సాధారణంగా ఒక ప్రొడక్ట్ విలువ ఒక్కో యాప్‌లో.. ఒక్కో విధంగా ఉండొచ్చు. కానీ ఒకే యాప్‌లో ఒక ప్రొడక్ట్ ధర రెండు ఫోన్‌లలో వేరువేరు చూపిస్తే? ఇదెలా సాధ్యం, ఎక్కడైనా జరుగుతుందా.. అనుకోవచ్చు. దీనికి సంబంధించిన మరిన్ని వివరాలు తెలుసుకోవాలంటే ఈ కథనం చదివేయాల్సిందే.సౌరభ్ శర్మ అనే ఐఓఎస్ యూజర్.. ఐఫోన్‌లోని ఫ్లిప్‌కార్ట్ యాప్‌లో ఓ చిన్న క్యాబిన్ సూట్‌కేస్ కొనుగోలు చేయాలని చూసారు. అయితే దాని ధర రూ.4,799 అని చూపిస్తోంది. అదే ఉత్పత్తిని ఆండ్రాయిడ్ యాప్‌లో చూస్తే.. దాని ధర 4,119 రూపాయలుగా చూపిస్తోంది. ఈ రెండింటినీ సౌరభ్ స్క్రీన్ షాట్ తీసి, తన ఎక్స్ ఖాతాలో షేర్ చేశారు.ఆండ్రాయిడ్ vs ఐఓఎస్.. ఫ్లిప్‌కార్ట్ యాప్‌లో వివిధ ధరలు అంటూ ఫోటోలను పోస్ట్ చేశారు. ధరలు ఎక్కువగా ఉండటమే కాకుండా నో కాస్ట్ ఈఎంఐలో కూడా వ్యత్యాసం కనిపిస్తోంది. ఆండ్రాయిడ్ యూజర్ నెలకు రూ. 1373 నో కాస్ట్ ఈఎంఐ ఆప్షన్ ఉంది. ఐఓఎస్ యూజర్ నో కాస్ట్ ఈఎంఐ రూ. 1600 నుంచి ప్రారంభమవుతోందని ఇక్కడా చూడవచ్చు. ఇది చాలా అన్యాయమని సౌరభ్ శర్మ వెల్లడించారు.సౌరభ్ శర్మ.. ధరల వ్యత్యాసం గురించి ఫ్లిప్‌కార్ట్ కస్టమర్ సపోర్ట్‌తో కూడా సంబంధించారు. ''విక్రయదారు వివిధ అంశాల ఆధారంగా ధరలు నిర్ణయిస్తారు. కాబట్టి ధరలలో మార్పు జరగవచ్చు. దయచేసి చింతించకండి. అమ్మకందారులు మీకు గొప్ప డీల్స్, డిస్కౌంట్‌లను అందించడానికి ఎల్లప్పుడూ తమ వంతు ప్రయత్నం చేస్తున్నారు. హ్యాపీ షాపింగ్'' అంటూ వెల్లడించారు. దీనికి సంబంధించిన స్క్రీన్ షాట్ కూడా సోషల్ మీడియాలో పోస్ట్ చేశారు. సోషల్ మీడియాలో ఈ పోస్ట్ వైరల్ అవుతోంది. నెటిజన్లు కూడా దీనిపైన స్పందిస్తూ ఇలాంటి అనుభవాలు తమకు కూడా ఎదురైనట్లు చెప్పుకొచ్చారు.Android vs iOS - different prices on @Flipkart App??same @my_mokobara cabin suitcase costs 4119₹ on FK Android App vs 4799₹ on iOS App.Apple charges 30% commission on subscriptions etc, so different pricing for iOS makes sense there.But for ecommerce? Very shady & unfair. pic.twitter.com/YmIq8nhuXO— Saurabh Sharma (@randomusements) October 30, 2024

ప్రపంచవ్యాప్తంగా అత్యధికంగా ఉపయోగించే మొబైల్ ఆపరేటింగ్ సిస్టమ్ ఆండ్రాయిడ్. కోట్ల మంది యూజర్లు గూగుల్ యాజమాన్యంలోని ఓఎస్ మీద ఆధారపడుతున్నారు. శాంసంగ్ గెలాక్సీ, గూగుల్ పిక్సెల్, వన్ ప్లస్, వివో వంటి చాలా కంపెనీలు తమ స్మార్ట్‌ఫోన్ సిరీస్‌లలో ఆండ్రాయిడ్ ఓఎస్‌ను అమలు చేస్తున్నాయి.స్మార్ట్‌ఫోన్‌ల వినియోగం భారీగా పెరగడంతో బ్యాంకింగ్, లొకేషన్ వంటి ఇతర సమాచారాల కోసం దీని మీదనే ఆధారపడుతున్నారు. ఇవన్నీ స్మార్ట్‌ఫోన్‌లోనే నిక్షిప్తమై ఉంటాయి. ఈ సమాచారాన్ని సురక్షితంగా ఉంచడానికి గూగుల్ ఎప్పటికప్పుడు ఓఎస్‌ను అప్డేట్ చేస్తూ ఉంటుంది. కానీ యూజర్లు ఓఎస్‌ను అప్డేట్ చేయకుండా అలాగే వినియోగిస్తూ ఉంటారు. అప్డేట్ చేయకుండా ఉపయోగించడం వల్ల స్మార్ట్‌ఫోన్‌లోని సమాచారం మొత్తం సైబర్ నేరగాళ్ల చేతిలోకి వెళ్లే అవకాశం ఉంటుంది.ఆండ్రాయిడ్ ఓఎస్ వెర్షన్స్ 12, 12ఎల్, 13, 14 యూజర్లకు భారత ప్రభుత్వం హెచ్చరికలు జారీ చేసింది. ఆండ్రాయిడ్ ఓఎస్‌లో అనేక లోపాలున్నాయని ఎలక్ట్రానిక్స్ అండ్ ఇన్ఫర్మేషన్ టెక్నాలజీ మంత్రిత్వ శాఖ ఆధ్వర్యంలోని ఇండియన్ కంప్యూటర్ ఎమర్జెన్సీ రెస్పాన్స్ టీమ్ (CERT-In) వెల్లడించింది. ఓఎస్ అప్డేట్ చేయకపోవడం వల్ల మోసగాళ్ళు మీ వ్యక్తిగత సమాచారాన్ని యాక్సెస్ చేసే అవకాశం ఉందని పేర్కొన్నారు.ఇదీ చదవండి: నేను విశ్వసిస్తున్నాను.. భారత్ సాధిస్తుందిCERT-In ప్రకారం.. ఫ్రేమ్‌వర్క్, సిస్టమ్, గూగుల్ ప్లే సిస్టమ్ అప్‌డేట్‌లు, కెర్నల్, ఆర్మ్ కాంపోనెంట్, ఇమాజినేషన్ టెక్నాలజీస్ కాంపోనెంట్స్, యూనిసో కాంపోనెంట్‌లు, క్వాల్‌కామ్ కాంపోనెంట్‌లు, క్వాల్‌కామ్ క్లోజ్డ్ సోర్స్ కాంపోనెంట్‌లలో లోపాలున్నాయని తెలుస్తోంది. కాబట్టి ఓఎస్‌ను ఎప్పటికప్పుడు అప్డేట్ చేస్తూ ఉండాలి. లేకుండా మీ సమాచారం మొత్తాన్ని ఇతరులు హ్యాక్ చేసి తెలుసుకోగలరు.

మనం నిత్యం వాడుతున్నటువంటి ఆండ్రాయిడ్ మొబైల్ ఫోన్లు వేసవికాలంలో వేడిగా అవడం, చార్జింగ్ త్వరగా అయిపోవడం లాంటి సమస్యలు సాధారణమే.. అలాగే అవే ఫోన్లు వర్షాకాలంలో, చలికాలంలో కూడా చాలా వేడిగా ఉంటే అది మాత్రం తప్పకుండా ఆలోచించాల్సిన విషయమే. ఫోన్ పేలుళ్లు సంభవించడానికి కారణం కూడా ఈ ఓవర్ హీటే.ఈ ప్రమాదాలు నివారణకై.. గూగుల్ తన కోట్లాది ఆండ్రాయిడ్ యూజర్లకోసం కొత్త అడాప్టివ్ థర్మల్ ఫీచర్‌ను తీసుకురానుంది. ఈ ఫీచర్ స్మార్ట్‌ఫోన్ కు 'కవచం' లాగా పనిచేస్తుంది. ఎక్కువసేపు ఫోన్ మాట్లాడటం, గేమ్స్ ఆడటం, వీడియోగానీ, ఫోటోస్ గానీ తీయటం, చార్జింగ్ పెట్టి మరిచపోవటంలాంటివాటితో ఫోన్ బ్యాటరీ వేడెక్కి పేలడం, మంటలు రావడం జరుగుతూంటాయి.ఇలాంటి సమస్యలనుంచి బయటపడడానకి గూగుల్ కొత్త సేఫ్టీ ఫీచర్‌పై కసరత్తు చేస్తోంది. ఫోన్ వేడెక్కడం ప్రారంభించిన వెంటనే ఈ ఫీచర్ వినియోగదారులకు వెంటవెంటనే నోటిఫికేషన్‌లను పంపడంతోపాటు అలర్ట్ మెసేజ్ లు కూడా పంపిస్తుంది.ఆండ్రాయిడ్ అథారిటీ నివేదిక ప్రకారం.. ఈ గూగుల్ ఫీచర్ ఇంకా అభివృద్ధి దశలోనే ఉంది. గూగుల్ పిక్సెల్ స్మార్ట్‌ఫోన్‌ల కోసం ఈ ఫీచర్ తీసుకురానుంది. కంపెనీ ఈ సేఫ్టీ ఫీచర్‌కి 'అడాప్టివ్ థర్మల్' అని పేరు పెట్టింది. అలాగే బ్యాటరీ ఉష్ణోగ్రత 49 డిగ్రీల సెల్సియస్ కంటే ఎక్కువగా ఉంటే, ఈ గూగుల్ ఫీచర్ ప్రీ-ఎమర్జెన్సీ హెచ్చరికను జారీ చేయడంతో.. వినియోగదారు ఆ సమయాననికి ఫోన్ వాడటం నిలిపివేసే అవకాశం ఉంది. దీంతో ఫోన్ బ్యాటరీ చల్లగవడానికి సమయం లభిస్తుంది. ఫోన్ పనితీరు మందగించదు.గూగుల్ కంటే ముందు ఐఫోన్ లో ఈ రకమైన ఫీచర్ ఉంది. బ్యాటరీ హీట్ నుంచి రక్షణగా ఇలాంటి హెచ్చరిక మెసేజ్ లు కూడా మీరు పొంది ఉంటారు. ఇకపై గూగుల్ పిక్సెల్ ఆండ్రాయిడ్ మొబైల్ పరికరాలలో ఈ పీచర్ అందుబాటులోకి తీసుకురానుంది. తర్వాత దీనిని ఇతర స్మార్ట్‌ఫోన్‌లకు కూడా విడుదల చేయవచ్చు.ఇవి చదవండి: జిమ్మూలేదూ, ఫ్యాన్సీ ఫుడ్డూ లేదు..కానీ ఇలా అయ్యాడట!

