారు. 2014 ఫిఫా వరల్డ్ కప్ పోటిలు బ్రెజిల్ లో గురువారం ఆరంభం కానున్నాయి. 


 లాస్ ఎంజెలెస్: ఆరుగురు నగ్నంగా ఉన్న పురుషులతో ఓ జర్మన్ మోడల్ చేసిన ఫోటో షూట్ లో ఇటీవల సంచలనం రేపింది. ఆ జర్మన్ మోడల్ ఎవరో కాదు ప్రముఖ హాలీవుడ్ నటుడు లియోనార్డో డికాప్రియో గర్ల్ ఫ్రెండ్ టోని గార్మ్ కావడం విశేషం.
  
 టాప్ బికినీ, జీన్స్ షార్ట్ ధరించి నగ్నంగా ఉన్న ఆరుగురు యువ మోడల్స్ తో ఫోజిచ్చి గార్మ్ మోడల్ ప్రపంచాన్ని కుదిపేసింది. 
  
 2013 సంవత్సరం నుంచి లియోనార్డో డికాప్రియోతో గార్మ్ అఫైర్ నడుపుతోంది. ఇటీవలే గార్మ్ ను పెళ్లి చేసుకోవాలనుకుంటున్నట్టు డికాప్రియో ఓ ఇంటర్వ్యూలో తెలిపారు. గార్మ్ పోటోషూట్ పై  మీడియా సెన్సేషన్ క్రియేట్ చేస్తోంది. అయితే ఈ ఫోటో షూట్ కు బాయ్ ఫ్రెండ్ ను పిలువలేదంటని హాలీవుడ్ పత్రికలు సెటైర్లు వేస్తున్నాయి. 
  
  
 Photo courtesy: http://images.intouchweekly.com/


 లాస్ ఏంజిల్స్ :  ప్రపంచ చలనచిత్ర రంగంలో అత్యున్నతంగా భావించే ఆస్కార్ అవార్డుల ప్రదానోత్సవం అంగరంగ  వైభవంగా కొనసాగుతోంది.  లాస్ ఏంజెలెస్‌లోని కొడాక్ థియేటర్‌లో 86వ ఆస్కార్ అవార్డుల ప్రదానం జరుగుతోంది. ఈసారి 'గ్రావిటీ' అవార్డుల పంట పండింది. జార్జ్‌ క్లూనీ, శాండ్రా బుల్లక్‌ కథానాయకులుగా నటించిన ‘గ్రావిటి’ చిత్రం ఏకంగా అయిదు అవార్డులను సొంతం చేసుకుని దూసుకు పోతోంది. మరో రెండు విభాగాల్లోనూ పోటీ పడుతోంది.
 
 ఇప్పటి వరకు ఆస్కార్ అవార్డులు పొందిన వ్యక్తులు..చిత్రాలు..
 ఉత్తమ నటుడు- లియోనార్డో డికాప్రియో(బ్రూస్)
 ఉత్తమ సహాయనటుడు- జారెడ్ లెటో (డల్లాస్ బయ్యర్స్ క్లబ్)
 ఉత్తమ సహాయనటి- లుపిటా యాంగో  (12 ఇయర్స్ ఎ స్లేవ్)
 ఉత్తమ యానిమేషన్ చిత్రం- ఫ్లోజెన్
 
 అయిదు అవార్డులను సొంతం చేసుకున్న గ్రావిటీ
 ఉత్తమ ఛాయాగ్రహణం చిత్రం : గ్రావిటీ
 ఉత్తమ సౌండ్ ఎడిటింగ్ : గ్లెన్ ఫ్రీ మాంట్లే (గ్రావిటీ)
 ఉత్తమ సౌండ్ మిక్సింగ్ : స్కిప్ లీవ్ సే, నివ్ ఆద్రి (గ్రావిటీ)
 ఉత్తమ విజువల్ ఎఫెక్ట్ : టిమ్ వెబ్బర్, క్రిస్ లారెన్స్ (గ్రావిటీ)
 ఉత్తమ ఫిల్మ్ ఎడిటింగ్ : (గ్రావిటీ)
 
 ఉత్తమ కాస్టూమ్స్ డిజైన్ చిత్రం : ద గ్రేట్ గాట్స్ బీ
 ఉత్తమ డాక్యుమెంటరీ చిత్రం : 20 ఫీట్ ఫ్రం స్టార్ డమ్
 ఉత్తమ విదేశీ చిత్రం : ద గ్రేట్ బ్యూటి
 ఉత్తమ మేకప్, కేశాలంకరణ చిత్రం : డల్లాస్ బయ్యర్స్ క్లబ్
 ఉత్తమ యానిమేటెడ్ లఘు చిత్రం : మిస్టర్ హుబ్లాట్
 ఉత్తమ లైవ్ యాక్షన్ లఘు చిత్రం : హీలియం
 
