శ్రీలంక మాజీ క్రికెటర్‌ లాహిరు తిరిమన్నె, అతడి కుటుంబ సభ్యులు రోడ్డు ప్రమాదానికి గురయ్యారు. అనురాధపుర  సమీపంలో వీరు ప్రయాణిస్తున్న కారు లారీని ఢీకొట్టడంతో ఘటన జరిగినట్లు తెలుస్తోంది.  గురువారం జరిగిన ఈ ప్రమాదంలో తిరిమన్నెతో పాటు అతడి ఫ్యామిలీ కూడా గాయపడినట్లు న్యూయార్క్‌ స్ట్రైకర్స్‌ వెల్లడించింది. ప్రస్తుతం వీరంతా క్షేమంగా ఉన్నట్లు పేర్కొంది. కాగా 2010లో అంతర్జాతీయ క్రికెట్‌లో అడుగుపెట్టిన లెఫ్టాండర్‌ బ్యాటర్‌ తిరిమన్నె లంక తరఫున 44 టెస్టులు, 127 వన్డేలు, 26 టీ20 మ్యాచ్‌లు ఆడాడు. ఆయా ఫార్మాట్లలో వరుసగా 2088, 3164, 291 పరుగులు చేశాడు. కెరీర్‌లో మొత్తంగా మూడు టీ20 వరల్డ్‌కప్‌ ఈవెంట్లలో పాల్గొన్న లాహిరు తిరిమన్నె.. 2014లో టైటిల్‌ గెలిచిన శ్రీలంక జట్టులో సభ్యుడు కూడా! అదే విధంగా ఐదు వన్డే మ్యాచ్‌లకు కెప్టెన్‌గానూ వ్యవహరించిన అనుభవం అతడికి ఉంది. రెండు వన్డే ప్రపంచకప్‌ టోర్నీల్లోనూ భాగమయ్యాడు. ఇక గతేడాది ఇంటర్నేషనల్‌ క్రికెట్‌కు గుడ్‌బై చెప్పిన లాహిరు తిరిమన్నె ప్రస్తుతం లీగ్‌ క్రికెట్‌ ఆడుతున్నాడు. లెజెండ్స్‌ క్రికెట్‌ ట్రోఫీ 2024 ఈవెంట్లో భాగమైన అతడు.. న్యూయార్క్‌ స్ట్రైకర్స్‌ జట్టుకు ప్రాతినిథ్యం వహిస్తున్నాడు.  ఈ క్రమంలో బుధవారం క్యాండీ స్యాంప్‌ ఆర్మీతో జరిగిన మ్యాచ్‌లోనూ లాహిరు తిరిమన్నె ఆడాడు. 14 బంతులు ఎదుర్కొని 18 పరుగులు చేసి అవుటయ్యాడు. అయితే, మ్యాచ్‌ అనంతరం కుటుంబానికి సమయం కేటాయించిన తిరిమన్నె గుడికి వెళ్లే క్రమంలో కారు ప్రమాదానికి గురయ్యాడు. లారీని ఢీకొన్న ఘటనలో అతడి కారు ముందు భాగం పూర్తిగా ధ్వంసమైంది. అయితే, అదృష్టవశాత్తూ లాహిరు తిరిమన్నెతో పాటు అతడి కుటుంబం కూడా స్వల్ప గాయాలతో బయటపడ్డారు. 🚨UPDATE🚨 Lahiru Thirimanne, former Sri Lankan cricketer, hospitalized after a road accident in Thrippane, Anuradhapura.#LahiruThirimanne #SriLanka #Icc #Cricket pic.twitter.com/qqpuYcZ8h5 — Cricadium CRICKET (@Cricadium) March 14, 2024

దాదాపు పదహారేళ్ల క్రితం... 21 ఏళ్ల కుర్రాడికి అది కేవలం ఎనిమిదో అంతర్జాతీయ మ్యాచ్‌. ఉరకలెత్తే ఉత్సాహం మినహా తగినంత అనుభవం లేదు. ప్రత్యర్థిని తక్కువగా అంచనా వేసి ఆ మ్యాచ్‌ను ఒక సాధారణ మ్యాచ్‌లాగే చూశాడు. కానీ మైదానంలో ఆ రోజు అతనికి జీవితకాలం మరచిపోలేని చేదు అనుభవాన్ని మిగిల్చింది. ఒకటి కాదు, రెండు కాదు ఒకే ఓవర్లో ఆరు సిక్సర్లు! వేసిన ప్రతి బంతినీ భారత స్టార్‌ బ్యాటర్‌ యువరాజ్‌ సింగ్‌ సిక్సర్‌గా మలుస్తుంటే ఆ మొహం రంగులు మారుతూ వాడిపోయింది. ఆ దెబ్బ నుంచి మానసికంగా కోలుకునేందుకు చాలా సమయం పట్టింది. బ్రాడ్‌ పేరు చెప్పగానే ప్రపంచవ్యాప్తంగా సగటు క్రికెట్‌ అభిమానులందరికీ ఆ మ్యాచ్‌ మాత్రమే గుర్తుకొస్తుంది. ఎప్పటికీ ఆ కాళరాత్రి వెంటాడుతూ ఉంటే మరో ఆటగాడి కెరీర్‌ ఎన్ని ఆటుపోట్లకు గురయ్యేదో! కానీ స్టూ్టవర్ట్‌ బ్రాడ్‌ మాత్రం నిరాశ చెందలేదు. ఉవ్వెత్తున మళ్లీ పైకి లేచి, క్రికెట్‌ ప్రపంచంలో తనకంటూ ప్రత్యేక అధ్యాయాన్ని సృష్టించుకున్నాడు. ఆరు సిక్సర్ల దెబ్బ నుంచి కోలుకొని టెస్టుల్లో ఆరు వందల వికెట్లు సాధించే వరకు తన ప్రస్థానాన్ని కొనసాగించాడు. ‘ఆ రోజు అలా జరగకుండా ఉండాల్సింది. సహజంగానే నేనూ చాలా బాధపడ్డాను. అయితే వాస్తవానికి అది నాకు మరో రూపంలో మేలు చేసింది. పట్టుదలగా నిలబడి పోరాడేందుకు కావాల్సిన ధైర్యాన్ని ఇచ్చి నన్ను మానసికంగా దృఢంగా మార్చింది. ఈ రోజు ఆ స్థాయికి చేరానంటే నాటి మ్యాచ్‌ కూడా కారణం. చాలా మంది క్రీడాకారుల జీవితాల్లో ఇలాంటి రోజులు ఉంటాయి. అయితే మీరు ఎంత తొందరగా దానిని వెనక్కి తోసి పైకి దూసుకుపోగలరనేది ముఖ్యం.                                                                                               తండ్రి క్రిస్‌ బ్రాడ్‌తో స్టువర్ట్‌ ఆటలో ఆనందించే రోజుల కంటే బాధపడే రోజులే ఎక్కువగా ఉంటాయి. వాటిని అధిగమించగలిగితే మీరు గొప్ప రోజులు చూస్తారనేది నా నమ్మకం. ఇది నా విషయంలో నిజమైంది’... రిటైర్మెంట్‌ ప్రకటన సందర్భంగా ‘ఆరు సిక్సర్ల’ మ్యాచ్‌ను గుర్తు చేసుకుంటూ బ్రాడ్‌ చేసిన వ్యాఖ్య ఇది. టెస్టు క్రికెట్‌లో అతను సాధించిన ఘనత ఎలాంటిదో ప్రత్యేకంగా చెప్పనవసరం లేదు. బ్రాడ్‌ గణాంకాలు చూస్తే అతని గొప్పతనం ఏమిటో అర్థమవుతుంది. 17 ఏళ్ల కెరీర్‌లో 167 టెస్టు మ్యాచ్‌లు... 604 వికెట్లు...అత్యధిక వికెట్లు తీసిన బౌలర్ల జాబితాలో ఐదో స్థానంతో అతను ఇప్పుడు ఆటను సగర్వంగా ముగించాడు. బ్యాటర్‌ నుంచి బౌలర్‌గా... స్టూవర్ట్‌ తండ్రి క్రిస్‌ బ్రాడ్‌ ఇంగ్లండ్‌ మాజీ క్రికెటర్‌. జాతీయ జట్టుకు 25 టెస్టులు, 34 వన్డేల్లో ప్రాతినిధ్యం వహించాడు. అయితే తండ్రి కారణంగా అతనికేమీ క్రికెట్‌పై అమాంతం ఆసక్తి పెరగలేదు. చిన్నప్పటి నుంచి బ్రాడ్‌ హాకీని ఇష్టపడ్డాడు. వివిధ వయో విభాగాల్లో రాణిస్తూ లీసెస్టర్‌షైర్‌ టీమ్‌కు గోల్‌ కీపర్‌గా వ్యవహరించాడు. ఇంగ్లండ్‌ యువ జట్టు సెలక్షన్‌ ట్రయల్స్‌లో కూడా పాల్గొన్నాడు. అయితే ఆ తర్వాత తండ్రి ప్రోత్సాహం, ఇతర మిత్రుల కారణంగా క్రికెట్‌ వైపు మళ్లాడు. తండ్రిలాగే ఓపెనింగ్‌ బ్యాట్స్‌మన్‌గా స్కూల్, కాలేజీ దశలో రాణిస్తూ వచ్చిన అతను లీసెస్టర్‌షైర్‌ బెస్ట్‌ యంగ్‌ బ్యాట్స్‌మన్‌ అవార్డును గెలుచుకున్నాడు. అయితే ఇక్కడా అతని కెరీర్‌ మళ్లీ మలుపు తిరిగింది. అయితే కాలేజీలు మారుతూ వచ్చిన దశలో బ్యాటర్‌గా కంటే పేస్‌ బౌలర్‌గా మంచి ప్రతిభ ఉన్నట్లు కోచ్‌లు గుర్తించారు. ఒకే విభాగంలో దృష్టి పెడితే భవిష్యత్తు బాగుంటుందనే సూచనతో పూర్తిగా బౌలింగ్‌ వైపు మళ్లిన అతను చివరకు ప్రపంచ క్రికెట్‌లో అత్యుత్తమ బౌలర్లలో ఒకరిగా నిలవడం విశేషం.                                                                              ఫ్యామిలీతో స్టువర్ట్‌ సీనియర్‌ స్థాయికి... ఇంగ్లండ్‌ యువ క్రికెట్‌ జట్టును లయన్స్‌ పేరుతో పిలుస్తారు. ఆ టీమ్‌లో స్థానం దక్కడం అంటే మున్ముందు సీనియర్‌ టీమ్‌కు సిద్ధమైనట్లే లెక్క. ఏజ్‌ గ్రూప్‌ క్రికెట్‌లో నిలకడైన ప్రదర్శనతో బ్రాడ్‌ ఆ అవకాశం చేజిక్కించుకున్నాడు. శ్రీలంక, వెస్టిండీస్‌ యువ జట్లతో జరిగిన సిరీస్‌లలో రాణించడంతో ఇంగ్లండ్‌ క్రికెట్‌ బోర్డు అతనిపై మరింత నమ్మకం ఉంచింది. భవిష్యత్తు కోసం ఎంపిక చేసే 25 మంది సభ్యుల డెవలప్‌మెంట్‌ గ్రూప్‌లో కూడా బ్రాడ్‌కు చోటు దక్కింది. జాతీయ క్రికెట్‌ అకాడమీలో ఈ బృందానికి శిక్షణ ఇస్తున్నప్పుడు బ్రాడ్‌ ప్రతిభతో పాటు అతను కష్టపడే తత్త్వం, బౌలింగ్‌లో ప్రత్యేకత సెలక్టర్లను ఆకర్షించాయి. ఫలితంగా 20 ఏళ్ల వయసులో తొలి ఇంగ్లండ్‌ జట్టు తరఫున అంతర్జాతీయ మ్యాచ్‌లో అరంగేట్రం (టి–20ల్లో) చేసే అవకాశం దక్కింది. ఆ తర్వాత వన్డేల్లోనూ అడుగు పెట్టగా, మరి కొద్ది రోజులకే టెస్టు అవకాశం కూడా వెతుక్కుంటూ రావడం మూడు ఫార్మాట్‌లలో ఇంగ్లండ్‌ రెగ్యులర్‌ ఆటగాడిగా బ్రాడ్‌ స్థాయి పెరిగింది.                                                                                                                తండ్రితో బ్రాడ్‌  చిన్నప్పటి ఫోటో పదునైన పేసర్‌గా.... కెరీర్‌ ఆరంభంలో మొహంలో ఇంకా వీడని పసితనపు ఛాయలు, రంగుల జుట్టుతో అమాయకత్వం దాటని ఆటగాడిగా అతను కనిపించేవాడు. కానీ ఇంగ్లండ్‌ టెస్టు క్రికెట్‌లో చరిత్రలో అత్యంత భీకరమైన ఫాస్ట్‌బౌలర్లలో ఒకడిగా గుర్తింపు తెచ్చుకునేందుకు బ్రాడ్‌కు ఎక్కువ సమయం పట్టలేదు. బౌలింగ్‌ సత్తాతో పాటు మొండి పట్టుదల, ఒక్కసారిగా ప్రత్యర్థిపై ఆధిపత్యం మొదలైతే ఆగని అతని తత్త్వం బ్రాడ్‌ను ప్రత్యేకంగా మార్చాయి. కెరీర్‌లో 100వ టెస్టు ఆడే సమయానికే బ్రాడ్‌ ఒకే స్పెల్‌లో ఐదేసి వికెట్లు సాధించిన ఘనతను ఏడుసార్లు నమోదు చేశాడు. పాకిస్తాన్‌తో 3–0తో ఘన విజయంలో కీలక పాత్ర, విండీస్, న్యూజిలాండ్‌లపై లార్డ్స్‌లో ఏడేసి వికెట్ల ప్రదర్శన, దక్షిణాఫ్రికా గడ్డపై ఆరు వికెట్ల ఇన్నింగ్స్, మాంచెస్టర్‌లో భారత్‌ను 6 వికెట్లతో కుప్పకూల్చి ప్లేయర్‌ ఆఫ్‌ ద మ్యాచ్‌గా నిలిచిన సమరం... ఇలా బ్రాడ్‌ కెరీర్‌లో ఎన్నో చిరస్మరణీయ ఘట్టాలు ఉన్నాయి. అతని సహజ నాయకత్వ లక్షణాలు బ్రాడ్‌ను టి20ల్లో కెప్టెన్‌గా పనిచేసే అవకాశం కల్పించాయి. యాషెస్‌లో అద్భుతం... టెస్టు క్రికెట్‌లో యాషెస్‌ సిరీస్‌కు ప్రత్యేక స్థానం ఉంది. ఆస్ట్రేలియా, ఇంగ్లండ్‌ జట్ల మధ్య జరిగే ఈ చిరకాల సమరం ఇరు జట్లు ఆటగాళ్ల కెరీర్‌ను నిర్దేశిస్తుందనేది వాస్తవం. హీరోలుగా మారినా, జీరోలుగా మారినా ఈ సిరీస్‌తోనే సాధ్యం. ఇలాంటి సిరీస్‌లో బ్రాడ్‌ తన ప్రత్యేకత ప్రదర్శించాడు. ఎన్నో మ్యాచ్‌లను ఒంటిచేత్తో గెలిపించి యాషెస్‌లో తనకంటూ ప్రత్యేక అధ్యాయాన్ని లిఖించుకున్నాడు. 2009–2023 మధ్య కాలంలో 40 యాషెస్‌ టెస్టులు ఆడిన బ్రాడ్‌ 153 వికెట్లతో ఇంగ్లండ్‌ తరఫున అత్యధిక వికెట్లు తీసిన బౌలర్‌గా నిలిచాడు. 2009 ఓవల్‌లో 5 వికెట్లు, ఆ తర్వాత బ్రిస్బేన్, లీడ్స్, చెస్టర్‌ లీ స్ట్రీట్‌లలో ఆరేసి వికెట్లు...ఇలా యాషెస్‌లో మధుర జ్ఞాపకాలెన్నో. అయితే బ్రాడ్‌ కెరీర్‌లో అత్యుత్తమ క్షణం 2015 యాషెస్‌లో వచ్చింది. సొంత మైదానం ట్రెంట్‌బ్రిడ్జ్‌లో జరిగిన మ్యాచ్‌లో కేవలం 9.3 ఓవర్లలో 15 పరుగులే ఇచ్చి 8 ఆస్ట్రేలియా వికెట్లు పడగొట్టిన తీరుకు హ్యట్సాఫ్‌. ఆ స్పెల్‌లో ఒక్కో బంతి ఒక్కో అద్భుతం. ఆ సమయంలో బ్రాడ్‌ ఇచ్చిన ఎక్స్‌ప్రెషన్స్‌ అతని కెరీర్‌లో బెస్ట్‌ పోస్టర్‌గా నిలిచిపోయాయి.                                        ఆస్తమాను అధిగమించి... బ్రాడ్‌ వ్యక్తిగత జీవితానికి సంబంధించి మరో కోణం కూడా దాగి ఉంది. 2015లో అతను బయటకు చెప్పే వరకు దీని గురించి ఎవరికీ తెలీదు. బ్రాంకో పల్మనరీ డిస్‌ప్లాజియా (అస్తమా) అనే శ్వాసకోస వ్యాధితో అతను చిన్నతనంలో బాధపడ్డాడు. మూడు నెలల ముందుగా ప్రీ మెచ్యూర్‌ బేబీగా పుట్టడంతో అతని ఊపిరితిత్తులో ఒకటి పూర్తిగా అభివృద్ధి చెందకపోవడమే దీనికి కారణం. అయితే మందులతో పాటు క్రమశిక్షణ, ఆహార నియమాలతో అతను దీనిని అధిగమించగలిగాడు. ఒక పేస్‌ బౌలర్‌ ఇలాంటి సమస్యను దాటి రావడం అరుదైన విషయం. పుట్టిన సమయంలో తన ప్రాణాలు కాపాడిన జాన్‌ పేరును తన పేరు మధ్యలో చేరుస్తూ స్టూవర్ట్‌ జాన్‌ బ్రాడ్‌గా మార్చుకొని అతను కృతజ్ఞత ప్రకటించడం విశేషం.

