హాలీవుడ్‌ పాప్‌ సింగర్‌, నటి సెలీనా గోమెజ్‌ మంచి చేయబోయి విమర్శలపాలైంది. న్యూయార్క్‌లో తను కారు ఎక్కేముందు ఓ వ్యక్తి తనకు దానం చేయమని కోరాడు. తలదాచుకోవడానికి నిలువ నీడ కూడా లేని అతడికి కేవలం 20 డాలర్లు దానం చేసి బాగా భోజనం చేయు అని చెప్పి అక్కడి నుంచి వెళ్లిపోయింది. ఇందుకు సంబంధించిన వీడియో సోషల్‌ మీడియాలో వైరల్‌ అయింది.పాప్‌ సింగర్‌పై ట్రోలింగ్‌ఇంకేముంది, నెటిజన్లు ఆమెపై విమర్శల బాణాలు ఎక్కుపెడుతున్నారు. దాదాపు పదివేల కోట్ల సామ్రాజ్యానికి మహారాణివి, ఇల్లు లేని వ్యక్తికి కేవలం రూ.1600 చిల్లర (20 డాలర్లు) ఇస్తావా? నువ్వు తల్చుకుంటే నిరాశ్రయుడైన వ్యక్తికి ఏకంగా ఒక ఇల్లే కొనివ్వచ్చు, కానీ మరీ చిల్లర ఇవ్వడం బాగోలేదు, అంత డబ్బు ఏమాత్రం సరిపోతాయో.. అని కామెంట్లు చేస్తున్నారు. ఆమె అభిమానులు మాత్రం.. తను ఆ మాత్రమైనా చేసిందని వెనకేసుకొస్తున్నారు. హడావుడిగా వెళ్లిపోకుండా ఆగి మరీ తనకు తోచింది సాయం చేయడం గొప్ప విషయమేనని చెప్తున్నారు.చదవండి: రజనీకాంత్‌ ఫోటో షేర్‌ చేసి పెద్ద తప్పు చేశా: రాహుల్‌ సిప్లిగంజ్‌

ఆర్‌ఆర్‌ఆర్‌ మూవీ ప్రపంచవ్యాప్తంగా గుర్తింపు సంపాదించుకుంది. హాలీవుడ్‌ దర్శకనటులు సైతం ఈ కళాఖండాన్ని చూసి అబ్బురపడిపోయారు. అయితే హాలీవుడ్‌ నటి మిన్నీ డ్రైవర్‌ ఇంకా ఆర్‌ఆర్‌ఆర్‌ మేనియా నుంచి బయటకు రాలేకపోతోంది. తాజాగా ఆమె ఓ ఇంటర్వ్యూలో ఇండియన్‌ సినిమా గురించి ఇలా మాట్లాడింది.మా ఆల్‌టైమ్‌ ఫేవరెట్‌ మూవీఆర్‌ఆర్‌ఆర్‌ నా ఫేవరెట్‌ సినిమా. నా కుమారుడితో కలిసి ఈ సినిమా చూడటమంటే నాకెంతో ఇష్టం. మాకు ఇది ఆల్‌టైమ్‌ ఫేవరెట్‌ మూవీ. అందుకే మూడు నెలలకోసారి కచ్చితంగా ఈ చిత్రాన్ని చూస్తుంటాం. ఎంతో అందమైన, అద్భుతమైన చిత్రాల్లో ఇదీ ఒకటి అని చెప్పుకొచ్చింది.భారత్‌కు రావాలనుంది..ఇండియన్‌ చెఫ్‌ రోమీ గిల్‌తో స్నేహం గురించి మాట్లాడుతూ.. రోమీ నాకు మంచి స్నేహితురాలు. తను చాలా బాగా వంట చేస్తుంది. భారత్‌కు వచ్చి, ఇక్కడ సంస్కృతి, సాంప్రదాయాలను చూడాలనుందని తనతో తరచూ అంటూ ఉంటాను అని తెలిపింది. కాగా మిన్నీ డ్రైవర్‌.. ఇటీవలే ద సెర్పంట్‌ క్వీన్‌ రెండో సీజన్‌లో నటించింది. ఇందులో క్వీన్‌ ఎలిజబెత్‌గా యాక్ట్‌ చేసింది. ఈ సిరీస్‌ ఓటీటీ ప్లాట్‌ఫామ్‌ లయన్స్‌గేట్‌ ప్లేలో అందుబాటులో ఉంది.చదవండి: Bigg Boss 8 Telugu: వీటి గురించి ఎవరు మాట్లాడుకోరేం..

న్యూయార్క్‌/వాషింగ్టన్‌: ఒక కేసులో దోషిగా తేలిన అమెరికా తొలి మాజీ అధ్యక్షుడిగా డొనాల్డ్‌ ట్రంప్‌(77) అప్రతిష్ట మూటగట్టుకున్నారు. పోర్న్‌ స్టార్‌ స్టార్మీ డేనియల్స్‌కు 1.30 లక్షల డాలర్లు అక్రమంగా చెల్లించి, బిజినెస్‌ రికార్డులు తారుమారు చేసిన కేసులో న్యూయార్క్‌ కోర్టు ఆయనను దోషిగా తేలి్చంది. ట్రంప్‌పై నమోదైన 34 తీవ్ర అభియోగాలన్నీ రుజువయ్యాయని వెల్లడించింది. జూలై 11న న్యాయస్థానం తుది తీర్పు ఇవ్వడంతోపాటు శిక్ష ఖరారు చేయనుంది. ఈ వ్యవహారంలో ట్రంప్‌కు జైలు శిక్ష లేదా జరిమానా విధించే అవకాశం ఉందని న్యాయ నిపుణులు చెబుతున్నారు. శిక్ష పడినప్పటికీ.. మరో ఆరు నెలల్లో జరగబోయే అమెరికా అధ్యక్ష ఎన్నికల్లో రిపబ్లికన్‌ అభ్యర్థిగా ట్రంప్‌ పోటీ చేసేందుకు ఎలాంటి ఇబ్బందులు కాబోవని అంచనా వేస్తున్నారు. న్యూయార్క్‌ కోర్టు తీర్పుపై డొనాల్డ్‌ ట్రంప్‌ అసంతృప్తి వ్యక్తం చేశారు. ఇది తమకు ఆమోదయోగ్యం కాదన్నారు. కోర్టు బయట ఆయన మీడియాతో మాట్లాడారు. ఓ న్యాయమూర్తి అవినీతికి పాల్పడి తప్పుడు తీర్పు ఇచ్చారని విమర్శించారు. ఇక్కడేం జరిగిందో ప్రజలకు తెలుసని చెప్పారు. అసలైన తీర్పును నవంబర్‌ 5న అధ్యక్ష ఎన్నికల్లో అమెరికా ప్రజలు ఇవ్వబోతున్నారని స్పష్టం చేశారు. తాను నిజాయతీపరుడినని, ఎలాంటి తప్పూ చేయలేదని పేర్కొన్నారు. అమెరికా కోసం, అమెరికా రాజ్యాంగం కోసం పోరాటం కొనసాగిస్తానని వెల్లడించారు. ఈ పోరాటంలో అంతిమ విజయం తనదేనని ధీమా వ్యక్తం చేశారు. హష్‌ మనీ కేసులో దోషిగా తేలిన తర్వాత డొనాల్డ్‌ ట్రంప్‌ నిబ్బరంగానే కనిపించారు. కోర్టులో నిశ్శబ్దంగా ఉండిపోయారు. తుది తీర్పు వచ్చేదాకా బెయిల్‌పై బయటే ఉంటారు. జూలై 11న శిక్ష ఖరారు కానుంది. నవంబర్‌లో జరిగే అధ్యక్ష ఎన్నికల్లో రిపబ్లికన్‌ పార్టీ తరఫున ట్రంప్‌ అభ్యర్థిత్వం ఇప్పటికే ఖరారైంది. జూలై 15న మిల్వాకీలో రిపబ్లికన్‌ జాతీయ సదస్సులో ట్రంప్‌ అభ్యరి్థత్వాన్ని అధికారికంగా ప్రకటించబోతున్నారు. అంతా అనుకున్నట్లు జరిగితే అధ్యక్ష ఎన్నికల్లో డెమొక్రటిక్‌ పార్టీ అభ్యర్థి, ప్రస్తుత అధ్యక్షుడు జో బైడెన్‌(81)తో డొనాల్డ్‌ ట్రంప్‌ తలపడతారు. కోర్టు తీర్పుపై బైడెన్‌–కమలా హారిస్‌ ప్రచార విభాగం ప్రతినిధి, కమ్యూనికేషన్స్‌ డైరెక్టర్‌ మైఖేల్‌ టైలర్‌ హర్షం వ్యక్తం చేశారు. చట్టానికి ఎవరూ అతీతులు కాదని న్యూయార్క్‌ కోర్టు తేల్చిచెప్పిందని అన్నారు ఏమిటీ కేసు? శృంగార తార స్టార్మీ డేనియల్‌తో ట్రంప్‌ సన్నిహితంగా గడిపినట్లు వార్తలొచ్చాయి. 2016 అధ్యక్ష ఎన్నికల సమయంలో ఆమె నోరు విప్పితే తనకు ఇబ్బందులు ఎదురయ్యే అవకాశం ఉండడంతో ట్రంప్‌ అడ్డదారి ఎంచుకున్నారు. ఆమె నోరు మూయించేందుకు 1.30 లక్షల డాలర్లు తన లాయర్‌ ద్వారా చెల్లించారు. ఎన్నికల ప్రచారం కోసం పారీ్టకి అందిన విరాళాల నుంచే ఈ సొమ్మును స్టార్మీ డేనియల్‌కు చేరవేశారు. అక్రమ చెల్లింపులను కప్పిపుచ్చడానికి బిజినెస్‌ రికార్డులను తారుమారు చేశారు. ఈ వ్యవహారమంతా బహిర్గతం కావడంతో అమెరికాలో గగ్గోలు మొదలైంది. ట్రంప్‌పై విచారణ అధికారులు 34 అభియోగాలు నమోదు చేశారు. ఈ కేసులో న్యూయార్క్‌ కోర్టులో సుదీర్ఘంగా విచారణ జరిగింది. 22 మంది సాక్షులను న్యాయస్థానం ప్రశ్నించింది. ఎన్నికల చట్టాన్ని ట్రంప్‌ ఉల్లంఘించారని, పోర్న్‌ స్టార్‌కు చెల్లించిన సొమ్మును కోర్టు ఖర్చుల కింద చూపించారని ప్రాసిక్యూటర్లు వాదించారు. ట్రంప్‌ తనతో ఏకాంతంగా గడిపిన మాట నిజమేనని స్టార్మీ డేనియల్‌ కోర్టుకు ఇచి్చన వాంగ్మూలంలో అంగీకరించారు. గురువారం 12 మంది న్యాయమూర్తుల ప్యానెల్‌ చరిత్రాత్మక తీర్పు వెలువరించింది.ఎన్నికల్లో ట్రంప్‌ పోటీ చేయొచ్చా? న్యూయార్క్‌ కోర్టు తీర్పు నేపథ్యంలో ఇప్పుడు అందరి దృష్టి ట్రంప్‌ భవితవ్యంపై పడింది. కోర్టు ఆయనకు జైలు శిక్ష గానీ, జరిమానా గానీ విధిస్తే అధ్యక్ష ఎన్నికల్లో పోటీ చేస్తారా? చట్టపరంగా అది సాధ్యమేనా? అనే సందేహాలు తలెత్తుతున్నాయి. అమెరికా రాజ్యాంగం ప్రకారం చూస్తే నేరస్థులు ఎన్నికల్లో పోటీ చేయకుండా అడ్డుకొనే నిబంధన ఏదీ లేదని యూనివర్సిటీ ఆఫ్‌ కాలిఫోరి్నయాకు చెందిన న్యాయశాస్త్ర ప్రొఫెసర్‌ రిచర్డ్‌ ఎల్‌.హసెన్‌ చెప్పారు. చట్టపరంగా ఇప్పుడు ట్రంప్‌ అభ్యరి్థత్వానికి వచ్చే ముప్పేమీ లేదని అన్నారు.కారాగారమా? గృహ నిర్బంధమా? ⇒ ట్రంప్‌పై 34 అభియోగాలు రుజువయ్యాయి. ఒక్కో అభియోగానికి గరిష్టంగా నాలుగేళ్ల చొప్పున జైలుశిక్ష, 5 వేల డాలర్ల దాకా జరిమానా విధించే అవకాశం ఉంది. ⇒ జైలు శిక్ష కాకుండా జరిమానా, ప్రొబేషన్‌/సామాజిక సేవను శిక్షగా విధించవచ్చు. ప్రొబేషన్‌ శిక్ష విధిస్తే ప్రొబేషన్‌ అధికారి ఎదుట ట్రంప్‌ తరచుగా హాజరు కావాల్సి ఉంటుంది. కండీషనల్‌ డిశ్చార్జి అనే శిక్ష వేస్తే ప్రొబేషన్‌ అధికారి ఎదుట హాజరు కావాల్సిన అవసరం ఉండదు. ⇒ గృహ నిర్బంధం విధించే అవకాశం సైతం లేకపోలేదు. అప్పుడు ట్రంప్‌ తన ఇంటికే పరిమితం కావాల్సి ఉంటుంది. ఆయన చుట్టూ ఎల్రక్టానిక్‌ నిఘా పెడతారు. హౌజ్‌ అరెస్టు అయితే ట్రంప్‌ నాలుగు గోడల మధ్య నుంచే ఎన్నికల ప్రచారం చేయాలి. ⇒ ట్రంప్‌ జైలుకెళ్తారా? అంటే కచ్చితంగా చెప్పలేమని న్యాయ నిపుణులు అంటున్నారు. రాబోయే అధ్యక్ష ఎన్నికలను దృష్టిలో పెట్టుకొని కోర్టు ఆయనకు జైలుశిక్ష విధించకుండా కేవలం జరిమానాతో సరిపెట్టే అవకాశాలు ఉన్నాయని చెబుతున్నారు. రాజకీయ దురుద్దేశాలతోనే నాకు వ్యతిరేకంగా తీర్పు ఇచ్చారు. ఇది హష్‌మనీ వ్యవహారం కాదు. ఇది బహిర్గతం చేయకూడదనే ఒక ఒప్పందం మాత్రమే. పూర్తిగా చట్టబద్ధంగానే జరిగింది. ఇలాంటివి అమెరికాలో సర్వసాధారణమే. ప్రత్యర్థులు నన్ను ఇలా ఇరికించారంటే వారు ఇక ఎవరినైనా ఇరికించగలరు. నాపై తప్పుడు కేసు పెట్టి, ఇబ్బందులకు గురిచేయాలని చూస్తున్నారు. వారి ఆటలు సాగవు – డొనాల్డ్‌ ట్రంప్‌

