బుల్లితెర నుంచి వెండితెరకు పరిచయమైన అవికా గోర్‌ కొద్దికాలంలోనే మంచి గుర్తింపు తెచ్చుకుంది. తాజాగా ఆమె నటించిన హారర్ థ్రిల్లర్ సినిమా డైరెక్ట్‌గా ఓటీటీలో విడుదల కానుంది. ఈమేరకు అధికారికంగా ప్రకటన కూడా వెలువడింది. టాలీవుడ్‌లో నటించిన మొదటి సినిమా ఉయ్యాల జంపాల. అందులో ఆమె నటనకు గాను ఉత్తమ నటిగా సైమా అవార్డ్‌ దక్కింది. గతేడాదిలో నిర్మాతగా పాప్‌కార్న్ అనే చిన్న సినిమాను ఆమె నిర్మించింది. కానీ, ఆ సినిమా నష్టాలను మిగిల్చింది. అవికా గోర్‌ కాస్త గ్యాప్‌ తీసుకుని మళ్లీ నటించేందుకు రెడీ అయిపోయింది. ఈ క్రమంలో ఆమె ప్రధాన పాత్రలో 'బ్లడీ ఇష్క్‌' అనే హారర్‌ చిత్రంలో నటించింది. ఈ చిత్రాన్ని విక్రమ్‌ భట్‌ డైరెక్ట్‌ చేస్తున్నారు. బాలీవుడ్‌లో '1920, రాజ్‌ వంటి హారర్‌ సినిమాలతో ఆయన సూపర్‌ హిట్‌ అందుకున్నారు. తాజాగా ఆయన మరోసారి అదే కాన్సెప్ట్‌తోనే 'బ్లడీ ఇష్క్‌' చిత్రాన్ని తెరకెక్కించడంతో భారీ అంచనాలు నెలకొన్నాయి.ఓటీటీలో ఎప్పుడు విడుదలబ్లడీ ఇష్క్ సినిమా జులై 26న ఓటీటీలో విడుదల కానుంది. ఈమేరకు హాట్‍స్టార్ ఓటీటీ సంస్థ అధికారికంగా ప్రకటించింది. హిందీలో ట్రైలర్‌ను కూడా తాజాగా విడుదల చేసింది. అయితే, ఈ చిత్రం తెలుగులో కూడా స్ట్రీమింగ్‌ అయ్యే అవకాశాలే ఎక్కువ ఉన్నాయి. దానికి ప్రధాన కారణం అవికా గోర్‌కు తెలుగు మార్కెట్‌ ఎక్కువని చెప్పవచ్చు.

ఆది సాయికుమార్, అవికా గోర్‌ జంటగా నటించిన చిత్రం ‘షణ్ముఖ’. షణ్ముగం సాప్పని దర్శకత్వం వహించారు. సాప్పని బ్రదర్స్‌ సమర్పణలో తులసీరామ్‌ సాప్పని, షణ్ముగం సాప్పని, రమేష్‌ యాదవ్‌ నిర్మించిన ఈ సినిమా నుంచి ఓ కొత్త పోస్టర్‌ను విడుదల చేశారు మేకర్స్‌.ఈ సందర్భంగా షణ్ముగం సాప్పని మాట్లాడుతూ– ‘‘డివోషనల్‌ థ్రిల్లర్‌గా తెరకెక్కిన చిత్రం ‘షణ్ముఖ’. ఇప్పటివరకూ ఎవరూ టచ్‌ చేయని ఓ అద్భుతమైన పాయింట్‌తో రూపొందించాం. ఈ చిత్రంలో పవర్‌ఫుల్‌ పోలీసాఫీసర్‌గా ఆది నటించారు. ఈ మూవీ తన కెరీర్‌లో ఓ మైలురాయిగా నిలిచిపోతుంది.‘కేజీఎఫ్, సలార్‌’ చిత్రాలకు తన సంగీతంతో ప్రాణం పోసిన రవి బస్రూర్‌ ఈ చిత్రానికి అద్భుతమైన మ్యూజిక్‌ను అందించారు. పాన్‌ ఇండియా స్థాయిలో రూపొందిన ఈ మూవీని అన్ని భాషల్లో ఒకేసారి విడుదల చేయడానికి ప్లాన్‌ చేస్తున్నాం’’ అన్నారు.

ఉయ్యాలా జంపాలా చిత్రంతో తెలుగు ప్రేక్షకులకు పరిచయమైన ముద్దుగుమ్మ అవికా గోర్. ఈ సినిమాలో రాజ్ తరుణ్ సరసన మెప్పించింది. ఆ తర్వాత లక్ష్మి రావే మా ఇంటికి, సినిమా చూపిస్తా మావ, తను నేను, ఎక్కడికీ పోతావు చిన్నవాడా, రాజుగారి గది-3 సినిమాలతో మెప్పించింది. గతేడాది వధువు అనే వెబ్ సిరీస్‌తో అలరించింది. బాలికా వధు(చిన్నారి పెళ్లికూతురు) సిరీయల్ గుర్తింపు తెచ్చుకున్న అవికా గోర్.. ప్రస్తుతం బాలీవుడ్‌లో బిజీగా ఉంది. ఆమె ప్రస్తుతం బ్లడీ ఇష్క్‌లో అనే చిత్రంలో నటిస్తోంది. తాజాగా ఓ ఇంటర్వ్యూకు హాజరైన బాలీవుడ్ భామ ఒక ఈవెంట్‌లో ఎదురైన చేదు అనుభవాన్ని పంచుకుంది. తాను వేదికపై వెళ్లే క్రమంలో వెనకవైపున అసభ్యంగా తాకాడని తెలిపింది. తిరిగి చూస్తే అక్కడ కేవలం తన బాడీగార్డ్‌ మాత్రమే ఉన్నారని వెల్లడించింది. అతను సారీ చెప్పడంతో ఆ సంగతి వదిలేశానని చెప్పుకొచ్చింది.అయితే ఇదే సంఘటన రెండోసారి కూడా జరిగిందని అవికా గోర్ తెలిపింది. అయితే ఈసారి నన్ను పట్టుకోకముందే బాడీగార్డ్ చేయి పట్టుకున్నానని అవికా పేర్కొంది. అసలేం ఏం చేస్తున్నావ్ గట్టిగా నిలదీయడంచో క్షమాపణలు చెప్పాడని వెల్లడించింది. దీంతో అతన్ని వదిలిపెట్టాటని వివరించింది. అలాంటి వ్యక్తులను ఎదుర్కోవడానికి ధైర్యం ఉండాలని ఆమె అన్నారు. నాకే గనుక ధైర్యం ఉంటే ఈపాటికి చాలా మందిని తిరిగి కొట్టేదానినని అవికా గోర్ నవ్వుతూ చెప్పింది.

ప్రపంచ క్రికెట్‌లో ఆండ్రూ రస్సెల్‌కు ప్రత్యేకమైన స్థానం ఉంది. విధ్వంసకర బ్యాటర్లలో తరచుగా వినిపించే పేర్లలో ఆయన టాప్‌లో ఉంటారు. వెస్టిండీస్‌కు చెందిన ఈ ఆల్‌రౌండర్‌ ప్రస్తుతం జరుగుతున్న ఐపీఎల్ 17వ సీజన్‌లో ఉన్న కోల్‌కతా నైట్ రైడర్స్ తరపున రాణిస్తున్నాడు.తాజాగా ఆండ్రూ రస్సెల్ సరికొత్త అవతారం ఎత్తాడు. ఏకంగా హిందీ పాటతో బాలీవుడ్‌లో తెరంగేట్రం చేశారు. 'లడ్ కీ తూ కమాల్ కీ' అంటూ తన గాత్రంతో మెప్పించాడు. ఉయ్యాలా జంపాలా సినిమాతో గుర్తింపు తెచ్చుకున్న అవికా గోర్‌తో కలసి రస్సెల్ స్టెప్పులేశాడు. ప్రస్తుతం యూట్యూబ్‌లో ఈ పాట ట్రెండ్‌ అవుతుంది. ఇందులో వారిద్దరి డ్యాన్స్‌కు ప్రేక్షకులు ఫిదా అవుతున్నారు.

అవికా గోర్‌..‘చిన్నారి పెళ్లికూతురు’ ఆనందిగా ఫేమస్‌. ఇటు స్మాల్‌ స్క్రీన్‌.. అటు సిల్వర్‌ స్క్రీన్‌ రెండిట్లోనూ చిన్నప్పటి నుంచే నటించడం మొదలుపెట్టింది. నటిగా ఎన్నో విజయాలందుకున్న ఆమె.. ప్రస్తుతం వెబ్‌స్క్రీన్‌ మీదా అలరిస్తోంది.   ► ముంబైలో పుట్టిపెరిగిన అవికా గోర్‌.. పదేళ్ల వయసులోనే నటనా రంగంలోకి అడుగుపెట్టింది. స్కూల్‌లో కంటే షూటింగ్‌ సెట్స్‌లోనే ఎక్కువ సమయం గడిపింది.   ► ‘బాలికా వధు’ సీరియల్‌ అవికా జీవితాన్నే మార్చేసింది. ఆ సీరియల్‌తో దేశవ్యాప్తంగా ఎన్నో ప్రశంసలు, అవార్డులు అందుకుంది. ఇదే తెలుగులో ‘చిన్నారి పెళ్లికూతురి’గా ప్రసారమైంది. ► ‘రాజ్‌కుమార్‌ ఆర్యన్‌’, ‘ససురాల్‌ సిమర్‌ కా’ అనే సీరియల్స్‌లోనూ నటించింది. తర్వాత సినీ అవకాశాలు రావడంతో పూర్తిగా వెండితెర మీదే దృష్టి పెట్టింది. ► హిందీలో వరుసగా ‘తేజ్‌’, ‘పాఠ్‌శాలా’ సినిమాల్లో నటించినప్పటికీ బుల్లితెరపై వచ్చిన గుర్తింపు వెండితెరపై రాలేదు. తొలిసారి ‘ఉయ్యాల జంపాల’ అనే తెలుగు చిత్రంతో ఘన విజయం సాధించింది. దీంతో తెలుగులో అవకాశాలు క్యూ కట్టాయి.   ► ‘లక్ష్మీ రావే మా ఇంటికి’, ‘సినిమా చూపిస్త మావా’, ‘ఎక్కడికి పోతావు చిన్నవాడా’ సినిమాల్లో నటించింది. కానీ, తర్వాత చేసిన సినిమాలన్నీ బాక్సాఫీస్‌ వద్ద బోల్తా కొట్టాయి.  ► లాక్‌డౌన్‌లో.. జీ5లో డైరెక్ట్‌గా రిలీజ్‌ అయిన ‘నెట్‌’ సినిమా అవికాను డిజిటల్‌ ప్రేక్షకులకు పరిచయం చేసింది. అక్కడ మంచి ఆదరణ లభించడంతో, మళ్లీ అవికా కెరీర్‌ పుంజుకుంది.  ► ప్రస్తుతం అవికా.. డిస్నీఫ్లస్‌ హాట్‌స్టార్‌లో హిట్‌టాక్‌తో స్ట్రీమింగ్‌లో ఉన్న ‘వధువు’ అనే థ్రిల్లర్‌ సిరీస్‌తో అలరిస్తోంది .  ఒకసారి ముంబైలోని ఒక థియేటర్‌లో సినిమా చూడ్డానికి నేను మేజర్‌ని కాదని నన్ను అనుమతించలేదు. నా ఐడీ చూపించి లోపలికి వెళ్లాల్సి వచ్చింది. ఇప్పటికీ చాలామంది నన్ను చిన్నపిల్లలాగే చూస్తుంటారు. చెప్పొద్దూ.. అలా ట్రీట్‌ చేస్తుంటే భలే హ్యాపీగా ఉంటుంది.  – అవికా గోర్‌ 

