First Look released
-
యాక్షన్... థ్రిల్
జెడీ చక్రవర్తి, నరేష్ అగస్త్య, సీరత్ కపూర్ ప్రధాన పాత్రల్లో నటించిన చిత్రం ‘జాతస్య మరణం ధ్రువం’. శ్రవణ్ జొన్నాడ దర్శకత్వం వహించారు. ‘తమ్ముడు, నరసింహనాయుడు, అధిపతి’ చిత్రాల్లో నటించిన ప్రీతీ జంగియాని ‘జాతస్య మరణం ధ్రువం’తో రీ ఎంట్రీ ఇస్తున్నారు. త్రిష సమర్పణలో మల్కాపురం శివకుమార్ నిర్మించిన ఈ చిత్రానికి ‘జాతస్య మరణం ధ్రువం’ టైటిల్ ఖరారు చేసి, ఫస్ట్ లుక్ని లాంచ్ చేశారు.‘‘యాక్షన్ థ్రిల్లర్గా రూపొందిన చిత్రమిది. ‘జాతస్య మరణం ధ్రువం’ అన్నది ఒక సంస్కృత పద బంధం. ‘పుట్టినవారికి మరణం తప్పదు’ అని అర్థం. తెలుగు, హిందీ, తమిళ, కన్నడ, మలయాళ భాషల్లో ఈ సినిమాని విడుదల చేస్తాం’’ అని మేకర్స్ ప్రకటించారు. ఈ చిత్రానికి సంగీతం: జిబ్రాన్, రాజ్ ఆషూ, కెమెరా: అర్జున్ రాజా. -
వాకిలి పద్మ
సత్యరాజ్, వశిష్ట ఎన్. సింహా, సాంచి రాయ్, ‘సత్యం’ రాజేష్, ఉదయ భాను నటించిన చిత్రం ‘త్రిబాణధారి బార్బరిక్’. మోహన్ శ్రీవత్స దర్శకత్వం వహించారు. మారుతీ టీమ్ప్రోడక్ట్ సమర్పణలో వానర సెల్యూలాయిడ్పై విజయపాల్ రెడ్డి ఆదిదల నిర్మించారు. త్వరలో విడుదలకు సిద్ధమవుతున్న ఈ మూవీ నుంచి యాంకర్, నటి ఉదయ భాను పోషించిన వాకిలి పద్మ పాత్ర ఫస్ట్ లుక్ని విడుదల చేశారు.‘భీముడి మనవడు, ఘటోత్కచుడి కుమారుడు బార్బరిక్ (బార్బరికుడు) పాత్రను ఆధారంగా తీసుకుని ‘త్రిబాణధారి బార్బరిక్’ రూపొందించాం. చాలా ఏళ్ల తర్వాత వాకిలి పద్మ అనే మంచి పాత్రలో ఉదయ భాను నటించారు. నిర్మాణానంతర పనులు జరుపుకుంటున్న ఈ సినిమా రిలీజ్ డేట్ను త్వరలో ప్రకటించనున్నాం’’ అని చిత్రయూనిట్ పేర్కొంది. ఈ చిత్రానికి కెమెరా: కుశేందర్ రమేష్ రెడ్డి, సంగీతం: ఇన్ఫ్యూషన్ బ్యాండ్. -
విభిన్నంగా శ్రీకాంత్ లుక్
‘విరూపాక్ష’, ‘బ్రో’ వంటి హిట్ సినిమాల తర్వాత సాయి దుర్గా తేజ్ నటిస్తున్న చిత్రం ‘ఎస్డీటీ 18’ (వర్కింగ్ టైటిల్). రోహిత్ కేపీ దర్శకుడిగా పరిచయమవుతున్న ఈ సినిమాలో ఐశ్వర్యా లక్ష్మి హీరోయిన్. ‘హను–మాన్’ వంటి బ్లాక్బస్టర్ మూవీ నిర్మించిన ప్రైమ్షో ఎంటర్టైన్మెంట్స్ పతాకంపై కె. నిరంజన్ రెడ్డి, చైతన్య రెడ్డి ‘ఎస్డీటీ 18’ నిర్మిస్తున్నారు. ఈ సినిమాలో జగపతిబాబు, శ్రీకాంత్, సాయికుమార్ కీలక పాత్రలు పోషిస్తున్నారు.శ్రీకాంత్ లుక్ని శుక్రవారం రిలీజ్ చేశారు. ‘పీరియాడికల్ యాక్షన్ డ్రామాగా రూపొందుతోన్న చిత్రం ‘ఎస్డీటీ 18’. ఈ సినిమాలో గతంలో ఎన్నడూ చేయని పవర్ఫుల్ పాత్రను పోషిస్తున్నారు సాయి దుర్గా తేజ్. అలాగే శ్రీకాంత్ పాత్ర విభిన్నంగా ఉంటుంది. తెలుగు, తమిళ, హిందీ, కన్నడ, మలయాళ భాషల్లో పాన్ ఇండియన్ మూవీగా విడుదల కానుంది’’ అని చిత్రయూనిట్ పేర్కొంది. ఈ చిత్రానికి సంగీతం: బి. అజనీష్ లోక్నాథ్. -
మర్డర్ మిస్టరీ
విజయ్ ఆంటోని హీరోగా నటిస్తున్న కొత్త చిత్రానికి ‘గగన మార్గన్’ టైటిల్ ఖరారైంది. ‘అట్టకత్తి, సూదు కవ్వుం, ఏ1, మాయవన్’ వంటి తమిళ చిత్రాలకు ఎడిటర్గా చేసిన లియో జాన్ పాల్ ఈ సినిమాతో దర్శకుడిగా మారారు. క్రైమ్ థ్రిల్లర్ మర్డర్ మిస్టరీగా రూపొందుతున్న ఈ సినిమా టైటిల్ని ప్రకటించి, ఫస్ట్ లుక్ను విడుదల చేశారు.‘‘గగన మార్గన్’ చిత్రం అన్ని వర్గాల ప్రేక్షకులను ఆకట్టుకునేలా ఉంటుంది. ముఖ్యంగా ముంబైలో చిత్రీకరించిన అండర్ వాటర్ సీక్వెన్స్, విజువల్ ఎఫెక్ట్స్ ఈ సినిమాకు ప్రత్యేక ఆకర్షణలుగా ఉంటాయి. త్వరలోనే ఈ సినిమాను విడుదల చేస్తాం’’ అని చిత్రయూనిట్ పేర్కొంది. -
నాలుగు దశాబ్దాలు వెనక్కి...
రాజ్ తరుణ్, సందీప్ మాధవ్ హీరోలుగా నటిస్తున్న యాక్షన్ చిత్రం ‘రామ్ భజరంగ్’. సిమ్రత్ కౌర్, సత్నా టైటస్ హీరోయిన్లుగా నటిస్తున్నారు. ఈ సినిమా చిత్రీకరణ దాదాపు పూర్తయ్యింది. దసరా నవరాత్రుల సందర్భంగా ఫస్ట్ లుక్ను రిలీజ్ చేశారు. ‘‘ఈ చిత్రంలో రాజ్ తరుణ్, సందీప్ డిఫరెంట్ లుక్స్లో కనిపిస్తారు. ఎందుకంటే దాదాపు నాలుగు దశాబ్దాల క్రితం సాగే కథలో ఇద్దరూ నటిస్తున్నారు. ‘‘1980 నేపథ్యంలో సాగే ఈ సినిమా మంచి ఫ్యామిలీ ఎలిమెంట్స్తో ప్రేక్షకులను అలరించేలా ఉంటుంది తెలుగు, తమిళ, కన్నడ, మలయాళ, హిందీ భాషల్లో వచ్చే ఏడాది విడుదల చేయాలనుకుంటున్నాం’ అని చిత్రబృందం పేర్కొంది. ఛాయా దేవి, మనసా రాధాకృష్ణన్, రాజా రవీంద్ర, రవిశంకర్, షఫీ, శివరామరాజు వెంకట్, ‘సత్యం’ రాజేశ్, ధనరాజ్, ‘రచ్చ’ రవి, ఐశ్వర్య ఇతర ముఖ్య పాత్రల్లో నటిస్తున్న ఈ సినిమాకు సంగీతం: మణిశర్మ, కెమెరా: అజయ్ విన్సెంట్. -
వింటేజ్ యాక్షన్
వరుణ్ తేజ్ హీరోగా నటిస్తున్న పీరియాడికల్ యాక్షన్ చిత్రం ‘మట్కా’. ఈ చిత్రంలో మీనాక్షీ చౌదరి, నోరా ఫతేహీ హీరోయిన్లు. కరుణకుమార్ దర్శకత్వంలో వైర ఎంటర్టైన్మెంట్స్, ఎస్ఆర్టీ ఎంటర్టైన్మెంట్స్ పతాకాలపై డా. విజయేందర్రెడ్డి తీగల, రజనీ తాళ్ళూరి నిర్మిస్తున్నారు. ప్రస్తుతం ఈ సినిమా చిత్రీకరణ హైదరాబాద్లో జరుగుతోంది.ఇరవైనాలుగేళ్ల టైమ్లైన్తో సాగే ఈ సినిమాలో వరుణ్ తేజ్ నాలుగు డిఫరెంట్ గెటప్స్లో కనిపించనున్నారు. ఆదివారం ఈ సినిమా ఫస్ట్ లుక్ను రిలీజ్ చేశారు. సిగార్ తాగుతూ కనిపిస్తున్న వరుణ్ తేజ్ డ్రెస్సింగ్, హెయిర్ స్టైల్లో వింటేజ్ వైబ్ కనిపిస్తోంది. నవీన్ చంద్ర, సలోని, అజయ్ ఘోష్, పి. రవిశంకర్ తదితరులు కీలక పాత్రల్లో నటిస్తున్న ఈ చిత్రం తెలుగు, తమిళ, కన్నడ, మలయాళ, హిందీ భాషల్లో రిలీజ్ కానుంది. ఈ చిత్రానికి సంగీతం: జీవీ ప్రకాశ్కుమార్. -
ఉగాదికి వస్తున్నా
ఉగాదికి థియేటర్స్లో కలుద్దాం అంటున్నారు విజయ్ దేవరకొండ. గౌతమ్ తిన్ననూరి దర్శకత్వంలో విజయ్ దేవరకొండ హీరోగా ఓ సినిమా తెరకెక్కుతున్న సంగతి తెలిసిందే. సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు. విజయ్ దేవరకొండ కెరీర్లో 12వ సినిమాగా రూపొందుతున్న ఈ సినిమా ఇటీవల శ్రీలంకలో ఓ భారీ షెడ్యూల్ను పూర్తి చేసుకుంది.శుక్రవారం ఈ సినిమా ఫస్ట్ లుక్ను రిలీజ్ చేసి, మూవీని వచ్చే ఏడాది మార్చి 28న రిలీజ్ చేయనున్నట్లు చిత్ర యూనిట్ అధికారికంగా ప్రకటించింది. ఉగాది సందర్భంగా ఈ చిత్రం విడుదలను ΄్లాన్ చేసినట్లు తెలుస్తోంది. ‘‘ఇప్పటివరకు 60 శాతం చిత్రీకరణ పూర్తయింది. ఈ నెలలోనే టైటిల్ను, త్వరలోనే ఇతర వివరాలను వెల్లడిస్తాం’’ అని చిత్రబృందం పేర్కొంది. స్పై యాక్షన్ థ్రిల్లర్గా ఈ సినిమా రూపొందుతోందని, ఇందులో విజయ్ పోలీస్ ఆఫీసర్గా కనిపిస్తారనీ టాక్. ఈ సినిమాకు కెమెరా: గిరీష్ గంగాధరన్, జోమోన్ టి. జాన్, సంగీతం: అనిరుధ్ రవిచందర్. -
సెంటిమెంట్... అడ్వెంచర్
నితిన్ హీరోగా శ్రీరామ్ వేణు దర్శకత్వంలో రూపొందుతున్న సినిమా ‘తమ్ముడు’. ‘దిల్’ రాజు, శిరీష్ నిర్మిస్తున్నారు. శనివారం (మార్చి 30) నితిన్ బర్త్ డే. ఈ సందర్భంగా ‘తమ్ముడు’ సినిమా టైటిల్ లోగో, ఫస్ట్ లుక్ను విడుదల చేశారు. అక్కా తమ్ముడి సెంటిమెంట్ నేపథ్యంలో రూపొందుతున్న ఈ చిత్రంలో సీనియర్ నటి లయ కీలక పాత్ర చేస్తున్నారు. ఈ సినిమాకు బి. అజనీష్ లోక్నాథ్ సంగీతం అందిస్తున్నారు. మరోవైపు ‘భీష్మ’ వంటి సక్సెస్ఫుల్ మూవీ తర్వాత హీరో నితిన్, దర్శకుడు వెంకీ కుడుముల కాంబినేషన్లో రూపొందుతున్న యాక్షన్ అడ్వెంచరస్ థ్రిల్లర్ మూవీ ‘రాబిన్ హుడ్’. ఈ సినిమా కొత్త పోస్టర్ను విడుదల చేశారు. మైత్రీ మూవీ మేకర్స్ పతాకంపై నవీన్ ఎర్నేని, వై. రవిశంకర్ ఈ సినిమాను నిర్మిస్తున్నారు. రాజేంద్రప్రసాద్, ‘వెన్నెల’ కిశోర్ కీలక పాత్రలు పోషిస్తున్న ఈ సినిమాకు జీవీ ప్రకాశ్కుమార్ సంగీతం అందిస్తున్నారు. -
ఓం భీమ్ బుష్!
