బాలీవుడ్‌ నటి ప్రియాంక చోప్రా పరిచయం అక్కర్లేని పేరు. బాలీవుడ్ నటీమణుల్లో ఆమెది ప్రత్యేక స్థానం. పెళ్లి తర్వాత భర్తతో కలిసి లాస్‌ ఏంజెల్స్‌లో సెటిలైంది బాలీవుడ్ భామ. ఇటీవలే ఆమె దాదాపు మూడేళ్ల విరామం తర్వాత భారత్‌కు వచ్చారు. అయితే తాజాగా ఆమె కెరీర్‌లో జరిగిన కీలక సంఘటనలను మీడియాతో పంచుకున్నారు. కెరీర్‌ ప్రారంభంలో బాడీ షేమింగ్‌కు గురైనట్లు నటి వెల్లడించారు. ఆమెను డస్కీ అని పిలిచేవారని వాపోయారు. తొలి రోజుల్లో సహ నటుల కోసం సెట్‌లో గంటల తరబడి వేచి ఉండేదాన్ని అని ప్రియాంక చోప్రా చెప్పింది. 'డస్కీ' అంటే ఏమిటో నాకు తెలియదు? నేను తగినంత అందంగా లేనని అప్పుడు అనిపించిందని  తెలిపింది. అంతేకాకుండా ఆమెను నల్లపిల్లి అని వెటకారంగా పిలిచేవారని బాలీవుడ్ నటి ఆనాటి అనుభవాలను వివరించింది.  (ఇది చదవండి: మూడేళ్ల తర్వాత భారత్‌కు వచ్చిన ప్రియాంక చోప్రా) నేను చాలా కష్టపడి పని చేయాల్సిన ఉంటుందని నమ్మకంతో ఉండేదానిని అని వెల్లడించింది. అయినప్పటికీ  తోటి నటుల కంటే కాస్త ఎక్కువ ప్రతిభావంతురాలిగా భావించానని తెలిపింది. అయితే సహనటులు పొందిన వేతనంలో 10 శాతం కూడా తాను పొందలేదని చెప్పుకొచ్చింది. ఆ సమయంలో సహనటుడి కోసం వేచి ఉండటం సరైందేనని భావించినట్లు ఆమె పేర్కొంది. ప్రియాంక చోప్రా ఫ్యాషన్‌లో జాతీయ అవార్డును అందుకుంది. ఆమె బర్ఫీ, 7 ఖూన్ మాఫ్, మేరీ కోమ్,  బాజీరావ్ మస్తానీ వంటి చిత్రాలలో నటనకు అవార్డులు గెలుచుకున్నారు. 2000 సంవత్సరంలో మిస్ ఇండియాగా నిలిచిన ప్రియాంక ఆ తర్వాత బాలీవుడ్‌లోకి అడుగుపెట్టింది. ఆమె 2002లో సన్నీ డియోల్‌తో ది హీరోతో అరంగేట్రం చేసింది. బాలీవుడ్‌ స్టార్‌ హీరోయిన్‌గా రాణించిన ప్రియాంక ‘బేవాచ్‌’తో 2017లో హాలీవుడ్‌లోకి ఎంట్రీ ఇచ్చారు. అదే సమయంలో వయసులో తనకంటే పదేళ్లు చిన్నవాడైన ప్రముఖ పాప్‌ సింగర్‌ నిక్‌ జొనాస్‌తో ఆమెకు పరిచయం ఏర్పడింది. కొన్నాళ్ల డేటింగ్‌ అనంతరం 2018లో ఈ జంట పెళ్లి బంధంలోకి అడుగుపెట్టారు.  ప్రియాంక ప్రస్తుతం సిటాడెల్‌లో కనిపించనుంది. బాలీవుడ్‌లో, ఆమె ఫర్హాన్ అక్తర్‌ మూవీ  జీ లే జరాలో అలియా భట్,  కత్రినా కైఫ్‌తో కలిసి నటించనుంది.

ముంబై: బాలీవుడ్‌ నటి ప్రియాంక చోప్రా జోనాస్ తన హెయిర్‌కేర్ బ్రాండ్ అనోమలీని ఇండియాలో లాంచ్‌  చేసింది. ఇందుకోసం  నైకా బ్రాండ్‌ కింద సౌందర్య, ఆరోగ్య సంరక్షణ ఉత్పత్తులను విక్రయించే బ్యూటీ అండ్‌ వెల్‌నెస్ ఈ–కామర్స్‌ సంస్థ ఎఫ్‌ఎస్‌ఎన్‌తో  డీల్‌ కుదుర్చుకుంది.  అనామలీ పేరిట శిరోజాల సంరక్షణ ఉత్పత్తులకు సంబంధించిన సొంత బ్రాండ్‌ను భారత మార్కెట్లో ప్రవేశపెట్టారు. లాంచ్ సందర్భంగా, జోనాస్ మాట్లాడుతూ, తాను ఇప్పటికీ rouge, పెరుగు, తేనె లాంటి భారతీయ సాంప్రదాయ సౌందర్య సంరక్షణ పద్ధతులను ఉపయోగించడాన్ని ఇష్టపడతానని, ఈ నేపథ్యంలోనే  కురుల సంరక్షణకు సంబంధించి భారతీయ సంప్రదాయ విధానాల స్ఫూర్తితో సహజసిద్ధమైన ప్రకృతి వనరుల నుంచి వీటిని ఉత్పత్తి చేస్తున్నట్లు ఆమె తెలిపారు.  (ఫెస్టివ్‌ సీజన్‌: గుడ్‌న్యూస్‌ 75 వేల ఉద్యోగాలు) "అనోమలీ హెయిర్‌కేర్‌ను భారతదేశానికి తీసుకురావడం నాకు చాలా గర్వంగా ఉంది. ఇక్కడే పుట్టిన ఈ బ్రాండ్‌ ఇండియా లాంచ్ చాలా ప్రత్యేక మైందని ప్రియాకం చెప్పారు. ప్రకృతి, వృక్షాలతో భారతీయ సౌందర్యం ఇమిడిపోయిందని ఆమె అన్నారు.గత మూడు, నాలుగు సంవత్సరాలలో భారతీయ అందాల విభాగం బాగా వృద్దిచెందిందని నైకా సీఈఓ, ఈ-కామర్స్ బ్యూటీ, అంచిత్ నాయర్ వ్యాఖ్యానించారు.(jobmarket: ఉద్యోగాలపై ఇన్‌ఫ్లేషన్‌ ఎఫెక్ట్‌! తాజా రిపోర్ట్‌ ఏం చెబుతోంది?) View this post on Instagram A post shared by Team Priyanka Chopra Jonas (@team_pc_) View this post on Instagram A post shared by Team Priyanka Chopra Jonas (@team_pc_)

