దీపావళి అమావాస్య వెళ్లగానే కార్తీకమాసం ప్రవేశించింది. ఈ మాసంలో శివారాధన ఎంతో శ్రేష్టమని పెద్దలు చెబుతుంటారు. మనదేశంలో వేల ఏళ్ల చరిత్ర కలిగిన అనేక పురాతన శివాలయాలు ఉన్నాయి. వాటిలో కొన్ని ఆలయాల గురించి ఇప్పుడు తెలుసుకుందాం.కేదార్‌నాథ్ (ఉత్తరాఖండ్)భారతదేశంలోని నాలుగు ధామాలలో కేదార్‌నాథ్‌ ఒకటి. ఉత్తరాఖండ్‌లోని గర్వాల్‌లో మందాకిని నదికి సమీపంలో ఉన్న కేదార్‌నాథ్ ఆలయం ఏప్రిల్ నుండి నవంబర్ వరకు తెరిచి ఉంటుంది. ఈ ఆలయం సముద్ర మట్టానికి 3583 మీటర్ల ఎత్తులో ఉంది.లింగరాజ్ ఆలయం (భువనేశ్వర్)భువనేశ్వర్‌లోని పురాతన శివాలయాలలో లింగరాజ ఆలయం ఒకటి. ఈ ఆలయాన్ని సోమవంశీ రాజవంశానికి చెందిన రాజు జజాతి కేశరి నిర్మించాడని చెబుతారు. ఈ ఆలయం సుమారు 1000 సంవత్సరాల పురాతనమైనది. ఈ ఆలయంలో ప్రధాన దైవం శివుని స్వరూపమైన హరిహరుడు. ఈ ఆలయ ప్రస్తావన సంస్కృత గ్రంథాలలో కనిపిస్తుంది.నాగేశ్వర దేవాలయం (గుజరాత్)ఈ ఆలయం ద్వారకకు 15 కిలోమీటర్ల దూరంలో ఉంది. ఇది భారతదేశంలోని 12 జ్యోతిర్లింగాలలో ఒకటి. ఈ ఆలయాన్ని నాగనాథ్ దేవాలయం అని కూడా అంటారు. ఇది గుజరాత్‌లోని అత్యంత ప్రసిద్ధ శివాలయాలలో ఒకటి. నాగేశ్వర్ జ్యోతిర్లింగాన్ని పూజించడం వల్ల ఎలాంటి విషం శరీరంలోకి ప్రవేశించదని భక్తులు నమ్ముతారు.కాశీ విశ్వనాథ దేవాలయం (ఉత్తర ప్రదేశ్‌)కాశీ విశ్వనాథ దేవాలయం వారణాసిలో పవిత్ర గంగానదికి పశ్చిమ ఒడ్డున ఉంది. బంగారు పూతతో కూడిన గోపురాల​కు ఈ ఆలయం ప్రసిద్ధి చెందింది. కాశీ విశ్వనాథుని సమక్షంలో చివరి శ్వాస తీసుకునే వారు జనన మరణ చక్రం నుండి విముక్తి పొందుతారని చెబుతారు.శివోహం శివాలయం (బెంగళూరు)శివుని ఆలయాలలో ఇది ఒకటి. ఈ ఆలయంలో 65 అడుగుల ఎత్తయిన శివుని విగ్రహం ఉంది. శివోహం శివాలయంలో అతిపెద్ద శివలింగ ద్వారం కూడా ఉంది. ఇక్కడ శివునితో పాటు 32 అడుగుల ఎత్తయిన వినాయకుడి విగ్రహం కూడా ఉంది. ఈ శివాలయంలో ఏ కోరిక కోరినా తప్పకుండా నెరవేరుతుందని నమ్మకం.మురుడేశ్వర్ (కర్ణాటక)ఉత్తర కర్ణాటకలోని మురుడేశ్వర్‌లో ఎత్తయిన శివుని విగ్రహం ఉంది. ఆలయం వెనుక అరేబియా సముద్రం గంభీరంగా కనిపిస్తుంది. ఈ విగ్రహానికి సమీపంలో 20 అంతస్తుల శివుని ఆలయం కూడా ఉంది. ఈ ఆలయాన్ని చూసేందుకు సుదూర ప్రాంతాల నుంచి జనం ఇక్కడికి తరలివస్తుంటారు.సిద్ధేశ్వర్ ధామ్ (సిక్కిం)సిద్ధేశ్వర్ ధామ్ ఆలయం సిక్కిం రాజధాని గాంగ్టాక్‌కు సమీపంలో ఉంది. విష్ణువు, కృష్ణుడు, జగన్నాథుడు శివుని ఆలయాలు ఇక్కడ ఉన్నాయి. 12 జ్యోతిర్లింగాలతో పాటు 108 అడుగుల ఎత్తయిన శివుని విగ్రహం కూడా ఇక్కడ ఉంది.ఇది కూడా చదవండి: పార్వతీపురంలో గజ రాజుల బీభత్సం

సాక్షి, హైదరాబాద్‌: హైదరాబాద్‌ శివార్లలోని రెండు ప్రాంత్లాలో ఉన్న ఖరీదైన భూములపై కన్నేసి, నకిలీ పత్రాలతో కబ్జా చేసే ప్రయత్నం చేసిన టాలీవుడ్‌ నిర్మాత, రియల్డర్‌ బూరుగుపల్లి శివరామకృష్ణ కేసులో కొత్త ట్విస్ట్‌ చోటు చేసుకుంది. అరెస్టు అయిన మరుసటి రోజే బెయిల్‌పై బయటకు వచ్చిన ఈయన గురువారం మళ్లీ కటకటాల్లోకి వెళ్లారు. బెయిల్‌ రద్దు చేయడంతో పట్టుకున్న ఉస్మానియా యూనివర్శిటీ పోలీసులు రిమాండ్‌కు తరలించారు. శివరామకృష్ణతో పాటు బెయిల్‌ పొందిన మరో నిందితుడు లింగమయ్య ప్రస్తుతం అజ్ఞాతంలోకి వెళ్లిపోవడంతో పోలీసులు ఆయన కోసం గాలిస్తున్నారు. శివరామకృష్ణ శ్రీవెంకటేశ్వర ఎస్టేట్స్‌ సంస్థకు మేనేజింగ్‌ పార్టనర్‌గా ఉన్నారు. రాయదుర్గం పైగా విలేజ్‌లోని సర్వే నం.46లో ఉన్న 83 ఎకరాల ప్రభుత్వ భూమితో పాటు యాచారంలోని మరో 10 ఎకరాల ప్రైవేట్‌ భూమిపై కన్నేశారు. వీటిపై నకిలీ పత్రాలు సృష్టించిన శివరామకృష్ణ తార్నాకలో ఉన్న స్టేట్‌ ఆరై్కవ్స్‌లో రికార్డు అసిస్టెంట్‌గా పని చేస్తున్న కె.చంద్రశేఖర్‌ను సంప్రదించారు. అతడి సహాయంతో వీటికి మద్దతుగా స్టేట్‌ ఆరై్కవ్స్‌ నుంచి ఓ నకిలీ పహాణీ, సేత్వార్‌ రూపొందించి, అటెస్టేషన్‌ చేయించి తీసుకున్నారు. వీటి ఆధారంగా సైదాబాద్‌కు చెందిన రియల్టర్‌ ఎం.లింగమయ్యతో కలిసి రంగంలోకి దిగిన శివరామకృష్ణ రాయదుర్గంలోని భూమి తనదే అంటూ అందులో పాగా వేశారు. యాచారంలో ఉన్న ప్రైవేట్‌ భూమి మీద వివాదం సృష్టించారు. శివరాకృష్ణ సమరి్పంచినవి నకిలీ పత్రాలని తేలి్చన న్యాయస్థానం అది ప్రభుత్వ భూమిగా ప్రకటించింది. దీనిపై నమోదైన కేసును దర్యాప్తు చేసిన ఉస్మానియా యూనివర్శిటీ పోలీసులు ఈ నెల 17న శివరామకృష్ణ, చంద్రశేఖర్, లింగమయ్యలను అరెస్టు చేసి రిమాండ్‌కు తరలించారు. అయితే అనారోగ్య కారణాలు చూపిన శివరామకృష్ణ, లింగమయ్య ఆ మరుసటి రోజే బెయిల్‌ పొందారు. వీటిని రద్దు చేయాలని కోరుతూ పోలీసులు న్యాయస్థానంలో పిటిషన్‌ దాఖలు చేశారు. ఇరుపక్షాల వాదనలు విన్న న్యాయస్థానం ఇరువురికీ మంజూరు చేసిన బెయిల్‌ రద్దు చేసింది. దీంతో గురువారం శివరామకృష్ణను పట్టుకున్న పోలీసులు వైద్య పరీక్షల అనంతరం జైలుకు తరలించారు. స్టేట్‌ ఆరై్కవ్స్‌ ఉద్యోగి చంద్రశేఖర్‌ ఇప్పటికీ జైల్లోనే రిమాండ్‌ ఖైదీగా ఉన్నారు.

రీరిలీజ్‌ అనేది ఇప్పుడు టాలీవుడ్‌లో ట్రెండింగ్‌గా మారింది. స్టార్‌ హీరోల బ్లాక్‌ బస్టర్‌ మూవీస్‌ వరుసగా మళ్లీ థియేటర్స్‌లో సందడి చేస్తున్నాయి. అభిమానుల డిమాండ్‌ మేరకు నచ్చిన సినిమాలను మళ్లీ రిలీజ్‌ చేస్తూ నిర్మాతలు సొమ్ము చేసుకుంటున్నారు. టెక్నాలజీ వాడుకొని అత్యంత నాణ్యమైన 4కేలో సినిమాను రిలీజ్‌ చేస్తుండడంతో అభిమానులతో పాటు సినీ ప్రియులు కూడా ఆయా చిత్రాలను మళ్లీ థియేటర్స్‌లో చూసేందుకు ఆసక్తి కనబర్చుతున్నారు.ఇప్పటికే టాలీవుడ్‌లో స్టార్‌ హీరోల బ్లాక్‌ బస్టర్‌ సినిమాలు కొన్ని రీరిలీజ్‌ అయి మంచి వసూళ్లను సాధించాయి. ఇక ఇప్పుడు వరుసగా నాలుగు సూపర్‌ హిట్‌ చిత్రాలు మళ్లీ ప్రేక్షకులను అలరించేందుకు థియేటర్స్‌లోకి రాబోతున్నాయి. అవేంటో చూసేయండి.దర్శకధీరుడు రాజమౌళి, మాస్‌ మహారాజా రవితేజ కాంబినేషన్‌లో తెరకెక్కిన మూవీ ‘విక్రమార్కుడు’. 2006లో రిలీజ్‌ అయిన ఈ చిత్రం బ్లాక్‌ బస్టర్‌ హిట్‌గా నిలించింది. దాదాపు 18 ఏళ్ల తర్వాత మళ్లీ ఈ మూవీ థియేటర్స్‌లో సందడి చేసేందుకు రెడీ అవుతోంది. జులై 27న ఈ మూవీని రీరిలీజ్‌ చేస్తున్నామని మేకర్స్‌ ప్రకటించారు.మహేశ్‌బాబు హీరోగా, కృష్ణవంశీ తెరకెక్కించిన చిత్రం ‘మురారి’. 2001లో విడుదలైన ఈ ఫ్యామిలీ డ్రామా.. బాక్సాఫీస్‌ వద్ద బ్లాక్‌ బస్టర్‌ హిట్‌గా నిలిచింది. మణిశర్మ అందించిన సంగీతం, పాటలు సినిమా విజయంలో కీలక పాత్ర వహించింది. మహేశ్‌ని ఫ్యామిలీ ఆడియన్స్‌కి దగ్గరకు చేసిన చిత్రమిది. దాదాపు 24 ఏళ్ల తర్వాత మళ్లీ ఈ చిత్రం రిలీజ్‌ కానుంది. మహేశ్‌ బాబు పుట్టిన రోజు సందర్భంగా ఆగస్ట్‌ 9న ఈ చిత్రాన్ని 4కే వెర్షన్‌లో రిలీజ్‌ చేయనున్నారు.ప్రముఖ దర్శకుడు రామ్‌ గోపాల్‌ వర్మ దర్శకత్వం వహించిన తొలి సినిమా ‘శివ’ కూడా రీరిలీజ్‌కు రెడీ అవుతోంది. నాగార్జున హీరోగా నటించిన ఈ సినిమా ... అక్టోబర్‌ 5, 1989లో విడుదలై బ్లాక్‌ బస్టర్‌ హిట్‌ కొట్టడమే కాదు టాలీవుడ్‌ గతినే మార్చేసింది. ఈ తరం అక్కినేని అభిమానుల కోసం ఈ చిత్రం మరోసారి థియేటర్‌లో సందడి చేయనుంది. నాగార్జున బర్త్‌డే సందర్భంగా ఆగస్ట్‌ 29న ఈ చిత్రాన్ని రీరిలీజ్‌ చేయనున్నట్లు మేకర్స్‌ ప్రకటించారు. ఈ చిత్రంలో హీరోయిన్ గా అమల, శుభలేఖ సుధాకర్, రఘువరన్, తనికెళ్లభరణి తదితరులు నటించారు.ప్రేమ కథలకు పెట్టింది పేరు గౌతమ్‌ మీనన్‌. ఆయన తెరకెక్కించిన క్యూట్ లవ్ స్టోరీ 'ఎటో వెళ్లిపోయింది మనసు'. నాని-సమంత జంటగా నటించిన ఈ ప్రేమకథా చిత్రం 2012 డిసెంబర్‌ 14 విడుదలైన మంచి విజయాన్ని సాధించింది. దాదాపు 12 ఏళ్ల తర్వాత మళ్లీ ఈ ఫీల్ గుడ్ లవ్ స్టోరీ మూవీని ఆడియన్స్‌ ముందుకు రాబోతుంది. ఆగస్ట్ 2న ఈ చిత్రాన్ని లక్ష్మీ నరసింహా మూవీస్ బ్యానర్ మీద సుప్రియ, శ్రీనివాస్ రీ రిలీజ్ చేస్తున్నారు.

కడ్తాల్‌: వాట్సాప్‌ గ్రూపు లొల్లి ఇద్దరు యువకుల ప్రాణాలను బలిగొంది. ఈ సంఘటన రంగారెడ్డి జిల్లా కడ్తాల్‌ సమీపంలోని బటర్‌ ఫ్లై సిటీ వెంచర్‌లోని ఓ విల్లాలో గురువారం ఉదయం వెలుగుచూసింది. పోలీసులు, స్థానికులు తెలిపిన వివరాలు ఇలా ఉన్నాయి. గోవిందాయిపల్లికి చెందిన బీజేపీనేత జల్కం రవి ఇటీవల బటర్‌ ఫ్లై వెంచర్‌లోని ఓ విల్లాను అద్దెకు తీసుకొని రియల్‌ ఎస్టేట్‌ కార్యాలయం ఏర్పాటు చేశారు. ఈ నెల 4న సాయంత్రం బీజేపీ నేతలు, కార్యకర్తలు, స్నేహితులతో కలిసి రవి తన పుట్టిన రోజు వేడుకలు జరుపుకున్నాడు. ఈ ఫోటోలను రవి తన గ్రామా నికి చెందిన వాట్సాప్‌ గ్రూప్‌లో పోస్టు చేశాడు. దీనిపై పలువురు యువకులు అభ్యంతరం వ్యక్తం చేశారు. ఈ క్రమంలోనే గోవిందాయిపల్లికి చెందిన గుండెమోని శివగౌడ్‌(25), శేషగారి శివగౌడ్‌(27)లు రవిని వాట్సాప్‌ గ్రూప్‌ నుంచి తొలగించారు. దీంతో 5వ తేదీన సాయంత్రం రవి వీరిద్దరిని తన కార్యాలయానికి పిలిపించుకున్నాడు. అప్పటికే రవి వద్ద బీజేవైఎం నాయకుడు పల్లె రాజుగౌడ్‌ ఉన్నాడు. నలుగురూ మద్యం తాగడం మొదలుపెట్టారు. ఈ క్రమంలోనే వాట్సాప్‌ గ్రూప్‌ నుంచి నన్ను ఎందుకు తొలగించారు..? ఫొటోలు ఎందుకు డిలీట్‌ చేశారు అని రవి ప్రశ్నించాడు. ఈ క్రమంలో మాటామాట పెరిగి ఘర్షణకు దారి తీసింది. ఆగ్రహానికిలోనైన రవి, పల్లె రాజుగౌడ్‌ కత్తులలో దాడి చేసి గుండెమోని శివగౌడ్, శేషగారి శివగౌడ్‌ను చంపేశారు. అనంతరం విల్లాకు తాళం వేసి వెళ్లిపోయారు. సమాచారం తెలుసుకున్న పోలీసులు బటర్‌ ఫ్లై సిటీలోని ఆ విల్లాకు వెళ్లి తాళం పగులగొట్టారు. లోపల రక్తపుమడుగులో పడి ఉన్న మృతదేహాలను పరిశీలించి, క్లూస్‌టీంతో ఆధారాలు సేకరించారు. గుండెమోని శివగౌడ్‌ హైదరాబాద్‌లోని ఓ చికెన్‌ సెంటర్‌లో పనిచేస్తుండగా, శేషుగారి శివగౌడ్‌ డ్రైవర్‌గా పనిచేస్తునట్టు తెలిసింది. యువకుల హత్యలకు వాట్సాప్‌ వివా దమే కారణమా.. మరేదైనా ఉందా..? అని గ్రామస్తుల నుంచి అనుమానాలు వ్యక్తమవుతున్నా యి. బాధిత కుటుంబాలకు న్యాయం చేయాలని డిమాండ్‌ చేస్తూ శ్రీశైలం– హైదరాబాద్‌ జాతీ య రహదారిపై గ్రామస్తులు ఆందోళనకు దిగారు. దీంతో రెండుగంటలకుపైగా ట్రాఫిక్‌ జామ్‌ అయ్యింది. ఈ సమయంలో హైదరాబాద్‌ వెళుతున్న కల్వకుర్తి ఎమ్మెల్యే కసిరెడ్డి నారాయణరెడ్డి, నాగర్‌కర్నూల్‌ జెడ్పీ వైస్‌చైర్మన్‌ బాలాజీసింగ్‌ మృతుల కుటుంబ సభ్యులతో మాట్లాడారు.

అనంతపురం క్రైం: ‘టీడీపీ కోసం నా భర్త, బావ ప్రాణాలు కోల్పోయారు. ఎన్నో ఏళ్లుగా ఆ పార్టీకి సేవ చేస్తున్నాం. అయినా మాకు తీవ్ర అన్యాయం చేశారు. డబ్బున్నోళ్లకు సీట్లు అమ్ముకుని కురుబ కులస్తులకు మొండిచేయి చూపారు. ఆ పార్టీని బొంద పెట్టేదాకా విశ్రమించం. రాష్ట్రంలోని కురుబలంతా టీడీపీ ఓటమే ధ్యేయంగా పనిచేస్తాం’ అని టీడీపీ రాష్ట్ర కార్యదర్శి,  కురుబ సంఘం రాష్ట్ర మహిళా అధ్యక్షురాలు, మాజీ కార్పొరేటర్‌ బుల్లే శివబాల ధ్వజమెత్తారు. ఆమె మంగళవారం అనంతపురం నగర శివారులోని చెరువుకట్ట శ్మశాన వాటికలో భర్త నాగరాజు సమాధిపై ఉన్న  ‘టీడీపీ కార్యకర్త’ అనే నేమ్‌బోర్డును తొలగించారు. ఆ పార్టీని బొంద పెట్టేదాకా విశ్రమించబోమని భర్త సమాధిపై శపథం చేశారు. టీడీపీ రాష్ట్ర కార్యదర్శి పదవికి రాజీనామా చేస్తున్నట్లు ప్రకటించారు. ఈ సందర్భంగా ఆమె విలేకరులతో మాట్లాడుతూ.. నలభై ఏళ్లుగా టీడీపీనే కుటుంబంగా..కుటుంబమే పారీ్టగా పని చేశామన్నారు. పార్టీ కోసం తన భర్తతో పాటు బావ పావురాల కిష్టాను కోల్పోయామని చెప్పారు. తనకు అనంతపురం అసెంబ్లీ లేదా పార్లమెంటు అభ్యర్థిగా అవకాశం ఇస్తామని లోకేశ్‌ పాదయాత్రలో హామీ ఇచ్చారన్నారు. అనంతపురం అర్బన్‌తో కనీస పరిచయం లేని దగ్గుపాటికి సీటిచ్చిన చంద్రబాబు.. పార్టీ కోసం కష్టపడిన ప్రభాకరచౌదరికి మొండిచేయి చూపారని మండిపడ్డారు. చంద్రబాబు నా వెంట్రుకతో సమానమన్న గుమ్మనూరు జయరాంకు గుంతకల్లు అభ్యర్థిగా, కాంట్రాక్టులు చేసుకునే అమిలినేని సురేంద్రబాబుకు కళ్యాణదుర్గం అభ్యర్థిగా అవకాశం కల్పించి.. చాలా ఏళ్లుగా పార్టీనే నమ్ముకుని ఉన్న తనలాంటి బీసీలకు అన్యాయం చేశారని ధ్వజమెత్తారు. బీసీల పార్టీ అని పదేపదే చెప్పే టీడీపీ అధినేత చంద్రబాబు వాస్తవానికి బీసీలను ఏనాడూ పట్టించుకోలేదని శివబాల విమర్శించారు. 2019 ఎన్నికల్లో వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ముగ్గురు కురుబలకు మంత్రులుగా, ఎమ్మెల్యేలుగా అవకాశం కల్పించారని చెప్పారు. వైఎస్సార్‌సీపీతోనే బీసీలకు గుర్తింపు దక్కిందని చెప్పారు.

