శివ్వంపేట(నర్సాపూర్‌): ట్రిపుల్‌ఆర్‌లో భూములు కోల్పోతున్న అసలైన రైతులను గుర్తించేందుకు రెవెన్యూ సిబ్బంది బుధవారం సర్వే చేపట్టారు. మండల పరిధిలోని సీతారం తండా, రత్నపూర్‌ భూములు సర్వే చేశారు. పలువురు రైతుల భూము ల నమోదులో వ్యత్యాసం ఉండడంతో అసలైన రైతులకు న్యాయం చేయాలని కోరుతూ గతంలో రైతులు నర్సాపూర్‌ ఆర్డీఓకు వినతిపత్రం అందజేశారు. దీంతో రెవెన్యూ సిబ్బంది భూముల సర్వే ముమ్మరంగా చేపట్టింది. అసలైన రైతులకు న్యా యం చేస్తామని ఆర్‌ఐలు కిషన్‌, సునీల్‌ తెలిపారు. మార్కెట్‌ ధరకు అనుగుణంగా పరిహారం ఇవ్వా లని భూ నిర్వాసితులు కోరుతున్నారు.

పెద్దశంకరంపేట(మెదక్‌): పార్టీలకతీతంగా ప్రభు త్వ పథకాలను ప్రజలకు అందజేస్తున్నామని నారాయణఖేడ్‌ ఎమ్మెల్యే డాక్టర్‌ సంజీవరెడ్డి అన్నారు. బుఽ దవారం పెద్దశంకరంపేటలో లబ్ధిదారులకు కల్యాణలక్ష్మి, షాదీముబారక్‌ చెక్కులను పంపిణీ చేశారు. ఈసందర్భంగా ఆయన మాట్లాడుతూ.. బీఆర్‌ఎస్‌ నాయకులు రెచ్చగొట్టేలా మాట్లాడుతున్నారని ఆరోపించారు. గతంలో అధికార పార్టీ వారికి మాత్రమే ప్రభుత్వ పథకాలు అందాయని, ప్రస్తుతం సీఎం రేవంత్‌రెడ్డి ఆధ్వర్యంలో అన్నివర్గాలకు అందజేస్తున్నామని తెలిపారు. గత ప్రభుత్వంలో దళారులుగా ఉండి కమీషన్లు తీసుకొని కల్యాణలక్ష్మి చెక్కులు ఇచ్చారన్నారు. భావితరాలు ఇబ్బందులు పడొద్దని ప్రభుత్వ భూములు అమ్మడం లేదని వివరించారు. ఎంపీడీఓ రఫీఖ్‌ఉన్నీసా, తహసీల్దార్‌ గ్రేస్‌బాయి, మండల కాంగ్రెస్‌ అధ్యక్షుడు మధు, నాయకులు నారాగౌడ్‌, సంగమేశ్వర్‌, పెరుమాండ్లు, సత్యనారాయణ, శ్రీను, చందర్‌, సంగయ్య, రాజునాయక్‌, అంజిరెడ్డి, అనంతరావు, గోవింద్‌రావు, సాయిలు పాల్గొన్నారు.నారాయణఖేడ్‌ ఎమ్మెల్యే సంజీవరెడ్డి

హవేళిఘణాపూర్‌(మెదక్‌): హమాలీలు లేరనే సాకుతో లారీలను రోజుల తరబడి రోడ్లపై నిలపొద్దని మెదక్‌ ఆర్డీఓ రమాదేవి అన్నారు. బుధవారం మండల కేంద్రంలోని గాయత్రి రైస్‌మిల్లును ఆకస్మికంగా తనిఖీ చేశారు. ఈసందర్భంగా ఆమె మాట్లాడుతూ.. లారీలను బయట నిలపకుండా హమాలీల సంఖ్య పెంచుకొని త్వరగా ఆన్‌లోడింగ్‌ చేసేలా చూడాలన్నారు. తద్వారా రైతులు తూకం చేసిన ధాన్యం తిరిగి తీసుకువచ్చేందుకు లారీల కొరత ఉండదన్నారు. అనంతరం మండల పరిధిలోని కూచన్‌పల్లిలో జరుగుతున్న సమగ్ర కుటుంబ సర్వేను పరిశీలించి వివరాలు అడిగి తెలుసుకున్నారు.

పాపన్నపేట(మెదక్‌): గిరిజన ఓట్లతో అధికారంలోకి వచ్చిన సీఎం రేవంత్‌రెడ్డి వారిపైనే అక్రమ కేసులు బనాయిస్తున్నారని బంజారా సేవాలాల్‌ సంఘ్‌ రాష్ట్ర ఉపాధ్యక్షుడు పూల్‌సింగ్‌ అన్నారు. బుధవారం లగచర్లకు వెళ్లకుండా పాపన్నపేట పోలీసులు ముందస్తు అరెస్ట్‌ చేశారు. ఈసందర్భంగా ఆయన మాట్లాడుతూ.. భవిష్యత్‌లో కాంగ్రెస్‌ పార్టీకి పుట్టగతులుండవని హెచ్చరించారు. ఫార్మా కంపెనీ కోసం గిరిజనుల భూములను స్వాధీనం చేసుకోవడం తగదన్నారు. అక్రమ అరెస్ట్‌లు చేస్తే తగిన గుణపాఠం చెబుతామన్నారు. తక్షణమే కేసులను ఎత్తివేసి అరెస్ట్‌ చేసిన వారిని విడుదల చేయాలని డిమాండ్‌ చేశారు. కార్యక్రమంలో నాయకులు విఠల్‌, అమ్రూ, ప్రకాష్‌, శక్రు, లోక్యా, తుకారం, చందర్‌ పాల్గొన్నారు. సర్వేను వేగవంతం చేయండి పెద్దశంకరంపేట(మెదక్‌): సమగ్ర కుటుంబ సర్వేను వేగవంతం చేయాలని జెడ్పీ సీఈఓ ఎల్లయ్య ఎన్యుమరేటర్లను ఆదేశించారు. బుధవారం మండల కేంద్రంలో కొనసాగుతున్న సర్వేను పరిశీలించారు. అనంతరం మండల పరిషత్‌ కార్యాలయంలో రికార్డులు తనిఖీ చేశా రు. ఈసందర్భంగా ఆయన మాట్లాడుతూ.. మండలంలో 80 శాతం వరకు సర్వే పూర్తయిందని తెలిపారు. కంప్యూటరీకణ చేపట్టాలని ఎంపీడీఓ రఫీఖ్‌ఉన్నీసాకు సూచించారు. కార్యక్రమంలో కార్యదర్శి వెంకటరాములు, సిబ్బంది తదితరులు పాల్గొన్నారు. నాణ్యతా ప్రమాణాలుతప్పనిసరి నిజాంపేట(మెదక్‌): మండలంలోని నందిగామలో రామాయంపేట మార్కెట్‌ కమిటీ ఆధ్వర్యంలో కొనసాగుతున్న ధాన్యం కొనుగోలు కేంద్రాన్ని బుధవారం జిల్లా వ్యవసాయ అధి కారి గోవింద్‌ సందర్శించారు. ఈసందర్భంగా ఆయన మాట్లాడుతూ.. కొనుగోళ్లు త్వరగా పూర్తిచేయాలని ఆదేశించారు. రైతులు నాణ్యమైన వడ్లను కొనుగోలు కేంద్రాలకు తీసుకురావాలని సూచించారు. కార్యక్రమంలో మండల వ్యవసాయ అధికారి సోమలింగారెడ్డి, వ్యవసాయ విస్తరణ అధికారి రాజు, రైతులు పాల్గొన్నారు. గ్రంథాలయాలతో పఠనాసక్తి పెంపు మెదక్‌ కలెక్టరేట్‌: గ్రంథాలయాలతో విద్యార్థుల్లో పఠనాసక్తి పెరుగుతుందని మెదక్‌ ప్రభుత్వ డిగ్రీ కళాశాల ప్రిన్సిపాల్‌ డాక్టర్‌ హుస్సేన్‌ అన్నారు. కళాశాలలో కొనసాగుతున్న గ్రంథాలయ వారో త్సవాలు బుధవారంతో ముగిశాయి. ఈసందర్భంగా ఆయన మాట్లాడుతూ.. సమాజంలో గ్రంథాలయాల పాత్రను విద్యార్థులకు వివరించారు. గ్రంథాలయ ఇన్‌చార్జి డాక్టర్‌ చంద్రశేఖర్‌ మాట్లాడుతూ.. గ్రంథాలయాలు ఆధునిక దేవాలయాలుగా పెద్దలు చెప్పిన మాటను గుర్తుచేశారు. కార్యక్రమంలో అధ్యాపకులు డాక్ట ర్‌ తిరుమలరెడ్డి, చంద్రశేఖర్‌, శరత్‌రెడ్డి, వామనమూర్తి, వెంకటేశ్వర్లు, విశ్వనాథం, విద్యార్థులు తదితరులు పాల్గొన్నారు. శుద్ధనీటినే తాగాలి: డీపీఓటేక్మాల్‌(మెదక్‌): శుద్ధమైన నీటిని తాగితేనే ఆరోగ్యంగా ఉంటామని జిల్లా పంచాయతీ అధికారి యాదయ్య అన్నారు. టేక్మాల్‌లోని డాక్టర్‌ వాటర్‌ ప్లాంట్‌ను పంచాయతీ ఆధ్వర్యంలో పునరుద్ధరించగా బుధవారం ప్రారంభించి మాట్లాడారు. ప్రతి ఒక్కరూ వ్యక్తిగత పరిశుభ్రతతో పాటు పరిసరాల పరిశుభ్రతను పాటించాలని సూచించారు. కార్యక్రమంలో ఎంఈఓ సుజాత, ఎంపీఓ రియాజొద్దీన్‌, ఈఓ రాకేష్‌, నాయకులు తదితరులు పాల్గొన్నారు.