ఆల్ఫాబెట్‌ ఇంక్‌ ఇటీవల నిర్వహించిన గూగుల్‌ I/O 2024 సదస్సులో ఆండ్రాయిడ్‌ 15 బీటా 2ను పీచర్లను ప్రకటించింది. ఈ ఫీచర్లు ఇప్పటికే పిక్సెల్‌ మొబైల్‌ యూజర్లకు అందుబాటులో ఉన్నాయి. పిక్సెల్‌ ఫోన్‌ను గూగుల్‌ ప్రత్యేకంగా తయారుచేస్తోంది. దాంతో కొత్త ఫీచర్లు తమ వినియోగదారులకు ఇప్పటికే అందుబాటులో ఉంచింది.గూగుల్‌ ప్రకటించిన ఈ ఫీచర్లను త్వరలో ఆండ్రాయిడ్‌ వాడుతున్న ఇతర కంపెనీ ఫోన్లలోనూ ప్రవేశపెట్టనున్నారు. డెవలపర్‌ ప్రివ్యూ లేదా బీటా వెర్షన్లలో పాల్గొంటున్న వారికి ఆటోమేటిక్‌గా బీటా 2 అప్‌డేట్‌ లభిస్తుందని కంపెనీ తెలిపింది.ఆండ్రాయిడ్‌ 15 బీటా 2లో కొన్ని ఫీచర్లు..ఆండ్రాయిడ్‌ 15 బీటా 2లో ప్రైవేట్‌ స్పేస్‌ సౌకర్యం అందిస్తున్నారు. దీనివల్ల ప్రత్యేక ప్రొఫైల్‌ను క్రియేట్‌ చేసి కావాల్సిన యాప్‌లను విడిగా సేవ్‌ చేసుకోవచ్చు. ప్రొఫైల్‌ లాక్‌ చేసినప్పుడు అవి కనిపించవు.ప్రైవేట్‌ స్పేస్‌లోని యాప్‌లన్నీ లాంఛర్‌లోని ప్రత్యేక కంటైనర్‌లో ఉంటాయి. రీసెంట్ యాప్స్‌, నోటిఫికేషన్స్‌, సెటింగ్స్‌లోనూ కనిపించవు.ఫీచర్‌ యాప్‌ పెయిర్స్‌ అనే కొత్త ఫీచర్‌తో స్ప్లిట్‌ స్క్రీన్‌ మోడ్‌లో ఒకేసారి రెండు యాప్‌లను లాంఛ్‌ చేయొచ్చు. తరచూ ఉపయోగించే యాప్‌లను వెంటవెంటనే ఓపెన్‌ చేయొచ్చు.ఇదీ చదవండి: పాలసీదారులను మోసం చేస్తున్న బీమా ప్లాట్‌ఫామ్‌లుహెల్త్‌ కనెక్ట్‌ ఫీచర్‌లో స్కిన్‌ టెంపరేచర్‌, ట్రైనింగ్‌ ప్లాన్స్‌ అనే విభాగాలు చేర్చారు. దాంతో యూజర్లు తమ ఆరోగ్యం, ఫిట్‌నెస్‌పై మరింత శ్రద్ధ పెట్టేందుకు అవకాశం ఉంది.

ఆండ్రాయిడ్‌ యాప్స్‌ను మొబైళ్లతోపాటు పర్సనల్‌ కంప్యూటర్లలో కూడా చాలామంది వినియోగిస్తుంటారు. అలాంటి వారికి ఇది బ్యాడ్‌ న్యూస్‌. విండోస్‌ 11 పీసీ వినియోగదారులు ఇకపై వచ్చే ఏడాది నుంచి ఆండ్రాయిడ్‌ యాప్స్‌ను వినియోగించలేరని మైక్రోసాఫ్ట్‌ కంపెనీ తెలిపింది. ఆండ్రాయిడ్‌ సబ్‌ సిస్టమ్‌కు మైక్రోసాఫ్ట్‌ తన సపోర్ట్‌ను నిలిపివేయనుంది. దాంతో ఈ నిర్ణయం తీసుకున్నట్లు తెలిసింది. 2025 మార్చి 5 నుంచి ఆండ్రాయిడ్‌ యాప్స్‌ను వినియోగించడం కుదరదు. ఈ మేరకు తన సపోర్ట్‌ డాక్యుమెంట్‌లో తెలియజేసింది. మైక్రోసాఫ్ట్‌ తీసుకున్న ఈ నిర్ణయం కారణంగా విండోస్‌ సబ్‌సిస్టమ్‌ ఫర్‌ ఆండ్రాయిడ్‌పై ఆధారపడి పనిచేస్తున్న అప్లికేషన్లు, గేమ్స్‌ ఎంతమాత్రం పనిచేయవు. అంతేకాదు 2024 మార్చి 5 తర్వాత కొత్త యాప్స్‌ను డౌన్‌లోడ్‌ చేయడం కూడా కుదరదు. ఒకవేళ ఇప్పటికే డౌన్‌లోడ్‌ చేసి యాప్స్‌ను వినియోగిస్తున్నట్లయితే కటాఫ్‌ డేట్‌ వరకు మాత్రమే వినియోగించుకోవడానికి వీలుంటుందని తేల్చి చెప్పింది. ఇదీ చదవండి: ‘మీ పేరు మార్చుకుంటే దావా వెనక్కి తీసుకుంటా’ గతంలో మొబైల్‌ యాప్స్‌ను విండోస్‌ 11 పీసీల్లో వినియోగించడం సాధ్యమయ్యేది కాదు. 2021లో మైక్రోసాఫ్ట్‌ అమెజాన్‌ యాప్‌స్టోర్ ఒప్పందం కుదుర్చుకుని వీటిని పీసీల్లో వినియోగించేలా ఏర్పాటు చేశాయి. దీంతో అమెజాన్‌ యాప్‌ స్టోర్‌ను డౌన్‌లోడ్ చేసుకుని, అందులోని పాపులర్‌ ఆండ్రాయిడ్‌ యాప్స్‌ను, గేమ్స్‌ను డౌన్‌లోడ్‌ చేసుకొనే సదుపాయం అందుబాటులోకి వచ్చింది.

సర్వీస్ ఫీజుల వివాదంతో ప్లే స్టోర్ నుంచి గూగుల్‌ పది భారతీయ మొబైల్ యాప్‌లను తొలగించిన విషయం తెలిసిందే. దాంతో పలు అంకుర సంస్థలకు చెందిన యాజమాన్యాలతో కేంద్ర ఐటీ, ఎలక్ట్రానిక్స్‌ మంత్రి రాజీవ్‌ చంద్రశేఖర్‌, కేంద్ర ఐటీ, కమ్యూనికేషన్స్‌ మంత్రి అశ్వనీ వైష్ణవ్‌ సమావేశమయ్యారు.  గూగుల్‌, ప్లేస్టోర్‌ నుంచి తొలగించిన మొబైల్‌ యాప్‌లకు చెందిన యాజమాన్యాలతో కేంద్ర మంత్రులు సోమవారం పలు సమావేశాలు నిర్వహించారు. ఈ సమావేశాల్లో ఎటువంటి పరిష్కారం లభించలేదని తెలుస్తోంది. యాప్‌ల విషయంలో గూగుల్‌ గుత్తాధిపత్యాన్ని ప్రదర్శిస్తుందని భారత కంపెనీలు ఆరోపిస్తున్నాయి.  గూగుల్‌ కారణంగా సమస్యలను లేవనెత్తిన సంస్థలు, ప్రభుత్వం తోడ్పాటు అందించాలని కోరాయి. ఇన్‌-యాప్‌ చెల్లింపులపై గూగుల్‌ 11-26 శాతం ఫీజు వసూలు చేస్తుండటంతో ఈ వివాదం మొదలైంది. యాంటీ కాంపిటీషన్‌ సంస్థ సీసీఐ ఇంతకు ముందు 15-30 శాతం బిల్లింగ్‌ వ్యవస్థను తొలగించింది.  కంపెనీలకు సుప్రీంకోర్టు ఉపశమనం ఇవ్వకపోవడంతో ఫీజు రద్దుచేస్తున్న  సంస్థలను గూగుల్‌ ప్లేస్టోర్‌ నుంచి తొలగించింది. అనంతరం ప్రభుత్వ జోక్యంతో పునరుద్ధరించింది. సమావేశ వివరాలను ఇప్పుడే వెల్లడించలేమని అశ్వనీ వైష్ణవ్‌ తెలిపారు. భారత యాప్‌ డెవలపర్స్‌ సంఘం అలయన్స్‌ ఆఫ్‌ డిజిటల్‌ ఇండియా ఫౌండేషన్‌ (ఏడీఐఎఫ్‌)తో చంద్రశేఖర్‌ వర్చువల్‌గా సమావేశం అయ్యారు.  ఇదీ చదవండి: మెరైన్‌ రోబో తయారుచేసిన ఐఐటీ పరిశోధకులు.. ఉపయోగాలివే.. తొలగించిన యాప్‌లలో మాట్రిమోనీ.కామ్‌, షాదీ.కామ్‌, ఇన్ఫోఎడ్జ్‌, అన్‌అకాడమీ, ఆహా, డిస్నీ+ హాట్‌స్టార్‌, ట్రూలీ మ్యాడ్లీ, క్వాక్‌క్వాక్‌, స్టేజ్‌, కుటుంబ్‌, టెస్ట్‌బుక్‌ ఉన్నాయి. దీంతో భారతీయ స్టార్టప్‌లు యుఎస్ టెక్ దిగ్గజం చేస్తున్న అన్యాయమైన విధానాలకు వ్యతిరేకంగా చాలా కాలంగా నిరసన వ్యక్తం చేస్తున్నాయి. మాట్రిమొని.కమ్, భారత్ మాట్రిమొని, జోడి వంటి యాప్స్ వ్యవస్థాపకుడు 'మురుగవేల్ జానకిరామన్' గూగుల్ చర్యపై గతంలో అసంతృప్తి వ్యక్తం చేశారు.

భారత డిజిటల్‌ ప్రయాణంలో సరికొత్త అధ్యాయానికి ఫిన్‌టెక్‌ కంపెనీ ఫోన్‌పే తెరతీసింది. తాజాగా ఫోన్‌పే ఇండస్‌ యాప్‌స్టోర్‌ను దిల్లీ వేదికగా బుధవారం ఆవిష్కరించింది. 45 విభాగాల్లో 2 లక్షలకుపైగా యాప్స్, గేమ్స్‌ను ఈ యాప్‌స్టోర్‌లో పొందుపరిచింది.  తెలుగు, ఇంగ్లిష్‌, హిందీ సహా 12 భాషల్లో వినియోగదారులు తమకు కావాల్సిన యాప్స్‌ను ఇందులో సర్చ్‌ చేయవచ్చు. ఇన్‌-యాప్‌ కొనుగోళ్లపై గూగుల్‌ ప్లే స్టోర్‌, యాపిల్‌ యాప్‌స్టోర్‌లు 15-30% వరకు ఫీజు వసూలు చేస్తున్నాయి. అయితే డెవలపర్లు 2025 ఏప్రిల్‌ 1 వరకు యాప్‌ లిస్టింగ్‌ ఫీజు చెల్లించాల్సిన అవసరం లేదు. తర్వాత ఇన్‌–యాప్‌ బిల్లింగ్‌ కోసం తమకు నచ్చిన థర్డ్‌పార్టీ పేమెంట్‌ గేట్‌వేను ఎంచుకునే వెసులుబాటును తీసుకొచ్చారు. ఫోన్‌పే యాప్‌ లేదా ఇండస్‌యాప్‌స్టోర్‌.కామ్‌ నుంచి ఇండస్‌ యాప్‌స్టోర్‌ను డౌన్‌లోడ్‌ చేసుకోవచ్చు. ‘మొబైల్‌ యాప్‌ మార్కెట్‌లో మరింత పోటీకి ఈ యాప్‌స్టోర్‌ నాంది పలికింది. ఇది మరింత శక్తివంతమైన భారతీయ డిజిటల్‌ పర్యావరణ వ్యవస్థను రూపొందించడంలో సహాయపడుతుంది’ అని ఫోన్‌పే సీఈవో, ఫౌండర్‌ సమీర్‌ నిగమ్‌ తెలిపారు. ఇదీ చదవండి: పూర్తి మహిళా సిబ్బందితో కార్యకలాపాలు.. ఎక్కడో తెలుసా.. ఇ-మెయిల్‌ ఖాతాతో సంబంధం లేకుండా మొబైల్‌ నంబర్‌తో లాగిన్‌ అయ్యే విధానాన్ని ఈ యాప్‌ స్టోర్‌ తీసుకొచ్చింది. ఇప్పటికే నోకియా, లావా వంటి కంపెనీలతో భాగస్వామ్యం కుదుర్చుకుంది. 2023లో మొబైల్‌ యాప్‌లపై 1.19 లక్షల కోట్ల గంటలను భారతీయులు గడిపినట్లు కొన్ని సర్వేల ద్వారా తెలిసింది. 2021లో నమోదైన 95,400 కోట్ల గంటలతో పోలిస్తే ఇది చాలా ఎక్కువ. యాప్‌ల డౌన్‌లోడ్‌ల విషయంలో ప్రపంచంలోనే మనదేశం అతిపెద్ద మార్కెట్‌ కావడం విశేషం.  