కేప్‌టౌన్‌: టి20 ప్రపంచకప్‌ను సాధించాలనే లక్ష్యంతో బరిలోకి దిగనున్న భారత మహిళల జట్టు నేడు గ్రూప్‌ ‘బి’ తొలిపోరులో చిరకాల ప్రత్యర్థి పాకిస్తాన్‌తో తలపడుతుంది. కీలకమైన పోరుకు ముందు డాషింగ్‌ ఓపెనర్‌ స్మృతి మంధాన, కెప్టెన్‌ హర్మన్‌ప్రీత్‌ కౌర్‌ ఫిట్‌నెస్‌ సమస్యలు జట్టును సతమతం చేస్తున్నాయి. తొలి మ్యాచ్‌కు స్మృతి గాయంతో జట్టుకు దూరమవడం బ్యాటింగ్‌పై ప్రభావం చూపగలదు. అయితే ఇటీవల షఫాలీ వర్మ, రిచా అండర్‌–19 ఈవెంట్‌లో రాణించారు. ఇప్పుడు కూడా బాధ్యతను పంచుకుంటే ఆ సమస్యను అధిగమించవచ్చు. జెమీమా, హర్లీన్, కెప్టెన్‌ హర్మన్‌ప్రీత్‌ మిడిలార్డర్‌లో రాణిస్తే జట్టుకు ఢోకా ఉండదు. బౌలింగ్‌ లో రేణుక, శిఖా పాండే, దీప్తి శర్మ రాణిస్తే పాకిస్తాన్‌పై భారత్‌కు విజయం సులువవుతుంది.

ICC U19 Womens T20 World Cup: ఐసీసీ అండర్‌-19 మహిళల టీ20 వరల్డ్‌కప్‌-2023లో భారత్‌కు తొలి ఓటమి ఎదురైంది. గ్రూప్‌ దశలో 3 మ్యాచ్‌ల్లో 3 వరుస విజయాలు సాధించి అజేయ జట్టుగా ఉండిన టీమిండియా.. సూపర్‌ సిక్స్‌ గ్రూప్‌-1లో భాగంగా ఇవాళ (జనవరి 21) ఆసీస్‌తో జరిగిన మ్యాచ్‌లో పరాజయం పాలై, సెమీస్‌ అవకాశాలను ఇరకాటంలో పడేసుకుంది. ఈ మ్యాచ్‌లో తొలుత బ్యాటింగ్‌ చేసిన భారత్‌.. 18.5 ఓవర్లలో 87 పరుగులకే కుప్పకూలగా, ఆసీస్‌ 13.5 ఓవర్లలో 3 వికెట్లు కోల్పోయి సునాయాసంగా లక్ష్యాన్ని ఛేదించింది. ఫలితంగా ఆసీస్‌ 7 వికెట్ల తేడాతో టీమిండియాను మట్టికరిపించింది. భారత ఇన్నింగ్స్‌లో శ్వేత సెహ్రావత్‌ (21) టాప్‌ స్కోరర్‌గా నిలువగా.. హ్రిషిత బసు (14), టిటాస్‌ సాధు (14)లు మాత్రమే రెండంకెల స్కోర్‌ చేశారు. ఆసీస్‌ బౌలర్లలో సియన్నా జింజర్‌ 3 వికెట్లు పడగొట్టగా.. మిల్లీ ఇల్లింగ్‌వర్త్‌, మ్యాగీ క్లార్క్‌ తలో 2 వికెట్లు, కెప్టెన్‌ రైస్‌ మెక్‌కెన్నా, ఎల్లా హేవర్డ్‌ తలో వికెట్‌ దక్కించుకున్నారు. స్వల్ప లక్ష్య ఛేదనలో క్లెయిర్‌ మూర్‌ (25), ఆమీ స్మిత్‌ (26) ఆసీస్‌ను విజయతీరాలకు చేర్చారు. భారత బౌలర్లలో టిటాస్‌ సంధూ, అర్చనా దేవీ, సోనమ్‌ యాదవ్‌ తలో వికెట్‌ దక్కించుకున్నారు. సూపర్‌ సిక్స్‌ గ్రూప్‌-1లో భారత్‌తో పాటు ఆస్ట్రేలియా, సౌతాఫ్రికా, శ్రీలంక, యూఏఈ, బంగ్లాదేశ్‌ జట్టు ఉన్నాయి. గ్రూప్‌-2లో ఇంగ్లండ్‌, న్యూజిలాండ్‌, పాకిస్తాన్‌, వెస్టిండీస్‌, రువాండ, ఐర్లాండ్‌ జట్లు ఉన్నాయి. రెండు గ్రూప్‌ల్లో తొలి రెండు స్థానాల్లో నిలిచే జట్లు సెమీస్‌కు చేరుకుంటాయి. భారత్‌.. తమ తదుపరి మ్యాచ్‌లో రేపు (జనవరి 22) శ్రీలంకను ఢీకొట్టనుంది. కాగా, మహిళ అండర్‌-19 విభాగంలో టీ20 వరల్డ్‌కప్‌ జరగడం ఇదే తొలిసారి.     