 'గ్రావిటీ’ ఇదో విజువల్‌ వండర్
 సంచలన చిత్రాలను రూపొందించిన వార్నర్ బ్రదర్స్ సంస్థచే ప్రతిష్టాత్మకంగా తెరకెక్కించబడిన  భారీ అంతరిక్ష సైన్స్ ఫిక్షన్ చిత్రం  ‘గ్రావిటీ' (Gravity).  జార్జ్ క్లోనీ, సాండా బుల్లోక్ వంటి ప్రముఖ స్టార్లు ఈ చిత్రంలో కీలక పాత్ర పోషించారు. అంతర్జాతీయ అంతరిక్షం కేంద్రం నేపధ్యంతో తెరకెక్కిన ఈ చిత్రానికి ప్రముఖ హాలీవుడ్ డైరెక్టర్ ఆల్‌ఫోన్సో కారోన్ దర్శకత్వం వహించారు.
 
 ఈ చిత్రం కోసం ఆల్ ఫోన్సో సుమారు నాలుగున్నర సంవత్సరాలు శ్రమించారు. ఈ సైన్స్ ఫిక్షన్ చిత్రానికి సంబంధించి వినియోగించిన టెక్నాలజీ ప్రతి ఒక్కరిని మంత్రముగ్గులను చేసింది. అంతర్జాతీయ అంతరిక్ష కేంద్రంలో తలెత్తే పలు సమస్యలను ఇద్దరు  వ్యోమగామలు ఎలా అధిగమించగలిగారు అనే అంశాలను దర్శకుడు అద్భుతమైన విజువల్ ఎఫెక్ట్స్ అనుభూతులతో చూపించటం జరిగింది. ఈ 3డీ స్పేస్ థ్రిల్లర్ మీకు ఆకాశంలో ఉన్న అనుభూతులను చేరువ చేసింది.


 లాస్‌ఏంజిల్స్ : ప్రపంచ వ్యాప్తంగా సినీ అభిమానులు అత్యంత ఉత్కంఠతో ఎదురుచూస్తున్నఆస్కార్ అవార్డుల విజేతల పేర్లను సోమవారం ప్రకటించారు. 86వ ఆస్కార్ అవార్డుల ప్రదానోత్సవంలో భాగంగా  ఉత్తమ నటుడిగా లియోనార్డో డికాప్రియో(బ్రూస్) ఎంపికవ్వగా, ఉత్తమ సహాయ నటుడిగా జారెడ్ లెటో(డల్లాస్ బయ్యర్స్ క్లబ్) ఎంపికైయ్యాడు. కాగా గత సంవత్సరం ఉత్తమ నటిగా ఎంపికైన జెన్నీఫర్ లారెన్స్ ఈసారి ఉత్తమ సహాయ నటిగా ఆస్కార్ కు నామినేట్ అయ్యింది. తాజా చిత్రం ‘కామసూత్ర’ త్రీడి ఆస్కార్ అవార్డ్స్ నామినేషన్ ఎంట్రీ పోటీలో నిలిచింది. ఏకంగా మూడు విభాగాల్లో ఈ చిత్రం పోటీకి నిలవడం విశేషం. ‘బెస్ట్ మోషన్ పిక్చర్’, ‘బెస్ట్ ఒరిజినల్ స్కోర్’, ‘బెస్ట్ ఒరిజినల్ సాంగ్’’ విభాగాలకు ఈ చిత్రం ఎంపికైంది.
  
 మన భారతదేశం నుంచి  దాదాపు ఐదేళ్ల క్రితం ‘స్లమ్ డాగ్ మిలియనీర్’ చిత్రం ‘బెస్ట్ ఒరిజినల్ స్కోర్’, ‘బెస్ట్ ఒరిజినల్ సాంగ్’విభాగాల్లో రెండు ఆస్కార్ అవార్డులను సొంతం చేసుకున్న విషయం తెలిసిందే. ఈసారి ఈ విభాగాల్లో ‘కామసూత్ర’ నిలిచింది. ఒరిజినల్ సాంగ్ విభాగంలో మొత్తం 75 పాటలు పోటీపడబోతున్నాయి. వీటిలో ‘కామసూత్ర’ లోని ఐదు పాటలూ ఉండటం విశేషం. చెన్నయ్‌కి చెందిన సచిన్, శ్రీజిత్ ఈ పాటలకు స్వరాలందించారు. రూపేష్ పౌల్ దర్శకత్వంలో ఈ చిత్రం రూపొందింది. కాగా, జనవరి 16న అవార్డులకు నామినేట్ అయిన చిత్రాలను ప్రకటించారు. మార్చి 3న అస్కార్ అవార్డు ప్రదానోత్సవం జరుగుతుంది.


