దుబాయ్‌: ఆరుసార్లు చాంపియన్‌ ఆస్ట్రేలియా జట్టుకు మహిళల టి20 ప్రపంచకప్‌లో దక్షిణాఫ్రికా షాక్‌ ఇచ్చింది. గురువారం జరిగిన తొలి సెమీఫైనల్లో దక్షిణాఫ్రికా 8 వికెట్ల తేడాతో ఆసీస్‌ను బోల్తా కొట్టించింది. తద్వారా సొంతగడ్డ (దక్షిణాఫ్రికా 2023)పై జరిగిన ప్రపంచకప్‌ ఫైనల్లో ఎదురైన పరాజయానికి ప్రతీకారం తీర్చుకుంది. ఇప్పటివరకు ఎనిమిది సార్లు మెగా టోర్నీ జరిగితే ఏడుసార్లు ఫైనల్‌ చేరిన ఆ్రస్టేలియా జట్టును ఈసారి దక్షిణాఫ్రికా టైటిల్‌ పోరుకు దూరం చేసింది. ముందుగా బ్యాటింగ్‌ చేపట్టిన ఆస్ట్రేలియా నిర్ణీత 20 ఓవర్లలో 5 వికెట్ల నష్టానికి 134 పరుగులు చేసింది. బెత్‌ మూనీ (44; 2 ఫోర్లు), ఎలీస్‌ పెరీ (31; 2 ఫోర్లు), కెపె్టన్‌ తాలియా మెక్‌గ్రాత్‌ (27; 3 ఫోర్లు) రాణించారు. దక్షిణాఫ్రికా బౌలర్లలో అయ»ొంగ ఖాకా 2, మరిజాన్‌ కాప్, ఎమ్‌లాబా చెరో వికెట్‌ తీశారు. తర్వాత దక్షిణాఫ్రికా మరో 2.4 ఓవర్లు మిగిలుండగానే 17.2 ఓవర్లలో రెండే వికెట్లు కోల్పోయి 135 పరుగులు చేసి గెలిచింది. కెప్టెన్ , ఓపెనర్‌ లౌరా వోల్‌వార్ట్‌ (37 బంతుల్లో 42; 3 ఫోర్లు, 1 సిక్స్‌), ‘ప్లేయర్‌ ఆఫ్‌ ద మ్యాచ్‌’ అనెకె బాష్‌ (48 బంతుల్లో 74 నాటౌట్‌; 8 ఫోర్లు,1 సిక్స్‌) రెండో వికెట్‌కు చకచకా 96 పరుగులు జోడించి జట్టును గెలిపించారు. నేడు రెండో సెమీఫైనల్లో న్యూజిలాండ్‌తో వెస్టిండీస్‌ తలపడుతుంది. ఇందులో గెలిచిన జట్టుతో ఆదివారం జరిగే ఫైనల్లో దక్షిణాఫ్రికా ఆడుతుంది.

ఎన్ని మలుపులు... ఎంత ఒత్తిడి... గడియారపు లోలకంలా చేతులు మారుతూ వచ్చిన ఆధిపత్యం... కుప్పకూలిపోతున్న దశ నుంచి కోలుకున్న జట్టు... అయినా సరే తక్కువ స్కోరుతో కట్టడి చేశామనే సంబరం... మెరుపు ఆరంభంతో సునాయాసం అనుకున్న విజయం... కానీ ఆపై ప్రతీ బంతి ప్రమాదకరంగా మారి వికెట్‌ కాపాడుకుంటే చాలనే స్థితి... టెస్టు మ్యాచ్‌ తరహా సీమ్‌ బౌలింగ్‌... టెస్టుల్లాగే ఫీల్డింగ్‌ ఏర్పాట్లు... ఒక వన్డే మ్యాచ్‌లో ఇవన్నీ కనిపించాయి... పేరుకే తక్కువ స్కోర్ల మ్యాచే కానీ తొలి బంతి నుంచి ఆఖరి బంతి వరకు ఎన్నో ఉత్కంఠభరిత క్షణాలు... అదీ ప్రపంచకప్‌ సెమీఫైనల్‌ మ్యాచ్‌ అంటే ఆ లెక్కే వేరు... అది కూడా ఆస్ట్రేలియా, దక్షిణాఫ్రికా మధ్య మ్యాచ్‌ అంటే అనూహ్యానికి లోటుండదు... తొలి ఇన్నింగ్స్‌ స్కోరుతో 1999 ప్రపంచకప్‌ సెమీస్‌ను గుర్తుకు తెచి్చన పోరు చివరకు ఆసీస్‌ పరమైంది... ప్రమాదాన్ని తప్పించుకొని ఎట్టకేలకు గట్టెక్కిన ఆ్రస్టేలియా ఆదివారం అహ్మదాబాద్‌లో జరిగే తుది పోరులో భారత్‌తో ‘ఢీ’కి సిద్ధమైంది. దక్షిణాఫ్రికా ముందుగా బ్యాటింగ్‌... 11.5 ఓవర్లలోనే స్కోరు 24/4... ఇక ఆట ముగిసినట్లే అనిపించింది... కానీ ఆసీస్‌ పట్టు విడిచింది. మిల్లర్‌ అద్భుత సెంచరీతో స్కోరు 212 వరకు చేరింది... ఎలా చూసినా సునాయాస లక్ష్యమే... ఆసీస్‌ అంచనాలకు తగినట్లుగా 6 ఓవర్లలో 60/0... ఇలాంటి తరుణంలో సఫారీ బౌలర్ల జోరు మొదలైంది. వరుసగా వికెట్లు కోల్పోవడంతో పాటు ఒక్క సింగిల్‌ తీయడానికి కూడా ఆసీస్‌ బ్యాటర్లు బెదిరే స్థితి వచి్చంది... స్పిన్‌తో కేశవ్‌ మహరాజ్, షమ్సీ భయపెట్టించేశారు. అనూహ్యంగా స్పందిస్తున్న పిచ్‌పై పరుగులు చేయలేక కంగారూలపై ఒత్తిడి పెరిగిపోయింది. చివరకు స్మిత్‌ కూడా కీలక స్థితిలో చెత్త షాట్‌తో పరిస్థితిని దిగజార్చాడు. అయితే లక్ష్యం మరీ చిన్నది కావడంతో చివరి వరుస బ్యాటర్లు సాహసాలు చేయలేదు. ఆఖరికి మరో 16 బంతులు మిగిలి ఉండగా మాజీ చాంపియన్‌ విజయ తీరం చేరింది. చివరి వరకూ పోరాడినా... కీలకదశలో క్యాచ్‌లు వదిలేసి... మరోసారి దురదృష్టాన్ని భుజాన వేసుకొని తిరిగిన దక్షిణాఫ్రికా సెమీస్‌కే పరిమితమై నిరాశగా ని్రష్కమించింది.    కోల్‌కతా: ఐదుసార్లు వరల్డ్‌కప్‌ విజేత ఆ్రస్టేలియా మరో టైటిల్‌ వేటలో ఫైనల్‌కు చేరింది. ఆదివారం భారత్‌తో తుది సమరంలో తలపడేందుకు సిద్ధమైంది. గురువారం ఈడెన్‌ గార్డెన్స్‌ మైదానంలో చివరి వరకు ఉత్కంఠభరితంగా సాగిన రెండో సెమీఫైనల్లో ఆ్రస్టేలియా 3 వికెట్ల తేడాతో దక్షిణాఫ్రికాపై విజయం సాధించింది. టాస్‌ గెలిచి ముందుగా బ్యాటింగ్‌కు దిగిన దక్షిణాఫ్రికా 49.4 ఓవర్లలో 212 పరుగులకే ఆలౌటైంది. డేవిడ్‌ మిల్లర్‌ (116 బంతుల్లో 101; 8 ఫోర్లు, 5 సిక్స్‌లు) ఒంటరి పోరాటంతో శతకం సాధించగా... హెన్రీ క్లాసెన్‌ (48 బంతుల్లో 47; 4 ఫోర్లు, 2 సిక్స్‌లు) రాణించాడు. స్టార్క్, కమిన్స్‌ చెరో 3 వికెట్లు...హాజల్‌వుడ్, ట్రవిస్‌ హెడ్‌ చెరో 2 వికెట్లు పడగొట్టారు. అనంతరం ఆ్రస్టేలియా 47.2 ఓవర్లలో 7 వికెట్లకు 215 పరుగులు సాధించింది. ‘ప్లేయర్‌ ఆఫ్‌ ద మ్యాచ్‌’ ట్రవిస్‌ హెడ్‌ (48 బంతుల్లో 62; 9 ఫోర్లు, 2 సిక్స్‌లు) దూకుడైన ఆటతో ఆసీస్‌ విజయానికి పునాది వేయగా... స్టీవ్‌ స్మిత్‌ (62 బంతుల్లో 30; 2 ఫోర్లు), డేవిడ్‌ వార్నర్‌ (18 బంతుల్లో 29; 1 ఫోర్, 4 సిక్స్‌లు) కీలక ఇన్నింగ్స్‌లు ఆడారు. ఆదివారం అహ్మదాబాద్‌లో జరిగే ఫైనల్లో భారత్‌తో ఆ్రస్టేలియా తలపడుతుంది.   మిల్లర్‌ మినహా... ఈడెన్‌ గార్డెన్స్‌లోనే భారత్‌తో మ్యాచ్‌లో లక్ష్యాన్ని ఛేదిస్తూ కుప్పకూలిన అనుభవంతో కావచ్చు దక్షిణాఫ్రికా బ్యాటింగ్‌కు మొగ్గు చూపింది. అయితే మబ్బులు పట్టిన వాతావరణంలో ఈ నిర్ణయం కలిసి రాలేదు. పరిస్థితిని అనుకూలంగా మార్చుకొని ఆసీస్‌ బౌలర్లు చెలరేగిపోవడంతో సఫారీ జట్టు 12 ఓవర్ల లోపే 4 వికెట్లు కోల్పోయింది. బవుమా (0), డి కాక్‌ (3), మార్క్‌రమ్‌ (10), డసెన్‌ (6) విఫలమయ్యారు. ఈ స్థితిలో జట్టు కుప్పకూలుతుందేమో అనిపించినా... క్లాసెన్, మిల్లర్‌ కలిసి ఆదుకున్నారు. కొద్దిసేపు మ్యాచ్‌కు వాన అంతరాయం కలిగించినా... ఆట కొనసాగిన తర్వాత వీరిద్దరు చక్కటి షాట్లతో పరుగులు రాబట్టారు. ఈ క్రమంలో 70 బంతుల్లో మిల్లర్‌ హాఫ్‌ సెంచరీ పూర్తయింది. ఐదో వికెట్‌కు 95 పరుగుల భాగస్వామ్యం తర్వాత పార్ట్‌టైమ్‌ బౌలర్‌ ట్రవిస్‌ హెడ్‌ సఫారీలను దెబ్బ కొట్టాడు. వరుస బంతుల్లో క్లాసెన్, జాన్సెన్‌ (0)లను పెవిలియన్‌ పంపడంతో జట్టు వెనకడుగు వేసింది. ఆ తర్వాత మిల్లర్‌ ఒక్కడే బాధ్యతను తీసుకున్నాడు. జంపా బౌలింగ్‌లోనే అతను నాలుగు సిక్సర్లు బాదటం విశేషం. మిల్లర్‌కు కొయెట్జీ (19) కొద్దిసేపు సహకరించాడు. కమిన్స్‌ వేసిన 48వ ఓవర్‌ తొలి బంతిని భారీ సిక్సర్‌గా మలచిన మిల్లర్‌ 115 బంతుల్లో శతకం సాధించగా, ఇదే షాట్‌తో జట్టు స్కోరు 200 పరుగులు దాటింది.   కలిసొచి్చన శుభారంభం... స్వల్ప లక్ష్యమే అయినా ఆ్రస్టేలియా దూకుడుగా ఇన్నింగ్స్‌ ఆరంభించింది. అదే చివరకు ఆ జట్టు విజయానికి పునాది వేసింది. హెడ్, వార్నర్‌ పోటీపడి పరుగులు సాధించడంతో 6 ఓవర్లలోనే స్కోరు 60 పరుగులకు చేసింది. రబడ బౌలింగ్‌లోనే వార్నర్‌ 3 సిక్స్‌లు బాదాడు. అయితే వరుస ఓవర్లలో వార్నర్, మార్‌‡్ష (0)లను అవుట్‌ చేసి సఫారీ కాస్త పైచేయి ప్రదర్శించింది. కొయెట్జీ ఓవర్లో వరుసగా 3 ఫోర్లు బాది హెడ్‌ 40 బంతుల్లో హాఫ్‌ సెంచరీ సాధించాడు. హెడ్‌ క్రీజ్‌లో ఉన్నంతసేపు ఆసీస్‌ ధీమాగానే ఉంది. అయితే దక్షిణాఫ్రికా ఇద్దరు స్పిన్నర్లు షమ్సీ, మహరాజ్‌లతో బౌలింగ్‌ మొదలు పెట్టిన తర్వాత కంగారూల్లో తడబాటు మొదలైంది. ఈడెన్‌ పిచ్‌పై అనూహ్యంగా టర్న్‌ అవుతున్న బంతి బ్యాటర్లను బాగా ఇబ్బంది పెట్టింది. ఆసీస్‌ ఒక్కో పరుగు తీయడానికి తీవ్రంగా శ్రమించింది. తన తొలి బంతికే హెడ్‌ను మహరాజ్‌ బౌల్డ్‌ చేయగా... షమ్సీ బౌలింగ్‌లో లబుõÙన్‌ (18), మ్యాక్స్‌వెల్‌ (1) అనవసరంగా చెత్త షాట్‌లు ఆడి వికెట్లు సమరి్పంచుకున్నారు. దాంతో సఫారీలు పూర్తిగా ఆధిపత్యం ప్రదర్శిస్తూ ప్రత్యర్థిని ఒత్తిడిలోకి నెట్టారు. ఇన్‌గ్లిస్‌ (49 బంతుల్లో 28; 3 ఫోర్లు)తో కలిసి ఆరో వికెట్‌కు 37 పరుగులు జోడించి స్మిత్‌ ఇన్నింగ్స్‌ను చక్కదిద్దాడు. అయితే కొయెట్జీ అద్భుత బౌలింగ్‌తో తక్కువ వ్యవధిలో వీరిద్దరిని పెవిలియన్‌ పంపడంతో పరిస్థితి మళ్లీ మారింది. అయితే స్టార్క్‌ (16 నాటౌట్‌), కమిన్స్‌ (14 నాటౌట్‌) జాగ్రత్తగా ఆడుతూ అభేద్యంగా 22 పరుగులు జోడించి జట్టును గెలిపించారు.   స్కోరు వివరాలు   దక్షిణాఫ్రికా ఇన్నింగ్స్‌: డికాక్‌ (సి) కమిన్స్‌ (బి) హాజల్‌వుడ్‌ 3; బవుమా (సి) ఇన్‌గ్లిస్‌ (బి) స్టార్క్‌ 0; డసెన్‌ (సి) స్మిత్‌ (బి) హాజల్‌వుడ్‌ 6; మార్క్‌రమ్‌ (సి) వార్నర్‌ (బి) స్టార్క్‌ 10; క్లాసెన్‌ (బి) హెడ్‌ 47; మిల్లర్‌ (సి) హెడ్‌ (బి) కమిన్స్‌ 101; జాన్సెన్‌ (ఎల్బీ) (బి) హెడ్‌ 0; కొయెట్జీ (సి) ఇన్‌గ్లిస్‌ (బి) కమిన్స్‌ 19; కేశవ్‌ మహరాజ్‌ (సి) స్మిత్‌ (బి) స్టార్క్‌ 4; రబడ (సి) మ్యాక్స్‌వెల్‌ (బి) కమిన్స్‌ 10; షమ్సీ (నాటౌట్‌) 1; ఎక్స్‌ట్రాలు 11; మొత్తం (49.4 ఓవర్లలో ఆలౌట్‌) 212. వికెట్ల పతనం: 1–1, 2–8, 3–22, 4–24, 5–119, 6–119, 7–172, 8–191, 9–203, 10–212. బౌలింగ్‌: స్టార్క్‌ 10–1–34–3, హాజల్‌వుడ్‌ 8–3–12–2, కమిన్స్‌ 9.4–0–51–3, జంపా 7–0–55–0, మ్యాక్స్‌వెల్‌ 10–0–35–0, హెడ్‌ 5–0–21–2. ఆ్రస్టేలియా ఇన్నింగ్స్‌: హెడ్‌ (బి) మహరాజ్‌ 62; వార్నర్‌ (బి) మార్క్‌రమ్‌ 29; మార్‌‡్ష (సి) డసెన్‌ (బి) రబడ 0; స్మిత్‌ (సి) డికాక్‌ (బి) కొయెట్జీ 30; లబుõÙన్‌ (ఎల్బీ) (బి) షమ్సీ 18; మ్యాక్స్‌వెల్‌ (బి) షమ్సీ 1; ఇన్‌గ్లిస్‌ (బి) కొయెట్జీ 28; స్టార్క్‌ (నాటౌట్‌) 16; కమిన్స్‌ (నాటౌట్‌) 14; ఎక్స్‌ట్రాలు 17; మొత్తం (47.2 ఓవర్లలో 7 వికెట్లకు) 215. వికెట్ల పతనం: 1–60, 2–61, 3–106, 4–133, 5–137, 6–174, 7–193. బౌలింగ్‌: జాన్సెన్‌ 4.2–0–35–0, రబడ 6–0–41–1, మార్క్‌రమ్‌ 8–1–23–1, కొయెట్జీ 9–0–47–2, షమ్సీ 10–0–42–2, మహరాజ్‌ 10–0–24–1.    8: వన్డే ప్రపంచకప్‌లో ఫైనల్‌ చేరడం ఆస్ట్రేలియా జట్టుకిది ఎనిమిదోసారి. గతంలో ఆ జట్టు 1975 (రన్నరప్‌), 1987 (విజేత), 1996 (రన్నరప్‌), 2003 (విజేత), 1999 (విజేత), 2007 (విజేత), 2015 (విజేత)లలో ఏడుసార్లు టైటిల్‌ పోరుకు అర్హత సాధించింది. ఐదుసార్లు చాంపియన్‌గా నిలిచి, రెండుసార్లు రన్నరప్‌ తో సంతృప్తి పడింది. 5: వన్డే ప్రపంచకప్‌ చరిత్రలో ఐదో సెమీఫైనల్‌ ఆడిన దక్షిణాఫ్రికా ఐదుసార్లు ఈ అడ్డంకిని దాటలేకపోయింది. 1992లో ఇంగ్లండ్‌ చేతిలో ఓడిపోగా... 1999లో ఆ్రస్టేలియాతో సెమీఫైనల్‌ మ్యాచ్‌ను దక్షిణాఫ్రికా ‘టై’ చేసుకుంది. అయితే ‘సూపర్‌ సిక్స్‌’ దశలో ఎక్కువ పాయింట్లు సాధించినందుకు ఆ్రస్టేలియా ఫైనల్‌ చేరింది. దక్షిణాఫ్రికాకు నిరాశ ఎదురైంది. 2007లో ఆ్రస్టేలియా చేతిలోనే సెమీఫైనల్లో ఓడిన దక్షిణాఫ్రికా... 2015లో న్యూజిలాండ్‌ జట్టు చేతిలో పరాజయం పాలైంది. తాజాగా ఆస్ట్రేలియా చేతిలో మరోసారి ఓడిపోయింది. 1: భారత గడ్డపై వన్డేల్లో దక్షిణాఫ్రికాను ఓడించడం ఆ్రస్టేలియాకిదే తొలిసారి కావడం విశేషం. 1996లో భారత్‌ వేదికగా జరిగిన టైటాన్‌ కప్‌లో దక్షిణాఫ్రికా చేతిలో మూడుసార్లు ఓడిన ఆస్ట్రేలియా.. తాజా ప్రపంచకప్‌లో లీగ్‌ దశలో ఓటమి పాలైంది. అయితే కీలకమైన సెమీఫైనల్లో దక్షిణాఫ్రికాను ఆ్రస్టేలియా ఓడించింది. 2: వన్డే ప్రపంచకప్‌ చరిత్రలో అవే జట్ల మధ్య ఫైనల్స్‌ జరగనుండటం ఇది రెండోసారి. 1996, 2007 ప్రపంచకప్‌ టోర్నీల్లో ఆ్రస్టేలియా–శ్రీలంక జట్ల మధ్య తుది పోరు జరగ్గా... ఆస్ట్రేలియా–భారత్‌ జట్ల మధ్య 2003లో తొలిసారి టైటిల్‌ పోరు జరిగింది. 20 ఏళ్ల తర్వాత మళ్లీ ఈ రెండు జట్లు టైటిల్‌ కోసం అమీతుమీ తేల్చుకోనున్నాయి. 

వర్షం కారణంగా వరల్డ్‌కప్‌ 2023 సెమీఫైనల్‌ మ్యాచ్‌లు రద్దైతే ఏం జరుగుందనే ప్రస్తావన ప్రస్తుతం సోషల్‌మీడియాలో చర్చనీయాంశంగా మారింది. సౌతాఫ్రికా, ఆస్ట్రేలియా మధ్య కోల్‌కతా వేదికగా నవంబర్‌ 16న జరిగే రెండో సెమీఫైనల్‌కు వర్షం ముప్పు పొంచి ఉందన్న వార్తలు వెలువడుతున్న నేపథ్యంలో ఈ అంశం తెరపైకి వచ్చింది. ఒకవేళ నెట్టింట జరుగుతున్న ప్రచారం నిజమై సౌతాఫ్రికా, ఆస్ట్రేలియా సెమీస్‌ మ్యాచ్‌ రద్దైతే, ఆ మరుసటి రోజు (నవంబర్‌ 17, రిజర్వ్‌ డే) మ్యాచ్‌ను జరిపిస్తారు. ఇక ఆ రోజు కూడా వర్షం కారణంగా మ్యాచ్‌ సాధ్యపడకపోతే మాత్రం లీగ్‌ దశలో మెరుగైన రన్‌రేట్‌ కలిగిన జట్టు ఫైనల్‌కు చేరుకుంటుంది. ఈ లెక్కన లీగ్‌ దశలో సౌతాఫ్రికాకు ఆస్ట్రేలియా కంటే మెరుగైన రన్‌రేట్‌ ఉంది కాబట్టి సఫారీలు సెమీస్‌ గండాన్ని గట్టెక్కి ఫైనల్లోకి ప్రవేశిస్తారు. మరోవైపు ఇవాళ (నవంబర్‌ 15) జరగాల్సిన భారత్‌-న్యూజిలాండ్‌ తొలి సెమీఫైనల్‌ మ్యాచ్‌ కూడా వర్షం కారణంగా రెండు రోజులు (రిజర్వ్‌ డే) సాధ్యపడకపోతే అప్పుడు లీగ్‌ దశలో మెరుగైన రన్‌రేట్‌ కలిగిన భారత్‌ ఫైనల్లోకి అడుగుపెడుతుంది. వర్షం కారణంగా రెండు సెమీస్‌ మ్యాచ్‌లు రద్దైతే భారత్‌-సౌతాఫ్రికా ఫైనల్స్‌లో అమీతుమీ తేల్చుకుంటాయి. ఈ అంశం చర్చించుకోవడానికి బాగానే ఉంది కానీ, జరిగే పని మాత్రం కాదు. ఒకవేళ వర్షం కారణంగా షెడ్యూల్‌ అయిన రోజు మ్యాచ్‌ జరగకపోయినా, రిజర్వ్‌ డే రోజైనా తప్పక జరిగే అవకాశం ఉంటుంది. భారత్‌లో ఇది వర్షాకాలం కాదు కాబట్టి, ఎన్ని అల్పపీడనాలు ఏర్పడినా వాటి ప్రభావం నామమాత్రంగా ఉంటుంది.   

వన్డే ప్రపంచకప్‌-2023లో భాగంగా గురువారం దక్షిణాఫ్రికాతో జరిగిన మ్యాచ్‌లో 134 పరుగుల తేడాతో ఆస్ట్రేలియా ఓటమి పాలైంది. ఇక ఇది ఇలా ఉండగా.. ఈ మ్యాచ్‌లో ఆస్ట్రేలియా స్టార్‌ బ్యాటర్‌ స్టీవ్‌ స్మిత్‌ దురదృష్టకరరీతిలో ఔటయ్యాడు. అతడు ఔటైన తీరు అందరిని ఆశ్చర్యపరిచింది. ప్రస్తుతం అతడి ఔట్‌పై వివాదం చెలరేగింది. అసలేం జరిగిందంటే? 312 పరుగుల లక్ష్య ఛేదనలో 27 పరుగులకే రెండు కీలక వికెట్లు కోల్పోయి ఆసీస్‌ కష్టాలో పడింది. ఈ సమయంలో స్మిత్‌, లాబుషేన్‌తో కలిసి ఇన్నింగ్స్‌ను చక్కదిద్దే ప్రయత్నం చేశాడు. ఈ క్రమంలో ఆసీస్‌ ఇన్నింగ్స్‌ 10 ఓవర్‌ వేసిన రబాడ బౌలింగ్‌లో మూడో, నాలుగో బంతులను స్మిత్‌ బౌండరీలగా మలిచాడు. ఆ తర్వాతి బంతిని కూడా లెగ్‌ సైడ్‌ ఆడటానికి స్మిత్‌ ప్రయత్నించాడు. కానీ బంతి మిస్‌ అయ్యి స్మిత్‌ ప్యాడ్‌కు తాకింది. వెంటనే బౌలర్‌తో వికెట్‌ కీపర్‌ ఎల్బీకి అప్పీల్‌ చేశారు. కానీ అంపైర్‌ విల్సన్‌ నో అంటూ తలఊపాడు. అయితే దక్షిణాఫ్రికా కెప్టెన్‌ మాత్రం రివ్యూకు వెళ్లాడు. అయితే రిప్లేలో తొలుత బంతి ఈజీగా లెగ్‌స్టంప్‌ మిస్‌అవుతున్నట్లు కన్పించింది. కానీ బాల్‌ ట్రాకింగ్‌లో మాత్రం బంతి లెగ్‌స్టంప్‌ను తాకినట్లు తేలింది. దీంతో థర్డ్‌ అంపైర్‌ స్మిత్‌ను ఔట్‌గా ప్రకటించాడు. థర్డ్‌అంపైర్‌ తీసుకున్న నిర్ణయం బ్యాట‌ర్ స్టీవ్ స్మిత్‌తో పాటు ఫీల్డ్ అంపైర్‌ను ఆశ్చ‌ర్యానికి గురి చేసింది. ఎందుకంటే కనీసం అంపైర్‌ కాల్‌ అయినా వస్తుందని భావించారు. కానీ అందరి అంచనాలను 'హాక్‌ ఐ' టెక్నాలజీ తారుమారు చేసింది. కాగా గత కొంతకాలంగా ఎల్బీ డబ్ల్యూ రివ్యూ,  క్యాచ్‌ల ఫలితాల తేల్చడంలో 'హాక్‌ ఐ' టెక్నాలజీని ఐసీసీ వాడుతోంది. ఇందుకు సంబంధించిన వీడియో ప్రస్తుతం సోషల్‌ మీడియాలో మారింది. టెక్నాలజీ లోపానికి స్మిత్‌ బలయ్యాడు అంటూ కామెంట్లు చేస్తున్నారు. చదవండి: ICC World Cup 2023 SA vs AUS: కంగారెత్తించే కంగారులకు ఏమైంది? తిరిగి గాడిలో పడేనా? View this post on Instagram A post shared by ICC (@icc)

స్వదేశంలో ఆస్ట్రేలియాతో జరిగిన 5 మ్యాచ్‌ల వన్డే సిరీస్‌ను సౌతాఫ్రికా 3-2 తేడాతో కైవసం చేసుకుంది. జొహన్నెస్‌బర్గ్‌ వేదికగా ఇవాళ (సెప్టెంబర్‌ 17) జరిగిన ఐదో వన్డేలో సౌతాఫ్రికా 122 పరుగుల భారీ తేడాతో గెలుపొందింది. మార్కో జన్సెన్‌ ఆల్‌రౌండ్‌ షోతో (23 బంతుల్లో 47; 4 ఫోర్లు, 3 సిక్సర్లు, 8-1-39-5) ఇరగదీసి తన జట్టును విజయపథాన నడిపించాడు. జన్సెన్‌కు కేశవ్‌ మహారాజ్‌ (9.1-2-33-4) సహకరించడంతో ఆస్ట్రేలియా ఓటమిపాలైంది. ఈ మ్యాచ్‌లో తొలుత బ్యాటింగ్‌ చేసిన సౌతాఫ్రికా.. మార్క్రమ్‌ (87 బంతుల్లో 93; 9 ఫోర్లు, 3 సిక్సర్లు), డేవిడ్‌ మిల్లర్‌ (65 బంతుల్లో 63; 4 ఫోర్లు, 3 సిక్సర్లు) అర్ధ సెంచరీలతో చెలరేగడంతో.. నిర్ణీత 50 ఓవర్లలో 9 వికెట్ల నష్టానికి 315 పరుగులు చేసింది. ఇన్నింగ్స్‌ చివర్లో మార్కో జన్సెన్‌, ఫెలుక్వాయో (19 బంతుల్లో 39 నాటౌట్‌; 2 ఫోర్లు, 4 సిక్సర్లు) మెరుపు ఇన్నింగ్స్‌తో విరుచుకుపడటంతో సౌతాఫ్రికా 300 స్కోర్‌ను దాటింది. ఆసీస్‌ బౌలర్లలో ఆడమ్‌ జంపా (3/71), సీన్‌ అబాట్‌ (2/54), గ్రీన్‌ (1/59), నాథన్‌ ఇల్లిస్‌ (1/49), టిమ్‌ డేవిడ్‌ (1/20) వికెట్లు పడగొట్టారు.  అనంతరం 316 పరుగుల భారీ లక్ష్యాన్ని ఛేదించేందుకు బరిలోకి దిగిన ఆసీస్‌.. జన్సెన్‌, కేశవ్‌ మహారాజ్‌, ఫెలుక్వాయో (1/44) ధాటికి 34.1 ఓవర్లలో 193 పరుగులకు ఆలౌటైంది. ఆసీస్‌ ఇన్నింగ్స్‌లో కెప్టెన్‌ మిచెల్‌ మార్ష్‌ (71) టాప్‌ స్కోరర్‌గా నిలువగా.. లబూషేన్‌ (44) పర్వాలేదనిపించాడు. వీరు మినహాయించి అంతా విఫలమయ్యారు. వార్నర్‌ 10, ఇంగ్లిస్‌ 0, అలెక్స్‌ క్యారీ 2, గ్రీన్‌ 18, టిమ్‌ డేవిడ్‌ 1, సీన్‌ అబాట్‌ 23, మైఖేల్‌ నెసర్‌ 0, జంపా 5 పరుగులు చేసి నిరాశపరిచారు. కాగా, ఈ సిరీస్‌లో ఆసీస్‌ తొలి రెండు వన్డేలు గెలువగా.. ఆతర్వాత సౌతాఫ్రికా వరుసగా మూడు విజయాలు సాధించి, సిరీస్‌ కైవసం చేసుకుంది. దీనికి ముందు జరిగిన 3 మ్యాచ్‌ల టీ20 సిరీస్‌ను ఆసీస్‌ 3-0తో క్లీన్‌స్వీప్‌ చేసింది.

