మేం రోజు మాదిరిగానే పాఠశాలలో మధ్యాహ్న భోజనం చేశాం. అయితే ఒంటిగంటకు భోజనం చేసి తరగతి గదులకు వెళ్లి కూర్చున్నాం. కొంత సమయానికి కడుపు నొప్పి మొదలైంది. ఈ విషయం మొదట ఉపాధ్యాయులకు చెబితే లైట్‌గా తీసుకుని..పట్టించుకోలేదు. – మహేష్‌, 7వ తరగతి నాణ్యతగా ఉండదు.. మధ్యాహ్న భోజనం నాణ్యత లేకపోవడం వల్లనే అనారోగ్యానికి గురయ్యాం. ప్రతిరోజు కూడా మధ్యాహ్న భోజనంలో మెనూ పాటించడం లేదు. ఈ విషయమై ఉపాధ్యాయులకు చెప్పినా పట్టించుకోవడం లేదు. ఇప్పటికై నా వంట ఏజెన్సీని మార్చి నాణ్యమైన భోజనం అందించాలి. – జగదీశ్‌, 7వ తరగతి వెంటనే స్పందించాం.. విద్యార్థులు అస్వస్థతకు గురయ్యారని ఉపాధ్యాయులు సమాచారం అందించడంతో వెంటనే స్పందించి చికిత్స అందేలా చూశాం. అయితే విద్యార్థులు అస్వస్థతకు గురవడానికి కారణం మధ్యాహ్న భోజనమా అనేది ఇంకా తేలలేదు. దీనిపై స్పష్టత వచ్చిన తర్వాత బాధ్యులపై చర్యలు తీసుకుంటాం. – మురళీధర్‌రెడ్డి, హెచ్‌ఎం ●

జెడ్పీసెంటర్‌(మహబూబ్‌నగర్‌): జిల్లాలో ఔత్సాహిక పారిశ్రామికవేత్తలను ప్రోత్సహిస్తూ టీిజీ ఐపాస్‌ ద్వారా పరిశ్రమల స్థాపనకు వివిధ శాఖల నుంచి మంజూరు చేయాల్సిన అనుమతులను నిర్దేశిత గడువులోగా మంజూరు చేసేలా చర్యలు తీసుకోవాలని కలెక్టర్‌ విజయేందిర అన్నారు. బుధవారం కలెక్టరేట్‌లోని సమావేశ మందిరంలో పరిశ్రమల శాఖ ఆధ్వర్యంలో ఏర్పాటు చేసిన జిల్లా పరిశ్రమల ప్రోత్సాహక కమిటీ సమావేశానికి హాజరై ఆమె మాట్లాడారు. టీఫ్రైడ్‌ ద్వారా షెడ్యూల్డ్‌ కులాల వారికి ట్రాక్టర్‌ అండ్‌ ట్రైలర్‌ వాహనాలు 9 మందికి, షెడ్యూల్డ్‌ తెగల వారికి 8 మందికి ట్రాక్టర్‌ అండ్‌ ట్రైలర్స్‌కు, టాటా ఏస్‌, మారుతి డిజైర్‌ వాహనాలకు, పెట్టుబడి సబ్సిడీ, సర్వీస్‌ సెక్టార్‌ ఒకరికి పావలా వడ్డీ మంజూరుకు కమిటీలో ఆమోదం తెలిపారు. కార్యక్రమంలో జిల్లా పరిశ్రమల జనరల్‌ మేనేజర్‌ ప్రతాప్‌, ఎల్‌డీఎం భాస్కర్‌, భూగర్భజల వనరుల శాఖ డీడీ రమాదేవి, కాలుష్య నియంత్రణ మండలి పర్యావరణ ఇంజనీర్‌ సురేష్‌, మోటార్‌ వెహికిల్‌ ఇన్‌స్పెక్టర్‌ రఘు పాల్గొన్నారు. మాతృ మరణాలను తగ్గించాలి జిల్లాలో మాతృ మరణాలను తగ్గించేందుకు చర్యలు తీసుకోవాలని కలెక్టర్‌ విజయేందిర ఆదేశించారు. మాతృమరణాలపై వైద్యాధికారులతో జరిగిన సమీక్షలో ఆమె మాట్లాడారు. ఆశ కార్యకర్తల నుంచి జిల్లా వైద్యాధికారుల వరకు అందరు అప్రమత్తంగా ఉండాలన్నారు.డీఎంహెచ్‌ఓ కృష్ణ, సంక్షేమాధికారి జరీనాబేగం, పీఓఎంహెచ్‌ఎన భాస్కర్‌నాయక్‌ పాల్గొన్నారు. సర్వే వివరాలు జాగ్రత్తగా నమోదు చేయాలి జెడ్పీసెంటర్‌(మహబూబ్‌నగర్‌): సమగ్ర ఇంటింటి కుటుంబ సర్వే వివరాలను డేటా ఎంట్రీ జాగ్రత్తగా నిర్వహించాలని కలెక్టర్‌ విజయేందిర అన్నారు. బుధవారం కలెక్టరేట్‌లోనీ మీటింగ్‌ హాల్‌లో డేటా ఎంట్రీ ఆపరేటర్లకు శిక్షణ ఇచ్చారు. బుధవారం సాయంత్రం మండల లాగిన్‌లకు యాజర్‌ ఐడీ పాస్‌వర్డ్‌లను ఈడీఎం ఇవ్వనున్నట్లు చెప్పారు. సాయంత్రం డేటా ఎంట్రీ డెమో నిర్వహించి వివరాలు నమోదు చేయాలన్నారు. గ్రామాల్లో నిర్వహించిన సర్వే వివరాలను ఎన్యుమరేటర్‌లు డేటా ఎంట్రీ చేయాలన్నారు. ఆ వివరాలను గొప్యతగా ఉంచాలన్నారు. సమావేశంలో అడిషనల్‌ కలెక్టర్‌ శివేంద్రప్రతాప్‌ తదితరులు పాల్గొన్నారు.

జడ్చర్ల: ఉదండాపూర్‌ నిర్వాసితులకు న్యాయం చేయాలని ఎంపీ డీకే అరుణ ప్రభుత్వాన్ని డిమాండ్‌ చేశారు. బుధవారం ఆమె ఉదండాపూర్‌లో జరిగిన కార్యక్రమంలో నిర్వాసితుల సమస్యలను అడిగి తెలుసుకున్నారు. ఈ సందర్భంగా ఆమె మాట్లాడుతూ స్థానిక ఎమ్మెల్యే అనిరుధ్‌రెడ్డి హామీ ఇచ్చిన విధంగా ఆర్‌అండ్‌ఆర్‌ ప్యాకేజీ రూ.25 లక్షలు ఇవ్వాలని డిమాండ్‌ చేశారు. కుటుంబంలో మేజర్‌లకు కూడా ఆర్‌అండ్‌ఆర్‌ ప్యాకేజీ వర్తించేవిధంగా చర్యలు తీసుకోవాలన్నారు. భూపరిహారం పెంచి రైతులకు న్యాయం చేయాలని, గతంలో ప్రకటించిన ధరలకు ప్రస్తుత భూముల ధరలకు భారీ వ్యత్యాసం ఉందన్నారు. ప్రస్తుత భూముల ధరలకు అనుగుణంగా పరిహారం పెంచి ఇవ్వాలన్నారు. నిర్వాసితులు ఐకమత్యంగా ఉండి తమ డిమాండ్లను నెరవేర్చుకోవాలని కోరారు. నిర్వాసితుల తరుఫున తాము పోరాడుతామని పేర్కొన్నారు. తాను మంత్రిగా ఉన్న సమయంలోనే పాలమూరు–రంగారెడ్డి ప్రాజెక్ట్‌ సర్వేకు నిధులు మంజూరు చేశామని గుర్తు చేశారు. జూరాల నుంచి ప్రాజెక్ట్‌ను మొదలు పడితేనే మహబూబ్‌నగర్‌ పార్లమెంట్‌ పరిధిలో ప్రతి ఎకరాకు సాగునీరు అందే అవకాశం ఉందన్నారు. కానీ బీఆర్‌ఎస్‌ ప్రభుత్వం డీపీఆర్‌ మార్చిందన్నారు. నిర్వాసితుల సమస్యలను సంబంధిత మంత్రి ఉత్తమ్‌కుమార్‌రెడ్డి దృష్టికి తీసుకెళ్తామని పేర్కొన్నారు. రైతులకు పూర్తిస్థాయిలో న్యాయం చేసిన తర్వాతే ప్రాజెక్ట్‌ పనులు మొదలు పెట్టాలని కోరారు. కార్యక్రమంలో బీజేపీ మహిళా మోర్చ అధ్యక్షురాలు సాహితీ, జిల్లా ప్రధాన కార్యదర్శి శ్రీనివాస్‌గౌడ్‌ తదితరులు పాల్గొన్నారు.

మక్తల్‌/మాగనూర్‌: మాగనూర్‌ జిల్లా పరిషత్‌ ఉన్నత పాఠశాలలో మధ్యాహ్న భోజనం తిని 100 విద్యార్థులు ఫుడ్‌పాయిజన్‌కు గురికావడం ఆందోళనకరంగా మారింది. బుధవారం మధ్యా హ్న భోజనంలో అన్నం, పప్పు, గుడ్డు పెట్టారు. ఇది తిన్న కొద్దిసేపటికి ఒక్కొక్కరుగా విద్యార్థులు తీవ్రమైన కడుపు నొప్పితో బాధపడుతూ విలవిలలాడారు. అయితే మొదట తేలికగా తీసుకున్న ఉపాధ్యాయులు.. బాధితులు పెరగడంతో ఏఎన్‌ఎం, ఆశాలను పాఠశాలకు పిలిపించి చికిత్స అందించారు. వారు విద్యార్థుల పరిస్థితిని గమనించి స్థానిక పీహెచ్‌సీ డాక్టర్‌ను సైతం పాఠశాలకు పిలిపించారు. ఆయన 17 మంది విద్యార్థులకు చికిత్స అందించి.. అందులో 15 మందిని మెరుగైన వైద్యం కోసం మక్తల్‌ ప్రభుత్వ ఆస్పత్రి.. అక్కడి నుంచి మహబూబ్‌నగర్‌ జనరల్‌ ఆస్పత్రికి తరలించారు. వీరిలో ప్రియాంక, నందిని, అనిల్‌, నవ్య, మేఘన, శివ, జగదీశ్‌, మహేష్‌, విజయ్‌, భీమశంకర్‌, రాకేష్‌, విజయ్‌కుమార్‌, మధు, ప్రశాంతి, శివసాయి ఉన్నారు. అపరిశుభ్రంగా వంట గది.. విద్యార్థులకు వంట చేసేందుకు నిర్మించిన వంట గదితో పాటు పరిసరాలు కూడా అపరిశుభ్రంగా ఉన్నాయి. చెత్తాచెదారం మొత్తం అక్కడే వేస్తున్న పరిస్థితులు కనిపించాయి. వంట చేసేందుకు వినియోగించిన కూరగాయలు, కారం పొడి తదితర సామగ్రి మొత్తం వంట ఏజెన్సీ వారు ఎప్పటికప్పుడు బయటి నుంచి తీసుకువస్తున్నారని, మెనూ పాటించడం లేదని విద్యార్థులు వాపోయారు. అయితే ఎన్నో ఏళ్ల నుంచి వీరే వంట చేస్తున్నారని, వీరిని మార్చాలని డిమాండ్‌ చేస్తున్నా.. ఉపాధ్యాయులు మాత్రం వారికే వత్తాసు పలుకుతున్నారని ఆరోపణలు ఉన్నాయి. పాఠశాలలో విద్యార్థులకు శుద్ధి నీరు అందించే ఫిల్టర్‌ వాటర్‌ మిషన్‌ సైతం మరమ్మతుకు గురైనా బాగు చేయకపోవడంతో.. నిత్యం మిషన్‌ భగీరథ నీరు తాగుతున్నారు. మక్తల్‌ ఆస్పత్రిలో చికిత్స పొందుతున్న విద్యార్థులు వంద మంది విద్యార్థులకు ఫుడ్‌ పాయిజన్‌.. 15 మందికి సీరియస్‌