దుబ్బాక: ప్రభుత్వం పేదలకు అన్ని రకాల వైద్యసేవలు అందించేందుకు చర్యలు తీసుకుంటోందని వైద్య విధాన పరిషత్‌ కమిషనర్‌ డాక్టర్‌ అజయ్‌కుమార్‌ అన్నారు. బుధవారం దుబ్బాక ప్రభుత్వ ఆస్పత్రిని ఆయన ఆకస్మికంగా తనిఖీ చేశారు. ఈ సందర్భంగా ఆస్పత్రిలోని అన్ని వార్డులను కలియ తిరిగారు. రోగులతో మాట్లాడి అందుతున్న వైద్యసేవలపై ఆరా తీశారు. అనంతరం రికార్డులను పరిశీలించారు. ఈ సందర్భంగా ఆయన మాట్లాడుతూ ప్రజలకు వైద్యపరంగా ఎలాంటి ఇబ్బందులు కలగకుండా మెరుగైన వైద్యసేవలు అందించేందుకు కృషి చేస్తున్నట్లు తెలిపారు. ఆస్పత్రుల్లో వైద్యులు, సిబ్బంది, మందుల కొరత లేకుండా అన్ని సౌకర్యాలున్నట్లు తెలిపారు. దుబ్బాక ఆస్పత్రి సేవలు భేష్‌ దుబ్బాక ఆస్పత్రిలో కార్పొరేట్‌కు దీటుగా సేవలు అందుతుండటం అభినందనీయ మని కమిషనర్‌ అజయ్‌కుమార్‌ అన్నారు. అరుదైన ఆపరేషన్లు చేస్తూ పేదల ప్రా ణాలు కాపాడుతున్న వైద్యు లను, సిబ్బందిని కమిషనర్‌ ప్రత్యేకంగా అభి నందించారు. ఆస్పత్రి సూపరింటెండెంట్‌ హేమ రాజ్‌సింగ్‌ను వైద్యసేవలతో పాటు సౌకర్యాలు తదితర విషయాలను అడిగి తెలు సుకున్నారు. ఆస్పత్రి అభివృద్దికి కృషి చేస్తానన్నారు. కార్యక్రమంలో మెడికల్‌ ఆఫీసర్‌ డాక్టర్‌ అరుణ, వైద్యులు తదితరులు ఉన్నారు.

407 ఎకరాల్లో ఏర్పాటు ● పరిశ్రమ ఏర్పాటుకుభూసార పరీక్షలు ● ప్రత్యక్షంగా, పరోక్షంగా ఉపాధిసంగారెడ్డి జోన్‌: నిమ్జ్‌లో మరో భారీ పరిశ్రమ రానుంది. ఇప్పటికే అక్కడ వేమ్‌ టెక్నాలజీ ప రిశ్రమ ఏర్పాటు పనులు కొనసాగుతుండగా.. మరో భారీ పరిశ్రమ హుందాయ్‌ ఏర్పాటుకు భూములను కేటాయించారు. ఈ పరిశ్రమల ఏర్పాటుతో ప్రత్యక్షంగా పరోక్షంగా ఉపాధి లభించనుంది. జహీరాబాద్‌ నియోజకవర్గం ఝరాసంగం, న్యాల్‌కల్‌ మండలాల్లో సుమా రు 12 వేలకు పైగా ఎకరాల్లో నిమ్జ్‌ ఏర్పాటుకు ప్రతిపాదించారు. ఇప్పటికే మొదటి విడత పూర్తికాగా రెండో విడతలో భూసేకరణ కార్యక్రమం కొనసాగుతుంది. ఇప్పటివరకు సుమారు 6,000 ఎకరాల భూసేకరణ పూర్తి అయింది. 2,100 కోట్ల మేర పెట్టుబడులు నిమ్జ్‌లో ఏర్పాటుకానున్న హుందాయ్‌ పరిశ్రమలో వాహనాల టెస్టింగ్‌ ట్రాక్‌ నిర్మాణం చేపట్టనున్నారు. రూ. 2,100 కోట్ల మేర పెట్టుబడులతో పరిశ్రమను స్థాపించనున్నారు. పరిశ్రమ ఏర్పాటుతో వందల సంఖ్యలో ప్రత్యక్షంగా పరోక్షంగా ఉపాధి కలుగనుంది. ఇప్పటికే నిమ్జ్‌లో వేమ్‌ టెక్నాలజీ పరిశ్రమ ఏర్పాటు పనులు చురుగ్గా కొనసాగుతున్నాయి. ఈ పరిశ్రమ 511 ఎకరాల విస్తీర్ణంలో నెలకొల్పనున్నారు. తొలిదశలో రూ.1,000 కోట్ల పెట్టుబడులు పెట్టను న్నారు. దీంతో సుమారు 1,000 మందికిపైగా ఉపాధి లభించనుంది. పరిశ్రమ ఏర్పాటు పనులు వేగవంతం చేయాలని ఇప్పటికే పరిశ్రమ ప్రతినిధులతో ఐటీ శాఖ మంత్రి శ్రీధర్‌బాబు, కలెక్టర్‌ వల్లూరు క్రాంతితో సమావేశం నిర్వహించారు. పూర్తికావొచ్చిన రహదారి పనులు నిమ్జ్‌ ప్రాంతాన్ని, జాతీయరహదారి 65కు అనుసంధానం చేస్తూ జహీరాబాద్‌ మండలం హుగ్గెళ్లి నుంచి ఝరాసంగం మండలంలోని బర్దీపూర్‌ వరకు 9.5 కిలోమీటర్ల పొడవునా రహదారిని అందుబాటులోకి తేనున్నారు. ప్రస్తుతం రహదారి నిర్మాణం తుదిదశలో ఉంది. రహదారి నిర్మాణానికి రూ.1,000 కోట్ల నిధులతో పనులు చేపట్టిన సంగతి తెలిసిందే.కొనసాగుతున్న మట్టి పరీక్షలు ప్రముఖ హుందాయ్‌ పరిశ్రమ సుమా రు 407 ఎకరాల విస్తీర్ణంలో ఏర్పాటు కానుంది. ఝరాసంగం మండల పరిధిలోని ఎల్గోయి గ్రామ శివారులో పరిశ్రమ ఏర్పాటుకు భూమిని కేటాయించారు. పరిశ్రమ ఏర్పాటుకు కేటాయించిన భూములలో మట్టి పరీక్షలు నిర్వహిస్తున్నారు. పరిశ్రమ టెక్నికల్‌ బృందం సభ్యులు సుమారు 50 పాయింట్లలో 20 మీటర్ల మేర లోతులో డ్రిల్‌ మిషన్‌ సహాయంతో మట్టి నమూనాలు సేకరిస్తున్నారు. మట్టి నమూనాలు, పరీక్షలు పూర్తి కాగానే, పరిశ్రమ శంకుస్థాపనకు రాష్ట్ర ముఖ్యమంత్రి రేవంత్‌రెడ్డి హాజరుకానున్నట్లు సమాచారం. మట్టి నమూనాలు సేకరిస్తున్న టెక్నికల్‌ బృందం

ఎస్పీ ఉదయ్‌కుమార్‌రెడ్డి మెదక్‌ మున్సిపాలిటీ: సోషల్‌ మీడియాలో వచ్చే తప్పుడు ప్రచారాలను ప్రజలు నమ్మకూడదని ఎస్పీ ఉదయ్‌కుమార్‌రెడ్డి అన్నారు. బుధవారం జిల్లా పోలీస్‌ కార్యాలయంలో ఆయన మాట్లా డారు. నర్సాపూర్‌ పోలీస్‌స్టేషన్‌ పరిధిలో గతంలో జరిగిన భూ వివాదంలో శ్రీనివాస్‌ అనే వ్యక్తి ఫిర్యాదు ఇవ్వగా, నలుగురిపై ఎఫ్‌ఐఆర్‌ నమో దు చేసినట్లు తెలిపారు. ఫిర్యాదులో ఉన్న విఠల్‌ కేసు నమోదు కాకముందే మరణించినట్లు మా విచారణలో తెలిందన్నారు. ఈ కేసు నుంచి ఆయన పేరును తొలగించామన్నారు. ఈనెల 8వ తేదీన మళ్లీ భూ వివాదం జరగగా నర్సాపూర్‌ పో లీస్‌స్టేషన్‌లో కేసు నమో దు చేసినట్లు వివరించారు. ఈ విషయంలో మీడియా, సోషల్‌ మీడి యాలో చనిపోయిన వ్యక్తిపై ఎఫ్‌ఐఆర్‌ నమో దు అని ఒక వర్గం త ప్పుడు ప్రచారం చేస్తుందన్నారు. ఈ కేసుకు సంబంధించి ఎవరైనా తప్పుడు ప్రచారం చేస్తే చట్టపరమైన చర్యలు తీసుకుంటామని హెచ్చరించారు.

