● కలెక్టర్‌ ఆనంద్‌ నెల్లూరు రూరల్‌: జిల్లాలో ఎస్సీ, ఎస్టీల అభ్యున్నతికి కృషి చేస్తున్నట్లు కలెక్టర్‌ ఆనంద్‌ తెలిపారు. శనివారం కలెక్టరేట్‌లోని తిక్కన ప్రాంగణంలో భారత మాజీ ఉపప్రధాని డాక్టర్‌ బాబూ జగ్జీవన్‌రామ్‌ 118వ జయంతి కార్యక్రమాన్ని సాంఘిక సంక్షేమ శాఖ ఆధ్వర్యంలో నిర్వహించారు. తొలుత జగ్జీవన్‌రామ్‌ చిత్రపటానికి పుష్పాంజలి ఘటించి నివాళుర్పించారు. కలెక్టర్‌ మాట్లా డుతూ దేశంలో సామాజిక న్యాయం కోసం పోరాడి బడుగు బలహీన వర్గాల ఉన్నతికి అహర్నిశలు శ్రమించిన గొప్ప సంఘ సంస్కర్త బాబూ జగ్జీవన్‌రామ్‌ అని అన్నారు. జిల్లాలో 30 శాతం ఎస్సీ, ఎస్టీల జనాభా ఉందని, వీరి సంక్షేమానికి ప్రాధాన్యత ఇస్తూ కార్యక్రమాలు చేపడుతున్నట్లు వివరించారు. జాయింట్‌ కలెక్టర్‌ కార్తీక్‌ మాట్లాడుతూ మహనీయుల చరిత్ర తెలుసుకోవడంతోపాటు వారి స్ఫూర్తితో చరిత్రలో తమకు ఒక ప్రత్యేక స్థానం సాధించాలనే పట్టుదల, కార్యదక్షత విద్యార్థులు అలవర్చుకోవాలని పిలుపునిచ్చారు. కేవలం చదువు, ఉద్యోగాలు మాత్రమే కాకుండా ప్రతి ఒక్కరూ సమాజహితం కోసం పనిచేయాలన్నారు. ఎస్సీ, ఎస్టీ అట్రాసిటీ చట్టం గురించి గ్రామస్థాయిలో అవగాహన కల్పించాలని పలు సంఘాల నాయకులను కోరారు. ఈ చట్టం ఎటువంటి రక్షణ కల్పిస్తుందో వివరించాలన్నారు. తొలుత పలు సంఘాల నాయకులు బాబూ జగ్జీవన్‌రామ్‌ జీవిత విశేషాలు, రాజకీయంగా ఆయన ఎదిగిన తీరు, దేశానికి బడుగు బలహీన వర్గాలకు ఆయన చేసిన సేవలను వివరించారు. ఈ కార్యక్రమంలో డీఆర్‌ఓ ఉదభాస్కర్‌రావు, సోషల్‌ వెల్ఫేర్‌ డీడీ శోభారాణి, ఎస్సీ కార్పొరేషన్‌ ఈడీ శ్రీనివాసులు, విద్యార్థినిలు, పలు సంఘాల నేతలు పాల్గొన్నారు.

జలదంకి: మండలంలోని ఎల్‌ఆర్‌అగ్రహారం రోడ్డులో ఉన్న గోకులకృష్ణ రైస్‌మిల్లులో అక్రమంగా నిల్వ ఉంచిన దాదాపు 184 క్వింటాళ్ల రేషన్‌ బియ్యం సివిల్‌ సప్లయీస్‌ అధికారుల తనిఖీల్లో పట్టుబడ్డాయి. రైస్‌మిల్లులో రేషన్‌ బియ్యం ఉన్నట్లు సమాచారంతో శనివారం కావలి సివిల్‌ సప్లయీస్‌ ఏఎస్‌ఓ రవి, జలదంకి డీటీ జూలీబాయ్‌, జలదంకి, గోపన్నపాళెం వీఆర్వోలు గిరిధర్‌రెడ్డి, మాలకొండయ్య రైస్‌మిల్లును తనిఖీ చేశారు. 184.25 క్వింటాళ్ల రేషన్‌ బియ్యం ఉన్నట్లు గుర్తించి స్వాధీనం చేసుకున్నారు. వీటి మార్కెట్‌ విలువ రూ.6,60,962గా గుర్తించారు. మిల్లు యజమాని నిమ్మకాయల వెంకటేశ్వర్లుపై 6ఏ కేసు నమోదు చేసినట్లు ఏఎస్‌ఓ రవి తెలిపారు. ఈ బియ్యాన్ని కావలిలోని ప్రభుత్వ గోడౌన్‌కు తరలించినట్లు తెలిపారు. ఎంఈఓ సస్పెన్షన్‌ ఉలవపాడు: విధి నిర్వహణలో మద్యం తాగుతూ.. ఆ మత్తులో ఉంటున్న ఉలవపాడు జిల్లా పరిషత్‌ ఉన్నత పాఠశాల హెచ్‌ఎం, ఇన్‌చార్జి ఎంఈఓ కల్లూరి శివనాగేశ్వరరావును ఆర్జేడీ లింగేశ్వరరెడ్డి విధుల నుంచి సస్పెండ్‌ చేస్తూ శనివారం ఉత్తర్వులు జారీ చేశారు. హైస్కూల్‌ ఆట స్థలంలో మద్యం మత్తులో తూగుతున్న ఎంఈఓపై సాక్షిలో ‘ఆయన మారలేదు’ శీర్షికన శుక్రవారం ప్రచురితమైన కథనానికి కలెక్టర్‌ ఆనంద్‌ విద్యాశాఖను నివేదిక కోరి చర్యలు తీసుకోవాలని ఆదేశించారు. కలెక్టర్‌ ఆదేశాల మేరకు ఆర్జేడీ ఉత్తర్వులు జారీ చేశారు. ఎంఈఓ సస్పెన్షన్‌ ఉత్తర్వులు నోటీస్‌ బోర్డులో ఉంచాలని డీఈఓ, డిప్యూటీ డీఈఓతోపాటు ఎంఈఓ–2 రమణయ్యను ఆదేశించారు. జింకను వేటాడిన వ్యక్తిపై కేసు నమోదు నెల్లూరు (అర్బన్‌): ఆమంచర్ల సెక్షన్‌ కసుమూరు రిజర్వ్‌ ఫారెస్ట్‌ పరిధిలో జింకను వేటాడిన ఓ వ్యక్తిని ఫారెస్ట్‌ అధికారులు శనివారం మాంసంతో సహా పట్టుకుని అరెస్ట్‌ చేశారు. వెంకటాచలం మండలం వెంకటకృష్ణాపురం (వడ్డిపాళెం)కు చెందిన చల్లా కృష్ణయ్య అడవిలో జింకను వేటాడి మాంసాన్ని బాక్స్‌లో పెట్టుకుని వెళుతున్నట్లు స మాచారం అందుకున్న నెల్లూరు ఫారెస్ట్‌ రేంజర్‌ మాల్యాద్రి, సిబ్బంది తనిఖీ చేసి పట్టుకున్నారు. నిందితుడిని వేదాయపాళెంలోని జిల్లా అటవీశాఖాధికారి కార్యాలయానికి తీసుకు వచ్చారు. పరిశీలించిన డీఎఫ్‌ఓ మహబూబ్‌బాషా మాట్లా డుతూ వన్యప్రాణుల సంరక్షణ చట్టం ప్రకారం కృష్ణయ్యపై కేసు నమోదు చేశామని తెలిపారు. ‘రంగడి’ సన్నిధిలో నేడు సీతారాముల కల్యాణం నెల్లూరు (బృందావనం): రంగనాయకులపేటలో ని తల్పగిరి రంగనాథస్వామి ఆలయంలో ఆదివారం ఉదయం 11 గంటలకు సీతారాముల కల్యాణం జరుగుతుందని ఈఓ శ్రీనివాసులురెడ్డి తెలిపారు. 8.30 గంటలకు శ్రీదేవి, భూదేవి సమేత రంగనాథస్వామి, సీతాలక్ష్మణ హనుమత్సమేత శ్రీరామచంద్రస్వామి వారికి తిరుమంజనం, 10.30 గంటలకు శ్రీరామ అవతార ఘట్టపురాణ పఠనం, సాయంత్రం 6.30 గంటలకు తల్పగిరి రంగనాథస్వామి వారికి హనుమంత సేవ పేట ఉత్సవం జరగనున్నాయని తెలిపారు.

దోపిడీ ఘటనలో దర్యాప్తు ముమ్మరం ● ఘటనా స్థలాలను పరిశీలించిన రైల్వే ఎస్పీ ● సాంకేతిక, ఇతర సమాచారం ఆధారంగా దర్యాప్తు బిట్రగుంట: విజయవాడ రైల్వే డివిజన్‌ పరిధిలోని అల్లూరురోడ్డు–పడుగుపాడు స్టేషన్ల మధ్య సిగ్నల్‌ ట్యాంపర్‌ చేసి రైల్లో దోపిడీకి పాల్పడిన ఘటనపై రైల్వే పోలీసులు దర్యాప్తు ముమ్మరం చేశారు. అల్లూరురోడ్డు, పడుగుపాడు స్టేషన్ల సమీపంలో హోమ్‌ సిగ్నల్‌ ట్యాంపర్‌ జరిగిన ప్రాంతాలను గుంతకల్‌ జీఆర్పీ ఎస్పీ రాహుల్‌మీనా శనివారం పరిశీలించారు. సుమారు 2 గంటలకు పైగా ఘటనా స్థలాల్లోనే ఉండి అన్ని వివరాలు సేకరించారు. తొలుత అల్లూరురోడ్డు సమీపంలో గ్లూడ్‌ జాయింట్‌ వద్ద నాణెం ద్వారా సిగ్నల్‌ ట్యాంపర్‌ చేయడం, ట్రాక్‌ లీడ్‌ జంక్షన్‌ బాక్స్‌లతో వైర్లు కట్‌ చేసి సిగ్నల్స్‌ని ట్యాంపర్‌ చేసిన ప్రాంతాలను, అనంతరం పడుగుపాడు వద్ద కూడా సిగ్నల్స్‌ ట్యాంపర్‌ చేసిన ప్రాంతాలను పరిశీలించారు. సాంకేతిక నిపుణుల సహకారంతో దర్యాప్తునకు అవసరమైన కీలక సమాచారం సేకరించారు. స్టేషన్‌ ఔటర్లో చేపట్టిన నిఘా చర్యలు, సిగ్నల్‌ ట్యాంపర్‌ చేసే ముఠాల ఆగడాలకు అడ్డుకట్ట వేసే విషయంలో సిబ్బందికి స్పష్టమైన ఆదేశాలు జారీ చేశారు. ఎస్పీ వెంట రైల్వే డీఎస్పీ, సీఐలు, సిబ్బంది ఉన్నారు. నెల్లూరు సిటీ: జిల్లాలోని అల్లూరు రోడ్డు రైల్వేస్టేషన్‌ సమీపంలో జరిగిన రైల్లో జరిగిన దోపిడీ ఘటనలో ఆరుగురు దుండగులు పాల్గొన్నారని, వారిలో ముగ్గురు నిందితులను గుర్తించినట్లు రైల్వే ఎస్పీ రాహుల్‌ మీనా తెలిపారు. ఇటీవల రైల్లో దోపిడీ జరిగిన ప్రాంతాన్ని శనివారం ఆయన పరిశీలించారు. అనంతరం నగరంలోని రైల్వే డీఎస్పీ కార్యాలయంలో విలేకరుల సమావేశంలో మాట్లాడుతూ దుండగులు సిగ్నల్‌ ట్యాంపరింగ్‌ చేసి దొంగతనం చేశారన్నారు. సీసీ ఫుటేజ్‌ ఆధారంగా ముగ్గురు నిందితులను గుర్తించినట్లు తెలిపారు. ఈ ముగ్గురు విజయవాడ రైల్వేస్టేషన్‌లో ఉన్నట్లు గుర్తించామన్నారు. వారిలో ఒకరిని ప్రయాణికుడు ధ్రువీకరించారన్నారు. రైలులో రాజస్తాన్‌, ఢిల్లీ, హరియాణాకు చెందిన ప్రయాణికులు ఉన్నారని, వారిని కూడా విచారిస్తున్నామన్నారు. దొంగతనం జరిగిన తీరును బట్టి నిందితులు ఆరుగురు ఉన్నట్లు అంచనా వేస్తున్నామన్నారు. కొందరు ట్రాక్‌పై ఉండి, రైల్లో రెండు చైన్‌ స్నాచింగ్‌, రెండు బ్యాగు దొంగతనాలు జరిగాయన్నారు. కేసును వీలైనంత త్వరగా పరిష్కరించాలని డీజీపీ ఆదేశాలు జారీ చేశారన్నారు. ఇప్పటికే నెల్లూరు జీఆర్పీ ఆధ్వర్యంలో ఒక ప్రత్యేక బృందాన్ని ఏర్పాటు చేసినట్లు తెలిపారు. గతంలో కూడా ఇదే తరహాలో నేరాలు జరిగాయని, వాటిని కూడా పరిశీలిస్తున్నామన్నారు. ఈ సమావేశంలో రైల్వే డీఎస్పీ మురళీధర్‌ పాల్గొన్నారు. ముగ్గురిని గుర్తించాం, త్వరలో కేసును ఛేదిస్తాం రైల్వే ఎస్పీ రాహుల్‌మీనా

● పెన్నాను తోడేస్తున్న పచ్చ తోడేళ్లు ● వెంకటగిరిలో ప్రజాప్రతినిధి అండతో రెచ్చిపోతున్న ఇసుక మాఫియా ● రాజుపాళెం, తెలుగురాయపురంలో అక్రమ రీచ్‌లు ● నిత్యం 3,200 మెట్రిక్‌ టన్నుల ఇసుక ఇతర రాష్ట్రాలకు.. ● పెన్నానదిలోకి నేరుగా రాచబాటలు వేసిన ఇసుకాసురులు ● పర్యావరణానికి తూట్లు పొడుస్తున్నా పట్టించుకోని అధికారులు సాక్షి ప్రతినిధి, నెల్లూరు: వెంకటగిరి నియోజకవర్గంలో ఇసుక తోడేళ్లు రెచ్చిపోతున్నారు. స్థానిక ప్రజాప్రతినిధి అండతో షోడో ఎమ్మెల్యే కనుసన్నల్లో పచ్చ మాఫియా అధికారంలోకి వచ్చిన పది నెలల్లో కోట్లకు పడగలెత్తారంటే.. ఏ స్థాయిలో ఇసుక అక్రమ రవాణా జరుగుతుందో అర్థమవుతోంది. కలువాయి మండలం రాజుపాళెం, తెలుగురాయపురం సమీపంలోని పెన్నానదిని పచ్చ నేతలు కుళ్లబొడిచేస్తున్నారు. వాస్తవానికి పెన్నానదిలో ఇసుక తవ్వకాలకు ప్రధానంగా నేషనల్‌ గ్రీన్‌ ట్రిబ్యునల్‌ అనుమతి ఉండాలి. కానీ ఇక్కడ ఇసుక తవ్వకాలకు ఎన్‌జీటీ అను మతి ఇవ్వలేదు. పది నెలల క్రితం కూటమి ప్రభుత్వం అధికారంలోకి వచ్చిన తరువాత తమ్ముళ్లు ఇసుక రేవుల్లో పడి దోచేస్తున్నారు. యూనిట్‌కు రూ.వెయ్యి వాటా రాజుపాళెం, తెలుగురాయపురం ఇసుక రేవుల నుంచి ఇసుక తరలించాలంటే నియోజకవర్గ ప్రజాప్రతినిధికి యూనిట్‌కు రూ.వెయ్యి వాటా ముట్టజెప్పాల్సి ఉంది. ఆ ప్రజాప్రతినిధి తెలుగురాయపురం, అనంతసాగరం మండలానికి చెందిన వారికి రాజుపాళెంలో రీచ్‌ల్లో ఇసుక తవ్వకాలకు అనుమతి ఇచ్చేశాడు. షాడో ఎమ్మెల్యేగా వ్యవహరిస్తున్న నాయకుడి కనుసన్నల్లో ఇసుక తవ్వకాలు జరుగుతున్నాయి. ఇక్కడి నుంచి నిత్యం సగటున వంద వాహనాల్లో ఇసుక తరలిపోతున్నట్లు సమాచారం. ప్రతి వాహనానికి 8 యూనిట్లు లెక్కన నిత్యం 800 యూనిట్ల ఇసుకను ఇతర రాష్ట్రాలకు రవాణా చేస్తున్నారు. ప్రజాప్రతినిధి అండతో ఇసుక మాఫియా బరితెగించి రేయింబవళ్లు తవ్వకాలు చేస్తోంది. పగలు, రాత్రి వాహనాల రణగొణ ధ్వనులతో ఆయా మార్గంలోని నివాసాల్లో ఉంటున్న వారికి నిద్ర, ప్రశాంతత కరువైంది. ఇళ్లు, రోడ్లు దుమ్ముకొట్టుకుపోతున్నాయి. రహదారులు సైతం చిధ్రమవుతున్నాయి. పోలీస్‌, రెవెన్యూ, మైనింగ్‌ అధికారులు ఈ అక్రమార్జనలో భాగస్వాములయ్యారన్న ఆరోపణలు వినిపిస్తున్నాయి. తెలుగురాయపురం రీచ్‌లో యంత్రాలతో ఇసుక లోడింగ్‌ పెన్నానదిలో ఇసుక రేవుల్లో పచ్చ దొంగలు పడ్డారు. ప్రభుత్వ, పర్యావరణ అనుమతులు లేకుండానే నదిలో అక్రమంగా ఇసుక తవ్వేసి జేబులు నింపుకొంటున్నారు. పచ్చ నేతల దోపిడీకి అధికార యంత్రాంగం సాగిలపడుతోంది. నిబంధనలను బేఖాతరు చేస్తూ రేయింబవళ్లు లారీలు, టిప్పర్లు వరుసపెట్టి ఇసుక అక్రమ రవాణా చేస్తున్నా.. అధికార యంత్రాంగం సైతం అవినీతిలో భాగస్వాములై అసలు ఇసుక రవాణే జరగడం లేదంటూ నిస్సిగ్గుగా బుకాయిస్తోంది. పర్యావరణానికి తూట్లు పొడుస్తూ పెన్నానదిలోకి రాచబాట వేశారు. తెలుగురాయపురానికి ప్రధాన రహదారి నుంచి నది మధ్యలోకి రోడ్డు వేశారు. రాజుపాళెంలోకి ప్రధాన రహదారి నుంచి ప్రైవేట్‌ వ్యక్తికి చెందిన మామిడి తోట నుంచి రోడ్డును నిర్మించారు. ఆ రహదారి వేసినందుకు ప్రైవేట్‌ వ్యక్తికి నెలకు రూ.50 వేలు ఇస్తున్నారు. నదీ గర్భంలోకి రోడ్డు వేసినా సంబంధిత అధికారులు పట్టించుకోలేదు. ఇటీవల పత్రికల్లో కథనాలు రావడంతో రహదారిని మూసివేసినట్లుగా హడావుడిగా ఫ్లెక్సీ ఏర్పాటు చేస్తున్నట్లు ఫొటోలు తీసి ప్రచారం చేశారు. గంటల వ్యవధిలోనే ఆ ఫ్లెక్సీలు చించేసి యథావిధిగా రహదారి నుంచి వాహనాల రాకపోకలు సాగించేలా చర్యలు చేపట్టారు. అధికార పార్టీ నేతల సహకారంతో ఇసుక మాఫియా నదీలో ఇసుక దోపిడీ చేస్తుంటే అధికారులు మాత్రం కళ్లకు గంతలు కట్టుకుని ఏమీ తెలియనట్లు వ్యవహరిస్తున్నారు. ఈ విషయమై కలువాయి తహసీల్దార్‌ శ్యామ్‌సుందర్‌ను సాక్షి ప్రశ్నించగా పెన్నానదిలో ఇసుక అక్రమ రవాణా విషయం మాకు తెలియదు. ఇసుక రవాణా జరుగుతుంటే మీరే మైనింగ్‌ శాఖకు ఫిర్యాదు చేయండి అంటూ ఉచిత సలహా ఇచ్చారు.

ఆత్మకూరు: మా బిడ్డ 40 రోజుల క్రితం అదృశ్యమైందని, అనుమా నం ఉండే యువకుడి వివరాలు తెలుపుతూ ఏఎస్‌పేట పోలీసులకు ఫిర్యాదు చేసినా పట్టించుకోలేదని, తమ బిడ్డ బతికి ఉందో, లేదో చెప్పండంటూ ఆ యువతి తల్లి డీఎస్పీ కార్యాలయం ఎదుట విలపించింది. తన బిడ్డ ఆచూకీ తెలపాలంటూ ఆ తల్లి న్యాయవాది నందా ఓబులేసు, అలీ, పలువురు మహిళలతో కలిసి ఆత్మకూరు డీఎస్పీ కార్యాలయం ఎదుట శనివారం ఆందోళన వ్యక్తం చేసింది. బాధితుల కథనం మేరకు.. ఏఎస్‌పేట మండలం రాజవోలుకు చెందిన హబీబున్నీసా కూలి పనులు చేసుకుంటూ జీవనం సాగిస్తోంది. ఆమె కుమార్తె (20) ఆత్మకూరులోని ఓ కళాశాలలో డిగ్రీ చదువుతోంది. కళాశాలలో పరిచయమైన ఇందుకూరుపేట మండలం జేజేపేటకు చెందిన చేవూరు భరణీధర్‌ మాయమాటలు చెప్పి ఫిబ్రవరి 26న తీసుకెళ్లిపోయాడు. మరుసటి రోజు ఏఎస్‌పేట ఎస్సై సైదులుకు ఫిర్యాదు చేసి వారం రోజుల పాటు స్టేషన్‌ చుట్టూ తిరగ్గా భరణీధర్‌ తల్లిని స్టేషన్‌కు పిలిపించారు. ఆమెను విచారణ చేస్తే ఆమె పోలీసులకే ఎదురు సమాధానం చెప్పిందని బాధితులు తెలిపారు. దీంతో అప్పటి నుంచి స్టేషన్‌ చుట్టూనే తిరుగుతున్నా పూర్తి స్థాయి విచారణ చేయకపోవడంతో తమ కుమార్తె ప్రాణాలతో ఉందో, లేదో అనే అనుమానం వ్యక్తం అవుతుందని యువతి తల్లి ఆవేదన వ్యక్తం చేసింది. భరణీధర్‌ ఇప్పటికే కళాశాలలో మురగళ్ల, రాయచోటి, ఆత్మకూరుకు చెందిన ముగ్గురు బాలికలను మోసం చేశాడనే విషయాలు వెలుగులోకి వస్తున్నాయని తెలిపారు. ఇటీవల ఎస్సైని మరోసారి కలిసి విన్నవించుకోగా ఆయన విసుక్కున్నారని, మీరే వెతుక్కోవాలని నిర్లక్ష్యంగా సమాధానం చెప్పినట్లు బాధితులు ఆవేదన వ్యక్తం చేశారు. దీంతో పలువురు మహిళలతో కలిసి ఆత్మకూరు డీఎస్పీని కలిసేందుకు వచ్చినట్లు వారు తెలిపారు. అమ్మాయిలు మిస్సింగ్‌ అవుతున్నారని గతంలో పవన్‌ కల్యాణ్‌, చంద్రబాబు విమర్శలు చేశారని, ప్రస్తుతం ఏఎస్‌పేట, మర్రిపాడు, అనంతసాగరం పోలీసు స్టేషన్ల పరిధిలోనే ముగ్గురు అదృశ్యమై రోజులు గడుస్తున్నా.. ఈ ప్రభుత్వంలో ఎలాంటి చర్యలు లేవని మహిళలు మండి పడ్డారు. డీఎస్పీ అందుబాటులో లేకపోవడంతో ఆత్మకూరు సీఐ జి గంగాధర్‌, ఎస్సై ఎస్‌కే జిలానీ అక్కడకు చేరుకుని బాధిత మహిళలతో మాట్లాడారు. ప్రత్యేక టీమ్‌ను ఏర్పాటు చేసి ఎక్కడున్నా తీసుకు వస్తామని హామీ ఇవ్వడంతో శాంతించారు. అదే సమయంలో సీఐ ఆదేశాల మేరకు ఆత్మకూరుకు వచ్చిన ఏఎస్‌పేట ఎస్సై సైదులును మహిళలు చుట్టుముట్టారు. ఆ సమయంలో మర్రిపాడు మండలం బాట గ్రామానికి చెందిన గంగిశెట్టి శ్రీనివాసులు కుమార్తె (16)ను మాయమాటలు చెప్పి ఓ వ్యక్తి తీసుకెళ్లాడని ఆ గ్రామస్తులు వచ్చి సీఐకి ఫిర్యాదు చేయడం గమనార్హం. 40 రోజుల క్రితం మిస్సింగ్‌ అయిన యువతి తల్లి ఆందోళన డీఎస్పీ కార్యాలయం ఎదుట మహిళల నిరసన

నెల్లూరు సిటీ: మతి స్థిమితం లేని ఓ వృద్ధురాలు కనిపించడం లేదని కుటుంబ సభ్యులు శనివారం పోలీసులకు ఫిర్యాదు చేశారు. వారి కథనం మేరకు.. నెల్లూరు టైలర్స్‌ కాలనీలో పురుషోత్తం అనే వ్యక్తి కుటుంబం నివాసం ఉంటోంది. అతడి తల్లి సుబ్బమ్మకు మూడు సంవత్సరాల నుంచి మతి స్థిమితం లేదు. ఈనెల 2వ తేదీన ఆమె ఇంటి నుంచి అదృశ్యమైంది. కుటుంబ సభ్యులు పలు ప్రాంతాల్లో వెతికారు. ఆచూకీ లభ్యం కాకపోవడంతో వేదాయపాళెం పోలీసులకు ఫిర్యాదు చేయగా వారు కేసు నమోదు చేసి దర్యాప్తు చేస్తున్నారు. కండలేరులో 47.964 టీఎంసీలురాపూరు: కండలేరు జలాశయంలో శనివారం నాటికి 47.964 టీఎంసీ నీరు నిల్వ ఉన్నట్లు ఈఈ విజయకుమార్‌రెడ్డి తెలిపారు. కండలేరు నుంచి సత్యసాయి గంగ కాలువకు 1,320, పిన్నేరు కాలువకు 5, లోలెవల్‌ కాలువకు 50, హైలెవల్‌ కాలువకు 30, మొదటి బ్రాంచ్‌ కాలువకు 10 క్యూసెక్కుల వంతున నీటిని విడుదల చేస్తున్నట్లు వెల్లడించారు.

నెల్లూరు(స్టోన్‌హౌస్‌పేట): దేశ వ్యాప్తంగా ముస్లిం సమాజం వ్యతిరేకిస్తున్న వక్ఫ్‌ చట్ట సవరణ బిల్లుకు మద్దతు పలికి చంద్రబాబు చరిత్రహీనుడిగా మిగిలిపోయారని మాజీ డిప్యూటీ మేయర్‌, వైఎస్సార్‌సీపీ మైనార్టీ విభాగం రాష్ట్ర ప్రధాన కార్యదర్శి ఖలీల్‌ అహ్మద్‌ అన్నారు. నెల్లూరులోని ఆ పార్టీ జిల్లా కార్యాలయంలో శనివారం ఆయన విలేకరుల సమావేశంలో మాట్లాడారు. రాజ్యాంగ విరుద్ధమైన బిల్లును ఆమోదం తెలిపేందుకు చంద్రబాబు పూర్తి సహకారాన్ని అందించి ముస్లింల పట్ల తన వ్యతిరేక వైఖరిని చాటుకున్నారని ఆగ్రహం వ్యక్తం చేశారు. వక్ఫ్‌ భూములను కాజేసే కుట్రలో తెలుగుదేశం పార్టీ భాగస్వామిగా మారిందని ధ్వజమెత్తారు. టీడీపీ, జనసేనకు ప్రజలు తగిన గుణపాళం చెప్పేందుకు సిద్ధంగా ఉన్నారన్నారు. ● వైఎస్సార్‌సీపీ మైనార్టీ విభాగం రాష్ట్ర ఉపాధ్యక్షుడు సయ్యద్‌ హంజా హుస్సేనీ మాట్లాడుతూ ముస్లింల మనోభావాలను దెబ్బతీసే విధంగా లోక్‌సభ, రాజ్యసభలో వక్ఫ్‌ చట్ట బిల్లును ప్రవేశపెట్టారన్నారు. బీజేపీ, టీడీపీ, జనసేనలు మతతత్వ పార్టీలుగా తమ వైఖరిని బహిర్గతం చేశాయన్నారు. వక్ఫ్‌ భూములు అన్యాక్రాంతం చేయడం కోసం నల్ల చట్టాన్ని ప్రవేశపెట్టి ముస్లింలను దగా చేస్తున్న కేంద్ర, రాష్ట్ర ప్రభుత్వాలకు ప్రజలు గుణపాఠం చెప్పే రోజు ఎంతో దూరంలో లేదన్నారు. ముస్లింలకు జరిగిన అన్యాయంపై వైఎస్సార్‌సీపీ పోరాటం చేసేందుకు సిద్ధంగా ఉందన్నారు. బిల్లును వెనక్కు తీసుకునే వరకు పోరాటం ఆగదని, దేనికైనా సిద్ధమని ప్రకటించారు. ● మైనార్టీ సెల్‌ జిల్లా అధ్యక్షుడు షేక్‌ సిద్ధిఖ్‌ మాట్లాడుతూ వక్ఫ్‌ సవరణ బిల్లుకు ఆమోదం తెలపడంతో టీడీపీపై రాష్ట్ర వ్యాప్తంగా ముస్లింలు ఆగ్రహంగా ఉన్నారన్నారు. వైఎస్సార్‌సీపీపై మీద బురద చల్లాలని సోషల్‌ మీడియా ద్వారా టీడీపీ తప్పుడు ప్రచారం మొదలు పెట్టిందన్నారు. ఎల్లో పత్రికల్లో కథనాలు రాయించి ముస్లింలను తప్పుదోవ పట్టించే ప్రయత్నం చేస్తున్నారన్నారు. ● మైనార్టీ నాయకులు సత్తార్‌, సయ్యాద్‌ అలీం, అబ్దుల్‌ రజాక్‌, షేక్‌ సలీం మాట్లాడుతూ ఎన్నో సంవత్సరాలుగా నిత్యం గొప్పలు చెప్పుకొనే చంద్రబాబు ముస్లింలు ఏం కోరుకుంటున్నారో అర్థం చేసుకోలేకపోవడం ఘోరమన్నారు. ఆయన తన నిజస్వరూపాన్ని బయట పెట్టారని తెలిపారు. ఏకకంఠంతో ముస్లింలు వ్యతిరేకిస్తున్నా బిల్లుకు మద్దతు తెలిపి సవరణలు సూచించామని సన్నాయి నొక్కులు నొక్కుతున్నారని చెప్పారు. సమావేశంలో కార్పొరేటర్‌ కరిముల్లా, నేతలు మున్వర్‌, షాకీర్‌, షేక్‌ మీరా, షేక్‌ హంషీద్‌ అలీ, రవూఫ్‌, జాకీర్‌, అబ్దుల్‌ రజాక్‌, గయాజ్‌ తదితరులు పాల్గొన్నారు. వక్ఫ్‌ చట్ట సవరణ బిల్లుకు ముస్లిం సమాజం వ్యతిరేకం మాజీ డిప్యూటీ మేయర్‌ ఖలీల్‌ అహ్మద్‌

●బీపీసీఎల్‌ సిబ్బంది, కాంట్రాక్టర్ల నిర్వాకం కావలి: కావలి మండలంలోని సర్వాయపాళెం, అల్లిగుంటపాళెంలో 20 రోజుల్లో వరికోతకు సిద్ధంగా ఉన్న పంటను శనివారం బీపీసీఎల్‌ సిబ్బంది, కాంట్రాక్టర్లు జేసీబీలతో తొక్కించి నాశనం చేశారు. ఆరుగాలం కష్టపడి పండించిన పంట చేతికొచ్చే సమయంలో వారు దౌర్జన్యంగా తొక్కించేయడంతో రైతులు కంటతడి పెడుతున్నారు. పంటను ధ్వంసం చేస్తున్న యంత్రాలను అడ్డుకుని నిరసన తెలిపారు. కృష్ణపట్నం నుంచి హైదరాబాద్‌కు బీపీసీఎల్‌ పైపులైన్ల పనులు చేపట్టింది. ఇందులో భాగంగా సర్వాయపాళెం, అల్లిగుంటపాళెం రైతులకు చెందిన భూముల్లో పైపులైన్లు వేయాల్సి ఉంది. పరిహారం చెల్లించకుండా ఆ సంస్థ సిబ్బంది దురుసుగా వ్యవహరిస్తుండటం, రైతులకు కనీస మర్యాద ఇవ్వకపోవడంతో ఇటీవల ధర్నా కూడా నిర్వహించారు. పరిహారం చెల్లించకుండా భూముల్లో అడుగుపెడితే సహించేది లేదని స్పష్టం చేశారు. దీంతో బీపీసీఎల్‌ సిబ్బంది, కాంట్రాక్టర్లు శనివారం మధ్యాహ్న సమయంలో అకస్మాత్తుగా జేసీబీలతో కోతకు సిద్ధంగా ఉన్న పొలాల్లో పనులు మొదలుపెట్టారు. చాలామంది రైతుల పంట కళ్ల ముందే నాశనమైపోయింది. నాశనం చేసిన పంటకు కూడా పరిహారం చెల్లించాలని అన్నదాతలు డిమాండ్‌ చేశారు.

● ముగ్గురిపై దాడి ● యువకుడికి తీవ్రగాయాలు పొదలకూరు: పట్టణంలోని వెంకటేశ్వర మద్యం షాపులో శనివారం నలుగురు తాగుబోతులు వీరంగం సృష్టించారు. కుర్చీలను విరగ్గొట్టడంతోపాటు మద్యం తాగుతున్న వారిపై విచక్షణారహితంగా దాడికి పాల్పడి గాయపరిచారు. పోలీసులు, స్థానికుల కథనం మేరకు.. మండలంలోని మహ్మదాపురం ఎస్సీ కాలనీకి చెందిన విజయ్‌కుమార్‌, బత్తులపల్లి గ్రామానికి చెందిన వాసు, అఖిల్‌, వెంకట్‌ నెల్లూరులో పనిచేస్తుంటారు. వీరు మద్యం తాగేందుకు వచ్చి ఇష్టానుసారంగా ప్రవర్తించారు. ముందుగా ఉప్పుటూరు గ్రామానికి చెందిన ఓ వ్యక్తిపై దాడి చేయడంతో అతను కిందిపడిపోయాడు. పట్టణానికి చెందిన చాంద్‌పై దాడి చేయగా అతడు భయపడి వెళ్లిపోయాడు. తర్వాత అదే షాపులో మద్యం తాగేందుకు వెళ్లిన పట్టణానికి చెందిన మెకానిక్‌ భక్తనార్‌పై విచక్షణారహితంగా బీరు బాటిల్‌, ఇటుకరాయితో దాడికి పాల్పడ్డారు. అతడికి తీవ్రగాయాలు కావడంతో స్థానికులు పోలీసులకు సమాచారం అందించారు. వెంటనే స్పందించిన ఎస్సై హనీఫ్‌ ఘటనా స్థలానికి చేరుకుని బాధితుడిని సీహెచ్‌సీకి తరలించారు. మెరుగైన చికిత్స కోసం నెల్లూరుకు పంపారు. భక్తనార్‌కు తలపై ఆరు కుట్లు పడినట్టు స్థానికులు వెల్లడించారు. నిందితుల్లో ఒకరిద్దరు బౌన్స ర్లుగా పనిచేస్తున్నట్టు తెలుస్తోంది. వారి వల్ల చుట్టుపక్కల వారు భయాందోళనకు గురయ్యారు. నిందితులను ఎస్సై అదుపులోకి తీసుకుని పోలీస్‌స్టేషన్‌కు తరలించారు.

● జేఏసీ జిల్లా అధ్యక్షుడు ఎండీ ఇలియాజ్‌ నెల్లూరు రూరల్‌: వక్ఫ్‌ చట్ట సవరణ బిల్లుకు మద్దతు ఇచ్చిన రాజకీయ పార్టీలు పునరాలోచించి బీజేపీపై ఒత్తిడి తీసుకురావాలని భారత రాజ్యాంగ పరిరక్షణ జాయింట్‌ యాక్షన్‌ కమిటీ జిల్లా అధ్యక్షుడు ఎండీ ఇలియాజ్‌ అన్నారు. నెల్లూరులోని జిల్లా జర్నలిస్ట్‌ భవన్‌లో శనివారం ఆయన విలేకరుల సమావేశంలో మాట్లాడారు. భారతీయ జనతా పార్టీ దేశంలోని ముస్లింలను మోసం చేస్తోందన్నారు. బిల్లులో ఎన్నో లొసుగులు ఉన్నాయన్నా రు. కేంద్రంలో అధికారంలో ఉన్న బీజేపీ, దాని మిత్రపక్షాలు ముస్లింలను సాంస్కృతికంగా, ఆర్థికంగా దెబ్బకొట్టేందుకు గతంలో ఉన్న పటిష్టమైన వక్ఫ్‌ చట్టాన్ని నీరుగార్చారన్నారు. ముస్లింలు మాత్రమే సభ్యులుగా ఉండాల్సిన వక్ఫ్‌ బోర్డులో ఇతరులను మెజారిటీ సభ్యులుగా నియమించే విధంగా గత చట్టాన్ని సవరించడం రాజ్యాంగం ప్రసాదిందించిన హక్కులకు పూర్తిగా విరుద్ధమన్నారు. బిల్లుకు చంద్రబాబు మద్దతు ఇవ్వడం దారుణమన్నారు. సమావేశంలో సయ్యద్‌ నవీద్‌ అహ్మద్‌, సయ్యద్‌ షకీల్‌ అహ్మద్‌, షేక్‌ అబ్దుల్‌ కరీం, జాకీర్‌, అన్వర్‌బేగ్‌, అబ్దుల్‌ గని, సర్దార్‌ పాల్గొన్నారు.

● 12 మందికి గాయాలు ● తప్పిన పెను ప్రమాదం సంగం: ఆర్టీసీ బస్సును సిమెంట్‌ ట్యాంకర్‌ ఢీకొన్న ఘటనలో 12 మంది గాయపడ్డారు. ఆ సమయంలో ఆత్మకూరు వైపు నుంచి వాహనాలు సంగం వైపునకు రాకపోవడంతో పెను ప్రమాదం తప్పింది. పోలీసుల కథనం మేరకు.. శనివారం నెల్లూరు నుంచి పామూరుకు 30 మంది ప్రయాణికులతో బస్సు బయలుదేరింది. ఇది సంగం బస్టాండ్‌కు వెళ్లింది. అక్కడి నుంచి పామూరుకు వెళ్లేందుకు బయలుదేరి నాలుగురోడ్ల సెంటర్‌ వద్ద బస్సు జాతీయ రహదారిని దాటుతోంది. ఈ సమయంలో సంగం నుంచి ఆత్మకూరు వైపు వెళ్తున్న భారీ సిమెంట్‌ ట్యాంకర్‌ బస్సు మధ్య భాగంలో ఢీకొట్టింది. దీంతో ఒక్కసారిగా ప్రయాణికులంతా కేకలు వేశారు. అదే సమయంలో స్థానికులు పోలీసులకు సమాచారమిచ్చి బస్సులో ఉన్న ప్రయాణికులను దించి సంగం వైద్యశాలకు 108 అంబులెన్స్‌లో తరలించారు. ఉసురుపాటి రాజమ్మ, జలదంకి వెంకటేష్‌, స్వర్ణ సువార్తమ్మ, వెలుపుల తిరుపతయ్య, ఒరిగినేని వెంకటేశ్వర్లు, షేక్‌ షమీర్‌, కృష్ణారెడ్డి, భూమిరెడ్డి అభినయ, యల్లసిరి రమణమ్మ, మహేష్‌, బుజ్జమ్మ, మరో యువకుడు గాయపడ్డారు. ఎస్సై రాజేష్‌ ఘటన స్థలానికి చేరుకుని పరిశీలించారు. పోలీసులు, గ్రామస్తులు కలిసి రోడ్డుకు అడ్డుగా ఉన్న బస్సును పోలీసులు, పక్కకు నెట్టారు. ట్యాంకర్‌ను క్రేన్‌ సహాయంతో పక్కకు తొలగించి రాకపోకల్ని పునరుద్ధరించారు. పోలీసులు కేసు నమోదు చేసి దర్యాప్తు చేస్తున్నారు. సంగం వైద్యశాలలో క్షతగాత్రులకు ప్రథమ చికిత్స అందించారు. మెరుగైన చికిత్స అవసరమైన వారిని నెల్లూరు, ఆత్మకూరు వైద్యశాలలకు తరలించారు. నిత్యం ప్రమాదాలు సంగం నాలుగు రోడ్ల సెంటర్‌లో 10 రోజుల్లో మూడుసార్లు ప్రమాదాలు చోటు చేసుకున్నాయి. దీంతో గ్రామస్తులు, బస్సుల కోసం వేచి ఉండే ప్రయాణికులు ఆందోళన చెందుతున్నారు. ఎన్ని హెచ్చరికలు చేసినా వాహనదారులు మితిమీరిన వేగంతో వస్తుండటమే ప్రమాదాలకు కారణం. పోలీసులు హిల్‌ రోడ్డు దిగే ప్రాంతంలో బారికేడ్లు ఏర్పాటు చేయాలని స్థానికులు కోరుతున్నారు.

అనుమసముద్రంపేట: ఏఎస్‌పేట మండల కేంద్రంలోని హజరత్‌ ఖాజా నాయబ్‌ రసూల్‌ దర్గాలో శుక్రవారం రాత్రి హైడ్రామా చోటుచేసుకుంది. దర్గా ఈఓ హుస్సేన్‌, దర్గా సజ్జదా హఫీజ్‌ పాషాల మధ్య వివాదం నెలకొంది. ఈఓ కథనం మేరకు.. దర్గాలో హఫీజ్‌ మతపరమైన కార్యకలాపాలు మాత్రమే చేసేలా 2023లో కోర్టు ఉత్తర్వులిచ్చింది. అయితే ఆయన కుమారుడు లేదా పీఏల చేత సలాంలు పాడిస్తున్నారు. దీనిని శుక్రవారం కూడా కొనసాగించారు. ఈ విషయమై ఈఓ అభ్యంతరం తెలిపారు. కోర్టు ఉత్తర్వులు ఉల్లంఘించి తన కుమారుడి చేత సలాంలు పాటిస్తుండటం సరికాదన్నారు. దీంతో హఫీజ్‌ దర్గా ముందు బైఠాయించారు. పోలీసులకు సమాచారం అందింది. ఎస్సై సైదులు దర్గా వద్దకు చేరుకుని ఇరువర్గాలకు సర్దిచెప్పారు. చివరకు హఫీజ్‌ సలాంలు పాడారు. దర్గా ఈఓ, సజ్జదా మధ్య వివాదం పోలీసుల జోక్యం

● ప్రభుత్వ నిధులతో మాజీ ఎమ్మెల్యే ఇంటి వద్ద సీసీ రోడ్డు నిర్మాణం ఆత్మకూరురూరల్‌: మండలంలోని నారంపేటలో మాజీ ఎమ్మెల్యే కంచర్ల శ్రీహరినాయుడు ఇంటి వద్ద రూ.2 లక్షలతో నిర్మించిన సిమెంట్‌ రోడ్డు చర్చనీయాంశంగా మారింది. ఆ రోడ్డు నిర్మాణం వల్ల గ్రామస్తులకు ఎలాంటి ఉపయోగం లేకపోగా కనీసం ఆయనకు కూడా ఎలాంటి ఉపయోగం లేదని స్థానికులు అంటున్నారు. మాజీ ఎమ్మెల్యే ఇంటికి ఎదురుగా 67వ నంబరు జాతీయ రహదారి నుంచి ఆత్మకూరు, మహిమలూరులను కలుపుతూ ప్రభుత్వం రోడ్డు నిర్మాణం చేపట్టింది. అప్పట్లో నిర్మించిన భవనం బేస్‌మెంట్‌ కంటే నూతన రోడ్డు నిర్మాణం రెండు, మూడు అడుగులు ఎత్తులో వెళ్లింది. దీంతో తన ఇంటి ప్రహరీ గోడకు ఎదురుగా ఇటీవల ప్రభుత్వ నిధులతో ఎవరికి ఉపయోగంలేని సిమెంట్‌ రోడ్డు నిర్మాణం చేయడం చర్చనీయాంశంగా మారింది. ఈ సిమెంటు రోడ్డు మీదనే మండల పరిషత్‌ నిధులతో ప్రహరీ గోడ నిర్మాణం చేపట్టాలని రేపో, మాపో పనులు సన్నాహాలు జరుగుతున్నాయని సమాచారం.

● ముస్లిం ఫెడరేషన్‌ ఆధ్వర్యంలో మసీదు వద్ద నిరసన నెల్లూరు(బారకాసు): కేంద్రంలోని ఎన్‌డీఏ ప్రభుత్వం వక్ఫ్‌ సవరణ చట్టాన్ని కక్షపూరితంగా తెచ్చిందని ముస్లిం ఫెడరేషన్‌ ఆఫ్‌ ఆంధ్రప్రదేశ్‌ రాష్ట్ర అధ్యక్షుడు మొహ్మద్‌ జియాఉల్‌హక్‌ అన్నారు. ఈ మేరకు ఫెడరేషన్‌ ఆధ్వర్యంలో శుక్రవారం నగరంలోని పెద్దబజార్‌లో ఉన్న మర్కజ్‌ అహమదియా మసీదు వద్ద వక్ఫ్‌బోర్డు సవరణ బిల్లుకు వ్యతిరేకంగా నిరసన కార్యక్రమం చేపట్టారు. ఈ సందర్భంగా ఆయన మాట్లాడుతూ రాష్ట్రంలో కూటమి ప్రభుత్వం వక్ఫ్‌ చట్ట సవరణ బిల్లుకు ఆమోదం తెలపడం శోచనీయమన్నారు. ఈ నల్లచట్టాన్ని తాము తీవ్రంగా ఖండిస్తున్నామన్నారు. ఈ బిల్లు మత స్వేచ్ఛ, సమానత్వం, సమాఖ్య స్ఫూర్తిని దెబ్బతీస్తుందన్నారు. ఈ కార్యక్రమంలో రాష్ట్ర మైనార్టీ నాయకులు షేక్‌ సిద్దిక్‌, సయ్యద్‌ ఐరాజ్‌, కోస్తాఆంధ్ర మైనార్టీ రైట్స్‌ అధ్యక్షుడు మొహ్మద్‌ ఉమర్‌, ఇన్సాఫ్‌ జిల్లా అధ్యక్షుడు షేక్‌ అజీజ్‌, ఫెడరేషన్‌ జిల్లా అధ్యక్షుడు షాహుల్‌, అమానుల్లా, అంజాద్‌, షబ్బీర్‌, రఫీ, షఫీ పలువురు ముస్లిం నాయకులు పాల్గొన్నారు.

మర్రిపాడు: మండలంలోని డీసీపల్లి పొగాకు బోర్డు వేలం కేంద్రంలో శుక్రవారం 582 పొగాకు బేళ్లను విక్రయించినట్లు వేలం నిర్వహణాధికారి రాజశేఖర్‌ తెలిపారు. వేలానికి 682 బేళ్లు రాగా వాటిలో 582 బేళ్లను విక్రయించామని, మిగిలిన బేళ్లను వివిధ కారణాలతో తిరస్కరించినట్లు తెలిపారు. వేలంలో 76,911 కిలోల పొగాకును విక్రయించగా రూ.2,06,92,754 వ్యాపారం జరిగింది. గరిష్ట ధర కిలో ఒక్కింటికి రూ.280 కాగా కనిష్ట ధర రూ.235 లభించింది. అకాల వర్షం.. అన్నదాతకు కష్టం ఆత్మకూరు రూరల్‌: మండలంలోని ఆరవేడులో శుక్రవారం కురిసిన అకాల వర్షానికి ఆరబెట్టుకొని ఉన్న వరి ధాన్యం తడిచిపోవడంతో రైతులు తీవ్రంగా ఇబ్బందులు పడ్డారు. స్థానిక సర్పంచ్‌ సూరం ప్రసాద్‌రెడ్డికి చెందిన 35 పుట్ల ధాన్యం తడిచిపోగా, మరికొందరు రైతులకు చెందిన మరో పది పుట్లకుపైగా ధాన్యం తడిచి పోయింది. ఈ సందర్భంగా బాధిత రైతులు మాట్లాడుతూ ప్రభుత్వ కొనుగోలు కేంద్రాల ద్వారా ధాన్యం విక్రయిద్దామని అధికారుల చుట్టూ తిరుగుతున్నా రోజుల తరబడి పట్టించుకోకపోవడం వల్లే తాము నష్టపోవాల్సి వచ్చిందని ఆవేదన చెందారు. ప్రభుత్వం స్పందించి తమకు న్యాయం చేయాలని వారు కోరుతున్నారు. అర్థమయ్యే రీతిలో బోధించాలి కందుకూరు రూరల్‌: విద్యార్థులకు అర్థమయ్యే రీతిలో బోధన చేపట్టాలని కందుకూరు సబ్‌ కలెక్టర్‌ తిరుమణి శ్రీపూజ సూచించారు. కందుకూరు పట్టణంలోని అమలనాధునివారిపాలెం ప్రాథమిక పాఠశాలను సబ్‌ కలెక్టర్‌ శుక్రవారం తనిఖీ చేశారు. విద్యార్థులతో మమేకమై వారి సమస్యలు తెలుసుకోవడంతో పాటు చదువు ఎలా సాగుతుందో పరిశీలించారు. ఈ సందర్భంగా ఆమె మాట్లాడుతూ ఎలాంటి సమస్యలు ఉన్న తన దృష్టికి తెస్తే పరిష్కరిస్తానన్నారు. పాఠశాలలోని 20 మంది విద్యార్థులకు ఆధార్‌ కార్డులు లేవని ఆమె దృష్టికి తీసుకెళ్లారు. దానికి సంబంధించి తగు చర్యలు తీసుకోవాలని అక్కడే ఉన్న మున్సిపల్‌ కమిషనర్‌ అనూషకు సూచించారు. ఆమె వెంట కందుకూరు ఎంఈఓ సుబ్బారెడ్డి, ప్రధానోపాధ్యాయులు, ఉపాధ్యాయులు, మున్సిపల్‌ సిబ్బంది ఉన్నారు. కారుణ్య నియామకాలు నెల్లూరు (పొగతోట): జిల్లా పరిషత్‌ యాజమాన్య పరిధిలో పనిచేస్తూ మరణించిన వారి కుటుంబ సభ్యులు ఇద్దరికి ఉద్యోగ అవకాశాలు కల్పించారు. జెడ్పీ చైర్‌పర్సన్‌ ఆనం అరుణమ్మ కారుణ్య నియామకాల కింద ఇద్దరిని ఆఫీసు సబార్డినేటర్లుగా శుక్రవారం నియమించారు. ఈ కార్యక్రమంలో జెడ్పీ సీఈఓ విద్యారమ, డిప్యూటీ సీఈఓ మోహన్‌రావు, ఉద్యోగ సంఘ నాయకులు పెంచలయ్య, భీమ్‌రెడ్డి తదితరులు పాల్గొన్నారు.

● ముగ్గురు నిందితుల అరెస్ట్‌ నెల్లూరు(క్రైమ్‌): నెల్లూరు ప్రొహిబిషన్‌ అండ్‌ ఎకై ్సజ్‌ అధికారులు ముగ్గురు వ్యక్తులను అరెస్ట్‌ చేసి 20.200 కేజీల గంజాయిని స్వాధీనం చేసుకున్నారు. ప్రొహిబిషన్‌ అండ్‌ ఎకై ్సజ్‌ ఎన్‌ఫోర్స్‌మెంట్‌ ఏసీ పి.దయసాగర్‌ తన కార్యాలయంలో దాడుల వివరాలను శుక్రవారం వెల్లడించారు. తమిళనాడు రాష్ట్రం మదురై జిల్లా చెట్టికుల్లం గ్రామానికి చెందిన సుందర్‌ పాండి, నేతాజీ, సముత్తువాపురానికి చెందిన కుమార్‌లు గంజాయి విక్రేతలు. వీరు కొంతకాలంగా విశాఖపట్నంకు చెందిన హనుమాన్‌ అలియాస్‌ హనుమంత్‌ వద్ద గంజాయిని తక్కువ ధరకు కొనుగోలు చేసి తమ ప్రాంతాల్లో అధిక ధరలకు విక్రయించి సొమ్ముచేసుకోసాగారు. శుక్రవారం ఏఈఎస్‌ జగదీశ్వర్‌రెడ్డి, ఎన్‌ఫోర్స్‌మెంట్‌ సిబ్బంది వెంకటాచలం టోల్‌ప్లాజా వద్ద వాహన తనిఖీలు నిర్వహించి చైన్నె వెళుతున్న ఆర్టీసీ బస్సుల్లో బ్యాగ్‌లను తనిఖీచేశారు. వాటిలో ఉన్న 20 కేజీల 200 గ్రాముల గంజాయిని స్వాధీనం చేసుకుని నిందితులను అదుపులోకి తీసుకున్నారు. వారిని విచారించగా నిందితులు హనుమాన్‌ వద్ద రూ.90 వేలుకు గంజాయిని కొనుగోలు చేసినట్లు వెల్లడించారు. తదుపరి దర్యాప్తు నిమిత్తం నిందితులను, స్వాధీనం చేసుకున్న గంజాయిని ఎకై ్సజ్‌ నెల్లూరు–2 స్టేషన్‌లో అప్పగించారు. ఈ తనిఖీల్లో ఎన్‌ఫోర్స్‌మెంట్‌ ఎస్‌ఐలు కాలేషావలి, ిసీహెచ్‌ పూర్ణకుమార్‌, హెడ్‌కానిస్టేబుల్‌ కిరణ్‌సింగ్‌, సిబ్బంది ఎ.శ్రీనివాసులు, కె.రమణయ్య, సుబ్రమణ్యం పాల్గొన్నారు.

నెల్లూరు (స్టోన్‌హౌస్‌పేట): తప్పుడు వాంగ్మూలంతో మాజీమంత్రి కాకాణి గోవర్ధన్‌రెడ్డిపై అక్రమంగా కేసు నమోదు చేశారని, ఇది కూటమి ప్రభుత్వ కుట్ర రాజకీయాలకు పరాకాష్ట అని ఎమ్మెల్సీ మేరిగ మురళీధర్‌ ధ్వజమెత్తారు. శుక్రవారం నెల్లూరులోని వైఎస్సార్‌సీపీ జిల్లా కార్యాలయంలో ఏర్పాటు చేసిన మీడియా సమావేశంలో ఆయన మాట్లాడారు. గత శనివారం వరకు కాకాణి నెల్లూరులోనే ఉన్నా నోటీసులు ఇవ్వడానికి రాని పోలీసులు, ఉగాది పండగ కోసం తన కుటుంబంతో కలిసి హైదరాబాద్‌ వెళ్లినప్పుడే, కావాలనే ఆయన ఇంటికి నోటీసు అంటించి మర్నాడే విచారణకు రావాలని చెప్పడం చూస్తే వేధింపులకు గురి చేయమే అన్నారు. జిల్లా రాజకీయాల్లో ఎప్పుడూ చూడని విధంగా సీనియర్‌ నాయకుల మీద అక్రమ కేసులు నమోదు చేయడమే కాకుండా ఎస్సీ, ఎస్టీ చట్టాన్ని దుర్వినియోగం చేస్తున్నారన్నారు. టీడీపీ కూటమి ప్రభుత్వంలో జరుగుతున్న ఈ వికృత రాజకీయాలు చూసి అన్ని వర్గాల వారు విస్మయం వ్యక్తం చేస్తున్నారన్నారు. ఇచ్చిన హామీలు అమలు చేయలేక, ప్రశ్నిస్తున్న గొంతులను నొక్కాలని కూటమి ప్రభుత్వం ఈ వికృత రాజకీయాలకు పాల్పడుతోందన్నారు. డైవర్షన్‌న్‌ పాలిటిక్స్‌తో ప్రజల దృష్టి మళ్లించాలని ప్రయత్నం చేస్తోందని ఆరోపించారు. ఎస్సీ, ఎస్టీ అట్రాసిటీ చట్టం దుర్వినియోగం రాజకీయంగా ఎదుర్కోలేక వేధించడం కోసమే ఎస్సీ, ఎస్టీ అట్రాసిటీ చట్టం దుర్వినియోగం చేస్తున్నారని మేరిగ ఆరోపించారు. ఇటీవల సుప్రీంకోర్టు సైతం ఎస్సీ, ఎస్టీ అట్రాసిటీ చట్టం ఫిర్యాదుల విషయంలో నమోదు చేసే కేసులకు సంబంధించి కొన్ని మార్గదర్శకాలు జారీ చేసిందన్నారు. రాజకీయ నాయకులను వేధించడానికి అట్రాసిటీ చట్టాన్ని కూటమి ప్రభుత్వం దుర్వినియోగం చేస్తుందన్నారు. రాజకీయ వేధింపులకే అట్రాసిటీ చట్టం దుర్వినియోగం ప్రభుత్వాన్ని ప్రశ్నిస్తున్న గొంతులను నొక్కేసే కుట్ర ఎమ్మెల్సీ మేరిగ మురళీధర్‌

నెల్లూరు(అర్బన్‌): ఇటీవల ప్రభుత్వం పది మహీంద్ర బొలెరో నూతన వాహనాలు కొనుగోలు చేసి వాటిని నెల్లూరు వేదాయపాళెంలోని అటవీ శాఖ కార్యాలయంలో ఉంచారు. వాటిని శుక్రవారం జిల్లా అటవీశాఖాధికారి (డీఎఫ్‌ఓ) మహబూబ్‌ బాషా ప్రారంభించి రేంజ్‌ ఆఫీసర్లకు, కావలి సబ్‌ డీఎఫ్‌ఓకు హ్యాండోవర్‌ చేశారు. ఇందులో ఆరు వాహనాలను నెల్లూరు డివిజన్‌కు కేటాయించారు. మిగతా 4 వాహనాలను ఇతర డివిజన్లకు కేటాయించారు. ఈ సందర్భంగా డీఎఫ్‌ఓ మహబూబ్‌ బాషా మాట్లాడుతూ అడవుల్లో తనిఖీలకు ఈ వాహనాలు ఎంతగానో ఉపయోగపడతాయని తెలిపారు. వేగంగా గమ్యస్థానానికి చేరుకునేందుకు ఉపకరిస్తాయన్నారు. ఈ కార్యక్రమంలో రేంజర్లు రవీంద్ర, మాల్యాద్రి తదితరులు పాల్గొన్నారు.

కలిగిరి: పొగాకు రైతులకు గిట్టుబాటు ధరలు లభించేలా చర్యలు తీసుకుంటామని పొగాకు బోర్డు రీజనల్‌ మేనేజర్‌ లక్ష్మణరావు తెలిపారు. కలిగిరి పొగాకు వేలం కేంద్రంలో పొగాకు కొనుగోళ్లను శుక్రవారం ఆయన పరిశీలించారు. పొగాకు కొనుగోలు చేసే కంపెనీల ప్రతినిధులతో చర్చించారు. ఈ ఏడాది నాణ్యమైన పొగాకు దిగుబడులు వచ్చిన నేపథ్యంలో వేలంలో మంచి ధరలకు పొగాకు కొనుగోలు చేయాలని సూచించారు. రైతుల శ్రేయష్షుకు పొగాకు బోర్డు పూర్తి సహకారం అందిస్తుందన్నారు. ఈ కార్యక్రమంలో వేలం నిర్వహణాధికారి వీ మహేష్‌కుమార్‌, కంపెనీల ప్రతినిధులు, పొగాకుబోర్డు సిబ్బంది, రైతులు పాల్గొన్నారు.

నెల్లూరు (పొగతోట): గృహ నిర్మాణాలకు సంబంధించి జిల్లావ్యాప్తంగా భారీస్థాయిలో అవినీతి జరిగిందని, అవినీతికి కారకులైన వారిని వదిలే ప్రసక్తే లేదని రాష్ట్ర గృహనిర్మాణ శాఖ మంత్రి పి.పార్థసారథి హెచ్చరించారు. శుక్రవారం జిల్లా పరిషత్‌ కార్యాలయంలో గృహనిర్మాణాలపై అధికారులతో సమీక్షించారు. సమావేశంలో రాష్ట్ర దేవదాయ శాఖ మంత్రి ఆనం రామనారాయణరెడ్డి, కలెక్టర్‌ ఆనంద్‌, కోవూరు, కావలి, ఉదయగిరి శాసనసభ్యులు వేమిరెడ్డి ప్రశాంతిరెడ్డి, కావ్య కృష్ణారెడ్డి, కాకర్ల సురేష్‌, నుడా చైర్మన్‌ కోటంరెడ్డి శ్రీనివాసులురెడ్డి, హౌసింగ్‌ ఎండీ రాజబాబు హాజరయ్యారు. ముందుగా మంత్రి పార్థసారథి మాట్లాడుతూ టీడీపీ ప్రభుత్వం ఎస్సీ, ఎస్టీ, బీసీలకు గృహ నిర్మాణాలకు అధికంగా నగదు చెల్లిస్తోందన్నారు. ఇప్పటికే జిల్లాలో అనేకమంది లబ్ధిదారులకు వారి వారి అకౌంట్లలో నగదు జమచేయడం జరిగిందన్నారు. ఈ విషయంపై స్థానిక శాసనసభ్యులు మాకెవరికీ తెలియదే అన్నట్లు అధికారులను ప్రశ్నించారు. అధికారులు నగదు పంపిణీకి సంబంధించి స్థానిక శాసనసభ్యుల కార్యాలయాల్లో పూర్తి వివరాలు అందజేశామని తెలియజేశారు. కోవూరు, ఉదయగిరి శాసనసభ్యులు మాట్లాడుతూ మాకు సమాచారమే లేదని అధికారులను ప్రశ్నించారు. గృహనిర్మాణ శాఖ మంత్రి కలుగజేసుకొని ఈసారైనా నగదు పంపిణీకి సంబంధించి స్థానిక శాసనసభ్యులకు పూర్తి సమాచారం ఇవ్వాలని అధికారులను ఆదేశించారు. సర్వేపల్లి నియోజకవర్గంలో అవకతవకలకు పాల్పడిన కాంట్రాక్టర్లపై క్రిమినల్‌ కేసులు నమోదుచేయాలని కలెక్టర్‌ను ఆదేశించారు. జలజీవన్‌ మిషన్‌ పథకం ద్వారా రాబోవు రోజుల్లో మంచినీటి సౌకర్యం కల్పిస్తామన్నారు. కాలనీలకు లేఅవుట్‌లు ఏర్పాటుచేసిన ప్రాంతాలలో ఉపాధిహామీ పథకం ద్వారా రోడ్ల నిర్మాణం చేపట్టాలన్నారు. మంత్రి ఆనం మాట్లాడుతూ లబ్ధిదారులే ఇళ్లు నిర్మించుకునేలా చర్యలు చేపట్టాలన్నారు. ఇకపై అధికారులందరూ శ్రద్ధగా పనిచేసి ఇళ్ల నిర్మాణాలు పూర్తిచేయాలన్నారు. అనంతరం కోవూరు, ఉదయగిరి, కావలి శాసనసభ్యులు స్థానిక గృహనిర్మాణ సమస్యలను అధికారుల దృష్టికి తెచ్చారు. సర్వేపల్లి ఎమ్మెల్యే సోమిరెడ్డి మాట్లాడుతూ నియోజకవర్గంలో గృహనిర్మాణాల్లో భారీస్థాయిలో అవినీతి జరిగిందన్నారు. నాసిరకంగా ఇళ్లు నిర్మించి గిరిజనులకు అన్యాయం చేశారన్నారు. తప్పు చేసిన వారిని క్షమించకుండా చర్యలు తీసుకోవాలని కోరారు. ఆకలితో అలమటించిన అధికారులు గృహనిర్మాణ శాఖమంత్రి పార్థసారథి జిల్లా పర్యటనలో భాగంగా జిల్లా పరిషత్‌ కార్యాలయంలో శుక్రవారం మధ్యాహ్నం ఒంటిగంటకు అధికారులతో సమావేశం అని సమాచారమిచ్చారు. 12.30 గంటల నుంచి సమావేశానికి అధికారుల రాక ప్రారంభమైంది. మధ్యాహ్నం ఒంటి గంటకల్లా సమావేశ మందిరం అధికారులతో నిండిపోయింది. మంత్రి రెండు గంటలు ఆలస్యంగా వచ్చారు. అధికారులు భోజనం చేయకుండా సమావేశానికి హాజరయ్యారు. మంత్రుల జాప్యం కారణంగా అధికారులు ఆకలితో అలమటించారు. చివరికి స్నాక్స్‌తో అధికారులు కాస్త ఉపశమనం పొందాల్సిన పరిస్థితి వచ్చింది. తీరిగ్గా మంత్రి మధ్యాహ్నం 3.10 గంటలకు సమావేశాన్ని ప్రారంభించారు. అక్రమాలకు పాల్పడిన వారిపై క్రిమినల్‌ కేసులు లబ్ధిదారులే ఇళ్లు నిర్మించుకునేలా చర్యలు మంత్రులు ఆనం, పార్థసారథి

పొదలకూరు : ఉపాధి హామీ పథకం పనుల్లో అవకతవకలకు పాల్పడితే కఠినంగా వ్యవహరిస్తామని డ్వామా పీడీ గంగాభవాని హెచ్చరించారు. స్థానిక ఎంపీడీఓ కార్యాలయ ప్రాంగణంలో శుక్రవారం 2023–24 ఆర్థిక సంవత్సరానికి సంబంధించి నిర్వహించిన పనులపై మండల స్థాయి సామాజిక తనిఖీ ప్రజావేదికను నిర్వహించారు. పీడీ మాట్లాడుతూ మండలంలోని 30 పంచాయతీల్లో పది రోజుల పాటు 17 బృందాలు సామాజిక తనిఖీలు నిర్వహించి ఇచ్చిన నివేదికల ప్రకారం అవకతవకలకు పాల్పడిన వారిపై రికవరీలు విధించడంతోపాటు సస్పెన్షన్‌ వేటు వేస్తున్నట్లు ప్రకటించారు. పులికల్లు, ఆర్‌వైపాళెం, తోడేరు, వావింటపర్తి, పార్లపల్లి, నావూరు, మొగళ్లూరు పంచాయతీల్లో పనులు సక్రమంగా జరిగినట్లు నివేదికలు వచ్చాయన్నారు. మిగిలిన పంచాయతీల్లో జరిగిన అవకతవకలకు సంబంధించి రూ.74,08,805 రికవరీలు విధించినట్లు వెల్లడించారు. పొదలకూరు రూ.17 లక్షలు, నేదురుమల్లి రూ.16 లక్షలు, బిరదవోలు రూ.17 లక్షలు అత్యధికంగా రికవరీలకు అదేశించామన్నారు. సంబంధిత టీఏలు, ఎఫ్‌ఏల నుంచి రికవరీ చేస్తామన్నారు. సస్పెన్షన్‌ వేటు ఈసీ వై.సుధాకర్‌, టీఏలు నాగార్జున, త్రిబునేష్‌బాబులను సస్పెండ్‌ చేస్తున్నట్లు డ్వామా పీడీ వెల్లడించారు. బిరదవోలు, చాటగొట్ల, విరువూరు, మహ్మదాపురం, ఇనుకుర్తి, దుగ్గుంట ఫీల్డ్‌ అసిస్టెంట్లను కూడా సస్పెండ్‌ చేశామన్నారు. ఈ సమావేశంలో డీవీఓ డీ.విజయలక్ష్మి, ఏపీడీ గాయత్రి, క్వాలిటీ కంట్రోల్‌ అధికారి సతీష్‌బాబు, అంబుడ్స్‌మెన్‌ వెంకటరెడ్డి, ఏపీఓ మధుసూదన్‌ తదితరులు పాల్గొన్నారు. ఇద్దరు టీఏలు, ఈసీ సస్పెన్షన్‌ ఆరుగురు ఎఫ్‌ఏలు కూడా రూ.74 లక్షలు రికవరీకి ఆదేశాలు డ్వామా పీడీ గంగాభవాని

ఈ ఏడాది ఎండుగడ్డి పాడి రైతుకు పరీక్ష పెడుతోంది. ఈసారి అనుకున్నంత రాలేదు. గడ్డి వామి వేసేటప్పుడు ఆ తేడా గమనించాం. వరి కోత అయిన తర్వాత వరిగడ్డిని ఇంటికి చేర్చుకొనేటప్పుడే తగ్గినది గుర్తించా. అందుకే వరికోతలు ముగిసిన పొలాల్లోకి గేదెలను మేతకు తోలుకు వెళ్తున్నా. ఎండుగడ్డిని ఇప్పుడే మేతగా వేస్తే ఎండా కాలంలో చాలక అవస్థలు పడాలి. గేదెలను పస్తు పెట్టలేను కదా. ఈ ఏడాది ఎండుగడ్డి తప్పక కొనుగోలు చేయాల్సిందే. – కప్పిర మల్లికార్జున, పాడి రైతు, దగదర్తి గ్రామం

నెల్లూరు (స్టోన్‌హౌస్‌పేట): తప్పుడు వాంగ్మూలంతో మాజీమంత్రి కాకాణి గోవర్ధన్‌రెడ్డిపై అక్రమంగా కేసు నమోదు చేశారని, ఇది కూటమి ప్రభుత్వ కుట్ర రాజకీయాలకు పరాకాష్ట అని ఎమ్మెల్సీ మేరిగ మురళీధర్‌ ధ్వజమెత్తారు. శుక్రవారం నెల్లూరులోని వైఎస్సార్‌సీపీ జిల్లా కార్యాలయంలో ఏర్పాటు చేసిన మీడియా సమావేశంలో ఆయన మాట్లాడారు. గత శనివారం వరకు కాకాణి నెల్లూరులోనే ఉన్నా నోటీసులు ఇవ్వడానికి రాని పోలీసులు, ఉగాది పండగ కోసం తన కుటుంబంతో కలిసి హైదరాబాద్‌ వెళ్లినప్పుడే, కావాలనే ఆయన ఇంటికి నోటీసు అంటించి మర్నాడే విచారణకు రావాలని చెప్పడం చూస్తే వేధింపులకు గురి చేయమే అన్నారు. జిల్లా రాజకీయాల్లో ఎప్పుడూ చూడని విధంగా సీనియర్‌ నాయకుల మీద అక్రమ కేసులు నమోదు చేయడమే కాకుండా ఎస్సీ, ఎస్టీ చట్టాన్ని దుర్వినియోగం చేస్తున్నారన్నారు. టీడీపీ కూటమి ప్రభుత్వంలో జరుగుతున్న ఈ వికృత రాజకీయాలు చూసి అన్ని వర్గాల వారు విస్మయం వ్యక్తం చేస్తున్నారన్నారు. ఇచ్చిన హామీలు అమలు చేయలేక, ప్రశ్నిస్తున్న గొంతులను నొక్కాలని కూటమి ప్రభుత్వం ఈ వికృత రాజకీయాలకు పాల్పడుతోందన్నారు. డైవర్షన్‌న్‌ పాలిటిక్స్‌తో ప్రజల దృష్టి మళ్లించాలని ప్రయత్నం చేస్తోందని ఆరోపించారు. ఎస్సీ, ఎస్టీ అట్రాసిటీ చట్టం దుర్వినియోగం రాజకీయంగా ఎదుర్కోలేక వేధించడం కోసమే ఎస్సీ, ఎస్టీ అట్రాసిటీ చట్టం దుర్వినియోగం చేస్తున్నారని మేరిగ ఆరోపించారు. ఇటీవల సుప్రీంకోర్టు సైతం ఎస్సీ, ఎస్టీ అట్రాసిటీ చట్టం ఫిర్యాదుల విషయంలో నమోదు చేసే కేసులకు సంబంధించి కొన్ని మార్గదర్శకాలు జారీ చేసిందన్నారు. రాజకీయ నాయకులను వేధించడానికి అట్రాసిటీ చట్టాన్ని కూటమి ప్రభుత్వం దుర్వినియోగం చేస్తుందన్నారు. రాజకీయ వేధింపులకే అట్రాసిటీ చట్టం దుర్వినియోగం ప్రభుత్వాన్ని ప్రశ్నిస్తున్న గొంతులను నొక్కేసే కుట్ర ఎమ్మెల్సీ మేరిగ మురళీధర్‌

పొదలకూరు : ఉపాధి హామీ పథకం పనుల్లో అవకతవకలకు పాల్పడితే కఠినంగా వ్యవహరిస్తామని డ్వామా పీడీ గంగాభవాని హెచ్చరించారు. స్థానిక ఎంపీడీఓ కార్యాలయ ప్రాంగణంలో శుక్రవారం 2023–24 ఆర్థిక సంవత్సరానికి సంబంధించి నిర్వహించిన పనులపై మండల స్థాయి సామాజిక తనిఖీ ప్రజావేదికను నిర్వహించారు. పీడీ మాట్లాడుతూ మండలంలోని 30 పంచాయతీల్లో పది రోజుల పాటు 17 బృందాలు సామాజిక తనిఖీలు నిర్వహించి ఇచ్చిన నివేదికల ప్రకారం అవకతవకలకు పాల్పడిన వారిపై రికవరీలు విధించడంతోపాటు సస్పెన్షన్‌ వేటు వేస్తున్నట్లు ప్రకటించారు. పులికల్లు, ఆర్‌వైపాళెం, తోడేరు, వావింటపర్తి, పార్లపల్లి, నావూరు, మొగళ్లూరు పంచాయతీల్లో పనులు సక్రమంగా జరిగినట్లు నివేదికలు వచ్చాయన్నారు. మిగిలిన పంచాయతీల్లో జరిగిన అవకతవకలకు సంబంధించి రూ.74,08,805 రికవరీలు విధించినట్లు వెల్లడించారు. పొదలకూరు రూ.17 లక్షలు, నేదురుమల్లి రూ.16 లక్షలు, బిరదవోలు రూ.17 లక్షలు అత్యధికంగా రికవరీలకు అదేశించామన్నారు. సంబంధిత టీఏలు, ఎఫ్‌ఏల నుంచి రికవరీ చేస్తామన్నారు. సస్పెన్షన్‌ వేటు ఈసీ వై.సుధాకర్‌, టీఏలు నాగార్జున, త్రిబునేష్‌బాబులను సస్పెండ్‌ చేస్తున్నట్లు డ్వామా పీడీ వెల్లడించారు. బిరదవోలు, చాటగొట్ల, విరువూరు, మహ్మదాపురం, ఇనుకుర్తి, దుగ్గుంట ఫీల్డ్‌ అసిస్టెంట్లను కూడా సస్పెండ్‌ చేశామన్నారు. ఈ సమావేశంలో డీవీఓ డీ.విజయలక్ష్మి, ఏపీడీ గాయత్రి, క్వాలిటీ కంట్రోల్‌ అధికారి సతీష్‌బాబు, అంబుడ్స్‌మెన్‌ వెంకటరెడ్డి, ఏపీఓ మధుసూదన్‌ తదితరులు పాల్గొన్నారు. ఇద్దరు టీఏలు, ఈసీ సస్పెన్షన్‌ ఆరుగురు ఎఫ్‌ఏలు కూడా రూ.74 లక్షలు రికవరీకి ఆదేశాలు డ్వామా పీడీ గంగాభవాని

నెల్లూరు (పొగతోట): గృహ నిర్మాణాలకు సంబంధించి జిల్లావ్యాప్తంగా భారీస్థాయిలో అవినీతి జరిగిందని, అవినీతికి కారకులైన వారిని వదిలే ప్రసక్తే లేదని రాష్ట్ర గృహనిర్మాణ శాఖ మంత్రి పి.పార్థసారథి హెచ్చరించారు. శుక్రవారం జిల్లా పరిషత్‌ కార్యాలయంలో గృహనిర్మాణాలపై అధికారులతో సమీక్షించారు. సమావేశంలో రాష్ట్ర దేవదాయ శాఖ మంత్రి ఆనం రామనారాయణరెడ్డి, కలెక్టర్‌ ఆనంద్‌, కోవూరు, కావలి, ఉదయగిరి శాసనసభ్యులు వేమిరెడ్డి ప్రశాంతిరెడ్డి, కావ్య కృష్ణారెడ్డి, కాకర్ల సురేష్‌, నుడా చైర్మన్‌ కోటంరెడ్డి శ్రీనివాసులురెడ్డి, హౌసింగ్‌ ఎండీ రాజబాబు హాజరయ్యారు. ముందుగా మంత్రి పార్థసారథి మాట్లాడుతూ టీడీపీ ప్రభుత్వం ఎస్సీ, ఎస్టీ, బీసీలకు గృహ నిర్మాణాలకు అధికంగా నగదు చెల్లిస్తోందన్నారు. ఇప్పటికే జిల్లాలో అనేకమంది లబ్ధిదారులకు వారి వారి అకౌంట్లలో నగదు జమచేయడం జరిగిందన్నారు. ఈ విషయంపై స్థానిక శాసనసభ్యులు మాకెవరికీ తెలియదే అన్నట్లు అధికారులను ప్రశ్నించారు. అధికారులు నగదు పంపిణీకి సంబంధించి స్థానిక శాసనసభ్యుల కార్యాలయాల్లో పూర్తి వివరాలు అందజేశామని తెలియజేశారు. కోవూరు, ఉదయగిరి శాసనసభ్యులు మాట్లాడుతూ మాకు సమాచారమే లేదని అధికారులను ప్రశ్నించారు. గృహనిర్మాణ శాఖ మంత్రి కలుగజేసుకొని ఈసారైనా నగదు పంపిణీకి సంబంధించి స్థానిక శాసనసభ్యులకు పూర్తి సమాచారం ఇవ్వాలని అధికారులను ఆదేశించారు. సర్వేపల్లి నియోజకవర్గంలో అవకతవకలకు పాల్పడిన కాంట్రాక్టర్లపై క్రిమినల్‌ కేసులు నమోదుచేయాలని కలెక్టర్‌ను ఆదేశించారు. జలజీవన్‌ మిషన్‌ పథకం ద్వారా రాబోవు రోజుల్లో మంచినీటి సౌకర్యం కల్పిస్తామన్నారు. కాలనీలకు లేఅవుట్‌లు ఏర్పాటుచేసిన ప్రాంతాలలో ఉపాధిహామీ పథకం ద్వారా రోడ్ల నిర్మాణం చేపట్టాలన్నారు. మంత్రి ఆనం మాట్లాడుతూ లబ్ధిదారులే ఇళ్లు నిర్మించుకునేలా చర్యలు చేపట్టాలన్నారు. ఇకపై అధికారులందరూ శ్రద్ధగా పనిచేసి ఇళ్ల నిర్మాణాలు పూర్తిచేయాలన్నారు. అనంతరం కోవూరు, ఉదయగిరి, కావలి శాసనసభ్యులు స్థానిక గృహనిర్మాణ సమస్యలను అధికారుల దృష్టికి తెచ్చారు. సర్వేపల్లి ఎమ్మెల్యే సోమిరెడ్డి మాట్లాడుతూ నియోజకవర్గంలో గృహనిర్మాణాల్లో భారీస్థాయిలో అవినీతి జరిగిందన్నారు. నాసిరకంగా ఇళ్లు నిర్మించి గిరిజనులకు అన్యాయం చేశారన్నారు. తప్పు చేసిన వారిని క్షమించకుండా చర్యలు తీసుకోవాలని కోరారు. ఆకలితో అలమటించిన అధికారులు గృహనిర్మాణ శాఖమంత్రి పార్థసారథి జిల్లా పర్యటనలో భాగంగా జిల్లా పరిషత్‌ కార్యాలయంలో శుక్రవారం మధ్యాహ్నం ఒంటిగంటకు అధికారులతో సమావేశం అని సమాచారమిచ్చారు. 12.30 గంటల నుంచి సమావేశానికి అధికారుల రాక ప్రారంభమైంది. మధ్యాహ్నం ఒంటి గంటకల్లా సమావేశ మందిరం అధికారులతో నిండిపోయింది. మంత్రి రెండు గంటలు ఆలస్యంగా వచ్చారు. అధికారులు భోజనం చేయకుండా సమావేశానికి హాజరయ్యారు. మంత్రుల జాప్యం కారణంగా అధికారులు ఆకలితో అలమటించారు. చివరికి స్నాక్స్‌తో అధికారులు కాస్త ఉపశమనం పొందాల్సిన పరిస్థితి వచ్చింది. తీరిగ్గా మంత్రి మధ్యాహ్నం 3.10 గంటలకు సమావేశాన్ని ప్రారంభించారు. అక్రమాలకు పాల్పడిన వారిపై క్రిమినల్‌ కేసులు లబ్ధిదారులే ఇళ్లు నిర్మించుకునేలా చర్యలు మంత్రులు ఆనం, పార్థసారథి

కలిగిరి: పొగాకు రైతులకు గిట్టుబాటు ధరలు లభించేలా చర్యలు తీసుకుంటామని పొగాకు బోర్డు రీజనల్‌ మేనేజర్‌ లక్ష్మణరావు తెలిపారు. కలిగిరి పొగాకు వేలం కేంద్రంలో పొగాకు కొనుగోళ్లను శుక్రవారం ఆయన పరిశీలించారు. పొగాకు కొనుగోలు చేసే కంపెనీల ప్రతినిధులతో చర్చించారు. ఈ ఏడాది నాణ్యమైన పొగాకు దిగుబడులు వచ్చిన నేపథ్యంలో వేలంలో మంచి ధరలకు పొగాకు కొనుగోలు చేయాలని సూచించారు. రైతుల శ్రేయష్షుకు పొగాకు బోర్డు పూర్తి సహకారం అందిస్తుందన్నారు. ఈ కార్యక్రమంలో వేలం నిర్వహణాధికారి వీ మహేష్‌కుమార్‌, కంపెనీల ప్రతినిధులు, పొగాకుబోర్డు సిబ్బంది, రైతులు పాల్గొన్నారు.