సాక్షి ప్రతినిధి, మహబూబ్‌నగర్‌: ‘తెలంగాణ ఏర్పాటైన తర్వాత కేసీఆర్‌ మంజూరు చేసిన మొట్టమొదటి ప్రాజెక్ట్‌ పాలమూరు ఎత్తిపోతల. ఆ ప్రాజెక్ట్‌ను అడ్డుకోవడానికి కోర్టులో కేసులు వేసి భూసేకరణ కాకుండా అడ్డుకుంది కాంగ్రెస్‌ పార్టీ. అయినా సరే పాలమూరు ఎత్తిపోతల ప్రాజెక్టు పూర్తి చేసి ఈ ప్రాంతాన్ని సస్యశ్యామలం చేయడానికి కేసీఆర్‌ కృషి చేశారు’ అని మాజీమంత్రి, సిద్దిపేట ఎమ్మెల్యే తన్నీరు హరీశ్‌రావు అన్నారు. చిన్నచింతకుంట మండలం అమ్మాపూర్‌లోని కురుమూర్తిస్వామిని బుధవారం ఆయన దర్శించుకున్నారు. ఉమ్మడి జిల్లాకు చెందిన మాజీ మంత్రులు శ్రీనివాస్‌గౌడ్‌, నిరంజన్‌రెడ్డి, ఎమ్మెల్సీ నవీన్‌రెడ్డి, మాజీ ఎమ్మెల్యేలు ఆల వెంకటేశ్వర్‌రెడ్డి, లక్ష్మారెడ్డి, గువ్వల బాలరాజు, చిట్టెం రామ్మోహన్‌రెడ్డి, గువ్వల బాలరాజు, నాయకులు ఆర్‌ఎస్‌ ప్రవీణ్‌కుమార్‌, మన్నె శ్రీనివాస్‌రెడ్డి, రజినీ తదితరులతో కలిసి స్వామికి మొక్కులు చెల్లించుకున్నారు. అనంతరం స్థానికంగా నిర్వహించిన విలేకరుల సమావేశంలో హరీశ్‌రావు మాట్లాడారు. 50 ఏళ్లు కాంగ్రెస్‌, 16 ఏళ్లు టీడీపీ ఈ జిల్లాకు తాగు, సాగునీరు ఇవ్వలేదు. కేసీఆర్‌ సీఎం అయిన తర్వాతే పెండింగ్‌ ప్రాజెక్ట్‌లను రన్నింగ్‌ ప్రాజెక్ట్‌లుగా మార్చాం. కల్వకుర్తి, నెట్టెపాండు, భీమా, కోయిల్‌సాగర్‌ కింద రూ.4 వేల కోట్లు ఖర్చు పెట్టి ఆరున్నర లక్షల ఎకరాలకు నీళ్లందించాం అని తెలిపారు. ఇంకా హరీశ్‌రావు ఏమన్నారో ఆయన మాటల్లోనే.. ‘కాంగ్రెస్‌, టీడీపీలు పాలమూరును వలసల జిల్లాగా మారిస్తే.. వలసలను వాపస్‌ తెచ్చిన చరిత్ర కేసీఆర్‌, బీఆర్‌ఎస్‌ పార్టీదే.. మిషన్‌ కాకతీయ ద్వారా చెరువులు బాగు చేయడం, ప్రాజెక్టులు, చెక్‌ డ్యాంలు కట్టడం వల్ల భూగర్భజలాలు పెరిగి ఈ రోజు వ్యవసాయం పండుగగా మారింది. రైతుల క్షేమం కోసం లక్షల కోట్లు ఖర్చు చేసిన నాయకుడు కేసీఆర్‌. పాలమూరు పేరును చెడగొడుతున్నారు.. రేవంత్‌రెడ్డికి వచ్చేది రెండే. ఒకటి దేవుళ్ల మీద ఒట్లు పెట్టడం. మరొకటి ప్రతిపక్షాన్ని తిట్టడం. రైతులకు రూ.15 వేల రైతుబంధు ఇస్తానని చెప్పి ఇవ్వలేదు. అన్ని రకాల పంటలకు బోనస్‌ అంటూ మోసం చేశారు. రైతు కూలీలకు రూ.12 వేలు అంటూ ఇంతవరకు ఒక్క రూపాయి ఇవ్వలేదు. మహబూబ్‌నగర్‌ జిల్లా ప్రజలు ఎంతో ఆత్మీయలు. కానీ పాలమూరు పేరును రేవంత్‌రెడ్డి చెడగొడుతున్నారు. రేవంత్‌ సీఎం అయ్యారంటే కేసీఆర్‌ భిక్షనే.. రైతులకు రూ.41 వేల కోట్లు రుణమాఫీ చేస్తామని చెప్పి.. ఆ తర్వాత రూ.31వేల కోట్లు అని, అనంతరం బడ్జెట్‌లో రూ.26 వేల కోట్లు మాత్రమే పెట్టారు. చివరకు చేసింది ఎంత అంటే రూ.17 వేల కోట్లు. 42 లక్షల మంది రైతులకు రుణమాఫీ చేస్తామని మాటిచ్చి 20 లక్షల మందికి మాత్రమే చేశారు. సగం కంటే రుణ మాఫీ కాలేదు. త్యాగాల పునాదుల మీద తెలంగాణ తెచ్చిండు కేసీఆర్‌. రైతులకు మేలు జరుగుతుందంటే నా ఎమ్మెల్యే పదవిని సైతం వదులు కోవడానికి సిద్ధపడ్డాను. కానీ పూర్తి రుణమాఫీ చేయడంలో రేవంత్‌రెడ్డి విఫలమయ్యారు. కేసీఆర్‌కు రేవంత్‌రెడ్డికి నక్కకు నాగలోకానికి ఉన్న వ్యత్యాసం ఉంది. ఈ రాష్ట్రానికి రేవంత్‌ సీఎం అయ్యావంటే అది కేసీఆర్‌ పెట్టిన భిక్షనే. హైడ్రా మూసీ పేరుతో ఇళ్లను కూలగొట్టడమే తప్ప ఇల్లు కట్టడం తెలియదు రేవంత్‌రెడ్డికి. ప్రజలపై ఆగ్రహం చూపొద్దని మొక్కా.. కురుమూర్తి స్వామి దర్శించుకోవడం చాలా సంతోషంగా ఉంది. పాలకుడే దేవుడి మీద ఒట్టు పెట్టి మాట తప్పితే దైవాగ్రహానికి గురవుతాం. రేవంత్‌రెడ్డి చేసిన పాపానికి ఆ స్వామిని దర్శించుకుని క్షమించమని, ప్రజలపై ఆగ్రహం చూపొద్దని మొక్కా. రాష్ట్రం సుభిక్షంగా ఉండాలని, రాష్ట్రాన్ని పాలించే పాలకుడు ప్రజలను మోసం చేయకుండా ఉండాలని ఆ దేవుడిని ప్రార్థించా. మళ్లీ కేసీఆర్‌ రావాలని ప్రజలు ఎదురుచూస్తున్నారు. ఎన్నికలు రావాలని కోరుకోవడం లేదు.. ఎప్పుడు వస్తే అప్పుడు 100 సీట్లతో కేసీఆర్‌ను గెలిపిస్తారు.’ రైతు సీఎం కేసీఆర్‌..బూతుల సీఎం రేవంత్‌ రేవంత్‌రెడ్డి వరంగల్‌లో సోనియాగాంధీని దేవతన్నారు. టీడీపీలో ఉన్నప్పుడు సోనియాగాంధీని బలిదేవత అన్నారు. ఏ ఎండకు ఆ గొడుగు పడుతావు. మాట తప్పుడే రేవంత్‌రెడ్డి డీఎన్‌ఏలో ఉంది. ఏ విషయంలో కూడా మాట మీద నిలబడలేదు. ఆరు గ్యారెంటీలు అమలుకాలేదు. వృద్ధులకు రూ.4 వేల పెన్షన్‌, రూ.2500 మహిళలకు ఇస్తానని చెప్పి నెరవేర్చలేదు. రేవంత్‌రెడ్డి వచ్చిన తర్వాత రైతు బంధు రాలేదు. కేసీఆర్‌ కిట్‌, న్యూట్రిషన్‌కిట్‌, బతుకమ్మ చీరలు, గొర్రెల పంపిణీ, బీసీ బంధు, దళిత బంధు, ముదిరాజ్‌లు చేపల పిల్లలను కోల్పోయారు. కరోనా సమయంలో మంత్రుల, ఎమ్మెల్యేల జీతాలు బంద్‌పెట్టి రైతులకు రైతుబంధు ఇచ్చిన గొప్ప నాయకుడు కేసీఆర్‌. అప్పుడు వచ్చిన రైతుబంధు ఇప్పుడు ఎందుకు రావడం లేదు ? కేసీఆర్‌ తన హయాంలో రైతుల కోసం 24 గంటల కరెంట్‌ ఇచ్చారు, వాగులపై చెక్‌డ్యాంలు కట్టారు. అన్ని రంగాల్లో తెలంగాణను అభివృద్ధి పథంలో నడిపారు. రైతు సీఎం కేసీఆర్‌ అయితే, బూతుల సీఎం రేవంత్‌రెడ్డి అంటూ ఎద్దేవా చేశారు. రూ.4వేల కోట్ల వ్యయంతో6.50 లక్షల ఎకరాలకు నీరిచ్చాం.. పెండింగ్‌ ప్రాజెక్ట్‌లను రన్నింగ్‌ ప్రాజెక్ట్‌లుగా మార్చాం.. ఈ ప్రభుత్వం ఒక్క హామీని పూర్తిగా నెరవేర్చలేదు మాజీ మంత్రి తన్నీరు హరీశ్‌రావు మాజీమంత్రులు శ్రీనివాస్‌గౌడ్‌, నిరంజన్‌రెడ్డితో కలిసి కురుమూర్తిస్వామికి మొక్కులు.. మార్గమధ్యలో ధాన్యం కేంద్రాల్లో రైతులతో మాటామంతీ.. కొనుగోళ్ల తీరుపై ఆరా