ప్రత్యేక నిఘా ఏర్పాటు చేశాం జిల్లాలోనే తూప్రాన్‌ ఉమ్మడి మండలంలో గంజాయి భారీగా పట్టుబడుతుంది. ఈ ప్రాంతంలో పరిశ్రమలు ఎక్కువగా ఉండడంతో ఇతర రాష్ట్రాల నుంచి వచ్చిన వారు గంజాయి విక్రయిస్తున్నట్లు తమ దర్యాప్తులో తేలింది. ఇందుకోసం పోలీసులతో ప్రత్యేక నిఘా ఏర్పాటు చేశాం. చెడు వ్యసనాలకు గురికాకుండ పిల్లల పట్ల తల్లిదండ్రులు అప్రమత్తంగా ఉండాలి. – వెంకట్‌రెడ్డి, తూప్రాన్‌ డీఎస్పీతూప్రాన్‌: ‘పట్టణంలోని ఓ దంపతులకు ఏకై క కుమారుడు. ఉన్నత చదువుల కోసం హైద రాబా ద్‌లోని ఓ కార్పొరేట్‌ కళాశాలలో చేర్పించారు. అయి తే వారి కుమారుడు స్థానికంగా ఉన్న స్నేహితులతో కలిసి సరదాగా తిరగడం ప్రారంభించాడు. ఈ క్రమంలో చెడు వ్యసనాలకు బానిసగా మారాడు. తల్లిదండ్రులు మందలించిన ప్రయోజనం లేకుండా పోయింది. దీంతో వారు ఆందోళనకు గురవుతున్నారు’. జిల్లాలో గంజాయికి తూప్రాన్‌ అడ్డాగా మారింది. మండలంలో బీహార్‌, ఒడిషా, ఏపీ, మహారాష్ట్ర తదితర రాష్ట్రాలకు చెందిన కొందరు గంజాయిని చిన్నచిన్న ప్యాకెట్లుగా మార్చి విక్రయిస్తున్నారు. కొన్ని ప్రాంతాల్లో సిగరెట్లలో గంజాయి నింపుతూ ఎవరికీ అనుమానం రాకుండా ప్రత్యేక కోడ్‌లతో అమ్ముతున్నారు. 10 గ్రాముల నుంచి 100 గ్రాముల ప్యాకెట్‌ను రూ. 100 నుంచి రూ.500 వరకు విక్రయిస్తున్నట్లు సమాచారం. పట్టణంలోని గోల్డెన్‌ పార్కు, నర్సాపూర్‌ చౌరస్తాలోని హోటల్‌, పట్టణ సమీపంలోని పెద్ద చెరువు కట్ట, నూతనంగా వెలిసిన వెంచర్లు, యువకులు అద్దెకు ఉంటున్న గదులను అడ్డాగా మార్చుకుంటున్నారు. ఈ ప్రాంతాల్లో గంజాయిని సిగరెట్లలో కలిపి తాగుతున్నారు. హైదరాబాద్‌లో పోలీసుల నిఘా పెరగడంతో డ్రగ్స్‌ మాఫియా పల్లె ప్రాంతాల్లోని యువతపై దృష్టి సారించినట్లు తెలుస్తోంది. ఈ క్రమంలోనే జిల్లాలోని కొందరు యువకులతో పరిచయం పెంచుకొని అమ్మకాలు చేయిస్తోంది. వీరిలో ఎక్కువగా మధ్య తరగతి వారి పిల్లలే ఉన్నట్లు సమాచారం. ఇటీవల మండలంలో గంజాయికి అలవాటుపడిన యువతను పోలీసులు సైతం గుర్తించారు. తూప్రాన్‌ అడ్డాగా అమ్మకాలు ఇతర రాష్ట్రాల నుంచి దిగుమతి బానిసవుతున్న యువకులు ఈనెల 12వ తేదీన తూప్రాన్‌లో గంజాయి విక్రయిస్తూ నలుగురు యువకులు పోలీసులకు పట్టుబడ్డారు. 13వ తేదీన సుమారు 10 కిలోల గంజాయిని మనోహరాబాద్‌ మండలం ముప్పిరెడ్డిపల్లిలో బీహార్‌, ఒడిషాకు చెందిన వారి నుంచి స్వాధీనం చేసుకున్నారు. గత నెల పట్టణంలోని కేశవనగర్‌లో ఓ యువకుడి వద్ద నుంచి గంజాయి స్వాధీనం చేసుకొని అరెస్ట్‌ చేశారు. రామాయంపేట మండల పరిధిలో గంజాయి తరలిస్తున్న కారు బోల్తా పడడంతో నిందితులు గంజాయిని వదిలి పరారయ్యారు.

గురువారం శ్రీ 21 శ్రీ నవంబర్‌ శ్రీ 2024అటవీ ప్రాంతంలో విస్తరణకు నోచుకోని రహదారిఅటవీశాఖ నిబంధనలు జిల్లాలోని జాతీయ రహదారి (765 డీజీ) నిర్మాణానికి ఆటంకంగా మారాయి. రెండేళ్లుగా అనుమతులు రాకపోవడంతో రామాయంపేట– మెదక్‌ అటవీ ప్రాంతంలో రోడ్డు విస్తరణ పనులు ప్రారంభం కాలేదు. అసంపూర్తి రోడ్డు నిర్మాణంతో వాహనదారులు తీవ్ర ఇబ్బంది పడుతున్నారు. రామాయంపేట(మెదక్‌): జిల్లా పరిధిలో మెదక్‌ నుంచి రామాయంపేట మీదుగా సిద్దిపేట వరకు 70 కిలోమీటర్ల మేర జాతీయ రహదారి నిర్మాణానికి కేంద్రం రూ. 882 కోట్లు మంజూరు చేసింది. రెండేళ్ల క్రితం పనులు ప్రారంభించారు. అయితే మెదక్‌ నుంచి రామాయంపేట మధ్యలో నాలుగు కిలోమీటర్ల మేర అటవీ ప్రాంతం విస్తరించి ఉంది. అక్కడ రోడ్డు నిర్మాణానికి సంబంధించి కేంద్ర అటవీశాఖ అనుమతులు అవసరం కాగా, రెండేళ్ల క్రితమే ప్రతిపాదనలు పంపారు. అటవీ ప్రాంతంలో నాలుగు కిలోమీటర్ల మేర 2,700 చెట్లను తొలగించాల్సి ఉంది. కాగా ఇప్పటివరకు అనుమతులు రాకపోవడంతో పనులు ప్రారంభం కాలేదు. అటవీ ప్రాంతంలో కాకుండా మిగితా చోట్ల రోడ్డు విస్తరణ పనులు కొనసాగుతున్నాయి. తగ్గిన రోడ్డు విస్తరణ అటవీ ప్రాంతంలో నాలుగు కిలోమీటర్ల మేర రోడ్డు మధ్యలో నుంచి ఇరువైపులా 15 మీటర్ల చొప్పున విస్తరణకు గాను అనుమతుల కోసం అటవీశాఖకు ప్రతిపాదనలు పంపారు. దీంతో మొత్తం ఆరువేలకు పైగా చెట్లను తొలగించాల్సి ఉంటుందని అధికారులు గుర్తించారు. కేంద్ర అటవీశాఖ ఉన్నతాధికారుల అభ్యంతరాల మేరకు విస్తరణను 14 మీటర్లకు తగ్గించగా, స్థానిక అధికారులు రెండోసారి ప్రతిపాదనలు పంపారు. విస్తరణ తగ్గడంతో అటవీ ప్రాంతంలో తొలగించాల్సిన చెట్ల సంఖ్య 2,700 తగ్గింది. అయితే అనుమతుల కోసం జిల్లా అధికారులు చేస్తున్న ప్రయత్నాలు కొలిక్కి రావడం లేదు. అటవీ ప్రాంతంలో రోడ్డు విస్తరణకు గాను అనుమతులు రాకపోవడంతో ఇతర ప్రాంతాల్లో జరుగుతున్న పనులు సైతం నెమ్మదించాయి.న్యూస్‌రీల్‌ నాలుగు కిలోమీటర్ల మేర రాని అటవీశాఖ అనుమతులు రెండేళ్లుగా పెండింగ్‌లో పనులు ఇబ్బంది పడుతున్న వాహనదారులు