ప్రపంచ క్రికెట్‌లో ఫామ్‌తో సంబంధం లేకుండా క్రికెటేతర విషయాలైన రూపం, వర్ణం, ఆహార్యం కారణంగా అవమానాలు ఎదుర్కొన్న క్రికెటర్‌ ఎవరైనా ఉన్నారా అంటే అది దక్షిణాఫ్రికా వన్డే జట్టు సారధి టెంబా బవుమానే అని చెప్పాలి. ఈ సఫారీ స్టార్‌ గతంలో అనేక సందర్భాల్లో క్రికెటేతర కారణాల చేత అవమానాలు ఎదుర్కొన్నాడు. సొంత జట్టు సభ్యులతో సహా తన చుట్టూ ఉన్నవారంతా తన ఆహార్యాన్ని గేలి చేసినప్పటికీ ఎంతమాత్రం చలించని ఈ సఫారీ బ్యాటింగ్‌ యోధుడు, తనకు అవమానం ఎదురైన ప్రతిసారి బ్యాట్‌తోనే సమాధానం చెప్పాడు. ప్రస్తుతం బవుమా అదే పనిలోనే ఉన్నాడు. వ్యక్తిగత విషయాలతో పాటు తన ఆటను కించపరిచే వారికి సెంచరీల మీద సెంచరీలు సాధిస్తూ సమాధానం​ చెబుతున్నాడు. పొట్టి ఫార్మాట్‌ మినహాయించి మిగతా రెండు ఫార్మాట్లలో ఈ ఏడాది బవుమా ఆకాశమే హద్దుగా చెలరేగుతున్నాడు. ఈ ఏడాది ఇప్పటికే అతను టెస్ట్‌ల్లో (1), వన్డేల్లో (3) నాలుగు సెంచరీలు బాదాడు. ముఖ్యంగా వన్డేల్లో అతని ఫామ్‌ అసామాన్యమైనదిగా ఉంది. ఈ ఏడాది అతనాడిన 9 వన్డే ఇన్నింగ్స్‌ల్లో 3 సెంచరీలు, 2 అర్ధ సెంచరీలు సహా 637 పరుగులు చేశాడు.  తాజాగా స్వదేశంలో ఆస్ట్రేలియాతో జరుగుతున్న వన్డే సిరీస్‌లో తన జట్టు నామమాత్రపు ప్రదర్శన చేస్తున్నప్పటికీ, అతనొక్కడు అద్భుతంగా రాణిస్తూ, తన జట్టు ఘోర పరాజయాలను ఎదుర్కోకుండా కాపాడుతున్నాడు. ఆసీస్‌తో ఇవాళ (సెప్టెంబర్‌ 12) జరుగుతున్న మూడో వన్డేలో బవుమా 62 బంతుల్లో 6 ఫోర్ల సాయంతో 57 పరుగులు చేసి అత్యంత కీలకమైన ఇన్నింగ్స్‌ ఆడాడు. ఫలితంగా సఫారీ టీమ్‌ 39 ఓవర్లలో 4 వికెట్ల నష్టానికి 236 పరుగులు చేసింది. బవుమాతో పాటు డికాక్‌ (82), రీజా హెండ్రిక్స్‌ (39), మార్క్రమ్‌ (43 నాటౌట్‌) రాణించారు. ఈ మ్యాచ్‌లో దక్షిణాఫ్రికా ఇంకా 11 ఓవర్లు ఆడాల్సి ఉంది. కాగా, 5 మ్యాచ్‌ల ఈ వన్డే సిరీస్‌లో తొలి రెండు మ్యాచ్‌లు నెగ్గిన ఆసీస్‌ 2-0 ఆధిక్యంలో కొనసాగుతుంది. దీనికి ముందు జరిగిన 3 మ్యాచ్‌ల టీ20 సిరీస్‌ను సైతం ఆసీస్‌ 3-0తో క్లీన్‌స్వీప్‌ చేసింది.  

దక్షిణాఫ్రికా గడ్డపై ఆస్ట్రేలియా తమ జైత్ర యాత్రను కొనసాగిస్తోంది. బ్లూమ్‌ఫోంటైన్ వేదికగా ప్రోటీస్‌ జట్టుతో జరిగిన రెండో వన్డేలో 123 పరగుల తేడాతో ఆస్ట్రేలియా ఘనవిజయం సాధించింది. దీంతో ఐదు వన్డేల సిరీస్‌లో 2-0 అధిక్యంలోకి ఆసీస్‌ దూసుకెళ్లింది. ఈ మ్యాచ్‌లో తొలుత బ్యాటింగ్‌ చేసిన ఆస్ట్రేలియా నిర్ణీత 50 ఓవర్లలో 8 వికెట్ల నష్టానికి 392 పరుగుల భారీ స్కోర్‌ నమోదు చేసింది. కంగూరుల బ్యాటర్లలో డేవిడ్‌ వార్నర్‌(106), లబుషేన్‌(124) సెంచరీలతో చెలరేగగా.. హెడ్‌(64), జోష్‌ ఇంగ్లీష్‌(50) హాఫ్‌ సెంచరీలతో రాణించారు. ప్రోటీస్‌ బౌలర్లలో స్పిన్నర్‌ షమ్సీ నాలుగు వికెట్లు సాధించగా.. రబాడ రెండు, మార్కో జానెసన్‌ వికెట్‌ సాధించారు. అనంతరం 393 పరుగుల భారీ లక్ష్యంతో బరిలోకి దిగిన దక్షిణాఫ్రికా 41.5 ఓవర్లలో 269 పరుగులకు ఆలౌటైంది. ఆస్ట్రేలియా బౌలర్లలో ఆడమ్‌ జంపా నాలుగు వికెట్లతో సఫారీలను దెబ్బతీశాడు. అదే విధంగా నాథన్‌ ఈల్లీస్‌, అబాట్‌, హార్దే చెరో రెండు వికెట్లు సాధించారు. ప్రోటీస్‌ బ్యాటర్లలో కెప్టెన్‌ బావుమా(46) పరుగులతో టాప్‌ స్కోరర్‌గా నిలిచాడు. ఇక ఇరు జట్ల మధ్య మూడో వన్డే సెప్టెంబర్‌ 12న జరగనుంది. చదవండి: Asia Cup 2023: కొలంబోలో చివరగా టీమిండియా ఎప్పుడు ఆడిందంటే? అప్పుడు సంజూ!

ఆస్ట్రేలియా స్టార్‌ ఓపెనర్‌ డేవిడ్‌ వార్నర్‌ ఎట్టకేలకు తన బ్యాట్‌కు పనిచెప్పాడు. బ్లోమ్‌ఫోంటెయిన్ వేదికగా దక్షిణాఫ్రికాతో రెండో వన్డేలో వార్నర్‌ అద్భుతమైన సెంచరీతో చెలరేగాడు.  ఈ మ్యాచ్‌లో ఓవరాల్‌గా 93 బంతులు ఎదుర్కొన్న వార్నర్‌ 12 ఫోర్లు, 3 సిక్స్‌ల సాయంతో 106 పరుగులు చేశాడు. వార్నర్‌కు ఇది 20 వన్డే సెంచరీ. ఓవరాల్‌గా డేవిడ్‌ భాయ్‌కు ఇది 46వ అంతర్జాతీయ సెంచరీ కావడం విశేషం. చరిత్ర సృష్టించిన వార్నర్‌.. ఇక ఈ మ్యాచ్‌లో సెంచరీతో చెలరేగిన వార్నర్‌ అరుదైన ఘనత సాధించాడు. అంతర్జాతీయ క్రికెట్‌లో ఓపెనర్‌గా అత్యధిక సెంచరీలు చేసిన ఆటగాడిగా వార్నర్‌ రికార్డులకెక్కాడు. ఇప్పటివరకు ఓపెనర్‌గా 46 సెంచరీలు వార్నర్‌ నమోదు చేశాడు. ఈ క్రమంలో భారత క్రికెట్‌ దిగ్గజం సచిన్ టెండూల్కర్(45) రికార్డును వార్నర్‌ బ్రేక్‌ చేశాడు. అదే విధంగా ఈ మ్యాచ్‌లో ఓపెనర్‌గా 6000 పరుగుల మైలు రాయిని వార్నర్‌ అందుకున్నాడు. అతి తక్కువ ఇన్నింగ్స్‌లలో ఈ ఫీట్‌ను అందుకున్న నాలుగో ఓపెనర్‌గా వార్నర్‌ నిలిచాడు. వార్నర్‌ 140 ఇన్నింగ్స్‌లలో ఈ మైలురాయిని చేరుకున్నాడు. ఈ జాబితాలో టీమిండియా కెప్టెన్‌ రోహిత్‌ శర్మ(121) అగ్రస్ధానంలో ఉన్నాడు. చదవండి: Asia Cup 2023: 'అతడొక యార్కర్ల కింగ్‌.. వరల్డ్‌ కప్‌ జట్టులో అతడు ఉండాల్సింది'

దక్షిణాఫ్రికాతో ఐదు వన్డేల సిరీస్‌లో ఆస్ట్రేలియా శుభారంభం చేసింది. బ్లూమ్‌ఫోంటైన్ వేదికగా ప్రోటీస్‌తో జరిగిన తొలి వన్డేలో 3 వికెట్ల తేడాతో ఆసీస్‌ విజయం సాధించింది. తొలుత బ్యాటింగ్‌ చేసిన దక్షిణాఫ్రికా 49 ఓవర్లలో 222 పరుగులకు ఆలౌటైంది. సౌతాఫ్రికా బ్యాటర్లలో కెప్టెన్‌ టెంబా బావుమా(114) పరుగులతో కీలక ఇన్నింగ్స్‌ ఆడాడు.  అతడితో పాటు మార్కో జానెసన్‌(32) పరుగులతో రాణించాడు. ఆసీస్‌ బౌలర్లో హాజిల్‌ వుడ్‌ మూడు వికెట్లు పడగొట్టగా..స్టోయినిస్‌ రెండు, అబాట్‌, అగర్‌, జంపా, గ్రీన్‌ తలా వికెట్‌ సాధించారు. కంకషన్ సబ్‌స్టిట్యూట్‌గా వచ్చి.. 223 పరుగుల స్వల్ప లక్ష్యంతో బరిలోకి దిగిన ఆసీస్‌ 74 పరుగులకే సగం వికెట్లు కోల్పోయి పీకల్లోతు కష్టాలో పడింది. ఈ సమయంలో క్రీజులోకి కంకషన్ సబ్‌స్టిట్యూట్‌గా వచ్చిన మార్నస్‌ లూబుషేన్‌(93 బంతుల్లో 80 నాటౌట్‌) కీలక ఇన్నింగ్స్‌ ఆడి జట్టును గెలిపించాడు. తొలుత తుది జట్టులో లబుషేన్‌కు చోటు దక్కలేదు. కానీ కామెరూన్‌ గ్రీన్‌ తలకు గాయం కావడంతో కంకషన్ సబ్‌స్టిట్యూట్‌గా ఆడే అవకాశం మార్నస్‌కు వచ్చింది. దీంతో తనకు వచ్చిన అవకాశాన్ని లబుషేన్‌ సద్వినియోగపరుచుకున్నాడు. అతడితో పాటు అస్టన్‌ అగర్‌(44) అద్బుతమైన ఇన్నింగ్స్‌ ఆడాడు. 80 పరుగులతో అదరగొట్టిన లబుషేన్‌కు మ్యాన్‌ ఆఫ్‌ది మ్యాచ్‌ అవార్డు లభించింది. ఇక ప్రోటీస్‌ బౌలర్లలో గెరాల్డ్ కోయెట్జీ, రబాడ చెరో రెండు వికెట్లు సాధించగా.. ఎంగిడి, మహారాజ్‌, జానెసన్‌ తలా వికెట్‌ పడగొట్టారు. ఇరు జట్ల మధ్య రెండో వన్డే సెప్టెంబర్‌ 9న ఇదే వేదికగా జరగనుంది. చదవండి: WC: ప్రపంచకప్‌-2023 జట్టును ప్రకటించిన నెదర్లాండ్స్‌.. తేజకు చోటు.. కెప్టెన్‌ ఎవరంటే!

ఆస్ట్రేలియాతో స్వదేశంలో జరుగుతున్న మూడు మ్యాచ్‌ల టీ20 సిరీస్‌ను సౌతాఫ్రికా 0-3 తేడాతో కోల్పోయింది. డర్బన్‌ వేదికగా ఇవాళ (సెప్టెంబర్‌ 3) జరిగిన నామమాత్రపు మూడో మ్యాచ్‌లో ఆ జట్టు 5 వికెట్ల తేడాతో ఓటమిపాలైంది. ఫలితంగా ఆసీస్‌ 3-0 తేడాతో ప్రొటీస్‌ను క్లీన్‌ స్వీప్‌ చేసింది. అరంగేట్రంలోనే అదరగొట్టిన ఫెర్రెయిరా  ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన సౌతాఫ్రికా.. ఓపెనర్‌ రీజా హెండ్రిక్స్‌ (30 బంతుల్లో 42; 2 ఫోర్లు, 2 సిక్సర్లు), కెప్టెన్‌ మార్క్రమ్‌ (23 బంతుల్లో 41; 4 ఫోర్లు, 2 సిక్సర్లు), అరంగేట్రం ఆటగాడు డొనొవన్‌ ఫెర్రెయిరా (21 బంతుల్లో 48; ఫోర్‌, 5 సిక్సర్లు) చెలరేగడంతో నిర్ణీత 20 ఓవర్లలో 8 వికెట్ల నష్టానికి 190 పరుగులు చేసింది.  ఆఖర్లో ఫెర్రెయిరా.. ట్రిస్టన్‌ స్టబ్స్‌ (16 బంతుల్లో 25; ఫోర్‌, 2 సిక్సర్లు)తో పాటు సిక్సర్ల వర్షం కురిపించడంతో సౌతాఫ్రికా భారీ స్కోర్‌ చేసింది. ఆసీస్‌ బౌలర్లలో సీన్‌ అబాట్‌ 4 వికెట్లు పడగొట్టగా.. మార్కస్‌ స్టోయినిస్‌ 2, తన్వీర్‌ సంగా ఓ వికెట్‌ దక్కించుకున్నాడు.  హెడ్‌, ఇంగ్లిస్‌, స్టొయినిస్‌ల ఊచకోత.. 191 పరుగుల లక్ష్యాన్ని ఛేదించేందుకు బరిలోకి దిగిన ఆసీస్‌.. ట్రవిస్‌ హెడ్‌ (48 బంతుల్లో 91; 8 ఫోర్లు, 6 సిక్సర్లు), జోష్‌ ఇంగ్లిస్‌ (22 బంతుల్లో 42; ఫోర్‌, 4 సిక్సర్లు), మార్కస్‌ స్టోయినిస్‌ (21 బంతుల్లో 37 నాటౌట్‌; 2 ఫోర్లు, 3 సిక్సర్లు) విధ్వంసకర ఇన్నింగ్స్‌లతో విరుచుకుపడటంతో 17.5 ఓవర్లలోనే (5 వికెట్లు కోల్పోయి) విజయతీరాలకు చేరింది. భీకర ఫామ్‌లో ఉండిన కెప్టెన్‌ మిచెల్‌ మార్ష్‌ (15) ఈ మ్యాచ్‌లో విఫలమయ్యాడు.  కాగా, ఈ సిరీస్‌లో తొలి రెండు మ్యాచ్‌లను ఆసీస్‌ గెలిచిన విషయం తెలిసిందే. ఈ పర్యటనలో తదుపరి 5 మ్యాచ​్‌ల వన్డే సిరీస్‌ జరుగనుంది. సెప్టెంబర్‌ 7, 9, 12, 15, 17 తేదీల్లో ఈ మ్యాచ్‌లు జరుగనున్నాయి. 

దక్షిణాఫ్రికా గడ్డపై ఆస్ట్రేలియా క్రికెట్‌ జట్టు తమ జోరును కొనసాగిస్తోంది. డర్భన్‌​ వేదికగా ప్రోటీస్‌తో జరిగిన రెండో టీ20లో 8 వికెట్ల తేడాతో ఆస్ట్రేలియా విజయం సాధించింది. దీంతో మరో మ్యాచ్‌ మిగిలూండగానే 2-0 తేడాతో సిరీస్‌ను ఆసీస్‌ కైవసం చేసుకుంది.  ఈ మ్యాచ్‌లో తొలుత బ్యాటింగ్‌ చేసిన సౌతాఫ్రికా నిర్ణీత 20 ఓవర్లలో 8 వికెట్ల నష్టానికి 164 పరుగులు చేసింది. ప్రోటీస్‌ బ్యాటర్లలో కెప్టెన్‌ మార్‌క్రమ్‌(49) పరుగులతో రాణించగా.. బావుమా(35) పర్వాలేదనపించాడు. ఆసీస్‌ బౌలర్లలో అబాట్‌, ఈల్లీస్‌ తలా మూడు వికెట్లు పడగొట్టగా.. బెహ్రెండోర్ఫ్ రెండు వికెట్లు సాధించారు. మార్ష్‌, షార్ట్‌ విధ్వంసం.. ఇక 165 పరుగుల లక్ష్యాన్ని కేవలం 14.5 ఓవర్లలోనే రెండు వికెట్లు కోల్పోయి ఆసీస్‌ ఛేదించింది. మరోసారి ఆస్ట్రేలియా కెప్టెన్‌ మిచెల్‌ మార్ష్‌ విధ్వంసం సృష్టించాడు. కేవలం 39 బంతుల్లో 6 ఫోర్లు, 8 సిక్స్‌లతో 79 పరుగులు చేసి ఆజేయంగా నిలిచాడు. కాగా మార్ష్‌ తన హాఫ్‌సెంచరీ మార్క్‌ను కేవలం 28 బంతుల్లోనే అందకున్నాడు. అతడికి ఇది వరుసగా రెండో అర్ధ శతకం కావడం విశేషం.  అతడితో పాటు ఓపెనర్‌ మాథ్యూ షార్ట్‌ కూడా చెలరేగాడు. ఈ మ్యాచ్‌లో 30 బంతులు ఎదుర్కొన్న షార్ట్‌ 7 ఫోర్లు, 4 సిక్స్‌లతో 66 పరుగులు చేశాడు. కాగా షార్ట్‌కు ఇది రెండో అంతర్జాతీయ టీ20 మ్యాచ్‌ కావడం గమనార్హం. ఇక ప్రోటీస్‌ బౌలర్లలో విలియమ్స్‌, షమ్సీ తలా వికెట్‌ సాధించారు. ఇరు జట్ల మధ్య నామమాత్రపు మూడో టీ20 ఆదివారం జరగనుంది. చదవండి: విరాట్‌ కోహ్లి అంటే నాకు గౌరవం.. అది అనవసరం! విజయం మాదే: బాబర్‌

ఆస్ట్రేలియా విధ్వంసకర ఆటగాడు టిమ్‌ డేవిడ్‌కు తొలసారి జాతీయ వన్డే జట్టులో చోటు దక్కింది. దక్షిణాఫ్రికాతో వన్డే జట్టులో టిమ్‌ డేవిడ్‌ పేరును ఆసీస్‌ సెలక్టర్లు చేర్చారు. కాగా తొలుత ప్రోటీస్‌తో వన్డే సిరీస్‌కు ప్రకటించిన జట్టులో డేవిడ్‌కు చోటు  దక్కలేదు. డేవిడ్‌కు కేవలం టీ20 జట్టులో మాత్రమే సెలక్టర్లు ఛాన్స్‌ ఇచ్చారు. అయితే ఇప్పుడు స్టీవ్‌ స్మిత్‌, మాక్స్‌వెల్‌, ‌ స్టార్క్‌ వంటి ఆటగాళ్లు దక్షిణాఫ్రికా పర్యటనకు దూరం కావడంతో డేవిడ్‌కు లక్కీ ఛాన్స్‌ లభించింది. కాగా దక్షిణాఫ్రికాతో జరిగిన తొలి టీ20లో డేవిడ్‌ అద్భుత ఇన్నింగ్స్‌ ఆడాడు. కేవలం 28 బంతుల్లో 7 ఫోర్లు, 4 సిక్స్‌లతో 64 పరుగులు చేశాడు. అదేవిధంగా లిస్ట్‌-ఏ క్రికెట్‌లో డేవిడ్‌ కేవలం 16 మ్యాచ్‌లు మాత్రమే ఆడాడు. అతడి లిస్ట్‌-ఏ కెరీర్‌లో బ్యాటింగ్‌ సగటు 82.77గా ఉంది. ఇక ఇదే విషయంపై ఆసీస్‌ టోనీ డోడెమైడ్ మాట్లాడుతూ.."టీ20 సిరీస్‌ కోసం డేవిడ్‌ ఇప్పటికే దక్షిణాఫ్రికాలో ఉన్నాడు. అతడికి వన్డే జట్టులో కూడా అవకాశం ఇస్తున్నాము. టిమ్‌ తన దూకుడు వన్డేల్లో కూడా కొనసాగించాలని ఆశిస్తున్నా" అని చెప్పుకొచ్చాడు. ఇక డర్బన్‌ వేదికగా జరిగిన తొలి టీ20లో  111 పరుగుల తేడాతో ప్రోటీస్‌ను కంగారూ జట్టు చిత్తు చేసింది. దక్షిణాఫ్రికాతో వన్డేలకు ఆసీస్‌ జట్టు: పాట్ కమ్మిన్స్(కెప్టెన్‌, సీన్ అబాట్, అష్టన్ అగర్, అలెక్స్ కారీ, టిమ్ డేవిడ్, నాథన్ ఎల్లిస్, కామెరాన్ గ్రీన్, ఆరోన్ హార్డీ, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, స్పెన్సర్ జాన్సన్, మార్నస్ లాబుస్‌చాగ్నే, మిచెల్ స్యాంగ్, టాన్హాన్ , మార్కస్ స్టోయినిస్, డేవిడ్ వార్నర్, ఆడమ్ జంపా చదవండి: Asia Cup 2023 Ind Vs Pak Clash: క్రికెట్ అభిమానులకి బ్యాడ్ న్యూస్.. భారత్‌- పాకిస్తాన్ మ్యాచ్‌ కష్టమే!

దక్షిణాఫ్రికా గడ్డపై ఆస్ట్రేలియా శుభారంభం చేసింది. డర్బన్‌ వేదికగా సౌతాఫ్రికాతో జరిగిన తొలి టీ20లో 111 పరుగుల తేడాతో ఆస్ట్రేలియా ఘన విజయం సాధించింది. టాస్‌ ఓడి తొలుత బ్యాటింగ్‌ చేసిన ఆసీస్‌ నిర్ణీత 20 ఓవర్లలో 6 వికెట్ల నష్టానికి 226 పరుగులు చేసింది. ఆసీస్‌ బ్యాటర్లలో కెప్టెన్‌ మిచెల్‌ మార్ష్‌ విధ్వంసం సృష్టించాడు. క్రీజులోకి వచ్చినప్పటి నుంచే ప్రోటీస్‌ బౌలర్లపై మార్ష్‌ విరుచుకుపడ్డాడు. కింగ్స్‌మేడ్‌ మైదానంలో మార్ష్‌ బౌండరీలు వర్షం కురిపించాడు. ఓవరాల్‌గా 49 బంతులు ఎదుర్కొన్న మిచెల్‌.. 13 ఫోర్లు, 2 సిక్స్‌ల సాయంతో 92 పరుగులు చేసి ఆజేయంగా నిలిచాడు. ఇక మార్ష్‌తో పాటు టిమ్‌ డేవిడ్‌ విధ్వంసకర ఇన్నింగ్స్‌ ఆడాడు. 28 బంతుల్లో 7 ఫోర్లు, 4 సిక్స్‌లతో 64 పరుగులు చేశాడు. ప్రోటీస్‌ బౌలర్లలో విలియమ్స్‌ మూడు వికెట్లు పడగొట్టగా.. జానెసన్‌, గెరాల్డ్‌, షమ్సీ తలా వికెట్‌ సాధించారు. కుప్పకూలిన ప్రోటీస్‌.. అనంతరం 227 పరుగుల లక్ష్యంతో బరిలోకి దిగిన దక్షిణాఫ్రికా కేవలం 115 పరుగులకే కుప్పకూలింది. ఆస్ట్రేలియా బౌలర్లలో తన్వీర్‌ సంఘా 4 వికెట్లు, మార్కస్‌ స్టోయినిస్‌ 3 వికెట్లతో ప్రోటీస్‌ను దెబ్బతీశారు. దక్షిణాఫ్రికా బ్యాటర్లలో హెండ్రిక్స్‌(56) మినహా అందరూ విఫలమయ్యారు. ఇక ఇరు జట్ల మధ్య రెండో టీ20 ఇదే వేదికలో శుక్రవారం జరగనుంది. చదవండి: Asia Cup 2023: శ్రీలంక గడ్డపై భారత జట్టు

సౌతాఫ్రికాతో 5 మ్యాచ్‌ల వన్డే సిరీస్‌కు ముందు ఆస్ట్రేలియాకు భారీ షాక్‌ తగిలింది. గాయం నుంచి పూర్తిగా కోలుకోని ఆ జట్టు కెప్టెన్‌ పాట్‌ కమిన్స్‌ సిరీస్‌ మొత్తానికి దూరం కానున్నాడని తెలుస్తోంది. గాయం నుంచి కోలుకుంటాడని సౌతాఫ్రికా పర్యటనలోని వన్డే సిరీస్‌కు కమిన్స్‌ను ఎంపిక చేసిన సెలెక్టర్లు.. అతని తాజా పరిస్థితిని సమీక్షించి వన్డే జట్టు నుంచి తప్పించాలని నిర్ణయించుకున్నట్లు సమాచారం.  కమిన్స్‌ స్థానంలో టీ20 జట్టు కెప్టెన్‌ మిచెల్‌ మార్ష్‌కు వన్డే జట్టు పగ్గాలు కూడా అప్పజెప్పాలని క్రికెట్‌ ఆస్ట్రేలియా వర్గాలు భావిస్తున్నాయట. వరల్డ్‌కప్‌ను దృష్టిలో పెట్టుకుని కమిన్స్‌కు వీలైనంత విశ్రాంతి కల్పించాలన్నది క్రికెట్‌ ఆస్ట్రేలియా యోచనగా తెలుస్తుంది. వరల్డ్‌కప్‌కు ముందు భారత్‌తో వన్డే సిరీస్‌ సమయానికంతా సిద్ధంగా ఉండాలని సీఏ కమిన్స్‌ సూచించిందని సమాచారం.    కాగా, ఆగస్ట్‌ 30 నుంచి సెప్టెంబర్‌ 17 వరకు జరిగే 3 టీ20లు, 5 వన్డేల సిరీస్‌ల కోసం ఆస్ట్రేలియా జట్టు సౌతాఫ్రికాతో పర్యటించనున్న విషయం తెలిసిందే. అనంతరం సెప్టెంబర్‌ 22 నుంచి 27 వరకు మూడు మ్యాచ్‌ల వన్డే సిరీస్‌ కోసం ఆస్ట్రేలియా జట్టు భారత్‌లో పర్యటించనుంది. యాషెస్‌ సిరీస్‌-2023 ఆఖరి టెస్ట్‌ సందర్భంగా గాయపడిన కమిన్స్‌  (ఎడ‌మ‌ చేతి మ‌ణిక‌ట్టు విరిగింది) వరల్డ్‌కప్‌కు ముందు జరిగే ఈ సిరీస్‌ సమయానికంతా అందుబాటులో ఉంటాడని తెలుస్తుంది.     

ఆస్ట్రేలియాతో స్వదేశంలో జరిగే టీ20, వన్డే సిరీస్‌ల కోసం​ క్రికెట్‌ సౌతాఫ్రికా (సీఎస్‌ఏ) వేర్వేరు జట్లను ఇవాళ (ఆగస్ట్‌ 14) ప్రకటించింది. ఈ పర్యటనలోని టీ20 సిరీస్‌ కోసం సౌతాఫ్రికన్‌ సెలెక్టర్లు విధ్వంసకర ఆటగాడు డెవాల్డ్‌ బ్రెవిస్‌కు తొలిసారి పిలుపునిచ్చారు. ఇతనితో పాటు వికెట్‌కీపర్‌ కమ్‌ బ్యాటర్‌ డోనోవన్ ఫెర్రీరా, యువ బ్యాటర్‌ మాథ్యూ బ్రీట్జ్కీలను కూడా తొలిసారి ఎంపిక చేశారు. ఆసీస్‌ పర్యటనలోని 3 మ్యాచ్‌ల టీ20 సిరీస్‌ కోసం సౌతాఫ్రికా సెలెక్టర్లు 15 మంది సభ్యులతో కూడిన యువ జట్టును ప్రకటించారు. సీనియర్లు క్వింటన్‌ డికాక్‌, హెన్రిచ్‌ క్లాసెన్‌, డేవిడ్‌ మిల్లర్‌, కగిసో రబాడ, అన్రిచ్‌ నోర్జేల గైర్హాజరీలో సెలెక్టర్లు యువకులకు అవకాశం ఇచ్చారు. పైపేర్కొన్న సీనియర్లంతా ఇదే పర్యటనలో జరిగే 5 మ్యాచ్‌ల వన్డే సిరీస్‌కు అందుబాటులోకి వస్తారు.  టీ20 సిరీస్‌కు ఎయిడెన్‌ మార్క్రమ్‌, వన్డే సిరీస్‌కు టెంబా బవుమా కెప్టెన్లుగా వ్యవహరిస్తారు. గాయం కారణంగా గతకొంతకాలంగా జట్టుకు దూరంగా ఉన్న సీనియర్‌ ఆటగాడు కేశవ్‌ మహారాజ్‌ సైతం రెండు జట్లలో చోటు దక్కించుకున్నాడు. ఆసీస్‌ పర్యటనలో టీ20 సిరీస్‌కు సౌతాఫ్రికా జట్టు: ఎయిడెన్ మార్క్రమ్ (కెప్టెన్‌), టెంబా బవుమా, మాథ్యూ బ్రీట్జ్కీ, డెవాల్డ్ బ్రెవిస్, గెరాల్డ్ కోయెట్జీ, డోనోవన్ ఫెర్రీరా, జోర్న్ ఫార్టుయిన్, రీజా హెండ్రిక్స్, మార్కో జన్సెన్, సిసంద మగాల, కేశవ్ మహరాజ్, లుంగీ  ఎంగిడి, తబ్రేజ్‌ షంషి, ట్రిస్టన్‌ స్టబ్స్‌, లిజాడ్‌ విలియమ్స్‌, రస్సీ వాన్ డెర్ డస్సెన్ ఆసీస్‌ పర్యటనలో వన్డే సిరీస్‌కు సౌతాఫ్రికా జట్టు: టెంబా బవుమా (కెప్టెన్‌), డెవాల్డ్ బ్రెవిస్, గెరాల్డ్ కోయెట్జీ, క్వింటన్ డికాక్, జోర్న్ ఫార్టుయిన్, రీజా హెండ్రిక్స్, మార్కో జన్సెన్, హెన్రిచ్ క్లాసెన్, సిసంద మగాలా, కేశవ్ మహరాజ్, ఎయిడెన్ మార్క్రమ్, డేవిడ్ మిల్లర్, లుంగి ఎంగిడి, అన్రిచ్‌ నోర్జే, తబ్రేజ్‌ షంషి, వేన్‌ పార్నెల్‌, కగిసో రబాడ, ట్రిస్టన్‌ స్టబ్స్‌, రస్సీ వాన్ డెర్ డస్సెన్ షెడ్యూల్‌.. ఆగస్ట్‌ 30: తొలి టీ20 (డర్బన్‌) సెప్టెంబర్‌ 1: రెండో టీ20 (డర్బన్‌) సెప్టెంబర్‌ 2: మూడో టీ20 (డర్బన్‌) సెప్టెంబర్‌ 7: తొలి వన్డే (బ్లోంఫొన్‌టెయిన్‌) సెప్టెంబర్‌ 9: రెండో వన్డే (బ్లోంఫొన్‌టెయిన్‌) సెప్టెంబర్‌ 12: మూడో వన్డే (పోచెఫ్‌స్ట్రూమ్‌) సెప్టెంబర్‌ 15: నాలుగో వన్డే (సెంచూరియన్‌) సెప్టెంబర్‌ 17: ఐదో వన్డే (జోహనెస్‌బర్గ్‌)