నాగ చైతన్యతో విడాకుల అనంతరం కెరీర్‌ పరంగా దూసుకెళ్తోంది సమంత. వరుస సినిమాలు చేస్తూ ఫుల్ బిజీ అయ్యింది. ఇటీవల పుష్ప సినిమాలో స్పెషల్‌ సాంగ్‌ చేసి అదరగొట్టింది. అలాగే యశోధ మూవీకి సంబంధించిన షూటింగ్‌ని కూడా కంప్లీట్‌ చేసుకుంది. వీటితో పాటు అటు బాలీవుడ్‌, హాలీవుడ్‌లోనూ సత్తా చాటేందుకు సిద్దమైంది. ఇప్పటికే డ్రీమ్‌ వారియర్స్‌ ప్రొడక్షన్స్‌ బ్యానర్‌లో ఓ మూవీ చేస్తోంది. ఇలా వరుస సినిమాలతో బీజీగా ఉన్నా... సోషల్‌ మీడియాలో మాత్రం ఫుల్‌ యాక్టివ్‌గా ఉంటోంది సామ్‌. ఇటీవల ఎక్కువగా మోటివేషన్ కోట్స్ షేర్ చేస్తోంది. తాజాగా ఈ బ్యూటీ గ్లోబల్‌ స్టార్‌ ప్రియాంక చోప్రాకి సంబంధించిన ఓ వీడియోని సోషల్‌ మీడియాలో షేర్‌ చేసింది. ప్రియాంక మాటలు బాగా నచ్చాయంటూ.. హార్ట్‌ సింబల్‌ షేర్‌ చేసింది. దీంతో నెటిజన్స్‌ అంతా ప్రియాంక వీడియోని వెతకడం ప్రారంభించారు. ఇంతకీ ఆ వీడియోలో ప్రియాంక ఏం చెప్పారంటే.. ‘నా చిన్నతనం నుంచి మా నాన్న, నాకు 9 ఏళ్ల వయసు వచ్చినప్పటి నుంచి మా అమ్మ అనేక విషయాలు నాతో షేర్‌ చేసుకున్నారు. ‘నువ్వు ఏదైనా చేయాలకుంటే.. అంతకన్నా ముందు నువ్వు ఆర్థిక స్వాతంత్య్రం సాధించాలి. నువ్వు ఎవరి కూతురివి, ఎవరిని పెళ్లి చేసకుంటున్నావు అనేది ముఖ్యం కాదు. నీ కాళ్లపై నువ్వు నిలబడాలి’అని చెప్పేవాళ్లు. ఆ మాటలు నా మెదడులో బలంగా ఉండిపోయాయి. అందుకే నేను నా 12 ఏళ్ల వయసు నుంచి వాటిని ఆచరించడం మొదలు పెట్టా. ప్రతి ఏట నేను ఏయే స్థానాలకు వెళ్లాలనుకున్నానో నిర్ణయించుకొని, నా లక్ష్యాలను ఎప్పటికప్పుడు మార్చుకుంటూ ముందుకు వెళ్తున్నా’అని ప్రియాంక చెప్పుకొచ్చింది.

Priyanka Chopra Gives New Year Kiss To Nick Jonas: ప్రపంచమంతా న్యూ ఇయర్‌ వేడుకల్లో మునిగితేలుతోంది. గత సంవత్సరం మధురు స్మృతులు, చేదు జ్ఞాపకాలను నెమరువేసుకుంటూ కొత్త సంవత్సరాన్ని స్వాగతిస్తున్నారంతా. ఈ న్యూ ఇయర్‌ సెలబ్రేషన్స్‌, శుభాకాంక్షలు తెలపడం వంటివి ఒక‍్కొక్కరూ ఒక్కోలా చేస్తారు. ముఖ్యంగా సినీ తారలైతే భిన్న రకాలుగా ఫొటోలు, వీడియోలు షేర్‌ చేస్తూ అభిమానులకు విష్‌ చేస్తున్నారు. వీళ్లందరికన్నా భిన్నంగా రొమాంటిక్‌గా విష్‌ చేసింది గ్లోబల్‌ స్టార్‌ ప్రియాంక చోప్రా జోనాస్‌. ఈ నూతన సంవత్సరం సందర్భంగా ప్రియాంక విష్‌ చేస్తూ నిక్‌ జోనాస్‌ను రొమాంటిక్‌గా ముద్దు పెట్టింది.  ఈ విషయాన్ని సోషల్‌ మీడియా వేదికగా తెలిపాడు నిక్‌ జోనాస్‌. ప్రియాంక తనను ముద్దు పెట్టుకునే ఫొటోను తన ఇన్‌స్టా అకౌంట్‌లో నిక్‌ జోనాస్‌ షేర్‌ చేశాడు. ఈ పోస్ట్‌కు 'మై ఫరెవర్‌ న్యూ ఇయర్‌ కిస్‌ (ఎప్పటికీ నా కొత్త సంవత్సరపు ముద్దు)' అని లవ్‌ సింబల్‌తో క్యాప్షన్‌ ఇచ్చాడు. ప్రస్తుతం ఈ పోస్ట్‌ సోషల్‌ మీడియాలో వైరల్‌ అవుతోంది. ఇది చూసిన నిక్‌, ప్రియాంక అభిమానులు తెగ ఇష్టపడుతున్నారు. న్యూ ఇయర్ వేడుకల్లోని ఇలాంటి మరికొన్ని రొమాంటిక్‌ క్షణాలను తమతో పంచుకోవాలని కోరుతున్నారు. 2021లో ఈ జంట చాలా బిజీగా గడిపింది. ప్రియాంక, నిక్‌ జోనాస్‌ విడిపోతున్నారనే వార్తలు తెగ చక్కర్లు కొట్టాయి. అయితే వీటన్నింటికి ప్రియాంక చెక్‌ పెట్టిన సంగతి తెలిసిందే.    View this post on Instagram A post shared by Nick Jonas (@nickjonas) ఇదీ చదవండి: మళ్లీ ఆ పాత్ర చేయాలని ఉందన్న పాపులర్‌ హీరోయిన్‌.. అదేంటంటే ?

Priyanka Chopra Interesting Comments On India And Culture: గ్లోబల్‌ స్టార్‌ ప్రియాంక జోనాస్‌ ఎప్పుడూ తన సినిమాలతో బిజీగా ఉంటుంది. సోషల్‌ మీడియాలో యాక్టివ్‌గా ఉంటుంది. అలాగే తన అస్థిత్వాన్ని, గుర్తింపును ఎవరైన తక్కువ చేసిన ఊరుకోదు. వెంటనే కౌంటర్‌ ఇస్తుంది ప్రియాంక. ఇందుకు ఉదాహరణ ఇటీవల తనను 'వైఫ్‌ ఆఫ్‌ జోనాస్‌'గా ప్రస‍్తావించడమే. ప్రస్తుతం ప్రియాంక తన రాబోయే సైన్స్‌ ఫిక్షన్‌ చిత్రం ది మ్యాట్రిక్స్‌ రిసరెక్షన్స్‌ ప్రమోషన్‌లో బిజీగా ఉంది. 'ది మ్యాట్రిక్స్‌' ఫ్రాంచైజీ నుంచి 18 ఏళ్ల తర్వాత వస్తున్న చిత్రం ఇది. ఈ సినిమాలో ప్రియాంక సీత పాత్రను పోషించింది. సినిమా ప్రమోషన్‌లో భాగంగా ఎమ్మీ అవార్డుకు నామినేట్‌ అయిన టెలివిజన్ హోస్ట్‌ రాషా గోయెల్‌తో ముచ్చటించింది ప్రియాంక.  ఈ క్రమంలోనే ప్రియాంక తన మూలాలను గుర్తు చేసుకుంది. తాను ఇంటికి దూరంగా ఉన్నట్లు ఎప్పుడూ భావించలేదని చెప్పింది. అలాగే 'మీరు నన్ను భారతదేశం నుంచి బయటకు తీసుకురావచ్చు. కానీ భారతదేశాన్ని నా నుంచి వేరు చేయలేరు. నేను ఎక్కడికీ వెళ్లినా నాతోపాటు నా సంస్కృతి కూడా వస్తుంది. అందుకే నేను ఎప్పుడూ ఇంటికు (ఇండియా) దూరంగా ఉన్నట్లు భావించలేదు. నా ఇళ్లు, నా మందిరం, మా అమ్మ, నా ఆచారాలు ఎప్పుడూ నాతోనే ఉంటాయి. కాబట్టి నేను బాగానే ఉన్నాను. ఇలా ఉన్నందుకు నేను ఎప్పుడూ బాధపడను.' అని చెప్పుకొచ్చింది ప్రియాంక జోనాస్‌.  ప్రియాంక, నిక్ జోనాస్‌ను వివాహం చేసుకున్న తర్వాత యునైటెడ్‌ స్టేట్స్‌ (అమెరికా)లో నివసిస్తోంది. ఇప్పుడు ఇది చాలా వ్యూహాత్మకంగా ఉందని భావిస్తున్నట్లు ప్రియాంక తెలిపింది. అలాగే రెండు పరిశ్రమలను (బాలీవుడ్‌, హాలీవుడ్‌) బ్యాలెన్స్‌ చేయాలని కోరుకుంటున్నట్లు పేర్కొంది. ఎందుకంటే అలా చేయగలిగే నటులు ప్రపంచవ్యాప్తంగా అతి తక్కువ మంది ఉన్నారని ప్రియాంక అభిప్రాయపడింది.  So much love for @priyankachopra and seeing her be a part of this franchise. not often South Asian actors get booked in these parts. Talked about her exp on set and how the Indian culture is always with her. ❤️Always fearless in her endeavors. #southasian #PriyankaChopraJonas pic.twitter.com/slRA0fbCfd — Rasha Goel (@RashaGoel) December 16, 2021 ఇదీ చదవండి: 'నిక్‌ జోనాస్‌ వైఫ్‌' అన్నందుకు ప్రియాంక చోప్రా ఫైర్‌..