● కలెక్టర్‌ రాహుల్‌ రాజ్‌ ● ప్రజాపాలన కళాయాత్ర ప్రారంభంమెదక్‌జోన్‌ : ప్రభుత్వం ప్రవేశపెట్టిన పథకాలు ప్రతీఒక్కరికి అందేలా కృషి చేస్తున్నామని కలెక్టర్‌ రాహుల్‌రాజ్‌ పేర్కొన్నారు. మంగళవారం ప్రజాపాలన కళాయాత్రను ఆయన జెండా ఊపి ప్రారంభించారు. ఈ సందర్భంగా మాట్లాడుతూ నేటి నుంచి డిసెంబర్‌ 7 వరకు కళాయాత్ర ఉత్సవాలు జరుగుతాయన్నారు. జిల్లాలోని మెదక్‌, నర్సాపూర్‌, రామాయంపేట, తూప్రాన్‌ మున్సిపాలిటీలు, 21 మండలాలు సహా ఆయా గ్రామాల్లో ప్రభుత్వ అమలు చేస్తున్న ఆరు గ్యారంటీలైన మహాలక్ష్మి, ఇందిరా మహిళాశక్తి, గృహజ్యోతి, రైతు రుణమాఫీ, ఇందిరమ్మ ఇళ్లపై ప్రచారం చేయనున్నట్లు తెలిపారు. మెదక్‌, నర్సాపూర్‌, రామాయంపేట, తూప్రాన్‌ మున్సిపాలిటీలోని ఆయా వార్డుల్లో, ప్రతీ మండలం నుంచి మూడు గ్రామాల్లో కార్యక్రమాలు నిర్వహించనున్నట్లు తెలిపారు. కార్యక్రమంలో జిల్లా పౌర సంబంధాల అధికారి రామచంద్రరాజు, మున్సిపల్‌ కమిషనర్‌ శ్రీనివాస్‌రెడ్డి, ఆర్టీసీ డీఎం సంబంధిత తెలంగాణ సాంస్కృతిక కళాకారులు తదితరులు పాల్గొన్నారు. కళాశాల నిర్వహణకు అద్దెభవనం పరిశీలన నర్సింగ్‌ కళాశాల నిర్వహించేందుకు గాను అద్దె భవనం కోసం అన్నిరకాలుగా యత్నిస్తున్నట్లు కలెక్టర్‌ రాహుల్‌రాజ్‌ తెలిపారు. మంగళవారం ఆయన వైద్య కళాశాలను పరిశీలించారు. పారా మెడికల్‌ డిప్లొమా ఇన్‌ల్యాబ్‌ టెక్నీషియన్‌, అనస్తీషియా టెక్నీషియన్‌ కోర్సులకు దరఖాస్తు చేసుకున్న అభ్యర్థులను కౌన్సెలింగ్‌ ద్వారా రిక్రూట్మెంట్‌ చేయాలన్నారు. ఈ కళాశాల నిర్వహణ కోసం అద్దె భవనాన్ని పరిశీలించారు. కళాశాలకు మిషన్‌ భగీరథ తాగునీటి వచ్చేలా చూడాలని సూపరింటెండెంట్‌ అభ్యర్థన మేరకు మిషన్‌ భగీరథ అధికారులతో ఆయన మాట్లాడారు. నర్సింగ్‌ విద్యార్థులు చేరుతున్నారని డిసెంబర్‌ నాటికి క్లాసులు ప్రారంభించాల్సి ఉందన్నారు. కార్యక్రమంలో వైద్య కళాశాల ప్రిన్సిపాల్‌ రవీందర్‌ రెడ్డి, నర్సింగ్‌ కళాశాల ప్రిన్సిపాల్‌ కమలాదేవి సంబంధిత అధికారులు తదితరులు పాల్గొన్నారు.

● అధిక శాతం గర్భిణులు ప్రభుత్వాస్పత్రికే రాక ● మెదక్‌ ఎంసీహెచ్‌లోనెలకు 350కిపైనే కాన్పులు ● వాటిలో సగం సాధారణ ప్రసవాలునెలవారీ వివరాలు..నెల నార్మల్‌ ఆపరేషన్‌ మొత్తం ఏప్రిల్‌ 148 167 315మే 150 152 302జూన్‌ 111 139 250జులై 134 162 296ఆగస్టు 137 166 303సెప్టెంబర్‌ 169 151 320అక్టోబర్‌ 153 188 341ఒకప్పుడు సర్కారు దవాఖానలో కాన్పు అంటే గర్భిణి భయపడే దుస్థితి. ఇప్పుడు పేద, మధ్యతరగతి, ధనిక అనే తేడా లేకుండా నూటికి 90 శాతానికిపైగా గర్భిణులు ప్రభుత్వాస్పత్రిలోనే ప్రసవిస్తున్నారు. ఏదైనా సమస్య ఉంటే తప్ప అన్ని కూడా సాధారణ కాన్పులు చేస్తున్నారు వైద్యులు. అందులోను మెదక్‌ ఎంసీహెచ్‌ అందరి మన్ననలు పొందుతోంది. మెదక్‌జోన్‌: మెదక్‌ జిల్లా కేంద్రంలోని పిల్లకొటాల్‌ శివారులో 2022లో రూ.17 కోట్లతో అప్పటి బీఆర్‌ఎస్‌ ప్రభుత్వం మాతాశిశు ఆరోగ్య కేంద్రాన్ని నిర్మించింది. మెదక్‌ జిల్లాలో పాటు కామారెడ్డి జిల్లాకు చెందిన గర్భిణులు ఈ దవాఖానాకు వస్తున్నారు. నిత్యం ఇందులో 1000–1500 మందికి ఔట్‌ పేషెంట్లు (ఓపీ) వస్తుంటారు. రోజుకు 10–15 కాన్పులు.. అదే ఒక నెలకు వచ్చేసరికి 300– 400 పైచిలుకు జరుగుతుంటాయి. తల్లీబిడ్డలు క్షేమం ఎంసీహెచ్‌లో వైద్యులు సాధారణ కాన్పులకే ప్రాధాన్యత ఇస్తున్నారు. తప్పదు అనుకుంటే తప్ప శస్త్రచికిత్స చేస్తున్నారు. దీంతో తల్లీబిడ్డలు ఆరోగ్యంగా ఉంటున్నారు. ఆపరేషన్‌ అయితే తల్లీ ఆరోగ్యం దెబ్బతినే అవకాశం ఉంటుందని, భవిష్యత్‌లో ఆరోగ్య సమస్యలు అధికంగా వస్తాయని చెబుతున్నారు. నార్మల్‌ డెలివరీ అయితే మున్ముందు ఎలాంటి సమస్యలు రావని తల్లీబిడ్డలు ఇద్దరు కూడా క్షేమంగా ఉంటారని అందుకే నార్మల్‌ డెలివరీలకు ప్రాధాన్యతను ఇస్తున్నట్లు చెబుతున్నారు. అదే ప్రైవేటులో అయితే కాన్పుకు రూ.50 వేలు తప్పనిసరి చెల్లించాల్సిందే. నూటికి 90 శాతం ఆపరేషన్‌ చేస్తున్నారు. తల్లీబిడ్డల ఆరోగ్యం కన్నా, డబ్బులకే ప్రాధాన్యత ఇస్తారు.నార్మల్‌ డెలివరికే ప్రాధాన్యత సాధారణ కాన్పులకే ప్రాధాన్యతను ఇస్తున్నాం. తప్పని సరైతేనే ఆపరేషన్‌. ఎంసీహెచ్‌కు మెదక్‌ జిల్లాతో పాటు కామారెడ్డి జిల్లాలోని గోపాల్‌పేట, నాగిరెడ్డిపేట, పోచారం తదితర మండలాల నుంచి కాన్పు కోసం వస్తుంటారు. – డాక్టర్‌ శివదయాల్‌ (గైనిక్‌), జిల్లా ఆస్పత్రుల సమన్వయకర్త

జాతీయ అధ్యక్షుడు జాజుల శ్రీనివాస్‌గౌడ్‌ మెదక్‌జోన్‌ : బీసీలు పార్టీలకతీతంగా ఐక్యంగా ఉంటేనే రాజ్యాధికారం సాధ్యమని బీసీ సంఘం జాతీయ అధ్యక్షుడు జాజుల శ్రీనివాస్‌గౌడ్‌ పేర్కొన్నారు. మంగళవారం పట్టణంలోని టీఎన్‌జీఓ భవన్‌లో బీసీ కులగణనపై రౌండ్‌టేబుల్‌ సమావేశం ఏర్పాటు చేశారు. ఈ సమావేశానికి ఆయన ముఖ్యఅతిథిగా హాజరై మాట్లాడారు. తెలంగాణలో జరుగుతున్న కులగణన సర్వేకు సహకరించని వారి దేశ పౌరసత్వాన్ని రద్దు చేసి ఉత్తరకొరియాకు పంపించాలన్నారు. చరిత్రాత్మకంగా కులగణనలో బీసీలందరూ భాగస్వాములు కావాలని కోరారు. అప్పుడే జనాభా, రిజర్వేషన్‌ వాటా తేలుతుందని పేర్కొన్నారు. ఎన్నో పోరాటాల ఫలితంగా సర్వే జరుగుతోందని చెప్పారు. దేశంలో ఏ రాష్ట్రంలోనూ కులగణన జరగడం లేదన్నారు. మన రాష్ట్రంలోనే జరుగుతుందన్నారు. స్వాతంత్య్రం రాక ముందు బ్రిటిష్‌ వారు తీసిన లెక్కలే ఇప్పటివరకు ఉన్నాయన్నారు. సర్వే చేస్తున్న ఎన్యూమరేటర్లకు సహకరించి వివరాలు చెప్పాలన్నారు. ముఖ్యంగా కులం అనే ప్రశ్నకు మాత్రం కచ్ఛితంగా బీసీలు సమాధానం చెప్పాలన్నారు. కార్యక్రమంలో బీసీ సంక్షేమ సంఘం జిల్లా అధ్యక్షుడు మెట్టు గంగారాం, మల్లికార్జున్‌ గౌడ్‌, చింతల నర్సింహులు, రామచందర్‌ గౌడ్‌, బీమారి శ్రీనివాస్‌, శ్రీకాంత్‌ పాల్గొన్నారు.