ICC Womens T20 World Cup 2023- SA_W Vs Eng_ W: ఐసీసీ టోర్నీల్లో ఆరంభ దశలో రాణించడం, అసలు మ్యాచ్‌లకు వచ్చేసరికి బోర్లా పడటం దక్షిణాఫ్రికా క్రికెట్‌ జట్టుకు అలవాటే. పురుషులతో పాటు మహిళల టీమ్‌లోనూ ఇది చాలాసార్లు కనిపించింది. ఇప్పుడు వీటికి ముగింపు పలుకుతూ దక్షిణాఫ్రికా మహిళల టీమ్‌ టి20 ప్రపంచకప్‌లో ఫైనల్లోకి ప్రవేశించింది. పురుషుల, మహిళల జట్లను కలిపి చూస్తే ఏ ఫార్మాట్‌లోనైనా సఫారీ టీమ్‌(సీనియర్‌) ఐసీసీ టోర్నీలో ఫైనల్‌ చేరడం ఇదే మొదటిసారి కావడం విశేషం. సొంతగడ్డపై లీగ్‌ దశలో తొలి మ్యాచ్‌లో శ్రీలంక చేతిలో అనూహ్యంగా ఓడిన తర్వాత కోలుకున్న టీమ్‌ ఇప్పుడు తుది సమరానికి సిద్ధమైంది. కేప్‌టౌన్‌లో శుక్రవారం జరిగిన రెండో సెమీస్‌లో దక్షిణాఫ్రికా 6 పరుగుల తేడాతో ఇంగ్లండ్‌ను ఓడించింది. బ్రిట్స్‌ హాఫ్‌ సెంచరీ ముందుగా దక్షిణాఫ్రికా 20 ఓవర్లలో 4 వికెట్ల నష్టానికి 164 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ తజ్మీన్‌ బ్రిట్స్‌ (55 బంతుల్లో 68; 6 ఫోర్లు, 2 సిక్స్‌లు), లౌరా వాల్‌వర్ట్‌ (44 బంతుల్లో 53; 5 ఫోర్లు, 1 సిక్స్‌) తొలి వికెట్‌కు 82 బంతుల్లో 96 పరుగులు జోడించారు. అనంతరం ఇంగ్లండ్‌ 20 ఓవర్లలో 8 వికెట్లకు 158 పరుగులే చేయగలిగింది. నాట్‌ సీవర్‌ (34 బంతుల్లో 40; 5 ఫోర్లు) టాప్‌ స్కోరర్‌. షబ్నిమ్‌ ఇస్మాయిల్‌ (3/27), అయబొంగ ఖాక (4/29) ఇంగ్లండ్‌ను దెబ్బ తీశారు. షబ్నిమ్‌ వేసిన చివరి ఓవర్లో విజయానికి 13 పరుగులు అవసరం కాగా, ఇంగ్లండ్‌ 6 పరుగులే చేయగలిగింది. ఆదివారం జరిగే ఫైనల్లో ఆస్ట్రేలియాతో దక్షిణాఫ్రికా తలపడుతుంది. కాగా భారత జట్టుతో జరిగిన తొలి సెమీస్‌లో గెలుపొంది ఆసీస్‌ ఫైనల్‌ చేరిన విషయం తెలిసిందే. చదవండి: Ind Vs Aus: మూడో టెస్టుకు కమిన్స్‌ దూరం.. బీసీసీఐ ట్వీట్‌! గ్రేట్‌ అంటున్న ఫ్యాన్స్‌ Ind Vs Aus: అంత సిల్లీగా అవుటవుతారా? అవునా అలా అన్నాడా? ఇంగ్లండ్‌ మాజీ కెప్టెన్‌కు హర్మన్‌ కౌంటర్‌.. View this post on Instagram A post shared by ICC (@icc) View this post on Instagram A post shared by ICC (@icc)

సిడ్నీ: ఆస్ట్రేలియాతో టెస్టు సిరీస్‌లో దక్షిణాఫ్రికా పేలవ బ్యాటింగ్‌ ప్రదర్శన కొనసాగింది. మూడో టెస్టు నాలుగో రోజు ఆట ముగిసే సమయానికి తొలి ఇన్నింగ్స్‌లో 149 పరుగులకే 6 వికెట్లు కోల్పోయిన సఫారీ టీమ్‌.. ఆఖరి రోజు లంచ్‌ విరామం సమయానికి 7 వికెట్ల నష్టానికి 244 పరుగులు చేసింది. ఖాయా జోండో (39), తెంబా బవుమా (35) ఓ మోస్తరుగా రాణించగా.. సిమోన్‌ హార్మర్‌ (45 నాటౌట్‌), కేశవ్‌ మహారాజ్‌ (49 నాటౌట్‌) అద్భుతమైన పోరాటపటిమ కనబరుస్తున్నారు. ప్రస్తుతం దక్షిణాఫ్రికా మరో 231 పరుగులు వెనుకబడి ఉంది. ప్రస్తుత సమీకరణల ప్రకారం ఆసీస్‌ ఆధిపత్యం కనిపిస్తున్నా.. మ్యాచ్‌ ‘డ్రా’గా ముగిసే అవకాశాలే ఎక్కువగా కనిపిస్తున్నాయి. మరో రెండు సెషన్ల ఆటలో ఆసీస్‌ బౌలర్లు మరో 13 వికెట్లు నేలకూల్చగలిగితే.. మ్యాచ్‌తో పాటు సిరీస్‌ను క్లీన్‌స్వీప్‌ చేసే అవకాశం ఉంటుంది. అయితే ఇది అంత సులువు కాదు.  కాగా, ఈ మ్యాచ్‌లో ఆసీస్‌ 475/4 స్కోర్‌ వద్ద తొలి ఇన్నింగ్స్‌ను డిక్లేర్‌ చేసిన విషయం తెలిసిందే. వరుణుడి ఆటంకం, వెలుతురు లేమి సమస్యల కారణంగా తొలి రోజు 47 ఓవర్ల ఆటకు కోత పడగా, రెండో రోజు 14 ఓవర్ల ఆట సాధ్యపడలేదు. ఇక మూడో రోజు ఆట వర్షం కారణంగా పూర్తిగా తుడిచిపెట్టుకుపోయింది. నాలుగో రోజు కూడా వర్షం కారణంగా తొలి సెషన్‌ మొత్తం రద్దైంది. ఈ నేపథ్యంలో మ్యాచ్‌లో ఎలాగైనా ఫలితం రాబట్టాలని ఆసీస్‌ కెప్టెన్‌ ఇన్నింగ్స్‌ను డిక్లేర్‌ చేశాడు. ఈ క్రమంతో ఉస్మాన్‌ ఖ్వాజా (195 నాటౌట్‌) డబుల్‌ సెంచరీ పూర్తి చేసే అవకాశం ఉన్నా ఆసీస్‌ కెప్టెన్‌ సాహసోపేత నిర్ణయం తీసుకుని అందరినీ ఆశ్చర్యపరిచాడు. ఆసీస్‌ ఇన్నింగ్స్‌లో ఖ్వాజాతో పాటు స్టీవ్‌ స్మిత్‌ (104) సెంచరీలు చేయగా.. లబూషేన్‌ (79), ట్రవిస్‌ హెడ్‌ (70) అర్ధసెంచరీలు సాధించారు. ఇదిలా ఉంటే, 3 మ్యాచ్‌ల ఈ టెస్ట్‌ సిరీస్‌ను ఆసీస్‌ ఇదివరకే 2-0 తేడాతో కైవసం చేసుకుంది. 

AUS VS SA 3rd Test: సిడ్నీ వేదికగా సౌతాఫ్రికాతో జరుగుతున్న మూడో టెస్ట్‌లో ఆస్ట్రేలియా కెప్టెన్‌ పాట్‌ కమిన్స్‌ సంచలన నిర్ణయం తీసుకున్నాడు. సహచరుడు ఉస్మాన్‌ ఖ్వాజాకు (195 నాటౌట్‌) కెరీర్‌లో తొలి డబుల్‌ సెంచరీ పూర్తి చేసే అవకాశం ఉన్నా ఇన్నింగ్స్‌ను డిక్లేర్‌ చేసి అందరినీ ఆశ్చర్యంలో ముంచెత్తాడు. కెప్టెన్‌ తీసుకున్న ఈ నిర్ణయంతో ఖ్వాజా ఒకింత మనస్థాపానికి గురైనా, జట్టు ప్రయోజనాల కోసం చేసేదేమీ లేక సర్దుకుపోవాల్సి వచ్చింది. కమిన్స్‌ తీసుకున్న ఈ కఠిన నిర్ణయం పట్ల క్రికెట్‌ అభిమానులు తీవ్ర అభ్యంతరం వ్యక్తం చేస్తున్నారు. సోషల్‌మీడియాలో అతన్ని ఓ రేంజ్‌లో ఆటాడుకుంటున్నారు. నాలుగో రోజు తొలి సెషన్‌ వర్షం కారణంగా పూర్తిగా రద్దైనప్పటికీ.. కేవలం ఒక్క ఓవర్‌ పాటు ఖ్వాజాకు బ్యాటింగ్‌ చేసే అవకాశం ఇచ్చినా డబుల్‌ సెంచరీ పూర్తి చేసుకునే వాడు కదా అని ఆసీస్‌ ఓపెనర్‌పై జాలిపడుతున్నారు. 2004లో నాటి భారత కెప్టెన్‌ రాహుల్‌ ద్రవిడ్‌ కూడా కమిన్స్‌ లాగే.. సహచరుడు సచిన్‌ 194 పరుగుల వద్ద ఉన్నప్పుడు ఇన్నింగ్స్‌ డిక్లేర్‌ చేసి అందరినీ ఆశ్చర్యపరిచాడు. ఈ ఉదంతాన్ని నెటిజన్లు ప్రస్తుతం గుర్తు చేసుకుంటున్నారు. కాగా, ఈ మ్యాచ్‌లో ఆసీస్‌ 475/4 స్కోర్‌ వద్ద తొలి ఇన్నింగ్స్‌ను డిక్లేర్‌ చేసిం‍ది. వరుణుడి ఆటంకం, వెలుతురు లేమి సమస్యల కారణంగా తొలి రోజు 47 ఓవర్ల ఆటకు కోత పడగా, రెండో రోజు 14 ఓవర్ల ఆట సాధ్యపడలేదు. ఇక మూడో రోజు ఆట వర్షం కారణంగా పూర్తిగా తుడిచిపెట్టుకుపోయింది. నాలుగో రోజైన ఇవాళ (జనవరి 7) కూడా వర్షం కారణంగా తొలి సెషన్‌ మొత్తం రద్దైంది. ఈ నేపథ్యంలో మ్యాచ్‌లో ఎలాగైనా ఫలితం రాబట్టాలని ఆసీస్‌ కెప్టెన్‌ ఇన్నింగ్స్‌ను డిక్లేర్‌ చేశాడు. నాలుగో రోజు 59 ఓవర్లు (ఎటువంటి అంతరాయం కలగకపోతే), ఆఖరి రోజు 98 ఓవర్ల ఆట సాధ్యపడితే ఫలితం (సౌతాఫ్రికాను 2 సార్లు ఆలౌట్‌ చేయాల్సి ఉంటుంది) తప్పక వస్తుందన్న అంచనాతో కమిన్స్‌ ఇన్నింగ్స్‌ను డిక్లేర్‌ చేసినట్లు తెలుస్తోంది. మెల్‌బోర్న్‌ టెస్ట్‌లో ఆసీస్‌ బౌలర్లు 137.3 ఓవర్లలో సఫారీలను 2 సార్లు ఆలౌట్‌ చేశారు. ఈ ధీమాతోనే కమిన్స్‌ డేరింగ్‌ డెసిషన్‌ తీసుకున్నాడు. కాగా, ఆసీస్‌ తొలి ఇన్నింగ్స్‌లో ఉస్మాన్‌ ఖ్వాజా (195 నాటౌట్‌), స్టీవ్‌ స్మిత్‌ (104) సెంచరీలు చేయగా.. లబూషేన్‌ (79), ట్రవిస్‌ హెడ్‌ (70) అర్ధసెంచరీలు సాధించారు.  కమిన్స్‌ ఇన్నింగ్స్‌ డిక్లేర్‌ చేసిన అనంతరం తొలి ఇన్నింగ్స్‌ ప్రారంభించిన సఫారీలు టీ విరామం సమయానికి (31 ఓవర్లు) 3 వికెట్ల నష్టానికి  71 పరుగులు చేశారు. ఇదిలా ఉంటే, 3 మ్యాచ్‌ల ఈ టెస్ట్‌ సిరీస్‌ను ఆసీస్‌ ఇదివరకే 2-0 తేడాతో కైవసం చేసుకుంది.   

AUS VS SA 3rd Test: సిడ్నీ వేదికగా సౌతాఫ్రికాతో జరుగుతున్న మూడో టెస్ట్‌లో ఆసీస్‌ స్టార్‌ ఆటగాడు, ఆ జట్టు మాజీ కెప్టెన్‌ స్టీవ్‌ స్మిత్‌ పలు అరుదైన రికార్డులు బద్దలు కొట్టాడు. ఈ మ్యాచ్‌లో శతకొట్టిన స్టీవ్‌ స్మిత్‌ (192 బంతుల్లో 104; 11 ఫోర్లు, 2 సిక్సర్లు).. కెరీర్‌లో 30వ సారి ఈ మైలురాయిని చేరుకున్నాడు. తద్వారా క్రికెట్‌ దిగ్గజం సర్‌ డొనాల్డ్‌ బ్రాడ్‌మన్‌ రికార్డు పేరిట ఉన్న 29 శతకాల రికార్డును బద్దలు కొట్టాడు. ఈ క్రమంలో ఆసీస్‌ తరఫున అత్యధిక సెంచరీలు చేసిన ఆటగాళ్ల జాబితాలో మూడో స్థానానికి ఎగబాకాడు. ఈ జాబితాలో రికీ పాంటింగ్‌ (41) టాప్‌లో ఉండగా.. స్టీవ్‌ వా (32) రెండో స్థానంలో నిలిచాడు. ప్రస్తుతం స్మిత్‌.. మాథ్యూ హేడెన్‌తో (30) సమంగా మూడో  స్థానంలో ఉన్నాడు. ప్రస్తుతం క్రికెట్‌ ఆడుతున్న ఆసీస్‌ ఆటగాళ్లలో రికీ పాంటింగ్‌ రికార్డు బద్దలు కొట్టే అవకాశం స్మిత్‌తో పాటు మార్నస్‌ లబూషేన్‌కు మాత్రమే ఉంది. ప్రస్తుతం భీకరమైన ఫామ్‌లో ఉన్న లబూషేన్‌ 33 మ్యాచ్‌ల్లో 59.43 సగటున 10 సెంచరీల సాయంతో 3150 పరుగులు చేశాడు. ఆసీస్‌ తరఫున అత్యధిక సెంచరీలు చేసిన ఆటగాళ్ల జాబితాలో డేవిడ్‌ వార్నర్‌, ఉస్మాన్‌ ఖ్వాజా ఉన్నప్పటికీ.. వయసు పైబడిన రిత్యా వీరు మరో రెండు, మూడేళ్లకు మించి టెస్ట్‌ల్లో కొనసాగే అవకాశం లేదు. ప్రస్తుతం వార్నర్‌ ఖాతాలో 25, ఖ్వాజా ఖాతాలో 13 శతకాలు ఉన్నాయి. స్మిత్‌ శతకం​ సాధించిన మ్యాచ్‌లోనే ఖ్వాజా తన 13వ సెంచరీ నమోదు చేశాడు. ఇదిలా ఉంటే, ఈ మ్యాచ్‌లో మూడో సెషన్‌ డ్రింక్స్‌ సమయానికి ఆసీస్‌ 4 వికెట్ల నష్టానికి 475 పరుగులు చేసింది. ఉస్మాన్‌ ఖ్వాజా (195) తన కెరీర్‌ తొలి డబుల్‌ సెంచరీ దిశగా సాగుతున్నాడు. మధ్యలో ట్రవిస్‌ హెడ్‌ (59 బంతుల్లో 70; 8 ఫోర్లు, సిక్స్‌) కాసేపు మెరుపులు మెరిపించాడు. ఖ్వాజాకు జతగా మాట్‌ రెన్షా (5) క్రీజ్‌లో ఉన్నాడు. అంతకుముందు తొలి రోజు డేవిడ్‌ వార్నర్‌ (10), లబూషేన్‌ (79) ఔటయ్యారు.  సిరీస్‌లో భాగంగా జరిగిన తొలి రెండు టెస్ట్‌ మ్యాచ్‌ల్లో ఆసీస్‌ భారీ విజయాలు నమోదు చేసిన విషయం తెలిసిందే. తొలి టెస్ట్‌లో 6 వికెట్ల తేడాతో గెలుపొందిన ఆతిధ్య జట్టు.. రెండో మ్యాచ్‌లో ఇన్నింగ్స్‌ 182 పరుగుల తేడాతో ఘన విజయం సాధించింది. టెస్ట్‌ సిరీస్‌ తదుపరి జనవరి 12, 14, 17 తేదీల్లో ఇరు జట్లు 3 వన్డేల సిరీస్‌లో తలపడతాయి.    

AUS VS SA 3rd Test Day 2: 3 మ్యాచ్‌ల టెస్ట్‌ సిరీస్‌లో భాగంగా సిడ్నీ వేదికగా సౌతాఫ్రికాతో జరుగుతున్న చివరిదైన నామమాత్రపు మ్యాచ్‌లో ఆతిధ్య ఆస్ట్రేలియా భారీ స్కోర్‌ దిశగా సాగుతుంది. టాస్‌ గెలిచి తొలుత బ్యాటింగ్‌ ఎంచుకున్న ఆసీస్‌.. రెండో రోజు టీ విరామం సమయానికి 3 వికెట్ల నష్టానికి 394 పరుగులు చేసింది. ఓవర్‌నైట్‌ బ్యాటర్లు ఉస్మాన్‌ ఖ్వాజా (335 బంతుల్లో 172 నాటౌట్‌) కెరీర్‌లో 13 శతకం బాది డబుల్‌ సెంచరీ దిశగా సాగుతుండగా, మాజీ కెప్టెన్‌ స్టీవ్‌ స్మిత్‌ కెరీర్‌లో 30 శతకాన్ని తన ఖాతాలో వేసుకున్నాడు. వర్షం అంతరాయం, వెలుతురు లేమి కారణంగా తొలి రోజు ఆట కేవలం 47 ఓవర్లు మాత్రమే సాగగా.. ఇవాల్టి (జనవరి 5) ఆట షెడ్యూల్‌ ప్రకారం ప్రారంభమైంది. టీ విరామం సమయానికి ఖ్వాజాకు జతగా ట్రావిస్‌ హెడ్‌ (17) క్రీజ్‌లో ఉన్నాడు. అచొచ్చిన సిడ్నీ గ్రౌండ్‌లో ఖ్వాజా (ఈ గ్రౌండ్‌లో ఇదివరకే 3 సెంచరీలు బాదాడు) ఆకాశమే హద్దుగా చెలరేగుతుండగా.. సఫారీ బౌలర్లకు చుక్కలు కనబడుతున్నాయి. ఖ్వాజా తన టెస్ట్‌ కెరీర్‌లో నాలుగోసారి 150 మార్కును క్రాస్‌ చేయగా.. స్టీవ్‌ స్మిత్‌ పలు అరుదైన రికార్డులను తన ఖాతాలో వేసుకున్నాడు.  కాగా, ప్రస్తుత సిరీస్‌లో భాగంగా జరిగిన తొలి రెండు టెస్ట్‌ మ్యాచ్‌ల్లో ఆసీస్‌ భారీ విజయాలు నమోదు చేసిన విషయం తెలిసిందే. ఆసీస్‌.. తొలి టెస్ట్‌లో 6 వికెట్ల తేడాతో గెలుపొందగా, రెండో టెస్ట్‌లో ఇన్నింగ్స్‌ 182 పరుగుల తేడాతో ఘన విజయం సాధించింది. టెస్ట్‌ సిరీస్‌ తదుపరి జనవరి 12, 14, 17 తేదీల్లో ఇరు జట్లు 3 వన్డేల సిరీస్‌లో తలపడతాయి.    

AUS VS SA 3rd Test Day 1: సిడ్నీ వేదికగా ఆస్ట్రేలియా-సౌతాఫ్రికా జట్ల మధ్య జరుగుతున్న మూడో టెస్ట్‌ తొలి రోజు ఓ ఆసక్తికర సన్నివేశం చోటు చేసుకుంది. మ్యాచ్‌ మధ్యలో ఆసీస్‌ స్టార్‌ బ్యాటర్‌, వరల్డ్‌ నంబర్‌ వన్‌ టెస్ట్‌ ప్లేయర్‌ మార్నస్‌ లబూషేన్‌ సిగరెట్ లైటర్ కావాలంటూ డ్రెస్సింగ్‌ రూమ్‌ వైపు సైగ చేశాడు. ఊహించని ఈ హఠాత్పరిణామంతో మైదానంలో ఉన్న వారితో సహా కామెంటేటర్లు సైతం ఆశ్చర్యపోయారు. లబూషేన్‌ ఎందుకు లైటర్‌ అడుతున్నాడో తెలియక ఆసీస్‌ డ్రెస్సింగ్‌ రూమ్‌లో ఉన్న వారు కూడా కాసేపు తలలు గీకున్నారు. కామెంటేటర్‌ ఇష గుహ అయితే లబూషేన్‌ సిగరెట్‌ కాల్చాలని అనుకుంటున్నాడేమో అంటూ సహచరులతో డిస్కస్‌ చేశారు. మొత్తానికి లబూషేన్‌ చేసిన ఈ సంజ్ఞ తొలి రోజు ఆటకు హైలైట్‌గా నిలిచింది. దీనికి సంబంధించిన వీడియో ప్రస్తుతం సోషల్‌మీడియాలో షికార్లు చేస్తుంది.  అసలు లబూషేన్‌ సిగరెట్‌ లైటర్‌ ఎందుకు అడిగాడంటే..? అప్పటికే చాలాసేపుగా హెల్మెట్‌తో సమస్యను ఎదుర్కొంటూ పలుసార్లు తీస్తూ, వేసుకున్న లబూషేన్‌.. దాన్ని రిపేర్‌ చేసేందుకు గాను సిగరెట్‌ లైటర్‌ తేవాలని డ్రెస్సింగ్‌ రూమ్‌కు మెసేజ్‌ చేశాడు. లబూషేన్‌ సైగ చేసిన తర్వాత డ్రెస్సింగ్‌ రూమ్‌ సిబ్బందికి కూడా అతనెందుకు లైటర్‌ అడుతున్నాడో అర్ధం కాలేదు. అయితే కాసేపటి తర్వాత విషయాన్ని గ్రహించి వారు లైటర్‌ను తీసుకెళ్లి లబూషేన్‌ సమస్యను పరిష్కరించారు. సిబ్బంది లైటర్‌తో లబూషేన్‌ హెల్మెట్‌ లోపలి భాగంలో కాలుస్తూ రిపేర్ చేశారు. Running repairs for Marnus Labuschagne! 🚬#AUSvSA pic.twitter.com/IdSl0PqicV — cricket.com.au (@cricketcomau) January 4, 2023 ఇదిలా ఉంటే,  వర్షం అంతరాయం, వెలుతురు లేమి కారణంగా కేవలం 47 ఓవర్ల పాటు సాగిన తొలి రోజు ఆటలో ఆస్ట్రేలియా పాక్షికంగా పైచేయి సాధించింది. ఉస్మాన్‌ ఖ్వాజా (121 బంతుల్లో 54 నాటౌట్‌; 6 ఫోర్లు), లబూషేన్‌ (151 బంతుల్లో 79; 13 ఫోర్లు) అర్ధసెంచరీలతో రాణించడంతో ఆతిధ్య జట్టు తొలి రోజు ఆట ముగిసే సమయానికి 2 వికెట్ల నష్టానికి 147 పరుగులు చేసింది. వెటరన్‌ ఓపెనర్‌ డేవిడ్ వార్నర్ (10), లబుషేన్ ఔట్‌ కాగా.. ఉస్మాన్‌ ఖ్వాజా, స్టీవ్‌ స్మిత్‌ (0) క్రీజ్‌లో ఉన్నారు. వార్నర్‌, లబూషేన్‌ల వికెట్లు అన్రిచ్‌ నోర్జే ఖాతాలో పడ్డాయి. కాగా, 3 మ్యాచ్‌ల ఈ టెస్ట్‌ సిరీస్‌ను ఆసీస్‌ ఇదివరకే 2-0 తేడాతో కైవసం చేసుకున్న విషయం తెలిసిందే. అలాగే ఆసీస్‌.. వరల్డ్‌ టెస్ట్‌ ఛాంపియన్‌షిప్‌ 2021-23 సీజన్‌ ఫైనల్‌ బెర్తును కూడా ఖరారు చేసుకుంది. రెండో స్థానం కోసం భారత్‌, సౌతాఫ్రికా, శ్రీలంక జట్ల మధ్య పోటీ నెలకొంది. 

3 టెస్ట్‌ల సిరీస్‌లో భాగంగా సిడ్ని వేదికగా పర్యాటక సౌతాఫ్రికాతో జరుగుతున్న చివరిదైన మూడో టెస్ట్‌ తొలి రోజు ఆట సాదాసీదాగా సాగింది. వర్షం అంతరాయం, వెలుతురు లేమి కారణంగా కేవలం 47 ఓవర్ల పాటు సాగిన ఈ రోజు ఆటలో ఆస్ట్రేలియా పాక్షికంగా పైచేయి సాధించింది.  టాస్‌ గెలిచి తొలుత బ్యాటింగ్‌ ఎంచుకున్న కమిన్స్‌ సేనను సఫారీ పేసర్‌ అన్రిచ్‌ నోర్జే ఆదిలోనే దెబ్బకొట్టాడు. ఇన్నింగ్స్‌ 4వ ఓవర్‌ 4 బంతికి వెటరన్‌ ఓపెనర్‌ డేవిడ్‌ వార్నర్‌ను అద్భుతమైన బంతితో దొరకబుచ్చుకున్నాడు. 11 బంతుల్లో 2 ఫోర్ల సాయంతో కేవలం 10 పరుగులు చేసిన వార్నర్‌.. మార్కో జన్సెన్‌కు క్యాచ్‌ ఇచ్చి వెనుదిరిగాడు.  ఆ తర్వాత క్రీజ్‌లోకి వచ్చిన లబూషేన్‌.. మరో ఓపెనర్‌ ఉస్మాన్‌ ఖ్వాజా సాయంతో ఇన్నింగ్స్‌కు పునాది వేశాడు. వీరిద్దరూ రెండో వికెట్‌కు 135 పరుగులు జోడించిన అనంతరం.. నోర్జే వీరి భాగస్వామ్యాన్ని విడదీశాడు. తొలి రోజు ఆఖరి బంతికి నోర్జే బౌలింగ్‌లో వెర్రిన్‌కు క్యాచ్‌ ఇచ్చి లబూషేన్‌ (151 బంతుల్లో 79; 13 ఫోర్లు) ఔటయ్యాడు.  వెలుతురు లేమి కారణంగా లబూషేన్‌ ఔట్‌ అవ్వగానే అంపైర్లు మ్యాచ్‌ను ముగించారు. ఈ సమయానికి ఉస్మాన్‌ ఖ్వాజా (121 బంతుల్లో 54; 6 ఫోర్లు), స్టీవ్‌ స్మిత్‌ (0) క్రీజ్‌లో ఉన్నారు. తొలి రోజు ఆటలో ఆసీస్‌ 2 వికెట్లు కోల్పోయి 147 పరుగులు చేసింది. కాగా, ఈ సిరీస్‌లోని తొలి రెండు టెస్ట్‌లలో ఆతిధ్య ఆసీస్‌ భారీ తేడాతో విజయం సాధించిన విషయం తెలిసిందే. 

IPL 2023- Mumbai Indians- Cameron Green: ముంబై ఇండియన్స్‌ జట్టుకు భారీ ఎదురుదెబ్బ తగిలే అవకాశం ఉంది. ఐపీఎల్‌ మినీ వేలం-2023లో ఏకంగా 17 కోట్లు పెట్టి కొన్న ఆల్‌రౌండర్‌ కామెరాన్‌ గ్రీన్‌ కొన్నాళ్లపాటు కేవలం బ్యాటర్‌గానే సేవలు అందించనున్నట్లు తెలుస్తోంది. ఏప్రిల్‌ 13 వరకు అతడు స్పెషలిస్టు బ్యాటర్‌గా మాత్రమే అందుబాటులో ఉంటాడని, ఆ తర్వాతే అతడు బౌలింగ్‌ చేస్తాడని సమాచారం. ఒకవేళ ఏదేని కారణాల చేత టీమిండియాతో బోర్డర్‌- గావస్కర్‌ ట్రోఫీ టెస్టు సిరీస్‌ ఆడకపోతే మాత్రం ఐపీఎల్‌లో తొలి మ్యాచ్‌ నుంచి బౌలింగ్‌ చేయనున్నట్లు తెలుస్తోంది. ఈ మేరకు క్రికెట్‌ ఆస్ట్రేలియా చెప్పినట్లు టైమ్స్‌ ఆఫ్‌ ఇండియా కథనం పేర్కొంది. వర్క్‌లోడ్‌ మేనేజ్‌మెంట్‌లో భాగంగా ఈ నిర్ణయం తీసుకున్నట్లు వెల్లడించింది. వేలికి గాయం! దక్షిణాఫ్రికాతో టెస్టు సిరీస్‌లో భాగంగా గ్రీన్‌ కు గాయమైన సంగతి తెలిసిందే. మెల్‌బోర్న్‌ వేదికగా జరిగిన రెండో మ్యాచ్‌లో బ్యాటింగ్‌ చేస్తున్న సమయంలో అతడి చేతి వేలికి బంతి బలంగా తాకింది. రక్తం కూడా కారడంతో రిటైర్డ్‌హర్ట్‌గా వెనుదిరిగాడు. అయితే, ఆ తర్వాత మళ్లీ బ్యాటింగ్‌ చేశాడు.  అనంతరం ఎక్స్‌రేకు వెళ్లగా వేలు విరిగినట్లు తేలింది. దీంతో అతడు ప్రొటిస్‌తో మూడో టెస్టుకు దూరమయ్యాడు. ఇక ఈ సిరీస్‌ తర్వాత ఆసీస్‌.. భారత పర్యటనకు రానుంది. ఇందులో భాగంగా ఫిబ్రవరిలో టెస్టు, వన్డే సిరీస్‌లు ఆడనుంది.  గాయం ఇబ్బంది పెడితే.. ఈ నేపథ్యంలో వర్క్‌లోడ్‌ మేనేజ్‌మెంట్‌లో భాగంగా గ్రీన్‌ గనుక టెస్టు సిరీస్‌ ఆడితే.. నాలుగు వారాల పాటు అతడు బౌలింగ్‌కు దూరంగా ఉంటాడని సీఏ గతంలో పేర్కొంది. అయితే, ఇప్పుడు గాయం కారణంగా అతడు జట్టుకు దూరమయ్యాడు. భారత పర్యటన నాటికి కోలుకుంటే టీమిండియాతో సిరీస్‌లో ఆడతాడు.. గాయం ఇబ్బంది పెడితే ఐపీఎల్‌ ఆరంభ మ్యాచ్‌లకూ దూరమయ్యే అవకాశం లేకపోలేదు. కాగా వేలంలో ముంబై గ్రీన్‌ కోసం 17.5 కోట్లు ఖర్చు చేయగా అత్యధిక ధర పలికిన ఆటగాళ్ల జాబితాలో అతడు రెండో స్థానంలో నిలిచాడు. చదవండి: Ind Vs SL: రుతురాజ్‌, ఉమ్రాన్‌కు నో ఛాన్స్‌.. గిల్‌ అరంగేట్రం!  IND vs SL: శ్రీలంకతో వన్డే సిరీస్‌.. జట్టులోకి బుమ్రా.. బీసీసీఐ ప్రకటన

సౌతాఫ్రికాతో రెండో టెస్టు సందర్భంగా ఆస్ట్రేలియా ఆల్‌రౌండర్‌ కామెరాన్‌ గ్రీన్‌ గాయపడిన సంగతి తెలిసిందే. ఆసీస్‌ ఇన్నింగ్స్‌ సమయంలో అన్‌రిచ్‌ నోర్ట్జే వేసిన బంతి గ్రీన్‌ చేతి వేలికి బలంగా తగిలింది. వేగంతో దూసుకొచ్చిన బంతి గ్రీన్‌ చేతివేలిని చీల్చడంతో రక్తం కూడా కారింది.దీంతో గ్రీన్‌ రిటైర్డ్‌హర్ట్‌గా వెనుదిరిగాడు.రిటైర్డ్‌హర్ట్‌ అయ్యేటప్పటికి గ్రీన్‌ 20 బంతులు మాత్రమే ఎదుర్కొన్నాడు.  అయితే తాజాగా గ్రీన్‌కు తీసిన ఎక్స్‌రే రిపోర్ట్‌ బయటకు రావడంతో ఆసక్తికర విషయం బయటపడింది. వాస్తవానికి నోర్ట్జే వేసిన బంతి వేగానికి గ్రీన్‌ వేలు విరిగినట్లు స్పష్టంగా కనిపించింది. అయితే  అయితే లంచ్‌కు ముందు 363/3తో పటిష్టంగా కనిపించిన ఆస్ట్రేలియా ఆ తర్వాత వరుసగా వికెట్లు కోల్పోయింది. నాథన్‌ లియోన్‌ ఏడో వికెట్‌గా వెనుదిరగ్గానే కామెరున్‌ గ్రీన్‌ మరోసారి క్రీజులోకి వచ్చాడు. వేలు విరిగి నొప్పి బాధిస్తున్నా నాలుగు గంటల పాటు క్రీజులో నిలబడ్డాడు. దాదాపు 40 ఓవర్ల పాటు బ్యాటింగ్‌ చేసిన గ్రీన్‌.. 177 బంతుల్లో 51 నాటౌట్‌గా నిలిచాడు. హాఫ్‌ సెంచరీతో మెరిసిన గ్రీన్‌ బ్యాగీ గ్రీన్స్‌తో కలిసి జట్టును స్కోరును 575 పరుగులకు చేర్చాడు. ఆ తర్వాత స్టార్క్‌ ఇన్నింగ్స్‌ను డిక్లేర్‌ చేశాడు. అయితే వేలు విరిగి నొప్పి బాధిస్తున్నా లెక్క చేయకుండా కామెరున్‌ గ్రీన్‌ బ్యాటింగ్‌ కొనసాగించడం పట్ల అభిమానులు ప్రశంసల వర్షం కురిపించారు.  ఇక మ్యాచ్‌లో ఆస్ట్రేలియా ఇన్నింగ్స్‌ 182 పరుగుల తేడాతో విజయం సాధించింది. ఈ విజయంతో ఆసీస్‌ ఒక టెస్టు మిగిలి ఉండగానే 2-0తో సిరీస్‌ను కైవసం చేసుకుంది. విజయంతో ఆస్ట్రేలియా డబ్ల్యూటీసీ పాయింట్లను మరింత పెంచుకొని అగ్రస్థానాన్ని మరింత పదిలం చేసుకోగా.. ఓటములతో సౌతాఫ్రికా నాలుగో స్థానానికి పడిపోయింది. ఇక ఇరుజట్ల మధ్య మూడోటెస్టు జనవరి 4 నుంచి 8 వరకు సిడ్నీ వేదికగా జరగనుంది. Cameron Green retired hurt after being hit on finger by a ball from Anrich Nortje!! 😳#AUSvsSA #BoxingDayTest pic.twitter.com/1X7PuYobCs — FaceTheFact! (@FaceTheFact7) December 27, 2022

South Africa tour of Australia, 2022-23- 3rd Test: ఆస్ట్రేలియాతో మూడో టెస్టుకు సౌతాఫ్రికా బ్యాటర్‌ థీనిస్ డి బ్రూయిన్ దూరం కానున్నాడు. మొదటిసారి తండ్రి కానున్న తరుణంలో బిడ్డను చూసుకునేందుకు స్వదేశానికి తిరిగి పయనం కానున్నాడు. ఈ విషయాన్ని సౌతాఫ్రికా క్రికెట్‌ బోర్డు శనివారం వెల్లడించింది. కాగా వరల్డ్‌టెస్టు చాంపియన్‌షిప్‌(డబ్ల్యూటీసీ) 2021-23లో భాగంగా డీన్‌ ఎల్గర్‌ బృందం ప్రస్తుతం ఆస్ట్రేలియా పర్యటనలో ఉంది. ఇందులో భాగంగా మొదటి రెండో టెస్టుల్లో ఓడి చేదు అనుభవం మూటగట్టుకుంది. దీంతో ఇప్పటికే ఆతిథ్య ఆస్ట్రేలియాకు సిరీస్‌ కోల్పోయిన దక్షిణాఫ్రికా.. డబ్ల్యూటీసీ ఫైనల్‌ రేసులో మరింత వెనుకబడిపోయింది.  ఆసీస్‌తో మిగిలిన ఒక టెస్టు, ఆ తర్వాత స్వదేశంలో వెస్టిండీస్‌తో సిరీస్‌ గెలవడం సహా టీమిండియా- ఆస్ట్రేలియా సిరీస్‌ ఫలితం తేలితేనే ఫైనల్‌ అవకాశాలపై క్లారిటీ వస్తుంది. ఈ నేపథ్యంలో ఆఖరిదైన సిడ్నీ టెస్టులోనైనా విజయం సాధించాలని ప్రొటిస్‌ పట్టుదలగా ఉంది. ఆసీస్‌- ప్రొటిస్‌ మధ్య జనవరి 4న మూడో టెస్టు ఆరంభం కానుంది. ఇక 30 ఏళ్ల బ్రూయిన్‌ విషయానికొస్తే.. గబ్బా టెస్టులో అతడికి తుది జట్టులో చోటు దక్కలేదు. మెల్‌బోర్న్‌లో ఆడే అవకాశం వచ్చినా దానిని సద్వినియోగం చేసుకోలేకపోయాడు. రాసీ వాన్‌ డెర్‌ డసెన్‌ స్థానంలో బాక్సింగ్‌ డే టెస్టులో ఆడిన బ్రూయిన్‌.. మొత్తంగా 40 పరుగులు మాత్రమే చేయగలిగాడు. ఆట పరంగా విఫలమైనా... వ్యక్తిగత జీవితంలో మాత్రం శుభవార్త అందుకోనున్నాడు. చదవండి: Rishabh Pant: సుశీల్‌ జీ మీకు రుణపడిపోయాం.. లక్ష్మణ్‌ ట్వీట్‌ వైరల్‌; ‘రియల్‌ హీరో’లకు తగిన గౌరవం ఘనంగా షాహిద్‌ ఆఫ్రిది కుమార్తె వివాహం.. హాజరైన షాహిన్‌ ఆఫ్రిది Pele: అటకెక్కిన అంతర్యుద్దం.. అట్లుంటది పీలేతోని! కానీ.. ఎంత ఎదిగినా... ఆయనకూ తప్పలేదు!