సివిల్‌ పోలీసులు తమ స్టేషన్‌ పరిధిలో ఆ సమయంలో గస్తీలో ఉంటారు. కనీసం అల్లూరురోడ్డు స్టేషన్‌ మాస్టర్‌ డయల్‌ 100కు కాల్‌ చేసి తన స్టేషన్‌ పరిధిలో సిగ్నల్‌ ట్యాంపరింగ్‌ జరిగింది. ఇది దోపిడీ దొంగల పనై ఉంటుందని సమాచారం ఇచ్చినా ఈ స్టేషన్‌కు ఐదు కి.మీ. దూరంలో దగదర్తి, 10 కి.మీ. దూరంలో బిట్రగుంట, అంతే దూరంలోని అల్లూరు, 20 కి.మీ. దూరంలో కొడవలూరు పోలీసులు నాలుగు వైపులా చుట్టుముట్టే అవకాశం ఉండేది. బిట్రగుంటలోనే జీఆర్పీ అవుట్‌ పోస్టు సిబ్బంది ఉన్నారు. ఇక పడుగుపాడు స్టేషన్‌ విషయానికి వస్తే కూతవేటు దూరంలోనే కోవూరు పోలీస్‌స్టేషన్‌ ఉంది. సమీపంలో నెల్లూరు నగరంలో ఆరు పోలీస్‌స్టేషన్ల సిబ్బంది గస్తీలో ఉంటారు. నెల్లూరులోని జీఆర్పీ, ఆర్పీఎఫ్‌ సిబ్బంది సైతం క్షణాల్లో వచ్చేందుకు అవకాశాలు ఉండేవి. అల్లూరురోడ్డు వద్ద దోపిడీకి గురైన మదురై ఎక్స్‌ప్రెస్‌ పడుగుపాడు స్టేషన్‌ వద్ద సిగ్నల్‌ ట్యాంపర్‌ చేసి దుండగులు దిగిపోయి ఉంటారని అనుమానాలు ఉన్నాయి. పడుగుపాడు స్టేషన్‌ మాస్టర్‌ అప్రమత్తం అయి ఉంటే.. దుండగులను పట్టుకునే అవకాశం ఉండేది. మొత్తం మీద రైల్వేస్టేషన్‌ మాస్టర్ల నిర్లక్ష్యం, వైఫల్యం స్పష్టంగా కనిపిస్తోంది.

నెల్లూరు(అర్బన్‌): ఇటీవల ప్రభుత్వం పది మహీంద్ర బొలెరో నూతన వాహనాలు కొనుగోలు చేసి వాటిని నెల్లూరు వేదాయపాళెంలోని అటవీ శాఖ కార్యాలయంలో ఉంచారు. వాటిని శుక్రవారం జిల్లా అటవీశాఖాధికారి (డీఎఫ్‌ఓ) మహబూబ్‌ బాషా ప్రారంభించి రేంజ్‌ ఆఫీసర్లకు, కావలి సబ్‌ డీఎఫ్‌ఓకు హ్యాండోవర్‌ చేశారు. ఇందులో ఆరు వాహనాలను నెల్లూరు డివిజన్‌కు కేటాయించారు. మిగతా 4 వాహనాలను ఇతర డివిజన్లకు కేటాయించారు. ఈ సందర్భంగా డీఎఫ్‌ఓ మహబూబ్‌ బాషా మాట్లాడుతూ అడవుల్లో తనిఖీలకు ఈ వాహనాలు ఎంతగానో ఉపయోగపడతాయని తెలిపారు. వేగంగా గమ్యస్థానానికి చేరుకునేందుకు ఉపకరిస్తాయన్నారు. ఈ కార్యక్రమంలో రేంజర్లు రవీంద్ర, మాల్యాద్రి తదితరులు పాల్గొన్నారు.

● కోస్టుగార్డు, మైరెన్‌ అధికారుల వెల్లడి ముత్తుకూరు: సముద్రంలో 250 నాటికల్‌ మైళ్ల దూరం వరకు చొరబాటుదారులు ఎవరైనా ప్రవేశిస్తే వెంటనే గుర్తించగలిగే సామర్థ్యం ఉందని కృష్ణపట్నం ఇండియన్‌ కోస్టుగార్డు డిప్యూటీ కమాండెంట్‌ సీహెచ్‌ లోకేశ్‌, మైరెన్‌ సీఐ వేణుగోపాలరెడ్డి స్పష్టం చేశారు. కృష్ణప ట్నం పంచాయతీ ఆర్కాట్‌పాళెంలో శుక్రవారం మత్స్యకారులకు అవగాహన సమావేశం నిర్వహించారు. ఈ సందర్భంగా డిప్యూటీ కమాండెంట్‌ మాట్లాడుతూ సముద్రంలో వేట చేసే సమయంలో కొత్త వ్యక్తులు, బోట్లు కనిపించిన వెంటనే తమకు సమాచారం ఇవ్వాలన్నారు. బోటు కండిషన్‌లో ఉంటేనే వేటకు వెళ్లాలన్నారు. బయోమెట్రిక్‌ కార్డులు దగ్గర ఉంచుకోవాలని, బోటు రిజిస్ట్రేషన్‌ చేయించుకోవాలన్నారు. మైరెన్‌ సీఐ మాట్లాడుతూ ఈ నెల 15వ తేదీ నుంచి సముద్రంలో చేపల వేటపై నిషేధం విధిస్తారని, తమిళనాడులోని కడలూరు బోట్లు ఇటు వైపు రాకుండా చర్యలు తీసుకొంటామని చెప్పారు. పలువురు మత్స్యకారులు అడిగిన సందేహాలను నివృత్తి చేశారు. మత్స్యశాఖ అధికారి వెంకటేశ్వర్లు, సంఘమిత్ర చరిత పాల్గొన్నారు. ఇంటర్‌ విద్యార్థి అదృశ్యం పొదలకూరు : మండలంలోని వావింటపర్తి గ్రామానికి చెందిన గౌతమ్‌ అనే ఇంటర్‌ విద్యార్థి అదృశ్యమైనట్టు కండలేరు డ్యామ్‌ పోలీస్‌స్టేషన్లో శుక్రవారం బాధిత తల్లిదండ్రులు ఫిర్యాదు చేశారు. ఇంటర్‌ సెకండియర్‌ పరీక్షలు రాసిన గౌతమ్‌ తల్లిదండ్రులకు వ్యవసాయ పనుల్లో సహకారంగా ఉంటున్నాడు. గురువారం ఉదయం నిమ్మతోటలో పనులు చేసేందుకు వెళ్లిన విద్యార్థి కనిపించకుండా పోయాడు. తోటలోనే ఉన్న తల్లిదండ్రులు చాలా సేపటి వరకు కొడుకు రాకపోవడంతో ఆందోళన చెంది చుట్టు పక్కల ఆరా తీశారు. సెల్‌ఫోన్‌ సైతం గౌతమ్‌ నిమ్మ చెట్టు కింద పడేసి ఉండడంతో ఆచూకీ తెలుసుకోవడం కష్టంగా మారింది. పిడుగుపడి గడ్డివామి దగ్ధం సోమశిల: పిడుగు పడి గడ్డివామి దగ్ధమైన ఘటన మండలంలోని లింగంగుంటలో శుక్రవారం జరిగింది. మధ్యాహ్నం నుంచి వాతావరణం ఒక్కసారిగా మారిపోయి ఈదురు గాలులతోపాటు రైతులు మాదిరెడ్డి యశోదకృష్ణ, బాలకృష్ణకు చెందిన గడ్డివామిపై పిడుగు పడింది. దీంతో మంటలు చెలరేగాయి. స్థానికులు మంటలను అదుపు చేస్తూనే అగ్నిమాపకశాఖ సిబ్బందికి సమాచారం ఇవ్వడంతో వారు వచ్చి మంటలను అదుపు చేశారు. అప్పటికే సుమా రు 700 గడ్డి మోపులు కాలి బుడిదయ్యాయి. డీఎస్సీ అభ్యర్థులకు ఉచిత ఆన్‌లైన్‌ శిక్షణనెల్లూరు(స్టోన్‌హౌస్‌పేట): డీఎస్సీకి సంబంధించి బీసీ సంక్షేమ శాఖ ఆధ్వర్యంలో అభ్యర్థులకు ఆన్‌లైన్‌లో ఉచితంగా శిక్షణ ఇవ్వనున్నట్లుగా జిల్లా బీసీ సంక్షేమ శాఖాధికారిణి పి.వెంకటలక్ష్మమ్మ శుక్రవారం ఒక ప్రకటనలో తెలిపారు. టెట్‌లో ఉత్తీర్ణత సాధించిన బీసీ, ఈడబ్ల్యూఎస్‌ కేటగిరీల అభ్యర్థులు ఈనెల 10వ తేదీలోపు దరఖాస్తు చేసుకోవాలన్నారు. దరఖాస్తుతోపాటు టెట్‌ అర్హత మార్కుల పత్రం, నివాస, కుల, ఆదాయ ధ్రువీకరణ పత్రాలు, ఆధార్‌కార్డు, రెండు పాస్‌పోర్టు సైజ్‌ ఫొటోలను నెల్లూరు ఆర్టీసీ బస్టాండ్‌ వెనుక వైపు ఉన్న ఈ–సేవ పాత భవనంలోని స్టడీ సర్కిల్‌ కార్యాలయంలో అందజేయాలన్నారు. జిల్లా వాసులు మాత్రమే ఈ శిక్షణకు అర్హులని తెలిపారు. వివరాలకు 93815 54779, 93902 39588 ఫోన్‌ నంబర్లను సంప్రదించాలన్నారు.

ఉదయగిరి: వరికుంటపాడు మండలం కనియంపాడు వీఏఎస్‌ పరిధిలోని కొత్తపేట బీట్‌లో అటవీ ప్రత్యామ్నాయ వనీకరణ పథకంలో అక్రమాలు చోటు చేసుకున్నాయి. ఈ పథకంలో అభివృద్ధి పనుల్లో ల్యాండ్‌ చుట్టూ కంచె (ఇనుప ముళ్లకంచె) వేయకుండానే నిధులు డ్రా చేసి స్వాహా చేశారనే విమర్శలు ఉన్నాయి. కోటి రూపాయల అంచనా వ్యయంతో జరగాల్సిన పనులు చేయకుండానే వీఏఎస్‌ ఖాతా నుంచి రూ.75 లక్షలు నిధులు డ్రా చేసి పర్సంటేజ్‌ల ప్రకారం పంచుకుని మిన్నుకుండిపోయారు. వరికుంటపాడు బీట్‌ కొత్తపేట ఏరియాలో ఉదయగిరి ఫారెస్టు రేంజ్‌ పరిధిలోని కృష్ణంపల్లి సెక్షన్‌లోని వరికుంటపాడు బీట్‌ కొత్తపేట ఏరియాలో 118 హెక్టార్లు భూమిని ఓ కంపెనీ కొనుగోలు చేసి అటవీశాఖకు అప్పగించింది. ఈ భూమిలో అటవీ ప్రత్యామ్నాయ వనీకరణ పథకం ద్వారా అభివృద్ధి పనులు చేస్తున్నారు. గతేడాది నుంచి పనులు జరుగుతున్నాయి. ఈ భూమి చుట్టు ఇనుప కంచె ఏర్పాటుకు ప్రభుత్వం గత ఆర్థిక సంవత్సరంలో రూ.కోటి నిధులు ప్రభుత్వం మంజూరు చేసింది. అందులో రూ.75 లక్షలు డిపార్టుమెంట్‌ వీఏఎస్‌ జాయింట్‌ అకౌంట్‌లో జమ చేసింది. ఈ నిధులు ఉపయోగించి కంచె ఏర్పాటు చేయాలి. కానీ పనులు జరగలేదు. నిధులు మాత్రం ఖాతా నుంచి డ్రా చేసి స్వాహా చేశారు. వీఏఎస్‌ పేరుతో దోపిడీ కనియంపాడు వీఏఎస్‌లో ఉన్న చైర్మన్‌, వైస్‌ చైర్‌పర్సన్లు ఇద్దరూ అక్షరాస్యులు కారు. వీరి అమాయకత్వాన్ని అడ్డంపెట్టుకొని ఎఫ్‌బీఓ, సెక్షన్‌ అధికారి తమ ఇష్టారాజ్యంగా పనులు చేస్తున్నారు. ఒక విధంగా చెప్పాలంటే కాంట్రాక్టర్‌ అవతారం ఎత్తారు. అన్ని పనులు వారి పర్యవేక్షణలో జరుపుకుంటూ వీఏఎస్‌ను నిర్వీర్యం చేశారు. కిందిస్ధాయి నుంచి పైస్ధాయి వరకు పర్సంటేజ్‌లు ఇస్తుండటంతో తాము ఏమీ చేసినా ఏమీ కాదు అనే భావన ఆ క్షేత్రస్ధాయి అధికారుల్లో ఉంది. ఆ భావనే అవినీతికి దారితీస్తోంది. అందులో బాగంగా వీఏఎస్‌ ఖాతాలో ఉన్న నిధులు డ్రా చేశారు. ఉన్నతాధికారులు ఇప్పటికై నా క్షేత్రస్థాయిలో విచారణ జరిపి బాధ్యులపై చర్యలు తీసుకోవాలని స్థానికులు కోరుతున్నారు. అటవీ ప్రత్యామ్నాయ వనీకరణ పథకంలో అక్రమాలు రూ.75 లక్షలు స్వాహా బీట్‌, సెక్షన్‌ అధికారుల ప్రమేయం

● ముగ్గురు నిందితుల అరెస్ట్‌ నెల్లూరు(క్రైమ్‌): నెల్లూరు ప్రొహిబిషన్‌ అండ్‌ ఎకై ్సజ్‌ అధికారులు ముగ్గురు వ్యక్తులను అరెస్ట్‌ చేసి 20.200 కేజీల గంజాయిని స్వాధీనం చేసుకున్నారు. ప్రొహిబిషన్‌ అండ్‌ ఎకై ్సజ్‌ ఎన్‌ఫోర్స్‌మెంట్‌ ఏసీ పి.దయసాగర్‌ తన కార్యాలయంలో దాడుల వివరాలను శుక్రవారం వెల్లడించారు. తమిళనాడు రాష్ట్రం మదురై జిల్లా చెట్టికుల్లం గ్రామానికి చెందిన సుందర్‌ పాండి, నేతాజీ, సముత్తువాపురానికి చెందిన కుమార్‌లు గంజాయి విక్రేతలు. వీరు కొంతకాలంగా విశాఖపట్నంకు చెందిన హనుమాన్‌ అలియాస్‌ హనుమంత్‌ వద్ద గంజాయిని తక్కువ ధరకు కొనుగోలు చేసి తమ ప్రాంతాల్లో అధిక ధరలకు విక్రయించి సొమ్ముచేసుకోసాగారు. శుక్రవారం ఏఈఎస్‌ జగదీశ్వర్‌రెడ్డి, ఎన్‌ఫోర్స్‌మెంట్‌ సిబ్బంది వెంకటాచలం టోల్‌ప్లాజా వద్ద వాహన తనిఖీలు నిర్వహించి చైన్నె వెళుతున్న ఆర్టీసీ బస్సుల్లో బ్యాగ్‌లను తనిఖీచేశారు. వాటిలో ఉన్న 20 కేజీల 200 గ్రాముల గంజాయిని స్వాధీనం చేసుకుని నిందితులను అదుపులోకి తీసుకున్నారు. వారిని విచారించగా నిందితులు హనుమాన్‌ వద్ద రూ.90 వేలుకు గంజాయిని కొనుగోలు చేసినట్లు వెల్లడించారు. తదుపరి దర్యాప్తు నిమిత్తం నిందితులను, స్వాధీనం చేసుకున్న గంజాయిని ఎకై ్సజ్‌ నెల్లూరు–2 స్టేషన్‌లో అప్పగించారు. ఈ తనిఖీల్లో ఎన్‌ఫోర్స్‌మెంట్‌ ఎస్‌ఐలు కాలేషావలి, ిసీహెచ్‌ పూర్ణకుమార్‌, హెడ్‌కానిస్టేబుల్‌ కిరణ్‌సింగ్‌, సిబ్బంది ఎ.శ్రీనివాసులు, కె.రమణయ్య, సుబ్రమణ్యం పాల్గొన్నారు.

● ముస్లిం ఫెడరేషన్‌ ఆధ్వర్యంలో మసీదు వద్ద నిరసన నెల్లూరు(బారకాసు): కేంద్రంలోని ఎన్‌డీఏ ప్రభుత్వం వక్ఫ్‌ సవరణ చట్టాన్ని కక్షపూరితంగా తెచ్చిందని ముస్లిం ఫెడరేషన్‌ ఆఫ్‌ ఆంధ్రప్రదేశ్‌ రాష్ట్ర అధ్యక్షుడు మొహ్మద్‌ జియాఉల్‌హక్‌ అన్నారు. ఈ మేరకు ఫెడరేషన్‌ ఆధ్వర్యంలో శుక్రవారం నగరంలోని పెద్దబజార్‌లో ఉన్న మర్కజ్‌ అహమదియా మసీదు వద్ద వక్ఫ్‌బోర్డు సవరణ బిల్లుకు వ్యతిరేకంగా నిరసన కార్యక్రమం చేపట్టారు. ఈ సందర్భంగా ఆయన మాట్లాడుతూ రాష్ట్రంలో కూటమి ప్రభుత్వం వక్ఫ్‌ చట్ట సవరణ బిల్లుకు ఆమోదం తెలపడం శోచనీయమన్నారు. ఈ నల్లచట్టాన్ని తాము తీవ్రంగా ఖండిస్తున్నామన్నారు. ఈ బిల్లు మత స్వేచ్ఛ, సమానత్వం, సమాఖ్య స్ఫూర్తిని దెబ్బతీస్తుందన్నారు. ఈ కార్యక్రమంలో రాష్ట్ర మైనార్టీ నాయకులు షేక్‌ సిద్దిక్‌, సయ్యద్‌ ఐరాజ్‌, కోస్తాఆంధ్ర మైనార్టీ రైట్స్‌ అధ్యక్షుడు మొహ్మద్‌ ఉమర్‌, ఇన్సాఫ్‌ జిల్లా అధ్యక్షుడు షేక్‌ అజీజ్‌, ఫెడరేషన్‌ జిల్లా అధ్యక్షుడు షాహుల్‌, అమానుల్లా, అంజాద్‌, షబ్బీర్‌, రఫీ, షఫీ పలువురు ముస్లిం నాయకులు పాల్గొన్నారు.

నాకు మూడు గేదెలు ఉన్నాయి. రోజుకు 12 లీటర్లు పాలదిగుబడి వస్తోంది. ఈ ఏడాది వరిగడ్డి దిగుబడి బాగా తగ్గింది. ఎకరాకు 70 చుట్టలు దిగుబడి కావాల్సిఉండగా 25 మాత్రమే వచ్చాయి. వర్షాలు ఎక్కువ కురవడం, పైరు పెరుగుదల లేకపోవడంతో దిగుబడి బాగా తగ్గింది. మళ్లీ పచ్చిగడ్డి అందుబాటులోకి రావాలంటే కనీసం 7–8 నెలలు ఆగాలి. అప్పటి వరకు ఎండుగడ్డినే గేదెలకు మేతగా వేయాలి. ఇప్పుడే మోపు రూ.100 నుంచి రూ.120లు అమ్మకాలు చేస్తున్నారు. పాడి రైతుకు ఈసారి మరిన్ని కష్టాలు ఎదురయ్యేలా ఉన్నాయి. – చిమ్మిలి వెంకటేశ్వర్లు, పాడి రైతు, కొత్తపల్లి గ్రామం

రాపూరు: జిల్లాలో ప్రముఖ పుణ్యక్షేత్రమైన పెంచలకోనలోని పెనుశిల లక్ష్మీనరసింహ స్వామికి ఈనెల 9 నుంచి 12వ తేదీ వరకు వసంతోత్సవాలు నిర్వహించనున్నారు. గురువారం ప్రధానార్చకులు పెంచలయ్యస్వామి, సీతారామయ్యస్వామి మాట్లాడుతూ చైత్ర మాసం వసంత రుతువులో వసంతోత్సవాలు నిర్వహించడం ఆచారమన్నారు. 9న రాత్రి అంకురార్పణ, 10న ఉదయం స్వామి, అమ్మవార్ల ఉత్సవ విగ్రహాలకు స్నపన తిరుమంజనం, సాయంత్రం 7 గంటలకు శేషవాహన సేవ, 11న రాత్రి 7 గంటలకు హంస వాహనసేవ, 12న రాత్రి 7 గంటలకు గజ వాహనసేవ నిర్వహించనున్నట్లు వెల్లడించారు. దరఖాస్తుల ఆహ్వానం నెల్లూరు(స్టోన్‌హౌస్‌పేట): స్పోర్ట్స్‌ కోచింగ్‌కు సంబంధించి ఆరువారాల సర్టిఫికెట్‌ కోర్సులు చేసేందుకు దరఖాస్తులను ఆహ్వానిస్తున్నట్లు డీఎస్‌డీఓ ఆర్‌కే యతిరాజ్‌ గురువారం ఒక ప్రకటనలో తెలిపారు. స్పోర్ట్స్‌ అథారిటీ ఆఫ్‌ ఇండియా ఆధ్వర్యంలో నేతాజీ సుభాష్‌ నేషనల్‌ ఇన్‌స్టిట్యూట్‌ ఆఫ్‌ స్పోర్ట్స్‌ (ఎన్‌ఎస్‌ఎన్‌ఐఎస్‌) పాటియాలాలో ఈ విద్యా సంవత్సరానికి సంబంధించి నిర్వహించే సిక్స్‌ వీక్‌ సర్టిఫికెట్‌ కోర్స్‌ ఇన్‌ స్పోర్ట్స్‌ కోచింగ్‌లో ప్రవేశానికి ఆన్‌లైన్‌లో దరఖాస్తు చేసుకోవాలన్నారు. అథ్లెటిక్స్‌, బ్యాడ్మింటన్‌, బాస్కెట్‌బాల్‌, బాక్సింగ్‌, సైక్లింగ్‌, క్రికెట్‌, ఫెన్సింగ్‌, ఫుట్‌బాల్‌, జిమ్నాస్టిక్స్‌, హ్యాండ్‌బాల్‌, జూడో, కబడ్డీ, ఖోఖో, రోల్‌బాల్‌, రోయింగ్‌, షూటింగ్‌, స్విమ్మింగ్‌, తైక్వాండో, టేబుల్‌ టెన్నిస్‌, లాన్‌ టెన్నిస్‌, వెయిట్‌ లిఫ్టింగ్‌, రెజ్లింగ్‌, యోగా తదితర వాటిల్లో శిక్షణ ఇస్తారన్నారు. ఇంటర్మీడియట్‌ ఉత్తీర్ణులైన ఆసక్తి గల అభ్యర్థులు ఈనెల 14వ తేదీలోగా https://www.6 wcc.nsni.in వెబ్‌సైట్‌లో దరఖాస్తు చేసుకోవాలని సూచించారు. గుర్తుతెలియని వాహనం ఢీకొని వృద్ధురాలి మృతి నెల్లూరు(క్రైమ్‌): వ్యవసాయ మార్కెట్‌ కమిటీ కార్యాలయ సమీపంలోని జాతీయ రహదారిపై బుధవారం అర్ధరాత్రి రోడ్డు ప్రమాదం జరిగింది. చైన్నె వైపు వెళ్లే గుర్తుతెలియని వాహనం గుర్తుతెలియని వృద్ధురాలిని ఢీకొనడంతో ఆమె అక్కడికక్కడే మృతిచెందింది. మృతదేహం గుర్తుపట్టలేని విధంగా తయారైంది. మృతురాలి వయసు 60 సంవత్సరాల పైన ఉండొచ్చని భావిస్తున్నారు. సమాచారం అందుకున్న సౌత్‌ ట్రాఫిక్‌ ఇన్‌స్పెక్టర్‌ వెంకటరెడ్డి ఘటనా స్థలానికి చేరుకుని మృతదేహాన్ని జీజీహెచ్‌ మార్చురీకి తరలించి కేసు నమోదు చేశారు. కండలేరులో 48.241 టీఎంసీలు రాపూరు: కండలేరు జలాశయంలో గురువారం నాటికి 48.241 టీఎంసీల నీరు నిల్వ ఉన్నట్లు ఈఈ విజయకుమార్‌రెడ్డి తెలిపారు. కండలేరు నుంచి సత్యసాయి గంగ కాలువకు 1,320, పిన్నేరు కాలువకు 5, లోలెవల్‌ కాలువకు 50, మొదటి బ్రాంచ్‌ కాలువకు 10 క్యూసెక్కుల నీటిని విడుదల చేస్తున్నట్లు వెల్లడించారు.

కోట: విద్యానగర్‌ ఎన్‌బీకేఆర్‌ ఐఎస్టీలో గురువారం ఈఈఈ విభాగం ఆధ్వర్యంలో ఇన్సిపిరాన్‌– 2025 సాంకేతిక సదస్సు జరిగింది. ఇందులో రాష్ట్రంలోని 12 ఇంజినీరింగ్‌ కళాశాలల విద్యార్థులు పాల్గొన్నారు. వారికి ప్రాజెక్ట్‌ ఎక్స్‌పో, పేపర్‌ ప్రజెంటేషన్‌ పోటీలు నిర్వహించారు. విజేతలకు కళాశాల డైరెక్టర్‌ విజయకుమార్‌రెడ్డి బహుమతులు, ప్రశంసాపత్రాలు అందజేశారు. ఈ సందర్భంగా ఆయన మాట్లాడుతూ ఇలాంటి సాంకేతిక సదస్సుల వల్ల విద్యార్థుల్లో నైపుణ్యం పెరుగుతుందన్నారు. కార్యక్రమంలో హెచ్‌ఓడీ సురేష్‌రెడ్డి, కార్యక్రమ కో–ఆర్డినేటర్‌ ప్రభాకర్‌రెడ్డి తదితరులు పాల్గొన్నారు.

● విధులకు ఎగనామం పెట్టిన కొందరు టీచర్లు నెల్లూరు(టౌన్‌): పదో తరగతి పబ్లిక్‌ పరీక్షలకు సంబంధించి జవాబుపత్రాల మూల్యాంకనం గురువారం ప్రారంభమైంది. నెల్లూరు దర్గామిట్టలోని జిల్లా పరిషత్‌ బాలికల హైస్కూల్‌, బాలుర ఉన్నత పాఠశాలల్లో దీనిని చేపట్టారు. తొలిరోజు మూల్యాంకనంలో 612 మంది అసిస్టెంట్‌ ఎగ్జామినర్లు, 103 మంది చీఫ్‌ ఎగ్జామినర్లు, 190 మంది స్పెషల్‌ ఆఫీసర్లు పాల్గొన్నారు. తొలిరోజు 12,984 జవాబుపత్రాలను దిద్దారు. ఇదిలా ఉండగా మెజార్టీ శాతం ఉపాధ్యాయులు మూల్యాంకనానికి డుమ్మా కొట్టారు. 1,076 మంది అసిస్టెంట్‌ ఎగ్జామినర్లకు గానూ 612 మంది మాత్రమే హాజరయ్యారు. 174 మంది చీఫ్‌ ఎగ్జామినర్లకు గానూ 103 మంది, 348 మంది స్పెషల్‌ ఆఫీసర్లకు గానూ 190 మంది వచ్చారు. మూల్యాంకనానికి సరిపడా టీచర్లను మాత్రమే తీసుకుని మిగిలిన వారిని రిజర్వ్‌లో పెట్టామని విద్యాశాఖాధికారులు చెబుతున్నారు. వాస్తవానికి దీని నుంచి తప్పించుకునేందుకు కొందరు టీచర్లు యూనియర్లు, రాజకీయ నాయకుల ద్వారా డీఈఓపై ఒత్తిడి తీసుకొచ్చినట్లు తెలిసింది. దీంతో చేసేదేమీ లేక వచ్చిన వారితోనే జవాబుపత్రాలను దిద్దించారని ప్రచారం జరుగుతోంది.

ఒట్టూరు తీరంలో చేపల వేట సామగ్రి కావలి: రాష్ట్ర ప్రాదేశిక సముద్ర జలాల్లో మర పడవల్లో అన్ని రకాల చేపల వేటపై ఈనెల 15 నుంచి జూన్‌ 16వ తేదీ వరకు నిషేధం ఉంటుంది. సంప్రదాయ పడవలు, తెడ్డు, తెరచాప పడవలు (ఇంజిన్‌ లేని) వారికి దీని నుంచి మినహాయింపు ఉంటుంది. మత్స్య సంపద పునరుత్పత్తి సమయంలో వేట చేయకూడదు. ఒకవేళ ఎవరైనా చట్టాన్ని అతిక్రమిస్తే శిక్షార్హులవుతారు. వారికి ప్రభుత్వం ద్వారా వచ్చే ఇతర సంక్షేమ పథకాల నిలుపుదల చేస్తారు. జరిమానా విధింపుతోపాటు డీజిల్‌పై రాయితీ తొలగిస్తారు. వేట నిషేధ కాలాన్ని కచ్చితంగా అమలు చేయడానికి మత్స్య శాఖ, కోస్ట్‌గార్డ్‌, కోస్టల్‌ సెక్యూరిటీ పోలీసులు, నేవీ అధికారులతో గస్తీ ఏర్పాటు చేస్తారు. ఇది చాలా ఏళ్ల నుంచి అమలవుతోంది. ఈ సమయంలో మత్స్యకారులకు జీవనోపాధి ఉండదు. వీరికి చేపల వేట మినహా మరో పనిచేయడం తెలియదు. మత్స్య సందను కాపాడేందుకు విధించే వేట నిషేధ కాలంలో రిజిస్టర్డ్‌ మెకనైజ్డ్‌, మోటార్‌ ఫిషింగ్‌ బోట్లు సముద్రంలో చేపల వేటకు వెళ్లకూడదు. ఈ నిషేధానికి సంబంధించి మత్స్యశాఖ అధికారులు నోటిఫికేషన్‌ జారీ చేస్తారు. నిషేధ కాలం 61 రోజుల పాటు ఉంటుంది. ఈ సమయంలో మత్స్యకారుల జీవనోపాధి కోసం మత్స్యశాఖ వద్ద నమోదైన వివరాల మేరకు రాష్ట్ర ప్రభుత్వం వారికి ఆర్థిక సహాయం అందిస్తుంది. గత వైఎస్‌ జగన్‌మోహన్‌రెడ్డి ప్రభుత్వం సంవత్సరానికి ఒక్కో కుటుంబానికి రూ.10,000 చొప్పున ఆర్థిక సాయం చేసింది. అయితే రూ.20 వేలు వంతున అందిస్తామని ఎన్నికల సమయంలో చంద్రబాబు ప్రకటించారు. గతేడాది భృతికి సంబంధించి జిల్లాలో 12,444 మంది మత్స్యకారులను అర్హులుగా గుర్తించారు. వారికి ఇంత వరకు నగదు సాయం అందలేదు. మరబోట్ల ద్వారా సముద్రంలో వేట సాగించే ఈ 12,444 మందికి రూ.20,000 చొప్పున రూ.24.89 కోట్లు మేర అందాల్సి ఉంది. ఆర్థిక ఇబ్బందులు గతేడాది ఆగస్ట్‌ నుంచి డిసెంబర్‌ వరకు సముద్రంలో ఏర్పడిన అల్పపీడనాలు, వాయుగుండాలు, తుపాన్ల ప్రభావంతో రోజుల తరబడి చేపల వేటకు వెళ్లలేకపోయామని, దీంతో ఆర్థికంగా తీవ్ర ఇబ్బందులు పడుతున్నామని మత్స్యకారులు ఆవేదన వ్యక్తం చేస్తున్నారు. మరికొద్దిరోజుల్లో సముద్రంలో చేపల వేటపై నిషేధం అమల్లోకి వస్తుందని, గత ఏడాది పరిహారం సొమ్మును ఇప్పటికై నా విడుదల చేయాలని కోరుతున్నారు. ఎన్నికల సమయంలో ఇచ్చిన హామీ మేరకు ఒక్కో మత్స్యకారుడి కుటుంబానికి రూ.20,000 అందించాలని విజ్ఞప్తి చేస్తున్నారు. 15 నుంచి సముద్రంలో వేట నిషేధం నాడు అండగా నిలిచిన వైఎస్‌ జగన్‌మోహన్‌రెడ్డి గతేడాది భృతికి మోక్షం కల్పించని కూటమి ప్రభుత్వం ఈసారైనా ఇచ్చేనా?

స్మార్ట్‌ఫోన్ల వల్ల అనర్థాలు జరుగుతున్నాయి. కళాశాలల్లో ఫీజులు చెల్లించేందుకు ఇబ్బందులు పడే విద్యార్థులు కూడా వేల రూపాయల మొబైల్స్‌ వాడుతున్నారు. తల్లిదండ్రులు కూడా ఇలాంటి వాటికి ప్రాధాన్యత ఇస్తున్నారు. ఆన్‌లైన్‌ తరగతులు ఉంటాయి. కానీ ఎంత వరకు ఉపయోగించాలో అంతే ఉపయోగించాలి. అది కాస్తా వీరే కార్యకలాపాలకు దారి తీస్తున్నాయి. కళాశాలలకు ఫోన్లు తీసుకురావడం నిషేధించేందుకు ప్రయత్నించాలి. – డాక్టర్‌ ఎం.రవికుమార్‌, టీఆర్‌ఆర్‌ డిగ్రీ కళాశాల ప్రిన్సిపల్‌

నెల్లూరు (టౌన్‌): సెకండరీ గ్రేడు, స్కూల్‌ అసిస్టెంట్ల సీనియారిటీ తుది జాబితాను వెబ్‌సైట్‌లో పొందుపరిచినట్లు డీఈఓ బాలాజీరావు గురువారం ఒక ప్రకటనలో తెలిపారు. వీటితో పాటు ఎస్జీటీ నుంచి స్కూల్‌ అసిస్టెంట్‌ పదోన్నతి కోసం సబ్జ్జెక్టు వైజ్‌ సీనియారిటీ జాబితాలను కూడా డీఈఓ వెబ్‌సైట్‌లో ఉంచినట్లు చెప్పారు. జాబితాలపై ఈనెల 11వ తేదీలోపు అభ్యంతరాలను తీసుకుంటామని, తగిన ధ్రువపత్రాలను జిల్లా విద్యాశాఖ కార్యాలయంలో అందజేయాలన్నారు. నేడు మంత్రి పార్థసారథి జిల్లా పర్యటన నెల్లూరు రూరల్‌: రాష్ట్ర గృహ నిర్మాణ, సమాచార, పౌరసంబంధాల శాఖ మంత్రి కొలుసు పార్థసారథి శుక్రవారం జిల్లాలో పర్యటించనున్నారు. శుక్రవారం ఉదయం 9.30 గంటలకు ఎమ్మెల్యే సోమిరెడ్డితో కలిసి తోటపల్లి గూడూరు మండలం వరిగొండ గ్రామంలోని హౌసింగ్‌ లేఅవుట్‌ను మంత్రి పరిశీలిస్తారు. 11.30 గంటలకు పొదలకూరులో హౌసింగ్‌ లేఅవుట్‌ను పరిశీలించి లబ్ధిదారులతో మాట్లాడతారు. మధ్యాహ్నం జిల్లా పరిషత్‌ సమావేశ మందిరంలో అధికారులు, ప్రజాప్రతినిధులతో సమీక్షా సమావేశం నిర్వహిస్తారు. సాయంత్రం 6 గంటలకు గూడూరుకు వెళతారు. ఎట్టకేలకు వార్డెన్లకు చార్జి మెమోలు నెల్లూరు (స్టోన్‌హౌస్‌పేట): బీసీ సంక్షేమ శాఖలో అక్రమాలకు పాల్పడ్డారని ఆరోపణలు ఎదుర్కొంటున్న ఇద్దరు హాస్టల్‌ వార్డెన్లకు ఎట్టకేలకు చార్జ్‌ మెమోలను ఇచ్చారు. కలెక్టర్‌ ఓ.ఆనంద్‌ ఆదేశాల మేరకు జిల్లా బీసీ వెల్ఫేర్‌ అధికారిణి వెంకట లక్ష్మమ్మ మెమోలను గురువారం జారీ చేసినట్లు తెలిపారు. జిల్లాలోని విడవలూరు, మైపాడు బీసీ బాలుర హాస్టల్‌లో వార్డెన్లు రెండేళ్లుగా అక్రమాలకు పాల్పడ్డారని ఫిర్యాదులు వచ్చాయి. సాక్షి పత్రికలో వార్డెన్ల అక్రమాలపై కథనం ప్రచురితం అయిన విషయం తెలిసిందే. దీంతో స్పందించిన కలెక్టర్‌ విచారణ జరిపి షోకాజ్‌ నోటీసులు ఇచ్చారు. ఈ క్రమంలో వారిచ్చిన సమాధానాలు సంతృప్తికరంగా లేకపోవడంతో చార్జ్‌ మెమోలను జారీ చేశారు. అయితే వార్డెన్ల కై తే మెమోలు ఇచ్చారు గానీ, రెండేళ్లు వారి అక్రమాలకు సహకరించిన ఉన్నతాధికారులు, హాస్టళ్లను పర్యవేక్షణ చేసిన అధికారులపై చర్యల ఊసే లేకపోవడంపై ఆశాఖలో గుసగుసలు వినపడుతున్నాయి. జిల్లా సాధనకు ఉద్యమించాలి ఉదయగిరి: జిల్లాలో అన్ని రంగాలలో వెనుకబడిన ఉదయగిరి నియోజకవర్గాన్ని జిల్లా కేంద్రంగా సాధించుకునేందుకు రాజకీయాలకతీతంగా ప్రతి ఒక్కరు ఉద్యమించాలని జిల్లా సాధన సమితి అధ్యక్షుడు డాక్టర్‌ కె.వేణుగోపాల్‌ పేర్కొన్నారు. ఆయన గురువారం సాధన సమితి కార్యాలయంలో విలేకరుల సమావేశంలో మాట్లాడారు. ఈ ప్రాంతం ఎన్నో ఏళ్లుగా పూర్తి వివక్షకు గురవుతూ నేటికీ సరైన తాగు, సాగునీరు లేక పోవడంతో ఈ ప్రాంతంలో వలసలు ఎక్కువవడంతో పల్లెప్రాంతాలు బోసిపోయి దర్శనమిస్తున్నాయన్నారు. ప్రకాశం, కడప, నెల్లూరు జిల్లాల్లోని 21 మండలాలను కలుపుకుని ఉదయగిరిని జిల్లా కేంద్రంగా ఏర్పాటు చేసుకోవాల్సిన అవసరం ఉందన్నారు. ఈ సమావేశంలో సాధన సమితి సభ్యులు దస్తగిరి అహ్మద్‌, రామిరెడ్డి తదితరులు పాల్గొన్నారు. దేవదాయ భూముల్లో అక్రమాలకు తావివ్వొద్దు ఉలవపాడు: దేవదాయశాఖకు సంబంధించిన భూముల్లో అక్రమాలు జరగకుండా చూడాలని ఆ శాఖ రీజనల్‌ జాయింట్‌ కమిషనర్‌ చంద్రశేఖర్‌ ఆజాద్‌ తెలిపారు. ఉలవపాడులోని నీలకంఠేశ్వరస్వామి దేవస్థానానికి సంబంఽధించిన భూములను ప్రకాశం జిల్లా సింగరాయకొండలోని శానంపూడిలో గురువారం పరిశీలించిన అనంతరం ఆయన ఉలవపాడు దేవస్థానం వద్దకు వచ్చి మాట్లాడారు. శానంపూడిలో భూములు లీజుకు తీసుకున్న వ్యక్తి అందులో రాళ్లు ఎత్తడం చేస్తున్నాడని ఫిర్యాదులు వచ్చాయని, వాటిపై పోలీసులకు ఫిర్యాదు చేయాలని ఈఓ శ్రీనివాస్‌కు తెలియజేశారు. కార్యక్రమంలో ఆలయ కార్యనిర్వహణాధికారి శ్రీనివాస్‌తోపాటు సిబ్బంది పాల్గొన్నారు.

● కలెక్టర్‌ ఆనంద్‌ దుత్తలూరు: రైతులంతా సహకరిస్తేనే రీసర్వే విజయవంతంగా కొనసాగుతుందని కలెక్టర్‌ ఓ.ఆనంద్‌ పేర్కొన్నారు. గురువారం మండలంలోని వెంకటంపేటలో రీసర్వేపై రైతులకు అవగాహన కల్పించారు. ఈ సందర్భంగా అవగాహనా ర్యాలీ చేపట్టారు. ఉపాధిహామీ పథకం కింద మూగజీవాల తాగునీటి కష్టాలు తీర్చే నీటితొట్ల నిర్మాణానికి భూమిపూజ చేపట్టారు. ఈ సందర్భంగా ఆయన మాట్లాడుతూ బ్రిటీష్‌ కాలంనాడు భూముల రీసర్వే జరిగిందని, వందేళ్ల తర్వాత మరలా ప్రస్తుతం జరుగుతోందన్నారు. గతంలో చైన్ల ద్వారా రీసర్వే చేసేవారని, ప్రస్తుతం జీపీఎస్‌ విధానంలో రీసర్వే చేస్తుండటంతో ఎలాంటి తప్పిదాలు ఉండవన్నారు. పట్టా అసైన్‌మెంట్‌ భూముల్లో వివాదాలు అధికంగా ఉన్నాయని, రైతులు రీసర్వేను సద్వినియోగం చేసుకొని తమ సమస్యలు పరిష్కరించుకోవాలన్నారు. రైతులకు నోటీసులు జారీచేసిన అనంతరమే రీసర్వే చేపట్టాలన్నారు. అంతకుముందు నందిపాడు ఎస్సీ అంగన్‌వాడీ కేంద్రాన్ని సందర్శించారు. అంగన్‌వాడీ కార్యకర్త బోగ్యం సరస్వతి సెల్‌ఫోన్‌ తీసుకొని యాప్‌లో నమోదుచేసిన వివరాలు పరిశీలించి సంతృప్తి వ్యక్తం చేశారు. అనంతరం దుత్తలూరులో పీఎం సూర్యఘర్‌ పథకం కింద వినియోగదారులు ఏర్పాటుచేసిన సోలార్‌ సిస్టంను పరిశీలించారు. ఈ కార్యక్రమంలో తహసీల్దార్‌ నాగరాజు, ఎంపీడీఓ మల్లికార్జున, సీడీపీఓ సునీత, పీఆర్‌, ఆర్‌డబ్ల్యుఎస్‌ డీఈలు మణికుమార్‌, రామకృష్ణారావు, ఐసీడీఎస్‌ సూపర్‌వైజరు షేక్‌ షాను, ప్రజాప్రతినిధులు పాల్గొన్నారు. దుత్తలూరు పర్యటనలో భాగంగా దుత్తలూరులోని సీడ్స్‌ సంస్థను కలెక్టర్‌ ఆనంద్‌ సందర్శించారు. ఆ సంస్థ ద్వారా అమలవుతున్న కార్యక్రమాలను సిబ్బందిని అడిగి తెలుసుకున్నారు. సేంద్రియ వ్యవసాయ సాగు, విద్య, నైపుణ్య శిక్షణా తరగతులు, తదితర వాటిని పరిశీలించి సంతృప్తి వ్యక్తం చేశారు. ఆయన వెంట సీడ్స్‌ సిబ్బంది ఉన్నారు.

రేషన్‌ బియ్యం పట్టివేత ● రీసైక్లింగ్‌ చేసి మేలి రకం బియ్యంలో కలిపి విక్రయం కొడవలూరు: కొడవలూరు మండలం చంద్రశేఖరపురం గ్రామంలోని శ్రీలక్ష్మి నరసింహస్వామి రైస్‌ మిల్లులో రేషన్‌ బియ్యం పట్టుబడ్డాయి. వాటిని రీసైక్లింగ్‌ చేసి మేలి రకం బియ్యంలో కలిపి విక్రయిస్తున్నట్లు ఉన్నతాధికారులకు సమాచారం అందింది. దీంతో కోవూరు, ఆత్మకూరు సీఎస్‌ డీటీలు బాల కోటమ్మ, అజీజ్‌లు గురువారం రైస్‌ మిల్లుపై దాడి చేసి తనిఖీలు చేపట్టారు. రైస్‌మిల్లులో సుమారు 200 బస్తాల రేషన్‌ బియ్యం ఉండగా, ఇందులో 30 బస్తాలు రేషన్‌ షాపులకొచ్చే బస్తాల్లోనే ఉన్నాయి. మిగిలినవి రీసైక్లింగ్‌ చేసి ప్లాస్టిక్‌ గోతాల్లో నింపి ఉన్నట్లు నిర్ధారించారు. మొత్తం బస్తాలను సీజ్‌ చేసి పౌరసరఫరాల శాఖ గిడ్డంగికి తరలించారు. నిందితులపై 6ఏ కేసు నమోదు చేసినట్లు డీటీ బాలకోటమ్మ తెలిపారు. ఈ తనిఖీల్లో ఆర్‌ఐ సునీల్‌ కుమార్‌రెడ్డి, వీఆర్వో సురేష్‌ పాల్గొన్నారు. ఇక్కడి రైస్‌ మిల్లును ఒంగోలు చెందిన వ్యక్తికి లీజుకిచ్చినట్లు అధికారులు తెలిపారు. ఆ వ్యక్తి కేవలం రేషన్‌ బియ్యం రీసైక్లింగ్‌ మినహా ధాన్యం ఆడించడం చేయడం లేదని అధికారులు నిర్ధారించారు. గతంలో కూడా ఈ రైస్‌ మిల్లులో రేషన్‌ బియ్యం పట్టుబడింది. నిందితుల పట్ల కఠిన చట్టాలు అమలు చేయకపోతుండడంతో యథావిధిగా ఈ వ్యాపారం కొనుసాగిస్తూ రూ.లక్షలు జేబుల్లో వేసుకొంటున్నారు.

సాక్షి ప్రతినిధి, నెల్లూరు: పేదలకు అందాల్సిన చౌక బియ్యం.. పచ్చనేతలకు కాసులు కురిపించే వ్యాపార వస్తువుగా మారింది. జిల్లాలో 1513 చౌకదుకాణాలు ఉన్నాయి. ప్రతినెలా 13 వేల మెట్రిక్‌ టన్నుల బియ్యం కార్డుదారులకు పంపిణీ జరుగుతుంది. 11 ఎంఎల్‌ఎస్‌ పాయింట్ల నుంచి చౌకదుకాణాలకు బియ్యం సరఫరా చేస్తున్నారు. బియ్యం పంపిణీలో దాదాపు 60 శాతం అంటే 8 వేల మెట్రిక్‌ టన్నులు రీసైక్లింగ్‌ చేస్తున్నారు. ఈ జిల్లాతో పాటు ఇతర జిల్లాల నుంచి దాదాపు 12 వేల మెట్రిక్‌ టన్నుల బియ్యం సేకరించి మొత్తం మీద 20 వేల టన్నుల వరకు రేషన్‌బియ్యాన్ని పాలిషింగ్‌ చేసి చైన్నె మార్కెట్‌తో పాటు విదేశాలకు ఎగుమతి చేస్తున్నారు. నియోజకవర్గం ఒకరికే.. నెల్లూరు నగరం, నెల్లూరు రూరల్‌ నియోజకవర్గాల్లో ఎన్టీఆర్‌ నగర్‌కు చెందిన ఓ వ్యాపారి రేషన్‌ బియ్యం వ్యాపారం చేస్తున్నాడు. కందుకూరులో ఒంగోలుకు చెందిన వ్యాపారికి అప్పగించారు. ఉదయగిరిలో జలదంకి చెందిన లోకల్‌ ప్రజాప్రతినిధి అనుచరుడు, ఆత్మకూరు, కోవూరులో నెల్లూరుకు చెందిన వ్యాపారులు దందా నిర్వహిస్తున్నారు. కావలిలో లోకల్‌ వ్యాపారికే అప్పగించారు. ఇలా నియోజకవర్గాల వారీగా ఒక్కో వ్యాపారికి అప్పగించి వారి నుంచి నెలవారీగా సుమారు రూ.25 లక్షల వరకు ఎమ్మెల్యేలు కప్పం వసూలు చేస్తున్నారు. రైస్‌మిల్లుల్లో పాలిషింగ్‌ చేసి.. ప్రతి నెలా ఒకటో తేదీ నుంచి 15వ తేదీ వరకు రేషన్‌ బియ్యం సేకరణ చేస్తారు. సేకరించిన బియ్యాన్ని సదరు వ్యాపారికి చెందిన అల్ల్లీపురంలోని గుడిపల్లిపాడు, మూడో మైలు వద్ద, రాజుపాళెం సమీపంలో ఉన్న రైస్‌మిల్లు, వెంకటాచలం మండలం పోర్టు వద్ద రైస్‌మిల్లు, బుచ్చిరెడ్డిపాళెంలోని విలియమ్స్‌పేట వద్ద ఉన్న రైస్‌మిల్లుకు, లింగసముద్రం మండలం పెదపవనిలోని రైస్‌ మిల్లుకు, కందుకూరులోని ఓగూరులో రైస్‌మిల్లుకు తరలిస్తారు. అక్కడ రీపాలిష్‌ చేసి బ్రాండెడ్‌ బ్యాగుల్లో నింపి చైన్నెకు తరలిస్తారు. చైన్నెలో పాలిష్‌ చేసిన బియ్యాన్ని కేజీ రూ.50 వంతున అక్కడ వ్యాపారులకు విక్రయిస్తారు. దాంతో పాటు పాలిష్‌ చేయని బియ్యాన్ని మాత్రం కృష్ణపట్నం పోర్టు ద్వారా ఎగుమతులు చేస్తారన్న ఆరోపణలున్నాయి. ఉమ్మడి జిల్లాల నుంచి సేకరణ మంత్రి నారాయణ ఇలాఖాకు చెందిన బియ్యం మాఫియా ఉమ్మడి నెల్లూరు జిల్లాలో పాటు మరో ఉమ్మడి ప్రకాశం, కడప రేషన్‌ బియ్యం సేకరణ చేస్తారు. ప్రకాశం జిల్లా నుంచి కందుకూరు, కావలి మీదుగా నెల్లూరుకు బియ్యం రవాణా జరుగుతుంది. ఇలా సేకరించిన బియ్యాన్ని ఎన్టీఆర్‌ నగర్‌లోని గోదాముల్లో నిల్వ ఉంచుతారు. అక్కడ నుంచి రాత్రి వేళల్లో రైస్‌మిల్లుకు తరలించి రీసైక్లింగ్‌ చేస్తారు. గోదాముల నుంచి నేరుగా చైన్నె, పోర్టులకు వెళ్తాయి. అధికారులకు ముడుపులు చౌక బియ్యం దందా సజావుగా సాగేందుకు రెవెన్యూ, పోలీస్‌, విజిలెన్స్‌, పౌర సరఫరా శాఖలకు నెలవారీ మామూళ్లు ఇస్తున్నారన్న ఆరోపణలున్నాయి. రాత్రివేళల్లో రేషన్‌ బియ్యం వాహనాల్లో లోడింగ్‌ జరుగుతుండే విషయం అందరికీ తెలిసినా ఆ వైపు కన్నెత్తిచూడరు. విజిలెన్స్‌, పోలీస్‌ శాఖలకు ఫోన్‌ చేస్తే సదరు వ్యాపారికి ఫోన్‌ వెళ్తుంది. వెంటనే ఫోన్‌ చేసిన వారికి బెదిరింపు కాల్స్‌ వస్తాయి. పౌరసరఫరాల శాఖ అధికారులకు ఫోన్‌చేస్తే మాకు మెన్‌ లేరు. పోలీసులకు ఫోన్‌చేయండి అంటూ కాల్‌ కట్‌ చేస్తారు. ప్రతి నెలా ఏడు వేల మెట్రిక్‌ టన్నుల సేకరణ పాలిషింగ్‌ చేసేందుకు ప్రత్యేకంగా ఆరు రైస్‌ మిల్లులు పాలిష్‌ చేసి చైన్నె మార్కెట్‌కు తరలింపు కృష్ణపట్నం పోర్టు ద్వారా విదేశాలకు ఎగుమతి పచ్చ నేతలకు నెలకు రూ.కోట్లలో ఆదాయం విజిలెన్స్‌, పోలీస్‌ శాఖలకు మామూళ్లు నెల్లూరు నగరంలోని ఎన్టీఆర్‌నగర్‌కు చెందిన ఓ రేషన్‌ బియ్యం వ్యాపారి కూటమి ప్రభుత్వం అధికారంలోకి రాగానే తన స్నేహితుడితో కలిసి మాఫియాను హస్తగతం చేసుకున్నారు. గతంలో నెల్లూరు నగరంలోని దాదాపు వెయ్యి మంది చిరు వ్యాపారులు రేషన్‌ డీలర్లు, ఎండీయూ వాహన ఆపరేటర్ల నుంచి పేదలకందాల్సిన బియ్యాన్ని కొనుగోలు చేసి తద్వారా సదరు వ్యాపారికి విక్రయించేవారు. కేజీకి రూ.16 వంతున డీలర్లకు అప్పగించి ఎన్టీఆర్‌ నగర్‌కు చెందిన వ్యాపారికి కేజీ రూ.23 వంతున విక్రయించేవారు. కూటమి ప్రభుత్వం వచ్చాక చిరువ్యాపారులను పక్కన పెట్టేశారు. కార్పొరేషన్‌ పరిధిలో మంత్రి నారాయణ కీలక అనుచరుడితో పాటు నెల్లూరు రూరల్‌ షాడో ఎమ్మెల్యేలకు నెలసరిగా రూ.లక్షల్లో ముట్టుజెప్పేలా ఒప్పందం చేసుకున్నారన్న ఆరోపణలున్నాయి. కఠిన చర్యలు తీసుకుంటాం బియ్యం అక్రమ రవాణాకు పాల్పడే వ్యక్తులపై కఠిన చర్యలు తీసుకుంటాం. చౌక దుకాణాల ద్వారా రేషన్‌ కార్డు దారులకు బియ్యం సక్రమంగా పంపిణీ జరిగేలా చర్యలు చేపడతాం. బియ్యం అక్రమ రవాణాపై ఫిర్యాదులు చేస్తే దాడులు చేసి అక్రమ రవాణాను అడ్డుకుంటాం. రేషన్‌ సక్రమంగా పంపిణీ జరిగేలా మండల స్థాయి అధికారులకు ఆదేశాలిస్తాం. – అంకయ్య ఇన్‌చార్జ్‌, డీఎస్‌ఓ

నెల్లూరు(టౌన్‌): నెల్లూరు దర్గామిట్టలోని జిల్లా పరిషత్‌ బాలికల హైస్కూల్లో ఏపీ ఎంటర్‌ప్రెన్యూర్‌ మైండ్‌సెట్‌ డెవలప్‌మెంట్‌ ప్రోగ్రాం (ఈఎండీపీ) 2024 – 25 కార్యక్రమాన్ని బుధవారం జిల్లా విద్యాశాఖాధికారి బాలాజీరావు ప్రారంభించారు.. జిల్లాలోని ప్రభుత్వ, ప్రైవేట్‌ పాఠశాలల్లో 9వ తరగతి చదువుతున్న విద్యార్థులు 8 ప్రాజెక్ట్‌లను ప్రదర్శించారు. ఈ ప్రోగ్రాంలో ప్రతిభ చూపిన ఒట్టూరులోని ఏపీఎంఎస్‌ స్కూల్‌ విద్యార్థులు ప్రదర్శించిన ప్రాజెక్ట్‌కు ప్రథమ, ఇంకా డాక్టర్‌ బీఆర్‌ అంబేడ్కర్‌ గురుకులం విద్యార్థులు ప్రదర్శించిన ప్రాజెక్ట్‌కు ద్వితీయ బహుమతి అందజేశారు. సర్టిఫికెట్లను ప్రదానం చేశారు. కార్యక్రమంలో ఏపీ ఈఎండీపీ ఎక్స్‌పో జోనల్‌ మేనేజర్‌ నీలిమ, డీసీఈబీ సెక్రటరీ రామ్‌కుమార్‌, ఆత్మకూరు డిప్యూటీ డీఈఓ జానకిరామ్‌, ప్రధానోపాధ్యాయులు రాజు, వెంకటేశ్వర్లు పాల్గొన్నారు. పాలిటెక్నిక్‌ విద్యతో ఉన్నత భవిత ● పాలిసెట్‌, ఏపీఆర్‌జేసీ అవగాహన సదస్సుకు స్పందన తిరుపతి ఎడ్యుకేషన్‌: పాలిటెక్నిక్‌ చదివే విద్యార్థులకు ఉన్నత భవిష్యత్‌ ఉంటుందని తిరుపతి వరదరాజనగర్‌లోని విశ్వం విద్యాసంస్థల అధినేత డాక్టర్‌ ఎన్‌.విశ్వనాథరెడ్డి అన్నారు. బుధవారం ఆ విద్యాసంస్థలో నిర్వహించిన పాలిటెక్నిక్‌, ఏపీఆర్‌జేసీ నమూనా పరీక్ష, అవగాహన సదస్సుకు మంచి స్పందన లభించింది. ఆయన మాట్లాడుతూ పాలిటెక్నిక్‌ విద్యార్హతతో ఇరిగేషన్‌, పబ్లిక్‌ హెల్త్‌, ఇంజినీరింగ్‌, ఆర్‌అండ్‌బీ, రైల్వే, బెల్‌, బీఎస్‌ఎన్‌ఎల్‌, ఆర్టీసీ, విద్యుత్‌ వంటి కేంద్ర, రాష్ట్ర ప్రభుత్వ శాఖల్లో, అలాగే కార్పొరేట్‌ సంస్థల్లో ఉద్యోగ, ఉపాధి అవకాశాలు పుష్కలంగా ఉన్నాయన్నారు. ఈనెల 30న రాష్ట్ర వ్యాప్తంగా పాలిసెట్‌, 25న ఏపీఆర్‌జేసీ ప్రవేశపరీక్షలు జరుగుతాయన్నారు. 35 ఏళ్లుగా సైనిక్‌, నవోదయ, పాలిటెక్నిక్‌, ఏపీఆర్‌జేసీ వంటి పోటీ పరీక్షల్లో తమ విద్యార్థులు ర్యాంక్‌లు సాధిస్తూ ప్రవేశాలు పొందుతున్నట్టు చెప్పారు. ఆయా పోటీ పరీక్షలకు సంబంధించి పూర్తి వివరాలకు 86888 88802, 93999 76999 ఫోన్‌ నంబర్లను సంప్రదించాలన్నారు.

నెల్లూరు(బారకాసు): స్థానిక సంస్థలకు పన్నుల రూపంలో వచ్చే రాబడి ఎంతో కీలకం. ప్రతి ఏడాది కేంద్ర, రాష్ట్ర ప్రభుత్వాలు వివిధ రూపాల్లో నిధులు మంజూరు చేస్తున్నా.. స్థానికంగా ఉన్న వనరులను సద్వినియోగం చేసుకుని ఖజానాను నింపుకోవడం కీలకం. అలా ఆదాయాన్ని సమకూర్చుకున్నప్పుడే అభివృద్ధి సాధ్యమవుతుంది. నెల్లూరు నగరపాలక సంస్థ పరిధిలో 2023 – 24 సంవత్సరంలో ఆస్తి, ఖాళీ స్థలాలకు సంబంధించి పన్నుల డిమాండ్‌ రూ.130 కోట్లు ఉండగా వసూలు చేసింది రూ.66.37 కోట్లు. ఆనాడు సాధించిన లక్ష్యం 51 శాతం. అప్పట్లో సార్వత్రిక ఎన్నికల సందర్భంగా మెజార్టీ శాతం సిబ్బంది ఆ విధుల్లో ఉన్నారు. ఓ వైపు ఎన్నికల విధులు నిర్వర్తిస్తూనే మరోవైపు పన్నుల వసూళ్లను మెరుగ్గా చేశారు. 2024 – 25కు వచ్చేసరికి డిమాండ్‌ రూ.150 కోట్లకు చేరింది. అంటే గతాని కంటే రూ.20 కోట్లు పెరిగింది. కానీ ఇటీవల ముగిసిన ఆర్థిక సంవత్సరంలో వసూలు చేసింది రూ.71.38 కోట్లు మాత్రమే. సాధించిన లక్ష్యం 47 శాతం. గతంతో పోల్చుకుంటే నాలుగు శాతం తక్కువగానే వసూలు చేయగా కార్పొరేషన్‌ అధికారులు మాత్రం భేష్‌ అంటూ గొప్పగా ప్రచారం చేసుకోవడం విశేషం. నాడు వంద శాతం రాయితీ గత వైఎస్సార్‌సీపీ ప్రభుత్వంలో ప్రజలపై భారం పడకూడదని ఆస్తి, ఖాళీ స్థలాల పన్నుల్లో వంద శాతం వడ్డీ రాయితీ ఇవ్వడం జరిగింది. దీంతో ప్రజలు కూడా సహకరించి పన్నులను చెల్లించడంతో నగరపాలక సంస్థకు రాబడి పెరిగింది. ప్రస్తుత కూటమి ప్రభుత్వం 50 శాతం మాత్రమే వడ్డీ రాయితీ ఇచ్చింది. 2024 – 25 ఆర్థిక సంవత్సరం ముగిసిన తర్వాత పన్నుల వసూళ్లలో రెవెన్యూ విభాగం కృషి అభినందనీయమంటూ అధికారులు కొనియాడారు. వంద శాతం సాధించేసినట్లుగా గొప్పలు చెప్పుకొంటున్నారు. వసూళ్ల శాతం తక్కువగా ఉన్న నేపథ్యంలో ఉన్నతాధికారుల నుంచి చీవాట్లు వస్తాయనే భయంతో భేష్‌ అంటూ ప్రచారం చేసుకోవడంపై సర్వత్రా విమర్శలు వ్యక్తమవుతున్నాయి. ఈ ప్రచారం ఎవరి మెప్పుకోసమనే ప్రశ్నలు ఉత్పన్నమవుతున్నాయి. సాక్షాత్తు రాష్ట్ర పురపాలక శాఖ మంత్రి పొంగూరు నారాయణ ప్రాతినిధ్యం వహిస్తున్న నియోజకవర్గంలోనే ఈ పరిస్థితి ఉంది. పన్నుల వసూలు అనుకున్న స్థాయిలో చేయలేకపోవడంతో ఎక్కడ తమ అసమర్థత బయట పడుతుందననే భయంతో పురపాలక శాఖ మంత్రి వెనుక ఉండి అధికారులచే ఇలా గొప్పలు ప్రచారం చేయించి ఉండొచ్చనే చర్చ జరుగుతోంది.పన్ను వసూళ్ల విషయంలో నెల్లూరు నగరపాలక సంస్థ అధికారులు గొప్పలు చెప్పుకొంటున్నారు. గతంతో పోల్చుకుంటే సాధించిన లక్ష్యం తక్కువైనా వంద శాతం చేసినంతగా ప్రచారం చేసుకుంటున్నారు. సాక్షాత్తు పురపాలక శాఖ మంత్రి నియోజకవర్గంలో నెలకొన్న ఈ పరిస్థితి చర్చనీయాంశంగా మారింది. పన్ను వసూళ్లలో భేష్‌ అట సాధించింది 47 శాతమే.. కానీ వంద శాతం చేసినట్లుగా గొప్పలు పురపాలక శాఖ మంత్రి నియోజకవర్గంలో ఇదీ చోద్యం

నెల్లూరు(టౌన్‌): ‘ప్లీజ్‌ సర్‌.. మమ్మల్ని పరీక్ష కేంద్రంలోకి అనుమతించండి’ అంటూ విద్యార్థులు బతిమిలాడుకున్నారు. సమయం మించిపోయిందని సిబ్బంది చెప్పడంతో నిరాశగా వెనుదిరిగారు. బుధవారం నెల్లూరులోని పొట్టేపాళెంలో ఉన్న ఆయాన్‌ డిజిటల్‌ సెంటర్‌ జేఈఈ మెయిన్స్‌ పరీక్ష జరిగింది. ఇవిఈనెల 9వ తేదీ వరకు జరుగుతాయి. ఆన్‌లైన్‌లో నిర్వహించిన పరీక్షకు జిల్లా వ్యాప్తంగా మొత్తం 1,800 మందికి పైగా విద్యార్థులు హాజరయ్యారు. ఉదయం 9 నుంచి మధ్యాహ్నం 12 గంటల వరకు, మధ్యాహ్నం 3 నుంచి సాయంత్రం 6 గంటల వరకు రెండు విడతల్లో పరీక్ష జరిగింది. ఉదయం 7.30 గంటలకే విద్యార్థులను డిజిటల్‌ సెంటర్‌లోకి అనుమతించారు. ఆ సమయంలో మెటల్‌ డిటెక్టర్‌తో తనిఖీలు చేశారు. 8.30 గంటల తర్వాత ఏడుగురు విద్యార్థులు వచ్చారు. తమను పరీక్షకు అనుమతించాలని సెక్యూరిటీ సిబ్బంది, అధికారులను బతిమలాడారు. కుదరదని చెప్పడంతో బాధపడుతూ వెళ్లిపోయారు. మధ్యాహ్నం నుంచి జరిగిన రెండో విడతలో కూడా గంటన్నర ముందుగానే విద్యార్థులను కేంద్రంలోకి అనుమతించారు. నెల్లూరులో జేఈఈ మెయిన్స్‌ పరీక్ష ఆలస్యంగా రావడంతో ఏడుగురికి అనుమతి నిరాకరణ

బాధ్యతగా..నేటి నుంచి ‘పది’ మూల్యాంకనం ● మొగ్గు చూపని కొందరు అయ్యోర్లు ● ఆరోగ్య కారణాలు చూపి ఎగనామం ● ఎగ్గొటేందుకు సంఘాలు, పలువురితో సిఫార్సు ● కేంద్రంలోకి సెల్‌ఫోన్ల నిషేధం ● నిధులు విడుదల చేయని ప్రభుత్వంనెల్లూరు(టౌన్‌): పదో తరగతి జవాబుపత్రాల మూల్యాంకనం గురువారం నుంచి ఈనెల 9వ తేదీ వరకు నెల్లూరు దర్గామిట్టలోని జిల్లా పరిషత్‌ హైస్కూళ్లలో జరుగుతుంది. 36 గదులను సిద్ధం చేశారు. ఇతర జిల్లాల నుంచి జిల్లాకు 1,92,920 జవాబుపత్రాలు వచ్చినట్లు విద్యాశాఖ అధికారులు చెబుతున్నారు. 1,036 మంది అసిస్టెంట్‌ ఎగ్జామినర్లు, 174 మంది చీఫ్‌ ఎగ్జామినర్లు, 348 మంది స్పెషల్‌ ఆఫీసర్లను నియమించారు. మూల్యాంకనం చేసిన ఓఎంఆర్‌ షీట్లను ఏరోజుకారోజు రాష్ట్ర విద్యాశాఖ కార్యాలయానికి పంపనున్నారు. సమగ్రశిక్ష రాష్ట్ర అధికారి రవీంద్రనాథ్‌రెడ్డి రాష్ట్ర పరిశీలకుడిగా, డీఈఓ బాలాజీరావు క్యాంప్‌ ఆఫీసర్‌గా విధులు నిర్వహించనున్నారు. మూల్యాంకనానికి హాజరయ్యే ఉపాధ్యాయులకు ఐడీ కార్డులను అందజేస్తారు. విధుల్లో ఉన్న సమయంలో తప్పనిసరిగా దానిని ధరించాల్సి ఉంది. డీఈఓపై ఒత్తిళ్లు పదో తరగతి మూల్యాంకనానికి హాజరయ్యేందుకు కొందరు ఉపాధ్యాయులు ముఖం చాటేస్తున్నారు. ఈ పని నుంచి ఏదో ఒక విధంగా తప్పించుకునేందుకు రకరకాల పాట్లు పడుతున్నారు. పలువురు ఆరోగ్య కారణాలను సాకుగా చూనెతున్నారు. మరికొందరు ఉపాధ్యాయ సంఘాల నాయకులు, జిల్లా స్థాయి అధికారుల ద్వారా డీఈఓ బాలాజీరావుపై ఒత్తిడి తీసుకొస్తున్నారు. ఈ వ్యవహారం ఆయనకు తలనొప్పిగా మారింది. మూల్యాంకనానికి ఫేస్‌ రికగ్నిషన్‌ యాప్‌లో హాజరు వేయాలని నిబంధన పెట్టడం, రోజూ ఉదయం 8.30 నుంచి సాయంత్రం 6 గంటల వరకు విధులు నిర్వహించాల్సి రావడం, పైగా సెల్‌ఫోన్లను కేంద్రంలోకి నిషేధించడంతో ఎక్కువ మంది టీచర్లు విముఖత చూపుతున్నట్లు తెలుస్తోంది. మూల్యాకనం కోసం నేటి వరకు రాష్ట్ర ప్రభుత్వం ఒక్క పైసా నిధులను కూడా విడుదల చేయలేదని సమాచారం. సొంత ఖర్చులతోనే ఏర్పాట్లు చేయాల్సి వస్తోందని జిల్లా విద్యాశాఖాధికారులు మదన పడుతున్న పరిస్థితి ఉంది. జిల్లాకు చేరిన జవాబుపత్రాలు : 1,92,920 అసిస్టెంట్‌ ఎగ్జామినర్లు : 1,076 మంది సీఈలు : 174 మంది ఒక్కో అసిస్టెంట్‌ ఎగ్జామినర్‌ రోజుకు 40 జవాబుపత్రాలను మూల్యాంకనం చేయాల్సి ఉంది. వాటిని చీఫ్‌ ఎగ్జామినర్‌ పరిశీలిస్తారు. తర్వాత స్పెషల్‌ ఆఫీసర్‌ చెక్‌ చేస్తారు. ఒక్కో పేపర్‌ మూల్యాంకనం చేసినందుకు రూ.10లు ఇస్తారు. జవాబుపత్రాలను ఎలాంటి తప్పులేకుండా బాధ్యతాయుతంగా దిద్దాల్సి ఉంటుంది. పని ఒత్తిడి, తొందరపాటు, నిర్లక్ష్యం తదితర కారణాలతో మూల్యాంకనంలో తప్పులు దొర్లుతుంటాయి. విద్యార్థి రీ వెరిఫికేషన్‌ పెట్టినప్పుడు పేపర్‌ సరిగా దిద్దలేదని, మార్కులు తప్పుగా కౌంటింగ్‌ చేసినట్లు తేలితే సంబంధిత ఉపాధ్యాయుడిపై రాష్ట్ర విద్యాశాఖ ఉన్నతాధికారులు శాఖాపరమైన చర్యలు తీసుకుంటారు. ఈ నేపథ్యంలో మూల్యాంకనానికి వచ్చేందుకు కొందరు టీచర్లు వెనుకడుగు వేస్తున్నట్లు తెలుస్తోంది. ఈ విధుల నుంచి తప్పించుకునేందుకు ప్రజాప్రతినిధులు, ఉపాధ్యాయ సంఘాల ద్వారా ఒత్తిడి తీసుకొస్తున్నారు. ఇప్పటికే పలు సంఘాల నాయకులు సిఫార్సు చేసిన వారిని మూల్యాంకన విధుల నుంచి తప్పించినట్లుగా ప్రచారం జరుగుతోంది. మినహాయింపు లేదు పది జవాబుపత్రాల మూల్యాంకనానికి డ్యూటీ వేసిన ప్రతి ఉపాధ్యాయుడు హాజరుకావాల్సిందే. ఎవరికీ మినహాయింపు లేదు. విధులకు వచ్చిన వారు ఫేస్‌ రికగ్నిషన్‌ యాప్‌లో హాజరు నమోదు చేసుకోవాల్సి ఉంది. మూల్యాంకన సమయంలో ఎవరూ సెల్‌ఫోన్‌ను వినియోగించకూడదు. తప్పులు లేకుండా, టెన్షన్‌ పడకుండా ప్రశాంత వాతావరణంలో జవాబుపత్రాలను దిద్దాలి. – ఆర్‌.బాలాజీరావు, డీఈఓ

నెల్లూరు(స్టోన్‌హౌస్‌పేట): అధికార పార్టీ చేస్తున్న కుట్రలపై న్యాయ పోరాటం చేస్తానని వైఎస్సార్‌సీపీ రాష్ట్ర ప్రధాన కార్యదర్శి పేర్నాటి శ్యామ్‌ప్రసాద్‌రెడ్డి తెలిపారు. నెల్లూరులోని ఆ పార్టీ జిల్లా కార్యాలయంలో బుధవారం ఆయన విలేకరుల సమావేశంలో మాట్లాడారు. పొదలకూరు మండలం తాటిపర్తి గ్రామంలో మైనింగ్‌కు సంబంధించి ఫిబ్రవరి 12, 14వ తేదీల్లో వాకాటి శివారెడ్డి, వాకాటి శ్రీనివాసులురెడ్డిపై చార్జీషీట్లు పెట్టి ఫిబ్రవరి 16వ తేదీన తనను నిందితుడిగా చేర్చారన్నారు. తాను ఈ కేసుపై 19వ తేదీన హైకోర్టును ఆశ్రయించానన్నారు. 24వ తేదీన కోర్టు ముందస్తు బెయిల్‌ ఇస్తూ పోలీసులకు సహకరించాలని సూచించిందన్నారు. అప్పటి నుంచి తనను ఏ అధికారి పిలవడం, విచారించడం కానీ జరగలేదన్నారు. అలాంటప్పుడు కాకాణి గోవర్ధన్‌రెడ్డి కేసులో తాను అప్రూవర్‌గా మారారంటూ తనపై ఓ ఎలక్ట్రానిక్‌ ఛానల్‌ దుష్ప్రచారం చేయడం దారుణమన్నారు. తాను అప్రూవర్‌గా మారుతున్నట్లు అధికారులు, పోలీసులకు చెప్పినట్లు, ఎవరి పేరునైనా చెప్పినట్లు వారి దగ్గర ఏమైనా సాక్ష్యాలుంటే బయట పెట్టాలన్నారు. అప్పటి మైనింగ్‌ డీడీ శ్రీనివాస్‌కుమార్‌, ప్రస్తుత డీడీ బాలాజీనాయక్‌లకు ఈ కేసుపై అసలు స్పష్టతే లేదన్నారు. పొంతన లేని నోటీసులతో తమ పార్టీ నేతలను ఇబ్బందులకు గురి చేస్తున్నారన్నారు. వాకాటి శివారెడ్డి, వాకాటి శ్రీనివాసులురెడ్డికి మైనింగ్‌ డీడీ షోకాజ్‌ నోటీసులు ఇచ్చి రూ.7.56 కోట్లు పెనాల్టీ వేసిన విషయాన్ని గుర్తు చేశారు. తర్వాత బాలాజీనాయక్‌ తన పేరును కూడా చేర్చి పోలీసులకు ఫిర్యాదు చేశారన్నారు. విద్యాకిరణ్‌, ఎమ్మెల్యే సోమిరెడ్డి ఇచ్చిన ఫిర్యాదుల మేరకు కేసులు బనాయించారన్నారు. అసలు ఓనరే లేని మైన్స్‌లో అక్రమాలు జరిగాయని కేసు పెట్టడం దారుణమన్నారు. ఓనర్‌ లేనప్పుడు ఆ భూమి ప్రభుత్వానిదని, అందులో ఖనిజ సంపదను కాపాడుకోవాల్సిన బాధ్యత మైనింగ్‌ అధికారులదేనన్నారు. అయితే అధికారులు స్పష్టత లేకుండా వెంట వెంటనే ఫిర్యాదులు మార్చి మార్చి చేయడం ఎంత వరకు సమంజసమన్నారు. మాజీ మంత్రి కాకాణి నియోజకవర్గంలో ఆయన అధికారంలో ఉన్నప్పుడు తామేదో చేశామని బురదజల్లే ప్రయత్నం తప్ప ఇందులో వాస్తవాలు ప్రజలందరికీ తెలుసన్నారు. అప్రూవర్‌గా మారితే ఏ1గా తనను ఎందుకు చేరుస్తారని ప్రశ్నించారు. అసత్య ప్రచారాలు చేయడం మానాలన్నారు. రాజకీయ పరంగా ఎవరెటు పోతే ఎందుకులే అనే మనస్తత్వం తనది కాదని, విలువలతో కూడిన కుటుంబం నుంచి వచ్చానన్నారు. ఆర్గానిక్‌ వ్యవసాయం చేసే క్రమంలో 8 నెలలుగా రాజకీయాలకు దూరంగా ఉన్నానని తెలిపారు. కచ్చితంగా ఈ కేసులో ఏ1గా పెట్టడం రాజకీయమేనని, ఊరికే పార్టీలు మారే తత్వం తనది కాదన్నారు. కేసుపై మైనింగ్‌ అధికారులకే స్పష్టత లేదు వైఎస్సార్‌సీపీ రాష్ట్ర కార్యదర్శి పేర్నాటి శ్యామ్‌ప్రసాద్‌రెడ్డి

నెల్లూరు రైల్వే డివిజన్‌ పరిధిలో బాపట్ల, ఒంగోలు, నెల్లూరు, తిరుపతి జిల్లాలు వస్తాయి. 444 కిలోమీటర్ల మేర రైల్వే లైను విస్తరించి ఉంది. నెల్లూరు సర్కిల్‌ పరిధిలో నెల్లూరు, తిరుపతి జిల్లా (ఉమ్మడి నెల్లూరు జిల్లా)లోని గూడూరు, కావలి రైల్వే పోలీసు స్టేషన్లు ఉన్నాయి. సూళ్లూరుపేట, బిట్రగుంట, కృష్ణపట్నం పోర్టులో అవుట్‌ పోస్టులున్నాయి. ఒంగోలు సర్కిల్‌ పరిధిలో ఒంగోలు, బాపట్ల జిల్లాలో (ఉమ్మడి ఒంగోలు)ని చీరాల రైల్వే పోలీసుస్టేషన్లు ఉన్నాయి. సింగరాయకొండలో పోలీసు అవుట్‌ పోస్టుంది. నెల్లూరు రైల్వే డివిజన్‌ పరిధిలో 151 మంది సిబ్బంది ఉండాల్సి ఉండగా ప్రస్తుతం సుమారు 108 మంది ఉన్నట్లు సమాచారం. రైళ్ల సంఖ్య గణనీయంగా పెరిగినప్పటికీ అందుకు సరిపడా సిబ్బంది నియామకాలు జరగడం లేదు. ఒకప్పుడు బ్యాగ్‌, గొలుసు, జేబు దొంగతనాలు జరిగేవి. ప్రస్తుతం నేరస్తులు నూతన పంథాల్లో నేరాలకు పాల్పడుతున్నారు. దోపిడీలు, దొంగతనాలు, మత్తు మందులిచ్చి ఆభరణాలు, నగదు అపహరణ, సిగ్నల్‌ ట్యాంపరింగ్‌ చేసి దోపిడీలకు పాల్పడడంతో పాటుగా గంజాయి, మాదకద్రవ్యాలు, బంగారం, వెండి ఆభరణాల అక్రమ రవాణా జోరుగా సాగుతోంది. మారుతున్న కాలానికి అనుగుణంగా సిబ్బంది విధుల్లోనూ మార్పులు వచ్చాయి. సిబ్బంది కొరత కారణంగా నేర నియంత్రణ, కేసుల పరిష్కారం వారికి తలకు మించిన భారంగా మారుతోంది. దీంతో ప్రయాణికుల భద్రతపై దృష్టి సారించలేకపోతున్నారనే అభిప్రాయాలున్నాయి. ఇది నేరగాళ్లకు కలిసొస్తోంది.