Priyanka Chopra Shares The Matrix Resurrections New Poster: హాలీవుడ్‌ 'మ్యాట్రిక్స్' మూవీ సిరీస్‌కు ప్రపంచవ్యాప్తంగా విపరీతమైన క్రేజ్‌ ఉంది. ఈ చిత్రం విడుదల కోసం ఇండియన్‌ ఫ్యాన్స్‌ ఎప్పటినుంచో ఎదురుచూస్తున్నారు. ఈ సమయంలో గ్లోబల్‌ స్టార్‌ ప్రియాంక చోప్రా 'ది మ‍్యాట్రిక్స్‌: రిసరెక్షన్స్‌' కొత్త పోస్టర్‌ను షేర్‌ చేశారు. ఈ పోస్టర్‌లో హాలీవుడ్‌ స‍్టార్‌ కీన్‌ రీవ్స్‌తో పాటు క్యారీ-అన్నె మోస్‌, జడా పింకెట్‌ స్మిత్‌, యహ్యా అబ్దుల్‌ మాటీన్‌ 2, జోనాథన్‌ గ్రోఫ్‌ ఉన్నారు. ఈ పోస‍్టర్‌ షేర్‌ చేస్తూ ప్రియాంక 'ఈ మ్యాట్రిక్స్‌ రిసరెక్షన్ కొత్త పోస్టర్‌తో తిరిగి మ్యాట్రిక్స్‌లోకి అడుగు పెట్టండి. ఈ క్రిస్మస్‌కి థియేటర్‌లలో, హెచ్‌బీవో మ్యాక్స్‌లో చూడండి.' అని రాసుకొచ్చింది.  View this post on Instagram A post shared by Priyanka (@priyankachopra) భారతీయ అభిమానులు ఎంతో ఉత్సాహంగా ఎదురు చూస్తున్న ఈ సినిమా పోస్టర్‌లో ప్రియాంక కనిపించకపోయేసరికి ప్రశ్నలు కురిపించిసాగారు. 'పోస్టర్‌లో మీరు ఎక్కడ ఉన్నారు' అని ఓ యూజర్‌ కామెంట్‌ పెట్టాడు. 'మిమ్మల్ని చూసేందుకు ఎంతో ఎదురుచూస్తున్నాం' అని మరోకరు రాశారు. సెప్టెంబర్‌లో ఈ చిత్రం ట్రైలర్‌ను విడుదల చేశారు మేకర్స్‌. అందులో ప్రియాంక నల్లటి షేడ్స్‌ ధరించి రెప్పపాటు క్షణంలో కనిపిస్తారు. మ్యాట్రిక్స్‌ ఫ్రాంచైజీలో వస్తున్న ఈ నాల‍్గో సినిమాను లానా వాచోస్కీ దర్శకత్వం వహించారు. ఈ చిత్రం డిసెబంర్‌ 22న థియేటర్స్‌, హెచ్‌బీవో (HBO) మ్యాక్స్‌లో విడుదల కానుంది. 

ముంబై: ప్రముఖ బాలీవుడ్‌ నటి ప్రియాంక చోప్రా తన సహచర నటి దీపిక పదుకుణే స్థానాన్ని దక్కించుకుంది. జియో ‘ముంబై అకాడమీ ఆఫ్‌ మూవింగ్‌ ఇమేజ్‌’ (ఎమ్‌ఏఎమ్‌ఐ-మామి) ఫిల్మ్‌ ఫెస్టివల్‌ చైర్‌ పర్సన్‌గా కొనసాగుతున్న దీపికా స్థానా​న్ని ప్రియాంక చోప్రా భర్తీ చేయనుంది. నాలుగు నెలల క్రితమే ఈ పదవి నుంచి దీపికా వైదొలిగింది. ఈ సందర్భంగా ముంబై అకాడమీ ఆఫ్‌ మూవింగ్‌ ఇమేజ్‌ సంస్ధ వచ్చే సంవత్సరానికి పలు ప్రణాళికలను సిద్ధం చేసుకుంది. ‘మామి’ బోర్డు సభ్యులు కో చైర్‌ పర్సన్‌ నీతా ముఖేశ్‌ అంబానీ, ఫిల్మ్‌ డైరక్టర్‌ అనుపమ చోప్రా, అజయ్‌ బిజ్లీ, ఆనంద్‌ జీ మహీంద్రా, ఫర్హన్‌ అక్తర్‌, ఇషా అంబానీ, కబీర్‌ ఖాన్‌, కౌస్తుభ్ ధావ్సే, కిరణ్ రావు, రానా దగ్గుబాటి, రితేశ్‌ దేశ్‌ముఖ్, రోహన్ సిప్పీ, సిద్ధార్థ్ రాయ్ కపూర్, విక్రమాదిత్య మోత్వానే, విశాల్ భరద్వాజ్, జోయా అక్తర్ ఏకగ్రీవంగా ప్రియంకా చోప్రాను ‘మామి’  చైర్‌ పర్సన్‌గా ఎన్నుకున్నారు. మామి చైర్‌పర్సన్‌గా ఎన్నికైన అనంతరం ప్రియాంక చోప్రా మాట్లాడుతూ.. మామి చైర్‌పర్సన్‌గా ఎన్నికవడం సంతోషంగా ఉందని తెలిపింది. మామిలోని సభ్యులతో కలిసి పని చేయడానికి సిద్ధంగా ఉన్నానని పేర్కొంది. ఫిల్మ్‌ఫెస్టివల్‌ను మరోస్థాయికి తీసుకెళ్లేందుకు కృషి చేస్తానని తన అధికారిక సోషల్‌మీడియా ఖాతాలో వెల్లడించింది. చైర్‌ పర్సన్‌గా ఎన్నికైన ప్రియంకా చోప్రాను మామి బోర్డ్‌ ట్రస్టీ ఇషా అంబానీ స్వాగతించింది. ప్రియాంక తన సారథ్యంలో మామి ఫిల్మ్‌ ఫెస్టివల్‌ను నూతన శిఖరాలకు తీసుకువెళ్తుందని ఆశాభావం వ్యక్తం చేసింది. 22వ ‘మామి’ ముంబై ఫిల్మ్‌ ఫెస్టివల్‌ ఎడిషన్‌ కరోనా వైరస్‌ కారణంగా వాయిదా పడిన సంగతి తెలిసిందే. జియో మామి ఫిల్మ్‌ ఫెస్టివల్‌ 2021 అక్టోబర్‌ నుంచి 2022 మార్చి వరకు జరగనుంది.