విలేజ్ బ్యాక్ డ్రాప్ కథలెప్పుడూ ఆసక్తికరంగానే ఉంటాయి. ప్రేమ కథలకు ఆడియెన్స్ ఎప్పుడూ సపోర్ట్ అందిస్తుంటారు. అలాంటి ఓ ప్రేమ కథా చిత్రమే 'ఉమాపతి'. ఇందులో అనురాగ్ హీరోగా నటించగా.. చిన్నారి పెళ్లికూతురు ఫేమ్ అవికా గోర్ హీరోయిన్‌గా నటించింది. క్రిషి క్రియేషన్స్ బ్యానర్ మీద ఈ చిత్రాన్ని కే.కోటేశ్వర రావు నిర్మించగా.. సత్య ద్వారంపూడి దర్శకత్వం వహించారు. ఇప్పటికే ఈ చిత్రం నుంచి విడుదలైన పోస్టర్లు, పాటలు, టీజర్ ఇలా అన్నీ కూడా పాజిటివ్ బజ్‌ను సొంతం చేసుకున్నాయి. తాజాగా ఈ చిత్రం ప్రేక్షకుల ముందుకు వచ్చింది. మరి ఈ సినిమా ఎలా ఉందో ఓ సారి చూద్దాం. కథేంటి? ఉమాపతి కథ దోసకాయలపల్లి, కొత్తపల్లి మధ్య జరుగుతుంది. వర (అనురాగ్) కొత్తపల్లికి చెందిన వాడు. ఊర్లో అల్లరిచిల్లరగా తిరుగుతుంటాడు. దుబాయ్‌లో తండ్రి కష్టపడి సంపాదిస్తుంటే.. ఇక్కడ ఆ వర జల్సాలు చేస్తూ ఉంటాడు. అలాంటి వర.. పక్క ఊరైన దోసకాయపల్లిలో ఉమా (అవికా గోర్)ను ఇష్టపడుతుంటాడు. కానీ ఆ ఊరికి ఈ ఊరికి పచ్చగడ్డి వేస్తే భగ్గుమనేలా వైరం ఉంటుంది. పైగా ఉమా సోదరుడికి, వరకు పాత గొడవలు కూడా ఉంటాయి. ఇలాంటి ఈ తరుణంలో వర తన ప్రేమను ఆ అమ్మాయికి ఎలా చెబుతాడు? అసలు వీరిద్దరూ ప్రేమలో పడతారా? పడితే ఆ ప్రేమను ఎలా గెలిపించుకుంటారు? ఈ రెండు గ్రామాల మధ్య ఉన్న గొడవలు ఏంటి? చివరకు వారి ప్రేమ కథకు ఎండింగ్? అన్నది థియేటర్లో చూడాల్సిందే. ఎలా ఉంది?  ఉమాపతి సినిమా అంతా కూడా అనురాగ్, అవికా గోర్ మధ్యే సాగుతుంది. అనురాగ్‌ తెరపై తన ప్రతిభను చాటుకున్నాడు. యాక్షన్, కామెడీ, రొమాన్స్ ఇలా అన్ని ఎమోషన్స్‌ను చక్కగా పలికించాడు. అవికా గోర్ అందంగా కనిపిస్తూనే.. తన అల్లరితో, తన నటనతో అందరినీ కట్టి పడేసింది. వీరిద్దరి జోడికి ప్రేక్షకులు కచ్చితంగా ఆకర్షితులవుతారు. ఇక మిగిలిన పాత్రల్లో హీరో ఫాదర్, హీరోయిన్ బ్రదర్, హీరో ఫ్రెండ్స్ గ్యాంగ్ ఇలా అందరూ తమ పరిధి మేరకు నటించారు. విశ్లేషణ దర్శకుడు సింపుల్ కథను మన తెలుగు నేటివిటీకి తగ్గట్టుగా మలిచాడు. ఇలాంటి స్టోరీలు ఇది వరకు ఎన్నో సార్లు మనం చూసినా కూడా ఉమాపతి కాస్త రీ ఫ్రెషింగ్‌గా అనిపిస్తుంది. హీరో హీరోయిన్ల గిల్లికజ్జాలు, ఇద్దరి మధ్య దూరం తగ్గి ప్రేమ చిగురించే సన్నివేశాలు.. ఊరి వాతావరణం, గొడవలు, జోకులు ఇలా అన్నింటిని మిక్స్ చేసి ఫస్ట్ హాఫ్‌ను చక్కగా తెరకెక్కించాడు దర్శకుడు. ఇంట్రవెల్‌కు చిన్న పాటి జర్క్ ఇచ్చినట్టుగా అనిపిస్తుంది. సెకండాఫ్‌లోనే అసలు పాయింట్‌ బయటకు వస్తుంది. రెండు ఊర్ల మధ్య ఉన్న గొడవ ఏంటి? ఆ గొడవకు ఈ ప్రేమ కథకు ఎలా ముడి పెట్టారు.. ఆ సంఘర్షణను దర్శకుడు చక్కగా చూపించాడు. ప్రీ క్లైమాక్స్, క్లైమాక్స్ కాస్త ఎమోషనల్‌గా సాగుతుంది. చివరకు తెలుగు సినిమాల్లో ఉండే రెగ్యులర్ ముగింపులానే సినిమా కూడా ఎండ్ అవుతుంది. ఫస్ట్ హాఫ్ సరదాగా సాగితే.. సెకండాఫ్ ఎమోషనల్‌గా సాగుతుంది. సాంకేతిక పరంగా చూస్తే ఈ సినిమాకు పాటలు, ఆర్ఆర్ ప్లస్ అవుతాయి. ఆహ్లాదకరమైన సంగీతం ఉంటుంది. సహజంగా కనిపించే విజువల్స్ ప్రేక్షకుల్ని ఆకట్టుకుంటాయి. కొన్ని డైలాగ్స్ గుండెల్ని హత్తుకుంటాయి. ఎడిటింగ్ షార్ప్‌గా ఉంటుంది. నిర్మాణ విలువలు సినిమా స్థాయికి తగ్గట్టుగా ఉన్నాయి. నిర్మాత పెట్టిన ఖర్చు తెరపై కనిపిస్తుంది.

ప్రేమ కథలకు ఎప్పుడూ ఆదరణ ఉంటుంది. మరీ ముఖ్యంగా గ్రామీణ నేపథ్యంలో వచ్చే ఇలాంటి స్టోరీలు ప్రేక్షకుల్ని అలరిస్తున్నాయి. తాజాగా ఇలాంటి కాన్సెప్ట్‌తో తీసిన మూవీ 'ఉమాపతి'. అనురాగ్ హీరోగా, 'చిన్నారి పెళ్లికూతురు' ఫేమ్ అవికా గోర్ హీరోయిన్‌గా చేసింది. క్రిషి క్రియేషన్స్ బ్యానర్‌పై కే.కోటేశ్వరరావు నిర్మాతగా వ్యవహరించారు. సత్య ద్వారంపూడి దర్శకత్వం వహించారు. ఇప్పటికే పోస్టర్స్, పాటలు, టీజర్.. ఇలా అన్నీ పాజిటివ్ బజ్ సొంతం చేసుకున్నాయి. రీసెంట్‌గా వచ్చిన ట్రైలర్ కూడా ఆకట్టుకుంటోంది. (ఇదీ చదవండి: 'సలార్' వీకెండ్ కలెక్షన్స్.. ఏకంగా రూ.400 కోట్ల దాటేసి..!) తాజాగా 'ఉమాపతి' మూవీ సెన్సార్ కార్యక్రమాలు పూర్తయ్యాయి. పూర్తి కుటుంబ సమేతంగా చూడదగ్గ అందమైన ప్రేమ కథా చిత్రమని సెన్సార్ సభ్యులు మెచ్చుకున్నారట. అలానే యూ/ఏ సర్టిఫికెట్‌ జారీ చేశారు. డిసెంబర్ 29న ఈ చిత్రం థియేటర్లలో రిలీజ్ కానుంది. శక్తికాంత్ కార్తీక్ సంగీతమందించగా.. చంద్రబోస్, భాస్కర భట్ల తదితరలు పాటలు రాశారు. (ఇదీ చదవండి: ఈ వారం ఓటీటీల్లో 27 సినిమాలు రిలీజ్)

లక్కీ మీడియా, రియా జియా సంస్థ సంయుక్తంగా నిర్మిస్తున్న మూవీ 'అగ్లీ స్టోరీ'. నందు, అవికా గోర్ హీరోహీరోయిన్లు నటించారు. ప్రణవ స్వరూప్ దర్శకత్వం వహించారు. తాజాగా ఈ చిత్ర గ్లింప్స్ వీడియోని రిలీజ్ చేశారు. గ్లింప్స్ చివరలో హీరో నందు చెప్పిన.. ఇమేజినేషన్‌లో ఉన్న ప్రేమ.. రియల్ లైఫ్‌లో ఉండదు అనే డైలాగ్ ఆసక్తి రేపుతోంది.  (ఇదీ చదవండి: Bigg Boss 7 విన్నర్ పల్లవి ప్రశాంత్ షాకింగ్ డెసిషన్.. వాళ్లపై రివేంజ్!?) అయితే ఈ గ్లింప్స్ మంచి స్పందన వస్తుండటంతో.. ముందు ముందు టీజర్, ట్రైలర్ మరియు సినిమాని మరింత కొత్తగా, ఆకట్టుకునే విధంగా రిలీజ్ ప్లాన్ చేస్తున్నామని డైరెక్టర్ చెప్పుకొచ్చాడు. ప్రస్తుతం పోస్ట్ ప్రొడక్షన్ చేస్తున్నామని చెప్పారు. త్వరలో టీజర్, ట్రైలర్ విడుదల చేస్తామని క్లారిటీ ఇచ్చాడు.  (ఇదీ చదవండి: ఈ వారం ఓటీటీల్లో 27 సినిమాలు రిలీజ్)

ఇటీవల ‘వధువు’ వెబ్‌ సిరీస్‌తో ఓటీటీ ప్రేక్షకులను మెప్పించిన అవికా గోర్‌.. త్వరలోనే థియేటర్స్‌ ఆడియన్స్‌ని అలరించడానికి రెడీ అవుతోంది. అనురాగ్‌, అవికాగోర్‌ హీరోహీరోయిన్లుగా నటించిన తాజా చిత్రం ‘ఉమాపతి’.సత్య ద్వారంపూడి దర్శకత్వం  వహించిన ఈ చిత్రాన్ని క్రిషి క్రియేషన్స్ బ్యానర్ మీద ఈ చిత్రాన్ని కే.కోటేశ్వర రావు నిర్మిస్తున్నారు.డిసెంబర్‌ 29న ఈ చిత్రం ప్రేక్షకుల ముందుకు రాబోతుంది. ఈ నేపథ్యంలో తాజాగా ఈ మూవీ నుంచి ట్రైలర్‌ని రిలీజ్‌ చేశారు. ఇక ఈ ట్రైలర్ చూస్తుంటే అందమైన గ్రామీణ వాతావరణం, ఊర్లోని రకరకాల మనస్తత్వాలున్న మనషులు, అల్లరి చిల్లరగా తిరిగే హీరో.. రెండు ఊర్ల మధ్య ఏవో గొడవలు ఉన్నట్టు.. ఆ గొడవలే హీరో హీరోయిన్ల ప్రేమకు అడ్డంకిలా మారేట్టు చూపించిన సీన్లు బాగున్నాయి. ట్రైలర్‌లో సహజత్వం ఉట్టి పడుతోంది. విజువల్స్ ఎంతో నేచురల్‌గా ఉన్నాయి. ఆర్ఆర్ చక్కగా ఉంది. కుటుంబ సమేతంగా చూడదగ్గ వినోదాత్మకంగా చిత్రంగా తెరకెక్కించినట్టు ట్రైలర్ చూస్తే తెలుస్తోంది. ఫిదా వంటి బ్లాక్ బస్టర్ మూవీకి పని చేసిన మ్యూజిక్ డైరెక్టర్ శక్తికాంత్ కార్తీక్ ఈ చిత్రానికి సంగీతం అందించారు. 

అవికా గోర్‌ ప్రధాన పాత్రలో, నందు, అలీ రెజా కీలక పాత్రల్లో నటించిన వెబ్‌ సిరీస్‌ ‘వధువు’. శ్రీకాంత్‌ మొహ్తా, మహేంద్ర సోని నిర్మాణంలో పోలూరు కృష్ణ రూపొందించిన ఈ వెబ్‌ సిరీస్‌ ఈ నెల 8 నుంచి హాట్‌స్టార్‌ ఓటీటీ ఫ్లాట్‌ఫామ్‌లో స్ట్రీమింగ్‌ కానుంది. ఈ సందర్భంగా నందు మాట్లాడుతూ– ‘‘ఓ కుటుంబంలోని సభ్యులందరూ ఎందుకు అనుమానాస్పదంగా కనిపిస్తారు? అనే అంశం ‘వధువు’లో కొత్తగా ఉంటుంది. అవికా, నేను బెక్కెం వేణుగోపాల్‌ ప్రొడక్షన్‌లో ఓ సినిమా చేస్తున్నాం’’ అన్నారు. ‘‘ఈ సిరీస్‌లో నా పాత్ర  చాలా సెటిల్డ్‌గా ఉంటుంది’’ అన్నారు అలీ రెజా. ‘‘బెంగాలీ సిరీస్‌ ‘ఇందు’ను ‘వధువు’గా రీమేక్‌ చేశాం. అయితే నేను సోల్‌ను మాత్రమే తీసుకున్నాను. మన నేటివిటీకి తగ్గట్లు మార్పులు చేశాం. ఫస్ట్ ఎపిసోడ్ లో అవికా పెళ్లై అత్తవారింటికి వస్తుంది. సెకండ్ ఎపిసోడ్ నుంచి అసలు కథ మొదలవుతుంది. అవికా అత్తవారింటికి ప్రేక్షకుల్ని కూడా తీసుకెళ్తాం. అంత గ్రిప్పింగ్ గా సిరీస్ ఉంటుంది. సెకండ్ ఎపిసోడ్ నుంచి 7వ ఎపిసోడ్ వరకు అంతే క్యూరియస్ గా కథ సాగుతుంది. 7వ ఎపిసోడ్ కిక్ ఇచ్చేలా ఉంటుంది’ అన్నారు దర్శకుడు పోలూరు కృష్ణ.