కబ్జాదారుల కబంధహస్తాల్లో వేల ఎకరాలు జిల్లాలోని వక్ఫ్‌బోర్డుకు సంబంధించి వేల ఎకరాలు కబ్జాదారుల కబంధహస్తాల్లో ఉన్నాయి. అధికారులు క్షేత్ర స్థాయిలో పరిశీలించి వక్ఫ్‌బోర్డు ఆస్తులను తిరిగి స్వాధీనం చేసుకునేందుకు చర్యలు తీసుకోవాలి. పూర్వీకులు తమ ఆస్తులను వక్ఫ్‌బోర్డుకు ఇచ్చారు. ఆ భూముల నుంచి వచ్చే ఆదాయంతో సేవా కార్యక్రమాలు చేస్తున్నారు. – షేక్‌ మొయినుద్దీన్‌, మైనార్టీ నేత వక్ఫ్‌ బోర్డు ఆస్తులను పరిరక్షించుకోవాలి జిల్లాలో వక్ఫ్‌బోర్డు భూములు కబ్జాలకు గురవుతున్నాయి. అధికారులు క్షేత్ర స్థాయిలో పరిశీలించి కబ్జాదారుల నుంచి వక్ఫ్‌ బోర్డు భూములకు విముక్తి కల్పించాలి. వక్ఫ్‌ ఆస్తులన్నీ కొందరు పెద్దల చేతుల్లో ఉన్నాయి. వాటిని పరిరక్షించుకోవాల్సిన బాధ్యత వక్ఫ్‌బోర్డుపై ఉంది. – మహ్మద్‌ జుబేర్‌, మైనార్టీ నేత వక్ఫ్‌ భూముల రక్షణ బాధ్యత అందరిది వక్ఫ్‌బోర్డు భూములను కాపాడుకోవాల్సిన బాధ్యత ప్రతి ఒక్కర పై ఉంది. అధికారులు కూడా తూతూ మంత్రంగా కాకుండా క్షేత్ర స్థాయిలో కబ్జాకు గురైన భూములను స్వాధీనం చేసుకుని వక్ఫ్‌బోర్డుకు అప్పగించాలి. వక్ఫ్‌బోర్డు పాలక యంత్రాంగం దీనిపై దృష్టి సారించాల్సిన అవసరం ఉంది. – అబ్దుల్‌ రజాక్‌, మైనార్టీ నాయకుడు జిల్లాలో వేలాది ఎకరాల వక్ఫ్‌ బోర్డు భూములు కబ్జాదారుల కబంధ హస్తాల్లో చిక్కుకున్నాయి. నెల్లూరు నగరం సహా 31 మండలాల్లో వక్ఫ్‌ బోర్డు భూములు దశాబ్దాలుగా అన్యాక్రాంతంలో ఉన్నాయి. వీటిలో అనేక ప్రాంతాల్లోని భూములు సాగు పేరుతో తీసుకుని రికార్డులు మార్చేసుకుని కొందరు అనుభవిస్తుండగా, మరికొన్ని సేవా కార్యక్రమాలకు కేటాయించిన భూములు కూడా అన్యాక్రాంతం చేశారు. రెవెన్యూ అధికారులు నిబంధనలకు విరుద్ధంగా పట్టాలు ఇవ్వడం వివాదాస్పదంగా మారాయి. జిల్లాలో ఒకటి రెండు కాదు దాదాపు 4 వేల ఎకరాల భూమి పరాధీనంలో ఉన్నట్లు వక్ఫ్‌ బోర్డు అధికారులు గతంలో లెక్క తేల్చారు. ఈ భూములు ఇప్పటికీ వక్ఫ్‌బోర్డు స్వాధీనం చేసుకోలేకపోయింది. జిల్లాకు చెందిన మైనార్టీ నేత వక్ఫ్‌బోర్డు చైర్మన్‌గా ఉన్నారు. ఆయన ఈ భూముల రక్షణపై ఎలాంటి చర్యలు తీసుకుంటారో చూడాల్సి ఉంది.సాక్షి ప్రతినిధి, నెల్లూరు: ఉమ్మడి నెల్లూరు జిల్లా పరిధిలో ఆరు దశాబ్దాలుగా వక్ఫ్‌ భూములు అన్యా క్రాంతానికి గురవుతున్నాయి. నెల్లూరు నగరంలో ఖరీదైన ప్రాంతాలుగా ఉన్న మాగుంట లేఅవుట్‌, పొగతోటలోనూ వక్ఫ్‌బోర్డు భూములు అధికంగా ఉన్నాయి. జిల్లాలోని 31 మండలాల్లో భూములు ఆక్రమణల్లో ఉన్నాయి. వీటిలో నెల్లూరు నగరంలో 49 సర్వే నంబర్లలో 150.60 ఎకరాల భూమి ఉంది. ఉదయగిరి మండలంలో 5 సర్వే నంబర్లలో 340.51 ఎకరాల భూమి ఆక్రమణల్లో ఉంది. చట్ట ప్రకారం వక్ఫ్‌ బోర్డు భూముల్ని ఆక్రమించటం నేరం. అయితే జిల్లాలో వక్ఫ్‌బోర్డు ఏర్పాటు కావడానికి ముందు నుంచే ఇనాం భూములు, సర్వీసు భూములు, ముతవలీలకు కౌలుకు ఇచ్చిన భూములను అప్పటి రెవెన్యూ అధికారులు ఇష్టారాజ్యంగా పట్టాలు జారీ చేశారు. రెవెన్యూ రికార్డుల్లో ఉండే ఆర్‌ఎస్‌ఆర్‌ వివరాలను రెవెన్యూ అధికారులు పరిగణలోకి తీసుకోకుండా భూములకు పట్టాలు ఇవ్వడంతో క్రయవిక్రయ రిజిస్ట్రేషన్లు కూడా కొనసాగుతూనే ఉన్నాయి. 1954లో కేంద్ర చట్టంను అనుసరించి వక్ఫ్‌ బోర్డు ఏర్పాటు అయింది. ఏపీ వక్ఫ్‌ బోర్డు యాక్ట్‌ 1954 ప్రకారం ధార్మిక కార్యక్రమాలకు, ముతవలీలకు కేటాయించిన సర్వీసు భూములను క్రయ విక్రయాలు చేయడం నేరం అవుతుంది. అయితే చట్టానికి ముందు నుంచే ఆక్రమణ పర్వం కొనసాగుతూనే ఉంది. ఈ విషయాన్ని వక్ఫ్‌బోర్డు అధికారులు అనేక పర్యాయాలు గతంలో టీడీపీ ప్రభుత్వం దృష్టికి తీసుకెళ్లినా.. పట్టించుకోని పరిస్థితి. ఈ నేపథ్యంలో గత ముఖ్యమంత్రి వైఎస్‌ జగన్‌మోహన్‌రెడ్డి అధ్యక్షతన ఆస్తుల పరిరక్షణకు చర్యలు తీసుకునే ప్రయత్నం జరిగింది. ఎక్కడ.. ఎంతెంత నెల్లూరు నగరంలోని పొగతోట, మాగుంట లేఅవుట్‌, సరస్వతీనగర్‌, ఫత్తేఖాన్‌పేట, స్వతంత్ర పార్క్‌తోపాటు మరికొన్ని కలిపి 150.60 ఎకరాలు ఉన్నట్లు నిర్ధారించారు. అయితే నగరంలో అన్ని ప్రాంతాల్లో దాదాపు అరవై ఏళ్లకు పైబడి నివాసాలు ఉన్నాయి. నెల్లూరు నగరంలో 49 సర్వే నంబర్లలో 150.60 ఎకరాలు, కోవూరులో 34 సర్వే నంబర్లలో 78.79 ఎకరాలు, రాపూరులో 25 సర్వే నంబర్లలో 58.50 ఎకరాలు, విడవలూరులో 91 సర్వే నంబర్లలో 2.00 ఎకరాలు, కొడవలూరులో 5 సర్వే నంబర్లలో 7.14 ఎకరాలు, పొదలకూరులో 11 సర్వే నంబర్లలో 13.61 ఎకరాలు, టీపీ గూడూరులో 13 సర్వే నంబర్లలో 22.01 ఎకరాలు, వెంకటాచలంలో 4 సర్వే నంబర్లలో 13.70 ఎకరాలు, బుచ్చిరెడ్డిపాళెంలో 11 సర్వే నంబర్లలో 53.04 ఎకరాలు, ఆత్మకూరులో 7 సర్వే నంబర్లలో 45.00 ఎకరాలు, ఏఎస్‌పేటలో 14 సర్వే నంబర్లలో 91.33 ఎకరాలు, చేజర్లలో 4 సర్వే నంబర్లలో 96.97 ఎకరాలు, కలువాయి 2 సర్వే నంబర్లలో 74.51 ఎకరాలు, సంగంలో 4 సర్వే నంబర్లలో 11.59 ఎకరాలు, సీతారామపురంలో 5 సర్వే నంబర్లలో 64.49 ఎకరాలు, మర్రిపాడులో రెండు సర్వే నంబర్లలో 19.49 ఎకరాలు, ఉదయగిరి మండలంలో 5 సర్వే నంబర్లలో 340.91, అనంతసాగరం మండలంలో 13 సర్వే నంబర్లలో 32.46 ఎకరాలు, కావలిలో 3 సర్వే నంబర్లలో 140.59 ఎకరాలు, అల్లూరు మండలంలో 2 సర్వే నంబర్లలో 69.92 ఎకరాలు, దగదర్తి మండలంలో 2 సర్వే నంబర్లలో 9.75 ఎకరాలు, కొండాపురం 1 సర్వే నంబర్‌లో 11.43 ఎకరాలు, జలదంకిలో ఒక సర్వే నంబర్‌లో 92.63 ఎకరాలు, కలిగిరిలో 3 సర్వే నంబర్లలో 24.32 ఎకరాలు, వరికుంటపాడు మండలంలో 1 సర్వే నంబర్లో 96.93 ఎకరాలు, కోట మండంలలో 4 సర్వే నంబర్లలో 18.82 ఎకరాలు, వాకాడులో రెండు సర్వే నంబర్లలో 9.65 ఎకరాల భూమి, చిల్లకూరులో 2 సర్వే నంబర్లలో 27.72 ఎకరాలు, సైదాపురం మండలంలో మూడు సర్వే నంబర్లలో 03.92 ఎకరాలు, సూళ్లూరుపేటలో మూడు సర్వే నంబర్లలో 94.84 ఎకరాలు, వింజమూరులో ఒక సర్వే నంబర్లో 95 ఎకరాలు ఆక్రమణలకు గురయ్యాయి. వక్ఫ్‌ బిల్లు ఆమోదంతో ఆస్తుల రక్షణ జరిగేనా? గతంలో కేంద్ర ప్రభుత్వం తెచ్చిన వక్ఫ్‌బోర్డులో సంస్కరణలు తెస్తూ తాజాగా కొత్తగా వక్ఫ్‌ బిల్లును పార్లమెంట్‌లో ప్రవేశపెట్టగా ఆమోదం లభించింది. ఇప్పటి వరకు పూర్తిగా వక్ఫ్‌ బోర్డు పాలకుల పరిధిలో ఉండే ఆస్తుల సంరక్షణ బాధ్యత ఇక ప్రభుత్వ పరిధిలోకి రానుంది. వక్ఫ్‌బోర్డు పరిధిలో ఉండగానే ఈ ఆస్తులన్నీ అన్యాక్రాంతం అయ్యా యి. తాజాగా కేంద్రం తెచ్చిన ఆర్డినెన్స్‌తో ఈ ఆస్తుల రక్షణ జరిగే అవకాశం ఉంటుందా? లేక పరాధీనం జరిగే పరిస్థితులపై వేచి చూడాల్సిందే. జిల్లాలో 31 మండలాల్లో 4 వేల ఎకరాల ఆక్రమణలు దాదాపు 60 ఏళ్ల నుంచి ఇదే పరిస్థితి నెల్లూరు నగరంలోనే అత్యధికంగా 150.60 ఎకరాల భూమి ఉదయగిరిలో 340.51 ఎకరాలు అన్యాక్రాంతం

● నేర్వని.. గత ఘటనల గుణపాఠం ● రెండేళ్లుగా ఒక్కరినీ పట్టుకోలేకపోయిన జీఆర్పీ, ఆర్‌పీఎఫ్‌ ● సిగ్నల్‌ వ్యవస్థను ట్యాంపర్‌ చేస్తూ సవాల్‌ విసురుతున్న ముఠా ● రెండేళ్లలో ఏడు రైళ్లలో దోపిడీలు ● తొమ్మిది నెలల విరామం అనంతరం మరోసారి విజృంభణ ● తాజాగా ఒకే రోజు అల్లూరురోడ్డు, పడుగుపాడు వద్ద సిగ్నల్స్‌ ట్యాంపరింగ్‌ ● బెంగళూరు ఎక్స్‌ప్రెస్‌, మధురై సూపర్‌ఫాస్ట్‌ ఎక్స్‌ప్రెస్‌ రైళ్లు టార్గెట్‌ ● మధురై రైల్లో చెలరేగిన దుండగులు నెల్లూరు (క్రైమ్‌)/బిట్రగుంట: విజయవాడ రైల్వే డివిజన్‌ పరిధిలో సిగ్నల్‌ వ్యవస్థను ట్యాంపరింగ్‌ చేసి దోపిడీలు చేసే ముఠా చెలరేగిపోతోంది. రైలు ప్రయాణికులపై దోపిడీ పంజా విసురుతోంది. ఇలాంటి ఘటనలు జరిగిన సమయంలో విచారణ పేరుతో కొంత కాలం హడావుడి చేసి.. ఆ తర్వాత మిన్నకుండిపోతున్నారు. ఆయా కేసుల్లో కనీసం ఒక్క దుండగుడ్ని కూడా అరెస్ట్‌ చేయలేకపోవడంతో రైల్వే పోలీస్‌, రైల్వే ప్రొటెక్షన్‌ ఫోర్స్‌ విభాగాల నిఘా వ్యవస్థలకు ఈ ముఠాలు ఆదమరిచి మరీ సవాల్‌ విసురుతున్నాయి. మంగళవారం అర్ధరాత్రి నెల్లూరు– బిట్రగుంట రైల్వేస్టేషన్ల మధ్య రెండు రైళ్లను టార్గెట్‌ చేసి రెండు చోట్ల సిగ్నల్‌ ట్యాంపరింగ్‌ చేశారు. ఒక రైల్లో దోపిడీకి విఫలయత్నం చేయగా, మరో రైల్లో దోపిడీకి పాల్పడ్డారు. అదే రైలు మరో స్టేషన్‌ సమీపంలో నిలిచిపోయింది. అల్లూరు రోడ్డు రైల్వేస్టేషన్‌ సమీపంలో అర్ధరాత్రి 11.13 గంటల సమయంలో రైలు పట్టా జాయింట్‌ (గ్లూడ్‌ జాయింట్‌) మధ్య కాయిన్‌ పెట్టి హోమ్‌ సిగ్నల్స్‌ ట్యాంపర్‌ చేయడంతో హౌరా నుంచి బెంగళూరు వెళ్తున్న 12863 నంబర్‌ బెంగళూరు ఎక్స్‌ప్రెస్‌ రైలు నిలిచిపోయింది. అయితే సిగ్నల్‌ ట్యాంపర్‌ జరిగిన ప్రాంతానికి రైలు నిలిచిన ప్రాంతానికి మధ్య దూరం ఉండడంతో ఈ రైల్లో దోపిడీ విఫలం అయింది. అదే మార్గంలో గంట సమయం తర్వాత 12.05 గంటల సమయంలో ఛండీగర్‌ నుంచి మదురై వెళ్తున్న 20494 నంబర్‌ మదురై సూపర్‌ఫాస్ట్‌ ఎక్స్‌ప్రెస్‌ను రైలును అల్లూరురోడ్డు స్టేషన్‌ సమీపంలో చైన్‌లాగి నిలిపివేశారు. రైలు ఆగిన వెంటనే ఎస్‌–2, ఎస్‌–4, ఎస్‌–5 కోచ్‌ల్లో ముగ్గురు మహిళా ప్రయాణికుల మెడల్లోని బంగారు చైన్లు, రెండు బ్యాగులు అపహరించారు. అల్లూరు రోడ్డు రైల్వేస్టేషన్‌ సమీపంలో సిగ్నల్‌ ట్యాంపర్‌ అయిన విషయం తెలుసుకున్నప్పటికీ రైల్వే యంత్రాంగం నిర్లక్ష్యంగా వ్యవహరించింది. నిఘా వ్యవస్థను అప్రమత్తం చేసి ఉంటే అదే మార్గంలో అదే ప్రాంతంలో గంట సమయం తర్వాత వచ్చిన మరో రైల్లో దోపిడీ జరిగే అవకాశం ఉండేది కాదనే విమర్శలు వినిపిస్తున్నాయి. అల్లూరు రోడ్డు స్టేషన్‌ తర్వాత పడుగుపాడు రైల్వేస్టేషన్‌ సమీపంలోనే మరో సిగ్నల్‌ పాయింట్‌ వద్ద సిగ్నల్‌ ట్యాంపరింగ్‌ చేసి ఉండడంతో దోపిడీకి గురై మదురై ఎక్స్‌ప్రెస్‌ మరోసారి నిలిచిపోయింది. ఈ ఘటనలు పూర్తిగా రైల్వే స్టేషన్‌ మాస్టర్ల నుంచి నిఘా వ్యవస్థ వరకు ఘోర వైఫల్యం కనిపిస్తోంది. సిగ్నలింగ్‌ వ్యవస్థను ట్యాంపర్‌ చేసి రైళ్లలో దోపిడీకి పాల్పడిన ఘటనలు 2023 నుంచి వరుసగా చోటు చేసుకున్నాయి. ● 2023 జూన్‌ 24వ తేదీ వేకువన తెట్టు వద్ద సిగ్నలింగ్‌ వ్యవస్థను ట్యాంపర్‌ చేసి చార్మినార్‌ ఎక్స్‌ప్రెస్‌లో దోపిడీకి పాల్పడ్డారు. ● రైల్వే పోలీసులు కేసు దర్యాప్తు చేస్తుండగానే రెండు నెలల వ్యవధిలో అదే ఏడాది ఆగస్ట్‌ 14వ తేదీ వేకువన వీరేపల్లి వద్ద చైన్నె ఎక్స్‌ప్రెస్‌, తెట్టు రైల్వే బ్రిడ్జి వద్ద చార్మినార్‌ ఎక్స్‌ప్రెస్‌లో దోపిడీకి పాల్పడ్డారు. ● ఇదే తరహాలో సెప్టెంబర్‌ 16వ తేదీన సింగరాయకొండ వద్ద చైన్నె ఎక్స్‌ప్రెస్‌లో, సెప్టెంబర్‌ 18న అల్లూరు రోడ్డు వద్ద పద్మావతి ఎక్స్‌ప్రెస్‌లో దోపిడీకి విఫలయత్నం చేశారు. ● 2024 జూన్‌ 12వ తేదీ వేకువన కావలి– శ్రీవెంకటేశ్వరపాళెం రైల్వే స్టేషన్ల మధ్య చైన్నె వైపు వెళ్లే మార్గంలో వేకువన 1.50 గంటల సమయంలో సిగ్నలింగ్‌ వ్యవస్థను ట్యాంపర్‌ చేసి ఽనరసాపురం నుంచి ధర్మవరం వెళుతున్న 17247 నంబరు ధర్మవరం ఎక్స్‌ప్రెస్‌ రైల్లోకి ప్రవేశించిన దుండుగులు ఎస్‌–13 బోగీ, ఎస్‌ 11 బోగీల్లో దోపిడీకి పాల్పడ్డారు. ● అదే రోజు అక్కడే మకాం వేసి 2.15 గంటల నుంచి 2.30 గంటల మధ్య షిరిడీ సాయినగర్‌ నుంచి తిరుపతి వెళుతున్న 07638 నంబరు తిరుపతి స్పెషల్‌ రైల్లో ఎస్‌–3, ఎస్‌–5 కోచ్‌ల్లోకి ప్రవేశించి దోపిడీకి పాల్పడ్డారు. నిఘా హడావుడి చేసి.. అప్పట్లో రైల్వే పోలీసులు ఆర్పీఎఫ్‌, సివిల్‌ పోలీసుల సహకారంతో నేరాల కట్టడికి పటిష్ట చర్యలు చేపట్టారు. రైళ్లలో బీట్‌ వ్యవస్థను పటిష్టం చేసి తనిఖీలు ముమ్మరం చేశారు. అనుమానాస్పద వ్యక్తులు, స్థానిక నేరస్తులతో పాటు ఉత్తరప్రదేశ్‌, బిహార్‌, మహారాష్ట్ర, తమిళనాడు రాష్ట్రాలకు చెందిన ముఠాల కదలికలపై నిఘా పెట్టారు. నేరాలు అధికంగా జరిగే అవకాశమున్న నెల్లూరు ప్రధాన రైల్వేస్టేషన్‌లో నెల్లూరు సౌత్‌, నార్త్‌ (హోమ్‌ సిగ్నల్‌ పాయింట్‌), పడుగుపాడు ఔటర్‌ సిగ్నల్‌పాయింట్‌, గూడూరు సౌత్‌, వెస్ట్‌ హోమ్‌ సిగ్నల్‌ పాయింట్‌, సింగరాయకొండతో పాటు జాతీయరహదారికి దగ్గరగా ఉండే తలమంచి, మనుబోలు తదితర ప్రాంతాల్లో గస్తీని పెంచారు. నెల్లూరు, ఒంగోలు జిల్లాల్లోని 99 చీకటి ప్రాంతాలను గుర్తించి లైటింగ్‌ ఏర్పాటు చేశారు. కొద్ది రోజులుగా ఈ తరహా నేరాలు జరగకపోవడంతో నిఘా వ్యవస్థ రిలాక్స్‌ అయింది. ఇదే అదనుగా దోపిడీ దుండగలు మరోసారి పంజా విసిరారు. తొమ్మిది నెలల విరామం తర్వాత తాజాగా మరోమారు తొమ్మిది నెలల విరామం అనంతరం మంగళవారం అర్ధరాత్రి దాటిన తర్వాత అల్లూరు రోడ్డు వద్ద దొంగలు సిగ్నల్‌ ట్యాంపరింగ్‌ చేసి చంఢీఘర్‌–మధురై రైల్లో దోపిడీకి పాల్పడ్డారు. ఎస్‌–2, ఎస్‌–3, ఎస్‌–5 కోచ్‌ల్లో రెండు చైన్‌స్నాచింగ్‌, రెండు బ్యాగ్‌లను అపహరించారు. ఈ సమాచారం అందుకున్న తర్వాత నిదానంగా రైల్వే, ఆర్ఫీఎఫ్‌ పోలీసులు అప్రమత్తమయ్యారు. నెల్లూరు రైల్వే డీఎస్పీ జనార్దన్‌, సీ సుధాకర్‌ తమ సిబ్బందితో ఘటనా స్థలానికి చేరుకుని దోపిడీ జరిగిన ప్రాంతాలను పరిశీలించారు. స్థానిక పోలీసుల సహకారంతో అల్లూరు రోడ్డు స్టేషన్‌ నుంచి నెల్లూరు, కావలి వైపు సీసీటీవీ ఫుటేజ్‌లను సేకరిస్తున్నారు. రైలు ప్రయాణికులపై దోపిడీ పంజా రైల్వేలో నిఘా, భద్రతా యంత్రాంగం నిద్రోతుంది. సిబ్బంది కొరత పేరుతో రైల్లో ప్రయాణికుల భద్రతను గాలికి వదిలేస్తున్నారు. ప్రయాణికుల రైళ్లలో రాత్రి వేళలో నిఘా వైఫల్యం దోపిడీ ముఠాలకు వరంగా మారింది. ఇదే అదనుగా దోపిడీ దుండగులు రైల్వే సాంకేతిక టెక్నాలజీని వాడుకుంటూ నిర్మానుష్య ట్రాక్‌ ప్రాంతాల్లో సిగ్నల్‌ వ్యవస్థను ట్యాంపరింగ్‌ చేసి దోపిడీ పంజా విసురుతున్నారు. నెల్లూరు రైల్వే పోలీస్‌ డివిజన్‌ పరిధిలో గడిచిన రెండేళ్లలో ఆరు రైళ్లల్లో దోపిడీలకు పాల్పడ్డా.. ఒక్కరిని కూడా అరెస్ట్‌ చేయలేకపోయారు. నిఘా వ్యవస్థ అసమర్థతను సవాల్‌ చేస్తూ తాజాగా బిట్రగుంట–నెల్లూరు రైల్వేస్టేషన్ల మధ్య రెండు చోట్ల సిగ్నల్‌ ట్యాంపరింగ్‌ చేసి రెండు రైళ్లల్లో దోపిడీకి ప్లాన్‌ చేసినా ఒక రైల్లోనే దోపిడీ చేయగలిగారు.

నెల్లూరు (స్టోన్‌హౌస్‌పేట): కూటమి ప్రభుత్వం పాలనా వైఫల్యాలను, తప్పుడు ప్రచారాలను వెలుగెత్తి చూపుతున్న మాజీ మంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డిపై తప్పుడు ఫిర్యాదులు, కేసులు ప్రతిపక్షం గొంతు నొక్కే ప్రయత్నమని ఆ పార్టీ అధికార ప్రతినిధి మల్లి నిర్మల ధ్వజమెత్తారు. బుధవారం ఆమె బుధవారం వైఎస్సార్‌సీపీ జిల్లా కార్యాలయంలో విలేకరుల సమావేశంలో మాట్లాడారు. కాకాణి నిబద్ధత గల నాయకుడని, ఆయనపై అక్రమ మైనింగ్‌ కేసు పెట్టడం అధికార పార్టీ నాయకుల కక్ష సాధింపు చర్యలుగా అభివర్ణించారు. నిరాధార ఆరోపణలతో కాకాణిని నిలువరించే ప్రయత్నం చేస్తున్నారని విమర్శించారు. ప్రతిపక్ష నాయకుడిగా ఆయన పోరాట పటిమను తట్టుకోలేక అధికార పార్టీ నాయకులు వేధింపులకు గురి చేయడానికే ఈ విధంగా ప్రవర్తిస్తున్నారన్నారు. కాకాణి మంత్రిగా ఉన్నప్పుడు అక్రమ మైనింగ్‌పై విచారణ చేయాలని ఆదేశించారన్నారు. అప్పటి అధికారులు విచారణ జరిపి అసలు అక్కడ మైనింగే జరగలేదని నివేదికను అందజేసిన విషయాన్ని గుర్తు చేశారు. 2003లో అప్పటి మంత్రిగా ఉండి ఒక ఎమ్మెల్యేతో కలిసి అక్రమ మైనింగ్‌ చేసిన సంగతి అందరికీ తెలిసిందేనన్నారు. అప్పటి జిల్లా అటవీ శాఖాధికారి స్వయంగా వాహనాలను సీజ్‌ చేసిన విషయాన్ని ప్రజలు మర్చిపోలేదన్నారు. అధికార పార్టీలో ఉండి ఒక బీసీ వర్గానికి చెందిన ఆ అటవీ శాఖాధికారిని టార్గెట్‌ చేసి అక్రమ బదిలీ చేశారని తెలిపారు. అప్పట్లో బీసీ నాయకులు మూడు రోజులు గాంధీబొమ్మ సెంటర్‌ వద్ద ఆమరణ నిరాహార దీక్ష చేసిన వైనాన్ని ప్రజలు మర్చిపోలేదన్నారు. వెంకటాచలంలో జరిగిన దాష్టీకాలను, అల్లీపురంలో నకిలీ విత్తనాలు, ఎరువుల తయారీ, వన సంరక్షణ నిధులను దోచుకున్న వైనాన్ని ప్రజలు మర్చిపోరని, ఎవరు నిబద్ధత గల నాయకుడో ప్రజలకు తెలుసన్నారు. నిరంతరం శ్రమించే తమ నాయకుడు కాకాణి గోవర్ధన్‌రెడ్డిపై అక్రమ కేసును సంబంధించి క్వాష్‌ పిటిషన్‌తో న్యాయస్థానాన్ని ఆశ్రయించడంతో, ఉద్దేశపూర్వకంగా నోటీసులు పంపించడం వేధింపుల్లో భాగం కాదా అని ప్రశ్నించారు. ఐదు సార్లు ఎన్నికల్లో ఓడిపోయి దింపుడు కల్లాం ఆశగా ఈ సారి టికెట్‌ లభిస్తే గెలుస్తామా?, ఓడిపోతామా అనే సందిగ్ధంలో నుంచి గెలిచి అధికారం ఉంది కదా అని ఇష్టమొచ్చినట్లు ప్రవర్తిస్తే ప్రజలు చూస్తూ ఊరుకోరన్నారు. వైఎస్‌ జగన్‌మోహన్‌రెడ్డి మళ్లీ ముఖ్యమంత్రి అవుతారని, ఇటువంటి వారి లెక్కలు సరి చేస్తారని చెప్పారు. మైనింగ్‌ కేసులో కాకాణిపై తప్పుడు ఫిర్యాదులు, కేసులు జగనన్న మళ్లీ సీఎం అవుతారు.. అందరి లెక్కలు సరిచేస్తారు వైఎస్సార్‌సీపీ అధికార ప్రతినిధి మల్లి నిర్మల

● రేషన్‌ పంపిణీ విషయమై వివాదం ● ఇళ్లలోని వస్తువులు, సామగ్రి ధ్వంసం కందుకూరు రూరల్‌: రేషన్‌ బియ్యం పంపిణీ విషయమై చెలరేగిన వివాదం దాడులకు దారితీసింది. ఈ ఘటనలో నలుగురికి గాయాలయ్యాయి. ఈ ఘటన మండలంలోని ఓగూరు ఎస్సీ కాలనీలో మంగళవారం జరిగింది. ఓగూరు ఎస్సీ కాలనీలో ఎండీయూ వాహనంలో బియ్యం పంపిణీ చేస్తున్నారు. గ్రామానికి చెందిన ఓ ఇద్దరు మహిళలు బియ్యం ఇవ్వాలని వాహనం వద్దకు వెళ్లారు. మీరు గ్రామంలో ఉండడం లేదు. మీకు బియ్యం ఇవ్వం, డబ్బులు మాత్రమే ఇస్తామని అక్కడే ఉన్న టీడీపీ కార్యకర్త పి.రఘు దబాయిస్తూ చెప్పాడు. ఈ విషయాన్ని ఆ మహిళలు వైఎస్సార్‌సీపీ నేత డీ కోటయ్య దృష్టికి తీసుకెళ్లారు. ఆయన వాహనం వద్దకు వెళ్లి వారికి బియ్యం ఇవ్వండని అని ఆపరేటర్‌ రాజాకు చెప్పాడు. అ పక్కనే ఉన్న రఘు అనుచరుడు పీ రవికిరణ్‌ నువ్వు ఎవడివి రా అంటూ దురుసుగా ప్రవర్తించాడు. ఈ క్రమంలో కోటయ్య తన కారులో బంధువులను రైలు ఎక్కించేందుకు వెళ్తుంగా రఘు, రవికిరణ్‌ అనుచరులు కొందరు కారును అడ్డుకున్నారు. అక్కడ ఘర్షణ జరుతుండగా కోటయ్యకు కొందరు మద్దతుగా వచ్చి కారును పంపించారు. దీంతో కోటయ్య, ఆయన కుమారుడు కళ్యాణ్‌ కుమార్‌ కారులో వెళ్లిపోయారు. టీడీపీ కార్యకర్త రఘు, రవి కిరణ్‌లతోపాటు వారి అనుచరులు వైఎస్సార్‌సీపీకి చెందిన కోటయ్యకు మద్దతుగా వచ్చిన వారి ఇళ్ల మీదకు వెళ్లి ఘర్షణకు దిగి దాడి చేశారు. కోటయ్య కుమారుడు ఇంటి వద్దకు ఉన్న దుకాణంలో సామగ్రిని, ఇంట్లోని సీసీ కెమెరాలను ధ్వంసం చేశారు. ఈ నేపథ్యంలో ఇరు వర్గాల్లోని నలుగురికి గాయాలయ్యాయి. వైఎస్సార్‌సీపీకి చెందిన ఎం.వెంకటేశ్వర్లు, ఎం.వెంకట్రావు గాయపడ్డారు. కందుకూరులో ఉన్న కోటయ్య నివాసానికి టీడీపీ వర్గీయులు వెళ్లారు. సుమారు పది మందికి పైగా బైక్‌లపై వచ్చి సీసీ కెమెరాలు పగులగొట్టి, అసభ్య పదలు తిడుతూ హంగామా సృష్టించి భయాందోళనకు గురి చేశారు. దీంతో పోలీసులకు ఫిర్యాదు చేయడంతో అక్కడిని నుంచి వెళ్లిపోయారు. కందుకూరు రూరల్‌ పోలీసులు ఓగూరులో, పట్టణ పోలీసులు కందుకూరులో జరిగిన ఘటను పరిశీలించి ఇరువర్గాలను విచారిస్తున్నారు.

రాపూరు : మండలంలోని మద్దెలమడుల చెక్‌పోస్టు వద్ద మంగళవారం 89 ఎర్రచందనం దుంగలను అటవీశాఖ అధికారులు స్వాధీనం చేసుకున్నారు. వెంకటగిరి వైపు అధిక వేగంతో వెళుతున్న తమిళనాడుకు చెందిన మినీ ట్రక్‌ను ఫారెస్ట్‌ సిబ్బంది అడ్డుకున్నారు. ఎండు గడ్డి లోడ్‌తో ఉన్న ట్రక్‌ను వదిలేసి డ్రైవర్‌ పరారయ్యాడు. దీంతో వాహనంలో తనిఖీ చేయగా గడ్డి మోపుల కింద రూ.15 లక్షల విలువైన ఎర్రచందనం దుంగలు ఉన్నాయి. ఎర్రచందనంతోపాటు వాహనాన్ని కూడా సీజ్‌ చేసినట్లు రాపూరు అటవీ శాఖ రేంజర్‌ రవీంద్రబాబు వెల్లడించారు. తనిఖీల్లో ఫ్లయింగ్‌ స్క్వాడ్‌ వరప్రసాద్‌, చక్రపాణి, చంద్రశేఖర్‌, బీట్‌ అధికారులు షఫీ, వెంకటేశ్వర్లు పాల్గొన్నారు.

నెల్లూరు (టౌన్‌): ఇంటర్‌ ద్వితీయ సంవత్సర పాఠ్య పుస్తకాలు, నోటు పుస్తకాలు జిల్లాకు చేరుకున్నాయి. స్థానిక స్టోన్‌హౌస్‌పేటలోని కేఏసీ జూనియర్‌ కళాశాలలో ఈ పుస్తకాలను భద్రపరిచారు. ఇంటర్‌ ద్వితీయ సంవత్సరానికి సంబంధించి 11 వేల పాఠ్య పుస్తకాలు, 1.19 లక్షల నోటు పుస్తకాలు వచ్చాయి. వీటిని జిల్లాలోని ఆయా ప్రభుత్వ యాజమాన్య జూనియర్‌ కళాశాలలకు బుధవారం నుంచి చేరవేయనున్నారు. డైట్‌లో అధ్యాపకులకు దరఖాస్తుల ఆహ్వానం నెల్లూరు (టౌన్‌): పల్లిపాడు డైట్‌ కళాశాలలో 2025–26 విద్యా సంవత్సరానికి సంబంధించి అధ్యాపక ఖాళీలను డిప్యుటేషన్‌పై భర్తీ చేసేందుకు అర్హత కలిగిన స్కూల్‌ అసిస్టెంట్లు, హెచ్‌ఎంలు, ఎంఈఓల నుంచి ఆన్‌లైన్‌ ద్వారా దరఖాస్తులను ఆహ్వానిస్తున్నట్లు డీఈఓ ఆర్‌.బాలాజీరావు మంగళవారం ఒక ప్రకటనలో తెలిపారు. ఆసక్తి ఉన్న వారు ఈ నెల 10వ తేదీలోపు పంపాలన్నారు. ఈ నెల 13వ తేదీ వరకు దరఖాస్తుల పరిశీలన, 16, 17 తేదీల్లో రాత పరీక్ష ఉంటుందన్నారు. 19న ఇంటర్వ్యూలు నిర్వహించి 21న ఆర్డర్లు ఇవ్వనున్నట్లు తెలిపారు. ఆర్డర్లు తీసుకున్న ఉపాధ్యాయులు ఈ నెల 22న డైట్‌ కళాశాలలో రిపోర్ట్‌ చేయాల్సి ఉందన్నారు. 30న పాలిసెట్‌ నెల్లూరు (టౌన్‌): పాలిటెక్నిక్‌ కోర్సుల్లో 2025–26 విద్యా సంవత్సరానికి సంబంధించి ప్రవేశాలకు ఈ నెల 30వ తేదీన పాలిసెట్‌ (పాలిటెక్నిక్‌ కామన్‌ ఎంట్రన్స్‌ టెస్ట్‌) నిర్వహించనున్నట్లు ప్రభుత్వ మహిళా పాలిటెక్నిక్‌ కళాశాల ప్రిన్సిపాల్‌ ఏసుదాస్‌ మంగళవారం ఒక ప్రకటనలో తెలిపారు. ప్రవేశ పరీక్షకు సంబంధించి విద్యార్థినులకు ఈ నెల 2వ తేదీ నుంచి 28వ తేదీ వరకు స్థానిక మహిళా పాలిటెక్నిక్‌ కళాశాల, దర్గామిట్టలో ఉచిత శిక్షణా తరగతులు నిర్వహించనున్నట్లు చెప్పారు. దీంతో పాటు ప్రవేశ పరీక్షకు సంబంధించి పుస్తకాలను ఉచితంగా ఇస్తామన్నారు. మరిన్ని వివరాలకు 99123 42048 నంబరులో సంప్రదించాలన్నారు. ఏపీ గురుకులాల్లో ప్రవేశాలకు దరఖాస్తులు ఉదయగిరి: జిల్లాలోని నెల్లూరు (అక్కచెరువు), గండిపాళెం, తుమ్మలపెంట, ఆత్మకూరు గురుకుల పాఠశాలల్లో 2025–26 విద్యాసంవత్సరానికి 5వ తరగతిలో ప్రవేశానికి మిగిలి ఉన్న తరగతుల్లో ఖాళీల భర్తీకి దరఖాస్తులు ఆహ్వానిస్తున్నట్లు గురుకుల పాఠశాలల జిల్లా కన్వీనర్‌ జి.మురళీకృష్ణ మంగళవారం ఒక ప్రకటనలో తెలిపారు. 5వ తరగతిలో ప్రవేశం, మిగిలి ఉన్న, 6,7,8 తరగతుల్లో ప్రవేశం పొందేందుకు అర్హులైన విద్యార్థులు ఆన్‌లైన్‌ ద్వారా దరఖాస్తులను ఈ నెల 6వ తేదీలోపు దాఖలు చేసుకోవాలన్నారు. వీరికి ఈ నెల 25న ప్రవేశ పరీక్ష ఉంటుందన్నారు. ఈ అవకాశాన్ని సద్వినియోగం చేసుకోవాలన్నారు. గ్రంథాలయ సంస్థ పర్సన్‌ ఇన్‌చార్జిగా జేసీ నెల్లూరురూరల్‌: పబ్లిక్‌ లైబ్రరీలు, జిల్లా గ్రంథాలయ సంస్థల వ్యవహారాలను నిర్వహించడానికి జేసీ కార్తీక్‌ను పర్సన్‌ ఇన్‌చార్జిగా నియమిస్తూ గవర్నర్‌ తరఫున ప్రభుత్వ కార్యదర్శి కోన శశిధర్‌ మంగళవారం ఉత్తర్వులు జారీ చేశారు. పర్సన్‌ ఇన్‌చార్జిగా ఆరు నెలల కాలం లేదా కొత్త చైర్మన్‌ నియామకం అయ్యే వరకు ఈ బాధ్యతలు చేపట్టాలని ఆ ఉత్తర్వుల్లో పేర్కొన్నారు.

● ఉత్తరకాలువలో కొట్టుకుపోయి యువకుడి మృతి ● మినగల్లులో విషాదంసోమశిల: అనంతసాగరం మండల పరిధిలోని మినగల్లు గ్రామంలో ఓ యువకుడు ఈతకెళ్లి మృతిచెందాడు. స్థానికులు, పోలీసుల కథనం మేరకు.. గ్రామానికి చెందిన షేక్‌ ఖాదర్‌ హుస్సేన్‌, దిల్షాద్‌ దంపతులకు షేక్‌ మస్తాన్‌బాషా (21) అనే కుమారుడు ఉన్నాడు. అతను డ్రైవర్‌గా పనిచేస్తున్నాడు. రంజాన్‌ సందర్భంగా సోమవారం సాయంత్రం అతను తన స్నేహితులతో కలిసి సోమశిల ఉత్తరకాలువ వద్దకు వెళ్లాడు. సరదాగా ఈత కొడుతుండగా నీట మునిగి కొట్టుకుపోతుండటంతో స్నేహితులు గమనించి రక్షించేందుకు ప్రయత్నించారు. నీటి ప్రవాహం అధికంగా ఉండటంతో మస్తాన్‌ గల్లంతయ్యాడని నిర్ధారించి అనంతసాగరం పోలీసులకు రాత్రి సమాచారం అందించారు. వారు ఘటనా స్థలానికి చేరుకున్నారు. ప్రవాహం అధికంగా ఉందని మస్తాన్‌ ఆచూకీ దొరకదని భావించారు. జలాశయం నుంచి కాలువకు నీటి విడుదలను ఆపివేయించారు. మంగళవారం ఉదయానికి నల్లరాజుపాళెం రోడ్డు కాలువలో మృతదేహం లభ్యం కాగా దానిని పోస్టుమార్టం నిమిత్తం ఆత్మకూరు వైద్యశాలకు తరలించామని ఎస్సై సూర్యప్రకాష్‌రెడ్డి తెలిపారు. మస్తాన్‌బాషా మృతితో గ్రామంలో విషాదం నెలకొంది.

నెల్లూరు సిటీ: స్టాంప్స్‌ అండ్‌ రిజిస్ట్రేషన్‌ శాఖలో నూతనంగా తీసుకొచ్చిన స్లాట్‌ బుకింగ్‌ విధానాన్ని బుధవారం ఆర్‌ఓ కార్యాలయంలో ప్రారంభించనున్నారు. జిల్లాలోని ఇతర సబ్‌ రిజిస్ట్రార్‌ కార్యాలయాల్లో నెలాఖరు నాటికి అమలు చేసేందుకు సంబంధిత అధికారులు ప్రయత్నిస్తున్నారు. కండలేరులో 48.517 టీఎంసీలురాపూరు: కండలేరు జలాశయంలో మంగళవారం నాటికి 48.517 టీఎంసీల నీరు నిల్వ ఉన్నట్లు ఈఈ విజయకుమార్‌రెడ్డి తెలిపారు. కండలేరు నుంచి సత్యసాయి గంగ కాలువకు 1320, పిన్నేరు కాలువకు 5, లోలెవల్‌ కాలువకు 40, హైలెవల్‌ కాలువకు 30, మొదటి బ్రాంచ్‌ కాలువకు 10 క్యూసెక్కుల నీటిని విడుదల చేస్తున్నట్లు వెల్లడించారు.జలాశయం (ఫైల్‌)

దుత్తలూరు: విద్యుదాఘాతానికి గురై వెంగమాంబ దేవస్థాన అవుట్‌ సోర్సింగ్‌ ఉద్యోగి మృతిచెందిన ఘటన సోమవారం రాత్రి నర్రవాడలో జరిగింది. మంగళవారం పోలీసులు వివరాలు వెల్లడించారు. నర్రవాడకు చెందిన ఉదయగిరి సురేష్‌ (38) వెంగమాంబ పేరంటాలు ఆలయంలో కొన్ని సంవత్సరాలుగా అవుట్‌ సోర్సింగ్‌ ఉద్యోగిగా పనిచేస్తున్నాడు. అతడికి భార్య, ఇద్దరు పిల్లలున్నారు. సోమవారం రాత్రి ఆలయానికి సమీపంలో ఉన్న కొబ్బరికాయల దుకాణం వద్ద నిర్వాహకులు వెల్డింగ్‌ పనులు చేయిస్తున్నారు. ఆ సమయంలో సురేష్‌ అక్కడున్న ఇనుప పైపును పట్టుకుని వెల్డింగ్‌ పనుల్ని చూస్తున్నాడు. అనుకోకుండా ఆ పైపునకు విద్యుత్‌ సరఫరా కావడంతో సురేష్‌ షాక్‌కు గురై ఒక్కసారిగా కుప్పకూలాడు. వెంటనే స్థానికులు అతడిని రక్షించేందుకు ప్రయత్నించారు. 108 అంబులెన్స్‌లో చికిత్స నిమిత్తం ఉదయగిరి ప్రభుత్వ వైద్యశాలకు తరలించారు. వైద్యులు పరీక్షించి అప్పటికే సురేష్‌ మృతిచెందినట్లు నిర్ధారించారు. అతడి మృతితో కుటుంబ సభ్యులు కన్నీరుమున్నీరుగా రోదిస్తున్నారు. గ్రామంలో విషాదం నెలకొంది. మంగళవారం ఎస్సై ఆదిలక్ష్మి ఘటనా స్థలాన్ని పరిశీలించి వివరాలు సేకరించారు. మృతదేహానికి పోస్టుమార్టం చేయి ంచి కుటుంబ సభ్యులకు అప్పగించారు. కేసు నమోదుచేసి దర్యాప్తు చేస్తున్నారు.

కూటమి ప్రభుత్వం ఇష్టానుసారంగా మద్యం దుకాణాలు ఏర్పాటు చేసి ప్రజల జీవితాలతో చెలగాటమాడుతోంది. కావలి నియోజకవర్గంలో ఇద్దరు వ్యక్తులు మద్యం తాగి ప్రాణాలు పోగొట్టుకున్నారు.కావలి: కావలి రూరల్‌ మండలం కొత్తపల్లి గ్రామ పరిధిలో కావలి – పెద్దపవని రోడ్డులో జలదంకి మండలం లింగరాజు అగ్రహారం గ్రామానికి వెళ్లే రోడ్డు వద్ద ఇటీవల మద్యం షాపు ఏర్పాటు చేశారు. లింగరాజు అగ్రహారం గ్రామానికి చెందిన వెంకటరమణయ్య (60) అనే దళితుడు మంగళవారం ఆ షాపులో మద్యం తాగి తన టీవీఎస్‌ మోపెడ్‌పై గ్రామానికి బయలుదేరాడు. ఈ క్రమంలో కావలి కాలువపై పిట్టగోడ లేని కల్వర్టు వద్ద వాహనం అదుపు తప్పింది. దీంతో రమణయ్య కాలువలో పడిపోయాడు. అటుగా వెళ్తున్న రైతులు గమనించి కాలువలో దిగి పైకి లేపగా అప్పటికే రమణయ్య మరణించినట్లు గుర్తించారు. మూగజీవాలు మేపుకొంటూ కుటుంబాన్ని పోషించుకుంటున్న వ్యక్తి గ్రామానికి సమీపంలో కొత్తగా ఏర్పాటు చేసిన మద్యం షాపు వల్ల ప్రాణాలు కోల్పోయాడని జనం ఆగ్రహం వ్యక్తం చేస్తున్నారు.అతిగా తాగి..అల్లూరు: అతిగా మద్యం తాగి ఓ వ్యక్తి మృతిచెందిన ఘటన అల్లూరు క్రిస్టియన్‌పేట కాలనీలో మంగళవారం జరిగింది. ఎస్సై కిశోర్‌బాబు కథనం మేరకు.. వాకాడు మండలం నిమ్మవారితిప్ప గ్రామానికి చెందిన దండిపూడి వెంకటేష్‌ (27), భార్య పావనితో కలి సంవత్సర కాలంగా అల్లూరు క్రిస్టియన్‌పేటలో నివాసం ఉంటున్నాడు. కూలీ పనులు చేస్తుంటారు. సోమవారం పావని తన బంధువుల ఇంట్లో శుభకార్యం ఉందని స్వగ్రామానికి వెళ్లింది. మంగళవారం ఉదయం నుంచి వెంకటేష్‌కు అతడి అన్న మోషే ఫోన్‌ చేస్తున్నాడు. రిసీవ్‌ చేయకపోవడంతో అమర్‌ అనే వ్యక్తిని ఇంటికి పంపి చూడగా వెంకటేష్‌ అపస్మారక స్థితిలో పడి ఉన్నాడు. ఈ విషయాన్ని మోషేకు చెప్పడంతో అతను వచ్చి చూసి చనిపోయినట్లు గుర్తించి అల్లూరు పోలీస్‌స్టేషన్‌కు సమాచారం ఇవ్వడం ఇచ్చారు. మృతుడి పక్కన మద్యం బాటిళ్లు ఉన్నాయి. వెంకటేష్‌ అతిగా మద్యం తాగి చనిపోయి ఉండొచ్చని అతడి అన్న పోలీసుకు ఫిర్యాదు చేయగా వారు కేసు నమోదు చేసి దర్యాప్తు చేస్తున్నారు.

నెల్లూరు(పొగతోట): మహాత్మాగాంధీ జాతీయ గ్రామీణ ఉపాఽధి హామీ పథకం కూటమి నేతల కనుసన్నల్లో నడుస్తోంది. ఫీల్డ్‌ అసిస్టెంట్లపై తప్పుడు ఫిర్యాదులు చేయించి రికవరీలు విధించేలా చక్రం తిప్పుతున్నారు. ఇటీవల కావలి నియోజకవర్గంలోని దగదర్తి మండలంలో ఈ తరహా ఘటనలు చోటు చేసుకున్నాయి. ఎక్కడంటే.. దగదర్తి మండలంలోని ధర్మవరం, చెన్నూరు, తురిమెర్ల, బోడగుడిపాడు ఫీల్డ్‌ అసిస్టెంట్లపై టీడీపీ నాయకులు కక్ష కట్టారు. వారితో ఎలా అయినా రాజీనామా చేయించాలని నిర్ణయించుకుని గ్రామసభల్ని తమకు అనుకూలంగా మలుచుకున్నారు. ఇటీవల ఆ మండలంలో సోషల్‌ ఆడిట్‌ జరిగింది. వైఎస్సార్‌సీపీకి అనుకూలంగా ఉండే సర్పంచ్‌లు దీనికి హాజరయ్యారు. అక్కడున్న టీడీపీ నాయకులు మీకేం సంబంధమంటూ వారిని అడ్డుకున్నారు. వెళ్లిపోవాలంటూ హెచ్చరించి గొడవకు దిగారు. ఒక్కోచోట ఇలా.. ఇటీవల ధర్మవరంలో గ్రామ సభ జరిగింది. ఇందులో టీడీపీకి అనుకూలంగా ఉండే వారు పనులకు హాజరైనా రాలేదంటూ ఫీల్డ్‌ అసిస్టెంట్‌పై రాతపూర్వకంగా ఫిర్యాదు చేశారు. సభ జరగక ముందే ఎఫ్‌ఏను రాజీనామా చేయాలని, లేకపోతే రూ.లక్షల్లో రికవరీలు విధించి కేసులు నమోదు చేయిస్తామంటూ హెచ్చరించి ఉన్నారు. అయితే ఎఫ్‌ఏ వినకపోవడంతో రూ.2 లక్షలకు పైగా రికవరీ విధించినట్లు సమాచారం. చెన్నూరు గ్రామసభలో సర్పంచ్‌కు బదులు ఆమె భర్త అంతా తానై వ్యవహరించాడు. ఆయనతోపాటు టీడీపీ నాయకుడు వేదికపై కూర్చొన్నారు. ఫీల్డ్‌ అసిస్టెంట్‌ను తొలగించి టీడీపీకి అనుకూలంగా ఉండే వ్యక్తిని నియమించుకునేలా ప్రయత్నించారు. తురిమెర్ల సభలో ఫీల్డ్‌ అసిస్టెంట్‌పై టీడీపీ నాయకులు తిట్ల పురాణానికి దిగారు. దీన్ని అడ్డుకోవాల్సిన అధికారులు నేతలకు అనుకూలంగా వ్యవహరించారు. రాజీనామా చేయమంటే చేయవా? అంత అహంకారమా? నీ అంతు చూస్తామంటూ నేతలు బెదిరింపులకు దిగారు. బోడగుడిపాడుకు హౌసింగ్‌ శాఖ వారు తప్పు చేస్తే రికవరీ మాత్రం ఎఫ్‌ఏపై పడింది. చర్యలు వారిపైనేనా.. సంవత్సరం పాటు ఉపాధి కూలీలు పనిచేసిన రోజులకు సంబంధించి పేమెంట్లు వారి బ్యాంక్‌ ఖాతాల్లో జమై ఉన్నాయి. అధికారులు దీనిపై దృష్టి పెట్టకుండా టీడీపీకి అనుకూలంగా ఉండే వారి ఫిర్యాదుల ఆధారంగా ఫీల్డ్‌ అసిస్టెంట్లకు రూ.లక్షల్లో రికవరీలు విధిస్తున్నారు. పనులకు రాలేదని సోషల్‌ ఆడిట్‌లో చెప్పినంత మాత్రన విచారించకుండా రికవరీలు వేయడంపై ఎఫ్‌ఏలు అసహనం వ్యక్తం చేస్తున్నారు. పనులకు వచ్చి రాలేదని అబద్ధాలు ఆడిన టీడీపీ మద్దతుదారులపై విచారించి బ్యాంక్‌ స్టేట్‌మెంట్‌ తీస్తే ఎవరు పొరపాటు చేశారో తెలిసిపోతుంది. అయితే అధికారులు అటువైపుగా ఆలోచన చేయడం లేదు. కూటమి నేతలు చెప్పిందే చేస్తున్నారు. సామాజిక తనిఖీల్లో రికవరీలు విధించిన ఫీల్డ్‌ అసిస్టెంట్లు, టీఏలు, ఈసీలు, సీఓలు, ఏపీఓలు జిల్లా విజిలెన్స్‌ ఆఫీసర్‌ వద్ద విచారణకు హాజరు కావాల్సి ఉంది. కూటమి ప్రభుత్వం వచ్చాన అనంతరం ప్రజాప్రతినిధులు చెప్పిన వారిని ఎఫ్‌ఏలుగా నియమించేందుకు సామాజిక తనిఖీల్లో రికవరీలు విధించడం పరిపాటిగా మారింది. ఈ సమస్యను విన్నవించుకునే అవకాశాలను ఇవ్వడం లేదు. వీటి ఫలితంగా వందలాది మంది కుటుంబాలు రోడ్డున పడుతున్నాయి.విచారించి చర్యలు తీసుకుంటాం ప్రస్తుతం జిల్లా వ్యాప్తంగా సోషల్‌ ఆడిట్‌ జరుగుతోంది. అధిక శాతం మండలాల్లో పూర్తయ్యాయి. రికవరీలు విధించిన సిబ్బందిని తాత్కాలికంగా సస్పెండ్‌ చేస్తున్నాం. పూర్తి వివరాలను సేకరించి వారికి న్యాయం జరిగేలా చర్యలు తీసుకుంటాం. – గంగాభవాని, డ్వామా పీడీ టీడీపీ నేతల ఇష్టారాజ్యం తమకు అనుకూలంగా ఉండే వారితో ఎఫ్‌ఏలపై ఫిర్యాదు రూ.లక్షల్లో రికవరీలు విధిస్తున్న వైనం ఆవేదన చెందుతున్న ఫీల్డ్‌ అసిస్టెంట్లు

పదో తరగతి పబ్లిక్‌ పరీక్షలు మంగళవారంతో ముగిశాయి. ఇవి గత నెల 17వ తేదీన మొదలయ్యాయి. జిల్లా వ్యాప్తంగా మొత్తం 174 కేంద్రాల్లో ఎగ్జామ్స్‌ జరిగాయి. చివరిరోజు జరిగిన సోషల్‌ స్టడీస్‌ పరీక్షకు రెగ్యులర్‌ విద్యార్థులు 29,105 మందికి గానూ 28,870 మంది హాజరుకాగా.. 235 మంది గైర్హాజరయ్యారు. ప్రైవేట్‌కు సంబంధించి 205 మందికి గానూ 181 మంది హాజరుకాగా.. 24 మంది గైర్హాజరయ్యారు. ఎగ్జామ్స్‌ ముగియడంతో విద్యార్థులు కేంద్రాల వద్ద ఉత్సాహంగా కనిపించారు. ప్రశ్నపత్రాలను చించి గాల్లోకి ఎగురేసి కేరింతలతో ఆనందాలను పంచుకున్నారు. కేంద్రాల వద్దకు తల్లిదండ్రులు పెద్ద ఎత్తున రావడంతో సందడి వాతావరణం నెలకొంది. – నెల్లూరు(టౌన్‌)నెల్లూరులో పరీక్ష కేంద్రం బయట ఇలా..

నెల్లూరు(టౌన్‌): సైంటిఫిక్‌ ఎక్స్‌పోజర్‌ విజిట్‌లో భాగంగా విద్యాశాఖ ఆధ్వర్యంలో విద్యార్థులను ఎంపిక చేశామని జిల్లా సైన్స్‌ అధికారి కరుణాకర్‌రెడ్డి తెలిపారు. మంగళవారం చెముడుగుంటలోని జిల్లా సైన్స్‌ కేంద్రంలో విజిట్‌కు సంబంధించి పోస్టర్లను విడుదల చేశారు. ఈ సందర్భంగా ఆయన మాట్లాడుతూ ప్రాథమిక, సెకండరీ స్థాయికి సంబంధించి ఎంపిక చేసిన 250 మంది విద్యార్థులు బుధవారం చైన్నెలోని పెరియార్‌ సైన్స్‌ సెంటర్‌, గిండి నేషనల్‌ పార్క్‌, మద్రాస్‌ ఐఐటీ సైన్స్‌ కేంద్రాలను విజిట్‌ చేస్తారన్నారు. ఉదయం 5 గంటలకు విద్యార్థులతోపాటు గైడ్‌ టీచర్లు జిల్లా సైన్స్‌ కేంద్రానికి చేరుకోవాలన్నారు.

ఒత్తిళ్లు చేసి రాజీనామా చేయించి.. ఉపాధి కల్పనే ధ్యేయమంటూ ఊకదంపుడు ఉపన్యాసాలు చేసి అధికారంలోకి వచ్చిన కూటమి సర్కార్‌ అందుకు భిన్నంగా వ్యవహరిస్తోంది. కొత్త ఉద్యోగాల మాట అటుంచితే.. ఉన్న చిరుద్యోగులపై ప్రతాపం చూపుతోంది. ఇప్పటికే వివిధ రంగాలపై కన్నేసి తమ పంతం నెగ్గించుకున్న తమ్ముళ్ల కళ్లు తాజాగా వీఓఏలపై పడ్డాయి. తమకు అనుకూలంగా ఉండే వారిని నియమించాలనే లక్ష్యంతో ఏళ్ల తరబడి పనిచేస్తున్న వీఓఏలను రోడ్డున పడేస్తున్నారు. ఒత్తిళ్లు తాళలేక.. ఏమి చేయాలో పాలుపోక వీఓఏలు నిస్సహాయ స్థితిలో కొట్టుమిట్టాడుతున్నారు. ● రోడ్డున పడేసిన కూటమి నేతలు ● చిరుద్యోగుల పొట్టకొట్టి.. ● అనుకూల వ్యక్తుల నియామకం ● టీడీపీ నేతల కనుసన్నల్లో గ్రామ సమాఖ్యలు నెల్లూరు (పొగతోట): కూటమి ప్రభుత్వం అధికారంలోకి వచ్చాక చిరుద్యోగులపై ఆ పార్టీ నేతల దాష్టీకం పరాకాష్టకు చేరుతోంది. తమ పార్టీలకు మద్దతుగా ఉండే వారిని నియమించాలనే లక్ష్యంతో.. అప్పటికే విధుల్లో ఉన్న వారిని అనుక్షణం వేధింపులకు గురిచేస్తూ వికటాట్టహాసం చేస్తున్నారు. విధి లేని పరిస్థితుల్లో కొందరు రాజీనామాలూ చేశారు. నిర్దాక్షిణ్యంగా తొలగిస్తూ.. వాస్తవానికి జిల్లావ్యాప్తంగా 36 వేల పొదుపు గ్రూపులున్నాయి. ఇందులో సుమారు 4.2 లక్షల మంది మహిళలు సభ్యులుగా ఉన్నారు. 1214 గ్రామ సంఘాలకు గానూ ఒక్కో వీఓఏ (విలేజ్‌ ఆర్గనైజేషన్‌ అసిస్టెంట్‌) చొప్పున నియమించారు. ఒక్కో గ్రామంలో వందకుపైగా గ్రూపులుంటే ఇద్దరు వీఓఏలు ఉంటారు. వీరు నిత్యం మహిళలతో సమావేశాలను నిర్వహిస్తూ వారి ఆర్థిక ప్రగతికి బాటలేస్తున్నారు. ఈ తరుణంలో కూటమి ప్రభుత్వం కొలువుదీరాక వందలాది మంది వీఓఏలను నిర్దాక్షిణ్యంగా తొలగించారు. గ్రామ సంఘబంధ తీర్మానంతో కోర్టును ఆశ్రయించగా, తొలగించొద్దని ఉత్తర్వులు జారీ చేసినా వాటిని అధికారులు ఏ మాత్రం అమలు చేయడంలేదు. నిబంధనల ప్రకారం అయితే.. నిజానికి స్థానికంగా ఆయా గ్రామాల్లో ఉండే పొదుపు గ్రూపులు తీర్మానం చేసి ఒకర్ని వీఓఏగా నియమించుకుంటారు. ఈ ప్రక్రియలో అధికారులు, ప్రజాప్రతినిధులకు ఎలాంటి సంబంధం ఉండదు. తీర్మానానంతరం సదరు కాపీని మండల ఏపీఎంకు పంపుతారు. తదుపరి ఈ పేరును ఆన్‌లైన్లో నమోదయ్యేలా చర్యలు చేపడతారు. గతంలో వీరికి తక్కువ వేతనం లభించినా, ప్రస్తుతం రూ.ఎనిమిది వేల జీతమొస్తోంది. దీంతో కూటమి నేతలు తమ కార్యకర్తల కుటుంబసభ్యులు, టీడీపీకి అనుకూలంగా ఉండే మహిళలను నియమించుకుంటూ నిబంధనలను అపహాస్యం చేస్తున్నారు. ఈ వ్యవహారంలో డీఆర్డీఏలో పనిచేస్తున్న ఓ కీలకాధికారి అంతా తానై చూసుకుంటున్నారని సమాచారం. ఆదుకోవాల్సిన అధికారులే తమ మెడపై కత్తిపెట్టి రాజీనామాలు చేయాలని వేధిస్తుండటంతో గోడును ఎవరికి తెలియజేయాలో పాలుపోక మదనపడుతున్నారు. కూటమి నేతలువీఓఏలు కోవూరు మండలం గంగవరం వీఓఏగా శేషమ్మ వ్యవహరిస్తున్నారు. టీడీపీ అధికారంలోకి వచ్చాక ఈమైపె కూటమి నేతలు కక్షగట్టారు. రాజీనామా చేయాలని నిరంతరం వేధింపులకు గురిచేయడంతో ఆవేదనకు గురై ఆత్మహత్యాయత్నానికి పాల్పడ్డారు. సంగానికి చెందిన రమణమ్మ వీఓఏగా 20 ఏళ్లుగా వ్యవహరిస్తూ కుటుంబాన్ని పోషించుకుంటున్నారు. వందలాది మంది మహిళలను గ్రూపుల్లో చేర్పించి వారి ఆర్థిక ప్రగతికి బాటలేశారు. ఉద్యోగానికి రాజీనామా చేయాలంటూ ఆమైపె పచ్చ నేతలు బెదిరింపులకు దిగారు. కేసులు బనాయించి జైలుకు పంపుతామంటూ వేధింపుల పర్వానికి తెరలేపారు. దీంతో ఉద్యోగాన్ని వదులుకొని, మానసిక క్షోభకు గురవుతున్నారు. పొదుపు సంఘాలు 36,000సభ్యులు 4.2 లక్షలు గ్రామ సంఘాలు 1214 వీఓఏలు 1214

గ్రామంలోని పొదుపు గ్రూపుల సభ్యులు నన్ను వీఓఏగా కొనసాగించాలని తీర్మానం చేశారు. దీనికి సంబంధించిన కాపీని అధికారులకు పంపాం. ఒత్తిళ్లు అధికమయ్యాయి. విధులకెళ్లకుండా ఇంటి వద్దే ఉన్నా. కూటమి నేతలు అత్యుత్సాహం ప్రదర్శించి మరో మహిళను వీఓఏగా నియమించారు. ప్రస్తుతం ఆమె పేరే ఆన్‌లైన్లో కనిపిస్తోంది. నిబంధనలకు విరుద్ధంగా ఇలా.. ఎలా నమోదు చేశారో అధికారులకే తెలియాలి. – మానస, విడవలూరు వీఓఏల నియామకాలకు సంబంధించి నిబంధనల మేరకే నడుచుకుంటున్నాం. గ్రామంలో తీర్మానం చేసిన మహిళనే వీఓఏగా స్థానిక ఏపీఎంలు నియమిస్తున్నారు. ఇందులో ఉత్తర్వులను ఉల్లంఘించడంలేదు. కొత్తగా వచ్చిన వీఓఏలకు ప్రత్యేక శిక్షణ ఇచ్చి గ్రూపు మహిళలు ఆర్థికంగా అభివృద్ధి చెందేలా చర్యలు చేపడుతున్నాం. – నాగరాజకుమారి, పీడీ, డీఆర్డీఏ నిబంధనల మేరకే..