మహబూబ్‌నగర్‌ రూరల్‌: అంతర్జాతీయ దివ్యాంగుల దినోత్సవాన్ని పురస్కరించుకుని మహిళా, శిశు, దివ్యాంగులు, వయోవృద్ధుల సంక్షేమశాఖ ఆధ్వర్యంలో బుధవారం జిల్లా కేంద్రంలోని స్టేడియం గ్రౌండ్‌లో జిల్లా సంక్షేమశాఖ అధికారి జరీనాబేగం, డీఎంహెచ్‌ఓ డాక్టర్‌ కృష్ణ, జిల్లా స్పోర్ట్స్‌ అథారిటీ అధికారి శ్రీనివాస్‌, అదనపు జిల్లా రూరల్‌ అభివృద్ధి అధికారి జోజప్ప జెండా ఊపి దివ్యాంగుల క్రీడలను ప్రారంభించారు. పోటీల్లో అంధుల సీనియర్‌ విభాగంలో ఎండీ ఇలియాన షాట్‌పుట్‌, జూనియర్‌ విభాగంలో అంకిత, శివకుమార్‌, చెస్‌ విభాగంలో కార్తీక్‌, అజయ్‌కుమార్‌ విజేతలుగా నిలిచారు. శారీరక దివ్యాంగుల విభాగంలో సుగుణ, స్ఫూర్తి, షాట్‌పుట్‌లో నందు, క్యారమ్స్‌లో నందుకుమారి, రజియాబేగం, పారిజాత, చెస్‌ నందు విజేతలుగా నిలిచారు. పురుషుల విభాగంలో శేఖర్‌, ఎ.వెంకటేష్‌ గెలుపొందారు. బధిరుల విభాగంలో సి.సునీత, స్వరూప, లక్ష్మిప్రియ, సువర్ణ ప్రథమస్థానంలో నిలిచారు. క్రీడా పోటీలలో బ్రహ్మ మానసిక వికలాంగుల పాఠశాల విద్యార్థులు, సన్నిధి దివ్యాంగుల పాఠశాల విద్యార్థులు, అంధుల ఆశ్రమ పాఠశాల విద్యార్థులు ఉత్సాహంగా పాల్గొన్నారు.

జెడ్పీసెంటర్‌(మహబూబ్‌నగర్‌): బీసీ కమిషన్‌ ప్రతినిధి బృందం ఈనెల 22వ తేదీన జిల్లాలో పర్యటించనుంది. జిల్లా కలెక్టరేట్‌లోని మీటింగ్‌హాల్‌లో బహిరంగవిచారణ చేపట్టనున్నట్లు కలెక్టర్‌ విజయేందిర బుధవారం ఓ ప్రకటనలో తెలిపారు. సామాజిక, విద్య, వెనుకబడిన తరగతుల పరిస్థితులను తెలసుకుకోవడానికి జిల్లాకు రానున్నట్లు పేర్కొన్నారు. బీసీ కమిషన్‌ చైర్మన్‌ నిరంజన్‌ నేతృత్వంలో సభ్యులు జయప్రకాష్‌, సురేందర్‌, బాలలక్ష్మి రానున్నట్లు తెలిపారు. మహబూబ్‌నగర్‌, నాగర్‌కర్నూల్‌, గద్వాల, వనపర్తి, నారాయణపేట జిల్లాలకు చెందిన ప్రజాప్రతినిధులు, రాజకీయ పార్టీలు బీసీ సంఘాలు, సంచార జాతులు, ప్రజలు, బీసీ వర్గాలు విద్య, ఉద్యోగాలు, రాజకీయల్లో అవసరమైన రిజర్వేషన్లు, దామాషాపై అభిప్రాయాలు తెలియజేయవచ్చని సూచించారు. ఉదయం 10 గంటలకు మహబూబ్‌నగర్‌, 11 గంటలకు నాగర్‌కర్నూల్‌ జిల్లా, మధ్యాహ్నం 12 గంటలకు వనపర్తి జిల్లా, 2 గంటలకు జోగుళాంబ గద్వాల జిల్లా, 3 గంటలకు నారాయణపేట జిల్లాకు చెందిన వారు అభిప్రాయాలు తెలపవచ్చని పేర్కొన్నారు. సరిఫికెట్ల పరిశీలన జెడ్పీసెంటర్‌(మహబూబ్‌నగర్‌): టీజీపీఎస్సీ నిర్వహించిన గ్రూప్‌–4 పరీక్షలో ఎంపికై న రెవెన్యూ శాఖకు కేటాయించిన అభ్యర్థుల సర్టిఫికెట్లను జాగ్రత్తగా పరిశీలించాలని డీఆర్‌ఓ రవి అన్నారు. బుధవారం కలెక్టరేట్‌లోని వీసీ హాల్‌లో సర్టిఫికెట్ల పరిశీలనను ఆయన తనిఖీ చేశారు. ఎంపికై న 38 మందికి సమాచారం ఇచ్చామని, సర్టిఫికెట్ల పరిశీలన గురువారం కూడా కొనసాగనున్నట్లు తెలిపారు. కార్యక్రమంలో కలెక్టరేట్‌ ఏఓ శంకర్‌, తదితరులు పాల్గొన్నారు. 24న జిల్లా మహిళా కబడ్డీ జట్టు ఎంపిక మహబూబ్‌నగర్‌ క్రీడలు: జిల్లాకేంద్రంలోని మెయిన్‌ స్టేడియంలో ఈనెల 24వ తేదీన ఉదయం 9 గంటలకు జిల్లా మహిళా కబడ్డీ జట్టు ఎంపికలు నిర్వహిస్తున్నట్లు జిల్లా కబడ్డీ సంఘం అధ్యక్ష, కార్యదర్శులు బి.శాంతికుమార్‌, కురుమూర్తిగౌడ్‌ బుధవారం ఓ ప్రకటనలో తెలిపారు. ఎంపికయ్యే జిల్లా జట్టు వచ్చే నెల 7 నుంచి 10 వరకు లాల్‌బహదూర్‌ స్టేడి యంలో జరిగే రాష్ట్రస్థాయి కబడ్డీ టోర్నీలో పాల్గొనాల్సి ఉంటుందని పేర్కొన్నారు. ఎంపికలకు హాజరయ్యే మహిళలు జిల్లావాసులై ఉండాలని, మిగతా వివరాల కోసం 94914 89852 నంబర్‌ను సంప్రదించాలని కోరారు. ఆర్‌ఎన్‌ఆర్‌ క్వింటాల్‌ రూ.2,919 జడ్చర్ల: బాదేపల్లి మార్కెట్‌లో ఆర్‌ఎన్‌ఆర్‌ క్వింటాల్‌ గరిష్టంగా రూ.2,919, కనిష్టంగా రూ.1,506 ధరలు దక్కాయి. ఈ ఏడాది గరిష్టంగా ఇంత ధర రావడం ఇదే మొదటిసారి. అదేవిధంగా మొక్కజొన్న క్వింటాల్‌ గరిష్టంగా రూ.2,413, కనిష్టంగా రూ.1,831, హంస రకం గరిష్టంగా రూ.2,116, కనిష్టంగా రూ.1,837, పత్తి గరిష్టంగా రూ.6,689, కనిష్టంగా రూ.6,289, వేరుశనగ గరిష్టంగా రూ.6,530, కనిష్టంగా రూ.5,661, రాగులు రూ.2,229, జొన్నలు రూ.5,172 ధరలు లభించాయి. బాధ్యతలు స్వీకరించిన డీఈఓ మహబూబ్‌నగర్‌ ఎడ్యుకేషన్‌: నూతన జిల్లా విద్యాశాఖ అధికారిగా ప్రవీణ్‌కుమార్‌ బుధవారం బాధ్యతలు స్వీకరించారు. గతంలో డీఈఓగా ఉన్న రవీందర్‌ లంచం తీసుకుంటూ ఇటీవల ఏసీబీ అధికారులు చిక్కారు. దీంతో ఆయన స్థానంలో వికారాబాద్‌ జిల్లా విద్యాశాఖలో అడిషనల్‌ డైరెక్టర్‌గా విధులు నిర్వహిస్తున్న ప్రవీణ్‌కుమార్‌ను జోగుళాంబ గద్వాల, మహబూబ్‌నగర్‌ జిల్లాలకు ఇన్‌చార్జి డీఈఓగా నియమించారు.ఈ సందర్భంగా ఆయనకు బీసీటీఏ, టీపీఆర్టీయూ, ప్రైవేటు స్కూల్స్‌ అసోసియేషన్‌ ఆధ్వర్యంలో శుభాకాంక్షలు తెలిపారు.