వరుస సినిమాలతో దూసుకెళ్తోంది ‘చిన్నారి పెళ్లి కూతురు’ ఫేమ్‌ అవికా గోర్‌. అయితే ఈ మధ్య కాలంలో ఈ ఉత్తరాది భామ నటించిన చిత్రాలన్నీ బాక్సాఫీస్‌ వద్ద బోల్తా పడ్డాయి. దీంతో ఈ సారి ఎలాగైనా హిట్‌ కొట్టాలనే కసితో ఉంది. అందుకే తన కెరీర్‌లో ‘సినిమా చూపిస్త మావ’లాంటి భారీ హిట్‌ అందించిన లక్కీ మీడియా సంస్థ అధినేత బెక్కం వేణుగోపాల్‌ నిర్మాణంలో కొత్త సినిమాను ప్రకటించింది. సినిమా చూపిస్త మామ, మేము వయసుకు వచ్చాం, హుషారు లాంటి యూత్ ఫుల్ ఎంటర్ టెయినర్స్ ని నిర్మించిన బెక్కెం వేణుగోపాల్..రియా జియా ప్రొడక్షన్స్ అనే కొత్త బ్యానర్‌తో కలిసి ఈ చిత్రాన్ని నిర్మిస్తున్నాడు. దీనికి 'అగ్లీ స్టోరీ'అనే టైటిల్‌ని ఖరారు చేశారు. ఈ రొమాంటిక్‌ థ్రిల్లర్‌లో నందు హీరోగా నటిస్తున్నాడు. నూతన దర్శకుడు ప్రణవ స్వరూప్ ఈ చిత్రాన్ని తెరకెక్కిస్తున్నాడు. ఈ కథ గురించి బెక్కెం వేణుగోపాల్ గారు మాట్లాడుతూ ఈ కథ విభిన్నమైన పాత్రలతో ఆద్యంతం ప్రేక్షకులని కట్టిపడేసేలా ఉంటుందని చెప్పుకొచ్చారు. ఈ రోజు టైటిల్ లాంచ్ జరగగా ఈ చిత్రానికి "అగ్లీ స్టోరీ" అని టైటిల్ ని నిర్ణయించారు. 2024 ఫిబ్రవరి లో ప్రేక్షకుల ముందుకి తీసుకొస్తామని ఈ సందర్భంగా మీడియాకి తెలిపారు 

చిన్నారి పెళ్లి కూతురు సీరియల్‌తో ఫేమ్ తెచ్చుకున్న నటి అవికా గోర్. ఆ తర్వాత తెలుగులో ఉయ్యాలా జంపాలా సినిమాతో టాలీవుడ్ ఎంట్రీ ఇచ్చింది. ఆ  తర్వాత లక్ష్మీ రావే మా ఇంటికి, సినిమా చూపిస్తా మావ, తను నేను, ఎక్కడి పోతావు చిన్నవాడా లాంటి చిత్రాల్లో నటించింది. ఈ ఏడాది పాప్ కార్న్ అనే సినిమాతో ప్రేక్షకులను అలరించింది. తాజాగా మరో ఆసక్తికర వెబ్ సిరీస్‌లో ఓటీటీ అభిమానులను అలరించేందుకు వస్తోంది.  హోయ్‌చాయ్‌ ఓటీటీలో ఇందు పేరుతో స్ట్రీమింగ్‌ అయిన బెంగాలీ సిరీస్‌ను తెలుగులో రీమేక్ చేశారు. వధువు పేరుతో తెలుగు ప్రేక్షకులకు అందుబాటులోకి తెస్తున్నారు. ఈ సిరీస్‌లో అవికా గోర్‌, అలీ రెజా, నందు తదితరులు కీలక పాత్రలు పోషిస్తున్నారు. ఈ సిరీస్‌ను ప్రముఖ ఓటీటీ ఫ్లాట్‌ఫామ్ డిస్నీ ప్లస్ హాట్‌స్టార్‌లో స్ట్రీమింగ్ కానుంది. ఇప్పటికే జేడీ చక్రవర్తి నటించిన దయా థ్రిల్లర్‌ వెబ్ సిరీస్‌ అలరిస్తోన్న సంగతి తెలిసిందే.  ఫ్యామిలీ థ్రిల్లర్‌గా వస్తోన్న వధువు త్వరలోనే ప్రేక్షకుల ముందుకు రానుంది. ఇప్పటికే ఈ సిరీస్‌ టీజర్‌ను మేకర్స్ రిలీజ్ చేశారు. పెద్ద పెద్ద కుటుంబాల్లో ఎలాంటి రహస్యాలు ఉంటాయి? అవి బయటపడకుండా ఎలాంటి జాగ్రత్తలు తీసుకుంటారు? ఒకవేళ బయటకు వస్తే జరిగే పరిణామాలేంటి? వంటి ఆసక్తికర అంశాలతో వధువు వెబ్ సిరీస్ తెరకెక్కించినట్లు తెలుస్తోంది. View this post on Instagram A post shared by Disney+ Hotstar Telugu (@disneyplushstel)

యంగ్ హీరో అనురాగ్, చిన్నారి పెళ్లికూతురు ఫేమ్ అవికా గోర్ హీరోయిన్‌గా నటిస్తోన్న తాజా చిత్రం ‘ఉమాపతి’.  క్రిషి క్రియేషన్స్ బ్యానర్ మీద ఈ చిత్రాన్ని కే కోటేశ్వర రావు నిర్మిస్తుండగా.. సత్య ద్వారంపూడి దర్శకత్వం వహిస్తున్నాడు. తాజాగా ఈ మూవీ నుంచి క్రేజీ అప్‌డేట్ వచ్చేసింది. ఈ మూవీలోని ‘నాకొకటి నీకొకటి’ మాస్‌ సాంగ్‌ను రిలీజ్ చేశారు మేకర్స్. అయితే ఈ పాటను ఆస్కార్ అవార్డ్ విన్నర్ చంద్రబోస్ రాయగా.. ఆయన చేతుల మీదుగానే విడుదల చేశారు. ఫిదా మూవీకి పని చేసిన మ్యూజిక్ డైరెక్టర్ శక్తికాంత్ కార్తీక్ ఈ చిత్రానికి సంగీతమందించారు. ఈ సందర్భంగా చంద్రబోస్ చిత్రయూనిట్‌కు ఆల్ ది బెస్ట్ తెలిపారు. (ఇది చదవండి: నాకు నత్తి.. ఏం మాట్లాడినా ఎగతాళి చేశారు: హృతిక్‌ రోషన్‌) చంద్రబోస్ మాట్లాడుతూ.. ‘అందరికీ నమస్కారం.. నీకొకటి నాకొకటి అనే పాటను రిలీజ్ చేశాం. ఈ సినిమాలో ప్రత్యేక గీతం రాసే అవకాశం ఇచ్చినందుకు ఆనందంగా ఉంది. నేను రాసిన పాటను నా చేతుల మీదగానే రిలీజ్ చేయడం చాలా కొత్తగా అనిపిస్తోంది. పాట ఎంత బాగుంటుందో లిరికల్ వీడియో కూడా అంతే బాగుంటుంది.' అని అన్నారు. కాగా.. ఇప్పటికే విడుదల చేసిన ఉమాపతి ఫస్ట్ లుక్ పోస్టర్ అందరినీ ఆకట్టుకుంది. చిత్రంలో పోసాని కృష్ణమురళి, తులసి, ప్రవీణ్, జబర్దస్త్ ఫేమ్ ఆటో రాంప్రసాద్, త్రినాథ్, శ్రీమన్నారాయణ, భద్రం, శ్రీనివాస్, జయవాణి ముఖ్యపాత్రలు పోషిస్తున్నారు. తమిళంలో సూపర్ హిట్ అయిన కలవాని సినిమాను తెలుగులో ఉమాపతి అనే పేరుతో తెరకెక్కిస్తున్నారు. ప్రస్తుతం ఈ మూవీ షూటింగ్ పూర్తయిగా.. పోస్ట్ ప్రొడక్షన్ కార్యక్రమాలు కూడా పూర్తయ్యాయి. త్వరలో ఈ సినిమా రిలీజ్ డేట్ అనౌన్స్ చేయనున్నారు మేకర్స్. (ఇది చదవండి:  అతనిలో నాకు నచ్చింది అదే.. లవర్‌పై శృతిహాసన్ ఆసక్తికర కామెంట్స్!  )

ఉయ్యాలా జంపాలా చిత్రంతో టాలీవుడ్‌లోకి హీరోయిన్‌గా ఎంట్రీ ఇచ్చింది అవికా గోర్. రాజ్ తరుణ్ హీరోగా నటించిన ఈ చిత్రం 2014లో విడుదలై సూపర్ హిట్ కొట్టింది. ఈ చిత్రానికి హీరో నాగార్జున నిర్మాత కావడం మరింత కలిసొచ్చింది. మొదటి సినిమాతోనే మంచి క్రేజ్‌ సంపాదించుకున్న ఈ బ్యూటీ సినిమా చూపిస్త మావ, ఎక్కడికి పోతావు చిన్నవాడా, రాజు గారి గది 3 వంటి వరుస సినిమాలతో హీరోయిన్‌గా మరింత గుర్తింపు తెచ్చుకుంది. ఈ ఏడాది ప్రారంభంలో పాప్ కార్న్ సినిమాతో సహ నిర్మాతగా పలకరించినా అది అనుకున్న స్థాయిలో విజయం సాధించలేదు. తాజాగా బాలీవుడ్‌లో ఎంట్రీ ఇవ్వబోతున్న అవికా గోర్ సౌత్ సినిమా ఇండస్ట్రీ గురించి వివాదాస్పద వ్యాఖ్యలు చేసింది. బాలీవుడ్ కంటే సౌత్‌ ఇండస్ట్రీలోనే నెపోటిజం ఎక్కువగా ఉంటుందని నటి అవికా గోర్ వివాదాస్పద వ్యాఖ్యలు చేసింది. (ఇదీ చదవండి:  50 ఏళ్ల వయసులో తండ్రినయ్యా.. నా జీవితం పరిపూర్ణమైంది) 'స్టార్ హీరోల పవర్ మీదే సౌత్ ఇండస్ట్రీ మొత్తం నడుస్తోంది. బాలీవుడ్‌ కంటే సౌత్‌లో నెపోటిజం కొంచెం ఎక్కువే..  హిందీ చిత్రాలపై అక్కడ పక్షపాతం ఉంది. సౌత్ సినిమాలు నేడు బాలీవుడ్‌లో చాలా రీమేక్ అవుతున్నాయి. వాటిని ఇక్కడి ప్రేక్షకులు కూడా ఎంజాయ్‌ చేస్తున్నారు. కానీ అక్కడి వారు మాత్రం బాలీవుడ్‌ చిత్రాలను పెద్దగా ఇష్టపడరు. తెలుగు ఇండస్ట్రీ విషయానికి వస్తే మొత్తం బంధుప్రీతితో నిండి ఉంది. ప్రజలు కూడా దానినే ఇష్టపడుతున్నారు. #Bollywood Actress #AvikaGor about Nepotism in #Tollywood. pic.twitter.com/8MCnVpC9Dv— Crazy Buff (@CrazyBuffOffl) June 12, 2023 రాబోయే రోజుల్లో ఇది ఉండకపోవచ్చు' అని తెలిపింది. అవికా గోర్‌ కామెంట్లపై నెటిజన్లు మండి పడుతున్నారు. సౌత్‌లో అవకాశాలు దక్కించుకొని, మంచి పేరుతో పాటు డబ్బు సంపాదించాక చులకన చేసి మాట్లాడం కరెక్ట్‌ కాదని ఫైర్‌ అవుతున్నారు. కాగా అవికా గోర్‌ ప్రస్తుతం 1920 హారర్ సినిమాకు సీక్వెల్‌గా వస్తోన్న '1920 హారర్స్ ఆఫ్ ది హార్ట్' సినిమాతో బాలీవుడ్‌లోకి ఎంట్రీ ఇస్తోంది ఈ బ్యూటీ.  తెలుగు, తమిళ, హిందీలో విడుదల కాబోతోంది.  (ఇదీ చదవండి: సీనియర్‌ హీరోయిన్‌పై మనుసు పడిన రౌడీబాయ్‌)

అవికా గోర్‌, సాయి రోన‌క్ జంట‌గా న‌టిస్తోన్న చిత్రం ‘పాప్ కార్న్’. ఎం.ఎస్‌.చ‌ల‌ప‌తి రాజు స‌మ‌ర్ప‌ణ‌లో ఆచార్య క్రియేష‌న్స్, అవికా స్క్రీన్ క్రియేష‌న్స్ బ్యాన‌ర్స్‌పై భోగేంద్ర గుప్తా ఈ సినిమాను నిర్మిస్తున్నారు.  ముర‌ళి గంధం ద‌ర్శ‌కత్వం వ‌హిస్తున్నారు. ఫిబ్రవరి 10న ఈ చిత్రం విడుదల కాబోతుంది. ఇప్పటికే విడుదలైన ట్రైలర్‌కు మంచి స్పందన లభించింది. తాజాగా ఈ చిత్రం నుంచి  ‘మ‌ది విహంగ‌మ‌య్యే...’ అనే లిరికల్ సాంగ్‌ను హీరో అక్కినేని నాగచైతన్య విడుదల చేసి, సినిమా పెద్ద సక్సెస్‌ కావాలని యూనిట్‌కి అభినందనలు తెలిపారు.  పాట‌ను గ‌మ‌నిస్తే ఓ షాపింగ్ మాల్‌లోనే పాటంతా సాగుతుంది. హీరో హీరోయిన్లు అందులో షాపింగ్ చేయ‌టానికి వ‌చ్చిన‌ప్పుడు వారి ఆలోచ‌న‌లు.. ఎంత వేగంగా వారి భ‌విష్య‌త్తు వైపు అందంగా దూసుకెళ్తున్నాయ‌నే విష‌యాన్ని చ‌క్క‌టి లిరిక్స్‌తో పాట‌లో పొందు ప‌రిచారు లిరిక్ రైట‌ర్ శ్రీజో. శ్ర‌వ‌ణ్ భ‌రద్వాజ్ సంగీతం అందించిన ఈ పాట‌ను బెన్నీ ద‌యాల్‌, ర‌మ్యా బెహ్రా ఆలపించారు. ఈ సంద‌ర్భంగా చిత్ర స‌మ‌ర్ప‌కుడు ఎం.ఎస్‌.చ‌ల‌ప‌తి రాజు మాట్లాడుతూ .. ఇప్ప‌టి వ‌ర‌కు రాన‌టువంటి ఓ డిఫ‌రెంట్ కాన్సెప్ట్ మూవీ. సినిమా అంతా లిఫ్టులోనే ఉంటుంది. ఇప్ప‌టి యువ‌త‌కు కూడా క‌నెక్ట్ అవుతుంది’అన్నారు. ‘కొత్త కాన్సెప్ట్ చిత్రాల‌ను తెలుగు ప్రేక్ష‌కులు ఆద‌రిస్తారనే న‌మ్మ‌కం ఉంది. ఫిబ్ర‌వ‌రి 10న పాప్ కార్న్‌తో సంద‌డి చేయ‌బోతున్నాం’అని హీరోయిన్‌ అవికా గోర్‌ అన్నారు. 