నెల్లూరు(క్రైమ్‌): మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డిపై వేధింపులను కూటమి ప్రభుత్వం కొనసాగిస్తోంది. ఆ పార్టీ వైఫల్యాలు, అవినీతి, అక్రమాలపై ఎప్పటికప్పుడు నిలదీస్తుండటంతో తప్పుడు కేసులతో వేధిస్తోంది. పొదలకూరు మండలం తాటిపర్తిలోని రుస్తుం మైన్స్‌లో అక్రమ మైనింగ్‌ జరిగిందని, ఇందులో కాకాణి అనుచరుల ప్రమేయం ఉందని, దీనికి ఆయన సహకరించారంటూ 120 (బీ), 447, 427, 379, 290, 506, 109 ఆర్‌ / డబ్ల్యూ 34 ఐపీసీ, సెక్షన్‌ 3 పీడీపీపీఏ, సెక్షన్‌ 3 అండ్‌ 5 ఆఫ్‌ ఈఎస్‌ యాక్ట్‌ అండ్‌ సెక్షన్‌ 21 (1), 21 (4) ఆఫ్‌ ఎమ్మెమ్డీఆర్‌ యాక్ట్‌ కింద నాన్‌బెయిలబుల్‌ కేసును పొదలకూరు పోలీసులు ఇటీవల నమోదు చేసిన విషయం విదితమే. ఈ కేసులో కాకాణి గోవర్ధన్‌రెడ్డి ఏ – 4గా ఉన్నారు. కొద్ది రోజులుగా పోలీసులు అరెస్ట్‌ చేస్తారనే ప్రచార నేపథ్యంలో, అక్రమ కేసులు, అరెస్ట్‌లకు భయపడేదిలేదంటూ తన ఇంట్లోనే ఆయన ఉన్నారు. ఇంటి వద్ద కార్యకర్తలు, అభిమానులు పగలూ, రాత్రీ పహారా కాశారు. ఆ సమయంలో పోలీసులు ఎలాంటి చర్యలు చేపట్టలేదు. ఈ క్రమంలో ఉగాది పర్వదిన నేపథ్యంలో కుటుంబంతో కలిసి హైదరాబాద్‌కు శుక్రవారం వెళ్లి వేడుకలను ఆదివారం జరుపుకొన్నారు. ఆ ఫొటోలను సామాజిక మాధ్యమాల్లో పోస్ట్‌ చేశారు. ఈ నేపథ్యంలో కాకాణిని ఇబ్బందులు పెట్టాలంటూ పోలీసులపై కూటమి నేతలు ఒత్తిడి తీసుకొచ్చారు. దీంతో అక్రమ మైనింగ్‌ కేసులో విచారణకు హాజరుకావాలంటూ నోటీసులను పొదలకూరు సీఐ శివరామకృష్ణారెడ్డి జారీ చేశారు. ఎస్సై హనీఫ్‌ తన సిబ్బందితో కలిసి మీడియాను వెంటబెట్టుకొని డైకస్‌రోడ్డులోని కాకాణి ఇంటికి ఆదివారం సాయంత్రం చేరుకున్నారు. అక్కడ ఎవరూ లేకపోవడంతో ఇంటి గేటుకు నోటీసులను అంటించి వెళ్లారు. విచారణకు హాజరుకావాలి విచారణ నిమిత్తం మూలాపేటలోని రూరల్‌ డీఎస్పీ కార్యాలయానికి సోమవారం ఉదయం 11కు హాజరుకావాలని నోటీసులో పొందుపర్చారు. కాకాణి బెయిల్‌ పిటిషన్‌పై కోర్టులో విచారణ మంగళవారం జరగనున్న నేపథ్యంలో ఓ పథకం ప్రకారమే నోటీసులను జారీ చేశారు. విచారణకు ఆయన సహకరించడంలేదనే సాకును చూపేందుకే నోటీసులను అంటించారని తెలుస్తోంది. విచారణకు నేడు హాజరుకావాలి ఇంటికి నోటీసులు అంటించిన పోలీసులు

స్వచ్ఛాంధ్ర కార్పొరేషన్‌ అధికారులు చూస్తున్నారు చెత్త రీసైక్లింగ్‌ కేంద్ర నిర్వహణ బాధ్యతను స్వచ్ఛాంధ్ర కార్పొరేషన్‌ అధికారులు చూస్తున్నారు. రీసైక్లింగ్‌ బాధ్యతా వాళ్లదే. కేంద్రాన్ని ఎప్పటి నుంచి నిర్వహణలోకి తీసుకురావాలనే అంశాన్ని పరిశీలిస్తున్నారు. ఇక్కడి నుంచి చెత్తను గుంటూరు తరలిస్తారనే అంశమై మాకెలాంటి సమాచారం లేదు. – అనూష, మున్సిపల్‌ కమిషనర్‌ ‘కందుకూరులో చెత్త అనేదే లేకుండా చేస్తాం.. ఏ రోజు చెత్తను ఆ రోజే రీసైక్లింగ్‌ చేసి చెత్త నుంచి సంపదను సృష్టించే బాధ్యత నాది’.. అంటూ స్వచ్ఛాంధ్ర – స్వర్ణాంధ్ర కార్యక్రమంలో భాగంగా పట్టణంలో ఫిబ్రవరి 15న నిర్వహించిన బహిరంగసభలో సీఎం చంద్రబాబు చేసిన వ్యాఖ్యలివి. అదే సమయంలో దూబగుంట వద్ద ఏర్పాటు చేసిన చెత్త రీసైక్లింగ్‌ కేంద్రాన్నీ ప్రారంభించారు. అయితే ఇది జరిగి 45 రోజులు దాటినా నేటికీ వినియోగంలోకి రాలేదు. కందుకూరు: పట్టణంలో ప్రతిష్టాత్మకంగా ఏర్పాటు చేసిన చెత్త రీసైక్లింగ్‌ కేంద్రం నిరుపయోగంగా మారింది. డంపింగ్‌ యార్డులో పేరుకుపోయిన చెత్త టన్నూ తొలగలేదు. దీంతో స్వచ్ఛ కందుకూరు అంటూ చేసిన ఆర్భాటం మాటలకే పరిమితమైందే తప్ప చేతల్లో ఏ మాత్రం కానరావడం లేదు. సీఎం చంద్రబాబు చేతుల మీదుగా ప్రారంభించిన రీసైక్లింగ్‌ కేంద్రం వినియోగంలోకి రాకపోవడంపై పలు విమర్శలు వ్యక్తమవుతున్నాయి. హడావుడి చేయడం మినహా ఎలాంటి ఉపయోగంలేదనే భావన ప్రజల్లో వ్యక్తమవుతోంది. తలనొప్పిగా సమస్య కందుకూరు మున్సిపాల్టీకి ప్రస్తుతం చెత్త సమస్య తలనొప్పిగా మారింది. దీని పరిధిలో 25 మెట్రిక్‌ టన్నుల వరకు చెత్త నిత్యం పోగవుతోంది. అయితే దీన్ని నిల్వ చేసేందుకు సరైన డంపింగ్‌ యార్డు సౌకర్యం లేదు. పట్టణంలోని యర్రగొండపాళెం సమీపంలో గల యార్డు ఇప్పటికే పూర్తిగా నిండిపోయింది. కనీసం లోపలికి తీసుకెళ్లే పరిస్థితే లేదు. దీంతో చుట్టుపక్కల ప్రాంతాల్లో బయటే చెత్తను మున్సిపల్‌ కార్మికులు పడేస్తున్నారు. మరోవైపు నివాసాల మధ్యలో యార్డు ఉండటంతో ప్రజలు తీవ్ర ఇబ్బందులు పడుతున్నారు. చెత్తకు నిప్పంటుకొని రోజుల తరబడి కాలుతుండటంతో ఆ ప్రాంతాలు పొగతో నిండిపోతున్నాయి. అక్కడి నుంచి తరలించాలనే ప్రతిపాదన ఎంతో కాలంగా ఉన్నా, స్థల సమస్యతో కార్యరూపం దాల్చడంలేదు. టన్ను చెత్తనూ ప్రాసెస్‌ చేయలేదు స్వచ్ఛాంధ్ర – స్వర్ణాంధ్ర అంటూ కందుకూరు పర్యటనకు ఫిబ్రవరిలో సీఎం వచ్చారు. దీంతో అధికారులు హడావుడిగా కనిగిరి రోడ్డులోని దూబగుంట వద్ద చెత్త రీసైక్లింగ్‌ కేంద్రాన్ని ఏర్పాటు చేశారు. ఇక్కడ దాదాపు రూ.45 లక్షలను వెచ్చించి యంత్రాలనూ నెలకొల్పారు. నిర్వహణ బాధ్యతను కండి మినరల్‌ టెక్నాలజీస్‌ ప్రైవేట్‌ లిమిటెడ్‌ సంస్థ నిర్వహించేలా ఒప్పందమూ కుదిరింది. నిత్యం 24 టన్నుల చెత్తను రీసైక్లింగ్‌ చేసే సామర్థ్యం ఈ కేంద్రానికి ఉంది. అయితే దీన్ని ప్రారంభించి ఇప్పటికి 45 రోజులు దాటుతున్నా, ఒక్క టన్ను కూడా ప్రాసెస్‌ చేసిన దాఖలాల్లేవు. ఫలితంగా యంత్రాలు అలంకారప్రాయంగా మారాయి. గుంటూరుకు తరలించేలా..? కందుకూరులో ప్రారంభించిన చెత్త రీసైక్లింగ్‌ కేంద్రం వినియోగంలోకి వచ్చే పరిస్థితే లేదనే వాదనా వినిపిస్తోంది. ఫలితంగా ఇక్కడి నుంచి గుంటూరు తరలించి అక్కడే రీసైక్లింగ్‌ చేసేలా స్వచ్ఛాంధ్ర అధికారుల మధ్య చర్చలు జరుగుతున్నాయని సమాచారం. కందుకూరు నుంచి వాహనాల ద్వారా చెత్తను గుంటూరులోని కేంద్రానికి నిత్యం తరలించాలనే ప్రణాళిక అధికారుల పరిశీలనలో ఉంది. కేవలం సీఎం పర్యటన కోసమే కొన్ని యంత్రాలను అక్కడ పెట్టి, స్వచ్ఛ కందుకూరు అంటూ హడావుడి చేసి చేతులు దులుపుకొన్నారనే విమర్శలూ లేకపోలేదు. వినియోగంలోకి రాని చెత్త రీసైక్లింగ్‌ కేంద్రం ఫిబ్రవరి 15న ఆర్భాటంగా ప్రారంభించిన సీఎం ప్రజాధనం వృథా కందుకూరులో ఇదీ దుస్థితి

నెల్లూరు(బృందావనం): మాజీ మంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి ముస్లింలకు ఈద్‌ శుభాకాంక్షలు తెలిపారు. ఈ మేరకు ఆదివారం ఒక ప్రకటన విడుదల చేశారు. పండగను సుఖసంతోషాలతో జరుపుకోవాలని ఆకాక్షించారు. ఒకేరోజు 96 రిజిస్ట్రేషన్లునెల్లూరు సిటీ: ఆదివారం సెలవు దినమైనా రిజిస్ట్రేషన్‌ కార్యాలయాలు జరిగాయి. ఒకేరోజులో 96 రిజిస్ట్రేషన్లు జరిగినట్లుగా జిల్లా రిజిస్ట్రార్‌ బాలాంజనేయులు తెలిపారు. రూ.19,65,336 రాబడి వచ్చినట్లు వెల్లడించారు. సోమవారం రంజాన్‌ పండగా అయినా రిజిస్ట్రేషన్లు జరుగుతాయని వెల్లడించారు.కండలేరులో 48.794 టీఎంసీలురాపూరు: కండలేరు జలాశయంలో ఆదివారం నాటికి 48.794 టీఎంసీల నీరు నిల్వ ఉన్నట్లు ఈఈ విజయకుమార్‌రెడ్డి తెలిపారు. సత్యసాయి గంగ కాలువకు 1,320, పిన్నేరు కాలువకు 5, లోలెవల్‌ కాలువకు 40, హైలెవల్‌ కాలువకు 30, మొదటి బ్రాంచ్‌ కాలువకు 10 క్యూసెక్కుల నీటిని విడుదల చేస్తున్నట్లు వెల్లడించారు.మిద్దైపె వాకింగ్‌ చేస్తుండగా..● ప్రమాదవశాత్తు కింద పడి మహిళ మృతి నెల్లూరు(క్రైమ్‌): ప్రమాదవశాత్తు మిద్దె పైనుంచి కిందపడి ఓ మహిళ మృతిచెందిన ఘటన నెల్లూరు అయ్యప్పగుడి సమీపంలో చోటుచేసుకుంది. పోలీసుల కథనం మేరకు.. ఎన్జీఓ కాలనీకి చెందిన జ్యోతి (49), పురుషోత్తం దంపతులకు కుమారుడు, కుమార్తె సంతానం. జ్యోతి వారంరోజుల క్రితం అయ్యప్పగుడి సమీపంలో నివాసముంటున్న తన తల్లి సరస్వతమ్మ వద్దకు వెళ్లింది. శనివారం రాత్రి ఆమె వాకింగ్‌ చేసేందుకు మిద్దైపెకి వెళ్లింది. కొద్దిసేపటికి సరస్వతమ్మ వెళ్లి చూడగా కుమార్తె కనిపించలేదు. దీంతో ఆమె కిందకు వచ్చిచూడగా కుమార్తె తలకు తీవ్రగాయమై రోడ్డుపై అపస్మారక స్థితిలో పడి ఉంది. దీంతో సరస్వతమ్మ జరిగిన విషయాన్ని తన మనవడు లీలామోహన్‌కు తెలియజేసింది. అతను వెంటనే ఇంటి వద్దకు చేరుకుని తల్లిని చికిత్స నిమిత్తం జయభారత్‌ ఆస్పత్రికి తీసుకెళ్లాడు. డాక్టర్ల సూచన మేరకు నారాయణ హాస్పిటల్‌కు తరలించాడు. చికిత్స పొందుతూ ఆమె ఆదివారం తెల్లవారుజామున మృతిచెందింది. మృతురాలి కుమారుడు వేదాయపాళెం పోలీసులకు ఫిర్యాదు చేయగా కేసు దర్యాప్తు చేస్తున్నారు. కోడిపందేల స్థావరంపై దాడినెల్లూరు సిటీ: రూరల్‌ నియోజకవర్గంలో కోడిపందేల స్థావరంపై రూరల్‌ పోలీసులు ఆదివారం దాడి చేశారు. వారి కథనం మేరకు.. నారాయణరెడ్డిపేటలోని ఖాళీ స్థలంలో కోడిపందేలు నిర్వహిస్తున్నారని సమాచారం అందుకున్న పోలీసులు అక్కడికి వెళ్లి 11 మందిని అదుపులోకి తీసుకున్నారు. రూ.11,250 నగదును స్వాధీనం చేసుకున్నారు.

● తమ్ముడికి తీవ్రగాయాలు నెల్లూరు(క్రైమ్‌): మోటార్‌బైక్‌పై వెళ్తూ టిప్పర్‌ను అధిగమించే క్రమంలో వెనుక చక్రాల కిందపడి అన్న మృతిచెందగా తమ్ముడికి తీవ్రగాయాలయ్యాయి. ఈ ఘటన ఆదివారం నెల్లూరు బోసుబొమ్మ సమీపంలోని ఆర్‌కేటీ పెట్రోట్‌ బంకు వద్ద చోటుచేసుకుంది. పోలీసుల కథనం మేరకు.. బిహార్‌ రాష్ట్రానికి చెందిన హరిరామ్‌కుమార్‌ (23), సీతారామ్‌ అనే అన్నదమ్ములు నాలుగు నెలల క్రితం ఉపాధి నిమిత్తం నెల్లూరు నగరానికి వచ్చి పొర్లుకట్ట వద్ద నివాసం ఉంటున్నారు. బేల్దారి పనులు చేసుకుంటూ జీవనం సాగిస్తున్నారు. హరిరామ్‌కుమార్‌కు తొమ్మిది నెలల క్రితం వివాహమైంది. ఆదివారం సాయంత్రం అన్నదమ్ములిద్దరూ బైక్‌పై బోసుబొమ్మ వైపునకు బయలుదేరారు. ఆర్‌కేటీ పెట్రోల్‌ బంకు వద్దకు వచ్చేసరికి ముందు వెళ్తున్న టిప్పర్‌ను అధిగమించే క్రమంలో బైక్‌ దానికి రాసుకుంది. దీంతో బైక్‌ అదుపు తప్పి అన్నదమ్ములిద్దరూ కిందపడ్డారు. టిప్పర్‌ చక్రాల కిందపడి హరికుమార్‌ తలపగిలి అక్కడికక్కడే మృతిచెందగా, సీతారామ్‌కు తీవ్రగాయాలయ్యాయి. స్థానికులు క్షతగాత్రుడిని 108 అంబులెన్స్‌లో చికిత్స నిమిత్తం ఆస్పత్రికి తరలించారు. ప్రమాద ఘటనపై సమాచారం అందుకున్న నార్త్‌ ట్రాఫిక్‌ ఇన్‌స్పెక్టర్‌ కె.రామకృష్ణ ఘటనా స్థలాన్ని పరిశీలించారు. మృతదేహాన్ని జీజీహెచ్‌ మార్చురీకి తరలించి కేసు నమోదు చేశారు. టిప్పర్‌ను స్వాధీనం చేసుకుని పోలీసుస్టేషన్‌కు తరలించారు.

నేను పుచ్చ సాగు చేసి నష్డపోయాను. గతంలో కొంతవరకు లాభం రావడంతో మళ్లీ సాగు చేశాను. ఈ పర్యాయం తీవ్రంగా నష్టం వచ్చేలా ఉంది. అధికారులు చొరవ తీసుకుని గిట్టుబాటు ధరలు కల్పించాలి. – జి.హరి, రైతు, నావూరుపల్లి రైతులకు గడ్డుకాలం పుచ్చ సాగు చేసిన రైతులకు గడ్డుకాలం వచ్చింది. ఎకరాకు రూ.40 వేల నుంచి రూ.50 వేలు ఖర్చు చేశాం. పెట్టుబడులు వచ్చినా సంతోషమే. రైతులు నేరుగా వెళ్లి బజార్లలో అమ్ముకుంటే కొంతవరకు మేలే. అయితే అందరూ ఆ పని చేయలేరు. – కేతు రామిరెడ్డి, ఎంపీటీసీ సభ్యుడు, దుగ్గుంట ఆదుకోవాలి పుచ్చ సాగు చేసిన రైతులను ఆదుకోవాలి. ఈ ఏడాది దిగుబడి కూడా అంతంతమాత్రమే. పెట్టుబడులు వస్తే ఆదాయం వచ్చినట్లే. దళారులు దారుణంగా అడుగుతున్నారు. – వి.మాలకొండారెడ్డి, రైతు, నావూరు రైతు బజార్లలో అమ్ముకోవచ్చు రైతులు ముందుకొస్తే రైతు బజార్లలో అమ్ము కునే అవకాశం కల్పిస్తాం. నెల్లూరు, కావలి తదితర ప్రాంతాల్లో కాయలను విక్రయించుకోవచ్చు. పుచ్చ ధరలు దారుణంగా పడిపోలేదని భావిస్తున్నాం. మమ్మల్ని సంప్రదిస్తే సలహాలిస్తాం. – సుబ్బారెడ్డి, జిల్లా ఉద్యానాధికారి, నెల్లూరు●

● రూ.50 లక్షల మేర ఆస్తి నష్టం నెల్లూరు(క్రైమ్‌): నెల్లూరు విక్రమ్‌ నగర్‌లోని సీసీ కెమెరాల దుకాణంలో శనివారం రాత్రి భారీ అగ్నిప్రమాదం జరిగింది. దీంతో స్థానికంగా ఉన్న ప్రజలు భయాందోళనకు గురయ్యారు. అగ్నిమాపక సిబ్బంది ఘటనా స్థలానికి చేరుకుని ఆరుగంటలపాటు శ్రమించి మంటలను అదుపులోకి తీసుకొచ్చారు. అగ్నిమాపక అధికారుల కథనం మేరకు.. నగరానికి చెందిన శ్రీధర్‌ విక్రమ నగర్‌లోని రెండంతస్తుల భవనంలో కింద పోర్షన్‌లో కార్యాలయం, పై పోర్షన్‌లో సీసీ కెమెరాల షాపు నిర్వహిస్తున్నాడు. శనివారం రాత్రి ఎప్పటిలాగే పదిగంటల సమయంలో వాటిని మూసివేశాడు. సుమారు 11 గంటల ప్రాంతంలో పైపోర్షన్‌లో అగ్నిప్రమాదం చోటుచేసుకుంది. స్థానికులు అగ్నిమాపక అధికారులు, వేదాయపాళెం పోలీసులకు సమాచారం అందించారు. నెల్లూరు ఏడీఎఫ్‌ఓ ఎస్‌.వేణుగోపాల్‌ రెండు ఫైరింజిన్లతో ఘటనా స్థలానికి చేరుకున్నారు. అగ్నిమాపక సిబ్బంది ఫైరింజిన్లతో నీరు వేగంగా కొట్టినా, ఫోమ్‌ను ఉపయోగించినా మంటలను అదుపు చేయలేకపోయారు. దీంతో సిబ్బంది పక్కనే ఉన్న అపార్ట్‌మెంట్‌లోని ఫ్లాట్‌ల కిటికీలో నుంచి దానికి ఆనుకుని ఉన్న మూడంతస్తుల భవనంపైకి చేరుకుని ఆరుగంటలపాటు శ్రమించి మంటల్ని అదుపులోకి తీసుకొచ్చారు. వేదాయపాళెం ఇన్‌స్పెక్టర్‌ శ్రీనివాసరెడ్డి తన సిబ్బందితో ఘటనా స్థలానికి చేరుకుని అగ్నిమాపక సిబ్బందికి సహకారం అందించారు. సీసీ కెమెరాలకు సంబంధించిన వైర్లు, బ్యాటరీలు, అడాప్టర్‌లు ఇలా కాలే సామగ్రి అధికంగా ఉండటంతోనే మంటలు అదుపులోకి తీసుకురావడం కష్టంగా మారిందని అగ్నిమాపక శాఖ అధికారులు తెలిపారు. బ్యాటరీలు లేదా విద్యుత్‌ షార్ట్‌ సర్క్యూట్‌ ద్వారా అగ్ని ప్రమాదం జరిగి ఉండొచ్చని భావిస్తున్నారు. ఈ ఘటనలో సుమారు రూ.45 లక్షల నుంచి రూ.50 లక్షల మేర ఆస్తి నష్టం వాటిల్లిందని బాధితుడు ఆవేదన వ్యక్తం చేశారు.

నెల్లూరు సిటీ: ఆస్తి లావాదేవీల రిజిస్ట్రేషన్లకు ఇక స్లాట్‌ బుకింగ్‌ విధానాన్ని అమలు చేయనున్నారు. నిర్దేశించిన సమయంలో సబ్‌ రిజి స్ట్రార్‌ కార్యాలయాల్లో రిజిస్ట్రేషన్‌ చేసుకునేందుకు ప్రభుత్వం వెసులుబాటు కల్పించింది. జిల్లాలోని ఆర్‌ఓ కార్యాలయంలో ఏప్రిల్‌ 2వ తేదీ నుంచి దీనిని ప్రారంభించనున్నారు. నెలాఖరు నాటికి దశల వారీగా అన్ని సబ్‌ రిసిస్ట్రార్‌ కార్యాలయాల్లో అమలు చేయనున్నట్లు జిల్లా రిజిస్ట్రార్‌ బాలాంజనేయులు పేర్కొన్నారు. ఎలా అంటే.. స్లాబ్‌ బుకింగ్‌ విధానంలో గంటకు ఆరు రిజిస్ట్రేషన్లు జరుగుతాయి. వినియోగదారులు మంచిరోజు, వారికి అనుకూలమైన రోజులో రిజిస్ట్రే షన్‌ చేసుకునేందుకు సంబంధిత వెబ్‌సైట్‌లో బుక్‌ చేసుకోవచ్చు. నిర్దేశించిన సమయానికి కార్యాలయానికి రావాల్సి ఉంటుంది. అప్పుడు రాలేని పరిస్థితుల్లో తిరిగి స్లాట్‌ బుకింగ్‌ చేసుకోవాలి. అందుకు గానూ ప్రభుత్వానికి మరో రూ.200 చెల్లించాల్సి ఉంటుంది.అమలు చేస్తాం స్లాట్‌ బుకింగ్‌ విధానాన్ని మొదట నెల్లూరు ఆర్‌ఓ కార్యాలయంలో వచ్చే నెల 2వ తేదీన ప్రారంభిస్తాం. నెలాఖరుకు అన్ని సబ్‌ రిజిస్ట్రార్‌ కార్యాలయాల్లో ఈ విధానాన్ని అమలు చేస్తాం. – బాలాంజనేయులు, జిల్లా రిజిస్ట్రార్‌ 2వ తేదీ నుంచి నెల్లూరులో ప్రారంభం గంటకు ఆరు రిజిస్ట్రేషన్లు చేసుకునే అవకాశం స్లాట్‌ తేదీల మార్పునకు రూ.200 చెల్లించాల్సిందే..

● మంత్రి నారాయణ నెల్లూరు(బృందావనం): రంగనాయకులపేటలోని శ్రీదేవి, భూదేవి సమేత తల్పగిరి రంగనాథస్వామి దేవస్థానంలో ఘాట్‌ నిర్మాణాన్ని నాలుగు నెలల్లో పూర్తి చేస్తామని రాష్ట్ర పురపాలక శాఖ మంత్రి పొంగూరు నారాయణ తెలిపారు. ఉగాది సందర్భంగా నారాయణ, రమాదేవి దంపతులు ఆదివారం రంగనాథస్వామిని దర్శించుకున్నారు. అనంతరం స్థానిక ప్రజాప్రతినిధులు, అధికారులు, అర్చకులతో కలిసి మంత్రి పెన్నా ఘాట్‌ను పరిశీలించారు. ఈ సందర్భంగా ఆయన నారాయణ మాట్లాడుతూ 15 రోజుల్లో టెండర్లు పిలిచి నాలుగు నెలల్లో ఘాట్‌ నిర్మాణాన్ని పూర్తి చేస్తామన్నారు. సీఎం చంద్రబాబు ఆదేశాల మేరకు రాష్ట్రంలోని అన్ని ఆలయాలను అభివృద్ధి చేస్తున్నామన్నారు. భక్తులకు మెరుగైన సౌకర్యాలు కల్పిస్తామన్నారు. అనంతరం నారాయణ, రమాదేవి దంపతులు వీఆర్సీ సెంటర్‌ చాకలివీధిలోని శ్రీమహాలక్ష్మమ్మ ఆలయానికి వెళ్లి ప్రత్యేక పూజలు చేశారు.

● రూ.50 లక్షల మేర ఆస్తి నష్టం నెల్లూరు(క్రైమ్‌): నెల్లూరు విక్రమ్‌ నగర్‌లోని సీసీ కెమెరాల దుకాణంలో శనివారం రాత్రి భారీ అగ్నిప్రమాదం జరిగింది. దీంతో స్థానికంగా ఉన్న ప్రజలు భయాందోళనకు గురయ్యారు. అగ్నిమాపక సిబ్బంది ఘటనా స్థలానికి చేరుకుని ఆరుగంటలపాటు శ్రమించి మంటలను అదుపులోకి తీసుకొచ్చారు. అగ్నిమాపక అధికారుల కథనం మేరకు.. నగరానికి చెందిన శ్రీధర్‌ విక్రమ నగర్‌లోని రెండంతస్తుల భవనంలో కింద పోర్షన్‌లో కార్యాలయం, పై పోర్షన్‌లో సీసీ కెమెరాల షాపు నిర్వహిస్తున్నాడు. శనివారం రాత్రి ఎప్పటిలాగే పదిగంటల సమయంలో వాటిని మూసివేశాడు. సుమారు 11 గంటల ప్రాంతంలో పైపోర్షన్‌లో అగ్నిప్రమాదం చోటుచేసుకుంది. స్థానికులు అగ్నిమాపక అధికారులు, వేదాయపాళెం పోలీసులకు సమాచారం అందించారు. నెల్లూరు ఏడీఎఫ్‌ఓ ఎస్‌.వేణుగోపాల్‌ రెండు ఫైరింజిన్లతో ఘటనా స్థలానికి చేరుకున్నారు. అగ్నిమాపక సిబ్బంది ఫైరింజిన్లతో నీరు వేగంగా కొట్టినా, ఫోమ్‌ను ఉపయోగించినా మంటలను అదుపు చేయలేకపోయారు. దీంతో సిబ్బంది పక్కనే ఉన్న అపార్ట్‌మెంట్‌లోని ఫ్లాట్‌ల కిటికీలో నుంచి దానికి ఆనుకుని ఉన్న మూడంతస్తుల భవనంపైకి చేరుకుని ఆరుగంటలపాటు శ్రమించి మంటల్ని అదుపులోకి తీసుకొచ్చారు. వేదాయపాళెం ఇన్‌స్పెక్టర్‌ శ్రీనివాసరెడ్డి తన సిబ్బందితో ఘటనా స్థలానికి చేరుకుని అగ్నిమాపక సిబ్బందికి సహకారం అందించారు. సీసీ కెమెరాలకు సంబంధించిన వైర్లు, బ్యాటరీలు, అడాప్టర్‌లు ఇలా కాలే సామగ్రి అధికంగా ఉండటంతోనే మంటలు అదుపులోకి తీసుకురావడం కష్టంగా మారిందని అగ్నిమాపక శాఖ అధికారులు తెలిపారు. బ్యాటరీలు లేదా విద్యుత్‌ షార్ట్‌ సర్క్యూట్‌ ద్వారా అగ్ని ప్రమాదం జరిగి ఉండొచ్చని భావిస్తున్నారు. ఈ ఘటనలో సుమారు రూ.45 లక్షల నుంచి రూ.50 లక్షల మేర ఆస్తి నష్టం వాటిల్లిందని బాధితుడు ఆవేదన వ్యక్తం చేశారు.

ఉదయగిరి: నియోజకవర్గంలోని పలు మండలాల్లో తెలుగు తమ్ముళ్ల మధ్య విభేదాలు బుసలు కొడుతున్నాయి. అంతర్గతంగా ఉన్న విభేదాలు తన్నులాటకు దారి తీస్తున్నాయి. అది కూడా ఎమ్మెల్యే కాకర్ల సురేష్‌ సమక్షంలోనే ఈ గొడవలు, దెబ్బలాటలు జరుగుతుండటం విశేషం. ముఖ్యంగా కాకర్ల, మాజీ ఎమ్మెల్యే బొల్లినేని వెంకట రామారావు వర్గీయులు మధ్య గొడవలు చోటు చేసుకుంటున్నాయి. కాకర్ల తన వర్గీయులను సమర్థిస్తూ తమపైకి ఉసిగొల్పుతున్నాడనే అనుమానం బొల్లినేని వర్గీయుల్లో ఉంది. ఇలా మొదలు సార్వత్రిక ఎన్నికలకు రెండేళ్ల ముందు సురేష్‌ సేవా కార్యక్రమాల పేరుతో నారా లోకేశ్‌ ఆశీస్సులు తీసుకుని ఉదయగిరిలో మకాం పెట్టారు. ఈ పరిణామం అప్పుటి టీడీపీ నియోజకవర్గ ఇన్‌చార్జీగా ఉన్న బొల్లినేనికి నచ్చలేదు. దీంతో కాకర్ల సేవా కార్యక్రమాలకు సహకరించలేదు. లోకేశ్‌ అండదండలు ఉండటంతో ఇబ్బందులు ఎదురైనా సురేష్‌ తమ కార్యకలాపాలు ఆపలేదు. గ్రామాల్లో బృందాలను ఏర్పాటు చేసుకుని రామారావు వర్గానికి ధీటుగా నిలిచారు. పార్టీ అధినేత చంద్రబాబు మద్దతు పూర్తిగా తనకే ఉందని బొల్లినేని నమ్మారు. యువగళం పాదయాత్రలో లోకేశ్‌కు భారీ కటౌట్లు ఏర్పాటు చేసి స్వాగతం పలికేందుకు ప్రయత్నించిన సురేష్‌ను బొల్లినేని వర్గీయులు అడ్డుకున్నారు. ఇదంతా గమనించిన లోకేశ్‌ స్వయంగా సురేష్‌తో మాట్లాడి టికెట్‌పై హామీ ఇచ్చారు. ఎన్నికల్లో విజయం సాధించిన తర్వాత మండలాల వారీగా తనను ఇబ్బంది పెట్టిన బొల్లినేని వర్గీయులను దూరం పెట్టడం ప్రారంభించారు. దీంతో గ్రామాల్లో టీడీపీలో విభేదాలు నెలకొన్నాయి.ఎమ్మెల్యే సమక్షంలోనే.. ● ఈనెల 26వ తేదీన ఉదయగిరిలో ఎమ్మెల్యే కాకర్ల సమక్షంలో రెండు చోట్ల తమ్ముళ్లు తగాదా పడ్డారు. జెడ్పీ మాజీ చైర్మన్‌ చెంచలబాబు యాదవ్‌, మార్కెట్‌ కమిటీ మాజీ చైర్మన్‌ మన్నేటి వెంకటరెడ్డి వర్గాల మధ్య గొడవ జరిగింది. దీనిపై కాకర్ల మౌనం వహించారు. దీంతో చెంచలబాబు మనస్తాపం చెందినట్లు సమాచారం. దీనిపై పోలీసులకు కూడా ఇరువర్గాలు ఫిర్యాదు చేసుకున్నాయి. ● 27వ తేదీ రాత్రి వింజమూరు ఎమ్మెల్యే క్యాంప్‌ కార్యాలయంలో కాకర్ల ముందే కొండాపురం టీడీపీ సీనియర్‌ నేతల మధ్య గొడవ జరిగింది. కాకర్ల వర్గానికి చెందిన జెడ్పీటీసీ మాజీ సభ్యుడు దామా మహేశ్వరరావు, బొల్లినేని వర్గానికి చెందిన సొసైటీ మాజీ అధ్యక్షుడు యారవ కృష్ణయ్య మధ్య గొడవ జరిగి చెయ్యి చేసుకునే వరకు వెళ్లింది. దీంతో యారవ మనస్తాపం చెంది క్యాంప్‌ కార్యాలయం నుంచి అలిగి వెళ్లిపోయారు. ఈ విషయాన్ని జిల్లా పార్టీ పెద్దల దృష్టికి ఆయన తీసుకెళ్లారు. దీంతో వారు కాకర్లను పిలిచి మహేశ్వరరావుపై చర్యలు తీసుకోవాలని చెప్పారు. ఈ నేపథ్యంలో పెద్దల ఆదేశాల మేరకు ఎమ్మెల్యే శనివారం రాత్రి ఆ రెండు వర్గాలను పిలిచి మాట్లాడారు. రాజీ చేసేంందుకు ప్రయత్నించారు. ఆ సమయంలోనూ రెండు వర్గాలు మరోసారి గొడవ పడ్డాయి. కాకర్ల జోక్యం చేసుకుని అంతా మర్చిపోవాలన్నారు. ఇద్దరి చేతులు కలిపి పనిచేయాలని సూచించారు. కాగా ఆరునెలలపాటు కొండాపురం మండలంలో పార్టీ కార్యక్రమాలకు దూరంగా ఉండాలని దామాను ఎమ్మెల్యే ఆదేశించారు. దీంతో ఆయన, అనుచరులు అలకబూని వెళ్లిపోయారు. ● వరికుంటపాడు మండలంలో టీడీపీలో విభేదాలున్నాయి. ఇక్కడ బొల్లినేని వర్గీయులకు ఎమ్మెల్యే ప్రాధాన్యం ఇస్తూ.. తమను దూరం పెడుతున్నారనే భావన సురేష్‌ వర్గీయుల్లో ఉంది. ● దుత్తలూరు మండలంలో తమకు పూర్తి స్థాయి ప్రాధాన్యత ఇవ్వలేదనే బాధతో మాజీ ఎమ్మెల్యే కంభం విజయరామిరెడ్డి మదన పడుతున్నారు. పైగా ఇటీవల బొల్లినేని, కంభం కలిసి కొంతసేపు ముచ్చటించుకోవడం, ప్రస్తుతం ఎమ్మెల్యే పాల్గొంటున్న కార్యక్రమాల్లో కంభం కనిపించకపోవడం చర్చనీయాంశంగా మారింది. గత ఎన్నికల్లో పూర్తిగా సహకరించిన మాజీ ఎమ్మెల్యేలు మేకపాటి చంద్రశేఖర్‌రెడ్డి, ఒంటేరు వేణుగోపాల్‌రెడ్డిలు ఎమ్మెల్యే కాకర్ల పట్ల కినుక వహించారనే ప్రచారం జరుగుతోంది. సీఎంకు ఫిర్యాదు ఇటీవల నియోజవర్గానికి చెందిన కొందరు సీనియర్‌ నేతలు ఎమ్మెల్యే కాకర్ల సురేష్‌ తమకు ప్రాధాన్యత ఇవ్వలేదని, ప్రతిపక్ష వైఎస్సార్‌సీపీకి అనుకూలంగా ఉన్నారంటూ సీఎం చంద్రబాబుకు ఫిర్యాదు చేసినట్లు సమాచారం. దీని వెనుక బొల్లినేనితోపాటు మాజీ ఎమ్మెల్యేల పాత్ర ఉందని కాకర్ల అనుమానిస్తున్నారు. పార్టీని బలోపేతం చేస్తున్నానని, కొందరు కావాలని ఫిర్యాదు చేస్తున్నారని ఆయన అధినేతకు చెప్పినట్లు తెలుస్తోంది. ఉదయగిరి నియోజకవర్గంలో అసమ్మతి సెగలు నానాటికీ పెరుగుతున్న విభేదాలు ఎమ్మెల్యే సమక్షంలోనే కొట్లాట కాకర్లపై సీఎంకు ఫిర్యాదు చేసిన సీనియర్‌ నేతలు లోకేశ్‌ అండదండలతో సీరియస్‌గా తీసుకోని శాసనసభ్యుడు

● భారత వరి పరిశోధన స్థానం ప్రధాన శాస్త్రవేత్త సుబ్బారావు కందుకూరు రూరల్‌: ‘రైతులే శాస్త్రవేత్తలుగా మారాలి. నూతన వంగడాలకు రూపకల్పన చేసి వారి పేరు మీదే రిజిస్టర్‌ చేసుకుని లైసెన్స్‌, హక్కులు పొందాలి’ అని భారత వరి పరిశోధన స్థానం ప్రధాన శాస్త్రవేత్త ఎల్‌వీ సుబ్బారావు అన్నారు. కందుకూరులోని కృషి విజ్ఞాన కేంద్రం (కేవీకే)లో పంట వంగడాల పరిరక్షణ, రైతు చట్టం 2001 (పీపీవీ అండ్‌ ఎఫ్‌ఆర్‌ఏ) అనే అంశంపై శుక్రవారం ఒకరోజు శిక్షణ నిర్వహించారు. కేవీకే సీనియర్‌ శాస్త్రవేత్త, హెడ్‌ జి.ప్రసాద్‌బాబు అధ్యక్షత వహించిన ఈ కార్యక్రమంలో ముఖ్యఅతిథిగా పాల్గొన్న సుబ్బారావు మాట్లాడుతూ రైతులు వారి పొలంలో తిరిగే సమయంలో క్షుణ్ణంగా పరిశీలించి ప్రత్యేక లక్షణాలున్న మొక్కల్ని గుర్తించాలన్నారు. వాటిని వేరు చేసి 2 నుంచి 3 సంవత్సరాలు పండించాలన్నారు. పూర్తి వివరాలతో అథారిటీకి దరఖాస్తు చేసుకుంటే తద్వారా వాటిని పరిశీలించి ఆ రైతుకు హక్కులను ఇస్తారన్నారు. ఉద్యాన కళాశాల అసోసియేట్‌ డీన్‌ విజయభాస్కర్‌ మాట్లాడుతూ ఈ చట్టం ద్వారా 8,500 హక్కులను రైతులకు అందించామన్నారు. సీడీఆర్‌ఐ ప్రధాన శాస్త్రవేత్త అనురాధ మాట్లాడుతూ రైతుల దగ్గర ప్రత్యేక లక్షణాలున్న వంగడాలుంటే కేవీకే దృష్టికి తీసుకురావాలన్నారు. ఔత్సాహికుల ద్వారా ప్రదర్శన ఏర్పాటు చేశారు. ఉత్తమ రైతులకు ప్రశంసాపత్రాలను అందజేశారు. రైతులతో శాస్త్రవేత్తలు ముఖాముఖి నిర్వహించి వారి సందేహాలను నివృత్తి చేశారు. కార్యక్రమంలో వ్యవసాయ శాఖ సహాయ సంచాలకురాలు అనసూయ, వ్యవసాయాధికారులు వి.రాము, హేమంత్‌ భరత్‌, రైతులు, రైతు మహిళలు, ప్రకృతి వ్యవసాయ సిబ్బంది మాధవ, కృష్ణారెడ్డి, రాజు, ఉద్యాన కళాశాల ఇంటర్న్‌షిప్‌ విద్యార్థినులు, అధ్యాపకులు పాల్గొన్నారు.

నెల్లూరు రూరల్‌: వైద్య విద్య కోర్సుల్లో ప్రవేశాల కోసం నిర్వహించే నేషనల్‌ ఎలిజిబిలిటీ కమ్‌ ఎంట్రన్స్‌ టెస్ట్‌ (నీట్‌)కు పక్కాగా ఏర్పాట్లు చేయాలని కలెక్టర్‌ ఆనంద్‌ ఆదేశించారు. నెల్లూరు కలెక్టరేట్‌లోని ఎస్‌ఆర్‌ శంకరన్‌ వీసీ హాల్లో శుక్రవారం నీట్‌పై కో–ఆర్డినేషన్‌ సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ మే నెల 4వ తేదీన నేషనల్‌ టెస్ట్‌ ఏజెన్సీ ఆధ్వర్యంలో జిల్లా వ్యాప్తంగా పరీక్షను ఎటువంటి లోటుపాట్లు లేకుండా నిర్వహించేందుకు ముందస్తుగా ఏర్పాట్లు చేయాలన్నారు. జిల్లాలో సుమారు 4 వేలకు పైగా హాజరుకానున్నారని ప్రభుత్వ విద్యాసంస్థలను మాత్రమే కేంద్రాలుగా ఎంపిక చేయాలన్నారు. నెల్లూరు సిటీకి దగ్గరగా భద్రత, రవాణాకు ఇబ్బందుల్లేకుండా ఉండే కేంద్రాలను రెండు రోజుల్లో ఎంపిక చేయాలని ఆదేశించారు. సమావేశంలో డీఆర్వో ఉదయభాస్కర్‌రావు, డీఈఓ బాలాజీరావు, కేంద్రియ విద్యాలయ ప్రిన్సిపల్‌ కె.శంకరయ్య, సీనియర్‌ ఉపాధ్యాయురాలు దొరసానమ్మ, స్పెషల్‌ బ్రాంచ్‌ సీఐ శ్రీనివాసులురెడ్డి తదితరులు పాల్గొన్నారు.

నెల్లూరు రూరల్‌: వెట్టిచాకిరీని నిర్మూలించేందుకు రెవెన్యూ అధికారులు కృషి చేయాలని నెల్లూరు ఆర్డీఓ అనూష కోరారు. నగరంలోని కలెక్టరేట్‌లో ఉన్న తిక్కన ప్రాంగణంలో నెల్లూరు, ఆత్మకూరు రెవెన్యూ డివిజన్‌ పరిధిలోని తహసీల్దార్లు, రెవెన్యూ అధికారులకు శుక్రవారం వెట్టిచాకిరి నిర్మూలన చట్టంపై సాంఘిక సంక్షేమ శాఖ, ఇంటర్నేషనల్‌ జస్టిస్‌ మిషన్‌ ప్రతినిధులు శ్యామ్‌, గంటా ప్రియాంక ఆధ్వర్యంలో వర్క్‌షాప్‌ నిర్వహించారు. ఈ సందర్భంగా ఆర్డీఓ మాట్లాడుతూ రెవెన్యూ, పోలీస్‌, లేబర్‌, విద్య, వైద్య ఇతర శాఖల సమన్వయంతోనే వెట్టిచాకిరి నిర్మూలన సాధ్యపడుతుందన్నారు. ఇటుకబట్టీలు, రైస్‌మిల్లులు, హోటళ్లు, మద్యం దుకాణాలు, పలు వ్యాపార సంస్థల్లో అధికారులు నిర్వహించే తనిఖీలు ఎంతోమంది అభాగ్యుల జీవితాలను మారుస్తాయన్నారు. వెట్టిచాకిరి నుంచి విముక్తి పొందిన వ్యక్తికి కలెక్టర్‌ ఆనంద్‌ చేతుల మీదుగా రిలీజ్‌ సర్టిఫికెట్‌ను అందజేశారు. కార్యక్రమంలో రెవెన్యూ అధికారులు, చైతన్య జ్యోతి స్వచ్ఛంద సంస్థ నిర్వాహకులు శ్రీనివాసరావు, పలు వ్యాపార సంస్థలు, హోటళ్ల నిర్వాహకులు పాల్గొన్నారు.

నెల్లూరు(క్రైమ్‌): ఏం కష్టమొచ్చిందో తెలియదు గానీ గుర్తుతెలియని వృద్ధురాలు రైలు కిందపడి ఆత్మహత్య చేసుకుంది. ఈ ఘటన నెల్లూరులోని కరెంటాఫీస్‌ గేటు సమీపంలో చైన్నె వైపు వెళ్లే రైలు పట్టాలపై శుక్రవారం జరిగింది. మృతురాలి వయసు 70 నుంచి 75 ఏళ్ల లోపు ఉంటుందని భావిస్తున్నారు. మెడలో ఎర్రని దారం ధరించి ఉంది. మృతదేహానికి సమీపంలో ఎరుపు రంగు దుప్పటి పడి ఉంది. నెల్లూరు రైల్వే ఎస్సై జి.మాలకొండయ్య ఘటనా స్థలాన్ని పరిశీలించారు. మృతదేహాన్ని జీజీహెచ్‌ మార్చురీకి తరలించి ఎస్సై కేసు దర్యాప్తు చేస్తున్నారు.పంటకాలువలో మృతదేహంనెల్లూరు సిటీ: రూరల్‌ మండలంలోని ములుమూడి గ్రామానికి సమీపంలోని పంటకాలువలో గుర్తుతెలియని వ్యక్తి మృతదేహాన్ని శుక్రవారం రైతులు గుర్తించి పోలీసులకు సమాచారం అందించారు. వారు ఘటనా స్థలానికి చేరుకుని పరిశీలించారు. వయసు సుమారు 40 సంవత్సరాలు ఉంటుందని చెబుతున్నారు. మృతుడు బులుగు, నలుపు, ఎరుపు రంగు గడుల ఫుల్‌ హ్యాండ్స్‌ షర్ట్‌ ధరించి ఉన్నాడు. ఘటనా స్థలంలో ఎలాంటి ఆధారాలు లభించలేదు. మృతదేహాన్ని పోస్టుమార్టం నిమిత్తం ప్రభుత్వాస్పత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు. అప్పుల బాధ తాళలేక..● వ్యక్తి బలవన్మరణం నెల్లూరు(క్రైమ్‌): అప్పుల బాధ తాళలేక ఓ వ్యక్తి ఆత్మహత్య చేసుకున్న ఘటన నెల్లూరులోని పోలీస్‌ కాలనీలో చోటుచేసుకుంది. పోలీసుల కథనం మేరకు.. దర్గామిట్టలోని పోలీస్‌ కాలనీలో డి.అనిల్‌ కుమార్‌ (39), మానస దంపతులు నివాసం ఉంటున్నారు. వారికి కుమారుడు, కుమార్తె ఉన్నారు. అనిల్‌ బేల్దారి పనులు చేసుకుంటూ కుటుంబాన్ని పోషిస్తున్నాడు. ఈ క్రమంలోనే అతను అప్పులపాలయ్యాడు. ఈ విషయమై దంపతుల నడుమ తరచూ గొడవలు జరుగుతుండేవి. ఇటీవల అప్పుల బాధలు అధికమయ్యాయి. గురువారం రాత్రి అనిల్‌ తన గదిలోకి వెళ్లి ఫ్యాన్‌కు చీరతో ఉరేసుకుని ఆత్మహత్య చేసుకున్నాడు. గదిలోకి వెళ్లిన అనిల్‌ ఎంతకీ బయటకు రాకపోవడంతో భార్యాపిల్లలు తలుపులు బలంగా నెట్టడంతో తెరుచుకున్నాయి. ఫ్యాన్‌కు వేలాడుతున్న అనిల్‌ కుమార్‌ను కిందకు దించి చికిత్స నిమిత్తం జీజీహెచ్‌కు తరలించారు. పరీక్షించిన వైద్యులు అప్పటికే అతను మృతిచెందినట్లు నిర్ధారించారు. ఈ మేరకు మృతుడి తల్లి నారాయణమ్మ శుక్రవారం దర్గామిట్ట పోలీసులకు ఫిర్యాదు చేయగా వారు మృతదేహాన్ని మార్చురీకి తరలించి కేసు దర్యాప్తు చేస్తున్నారు.వన్యప్రాణులకు తాగునీటి ఏర్పాట్లు ఉదయగిరి: రిజర్వ్‌ ఫారెస్ట్‌ పరిధిలో వన్యప్రాణుల దాహార్తి తీర్చేందుకు నీటి తొట్లలో ట్యాంకర్ల ద్వారా నీరు నింపుతున్నట్లుగా జిల్లా అటవీ శాఖాధికారి మహబూబ్‌బాషా తెలిపారు. ‘వన్యప్రాణుల గొంతెండుతోంది’ అనే శీర్షికన శుక్రవారం సాక్షిలో కథనం ప్రచురితమైన విషయం తెలిసిందే. దీనికి ఆయన స్పందించారు. పెంచల నరసింహ వైల్డ్‌ లైఫ్‌ అటవీ ప్రాంతంలో ఇప్పటికే వన్యప్రాణులకు నీటివసతి కల్పించినట్లు తెలిపారు.

కందుకూరు: ఓ యువకుడు బాడీ బిల్డింగ్‌ పోటీల్లో విశేషంగా రాణిస్తున్నాడు. రాష్ట్ర, జాతీయ స్థాయిలో పాల్గొంటూ మిస్టర్‌ ఆసియా టైటిల్‌ అందుకోవడమే లక్ష్యంగా ముందుకు సాగుతున్నాడు. కందుకూరు పట్టణంలోని సంతోష్‌నగర్‌కు చెందిన షేక్‌ కరిముల్లా కుమారుడు షేక్‌ అలీమ్‌ ప్రస్తుతం ప్రకాశం ఇంజినీరింగ్‌ కాలేజీలో ఎంటెక్‌ మొదటి సంవత్సరం చదువుతున్నాడు. బీటెక్‌ చదివే రోజుల్లో జిమ్‌కు వెళ్లడం అలవాటు చేసుకున్నాడు. కొంతకాలానికి బాడీ బిల్డింగ్‌ పోటీలపై ఆసక్తి పెంచుకున్నాడు. 2018 నుంచి తీవ్ర కసరత్తు చేశాడు. 2020లో శ్రీకాకుళంలో జరిగిన రాష్ట్ర స్థాయిలో బాడీ బిల్డింగ్‌ పోటీల్లో పాల్గొన్న అలీమ్‌ 5వ స్థానంలో నిలిచాడు. తర్వాత హైదరాబాద్‌లో జరిగిన మిస్టర్‌ తెలంగాణ పోటీల్లో పాల్గొని టాప్‌ టెన్‌లో స్థానం సాధించాడు. 2023లో జరిగిన మిస్టర్‌ ఆంధ్రా పోటీల్లో పాల్గొని రాష్ట్ర స్థాయిలో రెండో స్థానాన్ని కై వసం చేసుకుని జాతీయ స్థాయి పోటీలకు అర్హత సాధించాడు. ఇటీవల ఉత్తరప్రదేశ్‌ రాష్ట్రంలోని లక్నోలో జరిగిన జాతీయపోటీల్లో దాదాపు 2,000 మంది పాల్గొనగా టాప్‌టెన్‌లో నిలిచాడు. ఆ టైటిల్‌ కోసం.. అలీమ్‌ మిస్టర్‌ ఆసియా పోటీల్లో పాల్గొని గోల్డ్‌మెడల్‌ సాధించి దేశానికి పేరు తేవడమే తన లక్ష్యమని చెబుతున్నాడు. దీని కోసం వచ్చే డిసెంబర్‌ లేదా 2026 ఏడాది ప్రారంభంలో జరిగే జాతీయ స్థాయి పోటీల్లో మరోసారి పాల్గొననున్నట్లు తెలిపాడు. దీని కోసం ప్రస్తుతం కఠోరమైన శిక్షణ తీసుకుంటున్నాడు. స్పోర్ట్స్‌ కోటాలో ఉద్యోగం సాధించాలంటే వరుసగా మూడుసార్లు జాతీయ స్థాయి పోటీల్లో పాల్గొని ఒకటి లేదా రెండో స్థానంలో నిలవాల్సి ఉందని, ఈ లక్ష్యాన్ని చేరడంతోపాటు, మిస్టర్‌ ఆసియా టైటిల్‌ సాధించేందుకు కష్టపడుతున్నట్లు చెప్పాడు. పోటీల కోసం కఠోర సాధన పోటీల కోసం అలీమ్‌ నెల్లూరులోని ఓ జిమ్‌ను ఎంపిక చేసుకున్నాడు. ఓ అంతర్జాతీయ కోచ్‌ రోజూ ఆన్‌లైన్‌లో ఇచ్చే సలహాలు, సూచనలు పాటిస్తున్నాడు. పోటీలకు సిద్ధమయ్యే క్రమంలో భిన్నమైన ఆహార అలవాట్లను పాటించాల్సి ఉంటుంది. ఈ క్రమంలో అలీమ్‌ ప్రతి నెలా తన ఆహారం కోసం పెద్దమొత్తంలో ఖర్చు చేయాల్సి వస్తోంది. అతనికి పేదరికం పెద్ద సవాల్‌గా మారింది. పోటీలకు శిక్షణ తీసుకోవడం అనేది ఖర్చుతో కూడుకున్న వ్యవహారం. కందుకూరులో కేబుల్‌ ఆపరేటర్‌గా పనిచేసే తండ్రి కరిముల్లాకు కుమారుడి శిక్షణకు అవసరమయ్యే మొత్తాన్ని భరించడం కష్టతరంగా మారింది. ఎవరైనా తనని స్పాన్సర్‌ చేయడానికి ముందుకొస్తే కచ్చితంగా అంతర్జాతీయ పోటీల్లో రాణిస్తానని ధీమా వ్యక్తం చేస్తున్నాడు. పోటీల్లో రాణిస్తున్న కందుకూరు యువకుడు 60 కేజీల విభాగంలో రాష్ట్ర, జాతీయ స్థాయిలో విశేష ప్రతిభ మిస్టర్‌ ఆసియా టైటిల్‌ అందుకోవడమే లక్ష్యం

● నల్లపరెడ్డి ప్రసన్నకుమార్‌ రెడ్డి కోవూరు: నియోజకవర్గంలో పార్టీ నేతలందరూ సమన్వయంతో ముందుకు సాగి పార్టీ బలోపేతానికి కృషి చేయాలని వైఎస్సార్‌సీపీ రాష్ట్ర అధికార ప్రతినిధి, కోవూరు మాజీ ఎమ్మెల్యే నల్లపరెడ్డి ప్రసన్నకుమార్‌రెడ్డి కోరారు. మండలంలోని పడుగుపాడు సొసైటీ మాజీ చైర్మన్‌ రామిరెడ్డి మల్లికార్జునరెడ్డి నివాసంలో శుక్రవారం పార్టీ నేతల సమన్వయ కమిటీ సమావేశం జరిగింది. ఆయన మాట్లాడుతూ ఇప్పటి వరకు జరిగిన పరిణామాలను దృష్టిలో పెట్టుకుని, ప్రతి ఒక్కరూ అందరిని కలుపుకుని రాబోయే రోజుల్లో పార్టీ బలోపేతానికి వ్యూహాత్మకంగా పని చేయాలని కోరారు. ప్రతి కార్యకర్తకు స్థానికంగా ఉండే మీరు భరోసా కల్పించాలన్నారు. ఏ ఒక్కరికీ అన్యాయం జరిగినా, ఇబ్బంది కలిగినా కమిటీ సభ్యులందరూ వెళ్లి అండగా నిలవాలన్నారు. రాబోయే రోజుల్లో అందరికీ మంచి భవిష్యత్‌ ఉంటుందన్నారు. ఇప్పటి వరకు కొన్ని పొరపాట్లు జరిగాయని, అలాంటివి ఇక మీదట జరగవన్నారు. ఎక్కడా పొరపాట్లు జరగకుండా తాను ఇకపై జాగ్రత్తలు తీసుకొంటానన్నారు. కమిటీ సభ్యుల నియామకం అత్తిపల్లి అనుప్‌రెడ్డి, పచ్చిపాల రాధాకృష్ణారెడ్డి, కవరగిరి శ్రీలత, శివుని నరసింహరెడ్డి, రామిరెడ్డి మల్లికార్జునరెడ్డి, నలుబోలు సుబ్బారెడ్డి, షేక్‌ జుబేర్‌, తాటిపర్తి విజయకుమార్‌ రెడ్డి, నీలపరెడ్డి హరిప్రసాద్‌రెడ్డి, భీమతాటి శ్రీధర్‌, యరటపల్లి మీరారెడ్డి, జెట్టి శ్యాంసుందర్‌రెడ్డి, కాటంరెడ్డి దినేష్‌రెడ్డిలను ఏకగ్రీవ తీర్మానంతో ప్రసన్నకుమార్‌రెడ్డి నియమించారు.

కావలి: నియోజకవర్గంలోని దగదర్తి మండల ప్రజా పరిషత్‌ ఉపాధ్యక్ష పదవికి జరగాల్సిన ఎన్నికను నిరవధికంగా వాయిదా వేస్తూ ఎన్నికల అధికారులు నిర్ణయాన్ని ప్రకటించారు. ఈ పదవికి గురువారం ఎన్నికలు నిర్వహించేందుకు షెడ్యూల్‌ ప్రకటించిన విషయం విదితమే. అయితే గురువారం ఎంపీటీసీ సభ్యులు రాకపోవడంతో శుక్రవారం నిర్వహించేందుకు మరోసారి షెడ్యూల్‌ ప్రకటించారు. అయితే శుక్రవారం సైతం ఎంపీటీసీ సభ్యులు ఎవరూ హాజరు కాపోవడంతో నిర్దిష్ట సమయం వరకు వేచి చూసిన ఎన్నికల నిర్వహణాధికారులు నిరవధికంగా వాయిదా వేస్తున్నట్లు ప్రకటించారు. మండలంలో 11 మంది ఎంపీటీసీ సభ్యులు ఉన్నారు. వీరిలో శ్రీరామపురం ఎంపీటీసీ సభ్యురాలు పీతల కామేశ్వరమ్మ గతంలో మండల ఉపాధ్యక్షురాలిగా ఉండేవారు. ఆమెకు ప్రభుత్వ ఉద్యోగం రావడంతో తన ఎంపీటీసీ, వైస్‌ ఎంపీపీ పదవులకు రాజీనామా చేశారు. దీంతో వైస్‌ ఎంపీపీ పదవికి గురువారం ఎన్నిక నిర్వహించడానికి రాష్ట్ర ఎన్నికల కమిషన్‌ ఏర్పాట్లు చేసింది. ఈ మేరకు నెల్లూరు పంచాయతీరాజ్‌ ఎగ్జిక్యూటివ్‌ ఇంజినీర్‌ బి.సుబ్బరాజును ఎన్నికల అధికారిగా, దగదర్తి ఎంపీడీఓ జి.వెంకటేశ్వర్లు సహాయ ఎన్నికల అధికారిగా నియమించింది. మొదటి రోజు ఎన్నికల షెడ్యూల్‌ సమయం 11 గంటల వరకు నిరీక్షించినా సమావేశ మందిరానికి ఎంపీటీసీలు ఒక్కరు కూడా రాలేదు. దీంతో ఎన్నికల అధికారి నిబంధనల ప్రకారం మరో గంట సమయాన్ని అదనంగా కేటాయించినా కోరం లేకపోవడంతో ఎన్నికను, శుక్రవారానికి వాయిదా వేశారు. రెండో రోజూ పరిస్థితి అలాగే ఉండడంతో నిరవధికంగా వాయిదా వేస్తున్నట్లు ప్రకటించారు. అల్లూరు, బిట్రగుంట ఎస్సైలు కె.కిశోర్‌బాబు, భోజ్యానాయక్‌ ప్రత్యేక పోలీసులతో కలిసి మండల ప్రజా పరిషత్‌ కార్యాలయ పరిసరాల్లో బందోబస్తు చర్యలు తీసుకున్నారు.

● కలెక్టరేట్‌ ఏఓ, జిల్లా కో ఆర్డినేటర్‌కు వినతిపత్రాల అందజేత నెల్లూరు (అర్బన్‌): ఎన్‌టీఆర్‌ వైద్యసేవ (ఆరోగ్యశ్రీ) ద్వారా రోగులకు చికిత్సలు అందించినప్పటికీ ప్రభుత్వం నిధులు విడుదల చేయకుండా ఇబ్బంది పెడుతున్న దృష్ట్యా ఏప్రిల్‌ 7వ తేదీ నుంచి జిల్లా వ్యాప్తంగా ఆరోగ్యశ్రీ ఎంపానెల్‌ కలిగిన ప్రైవేట్‌, కార్పొరేట్‌ నెట్‌వర్క్‌ ఆస్పత్రుల్లో వైద్యసేవలు బంద్‌ చేస్తున్నామని ఆంధ్రప్రదేశ్‌ స్పెషాలిటీ హాస్పిటల్స్‌ అసోసియేషన్‌ (ఆశా) రాష్ట్ర వైస్‌ ప్రెసిడెంట్‌, అరవింద్‌ కిడ్నీ ఆస్పత్రి అధినేత డాక్టర్‌ డాక్టర్‌ ఎస్‌వీఎల్‌ నారాయణరావు ప్రకటించారు. ఈ మేరకు ఆ సంఘ నాయకులు శుక్రవారం కలెక్టరేట్‌లో పరిపాలనాధికారి విజయకుమార్‌కు వినతిపత్రం అందజేశారు. డాక్టర్‌ నారాయణరావు మాట్లాడుతూ ఎన్‌టీఆర్‌ వైద్యసేవ కింద సుమారు రూ.3,500 కోట్లకు పైగా పెండింగ్‌ బకాయిలున్నాయన్నారు. ఆ నిధులు ప్రభుత్వం విడుదల చేయకపోవడంతో హాస్పిటల్స్‌ నిర్వహణ అత్యంత భారంగా మారిందన్నారు. అనంతరం ఆరోగ్యశ్రీ జిల్లా కో ఆర్డినేటర్‌ డాక్టర్‌ సుధీర్‌కుమార్‌ను ఆయన కార్యాలయంలో కలిసి వైద్యసేవలు బంద్‌ గురించి వినతి పత్రాన్ని అందజేశారు. ఈ కార్యక్రమంలో అసోసియేషన్‌ నాయకులు డాక్టర్‌ మురళీశంకర్‌రెడ్డి, డాక్టర్‌ హజరత్‌కుమార్‌, డాక్టర్‌ భాస్కర్‌, డాక్టర్‌ జీఎల్‌ అన్నపూర్ణ తదితరులు పాల్గొన్నారు. పార్కింగ్‌ ఫీజుల క్రమబద్ధీకరణ నెల్లూరు (బారకాసు): మల్టీ ఫ్లెక్స్‌లు, షాపింగ్‌ మాల్స్‌ల్లో వాహన పార్కింగ్‌ ఫీజులను ప్రభుత్వం క్రమబద్ధీకరించిందని, నెల్లూరు నగరపాలక సంస్థ పరిధిలో ఏప్రిల్‌ 1వ తేదీ నుంచి అమల్లోకి తీసుకు వస్తున్నట్లు కమిషనర్‌ సూర్యతేజ శుక్రవారం ఒక ప్రకటనలో తెలియజేశారు. ప్రభుత్వ తాజా నిర్ణయం ప్రకారం మల్టీ ఫ్లెక్స్‌లు, షాపింగ్‌ మాల్స్‌లో మొదటి 30 నిమిషాల వరకు పార్కింగ్‌ పూర్తిగా ఉచితమని తెలిపారు. 30 నిమిషాల నుంచి గంట వరకు పార్కింగ్‌ చేసిన వ్యక్తులు మల్టీ ఫ్లెక్స్‌లు, షాపింగ్‌ మాల్స్‌లో ఏదైనా వస్తువు కొన్నట్లుగా బిల్లు చూపిస్తే అలాంటి వారికి ఫీజులు వర్తించవని వెల్లడించారు. బిల్లు చూపించకపోతే అలాంటి వారి నుంచి పార్కింగ్‌ ఫీజు వసూలు చేయొచ్చని స్పష్టం చేశారు. గంటకుపైగా పార్కింగ్‌ చేసిన వాహన చోదకులు సినిమా టికెట్‌, ఇతరత్రా బిల్లులు చూపినట్లయితే ఉచితమని, ఆధారం చూపని వారి నుంచి ఫీజులు వసూలు చేయొచ్చన్నారు.

నెల్లూరు సిటీ: ఈవీఎంల గోడౌన్ల వద్ద పటిష్ట భద్రత ఏర్పాటు చేసి నిరంతరం నిఘా ఉంచాలని కలెక్టర్‌ ఆనంద్‌ అధికారులను ఆదేశించారు. నెల్లూరు ఆర్డీఓ కార్యాలయం ప్రాంగణంలో త్రైమాసిక తనిఖీల్లో భాగంగా శుక్రవారం ఈవీఎంల గోడౌన్లను రాజకీయ పార్టీల ప్రతినిధులతో కలిసి కలెక్టర్‌ పరిశీలించారు. గోడౌన్లలోని ఈవీఎంలు, వీవీ ప్యాట్లను రాజకీయ పార్టీల ప్రతినిధుల సమక్షంలో కలెక్టర్‌ పరిశీలించారు. ఈ కార్యక్రమంలో ఆర్డీఓ అనూష, తహసీల్దార్‌ షఫీమాలిక్‌, డీటీ అశోక్‌వర్ధన్‌ పలు రాజకీయ పార్టీ నాయకులు పాల్గొన్నారు. పదో తరగతి సోషల్‌ పరీక్ష 1కి వాయిదా నెల్లూరు(అర్బన్‌): ప్రస్తుతం జరుగుతున్న పదో తరగతి పరీక్షలకు సంబంధించి ఈ నెల 31న జరగాల్సిన సోషల్‌ స్టడీస్‌ పరీక్షను ప్రభుత్వ ఆదేశాల మేరకు ఏప్రిల్‌ 1వ తేదీకి వాయిదా వేసినట్లు జిల్లా విద్యాశాఖాధికారి బాలాజీ శుక్రవారం ఒక ప్రకటనలో తెలిపారు. విద్యార్థులు ఈ మార్పును గమనించాలని కోరారు. పది పరీక్షలకు 28,670 మంది హాజరు నెల్లూరు (అర్బన్‌): జిల్లాలో జరుగుతున్న పదో తరగతి పరీక్షలకు సంబంధించి శుక్రవారం సైన్సు పరీక్ష జరిగింది. 28, 970 మంది రెగ్యులర్‌ విద్యార్థులు హాజరు కావాల్సి ఉండగా 28,670 మంది హాజరయ్యారు. 300 మంది గైర్హాజరయ్యారు. ప్రైవేట్‌ విద్యార్థులు 130 మంది హాజరుకావాల్సి ఉండగా 110 మంది హాజరయ్యారు. 20 మంది గైర్హాజరయ్యారు. ఓపెన్‌ పరీక్షలకు 208 మంది గైర్హాజరు పదో తరగతి ఓపెన్‌ పరీక్షలకు సంబంధించి శుక్రవారం సోషల్‌ స్టడీస్‌ పరీక్ష జరిగింది. 1,506 మంది హాజరు కావాల్సి ఉండగా 1,298 మంది హాజరయ్యారు. మిగతా 208 మంది గైర్హాజరయ్యారు. వైద్యశాఖలో ఎల్‌టీ పోస్టుల భర్తీకి చర్యలు నెల్లూరు (అర్బన్‌): జిల్లా వైద్యారోగ్యశాఖ కార్యాలయ పరిధిలో ఖాళీగా ఉన్న ఏడు ల్యాబ్‌ టెక్నీషియన్‌ గ్రేడ్‌–2 పోస్టులను కాంట్రాక్ట్‌ పద్ధతిలో భర్తీ చేయనున్నామని డీఎంహెచ్‌ఓ సుజాత శుక్రవారం ఒక ప్రకటనలో తెలిపారు. అర్హులైన అభ్యర్థులు శనివారం నుంచి ఏప్రిల్‌ 4వ తేదీలోపు తమ దరఖాస్తులను డీఎంహెచ్‌ఓ కార్యాలయంలో అందజేయాలని కోరారు. ఆసక్తి ఉన్న అభ్యర్థులు నోటిఫికేషన్‌, ఇతర వివరాల కోసం ఎస్పీఎస్‌నెల్లూరు.ఏపీ.జీఓవీ.ఇన్‌/నోటీసు/రిక్రూట్‌మెంట్‌ అనే వెబ్‌సైట్‌లో పరిశీలించుకోవాలని సూచించారు. మాలకొండ హుండీల రాబడి రూ.82 లక్షలు వలేటివారిపాళెం: జిల్లాలో ప్రసిద్ధిగాంచిన మాలకొండ మాల్యాద్రి లక్ష్మీనరసింహస్వామి హుండీ లెక్కింపు శుక్రవారం నిర్వహించారు. 14 శనివారాలకు వచ్చిన హుండీ ఆదాయం లెక్కించగా రూ.82.44 లక్షలు వచ్చినట్లు ఈఓ కే సాగర్‌బాబు తెలిపారు. 178 గ్రాముల బంగారం, కేజీ ఐదు గ్రాముల వెండి, ఫారిన్‌ కరెన్సీ యూఎస్‌ డాలర్స్‌ 56, యూఏఈ దిర్హమ్‌ 200, ఉమన్‌ బైసా 700, ఓమన్‌ రియాల్‌ 8, ఇంగ్లాడ్‌ పౌండ్స్‌ 20, నేపాల్‌ కరెన్సీ రూ.50 వచ్చినట్లు తెలిపారు. ఈ హుండీ లెక్కింపునకు పర్యవేక్షణాధికారిగా వీవీఎల్‌ రవీంద్రనాథ్‌ వ్యవహరించారు.

నెల్లూరు(టౌన్‌): టీచర్‌ పోస్టుల కోసం దరఖాస్తు చేసుకున్న అభ్యర్థులతో అధికారులు ఆటలాడుకుంటున్నారు. పరీక్ష వాయిదాపై వారికి కనీసం సమాచారం ఇవ్వకపోవడంతో అభ్యర్థులు రూ.వేలు ఖర్చు పెట్టుకుని దూర ప్రాంతాల నుంచి నెల్లూరుకు వచ్చి ఇబ్బందులు పడ్డారు. తమకు జరిగిన అన్యాయంపై ఆవేదన వ్యక్తం చేశారు. ఎయిడెడ్‌ పాఠశాలల్లో పోస్టుల భర్తీ కోసం అధికారులు వ్యవహరిస్తున్న తీరుపై అభ్యర్థులు ఆందోళన వ్యక్తం చేస్తున్నారు. పరీక్ష వాయిదాపై తమకు ఎలాంటి సమాచారం లేదంటున్నారు. దీనిపై జిల్లా విద్యాశాఖాధికారులను అడిగినా నిర్లక్ష్యంగా సమాధానం చెబుతున్నారని వాపోతున్నారు. శుక్రవారం సుదూర ప్రాంతాల నుంచి వచ్చిన పలువురు అభ్యర్థులు నెల్లూరు పొట్టేపాళెంలో పరీక్ష కేంద్రమైన అయాన్‌ డిజిటల్‌ ఎదుట తమ హాల్‌టికెట్లతో నిరసన వ్యక్తం చేశారు. సమాచారం ఇవ్వకుండా.. కస్తూరిదేవి బాలికల ఉన్నత పాఠశాల, గూడూరులోని శ్రీపొట్టి శ్రీరాములు ప్రాథమిక ఎయిడెడ్‌ పాఠశాలల్లో ఉపాధ్యాయ పోస్టుల కోసం సుమారు 1,600 మందికి పైగా దరఖాస్తు చేసుకున్నారు. శుక్ర, శనివారాల్లో పరీక్షలు నిర్వహిస్తామని అభ్యర్థులకు విద్యాశాఖ అధికారులు మెసేజ్‌లు పంపారు. ఆ శాఖ వెబ్‌సైట్‌ నుంచి హాల్‌టికెట్లను డౌన్‌లోడ్‌ చేసుకోవాల్సిందిగా సూచించారు. అయితే పరీక్షను ఆన్‌లైన్‌లో నిర్వహణపై ఆయా ఎయిడెడ్‌ పాఠశాలల యాజమాన్యాలు హైకోర్టును ఆశ్రయించిన విషయం తెలిసిందే. దీంతో పరీక్ష నిర్వహణపై హైకోర్టు స్టే ఇచ్చింది. ఈ విషయంపై అభ్యర్థులకు జిల్లా విద్యాశాఖాధికారులు ఎలాంటి సమాచారం ఇవ్వలేదు. వాయిదాపై పత్రికా ప్రకటనలు ఇచ్చామని అధికారులు చెబుతున్నారు. శ్రీకాకుళం, అనంతపురం, కర్నూలు, హైదరాబాద్‌, బెంగళూరు, చైన్నె ప్రాంతాల్లో ఉంటున్న అభ్యర్థులకు వాయిదా విషయం తెలియకపోవడంతో నెల్లూరులోని పరీక్ష కేంద్రానికి చేరుకున్నారు. అక్కడి సిబ్బంది వారిని లోనికి పంపకపోవడంతో ఆందోళనతో జిల్లా విద్యాశాఖాధికారులను ఫోన్‌లో సంప్రదించారు. వారు నిర్లక్ష్యంగా సమాధానం చెప్పడంతో దూర ప్రాంతాల నుంచి వచ్చిన అభ్యర్థులు తీవ్ర ఆగ్రహం వ్యక్తం చేశారు. నిరాశతో అక్కడి నుంచి వెనుదిరిగారు. పరీక్ష వాయిదాపై సమాచారం ఇవ్వని విద్యాశాఖ సుదూర ప్రాంతాల నుంచి రాక వాయిదా పడిందని తెలుసుకుని నిరసన తెలిపిన వైనంఆశగా ఎదురు చూశాం పరీక్షలు జరిగి ఉపాధ్యాయ ఉద్యోగం వస్తుందనే ఆశతో ఎదురు చూశాం. ఎంతో దూరం నుంచి ఇబ్బంది పడుతూ నెల్లూరుకు వచ్చాం. ఇక్కడ పరీక్షను నిర్వహించలేదు. అధికారుల నిర్లక్ష్యంపై కఠిన చర్యలు తీసుకోవాలి. నిరుద్యోగుల జీవితాలతో ఆటలాడటం తగదు. టి.మేరీ, ప్రకాశం జిల్లా

ఆత్మకూరు రూరల్‌: జిల్లాలో ధాన్యం కొనుగోళ్లలో ఆర్భాటపు ప్రచారానికే పరిమితమైన ప్రభుత్వం, రైతులకు చేయూతనందించడంలో విఫలమైందని రైతు సంఘ రాష్ట్ర అధ్యక్షుడు కృష్ణయ్య ధ్వజమెత్తారు. పట్టణంలోని సీపీఎం కార్యాలయంలో గురువారం నిర్వహించిన రైతు సంఘ సమావేశానికి ముఖ్యఅతిథిగా హాజరైన ఆయన మాట్లాడారు. జిల్లాలో ఐదు లక్షల ఎకరాలకుపైగా వరి సాగైతే, 3.57 లక్షల ఎకరాలకే ఈ – క్రాప్‌ను నమోదు చేశారని ఆరోపించారు. జిల్లాలో 300 కొనుగోలు కేంద్రాలను ఏర్పాటు చేశామని ప్రకటించినా, చాలా చోట్ల గోతాలను సైతం ఏర్పాటు చేయకపోవడం ప్రభుత్వ వైఫల్యానికి పరాకాష్టగా అభివర్ణించారు. వాస్తవ పరిస్థితులను పరిశీలిస్తే ఇప్పటి వరకు కేవలం 50 వేల పుట్ల ధాన్యాన్నే కొనుగోలు కేంద్రాల ద్వారా సేకరించారని చెప్పారు. ప్రైవేట్‌ వ్యాపారులు ఎక్కువ మొత్తాన్ని ఇస్తుండటంతో, పది శాతం మంది రైతులే కొనుగోలు కేంద్రాల్లో ధాన్యం విక్రయానికి మొగ్గుచూపుతున్నారని చెప్పారు. రైతు సంఘ జిల్లా అధ్యక్షుడు శ్రీరాములు, ప్రధాన కార్యదర్శి మూలె వెంగయ్య, సహాయ కార్యదర్శులు శ్రీనివాసులు, జనార్దన్‌, ఉపాధ్యక్షుడు లక్కు కృష్ణప్రసాద్‌ తదితరులు పాల్గొన్నారు. గ్యాస్‌ సబ్సిడీ జమను పరిశీలించండి నెల్లూరు రూరల్‌: దీపం – 2 స్కీమ్‌ కింద లబ్ధిదారులకు సబ్సిడీ మొత్తం జమైందో లేదో పరిశీలించుకోవాలని జేసీ కార్తీక్‌ గురువారం ఒక ప్రకటనలో పేర్కొన్నారు. పోర్టల్‌ను ఓపెన్‌ చేసి లబ్ధిదారుల 17 అంకెల ఎల్పీజీ గ్యాస్‌ ఐడీ లేదా రేషన్‌కార్డు నంబర్‌ను నమోదు చేస్తే ఓటీపీ వస్తుందని, దీన్ని ఎంటర్‌ చేయడం ద్వారా సబ్సిడీ స్టేటస్‌ను తెలుసుకోవచ్చన్నారు.