వచ్చే ఏడాది జనవరిలో తొలిసారి ఐసీసీ అండర్‌-19 వుమెస్స్‌ టి20 వరల్డ్‌కప్‌ జరగనుంది. సౌతాఫ్రికా వేదికగా జరగనున్న ఈ మెగా టోర్నీలో 16 జట్లు పాల్గొననున్నాయి. కాగా 11 దేశాలు ఐసీసీ ఫుల్‌టైం మెంబర్స్‌ కాగా.. మిగతా ఐదు దేశాలను మాత్రం ఐసీసీ రీజియన్స్‌ నుంచి ఎంపిక చేశారు. వాటిలో అమెరికా(యూఎస్‌ఏ) కూడా ఒకటి. తాజాగా వచ్చే ఏడాది జనవరిలో జరగనున్న అండర్‌-19 వుమెన్స్‌ టి20 టోర్నమెంట్‌కు యూఎస్‌ఏ 15 మందితో కూడిన జట్టును ప్రకటించింది.   అయితే క్రికెట్‌ అమెరికా ప్రకటించిన జట్టు చూస్తుంటే.. అసలు ఆడుతుంది అమెరికా లేక భారత్‌ అనే సందేహం కలగక మానదు. ఎందుకంటే జట్టుకు ఎంపికచేసిన 15 మంది భారత సంతతికి చెందినవాళ్ల కావడం గమనార్హం. ఇక రిజ్వర్స్‌ కేటగిరలో ఎంపిక చేసిన ఐదుగురు ఆటగాళ్లలో ముగ్గురు భారత్‌కే చెందిన వారే ఉన్నారు. ఇలా జట్టు మొత్తం భారతీయుల పేర్లతో నిండిపోయింది. ఇది గమనించిన క్రికెట్‌ ఫ్యాన్స్‌.. అమెరికా జట్టులాగా లేదు.. ఇండియా-బి టీమ్‌ ‍స్క్వాడ్‌లాగా ఉంది అంటూ కామెంట్స్‌ చేశారు. ఇక జట్టు హెడ్‌కోచ్‌గా విండీస్‌ మాజీ క్రికెటర్‌ శివ్‌నరైన్‌ చందర్‌పాల్‌ను ఎంపిక చేసింది.  ఇక ఐసీసీ తొలి అండర్‌-19 వుమెన్స్‌ టి20 వరల్డ్‌కప్‌ 2023 జనవరి 14 నుంచి జనవరి 29 వరకు జరగనుంది. జనవరి 27న జరిగే సెమీఫైనల్స్‌కు జేబీ మార్క్స్‌ ఓవల్‌ స్టేడియం ఆతిథ్యం ఇవ్వనుంది. ఆ తర్వాత జనవరి 29న జరిగే ఫైనల్‌ మ్యాచ్‌ కూడా ఇదే స్టేడియంలో జరగనుంది. U-19 టోర్నమెంట్ కోసం యూఎస్‌ఏ ప్రకటించిన  జట్టు: గీతిక కొడాలి (కెప్టెన్), అనికా కోలన్ (వికెట్‌ కీపర్‌, వైస్ కెప్టెన్), అదితి చూడసమా, భూమిక భద్రిరాజు, దిశా ధింగ్రా, ఇసాని వాఘేలా, జీవన అరస్, లాస్య ముళ్లపూడి,  పూజా గణేష్ (వికెట్‌ కీపర్‌), పూజా షా, రీతూ సింగ్ ,సాయి తన్మయి ఎయ్యుణ్ణి,స్నిగ్ధా పాల్, సుహాని తడాని, తరణం చోప్రా రిజర్వ్ ప్లేయర్స్: చేతన ప్రసాద్, కస్తూరి వేదాంతం, లిసా రామ్‌జిత్, మిటాలి పట్వర్ధన్, త్యా గొన్సాల్వేస్ కోచింగ్, సహాయక సిబ్బంది: ప్రధాన కోచ్: శివనారాయణ్ చంద్రపాల్ టీమ్ మేనేజర్: జాన్ ఆరోన్ జట్టు విశ్లేషకుడు: రోహన్ గోసాల అసిస్టెంట్ కోచ్: బర్ట్ కాక్లీ ఫిజియో/మెడికల్: డా. ఆడ్రీ ఆడమ్స్ అసిస్టెంట్ టీమ్ మేనేజర్: జోన్ అలెగ్జాండర్-సెరానో 📡MEDIA RELEASE: USA Cricket Women's U19s Squad for Historic First World Cup Appearance Named 15-player squad to represent Team USA is named for the inaugural ICC Under-19 Women’s T20 World Cup in South Africa next month ➡️: https://t.co/xB789FYppc#WeAreUSACricket🇺🇸 #U19CWC pic.twitter.com/x6Y00UXrE7 — USA Cricket (@usacricket) December 14, 2022 United States of India — Rahul Goyal (@rahulgoyalactor) December 14, 2022 USA Cricket team or India B team?? — Vignesh (@vickki93) December 14, 2022 The USA women's cricket team is a more diverse representation of India than the Indian women's cricket team!:) — Sandeep Ramesh (@SandeepRamesh) December 14, 2022 చదవండి: కల చెదిరింది.. ప్రాణం తీసిన గుర్రపు పందెం కోహ్లి సైగ చేశాడు.. సిరాజ్‌ అనుకరించాడు; ఒళ్లు మండినట్టుంది

టీ20 క్రికెట్‌ మొదటి ప్రపంచకప్‌ విజేత ఎవరంటే క్రికెట్ ప్రేమికులు ఠక్కున సమాధానం చెప్పేస్తారు. ధోని సారథ్యంలోని యంగ్ ఇండియా అని. ఆ టోర్నీలో ఆద్యంతం అధిపత్యం చలాయిస్తూ దాయాదిని మట్టికరిపించి ట్రోఫిని ఎగరేసుకొచ్చింది టీంఇండియా. ఆ మరపురాని దృశ్యాలు మరోసారి తెరపై చూడాలనుకుంటున్నారా? అయితే మీకోసమే సరికొత్తగా ముందుకు తీసుకొస్తున్నారు. ఆనాటి మధుర క్షణాలను మీకు రుచి చూపించేందుకు వెబ్ సిరీస్ రూపంలో వచ్చేస్తోంది. ఆ వివరాలేంటో ఓ లుక్కేద్దాం. చదవండి: ‘అలిపిరికి అల్లంత దూరంలో’ మూవీ రివ్యూ)  జార్ఖండ్ డైనమెట్ మహేంద్రసింగ్ ధోని సారథ్యంలోని టీంఇండియా 2007లో జరిగిన ప్రపంచకప్‌ ఎగరేసుకుపోయింది. సీనియర్లు లేకున్నా యంగ్ ఇండియా కలను సాకారం చేసింది. తుదిమెట్టుపై దాయాది పాకిస్థాన్‌పై అద్భుత విజయాన్ని నమోదు చేసింది. క్రికెట్ ప్రేమికులు ఇప్పటికీ ఆ విజయాన్ని గుర్తు చేసుకుంటారు. 2007 టీ20 ప్రపంచకప్ మాత్ర అభిమానుల గుండెల్లో ఎప్పటికీ నిలిచిపోతుంది ఆ మ్యాచ్‌లు మిస్సయినవారికి త్వరలోనే స్క్రీన్‌పై చూపించనున్నారు.  యూకేకు చెందిన వన్ వన్ సిక్స్ నెట్ వర్క్ ఈ వెబ్ సిరీస్ నిర్మిస్తోంది. దీనికి ఆనంద్ కుమార్ డైరెక్టర్‌గా వ్యవహరించనున్నారు. పలు భాషల్లో ప్రపంచకప్‌ మ్యాచ్‌లను డాక్యుమెంటరీగా సరికొత్తగా తెరకెక్కిస్తున్నారు. అప్పటి భారత జట్టులోని 15 మంది ఆటగాళ్లు, తమ అనుభవాలను ఇందులో పంచుకోనున్నారు. ఇప్పటికే దాదాపుగా ఈ సిరీస్ షూటింగ్ కూడా పూర్తయినట్లు తెలుస్తోంది. ఈ డాక్యుమెంటరీ వెబ్‌ సిరీస్‌ను వచ్చే ఏడాది విడుదల చేయనున్నట్లు మేకర్స్​ ప్రకటించారు.  #ItStartedWithThem One One Six Network announces Team HAQ SE INDIA’s squad@harbhajan_singh @GautamGambhir @virendersehwag @DineshKarthik @robbieuthappa @IrfanPathan @iamyusufpathan @rpsingh @MJoginderSharma @sreesanth36 @RaviShastriOfc @BumbleCricket @oneonesixltd @haqseindia pic.twitter.com/OFOUn6B3jI — Gaurav Bahirvani (@gauravbahirvani) October 9, 2021

టీ20 ప్రపంచకప్‌-2022లో పాకిస్తాన్‌ ఫైనల్‌ చేరినప్పటికీ.. ఆ జట్టు కెప్టెన్‌ బాబర్‌ ఆజం మాత్రం అంతగా రాణించలేకపోయాడు. ఈ మెగా టోర్నీలో 7 మ్యాచ్‌లు ఆడిన బాబర్‌ కేవలం 124 పరుగులు మాత్రమే చేశాడు. ఈ క్రమంలో బాబర్‌ కెప్టెన్సీపై ఆ దేశ మాజీ ఆటగాళ్లు తీవ్ర విమర్శలు చేశారు. మరికొంత మంది బాబర్‌ కెప్టెన్‌గా పనికిరాడని, తప్పుకోవాలని డిమాండ్ చేశారు. తాజాగా బాబర్‌ను ఉద్దేశించి పాక్‌ మాజీ కెప్టెన్‌ షాహిద్ అఫ్రిది ఆసక్తికర వాఖ్యలు చేశాడు. బాబర్‌ టీ20 కెప్టెన్సీని వదులుకుని వన్డేలు, టెస్టుల్లో జట్టును నడిపించడంపై దృష్టి సారించాలని అఫ్రిది సూచించాడు. అదే విధంగా పాకిస్తాన్‌ సూపర్ లీగ్‌లో కూడా పెషావర్ జల్మీ కెప్టెన్సీ బాధ్యతలు ఆజం చేపట్టకూడదని ఆఫ్రిది అభిప్రాయపడ్డాడు. కాగా ఈ ఏడాది పీఎస్‌ఎల్‌ సీజన్‌ వరకు కరాచీ కింగ్స్‌కు ప్రాతినిథ్యం వహించిన బాబర్‌.. వచ్చే ఏడాది సీజన్‌లో పెషావర్ జల్మీతో ఒప్పందం కుదుర్చుకున్నాడు.  "బాబర్‌ ఆజంను నేను చాలా గౌరవిస్తాను. అందుకే అతడు టీ20 క్రికెట్‌లో కెప్టెన్సీ ఒత్తిడిని తీసుకోకూడదని నేను కోరుకుంటున్నాను. అతడు టీ20 కెప్టెన్సీ నుంచి తప్పుకుని వన్డే, టెస్టు ఫార్మాట్‌లపై దృష్టిపెట్టాలి. షాదాబ్‌, రిజ్వాన్‌, షాన్‌ మసూద్‌ వంటి వంటి ఆటగాళ్లకి టీ20 ఫార్మాట్‌లో జట్టును నడిపించే సత్తా ఉంది. అదే విధంగా పాకిస్తాన్‌ సూపర్‌ లీగ్‌లో ‍కూడా బాబర్‌ సారథ్య బాధ్యతలు చేపట్టకూడదు. అతడు ప్రస్తుతం తన బ్యాటింగ్‌పై దృష్టిసారించాలని" సామా టీవీకి ఇచ్చిన ఇంటర్వ్యూలో షాహిద్ అఫ్రిది పేర్కొన్నాడు. చదవండి: IND vs NZ: అతడు చాలా డేంజరేస్‌.. టీమిండియా ఓపెనర్‌గా రావాలి