● జిల్లా గ్రామీణాభివృద్ధి అధికారి శ్రీనివాస్‌ నర్సాపూర్‌ రూరల్‌: ధాన్యం కొనుగోలు ప్రక్రియ వేగవంతం చేయాలని జిల్లా గ్రామీణ అభివృద్ధి అధికారి శ్రీనివాస్‌ రావు నిర్వాహకులకు సూచించారు. మంగళవారం సాయంత్రం మండలంలోని చిన్నచింతకుంట ధాన్యం కొనుగోలు కేంద్రాన్ని సందర్శించారు. ఈ సందర్భంగా మాట్లాడుతూ, తూకం వేసిన ధాన్యాన్ని వెంటనే ట్యాబ్‌లో ఎంట్రీ చేయాలని సూచించారు. లారీలు రైస్‌మిల్‌ల వద్ద వెనువెంటనే ఖాళీ అయ్యేలా చూడాలని తెలిపారు. సన్నరకం ధాన్యం కొనుగోలు సైతం వేగవంతం చేయాలన్నారు. కార్యక్రమంలో ఐకేపీ ఏపీఎం గౌరీశంకర్‌, సీసీ ప్రవీణ, నాగరత్న, లక్ష్మి, గ్రామ సంఘం సభ్యులు పాల్గొన్నారు. సమగ్ర శిక్షా ఉద్యోగుల సమ్మె నోటీసు మెదక్‌ కలెక్టరేట్‌: కాంగ్రెస్‌ ప్రభుత్వం ఎన్నికల ముందుకు ఇచ్చిన హామీ విస్మరించి అన్యాయం చేస్తోందని సమగ్ర శిక్షా ఉద్యోగులు ఆవేదన వ్యక్తం చేశారు. మంగళవారం సమగ్ర శిక్షా ఉద్యోగుల సంఘం ఆధ్వర్యంలో డీఈఓ రాధాకిషన్‌ను కలిసి సమ్మె నోటీసు అందజేశారు. ఎన్నికలకు ముందు అధికారంలోకి వచ్చిన వెంటనే రెగ్యులరైజ్‌, అన్ని బెనిఫిట్స్‌ అందజేస్తామన్నారు. అధికారంలోకి వచ్చి ఏడాది కావస్తున్నా సమస్యలపై ఊసెత్తడం లేదని ఆవేదన వ్యక్తం చేశారు. 15 రోజుల్లో ప్రభుత్వం స్పందించి పరిష్కరించాలని లేనిపక్షంలో నిరవధిక సమ్మె చేపడుతామని హెచ్చరించారు. కార్యక్రమంలో జేఏసీ అధ్యక్షుడు రాజు, ప్రధాన కార్యదర్శి పాషా, కోశాధికారి సంపత్‌, ఆంజనేయులు, గట్టయ్య, రాజు, కనకరాజు, శ్రీకాంత్‌, మహేశ్‌, చందు పాల్గొన్నారు. నర్సాపూర్‌ వాసికి డాక్టరేట్‌ నర్సాపూర్‌: అమెరికన్‌ యూనివర్శిటీ నుంచి డాక్టరేట్‌ పొందానని నర్సాపూర్‌కు చెందిన జహీర్‌ ఇక్బాల్‌ తెలిపారు. సోమవారం రాత్రి చైన్నెలో జరిగిన ఓ కార్యక్రమంలో గౌరవ డాక్టరేట్‌ ప్రదానం చేశారన్నారు. తాను చేస్తున్న సామాజిక సేవా కార్యక్రమాలను వర్సిటీ వారు గుర్తించి డాక్టరేట్‌ ఇచ్చాన్నారు. మత్స్యకారులఅభ్యున్నతి కోసం కృషి జిల్లా మత్స్యశాఖ అఽధికారి మల్లేశం హవేళిఘణాపూర్‌(మెదక్‌): ప్రభుత్వం వంద శాతం సబ్సిడీపై అందజేస్తున్న చేప పిల్లలను మత్స్యకారులు సద్వినియోగం చేసుకొని ఉపాధి పొందాలని జిల్లా మత్స్యశాఖ ఏడీ మల్లేశం అన్నారు. మంగళవారం బూర్గుపల్లి శ్రీపతి చెరువులో ప్రభుత్వం పూర్తి సబ్సిడీపై అందజేస్తున్న చేప పిల్లలను ఆయన వదిలారు. అనంతరం మాట్లాడుతూ ప్రభుత్వం మత్స్యకారుల అభివృద్ధి కోసం ఎంతగానో కృషి చేస్తోందన్నారు. ఈ అవకాశాన్ని సద్వినియోగం చేసుకొని జీవనోపాధిని పొందాలన్నారు. గ్రామ ముదిరాజ్‌ సంఘం సభ్యులు తదితరులు ఉన్నారు. క్రిమినల్‌ కేసులు నమోదు చేస్తాం ● జిల్లా వైద్యాధికారి డాక్టర్‌ శ్రీరామ్‌ వెల్దుర్తి(తూప్రాన్‌): ఆర్‌ఎంపీల ముసుగులో ప్రాథమిక చికిత్సే చేయాలని, అంతకు మించి సేవలు అందిస్తే క్రిమినల్‌ కేసులు నమోదు చేస్తామని డీఎంహెచ్‌ఓ శ్రీరామ్‌ హెచ్చరించారు. నర్సింగ్‌ హోమ్‌లు, ఆర్‌ఎంపీ కేంద్రాల్లో ప్రాథమిక చికిత్సకు బదులు ఇతర వైద్యం అందిస్తున్నట్లు దృష్టికి వచ్చిందని, విచారణ చేపట్టి చర్యలు తీసుకోవాలని డిప్యూటీ డీఎంహెచ్‌ఓ జ్ఞానేశ్వర్‌ను ఆదేశించారు. నిబంధనలు పాటించడం లేదని గుర్తించి నోటీసులు అందజేసినా ఎటువంటి మార్పు కనిపించడంలేదన్నారు. మంగళవారం సాయంత్రం వెల్దుర్తి ప్రభుత్వ ఆస్పత్రిని ఆకస్మికంగా తనిఖీ చేసి సిబ్బందికి పలు సలహాలు, సూచనలు చేశారు. ప్రభుత్వ ఆస్పత్రుల్లో ప్రసవాల సంఖ్య పెంచేలా చర్యలు తీసుకోవాలని అన్నారు. వెల్దుర్తి హాస్పిటల్‌లో గతంలో డెలివరీలు చాలా జరిగేవన్నారు. ప్రస్తుతం క్రమక్రమంగా తగ్గుముఖం పట్టాయన్నారు. ఈ సంఖ్య తిరిగి యథాస్థితికి తెచ్చేలా మరిన్ని మౌలిక సదుపాయాలు కల్పించాలన్నారు. జనవరి నుంచి అడల్ట్‌ టీబీ వ్యాక్సినేషన్‌ ప్రోగ్రాం చేపట్టనున్నట్లు వెల్లడించారు.

దివ్యాంగులకు క్రీడా పోటీల నిర్వహణ మెదక్‌ కలెక్టరేట్‌: ప్రతిభకు వైకల్యం అడ్డు కాదని నిరూపించారు దివ్యాంగులు. తమలో దాగుతున్న క్రీడా నైపుణ్యాన్ని ప్రదర్శించారు. అందరి చేత ప్రశంసలు పొందారు. అంతర్జాతీయ దివ్యాంగుల దినోత్సవం సందర్భంగా మంగళవారం మెదక్‌ జిల్లా కేంద్రంలో మహిళా, శిశు, వయోవృద్ధుల శాఖ ఆధ్వర్యంలో స్థానిక అథ్లెటిక్స్‌ అవుట్‌డోర్‌ స్టేడియంలో దివ్యాంగులకు పలు క్రీడా పోటీలు నిర్వహించారు. ఇన్‌చార్జి డీడబ్ల్యూఓ స్వరూప జెండా ఊపి పోటీలను ప్రారంభించారు. అనంతరం పరుగు పందెం, షాట్‌ఫుట్‌, చెస్‌, క్యారమ్స్‌, జావెలిన్‌త్రో, వీల్‌చైర్‌, ట్రైసైకిల్‌ పందెం వంటి పోటీలను నిర్వహించారు. ఈ సందర్భంగా స్వరూప మాట్లాడుతూ అంతర్జాతీయ దివ్యాంగుల దినోత్సవం సందర్భంగా ఈ పోటీలను నిర్వహించామన్నారు. ఈ పోటీల్లో ప్రతిభ కనబర్చిన వారికి ఈనెల 21, 22వ తేదీల్లో హైదరాబాద్‌లో జరిగే పోటీలకు పంపుతామన్నారు.