నాగర్‌కర్నూల్‌/ తెలకపల్లి/ పెద్దకొత్తపల్లి: ఇందిరా మహిళా శక్తి పథకం ద్వారా స్వయం సహాయక సంఘాల సభ్యులను పారిశ్రామికవేత్తలుగా తీర్చిదిద్దాలని కలెక్టర్‌ బదావత్‌ సంతోష్‌ అన్నారు. రాష్ట్ర ప్రభుత్వం ప్రతిష్టాత్మకంగా అమలు చేస్తున్న ఇందిరా మహిళా శక్తి పథకం లక్ష్యాన్ని చేరుకోవాలని గ్రామీణాభివృద్ధి సంస్థ, శ్రీనిధి, డీపీఎంలు, ఏటీఎంలు, కమ్యూనిటీ కోఆర్డినేటర్లను కలెక్టర్‌ ఆదేశించారు. బుధవారం సాయంత్రం కలెక్టరేట్‌ సమావేశ మందిరంలో ఇందిరా మహిళా శక్తి పథకం అమలు తీరుపై సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ మహిళలను కోటీశ్వరులను చేయాలనేది రాష్ట్ర ప్రభుత్వ లక్ష్యమని.. ఈ మేరకు వ్యక్తిగత, గ్రూప్‌ల వారీగా మహిళా సంఘాలకు బ్యాంకుల ద్వారా రుణాలు అందించాలన్నారు. ప్రతినెలా టార్గెట్‌ నిర్ణయించి, ముందుకు వెళ్లాలని సూచించారు. సమావేశంలో డీఆర్‌డీఓ చిన్న ఓబులేసు, లీడ్‌ బ్యాంకు మేనేజర్‌ శ్రీనివాస్‌, శ్రీనిధి అదనపు పీడీ లక్ష్మీనారాయణ పాల్గొన్నారు. క్షేత్రస్థాయిలో పరిశీలన.. తెలకపల్లితోపాటు వట్టిపల్లి, నాగర్‌కర్నూల్‌ మండలంలోని పెద్దముద్దునూర్‌, పెద్దకొత్తపల్లి మండలంలోని సాతాపూర్‌ గ్రామాల్లో కలెక్టర్‌ పర్యటించారు. ఈ సందర్భంగా వట్టిపల్లిలో ఇందిరా మహిళా శక్తి పథకం, శ్రీనిధి, బ్యాంక్‌ లింకేజీ రుణాలతో ఏర్పాటు చేసిన యూనిట్లను పరిశీలించారు. పెద్దముద్దునూర్‌లో శ్రీరామమిల్క్‌ పార్లర్‌, హార్డ్‌వేర్‌, ఫొటోస్టూడియో దుకాణాలను సందర్శించి వివరాలు తెలుసుకున్నారు. సాతాపూర్‌, వట్టిపల్లిలో కోడిపిల్లల పెంపక కేంద్రం, తెలకపల్లిలో లేడీస్‌ టైలర్‌, డ్రైక్లీనింగ్‌ రోలింగ్‌ సెంటర్‌, మానస కమ్యూనికేషన్‌, హనుమాన్‌ ఫ్లెక్సీ సెంటర్ల పరిశీలించారు. ఈ సందర్భంగా కలెక్టర్‌ మాట్లాడుతూ ఇందిరా మహిళా శక్తి పథకం ద్వారా జిల్లాలో పెరటి కోళ్ల పెంపకాన్ని విస్తృతంగా చేపట్టాలని అధికారులకు సూచించారు. అలాగే 12 రకాల వ్యాపార యూనిట్ల ఏర్పాటుకు మహిళలకు అవసరమైన సంపూర్ణ సహకారం అందిస్తున్నామని, ఇందులో మీ సేవా, ఆహార శుద్ధి కేంద్రాలు, పౌల్ట్రీ తదితర యూనిట్లు అందుబాటులో ఉన్నాయని, వీటిని సద్వినియోగం చేసుకోవాలని సూచించారు. కార్యక్రమంలో శ్రీనిధి ఏపీడీ లక్ష్మీనారాయణ, డీపీఎం అరుణాదేవి, వెంకటేష్‌, ఏపీఎం నిరంజన్‌ తదితరులు పాల్గొన్నారు. స్వయం సహాయక సంఘాల సభ్యులు పారిశ్రామికవేత్తలుగా తీర్చిదిద్దాలి నాగర్‌కర్నూల్‌ కలెక్టర్‌ బదావత్‌ సంతోష్‌

ఫుడ్‌ పాయిజన్‌కు గురైన విద్యార్థుల పట్ల ఉపాధ్యాయులు దారుణంగా ప్రవర్తించినట్లు తెలిసింది. కడుపు నొప్పి మొదలైన వెంటనే విద్యార్థులు విషయాన్ని ఉపాధ్యాయుల దృష్టికి తీసుకెళ్లగా.. తరగతి గదిలో ఉంచి ప్లాస్టిక్‌ పైపుతో కొట్టి బెదిరించినట్లు కొందరు విద్యార్థులు పేర్కొన్నారు. అయితే 3 గంటల తర్వాత విద్యార్థులు వాంతులు, విరేచనాలు చేసుకోవడంతో అప్పుడు వైద్యసిబ్బందికి సమాచారం చేరవేశారని ఆరోపించారు. అయితే పాఠశాలలో మొత్తం 598 మంది విద్యార్థులు ఉండగా.. బుధవారం 426 మంది హాజరయ్యారని హెచ్‌ఎం మురళీధర్‌రెడ్డి తెలిపారు. సాయంత్రం ఫుడ్‌ ఇన్‌ఫెక్షన్‌ అధికారులు నీలమ్మ, శ్రీనివాసులు పాఠశాలను సందర్శించి.. నమూనాలు సేకరించారు.

నవాబుపేట: శామగడ్డతండా ఉదండాపూర్‌ రిజర్వాయర్‌లో ముంపునకు గురవుతోంది. దీంతో తండావాసులు ఇళ్లు, భూములు కోల్పోతామన్న బాధ తోనే కొన్నేళ్లుగా కాలం గడుపుతూ వచ్చారు. ప్రాజె క్టు పూర్తి కావస్తుందని.. ఇక ఇళ్లు వదిలి పోవాల్సి వస్తుందనే భయంతో ఇంతకాలం పండుగలకు దూ రంగా ఉన్నారు. తాజాగా ప్రాజెక్టు పనులు నిలిచి పోవడం.. పైగా ముంపునకు గురైతే వచ్చే పరిహా రం సైతం ఇటీవల అందడంతో రెండేళ్లకోసారి జరు పుకొనే తుల్జాభవాని పండుగను బుధవారం ఘనంగా జరుపుకొన్నారు. తండాలో ఏ ఇంట చూసినా పండుగ వాతావరణం కనిపించటం విశేషం. ● ప్రతి కుటుంబానికి రూ.16 లక్షలు.. ఆ ఇంట్లో పెళ్లయిన కుమారులు ఉంటే వారికి కూడా రూ.16 లక్షలు, పెళ్లిడుకు వచ్చిన ఆడపిల్ల ఉండే రూ.8 లక్షల చొప్పున పరిహారం చెల్లించారు. ఈ లెక్కన ప్రతి ఇంటికి సుమారుగా రూ.32 లక్షలకు తగ్గకుండా పరిహారం అందింది. మా కుటుంబానికి రూ.16 లక్షలు.. తండాలో చాలామందిమి హైదరాబాద్‌లోనే ఉంటు న్నాం. తండా ప్రాజెక్టులో ముంపునకు గురవుతుంద న్న విషయం తెలియడంతో తండాను వదిలిపోవాలని నిర్ణయించుకొని పనులు చేసుకుంటున్నాం. తాజాగా వచ్చిన పరిహారంతో ఎక్కడైనా నివా సం ఏర్పాటు చేసుకోవాలని ఆలోచిస్తున్నారు. – దశరత్‌నాయక్‌, శామగడ్డతండా పండుగ జరుపుకోక ఏళ్లయింది.. పండుగ జరుపుకోక ఏళ్లవుతోంది. గతంలో ఓసారి కరోనా.. మరోసారి ఊరు పోతుందన్న భయంతో పండగకు దూరమయ్యాం. తాజాగా పరిహారం అందడం.. పైగా ప్రాజెక్టు పనులు నిలిచిపోవడంతో కాస్త ఉపశమనం కలిగి బాధలను దిగమింగుకొని పండుగ జరుపుకొంటున్నాం. పూర్తిస్థాయిలో ఒక్కసారి పరిహారం అందిస్తే ఏదైన ఉపాధి మార్గం చూసుకుంటాం. – నరేందర్‌, శామగడ్డతండా

జెడ్పీసెంటర్‌(మహబూబ్‌ నగర్‌): ప్రభుత్వ తప్పిదాలను ప్రశ్నిస్తున్న బీఆర్‌ఎస్‌ నాయకులపై ప్రభుత్వం అక్రమ కేసులు పెట్టి వేధిస్తుందని మాజీ మంత్రి తన్నీరు హరీశ్‌రావు అన్నారు. జైలు నుంచి విడుదల ఆయిన మాజీ మంత్రి శ్రీనివాస్‌గౌడ్‌ తమ్ముడు శ్రీకాంత్‌గౌడ్‌ను బుధవారం శ్రీనివాస్‌గౌడ్‌ ఇంట్లో హరీశ్‌రావు పరామర్శించారు. కేసు వివరాలను అడిగి తెలుసుకున్నారు. ఈసందర్భంగా ఆయన మాట్లాడుతూ కూలగొట్టిన అంధుల ఇళ్లను కట్టించు ఇవ్వాలని డిమాండ్‌ చేసినందుకు శ్రీకాంత్‌గౌడ్‌పై తప్పుడు కేసు నమోదుచేసి జైలుకు పంపించారని అన్నారు. శ్రీనివాస్‌గౌడ్‌ మహబూబ్‌నగర్‌ అభివృద్ధికి ఎంతగానో కృషి చేశారన్నారు. రాజకీయంగా ఎదుర్కొలేకనే తప్పుడు కేసులు బీఆర్‌ఎస్‌ నాయకులపై నమోదు చేస్తున్నారని అన్నారు. నాయకులకు, కార్యకర్తలకు పార్టీ ఎల్లప్పుడూ అండగా ఉంటుందన్నారు. ఎమ్మెల్సీ నవీన్‌రెడ్డి, మాజీ ఎంపీ శ్రీనివాస్‌రెడ్డి, మాజీ మంత్రి లక్ష్మారెడ్డి, మాజీ ఎమ్మెల్యేలు ఆల వెంకటేశ్వర్‌రెడ్డి, గువ్వల బాలరాజు, మాజీ కార్పొరేషన్‌ చైర్మన్‌ ఎర్రొళ్ల శ్రీనివాస్‌ ఉన్నారు. జైలు నుంచి విడుదల అయిన శ్రీకాంత్‌గౌడ్‌ పరామర్శించిన మాజీ మంత్రి హరీశ్‌రావు