నెల్లూరు రూరల్‌: అంగన్‌వాడీ కేంద్రాల్లో సేవలు పొందుతున్న తల్లీబిడ్డలపై మమకారం, వాత్సల్యం చూపాలని రాష్ట్ర మహిళా, శిశు సంక్షేమ శాఖ ప్రిన్సిపల్‌ సెక్రటరీ సూర్యకుమారి పేర్కొన్నారు. మహిళా శిశు సంక్షేమ శాఖపై కలెక్టర్‌ ఆనంద్‌తో కలిసి కలెక్టరేట్లోని తిక్కన ప్రాంగణంలో గురువారం నిర్వహించిన సమీక్ష సమావేశంలో ఆమె మాట్లాడారు. అంగన్‌వాడీ కేంద్రాల్లో తాగునీరు, విద్యుత్‌ సౌకర్యం, టాయ్‌లెట్ల నిర్వహణలో పురోగతి చూపాలని చెప్పారు. కేంద్ర ప్రభుత్వం గుర్తించిన సుపోషిత్‌ పంచాయతీల్లో నిబంధనలకు అనుగుణంగా అన్ని సదుపాయాలను కల్పిస్తే వాటికి గుర్తింపుతో పాటు రూ.లక్ష పారితోషికం లభించనుందని చెప్పారు. గర్భిణులకు నిర్దేశించిన పౌష్టికాహారాన్ని క్రమం తప్పకుండా అందించాలని ఆదేశించారు. పాఠశాల డ్రాపౌట్స్‌పై ప్రత్యేక దృష్టి సారించాలని సూచించారు. కనీసం పదో తరగతి పూర్తిచేసేలా అవగాహన కల్పించాలని పేర్కొన్నారు. గృహ హింస చట్టాన్ని పక్కాగా అమలు చేయాలన్నారు. ఆత్మసంతృప్తితో పనిచేయండి అంగన్‌వాడీ కార్యకర్తలు ఆత్మ సంతృప్తితో పనిచేయాలని కలెక్టర్‌ ఆనంద్‌ కోరారు. పిల్లల ఎత్తు, బరువును ఎప్పటికప్పుడు నమోదు చేయాలన్నారు. ఉదయగిరి కళాకారులతో ప్రత్యేకంగా తయారు చేయించిన చెక్క ఆట వస్తువులను ప్రిన్సిపల్‌ సెక్రటరీ సూర్యకుమారి తిలకించారు. రాష్ట్రంలోని అన్ని అంగన్‌వాడీ కేంద్రాలకు సరఫరా చేసేలా చూడాలని కలెక్టర్‌ కోరారు. అనంతరం బాలల న్యాయచట్టం పోస్టర్లను ఆవిష్కరించారు. కందుకూరు సబ్‌ కలెక్టర్‌ శ్రీపూజ, ఐసీడీఎస్‌ ఆర్జేడీ జయలక్ష్మి, పీడీ నిర్మలాదేవి, డీఆర్వో ఉదయభాస్కర్‌రావు, ఆర్డీఓలు అనూష, పావని, వంశీకృష్ణ, డీఎస్పీ సింధుప్రియ, హౌసింగ్‌ పీడీ వేణుగోపాల్‌ తదితరులు పాలొన్నారు. రాపూరులో రూ.1.41 కోట్ల దుర్వినియోగం నెల్లూరు (పొగతోట): రాపూరు మండలంలో సంఘబంధం, పొదుపు సంఘాల సభ్యులకు తెలియకుండా రూ.1.41 కోట్లను దుర్వినియోగం చేశారని డీఆర్డీఏ పీడీ నాగరాజకుమారి గురువారం ఒక ప్రకటనలో తెలిపారు. వీటిలో రూ.57 లక్షలను రికవరీ కింద జమ చేశామన్నారు. రూ.84 లక్షలను రికవరీ చేయాల్సి ఉందని చెప్పారు. దీనికి సంబంధించి ఏడుగురు సిబ్బందిపై చర్యలకు నిర్దేశించామని, వివరణ అనంతరం తదుపరి చర్యలు చేపడతామని తెలిపారు.

కావలి: రేషన్‌కార్డుదారులపై ఈ – కేవైసీ పిడుగు పడింది. పేదల గుర్తింపునకు ఈ కార్డునే ప్రామాణికంగా తీసుకుంటారు. ఈ తరుణంలో ఇందులో ఉన్న కుటుంబ సభ్యులందరూ ఈ నెలాఖరులోపు వేలిముద్రలు వేసే ప్రక్రియను పూర్తి చేయాలని సర్కార్‌ ప్రకటించింది. ఒకవేళ ఎవరైనా చేయించుకోలేకపోతే వారికి ఇతర సంక్షేమ పథకాలు అందకుండాపోయే ప్రమాదమూ లేకపోలేదు. ఉగాదిన ప్రారంభించనున్న పీ – 4 కార్యక్రమంలో తొలి ఎత్తు ఇదేననే విమర్శలు వ్యక్తమవుతున్నాయి. చేయించుకోలేదా.. సరుకులు బంద్‌ ఈ – కేవైసీని చేయించుకోకపోతే ఏప్రిల్‌ ఒకటి నుంచి సరుకులను పంపిణీ చేయరనే చర్చా నడుస్తోంది. సర్కార్‌ ఆదేశాల మేరకు ప్రభుత్వ పథకాలు పొందే ప్రతి ఒక్కరూ తమ వేలిముద్ర వేసే ఈ – కేవైసీ ప్రక్రియకు బుధవారం శ్రీకారం చుట్టారు. ఇప్పటి వరకు ఇది లేకపోయినా, సరుకులు సజావుగా అందేవి. అయితే ఇక నుంచి అలా కుదరదని, ప్రతి ఒక్కరూ చేయించుకోవాల్సిందేనని అధికారులు స్పష్టం చేశారు. కార్డుతో అనుసంధానం కాని వారి జాబితాలను సిద్ధం చేసి, డీలర్లకు ఆ సమాచారాన్ని అందజేస్తున్నారు. ఈ మేరకు జిల్లాలో దీన్ని చేయించుకోని ఐదేళ్ల నుంచి 60 ఏళ్లలోపు వారు రేషన్‌ షాపులకెళ్లి ఈ – పాస్‌ యంత్రంపై వేలిముద్ర వేసి, డీలర్‌ లాగిన్‌లో ఈ – కేవైసీని పూర్తి చేసుకోవాలని చెప్తున్నారు. గ్రామ, వార్డు సచివాలయాల్లోనూ అందుబాటులో ఉందని పేర్కొంటున్నారు. క్షేత్రస్థాయిలో పర్యటనలు ఇప్పటికే గ్రామ / వార్డు సచివాలయాల్లో విధులు నిర్వర్తిస్తున్న సిబ్బంది తమ పరిధిలో క్షేత్రస్థాయి పర్యటనలు చేస్తూ.. ఈ – కేవైసీ కోసం వేలిముద్రలు సేకరిస్తున్నారు. ఫలితంగా ఇతర ప్రాంతాల్లో ఉంటున్న చిరుద్యోగులు, కూలీ పనులు చేసుకునే వారు దీనికి దూరమవుతున్నారు. ఈ కసరత్తుతో రేషన్‌కార్డులకు భారీగా కోత పడే అవకాశాలు కనిపిస్తున్నాయి. ఒకవేళ ప్రక్రియ జరగకపోతే సదరు రేషన్‌కార్డు రద్దు జాబితాలో చేరే అవకాశం ఉంది. కూటమి ప్రభుత్వం వచ్చేనాటికి 7,33,520 ప్రస్తుతం ఉన్నవి 7,21,567 కోతకు గురైనవి 11,953 ప్రతి నెలా సరుకుల పంపిణీ తీరిదీ.. (టన్నుల్లో) బియ్యం – 10,500 కందిపప్పు – 700 చక్కెర – 340 వేలిముద్రలను నాలుగు రోజుల్లో సేకరించాల్సిందే కుటుంబంలోని అందరూ రావాలని హుకుం 31లోపు ప్రక్రియ పూర్తి చేయాలని ఆదేశం పేదలపై కూటమి ప్రభుత్వ కన్నెర్ర నెలాఖరుకు పూర్తి చేయాల్సిందే జిల్లాలో రేషన్‌్‌ కార్డుల లబ్ధిదారుల ఈ – కేవైసీ ప్రక్రియను ఈ నెలాఖరుకు ఎట్టి పరిస్థితుల్లో పూర్తి చేయాల్సిందే. గ్రామ, వార్డు సచివాలయాలు, రేషన్‌ డీలర్ల వద్దకెళ్లి చేయించుకోవాలి. దీన్ని వేగవంతంగా పూర్తి చేయా లని ఆదేశాలు జారీ చేశాం. – డి.అంకయ్య, జిల్లా పౌరసరఫరాల శాఖ అధికారి

ప్రలోభాల ఎర.. గత స్థానిక సంస్థల ఎన్నికల్లో ఓటర్ల తిరస్కరణకు గురై పెద్ద సున్నాకే పరిమితమైన టీడీపీ.. ప్రస్తుతం అధికార మదంతో విలువలకు పాతరేసి.. ప్రలోభాలను ఎరవేసి ఎంపీపీ స్థానాన్ని దక్కించుకుంది. స్థానిక ఎంపీడీఓ కార్యాలయంలో గురువారం నిర్వహించిన ఎన్నికల్లో ఇలా ఎంపీపీ పదవిని దక్కించుకొని ప్రజా తీర్పును అపహాస్యం చేసింది. ఎంపీటీసీలు వారి స్వలాభం కోసం.. అందలమెక్కించిన తమను నిలువునా మోసం చేశారనే భావన ప్రజల్లో వ్యక్తమవుతోంది. దగదర్తి వైస్‌ ఎంపీపీ ఎన్నిక నేటికి వాయిదా కావలి: దగదర్తి వైస్‌ ఎంపీపీ పదవికి గురువారం నిర్వహించాల్సిన ఎన్నిక శుక్రవారానికి వాయిదా పడింది. మండలంలో 11 మంది ఎంపీటీసీలు ఉండగా, వీరిలో శ్రీరామపురం ఎంపీటీసీ సభ్యురాలు పీతల కామేశ్వరమ్మ వైస్‌ ఎంపీపీగా ఉండేవారు. మండలంలోని చెన్నూరు సచివాలయంలో విలేజ్‌ వెటర్నరీ అసిస్టెంట్‌గా ఉద్యోగం రావడంతో తన పదవులకు ఆమె రాజీనామా చేశారు. మండలంలో ప్రస్తుతం పది మంది ఎంపీటీసీలకు గానూ ఎంపీపీ, ఒక వైస్‌ ఎంపీపీ ఉన్నారు. ఖాళీ అయిన రెండో వైస్‌ ఎంపీపీని మిగిలిన ఎనిమిది మంది ఎన్నుకోవాల్సి ఉంది. ఈ తరుణంలో ఎంపీడీఓ కార్యాలయంలోని సమావేశ మందిరంలో ఎన్నికను నిర్వహించేందుకు రంగం సిద్ధం చేశారు. దీనికి ఎన్నికల అధికారులుగా పంచాయతీరాజ్‌, నెల్లూరు ఈఈ సుబ్బరాజు, ఎంపీడీఓ వెంకటేశ్వర్లు హాజరయ్యారు. ఉదయం 11 గంటలు దాటినా ఎంపీటీసీలెవరూ హాజరుకాలేదు. మరో గంటను అదనంగా కేటాయించినా, ఇదే పరిస్థితి ఏర్పడింది. దీంతో కోరం లేకపోవడంతో ఎన్నికను శుక్రవారానికి వాయిదా వేస్తున్నామని ప్రకటించారు. కావలి రూరల్‌ సీఐ పాపారావు ఆధ్వర్యంలో దగదర్తి ఎస్సై జంపానికుమార్‌ తదితరులు బందోబస్తు చర్యలు చేపట్టారు. ధనాన్ని వెదజల్లి ఎంపీపీ స్థానాన్ని దక్కించుకున్న టీడీపీ ● నాడు తిరస్కరణకు గురై.. సున్నాకే పరిమితం ● ఓట్లేసిన ప్రజలను వంచించిన ఎంపీటీసీలు విడవలూరు: మూడున్నరేళ్ల క్రితం నిర్వహించిన ఎంపీటీసీ ఎన్నికల్లో ఒక్క స్థానాన్నీ దక్కించుకోలేక టీడీపీ చతికిలపడింది. ప్రజాతీర్పుతో కళ్లుబైర్లు కమ్మి.. తమ స్థానమేమిటో తెలుసుకున్న ఆ పార్టీ నేడు అధికార బలంతో విర్రవీగి వైఎస్సార్‌ కాంగ్రెస్‌ పార్టీ మద్దతుతో గెలుపొందిన ఏడుగురు ఎంపీటీసీలను ప్రలోభాలకు గురిచేసి.. అభివృద్ధిని చూసి తమ వెంట వచ్చారంటూ ఊదరగొట్టి ఎంపీపీ స్థానాన్ని దక్కించుకుంది. స్థానిక ఎంపీడీఓ కార్యాలయంలో గురువారం నిర్వహించిన ఈ ఎన్నిక వింత రాజకీయాలకు వేదికై ంది. ఈ పరిణామాలను చూసి ప్రజలు నివ్వెరబోయారు. నాడిలా.. 2021లో నిర్వహించిన స్థానిక సంస్థల ఎన్నికల్లో మండలంలోని 14 ఎంపీటీసీ స్థానాలకు గానూ 12 స్థానాలను వైఎస్సార్సీపీ, మిగిలిన రెండింటిని సీపీఎం దక్కించుకున్నాయి. విడవలూరుకు చెందిన వేణుంబాక భవానమ్మను ఎంపీపీగా ఎన్నుకున్నారు. అయితే ఈ ఏడాది జనవరి 29న అనారోగ్యంతో ఆమె మృతి చెందారు. తదనంతరం అదే పార్టీ మద్దతుదారైన ముదివర్తికి చెందిన కాయల సౌందర్య ఇన్‌చార్జి ఎంపీపీగా వ్యవహరిస్తూ వచ్చారు. పచ్చ కండువాలు కప్పి.. గతేడాది నిర్వహించిన శాసనసభ ఎన్నికల్లో వైఎస్సార్సీపీకి చెందిన కొందరు నేతలు టీడీపీ పంచన చేశారు. వీరితో పాటు ఇద్దరు ఎంపీటీసీలూ పచ్చ కండువా కప్పుకొన్నారు. మారిన రాజకీయ పరిణామాలతో ఊటుకూరుకు చెందిన ఏకుల శేషమ్మను తమ అభ్యర్థిగా ప్రకటించారు. దీనికి వైఎస్సార్సీపీ మద్దతుదారులు, ఇద్దరు సీపీఎం ఎంపీటీసీల మద్దతూ లభించింది. దీంతో వీరు చూపు మిగిలిన వైఎస్సార్సీపీ ఎంపీటీసీలపై పడింది. వీరిని అనేక రకాలుగా ప్రలోభాలకు గురిచేశారు. రాత్రికి రాత్రే.. ఈ క్రమంలో బుధవారం రాత్రికి రాత్రే మండలంలోని ఐదుగురు ఎంపీటీసీల ఇళ్ల వద్దకు కార్లు రావడం.. ఫోన్లు స్విచ్ఛాఫ్‌ అయిపోవడం వెనువెంటనే జరిగిపోయాయి. మరోవైపు ఎంపీపీ పదవి టీడీపీ కై వసం అనే మెసేజ్‌ను విడవలూరు మండలాధికారులు అనే వాట్సాప్‌ గ్రూపులో టీడీపీ జెడ్పీటీసీ అభ్యర్ధిగా పోటీ చేసిన బాలకృష్ణ అనే వ్యక్తి పోస్ట్‌ చేయడం చర్చకు దాతీసింది. అదృశ్యమై.. ఎన్నికకు ముందు ప్రత్యక్షం కనిపించకుండా పోయిన ఎంపీటీసీలు, మరికొందరు స్థానిక తహసీల్దార్‌ కార్యాలయం వద్దకు టీడీపీ నేతలతో కలిసి చేరుకున్నారు. అక్కడి నుంచి ర్యాలీగా ఎంపీడీఓ కార్యాలయం వద్దకు చేరుకొని, ఏకుల శేషమ్మను ఎంపీపీగా ఎన్నుకున్నారు. దీంతో కోరం పూర్తయిందని అధికారులు వెల్లడించారు. పీఆర్‌ డీఈఈ మోహన్‌రావు, జెడ్పీ సీఈఓ విద్యారమ, ఎంపీడీఓ నగేష్‌కుమారి, తహసీల్దార్‌ చంద్రశేఖర్‌ తదితరులు పాల్గొన్నారు. విలువలకు కట్టుబడిన నలుగురు టీడీపీ నేతలు ఎన్ని ప్రలోభాలకు గురిచేసినా, నలుగురు ఎంపీటీసీలు లొంగలేదు. తమకు అవకాశమిచ్చిన వైఎస్సార్సీపీకి.. నమ్మి గెలిపించిన ప్రజలకు ద్రోహం చేయకుండా విలువలకు కట్టుబడి పలువురి ప్రశంసలను అందుకున్నారు. ఇది తీసుకొని.. మాకు జై కొట్టండి..ఏకపక్షంగా.. పొదలకూరు: మండలంలోని తాటిపర్తి పంచాయతీ ఉప సర్పంచ్‌ ఎన్నిక ప్రశాంతంగా జరిగింది. వైఎస్సార్‌ కాంగ్రెస్‌ పార్టీ మద్దతు వార్డు సభ్యులు పాల్గొనకపోవడంతో ప్రక్రియను ఏకపక్షంగా పూర్తి చేశారు. తాటిపర్తి సమస్యాత్మక గ్రామం కావడంతో నెల్లూరు రూరల్‌ డీఎస్పీ శ్రీనివాసరావు ఆధ్వర్యంలో 144 సెక్షన్‌ను విధించారు. పంచాయతీ మూడో వార్డు సభ్యురాలు కర్పూరం పెంచలలక్ష్మమ్మ ఏకగ్రీవంగా ఎన్నికయ్యారు. వాస్తవానికి ఇక్కడ మొత్తం 14 వార్డులుండగా, టీడీపీ మద్దతుదారులు ఐదుగురున్నారు. ఇటీవల టీడీపీ శిబిరంలో ముగ్గురు చేరడంతో వారి బలం పెరిగింది. దీంతో పెంచలలక్ష్మమ్మ ఎన్నిక ఏకగ్రీవమైంది. బందోబస్తును పొదలకూరు సీఐ శివరామకృష్ణారెడ్డి, ఎస్సై హనీఫ్‌ ఆధ్వర్యంలో ఏర్పాటు చేశారు. ఎన్నిక ప్రక్రియను పంచాయతీ ఇన్‌చార్జి సెక్రటరీ సురేష్‌ నిర్వహించారు.

● మాజీ మంత్రి కాకాణి గోవర్ధన్‌రెడ్డి నెల్లూరు (స్టోన్‌హౌస్‌పేట): అక్రమ కేసులను ధైర్యంగా ఎదుర్కొంటానే తప్ప భయపడే ప్రసక్తే లేదని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి పేర్కొన్నారు. డైకస్‌ రోడ్డులోని తన క్యాంప్‌ కార్యాలయం వద్ద విలేకరులతో గురువారం ఆయన మాట్లాడారు. తన నివాసం వద్ద నాలుగు రోజులుగా రేయింబవళ్లూ తన కోసం రక్షణగా నిలిచిన పార్టీ శ్రేణులను చూస్తే గర్వంగా ఉందని చెప్పారు. కార్యకర్తలకు అన్యాయం జరిగితే సంఘటితంగా అందరూ నిలబడతామనే స్ఫూర్తి నింపిన పార్టీ జిల్లా శ్రేణులకు హ్యాట్సాఫ్‌ చెప్పారు. కూటమి ప్రభుత్వం ఎన్ని కుట్రలు, కుతంత్రాలు పన్ని.. అక్రమ కేసులు బనాయించి జైలుకు పంపాలని చూస్తే ప్రజలు తిరగబడి రోడ్లపైకి వస్తారన్నారు. తనపై మోపిన అక్రమ కేసు విషయంలో ఇది రుజువైందని చెప్పారు. పోలీసులు రోజుకొకర్ని తీసుకొచ్చి తప్పుడు కేసులు నమోదు చేసే పనిలో నిమగ్నమై ఉన్నారని ఎద్దేవా చేశారు. పోలీస్‌ వ్యవస్థ పక్షపాతంగా వ్యవహరిస్తున్నా, న్యాయస్థానాల ద్వారా న్యాయం జరుగుతుందనే నమ్మకం తనకు ఉందని చెప్పారు. కూటమి ప్రభుత్వాన్ని ప్రశ్నిస్తే అక్రమ కేసులు బనాయిస్తామంటున్నారని, ఈ ఉడత బెదిరింపులకు భయపడేవారెవరూ లేరని చెప్పారు. తనకు అండగా నిలిచిన రాష్ట్ర, జిల్లా నేతలు, కార్యకర్తలు, సర్వేపల్లి నియోజకవర్గ ప్రజానీకానికి కృతజ్ఞతలను తెలియజేశారు. కాకాణితో ప్రసన్న భేటీ కాకాణి గోవర్ధన్‌రెడ్డితో మాజీ మంత్రి నల్లపరెడ్డి ప్రసన్నకుమార్‌రెడ్డి, సూళ్లూరుపేట మాజీ ఎమ్మెల్యే కిలివేటి సంజీవయ్య, డీసీఎమ్మెస్‌ మాజీ చైర్మన్‌ వీరి చలపతిరావు తదితరులు భేటీ అయ్యారు. భారీగా మోహరించిన కార్యకర్తలు కాకాణి గోవర్ధన్‌రెడ్డిని అరెస్ట్‌ చేస్తారనే ప్రచారంతో ఆయన ఇంటి వద్ద నేతలు, కార్యకర్తలను గురువారం రాత్రి భారీగా మోహరించారు. అక్రమ కేసులో తమ నాయకుడ్ని అరెస్ట్‌ చేస్తే ఊరుకునేదిలేదని నినాదాలు చేశారు. అర్ధరాత్రి అరెస్ట్‌ చేస్తారనే సంకేతాలతో డైకస్‌రోడ్డు ప్రాంతంలో ఉద్రిక్త వాతావరణం నెలకొంది. పొద్దుపోయాక కాకాణి నివాసానికి ఆయా గ్రామాల నుంచి కార్యకర్తలు చేరుకుంటున్నారు.

జిల్లాలో సుమారు 20,04,581 మంది ఉండగా, వీరిలో 18,03,661 మంది ఈ– కేవైసీని నమోదు చేసుకొని ఉన్నారు. మిగిలిన 2,00,920 మంది ఇంకా చేసుకోవాల్సి ఉంది. వాస్తవానికి ప్రతి నెలా ఒకటి నుంచి 17 వరకే రేషన్‌ సరుకులను ఇస్తారు. ఈ తరుణంలో తమకు అనువైన తేదీలను లబ్ధిదారులు ఎంపిక చేసుకొని ఆ రోజుల్లో వీటిని పొందుతారు. నెలాఖరులో ఈ వ్యవహారాన్నే అసలు పట్టించుకోరు. ఈ క్రమంలో రానున్న నాలుగు రోజుల్లో వీరందరికీ సమాచారమిచ్చి, ప్రక్రియను జరపడం ఎంత వరకు సాధ్యమనే అనుమానం వ్యక్తమవుతోంది.

●నీటిని నింపుతున్నాం పెంచల నరసింహా వైల్డ్‌ లైఫ్‌ ప్రాంతంలో వన్యప్రాణులకు నీటి వసతి కల్పిస్తున్నాం. 400 తొ ట్టెల్లో ట్యాంకర్ల ద్వారా నీటిని నింపుతున్నాం. వన్యప్రాణులు గ్రామాల్లోకి రాకుండా చర్యలు తీసుకుంటున్నాం. మిగతా రేంజ్‌ పరిధిలో నీటి తొట్టెల్లేవు. ఆ ప్రాంతంలో వాననీరు కుంటల్లో నిల్వ ఉండేలా ప్రయత్నం చేశాం. అటవీ ప్రాంతంలో ఉండే జంతువులు, అరుదైన వృక్ష సంపదను కాపాడుకోవాల్సిన బాధ్యత ప్రతి ఒక్కరిపై ఉంది. అటవీ ప్రాంతంలో గడ్డికి నిప్పు అంటించడం నేరం. అలాంటి వారిపై చర్యలు తీసుకుంటాం. – మహబూబ్‌బాషా, జిల్లా అటవీ శాఖాధికారి వేసవి తాపం పెరిగిపోయింది. గతేడాది కంటే ఈసారి ఉష్ణోగ్రతలు అధికంగా ఉంటాయని వాతావరణ శాఖ ఇప్పటికే ప్రకటించింది. మండుతున్న ఎండలతో వన్యప్రాణులు జీవన్మరణ పోరాటం చేయాల్సిన పరిస్థితి ఏర్పడింది. అడవిలో సహజ సిద్ధంగా ఉండే కుంటల్లో నీటి నిల్వలు లేక దాహార్తి తీర్చుకునేందుకు ప్రాణులు గ్రామాల వైపు వచ్చి మృత్యువాత పడుతున్నాయి. వేసవి దృష్ట్యా అటవీ శాఖాధికారులు తగిన చర్యలు తీసుకోవాల్సిన అవసరముంది. ఉదయగిరి: జిల్లాలో ఉన్న రిజర్వ్‌ ఫారెస్ట్‌ వన్యప్రాణులకు నిలయం. ముఖ్యంగా పెంచలకోన, ఆత్మకూరు, ఉదయగిరి అటవీ ప్రాంతాల్లో అరుదైన జంతు, వృక్ష సంపద ఉంది. ఈ ప్రాంతంలో వన్యప్రాణుల సంరక్షణకు అటవీ శాఖ అధికారులు ప్రత్యేక చర్యలు తీసుకోవాల్సిన అవసరం ఉంది. వేసవిలో దాహార్తి తీర్చేందుకు అటవీ ప్రాంతంలో ఉండే మడుగులు, చలమల్లో నీటి నిల్వలు అడుగుంటాయి. దీంతో వన్యప్రాణులు నీటి కోసం జనావాసాల వైపు పరుగులు తీస్తున్నాయి. కొన్ని సందర్భాల్లో ప్రమాదాలకు గురై ప్రాణాలు కోల్పోతున్నాయి. తాగునీటి వనరులను అందుబాటులో ఉంచేందుకు ప్రత్యేక చర్యలు తీసుకోవాల్సిన అవసరం ఎంతైనా ఉంది. అటవీ ప్రాంతం ఇలా.. నెల్లూరు, తిరుపతి, వైఎస్సార్‌ కడప, ప్రకాశం జిల్లాల సరిహద్దులు ఆనుకుని సుమారు 5.40 లక్షల ఎకరాల్లో అటవీ ప్రాంతం విస్తరించి ఉంది. పెంచలకోన అటవీ ప్రాంతానికి అనుసంధానంగా ఉన్న ఆత్మకూరు, ఉదయగిరి అటవీ రేంజ్‌ పరిధిలో పులులు, చిరుతలు, జింకలు, దుప్పులు, నెమళ్లు, కుందేలున్నాయి. ఎలుగుబంట్లు, తోడేళ్లు, నక్కలు, ఉడుములు, కణుతులు కూడా ఉన్నాయి. వేసవిలో ఇబ్బందులు వేసవి వచ్చింటే అటవీ ప్రాంతంలో ఉండే జలాలు పూర్తిగా ఎండిపోతాయి. దీంతో ప్రాణులు నీటి కోసం అటవీ ప్రాంతం వదలి మైదానాల వైపు పరుగులు తీస్తాయి. ఈ క్రమంలో నెల్లూరు – బద్వేలు, కావలి – సీతారామపురం, ఉదయగిరి – నందవరం తదితర రహదారులు, గ్రామాల వైపు వెళ్తున్నాయి. ఈ క్రమంలో కొన్ని వేటగాళ్ల బారిన పడుతున్నాయి. కొంతమంది నాటు తుపాకులు, నాటు బాంబులు, పేలుడు పదార్థాలు ఉపయోగించి మట్టుబెడుతున్నారు. మరికొన్ని రోడ్డు ప్రమదాల బారిన పడి మృత్యవాత పడుతున్నాయి. ప్రత్యేక చర్యలు అవసరం వేసవి కాలం ప్రారంభమై ఎండలు తీవ్రంగా ఉన్నాయి. ఉష్ణోగ్రతలు రోజురోజుకూ పెరుగుతున్నాయి. మనుషులే ఇబ్బంది పడుతున్న నేపథ్యంలో వన్యప్రాణుల పరిస్థితి ప్రత్యేకంగా చెప్పాల్సిన అవసరం లేదు. నీటి కోసం వన్యప్రాణులు అటవీ ప్రాంతం వదిలి రాకుండా ప్రత్యేక చర్యలు చేపట్టాలి. ఏప్రిల్‌, మే నెలల్లో ఎండలు, వడగాల్పుల తీవ్రత గతంలో కంటే ఎక్కువగా ఉండే అవకాశం ఉన్నందున అధికారులు ఏర్పాట్లపై దృష్టి సారించాలి. నిధులు సక్రమంగా ఖర్చు చేసి కుంటల్లో నీరు నిల్వ చేయాలి. ట్యాంకర్లతో తొట్టెల్లో నీరు నింపాలి. అసరమైతే నీటి కుంటలు మరికొన్ని ఏర్పాటు చేయాలి. సహజ సిద్ధంగా ఉన్న కుంటల్లో నీరుండేలా చర్యలు చేపట్టాలి. దీంతో పులులు, జింకలు, చిరుతలు, దుప్పలు తదితర వన్యప్రాణులు అక్కడకి వచ్చి నీరు తాగుతాయి. గ్రామాలవైపు వచ్చే అవసరం ఉండదు. సంరక్షణకు.. అడవులు, వన్యప్రాణుల సంరక్షణ కోసం అటవీ ప్రాంతం అనుకుని ఉన్న గ్రామాల్లో ఆ శాఖ అధికారులు కార్యక్రమాలు చేపడుతున్నారు. ముఖ్యంగా వేసవిలో అడవుల్లో అగ్నిప్రమాదాలు ఎక్కువగా జరుగుతుంటాయి. ఇటీవల ఉదయగిరి ప్రాంతంలో అడవుల్లో అగ్నిప్రమాదాలు జరిగిన ఘటనలున్నాయి. దీని నివారణకు కళాజాతా బృందాలతో అధికారులు అవగాహన కార్యక్రమాలు నిర్వహిస్తున్నారు. అడవుల్లో అడుగంటిన నీటి నిల్వలు దాహార్తితో గ్రామాల్లోకి వన్యప్రాణులు మృత్యవాత పడుతున్న వైనం రాబోయే రోజుల్లో సమస్య మరింత జటిలం ప్రత్యామ్నాయంపై దృష్టి అవసరం

వెంకటాచలం: మండలంలోని చెముడుగుంట సమీపంలో ఉన్న జిల్లా జైల్లో గురువారం న్యాయ విజ్ఞాన సదస్సు నిర్వహించారు. జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి కె.వాణి విచ్చేసి ఖైదీల యోగక్షేమాలు అడిగి తెలుసుకున్నారు. భోజన వసతి, వైద్య సదుపాయాల గురించి ఆరాతీశారు. లాయర్‌ లేనివారికి ఉచితంగా ఆ సౌకర్యం ఏర్పాటు చేస్తామన్నారు. జిల్లా జైల్లో పారా లీగల్‌ వలంటీర్‌ను నియమించడం జరిగిందని, వారి ద్వారా సమస్యలపై అర్జీలు సమర్పిస్తే పరిష్కరిస్తామన్నారు. కార్యక్రమంలో జైలు సూపరింటెండెంట్‌ వెంకటేశ్వరరావు తదితరులు పాల్గొన్నారు. ‘మీరు దగ్గరుంటే ఈత రాదు’ ● కుమార్తెకు స్విమ్మింగ్‌ నేర్పించేందుకు తీసుకెళ్లిన తల్లిదండ్రులు ● వారిని పంపించేసిన నిర్వాహకులు ● స్విమ్మింగ్‌పూల్లో బాలిక మృతి ● ఏసీ సుబ్బారెడ్డి స్పోర్ట్స్‌ కాంప్లెక్స్‌లో ఘటన నెల్లూరు(క్రైమ్‌): స్విమ్మింగ్‌పూల్‌ నిర్వహణలో సరైన జాగ్రత్తలు తీసుకోకపోవడంతో ఈత నేర్చుకుంటుండగా ప్రమాదవశాత్తు బాలిక మృతిచెందిన ఘటన నెల్లూరులోని ఏసీ సుబ్బారెడ్డి స్పోర్ట్స్‌ కాంప్లెక్స్‌లో గురువారం చోటుచేసుకుంది. పోలీసుల కథనం మేరకు.. నెల్లూరు జీవీఆర్‌ఆర్‌ కళాశాల సమీపంలోని సప్తగిరి లేఅవుట్‌లో వంశీకృష్ణ, ఆదిలక్ష్మి దంపతులు నివాసం ఉంటున్నారు. వారికి కుమార్తె, కుమారుడున్నారు. కుమార్తె మనస్వి (9) వెంకటాచలంలోని ఓ స్కూల్లో నాలుగో తరగతి చదువుతోంది. బాలికకు ఈత నేర్పించేందుకు తల్లిదండ్రులు బుధవారం స్పోర్ట్స్‌ కాంప్లెక్స్‌లో ఫీజు చెల్లించారు. గురువారం సాయంత్రం మనస్విని స్విమ్మింగ్‌పూల్‌ వద్దకు తీసుకెళ్లారు. మీరు దగ్గరుంటే నేర్చుకోలేరని సిబ్బంది తల్లిదండ్రులను పంపివేశారు. ఈ క్రమంలో స్విమ్మింగ్‌పూల్లో ఏమైందో తెలియదు గానీ సాయంత్రం 6.30 గంటలకు సిబ్బంది మనస్వి తల్లిదండ్రులకు ఫోన్‌ చేశారు. ఈత నేర్చుకుంటుండగా బాలికకు ఫిట్స్‌ వచ్చాయని, శ్వాస తీసుకోలేకపోవడంతో బొల్లినేని ఆస్పత్రికి తీసుకెళుతున్నామని చెప్పారు. వంశీకృష్ణ, ఆదిలక్ష్మి వెంటనే ఆస్పత్రికి వెళ్లేసరికి కుమార్తె మృతిచెంది ఉంది. సిబ్బంది నిర్లక్ష్యం, పూల్‌ వద్ద సరైన జాగ్రత్తలు తీసుకోకపోవడం వల్లే తమ కుమార్తె మృతిచెందిందని తల్లిదండ్రులు ఆరోపించారు. ఈ మేరకు వారు దర్గామిట్ట పోలీసులకు ఫిర్యాదు చేశారు. పోలీసులు హాస్పిటల్‌కు చేరుకుని మృతదేహాన్ని పరిశీలించి కేసు దర్యాప్తు చేస్తున్నారు. రాష్ట్ర కమిటీల్లో జిల్లా నేతలకు చోటునెల్లూరు(స్టోన్‌హౌస్‌పేట): వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ఆదేశాల మేరకు జిల్లాకు చెందిన నేతలకు రాష్ట్ర అనుబంధ విభాగాల్లో చోటు దక్కింది. ఈ మేరకు పార్టీ కేంద్ర కార్యాలయం గురువారం ఉత్తర్వులు జారీ చేసింది. రైతు విభాగం అఫిషియల్‌ స్పోక్స్‌పర్సన్‌గా బట్టేపాటి నరేంద్రరెడ్డి, సెక్రటరీగా దువ్వూరు చంద్రశేఖర్‌రెడ్డి, జాయింట్‌ సెక్రటరీలుగా కర్తం శ్రీనివాసులురెడ్డి, కర్తం సురేంద్రరెడ్డి, ఎస్సీ సెల్‌ సెక్రటరీగా కొండా వెంకటేశ్వర్లు, జాయింట్‌ సెక్రటరీలుగా స్వర్ణా వెంకయ్య, కుందుర్తి శ్రీనివాసులు, బద్దేపూడి రవీంద్ర, మందా రవికుమార్‌, వలంటీర్స్‌ వింగ్‌ జనరల్‌ సెక్రటరీగా కుంచాల సవీంద్రరెడ్డి, సెక్రటరీగా పీర్ల పార్థసారథి, జాయింట్‌ సెక్రటరీగా ఈపూరు రజనీకాంత్‌రెడ్డి, బూత్‌ కమిటీల వింగ్‌ జనరల్‌ సెక్రటరీగా యనమాల భగవాన్‌, జాయింట్‌ సెక్రటరీలుగా ఎ.రాజశేఖరరెడ్డి, గణేషం గంగిరెడ్డి, మొలకల శ్రీనివాసులురెడ్డి, సోషల్‌ మీడియా వింగ్‌ సెక్రటరీగా మహ్మద్‌ రవూఫ్‌, వీవర్స్‌ వింగ్‌ జనరల్‌ సెక్రటరీగా కోనం బ్రహ్మయ్య, జాయింట్‌ సెక్రటరీగా చేబ్రోలు జనార్దన్‌లు నియమితులయ్యారు. రోడ్డు ప్రమాదంలో యువకుడి మృతిసోమశిల: అనంతసాగరం మండలం చిలకలమర్రి సమీపంలో పాతాళపల్లి వద్ద జాతీయ రహదారిపై రెండు ద్విచక్ర వాహనాలు ఢీకొని ఓ యువకుడు మృతిచెందిన ఘటన గురువారం జరిగింది. పోలీసులు, స్థానికుల కథనం మేరకు.. అనంతసాగరానికి చెందిన షేక్‌ ఇబ్రహీం కుమారుడు షేక్‌ హమీద్‌ (29) ఏసీ మెకానిక్‌గా పనిచేస్తున్నాడు. గురువారం పని నిమిత్తం అనంతసాగరం నుంచి గోవిందంపల్లికి బైక్‌పై వెళ్తున్నాడు. యాకర్లపాడు నుంచి యోహాన్‌ అనే వ్యక్తి కలువాయికి బైక్‌పై వెళ్తున్నాడు. పాతాళపల్లి వద్ద రెండు వాహనాలు ఢీకొన్నాయి. ఈ ప్రమాదంలో తలకు గాయమై హమీద్‌ అక్కడికక్కడే మృతిచెందాడు. యోహాన్‌ గాయపడగా ఆత్మకూరు ప్రభుత్వ వైద్యశాలకు తరలించారు. ఘటనా స్థలాన్ని సోమశిల పోలీసులు పరిశీలించి కేసు నమోదు చేశారు. 52 వేల మెట్రిక్‌ టన్నుల ధాన్యం కొనుగోలునెల్లూరు రూరల్‌: జిల్లాలో ఏర్పాటు చేసిన కొనుగోలు కేంద్రాల ద్వారా ఇప్పటి వరకు 52 వేల మెట్రిక్‌ టన్నుల ధాన్యాన్ని కొనుగోలు చేసినట్లుగా జేసీ కె.కార్తీక్‌ తెలిపారు. గురువారం 3,088 మెట్రిక్‌ టన్నుల ధాన్యం కొనుగోలు చేసినట్లు ప్రకటన విడుదల చేశారు. నిమ్మ ధరలు (కిలో) పెద్దవి : రూ.75 సన్నవి : రూ.60 పండ్లు : రూ.35

నెల్లూరు(క్రైమ్‌): ‘ఐపీఎల్‌ ప్రారంభం కావడంతో జిల్లాలో బెట్టింగ్‌ మాఫియా చాపకింద నీరులా విస్తరిస్తోంది. ఈ విష వలయంలో చిక్కుకుని యువత జీవితాలను నాశనం చేసుకుంటోంది. బెట్టింగ్‌ మాఫియాపై చర్యలు తీసుకోవాలి’ అని వైఎస్సార్‌సీపీ యువజన విభాగం జిల్లా అధ్యక్షుడు ఊటుకూరు నాగార్జున పోలీస్‌ ఉన్నతాధికారులను కోరారు. గురువారం యువజన, విద్యార్థి విభాగాల నేతలు నగర డీఎస్పీ పి.సింధుప్రియను నెల్లూరులోని కార్యాలయంలో కలిసి వినతిపత్రం సమర్పించారు. ఈ సందర్భంగా నాగార్జున మాట్లాడుతూ బెట్టింగ్‌ కారణంగా అనేకమంది అప్పుల ఊబిలో కూరుకుపోయి ఆత్మహత్యలు చేసుకునేందుకు వెనుకాడటం లేదని ఆవేదన వ్యక్తం చేశారు. బెట్టింగ్‌ మాఫియాను కట్టడి చేసేందుకు రాజకీయాలకు అతీతంగా అందరూ కలిసి రావాలని కోరారు. పోలీస్‌ అధికారులు ప్రత్యేక టాస్క్‌ఫోర్స్‌ను ఏర్పాటు చేసి మాఫియా, బెట్టింగ్‌ యాప్‌లు, వాట్సాప్‌ గ్రూప్‌లపై నిఘా పెంచాలన్నారు. నష్టాలను తెలియజేసేలా అవగాహన సదస్సులు నిర్వహించాలన్నారు. విద్యార్థి విభాగం జిల్లా అధ్యక్షుడు ముంగమూరు ఆశ్రిత్‌రెడ్డి మాట్లాడుతూ నెల్లూరు నగరంలో లాడ్జీలు, హోటల్స్‌, గెస్ట్‌ఇన్‌లలో బెట్టింగ్‌ జోరుగా సాగుతోందన్నారు. సులభంగా నగదు సంపాదించవచ్చని నిర్వాహకులు యువత, విద్యార్థులకు ఆశచూపి బెట్టింగ్‌ ఊబిలో దించుతున్నారన్నారు. బానిసైన అనేకమంది బయటకు రాలేక నష్టాలను భర్తీ చేసుకోవడానికి, అప్పులు తీర్చుకునేందుకు నేరాలకు పాల్పడుతూ భవిష్యత్‌ను అంథకారం చేసుకుంటున్నారన్నారు. స్పందించిన డీఎస్పీ క్రికెట్‌ బెట్టింగ్‌ను ఎట్టి పరిస్థితుల్లో ఉపేక్షించేది లేదని స్పష్టం చేశారు. ఎక్కడైనా బెట్టింగ్‌ జరుగుతున్నట్లు గుర్తిస్తే డయల్‌ 112, 100 లేదా స్థానిక పోలీసులకు సమాచారం అందిస్తే తగిన చర్యలు తీసుకుంటామన్నారు. చర్యలు తీసుకోవాలి డీఎస్పీకి వైఎస్సార్‌సీపీ యువజన, విద్యార్థి విభాగాల వినతి

● భర్త ఇంటి ముందు భార్య ఆందోళన సంగం: వారిద్దరూ ప్రేమించుకుంటున్నారు. సహజీవనం చేశారు. వివాహం చేసుకున్నారు. అయితే భార్యను వదిలేసి భర్త స్వగ్రామానికి వచ్చాడు. దీంతో మోసపోయానని గ్రహించిన గిరిజన యువతి సంగంలో భర్త ఇంటి వద్ద గురువారం ఆందోళన చేసింది. బాధిత యువతి స్థానిక పోలీసులకు తెలిపిన వివరాల మేరకు వివరాలిలా ఉన్నాయి.. బుచ్చిరెడ్డిపాళెం మండలం దామరమడుగుకు చెందిన గిరిజన యువతి లక్ష్మి, సంగంలోని మసీదు సెంటర్‌కు చెందిన షేక్‌ మన్సూర్‌ ఆరు సంవత్సరాలుగా హైదరాబాద్‌లో ఉంటున్నారు. వేర్వేరు చోట్ల పనిచేస్తున్న వీరు ప్రేమించుకున్నారు. సహజీవనం చేశారు. లక్ష్మి ఒత్తిడితో నెలరోజుల క్రితం హైదరాబాద్‌లోని ఓ దేవాలయంలో వివాహం చేసుకున్నారు. ఈ విషయం తెలుసుకున్న మన్సూర్‌ తల్లిదండ్రులు, అన్న ఒత్తిడి చేయడంతో అతను సంగం వచ్చేశాడు. మరో మహిళతో వివాహానికి సిద్ధమయ్యాడని తెలుసుకున్న లక్ష్మి బుధవారం హైదరాబాద్‌ నుంచి సంగం వచ్చింది. మన్సూర్‌ లేకపోవడం.. అతని తల్లిదండ్రులు సరైన సమాధానం చెప్పకపోవడంతో వారి ఇంటి ముందు బైఠాయించింది. తనకు, మన్సూర్‌కు వివాహమైనట్లుగా ఫొటోలు చూపించి కన్నీటిపర్యంతమవుతోంది. గతంలో ఈ విషయమై సంగం, హైదరాబాద్‌ పోలీసులకు ఫిర్యాదు చేశానని లక్ష్మి చెబుతోంది. అప్పుడు హైదరాబాద్‌లో మన్సూర్‌ పోలీస్‌స్టేషన్‌కు వెళ్లి ఎలాంటి సమస్య లేకుండా చూసుకుంటానని చెప్పి మోసం చేయడంతో సంగం వచ్చానని లక్ష్మి వెల్లడించింది. అతని తల్లిదండ్రులను అభ్యర్థించినా పట్టించుకోవడం లేదని కన్నీరుమున్నీరైంది. మన్సూర్‌ తల్లిదండ్రులతో మాట్లాడుతున్నాం ఈ విషయమై ఎస్సై రాజేష్‌ స్పందిస్తూ మన్సూర్‌ తల్లిదండ్రులకు కౌన్సెలింగ్‌ నిర్వహిస్తున్నామని తెలిపారు. భార్యాభర్తలను కలపాలని సూచించామన్నారు. లక్ష్మిని ఆమె బంధువులకు అప్పగించినట్లు చెప్పారు. ఈ విషయమై మన్సూర్‌ తల్లిదండ్రులను విలేకరులు ప్రశ్నించగా వారు సమాధానం చెప్పేందుకు నిరాకరించారు.

ఉదయగిరి: ఉదయగిరి టీడీపీలో అంతర్గత విభేదాలు ముదిరాయి. తమ్ముళ్లు ఏకంగా ఎమ్మెల్యే కాకర్ల సురేష్‌ సమక్షంలోనే తన్నులాడుకున్నారు. స్థానిక మండ పరిషత్‌ కార్యాలయం నూతన భవన నిర్మాణ పనులకు శంకుస్థాపన కార్యక్రమానికి బుధవారం ఎమ్మెల్యే కాకర్ల సురేష్‌ వచ్చారు. ఈ సమయంలో టీడీపీ మండల నేత మట్ల లక్ష్మయ్య కోడలైన ఎంపీపీ మట్ల శాంతి కూడా పాల్గొన్నారు. ఈ క్రమంలో మీడియా ఫొటోలు తీసుకునే సమయంలో మాజీ జెడ్పీ చైర్మన్‌ చెంచలబాబుయాదవ్‌ మట్ల శాంతి పక్కన ఎమ్మెల్యే వద్ద నిలబడ్డాడు. దీంతో శాంతి వెనక్కి జరగాల్సి వచ్చింది. ఈ క్రమంలో మట్ల లక్ష్మయ్య చెంచలబాబుపై ఆగ్రహం వ్యక్తం చేస్తూ దుర్భాషలాడారు. చెంచలబాబు, పార్టీ మండల కన్వీనర్‌ బయ్యన్న, మైనార్టీ నేత రియాజ్‌ లక్ష్మయ్యపై ఘాటుగా స్పందించారు. పరిస్థితి ఉద్రిక్తతగా మారడంతో పోలీసులు అక్కడికి చేరుకుని లక్ష్మయ్యను పక్కకు లాకెళ్లారు. ఆయన పోలీసులను పక్కకు నెట్టేశారు. పరిస్థితి గమనించిన ఎమ్మెల్యే కాకర్ల సురేష్‌ లక్ష్మయ్యకు సర్ది చెప్పి మండల సమావేశానికి బయలు దేరారు. ఈ క్రమంలో లక్ష్మయ్య రెచ్చగొట్టే విధంగా మాట్లాడంతో సీఐ సీరియస్‌ కావడంతో పరిస్థితి సద్దుమణిగింది. సాయంత్రం ఆర్‌అండ్‌బీ గెస్ట్‌హౌస్‌లో ఎమ్మెల్యే ప్రజల వద్ద నుంచి అర్జీలు స్వీకరించే క్రమంలో ఉదయం జరిగిన ఘటన వ్యవహారంపై మరోసారి చెలరేగింది. దీంతో మట్ల లక్ష్మయ్య, చెంచలబాబు వర్గీయులకు మధ్య గొడవ జరిగింది. లక్ష్మయ్యపై మరో టీడీపీ నేత నల్లిపోగు రాజా చేయికున్నారు. దీంతో పరిస్థితి చేయిదాటిపోవడంతో ఎమ్మెల్యే జోక్యం చేసుకుని లక్ష్మయ్య బ్రదర్స్‌తో మాట్లాడి సర్దుబాటు చేశారు.

మర్రిపాడు: మండలంలోని డీసీపల్లి పొగాకు బోర్డు వేలం కేంద్రంలో బుధవారం 563 పొగాకు బేళ్లను విక్రయించినట్లు వేలం నిర్వహణాధికారి రాజశేఖర్‌ తెలిపారు. వేలానికి 603 బేళ్లు రాగా 563 బేళ్లను విక్రయించామని, మిగిలిన బేళ్లను వివిధ కారణాలతో తిరస్కరించినట్లు తెలిపారు. కిలోకు గరిష్ట ధర రూ.280, కనిష్ట ధర రూ.260 లభించింది. సగటు ధర రూ.274.20గా నమోదైంది. వేలంలో 75,196 కిలోల పొగాకును విక్రయించగా రూ.20618965.20 వ్యాపారం జరిగింది. వేలంలో 9 కంపెనీల వ్యాపార ప్రతినిధులు పాల్గొన్నారు. ప్రొఫెసర్‌పై వీఎస్‌యూ అధికారుల విచారణ కావలి: పట్టణంలోని విక్రమ సింహపురి యూనివర్సిటీ పోస్ట్‌ గ్రాడ్యుయేషన్‌ కేంద్రంలో పనిచేస్తున్న సహాయ ప్రొఫెసర్‌ పి.గోపికృష్ణపై తీరుపై వీఎస్‌యూ అధికారులు బుధవారం విచారణ చేపట్టారు. పీజీ సెంటర్‌లో మహిళా అధ్యాపకులు, విద్యార్థినులను గోపీకృష్ణ అనేక రకాలుగా వేధిస్తున్నాడని ఫిర్యాదులు వెల్లువెత్తడంతో ఐదుగురు సభ్యులతో కూడిన వర్సిటీ అధికారులు విచారణ చేశారు. విద్యార్థులు, మహిళ అధ్యాపకులు, విద్యార్థినుల విచారించి వీడియో రికార్డు చేశారు. చివరి దశకు ఇంటర్‌ పరీక్షల మూల్యాంకనం నెల్లూరు (టౌన్‌): ఇంటర్‌ పబ్లిక్‌ పరీక్షలకు సంబంధించి మూల్యాంకనం చివరి అంకానికి చేరింది. బుధవారం నుంచి బాటని, జువాలజీ, కామర్స్‌ సబ్జెక్ట్‌ల ప్రశ్నపత్రాల మూల్యాంకనం ప్రారంభించినట్లు ఆర్‌ఐఓ ఆదూరు శ్రీనివాసులు తెలిపారు. స్టోన్‌హౌస్‌పేటలోని కేఏసీ జూనియర్‌ కళాశాలలో మూల్యాంకనం నిర్వహించే అధ్యాపకులతో సమావేశం నిర్వహించారు. ఆయన మాట్లాడు తూ తెలుగు, హిందీ, ఎకనామిక్స్‌, సివిక్స్‌ సబ్జెక్ట్‌ల మూ ల్యాంకనం పూర్తనట్లు చెప్పారు. మిగిలిన సబ్జెక్ట్‌లకు సంబంధించి మూల్యాంకనాన్ని వచ్చే నెల తొలి వారంలో పూర్తి కానున్నట్లు పేర్కొన్నారు. మూల్యాంకనంలో 1200 మందికి పైగా అధ్యాపకులు పాల్గొన్నట్లు తెలిపారు. వెబ్‌ ఆప్షన్లు నమోదు చేసుకోవాలి నెల్లూరు (స్టోన్‌హౌస్‌పేట): సాంఘిక సంక్షేమ శాఖ ద్వారా ఉచిత డీఎస్సీ కోచింగ్‌ ఫేజ్‌–2కు ఎంపికై న ఎస్సీ, ఎస్టీ అభ్యర్థులు కోచింగ్‌ ఇన్‌స్టిట్యూట్‌ ప్రాధాన్యత క్రమం వెబ్‌ ఆప్షన్స్‌ ద్వారా నమోదు చేసుకోవాలని జిల్లా ఎస్సీ సంక్షేమ శాఖాధికారిణి కె.శోభారాణి బుధవారం ఒక ప్రకటనలో తెలిపారు. ఎంపికై న అభ్యర్థుల వివరాలు https:// mdfc. apcfss. in, https:// jnanabhumi. ap. gov. in వెబ్‌సైట్‌లో ఉన్నాయని తెలిపారు. వెబ్‌ ఆప్షన్లు నమోదు చేసుకోవడానికి ఈ నెల 28వ తేదీ చివరి గడువని తెలిపారు. ఇతర వివరాలకు 95816 30003 నంబరులో సంప్రదించాలని సూచించారు.

● అదుపు చేసిన అగ్నిమాపక సిబ్బంది ● రూ.30 వేల నష్టం మనుబోలు: రైల్వేస్టేషన్‌ యార్డులో ఆగి ఉన్న బొగ్గు గూడ్స్‌ వ్యాగన్‌ నుంచి ఆకస్మికంగా మంటలు చెలరేగడంతో స్టేషన్‌ మాస్టర్‌ అప్రమత్తమై అగ్నిమాపక సిబ్బందికి సమాచారం ఇవ్వడంతో వారు మంటలను ఆర్పి వేశారు. ఈ ఘటన బుధవారం మనుబోలు మండలంలోని కొమ్మలపూడి రైల్వేస్టేషన్‌లో జరిగింది. అగ్నిమాపక సిబ్బంది కథనం మేరకు.. కృష్ణపట్నం పోర్టు నుంచి చైన్నెకు బొగ్గు లోడుతో వెళ్తున్న గూడ్స్‌ రైలు కొమ్మలపూడి స్టేషన్‌ వద్ద సిగ్నల్‌ లేకపోవడంతో ఆగింది. ఈ సమయంలో ఎండ తీవ్రత, బొగ్గు మధ్య ఒత్తిడి కారణంగా ఓ వ్యాగన్‌ నుంచి పొగలు రావడం గమనించిన స్టేషన్‌ మాస్టర్‌ రాజేంద్రభగత్‌ వెంటనే గూడూరు అగ్నిమాపక కేంద్రానికి సమాచారం అందించారు. వారు హుటాహుటిన కొమ్మలపూడి రైల్వేస్టేషన్‌ వద్దకు చేరుకుని వ్యాగన్‌లో మంటలను ఆర్పి అదుపు చేశారు. బొగ్గు వ్యాగన్‌లో పాక్షికంగా కాలిపోవడంతో సుమారు రూ.30 వేల నష్టం వాటిల్లినట్లు రైల్వే అధికారులు తెలిపారు. ఇన్‌చార్జి ఫైర్‌ ఆఫీసర్‌ విజయ్‌కుమార్‌, ఫైర్‌మాన్‌లు సంపత్‌కుమార్‌, ప్రదీప్‌, శ్రీహరి తదతరులున్నారు.

నేడు ప్రపంచ రంగస్థల దినోత్సవం నాటకాలంటే పిచ్చినాటకాలంటే పిచ్చి. దశాబ్దాలు నాటకాలు ఆడినా పూట గడవడం కష్టంగా మారింది. ఆ రంగాన్ని ఆదరించే వారు లేకపోవడంతో కనుమరుగయ్యే పరిస్థితి వచ్చింది. ప్రత్యామ్నాయ మార్గాన్ని ఎంచుకున్నా. ఇప్పటికీ అడపాదడపా నాటకాలాడే ఓపిక ఉంది. – బాబూరావు, నటుడు, బిరదవోలు ఆదరణ లేదునాటక రంగానికి ఆదరణ కరువైంది. సాంఘిక, పౌరాణిక నాటకాలు ఆడేవాడిని. ఎన్నో అవార్డులు కూడా తీసుకున్నా. టీవీ షోలు, కామిడీ పేరుతో జుగుప్సాకరమైన షోలు తిలకించేందుకే కొందరు మొగ్గుచూపుతున్నారు. ఇప్పటి తరానికి నాటక రంగం గురించి తెలియకపోవడం విచారకరం. – కె.కోటేశ్వరరావు, రంగస్థల నటుడు, విశ్రాంత ఉపాధ్యాయుడు, పొదలకూరు ● నాటక రంగంలో పొదలకూరుకు ఘన చరిత్ర ● మారిన పరిస్థితులతో తెరమరుగు ● ఒకప్పటి పౌరాణిక నట దిగ్గజం బాబూరావు ● ప్రస్తుతం పురోహితుడిగా జీవనం●పొదలకూరు: టీవీ, సినిమా, వెబ్‌ సిరీస్‌లు, షార్ట్‌ ఫిల్మ్‌లు, లైవ్‌ షోవ్‌లు నేడు రాజ్యమేలుతున్నాయి. కానీ ఒకప్పుడు నాటక రంగం ప్రజలను కొత్త లోకంలోకి తీసుకెళ్లింది. దేశంలో ఏ భాషలో లేని పద్య నాటకాలు మన తెలుగులోనే ఉన్నాయి. పౌరాణిక నాటకంలో నటుల హావభావాలు, కంఠస్త పద్యాలు ఖ్యాతిని తెచ్చిపెట్టాయి. కాలక్రమేణా నాటక రంగం కుదేలైంది. ఆడేవారు లేక, చూసే వారు రాక నిరాదరణకు గురై కనుమరుగయ్యే పరిస్థితి వచ్చింది. నటనే శ్వాసగా.. పొదలకూరు పట్టణంలో 1976లో అభ్యుదయ కళా సమితిని స్థాపించారు. ఇందులో ఎందరో నటులు సాంఘిక నాటకాలను ఆడి పేరు సంపాదించారు. ఆ నాటకాలను చూసేందుకు సినీ నిర్మాతలు, దర్శకులు, నటులు పొదలకూరుకు వచ్చేవారు. కాలక్రమంలో నటులు కాలం చేయడం, ఉన్న వారు వృద్ధాప్యంతో నాటకాలు ఆడలేకపోవడంతో సమితి కార్యకలాపాలు నిలిచిపోయాయి. ఇక్కడి నుంచి వచ్చిన వారిలో ఒకరు బాబూరావు. పౌరాణిక నాటకాల్లో ఆయను మంచి పేరుంది. సుమారు 1,500 పైగా నాటకాలాడారు. బిరదవోలు గ్రామానికి చెందిన గాది సుధాకర్‌బాబు(బాబూరావు) తన నటాభిలాషను పాఠశాల స్థాయి నుంచే పెంచుకున్నారు. 1984లో శ్రీనివాసులు అనే గురువు వద్ద సత్యహరిశ్చంద్ర నాటకంలో నక్షత్రకుడి పాత్ర ద్వారా పరిచయమయ్యారు. అప్పటి నుంచి అభినవ నక్షత్రకునిగా పేరు తెచ్చుకున్నారు. కళా సమితి బి.సంజీవరావు, వీవీ రమణయ్య యాదవ్‌ ట్రూపులో చేరి నాటకాలాడేవారు. అభినవ గోపాలరావు అనే బిరుదును కూడా నక్షత్రకుని పాత్ర ద్వారా సొంతం చేసుకున్నారు. బాలనాగమ్మలో బాలవ ర్ధిగా, గయోపాక్యానం యుద్ధ సీనులో శ్రీకృష్ణుడిగా, చింతామణి నాటకంలో భవానీశంకర్‌ పాత్రలను పోషించారు. ఆదరణ లేక.. నాటక రంగానికి ఆదరణ తగ్గిపోవడంతో నటులు ప్రత్యామ్నాయ మార్గాల వైపు మళ్లారు. బాబూరావు పౌరోహిత్యం చేసుకుంటున్నారు. కళారంగానికి ఆయన ఎంత సేవ చేసినా చివరకు జీవనం కష్టంగా మారడంతో తన సొంత గ్రామంలో దేవాలయాల అర్చకుడిగా కాలం వెళ్లదీస్తున్నారు. సాంఘిక నాటక రంగంలో దిగ్గజంగా పేరున్న విశ్రాంత ఉపాధ్యాయుడు కె.కోటేశ్వరరావు వ్యవసాయం వైపు దృష్టి సారించారు. పొదలకూరులో అభ్యుదయ కళా సమితికి చెందిన కోటేశ్వరరావు, బాబూరావుతోపాటు వ్యవస్థాపకులు బొల్లినేని గోపాలకృష్ణయ్య, వీవీ రమణయ్య యాదవ్‌, చిల్లర సుబ్బారావు, చిట్టేటి మీరయ్య, కై తేపల్లి రమణయ్య, సింగ్‌ తదితరులు ఉండేవారు.కాలం మారింది. ప్రేక్షకుల అభిరుచులు మారిపోయాయి. పౌరాణిక, సాంఘిక నాటకాలకు ఆదరణ తగ్గిపోయింది. స్మార్ట్‌ ఫోన్ల యుగంలో ఉన్న ఇప్పటి పిల్లలకు వాటి గురించి పెద్దగా తెలియదు. గతంలో పల్లెవాసులు నాటకాలను తిలకించేందుకు దూర ప్రాంతాలకు వెళ్లేవారు. నటులకు అరుదైన గౌరవ మర్యాదలు దక్కేవి. కళాకారులకు వీక్షకుల చప్పట్లే కొండంత బలం. అయితే అది ప్రస్తుతం లేకుండాపోయింది. నేడు ప్రపంచ రంగస్థల దినోత్సవం సందర్భంగా ప్రత్యేక కథనం.

రూ.కోట్లల్లో దందా సాక్షి, టాస్క్‌ఫోర్స్‌: కావలి, బోగోలు, దగదర్తి, అల్లూరు మండలాల్లో నాణ్యమైన గ్రావెల్‌ ఖనిజం విస్తారంగా ఉంది. గ్రావెల్‌ తవ్వకాలకు మండలానికి ఒక మాఫియా లీడర్‌ను పెట్టుకుని స్వయంగా ఎమ్మెల్యే దగుమాటి గ్రావెల్‌ దందా నిర్వహిస్తున్నారనే ఆరోపణలు వినిపిస్తున్నాయి. దగమాటి ఎమ్మెల్యే కాక ముందే జలదంకి మండలం అన్నవరం క్వారీల నుంచి అక్రమంగా కంకర రవాణాలో చేయడంలో అనుభవం ఉండడంతో ఆ అనుభవంతోనే విలువైన సహజ ఖనిజ (గ్రావెల్‌) సంపదను కొల్లగొట్టేందుకు ప్రణాళికలు సిద్ధం చేసుకున్నారు. హైవే అంచులు మెరక చేసేందుకు, లేఅవుట్ల ఏర్పాటుకు, ఇతర వాణిజ్య అవసరాలకు గ్రావెల్‌ తరలించేందుకు రాత్రి పగలూ తేడా లేకుండా తవ్వకాలు సాగిస్తున్నారు. అందరి నోర్లు నొక్కి.. హైవే ఎక్కి.. గ్రావెల్‌ అక్రమంగా తవ్వి తరలించేందుకు ఎటువంటి వివాదాలు తలెత్తకుండా ముందుగానే ఒప్పందాలు చేసుకున్నారు. కూటమి ప్రభుత్వానికి చెందిన లోకల్‌ నాయకులు స్థానిక అవసరాల కోసం గ్రావెల్‌ తరలించుకునేలా, ఎమ్మెల్యే కనుసన్నల్లో ఆయన అనుచరులు బరి తెగించి సహజ వనరుల దోపిడీ చేస్తున్నారు. చెరువు పోరంబోకు భూముల్లో లోకల్‌ నాయకులు తవ్వుకుంటుంటే, హైవేకు దగ్గరగా ఉండే ప్రభుత్వ, ప్రైవేట్‌, అటవీ భూముల్లో ఎమ్మెల్యే అనుచరులు తవ్వుకుంటున్నారు. కావ్య కృష్ణారెడ్డి ముఖ్య అనుచరుడిగా వ్యవహరిస్తున్న కీలక నాయకుడు గ్రావెల్‌ తలింపులో కీలకంగా మారాడు. అక్రమ తవ్వకాలను ఆర్గనైజ్‌ చేస్తూ గ్రామాలను గుల్లగుల్లగా మార్చేస్తున్నారు. కావలి మండలం రుద్రకోట, బుడమగుంట, ముసునూరు, గౌరవరం, బోగోలు మండలం ముంగమూరు, కొండబిట్రగుంట, పాతబిట్రగుంట, కడనూతల, కోవూరుపల్లి, బోగోలు, కప్పరాళ్లతిప్ప, దగదర్తి మండలం ఉలవపాళ్ల, దామవరం, సున్నపుబట్టి, కౌరుగుంట, అల్లూరు మండలం నార్త్‌ఆములూరు, తదితర ప్రాంతాల్లో ప్రతి రోజూ హిటాచీలు, జేసీబీలు, టిప్పర్లు వినియోగించి తవ్వకాలు సాగిస్తున్నారు. తవ్వకాలపై స్థానికులు ఫిర్యాదు చేస్తున్నా అధికారులు పట్టించుకోవడం లేదు. నెలవారీ మామూళ్లతో అధికారులు మౌనముద్ర వహిస్తున్నారన్న ఆరోపణలున్నాయి. గగ్గోలు పెడుతున్న గ్రామస్తులు ఊర్ల చుట్టూ ఉద్యమంగా జరుగుతున్న గ్రావెల్‌ తవ్వకాలపై గ్రామస్తులు గగ్గోలు పెడుతున్నారు. ఊరి చుట్టూ తవ్వకాలు చేస్తుండడంతో పచ్చిగడ్డి కూడా మొలవడం లేదని, పశుగ్రాసం కోసం మూగజీవాలు కూడా ఇబ్బంది పడుతున్నాయని వాపోతున్నారు. గేదెలను చెరువులోకి తోలుకు వెళ్లేందుకు కూడా వీలు లేకుండా చెరువుల్లో రెండు నిలువు లోతులో గ్రావెల్‌ తవ్వేస్తున్నారని మండి పడుతున్నారు. దీంతో పశుపోషణ కూడా కష్టంగా మారి మూగజీవాలను కబేళాలకు అమ్ముకోవాల్సి వస్తుందని ఆవేదన వ్యక్తం చేస్తున్నారు. ఉలవపాళ్ల సమీపంలో గని మాదిరిగా తవ్వేస్తున్న గ్రావెల్‌మైనింగ్‌ అధికారులు లెక్కల ప్రకారం చూస్తే ఎకరా భూమిలో మీటరు లోతున తవ్వకాలు జరిపితే 4 వేల ఘనపు మీటర్ల ఖనిజం (గ్రావెల్‌) వెలువడుతోంది. టిప్పర్‌కు నిండుగా నింపితే 12 క్యూబిక్‌ మీటర్లు పడుతుంది. అంటే ఎకరాకు 400 టిప్పర్లు గ్రావెల్‌ వస్తుంది. ఈ లెక్కన ఎకరాకు 4,800 క్యూబిక్‌ మీటర్లు రవాణా సాగుతోంది. టిప్పర్‌కు రూ.10 వేలు వంతున లెక్క పెడితే ఎకరాలో రూ.4 కోట్ల వరకు వస్తుంది. ఇది ఎకరా భూమిలో మీటరు లోతు తవ్వకాలు చేస్తే మరి పదిహేను మీటర్ల లోతు తీస్తే రూ.కోట్ల లావాదేవీలు జరుగుతున్నాయి. కావలి నియోజకవర్గంలో దాదాపు వందల ఎకరాల్లో గ్రావెల్‌ దందా నడుస్తోంది. ఇది దగదర్తి మండలం ఉలవపాళ్లలో జరుగుతున్న గ్రావెల్‌ దందా..టీడీపీ నేత భారీయంత్రాలు ఉపయోగించి తవ్వకాలు చేయిస్తున్నారు. రోజువారీగా దాదాపు 500 టిప్పులు వరకు గ్రావెల్‌ తరలించేస్తున్నారు. ప్రభుత్వ భూముల్లో తవ్వకాలు చేసి గ్రావెల్‌ తరలిస్తున్న అధికారులు పట్టించుకోవడం లేదు.. స్థానికులు అడ్డు చెపితే మాత్రం కేసుల పేరుతో బెదిరిస్తున్నారు. గ్రావెల్‌ అక్రమ రవాణా చేస్తున్నారు నియోజకవర్గంలో గ్రావెల్‌ అక్రమ రవాణా ఎమ్మెల్యే కావ్య కృష్ణారెడ్డి కనుసన్నల్లోనే జరుగుతోంది. కొందరు అనుచరుల ద్వారా గ్రావెల్‌ రవాణాకు ఎక్కడా అవాంతరాలు రాకుండా ఉండేలా చేసుకున్నాడు. గ్రావెల్‌ దందాను ప్రశ్నించే వారిపై కేసులు నమోదు చేయిస్తున్నారు. ఈ విషయాలన్నీ తెలిసినా పోలీసు, రెవెన్యూ, మైనింగ్‌, ఇరిగేషన్‌, పంచాయతీరాజ్‌ శాఖలు చేతులు ముడుచుకుని ఉండి పోయాయి. కావలి సేవకుడిని అంటూ ఆర్భాటంగా ప్రకటనలు చేస్తూ ప్రజలను మభ్యపెడుతున్న ఎమ్మెల్యే గ్రావెల్‌ దందాతో సహజ వనరులను కొల్లగొడుతున్నారు. – రామిరెడ్డి ప్రతాప్‌కుమార్‌రెడ్డి, మాజీ ఎమ్మెల్యే, కావలి

● సీఎంను కోరిన కలెక్టర్‌ ఆనంద్‌ నెల్లూరు రూరల్‌: కోవూరు షుగర్‌ ఫ్యాక్టరీ సమస్యను కలెక్టర్‌ ఆనంద్‌ సీఎం చంద్రబాబు నాయుడి దృష్టికి తీసుకెళ్లారు. బుధవారం రెండో రోజు కలెక్టర్ల కాన్ఫరెన్స్‌లో జిల్లాకు సంబంధించిన అంశాలను సీఎంకు వివరించారు. చాలా ఏళ్లుగా చక్కెర కర్మాగారం మూతబడి ఉందన్నారు. నెల్లూరుకు సమీపంలో పెన్నానది ఒడ్డునున్న ఈ ఫ్యాక్టరీకి చెందిన 124 ఎకరాలను పరిశ్రమల స్థాపనకు ఏపీఐఐసీకి అప్పగించేందుకు అనుమతి మంజూరు చేయాలని విన్నవించారు. మున్సిపల్‌ శాఖ మంత్రి పొంగూరు నారాయణ రైతులు, కార్మికులకు సంబంధించిన రూ.28 కోట్ల బకాయిల విషయాన్ని ముఖ్యమంత్రి దృష్టికి తీసుకొచ్చారు. స్పందించిన ముఖ్యమంత్రి బకాయిలు చెల్లించి, పరిశ్రమల స్థాపనకు భూమిని ఏపీఐఐసీకి అప్పగించాలని జిల్లా ప్రత్యేకాధికారి, పరిశ్రమల శాఖ కార్యదర్శి యువరాజ్‌ను ఆదేశించారు. సోమశిల ప్రాజెక్ట్‌ అభివృద్ధి పనుల్ని మొదలుపెట్టినట్లు కలెక్టర్‌ తెలిపారు. రామాయపట్నం పోర్టు వద్ద పరిశ్రమల ఏర్పాటుకు భూసేకరణ ఆగస్ట్‌ నాటికి పూర్తి చేస్తామని చెప్పారు. ఇఫ్కో కిసాన్‌ సెజ్‌లో పరిశ్రమల ఏర్పాటుకు 500 ఎకరాల భూమి సేకరణ చేస్తున్నట్లు తెలిపారు. తమిళనాడు జాలర్ల అక్రమ ప్రవేశాలు, దాడుల సమస్యను కలెక్టర్‌ సీఎంకు వివరించారు.