గ్లోబల్‌ స్టార్‌ ప్రియాంక గురించి ప్రత్యేకంగా చెప్పనక్కర్లేదు. ఇండియన్‌ సినిమాను ప్రపంచస్థాయిలో పాపులర్‌ చేస్తున్న నటీనటుల్లో ప్రియాంకా చోప్రా ఒకరు.  ప్రస్తుతం ఈమెకు హిందీతో పాటు హాలీవుడ్‌లోనూ చక్రం తిప్పుతుంది .పైగా ఈమె పెళ్లి చేసుకున్నది కూడా హాలీవుడ్ కంపోజర్, నటుడు నిక్ జోనస్‌ను. పెళ్లి తర్వాత లండన్‌లోనే సెటిల్ అయిపోయింది ఈ గ్లోబల్‌ బ్యూటీ.  ఎవరేమనుకున్నా సరే ముక్కుసూటిగా మాట్లాడడం ప్రియాంకకి అలవాటు. నిజాన్ని కుండ బద్దలు కొట్టినట్టు చెబుతుంది ఆమె. తాజాగా ఈమె తన జీవితంలోని విశేషాలతో పాటు కొన్ని రహస్యాలను కూడా పంచుకుంటూ అన్‌ ఫినిష్డ్‌ అనే ఓ పుస్తకం రాసింది. దాంట్లో చాలా పర్సనల్‌ విషయాలను వెల్లడించింది ప్రియాంక. తన పదో తరగతి చదువుతున్న సమయంలో జరిగిన ఓ వింత సంఘటను కూడా చెప్పుకొచ్చింది.  ‘పదోతరగతి చదువుతున్న సమయంలో ప్రియాంకకి ఓ బాయ్‌ఫ్రెండ్‌ ఉండేవాడట. పేరు బాబ్‌. తన చలాకీతనం తనం చూసి ప్రేమ పడిపోయానని, అతడినే పెళ్లి కూడా చేసుకోవాలనుకున్నానని చెప్పిన ప్రియాంక.. అతనితో రొమాన్స్‌ చేస్తూ దొరికిపోయిన విషయాన్ని రివీల్‌ చేసింది.  ఓ రోజు ఎవరూలేని సమయంలో అతను మా ఇంటికి వచ్చాడు. ఇద్దరం కలిసి టీవీ చూస్తుండగా సడెన్‌గా మా ఆంటీ రావడంతో అతన్ని గదిలోనే దాచి పెట్టాను. ఆంటీని బయటకి పంపేంత వరకు లోపలే ఉండమని బాయ్ ఫ్రెండ్‌కు చెప్పాను. కానీ అత్తయ్యకు అనుమానం వచ్చి అల్మారా తెరిచి చూడడంతో అసలు విషయం బయటపడింది. దీంతో అత్తయ్య సీరియస్‌ అయింది. నా జీవితంలో అత్తయ్యను అంత కోపంగా ఎప్పుడూ చూడలేదు’అని పుస్తకంలో రాసుకొచ్చింది ప్రియాంక. 

న్యూయార్క్‌: బాలీవుడ్‌ హీరోయిన్‌ ప్రియాంక చోప్రా సినిమాల్లోనే కాకుండానే వ్యాపారం రంగంలోను దూసుకుపోతున్నారు. తాజాగా ఆమె న్యూయార్క్‌లో ‘సోనా’ అనే రెస్టారెంట్‌ను ప్రారంభించారు. ఇది ఈ నెల చివరి వరకు అందరికీ అందుబాటులోకి రానుందని ప్రియాంక తెలిపారు. భర్త నిక్‌ జోనస్‌, తల్లి మధుచోప్రాలతో పూజా కార్యక్రమాల్లో పాల్గొన్న ఫోటోలను ఆమె ఇన్‌స్టాగ్రామ్‌లో అభిమానులతో పంచుకున్నారు. ప్రస్తుతం ఈ ఫొటోలు నెట్టింట్లో వైరల్‌ అవుతున్నాయి. ఇక ఈ కొత్త రెస్టారెంట్‌కు ప్రముఖ చెఫ్‌ హరినాయక్‌ ప్రధాన‌ చెఫ్‌గా ఉంటారని పేర్కొన్నారు. అనేక వెరైటీల ద్వారా రుచికరమైన భారత రుచులను అందించేందుకు థ్రిల్‌గా ఫీలవుతున్నట్లు చెప్పారు. ఈ రెస్టారెంట్‌ను తన మిత్రులు మనీష్‌ గొయల్‌, డేవిడ్‌ రాబిన్‌ చూసుకొంటారన్నారు. కాగా, ప్రియాంకకు కుటుంబ సభ్యులు, అభిమానులు సోషల్‌ మీడియా వేదికగా కంగ్రాట్స్‌ చెబుతున్నారు. ఇదిలా వుంటే ప్రియాంక చోప్రా ప్రస్తుతం 'సిటాడెల్‌' అనే వెబ్‌ సిరీస్‌ను లండన్‌లో చిత్రీకరిస్తోంది. ఇక ప్రియాంక ఇప్పటికే నటి, నిర్మాత, గాయనిగానూ మంచిపేరు గడించిన విషయం తెలిసిందే!  చదవండి: మంచు హోటల్: ఎండాకాలంలో కూడా కరగదట

గ్లోబల్‌ కపుల్‌ ప్రియాంక చోప్రా-నిక్‌ జోనస్‌లు కొత్త ఇంట్లోకి మారారు. ఈ సందర్భంగా గృహప్రవేశం వేడుకను నిర్వహించారు. దీనికోసం ప్రముఖ డిజైనర్‌ మసాబా గుప్తా ప్రత్యేకంగా రూపొందించిన దుస్తుల్లో ప్రియాంక అందంగా ముస్తాబైంది.  వైట్‌ ట్యునిక్‌పై ఆరెంజ్‌ కలర్‌ దుపట్టా జతచేసిన డిజైనర్‌ దుస్తుల్లో ప్రియాంక కనిపించింది. దీనికి సంబంధించిన ఫోటోలను ముసాబా సోషల్‌ మీడియాలో షేర్‌ చేశారు. ఇక  2018లో డిసెంబర్‌ 2వ తేదీన నిక్‌ జోనస్‌ను ప్రేమ పెళ్లి చేసుకున్న సంగతి తెలిసిందే. ప్రియాంక కోసం ఆమె భర్త నిక్‌ ప్రత్యేకంగా లాస్‌ ఏంజెల్స్‌లో గతేడాది ఓ అందమైన విల్లాను కొనుగోలు చేసిన సంగతి తెలిసిందే. 20 వేల చదరపు అడుగులు గల ఈ ఇంటి విలువ ఏకంగా దాదాపు రూ.144 కోట్లు(20 మిలియన్లు).లాక్‌డౌన్‌ సమయంలోనే ఈ దంపతులు కొత్త ఇంట్లోకి మారినట్లు ప్రియంక తన  ఆటోబయోగ్రఫి ‘అన్‌ఫినిష్డ్‌‌’లో వివరించింది.  📸|| Some pics of Nick and Priyanka from her new book! pic.twitter.com/QzukPkW1MC — Daily Nick Jonas (@DailyNickJonas) February 8, 2021 భారతీయ సాంప్రదాయల ప్రకారం..గృహప్రవేశం వేడుకను నిర్వహించినట్లు తెలుస్తోంది. ఇక ప్రియాంక రాసిన ఈ పుస్తకాన్ని ఆమె తండ్రి అశోక్ చోప్రాకు అంకితం ఇస్తున్నట్లు పేర్కొంది. ఆత్మకథలో ప్రియాంక ప్రస్తావించిన కొన్ని సంఘటనలు అందరిని ఆశ్చర్యానికి గురి చేస్తున్నాయి. గ్లోబల్‌ స్టార్‌గా ఎదిగిన ప్రియాంకా సైతం ఇలాంటి చేదు సంఘటనలను చుశారా! అని ఆమె ఆత్మకథ చదివిన వారంత విస్తుపోతున్నారు. View this post on Instagram A post shared by Priyanka Chopra Jonas (@priyankachopra) ఇక నిర్మోహమాటంగా తనకు ఎదురైన చేదు అనుభవాలను గురించి ఈ పుస్తకంలో ప్రస్తావించడంతో ప్రియాంకపై ప్రశంసల జల్లు కురిపిస్తున్నారు. ప్రస్తుతం దీనికి సంబంధించిన ప్రమోషన్లతో ప్రియాంక బిజీబిజీగా గడుపుతోంది. సినిమాల విషయానికి వస్తే.. ప్రియాంక నటించిన బాలీవుడ్‌ చిత్రం ‘ది వైట్‌ టైగర్‌’ జనవరి 13న విడుదలై సూపర్‌ హిట్‌గా నిలిచింది. తను ప్రస్తుతం నటిస్తున్న హాలీవుడ్‌ చిత్రం  ‘టెక్ట్స్‌ ఫర్‌ యూ’  సినిమా షూటింగ్‌ ఇటీవల లండన్‌ పూర్తి చేసుకున్నారు. జిమ్‌ స్ట్రౌస్‌ దర్శకత్వం వహిస్తున్న ఈ సినిమాలో ప్రియాంక భర్త నిక్‌ జోనస్‌ అతిథి పాత్రలో కనిపించనున్నారని సినీవర్గాల నుంచి సమాచారం.ఇక ప్యాన్‌ ఇండియా స్టార్‌ ప్రభాస్, ‌‘కేజీఎఫ్’‌ డైరెక్టర్‌ ప్రశాంత్‌ నీల్‌ దర్శకత్వంలో తెరకెక్కుతున్న భారీ యాక్షన్ ఎంటర్ టైనర్ చిత్రం ‘సలార్‌’లో స్పెషల్‌ సాంగ్‌ కోసం చిత్రబృందం ప్రియాంకను సంప్రదించింది.  చదవండి: (ప్రియాంక ఆత్మకథ: విస్తుపోయే విషయాలు వెల్లడి)               (చర్మం రంగు ముఖ్యం కాదని తెలుసుకున్నా) View this post on Instagram A post shared by House of Masaba (@houseofmasaba)