‘‘పాప్‌ కార్న్‌’ ట్రైలర్‌ చాలా బాగుంది. డిఫరెంట్‌ కాన్సెప్ట్‌తో రూపొందిన ఈ చిత్రాన్ని ప్రేక్షకులు హిట్‌ చేస్తారనే నమ్మకం ఉంది’’ అన్నారు హీరో అక్కినేని నాగార్జున. అవికా గోర్, సాయి రోనక్‌ జంటగా మురళి గంధం దర్శకత్వంలో తెరకెక్కిన చిత్రం ‘పాప్‌ కార్న్‌’. ఎం.ఎస్‌. చలపతి రాజు సమర్పణలో బోగేంద్ర గుప్తా నిర్మించారు. అవికా గోర్, ఎం.ఎస్‌. చలపతి రాజు, శేషు బాబు పెద్దింటి సహనిర్మాతలు. ఫిబ్రవరి 10న ఈ సినిమా విడుదల కానుంది. ఈ చిత్రం ట్రైలర్‌ను నాగార్జున విడుదల చేసి, మాట్లాడుతూ– ‘‘పదేళ్ల ముందు బ్రెజిల్‌లో రియో సిటీకి ఓ స్టూడియో చూద్దామని వెళ్లాను. అక్కడ అవికా గోర్‌ ముఖాన్ని చూశాను. ‘చిన్నారి పెళ్లికూతురు’ సీరియల్‌ను స్పానిష్‌లోనూ డబ్‌ చేశారు. 128 దేశాల్లో ‘చిన్నారి పెళ్లికూతురు’ సీరియల్‌ను డబ్‌ చేశారని ఆ తర్వాత తెలిసింది. అవికా ఎప్పుడో పాన్‌ వరల్డ్‌ స్టార్‌ అయ్యింది. ‘పాప్‌ కార్న్‌’లో హీరోయిన్‌గా నటించి, నిర్మాతగానూ మారినందుకు అభినందనలు’’ అన్నారు. ‘‘తెలుగులో నా తొలి చిత్రం ‘ఉయ్యాలా జంపాలా’ అన్నపూర్ణ స్టూడియోస్‌తోనే ప్రారంభమైంది. నాగార్జునగారు మంచి నిర్మాత మాత్రమే కాదు.. మంచి మనిషి కూడా. ‘పాప్‌ కార్న్‌’కి నిర్మాతగా చేయటం రిస్క్‌ అని కొందరు అన్నారు. కానీ, ఆ రిస్క్‌ తీసుకోవటం గర్వంగా ఉంది’’ అన్నారు అవికా గోర్‌. 

అవికా గోర్‌, సాయి రోన‌క్ జంట‌గా న‌టిస్తోన్న చిత్రం ‘పాప్ కార్న్’. ఎం.ఎస్‌.చ‌ల‌ప‌తి రాజు స‌మ‌ర్ప‌ణ‌లో ఆచార్య క్రియేష‌న్స్, అవికా స్క్రీన్ క్రియేష‌న్స్ బ్యాన‌ర్స్‌పై బోగేంద్ర గుప్తా ఈ సినిమాను నిర్మిస్తున్నారు. ముర‌ళి గంధం ద‌ర్శ‌కత్వం వ‌హిస్తున్నారు. బుధ‌వారం ఈ మూవీ ట్రైల‌ర్‌ను కింగ్ నాగార్జున విడుద‌ల చేశారు. సినిమా పెద్ద హిట్ కావాల‌ని యూనిట్‌కి అభినంద‌న‌లు తెలియ‌జేశారు.  ఇక ట్రైలర్‌ విషయానికొస్తే.. డిఫ‌రెంట్ మైండ్స్ సెట్స్ ఉన్న ఇద్ద‌రు వ్య‌క్తుల అనుకోకుండా లిఫ్ట్‌లో చిక్కుకుంటారు. వారిని ఎవ‌రూ ప‌ట్టించుకోరు. ముందు ఒక‌రంటే ఒక‌రికి ప‌డ‌కుండా ఉన్న వాళ్లిద్ద‌రూ స‌మ‌యం గ‌డిచేకొద్ది స్నేహితులుగా మారుతారు. ఒక‌రిపై మ‌రొక‌రికి అభిమానం క‌లుగుతుంది. ఈ జ‌ర్నీలో వారిద్దరి మధ్య క్రియేట్ అయిన ఎమోషనల్ బాండింగ్ గురించి తెలియజేసే సినిమాయే ‘పాప్ కార్న్’ అని ట్రైల‌ర్ చూస్తుంటే అర్థ‌మ‌వుతుంది. రొటీన్‌కు భిన్నంగా ద‌ర్శ‌కుడు మురళి గంధం పాప్ కార్న్ మూవీని తెర‌కెక్కిచిన‌ట్లు ట్రైల‌ర్ చూస్తుంటే అర్థ‌మ‌వుతుంది. త్వరలోనే ఈ మూవీ ప్రేక్షకుల ముందుకు రానుందని దర్శకనిర్మాతలు తెలిపారు. 

శ్రీరామ్, అవికా గోర్ హీరోహీరోయిన్లుగా ఇటీవల నటించిన చిత్రం ‘టెన్త్ క్లాస్ డైరీస్’. ఎస్ఆర్ మూవీ మేకర్స్, అన్విత అవని క్రియేషన్స్ పతాకాలపై అచ్యుత రామారావు. పి, రవితేజ మన్యం సంయుక్తంగా నిర్మించిన ఈ చిత్రం గత నెల జూలై 1వ విడుదలైన మంచి విజయం సాధించింది. విమర్శకుల నుంచి ప్రశంసలు అందుకుంది. ఇక ఇటివలె ఓటీటీకి వచ్చిన ఈ సినిమా అక్కడ సైతం ప్రేక్షకులు బాగా ఆకట్టుకుంటోంది. చదవండి: ఆ ఉసురు ఊరికే పోదు.. అనసూయ సంచలన ట్వీట్‌ ప్రస్తుతం ఆమెజాన్‌ ప్రైంలో స్ట్రీమింగ్‌ అవుతున్న ఈ సినిమా ఇప్పటికీ మంచి వ్యూస్‌తో దూసుకుపోతోంది. ఈ సినిమాలో అవికా గోర్ శ్రీరామ్ కెమిస్ట్రీ, లవ్ స్టోరీకి అందరూ కనెక్ట్ అయ్యారు. ఇక శ్రీనివాస్ రెడ్డి, వెన్నెల రామారావు, అర్చన, హిమజల కామెడీ టైమింగ్‌తో సినిమా ఆసాంతం వినోదభరితంగా సాగింది. కాగా ప్రముఖ- ఛాయాగ్రాహకులు 'గరుడవేగ' అంజి ఈ సినిమాతో దర్శకునిగా పరిచయమైన సంగతి తెలిసిందే. సురేష్ బొబ్బలి ఈ సినిమాకు పాటలు అందించారు.

‘మనం’ చిత్రం తర్వాత హీరో నాగచైతన్య, దర్శకుడు విక్రమ్‌ కె. కుమార్‌ కాంబినేషన్‌లో రూపొందుతోన్న తాజా చిత్రం ‘థ్యాంక్యూ’. ఈ చిత్రంలో రాశీ ఖన్నా, అవికా గోర్, మాళవికా నాయర్‌ హీరోయిన్లుగా నటిస్తున్నారు. శ్రీమ‌తి అనిత స‌మ‌ర్ప‌ణ‌లో శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై దిల్‌రాజు, శిరీష్ ఈ చిత్రాన్ని నిర్మించారు. ఇప్పటికే విడుదలైన టీజర్‌, ట్రైలర్‌, పాటలకు మంచి స్పందన వచ్చింది. దానికి తోడు ప్రమోషన్స్‌ కూడా గ్రాండ్‌ చేయడంతో ‘థ్యాంక్యూ’పై ఆసక్తి పెరిగింది. భారీ అంచనాల మధ్య నేడు(జులై 22) ఈ చిత్రం ప్రేక్షకుల ముందుకు వచ్చింది. ఇప్పటికే ఓవర్సీస్‌తో పాటు పలు చోట్ల బొమ్మ పడిపోయింది. దీంతో ఈ సినిమా చూసిన ప్రేక్షకులు సోషల్‌ మీడియా వేదికగా తన అభిప్రాయాన్ని తెలియజేస్తున్నారు. ‘థ్యాంక్యూ’ కథేంటి? ఎలా ఉంది? తదితర విషయాలను ట్విటర్‌ వేదికగా చర్చిస్తున్నారు. అవేంటో చూడండి.అయితే, ఇది కేవలం ప్రేక్షకుడి అభిప్రాయం మాత్రమే. అందులో వారు పేర్కొన్న అంశాలకు ‘సాక్షి’ బాధ్యత వహించదు.  #ThankYouTheMovie block buster .it's a feel good and emotional .@chay_akkineni excellent performance — Kumar (@Kumar47007099) July 22, 2022 ‘థ్యాంక్యూ’ బ్యూటిఫుల్‌ ఫీల్‌గుడ్‌ మూవీ అని నెటిజన్స్‌ కామెంట్‌ చేస్తున్నారు. నాగచైతన్య యాక్టింగ్‌ పరంగా అదరగొట్టేశారని అంటున్నారు. మరికొంతమంది రోటీన్‌గా ఉందని, ఆశించిన స్థాయిలో అలరించలేకపోయిందని చెబుతున్నారు.  #ThankYou..! There is ‘Gratitude’ but no magic this time from #VikramKKumar..! There is something missing and the actual soul of film is not felt..! #NagaChaitanya looks wise 👍🏼 but couldn’t deliver completely..! Even the csrip runtime felt like it was lagged..! 2.5/5..! — FDFS Review (@ReviewFdfs) July 22, 2022 ‘థ్యాంక్యూ’లో కృతజ్ఞత ఉంది కాని మ్యాజిక్‌ చేయలేకపోయింది. విక్రమ్‌ కె కుమార్‌ కొత్తగా ట్రై చేసిన ఎక్కడో తేడా కొట్టింది. సోల్‌ మిస్‌ అయింది. లుక్స్‌ పరంగా నాగచైతన్య కొత్తగా కనిపించాడు. కానీ పూర్తిస్థాయి నటనను కనబర్చలేకపోయాడు. రన్‌టైమ్ కూడా ల్యాగ్ అయినట్లు అనిపించింది’అంటూ ఓ నెటిజన్‌ 2.5 రేటింగ్‌ ఇచ్చాడు.  First Half - good 👌. Narayanapuram Scenes and Bgm 💥💥. Waiting for 2nd half ...@chay_akkineni looks and acting 👌👌👌👌.#Thankyouthemovie!! — Akkineni_Agent (@akkineniagent) July 22, 2022 story vikram kumar dhe na??? too bad asal....Hype lekunda poina ekale...Chai disappointed this time... #ThankYouTheMovie — karthik (@karthik170920) July 22, 2022 #ThankYouTheMovie#ThankYouMovie A simple story weighed down by ordinary visuals and dragged narration. But it has some moments which served its purpose. Rating: 2.75/5 pic.twitter.com/UELTOiTkzN — Review Rowdies (@review_rowdies) July 22, 2022 1st half Ok (Some good and and some bad scenes) 2nd half good with good climax As usual @MusicThaman rocked with songs and BGM 👏 Overall Good movie and easy one time watch ❤️ #ThankYou @chay_akkineni and @SVC_official for bringing the movie to us 🤝 #ThankYouTheMovie — Albitthar Appanna (@ulfha_reddy) July 22, 2022 Nee story @BvsRavi okati ayina hit ayyindha bro? Ayina sare Vikram k Kumar kosam povali movie 😘 PC sir DOP is ❤️ #ThankYouTheMovie — Shashidharreddy🔔 (@Shashi262602) July 22, 2022 Very good second half with ok climax overall excellent one 👌 Everyone will love the journey of abhiram for sure😍👌👌👌 3.5/5⭐️ Only negative DOP (IMO)#ThankYouMovie @chay_akkineni https://t.co/cUatqIM9ef — koushik (@koushik0909) July 21, 2022