న్యూఢిల్లీ: తమ వినియోగదారులకు వారు ఉంటున్న ప్రాంతంలో సంభవించబోయే భూకంపానికి సంబంధించిన తక్షణ సమాచారాన్ని అలర్ట్‌ల రూపంలో గూగుల్‌ అందించనుంది. ఇందుకోసం ఆండ్రాయిడ్‌ ఫోన్లలో త్వరలో ‘ఎర్త్‌క్వేక్‌ అలర్ట్‌’ సందేశ సేవలను ప్రారంభించనుంది. జాతీయ విపత్తు నిర్వహణ ప్రాధికార సంస్థ(ఎన్‌డీఎంఏ), జాతీయ భూకంప కేంద్రాల సమన్వయంతో కొత్తగా ‘ఆండ్రాయిడ్‌ ఎర్త్‌క్వేక్‌ అలర్ట్స్‌ సిస్టమ్‌’ను భారత్‌లో మొదలుపెట్టనుంది. ‘యూజర్లు ఉంటున్న ప్రాంతంలో ఒకచోట భూకంపం వస్తే దానికి పసిగట్టి వెంటనే ఆ ప్రాంతం, చుట్టుపక్కల ప్రాంతాల ఆండ్రాయిడ్‌ ఫోన్‌ యూజర్లు అందరికీ అలర్ట్‌లు మెరుపువేగంతో వెళతాయి’ అని గూగుల్‌ బుధవారం ఒక బ్లాగ్‌లో పేర్కొంది. ఆండ్రాయిడ్‌ 5, ఆపై అప్‌డేటెడ్‌ వెర్షన్‌ ఆపరేటింగ్‌ సిస్టమ్‌లు ఇన్‌స్టాల్‌ అయిన ఫోన్లలోనే ఈ సదుపాయం అందుబాటులోకి రానుంది.

న్యూఢిల్లీ: ఆండ్రాయిడ్‌ ఆపరేటింగ్‌ సిస్టంలో చాలా లోపాలున్నాయని కేంద్ర ప్రభుత్వ సంస్థ ఇండియన్‌ కంప్యూటర్‌ ఎమర్జెన్సీ టీమ్‌ పేర్కొంది. ఆండ్రాయిడ్‌– 13 సహా పలు వెర్షన్లు వైరస్‌ల బారిన పడే ప్రమాదం చాలా ఉందని ఆందోళన వెలిబు చ్చింది. వాటి వినియోగంలో జాగ్రత్తగా ఉండాలంటూ యూజర్లకు సోమవారం ’అతి తీవ్ర’ హెచ్చరిక లు జారీ చేసింది. లేదంటే మొబైల్స్‌ తదితరాల్లో సున్నిత సమాచారం హాకర్ల బారిన పడే ప్రమాదం పొంచి ఉందని వివరించింది. ఆండ్రాయిడ్‌ 10, 11, 12, 12ఎల్, 13 వెర్షన్లలో వీటిని ప్రధానంగా గమనించినట్టు చెప్పింది. వీటివల్ల ఫ్రేంవర్క్, ఆండ్రాయిడ్‌ రన్‌ టైం, సిస్టం కంపోనెంట్, గూగుల్‌ ప్లే సిస్టమ్‌ అప్డేట్స్, కెర్నల్, ఆర్మ్‌ కంపోనెంట్స్, మీడియా టీ కంపోనెంట్, కలోకాం క్లోజ్డ్‌ సోర్స్‌ కంపోనెంట్స్‌ వంటివాటి పనితీరు లోపభూయిష్టంగా మారుతుందని వివరించింది. అప్‌డేషన్‌ ఇలా... ఆండ్రాయిడ్‌ ఆధారిత డివైస్‌ల భద్రత కోసం లేటెస్ట్‌ సెక్యూరిటీ ప్యాచెస్‌కు తక్షణం అప్డేట్‌ చేసుకోవాలని సూచించింది. ఇందుకు డివైస్‌ సెట్టింగ్స్‌లోకి వెళ్లి సిస్టమ్‌పై క్లిక్‌ చేయాలి..సిస్టమ్‌ అప్‌ డేట్స్‌పై క్లిక్‌ చేయండి. అప్డేట్స్‌ ఉంటే డౌన్‌ లోడ్‌ చేసుకోండి.

సాక్షి ప్రతినిధి, కర్నూలు: ఇంట్లోనే మనకు నచ్చిన స్క్రీన్‌ సైజులో థియేటర్‌ క్వాలిటీతో వీడియోలు, సినిమాలు వీక్షించొచ్చు. వీడియో కాల్స్‌ కూడా చేసుకోవచ్చు. కొత్తగా మార్కెట్‌లోకి వస్తున్న ‘ప్రొజెక్టర్‌ మోడ్‌ స్మార్ట్‌ ఫోన్ల’తో డిజిటల్‌ రంగం మరింత స్మార్ట్‌ కానుంది. చేతిలో సెల్‌ఫోన్‌ ఉంటే ఇంట్లో గోడలు.. నేల.. కార్యాలయం.. కార్లు.. విహార యాత్రలకు వెళితే ఆరు బయటి ప్రాంతాల్లో ఎక్కడ కావాలంటే అక్కడ సెల్‌ఫోన్‌లోని ప్రొజెక్టర్‌ ద్వారా వీడియోలు చూడొచ్చు. సెల్‌ఫోన్‌లో ప్రొజెక్టర్‌ ఇన్‌బిల్డ్‌ చేసి చైనా, జపాన్, అమెరికా, సౌత్‌ కొరియాకు చెందిన పలు కంపెనీలు వీటిని రూపొందించాయి. లినోవా, అక్యుమెన్, మోటో–జెడ్, మోవి, శాంసంగ్‌ బీమ్‌–2 మోడల్స్‌ పేరుతో ప్రస్తుతం ప్రపంచ మార్కెట్‌లోకి విడుదలయ్యాయి. త్వరలోనే ఇండియన్‌ మార్కెట్‌లోకి రానున్నాయి.   థియేటర్‌ క్వాలిటీతో..  ఈ ఫోన్లలో ఇంటిగ్రేటెడ్‌ లేజర్‌ ప్రొజెక్టర్‌ ఉంటుంది. లినోవా కంపెనీ తొలుత దీన్ని రూపొందించగా.. ఆ తర్వాత ఇతర కంపెనీలు దృష్టి సారించాయి. ఇప్పుడు మార్కెట్‌లో ఈ ఫోన్ల ధర రూ.35 వేల నుంచి రూ.1.80 లక్షల వరకూ పలుకుతున్నాయి. ఫోన్, ప్రొజెక్టర్‌ క్వాలిటీ ఆధారంగా వీటి ధరలు ఉన్నాయి. 50 నుంచి 200 ఇంచుల స్క్రీన్‌ వరకూ మనం వీడియోలో ప్రొజెక్ట్‌ చేయొచ్చు. ఇందులో హెచ్‌డీ, ఫుల్‌ హెచ్‌డీ, 4కే క్వాలిటీతో వీడియోలు చూడొచ్చు.   హోమ్‌ థియేటర్‌ను బ్లూటూత్‌ ద్వారా కనెక్ట్‌ చేసి డీటీఎస్‌ సౌండ్‌తో పూర్తిగా థియేటర్‌ ఎక్స్‌పీరియన్స్‌తో వీడియోలు చూడొచ్చు.  వీడియో ప్రజెంటేషన్‌కు ప్రొజెక్టర్ల అవసరం లేకుండా ఇలాంటి సెల్‌ఫోన్‌తో ప్రజెంటేషన్‌ చేయొచ్చు.  

రైల్వే ప్రయాణికుల్ని ఐఆర్‌సీటీసీ అప్రమత్తం చేసింది. irctcconnect.apk పేరుతో అందుబాటులో ఉన్న ఆండ్రాయిడ్‌ యాప్స్‌ను డౌన్‌లోడ్‌ చేసుకోవద్దని సలహా ఇచ్చింది.  ఇండియన్‌ రైల్వే పేరుతో ఓ ఫేక్‌ యాప్‌ మెసేజింగ్‌ ఫ్లాట్‌ఫామ్‌ వాట్సాప్‌, టెలిగ్రాంలలో ప్రత్యక్షమైంది. దీంతో అప్రమత్తమైన ఐఆర్‌సీటీసీ అధికారులు.. సర్క్యులేట్‌ అవుతున్న ఏపీకే ఫైల్స్‌ను ఇన్‌స్టాల్‌ చేసుకోవద్దని తెలిపారు. సైబర్‌ నేరస్తులు ఈజీ మనీ కోసం అడ్డదార్లు తొక్కుతున్నారని, వినియోగదారులు వ్యక్తిగత యూపీఐ, క్రెడిట్‌ కార్డ్‌, డెబిట్‌ కార్డ్‌ బ్యాంకింగ్‌ వివరాల్ని సేకరించి వాటి ద్వారా సొమ్ము చేసుకుంటున్నట్లు సూచించింది. కాబట్టి యూజర్లు ఇలాంటి యాప్స్‌ పట్ల అప్రమత్తంగా ఉండాలని కోరారు. ఈ యాప్స్‌నే డౌన్‌లోడ్‌ చేసుకోండి ఐఆర్‌సీటీసీ అధికారిక వెబ్‌సైట్లు, యాప్స్‌ను పోలి ఉండేలా సైబర్‌ నేరస్తులు ఫేక్‌ వెబ్‌సైట్లు, యాప్స్‌ను తయారు చేస్తున్నారు. ఏ మాత్రం అనుమానం కలగకుండా ఈ యాప్‌తో కూడిన మోసపూరిత లింక్‌ (ఫిషింగ్‌ అటాక్‌)లను ట్రైన్‌ టికెట్లను బుక్‌ చేసుకునేవారికి సెండ్‌ చేస్తున్నారు. పొరపాటున ఆ లింక్స్‌ను క్లిక్‌ చేస్తే ..ఫిషింగ్ దాడికి గురైన బాధితుల నుండి యూపీఐ వివరాలు, క్రెడిట్/డెబిట్ కార్డ్ సమాచారంతో సహా సున్నితమైన నెట్ బ్యాంకింగ్ వివరాల్ని దొంగిలిస్తున్నారు. ఇక నేరస్తులు ఐఆర్‌సీటీసీ పేరుతో షేర్‌ చేస్తున్న లింక్‌లతో యాప్స్‌ను ఇన్‌స్టాల్‌ చేసుకోవద్దని రైల్వే అధికారులు చెబుతున్నారు. ఐఆర్‌సీటీసీ అఫిషియల్‌, ఐఆర్‌సీటీసీ రైల్‌ కనెక్ట్‌ వంటి మొబైల్‌ యాప్స్‌ను గూగుల్‌, యాపిల్‌ ప్లేస్టోర్‌ల నుంచి మాత్రమే ఇన్‌స్టాల్‌ చేసుకోవాలని సలహా ఇస్తున్నారు. 