సాక్షి, ముంబై: బాలీవుడ్‌ నుంచి హాలీవుడ్‌  దాకా తన ప్రత్యేకతను చాటుకుంటున్న హీరోయిన్‌  ప్రియాంక చోప్రా  తాజాగా ఒక ఆసక్తికర విషయాన్ని వెల్లడించారు. ఒక ఆంగ్ల పత్రికకు ఇచ్చిన ఇంటర్వ్యూలో మీకు ఎంత మంది పిల్లలు కావాలని అడిగిన ప్రశ్నకు ఆమె ఫన్నీ రిప్లై ఇచ్చారు. నాకు పిల్లలంటే అంటే చాలా ఇష్టం. వీలైనంత ఎక్కువ మందిని కనాలని ఉంది. నిజంగా అదొక  క్రికెట్‌ టీమ్‌ కావొచ్చేమో అంటూ చిలిపిగా నవ్వేశారు. ఈ సందర్భంగా  తన కొత్త ఫోటోషూట్  పిక్స్‌ను షేర్‌ చేశారు. అంతేకాదు భర్త, పాప్‌ గాయకుడు నిక్‌కు తనకు వయసులో పదేళ్ల గ్యాప్‌ , కల్చరల్‌ గ్యాప్‌ గురించి అడిగినప్పుడు వాటిని చాలా తేలిగ్గా కొట్టి పారేశారు. అసలు అలాంటి తేడాలు, అడ్డంకులేవీ తమ మధ్య లేవని, అందరిదంపతుల్లాగానే తామూ గడుపుతున్నామనిక్లారిటీ ఇచ్చారు. అడ్డంకులు గురించి ఆలోచించకుండా ఒకరి అలవాట్లను, ఇష్టాలను  మరొకళ్లం అర్థం చేసుకుని జీవించాలి...నిక్‌ నీటిలో చేపలా కలిసిపోతాడు...సో ఏదీ కష్టం కాదని చెప్పారు. అలాగే కరోనా సంక్షోభం, క్వారంటైన్‌ సమయంలో భర్త‌తో ఎక్కువ సమయం గడిపే అవకాశం తనకు వచ్చిందని, ఇది నిజంగా చాలా అదృష్టమని చెప్పుకొచ్చారు. ఎందుకంటే ఎవరి కరియర్లో వాళ్లం బిజీగా ఉన్న టైంలో ఇంత టైం కలిసి గడపటం సాధ్యం కాదన్నారు. కాగా ప్రియాంక చోప్రా అమెరికన్ పాప్ సింగర్‌ నిక్ జోనస్‌ను ప్రేమించి పెళ్లి చేసుకున్న సంగతి తెలిసిందే.   ప్రస్తుతం లండన్‌లో  షూటింగ్‌ కార్యక్రమాలతో బిజీబిజీగా ఉన్న ఈ గ్లోబ‌ల్ బ్యూటీ తాజాగా తన టీనేజ్‌ ఫొటోను షేర్‌ చేశారు.  దీంతో ఈ ఫోటో ఇపుడు నెట్‌లో ట్రెండింగ్‌లో ఉంది. ఒక సాధారణ అమ్మాయి మిస్ ఇండియా, మిస్ వరల్డ్‌ టైటిల్స్‌ సొంత చేసుకోవడం, బాలీవుడ్ నుంచి హాలీవుడ్ హీరోయిన్‌గా, నిర్మాతగా సక్సెస్‌ఫుల్‌గా దూసుకెళ్లడం లాంటి విషయాలతో  తీసుకొస్తున్న  తన అన్‌ఫినీష్‌డ్‌ బుక్‌ను  త్వరలోనే  రిలీజ్‌ చేసేందుకు ప్రియాంక సిద్ధమవుతున్నారు. 

విరుష్క వీరు సోషల్‌మీడియాలో యాక్టివ్‌గా ఉంటూ, సమాజంలో జరిగే విషయాలపై స్పందిస్తూ ఉంటారు. తాజాగా అనుష్క శర్మ బిహార్‌, అస్సాం వరదలలో చిక్కుకున్న వారికి సాయం చేయండి అంటూ పిలుపునిచ్చారు. తాము కూడా వరద బాధితులకు సాయం చేస్తున్న ఆర్గనైజేషన్స్‌కు తోడుగా నిలుస్తున్నామని చెప్పారు. రాపిడ్‌ రెస్పాన్స్‌, యాక్షన్‌ ఎయిడ్‌, గూంజ్‌ ఈ మూడింటి ద్వారా బిహార్‌, అస్సాం వరదలలో చిక్కుకున్న వారికి సాయం చేస్తున్నామని చెప్పారు. దీనికి  సంబంధించి ఒక పోస్ట్‌ను అనుష్క తన సోషల్‌మీడియా ఖాతాలో షేర్‌ చేశారు. ఆ మూడు స్వచ్చంధ సంస్థల లింక్‌లను కూడా షేర్‌ చేశారు. సాయం చేయాలనుకున్న వారు వీటి ద్వారా విరాళాలు అందించవచ్చని తెలిపారు. ‘కరోనాతో దేశం అల్లాడిపోతుంటే మరోవైపు బిహార్‌, అ‍స్సాం ప్రజలు వరదలలో చిక్కుకుకొని విలవిలలాడుతున్నారు. మూడు ఆర్గనైజేషన్‌లు వారికి సహాయచర్యలు అందిస్తున్నాయి. మేం వారికి అండగా ఉంటున్నాం. మీరు కూడా  ఈ సంస్థల ద్వారా సాయాన్ని అందించండి’ అని సోషల్‌మీడియా వేదికగా కోరారు.    View this post on Instagram A post shared by AnushkaSharma1588 (@anushkasharma) on Jul 29, 2020 at 10:30pm PDT ఇక మరోనటి గ్లోబల్‌ స్టార్‌ ప్రియాంక చోప్రా కూడా వరద బాధితులకు తాను, తన భర్త నిక్‌జోనస్‌ విరాళాలు అందించినట్లు తెలిపింది. తాను పుట్టిన బిహార్‌తో పాటు, అస్సాం కూడా భారీగా కురిసే వరదల్లో చిక్కుకుందని చెప్పారు. ‘మేం సాయం చేశాం. ఇప్పుడు ఇక మీ వంతు’ అంటూ ప్రియాంక ట్వీట్‌ చేశారు. మే 22 నుంచి  అస్సాం, బిహార్‌లను వరదలు ముంచెత్తుతున్నాయి. అస్సాంలో 16.8 లక్షల మంది వరద బాధితులు ఉండగా, బిహార్‌లో 30 లక్షల మందికి పైగా ఈ వరదల వల్ల ప్రభావితం అయ్యారు.  చదవండి: బిహార్‌కు మరో చేదు వార్త #Biharfloods@nickjonas and I have made a donation, now it's your turn.@goonj: https://t.co/BHMYJa8ao1@FeedingIndia:https://t.co/lKFurhscCm 🙏 pic.twitter.com/CmE0bDI8gy — PRIYANKA (@priyankachopra) July 28, 2020

