భువనగిరి : పట్టణంలోని ప్రభుత్వ జూనియర్‌ కళాశాల, తెలంగాణ సాంఘిక సంక్షేమ గురుకుల పాఠశాల మైదానం, ఇండోర్‌ స్టేడియంలో జరుగుతున్న సీఎం కప్‌ జిల్లా స్థాయి క్రీడా పోటీలు శుక్రవారం కొనసాగాయి. ఇందులో భాగంగా కిక్‌ బాక్సింగ్‌, కరాటే, షటిల్‌ బ్యాడ్మింటన్‌, వెయిట్‌ లిఫ్టింగ్‌, పవర్‌ లిఫ్టింగ్‌, జూడో పోటీలు నిర్వహించారు. ఈ కార్యక్రమంలో జిల్లా యువజన క్రీడల అభివృద్ధి అధికారి ధనుంజయనేయులు, ఉమ్మడి నల్లగొండ జిల్లా ఖోఖో అసోసియేషన్‌ ప్రధాన కార్యదర్శి నాతి కృష్ణమూర్తి, అథ్లెటిక్స్‌ అసోసియేషన్‌ జిల్లా కార్యదర్శి గోపాల్‌, సుజాత, కేశనాగులు, కోటేశ్వర్‌, సందీప్‌, శ్రీనివాస్‌, పర్వేజ్‌, పీడీలు, పీఈటీ పాల్గొన్నారు. నేటితో ముగియనున్న క్రీడలు ఈ నెల 16న ప్రారంభమైన సీఎం కప్‌ జిల్లా స్థాయి క్రీడా పోటీలు శనివారంతో ముగియనున్నాయి. వివిధ విభాగాల్లో విజేతలుగా నిలిచిన వారికి ఈ నెల 21న ఫైనల్‌ పోటీలు నిర్వహించనున్నారు. ఈ పోటీల్లో ప్రతిభ కనబరిచిన జట్లు, వ్యక్తిగత విభాగాల్లోని క్రీడాకారులను రాష్ట్రస్థాయికి ఎంపిక చేయనున్నారు.

భువనగిరి : సిండికేట్‌గా ఏర్పడిన వ్యాపారులు రైతులకు చుక్కలు చూపిస్తున్నారు. ప్రారంభంలో క్వింటా రూ.11,700 వరకు కొనుగోలు చేయగా.. ప్రస్తుతం ఏకంగా రూ.2వేలు తగ్గించారు. మొదట్లో అధిక ధరతో అనందపడ్డ రైతులు.. ప్రస్తుత రేటుతో నిరాశలో ఉన్నారు. పెరిగిన సాగు విస్తీర్ణం గత సీజన్‌తో పోలిస్తే ఈసారి జిల్లాలో వెయ్యి ఎకరాలకు పైగా కంది సాగు విస్తీర్ణం పెరిగింది. గత ఏడాది 8,542 ఎకరాల్లో సాగు చేయగా.. ఈ సారి 9,846 ఎకరాల్లో వేశారు. వాతావరణం అనుకూలంగా ఉండడంతో అంచనాలకు మించి దిగుబడి వచ్చింది. కానీ, ధర తగ్గించి కొనుగోలు చేస్తుండడంతో రైతులు దిక్కుతోచని స్థితిలో ఉన్నారు. ఆనందం ఆవిరి కందులకు ప్రభుత్వం క్వింటాకు రూ.7,550 మద్దతు ధర ప్రకటించింది. ప్రారంభంలో మద్దతు ధరకు మించి క్వింటా రూ.11,700 పలికాయి. ధర ఎక్కువగా పలకడంతో రైతులు సంతోషపడ్డారు. కానీ, వ్యాపారులు సిండికేట్‌గా ఏర్పడి ధర తగ్గించారు. రెండు, మూడు రోజులుగా క్వింటా రూ.10 వేల లోపే మాత్రమే కొనుగోలుచేస్తున్నారు.వ్యాపారుల సిండికేట్‌ ఫ తక్కువ రేటుకు కందుల కొనుగోలు ఫ ఏకంగా రూ.2 వేలు తగ్గింపు ఫ ఆందోళన చెందుతున్న రైతులు

సైదాపురం –మాసాయిపేట వాగు వెంట విచ్చలవిడిగా తవ్వకాలు నెలవారీ మామూళ్లు వాగు పొడవునా ఫిల్టర్‌ ఇసుక దందా సాగుతున్నా అధికారులు నోరు మెదపడం లేదన్న విమర్శలు వెల్లువెత్తుతున్నాయి. అధికారుల అండదండలతోనే దందా నడుస్తుందని, ఇందుకు గాను ప్రతి నెలా నెలవారీ మామూళ్లు వెళ్తున్నట్లు ఆయా గ్రామాల ప్రజలు ఆరోపిస్తున్నారు. ఇకనైనా మైనింగ్‌, ఇరిగేషన్‌, రెవెన్యూ, పోలీసు అధికారులు స్పందించి ఫిల్టర్‌ ఇసుక దందాపై ఉక్కుపాదం మోపాలని కోరుతున్నారు. ఫ అధికారుల అండతో పెద్ద ఎత్తున ఫిల్టర్‌ ఇసుక తయారీ ఫ పగలు డంపింగ్‌ చేసి.. రాత్రి లోడింగ్‌ ఫ రోజూ రూ.లక్షల్లో వ్యాపారం ఫ తెలిసినా పట్టని మైనింగ్‌, ఇరిగేషన్‌, రెవెన్యూ, పోలీసు శాఖలుయాదగిరిగుట్ట రూరల్‌ : అడ్డదారుల్లో సంపాదనకు అలవాటుపడిన కొందరు వ్యక్తులు.. అధికారుల అండదండలతో సైదాపురం – మాసాయిపేట వాగును తోడేస్తున్నారు. నిషేధమని తెలిసినా వాగు వెంట తవ్వకాలు జరుపుతూ.. మోటార్ల సాయంతో ఫిల్టర్‌ చేసి ఇసుక తీస్తున్నారు. పగటి పూట డంప్‌ చేసి.. రాత్రి సమయంలో ట్రాక్టర్ల ద్వారా పట్టణాలకు రవాణా చేస్తున్నారు. వాగు పొడవునా తవ్వకాలే.. యాదగిరిగుట్ట పట్టణానికి కూతవేటు దూరంలో సైదాపురం – మాసాయిపేట, మైలార్‌గూడెం గ్రామాలను కలుపుతూ వలిగొండ చెరువుకు వెళ్లే వాగు ఉంది. ఇది దాదాపు మూడు కిలో మీటర్ల పొడవునా ఉంటుంది. ప్రస్తుతం వాగులో గోదావరి జలాలు ప్రవహిస్తుండడంతో ఇసుక తరలించేందుకు వీలుగా లేదు. దీంతో అక్రమార్కులు కొత్తమార్గం ఎంచుకున్నారు. వాగు ఒడ్డు భూములను జేసీబీలసాయంతో తవ్వుతూ మోటార్ల ద్వారా మట్టిని ఫిల్ట ర్‌ చేస్తున్నారు. యాదగిరిగుట్ట మండలంలోని మల్లాపురం, జంగపల్లి, దాతర్‌పల్లి, ధర్మారెడ్డిగూడెం గ్రామాల్లోనూ ఫిల్టర్‌ ఇసుక దందా జోరుగా నడుస్తుందని, రోజూ 50 ట్రాక్టర్ల వరకు ఇసుక తీస్తున్నట్లు తెలుస్తోంది. ఫలితంగా వ్యవసాయ పొలాలు దెబ్బతింటున్నాయని, బోర్లు కూడా పూడిపోయే ప్రమాదం ఉందని సమీప రైతులు వాపోతున్నారు. అధికారుల దృష్టికి తీసుకెళ్లినా పట్టించుకోవడం లేదని ఆరోపిస్తున్నారు. ట్రాక్టర్‌ ఇసుక రూ.4వేల వరకు.. ఫిల్టర్‌ ఇసుకను అక్రమార్కులు రాత్రి సమయంలో ట్రాక్టర్ల ద్వారా పట్టణాలకు తరలిస్తున్నారు. ట్రాక్టర్‌ రూ.4వేల వరకు విక్రయిస్తున్నట్లు తెలుస్తోంది. ప్రస్తుతం వాగు పరీవాహకంలో 300 ట్రాక్టర్ల వరకు ఇసుక డంపులు ఉన్నాయి. మా దృష్టికి రాలేదు సైదాపురం – మాసాయిపేట వాగు వెంట ఫిల్టర్‌ ఇసుక తయారు చేసి విక్రయిస్తున్నట్లు మా దృష్టికి రాలేదు. తవ్వకాలపై విచారణ చేపట్టి వాస్తవమని తేలితే బాధ్యులపై చర్యలు తీసుకుంటాం. –దేశ్యానాయక్‌, యాదగిరిగుట్ట తహసీల్దార్‌

కారు ఢీకొట్టడంతో తల్లీకుమారుడు మృతి చెందిన సంఘటన హైదరాబాద్‌ –వరంగల్‌ హైవేపై చోటు చేసుకుంది.గోదాదేవికి మంగళ నీరాజనంయాదగిరిగుట్ట: యాదాద్రి శ్రీలక్ష్మీనరసింహస్వామి క్షేత్రంలో జరుగుతున్న ధనుర్మాసోత్సవాల్లో భాగంగా శుక్రవారం గోదాదేవి అమ్మవారిని పట్టువస్త్రాలు, బంగారు ఆభరణాలతో అలంకరించి ఆగమశాస్త్రం ప్రకారం పూజలు నిర్వహించారు. అమ్మవారికి ఇష్టమైన పాశురాలు పఠించారు. అనంతరంకట్టెపొంగళిని ఆరగింపుగా పెట్టారు. మహిళా భక్తులు మంగళ హారతులతో నీరాజనం తెలిపారు. పూజలు నిర్వహిస్తున్న మహిళలు