ఫ్రాన్స్‌ నగరంలోని కాన్స్‌లో 77వ కాన్స్‌ చలన చిత్రోత్సవాలు అట్టహాసంగా ఆరంభమయ్యాయి. ఈ ఏడాది కాన్స్‌ జ్యూరీ ప్రెసిడెంట్‌గా నటి–దర్శకురాలు గ్రెటా గెర్విగ్‌ వ్యవహ రిస్తున్నారు. ఆమె నేతృత్వంలో జ్యూరీ ఈ సంవత్సరం పోటీ పడుతున్న 22 చిత్రాల నుండి విజేతను ఎంపిక చేస్తుంది. వేడుక చివరి రోజు విజేతకు అవార్డు ప్రదానం చేస్తారు. ఇక వేడుకలు ్రపారంభం అయ్యే ముందు విలేకరులతో ‘మీ టూ’ మూమెంట్‌ గురించి, సమాజంలో సానుకూల మార్పు తెచ్చే శక్తి బలమైన కథలకు ఉంటుందని గ్రెటా గెర్విగ్‌ పేర్కొన్నారు. ఈ నెల 14 నుంచి 25 వరకూ జరిగే ఈ ఫెస్టివల్‌లో తొలి రోజు ్రపారంభ చిత్రంగా క్వెంటిన్‌ డ్యూపియక్స్‌ దర్శకత్వంలో రూ΄పొందిన ‘ది సెకండ్‌ యాక్ట్‌’ ప్రదర్శితమైంది. అలాగే అత్యంత ప్రతిష్టాత్మకమైన ‘పామ్‌ డి ఓర్‌’ పురస్కారాన్ని నటి మెరిల్‌ స్ట్రీప్‌కి ప్రదానం చేశారు. సినీ రంగానికి మెరిల్‌ చేసిన సేవలకు గాను ఆమెను ఈ పురస్కారంతో గౌరవించారు. 1989లో కాన్స్‌ ఉత్సవాల్లో పాల్గొన్నారు మెరిల్‌. ‘ఈవిల్‌ ఏంజెల్స్‌’లో కనబర్చిన నటనకుగాను ఆ ఏడాది ఆమె ఉత్తమ నటి అవార్డు అందుకున్నారు. 40 ఏళ్ల వయసు అప్పుడు ఆ అవార్డు అందుకున్న మెరిల్‌ ఇప్పుడు 74 ఏళ్ల వయసులో ఈ చిత్రోత్సవాలకు హాజరయ్యారు. దాదాపు 35 ఏళ్లకు మళ్లీ కాన్స్‌లో పాల్గొనడం, ప్రతిష్టాత్మక పామ్‌ డి ఓర్‌ పురస్కారం అందుకోవడం, అవార్డు అందుకుంటున్న సమయంలో వీక్షకులు ఓ 2 నిమిషాల పాటు నిలబడి చప్పట్లతో అభినందించడంతో మెరిల్‌ స్ట్రీప్‌ ఒకింత ఉద్వేగానికి గురై, ఈ విధంగా స్పందించారు. ‘‘గతంలో నేను కాన్స్‌ చిత్రోత్సవాల్లో పాల్గొన్నప్పుడు నా వయసు 40. అప్పటికి ముగ్గురు పిల్లల తల్లిని. నా కెరీర్‌ ముగిసిపోయిందనుకున్నాను. కానీ ఈ రాత్రి (కాన్స్‌ వేదికను ఉద్దేశించి) నేను ఇక్కడ ఉన్నానంటే దానికి కారణం మేడమ్‌ ప్రెసిడెంట్‌ (గ్రెటా గెర్విగ్‌ని ఉద్దేశించి... 2019లో గ్రెటా దర్శకత్వం వహించిన ‘లిటిల్‌ ఉమెన్‌’ చిత్రంలో నటించారు మెరిల్‌)తో సహా నేను పని చేసిన ఎంతోమంది ప్రతిభావంతులైన కళాకారులు. ఇక్కడ నా సినిమాల క్లిప్పింగ్స్‌ని చూస్తుంటే నా కెరీర్‌ని బుల్లెట్‌ ట్రైన్‌ కిటికీలోంచి చూస్తున్నట్లుగా ఉంది. ఆ కిటికీలోంచి నా యవ్వనం మధ్యవయసుకి ఎగరడం నుంచి ఇదిగో ఇప్పుడు ఈ వేదిక వరకూ రావడం.. అంతా కనిపిస్తోంది. ఈ ప్రయాణంలో ఎన్నో ప్రదేశాలు... ఎన్నో ముఖాలు గుర్తొస్తున్నాయి. అన్నింటికీ మించి ఇన్నేళ్లుగా నన్ను ఆదరిస్తున్న మీకు (ప్రేక్షకులు) చాలా కృతజ్ఞతలు. నా ముఖం పట్ల మీరు విముఖత చూపనందుకు నా కెరీర్‌ ట్రైన్‌ని మీరు దిగనందుకు ధన్యవాదాలు’’ అంటూ తన ప్రసంగాన్ని ముగించారు మెరిల్‌ స్ట్రీప్‌. మెరిసిన దేశీ తారలు ఈ వేడుకల్లో పలువురు దేశ, విదేశీ తారలు ΄పొడవాటి గౌనుల్లో ఎర్ర తివాచీపై క్యూట్‌గా క్యాట్‌వాక్‌ చేసి ఆకట్టుకున్నారు. బాలీవుడ్‌ తారలు దీప్తీ సద్వానీ, ఊర్వశీ రౌతేలా తదితరులు పాల్గొన్నారు. టీవీ సిరీస్‌ ‘తారక్‌ మెహతా కా ఉల్టా చష్మా’ ఫేమ్, పలు హిందీ చిత్రాల్లో నటించిన దీప్తీ సద్వానీ రెడ్‌ కార్పెట్‌ పై మెరిశారు. ్రపారంభ వేడుకలో పాల్గొన్న ఈ బ్యూటీ మొత్తం మూడు రోజుల పాటు ఈ చిత్రోత్సవాల్లో పాల్గొననున్నారు. కాన్స్‌ ఉత్సవాల్లో ΄పొడవాటి గౌను ధరించిన తొలి తారగా రికార్డ్‌ సాధించారు దీప్తి. ‘‘ఈ రెడ్‌ కార్పెట్‌పై నడవడం గౌరవంగా భావిస్తున్నాను. అది కూడా రికార్డు బద్దలు కొట్టే ΄పొడవాటి ట్రైల్‌ ఉన్న గౌను ధరించడం హ్యాపీగా ఉంది’’ అని పేర్కొన్నారు దీప్తీ సద్వాని. ఇక గత ఏడాది కాన్స్‌ చిత్రోత్సవాల్లో పాల్గొన్న బాలీవుడ్‌ తార ఊర్వశీ రౌతేలా ఈసారీ హాజరయ్యారు. పింక్‌ కలర్‌ ఫ్రాక్‌లో ఆకట్టుకున్నారామె. కాగా 2018లో ఈ వేడుకల్లో పాల్గొన్న దీపికా పదుకోన్‌ పింక్‌ రంగు గౌను ధరించారు. ఇప్పుడు ఊర్వశీ ధరించిన గౌనుని అప్పటి దీపికా గౌనుతో పోల్చుతున్నారు. ఇలా తారల తళుకులు, పురస్కారగ్రహీత భావోద్వేగాలతో కాన్స్‌ చిత్రోత్సవాలు ఆకట్టుకునేలా సాగుతున్నాయి.