న్యూఢిల్లీ : గ్లోబ‌ల్‌ స్టార్ ప్రియాంక చోప్రా అమెజాన్‌ ప్రైమ్‌తో భారీ ఒప్పందం కుదుర్చుకున్నారు. మల్టీ మిలియన్‌ డాలర్లు విలువ చేసే ఫస్ట్‌ లుక్‌ అనే టెలివిజన్‌ డీల్‌పై ఆమె సంతకం చేశారు. ఇందుకోసం ఆమె రెండేళ్లపాటు అమెజాన్‌తో కలిసి పనిచేయనున్నారు. ఈ సందర్బంగా ప్రియాంక స్పందిస్తూ.. హిందీ, ఇంగ్లిష్‌ల్లోనే కాకుండా తనకు ఇష్టమైన భాషల్లో కూడా నటిస్తానని ప్రియాంక స్పష్టం చేశారు. మహిళలకు సంబంధించిన కథలను చూపించాలనేదే తన కోరికని తెలిపారు. ఆ కథలను విభిన్నంగా చూపించేందుకు ప్రపంచవ్యాప్తంగా ఉన్న గొప్ప క్రియేటర్స్‌తో కలిసి పనిచేయనున్నట్టు చెప్పారు. అందుకు అమెజాన్‌ లాంటి ప్రపంచవ్యాప్తంగా ఆదరణ కలిగి ఉన్న భాగస్వామి దొరకడం ఆనందంగా ఉందన్నారు. (చదవండి : పోలీసులను ఆశ్రయించిన తరుణ్‌ భాస్కర్‌) ‘భాష, భౌగోళిక బేధాలు లేకుండా ప్రపంచలోని ప్రతిభ ఒక చోట చేరి మరింత గొప్ప కంటెంట్‌ సృష్టించాలని ఓ నటిగా, నిర్మాతగా నేను కోరుకుంటాను. నా ప్రొడక్షన్‌ హౌస్‌ పర్పుల్‌ పెబెల్‌ పిక్చర్స్‌ ముఖ్య ఉద్దేశం కూడా అదే. ఇప్పుడు అమెజాన్‌తో కలిసి పనిచేయడం కొత్తదనానికి పునాది లాంటింది. అలాగే కథకురాలిగా నిరంతరం కొత్త ఐడియాలును అన్వేషించాలనేదే నా తపన. అవి కేవలం వినోదాన్ని పంచడమే కాకుండా ముఖ్యంగా ఒపెన్‌ మైండ్స్‌, నూతన దృక్పథం కలిగి ఉండాలి. నా 20 ఏళ్ల కేరీర్‌లో దాదాపు 60 సినిమాలు చేసిన తర్వాత.. ఇప్పుడు దానిని సాధించే బాటలో ఉన్నట్టు నమ్ముతున్నాను’ అని తెలిపారు. (చదవండి : ఇండియా నుంచి ఈ ఇద్దరూ..)

క‌రోనా వైర‌స్ కార‌ణంగా బాలీవుడ్ న‌టి ప్రియాంక చోప్రా, భ‌ర్త నిక్ జోన‌స్‌తో క‌లిసి అమెరికాలోని లాస్ఎంజిల్స్‌లో ఇంటికే ప‌రిమిత‌మయ్యారు. దాదాపు రెండు నెల‌ల సుధీర్ఘ విరామం అనంత‌రం ఆమె బ‌య‌ట‌కు వ‌చ్చారు. అమెరికాలో ప‌రిస్థితి కాస్త సాధారణ స్థితికి రావ‌డంతో మాస్క్ ధ‌రించి ఆమె బ‌య‌ట‌కు వ‌చ్చిన ఫోటోల‌ను సోష‌ల్ మీడియాలో షేర్ చేశారు.  అంత‌కుముందు సెల్ఫ్ ఐసోలేష‌న్‌లో ఉన్న ప్రియాంక‌, నిక్ దంప‌తులు క‌రోనా వల్ల ఏర్ప‌డిన ప‌రిస్థితుల‌పై ఆవేద‌న వ్య‌క్తం చేశారు. (టాప్‌లో ప్రియాంక... సల్మాన్‌! ) ‘మ‌న చుట్టూ ఎంతో మంది ఉండేవారు. ఇప్ప‌డు ఒంట‌రిగా ఉండాల్సి వ‌స్తుంది. షూటింగ్‌ల‌ను బాగా మిస్ అవుతున్నా’ అంటూ ప్రియంక పేర్కొంది. అంతేకాకుండా ఈ విలువైన స‌మ‌యాన్ని స‌ద్వినియోగం చేసుకుంటుంది. హిపాప్ డ్యాన్స్ నేర్చుకుంటూనే, తాజాగా పియానో కూడా నేర్చుకుంటుంది. స్వ‌యంగా ఆమె భ‌ర్త నిక్ త‌న‌కు పియానో నేర్పిస్తున్న‌ట్లు వెల్ల‌డించింది. త‌న‌కెంతో ఇష్ట‌మైన పియానోను త‌న‌కిష్ట‌మైన వ్య‌క్తి నుంచి నేర్చుకుంటున్న‌ట్లు పేర్కొంది. అమెరికాలో క‌రోనా కార‌ణంగా ఇప్పటివరకు 80 వేల మందిపైగా మ‌ర‌ణించారు.   

గ్లోబల్‌ స్టార్‌ ప్రియాంక చోప్రా, భర్త నిక్‌ జోనస్‌కు సంబంధించిన ఓ వీడియో ప్రస్తుతం నెట్టింట్లో హల్‌చల్‌ చేస్తోంది. న్యూ ఇయర్‌ పార్టీలో భాగంగా వీరిద్దరూ ప్రేమగా హత్తుకుని, ముద్దాడిన వీడియో అభిమానులను ఆకర్షిస్తోంది. న్యూయర్‌ సందర్భంగా నిక్‌ జోనస్‌ తన సోదరుడితో కలిసి ఫ్లోరిడాలో లైవ్‌ మ్యూజిక్‌ షో ఇచ్చాడు. ఈ ఈవెంట్‌కు ప్రియాంక చోప్రా కూడా హాజరయ్యారు. వీరితో పాటు బాలీవుడ్‌ హీరో ఆయుష్మాన్‌ ఖురానా, తహీరా కశ్యప్‌, ప్రియాంక సోదరుడు సిద్ధార్థ్‌ చోప్రా కూడా పార్టీలో ఉన్నారు. వేడుకల్లో భర్త నిక్‌ జోనస్‌ను ఎంకరేజ్‌ చేస్తూ ప్రియాంక పార్టీలో ఉత్సాహాన్ని నింపారు.  కాగా నిక్‌  జోనస్‌ లైవ్‌ మ్యూజిక్‌ మధ్యలో స్టేజ్‌ కిందకు వచ్చి ప్రియాంకను స్టేజ్‌ మీదకు తీసుకెళ్లి హత్తుకుని ప్రేమతో ముద్దాడుతూ న్యూ ఇయర్‌కు వెల్‌ కమ్‌ చెప్పారు. ఈ న్యూ ఇయర్‌ వేడుకలకు సంబంధించిన ఫోటోలను, వీడియోలను అభిమానులు సోషల్‌ మీడియాలో షేర్‌ చేశారు. దీంతో నిక్‌, ప్రియాంకల ప్రపంచాన్ని మరిచిపోయి.. ప్రేమలో తేలిపోయారంటూ నెటిజన్లు కామెంట్లు చేస్తున్నారు. ఇక గత ఏడాది ప్రియాంక నటించిన  ‘స్కై ఈజ్‌ పింక్‌’ మూవీ ఆమెకు మంచి విజయాన్ని అందించింది. ప్రస్తుతం ప్రియాంక రాజ్‌ కుమార్‌ రావుతో కలిసి ‘ది వైట్‌ టైగర్‌’ మూవీలో నటిస్తున్నారు. View this post on Instagram Melting, melting 😍 The new years kiss 💋😭😍❤️ #nickjonas #priyankachopra #mrandmrsjonas #nickyanka A post shared by Nick&Priyanka Jonas FC (@nickyanka18) on Jan 1, 2020 at 2:33am PST