‘సామజవరగమన’(2023) వంటి హిట్ మూవీ తర్వాత శ్రీ విష్ణు హీరోగా నటించిన చిత్రం ‘ఓం భీమ్ బుష్’. ‘నో లాజిక్ ఓన్లీ మ్యాజిక్’ అన్నది ఉపశీర్షిక. ‘హుషారు’ ఫేమ్ శ్రీ హర్ష కొనుగంటి దర్శకత్వం వహించిన ఈ చిత్రంలో ప్రీతి ముకుందన్, అయేషా ఖాన్ కథానాయికలుగా నటించారు. ప్రియదర్శి, రాహుల్ రామకృష్ణ కీలక పాత్రలు చేశారు. యువీ క్రియేషన్స్ సమర్పణలో వి సెల్యులాయిడ్స్పై సునీల్ బలుసు నిర్మించారు. ఈ సినిమాకి ‘ఓం భీమ్ బుష్’ అనే టైటిల్ ఖరారు చేసి, ఫస్ట్ లుక్ విడుదల చేశారు మేకర్స్. శ్రీవిష్ణు, ప్రియదర్శి, రాహుల్ రామకృష్ణ వ్యోమగామి దుస్తులు ధరించి, తమ చేతుల్లో కరపత్రాలతో నడుచుకుంటూ వస్తున్న ఫస్ట్ లుక్ ఆసక్తిగా ఉంది. ‘‘పూర్తి వినోదాత్మకంగా రూ΄÷ందిన చిత్రం ‘ఓం భీమ్ బుష్’. మార్చి 22న సినిమాని రిలీజ్ చేస్తాం’’ అని చిత్రయూనిట్ ప్రకటించింది. ఈ చిత్రానికి కెమెరా: రాజ్ తోట, సంగీతం: సన్నీ ఎం.ఆర్. -
లావణ్య మిస్ పర్ఫెక్ట్
లావణ్యా త్రిపాఠి, అభిజీత్ ప్రధాన పాత్రల్లో నటిస్తున్న వెబ్ సిరీస్ ‘మిస్ పర్ఫెక్ట్’. విశ్వక్ ఖండేరావ్ దర్శకత్వంలో అన్నపూర్ణ స్టూడియోస్ పతాకంపై సుప్రియ యార్లగడ్డ ఈ సిరీస్ను నిర్మిస్తున్నారు. త్వరలోనే ఈ వెబ్ సిరీస్ డిస్నీ ప్లస్ హాట్ స్టార్ ఓటీటీలో స్ట్రీమింగ్ కానుంది. ఈ సందర్భంగా ఫస్ట్ లుక్ను విడుదల చేశారు. ‘‘న్యూ ఇయర్ను పర్ఫెక్ట్గా మొదలు పెట్టబోతున్నాం’’ అంటూ ‘ఎక్స్’లో షేర్ చేశారు లావణ్యా త్రిపాఠి. ‘‘ప్రతి పనిని పర్ఫెక్ట్గా చేసే మిస్టర్ పర్ఫెక్ట్ల గురించి మాట్లాడుకుంటుంటాం. కానీ మిస్ పర్ఫెక్ట్గా ఓ అమ్మాయి ఎంత పర్ఫెక్ట్గా వర్క్ చేస్తుంది? ఎలా పని చేయిస్తుంది? అనే అంశాలను హిలేరియస్గా ఈ వెబ్ సిరీస్లో చూపించబోతున్నాం’’ అన్నారు విశ్వక్ ఖండేరావ్. ‘‘అనుకోకుండా ఏర్పరచుకునే కొన్ని అనుబంధాలు మన జీవితాలపై ఎలాంటి ప్రభావం చూపిస్తాయి? అనే ప్రేమకథతో ‘మిస్ పర్ఫెక్ట్’ని రూపొందించాం’’ అన్నారు సుప్రియ యార్లగడ్డ. ఈ సిరీస్కు సంగీతం: ప్రశాంత్ ఆర్. విహారి, కెమెరా: ఆదిత్య జవ్వాదా. -
కామెడీ స్పై
‘వెన్నెల’ కిశోర్ హీరోగా నటించిన స్పై యాక్షన్ కామెడీ ‘చారి 111’. సంయుక్తా విశ్వనాథన్ హీరోయిన్ గా నటిస్తున్న ఈ చిత్రంలో మురళీ శర్మ ఓ కీలక పాత్రధారి. టీజీ కీర్తీకుమార్ దర్శకత్వంలో అదితి సోనీ ఈ సినిమాను నిర్మించారు. తాజాగా ఈ సినిమా ఫస్ట్లుక్ను విడుదల చేశారు మేకర్స్. ‘‘ఓ కన్ ఫ్యూజ్డ్ స్పై ఓ పెద్ద కేసును ఎలా సాల్వ్ చేశాడన్నదే ఈ సినిమా కథనం’’ అన్నారు టీజీ కీర్తీకుమార్, అదితి సోనీ. -
సరికొత్త ప్రేమ కథ
కృష్ణవంశీ, మోక్ష జంటగా చిలుకూరి ఆకాష్ రెడ్డి దర్శకత్వం వహిస్తున్న చిత్రం ‘అలనాటి రామచంద్రుడు’. హైనివా క్రియేషన్స్పై హైమావతి, శ్రీరామ్ జడపోలు నిర్మిస్తున్న ఈ సినిమా ఫస్ట్ లుక్ని విడుదల చేశారు మేకర్స్. ‘‘అలనాటి రామచంద్రుడు’ సరికొత్త ప్రేమ కథా చిత్రం. కుటుంబ సమేతంగా చూడాల్సిన సినిమా ఇది. షార్ట్ ఫిల్మ్స్ తీసి అవార్డులు అందుకున్న ఆకాష్ రెడ్డి తొలిసారి దర్శకునిగా అడుగుపెడుతున్నాడు’’ అన్నారు హైమావతి, శ్రీరామ్ జడపోలు. ‘‘మా సినిమా చిరుజల్లుల్లా హాయిగా ఉంటుంది. ప్రేక్షకులకు నచ్చుతుందనే నమ్మకం ఉంది’’ అన్నారు చిలుకూరి ఆకాష్ రెడ్డి. ఈ చిత్రానికి అసోసియేట్ నిర్మాత: విక్రమ్ జమ్ముల, కెమెరా: ప్రేమ్ సాగర్, సంగీతం: శశాంక్ తిరుపతి, లైన్ ప్రొడ్యూసర్: అవినాష్ సామల, ఎగ్జిక్యూటివ్ ప్రొడ్యూసర్: గద్దల అన్వేష్. -
మోసగాడి యాక్షన్
చంద్రకాంత్ దత్త, నరేందర్, రేఖ నీరోషా ప్రధాన పాత్రల్లో బర్ల నారాయణ దర్శకత్వం వహించిన చిత్రం ‘చీటర్’. యస్ఆర్ఆర్ ప్రొడక్షన్స పై పరుపాటి శ్రీనివాస్ రెడ్డి నిర్మించిన ఈ సినిమా సెప్టెంబర్ 22న విడుదల కానుంది. ఈ సినిమా ఫస్ట్ లుక్ని దర్శకుడు త్రినాథరావు నక్కిన విడుదల చేసి, మాట్లాడుతూ–‘‘చీటర్’ ఫస్ట్ లుక్ బాగుంది.. సినిమా హిట్ కావాలి’’అన్నారు. ‘‘యాక్షన్ థ్రిల్లర్గా రూపొందిన సినిమా ఇది. విడుదలైన పాటలకు మంచి స్పందన వచ్చింది’’ అన్నారు బర్ల నారాయణ. ‘‘మా సినిమా ఔట్పుట్ బాగా వచ్చింది’’ అన్నారు శ్రీనివాస్ రెడ్డి. -
పెళ్లికూతురి గెటప్లో కీర్తి సురేష్.. పోస్టర్ రిలీజ్
నేచురల్ స్టార్ నాని హీరోగా నటిస్తున్న లేటెస్ట్ మూవీ దసరా. ఓదెల శ్రీకాంత్ దర్శకత్వం వహిస్తున్న ఈ సినిమాలో కీర్తి సురేష్ హీరోయిన్గా నటిస్తుంది. నేడు(సోమవారం)కీర్తి సురేష్ బర్త్డే సందర్భంగా మూవీ యూనిట్ ఫస్ట్లుక్ పోస్టర్ను విడుదల చేసింది. ఈ సినిమాలో ఆమె వెన్నెల పాత్రలో నటిస్తుంది. ఇక ఫస్ట్లుక్ పోస్టర్లో కీర్తి పెళ్లికూతురు గెటప్లో మాస్ లుక్తో కనిపిస్తుంది. ప్రస్తుతం ఈ ఫోటో నెట్టింట చక్కర్లు కొడుతుంది. వచ్చే ఏడాది మార్చిలో ఈ సినిమాను విడుదల చేయనున్నారు.శ్రీ లక్ష్మీ వెంకటేశ్వర క్రియేషన్స్ పై సుధాకర్ చెరుకూరి నిర్మిస్తున్న ఈ చిత్రంలో సాయికుమార్, సముద్ర ఖని, జరీనా వహాబ్ కీలక పాత్రలు పోషిస్తున్నారు. ప్యాన్ ఇండియా స్థాయిలో వస్తున్న ఈ సినిమా ప్రస్తుతం స్క్రిప్ట్ పనుల్లో ఉంది. Introducing @KeerthyOfficial as 'Vennala' from #Dasara ❤️🔥 Wishing the super talented and National Award winning actress a very Happy Birthday ❤️ Natural Star @NameisNani @odela_srikanth @Music_Santhosh @saregamasouth pic.twitter.com/RyNCbXioXl — SLV Cinemas (@SLVCinemasOffl) October 17, 2022 -
మంత్రి తలసాని శ్రీనివాస్ యాదవ్ చేతుల మీదుగా హరికథ ఫస్ట్లుక్
డైరెక్టర్ అనుదీప్ రెడ్డి దర్శకత్వంలో తాజాగా తెరకెక్కుతున్న చిత్రం హరికథ. ఐరావత సినీ కలర్స్ బ్యానర్ పై రంజిత్ కుమార్ గౌడ్, వివేకా నంద, రఘు , కవిత సంయుక్తంగా నిర్మిస్తున్న ఈ చిత్రంలో కిరణ్, రంజిత్, సజ్జన్, అఖిల్ రామ్, లావణ్య రెడ్డి, కీర్తిలు ఈ మూవీలో ప్రధాన పాత్రలు పోషిస్తున్నారు. ఫ్యామిలీ ఎంటర్ టైనర్గా రూపొందుతున్న ఈ సినిమా ఫస్ట్లుక్ పోస్టర్ను శనివారం విడుదల చేసింది చిత్రం బృందం. తెలంగాణ సినిమాటోగ్రఫీ మంత్రి తలసాని శ్రీనివాస్ యాదవ్ చేతుల మీదు ఈ రోజు ఫస్ట్లుక్ పోస్టర్ను విడుదల చేశారు. అనంతరం మంత్రి మాట్లాడుతూ.. చిత్ర యూనిట్కి అభినందనలు తెలిపారు. కాగా ఈ చిత్రానికి కెమెరామెన్ గా మస్తాన్ షరీఫ్ వ్యవహరించగా బొంతల నాగేశ్వర్ రెడ్డి ఎడిటింగ్ బాధ్యతలు నిర్వర్తించారు. మహావీర్ సంగీతం సమకూర్చారు. త్వరలోనే నిర్మాణాంతర పనులు పూర్తి చేసుకొని విడుదల తేదీని ప్రకటించనున్నారు. -
హాలీవుడ్ మూవీలో ధనుష్ ఫస్ట్ లుక్ ఇదే.. మూవీ రిలీజ్ ఎప్పుడంటే ?