   సంపాదించడం కన్నా  దాన్ని కాపాడుకోవడమే కష్టం. మరి కోట్ల కొద్దీ ఆస్తులున్న సెలబ్రిటీలు, కార్పొరేట్లు.. సరదాల కోసం విచ్చల విడిగా ఖర్చు చేసేస్తుంటారా?  పొదుపు మంత్రం పఠిస్తుంటారా? అందరూ విజయ్ మాల్యాల్లా ఉంటారా... లేక అజీమ్ ప్రేమ్‌జీని అనుసరిస్తారా?వారి మనీ మేనేజిమెంట్ ఎలా ఉంటుంది?
  
  హాలీవుడ్ స్టార్, టైటానిక్ సినిమా ఫేం.. లియొనార్డో డి కాప్రియో తన మనీని ఎలా మేనేజ్ చేస్తారు? ఆయన ఖర్చులెలా ఉంటాయి? దేన్లో ఎక్కువ ఇన్వెస్ట్ చేస్తుంటారు?
 
  రంగ స్థలం నుంచి సినిమాల్లోకి వచ్చిన డికాప్రియో ఆస్తి ప్రస్తుతం దాదాపు రూ.1200 కోట్లు. ఇక తన మనీ మేనేజ్‌మెంట్ గురించి ఆయనేమంటారంటే...
 
  ‘చిన్నతనంలో అడ్వర్టైజ్‌మెంట్లు, టీవీ సీరియల్స్ చేశా. కాస్త పెద్దయ్యాక కొన్ని చిన్నా, చితకా సినిమాలు చేసినా, టైటానిక్‌తోనే నాకు స్టార్‌డమ్, ఆఫర్లు, సంపద అన్నీ వచ్చాయి. డబ్బొస్తోంది కదాని మనీ మేనేజ్‌మెంట్ విషయంలో ఎప్పుడూ అశ్రద్ధ చేయలేదు. చేయను కూడా. నేను భారీ ఖర్చుల జోలికెళ్లను. ప్రైవేట్ జెట్‌లలో తిరగను. నా దగ్గర ఇప్పటికీ ఒకే ఒక్క కారు(టయోటా ప్రియస్) ఉంది.
 
 డబ్బు నాకు చాలా ముఖ్యం. ఎందుకంటే.. డబ్బుంటే నచ్చిన పాత్రల్ని మాత్రమే ఎంచుకునే  స్థైర్యం ఉంటుంది. అంతేకాదు... మరింత డబ్బు సంపాదిస్తే.. ఏదో రోజు మరింత మంది ప్రజలకు, పిల్లలకు మరింత మేలు చేసే అవకాశం వస్తుంది. అందుకే నేను పెద్దగా ఖర్చు చేయను. పెట్టుబడుల విషయానికొస్తే... షేర్ మార్కెట్ల విషయంలో కాస్త జాగ్రత్తగా ఉంటాను. రియల్ ఎస్టేట్‌లో బాగానే ఇన్వెస్ట్ చేశా. అలాగే మొబిల్ అనే ఇంటర్నెట్ స్టార్టప్ కంపెనీలోను, హైబ్రిడ్ కార్లు తయారు చేసే ఫిస్కర్ ఆటోమోటివ్ కంపెనీలోనూ ఇన్వెస్ట్ చేశాను.
 
  ఆర్థిక భద్రత ఉంది కాబట్టి ధైర్యంగా సినిమాలనూ ప్రొడ్యూస్ చేస్తున్నాను. ఈ మధ్యే విడుదలైన ‘ది వోల్ఫ్ ఆఫ్ వాల్ స్ట్రీట్’కు సహనిర్మాతగా ఉన్నా. నా వరకు నేను పర్యావరణానికీ మేలు చేయాలనే ఉద్దేశంతో ఇంటికి సౌర విద్యుత్ అమర్చాను. ఇలాంటి పొదుపు చర్యలు పాటిస్తూనే.. సాధ్యమైనంత వరకూ వన్యప్రాణుల సంరక్షణ వంటి సేవా కార్యక్రమాల కోసం విరాళాలు ఇస్తుంటాను.’