ముంబై: ఇటు బాలీవుడ్‌, అటు హాలీవుడ్‌లోనూ సినిమాలు చేస్తూ బిజీగా ఉన్నారు గ్లోబల్‌ స్టార్‌ ప్రియాంక చోప్రా. నిక్‌ జోనస్‌ను పెళ్లాడిన ప్రియాంక తన కొత్త ఇంటి కోసం ఏకంగా రూ. 144 కోట్లు ఖర్చు చేసినట్లు సమాచారం. ఇప్పటివరకు లాస్‌ఏంజెలెస్‌లోని బెవెర్లీ హిల్స్‌లో ఉన్న నిక్‌ ఇంట్లో ఈ జంట నివాసం ఉంటున్న సంగతి తెలిసిందే. అయితే దీన్ని అమ్మేసి ఓ కొత్త ఇంటిని కొనుక్కోవాలనుకున్నారు. ఈ క్రమంలో లాస్‌ఏంజెలెస్‌లోని ఎన్సివో ప్రాంతంలోని విలాసవంతమైన ఓ ఇల్లును ప్రియాంక, నిక్‌  జంట కొనుగోలు చేసినట్లు తెలుస్తోంది. 20 వేల చదరపు అడుగులు గల ఈ ఇంటి విలువ ఏకంగా దాదాపు రూ.144 కోట్లు(20 మిలియన్లు). అలాగే నూతన భవనం కోసం నిక్‌ ఆగస్టులో తన బ్యాచిలర్‌ పాడ్‌ను కూడా అమ్మేశాడని వార్తలు వెలువడుతున్నాయి. ఇక కొత్త ఇంటి కొనుగోలుతో లాస్‌ఏంజెలెస్‌లో స్థానిక రియల్‌ ఎస్టేట్‌ రికార్డులను ప్రియాంక-నిక్‌ జంట బద్దలు కొట్టినట్లు సమాచారం.   ఈ ఇంటిలో ఏడు బెడ్‌ రూమ్‌లు, 11 బాత్‌రూమ్‌లు, ఇంటి ముందు విశాలమైన స్థలంతోపాటు అత్యాధునికమైన వసతులలో కూడిన సదుపాయాలు ఉన్నట్లు తెలుస్తోంది. అలాగే నిక్‌ సోదరుడు జో జోనస్‌ అతడి భార్య సోఫియో టర్నర్‌ సుమారు రూ. 101 కోట్లు(14.1) మిలియన్లు ఖర్చు చేసి నిక్‌ ఇంటికి మూడు కిలోమీటర్ల దూరంలో మరో ఇంటిని కొనుగోలు చేసినట్లు తెలుస్తోంది. ఓ మీడియాకు ఇచ్చిన ఇంటర్వ్యూలో ప్రియాంక మాట్లాడుతూ.. ‘కొత్త ఇళ్లు కొనుక్కోవడం, పిల్లలకు జన్మనివ్వడం ప్రస్తుతం నా లిస్టులో ఉన్న విషయాలు. నాకు పిల్లలంటే చాలా ఇష్టం. రాబోయే పదేళ్లలో కచ్చితంగా పిల్లలను కంటాను. నాకంటూ పిల్లలను కలిగి ఉండటమే నా డ్రీమ్‌’ అంటూ చెప్పుకొచ్చారు. కాగా ‘స్కై ఈజ్‌ పింక్‌’ చిత్రంతో విజయాన్ని అందుకున్న ప్రియాంక ప్రస్తుతం రాజ్‌కుమార్‌ రావుతో ‘వైట్‌ టైగర్‌’ చిత్రంలో నటిస్తున్నారు.. 

నాకు ఎంగేజ్‌మెంట్‌ కాలేదు సోషల్‌ మీడియాలో అభిమానులు అడిగే ప్రశ్నలను పట్టించుకోరు నిధీ అగర్వాల్‌. అయితే ఒక అభిమాని అడిగిన ప్రశ్నను మాత్రం ఆమె పట్టించుకోక తప్పలేదు. నిధి ఆన్‌లైన్‌ పేజీలోని రిలేషన్‌షిప్‌ స్టాటస్‌లో ‘ఎంగేజ్డ్‌’ అని ఉండడం చూసి అవాక్కయిన ఆ అభిమాని ఆ స్టాటస్‌ను స్క్రీన్‌ షాట్‌ తీసి పోస్ట్‌ చేశాడు. ‘‘మీకు ఎంగేజ్‌మెంట్‌ అయిందా!’’ అని షాక్‌ తిన్నట్లుగా అడిగాడు. దానికి సమాధానంగానే నిధి తన ఇన్‌స్టాగ్రామ్‌లో ‘ఎంగేజ్‌మెంట్‌ కాలేదు’ అని రెస్పాండ్‌ అయ్యారు. కాలేదన్న విషయానికి ఆ అభిమాని ఎంతగా సంతోషించాడో కానీ, అభిమానులు తనను ఇంతగా ఫాలో అవుతున్నందుకు మేఘాల్లో తేలిపోయారు నిధి. నిధికి ఇన్‌స్టాగ్రామ్‌లో 40 లక్షల 10 వేల మంది ఫాలోవర్లు ఉన్నారు. – నిధీ అగర్వాల్, (మోడల్, డాన్సర్, బాలీవుడ్‌ నటి) పచ్చడుంటే చాలు ‘‘పచ్చడి అంటే నాకు ఎంత ఇష్టమో చెప్పలేను. పచ్చడి లేకుండా ముద్ద గొంతు దిగదు. భోజనంలోకి మాత్రమే కాదు.. ఎందులోకైనా నాకు పచ్చడి ఉండాల్సిందే. శాండ్‌విచ్‌లోకి కూడా! చీజ్‌ శాండ్‌విచ్‌లోకైతే మామిడి కాయ పచ్చడి భలేగుంటుంది. మంచి కాంబినేషన్‌. ఏ దేశం వెళ్లినా నాకు ఈ అలవాటు పోదు. – ప్రియాంక చోప్రా, (‘ఈస్ట్‌ ఇండియా కామెడీ’ గ్రూపుకు ఇచ్చిన ఇంటర్వ్యూలో) మూడుసార్లు వెనక్కి ‘‘నా బుగ్గలు బూరెల్లా ఉన్నాయని, ఒళ్లు బొద్దుగా ఉందని మొదట నన్ను ఈ సీరియల్‌కి తీసుకోలేదు. ఇవే కారణాలతో ఆడిషన్‌లో మూడుసార్లు ఫెయిల్‌ అయి వెనక్కి వచ్చేశాను. నాలుగోసారి మాత్రమే నన్ను అదృష్టం వరించింది. అప్పటికి కొంచెం సన్నబడినట్లున్నాను. లైఫ్‌లో ఏదీ ఆశించిన వెంటనే దగ్గరకు వచ్చేయదు. ఓర్పు ఉండాలి. నా మొదటి పారితోషికం 300 రూపాయలు. ఒక క్యాటలాగ్‌ షూట్‌లో పాల్గొన్నందుకు ఇచ్చారు. ఆ మూడొందలు ఇప్పటికీ నా దగ్గర భద్రంగా ఉన్నాయి.  – రీమ్‌ షేక్, (జీటీవీలో ఏడాదిగా ప్రసారం అవుతున్న ‘తుఝే హై రాబ్తా’ సీరియల్‌లో కల్యాణీ మల్హర్‌ పాత్రధారి) థ్యాంక్యూ ‘‘గాలిలో కాలుష్యం ఎక్కువైంది. ఊహిస్తుంటేనే భయంగా ఉంది. స్వచ్ఛమైన గాలి కోసం ప్రతి ఒక్కరం మన బాధ్యతగా చెట్లు పెంచాలి. థ్యాంక్స్‌ వరుణ్‌ తేజ్‌ గారూ.. ఈ పనికి నన్ను ప్రేరేపించినందుకు’’. – సాయిపల్లవి (వరుణ్‌తేజ్‌ ఇచ్చిన ‘గ్రీన్‌ ఇండియా ఛాలెంజ్‌’ని స్వీకరించి మొక్కను నాటాక సోషల్‌ మీడియాలో పోస్ట్‌ చేసిన కామెంట్‌)