● గ్రామీణ ప్రాంతాల్లో 69.63 శాతం ● అర్బన్‌లో 77.66 శాతం56 అంశాలు... 75 ప్రశ్నలు సర్వే 56 అంశాల్లో 75 ప్రశ్నలతో కూడిన ఫారం పూర్తి చేసేందుకు ఒక్కో కుటుంబం వద్ద సుమారు 10 నుంచి 15 నిమిషాల సమయం పడుతోంది. ఇందులో పార్ట్‌–1లో కుటుంబ యజమాని పేరు, పార్ట్‌–2లో కుటుంబ సభ్యులకు ఉన్న అప్పులు, ఆస్తులు, పశు సంపద తదితర వివరాలు నమోదు చేయాలి. అలాగే కొంతమంది ప్రజలు తమ ఆస్తులు, అప్పుల వివరాలను తెలియజేసేందుకు నిరాకరించడంతో ఎన్యూమరేటర్లు ఇబ్బందులు పడుతున్నారు.మెదక్‌ కలెక్టరేట్‌ : జిల్లాలో మొత్తం 21 మండలాలు ఉండగా 469 గ్రామాలున్నాయి. గ్రామీణ ప్రాంతాల్లో 1,94,687, నాలుగు అర్బన్‌ ప్రాంతాల్లో 26,609 మొత్తం 2,21,296 గృహాలున్నట్లు గుర్తించారు. జిల్లాను మొత్తం 1,571 బ్లాక్‌లుగా విభిజించారు. ఇందుకుగాను 1,724 మంది ఎన్యుమరేటర్లు, 286 మంది సూపర్‌వైజర్లు విధులను నిర్వహిస్తున్నారు. ఎన్యూమరేటర్లు ప్రతీ కుటుంబానికి సంబంధించిన ప్రాథమిక సమాచారం సేకరించి (ఇంటి నంబరు, ఇంటి యజమాని పేరు వంటి వివరాలు) ఫారంలో నమోదు చేస్తున్నారు. ఈనెల 18 వరకు జిల్లావ్యాప్తంగా 1,54,083 గృహాలను ఎన్యూమరేటర్లు సర్వే పూర్తి చేశారు. ఇంకా 67,213 గృహాలు మాత్రమే సర్వే చేయాల్సి ఉంది. రోజూ సాయంత్రం డేటా ఎంట్రీ రోజూ గ్రామాల్లో, వార్డుల్లో ముమ్మరంగా నిర్వహించిన సర్వే వివరాలను సాయంత్రం ఎంపీడీఓల ఆధ్వర్యలో డేటా ఎంట్రీ ఆపరేటర్లు ఆన్‌లైన్‌లో నమోదు చేస్తున్నారు. జిల్లావ్యాప్తంగా జరుగుతున్న సమగ్ర సర్వేను కలెక్టర్‌ రాహుల్‌రాజ్‌ రోజూ ఏదొక మండలంలో పర్యవేక్షిస్తున్నారు. ఈనెల 18న కౌడిపల్లి మండలంలో జరుగుతున్న సర్వేను కలెక్టర్‌ పరిశీలించారు. అంతకు ముందు మెదక్‌ పట్టణంలోని 1వ వార్డులో జరుగుతున్న సర్వే సందర్భంగా క్యాంపు కార్యాలయంలో ఎన్యూమరేటర్లకు కలెక్టర్‌ తమ కుటుంబ వివరాలను అందజేశారు.అర్బన్‌ పరిధిలోని నాలుగు మున్సిపాలిటీల్లో...మున్సిపాలిటీ మొత్తం సర్వే సర్వే పేరు గృహాలు చేసినవి చేయాల్సినవిమెదక్‌ 12,168 9,898 2,270తూప్రాన్‌ 6,198 4,973 1,225రామాయంపేట 3,993 2,944 3,993నర్సాపూర్‌ 4,250 2,850 1,400మొత్తం 26,609 20,665 1,400

● అదనపు కలెక్టర్‌ నగేశ్‌ ప్రశంసలు ● ప్లాస్టిక్‌ రహిత గ్రామంగా తీర్మానంనర్సాపూర్‌ రూరల్‌: జిల్లా ప్రజలంతా నర్సాపూర్‌ మండలం గూడెంగడ్డ గ్రామాన్ని ఆదర్శంగా తీసుకోవాలని అదనపు కలెక్టర్‌ నగేశ్‌ అన్నారు. మంగళవారం ప్రపంచ మరుగుదొడ్ల దినోత్సవం సందర్భంగా ప్లాస్టిక్‌ రహిత గ్రామంగా తీర్మానించుకునేందుకు ప్రత్యేక సమావేశం ఏర్పాటు చేశారు. ఈ కార్యక్రమానికి ముఖ్యఅతిథిగా ఆయన హాజరై మాట్లాడారు. గ్రామస్తులంతా ఒక తాటిపైకి వచ్చి స్టీల్‌ బ్యాంకు ఏర్పాటు చేసుకోవడం అభినందనీయమన్నారు. శుభకార్యాలు జరిగినప్పుడు ప్లాస్టిక్‌ ప్లేట్లు, గ్లాసులకు బదులుగా స్టీల్‌ ప్లేట్లు గ్లాసులను వినియోగించాలని నిర్ణయించుకున్నారన్నారు. ఇప్పటికే గ్రామంలో మద్య నిషేధం, వంద శాతం మరుగుదొడ్డిల నిర్మాణం, తడిపొడి చెత్త వేరు చేయడం, 100 శాతం ఇంటి పన్ను చెల్లించడం, ఇప్పుడు ప్లాస్టిక్‌ రహిత గ్రామంగా చేయాలని నిర్ణయించుకోవడం మంచి శుభపరిణామం అన్నారు. అధికారులు గ్రామంలో పర్యటించి పారిశుద్ధ్యం, మరుగుదొడ్ల వినియోగాన్ని పరిశీలించారు. స్వచ్ఛభారత్‌ పథకం కింద మరుగుదొడ్లు లేని తుల్జారాంపేట, కాజీపేట గ్రామాలకు చెందిన మహిళలకు రూ.12 వేలు చెక్కులను అందజేశారు. అనంతరం పారిశుద్ధ్య కార్మికులను సన్మానించారు. స్వచ్ఛతపై విద్యార్థుల ఆటపాటలు అందరినీ అలరించాయి. ప్రతిభచూపిన ఆరుగురికి తహసీల్దార్‌ శ్రీనివాస్‌ ఒక్కొక్కరికీ రూ.6 వేల పురస్కారం అందజేశారు. ముందుగా ఇంటింటా తడి పొడి చెత్త బుట్టలను పంపిణీ చేశారు. జెడ్పీ సీఈఓ ఎల్లయ్య, గ్రామీణ అభివృద్ధి అధికారి శ్రీనివాసరావు, జిల్లా పంచాయతీ అధికారి యాదయ్య, ఆర్డీఓ మహిపాల్‌, తహసీల్దార్‌ శ్రీనివాస్‌, ఎంపీడీఓ మధులత, ఏపీఓ అంజిరెడ్డి, ఐకేపీ ఏపీఎం గౌరీశంకర్‌, కార్యదర్శి నగేశ్‌, హెచ్‌ఎం స్వప్న పాల్గొన్నారు.

మనోహరాబాద్‌(తూప్రాన్‌): రైతులు రోడ్లపై ధాన్యం ఆరబోయవద్దని, వాహనాల ప్రమాదాలు జరుగుతున్నాయని తూప్రాన్‌ డీఎస్పీ వెంకట్‌రెడ్డి రైతులకు సూచించారు. మంగళవారం మనోహరాబాద్‌ మండలంలోని పలు గ్రామాల్లో రోడ్లపై ధాన్యం ఆరబోసిన రైతులను కలిసి వెంటనే ఇక్కడి నుంచి ధాన్యం తీసివేయాలని సూచించారు. రహదారిపై దానివల్ల నిత్యం వాహనదారులు ప్రమాదాల బారిన పడుతున్నారన్నారు. మనిషి ప్రాణం విలువైందని, ధాన్యం ఆరోబోయడం వల్ల ప్రాణాలు పోతే కుటుంబాలు వీధిన పడతాయన్నారు. రహదారులపై వడ్లు ఆరబోయకుండా ప్రత్యేక చర్యలు చేపడుతున్నామని తెలిపారు. ఆయన వెంట తూప్రాన్‌ సీఐ రంగాకృష్ణ, తూప్రాన్‌ పీఎసీఎస్‌ చైర్మన్‌ మెట్టు బాలకృష్ణారెడ్డి, ఎస్‌ఐ సుభాశ్‌గౌడ్‌ తదితరులు ఉన్నారు. డీఎస్పీ వెంకట్‌రెడ్డి

సమస్యల పరిష్కారానికే.. రైతు సమస్యల పరిష్కారానికి ఫిర్యాదుల పెట్టె ఏర్పాటు చేస్తున్నట్లు కొత్తపల్లి రైతు సేవా సహకార సంఘం పాలకవర్గ చైర్మన్‌ రమేశ్‌ తెలిపారు. వివరాలు 9లో uఅక్రమార్కుల మట్టి దందా.. మూడు పువ్వులు ఆరు కాయలు అన్నట్లుగా..● ప్రభుత్వ భూమిలో యథేచ్ఛగా తవ్వకాలు ● జరిమానాతో మారని తీరుచనిపోయిన వ్యక్తిపై కేసు చనిపోయిన వ్యక్తిపై పోలీసులు కేసు నమోదు చేసిన ఘటన నర్సాపూర్‌లో ఆలస్యంగా వెలుగులోకి వచ్చింది. వివరాలు 8లో uబుధవారం శ్రీ 20 శ్రీ నవంబర్‌ శ్రీ 2024రామాయంపేట(మెదక్‌): అక్రమార్కుల ధన దాహానికి గుట్టలు మాయమవుతున్నాయి. ఏళ్ల తరబడి యథేచ్ఛగా అక్రమ మట్టి దందా కొనసాగుతోంది. ప్రభుత్వ భూమిలోంచి మొరంను తరలిస్తూ ప్రభుత్వ ఆదాయానికి గండికొడుతున్నారు. రామాయంపేట మున్సిపాలిటీ పరిధిలోని జాతీయ రహదారి పక్కనే ఉన్న 1421 సర్వే నంబర్‌లో 760 ఎకరాలకు పైగా ప్రభుత్వ భూమి ఉంది. అందులో 150 ఎకరాల మేర పెద్ద గుట్టలు ఉన్నాయి. ఎక్కలదేవుని బండను ఆనుకునే ఉన్న ఎత్తులో ఉన్న ఈ గుట్టలపై ఎప్పుడు కూడా జనసంచారం ఉండదు. అలాంటిది ఇటీవల ఈప్రాంతంలో పలుమార్లు చిరుత కనిపించడంతో పగలు కూడా ఈప్రాంతంలోకి ఎవరూ వెళ్లడం లేదు. ఇదే అక్రమార్కులకు వరంగా మారింది. గుట్టల పైభాగంలో జేసీబీలు పెట్టి అక్రమంగా మట్టి తరలిస్తున్నారు. ఇప్పటికే పెద్ద ఎత్తున టిప్పర్లు, ట్రాక్టర్ల ద్వారా మట్టి తరలించుకు పోతున్నారు. దీంతో గుట్ట పైభాగంలో పెద్ద పెద్ద గుంతలు తేలి అత్యంత ప్రమాదకరంగా మారింది. ఇటీవల రెవెన్యూ అధికారులు టిప్పర్లు, ట్రాక్టర్లను పట్టుకొని నామమాత్రంగా జరిమానా విధించి వదిలేశారు. ఇది లెక్క చేయని కొందరు అక్రమ రవాణాకు పాల్పడుతూనే ఉన్నారు.న్యూస్‌రీల్‌చర్యలు తీసుకుంటాం రామాయంపేట శివారులోని 1421 సర్వే నంబర్‌లో కొనసాగుతున్న మట్టి తవ్వకాల విషయమై చర్యలు తీసుకుంటాం. ఇటీవల రెండు టిప్పర్లు పట్టుకొని జరిమానాలు వేశాం. అక్రమ మొరం తవ్వకాలు జరిపితే చర్యలు తీసుకుంటాం. – రజనికుమారి, తహసీల్దార్‌, రామాయంపేట