న్యూఢిల్లీ:  సెర్చ్‌ ఇంజీన్‌ దిగ్గజం గూగుల్‌ మరోసారి ఎదురుదెబ్బ తగిలింది. నేషనల్ కంపెనీ లా అప్పిలేట్ ట్రిబ్యునల్ (ఎన్‌సీఎల్‌ఏటీ) కాంపిటీషన్ కమిషన్ ఆఫ్ ఇండియా ( సీసీఐ)  విధించిన జరిమానాను  సమర్ధించింది. ఆండ్రాయిడ్ మార్కెట్‌లో దాని ఆధిపత్య స్థానాన్ని దుర్వినియోగం చేసిన ఆరోపణలపై గూగుల్‌పై  విధించిన రూ.1,337.76 కోట్ల జరిమానాను సమర్థించింది. ఈ  పెనాల్టీ మెుత్తాన్ని చెల్లించేందుకు ట్రైబ్యూనల్ గూగుల్‌కు 30 రోజుల పాటు గడువిచ్చింది. అయితే ఈ తీర్పుపై  గూగుల్‌ సుప్రీం కోర్టును ఆశ్రయించవచ్చని  భావిస్తున్నారు. (ఇదీ చదవండి: Gold Price March 29th పసిడి రయ్‌​..రయ్‌! పరుగు ఆగుతుందా?) అయితే మరో భారీ ఊరట కూడా లభించింది.ఎన్‌సీఎల్‌ఏటీ చైర్‌పర్సన్ జస్టిస్ అశోక్ భూషణ్, సభ్యుడు (టెక్నికల్) డాక్టర్ అలోక్ శ్రీవాస్తవతో  కూడిన బెంచ్  సీసీఐ జారీ చేసిన నాలుగు కీలక ఆదేశాలను పక్కన పెట్టింది. సీసీఐ ఆర్డర్‌లోని 617.3, 617.9, 617.10 617.7 పేరాల్లో జారీ చేసిన ఆదేశాలను కోర్టు పక్కన పెట్టింది. అలాగే ఒరిజినల్ ఎక్విప్‌మెంట్ తయారీదారులను(OEM) 11 అప్లికేషన్‌ల మొత్తం Google సూట్‌ను ప్రీ ఇన్‌స్టాల్ చేయమని గూగుల్ కోరడం అన్యాయమని ఎన్‌సీఎల్‌ఏటీ స్పష్టం చేసింది. ఆండ్రాయిడ్ ఫోర్క్‌లను అభివృద్ధి చేయడం, పంపిణీ చేయడం నుంచి OEMలను నిషేధించే యాంటీ ఫ్రాగ్మెంటేషన్ అగ్రిమెంట్ షరతులను  తప్పుపట్టింది. (సోషల్ మీడియా స్టార్, అన్‌స్టాపబుల్‌ టైకూన్‌ దిపాలీ: రతన్‌టాటా కంటే ఖరీదైన ఇల్లు) మరోవైపు కంపెనీ ఒప్పందాల కార్యాచరణతో పోటీ యాప్‌లను ముందే ఇన్‌స్టాల్ చేయకుండా నిరోధించ లేదని పేర్కొంది. మార్కెట్‌లో ఆధిపత్యం పొందడమంటే ఆధిపత్యాన్ని దుర్వినియోగం చేయడం కాదని, వినియోగదారుల్లో  గూగుల్ ప్రజాదరణ పొందడమని గూగుల్‌ వాదిస్తోంది. సీనియర్ న్యాయవాది అరుణ్ కథ్‌పాలియా Google LLC తరపున వాదించారు.

ఇన్‌స్టంట్ మెసేజింగ్ ప్లాట్‌ఫారమ్ వాట్సాప్ త్వరలో ఆండ్రాయిడ్ కోసం కొన్ని బీటా టెస్టర్‌లకు 21 కొత్త ఎమోజీలను విడుదల చేయనుంది. WABetaInfo నివేదిక ప్రకారం, వాట్సాప్ వినియోగదారులు కొత్తగా రానున్న 21 ఎమోజీలను తాజా యూనికోడ్ 15.0 నుండి పంపడానికి వేరే కీబోర్డ్‌ని డౌన్‌లోడ్ చేసి ఉపయోగించాల్సిన అవసరం లేదు. ఎందుకంటే వీటిని వాట్సాప్ కీబోర్డ్ నుండి నేరుగా ఉపయోగించవచ్చు. గతంలో ఈ 21 కొత్త ఎమోజీలు డెవలప్‌మెంట్‌లో ఉండటం వల్ల, వాట్సాప్ కీబోర్డ్‌లో కనిపించలేదు. అయితే ప్రత్యామ్నాయంగా కీబోర్డ్‌ని ఉపయోగించడం ద్వారా వాటిని పంపించుకోవడం సాధ్యమయ్యేది. బీటా టెస్టింగ్ వినియోగదారులు ఇప్పుడు అధికారిక వాట్సాప్ కీబోర్డ్ నుండి కొత్త ఎమోజీలను యాక్సెస్ చేయవచ్చు. వాట్సాప్ అకౌంట్‌కి కూడా ఈ బీటా ఫీచర్లు వచ్చే అవకాశాలను పెంచుకోవడానికి, లేటెస్ట్ వెర్షన్‌ అప్‌డేట్‌ చేసుకోవచ్చు. అంతే కాకుండా వాట్సాప్ ఒక కొత్త ఫీచర్‌ను కూడా డెవెలప్ చేస్తున్నట్లు నివేదికలు చెబుతున్నాయి. ఈ కొత్త ఫీచర్ ప్రస్తుతం వాట్సాప్ బీటాలో అభివృద్ధి దశలో ఉంది. (ఇదీ చదవండి: కొత్త కారు కొనేవారికి శుభవార్త.. మారుతి కార్లపై అదిరిపోయే ఆఫర్స్) ఇంకో వైపు వాట్సాప్ "సైలెన్స్ అన్నోన్ కాలర్స్" అనే కొత్త ఫీచర్ మీద కూడా పని చేస్తోందని డబ్ల్యూఏబీటాఇన్ఫో నివేదిక తెలిపింది. ఈ ఫీచర్ మీ కాల్ లిస్ట్‌లో లేని కొత్త నంబర్స్ నుంచి వచ్చే కాల్స్‌ని సైలెంట్ మోడ్‌లో ఉంచడానికి ఉపయోగపడుతుంది. ఇది కూడా త్వరలోనే అందుబాటులో రానుంది. 

విజయనగరానికి చెందిన రమేశ్‌ కొన్ని రోజుల క్రితం తమ బంధువుల గృహప్రవేశం కోసం హైదరాబాద్‌లోని కోకాపేటకు వెళ్లారు. అక్కడ కాలక్షేపం కోసం ఫోన్లో ఫేస్‌బుక్‌ చూడసాగారు. అంతే.. హైదరాబాద్‌లోని కోకాపేట, గచ్చిబౌలి తదితర ప్రాంతాల్లోని రియల్‌ ఎస్టేట్‌ ప్రకటనలు వరుసగా వచ్చేస్తున్నాయి. ఏనాడూ తన ఫేస్‌బుక్‌లో కనిపించని ఈ ప్రకటనలను చూసి ఆయన ఆశ్చర్యపోయారు. తాను హైదరాబాద్‌ వచ్చిన విషయం,  కోకాపేట ప్రాంతంలో ఉన్న విషయం తనకు సంబంధం లేని వారికి తెలిసిపోయిందని గుర్తించారు. లోన్‌యాప్‌ కంపెనీల ఆగడాలు మరీ దుర్మార్గం. అప్పు తీసుకున్న వ్యక్తి ఫోన్‌లో ఉన్న కాంటాక్ట్‌ నంబర్లు, ఫొటోలు అన్నీ ఆ కంపెనీలు తీసుకుంటాయి. అత్యధిక వడ్డీలు వేసి ఇచ్చిన రుణానికి నాలుగు, ఐదింతలు ఎక్కువ డిమాండ్‌ చేస్తాయి. అడిగినంత చెల్లించకపోతే ఫోన్‌ నుంచి తీసుకున్న రుణ గ్రహీత ఫొటోలను మార్ఫింగ్‌ చేసి, కాంటాక్ట్‌ నంబర్లలో ఉన్న బంధువులు, మిత్రులకు పంపించి వేధిస్తుంటాయి.  సాక్షి, అమరావతి: మన ఫోన్‌లోని కాంటాక్ట్‌ నంబర్లు, ఫొటోలు, ఇతర సమాచారం తెలియాల్సింది మనకు ఒక్కరికే కదా! బయటకు ఎలా వెళ్తోంది? ఇదెలా సాధ్యం అంటే.. మొబైల్‌ యాప్‌లే ప్రధాన కారణమని నిపుణులు చెబుతున్నారు. వ్యక్తుల ప్రమేయం లేకుండానే వారి కదలికలు, లావాదేవీలు, ఇతర సమాచారం మొత్తం గుర్తుతెలియని వ్యవస్థలకు యాప్‌ల ద్వారా చేరిపోతున్నాయి. మన అవసరాల కోసం స్మార్ట్‌ ఫోన్‌లో డౌన్‌లోడ్‌ చేసుకొనే ఈ యాప్‌లతో సౌలభ్యం ఎంతుందో.. వ్యక్తిగత గోప్యతకు ప్రమాదం కూడా అంతే ఉంది. వ్యక్తులు ఉన్న ప్రదేశం, వారి కదలికలు, సామాజిక మాధ్యమాల్లో చూసే వివిధ అంశాలు.. ఇలా అన్నీ యాప్‌లు నిరంతరం పరిశీలిస్తూనే ఉంటాయి. ఫోన్‌ కాంటాక్ట్‌ నంబర్లు, ఫోన్‌లోని ఫొటోలతోపాటు చివరికి వేలి ముద్రలు, ఎస్‌ఎంఎస్‌లు వేరెవరికో వెళ్లిపోతుంటాయి.   అప్రమత్తతే శ్రీరామరక్ష..  ► యాప్‌ను డౌన్‌లోడ్‌ చేసుకునే ముందు దాని గురించి క్షుణ్ణంగా తెలుసుకోవాలి  ► మొబైల్‌ యాప్‌ను డౌన్‌లోడ్‌ చేసుకునేటప్పుడు వివిధ అనుమతులు అడుగుతుంది. వాటిని నిశితంగా చదివిన తరువాతే అనుమతించాలి. డౌన్‌లోడ్‌ చేసుకునే తొందర్లో నిబంధనలను చదవకుండా అనుమతిస్తే త­రు­వాత సమస్యలు ఎదుర్కోవాల్సి వస్తుంది  ► మనమున్న ప్రదేశం తెలుసుకోవాల్సిన అవసరం ఉన్న యాప్‌లకే లొకేషన్‌ యాక్సెస్‌ ఇ­వ్వాలి. యాప్‌ వినియోగించేటప్పుడు మాత్ర­మే యాక్సెస్‌ అనుమతించేలా చూసుకోవాలి  ► ప్రజల భద్రత కోసం పోలీసు శాఖ ప్రవేశపెట్టే యాప్‌లకు అన్నింటినీ యాక్సెస్‌ ఇవ్వాలి. అది అత్యవస­ర సమయాల్లో పోలీసులు మ­నకు సహకరించేందుకు ఉపయోగపడుతుంది  ► నిషేధిత సంస్థలు, అనుమతి లేని ఆర్థిక సంస్థలు, నాన్‌ బ్యాంకింగ్‌ సంస్థల యాప్‌లను ఎట్టి పరిస్థితుల్లోనూ డౌన్‌ లోడ్‌ చేసుకోకూడదు  ► ఎస్‌ఎంఎస్‌లు, వాట్సాప్‌ సందేశాలు చదివేందుకు, వేలిముద్రను తెలుసుకునేందుకు యాప్‌లకు అనుమతించకూడదు   ఆండ్రాయిడ్‌ యాప్‌లు.. ► 75 శాతం ఇండియన్‌ ఆండ్రాయిడ్‌ యాప్‌లతో ఆ ఫోన్‌ యజమాని ఉన్న ప్రదేశం తెలిసిపోతోంది  ► 59 శాతం యాప్‌లు వాటిని ఉపయోగించని సమయంలో కూడా మనం ఉన్న ప్రదేశాన్ని వెల్లడిస్తున్నాయి  ► 57 శాతం యాప్‌లు ఫోన్‌లోని మైక్రోఫోన్‌ను వాడుకుంటున్నాయి  ► 76 % యాప్‌లకు కెమెరా యాక్సెస్‌ ఉంది  ► 43 శాతం యాప్‌లతో ఫోన్‌లోని కాంటాక్ట్‌ నంబర్లు తెలిసిపోతాయి  ► 32 శాతం యాప్‌లతో ఫోన్‌కు వచ్చిన ఎస్‌ఎంఎస్‌లు కూడా తెలుసుకోవచ్చు  ► 25 శాతం యాప్‌లతో ఫోన్‌ను అన్‌లాక్‌ చేసేందుకు వేసే వేలిముద్ర తెలిసిపోతుంది  ఐవోఎస్‌ యాప్‌లు...  ► 83 శాతం ఐవోఎస్‌ యాప్‌లతో మీరు ఉన్న ప్రదేశం తెలిసిపోతుంది  ► 81 శాతం యాప్‌లను ఉపయోగిస్తున్నప్పుడు కెమెరాతో యాక్సెస్‌ లభిస్తుంది   ► 90 శాతం యాప్‌లతో ఫోన్‌ గేలరీలో ఉన్న ఫొటోలు బట్టబయలైపోతాయి  ► 64 శాతం యాప్‌లతో ఫోన్‌లోని మైక్రోఫోన్‌తో యాక్సెస్‌ వస్తుంది  ► 49 శాతం యాప్‌లతో ఫోన్‌లోని కాంటాక్ట్‌ నంబర్లు తెలిసిపోతాయి  ► 36 శాతం యాప్‌లతో ఫోన్‌లోని క్యాలండర్‌తో యాక్సెస్‌ లభిస్తుంది.  అర్కా సంస్థ అధ్యయనం..  ప్రముఖ ప్రైవసీ మేనేజ్‌మెంట్‌ ప్లాట్‌ఫాం అర్కా కంపెనీ ‘స్టేట్‌ ఆఫ్‌ డాటా ప్రైవసీ’ పేరిట నిర్వహించిన సర్వేలో ఆందోళన కలిగించే ఇటువంటి పలు అంశాలు వెల్లడయ్యాయి. అర్కా సంస్థ 200 మొబైల్‌ యాప్‌లు, వెబ్‌సైట్లను అధ్యయనం చేసింది. వాటిలో మన దేశంలోని 25 రంగాలకు చెందిన 100 యాప్‌లు, వెబ్‌సైట్లు ఉన్నాయి. అమెరికాకు చెందినవి 76, యూరోపియన్‌ యూనియన్‌లకు చెందినవి 24 ఉన్నాయి. పిల్లలకు సంబంధించిన 30 యాప్‌ల గురించి కూడా ఈ సంస్థ ప్రత్యేకంగా అధ్యయనం చేసింది. ఆ యాప్‌లను డౌన్‌లోడ్‌ చేసుకునేటప్పుడు మనం ఇచ్చే అనుమతులు, ట్రాకర్లు, కుకీలతో వ్యక్తిగత సమాచారం ఇతర సంస్థలకు చేరిపోతున్నాయి. వ్యక్తిగత గోప్యతకు అత్యధికంగా గూగుల్‌ కంపెనీ భంగం కలిగిస్తోందని ఈ నివేదిక వెల్లడించింది. ఆండ్రాయిడ్, ఐవోఎస్‌ మొబైల్‌ యాప్‌లకు సంబంధించి ఈ సంస్థ అధ్యయనం చేసింది. ఆ అధ్యయనంలో ప్రధాన అంశాలను వెల్లడించింది. 