ఇటీవల కంపెనీలు మార్కెటింగ్‌ కోసం కొత్త దారులను ఎంచుకుంటున్నాయి. తమ వస్తువుల మార్కెటింగ్‌ కోసం కంటెంట్‌తో పాటు కాంట్రవర్శీని కూడా జత చేస్తున్నాయి. సోషల్‌ మీడియా వాడకం పెరిగినప్పటి నుంచి ఇలాంటివి బాగా పెరిగాయి.ఈ తరహాలో ఇప్పటికే ఇ-కామర్స్ ప్లాట్‌ఫాంలు ఫ్లిప్‌కార్ట్, అమెజాన్‌ పాటించిన సంగతి తెలిసిందే.  తాజాగా ఆ జాబితాలోకి మరో ఆన్‌లైన్‌ ప్లాట్‌పాం మింత్రా(MYNTR) కూడా చేరింది. టీమిండియా ఆటగాడు కేఎల్‌ రాహుల్‌పై వ్యంగ్యంగా ట్వీట్‌ చేసి నెటిజన్ల ఆ‍గ్రహాన్ని చవి చూస్తోంది. ప్రస్తుతం జరుగుతున్న టీ 20 ప్రపంచకప్‌లో భారత జట్టు కీలక సెమీఫైనల్‌ మ్యాచ్‌లో ఇంగ్లండ్‌ చేతిలో ఓటమి పాలైన సంగతి తెలిసిందే. ఈ టోర్నిలో కేఎల్‌ రాహుల్‌ దారుణంగా విఫలమయ్యాడు. ఈ ​నేపథ్యంలో రాహుల్‌ వైఫల్యాలపై మింత్రా వ్యంగ్యంగా ఓ పోస్ట్‌ చేసింది. అందులో..  'అవుట్ ఆఫ్ ది వరల్డ్' అని ప్రింట్‌ చేసిన టీ-షర్టులో.. కేవలం 'అవుట్' మాత్రం కనిపంచేలా ఉన్న టీ షర్ట్‌ ఫోటోను ట్విటర్‌లో షేర్‌ చేసింది.  ఆ ఫోస్ట్‌కు ‘కేఎల్‌ రాహుల్ ఇష్టమైన టీ-షర్ట్’ అంటూ సెటైరికల్‌గా క్యాప్షన్‌ ఇచ్చింది. అయితే ఈ ట్వీట్‌కు సంబంధించి నెట్టింట దుమారమే రేగుతోంది. మింత్రా చేసని పనికి సోషల్‌మీడియాలో కేఎల్‌ రాహుల్‌ ఫ్యాన్స్‌ ఫైర్‌ అవుతున్నారు. ఇలాంటి చీఫ్‌ పబ్లిసిటీ స్టంట్స్‌ ఆపాలంటూ మండిపడుతున్నారు. చదవండి: ఏంటి బ్రో, చేరిన 2 రోజులకే నా ఉద్యోగం ఊడింది.. ఓ ఐఐటియన్‌ బాధ ఇది!

టీ20 వరల్డ్‌కప్‌-2022 తొలి సెమీఫైనల్లో రేపు (నవంబర్‌ 9) న్యూజిలాండ్‌-పాకిస్తాన్‌ జట్లు అమీతుమీ తేల్చుకోనున్నాయి. సిడ్నీ వేదికగా జరిగే ఈ సమరంలో ఇరు జట్లు కత్తులు దూసుకోనున్నాయి. భారతకాలమానం ప్రకారం ఈ మ్యాచ్‌ మధ్యాహ్నం 1:30 గంటలకు ప్రారంభమవుతుంది.  గ్రూప్‌-1లో అగ్రస్థానంతో న్యూజిలాండ్‌ సెమీస్‌కు చేరుకోగా.. అదృష్టం కలిసి రావడంతో గ్రూప్‌-2 నుంచి పాకిస్తాన్‌ రెండో జట్టుగా సెమీస్‌కు అర్హత సాధించింది.  రెండో సెమీస్‌లో భారత్‌.. ఇంగ్లండ్‌ను ఢీకొట్టనుండటంతో పాక్‌-కివీస్‌ మ్యాచ్‌లో ఎవరు గెలుస్తారో తెలుసుకోవాలన్న ఆతృత భారతీయ అభిమానుల్లో పెరిగింది. ఒకవేళ ఈ మ్యాచ్‌లో పాక్‌ గెలిచి, ఇంగ్లండ్‌పై టీమిండియా గెలిస్తే.. ఫైనల్లో దాయదాల రసవత్తర సమరాన్ని వీక్షించవచ్చన్నదే టీమిండియా ఫ్యాన్స్‌ ఆకాంక్ష. ఈ నేపథ్యంలో రేపటి మ్యాచ్‌లో గెలుపోటములపై సర్వత్రా చర్చ జరుగుతుంది. టీమిండియా ఫ్యాన్స్‌ అయితే పాక్‌ తప్పక గెలిచి, ఫైనల్లో తమతో తలపడాలని ఆశపడుతున్నారు. బలాబలాలు, రికార్డులతో సంబంధం లేకుండా పాకే గెలవాలని గట్టిగా కోరుకుంటున్నారు.  ఇరు జట్ల మధ్య హెడ్‌ టు హెడ్‌ రికార్డ్స్‌ ఏం చెబుతున్నాయో ఓసారి పరిశీలిస్తే.. ఇప్పటివరకు కివీస్‌-పాక్‌ల మధ్య మొత్తం 28 టీ20 మ్యాచ్‌లు జరగ్గా.. పాక్‌ 17 మ్యాచ్‌ల్లో, న్యూజిలాండ్‌ 11 మ్యాచ్‌ల్లో గెలుపొందాయి. టీ20 వరల్డ్‌కప్‌లో ఇరు జట్లు 6 సందర్భాల్లో ఎదురెదురు పడగా.. పాక్‌ 4 సార్లు, కివీస్‌ 2 సార్లు విజయం సాధించాయి. గత 5 టీ20ల్లో పాక్‌ 4 మ్యాచ్‌ల్లో గెలువగా.. న్యూజిలాండ్‌ ఒక్క మ్యాచ్‌లో మాత్రమే నెగ్గింది. మరోవైపు వన్డే, టీ20 ప్రపంచకప్‌ సెమీఫైనల్స్‌ల్లో పాక్‌కు న్యూజిలాండ్‌ చేతుల్లో ఓటమన్నదే లేదు. ఈ రెండు జట్లు వన్డే, టీ20 ప్రపంచకప్‌ల్లో మూడుసార్లు సెమీఫైనల్స్‌లో తలపడగా.. అన్నింటిలో పాకిస్థానే విజయం సాధించింది. 1992 వన్డే వరల్డ్‌కప్‌ సెమీఫైనల్లో పాక్‌.. న్యూజిలాండ్‌పై 4 వికెట్ల తేడాతో విజయం, 1999 వరల్డ్‌కప్‌ సెమీఫైనల్లో 9 వికెట్ల తేడాతో విజయం, 2007 టీ20 వరల్డ్‌కప్‌ సెమీఫైనల్లో 6 వికెట్ల తేడాతో విజయం సాధించింది. ఈ లెక్కన టీ20ల్లో న్యూజిలాండ్‌పై పాక్‌ స్పష్టమైన ఆధిపత్యం కలిగి ఉంది.  చదవండి: కెప్టెన్‌గా హీరో.. కప్పు అందుకోవడంలో జీరో; ఈసారైనా  