హీరోయిన్‌ అంజలి నటించిన చిత్రం ‘గీతాంజలి మళ్ళీ వచ్చింది’. ‘గీతాంజలి’ సినిమాకు సీక్వెల్‌ ఇది. ఈ సీక్వెల్‌లో శ్రీనివాస రెడ్డి, సునీల్, సత్య, అలీ, ‘సత్యం’ రాజేశ్,  ‘షకలక’ శంకర్, రాహుల్‌ మాధవ్‌ కీలక పాత్రలు పోషించారు. సినిమాటోగ్రాఫర్‌ శివ తుర్లపాటిని దర్శకుడిగా పరిచయం చేస్తూ, కోన వెంకట్, ఎంవీవీ సత్యనారాయణ నిర్మించిన ఈ చిత్రం ఈ నెల 11న విడుదలైంది. ఈ సందర్భంగా శివ తుర్లపాటి మాట్లాడుతూ –‘‘మా సినిమాలోని కొన్ని ప్రశ్నలకు సమాధానాలు లేవని కొందరు సినీ విమర్శకులు అభిప్రాయపడ్డారు. ఆ  ప్రశ్నలకు సమాధానాలు ‘గీతాంజలి’ పార్టు 3లో ఉంటాయి. ఇక బ్యాక్‌గ్రౌండ్‌ డ్యాన్సర్‌గా కెరీర్‌ స్టార్ట్‌ చేసి, ఆ తర్వాత దర్శకుడు తేజగారి ‘జై’ సినిమాతో కొరియోగ్రాఫర్‌గా మారాను. వ్యక్తిగత కారణాల వల్ల అమెరికా వెళ్లి, అక్కడ డ్యాన్స్‌ స్కూల్‌ రన్‌ చేస్తున్నాను. నేను అమెరికాలో చేసిన ఓ కవర్‌ సాంగ్‌  ద్వారా కోన వెంకట్‌గారు నాకు పరిచయం అయ్యారు. ఇక  దర్శకుడిగా నా తదుపరి సినిమా కోసం రెండు కథలు రెడీగా ఉన్నాయి’’ అని చెప్పుకొచ్చారు.

విశ్వనాథుడు కొలువైన కాశీ నగరం ఆధ్యాత్మికంగా ఎంతో ప్రత్యేకమైనది. దేశ విదేశాల నుంచి మహాశివుని భక్తులు ఇక్కడికి తరలివస్తుంటారు. ఇదే కోవలో నిజమైన ‍ప్రశాంతతను వెతుక్కుంటూ కాశీకి వచ్చిన ఒక రష్యన్ మహిళ సనాతన ధర్మాన్ని స్వీకరించి, ఇంగా నుండి ఇంగానందమయిగా మారారు.  వారణాసిలోని శివలా ఘాట్ సమీపంలోని వాగ్యోగ పీఠం వద్ద ఇంగానందమయి ఈ దీక్ష తీసుకున్నారు. ఇంగా రష్యాలోని మాస్కో నివాసి. ఈ దీక్షకు ముందు ఆమె భారతీయుల తరహాలో వస్త్రధారణ చేశారు. పూజలో కూర్చొని, సనాతన ధర్మ ప్రక్రియను అనుసరించి, హిందూ మతాన్ని స్వీకరించారు. పండితులు ఆశాపతి త్రిపాఠి నుండి ఇంగా దీక్షను స్వీకరించారు.  అనంతరం ఆమె మహాశివునికి రుద్రాభిషేకం చేశారు. పండితులు ఆశాపతి త్రిపాఠి తనకు జీవితంలో ప్రశాంతతను అందించారని ఇంగా తెలిపారు. తాను ఇప్పటికే తాంత్రిక దీక్షను స్వీకరించానని, అయితే తనలోని అశాంతిని తొలగించుకునేందుకు సనాతన ధర్మాన్ని స్వీకరించినట్లు ఇంగా తెలిపారు. శివునికి రుద్రాభిషేకం చేస్తున్నప్పుడు రష్యా-ఉక్రెయిన్ యుద్ధం శాంతించాలని ప్రార్థించానని ఇంగా పేర్కొన్నారు.

ప్రాచీ టకర్, నేహా దేశ్‌పాండే, ప్రభాకర్ , కునల్, అభిలాష్ బండారి, రమ్య దినేష్ ప్రధాన పాత్రల్లో నటించిన సరికొత్త వెబ్ సిరీస్  ఎల్ఎస్‌డీ. ఈ సీరీస్‌కు శివ కోన దర్శకత్వం వహిస్తున్నారు. అనిల్ మోదుగ , శివ కోన సంయుక్తంగా నిర్మించారు. ఈ సిరీస్‌ను సైకలాజికల్ థ్రిల్లర్ నేపథ్యంలో తెరకెక్కించారు. తాజాగా ఈ వెబ్ సిరీస్ ట్రైలర్‌ను మేకర్స్ రిలీజ్ చేశారు.  తాజాగా విడుదలైన ఎల్‌ఎస్‌డీ ట్రైలర్‌కు ఆడియన్స్‌ నుంచి మంచి స్పందన లభిస్తోంది. మూడు జంటల మధ్య జరిగే ఆసక్తికరమైన సన్నివేశాలు, ఫారెస్ట్‌ ట్రిప్‌ ఆడియన్స్‌లో ఆసక్తి పెంచేస్తున్నాయి. ఈ సైకలాజికల్ థ్రిల్లర్‌లో ఆద్యంతం సస్పెన్స్‌ ఉన్నట్లుగా ట్రైలర్ చూస్తే అర్థమవుతోంది. డార్క్ కామెడీగా తెరకెక్కిన ఈ వెబ్ సిరీస్‌ ఫిబ్రవరి 2వ తేదీ నుంచి ఓటీటీలో స్ట్రీమింగ్‌ కానుంది. ఎమ్ఎక్స్ ప్లేయర్‌లో ఈ సిరీస్‌ను స్ట్రీమింగ్ చేయనున్నట్లు మేకర్స్ ప్రకటించారు. తెలుగు, హిందీ భాషల్లో ప్రేక్షకులకు అందుబాటులో ఉండనుంది. కాగా.. ఈ వెబ్ సిరీస్‌కు  ప్రవీణ్ మని, శశాంక్ తిరుపతి సంగీతం అందిస్తున్నారు. 

శివ కందుకూరి, రాశిసింగ్‌ హీరో హీరోయిన్లుగా తెరకెక్కుతున్న తాజా చిత్రం 'భూతద్ధం భాస్కర్ నారాయణ'. స్నేహాల్ .. శశిధర్, కార్తీక్ నిర్మించిన ఈ సినిమాకి, పురుషోత్తం రాజ్ దర్శకత్వం వహిస్తున్నారు. క్రైమ్ థ్రిల్లర్ నేపథ్యంలో రూపొందిన ఈ సినిమా నుంచి ఇప్పటికే విడుదలైన ప్రమోషనల్ కంటెంట్ కు  చాలా మంచి రెస్పాన్స్ వచ్చింది. థ్రిల్లింగ్ ఎలిమెంట్స్ తో టీజర్ ప్రేక్షకుల్లో క్యురియాసిటీ పెంచింది.  న్యూ ఏజ్ స్టార్ కంపోజర్ శ్రీచరణ్ పాకాల సంగీతం అందిస్తున్న ఈ చిత్రం నుంచి టైటిల్ సాంగ్ ని విడుదల చేశారు మేకర్స్. శ్రీచరణ్ పాకాల స్వరపరిచి స్వయంగా పాడిన ఈ పాట చాలా క్యాచిగా ఉంది. పురుషోత్తం రాజ్, సురేష్ బనిశెట్టి రాసిన లిరిక్స్ హీరో క్యారెక్టరైజేషన్ ని ఆకట్టుకునేలా ప్రజెంట్ చేశాయి. 

శివ కంఠమనేని హీరోగా, రాశీ, నందితా శ్వేత ప్రధాన పాత్రల్లో నటించిన చిత్రం ‘రాఘవ రెడ్డి’. స్పేస్‌ విజన్‌ నరసింహా రెడ్డి సమర్పణలో సంజీవ్‌ మేగోటి దర్శకత్వంలో కేఎస్‌ శంకర్‌ రావ్, జి. రాంబాబు యాదవ్, ఆర్‌. వెంకటేశ్వర్‌ రావు నిర్మించిన ఈ చిత్రం జనవరి 5న విడుదల కానుంది. ఈ సందర్భంగా నిర్వహించిన విలేకర్ల సమావేశంలో ముఖ్య అతిథిగా పాల్గొన్న నిర్మాత మండలి కార్యదర్శి ప్రసన్న కుమార్‌ మాట్లాడుతూ– ‘‘చిన్న సినిమాల వల్లే ఇండస్ట్రీ బతుకుతుంది. ఇండస్ట్రీని బతికించుకునేందుకు ‘రాఘవరెడ్డి’లాంటి సినిమాలను ప్రేక్షకులు విజయవంతం చేయాలి. ఈ సినిమాలో అన్ని రకాల ఎమోషన్స్‌ కనిపిస్తున్నాయి’’ అన్నారు. ‘‘ఇంట్రవెల్‌ అందరికీ నచ్చుతుంది. క్లైమాక్స్‌ సీన్స్‌ ఎమోషనల్‌గా టచ్‌ అవుతాయి. ఆడియన్స్‌ కంటతడి పెడతారు’’ అన్నారు శివ కంఠమనేని. ‘‘తొమ్మిదేళ్ల గ్యాప్‌ తర్వాత దర్శకుడిగా ‘రాఘవ రెడ్డి’ అనే ఓ మంచి సినిమా తీశాను’’ అన్నారు సంజీవ్‌. ‘‘ఈ సినిమాలో కూతురే ప్రపంచంగా బతికే దేవకి పాత్ర చేశాను’’ అన్నారు రాశీ. ‘‘ఈ సినిమాలో క్రిమినాలజీ ఫ్రొఫెసర్‌ రాఘవ రెడ్డిగా శివగారు నటించారు. యూత్‌కి కావల్సిన ఎలిమెంట్స్‌తో పాటు యాక్షన్, సోషల్‌ మెసేజ్‌ కూడా ఉన్నాయి’’ అన్నారు నిర్మాతలు.

ఉండి: పశ్చిమగోదావరి జిల్లాలో తెలుగుదేశానికి కంచుకోటగా చెప్పుకొనే ఉండి నియోజకవర్గంలో తెలుగు తమ్ముళ్ల విభేదాలు రోడ్డెక్కా­యి. చంద్రబాబు అరెస్టుకు నిరసనగా టీడీపీ నాయకులు చేపడుతున్న నిరసన కార్యక్రమాల్లో భాగంగా ఆదివారం ఉండిలో ఎమ్మె­ల్యే మంతెన రామరాజు, మాజీ ఎమ్మెల్యే వి.వి.శివరామరాజు మధ్య విభేదాలు తారస్థాయికి చేరుకున్నాయి. ఉండి రిజిస్ట్రార్ ఆఫీసు వద్ద ఉన్న టీడీపీ మండల కార్యాలయం ముందు ఆదివారం టీడీపీ నాయకులు నిరసనదీక్ష చేపట్టారు. ముందుగా మాజీ ఎమ్మెల్యే శివరామరాజు పాల్గొని శ్రేణులను ఉత్సాహపరుస్తూ వారితో నిరసనకు దిగారు. అనంతరం శిబిరంలోకి ఎమ్మెల్యే రామరాజు వచ్చారు. కొద్దిసేపటి తరువాత మాజీ ఎమ్మెల్యే శివరామ­రా­జు ఆ శిబిరానికి పక్కనే మరో శిబిరం ఏర్పా­టు చేయించి అందులో కూర్చుని నిరసన చేపట్టారు. దీంతో ఆయన అనుచరులు కూడా ఆ శిబిరంలో పాల్గొన్నారు. ఎమ్మెల్యే, మాజీ ఎమ్మెల్యేల విభేదాలు మరోసారి రోడ్డె­క్క­డంతో నాయకులు, కార్యకర్తలు అయోమ­యంలో పడ్డారు. చాలామంది మాజీ ఎమ్మె­ల్యే శివరామరాజు శిబిరంలోకి చేరి ఆయనకు మద్దతు తెలపడంతో విభేదాలు మరింత పెరిగాయి. ఈ మధ్యకాలంలో ఫొటోలు దిగి సోషల్‌ మీడియాలో పెట్టుకునేందుకే టీడీపీ నాయకులు కార్యక్రమాలు నిర్వహిస్తున్నారుగానీ వారికి చిత్తశుద్ధి లేదంటూ మాజీ ఎమ్మెల్యే శివరామరాజు ప్రస్తుత ఎమ్మెల్యేను ఉద్దేశించి వ్యాఖ్యానించారు. దీంతో తెలుగు తమ్ముళ్లు రెండు గ్రూపులుగా విడిపోయి పరస్పర దూషణలకు దిగారు. ఉండి టీడీపీ కంచుకోటకు బీటలువారాయని ఆ పార్టీ కార్యకర్తలే చర్చించుకుంటున్నారు.    

హైదరాబాద్: అంతుచిక్కని వ్యాధితో పోరాడిన సందెపల్లి శివచరణ్‌ ఓడిపోయి మృత్యువు ఒడికి చేరుకున్నాడు. తీవ్ర అస్వస్థతకు గురై ఆదివారం ఇంట్లోనే ప్రాణాలు విడిచాడు. మృతుడి అన్న అఖిల్‌ పరిస్థితి కూడా విషమంగానే ఉందంటూ తల్లిదండ్రులు ఆవేదన చెందుతున్నారు. యాదాద్రి జిల్లా తుర్కపల్లి మండలం, ముల్కలపల్లి గ్రామానికి చెందిన సందెపల్లి ఉప్పలయ్య, పారిజాత దంపతులు చాలాకాలం క్రితం నగరానికి బతుకుదెరువు కోసం వచ్చి స్థానిక సోనియాగాందీనగర్‌లో నివాసం ఉంటున్నారు.  వారికి సందెపల్లి అఖిల్, సందెపల్లి శివచరణ్‌ ఇద్దరు కుమారులు. అయితే వీరిద్దరూ చిన్ననాటి నుంచే అంతు చిక్కని వ్యాధితో బాధపడుతూ ఆస్పత్రుల చుట్టూ తిరిగారు. వారు మస్క్యూలర్‌ డిస్ట్రోఫి అనే వ్యాధితో బాధపడుతున్నారని వైద్యులు తెలిపారు. నడవలేకపోవడం, నడుస్తూ పడిపోవడం వంటి లక్షణాలతో ప్రారంభమైన వ్యాధి రానురాను కదల్లేని పరిస్థితుల్లోకి తీసుకెళ్లింది. క్రమంగా చేతులు, కాళ్లు వంకరపోయి పూర్తిగా చచ్చుబడిపోవడంతో ఒకరు 12, మరొకరు 8వ ఏట నుంచి మంచానికే పరిమితమయ్యారు. పిల్లల దుస్థితిని తట్టుకోలేని తల్లిదండ్రులు ఆస్తులు అమ్మి వైద్యం చేయించినా ఫలితం దక్కలేదు.   తీవ్ర జ్వరంతో శివచరణ్‌ మృతి  ఈ క్రమంలో వారు 2017లో సాక్షిని ఆశ్రయించి తమ గోడు వెళ్లబోసుకున్నారు. పిల్లల దుస్థితిపై ఆడి.. పాడే.. వయస్సులో అంతుచిక్కని వ్యాధి అంటూ 2017 మే నెలలో సాక్షి దినపత్రిక కథనం ప్రచురించింది. సాక్షి కథనానికి స్పందించిన బీఎల్‌ఆర్‌ ట్రస్టు చైర్మన్, ప్రస్తుత బీఆర్‌ఎస్‌ ఉప్పల్‌ నియోజకవర్గ అభ్యర్థి బండారి లక్ష్మారెడ్డి వారిని కలిశారు. ఆరోగ్య పరిస్థితిని అడిగి తెలుసుకున్నారు. ముంబైలో వ్యాధికి సంబంధించి వైద్యం లభిస్తుందని, అందుకు తమకు స్థోమత లేదని బీఎల్‌ఆర్‌తో తల్లిదండ్రులు వాపోయారు.  తనకున్న పరిచయాలతో అక్కడి వైద్యులతో మాట్లాడి మెరుగైన వైద్యం అందించాలని కోరి వైద్యం చేయించారు. జన్యుపరమైన వ్యాధితో బాధపడుతున్నారని కొంత కాలం మందులు వాడాలన్న వైద్యుల సలహా మేరకు మందులు వాడుతూ వచ్చారు. ఈ క్రమంలో తీవ్ర జ్వరంతో శివచరణ్‌ ఆదివారం మృతిచెందాడు. పెద్ద కొడుకు అఖిల్‌ పరిస్థితి కూడా విషమంగానే ఉందని తల్లిదండ్రులు విలపిస్తున్నారు. విషయం తెలుసుకున్న బీఎల్‌ఆర్‌ వారికి ఆర్థికసాయం అందజేసి ధైర్యం చెప్పారు.  

శివ కంఠమనేని, క్యాథలిన్‌ గౌడ జంటగా మల్లి దర్శకత్వం వహించిన చిత్రం ‘మధురపూడి గ్రామం అనే నేను’. జి.రాంబాబు యాదవ్‌ సమర్పణలో కేఎస్‌ శంకర్‌ రావు, ఆర్‌. వెంకటేశ్వరరావు నిర్మించిన ఈ చిత్రం ఈ నెల 13న రిలీజ్‌ కానుంది. మల్లి మాట్లాడుతూ– ‘‘ఒక ఊరికి ఆత్మ ఉంటే.. ఆ ఆత్మ తన కథ తానే చెబితే ఎలా ఉంటుంది? అనేది చిత్రకథాంశం’’ అన్నారు. ‘‘మంచి యాక్షన్‌ డ్రామాగా రూపొందిన చిత్రమిది’’ అన్నారు నిర్మాతలు. ఈ చిత్రానికి సంగీతం: మణిశర్మ, కెమెరా: సురేష్‌ భార్గవ్‌.

ఉత్తరప్రదేశ్‌లోని లలిత్‌పూర్‌లో మూఢనమ్మకాలకు సంబంధించిన ఉదంతమొకటి సంచలనంగా మారింది. మహాశివుడిని ప్రసన్నం చేసుకునేందుకు ఆలయంలో ఒక యువకుడు వృక్షాలను కట్‌ చేసే యంత్రంతో తన గొంతు కోసుకున్నాడు. సమాచారం తెలియగానే అతని కుటుంబ సభ్యులు పరుగుపరుగున ఆలయానికి చేరుకుని, బాధితుడిని చికిత్స కోసం ఝాన్సీ మెడికల్‌ కాలేజీకి తరలించారు. బాధిత యువకుని పరిస్థితి విషమంగా ఉందని తెలుస్తోంది.  ఈ ఘటన రఘునాథ్‌పురా ‍గ్రామంలో చోటుచేసుకుంది. ఈ ప్రాంతానికి చెందిన పల్టూ రామ్‌ కుమారుడు దీపక్‌ కుశ్వాహ్‌(30) కూలీనాలీ చేస్తూ తన కుటుంబాన్ని పోషిస్తుంటాడు. దీపక్‌ తండ్రి పల్టూరామ్‌ తెలిపిన వివరాల ప్రకారం దీపక్‌కు ఇద్దరు పిల్లలు. దీపక్‌ మహాశివుని భక్తుడు. గత కొంతకాలంగా దీపక్‌ ఉదయం, రాత్రివేళల్లో మహాశివునికి పూజలు చేస్తుంటాడు. ఇటీవల దీపక్‌ తాను మెడ కోసుకుని మహాశివుని ప్రసన్నం చేసుకుంటానని కుటుంబ సభ్యులకు తెలిపాడు.  ఈ విషయం తెలుసుకున్న పల్టూ రామ్‌ తన కుమారుతో అటువంటి పని చేయవద్దని చెప్పాడు. అయితే కుమారుడు అతని మాట వినలేదు. కాగా దీపక్‌ ఒక నోట్‌బుక్‌లో మహాశివుని మంత్రాలను, శివునితో సాగించిన సంభాషణను రాస్తుంటాడు. దానిలో దీపక్‌ మహాశివునికి తనను తాను అర్పించుకుంటానని రాశాడు. దానిలో పేర్కొన్న విధంగా ఉదయం 4 గంటలకు ఆలయానికి వెళ్లాడు. అక్కడ చెట్లు కట్‌ చేసే యంత్రంతో మహాశివుని సమక్షంలో తన మెడను కట్‌ చేసుకుని జయజయధ్వానాలు చేశాడు.  దీనిని అక్కడున్నవారు గమనించారు. వెంటనే ఈ విషయాన్ని అతని కుటుంబ సభ్యులకు తెలియజేశారు. వారు వెంటనే ఆలయానికి చేరుకుని భాధితుడిని ఆసుపత్రికి తరలించారు. దీపక్‌ చిన్నాన్న ప్రసాద్‌ మాట్లాడుతూ దీపక్‌ మెడ కట్‌ చేసుకున్న సమయంలో ‘జై భగవాన్‌ శంకర్‌’ అనే నినాదాలు చేశాడని తెలిపారు.  బాధితునికి చికిత్స అందిస్తున్న వైద్యులు డాక్టర్‌ సచిన్‌ మాహుర్‌ మాట్లాడుతూ దీపక్‌ అనే యువకుడు స్వయంగా తన మెడ కోసుకున్నాడని, అతనికి వైద్య చికిత్స జరుగుతున్నదని, ‍ప్రస్తుతం అతని పరిస్థితి విషమంగా ఉన్నదని తెలిపారు.  ఇది కూడా చదవండి: సీమా హైదర్‌, అంజూ తరహాలో రాజస్థాన్‌ దీపిక.. భర్త, పిల్లలను వదిలేసి విదేశాలకు..

కల్వకుర్తి టౌన్‌: సరదాగా ఈతకు వెళ్లిన ఇద్దరు యువకుల్లో ఒకరు నీటిగుంతలో కరెంటుషాక్‌కు గురై మరణించగా, మరొకరు భయంతో ఉరేసుకొని చనిపోయాడు. ఈ విషాదకర సంఘటన నాగర్‌కర్నూల్‌ జిల్లా కల్వకుర్తిలో చోటుచేసుకుంది. కల్వకుర్తికి చెందిన అనిల్‌(18), రాజేశ్‌ వాటర్‌ప్లాంట్లలో ఆటోడ్రైవర్లు. తమ పనులు ముగిసిన తర్వాత కల్వకుర్తి తిమ్మనోనిపల్లి వద్ద ఉన్న నరసింహారెడ్డి వ్యవసాయ పొలంలోని నీటిగుంతలో ఈత కొట్టడానికి వెళ్లారు. పక్క పొలంలో ఉన్న కుర్మిద్దకు చెందిన శివ (22)ను సైతం ఈత కొట్టడానికి పిలిచారు. ముగ్గురు కలిసి నీటిగుంతలోకి దిగారు. అయితే అది లోతుగా ఉండటంతో నీటిని బయటకు తోడేందుకు విద్యుత్‌ మోటారు ఏర్పాటు చేశారు. నీళ్లు తోడేస్తుండగా మధ్యలో కరెంట్‌ సరఫరా నిలిచిపోవడంతో వారు గుంతలోకి దిగి ఈత కొడుతున్నారు. కొద్దిసేపటికి కరెంటు సరఫరా కావడంతో అనిల్‌ విద్యుదాఘాతానికి గురై అక్కడిక్కడే మృతిచెందాడు. దీంతో భయాందోళనకు గురైన శివ సమీపంలోని మరో వ్యవసాయ పొలంలో చెట్టుకు  ఉరేసుకొని బలవన్మరణానికి పాల్పడ్డాడు. స్థానిక రైతులు ఇచ్చిన సమాచారం మేరకు పోలీసులు ఘటనాస్థలానికి చేరుకొని మృతదేహాలను కల్వకుర్తి ప్రభుత్వ ఆస్పత్రికి తరలించారు. 