జిల్లా వైద్యాధికారి శ్రీరామ్‌ కొల్చారం(నర్సాపూర్‌): వైద్యం కోసం వచ్చే రోగులకు సరైన వైద్యం అందించే క్రమంలో విధుల పట్ల నిర్లక్ష్యం వహిస్తే సహించేది లేదని జిల్లా వైద్యాధికారి శ్రీరామ్‌ ఆరోగ్య కేంద్రం సిబ్బందిని హెచ్చరించారు. సోమవారం మండల కేంద్రంలోని ప్రాథమిక ఆరోగ్య కేంద్రాన్ని ఆయన తనిఖీ చేశారు. రోగుల వార్డులను పరిశీలించారు. ఇక్కడ అందుతున్న వైద్య సేవలను రోగులను అడిగి తెలుసుకున్నారు. ఉచిత వైద్యసేవలను వినియోగించుకోవాలని కోరారు. ఆస్పత్రిలో వైద్యానికి సంబంధించి అవసరమైన అన్ని మందులు ఉన్నాయా అన్న విషయమై ఆరా తీయడంతో పాటు స్టాకు రిజిస్టర్‌ను పరిశీలించారు. అనంతరం అక్కడి వైద్య సిబ్బంది సమావేశమై వైద్యం కోసం వచ్చే వారి పట్ల మర్యాదపూర్వకంగా ప్రవర్తించాలన్నారు. అప్పుడే ఆరోగ్య కేంద్రానికి మంచి పేరు, అందుతున్న సేవలపైన ప్రజలకు నమ్మకం చేకూరుతుందన్నారు. జిల్లా ప్రోగ్రాం అధికారి నవీన్‌ కుమార్‌, ఆస్పత్రి వైద్యాధికారి రమేశ్‌, ఆయుష్‌ వైద్యాధికారి హర్ష, ఎంపీ హెచ్‌ఈఓ మదన్మోహన్‌, ఫార్మసిస్ట్‌ సరిత, పీహెచ్‌ఎన్‌ యేసుని, వైద్యసిబ్బంది ఉన్నారు.

అడిగితే చెప్పడం లేదు ధాన్యం బస్తాకు 43 కిలోల 300 గ్రాములు కాంటా వేస్తున్నారు. ఎందుకని అడిగితే సరైనా సమాధానం చెప్పడంలేదు. ఇష్టం ఉంటే కాంటా పెట్టు లేదంటే ఉరుకోమంటున్నారు. సన్నరకం వడ్లను రెండు కిలోలు ఎక్కువగా కాంటా వేస్తుండంతో క్వింటాలుకు ఐదు కిలోల నష్టపోతున్నాం. – స్వామి, రైతు నార్సింగిచిన్నశంకరంపేట(మెదక్‌): నార్సింగి పీఏసీఎస్‌ ఆధ్వర్యంలో నిర్వహిస్తున్న ధాన్యం కొనుగోలు కేంద్రంలో వడ్ల తూకం వేసే విషయమై సిబ్బంది చేతివాటం చూపుతున్నారు. ఇదేమని రైతులు ప్రశ్నిస్తే కాంటా వేయకుండా ఇబ్బందులు పెడుతున్నారు. సోమవారం పీఏసీఎస్‌ ధాన్యం కొనుగోలు కేంద్రంలో సన్న రకం వడ్ల బస్తా 43 కిలోల 300 గ్రాములు కాంటా చేశారు. ప్రభుత్వ నిబంధనల మేరకు 41.300 గ్రాములు కాంటా వేయాల్సి ఉంది. కానీ నార్సింగి పీఏసీఎస్‌ సిబ్బంది రైతులకు నష్టం కలిగించేలా తూకం వేస్తున్నారు. 40 కిలోల బస్తాకు 2 కిలోలు ఎక్కువగా కంటా వేస్తున్నారని, క్వింటాకు 5 కిలోలు ఎక్కువగా కాంటా చేస్తున్నారని రైతులు వాపోతున్నారు. ఈ విషయమై తహసీల్దార్‌ షేక్‌ కరీం దృష్టికి తీసుకెళ్లగా పీఏసీఎస్‌ సీఈఓకు ఫోన్‌ చేసి అడిగానన్నారు. ఎక్కువగా కాంటా చేస్తే చర్యలు తప్పవని హెచ్చరించారు. నార్సింగి పీఏసీఎస్‌లో సిబ్బంది చేతివాటం బస్తాకు వేయాల్సినకాంటా 41 కిలోలు తూకం వేస్తుంది 43 కిలోలు నిబంధనలకు పాతర

● హాజరైన మంత్రి దామోదర అల్లాదుర్గం(మెదక్‌): మండల కేంద్రంలోని లక్ష్మీనర్సింహస్వామి ఆలయ వార్షికోత్సవం సోమవారం భక్తిశ్రద్ధలతో నిర్వహించారు. వేదపండితుల మంత్రోచ్ఛారణతో హోమం, గణపతి పూజ, అభిషేకం చేశారు. మహిళలు స్వామివారికి బోనాలు సమర్పించారు. వేడుకలో పాల్గొని మంత్రి దామోదర రాజనర్సింహ ప్రత్యేక పూజలు చేశారు. అనంతరం ఆయనకు ఆలయ పూజారి తీర్థప్రసాదాలు అందజేశారు. కార్యక్రమంలో తహసీల్దార్‌ మల్లయ్య, సీఐ రేణుకారెడ్డి, కాంగ్రెస్‌ నాయకులు బల్‌రాం, నర్సింహరెడ్డి, సదానందం, బాల్‌రాజ్‌ , శ్రీనివాస్‌ తదితరులు పాల్గొన్నారు. రాష్ట్రస్థాయి వాలీబాల్‌బాలుర విజేత ఖమ్మం ● బాలికల విభాగంలో నిజామాబాద్‌ చేగుంట(తూప్రాన్‌): అండర్‌ 14 వాలీబాల్‌ బాలబాలికల రాష్ట్రస్థాయి పోటీల్లో విజేతలుగా.. బాలుర విభాగంలో ఖమ్మం జట్టు, బాలికల విభాగంలో నిజామాబాద్‌ జట్టు నిలిచింది. మండలకేంద్రంలోని ఆదర్శ పాఠశాలలో మూడు రోజులుగా నిర్వహిస్తున్న ఈ పోటీలు సోమవారంతో ముగిశాయి. బహుమతుల ప్రదానోత్సవానికి ఆర్డీఓ జయచంద్రారెడ్డి హాజరై విజేతలకు షీల్డ్‌లను అందజేశారు. కాగా, బాలుర విభాగంలో రంగారెడ్డి జిల్లా 2వ స్థానం, వరంగల్‌ జిల్లా 3వ స్థానం సాధించింది. బాలికల విభాగంలో మెదక్‌ బాలికల జట్టు రెండవ స్థానం, ఆదిలాబాద్‌ జిల్లా జట్టు మూడో స్థానం సాధించింది. అనంతరం ఆర్డీఓ మాట్లాడారు. జాతీయస్థాయి పోటీల్లోను విజయం సాధించాలని ఆకాంక్షించారు. వివిధ జిల్లాల నుంచి కోచ్‌ మేనేజర్లుగా 46 మంది పాల్గొన్నారు. కార్యక్రమంలో మెదక్‌ జిల్లా ఎస్‌జీఎఫ్‌ సెక్రటరీ రమేశ్‌, తహసీల్దార్‌ నారాయణ, మెదక్‌ జిల్లా వాలీబాల్‌ అసోసియేషన్‌ అధ్యక్షుడు పరంజ్యోతి, ఆదర్శ పాఠశాల ప్రిన్సిపాల్‌ చంద్రకళ, పీఈటీల సంఘం జిల్లా అధ్యక్షుడు నాగరాజు, రాష్ట్ర వాలీబాల్‌ అబ్జర్వర్లు సాయినాథ్‌, శ్రీనివాస్‌, పీఈటీలు తదితరులు పాల్గొన్నారు. ప్రజావాణికి 80 అర్జీలు మెదక్‌ కలెక్టరేట్‌: జిల్లాలో కలెక్టరేట్‌లో సోమవారం హెల్ప్‌డెస్క్‌ ద్వారా నిర్వహించిన ప్రజావాణికి 80 దరఖాస్తులు వచ్చాయి. అధికారులంతా సమగ్ర సర్వేలో ఉండటంతో ఇన్‌వార్డు అధికారులు స్వీకరించారు. వాటిని కలెక్టర్‌కు అందజేయనున్నారు.