టైటిల్‌: టెన్త్‌ క్లాస్‌ డైరీస్‌ నటీనటులు: శ్రీరామ్, అవికా గోర్, శ్రీనివాస్ రెడ్డి, అచ్యుత రామారావు, అర్చన, హిమజ, శివబాలాజీ, నాజర్‌ తదితరులు దర్శకత్వం, సినిమాటోగ్రఫీ: 'గరుడవేగ' అంజి నిర్మాతలు: అచ్యుత రామారావు, రవితేజ మన్యం, రవి కొల్లిపార సంగీతం: సురేష్‌ బొబ్బిలి విడుదల తేది: జులై 1, 2022 అవికా గోర్, శ్రీరామ్ ప్రధాన తారలుగా ఎస్ఆర్ మూవీ మేకర్స్, అన్విత అవని క్రియేషన్స్ పతాకాలపై రూపొందిన చిత్రం 'టెన్త్ క్లాస్ డైరీస్'. అచ్యుత రామారావు. పి, రవితేజ మన్యం సంయుక్తంగా నిర్మించిన ఈ మూవీకి అజయ్ మైసూర్ సమర్పకులు. ప్రముఖ- ఛాయాగ్రాహకులు 'గరుడవేగ' అంజి ఈ సినిమాతో దర్శకునిగా పరిచయం అయ్యారు. 'టెన్త్‌ క్లాస్‌ డైరీస్‌' చిత్రం శుక్రవారం (జులై 1) ప్రేక్షకుల ముందుకు రానుంది. పలు వాస్తవ సంఘటనల ఆధారంగా తెరకెక్కిన ఈ చిత్రం ప్రేక్షకులను ఏ మేర మెప్పించిందో రివ్యూలో చూద్దాం. కథ: మిడిల్‌ క్లాస్‌ అబ్బాయి సోమయాజ్‌ (శ్రీరామ్‌) బాగా చదువుకుని అమెరికాలో బిజినెస్‌ మ్యాన్‌గా స్థిరపడతాడు. డబ్బు, అమ్మాయిలు, లగ్జరీతో లైఫ్‌ ఎంజాయ్‌ చేస్తుంటాడు. కానీ తన జీవితంలో ఏదో చిన్న అంసతృప్తి. ఈ వెలితీతో జీవిస్తున్న అతనికి ఆనందం లేదు. అతని భార్య కూడా వదిలేస్తుంది. తను ఏది మిస్‌ అవుతున్నాడో తెలుసుకునేందుకు ఒక సైకియాట్రిస్ట్‌ను సంప్రదిస్తాడు. ఈ క్రమంలోనే అతని ఆనందం టెన్త్‌ క్లాస్‌ చదివేటప్పుడు ప్రేమించిన తన ఫస్ట్‌ లవ్‌ చాందినీ (అవికా గోర్‌) దగ్గర ఉందని. దీంతో టెన్త్ క్లాస్ రీ యూనియన్‌కు ప్లాన్‌ చేస్తాడు. మరీ ఆ రీ యూనియన్‌ ప్లాన్‌ ఎంతవరకు వర్కౌట్‌ అయింది ? చాందినీని కలుసుకున్నాడా ? అసలు చాందినీకి ఏమైంది ? అనే తదితర విషయాలను తెలుసుకోవాలంటే కచ్చితంగా ఈ 'టెన్త్‌ క్లాస్‌ డైరీస్‌'కు వెళ్లాల్సిందే.  విశ్లేషణ: యదార్థ సంఘటన ఆధారంగా తెరకెక్కిన చిత్రాలు మనసులు హత్తుకునేలా ఉంటాయి. కానీ అలాంటి కథలతో వచ్చే సినిమాలు కాస్తా అటు ఇటు అయిన తేడా కొడుతుంటాయి. అలాంటిదే ఈ కథ. నిర్మాత అచ్యుతరామారావు జీవితంలో జరిగిన కొన్ని వాస్తవ సంఘటన ఆధారంగా ఈ సినిమాను తెరకెక్కించారు. ప్రేమ కారణంగా ఒక అమ్మాయి జీవితం ఎలా మారిందనే అంశంతో ఈ కథను రూపొందించారు. ప్రేమికుడి నిర్లక్ష్యం, తండ్రి అతి ప్రేమ ఒక అమ్మాయి జీవితాన్ని ఎలా నాశనం చేశాయో ఈ సినిమా ద్వారా చూపించారు. నిజానికి ఇలాంటి ఒక మంచి కథను ఎంచుకున్నందుకు దర్శకనిర్మాతలను మెచ్చుకోవాల్సిందే. కానీ వారు ఎంచుకున్న కథను పక్కాగా వెండితెరపై ఆవిష్కరించలేకపోయారు.  ప్రేమించిన అమ్మాయి కోసం వెతికేందుకు చేసిన రీ యూనియన్‌, దానిలో భాగంగా వచ్చే సీన్లు ఇంతకుముందు వచ్చిన కొన్ని సినిమాలను గుర్తు చేస్తాయి. హాఫ్‌ బాయిల్‌ (శ్రీనివాస్‌ రెడ్డి), గౌరవ్‌ నిర్మాత (అచ్యుత రామారావు) మధ్య వచ్చే సీన్లు మాత్రం చాలా ఆకట్టుకుంటాయి. వీరిద్దరి నటనతో ప్రేక్షకులను తెగ నవ్వించారు. కానీ సోమయాజ్‌, చాందినీ ప్రేమ సన్నివేశాలు కొంచెం రొటీన్‌ ఫీల్ కలిగిస్తాయి. ఈ లవ్‌ ఎపిసోడ్ అంతగా ఆకట్టుకోదు. అయితే సెకండాఫ్‌లో హీరోయిన్‌ కోసం వెతికే ట్రాక్ బాగుంటుంది. ఓవైపు నవ్విస్తూనే అమ్మాయిల జీవితంలో కోరుకునే విషయాలు, వారు ఎదుర్కొనే సమస్యలను బాగా చూపించారు. ఊహించని విధంగా ఉండే క్లైమాక్స్‌ ప్రేక్షకులను కదిలిస్తుంది. మూవీ మొత్తం ఎలా ఉన్న క్లైమాక్స్‌కు వచ్చేసరికి మాత్రం ఆడియెన్స్‌కు ఒక మంచి సినిమా చూశామనే అనుభూతిని కలిగిస్తుంది.   ఎవరెలా చేశారంటే? తన ఫస్ట్ లవ్‌ను దక్కించుకోవాలనే ప్రేమికుడిగా, ఆనందం మిస్ అయిన బిజినెస్‌ మ్యాన్‌గా శ్రీరామ్ పర్వాలేదనిపించాడు. అయితే ఇంతకుముందు 'రోజాపూలు' సినిమాలో చూసిన శ్రీరామ్‌ నటన, ఆ ఈజ్‌ ఎక్కడో మిస్‌ అయినట్లుగా అనిపిస్తుంది. ఇక అవికా గోర్ నటన కూడా పర్వాలేదనిపించింది. ఆమె పాత్ర నిడివి కాస్త తక్కువగా ఉంది. హీరో ఫ్రెండ్స్‌గా చేసిన శ్రీనివాస్ రెడ్డి, నిర్మాత అచ్యుత రామారావు కామెడీ టైమింగ్‌తో అదరగొట్టారు. వీరి కాంబినేషన్‌లో వచ్చే సీన్లు నవ్వు తెప్పిస్తాయి. కమెడియన్‌గా అచ్యుత రామారావుకు మంచి భవిష్యత్తు ఉందనే చెప్పవచ్చు. వీరితోపాటు హిమజ, అర్చన, శివ బాలాజీ తమ పాత్రలకు పూర్తి న్యాయం చేశారు. నాజర్‌ నటన గురించి ప్రత్యేకంగా చెప్పనవసరం లేదు. తండ్రి పాత్రలో ఆకట్టుకున్నారు.  ఇక సినిమాలోని బీజీఎం '96' మూవీని తలపిస్తుంది. ఇక 'గరుడవేగ' అంజికి ఇది మొదటి సినిమా కావడంతో కాస్త తడబడినట్లు అనిపిస్తుంది. కానీ సినిమాను తెరకెక్కించడంలో సక్సెస్‌ అయ్యారు. రీ యూనియన్‌ సీన్లు ఇంకొంచెం బాగా రాసుకోవాల్సింది. సినిమాలోని డైలాగ్‌లు ఆకట్టుకుంటాయి. ఆలోచింపజేసేలా ఉంటాయి. మొత్తంగా ఈ 'టెన్త్ క్లాస్ డైరీస్‌' మీ స్కూల్‌ డేస్‌ జ్ఞాపకాల్లోకి తీసుకెళ్తుంది. చాలవరకు అన్ని వర్గాల ప్రేక్షకులను ఆకట్టుకుంటుందనే చెప్పవచ్చు.  -సంజు (సాక్షి వెబ్‌డెస్క్‌)

Avika Gor About Tenth Class Diaries Movie And Her Lover: ‘టెన్త్‌ క్లాస్‌ డైరీస్‌’ నా పాత్ర (చాందిని) చుట్టూ తిరుగుతుంది. చాందిని ఎక్కడ ఉంది? బతికి ఉందా? లేదా? అనే సస్పెన్స్‌ ఆసక్తికరంగా ఉంటుంది. చాందిని గురించి తెలుసుకోవాలని క్లాస్‌మేట్స్‌ ప్రయత్నిస్తారు. ఆ సస్పెన్స్‌ ఏంటో సినిమా చూసి తెలుసుకోవాలి’’ అని అవికా గోర్‌ అన్నారు. ‘గరుడవేగ’ కెమెరామేన్‌ అంజి దర్శకునిగా పరిచయమవుతున్న చిత్రం ‘టెన్త్‌ క్లాస్‌ డైరీస్‌’. అవికా గోర్, శ్రీరామ్‌ ముఖ్య పాత్రల్లో నటించారు. అజయ్‌ మైసూర్‌ సమర్పణలో అచ్యుత రామారావు .పి, రవితేజ మన్యం నిర్మించిన ఈ సినిమా జులై 1న విడుదలవుతోంది.  ఈ సందర్భంగా అవికా గోర్‌ మాట్లాడుతూ.. ‘‘టెన్త్‌ క్లాస్‌ డైరీస్‌’ స్వీట్‌ మూవీ. టెన్త్‌  క్లాస్‌ స్టూడెంట్స్‌ రీ యూనియన్‌ అయితే ఎలా ఉంటుందనేది చూపించారు. నేను పదో తరగతిలో ఉన్నప్పుడు ఒకవైపు ఎగ్జామ్స్‌ రాస్తూ.. మరోవైపు షూటింగ్స్‌ చేశాను. అచ్యుత రామారావు, రవితేజ మన్యం, అజయ్‌ మైసూర్‌ ఖర్చు విషయంలో ఎక్కడా రాజీ పడలేదు. సురేష్‌ బొబ్బిలి మంచి మ్యూజిక్‌ ఇచ్చారు. శ్రీరామ్‌తో నటించినప్పుడు ఎంతో నేర్చుకున్నాను. చదవండి: హార్ట్‌ సింబల్స్‌తో సమంత ట్వీట్‌.. నెట్టింట వీడియో వైరల్‌.. అంజి చాలా క్లారిటీ ఉన్న దర్శకుడు. ఆయన సినిమాటోగ్రాఫర్‌ కూడా కావడంతో విజువల్స్‌ బాగా తీశారు. నేను హిందీ సీరియల్స్‌ చేస్తుండటం వల్ల కొద్ది రోజులు తెలుగు సినిమాలు చేయలేకపోయాను. ఇక నా ప్రతి అడుగులో మిళింద్‌ (ప్రేమికుణ్ణి ఉద్దేశించి) ఉన్నాడు. జులై 1న ‘టెన్త్‌ క్లాస్‌ డైరీస్‌’ విడుదలవుతోంది. కుదిరితే ఒక్క రోజు ముందు నా పుట్టిన రోజున (జూన్‌ 30) ఆ సినిమా చూడాలనుకుంటున్నాను. నేను నటించిన ‘థ్యాంక్యూ’ వచ్చే నెలలో రిలీజ్‌ కానుంది. మరో తెలుగు సినిమా చేస్తున్నాను’’ అని తెలిపింది.