హాలీవుడ్‌ ప్రముఖ నటి మెరిల్‌ స్ట్రీప్‌ ఆనందంలో ఉన్నారు. ఈ నెల 14 నుంచి 25 వరకు ఫ్రాన్స్‌లో 77వ కాన్స్‌ ఫిల్మ్‌ ఫెస్టివల్‌ జరగనున్న సంగతి తెలిసిందే. ఈ చలన చిత్రోత్సవాల్లో ప్రతిష్టాత్మకమైన పామ్‌ డి ఓర్‌ గౌరవ పురస్కారానికి మెరిల్‌ స్ట్రీప్‌ను ఎంపిక చేసినట్లు నిర్వాహకులు ప్రకటించారు. ఆమె ఆనందానికి కారణం ఇదే. ఈ ఏడాది మెరిల్‌ స్ట్రీప్‌కు, జపాన్‌కు చెందిన యానిమేషన్‌ ‘స్టూడియో ఘిబ్లి’ నిర్వాహకులకు, హాలీవుడ్‌ దర్శక–నిర్మాత జార్జ్‌ వాల్టన్‌ లూకాస్‌ జూనియర్‌ (స్టార్‌ వార్స్, ఇండియానా జోన్స్‌’ ఫేమ్‌)కు పామ్‌ డి ఓర్‌ పురస్కారాన్ని అందజేస్తారు. ఈ సందర్భంగా మెరిల్‌ స్ట్రీప్‌ మాట్లాడుతూ – ‘‘ఈ అవార్డుకు ఎంపిక కావడాన్ని గౌరవంగా భావిస్తున్నాను. అంతర్జాతీయ నటీనటులు, ఫిల్మ్‌ మేకర్స్‌ భాగాస్వామ్యులైన కాన్స్‌ వేదికగా నేను ఈ అవార్డును గెలుచుకోవడం అనేది ఫిల్మ్‌ మేకింగ్‌ రంగంలో నాకు దక్కిన ఓ అద్భుత విజయంగా భావిస్తున్నాను’’ అని చెప్పుకొచ్చారు. గతంలో హాలీవుడ్‌ స్టార్స్‌ టామ్‌ క్రూజ్, మైఖేల్‌ డగ్లస్, హారిసన్‌ ఫోర్డ్‌ వంటివారికి పామ్‌ డీ ఓర్‌ అవార్డు దక్కింది.

తానిక ఎక్కువ రోజులు బతకనని  ఆమెకు తెలుసు .అందుకే లెజెండరీ స్టార్ షానెన్ డోహెర్టీ షానెన్ డోహెర్టీ గుండెలు పిండే విషాదాన్ని షేర్‌ చేసింది. ‘‘లెట్స్ బి క్లియర్" అనే పోడ్‌కాస్ట్‌లో తన జీవితానికి సంబంధించిన కీలక అప్‌డేట్‌ను పంచుకుంది. కేన్సర్‌ చికిత్సలో భాగంగా . "కేన్సర్ ఇన్ఫ్యూషన్"  అనే కొత్త చికిత్స  గురించి కూడా మాట్లాడింది. ఆశాభావాన్ని కూడా వ్యక్తం చేసింది. అయినా కూడా తన చనిపోయిన తర్వాత తన తల్లి రోసా డోహెర్టీకి అండగా నిలబడేలా, ఆమెకు భారం కాకుండా ఉండేలా, తనను ప్రేమించిన వారికి  కొన్ని జ్ఞాపకాలను మిగిల్చేలా  కొన్ని కీలక నిర్ణయాలను తీసుకున్నట్టు వెల్లడించింది. ఫోర్త్‌ స్టేజ్‌ రొమ్ము క్యాన్సర్‌తో  బాధపడుతున్న షానెన్‌కు ఇపుడది మెదడు, ఎముకలకు  కూడా వ్యాపించింది. దీంతో తనకిక త్వరలోనే చనిపోతానని తెలిసినా మనోనిబ్బరం కోల్పోలేదు. మరణాన్ని ధైర్యంగా ఆహ్వానించేందుకు సిద్ధపడుతోంది. అంతేకాదు...తల్లిని ఆదు కోవాల్సిన  తను ముందే చనిపోతే, ఆమె ఒంటరిదైపోతుందనీ,అందుకే ఆస్తులను అమ్మి తల్లికివ్వాలని , తద్వారా తన మరణం తర్వాత  ఆమెకు ఆర్థికంగా ఆదుకునేలా ఉండాలని చూస్తోంది.తన కెంతో ఇష్టంగా సేకరించుకున్న వస్తువులను విక్రయిస్తోంది.ఇదే సరైంది అని భావిస్తోంది.  కేన్సర్‌తో పోరాడుతున్నప్పటికీ, డోహెర్టీ  ఉన్న కొద్ది సమయాన్ని సద్వినియోగం చేసుకోవాలని అడుగులువేస్తోంది.భవిష్యత్తు కోసం సిద్ధం కావాలని నిశ్చయించుకుంది. ఆఖరికి అంత్యక్రియల ఏర్పాట్లను ప్లాన్ చేసుకుంటోంది.  కేన్సర్‌ తన జీవితాన్ని మార్చసిందనీ, నిజంగా జీవితాన్ని, తన ప్రాధాన్యతలను మార్చేసిందని తెలిపింది అందుకే ఏళ్లుగా సేకరించిన పురాతన వస్తువులు, ఇతర వస్తువులను విక్రయించడమో  లేదా విరాళంగా ఇవ్వడమో చేస్తోంది. "ప్రస్తుతానికి నా ప్రాధాన్యత నా తల్లి - నేను ఆమె కంటే ముందే చనిపోతే అది ఆమెకు కష్టమని నాకు తెలుసు" ఇది  ఆమెకు చాలా కష్టంగా ఉంటుంది కాబట్టి, అందుకే ఆమకోసం ఏదైనా  చేయాలని నిర్ణయించాను అని తెలిపింది. అలాగే షానెన్ ఆమె సంపాదించిన డబ్బుతో తన తల్లిని సెలవులకు తీసుకెళ్లేందుకు ఆమెను ఆనందంగా ఉంచేందుకు ప్రయత్నిస్తోంది.  కాగా షానెన్ డోహెర్టీ బాల్యం నుండి నటిస్తోంది. 1981లో తన పదేళ్ల వయసులో "ఫాదర్ మర్ఫీ" అనే టీవీ షోలో గెస్ట్ స్టార్‌గా తన కెరీర్‌ను ప్రారంభించింది. టీనేజ్ డ్రామా బెవర్లీ హిల్స్, 90210 , చార్మ్డ్ టీవీ  సీరియల్స్‌  ప్రపంచ వ్యాప్తంగా పాపులర్‌ అయింది.1983  లిటిల్ హౌస్ ఆన్ ది ప్రైరీ  18 ఎపిసోడ్‌లలో జెన్నీ వైల్డర్‌గా నటించిన ప్రశంసలు పొందింది. అనేక  అవార్డులను గెల్చుకుంది.  2015లో డోహెర్టీకి రొమ్ము క్యాన్సర్ ఉన్నట్లు నిర్ధారణ అయింది. అప్పట్లో కేన్సర్‌తగ్గినా మళ్లీ వచ్చిందని ఆమె 2017లో వెల్లడించింది. 2020లో మరింత విస్తరించిందని తెలిపింది. 2023 నవంబర్ 29 న పీపుల్‌కి ఇచ్చిన ఇంటర్వ్యూలో  మెదడుకు, ఎముకలకు కూడా పాకిందని తెలిపింది.

హాలీవుడ్‌ నటి న షరాన్ స్టోన్ గుర్తుందా? అదేనండి 90లలో వచ్చిన 'బేసిక్ ఇన్స్టింక్ట్'సినిమాతో ఒక్కసారిగా ఫేమస్‌ అయిపోయింది. ఆ తర్వాత 1993లో వచ్చిన థ్రిల్లర్ మూవీ ‘స్లీవర్‌’తో యువత కలల రాణిగా మారిపోయింది. ఆ సినిమాలోని శృంగార సన్నివేశాలు అప్పట్లో పెద్ద ట్రెండ్‌ సెట్‌ చేశాయి. ఆ తర్వాత వరుస సినిమాలతో హాలీవుడ్‌ స్టార్‌ హీరోయిన్‌గా మారిపోయింది. సినిమాల నుంచి తప్పుకున్న తర్వాత ఆమె చేసిన కొన్ని వ్యాఖ్యలు హాలీవుడ్‌లో ప్రకంపనలు పుట్టించాయి. ముఖ్యంగా  ఓ నిర్మాత తనను వేధించాడంటూ ఆమె చేసిన ఆరోపణలు అప్పట్లో సంచలనం సృష్టించాయి. అయితే ఆ నిర్మాత ఎవరనేది మాత్రం ఆమె వెల్లడించలేదు. చాలా రోజుల తర్వాత తాజాగా ఓ ఇంటర్వ్యూలో మాట్లాడుతూ.. ఆ నిర్మాత ఎవరో బహిర్గతం చేసింది ఈ ఓల్డ్‌ బ్యూటీ. ‘స్లీవర్‌’మూవీ షూటింగ్‌ సమయంలో హీరో బిల్లీ బాల్డ్‌విన్‌తో శృంగారంలో పాల్గొనాలని నిర్మాత రాబర్డ్‌ ఈవెన్స్‌(2019తో ఈయన మరణించాడు) బలవంతం పెట్టినట్లు గుర్తు చేసింది.  ‘ఓ రోజు నిర్మాత రాబర్డ్‌ తన ఆఫీస్‌కు రమ్మని కబురు పంపారు. నేను అక్కడికి వెళ్లగా.. సినిమా గురించి మాట్లాడుతూ బిల్లీ బాల్డ్‌విన్‌తో చనువుగా ఉంటే ఆన్‌స్క్రీన్‌ కెమిస్ట్రీ బాగుంటుందని చెప్పారు. అతనితో నిజంగానే శృంగారంలో పాల్గొంటే.. ఆ సన్నివేశాలను తెరపై చక్కగా పండుతాయని ప్రలోభ పెట్టాడు. కానీ నేను ఆ పని చేయలేనని చెప్పేశాను’ అని నటి షరాన్‌ స్టోన్‌ చెప్పుకొచ్చింది.  షరాన్‌ స్టోన్‌ చేసిన ఆరోపణలపై నటుడు బిల్లీ బాల్డ్‌విన్‌ ఎక్స్‌(ట్విటర్‌)వేదికగా కౌంటర్‌ ఇచ్చాడు. ‘సినిమా రిలీజైన ఇన్నేళ్లకు షారన్‌ స్టోన్‌ నా గురించి ఎందుకు మాట్లాడుతుందో చెప్పండి? ఆమెకు ఇప్పటికీ నాపై క్రష్‌ఉందా? లేదా ఆమె ఇచ్చిన చనువును అడ్వాన్స్‌గా తీసుకోకపోవడంతో ఇనేళ్లుగా బాధపడుతూనే ఉందా? నేను కూడా ఒక బుక్‌ రాసి..అందులో ఆమె గురించి అసత్యాలను, అసభ్యకరమైన విషయాలను చెప్పాలా ఏంటి? అంటూ షరాన్‌ చేసిన ఆరోపణలు అన్ని అబద్దాలనే పరోక్షంగా చెప్పాడు. Not sure why Sharon Stone keep talking about me all these years later? Does she still have a crush on me or is she still hurt after all these years because I shunned her advances? Did she say to her gal pal Janice Dickinson the day after I screen tested and ran into them on our… pic.twitter.com/PtgqMC6Sgz — Billy Baldwin (@BillyBaldwin) March 12, 2024