 లాస్‌ఏంజెలిస్: ‘టైటానిక్’ చిత్రం కథనాయకుడు లియొనార్డ్ డికాప్రియో హాస్యం పండించిన ‘అమెరికన్ హజిల్’ చిత్రాన్ని 3 గోల్డెన్ గ్లోబ్ అవార్డులు వరించాయి. 71వ గోల్డెన్ గ్లోబ్ చిత్రోత్సవంలో ‘అమెరికన్ హజిల్’ చిత్రంలో నటనకు ఉత్తమ హాస్య నటుడిగా డికాప్రియో ఎంపికయ్యారు. ఈ సినిమాలో కీలక పాత్రలు పోషించిన అమీ ఆడమ్స్, జెన్నీఫర్ లారెన్స్ మరో రెండు గోల్డెన్ గ్లోబ్‌లు సాధించారు. రస్సెల్ దీనికి దర్శకత్వం వహించారు. ‘బ్లూ జాస్మిన్’ హీరోయిన్ కేట్ బ్లాంచెట్ ఉత్తమ కథానాయిక అవార్డుకు ఎంపికైంది.


 లాస్ ఏంజెలెస్: బాలీవుడ్ సీనియర్ నటుడు అమితాబ్ బచ్చన్తో మరోసారి పనిచేయడానికి సిద్ధమని హాలీవుడ్ నటుడు లియొనార్డో డికాప్రియో ప్రకటించాడు. 'బిగ్ బి'తో కలిసి పనిచేయడాన్ని తానెంతో ఇష్టపడతానని చెప్పారు. అమితాబ్ ప్రతిభావంతుడైన నటుడని, మంచి వ్యక్తి అని కితాబిచ్చాడు. తన తాజా చిత్రం 'ద వూల్ప్ ఆఫ్ వాల్ స్ట్రీట్' గురించి ఇచ్చిన ఇంటర్వ్యూలో డికాప్రియో వ్యాఖ్యలు చేశాడు.
 
 అమితాబ్తో కలిసి పనిచేసే అవకాశం వస్తే తప్పకుండా అంగీకరిస్తానని 'టైటానిక్' స్టార్ వెల్లడించాడు. 71 ఏళ్ల వయసులోనూ నటన పట్ల ఆయన చూపే ఉత్సుకత తననెంతో ఆకట్టుకుందన్నాడు. ఆయనతో తెర పంచుకోవడాన్ని గౌరవంగా భావిస్తానని చెప్పాడు. ‘ద గ్రేట్ గట్స్‌బి’ సినిమాలో అమితాబ్తో కలిసి  డికాప్రియో నటించిన సంగతి తెలిసిందే.


 తనకు బాగా నచ్చిన అమ్మాయి ఎవరంటే.. టైటానిక్ సినిమాలో తన సరసన నటించిన కేట్ విన్స్లెటే అంటున్నాడు ఆ సినిమా హీరో లియొనార్డో డికాప్రియో. వీరిద్దరి జంట వెండితెరపై సంచలనం సృష్టించిన సంగతి తెలిసిందే. టైటానిక్ సినిమాలో వీళ్లిద్దరి రొమాంటిక్ డ్రామా బాగా పండటంతో.. ఆ చిత్రానికి కాసుల వర్షం కురిసింది.
 
 విన్స్లెట్ చాలా అద్భుతమైన నటి కావడంతో పాటు చాలా గొప్ప వ్యక్తిత్వం గలదని, చాలా నిజాయితీపరురాలని, ఆమె అంటే తనకెంతో ఇష్టమని డికాప్రియో చెప్పాడు. ఆమెకు ఇటీవలే అమ్మాయి పుట్టిందని, ఆమెతో ప్రేమలో కేట్ తలమునకలుగా ఉందని తెలిపాడు.  2008లో వచ్చిన 'రెవల్యూషనరీ రోడ్' చిత్రంలో కూడా డికాప్రియో-విన్స్లెట్ జంట నటించింది. ఇక నెడ్ రాక్ఎన్రోల్ను పెళ్లి చేసుకున్న ఏడాదికే విన్స్లెట్కు మూడో సంతానం కలిగింది. ఇంతకు ముందే ఆమెకు రెండు పెళ్లిళ్లయ్యాయి.