భువనగిరి : ఉమ్మడి నల్లగొండ జిల్లా ఖోఖో జట్ల ఎంపిక పోటీలు ఈ నెల 22న దామచర్లలోని తెలంగాణ గిరిజన సంక్షేమ గురుకుల పాఠశాలలో నిర్వహించనున్నట్లు ఉమ్మడి నల్లగొండ జిల్లా ఖోఖో అసోసియేషన్‌ ప్రధాన కార్యదర్శి నాతి కృష్ణమూర్తి శుక్రవారం ఒక ప్రకటనలో తెలిపారు. అసక్తి కలిగిన క్రీడాకారులు ఆధార్‌ కార్డు ఒరిజినల్‌, జికార్స్‌ కాపీలతో దయం 9 గంటలకు పాఠశాలలో ఖోఖో కోచ్‌ నాగేశ్వర్‌రావుకు అందజేయాలన్నారు. ఎంపికై న క్రీడాకారులు జనవరి 8, 9, 10, 11 తేదీల్లో వరంగల్‌ జిల్లా గీసుకొండలో జరగనున్న 57వ సీనియర్‌ రాష్ట్రస్థాయి ఖోఖో పోటీల్లో ఆడనున్నట్లు వివరించారు. మరిన్ని వివరాలకు సెల్‌ నంబర్లు 98663 68843, 63000 85314, 99127 54498ను సంప్రదించాలని కోరారు. నేడు న్యాయ విద్యార్థుల రాష్ట్ర సదస్సు భువనగిరి టౌన్‌ : హైదరాబాద్‌లోని సుందరయ్య విజ్ఞాన కేంద్రంలో శనివారం న్యాయ విద్యార్థుల రాష్ట్ర సదస్సు ఉంటుందని, న్యాయ విద్యార్థులు పెద్ద సంఖ్యలో పాల్గొని విజయవంతం చేయాలని ఆలిండియా లాయర్స్‌ యూనియన్‌ (ఐలు)రాష్ట్ర ఉపాధ్యక్షుడు మామిడి వెంకట్‌రెడ్డి కోరారు. శుక్రవారం ఆయన స్థానిక విలేకరులతో మాట్లాడారు. సదస్సులో ‘పౌర సమాజం – రాజ్యాంగం’ అనే అంశంపై చర్చాగోష్టి ఉంటుందన్నారు. ఈ సదస్సుకు ఐలు ఆలిండియా కార్యదర్శి, సుప్రీంకోర్టు న్యాయవాది సురేంద్రనాథ్‌, నేషనల్‌ జ్యుడీషియల్‌ అకాడమీ విశ్రాంత ప్రొఫెసర్‌ మోహన్‌గోపాల్‌ తదితరులు హాజరుకానున్నారని పేర్కొన్నారు. విలేకరుల సమావేశంలో ఐలు జిల్లా ఉపాధ్యక్షులు కుక్కదువ సోమయ్య, పాల్వంచ జరుగుతయ్య, తడ్క మోహన్‌, సహాయ కార్యదర్శి శ్రీనివాస్‌, బొల్లేపెల్లి కుమార్‌, చింతల రాజశేఖర్‌రెడ్డి, బొడ్డు కిషన్‌, ఎండీ నిహాల్‌ తదితరులు పాల్గొన్నారు. టీఎస్‌జీవీబీగా ఏపీజీవీబీ మోత్కూరు, రాజాపేట : ఆంధ్రప్రదేశ్‌ గ్రామీణ వికాస్‌ బ్యాంక్‌ (ఏపీజీవీబీ) ఇకనుంచి తెలంగాణ గ్రామీణ వికాస్‌ బ్యాంకు(టీఎస్‌జీవీబీ)గా మారనున్నట్లు మోత్కూరు, రాజాపేట ఏపీజీవీబీల మేనేజర్లు సీహెచ్‌ గీత, తిరుమలశెట్టి నాగలక్ష్మి తెలిపారు. శుక్రవారం ఆయా మండల కేంద్రాల్లో ఏర్పాటు చేసిన సమావేశాల్లో వారు మాట్లాడారు. దేశంలోని వివిధ రాష్ట్రాల్లో వేర్వేరు పేర్లతో ఉన్న గ్రామీణ బ్యాంకులు సంబంధిత రాష్ట్రం పేరుతో సేవలందించాలని కేంద్ర ప్రభుత్వ నిర్ణయించినట్లు వెల్లడించారు. జనవరి 1నుంచి తెలంగాణ గ్రామీణ వికాస్‌ బ్యాంకు పేరుతో సేవలు అందుబాటులోకి వస్తాయని చెప్పారు. ఈ మార్పు కారణంగా ఈ నెల 28, 29, 30, 31 తేదీల్లో నాలుగు రోజుల పాటు ఖాతాదారులకు అన్నిరకాల బ్యాంకింగ్‌, ఆన్‌లైన్‌ సేవలు నిలిపివేయనున్నట్లు పేర్కొన్నారు. సరికొత్త మార్పులతో అందించే సేవలను ఖాతాదారులు సద్వినియోగం చేసుకొని గతంలో మాదిరిగానే బ్యాంకును ఆదరించాలని మేనేజర్లు కోరారు. బస్సును పునరుద్ధరించాలి చౌటుప్పల్‌ రూరల్‌: చౌటుప్పల్‌–వలిగొండ షటిల్‌ బస్సును పునరుద్ధరించాలని కోరుతూ ఎస్‌ఎఫ్‌ఐ ఆధ్వర్యంలో విద్యార్థులు చౌటుప్పల్‌ మండలం మందోళ్లగూడెం స్టేజీ వద్ద శుక్రవారం రాస్తారోకో నిర్వహించారు. ఈ సందర్భంగా ఎస్‌ఎఫ్‌ఐ జిల్లా ఉపాధ్యక్షుడు పల్లె శివకుమార్‌, మండల ఉపాధ్యక్షుడు తీగుళ్ల శ్రీనివాస్‌ మాట్లాడుతూ.. 20 ఏళ్లుగా నడుస్తున్న బస్సును రద్దు చేయడం వల్ల విద్యార్థులు పాఠశాలలు, కళాశాలలకు వెళ్లేందుకు ఇబ్బందులు పడుతున్నారని పేర్కొన్నారు. బస్సులను సమయానికి అనుగుణంగా నడపకుండా అధికారులు కేవలం ధనార్జనే ధ్యేయంగా భావించడం తగదన్నారు. షటిల్‌ బస్సును పునరుద్ధరించడంతో పాటు జిల్లాలోని అన్ని రూట్లలో బస్సులు నడపాలని కోరారు. రాస్తారోకోకు సీపీఎం జిల్లా కార్యదర్శి వర్గ సభ్యుడు బూర్గు కృష్ణారెడ్డి మద్దతు తెలిపారు. ఈ కార్యక్రమంలో ఎస్‌ఎఫ్‌ఐ నాయకులు రుద్రగోని మధు,జంగిలి సాయినాధ్‌, లింగస్వామి, వంశీ, మల్లేష్‌, డీవైఎఫ్‌ఐ మండల అధ్యక్షుడు బోదాసు నరేష్‌, సీపీఎం నాయకుడు కొండె శ్రీశైలం పాల్గొన్నారు.

యాదగిరిగుట్ట : యాదగిరిగుట్ట పట్టణంలో ఈనెల 22న గాంధీ గ్లోబల్‌ ఫ్యామిలీ, గాంధీ జ్ఞాన్‌ ప్రతిష్టాన్‌ ఆధ్వర్యంలో నిర్వహించే జాతీయస్థాయి ‘గాంధీ సుస్థిర విజ్ఞాన సదస్సు –2024’ను విజయవంతం చేయాలని గాంధీ గ్లోబల్‌ ఫ్యామిలీ చైర్మన్‌ గున్నా రాజేందర్‌రెడ్డి, సదస్సు కన్వీనర్‌ పడమటి పావనిరెడ్డి, జిల్లా అధ్యక్షుడు మాటూరి అశోక్‌ పేర్కొన్నారు. యాదగిరిగుట్టలో శుక్రవారం విజ్ఞాన సదస్సు ప్రచార కరపత్రాలను ఆవిష్కరించారు. ఈ సందర్భంగా విలేకరులతో మాట్లాడుతూ.. సుస్థిర విద్య, ప్రకృతి వైద్యం, సేంద్రియ వ్యవసాయం, గ్రామీణ పరిశ్రమలు, ఇంధన వనరులు, పర్యావరణం, క్రీడలు, మహిళా సాధికారత, నీటి సంరక్షణ అంశాలపై సదస్సులో చర్చించనున్నట్లు వెల్లడించారు. అంతేకాకుండా గాంధీ ఫొటో గ్యాలరీ, చరక ప్రదర్శన, గ్రామ నిర్మాణం, పురాతన, ఆధునిక వ్యవసాయ పనిముట్లు, ప్రకృతి పంటలు, ఎద్దు గానుగ, యోగా, మల్కం గేమ్‌ ప్రదర్శన, సాంస్కృతిక కార్యక్రమాలు ఉంటాయన్నారు. వీటితో పాటు పది రాష్ట్రాల్లో సేంద్రియ వ్యవసాయం, సమీకృత వ్యవసాయం, వ్యవసాయ రంగ అభివృద్ధికి కృషి చేస్తున్న రైతులు, అనుబంధ రంగాల్లో విశిష్ట సేవలు అందిస్తున్న వ్యవసాయ అధికారులు, శాస్త్రవేత్తలు, వైద్యులు, జర్నలిస్టులకు కిసాన్‌ సేవారత్న అవార్డులు ప్రదానం చేసి సత్కరించనున్నట్లు తెలిపారు. అలాగే మున్సిపల్‌ కార్యాలయంలో గాంధీ విగ్రహాన్ని ఆవిష్కరించనున్నట్లు వివరించారు. సదస్సుకు మంత్రులు తుమ్మల నాగేశ్వర్‌రావు, కోమటిరెడ్డి వెంకట్‌రెడ్డి, ప్రభుత్వ విప్‌ బీర్ల ఐలయ్యతో పాటు పలువురు ప్రముఖులు హాజరుకానున్నట్లు వెల్లడించారు. ఈ సమావేశంలో రాష్ట్ర ఆర్గనైజింగ్‌ సెక్రటరీ మెరుగు మధు, గాంధీ జ్ఞాన్‌ ప్రతిష్ఠాన్‌ జిల్లా అధ్యక్షుడు కొత్త బాలరాజు, జిల్లా ప్రధాన కార్యదర్శి పాలకూర వెంకటేశం, మండల అధ్యక్షులు వెల్ధుర్తి భాగ్యలక్ష్మి, కాధూరి అచ్చయ్య, మిర్యాల దుర్గాప్రసాద్‌ తదితరులు పాల్గొన్నారు.