సౌతాఫ్రికాతో జరిగిన రెండో టెస్టును ఆస్ట్రేలియా ఇన్నింగ్స్‌ 182 పరుగుల తేడాతో గెలుచుకుంది. ఈ దెబ్బతో ఆస్ట్రేలియా మూడు టెస్టుల సిరీస్‌ను ఒక మ్యాచ్‌ మిగిలి ఉండగానే 2-0తో కైవసం చేసుకుంది. ఇక ఆఖరి టెస్టులోనూ గెలిచి సిరీస్‌ను క్లీన్‌స్వీప్‌ చేయాలని భావిస్తోంది. ఈ విజయంతో వరల్డ్ టెస్టు చాంపియన్‌షిప్‌ ఫైనల్‌కు అర్హత సాధించే విషయంలో మరింత పటిష్ట స్థానానికి చేరుకుంది. ఇప్పటికే సౌతాఫ్రికాను వరుసగా రెండు టెస్టుల్లో చిత్తు చేసి 78.57 పర్సంటేజీ పాయింట్స్‌తో ఎవరికి అందనంత ఎత్తులో నిలిచింది. ఇక మూడో టెస్టులోనూ గెలిస్తే ఆసీస్‌ పాయింట్స్‌ మరింత పెరిగే అవకాశం ఉంది. ఇప్పటికైతే డబ్ల్యూటీసీ ఫైనల్‌కు ఆస్ట్రేలియా దాదాపు చేరుకున్నట్లే. ఇక వరుసగా రెండో టెస్టులోనూ ఓటమితో సౌతాఫ్రికా డబ్ల్యూటీసీ ఫైనల్‌ ఆడే అవకాశాలను మరింత క్లిష్టం చేసుకుంది. ప్రస్తుతం 50 పర్సంటేజీ పాయింట్లతో దక్షిణాఫ్రికా నాలుగో స్థానానికి పడిపోయింది. నాలుగో స్థానంలో ఉన్న శ్రీలంక 53.3 పాయింట్లతో మూడోస్థానంలో నిలిచింది. ఇక రెండో స్థానంలో ఉన్న టీమిండియాకు వరుసగా రెండోసారి డబ్ల్యూటీసీ ఫైనల్‌ చేరే అవకాశాలు మెండుగా ఉన్నాయి. ఇప్పటికే బంగ్లాదేశ్‌తో జరిగిన రెండు టెస్టుల సిరీస్‌ను 2-0తో క్లీన్‌స్వీప్‌ చేసిన టీమిండియా 58.93 పాయింట్లతో రెండో స్థానంలో కొనసాగుతుంది. వచ్చే నెలలో ఆస్ట్రేలియాతో జరగనున్న నాలుగు టెస్టు మ్యాచ్‌ల సిరీస్‌లో కనీసం మూడు మ్యాచ్‌లు గెలిస్తూ ఎలాంటి అడ్డంకులు లేకుండా  టీమిండియా నేరుగా ఫైనల్‌కు చేరుకుంటుంది. సౌతాఫ్రికా పోతూ పోతూ మనకు మాత్రం మేలు చేసిందని చెప్పొచ్చు. వచ్చే ఏడాది జూన్‌- జూలైలో వరల్డ్‌ టెస్టు చాంపియన్‌షిప్‌ ఫైనల్‌ జరగనుంది. ఇక ఇంగ్లండ్‌(46.97 పాయింట్లు) ఐదో స్థానంలో ఉంది. ఇటీవలే ఇంగ్లండ్ చేతిలో వైట్‌వాష్‌ అయిన పాకిస్తాన్‌ 38.89 పాయింట్లతో ఏడో స్థానంలో ఉండగా.. న్యూజిలాండ్‌ 25.93 పర్సంటేజీ పాయింట్లతో ఎనిమిదో స్థానంలో ఉంది. టీమిండియా చేతిలో క్లీన్‌స్వీప్‌ అయిన బంగ్లాదేశ్‌ 11.11 పాయింట్లతో చివరి స్థానంలో నిలిచింది. చదవండి: Bavuma-Marco Jansen: 'వీడేంటి ఇంత పొడుగున్నాడు' Aus Vs SA 2nd Test: ఎదురులేని ఆసీస్‌.. దక్షిణాఫ్రికా చిత్తు! డబ్ల్యూటీసీ ఫైనల్‌ రేసులో ఇక..

Australia vs South Africa, 2nd Test: ఆస్ట్రేలియా- దక్షిణాఫ్రికా జట్ల మధ్య రెండో టెస్టు సందర్భంగా ఆసక్తికర ఘటన చోటు చేసుకుంది. తాను బాల్‌ వేసేకంటే ముందే క్రీజు దాటేందుకు ప్రయత్నించిన ప్రొటిస్‌ బ్యాటర్‌కు గట్టిగా వార్నింగ్‌ ఇచ్చాడు ఆసీస్‌ బౌలర్‌ మిచెల్‌ స్టార్క్‌. రనౌట్‌(మన్కడింగ్‌) ప్రమాదాన్ని గుర్తు చేస్తూ క్రీజులో ఉండాలి కదా అంటూ హితవు పలికాడు. సౌతాఫ్రికా రెండో ఇన్నింగ్స్‌లో 19వ ఓవర్‌లో స్టార్క్‌ బౌలింగ్‌ చేస్తున్న సమయంలో తెంబా బవుమా క్రీజులో ఉన్నాడు. మూడో బంతి సంధించిన తర్వాత మరో డెలివరీకి సిద్ధమవుతున్న స్టార్క్‌.. నాన్‌స్ట్రైక్‌ ఎండ్‌లో ఉన్న వన్‌డౌన్‌ బ్యాటర్‌ థీనిస్‌ డి బ్రూయిన్‌ క్రీజు వీడటాన్ని గమనించాడు. క్రీజులో ఉండు వెంటనే వెనక్కి వచ్చి అతడిని హెచ్చరించాడు. ‘‘క్రీజులో ఉండు. రూల్స్‌ ఉన్నది ఎందుకు? క్రీజులోనే ఉండు డ్యూడ్‌’’ అని అన్నాడు. ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది. కాగా ఓవర్లో బవుమా ఒక్క పరుగు కూడా తీయలేకపోయాడు. దీంతో పరుగు తీద్దామన్న ఆసక్తితో ఉన్న బ్రూయిన్‌ నాన్‌స్ట్రైక్‌ ఎండ్‌లోనే ఉండిపోవాల్సి వచ్చింది. ఇక వీడియోపై స్పందించిన నెటిజన్లు తమదైన శైలిలో కామెంట్లు చేస్తున్నారు. కాగా ఈ ఏడాది అక్టోబరులో టీమిండియా బౌలర్‌ దీప్తి శర్మను ఉద్దేశించి స్టార్క్‌ విమర్శలు సంధించిన విషయం తెలిసిందే. ఇంగ్లండ్‌ మహిళా బ్యాటర్‌ చార్లీ డీన్‌ రనౌట్‌(మన్కడింగ్‌) చేయడంపై ఎంత చర్చ జరిగిందో ప్రత్యేకంగా చెప్పనక్కర్లేదు. మన్కడింగ్‌ చేయడాన్ని రనౌట్‌గా పరిగణిస్తూ నిబంధనలు వచ్చినా.. దీప్తిని చాలా మంది తప్పుబట్టారు. అపుడు దీప్తి శర్మను ఉద్దేశించి.. ఈ నేపథ్యంలో స్టార్క్‌ అత్యుత్సాహం ప్రదర్శించాడు. ఇంగ్లండ్‌తో మ్యాచ్‌ సందర్భంగా నాన్‌ స్ట్రైకర్‌ జోస్‌ బట్లర్‌ను రనౌట్‌ చేసే అవకాశం ఉన్నా వదిలేశాడు. అంతేగాక నేనేమీ దీప్తిని కాదంటూ వ్యాఖ్యానించి టీమిండియా అభిమానుల ఆగ్రహానికి గురయ్యాడు. ఇక తాజాగా మరోసారి బ్యాటర్‌ను అవుట్‌ చేసే అవకాశం ఉన్నా వదిలేశాడు. దీంతో కొంతమంది అతడి చర్యను సమర్థిస్తున్నారు. మరికొందరు మాత్రం రూల్స్‌ పాటించడంలో తప్పు లేదని, స్టార్క్‌.. నిబంధనలను తనకు అనుకూలంగా మార్చుకోనంత మాత్రాన ఇతరులను విమర్శించే హక్కు మాత్రం లేదంటూ వ్యాఖ్యానిస్తున్నారు.  దీప్తి శర్మ విషయంలో అతడి వ్యాఖ్యలు ప్రస్తావిస్తూ ట్రోల్‌ చేస్తున్నారు. ఇక మ్యాచ్‌ విషయానికొస్తే.. ఇన్నింగ్స్‌ మీద 182 పరుగుల భారీ తేడాతో ఆతిథ్య ఆస్ట్రేలియా చేతిలో సౌతాఫ్రికా ఓటమి పాలైంది. బాక్సింగ్‌ డే టెస్టు నాలుగు రోజుల్లోనే ముగిసిపోయింది. చదవండి: Suryakumar Yadav: మొన్న 90.. నిన్న 95.. చెలరేగుతున్న సూర్య! టెస్టుల్లో ఎంట్రీ ఖాయం! IPL: జట్టును నాశనం చేయకండి.. చేతనైతే: సన్‌రైజర్స్‌పై మాజీ ప్లేయర్‌ ఘాటు వ్యాఖ్యలు Aus Vs SA 2nd Test: ఎదురులేని ఆసీస్‌.. దక్షిణాఫ్రికా చిత్తు! డబ్ల్యూటీసీ ఫైనల్‌ రేసులో ఇక.. Wow! Starc reminding de Bruyn to stay grounded! 🍿#AUSvSA pic.twitter.com/2y4U9t7glv — cricket.com.au (@cricketcomau) December 28, 2022

Australia vs South Africa, 2nd Test - World Test Championship: రెండో టెస్టులో దక్షిణాఫ్రికాపై ఆస్ట్రేలియా ఘన విజయం సాధించింది. ఇన్నింగ్స్‌ మీద 182 పరుగుల తేడాతో పర్యాటక ప్రొటిస్‌ జట్టును చిత్తుగా ఓడించింది. తద్వారా మూడు మ్యాచ్‌ల సిరీస్‌లో మరో టెస్టు మిగిలి ఉండగానే.. సిరీస్‌ను 2-0తో సొంతం చేసుకుంది.  గ్రీన్‌ మ్యాజిక్‌ మెల్‌బోర్న్‌ వేదికగా జరిగి బాక్సింగ్‌ డే టెస్టులో టాస్‌ గెలిచిన ఆస్ట్రేలియా తొలుత బౌలింగ్‌ ఎంచుకుంది. ఈ క్రమంలో ఆసీస్‌ ఆల్‌రౌండర్‌ కామెరాన్‌ గ్రీన్‌ 5 వికెట్లతో చెలరేగడంతో 189 పరుగులకే సౌతాఫ్రికా తొలి ఇన్నింగ్స్‌ ముగిసింది. వికెట్‌ కీపర్‌ బ్యాటర్‌ వెయిర్నే(52), మార్కో జాన్సన్‌(59) అర్ధ శతకాలతో రాణించడంతో ఈ మేరకు స్కోరు చేయగలిగింది. డబుల్‌ సెంచరీ హీరో అనంతరం బ్యాటింగ్‌కు దిగిన ఆతిథ్య కంగారూ జట్టుకు ఓపెనర్‌ డేవిడ్‌ వార్నర్‌ డబుల్‌ సెంచరీ(200)తో అదిరిపోయే ఆరంభం అందించాడు. మరో ఓపెనర్‌ ఉస్మాన్‌ ఖవాజా(1), వన్‌డౌన్‌ బ్యాటర్‌ మార్నస్‌ లబుషేన్‌ (14) నిరాశపరిచినా.. స్టీవ్‌ స్మిత్‌ 85 పరుగులతో రాణించాడు. అతడికి తోడుగా ట్రవిస్‌ హెడ్‌(51), కామెరాన్‌ గ్రీన్‌ (51- నాటౌట్‌), వికెట్‌ కీపర్‌ అలెక్స్‌ క్యారీ 111తో అదరగొట్టారు. ఈ నేపథ్యంలో 8 వికెట్ల నష్టానికి 575 పరుగుల భారీ స్కోరు వద్ద ఆసీస్‌ తమ తొలి ఇన్నింగ్స్‌ డిక్లేర్‌ చేసింది. తప్పని పరాభవం ఇక తమ రెండో ఇన్నింగ్స్‌లో టాపార్డర్‌ విఫలం కావడంతో సౌతాఫ్రికాకు కష్టాలు తప్పలేదు. నాలుగో స్థానంలో వచ్చిన తెంబా బవుమా 65 పరుగులతో టాప్‌ స్కోరర్‌గా నిలవగా.. ఆరో స్థానంలో బ్యాటింగ్‌ చేసిన వెయిర్నే 33 పరుగులు సాధించాడు. మిగతా వాళ్లలో​ ఎవరూ చెప్పుకోదగ్గ స్కోరు చేయలేదు. ముఖ్యంగా ప్రొటిస్‌ కెప్టెన్‌, ఓపెనర్‌ డీన్‌ ఎల్గర్‌ డకౌట్‌గా వెనుదిరగడం ప్రభావం చూపింది. ఈ నేపథ్యంలో 204 పరుగులకే ఆలౌట్‌ అయిన సౌతాఫ్రికాకు భారీ ఓటమి తప్పలేదు. డబుల్‌ సెంచరీ హీరో డేవిడ్‌ వార్నర్‌ ప్లేయర్‌ ఆఫ్‌ ది మ్యాచ్‌గా నిలిచాడు. డబ్ల్యూటీసీ ఫైనల్‌ రేసులో ఇక.. ఇక ఈ ఘన విజయంతో ప్రపంచ టెస్టు చాంపియన్‌షిప్‌ ఫైనల్‌ రేసులో ముందు వరుసలో ఉన్న ఆస్ట్రేలియా తమ అగ్రస్థానం పదిలం చేసుకోగా.. రెండో స్థానం కోసం పోరులో పోటీ పడుతున్న సౌతాఫ్రికాకు చేదు అనుభవం మిగిలింది.  తాజా ఓటమితో 72 పాయింట్లున్న ప్రొటిస్‌ పాయింట్ల పట్టికలో 54.55 నుంచి 50 శాతానికి పడిపోగా.. బంగ్లాదేశ్‌పై విజయంతో టీమిండియా 99 పాయింట్లతో 58.93 శాతంతో రెండో స్థానంలో కొనసాగుతోంది. చదవండి: Suryakumar Yadav: మొన్న 90.. నిన్న 95.. చెలరేగుతున్న సూర్య! టెస్టుల్లో ఎంట్రీ ఖాయం! Kane Williamson: పాక్‌తో మ్యాచ్‌లో సెంచరీ.. విలియమ్సన్‌ అరుదైన రికార్డు

Australia vs South Africa, 2nd Test- Alex Carey: సౌతాఫ్రికాతో రెండో టెస్టులో ఆస్ట్రేలియా ఆటగాడు అలెక్స్‌ క్యారీ సెంచరీతో మెరిశాడు. బుధవారం నాటి మూడో రోజు ఆటలో భాగంగా 149 బంతుల్లో 111 పరుగులు సాధించాడు. కాగా టెస్టు క్రికెట్‌లో అలెక్స్‌ క్యారీకి ఇదే తొలి శతకం.  అంతేగాకుండా.. ఈ అద్భుత ఇన్నింగ్స్‌ ద్వారా సరికొత్త చరిత్ర సృష్టించాడు అలెక్స్‌ క్యారీ. బాక్సింగ్‌ డే టెస్టులో మెల్‌బోర్న్‌ క్రికెట్‌ గ్రౌండ్‌ వేదికగా.. సెంచరీ సాధించిన ఆస్ట్రేలియా తొలి వికెట్‌ కీపర్‌గా ఘనత సాధించాడు.  ఇక డేవిడ్‌ వార్నర్‌ డబుల్‌ సెంచరీకి తోడు స్టీవ్‌ స్మిత్‌(85) సహా ట్రవిస్‌ హెడ్‌(51), కామెరాన్‌ గ్రీన్‌ (51- నాటౌట్‌) అర్ధ శతకాలతో రాణించగా.. క్యారీ సెంచరీతో అదరగొట్టాడు. ఈ క్రమంలో 8 వికెట్ల నష్టానికి 575 పరుగుల వద్ద ఆస్ట్రేలియా తొలి ఇన్నింగ్స్‌ డిక్లేర్‌ చేసింది. మరోవైపు.. మూడో రోజు ఆట ముగిసే సరికి సౌతాఫ్రికా ఒక వికెట్‌ నష్టానికి 15 పరుగులు చేసింది. చదవండి: Ind Vs SL T20 Series: సెంచరీ బాదినా కనబడదా? నువ్వు ఐర్లాండ్‌ వెళ్లి ఆడుకో​! ఇక్కడుంటే.. Devon Conway: కాన్వే అరుదైన రికార్డు! తొలి కివీస్‌ బ్యాటర్‌గా.. కానీ అదొక్కటే మిస్‌!

Australia vs South Africa, 2nd Test Day 3 Highlights: ఆస్ట్రేలియాలో సౌతాఫ్రికా పేలవ ప్రదర్శన కొనసాగుతోంది. వరల్డ్‌ టెస్టు చాంపియన్‌షిప్‌ ఫైనల్‌ రేసులో నిలిచేందుకు కీలకమైన సిరీస్‌లో ఇప్పటికే తొలి మ్యాచ్‌లో ఓడింది ప్రొటిస్‌. మూడు మ్యాచ్‌ల టెస్టు సిరీస్‌లో భాగంగా బ్రిస్బేన్‌ మ్యాచ్‌లో 6 వికెట్ల తేడాతో ఆతిథ్య ఆసీస్‌ చేతిలో ఓడిన సౌతాఫ్రికా.. రెండో టెస్టులోనూ పెద్దగా ప్రభావం చూపలేకపోతోంది. మెల్‌బోర్న్‌ మ్యాచ్‌లో మూడో రోజు ఆట ముగిసే సరికి 371 పరుగుల వెనుకబడి ఉంది. కాగా సోమవారం ఆరంభమైన ఈ టెస్టులో టాస్‌ గెలిచిన ఆస్ట్రేలియా తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన ప్రొటిస్‌ను ఆల్‌రౌండర్‌ను కామెరాన్‌ గ్రీన్‌ దెబ్బకొట్టాడు. 10.4 ఓవర్లలో 27 పరుగులు మాత్రమే ఇచ్చి 5 వికెట్లు కూల్చాడు. 189కే ఆలౌట్‌ ఈ క్రమంలో 189 పరుగులకు ఆలౌట్‌ అయిన సౌతాఫ్రికా.. బౌలింగ్‌లోనూ పెద్దగా ప్రభావం చూపలేకపోయింది. ఓపెనర్‌ డేవిడ్‌ వార్నర్‌ (200), స్టీవ్‌ స్మిత్‌(85) అద్భుత ఇన్నింగ్స్‌ ఆడగా.. ట్రవిస్‌ హెడ్‌(51), గ్రీన్‌(51- నాటౌట్‌) రాణించారు. ఇక అలెక్స్‌ క్యారీ టెస్టు కెరీర్‌లో తొలి సెంచరీ(111)తో మెరిశాడు. ఈ క్రమంలో మూడో రోజు ఆటలో 8 వికెట్ల నష్టానికి 575 పరుగులు చేసిన ఆస్ట్రేలియా 575 పరుగుల వద్ద తమ తొలి ఇన్నింగ్స్‌ డిక్లేర్‌ చేసింది. ప్రొటిస్‌ బౌలర్లలో రబడకు రెండు, నోర్జేకు మూడు వికెట్లు దక్కగా.. లుంగి ఎంగిడి, మార్కో జాన్సెన్‌ తలా ఓ వికెట్‌ తీశారు. కెప్టెన్‌ మరోసారి విఫలం ఈ నేపథ్యంలో రెండో ఇన్నింగ్స్‌ ఆరంభించిన సౌతాఫ్రికాకు శుభారంభం లభించలేదు. ప్రొటిస్‌ కెప్టెన్‌, ఓపెనింగ్‌ బ్యాటర్‌ డీన్‌ ఎల్గర్‌ మరోసారి విఫలమయ్యాడు. ఆసీస్‌ సారథి ప్యాట్‌ కమిన్స్‌ బౌలింగ్‌లో డకౌట్‌గా వెనుదిరిగాడు.  ఇక మూడో రోజు ఆట ముగిసే సరికి వికెట్‌ నష్టానికి సౌతాఫ్రికా 17 పరుగులు చేసింది. ఓపెనర్‌ సారెల్‌ ఎర్వీ(7),  థీనిస్ డి బ్రూయిన్ (6) క్రీజులో ఉన్నారు. కాగా ఎల్గర్‌ తొలి ఇన్నింగ్‌స్లో 26 పరుగుల వ్యక్తిగత స్కోరు వద్ద రనౌట్‌ అయ్యాడు. మూడో రోజు ఆట ముగిసే సరికి స్కోర్లు: ఆస్ట్రేలియా- 575/8 d సౌతాఫ్రికా- 189 & 15/1 (7)  చదవండి: Ind Vs SL T20 Series: సెంచరీ బాదినా కనబడదా? నువ్వు ఐర్లాండ్‌ వెళ్లి ఆడుకో​! ఇక్కడుంటే.. Devon Conway: కాన్వే అరుదైన రికార్డు! తొలి కివీస్‌ బ్యాటర్‌గా.. కానీ అదొక్కటే మిస్‌! Nothing sweeter than getting your opposition skipper... for a duck! #OhWhatAFeeling #AUSvSA | @Toyota_Aus pic.twitter.com/KdTEdLZNFq — cricket.com.au (@cricketcomau) December 28, 2022

Australia vs South Africa, 2nd Test- మెల్‌బోర్న్‌: దక్షిణాఫ్రికాతో జరుగుతున్న రెండో టెస్టుపై ఆస్ట్రేలియా పట్టు బిగిస్తోంది. ఆస్ట్రేలియా తొలి ఇన్నింగ్స్‌లో 91 ఓవర్లలో 3 వికెట్ల నష్టానికి 386 పరుగులు చేసింది. దాంతో రెండో రోజు ఆట ముగిసే సమయానికి 197 పరుగుల ఆధిక్యం లభించింది. ఇక మూడో రోజు ఆటలో భాగంగా లంచ్‌ బ్రేక్‌ సమయానికి ఏడు వికెట్ల నష్టానికి 479 పరుగులు చేసింది ఆస్ట్రేలియా.  290 పరుగుల ఆధిక్యంలో ఉంది. కాగా మూడో రోజు ఆట మొదలైన కాసేపటికే ఆస్ట్రేలియా వరుసగా వికెట్లు కోల్పోవడం గమనార్హం. టెస్టుల్లో 11వ హాఫ్‌ సెంచరీ పూర్తి చేసుకున్న హెడ్‌ను 93.2 ఓవర్లో బౌల్డ్‌ చేసిన నోర్జే.. ఆ మరుసటి బంతికే వార్నర్‌ను కూడా బౌల్డ్‌ చేశాడు. దీంతో అతడి ఖాతాలో మూడో వికెట్‌ చేరింది. అంతకుముందు స్మిత్‌ను పెవిలియన్‌కు పంపాడు. ఇక తర్వాతి ఓవర్లో రబడ బౌలింగ్‌లో కమిన్స్‌ ఇచ్చిన క్యాచ్‌ను వెయిర్నే పట్టుకోవడంతో ఆరో వికెట్‌ పడింది. కాగా నాథన్‌ లియాన్‌ ఎంగిడి బౌలింగ్‌లో ఏడో వికెట్‌గా వెనుదిరిగాడు. ట్రవిస్‌ హెడ్‌ (51), అలెక్స్‌ క్యారీ (62 నాటౌట్‌), కామెరాన్‌ గ్రీన్‌ (14 పరుగులతో) క్రీజ్‌లో ఉన్నారు.  రెండో రోజు ఆట విశేషాలు- భారీ భాగస్వామ్యం...  ఇదిలా ఉంటే.. రెండో రోజు ఆటలో భాగంగా మెల్‌బోర్న్‌లో ఉష్ణోగ్రతలు ఒక్కసారిగా 40 డిగ్రీలకు చేరడంతో మైదానంలో ఇరు జట్ల ఆటగాళ్లంతా తీవ్రంగా ఇబ్బంది పడ్డారు. ఇలాంటి స్థితిలో వార్నర్‌ పట్టుదలగా నిలబడగా, స్మిత్‌ అతనికి సహకరించడం విశేషం. ఈ క్రమంలో 144 బంతుల్లో వార్నర్‌ కెరీర్‌లో 25వ సెంచరీ పూర్తి చేసుకున్నాడు. ఆపై సఫారీ బౌలర్లపై ఆధిపత్యం ప్రదర్శిస్తూ వీరిద్దరు మూడో వికెట్‌కు 239 పరుగులు జోడించారు. స్మిత్‌ వెనుదిరిగిన కొద్ది సేపటికే వార్నర్‌ డబుల్‌ సెంచరీ పూర్తయింది. అయితే తీవ్ర ఎండలో 63 సింగిల్స్‌ తీసిన వార్నర్‌ 14 సార్లు రెండేసి, 7 సార్లు మూడేసి పరుగులు తీయడంతో పాటు 3 సార్లు నాలుగు పరుగులు కూడా తీశాడు. దాంతో అతను తీవ్రంగా అలసిపోయాడు. డబుల్‌ సెంచరీ పూర్తయ్యాక వార్నర్‌ను ఇరు వైపుల సహచరులు పట్టుకొని బయటకు తీసుకుపోవాల్సి వచ్చింది.  స్పైడర్‌ క్యామ్‌ దెబ్బ...  మ్యాచ్‌లో అనూహ్య ఘటన చోటు చేసుకుంది. ఆట మధ్యలో దక్షిణాఫ్రికా పేసర్‌ ఆన్రిచ్‌ నోర్జే ఫీల్డింగ్‌లో మరో వైపుకు వెళుతున్న సమయంలో పైన వేలాడుతున్న స్పైడర్‌ క్యామ్‌ ఒక్కసారిగా వేగంగా దూసుకొచ్చి అతని ఎడమ భుజాన్ని, మోచేతిని బలంగా తాకింది. దాంతో నోర్జే మైదానంలో పడిపోయాడు.  అదృష్టవశాత్తూ పెద్ద దెబ్బ తగలకపోవడంతో బతికిపోయిన నోర్జే...స్పైడర్‌ క్యామ్‌ ఇంత కిందకు ఉండటం పట్ల తీవ్ర అసహనం వ్యక్తం చేశాడు. అనంతరం ఫాక్స్‌ స్పోర్ట్స్‌ దీనిపై క్షమాపణలు చెప్పింది.  విమర్శలను దాటి...  కేప్‌టౌన్‌లో బాల్‌ ట్యాంపరింగ్‌ ఉదంతం జరిగి ఐదేళ్లు కావస్తున్నా ఇంకా అవే సూటిపోటి వ్యాఖ్యలు...కెప్టెన్సీ కావాలంటే కుటుంబంతో సహా విచారణకు రమ్మంటూ సొంత బోర్డునుంచే షరతులు... జనవరి 2020నుంచి టెస్టుల్లోనే సెంచరీ లేకపోగా, గత 10 ఇన్నింగ్స్‌లలో ఒక్క అర్ధసెంచరీ కూడా లేదు! వార్నర్‌ టెస్టు కెరీర్‌ ముగిసినట్లే అంటూ విమర్శలు వస్తున్న సమయంలో అతను చెలరేగాడు. తన కెరీర్‌లో 100వ టెస్టును అందుకు సరైన వేదికగా ఎంచుకొని ఈ మ్యాచ్‌ను చిరస్మరణీయం చేసుకున్నాడు.  టి20, వన్డే స్పెషలిస్ట్‌గానే క్రికెట్‌ ప్రపంచం గుర్తించిన వార్నర్‌ టెస్టుల్లో సాధించిన ఘనతలు తక్కువేమీ  కాదు.  తాజా వివాదాల నేపథ్యంలో మెల్‌బోర్న్‌ టెస్టు ఆరంభానికి ముందు ‘అన్నీ మరచి ఒకప్పటి దూకుడైన వార్నర్‌లా ఆడతాను’ అంటూ వ్యాఖ్యానించిన అతను దానిని నిజం చేసి చూపించాడు. మంగళవారం అన్ని రకాల మేళవింపుతో అతని బ్యాటింగ్‌ సాగింది. వికెట్ల మధ్య పరుగెత్తడం మొదలు చూడచక్కటి షాట్లు ఆడటం వరకు వార్నర్‌ అలరించాడు. ముఖ్యంగా ప్రమాదకరంగా కనిపించిన నోర్జే, రబడ ఫాస్టెస్ట్‌ బంతులను కూడా సమర్థంగా ఎదుర్కొంటూ పుల్, హుక్‌ షాట్లతో తానేంటో అతను చూపించాడు. మైదానంలో ఫిట్‌నెస్‌పరంగా ప్రతికూల పరిస్థితి కనిపించినా అతను ఎక్కడా తగ్గలేదు. సెంచరీ పూర్తయ్యాక తనదైన శైలిలో గాల్లోకి ఎగిరి సంబరం జరుపుకున్న వార్నర్‌... డబుల్‌ సెంచరీ తర్వాత భావోద్వేగాలు ప్రదర్శించడం ఈ ఇన్నింగ్స్‌ విలువేమిటో చూపించింది. 110 బంతుల్లోనే వార్నర్‌ తర్వాతి వంద పరుగులు రాబట్టడం విశేషం. కేవలం 11 ఫస్ట్‌క్లాస్‌ మ్యాచ్‌ల అనుభవంతో టెస్టుల్లో అరంగేట్రం చేసిన వార్నర్‌ ఈ ఫార్మాట్‌లలో అత్యుత్తమ ఓపెనర్లలో ఒకడిగా గుర్తింపు తెచ్చుకున్నాడు. వార్నర్‌ రికార్డుల మోత ►తన రెండో టెస్టులో న్యూజిలాండ్‌పై 123 నాటౌట్, పెర్త్‌లో భారత్‌పై 180, కేప్‌టౌన్‌లో దక్షిణాఫ్రికా పై 134, 145,  పాకిస్తాన్‌పై దుబాయ్‌లో 133, మిర్పూర్‌లో బంగ్లాదేశ్‌పై 112, అడిలైడ్‌లో పాకిస్తాన్‌పై చేసిన 335 నాటౌట్‌ అతని కెరీర్‌లో కొన్ని అత్యుత్తమ ప్రదర్శనలుగా నిలిచాయి.  ►100వ టెస్టులో సెంచరీ చేసిన 10వ ఆటగాడిగా (కౌడ్రీ, మియాందాద్, గ్రీనిడ్జ్, స్టివార్ట్, ఇంజమామ్,పాంటింగ్, గ్రేమ్‌ స్మిత్, ఆమ్లా, రూట్‌ తర్వాత) వార్నర్‌ నిలిచాడు. ►పాంటింగ్‌ ఒక్కడే రెండు ఇన్నింగ్స్‌లలోనూ సెంచరీలు చేయగా... రూట్, వార్నర్‌ మాత్రమే వాటిని డబుల్‌ సెంచరీలుగా మలిచారు. ఓవరాల్‌గా వార్నర్‌ 100 టెస్టుల్లో 46.67 సగటుతో 8122 పరుగులు చేశాడు. చదవండి: IND vs SL: శ్రీలంకతో టీ20 సిరీస్‌.. భారత కెప్టెన్‌గా హార్దిక్‌ పాండ్యా! సూర్యకుమార్‌కు కీలక బాధ్యతలు