సరిగ్గా రెండు వారాల క్రితం మెల్‌బోర్న్‌ మైదానంలో భారత క్రికెట్‌ జట్టు ఒక అద్భుత విజయాన్ని అందుకుంది. పాకిస్తాన్‌పై సాధించిన ఈ గెలుపు అభిమానులందరికీ చిరస్మరణీయ జ్ఞాపకాన్ని అందించింది. ఇప్పుడు అదే వేదికపై లీగ్‌ దశను ముగించేందుకు టీమిండియా మళ్లీ మైదానంలోకి అడుగు పెడుతోంది. బలహీన ప్రత్యర్థిని ఓడించి గ్రూప్‌–1లో మొదటి స్థానంలో నిలవాలని రోహిత్‌ బృందం పట్టుదలతో ఉంది. అయితే స్టార్లు లేకపోయినా జింబాబ్వేను తక్కువగా అంచనా వేస్తే ప్రమాదమే! అలసత్వంతో అనూహ్య ఓటమిని ఎదుర్కొన్న పాకిస్తాన్‌ ఇప్పటికీ టోర్నీలో సెమీస్‌ స్థానం కోసం పోరాడుతోంది. ఈ నేపథ్యంలో మరో ఆదివారం మధ్యాహ్నం అభిమానులకు వినోదం ఖాయం.    మెల్‌బోర్న్‌: పాకిస్తాన్, నెదర్లాండ్స్, బంగ్లాదేశ్‌లపై విజయాలు, దక్షిణాఫ్రికా చేతిలో ఓటమి తర్వాత భారత జట్టు టి20 వరల్డ్‌కప్‌ లీగ్‌ దశలో తమ చివరి పోరుకు సిద్ధమైంది. నేడు జరిగే పోరులో జింబాబ్వేతో భారత్‌ తలపడుతుంది. అధికారికంగా భారత్‌కు ఇంకా సెమీస్‌ స్థానం ఖరారు కాలేదు కానీ ఈ మ్యాచ్‌లో గెలిస్తే గ్రూప్‌ టాపర్‌గా భారత్‌ సెమీస్‌ చేరుతుంది. అదే జరిగితే ఈ నెల 10న అడిలైడ్‌లో ఇంగ్లండ్‌తో రెండో సెమీఫైనల్లో టీమిండియా తలపడుతుంది. టోర్నీ ఆసాంతం స్ఫూర్తిదాయక ప్రదర్శన కనబర్చిన జింబాబ్వే మరో సంచలనాన్ని ఆశిస్తోంది. పాక్‌తో మ్యాచ్‌ తరహాలోనే 90 వేలకు పైగా సామర్థ్యం ఉన్న ఎంసీజీలో ఈ పోరు కు కూడా అన్ని టికెట్లూ అమ్ముడవడం విశేషం.   చహల్‌కు అవకాశం దక్కేనా... గత మ్యాచ్‌లో బంగ్లాదేశ్‌పై చివర్లో గట్టెక్కినా... తుది జట్టులో మార్పులు ఉండకపోవచ్చు. టాపార్డర్‌ బ్యాటర్ల నుంచి బౌలర్ల వరకు అందరూ సమష్టిగా రాణిస్తున్నారు. ఒక్క వికెట్‌ కీపర్‌ విషయంలోనే కాస్త సందేహాలు అనిపించాయి. బంగ్లాతో పోరులోనే కార్తీక్‌ బదులుగా పంత్‌ ఆడతాడని అనిపించినా, చివరకు అది జరగలేదు. అంటే ఫినిషర్‌గా కార్తీక్‌పైనే జట్టు మేనేజ్‌మెంట్‌ ఎక్కువగా నమ్మకముంచుతోంది. పేసర్లు షమీ, భువనేశ్వర్, అర్‌‡్షదీప్‌ ప్రతీ మ్యాచ్‌లో అంచనాలకు అనుగుణంగా రాణించారు. జింబాబ్వేపై కూడా ఈ ముగ్గురు ప్రభావం చూపగలరు.    సమష్టిగా రాణిస్తే... పాకిస్తాన్‌పై విజయంతో ఒకదశలో జింబాబ్వే జట్టులో కూడా సెమీస్‌ ఆశలు రేగాయి. అయితే బంగ్లా, నెదర్లాండ్స్‌ చేతుల్లో పరాజయాలు ఆ జట్టును దెబ్బకొట్టాయి. ఈ రెండుసార్లు బ్యాటింగ్‌ వైఫల్యంతోనే జింబాబ్వే ఓడింది. సికందర్‌ రజా, విలియమ్స్‌పైనే జట్టు బ్యాటింగ్‌ ప్రధానంగా ఆధారపడి ఉంది. మరోవైపు జింబాబ్వే బౌలింగ్‌ కాస్త మెరుగ్గా కనిపిస్తోంది. పేసర్లు చటారా, ఎన్‌గరవ, ముజరబానిలను జట్టు నమ్ముకుంటోంది. ఈ ముగ్గురూ టోర్నీలో వేర్వేరు దశల్లో చక్కటి బౌలింగ్‌తో ఆకట్టుకున్నారు. పట్టుదలగా బౌలింగ్‌ చేస్తే వీరు భారత బ్యాటింగ్‌ను కొంత వరకు ఇబ్బంది పెట్టగలరేమో చూడాలి.   పిచ్, వాతావరణం ఎంసీజీలో ఈ ప్రపంచకప్‌లో ఐదు మ్యాచ్‌లు షెడ్యూల్‌ కాగా, మూడు రద్దయ్యాయి. ఒక మ్యాచ్‌ను కుదించగా, భారత్‌–పాక్‌ మ్యాచ్‌ మాత్రమే పూర్తిగా సాగింది. ఆదివారం వర్ష సూచన లేకపోవడం సానుకూలాంశం. కొత్త పిచ్‌పై పేసర్లు కొంత ప్రభావం చూపగలరు కానీ ఓవరాల్‌గా బ్యాటింగ్‌కే అనుకూలం.  1: టి20 ప్రపంచకప్‌ చరిత్రలో భారత్, జింబాబ్వే మధ్య ఇదే తొలి మ్యాచ్‌. 

నరాలు తెగే ఉత్కంఠగా పాకిస్తాన్‌తో జరిగిన టీ20 వరల్డ్‌ కప్‌ మ్యాచ్‌లో టీమిండియా సూపర్ విక్టరీ కొట్టింది. ఈ మ్యాచ్‌లో కింగ్ కోహ్లీ టాప్‌ స్కోరర్‌గా నిలిచి మ‍్యాచ్‌ విజయంలో కీలకపాత్ర పోషించారు. ఆల్‌ రౌండర్‌ హార్దిక్‌ పాండ్యాతో కలిసి టీమిండియాను గెలిపించాడు.  ఈ ప్రతిష్ఠాత్మకమైన మ్యాచ్‌లో భారత్ విజయం పట్ల పలువురు ప్రముఖులు సోషల్ మీడియా వేదికగా ప్రశంసల వర్షం కురిపిస్తున్నారు.  తాజాగా ఈ విషయంపై విరాట్ కోహ్లీ సతీమణి అనుష్క శర్మ  స్పందించారు. విరాట్‌ను ప్రశంసిస్తూ తన ఇన్‌స్టాలో పోస్ట్ చేశారు.   ఇన్‌స్టాలో అనుష్క శర్మ రాస్తూ..' ఈ దీపావళికి ప్రజల జీవితాల్లో ఆనందాన్ని నింపారు. మీరు ఒక అద్భుతం. మీ పట్టుదల, నమ్మకం, మనస్సును కదిలించేలా ఉన్నాయి. నా జీవితంలో అత్యుత్తమ మ్యాచ్ చూశా. నేను మ్యాచ్ జరుగుతున్న సమయంలో డ్యాన్స్‌ చేస్తుంటే మా పాపకు అర్థం కానీ పరిస్థితి. కానీ ఏదో ఒక రోజు తన తండ్రి అత్యుత్తమ ఇన్నింగ్స్ ఆడారని తెలుసుకుంటుంది.  అత్యంత కఠిన పరిస్థితుల నుంచి ఎన్నడు లేనంతగా పుంజుకున్నారు మీరు. మిమ్మల్ని చూస్తే చాలా గర్వంగా ఉంది. మీపై నా ప్రేమ అపరిమితం' అంటూ రాసుకొచ్చింది. పాకిస్తాన్‌తో జరిగిన మ్యాచ్‌లో కోహ్లీ ఇన్నింగ్స్‌పై సోషల్ మీడియాలో పొగడ్తలతో ముంచెత్తుతున్నారు.  View this post on Instagram A post shared by AnushkaSharma1588 (@anushkasharma)

వాట్‌ ఏ విన్.. వాట్‌ ఏ మాసివ్ ఫర్ఫామెన్స్.. కింగ్ కోహ్లీ కా కమాల్.. టీ ట్వంటీ వరల్డ్‌కప్‌ తొలి మ్యాచ్‌లో భారత్‌ సెన్సేషనల్ విన్. ఇలా ఏ పదం వాడినా టీమిండియా ఘనతను వర్ణించడానికి సరిపోదేమో. అలాంటి విజయాన్ని సాధించింది టీమిండియా. 30 పరుగులకే టాప్ ఆర్డర్ నాలుగు వికెట్లు కోల్పోయిన భారత్ చివరి ఓవర్లో చివరి బంతికి దాయాది పాకిస్తాన్‌పై గెలుపును రుచి చూసింది. అత్యంత ఉత్కంఠభరితంగా జరిగిన మ్యాచ్‌లో అద్భుత విజయం సాధించి టోర్నీలో ఘనంగా బోణి కొట్టింది. తాజాగా ఈ ఘనవిజయంపై టాలీవుడ్ యంగ్ టైగర్ ఎన్టీఆర్ సైతం స్పందించారు.  (చదవండి: జపనీస్ భాష నేర్చుకుంటున్న ఎన్టీఆర్.. యువతులతో సరదా సంభాషణ..!) జూనియర్ ఎన్టీఆర్ ట్వీట్ వైరల్: నరాలు తెగే ఉత్కంఠకు తెరతీసిన మ్యాచ్‌పై తాజాగా టాలీవుడ్ యంగ్ టైగర్‌ ఎన్టీఆర్ సైతం స్పందించాడు. టీమిండియా ఘనతను సోషల్ మీడియా వేదికగా ప్రశంసించారు. ఈ మేరకు టీమిండియా ప్రదర్శను పొగుడుతూ ట్వీట్‌ చేశారు. ' చాలా అద్భుతమైన ఛేదన , కోహ్లీ అండ్ టీం సంచలన విజయం సాధించింది. నేను మ్యాచ్‌ను చాలా ఎంజాయ్ చేశాను' అంటూ ట్వీట్‌ చేశారు. జూనియర్ సైతం టీమిండియా ఘనతకు ఫిదా అయ్యారు.  అది కాస్తా వైరలవడంతో అభిమానులు రీ ట్వీట్ చేస్తూ కామెంట్స్ చేస్తున్నారు.  What an excellent run chase !! Kohli and the team pulled off a sensational win ! Enjoyed it. — Jr NTR (@tarak9999) October 23, 2022