ఆలేరురూరల్‌ : కాంగ్రెస్‌ ప్రభుత్వం బీఆర్‌ఎస్‌ నేతలపై కక్షపూరితంగా వ్యవహరిస్తుందని, కేటీఆర్‌పై ఫార్ములా ఈ–కార్‌ రేసు విషయంలో కేసు నమోదు చేయడం కుట్రపూరితమని ఆలేరు మాజీ ఎమ్మెల్యే గొంగిడి సునీతామహేందర్‌రెడ్డి విమర్శించారు. శుక్రవారం ఆలేరులో ఏర్పాటు చేసిన విలేకరుల సమావేశంలో ఆమె మాట్లాడారు. ప్రభుత్వ వైఫల్యాలను ఎండగడుతున్న కేటీఆర్‌పై.. కాంగ్రెస్‌ సర్కార్‌ కక్షగట్టిందని, ఫార్ములా ఈ–కారు రేస్‌లో అక్రమాలు జరగకున్నా ఉద్దేశపూర్వకంగానే కేసులు బనాయించిందన్నారు. సీఎం రేవంత్‌రెడ్డి అక్రమ కేసులు, అరెస్టులతో డైవర్సన్‌ పాలిటిక్స్‌కు పాల్పడుతున్నాడని, ఇవి ఎంతోకాలం సాగవన్నారు. పర్యావరణ పరిరక్షణ, కాలుష్య నివారణకు ఎలక్ట్రిక్‌ వాహనాల వినియోగాన్ని ప్రోత్సహించేందుకు గత పదేళ్లుగా వివిథ దేశాల్లో స్టీట్‌ సర్క్యూట్‌లలో ఫార్ములా వన్‌ కార్ల రేసులను నిర్వహిస్తున్న విషయాన్ని రేవంత్‌రెడ్డి గ్రహించాలన్నారు. ఫార్ములా ఈ–కార్‌ రేసు వ్యవహారంలో అవినీతి చోటు చేసుకున్నట్లు ఆధారాలు ఉంటే ప్రస్తుతం జరుగుతున్న అసెంబ్లీ సమావేశాల్లోనే చర్చించాలని డిమాండ్‌ చేశారు. ముఖ్యమంత్రి తీరుతో హైదరాబాద్‌ బ్రాండ్‌ ఇమేజ్‌ దెబ్బంతింటుందని, పెట్టుబడులు కూడా రావడం లేదన్నారు. రాష్ట్ర ప్రభుత్వ కుట్రలు, మోసాలను ప్రజల ఎదుట పెడుతామని, కేటీఆర్‌ను అరెస్టు చేస్తే చూస్తూ ఊరుకోబోమని హెచ్చరించారు. సమావేశంలో మున్సిపల్‌ చైర్మన్‌ శంకరయ్య, నాయకులు పుట్ట మల్లేషం, జెల్లి నర్సింహులు, పంతం కృష్ణ, పత్తి వెంకటేష్‌, కుండె సంపత్‌, దయ్యాల సంపత్‌, ఎండీ ఫయాజ్‌, ఎండీ గోరమియా, అజయ్‌, టింకు, రాజు, బాలరాజు, ప్రశాంత్‌, ప్రార్టీ శ్రేణులు తదితరులు పాల్గొన్నారు.ఫ గొంగిడి సునీతామహేందర్‌రెడ్డి

భూభారతి చట్టం ద్వారా అందనున్న పట్టాలు జిల్లాల వారీగా దరఖాస్తులు ఉమ్మడి జిల్లాలో 25,430 సాదాబైనామా దరఖాస్తులు వచ్చాయి. అందులో నల్లగొండ జిల్లాలో 13,080, సూర్యాపేటలో 8,564, యాదాద్రి జిల్లాలో 3,786 దరఖాస్తులు వచ్చాయి. వారంతా మీ సేవ ద్వారా ఆన్‌లైన్‌లో రిజిస్ట్రేషన్ల కోసం దరఖాస్తు చేసుకున్నారు. గ్రామీణ ప్రాంతాల్లో కొన్నేళ్ల కిందట సాదా కాగితంపై భూమి కొనుగోలు చేసి రాయించుకున్న వారిలో అనేక మంది పేర్లు మార్చుకొని పట్టాలు తీసుకోలేదు. ధరణికి ముందున్న ఆర్‌ఓఆర్‌ చట్టంలో సాదాబైనామాలతో పట్టాలు చేశారు. ధరణి వచ్చిన తర్వాత అవి ఆగిపోయాయి. అయితే వాటిని అమలు చేసేందుకు గత ప్రభుత్వం పూనుకోగా ఉమ్మడి నల్లగొండ జిల్లాలో 25,430 దరఖాస్తులు వచ్చాయి. అమలులో జాప్యం చేయడం, ఆ తర్వాత ఎన్నికలు రావడంతో అవి మూలన పడ్డాయి. సాక్షి ప్రతినిధి, నల్లగొండ : రాష్ట్ర ప్రభుత్వం తాజాగా తీసుకొస్తున్న భూభారతి ఆర్‌ఓఆర్‌ – 2024 చట్టం ద్వారా సాదాబైనామాలకు మోక్షం కలగనుంది. ఇదివరకే దరఖాస్తు చేసుకున్న సాదాబైనామా దరఖాస్తుదారులను పరిష్కరిస్తామని ప్రభుత్వం చట్టంలో స్పష్టం చేసింది. దీంతో సాదాకాగితంపై రాసుకుని భూమిని కొనుగోలు చేసి.. రిజిస్ట్రేషన్లు చేసుకోకుండా ఉన్న వారిలో ఆశలు చిగురిస్తున్నాయి. మూడేళ్ల క్రితమే ఉమ్మడి జిల్లా వ్యాప్తంగా సాదాబైనామా కోసం 25,430 దరఖాస్తుల వచ్చాయి. కొత్త చట్టం ద్వారా ఎలాంటి సమస్యలు లేని సాదాబైనామాలను ప్రభుత్వం మొదట పరిష్కరించనుంది. సమస్యలుంటే విచారణ చేసిన తరువాత పరిష్కారం చూపనుంది. ధరణిలో కనిపించని ఆప్షన్లు గత ప్రభుత్వం ఽ2020లో ధరణి పోర్టల్‌ తీసుకొచ్చి దాని ద్వారానే భూ నిర్వహణను కొనసాగించింది. అయితే ధరణిలో అన్ని రకాల ఆప్షన్లు లేకపోవడంతో రైతులు చాలా ఇబ్బందులు పడ్డారు. అందులో సాదాబైనామాలు కూడా ఒకటి. ధరణిలో సాదాబైనామా దరఖాస్తులకు సంబంధించి రిజిస్ట్రేషన్ల కోసం ఆప్షన్లు లేకపోవడంతో చాలా మంది గత ప్రభుత్వానికి విజ్ఞప్తులు చేశారు. వారి విన్నపాలను పరిగణనలోకి తీసుకున్న అప్పటి ప్రభుత్వం సాదాబైనామాలను పరిష్కారానికి చర్యలు చేపడతామని మూడేళ్ల కిందటే దరఖాస్తులు స్వీకరించింది. ఏళ్లుగా ఎదురుచూపులు సాదాబైనామా సమస్యను పరిష్కరించడంలో గత ప్రభుత్వం జాప్యం చేసింది. దీంతో ఆయా దరఖాస్తుదారులంతా సాదాబైనామాల రిజిస్ట్రేషన్ల కోసం సంవత్సరాలుగా ఎదురుచూపుల్లో ఉన్నారు. రాష్ట్రంలో నూతనంగాా ఏర్పడిన కాంగ్రెస్‌ ప్రభుత్వం ధరణి సమస్యలు పరిష్కరించేందుకు కొత్తగా భూభారతి ఆర్‌ఓఆర్‌ చట్టం–2024ను తీసుకొస్తోంది. దీనికి సంబంధించిన బిల్లును బుధవారం అసెంబ్లీలో ప్రవేశపెట్టింది. త్వరలోనే చట్టం అమల్లోకి రానుంది. దాంతో సాదాబైనామా సమస్య పరిష్కారం కానుంది. ఫ ఉమ్మడి నల్లగొండలో 25,430 దరఖాస్తులు పెండింగ్‌ ఫ సమస్యలు లేనివి మొదట పరిష్కారం ఫ దరఖాస్తుదారుల నిరీక్షణకు తెరపడే అవకాశం

కోదాడ రూరల్‌: సూర్యాపేట జిల్లా కోదాడ పీఏసీఎస్‌ను నాబార్డు కేంద్ర ప్రతినిధుల బృందం శుక్రవారం సందర్శించింది. సంఘం నుంచి రైతులకు అందజేస్తున్న క్రాప్‌, ఎల్టీ, గోల్డ్‌ రుణాల తీరును స్ట్రాంగ్‌ను పరిశీలించారు. సంఘంలో ఎంత మంది సభ్యులు ఉన్నారు ప్రభుత్వం ప్రకటించిన రూ.2లక్షల రుణమాఫీ ఎంత మందికి వర్తించింది అనే విషయాలను అడిగి తెలుసుకున్నారు. ఈ సందర్భంగా నాబార్డు ప్రతినిధి అనురాగ్‌శర్మ మాట్లాడుతూ.. వ్యవసాయ సహకార పరపతి సంఘాల్లో రైతులు తీసుకున్న పంట రుణాలను సకాలంలో తిరిగి చెల్లించి మూడు శాతం రాయితీ పొందాలని సూచించారు. బంగారంపై కమర్షియల్‌ బ్యాంకుల కంటే ఒక శాతం తక్కువ వడ్డీకే రుణాలు ఇస్తున్నామని తెలిపారు. రైతులు కమర్షియల్‌ బ్యాంకుల్లో కాకుండా వ్యవసాయ సహకార సంఘాల్లో డిపాజిట్లు చేస్తే మరిన్ని సేవలు అందజేస్తామన్నారు. రైతులకు కావాల్సిన అన్నిరకాల రుణాలు, ఎరువులు, విత్తనాలు సహకార సంఘాల నుంచే అందజేస్తున్నామని చెప్పారు. కార్యక్రమంలో పీఏసీఎస్‌ చైర్మన్‌ ఓరుగంటి శ్రీనివాసరెడ్డి తదితరులు పాల్గొన్నారు.