ఏఎమ్ఎఫ్, కోన సినిమా బ్యానర్లపై అనిల్ మోదుగ, శివ కోన సంయుక్తంగా నిర్మిస్తున్న తాజా చిత్రం 'రాజు గారి కోడిపులావ్' కుటుంబ కథా 'వి'చిత్రం అనేది శీర్షిక. ఈ సినిమాకు శివ కోన దర్శకత్వం వహిస్తున్నారు. ఈ చిత్రాన్ని సస్పెన్స్ థ్రిల్లర్‌తో పాటు ప్రేమకథ చిత్రంగా తెరకెక్కించినట్లు తెలుస్తోంది. ఇప్పటికే షూటింగ్ పూర్తి చేసుకున్న ఈ చిత్రం ఈనెల 29న థియేటర్లలో సందడి చేసేందుకు సిద్ధమైంది. ఇప్పటికే రిలీజైన పాటలు, వీడియోలు విపరీతంగా ఆకట్టుకున్నాయి.  (ఇది చదవండి: కల్యాణ్ రామ్ 'డెవిల్' గ్లింప్స్ రిలీజ్‌.. కానీ డైరెక్టర్ మిస్సింగ్!) 'రాజు గారి కోడిపులావ్' చిత్రంలో నిర్మాతగా, డైరెక్షన్ బాధ్యతలు వహిస్తూనే శివ కోన ఈ చిత్రంలో డ్యాని పాత్రలో నటించారు. అలాగే అందరికి సుపరిచితుడు అయిన బుల్లితెర నటుడు ప్రభాకర్ ఈ చిత్రంలో ఓ కీలక పాత్రలో కనిపించబోతున్నారు. వీరితోపాటు నేహా దేశ్ పాండే, కునాల్ కౌశల్, ప్రాచీ కెథర్, రమ్య దేష్, అభిలాష్ బండారి ప్రధాన పాత్రల్లో కనిపించనున్నారు. ఈ చిత్రానికి ప్రవీణ్ మనీ సంగీతమందించారు.  (ఇది చదవండి: అభిమానుల్ని మోసం చేస‍్తున్న స్టార్ హీరోలు!)

అజిత 63వ చిత్రం ఫిక్స్‌ అయిందా? ఈ ప్రశ్నకు అవుననే సమాధానమే కోలీవుడ్‌ వర్గాల నుంచి వస్తోంది. అయితే ఆయన నటిస్తున్న 62వ చిత్రమే ఇంకా సెట్‌ పైకి వెళ్లలేదు అంటారా? నిజమే, లైకా ప్రొడక్షన్స్‌ సంస్థ మగిల్‌ తిరుమేణి దర్శకత్వంలో నిర్మించనున్న విడా ముయర్చి చిత్రం జూలై మొదటి వారంలో సెట్‌పైకి వెళ్లనున్నట్లు సమాచారం. ఇప్పుడు అజిత్‌ 63వ చిత్రం గురించి ఓ వార్త సామాజిక మాధ్యమాల్లో వైరలవుతోంది. రేర్‌ కాంబినేషన్‌లో ఈ చిత్రం తెరకెక్కనున్నట్లు తెలుస్తోంది. సన్‌ పిక్చర్స్‌ సంస్థ రజనీకాంత్‌, విజయ్‌, ధనుష్‌ వంటి పలువురు ప్రముఖులు హీరోలతో చిత్రాలు నిర్మించింది. కానీ ఇప్పటి వరకు అజిత్‌తో చిత్రం తీయలేదు. కారణం ఆయన చిత్ర ప్రమోషన్‌ కార్యక్రమాల్లో పాల్గొనరనేదే కారణం అని టాక్‌ ఉంది. అలాంటిది ఇన్నాళ్లకు ఈ సంస్థ అజిత్‌ హీరోగా చిత్రం చేయడానికి సన్నాహాలు చేస్తున్నట్లు సమాచారం. ఇందుకు కారణం దర్శకుడు శివ అని తెలిసింది. దర్శకుడు శివ ఇంతకుముందు అజిత్‌ హీరోగా వీరం, వేదాళం, వివేకం, విశ్వాసం వంటి నాలుగు హిట్‌ చిత్రాలను రూపొందించారన్నది తెలిసిందే. అదేవిధంగా రజనీకాంత్‌ కథానాయకుడిగా సన్‌ పిక్చర్స్‌ సంస్థ నిర్మించిన అన్నాత్తే చిత్రానికి శివ దర్శకత్వం వహించారు. దీంతో ఈ సంస్థలో నిర్మితం కానున్న సినిమాలో అజిత్‌ హీరోగా నటించడానికి ఈయనే కారణం అని తెలుస్తోంది. కాగా అజిత్‌ కథానాయకుడిగా సన్‌ పిక్చర్స్‌ నిర్మించే చిత్రానికి శివనే దర్శకత్వం వహించనున్నట్లు సమాచారం. దీనికి సంబంధించిన అధికారిక ప్రకటన వెలువడాల్సి ఉంది. చదవండి: చరణ్‌-ఉపాసనల బిడ్డ కోసం ఊయల

తిరుచ్చి వేదికగా అధికార డీఎంకే వర్గపోరు రచ్చకెక్కింది. పార్టీలో కీలకంగా ఉన్న ఇద్దరు నేతలకు చెందిన మద్దతు దారుల మధ్య బుధవారం ఘర్షణలు చోటు చేసుకున్నాయి. ప్రొటోకాల్‌ ప్రకారం తమ నేతకు విలువ ఇవ్వడం లేదంటూ ఎంపీ శివ అనుచరులు మంత్రి నెహ్రూకు వ్యతిరేకంగా తొలుత నల్ల జెండాలను ప్రదర్శించడం వివాదానికి దారి తీసింది. దీంతో పోలీస్‌ స్టేషన్‌లోకి చొరబడి మరీ ఎంపీ అనుచరులను మంత్రి వర్గీయులు చితక్కొట్టారు.   సాక్షి, చెన్నై: డీఎంకేలో నగరాభివృద్ధి శాఖ మంత్రిగా, పారీ్టలో సీనియర్‌ నేతగా కేఎన్‌ నెహ్రూ మంచి గుర్తింపు పొందారు. ఇక, ఎంపీ శివ ఢిల్లీ వేదికగా డీఎంకే రాజకీయాల్లో కీలక నేతగా ఉన్నారు. ఈ ఇద్దరు తిరుచ్చికి చెందిన వారే. ఇదే జిల్లా నుంచి మరో మంత్రిగా అన్బిల్‌ మహేశ్‌ కూడా ఉన్నారు. మంత్రుల మధ్య ఎలాంటి విభేదాలు లేకున్నా, మంత్రి నెహ్రూ, ఎంపీ తిరుచ్చి శివ మాత్రం ఉప్పు..నిప్పులా వ్యవహరిస్తున్నారు.   నిరసనతో మొదలై.. తిరుచ్చిలో బుధవారం పలు అభివృద్ధి సంక్షేమ కార్యక్రమాలు, కొత్త భవనాల నిర్మాణాలకు శంకు స్థాపనలు, నిర్మాణాలు పూర్తి చేసుకున్న వాటికి ప్రారంభోత్సవాలు పెద్దఎత్తున జరిగాయి. ఈ కార్యక్రమాల్లో మంత్రి నెహ్రూ బిజీ అయ్యారు. అయితే ఈ కార్యక్రమాలకు ఎంపీ తిరుచ్చి శివను ఆహ్వానించక పోవడాన్ని ఆయన వర్గీయులు తీవ్రంగా పరిగణించారు. అదే సమయంలో తిరుచ్చి కంటోన్మెంట్‌లోని ఎంపీ శివ ఇంటికి సమీపంలోని ఓ క్రీడా మైదానం ప్రారంభోత్సవానికి ఉదయాన్నే మంత్రి నెహ్రూ వచ్చారు. ఈ సమయంలో శివ వర్గీయులు నల్ల జెండాలను ప్రదర్శించి నిరసన తెలియజేయడం వివాదానికి ఆజ్యం పోసింది. శివ వర్గీయులను పోలీసులు బలవంతంగా అరెస్టు చేసి పోలీసు స్టేషన్‌కు తరలించారు.  ఈ ప్రా రంబోత్వవాన్ని ముగించుకుని మంత్రి నెహ్రూ తిరుగు ప్రయాణంలో ఉండగా, ఆయన మద్దతుదారులు రెచ్చి పోయారు. తిరుచ్చి శివ ఇంటి ముందు ఆగి ఉన్న కారు, రెండు ద్విచక్ర వాహనాలు, ఇంటి ముందు ఉన్న వస్తువులు, ఫర్నీచర్‌ ధ్వంసం చేయడంతో వివాదం ముదిరింది. మంత్రి కళ్లెదుటే ఈ దాడులు జరగడం గమనార్హం. అంతటితో వదిలి పెట్టక నేరుగా మంత్రి మద్దతుదారులు పోలీసు స్టేషన్‌కు వెళ్లారు. అక్కడ భద్రతా విధుల్లో ఇద్దరు మహిళా కానిస్టేబుళ్లు మాత్రమే ఉన్నారు. 100 మందికి పైగా వచ్చిన మంత్రి మద్దతుదారులు లోనికి చొరబడి వీరంగం సృష్టించారు. తిరుచ్చి శివ వర్గీయులపై దాడులకు పాల్పడ్డారు. ఈ ఘటనలో కానిస్టేబుల్‌ శాంతికి గాయాలు కావడంతో ఆమెను చికిత్స నిమిత్తం ఆసుపత్రికి తరలించారు. సమాచారం అందుకున్న పోలీసు ఉన్నతాధికారులు రంగంలోకి దిగి పరిస్థితిని చక్కదిద్దారు. ఎంపీ శివ ఇంటి వద్ద పోలీసు భద్రతను పెంచారు. పోలీసు స్టేషన్‌లోకి చొరబడి దాడులకు పాల్పడిన దృశ్యాలు సామాజిక మాధ్యమాల్లో వైరల్‌ అయ్యాయి. పార్టీ నాయకుల వీరంగంపై సీఎం స్టాలిన్‌ సమాధానం చెప్పాలని అన్నాడీఎంకే తాత్కాలిక ప్రధాన కార్యదర్శి పళణి స్వామి డిమాండ్‌ చేశారు.   தேர்தலுக்கு முன்னாடியே போலீஸ் ஸ்டேசனுக்கு லஞ்சம் குடுத்த ⁦@KN_NEHRU⁩ வை அமைச்சரா ஆக்குனா ஸ்டேசன்ல இதான் நடக்கும். pic.twitter.com/XezvEN06DW — Savukku Shankar (@Veera284) March 15, 2023 నెల్లైలోనూ వివాదం..  తిరుచ్చిలో ఇద్దరు కీలక నేతల మద్దతు దారుల మధ్య వార్‌ చోటు చేసుకుంటే, తిరునల్వేలిలో మేయర్, జిల్లా కార్యదర్శి మధ్య సమరం రాజధానికి చెన్నైకు చేరింది. తిరునల్వేలి కార్పొరేషన్‌ మేయర్‌ శరవణన్, జిల్లా పార్టీ కార్యదర్శి అబ్దుల్‌ వకాబ్‌ మధ్య వివాదంతో ఆ కార్పొరేషన్‌ డీఎంకే చేజారే పరిస్థితి నెలకొంది. అబ్దుల్‌ వకాబ్‌ మద్దతుగా 30 మందికి పైగా కార్పొరేటర్లు మేయర్‌ శరవణన్‌కు వ్యతిరేకంగా తిరుగు బావుట ఎగుర వేశారు. మేయర్‌ను తప్పించాలని నినాదిస్తూ చెన్నైకు బుధవారం ప్రయాణమయ్యారు. మా«ర్గంమధ్యలో తిరుచ్చిలో మంత్రి కేఎన్‌ నెహ్రూను కలిసి కొందరు కార్పొరేటర్లు  వినతి పత్రం సమరి్పంచారు. గురువారం చెన్నైలోని డీఎంకే కార్యాలయంలో మేయర్‌పై ఫిర్యాదు చేయనున్నారు. ఐదుగురికి పార్టీ నుంచి ఉద్వాసన  పార్టీ నాయకులు, కార్యకర్తలు పరస్పరం దాడుల నేపథ్యంలో పోలీసు స్టేషన్‌లోకి చొరబడి వీరంగం సృష్టించిన వారిపై డీఎంకే అధిష్టానం కన్నెర్రజేసింది. తిరుచ్చి కార్పొరేటర్లు ముత్తసెల్వం, విజయ్, రాందాసు, యూనియన్‌ నేత దురై రాజ్, ఉపనేత తిరుపతిని పార్టీ నుంచి తాత్కాలికంగా తొలగిస్తున్నట్లు డీఎంకే కార్యాలయం ప్రకటించింది. దీంతో ఈ ఐదుగురు పోలీసు స్టేషన్‌లో లొంగి పోయారు. పోలీస్‌ స్టేషన్‌లోకి చొరబడి ప్రత్యర్థులపై జరిపిన దాడికి పశ్చాత్తాపం వ్యక్తం చేస్తూ వీరంతా పోలీసులకు లొంగిపోయినట్లు వెల్లడించారు. వీరిపై పలు సెక్షన్ల కింద కేసులు నమోదైనట్లు తెలిపారు. 

మధురవాడ (భీమిలి):  ఆ యువకుడికి సినిమాలంటే పిచ్చి..ఎలాగైనా సరే తెరపై కనిపించాలని కలలుగన్నాడు. చిన్నతనం నుంచీ ఇదే ధ్యాస. వయసు పెరిగే కొద్దీ లక్ష్యం మరింత బలపడింది. చిన్నచిన్న పాత్రలతో ఆకట్టుకున్నాడు. కట్‌ చేస్తే డై హార్డ్‌ ఫ్యాన్‌ సినిమాతో హీరో అయ్యాడు. మంచి టాక్‌ తెచ్చుకోవడంతో ఫుల్‌ ఖుషీగా ఉన్నాడు. ఇంతకీ ఆ కుర్రాడు ఎవరనుకుంటున్నారా? విశాఖకు చెందిన శివ రామకృష్ణ ఆలపాటి. సింపుల్‌గా శివ అలపాటి. చదవండి: రెండోపెళ్లిపై చర్చకు దారితీసిన రేణు దేశాయ్‌ కామెంట్స్‌ శివది స్వస్థలం పీఎంపాలెం కాగా.. విశాఖ కిర్లంపూడి లే అవుట్‌లో నివాసం ఉంటున్నాడు. శివ హీరోగా  ‘డై హార్డ్‌ ఫ్యాన్‌’ చిత్రంలో నటించారు. ఈ నెల 2న చిత్రం హైదరాబాద్‌లో విడుదలైంది. త్వరలోనే ఏపీ అంతటా విడుదల చేయనున్నారు. సినిమా యూత్‌ను మెప్పించింది. దీంతో తన ఆశలకు ఈ చిత్రం జీవం పోసినట్టుందని శివ పేర్కొన్నాడు. శివ సరసన ప్రియాంక్‌ శర్మ హీరోయిన్‌ నటించగా, షకలక శంకర్, రాజీవ్‌ కనకాల, నోయల్‌ ముఖ్య పాత్రల్లో నటించారు. అభిరామ్‌ ఈ చిత్రాన్ని తెరకెక్కించారు. హీరోయిన్‌కి, అభిమానికి మధ్య జరిగిన సస్పెన్స్‌ కామెడీ డ్రామానే ఈ సినిమా కథ. సినిమా అంటే ప్రాణం  మొదటి నుంచీ సినిమాలన్నా..నటనన్నా చాలా ఇష్టం. ఓ వైపు చదువుకుంటూ మరోవైపు సినిమా రంగంవైపు అడుగులేశా..సాఫ్ట్‌ ఇంజినీర్‌గా విధులు నిర్వహిస్తూ మరోవైపు వెండితెరపై నటిస్తున్నా..సాఫ్ట్‌వేర్‌ ఇంజినీర్‌గా ఐదేళ్లు హైదరాబాదు, పూనేలో పనిచేశా.. గతంలో చిన్న చిన్న చిన్న క్యారక్టర్లు వచ్చేవి. వీటిలో ‘నేనే లేని నా ప్రేమ కథ , రన్‌ వెబ్‌ సిరీస్‌లో మేజర్‌ రోల్‌ చేశాను. తర్వాత 2019లో హైదరాబాద్‌లో జరిగిన ఆడిషన్స్‌ హీరో రోల్‌కి అవకాశం వచ్చింది. ఉద్యోగం, నటన రెండూ సాధ్యం కాదు కనుక ఉద్యోగం మానేశా. వారం రోజుల్లో విశాఖ థియేటర్లలో డై హార్డ్‌ ఫ్యాన్‌ చిత్రాన్ని విడుదల చేస్తాం. – శివ, హీరో   

ఫేవరేట్ దర్శకులను రిపీట్ చేయడంలో సూపర్‌ స్టార్‌ రజనికాంత్‌ ఎప్పుడూ ముందుంటాడు. మేకింగ్ కూడా నచ్చితే ఇక డేట్స్ ఫుల్ గా కేటాయిస్తాడు. రీసెంట్ టైమ్స్ లో పారంజిత్ తో వరుసగా రెండు చిత్రాలు చేశాడు. ఇప్పుడు అదే ట్రెండ్ ను కంటిన్యూ చేస్తున్నారు. అన్నాత్తే దర్శకుడికే మరో అవకాశం ఇవ్వబోతున్నారట. రజనీ హీరోగా నటిస్తున్న అన్నాత్తే షూటింగ్ పూర్తైంది. దీపావళికి ఘనంగా రిలీజ్ కు ముస్తాబవుతోంది. ఈ సినిమా పూర్తైన తర్వాత రజనీకాంత్ నటించే కొత్త చిత్రంపై కోలీవుడ్ లో రకరకాల రూమర్స్ చక్కర్లు కొడుతున్నాయి.ఒకసారి పెరియా స్వామి అనే యంగ్ డైరెక్టర్ తో మూవీ చేయనున్నాడని మరోసారి సొంత అల్లుడు ధనుష్ కు అవకాశం ఇవనున్నారని వార్తలు వినిపిస్తూ వస్తున్నాయి. కాని రజనీ ఆలోచన వేరుగా ఉంది. ప్రస్తుతం అన్నాత్తేను డైరెక్ట్ చేసిన శివను మరోసారి తనని డైరెక్ట్ చేసేందుకు అవకాశం ఇచ్చారట. అన్నాత్తే దర్శకుడు అంటే ఎవరో కాదు.. తెలుగులో శౌర్యం, శంఖం, దరువు చిత్రాలను తెరకెక్కించన దర్శకుడు. 2014లో కోలీవుడ్ వెళ్లి అక్కడ అజిత్ కు వరుసగా బ్లాక్ బస్టర్స్ అందించాడు. దాంతో స్టార్ డైరెక్టర్ గా మారాడు.ప్రస్తుతం కోలీవుడ్ లో మోస్ట్ వాంటెడ్ డైరెక్టర్ గా మారాడు.అందుకే ఈ దర్శకుడికి మరో అవకాశం ఇవ్వాలనుకుంటున్నాడట సూపర్ స్టార్. స్టోరీ రెడీ చేస్తే డేట్స్ ఇస్తానని మాట ఇచ్చాడట.మరోవైపు శివ దర్శకత్వంలో నటించేందుకు సూర్య చాలా కాలంగా ఎదురు చూస్తున్నాడు. అన్నాత్తేకు ముందు సెట్స్ పైకి వెళ్లాల్సిన సినిమా వీరిది. కాని రజనీకాంత్ కోసం డెట్స్ అడ్జెస్ట్ చేశాడు సూర్య. ఇప్పుడు తలైవా మరోసారి శివ డేట్స్ ను బ్లాక్ చేయబోతున్నారు. మరి సూర్య ఎలాంటి నిర్ణయం తీసుకుంటాడో చూడాల్సి ఉంది.