తెలుగుతో పాటు అన్ని భాషల్లో అభిమానుల ఆదరణ దక్కించుకున్న ఏకైక షో బిగ్ బాస్. ప్రస్తుతం తెలుగు, తమిళం, కన్నడ భాషల్లో సీజన్‌-7 విజయవంతంగా నడుస్తోంది. ప్రతి ఏటా కొత్త కొత్త పోకడలతో అభిమానులను అలరిస్తోంది. ఇంతలా ఆదరణ పొందిన రియాలిటీ షో పాల్గొనే కంటెస్టెంట్స్‌కు సైతం మంచి గుర్తింపు దక్కుతోంది. ఈ షో ద్వారానే కొందరు సినీరంగంలో ఫేమస్ అవుతున్నారు. అయితే ఈ షోలో పాల్గొనే వారికి ఎంత రెమ్యునరేషన్‌ ఇస్తారు అన్న విషయం తెలుసుకోవాలనే ఆసక్తి అభిమానుల్లో ఎప్పుడూ ఉంటుంది. (ఇది చదవండి: కొంతమంది నన్ను ఫ్లర్ట్ చేయడానికి ట్రై చేశారు: శుభ శ్రీ) మన తెలుగు బిగ్‌బాస్‌ షో అయితే కంటెస్టెంట్స్ పారితోషికాల గురించి మనం లక్షల్లోనే వింటుంటాం. అంతే కాదు.. ఎలిమినేట్ అయినవారు సైతం తమ రెమ్యునరేషన్ గురించి ఇంటర్వ్యూల్లోనూ ప్రస్తావించారు. అయితే లక్షల్లో మాత్రమే పారితోషికం అందుకున్న కంటెస్టెంట్స్ చాలామందే ఉన్నారు. మరీ కోట్ల రూపాయల రెమ్యునరేషన్‌ తీసుకున్న వారు ఉన్నారంటే మీరు నమ్ముతారా? అబ్బే.. బిగ్ బాస్‌ కంటెస్టెంట్స్‌కు కోట్లలో ఇస్తారా? అని అంటారా?.. కానీ కోట్ల రూపాయల పారితోషికం అందుకున్న వారు కూడా ఉన్నారు. బిగ్ బాస్ చరిత్రలో అత్యధిక పారితోషికం పొందిన కంటెస్టెంట్ కేవలం 3 రోజులకే  రూ. 2 కోట్ల రూపాయలు అందుకున్నారు. ఇంతకీ ఎవరో తెలుసుకుందాం. హిందీలో బిగ్‌బాస్‌ షో హోస్ట్‌గా సల్మాన్ ఖాన్ వ్యవహిరిస్తున్న సంగతి తెలిసిందే. అయితే బిగ్‌బాస్ సీజన్-4లో హాలీవుడ్ నటి పమేలా ఆండర్సన్ బిగ్ బాస్ హౌస్‌లోకి ప్రవేశించింది. కేవలం మూడు రోజులు మాత్రమే అతిథిగా ఇంట్లో ఉండిపోయింది. ఈ షోలో పాల్గొన్నందుకు ఆమెకు దాదాపు రూ.2 కోట్ల రెమ్యునరేషన్‌ ఇచ్చినట్లు తెలిసింది. ఈ సీజన్‌తోనే సల్మాన్ ఖాన్‌ మొదటిసారిగా హోస్ట్‌గా వ్యవహరించారు. ఆమె తర్వాత అత్యధికంగా బిగ్ బాస్ -15 విజేత తేజస్వి ప్రకాశ్‌కు 1.7 కోట్ల రూపాయల పారితోషికం చెల్లించారు.    కాగా..  పమేలా ఆండర్సన్ కెనడియన్-అమెరికన్ నటిగా, మోడల్‌గా గుర్తింపు దక్కించుకుంది. ప్లేబాయ్ మ్యాగజైన్‌లో తన మోడలింగ్‌లో గుర్తింపు తెచ్చుకుంది.  టీవీ సిరీస్ బేవాచ్‌లో సీజే పార్కర్ పాత్రతో ఆమె ఫేమస్ ‍అయింది.  (ఇది చదవండి: అమర్‌దీప్‌కి ఎలిమినేషన్ భయం.. ఇలా అయిపోయాడేంటి?) అయితే పమేలా తన బాల్యంలో లైంగిక వేధింపులకు గురైనట్లు వెల్లడించింది. 2014లో ఈ విషయాన్ని ఓ ఇంటర్వ్యూలో తెలిపింది. 6 నుంచి 10 వయస్సులో ఓ మహిళ తనను వేధించిందని.. ఆ తర్వాత 12 ఏళ్లకే 25 ఏళ్ల వ్యక్తి అత్యాచారం చేశాడని వివరించింది. అంతే కాదు.. తనపై గ్యాంగ్ రేప్ జరిగిందని పేర్కొంది. ఆమెకు 14 ఏళ్ల వయసులో తన ప్రియుడితో పాటు, అతని ఫ్రెండ్స్ ఆరుగురు అత్యాచారం చేశారని వెల్లడించింది.

సినిమా ఇండస్ట్రీలో విషాదం నెలకొంది. అర్జెంటీనాకు చెందిన ప్రముఖ నటి, మాజీ మోడల్ సిల్వినా లూనా కన్నుమూసింది. కిడ్నీ వ్యాధితో బాధపడుతున్న ఆమె.. 79 రోజుల పాటు పోరాడి తుదిశ్వాస విడిచింది. ప్రస్తుతం ఆమె వయస్సు 43 ఏళ్లు కాగా.. గతంలో ఆమె కాస్మోటిక్ సర్జరీ చేయించుకున్నట్లు తెలుస్తోంది. అయితే అది వికటించి తీవ్ర అనారోగ్యానికి దారి తీసినట్లు తెలుస్తోంది. (ఇది చదవండి: ఇండస్ట్రీలో విషాదం.. ప్రముఖ నటుడు కన్నుమూత!) సర్జరీ వల్ల మూత్రపిండాల సమస్యతో బాధపడుతున్న ఆమె జూన్‌లో ఆస్పత్రిలో చేరింది. వెంటిలేటర్‌పై చికిత్స అందించినా ప్రయోజనం లేకపోయింది.  ఆగస్టు 31నే ఆమె చనిపోగా ఈ విషయం ఆలస్యంగా బయటకొచ్చింది. కాగా.. సిల్వినా లూనా అర్జెంటీనా టీవీ పరిశ్రమలో నటిగా, యాంకర్‌గా పేరు తెచ్చుకుంది. ఈ విషయం తెలుసుకున్న ఆమె అభిమానలు షాక్‌కు గురయ్యారు. సిల్వినా మృతి పట్ల పలువురు అర్జంటీనా నటీనటులు సంతాపం తెలిపారు.  (ఇది చదవండి: దేవత లాంటి యువతి దెయ్యంగా ఎలా మారింది?.. రిలీజ్ ఎప్పుడంటే? )

లైంగిక పరమైన అవగాహన కల్పించాలనే ఉద్దేశంతో గ్రెటా గెర్విగ్ తెరకెక్కించిన చిత్రం 'బార్బీ'. ఈ చిత్రంలో ర్యాన్ గోస్లింగ్‌తో పాటు మార్గోట్ రాబీ నటించారు. తాజాగా ఈ చిత్రానికి సెంట్రల్ బోర్డ్ ఆఫ్ ఫిల్మ్ సర్టిఫికేషన్ ఆఫ్ ఇండియా యూఏ సర్టిఫికెట్ ఇచ్చింది. యూఏ సర్టిఫికేట్‌కు అర్థం ఏమిటంటే ఈ చిత్రంలో అడల్ట్ కంటెంట్‌తో పాటు.. కొన్ని అసభ్యకరమైన సీన్స్ కూడా ఉన్నట్లు తెలుస్తోంది. అందుకే ఈ  చిత్రాన్ని 12 ఏళ్ల వయసులోపు పిల్లలు తల్లిదండ్రుల సమక్షంలోనే చూడాలని సెన్సార్ బోర్డు ఇచ్చిన సర్టిఫికేట్‌ను బట్టి అర్థమవుతోంది.  (ఇది చదవండి: టైగర్‌ కా హుకుం వచ్చేశాడు.. ఈ వీడియోతో ఫ్యాన్స్‌కు పండుగే)  అంతే కాకుండా ఈ చిత్రంలో హస్తప్రయోగంతో పాటు లైంగిక వేధింపుల దృశ్యాలు ఉండడంతో హాలీవుడ్ మూవీ బార్బీకి యూఏ సర్టిఫికేట్ ఇచ్చినట్లు సెన్సార్ బోర్డు తెలిపింది. ఈ మూవీలో కొన్ని అసభ్యకరమైన పదాలు, లైంగిక వేధింపుల సన్నివేశాలు కూడా ఉన్నాయి. ముఖ్యంగా ఈ చిత్రాన్ని  లైంగిక పరమైన అవగాహన కల్పించాలనే ఉద్దేశంతో  తీర్చిదిద్దినట్లు తెలుస్తోంది. గ్రెటా గెర్విగ్ దర్శకత్వం వహించిన బార్బీ ట్రైలర్‌ ఇప్పటికే రిలీజ్ కాగా.. జూలై 21, 2023న థియేటర్లలోకి రానుంది. కాగా.. ఈ చిత్రంలో విల్ ఫెర్రెల్, ఎమ్మా మాకీ, కానర్ స్విండెల్స్, నికోలా కాగ్లాన్, ఎమరాల్డ్ ఫెన్నెల్, కేట్ మెక్‌కిన్నన్, మైఖేల్ సెరా, సిము లియు, అమెరికా ఫెర్రెరా, కుటి గట్వా, ఇస్సా రే, కింగ్స్లీ బెన్-అదిర్, రియా పెర్ల్‌మాన్, షారన్ ఇవాన్స్ , అనా క్రజ్ కేన్, రీతు ఆర్య, జామీ డెమెట్రియో ప్రధాన పాత్రల్లో నటించారు.  (ఇది చదవండి: హీరోయిన్‌​ వైష్ణవి పక్కన నటించిన ఈ 'బేబీ' గురించి తెలుసా..?) 