మొబైల్‌ వినియోగదారులకు అలర్ట్‌. స్మార్ట్‌ఫోన్లలో మాల్‌వేర్ మరోసారి కలకలం రేపుతోంది. ఈ సారి ఏకంగా రెండు వందలకు పైగా ఆండ్రాయిడ్, ఐఓఎస్ యాప్స్ ప్రమాదకరంగా గుర్తించారు సైబర్ సెక్యూరిటీ నిపుణులు. ఈ యాప్స్‌ మీ పరికరాన్ని సులభంగా కంట్రోల్‌ చేస్తాయి. అంతేకాకుండా మీకు తెలియకుండానే మీ బ్యాంక్ ఖాతాలను యాక్సెస్ పొంది అందులో డబ్బులు కూడా మాయం చేస్తాయి. థాయిలాండ్ మినిస్ట్రీ ఆఫ్ డిజిటల్ ఎకానమీ అండ్ సొసైటీ (DES), నేషనల్ సైబర్ సెక్యూరిటీ ఏజెన్సీ (NCSA) సంస్థలు ఈ ప్రమాదకరమైన యాప్‌లను గుర్తించాయి. వీటిని తొలగించేందుకు ఈ రెండు సంస్థలు ఇప్పటికే గూగుల్‌ (Google)  యాపిల్‌ (Apple)ని సంప్రదించాయి. యాపిల్‌ తన కఠినమైన భద్రతా చర్యలతో తన iOSలో ఈ ప్రమాదాన్ని అడ్డుకునే అవకాశం ఉంది. కానీ గూగుల్ ఈ ప్రమాదాన్ని ఎలా నివారిస్తుందన్నదే సమస్యగా మారింది. ఈ యాప్స్ అన్నింటినీ తొలగించాలని థాయిలాండ్ మినిస్ట్రీ ఆఫ్ డిజిటల్ ఎకానమీ అండ్ సొసైటీ కోరింది. ఈ యాప్స్ ద్వారా హ్యాకర్లు మీ మొబైల్‌ను పూర్తిగా తమ కంట్రోల్‌లోకి తీసుకుంటారు. తద్వారా మీ మెసేజెస్ చదవడం, బ్యాంకింగ్ లావాదేవీలపై నిఘా పెట్టడం, వ్యక్తిగత వివరాలు సేకరించడం, ఏటీఎం పిన్, కార్డ్ వివరాలను తెలుసుకోవడం లాంటివి జరగొచ్చు.  ఒకవేళ మీ డివైజ్‌లో ఈ యాప్‌లను ఇన్‌స్టాల్ చేసుంటే మీ బ్యాటరీ డ్రెయిన్ లేదా పరికరం పనితీరు మందగించడం లాంటివి మార్పులును గమనిస్తారు. కనుక మీ స్మార్ట్‌ఫోన్ పనితీరులో ఏవైనా మార్పులు కనిపిస్తే వెంటనే అవసరం లేని యాప్స్ డిలిట్ చేయండి ఉత్తమం. లేదంటే డేటా బ్యాకప్ చేసి మొబైల్‌ను పూర్తిగా రీసెట్ చేయండి.

వాట్సాప్ యూజర్లకు బిగ్ అలర్ట్. జనవరి 1, 2023 నుంచి పలు స్మార్ట్‌ఫోన్‌లలో వాట్సాప్ పని చేయదు. ఎందుకంటే.. వాట్సాప్‌ తన వినియోగదారులకు మెరుగైన సేవలను అందించడంలో భాగంగా యూజర్ ఇంటర్‌ఫేస్‌ను మెరుగుపరచడంతో పాటు బగ్‌లను ఫిక్స్‌ చేసేందుకు ప్రతి వారం యాప్ అప్‌డేట్‌లను విడుదల చేస్తుంది.  మెటా యాజమాన్యంలోని  ఈ యాప్  ఆండ్రాయిడ్‌, ఐఓఎస్‌ లేదా వెబ్‌కు అనుగుణంగా తాజా సిస్టమ్ సాఫ్ట్‌వేర్‌లకు సపోర్ట్‌లను అందించేందకు వాటికి అనుగుణంగా అప్‌డేట్‌లను లాంచ్‌ చేస్తుంది. ఈ కారణంగా, ప్రతి సంవత్సరం కొత్త అప్‌డేట్‌లపై దృష్టి పెట్టేందుకు పాత ఆపరేటింగ్ వెర్షన్‌లకు తన సపోర్ట్‌ని నిలిపివేస్తుంది. ఇదే తరహాలో ఈ సంవత్సరం కూడా, కొన్ని ఆండ్రాయిడ్, ఐఫోన్ మోడల్‌లతో సహా పాత ఆపరేటింగ్ సిస్టమ్‌లతో పని చేస్తున్న దాదాపు 49 స్మార్ట్‌ఫోన్‌ మోడల్స్‌కు సపోర్ట్‌ను నిలిపివేస్తున్నట్లు ప్రకటించింది వాట్సాప్‌. ఈ మోడల్‌లో పని చేయదు.. ఇలా చేయాల్సిందే! పాత ఐఫోన్‌ మోడల్‌లో పని చేయదు. కనుక ఈ మోడల్‌ను ఉపయెగిస్తున్న వారు తమ హ్యాండ్‌సెట్‌లను iOS 12 లేదా కొత్తదానికి అప్‌గ్రేడ్ చేయాల్సి ఉంటుంది. ఇక ఆండ్రాయిడ్‌ వాడుతున్న వినియోగదారులు వాట్సాప్‌ ఉపయోగించాలంటే Android OS 4.1 లేదా తర్వాత వెర్షన్‌లోకి మారాల్సి ఉంటుంది. సాఫ్ట్‌వేర్ అప్‌డేట్‌, భద్రతాపరమైన లోపాల వల్ల యూజర్లు ఈ మార్పును సహకరించాలని వాట్సాప్‌ కోరింది.  నివేదిక ప్రకారం iOS 11, Android OS 4.. అంతకంటే పాత ఓఎస్ మొబైల్ ఫోన్ లకు డిసెంబర్ 31 తర్వాత వాట్సాప్‌ తన సపోర్ట్‌ను ఆపివేయనుంది. గడువు ముగిసిన హ్యాండ్‌సెట్‌ల జాబితాలో Apple, Samsung, LG, Huawei, ఇతర కంపెనీలకు చెందిన 49 స్మార్ట్‌ఫోన్‌లు ఉన్నాయి. ఆ జాబితాలో ఉన్న ఫోన్లు ఇవే.. ఐఫోన్‌ 5, ఐఫోన్‌ 5సీ, చదవండి: అలర్ట్‌: ఆధార్ కార్డ్ వినియోగంపై కీలక మా​ర్గదర్శకాలు విడుదల!

న్యూఢిల్లీ: ట్విటర్‌ టేకోవర్‌ తరువాత కొత్తబాస్‌, బిలియనీర్‌ ఎలాన్‌ మస్క్‌ వరుసగా ఉద్యోగులను తొలగించడం ఆందోళనకు దారి తీస్తోంది. ఇప్పటికే సీఈవో సహా కీలక ఎగ్జిక్యూటివ్‌లతో పాటు వేలాది మంది ఉద్యోగులను ఇంటికి పంపించిన మస్క్‌  తాజాగా ఒక ఉద్యోగిపై పబ్లిగ్గానే ఆగ్రహం వ్యక్తం చేశారు. ఆండ్రాయిడ్ యాప్‌పై వాదన నేపథ్యంలోఆండ్రాయిడ్ మొబైల్ ఆపరేటింగ్ సిస్టమ్ డెవలపర్‌ ఎరిక్ ఫ్రోన్‌హోఫెర్ అనే ఉద్యోగిపై వేటు వేశారు  ఎలాన్‌ మస్క్‌. ట్విటర్‌లో ఆండ్రాయిడ్‌లో ట్విటర్  ఎందుకు  స్లో అయింది, దాని పరిష్కరించడానికి మీరు ఏమి చేసారు? అనే దానిపై  మొదలైన  వాదన వరుస ట్వీట్లలో మరింత వేడి పుంజుకుంది. ఈ  నేపథ్యంలో  ఆగ్రహానిక గురైన మస్క్‌  ​హి ఈజ్‌ఫైర్డ్‌ అంటూ ట్వీట్‌ చేశారు. సిస్టమ్ లాక్‌ అయిన పిక్‌ను షేర్ చేసిన, ఎరిక్ తన తొలగింపును ధృవీకరించారు. దీంతో  తనను బహిరంగంగా విమర్శించే కంపెనీ ఇంజనీర్లను తొలగించే పనిలో ఉన్న మస్క్‌ తన కోపాన్ని ప్రదర్శించారంటూ కొందరు నెటిజన్లు వ్యాఖ్యానించారు. మరోవైపు ఈ వ్యవహారంలో బాస్‌తో ప్రయివేటుగా మాట్లాడి ఉండి ఉండాల్సింది.. ఇలా పబ్లిక్‌గా బాస్‌తో వాదించడం తగదు అంటూ 20 ఏళ్ల అనుభవం ఉన్న మరో యాప్‌ డెవలవర్‌ ట్వీట్‌ చేశారు. అంతకు ముందు  ట్విటర్‌లో దాదాపు పదేళ్లపాటు సేవలందించిన మరో ఇంజనీర్ బెన్ లీబ్‌ని కూడా  మస్క్‌ ఇదే విధంగా తొలగించారు. 🫡 https://t.co/YpaQysrIv0 — Eric Frohnhoefer @ 🏡 (@EricFrohnhoefer) November 14, 2022 Unbelievable exchange. Can I write this up as a teaching case for my management classroom? pic.twitter.com/lYteE7d4N8 — Sandy Piderit (@SandyPideritPhD) November 14, 2022 కాగా  చాలా దేశాల్లో ట్విటర్‌ నెట్‌ వర్క్‌స్లో  కావడంపై  మస్క్‌ యూజర్లకు క్షమాపణలు చెప్పిన సంగతి తెలిసిందే. ఆండ్రాయిడ్ యాప్ స్లో అయినందుకు, ముఖ్యంగా కొన్ని దేశాలలో వినియోగదారులకు క్షమాపణలు చెబుతూ ట్వీట్ చేశారు. ట్విటర్‌ కొనుగోలు తరువాత సంస్థలో సగం మంది ఉద్యోగులను తొలగించారు. ఆ తరువాత ఇటీవల మొత్తం 5,500 కాంట్రాక్టు ఉద్యోగుల్లో దాదాపు 4,400 మందిని ఎలాంటి ముదస్తు నోటీసు లేకుండానే  నిలిపివేశారు.  How to be the ultimate professional and still utterly destroy someone, a masterclass by @EricFrohnhoefer pic.twitter.com/mgUHJ0xLbH — Dan Kim (@dankim) November 14, 2022