ఆత్మకూరు(ఎం): ఆయిల్‌ పామ్‌కు మంచి డిమాండ్‌ ఉండటంతో రైతులు ఈ మొక్కలు సాగు చేసేందుకు ముందుకు వస్తున్నారు. ఐదు నెలల క్రితం అయిల్‌ పామ్‌ గెలల ధర టన్నుకు రూ. 13,210గా ఉంది. ప్రస్తుతం టన్నుకు రూ.20,413 వరకు పెరిగింది. ఒకసారి నాటితే మూడున్నర సంవత్సరాల నుంచి ముప్పై సంవత్సరాల వరకు దిగుబడి వస్తుండడంతో ఆయిల్‌పామ్‌ సాగును లాభాసాటిగా రైతులు గుర్తిస్తున్నారు. ఆయిల్‌ పామ్‌కు ప్రభుత్వం ప్రోత్సాహకంగా రాయితీలు అందజేస్తుండడంతో జిల్లాలో సాగు విసీ్త్రర్ణం లక్ష్యానికి చేరుకుంటుంది. జిల్లాలో 8వేల ఎకరాలు ఆయిల్‌ పామ్‌ సాగు విస్తీర్ణం లక్ష్యం కాగా, ఇప్పటి వరకు 4255 ఎకరాల్లో సాగు చేస్తున్నారు. 2022–23లో ఆయిల్‌ పామ్‌ సాగును జిల్లాలో ప్రారంభించగా మొదటగా 1428 ఎకరాలను 285 మంది రైతులు సాగు చేశారు. 2023–24లో 2,107 ఎకరాలను 533 మంది రైతులు సాగు చేశారు. 2024–25లో అందుకు భిన్నంగా 720 ఎకరాల్లో 90 మంది రైతులు సాగు చేస్తున్నారు. ఇంకా 3500 ఎకరాలకు రైతులు రిజిస్ట్రేషన్‌ చేసుకోగా.. వారికి ఇంకా మొక్కలు పంపిణీ కాలేదు. ప్రభుత్వం కల్పిస్తున్న రాయితీలు ఆయిల్‌పామ్‌ సాగు చేస్తున్న రైతులకు ప్రభుత్వం ఆయిల్‌ ఫెడ్‌ ద్వారా పలు విధాలుగా రాయితీలు కల్పిస్తోంది. అదేవిధంగా రైతులకు సబ్సిడీపై డ్రిప్‌ మంజూరు చేస్తోంది. రెండున్నర ఎకరాలకు ఎస్సీ, ఎస్టీ రైతులకు 100 శాతం, బీసీ రైతులకు 90 శాతం, ఓసీ(5 ఎకరాల లోపు)లకు 90 శాతం సబ్సిడీపై డ్రిప్‌ అందిస్తారు. ఆయిల్‌ పామ్‌ సాగు నుంచి నూనె కర్మాగారాలకు దూరాన్ని బట్టి ట్రాన్స్‌పోర్ట్‌ చార్జీలను టీజీ ఆయిల్‌ ఫెడ్‌ చెల్లిస్తుంటుంది. ఈ సాగులో అంతరపంటలు పండించినందుకు, ఎరువుల ఖర్చులకు ఎకరాకు రూ.4200లు అందజేస్తారు. ఇప్పటివరకు 2022–23లో 285 మంది రైతులకు రూ.59లక్షలు, 2023–24లో 537 మంది రైతులకు రూ.88లక్షలు అందించారు. అయితే 2024–25కు సంబంధించి 720 ఎకరాల్లో ఆయిల్‌ పామ్‌ సాగు చేస్తున్న 90 మంది రైతులకు రాయితీ ఇంకా అందలేదు. ఎకరానికి రూ.4200ల చొప్పున రూ. 30లక్షలు అందజేయాల్సి ఉంది. ఈ రాయితీలను అందించడానికి అధికారులు సర్వే చేస్తున్నట్లు తెలిసింది. ఫ సాగు లక్ష్యం 8వేల ఎకరాలు ఫ ఇప్పటివరకు జిల్లాలో సాగులో ఉన్నది 4255 ఎకరాలు ఫ మరో 3500 ఎకరాలకు రిజిస్ట్రేషన్‌ చేసుకున్న రైతులు

నల్లగొండ టౌన్‌ : నల్లగొండలోని ప్రభుత్వ జనరల్‌ ఆస్పత్రిలో ఓ కాంట్రాక్టర్‌ పారిశుద్ధ్య కార్మికులను వేధింపులకు గురిచేసిన సంఘటన గురువారం వెలుగులోకి వచ్చింది. వివరాల ప్రకారం.. బుధవారం రాత్రి పది గంటల సమయంలో జీజీహెచ్‌లోని ఎంసీహెచ్‌ వార్డుల్లో పనులు చేస్తున్న కార్మికులను వేరే భవనానికి సంబంధించిన సూపర్‌వైజర్‌ వచ్చి ఫొటోలు తీశాడు. రాత్రి సమయంలో ఎందుకు ఫొటోలు తీస్తున్నారని కార్మికులు ఆయనతో వారించారు. దీనికి సూపర్‌వైజర్‌ వెంటనే కాంట్రాక్టర్‌కు ఫోన్లో సమాచారం ఇవ్వడంతో పదిన్నర తరువాత ఆసుపత్రికి వచ్చిన కాంట్రాక్టర్‌ వెంటనే మహిళ కార్మికులు వేచి ఉండే గదికి వెళ్లాడు. ఆస్పత్రి నాది నా ఇష్టం వచ్చిన వారు ఇక్కడ డ్యూటీలు చేస్తారు.. మీరు ఎవరూ? అంటూ వారిపై కేకలు వేశాడు. వెంటనే సబిత అనే కార్మికురాలితో ‘నిన్ను విధుల్లో నుంచి తొలగిస్తున్నాను.. రేపటి నుంచి రావద్దు.. 70 మందిని తీసేస్తే నాకు మరో 70 మంది వస్తారు. 70 లక్షలు వస్తాయి’ అంటూ దుర్భాషలాడాడు. దీంతో మహిళ కార్మికురాలు ఎంత బతిమాడిని వినకుండా వెళ్లిపోవాలని హుకుం జారీ చేశాడు. దీంతో సదరు కార్మికురాలు ఉద్యోగం పోయిందని తీవ్ర మనోవేధనకు గురికావడంతో ఆమె బీపీ 200కు పెరిగి కింద పడిపోయింది. వెంటనే అక్కడున్న మిగతా సిబ్బంది ఆమెను అదే ఆస్పత్రిలో చికిత్స కోసం జాయిన్‌ చేశారు. దీంతో ఉదయం 7గంటల ప్రాంతంలో డ్యూటీ షిఫ్టింగ్‌ సమయంలో మిగతా కార్మికులు అందరూ వచ్చారు. ఈ విషయం బయటకు రావడంతో కాంట్రాక్టర్‌ వేధింపులకు నిరసనగా పారిశుద్ధ్య కార్మికులు గురువారం ఉదయం తమ విధులను బహిష్కరించి ఆందోళన బాట పట్టారు. అర్ధరాత్రి సమయంలో చాలాసార్లు వచ్చి ఇలా వేధింపులకు గురిచేస్తాడని, ఉదయం నుంచే విధులకు రావద్దంటూ ఆదేశాలు ఇస్తారని.. తాగివచ్చి కూడా అనేకమార్లు ఇష్టనుసారంగా మాట్లాడుతారని కార్మికులు ఆరోపించారు. వెంటనే కాంట్రాక్టును రద్దు చేసి తగిన న్యాయం చేయాలని వారు పెద్ద ఎత్తున నినాదాలు చేశారు. ఉదయం 7 గంటల నుంచి పదిన్నర వరకు ఎంసీహెచ్‌ మెయిన్‌ గేట్‌ ఎదుట ధర్నా చేశారు. విషయం తెలుసుకున్న ఆస్పపత్రి సూపరింటెండెంట్‌ డాక్టర్‌ అరుణకుమారి కార్మికులను పిలిచి ఆందోళన విరమించాలని కోరారు. కాంట్రాక్టర్‌కు నోటీసులు జారీ చేసి వెంటనే సంజాయిషీ ఇవ్వాలని ఆదేశాలు జారీ చేశారు. దీంతో కార్మికులు ఆందోళన విరమించి విధులకు హాజరయ్యారు. ఫ నల్లగొండ జీజీహెచ్‌లో రాత్రి వేళ ఫొటోలు తీసిన సూపర్‌వైజర్‌ ఫ ఎందుకని ప్రశ్నిస్తే.. విధుల్లో నుంచి తొలగించిన కాంట్రాక్టర్‌ ఫ ఎంసీహెచ్‌ ఎదుట కార్మికుల ఆందోళన