మదనాపురం: పాలమూరు మట్టిబిడ్డల ఇంటి ఇలవేల్పు శ్రీకురుమూర్తిస్వామి దర్శనానికి బుధవారం వచ్చిన రాష్ట్ర మాజీ మంత్రి, బీఆర్‌ఎస్‌ ఎమ్మెల్యే తన్నీరు హరీశ్‌రావు మండలంలోని లక్ష్మీపురం వద్ద వరి ధాన్యం ఆరబోసుకున్న పలువురు రైతులతో మాట్లాడారు. వారి మాట ముచ్చెట ఇలా.. హరీశ్‌రావు: బాగున్నారా.. ఎన్ని ఎకరాల్లో సాగు చేశావ్‌ అంటూ మహిళా రైతు వాకిటి సత్యమ్మను పలకరించారు. రైతు వాకిటి సత్యమ్మ: ఏం బాగున్నాం సార్‌.. మా ఒడ్లు కొంటలేరు.. తేమ వస్తలేదంటూ చెబుతున్నారు. చేసేది ఏమీ లేక ప్రయివేటు వ్యాపారులకు అమ్ముకుంటున్నం. రేవంత్‌రెడ్డి సార్‌కు ఓటేసి మోసపోయాం. హరీశ్‌రావు: అవునా.. మరో మహిళా రైతు రాధమ్మ: సార్‌.. 2,500 రూపాయలు ఇస్తలేరు. హరీశ్‌రావు: ఇస్తానని మొన్న కురుమూర్తిస్వామి దగ్గర ముఖ్యమంత్రి ఓట్టేసి పోయారు కదా ఇవ్వడం లేదా.. లంబాడీ శాంతమ్మ: సార్‌.. బస్సులు మా ఊరులో ఆపడం లేదు. ఫ్రీ బస్సు పెట్టిండ్రు ఫుల్లుగా జనం ఎక్కుతున్నారు. నా ఒడ్లు కొనకుంటే రెండు రోజుల క్రితం వ్యాపారులకు అమ్ముకున్న. హరీశ్‌రావు: మా ప్రభుత్వంలో ఎప్పుడైన ఇలా జరిగిందా.. ఇబ్బంది పడ్డారా.. కాంగ్రెస్‌ పాలన ఇలా ఉంది చూడండి. దామోదర్‌రెడ్డి: రైతుబంధు ఇస్తలేరు సార్‌.. ఒడ్లకు బోనస్‌ లేదు. మాయమాటలు నమ్మి మోసపోయినం. హరీశ్‌రావు: రైతుబంధు కోసం మన పార్టీ పోరాటం చేస్తుంది. అసెంబ్లీలో ప్రభుత్వాన్ని నిలదీస్తాం. రైతులకు న్యాయం జరిగే వరకు పోరాడుతాం. ఆయన వెంట మాజీ మంత్రులు నిరంజన్‌రెడ్డి, శ్రీనివాస్‌గౌడ్‌, లక్ష్మారెడ్డి, మాజీ ఎమ్మెల్యేలు ఆల వెంకటేశ్వర్‌రెడ్డి, గువ్వల బాలరాజు తదితరులున్నారు.

●క్షణాకావేశం.. అనేక అనర్థాలకు మూలం.. ఆవేశంలో తీసుకునే నిర్ణయాలు జీవితాలకు శాపాలుగా మారుతున్నాయి. చిన్నచిన్న విషయాలకే నేటి యువత ఆత్మహత్యలకు పాల్పడుతోంది. సమస్యలు ఎదురైతే వాటిని పరిష్కరించుకోవాలనే తప్పా ఆత్మహత్యే శరణ్యం అంటూ కుటుంబాలను ఇక్కట్లు పాలు చేస్తున్నారు. ప్రేమ వ్యవహరాలు.. ఆర్థిక సమస్యలు.. భార్యాభర్తల గొడవలతో ఆత్మహత్యలకు పాల్పడుతున్నారు. కష్టాల్లో ఉన్నవారిని కాస్త ఓదార్చి మనోధైర్యాన్ని ఇస్తే బలవనర్మణాలను ఆపవచ్చని పలువురు పేర్కొంటున్నారు. ఈ ఏడాది జిల్లాలో ఇప్పటి వరకు 163మంది ఆత్మహత్యలకు పాల్పడటం భయాందోళనకు గురిచేస్తోంది. సమస్యలొస్తే ధైర్యంగా ఎదుర్కోవాలి చిన్నచిన్న కారణాలతో క్షణికావేశంలో ఆత్మహత్యలు జరుగుతున్నాయి. సమస్యలొస్తే ధైర్యంగా ఎదుర్కొవాలి. ఆవేశంలో నిర్ణయం తీసుకుని ఆత్మహత్యకు పాల్పడకూడదు. భార్యాభర్తల మధ్య గొడవలు, ప్రేమవ్యవహారాలకు సంబంధించినవి ఉంటే స్థానిక పోలీస్‌స్టేషన్లలో సంప్రదించాలి. పోలీస్‌ శాఖ ఆధ్వర్యంలో కౌన్సిలింగ్‌ ఇచ్చి సమస్యలను పరిష్కరించేందుకు కృషిచేస్తాం. జిల్లాలో ఆత్మహత్యల నివారణ కోసం పోలీసు శాఖ ప్రత్యేక దృష్టి సారిస్తోంది. – గైక్వాడ్‌ వైభవ్‌ రఘునాథ్‌, ఎస్పీ, నాగర్‌కర్నూల్‌ నాగర్‌కర్నూల్‌ క్రైం: ప్రస్తుత పరిస్ధితుల్లో కొందరు ఏదైనా సమస్య వస్తే వాటిని ఎదుర్కొలేక ఆత్మహత్యే శరణ్యమంటూ కుటుంబాలకు దూరమవుతున్నారు. జిల్లాలో చాలామంది క్షణికావేశంలో ఆత్మహత్యలకు పాల్పడి తమ నిండు జీవితాలను బలితీసుకుని కుటుంబాలల్లో విషాదం నింపుతున్నారు. ఈ సంస్కృతి రోజు, రోజుకు పెరిగిపోతుండటంతో కొంత ఆందోళన నెలకొందది. ఆత్మహత్యలను నివారించాల్సిన బాధ్యత సమాజంలో ప్రతిఒక్కరిపై ఉంది. ఆత్మహత్యలకు పాల్పడితే జరిగే పరిణామాలపై జిల్లా పోలిసుశాఖతో పాటు స్వచ్ఛంద సంస్థల ఆధ్వర్యంలో ప్రజలకు విరివిగా అవగాహన కార్యక్రమాలు నిర్వహించాలని పలువురు అభిప్రాయ పడుతున్నారు. జిల్లాలో ఈఏడాదిలో ఇప్పటివరకు వివిధ కారణాలతో 163మంది ఆత్మహత్యకు పాల్పడటం భయాందోళనను కలిగిస్తోంది. వీటి నివారణకు అందరూ సమిష్టిగా కృషి చేయాల్సి ఉంది. ఆందోళన కలిగిస్తున్నాయి.. జిల్లాలో ఇటీవల జరుగుతున్న ఆత్మహత్యల సంఘటనలు పలువురిని ఆందోళన కలిగించేలా ఉన్నాయి. చిన్నచిన్న విషయాలకు క్షణికావేశంలో ఉరేసుకోవడం, పురుగుమందు తాగడం వంటివి చేసి తనువు చాలిస్తున్నారు. జిల్లాలో చోటుచేసుకున్న ఆత్మహత్యలలో ఎక్కువశాతం భార్యాభర్తల గొడవలు, ప్రేమ విఫలమైందని, ఆర్థిక సమస్యలతో పాటు అనారోగ్యంతో బాధపడుతున్న వారే అధికంగా ఉన్నారు. రోజురోజుకు పెరుగుతున్న ఆత్మహత్యలు ప్రేమ విఫలమై కొందరు, భార్యాభర్తల గొడవలతో మరికొందరు ఆత్మహత్యలకు అడ్డుకట్ట వేయాల్సిన అవసరం ఉంది ఈ ఏడాది జిల్లాలో 163 కేసులు నమోదు

నాగర్‌కర్నూల్‌ క్రైం: కుటుంబ కలహాలతో వ్యక్తి ఉరేసుకుని ఆత్మహత్యకు పాల్పడిన సంఘటన మంగళవారం రాత్రి చోటుచేసుకోగా బుధవారం ఆలస్యంగా వెలుగులోకి వచ్చింది. ఎస్సై గోవర్దన్‌ తెలిపిన వివరాల మేరకు.. మున్సిపాల్టీ పరిధిలోని ఉయ్యలవాడ గ్రామానికి చెందిన మొగిళ్ల బొబ్బిలి(36) వ్యవసాయం చేసి జీవనం సాగిస్తున్నాడు. మంగళవారం రాత్రి కుటుంబ సభ్యులతో గొడవపడి మనస్తాపానికి గురయ్యాడు. క్షణికావేశంలో ఇంట్లో నుంచి వెళ్లి పొలంలో చెట్టుకు ఉరేసుకున్నాడు. ఆత్మహత్యకు పాల్పడే ముందు పాలెంలో తన అక్కకు ఫోన్‌చేసి చనిపోతున్నానని చెప్పాడు. ఆమె కుటుంబసభ్యులకు విషయం చెప్పడంతో పొలం వద్దకు వెళ్లి చూడగా మొగిళ్ల బొబ్బిలి ఆత్మహత్యకు పాల్పడ్డాడు. మృతదేహాన్ని పోస్టుమార్టం నిమిత్తం జనరల్‌ ఆసుపత్రి మార్చురీకి తరలించారు. మృతుడి అన్న లక్ష్మయ్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. నిప్పంటించుకొని వృద్ధుడు.. కల్వకుర్తిరూరల్‌: స్థానిక ఇందిరానగర్‌కాలనీకి చెందిన చిత్తారి చంద్రయ్య(60) అనే వృద్ధుడు ఒంటిపై డీజిల్‌ పోసుకొని బుధవారం ఆత్మహత్యకు పాల్పడినట్లు ఎస్‌ఐ మాధవరెడ్డి తెలిపారు. ఆరు నెలల క్రితం మృతుడి భార్య అనారోగ్యంతో మరణించింది. అప్పటి నుంచి చంద్రయ్య ఒంటరిగా ఉంటున్నాడు. భార్య మరణాన్ని జీర్ణించుకోలేక మనస్తాపంతో ఆత్మహత్యకు పాల్పడ్డాడు. మధ్యాహ్నం ఇంట్లో ఎవరూ లేని సమయంలో ఈఘాతుకానికి పాల్పడగా కుటుంబ సభ్యులు కల్వకుర్తి ప్రభుత్వ ఆసుపత్రికి తరలించారు. చికిత్స పొందుతూ మృతి చెందాడు. మృతుడి అన్న కుమారుడు ఇచ్చిన ఫిర్యాదు మేరకు కేసు నమోదు చేసినట్లు ఎస్‌ఐ తెలిపారు. గుండెపోటుతో ఇద్దరి మృతి అయిజ: గుండెపోటుతో ఒకే రోజు ఇద్దరు వ్యక్తులు మృతిచెందిన సంఘటన మండలంలోని ఉత్తనూరులో, అయిజ మున్సిపాలిటీలో చోటుచేసుకుంది. మృతుల బంధువులు తెలిపిన వివరాలు... అయిజ పట్టణానికి చెందిన కాంగ్రెస్‌ నాయకుడు జహీర్‌ (55) మంగళవారం అర్ధరాత్రి గుండెపోటుతో మృతిచెందాడు. మృతుడికి భార్య, కూతురు, ఇద్దరు కుమారులు ఉన్నారు. మండలంలోని ఉత్తనూరు గ్రామానికి చెందిన అనంతమ్మ(60) మంగళవారం రాత్రి ఆమె నివాసంలో గుండెపోటుకు గురై ప్రాణాలు విడిచింది. ఈ సంఘటనలతో ఆయా కుటుంబాల్లో విషాదచాయలు అలుముకున్నాయి. రేషన్‌ బియ్యం పట్టివేత లింగాల: అక్రమంగా తరలిస్తున్న మూడు క్వింటాళ్ల రేషన్‌ బియ్యాన్ని పట్టుకున్నట్లు ఎస్‌ఐ నాగరాజు తెలిపారు. బుధవారం మండలంలోని అంబట్‌పల్లి వైపు నుంచి ఆటోలో బియ్యాన్ని లింగాలకు తీసుకొస్తుండగా గస్తీ నిర్వహిస్తున్న పోలీసులకు పట్టుబడ్డాడు. పట్టుబడిన బియ్యాన్ని సంబంధిత అధికారులకు అప్పగించినట్లు ఎస్‌ఐ తెలిపారు.