మలయాళ నటుడు మోహన్‌లాన్‌ ‘ఆమె కథ అందరికీ స్ఫూర్తి కావాలి’ అని ఫేస్‌బుక్‌లో రాశాడు. కేరళ ప్రతిపక్ష నాయకుడు సతీశన్‌ ‘ఓహో... ఏమి పట్టుదల’ అని శ్లాఘించాడు. కేరళ డిజిపి లోక్‌నాథ్‌ బెహరా ‘నీకేం కావాలో చెప్పమ్మా’ అని చేయడానికి సిద్ధంగా ఉన్నాడు. ఇవన్నీ ‘ఆనీ శివ’ అనే కొత్త మహిళా ఎస్‌.ఐ గురించి. జూన్‌ 25న ఆమె ఎస్‌.ఐ అయ్యింది అక్కడ. పదేళ్ల క్రితం భర్త, తల్లిదండ్రులు వదిలేయగా ఏ ఊళ్లో అయితే నిమ్మరసం, ఐస్‌క్రీమ్‌లు అమ్ముతూ వచ్చిందో అదే ఊరికి ఆమె ఎస్‌.ఐ. అయ్యింది. ‘నా పాతరోజుల మీద ఇంతకు మించి ఏం ప్రతీకారం తీర్చుకోను’ అందామె. మనం పేడముద్దలా ఉంటే జీవితం విసిరికొట్టినప్పుడు హరీమంటాం. బంతిలా ఉంటే ఆనీ అవుతాం. ఆమె కథ ఇది. రెండు మూడు రోజులుగా కేరళలో ఒక మహిళా సబ్‌ ఇన్‌స్పెక్టర్‌ వార్తల్లో ఉంది. సాధారణంగా ఇలా సినిమాల్లో జరుగుతుంటుంది. అయితే కల్పన కంటే నిజ జీవితంలోనే ఎంతో అనూహ్యత ఉంటుంది. అందుకే ఆనీ శివ జీవితం ఇప్పుడు చాలామందికి స్ఫూర్తికానుంది. ఒక విశేష నియామకం త్రివేండ్రం నుంచి 40 కిలోమీటర్ల దూరంలో ఉండే వర్కల అనే టౌన్‌కు జూన్‌ 25న ఆనీ శివ సబ్‌ ఇన్‌స్పెక్టర్‌గా వచ్చింది. అది ఆమెకు తొలిపోస్టు. అంతకుముందు ఆమె రెండు సంవత్సరాలుగా కొచ్చిలో ట్రయినింగ్‌ లో ఉంది. అది పూర్తి కావడంతో వర్కలకు పోస్టింగ్‌ ఇచ్చారు. మామూలుగా అయితే అసలు ఇది ఏ మాత్రం చెప్పుకోదగ్గ వార్త కాదు. కాని వర్కలకు ఆనీ శివ ఎస్‌.ఐగా రావడం మాత్రం పెద్ద వార్త. ఎందుకంటే పదేళ్ల క్రితం అదే టౌన్‌లో ఆమె పొట్టకూటి కోసం నిమ్మకాయ రసం అమ్మింది. ఐస్‌క్రీమ్‌లు అమ్మింది. ఇన్సూరెన్స్‌ ఏజెంట్‌గా పని చేసింది. సరుకులు ఇంటింటికి తిరిగి అందించే బాయ్‌గా పని చేసింది. వేయి పనులు చేసింది బతకడానికి. ఎందుకంటే ఆమె భర్త వదిలిపెట్టిన గతి లేని స్త్రీ. పైగా ఒక బిడ్డకు తల్లి. కన్నవాళ్లు తన్ని తరిమేసిన మహిళ. అలాంటి మహిళ ఆ ఊళ్లో బతికింది. కాని ఇవాళ అదే మహిళ ఆ ఊరికే ఎస్‌.ఐగా తిరిగొచ్చింది. ప్రేమ–వంచన త్రివేండ్రంకు గంట దూరంలో ఉండే కంజీరంకులమ్‌ అనే చిన్న ఊరికి చెందిన ఆన్నీ శివ తను డిగ్రీ ఫస్ట్‌ ఇయర్‌లో ఉండగా ప్రేమించిన కుర్రాడితో పారిపోయి పెళ్లి చేసుకుంది. ఆ పెళ్లి ఏమాత్రం ఆమె తల్లిదండ్రులకు ఇష్టం లేదు. ప్రేమించినవాడు ఆమెతో వర్కలలో కాపురం పెట్టాడు. ఒక కొడుకు పుట్టాడు. అప్పటికి ఆమె పట్ల విముఖత ఏర్పరుచుకున్న అతడు ఆమెను ఆమె ఖర్మానికి వదిలి వెళ్లిపోయాడు. జీవితంలో దెబ్బ తిన్న ఆనీ శివ తల్లిదండ్రుల దగ్గరకు వెళ్లింది. వాళ్లు ‘గడప ఎక్కావంటే కాళ్లు విరగ్గొడతాం’ అన్నారు. దాంతో గతి లేక వర్కల వచ్చి అక్కడ ఉంటున్న నానమ్మ ఇంట్లోని స్థలంలో చిన్న షెడ్‌ వేసుకుని జీవించసాగింది. ఆమె తల్లి, అన్న, తండ్రి కొడుకు పేరు శివ స్వరూప్‌. కొడుకును సాకడానికి ఆనీ శివ నిమ్మకాయరసం, ఐస్‌క్రీమ్‌లు అమ్మింది. వర్కల పుణ్యక్షేత్రం. అక్కడ గుడి చాలా ఫేమస్‌. పాపనాశం బీచ్‌లో మునిగితే పాపాలు పోతాయని నమ్మిక. అందుకని యాత్రికులు వస్తుంటారు. వారికి తినుబండారాలు అమ్మేది. ఆ డబ్బు చాలక ఇన్సూరెన్స్‌ ఏజెంట్‌గా మారింది. ఇంకా ఏ పని దొరికితే అది. ఆమె తను స్త్రీగా ఉంటే ఇబ్బంది అని పూర్తిగా అబ్బాయి క్రాఫ్‌లో తిరిగేది. చూసేవారు ఆమెతో ఉన్న కొడుక్కు అన్నగాని తండ్రి గాని అనుకునేవారు. ఇన్ని పనులు చేస్తూనే ఆన్నీ తన చదువు తిరిగి కొనసాగించింది. కష్టపడి డిగ్రీ సోషియాలజీ పూర్తి చేసింది. స్నేహితుని సలహా ఆమె చురుకుదనం, శరీర స్వభావం గమనించిన మిత్రుడు నువ్వు పోలీసాఫీసర్‌గా సరిపోతావు.. ట్రై చెయ్‌ అని సలహా ఇచ్చాడు. దాంతో ఆనీ నియామక పరీక్షలకు కోచింగ్‌ తీసుకోవడం మొదలెట్టింది. 2016లో ఆమె మహిళా కానిస్టేబుల్‌గా ఉద్యోగం వచ్చింది. అయితే ఆమె లక్ష్యం ఎస్‌.ఐ కావడం వల్ల తిరిగి పరీక్షలు రాయడం కొనసాగించి 2019లో ఎస్‌.ఐగా సెలెక్ట్‌ అయ్యింది. ట్రైనింగ్, ప్రొబేషన్‌ పూర్తయ్యాక తన ఊరికే ఎస్‌.ఐగా వచ్చింది. ప్రశంసల వెల్లువ ఆమె పోస్టింగ్‌ తీసుకున్న వెంటనే ఆమె జీవితం గురించి అక్కడ విశేష కథనాలు రావడంతో కేరళలో ఆనీకు ప్రశంసలు వెల్లువెత్తాయి. సినిమా, రాజకీయ రంగాలలోని ప్రముఖులు ఆమె తన జీవితాన్ని తీర్చిదిద్దుకున్న వైనాన్ని చాలా ప్రశంసించారు. ‘ఆమె జీవితం ఎందరికో స్ఫూర్తి కావాలి’ అని మోహన్‌లాల్‌తో సహా అందరూ కోరుకున్నారు. ఆనీకి కూడా తన విజయం పట్ల ఎంతో సంతోషంగా ఉంది. ‘నన్ను బాధించిన పాతరోజుల మీద ఇంతకు మించి ఏం ప్రతీకారం తీర్చుకోను?’ అని అంది. తన ఇంటర్వ్యూలలో తన కొడుకు కొచ్చిలో చదువుకుంటున్నాడని, ట్రయినింగ్‌ సమయంలో అక్కడే స్కూల్లో వేశానని, ఇప్పుడు ఇద్దరం వేరు వేరుగా ఉండాల్సి వస్తోందని అందామె. అది చదివిన కేరళ డిజిపి వెంటనే కొచ్చికి బదిలీ చేశారు. తల్లీకొడుకులను కలపడానికి ఈ ట్రాన్స్‌ఫర్‌ చేశాం అని ఆయన తెలియచేశారు. లోకం మారాలి వివాహంలో విభేదం వచ్చి కూతురు పుట్టింటికి వస్తే అక్కున చేర్చుకోవడానికి తల్లిదండ్రులు సిద్ధంగానే ఉంటారు. కాని లోకులే సూటిపోటి మాటలు అంటుంటారు. లోకులకు భయపడి తల్లిదండ్రులు తమ కూతుళ్లను వారి ఖర్మానికి వదిలిపెడుతున్నారు. లోకుల ధోరణి మారాలి. అప్పుడు వివాహిత స్త్రీలు తమకు తల్లిదండ్రుల అండ ఉంది అనుకుంటారు. ఆత్మహత్యల వరకూ వెళ్లరు అంది ఆనీ. – సాక్షి ఫ్యామిలీ

చెన్నై: ప‌్ర‌ముఖ తెలుగు, త‌మిళ ద‌ర్శ‌కుడు శివ‌ తండ్రి జ‌య‌కుమార్ క‌న్నుమూశారు. కొద్ది రోజులుగా వృద్ధాప్యానికి సంబంధించిన అనారోగ్య సమస్యలతో బాధ‌ప‌డుతున్న ఆయ‌న చెన్నైలోని ఓ ప్రైవేటు ఆస్ప‌త్రిలో శుక్ర‌వారం తుదిశ్వాస విడిచారు. జ‌య‌కుమార్‌ 400కు పైగా ల‌ఘు చిత్రాల‌కు డాక్యుమెంట‌రీ ఫొటోగ్రాఫ‌ర్‌గా ప‌ని చేశారు. ఆయ‌న తండ్రి వేల‌న్ కూడా అనేక సినిమాల‌కు నిర్మాత‌గా, స్క్రిప్ట్ రైట‌ర్‌గా ప‌ని చేశారు. ఇక జ‌య కుమార్ చిన్న‌కొడుకు బాలా మ‌ల‌యాళ చిత్ర ప‌రిశ్ర‌మ‌లో న‌టుడిగా రాణిస్తుండ‌గా పెద్ద‌కొడుకు శివ తొలుత‌ సినిమాటోగ్రాఫ‌ర్‌గా ఇండ‌స్ట్రీలో ప్ర‌వేశించారు. (మరో విషాదం : కమెడియన్‌ కన్నుమూత) తెలుగులో శ్రీరామ్‌, నేనున్నాను, మ‌న‌సు మాట విన‌దు, గౌత‌మ్ ఎస్ఎస్‌సీ, బాస్ వంటి సినిమాల‌కు సినిమాటోగ్రాఫ‌ర్‌గా ప‌ని చేశారు. త‌ర్వాత గోపీచంద్ శౌర్యం సినిమాతో ద‌ర్శ‌కుడిగా మారారు. అలా శంఖం, దరువు సినిమాల‌ను తెర‌కెక్కించారు. కానీ టాలీవుడ్‌లో పెద్ద‌గా గుర్తింపు రాక‌పోవ‌డంతో త‌మిళ ఇండ‌స్ట్రీ మీద‌నే ఫోక‌స్ పెట్టారు. కార్తీ సిరుతాయ్, త‌రువాత హీరో అజిత్‌తో వీరం, వేదాళం, వివేగం, విశ్వాసం సినిమాల‌తో బ్లాక్ బ‌స్ట‌ర్ హిట్లు అందుకుని ప్ర‌త్యేక గుర్తింపు సంపాదించుకున్నారు, ప్ర‌స్తుతం ఆయ‌న త‌మిళ సూప‌ర్ స్టార్ ర‌జ‌నీ కాంత్ హీరోగా న‌టిస్తున్న‌ 'అన్నాత్తే' చిత్రానికి ద‌ర్శ‌క‌త్వం వ‌హిస్తున్నారు.

సాక్షి, హైదరాబాద్‌: మహమ్మారి కరోనా బుల్లితెర నటులను వెంటాడుతోంది. ఇప్పటికే పలువురికి కరోనా పాజిటివ్‌గా నిర్ధారణ కాగా.. తాజాగా మరో నటుడు ప్రాణాంతక వైరస్‌ బారిన పడ్డాడు. టీవీ నటుడు సాక్షి శివకు కరోనా సోకినట్లు సమాచారం. వివిధ చానెళ్లలో ప్రసారమవుతున్న అక్క మొగుడు, నెంబర్‌ 1 కోడలు, మౌనరాగం సీరియల్స్‌లో నటిస్తున్న శివకు కోవిడ్‌ పాజిటివ్‌గా తేలడంతో మరోసారి టీవీ పరిశ్రమలో కలకలం రేగింది. వరుసగా పలువురికి కరోనా సోకుతుండటంతో నిర్మాతలు తలలు పట్టుకుంటున్నారు. జాగ్రత్తలు తీసుకుంటూ షూటింగ్‌ చేస్తున్నా.. కేసులు పెరుగుతున్నాయని వాపోతున్నారు. (తెలుగు టీవీ నటికి కరోనా పాజిటివ్‌ ) మరోవైపు.. ఇలాంటి పరిస్థితుల్లో షూటింగ్‌కు రావాలో.. వద్దో అర్థం కాక టీవీ నటులు అయోమయంలో పడ్డారు. కాగా ఇప్పటికే ఇద్దరు నటులు సహా ప్రముఖ చానెల్‌లో ప్రసారమవుతున్న ఆమె కథ సీరియల్‌ కథానాయిక నవ్య స్వామి కరోనా బారిన విషయం తెలిసిందే. ఈ క్రమంలో సోషల్‌ మీడియా వేదికగా ఈ విషయాన్ని వెల్లడించిన నవ్య.. తాను ధైర్యంగా మహమ్మారితో పోరాడతానని, ఎవరూ ఆందోళన చెందవద్దని అభిమానులకు విజ్ఞప్తి చేశారు.

సాక్షి, హైదరాబాద్‌: దర్శకధీరుడు రాజమౌళి తెరకెక్కించిన దృశ్యకావ్యం ‘బాహుబలి’... ఈ సినిమా విడుదలై చాలాకాలమైన ఇప్పటికీ  ప్రపంచంలో ఎక్కడో చోట ఈ సినిమా ప్రదర్శితమవుతూనే ఉంది. తాజాగా ‘బాహుబలి ది బిగినింగ్‌’  చిత్రాన్ని లండన్‌లోని రాయల్‌ ఆల్బర్ట్‌ హాల్‌లో ప్రదర్శించారు. ఇప్పటివరకు రాయల్‌ ఆల్బర్ట్‌ హాల్‌లో ప్రదర్శించిన తొలి ఇంగ్లిషేతర సినిమా ‘బాహుబలి’  కావడం విశేషం. ఈ సినిమా ప్రదర్శనకు దర్శకుడు రాజమౌళితోపాటు రానా, ప్రభాస్‌, అనుష్క, కీరవాణి, శోభూ యార్లగడ్డ తదితరులు హాజరయ్యారు. చిత్ర ప్రదర్శన సందర్భంగా ప్రభాస్‌, రానా బీబీసీ విలేకరి హరూన్‌ రషీద్‌తో ముచ్చటించారు. బాహుబలి సక్సెస్‌ గురించి తమ ఆనందానుభూతులను పంచుకున్నారు. ‘బాహుబలి’ కి ముందు  తెలుగు సినిమాలు ఏమైనా ఈ స్థాయిలో దేశవ్యాప్తంగా ప్రభావం చూపించాయా? అని రషీద్‌ ప్రశ్నించగా.. దర్శకుడు రాంగోపాల్‌ వర్మ తెరకెక్కించిన ‘శివ’ చిత్రాన్ని ప్రభాస్‌ ప్రస్తావించారు. ‘30, సంవత్సరాల కిందట రామ్‌గోపాల్‌ వర్మ తెరకెక్కించిన ‘శివ’  సినిమా దేశవ్యాప్తంగా సత్తాను చాటింది’ అని తెలిపారు. అయితే,బాహుబలి సినిమా అంతకుమించి దేశవ్యాప్తంగా అన్నిచోట్ల విజయం సాధించిందని, విదేశాల్లోనూ గొప్పగా ప్రేక్షకుల ఆదరణ పొందిందని ప్రభాస్‌ తెలిపారు. నాగార్జున హీరోగా వర్మ తెరకెక్కించిన ‘శివ’ సినిమా ట్రెండ్‌ సెట్టర్‌గా నిలిచిన సంగతి తెలిసిందే.

నటుడు రజనీకాంత్‌ రాజకీయా రంగప్రవేశం సంగతి ఏమోగానీ, ఆయన సినిమాలను మాత్రం వరుసగా చేసుకుంటూ పోతున్నారు. ఇంకా చెప్పాలంటే ఇంతకు ముందుకంటే రజనీకాంత్‌ తన చిత్రాల వేగాన్ని పెంచారని చెప్పవచ్చు. ఇంతకు ముందు సినిమాల మధ్య గ్యాప్‌ తీసుకునేవారు. ఇటీవల కబాలి, కాలా, పేట, దర్బార్‌ అంటూ వరుసగా చిత్రాలు చేసుకుంటూపోతున్నారు. ప్రస్తుతం దర్బార్‌ చిత్రంలో నటిస్తున్నారు. నయనతార నాయకిగా నటిస్తున్న ఈ చిత్రాన్ని ఏఆర్‌.మురుగదాస్‌ తెరకెక్కిస్తున్నారు. చిత్ర షూటింగ్‌ చివరి దశకు చేరుకుంది. వచ్చే సంక్రాంతికి తెరపైకి తీసుకురావడానికి చిత్ర వర్గాలు సన్నాహాలు చేస్తున్నారు. ఇక నెక్ట్సేంటీ? అన్న ప్రశ్నకు సమాధానం రెడీ అయిపోయ్యింది. రజనీకాంత్‌ను శివ డైరెక్ట్‌ చేయనున్నారు. ఈ దర్శకుడు వరుస హిట్లతో జోరు మీదున్నారు.  వీరం, వేదాళం, వివేకం, విశ్వాసం వంటి విజయవంతమైన చిత్రాలను చేసిన శివ తాజాగా రజనీకాంత్‌ కోసం సూపర్‌ కథను సిద్ధం చేశారు. అది రజనీకాంత్‌కు నచ్చడంతో  తెరకెక్కనుంది. అయితే నటుడు సూర్య హీరోగానూ శివ ఒక చిత్రం చేయనున్నారు. ఈ చిత్రం పూర్తి అయిన తరువాత రజనీకాంత్‌ నటించే చిత్రాన్ని తెరకెక్కించనున్నట్లు తాజా సమాచారం. ఈ చిత్రానికి డీ.ఇమాన్‌ సంగీతాన్ని అందించనున్నారన్నది తాజా సమాచారం. 100 చిత్రాలకు పైగా చేసిన డీ.ఇమాన్‌ ఇప్పటి వరకరూ రజనీకాంత్‌ చిత్రానికి పనిచేయలేదన్నది గమనార్హం. తాజా ఆ అవకాశాన్ని దర్శకుడు శివ కల్పించినట్లు తెలిసింది. అజిత్‌ హీరోగా శివ దర్శకత్వం వహించన విశ్వాసం చిత్రానికి డీ.ఇమాన్‌ అందించిన సంగీతం బాగా ప్లస్‌ అయ్యిందనే టాక్‌ వచ్చింది. దీంతో దర్శకుడు శివ తాను రజనీకాంత్‌ హీరోగా రూపొందించనున్న చిత్రానికి డీ.ఇమాన్‌నే సంగీత దర్శకుడిగా ఎంపిక చేసినట్లు సమాచారం. అయితే ఈ చిత్రానికి సంబంధించి పూర్తి వివరాలతో కూడిన అధికారిక ప్రకటన వెలువడాల్సి ఉంది. కాగా శివతో చేసే చిత్రం తరువాత రజనీకాంత్‌ కేఎస్‌.రవికుమార్‌ దర్శకత్వంలోనూ నటించడానికి గ్రీన్‌ సిగ్నల్‌ ఇచ్చినట్లు ప్రచారం జరుగుతోంది. ఈ రెండు చిత్రాల తరువాత ఆయన రాజకీయాలపై దృష్టి పెట్టే అవకాశం ఉన్నట్లు ఒక టాక్‌ కోలీవుడ్‌లో వినిపిస్తోంది.

శివ కంఠమనేని కథానాయకుడిగా లైట్‌ హౌస్‌ సినీ మేజిక్‌ పతాకంపై ప్రొడక్షన్‌ నెం. 2గా రూపొందుతోన్న నూతన సినిమా హైదరాబాద్‌లోని రామానాయుడు స్టూడియోస్‌లో శనివారం పూజా కార్యక్రమాలతో లాంఛనంగా ప్రారంభమైంది. సంజీవ్‌ మేగోటి దర్శకత్వం వహిస్తున్న ఈ సినిమాకు జి. రాంబాబు యాదవ్‌, ఆర్‌. వెంకటేశ్వరరావు, కె.ఎస్‌. శంకరరావు, వి. కృష్ణారావు నిర్మాతలు. యువ కథానాయిక నందితా శ్వేత, రాశి, కె. అశోక్‌కుమార్‌, శ్రీనివాసరెడ్డి ప్రధాన తారాగణం. ఈ ప్రారంభోత్సవంలో శివ కంఠమనేని, నందితా శ్వేత, రాశిపై చిత్రీకరించిన ముహూర్తపు సన్నివేశానికి ‘వాసవి గ్రూప్‌’ విజయ్‌కుమార్‌ కెమెరా స్విచ్ఛాన్‌ చేయగా... అశోక్‌ కుమార్‌ క్లాప్‌ ఇచ్చారు. చంద్ర సిద్ధార్థ గౌరవ దర్శకత్వం వహించారు. ప్రముఖ నిర్మాత సి. కల్యాణ్‌, నటుడు, రచయిత, దర్శకుడు పోసాని కృష్ణమురళి అతిథులుగా హాజరయ్యారు. ఈ సందర్భంగా శివ కంఠమనేని మాట్లాడుతూ  ‘ఇంతకు ముందు మేం లైట్‌ హౌస్‌ సినీ మేజిక్‌ పతాకంపై ‘అక్కడొకటుంటాడు’ సినిమా చేశాం. ఇది మా రెండో ప్రొడక్షన్‌. కుటుంబ కథా చిత్రమిది. అలాగే, సస్పెన్స్‌ థ్రిల్లర్‌! ఇందులో నేను, రాశిగారు లీడ్‌ రోల్స్‌ చేస్తున్నాం. హీరోయిన్‌గా నందితా శ్వేతగారు చేస్తున్నారు. శ్రీనివాసరెడ్డి మరో లీడ్‌ రోల్‌ చేస్తున్నారు. మా దర్శకుడు సంజీవ్‌ మేగోటి ఇంతకు ముందు తెలుగు, కన్నడ భాషల్లో సినిమాలు చేశారు. రెండు షెడ్యూళ్లల్లో సినిమాను పూర్తి చేయాలనుకుంటున్నాం. ఈ రోజు రెగ్యులర్‌ షూటింగ్‌ ప్రారంభిస్తున్నాం. 25 రోజుల పాటు ఈ షెడ్యూల్‌ కంటిన్యూ అవుతుంది. ఇది పూర్తయిన తర్వాత పది పదిహేను రోజులు విరామం తీసుకుని రెండో షెడ్యూల్‌ ప్రారంభిస్తాం. ఈ సినిమాలో మొత్తం ఐదు పాటలు ఉన్నాయి. ఆల్రెడీ నాలుగు పాటలు రికార్డ్‌ చేశాం. పాటలు విన్న వారందరూ బావున్నాయని ప్రశంసించారు. ఒక మంచి సినిమా ప్రేక్షకులు అందివ్వాలని మా తాపత్రయం’’ అని అన్నారు. రాశి మాట్లాడుతూ ‘చాలా గ్యాప్‌ తర్వాత మంచి సినిమాతో నేను మళ్లీ ప్రేక్షకుల ముందుకొస్తున్నాను. ముఖ్యంగా నాకు కథ బాగా నచ్చింది. వెరీ బోల్డ్‌, ఇండిపెండెంట్‌ విమెన్‌ క్యారెక్టర్‌ చేస్తున్నాను. చాలా రోజులకు నాకు నచ్చిన పాత్ర వచ్చింది. ఈ మధ్యలో చాలా పాత్రలు వచ్చాయి. కానీ, నేను యాక్సెప్ట్‌ చేయలేదు. ఇందులో నందితా శ్వేత నా కుమార్తెగా చేస్తోంది. తనతో నేను తొలిసారి నటిస్తున్నా. అలాగే, చాలా రోజుల తర్వాత అన్నపూర్ణమ్మగారితో సినిమా చేస్తున్నాను. చాలా సంతోషంగా ఉంది’  అన్నారు. నందితా శ్వేత మాట్లాడుతూ ‘నేను తమిళ్‌, కన్నడ సినిమాలు చేస్తున్నప్పుడు ‘మీరు తెలుగు సినిమాలు చేస్తారా? ఓన్లీ గ్లామర్‌ రోల్స్‌ ఉంటాయి?’ అని అక్కడివారు అడిగేవారు. నేను వెయిట్‌ చేసి చేసి మంచి సినిమాతో తెలుగులోకి ఎంట్రీ ఇచ్చాను. ఇప్పటివరకూ గ్లామర్‌ కంటే ఎక్కువగా నటనకు ఆస్కారం ఉన్న పాత్రల్లో నటించాను. ఇప్పుడు ఈ సినిమాలో గ్లామర్‌ రోల్‌ చేస్తున్నాను. వెరీ హ్యాపీ. ఎగ్జైటింగ్‌గా ఉంది. ఇందులో నా క్యారెక్టర్‌ పేరు లక్కీ. టెర్రర్‌ గాళ్‌గా కనిపిస్తా. మంచి మంచి యాక్టర్స్‌తో చేస్తున్నా. నేను నేర్చుకోవడానికి ఎంతో స్కోప్‌ ఉంది. నాపై నమ్మకంతో ఈ క్యారెక్టర్‌ ఇచ్చినందుకు థ్యాంక్స్‌’ అన్నారు. దర్శకుడు సంజీవ్‌ మేగోటి మాట్లాడుతూ ‘నేను చాలా ఏళ్ల క్రితం తెలుగులో సినిమాలు చేశాను. తర్వాత కర్ణాటక వెళ్లాను. కన్నడలో ఆరు సినిమాలకు దర్శకత్వం వహించాను. స్ర్కీన్‌ప్లే రైటర్‌గా కన్నడ, తెలుగు ఛానల్స్‌లో బిజీగా ఉన్నాను. మంచి ప్రాజెక్ట్‌ చేయాలని అనుకుంటున్న టైమ్‌లో కొత్తదనంతో కూడిన కథ రెడీ చేశా. కథ ప్రకారం 40, 45 సంవత్సరాల వయసు ఉన్న హీరో కావాలి. సరైన కథకు సరైన నటీనటులు లభిస్తే ఎంత బావుంటుందో ప్రేక్షకులందరికీ తెలుసు. శివ కంఠమనేని, రాశి, నందిత, అన్నపూర్ణమ్మ, శ్రీనివాసరెడ్డి, అజయ్‌ ఘోష్‌... ఇలా మంచి మంచి నటీనటులు కుదిరారు. కథకు ఏం కావాలో చెప్పమని అడిగిన నిర్మాతలకు థ్యాంక్స్‌’  అన్నారు.