మీరు పాత ఐఫోన్‌ని(iPhone) ఉపయోగిస్తున్నారా లేదా మీ ఫోన్ ఐఓఎస్‌(iOS) పాత వెర్షన్‌లో రన్ అవుతుందా?అయితే మీ ఫోన్‌ని అప్‌గ్రేడ్ చేయాలి లేదా iOS లేటెస్ట్‌ వెర్షన్‌లోకి అప్‌డేట్‌ చేసుకోవాలి. ఇలా చేయకుంటే ఆ ఫోన్లలో ఇకపై వాట్సాప్‌ సేవలను వినియోగించడం కుదరుదు. ఎందుకంటే ఈ దీపావళి తర్వాత నుంచి కొన్ని ఐఫోన్‌లలో వాట్సాప్‌ పని చేయదు. కంపెనీ తెలిపిన సమాచారం ప్రకారం.. అక్టోబర్‌ 24 నుంచి ఐఫోన్‌5, ఐఫోన్‌ 5సీ మొబైల్స్‌తో పాటు ios 10, ios 11తో పని చేస్తున్న ఐఫోన్‌లలో వాట్సాప్‌ సేవలను నిలిపివేస్తున్నారు. ఈ క్రమంలో ఆయా ఫోన్లను ios 12, లేదా ఆపైన వెర్షన్‌కు అప్‌డేట్‌ చేసుకోవాల్సి ఉంటుంది. వీటితో పాటు ఆండ్రాయిడ్‌ వెర్షన్‌ 4.1 లేదా అంతకంటే తక్కువ వెర్షర్‌ ఓఎస్‌లు(os) మీద పని చేస్తున్న మొబైల్స్‌లోనూ వాట్సాప్‌ సేవలు ఉండవు. iPhoneని ఎలా అప్‌గ్రేడ్ చేయాలి iOS 10,  iOS 11  అనేవి ఐఫోన్ల పాత ఆపరేటింగ్ సిస్టమ్‌లు. ఐఫోన్ ఇంకా అప్‌డేట్ కాకపోతే వెంటనే అప్‌డేట్ చేయడం మంచిది. సెట్టింగ్‌లు > జనరల్‌కి నావిగేట్ చేయండి. ఇక్కడ సాఫ్ట్‌వేర్ అప్‌గ్రేడ్‌ని ఎంచుకుని, ఆపై సాఫ్ట్‌వేర్‌ను అప్‌డేట్ చేయడానికి  లేటెస్ట్‌ iOS వెర్షన్‌ను ఎంచుకుంటే సరిపోతుంది. కాగా ఆపిల్‌ గతంలో.. కొన్ని పాత iPhoneలలో వాట్సాప్‌ యాప్ పని చేయదని తెలిపింది. వాట్సాప్‌ ప్రకారం, మెసేజింగ్ యాప్ అక్టోబరు 24 నుంచి iOS 10, iOS 11 పరికరాల్లో పనిచేయదు. ఈ మేరకు పేర్కొన్న ఫోన్లను వాడుతున్న  వినియోగదారులకు హెచ్చరికలు కూడా జారీ చేసిన సంగతి తెలిసిందే చదవండి: ఐటీ కంపెనీల ముందు పెను సవాళ్లు.. వచ్చే 12 నెలల్లో భారీ షాక్‌!

న్యూఢిల్లీ: ఆండ్రాయిడ్‌ మొబైల్‌ డివైజ్‌ వ్యవస్థకు సంబంధించి వివిధ మార్కెట్లలో తన ఆధిపత్యాన్ని దుర్వినియోగం చేస్తోందన్న అభియోగాలపై టెక్‌ దిగ్గజం గూగుల్‌కు కాంపిటీషన్‌ కమిషన్‌ ఆఫ్‌ ఇండియా (సీసీఐ) రూ. 1,338 కోట్ల జరిమానా విధించింది. అంతే కాకుండా అనుచిత వ్యాపార విధానాలు అమలు చేయడాన్ని మానుకోవాలని ఆదేశించింది. నిర్దిష్ట వ్యవధిలోగా తన తీరును మార్చుకోవాలని సూచించింది. ఆండ్రాయిడ్‌ ఆపరేటింగ్‌ సిస్టం ఆధారిత స్మార్ట్‌ఫోన్‌ వినియోగదారుల నుంచి వచ్చిన ఫిర్యాదులపై మూడేళ్ల పాటు సాగిన విచారణ అనంతరం సీసీఐ ఈ మేరకు ఉత్తర్వులు జారీ చేసింది. ఆండ్రాయిడ్‌ ఆపరేటింగ్‌ సిస్టమ్‌ను స్మార్ట్‌ఫోన్లలో ఉపయోగించే మొబైల్‌ తయారీ సంస్థలు (ఓఈఎం) .. గూగుల్‌ మొబైల్‌ సూట్‌ను (జీఎంఎస్‌) కూడా పొందుపర్చేలా తప్పనిసరిగా నిర్దిష్ట ఒప్పందం కుదుర్చుకోవాలని గూగుల్‌ షరతు విధిస్తోందన్న ఆరోపణ కూడా ఈ ఫిర్యాదుల్లో ఉంది. దీనితో పాటు మరికొన్ని అభియోగాలపై లోతుగా విచారణ జరపాలంటూ 2019 ఏప్రిల్‌లో సీసీఐ ఆదేశించింది. అక్టోబర్‌ 25న పదవీ విరమణ చేస్తున్న సీసీఐ చైర్‌పర్సన్‌ అశోక్‌ కుమార్‌ గుప్తా తాజాగా తుది ఉత్తర్వులు ఇచ్చారు. అన్‌ఇన్‌స్టాల్‌ చేసే ఆప్షన్‌ లేకుండా జీఎంఎస్‌ను తప్పనిసరిగా ప్రీ–ఇన్‌స్టాల్‌ చేయాలనడం డివైజ్‌ల తయారీదారులకు అసమంజస షరతు విధించడమే అవుతుందని ఆదేశాల్లో పేర్కొన్నారు. అలాగే, స్మార్ట్‌ డివైజ్‌లలో ప్రీ–ఇన్‌స్టాల్డ్‌ యాప్స్‌ను ఎక్కడ ఉంచాలనే విషయంలోనూ ఓఈఎంలపై ఒత్తిడి తేకూడదని స్పష్టం చేశారు.

దొండపర్తి(విశాఖ దక్షిణ): ఈ యాప్‌ కొండంత ధైర్యాన్ని ఇస్తుంది. ఎటువంటి ప్రమాదం, సమస్య వచ్చినా పోలీస్‌స్టేషన్‌కు వెళ్లకుండానే క్షణాల్లో పోలీసులకు ఫిర్యాదు చేసే అద్బుతమైన అవకాశం ఇందులో ఉంది. అదే ‘ఏపీ పోలీస్‌ సేవ’యాప్‌. అన్ని పోలీస్‌ స్టేషన్లను అనుసంధానిస్తూ ఈ యాప్‌ రూపొందించారు. ఈ యాప్‌ను ఫోన్లో ఇన్‌స్టాల్‌ చేసుకుంటే.. పోలీస్‌స్టేషన్‌ ద్వారా లభించే అన్ని రకాల సేవలను ఇంటి దగ్గర నుంచే పొందవచ్చు. అందుకే మొబైల్‌లో ఈ యాప్‌ ఉంటే.. మన వెంట పోలీస్‌ ఉన్నట్టే!   ఆరు విభాగాల్లో 87 రకాల పోలీస్‌ సేవలు  పోలీస్‌ స్టేషన్లో ప్రజలకు అందే సేవలను ఆరు విభాగాలుగా విభజించారు. శాంతిభద్రతలు. ఎన్‌ఫోర్స్‌మెంట్, పబ్లిక్‌ సేవలు, రహదారి భద్రత, ప్రజా సమాచారం, పబ్లిక్‌ అవుట్‌ రీచ్‌ ఇలా ఆరు విభాగాల్లో పోలీస్‌ సేవలు అందుబాటులో ఉన్నాయి.   శాంతి భద్రతలు  నేరాలు, వేధింపులపై ఫిర్యాదులు, ఎఫ్‌ఐఆర్‌ స్థితిగతులు, దొంగతనాలపై ఫిర్యాదులు, రికవరీలు, తప్పిపోయిన కేసులు, దొరికిన వారు, గుర్తు తెలియని మృతదేహాలు, అరెస్ట్‌ వివరాలు, అపహరణకు గురైన వాహనాల వివరాలను పొందవచ్చు.  ఎన్‌ఫోర్స్‌మెంట్‌  ఇంటి పర్యవేక్షణ, ఈ–బీట్, ఈ–చలానా స్టేటస్‌లను తెలుసుకోవచ్చు.  పబ్లిక్‌ సేవలు   నేరాలపై ఫిర్యాదులు, సేవలకు సంబంధించిన దరఖాస్తులు, ఎన్‌వోసీలు, వెరిఫికేషన్లు, లైసెన్స్‌లు, అనుమతులు, పాస్‌పోర్ట్‌ వెరిఫికేషన్‌ వివరాలను తెలుసుకోవచ్చు.  రహదారి భద్రత   బ్లాక్‌ స్పాట్లు, ప్రమాదాల మ్యాపింగ్, రోడ్డు భద్రతా గుర్తులు, బ్లడ్‌ బ్యాంకులు, డయాలసిస్‌ కేంద్రాలు, ఆస్పత్రులు, మందుల దుకాణాల వివరాలను తెలుసుకోవచ్చు.   ప్రజా సమాచారం   పోలీస్‌ డిక్షనరీ, సమీప పోలీస్‌ స్టేషన్ల వివరాలు, టోల్‌ ఫ్రీ నంబర్లు, వెబ్‌సైట్ల వివరాలు, న్యాయ సమాచారం, ఎమర్జెన్సీ కాంటాక్ట్‌ నంబర్లు ఇవన్నీ అందుబాటులో ఉంటాయి.  పబ్లిక్‌ అవుట్‌ రీచ్‌  సైబర్‌ భద్రత, సోషల్‌ మీడియా, కమ్యూనిటీ పోలీసింగ్, స్పందన వెబ్‌సైట్, ఫ్యాక్ట్‌ చెక్‌ సేవలు, తదితరవన్నీ పొందుపర్చారు.  ఎక్కడ ఉన్నా.. ఫిర్యాదు చేసుకోవచ్చు..  పోలీస్‌ సేవ యాప్‌ ద్వారా ఉన్న చోట నుంచే వేధింపులు, నేరాలు, ట్రాఫిక్‌ ఇబ్బందులు, పోలీస్‌ సేవల్లో లోపాలపై ఫిర్యాదులు చేయవచ్చు. ఫిర్యాదు చేసిన వెంటనే ఐడీ నంబర్‌తో సహా ఫిర్యాదుదారుడి మొబైల్‌కు మెసేజ్‌ వస్తుంది. అలాగే సమస్యను ఎన్ని రోజుల్లో పరిష్కరిస్తారనే విషయాన్ని కూడా మెసేజ్‌లో తెలియజేస్తారు. పిటిషన్‌ ఏ స్థాయిలో ఉందనే విషయాన్ని సైతం ఎప్పటికప్పుడు తెలుసుకునే వెసలుబాటును కలి్పంచారు.  ఎఫ్‌ఎస్‌ఐఆర్‌ నమోదు నుంచీ..  ఏదైనా కేసుపై ఎఫ్‌ఐఆర్‌ నమోదు చేసినప్పటి నుంచి నిందితులను కోర్టులో హాజరుపరచడం విచారణ, సాక్షులు, కేసులో ట్రయల్స్, ఇలా మొత్తం 24 దశల్లో కేసు సమగ్ర సమాచారం మెసేజ్‌ రూపంలో తెలుస్తుంటాయి. ఎఫ్‌ఐఆర్‌ కోసం స్టేషన్ల చుట్టూ తిరగాల్సిన అవసరం ఉండదు. యాప్‌ ద్వారా సులభంగా ఎఫ్‌ఐఆర్‌ను డౌన్లోడ్‌ చేసుకోవచ్చు.   ఈ–చలానా   వాహనదారులు తమ వాహనాలపై ఉన్న ట్రాఫిక్‌ ఉల్లంఘనలకు సంబంధించిన సమాచారాన్ని యాప్‌ ద్వారా తెలుసుకోవచ్చు. పెండింగ్‌లో ఉన్న చలానాలను పరిశీలించి చెల్లించవచ్చు.  మహిళ భద్రతకు ప్రాధాన్యం   పోలీస్‌ సేవ యాప్‌లో మహిళల భద్రతకు ప్రాధాన్యతనిచ్చారు. సేఫ్టీ సేవ ద్వారా 12 రకాల సేవలను అందుబాటులో ఉంచారు. దిశ, సైబర్‌ మిత్ర యాప్, వన్‌ స్టాప్‌ సెంటర్, ఏపీ స్టేట్‌ ఉమెన్‌ కమిషన్, ఉమెన్‌ ప్రొటెక్షన్‌ తదితర 12 మాడ్యూళ్లను అనుసంధానం చేశారు. ఈ యాప్‌ గూగుల్‌ ప్లే స్టోర్‌ లేదా యాప్‌ స్టోర్‌ నుంచి డౌన్లోడ్‌ చేసుకోవచ్చు.  ఫిర్యాదులకు తక్షణ పరిష్కారం  రాష్ట్ర ప్రభుత్వం రూపొందించిన ‘పోలీస్‌ సేవ’యాప్‌ ద్వారా ఫిర్యాదులు వస్తున్నాయి. ఇందులో సైబర్‌ నేరాలకు సంబంధించినవి ఎక్కువగా ఉంటున్నాయి. ఫిర్యాదులపై తక్షణం స్పందించి సమస్యలు పరిష్కరిస్తున్నాం. ప్రజలు, ముఖ్యంగా మహిళలు ‘పోలీస్‌ సేవ’ను సద్వినియోగం చేసుకోవాలి. అలాగే దిశ యాప్‌ను తప్పకుండా మొబైల్‌లో డౌన్లోడ్‌ చేసుకోవాలి. తద్వారా క్షణాల్లో పోలీసు సాయం పొందుతారు.  – సి.హెచ్‌.శ్రీకాంత్, నగర పోలీస్‌ కమిషనర్‌