మరికల్‌: షార్ట్‌సర్క్యూట్‌తో ఓ పెంకుటిల్లు దగ్ధమైంది. ఆరేళ్ల పాటు కష్టపడి సంపాదించిన డబ్బులు కళ్ల ముందే అగ్ని ఆహుతి అయ్యాయి. ఈ ఘటన మంగళవారం అర్ధరాత్రి ఎలిగండ్లలో చోటుచేసుకుంది. గ్రామస్తులు తెలిపిన వివరాల మేరకు.. మండలంలోని ఎలిగండ్ల గ్రామానికి చెందిన రవీందర్‌రెడ్డి అనే వ్యక్తి ఆటో నడుపుతూ జీవనం సాగిస్తున్నాడు. ఆరేళ్లు కష్టపడి కొత్త ఇంటి నిర్మాణం కోసం రూ.5.35లక్షలను జమ చేశాడు. రెండు రోజుల్లో ఇంటి నిర్మాణ పనులు ప్రారంభించాలనుకున్నాడు. రాత్రి కుటుంబ సభ్యులందరూ భోజనం ముగించుకొని ఇంట్లో నిద్రించారు. అర్ధరాత్రి షార్ట్‌సర్క్యూట్‌ కావటంతో ఇంట్లోని సామగ్రికి మంటలు అంటుకున్నాయి. నిద్రలేచిన కుటుంబ సభ్యులు లేచి బయటకు పరుగులు పెట్టి ప్రాణాలను కాపాడుకున్నారు. గ్రామస్తులు మంటలు ఆర్పేందుకు ప్రయత్నించినా అదుపులోకి రాలేదు. క్షణాల్లో ఇంట్లో ఉన్న సామగ్రితో పాటు ఇంటి నిర్మాణం కోసం ప్లాస్టిక్‌ డబ్బాలో దాచిన రూ.5.35లక్షలు పూర్తిగా దగ్ధమయ్యాయి. ఈ ఘటనపై ఆర్‌ఐ సుధాకార్‌రెడ్డి పంచనామా నిర్వహించారు. బాధిత కుటుంబాన్ని ఆదుకోవాలని గ్రామ స్తులు తహసీల్దార్‌కు విన్నవించారు. ఇంట్లో దాచిన రూ.5లక్షలు అగ్నికి ఆహుతి

¢ నవంబర్‌ 19న బల్మూరు మండలం అనంతవరం గ్రామంలో ఓ రైతు అప్పుల బాధతో ఉరేసుకొని ఆత్మహత్య చేసుకున్నాడు. ¢ నవంబర్‌ 10న నాగర్‌కర్నూల్‌ మున్సిపాలిటీ పరిధిలోని నాగనూలు గ్రామానికి చెందిన మహిళకు ఓ వ్యక్తి డబ్బులివ్వకుండా ఇబ్బందులకు గురిచేశాడు. దీంతో ఆమె చెరువులో దూకి ఆత్మహత్యకు పాల్పడింది. ¢ నవంబర్‌ 9న నాగర్‌కర్నూల్‌ మండలంధిలోని మంతటి గ్రామ శివారులో ఓ యువకుడు అనుమానాస్పద స్థితిలో ఉరేసుకొని ఆత్మహత్యకు పాల్పడ్డాడు. ¢ అక్టోబర్‌ 17న జిల్లాకేంద్రంలో ఓ మహిళ వడ్డీ వ్యాపారి మోసం చేయడంతో మనస్తాపానికి గురై పురుగు మందు తాగి ఆత్మహత్య చేసుకుంది.

అలంపూర్‌: మిరపలో సస్యరక్షణ చర్యలు అవసరమని వ్యవసాయ శాఖ ఏడీఏ సక్రియనాయక్‌ సూచించారు. ప్రస్తుతం మిరప పూతదశలో ఉండటంతో వివిధరకాల చీడపీడలు ఆశించి పంటను నష్టపరుస్తున్నాయి. ఈఏడాది జిల్లాలో మిరప విస్తారంగా సాగులో ఉంది. మిరపలో ఆశిస్తున్న చీడలు, పురుగులు, వాటి నివారణను జిల్లా ఇంచార్జీ వ్యవసాయ శాఖాధికారి సక్రియనాయక్‌ వివరించారు. ఆకు ముడత.. తామర పురుగుతో ఆకు ముడత వ్యాపిస్తోంది. తామర పురుగులు ఆకు నుంచి రసం పీల్చడంతో ఆకులు పైకి ముడుచుకుపోతాయి. చివరకు ఇవి బోటు ఆకారంలోకి మారిపోతాయి. దీంతో కిరణజన్య సంయోగక క్రియ దెబ్బతిని దిగుబడి తగ్గిపోతుంది. నివారణ.. ముందుగా లేత ఆకులు వస్తున్నప్పుడు వేప నూనె 5 మి.లీ లీటర్‌ నీటికి కలిపి పిచికారీ చేయాలి. తర్వాత డైఫెంధురాన్‌ 1గ్రాము లీటర్‌ నీటికి కలిపి పిచికారీ చేసుకోవాలి కాయ తొలుచు పురుగు.. కాయ తొలుచు పురుగు లద్దెపురుగులు మిరప కాయలపై చిన్న రంధ్రాలు చేసి లోపలికి ప్రవేశించి లేత గింజలను తింటాయి. దీంతో నాణ్యత తగ్గిపోతుంది. నివారణ.. ఈ పురుగు నివారణకు క్లోరాంత్రినిప్రోల్‌ 0.3మి.లీ లీటర్‌ నీటికి కలిపి పిచికారీ చేసుకోవాలి. వరి తౌడు 10 కిలోలు, బెల్ల పాకం 2కిలోలు, థయోడికార్బ్‌ 500 గ్రాములు కలపుకొని చిన్నచిన్న ఉండలుగా చేసి పొలంలో సాయంత్రం వేళల్లో చల్లితే ఈ పురుగును సమర్థవంతంగా ఆరికట్టవచ్చు. ఆకు మచ్చ తెగులు.. ఆకులపై చిన్నచిన్న మచ్చలు ఏర్పడతాయి. ఈ మచ్చలు కలిసిపోయి ఆకులు రాలిపోతాయి. నివారణ ఈ తెగులు నివారణకు సాఫ్‌ 2గ్రాములు లీటర్‌ నీటిలో కలుపుకొని పిచికారీ చేసుకోవాలి. కాయ కుళ్లు తెగులు.. ఈ తెగులు శీలింధ్రం ఆశించడంతో వస్తోంది. ఈ తెగులు మొదట చిన్నటి నల్లమచ్చలుగా కాయలపై వస్తోంది. కాయ మొత్తం నల్లగా మారి కుళ్లిపోతుంది. నివారణ.. ఈ కాయ కుళ్లు తెగులు నివారణకు డైఫెనకొనజోల్‌ 1 మి.లీ లీటర్‌ నీటికి కలిపి పది రోజుల వ్యవధిలో రెండు సార్లు పిచికారీ చేసుకోవాలి. పాడి–పంట జింక్‌ లోపం.. జింక్‌ ధాతువు లోపంతో ఆకుల మధ్య ఈనెలు పసుపు పచ్చ రంగులోకి మారుతాయి. కిరణజన్య సంయోగ క్రియ దెబ్బతింటుంది. జింక్‌ ధాతువు లోపం ఎక్కువైతే ఆకులన్నీ రాలిపోతాయి. నివారణ.. ఈ ధాతువు లోపం నివారణకు జింక్‌ సల్ఫేట్‌ 2 గ్రాములు లీటర్‌ నీటికి కలిపి పిచికారీ చేసుకోవాలి.

అచ్చంపేట రూరల్‌: విద్యుత్‌ కంచె వేసి అటవీ జంతువు కణతిని వేటాడి చంపిన ఘటన ఆలస్యంగా వెలుగులోకి వచ్చింది. ఈ సంఘటనలో 9 మంది వేటగాళ్లను అరెస్టు చేసినట్లు అచ్చంపేట ఫారెస్ట్‌ రేంజ్‌ ఆఫీసర్‌ అబ్దుల్‌ సుబూర్‌ తెలిపారు. బుధవారం అచ్చంపేట అటవీశాఖ కార్యాలయంలో వివరాలు వెల్లడించారు. మండలంలోని చేదురుబావితండాలో కణితి మాంసం దాచారని విశ్వసనీయ సమాచారంతో అటవీ శాఖాధికారులు సోదాలు నిర్వహించారు. రాజు అనే వ్యక్తి ఇంట్లో కణతి మాంసంను గుర్తించి స్వాధీనం చేసుకున్నారు. అతడితో పాటు జానీ అనే వ్యక్తిని అదుపులోకి తీసుకుని విచారించారు. మరో 7మంది కణతిని వేటాడినట్లు గుర్తించారు. బల్మూర్‌ మండలం బిల్లకల్‌ అటవీ సమీపంలో కాశీం అనే వ్యక్తితో పాటు మరికొందరు విద్యుత్‌ కంచెతో కణతిని చంపారు. చేదురుబావితండాలో మాంసాన్ని విక్రయిస్తున్నారని తెలియడంతో దాడులు నిర్వహించినట్లు ఎఫ్‌ఆర్‌ఓ తెలిపారు. కణతిని వేటాడిన 9మందిని కల్వకుర్తి కోర్టులో హాజరు పర్చగా నిందితులకు జడ్జి రి మాండ్‌కు ఆదేశించారు. అటవీ జంతువులను వేటాడి చంపితే కఠిన చర్యలు తీసుకుంటామని ఎఫ్‌ఆర్‌ఓ హెచ్చరించారు. ● తొమ్మిది మంది అరెస్ట్‌