గత కొన్నిరోజులుగా ఆస్ట్రేలియా క్రికెట్‌ మీడియాలో డేవిడ్‌ వార్నర్‌ పేరు హాట్‌ టాపిక్‌. కారణం కెప్టెన్సీ విషయంలో క్రికెట్‌ ఆస్ట్రేలియాతో సున్నం పెట్టుకోవడమే. 2018లో బాల్‌ టాంపరింగ్‌ వివాదం అతని మెడకు చుట్టుకొని రెండేళ్ల నిషేధంతో పాటు ఆసీస్‌కు కెప్టెన్‌ కాకుండా లైఫ్‌టైమ్ బ్యాన్‌ విధించింది. అయితే తనపై కెప్టెన్సీ లైఫ్‌టైమ్‌ బ్యాన్‌ ఎత్తివేయాలంటూ క్రికెట్‌ ఆస్ట్రేలియాకు అప్పీల్‌ చేసుకుంటే కనీసం పట్టించుకున్న పాపాన పోలేదు. సొంత బోర్డు నుంచే కనీస మద్దతు కరువవడంతో తెగ బాధపడిపోయిన వార్నర్‌..'' మీ కెప్టెన్సీకో దండం.. నా అప్పీల్‌ను వెనక్కి తీసుకుంటున్నాని.. ఇకపై ఆ విషయం కూడా ఎత్తను'' అంటూ క్రికెట్‌ ఆస్ట్రేలియాపై తీవ్ర ఆగ్రహం వ్యక్తం చేశాడు. వార్నర్‌ తీరుపై స్పందించిన క్రికెట్‌ ఆస్ట్రేలియా.. ''కెప్టెన్సీ కాదు ముందు మీ ఆటతీరులో దమ్ము చూపించండి.. అప్పుడు కెప్టెన్సీపై చర్చకు రండి'' అంటూ పరోక్షంగా వార్నర్‌కు సవాల్‌ విసిరింది. నిజానికి వార్నర్‌ కూడా అంత గొప్ప ఫామ్‌లో అయితే లేడనే చెప్పాలి. ఇటీవలే ముగిసిన టి20 వరల్డ్‌కప్‌లోనూ వార్నర్‌ పెద్దగా ప్రభావం చూపించింది లేదు. అందునా టెస్టుల్లో వార్నర్‌ మెరిసి చాలా కాలమైపోయింది. వార్నర్‌ బ్యాట్‌ నుంచి శతకం జాలువారి మూడేళ్లు కావొస్తుంది. దీనికి తోడు ఆటను పక్కనబెట్టి కెప్టెన్సీ అంశంపై క్రికెట్‌ ఆస్ట్రేలియాతో సున్నం పెట్టుకోవడం సొంత అభిమానులకు కూడా నచ్చలేదు. అన్ని వైపుల నుంచి వార్నర్‌పై తీవ్ర విమర్శలు వ్యక్తమయ్యాయి. క్రికెట్‌ ఆస్ట్రేలియా చేసిన కామెంట్స్‌ను వార్నర్‌ సీరియస్‌గా తీసుకున్నాడనిపించింది. ఒకే ఒక్క ఇన్నింగ్స్‌తో తనపై వస్తున్న విమర్శలన్నింటికి చెక్‌ పెట్టాడు. మెల్‌బోర్న్‌ వేదికగా దక్షిణాఫ్రికాతో ప్రారంభమైన రెండో టెస్టు వార్నర్‌ కెరీర్‌లో వందో టెస్టు కావడం విశేషం. తన వందో టెస్టులో సెంచరీతో మెరిసి అన్నింటికి సమాధానం చెప్పాలనుకున్నాడు. అనుకున్నట్లుగానే తన పంతం నెరవేర్చుకున్నాడు డేవిడ్‌ వార్నర్‌. శతకంతో మెరవడమే సూపర్‌ అనుకుంటే.. ఏకంగా డబుల్‌ సెంచరీతో కథం తొక్కి సరికొత్త రికార్డులు నెలకొల్పాడు. దాదాపు 1089 రోజులు శతకం లేకుండా కొనసాగిన వార్నర్‌ ఇన్నింగ్స్‌లకు ఇది మరో టర్నింగ్‌ పాయింట్‌ అని చెప్పొచ్చు. ఏ బోర్డు అయితే తనకు సవాల్‌ విసిరిందో అదే బోర్డుతో చప్పట్లు కొట్టించుకున్నాడు వార్నర్‌. ఇది అందరికి సాధ్యం కాదు. కచ్చితంగా వార్నర్‌ కెరీర్‌లో ఈ ఇన్నింగ్స్‌ ఎప్పటికి మధురానుభూతిగా మిగిలిపోతుందనడంలో సందేహం లేదు. A double century for David Warner! But his #OhWhatAFeeling jump comes at a cost! 😬#AUSvSA | @Toyota_Aus pic.twitter.com/RqJLcQpWHa — cricket.com.au (@cricketcomau) December 27, 2022 చదవండి: వారీ ఎంత పని జరిగే.. గట్టిగా తాకుంటే ప్రాణం పోయేదే!

క్రికెట్‌ మ్యాచ్‌లో కొన్నిసార్లు ఊహించని సంఘటనలు జరుగుతుంటాయి. మన ప్రమేయం లేకుండానే ఒక్కోసారి మన ప్రాణం మీదకు వచ్చే పరిస్థితులు ఎదురవుతుంటాయి. స్టేడియాల్లో స్పైడర్‌ కెమెరాలు ఉండడం సహజం. 360 డిగ్రీల కోణంలో తిరుగుతూ ప్రతీవైపును కవర్‌ చేయడమే స్పైడర్‌ కెమెరాల పని. అయితే గ్రౌండ్‌లో మినిమం ఎత్తులో ఉండే ఈ కెమెరాలు ఒక్కోసారి ఆటగాళ్ల కదలికలను గమనించేందుకు నిర్దేశించిన ఎత్తుకంటే కిందకు వస్తుంటాయి. అలాంటి సమయంలో ఆటగాళ్లకు ఈ స్పైడర్‌ కెమెరాలు ఇబ్బందికి గురి చేస్తుంటాయి. తాజాగా ఆస్ట్రేలియా, సౌతాఫ్రికా మధ్య జరుగుతున్న తొలి టెస్టులో ఒక స్పైడర్‌ కెమెరా ప్రొటీస్‌ బౌలర్‌ అన్‌రిచ్‌ నోర్ట్జే ప్రాణం మీదకు తెచ్చింది. మెల్‌బోర్న్‌ వేదికగా తొలి టెస్టు రెండోరోజు ఆటలో ఆసీస్‌ తొలి ఇన్నింగ్స్‌ సమయంలో ఇది చోటుచేసుకుంది. రెండో సెషన్‌లో ఓవర్‌ ముగిశాక బ్రేక్‌ సమయంలో ఒక స్పైడర్‌ కెమెరా నోర్ట్జే వైపు దూసుకొచ్చింది. అయితే వెనుకవైపు నిలబడిన నోర్ట్జే ఇది గమనించలేదు. అంతే వేగంగా వచ్చిన కెమెరా అతన్ని తలను బలంగా ఢీకొట్టింది. కెమెరా దెబ్బకు గ్రౌండ్‌పై పడిపోయిన నోర్ట్జే తిరిగి పైకి లేచాడు. అయితే ఇది గమనించిన స్మిత్‌ నోర్ట్జే దగ్గరకు వెళ్లి ఎలా ఉందని అడిగాడు.. దానికి ప్రొటీస్‌ బౌలర్‌ పర్లేదు.. బాగానే ఉన్నా అని చెప్పడంతో సహచరులతో పాటు అంపైర్లు ఊపిరి పీల్చుకున్నారు. ఒకవేళ​ స్పైడర్‌ కెమెరా గట్టిగా తాకి జరగరానిది ఏమైనా జరిగి ఉంటే పరిస్థితి వేరుగా ఉండేదని క్రికెట్‌ అభిమానులు కామెంట్‌ చేశారు. నోర్ట్జేకు లక్కీగా పెద్ద గాయం కాలేదు కాబట్టి సరిపోయింది.. లేకపోయుంటే ఇది ఎక్కడికి దారి తీసేదో అని తలుచుకుంటేనే భయమేస్తుంది. అంటూ మరొకరు పేర్కొన్నారు. మొత్తానికి మైదానాన్ని కనిపెట్టుకొని ఉండాల్సిన స్పైడర్‌ కెమెరా నోర్ట్జే ప్రాణం మీదకు తెచ్చింది.  ఇక మ్యాచ్‌లో ఆస్ట్రేలియా భారీ స్కోరు దిశగా అడుగులు వేస్తుంది. రెండో రోజు ఆట ముగిసే సమయానికి మూడు వికెట్ల నష్టానికి 386 పరుగులు చేసింది. ట్రెవిస్‌ హెడ్‌ 48 బ్యాటింగ్‌, అలెక్స్‌ కేరీ 9 బ్యాటింగ్‌ క్రీజులో ఉన్నారు.  సీనియర్‌ బ్యాటర్‌ డేవిడ్‌ వార్నర్‌ సూపర్‌ డబుల్‌ సెంచరీతో మెరిశాడు. కొంతకాలంగా ఆటకంటే కెప్టెన్సీపై క్రికెట్‌ ఆస్ట్రేలియాతో వివాదంతో వార్తల్లో నిలిచిన వార్నర్‌ ఎట్టకేలకు డబుల​ సెంచరీ సాధించి విమర్శకుల నోర్లు మూయించాడు. ఇక స్టీవ్‌ స్మిత్‌ 85 పరుగులు చేసి ఔటయ్యాడు. అంతకముందు సౌతాఫ్రికా తొలి ఇన్నింగ్స్‌లో 189 పరుగులకే కుప్పకూలిన సంగతి తెలిసిందే. ప్ర​స్తుతం ఆసీస్‌ 197 పరుగుల ఆధిక్యంలో ఉంది. Ok, that’s really bad #spidercam #AUSvsSA pic.twitter.com/lqBLt5q52f — Josh Rowe (@joshrowe) December 27, 2022 Here’s the @FoxCricket Flying Fox / Spider Cam doing its bit to help the Aussie cricketers build a healthy lead against South Africa... 😬🎥 Hope the player it collided with (Nortje?) is okay! #AUSvSA pic.twitter.com/9cIcPS2AAq — Ari (@arimansfield) December 27, 2022 చదవండి: ఘోర అవమానం.. బోరుమన్న రమీజ్‌ రాజా

Australia vs South Africa, 2nd Test- David Warner: ఆస్ట్రేలియా ఓపెనర్‌ డేవిడ్‌ వార్నర్‌కు సోషల్‌ మీడియా వేదికగా అభినందనలు వెల్లువెత్తుతున్నాయి. దాదాపు మూడేళ్ల తర్వాత సెంచరీ సాధించి.. ఆపై దానిని ద్విశతకంగా మలిచిన అతడిపై ప్రశంసల వర్షం కురుస్తోంది. కాగా దక్షిణాఫ్రికాతో స్వదేశంలో జరుగుతున్న రెండో టెస్టు సందర్భంగా వార్నర్‌ ద్విశతకం సాధించాడు. ఈ నేపథ్యంలో వార్నర్‌ భార్య కాండిస్‌ సైతం ఆనందంలో తేలిపోతోంది. భర్త ఆట తీరు పట్ల హర్షం వ్యక్తం చేసిన ఆమె.. విమర్శకులకు చురకలు అంటించింది. ఇప్పటికైనా వార్నర్‌కు దూరంగా ఉండాలని... అతడిని ఒక మాట అనాలంటే ఆలోచించుకోవాలనే ఉద్దేశంలో కామెంట్లు చేసింది.  వామ్మో అన్ని వేల వికెట్లా!? ఇక డబుల్‌ సెంచరీ హీరో వార్నర్‌ పేరు సోషల్‌ మీడియాలో మారుమోగుతున్న వేళ.. ఆస్ట్రేలియా- దక్షిణాఫ్రికా టెస్టు సిరీస్‌ బ్రాడ్‌కాస్టర్‌ ఫాక్స్ స్పోర్ట్స్ చేసిన తప్పిదం కూడా వైరల్‌గా మారింది. వార్నర్‌ సుదీర్ఘ కెరీర్‌లో గణాంకాలు కోట్‌ చేస్తూ.. పరుగుల స్థానంలో వికెట్లు అని గ్రాఫిక్‌ను డిస్‌ప్లే చేసింది. ఇక ముందు కూడా ఎవరూ ఉండరు! ఈ మేరకు 100 టెస్టుల్లో 7922 వికెట్లు, 141 వన్డేల్లో 6007 వికెట్లు, 99 టీ20లలో 2894 వికెట్లు అని చూపించింది. ఈ విషయాన్ని పసిగట్టిన నెటిజన్లు స్క్రీన్‌షాట్లు తీసి.. బ్రాడ్‌కాస్టర్‌ తీరుపై సైటైర్లు వేస్తున్నారు. ‘‘దాదాపు 16 వేల వికెట్లు.. క్రికెట్‌ చరిత్రలో ఇలాంటి బౌలర్‌ లేడు. ఇక ముందు రాబోడు. ఈ లెక్కన ఒక్క మ్యాచ్‌లో వార్నర్‌ 79 వికెట్లు తీశాడా? ఇంతకంటే గొప్ప విషయం ఏమీ ఉండదు. 1400 హండ్రెడ్‌ వికెట్‌ హాల్‌.. సూపర్‌స్టార్‌ రజనీకాంత్‌ చిట్టి రోబోకైనా ఇది సాధ్యమవుతుందా? అంటూ ట్రోల్‌ చేస్తున్నారు. కాగా 200 పరుగుల మార్కును అందుకున్న తర్వాత వార్నర్‌ రిటైర్డ్‌ హర్ట్‌గా వెనుదిరిగాడు. చదవండి: Babar Azam: పాంటింగ్‌ రికార్డు బద్దలు కొట్టిన బాబర్‌ ఆజం! సెహ్వాగ్‌లా అలా! IPL 2023: అన్న త్యాగం వల్లే ఇలా కోటీశ్వరుడిగా.. నాన్నను మిస్‌ అవుతున్నా! వాళ్లతో కలిసి ఆడతా David Warner the greatest bowler in the history of Australian cricket. #AUSvSA pic.twitter.com/H74sMPwrFT — Dan Liebke (@LiebCricket) December 26, 2022 79 wickets/match is a lot, honestly. Easily the greatest bowler of all time. https://t.co/zCoBeFjK5N — Abhishek Mukherjee (@ovshake42) December 26, 2022 Man man man !!! What a bowler. 14 Hundred wicket haul is not a joke 🥺!!! Warner is GOATofGOATofGOAT https://t.co/emPDQqbggr pic.twitter.com/6nFpYm6IOO — Rakshit Bhagwat Kathawate (@rkathawate098) December 26, 2022 A double century for David Warner! But his #OhWhatAFeeling jump comes at a cost! 😬#AUSvSA | @Toyota_Aus pic.twitter.com/RqJLcQpWHa — cricket.com.au (@cricketcomau) December 27, 2022

Australia vs South Africa, 2nd Test: ఆస్ట్రేలియా ఓపెనర్‌ డేవిడ్‌ వార్నర్‌ టెస్టుల్లో మూడో డబుల్‌ సెంచరీ సాధించాడు. దక్షిణాఫ్రికాతో స్వదేశంలో జరుగుతున్న టెస్టు సిరీస్‌లో భాగంగా రెండో మ్యాచ్‌లో ఈ మైలురాయిని అందుకున్నాడు. దాదాపు 1089 రోజుల తర్వాత శతకం బాదిన వార్నర్‌.. వందను డబుల్‌ సెంచరీగా మలచడంలో సఫలమయ్యాడు. మెల్‌బోర్న్‌ వేదికగా రెండో రోజు ఆటలో రబడ బౌలింగ్‌లో 100 పరుగుల మార్కు అందుకున్న ఈ ఓపెనర్‌.. లుంగి ఎంగిడి బౌలింగ్‌లో 200 రన్స్‌ పూర్తి చేసుకున్నాడు. ఈ క్రమంలో ఇప్పటికే పలు రికార్డులు నమోదు చేసిన వార్నర్‌ మరో అరుదైన ఘనత సాధించాడు.  తొలి ఆసీస్‌ బ్యాటర్‌గా 100వ టెస్టులో ద్విశతకం బాదిన మొదటి ఆస్ట్రేలియా క్రికెటర్‌గా చరిత్రకెక్కాడు. ఓవరాల్‌గా ఈ ఘనత సాధించిన రెండో బ్యాటర్‌గా నిలిచాడు. ఇంతకుముందు ఇంగ్లండ్‌ మాజీ కెప్టెన్‌ జో రూట్‌ గతేడాది ఫిబ్రవరిలో ఈ ఫీట్‌ నమోదు చేశాడు.  రిటైర్డ్‌ హర్ట్‌ ఇక దాదాపుగా మూడేళ్ల తర్వాత ఈ మేరకు అద్భుత ఇన్నింగ్స్‌ ఆడి తనపై వస్తున్న విమర్శలకు గట్టిగా సమాధానమిచ్చిన వార్నర్‌.. పట్టరాని సంతోషంలో మునిగిపోయాడు. అభిమానులకు అభివాదం చేస్తూ ఎగిరి గంతేశాడు. అయితే, ఈ సందర్భంగా వార్నర్‌  కాలి కండరాలు పట్టేయడంతో రిటైర్డ్‌ హర్ట్‌గా వెనుదిరిగాడు. 253 బంతుల్లో 200 పరుగుల వ్యక్తిగత స్కోరు వద్ద భారంగా మైదానాన్ని వీడాడు. చదవండి: Babar Azam: పాంటింగ్‌ రికార్డు బద్దలు కొట్టిన బాబర్‌ ఆజం! సెహ్వాగ్‌లా అలా! Suryakumar Yadav: సీక్రెట్‌ రివీల్‌ చేసిన సూర్యకుమార్‌.. వాళ్ల వల్లే ఇలా! కేకేఆర్‌ నుంచి మారిన తర్వాతే A double century for David Warner! But his #OhWhatAFeeling jump comes at a cost! 😬#AUSvSA | @Toyota_Aus pic.twitter.com/RqJLcQpWHa — cricket.com.au (@cricketcomau) December 27, 2022

Australia vs South Africa, 2nd Test- David Warner : దక్షిణాఫ్రికాతో జరుగుతున్న రెండో టెస్టులో ఆస్ట్రేలియా ఓపెనర్‌ డేవిడ్‌ వార్నర్‌ సెంచరీతో మెరిశాడు. దాదాపుగా గత మూడేళ్లుగా శతకం సాధించలేక విమర్శలపాలైన అతడు.. ప్రఖ్యాత మెల్‌బోర్న్‌ క్రికెట్‌ గ్రౌండ్‌ వేదికగా బ్యాట్‌తోనే సమాధానమిచ్చాడు. అంతేకాదు ఈ అద్భుత ఇన్నింగ్స్‌ ద్వారా అరుదైన రికార్డును తన ఖాతాలో వేసుకున్నాడు ఈ ఓపెనింగ్‌ బ్యాటర్‌. ప్రపంచ టెస్టు చాంపియన్‌షిప్‌ 2021-23లో భాగంగా స్వదేశంలో ఆసీస్‌.. సౌతాఫ్రికాతో తలపడుతోంది. ఇందులో భాగంగా రెండో మ్యాచ్‌లోనూ తుది జట్టులో చోటు దక్కించుకున్న వార్నర్‌కు ఇది 100వ టెస్టు. ఈ క్రమంలో మంగళవారం నాటి రెండో రోజు ఆటలో భాగంగా సౌతాఫ్రికా స్టార్‌ బౌలర్‌ కగిసో రబడ బౌలింగ్‌లో ఫోర్‌ బాది 100 పరుగుల మార్కు అందుకున్నాడు వార్నర్‌. అరుదైన ఘనతలు ఈ నేపథ్యంలో కెరీర్‌లో 25వ టెస్టు సెంచరీ నమోదు చేసిన వార్నర్‌.. దిగ్గజాల సరసన చోటు సంపాదించాడు. ఆడిన 100వ టెస్టులో శతకం సాధించిన 10వ బ్యాటర్‌గా చరిత్రకెక్కాడు. అంతేగాక ఈ ఘనత సాధించిన రెండో ఆస్ట్రేలియా బ్యాటర్‌గా నిలిచాడు. అంతకుముందు రిక్కీ పాంటింగ్‌ ఈ ఫీట్‌ నమోదు చేశాడు. అదే విధంగా టెస్టుల్లో 8 వేల పరుగులు పూర్తి చేసుకున్న ఎనిమిదో ఆసీస్‌ ప్లేయర్‌గా వార్నర్‌ ఘనత వహించాడు.  100వ టెస్టులో సెంచరీ సాధించిన బ్యాటర్లు  ►కోలిన్‌ కౌడ్రే- 104- ఇంగ్లండ్‌ వర్సెస్‌ ఆస్ట్రేలియా- 1968 ►జావేద్‌ మియాందాద్‌- 145- పాకిస్తాన్‌ వర్సెస్‌ ఇండియా- 1989 ►గోర్డాన్‌ గ్రీనిడ్జ్‌- 149- వెస్టిండీస్‌ వర్సెస్‌ ఇంగ్లండ్‌- 1990 ►అలెక్స్‌ స్టెవార్ట్‌- 105- ఇంగ్లండ్‌ వర్సెస్‌ వెస్టిండీస్‌-2000 ►ఇంజమాముల్‌ హక్‌ - 184- పాకిస్తాన్‌ వర్సెస్‌ ఇండియా- 2005 ►రిక్కీ పాంటింగ్‌- 120 , 143 నాటౌట్‌- ఆస్ట్రేలియా వర్సెస్‌ సౌతాఫ్రికా- 2006 ►గ్రేమ్‌ స్మిత్‌- 131- సౌతాఫ్రికా వర్సెస్‌ ఇం‍గ్లండ్‌- 2012 ►హషీం ఆమ్లా- 134- సౌతాఫ్రికా వర్సెస్‌ శ్రీలంక- 2017 ►జో రూట్‌- 218- ఇంగ్లండ్‌ వర్సెస్‌ ఇండియా- 2021 ►డేవిడ్‌ వార్నర్‌- 100 నాటౌట్‌- ఆస్ట్రేలియా వర్సెస్‌ సౌతాఫ్రికా, 2022 చదవండి: Suryakumar Yadav: సీక్రెట్‌ రివీల్‌ చేసిన సూర్యకుమార్‌.. వాళ్ల వల్లే ఇలా! కేకేఆర్‌ నుంచి మారిన తర్వాతే Ind Vs Ban: టీమిండియా దిగ్గజానికి మాతృ వియోగం.. సంతాపం ప్రకటిస్తూనే.. హ్యాట్సాఫ్‌ చెబుతూ 💯 in Test 💯! Well played, David Warner! #PlayOfTheDay#AUSvSA | @nrmainsurance pic.twitter.com/DsgFyoBvLR — cricket.com.au (@cricketcomau) December 27, 2022

Australia vs South Africa, 2nd Test- Day 1- Cameron Green: దక్షిణాఫ్రికాతో బాక్సింగ్‌ డే టెస్టులో ఆస్ట్రేలియా ఆల్‌రౌండర్‌ కామెరాన్‌ గ్రీన్‌ అద్భుత ప్రదర్శన కనబరిచాడు. మెల్‌బోర్న్‌లో సోమవారం ఆరంభమైన రెండో టెస్టు సందర్భంగా ప్రత్యర్థి జట్టుకు చుక్కలు చూపించాడు. రెండు కీలక వికెట్లు కూల్చి డీన్‌ ఎల్గర్‌ బృందాన్ని కోలుకోలేని దెబ్బకొట్టాడు. మొత్తంగా 10.4 ఓవర్లలో 27 పరుగులు మాత్రమే ఇచ్చిన గ్రీన్‌.. ఏకంగా ఐదు వికెట్లు పడగొట్టాడు. తొలిసారి ఇలా కెరీర్‌లో తొలిసారి ఈ ఫీట్‌(5 వికెట్‌ హాల్‌) నమోదు చేశాడు. ఇక గ్రీన్‌ దెబ్బకు సౌతాఫ్రికా బ్యాటింగ్‌ ఆర్డర్‌ కుదేలైంది. 189 పరుగులకే తొలి ఇన్నింగ్స్‌ను ముగించింది. కాగా ప్రొటిస్‌ టాపార్డర్‌ విఫలమైన వేళ.. ఆరోస్థానంలో వచ్చిన వికెట్‌ కీపర్‌ బ్యాటర్‌ వెయిర్నే(52), మార్కో జాన్సెన్‌(59) అర్ధ శతకాలతో రాణించారు. నాథన్‌ లియాన్‌తో గ్రీన్‌(PC: ICC) అయితే, వీరిద్దరిని పెవిలియన్‌కు పంపాడు గ్రీన్‌. ఈ ఇద్దరితో పాటు వన్‌డౌన్‌ బ్యాటర్‌ థీనిస్ డి బ్రూయిన్(12), రబడ(4), లుంగి ఎన్గిడి(2) వికెట్లు తీశాడు. ఇక గ్రీన్‌కు తోడు స్టార్క్‌ 2, బోలాండ్‌ 1, నాథన్‌ లియోన్‌ 1 ఒక వికెట్‌ పడగొట్టారు. ప్రొటిస్‌ కెప్టెన్‌, ఓపెనర్‌ను ఎల్గర్‌ లబుషేన్‌ రనౌట్‌ చేశాడు. ఈ నేపథ్యంలో 189 పరుగులకు సౌతాఫ్రికా ఆలౌట్‌ అయింది. ఈ క్రమంలో బ్యాటింగ్‌ మొదలెట్టిన ఆస్ట్రేలియా తొలి రోజు ఆట ముగిసే సరికి ఒక వికెట్‌ నష్టపోయి 45 పరుగులు చేసింది. 100వ టెస్టు ఆడుతున్న ఓపెనర్‌ డేవిడ్‌ వార్నర్‌ 32, వన్‌డౌన్‌ బ్యాటర్‌ మార్నస్‌ లబుషేన్‌ 5 పరుగులతో క్రీజులో ఉన్నారు. ముంబై ఇండియన్స్‌ సంబరం ఇటీవల ముగిసిన ఐపీఎల్‌ మినీ వేలం-2023 నేపథ్యంలో ముంబై ఇండియన్స్‌ను గ్రీన్‌ను రూ. 17.5 కోట్ల భారీ ధరకు కొనుగోలు చేసిన విషయం తెలిసిందే. ఆక్షన్‌ తర్వాత ఆడిన తొలి మ్యాచ్‌లోనే ఈ 23 ఏళ్ల యువ బౌలింగ్‌ ఆల్‌రౌండర్‌ ఈ మేరకు కెరీర్‌లో ఉత్తమ గణాంకాలు(5/27) నమోదు చేయడం గమనార్హం. దీంతో ముంబై ఫ్రాంఛైజీ ఖుషీ అవుతోంది. గ్రీన్‌ను కొనియాడుతూ ట్వీట్‌ చేసింది. ఈ క్రమంలో ఫ్యాన్స్‌.. ‘‘ముంబైకి మంచి రోజులు రాబోతున్నాయి. మనం మరోసారి మ్యాజిక్‌ చేయబోతున్నాం. ఇలాంటి యంగ్‌ టాలెంట్‌ మనకు కావాలి. ఇండియన్‌ పిచ్‌లపై కూడా గ్రీన్‌ ఇలాగే రాణించాలి’’ అంటూ కామెంట్లు చేస్తున్నారు. చదవండి: Mohammad Rizwan: వైస్‌ కెప్టెన్‌పై వేటు! 4 ఏళ్ల తర్వాత రీఎంట్రీ.. సొంతగడ్డపై తొలి మ్యాచ్‌.. ఆఫ్రిదిపై విమర్శలు KL Rahul: రాహుల్‌ వరుస సెంచరీలు చేయాలి! లేదంటే కష్టమే!.. గిల్‌కు అన్యాయం చేసినట్లే కదా! Cameron चा कडक 5️⃣PELL 😍 Green claims his maiden 🖐️-wicket haul in Tests 🔥#OneFamily #AUSvSA @ICC pic.twitter.com/uSTNOymgdW — Mumbai Indians (@mipaltan) December 26, 2022