గ్లోబల్‌ స్టార్‌ ప్రియాంక చోప్రా గత ఏడాది హాలీవుడ్‌ సింగర్‌ నిక్‌ జోనస్‌ను వివాహం చేసుకున్న విషయం తెలిసిందే. అప్పటి నుంచి ఈ గ్లోబల్‌ కపుల్‌ ఏం చేసినా.. ఎక్కడికి వెళ్లిన వారి ఫోటోలు, వీడియోలు నెట్టింట హల్‌ చల్‌ చేస్తూనే ఉన్నాయి. తాజాగా ఈ అందాల భామ ప్రియాంక  సోమవారం తన భర్త నిక్‌ బర్త్‌ డే సందర్భంగా ఒక వీడియోను తన ఇన్‌స్టాగ్రామ్‌లో పోస్ట్‌ చేశారు. ప్రియాంక పెళ్లయిన తర్వాత నిక్‌ మొదటి బర్త్‌ డే కావడంతో ఎప్పటికీ గుర్తుండిపోయేలా ప్లాన్ చేశారు ప్రియాంక. గతంలో వారు సరదాగా, ఆనందంగా గడిపిన  సమయంలో తీసుకున్న ఫోటోలన్నింటిని వీడియోగా చేసి ఇన్‌స్టాగ్రామ్‌లో పోస్ట్ చేశారు. ఈ వీడియోకి ‘నీతో ఉండే ప్రతి రోజు ఓ కొత్త అనుభూతిని పొందుతాను.. నువ్వు నా జీవితానికి వెలుగువి, ప్రపంచంలోని అన్ని ఆనందాలకు నువ్వు అర్హుడివి నిక్‌, హ్యాపీ బర్త్‌ డే మై జాన్‌’ అంటూ హృదయాన్ని తాకే క్యాప్షన్‌తో షేర్‌ చేశారు. ఈ వీడియోలో ప్రియంక నిక్‌లు కలిసి సరదాగా వంట చేస్తున్న క్లిప్స్‌, కొన్ని ప్రైవేట్‌ కార్యక్రమాలలో వారు చేసిన అల్లరి ఫోటోలతో పాటు ప్రియాంక బర్త్‌ డేలో సందడి చేసిన ఫోటోలు కూడా ఉన్నాయి. సినిమాల విషయానికి వస్తే ప్రియాంక నటించిన తాజా చిత్రం ‘ది స్కై ఇజ్‌ పింక్‌’ ప్రమోషన్‌ వేడుక టొరంటోలో జరిగింది. అలాగే టొరంటోలో జరిగిన ఇంటర్‌నేషనల్‌ ఫిల్మ్‌ ఫెస్టివల్‌కు ది స్కై ఇజ్‌ పింక్‌ చిత్ర దర్శకుడైన సోనలీ బోస్‌, కో స్టార్స్‌ ఫర్హాన్‌ అక్తర్‌, రోహిత్‌ సరఫ్‌లతో కలిసి ప్రియాంక హజరయ్యారు. View this post on Instagram The light of my life. Everyday with you is better than the last. You deserve all the happiness in the world. Thank you for being the most generous loving man I have ever met. Thank you for being mine. Happy birthday Jaan. I love you @nickjonas A post shared by Priyanka Chopra Jonas (@priyankachopra) on Sep 16, 2019 at 11:41am PDT

బాలీవుడ్‌ సింగర్‌ సోనా మహాపాత్ర మరోసారి సల్మాన్‌ఖాన్‌పై విరుచుకుపడ్డారు. ‘భారత్‌’ సినిమా వసూళ్లలో వెనుకపడ్డ అతన్ని ‘పేపర్‌ టైగర్‌’గా అభివర్ణిస్తూ ట్వీట్‌ చేశారు. సల్మాన్‌ఖాన్‌ తాజా చిత్రం 'భారత్‌' బాక్సాఫీస్‌ రిపోర్టును పంచుకొంటూ ఆమె ట్వీట్‌ చేశారు. ‘సల్మాన్‌ నటించిన భారత్‌ చిత్రానికి హైప్, భారీ ప్రమోషన్‌ కల్పించినా కనీసం ఒక వారంపాటు కూడా వసూళ్లు నిలకడగా రాబట్టలేకపోయింది. ఇలాంటి ఫిల్మీ సూపర్‌స్టార్‌లను ఏమని పిలవాలి?’ అని పేర్కొన్న ఆమె.. పేపర్‌ టైగర్‌ పేరిట హ్యాష్‌ట్యాగ్‌ను జోడించారు. ఇటువంటి వారిని పూజించడం మానుకోవాలని సల్మాన్‌ అభిమానులకు సలహా ఇచ్చింది. బాలీవుడ్‌ కండలవీరునిపై ఇలాంటి ట్వీట్‌లు చేయడం సోనాకి కొత్తేమి కాదు. భారత్‌ మూవీ నుంచి ప్రియాంక జోనస్‌ తప్పుకోవడంపై ట్వీట్‌ చేయడాన్ని తప్పుబడుతూ ఆమె గతంలో కూడా ఇలాగే ట్వీట్‌ చేశారు. ప్రియాంకను సమర్థిస్తూ తనదైన రీతిలో ట్వీట్‌తో ఘాటుగా జవాబిచ్చారు. దీంతో సల్మాన్ ఖాన్‌ ఫ్యాన్స్‌ రెచ్చిపోయి.. ఆమెను చంపేస్తామని బెదిరింపు మెయిల్స్‌ కూడా చేశారు‌. అలీ అబ్బాస్‌ జాఫర్‌ దర్శకత్వం వహించిన భారత్‌ మూవీలో సల్మాన్‌కు జోడిగా కత్రినా కైఫ్‌ నటించిన సంగతి తెలిసిందే.

ముంబై: బాలీవుడ్‌ నుంచి అంతర్జాతీయ తారగా ఎదిగిన ప్రియాంక చోప్రా- బ్రిటన్‌ రాజకుటుంబం కోడలు మేఘన్‌ మర్కెల్‌ మధ్య మంచి స్నేహబంధం ఉంది. వీరిద్దరు కలిసి గతంలో పలుసార్లు దర్శనమిచ్చారు. అయితే, వీరిమధ్య గతకొంతకాలంగా పొసగడం లేదని, ఇద్దరూ మిత్రుల మధ్య విభేదాలు వచ్చాయని, అందుకే ప్రియాంక-నిక్‌ జోనస్‌ పెళ్లికి మేఘన్‌ మర్కెల్‌ రాలేదని ఇటీవల కథనాలు వచ్చాయి. ఈ నేపథ్యంలో బ్రిటన్‌కు చెందిన ‘ద సన్‌’ టాబ్లాయిడ్‌ ఓ ఆసక్తికర కథనాన్ని ప్రచురించింది. ఇంగ్లండ్‌కు వచ్చిన ప్రియాంక చోప్రా, భర్త నిక్‌ జోనస్‌తో కలిసి ససెక్స్‌ డ్యూచెస్‌ అయిన మేఘన్‌ను కలిశారని, ఈ సందర్భంగా మేఘన్‌ కొడుకు, రాయల్‌ బేబీ ఆర్చీకి పలు ఖరీదైన కానుకలు కూడా ఇచ్చారని పేర్కొంది. ఈ కథనాలపై ప్రియాంక స్పందిస్తూ.. ఇది నిజంకాదని తేల్చింది. ‘కానుకలు ఇవ్వడం అనేది గొప్ప ఐడియానే. కానీ, ఈ కథనం నిజం కాదు. నేను ఓ పని నిమిత్తం టౌన్‌లో ఉన్నా. ఈ ‘విశ్వసనీయ వర్గాలు’  ఎవరైతే ఉన్నారో వారు ఒక్కసారి నిజాలు సరిచూసుకుంటే బాగుంటుంది’ అని పీసీ ట్వీట్‌ చేశారు.