ఆడవారి మాటలకు అర్థాలే వేరులే' లాంటి సినిమాల్లో సపోర్టింగ్‌ రోల్స్‌ చేశా. కానీ ఇప్పుడు అటువంటి రోల్స్‌ వస్తే రిజెక్ట్‌ చేస్తున్నా. నాకు క్లోజ్‌ అయినవాళ్లు అడిగితే మాత్రం చేస్తా. నాకు తెలుగులో వరసగా సినిమాలు చేయాలని ఉంది. మంచి కథలు వస్తే ఇక్కడే సినిమాలు చేస్తా. లేదంటే తమిళంలో చేసుకుంటా. అక్కడ నా చేతిలో ఇప్పుడు ఆరు సినిమాలు ఉన్నాయి’అని హీరో శ్రీరామ్‌ అన్నారు. అవికా గోర్, శ్రీరామ్ ప్రధాన తారలుగా ఎస్ఆర్ మూవీ మేకర్స్, అన్విత అవని క్రియేషన్స్ పతాకాలపై రూపొందిన చిత్రం 'టెన్త్ క్లాస్ డైరీస్'. అచ్యుత రామారావు .పి, రవితేజ మన్యం సంయుక్తంగా నిర్మించారు. అజయ్ మైసూర్ సమర్పకులు. ఈ చిత్రంతో ప్రముఖ- ఛాయాగ్రాహకులు 'గరుడవేగ' అంజి దర్శకునిగా పరిచయం అవుతున్నారు. జూన్ 24న సినిమా ప్రేక్షకుల ముందుకు రానుంది. ఈ సందర్భంగా శ్రీరామ్ మీడియాతో ముచ్చటించారు. ఆ ఇంటర్వ్యూ విశేషాలు...      ఆయన టెన్త్ బ్యాచ్ రీ యూనియన్  కథే ‘టెన్త్‌ క్లాస్‌ డైరీస్‌’ సినిమాటోగ్రాఫర్ అంజితో నాకు పరిచయం ఉంది. తమిళంలో నాతో ఒక ప్రాజెక్ట్ చేయాల్సింది. అప్పుడు నా డేట్స్ కుదరలేదు. సినిమా చేయలేదు. అప్పుడు అంజితో ‘ర్శకుడిగా చేసే ఫస్ట్ ప్రాజెక్ట్ నా దగ్గరకు తీసుకు రావాలి'అని చెప్పాను. ఒక కథ ఉందని చెబితే... హైదరాబాద్ వచ్చి కలిశా. ఫర్ ఎ చేంజ్... దర్శకుడు కథ చెప్పలేదు. నిర్మాత అచ్యుత రామారావు గారు కథ చెప్పారు. ఆ తర్వాత తెలిసింది... ఆయనే కథ రాశారని! కథ విన్న వెంటనే 'మీ రియల్ లైఫ్ ఇన్సిడెంట్స్ ఏమైనా ఉన్నాయా?' అని అడిగా. అప్పుడు రామారావు ఎమోషనల్ అయ్యారు. మా బ్యాచ్ లో జరిగిందని చెప్పారు. ఆయన టెన్త్ బ్యాచ్ రీ యూనియన్ తర్వాత జరిగిన సంఘటనలే ఈ 'టెన్త్ క్లాస్ డైరీస్'. అయితే, కొంత ఫిక్షన్ ఉంది. సినిమాలో క్యారెక్టర్లు ఎవరో ఒకరు రిలేట్ చేసుకునేలా ఉంటాయి. ప్రతి ఒక్కరి జీవితంలో స్కూల్ డేస్ మెమొరబుల్ మూమెంట్స్. అటువంటి మూమెంట్స్ ను పిక్చరైజ్ చేశాం.  రియాలీటీగా తీశాం  మూవీ బేసిక్ కంటెంట్... రీ యూనియన్. హరిశ్చంద్రుడు అయినా, రాముడు అయినా ఇంకొకరి జీవితంలో విలన్ అనుకోవచ్చు. ఏదో ఒక తప్పు జరిగి ఉంటుంది. మన జీవితంలో కరెక్టుగా ఉన్నా ఇంకొకరి జీవితంలో చెడ్డోళ్లు అవుతాం. తెలిసో తెలియకో మనం ఎన్నో తప్పులు చేస్తూ ఉంటాం. అటువంటి ఒక తప్పు వల్ల ఎంత మంది జీవితం ఎలా మారుతుందనేదే ఈ మూవీ కాన్సెప్ట్‌ . రియాలిటీగా తీశాం. ఎంటర్టైన్మెంట్ కూడా ఉండేలా చూసుకున్నాం. రియల్ లైఫ్ క్యారెక్టర్స్ కూడా ఎంటర్టైనింగ్ రోల్స్ కావడంతో ఈజీ అయ్యింది. ఒక మనిషి అఘోర అయ్యారు. ఆయన రీ యూనియన్ కి అలాగే వచ్చారు. అన్ని చూపించాం రీ యూనియన్స్ లో చాలా మంది స్నేహితులు కలుస్తారు. అయితే,  అందరూ తమ ప్రయివేట్ లైఫ్ షేర్ చేసుకోరు. బావున్నానని చెబుతారు. క్లోజ్ అయిన వాళ్ళ దగ్గర మాత్రమే ఓపెన్ అవుతారు. మా సినిమాలో అన్నీ చూపించాం. అయితే, కొంత లైటర్ వీన్ లో చూపించాం.చాందిని పాత్రలో అవికా గోర్ నటించారు. చాందిని కోసం అన్వేషించడమే సినిమా. ఎప్పుడు కలుస్తామో మీరు ఊహించుకోవచ్చు.  'ఒకరికి ఒకరు'తర్వాత సంతృప్తి ఇచ్చిన చిత్రమిది సినిమాటోగ్రాఫర్ డైరెక్టర్ అయితే కమర్షియల్ సినిమా తీయాలి. ఆరు నుంచి అరవై ఏళ్ల వ్యక్తి దాకా అందరూ చూసే సినిమా చేయమని వాళ్ళను కోరుతున్నా. కామెడీ, ఎమోషన్, ఫీలింగ్స్... అన్నీ ఉండాలి. అంజి నైస్ ఎంటర్టైనింగ్ కమర్షియల్ సినిమాతో వచ్చారు. ఇదొక ఫీల్ గుడ్ ఫిల్మ్. ఇందులో లవ్, ఫ్రెండ్షిప్, హ్యూమర్... అన్నీ ఉన్నాయి. యాక్షన్, ఎమోషన్స్ కూడా! 'టెన్త్ క్లాస్ డైరీస్' అనేది పర్ఫెక్ట్ ప్యాకేజీ ఉన్న కమర్షియల్ సినిమా. 'ఒకరికి ఒకరు' తర్వాత నాకు సంతృప్తి ఇచ్చిన చిత్రమిది.తెలుగులో అంజితో మరో సినిమా డిస్కషన్స్‌ జరుగుతున్నాయి. రసూల్‌ కూడా ఓ స్క్రిప్ట్‌ రెడీ చేశాడు. 

Naga Chaitanya 'Thank You' Movie Release Date: ఇటీవలె బంగార్రాజుతో హిట్టు కొట్టిన నాగ చైతన్య ఇప్పుడు థ్యాంక్యూ మూవీతో ప్రేక్షకుల ముందుకు వస్తున్నాడు.  విక్రమ్‌ కుమార్‌ దర్శకత్వం వహించిన ఈ సినిమాలో నాగ చైతన్య, రాశిఖాన్నా హీరో,హీరోయన్లుగా నటించారు. మాళవికా నాయర్‌, అవికా గోర్‌లు కీలక పాత్రల్లో కనిపించనున్నారు. శ్రీ వెంకటేశ్వర క్రియేషన్స్‌ బ్యానర్‌పై దిల్‌రాజు, శిరీష్‌లు ఈ చిత్రాన్ని నిర్మిస్తున్నారు. ఇప్పటికే రిలీజైన పోస్టర్స్‌ ఆకట్టుకుంటున్నాయి. తాజాగా ఈ సినిమా నుంచి కీలక అప్‌డేట్‌ను విడుదల చేశారు. జూలై8న ఈ సినిమాను విడుదల చేస్తున్నట్లు అధికారిక పోస్టర్‌ను రిలీజ్‌ చేశారు. ఇందులో చైతూ లుక్‌ క్లాస్‌ అండ్‌ డిఫరెంట్‌గా ఉంది. కాగా ఈ సినిమా తర్వాత చై పరుశురామ్‌తో సినిమా చేయనున్నట్లు టాక్‌ వినిపిస్తుంది.  The date is set! Get ready to experience the magic of #ThankYouTheMovie on July 8th, 2022 in theaters @Vikram_K_Kumar@RaashiiKhanna_@MusicThaman @pcsreeram @BvsRavi #MalavikaNair @avika_n_joy @SaiSushanthR @SVC_official @adityamusic#ThankYouOnJuly8th pic.twitter.com/BWjD0BXdqU — chaitanya akkineni (@chay_akkineni) May 14, 2022

Avika Gor Bollywood Debut With Vikram Bhatt 1920 Horrors of Heart: 'చిన్నారి పెళ్లికూతురు' సీరియల్‌తో తెలుగు ప్రేక్షకులకు బాగా దగ్గరైంది నార్త్‌ బ్యూటీ అవికా గోర్. చైల్డ్‌ ఆర్టిస్ట్‌గా బుల్లితెరపై కెరీర్‌ను ప్రారంభించిన అవికా గోర్‌ వెండితెరపై తనదైన ముద్ర వేసుకుంది. 'ఉయ్యాల జంపాల' చిత్రంతో హీరోయిన్‌గా టాలీవుడ్‌లోకి ఎంట్రీ ఇచ్చిన విషయం తెలిసిందే. తర్వాత లక్ష్మీ రావే మా ఇంటికి, సినిమా చూపిస్తా మావ, ఎక్కడికి పోతావు చిన్నవాడ, రాజుగారి గది 3, నెట్‌, బ్రో సినిమాలతో ఆకట్టుకుంది. తాజాగా ఈ బ్యూటీ బాలీవుడ్‌లోకి గ్రాండ్‌గా అడుగు పెట్టనుంది.  ప్రముఖ బాలీవుడ్‌ దర్శకుడు విక్రమ్‌ భట్‌ డైరెక్ట్‌ చేసిన హార్రర్‌ మూవీ '1920'. 2008లో వచ్చిన ఈ చిత్రం ప్రేక్షకుల మన్ననలు పొందింది. ప్రస్తుతం ఈ సినిమాకు కొనసాగింపుగా తెరకెక్కుతున్న 1920 హారర్స్‌ ఆఫ్‌ ది హార్ట్‌ చిత్రంలో అవికా గోర్‌ను లీడ్‌ రోల్‌కు ఎంపికి చేసినట్లు విక్రమ్‌ భట్‌ ప్రకటించారు. ఈ సినిమాకు విక్రమ్‌ భట్‌ నిర్మాతగా వ్యవహరించగా, ఆయన కుమార్తె కృష్ణ భట్ దర్శకత్వం వహిస్తున్నారు. ఈ సినిమాకు రచయిత, దర్శకుడు మహేశ్ భట్‌ కథ అందిస్తున్నారు. కాగా అవికా గోర్‌ ఇదివరకు 'రాజుగారి గది 3'లో దెయ్యంగా భయటపెట్టిన విషయం తెలిసిందే. మరీ ఈ హిందీ చిత్రంలో ఏమేరకు భయపెడుతుందో చూడాలి. అలాగే ఈ సిరీస్‌లో 2012లో వచ్చిన '1920 ది ఈవిల్‌ రిటర్న్స్‌' సినిమాకు మిశ్రమ స్పందన లభించింది.  చదవండి: అప్పుడు నన్ను నేను చాలా అసహ్యించుకున్నా: హీరోయిన్‌ View this post on Instagram A post shared by Vikram Bhatt (@vikrampbhatt) చదవండి: నాన్న కంటే కొంచెం చిన్నోడితో బిడ్డను కన్నానా?: అవికా గోర్‌     var request = 'https://www.sakshi.com/knowwidget/kwstr_891253233.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

‘బాలికా వధు’ అనగానే గుర్తొచ్చే పేరు అవికా గోర్‌. ఆ టీవీ సీరియల్‌ ఆమెను అంత పాపులర్‌ చేసింది.  స్క్రిప్ట్‌ మీదే తప్ప ఫ్యాషన్‌ గురించి అంతగా పట్టదు ఆమెకు.  తెర మీద తన పాత్రను చూసుకోవడమే కానీ అద్దంలో తన ప్రతిబింబం చూసుకోవాలనే మోజు లేదు. అలాంటి అవికాను ఫ్యాషనబుల్‌గా  చూపించాలనే సవాలును తీసుకున్న బ్రాండ్‌ ఇదే..  హౌస్‌ ఆఫ్‌ పింక్‌ ఆధునిక మహిళ అభిరుచి, అవసరాలను గమనించి వాటికనుగుణమైన డిజైనర్‌ వేర్‌ను రూపొందించేందుకు ఏర్పడిన బ్రాండే ‘హౌస్‌ ఆఫ్‌ పింక్‌’. స్టయిల్‌ అండ్‌ సౌకర్యమే ప్రత్యేకతగా  దశాబ్దానికి పైగా కొనసాగుతోందీ ఫ్యాషన్‌ హౌస్‌. కేవలం కాటన్, చందేరీ ఫాబ్రిక్‌నే ఉపయోగిస్తుందీ బ్రాండ్‌. సంప్రదాయ కుట్టు కళే దీని ప్రధాన డిజైన్‌. అందుకే దేశం నలుమూలలో ఉన్న హస్తకళా కళాకారుల నైపుణ్యాన్ని ఉపయోగించుకుంటూ తన బ్రాండ్‌ వాల్యూను పెంచుకుంటోంది హౌస్‌ ఆఫ్‌ పింక్‌.  డ్రెస్‌  గోల్డ్‌ జరీ బూటా, చేతులకు జర్దోసీ వర్క్‌తో డిజైన్‌ చేసిన ఈ గ్రీన్‌ కలర్‌ చందేరీ లాంగ్‌ కుర్తాకు జతగా ప్లెయిన్‌ పలాజో ప్యాంట్, సిల్క్‌ దుపట్టా కూడా  రావడంతో సింప్లీ గ్రాండ్‌ లుక్‌తో అవికాను మెరిపిస్తోంది.  డ్రెస్‌ బ్రాండ్‌: హౌస్‌ ఆఫ్‌ పింక్‌ ధర: రూ. 18,500 అదే మన అందాన్ని పెంచుతుంది! ‘ఎలా కనిపిస్తున్నాను అనేదాని మీద నేనెప్పుడూ శ్రద్ధ పెట్టలేదు. ఆ మాటకొస్తే అందంగా కనిపించడమనేదాన్ని ఇష్టపడను. శ్రద్ధాసక్తులతో మనం చేసిన పనే మన సౌందర్యాన్ని పెంచుతుంది. అదే మనల్ని బయటి ప్రపంచానికి అందంగా చూపిస్తుందని నమ్ముతాను. నిజానికి నేను ప్రేక్షకుల నుంచి అందుకున్నది కూడా అదే. వాళ్లెప్పుడూ నా నటననే ప్రశంసించారు కానీ నా గ్లామర్‌ లుక్స్‌ను కాదు. సో.. నా పనే నా ఫ్యాషన్‌.. గ్లామర్‌.. ఫ్యాషన్‌.. అన్నీ!’ – అవికా గోర్‌ -దీపిక కొండి చదవండి: Fashion- Mouni Roy: ‘డెమె బై గాబ్రియేలా’.. మౌనీ రాయ్‌ కట్టుకున్న ఈ చీర ధరెంతో తెలుసా?