Australia vs South Africa, 2nd Test: వరుసగా రెండో టెస్టులోనూ గెలిచి సిరీస్‌ను సొంతం చేసుకోవాలనే లక్ష్యంతో దక్షిణాఫ్రికాతో ‘బాక్సింగ్‌ డే’ టెస్టులో ఆస్ట్రేలియా బరిలోకి దిగింది. బ్రిస్బేన్‌లో జరిగిన తొలి టెస్టులో ఆస్ట్రేలియా రెండు రోజుల్లోనే గెలిచింది. కాగా తొలి టెస్టులో ఆడిన జట్టునే ‘బాక్సింగ్‌ డే’ టెస్టులో కొనసాగిస్తున్నామని ఆసీస్‌ కెప్టెన్‌ ప్యాట్‌ కమిన్స్‌ తెలిపాడు. ఇక ఈ మ్యాచ్‌తో డేవిడ్‌ వార్నర్‌ ఆస్ట్రేలియా తరఫున 100వ టెస్టు ఆడనున్న 14వ క్రికెటర్‌గా గుర్తింపు పొందాడు. మెల్‌బోర్న్‌ వేదికగా జరుగుతున్న ఈ మ్యాచ్‌లో టాస్‌ గెలిచిన ఆస్ట్రేలియా తొలుత ఫీల్డింగ్‌ ఎంచుకుంది. ఈ క్రమంలో బ్యాటింగ్‌కు దిగిన సౌతాఫ్రికాకు శుభారంభం లభించలేదు. కెప్టెన్‌ డీన్‌ ఎల్గర్‌ 26 పరుగుల వద్ద రనౌట్‌ కాగా.. మరో ఓపెనర్‌ సారెల్‌ ఎర్వీ 18 పరుగులకే పెవిలియన్‌ చేరాడు. థీనిస్ డి బ్రూయిన్(12), తెంబా బవుమా(1), ఖయా జోండో( 5)పూర్తిగా నిరాశపరిచారు. అర్ధ శతకాలతో ఆ ఇద్దరు.. కెరీర్‌లో తొలిసారి ఈ క్రమంలో 69 పరుగులకే ఐదు వికెట్లు కోల్పోయి  కష్టాల్లో పడిన సౌతాఫ్రికాను ఇన్నింగ్స్‌ చక్కదిద్దే బాధ్యతను కైల్ వెరెయ్నే, మార్కో జాన్సెన్ తమ భుజాన వేసుకున్నారు.  జాన్సెన్‌ అర్ధ శతకతంతో మెరిశాడు. 118 బంతుల్లో 50 పరుగుల మార్కును అందుకున్నాడు. కాగా టెస్టుల్లో జాన్సెన్‌కు ఇదే తొలి హాఫ్‌ సెంచరీ. మరోవైపు.. లియోన్‌ బౌలింగ్‌లో లాంగ్‌ ఆన్‌ దిశగా షాట్‌ పరుగు పూర్తి చేసుకున్న వెయిర్నే సైతం హాఫ్‌ సెంచరీ(80 బంతుల్లో) సాధించాడు. ఈ సిరీస్‌లో, టెస్టుల్లో అతడికి ఇది రెండో టెస్టు అర్ధ శతకం కావడం విశేషం.  ఇక వరల్డ్‌ టెస్టు చాంపియన్‌షిప్‌ 2021-23 పాయింట్ల పట్టికలో ఇప్పటికే అగ్రస్థానంలో ఉన్న ఆస్ట్రేలియా ఈ సిరీస్‌ను క్లీన్‌స్వీప్‌ చేస్తే సగర్వంగా ఫైనల్లో అడుగుపెడుతుంది. అదే విధంగా రెండో స్థానం కోసం టీమిండియాతో పోటీ పడుతున్న దక్షిణాఫ్రికా గనుక మెరుగ్గా ఆడితే.. రోహిత్‌ సేనకు కష్టాలు తప్పవు. తుది జట్లు ఆస్ట్రేలియా డేవిడ్ వార్నర్, ఉస్మాన్ ఖవాజా, మార్నస్ లాబుషాగ్నే, స్టీవెన్ స్మిత్, ట్రావిస్ హెడ్, కామెరాన్ గ్రీన్, అలెక్స్ కారీ(వికెట్‌ కీపర్‌), పాట్ కమిన్స్(కెప్టెన్‌), మిచెల్ స్టార్క్, నాథన్ లియోన్, స్కాట్ బోలాండ్ దక్షిణాఫ్రికా డీన్ ఎల్గర్(కెప్టెన్‌), సారెల్ ఎర్వీ, థీనిస్ డి బ్రూయిన్, టెంబా బావుమా, ఖయా జోండో, కైల్ వెరెయ్నే(వికెట్‌ కీపర్‌), మార్కో జాన్సెన్, కేశవ్ మహరాజ్, కగిసో రబడ, అన్రిచ్ నోర్ట్జే, లుంగి ఎన్గిడి. చదవండి: Ind VS Ban 2nd Test: ‘సై అంటే సై’ అనేలా ఆట.. టీమిండియా ఖాతాలో అరుదైన రికార్డు IND vs SL: శ్రీలంకతో టీ20 సిరీస్‌.. భారత కెప్టెన్‌గా హార్దిక్‌ పాండ్యా! విధ్వంసకర ఓపెనర్‌ రీ ఎంట్రీ

గబ్బా వేదికగా సౌతాఫ్రికాతో జరిగిన తొలి టెస్ట్‌లో ఆతిధ్య ఆస్ట్రేలియా 6 వికెట్ల తేడాతో గెలుపొందింది. ఫలితంగా 3 మ్యాచ్‌ల టెస్ట్‌ సిరీస్‌లో 1-0 ఆధిక్యంలోకి దూసుకెళ్లింది. ఈ మ్యాచ్‌లో ఇరు జట్ల పేస్‌ బౌలర్లు నిప్పులు చెరిగినప్పటికీ.. సఫారీలతో పోలిస్తే ఆస్ట్రేలియా కాస్త మెరుగ్గా బ్యాటింగ్ చేయడంతో విజయం సాధించగలిగింది. ఆస్ట్రేలియా తొలి ఇన్నింగ్స్‌లో ట్రవిస్‌ హెడ్‌ (96 బంతుల్లో 92; 13 ఫోర్లు, సిక్స్‌) అద్భుతమైన ఇన్నింగ్స్‌ ఆడి ఆసీస్‌ గెలుపులో కీలకపాత్ర పోషించాడు.  ఆట తొలి రోజు 15 వికెట్లు నేలకూలిన ఈ టెస్ట్‌ మ్యాచ్‌లో రెండో రోజు ఏకంగా 19 వికెట్లు పడ్డాయి. దీంతో ఈ మ్యాచ్‌ కేవలం రెండు రోజుల్లోనే ముగిసింది. ఓవర్‌నైట్‌ స్కోర్‌ 145/5 వద్ద రెండో రోజు ఆటను కొనసాగించిన ఆసీస్‌ తొలి ఇన్నింగ్స్‌లో మరో 73 పరుగులు జోడించి 218 పరుగుల వద్ద ఆలౌటైంది. ట్రవిస్‌ హెడ్‌ 8 పరుగుల తేడాతో సెంచరీ చేసే అవకాశాన్ని చేజార్చుకున్నాడు. సఫారీ బౌలర్లలో రబాడ 4 వికెట్లు పడగొట్టగా.. జన్సెన్‌ 3, నోర్జే 2, ఎంగిడి ఓ వికెట్‌ దక్కించుకున్నారు. అనంతరం రెండో ఇన్నింగ్స్‌ ప్రారంభించిన సౌతాఫ్రికా.. పాట్‌ కమిన్స్‌ (5/42), మిచెల్‌ స్టార్క్‌ (2/26), స్కాట్‌ బోలాండ్‌ (2/14), నాథన్‌ లయోన్‌ (1/17) ధాటికి 99 పరుగులకే కుప్పకూలింది. 34 పరుగుల నామమాత్రపు లక్ష్యాన్ని ఛేదించేందుకు బరిలోకి దిగిన ఆసీస్‌ను సఫారీ ఏస్‌ పేసర్‌ రబాడ వణికించాడు. 4 ఓవర్లలో కేవలం 13 పరుగులిచ్చి 4 వికెట్లు పడగొట్టాడు. ఓపెనర్లు ఉస్మాన్‌ ఖ్వాజా (2), డేవిడ్‌ వార్నర్‌ (3), స్టీవ్‌ స్మిత్‌ (6), ట్రవిస్‌ హెడ్‌ (0) సింగిల్‌ డిజిట్‌ స్కోర్లకే పరిమితమైప్పటికీ 19 పరుగులు ఎక్స్‌ట్రాల రూపంలో రావడంతో ఆసీస్‌ గెలుపొందింది. అంతకుముందు సౌతాఫ్రికా తొలి ఇన్నింగ్స్‌లో 152 పరుగులకే ఆలౌటైన విషయం తెలిసిందే. సఫారీ ఇన్నింగ్స్‌లో వికెట్‌కీపర్‌ వెర్రిన్‌ (64) ఒక్కడే హాఫ్‌ సెంచరీతో రాణించాడు.   

ఆస్ట్రేలియా- సౌతాఫ్రికా జట్ల మధ్య గబ్బా వేదికగా జరుగుతున్న తొలి టెస్ట్‌లో ఇరు జట్ల పేస్‌ బౌలర్లు నిప్పులు చెరిగారు. ఫలితంగా ఆట తొలి రోజే ఏకంగా 15 వికెట్లు పడ్డాయి. టాస్‌ గెలిచి తొలుత బౌలింగ్‌ చేసిన ఆస్ట్రేలియా పర్యాటక సౌతాఫ్రికాను 152 పరుగులకే కుప్పకూల్చింది. అనంతరం సఫారీ బౌలర్లు సైతం రెచ్చిపోయి 145 పరుగులకే సగం ఆసీస్‌ వికెట్లను పడగొట్టారు. ఆసీస్‌ మిడిలార్డర్‌ బ్యాటర్‌ ట్రవిస్‌ హెడ్‌ (77 బంతుల్లో 78 నాటౌట్‌; 13 ఫోర్లు, సిక్స్‌) ఒక్కడే ఒంటరి పోరాటం​ చేస్తున్నాడు.  ఆసీస్‌ ఇన్నింగ్స్‌ తొలి బంతికే కగిసో రబాడ.. డేవిడ్‌ వార్నర్‌ను పెవిలియన్‌కు పంపగా, ఉస్మాన్‌ ఖ్వాజా (11), స్టీవ్‌ స్మిత్‌ (36)లను నోర్జే.. మార్నస్‌ లబూషేన్‌ (11)ను జన్సెన్‌ ఔట్‌ చేశారు. స్కాట్‌ బోలాండ్‌ (1)ను రబాడ ఔట్‌ చేయడంతో తొలి రోజు ఆట ముగిసింది. అంతకుముందు మిచెల్‌ స్టార్క్‌ (3/41), పాట్‌ కమిన్స్‌ (2/35), బోలాండ్‌ (2/28), నాథన్‌ లయోన్‌ (3/14) ధాటికి సౌతాఫ్రికా 152 పరుగులకే చాపచుట్టేసింది. సఫారీ ఇన్నింగ్స్‌లో వికెట్‌కీపర్‌ వెర్రిన్‌ (64) ఒక్కడే హాఫ్‌ సెంచరీతో రాణించాడు. వెర్రిన్‌తో పాటు సరెల్‌ ఎర్వీ (10), టెంబా బవుమా (38), రబాడ (10 నాటౌట్‌) మాత్రమే రెండంకెల స్కోర్‌ చేశారు. కెప్టెన్‌ డీన్‌ ఎల్గర్‌ (3), వాన్‌ డెర్‌ డస్సెన్‌ (5), జోండో (0), జన్సెన్‌ (2), మహారాజ్‌ (2), నోర్జే (0), ఎంగిడి (3) దారుణంగా విఫలమయ్యారు. కాగా, ఈ ఆస్ట్రేలియా పర్యటనలో సౌతాఫ్రికా 3 టెస్ట్‌లు, 3 వన్డేలు ఆడనుంది.     

గబ్బా వేదికగా దక్షిణాఫ్రికాతో జరుగుతోన్న తొలి టెస్టులో ఆస్ట్రేలియా బౌలర్లు పంజా విసిరారు. ఆస్ట్రేలియా బౌలర్ల ధాటికి తొలి ఇన్నింగ్స్‌లో ప్రోటీస్‌ 152 పరుగులకే కుప్పకూలింది. ఆసీస్‌ బౌలర్లలో స్టార్క్‌, లాయాన్‌ మూడు వికెట్లతో దక్షిణాఫ్రికా పతనాన్ని శాసించగా.. కమ్మిన్స్‌, బోలాండ్‌ తలా రెండు వికెట్లు సాధించారు. దక్షిణాఫ్రికా బ్యాటర్లలో వికెట్‌ కీపర్‌ వెర్రెయిన్నే 70 పరుగులతో కీలక ఇన్నింగ్స్‌ ఆడాడు. అతడితో పాటు తెంబా బవుమా 38 పరుగులతో రాణించాడు. రెండో వికెట్‌ కీపర్‌ బ్యాటర్‌గా 70 పరుగులతో కీలక ఇన్నింగ్స్‌ ఆడిన వెర్రెయిన్నే అరుదైన ఘనతను తన ఖాతాలో వేసుకున్నాడు. గబ్బాలో హాఫ్‌ సెంచరీ సాధించిన రెండో ప్రోటీస్‌ వికెట్‌ కీపర్‌ బ్యాటర్‌గా రికార్డులకెక్కాడు. అంతకుముందు 1963లో ఆస్ట్రేలియాతో జరిగిన టెస్టులో జాన్ వైట్ 66 పరుగులు చేశాడు. తొలి బంతికి వార్నర్‌ డకౌట్‌ ఇక తొలి ఇన్నింగ్స్‌ను ప్రారంభించిన ఆస్ట్రేలియాకు ఆదిలోనే భారీ షాక్‌ తగిలింది. తొలి బంతికే వార్నర్‌ డకౌట్‌ కాగా.. అనంతరం కొద్దిసేపటికే ఉస్మాన్ ఖవాజా(11), లబుషేన్‌(11) వికెట్లను ఆసీస్‌  కోల్పోయింది. 22 ఓవర్లు ముగిసే సరికి ఆస్ట్రేలియా మూడు వికెట్లు కోల్పోయి 100 పరుగులు చేసింది. చదవండి: IND vs BAN: 'విరాట్‌ కోహ్లి తర్వాత అతడే భారత స్టార్‌ ఆటగాడు'

David Warner Can Request Review Of His Leadership Ban Now: ‘‘2018లో కేవలం నాలుగు రోజుల్లోనే నిర్ణయం జరిగిపోయింది. కానీ దానికి సంబంధించిన అభ్యర్థనపై స్పందించేందుకు తొమ్మిది నెలల సమయం తీసుకున్నారు’’ అంటూ ఆస్ట్రేలియా ఓపెనర్‌ డేవిడ్‌ వార్నర్‌ ఆవేదన వ్యక్తం చేశాడు. తానేమీ క్రిమినల్‌ను కాదంటూ క్రికెట్‌ ఆస్ట్రేలియా(ఏఈ) తీరును విమర్శించాడు. సౌతాఫ్రికాతో మ్యాచ్‌ సందర్భంగా 2018 నాటి బాల్‌ టాంపరింగ్‌ వివాదం నేపథ్యంలో వార్నర్‌ భవిష్యత్తులో కెప్టెన్సీ బాధ్యతలు చేపట్టే వీల్లేకుండా సీఏ జీవితకాల నిషేధం విధించిన విషయం తెలిసిందే. ఈ నేపథ్యంలో సోమవారం సీఏ తీసుకున్న నిర్ణయంతో తన విషయంలో పునరాలోచన చేయాల్సిందగా డేవిడ్‌ వార్నర్‌ విజ్ఞప్తి చేసే అవకాశం లభించింది. 9 నెలల తర్వాత జీవితకాల నిషేధాల ఎత్తివేతపై ఆటగాళ్లు, సిబ్బంది బోర్డును ఆశ్రయించేలా నిబంధనలు సులభతరం చేయాలంటూ ఆస్ట్రేలియా ఆటగాళ్ల యూనియన్‌ గతంలో సీఏను అభ్యర్థించింది. ఈ క్రమంలో దాదాపు తొమ్మిది నెలల తర్వాత ఈ మేరకు నిర్ణయం తీసుకున్నట్లు సీఏ వెల్లడించింది. స్పందించిన వార్నర్‌ ఈ నేపథ్యంలో ఈ విషయంపై స్పందించిన డేవిడ్‌ వార్నర్‌ ఆస్ట్రేలియా మీడియాతో మాట్లాడుతూ.. తన విషయంలో బోర్డును ఆశ్రయించే అవకాశం రావడం హర్షించదగ్గ పరిణామమని పేర్కొన్నాడు. అయితే, నిషేధం విధించడంలో ఉన్నంత తొందర.. ఇలాంటి అంశాలను సమీక్షించే అంశంలో మాత్రం లేకపోవడం దురదృష్టకరమన్నాడు. బాల్‌ టాంపరింగ్‌ వివాద సమయంలో తాను, తన కుటుంబం తీవ్ర వేదనకు గురయ్యామంటూ చేదు జ్ఞాపకాలు గుర్తు చేసుకున్నాడు.  నేనేమీ క్రిమినల్‌ను కాదు ‘‘నేనేమీ నేరస్తుడిని కాదు.. ప్రతీ వ్యక్తికి తన తప్పు ఏమిటో.. అందుకు ఎంతకాలం శిక్ష అనుభవించాలో.. తెలుసుకునే అవకాశం ఇవ్వాలి. ఇందుకు సంబంధించి తదుపరి పరిణామాలేమిటో తెలుసుకునేందుకు.. పునరాలోచన చేయమని అప్పీలు చేసుకునే హక్కు కల్పించాలి. వాళ్లు నాపై నిషేధం విధించారు. కానీ జీవితకాల నిషేధం విధించడం నా పట్ల అత్యంత కఠినంగా వ్యవహరించడమే. నా పేరు పక్కన సీ(కెప్టెన్‌) లేదంటే వీసీ(వైస్‌ కెప్టెన్‌) అన్న హోదా ఉన్నా లేకపోయినా నేను మా జట్టుకు నాయకుడినే’’ అంటూ ఉద్వేగానికి లోనయ్యాడు.  బాల్‌ టాంపరింగ్‌ వివాదం వల్లే 2018లో కేప్‌టౌన్‌లో ఆస్ట్రేలియా, దక్షిణాఫ్రికా టెస్టు సందర్భంగా జరిగిన ‘బాల్‌ టాంపరింగ్‌’ ఉదంతం క్రికెట్‌ ప్రపంచాన్ని ఉలిక్కిపడేలా చేసింది. ఈ నేపథ్యంలో నాటి కెప్టెన్‌ స్టీవ్‌ స్మిత్ సహా డేవిడ్‌ వార్నర్, బాన్‌క్రాఫ్ట్‌లపై వేటు పడిన విషయం తెలిసిందే. చదవండి: ఇదేం బాదుడు రా బాబు.. వన్డేల్లో 277 పరుగులు.. రోహిత్‌ శర్మ రికార్డు బ్రేక్‌ Suryakumar Yadav: సూర్య అత్యుత్తమ టీ20 బ్యాటర్‌ కాదా!? కివీస్‌ బౌలర్‌ సంచలన వ్యాఖ్యలు

Tim Paine- Ball Tampering- Sandpaper Scandal- సిడ్నీ: 2018లో కేప్‌టౌన్‌లో ఆస్ట్రేలియా, దక్షిణాఫ్రికా టెస్టు సందర్భంగా జరిగిన ‘బాల్‌ టాంపరింగ్‌’ ఉదంతం క్రికెట్‌ ప్రపంచాన్ని ఆశ్చర్యపర్చింది. దాంతో స్మిత్, వార్నర్, బాన్‌క్రాఫ్ట్‌లపై వేటు పడటంతో పాటు తర్వాతి మ్యాచ్‌నుంచి టిమ్‌ పెయిన్‌ ఆస్ట్రేలియాకు కెప్టెన్‌గా వ్యవహరించాడు. అయితే నాటి ఘటనను తన పుస్తకం ‘ద పెయిడ్‌ ప్రైస్‌’లో గుర్తు చేసుకున్న పెయిన్‌... తామే కాదు, తర్వాతి టెస్టులో దక్షిణాఫ్రికా కూడా టాంపరింగ్‌ చేసిందని వ్యాఖ్యానించాడు. అయితే స్థానిక ప్రసారకర్తల సహాయంతో ఆ వీడియోను దాచేశారని అతను ఆరోపించాడు. ‘సిరీస్‌ నాలుగో టెస్టులో ఇది జరిగింది. దక్షిణాఫ్రికా ప్లేయర్‌ చేతిలో ఉన్న బంతిపై చాలా పగుళ్లు ఉన్న దృశ్యం అక్కడి భారీ స్క్రీన్‌పై కనిపించింది. కానీ ఆ వెంటనే దానిని తొలగించారు. మేం ఈ విషయంపై అంపైర్లతో మాట్లాడినా అసలు ఎవరూ పట్టించుకోలేదు’ అని పెయిన్‌ చెప్పాడు. బాల్‌ టాంపరింగ్‌ ఘటన సమయంలో తమ ముగ్గురు క్రికెటర్లకు ఎవరూ అండగా నిలవలేదని విషయాన్ని అతను అంగీకరించాడు. ‘సాధారణంగా ఇలాంటి సమయంలో తమ ఆటగాళ్లను సహచర క్రికెటర్లు ఆదుకోవాలి. మానసికంగా వారికి అండగా నిలవాలి. కానీ వారందరినీ వెలి వేసినట్లు చూశారు’ అని పెయిన్‌ చెప్పాడు.    చదవండి: Ind Vs Pak: టీమిండియా మోసం చేసి గెలిచిందంటూ అక్కసు.. దిమ్మతిరిగే కౌంటర్‌ ఇచ్చిన దిగ్గజ అంపైర్‌ T20 WC 2022: అక్తర్‌, బ్రాడ్‌ హాగ్‌లు దొరికేశారు కదా..!

Women World Cup 2022- వెల్లింగ్టన్‌: మహిళల వన్డే ప్రపంచకప్‌లో వరుసగా ఆరో విజయం నమోదు చేసిన ఆస్ట్రేలియా జట్టు ప్రపంచ రికార్డు సాధించింది. దక్షిణాఫ్రికాతో మ్యాచ్‌లో ఆస్ట్రేలియా ఐదు వికెట్ల తేడాతో  నెగ్గిన మెగ్‌ లానింగ్‌ బృందం ఛేజింగ్‌లో భారత పురుషుల జట్టు పేరిట ఉన్న రికార్డును బద్దలు కొట్టింది. కాగా మంగళవారం జరిగిన మ్యాచ్‌లో దక్షిణాఫ్రికా నిర్దేశించిన 272 పరుగుల లక్ష్యాన్ని ఆస్ట్రేలియా 45.2 ఓవర్లలో ఐదు వికెట్లు కోల్పోయి ఛేదించింది. కెప్టెన్‌ మెగ్‌ లానింగ్‌ (130 బంతుల్లో 135 నాటౌట్‌; 15 ఫోర్లు, 1 సిక్స్‌) కెరీర్‌లో 15 సెంచరీ సాధించి ఆసీస్‌ను విజయతీరానికి చేర్చింది. ఈ గెలుపుతో ఛేజింగ్‌లో 17 వరుస విజయాలతో టీమిండియా(భారత పురుషుల జట్టు) పేరిట ఉన్న రికార్డును ఆస్ట్రేలియా జట్టు తిరగరాసింది. ఇక మ్యాచ్‌ విషయానికొస్తే.. అంతకుముందు దక్షిణాఫ్రికా 50 ఓవర్లలో 5 వికెట్లకు 271 పరుగులు చేసింది. లౌరా (90; 6 ఫోర్లు), సునె లుస్‌ (52; 6 ఫోర్లు) అర్ధ సెంచరీలు చేశారు.  కాగా ప్రపంచకప్‌-2022 టోర్నీలో ఇప్పటికే సెమీస్‌ చేరిన ఆసీస్‌ పాయింట్ల పట్టికలో అగ్రస్థానంలో కొనసాగుతోంది. చదవండి: క్రికెట్‌ చరిత్రలో అత్యంత చెత్త నిర్ణయానికి 30 ఏళ్లు.. View this post on Instagram A post shared by ICC (@icc) View this post on Instagram A post shared by ICC (@icc)

Women's World Cup 2022: ఐసీసీ మహిళా వన్డే ప్రపంచకప్‌-2022 టోర్నీలో ఆస్ట్రేలియా దూసుకుపోతోంది. ఇప్పటికే ఐదు మ్యాచ్‌లు గెలిచి సెమీస్‌ చేరిన మెగ్‌ లానింగ్‌ బృందం తాజాగా మరో విజయం నమోదు చేసింది. దక్షిణాఫ్రికాతో వెల్లింగ్టన్‌ వేదికగా మంగళవారం జరిగిన మ్యాచ్‌లో 5 వికెట్ల తేడాతో జయభేరి మోగించింది. తద్వారా ఇప్పటి వరకు ఆడిన ఆరు మ్యాచ్‌లలో ఆరూ గెలిచి అజేయంగా నిలిచి పాయింట్ల పట్టికలో అగ్రస్థానం నిలుపుకొంది. View this post on Instagram A post shared by ICC (@icc) బౌలింగ్‌ ఎంచుకుని టాస్‌ గెలిచిన ఆస్ట్రేలియా మహిళా జట్టు తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన సౌతాఫ్రికాకు ఓపెనర్లు లీ(36), వొల్వార్ట్‌(90) శుభారంభం అందించారు. కెప్టెన్‌ సునే లాస్‌ 52 పరుగులతో రాణించింది. ఈ క్రమంలో నిర్ణీత 50 ఓవర్లలో 5 వికెట్ల నష్టానికి సౌతాఫ్రికా జట్టు 271 పరుగులు చేసింది. View this post on Instagram A post shared by ICC (@icc) మొదట తడబడినా.. ఇక లక్ష్య ఛేదనకు దిగిన ఆస్ట్రేలియాకు ఆదిలోనే గట్టి ఎదురుదెబ్బ తగిలింది. ఓపెనర్‌ రేచల్‌ హేన్స్‌(17), అలీసా హేలీ(5) తక్కువ స్కోర్లకే అవుట్‌ అయ్యారు. ఈ క్రమంలో మెగ్‌ లానింగ్‌ 130 బంతుల్లో 135 పరుగులు సాధించి ఆఖరి వరకు అజేయంగా నిలిచి జట్టును ముందుకు నడిపింది. లానింగ్‌ కెప్టెన్‌ ఇన్నింగ్స్‌తో ఆసీస్‌ 45.2 ఓవర్లలో 5 వికెట్లు మిగిలి ఉండగానే విజయఢంకా మోగించింది. ఒంటిచేత్తో మ్యాచ్‌ను గెలిపించిన లానింగ్‌ను ప్లేయర్‌ ఆఫ్‌ ది మ్యాచ్‌ అవార్డు వరించింది. కాగా ఆమెకు వన్డేల్లో ఇది 15వ సెంచరీ కావడం విశేషం. View this post on Instagram A post shared by ICC (@icc)

T20 World Cup 2021 Aus Vs SA: టి20 ప్రపంచకప్‌ సూపర్‌–12 ఆరంభ పోరులో ఆస్ట్రేలియా అతికష్టమ్మీద గెలిచింది. లక్ష్యం చిన్నదే అయినా ఛేదనలో కిందా మీదా పడిన ఆసీస్‌... స్టొయినిస్‌ (16 బంతుల్లో 24 నాటౌట్‌; 3 ఫోర్లు), మాథ్యూ వేడ్‌ (10 బంతుల్లో 15 నాటౌట్‌; 2 ఫోర్లు) పట్టుదలగా ఆడటంతో దక్షిణాఫ్రికాపై ఐదు వికెట్ల తేడాతో గెలిచి ఈ మెగా ఈవెంట్‌లో శుభారంభం చేసింది. గ్రూప్‌–1లో భాగంగా శనివారం అబుదాబిలో జరిగిన ఈ మ్యాచ్‌లో తొలుత బ్యాటింగ్‌ చేసిన దక్షిణాఫ్రికా 20 ఓవర్లలో 9 వికెట్లకు 118 పరుగులు చేసింది. మార్క్‌రమ్‌ (36 బంతుల్లో 40; 3 ఫోర్లు, 1 సిక్స్‌) మినహా మిగిలిన బ్యాటర్స్‌ విఫలమయ్యారు. ‘ప్లేయర్‌ ఆఫ్‌ ద మ్యాచ్‌’ జోష్‌ హేజల్‌వుడ్, మిషెల్‌ స్టార్క్, ఆడమ్‌ జంపా తలా రెండు వికెట్లు తీశారు. ఛేజింగ్‌లో ఆ్రస్టేలియా 19.4 ఓవర్లలో 5 వికెట్లు నష్టపోయి 121 పరుగులు చేసి గెలిచింది. స్టీవ్‌ స్మిత్‌ (34 బంతుల్లో 35; 3 ఫోర్లు) రాణించాడు. నోర్జేకు రెండు వికెట్లు దక్కాయి.  రాణించిన బౌలర్లు  టాస్‌ ఓడి బ్యాటింగ్‌కు దిగిన దక్షిణాఫ్రికాను తక్కువ స్కోరుకే కట్టడి చేయడంలో ఆస్ట్రేలియా బౌలర్లు సఫలమయ్యారు. స్టార్క్‌ వేసిన తొలి ఓవర్లో రెండు వరుస ఫోర్లు కొట్టిన కెప్టెన్‌ బవూమ (7 బంతుల్లో 12; 2 ఫోర్లు) దూకుడు మీద కనిపించాడు. అయితే మరుసటి ఓవర్లోనే మ్యాక్స్‌వెల్‌ బౌలింగ్‌లో బౌల్డ్‌ అయ్యాడు. ఆ తర్వాత హేజల్‌వుడ్‌ తన వరుస ఓవర్లలో వాన్‌ డెర్‌ డసెన్‌ (3 బంతుల్లో 2), క్వింటన్‌ డికాక్‌ (12 బంతుల్లో 7; ఫోర్‌)లను అవుట్‌ చేశాడు. మరికాసేపటికే క్లాసెన్‌ (13 బంతుల్లో 13; 2 ఫోర్లు) కూడా పెవిలియన్‌కు చేరడంతో దక్షిణాఫ్రికా కష్టాల్లో పడింది. ఈ దశలో డేవిడ్‌ మిల్లర్‌ (18 బంతుల్లో 16)తో కలిసి మార్క్‌రమ్‌ జట్టును ఆదుకున్నాడు. వీరిద్దరూ ఐదో వికెట్‌కు 34 పరుగులు జోడించారు. 14వ ఓవర్‌లో బౌలింగ్‌కు వచ్చిన ఆడమ్‌ జంపా ఒకే ఓవర్‌లో మిల్లర్, ప్రిటోరియస్‌ (1)లను పెవిలియన్‌కు చేర్చాడు. ఆ తర్వాత మార్క్‌రమ్‌ కూడా అవుటవ్వడంతో దక్షిణాఫ్రికా 120 మార్కును కూడా అందుకోలేకపోయింది.   గెలిపించిన స్టొయినిస్‌  పిచ్‌ బౌలర్లకు సహకరిస్తుండటంతో ఆ్రస్టేలియా ఛేదన సాఫీగా సాగలేదు. ఆస్ట్రేలియా టాప్‌–3 బ్యాటర్స్‌ వార్నర్‌ (15 బంతుల్లో 14, 3 ఫోర్లు), కెపె్టన్‌ ఫించ్‌ (0), మిషెల్‌ మార్‌‡్ష (17 బంతుల్లో 11; 1 ఫోర్‌) విఫలమయ్యారు. స్మిత్, మ్యాక్స్‌వెల్‌ (21 బంతుల్లో 18; 1 ఫోర్‌) నిలబడటంతో కంగారూ జట్టు లక్ష్యం వైపు కదిలింది. అయితే మార్క్‌రమ్‌ సూపర్‌ క్యాచ్‌తో స్మిత్‌ను అవుట్‌ పెవిలియన్‌కు చేర్చాడు. కేశవ్‌ మహరాజ్‌ వేసిన 15వ ఓవర్‌ ఐదో బంతిని స్మిత్‌ మిడ్‌ వికెట్‌ దిశలో గాల్లోకి ఆడగా... లాంగాన్‌లో ఉన్న మార్క్‌రమ్‌ తన కుడివైపునకు పరుగెత్తుకుంటూ వెళ్లి అద్భుతమైన డైవ్‌తో క్యాచ్‌ అందుకున్నాడు. రెండు బంతుల అనంతరం షమ్సీ బౌలింగ్‌లో స్విచ్‌ హిట్‌కు ప్రయతి్నంచిన మ్యాక్స్‌వెల్‌ క్లీన్‌ బౌల్డ్‌ అయ్యాడు. దాంతో ఛేదనలో ఆసీస్‌ మరోసారి దారి తప్పింది. చివరి రెండు ఓవర్లలో ఆస్ట్రేలియా విజయ సమీకరణం 12 బంతుల్లో 18 పరుగులుగా మారింది. క్రీజులో ఉన్న స్టొయినిస్‌ 19వ ఓవర్‌లో ఒక ఫోర్‌... 20వ ఓవర్‌లో మరో రెండు ఫోర్లు బాది రెండు బంతులు మిగిలి ఉండగానే ఆసీస్‌ను గట్టెక్కించాడు. వేడ్‌తో కలిసి స్టొయినిస్‌ అజేయమైన ఆరో వికెట్‌కు 40 పరుగులు జోడించాడు.  స్కోర్లు దక్షిణాఫ్రికా ఇన్నింగ్స్‌: బవూమ (బి) మ్యాక్‌వెల్‌ 12; డికాక్‌ (బి) హేజల్‌వుడ్‌ 7; డసెన్‌ (సి) వేడ్‌ (బి) హేజల్‌వుడ్‌ 2; మార్క్‌రమ్‌ (సి) మ్యాక్స్‌వెల్‌ (బి) స్టార్క్‌ 40; క్లాసెన్‌ (సి) స్మిత్‌ (బి) కమిన్స్‌ 13; మిల్లర్‌ (ఎల్బీ) (బి) జంపా 16; ప్రిటోరియస్‌ (సి) వేడ్‌ (బి) జంపా 1; కేశవ్‌ మహరాజ్‌ (రనౌట్‌) 0; రబడ (నాటౌట్‌) 19; నోర్జే (సి) ఫించ్‌ (బి) స్టార్క్‌ 2; షమ్సీ (నాటౌట్‌) 0; ఎక్స్‌ట్రాలు 6; మొత్తం (20 ఓవర్లలో 9 వికెట్లకు) 118.  వికెట్ల పతనం: 1–13, 2–16, 3–23, 4–46, 5–80, 6–82, 7–83, 8–98, 9–115. బౌలింగ్‌: స్టార్క్‌ 4–0–32–2, మ్యాక్స్‌వెల్‌ 4–0–24–1, హేజల్‌వుడ్‌ 4–1–19–2, కమిన్స్‌ 4–0–17–1, జంపా 4–0–21–2.   ఆస్ట్రేలియా ఇన్నింగ్స్‌: ఫించ్‌ (సి) రబడ (బి) నోర్జే 0; వార్నర్‌ (సి) క్లాసెన్‌ (బి) రబడ 14; మార్‌‡్ష (సి) డసెన్‌ (బి) కేశవ్‌ మహరాజ్‌ 11; స్మిత్‌ (సి) మార్క్‌రమ్‌ (బి) నోర్జే 35; మ్యాక్స్‌వెల్‌ (బి) షమ్సీ 18; స్టొయినిస్‌ (నాటౌట్‌) 24; వేడ్‌ (నాటౌట్‌) 15; ఎక్స్‌ట్రాలు 4; మొత్తం (19.4 ఓవర్లలో 5 వికెట్లకు) 121.  వికెట్ల పతనం: 1–4, 2–20, 3–38, 4–80, 5–81. బౌలింగ్‌: రబడ 4–0–28–1, నోర్జే 4–0–21–2, కేశవ్‌ మహరాజ్‌ 4–0–23–1, షమ్సీ 4–0–22–1, ప్రిటోరియస్‌ 3.4–0–26–0.    చదవండి: T20 World Cup Ind Vs Pak: అతడిని ఒక బ్యాట్స్‌మన్‌గా కూడా ఆడించగలం: విరాట్‌ కోహ్లి