ప్రముఖ హాలీవుడ్ నటి,  మోడల్  నవోమి కాంప్‌బెల్ పండంటి బిడ్డకు జన్మనిచ్చారు. దాదాపు 53 ఏళ్ల వయసులో మరోసారి తల్లయ్యారు. ఈ విషయాన్ని నవోమి తన ఇన్‌స్టా ద్వారా పంచుకున్నారు. ఇప్పటికే  మే 2021లో నవోమి తన మొదటి బిడ్డకు జన్మనిచ్చింది. మళ్లీ రెండేళ్ల వ్యవధిలోనే మరో  రెండో బిడ్డను స్వాగతించారు.  తల్లి కావడానికి వయసుతో సంబంధం లేదని నవోమి నిరూపించింది. ఆమె శిశువును తన చేతుల్లో పట్టుకొని ఉన్న ఫోటోను అభిమానులతో పంచుకుంది. (ఇది చదవండి: రాకేశ్‌ మాస్టర్‌ ఇచ్చిన ఆస్తి పేపర్లు చించేశాడు.. ఎందుకో తెలిస్తే ) నవోమి తన ఇన్‌స్టాలో రాస్తూ..' మై లిటిల్ డార్లింగ్!  నీ రాకతో మాకు మరింత సంతోషాన్ని తీసుకొచ్చావు.  మా ప్రేమ నీకు ఎల్లప్పుడు అండగా ఉంటుంది. నువ్వు దేవుడిచ్చిన బహుమతి.  వెల్‌కమ్‌ టూ బేబీబాయ్‌.'  క్యాప్షన్‌ పెట్టింది. ఇది చూసిన ఆమె అభిమానులు, సన్నిహితులు అభినందనలు తెలిపారు. పిల్లలను కనేందుకు వయసుతో పనిలేదని రుజువు చేసిందంటూ ఓ నెటిజన్ కామెంట్ చేశారు.  (ఇది చదవండి: దిల్‌ రాజు కుమారుడి బర్త్‌డే పార్టీలో సెలబ్రిటీల సందడి) View this post on Instagram A post shared by Dr Naomi Campbell (@naomi)

అమెరికన్‌ నటి అమాండా బైన్స్‌ను పిచ్చాసుపత్రిలో చేర్పిచారు. లాస్‌ ఏంజిల్స్‌ వీధుల్లో నగ్నంగా తిరుగుతున్నట్లు గుర్తించిన పోలీసులు ఆమెను ఆసుపత్రికి తరలించారు. 36ఏళ్ల అమాండా గత కొంతకాలంగా మానసికి సమస్యలతో బాధపడుతుంది. పక్కింటికి నిప్పంటించడం, పెంపుడు కుక్కను చంపాలనుకోవడం వంటివి చేసింది. తాజాగా కారు నుంచి నగ్నంగా దిగి లాస్‌ డౌట్‌టౌన్‌ సమీపంలో బట్టలు లేకుండా సంచరించింది. దీంతో గుర్తించిన పోలీసులు ఆమెను సైకియాట్రిస్ట్‌ నిపుణుల సూచనతో ఆసుపత్రిలో చేర్పించారు. ప్రస్తుతం 71 గంటల పాటు వైద్యుల పర్యవేక్షనలో అమాండా ఉంది. ఒకవేళ పరిస్థితి అదుపులోకి రాకపోతే ఇంకొన్ని రోజుల పాటు ఆమె అక్కడ ఉండనుంది. కాగా అమాండా గతంలో డ్రగ్స్‌కు బానిసై దాన్నుంచి బయటపడ్డానని స్వయంగా ఓ ప్రకటనలో పేర్కొంది. కాగా చైల్డ్‌ ఆర్టిస్ట్‌గా కెరీర్‌ ప్రారంభించిన అమాండా ఈజీ ఎ, షీ ఈజ్ ది మ్యాన్, వాట్ ఏ గర్ల్ వాంట్ వంటి పలు సినిమాల్లో నటించింది.

'కలలు కనండి. నిజం అవుతాయనడానికి నేను ఈ అవార్డును ఓ ప్రూఫ్‌గా చూపిస్తున్నాను. మహిళలకు నేను ఒక్కటే చెప్పాలనుకుంటున్నాను. ఎవరైనా మీ ప్రైమ్‌ టైమ్‌ను మీరు దాటిపోయారు అంటే నమ్మొద్దు. ఈ అవార్డుని నేను మా అమ్మకు... ప్రపంచంలో ఉన్న అమ్మలందరికీ అంకితం ఇస్తున్నాను. ఎందుకంటే వారే నిజమైన సూపర్‌హీరోస్‌. వీరే లేకపోతే ఇప్పుడు ఇక్కడ ఎవరూ ఉండి ఉండేవారు కాదు.మా అమ్మగారికి 84 ఏళ్లు. కుటుంబసభ్యులు, స్నేహితులతో కలిసి ఇప్పుడు మలేసియాలో ఆమె ఈ వేడుకను చూస్తున్నారు. నేను ఈ అవార్డును ఇంటికి తీసుకువస్తున్నాను (కుటుంబ సభ్యులను ఉద్దేశించి). అలాగే నా కెరీర్‌ హాంకాంగ్‌లో స్టార్ట్‌ అయ్యింది. అక్కడ నాకు హెల్ప్‌గా ఉన్నవారికి ధన్యవాదాలు. అలాగే నెవర్‌ గివప్‌. డానియల్‌ డ్యూయో, ఏ 24 షూటింగ్‌ స్టూడియో, ‘ఎవ్రీథింగ్‌ ఎవ్రీవేర్‌..’ నటీనటుల సహాయం లేకపోతే నేను ఇప్పుడు ఇక్కడ ఈ వేదికపై ఉండేదాన్ని కాదు'. – ఉత్తమ నటి, మిషెల్‌ యో(కాగా, ఈ చిత్రానికి గాను ఉత్తమ నటి అవార్డు దక్కించుకున్న మిషెల్‌యో ఆస్కార్‌ అందుకున్న తొలి ఆసియా మహిళగా నిలిచారు. అంతేకాదు ఇప్పుడామె వయస్సు 60ఏళ్లు. ) నాకు అవార్డు ఇచ్చిన ఆస్కార్‌ కమిటీకి, ఇలాంటి ఓ బోల్డ్‌ ఫిల్మ్‌లో నటించే అవకాశం కల్పించినవారికి ప్రత్యేక ధన్యవాదాలు. ‘ది వేల్‌’ సినిమాలో భాగమైన వారిని గుర్తు చేసుకోకుండా ఉండలేను. బెస్ట్‌ యాక్టర్‌గా నాకు అవార్డు రావడాన్ని చాలా గౌరవంగా ఫీల్‌ అవుతున్నాను. నటుడిగా నేను 30 ఏళ్లుగా ఇండస్ట్రీలో ఉన్నాను. కొన్ని సందర్భాల్లో నాకు గుర్తింపు వస్తుందా? అని ఆలోచించాను. అలా ఆలోచించినప్పుడు చాలా కష్టంగా అనిపించింది. కేవలం తిమింగలాలు మాత్రమే లోలోతుల్లో ఈదగలవు. సినిమా ఇండస్ట్రీలో నేనూ అంతే. నాకు హెల్ప్‌గా ఉన్న నా కుటుంబ సభ్యలకు ధన్యవాదాలు. – ఉత్తమ నటుడు బ్రెండెన్‌ ఫ్రాజెర్‌ (చెమర్చిన కళ్లతో...) ఈయన కూడా 54 ఏళ్ల వయసులో ఉత్తమ నటుడిగా ఆస్కార్‌ పురస్కారాన్ని అందుకున్నారు.) Michelle Yeoh accepts her #Oscar for Best Actress: "For all the little boys and girls who look like me watching tonight, this is a beacon of hope and possibilities. This is proof that dreams do come true." https://t.co/ndiKiHfmID pic.twitter.com/pQN8nHDhCx — Variety (@Variety) March 13, 2023