వయసు పెరుగుతున్న కొద్ది సూపర్‌ స్టార్ కొత్త ఎనర్జీతో దూసుకుపోతున్నాడు. గతంలో సూపర్‌ స్టార్ రజనీకాంత్‌ నుంచి ఏడాదికి ఒక్క సినిమా రావటమే గగనంగా అనిపించేది. రజనీ మూడేళ్ల పాడు గ్యాప్‌ తీసుకున్న సందర్భం కూడా ఉంది. కానీ ఇటీవల ఈ టాప్‌ స్టార్ స్పీడు పెంచారు. వరుస సినిమాలతో బిజీ అవుతున్నాడు. గత ఏడాది కాలా, 2.ఓ సినిమాలతో ప్రేక్షకులను అలరించిన రజనీ ఈ ఏడాది జనవరిలో పేట సినిమాతో పలకరించారు. తరువాత ఏ మాత్రం గ్యాప్‌ తీసుకోకుండా మురుగదాస్‌ దర్శకత్వంలో దర్బార్‌ సినిమాను ప్రారంభించారు. ప్రస్తుతం దర్బార్‌ షూటింగ్‌లో బిజీగా ఉన్న రజనీ తదుపరి చిత్రాన్ని కూడా ఫైనల్‌ చేసినట్టుగా తెలుస్తోంది. మాస్‌ యాక్షన్‌ చిత్రాల దర్శకుడు శివ దర్శకత్వంలో రజనీ సినిమా చేయబోతున్నారట. అజిత్ హీరోగా వరుసగా నాలుగు సినిమాలు రూపొందించిన శివ, ఇటీవల సూర్య హీరోగా సినిమాను ప్రారంభించాడు. ఈ సినిమా సెట్స్‌ మీద ఉండగానే రజనీతో సినిమాకు రెడీ అవుతున్నట్టుగా తెలుస్తోంది. ఈ సినిమాను ధనుష్‌ లేదా కలైపులి యస్‌. థానులలో ఒకరు నిర్మించనున్నారట. అయితే ఈ లోగా అసెంబ్లీ ఎన్నికల హడావిడి మొదలైతే రజనీ సినిమాలన్ని ఆగిపోతాయన్న టాక్‌ కూడా వినిపిస్తోంది.

సాక్షి, చెన్నై: భర్త మందలించాడని ఆత్మహత్య చేసుకుంటూ టిక్‌టాక్‌లో వీడియో పెట్టింది ఓ మహిళ. ఈ సంఘటన తమిళనాడులో చోటు వేసుకుంది. వివరాల్లోకి వెళితే... పెరంబలూరుకు చెందిన శివ, అనిత దంపతులకు ఏడేళ్ల కిందట వివాహం కాగా ఇద్దరు పిల్లలున్నారు. శివ ఉపాధి కోసం సింగపూర్ వెళ్లగా అనిత పిల్లలను చూసుకుంటూ పెరంబలూరులోనే నివశిస్తుంది. అనిత ఖాళీగానే ఉండటంతో టిక్‌టాక్‌ అలవాటు వ్యసనంగా మారింది. దీంతో పిల్లలను కూడా పట్టించుకోకుండా టిక్‌టాక్‌ ఏంటని శివ భార‍్యను మందలించాడు. అయినా ఆమె తీరు మారలేదు. రెండు రోజుల కిందట చిన్న కొడుకు కిందపడటంతో దెబ్బలు తగిలాయి.  అయినా అనిత పట్టించుకోకుండా టిక్‌టాక్‌ లోకంలో ఉందంటూ ఇరుగు పొరుగు వారు శివకు ఫోన్ చేసి చెప్పారు. దీంతో శివ భార్యపై ఆగ్రహం వ్యక్తం చేస్తూ తీవ్రంగా మందలించడంతో మనస్తాపం చెందిన అనిత పురుగుల మందు తాగి ఆత్మహత్య చేసుకుంది. అంతేకాకు‍ండా భర్త మందలించాడని అందుకే ఆత్మహత్య చేసుకుంటున్నానంటూ పురుగుల మందు తాగుతూ వీడియోతీసి టిక్‌టాక్‌లో పెట్టింది. అనిత పురుగుల మందు తాగడం, వెంటనే మంచి నీళ్లు తాగడం వంటి దృశ్యాలు టిక్‌టాక్‌ ద్వారా వెలుగులోకి వచ్చాయి. క్షణాల్లో ఆమె స్పృహ తప్పడం వంటి దృశ్యాలు అందులో ఉన్నాయి. ఇంట్లో అపస్మారక స్థితిలో పడి ఉన్న అనితను బంధువులు తిరుచ్చిలోని ఓ ఆస్పత్రికి తరలించారు. అక్కడ చికిత్స పొందుతూ మంగళవారం రాత్రి ఆమె మృతి చెందింది. పోలీసులు మృతదేహాన్ని పంచనామా నిమిత్తం ప్రభుత్వ ఆస్పత్రికి తరలించి విచారణ జరుపుతున్నారు. కాగా గతంలో టిక్‌టాక్‌పై మద్రాస్‌ హైకోర్టు నిషేధం విధించిన విషయం తెలిసిందే. అయితే ఆ సంస్థ సుప్రీంకోర్టును ఆశ్రయించడంతో బ్యాన్‌ తొలగించారు.

నటుడు అజిత్‌ దర్శకుడితో సూర్య చిత్రం చేయబోతున్నారా? ఇందుకు అవుననే సమాధానం వస్తోంది కోలీవుడ్‌ నుంచి. నటుడు అజిత్‌ హీరోగా వరుసగా నాలుగు చిత్రాలు చేసిన దర్శకుడు శివ. వీరి కాంబినేషన్‌లో వచ్చిన వీరం, వేదాళం, వివేగం, విశ్వాసం చిత్రాలన్నీ విజయం సాధించాయి. మరో చిత్రాన్ని శివ దర్శకత్వంలో నటించడానికి అజిత్‌ అంగీకరించినట్లు ప్రచారం జరుగుతున్న సమయంలో తాజాగా శివ... సూర్యతో చిత్రం చేయబోతున్నారనే టాక్‌ సడన్‌గా వైరల్‌ అవుతోంది. సూర్య నటించిన ఎన్‌జీకే చిత్రం మే 31వ తేదీన విడుదలకు సిద్ధం అవుతోంది. ఆ తరువాత కేవీ.ఆనంద్‌ దర్శకత్వంలో నటిస్తున్న కాప్పాన్‌ తెరపైకి రానుంది. ప్రస్తుతం సూర్య మహిళా దర్శకురాలు సుధ కొంగర దర్శకత్వంలో నటిస్తున్నారు. ఇది ఆయనకు 38వ చిత్రం. దీని తరువాత సూర్య నటించే 39వ చిత్రాన్ని స్టూడియో గ్రీన్‌ పతాకంపై నిర్మాత కేఈ.జ్ఞానవేల్‌ రాజా నిర్మించనున్నారు. ఈ సినిమాకు శివ దర్శకత్వం వహించనున్నట్లు తాజా సమాచారం. ఈ చిత్రానికి సంబంధించిన పూర్తి వివరాలు త్వరలోనే వెలువడే అవకాశం ఉందని తెలిసింది.

తమిళనాట సంక్రాంతి బరిలోకి దిగిన రెండు సినిమాలు బ్లాక్‌బస్టర్‌గా నిలిచాయి. సూపర్‌స్టార్‌ రజనీకాంత్‌ పేట, అజిత్‌ విశ్వాసం రెండూ వసూళ్ల సునామీని సృష్టించాయి. బాక్సాఫీస్‌ వద్ద ఈ రెండూ రికార్డులు క్రియేట్‌చేస్తుంటే.. బయట ఫ్యాన్స్‌ మధ్యలో కలెక్షన్ల వార్‌ నడుస్తోంది. ఈ రెండింట్లో ‘పేట’ తెలుగులో రిలీజై ఓ మోస్తరుగా నడుస్తోంది.  అయితే అజిత్‌ విశ్వాసం కూడా తెలుగులో డబ్‌ అయ్యేందుకు రంగం సిద్దమైనట్టు సమాచారం. ఫిబ్రవరి ఒకటో తేదీన ఈ చిత్రం తెలుగులో రిలీజ్‌కానుందని వార్తలు వినిపిస్తున్నాయి. జగపతి బాబు ప్రతినాయకుడిగా, నయనతార హీరోయిన్‌గా నటించిన ఈ చిత్రానికి శివ దర్శకత్వం వహించాడు. మరి ఇక్కడి ప్రేక్షకులు ఈ మూవీకి ఎలాంటి తీర్పు ఇస్తారో వేచి చూడాలి. 

తమిళనాట రజనీకాంత్‌, విజయ్‌, అజిత్‌లకు ఉండే క్రేజే వేరు. వీరికి కేవలం తమిళనాటే కాకుండా.. దేశవిదేశాల్లో అభిమాన గణం ఉంది. వీరి సినిమాలు రిలీజ్‌ అవుతూ ఉంటే పండుగ వాతావరణం నెలకొంటుంది. ఇక వీరి సినిమాలకు సంబంధించిన టీజర్స్‌, మూవీ అప్‌డేట్స్‌, ట్రైలర్స్‌, పోస్టర్‌లు సోషల్ మీడియాలో వైరల్‌ అవుతూ ఉంటాయి. మొన్నటి వరకు సర్కార్‌ హవా కొనసాగగా, ప్రస్తుతం 2.ఓ ట్రెండింగ్‌లో ఉండగా.. ఇప్పుడు అజిత్‌ వంతు వచ్చినట్టు కనిపిస్తోంది.  వీరం, వేదాలం, వివేగం వంటి సూపర్‌హిట్‌లను అందించిన అజిత్‌-శివ కాంబినేషన్‌లో విశ్వాసం రాబోతోన్న సంగతి తెలిసిందే. ఇప్పటికే షూటింగ్‌ను పూర్తి చేసుకున్న ఈ చిత్రం సంక్రాంతి బరిలో దిగనుంది. తాజాగా ఈ చిత్రం నుంచి విడుదలైన మోషన్‌ పోస్టర్‌ సోషల్‌ మీడియాలో ట్రెండింగ్‌లో ఉంది. అజిత్‌కు సంబంధించిన ఈ మోషన్‌ పోస్టర్‌ ఇండియాస్‌ మోస్ట్‌ లైక్‌డ్‌ పోస్టర్‌గా నిలిచింది. ఈ చిత్రంలో అజిత్‌కు జోడిగా నయనతార నటించారు.

కోలీవుడ్ టాప్‌ స్టార్‌ తలా అజిత్‌ హీరోగా తెరకెక్కుతున్న తాజా చిత్రం విశ్వాసం. అజిత్‌ హీరోగా వీరం, వేదలం, వివేగం లాంటి సూపర్‌ హిట్స్ అందించిన శివ దర్శకత్వంలో ఈ సినిమా తెరకెక్కుతోంది. సత్యజ్యోతి ఫిలింస్‌ బ్యానర్‌పై నిర్మిస్తున్న ఈ సినిమాలో అజిత్‌ ద్విపాత్రాభినయం చేస్తున్నారు. నయనతార హీరోయిన్‌గా నటిస్తున్న ఈ చిత్రషూటింగ్ పనులు పూర్తయ్యాయి. ఇప్పటికే నిర్మాణానంతర కార్యక్రమాలు ప్రారంభించిన చిత్రయూనిట్‌ సినిమాను 2019 సంక్రాంతి కానుకగా జనవరి 10న రిలీజ్ చేసేందుకు ప్లాన్‌ చేస్తున్నారు. వివేగం సినిమా తరువాత అజిత్‌ లాంగ్‌ గ్యాప్ తీసుకోవటంతో విశ్వాసం సినిమా కోసం అభిమానులు చాలా కాలంగా ఎదురుచూస్తున్నారు. శివ మార్క్‌ మాస్‌ ఎంటర్‌టైనర్‌గా తెరకెక్కుతున్న ఈ సినిమాతో అజిత్‌కు మరో సూపర్‌ హిట్‌ కన్ఫామ్‌ అంటున్నారు ఫ్యాన్స్‌.

‘వీరం’, ‘వేదాలం’, ‘వివేగం’ సినిమాలతో వరుసగా సక్సెస్‌ కొట్టారు అజిత్‌. శివ డైరెక్షన్‌లో హ్యాట్రిక్‌ కొట్టన అజిత్‌.. మరోసారి ‘విశ్వాసం’ తో తన అభిమానులను పలకరించేందుకు రెడీ అవుతున్నారు. అయితే ఈ షూటింగ్‌ ప్రస్తుతం పుణెలో జరుగుతోంది. ఓ పాటను చిత్రీకరిస్తుండగా విషాదం చోటుచేసుకుంది.  విశ్వాసంకు సంబంధించిన పాటను షూట్‌ చేస్తుండగా.. డ్యాన్సర్‌ ఓవియన్‌ శరవణన్‌ హఠాత్తుగా మరణించాడు. గుండెపోటుతో అక్కడే కుప్పకూలిపోయిన అతన్ని చిత్రయూనిట్‌ ఆసుపత్రికి తరలించింది. కానీ అప్పటికే ఆయన మృతి చెందాడు. అజిత్‌ తన సొంత ఖర్చులతో మృతదేహాన్ని విమానంలో చెన్నైకి చేరేలా ఏర్పాట్లు చేశారు. అంతేకాకుండా ఆయన కుటుంబానికి తన వంతుగా 8లక్షల ఆర్థిక సహాయాన్నిఅందించారు.  During #Viswasam song shoot in #Pune , a dancer #OviyamSaravanan passed away due to ill-health.. May his soul RIP!#Thala #Ajith rushed to the hospital where he was treated.. He helped with the transfer of his mortal remains to #Chennai and donated ₹ 8 Lakhs to his family! 🙏 pic.twitter.com/Nrf3Q67vtE — Ramesh Bala (@rameshlaus) November 8, 2018

కోలీవుడ్ స్టార్‌ తలా అజిత్‌ హీరోగా తెరకెక్కుతున్న తాజా చిత్రం విశ్వాసం. అజిత్‌ హీరోగా వీరం, వేదలం, వివేగం లాంటి సూపర్‌ హిట్స్ అందించిన శివ దర్శకత్వంలోనే ఈసినిమా తెరకెక్కుతోంది. సత్యజ్యోతి ఫిలింస్‌ బ్యానర్‌పై నిర్మిస్తున్న ఈ సినిమాలో అజిత్‌ ద్విపాత్రాభినయం చేస్తున్నారు. తలా సరసన తొలిసారిగా నయనతార హీరోయిన్‌గా నటిస్తున్న ఈ సినిమాకు డి ఇమాన్‌ సంగీతమందిస్తున్నారు. 2019 సంక్రాంతి కానుకగా ఈ సినిమాను రిలీజ్ చేసేందుకు ప్లాన్‌ చేస్తున్నారు. వివేగం సినిమా తరువాత అజిత్‌ లాంగ్‌ గ్యాప్ తీసుకోవటంతో ఈ సినిమాలో తలా లుక్‌ ఎలా ఉండబోతోందని అభిమానులు ఎదురుచూస్తున్నారు. అందుకే సినిమా రిలీజ్‌కు చాలా సమయమున్నా ఫస్ట్‌లుక్‌ పోస్టర్‌ను ఇప్పుడే రిలీజ్‌ చేశారు చిత్రయూనిట్. ఫస్ట్‌లుక్‌లో అజిత్‌ రెండు డిఫరెంట్‌ లుక్స్‌లో కనిపిస్తున్నాడు. శివ మార్క్‌ మాస్‌ ఎంటర్‌టైనర్‌గా తెరకెక్కుతున్న ఈ సినిమాతో అజిత్‌కు మరో సూపర్‌ హిట్‌ కన్ఫామ్‌ అంటున్నారు ఫ్యాన్స్‌.

కోలీవుడ్ స్టార్‌ హీరో అజిత్‌ హీరోగా తెరకెక్కుతున్న తాజా చిత్రం విశ్వాసం. ఇటీవల వివేగం సినిమాతో ఆశించిన స్థాయిలో ఆకట్టుకోలేకపోయిన అజిత్‌, తదుపరి చిత్రం విషయంలో జాగ్రత్తలు తీసుకుంటున్నాడు. శివ దర్శకత్వంలో తెరకెక్కుతున్న ఈ సినిమాలో అజిత్‌ ద్విపాత్రాభినయం చేస్తున్నట్టుగా వార్తలు వస్తున్నాయి. సత్య జ్యోతి ఫిలింస్‌ బ్యానర్‌పై తెరకెక్కుతున్న ఈ సినిమాను దీపావళి కానుకగా రిలీజ్ చేసేందుకు ప్లాన్‌ చేశారు. అయితే తాజా సమాచారం ప్రకారం విశ్వాసం రిలీజ్‌ను వాయిదా వేసే ఆలోచనలో ఉన్నారట చిత్రయూనిట్. దీపావళి సమయానికి షూటింగ్ పూర్తి కావటం కష్టమని భావించిన చిత్రయూనిట్ ఈ నిర్ణయం తీసుకున్నట్టుగా తెలుస్తోంది. అజిత్‌ సరసన తొలిసారిగా నయనతార హీరోయిన్‌గా నటిస్తున్న ఈ సినిమాకు డి ఇమాన్‌ సంగీతమందిస్తున్నారు.

సాక్షి, హైదరాబాద్‌:  నగరంలోని చెంగిచర్ల చౌరస్తా వద్ద గత జనవరి 12న జరిగిన పెట్రోల్‌ ట్యాంకర్‌ పేలుడులో తీవ్రంగా గాయపడిన చెంగిచర్లకు చెందిన శివకుమార్‌ నాలుగు నెలల పాటు ఆస్పత్రిలో మృత్యువుతో పోరాడి ఆదివారం మృతి చెందాడు. బాధిత కుటుంబ సభ్యులు, పోలీసుల కథనం మేరకు వివరాలు ఇలా ఉన్నాయి. చెంగిచర్లకు శివకుమార్‌(25) చర్లపల్లిలోని హెచ్‌పీసీఎల్‌లో ఎలక్ట్రిషియన్‌గా పని చేసేవాడు. సంక్రాంతి పండుగ సందర్భంగా కొబ్బరి కాయలు తెచ్చుకునేందుకు ఉప్పల్‌ వెళ్లిన అతను బైక్‌పై తిరిగి వస్తుండగా మేడిపల్లి చౌరస్తా వద్ద పెట్రోల్‌ ట్యాంకర్‌ పేలుడు జరిగింది. ఈ ఘటనలో శివకుమార్‌ బైక్, అతని ఒంటికి మంటలు అంటుకోవడంతో తీవ్రంగా గాయపడ్డాడు.  దీంతో అతడిని చికిత్స నిమిత్తం గాంధీ ఆస్పత్రికి తరలించారు. కొన్నాళ్ల పాటు గాంధీ ఆసుపత్రిలో చికిత్స పొందాడు. శరీరంలో ఒక్కో అవయవం దెబ్బతినడంతో దిల్‌సుఖ్‌నగర్‌లోని షణ్ముక్‌ వైష్ణవి ఆసుపత్రికి తరలించారు. ఇప్పటి వరకు రూ. 5 లక్షలు ఖర్చు కాగా నాలుగు నెలల పాటు మృత్యువుతో పోరాడిన శివకుమార్‌ శనివారం రాత్రి మృతి చెందాడు. శివ మృతితో అతని ఇంటి వద్ద విషాద చాయలు అలుముకున్నాయి. ఆదివారం ఆస్పత్రి నిర్వాహకులు శివకుమార్‌ మృతదేహాన్ని అతని కుటుంబ సభ్యులకు అప్పగించారు. మృతదేహంతో భారీ ర్యాలీ నిర్వహించనున్నట్లు సమాచారం అందడంతో మేడిపల్లి పోలీసులు ముందుజాగ్రత్త చర్యగా అతని ఇంటి వద్ద బందోబస్తు ఏర్పాటు చేశారు. ఆదివారం సాయంత్రం స్థానిక శ్మశాన వాటికలో అతని అంత్యక్రియలు నిర్వహించారు.  