కోస్గి: పొక్సో కేసులో బుధవారంజిల్లా ప్రధాన న్యాయమూర్తి మహ్మద్‌ అబ్దుల్‌ రఫీ నిందితుడికి 20 సంవత్సరాల కఠిన కారగార శిక్ష, రూ.50వేలు జరిమానా విధించారు. అలాగే బాధితురాలికి రూ.5లక్షల పరిహారం చెల్లించాలని తీర్పునిచ్చారు. జిల్లా ఎస్పీ యోగేష్‌ గౌతం తెలిపిన వివరాల మేరకు.. కోస్గి పోలీస్‌స్టేషన్‌ పరిధిలోని ఓగ్రామానికి చెందిన 9వ తరగతి చదువుతున్న 14ఏళ్ల మైనర్‌ బాలికను మహబూబ్‌నగర్‌కు చెందిన ఆటోడ్రైవర్‌ తరుణ్‌కుమార్‌ ప్రేమిస్తున్నానని మాయమాటలు చెప్పాడు. తన అమ్మమ్మ ఊరు, బాలిక ఊరు ఒకటే కావడంతో తరచు గ్రామానికి వచ్చి ప్రేమ పేరుతో బాలికకు దగ్గరయ్యే ప్రయత్నం చేశాడు. ఈవిషయం గమనించిన బాలిక కుటుంబ సభ్యులు తరుణ్‌ను పద్ధతి మార్చుకోవాలని హెచ్చరించారు. ఈ క్రమంలో గతేడాది మే30న అర్ధరాత్రి కుటుంబ సభ్యులతో కలిసి ఇంటిపై నిద్రిస్తున్న బాలికను పెళ్లి పేరు చెప్పి ఆటోలో ఎక్కించుకుపోయాడు. హైదరాబాద్‌లో ఒక రూంలో బంధించి బాలికను బెదిరిస్తూ లైంగిక దాడికి పాల్పడ్డాడు. తన కూతురును నమ్మించి మోసం చేసిన యువకుడిపై బాధితురాలి తల్లి అప్పట్లో ఫిర్యాదు చేసింది. మే31న ఎస్సై శ్రీనివాసులు పొక్సో కేసు నమోదు చేశారు. సీఐ జనార్దన్‌ సమగ్ర విచారణ జరిపి పూర్తి వివరాలతో కోర్టులో చార్జీషీట్‌ దాఖలు చేశారు. ఈ కేసు పూర్వపరాలను పీపీ ఆకుల బాలప్ప కోర్టుకు వివరిస్తూ తన వాదనలు వినిపించారు. నేరం రుజువు కావడంతో జిల్లా ఫాస్ట్‌ట్రాక్‌ ఫోక్సో కోర్టు ఇంచార్జీగా ఉన్న జిల్లా ప్రధాన న్యాయమూర్తి మహ్మద్‌ అబ్దుల్‌ రఫీ నిందితుడికి కఠిన కారగార శిక్ష, రూ.50వేలు జరిమానా విధించారు. బాధితురాలికి రూ.5లక్షల పరిహారం చెల్లించాలని తీర్పు ఇచ్చినట్లు తెలిపారు. నిందితుడికి శిక్ష పడటంలో బాధ్యతాయుతంగా పనిచేసిన పోలీసు అధికారులు, సిబ్బందితోపాటు పీపీలను ఎస్పీ ప్రత్యేకంగా అభినందించారు. త్వరలోనే రివార్డులు ఇస్తామని ప్రకటించారు. రూ.50వేలు జరిమానా బాధితురాలికి రూ.5లక్షల పరిహారం

ఖిల్లాఘనపురం: ప్రతి ఒక్కరూ బాపు బాటలో పయనించి సమసమాజ స్థాపనకు కృషి చేయాలని విశ్రాంత జిల్లా విద్యాధికారి ఎస్‌.విజయ్‌కుమార్‌ కోరారు. గాంధీ గ్లోబల్‌ ఫ్యామిలీ, గాంధీ విజ్ఞాన్‌ ప్రతిష్టాన్‌ ఆధ్వర్యంలో చేపట్టిన సత్య శోధనయాత్ర మంగళవారం రాత్రి మండల కేంద్రానికి చేరుకుంది. అక్కడే బస చేసిన ఆయన బుధవారం ఉదయం సోళీపురం మీదుగా వెళ్తుండగా.. మానాజీపేట గేట్‌ దగ్గర గ్రామానికి చెందిన యువత ఆయనను కలిసి శాలువాతో సన్మానించారు. అక్కడే రైతులను కలిసిన ఆయన జీవన విధానంపై పలు సూచనలు చేశారు. సత్యశోధన యాత్ర అక్టోబర్‌ 2న అలంపూర్‌ జోగుళాంబ ఆలయం నుంచి ప్రారంభించామని.. 100 రోజుల పాటు వెయ్యి కిలోమీటర్లు ప్రయాణించి 2025, జనవరి 12న అచ్చంపేట సమీపంలోని ఉమామహేశ్వర ఆలయం దగ్గర ముగుస్తుందని చెప్పారు. ఈ యాత్ర ముఖ్య ఉద్ధేశం చేనేత వస్త్రధారణను ప్రోత్సహించడం, మద్యం, మత్తు పదార్థాల నియంత్రణ, స్వదేశీ వైద్యం (ఆయుర్వేదం)ను ఆదరించడం, సేంద్రియ సాగును ప్రోత్సహించడం, యోగా, పౌష్టికాహారం, ప్రకృతి, పర్యావరణం, జీవ వైవిధ్యాన్ని కాపాడటం, పని, సంస్కృతిని పెంపొందించడం, సత్యం, అహింస పునాదులుగా సమసమాజ స్థాపన వైపు అడుగులు వేసేలా ప్రజలు, విద్యార్థులను చైతన్యం చేయడమేనన్నారు.

పెబ్బేరు రూరల్‌: స్థానిక మార్కెట్‌ గోదాంలో అగ్ని ప్రమాదం జరిగి 7 నెలలు గడిచినా నేటికీ నేరస్తులను పట్టుకోలేదని పోలీసుల తీరుపై బీసీ పొలిటికల్‌ జేఏసీ చైర్మన్‌ రాచాల యుగంధర్‌గౌడ్‌ అసహనం వ్యక్తం చేశారు. అగ్ని ప్రమాదానికి గురైన మార్కెట్‌ యార్డు గోదాంతో పాటు కాలిపోయిన సంచులను రాచాల యుగంధర్‌గౌడ్‌ బుధవారం పరిశీలించారు. ఈ సందర్భంగా ఆయన మాట్లాడుతూ అధికారిక లెక్కల ప్రకారం గోదాంలో 12.94 లక్షల గన్నీ బ్యాగులు నిల్వ చేయగా.. అగ్ని ప్రమాదంలో అవి కాలి పోయాయని, వాటి విలువ దాదాపు రూ.10 కోట్లకు పైగానే ఉంటుందన్నారు. అదేవిధంగా 3 గోదాంలు సైతం ఎందుకూ పనికి రాకుండా పోయాయని, వాటి నిర్మాణానికి సైతం రూ.10 కోట్లు ఖర్చవుతుందని, వీటన్నింటికీ బాధ్యులెవరని, ఎందుకు వారిని శిక్షించడం లేదని ప్రశ్నించారు. ప్రమాద ఘటన వివరాలు అడిగితే అధికారులు దాటవేస్తున్నారని, గోదాంలో కరెంట్‌ కనెక్షనే లేనప్పుడు షార్ట్‌సర్య్కూట్‌ ఎలా అవుతుందన్నారు. ఘటనకు 3 రోజులు ముందు డీఎస్‌ఓ సెలవుపై వెళ్లడం, పోలీసుల కాలయాపనపై అనుమానాలు వ్యక్తం చేశారు. ఇప్పటికై నా ఈ ఘటనకు కారుకులెవరో తేల్చకపోతే పరిణామాలు తీవ్రంగా ఉంటాయని హెచ్చరించారు. దీనిపై సీఎం రేవంత్‌రెడ్డికి, సంబంధిత మంత్రికి, డీజీపీకి సమస్యను విన్నవిస్తానన్నారు. కార్యక్రమంలో బీసీ పొలిటికల్‌ జేఏసీ రాష్ట్ర కార్యదర్శి వెంకటన్నగౌడ్‌, నాయకులు సితార వెంకటేశ్వర్లు, రాఘవేందర్‌, యాదగిరి, రమేష్‌, మ్యాదరి రాజు, నాగరాజు, పరశురాముడు తదితరులు పాల్గొన్నారు. మద్యం అక్రమ తరలింపు కేసులో ఒకరి అరెస్ట్‌ అయిజ: నకిలీ మద్యంను విక్రయించే ముఠాలో ఒకరిని బుధవారం అరెస్ట్‌ చేసినట్లు ఎకై ్సజ్‌ సీఐ గణపతిరెడ్డి తెలిపారు. మంగళవారం రాత్రి అయిజ పట్టణ శివారులో ఇద్దరు వ్యక్తులు కారులో 6లీటర్ల నకిలీ మద్యం తరలిస్తున్నారు. గద్వాల స్టేషన్‌ ఎకై ్సజ్‌ అధికారులు పట్టుకున్నారు. గట్టు మండలంలోని తుమ్మలపల్లెకి చెందిన ఈడిగ చిన్నఉరుకుందు గౌడ్‌ను అరెస్ట్‌ చేశారు. అదేగ్రామానికి చెందిన బోయ రవినాయుడు, బోయ రమేష్‌ నాయకుడు, ఈడిగ పెద్ద ఉరుకుందు పరారీలో ఉన్నారు. వాహనాన్ని సీజ్‌ చేసి మొత్తం నలుగురి మీద కేసు నమోదు చేసినట్లు తెలిపారు. కార్యక్రమంలో ఎకై ్సజ్‌ సీఐ గణపతిరెడ్డి, ఎస్‌ఐలు వెంకటేష్‌, వీరేశలింగం పాల్గొన్నారు.