యాదగిరిగుట్ట రూరల్‌: యాదగిరిగుట్ట శ్రీ లక్ష్మీనరసింహస్వామి వారి ఆలయంలో గురువారం నిత్యారాధనలు శాస్త్రోక్తంగా నిర్వహించారు. వేకువజామున అర్చకులు ఆలయాన్ని తెరిచి సుప్రభాత సేవ జరిపించారు. అనంతరం నిజాభిషేకం, తులసీదళాలతో అర్చన చేసి, భక్తులకు స్వామివారి దర్శనాన్ని కల్పించారు. ఆలయ ప్రథమ ప్రాకార మండపంలో శ్రీ సుదర్శన నారసింహహోమం, గజవాహన సేవ, నిత్యకల్యాణం, బ్రహ్మోత్సవం పూర్తిగావించారు. సాయంత్రం జోడుసేవలను మాడ వీధుల్లో ఊరేగించి, రాత్రి శయనోత్సవం నిర్వహించి ఆలయాన్ని ద్వారబంధనం చేశారు. ఆయా పూజల్లో భక్తులు పాల్గొని మొక్కులు చెల్లించుకున్నారు. స్టేట్‌ టాలెంట్‌ టెస్ట్‌కు ఎన్నారం విద్యార్థి రామన్నపేట: మండలంలోని ఎన్నారం గ్రామ జెడ్పీ ఉన్నత పాఠశాలకు చెందిన బండమీది సిరి స్టేట్‌ బయోసైన్స్‌ టాలెంట్‌ టెస్ట్‌కు ఎంపికై నట్లు ప్రధానోపాధ్యాయురాలు రత్నమాల తెలి పారు. గురువారం భువనగిరిలో నిర్వహించిన జిల్లాస్థాయి టెస్ట్‌లో ద్వితీయస్థానం పొందినట్లు పేర్కొన్నారు. రాష్ట్రస్థాయి పోటీలకు ఎంపికై న సిరితోపాటు గైడ్‌ టీచర్‌ నీలం శేఖర్‌ను డీఈఓ సత్యనారాయణ అభినందించారు. వంద శాతం ఫలితాలకు కృషి చేయాలిమోత్కూరు: ఇంటర్మీడియట్‌లో విద్యార్థులు వంద శాతం ఫలితాలు సాధించేందుకు అధ్యాపకులు కృషి చేయాలని జిల్లా ఇంటర్మీడియట్‌ విద్య నోడల్‌ అధికారి శ్రీరమణి అన్నారు. గురువారం మోత్కూరు ప్రభుత్వ జూనియర్‌ కళాశాలను ఆమె సందర్శించారు. ఈ సందర్భంగా విద్యా బోధన గురించి విద్యార్థులను అడిగి తెలుసుకున్నారు. అనంతరం వృత్తి విద్యా కేంద్రాలను సందర్శించారు. ప్రిన్సిపాల్‌ ప్రభా జస్టిస్‌ అధ్యక్షతన అధ్యాపకులతో సమావేశం నిర్వహించారు. విద్యార్థుల్లో భయాన్ని, అపోహలను తొలగించేందుకు హార్ట్‌ఫుల్‌నెస్‌ ఎక్స్‌పీరియన్స్‌ లైఫ్‌ ప్రొటెన్షియల్‌ (హెచ్‌ఈఎల్‌పి) కార్యక్రమం నిర్వహిస్తున్నట్లు తెలిపారు. అనంతరం బ్రదర్‌ రవీందర్‌, బ్రదర్‌ మునీందర్‌ విద్యార్థులకు పలు సూచనలు, సలహాలు అందజేశారు. అదేవిధంగా రామన్నపేట మొబైల్‌ టీమ్‌ విద్యార్థులకు వైద్య పరీక్షలు నిర్వహించారు. గృహహింసకు పాల్పడితే కఠిన చర్యలుయాదగిరిగుట్ట రూరల్‌: గృహ హింసకు పాల్పడితే కఠిన చర్యలు ఉంటాయని జిల్లా న్యాయసేవాధికార సంస్థ కార్యదర్శి మాధవీలత అన్నారు. గురువారం యాదగిరిగుట్ట మండల ప్రజా పరిషత్‌ కార్యాలయంలో జిల్లా న్యాయ సేవాధికార సంస్థ, సీ్త్ర, శిశు, సంక్షేమ శాఖ, మండల్‌ పరిషత్‌ సంయుక్తంగా నిర్వహించిన సమావేశంలో ఆమె మాట్లాడారు. ఈ సందర్భంగా గృహహింస, లైంగిక వేధింపుల చట్టంపై అంగన్‌వాడీ, ఉపాధ్యాయులకు అవగాహన కల్పించారు. సమావేశంలో సార్ప్‌ ఎన్‌జీ ప్రమీల, భువనగిరి బార్‌ అసోసియేషన్‌ ఉపాధ్యక్షులు జయ, స్వామి, శ్రీహరి, నాగేంద్రమ్మ, రాజిరెడ్డి, ఎంపీఓ సలీం, సఖి అడ్మిన్‌ లావణ్య తదితరులు పాల్గొన్నారు.

భువనగిరి: పట్టణంలోని తెలంగాణ సాంఘిక సంక్షేమ గురుకుల పాఠశాల మైదానంలో జిల్లా స్థాయి సీఎం కప్‌–24 క్రీడా పోటీలు కొనసాగుతున్నాయి. గురువారం ఖోఖో, రోవింగ్‌, షూటింగ్‌, స్నూకర్‌, జిమ్నాస్టిక్‌ తదితర క్రీడా పోటీలను నిర్వహించారు. కార్యక్రమానికి ముఖ్య అథితిగా మున్సిపల్‌ చైర్మన్‌ వెంకటేశ్వర్లు, రోటరీ క్లబ్‌ అధ్యక్షుడు వెంకట్‌రెడ్డి, దిడ్డి బాలాజీ, ఎస్సీ వెల్ఫేర్‌ జిల్లా అధికారి శ్యాంసుందర్‌ హాజరై క్రీడలను ప్రారంబించారు. కార్యక్రమంలో జిల్లా యువజన క్రీడల అభివృద్ధి అధికారి ధనుంజనేయులు, యూత్‌ అసోసియేషన్‌ అధ్యక్షుడు కరుణ్‌, ఖోఖో అసోసియేషన్‌ ప్రధాన కార్యదర్శి నాతి కృష్ణమూర్తి, అథ్లెటిక్స్‌ అసోసియేషన్‌ ప్రధాన కార్యదర్శి గోపాల్‌ పాల్గొన్నారు.

భువనగిరిటౌన్‌: కమ్యూనిస్టులు దేశానికి దిక్సూచి అని సీపీఐ జాతీయ కార్యవర్గ సభ్యుడు, మాజీ ఎమ్మెల్యే పల్లా వెంకట్‌రెడ్డి అన్నారు. గురువారం జిల్లా కేంద్రంలోని సీపీఐ కార్యాలయంలో నిర్వహించిన జిల్లా కార్యవర్గ సమావేశంలో ఆయన మాట్లాడారు. సీపీఐ 100 సంవత్సరాలు పూర్తి చేసుకుంటున్న సందర్భంగా నల్లగొండలో బహిరంగ సభ నిర్వహించేందుకు సన్నాహాలు చేస్తున్నట్లు తెలిపారు. సమ సమాజ స్థాపనకు, దోపిడీ లేని సమాజం నిర్మించేందుకు సీపీఐ అనేక పోరాటాలు చేసిందన్నారు. సీపీఐ జిల్లా కార్యదర్శి గోదా శ్రీరాములు మాట్లాడుతూ.. భూ పోరాటాలు చేసి లక్షల ఎకరాలు నిరుపేదలకు పంపిణీ చేసిన ఘనత కమ్యూనిస్టు పార్టీదేనన్నారు. కమ్యూనిస్టు పార్టీ లక్ష్యసాధనకు సంఘటితంగా ప్రజా ఉద్యమాలు నిర్వహించాలన్నారు. నల్లగొండలో జరిగే బహిరంగ సభకు జాతీయ ప్రధాన కార్యదర్శి రాజా, సీపీఐ జాతీయ మాజీ కార్యదర్శి, నల్లగొండ మాజీ పార్లమెంట్‌ సభ్యుడు సురవరం సుధాకర్‌ రెడ్డి, సీపీఐ రాష్ట్ర కార్యదర్శి, శాసనసభ్యుడు సాంబశివరావు, ఉమ్మడి జిల్లా నాయకులు హాజరుకానున్నారని తెలిపారు. ఏశాల అశోక్‌ అధ్యక్షతన నిర్వహించిన సమావేశంలో సీపీఐ రాష్ట్ర నాయకుడు ఉజ్జిని రత్నాకరరావు సహాయ కార్యదర్శిలు యానాల దామోదర్‌ రెడ్డి, బోలగాని సత్యనారాయణ, బచ్చనగోని గాలయ్య, సుదర్శన్‌, వెంకటేష్‌ పాల్గొన్నారు. ఫ సీపీఐ జాతీయ కార్యవర్గ సభ్యుడు పల్లా వెంకట్‌రెడ్డి

నల్లగొండ : నల్లగొండ ఐటీ టవర్‌ ద్వారా ప్రభుత్వ ఉద్యోగులకు ఆర్టిిఫిషియల్‌ ఇంటిలిజెన్స్‌పై శిక్షణ ఇవ్వనున్నట్లు రాష్ట్ర ఇన్ఫర్మేషన్‌ టెక్నాలజీ, ఎలక్ట్రానిక్స్‌, కమ్యూనికేషన్స్‌ డిప్యూటీ సెక్రటరీ, ఐఏఎస్‌ అధికారి భవేశ్‌ మిశ్రా అన్నారు. గురువారం ఆయన కలెక్టర్‌ ఇలా త్రిపాఠితో కలిసి నల్లగొండలోని ఐటీ టవర్‌ను సందర్శించారు. ఇక్కడ ప్రభుత్వ ఉద్యోగులకు ఆర్టిిఫిషియల్‌ ఇంటెలిజెన్స్‌పై శిక్షణ ఇచ్చేందుకు చర్యలు తీసుకోవాలన్నారు. శిక్షణకు ఉద్యోగులను గుర్తించడంతోపాటు, 20 బ్యాచ్‌లుగా విభజించాలని కలెక్టర్‌కు సూచించారు.