Dhanush The Gray Man Release Date Announced With First Look Poster: కోలీవుడ్ స్టార్ హీరో ధనుష్ తెలుగులోనూ అనేక అభిమానులను సొంతం చేసుకున్నాడు. ఇటీవల 'మారన్' సినిమాతో అలరించిన ధనుష్.. తన అభిమానులకు సూపర్ గుడ్ న్యూస్ ఇచ్చాడు. వరుస సినిమాలతో ఫుల్ బిజీగా ఉన్న ధనుష్ హాలీవుడ్ మూవీ 'ది గ్రే మ్యాన్' సినిమాలో నటిస్తున్న విషయం తెలిసిందే. అయితే తాజాగా ఈ సినిమా గురించి అప్డేట్ పంచుకున్నాడు. ది గ్రే మ్యాన్ మూవీలోని తన ఫస్ట్ లుక్ పోస్టర్ విడుదలైంది. ఈ విషయాన్ని సోషల్ మీడియా వేదికగా పంచుకుంటూ 'ది గ్రే మ్యాన్.. జూలై 22న నెట్ఫ్లిక్స్లో' అంటూ రాసుకొచ్చాడు. ఈ పోస్టర్లో కారు పైకప్పుపై నుదిటిపై రక్తంతో సీరియస్ లుక్లో ఆకట్టుకున్నాడు ధనుష్. బాక్సాఫీసును షేక్ చేసిన ‘అవెంజర్స్: ఇన్ఫినిటీ వార్’, ‘అవెంజర్స్: ఎండ్గేమ్’ వంటి సినిమాలను తెరకెక్కించిన రూసో బ్రదర్స్ (ఆంథోనీ రూసో, జోసెఫ్ రూసో) ‘ది గ్రే మ్యాన్’కు దర్శకులు. ఇంగ్లీష్ యాక్టర్స్ ర్యాన్ గోస్లింగ్, క్రిస్ ఎవాన్స్, అనా డి అర్మాస్లతో కలిసి ధనుష్ ఈ చిత్రంలో నటించాడు. యాక్షన్ థ్రిల్లర్గా రూపుదిద్దుకున్న ఈ భారీ బడ్జెట్ ప్రాజెక్ట్లో ధనుష్ పాత్ర నెగటివ్ షేడ్స్తో ఉంటుందనే వార్తలు వచ్చాయి. 'ది గ్రే మ్యాన్' మూవీ ఈ ఏడాది ఓటీటీ ప్లాట్ఫామ్ దిగ్గజం నెట్ఫ్లిక్స్లో జూలై 22న స్ట్రీమింగ్ కానుంది. కాగా 'ది గ్రే మ్యాన్' సినిమా ధనుష్ రెండో హాలీవుడ్ మూవీ. 2018లో వచ్చిన 'ది ఎక్స్ట్రార్డినరీ జర్నీ ఆఫ్ ది ఫకీర్' చిత్రంతో ధనుష్ హాలీవుడ్కు ఎంట్రీ ఇచ్చాడు. View this post on Instagram A post shared by Dhanush (@dhanushkraja) చదవండి: అల్లు అర్జున్, ధనుష్ హీరోలుగా భారీ మల్టీస్టారర్..! మాజీ భార్య ఐశ్యర్యపై ధనుష్ ట్వీట్, అంత మాట అనేశాడేంటి! var request = 'https://www.sakshi.com/knowwidget/kwstr_911254541.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); -
స్టార్ రైటర్ విజయేంద్ర ప్రసాద్ చేతుల మీదుగా సుహాసిని ‘ఫోకస్’ ఫస్ట్లుక్
విజయ్ శంకర్, అషూ రెడ్డి, సుహాసిని మణిరత్నం, భానుచందర్ ప్రధాన పాత్రలలో జి. సూర్యతేజ దర్శకత్వం వహిస్తున్న సస్పెన్స్ థ్రిల్లర్ మూవీ ‘ఫోకస్’. మర్డర్ మిస్టరీ బ్యాక్డ్రాప్లో ఆసక్తికరమైన కథ-కథనాలతో ప్రేక్షకులను ఆద్యంతం ఆశ్చర్యపరిచే విధంగా ఈ మూవీ తెరకెక్కింది. ఇప్పటికే విడుదలైన ఫస్ట్లుక్ పోస్టర్, వేలంటైన్స్డే సందర్భంగా రిలీజైన పోస్టర్స్కి మంచి రెస్పాన్స్ వచ్చింది. తాజాగా ఫోకస్ మూవీ నుంచి సీనియర్ నటి సుహాసిని మణిరత్నం స్పెషల్ లుక్ పోస్టర్ను సినీ రచయిత విజయేంద్రప్రసాద్ విడుదల చేశారు. ఈ సందర్భంగా ఆయన మాట్లాడుతూ.. ‘సూర్యతేజ తన డెబ్యూ మూవీగా రిలాక్స్ మూవీ మేకర్స్ పతాకంపై `ఫోకస్` అనే చిత్రాన్ని తెరకెక్కిస్తున్నారు. విజయ్శంకర్, అషూ రెడ్డి హీరోహీరోయిన్లు. సుహాసిని గారు ముఖ్య పాత్రలో నటించారు. ఇప్పుడే టీజర్ చూశాను. చాలా బాగుంది. ఇంకా మంచి పాత్రలు చాలా ఉన్నాయి. అందరూ ఈ సినిమాని చూసి ఎంకరేజ్ చేయండి. టీమ్ అందరికీ ఆల్ ది బెస్ట్’ అన్నారు. దర్శకుడు జి. సూర్యతేజ మాట్లాడుతూ.. ‘నేను దర్శకత్వం వహించిన మొదటి చిత్రం `ఫోకస్`. ఈ సినిమాలోని సుహాసిని గారి లుక్ను ఎన్నో సూపర్ హిట్ చిత్రాలకు కథలను అందించిన విజయేంద్రప్రసాద్ గారు విడుదల చేయడం చాలా సంతోషంగా ఉంది. భాను చందర్, షియాజీ షిండే, జీవా, సూర్య భగవాన్ ఇలా చాలా మంది ఆర్టిస్టులు ఈ సినిమాలో నటించారు. షూటింగ్ పూర్తయింది. ప్రస్తుతం పోస్ట్ ప్రొడక్షన్ జరుగుతోంది. మార్చిలో రిలీజ్ చేయడానికి సన్నాహాలు చేస్తున్నాం’ అని పేర్కొన్నారు. స్కైరా క్రియేషన్స్ సమర్పణలో రిలాక్స్ మూవీ మేకర్స్ ఈ చిత్రాన్ని నిర్మిస్తోంది. -
అనుష్కతో నవీన్ పొలిశెట్టి సినిమా ఆగిపోయిందా? ఇదిగో క్లారిటీ ..