వీరం, వేదలం, వివేగం లాంటి బ్లాక్ బస్టర్ విజయాలు అందించిన అజిత్, శివ ల కాంబినేషన్ లో మరో సినిమా రాబోతోంది. వివేగం సినిమా తరువాత లాంగ్ గ్యాప్ తీసుకున్న అజిత్.. త్వరలో తన తదుపరి చిత్రాన్ని ప్రారంభించనున్నాడు. ఈ సినిమాను కూడా శివ దర్శకత్వంలోనే చేయాలని ఫిక్స్ అయ్యాడు అజిత్. ఈ సినిమాకు విశ్వాసం అనే టైటిల్ ను ఫిక్స్ చేసినట్టుగా తెలుస్తోంది. గతంలో అజిత్ శివ కాంబినేషన్ లో వచ్చిన సినిమాలన్నీ 'V' అనే అక్షరంతోనే మొదలయ్యాయి. అదే సెంటిమెంట్ ను కంటిన్యూ చేస్తూ తన తదుపరి చిత్రాన్ని కూడా V తోనే మొదలయ్యేలా ప్లాన్ చేశారు. భారీ బడ్జెట్ తో తెరకెక్కనున్న ఈ సినిమాను సత్యజ్యోతి ఫిలింస్ నిర్మించనుంది. త్వరలోనే ఇతర నటీనటులు సాంకేతిక నిపుణుల వివరాలను వెల్లడించనున్నారు.


 కోలీవుడ్ స్టార్ హీరో అజిత్ హీరోగా తెరకెక్కిన తాజా చిత్రం వివేగం. మాస్ యాక్షన్ చిత్రాల స్పెషలిస్ట్ శివ దర్శకత్వంలో తెరకెక్కిన ఈ సినిమాకు టాక్ ఎలా కలెక్షన్లు మాత్రం అదిరిపోయాయి. ప్రపంచ వ్యాప్తంగా 150 కోట్లకు పైగా వసూళ్లు సాధించిన వివేగం మరో అరుదైన రికార్డ్ ను సొంతం చేసుకుంది. యూట్యూబ్ లో అత్యథిక లైక్స్ సాధించిన టీజర్ గా ప్రపంచ రికార్డ్ సృష్టించింది.
 
 ఇన్నాళ్లు ఈ రికార్డ్ హాలీవుడ్ యాక్షన్ మూవీ స్టార్ వార్స్ పేరిట ఉండగా.. అజిత్ వివేగం 5 లక్షల 70 వేలకు పైగా లైక్స్ సాధించిన ఆ రికార్డ్ ను తన సొంతం చేసుకుంది. జేమ్స్ బాండ్ తరహా కథా కథనాలతో తెరకెక్కిన వివేగం సినిమాకు డివైడ్ టాక్ వచ్చినా కలెక్షన్లు మాత్రం భారీగా వచ్చాయి. అజిత్ సరసన కాజల్ హీరోయిన్ గా నటించిన ఈ సినిమాలో అక్షరహాసన్ మరో కీలక పాత్రలో అలరించింది. బాలీవుడ్ నటుడు వివేక్ ఒబెరాయ్ విలన్ గా నటించాడు.


 కోలీవుడ్ స్టార్ హీరో అజిత్ ప్రస్తుతం విశ్రాంతి తీసుకుంటున్నాడు. వివేగం సినిమాతో భారీ వసూళ్లను సాధించిన ఈ టాప్ స్టార్, ఆ సినిమా షూటింగ్ లో గాయపడ్డారు. అయితే షూటింగ్ కు బ్రేక్ ఇవ్వకూడదన్న ఉద్దేశంతో అలాగే షూటింగ్ పూర్తి చేసి ఇటీవల సర్జరీ చేయించుకున్నారు. ప్రస్తుతం విశ్రాంతి తీసుకుంటున్న అజిత్ తన నెక్ట్స్ సినిమా పనులు మొదలుపెట్టారన్న టాక్ వినిపిస్తోంది.
 
 గతంలో అజిత్ ఓ చారిత్రక చిత్రంలో నటిస్తారన్న టాక్ వినిపించినా.. ప్రస్తుతం ఆ ప్రయత్నాలు విరమించుకున్నారట. మరోసారి తన లక్కీ డైరెక్టర్ శివ దర్శకత్వంలో ఓ సైన్స్ ఫిక్షన్ థ్రిల్లర్ లో నటించే ఆలోచనలో ఉన్నాడు. ఈ సినిమాను స్పేస్ బ్యాక్ డ్రాప్ లో తెరకెక్కించనున్నారట. ఇప్పటికే వీరి కాంబినేషన్ లో వీరం, వేదలం, వివేగం లాంటి కమర్షియల్ సక్సెస్ లు వచ్చాయి. ఇప్పుడు మరోసారి తో అదే ఫీట్ రిపీట్ చేసేందుకు రెడీ అవుతున్నారు అజిత్, శివ.


 తలా అజిత్ హీరోగా తెరకెక్కిన భారీ యాక్షన్ మూవీ వివేకం. స్పై థ్రిల్లర్ గా తెరకెక్కిన ఈ సినిమా హాలీవుడ్ స్థాయి యాక్షన్ ఎపిసోడ్స్ తో ఆకట్టుకుంది. అజిత్ కెరీర్ లోనే భారీ బడ్జెట్ తో రూపొందిన ఈ సినిమా కలెక్షన్ల విషయంలోనూ అదే స్థాయి చూపిస్తోంది. తమిళ, తెలుగు భాషల్లో ఒకేసారి రిలీజ్ అయిన వివేకం తొలి రోజు బెనిఫిట్ షోస్ తో కలిపి ఏకంగా 33 కోట్లకు పైగా వసూళ్లు సాధించింది. గురువారమే రిలీజ్ అయిన ఈ సినిమాకు లాంగ్ వీకెండ్ కూడా కలిసొచ్చింది.
 
 రెండో రోజు కూడా భారీ వసూళ్లను సాధించిన వివేకం రెండు రోజుల్లోనే ఏకంగా 66 కోట్ల వసూళ్లను సాధించి రికార్డ్ సృష్టించింది. అంతేకాదు మూడో రోజు కూడా వసూళ్ల హవా కొనసాగించిన ఈ సినిమా శనివారం 15 కోట్ల కలెక్షన్లు సాధించిందన్న ప్రచారం జరుగుతోంది. ఆదివారం కలెక్షన్లు మరింత పెరిగే అవకాశం ఉండటంతో ఫస్ట్ వీకెండ్ ముగిసే సరికి 100 కోట్ల వసూళ్లు సాధిస్తుందని భావిస్తున్నారు.
 
 అజిత్ సరసన కాజల్ అగర్వాల్ హీరోయిన్ గా నటించిన ఈ సినిమాకు మాస్ యాక్షన్ సినిమాల స్పెషలిస్ట్ శివ దర్శకుడు. 120 కోట్ల బడ్జెట్ తో రూపొందిన ఈ సినిమా రిలీజ్ కు ముందే 100 కోట్ల బిజినెస్ చేయగా.. లాంగ్ రన్ లో తమిళనాట సరికొత్త రికార్డ్ లు సృష్టిస్తుందన్న జోష్ లో ఉన్నారు తలా ఫ్యాన్స్.


 కోలీవుడ్ స్టార్ హీరో అజిత్ హీరోగా తెరకెక్కుతున్న భారీ బడ్జెట్ యాక్షన్ థ్రిల్లర్ మూవీ వివేగం. అజిత్ హీరోగా వీరం, వేదలం లాంటి సూపర్ హిట్ సినిమాలను అందించిన శివ దర్శకత్వంలో తెరకెక్కుతున్న ఈసినిమా భారీ అంచనాలు ఉన్నాయి. అందుకు తగ్గట్టుగా హాలీవుడ్ స్థాయిలో తెరకెక్కింది వివేగం. ఇప్పటికే రిలీజ్ అయిన టీజర్ యూట్యూబ్ రికార్డ్ లన్నింటినీ చెరిపేయగా.. తాజాగా రెండున్నర నిమిషాల నిడివితో ట్రైలర్ ను రిలీజ్ చేశారు.
 
 ఈ చిత్రంలో అజిత్ ఇంటర్పోల్ ఆఫీసర్ పాత్రలో కనిపించనున్నాడు. తొలిసారి కాజల్.. అజిత్ తో జత కట్టగా అక్షర హాసన్ కీలక పాత్రలో నటించింది. బాలీవుడ్ నటుడు వివేక్ ఒబెరాయ్ ప్రతినాయకుడిగా కనిపించనున్నాడు. తాజాగా రిలీజ్ అయిన ట్రైలర్ సినిమా మీద అంచనాలను మరింత పెంచేసింది. హాలీవుడ్ స్థాయి విజువల్స్ తో పాటు అనిరుద్ అందించిన బ్యాక్ గ్రౌండ్ స్కోర్ సూపర్బ్ గా ఉన్నాయి. వివేగం తెలుగు, తమిళ భాషల్లో ఒకేసారి ఆగస్ట్ 24న రిలీజ్ కు రెడీ అవుతోంది.
  


 కోలీవుడ్ స్టార్ హీరో అజిత్ అభిమానులకు చేదువార్త. శివ దర్శకత్వంలో తెరకెక్కుతున్న 'వివేగం' మూవీలో యాక్షన్ సన్నివేశాలు చిత్రీకరిస్తుండగా అజిత్ గాయపడ్డారు. ఆ వివరాలిలా ఉన్నాయి.. సత్యజ్యోతి ఫిలింస్‌ బ్యానర్ పై నిర్మిస్తున్న ఈ భారీ యాక్షన్‌ ఓరియెంటెడ్‌ చిత్రంలో కాజల్‌ అగర్వాల్‌ తొలిసారిగా అజిత్‌తో జత కట్టింది. అజిత్ ఇంటర్ పోల్ ఆఫీసర్గా నటిస్తున్న ఈ సినిమాలో బాలీవుడ్ హీరో వివేక్ ఒబెరాయ్ విలన్గా నటిస్తున్నాడు. యూరప్‌లో వివేగం మూవీ షూటింగ్ వేగంగా జరగుతుంది. ఈ క్రమంలో ఎలాంటి డూప్ లేకుండా ఓ భారీ యాక్షన్ సన్నివేషాన్ని చిత్రీకరిస్తుండగా అజిత్ అమాంతం కొంత ఎత్తు నుంచి కింద పడ్డారు.
 
 ఈ క్రమంలో ఆయన భుజానికి గాయాలైనట్లు సమాచారం. అజిత్‌కు వెంటనే ప్రథమ చికిత్స అందించి మెరుగైన చికిత్స కోసం ఓ ప్రైవేట్ ఆస్పత్రికి తరలించారు. గాయాల తీవ్రతపై స్పష్టమైన సమాచారం లేదు. అయితే మూవీ యూనిట్ మాత్రం అజిత్ గాయాలకు సంబంధించి అధికారికంగా విషయాన్ని వెల్లడించలేదు. అజిత్ ను యాక్షన్ సీన్లలో చూడాలని ఎంతో ఉత్సాహంగా ఎదురుచూస్తున్న ఆయన అభిమానులు ప్రస్తుతం ఆందోళన చెందుతున్నారు. అజిత్ గాయం తీవ్రత ఎక్కువైతే కొన్ని రోజులపాటు షూటింగ్ నిలిపివేయనున్నారు.


 గుమ్మఘట్ట (రాయదుర్గం) : వర్షాలు సంవృద్ధిగా కురిపించి, కష్టాల నుంచి గట్టెంక్కించు శివయ్యా అంటూ  గుమ్మఘట్ట మండలం కలుగోడు గ్రామస్తులు వేడుకున్నారు. ఆదివారం వేద మంత్రోచ్ఛారణల మధ్య శివాలయంలో మహా కుంబాభిషేకం నిర్వహించారు. గర్భ ఆలయంలో శివుడి విగ్రహాన్ని పూర్తి నీటిలో మునిగేలా రెండు ట్యాంకర్ల నీరు పట్టారు. 12 గంటల పాటు శివలింగం పూర్తి నీటిలోనే ఉంచి శివనామ స్వరాన్ని మార్మోగించారు.
 
 రాత్రంతా అఖండ భజన చేపట్టనున్నట్టు ఆలయ కమిటీ సభ్యుడు సత్యనారాయణస్వామి, అర్చకుడు ఈరణ్ణ స్వామి తెలిపారు. సోమవారం ఉదయం స్వామికి రుద్రాభిషేకం, పూర్ణాభిషేకం, కుంకుమార్చన తదితర పూజ కార్యక్రమాలు చేపడతామన్నారు. అనంతరం అన్నదానం చేపడతామన్నారు.


 కోలీవుడ్ టాప్ స్టార్ అజిత్ హీరోగా శివ దర్శకత్వంలో తెరకెక్కుతున్న వివేగం టీజర్ వచ్చేసింది. అంతర్జాతీయ స్థాయిలో భారీ బడ్జెట్ తో తెరకెక్కించిన ఈ సినిమాపై భారీ అంచనాలే ఉన్నాయి. ఆ అంచనాలకు తగ్గట్టుగా ఫారిన్ లోకేషన్లలో భారీ యాక్షన్స్ సీన్స్తో రూపొందించిన టీజర్ అభిమానులను అలరిస్తోంది. అజిత్ ఇంటర్ పోల్ ఆఫీసర్గా నటిస్తున్న ఈ సినిమాలో బాలీవుడ్ హీరో వివేక్ ఒబెరాయ్ విలన్గా నటిస్తున్నాడు.
 
 సత్యజ్యోతి ఫిలింస్‌ బ్యానర్ పై నిర్మిస్తున్న ఈ భారీ యాక్షన్‌ ఓరియెంటెడ్‌ చిత్రంలో కాజల్‌ అగర్వాల్‌ తొలిసారిగా అజిత్‌తో జత కట్టింది. అక్షర హాసర్ మరో కీలక పాత్రలో కనిపించనుంది. కోలీవుడ్ మ్యూజిక్ సెన్సేషన్ అనిరుధ్‌ సంగీతం అందిస్తున్నాడు. ఈ టీజర్ రిలీజ్ అయిన పది గంటల్లోనే రెండు మిలియన్ల వ్యూస్ సాధించిన రికార్డ్ సృష్టించింది. ఫస్ట్ లుక్ పోస్టర్ తో సెన్సేషన్ సృష్టించిన వివేగం, టీజర్ తోనూ అదే హవా చూపిస్తోంది. ఆగస్ట్లో వివేగం మూవీ రిలీజ్ కి యూనిట్ ప్లాన్ చేస్తుంది.


 యాడికి: ఓ ఇంట్లో దొంగతనం చేసేందుకు వచ్చిన దొంగ.. పోలీసుల్ని చూసి హడావిడిగా ఇంటిపై నుంచి దూకి గాయాలపాలై దొరికిపోయాడు. యాడికి మండల కేంద్రంలో సోమవారం రాత్రి జరిగిన ఈ ఘటనకు సంబంధించి వివరాలిలా ఉన్నాయి. శివ అనే వ్యక్తి యాడికి పాత పోలీస్‌స్టేçÙ¯ŒS సమీపంలోని ఓ ఇంట్లో సోమవారం రాత్రి దొంగతనానికి వెళ్లాడు. అదే సమయంలో పెట్రోలింగ్‌ నిర్వహిస్తున్న పోలీసుల దృష్టి అతడిపై పడింది. పోలీసుల్ని గమనించిన శివ తప్పించుకునే యత్నంలో ఇంటిపై నుంచి కిందకు దూకి గాయాలపాలయ్యాడు. దొంగను పోలీసులు 108లో తాడిపత్రి ఆస్పత్రికి తరలించారు. శివ గతంలో జరిగిన గాడిదల దొంగతనం కేసులో నిందితుడిగా ఉన్నట్లు ఎస్‌ఐ కత్తి శ్రీనివాసులు తెలిపారు. 


 సాహిత్య అకాడమీ పురస్కార గ్రహీత శివశంకర్‌
 రాజమహేంద్రవరం కల్చరల్‌ (రామమహేంద్రవరం సిటీ) : ప్రపంచీకరణతో పెట్టుబడీదారి వ్యవస్థ బలోపేతమై సామాజిక జీవితం ధ్వంసమైందని సాహిత్య అకాడమీ పురస్కారగ్రహీత డాక్టర్‌ పాపినేని శివశంకర్‌ అన్నారు. సాహితీగౌతమి ఆధ్వర్యంలో బుధవారం నిర్వహించిన కార్యక్రమంలో ఆయన ప్రపంచీకరణపై ప్రసంగించారు. దీంతో అంతటా నైతిక అంధత్వం వ్యాపించిందన్నారు. మీటనొక్కితే విశ్వవ్యాప్త సమాచారం లభిస్తోందని అయితే సమాచారం, విజ్ఞానం వేర్వేరన్నారు. రాజధాని నిర్మాణం పేరిట వేలాది పంట పొలాలను సేకరిస్తోన్న ప్రభుత్వం ఉద్యోగాలు వస్తాయని చెబుతోందని, కొన్ని ఉద్యోగాలు రావచ్చేమో కాని  పరిశ్రమల వల్ల వచ్చే రూ.కోట్ల ఆదాయం ఎవరి జేబులోకి వెడుతోందని ప్రశ్నించారు. సజ్జ, జొన్నరొట్టె, రాగి సంగడికి బదులు వచ్చిన జంక్‌ ఫుడ్‌తో ఆరోగ్యాలు ధ్వంసమవుతున్నాయన్నారు.  ప్రపంచీకరణ వలన ఉద్యోగ భద్రత, స్థిరత్వం పోయాయని, అతి పెద్ద సాఫ్ట్‌వేర్‌ కంపెనీ ఉద్యోగికి తెల్లారేటప్పటికి ఉద్వాసన వచ్చే పరిస్థితి ఏర్పడందని అన్నారు. ప్రభుత్వ ఉద్యోగం తీసేస్తే కోర్టుకు వెళ్లే హక్కు ఉంటుందన్నారు. అమెరికాలో ఉద్యోగి జీవితకాలంలో కనీసం 11 ఉద్యోగాలు మారతాడన్నారు. ప్రపంచం ఎట్లా ఉంది? ఎలా ఉండాలి? అనే అంశంపై దృష్టి సారించాలని ఆయన కోరారు. సాహితీ గౌతమి వ్యవస్ధాపకుడు  పి.విజయకుమార్‌, ఆదిత్య విద్యాసంస్థల డైరెక్టర్‌ ఎస్పీ గంగిరెడ్డి, కమ్యూనిస్టు, హేతువాది వెలమాటి సత్యనారాయణ, అరసం జాతీయ కార్యదర్శి పెనుగొండ లక్ష్మీనారాయణ, ప్రముఖ పర్యావరణ వేత్త తల్లావఝుల పతంజలి శాస్త్రి, రాష్ట్రపతి పురస్కార గ్రహీత చింతలపాటి శర్మ, విద్యార్థులు హాజరయ్యారు. 


 చిట్వేలి: అభం శుభం తెలియని నాలుగేళ్ల బాలుడిని గొంతునులిమి హత్య చేసిన ఉదంతం చిట్వేలి మండలంలో చోటు చేసుకుంది. వివరాలిలా ఉన్నాయి.  సిద్దారెడ్డిపల్లి పంచాయతీ పరిధిలోని అంకాలమ్మ ఎస్టీ కాలనీకి చెందిన జలకం వీరమ్మకు ఐదేళ్ల క్రితం సుబ్బరాయుడు అనే వ్యక్తితో వివాహమైంది. వీరికి శివ అనే నాలుగేళ్ల బాలుడు ఉన్నాడు. ఈ క్రమంలో శివమ్మకు ఎందోటి పెంచలయ్య అనే వ్యక్తితో పరిచయమైంది. వీరిద్దరూ పది రోజుల క్రితం వివాహం చేసుకున్నారు. ఈ నేపథ్యంలో వీరు ఈనెల 15న ఆదివారం శివను వెంట తీసుకుని సీఎం రాచపల్లి ఎగువ ఎస్టీ కాలనీలో ఉన్న బంధువు నగరిపాటి మణి ఇంటికి వెళ్లారు. అక్కడినుంచి సోమవారం బాలుడి తో కలిసి స్వగ్రామానికి బయలుదేరారు. అయితే వీరిద్దరు గ్రామానికి చేరుకోగా బాలుడు మాత్రం రాలేదు. సీఎంరాచపల్లికి చెందిన ఓ మామిడితోటలో బాలుడి మృతదేహం ఉన్నట్లు  గ్రామసేవకుడు చంద్రయ్య మంగళవారం వీఆర్వో మోహన్‌కు సమాచారం అందించారు. ఈ మేరకు వీఆర్వో మంగళవారం మధ్యాహ్నం పోలీసులకు ఫిర్యాదు చేశారు. సమాచారం తెలుసుకున్న రైల్వేకోడూరు ఇన్‌చార్జి సీఐ అశోక్‌కుమార్, చిట్వేలి ఎస్‌ఐ డాక్టర్‌ నాయక్‌ సంఘటన స్థలానికి చేరుకుని పరిశీలించారు. తమకు అడ్డుగా ఉన్నాడనే ఉద్దేశంతో  బాలుడిని గొంతు నులిమి హత్యచేసినట్లు స్పష్టమవుతోంది.  ఈమేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.