భువనగిరిటౌన్‌: బీఆర్‌ఎస్‌ పార్టీ నాయకులు, ప్రజాప్రతినిధులపై కాంగ్రెస్‌ ప్రభుత్వం అక్రమ కేసులు నమోదు చేస్తోందని, వీటికి భయపడేది లేదని ఆలేరు మాజీ ఎమ్మెల్యే బూడిద భిక్షమయ్యగౌడ్‌ గురువారం ఒక ప్రకటనలో తెలిపారు. మాజీ మంత్రి, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌పై కేసు నమోదు చేయడాన్ని ఖండిస్తున్నామని పేర్కొన్నారు. సమస్యలపై అసెంబ్లీలో అడిగిన ప్రశ్నలకు ప్రభుత్వానికి సమాధానాలు దొరకడం లేదని విమర్శించారు. ఈ కార్‌ రేసింగ్‌ ద్వారా రాష్ట్రానికి పేరు ప్రతిష్టలు వచ్చాయని తెలిపారు. ప్రభుత్వం ప్రకటించిన ఆరు గ్యారెంటీలపై, ప్రజా సమస్యలపై ప్రశ్నిస్తున్న వారిపై అక్రమ కేసులు పెడుతున్నారని ఆరోపించారు.

సాక్షి, యాదాద్రి: కొత్తగా ఏర్పాటైన మున్సిపాలిటీల్లో విలీనం చేసిన గ్రామాలను తిరిగి పంచాయతీలుగా మార్చాలని అక్కడి ప్రజలు డిమాండ్‌ చేస్తున్నారు. ఆశించిన మేర అభివృద్ధి జరగకపోవడం, మున్సిపాలిటీల్లో ఉపాధి హామీ రద్దవడం, ఇంటి అనుమతులకు ఇబ్బందులు, పెరిగిన ఇంటి పన్నులు, హెచ్‌ఎండీఏ మున్సిపాలిటీల్లో ప్రతి పనికి హెచ్‌ఎండీఏకు లింక్‌ పెట్టడం వంటి వాటితో సమస్యలు ఎదురవుతున్నాయని ప్రజలు పేర్కొంటున్నారు. నూతన మున్సిపాలిటీలు ఇలా.. జిల్లాలో భువనగిరి, ఆలేరు, యాదగిరిగుట్ట, మోత్కూర్‌, పోచంపల్లి, చౌటుప్పల్‌ మున్సిపాలిటీలు ఉన్నాయి. అప్పట్లో ప్రభుత్వం 15వేల నుంచి 20 వేల జనాభా కలిగిన గ్రామపంచాయతీలను మున్సి పాలిటీలుగా చేశారు. సరిపోను జనాభా లేని చోట మూడు కిలోమీటర్ల దూరంలో గల గ్రామాలను విలీనం చేశారు. దీంతో అక్కడి కూలీలకు ఉపాధి హామీ పనులు లేకుండా పోయాయి. అంతేకాకుండా పన్నుల భారం కూడా పెరిగింది. ఈక్రమంలో ము న్సిపాలిటీలో కలిపిన తమ గ్రామాలను తిరిగి పంచాయతీలుగా ఏర్పాటు చేయాలని కోరుతున్నారు. పంచాయతీలుగా మార్చాలని తీర్మానాలు తాజాగా భూదాన్‌ పోచంపల్లి మున్సిపాలిటీని గ్రామ పంచాయతీగా చేయాలని డిమాండ్‌ చేస్తున్నారు. పొచంపల్లి, ముక్తాపూర్‌, రేవణపల్లిని పంచాయతీలుగా మర్చాలని జాయింట్‌ యాక్షన్‌ కమిటీలు ఏర్పాటు చేశారు. మూడు రోజుల పాటు ప్రజాభిప్రాయ సేకరణ చేసి గ్రామపంచాయతీలుగా పునరుద్ధరించాలని తీర్మానించారు. అదేవిధంగా ఆలేరు మున్సిపాలిటీ పరిఽధిలో చేర్చిన బహుద్దూర్‌పేటను తిరిగి పంచాయతీగా చేయాలని కోరుతున్నారు. ఇప్పటికే ఆలేరు శివారులోని సాయిగూడేన్ని ప్రత్యేక గ్రామ పంచాయతీగా ప్రకటించగా.. ఆలేరును సైతం గ్రామ పంచాయతీగా చేయాలని డిమాండ్‌ వస్తోంది. మోత్కూరు మున్సిపాలిటీలోని కొండగడపను గ్రామపంచాయతీ చేయాలంటున్నారు. చౌటుప్పల్‌ మున్సిపాలిటీ పరిధిలోని లింగోజి గూడెం, తాళ్ల సింగారంలను గ్రామ పంచాయతీలుగా చేయాలని అక్కడి ప్రజలు బలంగా కోరుతున్నారు. మున్సిపాలిటీల్లో కలిసిన గ్రామాలుమున్సిపాలిటీ కలిసిన గ్రామాలు ఆలేరు బహదూర్‌పేట చౌటుప్పల్‌ లక్కారం, తంగ ఛిపల్లి, తాళ్లసింగారం, లింగోజిగూడెం మోత్కూర్‌ కొండగడప, బుజిలాపురం పోచంపల్లి ముక్తాపూర్‌, రేవణపల్లికోర్టుకు వెళ్లినా ఫలితం లేదు పోచంపల్లి మున్సిపాలిటీలో ముక్తాపూర్‌ గ్రామాన్ని కలపొద్దని కోర్టుకు వెళ్లాం. కానీ మా గ్రామాన్ని విలీనం చేశారు. దీంతో ఉపాధి హామీ పథకం వర్తించక 1200 మంది ఉపాధి కోల్పోయారు. మున్సిపాలిలో చేరిన తర్వాత ఇంటి నిర్మాణానికి అనుమతి కావాలంటే రూ.లక్షలు ఖర్చు అవుతున్నాయి. గతంలో గ్రామపంచాయతీలో రూ.3వేలు ఖర్చయ్యేది. అఖిల పక్షం సమావేశంలో గ్రామ పంచాయతీ కావాలని తీర్మానం చేశాం. – బాలచంద్రం గౌడ్‌, మాజీ సర్పంచ్‌ ముక్తాపూర్‌, పోచంపల్లి మండలం ఫ గ్రామ పంచాయతీలుగా మార్చాలని డిమాండ్‌ చేస్తున్న విలీన గ్రామాల ప్రజలు ఫ ఉపాధి హామీ పనులు లేవని, పన్నుల భారం పెరుగుతోందంటున్న గ్రామస్తులు ఫ జీపీలుగా పునరుద్ధరించాలని తీర్మానాలు

భువనగిరి : పదో తరగతి విద్యార్థులు వంద శాతం ఫలితాలు సాధించి జిల్లాను రాష్ట్ర స్థాయిలో ప్రథమ స్థానంలో నిలపాలని డీఈఓ సత్యనారాయణ పేర్కొన్నారు. భువనగిరిలోని బీచ్‌మహల్లా ప్రభుత్వ ఉన్నత పాఠశాలలో విద్యార్థులకు జీవశాస్త్రం ఫోరం జిల్లా శాఖ ఆధ్వర్యంలో బుధవారం ప్రతిభా పోటీలను నిర్వహించారు. ఈ సందర్భంగా ఆయన మాట్లా డుతూ.. టెన్త్‌ విద్యార్థులను వార్షిక పరీక్షలకు సమాయాత్తం చేయాలని, చదువులో వెనుకబడిన విద్యార్థుల పట్ల ప్రత్యేక శ్రద్ధ వహించాలని సూచించారు. అనంతరం ప్రతిభా పోటీల్లో గెలుపొందిన విద్యార్థులకు బహుమతులు, ప్రశంసా పత్రాలు అందజేశారు. కార్యక్రమంలో ప్రధానోపాధ్యా యుడు భాస్కర్‌, జీవశాస్త్రం ఫోరం జిల్లా అధ్యక్షుడు సత్యనారాయణ, కార్యదర్శి విజయప్రతాప్‌, రాష్ట్ర అసోసియేట్‌ ప్రెసిడెంట్‌ విష్ణు, ఉపాధ్యాయులు పాల్గొన్నారు.ఫ డీఈఓ సత్యనారాయణ

రాజాపేట : ఇందిరమ్మ ఇళ్ల సర్వే వేగవంతం చేసి సకాలంలోని పూర్తి చేయాలని అదనపు కలెక్టర్‌ వీరారెడ్డి సూచించారు. రాజాపేటలో కొనసాగుతున్న ఇందిరమ్మ ఇళ్ల సర్వేను బుధవారం ఆయన తనిఖీ చేశారు. మొబైల్‌ యాప్‌లో నమోదు చేసిన దరఖాస్తుదారుల వివరాలను పరిశీలించారు. ప్రభుత్వ మార్గదర్శకాలకు అనుగుణంగా దరఖాస్తుదారుల వివరాలు సేకరించి యాప్‌లో నమోదు చేయాలన్నారు. పొరపాట్లకు తావుండవద్దన్నారు. అంతకుముందు తహసీల్దార్‌ కార్యాలయాన్ని సందర్శించారు. సిబ్బంది వివరాలు అడిగి తెలుసుకున్నారు. అలాగే రికార్డులను పరిశీలించారు.భూ సమస్యలను త్వరితగతిన పూర్తిచేయాలని ఆదేశించారు. కార్యక్రమంలో తహసీల్దార్‌ దామోదర్‌, ఎంపీడీఓ నాగవేణి, ఎంపీఓ ఆవుల కిషన్‌, రెవెన్యూ ఆర్‌ఐ రమేష్‌, నరసింహులు పాల్గొన్నారు. ఫ అదనపు కలెక్టర్‌ వీరారెడ్డి

భువనగిరి, మోటకొండూర్‌ : చలితీవ్రతకు జిల్లా వణికిపోతోంది. వారం రోజుల కిందట 15 డిగ్రీల పైబడి నమోదైన కనిష్ఠ ఉష్ణోగ్రతలు.. తాజాగా 12డిగ్రీలకు పడిపోవటంతో జనం గజగజ వణకాల్సి వస్తోంది. బుధవారం రాజాపేటలో 11.8, భూదాన్‌పోచంపల్లి, బొమ్మలరామారం, చౌటుప్పల్‌, తుర్కపల్లి మండలాల్లో 12, ఆలేరు, గుండాల, రామన్నపేట, బీబీనగర్‌, మోత్కూరు, యాదగిరిగుట్ట మండలాల్లో 14 డిగ్రీల సెల్సీయస్‌గా ఉష్ణోగ్రతలు నమోదయ్యాయి. చలి తీవ్రత కారణంగా వాతావరణ శాఖ ఎల్లో అలర్ట్‌ జారీ చేసింది. చలినుంచి ఉపశమనం పొందడానికి ఉద యం, రాత్రిళ్లు జనం చలిమంటలు కాగుతున్నారు.