గిలాంగ్‌: ఆసియా టి20 చాంపియన్‌ శ్రీలంకకు క్రికెట్‌ కూన నమీబియా పెద్ద షాకే ఇచ్చింది. టి20 ప్రపంచకప్‌ గ్రూప్‌ ‘ఎ’ తొలి రౌండ్‌ (క్వాలిఫయర్స్‌) మ్యాచ్‌లో నమీబియా 55 పరుగుల తేడాతో 2014 టి20 ప్రపంచకప్‌ విజేత లంకను చిత్తు చేసింది. గతేడాది యూఏఈలో జరిగిన పొట్టి ప్రపంచకప్‌లో ఆకట్టుకున్న నమీబియా ఇక్కడ తొలి మ్యాచ్‌తోనే శుభారంభం చేసింది. మొదట నమీబియా 20 ఓవర్లలో 7 వికెట్ల నష్టానికి 163 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ జాన్‌ ఫ్రయ్‌లింక్‌ (28 బంతుల్లో 44; 4 ఫోర్లు), స్మిట్‌ (16 బంతుల్లో 31 నాటౌట్‌; 2 ఫోర్లు, 2 సిక్స్‌లు) రాణించారు. ఒకదశలో 14.2 ఓవర్లలో 93 పరుగులకే 6 వికెట్లు కోల్పోయిన నమీబియాను  ఫ్రయ్‌లింక్, స్మిట్‌ ధాటిగా ఆడి ఆదుకున్నారు. ఇద్దరు చివరి 5.4 ఓవర్లలోనే ఏడో వికెట్‌కు 70 పరుగులు జోడించారు. లంక బౌలర్లలో మదుషాన్‌ 2 వికెట్లు పడగొట్టాడు. తర్వాత శ్రీలంక 19 ఓవర్లలో 108 పరుగులకే ఆలౌటై ఓడిపోయింది. కెప్టెన్‌ దాసున్‌ షనక (23 బంతుల్లో 29; 2 ఫోర్లు, 1 సిక్స్‌), రాజపక్స (21 బంతుల్లో 20; 2 ఫోర్లు) తప్ప ఇంకెవరూ ఎంతోసేపు క్రీజులో నిలువలేకపోయారు. ఫ్రయ్‌లింక్‌ (2/26), స్మిట్‌ (1/16) బంతితోనూ ఆకట్టుకున్నారు. వీస్, బెర్నార్డ్, షికొంగో తలా 2 వికెట్లు తీశారు.   నెదర్లాండ్స్‌ బోణీ ఇదే గ్రూప్‌లో జరిగిన మరో మ్యాచ్‌లో యూఏఈపై నెదర్లాండ్స్‌ ఆఖరిదాకా చెమటోడ్చి నెగ్గింది. తక్కువ స్కోర్ల ఈ మ్యాచ్‌ ఆఖర్లో కాస్త ఉత్కంఠ రేపినా... నెదర్లాండ్స్‌ 3 వికెట్ల తేడాతో గట్టెక్కింది. తొలుత యూఏఈ 20 ఓవర్లలో 8 వికెట్లకు 111 పరుగులు చేసింది. ఓపెనర్‌ వసీమ్‌ (47 బంతుల్లో 41; 1 ఫోర్, 2 సిక్సర్లు) రాణించాడు. బస్‌ డి లీడే (3/19) ఒక్క ఓవర్‌తో మలుపు తిప్పాడు. 91/2 స్కోరుతో ఒకదశలో పటిష్టంగానే కనిపించిన యూఏఈకు అదేస్కోరుపై వసీమ్‌ వికెట్‌ను కోల్పోయాక కష్టాలు మొదలయ్యాయి. 18వ ఓవర్లో ఫరీద్‌ (2) రనౌటయ్యాడు. ధనాధన్‌ ఆడే డెత్‌ ఓవర్లలో పరుగులకు బదులు వికెట్లు రాలడంతో యూఏఈ ఊహించనిరీతిలో కట్టడి అయ్యింది. 19వ ఓవర్‌ వేసిన డి లీడే మూడు వికెట్లు తీసి ప్రత్యర్థి జట్టును దెబ్బ తీశాడు. అరవింద్‌ (18), బాసిల్‌ హమీద్‌ (4), కెప్టెన్‌ రిజ్వాన్‌ (1)లను లీడే అవుట్‌ చేశాడు. ఆఖరి ఓవర్లో అఫ్జల్‌ ఖాన్‌ (5)ను క్లాసెన్‌ పెవిలియన్‌ చేర్చడంతో... కేవలం 19 పరుగుల వ్యవధిలోనే యూఏఈ 6 వికెట్లను కోల్పోయింది. తర్వాత నెదర్లాండ్స్‌ 19.5 ఓవర్లలో 7 వికెట్లకు 112 పరుగులు చేసి గెలిచింది. ఓపెనర్‌ ఓడోడ్‌ (23; 3 ఫోర్లు, 1 సిక్స్‌), ఆఖర్లో కెప్టెన్‌ ఎడ్వర్డ్స్‌ (16 నాటౌట్‌), ప్రింగిల్‌ (5) కుదురుగా ఆడి గెలిపించారు. జునైద్‌ సిద్ధిఖ్‌ 3 వికెట్లు తీశాడు. చివరి 12 బంతుల్లో 10 పరుగులు చేయాల్సిన దశలో 19 ఓవర్లో ప్రింగిల్‌ను జహూర్‌ ఖాన్‌ అవుట్‌ చేయగా 4 పరుగులే వచ్చాయి. 6 బంతుల్లో 6 పరుగుల విజయ సమీకరణం యూఏఈని ఊరించినప్పటికీ ఎడ్వర్డ్స్, వాన్‌ బిక్‌ (4) షాట్ల జోలికి వెళ్లకుండా ఒకట్రెండు       పరుగులు తీసి జట్టును గెలిపించారు.   గ్రూప్‌ ‘బి’లో నేటి మ్యాచ్‌లు స్కాట్లాండ్‌ vs వెస్టిండీస్‌ (ఉదయం గం. 9:30 నుంచి) ఐర్లాండ్‌ vs జింబాబ్వే (మధ్యాహ్నం గం. 1:30 నుంచి) స్టార్‌ స్పోర్ట్స్‌–2లో ప్రత్యక్ష ప్రసారం

Ricky Ponting Picks Two Indians In World T20I Top 5 List: ఆస్ట్రేలియా వేదికగా జరగన్న టీ20 ప్రపంచకప్‌-2022కు సమయం దగ్గర పడతుండడంతో ఆయా జట్లు తమ ప్రణాళికలు రచిస్తున్నాయి. ఇందులో భాగంగానే ఈ మెగా ఈవెంట్‌కు ముందు ధ్వైపాక్షిక సిరీస్‌లతో జట్లు బీజీ బీజీగా గడపనునున్నాయి. ఇక భారత విషయానికి వస్తే..  ప్రపంచకప్ ముందు ప్రస్తుత జరుగుతున్న ఆసియాకప్‌తో పాటు స్వదేశంలో ఆస్ట్రేలియా, దక్షిణాఫ్రికాతో టీ20 సిరీస్‌లు ఆడనుంది. కాగా 2013 ఛాంపియన్స్‌ ట్రోఫీ కైవసం చేసుకున్న తర్వాత ఇప్పటి వరకు భారత్‌ ఒక్క ఐసీసీ టైటిల్‌ కూడా గెలవలేదు. కాబట్టి ఈ ఏడాది జరగనున్న టీ20 ప్రపంచకప్‌లో గెలిచి భారత్‌కు టైటిల్‌ అందించాలని రోహిత్‌ సేన ఉవ్విళ్లూరుతోంది. ఇక ఇది ఇలా ఉండగా.. 'ఐసీసీ రివ్యూ' షో పాల్గొన్న ఆస్ట్రేలియా మాజీ కెప్టెన్‌ రికీ పాంటింగ్‌కు ఓ కఠినమైన ప్రశ్న ఎదురైంది.  ప్రస్తుతం ప్రపంచ టీ20 క్రికెట్‌లో టాప్‌- ఫైవ్ ప్లేయర్‌ల పేర్లు చెప్పమని ఆడగగా.. పాంటింగ్‌ తన మొదటి ఎంపికగా భారత స్టార్‌ ఆల్‌రౌండర్‌ హార్దిక్‌ పాండ్యాను ఎంచుకున్నాడు. అదే విధంగా మిగితా నాలుగు స్ధానాల్లో టీమిండియా స్టార్‌ పేసర్‌ జస్ప్రీత్‌ బుమ్రా, ఇంగ్లండ్‌ కెప్టెన్‌ జోస్‌ బట్లర్‌, పాకిస్తాన్‌ సారథి బాబర్‌ ఆజాం, ఆఫ్గానిస్తాన్‌ స్పిన్నర్‌ రషీద్‌ ఖాన్‌ను ఎంపిక చేశాడు. చదవండి: Asia Cup 2022 IND VS SL Super 4 Match: పంత్‌, చహల్‌లను పక్కకు పెట్టడమే ఉత్తమం..!

టీ20 వరల్డ్‌కప్‌- 2022 క్వాలిఫియర్‌ మ్యాచ్‌లో భాగంగా జర్మనీతో బహ్రెయిన్ తలపడింది. ఈ మ్యాచ్‌లో బహ్రెయిన్ స్పిన్నర్‌ జునైద్ అజీజ్ ఓ అరుదైన రికార్డు సాధించాడు. ఈ మ్యాచ్‌లో జునైద్ అజీజ్ తన స్పిన్‌ మయాజాలంతో ప్ర్యతర్ధి బ్యాటర్లను ముప్పు తిప్పలు పెట్టాడు. అజాజ్‌ 2 ఓవర్లు పూర్తి చేయకుండానే 5 వికెట్లు పడగొట్టాడు. కేవలం 10 బంతుల్లోనే 5 వికెట్లు సాధించాడు. తొలి ఓవర్‌లో మూడు వికెట్లు పడగొట్టిన అజాజ్‌.. రెండో ఓవర్‌లో వరుస బంతుల్లో రెండు వికెట్లు సాధించాడు. అయితే టీ20 క్రికెట్‌లో రెండు ఓవర్లు పూర్తి కాకుండానే 5 వికెట్లు పడగొట్టిన తొలి బౌలర్‌గా అజాజ్‌ నిలిచాడు. అజాజ్‌ స్పిన్‌ ధాటికి 106 పరుగులకే జర్మనీ కుప్పకూలింది. జర్మనీ బ్యాటర్లలో విజయ్‌ శంకర్‌ ఒక్కడే  50 పరుగులతో రాణించాడు. ఇక బహ్రెయిన్ బౌలర్లలో అజాజ్‌ వికెట్లు పడగొట్టగా, వసీం అహ్మద్‌ రెండు వికెట్లు సాధించాడు. ఇక 107 పరుగుల లక్ష్యంతో బరిలోకి దిగిన  బహ్రెయిన్ 4 వికెట్లు కోల్పోయి చేధించింది.  బహ్రెయిన్ బ్యాటర్లలో సర్ఫరాజ్‌ ఆలీ(69) టాప్‌ స్కోరర్‌గా నిలిచాడు. చదవండి: IND Vs WI 3rd T20: దంచి కొట్టిండు.. దండం పెట్టిండు.. వైర‌ల‌వుతున్న సూర్య‌కుమార్ న‌మ‌సెల‌బ్రేష‌న్స్‌ 1 2 W W . W 2 W . W Bahrain's Junaid Aziz delivered a dream spelling taking five wickets in 10 balls against Germany! 🤯#T20WorldCup pic.twitter.com/a33aPdlqIU — T20 World Cup (@T20WorldCup) February 19, 2022

టీ20 ప్ర‌పంచ‌క‌ప్‌-2022కు సంబంధించిన షెడ్యూల్‌ను ఐసీసీ విడుద‌ల చేసిన సంగ‌తి తెలిసిందే. ఇక భార‌త్ జ‌ట్టు త‌మ‌ తొలి మ్యాచ్‌లో చిరకాల ప్రత్యర్థి పాకిస్తాన్‌తో త‌ల‌ప‌డ‌నుంది. దాయాదుల పోరు అక్టోబర్ 23న ఐకానిక్ మెల్‌బోర్న్ క్రికెట్ గ్రౌండ్‌లో జ‌ర‌గ‌నుంది. టీ20 ప్ర‌పంచ‌క‌ప్‌-2022 అక్టోబర్ 16నుంచి న‌వంబ‌ర్ 13 వ‌ర‌కు జ‌ర‌గ‌నుంది. మొత్తం 8 జ‌ట్లును రెండు గ్రూపులుగా ఐసీసీ విభిజించింది. గ్రూప్‌-2లో టీమిండియా,పాకిస్తాన్,ద‌క్షిణాఫ్రికా, బంగ్లాదేశ్ జ‌ట్లు ఉన్నాయి. కాగా టీ20 ప్ర‌పంచ‌క‌ప్‌-2022లో టీమిండియా షెడ్యూల్‌పై ఓ లుక్కేద్దాం. అక్టోబర్ 23న మెల్‌బోర్న్ వేదిక‌గా పాకిస్తాన్‌తో త‌ల‌ప‌డ‌నుంది. అక్టోబర్ 30న పార్ల్ వేదిక‌గా ద‌క్షిణాఫ్రికాతో, న‌వంబ‌ర్ 2న బంగ్లాదేశ్‌తో ఆడ‌నుంది. ఇక గ్రూపు-బిలో విజేత‌తో న‌వంబ‌ర్ 6న చివ‌రి లీగ్ మ్యాచ్‌లో త‌ల‌ప‌డ‌నుంది. భార‌త్ టీ20 వ‌ర‌ల్డ్‌క‌ప్ షెడ్యూల్‌ను స్టార్ స్పోర్ట్స్ ట్విట‌ర్‌లో పోస్ట్ చేసింది. చ‌ద‌వండి: Axar Patel: ప్రేయసి మేహాతో అక్షర్ పటేల్ ఎంగేజ్‌మెంట్‌.. ఫోటోలు వైర‌ల్‌