నెల్లూరు (పొగతోట): మాజీమంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి నివాసం వద్ద హై టెన్షన్‌ వాతావరణం నెలకొంది. కాకాణిని ఏక్షణమైనా అరెస్ట్‌ చేసే అవకాశాలు ఉన్నాయనే ఉద్దేశంతో ఆయన నివాసం వద్ద వైఎస్సార్‌సీపీ నాయకులు, కార్యకర్తలు మంగళవారం రాత్రి నుంచి అక్కడే ఉన్నారు. మరో వైపు జిల్లా వ్యాప్తంగా ముఖ్య నేతలు సైతం ఆయన నివాసానికి చేరుకుని జరగబోయే పరిణామాలపై చర్చిస్తున్నారు. మరో వైపు ఇంటెలిజెన్స్‌, స్పెషల్‌ బ్రాంచ్‌ పోలీసులు సైతం ఆయన నివాసం, పార్టీ జిల్లా కార్యాలయం వద్దనే ఉండి ఎప్పటికప్పుడు పరిస్థితిని సమీక్షించి ఉన్నతాధికారుల సమాచారాన్ని అందిస్తున్నారు. పొదలకూరు మండలం తాడిపత్రి సమీపంలో రుస్తుం మైన్‌లో లీజు ముగిసినా అక్రమంగా రూ.250 కోట్ల తెల్ల రాయిని దోచేశారంటూ మైనింగ్‌పై పచ్చమీడియా కల్పిత కథనాలు వండి వారుస్తోంది. మరో వైపు మైనింగ్‌ శాఖాధికారులు సుమారు 60 మెట్రిక్‌ టన్నుల క్వార్ట్జ్‌ అక్రమంగా తరలిపోయినట్లు పొదలకూరు పోలీస్‌స్టేషన్‌లో పది మందిపై కేసు పెట్టారు. ఈ కేసులో కాకాణి గోవర్ధన్‌రెడ్డి ఏ–4 గా ఉన్నారు. అయితే ఇప్పటికే ఈ కేసులో ఇద్దరిని అరెస్ట్‌ చేసిన నేపథ్యంలో ఆ రిమాండ్‌ రిపోర్టులో రూ.7 కోట్లుగా చూపించారు. ఈ క్రమంలో కాకాణిని ఏ క్షణంలోనైనా అరెస్ట్‌ చేస్తారంటూ రెండు రోజుల నుంచి విస్తృత స్థాయిలో ప్రచారం జరుగుతోంది. దీంతో సర్వేపల్లి నియోజకవర్గంలోని కాకాణి అనుచరులు, వైఎస్సార్‌సీపీ కార్యకర్తలు, నాయకులు ఇంటి వద్ద భారీ సంఖ్యలో చేరుకున్నారు. నాయకులు, కార్యకర్తలు రాత్రి నుంచి కాకాణి నివాసం వద్దే ఉన్నారు. వైఎస్సార్‌సీపీ నెల్లూరు నగర, రూరల్‌ నియోజకవర్గాల ఇన్‌చార్జిలు పర్వతరెడ్డి చంద్రశేఖర్‌రెడ్డి, ఆనం విజయ్‌ కుమార్‌రెడ్డి, కావలి మాజీ ఎమ్మెల్యే రామిరెడ్డి ప్రతాప్‌కుమార్‌రెడ్డి, ఎమ్మెల్సీ మేరిగ మురళీ కాకాణితో సమావేశమయ్యారు. పెద్ద ఎత్తున అనుచరులు, నాయకులు, కార్యకర్తలు ఉండడంతో పోలీసులు కాకాణిని అరెస్ట్‌ చేసేందుకు వెళితే గట్టి ప్రతిఘటన ఎదురయ్యే అవకాశాలు ఉన్నాయి. కాకాణికి సంఘీభావంగా మరికొంత మంది నాయకులు ఆయన నివాసానికి చేరుకుని ఆయనతో చర్చించారు. నెల్లూరులో ఏ క్షణం ఏం జరుగుతుందోనని తీవ్ర ఉత్కంఠ నెలకొంది. ముందస్తు బెయిల్‌ కోసం ప్రయత్నాలు భారీగా చేరుకున్న నేతలు, కార్యకర్తలు ముఖ్య నేతలతో భేటీ ఇంటెలిజెన్స్‌, స్పెషల్‌ బ్రాంచ్‌ వర్గాల నిఘా

నెల్లూరు సిటీ: నగరపాలక సంస్థ పరిధిలో అదిగో అభివృద్ధి.. ఇదిగో అభివృద్ధి అంటూ అధికార పార్టీ నాయకులు ఆర్భాటంగా చెబుతున్నారు. కానీ 2025 – 26 బడ్జెట్‌ను చూస్తే అంకెల గారడీ తప్ప ఇంకేం లేదని విమర్శలు వెల్లువెత్తుతున్నాయి. రూ.695.95 కోట్ల బడ్జెట్‌ గాలి లెక్కలేనంటూ వైఎస్సార్‌సీపీ కార్పొరేటర్లు నిలదీయగా.. టీడీపీకి చెందిన కొందరు కూడా అధికారులను ప్రశ్నించారు. ఇరువర్గాలు ప్రశ్నల వర్షం కురిపించగా అధికారులు లెక్కలను పూర్తి స్థాయిలో వివరించడంలో విఫలమయ్యారు. రాష్ట్ర మున్సిపల్‌ శాఖ మంత్రి పొంగూరు నారాయణ ప్రాతినిధ్యం వహిస్తున్న నగరపాలక సంస్థలో ఈ పరిస్థితి నెలకొనడం చర్చనీయాంశమైంది. అడ్డుపడుతూ.. కార్పొరేషన్‌ కార్యాలయంలో బుధవారం ఉదయం 11 గంటలకు బడ్జెట్‌ సమావేశం మొదలైంది. మొత్తం బడ్జెట్‌ను రూ.695.95 కోట్లతో రూపొందించగా, ప్రణాళికా వ్యయం రూ.448.52 కోట్లు ఉండగా, ప్రణాళికేతర వ్యయం రూ.247.43 కోట్లుగా ఉంది. సమావేశం ప్రారంభమయ్యాక వైఎస్సార్‌సీపీ కార్పొరేటర్లు బొబ్బల శ్రీనివాస్‌ యాదవ్‌, వేలూరు మహేష్‌, మొయిళ్ల గౌరీలు ప్రజా సమస్యలపై మాట్లాడే క్రమంలో కొందరు టీడీపీ కార్పొరేటర్లు అడ్డుపడ్డారు. ఈ క్రమంలో ఇరువర్గాల మధ్య వాగ్వాదం జరిగింది. ఉడాయించిన టీడీపీ కార్పొరేటర్లు సమావేశం ప్రారంభమయ్యాక 12 గంటలకు పదిమందికి పైగా టీడీపీ కార్పొరేటర్లు ఉడాయించారు. తమ డివిజన్లలో ప్రజా సమస్యలపై మాట్లాడేందుకు వారికి ఓపిక లేకుండా పోయిందని విమర్శలు వస్తున్నాయి. జనసేన నేత, కో–ఆప్షన్‌ సభ్యుడు నూనె మల్లికార్జున్‌ యాదవ్‌ సమావేశానికి ఆలస్యంగా వచ్చి కేవలం పదినిమిషాలు మాత్రమే ఉండి అరుపులు, కేకలతో కొంతసేపు హడావుడి చేసి నెమ్మదిగా జారుకున్నారు. కొందరు ఆయన తీరుపై విస్మయం వ్యక్తం చేశారు. జెరాక్స్‌కు అంత మొత్తమా.. 2024 – 25 సంవత్సరానికి కార్పొరేషన్‌లో స్టేషనరీ కోసం రూ.రూ.40 లక్షలు ఖర్చు చేసినట్లు బడ్జెట్‌ లెక్కలు చూపడంపై వైఎస్సార్‌సీపీ కార్పొరేటర్లు నిలదీశారు. అంత ఎందుకు అవుతుందని అడగ్గా అధికారులు నీళ్లు నమిలారు. అదేవిధంగా జెరాక్స్‌ కోసం రూ.20 లక్షలు ఖర్చు చేసినట్లు లెక్కలు చూపడంపై విమర్శలు వెల్లువెత్తాయి. ఈ సందర్భంగా అధికారులు మాట్లాడుతూ కార్పొరేషన్‌లో జెరాక్స్‌ మెషీన్లు లేవని, బయట తీసుకుంటున్నామని చెప్పారు. దీంతో కార్పొరేటర్లు దీనిపై ఆగ్రహం వ్యక్తం చేశారు. వందల కోట్ల రూపాయల బడ్జెట్‌ పెడుతుంటే కనీసం జెరాక్స్‌ మెషీన్లు కూడా కొనుగోలు చేయలేకపోతున్నారా అని నిలదీశారు. బడ్జెట్‌లో మేయర్‌ పేషీకి 2023 – 24లో రూ.2,50,000 ఖర్చు చేసినట్లు చూపారు. 2024 – 25కు వచ్చేసరికి ఆ మొత్తం రూ.8 లక్షలకు పెరిగిందని, అంతలా దేనికి ఖర్చు చేశారని టీడీపీ కార్పొరేటర్‌ కర్తం ప్రతాప్‌రెడ్డి ప్రశ్నించారు. దీని విషయంలో అధికారులు లెక్కలు చెప్పడంలో తడబడ్డారు. కాగా కర్తం మాట్లాడుతూ తన డివిజన్‌లో తాగునీటి సమస్య ఉందన్నారు. నగర ప్రజలకు సక్రమంగా తాగునీరు అందించలేకపోతున్న ఇంజినీరింగ్‌ శాఖపై చర్యలు తీసుకోవాలని ప్లకార్డు ప్రదర్శించారు. వారు సైతం.. టీడీపీ కార్పొరేటర్‌ కిన్నెర మాల్యాద్రి మాట్లాడుతూ పన్ను వసూళ్లలో అధికారుల తీరు బాగోలేదని, దీంతో ప్రభుత్వానికి చెడ్డపేరు వస్తుందని చెప్పుకొచ్చారు. కార్పొరేటర్‌ రామకృష్ణ మాట్లాడుతూ వీధిలైట్లు వెలగలేదని ఏఈకి చెప్పినా నిర్లక్ష్యంగా వ్యవహరిస్తున్నారన్నారు. కర్తం ప్రతాప్‌రెడ్డి మాట్లాడుతూ పన్ను చెల్లించకపోతే కరెంట్‌, వాటర్‌ కట్‌ చేస్తామని ఉద్యోగులు ప్రజలను బెదిరిస్తున్నట్లు తెలిపారు. మేయర్‌ పొట్లూరి స్రవంతి మాట్లాడుతూ పన్ను వసూళ్లలో ప్రజలకు ఇబ్బంది లేకుండా చూడాలని అధికారులకు సూచించారు. వివిధ అంశాలపై చర్చించిన అనంతరం బడ్జెట్‌ను ఆమోదించినట్లు తెలిపారు. సమావేశంలో కమిషనర్‌ సూర్యతేజ, వివిధ విభాగాల అధికారులు పాల్గొన్నారు.అధికారుల తీరు మారాలి ప్రజలు ఎన్నుకున్న కార్పొరేటర్లకు కనీస గౌరవం కూడా ఇవ్వడం లేదు. డివిజన్లలో జరిగే అభివృద్ధి పనులను సైతం కార్పొరేటర్ల దృష్టికి తీసుకురావడం లేదు. అధికారులు తీరు మార్చుకోవాల్సి ఉంది. అదేవిధంగా బడ్జెట్‌ మొత్తం ఊహాజనితంగా ఉంది. సరైన లెక్కలు చూపలేదు. డిపార్ట్‌మెంట్‌ నుంచి కచ్చితమైన లెక్కల్లేవు. గతేడాదితో పోలిస్తే రెండు రెట్లు ఎక్కువ చూపారు. అవినీతి జరిగే అవకాశం ఉంది. – బొబ్బల శ్రీనివాస్‌ యాదవ్‌, కార్పొరేటర్‌ ట్రాఫిక్‌ సిగ్నల్స్‌ పనిచేయడం లేదు నగరంలో ట్రాఫిక్‌ సిగ్నల్స్‌కు గతేడాది రూ.70 లక్షలు ఖర్చుచేసినట్లు చూపారు. రానున్న రోజుల్లో రూ.1.50 కోట్లు ఖర్చు చేస్తున్నట్లు చూపారు. నగరంలో ఎక్కడా ట్రాఫిక్‌ సిగ్నల్స్‌ పనిచేయడం లేదు. బడ్జెట్‌లో మాత్రం అంకెల గారడీ చూపారు. 46వ డివిజన్‌లో ఓ సచివాలయంలో ప్రింటర్‌ చెడిపోయి మూడు నెలలు గడస్తున్నా పట్టించుకోలేదు. దీంతో ప్రజలు తీవ్ర ఇబ్బందులు పడుతున్నారు. – వేలూరు మహేష్‌, కార్పొరేటర్‌ చిరు వ్యాపారులపై భారం రెవెన్యూ అధికారులు చిరు వ్యాపారులపై కమర్షియల్‌ ట్యాక్స్‌ పేరుతో భారం మోపుతున్నారు. డిమాండ్‌ నోటీసులు కూడా ఇవ్వకుండా పన్నులు చెల్లించాలని ప్రజలపై ఒత్తిడి తెస్తున్నారు. బోర్డుల్లేని వ్యాపారులు కూడా ట్రేడ్‌ లైసెన్స్‌ కట్టాలని అధికారులు భారం మోపుతున్నారు. – మొయిళ్ల గౌరీ, కార్పొరేటర్‌ చర్యలు తీసుకోవాలి మందుల కొనుగోళ్లకు గత సంవత్సరం రూ.5 లక్షలు ఖర్చు చేశారు. రానున్న ఏడాదిలో రూ.15 లక్షల ఖర్చు చేస్తామని చూపించారు. పారిశుద్ధ్య కార్మికులకు మందులు సక్రమంగా అందేలా చర్యలు తీసుకోవాలి – సత్తార్‌, కార్పొరేటర్‌ రూ.695.95 కోట్లతో 2025 – 26 కార్పొరేషన్‌ బడ్జెట్‌ తప్పుడు లెక్కలు చూపారని వైఎస్సార్‌సీపీ నిలదీత అధికార పార్టీ కార్పొరేటర్ల నుంచీ ప్రశ్నల వర్షం నీళ్లు నమిలిన కొందరు అధికారులు మధ్యలో వెళ్లిపోయిన కొందరు టీడీపీ కార్పొరేటర్లు

● ముఖ్యఅతిథిగా హైకోర్టు జడ్జి శ్రీనివాసులురెడ్డి నెల్లూరు(లీగల్‌): నెల్లూరు బార్‌ అసోసియేషన్‌ వార్షికోత్సవ కార్యక్రమం ఈనెల 29వ తేదీ శనివారం సాయంత్రం 6.30కు జిల్లా కోర్టు ఆవరణలో జరుగుతుందని ఆ అసోసియేషన్‌ అధ్యక్షుడు ఉమామహేశ్వర్‌రెడ్డి, ప్రధాన కార్యదర్శి సుందరయ్య యాదవ్‌ బుధవారం ఒక ప్రకటనలో తెలిపారు. ఈ కార్యక్రమానికి ముఖ్యఅతిథిగా ఏపీ హైకోర్టు జడ్జి జస్టిస్‌ కె.శ్రీనివాసులురెడ్డి, విశిష్ట అతిథులుగా జిల్లా ప్రధాన న్యాయమూర్తి సి.యామిని, రాష్ట్ర బార్‌ కౌన్సిల్‌ సభ్యుడు వేనాటి చంద్రశేఖర్‌రెడ్డి విచ్చేస్తారన్నారు. న్యాయవాదులు పాల్గొని వేడుకల్ని విజయవంతం చేయాలని కోరారు. 48 వేల మెట్రిక్‌ టన్నుల ధాన్యం కొనుగోలునెల్లూరు రూరల్‌: జిల్లాలో కొనుగోలు కేంద్రాల ద్వారా ఇప్పటి వరకు 48 వేల మెట్రిక్‌ టన్నుల ధాన్యాన్ని కొనుగోలు చేసినట్లు జేసీ కె.కార్తీక్‌ తెలిపారు. బుధవారం 3,300 మెట్రిక్‌ టన్నుల ధాన్యం కొనుగోలు చేసినట్లుగా ప్రకటన విడుదల చేశారు. రూ.100.9 కోట్లు రైతులకు చెల్లించినట్లు వెల్లడించారు. పదిమంది విద్యార్థుల ఎంపికవెంకటాచలం: ఈనెల 28వ తేదీన గుంటూరులోని ఆచార్య నాగార్జున యూనివర్సిటీలో రాష్ట్ర స్థాయిలో జరిగే వికసిత్‌ భారత్‌ యూత్‌ పార్లమెంట్‌ – 2025 కార్యక్రమానికి పదిమంది విద్యార్థులను ఎంపిక చేశారు. మండలంలోని కాకుటూరు వద్దనున్న విక్రమ సింహపురి యూనివర్సిటీలో మంగళవారం జరిగిన జిల్లా స్థాయి కార్యక్రమంలో 75 మంది విద్యార్థులు పాల్గొన్నారు. వీరిలో పదిమందిని ఎంపిక చేయగా బుధవారం వీసీ అల్లం శ్రీనివాసరావు, సర్వేపల్లి ఎమ్మెల్యే సోమిరెడ్డి చంద్రమోహన్‌రెడ్డి అభినందించారు.

పొదలకూరు: రోజూ ఇంత మొత్తంలో ధాన్యం కొనుగోలు చేశామని అధికారులు ఆర్భాటంగా ప్రకటిస్తున్నారు. అయితే క్షేత్రస్థాయిలో పరిస్థితులు మరోలా ఉన్నాయి. ఇందుకు ఈ రైతు పడుతున్న ఆవేదనే ఉదాహరణ. మండలంలోని మహ్మదాపురం గ్రామానికి చెందిన రైతు అరెద్దుల విజయ్‌కుమార్‌ రబీలో 10.30 ఎకరాల్లో బీపీటీ 5204 రకం వరిసాగు చేపట్టాడు. కోతల అనంతరం ధాన్యాన్ని కల్లాల వద్ద ఆరబెట్టాడు. తాటిపర్తి కేంద్రం వద్దకు వెళ్లి కొనుగోలు చేయాల్సిందిగా కోరాడు. గోతాలు లేవని, ట్రక్‌ షీట్‌ ఇచ్చేందుకు మిల్లర్లకు బ్యాంక్‌ గ్యారెంటీ లేదని అక్కడి వారు సాకులు చెబుతున్నారని ఆ రైతు ఆవేదన వ్యక్తం చేస్తున్నాడు. ఆరబెట్టిన ధాన్యాన్ని ఎక్కువ రోజులు ఉంచుకుంటే ధరలు పతనమవుతాయని నేరుగా నెల్లూరుకు సమీపంలోని శ్రీలక్ష్మి రైస్‌మిల్లు వద్దకు వెళ్లాడు. వారు తేమ శాతం సమస్య చెప్పి తీసుకోవడం కుదరదని వెల్లడించారు. దీంతో దిక్కుతోచక రైతు కన్నీటి పర్యంతమవుతున్నాడు. అటు దళారులకు అమ్ముకోలేక, ఇటు ప్రభుత్వం ఏర్పాటు చేసిన కొనుగోలు కేంద్రాల్లో విక్రయించలేక ఇబ్బందులు పడుతున్నాడు. అకాల వర్షం వస్తే ధాన్యాన్ని దాచుకునే వీలు కూడా లేదని ఆవేదన చెందుతున్నాడు. జిల్లాలో ఇలాంటి పరిస్థితి ఉంటే కూటమి ప్రభుత్వం మాత్రం అంతా బాగుందని చెప్పుకొంటోంది.

● సబ్‌ కలెక్టర్‌ తిరుమణి శ్రీపూజ ఉలవపాడు: గిరిజనులకు సాగుబడి హక్కులు కల్పి ంచడంలో చట్టప్రకారం న్యాయం చేస్తామని కందుకూరు సబ్‌ కలెక్టర్‌ తిరుమణి శ్రీపూజ అన్నారు. మంగళవారం మండల పరిధిలోని వీరేపల్లి గ్రామంలో ఏర్పాటు చేసిన సభలో ఆమె మాట్లాడారు. భూములపై గిరిజనులకు సాగుబడి హక్కు కల్పించడానికి అటవీ శాఖ, ఎస్టీ కార్పొరేషన్‌ అధికారులు సంయుక్తంగా ఈ సభ నిర్వహిస్తున్నట్లు తెలిపారు. 2005 గిరిజన చట్టానికి ముందు నుంచి అటవీ భూములు సాగు చేసుకుంటున్నారా? లేక తర్వాత చేపట్టారా? అని అడిగి తెలుసుకున్నారు. ఎలాంటి పంటలు వేస్తున్నారని వారిని అడిగారు. వీరేపల్లి పరిధిలో 74 మందిని అర్హులుగా గుర్తించినట్లు ఆమెకు రెవెన్యూ సిబ్బంది తెలియజేశారు. మిగిలిన వారు తమ సాగుబడి గురించి ఆమెకు వినతిపత్రాలు అందించారు. వీరేపల్లి చెరువులో నీరు తాగి గొర్రెలు చనిపోయాయని కొందరు పోలీస్‌స్టేషన్‌లో ఫిర్యాదు చేశారని, తాగునీటికి పనికిరావని దండోరా వేశారని గ్రామ మాజీ సర్పంచ్‌ నన్నం పోతురాజు సబ్‌కలెక్టర్‌ దృష్టికి తీసుకెళ్లారు. దీనిపై సమగ్ర విచారణ చేయించాలని కోరారు. కార్యక్రమంలో తహసీల్దార్‌ శ్రీనివాసులు, ఐటీడీఏ, అటవీ శాఖ, రెవెన్యూ శాఖ అధికారులు, సిబ్బంది పాల్గొన్నారు.

వెంకటాచలం: మండలంలోని కాకుటూరు వద్దనున్న విక్రమ సింహపురి యూనివర్సిటీలో బ్లూ రెవల్యూషన్‌ ఇన్నోవేషన్స్‌ ఇన్‌ మైరెన్‌ సిస్టమ్స్‌ (బీఆర్‌ఐఎంఎస్‌ – 2025) అనే అంశంపై అంతర్జాతీయ సదస్సును మంగళవారం నిర్వహించారు. ఈ సందర్భంగా వీసీ అల్లం శ్రీనివాసరావు మాట్లాడుతూ బ్లూ ఎకానమీ అభివృద్ధికి దోహదం చేసే అంశాలపై అవగాహన కలిగి ఉండాలన్నారు. సముద్ర పరిశోధన, మత్స్య పరిశ్రమ, బ్లూ ఎకానమీ అభివృద్ధిలో విశ్వవిద్యాలయాలు, పరిశోధన సంస్థలు, పరిశ్రమల మధ్య సమన్వయం అవసరమని తెలియజేశారు. ఇంటర్నేషనల్‌ ఎక్స్‌పర్ట్‌ ఇన్‌ బ్లూ ఎకానమీ, ఎక్స్‌పర్టైజ్‌ ఫ్రాన్స్‌ ప్రొఫెసర్‌ మానెల్‌ జఖారియా, ఎన్‌ఐఓటీ సభ్యుడు డాక్టర్‌ ఎన్‌వీ వినీత్‌కుమార్‌ తదితరులు సముద్ర సంపదను సమర్థవంతంగా వినియోగించుకోవడం ద్వారా బ్లూ ఎకానమీ అభివృద్ధికి కొత్త అవకాశాలను అన్వేషించాల్సిన అవసరం ఉందని వివరించారు. కార్యక్రమంలో వర్సిటీ ఇన్‌చార్జి రిజిస్ట్రార్‌ డాక్టర్‌ కె.సునీత, ప్రిన్సిపల్‌ సీహెచ్‌ విజయ, అధ్యాపక, అధ్యాపకేతర సిబ్బంది పాల్గొన్నారు.

నెల్లూరు(క్రైమ్‌): బాత్‌రూమ్‌లో జారిపడి గాయాలపాలైన ఓ వృద్ధుడు ఆస్పత్రిలో చికిత్స పొందుతూ మృతిచెందాడు. పోలీసుల కథనం మేరకు.. నెల్లూరు శెట్టిగుంటరోడ్డులో కె.కోటేశ్వరరావు (65) కుటుంబం నివాసం ఉంటోంది. ఆయన కొంతకాలంగా కేన్సర్‌తో బాధపడుతూ చికిత్స తీసుకుంటున్నాడు. సోమవారం తన ఇంట్లోని బాత్‌రూమ్‌లో జారిపడి గాయపడ్డాడు. వెంటనే కుటుంబ సభ్యులు జీజీహెచ్‌లో చేర్పించారు. అక్కడ చికిత్స పొందుతూ సోమవారం అర్ధరాత్రి కోటేశ్వరరావు మృతిచెందాడు. మృతుడి కుమారుడు శివ మంగళవారం నవాబుపేట పోలీసులకు ఫిర్యాదు చేయగా వారు మృతదేహాన్ని మార్చురీకి తరలించి కేసు నమోదు చేశారు. 44 వేల మెట్రిక్‌ టన్నుల ధాన్యం కొనుగోలునెల్లూరు రూరల్‌: జిల్లాలో కొనుగోలు కేంద్రాల ద్వారా ఇప్పటి వరకు 44 వేల మెట్రిక్‌ టన్నుల ధాన్యాన్ని కొనుగోలు చేసినట్లు జేసీ కె.కార్తీక్‌ తెలిపారు. మంగళవారం 3 వేల మెట్రిక్‌ టన్నుల ధాన్యం కొనుగోలు చేసినట్లుగా ఒక ప్రకటన విడుదల చేశారు. ఇప్పటి వరకు రూ.96.61 కోట్లను రైతులకు చెల్లించినట్లు తెలియజేశారు.నిమ్మ ధరలు (కిలో) పెద్దవి : రూ.75 సన్నవి : రూ.55 పండ్లు : రూ.30

నెల్లూరు (పొగతోట): మాజీమంత్రి, జిల్లా వైఎస్సార్‌సీపీ అధ్యక్షుడు కాకాణి గోవర్ధన్‌రెడ్డి ఇంటి వద్ద ఆ పార్టీ నాయకులు, కార్యకర్తలు భారీగా మోహరించారు. పార్టీ జిల్లా కార్యాలయం కాకాణి నివాసానికి సమీపంలో ఉండడంతో కార్యాలయం చుట్టూ, కాకాణి ఇంటి చుట్టూ పెద్ద సంఖ్యలో నాయకులు, కార్యకర్తలు చేరుకున్నారు. పొదలకూరు మండలం తాటిపర్తి పంచాయతీలోని రుస్తుం మైన్‌లో గత ప్రభుత్వంలో అక్రమంగా తెల్ల రాయిని తరలించారని ఫిబ్రవరిలో పోలీసులు కేసు నమోదు చేశారు. ఆ కేసులో కాకాణిని ఏ–4గా చేర్చారు. ఈ కేసుకు సంబంధించి కాకాణిని అరెస్టు చేస్తారనే ప్రచారం జరుగుతున్న నేపథ్యంలో నాయకులు, కార్యకర్తలు ఆయన నివాసానికి పెద్ద సంఖ్యలో చేరుకుంటున్నారు. పోలీసులు మఫ్టీలో తిరుగుతూ కాకాణి నివాసం వద్ద పరిస్థితిని తెలుసుకుంటున్నారు.

సాక్షి ప్రతినిధి, నెల్లూరు: మాజీమంత్రి కాకాణి గోవర్ధన్‌రెడ్డిని కూటమి ప్రభుత్వం టార్గెట్‌ చేసింది. ఆ పార్టీ వైఫల్యాలను, తప్పుడు ప్రచారాలను, అవినీతి, అక్రమాలను ఎప్పటికప్పుడు నిలదీస్తున్నారు. ఈ క్రమంలో ఆయన్ను కట్టడి చేయాలని ఉద్దేశంతో తప్పుడు కేసులతో వేధింపులకు గురి చేస్తోంది. కాకాణిపై ఎప్పుడెప్పుడు కేసులు ● గతేడాది గుంటూరు జిల్లా తాడేపల్లిలో వైఎస్సార్‌సీపీ సెంట్రల్‌ కార్యాలయంలో ప్రెస్‌మీట్‌ పెడితే ఆ వార్తను ‘సాక్షి’ కవర్‌ చేసింది. ఆ పేపర్‌ కటింగ్‌ను తన వాట్సాప్‌ గ్రూపుల్లో ఫార్వర్డ్‌ చేశాడని వెంకటాచలం పోలీసులు కేసు నమోదు చేశారు. ● వెంకటాచలం మండలానికి చెందిన బీజేపీ నేత నెల్లూరులో ప్రెస్‌మీట్‌ పెడితే ఆ వీడియో కాకాణి వాట్సాప్‌ గ్రూపుల్లో ఫార్వర్డ్‌ చేశాడని మరో కేసు పెట్టారు. ● స్థానిక ఎమ్మెల్యే సోమిరెడ్డిపై అసభ్యకరంగా పోస్టింగ్‌ పెట్టాడని ముత్తుకూరు పోలీస్‌స్టేషన్‌లో కేసు నమోదు చేయించారు. ● గతేడాది అక్టోబర్‌లో ప్రభుత్వం ఉచిత ఇసుక విధానం అమలు చేయకపోవడంతో భవన కార్మికులు చేపట్టిన నిరసన కార్యక్రమంలో భాగంగా జిల్లా వైఎస్సార్‌సీపీ అధ్యక్షుడిగా కాకాణి గోవర్ధన్‌రెడ్డి వారికి సంఘీభావంగా వెళ్లి నిరసన ప్రదర్శనలో పాల్గొన్నందుకు ఆయనపై కేసు నమోదు చేశారు. ● గతేడాది డిసెంబర్‌లో వెంకటాచలం మాజీ జెడ్పీటీసీ శేషయ్యపై పోలీసులు అక్రమ కేసు నమోదు చేసి జైలుకు పంపారు. పోలీసుల తీరుపై కాకాణి గోవర్ధన్‌రెడ్డి ఆగ్రహం వ్యక్తం చేశారు. ఆయన చేసిన వ్యాఖ్యలపై వెంకటాచలానికి చెందిన టీడీపీ కార్యకర్త నెల్లూరు వేదాయపాళెం పోలీసులు ఫిర్యాదు చేస్తే కేసు నమోదు చేశారు. ● కావలి నియోజకవర్గంలోని బోగోలు మండలం కోళ్లదిన్నెలో వైఎస్సార్‌సీపీ కార్యకర్తలపై టీడీపీ శ్రేణులు దాడులకు పాల్పడ్డాయి. గాయపడిన వారిని పరామర్శించిన కాకాణి అక్కడ మీడియాతో మాట్లా డుతూ పోలీసుల పక్షపాత వైఖరిని ఎండగట్టి తప్పు చేసిన అధికారులు ఎవరైనా శిక్ష అనుభవించాల్సిందేనని హెచ్చరించారు. ఆయన చేసిన వ్యాఖ్యలు తనకు బాధ కలిగించిందని టీడీపీ కార్యకర్త కావలి వన్‌టౌన్‌లో ఫిర్యాదు చేయగా కేసు నమోదు చేశారు. ● తాజాగా పొదలకూరు మండలంలోని రుస్తుం మైన్‌లో గత ప్రభుత్వ హయాంలో అనధికారికంగా మైనింగ్‌ చేసి క్వార్ట్‌ ్జ మెటల్‌ను తరలించారని, అందుకు కాకాణి తన అనుచరులకు సహకరించారనే కారణం చూపి ఆయనపై కేసు నమోదు చేశారు. కాగా ఈ కేసులో ఇద్దరిని ఇప్పటికే అరెస్ట్‌ చేసిన నేపథ్యంలో వారి రిమాండ్‌ రిపోర్టులో ఎక్కడా కూడా కాకాణి పాత్ర ఉన్నట్లు ధ్రువపరచలేదు. తాము ఆయన అనుచరులమని, మైనింగ్‌, పోలీస్‌, రెవెన్యూ అధికారులను మేనేజ్‌ చేస్తామని చెప్పడంతోనే అక్రమ మైనింగ్‌ చేసినట్లు చూపి నాన్‌బెయిలబుల్‌ సెక్షన్లతో కేసు నమోదు చేశారు. ఇదంతా కూడా పోలీసుల కల్పితమే కానీ, ఎక్కడా వీరి పాత్ర కానీ, కాకాణి పాత్ర ఎక్కడా లేకపోవడం గమనార్హం. ఎవరో ఫిర్యాదు ఇస్తే కేసులా? మాజీ మంత్రి కాకాణి ప్రతి నిత్యం ప్రభుత్వ వైఫల్యాలపైన, సర్వేపల్లిలో జరిగే అవినీతి, అక్రమాలను ఎండ గడుతున్నారు. ఇది రుచించని ప్రభుత్వ పెద్దలతోపాటు సర్వేపల్లి ఎమ్మెల్యే సోమిరెడ్డి తమ అనుచర వర్గాలతో ఫిర్యాదులు చేయిస్తూ కేసులు నమోదు చేయిస్తున్నారు. వాస్తవాలను పరిగణలోకి తీసుకోకుండా పోలీసులు సైతం ఫిర్యాదు వచ్చిందే తడువుగా ఎఫ్‌ఐఆర్‌లు నమోదు చేస్తున్నారు. ఏ కేసులో కూడా బాధిత వర్గాలు ఫిర్యాదులు చేయలేదు. టీడీపీ కార్యకర్తలు ఇచ్చే ఫిర్యాదే ప్రామాణికంగా తీసుకుని ఎఫ్‌ఐఆర్‌లు నమోదు చేస్తూ రెడ్‌బుక్‌ రాజ్యాంగాన్ని అమలు చేస్తున్నారు. ఇప్పటి వరకు 16 విచారణలు గత ప్రభుత్వ హయాంలో మాజీమంత్రి కాకాణి గోవర్ధన్‌రెడ్డి అవినీతి, అక్రమాలకు పాల్పడ్డారంటూ స్థానిక ఎమ్మెల్యే పలుమార్లు విజిలెన్స్‌ విచారణలు చేయించారు. ఇప్పటికి 16 పర్యాయాలు విజిలెన్స్‌ అధికారులు విచారణ చేసి అవినీతి జరగలేదని తేల్చి చెప్పారు. దీంతో ఎలాగైనా కాకాణిని జైలుకు పంపేలా ప్రభుత్వ పెద్దలు చేయని ప్రయత్నాలు లేవు. తాజాగా ఒంగోలుకు చెందిన డీఎస్పీ స్థాయి అధికారితో సిట్‌ ఏర్పాటు చేసి విచారణలు చేస్తున్నారు. కేసులకు భయపడేది లేదు అక్రమ మైనింగ్‌కు సహకరించారని తాజాగా కేసు ఇప్పటికే 16 విచారణలు.. 8 కేసులు అవినీతి జరగలేదని తేల్చి చెప్పిన విజిలెన్స్‌ అయినా సిట్‌ వేసి అక్రమ కేసులతో వేధింపులు నాన్‌బెయిలబుల్‌ సెక్షన్లతో అరెస్ట్‌కు రంగం సిద్ధం ఎన్ని కేసులు పెట్టినా తగ్గేదే లేదంటున్న కాకాణి నెల్లూరు పోలీసులు రెడ్‌బుక్‌ రాజ్యాంగాన్ని అమలు చేస్తున్నారు. ప్రభుత్వ వైఫల్యాలు, అసమర్థతను ప్రశ్నించే వారిపై ఉక్కుపాదం మోపుతున్నారు. మాజీ మంత్రి కాకాణి గోవర్ధన్‌రెడ్డిని రెడ్‌బుక్‌ కుట్రలో భాగంగా జైలుకు పంపేందుకు కుయుక్తులు పన్నుతున్నారు. పొదలకూరు మండలం తాటిపర్తిలోని ‘రుస్తుం మైన్స్‌లో’ అక్రమ మైనింగ్‌ జరిగిందంటూ అందులో కాకాణి అనుచరుల ప్రమేయం ఉందని, వారికి ఆయన సహకరించారంటూ నాన్‌ బెయిలబుల్‌ సెక్షన్లతో కేసు నమోదు చేసి అరెస్ట్‌ చేసేందుకు రంగం సిద్ధం చేశారు. గతంలోనే స్థానిక ఎమ్మెల్యే చేసిన ఆరోపణలతో చేపట్టిన విజిలెన్స్‌ విచారణలో అసలు అక్కడ మైనింగే జరగలేదంటూ నివేదిక ఇచ్చినా.. తప్పుడు కేసులతో వేధింపులకు గురి చేస్తున్నారు. తాను కేసులకు భయపడి ప్రశ్నించే విధానాన్ని మాత్రం మానుకోను. ప్రభుత్వ వైఫల్యాలను నిత్యం ఎండగడుతూనే ఉంటా. కూటమి ప్రభుత్వ ఏర్పాటయ్యాక ఇప్పటి వరకు 8 కేసులు నమోదు చేశారు. క్వార్ట్‌ ్జ కేసులో నన్ను ఇరికించేందుకు ప్రయత్నిస్తున్నారు. నన్ను ఎన్నిసార్లు అరెస్ట్‌ చేసినా ప్రభుత్వ వైఫల్యాలను మాత్రం పశ్నిస్తూనే ఉంటా. సర్వేపల్లిలో ఎమ్మెల్యే సోమిరెడ్డి అవినీతిని బయట పెడుతూనే ఉంటా. వైఎస్సార్‌సీపీ కార్యకర్తలకు అన్యాయం జరిగితే సహించను. మా పార్టీ అధినేత వైఎస్‌ జగన్‌మోహన్‌రెడ్డి అడుగుజాడల్లో మా పార్టీ కార్యకర్తలను కాపాడుకుంటాం. అందుకే ఎన్ని కేసులు నమోదైనా జంకే ప్రసక్తేలేదు. – కాకాణి గోవర్ధన్‌రెడ్డి, మాజీ మంత్రి

నెల్లూరు(టౌన్‌): కస్తూరిదేవి ఎయిడెడ్‌ బాలికల హైస్కూల్‌, శ్రీపొట్టి శ్రీరాములు ఎయిడెడ్‌ ప్రాథమిక పాఠశాలల్లో ఖాళీ పోస్టుల కోసం దరఖాస్తు చేసుకున్న అభ్యర్థులకు ఈనెల 28, 29 తేదీల్లో ఆన్‌లైన్‌లో పరీక్ష నిర్వహించనున్నట్లు డీఈఓ ఆర్‌.బాలాజీరావు మంగళవారం ఒక ప్రకటనలో తెలిపారు. నెల్లూరులోని కస్తూరిదేవి బాలికల హైస్కూల్లో ఎస్‌ఏ మ్యాథ్స్‌ – 2, ఎస్‌ఏ బీఎస్‌ – 1, ఎస్‌ఏ పీఎస్‌ – 1, ఎస్జీటీ – 2, ఎస్‌ఏ హిందీ – 1, గూడూరులోని శ్రీపొట్టి శ్రీరాములు ఎయిడెడ్‌ ప్రాథమిక పాఠశాలలో ఎస్జీటీ – 1, ఎల్‌పీ హిందీ – 1, ఎల్‌పీ తెలుగు – 1 పోస్టులు ఉన్నాయన్నారు. దరఖాస్తు చేసిన అభ్యర్థులు తమ హాల్‌టికెట్లను https://cse.ap.gov.in వెబ్‌సైట్‌ నుంచి డౌన్‌లోడ్‌ చేసుకోవచ్చన్నారు. పాఠశాల యాజమాన్యాలకు ఆఫ్‌లైన్‌లో దరఖాస్తులు ఇచ్చిన వారు తమ వద్ద ఉన్న ఆధారాలను సమర్పిస్తే జిల్లా విద్యాశాఖ వారు హాల్‌టికెట్‌ జారీ చేస్తారన్నారు. నెల్లూరులో ఆర్పీఎఫ్‌ ఐజీనెల్లూరు(క్రైమ్‌): వార్షిక తనిఖీల్లో భాగంగా మంగళవారం ఆర్పీఎఫ్‌ ఐజీ ఆరోమా సింగ్‌ నెల్లూరు రైల్వేస్టేషన్‌కు వచ్చారు. స్థానిక ఆర్పీ ఎఫ్‌ కార్యాలయంలో రికార్డులను పరిశీలించారు. క్రమశిక్షణతో విధులు నిర్వహించాలని ఆమె సిబ్బందికి సూచించారు. నెల్లూరు రైల్వే డీఎస్పీ మురళీధర్‌ ఆమెను మర్యాదపూర్వకంగా కలిసి పుష్పగుచ్ఛం అందజేశారు. ట్రాక్టర్‌ ట్రక్కు కింద సేద తీరుతుండగా.. ● ఒక్కసారిగా వాహనం తీసిన డ్రైవర్‌ ● ఓ మహిళ మృతి, మరొకరికి గాయాలుబుచ్చిరెడ్డిపాళెం: ఆ మహిళలు ట్రాక్టర్‌ ట్రక్కు కింద సేద తీరుతున్నారు. దీనిని గుర్తించకుండా ఒక్కసారిగా వాహనాన్ని డ్రైవర్‌ తీశాడు. దీంతో ఒక మహిళ మృతిచెందగా.. మరొకరు గాయపడ్డారు. ఈ ఘటన బుచ్చిరెడ్డిపాళెం మండల పరిధిలోని పంచేడు గ్రామానికి చెందిన పొలాల్లో మంగళవారం జరిగింది. స్థానికులు, పోలీసుల కథనం మేరకు.. భాస్కర్‌ అనే వ్యక్తి తన పొలంలో మెషీన్‌ ద్వారా వరికోతలు చేయిస్తున్నాడు. ధాన్యాన్ని మెషీన్‌ వద్ద నుంచి బాటపైకి తీసుకొచ్చేందుకు ఏర్పాటు చేసిన ట్రాక్టర్‌ను కొద్దిసేపు డ్రైవర్‌ పక్కన నిలిపాడు. గెనాలకు గడ్డి కోసేందుకు నాగూరు ప్రమీలమ్మ (48), మరో మహిళ వచ్చారు. ఎండ అధికంగా ఉండటంతో వీరు సేద తీరేందుకు ట్రాక్టర్‌ ట్రక్కు కింద కూర్చొన్నారు. ఈ సమయంలో వరికోత మెషీన్‌ ఆపరేటర్‌ ట్రాక్టర్‌ డ్రైవర్‌ను పిలిచి వాహనాన్ని తీసుకురమ్మన్నాడు. డ్రైవర్‌ ట్రాక్టర్‌ను తిప్పే క్రమంలో మహిళలను గుర్తించకుండా వారిపైకి ఎక్కించి వెళ్లిపోయాడు. ఈ క్రమంలో ప్రమీలమ్మ అక్కడికక్కడే మృతిచెందింది. మరో మహిళ గాయపడి పెద్దగా కేకలు వేసింది. చుట్టుపక్కల ఉన్నవారు వచ్చి ఆమెను బుచ్చిరెడ్డిపాళెం వైద్యశాలకు తరలించారు. సమాచారం అందుకున్న పోలీసులు ఘటనా స్థలానికి చేరుకుని పరిశీలించారు. కేసు నమోదు చేసి దర్యాప్తు చేస్తున్నారు. ఉరేసుకుని వ్యక్తి ఆత్మహత్యవెంకటాచలం: కుటుంబ కలహాలతో ఉరేసుకుని వ్యక్తి ఆత్మహత్యకు పాల్పడిన ఘటన మండలంలోని అనికేపల్లిలో మంగళవారం జరిగింది. పోలీసుల కథనం మేరకు.. అనికేపల్లి గ్రామానికి చెందిన వాసిలి కొండస్వామి (46)కి భార్య వెంకట సురేఖ, ఒక కుమారుడు ఉన్నారు. కొండస్వామి మద్యానికి బానిసయ్యాడు. అతను కుటుంబాన్ని పట్టించుకోలేదు. ఈ విషయమై భార్యాభర్తల మధ్య విభేదాలు నెలకొన్నాయి. మంగళవారం ఉదయం ఇంట్లో ఎవరూ లేని సమయంలో కొండస్వామి ఉరేసుకుని ఆత్మహత్య చేసుకున్నాడు. పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం జిల్లా ప్రభుత్వాస్పత్రికి తరలించి కేసు దర్యాప్తు చేస్తున్నారు.నూతన కార్యవర్గ ఎన్నికనెల్లూరు(పొగతోట): పశు సంవర్థక శాఖ ఆఫీసర్స్‌ అసోసియేషన్‌ జిల్లా నూతన కమిటీ ఎన్నికలు ఏకగ్రీవమయ్యాయి. మంగళవారం నెల్లూరులో కమిటీ ఎన్నికలు నిర్వహించారు. జిల్లా అధ్యక్షుడిగా డాక్టర్‌ ఐ.కృష్ణమౌర్య, ప్రధాన కార్యదర్శిగా డాక్టర్‌ డి.మాధవిలత, ఉపాధ్యక్షులుగా మాలకొండయ్య, శశిధర్‌, సంయుక్త కార్యదర్శులుగా సుబ్రహ్మణ్యం, చంద్రశేఖర్‌రెడ్డి, కోశాధికారిగా డాక్టర్‌ జె.చైతన్య కిశోర్‌లు ఏకగ్రీవంగా ఎన్నికయ్యారు. కమిటీ సభ్యులుగా డాక్టర్‌ బి.మురళీకృష్ణ, డాక్టర్‌ జె.యశోధ, డాక్టర్‌ బి.సురేష్‌, డాక్టర్‌ కె.సురేష్‌, డాక్టర్‌ వైవీ కామేశ్వరరావు, డాక్టర్‌ సీహెచ్‌ లక్ష్మీశైలజ వ్యవహరిస్తారు.

నెల్లూరు (టౌన్‌): జిల్లాలోని ప్రభుత్వ, జిల్లా పరిషత్‌, మండల పరిషత్‌, మున్సిపాలిటీల పాఠశాలల్లో పనిచేస్తున్న హెచ్‌ఎంలు, ఉపాధ్యాయుల సీనియారిటీ జాబితాలో ఏమైనా అభ్యంతరాలు ఉంటే ఈ నెల 28వ తేదీ లోపు డీఈఓ కార్యాలయంలో తెలియజేయాలని డీఈఓ బాలాజీరావు మంగళవారం ఒక ప్రకటనలో తెలిపారు. సీనియారిటీ జాబితా విద్యాశాఖ వెబ్‌సైట్‌, నోటీసు బోర్డులో అందుబాటులో ఉంచినట్లు చెప్పారు. అభ్యంతరం చేసే ఉపాధ్యాయుడి పేరు, హోదా, సంబంధిత వివరాలు, సీనియారిటీ జాబితాలో తప్పిదం ఎక్కడ జరిగిందో సంబంధిత ఆధారాలతో చూపించాలన్నారు. ఎస్సీ కార్పొరేషన్‌ ఈడీగా శ్రీనివాసులు నెల్లూరు (స్టోన్‌హౌస్‌పేట): జిల్లా ఎస్సీ కార్పొరేషన్‌ పూర్తి అదనపు బాధ్యతల ఎగ్జిక్యూటివ్‌ డైరెక్టర్‌గా బాలసాని శ్రీనివాసులు మంగళవారం దర్గామిట్టలోని కార్యాలయంలో బాధ్యతలు స్వీకరించారు. శ్రీనివాసులు, ఏపీఎంఐపీ ప్రాజెక్ట్‌ డైరెక్టర్‌గా పనిచేస్తున్నారు. శ్రీనివాసులు మాట్లాడుతూ ఎస్సీ కార్పొరేషన్‌ పథకాలను లబ్ధిదారులకు సత్వరమే చేరవేసేందుకు కృషి చేస్తామన్నారు. పథకాలపై అవగాహన కార్యక్రమాలు నిర్వహించి, అర్హులు వినియోగించుకునేలా చేస్తామన్నారు. ఐసీడీఎస్‌ పీడీ బాధ్యతల స్వీకరణ నెల్లూరు (పొగతోట): ఐసీడీఎస్‌ పీడీ (ఎఫ్‌ఏసీ)గా నిర్మలారెడ్డిని నియమించారు. ఆమె మంగళవారం ఐసీడీఎస్‌ కార్యాలయంలో బాధ్యతలు స్వీకరించారు. నిర్మలారెడ్డి ప్రస్తుతం బీసీ కార్పొరేషన్‌ ఈడీగా విధులు నిర్వర్తిస్తున్నారు. ఆమెను ఐసీడీఎస్‌ ఇన్‌చార్జి పీడీగా నియమిస్తూ ప్రభుత్వం ఉత్తర్వులు జారీ చేసింది. మూగజీవాలపై దూసుకెళ్లిన భారీ వాహనం ● 11 గొర్రెలు మృతి, కాపరులకు తీవ్రగాయాలు మర్రిపాడు: మండలంలోని పొంగూరు కండ్రిక సమీపంలో అచ్చమాంబ ఆలయ సమీపంలో నెల్లూరు – ముంబై జాతీయ రహదారిపై మంగళవారం ఓ గొర్రెల మందపైకి ఓ భారీ వాహనం దూసుకెళ్లింది. మేత కోసం ఇర్లపాడు నుంచి వెంగంపల్లి సిరివెళ్ల గ్రామానికి తీసుకెళ్తుండగా ఈ ఘటన జరిగింది. ఈ ప్రమాదంలో 11 గొర్రెలు అక్కడికక్కడే మృతి చెందాయి. గొర్రెల కాపరి నాగయ్యకు తీవ్రగాయాలు కాగా సన్ను రమణయ్యకు స్వల్ప గాయాలయ్యాయి. వారిని 108 అంబులెన్స్‌ ద్వారా ఆత్మకూరు ప్రభుత్వాస్పత్రికి తరలించారు. పోలీసులు ఘటనా స్థలానికి చేరుకుని పరిశీలించి, కేసు నమోదు చేసి దర్యాప్తు చేస్తున్నారు. డీసీపల్లిలో 461 పొగాకు బేళ్ల విక్రయం మర్రిపాడు: మండలంలోని డీసీపల్లి పొగాకు బోర్డు వేలం కేంద్రంలో మంగళవారం 461 పొగాకు బేళ్లను విక్రయించినట్లు వేలం నిర్వహణాధికారి రాజశేఖర్‌ తెలిపారు. వేలానికి 503 బేళ్లు రాగా 461 బేళ్లను విక్రయించామని, మిగిలిన బేళ్లను వివిధ కారణాలతో తిరస్కరించినట్లు తెలిపారు. వేలంలో గరిష్ట ధర రూ.280, కనిష్ట ధర రూ.260 లభించింది. సగటు ధర రూ.278.17 నమోదైంది. వేలంలో 61,006 కిలోల పొగాకును విక్రయించగా రూ.169,70,309 వ్యాపారం జరిగింది. వేలంలో 8 కంపెనీల వ్యాపార ప్రతినిధులు పాల్గొన్నారు.

పనికి పోతేనే ఇల్లు జరిగేది మాది పేద కుటుంబం. అందరూ ఏదో ఒక పని చేసుకుంటేనే ఇల్లు జరుగుబాటు ఉంటుంది. పొదుపు సంఘంలో 20 ఏళ్లుగా ఉంటున్నా. పొదుపు ద్వారా కుటుంబం జరుగుబాటు కావడానికి ఎలాంటి జీవనోపాధి సమకూరలేదు. అందుకే బతకడానికి కూలి పనులు చేసుకుంటున్నాను. – పానబోయిన శేషమ్మ, అమ్మవారిపాళెం, గుడ్లూరు మండలం ● దశాబ్దాలుగా ఇప్పటికీ కూలీలుగానే.. ● గత ప్రభుత్వంలో వ్యాపారులుగా రాణించిన మహిళలు ● డ్వాక్రా సంఘాలతో సూపర్‌ మార్ట్‌ల ఏర్పాటు ● కూటమి ప్రభుత్వం రాగానే కుప్ప కూల్చేసిన వైనం ● రుణాలు లేవు.. ఆర్థిక సాయం లేదు.. పారిశ్రామికవేత్తలు ఎలా..! ● ఈ ఫొటోలో ఉన్న పొదుపు మహిళ పేరు డేగా శాంతమ్మ. కావలి మండలం చలంచర్ల పంచాయతీ పెద్దారం గ్రామం. డ్వాక్రా సంఘాల్లో 15 ఏళ్లుగా సభ్యురాలుగా ఉంది. జీవనోపాధి కోసం కూలి పనులు చేసుకుంటోంది. తమ గ్రామానికి 10 కి.మీ. దూరంలో ఉన్న కొత్తపల్లి గ్రామానికి వచ్చి కూలి పనులు చేస్తోంది. కావలి: ‘‘పొదుపు చేయడంలో మహిళలే మహారాణులు. పొదుపు అనే ఆర్థిక ఉద్యమంలో పేద మహిళలు చైతన్య వంతులైతే వారు సామాజికంగా, ఆర్థికంగా అభివృద్ధి చెందుతారు. పొదుపు మహిళలను తమ ప్రభుత్వంలో పారిశ్రామికవేత్తలుగా తయారు చేస్తాం.’’ – ఇటీవల డీఆర్‌డీఏ పీడీల సమావేశంలో రాష్ట్ర మంత్రి కొండపల్లి శ్రీనివాస్‌ చేసిన వ్యాఖ్యలివి. ఇలాంటి మాటలు వినడానికి బాగానే ఉన్నా.. క్షేత్రస్థాయిలో మహిళల ఆర్థిక స్వావలంబనకు చేయూతనందించడానికి ప్రభుత్వానికి చిత్తశుద్ధి లేదు. రాష్ట్రంలో డ్వాక్రా గ్రూపుల సృష్టికి తానే ఆద్యుడనని చెప్పుకునే సీఎం చంద్రబాబు ఆ డ్వాక్రా మహిళల ఎదుగుదలకు ప్రణాళికాబద్ధంగా ఏనాడు చిత్తశుద్ధిగా వ్యవహరించడలేదు. వీరిని దాదాపు 30 ఏళ్లుగా తన ప్రచార సభల్లో జనసమీకరణకు వాడుకున్నారే తప్ప.. వారి అభివృద్ధికి పాటుపడిన చరిత్ర లేదు. పొదుపు మహిళలకు అరకొరగా రుణాలిచ్చి.. వాటిని ఇంటి ఖర్చులకు వాడుకునేలా చేస్తూ.. జీవితాంతం అప్పులు తీర్చుకునే విధంగా వారిని ఆ చట్రంలో బిగించారు. 2014 ఎన్నికల్లో ప్రతి డ్వాక్రా మహిళ రుణాలను పూర్తిగా మాఫీ చేస్తామని చెప్పి.. చివరకు పదివేలు చేతిలో పెట్టి చేతులు దులుపుకున్నారు. ఆనాడు చంద్రబాబు మాటలు విని అప్పులు కట్టకుండా ఉండిపోయి డీఫా ల్టర్లు అయ్యారు. చివరకు వడ్డీలకు చక్రవడ్డీల లెక్కన అప్పులు కట్టారు. నాలుగుసార్లు అధికారంలో ఉండి.. టీడీపీ ప్రభుత్వం నాలుగోసారి అధికారంలోకి వచ్చింది. గతంలో పద్నాలుగేళ్లుగా.. తాజాగా పది నెలలుగా ఎంత మంది మహిళలను పారిశ్రామివేత్తలుగా నిలబెట్టిందో ఈ ప్రభుత్వం చెప్పగలదా?. అధికారం కోసం అమాయక డ్వాక్రా మహిళలను ఆశల పల్లకీల్లో ఊగిసలాడించి పబ్బం గడుపుకోవడం టీడీపీ నైజంగా మారింది. నాలుగు దశాబ్దాల కిందటి నుంచి డ్వాక్రా గ్రూపులు ఏర్పాటవుతున్నాయి. లక్షలాది మంది మహిళలు ఆయా గ్రూపుల్లో సభ్యులుగా ఉండి ప్రభుత్వం నుంచి రుణ సాయం పొందుతున్నారు. కొన్ని గ్రూపుల వారు చిన్న చిన్న వ్యాపారాలు కూడా చేస్తున్నారని అధికారులు చెబుతున్నారు. కానీ ఎంత మంది డ్వాక్రా మహిళలు పారిశ్రామిక వేత్తలుగా ఎదిగారు అని ఎవరైనా ప్రశ్నిస్తే జవాబు చెప్పడం కష్టమే. ఎందుకంటే ప్రభుత్వ లక్ష్యం సరే.. ఆచరణే కార్యరూపం దాల్చడం లేదు. పొదుపు గ్రూపుల పర్యవేక్షకులు లంచాల దోపిడీతో మహిళలు అనుకున్న స్థాయిలో ఆర్థిక ప్రగతి సాధించలేపోయారనేది జగద్విదితమే. మంత్రి ప్రకటనపై విస్మయం అయితే పాలకులు మాత్రం పొదుపు గ్రూపుల్లో ఉన్న పేద మహిళలను పారిశ్రామికవేత్తలను చేస్తామని ప్రకటిస్తుండటం విస్మయ పరుస్తోంది. వాస్తవంగా పొదుపు గ్రూపులో ఉన్న మహిళలు పొదుపు సంఘాలు ద్వారా సమకూరుతున్న అరకొర నగదుతో కొత్తగా వ్యాపారాలు చేయడానికి సాధ్యపడటం లేదు. అప్పటికే కుటుంబం చిరు వ్యాపారాలు, చిరు అమ్మకాలు చేస్తుంటే పొదుపు సంఘాలు ద్వారా వచ్చే నగదును అందులో పెట్టుబడిగా పెట్టుకుంటున్నారు. అలా చేస్తున్న వారినే అధికారులు కూడా పొదుపు మహిళలు ఉపాధి పొందుతున్నారంటూ ఊదరగొడుతున్నారు. పొదుపు సంఘాల్లో ఉన్న మహిళలు కుటుంబానికి స్థోమత ఉంటే గృహిణులుగా స్థిరపడుతున్నారు. కుటుంబానికి స్థోమత లేకపోతే కుటుంబ పోషణ కోసం కూలీలుగా పనులకు కూడా పోతున్నారు.● ఈ ఫొటోలో ఉన్న మహిళ ఆదెమ్మ. ఈమె శ్రీకాకుళం జిల్లా పలాస పట్టణం నుంచి కావలి పట్టణానికి వచ్చి రోడ్డు మార్జిన్‌లో కూర్చొని జీడిపప్పు అమ్మకాలు చేస్తోంది. పలాసలోని జీడిపప్పు వ్యాపారులు ఆమెకు రోజుకు రూ.150 కూలి ఇస్తారు. గడిచిన 20 ఏళ్ల నుంచి ఈమె పొదుపు సంఘాల్లో సభ్యురాలిగా ఉంది. కానీ జీవనోపాధి కోసం సొంతూరు నుంచి 700 కి.మీ. దూరంలో ఉన్న కావలికి వచ్చి కూలి పని చేస్తోంది. ● ఈ మహిళ పేరు కాకు పద్మమ్మ. కావలి మండలం పెద్దారం గ్రామం. పొదుపు గ్రూపులో 15 ఏళ్ల నుంచి ఉంటోంది. కుటుంబ జీవనం కోసం కూలి పనులు చేస్తోంది. పొదుపు గ్రూపు ద్వారా ఈమెకు జీవనోపాధి సమకూరలేదు. పొదుపు గ్రూపు మహిళల సమావేశం ధాన్యం ఆరబోసే పనిలో కూలీలుగా పొదుపు మహిళలు వైఎస్సార్‌సీపీ పాలనలోనే ఆర్థిక స్వావలంబన వైఎస్సార్‌సీపీ ప్రభుత్వంలో డ్వాక్రా గ్రూపుల్లోని మహిళలు ఆర్థిక స్వావలంబన దిశగా అడుగులు వేశారు. ఎంతో మంది మహిళలు కుటీర పరిశ్రమల నుంచి చిన్న వ్యాపారులుగా స్వయం ఉపాధిలో ఎదిగారు. ఎన్నికల ముందు ఇచ్చిన హామీ మేరకు అప్పటి ముఖ్యమంత్రి వైఎస్‌ జగన్‌మోహన్‌రెడ్డి పొదుపుల మహిళ రుణాలను మాఫీ చేసి నాలుగు దఫాలుగా చెల్లించారు. ఈ డబ్బులతోపాటు వైఎస్సార్‌ చేయూత పథకం, డ్వాక్రా రుణాలు కల్పించి ఈ మొత్తాలకు బ్యాంక్‌ల ద్వారా అదనపు రుణాలు అందించి వారి ఆర్థిక ప్రగతి బాటలు వేశారు. నగరాలు, పట్టణాల్లో డ్వాకా గ్రూపులను సమీకృతం చేసి వారితో సూపర్‌ మార్టులు ఏర్పాటు చేయించి మహిళల ఆర్థిక ప్రగతికి బాటలు వేశారు. కూటమి ప్రభుత్వం అధికారంలోకి వచ్చాక కావలి, వింజమూరు, కందుకూరుల్లోని డ్వాక్రా సంఘాలు ఏర్పాటు చేసిన మార్టులు మూతపడ్డాయంటే పరిస్థితిని అర్థం చేసుకోవచ్చు. ఈ కూటమి ప్రభుత్వం మహిళలను ఏ విధంగా అభివృద్ధి చేస్తోందో తేటతెల్లమవుతోంది. గ్రామీణ ప్రాంతాల్లో సభ్యులు – 4,00,064 మంది గ్రామీణ ప్రాంతాల్లో గ్రూపులు – 39,249 పారిశ్రామిక, వ్యాపారవేత్తలు – 0 కూలి పనులకు పోతుంటా నేను 25 ఏళ్ల నుంచి పొదుపు గ్రూపులో ఉన్నా. పొదుపు సంఘం ద్వారా నాకు జీవనోపాధి ఏమీ కలగలేదు. కొద్దిగా డబ్బు చేతికందితే అరకొర ఖర్చులకు సరిపోతోంది. మళ్లీ రుణం చెల్లించాలి కాబట్టి కుటుంబ పోషణకు కూలి పనులకు పోతుంటాను. – ఏకుల రమణమ్మ, పొదుపు మహిళ, అల్లూరు మండలం కష్టం చేసుకొని బతకాలి కష్టం చేసి బతుకుతున్నా. పొదుపు గ్రూపులో 16 సంవత్సరాలు నుంచి ఉన్నా. పొదుపు సంఘం ద్వారా బతకడానికి ఎలాంటి అవకాశాలు రాలేదు. ఎక్కడ కూలి పనులు దొరికితే అక్కడికి వెళ్లి కూలి పనులు చేస్తాను. అలా చేసుకుంటేనే ఇల్లు జరుగుతుంది. – మనెమ్మ, పొదుపు మహిళ, చింతగుంట, అల్లూరు మండలం పట్టణ పొదుపు గ్రూపులు – 15,209 జిల్లాలో మొత్తం సభ్యులు – 5,51,166 మంది పాతికేళ్లుగా టీడీపీ ఇదే చెబుతోంది పొదుపు మహిళలను పారిశ్రామిక వేత్తలను చేస్తానని టీడీపీ పాతికేళ్లుగా ఇదే చెబుతోంది. పొదుపు చేసుకుని ప్రభుత్వం ఇచ్చే వెసులుబాటుతో పేద వర్గాల మహిళలు ఆర్థికంగా కొద్దిగా ఎదగడానికి మాత్రమే ఉపయోగపడుతుంది. అంతేకాని పొదుపు మహిళలు పారిశ్రామికవేత్తలుగా ఎదగడానికి కాదు. – సి.శారద, సామాజిక కార్యకర్త, కావలి పట్టణ గ్రూపుల్లోని సభ్యులు – 1,51,102

కందుకూరు: కందుకూరులో మద్యం వ్యాపారం సరికొత్త పుంతలు తొక్కుతోంది. ఆదాయమే పరామావధిగా మందుబాటుల జేబులు గుల్లచేసే సరికొత్త విధానానికి మద్యం వ్యాపారులు తెరతీశారు. దొంగలు దొంగలు ఊళ్లు పంచుకున్న సామెతగా మద్యంషాపుల యజమానులు, బార్ల యజమానులు ఓ అవగాహనకు వచ్చి భారీ దోపిడీకి స్కెచ్‌ వేశారు. దీంతో మందుబాబులు నిలువుదోపిడీకి గురౌతున్నారు. కందుకూరు పట్టణంలో అమలవుతున్న ఈ సరికొత్త విధానంపై మందుబాబు ఇదేం దోపిడీ అంటూ లబోదిబోమంటున్నారు. ఇదీ ఒప్పందం కందుకూరు నియోజకవర్గంలో మొత్తం 21 ప్రైవేట్‌ మద్యం షాపులు ఉన్నాయి. వీటిలో 17షాపులు మద్యం వ్యాపారుల ఆధ్వర్యంలో నిర్వహిస్తుంటే, మరో 4 షాపులు గౌడ కులస్తులకు కేటాయించినవి. అయితే గౌడ కులస్తుల షాపులను కూడా సిండికేట్‌ వ్యాపారులు స్వాధీనం చేసుకుని నిర్వహిస్తున్నారు. వీటిలో ప్రధానంగా కందుకూరు పట్టణంలో 7 మద్యం షాపులు ఏర్పాటు చేశారు. మరో మూడు బార్‌ అండ్‌ రెస్టారెంట్లు ఉన్నాయి. మద్యం షాపులకు తెలుగుదేశం పార్టీకి చెందిన నాయకులే సిండికేట్‌గా ఏర్పడి దక్కించుకుని నిర్వహించుకుంటున్నారు. నిన్నటి వరకు వేళాపాళా లేకుండా ఇష్టం వచ్చినట్లు మద్యంషాపులు నిర్వహించుకుంటూ దోపీడీ చేస్తూ వస్తున్నారు. ఇష్టం వచ్చినట్లు లూజ్‌ సేల్స్‌ చేయడంతో పాటు, సిట్టింగ్‌ రూమ్‌లు ఏర్పాటు చేసి విచ్చలవిడిగా వ్యాపారం నిర్వహిస్తూ వస్తున్నారు. అయితే ఈ విషయంలో అధికారులు, షాపుల యజమానుల మధ్య కొంత వివాదం నడుస్తోంది. అదే సమయంలో మద్యం షాపుల్లో విచ్చలవిడి అమ్మకాల వల్ల పట్టణంలోని బార్‌ల యజమానులకు ఇబ్బందికరంగా మారింది. ఈ నేపథ్యంలో మద్యంషాపుల యజమానులు, బార్ల యజమానులు కలిసి ఓ అవగాహనకు వచ్చి ఒప్పందం కుదుర్చుకున్నారు. ఈ ఒప్పందంలో భాగంగా మద్యంషాపుల్లో లూజ్‌ సేల్‌ విక్రయించకూడదు, అదనపు సిట్టింగ్‌ రూమ్‌లను ఎత్తివేయాలి వంటి షరతులు ఉన్నాయి. బార్ల యజమానులు చేసిన ప్రతిపాదనకు మద్యంషాపుల యజమానులు అంగీకరించారు. దీనికి ప్రతిఫలంగా బార్లలో మద్యం బాటిల్స్‌ రేట్లను ఇష్టం వచ్చినట్లు రేట్లు పెంచి విక్రయిస్తున్నారు. ఉదాహరణకు క్వార్టర్‌ బాటిల్‌పై రూ.60 అదనంగా బార్‌ యజమానులు వసూల్‌ చేస్తారు. ఇలా క్వార్టర్‌ బాటిల్‌పై అదనంగా వసూల్‌ చేసిన 60 రూపాయల్లో రూ.30 మద్యంషాపుల యజమానులకు ఇచ్చేటట్లు, రూ.30 బార్‌ల యజమానులు తీసుకునేలా ఒప్పందం కుదిరింది. ఈ ఒప్పందాన్ని గత వారం రోజులుగా పట్టణంలో అమలు చేస్తున్నారు. ఒప్పందం ప్రకారం మద్యంషాపులో లూజ్‌సేల్‌ అమ్మకాలు, అదనపు రూమ్‌లను తీసివేశారు. దీంతో తప్పనిసరి పరిస్థితుల్లో మందుబాబులు కచ్చితంగా బార్‌లకు వెళ్లాల్సి వస్తోంది. బార్‌లకు వెళ్లి క్వార్టర్‌ బాటిల్‌పై ఉన్న ఎమ్మార్పీ ధర కంటే అదనంగా రూ.60 చెల్లించాల్సి వస్తోంది. ఇలా ప్రతి రోజు పట్టణంలోని మూడు బార్లలో 2వేల క్వార్టర్‌ బాటిళ్ల అమ్మకాలు జరుగుతున్నట్లు సమాచారం. అంటే బార్‌ యజమానులు ఒక రోజు అదనపు దోపిడీ రూ.1.20 లక్షలు. దీనిలో రూ.60 వేలు మద్యంషాపుల యజమానులకు ఇస్తే, మిగిలిన రూ.60 వేలు బార్‌ యజమానులకు దక్కుతుంది. అంత ఇచ్చుకోలేం సార్‌ అదే సందర్భంలో మద్యంషాపుల యజమానులు, ఎకై ్సజ్‌, పోలీస్‌శాఖల అధికారుల మధ్య కూడా మామూళ్ల విషయంలో పొత్తు కుదరడం లేదని సమాచారం. అధికారులు అడిగినంత ఇచ్చుకోలేక నిబంధనల మేరకు షాపులు నిర్వహించుకునేందుకు మద్యంషాపుల యజమానులు సిద్ధమైనట్లు ప్రచారం సాగుతోంది. నిన్న, మొన్నటి వరకు అదనపు సిట్టింగ్‌ రూమ్‌లతో పాటు, రాత్రి, పగలు అన్న తేడా లేకుండా అమ్మకాలు సాగించిన పట్టణంలోని మద్యంషాపులు సడన్‌గా రూటుమార్చాయి. ఉదయం 10 గంటల నుంచి సాయంత్రం 10గంటల వరకు అమ్మకాలు సాగిస్తూ, లూజ్‌సేల్స్‌, అదనపు రూమ్‌లను పూర్తిగా రద్దు చేశారు. దీనికి ప్రధాన కారణం అధికారులకు ఇచ్చే మామూళ్ల విషయంలో అంగీకారం కుదరలేదని ప్రచారం సాగుతుంది. అధికారులు అడిగినంత ఇచ్చేందుకు షాపుల యజమానులు ససేమిరా అంగీకరించడం లేదు. ఒక్కో షాపుకు నెలకు రూ.25 వేలు ఇవ్వాలని అధికారులు ఒత్తిడి చేస్తుండగా, షాపుల యజమానులు మాత్రం రూ.15వేలు ఇస్తామంటూ మొండికేస్తున్నారు. ఈ మామూళ్ల విషయంలో ఇరువర్గాల మధ్య రాజీకుదరకపోవడంతో నిబంధనల ప్రకారం షాపులు నిర్వహించుకునేందుకు పట్టణంలోని మద్యంషాపుల యజమానులు సిద్ధమయ్యారు. అయితే దీనికి బదులుగా బార్ల యజమానుతో కొత్త ఒప్పందం చేసుకుని సరికొత్త దోపీడీకి స్కెచ్‌ వేశారు. అయితే మొత్తం వ్యవహారంలో మందుబాబులే జేబులు గుల్లచేసుకుంటున్నారు. వందలకొద్దీ బెల్టుషాపులు అయితే కందుకూరు పట్టణం మినహా ఇతర ప్రాంతాల్లోని మద్యంషాపుల్లో ఇష్టం వచ్చినట్లు బెల్టుషాపులు నిర్వహించుకుంటున్నారు. మద్యంషాపుల నుంచే నేరుగా బెల్టుషాపులకు ఆటోలు, కార్ల ద్వారా మద్యాన్ని సరఫరా చేస్తున్నారు. ప్రతి గ్రామంలో నాలుగు వరకు బెల్టుషాపులు నిర్వహిస్తూ దోపీడీకి పాల్పడుతున్నారు. గుడ్లూరులో రెండు మద్యంషాపులు ఉండగా వీటిలో ఒకటి కేవలం బెల్టుషాపులకు మద్యం సరఫరా చేసేందుకు కేటాయించినట్లు సమాచారం. ఈ విధానం ప్రకారం ప్రస్తుతం నియోజకవర్గంలో బెల్టుషాపు లేని గ్రామం లేదంలే ఆశ్చర్యం కలగకమానదు. అయితే ఎకై ్సజ్‌ అధికారులుగాని, పోలీస్‌శాఖ అధికారులు గాని ఈ బెల్టుషాపుల జోలికి మాత్రం పోవడం లేదు. దుకాణాలు, బార్ల యజమానుల మధ్య కొత్త ఒప్పందం బార్‌లో క్వార్టర్‌ బాటిల్‌పై రూ.60 అదనంగా పెంచి విక్రయాలు వచ్చిన ఆదాయంలో చెరిసగం పంచుకునేలా అవగాహన ఇదేం దోపిడీరా బాబూ అంటున్న మందుబాబులు

● వైఎస్సార్‌సీపీ మహిళా నేత కుటుంబంపై దాడి ● కర్రలు, రాళ్లతో స్వైరవిహారం ● భయంతో ఇంట్లో తలదాచుకున్న బాధితులు ● దాడి దృశ్యాలు సోషల్‌ మీడియాలో వైరల్‌ ● స్థల వివాదం ముసుగులో కక్షసాధింపు చర్య ● వేదాయపాళెం పోలీసులకు బాధితుల ఫిర్యాదునెల్లూరు సిటీ: జిల్లాలో అధికార అండతో టీడీపీ నాయకులు బరితెగిస్తున్నారు. వైఎస్సార్‌సీపీ నాయకులు, కార్యకర్తలను లక్ష్యంగా చేసుకుని దాడులకు పాల్పడుతున్నారు. నెల్లూరు నగరంలోని వనంతోపు సెంటర్‌లో పోతురాజు మురళి, రమాదేవి దంపతులు నివసిస్తున్నారు. వారికి ఆకాష్‌, లక్ష్మీదేవి సంతానం. రమాదేవి వైఎస్సార్‌సీపీ రూరల్‌ నియోజకవర్గ మహిళా విభాగం అధ్యక్షురాలిగా ఉన్నారు. వీరు గత ఎన్నికల్లో వైఎస్సార్‌సీపీ గెలుపు కోసం కృషి చేశారు. దీంతో స్థానిక టీడీపీ నాయకుడు పోతురాజు రవి, అతని అనుచరులు వారిపై కక్ష పెంచుకున్నారు. ఈ నేపథ్యంలో ఆదివారం సాయంత్రం వనంతోపు సెంటర్‌కు సమీపంలో ఓ స్థలానికి సంబంధించి పోతురాజు గంగయ్య, సునీతలు కొలతలు వేస్తున్నారు. ఈ క్రమంలో అక్కడకు చేరుకున్న టీడీపీ నేత పోతరాజు రవి, అతని బంధువులు గంగమ్మ, రమ, ఓబిలి సుజాత, విజయసారథి, రాజేష్‌, మురళి, శిరీషలు ఆ స్థలంపై తమకూ హక్కు ఉందంటూ కొలతలు ఆపాలని వారిని అడ్డుకున్నారు. అక్కడ వారి మధ్య వాగ్వాదం చోటుచేసుకుంది. సమీపంలో ఉన్న వైఎస్సార్‌సీపీ నేత పోతురాజు మురళి దంపతులు గంగయ్యకు మద్దతుగా వచ్చారు. దాంతో టీడీపీ నేత పోతురాజు రవి, అతని వర్గీయులు మురళి కుటుంబంపై దాడికి దిగారు. దాదాపు 20 మంది ఒక్కసారిగా కర్రలు, రాళ్లతో దాడికి పాల్పడ్డంతో మురళి, రమదేవిలు గాయపడ్డారు. భయంతో వెంటనే తమ పిల్లలతో సహా ఇంట్లోకి వెళ్లి తలుపులు వేసుకుని తలదాచుకున్నారు. దాడి చేసిన వారు వెళ్లిపోయిన తరువాత బాధితులు చికిత్స నిమిత్తం ప్రభుత్వాసుపత్రిలో చేరారు. వేదాయపాళెం పోలీసులకు ఇరువర్గాలు ఫిర్యాదు చేసుకున్నారు. వైఎస్సార్‌సీపీ నాయకులు పరామర్శ వైఎస్సార్‌సీపీ నేత మురళి దంపతులపై టీడీపీ నాయకుల దాడిని మాజీ మంత్రి కాకాణి గోవర్ధన్‌రెడ్డి, రూరల్‌ వైఎస్సార్‌సీపీ సమన్వయకర్త ఆనం విజయకుమార్‌రెడ్డిలు ఖండించారు. బాధిత కుటుంబానికి అండగా ఉంటామని హామీ ఇచ్చారు. ఏఎస్పీ సౌజన్యను సోమవారం కలిసి వినతి పత్రం అందజేశారు. దాడికి సంబంధించిన వీడియోలను పోలీసులకు అందజేశారు. వారిపై విచారించి చర్యలు తీసుకోవాలని కోరారు.