ఫ జనరల్‌ ఫిజీషియన్‌ డాక్టర్‌ రాజారావు సూచన భువనగిరి : చలితీవ్రతకు శరీరంలో అనేక మార్పులు చోటుచేసుకుంటాయి. ఈ క్రమంలో శరీర ఉష్ణోగ్రత సమతుల్యంగా ఉండేలా జాగ్రత్తలు తీసుకోవాలంటున్నారు.. ప్రముఖ జనరల్‌ ఫిజీషియన్‌ డాక్టర్‌ రాజారావు. లేనిపక్షంలో అనారోగ్య సమస్యలు తలెత్తుతాయని హెచ్చరిస్తున్నారు. ● చలికాలం శరీర ఉష్ణోగ్రత సమతుల్యంగా ఉండాలి.ఇందుకోసం పండ్లు, ఆకుకూరలు, పాలు వేడిగా తీసుకోవాలి. ● చలివాతావరణంలో వైరస్‌లు సులభంగా వ్యాప్తి చెందుతాయి. తద్వారా రోగనిరోధకశక్తి తగ్గి జలుబు, దగ్గు, జ్వరంతో పాటు గొంతునొప్పి చేస్తుంది. ● చలికి వాకింగ్‌ మానేస్తారు. దీంతో శరీరానికి సూర్యరశ్మి తగలకపోవడంతో డి విటమిన్‌ లోపం ఏర్పడి జీర్ణ సంబంధిత, శ్వాసకోశ ఇబ్బందులు తలెత్తుతాయి. ● రక్తనాళాలు కుదించుకుపోయి గుండెపోటు వచ్చే ప్రమాదం ఉంటుంది. ● శరీరంపై దురద ఏర్పడుతుంది. చేతి వేళ్లతో స్పర్శించడం ద్వారా చర్మ ఇన్‌ఫెక్షన్‌ వస్తుంది. ● కంటిలో డ్రైరెన్‌ సమస్య ఏర్పడి నీరు లేకుండా మారుతుంది. ● మద్యం, సిగరెట్లు, బీడీలు మానేయాలి. ● శరీరం పొడిబారకుండా కోల్డ్‌క్రీంలు లేదా కొబ్బరినూనె వాడాలి. మంకీ క్యాప్‌లు, స్వెటర్లు ధరించాలి.

చౌటుప్పల్‌ రూరల్‌ : చలికాలం వాతావరణంలో మార్పులు చోటుచేసుకుంటాయి. ముఖ్యంగా ఉష్ణోగ్రతలు పడిపోతాయి. ఈ క్రమంలో ఆరోగ్యాన్ని కాపాడుకునేందుకు ఆహారజాగ్రత్తలు తీసుకోవాలంటున్నారు..న్యూట్రిషనిస్టు ఎస్‌.రమ్య. ● విటమిన్‌ డి చాలా అవసరం. ఉదయం పూట పది నిమిషాలైనా ఎండలో ఉండాలి. సాధ్యం కాకపోతే డి విటమిన్‌ అధికంగా లభించే గుడ్లు, పాలు, పాల పదార్థాలు తీసుకోవాలి. ● కాస్త చల్లటి పదార్థం తీసుకున్నా జలుబు, దగ్గు, ఇతర ఆరోగ్య సమస్యలు తలెత్తుతాయి. దీంతో శరీరానికి మేలు చేసే క్రిములు, బ్యాక్టీరియాలు బయటకు పోయి రోగనిరోధశక్తి తగ్గుతుంది. రోగనిరోధక శక్తి పెంచడానికి క్యాబేజీ, నిమ్మజాతి పండ్లు, చిలగడదుంప, తృణధాన్యాలు తీసుకోవాలి. రోజూ ఉదయం కప్పు గ్రీన్‌టీ లేదా అల్లంటీ తాగాలి. ● తాజా కూరగాయలు, మొలకెత్తిన గింజలు, బీన్స్‌, మాంసం వంటి పదార్థాలతో తయారు చేసిన సూప్స్‌ వేడివేడిగా తీసుకోవాలి. తద్వారా ఇన్‌ఫెక్షన్లు సోకవు. రోగనిరోధక శక్తి పెరుగుతుంది.ఆహార పదార్థాల్లో వెల్లుల్లి వేయాలి. ఫ న్యూట్రిషనిస్టు రమ్య సలహా

జిల్లాలో 60నుంచి 70 మంది ప్రయత్నాలు జీఓ 317 వల్ల యాదాద్రి భువనగిరి జిల్లాకు చెందిన కొంతమంది ఉపాధ్యాయులు ఇతర జిల్లాలకు వెళ్లాల్సి వచ్చింది. వారంతా సొంత జిల్లాకు రావడానికి ఎంతైనా చెల్లించడానికి వెనుకాడడం లేదని సమాచారం. ఇందులో ప్రధానంగా 2017 డీఎస్సీలో ఎంపికై న ఉపాధ్యాయులు సొంత జిల్లాకు రావడం కోసం ఎక్కువగా ఇష్టపడుతున్నట్లు తెలుస్తోంది. దీనిని ఆసరాగా తీసుకుని కొంతమంది ఉపాధ్యాయులు ఏజెంట్ల అవతారం ఎత్తి బేరసారాలు నడుపుతున్నట్లు తెలుస్తోంది. జిల్లాలో 3,520 మంది ఉపాధ్యాయులకు గాను ప్రస్తుతం 2,894 మంది ఉపాధ్యాయులు విధులు నిర్వహిస్తున్నారు. ప్రభుత్వం తాజాగా కల్పించిన వెసులుబాటుతో 60 నుంచి 70 మంది పరస్పర బదిలీకి ప్రయత్నాలు చేస్తున్నారు. కాగా పరస్పర బదిలీకోసం ఈనెల 30వరకు దరఖాస్తు చేసుకోవాల్సి ఉంది. భువనగిరి : జీఓ 317 కారణంగా పలువురు ఉపాధ్యాయులు ఇతర జిల్లాల్లో పనిచేస్తున్నారు. ఇలాంటి వారికి కోసం స్పౌజ్‌, మెడికల్‌, పరస్పర బదిలీలకు ప్రభుత్వం వెసులుబాటు కల్పించింది. పరస్పర బదిలీలు కోరుకుంటున్న ఇద్దరిలో ఒకరు జీఓ 317 ద్వారా నష్టపోయిన ఉపాధ్యాయుడై ఉండాలన్న నిబంధన ఉంది. ఇద్దరి సమ్మతితోనే దరఖాస్తు చేసుకోవాల్సి ఉంటుంది. పరస్పర బదిలీకి సిద్ధమయ్యే వారికి కోసం ఉపాధ్యాయులు అన్వేసిస్తున్నారు. ఈ క్రమంలో ప్రాంతాన్ని బట్టి రూ.5 లక్షల నుంచి రూ.10 లక్షల వరకు బేరసారాలునడుస్తున్నట్లు చర్చ నడుస్తోంది. గతంలో కూడా పరస్పర బదిలీకి అకాశం కల్పించినప్పుడు ఇదే విధంగా జరిగిందన్న ఆరోపణలు వచ్చాయి. ఎవరికి వారు ప్రయత్నాలు కొత్త జిల్లాలు, జోన్ల ప్రాతిపదికన ఉద్యోగులతో పాటు ఉపాధ్యాయులను అలాట్‌ చేసేందుకు జీఓ నంబర్‌ 317ను ప్రభుత్వం తీసుకువచ్చింది. సీనియర్లు సొంత జిల్లాలోనే ఉండగా జూనియర్లు ఇతర జిల్లాలకు వెళ్లాల్సి వచ్చింది. 317 జీఓ వల్ల ఎంతో నష్టపోయామని, కుటుంబాలకు దూరంగా గడపాల్సి వస్తుందని జూనియర్‌ ఉపాధ్యాయులు పలుమార్లు ప్రభుత్వం దృష్టికి తీసుకెళ్లారు. ఎన్నికలకు ముందు కాంగ్రెస్‌ ప్రభుత్వం ఇచ్చిన హామీ మేరకు జీఓ 317పై కమిటి వేసింది. కమిటీ ఇచ్చిన నివేదికకు అనుగుణంగా ఉద్యోగులు, ఉపాధ్యాయులకు మెడికల్‌, స్పౌజ్‌, పరస్పర బదిలీలకు అకాశం కల్పించింది. దీన్ని కొందరు తమకు అనుకూలంగా మలుచుకుంటున్నారు. తాము కోరుకున్న ప్రాంతాలకు వెళ్లడానికి బేరసారాలకు తెరలేపినట్లు తెలుస్తోంది. ఫ జీఓ 317 కారణంగా ఇతర జిల్లాల్లో పనిచేస్తున్న పలువురు ఉపాధ్యాయులు ఫ పరస్పర బదిలీకి అవకాశం కల్పించిన ప్రభుత్వం ఫ సొంత జిల్లాకు వచ్చేందుకు ప్రయత్నాలు ఫ ప్రాంతాన్ని బట్టి రూ.5లక్షల నుంచి రూ.10లక్షల వరకు బేరం!