I hated myself so much Says Heroine Avika Gor: చిన్నారి పెళ్లికూతురు సీరియల్‌తో దేశ వ్యాప్తంగా ఎంతోమంది అభిమానులను సంపాదించుకున్న నటి అవికా గోర్‌. సీరియల్‌లో తన ముద్దు ముద్దు మాటలు, క్యూట్‌ ఎక్స్‌ప్రెషన్స్‌కి ఫిదా అవ్వని ప్రేక్షకులు ఉండరంటే అది అతిశయోక్తి కాదు. ఇక డబ్బింగ్‌ సీరియల్‌తో తెలుగువారికి సైతం ఎంతో దగ్గరైంది. అయితే ఈ సీరియల్‌ చేస్తున్నప్పుడు మాత్రం తాను సంతోషంగా లేనని పేర్కొంది. తాజాగా  ఓ ఇంటర్వ్యూలో మాట్లాడిన అవికా ఈ మేరకు పలు ఆసక్తికర విషయాలను పంచుకుంది. 'సీరియల్‌ చేస్తున్న సమయానికి నేనంత ఫిట్‌గా లేను. దీంతో నన్ను నేను చాలా అసహ్యించుకున్నాను. స్క్రీన్‌పై ఎలా కనిపిస్తున్నానే విషయాన్ని కూడా పట్టించుకునేదాన్ని కాదు. అసలు అద్దంలో నా ముఖాన్ని చూసుకునేందుకు కూడా ఇష్టపడేదాన్ని కాదు. కానీ నేను ఎలా కనిపిస్తున్నాననే దానికంటే కూడా నా నటనకే ప్రేక్షకులు కనెక్ట్‌ అయ్యారు. ఆ విషయంలో వారికి ఎప్పటికీ రుణపడి ఉంటాను' అని పేర్కొంది. ఇక ఉయ్యాల జంపాల సినిమాతో హీరోయిన్‌గా పరిచయం అయిన ఈ భామ ప్రస్తుతం కల్యాణ్‌ దేవ్‌తో కలిసి ఓ సినిమాలో నటిస్తుంది.

అవికా గోర్, శ్రీరామ్‌ ప్రధాన పాత్రధారులుగా కెమెరామేన్‌ ‘గరుడవేగ’ అంజి దర్శకుడిగా పరిచయమవుతున్న చిత్రం ‘టెన్త్‌ క్లాస్‌ డైరీస్‌’. అచ్యుత రామారావు, పి. రవితేజ మన్యం నిర్మించిన ఈ చిత్రం టీజర్‌ ఈ నెల 26న విడుదల కానుంది. తాజాగా ఈ సినిమాలోని ‘సిలకా.. సిలకా.. రామా సిలకా.. ఏదో ఉందే మెలికా..’ అంటూ సాగే స్పెషల్‌ సాంగ్‌ లిరికల్‌ వీడియోను శనివారం విడుదల చేశారు. కాసర్ల శ్యామ్‌ లిరిక్స్‌ అందించిన ఈ పాటను ఇండియన్‌ ఐడల్‌ రేవంత్‌ పాడారు. సురేష్‌ బొబ్బిలి ఈ చిత్రానికి మ్యూజిక్‌ డైరెక్టర్‌. ఈ సందర్భంగా ‘గరుడ వేగ’ అంజి మాట్లాడుతూ – ‘‘ప్రధాన తారాగణంతో పాటు 150 మంది జూనియర్‌ ఆర్టిస్టులు, 30 మంది డ్యాన్సర్స్‌పై ఈ పాటను తెరకెక్కించాం. ఈ పాటలో ఇద్దరు ముంబై డ్యాన్సర్స్‌ స్పెషల్‌ అట్రాక్షన్‌గా కనిపిస్తారు. ఈ సినిమా చిత్రీకరణ పూర్తయింది. ప్రస్తుతం పోస్ట్‌ ప్రొడక్షన్‌ వర్క్స్‌ జరుగుతున్నాయి’’ అన్నారు. ‘‘రోజ్‌ విల్లా, ‘ముగ్గురు మొనగాళ్లు’ తర్వాత మేం చేస్తోన్న మూడో చిత్రం ఇది. టెన్త్‌ క్లాస్‌ చదివిన ప్రతి ఒక్కరూ చూడాల్సిన చిత్రం ఇది’’ అన్నారు అచ్యుత రామారావు. 

చిన్నారి పెళ్లికూతురు సీరియల్‌ అంటే చాలు అందరికి గుర్తుకొచ్చే ఏకైక పేరు అవికా గోర్‌. ఆ సీరియల్‌తో తెలుగు ప్రేక్షకులకు బాగా దగ్గరైంది ఈ నార్త్‌ బ్యూటీ.  చైల్డ్‌ అర్టిస్ట్‌గా బుల్లితెరపై కెరీర్‌ని ప్రారంభించిన అవికా.. ప్రస్తుతం వెండితెరపై దూసుకెళ్తోంది. తెలుగులో 'ఉయ్యాల జంపాల' మూవీతో హీరోయిన్‌గా టాలీవుడ్‌ ఎంట్రీ ఇచ్చింది ఈ ‘చిన్నారి పెళ్లికూతురు’. తొలి సినిమాతోనే తనదైన నటనతో అందరిని ఆకర్షించింది. తాజాగా ఈ బ్యూటీ నవీన్‌ చంద్రతో కలిసి ‘బ్రో’సినిమాలో నటిస్తోంది. మరాఠీలో విజయవంతమైన ‘హ్యాపీ జర్నీ’కు రీమేక్‌గా వస్తున్న ఈ చిత్రంలో నవీన్‌ చంద్రకు చెల్లెలిగా నటించింది అవికా. ఈ మూవీ ప్రమోషన్స్‌లో భాగంగా ఆదివారం ‘సాక్షి’కి ప్రత్యేక ఇంటర్వ్యూ ఇచ్చింది. ఈ సందర్భంగా అవికా పలు ఆసక్తికర విషయాలను పంచుకుంది. తనపై వచ్చే రూమర్స్‌ని పెద్దగా పట్టించుకోనని చెప్పింది. తనకు ముగ్గురు, నలుగు బాయ్‌ఫ్రెండ్స్‌ ఉన్నారని, ఓ బేబీకి జన్మనిచ్చిందని కూడా పుకార్లు వచ్చాయని, వాటిని చూసి నవ్వుకుంటానే తప్ప.. పెద్దగా పట్టించుకోనని చెప్పింది. ఇక తన బ్యూటీ రహస్యం ఏంటని అడగ్గా.. వాటర్‌ని బాగా తాగాలని, 8 గంటలు ప్రశాంతంగా నిద్రపోవాలని, వర్కౌట్‌ బాగా చేయాలని చెప్పింది. ఈ విషయంలో తనకు కత్రినాకైఫ్‌, పూజా హెగ్డే, రష్మికలే ఆదర్శమని చెప్పింది. ఇక తనకు టాలీవుడ్‌గా ఇష్టమైన హీరో అల్లు అర్జున్‌ అని, ఆయన డాన్స్‌ అంటే చాలా ఇష్టమని చెప్పింది. బన్నీతో పాటు నాగార్జున అంటే కూడా చాలా ఇష్టమని తెలిపిందే. వీరిద్దరి సినిమాల్లో నటించే అవకాశం వస్తే అస్సలు వదుకోనని చెప్పింది. ఇంకా అవికా ఏమేమి చెప్పిందో ఈ వీడియోలో చూడండి

'చిన్నారి పెళ్లికూతురు' సీరియల్‌తో చైల్డ్‌ అర్టిస్ట్‌గా బుల్లితెర ప్రేక్షకులకు దగ్గరైంది నటి అవికా గోర్‌. తెలుగులో 'ఉయ్యాల జంపాల' మూవీతో హీరోయిన్‌గా టాలీవుడ్‌ ఎంట్రీ ఇచ్చింది. ఆ తర్వాత 'లక్ష్మీ రావే మా ఇంటికి', 'సినిమా చూపిస్త మావ', 'ఎక్కడికి పోతావు చిన్నవాడ' వంటి వరుస సినిమాల్లో నటించిన అందం, అభినయంతో తెలుగు ప్రేక్షకులకు దగ్గరైంది. ఇక ఆ తర్వాత సినిమాలకు కాస్తా బ్రేక్‌ ఇచ్చిన అవికా ఆ తర్వాత బాలీవుడ్‌కు మాకాం మార్చింది. ఈ క్రమంలో అక్కడ ప్రైవేటు సాంగ్స్‌, అల్భమ్స్‌తో బిజీ అయిపోయింది. ఈ క్రమంలో నాగచైతన్య, రాశిఖన్నాల థ్యాంక్యూ చిత్రంతో తిరిగి తెలుగు సినిమాల్లోకి రీఎంట్రీ ఇస్తోంది. ఇటీవల నెట్‌ సినిమాతో ఫ్యాన్స్‌ను పలకరించింది. ఇక ఇప్పుడు ఆమె ‘బ్రో’ అనే కొత్త సినిమాతో రాబోతోంది. ఇటీవల ఈ సినిమాకు సంబంధించిన ఈవెంట్‌ హైదరాబాద్‌లో జరగగా ఈ కార్యక్రమంలో అవికా సందడి చేసింది. ఈ సందర్భంగా ఎన్నో ప్రశ్నలకు సమాధానాలు చెప్పింది. బ్రో చిత్రంలో నటుడు నవీన్‌ చంద్రకు చెల్లెలిగా నటించింది అవికా. ఇదిలా ఉంటే అవికా హైదరాబాద్‌కు చెందిన వ్యక్తితో కొంతకాలంగా ప్రేమయాణం సాగిస్తోన్న సంగతి తెలిసిందే. ఇటీవల ఓ ఇంటర్వ్యూలో పాల్గోన్న అవికా తన ప్రేమ, పెళ్లిపై స్పందిస్తూ.. హైదరాబాద్‌కు చెందిన మిలింద్‌ చంద్వానీతో ప్రేమలో మునిగి తేలుతున్నట్లు చెప్పింది. త్వరలోనే అతడితో ఏడడుగులు కూడా వేయబోతున్నట్లు స్పష్టం చేసింది.