Aiden Markram Stunning Catch.. మక్రమ్‌ స్టన్నింగ్‌ క్యాచ్‌.. వీడియో వైరల్‌ ఆస్ట్రేలియాతో జరిగిన మ్యాచ్‌లో దక్షిణాఫ్రికా ఆటగాడు ఎయిడెన్‌ మక్రమ్‌ స్టన్నింగ్  క్యాచ్‌తో మెరిశాడు. నోర్ట్జే వేసిన ఇన్నింగ్స్‌ 15వ ఓవర్‌ ఐదో బంతిని స్మిత్‌ మిడ్‌ వికెట్‌ దిశగా భారీ షాట్‌ ఆడాడు. అంతా బౌండరీ అనుకుంటున్న దశలో మక్రమ్‌ అద్బుతం చేశాడు. లాంగాన్‌ నుంచి పరిగెత్తుకుంటూ వచ్చిన మక్రమ్‌ డైవ్‌ చేస్తూ స్టన్నింగ్‌ క్యాచ్‌ తీసుకున్నాడు. దీంతో స్మిత్‌ ఒక్కసారిగా ఆశ్చర్యపోయాడు. ఇప్పటికే మక్రమ్‌ది సూపర్‌ క్యాచ్‌ ఆఫ్‌ ది టోర్నమెంట్‌ అని ఫ్యాన్స్‌ కామెంట్స్‌ పెడుతున్నారు.  చదవండి: AUS Vs SA: దురదృష్టం అంటే డికాక్‌దే.. ఇక  మ్యాచ్‌లో ఆస్ట్రేలియా 5 వికెట్ల తేడాతో విజయం అందుకొని భోణి కొట్టింది. 119 పరుగుల లక్ష్యంతో బరిలోకి దిగిన ఆసీస్‌ 19.4 ఓవర్లలో 5 వికెట్లు కోల్పోయి చేధించింది. ఆఖరి ఓవర్‌లో 8 పరుగులు అవసరమైన దశలో మార్కస్‌ స్టోయినిస్‌(24 నాటౌట్‌), మాథ్యూ వేడ్‌(15 నాటౌట్‌) ఆసీస్‌ను గెలిపించారు. అంతకముందు స్టీవ్‌ స్మిత్‌ 35 పరుగులు పరుగులతో రాణించాడు. దక్షిణాఫ్రికా బౌలర్లలో నోర్ట్జే 2, షంసీ, కగిసో రబడ, కేశవ్‌ మహరాజ్‌ తలా ఒక వికెట్‌ తీశారు. Flying Markram!!! Whatta Catch!!!@AidenMarkram#SAvsAUS#T20WorldCup#LiveTheGame pic.twitter.com/C37EPswwRs — Arnavicious!!! (@TweetsByArnav) October 23, 2021 చదవండి: Glenn Maxwell: అక్కడ నెంబర్‌వన్‌ బౌలర్‌.. ప్రతీసారి స్విచ్‌హిట్‌ పనికిరాదు View this post on Instagram A post shared by ICC (@icc)

Glenn Maxwell Clean Bowled Trying For Switch Hit Shot.. ఆసీస్‌ స్టార్‌ ఆల్‌రౌండర్‌ గ్లెన్‌ మ్యాక్స్‌వెల్‌ స్విచ్‌హిట్‌ షాట్లకు పెట్టింది పేరు. కానీ ప్రతీసారి స్విచ్‌' హిట్‌' అవుతుందనుకుంటే పొరపాటే . తాజాగా టి20 ప్రపంచకప్‌లో దక్షిణాఫ్రికాతో జరుగుతున్న మ్యాచ్‌లో మ్యాక్సీ సౌతాఫ్రికా బౌలర్‌ తబ్రెయిజ్‌ షంసీ బౌలింగ్‌లో స్విచ్‌హిట్‌కు ప్రయత్నించి చేతులు కాల్చుకున్నాడు. ఇన్నింగ్స్‌ 15వ ఓవర్‌ రెండో బంతిని మ్యాక్స్‌వెల్‌ స్విచ్‌ హిట్‌ ఆడే ప్రయత్నంలో క్లీన్‌ బౌల్డ్‌ అయ్యాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. కాగా మ్యాక్సీ ఔటైన తీరుపై నెటిజన్లు వినూత్న రీతిలో స్పందించారు. '' అసలే అక్కడ నెంబర్‌ వన్‌ బౌలర్‌ అక్కడ.. అతని బౌలింగ్‌లో స్విచ్‌హిట్‌కు ప్రయత్నిస్తే ఇలాగే అవుతుంది'' అంటూ కామెంట్‌ చేశారు. చదవండి: AUS Vs SA: దురదృష్టం అంటే డికాక్‌దే.. ఇక దక్షిణాఫ్రికాపై ఆస్ట్రేలియా 5 వికెట్ల తేడాతో విజయం అందుకొని భోణి కొట్టింది. 119 పరుగుల లక్ష్యంతో బరిలోకి దిగిన ఆసీస్‌ 19.4 ఓవర్లలో 5 వికెట్లు కోల్పోయి చేధించింది. ఆఖరి ఓవర్‌లో 8 పరుగులు అవసరమైన దశలో మార్కస్‌ స్టోయినిస్‌(24 నాటౌట్‌), మాథ్యూ వేడ్‌(15 నాటౌట్‌) ఆసీస్‌ను గెలిపించారు. అంతకముందు స్టీవ్‌ స్మిత్‌ 35 పరుగులు పరుగులతో రాణించాడు. దక్షిణాఫ్రికా బౌలర్లలో నోర్ట్జే 2, షంసీ, కగిసో రబడ, కేశవ్‌ మహరాజ్‌ తలా ఒక వికెట్‌ తీశారు. చదవండి: T20 WC 2021: దక్షిణాఫ్రికాకు ఇది నాలుగోసారి Shamsi takes off in celebration after dismissing Maxwell via @t20worldcup https://t.co/7CXHLUdUQ8 — varun seggari (@SeggariVarun) October 23, 2021

South Africa Lowest Totals In T20 WC.. టి20 ప్రపంచకప్‌లలో దక్షిణాఫ్రికా నాలుగోసారి అత్యల్ప స్కోరు నమోదు చేసింది. ఆస్ట్రేలియాతో జరుగుతున్న మ్యాచ్‌లో దక్షిణాఫ్రికా 9 వికెట్ల నష్టానికి 118 పరుగులు చేసింది. ఇంతకముందు 2007టి 20 ప్రపంచకప్‌లో ఇండియాపై 116, 2009 టి20 ప్రపంచకప్‌లో వెస్టిండీస్‌పై 122, 2009 టి20 ప్రపంచకప్‌లో న్యూజిలాండ్‌పై 128 పరుగులు చేసింది.  ఇక మ్యాచ్‌లో తొలుత బ్యాటింగ్‌ చేసిన దక్షిణాఫ్రికా నిర్ణీత 20 ఓవర్లలో 9 వికెట్ల నష్టానికి 118 పరుగులు మాత్రమే చేసింది. ఆసీస్‌ బౌలర్ల దాటికి మక్రమ్‌(40) మినహా ఒక్కరు కూడా చెప్పుకోదగ్గ ప్రదర్శన కనబరచలేదు. దక్షిణాఫ్రికా బ్యాటింగ్‌లో ఐదుగురు బ్యాటర్స్‌ సింగిల్‌ డిజిట్‌కే పరిమితమయ్యారు. ఆసీస్‌ బౌలర్లలో హాజిల్‌వుడ్‌, ఆడమ్‌ జంపా, మిచెల్‌ స్టార్క్‌ తలా రెండు వికెట్లు తీయగా.. మ్యాక్స్‌వెల్‌, కమిన్స్‌ చెరో వికెట్‌ తీశారు. ఆ తర్వాత బ్యాటింగ్‌ ఆడుతున్న ఆసీస్‌ 12 ఓవర్ల ఆట ముగిసేసరికి 3 వికెట్ల నష్టానికి 61 పరుగులు చేసింది. స్మిత్‌ 25, మ్యాక్స్‌వెల్‌ 8 పరుగులతో ఆడుతున్నారు. చదవండి: T20 WC 2021 AUS Vs SA: అయ్యో కేశవ్‌ ఎంత పనైంది.. రనౌట్‌ చూసి తీరాల్సిందే T20 Worldcup 2021: భారత్‌తో తలపడే జట్టును ప్రకటించిన పాక్‌..

Keshav Maharaj Run Out.. టి20 ప్రపంచకప్‌ 2021లో ఆరంభ మ్యాచ్‌ దక్షిణాఫ్రికాకు ఏ మాత్రం కలిసిరావడం లేదు. డికాక్ ఔట్‌ అయిన విధానం దురదృష్టం అనుకుంటే.. ఇక కేశవ్‌ మహరాజ్‌ ఔటైన తీరు చూస్తే అయ్యో పాపం అనకుండా ఉండలేం. విషయంలోకి వెళితే..  ఇన్నింగ్స్‌ 15 ఓవర్‌ను కమిన్స్‌ వేశాడు. ఓవర్‌ మూడో బంతిని కేశవ్‌ మహరాజ్‌ పాయింట్‌ దిశగా ఆడాడు. అయితే నాన్‌స్ట్రైక్‌ ఎండ్‌లో ఉన్న మక్రమ్‌ సింగిల్‌కు కాల్‌ ఇచ్చాడు. అయితే బంతిని అందుకున్న ఫీల్డర్‌ మక్రమ్‌ వైపు విసరడంతో ఇద్దరు ఆగిపోయారు. అయితే బంతి ఓవర్‌ త్రో అయి మిస్‌ఫీల్డ్‌ అయింది. దీంతో  మక్రమ్‌ సింగిల్‌ కోసం ప్రయత్నించగా... ఇక్కడే కేశవ్‌ను దురదృష్టం వెంటాడింది. సగం క్రీజు వరకు వచ్చిన కేశవ్‌ జారి పడ్డాడు. దీంతో మక్రమ్‌ వెనక్కి వెళ్లిపోగా.. అప్పటికే మ్యాక్స్‌వెల్‌ కీపర్‌ వేడ్‌కు త్రో వేయగా.. అతను నేరుగా వికెట్లను గిరాటేశాడు. దీంతో కేశవ్‌ మహరాజ్‌ రనౌట్‌ అయ్యాడు. దీనికి సంబంధించిన వీడియో ప్రస్తుతం ట్రెండింగ్‌గా మారింది. కేశవ్‌ రనౌట్‌పై అభిమానులు వినూత్న రీతిలో స్పందించారు. '' అయ్యో కేశవ.. ఎంత పని జరిగే.. ''.. '' అనవసరంగా పరిగెత్తావు.. '' కామెంట్‌ చేశారు. చదవండి: AUS Vs SA: దురదృష్టం అంటే డికాక్‌దే.. మ్యాచ్‌లో దక్షిణాఫ్రికా నిర్ణీత 20 ఓవర్లలో 9 వికెట్ల నష్టానికి 118 పరుగులు మాత్రమే చేసింది. ఆసీస్‌ బౌలర్ల దాటికి మక్రమ్‌(40) మినహా ఒక్కరు కూడా చెప్పుకోదగ్గ ప్రదర్శన కనబరచలేదు. దక్షిణాఫ్రికా బ్యాటింగ్‌లో ఐదుగురు బ్యాటర్స్‌ సింగిల్‌ డిజిట్‌కే పరిమితమయ్యారు. ఆసీస్‌ బౌలర్లలో హాజిల్‌వుడ్‌, ఆడమ్‌ జంపా, మిచెల్‌ స్టార్క్‌ తలా రెండు వికెట్లు తీయగా.. మ్యాక్స్‌వెల్‌, కమిన్స్‌ చెరో వికెట్‌ తీశారు. A terrible mix-up leads to the run out of Maharaj via @t20worldcup https://t.co/g8kph9LoX5 — varun seggari (@SeggariVarun) October 23, 2021

Quinton De Kock Awkward Dismissal.. టి20 ప్రపంచకప్‌ 2021లో ఆస్ట్రేలియాతో జరుగుతున్న మ్యాచ్‌లో దక్షిణాఫ్రికా ఓపెనర్‌ క్వింటన్‌ డికాక్‌ను దురదృష్టం వెంటాడింది. హాజిల్‌వుడ్‌ బౌలింగ్‌లో ఇన్నింగ్స్‌ 4వ ఓవర్‌ తొలి బంతిని డికాక్‌ డిఫెన్స్‌ చేయబోయి మిస్‌ అయ్యాడు. అయితే బంతి అతని ప్యాడ్స్‌కు తాకి క్రీజు మీద పడింది. దీంతో డికాక్‌ పరుగుకు యత్నించాడు. అయితే బంతి అనూహ్యంగా వెనక్కి వెళ్లి స్టంప్స్‌ను గిరాటేసింది. దీంతో డికాక్‌ అవుట్‌గా వెనుదిరిగాల్సి వచ్చింది. ఇక్కడ దురదృష్టమేమిటంటే డికాక్‌ అక్కడే  ఉండి కూడా బంతిని అడ్డుకోలేకపోయాడు.  తాను ఔటయ్యాననే బాధతో నిరాశగా క్రీజులోనే కాసేపు నిల్చొని పెవిలియన్‌ చేరాడు. ఇక మ్యాచ్‌లో దక్షిణాఫ్రికా తడబడుతుంది. 6 ఓవర్లు ముగిసేసరికి మూడు వికెట్ల నష్టానికి 29 పరుగులు మాత్రమే చేసింది. Calamity for South Africa as de Kock plays it onto his stumps via @t20worldcup https://t.co/v75y5QkujC — varun seggari (@SeggariVarun) October 23, 2021

దక్షిణాఫ్రికాపై 5 వికెట్ల తేడాతో విజయం..భోణి కొట్టిన ఆస్ట్రేలియా టి20 ప్రపంచకప్‌ 2021లో దక్షిణాఫ్రికాపై ఆస్ట్రేలియా 5 వికెట్ల తేడాతో విజయం అందుకొని భోణి కొట్టింది. 119 పరుగుల లక్ష్యంతో బరిలోకి దిగిన ఆసీస్‌ 19.4 ఓవర్లలో 5 వికెట్లు కోల్పోయి చేధించింది. ఆఖరి ఓవర్‌లో 8 పరుగులు అవసరమైన దశలో మార్కస్‌ స్టోయినిస్‌(24 నాటౌట్‌), మాథ్యూ వేడ్‌(15 నాటౌట్‌) ఆసీస్‌ను గెలిపించారు. అంతకముందు స్టీవ్‌ స్మిత్‌ 35 పరుగులు పరుగులతో రాణించాడు. దక్షిణాఫ్రికా బౌలర్లలో నోర్ట్జే 2, షంసీ, కగిసో రబడ, కేశవ్‌ మహరాజ్‌ తలా ఒక వికెట్‌ తీశారు. మ్యాక్స్‌వెల్‌ ఔట్‌.. ఐదో వికెట్‌ కోల్పోయిన ఆస్ట్రేలియా ఆసీస్‌ వెనువెంటనే రెండు వికెట్లు కోల్పోయింది. ఫామ్‌లో ఉన్న మ్యాక్స్‌వెల్‌ షమ్సీ బౌలింగ్‌లో క్లీన్‌బౌల్డ్‌ అయ్యాడు. ప్రస్తుతం ఆసీస్‌ 5 వికెట్ల నష్టానికి 81 పరుగులు చేసింది. ఆసీస్‌ విజయానికి ఇంకా 38 పరుగులు కావాలి. అంతకముందు ఎయిడెన్‌ మక్రమ్‌ సూపర్‌ క్యాచ్‌కు స్టీవ్‌ స్మిత్‌(35)వెనుదిరిగాడు. దీంతో ఆస్ట్రేలియా 80 పరుగుల వద్ద నాలుగో వికెట్‌ కోల్పోయింది.  మూడో వికెట్‌ కోల్పోయిన ఆస్ట్రేలియా.. మిచెల్‌ మార్ష్‌(11) ఔట్‌ 119 పరుగుల లక్ష్యంతో బరిలోకి దిగిన ఆస్ట్రేలియా వరుస విరామాల్లో వికెట్లు కోల్పోతుంది. 11 పరుగులు చేసిన మిచెల్‌ మార్ష్‌ కేశవ్‌ మహరాజ్‌ బౌలింగ్‌లో వాండర్‌ డుసెన్‌కు క్యాచ్‌ ఇచ్చి వెనుదిరిగాడు. ప్రస్తుతం ఆస్ట్రేలియా 13 ఓవర్లలో 3 వికెట్ల నష్టానికి 67 పరుగులు చేసింది. స్మిత్‌ 30, మ్యాక్స్‌వెల్‌ 10 పరుగులతో క్రీజులో ఉన్నారు. అంతకముందు డేవిడ్‌ వార్నర్‌ రబడ బౌలింగ్‌లో వెనుదిరిగాడు. ఆరోన్‌ ఫించ్‌ డకౌట్‌ 119 పరుగుల లక్ష్యంతో బరిలోకి దిగిన ఆస్ట్రేలియా 4 పరుగుల వద్ద తొలి వికెట్‌ కోల్పోయింది. కెప్టెన్‌ ఆరోన్‌ ఫించ్‌ డకౌట్‌గా వెనుదిరిగాడు. ప్రస్తుతం ఆస్ట్రేలియా 2 ఓవర్లలో వికెట్‌ నష్టానికి 4 పరుగులు చేసింది. దక్షిణాఫ్రికా 118/9.. ఆసీస్‌ టార్గెట్‌ 119 ఆస్ట్రేలియాతో జరుగుతున్న మ్యాచ్‌లో దక్షిణాఫ్రికా నిర్ణీత 20 ఓవర్లలో 9 వికెట్ల నష్టానికి 118 పరుగులు మాత్రమే చేసింది. ఆసీస్‌ బౌలర్ల దాటికి మక్రమ్‌(40) మినహా ఒక్కరు కూడా చెప్పుకోదగ్గ ప్రదర్శన కనబరచలేదు. దక్షిణాఫ్రికా బ్యాటింగ్‌లో ఐదుగురు బ్యాటర్స్‌ సింగిల్‌ డిజిట్‌కే పరిమితమయ్యారు. ఆసీస్‌ బౌలర్లలో హాజిల్‌వుడ్‌, ఆడమ్‌ జంపా, మిచెల్‌ స్టార్క్‌ తలా రెండు వికెట్లు తీయగా.. మ్యాక్స్‌వెల్‌, కమిన్స్‌ చెరో వికెట్‌ తీశారు. ఎనిమిదో వికెట్‌ డౌన్‌.. దక్షిణాఫ్రికా 98/8 మక్రమ్‌(40) భారీ షాట్‌కు యత్నించి మిచెల్‌ స్టార్క్‌ బౌలింగ్‌లో మ్యాక్స్‌వెల్‌కు క్యాచ్‌ ఇచ్చి వెనుదిరిగాడు. దీంతో 98 పరుగుల వద్ద 8వ వికెట్‌ కోల్పోయింది.  దక్షిణాఫ్రికా దారుణ ఆటతీరు కనబరుస్తుంది. ఆసీస్‌ బౌలర్ల కట్టుదిట్టమైన బౌలింగ్‌కు పరుగులు చేయడంలో నానా కష్టాలు పడుతున్న దక్షిణాఫ్రికా వరుసగా వికెట్లు కోల్పోతూ వస్తుంది. తాజాగా కేశవ్‌ మహరాజ్‌(0) కమిన్స్‌ బౌలింగ్‌లో రనౌట్‌గా వెనుదిరిగాడు. దీంతో దక్షిణాఫ్రికా 83 పరుగులకే ఏడు వికెట్లు కోల్పోయి కష్టాల్లో పడింది. ఆసీస్‌ బౌలర్ల ప్రతాపం.. ఆరో వికెట్‌ కోల్పోయిన దక్షిణాఫ్రికా ఆసీస్‌ బౌలర్లు తమ ప్రతాపం చూపిస్తుండడంతో దక్షిణాఫ్రికా వరుస విరామాల్లో వికెట్లు కోల్పోతూ వస్తుంది. తాజాగా 1 పరుగు చేసిన ప్రిటోరియస్‌ ఆడమ్‌ జంపా బౌలింగ్‌లో క్యాచ్‌ అవుట్‌గా వెనుదిరిగాడు. అంతకముందు 16 పరుగులు చేసిన డేవిడ్‌ మిల్లర్‌ ఆడమ్‌ జంపా బౌలింగ్‌లోనే ఎల్బీగా వెనుదిరిగాడు.  ప్రస్తుతం 14 ఓవర్లలో 6 వికెట్ల నష్టానికి 82 పరుగులు చేసింది.  13 ఓవర్లలో దక్షిణాఫ్రికా 78/4 13 ఓవర్లు ముగిసేసరికి 4 వికెట్ల నష్టానికి 77 పరుగులు చేసింది. మక్రమ్‌ 28, డేవిడ్‌ మిల్లర్‌ 14 పరుగులతో ఆడుతున్నారు.  10 ఓవర్లలో దక్షిణాఫ్రికా 59/4 10 ఓవర్లు ముగిసేసరికి దక్షిణాఫ్రికా 4 వికెట్ల నష్టానికి 59 పరుగులు చేసింది. డేవిడ్‌ మిల్లర్‌ 5, ఎయిడెన్‌ మక్రమ్‌ 19 పరుగులతో ఆడుతున్నారు. అంతకముందు 13 పరుగులు చేసిన క్లాసెన్‌ కమిన్స్‌ బౌలింగ్‌లో స్మిత్‌కు క్యాచ్‌ ఇచ్చి వెనుదిరిగాడు.  డికాక్‌ ఔట్‌.. మూడో వికెట్‌ కోల్పోయిన దక్షిణాఫ్రికా దక్షిణాఫ్రికా వరుస విరామాల్లో వికెట్లు కోల్పోతూ వస్తుంది. తాజాగా డికాక్‌(7) దురదృష్టవశాత్తూ బౌల్డ్‌గా వెనుదిరిగాల్సి వచ్చింది. ప్రస్తుతం 5 ఓవర్లలో దక్షిణాఫ్రికా 3 వికెట్ల నష్టానికి 23 పరుగులు చేసింది.  ఆస్ట్రేలియాతో జరుగుతున్న మ్యాచ్‌లో దక్షిణాఫ్రికా రెండో వికెట్‌ కోల్పోయింది. హాజిల్‌వుడ్‌ బౌలింగ్‌లో వాండర్‌ డుసెన్‌(2) వేడ్‌కు క్యాచ్‌ ఇచ్చి వెనుదిరిగాడు. అంతకముందు పార్ట్‌టైమ్‌ బౌలర్‌ మ్యాక్స్‌వెల్‌ బౌలింగ్‌లో కెప్టెన్‌ బవుమా(12) క్లీన్‌బౌల్డ్‌గా వెనుదిరిగాడు. ప్రస్తుతం 3 ఓవర్లలో రెండు వికెట్ల నష్టానికి 17 పరుగులు చేసింది. డికాక్‌ 2,  మక్రమ్‌ 1 పరుగుతో ఆడుతున్నారు. అబుదాబి: టి20 ప్రపంచకప్‌ 2021లో భాగంగా నేటి నుంచి సూపర్‌ 12 దశ మ్యాచ్‌లు ప్రారంభం కానున్నాయి. తొలి మ్యాచ్‌లో భాగంగా ఆస్ట్రేలియా, దక్షిణాఫ్రికాలు తలపడుతున్నాయి. టాస్‌ గెలిచిన ఆస్ట్రేలియా బ్యాటింగ్‌ ఎంచుకుంది. సుదీర్ఘ కాలంపాటు క్రికెట్‌ను శాసించినా టి20 ప్రపంచకప్‌ మాత్రం ఆస్ట్రేలియా జట్టుకు అందని ద్రాక్షే అయింది. ఆరు టోర్నీలను చూస్తే 2010లో ఫైనల్‌ చేరడం మినహా చెప్పుకోదగ్గ ప్రదర్శన ఏదీ లేదు. ప్రస్తుత టీమ్‌లో ఓపెనర్లు వార్నర్, ఫించ్‌ పేలవ ఫామ్‌లో ఉండటం కలవరపెడుతుండగా... మిడిలార్డర్‌లో మ్యాక్స్‌వెల్, స్మిత్, స్టొయినిస్‌లను జట్టు నమ్ముకుంది. మరోవైపు స్టార్లతో నిండి ఉన్నప్పుడు కూడా దక్షిణాఫ్రికా ఒక్కసారి కూడా ప్రపంచకప్‌లో ఫైనల్‌ చేరలేదు. ఇప్పుడు పెద్దగా అనుభవంలేని ఆటగాళ్లు ఎక్కువ మందితో కూడిన టీమ్‌ ఎలాంటి ఒత్తిడి లేకుండా ప్రశాంతంగా ఆడే అవకాశం ఉండటం సానుకూలాంశం.  ఇక ముఖాముఖి పోరులో ఆస్ట్రేలియా, దక్షిణాఫ్రికా మధ్య 21 టి20 మ్యాచ్‌లు జరగ్గా.. అందులో 13 ఆస్ట్రేలియా.. 8 దక్షిణాఫ్రికా గెలిచింది. ఇక టి20 ప్రపంచకప్‌లలో ఆస్ట్రేలియా 29 మ్యాచ్‌ల్లో 16 విజయాలు.. 13 ఓటములు చవిచూసింది. ఇక దక్షిణాఫ్రికా టి20 ప్రపంచకప్‌లలో 30 మ్యాచ్‌ల్లో 18 గెలిచి.. 12 ఓడింది. దక్షిణాఫ్రికా: క్వింటన్ డి కాక్ (వికెట్‌ కీపర్‌), టెంబా బావుమా (కెప్టెన్‌), ఐడెన్ మార్క్రామ్, రాసీ వాన్ డెర్ డుసెన్, డేవిడ్ మిల్లర్, హెన్రిచ్ క్లాసెన్, డ్వైన్ ప్రిటోరియస్, కేశవ్ మహారాజ్, కాగిసో రబాడా, అన్రిచ్ నార్ట్జే, తబ్రేజ్ షమ్సీ ఆస్ట్రేలియా : ఆరోన్ ఫించ్ (కెప్టెన్‌), డేవిడ్ వార్నర్, మిచెల్ మార్ష్, గ్లెన్ మాక్స్‌వెల్, స్టీవెన్ స్మిత్, మార్కస్ స్టోయినిస్, మాథ్యూ వేడ్ (వికెట్‌ కీపర్‌), పాట్ కమిన్స్, మిచెల్ స్టార్క్, ఆడమ్ జంపా, జోష్ హేజిల్‌వుడ్

T20 World Cup 2021: ధనాధన్‌ పోరులో రెండో అంకానికి రంగం సిద్ధం. 16 జట్ల సమరం 12 జట్లకు మారింది. వినోదం మాత్రం అంతకంటే రెట్టింపు కానుంది. టాప్‌ టీమ్‌ల మధ్య హోరాహోరీకి నేటితో తెర లేవనుండగా, మెగా టోర్నీని గెలుచుకునే లక్ష్యం దిశగా తొలి మ్యాచ్‌ నుంచే సత్తా చాటాలని జట్లు పట్టుదలగా ఉన్నాయి. ఒక్కసారి కూడా పొట్టి ప్రపంచ కప్‌ను ముద్దాడని రెండు అగ్రశ్రేణి జట్లు ఈ సారైనా కల నెరవేర్చుకునేందుకు శుభారంభంపై దృష్టి పెట్టాయి. ఇక చిరకాల ప్రత్యర్థి పాకిస్తాన్‌తో తేల్చుకునేందుకు పదునైన అస్త్రాలతో భారత్‌ రేపు రంగంలోకి దిగనుంది. నవంబర్‌ 14న జరిగే ఫైనల్‌ వరకు మెరుపు ప్రదర్శనలు, విధ్వంసకర బ్యాటింగ్‌ విన్యాసాలతో ఈ 23 రోజులు క్రికెట్‌ అభిమానులకు పెద్ద పండగే!    అబుదాబి: సరిగ్గా ఏడాది క్రితం ఆస్ట్రేలియా గడ్డపై ఏడో టి20 ప్రపంచకప్‌ జరగాల్సింది. కానీ కరోనా కారణంగా మా వల్ల కాదంటూ ఆ్రస్టేలియా చేతులెత్తేసింది... అక్కడ ఏం జరిగినా మేం మాత్రం షెడ్యూల్‌ ప్రకారం 2021లో మా దేశంలోనే నిర్వహిస్తామని బీసీసీఐ ఘనంగా ప్రకటించింది. కానీ 2021 ఏప్రిల్‌కు వచ్చేసరికి పరిస్థితి ఒక్కసారిగా మారిపోయింది. కోవిడ్‌ ఉధృత దశకు చేరుతున్న వేళ క్రికెట్‌ గురించి మాట్లాడే స్థితి లేకపోయింది. పైగా ఐపీఎల్‌కు కరోనా కాటు తగలడంతో రాబోయే ప్రమాదాన్ని ఊహించిన భారత బోర్డు మన దేశంలో మ్యాచ్‌లు నిర్వహించడం అసాధ్యమని తేల్చేసింది. చివరకు ఆతిథ్యం మనదే కానీ ఆట మాత్రం విదేశాల్లో జరిపేందుకు రంగం సిద్ధమైంది. ఎట్టకేలకు అభిమానులు ఆసక్తిగా ఎదురు చూస్తున్న సమయం రానే వచ్చింది. టి20 తొలి దశ పోటీలు శుక్రవారంతో ముగియగా, ముందంజ వేసే జట్లేవో ఖరారైపోయింది. ఇప్పుడు ఈ ‘సూపర్‌–12’ నుంచి ఎవరు విశ్వవిజేతగా నిలుస్తారనేది ఆసక్తికరం.   ఆసీస్‌ ఏం చేస్తుందో!  సుదీర్ఘ కాలంపాటు క్రికెట్‌ను శాసించినా టి20 ప్రపంచకప్‌ మాత్రం ఆస్ట్రేలియా జట్టుకు అందని ద్రాక్షే అయింది. ఆరు టోర్నీలను చూస్తే 2010లో ఫైనల్‌ చేరడం మినహా చెప్పుకోదగ్గ ప్రదర్శన ఏదీ లేదు. ప్రస్తుత టీమ్‌లో ఓపెనర్లు వార్నర్, ఫించ్‌ పేలవ ఫామ్‌లో ఉండటం కలవరపెడుతుండగా... మిడిలార్డర్‌లో మ్యాక్స్‌వెల్, స్మిత్, స్టొయినిస్‌లను జట్టు నమ్ముకుంది. ఆ జట్టు పేస్‌ దళం మెరుగ్గానే ఉన్నా... స్పిన్‌కు అనుకూలించే యూఏఈ పిచ్‌లపై జంపా, అగర్‌ స్థాయి బౌలర్లు ఏమాత్రం ప్రభావం చూపించగలరనేది సందేహమే. మరోవైపు స్టార్లతో నిండి ఉన్నప్పుడు కూడా దక్షిణాఫ్రికా ఒక్కసారి కూడా ప్రపంచకప్‌లో ఫైనల్‌ చేరలేదు. ఇప్పుడు పెద్దగా అనుభవంలేని ఆటగాళ్లు ఎక్కువ మందితో కూడిన టీమ్‌ ఎలాంటి ఒత్తిడి లేకుండా ప్రశాంతంగా ఆడే అవకాశం ఉండటం సానుకూలాంశం.    చదవండి: T20 WC 2021: చరిత్ర సృష్టించిన నమీబియా; ఆటగాళ్ల సంబరం మాములుగా లేదు