 బ్లాక్ బేర్, బ్రౌన్ బేర్, పోలార్ బేర్ అంటూ పలు రకాలు ఉన్నాయి. ఎక్కువ ఉన్నది మాత్రం బ్రౌన్ బేర్. నివసించే పరిసరాలను బట్టి ఎలుగుల ప్రవర్తనలో తేడా ఉంటుంది తప్ప, వాటి లక్షణాలు దాదాపుగా ఒకలానే ఉంటాయి!
      ఆడ ఎలుగును ‘సౌ’ అంటారు. మగ ఎలుగును ‘బోర్’ అంటారు. ఎలుగుల గుంపును ‘స్లాత్’ అంటారు!
      ఎలుగుబంట్ల వయసును వాటి పళ్లను బట్టి లెక్కిస్తారు!
      అన్ని ఎలుగులూ శాకాహారంతో పాటు మాంసాహారాన్ని కూడా తింటాయి. కానీ ధ్రువప్రాంత ఎలుగుబంట్లు మాత్రం కేవలం మాంసాహారాన్నే భుజిస్తాయి!
      వీటికి నలభై రెండు పళ్లు ఉంటాయి. విచిత్రమేమిటంటే... శాకాహారాన్ని, మాంసాహారాన్ని కూడా నమిలేందుకు వీలుగా... వీటి పళ్లు రెండు రకాలుగా ఉంటాయి!
      దౌడు తీసే గుర్రాన్ని పట్టుకోవడం ఎంత కష్టమో తెలుసు కదా! ఎలుగులు మాత్రం వాటిని చేజ్ చేసి పట్టుకోగలవు. అంత వేగంగా పరుగెడతాయి మరి!
      మనిషి కంటే వంద రెట్లు వేగంగా ఇవి వాసనను పసిగట్టగలవు. ఇరవై మైళ్ల దూరంలో ఉండగానే వీటికి వాసన తెలిసిపోతుంది. మంచులో మూడు అడుగుల లోతున ఉన్న చే పలను కూడా ఇవి గుర్తించేస్తాయి!
      పాండాలు తప్ప మిగిలిన అన్ని ఎలుగుబంట్లూ మనిషిలాగా రెండు కాళ్ల మీద నడుస్తాయి. ఇలా నడవడాన్ని ‘ప్లాంటిగ్రేడ్’ అంటారు!
      ఇవి తమ కుటుంబాన్ని చాలా ప్రేమిస్తాయి. శత్రువు నుంచి తమ వారిని కాపాడటానికి ఒక్కోసారి ప్రాణాలను కూడా అడ్డేస్తాయట. పిల్లలయితే తల్లికి అస్సలు దూరంగా ఉండలేవు. పొరపాటున తల్లి చనిపోతే, కొన్ని వారాల వరకూ ఇవి ఏడుస్తూనే ఉంటాయట!
  
  సినిమాల కంటే అవే ఇష్టం!
  తెలుగు వాళ్లకు లియొనార్డో డికాప్రియో అంత బాగా మరే హాలీవుడ్ హీరో తెలియడేమో. ఎందుకంటే అతడు హీరోగా నటించిన  టైటానిక్ సినిమాని భారతీయులు కూడా ఎంతో ఇష్టంగా చూశారు. జాక్, రోజ్‌ల ప్రేమ సఫలమవ్వాలని ఉత్కంఠను అనుభవించారు. చివరకు హీరోయిన్‌ని కాపాడి హీరో చచ్చిపోతే కలతచెంది కన్నీళ్లు పెట్టారు. అందుకే ఆ సినిమాని, అందులో ప్రాణత్యాగం చేసిన గొప్ప ప్రేమికుడు లియొనార్డోని ఎప్పటికీ మర్చిపోరు.
  
  సినిమాలో హీరోయిన్ మీద అపారమైన ప్రేమ చూపించిన లియొనార్డో, నిజ జీవితంలో జంతువుల మీద చెప్పలేనంత ప్రేమను చూపిస్తాడు. మనకు ఏ చెడూ చేయని జంతువులకి మనం ఎంతో కీడు చేస్తున్నాం అంటూ బాధపడుతుంటాడు లియొనార్డో. అందుకే అతడు వీలైనన్ని ఎక్కువ జంతువులను పెంచుకోవడానికి ప్రయత్నిస్తూ ఉంటాడు.
  
  లియొనార్డో ఇంట్లో బోలెడన్ని జీవులు కనిపిస్తూ ఉంటాయి. వాటిలో ఒకటి అతడికెంతో ప్రియమైన కుక్క. రెండోది, అతడు ఎంతో ఇష్టపడి తెచ్చుకున్న తాబేలు. దాన్ని మన హీరో బేబీ అని పిలుస్తాడు. మూడోది... బల్లి. దాని పేరు బ్లిజార్డ్. ఈ మూడింటితో ఆడుతూనే ఉంటాడు. అవి ఇచ్చినంత సంతోషాన్ని తనకు సినిమాలు కూడా ఇవ్వవంటాడీ యంగ్ స్టార్!