బిజినేపల్లి : మండల కేంద్రానికి చెందిన ప్రైవేటు స్కూల్‌ బస్సును వ్యవసాయ ట్రాక్టర్‌ ఢీకొట్టింది. బస్సులో ప్రయాణిస్తున్న 18మంది చిన్నారులకు పెనుప్రమాదం తప్పింది. స్థానికులు తెలిపిన వివరాల ప్రకారం.. మండల కేంద్రంలోని మేదాన్స్‌ పాఠశాలకు చెందిన బస్సు కొడుపర్తిమిట్టలో 18 మంది చిన్నారులతో వట్టెం మీదుగా బాజీపూర్‌ వెళ్తుంది. వట్టెం శివారులో మలుపు వద్ద బస్సు వేగం తగ్గించగా వెనుక వస్తున్న ట్రాక్టర్‌ వేగంగా వచ్చి బస్సును ఢీకొట్టింది. అదుపు తప్పి ఇరుకుగా ఉన్న రోడ్డు మీద ఒక చెట్టును తాకుతూ మెల్లిగా పొలాల్లో బస్సు బోల్తా పడింది. ట్రాక్టర్‌ డ్రైవర్‌ భయంతో అక్కడి నుంచి పారిపోయాడు. అటుగా వెళ్తున్న కొందరు ప్రయాణికులు, బస్సు డ్రైవర్లు అద్దాలను పగలగొట్టి చిన్నారుల్ని బయటికి తీశారు. ఈ ప్రమాదంలో ఇద్దరు చిన్నారుల తలలకు స్వల్పగాయాలయ్యాయి. మరికొందరికి మాత్రం చిన్నచిన్న గీతలుగా రాసుకు పోయాయి. వారిని 108 వాహనాల్లో నాగర్‌కర్నూల్‌ ఏరియా ఆసుపత్రికి తరలించి చికిత్స అందించారు. ఎలాంటి ప్రాణాపాయం లేదని వైద్యులు తెలిపారు. ఈ దుర్ఘటనకు కారణమైన ట్రాక్టర్‌పై ఫిర్యాదు చేస్తామని పాఠశాల యాజమాన్యం తెలిపింది. సంఘటనా స్థలానికి డీఈఓ .. ప్రైవేటు పాఠశాల బస్సు ప్రమాదానికి గురైన విషయం తెలియగానే డీఈవో గోవిందరాజులు సంఘటన స్థలానికి చేరుకున్నారు. ప్రమాదానికి గల కారణాలు తెలుసుకున్నారు. పాఠశాలకెళ్లి ప్రమాదానికి గురైన బస్సులోని విద్యార్థుల వివరాలు సేకరించారు. విద్యార్థుల ఆరోగ్య పరిస్థితిపై వైద్యు లకు ఫోన్‌చేసి ఆరాతీశారు. జిల్లాలోని అన్ని ప్రైవే టు పాఠశాలల బస్సుల ఫిట్‌నెస్‌లను మరోమారు పరిశీలించి, తనిఖీలు చేయాలని లేఖ రాయనున్నట్లు తెలిపారు. విద్యార్థుల భద్రతా, పరిరక్షణకు అత్యంత పకడ్బందీగా చర్యలు తీసుకుంటామన్నారు. 18 మంది చిన్నారులకు తప్పిన ప్రమాదం ఇద్దరికి స్వల్పగాయాలు

మహబూబ్‌నగర్‌ క్రైం: పోలీస్‌ నిత్యం శిక్షణతో పాటు సాంకేతిక పరిజ్ఞానం వినియోగం వంటి విషయాలపై అధికంగా దృష్టి సారించాలని జోగుళాంబ జోన్‌–7 డీఐజీ ఎల్‌ఎస్‌ చౌహాన్‌ అన్నారు. జిల్లాకేంద్రంలోని వన్‌టౌన్‌ పోలీస్‌స్టేషన్‌లో మంగళవారం వార్షిక తనిఖీ నిర్వహించారు. పోలీస్‌స్టేషన్‌ పని తీరు, ప్రజలతో ఎలాంటి సంబంధాలు కొనసాగిస్తున్నారు? శాంతి భద్రత వంటి అంశాలపై సమీక్షించారు. సుదీర్ఘకాలంగా పెండింగ్‌లో ఉన్న కేసులతో పాటు ఇతర ఎఫ్‌ఐఆర్‌ల నమోదు ప్రక్రియపై ఆరా తీశారు. పలు రకాల కేసుల ఫైల్స్‌ రికార్డులు తనిఖీ చేశారు. పోలీస్‌స్టేషన్‌ల పనితీరును మెరుగుపరుచుకోవడంతో పాటు ప్రజలకు మెరుగైన సేవలు అందించే లక్ష్యంతో పని చేయాలన్నారు. అనంతరం రూరల్‌ సర్కిల్‌ పోలీస్‌స్టేషన్‌ను తనిఖీ చేశారు. సర్కిల్‌ పరిధిలో ఉన్న పెండింగ్‌ కేసులపై సమీక్షించారు. ఎస్పీ కార్యాలయంలోని సాయుధ దళాల కార్యాలయంలో పలు రకాల రికార్డ్స్‌, స్పెషల్‌ బ్రాంచ్‌ రికార్డులు, డీసీఆర్‌బీ రికార్డ్స్‌, పరిపాలన విభాగాల రికార్డులను సైతం తనిఖీ చేశారు. ఈ సందర్భంగా ఎస్పీ డి.జానకికి డీఐజీ పలు సూచనలు చేశారు. తనిఖీల్లో ఏఎస్పీలు రాములు, సురేష్‌కుమార్‌, డీఎస్పీలు వెంకటేశ్వర్లు, రమణారెడ్డి, సీఐలు అప్పయ్య, గాంధీనాయక్‌ పాల్గొన్నారు. జోగుళాంబ జోన్‌ డీఐజీ ఎల్‌ఎస్‌ చౌహాన్‌

జెడ్పీసెంటర్‌(మహబూబ్‌నగర్‌): పాలమూరు–రంగారెడ్డి ఎత్తిపోతల పథకం ఆర్‌అండ్‌ఆర్‌ పనులను వేగవంతం చేయాలని కలెక్టర్‌ విజయేందిర బోయి అధికారులను దేశించారు. మంగళవారం కలెక్టరేట్‌లో పాలమూరు ఎత్తిపోతల పథకంలోని ఆర్‌అండ్‌ఆర్‌ పనులపై సమీక్ష నిర్వహించారు. ఇంజినీరింగ్‌ అధికారులు అంతర్గత రోడ్లు, కమ్యూనిటీ భవనాలు, మిషన్‌ భగీరథ పనులు వెంటనే పూర్తి చేయాలని ఆదేశించారు. సమావేశంలో రెవెన్యూ అదనపు కలెక్టర్‌ మోహన్‌రావు, స్పెషల్‌ కలెక్టర్‌ మధుసూదన్‌నాయక్‌, ఆయా శాఖల అధికారులు పాల్గొన్నారు. మరుగుదొడ్డిని వాడేలా అవగాహన కల్పించాలి ప్రతి ఒక్కరూ కచ్చితంగా మరుగుదొడ్డిని వాడేలా ప్రజలకు అవగాహన కల్పించాలని కలెక్టర్‌ విజయేందిర సూచించారు. ప్రపంచ మరుగుదొడ్డి దినోత్సవం సందర్భంగా కలెక్టరేట్‌లో మన మరుగుదొడ్డి–మన గౌరవం కార్యక్రమాన్ని నిర్వహించారు. ఈ సందర్భంగా ఆమె మాట్లాడుతూ ఈ కార్యక్రమం ఈ నెల 19వ తేదీ నుంచి డిసెంబర్‌ 10వ తేదీ వరకు నిర్వహించనున్నట్లు పేర్కొన్నారు. ఇందులో భాగంగా గ్రామాలు, మండలాలలో ప్రపంచ మరుగుదొడ్డి సంబరాలు నిర్వహించాలని అధికారులను ఆదేశించారు. ప్రతి ఇంటికి కచ్చితంగా మరుగుదొడ్డి ఉండేలా చర్యలు తీసుకోవాలని, స్కూల్‌, అంగన్‌వాడీలు, గ్రామ పంచాయతీల్లో మరుగుదొడ్లు కచ్చితంగా ఉండాలన్నారు. ఓడీఎఫ్‌ ప్రకటించాల్సిన 78 మోడల్‌ గ్రామ పంచాయతీల్లో ప్రత్యేక ప్రణాళికలు సిద్ధం చేయాలన్నారు. అనంతరం ఉత్తమ ప్రతిభ చూపిన 14 మంది మల్టీపర్పస్‌ వర్కర్స్‌ను కలెక్టర్‌ సన్మానించారు. అలాగే వ్యక్తిగత మరుగుదొడ్లు మంజూరైన 25 మంది లబ్ధిదారులకు పత్రాలను అందజేశారు. అడిషనల్‌ కలెక్టర్‌ శివేంద్రప్రతాప్‌, జెడ్పీ సీఈఓ వెంకట్‌రెడ్డి, డీఆర్‌డీఓ నర్సిములు, డీపీఓ పార్థసారథి పాల్గొన్నారు.

ఉమ్మడి జిల్లాలో ప్రభుత్వ కొనుగోలు కేంద్రాలకు వస్తున్న ధాన్యం కన్నా ప్రైవేటు వ్యాపారుల చేతుల్లోకే ఎక్కువ ధాన్యం తరలుతోంది. ప్రభుత్వం కొనుగోలు కేంద్రాల్లో కొనుగోళ్లు ఆలస్యంగా కొనసాగడం, రోజుల తరబడి రైతులు నిరీక్షించలేక ప్రైవేటు వ్యక్తులను ఆశ్రయిస్తున్నారు. ఈసారి ప్రభుత్వం సన్నరకం వడ్లకు క్వింటాలుకు రూ.500 చొప్పున బోనస్‌ అందిస్తోంది. ప్రభుత్వ కొనుగోలు కేంద్రాల్లో కనీస మద్దతు ధర క్వింటాల్‌కు రూ.2,300 ఇస్తుండగా, సన్న రకం ధాన్యానికి అదనంగా రూ.500 అందిస్తోంది. బోనస్‌ ధరతో కలుపుకుని సన్నరకం ధాన్యానికి క్వింటాలుకు రూ.2,800 రైతులకు అందించాల్సి ఉంది. ఈ మొత్తాన్ని కేవలం రెండు రోజుల్లోనే రైతుల ఖాతాల్లో జమచేస్తామని ప్రభుత్వం చెబుతోంది. రైతు నుంచి ధాన్నాన్ని కొనుగోలు చేసిన 24 గంటల్లోగా కనీస మద్దతు ధర క్వింటాలుకు రూ.2,300 రైతు ఖాతాలో జమ అవుతాయని, మరుసటి రోజున 24 గంటల్లోపు క్వింటాలుకు రూ.500 చొప్పున బోనస్‌ డబ్బులు రైతుఖాతాలో జమ అవుతాయని అధికారులు చెబుతున్నారు. అయితే చాలాచోట్ల రైతులు మాత్రం ప్రభుత్వం కొనుగోలు చేసేంత వరకు నిరీక్షించకుండా తక్కువ ధరకే ప్రైవేటు వ్యక్తులకు విక్రయిస్తున్నారు. ప్రభుత్వం ఇస్తున్న ధర కన్నా రూ.300 నుంచి రూ.500 వరకు తక్కువగా ప్రైవేటు వ్యాపారులు కొనుగోలు చేస్తుండటంతో రైతులు నష్టపోతున్నారు. ప్రభుత్వ కొనుగోలు కేంద్రాల్లో కొనుగోళ్లు ముమ్మరం చేయాలని, సకాలంలో ధాన్యం డబ్బులు రైతుల ఖాతాలో జమచేయాలన్న అభిప్రాయం వ్యక్తమవుతోంది. ప్రైవేటుకు తరలుతున్న ధాన్యం..