Naveen Polishetty Confirms New Film With Anushka Shetty: ఏజెంట్ సాయి శ్రీనివాస ఆత్రేయ సినిమాతో హీరోగా ఎంట్రీ ఇచ్చిన నవీన్ పొలిశెట్టి.. తొలి చిత్రంతోనే ఆకట్టుకున్నాడు. జాతిరత్నాలుతో సూపర్ హిట్ అందుకున్నాడు. ఆ తర్వాత నవీన్- అనుష్క జంటగా యూవీ క్రియేషన్స్ బ్యానర్లో ఓ సినిమా రానుందనే వార్తలు వచ్చాయి. అయితే ఆ తర్వాత ఏమైందో తెలియదు గానీ ఈ ప్రాజెక్ట్ నుంచి ఎలాంటి అప్డేట్స్ రాకపోవడంతో ఈ సినిమా ఆగిపోయిందనే వార్తలు సోషల్ మీడియాలో ఊపందుకున్నాయి. తాజాగా ఈ ప్రాజెక్ట్పై యూవీ క్రియేషన్స్ వారు క్లారిటీ ఇచ్చారు. నవీన్ పొలిశెట్టి బర్త్డే సందర్భంగా ఫస్ట్లుక్ను రిలీజ్ చేశారు. ముందుగా అనుకున్నట్లుగానే అనుష్క ఈ చిత్రంలో నవీన్కి జోడీగా కనిపించనుంది. నలభై ఏళ్ల మహిళ, పాతికేళ్ల అబ్బాయితో ఎలా ప్రేమలో పడుతుంది? ఆ తర్వాత వారి ప్రయాణం ఎలా సాగిందన్నదే సినిమా కథ. పి. మహేశ్ బాబు ఈ చిత్రానికి దర్శకత్వం వహించనున్నారు. ఈ చిత్రానికి ‘మిస్ శెట్టి.. మిస్టర్ పొలిశెట్టి’అనే టైటిల్ ఖరారు చేయనున్నట్లు తెలుస్తుంది. View this post on Instagram A post shared by Naveen Polishetty (@naveen.polishetty) -
PSPK28: 'భవదీయుడు భగత్ సింగ్'గా పవన్ కల్యాణ్
Pawan Kalyans Bhavadeeyudu Bhagat Singh First Look: పవర్స్టార్ పవన్ కల్యాణ్,హరీశ్ శంకర్ కాంబినేషన్లో ఓ సినిమా రూపొందుతున్న సంగతి తెలిసిందే. మోస్ట్ అవైటెడ్ ప్రాజెక్ట్గా తెరకెక్కుతున్న ఈ సినిమాకు సంబంధించి తాజాగా ఫస్ట్లుక్తో పాటు టైటిల్ను రివీల్ చేశారు మేకర్స్. నిన్నటి నుంచే అప్డేట్ ఇస్తామంటూ ఊరించిన చిత్ర బృందం ఫైనల్గా ఈ చిత్రానికి 'భవదీయుడు భగత్ సింగ్' అనే టైటిల్ను ఖారారు చేశారు. 'ఇది కేవలం వినోదం మాత్రమే కాదు' అంటూ క్యాప్షన్ను జోడించారు. పోస్ట్ర్ లుక్లో పవన్ బైక్పై కూర్చొని ఓ చేతిలో మైక్, మరో చేతిలో టీ గ్లాస్తో కనిపించారు. పవన్-హరీశ్ శంకర్ మూవీ కావడంతో ఇప్పటికే ఈ చిత్రంపై అభిమానుల్లో భారీ అంచనాలు నెలకొన్నాయి. మైత్రీ మూవీ మేకర్స్ బ్యానర్పై నవీన్ యెర్నేని, వై రవిశంకర్ సంయుక్తంగా ఈ చిత్రాన్ని నిర్మిస్తున్నారు. పవన్కు జోడీగా పూజా హెగ్డే నటించనున్నట్లు టాక్ వినిపిస్తుంది. దేవిశ్రీ ప్రసాద్ ఈ సినిమాకు సంగీతం అందించనున్నారు. We all need your … Blessings & Best wishes…. 🙏🙏@PawanKalyan @ThisIsDSP @DoP_Bose #AnandSai @MythriOfficial @venupro Let’s rock again….. #BhavadeeyuduBhagatSingh pic.twitter.com/T5reLKI5P9 — Harish Shankar .S (@harish2you) September 9, 2021 చదవండి : డ్రగ్స్ కేసు: ఈడీ కార్యాలయానికి చేరుకున్న రవితేజ హిందీ సూరరై పోట్రుకు లైన్క్లియర్ -
ఆకట్టుకుంటున్న ‘గ్యాంగ్స్టర్ గంగారాజు’ ఫస్ట్లుక్ పోస్టర్
వైవిధ్యమైన చిత్రాలు చేస్తూ ప్రేక్షకులకు మంచి సినిమాలు అందిస్తున్నాడు యంగ్ హీరో లక్ష్ చదలవాడ. డిఫరెంట్ పాత్రలను ఎంచుకుంటూ యువ దర్శకుటను పోత్సహిస్తున్న కథానయకుడుగా పేరు తెచ్చుకున్నాడు. వలయం వంటి థ్రిల్లర్ మూవీతో ఆడియెన్స్ను మెప్పించిన ఈ యంగ్ హీరో మరో క్రేజీ ప్రాజెక్ట్తో అలరించేందుకు రెడీ అయ్యాడు. తొలి చిత్రం తర్వాత ఏదో సినిమా చేసేయాలనే ఆలోచనతో కాకుండా కాస్త గ్యాప్ తీసుకుని తనదైన పంథాలో ‘గ్యాంగ్స్టర్ గంగరాజు’ అనే డిఫరెంట్ మూవీతో ప్రేక్షకుల ముద్దుకు వస్తున్నాడు లక్ష్. చదవండి: ఉపాసన రామ్చరణ్ని 'మిస్టర్ సి' అని ఎందుకు పిలుస్తుందంటే.. ‘గ్యాంగ్స్టర్ గంగరాజు’ అనే క్యాచీ అండ్ క్రేజీ టైటిల్కి తోడు ప్రేక్షకులు థ్రిల్ అయ్యే కథాంశాన్ని యంగ్ డైరెక్టర్ ఇషాన్ సూర్య ప్రేక్షకుల ముందుకు తేనున్నారు. ప్రముఖ హిట్ చిత్రాల నిర్మాణ సంస్థ శ్రీ తిరుమల తిరుపతి వెంకటేశ్వర ఫిలిమ్స్ పతాకంపై చదలవాడ బ్రదర్స్ సమర్పణలో పద్మావతి చదలవాడ నిర్మిస్తున్న ఈ చిత్ర టైటిల్ ఫస్ట్లుక్ పోస్టర్ మంగళవారం విడుదలైంది. ఈ ఫస్ట్లుక్లో చూట్టు పహిల్వాన్స్ సీరియస్గా చూస్తుంటే వారి మధ్యలో లక్ష్ కూల్గా కొబ్బరి బొండాం తాగుతున్న ఈ పోస్టర్ ఆకట్టుకుంటుంది. హిట్ చిత్రాల సంగీత దర్శకుడు సాయి కార్తీక్ అద్భుతమైన ట్యూన్స్ను ఈ మూవీకి కంపోజ్ చేస్తున్నాడు. ఇందులో వేదిక దత్ హీరోయిన్గా నటిస్తుంది. అతి త్వరలోనే మూవీ రిలీజ్ డేట్ను మేకర్స్ ప్రకటించనున్నారు. చదవండి: ఆగస్ట్ చివరి వారం ఓటీటీ, థియేటర్స్లో సందడి చేసే చిత్రాలు ఇవే -
ఏదో జరిగింది.. ఆసక్తికరంగా నితిన్ ‘మాస్ట్రో’ ఫస్ట్ లుక్
కళ్లు కన బడవు.. స్టిక్ సాయంతో అడుగులు ముందుకు వేస్తున్నాడు. అది ఓకే.. కానీ అక్కడే ఉన్న పియానో మీద రక్తపు మరకలు ఈ వ్యక్తి ఏదో హత్య చేశాడనే అనుమానం రేకెత్తించే విధంగా ఉన్నాయి. లేక వేరే ఎవరైనా హత్య చూసి, ఇతనిపై పడేయాలని ప్లాన్ చేశారా? అసలు విషయం ఏంటో సినిమా చూసి తెలుసుకోవాల్సిందే. నితిన్ హీరోగా మేర్లపాక గాంధీ దర్శకత్వంలో ఎన్ . సుధాకర్ రెడ్డి, నిఖితా రెడ్డి నిర్మిస్తున్న తాజా చిత్రం ఫస్ట్ లుక్ ఇది. నితిన్ పుట్టినరోజు (మార్చి 30) సందర్భంగా ఈ లుక్ విడుదల చేశారు. అలాగే ఈ చిత్రానికి ‘మాస్ట్రో’ అనే టైటిల్ని ఖరారు చేశారు. ఇందులో నితిన్ అంధుడిగా నటిస్తున్నారు. నితిన్ సరసన నభా నటేశ్ నటిస్తున్న ఈ చిత్రంలో తమన్నా ప్రధానపాత్ర చేస్తున్నారు. జూన్ 11న విడుదల కానున్న ఈ చిత్రానికి సంగీతం: మహతీ స్వరసాగర్, కెమెరా: జె. యువరాజ్, సమర్పణ: రాజ్కుమార్ ఆకెళ్ల. చదవండి: లవ్స్టోరీ’ వాయిదాపై చిత్ర యూనిట్ క్లారిటీ 'పదహారువందల మందిని ప్రేమించా' -
నవమికి రాముడు?
‘ఆదిపురుష్’ సినిమా ఫస్ట్ లుక్ రిలీజ్కు ముహూర్తం ఖరారైనట్లు సమాచారం. ప్రభాస్ హీరోగా ఓం రౌత్ దర్శకత్వంలో ‘ఆదిపురుష్’ అనే సినిమా తెరకెక్కుతున్న సంగతి తెలిసిందే. ఈ చిత్రంలో రాముడు పాత్రలో ప్రభాస్, సీత పాత్రలో కృతీ సనన్ , రావణుడి ప్రాతలో సైఫ్ అలీఖాన్ నటిస్తున్నారు. శ్రీరామ నవమి పండగ సందర్భంగా వచ్చే నెల ఈ సినిమా ఫస్ట్ లుక్ను విడుదల చేయాలనే ఆలోచనలో ఉన్నారట చిత్రదర్శకుడు ఓం రౌత్. ప్రస్తుతం ఈ సినిమా షూటింగ్ ముంబయ్లో జరుగుతోంది. ఇటీవలే ప్రారంభమైన ఈ సినిమా రెండో షెడ్యూల్ చిత్రీకరణ ఏప్రిల్ రెండోవారం వరకు జరగుతుందని సమాచారం. -
కేస్ 99 పెద్ద విజయం సాధించాలి
‘‘ఇటీవల ఉత్తర్ప్రదేశ్లో జరిగిన దౌర్జన్యానికి మానవ సంబంధాలే కారణమని అందరూ ఆలోచిన్తున్న సమయంలో వస్తున్న చిత్రం ‘కేస్ 99’. ఈ చిత్రంతో సమాజంలో జరిగే చెడును బయటపెట్టే ప్రయత్నం చేస్తున్నారని తెలిసింది. ప్రియదర్శిని రామ్గారు ఏ పనిచేసినా ప్రాణం పెట్టి చేస్తారు. ఈ సినిమా పెద్ద విజయం సాధించాలని మనస్ఫూర్తిగా కోరుకుంటున్నా’’ అని ప్రముఖ దర్శకుడు బోయపాటి శ్రీను అన్నారు. ప్రియదర్శిని రామ్ నటించి, దర్శకత్వం వహించిన చిత్రం ‘కేస్ 99’. మెలోడ్రామా కంపెనీపై చిలుకూరి కీర్తి, గౌతమ్రెడ్డి, వివేక్రెడ్డి నిర్మించిన ఈ సినిమా ఫస్ట్ లుక్ను బోయపాటి శ్రీను విడుదల చేశారు. ఈ సందర్భంగా ప్రియదర్శిని రామ్ మాట్లాడుతూ– ‘‘మంచి మనసున్న వ్యక్తి బోయపాటి శ్రీను. ప్రస్తుతం నెట్ఫ్లిక్స్, అమెజా¯Œ లాంటి ఓటీటీలో విడుదలవుతున్న వాటిలో పదికి ఏడు సినిమాలు క్రైమ్ థ్రిల్లర్లే ఉంటున్నాయి. ఎందుకంటే సమాజంలో ఎక్కువగా జరుగుతున్నాయి కాబట్టే ఉంటున్నాయి. వాటన్నింటినీ నేను పరిష్కరించలేను కానీ నా వంతుగా చక్కని సినిమా తీయాలనిపించింది. కొత్త రక్తంతో వస్తున్న యువ నిర్మాతలు గౌతమ్, కీర్తీ, వివేక్లకు చాలా మంచి సినిమా తీశానని నేను మాట ఇస్తున్నా’’ అన్నారు. తిరువీర్, అనువర్ణ, నిహాల్ కోదాటి, అజయ్ ఖతుర్వార్, అపరాజిత తదితరులు నటించిన ఈ చిత్రానికి కెమెరా: టి. సురేంద్ర రెడ్డి, సంగీతం: ఆషిక్ అరుణ్. -