తాను చేసిన ఓ సినిమా వల్ల కొడుకు దూరమయ్యాడంటూ విచారం వ్యక్తం చేసింది హాలీవుడ్‌ నటి షరాన్‌ స్టోన్‌. 1992లో వచ్చిన బేసిక్‌ ఇన్‌స్టింక్ట్‌ సినిమాలో కొద్ది క్షణాల పాటు ఒంటి మీద దుస్తులు లేకుండా నటించింది షరాన్‌. దీనివల్ల ఆమె తీవ్ర విమర్శలు ఎదుర్కొంది. ఆ ఒక్క సన్నివేశం వల్ల తన కొడుకు తనకు కాకుండా పోయాడంటోంది. 'టేబుల్‌ ఫర్‌ టూ విత్‌ బ్రూస్‌ బాజీ' పాడ్‌క్యాస్ట్‌లో ఈ విషయాన్ని వెల్లడిస్తూ భావోద్వేగానికి లోనైంది నటి. '2000వ సంవత్సరంలో ఓ పిల్లవాడిని నేను దత్తత తీసుకున్నాను. 2004లో నా భర్త ఫిల్‌ బ్రాన్‌స్టేన్‌తో విడిపోయేటప్పుడు పిల్లాడు నాకు కావాలన్నాను. అప్పుడు ఓ న్యాయవాది నా గారాల బాబు దగ్గరకు వెళ్లి ఏమన్నాడో తెలుసా? మీ అమ్మ శృంగార చిత్రాల్లో నటిస్తుంది. నీకు ఆ విషయం తెలుసా? అని అడిగాడు. పదహారు సెకండ్ల వీడియోతో నా క్యారెక్టర్‌నే తప్పు పట్టారు. అలా నా దగ్గర పెరగాల్సిన నా కొడుకు నాకు కాకుండా పోయాడు. ఇది నన్ను మానసికంగా కుంగదీసింది. నా గుండె పగిలినంత పనైంది. ఈ వేదనతో నిజంగానే గుండె సమస్యలతో ఆస్పత్రిపాలయ్యాను.  అసలు ఆ సన్నివేశం డైరెక్టర్‌ నన్ను సంప్రదించకుండా నేరుగా సినిమాలో పెట్టేశాడు. అయినా టీవీలో ఒంటి మీద దుస్తులు లేకుండా చాలామంది కనిపిస్తున్నారు. కానీ వాళ్లను ఎవరూ ఏమీ అనరు. సినిమాలో కాసేపు ఒంటి మీద బట్టల్లేకుండా కనిపించినందుకు నాకు పిల్లాడినే దూరం చేశారు. గోల్డెన్‌ గ్లోబ్‌ అవార్డుల కార్యక్రమంలో నా పేరు పిలవగానే చాలామంది నవ్వుకున్నారు. అది చూసి ఎంతో బాధేసింది. ఎంతో అవమానకరంగా అనిపించింది. కానీ అలాంటి సన్నివేశంలో నటించాలంటే ఎంతో ధైర్యం కావాలి తెలుసా?' అని చెప్పుకొచ్చింది నటి.

కొంతకాలంగా అనారోగ్యంతో బాధపడుతున్న ప్రముఖ హాలీవుడ్‌ నటి రాక్వెల్‌ వెల్చ్‌ (82) తుది శ్వాస విడిచారు. అమెరికాలోని ఇల్లినాయిస్‌ స్టేట్‌ చికాగోలో 1940 సెప్టెంబర్ 5న రాక్వెల్‌ వెల్చ్‌ జన్మించారు. ఆమె అసలు పేరు జో రాక్వెల్‌ టెజేడా.  హైస్కూల్ చదువుతున్న రోజుల్లో ‘ఫెయిరెస్ట్‌ ఆఫ్‌ ద ఫెయిర్‌’గా పేరు పొందారు. గ్రాడ్యుయేషన్‌ పూర్తి చేసి, స్టేట్‌ కాలేజ్‌లో థియేటర్‌ ఆర్ట్స్‌లో చేరారు రాక్వెల్‌. ‘ఎ హౌస్‌ ఈజ్‌ నాట్‌ ఎ హోమ్‌’ (1964)లో చేసిన చిన్నపా త్ర ద్వారా ఆమె వెండితెరకు పరిచయమయ్యారు. 1966లో వచ్చిన  ‘ఫెంటాస్టిక్‌ వాయేజ్‌’లో ఓ లీడ్‌ రోల్‌ చేసిన రాక్వెల్‌కు మంచి గుర్తింపు లభించింది. 1973లో ‘ద త్రీ మస్కటీర్స్‌’కి ఆమెకు ఉత్తమ నటిగా ‘గోల్డెన్‌ గ్లోబ్‌’ అవార్డు లభించింది. 1995లో ‘ది ఎంపైర్‌’ మ్యాగజీన్‌ ప్రచురించిన ‘100 సెక్సియస్ట్‌ స్టార్స్‌ ఆఫ్‌ ట్వంటీయత్‌ సెంచురీ’లో ఒకరిగా, మరో మ్యాగజీన్‌ ‘ప్లే బాయ్‌’ లిస్ట్‌లో మూడో స్థానంలో నిలిచారామె. రాక్వెల్‌ చివరి చిత్రం ‘హౌ టు బి ఏ లాటిన్‌ లవర్‌’ (2017). ఇక 1959లో జేమ్స్‌ వెల్చ్ ను పెళ్లాడారామె. వీరికి ఇద్దరు సంతానం. వెల్చ్‌ నుంచి విడిపోయాక దాదాపు మూడు పెళ్లిళ్లు చేసుకున్నప్పటికీ ఆయన ‘ఇంటి పేరు’తోనే కొనసాగారామె. 

సినీ సెలబ్రెటీల అంటే కోట్లు సంపాదిస్తూ లగ్జరీ లైఫ్‌ గడుపుతుంటారిన అంతా అభిప్రాయపడుతుంటారు. కానీ ఈ తాజా సంఘటన చూస్తుంటే వాళ్లు అందరిలా సామాన్య మనుషులేనా అనిపిస్తోంది. తాజాగా ఓ నటి రూ. 2వేలకు కక్కుర్తి పడి దొంగతనం చేస్తూ దొరికిపోయిన సంఘటన హాట్‌టాపిక్‌గా మారింది. ప్రముఖ అమెరికన్‌ నటి క్లోయి చెర్రీ. అడల్ట్‌ కంటెంట్‌, యుఫోరియా వంటి టీవీ సిరీస్‌తో గుర్తింపు పొందింది. ఈ క్రమంలో ఇటీవల ఆమె పెన్సెల్వేనియాలోని లాన్‌కాస్టర్‌లోని ఓ రీటైల్‌ స్టోర్‌కు వెళ్లింది. అక్కడ షాపింగ్‌ చేస్తూ రూ. 2వేలు ఖరీదు చేసే బ్లౌజ్‌ను దొంగతనం చేసింది. ఇదంతా అక్కడి సిసి కెమెరాలో రికార్డు అయ్యింది. అది గమనించిన షాపు నిర్వాహకులు నిలదీయగా క్లోయి తడబడింది. భయంతో నోరు మెదపకుండా ఉండిపోయిందట. దీంతో షాపు యాజమాన్యం పోలీసులకు ఫిర్యాదు చేశారు. సమాచారం మేరకు సంఘటన స్థలానికి చేరుకున్న పోలీసులు క్లోయిని విచారించి అనంతరం ఆమెపై కేసు నమోదు చేశారు. అయితే ఇలా సెలెబ్రిటీలు దొంగతనం చేస్తు పట్టుబడటం ఇది మొదటి సారి కాదు. గతంలో కూడా ఇలాంటి సంఘటనలు చోటు చేసుకున్నాయి. వినోనా రైడర్‌ అనే ప్రముఖ హాలీవుడ్‌ నటి 5 వేల డాలర్ల డిజైనర్‌ ఐటమ్స్‌ దొంగిలించి పట్టుబడింది. దీంతో ఆమెపై పోలీసు కేసు నమోదు అయింది. అంతేకాదు మూడేళ్ల పాటు ఆమె నిషేధానికి కూడా గురైంది.  చదవండి:  సినీ పరిశ్రమలో విషాదం.. ప్రముఖ గాయని వాణీ జయరాం హఠాన్మరణం ‘స్వయం కృషి’ తర్వాత చిరంజీవి గురించి కళాతపస్వి కె విశ్వానాథ్‌ ఏమన్నారంటే!

ఓ స్టార్‌ హీరో తనను వాడుకుని వదిలేశాడంటూ సంచలన ఆరోపణలు చేసింది అమెరికన్‌ సింగర్‌, నటి జెస్సికా సింప్సన్‌. తనతో రహస్య సంబంధం పెట్టుకున్న అతడు ఆ సమయంలో బయటకు మాత్రం సింగిల్‌గానే ఉన్నట్లు చెప్పుకునేవాడని పేర్కొంది. 'మూవీ స్టార్‌: దె ఆల్వేస్‌ సే దె ఆర్‌ సింగిల్‌' వ్యాసంలో తన అనుభవాన్ని ఏకరువు పెట్టింది నటి. 'మ్యూజిక్‌ వీడియో అవార్డుల ఫంక్షన్‌లో హాలీవుడ్‌లోని ఓ మెగాస్టార్‌ నన్ను ఓరగా చూశాడు. కళ్లతోనే దోబూచులాడాడు. ఆ తర్వాత లాస్‌ ఏంజెల్స్‌లో జిమ్‌లో మరోసారి మేమిద్దరం కలిశాం. అప్పుడు అతడిని నా మ్యూజిక్‌ వీడియోలో నటించమని అడిగాను. మనం అడగ్గానే ఒప్పుకుంటున్నారని మురిసిపోవద్దు. దాన్ని వాళ్లు అవకాశంగా తీసుకుంటారు. తర్వాత మనల్ని మోసం కూడా చేస్తారు. ఇది చాలా ఆలస్యంగా తెలుసుకున్నా. నాపై ముద్దుల వర్షం కురిపించిన అతడు మరో ప్రియురాలితో కలిసి రెడ్‌ కార్పెట్‌పై కనిపించడంతో నా గుండె ముక్కలయ్యింది. మా బంధం ముగిసిపోయిందని అర్థమైంది. నాకు నేను కాల్‌ గర్ల్‌లా అనిపించాను. హాలీవుడ్‌లో ఒక్క భార్య/గర్ల్‌ఫ్రెండ్‌ చాలు అనుకునేవాళ్లు చాలామందే ఉన్నారని అప్పుడే తెలిసొచ్చింది' అని రాసుకొచ్చింది. కాగా జెస్సికా 2002లో నిక్‌ లాచేను పెళ్లాడగా 2006లో విడాకులిచ్చింది. తర్వాత 2014లో మాజీ ఫుట్‌బాల్‌ ప్లేయర్‌ ఎరిక్‌ జాన్సన్‌ను పెళ్లాడింది. చదవండి: పాపం అవకాశాల్లేక చిత్రవిచిత్ర డ్రెస్సులో కీర్తి సురేశ్‌ మేకప్‌ రూమ్‌లో పేలుడు, నటి పరిస్థితి విషమం