సాక్షి, న్యూఢిల్లీ: ఆండ్రాయిడ్ యూజర్లు జాగ్రత్త! యూజర్ల బ్యాంకు ఖాతాలనుంచి నగదును తస్కరించే యాప్‌లపై తాజాగా హెచ్చరిక జారీ అయింది.  ఖాతాలో డబ్బులు, బ్యాంకింగ్ సమాచారం, పిన్‌లు, పాస్‌వర్డ్‌లు సహా ఇతర  డేటాను దొంగిలించే లక్ష్యంతో మాల్వేర్ యాప్‌లను ట్రెండ్ మైక్రో భద్రతా పరిశోధన గుర్తించింది.  తక్షణమే అన్‌ఇన్‌స్టాల్‌  చేయాలని హెచ్చరించింది. ఇలాంటి 17 ఆండ్రాయిడ్‌ యాప్‌లను సంస్థ గుర్తించింది.  ఇవి  మొబైల్ ఫోన్‌లోని టెక్స్ట్ సందేశాలను కూడా అడ్డుకుంటాయని, అలాగే  మరింత ప్రమాదకరమైన మాల్వేర్ బారిన పడేలా చేస్తాయని హెచ్చరించింది.  గూగుల్‌  ప్లేస్టోర్  సేఫ్టీ మెజర్స్‌ను అధిగమిస్తాయని యాప్‌లు డ్రాపర్-యాజ్-ఎ-సర్వీస్ (DaaS) మోడల్‌కు దారితీస్తాయని పేర్కొంది. అందుకే వాటిని డ్రాపర్ యాప్‌లు అంటారని ట్రెండ్ మైక్రోలోని భద్రతా పరిశోధకులు తెలిపారు.  గూగుల్‌ ప్లే స్టోర్లో గత  ఏడాది  ట్రెండ్ మైక్రో కొత్త డా  డ్రాపర్ వెర్షన్‌ను కనుగొంది. వీటిని ప్లేస్టోర్‌ నుంచి తొలగించినప్పటికీ, ఆండ్రాయిడ్‌ ఫోన్లలో మిగిలి ఉండే అవకాశం ఉంది  కనుక  తక్షణమే తొలగించాలని   సూచించింది.  డ్రాపర్ యాప్‌ల జాబితా కాల్ రికార్డర్ APK రూస్టర్ VPN సూపర్ క్లీనర్- హైపర్ & స్మార్ట్ డాక్యుమెంట్ స్కానర్ - పీడీఎఫ్‌ క్రియేటర్‌  యూనివర్సల్ సేవర్ ప్రో ఈగిల్ ఫోటో ఎడిటర్ కాల్ రికార్డర్ ప్రో+ అదనపు క్లీనర్ క్రిప్టో యుటిల్స్  ఫిక్స్‌ క్లీనర్‌ యూనివర్సల్ సేవర్ ప్రో లక్కీ క్లీనర్ జస్ట్ ఇన్: వీడియో మోషన్ డాక్యుమెంట్ స్కానర్ ప్రో కాంకర్‌ డార్క్‌నెస్‌ సింప్లీ క్లీనర్ Unicc QR స్కానర్ కాపీ క్యాట్ యాప్‌లను నిషేధించేలా గూగుల్‌ కొత్త విధానాన్ని తీసుకురానుందని సమాచారం. ఇతర యాప్‌ల నుండి లోగోలు, డిజైన్‌లు లేదా టైటిల్స్‌ను క్లోన్ చేసే యాప్‌లపై ఆగస్టు 31 నుండి  నిషేధం అమలు  కానుంది.  వినియోగదారు డేటాను ట్రాక్ చేసే, క్లిక్‌ ద్వారా ప్రకటనలకు దారి మళ్లించే వీపీఎన్‌ఎస్‌ సర్వీస్ ఇందులో భాగం.  అంతేకాదు మొబైల్‌ గేమ్స్‌లో ఫుల్‌ పేజీప్రకటనలపై, 15 సెకన్ల తర్వాత  కూడా క్లోజ్‌ కాని యాడ్స్‌ డెవలపర్లపై ఆంక్షలు సెప్టెంబర్ 30 నుంచి అమలు కానున్నాయి. స్క్రీన్ లోడింగ్ సమయంలో/గేమ్‌ ముందు లేదా తరువాతి లెవల్‌ ప్రారంభించే ముందు కనిపించే ప్రకటనల్ని గూగుల్‌ నిరోధిస్తుందని నివేదిక పేర్కొంది. అయితే, గేమ్‌లో రివార్డ్‌లను అన్‌లాక్ చేసే ప్రకటనలకు ఇది వర్తించదట.

ఆండ్రాయిడ్‌ యూజర్లకు ప్రైవసీను దెబ్బతీస్తున్నాయనే కారణంతో థర్డ్‌ పార్టీ కాల్‌ రికార్డింగ్స్‌ యాప్స్‌ను నిషేధిస్తున్నట్లు గూగుల్‌ నిర్ణయం తీసుకున్న విషయం తెలిసిందే. ఈ కొత్త రూల్‌ను తెరపైకి రావడంతో కాలర్‌ వేరిఫికేషన్‌ ప్లాట్‌ఫాం ట్రూకాలర్‌ కీలక నిర్ణయం తీసుకుంది. తమ యాప్‌లో కాల్‌ రికార్డింగ్‌ ఫీచర్‌ను అందించబోమని ట్రూకాలర్‌ ప్రకటించింది.  ఈ ఫీచర్‌ను మే 11 నుంచి నిలిపివేస్తామని ట్రూకాలర్‌ పేర్కొంది.  మే 11 నుంచి యాక్సెసిబిలిటీ ఏపీఐకి థర్డ్-పార్టీ అప్లికేషన్‌ల యాక్సెస్‌ని నియంత్రిస్తూ గూగుల్‌ ప్లే స్టోర్‌ పాలసీని అప్‌డేట్ చేసినట్లు గూగుల్‌ ప్రకటించిన వెంటనే ట్రూకాలర్‌ ఈ నిర్ణయం తీసుకుంది.  దీంతో థర్డ్‌ పార్టీ యాప్స్‌నుపయోగించి కాల్స్‌ను రికార్డింగ్‌ చేయలేరు.  ట్రూకాలర్‌ యాప్‌ యూజర్లకు కాల్ రికార్డింగ్ ఫీచర్‌ను అందరికీ ఉచితంగా అందిస్తోంది, గూగుల్‌ యాక్సెసిబిలిటీ ఏపీఐని ఉపయోగించి కాల్‌ రికార్డింగ్‌ ఫీచర్‌ను ఎనేబుల్ చేసింది. అయితే, గూగుల్‌ అప్‌డేట్‌ చేసిన డెవలపర్ ప్రోగ్రామ్ విధానాల ప్రకారం...ఇకపై కాల్ రికార్డింగ్‌ను అందించలేమని ట్రూకాలర్‌ పేర్కొంది.  ఇదిలా ఉండగా స్మార్ట్‌ఫోన్స్‌లో ముందుగా ఇన్‌స్టాల్‌ చేసిన యాప్స్‌తో, గూగుల్‌ డయలర్‌తో ఫోన్‌ కాల్స్‌ను రికార్డ్‌ చేయవచ్చునని గూగుల్‌ ఒక ప్రకటనలో పేర్కొంది. ఆండ్రాయిడ్ వినియోగదారులకు మరింత గోప్యతను అందించడానికి, కాల్ రికార్డింగ్ చట్టాలకు అనుగుణంగా గూగుల్‌ ఈ మార్పును తీసుకొచ్చినట్లు తెలుస్తోంది. చదవండి: ఆండ్రాయిడ్‌ స్మార్ట్‌ ఫోన్‌ వినియోగదారులకు బిగ్‌ షాక్‌.. గూగుల్‌ కీలక నిర్ణయం