నిధి కోసం వేట
‘ఏజంట్ సాయి శ్రీనివాస ఆత్రేయ’ అంటూ చిన్న సినిమాతో పెద్ద విజయాన్ని సాధించిన దర్శకుడు స్వరూప్ ఆర్ఎస్జె. మంగళవారం తన రెండో సినిమా ఫస్ట్ లుక్ను విడుదల చేశారు. ఇంకా పేరు పెట్టని ఈ సినిమాను ‘క్షణం’, ‘ఘాజీ’, ‘గగనం’ చిత్రాలను అందించిన మ్యాట్నీ ఎంటర్టైన్మెంట్స్ పతాకంపై నిరంజన్ రెడ్డి, అన్వేష్ రెడ్డి నిర్మించనున్నారు. తిరుపతికి సమీపంలోని ఓ గ్రామంలో నిధి గురించి జరిగే కథే ఈ సినిమా అంటున్నారు స్వరూప్. ఫస్ట్ లుక్ పోస్టర్లో ముఖం సరిగా కనిపించకుండా ఉన్న వ్యక్తి ఫోటో కింద ‘వాంటెడ్ డెడ్ ఆర్ ఎలైవ్’ అని ఉంది. ‘‘ప్రస్తుతం ప్రీ ప్రొడక్షన్ కార్యక్రమాలు జరుపుకుంటున్న ఈ చిత్రం త్వరలోనే షూటింగ్ను ప్రారంభించుకుంటుంది’’ అన్నారు నిర్మాతలు. -
వెరైటీ లుక్
భారతదేశ ఆర్థిక వ్యవస్థలో నేరాలకు పాల్పడిన ఓ వ్యక్తికి సంబంధించిన కథాంశంతో రూపొందిన క్రైమ్ డ్రామా ‘ది బిగ్ బుల్’. అభిషేక్ బచ్చన్, ఇలియానా జంటగా కూకీ గులాటి దర్శకత్వం వహించారు. అజయ్ దేవ్గన్, ఆనంద్ పండిట్ నిర్మించిన ఈ సినిమాకి సంబంధించిన ఇలియానా ఫస్ట్ లుక్ పోస్టర్ను విడుదల చేశారు. కళ్ల జోడు, టైట్గా ముడివేసిన జుట్టుతో ఇలియానా లుక్ వెరైటీగా ఉంది. ఈ చిత్రం త్వరలో డిస్నీ హాట్ స్టార్లో విడుదల కానుంది. ‘‘ఈ సినిమాలో భాగం అయినందుకు చాలా సంతోషంగా ఉంది’’ అన్నారు ఇలియానా. 1980, 1990లలో ముంబైలో జరిగిన వాస్తవ కథ ఆధారంగా ఈ చిత్రం రూపొందిందని, పలు ఆర్థిక నేరాలకు పాల్పడిన ఓ స్టాక్ బ్రోకర్కు సంబంధించి కథ ఇదని సమాచారం -
బీబీ3 లుక్
‘సింహా’ (2010), ‘లెజెండ్’ (2014) వంటి సూపర్హిట్స్ తర్వాత హీరో బాలకృష్ణ, దర్శకుడు బోయపాటి శ్రీను కాంబినేషన్లో మూడో సినిమా తెరకెక్కుతోన్న సంగతి తెలిసిందే. మిర్యాల సత్యనారాయణరెడ్డి సమర్పణలో మిర్యాల రవీందర్రెడ్డి ఈ సినిమాను తెరకెక్కిస్తున్నారు. నేడు (బుధవారం) బాలకృష్ణ పుట్టినరోజు సందర్భంగా బీబీ3 (బాలకృష్ణ–బోయపాటి) ఫస్ట్ రోర్ పేరుతో ఓ లుక్ను, 64 సెకండ్స్తో ఉన్న ఓ వీడియోను విడుదల చేశారు. ఈ సినిమాకు తమన్ సంగీతం అందిస్తున్నారు. -
భయపెట్టే సిండ్రెల్లా
లక్ష్మీ రాయ్ ముఖ్య పాత్రలో నటిస్తున్న తాజా చిత్రం ‘సిండ్రెల్లా’. ఈ సినిమాలో ఆమె మూడు భిన్నమైన పాత్రల్లో కనిపించబోతున్నారు. మంగళవారం లక్ష్మీ రాయ్ పుట్టినరోజు. ఈ సందర్భంగా ఈ సినిమాలో ఓ లుక్ ను విడుదల చేశారు. ఇందులో ఆమె చేస్తున్న మూడు పాత్రల్లో తులసి పాత్ర ఒకటి. ఆ పాత్రకు సంబంధించిన లుక్ నే విడుదల చేశారు. వినూ వెంకటేష్ దర్శకత్వం వహిస్తున్న ఈ సినిమా ఫ్యాంటసీ, హారర్ థ్రిల్లర్ గా తెరకెక్కుతోంది. ‘‘సిండ్రెల్లా, తులసి, రాక్ స్టార్ గా ఈ సినిమాలో మూడు పాత్రల్లో కనిపిస్తాను. ఎవ్వరూ ఊహించని విధంగా ఈ స్క్రిప్ట్ ఉంటుంది’’ అన్నారు లక్ష్మీ రాయ్. -
అండర్వరల్డ్ కబ్జా
‘‘ఇప్పటివరకూ ఎన్నో గ్యాంగ్స్టర్ కథలు విన్నారు.. చూశారు. కానీ మా సినిమా అందుకు భిన్నంగా ఉంటుంది. అండర్ వరల్డ్లోనే కొత్త కోణాన్ని చూపించబోతున్నాం’’ అంటోంది ‘కబ్జా’ చిత్రబృందం. ఉపేంద్ర ముఖ్య పాత్రలో ఆర్. చంద్రు తెరకెక్కిస్తున్న చిత్రం ‘కబ్జా’. మాఫియా బ్యాక్డ్రాప్లో వస్తున్న ఈ చిత్రంలో ఉపేంద్ర డాన్గా కనిపించబోతున్నారు. 1970ల కాలంలో ఈ సినిమా కథ ఉంటుందట. ఈ చిత్రం ఫస్ట్లుక్ను గురువారం విడుదల చేశారు. లగడపాటి శ్రీధర్ సమర్పిస్తున్న ఈ చిత్రం 7 భాషల్లో విడుదల కానుంది. తెలుగు, తమిళ, కన్నడ, మలయాళం, హిందీ, ఒరియా, మరాఠి భాషల్లో రిలీజ్ చేయాలనుకుంటున్నారు. -
‘భారతీయుడు 2’ ఫస్ట్లుక్ పోస్టర్ రిలీజ్
కమల్ హాసన్ అభిమానులు ఇప్పుడు కాస్తా ఊరటగా ఫీలవుతున్నారు. కారణం ఏంటంటే కమల హీరోగా నటించిన సూపర్ హిట్ చిత్రం ‘భారతీయుడు’కు సీక్వెల్గా ‘భారతీయుడు 2’ను తెరకెక్కించబోతున్నట్లు దర్శకుడు శంకర్ ప్రకటించిన సంగతి తెలిసిందే. కానీ మధ్యలో సినిమా ఆగిపోయిందంటూ పుకార్లు వచ్చాయి. వీటి గురించి ఎటువంటి అధికారిక సమాచారం లేకపోయినప్పటికి సినిమా ఆగిపోతుందేమోనని అభిమానులు కలవర పడిన మాట వాస్తం. వారి ఆందోళన తగ్గిస్తూ.. అనుమానాలను నివృత్తి చేస్తూ ‘భారతీయుడు 2’ ఫస్ట్ లుక్ని రిలీజ్ చేశారు శంకర్. దాంతో పాటు అభిమానులకు సంక్రాంతి శుభకాంక్షలు కూడా తెలియజేశారు. #indian2 Hi everyone! “ Happy Pongal” pic.twitter.com/rgiuCBBtLq — Shankar Shanmugham (@shankarshanmugh) January 14, 2019 ‘భారతీయుడు 2’ ఫస్ట్ లుక్ రిలీజ్తో సంక్రాంతి సంబరాలు రెట్టింపయ్యయంటున్నారు అభిమానులు. ఈ పోస్టర్లో కమల్ ‘భారతీయుడు’ సిగ్నేచర్ మూవ్మెంట్ మర్మకళను ప్రదర్శిస్తున్నారు. లైకా ప్రొడక్షన్స్ సంస్థ ఈ చిత్రాన్ని నిర్మిస్తోంది. ఇందులో కమల్ సరసన కాజల్ నటిస్తున్నారు. అనిరుధ్ సినిమాకు సంగీతం అందిస్తున్నారు. జనవరి 18 నుంచి ఈ సినిమా షూటింగ్ ప్రారంభం కానున్నట్లు సమాచారం. -
శిరిడి సాయి ఫస్ట్లుక్ విడుదల
సాక్షి బెంగళూరు: ప్రత్యక్ష దైవం శిరిడి సాయి సినిమా ఫస్ట్ లుక్ను బెంగళూరు నగర పోలీసు కమిషనర్ పి.సునీల్ కుమార్ శనివారం తన కార్యాలయంలో ఆవిష్కరించారు. ఈ సినిమాలో శిరిడి సాయిబాబాగా మచ్చా రామలింగారెడ్డి(ఏపీయూడబ్ల్యూజే రాష్ట్ర ఉపాధ్యక్షుడు) నటిస్తున్నారు. ప్రముఖ నటీనటులు సీత, భానుచందర్, విజేత, సతీశ్, నాగకర్, రజనీ, శశికళ, ప్రశాంతి తదితరులు పాల్గొన్నారు. చిత్రాన్ని కన్నడ, తెలుగు భాషల్లో నిర్మిస్తున్నారు. ఉభయ భాషల్లో వస్తున్న శిరిడి సాయిబాబా చిత్రం విజయవంతం కావాలని, ప్రతి ఒక్క సాయి భక్తుడికి ఈ సినిమా ఒక అనుభూతి ఇవ్వాలని సీపీ ఆకాంక్షించారు. రామలింగారెడ్డి మాట్లాడుతూ కన్నడలో ఆడియో ఫంక్షన్ ఈ నెలలోనే బెంగళూరులో నిర్వహిస్తామన్నారు. భక్తుల అనుభవాలతో పాటు సాయిబాబా లీలలను ఈ చిత్రంలో చూపించినట్లు దర్శకుడు సత్యం తెలిపారు. కోడైరెక్టర్ రవిరాజ్, నిర్మాతలు వెంకట్ పాల్గొన్నారు. -
మనవడో... వారసుడో...
‘దేవదాసు మనవడో... మన్మథుడి వారసుడో..’ అంటూ అఖిల్ పాత్రను పరిచయం చేస్తూ ఆయన కొత్త సినిమా ఫస్ట్ లుక్ వీడియోను రిలీజ్ చేసింది చిత్రబృందం. అఖిల్ హీరోగా ‘తొలిప్రేమ’ ఫేమ్ వెంకీ అట్లూరి దర్శకత్వంలో తెరకెక్కుతున్న చిత్రం ‘మిస్టర్ మజ్ను’. నిధీ అగర్వాల్ కథానాయిక. బీవీయస్ఎన్ ప్రసాద్ నిర్మాత. ఈరోజు ఏయన్నార్ జయంతి సందర్భంగా ఈ చిత్రం ఫస్ట్ లుక్తో పాటు టైటిల్ను రిలీజ్ చేశారు. ‘ఏయన్ఆర్ 8’ అనే బండి నంబర్ ఉండే కారులో అఖిల్ను చూపించడం, ‘హలో మిస్... ఏంటో ఈ ఇంగ్లీష్ భాష దేన్నైతే మిస్ చేసుకోకూడదో దాన్నే మిస్ అని పిలుస్తారు’ అనే డైలాగ్ హైలైట్గా ఉంది. ఫస్ట్ లుక్ వీడియోను బట్టి ఈ చిత్రంలో అఖిల్ ప్లేబాయ్ క్యారెక్టర్ పోషిస్తున్నారని ఊహించవచ్చు. ‘‘అఖిల్ తాతగారు నాగేశ్వరారవు ‘లైలా మజ్ను’గా, తండ్రి నాగార్జునగారు ‘మజ్ను’గా నటించారు. ఇప్పుడు అఖిల్ ‘మజ్ను’గా అలరించడానికి రెడీ అయ్యారు. లుక్స్, స్టైల్, నటనతో అందర్నీ ఆకట్టుకుంటాడు. ఈ చిత్రాన్ని డిసెంబర్లో రిలీజ్కి ప్లాన్ చేస్తున్నాం’’ అని చిత్రబృందం పేర్కొంది. ఈ సినిమాకు సంగీతం: తమన్. సాహిత్యం: శ్రీమణి, కెమెరా: జార్జ్ సి. విలియమ్స్. -
విజయ్ ‘సర్కార్’ ఫస్ట్ లుక్!