 గుత్తి : ప్రియురాలు లక్ష్మి హత్య కేసులో నిందితుడైన ప్రియుడు శివను పోలీసులు మంగళవారం అరెస్టు చేశారు. ఇందుకు సంబంధించిన వివరాలను సీఐ మధుసూదన్‌గౌడ్‌ తన కార్యాలయంలో విలేకరులకు వెల్లడించారు. గుత్తిలోని గుంతకల్లు రోడ్డు రైల్వే బ్రిడ్జి వద్ద ఓ ఇంటిలో  శివ, లక్ష్మి లు గత యేడాది కాలంగా సహ జీవనం సాగిస్తుండేవారు. అయితే లక్ష్మి ప్రవర్తనపై అనుమానం వచ్చింది. పద్ధతి మార్చుకొమ్మని చెప్పాడు.
 
 అయినా ఆమె వినలేదు. దీంతో  ఇతరులతో వ్యభిచారం చేస్తోందనే అనుమానంతో ఈ నెల 3న వేటకొడవలితో దారుణంగా నరిచి చంపాడు. నిందితుడు శివ పట్టణంలోని రాయల్‌ థియేటర్‌ వద్ద ఉండగా పోలీసులు అరెస్టు చేశారు. అనంతరం కోర్టులో హాజరు పరచగా మెజిస్ట్రేట్‌ రిమాండ్‌కు ఆదేశించారు.


 మహబూబ్ నగర్: చెరువులో ఈతకు వెళ్లిన ఇద్దరు బాలురు నీట మునిగి మృతిచెందిన సంఘటన మహబూబ్‌నగర్ జిల్లాలో ఆదివారం వెలుగుచూసింది. జిల్లాలోని కొత్తగూడెం మండలం ఎదళ్లపల్లి గ్రామానికి చెందిన శ్రీచరణ్(6), శివ(6) చెరువులో ఈతకు వెళ్లి ప్రమాదవశాత్తు నీట మునిగి మృతిచెందాడు. విషయం తెలుసుకున్న గ్రామస్థులు సంఘటనా స్థలానికి చేరుకొని మృతదేహాలను బయటకు తీశారు. దీంతో గ్రామంలో విషాద ఛాయలు అలుముకున్నాయి. 


 కొద్ది రోజులుగా సాల్ట్ అండ్ పెప్పర్ లుక్లో మాత్రమే కనిపిస్తున్న కోలీవుడ్ స్టార్ హీరో అజిత్ రూట్ మార్చాడు. తలా 57గా తెరకెక్కుతున్న సినిమాలో న్యూ లుక్లో దర్శనమిచ్చేందుకు రెడీ అవుతున్నాడు. అజిత్ లేటెస్ట్ లుక్కు సంబంధించిన ఫొటోను తన సోషల్ మీడియా పేజ్లో పోస్ట్ చేసిన దర్శకుడు శివ, తలా అభిమానులలో జోష్ పెంచాడు.
 
 కొంత కాలంగా తన వయసుకు తగ్గ పాత్రల్లో మాత్రమే కనిపిస్తున్న అజిత్, కొత్త సినిమాలో స్కిన్ టైట్ టీషర్ట్లో కండలు తిరిగిన బాడీతో కనిపిస్తున్నాడు. అంతేకాదు ఈ మధ్య వచ్చిన సినిమాలన్నింటిలో తెల్ల గడ్డంతో కనిపించిన తలా.., కొత్త సినిమాలో నీట్ షేవ్లో కుర్రాడిలో దర్శనమివ్వనున్నాడు. అజిత్ సరసన కాజల్ అగర్వాల్, అక్షర హాసన్లు హీరోయిన్లుగా నటిస్తున్న ఈ సినిమాలో బాలీవుడ్ నటుడు వివేక్ ఒబరాయ్ విలన్ గా కనిపించనున్నాడు.


  పెనమలూరు : చిత్రకారుడు పామర్తి శివ లిమ్కా బుక్‌ ఆఫ్‌ రికార్డుల్లోకి ఎక్కాడు. ఆయన గతంలో 11 అడుగుల వెడల్పు, తొమ్మిది అడుగుల ఎత్తుతో పురికొసతో 3 గంటల్లో ఏకధాటిగా బుద్ధుడి బొమ్మను వేశాడు. ఇది లిమ్కా బుక్‌ ఆఫ్‌ రికార్డులో నమోదైంది. ఈ మేరకు మంగళవారం లిమ్కా బుక్‌ ప్రతినిధి విజయ్‌ఘోష్‌ రికార్డు పత్రాన్ని పంపారని శివ తెలిపారు. తనకు ఇప్పటివరకు 36 రికార్డులు వివిధ అంశాల్లో వచ్చాయన్నారు. తనను  ప్రభుత్వం కానీ, దాతలుగానీ ప్రోత్సహిస్తే మరిన్ని రికార్డులు సాధిస్తానని తెలిపారు.  తాను శివ ఆర్ట్సు పేరుతో సొసైటీ ఏర్పాటు చేసి పలువురు విద్యార్థులకు చిత్రలేఖనంపై శిక్షణ ఇస్తున్నట్లు పేర్కొన్నారు.
  


  
 గోదావరి జలాలతో శివభక్తుల పాదయాత్ర
 గోదావరిలో పవిత్ర స్నానాలు ఆచరించేందుకు ఒడిశా నుంచి వచ్చిన శివభక్తులు గోదావరి జలాలతో పాదయాత్రగా తిరుగుపయనమయ్యారు. ఒడిశా రాష్ట్రంలోని బరంపురానికి చెందిన 15 మంది శివ భక్తులు  డి. కృష్ణ గురుస్వామి ఆధ్వర్యంలో శివమాల దీక్షను బూని గోదావరిలో పవిత్ర స్నానాలు చేసేందుకు రైలు మార్గాన మంగళవారం రాజమహేంద్రవరం చేరకున్నారు. అక్కడ స్నానాలు ఆచరించిన వారు వెంట కలశాలలో గోదావరి జలాలను తీసుకుని పాదయాత్రగా స్వస్థలానికి బయల్దేరారు. జాతీయ రహదారిన నడుస్తూ  బుధవారం దివాన్‌చెరువు వచ్చిన వారిని ‘సాక్షి’ పలుకరించింది. గోదావరి పవిత్ర జలాలతో అక్కడ శివలింగాన్ని అభిషేకిస్తే మంచి జరుగుతుందనే నమ్మకాన్ని వారు వ్యక్తం చేశారు.   – దివాన్‌చెరువు (రాజానగరం)


 గోదావరి జలాలతో శివభక్తుల పాదయాత్ర
 రాజానగరం: గోదావరిలో పవిత్ర స్నానాలు ఆచరించేందుకు ఒడిశా నుంచి వచ్చిన శివభక్తులు గోదావరి జలాలతో పాదయాత్రగా తిరుగుపయనమయ్యారు. ఒడిశా రాష్ట్రంలోని బరంపురానికి చెందిన 15 మంది శివ భక్తులు  డి. కృష్ణ గురుస్వామి ఆధ్వర్యంలో శివమాల దీక్షను బూని గోదావరిలో పవిత్ర స్నానాలు చేసేందుకు రైలు మార్గాన మంగళవారం రాజమహేంద్రవరం చేరకున్నారు.
 
 అక్కడ స్నానాలు ఆచరించిన వారు వెంట కలశాలలో గోదావరి జలాలను తీసుకుని పాదయాత్రగా స్వస్థలానికి బయల్దేరారు. జాతీయ రహదారిన నడుస్తూ  బుధవారం దివాన్‌చెరువు వచ్చిన వారిని ‘సాక్షి’ పలుకరించింది. గోదావరి పవిత్ర జలాలతో అక్కడ శివలింగాన్ని అభిషేకిస్తే మంచి జరుగుతుందనే నమ్మకాన్ని వారు వ్యక్తం చేశారు.


 హైదరాబాద్: ప్రేమ, పెళ్లి పేరుతో ఓ యువతిని వేధిస్తూ మాట వినటం లేదనే అక్కసుతో చంపేందుకు యత్నించారు ఓ యువకుడు, అతని కుటుంబసభ్యులు. ఇందుకు సంబంధించి వివరాలివీ... ఫిల్మ్ నగర్‌కు చెందిన శివ అనే యువకుడు స్థానికంగా ఉండే యువతిని ప్రేమ పేరుతో వేధిస్తున్నాడు. దీనిపై ఆమె పోలీసులకు ఫిర్యాదు చేయటంతో నిర్భయ కేసు పెట్టి జైలుకు పంపారు. ఇటీవల బెయిల్‌పై వచ్చిన ఆ యువకుడు బాధితురాలిని మళ్లీ వేధించటం మొదలుపెట్టాడు.
  
 కేసు వెనక్కి తీసుకోవాలని, శివను పెళ్లి చేసుకోవాలంటూ అతడి బంధువులు కూడా బెదిరిస్తున్నారు. ఈ నెల 8వ తేదీ రాత్రి యువతి, ఆమె కుటుంబసభ్యులు ఇంట్లో నిద్రిస్తుండగా ఇంటికి నిప్పుపెట్టి సజీవ దహనం చేసేందుకు యత్నించారు.  అయితే ఇంటి నుంచి బయటపడిన బాధితురాలు మళ్లీ పోలీసులను ఆశ్రయించింది. ఈ ఘటనకు పద్మ, మురళి, ఆటోరెడ్డి తదితరులు బాధ్యులంటూ బాధితురాలు పోలీసులకు ఫిర్యాదు చేయటంతో వారిని పోలీసులు అదుపులోకి తీసుకుని విచారిస్తున్నారు.


 తెలుగు సినిమా 'శౌర్యం'తో దర్శకుడిగా పరిచయం అయి, తర్వాత కోలీవుడ్ స్టార్ స్టేటస్ అందుకున్న దర్శకుడు శివ. సినిమాటోగ్రఫీ నుంచి దర్శకత్వం శాఖలోకి వచ్చిన ఈ డైరెక్టర్ తమిళనాట వరుస హిట్స్‌తో దూసుకుపోతున్నాడు. ఇటీవలే ఓ కోలీవుడ్‌లో అజిత్ హీరోగా ఓ సూపర్ హిట్ సినిమాను అందించిన శివ అదే హీరోతో మరో సినిమాకు కమిట్ అయ్యాడు.
 
 శివ, అజిత్‌ల కాంభినేషన్ లో రూపొందిన తొలి సినిమా వీరం. తమిళంతో పాటు తెలుగులో కూడా ఈ సినిమాకు మంచి రెస్పాన్స్ వచ్చింది. దీంతో అదే దర్శకుడితో వేదలం సినిమాను చేశాడు అజిత్. ఈ సినిమా కూడా మంచి సక్సెస్ సాధించటంతో ఇప్పుడు అదే కాంబినేషన్ లో హ్యాట్రిక్ సినిమాకు రెడీ అవుతున్నారు.
 
 ప్రస్తుతం మోకాలికి శస్త్రచికిత్స చేయించుకొని రెస్ట్ తీసుకుంటున్న అజిత్ రెండు నెలల పాటు షూటింగులకు దూరంగా ఉంటున్నాడు. దీంతో అజిత్, శివల కాంబినేషన్‌లో తెరకెక్కనున్న మూడో సినిమాను సంక్రాంతికి లాంఛనంగా ప్రారంభించనున్నారు. ఇప్పటికే వీరం, ఎన్నై అరిందాల్, వేదలం సినిమాలతో హ్యాట్రిక్ సక్సెస్ లు సాధించిన అజిత్ మరోసారి అదే మ్యాజిక్ రిపీట్ చేస్తాడేమో చూడాలి.


 కోలీవుడ్ స్టార్ హీరో అజిత్ కొత్త సినిమా లుక్ సోషల్ మీడియాలో హవా చూపిస్తోంది. ఇటీవల వరుస బ్లాక్బస్టర్స్ తో కోలీవుడ్ బాక్సాఫీస్ను షేక్ చేస్తున్న అజిత్ తన 56వ సినిమాతో ఆడియన్స్ ముందుకు రావడానికి రెడీ అవుతున్నాడు. ఇప్పటి వరకు తలా 56గా ప్రచారంలో ఉన్న ఈ సినిమాకు 'వేదలం' అనే టైటిల్ను ఫైనల్ చేశారు. శృతిహాసన్ హీరోయిన్గా నటిస్తున్న ఈ సినిమాకు వీరం ఫేం శివ దర్శకుడు.
 
 ఈ సినిమా కోసం అజిత్ తన లుక్ విషయంలో చాలా కేర్ తీసుకున్నాడు. చిన్నగా కట్ చేసిన హెయిర్ స్టైల్, లైట్గా గడ్డం, చెవులకు రింగులు, మెడలో, చేతికి స్టీల్ చైన్లు ఇలా మాస్ ఆడియన్స్ కు దేవుడిలా దర్శనమిస్తున్నాడు అజిత్. తమిళనాట మాస్లో భారీ ఫ్యాన్ ఫాలోయింగ్ ఉన్న అజిత్.. ఈ రేంజ్ మాస్ లుక్లో కనిపించే సరికి సినిమా మీద అంచనాలు భారీగా పెరిగిపోతున్నాయి.
 
 దీనికి తోడు 'వి'తో స్టార్ట్ అయిన అజిత్ సినిమాలన్ని బాక్స్ఫీస్ దగ్గర భారీ విజయాలను నమోదు చేశాయి. 'వాలి', 'విలన్', 'వరలరు', 'వీరం' లాంటి సినిమాలు అజిత్ మార్కెట్ స్టామినాను ప్రూవ్ చేశాయి. ఇప్పుడు అదే బాటలో వేదలం కూడా అజిత్ కెరీర్ లో మరో బ్లాక్ బస్టర్ అవుతుందని భావిస్తున్నారు ఫ్యాన్స్.


 వనపర్తి: మహబూబ్ నగర్ జిల్లా వనపర్తి మండలం సవాయిగూడెంలో ఆదివారం తెల్లవారుజామున పాముకాటుతో ఓ యువకుడు మృతి చెందాడు. వివరాలు.. గ్రామానికి చెందిన శివ (18) ఇంటి బయట నిద్రిస్తుండగా అర్ధరాత్రి దాటాక వర్షం పడింది. వెంటనే ఇంట్లోకి వెళ్లి పరుపు మీద పడుకున్నాడు. పరుపులో ఉన్న కట్లపాము శివ తల మీద కాటేయడంతో కొద్ది క్షణాల్లోనే ప్రాణాలు గాల్లో కలిసిపోయాయి. కాగా, ఈ ఘటనకు సంబంధించి మరిన్ని వివరాలు తెలియాల్సి ఉంది.


 సైకిల్ చైన్ తెంపి బాక్సాఫీస్ మూసను బద్దలుకొట్టిన ‘శివ’ జ్ఞాపకాలను మర్చిపోవడం అంత సులువు కాదు. ఆ పాత్రను అప్పటి కుర్రకారు మాత్రమే కాదు.. ఈ తరం వారూ ప్రేమిస్తారు. అంత ట్రెండీగా ఉంటుంది. 1989 అక్టోబర్ 5న విడుదలైన ‘శివ’ ప్రభావంతో అప్పటి కుర్రాళ్లందరూ సైకిల్ చైన్ పట్టుకుంటే హీరోల్లా ఫీలయ్యేవాళ్లు. నాగార్జున హీరోగా రామ్‌గోపాల్‌వర్మ దర్శకత్వం వహించిన ఈ చిత్రం ఓ ట్రెండ్ సెట్టర్. సీఎన్‌ఎన్-ఐబీఎన్ చానల్  అత్యుత్తమ వంద భారతీయ చిత్రాల జాబితాలో స్థానం దక్కించుకున్న విశిష్ట చిత్రం. తాజాగా ‘శివ’ ఆధునిక సొబగులు అద్దుకుని మళ్లీ ప్రేక్షకులను పలకరించనున్నాడు. త్రీడీ అనలాగ్ సౌండ్ టెక్నాలజీతో సరికొత్త ‘శివ’ ఈ మే 15న విడుదల కానుంది.
  


 శివ, దివ్యా గౌడ్ జంటగా బేబి స్ఫూర్తి సమర్పణలో శ్రీ రాధ చంద్రీశ్వర క్రియేషన్స్ పతాకంపై ఓ చిత్రం రూపొందుతోంది. బోయినిపల్లి వెంకటేశ్ గౌడ్ దర్శకుడు. లవ్, సెంటిమెంట్, సస్పెన్స్, కామెడీ మేళవించిన ప్రేమకథా చిత్రం ఇదని సహనిర్మాతలు గున్న మల్లేశ్ యాదవ్, మహ్మద్ గౌస్ చెప్పారు.
  


 అక్కినేని నాగార్జున - అమల జంటగా రామ్గోపాల్ వర్మ దర్శకత్వంలో అన్నపూర్ణ స్టూడియోస్, ఎస్.ఎస్.క్రియేషన్స్ సంయుక్తంగా నిర్మించిన 'శివ' చిత్రం ఎందరికో జన్మనిచ్చిందని ఆ చిత్రంలో నటించిన పలువురు చెప్పారు. ట్రెడ్సెట్టర్ క్రియేట్ చేసిన ఈ సినిమా విడుదలై 25 సంవత్సరాలు పూర్తి అయిన సందర్భంగా సాక్షి టీవీ నిర్వహించిన 'శివ 25 ఏళ్లు-స్పెషల్ ఎడిషన్'లో తనికెళ్ల భరణి, జెడి చక్రవర్తి, ఉత్తేజ్ పాల్గొన్నారు. దర్శకుడు శివనాగేశ్వర రావు,  నటుడు, నిర్మాత  చిన్న,  రామ్ జగన్.....మరికొందరు ఫోన్లో మాట్లాడారు. రామ్గోపాల్ వర్మ కూడా ఫోన్లో మాట్లాడారు. శివ నిర్మాణం గురించి డాక్యుమెంటరీ విడుదల చేయబోతున్నట్లు రామ్ గోపాల్ వర్మ చెప్పారు.
 
 స్పెషల్ ఎడిషన్'లో పాల్గొన్నవారందరూ ఆ నాటి శివ సినిమా నిర్మాణ ఘట్టాలను, షూటింగ్, రీరికార్డింగ్ సందర్భంగా జరిగిన విషయాలను, ఈ చిత్రంతో తమ అనుబంధాన్ని, తమ జ్ఞాపకాలను గుర్తు చేసుకున్నారు.  తాము నటులుగా ఎంపికైన వివరాలు తెలిపారు. ముందు మాటల రచయితగా మాత్రమే ఎంపికైన తనికెళ్ల భరణి, ఆ తరువాత ఆ చిత్రంలో నానాజీ పాత్రకు ఎలా విధంగా పోషించారో తెలిపారు. ఈ మూవీలో బాగా పాపులర్ అయిన సైకిల్ చైన్ ఫైటింగ్ సన్నివేశాన్ని రామ్గోపాల్ వర్మతోపాటు తానుకూడా కలిసి రూపొందించినట్లు జెడి చక్రవర్తి చెప్పారు. తొలుత ఆ సినిమాకు అసిస్టెంట్ డైరెక్టర్గా పని చేసిన తాను అనుకోకుండా అందులో యాదగిరి పాత్ర పోషించినట్లు ఉత్తేజ్  చెప్పారు. తమకు కొత్త సినీజీవితాలను ఆ చిత్రం ప్రసాదించినట్లు రామ్ జగన్, చిన్న పేర్కొన్నారు.  తాను పుట్టి 25 ఏళ్లైందని చిన్న సవినయంగా చెప్పారు. తనకు ఈ చిత్రం కొత్త గుర్తింపును ఇచ్చిందని, అందువల్లే దర్శకుడు రాము పేరుతో కలిపి తన పేరును రామ్ జగన్గా మార్చుకున్నట్లు వివరించారు. ఈ స్పెషల్ ఎడిషన్'లో పాల్గొన్నవారు శివ లాంటి చిత్రం ఎవరూ తీయలేరు -  రామూ కూడా తీయలేరు - రామూ తీసినా అంతబాగా తీయలేరు... అని చెప్పారు.
 వారు చెప్పిన కొన్ని ముఖమైన విషయాలు:
 తొలుత రామ్గోపాల్ వర్మను ఒక్క నాగార్జున మాత్రమే నమ్మారు.
 శివ ఇంత హిట్ అవుతుందని అనుకోలేదు.
 ఈ సినిమాలో హాస్య సన్నివేశాలను రామూ అసలు అంగీకరించలేదు.
 కథనం-ఫొటోగ్రఫీ-మ్యూజిక్-ఫైటింగ్స్-డైలాగ్స్...అన్నీ కొత్తతరహాగానే ఉన్నాయి.
 తెలుగు సినిమాకు కొత్త నడక నేర్పింది.
 **


 శంషాబాద్: జిల్లాలో దుండగులు పోలీసులపై తిరగబడుతున్న ఘటనలు ఆందోళన కలిగిస్తున్నాయి. తాజాగా శంషాబాద్ ఔటర్ సర్వీసు రహదారిపై శుక్రవారం అర్ధరాత్రి సీసీఎస్ పోలీసులు తనిఖీలు చేపడుతుండగా వారిపై మోస్ట్‌వాంటెడ్ చైన్‌స్నాచర్ కడవలూరి శివ(28) కత్తితో దాడికి పాల్పడ్డాడు. ఆ వెంటనే సీసీఎస్ సీఐ సుదర్శన్‌రెడ్డి కాల్పులు జరపడంతో అక్కడికక్కడే శివ మృతి చెందాడు.
 
 జంట కమిషనరేట్ల పరిధిలో ఇతడిపై పెద్దఎత్తున చైన్‌స్నాచింగ్ కేసులున్నాయి. కూకట్‌పల్లి పోలీస్‌స్టేష న్ పరిధిలోనే మొత్తం 30 కేసులున్నట్లు పోలీసులు గుర్తించారు. శంషాబాద్ ఆర్‌జీఐఏ, రూరల్ పోలీస్‌స్టేషన్‌ల పరిధిలో కూడా శివ గొలుసు దొంగతనాలకు పాల్పడినట్టు పోలీసులు తెలిపారు.
  
 సంచలనంగా మారిన ఘటన
 ఔటర్ సర్వీసు రహదారిపై జరిగిన ఈ ఘటన స్థానికంగా సంచలనంగా మారింది. కొన్నాళ్ల క్రితమే శామీర్‌పేటలోనూ ఇదే తరహ ఘటన చోటుచేసుకుంది. ప్రస్తుత కాల్పుల ఘటన శంషాబాద్ మండలంలో చర్చనీయాంశంగా మారింది. దొంగలు తెగబడుతున్న తీరుపై సర్వత్రా ఆందోళన వ్యక్తమవుతోంది. హతుడు శివ స్థానికంగా కూడా పలు దొంగతనాలకు పాల్పడినట్లు తెలియడంతో ప్రజలు భయాందోళన చెందుతున్నారు. ఎప్పుడూ నిర్మానుష్యంగా ఉండే ఔటర్ సర్వీసు రహదారిపై ఎప్పుడు ఎలాంటి ఘటనలు చోటు చేసుకుంటుందోనని స్థానికులు వణికిపోతున్నారు.