భువనగిరి : రాబోయేది ప్రజాపోరాటాల కాలమేనని సీపీఎం జిల్లా కార్యదర్శి ఎండీ జహంగీర్‌ తెలిపారు. బుధవారం భువనగిరిలోని సుందరయ్య భవనంలో ఏర్పాటు చేసిన పార్టీ ముఖ్యనాయకుల సమావేశంలో ఆయన మాట్లాడారు. జిల్లా సమగ్రాభివృద్ధి, చిన్ననీటి ప్రాజెక్టులు, ప్రజారోగ్యాలపై ప్రభావం చూపే పరిశ్రమలు, కార్మికులకు కనీస వేతనాలు, విద్య, ఉపాధి, రైతులు ఎదుర్కొంటున్న సమస్యలపై చౌటుప్పల్‌ జిల్లా మహాసభల్లో తీర్మానం చేసినట్లు తెలిపారు. వీటితో పాటు రామన్నపేటలో నిర్మించతలబెట్టిన అంబుజా సిమెంట్‌ పరిశ్రమకు వ్యతిరేకంగా, గోదావరి జలాల సాధన, మూసీ ప్రక్షాళన, బస్వాపూర్‌ రిజర్వాయర్‌కు నిధులు విడుదల చేయాలని పోరాటం చేస్తామన్నారు. ఈ సమావేశంలో పార్టీ రాష్ట్ర కమిటీ సభ్యులు బట్టుపల్లి అనురాధ, జిల్లా కార్యదర్శివర్గ సభ్యులు మాటూరి బాలరాజు, కల్లూరి మల్లేశం,దాసరి పాండు, జిల్లా కమిటి సభ్యులు దయ్యాల నర్సింహ, మాయ కృష్ణ, కోమటిరెడ్డి చంద్రారెడ్డి, గడ్డం వెంకటేశ్‌, నాయకలు వనం రాజు తదితరులు పాల్గొన్నారు. 4.76 లక్షల క్వింటాళ్ల పత్తి కొనుగోలు మోత్కూరు : జిల్లాలో ఇప్పటి వరకు 19,593 మంది రైతుల వద్ద 4,76,777 క్వింటాళ్ల పత్తి కొనుగోలు చేసినట్లు జిల్లా మార్కెటింగ్‌ అధికారి సబిత తెలిపారు. మోత్కూరు మండలం అనాజిపురంలోని మహా లక్ష్మి పత్తి మిల్లు కొనుగోలు కేంద్రాన్ని బుధవారం సందర్శించారు. పత్తి విక్రయించిన రైతులకు నగదు చెల్లింపుల వివరాలను కంప్యూటర్‌లో ఆమె పరిశీలించారు. ఆలేరు, చౌటుప్పల్‌, మోత్కూరు, వలిగొండ వ్యవసాయ మార్కెట్‌ పరిధిలోని 12 జిన్నింగ్‌ మిల్లుల ద్వారా పత్తి కొనుగోలు చేసినట్లు తెలిపారు. 17,915 మంది రైతులకు రూ.3.267 కోట్లు చెల్లించినట్లు వివరించారు. కొందరు రైతుల డాక్యుమెంట్లు, ఆధార్‌ కార్డులు, బ్యాంకు ఖాతాలు వివరంగా లేకపోవడంతో బిల్లులు ఆగినట్లు తెలిపారు.ఆమె వెంట మోత్కూరు వ్యవసాయ మార్కెట్‌ కార్యదర్శి కె.ఉమామహేశ్వర్‌, పత్తి కొనుగోలు అధికారి ఆర్‌.రవీందర్‌ ఉన్నారు. యాదగిరి క్షేత్రంలో సంప్రదాయ పూజలు యాదగిరిగుట్ట : యాదగిరిగుట్ట శ్రీలక్ష్మీనరసింహస్వామి ఆలయంలో బుధవారం సంప్రదాయ పూజలు కొనసగాయి. వేకువజామున సుప్రభాతం సేవ చేపట్టిన అర్చకులు.. గర్భాలయంలో స్వయంభూ, ప్రతిష్ఠా అలంకారమూర్తులను అర్చన, అభిషేకంతో కొలిచారు. అనంతరం ప్రధానాలయ ముఖమండపంలో సువర్ణ పుష్పార్చన మూర్తులకు అష్టోత్తర పూజలు, ప్రథమ ప్రాకార మండపంలో శ్రీసుదర్శన నారసింహ హోమం, గజవాహన సేవ, నిత్యకల్యాణం, బ్రహ్మోత్సవం తదితర పూజలు నిర్వహించారు. ఆయావేడుకల్లో భక్తులు పాల్గొని మొక్కులు తీర్చుకున్నారు. రాత్రి శ్రీస్వామి వారికి శయనోత్సవం చేసి ఆలయాన్ని ద్వారబంధనం చేశారు. కొనసాగుతున్న సీఎం కప్‌ భువనగిరి : సీఎం కప్‌ జిల్లా స్థాయి క్రీడా పోటీల్లో భాగంగా బుధవారం యోగా, చెస్‌, ఫుట్‌బాల్‌, సైక్లింగ్‌, బాస్కెట్‌బాల్‌ విభాగాల్లో పోటీలు నిర్వహించారు. ఈ కార్యక్రమంలో జిల్లా యువజన క్రీడల అభివృద్ధి అధికారి ధనుంజనేయులు, ఖోఖో అసోసియేషన్‌ ప్రధాన కార్యదర్శి నాతి కృష్ణమూర్తి, అథ్లెటిక్స్‌ అసోసియేషన్‌ ప్రధాన కార్యదర్శి గోపాల్‌, పీడీలు, పీఈటీలు ధశరథరెడ్డి, పాండురంగం, రఘువీర్‌, కేశనాగు పాల్గొన్నారు.

పిలాయిపల్లికి రూ.86.22 కోట్లు, ధర్మారెడ్డి కాలువకు రూ.123.98 కోట్లు మంజూరు సాక్షి, యాదాద్రి : మూసీ కాల్వలకు నిధుల వరద పారింది. పిలాయిపల్లి, ధర్మారెడ్డి కాలువలకు రూ.210.2 కోట్లు మంజూరయ్యాయి. నిధులు కేటాయించడంతో ఆగిన ఆధునీకరణ పనులు తిరిగి ప్రారంభంకానున్నాయి. మూసీ వృథా జలాలను ఒడిసిపట్టి ఉమ్మడి నల్లగొండ జిల్లాలో ఆయకట్టు విస్తీర్ణం పెంచాలని, ఇందుకోసం మూసీ ఆధారిత కాలువలను ఆధునీకరించాలని గత ప్రభుత్వ హయాంలో నిర్ణయించారు. ఇందులో భాగంగా కాలువల లోతు, వెడల్పు పెంచడం, స్ట్రక్చర్ల నిర్మాణం చేపట్టాల్సి ఉంది. కానీ, నిధులలేమి, కాంట్రాక్టర్ల నిర్లక్ష్యంతో పనులు ఎక్కడికక్కడ నిలిచిపోయాయి. అయితే సాగునీటి రంగానికి ప్రాధాన్యమిస్తున్న కాంగ్రెస్‌ ప్రభుత్వం.. మూసీ కాలువల ఆధునీకరణపై దృష్టి సారించింది. డిజైన్లు మార్చి ఆధునీకరణ పనులు పునరుద్ధరించాలని నిర్ణయించింది. ఇప్పటికే బునాదిగాని కాలువకు రూ.267 కోట్లు మంజూరు చేసింది. తాజాగా బుధవారం పిల్లాయపల్లి, ధర్మారెడ్డి కాలువలకు రూ.210.2 కోట్లు మంజూరు చేస్తూ ఉత్తర్వులు జారీ చేసింది. ఈ నిధులతో కాలువల బెడ్‌ వెడల్పు పెంచడం, గైడ్‌వాల్స్‌ నిర్మాణం, భూసేకరణ చేయనున్నారు. ధర్మారెడ్డి కాలువ ఇలా.. ధర్మారెడ్డి కాలువను 66 కి.మీ ఆధునీకరించాల్సి ఉంది. ఇందుకోసం 123.98 కోట్లు మంజూరయ్యాయి. భూదాన్‌పోచంపల్లి మండలం ధర్మారెడ్డిపల్లి నుంచి వలిగొండ మండలం గోకారం చెరువు వరకు 10 మీటర్లు, గోకారం నుంచి శేరినేనిగూడెం వరకు 6 మీటర్లు, శేరినేనిగూడెం నుంచి నార్కట్‌పల్లి మండలం లింగోటం వరకు 3 మీటర్ల మేర కాలువను వెడల్పు చేయనున్నారు. అలాగే శిథిలావస్థకు చేరిన బెడ్‌లను కూలగొట్టి కొత్తవి నిర్మిస్తారు. పిలాయిపల్లి 66 కి.మీ పిల్లాయిపల్లి కాలువకు ప్రభుత్వం రూ. 86.22 కోట్లు మంజూరు చేసింది. రంగారెడ్డి జిల్లా బండరావిర్యాల నుంచి యాదాద్రి జిల్లా మీదుగా నల్లగొండ జిల్లా ఉరుమడ్ల వరకు 66 కిలో మీటర్ల మేర కాల్వను ఆధునీకరించనున్నారు. బండరావిర్యాల నుంచి పోచంపల్లి మండలం మైసమ్మ కత్వ వరకు ఏడు మీటర్లు, మైసమ్మ కత్వ నుంచి చిన్నకోడూరు వరకు ఆరు మీటర్లు, చిన్న కోడూరు నుంచి ఉరుమడ్ల దాకా 5 మీటర్ల మేర వెడల్పు చేయనున్నారు.