ICC T20 World Cup India First Match: టీ20 ప్ర‌పంచ‌క‌ప్‌-2022 షెడ్యూ ల్‌ను ఐసీసీ శుక్ర‌వారం విడుద‌ల చేసింది. ఈ ఏడాది వ‌ర‌ల్డ్‌క‌ప్‌కు ఆస్ట్రేలియా అతిథ్యం ఇవ్వ‌నున్న సంగ‌తి తెలిసిందే. అయితే మ‌రోసారి భార‌త అభిమానులుకు ఐసీసీ గుడ్ న్యూస్ అందించింది. ఈ వ‌ర‌ల్డ్‌క‌ప్‌లో కూడా ఒకే గ్రూపులో పాక్‌, భార‌త జ‌ట్లు ఉన్నాయి. దీంతో మ‌రోసారి దాయాదుల పోరుకు టీ20 ప్ర‌పంచ‌క‌ప్‌ వేదిక కానుంది. అక్టోబర్ 23న ఐకానిక్ మెల్‌బోర్న్ క్రికెట్ గ్రౌండ్‌లో పాకిస్తాన్‌తో త‌మ తొలిపోరులో భార‌త్ త‌ల‌ప‌డ‌నుంది. కాగా టీ20 ప్ర‌పంచక‌ప్-2021 లీగ్ ద‌శ‌లో పాక్ చేతిలో టీమిండియా ఘోర ప‌రాజ‌యాన్ని చ‌విచూసిన సంగ‌తి తెలిసిందే టీ20 ప్ర‌పంచ‌క‌ప్‌-2022 అక్టోబర్ 16నుంచి న‌వంబ‌ర్ 13 వ‌ర‌కు జ‌ర‌గ‌నుంది. న‌వంబ‌ర్ 9న తొలి సెమీఫైన‌ల్, న‌వంబ‌ర్ 10న రెండో సెమీఫైన‌ల్ జ‌ర‌గ‌నున్నాయి. ఇక ఫైన‌ల్  మెల్‌బోర్న్ వేదిక‌గా న‌వంబ‌ర్‌ 13న జ‌ర‌గ‌నుంది. మొత్తం 8 జ‌ట్లును రెండు గ్రూపులుగా ఐసీసీ విభిజించింది. గ్రూప్‌-1లో ఆస్ట్రేలియా, ఆఫ్గానిస్తాన్‌, ఇంగ్లండ్‌, న్యూజిలాండ్ జ‌ట్లు ఉండ‌గా, గ్రూప్‌-2లో టీమిండియా,పాకిస్తాన్,ద‌క్షిణాఫ్రికా, బంగ్లాదేశ్ జ‌ట్లు ఉన్నాయి. చ‌ద‌వండి: కోహ్లికి షోకాజ్‌ నోటీసు ఇవ్వాలనుకున్న గంగూలీ! The fixtures for the ICC Men’s #T20WorldCup 2022 are here! 👇 pic.twitter.com/4ySJPOollF — Sri Lanka Cricket 🇱🇰 (@OfficialSLC) January 21, 2022  

దుబాయ్‌:  ఈ టీ20 వరల్డ్‌కప్‌లో టీమిండియాతో మ్యాచ్‌ తర్వాత ఎక్కువగా వార్తల్లో నిలిచింది షాహిన్‌ అఫ్రిది. భారత్‌ను ఆదిలోనే కోలుకోలేని దెబ్బకొట్టడంతో షాహిన్‌ ఒ‍క్కసారిగా హీరో అయిపోయాడు. ఎక్కడ చూసినా షాహిన్‌.. షాహిన్‌. ఇది హోరు. మ్యాచ్‌ చూడటానికి వచ్చిన ప్రేక్షకులు కూడా షాహిన్‌ అఫ్రిది ఆటోగ్రాఫ్‌ల కోసం ఎగబడ్డారు. మనోడు కూడా ఎక్కడా తగ్గేది లే అన్నట్లు వరుసగా ఆటోగ్రాఫ్‌లు ఇచ్చుకుంటూ పోయాడు. అది చూసిన భారత ఫ్యాన్స్‌ బిల్డప్‌ కాస్త ఎక్కువైందనే చమత్కరించుకున్నారు. ఇప్పుడు ఆ బిల్డప్‌ ఎక్కడికో పోయిందంటూ కామెంట్స్‌ చేస్తున్నారు. ఇప్పుడు కావాలా షాహిన్‌ ఆటోగ్రాఫ్‌లు అంటూ జోక్స్‌ వేస్తున్నారు.  ఇందుకు కారణం ఆసీస్‌తో జరిగిన సెమీ ఫైనల్‌ మ్యాచే. అది కూడా కేవలం ఒక్క ఓవర్‌తోనే అప్పటివరకూ హీరోగా నిలిచిన షాహిన్‌.. విలన్‌ అయిపోయాడు. పొగిడిన నోళ్లే.. ఏమి బౌలింగ్‌ అంటూ నోరు పారేసుకున్నారు.  హీరోగారి బిల్డప్‌ ఎక్కడికి పోయిందంటూ సోషల్‌ మీడియాలో సెటైర్లు  వేస్తున్నారు.  టీమిండియాతో జరిగిన  మ్యాచ్‌లో నాలుగు ఓవర్లు వేసిన షాహిన్‌.. 31 పరుగులిచ్చి 3 మూడు వికెట్లు తీశాడు. అవి కూడా రోహిత్‌, రాహుల్‌,  కోహ్లిలు వికెట్లు కావడంతో షాహిన్‌ పేరు మార్మోగిపోయింది. మరి ఆసీస్‌తో మ్యాచ్‌లో షాహిన్‌ బౌలింగ్‌ గణాంకాలు బాగానే ఉన్నాయి. నాలుగు ఓవర్లు వేసి 35 పరుగులిచ్చిన వికెట్‌ మాత్రమే తీశాడు. తన ఆఖరి ఓవర్‌(మ్యాచ్‌కు చివరి ఓవర్‌) ముందు వరకూ 13 పరుగులే ఇచ్చాడు షాహిన్‌. ప్రమాదకరమైన బ్యాట్స్‌మన్‌ మాథ్యూవేడ్‌..షాహిన్‌ వేసిన ఆఖరి ఓవర్‌ మూడో బంతికి బతికి బయటపడటంతో ఆపై మ్యాచ్‌ స్వరూపమే మారింది. క్యాచెస్‌ విన్‌ మ్యాచెస్‌ అంటే ఏమిటో మరొకసారి నిజం చేశాడు వేడ్‌.  ఆసీస్‌కు ఫైనల్‌ చేరే అవకాశాలు దాదాపు మూసుకుపోయిన తరుణంలో వేడ్‌ వరుసగా కొట్టిన సిక్స్‌లు మ్యాచ్‌ స్థితిని మొత్తం మార్చేశాయి. షాహిన్‌ వేయడం వేడ్‌ సిక్సర్ల మోత మోగించడం చకచకా జరిగిపోయాయి. అసలు ఏమౌతుందో తెలుసుకునే లోపే మ్యాచ్‌ ముగిసి కంగారులు ఫైనల్‌లో అడుగుపెట్టడం ఖాయం కాగా, పాక్‌ ఆటగాళ్లు తలపై చేతులు పెట్టుకుని గ్రౌండ్‌లో కూలబడిపోయారు. పాకిస్తాన్‌ను సెమీ ఫైనల్‌కు చేర్చడంలో కీలక పాత్ర పోషించిన అఫ్రిదిని సెమీస్‌ తర్వాత ఏమనాలో ఆ జట్టుకు అంతుబట్టలేదు. అభిమానులు మాత్రం షాహిన్‌ను ఆడేసుకుంటున్నారు. ఏం బాస్‌.. మొత్తం మీద సెమీస్‌కు చేరడానికి, సెమీస్‌ నుంచి వైదొలగడానికి కారణం అయ్యావ్‌.. ఏం చేస్తాం.. టైమ్‌ బాలేనట్లు ఉంది.. నెక్స్‌టైమ్‌ బెటర్‌ లక్‌ అంటూ ఆటపట్టిస్తున్నారు.  చదవండి: T20 World Cup 2021: గెలిచింది మన జట్టే కదా.. మనోడే కదా

Want to win a World Cup one or two or three Says KL Rahul: టీ20 ప్రపంచకప్‌ 2021లో భాగంగా టీమిండియా శుక్రవారం(నవంబర్‌5)న కీలక స్కాట్లాండ్‌తో మ్యాచ్‌ నేపథ్యంలో భారత ఓపెనర్‌ కేఎల్‌ రాహుల్‌ ఆసక్తికర వాఖ్యలు చేశాడు. తాను జట్టులో ఉండగా టీమిండియా ప్రపంచకప్‌ గెలిచి చరిత్ర సృష్టించాలని  రాహుల్‌ ఆకాంక్షించాడు. రాహుల్‌ ప్రస్తుతం యూఏఈ  వేదికగా జరుగుతున్న టీ20 ప్రపంచకప్‌లో భారత జట్టులో సభ్యుడిగా ఉన్నాడు. అయితే రాహుల్‌ కోరిక ఈ ఏడాది ప్రపంచకప్‌లో నెరవేరే అవకాశం లేదు. ఎందుకంటే టీమిండియా ఇప్పటికే సెమిస్‌ అవకాశాలను సంక్లిష్టం చేసుకుంది. కాగా భారత జట్టుకు భవిష్యత్తు నాయకులలో ఒకరిగా పేరుపొందిన రాహుల్ గతంలో 2019లో వన్డే ప్రపంచకప్‌లో ఆడాడు. అయితే సెమీఫైనల్లో న్యూజిలాండ్ చేతిలో భారత్ చిత్తుగా ఓడిపోయింది. టీమిండియా ఆ మ్యాచ్‌ను గెలవలేకపోయినందుకు తాను ఎంత బాధపడ్డాడో అతడు చాలా ఇంటర్వ్యూల్లో తెలిపాడు. అయితే తాజాగా  ఓ  ఇంటర్వ్యూలో ప్రపంచకప్‌ గెలవాలనే తన కోరిక గురించి రాహుల్‌ వెల్లడించాడు. "2011లో భారత్‌ సాధించిన ప్రపంచకప్ విజయాన్ని నేను చూశాను. అప్పుడే నా దేశం కోసం ప్రపంచ కప్ గెలవాలని, గెలిచిన భారత జట్టులో నేను భాగమై చరిత్ర సృష్టించాలని  నిర్ణయించుకున్నాను' అని ఇన్‌స్టాగ్రామ్ రీల్‌లో రాహుల్ పేర్కొన్నాడు.  చదవండి: ఆ భారత బౌలర్‌ టీ20లకు పనికిరాడు.. పక్కన పెట్టండి