 హైదరాబాద్ : శంషాబాద్ సమీపంలో ఔటర్ రింగ్ రోడ్డు వద్ద ఎన్కౌంటర్లో మృతి చెందిన చైన్‌ స్నాచర్‌ శివ లైఫ్‌ స్టయిల్‌ను చూసి పోలీసులు షాక్‌ తిన్నారు. నార్సింగ్‌లో శివ అద్దెకుంటున్న త్రిబుల్‌ బెడ్‌ రూం ఫ్లాట్లో అతని లగ్జరీ జీవితాన్ని చూసి ఆశ్చర్యపోయారు. అతడు ఉపయోగిస్తున్న ఫర్నిచర్, ప్లాస్మా టీవీ నుంచి అక్వేరియం వరకూ అన్నీ అత్యంత ఖరీదైనవే. అంతే కాకుండా  రెండు లగ్జరీ కార్లుతో పాటు ఓ స్పోర్ట్స్ బైక్, స్కూటీని పోలీసులు సీజ్ చేశారు. దొంగతనాలకు పాల్పడే వ్యక్తి   విశాలమైన ఇల్లు, కాస్ట్‌లీ ఇంటీరియర్స్ చూసిన పోలీసులు సైతం అవాక్కయ్యారు.
 
 ఇక చైన్ స్నాచింగ్లకు పాల్పడే శివ ఎవరికీ అనుమానం రాకుండా ప్రవర్తించేవాడు. మూడు నెలలకు ఓసారి ఇల్లు మారేవాడు. ఒంటరిగా ఉన్న మహిళలను టార్గెట్ చేసేకునే అతడు... వారిని అడ్రస్ అడుగుతున్నట్లు నటిస్తూ వారి మెడల్లో నుంచి బంగారు ఆభరణాలు లాక్కెళ్లేవాడు. అప్పటికే మరొకరు కారులో సిద్ధంగా ఉండగా, ఆ వాహనంలో శివ ఎస్కేప్ అయ్యేవాడు. అనంతరం బంగారు ఆభరణాలను అమ్మి భార్యా పిల్లలతో ఇతర రాష్ట్రాలకు విహార యాత్రలకు వెళ్లి విలాసవంతమైన జీవితం గడిపేవాడు.
 
 అలాగే తన భార్య ఎకౌంట్లో డబ్బులు వేస్తూ ఎవరికీ అనుమానం రాకుండా చాలా జాగ్రత్తలు తీసుకునేవాడు. గతంలో ఓసారి పోలీసులకు చిక్కినట్లే చిక్కి శివ... పరారయ్యాడు. రెండు రోజుల క్రితం కూడా కానిస్టేబుల్పై అతడు దాడి చేసినట్లు సమాచారం. సెల్ఫోన్ సిగ్నల్స్ ఆధారంగా పోలీసులు శివ నివాసాన్ని గుర్తించారు. శివ భార్యతో పాటు మరో ఇద్దరు అనుమానితుల్ని పోలీసులు అదుపులోకి తీసుకుని విచారిస్తున్నారు.
 
  


 చిన్నప్పుడు తమ్ముళ్ల చేయి పుచ్చుకుని స్కూలుకి తీసుకువెళ్లారు...
  కొద్దిగా పెద్దయ్యాక గరిటె పట్టుకుని వంటలు చేసి రుచులు చూపించారు...
  మరి కాస్త పెద్దయ్యాక తమ్ముళ్లకు మార్గదర్శకురాలయ్యారు...
  నలభయ్యేళ్లుగా వారి అనుబంధం ముచ్చటగా కొనసాగుతోంది...
  ఆ అక్కయ్యపేరు నిర్మల... ఆ తమ్ముళ్లు శ్రీకాంత్, అనిల్...
  తమ్ముళ్ల కోసం అక్కయ్య ప్రేమగా చేసి పెట్టే వంటలు
  ఈ రాఖీ సందర్భంగా ప్రత్యేకం...
  
 క్యారట్ హల్వా
 
 కావలసినవి: 
 క్యారట్ తురుము - కప్పు; పాలు - లీటరు; పంచదార - ఒకటిన్నర కప్పులు; జీడిపప్పు పలుకులు - పది; కిస్మిస్ - 10; నెయ్యి - 6 టేబుల్ స్పూన్లు; ఏలకుల పొడి - టీ స్పూను
  
  తయారీ:  
  పాలను స్టౌ మీద ఉంచి నాలుగో వంతు వచ్చేవరకు మరిగించి పక్కన ఉంచాలి   బాణలిలో టేబుల్ స్పూను నెయ్యి వేసి కరిగాక, క్యారట్ తురుము వేసి పచ్చివాసన పోయేవరకు వేయించాలి  
  
  మరిగించిన పాలు జత చేసి బాగా ఉడకు పట్టాక, పంచదార వేయాలి   
  
  అన్నీ బాగా ఉడుకుపట్టాక ఏలకుల పొడి, నెయ్యి వేసి కలపాలి   
  ఒక బాణలిలో కొద్దిగా నెయ్యి వేసి కరిగాక జీడిపప్పులు, కిస్మిస్ వేసి వేయించి, ఉడికిన క్యారట్ హల్వాలో వేసి దించేయాలి   
  
  బాగా చల్లారాక చిన్న చిన్న కప్పులలో వేసి అందించాలి.
  
  చికెన్ ఫ్రై
  
  కావలసినవి:
  స్కిన్ లెస్ చికెన్ - అర కేజీ; అల్లంవెల్లుల్లి పేస్ట్ - 2 టీ స్పూన్లు; కారం - టీ స్పూను; నిమ్మరసం - 2 టీ స్పూన్లు; లవంగాలు - 3; ఏలకులు - 2; దాల్చినచెక్క - చిన్న ముక్క; పసుపు - పావు టీ స్పూను; ఉల్లిపాయ పేస్ట్ - అరకప్పు; పుదీనా ఆకులు - గుప్పెడు; ఉప్పు - తగినంత; నూనె - 3 టేబుల్ స్పూన్లు; పచ్చి మిర్చి - 3; పేస్ట్ కోసం... జీడిపప్పులు - 10; గసగసాలు - 2 టీ స్పూన్లు; ధనియాలు - 3 టీ స్పూన్లు; జీలకర్ర - టీస్పూను; పేస్ట్ కోసం పైన చెప్పిన పదార్థాలకు తగినన్ని నీళ్లు జత చేసి మిక్సీలో వేసి మెత్తగా చేసి పక్కన ఉంచాలి.
  
  తయారీ:
  చికెన్ ముక్కలను శుభ్రంగా కడిగి టీ స్పూను అల్లం వెల్లుల్లి పేస్ట్, అర టీ స్పూను కారం, నిమ్మరసం, పసుపు జత చేసి అర గంట సేపు మ్యారినేట్ చేయాలి  
  
  మ్యారినేట్ చేసిన చికెన్‌కు తగినన్ని నీళ్లు జత చేసి కుకర్‌లో ఉంచి నాలుగు విజిల్స్ వచ్చేవరకు ఉడికించాలి   
  
  బాణలిలో నూనె వేసి కాగాక లవంగాలు, ఏలకులు, దాల్చినచెక్క వేసి వేయించాలి   
  
  టీ స్పూను అల్లంవెల్లుల్లి పేస్ట్ వేసి కాసేపు వేయించాక అర టీ స్పూను కారం వేసి కలిపి, పుదీనా ఆకులు, ఉల్లిపాయ పేస్ట్ వేసి కలియబెట్టాలి
  
  ఉప్పు జత చేసి మసాలా మిశ్రమం బాగా విడివిడిలాడేవరకు వేయించాలి
  
  రెండు నిమిషాలయ్యాక ఉడికించిన చికెన్ ముక్కలు వేసి కలిపి ఐదు నిమిషాలయ్యాక దింపాలి.
  
  బెండకాయ ఇగురు
  
  కావలసినవి:
  బెండకాయలు - అర కిలో; నూనె - 4 టేబుల్ స్పూన్లు; వెల్లుల్లి రేకలు - 4; జీలకర్ర - టీ స్పూను; ఎండు మిర్చి - 6; జీడిపప్పు - పది; ఉప్పు - తగినంత; కొత్తిమీర తరుగు - టీ స్పూను
  
  తయారీ:
  ముందుగా బెండకాయలను శుభ్రంగా కడిగి ఆరబెట్టాలి  
  
 చిన్నచిన్న ముక్కలుగా తరగాలి  
  
 బాణలిలో నూనె వేసి కాగాక బెండకాయ ముక్కలు వేసి వేయించి మంట తగ్గించాలి  వేరే బాణలిలో నూనె లేకుండా ఎండు మిర్చి, జీలకర్ర, వెల్లుల్లి రేకలు వేసి వేయించి, చల్లారాక మిక్సీలో వేసి పొడి చేసి పక్కన ఉంచుకోవాలి  
  
  బెండకాయ ఇగురు బాగా వేగాక జీడిపప్పులు జత చేసి కొద్దిసేపు వేయించాక ఉప్పు వేసి కలపాలి  
  
  బాగా వేగిందనిపించాక, ముందుగా తయారుచేసి ఉంచుకున్న పొడి అందులో వేసి, కలిపి దించే ముందు కొత్తిమీర చల్లాలి.
  
  సేకరణ: వైజయంతి
  ఫోటోలు: శివ మల్లాల
  


  పెద్దారవీడు, న్యూస్‌లైన్ : పాత కక్షల నేపథ్యంలో ఓ యువకుడిని ప్రత్యర్థులు నడిరోడ్డుపై గొడ్డలితో నరికి చంపారు. ఈ ఘటన తోకపల్లె సమీపంలోని తీగలేరు బ్రిడ్జి వద్ద గురువారం సాయంత్రం జరిగింది. వివరాలు.. గొబ్బూరుకు చెందిన గోతం వెంకటేశ్వర్లు(35) కొద్ది రోజుల నుంచి మార్కాపురం పూలసుబ్బయ్య కాలనీలో నివసిస్తున్నాడు. త్రిపురాంతకం మండలం సోమేపల్లిలో నివసిస్తున్న తన సోదరులు కృష్ణ, శ్రీనుల వద్దకు వెంకటేశ్వర్లు బైకుపై వెళ్లాడు.
  
 తన అన్న కుమారుడు శివతో కలిసి తిరిగి మార్కాపురం వస్తుండగా మార్గమధ్యంలో ప్రత్యర్థులు కాపుగాసి వెంకటేశ్వర్లును హైవేపై అడ్డగించారు. ఆ బాలుడిని పక్కకు తీసి వెంకటేశ్వర్లు తలపై రాయితో విచక్షణారహితంగా మోదారు. గొంతుపై గోడ్డళ్లతో నరకటంతో అక్కడికక్కడే మృతి చెందాడు. ఆ సమయంలో బాలుడు బిత్తరపోయి పెద్దగా ఏడ్వటం ప్రారంభించాడు. ఆ రహదారిపై నిత్యం వాహనాలు తిరుగుతుంటాయి. హంతకులు క్షణాల్లో తమ ప్రత్యర్థిని చంపి పరారయ్యారు. నిందితులు కూడా బైకులపై వచ్చినట్లు సమాచారం.
  
 ప్రతీకారం తీర్చుకున్న హంతకులు
 రెండేళ్ల కిందట గొబ్బూరు బీసీ కాలనీలో నివసిస్తున్న నాలి సాంబయ్యను చంపిన కేసులో వెంకటేశ్వర్లు మొదటి ముద్దాయి. ఆయన తాలుకా మనుషులే వెంకటేశ్వర్లును చంపి ప్రతీకారం తీర్చుకుని ఉంటారని సంఘటనా స్థలం వద్దకు వచ్చిన గొబ్బూరు వాసులు అనుమానం వ్యక్తం చేశారు. మృతుడు చిరు వ్యాపారం చేసుకుంటూ జీవనం సాగించేవాడు. కొన్నేళ్ల కిందట స్వగ్రామం గొబ్బూరు విడిచి వెళ్లి మార్కాపురం, త్రిపురాంతకం మండలంలోని సోమేపల్లిలో వెంకటేశ్వర్లు సోదరులు నివాసం ఉంటున్నారు. మృతునికి భార్య, ముగ్గురు కుమార్తెలు, కుమారుడు ఉన్నారు.
  
 హత్య జరగడంతో హైవేరోడ్డుకు ఇరువైపులా వాహనాలు భారీగా నిలిచిపోయాయి. తహశీల్దార్ గర్నెపూడి లెవి, వీఆర్వో అచ్చయ్య, మార్కాపురం రూరల్, పట్టణ ఎస్సైలు దేవకుమార్, రాంబాబు, ఏఎస్సై సుదర్శనం, రైటర్ రామకృష్ణారెడ్డిలు సంఘటన స్థలానికి వచ్చి పరిస్థితిని సమీక్షించారు. పోస్టుమార్టం కోసం మృతదేహాన్ని మార్కాపురం ఏరియా వైద్యశాలకు తరలించారు. పెద్దారవీడు పోలీసులు కేసు నమోదు చేసి దర్యాప్తు చేస్తున్నారు.


 
  నెల్లూరు (క్రైమ్), : భార్య కాపురానికి రాలేదని మనస్తాపం చెందిన ఓ భర్త తన ఇంట్లోని దూలానికి చున్నీతో ఉరేసుకుని ఆత్మహత్య చేసుకున్నాడు. ఈ సంఘటన రంగనాయకులపేటలోని పొర్లుకట్ట ఉప్పరపాళెంలో బుధవారం ఆలస్యంగా వెలుగులోకి వచ్చింది.
  
 పోలీసుల కథనం మేరకు...పొర్లుకట్టకు చెందిన అరవ శ్రీను అలియాస్ శివ (38)కు చింతారెడ్డిపాళెంకు చెందిన ఝా న్సీతో ఏడేళ్ల కిందట వివాహమైంది. శ్రీను సోమిశెట్టి కల్యాణ మంటపం సమీపంలోని టీ దుకాణంలో మాస్టర్‌గా పనిచేస్తున్నాడు.
  
 వీరికి ఇద్దరు పిల్లలు. మద్యానికి బానిసైన శ్రీను తరచూ భార్యతో ఘర్షణ పడేవాడు. దీంతో పలు దఫాలు భర్త ప్రవర్తనపై జాన్సీ మూడో నగర పోలీసులకు ఫిర్యాదు చేసింది. వారం కిందట దంపతుల నడుమ ఘర్షణ జరిగింది. ఇక్కడుంటే మారవని, తనతో పాటు చింతారెడ్డిపాళెంకు రావాలని ఝాన్సీ భర్తను కోరింది. అతను నిరాకరించడంతో ఆదివారం ఆమె పుట్టింటికి వెళ్లిపోయింది.
  
 అప్పటి నుంచి అతను పనికి వెళ్లడం లేదు. ఫూటుగా మద్యం సేవిస్తూ తిండి తినడం మానేశాడు. తల్లి, సోదరి విజ్ఞప్తి మేరకు అతను మంగళవారం చింతారెడ్డిపాళెంకు వెళ్లి భార్యను రమ్మని పిలిచాడు. ఆమె నిరాకరించడంతో మనస్తాపం చెందిన శ్రీను మధ్యాహ్నం ఇంటికి వచ్చి ఎవరికి కనిపించలేదు.
  
 బుధవారం ఉదయం టీ దుకాణంలో పనిచేస్తున్న ఓ వ్యక్తి వచ్చి శ్రీను ఇంటికి వెళ్లి తలుపులు తట్టి పిలిచినా ఎలాంటి అలికిడి లేదు. అతను శ్రీను తల్లిని అడిగాడు. ఆమె తనకు తెలియదని చెప్పి ఇంటికి వెనక వైపునున్న కిటికీలో నుంచి చూడగా ఇంటి రేకులకు వేసిన దూలానికి శవమై కనిపించాడు.  మూడో నగర ఎస్‌ఐ నాగభూషణం శ్రీను తల్లి, సోదరి సమక్షంలో తలుపులు పగలగొట్టించి మృతదేహాన్ని కిందకు దించి ప్రభుత్వాస్పత్రికి తరలించారు. పోలీసులు కేసు దర్యాప్తు చేస్తున్నారు.
  


 సాక్షి, చెన్నై : డీఎంకే అభ్యర్థిగా రాజ్యసభలో తిరుచ్చి శివకు మళ్లీ అడుగు పెట్టేనా అన్న చర్చ బయలు దేరింది. కరుణానిధి ఆశీస్సులతో తన గెలుపు తథ్యమని శివ ధీమా వ్యక్తం చేస్తున్నారు. అయితే, రాజకీయ వర్గాలు మాత్రం ఓట్ల మీద దృష్టి కేంద్రీకరిస్తున్నాయి. రాష్ట్రానికి చెందిన ఆరుగురు రాజ్య సభ ఎంపీల పదవీ కాలం త్వరలో ముగియనున్నది. ఈ స్థానాల భర్తీ నిమిత్తం ఫిబ్రవరిలో ఎన్నికలు జరగనున్న విషయం తెలిసిందే. నామినేషన్ల పర్వం మరో రెండు రోజుల్లో ఆరంభం కానుంది. ఈ పరిస్థితుల్లో తమ అభ్యర్థిగా తిరుచ్చి శివను రేసులో దింపుతూ డీఎంకే అధిష్టానం నిర్ణయం తీసుకుంది. ఇది వరకు రాజ్యసభ సభ్యుడిగా తన వాక్ చాతుర్యంతో అందర్నీ ఆకట్టుకున్న శివకు ఈ పర్యాయం విజయావకాశాలు ఎలా ఉంటుందోనన్న చర్చ బయలు దేరింది. ఇది వరకు జరిగిన ఎన్నికల్లో కాంగ్రెస్ మద్దతుతో కనిమొళి గట్టెక్కగా, తాజాగా శివకు మద్దతు ఇచ్చే వాళ్లెవరోనన్న ప్రశ్న బయలు దేరింది. 
  
  చర్చ : ఇది వరకు కాంగ్రెస్‌తో కలసి ఉన్న దృష్ట్యా, డీఎంకేకు అదనంగా ఐదు ఓట్లు వచ్చి చేరాయి. దీంతో కనిమొళి రాజ్య సభ మెట్లు ఎక్కగలిగారు. తాజాగా జరగనున్న ఎన్నికల్లో మళ్లీ తమ అభ్యర్థిని నిలబెట్టేందుకు డీఎంకే నిర్ణయించింది. తిరుచ్చి శివకు మళ్లీ అవకాశం కల్పించారు. డీఎంకే వద్ద 23 ఓట్లు ఉండగా, ఆ పార్టీకి పుదియ తమిళగం, మనిదనేయ మక్కల్ కట్చిలు మద్దతు ప్రకటించారుు. ఆ రెండు పార్టీలకు చెరో రెండు ఓట్లు ఉండటంతో సంఖ్య 27కు చేరింది. అయితే, పుదియ తమిళగంలో ఒక ఓటు డీఎంకేకు పడేనా అన్నది అనుమానమే. ఇందుకు కారణం ఆపార్టీ నేత కృష్ణస్వామిపై ఎమ్మెల్యే రామస్వామి తిరుగు బావుటా ఎగర వేయడమే. ఈ దృష్ట్యా సంఖ్య 26కు తగ్గనున్నది. ఒక ఎంపీ గెలవాలంటే 34 మంది ఎమ్మెల్యేల ఓట్లు అవసరం. ఈ దృష్ట్యా, అదనంగా ఎనిమిది ఓట్లు శివకు ఎక్కడి నుంచి వచ్చి పడేనో అన్న ప్రశ్న నెలకొంది. కాంగ్రెస్‌ను డీఎంకే దూరం పెట్టిన దృష్ట్యా, వారి మద్దతు దక్కేనా అన్నది వేచి చూడాల్సిందే. అదే సమయంలో తమ అభ్యర్థిని నిలబెట్టకుండా డీఎంకేకు డీఎండీకే మద్దతు ఇచ్చిన పక్షంలో శివ గట్టేక్కే అవకాశం ఉంది. ఇందుకు డీఎండీకేలో ఆస్కారం ఉందా..? అన్నది సందిగ్ధమే. ఈ దృష్ట్యా, శివ గెలుపునకు కరుణానిధి ఎలాంటి అస్త్రాలు ప్రయోగించనున్నారో, ఇది లోక్ సభ ఎన్నికల రాజకీయానికి వేదిక అయ్యేనా అన్నది వేచి చూడాల్సిందే.
  
  కరుణ ఆశీస్సు : తనను అభ్యర్థిగా ప్రకటించడంతో చెన్నైకు తిరుచ్చి శివ ఉరకలు తీశారు. ఉదయాన్నే అధినేత ఎం కరుణానిధిని కలుసుకుని ఆశీస్సులు అందుకున్నారు. అనంతరం డీఎంకే కోశాధికారి ఎంకే స్టాలిన్‌తో మాట్లాడారు. ఈ సందర్భంగా మీడియాతో మాట్లాడుతూ, గెలుపు ధీమా వ్యక్తం చేశారు. కరుణానిధి ఆశీస్సులు తనను తప్పకుండా గెలిపిస్తాయని శివ ఆశాభావం వ్యక్తం చేశారు. 21వ తేదీ తాను నామినేషన్ వేయనున్నానని, తన గెలు పు తథ్యమని ధీమా వ్యక్తం చేశారు. కాంగ్రెస్ మద్దతు తీసుకుంటారా..? అని ప్రశ్నిం చగా, తమ అధినేత తీసుకునే నిర్ణయాలు తనను గెలిపిస్తాయని పేర్కొడం విశేషం. 
  కమిటీ: ఫిబ్రవరి 15,16 తేదీల్లో తిరుచ్చి వేదికగా డీఎంకే మహానాడు జరగనున్న విషయం తెలిసిందే. ఇందు  కోసం ఇప్పటికే పలు కమిటీలు ఏర్పాటు చేశారు. ప్రస్తుతం ఆహ్వాన, పందిళ్లు, వేదిక, ప్రచార కమిటీలు నియమిస్తూ డీఎంకే అధిష్టానం శనివారం ప్రకటించింది. ఇందులో పెరంబలూరు, పుదుకోట్టై, తిరుచ్చి జిల్లాల నాయకులకు అవకాశం కల్పించారు.  వేదికను ఢిల్లీలోని ఎర్రకోట తరహాలో తీర్చిదిద్దేందుకు నిర్ణయించారు.