వెంకటాచలం: వీఎస్‌యూ పూర్వవిద్యార్థి ని డాక్టర్‌ బతినపట్ల శ్రావణి ప్రతిష్టాత్మక 74వ లిండౌ నోబెల్‌ లారియట్‌ సమావేశంలో పాల్గొనే అవకాశం దక్కడంతో వీఎస్‌యూ వీసీ అల్లం శ్రీనివాసరావు సోమవారం ఒక ప్రకటనలో అభినందనలు తెలిపారు. శ్రావణి వీఎస్‌యూలో ఎంఎస్‌సీ (ఆర్గానిక్‌ కెమిస్ట్రీ) పూర్తి చేసి కడపలోని యోగివేమన వర్సిటీలో పీహెచ్‌డీ పూర్తి చేశారు. ప్రస్తుతం ఇన్‌స్టిట్యూట్‌ ఆఫ్‌ ఎమినెన్స్‌ ఢిల్లీ విశ్వవిద్యాలయంలో ఎంకే పోస్ట్‌– డాక్టోరల్‌ ఫెలోగా పని చేస్తున్నారు. ఈ ఏడాది జూన్‌ 29 నుంచి జూలై 4 తేదీ వరకు జర్మనీలోని లిండౌ నగరంలో జరగనున్న 74వ లిండౌ నోబెల్‌ లారియట్‌ సమావేశంలో ప్రపంచ వ్యాప్తంగా పాల్గొనే 600 మంది యువ శాస్త్రవేత్తల్లో ఒకరిగా డాక్టర్‌ శ్రావణి ఎంపికై ంది.

● పోలీసు గ్రీవెన్స్‌లో 86 ఫిర్యాదులు నెల్లూరు సిటీ: హనీ ట్రాప్‌తో వేధిస్తునారు.. స్వామీజీ పేరుతో లైంగిక వేధింపులకు గురి చేస్తున్నారు.. వివాహం చేసుకుంటానని ఓ మహిళ మోసగించిందని, నకిలీ పత్రాలతో స్థలాన్ని కాజేస్తున్నాడంటూ ఇలా.. పలువురు తమ గోడును జిల్లా పోలీస్‌ అధికారుల దృష్టికి తీసుకువచ్చారు. సోమవారం స్థానిక పోలీసు పరేడ్‌ గ్రౌండ్స్‌లో జరిగిన ప్రజా సమస్యల పరిష్కార వేదికకు జిల్లా నలుమూలల నుంచి 86 మంది తామెదుర్కొంటున్న సమస్యలను వివరించి ఆదుకోవాలని కోరారు. జిల్లా అడిషనల్‌ ఎస్పీ సౌజన్య ఫిర్యాదులు స్వీకరించారు. ఆయా ఫిర్యాదులపై త్వరితగతిన స్పందించి, పరిష్కరించాలని సంబంధిత ప్రాంతాల పోలీస్‌ అధికారులను ఆదేశించారు. ఈ కార్యక్రమంలో నెల్లూరురూరల్‌ డీఎస్పీ ఘట్టమనేని శ్రీనివాసరావు, ఉమెన్‌ పీఎస్‌ డీఎస్పీ సీహెచ్‌ రామారావు తదితరులు పాల్గొన్నారు. హనీట్రాప్‌లో రూ.18 లక్షలు తీసుకున్నారు ఆన్‌లైన్‌ ద్వారా పరిచయమైన దుర్గాభవాని అనే మహిళ తన స్నేహితులతో కలిసి హనీట్రాప్‌ చేసి తన నుంచి రూ.18 లక్షలు తీసుకుంది. తిరిగి ఇవ్వకుండా బెదిరిస్తున్నారని వీకేపాడుకు చెందిన బాధితుడు ఫిర్యాదు చేశారు. నా స్థలానికి నకిలీ పత్రాలు సృష్టించి ఆక్రమించారు నెల్లూరురూరల్‌ పరిధిలోని కల్లూరుపల్లి హౌసింగ్‌ బోర్డు కాలనీలో రాంరాజ్‌ కంపెనీ పేరుతో సతీష్‌, సురేష్‌ అనే ఇద్దరు రియల్‌ ఎస్టేట్‌ వ్యాపారం చేస్తున్నట్లు తనను నమ్మించారు. 67 అంకణాల తన స్థలాన్ని ముత్తుకూరుకు చెందిన శకుంతలమ్మ అనే మహిళకు నకిలీ పత్రాల ద్వారా అమ్మేశారు. తన స్థలంలో గోడ కూడా కట్టారని, విచారించి న్యాయం చేయాలని బాధితుడు కోరారు. స్వామీజీ పేరుతో వేధిస్తున్నారు కావలి మండలం పూలదొరువులో శక్తి పూజలు చేస్తానని పవన్‌కుమార్‌, అతని భార్య రజిని కలిసి తనన్ని శారీరకంగా, మానసికంగా వేధిస్తున్నారని, తాము చెప్పింది చేయకపోతే నీ భర్తకు హాని కలిగేలా చేస్తానని బెదిరిస్తున్నారని తెలిపారు. తన నుంచి రక్షించి న్యాయం చేయాలని కోరారు. పెళ్లి చేసుకుంటానని రూ.4.50 లక్షలు తీసుకుంది వేదాయపాళెం పరిధికి చెందిన వ్యక్తి తన భార్య కోవిడ్‌లో మరణించగా, జీవిత భాగస్వామి కోసం మ్యాట్రిమోనియల్‌ సైట్‌లో నమోదు చేసుకున్నారు. ఈ క్రమంలో నంద్యాలకు చెందిన కౌసల్య అనే మహిళ తనను వివాహం చేసుకుంటానని నమ్మించి అవసరాలకు రూ.4.50 లక్షలు తీసుకొని మోసం చేసిందని, విచారించి న్యాయం చేయాలని కోరారు. ఫిలిప్పిన్స్‌లో ఎంబీబీఎస్‌ సీటు ఇప్పిస్తానని మోసం టీపీగూడూరుకు చెందిన వ్యక్తి తన బిడ్డకు ఫిలిప్పిన్స్‌లో ఎంబీబీఎస్‌ సీట్‌ ఇప్పిస్తానని, ఏజెంట్‌ రవితేజ తనను నమ్మించి రూ.21లక్షలు నగదు తీసుకొని, కాలేజీలో అసలు ఫీజు కట్టలేదని, మోసపోయామని, విచారించి న్యాయం చేయాలని కోరారు.

నెల్లూరు(అర్బన్‌): ఆమె టీడీపీలో క్రియాశీలక కార్యకర్తగా ఉన్నారు. లాటరీలో ఆమెకు మద్యం దుకాణం వచ్చింది. ఎకై ్సజ్‌ సీఐ లైసెన్సు ఇవ్వకుండా సొంత పార్టీ వారే అడ్డుకున్నారు. తీవ్ర ఇబ్బందులుకు గురి చేస్తున్నారు. ఆమె తీవ్రంగా నష్టపోయింది. అప్పులు తీర్చే క్రమంలో తాళిబొట్టు అమ్ముకుంది. చివరికి మద్యం షాపు తనకు వద్దు ప్రభుత్వం హ్యాండోవర్‌ చేసుకుని విముక్తి చేయాలని ప్రాధేయపడుతోంది. ఆమె పేరు కడియపు లక్ష్మి. పొదలకూరు మండలంలోని తాటిపర్తి వాసి. సోమవారం కలెక్టరేట్‌లో జెడ్పీ సీఈఓకి వినతిపత్రం ఇచ్చింది. వివరాలల్లోకి వెళితే.. లక్ష్మి ఎన్నికల సమయంలో టీడీపీ అభ్యర్థి సోమిరెడ్డి చంద్రమోహన్‌రెడ్డి విజయానికి పనిచేశారు. గత సంవత్సరం మద్యం షాపులకు తీసిన లాటరీలోకి ఆమెకు 154 నంబర్‌ షాపు దక్కింది. పొదలకూరులో దుకాణాన్ని ఏర్పాటు చేసుకునేందుకు తుమ్మల శ్రీనివాసులు అనే వ్యక్తి షాపును అద్దెకు తీసుకుని అడ్వాన్స్‌ కింద రూ.లక్ష చెల్లించింది. అగ్రిమెంట్‌ రాసుకున్నాను. అయితే ఎకై ్సజ్‌ సీఐ, సూపరింటెండెంట్‌లు లైసెన్సు ఇవ్వలేదు. పైగా అద్దెకు షాపు ఇచ్చేందుకు ముందుకు వచ్చిన శ్రీనివాసులును ఆర్‌అండ్‌బీ అధికారుల ద్వారా రోడ్డులోకి జరిగి షాపు కట్టావంటూ అధికారపార్టీ నాయకులు బెదిరించారు. ముగ్గురి వద్ద షాపులు అద్దెకు తీసుకుని అడ్వాన్స్‌లు చెల్లించింది. వారిని అలాగే బెదిరించారు. అడ్వాన్స్‌ రూపంలో చెల్లించిన రూ.3 లక్షలు నగదు కూడా ఇంకా ఆమెకు రాలేదు. లైసెన్సు కోసం ఎకై ్సజ్‌ కార్యాలయం చుట్టూ తిరిగా.. ఆడ మనిషి అని కూడా చూడకుండా సీఐ ఉదయం నుంచి సాయంత్రం వరకు కార్యాలయంలో నిలబెట్టారు. చివరికి ఆమెకు వ్యాపారం జరగని సూరాయపాళెం గ్రామంలో ప్రొవిజనల్‌ లైసెన్స్‌ ఇచ్చారు. అక్కడ వద్దని ఎంత చెప్పినా భయపెట్టారు. లక్ష్మి రెండు నెలలకు మద్యం దుకాణానికి ప్రభుత్వానికి ఫీజు కింద రూ.10,83,330 చెల్లించాల్సి ఉంది. ఆమెకు రెండు నెలలకు రూ.3 లక్షలు మాత్రమే వస్తోంది. ప్రభుత్వానికి నగదు ఎలా చెల్లించాలని అడుగుతోంది. ఎకై ్సజ్‌ సీఐకు చెబితే నేనేమి చేయలేను. అధికారపార్టీ ఒత్తిళ్లు ఉన్నాయని చెబుతున్నాడని ఆమె వాపోతోంది. అప్పులు తీర్చేదానికి తాళిబొట్టు కూడా అమ్మేశాను. ఇప్పటికే రూ.14 లక్షలు నష్టపోయాను. మా పార్టీ వారి వల్లనే ఇలా జరిగింది. అందువల్ల ప్రభుత్వం నా దుకాణాన్ని హ్యాండోవర్‌ చేసుకోవాలి. లేదంటే పొదలకూరులో లైసెన్స్‌ ఇవ్వాలి. అలా చేయకపోతే నాకు పురుగు మందే దిక్కు అని వాపోయింది. లైసెన్స్‌ ఇవ్వకుండా సొంత పార్టీ వారే అడ్డుకున్నారు రూ.14 లక్షలు నష్టపోయా సీఈఓకి టీడీపీ కార్యకర్త కడియపు లక్ష్మి విన్నపం

● తిరగబడే రోజు వస్తుంది ● వైఎస్సార్‌సీపీ జిల్లా అధ్యక్షుడు కాకాణి, రూరల్‌ సమన్వయకర్త ఆనం ● కూటమి ప్రభుత్వ అరాచకాలపై ఏఎస్పీకి వైఎస్సార్‌సీపీ నాయకుల ఫిర్యాదు నెల్లూరు సిటీ: టీడీపీ నాయకులు తమ సహనాన్ని చేతకాని తనం అనుకోవద్దని, తిరగబడే రోజు వస్తుందని వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి, రూరల్‌ వైఎస్సార్‌సీపీ సమన్వయకర్త ఆనం విజయకుమార్‌రెడ్డిలు పేర్కొన్నారు. టీడీపీ నాయకులు పోలీసులను ఉపయోగించుకుని వైఎస్సార్‌సీపీ కార్యకర్తలపై అక్రమ కేసులు పెడుతున్నారని తెలిపారు. వైఎస్సార్‌సీపీ కార్పొరేటర్‌ శ్రీనివాస్‌ యాదవ్‌పై స్పష్టమైన ఆధారాలు లేకుండా అక్రమ కేసు నమోదు చేశారని మండిపడ్డారు. అక్రమ కేసులతో భయపెట్టాలని అధికార పార్టీ యోచిస్తోందని తెలిపారు. వైకాపా మహిళా విభాగం నేత రమాదేవి ఇంటి మీదకు వెళ్లి టీడీపీ నేతలు దాడి చేస్తే, ఇంత వరకు కేసు నమోదు చేయకపోవడం దారుణమన్నారు. వారి కుటుంబంపై దాడికి సంబంధించిన వీడియోలు బయటపెట్టినా పోలీసులు కేసు నమోదు చేయలేదన్నారు. జిల్లాలో శాంతి భద్రతలను కాపాడటంలో పోలీసు యంత్రాంగం విఫలం అయిందన్నారు. అధికార పార్టీ పెడుతున్న కేసులకు భయపడి, వెనక్కి తగ్గే ప్రసక్తే లేదని తేల్చిచెప్పారు. అధికార పార్టీ అరాచకాలను ఎదుర్కొంటామని తాము కార్యకర్తలకు అండగా నిలుస్తామన్నారు. ఆనం విజయకుమార్‌రెడ్డి మాట్లాడుతూ తమ సహనాన్ని చేతికాని తనం అనుకోవద్దని, త్వరలో తిరగబడే రోజు వస్తుందని పేర్కొన్నారు. నగరంలోని పోలీసు గ్రీవెన్స్‌లో సోమవారం ఏఎస్పీ సౌజన్యకు కాకాణి, ఆనం వినతిపత్రం అందజేశారు. ఈ సందర్భంగా విజయకుమార్‌రెడ్డి మాట్లాడుతూ నెల్లూరు రూరల్‌లో రౌడీయిజం ఎక్కువైంది. మాట వినకపోతే దాడులు లేదంటే అక్రమ కేసులు పెడుతున్నారన్నారు. వైఎస్సార్‌సీపీ నేతలపై దాడి చేసి వారి మీదే కేసులు నమోదు చేస్తున్నారని తెలిపారు. రూరల్‌లో వైఎస్సార్‌సీపీని ఎదుర్కొనే దమ్ములేక దౌర్జన్యాలకు పాల్పడుతున్నారన్నారు.

కస్తూరిదేవి బాలికల హైస్కూల్‌లో ఆ యాజమాన్యం పోస్టును బట్టి రూ.15 లక్షల నుంచి రూ.25 లక్షలు వసూలు చేసినట్లు సమాచారం. నిర్వహించే పరీక్ష నామమాత్రంగానే ఉంటుందని పోస్టింగ్‌ ఇచ్చే బాధ్యత తమదని చెప్పి ముందే కొంతమంది నుంచి డబ్బులు వసూలు చేశారన్న ప్రచారం ఉంది. సెకండరీ గ్రేడు టీచరుకు రూ.15 లక్షలు, స్కూల్‌ అసిస్టెంట్‌కు రూ.25 లక్షలు, పీఈటీకి రూ.10 లక్షలు తీసుకున్నట్లు చెబుతున్నారు. ఇప్పుడు ఆన్‌లైన్‌లో పరీక్ష నిర్వహిస్తే తాము డబ్బులు తీసుకున్న వారికి పోస్టు రాకపోతే పరిస్థితి ఏంటన్న ఆలోచనలో ఆ యాజమాన్యం ఉన్నట్లు తెలిసింది. ఆఫ్‌లైన్‌లో పరీక్ష నిర్వహించేలా ఎయిడెడ్‌ యాజమాన్యాలు ప్రభుత్వంపై ఒత్తిడి తీసుకువచ్చే యోచనలో ఉన్నట్లు తెలిసింది.

● 10 టీచర్‌ పోస్టుల భర్తీకి సన్నాహాలు ● ఇప్పటికే పోస్టుకు రూ.15 లక్షల నుంచి రూ.25 లక్షలవసూలు ● ఆన్‌లైన్‌లో పరీక్షలు నిర్వహించాలని కమిషనర్‌ ఆదేశాలు ● ఆఫ్‌లైన్‌లో నిర్వహించాలని కోర్టుకు వెళ్లిన అసోసియేషన్‌ నేతలు ● ఈ వారంలో ఎయిడెడ్‌ పోస్టులకు పరీక్ష జరిగే అవకాశం నెల్లూరు (టౌన్‌): జిల్లాలోని ఎయిడెడ్‌ పాఠశాలల్లో ఖాళీగా ఉన్న ఉపాధ్యాయ పోస్టులకు ఆయా యాజమాన్యాలు భారీ మొత్తంలో బేరం పెట్టినట్లు తెలిసింది. ఇప్పటికే ఈ పోస్టుల కోసం కొంతమంది వద్ద నుంచి డబ్బులు తీసుకున్నట్లు తెలిసింది. అయితే నెల్లూరు జిల్లాలో ఖాళీగా ఉన్న ఎయిడెడ్‌ ఉపాధ్యాయ పోస్టులకు దరఖాస్తు చేసుకున్న అభ్యర్థులకు ఈ వారంలో పరీక్ష నిర్వహించేందుకు జిల్లా విద్యాశాఖ అధికారులు ఏర్పాట్లు చేస్తున్నారు. ఆన్‌లైన్‌ పరీక్ష నిర్వహణపై రాష్ట్ర ఎయిడెడ్‌ పాఠశాలల యాజమాన్యాల అసోసియేషన్‌ హైకోర్టును ఆశ్రయించినట్లు తెలిసింది. ఇప్పటికే ఈ పోస్టులకు సంబంధించి ఆయా అభ్యర్ధుల నుంచి పోస్టును బట్టి రూ.15 లక్షల నుంచి రూ.25 లక్షలు వసూలు చేశారన్న ఆరోపణలు ఉన్నాయి. ఆన్‌లైన్‌లో పరీక్ష నిర్వహిస్తే తమ అభ్యర్థులకు పోస్టులు దక్కే అవకాశం ఉండదేమన్న అనుమానంతో ఆఫ్‌లైన్‌లో పరీక్ష నిర్వహించాలని కొన్ని యాజమాన్యాలు పట్టుబడుతున్నాయి. జిల్లాలో 25 ఎయిడెడ్‌ పాఠశాలలు ఉమ్మడి నెల్లూరు జిల్లాలో 23, కందుకూరు డివిజన్‌లో 3 ఎయిడెడ్‌ పాఠశాలలు జిల్లా విద్యాశాఖ పరిధిలో ఉన్నాయి. కావలిలోని ఎలిమెంటరీ స్కూల్‌, డీఆర్‌ఎల్‌కేఆర్‌ వీబీ హైస్కూల్‌, సమి శేషాచలంశెట్టి విశ్వోదయ గర్‌ల్స్‌ హైస్కూల్‌, అల్లూరులోని ఎఫ్‌బీసీ యూపీ స్కూల్‌, రామకృష్ణ జూనియర్‌ కళాశాల, తలమంచిలోని వీపీసీ యూపీఎస్‌, నార్తు రాజుపాళెంలోని ఆర్‌సీసీ ఎలిమెంటరీ స్కూల్‌, బుచ్చిరెడ్డిపాళెంలోని శ్రీహరనాథ ఎలిమెంటరీ స్కూల్‌, ఉయ్యాలపల్లిలోని ఎస్‌ఎంఎస్‌ ఎలిమెంటరీ స్కూల్‌, నెల్లూరులోని వేద సంస్కృత హైస్కూల్‌, వేద సంస్కృత ఎలిమెంటరీ స్కూల్‌, ఏబీఎం ప్రైమరీ స్కూల్‌, ఎస్‌కేడీసీ ఈఎల్‌ఈ స్కూల్‌, వెంకటేశ్వరపురంలోని జీఎంఎం ఈఎల్‌ఈ, సెయింట్‌ జోసెఫ్స్‌ బాలికల ఈఎల్‌ఈ స్కూల్‌, శ్రీకస్తూరిదేవి బాలికల హైస్కూల్‌, సెయింట్‌ జోసెఫ్స్‌ బాలికల హైస్కూల్‌, లేగుంటపాడులోని ఎయిడెడ్‌ ఈఎల్‌ఈ స్కూల్‌, గూడూరులోని రాణిపేట్‌ ఈఎల్‌ఈ స్కూల్‌, జీఎం యూపీ స్కూల్‌, శ్రీ పొట్టి శ్రీరాములు యూపీ స్కూల్‌, వెంకటగిరిలోని ఆర్‌వీఎం హైస్కూల్‌, సూళ్లూరుపేటలోని ఎన్‌ఎంసీ ఈఎల్‌ఈ స్కూల్‌, కందుకూరు డివిజన్‌ కరేడులోని జీఎస్‌ఎస్‌టీ ప్రైమరీ, హైస్కూల్స్‌ ఉన్నాయి. 10 ఖాళీ పోస్టులకు నోటిఫికేషన్‌ ఎయిడెడ్‌ పాఠశాలల్లో ఖాళీగా ఉన్న టీచరు పోస్టుకు రూ.15 లక్షల నుంచి రూ.25 లక్షలు వసూలు చేశారన్న ఆరోపణలు ఉన్నాయి. అయితే ఆయా ఎయిడెడ్‌ పాఠశాలల్లో 20 మంది ఉపాధ్యాయులు మిగులు ఉన్నట్లు విద్యాశాఖ లెక్కలు తేల్చింది. మిగులు ఉపాధ్యాయులను కొరత ఉన్న ఎయిడెడ్‌ పాఠశాలల్లో సర్దుబాటు చేసేందుకు ఆయా ఎయిడెడ్‌ పాఠశాలల యాజమాన్యం అంగీకరించలేదు. దీంతో నెల్లూరులోని కస్తూరిదేవి బాలికల హైస్కూల్‌, గూడూరులోని శ్రీ పొట్టిశ్రీరాములు ఎయిడెడ్‌ పాఠశాలల్లో ఖాళీ పోస్టుల భర్తీకి నోటిఫికేషన్‌ విడుదల చేశారు. కస్తూరిదేవి బాలికల హైస్కూల్‌లో 7 పోస్టులు, శ్రీ పొట్టిశ్రీరాములు స్కూల్‌లో 3 పోస్టులకు దరఖాస్తులు ఆహ్వానించారు. కస్కూరిదేవి స్కూల్‌లో పోస్టులకు ఆన్‌లైన్‌లో 509, ఆఫ్‌లైన్‌లో 287, ఏడాది క్రితం వచ్చిన దరఖాస్తులు 396 కలిపి మొత్తం 1192 దరఖాస్తులు వచ్చాయి. శ్రీ పొట్టిశ్రీరాములు స్కూల్‌లో 3 పోస్టులకు ఆన్‌లైన్‌లో 337, ఆఫ్‌లైన్‌లో 79 కలిపి మొత్తం 416 దరఖాస్తులు వచ్చాయి. పరీక్ష ఎపుడంటే.. కస్తూరిదేవి, శ్రీ పొట్టిశ్రీరాములు స్కూల్స్‌లో పోస్టుల కోసం దరఖాస్తు చేసుకున్న అభ్యర్థులకు ఈ వారంలో పరీక్షలు నిర్వహించనున్నట్లు తెలిసింది. పరీక్ష నిర్వహణకు అధికారులు ఏర్పాట్లలో నిమగ్నమయ్యారు. అయితే కస్తూరిదేవి స్కూల్‌ యాజమాన్యానికి ఆఫ్‌లైన్‌ లో వచ్చిన 287 దరఖాస్తులను రిక్రూట్‌మెంట్‌ అధికా రి నెల్లూరు డిప్యూటీ డీఈఓకు పంపించాల్సి ఉంది. ఎన్నిసార్లు కబుర్లు పంపినా ఆ దరఖాస్తులు ఇ చ్చేందుకు యాజమాన్యం అంగీకరించలేదని తెలిసింది.యాజమాన్యంఅభ్యర్థులుఈ వారంలో పరీక్ష ఉండే అవకాశం ఎయిడెడ్‌ స్కూల్స్‌ల్లో పోస్టుల కోసం దరఖాస్తు చేసుకున్న అభ్యర్థులకు ఈ వారంలో పరీక్ష ఉండే అవకాశం ఉంది. పరీక్షకు సంబంధించి అన్ని ఆన్‌లైన్‌, ఆఫ్‌లైన్‌లో వచ్చిన దరఖాస్తులను అప్‌లోడ్‌ చేసే పనిలో ఉన్నాం. రాష్ట్ర పాఠశాల విద్యాశాఖ నుంచి ఆదేశాలు వచ్చిన వెంటనే పరీక్ష నిర్వహిస్తాం. – ఆర్‌.బాలాజీరావు, డీఈఓ

● తల్లిదండ్రుల ఆవేదన ● పక్షం రోజులుగా ఆచూకీ లేని మహిళ ఉలవపాడు: దా దాపు 15 రోజుల క్రితం తప్పిపో యిన వివాహిత ఆచూకీ ఇంత వరకు లభ్యం కాలేదు. కుమార్తె ఆచూకీ లేక తల్లిదండ్రులు ఆవేదన చెందుతున్నారు. పోలీసు శాఖ కేసు నమోదు చేసినా ఇంత వరకు ఆచూకీ కనిపెట్టలేకపోయారు. ఉలవపాడు మండలం వీరేపల్లి గ్రామంలో ఈ నెల 7వ తేదీన ఈ సంఘటన జరిగింది. వీరేపల్లి అంబేడ్కర్‌ నగర్‌కు చెందిన చొప్పర వెంకట రమణకు (31) వివాహమైంది. భర్త మరణించడంతో తల్లిదండ్రులు చొప్పర శ్రీను, వరలక్ష్మి వద్ద ఉంటోంది. ప్రతి రోజూ వీరేపల్లి నుంచి ప్రకాశం జిల్లా శింగరాయకొండలోని దేవి సీఫుడ్స్‌లోకి పనికి బస్‌లో వెళ్లి వస్తుంది. 7వ తేదీ తెల్లవారుజామున గ్రామంలో ఓ వివాహం జరుగుతున్న సమయంలో ఇంటి నుంచి బయటకు వచ్చింది. తరువాత నుంచి ఇంటికి రాలేదు. ఇంటి దగ్గర లేకపోవడంతో ఆమె తల్లిదండ్రులు, తమ్ముడు వెతుకులాడారు. వెంటనే పోలీస్‌ స్టేషన్‌లో ఫిర్యాదు చేశారు. 8న మిస్సింగ్‌ కేసు నమోదైంది. పోలీసులు కొంత విచారణ జరిపినా ఫలితం లేకుండా పోయింది. నేటికీ ఆచూకీ లభ్యం కాలేదు. పోలీసులు పెళ్లి జరుగుతున్న సమయంలో ఉన్న కొందరిని విచారించారు. ఆమె పనిచేసే ప్రాంతానికి వెళ్లి విచారించి వచ్చినా ఫలితం లేదు. పోలీసు ఉన్నతాధికారులు ఈ కేసుపై మరింత దృష్టి సారించి తమ కుమార్తె ఆచూకీ తెలపాలని బాధితులు కోరుతున్నారు.

నెల్లూరురూరల్‌: ‘సార్‌ మేము ఇక్కడికి వస్తున్నాము.. మీరు మా అర్జీలను కింద స్థాయి అధికారులకు పంపిస్తున్నారు. అక్కడికి వెళ్తే సమాధానం కూడా చెప్పడంలేదు. మీ దగ్గరకు వస్తేనే మా సమస్యలు పరిష్కారం కాకపోతే ఇంకెవరి దగ్గరికి వెళ్లాలి. కొంచెం మా పై దయచూపి పరిష్కారం అయ్యేలా చూడండి’ అంటూ బాధితులు కలెక్టరేట్‌ అధికారులను గద్గద స్వరంలో కన్నీటి పర్యంతమయ్యారు. నెల్లూరులోని కలెక్టరేట్‌లో ఉన్న తిక్కన ప్రాంగణంలో సోమవారం జరిగిన ప్రజాసమస్యల పరిష్కార వేదిక కార్యక్రమానికి జిల్లా నలుమూలల నుంచి ప్రజలు వచ్చారు. వినతులు పరిష్కరించాలని తమ గోడు వెళ్లబోసుకున్నారు. జేసీ కె.కార్తీక్‌, డీఆర్‌ఓ ఉదయభాస్కర్‌రావు, డీపీఓ శ్రీధర్‌రెడ్డి, జెడ్పీ సీఈఓ విద్యారమ, డీఆర్‌డీఏ పీడీ నాగరాజకుమారి తదితరులు అర్జీలు స్వీకరించారు. ఊటుకూరు దళితులకు భూములు అప్పగించాలి ● ఎస్‌. మల్లి, న్యాయవాది, దళిత సంఘర్షణ సమితి జిల్లా అధ్యక్షుడు విడవలూరు మండలం ఊటుకూరులో దళితుల భూములను ఆక్రమించిన వారిపై చర్యలు తీసుకుని వారి భూములు వారికి అప్పగించాలని న్యాయవాది, దళిత సంఘర్షణ సమితి జిల్లా అధ్యక్షుడు ఎస్‌.మల్లి డిమాండ్‌ చేశారు. సోమవారం కలెక్టర్‌ కార్యాలయం వద్ద ధర్నా నిర్వహించి జేసీకి వినతిపత్రం అందజేశారు. ఎస్‌.మల్లి మాట్లాడుతూ 2018లో ఊటుకూరుకు చెందిన పలువురు దళితులకు ఎస్సీ కార్పొరేషన్‌ భూమి కొనుగోలు పథకం ద్వారా సర్వే నంబరు 1288 నుంచి 1294 వరకు 90.26 ఎకరాలు కొని ఇచ్చారని తెలిపారు. రెవెన్యూ అధికారులు లబ్ధిదారులకు స్వాధీనం చేయలేదన్నారు. స్థానిక తహసీల్దార్‌ చంద్రశేఖర్‌ రెండో సారి కూడా అక్కడే పోస్టింగ్‌ వేయించుకుని భూములను దళితులకు దక్కనీయకుండా చేస్తున్నారని ఆరోపించారు. ఇప్పటికే 50 ఎకరాలు భూ కబ్జాదారులు ఆక్రమించుకుని పంటలు పండించుకుంటున్నారన్నారు. అద్దంకి కార్తీక్‌, పీ పాపయ్య మాట్లాడుతూ దాదాపు రూ.8 కోట్ల విలువైన భూములు 8 ఏళ్లుగా సాగుబడి చేసుకుని లబ్ధిపొందుతున్నారని తెలిపారు. తక్షణం జోక్యం చేసుకుని సర్వే చేసి, హద్దులు చూపించి సాగు చేపట్టేందుకు వీలు కల్పించాలని కోరారు. ఈ మేరకు చట్టపరమైన చర్యలు తీసుకుంటామని జేసీ కార్తీక్‌ దళిత నేతలకు హామీ ఇచ్చారు. ఆత్మకూరు కొండయ్య, ఇమ్మానియల్‌, శివాజీ, జెడ్డా వాసు తదితరులు ఉన్నారు. రాయితీలు త్వరగా ఇవ్వండి అట్రాసిటీకి గురైన బాధితులకు ప్రభుత్వం ఇవ్వాల్సిన రాయితీలు త్వరగా ఇవ్వాలని రిపబ్లిక్‌ పార్టీ జిల్లా అధ్యక్షుడు మహబూబ్‌ సోమవారం జేసీకికు వినతిపత్రం సమర్పించారు. ఉమ్మడి జిల్లాలో అట్రాసిటీకి గురైన బాధితులకు ఇంత వరకు రాయితీలు ఇవ్వకపోవడం దారుణమన్నారు. ఈ కార్యక్రమంలో బత్తల మధుసూదన్‌, అరికొండ సురేష్‌, నిమ్మల సుబ్బయ్య తదితరులు పాల్గొన్నారు. అర్జీలు సకాలంలో పరిష్కరించండి కలెక్టరేట్‌కు 309 ప్రజావిజ్ఞప్తులు ప్రతి వారం వందల సంఖ్యలో అర్జీలు పరిష్కారం కావడం లేదని కన్నీటి పర్యంతరం – జేసీ కార్తీక్‌ ప్రజాసమస్యల పరిష్కార వేదికలో సోమవారం 309 అర్జీలు ప్రజల నుంచి వచ్చాయి. ఇందులో అధికంగా రెవెన్యూ శాఖకు సంబంధించి 138, మున్సిపల్‌ శాఖవి 33, సర్వేకు 30, పంచాయతీరాజ్‌ శాఖ 21, స్కూల్‌ ఎడ్యుకేషన్‌కు సంబంధించి 9 అర్జీలు అందాయన్నారు. వీటిని నిర్దిష్ట గడువులోగా పరిష్కరించాలని జాయింట్‌ కలెక్టర్‌ కె.కార్తీక్‌ అధికారులను ఆదేశించారు. నకిలీ డాక్యుమెంట్లతో ఆక్రమణలు కొత్తూరు బిట్‌–2 సర్వే నంబరు 21, 73, 21, 74లో కండలేరు జలాశయం ముంపు బాధితుల పునరావాస ఆర్‌అండ్‌ఆర్‌ కాలనీలో కె కాంతారావు అనే వ్యక్తి నకిలీ డాక్యుమెంట్లు సృష్టించి ఆక్రమించుకుంటున్నారని స్థానికుడు వి.రమేష్‌రెడ్డి జాయింట్‌ కలెక్టర్‌ కార్తీక్‌కు వినతిపత్రం సమర్పించారు. ఆయన మాట్లాడుతూ గత ప్రభుత్వం 2021లో 150 మందికి పట్టాలు మంజూరు చేసిందన్నారు. ప్రతి 20 కుటుంబాలకు తాగునీటికి ఒక బావి నిర్మించిందన్నారు. కొందరు ఆ బావులను ధ్వంసం చేసి తప్పుడు డాక్యుమెంట్లు సృష్టించి భయభ్రాంతులకు గురి చేస్తున్నారని తెలిపారు. ఆక్రమించిన వారిపై చర్యలు తీసుకోవాలని కోరారు. మా బతుకులు అన్నింటికి చెడ్డ రేవడిలా మారాయని డాక్టర్‌ ఎన్‌టీఆర్‌ వైద్యసేవ ఫీల్డ్‌ అసిస్టెంట్లు ఆవేదన వ్యక్తం చేశారు. సోమవారం రాష్ట్ర వ్యాప్తంగా విధులు బహిష్కరించి కలెక్టరేట్‌ ఎదుట నిరసన తెలుపుతున్నామన్నారు. 17 ఏళ్లుగా పనిచేస్తున్నా తమ కేడర్‌ తెలియక, కాంట్రాక్ట్‌ ఉద్యోగిగా గుర్తింపు లేక ఆరోగ్య మిత్రులు, టీం లీడర్లు, జిల్లా మేనేజర్లు, ఆఫీసు అసోసియేట్లు తదితరులు ఇబ్బంది పడుతున్నామన్నారు. విధి నిర్వహణలో చనిపోయిన వారికి ఎలాంటి బెనిఫిట్లు రావడం లేదన్నారు. ప్రభుత్వ ఉద్యోగాల్లో వెయిటేజీ లేదన్నారు. రిటైర్మెంట్‌ బెనిఫిట్స్‌ లేవన్నారు. ప్రభుత్వ సైట్లలో ప్రభుత్వ ఉద్యోగిగా గుర్తింపు ఉండడం వల్ల సంక్షేమ పథకాలు రావడం లేదన్నారు. ఈ మేరకు కలెక్టరేట్‌ అధికారులకు వినితిపత్రం అందజేశారు. పొలం ఆక్రమించారు నెల్లూరు రూరల్‌ మండలం గొల్లకందుకూరులో తనకు రావాల్సిన పొలాన్ని తన మరిది చిరంజీవి ఆక్రమించుకున్నాడని తాడిపర్తి రజనిమ్మ అనే మహిళ సోమవారం ప్రజాసమస్యల పరిష్కార వేదికలో జేసీకి వినతిపత్రం అందజేసింది. తన భర్త చనిపోయిన తర్వాత తన పేరుతో ఉన్న పట్టా భూమిని తనకు తెలియకుండానే వీఆర్‌ఓతో కలిసి అతని పేరు మీదకు 1బీ, అడంగళ్‌లో ఎక్కించుకున్నారని వాపోయారు. నా కూతురు చదువుకునే స్కూల్‌ దగ్గరకు వెళ్లి బెదిరిస్తున్నాడని తెలిపారు. నాకు ఏమైనా జరిగితే అతనిదే బాధ్యత అని కన్నీటి పర్యంతయ్యారు.

నెల్లూరు (టౌన్‌): జిల్లాలోని మైనింగ్‌ లీజుదారులు మైనర్‌ నుంచి మేజర్‌ మినరల్‌కు మారేందుకు రిజిస్ట్రేషన్‌ చేసుకోవాలని ఇండియన్‌ బ్యూరో ఆఫ్‌ మైన్స్‌ సీనియర్‌ జియాలజిస్టు కార్తికేయన్‌ తెలిపారు. సోమవారం స్థానిక ఆటోనగర్‌లోని జిల్లా మైనింగ్‌ శాఖ కార్యాలయంలో మైనింగ్‌ లీజుదార్లతో సమావేశం నిర్వహించారు. ఈ సందర్భంగా మైనర్‌ నుంచి మేజర్‌కు మారేందుకు కావాల్సిన పత్రాలపై లీజుదార్లకు అవగాహన కల్పించారు. ఈ సమావేశంలో మైనింగ్‌ లీజుదారుల అసోసియేషన్‌ అధ్యక్షులు ద్వారకానాథ్‌రెడ్డి, మైనింగ్‌ డీడీ బాలాజీనాయక్‌ తదితరులు పాల్గొన్నారు. డీసీపల్లి వేలం కేంద్రంలో 545 పొగాకు బేళ్ల విక్రయం మర్రిపాడు: డీసీపల్లి పొగాకు బోర్డు వేలం కేంద్రంలో సోమవారం 545 పొగాకు బేళ్లను విక్రయించినట్లు వేలం నిర్వహణాధికారి రాజశేఖర్‌ తెలిపారు. వేలానికి 565 బేళ్లు రాగా వాటిలో 545 బేళ్లను విక్రయించామని, మిగిలిన వాటిని వివిధ కారణాలతో తిరస్కరించినట్లు తెలిపారు. వేలంలో గరిష్ట ధర రూ.280, కనిష్ట ధర రూ.260 లభించింది. సగటు ధర రూ.274.82గా నమోదైంది. వేలంలో 71,698 కిలోల పొగాకును విక్రయించగా రూ.1,97,04,072 వ్యాపారం జరిగింది. వేలంలో 8 కంపెనీలకు చెందిన వ్యాపార ప్రతినిధులు పాల్గొన్నారు. ఏపీపీఎస్సీ పరీక్షలకు ఏర్పాట్లు పూర్తి నెల్లూరు రూరల్‌: జిల్లాలో జరిగే ఏపీపీఎస్‌సీ పరీక్షలకు అన్ని ఏర్పాట్లు పూర్తి చేసినట్లు జిల్లా రెవెన్యూ అధికారి జె ఉదయభాస్కర్‌రావు తెలిపారు. ఈ నెల 25 నుండి 27 వరకు జరిగే పరీక్షల నిర్వహణపై సంబంధిత అధికారులతో డీఆర్‌ఓ సోమవారం సమావేశం నిర్వహించారు. ఈ సందర్భంగా ఆయన మాట్లాడుతూ నెల్లూరు రూరల్‌లోని ఆయాన్‌ డిజిటల్‌ సెంటర్‌, నారాయణ ఇంజనీరింగ్‌ కళాశాల, కావలిలోని విశ్వోదయ ఇంజనీరింగ్‌ కళాశాల, ఆర్‌ఎస్‌ఆర్‌ ఇంజనీరింగ్‌ కళాశాలలో పరీక్షలు జరుగుతాయన్నారు. ఈ సమావేశంలో ఏపీపీఎస్‌సీ ప్రతినిఽధి గిరిజారాణి, పరీక్షా కేంద్రాల కళాశాలల ప్రతినిధులు, వివిధ శాఖల అధికారులు పాల్గొన్నారు. కాల్పుల కలకలంలో నిందితుల అరెస్ట్‌ నెల్లూరు సిటీ: ఆస్తి వివాదం నేపథ్యంలో తన తండ్రి ఇంటికి వెళ్లి తండ్రి, సోదరుడిపై గన్‌తో కాల్చిన ఘటనలో నిందితులను చిన్నబజారు పోలీసులు సోమవారం అరెస్ట్‌ చేశారు. స్థానిక ఇన్‌స్పెక్టర్‌ చిట్టెం కోటేశ్వరరావు సమాచారం మేరకు.. నగరంలోని రావూరివారివీధిలో రాజమాల్‌ జైన్‌కు ఆయన రెండో కుమారుడు హితేష్‌జైన్‌ మధ్య ఆస్తి విభేదాలున్నాయి. 22వ తేదీ అర్ధరాత్రి హితేష్‌ తన స్నేహితులైన గాంధీనగర్‌కు చెందిన వంశీ, మూలాపేటకు చెందిన భరత్‌, పొదలకూరురోడ్డుకు చెందిన రాజశేఖర్‌రెడ్డి, కోనేటిమిట్టకు చెందిన శేఖర్‌ సందీప్‌ అలియాస్‌ శ్రీనివాస్‌శేఖర్‌, కిశోర్‌తో కలిసి తండ్రి ఇంటికి వెళ్లి హితేజ్‌ తన వద్ద ఉన్న పిస్టోల్‌తో తలుపుపై కాల్పులు జరిపిన విషయం విదితమే. రాజమల్‌ జైన్‌ పెద్ద కుమారుడు దిలీప్‌కుమార్‌ జైన్‌ ఫిర్యాదు మేరకు చిన్నబజారు పోలీసులు హత్యాయత్నం కేసు నమోదు చేశారు. నిందితులను అరెస్ట్‌ చేసి పిస్టోల్‌తోపాటు బుల్లెట్లను స్వాధీనం చేసుకున్నారు. నిందితులను అరెస్ట్‌ చేయడంలో కృషి చేసిన ఇన్‌స్పెక్టర్‌, క్రైమ్‌ పార్టీ ఏఎస్‌ఐ శ్రీహరి, రవిప్రసాద్‌, హెచ్‌సీలు సురేష్‌, నజ్మల్‌, కానిస్టేబుల్స్‌ శ్యామ్‌, సుబ్బారావు, వర్ధన్‌లను ఎస్పీ అభినందించారు.

● కష్టాలను అధిగమించి.. రాణిస్తూ ● జాతీయ పోటీలకు ఎంపిక తమ ఆశయానికి కష్టాలు ఏ మాత్రం అడ్డుకాదని నిరూపించారు బీవీనగర్‌కు చెందిన రమ్య, భార్గవి. తల్లిదండ్రులు రోజు వారీ కూలీలైనా.. ఆర్థిక కష్టాలను అధిగమించి ఖోఖోలో రాణిస్తూ పలువురి ప్రశంసలు అందుకుంటున్నారు. స్టేడియం వద్దకు ఉదయం, సాయంత్రం వేళ క్రమం తప్పకుండా వచ్చి సాధన చేశారు. జిల్లా, రాష్ట్ర, సీనియర్స్‌ జాతీయ స్థాయి పోటీల్లో తమ ప్రతిభను మెరుగుపర్చుకున్నారు. చిన్న వయస్సులోనే జాతీయ స్థాయి పోటీలకు ఎంపికై జిల్లా ఖ్యాతిని ఇనుమడింపజేసేందుకు కృషి చేస్తున్నారు. – నెల్లూరు(స్టోన్‌హౌస్‌పేట)

ముత్తుకూరు: ముస్లింల సంక్షేమానికి మాజీ సీఎం జగన్‌మోహన్‌రెడ్డి ఎన్నో పథకాలను అమలు చేశారని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి పేర్కొన్నారు. రంజాన్‌ మాసాన్ని పురస్కరించుకొని ముత్తుకూరులోని మసీదులో ప్రత్యేక ప్రార్థనలను ఆదివారం ఆయన నిర్వహించారు. మైనార్టీ నేత అబ్దుల్‌ రహీమ్‌, ఎంపీటీసీ సభ్యుడు నవీద్‌బాషా, బడాభాయ్‌ తదితరులు ఏర్పాటు చేసిన ఇఫ్తార్‌ విందుకు హాజరైన కాకాణి మాట్లాడారు. ముస్లింలకు అండగా ఉంటామన్నారు. తొలుత కాకాణికి ఘన స్వాగతం పలికారు. పార్టీ మండలాధ్యక్షుడు మెట్టా విష్ణువర్ధన్‌రెడ్డి, నెల్లూరు శివప్రసాద్‌, సీపారెడ్డి రామ్మోహన్‌రెడ్డి, దువ్వూరు కోదండరామిరెడ్డి తదితరులు పాల్గొన్నారు. మాజీ మంత్రి కాకాణి గోవర్ధన్‌రెడ్డి ఇఫ్తార్‌ విందుకు హాజరు

ఉదయగిరి: టీడీపీ నేతృత్వంలోని కూటమి ప్రభుత్వం అన్ని అంశాల్లో విఫలమైందని కాంగ్రెస్‌ పార్టీ రాష్ట్ర అధికార ప్రతినిధి తులసీరెడ్డి విమర్శించారు. ఈ మేరకు ఉదయగిరిలో విలేకరులతో ఆదివారం ఆయన మాట్లాడారు. సూపర్‌సిక్స్‌ పేరిట హామీలు గుప్పించి అధికారంలోకి వచ్చిన చంద్రబాబు వాటిని అమలు చేయడంలో విఫలమయ్యారని ఆరోపించారు. రాష్ట్రంలో మద్యం, డ్రగ్స్‌, గంజాయి ఏరులై పారుతోందని ధ్వజమెత్తారు. రాష్ట్రంలో విధ్వంసకర పాలన సాగుతోందని గత ప్రభుత్వంతో పోలిస్తే ఎక్కువ అప్పులు చేస్తోందని మండిపడ్డారు. నేతలు అనిల్‌కుమార్‌రెడ్డి, మద్దూరు రాజగోపాల్‌రెడ్డి తదితరులు పాల్గొన్నారు.

నెల్లూరు సిటీ: డాక్యుమెంట్‌ రైటర్లు నిబద్ధతతో వ్యవహరించి రిజిస్ట్రేషన్లు చేయించాలని దస్తావేజు లేఖర్ల సంక్షేమ సంఘ రాష్ట్ర అధ్యక్షుడు పెనుమాక వెంకటసుబ్బారావు పేర్కొన్నారు. నగరంలోని ఓ కల్యాణ మండపంలో ఆదివారం నిర్వహించిన దస్తావేజు లేఖర్ల సంక్షేమ సంఘ రాష్ట్ర కార్యవర్గ సమావేశానికి హాజరైన ఆయన మాట్లాడారు. నకిలీ డాక్యుమెంట్ల వ్యవహారం తెలిస్తే మీడియా లేదా పోలీసులకు తెలియజేయాలని సూచించారు. డాక్యుమెంట్‌ రైటర్లకు లైసెన్స్‌లు ఉన్నప్పుడు ఈ సమస్యే ఉండేది కాదని, అయితే ఇప్పుడు ఎవరుపడితే వారు ముందుకొస్తున్నారని చెప్పారు. ఐకమత్యంతో ఉంటేనే రిజిస్ట్రేషన్లు సక్రమంగా జరుగుతాయని పేర్కొన్నారు. ఎనీ వేర్‌ రిజిస్ట్రేషన్‌ విధానంలో సబ్‌ రిజిస్ట్రార్‌ ఓకే చేసే ప్రక్రియకు స్వస్తి పలికేలా ప్రభుత్వం చర్యలు చేపట్టాలని కోరారు. సంక్షేమ సంఘ రాష్ట్ర గౌరవాధ్యక్షుడు సుబ్బారావు, జిల్లా అధ్యక్షుడు పట్నం దుర్గేష్‌బాబు, రాష్ట్ర ప్రధాన కార్యదర్శి దాసరి సుధాకర్‌, రాష్ట్ర కోశాధికారి సత్యనారాయణ, రాష్ట్ర స్టీరింగ్‌ కమిటీ అధ్యక్షుడు సీతాపతిరావు, రాష్ట్ర ఆర్గనైజింగ్‌ కార్యదర్శి రవికుమార్‌ తదితరులు పాల్గొన్నారు.

● 6, ఇంటర్‌ తరగతులకు దరఖాస్తులు దుత్తలూరు: కస్తూర్బాగాంధీ బాలికల విద్యాలయాల్లో ప్రవేశాలకు వేళయింది. 2025–26 విద్యాసంవత్సరానికి ఆరో తరగతి, ఇంటర్మీడియట్‌ ప్రథమ సంవత్సరంలో ప్రవేశానికి జిల్లా సమగ్ర శిక్షా అధికారులు నోటిఫికేషన్‌ విడుదల చేశారు. ఆన్‌లైన్‌ ద్వారా ఏప్రిల్‌ 11వ తేదీలోగా దరఖాస్తులు చేసుకుని అర్హులైన బాలికలు ఆరో తరగతి, ఇంటర్‌లో ప్రవేశం పొందవచ్చు. జిల్లాలో 12 కేజీబీవీల్లో ఆంగ్ల మాధ్యమంలో ఆరో తరగతిలో ప్రవేశాలకు ఒక్కొక్క పాఠశాలలో 40 సీట్లు భర్తీ చేయనున్నారు. ఒక్కొక్క కేజీబీవీకి ఒక ఇంటర్‌ కోర్సును కేటాయించి 40 సీట్లు కేటాయించారు. జిల్లాలోని ఉలవపాడు, కందుకూరు, వలేటివారిపాళెం, సీతారామపురం, కొండాపురం, కావలి కేజీబీవీల్లో ఎంపీసీ గ్రూపు, నందిపాడు, ఏఎస్‌పేట, గుడ్లూరు, లింగసమద్రం కేజీబీవీల్లో బైపీసీ, కలిగిరి, మర్రిపాడు కేజీబీల్లో ఒకేషనల్‌ కోర్సుల్లో ప్రవేశం పొందవచ్చు. సమష్టి కృషితోనే వెలుగొండ జలాలు సాధ్యం ఉదయగిరి: నెల్లూరు, ప్రకాశం, వైఎస్సార్‌ జిల్లాల్లోని మెట్ట ప్రాంతాల ప్రజలు ఉద్యమిస్తేనే వెలుగొండ జలాశయం పూర్తయి సాగు, తాగునీరు అందుతాయని వెలుగొండ ప్రాజెక్ట్‌ జలాల సాధన సమితి ప్రధాన కార్యదర్శి డాక్టర్‌ శ్యాంప్రసాద్‌ అన్నారు. స్థానిక షాదీ మంజిల్‌లో ఆదివారం వెలుగొండ ప్రాజెక్టు జలాల సాధన సమితి ఆధ్వర్యంలో సదస్సు నిర్వహించారు. ఆయన మాట్లాడుతూ వెలుగొండ జలాశయం పూర్తయితే మూడు జిల్లాల్లోని 4.50 లక్షల ఎకరాలకు సాగునీరు, 25 లక్షల మంది ప్రజలకు తాగునీరు అందుతాయన్నారు. 29 ఏళ్ల క్రితం పనులు ప్రారంభమైనా ఇంకా కొనసాగుతుండడం చూస్తే ప్రభుత్వాలకు చిత్తశుద్ధి లేదని తేటతెల్లమవుతోందన్నారు. ఏపీ అంటే ఒక అమరావతో, ఒక పోలవరమో కాదని, అన్ని ప్రాంతాలను సమగ్రంగా అభివృద్ధి చేస్తేనే రాష్ట్ర అభివృద్ధి సాధ్యమవుతుందన్నారు. ఈ ప్రాజెక్టు పూర్తికి రూ.7 వేల కోట్లు అవసరం కాగా, ఈ ప్రభుత్వం కేవలం రూ.309 కోట్లు ప్రస్తుత బడ్జెట్‌లో కేటాయించడం దారుణమన్నారు. కేవలం ఏడు వేల కోట్లతో వెలుగొండ ద్వారా మూడు జిల్లాల మెట్ట ప్రాంతాలకు జలాలు అందించే అవకాశం ఉంటే.. రూ.80 వేల కోట్లు పెట్టి గోదావరి జలాలను మెట్ట ప్రాంతాలకు తీసుకొస్తామని చెప్పడం హాస్యాస్పదంగా ఉందన్నారు. ఈ ప్రాజెక్టు సాధన కోసం రాజకీయ నేతలు, మేధావులు, రైతులు, యువత, ఉద్యోగులు, నిరుద్యోగులు, ప్రజలు ఉద్యమించాల్సిన అవసరముందన్నారు. ఈ ప్రాజెక్ట్‌ ఆవశ్యకతపై కాంగ్రెస్‌ పార్టీ రాష్ట్ర అధికార ప్రతినిధి తులసీరెడ్డి, రాయలసీమ సాగునీటి సాధన సమితి అధ్యక్షుడు దశరథరామిరెడ్డి, మాజీ ఎమ్మెల్యే కంభం విజయరామిరెడ్డి తదితరులు ప్రసంగించారు. ఈ సమావేశంలో సీపీఎం, సీపీఐతో పాటు పలు రాజకీయ పార్టీల ప్రతినిధులు ప్రభాకర్‌, ఎం.రమేష్‌, దామా అంకయ్య, అజయ్‌కుమార్‌, బసిరెడ్డి మాలకొండారెడ్డి, దస్తగిరి అహ్మద్‌, ఫడ్స్‌ రమణయ్య, కామేపల్లి వెంకటరత్నం తదితరులు పాల్గొన్నారు. అతిగా మద్యం తాగి వ్యక్తి మృతి నెల్లూరు సిటీ: అతిగా మద్యం తాగి ఓ వ్యక్తి తన ఇంట్లోనే మృతి చెందాడు. ఈ ఘటన ఆదివారం నగరంలోని భగత్‌సింగ్‌ కాలనీలో టిడ్కో హౌసింగ్‌ కాంప్లెక్స్‌లో జరిగింది. పోలీసులకు సమాచారం మేరకు.. బ్లాక్‌ నంబర్‌ సీ 28లో సర్దార్‌ బాషా (32) ఒంటరిగా నివసిస్తున్నారు. మద్యానికి బానిసైన సర్దార్‌ బాషా శనివారం రాత్రి పూటుగా మద్యం తాగి ఇంటికి వచ్చి నిద్రపోయాడు. ఆదివారం పక్క ఫ్లాట్‌లోని వ్యక్తి వచ్చి ఎన్నిసార్లు తలుపుతట్టినా తెరవకపోవడంతో అనుమానం వచ్చి పోలీసులకు సమాచారం ఇచ్చారు. అప్పటికే బాషా నోట్లో నుంచి నురగ వచ్చి మృతి చెందాడు. నవాబుపేట పోలీసులు ఘటనా స్థలాన్ని పరిశీలించి విచారణ చేశారు. పోస్టుమార్టం నిమిత్తం మృతదేహాన్ని ప్రభుత్వాస్పత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.

● కూటమి సర్కార్‌పై ఎమ్మెల్సీ పర్వతరెడ్డి ధ్వజం నెల్లూరు(బారకాసు): ప్రజలకిచ్చిన హామీలు అమలు చేయకుండా, టీడీపీ నేతలు అవాస్తవాలు చెబుతూ ప్రజలను మభ్యపెడుతున్నారని ఎమ్మెల్సీ, వైఎస్సార్‌సీపీ నెల్లూరు సిటీ నియోజకవర్గ ఇన్‌చార్జి పర్వతరెడ్డి చంద్రశేఖర్‌రెడ్డి విమర్శించారు. ఆదివారం నగరంలోని రాంజీనగర్‌లో ఉన్న సిటీ పార్టీ కార్యాలయంలో కార్పొరేటర్లు, పార్టీ నాయకులతో కలసి ఆయన మీడియాతో మాట్లాడారు. కూటమి ప్రభుత్వం 17 మంది వీసీలను బెదిరించి రాజీనామాలు చేయించి తొలగించిందన్నారు. ఈ విషయంపై తాము ఆధారాలు బయటపెడితే విచారణ జరుపుతామని చెప్పిన మంత్రి లోకేశ్‌ ఇప్పటికీ విచారణ జరపకుండా సాకులు చెబుతూ తప్పించుకుంటున్నారన్నారు. ఫీజు రీయింబర్స్‌మెంట్‌ బకాయిలు 2023–24 సంబంధించి మూడు క్వార్టర్స్‌ 2024–25 ఏడాదికి సంబంధించి మూడు క్వార్టర్స్‌ మొత్తం ఆరు క్వార్టర్స్‌ బకాయిలు రూ.5,252 కోట్లు టీడీపీ ప్రభుత్వం విడుదల చేయాల్సి ఉందన్నారు. అలాగే వసతి దీవెనకు సంబంధించి రూ.2 వేల కోట్ల బకాయిలను ప్రభుత్వం పెండింగ్‌లో పెట్టిందన్నారు. ఈ బకాయిలన్నీ విడుదల చేయకుండా జగన్‌మోహన్‌రెడ్డి మీద అవాస్తవాలు మాట్లాడుతూ కాలయాపన చేస్తూ విద్యార్థులను ఇబ్బందులకు గురిచేస్తున్నారని అన్నారు. వైఎస్సార్‌సీపీ ప్రభుత్వ హయాంలో నాడు–నేడు ప్రవేశపెట్టి 45 వేల ప్రభుత్వ పాఠశాలలను కార్పొరేట్‌ పాఠశాలలకు దీటుగా తయారు చేశామన్నారు. కూటమి ప్రభుత్వం 20 లక్షల ఉద్యోగాలు కల్పిస్తామని అప్పటి వరకు ప్రతి ఒక్క నిరుద్యోగికి భృతి అందిస్తామని చెప్పి ఇప్పుడు వారిని నిలువునా దగా చేసిందన్నారు. పూర్తిగా ఆప్కాస్‌ వ్యవస్థను రద్దు చేసి ఔట్‌సోర్సింగ్‌ ఉద్యోగులను రోడ్డు పాలు చేశారన్నారు. టీడీపీకి ఓటు వేసి తప్పు చేశామని ప్రజలు బాధపడుతున్నారని, మరలా ఎన్నికలు ఎప్పుడు వచ్చినా వైఎస్సార్‌సీపీ అధికారంలోకి వస్తుందని ధీమా వ్యక్తం చేశారు.

వైఎస్సార్‌సీపీ అధికారంలోకి రావడంతో షుగర్‌ ఫ్యాక్టరీపై ఆశలు చిగురించాయి. అప్పటి ఎమ్మెల్యే నల్లపరెడ్డి ప్రసన్నకుమార్‌రెడ్డి కోవూరు షుగర్‌ ఫ్యాక్టరీ ప్రాధాన్యతను, రైతులు, ఉద్యోగుల బకాయిల విషయాన్ని అప్పటి ముఖ్యమంత్రి వైఎస్‌ జగన్‌మోహన్‌రెడ్డికి దృష్టికి తీసుకెళ్లి వివరించారు. దీంతో ఫ్యాక్టరీని పునః ప్రారంభించడానికి వైఎస్‌ జగన్‌మోహన్‌రెడ్డి సన్నాహాలు చేశారు. అందులో భాగంగా ఫ్యాక్టరీ స్థితిగతులు తెలుసుకునేందుకు నిపుణుల కమిటీని ఏర్పాటు చేశారు. ఆ కమిటీ ఫ్యాక్టరీలోని యంత్రాలను పరిశీలించింది. 2013 నుంచి ఫ్యాక్టరీ మూతపడిపోవడంతో యంత్రాలు వినియోగపడవని నిర్ధారించింది. ఫ్యాక్టరీ పునః ప్రారంభించడం అంటే ప్రస్తుత పరిస్థితుల్లో వందల కోట్ల రూపాయలు వెచ్చించాల్సి వస్తుందని కమిటీ స్పష్టం చేసింది.

● తప్పిన ఘోర ప్రమాదం సంగం: పెట్రోల్‌ బంకులోకి లారీ దూసుకెళ్లిన ఘటన సంగం కొండ కూడలి వద్ద గల జాతీయ రహదారిపై ఆదివారం చోటుచేసుకుంది. కొండ పైనుంచి వేగంగా వస్తున్న లారీ అదుపుతప్పడంతో ప్రమాదం జరిగింది. ఘటనలో బంకు ముందున్న చిరు వ్యాపారుల తోపుడు బండ్లు నుజ్జునుజ్జయ్యాయి. వరికోత యంత్రాలు, బంకు ముందు భాగం స్వల్పంగా దెబ్బతిన్నాయి. పెను ప్రమాదం తప్పడంతో పలువురు ఊపిరిపీల్చుకున్నారు. ఘటన స్థలానికి చేరుకొని వివరాలను పోలీసులు సేకరించారు. సుమారు రూ.మూడు లక్షల మేర నష్టం వాటిల్లింది. కేసు దర్యాప్తు చేస్తున్నారు. కారు ఢీకొనడంతో వాహనచోదకుడి దుర్మరణం వెంకటాచలం: కారు ఢీకొనడంతో వాహనచోదకుడు మృతి చెందిన ఘటన మండలంలోని గొలగమూడి క్రాస్‌ రోడ్డు వద్ద ఆదివారం చోటుచేసుకుంది. వివరాలు.. నెల్లూరు నుంచి గూడూరు వైపు బైక్‌పై 45 ఏళ్ల వయస్సు గల వ్యక్తి వెళ్తుండగా, వెనుక నుంచి వస్తున్న కారు ఢీకొంది. ఘటనలో తీవ్రంగా గాయపడిన ఆయన అక్కడికక్కడే మృతి చెందారు. సమాచారం అందుకున్న పోలీసులు ఘటన స్థలాన్ని పరిశీలించారు. మృతుడి వివరాలు తెలియరాలేదు. పోస్ట్‌మార్టం నిమిత్తం జిల్లా ప్రభుత్వాస్పత్రికి తరలించారు. కేసు దర్యాప్తు చేస్తున్నారు.

నెల్లూరు(బృందావనం): పురమందిర ప్రాంగణంలో త్యాగరాజ స్మరణోత్సవాలను భిక్షాటన పూర్వక త్యాగరాజ స్మరణోత్సవ సభ ఆధ్వర్యంలో విశేషంగా నిర్వహిస్తున్నారు. స్వామివారు రుక్మిణీ, సత్యభామ సమేత వేణుగోపాలస్వామి అలంకారంలో ఆదివారం దర్శనమిచ్చారు. కేరళకు చెందిన విష్ణుదేవ్‌ నంబూద్రి గాత్రకచేరి వీనులవిందుగా సాగింది. 120 మందికిపైగా స్థానిక ఔత్సాహిక కళాకారులతో గాత్ర, వీణకచేరీలు మధురంగా సాగాయి. స్మరణోత్సవ సభ కమిటీ శాశ్వత కార్యదర్శి యనమండ్ర నాగదేవీప్రసాద్‌ తదితరులు పర్యవేక్షించారు. కుక్కల దాడిలో చుక్కల దుప్పి మృతి ఉదయగిరి: కుక్కలు దాడి చేయడంతో తాగునీటి కోసం జనావాసాల్లోకి వచ్చిన చుక్కల దుప్పి మృతి చెందిన ఘటన మండలంలోని మాసాయిపేటలో ఆదివారం ఉదయం చోటుచేసుకుంది. గ్రామ సమీపంలోని అటవీ ప్రాంతం నుంచి చుక్కల దుప్పి రావడంతో కుక్కలు దాడిచేసి తీవ్రంగా గాయపర్చాయి. స్థానికులు గమనించి దుప్పిని రక్షించి అటవీ శాఖ అధికారులకు సమాచారమిచ్చారు. సిబ్బంది అక్కడికి చేరుకొని పరిశీలించగా, దుప్పి అప్పటికే మృతి చెందిందని గుర్తించారు. అనంతరం గండిపాళెం పశువైద్యశాలకు తరలించి పోస్ట్‌మార్టం నిర్వహించారు. గన్నేపల్లి రిజర్వ్‌ ఫారెస్ట్‌లో దుప్పిని ఖననం చేశారు. గుర్తుతెలియని వాహనం ఢీకొనడంతో.. ముత్తుకూరు: గుర్తుతెలియని వాహనం ఢీకొనడంతో వ్యక్తి మృతి చెందిన ఘటన ముత్తుకూరు – నెల్లూరు రోడ్డులోని తాళ్లపూడి వద్ద ఆదివారం రాత్రి చోటుచేసుకుంది. రోడ్డుపై నడుచుకొని వెళ్తుండగా, వాహనం ఢీకొనడంతో మృతి చెందారు. మృతుడికి 50 ఏళ్లు ఉండొచ్చని భావిస్తున్నారు. మృతుడి వివరాలు తెలియరాలేదని పోలీసులు తెలిపారు. పూటుగా మద్యం సేవించి.. నిద్రలోనే కన్నుమూసి నెల్లూరు సిటీ: పూటుగా మద్యం సేవించి నిద్రలోనే వ్యక్తి మృతి చెందిన ఘటన నగరంలోని రామచంద్రాపురంలో ఆదివారం వెలుగులోకి వచ్చింది. పోలీసుల వివరాల మేరకు.. రామచంద్రాపురంలో సాయి అనసూయమ్మ ఇంట్లో ఓ గదిని బాడుగకు తీసుకొని శ్రీకాకుళం జిల్లా పలాసకు చెందిన పెద్దబ్బాయి (65) పది నెలలుగా నివాసం ఉంటున్నారు. నగరంలో కూలీ పనులు చేసుకొని జీవనం సాగిస్తున్నారు. ఈ క్రమంలో మద్యం సేవించి తన గదిలో శనివారం నిద్రించారు. ఈ తరుణంలో తలుపును యజమాని తట్టగా, తీయకపోవడంతో అనుమానం వచ్చి పగలగొట్టి చూడగా పెద్దబ్బాయి విగతజీవిగా పడి ఉన్నారు. మద్యాన్ని అధిక మొత్తంలో సేవించి అపస్మారక స్థితికి చేరుకొని మృతి చెంది ఉండొచ్చని పోలీసులు భావిస్తున్నారు. పోస్ట్‌మార్టం నిమిత్తం మృతదేహాన్ని ప్రభుత్వాస్పత్రికి తరలించారు. నవాబుపేట పోలీసులు కేసు దర్యాప్తు చేస్తున్నారు. కండలేరులో నీటి నిల్వ రాపూరు: కండలేరు జలాశయంలో ఆదివారం నాటికి 49.74 టీఎంసీల నీరు నిల్వ ఉందని ఈఈ విజయకుమార్‌రెడ్డి తెలిపారు. సత్యసాయి గంగ కాలువకు 7800, లోలెవల్‌ కాలువకు 30, హైలెవల్‌ కాలువకు 120, మొదటి బ్రాంచ్‌ కాలువకు ఐదు క్యూసెక్కులను విడుదల చేస్తున్నామని వివరించారు. నిమ్మ ధరలు పొదలకూరు (కిలో) పెద్దవి: రూ.75 సన్నవి: రూ.55 పండ్లు: రూ.30

నెల్లూరు సిటీ: డాక్యుమెంట్‌ రైటర్లు నిబద్ధతతో వ్యవహరించి రిజిస్ట్రేషన్లు చేయించాలని దస్తావేజు లేఖర్ల సంక్షేమ సంఘ రాష్ట్ర అధ్యక్షుడు పెనుమాక వెంకటసుబ్బారావు పేర్కొన్నారు. నగరంలోని ఓ కల్యాణ మండపంలో ఆదివారం నిర్వహించిన దస్తావేజు లేఖర్ల సంక్షేమ సంఘ రాష్ట్ర కార్యవర్గ సమావేశానికి హాజరైన ఆయన మాట్లాడారు. నకిలీ డాక్యుమెంట్ల వ్యవహారం తెలిస్తే మీడియా లేదా పోలీసులకు తెలియజేయాలని సూచించారు. డాక్యుమెంట్‌ రైటర్లకు లైసెన్స్‌లు ఉన్నప్పుడు ఈ సమస్యే ఉండేది కాదని, అయితే ఇప్పుడు ఎవరుపడితే వారు ముందుకొస్తున్నారని చెప్పారు. ఐకమత్యంతో ఉంటేనే రిజిస్ట్రేషన్లు సక్రమంగా జరుగుతాయని పేర్కొన్నారు. ఎనీ వేర్‌ రిజిస్ట్రేషన్‌ విధానంలో సబ్‌ రిజిస్ట్రార్‌ ఓకే చేసే ప్రక్రియకు స్వస్తి పలికేలా ప్రభుత్వం చర్యలు చేపట్టాలని కోరారు. సంక్షేమ సంఘ రాష్ట్ర గౌరవాధ్యక్షుడు సుబ్బారావు, జిల్లా అధ్యక్షుడు పట్నం దుర్గేష్‌బాబు, రాష్ట్ర ప్రధాన కార్యదర్శి దాసరి సుధాకర్‌, రాష్ట్ర కోశాధికారి సత్యనారాయణ, రాష్ట్ర స్టీరింగ్‌ కమిటీ అధ్యక్షుడు సీతాపతిరావు, రాష్ట్ర ఆర్గనైజింగ్‌ కార్యదర్శి రవికుమార్‌ తదితరులు పాల్గొన్నారు.

● ఉద్యోగులు, కార్మికులు, రైతులకు రూ.కోట్లలో బకాయిలు ● 2004లో అప్పటి సీఎం వైఎస్సార్‌ హయాంలో అన్ని బకాయిలు చెల్లింపు ● ఫ్యాక్టరీని పునః ప్రారంభించిన వైనం ● 2013లో మళ్లీ మూతపడిన పరిస్థితి ● ఫ్యాక్టరీని తెరిపిస్తానని యువగళం పాదయాత్రలో లోకేశ్‌ హామీ ● అధికారంలోకి వచ్చి పది నెలలైనా ఆ ఊసే లేదు కోవూరు: జిల్లాలో డెల్టా ప్రాంతమైన కోవూరు మండలం పోతిరెడ్డిపాళెంలో 1979 ఫిబ్రవరిలో 124 ఎకరాల విస్తీర్ణంలో కోవూరు షుగర్‌ ఫ్యాక్టరీని ప్రారంభించారు. రోజుకు 1,250 మెట్రిక్‌ టన్నుల క్రషింగ్‌ సామర్థ్యంతో ప్రారంభించిన ఫ్యాక్టరీ.. కాలక్రమంలో చెరకు సాగు విస్తీర్ణం పెరగడంతో రోజుకు 2,500 మెట్రిక్‌ టన్నుల క్రషింగ్‌ సామర్థ్యానికి చేరింది. జిల్లాలో కోవూరు, ఇందుకూరుపేట, కొడవలూరు, విడవలూరు, బుచ్చిరెడ్డిపాళెంతోపాటు పొదలకూరు, నాయుడుపేట తదితర ప్రాంతాల్లో సుమారు 10 వేల మంది రైతులు చెరకు సాగు చేపట్టారు. వందలాది మంది కార్మికులతో రేయింబవళ్లు ఫ్యాక్టరీ వైభవంగా నడిచేది. 1996లో అధికారంలోకి వచ్చిన చంద్రబాబు అప్పట్లో రాష్ట్ర వ్యాప్తంగా కోఆపరేటివ్‌ రంగంలోని షుగర్‌ ఫ్యాక్టరీలను ప్రైవేటీకరణ చేయాలనే జపంతో వాటి మనుగడను నిర్వీర్యం చేస్తూ వచ్చారు. ఈ క్రమంలోనే 1999లో కోవూరు షుగర్‌ ఫ్యాక్టరీని మూసివేశారు. అప్పటికే ఫ్యాక్టరీకి చెరకు తొలిన రైతులకు కోట్లాది రూపా యల బకాయిలు పెండింగ్‌లో ఉన్నా.. రూపాయి చెల్లించకుండా మూతవేశారు. ఈ క్రమంలో ఫ్యాక్టరీ లో శాశ్వత, క్యాజువల్‌ ఉద్యోగులు, కార్మికులు ఉద్యోగాలు కోల్పోయి రోడ్డున పడ్డారు. కనీసం వారికి పరిహారం కూడా ఇవ్వకపోడంతో పెద్ద ఎత్తున ఆందోళనలు జరిగాయి. 2004లో పునఃప్రారంభించిన వైఎస్సార్‌ కోవూరు షుగర్‌ ఫ్యాక్టరీ పరిస్థితిని తెలుసుకున్న వైఎస్‌ రాజశేఖర్‌రెడ్డి తమ ప్రభుత్వం అధికారంలోకి వచ్చిన వెంటనే పునః ప్రారంభిస్తామని హామీ ఇచ్చారు. ఆ మాట ప్రకారమే 2004లో క్రషింగ్‌ సీజన్‌కు ముందే రైతులు, ఉద్యోగులు, కార్మికులకు చెల్లించాల్సిన కోట్లాది రూపాయల బకాయిలను చెల్లించారు. ఫ్యాక్టరీ మెషినరీ తుప్పు పట్టిపోవడంతో నిధులు కేటాయించి పునరుద్ధరణ చేశారు. అప్పటి నుంచి సజావుగా నడుస్తున్న షుగర్‌ ఫ్యాక్టరీ వైఎస్సార్‌ అకాల మరణంతో ఒడిదొడుకులకు గురైంది. నష్టాలో ఊబిలో కూరుకుపోవడంతో 2013లో అప్పటి సీఎం కిరణ్‌కుమార్‌రెడ్డి హయాంలో అర్ధాంతరంగా మూత పడింది. 2014 ఎన్నికల్లో హామీ ఇచ్చి మోసం 2014 ఎన్నికల ప్రచారంలో కోవూరుకు వచ్చిన చంద్రబాబు షుగర్‌ ఫ్యాక్టరీని తాను తిరిగి పునరుద్ధరించి రైతులకు, కార్మికులకు న్యాయం చేస్తానని హామీ ఇచ్చారు. ఆ ఎన్నికల్లో అధికారంలోకి వచ్చిన చంద్రబాబు షుగర్‌ ఫ్యాక్టరీ విషయాన్ని విస్మరించారు. కమిటీల పేరుతో రైతులు, ఉద్యోగులు, కార్మికులకు చెల్లించాల్సిన బకాయిలు చెల్లించకుండా 2014 నుంచి 2019 వరకు ఐదేళ్లూ కాలయాపన చేశారు. చెరకు సాగు నిలిచిపోవడంతో.. దాదాపు ఏడెనిమిదేళ్లుగా ఫ్యాక్టరీ మూతపడిపోవడంతో జిల్లాలో చెరకు సాగును రైతులు పూర్తిగా మానే శారు. తిరిగి ఫ్యాక్టరీ ప్రారంభించినా చెరకు పంట అందుబాటులో లేని కారణంగా క్రషింగ్‌ అసాధ్యమవుతుందని వైఎస్సార్‌సీపీ ప్రభుత్వం నియమించిన నిపుణల కమిటీ నివేదికలో పేర్కొంది. గతంలో చెరకు సాగు చేసిన భూముల్లో ప్రత్యామ్నాయంగా వరి సాగు చేస్తుండడంతో ప్రస్తుత పరిస్థితుల్లో ఫ్యాక్టరీని పునరుద్ధరణ చేసినా మళ్లీ మూతపడే పరిస్థితి అనివార్యమవుతుందని కమిటీ స్పష్టం చేసింది. యువగళంలో లోకేశ్‌ హామీ కోవూరు షుగర్‌ ఫ్యాక్టరీని తెరిపించి తిరిగి పూర్వ వైభవాన్ని తెస్తానని లోకేశ్‌ ఎన్నికల ముందు నిర్వహించిన యువగళం పాదయాత్రలో హామీ ఇచ్చారు. తాము అధికారంలోకి వచ్చిన వెంటనే పునరుద్ధరిస్తామని, ఉద్యోగులు, కార్మికుల వేతనాల బకాయిలు చెల్లిస్తామని గొప్పలు చెప్పారు. కానీ అధికారంలోకి వచ్చి పది నెలలు అవుతున్నా ఆ ఊసేలేదు. తాజాగా స్థానిక ఎమ్మెల్యే ప్రశాంతిరెడ్డి అసెంబ్లీ సమావేశాల్లో గత ప్రభుత్వం, గత ఎమ్మెల్యేపై ఆరోపణలు చేయడం విమర్శలకు తావిస్తోంది. ఈ ఫ్యాక్టరీ మూత పడడానికి తాను అధికారంలో ఉన్న టీడీపీ ప్రభుత్వమే కారణమని తెలుసుకోకుండా, అధికారంలో ఉండి పది నెలలుగా అసమర్థత ప్రదర్శిస్తూ గత ప్రభుత్వం, పాలకులపై నెపం నెట్టి కాలయాపన చేస్తున్నారనే ఆరోపణలు వినిపిస్తున్నాయి. కోవూరు షుగర్‌ ఫ్యాక్టరీజిల్లాకే తలమానికంగా కో–ఆపరేటివ్‌ రంగంలో ఏర్పాటైన కోవూరు షుగర్‌ ఫ్యాక్టరీ టీడీపీ హయాంలో చంద్రబాబు అందుకున్న ప్రైవేటీకరణ జపంతో మూత పడింది. దీంతో వందలాది ఉద్యోగ, కార్మిక కుటుంబాలు, వేలాది రైతు కుటుంబాలు రోడ్డున పడ్డాయి. ఆ తర్వాత ప్రతి ఎన్నికల్లోనూ చంద్రబాబు ఈ ఫ్యాక్టరీని తెరిపిస్తామంటూ వాగ్దానాలు చేశారే తప్ప పట్టించుకోలేదు. తాజాగా అధికారంలోకి వచ్చి పది నెలలు అవుతున్నా ఆ ఊసే లేదు. ఇటీవల అసెంబ్లీ సమావేశాల్లో స్థానిక ఎమ్మెల్యే ప్రశాంతిరెడ్డి కోవూరు షుగర్‌ ఫ్యాక్టరీపై అసత్యాలు మాట్లాడడంపై సర్వత్రా విమర్శలు వ్యక్తమవుతున్నాయి.