దేశీయ ఇ-కామర్స్ దిగ్గ‌జం ఫ్లిప్‌కార్ట్ స్మార్ట్ ఫోన్ యూజ‌ర్ల‌కు సువార్ణావ‌కాశం క‌ల్పించింది. సేల్ బ్యాక్ ప్రోగ్రామ్ ద్వారా పాత ఫోన్ అమ్మి కొత్త ఫోన్‌ను కొనుగోలు లేదా ఇత‌ర కొత్త ప్రొడ‌క్ట్‌ల‌ను కొనుగోలు చేసే అవ‌కాశం క‌ల్పిస్తుంది. వాలంటైన్స్ డే సంద‌ర్భంగా సేల్ బ్యాక్ ప్రోగ్రామ్‌ను లాంచ్‌ చేసింది.  ఇటీవ‌ల ఫ్లిప్‌కార్ట్ యంత్ర అనే రీకామ‌ర్స్ సంస్థను కొనుగోలు చేసింది.ఇప్పుడు ఫ్లిప్కార్ట్ ఆ సంస్థ సాయంతో యూజ‌ర్ల‌నుంచి పాత ఫోన్‌ల‌ను క‌లెక్ట్ చేస్తుంది. ఇందులో యూజ‌ర్లు చేయాల్సింద‌ల్లా ఒక్కటే పాత ఫోన్ అమ్మాల‌నుకుంటే యంత్ర వెబ్ సైట్‌లోకి వెళ్లి ఫోన్‌ల‌కు సంబంధించిన ప‌లు ప్ర‌శ్న‌లు స‌మాధానాలు ఇవ్వాల్సి ఉంటుంది. ఆ స‌మాధానాల అనంత‌రం 48గంట‌ల్లో ఫ్లిప్‌కార్ట్ ఎగ్జిక్యూటివ్ ఇంటికే వ‌చ్చి ఫోన్‌ను క‌లెక్ట్ చేసుకుంటారు. ఫోన్‌ను ఎగ్జిక్యూటివ్ రిసీవ్ చేసుకున్న త‌ర్వాత క‌స్ట‌మ‌ర్‌కు ఫ్లిప్‌కార్ట్ ఈవోచ‌ర్‌ను పంపిస్తుంది. ఆ ఈవోచ‌ర్ ద్వారా ఫ్లిప్‌కార్ట్‌లో కొత్త ఫోన్ తీసుకోవ‌చ్చు. లేదా ఇత‌ర ప్రొడ‌క్ట్స్ ఏవైనా కొనుగోలు చేయొచ్చు. దేశ‌వ్యాప్తంగా 1700 పిన్‌కోడ్స్ ఉన్న ప్రాంతాల్లో ఈ ప్రోగ్రామ్‌ను లాంచ్ చేయ‌నుంది. ప్ర‌స్తుతానికి స్మార్ట్‌ఫోన్ల‌ను ఏ బ్రాండ్ స్మార్ట్‌ఫోన్ అయినా స‌రే.. దేశంలో ఎక్క‌డున్నా స‌రే.. త‌మ ఫోన్‌ను అమ్ముకునే చాన్స్‌ను ఫ్లిప్‌కార్ట్ లో అమ్మే అవకాశం క‌ల్పిస్తుంది. త్వ‌ర‌లోనే ఇత‌ర వ‌స్తువుల‌ను కూడా క‌స్ట‌మ‌ర్లు అమ్ముకునే సౌక‌ర్యాన్ని ఫ్లిప్‌కార్ట్ క‌ల్పించ‌నుంది.

Google Best Android Apps, Games of 2021 in India: స్మార్ట్‌ఫోన్‌..! ఏ ముహుర్తాన వచ్చిందో కానీ...అది లేకుండా బతకలేకపోయే రోజులు వచ్చాయి. లేవడంతోనే వాట్సాప్‌, ఫేస్‌బుక్‌, జీ మెయిల్‌ ఇలా రకరకాల యాప్స్‌కు వచ్చే నోటిఫికేషన్స్‌ను చూసుకోవడం మన దినచర్యగా మారిపోయింది. మనకు ఉపయోగపడే యాప్స్‌ను స్మార్ట్‌ఫోన్‌లో ఇన్‌స్టాల్‌ చేసుకుంటూ వాటి సేవలను పొందుతాం. మనం వాడుతున్న యాప్స్‌లో బెస్ట్‌ యాప్‌ ఏదంటే చెప్పడం కాస్త కష్టం. కాగా  ప్రతి ఏడాది అత్యంత ఆదరణను పొందిన యాప్స్‌ లిస్ట్‌ను గూగుల్‌ ప్లే స్టోర్‌ రిలీజ్‌ చేస్తుంది. అంతేకాకుండా ఆయా కేటగిరీలో బెస్ట్‌ యాప్స్‌గా నిలిచిన వాటికి అవార్డులను కూడా అందజేస్తుంది.  2021గాను ఇండియాలో బెస్ట్‌ యాప్స్‌ లిస్ట్‌ను గూగుల్‌ ప్లే స్టోర్‌ రిలీజ్‌ చేసింది.  2021గాను భారత్‌లో బెస్ట్‌ యాప్‌గా ‘బిట్‌క్లాస్‌’ నిలిచిందని గూగుల్‌ ప్రకటించింది. బెస్ట్‌ గేమ్‌ కేటగిరీలో బ్యాటిల్‌ గ్రౌండ్స్‌ మొబైల్‌ అంతేకాకుండా గేమ్స్‌, ఫన్‌, వ్యక్తిగత వృద్ధి,  రోజువారి అవసరాలను తీర్చే కేటగిరీలో బెస్ట్‌ యాప్స్‌ను గూగుల్‌ ప్లే స్టోర్‌ ప్రకటించింది. వినోదాన్ని పంచే బెస్ట్‌ యాప్స్‌ ఫ్రంట్‌రో క్లబ్‌హౌస్: సోషల్ ఆడియో యాప్ హాట్స్టెప్ రోజువారి అవసరాలకోసం వాడే బెస్ట్‌ యాప్స్‌ సోర్టిజీ - వంటకాలు, మీల్ ప్లానర్ & కిరాణా జాబితాలు అందిస్తోంది. సర్వ - యోగా & ధ్యానం ట్రూకాలర్‌ పర్సనల్‌గ్రోత్‌ ఉత్తమ యాప్‌లు బిట్‌క్లాస్‌ (Bitclass) ఎంబైబ్‌: లెర్నింగ్ అవుట్‌కమ్స్ యాప్ ఏవాల్వ్‌: ధ్యానాలు, స్వీయ సంరక్షణ & బ్రీతింగ్‌ థెరపీ యాప్‌ బెస్ట్‌ కాంపిటిటీవ్‌ గేమింగ్‌ యాప్స్‌ బ్యాటిల్‌ గ్రౌండ్‌ మొబైల్‌ ఇండియా సమ్మనర్స్ వార్: లాస్ట్ సెంచూరియా మార్వెల్ ఫ్యూచర్ రివల్యూషన్ పోకీమాన్ యునైట్ సస్పెక్ట్‌: మిస్టరీ మాన్షన్ చదవండి: సగం మైక్రోసాఫ్ట్‌ షేర్లు అమ్మేసుకున్న సత్య నాదెళ్ల, కారణం ఏంటంటే..

స్మార్ట్‌ ఫోన్‌.. కొందరికి అవసరం.. మరికొందరి వ్యసనం. ఆ వ్యసనాన్ని క్యాష్‌ చేసుకునేందుకు యాప్స్‌ వెలుగులోకి వస్తున్నాయి. అయితే వాటిలో కొన్ని యాప్స్‌ యూజర్ల అవసరాల్ని తీర్చేలా ఉన్నా..మరికొన్ని మాత్రం అక్రమంగా డబ్బులు సంపాదించేందుకు అడ్డదార్లు తొక్కుతున్నాయి. వివిధ మార్గాల ద్వారా యూజర్ల ఫోన్‌లలో చొరబడుతున్నాయి. ఫ్రీగిఫ్ట్‌లు, ఆన్‌లైన్‌ మనీ ఎర్నింగ్‌ పేరుతో యూజర్ల ఆశలకు గాలం వేస్తున్నాయి. దీంతో టెక్నాలజీపై అవగాహన లేని యూజర్లు యాప్స్‌ వలలో చిక్కుకుంటున్నారు. వ్యక్తిగత వివరాల్ని అందిస్తున్నారు. ఆ వివరాల్ని ఆసరాగా చేసుకొని సొమ్ము చేసుకుంటున్నాయి..అలాంటి డేంజర్‌ యాప్స్‌కు చెక్‌ పెట్టేందుకు అమెరికాకు చెందిన ప్రముఖ సెర్చ్‌ ఇంజిన్‌ సూపర్‌ ఫీచర్‌ను వెలుగులోకి తెచ్చింది. ప్రస్తుతం ఆ ఫీచర్‌ బీటా వెర్షన్‌లో ఉండగా.. త్వరలో పూర్తి స్థాయిలో అందుబాటులోకి రానుంది.  96శాతం యాక్యురేట్‌ రిజల‍్ట్‌  సెర్చ్‌ ఇంజిన్‌ "డక్ డక్ గో" త్వరలో ఫీచర్‌ను విడుదల చేయనుంది. ' యాప్‌ ట్రాకింగ్‌ ప్రొటెక్షన్‌ ఫర్‌ ఆండ్రాయిడ్‌' పేరుతో అందుబాటులోకి రానున్న ఈ ఫీచర్‌ మీ స్మార్ట్‌ ఫోన్‌లో మీకు తెలియకుండా ఏమైనా యాప్స్‌, సోషల్‌ మీడియా నెట్‌ వర్క్‌లు ఫేస్‌బుక్‌, ట్విట్టర్‌, ఇతర్‌ సెర్చ్‌ ఇంజిన్‌ సంస్థలు ఏం చేస్తున్నాయో ఇట్టే కనిపెట్టేస్తుంది. మీ ఫోన్‌లో ఆ యాప్స్‌ను వినియోగించకపోయినా నిరంతరం ట్రాక్‌ చేస్తుంది. ఇటీవల డక్‌ డక్‌ గో' కొన్ని యాప్స్‌ను ట్రాకింగ్‌ చేసింది. ట్రాకింగ్‌లో థర్డ్‌ యాప్స్‌ నిర్వాహకులు  87 శాతం డేటాను గూగుల్‌కి , 68శాతం డేటా ఫేస్‌బుక్‌కు పంపించినట్లు గుర్తించింది.  యాపిల్‌ సైతం   ప్రపంచవ్యాప్తంగా చాలా మంది స్మార్ట్‌ఫోన్ వినియోగదారులు ఆండ్రాయిడ్‌ను ఉపయోగిస్తున్నారు. కానీ యాప్స్‌ మన డేటా కలెక్ట్‌ చేస్తున్నాయా? లేదా అనే విషయాల్ని వెలుగులోకి తెచ్చేందుకు ఎలాంటి యాప్స్‌ అందుబాటులోకి రాలేదు. అదే సమయంలో ప్రముఖ టెక్‌ దిగ్గజం యాపిల్‌ యాప్‌ ట్రాకింగ్‌ ట్రాన్స్‌పరెన్సీ ఫీచర్‌ను యూజర్లకు పరిచయం చేసింది. ఈ ఫీచర్‌తో యూజర్లు సంబంధించిన గాడ్జెట్స్‌ను థర్డ్‌ పార్టీ యాప్స్‌ ట్రాక్‌ చేయొచ్చా' అనే అంశంపై వివరణ ఇవ్వాల్సి ఉంటుంది. యూజర్లు ఒప్పుకుంటేనే థర్డ్‌ పార్టీ యాప్స్‌ ట్రాక్‌ చేస్తాయి. అయితే యాపిల్‌ ఫీచర్‌పై యూజర్లు సంతృప్తిని వ్యక్తం చేస్తున్నారు. వారిలో ఎక్కువ మంది థర్డ్‌ పార్టీ యాప్స్‌ వద్దు' అనే ఆప్షన్‌ను సెలక్ట్‌ చేసుకుంటున్నట్లు ఇటీవల వెలుగులోకి వచ్చిన కొన్ని నివేదికలు పేర్కొన్నాయి.  చదవండి: పాపం జుకర్‌ బెర్గ్‌: వేల కోట్ల నష్టం..పేరు మార్చినా..! జాతకం మారలేదు..!