ఇళయ దళపతిగా తమిళనాట తిరుగులేని క్రేజ్ సంపాదించుకున్న హీరో విజయ్. సూపర్స్టార్ రజనీకాంత్ తరువాత అంతటి ఫాలోయింగ్ ఉన్న విజయ్ మాస్ హీరోగా కెరీర్లో ఎన్నో విజయాలు సొంతం చేసుకున్నారు. మురుగదాస్, విజయ్ కాంబినేషన్లో సినిమా అంటే అంచనాలు ఓ రేంజ్లో ఉంటాయి. తుపాకీ, కత్తి లాంటి బ్లాక్ బస్టర్ విజయాలు వీరి కాంబినేషన్లో వచ్చాయి. తాజాగా వీరిద్దరు మరో సినిమాతో హ్యాట్రిక్ హిట్ను అందుకునేందుకు రెడీ అవుతున్నారు. విజయ్ పుట్టినరోజు(జూన్ 22) కానుకగా గురువారం(జూన్ 21) సాయంత్రం ఈ సినిమా టైటిల్ను, విజయ్ ఫస్ట్ లుక్ను రిలీజ్ చేశారు. కళ్ల జోడుతో, సిగరెట్ తాగుతూ మాస్లుక్లో ఉన్న విజయ్.. తన అభిమానులకు అదిరిపోయే కానుకను ఇచ్చారు. ‘సర్కార్’ అని టైటిల్ పెట్టడంతో ఈ సినిమాపై మరింత ఆసక్తి నెలకొంటోంది. విజయ్కు ఇది 62వ చిత్రం. స్వర మాంత్రికుడు ఏ ఆర్ రెహమాన్ ఈ సినిమాకు సంగీతాన్ని అందిస్తున్నారు. ఈ సినిమాలో విజయ్కు జోడిగా కీర్తి సురేష్ నటిస్తున్నారు. ఇళయ దళపతి పుట్టిన రోజు కానుకగా! Here is the First Look of Thalapathy Vijay’s SARKAR.#Thalapathy62isSARKAR@actorvijay @ARMurugadoss @arrahman pic.twitter.com/7tBNQkhBz5 — Sun Pictures (@sunpictures) June 21, 2018 -
అసలు సవ్యసాచి అంటే ఎవరు?
సాక్షి, సినిమా : రెండు చేతుల్ని సమర్థంగా.. శక్తివంతంగా వాడేవాళ్లనే సవ్యసాచి అంటారు. అదే టైటిల్ను నాగ చైతన్య కొత్త చిత్రానికి ఫిక్స్ చేయగా.. ఇప్పుడు ఈ చిత్ర ఫస్ట్లుక్ను మేకర్లు విడుదల చేశారు. మహాభారతంలో అర్జునుడి అయిదో పేరు సవ్యసాచి. ఎందుకంటే అర్జునుడు రెండు చేతులతో ఒకే వేగంతో విలువిద్య ప్రదర్శించగలడు. అలాగే ఈ చిత్రంలో హీరో రెండు చేతులను సమర్థవంతంగా వాడి పరిస్థితులను, ప్రత్యర్థులను ఎదుర్కొంటాడు అంటూ ఓ సందేశంతో పోస్టర్ను వదిలారు. బ్యాక్ గ్రౌండ్లో చేతులు.. వాటిపై రాతలు... సీరియస్గా ఉన్న చైతూ లుక్ ఆకట్టుకునేలా ఉంది. మైత్రి మూమీ మేకర్స్ నిర్మిస్తున్న ఈ చిత్రాన్ని చందూ మొండేటి డైరెక్ట్ చేస్తుండగా.. నాగ చైతన్య సరసన నిధి అగర్వాల్ నటిస్తోంది. కీరవాణి మ్యూజిక్ అందిస్తుండగా.. మాధవన్, భూమికలు కీలక పాత్రలు పోషిస్తున్నారు. -
స్టార్ హీరో మేకోవర్.. ఇండస్ట్రీ షాక్
సాక్షి, సినిమా : కోలీవుడ్లో గత రెండు రోజులుగా సీతకత్తి చిత్ర ఫస్ట్ లుక్ పోస్టర్ గురించే హాట్ డిస్కషన్ జరుగుతోంది. వృద్ధుడి గెటప్లో ఉన్న ‘మక్కల్ సెల్వన్’ విజయ్ సేతుపతి లుక్కును చూసి యావత్ ఇండస్ట్రీనే షాక్ తింది. అసలు అందులో ఉంది విజయ్ ఏనా? అన్న అనుమానాలు చాలా మందికి కలిగాయి. భారతీయుడులో కమల్(ముసలి పాత్ర), ఒకే ఒక్కడులో రఘువరన్ గెటప్ తరహాలో ఉన్న వేషం చాలా ఆకట్టుకుంది. ఇక వరుస చిత్రాలు.. హిట్లతో స్టార్ హీరో స్థాయికి ఎదిగిన విజయ్ సేతుపతి 25వ చిత్రంగా సీతకత్తి తెరకెక్కుతోంది. ఈ చిత్రానికి బాలాజీ తరణీతరన్ దర్శకత్వం వహిస్తున్నాడు. వీరిద్దరి కాంబోలో ఇది రెండో చిత్రం కావటం విశేషం. ఈ చిత్రంలో అయ్యా అనే థియేటర్ ఆర్టిస్ట్ పాత్రలో విజయ్ కనిపించబోతున్నాడు. అర్చనా, గాయత్రి, పార్వతి నాయర్, రమ్య నంబీసన్లు ఇతర పాత్రలు పోషిస్తున్నారు. విజయ్ కష్టానికి హ్యాట్సాఫ్.. డైరెక్టర్ బాలాజీ తన వయసుకు మించిన పాత్రకు అంగీకరించటమే కాదు.. అందుకోసం విజయ్ బాగానే కష్టపడుతున్నాడు. వృద్ధుడి గెటప్ కోసం సుమారు నాలుగు గంటలపాటు కదలకుండా కూర్చోవాల్సి ఉంటుంది. అలెక్స్ నోబెల్, కెవిన్ మనే అనే మేకప్ మెన్ల ఆధ్వర్యంలో విజయ్ ఈ లుక్కు కోసం చాలా శ్రమించాడని దర్శకుడు బాలాజీ చెబుతున్నాడు. ఈ ఏడాది చివర్లోనే సీతకత్తి ప్రేక్షకుల ముందుకు వచ్చే అవకాశం ఉంది. ఇదిలా ఉంటే విజయ్ కీలకపాత్రలో నటిస్తున్న ఒరు నల్ల నాళ్ పార్తు సొల్రేన్ వచ్చే నెలలో విడుదల కాబోతోంది. ఇందులో గౌతమ్ కార్తీక్, మెగా డాటర్ నిహారిక జంటగా నటిస్తున్నారు. మరోవైపు డాన్ పాత్రలో నటిస్తున్న ‘జుంగా’ సమ్మర్లోనే విడుదల కానుంది. -
ఫస్ట్ లుక్ : రామ్ చరణ్ రంగస్థలం
సాక్షి, సినిమా : మెగా పవర్ స్టార్ రామ్ చరణ్ తాజా చిత్రం రంగస్థలం ఫస్ట్ లుక్ కాసేపటి క్రితం విడుదలైంది. సుకుమార్ దర్శకత్వంలో ఈ చిత్రం తెరకెక్కుతున్న విషయం తెలిసిందే. పక్కా మాస్ గెటప్.. లుంగీ అవతార్లో చిందులేస్తున్న రామ్ చరణ్ పోస్టర్ను మేకర్లు వదిలారు. చిట్టిబాబు పాత్రలో చెర్రీ కనిపించబోతున్నాడు. అంతేకాదు చిత్ర విడుదలపై వస్తున్న పుకార్లకు ఎట్టకేలకు పుల్ స్టాప్ పెట్టేశారు. మార్చి 30న చిత్రం ప్రపంచవ్యాప్తంగా గ్రాండ్గా విడుదలవుతుందని ప్రకటించేశారు. మైత్రి మూవీ మేకర్స్ నిర్మిస్తున్న ఈ చిత్రంలో సమంత హీరోయిన్గా నటిస్తుండగా.. ఆదిపినిశెట్టి, అనసూయలు కీలక పాత్రల్లో కనిపించబోతున్నారు. దేవీశ్రీప్రసాద్ సంగీతాన్ని సమకూరుస్తున్నాడు. #RangasthalamFirstLook 🕺 pic.twitter.com/ywDSA8e13r — Mythri Movie Makers (@MythriOfficial) December 9, 2017 -
‘అ..ఆ..’ తరువాత ‘ఇ..ఈ..’
నైరా షా, నీరజ్ శ్యామ్ ప్రధాన పాత్రలలో నటిస్తున్న సినిమా ‘ఇ..ఈ..’. ప్రస్తుతం షూటింగ్ జరుపుకుంటున్న ఈ సినిమాకు రామ్ గణపతిరావు దర్శకుడు. లక్ష్మణరావు నిర్మాణంలో తెరకెక్కుతున్న ఈ సినిమా ఫస్ట్లుక్ పోస్టర్ను దర్శకుడు మారుతి తన సోషల్ మీడియా పేజ్లో రిలీజ్ చేశారు. కృష్ణ చేతన్ సంగీతమందించిన ఈ చిత్ర ఆడియోను త్వరలో రిలీజ్ చేసేందుకు ప్లాన్ చేస్తున్నారు. మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కిన ‘అ..ఆ..’ లాగే ఈ ‘ఇ..ఈ..’ కూడా ఘనవిజయం సాధిస్తుందన్న నమ్మకంతో ఉన్నారు ఫ్యాన్స్. -
డీజే... ఓన్లీ వెజ్జే!