దర్శకధీరుడు రాజమౌళి తెరకెక్కించిన ఆర్‌ఆర్‌ఆర్‌ తెలుగు ఖ్యాతిని మరోసారి ప్రపంచానికి చాటిచెప్పింది. కోట్లకు కోట్లు కొల్లగొట్టిన ఈ సినిమా అంతర్జాతీయ స్థాయిలో ఎన్నో అవార్డులను ఎగరేసుకుంటూ ఔరా అనిపిస్తోంది. ఈ సినిమాకు టాలీవుడ్‌ నుంచి హాలీవుడ్‌ దాకా ప్రశంసలు వెల్లువెత్తుతున్నాయి. తాజాగా హాలీవుడ్‌ నటి జేన్‌ ఫోండా ఆర్‌ఆర్‌ఆర్‌ను ఆకాశానికెత్తింది. 'నేను ఇంతకుముందు లెస్లీ సినిమా చూడమని సూచించాను కదా! కానీ దానికి పూర్తి విరుద్ధంగా ఉన్న ఆర్‌ఆర్‌ఆర్‌ సినిమా నన్ను ఎంతగానో సర్‌ప్రైజ్‌ చేసింది. బెస్ట్‌ ఫారిన్‌ ఫిల్మ్‌ కేటగిరీలో ఈ సినిమా ఆస్కార్‌కు షార్ట్‌ లిస్ట్‌ అయింది. సామ్రాజ్యవాదం గురించి సీరియస్‌గా చర్చించిన బాలీవుడ్‌ సినిమా ఇది. చుట్టూ ఉన్న లోకాన్నే మరిచిపోయి సినిమా చూస్తుండిపోయాను' అని ఇన్‌స్టాగ్రామ్‌లో రాసుకొచ్చింది జేన్‌. దీనికి నెటిజన్లు స్పందిస్తూ.. 'అమ్మా తల్లి, ఇది బాలీవుడ్‌ సినిమా కాదు, టాలీవుడ్‌ మూవీ' అని కామెంట్లు చేస్తున్నారు. 'ఈ ఫారినర్లు ఇండియన్‌ సినిమా అంటే చాలు బాలీవుడ్‌ అని భ్రమపడుతున్నారు. ఇండియాలో ఎన్నో సినిమా ఇండస్ట్రీలు ఉన్నాయి. టాలీవుడ్‌(తెలుగు), కోలీవుడ్‌(తమిళ్‌), మాలీవుడ్‌(మలయాళం), సాండల్‌వుడ్‌(‍కన్నడ), మరాఠీ, బెంగాలీ, గుజరాతీ, అస్సామీ, ఒడియా, భోజ్‌పురి, పంజాబీ.. ఇలా అనేకమైన సినీపరిశ్రమలున్నాయి. ఎవరికి నచ్చినట్లు వారు ఆయా ప్రాంతీయ భాషల్లో సినిమా తీస్తారు. కాబట్టి భారతీయ సినిమా అనగానే దయచేసి బాలీవుడ్‌ అని డిసైడ్‌ చేయకండి' అని సూచిస్తున్నారు. 'ఉత్తమ విదేశీ చిత్రం కేటగిరీలో భారత్‌ నుంచి ఆర్‌ఆర్‌ఆర్‌ ఎంపిక కాలేదని , అది దురదృష్టకరమైన విషయం' అని పేర్కొంటున్నారు. View this post on Instagram A post shared by Jane Fonda (@janefonda) చదవండి: సుశాంత్‌ బర్త్‌డే సెలబ్రేట్‌ చేసిన సారా

హాలీవుడ్ నటి బ్రూక్ షీల్డ్స్ అమెరికన్ మోడల్. ఆమె పలు డాక్యుమెంటరీ చిత్రాల్లో నటించింది. అయితే తాజాగా విడుదలైన డాక్యుమెంటరీలో తన కెరీర్‌లో ఎదురైన పలు ఆసక్తికర విషయాలను పంచుకున్నారు. ఇటీవల విడుదలైన కొత్త డాక్యుమెంటరీ 'ప్రెట్టీ బేబీ'లో ఆమెపై జరిగిన లైంగిక దాడి సంఘటనను వివరించారు. అయితే నటిపై లైంగిక దాడికి పాల్పడిన వ్యక్తి వివరాలు మాత్రం వెల్లడించలేదు. కానీ ఆమె ఆ వ్యక్తిని అంతకుముందే కలిసినట్లు చెప్పింది. గ్రాడ్యుయేషన్  చదివేటప్పుడు తెలిసిన వ్యక్తేనని వివరించింది.  చిన్న వయసులోనే మోడల్‌గా ఫేమస్ అయిన బ్రూక్ షీల్డ్స్ ప్రిన్స్‌టన్‌ విశ్వవిద్యాలయంలో చదివారు. బ్రూక్ షీల్డ్స్‌కు తెలిసిన వ్యక్తి టాక్సీ పిలుస్తానని చెప్పి హోటల్‌కు తీసుకెళ్లాడని పేర్కొంది. ఆ తర్వాత తనపై లైంగిక దాడి చేశాడని తెలిపింది. ఆ తర్వాత బాత్రూమ్‌కు వెళ్లి అదృశ్యమయ్యాడని ఆమె చెప్పింది. అయితే ఇప్పటి వరకు ఈ సంఘటన గురించి ఎక్కడా బహిరంగంగా మాట్లాడలేదని వెల్లడించింది. బ్రూక్ షీల్డ్ మాట్లాడుతూ.. ' ఆ సమయంలో నేను అతనిపై ఫైట్‌ చేయలేకపోయా. పూర్తిగా స్తంభించిపోయా. కేవలం 'నో' అని మాత్రమే అరిచా. ఆ సమయంలో కేవలం ప్రాణాలతో బయటపడితే చాలు అనుకున్నా.' అని వివరించింది. ఈ సంఘటన తర్వాత తన స్నేహితుడు, సెక్యూరిటీ హెడ్ గావిన్ డి బెకర్‌కు ఫోన్ చేసినట్లు గుర్తుచేసుకుంది. కాగా.. సన్‌డాన్స్ ఫిల్మ్ ఫెస్టివల్‌లో భాగంగా రెండో రోజు శుక్రవారం ప్రదర్శించబడిన కొత్త డాక్యుమెంటరీ "ప్రెట్టీ బేబీ'ని ప్రదర్శించారు.  .  

ప్రపంచంలోనే అందమైన నటిగా పేరుగాంచిన తార ఇకలేరు. ఇటాలియన్ వెండితెర రాణిగా వెలుగొందిన జినా లొల్లో బ్రిగిడా(95) ఇవాళ కన్నుమూశారు. ప్రస్తుతం ఆమె అనారోగ్య సమస్యలతో బాధపడుతూ మరణించారు. ఈ విషయాన్ని ఇటాలియన్ వార్తా సంస్థ అన్సా ధృవీకరించింది. దీంతో హాలీవుడ్ సినీ ప్రముఖులు ఆమెకు సంతాపం తెలిపారు. ఆమె ఆత్మకు శాంతి చేకూరాలని ప్రార్థిస్తున్నారు.  హాలీవుడ్‌లో 'బ్రెడ్, లవ్ అండ్ ఫాంటసీ' సినిమాలో తన పాత్రకు బాగా ప్రసిద్ది చెందింది. 1950వ దశకంలో మోస్ట్ బ్యూటిఫుల్​ ఉమెన్​ ఇన్​ ది వరల్డ్‌గా పేరు సంపాదించింది. ఫ్రాంక్ సినాట్రా, హంఫ్రీ బోగార్ట్, మార్సెల్లో మాస్ట్రోయాని లాంటి నటులతో 60కి పైగా చిత్రాలలో నటించింది. 1960 తర్వాత రాజకీయాల్లోకి వెళ్లడంతో కెరీర్ నెమ్మదించింది. జినా ఇటలీలోని సుబియాకోలోని సంపన్న కుటుంబంలో 1927లో జన్మించింది. చదువు కోసం 20 సంవత్సరాల వయస్సులో రోమ్‌కి వెళ్లింది. ఆమె సినిమాల్లో నటనకు అనేక అవార్డులను గెలుచుకుంది.

లండన్‌: బ్రిటన్ ప్రధాని రిషి సునాక్‌పై బూతులతో రెచ్చిపోయింది ప్రముఖ నటి, షీ-హల్క్ వెబ్ సిరీస్ స్టార్ జమీలా జామిల్. ఆయన ప్రభుత్వం ప్రజలను అణగదొక్కాలని చూస్తోందని మండిపడింది. రిషి సునాక్ సంపన్న వర్గానికి చెందిన వాడని, మితవాది అని, అదృష్టం కొద్ది ప్రధాని అయ్యారని ధ్వజమెత్తింది. ఇంగ్లీష్ భాషలో బూతు పదంతో తీవ్ర విమర్శలు చేసింది. ఈమేరకు తన ఇన్‌స్టాగ్రాంలో పోస్టు చేసింది. ఎందుకీ విమర్శలు..? బ్రిటన్‌లో ప్రజలు నిరసనలు, ఆందోళనలు చేపట్టకుండా కొత్త చట్టాన్ని తీసుకురావాలని రిషి సునాక్ ప్రభుత్వం భావిస్తోంది. దీంతో ప్రజలకు స్వేచ్ఛ లేకుండా చేయాలని రిషి సునాక్ చూస్తున్నారని జమీలా జామిల్ మండపడింది. ఇది నాయకత్వం కాదు నియంతృత్వం అని ధ్వజమెత్తింది.  ప్రజలు ఉద్యోగాలు లేక ఆర్థిక సాయం అందక నిరసనలు వ్యక్తం చేస్తుంటే బిలియనీర్ రిషి సునాక్ వాళ్ల నోళ్లు మూయించాలని చూస్తున్నారని, దీన్ని తాము ఎంత మాత్రమూ సహించబోమని జమీలా హెచ్చరించింది. బ్రిటన్ వలసదారులపై రిషి సునాక్ విమర్శలు చేయడాన్ని కూడా తప్పుబట్టింది. బ్రిటన్ కోసం పనిచేస్తున్న వారిపై నిందలు మోపొద్దని హితవు పలికింది. చదవండి: రెస్టారెంట్‌లో కాల్పుల కలకలం.. ర్యాపర్ సహా 10 మందికి గాయాలు

ప్రముఖ హాలీవుడ్‌ నటి కిర్‌స్టీ అల్లీ(71)కన్నుమూశారు. గత కొంతకాలంగా క్యాన్సర్‌తో బాధపడుతున్న ఆమె చికిత్స పొందుతూ సోమవారం తుదిశ్వాస విడిచింది. ఈ విషయాన్ని కిర్‌స్టీ కుమారుడు విలియం ట్రూ స్టీవెన్సన్ సోషల్‌ మీడియా వేదికగా తెలియజేశారు. ఆమె ఇన్నాళ్లు గొప్పగా పోరాడింది. జీవితంలో అంతులేని ఆనందం, ముందుకు సాగే సాహసాలను మాకు వదిలేసి వెళ్లిపోయింది.మోఫిట్ క్యాన్సర్ సెంటర్‌లోని వైద్యులు, నర్సుల బృందం అద్భుతమైన చికిత్స అందించారు. వారికి కృతజ్ఞతలు తెలుపుతున్నాము అంటూ ఓ ప్రకటన విడుదల చేశారు. కాగా కిర్‌స్టీ అల్లీ ‘‘డ్రాప్ డెడ్ గార్జియస్’’, ‘‘వెరోనికాస్ క్లోసెట్’’, ‘‘ఇట్ టేక్స్ టూ’’వంటి పలు సినిమాల్లో నటించారు. 1970లో బాబ్‌ అలీ అనే వ్యక్తిని పెళ్లాడి ఏడేళ్లకే విడాకులు తీసుకుంది. ఆ తర్వాత పార్కర్ స్టీవెన్‌సన్ అనే వ్య‌క్తిని రెండో పెళ్లి చేసుకున్నారు. వీరికి ముగ్గురు పిల్లలు. కిర్‌స్టీ అల్లీ తన కెరీర్‌లో 76 యాక్టింగ్ క్రెడిట్‌లను దక్కించుకుంది.