ఆరోగ్యం బేజారయ్యే అవకాశం శారీరకంగా, ఆర్థికంగా కుంగుబాటునెల్లూరు(అర్బన్‌): క్షయతో ఆరోగ్యం గుల్లవుతుంది. చాపకింద నీరులా జిల్లాలో ఇది వ్యాపిస్తుండటం కలవరానికి గురిచేస్తోంది. తుమ్మినా, దగ్గినా ఆ తుంపర్లు పక్కవారిపై పడితే అందులోని సూక్ష్మజీవుల ద్వారా ఈ వ్యాధి సోకుతుంది. శరీరంలోని ఏ భాగానికై నా ఇది రావొచ్చు. జిల్లాలో 16 వేల మంది వరకు రోగులున్నారని ఐఎంఏ లెక్కల ద్వారా తెలుస్తోంది. ప్రభుత్వ వైద్యశాలల ద్వారా గుర్తించిన కేసులే వైద్యశాఖ రికార్డుల్లో ఉంటున్నాయి. అదే ప్రైవేట్‌ హాస్పిటళ్లలో గుర్తించే కేసుల వివరాలు పూర్తిస్థాయిలో అందడం లేదు. వ్యాధి విషయాన్ని తెలియకుండా చూడాలని పలువురు రోగులు కోరుతుండటమే దీనికి కారణమని తెలుస్తోంది. వ్యాధి బారినపడి ఏటా 80 నుంచి 100 మంది వరకు మృత్యువాత పడుతున్నారని వైద్యులు పేర్కొంటున్నారు. నిర్లక్ష్యం వహిస్తే మొదటికి టీబీ సోకిన వారు ఆరు నుంచి తొమ్మిది నెలల పాటు మందులను వినియోగించాల్సి ఉంటుంది. ఆ సమయంలో మంచి పౌష్టికాహారాన్ని తీసుకుంటే వ్యాధి తగ్గుతుంది. ఏ మాత్రం నిర్లక్ష్యం వహించినా.. కొంతకాలం మందులు వాడి ఆపేసినా మళ్లీ మొదటికొచ్చే ప్రమాదం ఉంది. తదుపరి టీబీ ముదిరి, ఏడాది నుంచి రెండేళ్ల పాటు మందులను వాడాల్సిన పరిస్థితి ఉత్పన్నమవుతుంది. అధికారిక లెక్కల మేరకు ప్రస్తుతం 24 మందికి ఇలా మారిందని సమాచారం. ఐదేళ్లలోపు పిల్లలకు సోకితే వ్యాధి తీవ్రత ఎక్కువగా ఉంటుంది. రోగులకు భరోసాగా.. టీబీ సోకిన వారికి జిల్లా టీబీ నివారణ శాఖ ఆధ్వర్యంలో ఖరీదైన మందులను ప్రతి నెలా క్రమం తప్పకుండా అందజేయడంతో పాటు మింగిస్తున్నారు. వ్యాధికి గురైన వారు పనులకు దూరంగా ఉండాల్సిన తరుణంలో పౌష్టికాహారం కోసం రూ.వెయ్యిని వారి ఖాతాలో ప్రభుత్వం జమచేస్తోంది. రోగిని ప్రైవేట్‌ డాక్టర్లు గుర్తించి సమాచారమందిస్తే సదరు వైద్యుడికి ప్రోత్సాహకంగా రూ.500ను అందజేస్తున్నారు. చికిత్స పూర్తయ్యాక మరో రూ.500, డాట్‌ పద్ధతిన రోగితో మందులు మింగించినందుకు ఆరోగ్య కార్యకర్తలకూ ప్రోత్సాహకాన్ని అందజేస్తున్నారు. చికిత్స పొందుతున్న రోగులు టీబీ యూనిట్లు 13 గళ్ల పరీక్ష కేంద్రాలు 92 ఇవీ లక్షణాలు.. రెండు వారాలకు మించి దగ్గు, జ్వరం రావడం, గళ్ల పడటం, అందులో రక్తపు ఛారలుండటం, బరువు తగ్గిపోవడం లాంటి లక్షణాలుంటే టీబీగా అనుమానించి పరీక్షలు చేయించుకోవాలి. మెడ, గొంతు, చెంపపై చెవి కింద, చర్మంలోపల గడ్డలుంటే వ్యాధిగా అనుమానించాలి. ఇంట్లో ఎవరికై నా వస్తే, మరొకరికి సోకకుండా తగు జాగ్రత్తలు పాటించాలి.వ్యాధికి ప్రధాన కారణాలు.. టీబీని మైకోబ్యాక్టీరియం ట్యూబర్‌కులోసిస్‌ అనే సూక్ష్మజీవి కలిగిస్తోంది. హెచ్‌ఐవీ, ఎయిడ్స్‌తో బాధపడేవారు, పౌష్టికాహార లోపంతో బలహీనంగా ఉండే వారు, వ్యాధి నిరోధక శక్తిని తగ్గించే స్టెరాయిడ్స్‌ను వినియోగించే వారికి ఇది సోకుతోంది. ఊపిరితిత్తులకు ఈ వ్యాధి ఎక్కువగా వస్తుంది. మద్యం, ధూమపానం అలావాటుండే వారు, షుగర్‌ వ్యాధిగ్రస్తులకు త్వరగా వచ్చే అవకాశం ఉంది. సీబీనాట్‌ / జీన్‌ ఎక్స్‌పర్ట్‌ కేంద్రం 1ప్రపంచ టీబీ నివారణ దినోత్సవం నేడు జిల్లాలో గతంలో తగ్గుముఖం పట్టిన క్షయ (టీబీ) కేసులు మళ్లీ పెరుగుతున్నాయి. ఆహార లోపంతో బాధపడేవారు, మురికివాడల్లో ఉండే పేదలకు ఈ వ్యాధి వేగంగా సోకుతోంది. ఓ వ్యక్తి నుంచి మరొకరికి అంటువ్యాధిగానూ వ్యాపిస్తోంది. దీని బారినపడిన వారికి రోజూ బలవర్థకమైన ఆహారాన్ని అందించాల్సి ఉండటంతో ఆ కుటుంబంపై ఆర్థిక భారమూ పడుతోంది. ఖరీదైన మందులను ఆరు నుంచి తొమ్మిది నెలల పాటు క్రమం తప్పకుండా వినియోగించాలి. ఇందులో ఏ మాత్రం నిర్లక్ష్యం వహించినా, అది ప్రాణాంతకమయ్యే ప్రమాదం లేకపోలేదు. ఈ ఏడాది జనవరి, ఫిబ్రవరిలో జరిపినవి 13,550 2024లో నిర్వహించిన పరీక్షలు 83,381 పెరుగుతున్న కేసులు జిల్లాలో సుమారు 16 వేల మంది రోగులు ఏటా 80 నుంచి 100 మంది మృతి నాణ్యమైన వైద్యసేవలు టీబీని నివారించడమే లక్ష్యంగా నాణ్యమైన సేవలను ప్రభుత్వం అందిస్తోంది. ఖరీదైన మందులను ఇంటి వద్దే రోగికి అందేలా చూస్తున్నాం. అన్ని పీహెచ్‌సీలు, సీహెచ్‌సీలు, ఏరియా, జిల్లా ఆస్పత్రుల్లో పరీక్షలను ఉచితంగా చేస్తున్నాం. – ఖాదర్‌వలీ, జిల్లా టీబీ నియంత్రణాధికారి జాగ్రత్తలు తప్పనిసరి టీబీపై ప్రజలు అవగాహన పెంచుకోవాలి. నాట్‌ వంటి కొత్త పరీక్షలు ఉచితంగా అందుబాటులో ఉన్నాయి. ప్రైవేల్‌ ఆస్పత్రుల్లో కఫం పరీక్షలు చేస్తున్నారు. వ్యాధిగా నిర్ధారణైతే జాగ్రత్తలు పాటిస్తూ క్రమం తప్పకుండా మందులు వాడితే నయం చేయొచ్చు. – గౌరీనాథ్‌, పల్మనాలజిస్ట్‌, ఎనెల్‌ స్పెషాల్టీ ఆస్పత్రి, నెల్లూరు

● కష్టాలను అధిగమించి.. రాణిస్తూ ● జాతీయ పోటీలకు ఎంపిక తమ ఆశయానికి కష్టాలు ఏ మాత్రం అడ్డుకాదని నిరూపించారు బీవీనగర్‌కు చెందిన రమ్య, భార్గవి. తల్లిదండ్రులు రోజు వారీ కూలీలైనా.. ఆర్థిక కష్టాలను అధిగమించి ఖోఖోలో రాణిస్తూ పలువురి ప్రశంసలు అందుకుంటున్నారు. స్టేడియం వద్దకు ఉదయం, సాయంత్రం వేళ క్రమం తప్పకుండా వచ్చి సాధన చేశారు. జిల్లా, రాష్ట్ర, సీనియర్స్‌ జాతీయ స్థాయి పోటీల్లో తమ ప్రతిభను మెరుగుపర్చుకున్నారు. చిన్న వయస్సులోనే జాతీయ స్థాయి పోటీలకు ఎంపికై జిల్లా ఖ్యాతిని ఇనుమడింపజేసేందుకు కృషి చేస్తున్నారు. – నెల్లూరు(స్టోన్‌హౌస్‌పేట)

సాక్షి ప్రతినిధి, నెల్లూరు: జిల్లాలో రైతులకు ప్రభుత్వం అండగా ఉందని చెప్పడానికి సివిల్‌ సప్లయీస్‌, కో–ఆపరేటివ్‌ మార్కెటింగ్‌ శాఖల ద్వారా 300 ధాన్యం కొనుగోలు కేంద్రాలు ఏర్పాటు చేసినట్లు అధికార యంత్రాంగం ఆర్భాటంగా ప్రకటించింది. అధికార యంత్రాంగం, మిల్లర్లు మిలాఖత్‌ అయి నిత్యం పీపీసీల ద్వారా ధాన్యం కొనుగోలు లక్ష్యం ఒక తంతుగా మార్చేశారు. దళారుల ద్వారా మిల్లర్‌ కొనుగోలు చేసిన ధాన్యాన్ని సైతం పీపీసీల లెక్కల్లో వేసి రైతులను దగా చేస్తున్నారు. పీపీసీల ద్వారా ధాన్యం విక్రయించినట్లు నమోదైన రైతులకు మద్దతు ధర ప్రకారం పుట్టికి రూ.19,600 అందించామని అధికారులు నిజాయితీగా గుండెలపై చేయి వేసుకుని చెప్పగలరా?. నిరూపించగలరా?. అంటే ఏదీ చెప్పలేరు. దిగుబడి ఎంత.. కొన్నది ఎంత.. జిల్లాలో ధాన్యం కొనుగోలు ప్రక్రియ ముమ్మరం చేశామని నిత్యం ఆర్భాటంగా అధికారులు ప్రకటనలు చేస్తున్నారు. జిల్లా వ్యాప్తంగా రబీ సీజన్‌కు సంబంధించి సుమారు 10 లక్షల మెట్రిక్‌ టన్నుల ధాన్యం దిగుబడి వస్తుందని అంచనా వేశామని వీరే చెబుతున్నారు. కానీ శనివారం నాటికి 33,275 మెట్రిక్‌ టన్నుల ధాన్యం పీపీసీల ద్వారా కొనుగోలు చేసినట్లు అధికారులు ప్రకటించారు. జిల్లా వ్యాప్తంగా ఇప్పటికే 60 శాతం వరి కోతలు పూర్తయ్యాయి. అంటే దాదాపు 6 లక్షల మెట్రిక్‌ టన్నుల దిగుబడులు వచ్చాయి. ఇందులో పీసీసీల ద్వారా కొనుగోలు చేసిన ధాన్యం 5 శాతం కూడా లేదని అధికారుల ప్రకటన ద్వారానే అర్థమవుతోంది. దిగుబడి వచ్చిన 95 శాతం ధాన్యం నేరుగా మిల్లర్లకు దళారుల ద్వారా విక్రయిస్తున్నారనేది వాస్తవం. అధికార యంత్రాంగం 300 పీపీసీలు ఏర్పాటు చేసినట్లు ఆర్భాటంగా చెబుతున్నా.. జిల్లాలో ఒక్క రైతుకు కూడా న్యాయం జరగడం లేదనేది ఈ లెక్కలే చెబుతున్నాయి. పీపీసీల ద్వారా దళారులే విక్రయాలు ధాన్యం కొనుగోలు కేంద్రాల ద్వారా ఇప్పటి వరకు 33,275 మెట్రిక్‌ టన్నులు కొనుగోలు చేసినట్లు చెబుతున్నా, ఇందులో 90 శాతం దళారుల ద్వారానే జరిగాయని తెలుస్తోంది. వాస్తవానికి రైతులు పీపీసీలను సంప్రదించినా మిల్లరు ధాన్యం కొనడానికి సంసిద్ధత వ్యక్తం చేస్తేనే గన్నీ బ్యాగ్‌లు ఇస్తారు. ఈ ప్రక్రియ అస్సలు జరగడం లేదు. పీపీసీల ద్వారా ధాన్యం కొనుగోలుకు మిల్లరు సిద్ధపడితే ధాన్యం పట్టుబడి నుంచి మిల్లు వరకు చేర్చే బాధ్యత ఆ రైతుదే. ధాన్యం పట్టుబడి చేయడానికి బస్తాకు రూ.30 కూలి ఇవ్వాల్సి ఉంటుంది. ఇది రైతులే భరించుకోవాలి. 99 శాతం మంది మిల్లర్లు పీపీసీల ద్వారా ధాన్యం విక్రయించుకునే రైతులకు గన్నీ బ్యాగ్‌లు ఇవ్వడం లేదు. రైతులే బస్తాలు, ట్రానన్స్‌పోర్టు వాహనాన్ని ఏర్పాటు చేసుకోవాలి. తీరా మిల్లరు దగ్గరకు ధాన్యం తీసుకెళ్లితే నాణ్యత లేదని, గడ్డి ముక్క ఉందని, తేమ శాతం అధికంగా ఉందని తరుగు పేరుతో పేచీ పెట్టి ఇబ్బందులకు గురి చేస్తున్న పరిస్థితి. ఇన్ని ఖర్చులు, ఇన్ని ఇబ్బందులు భరించినా.. చివరకు ఆ రైతుకు పుట్టి ధాన్యానికి దక్కే ధర రూ.15 వేలు కూడా రావడం లేదు. దీంతో రైతులు ఈ తలనొప్పులు ఎందుకుని దళారులనే ఆశ్రయించి అమ్ముకుంటున్నారు. వీరు సదరు రైతుల దగ్గర ధాన్యం కొనుగోలు చేసి వారి పొలం తాలూకా పాస్‌బుక్‌, బ్యాంక్‌ అకౌంట్‌ తీసుకెళ్లి పీపీసీలో నమోదు చేయించుకుంటున్న విషయం బహిరంగ విషయం. బ్యాంక్‌ గ్యారెంటీలు అరకొరే జిల్లాలో సీఎంఆర్‌ (కస్టమ్‌ రైస్‌ మిల్లింగ్‌) చేసే మిల్లులు 103 ఉన్నప్పటికీ వీటిలో కేవలం 50 నుంచి 60 మిల్లులు మొక్కుబడిగా బ్యాంక్‌ గ్యారెంటీలు ఇచ్చాయి. మిగతా మిల్లర్లు బ్యాంక్‌ గ్యారెంటీలు ఇవ్వకపోయినా.. అధికారులు ఎందుకు మౌనంగా ఉన్నారో వారికే తెలియాలి. పీపీసీ ద్వారా ధాన్యాన్ని మిల్లుకు ట్యాగ్‌ చేయాలంటే.. సదరు మిల్లరు బ్యాంక్‌ గ్యారెంటీ ఇచ్చి ఉండాలి. బ్యాంక్‌ గ్యారెంటీ లేని మిల్లుకు ఎట్టి పరిస్థితుల్లో ధాన్యాన్ని పీపీసీ ద్వారా పంపించడం అసాధ్యం. మిల్లర్లు ప్రభుత్వానికి బ్యాంక్‌ గ్యారెంటీ ఇవ్వకపోవడంతో పీపీసీలు ఆ మిల్లులకు ధాన్యాన్ని ట్యాగ్‌ చేయడం లేదు. దీంతో రోజుల తరబడి రైతులు ధాన్యాన్ని నిలబెట్టుకోలేక నేరుగా మిల్లర్లకు దళారుల ద్వారా విక్రయించుకుంటున్నారు.రైతు నష్టపోతున్నదిలా.. జిల్లాలో 10 లక్షల మెట్రిక్‌ టన్నుల దిగుబడి అంచనా ఇప్పటికే 60 శాతం కోతలు పూర్తి పీపీసీల ద్వారా 33,275 మెట్రిక్‌ టన్నులే కొనుగోలు 103 రైస్‌ మిల్లులకు సీఎంఆర్‌ అనుమతి 50 మిల్లులే రూ.30 కోట్ల బ్యాంక్‌ గ్యారెంటీ కల్లాల్లో ధాన్యం కొనడం ఒక ప్రహసనం జిల్లాలో పీపీసీల ద్వారా ధాన్యం కొనుగోలు ఒక తంతుగా సాగుతోంది. దిగుబడికి.. కొనుగోలుకు మధ్య తేడానే ఇందుకు అద్దం పడుతోంది. సీఎంఆర్‌ అనుమతి ఉన్న రైస్‌ మిల్లుల్లో సగం మిల్లులు కూడా బ్యాంక్‌ గ్యారెంటీ ఇవ్వలేదంటే ప్రభుత్వం, రైస్‌ మిల్లర్లు కలిసి ‘దోపిడీ డ్రామా’ ఆడుతున్నట్లు విస్పష్టమవుతోంది. కల్లాల్లోనే ధాన్యం కొనడం ఒక ప్రహసనంగా సాగుతోంది. ఏ రోజుకు ఆ రోజు పీపీసీల ద్వారా కొంటున్న ధాన్యం లెక్కలు అధికార యంత్రాంగం ప్రకటిస్తున్నా.. ఏ రైతు నేరుగా ధాన్యం కొనుగోలు కేంద్రాల ద్వారా విక్రయాలు చేసుకోవడం లేదు. నేరుగా దళారులకే అమ్ముకుంటున్నారనేది నిజం. కొడవలూరు మండలానికి చెందిన ఓ రైతుకు 8 ఎకరాల పొలం ఉంది. ఆయన బీపీటీ 5204 వరి సాగు చేశాడు. పంట కోతకు రావడంతో ఒక దళారీని సంప్రదించాడు. పుట్టికి రూ.17 వేలు మాత్రమే ధర ఉందని చెప్పాడు. దీంతో ఆ రైతు స్థానిక పీపీసీ ద్వారా ధాన్యం విక్రయించడానికి విలేజ్‌ అగ్రికల్చర్‌ అసిస్టెంట్‌ను సంప్రదించాడు. దిగుబడి అంచనాను బట్టి గన్నీ బ్యాగ్స్‌ ఆ రైతుకు అందజేశారు. వరి కోత కోసి ధాన్యం రాసి పోశాడు. సదరు రైతు ధాన్యం సరఫరా చేయడానికి ట్యాగ్‌ చేసిన మిల్లర్‌ అంత ధాన్యం తాము తీసుకోమని, మార్కెట్లో పుట్టి రూ.17 వేలే ఉంటే.. పీపీసీ ద్వారా రూ.19,700 పెట్టి ఎందుకు కొనాలని రైతును ప్రశ్నించాడు. ఇక కూలీలు, రవాణా ఖర్చులు పెట్టుకుని, మిల్లర్‌ అడిగినంత తరుగు ఇచ్చుకుంటే.. పుట్టికి రూ.16 వేలు కూడా వచ్చేటట్లు లేదని లెక్కలు వేసుకున్న ఆ రైతు ఆలోచనలో పడ్డాడు. అప్పటికే రెండు రోజులు గడిచిపోవడంతో ధాన్యం తడారిపోతుండడంతో నేరుగా మిల్లర్‌కే దళారీ ద్వారా విక్రయించాడు. కానీ ఈ ధాన్యం పీపీసీ ద్వారా విక్రయించినట్లు ఇటు అధికారులు, అటు మిల్లర్‌ నమోదు చేసుకున్నారు.

● ఆటోను బైక్‌ ఢీకొని ముగ్గురి దుర్మరణం ● మృతుల్లో ఇద్దరు ఐటీఐ విద్యార్థులు, ఆటో డ్రైవర్‌ మనుబోలు: నిర్లక్ష్యంగా అతి వేగంతో బైక్‌ నడుపుతూ ఎదురుగా వస్తున్న ఆటోను ఢీకొన్న ప్రమాదంలో ముగ్గురు వ్యక్తులు దుర్మరణం చెందారు. ఈ ఘటన మనుబోలు మండలంలోని గొట్లపాళెం వద్ద శనివారం జరిగింది. మూడు కుటుంబాల్లో విషాదాన్ని మిగిల్చిన ఈ ఘటన ఆటోడ్రైవర్‌ కుటుంబాన్ని రోడ్డున పడేసింది. సైదాపురం మండలం ఊటుకూరు దళితవాడుకు చెందిన నోసిన వెంకటేశ్వర్లు కుమారుడు వరుణ్‌కుమార్‌ (18), అర్తనపల్లి శంకరయ్య కుమారుడు నందకిశోర్‌ (18), మరో కుమారుడు అర్తనపల్లి ఈశ్వర్‌ ముగ్గురు మిత్రులు. వీరిలో వరుణ్‌కుమార్‌, నందకిశోర్‌ గూడూరులోని కళ్యాణ్‌ చక్రవర్తి కళాశాలలో ఐటీఐ చదువుతున్నారు. ఈ ముగ్గురు కలిసి బైక్‌పై నెల్లూరుకు పనిమీద వెళ్లారు. తిరుగు ప్రయాణంలో గొట్లపాళెంలో ఉంటున్న వరుణ్‌ అమ్మమ్మ ఇంటికి వెళ్లేందుకు నెల్లూరు నుంచి కసుమూరు, వడ్లపూడి మీదుగా వేగంగా వస్తున్నారు. అదే సమయంలో పొదలకూరు నుంచి ప్రయాణికులతో వడ్లపూడి వెళుతున్న ఆటోను ఎదురుగా వచ్చిన బైక్‌ అదుపు తప్పి ఢీకొంది. ఈ ప్రమాదంలో బైక్‌ నడుపుతున్న వరుణ్‌కుమార్‌, నందకిషోర్‌ అక్కడికక్కడే మృతి చెందగా, ఆటో డ్రైవర్‌ తురకా సురేంద్ర (38) తీవ్రంగా గాయపడ్డాడు. బైక్‌పై వెనుక ఉన్న ఈశ్వర్‌తోపాటు ఆటోలో ప్రయాణిస్తున్న మరో ఇద్దరికి కూడా గాయాలయ్యాయి. చికిత్స నిమిత్తం క్షతగాత్రులను పొదలకూరు ఆస్పత్రికి తరలించారు. అక్కడ చికిత్స పొందుతూ సురేంద్ర మృతి చెందాడు. మృతులు ముగ్గురివి పేద కుటుంబాలే. అతి వేగం, నిర్లక్ష్యం మూడు కుటుంబాలను రోడ్డుపాల్జేసింది. సమాచారం అందుకున్న నెల్లూరు రూరల్‌ డీఎస్పీ శ్రీనివాసరావు, మనుబోలు ఎస్సై శివరాకేష్‌ ఘటనా స్థలానికి చేరుకుని పరిశీలించారు. ఈ మేరకు కేసు నమోదు చేసి దర్యాప్తు చేస్తున్నారు. మూడు కుటుంబాల్లో విషాదం ఈ ఘటన మూడు కుటుంబాల్లో విషాదం మిగిల్చింది. ఊటుకూరుకు చెందిన ఇద్దరు యువకులు ప్రమాదంలో దుర్మరణం చెందడంతో గ్రామంలో తీవ్ర విషాదం నెలకొంది. చేతికంది వచ్చిన కుమారులు రోడ్డు ప్రమాదంలో మృతి చెందడంతో వారి తల్లిదండ్రులు కన్నీరుమున్నీరుగా విలపిస్తున్నారు. రోడ్డున పడిన ఆటో డ్రైవర్‌ కుటుంబం ఆటో డ్రైవర్‌ సురేంద్రది పొదలకూరు కాగా అతను వడ్లపూడిలో పెళ్లి చేసుకుని ఇల్లరికం వచ్చి ఇక్కడే ఉంటూ ఆటో నడుపుతూ జీవనం సాగిస్తున్నాడు. సురేంద్రకు భార్య, ఇద్దరు చిన్న పిల్లలు ఉన్నారు. సురేంద్ర మృతి చెందడంతో ఆ కుటుంబం జీవనాధారం కోల్పోయి రోడ్డున పడినట్లు అయింది. ముగ్గురు యువకుల అతివేగం ముగ్గురి ప్రాణాలు బలిగొంది. ఒకే బైక్‌పై మితిమీరిన వేగంతో వెళ్తూ ఎదురుగా వస్తున్న ఆటోను ఢీకొనడంతో ఇద్దరు యువకులతోపాటు ఆటో డ్రైవర్‌ కూడా దుర్మరణం పాలయ్యాడు. ఈ ఘటన మూడు కుటుంబాల్లో తీరని విషాదాన్ని మిగిల్చింది. పనిమీద నెల్లూరుకు వెళ్లి.. తిరుగు ప్రయాణంలో యువకుల్లో ఒకరి అమ్మమ్మ ఇంటికి వెళ్తూ ఈ దుర్ఘటనలో మృత్యువాత పడ్డారు.

పెద్ద మొత్తంలో స్వాహా జిల్లాలో ఐసీడీఎస్‌, విద్యాశాఖలు అవినీతి మయంగా మారాయి. క్షేత్రస్థాయిలో పనిచేసే అంగన్‌వాడీల విధులను పర్యవేక్షించే అధికారుల నుంచి ప్రాజెక్ట్‌ కార్యాలయం వరకు అడుగడుగునా ప్రతి బిల్లులో కమీషన్లు కొట్టేస్తున్నారు. ప్రాజెక్ట్‌ స్థాయి సమావేశాలకు వెళ్లినా.. సెక్టార్‌ స్థాయి సమావేశాలకు వెళ్లినా కనీసం టీఏ బిల్లులు ఇవ్వకుండానే ఇచ్చేసినట్లు కాజేస్తున్న పరిస్థితి. ఇటీవల అంగన్‌వాడీలకు విద్యాశాఖ ఆధ్వర్యంలో ‘జ్ఞానజ్యోతి’, ఐడీసీఎస్‌ ఆధ్వర్యంలో పోషణ్‌ భీ, పఢాయి భీ ట్రైనింగ్‌ ప్రొగ్రామ్స్‌ నిర్వహించారు. ఈ సందర్భంగా వీరికి ఏర్పాటు చేసిన భోజనం, స్నాక్స్‌ నిధుల్లో ఎంఈఓలు కుక్కుర్తి చూపించినట్లు ఆరోపణలు వెల్లువెత్తుతున్నాయి. ఈ శిక్షణకు హాజరైన కొన్ని ప్రాజెక్ట్‌ల అంగన్‌వాడీలకు ఇంత వరకు టీఏ బిల్లులు చెల్లించలేదని తెలుస్తోంది. నేను తిన్న బిల్లులు అరగడం లేదు ● గత నెలలో అంగన్‌వాడీలకు ‘జ్ఞానజ్యోతి’ ట్రైనింగ్‌ ● ఈ నెలలో పోషణ్‌ భీ, పఢాయి భీ కార్యక్రమం ● భోజనం, స్నాక్స్‌లో కక్కుర్తి ● టీఏ బిల్లులూ అందరికీ చెల్లించని వైనం టీఏ బిల్లులుఉదయగిరి: ఐసీడీఎస్‌, విద్యా శాఖల్లోని కొందరు అధికారులు అవినీతిలో మునిగి తేలుతున్నారు. గత నెలలో విద్యాశాఖ ఆధ్వర్యంలో ‘జ్ఞాన జ్యోతి, ఈ నెలలో ఐసీడీఎస్‌ ఆధ్వర్యంలో పోషణ్‌ భీ, పఢాయి భీ శిక్షణా కార్యక్రమాల నిర్వహణకు మంజూరు చేసిన భోజనం, స్నాక్స్‌, టీఏ, స్టేషనరీ నిధులను భారీగా మెక్కినట్లు ఆరోపణలు వెల్లువెత్తుతున్నాయి. అంగన్‌వాడీ కేంద్రాల్లో చిన్నారులకు మెరుగైన విద్యాబోధన కోసం జిల్లా వ్యాప్తంగా సెక్టార్‌ స్థాయిలో కార్యకర్తలకు శిక్షణ ఇచ్చారు. ఇందులో అంగన్‌వాడీలకు అందించిన భోజనం, స్టేషనరీ సామగ్రి కొనుగోలు, రవాణా ఖర్చులు (టీఏ), స్నాక్స్‌ తదితరాల్లో కొంత మంది నిర్వాహకులు చేతివాటం ప్రదర్శించి నిధులు స్వాహా చేశారు. రోజంతా కష్టపడితే అంతంత మాత్రం వేతనాలు వచ్చే చిరుద్యోగుల కడుపు కొట్టడంపై సర్వత్రా విమర్శలు వ్యక్తమవుతున్నాయి. జిల్లాలో 12 ఐసీడీఎస్‌ ప్రాజెక్ట్‌ల పరిఽధిలో 2,934 అంగన్‌వాడీ కేంద్రాలు ఉన్నాయి. కేంద్ర ప్రభుత్వం అంగన్‌వాడీ కేంద్రాలపై ప్రత్యేక దృష్టి పెట్టి ప్రీ ప్రైమరీ స్కూళ్లుగా మార్చుతోంది. 3 నుంచి 6 ఏళ్ల మధ్య వయస్సు ఉన్న చిన్నారులకు ఆట, పాటతో కూడిన చదువులు అందించేలా ‘జ్ఞానజ్యోతి’ పేరిట ప్రత్యేక కార్యక్రమానికి శ్రీకారం చుట్టింది. ఇందులో భాగంగా జిల్లా వ్యాప్తంగా అన్ని మండలాల ఎంఈఓల ఆధ్వర్యంలో అంగన్‌వాడీ కార్యకర్తలకు రెండు విడతలుగా గత నెల 18వ తేదీ నుంచి ఆరు రోజుల పాటు శిక్షణ ఇచ్చారు. ఇందు కోసం ప్రభుత్వం ప్రతి కార్యకర్తకు రోజుకు భోజనం, స్నాక్స్‌ కోసం రూ.300 కేటాయించింది. టీఏ కింద రూ.50, స్టేషనరీ మెటీరియల్‌ కోసం మరో రూ.100 కేటాయించారు. అయితే భోజనం, స్నాక్స్‌ కోసం కేవలం రూ.80 నుంచి రూ.100 వరకే ఖర్చు చేసినట్లు సమాచారం. కొన్ని కేంద్రాల్లో కనీసం మంచినీరు, స్నాక్స్‌ కూడా ఇవ్వలేదు. మధ్యాహ్న భోజనం అత్యంత నాసిరకంగా అందించారు. అప్పటికప్పుడే చెల్లించాల్సిన టీఏలు ఇంత వరకు ఇవ్వలేదని కొందరు అంగన్‌వాడీలు ఆరోపిస్తున్నారు. ఇక స్టేషనరీ సామగ్రి కొనుగోలు విషయంలోనూ అదే తంతు. ఈ నెలలో మూడు రోజుల పాటు ఐడీసీఎస్‌ ఆధ్వర్యంలో పోషణ్‌ భీ, పఢాయి భీ కార్యక్రమాలపై అంగన్‌వాడీలకు శిక్షణ ఇచ్చారు. ఐసీడీఎస్‌ సీడీపీఓలు, సూపర్‌వైజర్లు ఆధ్వర్యంలో జరిగిన ఈ కార్యక్రమం కోసం ప్రతి కార్యకర్తలకు రూ.450 ప్రభుత్వం కేటాయించింది. ఇందులో భోజనం, స్నాక్స్‌ కోసం రూ.250, సామగ్రి కొనుగోలుకు రూ.50, టీఏ కోసం రూ.150 ఖర్చు చేయాలి. ఈ కార్యక్రమంలో కూడా అధికారులు చేతివాటం ప్రదర్శించారు. భోజనం, స్నాక్స్‌ కోసం రూ.80 నుంచి రూ.100 వరకు ఖర్చు చేశారు. టీఏ రూ.150 ఇవ్వలేదు. అంగన్‌వాడీ కేంద్రంఅయినా భోజనం బిల్లులు కూడా వదలరా మీరు..! ఊరకే వచ్చిన భోజనం బిల్లులు, టీఏ బిల్లులు అంత అతిగా తింటే ఇలానే ఉంటుంది. జిల్లా వ్యాప్తంగా ఉన్న అంగన్‌వాడీ కార్యకర్తలు రెండు శాఖల ఆధ్వర్యంలో 2,900 మంది శిక్షణ తీసుకున్నారు. విద్యాశాఖ పర్యవేక్షణలో జరిగిన శిక్షణలో ప్రతి కార్యకర్త నుంచి ఒక్క భోజనం కోసమే కేటాయించిన నిధుల్లో రోజుకు రూ.200 లెక్కన స్వాహా చేశారు. ప్రతి రోజు రూ.5.80 లక్షలు, ఆరు రోజులకు రూ.34.80 లక్షలు మింగేశారు. టీఏ కోసం రూ.8.70 లక్షలు కేటాయించగా, ఇంత వరకు చాలా మందికి అందలేదు. కొంతమంది ఎంఈఓలు టీఏలు ఇవ్వగా, మరి కొంతమంది ఆలస్యమైతే మర్చిపోతారులే అని జాప్యం చేస్తూ ఇంకా బడ్జెట్‌ రాలేందటూ దాటవేస్తున్నారు. ఈ శాఖ ఆధ్వర్యంలో కూడా అదే దందా కొనసాగింది. భోజనం, స్నాక్స్‌ కోసం రూ.100 ఖర్చు చేసి రూ.150 స్వాహా చేశారు. వింజమూరు ప్రాజెక్ట్‌లో అయితే కనీసం మంచినీరు, స్నాక్స్‌ కూడా ఇవ్వలేదు. ఇందులో కూడా భోజనంలో రూ.13 లక్షలు స్వాహా చేశారు. టీఏ రూపంలో ప్రతి కార్యకర్తకు రోజుకు రూ.150 లెక్కన రూ.450 ఇవ్వాల్సి ఉంది. ఇంత వరకు పైసా కూడా ఇవ్వలేదు. ఎవరైనా అడిగితే వేధింపులు తప్పువని ఎవరూ సాహసం చేసి సీడీపీఓలను టీఏ అడగలేకపోతున్నామని పలువురు కార్యకర్తలు ఆవేదన వ్యక్తం చేస్తున్నారు. జిల్లా అధికారులు సమగ్ర దర్యాప్తు చేసి ఇందులో ప్రమేయం ఉన్న వారిపై చర్యలు తీసుకొని కార్యకర్తలకు రావాల్సిన టీఏలు ఇప్పించాల్సిన అవససరం ఉంది. ఈ విషయమై అధికారులను వివరణ కోరగా నిబంధనల మేరకే వ్యవహరించామని తెలిపారు. టీఏ విషయంలోనూ, భోజనం ఖర్చు విషయం గురించి సమగ్ర సమాచారం ఇవ్వకుండా దాటవేశారు.

● మాజీ మంత్రి కాకాణి గోవర్ధన్‌రెడ్డి నెల్లూరు(బారకాసు): రైతులకు గిట్టుబాటు ధర కల్పించడంలో కూటమి ప్రభుత్వం పూర్తిగా విఫలమైందని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి ధ్వజమెత్తారు. డైకస్‌రోడ్డులోని పార్టీ జిల్లా కార్యాలయంలో వెంకటాచలం మండల పార్టీ నేతలు, కార్యకర్తలతో శనివారం సమావేశమైన ఆయన మాట్లాడారు. ప్రజా ప్రతినిధులు క్షేత్రస్థాయిలో పర్యటించి రైతులకు గిటుబాటు ధర కల్పించకుండా ప్రకటనలనే పరిమితమవుతున్నారని విమర్శించారు. సోమిరెడ్డి మొక్కుబడిగా జరిపిన గొలగమూడి పర్యటనను చూసి రైతులు ఆవేదనకు గురయ్యారని చెప్పారు. డ్రామాలను ఆపి, రైతులకు గిట్టుబాటు ధర కల్పించేందుకు చిత్తశుద్ధితో పనిచేయాలని హితవు పలికారు. తమ ప్రభుత్వ హయాంలో గతేడాది పుట్టి ధాన్యం రూ.25 వేలు పలకగా, ప్రస్తుతం రూ.16 వేలకు పతనమైందని తెలిపారు. రైతుల కు కనీస గిట్టుబాటు ధరగా రూ.19720 కల్పించాల్సి ఉండగా, దళారులు రూ.16 వేలకే దోచుకుంటున్నారని ఆరోపించారు. ఇంత జరుగుతున్నా, అధికారులు, ప్రజాప్రతినిధులు చోద్యం చూస్తున్నారే తప్ప, రైతులను ఆదుకునేందుకు యత్నించడంలేదన్నారు. బాధ్యత కలిగిన ప్రతిపక్ష పార్టీగా సమస్యను ఎప్పటికప్పుడు అధికారుల దృష్టికి తీసుకెళ్లి, మద్దతు ధర కల్పించేందుకు కృషి చేస్తున్నామని చెప్పారు. తమ పార్టీ నేతలు, కార్యకర్తలను ఇబ్బంది పెడుతున్న పోలీస్‌ అధికారులను విడిచిపెట్టేది లేదని స్పష్టం చేశారు. పోలీసులు అనుచితంగా ప్రవర్తించారనే అంశాన్ని తన దృష్టికి తీసుకొస్తే న్యాయస్థానాలను ఆశ్రయించి ప్రైవేట్‌ కేసులేస్తామని పేర్కొన్నారు. కూటమి ప్రభుత్వంలో అవినీతి విధానాలను ప్రజలు అసహ్యించుకుంటున్నారని చెప్పారు. ప్రజలకు ఏ సమస్యొచ్చినా అండగా నిలిచి పోరాటాలకు సిద్ధంగా ఉంటామని తెలిపారు.

కొడవలూరు: డీసీఎమ్మెస్‌లోని కీలకమైన మినిట్స్‌ బుక్‌, డే బుక్‌, లెడ్జర్లు.. డివిజనల్‌ కోఆపరేటివ్‌ అధికారి సుధాభారతి ఇంటికి మార్కెటింగ్‌ మేనేజర్‌ ద్వారా బుధవారం వెళ్లాయని వైఎస్సార్‌ కాంగ్రెస్‌ పార్టీ జిల్లా అధికార ప్రతినిధి వీరి చలపతిరావు ఆరోపించారు. నార్తురాజుపాళెంలోని తన అతిథిగృహ ప్రాంగణంలో విలేకరులతో శనివారం ఆయన మాట్లాడారు. రికార్డులను అధికారి ఇంటికి తీసుకెళ్తుండగా, మార్కెటింగ్‌ మేనేజర్‌ రవికుమార్‌ను ఓ విలేకరి ప్రశ్నించారని, దీంతో ఆయన తడుముకుంటూ తాను కొత్తగా వచ్చానని, అధికారి సూచనల మేరకే తీసుకెళ్లానని చెప్పారన్నారు. సీసీ పుటేజీల్లో చూసినా ఇదే విషయం బహిర్గతమవుతుందని చెప్పారు. డీసీఎమ్మెస్‌కు పర్సన్‌ ఇన్‌చార్జిగా జేసీ ఉన్నారని, ఆయనకు తెలియకుండా రికార్డులను అధికారి ఇంటికి తీసుకెళ్లడం దారుణమని చెప్పారు. అందులో దేన్ని మార్చేందుకు తీసుకెళ్లారో తెలుసుకోవాల్సిన అవసరం ఉందని పేర్కొన్నారు. సదరు అధికారిపై గతంలోనూ అనేక అవినీతి ఆరోపణలున్నాయని చెప్పారు. డీసీఎమ్మెస్‌ మార్కెటింగ్‌ మేనేజర్‌గా ఆమె ఉన్న సమయంలో సంస్థ రైస్‌ మిల్లును తన భర్తకు అప్పగించిన అంశాన్ని ప్రస్తావించారు. మిల్లులో అవకతవకలు జరిగి మెషినరీ పనికిరాకుండా పోయిందని చెప్పారు. డీసీఎమ్మెస్‌కు చెందిన బాణసంచా, పుస్తకాలు, వేప పిండి వ్యాపారంలోనూ రూ.నాలుగు లక్షలను స్వాహా చేశారని ఆరోపించారు. ఐసీడీఎస్‌ పీడీగా నియమించగా, అందులోనూ భారీ అవకతవకలకు పాల్పడ్డారని చెప్పారు. ఆమె తీరే ఇంతని, మరో రెండు నెలల్లో రిటైరవ్వనున్నారని తెలిపారు. ఆమె అవినీతి బాగోతంపై విచారణ జరిపాలని డిమాండ్‌ చేశారు. ఎంపీపీ జ్యోతి, సర్పంచ్‌ సుప్రియ, పార్టీ మండలాధ్యక్షుడు చిమటా శేషగిరిరావు, నేతలు కొండా శ్రీనివాసులురెడ్డి, మాణిక్యరావు, అనపల్లి ఉదయ్‌భాస్కర్‌, జడ్డా సాయికుమార్‌, గాలి సునీల్‌కుమార్‌ తదితరులు పాల్గొన్నారు.

నెల్లూరు (టౌన్‌): రవాణా నిబంధనలకు విరుద్ధంగా కార్లు, బైక్‌లకు ఉన్న నంబర్‌ ప్లేట్లు, బ్లాక్‌ ఫిల్మ్‌పై ఇన్‌చార్జి ఆర్టీఓ బాలమురళి ఆధ్వర్యంలో రవాణా శాఖ అధికారులు విస్తృత తనిఖీలను శనివారం నిర్వహించారు. ముత్తుకూరు గేట్‌ సెంటర్‌లో జరిపిన తనిఖీల్లో నిబంధనలకు విరుద్ధంగా నంబర్‌ ప్లేట్లు ఉన్న 38, బ్లాక్‌ఫిల్మ్‌ బిగించిన ఐదు, డ్రైవింగ్‌ లైసెన్స్‌ లేకుండా నడుపుతున్న నాలుగు, సరైన పత్రాల్లేకుండా తిరుగుతున్న మూడు.. మొత్తం 50 వాహనాలపై కేసులు నమోదు చేశారు. ఎమ్వీఐలు రఫీ, పవన్‌ కార్తీక్‌, ఏఎమ్వీఐలు పూర్ణచంద్రరావు, స్వప్నిల్‌రెడ్డి, రఘువర్ధన్‌రెడ్డి, మల్లికార్జున్‌రెడ్డి తదితరులు పాల్గొన్నారు.

కావలి: పశ్చిమ బెంగాల్‌లోని దక్షిణ 24 పరగణాల జిల్లా బక్కాలి నుంచి తమిళనాడులోని కన్యాకుమారి వరకు సీఐఎస్‌ఎఫ్‌ సిబ్బంది చేపట్టిన సైకిల్‌ యాత్ర కావలికి శనివారం చేరుకుంది. దేశంలోకి అక్రమ చొరబాట్లు, స్మగ్లింగ్‌ కట్టడి, తీర ప్రాంత రక్షణ తదితరాలపై అవగాహన కల్పించాలనే లక్ష్యంతో యాత్రను ఈ నెల ఏడున ప్రారంభించారు. మొత్తం 60 మంది సభ్యులు పాలుపంచుకున్న ఈ యాత్ర కన్యాకుమారిలోని వివేకానంద మెమోరియల్‌ వద్ద ముగియనుంది. ఈ – కేవైసీని నూరు శాతం పూర్తి చేయాలి నెల్లూరు (పొగతోట): రేషన్‌కార్డుదారులకు సంబంధించిన సభ్యులందరితో ఈ – కేవైసీని పూర్తి చేయించాలని డీఎస్‌ఓ అంకయ్య ఆదేశించారు. నగరంలోని జిల్లా పౌరసరఫరాల అధికారి కార్యాలయంలో డీలర్లతో శనివారం నిర్వహించిన సమావేశంలో ఆయన మాట్లాడారు. జిల్లాలో 7.21 లక్షలకుపైగా రేషన్‌ కార్డులకు గానూ 20 లక్షలకుపైగా సభ్యులున్నారని చెప్పారు. ఇప్పటి వరకు 18 లక్షల మంది ఈ – కేవైసీని పూర్తి చేశారని, మిగిలిన వాటిని త్వరితగతిన పూర్తి చేయాలని సూచించారు. ఐదేళ్లలోపు పిల్లలకు మినహాయింపు ఉందని, ఈ నెల 31లోపు ప్రక్రియను పూర్తి చేయాలని ఆదేశించారు. బైక్‌ల ఢీ: నలుగురికి గాయాలు ఉదయగిరి: బైక్‌లు ఢీకొనడంతో నలుగురు తీవ్రంగా గాయపడిన ఘటన మండలంలోని గడ్డంవారిపల్లె సమీపంలో శనివారం చోటుచేసుకుంది. వివరాలు.. ఉదయగిరికి చెందిన చాంద్‌బాషా, మస్తాన్‌, కాలేషా బైక్‌పై కృష్ణంపల్లెలోని పొలం వద్దకు బయల్దేరారు. వీరి వెనుకనే బైక్‌పై వస్తున్న పట్టణానికి చెందిన మస్తాన్‌.. గడ్డంవారిపల్లె సమీపంలోకి వచ్చేసరికి అదుపుతప్పి ఢీకొన్నారు. ఘటనలో నలుగురూ గాయపడ్డారు. వీరిని 108లో ఉదయగిరి ప్రభుత్వ వైద్యశాలకు తరలించారు. దుత్తలూరులో పట్టపగలే దొంగతనం ● 11 సవర్ల బంగారు ఆభరణాల అపహరణ దుత్తలూరు: దుత్తలూరు సెంటర్‌లో శనివారం పట్టపగలే దొంగతనం జరిగింది. వివరాలు.. సెంటర్‌ సమీపంలోని వెంకయ్యస్వామి మందిర పక్కన చింతనబోయిన నరేష్‌ నివసిస్తున్నారు. మధ్యాహ్న వేళ ఎవరూ లేని సమయంలో గేట్‌ తాళాన్ని పగలగొట్టి.. ప్రధాన ద్వార తలుపు, తాళాన్ని ధ్వంసం చేసి లోపలికి గుర్తుతెలియని వ్యక్తులు ప్రవేశించారు. బీరువాను పగలగొట్టి అందులోని 11 సవర్ల బంగారు ఆభరణాలను దోచుకెళ్లారు. ఇంటికొచ్చిన అనంతరం చోరీ విషయాన్ని నిర్ధారించుకున్న బాధితుడు.. పోలీసులకు సమాచారం అందించారు. ఘటన స్థలాన్ని ఎస్సై ఆదిలక్ష్మి పరిశీలించారు. వేలిముద్రలను క్లూస్‌టీమ్‌ సేకరించింది. కేసు దర్యాప్తు చేస్తున్నారు.

సాక్షి టాస్క్‌ఫోర్స్‌: వెంకటగిరి నియోజకవర్గం కలువాయి మండలంలోని తోపుగుంట సమీపంలోని పది ఎకరాల అటవీ భూమిని ఓ వ్యక్తి ఆక్రమించుకునేందుకు రంగం సిద్ధం చేశాడు. ఆ భూమి సోమశిల అనుసంధానమైన చైన్నె కాలువ సమీపంలో ఉండటం గమనార్హం. రూ.కోట్లు విలువ చేసే భూమిని కలువాయికి చెందిన ఓ వ్యక్తి చదును చేసి సాగు చేసేందుకు ఏర్పాట్లు పూర్తి చేశాడు. అలాగే ఆ భూమి సమీపంలోనే మరో 4.88 సెంట్లు ఓ వ్యక్తికి అసైన్‌మెంట్‌ పట్టా ఇవ్వగా.. దానిని కూడా ఆ వ్యక్తి కొనుగోలు చేసి మొత్తంగా సాగులోకి తీసుకొచ్చేందుకు సిద్ధమయ్యాడు. ఈ తంతు సంబంధిత అధికారులకు తెలిసినా పట్టీపట్టనట్టు వ్యవహరిస్తున్నారని విమర్శలున్నాయి.

సోమశిల/ఆత్మకూరు: నాలుగునెలల పాటు ఎరువులు, పిండి వేసి ఏపుగా పెంచుకున్న వరి పైరును కంకి దశలో దుప్పులు, అడవి పందులు, కొన్ని గ్రామాల్లో ఎలుగుబంట్లు రాత్రి వేళల్లో తొక్కి నాశనం చేస్తుంటాయి. అవి తిరిగిన మేర పొలంలో పైరు నేలవాలడం, వడ్ల గింజలు రాలిపోవడం జరుగుతుంది. దీంతో రైతులు ఆర్థికంగా నష్టపోతుంటారు. రాత్రి వేళల్లో జంతువుల బారి నుంచి పైర్లను కాపాడుకునేందుకు కాపలా కాయడం కష్టమైన పని. ఆ సమయంలో విష పురుగుల బారిన పడి మృతిచెందిన అన్నదాతలు ఎందరో ఉన్నారు. ఈ పరిస్థితుల నుంచి పైర్లను రక్షించుకునేందుకు అనంతసాగరం మండలంలోని పెన్నాతీరం, కొండ, అటవీ ప్రాంతాల గ్రామాలైన గార్లదిన్నెపాడు, చిలకలమర్రి, పాతదేవరాయపల్లి, శంకరనగరం గ్రామాల రైతులు వినూత్నంగా ఆలోచించారు. ఏం చేస్తున్నారంటే.. రైతులు మైక్‌లను వినియోగిస్తున్నారు. ముందుగానే జంతువులను తరుముతున్నట్లుగా అరవడం, పళ్లెం లేదా డప్పు మోగించడం తదితర శబ్దాలను రికార్డు చేసి ఉంచుతారు. దీనిని ఆన్‌ చేసి తమకు కావాల్సిన ప్రాంతంలో పెట్టి ఇళ్లకు వెళ్లిపోతున్నారు. చిన్న రైతులు ఎకరాకు ఒకటి పెడుతుండగా, ఎక్కువ పొలం ఉన్న వారు 4, 5 సెట్లను ఏర్పాటు చేస్తున్నారు. దీని నుంచి వచ్చే శబ్దాలతో జంతువులు పొలాల్లోకి వచ్చేందుకు భయపడుతున్నాయి. ఆ నాలుగు గ్రామాల్లో రైతులు ఈ పద్ధతిని అనుసరిస్తుండటంతో వారికి అడవి జంతువుల బాధలు తప్పాయి. అదే విధంగా పగటి వేళల్లో పక్షుల నుంచి పైర్లను రక్షించుకునేందుకు మెరిసే రిబ్బన్లను (అగ్ని రిబ్బన్లు) పొలాల్లో అక్కడక్కడా ఏర్పాటు చేస్తున్నారు. సూర్యరస్మి రిబ్బన్లపై పడినప్పుడు పక్షుల కళ్లు భ్రమిస్తాయి. దీంతో అవి పైరుపై వాలకుండా వెళ్లిపోతాయి. ఇలా ఓ వైపు తమ పైరును రక్షించుకోవడంతోపాటు మూగ జీవాల ప్రాణాలను రక్షించేలా రైతులు అనుసరిస్తున్న ఈ విధానాలు ఇతరులకు ఆదర్శంగా నిలుస్తున్నాయి. ఆరుగాలం కష్టించి పండించే పైరు అడవి జంతువుల పాలవుతుంటుంది. రక్షణ కోసం కఠిన పద్ధతుల వల్ల అవి మృతిచెందడమో, గాయపడటమో జరుగుతుంది. ఈ సమయంలో కేసులతో పోలీసుల చుట్టూ తిరగాల్సి వస్తుంది. కొందరు రైతులు తమ వరి పైరును కాపాడుకునేందుకు.. మూగజీవాలకు హాని కలగకుండా వినూత్న పద్ధతులను అవలంబిస్తూ ఆదర్శంగా నిలుస్తున్నారు. వరి పైరు రక్షణకు రైతుల చర్యలు అడవి జంతువులకు హాని చేయకుండా.. మైక్‌లను పెడుతున్న వైనం జంతువుల వల్ల పైరు దెబ్బతింటుండేది. నాలుగేళ్ల క్రితం మైక్‌లను పెట్టాం. జంతువులు పొలాల వద్దకు రావడం లేదు. వాటి బారి నుంచి పైర్లను రక్షించుకుంటున్నాం. ఎండ, వాన, మంచు నుంచి మైకులు పాడవకుండా ప్లాస్టిక్‌ కవర్లు చుట్టి కర్రలకు కట్టి పెడుతున్నాం. – నరేంద్ర, రైతు

ఎల్‌పీ స్కీమ్‌లో ఇచ్చిన భూముల్లో కంప చెట్లు ఉండడంతో వాటికి హద్దులు చూపించలేకపోతున్నాం. ఆ భూముల్లో ఉన్న చెట్లు తొలగించుకుని వస్తే అప్పుడు సర్వే చేసి హద్దులు చూపిస్తాం. – పీ చంద్రశేఖర్‌, తహసీల్దార్‌ విడవలూరు హద్దులు చూపించకుంటే ఎలా 2018లో మాకు ఒక్క ఎకరా చొప్పున ప్రభుత్వం మొత్తం 91 ఎకరాల విస్తీర్ణంలో పొలాన్ని ఇచ్చారు. అయితే 91 ఎకరాలకు నాలుగు వైపులా హద్దు రాళ్లను ఏర్పాటు చేయకుండా జంగిల్‌ క్లియరెన్స్‌ చేసుకోమంటే ఎలా చేసుకోవాలి. – చనుమూరి సరోజనమ్మ పొలం చూపించలేదు.. లోన్‌ కట్టాలంట!మాకు మంజూరైన పొలం 8 ఏళ్లుగా ఎక్కడ ఉందో ఇంత వరకు తెలియదు. అధికారులకు ఎన్నిసార్లు మొర పెట్టుకున్నా.. మమ్మల్ని పట్టించుకోలేదు, ఇప్పుడేమో లోన్‌ కట్టాలంటూ మాకు ఎస్సీ కార్పొరేషన్‌ నుంచి నోటీసులు వచ్చాయి. అసలు మా పొలం ఎక్కడుందో మాకు తెలియదంటే లోను కట్టాలంటూ నోటీసులు పంపడం హాస్యాస్పందంగా ఉంది. – కర్లగుంట శీనమ్మ ●

నెల్లూరు(వీఆర్సీసెంటర్‌): జిల్లాలోని ఆశ వర్కర్లను రెగ్యులర్‌ చేయాలని, కనీస వేతనం రూ.26 వేలు ఇవ్వాలని ఏపీ ఆశ వర్కర్స్‌ యూనియన్‌ జిల్లా ప్రధాన కార్యదర్శి దుగ్గిరాల అన్నపూర్ణమ్మ డిమాండ్‌ చేశారు. శుక్రవారం నెల్లూరు డీఎంహెచ్‌ఓ కార్యాలయంలో డీఎంహెచ్‌ఓ సుజాతకు వినతిపత్రం అందజేశారు. ఈ సందర్భంగా అన్నపూర్ణమ్మ మాట్లాడుతూ పేద ప్రజలకు ఆరోగ్య సేవలందిస్తున్న ఆశ వర్కర్లను ప్రభుత్వ కార్మికులుగా గుర్తించాలన్నారు. ఎన్‌హెచ్‌ఎం స్కీం ఏర్పడి 20 సంవత్సరాలు పూర్తయినా వారికి కనీస వేతనం ఇవ్వడం లేదన్నారు. విధినిర్వహణలో మృతిచెందిన వారికి బీమా సౌకర్యం కల్పించాలన్నారు. ఆశాలను రెగ్యులర్‌చేసి హెల్త్‌ వర్కర్స్‌గా గుర్తించాలన్నారు. పింఛన్‌ సౌకర్యం కల్పించాలని డిమాండ్‌ చేశారు. కార్యక్రమంలో యూనియన్‌ జిల్లా కోశాధికారి మధుసూదన, కల్యాణి, వాణి, జీవా, సునీత, గీత, సురేఖ తదితరులు పాల్గొన్నారు.

నెల్లూరు(వీఆర్సీసెంటర్‌): ఆర్థిక సంవత్సరం ముగుస్తున్న నేపథ్యంలో యుద్ధప్రాతిపదికన విద్యుత్‌ బకాయిలను వసూలు చేయాలని ఏపీఎస్పీడీసీఎల్‌ జిల్లా సర్కిల్‌ ఎస్‌ఈ విజయన్‌ ఆదేశించారు. నెల్లూరులోని కోటమిట్టలో ఉన్న విద్యుత్‌ రెవెన్యూ కార్యాలయంలో శుక్రవారం ఆ శాఖ నెల్లూరు టౌన్‌ డివిజన్‌ అధికారులతో సమీక్ష నిర్వహించారు. ఈ సందర్భంగా ఎస్‌ఈ మాట్లాడుతూ అదనపు విద్యుత్‌ లోడును క్రమబద్ధీకరించేందుకు విద్యుత్‌ శాఖ కల్పించిన 50 శాతం రాయితీని వినియోగదారులు సద్వినియోగం చేసుకోవాలన్నారు. దీని గడువు జూన్‌ 30వ తేదీతో ముగుస్తుందన్నారు. శనివారం రాత్రి 8.30 నుంచి 9.30 గంటల వరకు వినియోగదారులు స్వచ్ఛందంగా లైట్లు ఆపివేసి ఎర్త్‌అవర్‌ను పాటించాలని పిలుపునిచ్చారు. ప్రభుత్వ కార్యాలయాలకు విద్యుత్‌ సర్‌చార్జ్‌ రద్దును వినియోగిం చుకోవాలని ఈ అవకాశం ఏప్రిల్‌ 17వ తేదీ వరకు ఉంటుందన్నారు. పీఎం సూర్యఘర్‌ సోలార్‌ పథకాన్ని ప్రజల్లోకి తీసుకెళ్లాలన్నారు. నగరంలోని అన్ని సబ్‌స్టేషన్లలో సాయంత్రం 6 నుంచి రాత్రి 10 గంటల వరకు (పీక్‌ అవర్స్‌)లో సిబ్బంది అందుబాటులో ఉండాలని ఆదేశించారు. సైబర్‌ నేరగాళ్ల నుంచి విద్యుత్‌ సిబ్బందికి ఫోన్‌కాల్స్‌ వస్తున్నాయని వారి వలలో పడకుండా అప్రమత్తంగా ఉండాలని సూచించారు. సమావేశంలో సీనియర్‌ అకౌంట్స్‌ ఆఫీసర్‌ మురళి, నెల్లూరు టౌన్‌ ఈఈ శ్రీధర్‌, డీఈఈలు కిరణ్‌, అశోక్‌, సునీల్‌, అసిస్టెంట్‌ అకౌంట్స్‌ ఆఫీసర్స్‌ సురేఖ, ఆశాలత, ఏఈలు కృష్ణవేణి, విజయ్‌కుమార్‌, దామోదర్‌రెడ్డి, విజయ్‌, లక్ష్మీనారాయణ, సుధాకర్‌, నస్రూల్లా, సూర్య గాంధీ, మునిశేఖర్‌, గోపాలకృష్ణ, జేఏఓ పద్మజ తదితరులు, పాల్గొన్నారు. నేటి రాత్రి గంటసేపు ఎర్త్‌అవర్‌ను పాటిద్దాం సబ్‌స్టేషన్లలో సిబ్బంది అందుబాటులో ఉండాలి ఎస్‌ఈ విజయన్‌

సాక్షి, టాస్క్‌ఫోర్స్‌: కావలి మండలం చెన్నాయపాళెంలో అధికార పార్టీ నేతలు పక్కాగా కోడి పందేల బరిని, పేకాట శిబిరాన్ని ఏర్పాటు చేయడమే కాకుండా, బెట్టింగ్‌లు నిర్వహించారు. కోడి పందేలు వీక్షించేందుకు రెండు వరుసల్లో గ్యాలరీలు పెట్టి, టికెట్లు కూడా ఏర్పాటు చేయడం విశేషం. బరికి ఆనుకుని ఉండే వరుసలో రూ.1,000 కాగా, ఆ తర్వాత వరుసకు రూ.700 టికెట్‌ ధరలుగా నిర్ణయించారు. బిర్యానీలు, ఇతరాలు అమ్మకాలు చేసేందుకు కొంత నగదు తీసుకుని అనుమతులిచ్చా రు. బరికి సమీపంలోనే మద్యం విక్రయాలు సిద్ధం చేశారు. చెన్నాయపాళెం ఎస్సీ కాలనీ సమీపంలో పుచ్చ తోటల్లో ఈ ఏర్పాట్లు చేసి మూడు రోజుల పాటు నిర్వహించారు. నిర్వాహ కుల మధ్య వివాదాలు రావడం, పోలీసులు హడావుడి చేయడంతో నిలిపి వేశారు. చెన్నాయపాళెం నుంచి పెద్దపట్టపుపాళెం రోడ్డు మీదుగా కోడి పందేల బరికి చేరుకునే విధంగా రోడ్డు వసతి ఉండే విధంగా సిద్ధం చేశారు. పెద్ద ఎత్తున ఇక్కడ జూద క్రీడల హడావుడి జరిగినా కనీసం పోలీసులకు సమాచారం లేదంటే నమ్మశక్యంగా కూడా లేదు. కోడి పందేలు బరి.. ప్రచారం మాత్రం క్యాసినో నిర్వాహకులు జూదగాళ్ల జేబులు ఖాళీ చేసి, తమ జేబులు నింపుకోవడానికి విస్తృత ప్రచారం చేశారు. కోడి పందేల కోసమే ఒక బరిని సిద్ధం చేశారు. దీంతో పాటు పేక ముక్కలతో ఆడే వివిధ రకాల ఆటల్లో పాల్గొనే జూదగాళ్ల కోసం‘క్యాసినో’ నిర్వహిస్తున్నట్లు అంతర్గత ప్రచార సాధనాల ద్వారా ప్రచారం చేశారు. ఈ క్రమంలో ఉమ్మడి నెల్లూరు, ప్రకాశం జిల్లాల నుంచి వందల సంఖ్యలో కార్లు చెన్నాయపాళెంకు చేరు కున్నాయి. కోడి పందేలు చూసేందుకు ప్రేక్షకులు బరి వద్దకు భారీగా తరలి వచ్చారు. ఈ విధంగా మూడు రోజులు ఈ జూద క్రీడలు నిర్వహించారు. పోలీసుల రాకతో నిలిపేశారు. రాబడి పంపకాల్లో విభేదాలు నిర్వాహకులకు భారీగానే రాబడి కూడా వచ్చింది. దీంతో పంపకాల విషయంలో వారి మధ్య గురువారం విభేదాలు తలెత్తాయి. ఈ క్రమంలో ఈ వ్యవహారాన్ని నిర్వాహకుల్లో వారిలో వారే గ్రామంలోని వాట్సాప్‌ గ్రూపులో ఉదయం 8.30 గంటలకు ఒక పోస్టు పెట్టారు. ఈ సమాచారం పోలీసులకు చేరింది. కావలిరూరల్‌ ఎస్‌ఐ బాజీబాబు ఆధ్వర్యంలో సిబ్బంది ఉదయం 9 గంటలకు అక్కడికి చేరుకున్నారు. దీంతో అక్కడున్న నిర్వాహకులు, జూదగాళ్లు పొలాల్లో ఎటు పడితే అటు పరుగులెత్తి తప్పించుకున్నారు. పుచ్చ రైతులు అభ్యంతరం చెప్పినా.. ఇదిలా ఉండగా కోడి పందేలు వేయడానికి సిద్ధం చేసిన బరి పుచ్చ తోటలో ఉండడంతో ఆ పంట సాగు చేసిన రైతులు అభ్యంతరం చెప్పారు. పెద్ద సంఖ్యలో తమ పుచ్చ తోటలోకి జనాలు రాకపోకలు సాగిస్తే పుచ్చతోట ధ్వంసం అవుతుందని రైతులు కోడి పందేల నిర్వాహకులకు చెప్పారు. అయినా వారు ఖాతరు చేయలేదు. పంట కాలువపై సెంట్రింగ్‌ రేకులతో కాలిబాట వేసి జూదగాళ్లు రాకపోకలకు ఇబ్బంది లేకుండా ఏర్పాట్లు చేశారు. పెద్ద ఎత్తున జనాలు రావడంతో పుచ్చతోటలు ధ్వంసం అయ్యాయి. బాధితులపైనే పోలీసులకు ఫిర్యాదు కోడి పందేలు బరి, పేక ముక్కలతో వివిధ రకాల ఆటలు కోసం సర్వం సిద్ధం చేసిన నిర్వాహకులపై పోలీసులు ఎటువంటి చర్యలు తీసుకోలేదు. మూడు రోజులు అక్కడ జూద క్రీడలు జరిగినా పోలీసులు అటు వైపు కన్నెత్తి కూడా చూడలేదంటే అధికార పార్టీల ప్రాపకం కోసమే అనే ఆరోపణలు వినిపిస్తున్నాయి. రచ్చకెక్కినా నిర్వాహకులపై కేసు నమోదు చేయకపోగా, నిర్వాహకుల చేతిలో దాడికి గురై ఆస్పత్రిలో చికిత్స పొందుతున్న బాధితులపైనే పోలీసులకు ఫిర్యాదు అందజేసినట్లుగా తెలిసింది. ఆస్పత్రిలో ఉన్న బాధితుల కేసు మెడికో లీగల్‌ కేసు అవుతుంది కాబట్టి, కౌంటర్‌ కేసుగా ముందస్తుగానే పోలీసులకు నిర్వాహకులు ఫిర్యాదు చేసినట్లు తెలుస్తోంది. టీడీపీ నేతలు ‘బరి’ తెగించారు. జిల్లాలోని కావలి మండలం చెన్నాయపాళెం వద్ద చట్ట విరుద్ధంగా పక్కాగా కోడి పందేలు, పేకాట బరులు ఏర్పాటు చేయడమే కాకుండా ప్రేక్షకుల కోసం రెండు వరుసల్లో గ్యాలరీలు ఏర్పాటు చేసి టికెట్లు వసూలు చేశారు. సుమారు వెయ్యి మంది వీక్షకులు కూర్చొని చూసే విధంగా సీటింగ్‌ ఏర్పాటు చేశారు. అక్కడే బిర్యానీలు, ఇతర తినుబండారాలు అమ్ముకునేందుకు ‘వేలం’ పెట్టారు. గత మూడు రోజుల పాటు జరిగినా.. ఒక్క పోలీస్‌ కూడా అటు వైపు కన్నెత్తి చూడలేదంటే ఇక్కడి పరిస్థితిని అర్థం చేసుకోవచ్చు. నిర్వాహకుల మధ్య తలెత్తిన పంపకాల్లో విభేదాల నేపథ్యంలో వారిలో వారే పోలీసులకు సమాచారం ఇవ్వడంతో విధిలేని పరిస్థితుల్లో అక్కడికి వెళ్లి హడావుడి చేశారనే విమర్శలు వినిపిస్తున్నాయి. పోలీసులకు ఓ కుటుంబం సమాచారం అందించినట్లు అనుమానించి వారిపై దాడికి తెగబడ్డారు. పక్కాగా కోడి పందేలు, పేకాట బరులు నిర్వాహకుల మధ్య పంపకాల్లో విభేదాలు వారిలో వారే పోలీసులకు సమాచారం ఖాకీల రాకతో నిర్వాహకులు, పందెం రాయుళ్లు పలాయనం అనుమానంతో ఒక కుటుంబంపై దాడి

● వైఎస్సార్‌సీపీ నేతలు కోవూరు: ‘కోవూరు చక్కెర కర్మాగారం మూసివేతకు కారణం టీడీపీ అనే విషయాన్ని ఎమ్మెల్యే వేమిరెడ్డి ప్రశాంతిరెడ్డి తెలుసుకోవాలి. దీనిపై అసెంబ్లీలో అసత్యాలు చెప్పడం దారుణం’ అని డీఏఏబీ మాజీ చైర్మన్‌ నిరంజన్‌బాబురెడ్డి అన్నారు. కోవూరు వైఎస్సార్‌సీపీ కార్యాలయంలో శుక్రవారం ఆయన విలేకరుల సమావేశంలో మాట్లాడారు. వైఎస్‌ జగన్‌మోహన్‌రెడ్డి సీఎంగా ఉన్నప్పుడు నాటి ఎమ్మెల్యే నల్లపరెడ్డి ప్రసన్నకుమార్‌రెడ్డి కలిసి ఫ్యాక్టరీని తిరిగి ప్రారంభించాలని కోరారన్నారు. దాని స్థితిగతులు తెలుసుకోవాలని నిపుణులతో కూడిన బృందాన్ని జగన్‌ పంపారన్నారు. వారు పరిశీలించి ఈ కర్మాగారం తిరిగి ప్రారంభించేందుకు అవకాశం లేదని, పూర్తిగా శిథిలావస్థకు చేరుకుందని చెప్పారన్నారు. 2013 వరకు ఉద్యోగులు, కార్మికులకు ఉన్న బకాయిలను అప్పటి ప్రభుత్వం చెల్లించిందన్నారు. 2014 – 19 వరకు టీడీపీ హయాంలో బకాయిలు ఒక్క రూపాయి కూడా ఇవ్వని విషయాన్ని ప్రశాంతిరెడ్డి తెలుసుకోవాలన్నారు. ఆ మొత్తం రూ.20 కోట్లని అసెంబ్లీ సాక్షిగా ఆమె చెప్పారని, కానీ ప్రస్తుతం రూ.22.30 కోట్లకు చేరుకుందన్నారు. ప్రసన్నకుమార్‌రెడ్డి ఎమ్మెల్యేగా ఉన్నప్పుడు పలుమార్లు కార్మికుల బకాయిల గురించి లేఖలు రాశారన్నారు. కొన్ని ఫ్యాక్టరీలకు గత ప్రభుత్వం బకాయిలను చెల్లించిందని తెలిపారు. కోవూరు ఫ్యాక్టరీ విషయానికి వచ్చేసరికి ఎన్నికల కోడ్‌ రావడంతో బకాయిల చెల్లింపు ఆగిందన్నారు. కార్మికులకు న్యాయం చేయాలని చూస్తారే తప్ప కమీషన్ల కోసం ఎదురు చూడరని తెలుసుకోకుండా అసెంబ్లీలో అసత్యాలు చెప్పడాన్ని ఖండిస్తున్నామన్నారు. వైఎస్సార్‌ సీపీ మండలాధ్యక్షుడు అనూప్‌రెడ్డి మాట్లాడుతూ కార్మికుల పక్షాన ప్రసన్నకుమార్‌రెడ్డి పోరాటం చేశారన్నారు. సమావేశంలో జెడ్పీటీసీ సభ్యురాలు శ్రీలత, మండల పరిషత్‌ ఉపాధ్యక్షుడు నరసింహులురెడ్డి, కవరగిరి ప్రసాద్‌, శ్రీను తదితరులు పాల్గొన్నారు.

నెల్లూరు(క్రైమ్‌): ఆపరేషన్‌ గరుడకు విజిలెన్స్‌ అండ్‌ ఎన్‌ఫోర్స్‌మెంట్‌ అధికారులు శ్రీకారం చుట్టారు. శుక్రవారం జిల్లా విజిలెన్స్‌ ఎస్పీ రాజేంద్రకుమార్‌ పర్యవేక్షణలో విజిలెన్స్‌, ఔషధ నియంత్రణ అధికారులు, స్థానిక పోలీసులతో కూడిన ప్రత్యేక బృందాలు ఆత్మకూరు పట్టణంలోని రామలక్ష్మణ మెడికల్స్‌, ఎంఆర్‌ మెడికల్‌ అండ్‌ ఫ్యాన్సీ, నెల్లూరు స్టోన్‌హౌస్‌పేటలోని సాయిరేఖ మెడికల్స్‌, శ్రీనివాస అగ్రహారంలోని అనంత సంజీవిని జనరిక్‌ మెడికల్‌ షాప్‌, ఆచారివీధిలోని గణేష్‌ మెడికల్స్‌, బోసుబొమ్మ సమీపంలోని రత్న మెడికల్స్‌లో ఆకస్మిక తనిఖీలు చేపట్టారు. క్లోనాజెపామ్‌, అల్పాజోలం తదితర డ్రగ్స్‌కు సంబంధించిన క్రయ, విక్రయాలపై లోతుగా పరిశీలిస్తున్నారు. ఎంత మొత్తంలో మాత్రలు కొనుగోలు చేశారు?, ఎవరికి విక్రయించారు?, వాటికి సంబంధించిన బిల్లులు, వైద్యుడి ప్రిస్క్రిప్షన్ల మేరకే విక్రయించారా? లేదా? తదితర వివరాలు సేకరిస్తున్నారు. తనిఖీల నివేదికను ప్రభుత్వానికి అందించనున్నట్లు అధికారులు తెలిపారు. తాళాలు వేసి.. తనిఖీల నేపథ్యంలో నెల్లూరు నగరంలోని కొందరు వ్యక్తులు తమ దుకాణాలకు తాళాలు వేసేశారు. ఈ సందర్భంగా ఔషధ నియంత్రణ శాఖ ఏడీ వీరకుమార్‌ మాట్లాడుతూ డాక్టర్ల ప్రిస్క్రిప్షన్ల లేకుండా మత్తుమాత్రలను విక్రయించరాదన్నారు. యువత మాదకద్రవ్యాలకు దూరంగా ఉండాలని సూచించారు. ఈ తనిఖీల్లో విజిలెన్స్‌ ఇన్‌స్పెక్టర్‌లు కె.నరసింహారావు, ఎ.శ్రీహరి, షేక్‌ సుభానీ, డీసీటీఓ విష్ణురావు, ఏఓ పి.వేణుగోపాల్‌రావు, ఏఈఈ బి.వెంకటరెడ్డి, ఔషధ నియంత్రణ శాఖ ఇన్‌స్పెక్టర్లు కీర్తి పవిత్ర, టి.వెంకటకృష్ణ, సిబ్బంది తదితరులు పాల్గొన్నారు. మత్తుమాత్రల క్రయ, విక్రయాలపై పరిశీలన