మనకు డీజేలు ఎక్కడ కనిపిస్తారు? పబ్బుల్లోనే కదా. అయితే... ఈ డీజే మాత్రం డిఫరెంట్ అండోయ్! పబ్బుల్లో కాదు, విజయవాడలో బజాజ్ స్కూటర్పై కూరగాయలు తీసుకువెళుతూ కనిపిస్తాడు. ఎందుకంటే... ఈ డీజే పని చేసేది పబ్బులో కాదు, అన్నపూర్ణ కేటరింగ్సులో. విజయవాడలోని సత్యనారాయణ అగ్రహారంలో గల అన్నపూర్ణ కేటరింగ్సు ప్యూర్ వెజిటేరియన్. కేటరింగ్సుతో పాటు ఈ కుర్రాడు ఇంకేం చేస్తాడో తెలుసుకోవాలంటే సినిమా వచ్చేవరకూ వెయిట్ చేయమంటున్నారు దర్శకుడు హరీశ్ శంకర్. అల్లు అర్జున్ టైటిల్ రోల్లో ఆయన దర్శకత్వంలో ‘దిల్’ రాజు, శిరీష్లు నిర్మిస్తున్న సినిమా ‘డీజే – దువ్వాడ జగన్నాథమ్’. శనివారం అల్లు అర్జున్ ఫస్ట్ లుక్ విడుదల చేశారు. మహాశివరాత్రికి టీజర్ను విడుదల చేయనున్నారు. నిర్మాత ‘దిల్’ రాజు మాట్లాడుతూ – ‘‘మా సంస్థ ప్రతిష్టాత్మకంగా నిర్మిస్తున్న ఈ సినిమా ప్రేక్షకుల్లో ఉన్న అంచనాలను అందుకుంటుంది. అంచనాలను మించేలా ఎక్కడా రాజీపడకుండా చిత్రాన్ని తెరకెక్కిస్తున్నాం. ప్రస్తుతం కర్ణాటకలో చిత్రీకరణ జరుగుతోంది. కర్ణాటక షెడ్యూల్ తర్వాత అబుదాబి వెళతాం’’ అన్నారు. అల్లు అర్జున్ సరసన పూజా హెగ్డే హీరోయిన్గా నటిస్తున్న ఈ చిత్రానికి ఫైట్స్: రామ్–లక్ష్మణ్, కెమేరా: ఐనాక బోస్, కూర్పు: ఛోటా కె.ప్రసాద్, కళ: రవీందర్, స్క్రీన్ప్లే: రమేశ్రెడ్డి – దీపక్రాజ్, సంగీతం; దేవిశ్రీ ప్రసాద్. -
ట్రాఫిక్లో రొమాన్స్!
ఎవరైనా ట్రాఫిక్ జామ్లో ఇరుక్కుపోతే ఏం చేస్తారు? చిరాకు పడటం కామన్. కానీ, మంచు విష్ణు, సురభి మాత్రం ట్రాఫిక్ జామ్లో.. తమ చుట్టూ ప్రపంచాన్ని మరచిపోయి ఎంచక్కా ప్రేమించుకున్నారు. అయితే ఇదంతా రియల్ లైఫ్లో కాదు లెండి. రీల్ లైఫ్లోనే. విష్ణు, సురభి జంటగా జి.ఎస్.కార్తీక్ దర్శకత్వంలో సుధీర్ కుమార్ పూదోట నిర్మిస్తున్న కొత్త చిత్రం చిత్రీకరణ ప్రస్తుతం ఆర్ఎఫ్సీలో జరుగుతోంది. నిర్మాత మాట్లాడుతూ– ‘‘చక్కని వాణిజ్య అంశాలున్న కథతో ఈ సినిమా తెరకెక్కుతోంది. ప్రత్యేకంగా వేసిన సెట్లో హీరోహీరోయిన్ల మధ్య ప్రేమ సన్నివేశాలు చిత్రీకరిస్తున్నాం. యూనివర్సల్ సబ్జెక్ట్ కావడంతో తెలుగు, తమిళ భాషల్లో ఏకకాలంలో నిర్మిస్తున్నాం. తమన్ నేతృత్వంలో పాటల రికార్డింగ్ జరుగుతోంది. త్వరలో సినిమా ఫస్ట్ లుక్ విడుదల చేస్తాం‘ అన్నారు. సంపత్ రాజ్, పోసాని కృష్ణమురళి, నాజర్, ప్రగతి, బ్రహ్మాజీ, సుప్రీత్, ఎల్.బి.శ్రీరాం తదితరులు నటిస్తున్న ఈ చిత్రానికి కెమెరా: రాజేష్ యాదవ్, లైన్ ప్రొడ్యూసర్: ఎస్.కె.నయూమ్, సహ నిర్మాత: కిరణ్ తనమాల. -
ఏం జరిగింది?
‘‘పెళ్లి అంటే ఇష్టంలేని ఓ అమ్మాయి, ఓ అబ్బాయి.. కొన్ని పరిస్థితుల వల్ల నాలుగు రోజులు ఒకే ఇంట్లో ఉండాల్సి వస్తుంది. అప్పుడు ఏం జరిగింది అన్నది ఆసక్తికరం’’ అని దర్శకుడు ఎల్.రాధాకృష్ణ తెలిపారు. వెంకీ, లాస్య జంటగా ఎల్.రాధాకృష్ణను దర్శకునిగా పరిచయం చేస్తూ దీపక్ కృష్ణ నిర్మించిన చిత్రం ‘తొలి పరిచయం’. ఈ సినిమా ఫస్ట్ లుక్ను నిర్మాత మల్కాపురం శివకుమార్ విడుదల చేశారు. దర్శకుడు మాట్లాడుతూ– ‘‘యూత్, ఫ్యామిలీ ఎంటర్టైనర్గా తెరకెక్కిన చిత్రమిది. పోలవరం పరిసరాల్లో షూటింగ్ జరిపాం. చిన్న చిత్రమైనా క్వాలిటీ విషయంలో నిర్మాత రాజీ పడలేదు. ప్రస్తుతం పోస్ట్ ప్రొడక్షన్ పనులు జరుగుతున్నాయి’’ అన్నారు. ‘‘ఫస్ట్ లుక్లాగే సినిమా కూడా ఫ్రెష్గా ఉంటుంది. త్వరలో పాటలు విడుదల చేస్తాం’’ అని వెంకీ చెప్పారు. సంగీత దర్శకుడు ఇంద్రగంటి పాల్గొన్నారు. ఈ చిత్రానికి కెమెరా: శరవణ కుమార్ సి. -
గరుడ వేగం
పవర్ఫుల్ పోలీసాఫీసర్ పాత్రలకు కేరాఫ్ అడ్రస్ రాజశేఖర్. ‘అంకుశం’, ‘మగాడు’, ‘ఆగ్రహం’ తదితర చిత్రాల్లో పోలీస్గా అద్భుతమైన నటన కనబరిచి, ప్రేక్షకుల్లో తనకంటూ ప్రత్యేక గుర్తింపు తెచ్చుకున్నారు. కొంత విరామం తర్వాత ప్రవీణ్ సత్తారు దర్శకత్వంలో రాజశేఖర్ పోలీస్గా నటిస్తున్న సంగతి తెలిసిందే. ఈ చిత్రానికి ‘పీఎస్వీ గరుడ వేగ 126.18ఎం’ టైటిల్ ఖరారు చేశారు. నేడు రాజశేఖర్ పుట్టినరోజు సందర్భంగా ఆయన ఫస్ట్ లుక్ విడుదల చేసి, టైటిల్ ప్రకటించారు. శివాని శివాత్మిక మూవీస్ సంస్థ సమర్పణలో జ్యో స్టార్ ఎంటర్ప్రైజెస్ పతాకంపై ఎం. కోటేశ్వరరాజు నిర్మిస్తున్న ఈ సినిమా చిత్రీకరణ ప్రస్తుతం బ్యాంకాక్లో జరుగుతోంది. నిర్మాత మాట్లాడుతూ – ‘‘ఈ యాక్షన్ ఎంటర్టైనర్లో రాజశేఖర్ని దర్శకుడు ప్రవీణ్ సత్తారు స్టయిలిష్ లుక్లో ప్రెజెంట్ చేస్తున్నారు. బ్యాంకాక్లో యాక్షన్ ఎపిసోడ్స్ చిత్రీకరిస్తున్నాం. ఫిబ్రవరి 15తో బ్యాంకాక్ షెడ్యూల్ ముగుస్తుంది. త్వరలో మరిన్ని వివరాలు వెల్లడిస్తాం’’ అన్నారు. -
మా అబ్బాయే..
నటుడు శ్రీవిష్ణు హీరోగా తెరకెక్కిన చిత్రం ‘మా అబ్బాయి’. ఈ చిత్రంతో కుమార్ వట్టి దర్శకునిగా పరిచయమవుతున్నారు. వెన్నెల క్రియేషన్స్ పతాకంపై బలగ ప్రకాష్రావు నిర్మించారు. ఈ చిత్రం ఫస్ట్ లుక్ను హైదరాబాద్లో విడుదల చేశారు. దర్శకుడు మాట్లాడుతూ- ‘‘ఎడిటర్ మార్తాండ్ కె.వెంకటేష్, దర్శకుడు పరశురామ్ దగ్గర పనిచేశా. సరికొత్త కథాంశంతో తెరకెక్కిన చిత్రమిది. ఈ సినిమా విడుదల తర్వాత శ్రీవిష్ణును అందరూ ‘మా అబ్బాయి’ అనేలా ఉంటుంది’’ అని చెప్పారు. ‘‘పది మందికి ఉపాధి కల్పించాలనే లక్ష్యంతో సినీ రంగానికి వచ్చి, ‘మా అబ్బాయి’ చిత్రం తీశా. అన్ని రకాల ఎలిమెంట్స్ ఉన్న మూవీ ఇది. శ్రీవిష్ణు నటన ఇందులో హైలెట్. త్వరలో పాటలు, డిసెంబర్లో సినిమా విడుదలకు సన్నాహాలు చేస్తున్నాం’’ అని నిర్మాత అన్నారు. శ్రీవిష్ణు మాట్లాడుతూ- ‘‘ఇలాంటి చిత్రం తీయాలంటే ధైర్యం ఉండాలి. పెద్ద హీరోతో చేయాల్సిన కథతో నాతో సినిమా తీసిన దర్శక-నిర్మాతలు చాలా ధైర్యవంతులు. ప్రేక్షకులను అలరించేలా మా చిత్రం ఉంటుంది’’ అన్నారు. ఈ చిత్రానికి కెమెరా: థమశ్యామ్, ఎగ్జిక్యూటివ్ ప్రొడ్యూసర్: వండాన రామకృష్ణ, సంగీతం: సురేష్ బొబ్బిలి. -
ఇమేజ్ టవర్ల ఫస్ట్ లుక్ విడుదల
త్వరలో హైదరాబాద్లో నిర్మించబోయే 'ఇమేజ్' టవర్ల ఫస్ట్ లుక్ను తెలంగాణ ఐటీ, పురపాలక శాఖ మంత్రి కె. తారకరామారావు విడుదల చేశారు. హైదరాబాద్లో నిర్వహిస్తున్న నాస్కామ్ గేమ్ డెవలపర్ల సదస్సును ప్రారంభించిన అనంతరం ఆయన ఈ నమూనాను ఆవిష్కరించారు. సరికొత్త, అత్యాధునిక డిజైన్లో ఈ టవర్లను నిర్మించడానికి తలపెట్టినట్లు తెలుస్తోంది. ఇందులో ఇమేజ్ అంటే.. ఇన్నోవేషన్ ఇన్న మల్టీమీడియా, యానిమేషన్, గేమింగ్ అండ్ ఎంటర్టైన్మెంట్ అని కేటీఆర్ ఒక ట్వీట్లో వివరించారు. నాలుగు వైపులా నాలుగు టవర్లతో పాటు.. పై భాగంలో వాటన్నింటినీ కలుపుతూ ఈ నిర్మాణం కనిపిస్తోంది. టవర్ల మధ్యభాగంలో కూడా పెద్ద పరిమాణంలో ఉండే టీవీ స్క్రీన్లు సైతం మోడల్లో కనిపిస్తున్నాయి. కింది భాగంలో రెండు స్విమ్మింగ్ పూల్స్ కూడా డిజైన్లో భాగంగా ఉన్నాయి. ప్రధానంగా మల్టీమీడియా, గేమింగ్ పరిశ్రమను దృష్టిలో పెట్టకుని ఈ టవర్స్ నిర్మాణం చేపట్టబోతున్నట్లు తెలుస్తోంది. Unveiled first look of IMAGE tower (Innovation in Multimedia, Animation, Gaming & Entertainment) at the NASSCOM Game developers conference pic.twitter.com/yKBjsYgFjV — KTR (@KTRTRS) 11 November 2016 -
‘దిల్’ రాజు టీచర్.. రెమోని పాస్ చేస్తారు!