Actress Anne Heche In Coma After Car Crash: ప్రముఖ హాలీవుడ్‌ నటి, దర్శకురాలు అన్నే హెచే కోమాలోకి వెళ్లారు. ఇటీవల లాస్‌ ఏంజిల్స్‌లోని ఓ అపార్ట్‌మెంట్‌ వద్ద జరిగిన కారు ప్రమాదంలో అన్నే హెచే తీవ్ర గాయాలపాలైన విషయం తెలిసిందే. అయితే ఈ ప్రమాదంలో ఊపిరితిత్తులకు తీవ్ర గాయాలు కావడంతో ఆమె పరిస్థితి విషమంగా ఉందని వైద్యులు తెలిపారు. 'ఆమె పరిస్థితి విషమంగా ఉంది. ఎక్కువగా కాలడంతో ఊపిరితిత్తులు దెబ్బతిన్నాయి. ఇందుకోసం మెకానికల్‌ వెంటిలేషన్‌ అవసరం ఉంది. ప్రమాదం జరిగినప్పటి నుంచి ఆమె స్పృహలోకి రాలేదు. ఇప్పటికీ కోమాలోనే ఉంది' అని వైద్యులు పేర్కొన్నారు.  ఆమె త్వరగా కోరుకోవాలని అన్నే హెచే కుటుంబ సభ్యులు, అభిమానులు ప్రార్థిస్తున్నారు. అలాగే ఇలాంటి సమయంలో ఆమె వ్యక్తిగత గోప్యతను గౌరవించాలని కోరారు. కాగా 53 ఏళ్ల అన్నే హెచే గ్యారేజీ నుంచి తన బ్లూ మినీ కూపర్‌ కారును బయటకు తీసే  క్రమంలో ఓ ఇంటిని ఢీ కొట్టింది. దీంతో కారు క్రాష్‌ అయి మంటలు చెలరేగాయి. ఇది గమనించిన స్థానికులు ఆమెను బయటకు హుటాహుటిన ఆస్పత్రికి తరలించారు. 'అనెదర్‌ వరల్డ్‌' అనే టీవీ షో ద్వారా పాపులారిటీ సంపాదించుకుంది అన్నే హెచే. 1987 నుంచి 1991 వరకు వచ్చిన ఈ షోలో విక్కీ హడ్సన్‌, మార్లే లవ్ అనే కవలలుగా నటించినందుకు గానూ ఎమ్మీ అవార్డ్ అందుకుంది. అలాగే గ్లోబల్ స్టార్ ప్రియాంక చోప్రాతో కలిసి 'క్వాంటికో' సిరీస్‌లో స్క్రీన్‌ షేర్ చేసుకుంది.  చదవండి: మంటల్లో చిక్కుకున్న ప్రియాంక చోప్రా సహానటి.. నా వయసు 21, న్యాయం చేయగలనా?: హీరోయిన్‌ తొలి సినిమాకే నాగ చైతన్య అంత డిమాండ్‌ చేశాడా?

Priyanka Chopra Co-Star Anne Heche Critically Injured In Car Crash: ప్రముఖ హాలీవుడ్ నటి అన్నే హెచే తీవ్ర గాయాలపాలయ్యారు. లాస్ ఏంజిల్స్‌లోని ఓ అపార్ట్‌మెంట్‌లో నివసిస్తున్న 53 ఏళ్ల అన్నే హెచే గ్యారేజీ నుంచి తన బ్లూ మినీ కూపర్‌ కారును బయటకు తీసింది. ఈ క్రమంలోనే ఓ ఇంటిని ఢీ కొట్టగా, కారు క్రాష్‌ అయి మంటలు చెలరేగాయి. ఇది గమనించిన స్థానికులు ఆమెను బయటకు తీసుకొచ్చి హుటాహుటిన ఆస్పత్రికి తరలించారు. అయితే ఈలోపే ఆమెకు కాలిన గాయాలయ్యాయని లాస్ ఏంజిల్స్‌ ఫైర్ డిపార్ట్‌మెంట్‌ ప్రతినిధి బ్రియాన్‌ హంఫ్రీ ఫాక్స్‌ న్యూస్‌కు తెలిపారు. ఆమె కారు క్రాష్‌కు గురైనప్పుడు స్థానికులు అక్కడ ఉండటం వల్లే ప్రమాదం నుంచి బయటపడగలిగారని ఆయన పేర్కొన్నారు. అలాగే ప్రస్తుతం అన్నే హెచే పరిస్థితి పర్వాలేదని తెలుస్తోంది. స్ట్రేచర్‌పై ఉన్న అన్నే స్పృహలోకి వచ్చినట్లు, శ్వాస తీసుకుంటున్నట్లు సమాచారం. కాగా అన్నే హెచే అనెదర్‌ వరల్డ్‌ అనే టీవీ షో ద్వారా పాపులారిటీ సంపాదించుకుంది. 1987 నుంచి 1991 వరకు వచ్చిన ఈ షోలో విక్కీ హడ్సన్‌, మార్లే లవ్ అనే కవలలుగా నటించినందుకు గానూ ఎమ్మీ అవార్డ్ అందుకుంది. అలాగే గ్లోబల్ స్టార్ ప్రియాంక చోప్రాతో కలిసి 'క్వాంటికో' సిరీస్‌లో స్క్రీన్‌ షేర్ చేసుకుంది. వీటితోపాటు డోనీ బ్రాస్కో, సిక్స్‌ డేస్‌ సెవెన్ నైట్స్, వాగ్‌ ది డాగ్‌ వంటి సినిమాలతో ఆకట్టుకుంది.  చదవండి: ఇక బతుకంతా వాళ్లకు రాసిచ్చినట్టే.. రొమాంటిక్‌గా 'లైగర్‌' సాంగ్‌ బ్రేకప్‌ రూమర్స్‌..టైగర్‌ ష్రాఫ్‌ అదిరిపోయే స్టంట్స్‌! దిశా రియాక్షన్‌ ఇదే!  

ప్రముఖ పాపులర్‌ హాలీవుడ్‌ వెబ్‌ సిరీస్‌ గేమ్‌ ఆఫ్‌ థ్రోన్స్‌ గురించి తెలుగు ప్రేక్షకులకు ప్రత్యేకంగా పరిచయం చేయాల్సిన పని లేదు. యాక్షన్‌, అడ్వెంచర్‌ ఫాంటసీ డ్రామాగా తెరకెక్కిన ఈ సిరీస్‌ మొత్తం 73 ఎపిసోడ్స్‌, 8 సీజన్లుగా డిస్నీప్లస్‌ హాట్‌స్టార్‌లో స్ట్రీమ్‌ అవుతోంది. ఇక ఈ సిరీస్‌తో ప్రపంచవ్యాప్తంగా గుర్తింపు పొందిన నటి ఎమీలియా క్లార్క్. దీని అనంతరం వచ్చిన స్టార్‌వార్స్ సినిమాలతో ఈ నటి మరింత క్రేజ్‌ సంపాదించుకుంది. తాజాగా ఈ బ్రిటిష్‌ బ్యూటీ నటించిన చిత్రం ‘ది సీగల్’. త్వరలో ఈ మూవీ విడుదల కానుంది.  చదవండి: ఓటీటీ స్ట్రీమింగ్‌కి రెడీ అవుతున్న నయన్‌-విఘ్నేశ్‌ల పెళ్లి వీడియో ఈ నేపథ్యంలో మూవీ ప్రమోషన్లో భాగంగా ఇటీవల ఓ ఇంటర్య్వూలో పాల్గొన్న ఆమె తనకున్న ప్రాణాంతక వ్యాధి గురించి బయటపెట్టింది. తాను అరుదైన వ్యాధితో బాధపడుతున్నానని, దీనివల్ల రెండుసార్లు చావు అంచుల వరకు వెళ్లివచ్చానంటూ షాకింగ్‌ కామెంట్స్‌ చేసింది. ఈ సందర్భంగా ఆమె మాట్లాడుతూ.. ‘కొంతకాలంగా నేను బ్రెయిన్‌ అనూరిజం అనే మెదడు సంబంధిత వ్యాధితో బాధపడుతున్నాను. బ్రెయిన్‌ అనూరిజం వల్ల మెదడుకి సరిగ రక్తం సరఫరా కాదు. దానివల్ల ఓ ప్రదేశంలో బ్లడ్‌ క్లాట్‌ అయ్యి పెలిపోయే ప్రమాదం ఉంది. నాలో ఈ వ్యాధి బయటపడగానే సర్జరీ చేయించుకున్నాను. తొలిసారి 2011లో సర్జరీ జరిగింది. ఆ తర్వాత 2013లో మళ్లీ బ్రెయిన్‌ స్ట్రోక్‌ వచ్చింది. చదవండి: కొత్త ఇంటికి మారిన హిమజ, హోంటూర్‌ వీడియో వైరల్‌ అప్పుడు కొన్ని అత్యవసర చికిత్సలు తీసుకోవాల్సి వచ్చింది. దీనివల్ల ఒక వ్యక్తి మాట్లాడే విధానంలో మార్పు వస్తుంది. సరిగ్గా మాట్లాడడం కూడా కష్టమే’ అంటూ చెప్పుకొచ్చింది. అయితే ఈ సర్జరీల వల్ల తన మెదడులోని సగ భాగం పనిచేయదని చెప్పంది. ఈ మేరకు ఆమె మాట్లాడుతూ.. ‘ఇకపై నేను నా మెదడుని పూర్తిగా ఉపయోగించలేను. కానీ.. స్పష్టంగా మాట్లాడగలగడం నా అదృష్టం. ఇది చాలా కొద్దిమందికి మాత్రమే సాధ్యం. ఆ కొద్ది మందిలో నేను ఉడడం అదృష్టంగా భావిస్తోన్న. మీ మెదడులోని ఏ భాగానికైన రక్తం అందకపోతే అది పనికిరాకుండా పోతుంది. ప్రవహించే దారిలో ఏదైనా అడ్డువస్తే రక్తం వెంటనే వేరే దారి చూసుకుంటుంది. దానివల్ల రక్తం అందని భాగం పనిచేయదు’ అని వివరిచింది.