ఇస్లామాబాద్‌: 2018 నాటి బాల్‌ టాంపరింగ్‌ వివాదం మరోసారి క్రీడావర్గాల్లో చర్చనీయాంశమైంది.  దక్షిణాఫ్రికాతో జరిగిన టెస్టు సిరీస్‌లో భాగంగా ఆస్ట్రేలియా బౌలర్‌ బాన్‌క్రాఫ్ట్‌ బంతికి సాండ్‌ పేపర్‌ను రుద్దుతూ కెమెరాల కంటపడ్డ సంగతి తెలిసిందే. దీంతో, అతడితో పాటు అప్పటి కెప్టెన్‌ స్టీవ్‌ స్మిత్‌, డేవిడ్‌ వార్నర్‌పై నిషేధం విధించారు. అది ముగిసిపోయింది కూడా. అయితే, ఇటీవల బాన్‌క్రాఫ్ట్‌ ఓ చానెల్‌తో మాట్లాడుతూ.. తాను బాల్‌ టాంపరింగ్‌ చేయడం తమ జట్టులోని మిగతా బౌలర్లకు కూడా తెలుసంటూ బాంబు పేల్చాడు.  దీంతో అప్పటి మ్యాచ్‌లో ప్రధాన బౌలర్లు అయిన పాట్‌ కమిన్స్‌, హాజిల్‌వుడ్‌, నాథన్‌ లియోన్‌, మిచెల్‌ స్టార్క్‌పై అనుమానాలు వ్యక్తమయ్యాయి. ఈ నేపథ్యంలో తమకేమీ తెలియదంటూ ఈ నలుగురూ సంయుక్తంగా లేఖ విడుదల చేశారు. ఇక ఈ విషయంపై స్పందించిన పాకిస్తాన్‌ మాజీ కెప్టెన్‌ సల్మాన్‌ భట్‌... ఆసీస్‌ బౌలర్లు అమాయకులు అంటే తాను అస్సలు నమ్మనంటూ ఘాటు వ్యాఖ్యలు చేశాడు. ‘‘బాల్‌ రివర్స్‌లో స్వింగ్‌ అవుతుంటే బౌలర్లకు దాని గురించి తెలియదని చెప్పడం అబద్ధమే అవుతుంది. రివర్స్‌ స్వింగ్‌ రాబట్టాలని వారు ముందే నిర్ణయించుకుని ఉంటారు. బంతిని పదే పదే రుద్దుతూ షైన్‌ చేస్తే ఈ విధంగా చేయవచ్చు.  డ్రెస్సింగ్‌ రూంలో దీని గురించి చర్చ జరుగకుండానే ఇదంతా సాధ్యమైందంటే అస్సలు నమ్మను. నిజానికి బాన్‌క్రాఫ్ట్‌ బంతిని సాండ్‌ పేపర్‌తో రుద్దాడు ఈ విషయం తెలిసి కూడా ఊరుకున్నారు కాబట్టి కెప్టెన్‌ స్టీవ్‌ స్మిత్‌, వైస్‌ కెప్టెన్‌ డేవిడ్‌ వార్నర్‌కు కూడా శిక్ష పడింది. కానీ ఈ విషయంలో ఇతర బౌలర్లు మాత్రం తప్పించుకున్నారు. అంతా కలిసే చేసినా, కొందరు మాత్రమే శిక్ష అనుభవించారు. బంతి ఎలా తిరుగుతుంది అన్న విషయంపై బౌలర్లకు అవగాహన లేదనడం హాస్యాస్పదమే’’ అని సల్మాన్‌ భట్‌ చెప్పుకొచ్చాడు. చదవండి: ఇక్కడితో ముగించండి.. ఆసీస్‌ బౌలర్ల వేడుకోలు ఇండియాకు వచ్చెయ్‌ ప్లీజ్‌ .. పంత్‌​ స్థానంలో ఆడు

సిడ్నీ: ఫిబ్రవరిలో దక్షిణాఫ్రికాతో జరగనున్న సిరీస్‌ను వాయిదా వేస్తున్నట్లు క్రికెట్‌ ఆస్ట్రేలియా మంగళవారం ప్రకటించింది. దక్షిణాఫ్రికాలో కరోనా సెకండ్‌వేవ్‌ ఉదృతంగా ఉన్న కారణంతో ఈ నిర్ణయం తీసుకున్నట్లు పేర్కొంది. కాగా ఆసీస్‌ దక్షిణాఫ్రికా పర్యటనను రద్దు చేసుకోవడంతో న్యూజిలాండ్‌ జట్టు వరల్డ్‌ టెస్టు చాంపియన్‌షిప్‌ ఫైనల్‌కు అర్హత సాధించిన తొలి జట్టుగా రికార్డులకెక్కింది. ఒకవైపు జనవరి చివరివారంలోనే దక్షిణాఫ్రికా పర్యటనను దృష్టిలో ఉంచుకొని క్రికెట్‌ ఆస్ట్రేలియా టిమ్‌ పైన్‌ నేతృత్వంలోని 19 మందితో కూడిన ప్రాబబుల్స్‌ను ఎంపిక చేసింది. ఇదే విషయమై ట్విటర్‌లో స్పందిస్తూ లేఖను విడుదల చేసింది. చదవండి: కోచ్‌గా నా బాధ్యత నిర్వర్తించడం తప్పా? 'కరోనా కారణంగా దక్షిణాఫ్రికా సిరీస్‌ను వాయిదా వేయాల్సి వచ్చింది. సెకండ్‌ వేవ్‌ ఉదృతంగా ఉన్న కారణంతో అక్కడ ఆటగాళ్లు ఇబ్బందులు ఎదుర్కోకూడదనే ఈ నిర్ణయం తీసుకున్నాం. ఆకస్మాత్తుగా ఈ నిర్ణయం తీసుకోవడం పట్లు ఇప్పటికే క్రికెట్‌ సౌతాఫ్రికాను క్షమాపణ కోరాం. ఈ సిరీస్‌ను తొందరలోనే నిర్వహించేలా ప్రణాళిక రూపొందించుకుంటాం. ఈ సిరీస్‌ వాయిదాతో జూన్‌లో జరగబోయే వరల్డ్‌ టెస్టు చాంపియన్‌షిప్‌ ఫైనల్‌కు అర్హత సాధించే అవకాశాలు క్లిషంగా మారాయి. అయితే మా ఆటగాళ్ల ఆరోగ్యాన్ని దృష్టిలో ఉంచుకకొని ఈ కఠిన నిర్ణయం తీసుకోవాల్సి వచ్చింది. 'అంటూ చెప్పుకొచ్చింది. చదవండి: మంచి వాళ్లకు మంచే జరుగుతుంది‌ ఇక జూన్‌లో జరగనున్న వరల్డ్‌ టెస్ట్‌ చాంపియన్‌షిప్‌ ఫైనల్‌కు అర్హత సాధించిన తొలి జట్టుగా కివీస్‌ నిలిచింది. ఐసీసీ ఇటీవలే ప్రకటించిన ర్యాంకింగ్స్‌ ప్రకారం కేన్‌ విలియమ్సన్‌ నేతృత్వంలోని న్యూజిలాండ్‌ జట్టు 118 రేటింగ్‌ పాయింట్లతో అగ్రస్థానంలో ఉండగా.. అదే రేటింగ్‌ పాయింట్లతో టీమిండియా రెండో స్థానంలో ఉన్నా.. ఇరు జట్ల మధ్య 5 మ్యాచ్‌ల వ్యత్యాసం ఉంది. ఇక 113 రేటింగ్‌ పాయింట్లతో ఆసీస్‌ మూడోస్థానంలో, 108 రేటింగ్‌ పాయింట్లతో ఇంగ్లండ్‌ నాలుగోస్థానంలో ఉన్నాయి. కాగా జూన్‌లో లార్డ్స్‌ వేదికగా వరల్డ్‌ టెస్టు చాంపియన్‌షిప్‌ ఫైనల్‌ మ్యాచ్‌ జరగనుంది. Today we informed Cricket South Africa that we believe we have no choice but to postpone the forthcoming Qantas Tour of South Africa due to the coronavirus pandemic. Full statement 👇 pic.twitter.com/mYjqNpkYjp — Cricket Australia (@CricketAus) February 2, 2021

సిడ్నీ: ఐసీసీ నిర్వహించే మెగాటోర్నీల్లో దక్షిణాఫ్రికాకు ఏ రీతిలోనూ అదృష్టం కలసి రాదని మరోసారి రుజువైంది. వర్షం పడి మ్యాచ్‌ రద్దయినా, మ్యాచ్‌ మధ్యలో వర్షం పడకున్నా దక్షిణాఫ్రికా ఫైనల్‌కు చేరుకునే అవకాశాలు ఎక్కువగా ఉన్నాయి. కానీ వరుణుడు ఆస్ట్రేలియా వైపే నిలిచాడు. ఐసీసీ మహిళల టీ20 ప్రపంచకప్‌లో భాగంగా గురువారం జరిగిన రెండో సెమీస్‌లో దక్షిణాఫ్రికాపై ఐదు పరుగుల తేడాతో(డక్‌వర్త్‌ లూయిస్‌) ఆసీస్‌ విజయం సాధించింది. దీంతో ఆదివారం జరగబోయే ఫైనల్‌ పోరుకు అర్హత సాధించి టీమిండియాతో అమీతుమీకి సిద్దమైంది.  అనుకున్నట్టుగానే ఈ మ్యాచ్‌ కూడా వరుణుడు అడ్డంకిగా నిలిచాడు. ఇదే మైదానంలో జరగాల్సిన తొలి సెమీస్‌ వర్షం కారణంగా రద్దయింది. అయితే రెండో సెమీస్‌ మ్యాచ్‌ ప్రారంభసమయానికి మైదానాన్ని సిబ్బంది సిద్దం చేశారు. ఇక టాస్‌ గెలిచిన దక్షిణాఫ్రికా ఆసీస్‌ను బ్యాటింగ్‌కు ఆహ్వానించింది. సారథి మెగ్‌ లానింగ్‌ (49 నాటౌట్‌) మినహా మరే బ్యాటర్‌ చెప్పుకోదగ్గ స్కోర్‌ చేయలేదు. దీంతో నిర్ణీత 20 ఓవర్లలో 5 వికెట్ల నష్టానికి ఆసీస్‌ 134 పరుగులు చేసింది. ఆసీస్‌ బ్యాటింగ్‌ ముగిసిన వెంటనే వర్షం పడటంతో మ్యాచ్‌కు అంతరాయం కలిగింది. దీంతో డక్‌వర్త్‌లూయిస్‌ ప్రకారం సఫారీ లక్ష్యాన్ని 13 ఓవర్లలో 98 పరుగులు నిర్దేశించారు.  ఊహించని 98 పరుగుల లక్ష్యంతో బరిలోకి దిగిన సఫారీ జట్టుకు అదిరే ఆరంభం లభించేలేదు. టాపార్డర్‌ ఫూర్తిగా విఫలమైంది. లైన్‌ అండ్‌ లెంగ్త్‌ బౌలింగ్‌తో ఆసీస్‌ వరుసగా వికెట్లు పడగొడుతూ ప్రత్యర్థి జట్టును ఒత్తిడిలోకి నెట్టేసింది. అయితే చివర్లో లారా వోల్వార్డ్ట్(41 నాటౌట్‌) గెలిపించినంత పనిచేసింది. కానీ సహచర బ్యాటర్ల నుంచి సరైన సహకారం లేకపోవడంతో సఫారీ జట్టును ఫైనల్‌కు చేర్చలేకపోయింది. దీంతో మ్యాచ్‌ అనంతరం లారా కన్నీటి పర్యంతం అయింది. మరోవైపు ఆల్‌రౌండ్‌ ప్రదర్శనతో ఆసీస్‌ ఫైనల్‌కు చేరుకుంది. నాలుగు సార్లు టీ20 ప్రపంచకప్‌ చాంపియన్‌ అయిన ఆసీస్‌ ఐదో సారి కప్‌ సాధిస్తుందా? లేక భారత్‌ తొలి సారి కప్‌ను ముద్దాడుతుందా? అనేది ఆదివారం జరిగే ఫైనల్‌ మ్యాచ్‌తో తేలనుంది.  చదవండి: ఫైనల్‌కు టీమిండియా తొలిసారి ఇంగ్లండ్‌ను చూస్తే బాధేస్తోంది

సిడ్నీ: ఐసీసీ మహిళల టీ20 ప్రపంచకప్‌లో ఒక ఫైనల్‌ బెర్త్‌ ఖరారు కాగా మరో బెర్త్‌ కోసం ఆతిథ్య ఆస్ట్రేలియా, దక్షిణాఫ్రికా జట్లు తలపడుతున్నాయి. గురువారం స్థానిక సిడ్నీ క్రికెట్‌ గ్రౌండ్‌ వేదికగా జరుగుతున్న ఈ మ్యాచ్‌లో టాస్‌ గెలిచిన దక్షిణాఫ్రికా తొలుత బౌలింగ్‌ ఎంచుకుంది.  నాలుగు సార్లు టీ20  ఛాంపియన్‌గా నిలిచిన ఆసీస్‌ జట్టు స్వదేశంలో జరుగుతున్న ప్రపంచకప్‌ను కైవసం చేసుకోవాలని ఉవ్విళ్లూరుతోంది. కాగా, తొలి సారి ఫైనల్‌ చేరుకోవడంతో పాటు వరల్డ్‌ కప్‌తో దక్షిణాఫ్రికాకు వెళ్లాలని ఆ జట్టు ఆరాటపడుతోంది.  ఇదే వేదికగా టీమిండియా-ఇంగ్లండ్‌ జట్ల మధ్య జరగాల్సిన తొలి సెమీస్‌ వర్షం కారణంగా రద్దయిన విషయం తెలిసిందే. మ్యాచ్‌ సమయానికి ఔట్‌ పీల్డ్‌ చిత్తడి చిత్తడిగా ఉండటంతో మ్యాచ్‌ను రద్దు చేస్తున్నట్లు అంపైర్లు తెలిపారు. అయితే గ్రూప్‌ దశలో అత్యధిక పాయింట్లతో ఉన్న టీమిండియా ఫైనల్‌కు చేరుకుంది. రెండో మ్యాచ్‌ ప్రారంభ సమయానికి సిబ్బంది మైదానాన్ని సిద్ధం చేశారు. దీంతో మరో సెమీస్‌ పోరులో పోటీపడుతున్న ఆస్ట్రేలియా-దక్షిణాఫ్రికా మ్యాచ్‌ విజేతతో ఫైనల్లో టీమిండియా తలపడనుంది.    చదవండి: ఫైనల్‌కు టీమిండియా తొలిసారి దక్షిణాఫ్రికా ఘనమైన ప్రతీకారం

బ్లోమ్‌ఫాన్‌టైన్‌: ఆస్ట్రేలియాతో జరిగిన మూడు టీ20ల సిరీస్‌ను కోల్పోయిన దక్షిణాఫ్రికా అందుకు ఘనమైన ప్రతీకారం తీర్చుకుంది.  మూడు వన్డేల సిరీస్‌ను ఇంకా మ్యాచ్‌ ఉండగానే సఫారీలు కైవసం చేసుకుని బదులు తీర్చుకున్నారు. బుధవారం జరిగిన రెండో వన్డేలో దక్షిణాఫ్రికా ఆరు వికెట్ల తేడాతో విజయం సాధించింది. ఫలితంగా సిరీస్‌ను కూడా చేజిక్కించుకున్నారు. ఈ మ్యాచ్‌లో తొలుత బ్యాటింగ్‌ చేసిన ఆసీస్‌ నిర్ణీత 50 ఓవర్లలో 271 పరుగులు చేసింది. డేవిడ్‌ వార్నర్‌(35) ఫర్వాలేదనిపించగా, కెప్టెన్‌ అరోన్‌ ఫించ్‌(69), డీఆర్సీ షాట్‌(69)లు అర్థ శతకాలు నమోదు చేశారు. మిచెల్‌ మార్ష్‌(36), అలెక్స్‌ క్యారీ(21)లు మోస్తరుగా ఆడటంతో ఆసీస్‌ గౌరవప్రదమైన స్కోరు సాధించింది.( క్లాసెన్‌ అజేయ సెంచరీ) అయితే అనంతరం 272 పరుగుల టార్గెట్‌తో బ్యాటింగ్‌కు దిగిన దక్షిణాఫ్రికాకు ఆదిలోనే షాక్‌ తగిలింది. కెప్టెన్‌ డీకాక్‌ డకౌట్‌గా పెవిలియన్‌ చేరాడు. ఆ తరుణంలో మరో ఓపెనర్‌ జన్నీమాన్‌ మలాన్‌కు స్మట్స్‌ జత కలిశాడు. వీరిద్దరూ రెండో వికెట్‌కు 91 పరుగులు జోడించారు ఆపై క్లాసెస్‌-జన్నీమాన్‌లు సమయోచితంగా ఆడి జట్టు విజయానికి బాటలు వేశారు. మలాన్‌(129 నాటౌట్‌) అజేయ సెంచరీతో రాణించగా, క్లాసెస్‌(51)హాఫ్‌ సెంచరీ సాధించాడు. చివర్లో డేవిడ్‌ మిల్లర్‌(37 నాటౌట్‌) బాధ్యతాయుతంగా ఆడటంతో దక్షిణాఫ్రికా 48.3 ఓవర్లలో నాలుగు వికెట్లు కోల్పోయి లక్ష్యాన్ని చేరుకుంది. తొలి వన్డేలో దక్షిణాఫ్రికా 74 పరుగుల తేడాతో విజయం సాధించిన సంగతి తెలిసిందే. ఇక నామమాత్రమైన మూడో వన్డే శనివారం జరుగనుంది.

కేప్‌టౌన్‌: ఆస్ట్రేలియాతో స్వదేశంలో జరిగిన టీ20 సిరీస్‌ను దక్షిణాఫ్రికా కోల్పోయింది. ఆసీస్‌తో మూడు టీ20ల సిరీస్‌లో కేవలం మ్యాచ్‌ మాత్రమే గెలిచిన సఫారీలు.. రెండు మ్యాచ్‌ల్లో ఓటమి పాలై సిరీస్‌ను సమర్పించుకున్నారు. బుధవారం రాత్రి దక్షిణాఫ్రికాతో జరిగిన సిరీస్‌ నిర్ణయాత్మక​ మ్యాచ్‌లో ఆసీస్‌ 97 పరుగుల తేడాతో భారీ విజయం సాధించింది. దాంతో ఆసీస్‌ 2-1తో సిరీస్‌ను కైవసం చేసుకుంది. తొలి టీ20లో ఆసీస్‌ గెలిస్తే, రెండో టీ20లో దక్షిణాఫ్రికా గెలిచిన సంగతి తెలిసిందే. దాంతో చివరి టీ20పై ఆసక్తి ఏర్పడింది. (ఇక్కడ చదవండి: సన్‌రైజర్స్‌ కెప్టెన్‌గా మరోసారి వార్నర్‌) అయితే ఈ మ్యాచ్‌లో ఆసీస్‌ ఏమాత్రం అవకాశం ఇవ్వకుండా చెలరేగిపోయింది. ముందుగా బ్యాటింగ్‌ చేసిన ఆసీస్‌ నిర్ణీత ఓవర్లలో ఐదు వికెట్ల నష్టానికి 193 పరుగులు చేసింది. డేవిడ్‌ వార్నర్‌(57;37 బంతుల్లో 5 ఫోర్లు, 2 సిక్స్‌లు), అరోన్‌ ఫించ్‌(55; 37 బంతుల్లో 6 ఫోర్లు, 1 సిక్స్‌) మంచి ఆరంభాన్ని అందించారు. అనంతరం మాథ్యూ వేడ్‌(10), మిచెల్‌ మార్ష్‌(19)లు నిరాపరిచినా, స్టీవ్‌ స్మిత్‌(30 నాటౌట్‌;15 బంతుల్లో 2 సిక్స్‌)లు ఆకట్టుకున్నాడు. దాంతో ఆసీస్‌ 194 పరుగుల టార్గెట్‌ను  నిర్దేశించింది.  అనంతరం బ్యాటింగ్‌కు దిగిన దక్షిణాఫ్రికా జట్టు తీవ్రంగా విఫలమైంది. డీకాక్‌(5), డుప్లెసిస్‌(5)లు నిరాశపరిచారు. వాన్‌ డర్‌ డస్సెన్‌(24), హెన్రిచ్‌ క్లాసెన్‌(22), డేవిడ్‌ మిల్లర్‌(15), ప్రిటిరియోస్‌(11)లు మాత్రమే రెండంకెల స్కోరుగా చేయగా మిగతా వారు సింగిల్‌ డిజిట్‌కే పరిమితమయ్యారు.  మిచెల్‌ స్టార్క్‌, ఆస్టన్‌ ఆగర్‌ల దెబ్బకు దక్షిణాఫ్రికా 15.3 ఓవర్లలో 96 పరుగులకే ఆలౌటై ఘోర ఓటమిని చవిచూసింది. (ఇక్కడ చదవండి: హ్యాట్రిక్‌ విజయంతో సెమీస్‌లోకి..)  ‘ఒక్కటి’ కూడా గెలవలేదు..! గత 10 ఏళ్ల నుంచి చూస్తే ఆసీస్‌తో స్వదేశంలో జరిగిన టీ20 సిరీస్‌ల్లో ఇప్పటివరకూ దక్షిణాఫ్రికా ఒక్కటి కూడా సాధించలేకపోయింది. 2011లో ఆసీస్‌తో జరిగిన రెండు టీ20ల సిరీస్‌ను డ్రా చేసుకున్న సఫారీలు.. 2014లో రెండు టీ20ల సిరీస్‌ను 0-2తో ఆసీస్‌కు సమర్పించుకున్నారు. అనంతరం 2016లో దక్షిణాఫ్రికా వేదికగా జరిగిన మూడు టీ20ల సిరీస్‌ను ఆసీస్‌ 2-1తో కైవసం​ చేసుకోగా, తాజా సిరీస్‌లో అదే ఫలితం రిపీట్‌ అయ్యింది. తద్వార గత 10 ఏళ్లలో ఆసీస్‌ జరిగిన టీ20 సిరీస్‌ల్లో సఫారీలు తమ సొంత గడ్డపై ఒక్కటి కూడా కైవసం చేసుకోలేపోయారు.  ఇదే అత్యల్ప స్కోరు కేప్‌టౌన్‌లో న్యూలాండ్స్‌ మైదానంలో జరిగిన టీ20ల పరంగా చూస్తే ఇది అత్యల్ప స్కోరుగా నమోదైంది. గతంలో శ్రీలంక చేసిన 101 పరుగులు ఇప్పటివరకూ ఇక్కడ అత్యల్ప స్కోరు కాగా, దాన్ని దక్షిణాఫ్రికా బ్రేక్‌ చేసి చెత్త రికార్డును మూటగట్టుకుంది.  టీ20ల్లో ఆసీస్‌కు ఇది నాల్గో అతి పెద్ద విజయంగా నమోదైంది. 2019లో శ్రీలంకతో జరిగిన టీ20లో ఆసీస్‌ 134 పరుగుల తేడాతో విజయం సాధించగా,  ఈ  సిరీస్‌లో తొలి టీ20 ఆసీస్‌ 107 పరుగుల తేడాతో గెలుపును అందుకుంది. ఆ తర్వాత స్థానంలో 2018లో జింబాబ్వేతో జరిగిన మ్యాచ్‌లో ఆసీస్‌ 100 పరుగుల తేడాతో విజయం నమోదు చేసింది. 

మాంచెస్టర్‌: ఆస్ట్రేలియా ప్రధాన పేసర్‌ మిచెల్‌ స్టార్క్‌ నయా రికార్డు లిఖించాడు. ఒకే ప్రపంచకప్‌లో అత్యధిక వికెట్లు సాధించిన బౌలర్‌గా తమ దేశానికి చెందిన గ్లెన్‌ మెక్‌గ్రాత్‌ సరసన నిలిచాడు. కరీబియన్‌ వేదికగా 2007లో జరిగిన వరల్డ్‌కప్‌లో మెక్‌గ్రాత్‌ 26 వికెట్లతో టాప్‌లో నిలిచాడు. ఇది ఒక వరల్డ్‌కప్‌లో అత్యధిక వికెట్లు సాధించిన రికార్డుగా ఉంది. ఇప్పుడు అతని సరసన మిచెల్‌ స్టార్క్‌ చోటు సంపాదించాడు. ఆనాటి వరల్డ్‌కప్‌లో మెక్‌గ్రాత్‌ 11 మ్యాచ్‌లు ఆడి ఆ ఫీట్‌ నమోదు చేయగా, మిచెల్‌ స్టార్క్‌ మాత్రం తొమ్మిది మ్యాచ్‌ల్లోనే ఆ ఘనత సాధించడం విశేషం. అది కూడా లీగ్‌ దశలోనే స్టార్క్‌ అత్యధిక వికెట్ల రికార్డును సమం చేయడం ఇక్కడ  మరో విశేషం. (ఇక్కడ చదవండి: భారత్‌ సెమీస్‌ ప్రత్యర్థి న్యూజిలాండ్‌) శనివారం మాంచెస్టర్‌ వేదికగా దక్షిణాఫ్రికాతో జరిగిన మ్యాచ్‌లో స్టార్క్‌ రెండు వికెట్లు తీశాడు. దాంతో ఈ వరల్డ్‌కప్‌ లీగ్‌ దశలోనే స్టార్క్‌ 26 వికెట్లను ఖాతాలో వేసుకున్నాడు. నిన్నటి మ్యాచ్‌లో దక్షిణాఫ్రికా 10 పరుగుల తేడాతో విజయం సాధించిన సంగతి తెలిసిందే. తొలుత బ్యాటింగ్‌ చేసిన సఫారీలు 326 పరుగుల టార్గెట్‌ను నిర్దేశించగా, ఆసీస్‌ 315 పరుగులకు ఆలౌటైంది.

మాంచెస్టర్‌ : దక్షిణాఫ్రికా ప్రపంచకప్‌లో తన చివరి మ్యాచ్‌లో బ్యాట్‌తో మెరిసింది. శనివారం ఓల్డ్‌ ట్రాఫోర్డ్‌ వేదికగా ఆస్ట్రేలియాతో జరుగుతున్న మ్యాచ్‌లో సఫారీ జట్టు 326 పరుగుల లక్ష్యాన్ని నిర్దేశించింది. సారథి డుప్లెసిస్‌(100; 94 బంతుల్లో 7ఫోర్లు, 2 సిక్సర్లు) శతకంతో పాటు డస్సన్‌(95 ; 97 బంతుల్లో 4ఫోర్లు, 4 సిక్సర్లు) అర్దసెంచరీతో రాణించడంతో దక్షిణాఫ్రికా నిర్ణీత ఓవర్లలో 6 వికెట్ల నష్టానికి 325 పరుగులు చేసింది. వికెట్‌ కీపర్‌ డికాక్‌(52) హాఫ్‌ సెంచరీతో ఫర్వాలేదనిపించాడు. ఆసీస్‌ బౌలర్లలో నాథన్‌ లియాన్‌, స్టార్క్‌ తలో రెండు వికెట్లు పడగొట్టగా.. కమిన్స్‌, బెహ్రాన్‌డార్ఫ్‌లు చెరో రెండు వికెట్‌లు దక్కించుకున్నారు.     టాస్‌ గెలిచి బ్యాటింగ్‌ ఎంచుకున్న సఫారీకి ఓపెనర్లు శుభారంభాన్ని అందించారు. మక్రామ్‌, డికాక్‌లు తొలి వికెట్‌కు 79 పరుగులు జోడించారు. మక్రామ్‌(34)ను లియన్‌ ఔట్‌ చేసి తొలి వికెట్‌ భాగస్వామ్యానికి తెరదించాడు. ఈ సమయంలో క్రీజులోకి వచ్చిన సారథి డుప్లెసిస్‌ డికాక్‌తో కలిసి ఇన్నింగ్స్‌ నడిపించాడు. అర్దసెంచరీ అనంతరం డికాక్‌ను లియోన్‌ ఔట్‌ చేసి ఆసీస్‌కు బ్రేక్‌ ఇచ్చాడు. ఈ క్రమంలో డుప్లెసిస్‌కు జతగా డస్సన్‌ చేరాడు. వీరిద్దరూ మూడో వికెట్‌కు 155 పరుగులు జోడించి భారీ ఇన్నింగ్స్‌కు బాటలు వేశారు. సెంచరీ అనంతరం డుప్లెసిస్‌ అవుటైనా డస్సన్‌ తుది వరకు ఉండి సెంచరీ సాధించకుండానే చివరి బంతికి అవుటయ్యాడు.   

మాంచెస్టర్‌: ప్రపంచ కప్‌లో లీగ్‌ దశ ఆఖరి ఘట్టానికి చేరింది. శనివారం ఆస్ట్రేలియా-దక్షిణాఫ్రికా జట్ల మధ్య జరుగుతున్న మ్యాచే లీగ్‌లో చివరిది. దాంతో తొలి రెండు స్థానాల్లో నిలిచే జట్టేదో తేలిపోనుంది. డిఫెండింగ్‌ చాంపియన్‌గా బరిలోకి దిగిన ఆసీస్‌ టాప్‌ ప్లేస్‌లో కొనసాగుతోంది. దక్షిణాఫ్రికాపై ఆసీస్‌ గెలిస్తే టాప్‌ను కాపాడుకుంటుంది. ఈ మ్యాచ్‌లో టాస్‌ గెలిచిన దక్షిణాఫ్రికా ముందుగా బ్యాటింగ్‌ ఎంచుకుంది. ఇప్పటివరకూ ఇరు జట్ల ముఖాముఖి రికార్డుల పరంగా చూస్తే 99 వన్డేల్లో తలపడగా ఆసీస్‌ 48 మ్యాచ్‌ల్లో విజయం సాధించగా, దక్షిణాఫ్రికా 47 మ్యాచ్‌ల్లో గెలుపొందింది. మూడు మ్యాచ్‌లు టైగా ముగియగా, ఒక మ్యాచ్‌ రద్దయ్యింది. ప్రస్తుత వరల్డ్‌కప్‌లో భారత్‌తో మ్యాచ్‌ మినహా ఆస్ట్రేలియాకు టోర్నీలో ఎక్కడా సమస్య ఎదురు కాలేదు. ఇంగ్లండ్‌ రావడానికి ముందు ఎవరూ ఫేవరెట్‌గా పరిగణించని డిఫెండింగ్‌ చాంపియన్‌ ఒక్కసారిగా పుంజుకొని చెలరేగిపోయింది. ఓపెనర్లు వార్నర్‌ (516 పరుగులు), ఫించ్‌ (504) ఒకరితో మరొకరు పోటీ పడి జట్టుకు శుభారంభాలు అందిస్తున్నారు. మరొకవైపు బౌలింగ్‌ విభాగంలో కూడా ఆసీస్‌ తనదైన ముద్రతో దూసుకుపోతోంది. దాంతో కేవలం రెండు మ్యాచ్‌ల్లో మాత్రమే విజయం సాధించిన సఫారీలతో పోరులో ఆసీస్‌నే ఫేవరెట్‌గా బరిలోకి దిగింది.  మరి ఆసీస్‌ను దక్షిణాఫ్రికా ఎంతవరకూ నిలువరిస్తుందో చూడాలి.