‘‘నిర్మాతగా 25వ చిత్రం చేస్తున్నాను. ఇప్పటివరకూ ఒక్క రీమేక్ కూడా నిర్మించలేదు. ‘రెమో’ తమిళ ట్రైలర్ చూసి రీమేక్ చేయాలనిపించింది. తమిళ నిర్మాత రాజాగారు ‘రెమో’ తెలుగు డబ్బింగ్ వెర్షన్ను మా సంస్థ ద్వారా విడుదల చేయమని అడగ్గానే అంగీకరించాను’’ అని నిర్మాత ‘దిల్’ రాజు అన్నారు. శివ కార్తికేయన్, కీర్తీ సురేశ్ జంటగా బక్కియరాజ్ కన్నన్ దర్శకత్వంలో ఆర్.డి.రాజా నిర్మించిన తమిళ చిత్రం ‘రెమో’ తెలుగులో అదే పేరుతో విడుదల కానుంది. ఆర్.డి.రాజా సమర్పణలో ‘దిల్’ రాజు తెలుగు ప్రేక్షకులకు అందిస్తున్నారు. ఈ చిత్రం ఫస్ట్ లుక్ విడుదల చేశారు. శివ కార్తికేయన్ మాట్లాడుతూ - ‘‘రాజుగారు నిర్మించిన ‘బొమ్మరిల్లు’ చాలా ఇష్టం. ఆయన సంస్థ ద్వారా తెలుగులోకి పరిచయం కావడం ఎగ్జయిటింగ్గా, ఓ ఎగ్జామ్లా ఉంది. ‘దిల్’ రాజు వంటి నిర్మాత ఇక్కడ టీచర్గా ఉన్నప్పుడు, ‘రెమో’ ఎగ్జామ్ పాసవుతాడాని ఆశిసున్నా’’ అన్నారు. ‘దిల్’ రాజు మాట్లాడుతూ - ‘‘మూడు వేరియేషన్స్ ఉన్న పాత్రలో హీరో అద్భుతంగా నటించాడు. పీసీ శ్రీరామ్ కెమేరా వర్క్, అనిరుధ్ సంగీతం ప్లస్ పాయింట్స్. తమిళంలో సుమారు 70 కోట్లు వసూలు చేయడం మామూలు విషయం కాదు. ‘వైశాలి’, ‘ఓకే బంగారం’ తర్వాత మా సంస్థ ద్వారా విడుదల చేస్తోన్న మూడో డబ్బింగ్ చిత్రమిది. హ్యాట్రిక్ కొడతాం’’ అన్నారు. ‘‘తెలుగు, తమిళ సినిమాలు నాకు రెండు కళ్లు’’ అన్నారు పీసీ శ్రీరామ్. సంగీత దర్శకుడు అనిరుధ్, దర్శకులు వంశీ పైడిపల్లి, అనిల్ రావిపూడి, బక్కియరాజ్ కన్నన్ పాల్గొన్నారు. -
వీరమాత గౌతమి
విరామం లేదు.. విశ్రాంతి లేదు.. రణభూమిలో రక్తం ఏరులై ప్రవహిస్తోంది. యుద్ధంలో కత్తి దూసిన కుమారుడి జైత్రయాత్రపై అపార నమ్మకం ఉన్నప్పటికీ.. కన్నతల్లి మనసు తల్లడిల్లడం సహజమే. గౌతమిగా హేమమాలిని ఫస్ట్ లుక్.. తల్లి మనోవేదనను కళ్లకు కట్టినట్లుంది. నందమూరి బాలకృష్ణ హీరోగా క్రిష్ దర్శకత్వంలో వై.రాజీవ్రెడ్డి, జాగర్లమూడి సాయిబాబా నిర్మిసున్న చిత్రం ‘గౌతమిపుత్ర శాతకర్ణి’. ఇందులో శాతకర్ణి తల్లి గౌతమి బాలాశ్రీగా హేమమాలిని నటిస్తున్న సంగతి తెలిసిందే. నేడు హేమమాలిని పుట్టినరోజు సందర్భంగా ఆమె ఫస్ట్ లుక్ విడుదల చేశారు. నిర్మాతలు మాట్లాడుతూ - ‘‘దసరాకు విడుదల చేసిన టీజర్, అందులో ‘మా కత్తికంటిన నెత్తుటిచార ఇంకా పచ్చిగానే ఉంది. సమయం లేదు మిత్రమా, శరణమా.. రణమా?’ అని బాలకృష్ణ చెప్పిన డైలాగ్లకు మంచి స్పందన లభిస్తోంది’’ అన్నారు. సంక్రాంతి సందర్భంగా జనవరి 12న విడుదల కానున్న ఈ చిత్రానికి మాటలు: బుర్రా సాయిమాధవ్, పాటలు: సీతారామశాస్త్రి, కెమేరా: జ్ఞానశేఖర్, సంగీతం: చిరంతన్భట్, సహ నిర్మాత: కొమ్మినేని వెంకటేశ్వరరావు, సమర్పణ: బిబో శ్రీనివాస్. -
పండగే పండగ
మంచి హిట్ కోసం ఎదురు చూస్తున్నారు ఎన్టీఆర్. ఇప్పుడాయన దృష్టి మొత్తం విజయంపైనే. అందుకే... కసితో ‘రభస’ సినిమా చేస్తున్నారు. ఇవాళ ఎన్టీఆర్ పుట్టిన రోజు. ఈ సందర్భంగా సోమవారం ‘రభస’ ఫస్ట్లుక్ను విడుదల చేశారు ఆ చిత్ర నిర్మాత బెల్లంకొండ సురేశ్. ఆగస్ట్ 14న చిత్రాన్ని విడుదల చేయనున్నట్లు ఆయన ప్రకటించారు. ఈ సినిమా గురించి దర్శకుడు సంతోష్ శ్రీనివాస్ మాట్లాడుతూ -‘‘‘రభస’లో ఎన్టీఆర్ సామాన్యులను ఎంతో ఆకట్టు కుంటారు. యువతరంతో పాటు కుటుంబ ప్రేక్షకులను కూడా ఆకట్టుకునేలా ఆయన పాత్ర చిత్రణ సాగుతుంది. అందరూ అయిదారుసార్లు చూసేంత వినోదాత్మకంగా ఉంటుందీ సినిమా. అభిమానులకైతే పండుగలా ఉంటుంది. అత్యున్నత సాంకేతిక విలువలతో రూపొందుతోన్న ఈ చిత్రం బెల్లంకొండ సురేశ్ మేకింగ్ సత్తాను తెలియజేస్తుంది’’ అని చెప్పారు. ఎన్టీఆర్ కెరీర్లోనే కాదు, తమ సంస్థకు కూడా ఈ సినిమా ప్రత్యేకమైనదని బెల్లంకొండ సురేశ్ తెలిపారు. సమంత నాయికగా నటిస్తున్న ఈ చిత్రానికి తమన్ స్వరాలందిస్తున్నారు. పూరి జగన్నాథ్ దర్శకత్వంలో... ఎన్టీఆర్ వేగం పెంచారు. ‘రభస’ తర్వాత వరుసగా సినిమాలు చేయడానికి సిద్ధమయ్యారు. పూరి జగన్నాథ్తో ఓ చిత్రానికి పచ్చజెండా ఊపారు. వక్కంతం వంశీ కథ అందించిన ఈ చిత్రానికి బండ్ల గణేశ్ నిర్మాత. ‘‘మా సంస్థ నిర్మించిన ‘బాద్షా’ చిత్రం తారక్ కెరీర్లోనే అత్యధిక వసూళ్లు రాబట్టిన సినిమాగా నిలిచింది. ఆ సినిమా సమయంలోనే మా సంస్థలో మరో సినిమా చేస్తానని ఆయన మాటిచ్చారు. ఇచ్చిన మాటకు కట్టుబడి ఈ సినిమా చేయనున్నారు. ఎన్టీఆర్-పూరీజగన్నాథ్ లాంటి క్రేజీ కాంబినేషన్తో చిత్రాన్ని నిర్మించే అవకాశం రావడం నా అదృష్టం. ఈ సినిమా వివరాలు త్వరలో తెలియజేస్తా’’ అని గణేశ్ తెలిపారు. ఈ రెండు చిత్రాలతో పాటు పీవీపీ సంస్థ నిర్మించనున్న చిత్రంలో కూడా ఎన్టీఆర్ నటించనున్న విషయం తెలిసిందే. పైడిపల్లి వంశీ దర్శకత్వంలో రూపొందనున్న ఆ చిత్రంలో నాగార్జునతో కలిసి ఎన్టీఆర్ నటిస్తున్నారు. ఆయన చేస్తున్న తొలి మల్టీస్టారర్ ఇదే కావడం విశేషం. -
అంతపెద్ద స్టార్ని పాతబస్తీలో తిప్పడం పెద్ద సాహసమే!
‘‘ఇప్పటివరకూ నేను చేసిన సినిమాల కథలన్నీ నా సొంతవి. అంటే... అవన్నీ నా సొంత కూతుళ్లన్నమాట. ‘అనామిక’ మాత్రం నా పెంపుడు కూతురు. ఈ సినిమా ‘కహానీ’ చిత్రానికి రీమేక్ అన్న విషయం తెలిసిందే. అయితే... పేరుకే ఇది రీమేక్. నిజానికి కథలో మన నేటివిటీకి తగ్గట్టు చాలా మార్పులు చేశాం’’ అని శేఖర్ కమ్ముల చెప్పారు. ఆయన దర్శకత్వంలో నయనతార ప్రధాన పాత్ర పోషించిన చిత్రం ‘అనామిక’. వయాకామ్ 18 మోషన్ పిక్చర్స్ నిర్మించిన ఈ చిత్రం ప్రచార చిత్రాలను హైదరాబాద్లో విడుదల చేశారు. ఈ సందర్భంగా శేఖర్ కమ్ముల విలేకరులతో ముచ్చటిస్తూ... ‘‘ఈ సినిమా విషయంలో ప్రఖ్యాత రచయిత యండమూరి వీరేంద్రనాథ్గారు ఎంతో సహకరించారు. ఆయన, నేను కలిసి నాలుగైదు నెలలు కష్టపడి ఈ స్క్రిప్ట్ తయారు చేశాం. కొత్తవారితో ఎక్కువగా పనిచేసిన నాకు, సీనియర్ టెక్నీషియన్స్తో పనిచేసే అవకాశం కలిగించిందీ సినిమా. యండమూరీ, కీరవాణి లాంటి వాళ్లతో నేను పనిచేయడం ఇదే ప్రథమం. అలాగే... తొలిసారి నా సినిమాకు సిరివెన్నెల పాటలు రాశారు. వీరందరితో అసోసియేట్ అవ్వడం కొత్త అనుభూతి’’ అని చెప్పారు శేఖర్. ‘‘నయనతారతో పనిచేయడం చాలా ఆనందంగా ఉంది. అంత పెద్ద స్టార్ హీరోయిన్ని పాతబస్తీలో జనాల మధ్య తిప్పుతూ షూటింగ్ చేయడం గొప్ప సాహసమే. కానీ ఈ విషయంలో నయన సహకారం మరచిపోలేనిది. ఆమెకు నేనివ్వబోతున్న ఓ మంచి సినిమా ఇది. ఈ సినిమాతో నయనతార నట సామర్థ్యం ఏంటో రుజువవుతుంది’’ అని నమ్మకంగా చెప్పారు శేఖర్ కమ్ముల.