Lowest T20I Totals In T20 World Cups.. టి20 క్రికెట్‌ అంటేనే భారీ స్కోర్లకు పెట్టింది పేరు. అటువంటి టి20 క్రికెట్‌లో లోస్కోరింగ్‌ మ్యాచ్‌లు జరగడం సహజమే. ఇక టి20 ప్రపంచకప్‌ లాంటి మేజర్‌టోర్నీల్లో అత్యల్ప స్కోర్లు నమోదు కావడం కనిపిస్తుంది. తాజాగా బంగ్లాదేశ్‌తో జరిగిన క్వాలిఫయర్‌ గ్రూఫ్‌-బి మ్యాచ్‌లో పపువా న్యూ గినియా తృటిలో లోస్కోరింగ్‌ రికార్డు నుంచి తప్పించుకుంది. 182 పరుగుల భారీ లక్ష్యంతో బరిలోకి పపువా 10 ఓవర్లు ముగిసేసరికి 7 వికెట్ల నష్టానికి 29 పరుగులు చేసింది. అయితే కిప్లిన్‌ డోరిగా 46 పరుగులతో పపువాను చెత్త రికార్డు నుంచి బయటపడేశాడు. 97 పరుగులకు ఆలౌటై అత్యల్ప స్కోరు రికార్డు ప్రమాదం నుంచి తప్పించుకుంది.ఇక టి20 ప్రపంచకప్‌ చరిత్రలో మూడు జట్లు అత్యల్ప స్కోర్లు నమోదు చేశాయి. వాటిని ఒకసారి పరిశీలిద్దాం.. చదవండి: T20 WC 2021 BAN Vs PNG: బంగ్లాకు భారీ విజయం.. సూపర్‌ 12కు అర్హత! ఐసీసీ టి20 ప్రపంచకప్‌ 2014( నెదర్లాండ్స్‌ వర్సెస్‌ శ్రీలంక) టి20 ప్రపంచకప్‌ చరిత్రలో అత్యల్ప స్కోరు నెదర్లాండ్స్‌ పేరిట ఉంది. 2014 టి20 వరల్డ్‌కప్‌లో శ్రీలంకతో జరిగిన మ్యాచ్‌లో మొదట బ్యాటింగ్‌ చేసిన నెదర్లాండ్స్‌ 39 పరుగులకే ఆలౌట్‌ అయింది. అజంతా మెండిస్‌, అంజెల్లో మాథ్యూస్‌లు చెరో మూడు వికెట్లు తీయగా.. లసిత్‌ మలింగ, కులశేఖర చెరో రెండు వికెట్లు తీశారు. ఇక 40 పరుగుల లక్ష్యంతో బరిలోకి దిగిన లంకేయులు 5 ఓవర్లలో వికెట్‌ కోల్పోయి లక్ష్యాన్ని అందుకుంది. చదవండి: T20 WC 2021: వారెవ్వా షకీబ్‌.. ఇలాంటి ఆల్‌రౌండర్‌ ఒక్కడున్నా చాలు ఐసీసీ టి20 ప్రపంచకప్‌ 2014(శ్రీలంక వర్సెస్‌ న్యూజిలాండ్‌) టి20 ప్రపంచకప్‌లో రెండో అత్యల్ప స్కోరు న్యూజిలాండ్‌పై ఉంది. 2014 టి20 ప్రపంచకప్‌లోనే మరోసారి శ్రీలంక ప్రత్యర్థిగా న్యూజిలాండ్‌ ఈ స్కోరు నమోదు చేసింది. అయితే మ్యాచ్‌లో తొలుత బ్యాటింగ్‌ చేసిన శ్రీలంక 19.2 ఓవర్లలో 119 పరుగులకే ఆలౌల​అయింది. లంకను తక్కువ స్కోరుకే ఆలౌట్‌ చేశామన్న ఆనందం బ్లాక్‌క్యాప్స్‌కు ఎక్కువసేపు నిలవలేదు. లంక స్పిన్నర్లు రంగన హెరాత్‌(5/3) కెరీర్‌ బెస్ట్‌స్పెల్‌కు తోడూ.. సుచిత్ర సేనానాయకే(2/3) దెబ్బకు న్యూజిలాండ్‌ 60 పరుగులకే తోక ముడిచి 59 పరుగులతో ఘోర పరాజయాన్ని చవిచూసింది. ఐసీసీ టి20 ప్రపంచకప్‌ 2010( ఐర్లాండ్‌ వర్సెస్‌ వెస్టిండీస్‌) ఇక ఐసీసీ టి20 ప్రపంచకప్‌లో మూడో అత్యల్ప స్కోరు ఐర్లాండ్‌ పేరిట ఉంది. టి20 ప్రపంచకప్‌ 2010లో వెస్టిండీస్‌తో జరిగిన మ్యాచ్‌లో ఐర్లాండ్‌ 68 పరుగులకు ఆలౌట్‌ అయింది. తొలుత బ్యాటింగ్‌ చేసిన విండీస్‌ 138 పరుగులకు ఆలౌట్‌ అయింది. ఆ తర్వాత బ్యాటింగ్‌ చేసిన ఐర్లాండ్‌ 50 పరుగులకు ఐదు వికెట్లు కోల్పోయింది. ఇక మిగిలిన ఐదు వికెట్లను కేవలం 18 పరుగుల తేడాతో జార్చుకొని అత్యల్ప స్కోరును నమోదు చేసింది. విండీస్‌ బౌలర్లు రవి రాంపాల్‌, డారెన్‌ సామీలు ఐర్లాండ్‌ లైనఫ్‌ను కుప్పకూల్చారు. చదవండి: T20 WC 2021: మెంటార్‌గా పని ప్రారంభించిన ధోని.. వీడియో వైరల్‌

KL Rahul Likely to Say Good Bye to Punjab Kings: ఐపీఎల్‌ 2021లో పేలవ ప్రదర్శనతో లీగ్‌ దశలోనే ఇంటి ముఖం పట్టిన పంజాబ్ కింగ్స్‌కు మరో గట్టి షాక్‌ తగలబోతున్నట్లు తెలుస్తోంది. కెప్టెన్‌ కేఎల్‌ రాహుల్‌ ఆ జట్టుకు గుడ్‌బై చెప్పబోతున్నట్లు సమాచారం. ఇప్పటి వరకు ప్రస్తుత సీజన్‌లో టాప్ స్కోరర్‌గా నిలిచిన కేఎల్ రాహుల్ వచ్చే ఏడాది పంజాబ్ కింగ్స్‌కు ప్రాతినిథ్యం వహించడం లేదని ప్రముఖ స్పోర్ట్స్‌ వెబ్‌సైట్‌ క్రిక్ బజ్ తమ సర్వేలో వెల్లడైనట్లు తెలిపింది. త్వరలో జరగనున్న మెగా వేలంలోకి  వెళ్లాల‌ని రాహుల్ నిర్ణయించుకున్నట్లు క్రిక్ బజ్ వెల్లడించింది. ఇప్పటికే  కొన్ని ఫ్రాంచైజీలు రాహుల్  సంప్రదించినట్లు సమాచారం. అయితే రిటేన్ పాలసీ ప్రకారం ప్రతీ జట్టు ముగ్గురు ప్లేయ‌ర్స్‌ను  రిటేన్  చేసుకునే హక్కు ఫ్రాంచైజీకి ఉంటుంది. అయితే బ్యాట్స్‌మ‌న్‌గా అద్బుతంగా రాణిస్తున్నప్పటికి.. కెప్టెన్‌గా ఆ జట్టుకు టైటిల్‌ అందించకపోవడంపై రాహుల్‌పై విమర్శలు వెల్లువెత్తాయి. ఈ నేపథ్యంలో ఇటువంటి నిర్ణయం తీసుకోబోతున్నట్లు వినికిడి. కాగా బీసీసీఐ తదుపరి సీజన్ కోసం రిటేన్ పాలసీ మార్గదర్శకాలను ఇంకా ప్రకటించలేదు. ఇక ఈ సీజ‌న్‌లో 13 మ్యాచ్‌ల‌లో రాహుల్ 626 ప‌రుగులు చేశాడు. ఇప్పటి వరకు ఆరెంజ్‌ క్యాప్‌ హోల్డర్‌గా ఉన్నాడు. ప్ర‌స్తుతం  రాహుల్‌ టీ20 వ‌ర‌ల్డ్‌క‌ప్ కోసం టీమిండియా బ‌బుల్‌లో చేరాడు. అక్టోబరు 17 నుంచి టీ20 ప్రపంచకప్‌ టోర్నీ ప్రారంభం కానున్న సంగతి తెలిసిందే. చదవండి: Daniel Christian: ఆర్సీబీని ముంచేశారు కదరా; ప్లీజ్‌.. నా భార్యను వదిలేయండి!

లండన్‌: ఇంగ్లండ్‌ జాతీయ జట్టుకు 2011-2014 మధ్యలో 24 వన్డేలు, 34 టీ20లు ఆడిన జేడ్‌ డెర్న్‌బాచ్‌ సంచలన నిర్ణయం తీసుకున్నాడు. చాలాకాలంగా జాతీయ జట్టు నుంచి పిలుపు రాకపోవడంతో ఇంగ్లండ్‌ను వీడి మరో దేశానికి ప్రాతినధ్యం వహించాలని నిర్ణయించుకున్నాడు. వచ్చే నెలలో జరుగనున్న టీ20 ప్రపంచకప్‌-2022 ఐరోపా క్వాలిఫయర్స్‌లో భాగంగా ఇటలీ జట్టు తరఫున ఆడేందుకు రంగం సిద్ధం చేసుకున్నాడు. తన తల్లి ద్వారా ఇదివరకే ఇటలీ పాస్‌ పోర్ట్‌ కలిగిన డెర్న్‌బాచ్‌.. మాజీ సహచర ఆటగాడు ప్రస్తుత ఇటలీ కోచ్‌ కమ్‌ కెప్టెన్‌ గారెత్‌ బెర్గ్‌ పిలుపు మేరకు ఈ నిర్ణయం తీసుకున్నట్లు ప్రకటించాడు.  డెర్న్‌బాచ్‌తో పాటు కెంట్‌ కౌంటీ జట్టు ఆటగాడు గ్రాండ్‌ స్టువార్ట్‌ కూడా ఈ ప్రపంచకప్‌ క్వాలిపయర్స్‌లో ఇటలీకి ఆడనున్నారు. మరోవైపు ఇంగ్లండ్‌ మాజీ ఆటగాడు ఓవైస్‌ షా ఇటలీ అసిస్టెంట్‌ కోచ్‌గా ఎంపికయ్యాడు. దీంతో కోచ్‌, అసిస్టెంట్‌ కోచ్‌, ఇద్దరు ఆటగాళ్లు సహా మొత్తం నలుగురు ఇంగ్లండ్‌ ఆటగాళ్లు ఇటలీకి ప్రాతనిధ్యం వహించనున్నారు. ఇదిలా ఉంటే, 35 ఏళ్ల వెటరన్‌ బౌలర్‌ జేడ్‌ డెర్న్‌బాచ్‌.. ఇంగ్లండ్‌ తరఫున వన్డేల్లో 31, టీ20ల్లో 39 వికెట్లు పడగొట్టాడు. అతను ప్రస్తుతం సర్రే కౌంటీ జట్టు కాంట్రాక్ట్‌లో ఉన్నాడు.  చదవండి: పంజాబ్‌ ఆటగాడిపై మ్యాచ్‌ ఫిక్సింగ్‌ అనుమానం.. బీసీసీఐ సీరియస్‌