చలి కాలం..పౌల్ట్రీ పదిలం పౌల్ట్రీ రంగానికి చలికాలంలో సహజంగా ఇబ్బందులెదురవుతాయి. సమస్యలనివారణకు వైద్యులు సలహాలు సూచనలుఅందిస్తున్నారు. వివరాలు 8లో u● 2,701 మంది గైర్హాజరు ● హాజరు శాతం 53.27మెదక్‌ కలెక్టరేట్‌: గ్రూప్‌–3 పరీక్షలు సోమవారం ప్రశాంతంగా జరిగాయి. 5,867అభ్యర్థులకు గాను 3,166 మంది హాజరు కాగా 2,701 మంది గైర్హాజరయ్యారు. హాజరు శాతం 53.96గా నమోదైంది. ఆదివారం జరిగిన పరీక్షలకు సైతం 2,683 మంది గైర్హాజరయ్యారు. హాజరు శాతం 54.27గా నమోదైంది. ఆదివారంతో పోలిస్తే సోమవారం అభ్యర్థుల హాజరు శాతం తగ్గింది. నర్సాపూర్‌లో నర్సాపూర్‌: స్థానిక బీవీ రాజు ఇంజినీరింగ్‌ కాలేజీలో ఏర్పాటు చేసిన గ్రూప్‌3 పరీక్ష కేంద్రంలో అభ్యర్థులు పరీక్ష రాశారు. ఆర్‌డీఓ మహిపాల్‌, అడిషనల్‌ ఎస్‌పీ మహేందర్‌, తహసీల్దార్‌ శ్రీనివాస్‌, సీఐ జాన్‌రెడ్డిలు పరీక్ష కేంద్రాలను పర్యవేక్షించారు. 5 నిమిషాలు ఆలస్యంగా హైదరాబాద్‌కు చెందిన అభ్యర్థి రాగా 9.30 గంటలకే గేటు మూసివేశామని, తామేమి చేయలేమని అడిషనల్‌ ఎస్పీ మహేందర్‌ తెలిపారు. ఇదిలా ఉండగా తల్లులు పరీక్షకు వెళ్లడంతో చిన్నపిల్లలను ఆడిస్తూ పలువురు కుటుంబసభ్యులు కన్పించారు.

● జిల్లా పశువైద్య సహాయ సంచాలకులు తిరుపతి మనోహరాబాద్‌(తూప్రాన్‌): పశువులకు గాలికుంటు, గర్భకోశ, సీజనల్‌ వ్యాధులు రాకుండా పలు జాగ్రత్తలు తీసుకోవాలని జిల్లా పశువైద్య సహాయ సంచాలకులు తిరుపతి సూచించారు. సోమవారం మండలంలోని వెంకటాపూర్‌ అగ్రహారంలో ఉచిత పశువైద్య శిబిరం నిర్వహించారు. జీవాలకు వివిధ వ్యాధులు, గర్భకోశ వ్యాధులను గుర్తించారు. 50 ఆవులు, 40 గేదెలకు చికిత్స చేశారు. గాలికుంటు వ్యాధులు రాకుండా టీకాలు వేశారు. కార్యక్రమంలో తూప్రాన్‌ ఉమ్మడి మండల పశువైద్యురాలు లక్ష్మి, వైద్యులు గోపాలమిత్ర పర్యవేక్షకుడు సత్యనారాయణ, సిబ్బంది ఉన్నారు.

సివిల్‌ సప్లయ్‌ డీఎం హరికృష్ణ కొల్చారం(నర్సాపూర్‌): ధాన్యం కొనుగోళ్లు సజావుగా సాగుతున్నాయని మెదక్‌ సివిల్‌ సప్లయ్‌ డీఎం హరికృష్ణ తెలిపారు. సోమవారం కొల్చారం మండలం సంగాయిపేటలో ఫార్మర్‌ ప్రొడ్యూసరీ సహకార సంఘం ద్వారా ఏర్పాటు చేసిన ధాన్యం కొనుగోలు కేంద్రాన్ని డీఎస్‌ఓ సురేశ్‌రెడ్డితో కలిసి ఆయన సందర్శించారు. నాణ్యమైన ధాన్యాన్ని కొనుగోలు కేంద్రాలకు తీసుకు రావాలన్న ప్రభుత్వ ఆదేశానుసారం రైతులు క్లీనర్‌ ద్వారా ధాన్యాన్ని తూర్పార బడుతున్నారన్నారు. గ్రామంలో 60 నుంచి 70 లారీల వరకు ధాన్యం సమకూరుతుందని రైతులు తెలిపారని అన్నారు. ఈ వడ్ల రైతులకు ఇబ్బందులు కలుగకుండా ఉండేందుకు సకాలంలో రవాణా చేసేందుకు పూర్తి సహకారం అందిస్తామని పేర్కొన్నారు. అక్కడి నుంచి కోనాపూర్‌లో ఉన్న రైస్‌ మిల్లులు సందర్శించారు. వచ్చిన ధాన్యాన్ని త్వరితగతిన అన్‌ లోడ్‌ చేయాలని యాజమాన్యానికి సూచించారు. కార్యక్రమంలో ఏఈఓ రాజశేఖర్‌ గౌడ్‌, సంఘం ప్రతినిధులు జితేందర్‌ రెడ్డి, వెంకట్‌ రెడ్డి, రమేశ్‌, సంజీవరెడ్డి, వెంకటేశం గుప్త, వేణు, రైతులు పాల్గొన్నారు.

కలెక్టర్‌ రాహుల్‌రాజ్‌శాతంకౌడిపల్లి(నర్సాపూర్‌): పథకాలు మరింత మెరుగు పర్చేందుకే సమగ్ర ఇంటింటి కుటుంబ సర్వేను ప్రభుత్వం నిర్వహిస్తోందని కలెక్టర్‌ రాహుల్‌రాజ్‌ తెలిపారు. సోమవారం మండల కేంద్రమైన కౌడిపల్లిలో ఇంటింటి సమగ్ర సర్వే పరిశీలించారు. ఈ సందర్భంగా ఆయన మాట్లాడుతూ జిల్లాలో 2.20లక్షల కుటుంబాలు ఉండగా 70 శాతం సర్వే పూర్తి అయిందన్నారు. ప్రజలంతా సహకరిస్తున్నారన్నారు. వివరాలు చెపితే రేషన్‌, పింఛన్‌లు కట్‌ అవుతాయంటూ కొందరు కావాలని దుష్ప్రచారం చేస్తున్నారని నమ్మొద్దన్నారు. ఎలాంటి సంక్షేమ పథకాలు తొలగించమని స్పష్టం చేశారు. సమాచారం మొత్తం గోప్యంగా ఉంటుందన్నారు. సర్వే ఫారాలను ఎంపీడీఓ కార్యాలయంలో ట్రంక్‌బాక్స్‌లో శాశ్వతంగా భద్రపరుస్తామని చెప్పారు. ప్రజలు ఆర్థిక, విద్య, ఆరోగ్య, రిజర్వేషన్లు తెలుసుకుని సంక్షేమ పథకాలు పక్కగా రూపొందించేందుకు సర్వే చేస్తున్నట్లు చెప్పారు. సన్నలు కొనుగోలు చేస్తాం మహమ్మద్‌నగర్‌లోని శ్రీసాయి ఆగ్రోస్‌ రైస్‌మిల్‌ను కలెక్టర్‌ రాహుల్‌రాజ్‌ పరిశీలించారు. ధాన్యం లారీలు ఎప్పుడొచ్చాయి ఎప్పుడు ఖాళీ అవుతాయని నిర్వాహకులు గోవర్ధన్‌రెడ్డిని అడిగి తెలుసుకున్నారు. అనంతరం కొనుగోలు కేంద్రం పరిశీలించి ధాన్యం తేమశాతం పరిశీలించారు. పొల్లు లేకుండా తూకం వేయాలని చెప్పారు. సన్నరకం ధాన్యం కొనుగోలు చేయడం లేదని, రైస్‌మిల్లు యజమానులు బీపీటీ సన్నధాన్యం వద్దంటున్నారని రైతులు చెప్పారు. ఇబ్బందులు లేకుండా త్వరలో కొనుగోలు చేస్తామని కలెక్టర్‌ హామీ ఇచ్చారు. కార్యక్రమంలో తహసీల్దార్‌ ఆంజనేయులు, ఎంపీడీఓ శ్రీనివాస్‌, ఎంపీఓ కలీముల్ల, పంచాయతీ కార్యదర్శి వెంకటేశం, ఎన్యూమరేటర్లు, సొసైటీ చైర్మన్‌ గోవర్ధన్‌రెడ్డి, సీఈఓ దుర్గాగౌడ్‌, మహిపాల్‌రెడ్డి, వెంకట్‌రెడ్డి, సొసైటీ మాజీ డైరెక్టర్‌ వెంకన్న రైతులు పాల్గొన్నారు.