హీరోయిన్‌ అవికాగోర్, క‌మెడియ‌న్ రాహుల్ రామ‌కృష్ణ కాంబోలో వ‌స్తున్న చిత్రం ‘నెట్’. క్రైం థ్రిల్ల‌ర్ నేపథ్యంలో తెరకెక్కిన ఈ మూవీ ట్రైల‌ర్‌ను మేకర్స్‌ విడుదల చేశారు. అవికాగోర్‌.. ప్రియ అనే అమ్మాయి పాత్ర షోషించగా.. అశ్లీల చిత్రాలు వీక్షించే యువకుడిగా రాహుల్‌ కనిపిస్తాడు. ఈ క్రమంలో  ప్రియ ఇంట్లో సీక్రెట్‌ కెమెరాలను ఉంచి వాటి ద్వారా ఆమె ప్రతి కదలికలను గమనించిన రాహుల్‌ చివరకు ఎలాంటి చిక్కుల్లో పడతాడు, ప్రియ జీవితాన్ని సీక్రెట్‌ కెమెరాలతో చిత్రీకరించింది ఎవరు? ఇలాంటి ఎన్నో ఆసక్తికర అంశాలతో ఈ మూవీని రూపొందించారు.  ఈ టైలర్‌ విషయానికోస్తే.. మ‌హిళ‌ల గోప్య‌త‌, భ‌ద్ర‌త లాంటి అంశాల‌పై చ‌ర్చ‌ను లేవ‌నెత్తేలా ఈ ట్రైలర్‌ కొనసాగుతుంది. నరేశ్ కుమ‌ర‌న్ అందించిన బ్యాక్ గ్రౌండ్ స్కోర్ చాలా కొత్త‌గా ఉంది. అభిరాజ్ నాయ‌ర్ సినిమాటోగ్ర‌పీ, ఎడిట‌ర్ ర‌వితేజ గిరిజాల ప‌ర్ ఫెక్ట్ క‌ట్స్‌తో అందించిన ఈ ట్రైల‌ర్ సినిమాపై మరింత హైప్‌ క్రియేట్‌ చేస్తోంది. అవికాగోర్ చాలా కాలం త‌ర్వాత తన గ్లామర్‌తో ఆకట్టుకోనుంది. భార్గ‌వ్ మాచ‌ర్ల ద‌ర్శ‌క‌త్వం వ‌హిస్తున్న ఈ చిత్రాన్ని త‌మాడా మీడియా బ్యాన‌ర్ పై రాహుల్ త‌మాడా, సాయి దీప్ రెడ్డి బొర్రా నిర్మిస్తున్నారు. జీ 5 ఓటీటీ ప్లాట్ ఫాంలో సెప్టెంబ‌ర్ 10న ఈ మూవీ విడుదల కానుంది.

♦ అదంటే తనకు ప్యార్‌ అంటోన్న సిమ్రత్‌ కౌర్‌ ♦ బుర్జ్‌ ఖలీఫా మీద సిద్ధార్థ్‌ ఫొటో ♦ సాయంత్రాలను ఎంజాయ్‌ చేస్తున్న సింగర్‌ సునీత ♦ దీన్ని చూసినట్లుగా ఇంకెవర్నీ చూడలేదంటోన్న రాశీ ఖన్నా ♦ నైట్‌ షూటింగ్‌ అయినా రెడీనే అంటోన్న నిఖిల్‌ ♦ జిమ్‌లో వర్కవుట్స్‌ చేసిన సమంత ♦ స్పైడర్‌మ్యాన్‌ ఒకటే డ్రెస్‌ ఎందుకు వేసుకుంటాడో అర్థం కాదంటున్న ఊర్వశి రౌతేలా ♦ స్విమ్మింగ్‌ పూల్‌లో సేద తీరుతున్న అమీ జాక్సన్‌ ♦ టైటిల్‌ పోస్టర​ రిలీజ్‌ చేసిన రష్మికకు థ్యాంక్స్‌ చెప్పిన అవికా గోర్‌ View this post on Instagram A post shared by Simrat Kaur (@simratkaur_16) View this post on Instagram A post shared by Siddharth (@worldofsiddharth) View this post on Instagram A post shared by Sunitha Upadrasta (@upadrastasunitha) View this post on Instagram A post shared by Raashii Khanna (@raashiikhanna) View this post on Instagram A post shared by Aishwarya Rajesh (@aishwaryarajessh) View this post on Instagram A post shared by Nidhhi Agerwal 🌟 (@nidhhiagerwal) View this post on Instagram A post shared by Nikhil Siddhartha (@actor_nikhil) View this post on Instagram A post shared by S (@samantharuthprabhuoffl) View this post on Instagram A post shared by Anupama Parameswaran (@anupamaparameswaran96) View this post on Instagram A post shared by Anupama Parameswaran (@anupamaparameswaran96) View this post on Instagram A post shared by Kriti (@kritisanon) View this post on Instagram A post shared by Naina Ganguly ❤ (@nainaganguly) View this post on Instagram A post shared by Naina Ganguly ❤ (@nainaganguly) View this post on Instagram A post shared by Kriti (@kritisanon) View this post on Instagram A post shared by Keerthy Suresh (@keerthysureshofficial) View this post on Instagram A post shared by D E E P T H I R E D D Y 🇮🇳 (@deepthi_sunaina) View this post on Instagram A post shared by Ritika Singh (@ritika_offl) View this post on Instagram A post shared by Raai Laxmi (@iamraailaxmi) View this post on Instagram A post shared by URVASHI RAUTELA 🇮🇳Actor🇮🇳 (@urvashirautela) View this post on Instagram A post shared by Jacqueline Fernandez (@jacquelinef143) View this post on Instagram A post shared by URVASHI RAUTELA 🇮🇳Actor🇮🇳 (@urvashirautela) View this post on Instagram A post shared by Ileana D'Cruz (@ileana_official) View this post on Instagram A post shared by Jasmin Bhasin (@jasminbhasin2806) View this post on Instagram A post shared by Amy Jackson (@iamamyjackson) View this post on Instagram A post shared by Nivetha Thomas (@i_nivethathomas) View this post on Instagram A post shared by Anasuya Bharadwaj (@itsme_anasuya) View this post on Instagram A post shared by Amy Jackson (@iamamyjackson) View this post on Instagram A post shared by Avika Gor (@avikagor) View this post on Instagram A post shared by Adah Sharma (@adah_ki_adah)

ఆది సాయి కుమార్‌ కెరీర్‌లోనే భారీ బడ్జెట్‌తో రూపొందుతున్న చిత్రం ‘అమరన్‌ ఇన్‌ ది సిటీ-చాప్టర్‌ 1’. ఎస్‌.బల‌వీర్‌ దర్శకుడిగా పరిచయం చేస్తూ ఎస్‌వీఆర్ ఈ చిత్రాన్ని నిర్మిస్తున్నారు. ఆది పవర్ ఫుల్ పోలీస్ ఆఫీసర్ గా నటిస్తున్న ఈ చిత్రంలో అవికా గోర్ నాయికగా నటిస్తోంది. సిల్వర్ స్క్రీన్ పై ఇప్పటి వరకు రాని కొత్త కథా నేపథ్యంతో 'అమరన్‌’రూపొందుతుంది. ఈ మూవీ షూటింగ్‌ ఇటీవల హైదరాబాద్‌లో ప్రారంభమైంది. ఈ ఫస్ట్‌ షెడ్యూల్‌లో భారీ బడ్జెట్‌తో నిర్మించిన పోలీస్‌ స్టేషన్‌ సెట్‌లో షూటింగ్‌ చేస్తున్నారు.  దీంతో పాటు నగర పరిసర ప్రాంతాల్లో కీలక సన్నివేశాల చిత్రీకరణ జరపనున్నారు. ఆది సాయి కుమార్ సరికొత్త లుక్ లో కనిపించనున్న ఈ చిత్రంలో గ్రాఫిక్స్ కు ప్రాధాన్యత ఉండబోతోంది. సాయి కుమార్, ఆదిత్య ఓం, కృష్ణుడు, మనోజ్‌ నందన్‌, వీర శంకర్, అయన్, శృతి, రోషన్, మధు మణి తదితరులు ఇతర పాత్రల్లో నటిస్తున్న ఈ చిత్రానికి కృష్ణ చైతన్య సంగీతం అందిస్తున్నారు.

‘చిన్నారి పెళ్లి కూతురు’ ఫేమ్‌ అవికా గౌర్‌ తన సహ నటుడు మనీశ్‌ రాయ్‌సింఘన్‌తో కొంతకాలంగా డేటింగ్‌లో ఉందని, వారిద్దరికి సీక్రెట్‌గా ఓ బిడ్డ కూడా ఉందంటూ రూమర్స్‌ వచ్చిన సంగతి తెలిసిందే. దీంతో ఇది కాస్తా సోషల్‌ మీడియాలో హాట్‌ టాపిక్‌గా మారింది. దీనిపై అవికా స్పందిస్తూ.. ‘మనీష్‌ తనకు కేవలం మంచి స్నేహితుడు మాత్రమే. మేము ఓ బిడ్డను కన్నామని, ఆ విషయాన్ని సీక్రెట్‌గా ఉంచామని అంటున్నారు. అది పూర్తిగా అవాస్తవం’ అంటూ ఈ రూమర్స్‌కు చెక్‌ పెట్టింది. అలాగే  దీనిపై నటుడు మనీశ్‌  రాయ్‌సింఘన్‌ కూడా తాజాగా స్పందించాడు.  ఓ ఛానల్‌కు ఇచ్చిన ఇంటర్వ్యూలో మనీశ్‌ మాట్లాడుతూ... అవీకా, తను సీక్రెట్‌ రిలేషన్‌లో ఉన్నారంటూ వస్తున్న వార్తల్లో ఏమాత్రం నిజం లేదని వెల్లడించాడు. ‘అవికా నేను మంచి స్నేహితులం. తను చెప్పినట్లుగా మా మధ్య 18 ఏళ్ల వ్యత్యాసం ఉంది. నేను తనకంటే 18 ఏళ్లు పెద్దవాడిని. సస్రూల్‌ సిమర్‌ కా సీరియల్‌ నుంచి మా మధ్య మంచి స్నేహబంధం కొనసాగుతుంది. ఇక మాకు సీక్రెట్‌గా ఓ బిడ్డ కూడా జన్మించిందని అనడం దారుణం. ఇది విని మొదట షాక్‌ అయ్యాను. కానీ ఇలాంటివి ఎలా సృష్టిస్తారా? అని ఆ తర్వాత నవ్వుకున్న. ఇది చూసి నా భార్య సంగీత కూడా నవ్వుకుంది’ అంటూ అతడు చెప్పుకొచ్చాడు.  కాగా మనీశ్‌ రాయ్‌సింఘన్‌ గతేడాది జూన్‌లో భార్య సంగీతను ప్రేమ వివాహం చేసుకున్నాడు. ఇక అవికా కూడా ప్రస్తుతం హైదరాబాద్‌కు చెందిన ఎమ్‌టీవీ రౌడీస్‌ కంటెస్టెంట్‌ మిలింద్‌ చంద్వాణీతో ప్రేమలో ఉన్నట్లు ఇటీవల అధికారికంగా ప్రకటించిన విషయం తెలిసిందే. త్వరలోనే తననే పెళ్లి చేసుకోబోతున్నట్లు ఇటీవల స్పష్టం చేసింది. కాగా చిన్నారి పెళ్లి కూతురు సీరియల్‌తో తెలుగులో బాల నటిగా మంచి గుర్తింపు తెచ్చుకున్న అవికా ఆ తర్వాత ‘ఉయ్యాల జంపాల’ సినిమాతో హీరోయిన్‌‌గా ఎంట్రీ ఇచ్చింది. సౌత్‌లో పలు సినిమాల్లో నటించి ఫేమ్ తెచ్చుకున్న ఆమె ప్రస్తుతం నాగ చైతన్య, రాశీఖన్నాల 'థాంక్యూ' సినిమాలో నటిస్తోంది. చదవండి:  నాన్న కంటే కొంచెం చిన్నోడితో బిడ్డను కన్నానా?: అవికా గోర్‌ పెళ్లికి సిద్దం, అతడు ఎప్పుడంటే అప్పుడే: హీరోయిన్‌

అవికా గోర్‌.. సినిమాల్లోకి రాకముందే ఆమె అందరికీ తెలుసు. 'బాలికా వధు'గా హిందీ ప్రేక్షకులకు, 'చిన్నారి పెళ్లికూతురు'గా తెలుగు వీక్షకులకు ఆమె సుపరిచితురాలు. తర్వాత ఆమె 'ససురాల్‌ సిమర్‌ కా' అనే మరో సీరియల్‌లోనూ నటించింది. అందులో నటుడు మనీశ్‌ రాయ్‌సింఘన్‌తో కలిసి పని చేసింది. అయితే ఈ ఇద్దరి మధ్య ఏదో సంబంధం ఉందని, వీళ్లు సీక్రెట్‌గా ఓ బిడ్డను కూడా కన్నారని బాలీవుడ్‌లో గుసగుసలు వినిపించాయి. తాజాగా దీనిపై స్పందించిన అవికా.. అందుకు ఆస్కారమే లేదని కుండ బద్ధలు కొట్టేసింది. 'మేం ఓ బిడ్డను కన్నామని, ఆ విషయాన్ని సీక్రెట్‌గా ఉంచామని అంటున్నారు. అది పూర్తిగా అవాస్తవం. 13 ఏళ్ల వయసులో నటిగా ప్రయాణం ప్రారంభించినప్పటి నుంచి మనీశ్‌ నాకు స్నేహితుడు. అతడికి నా జీవితంలో ప్రత్యేక స్థానం ఉంది. అతడి నుంచి చాలా నేర్చుకున్నాను. మా మధ్య ఏదైనా జరిగిందేమోనని ఇప్పటికీ చాలామంది అడుగుతున్నారు' 'కానీ ఏం చెప్పను? అతడు మా నాన్న కంటే కొంచెం చిన్నవాడు. సరిగ్గా చెప్పాలంటే మా నాన్న వయసు. ఇక మా ఇద్దరి మధ్య సంబంధం ఉందని వచ్చిన కథనాలు మొదట్లో మా మీద ప్రభావాన్ని చూపించాయి. రెండు వారాలపాటు మేమిద్దరం మాట్లాడుకోలేదు కూడా! కానీ మళ్లీ అలాంటి పుకార్లు వస్తూనే ఉంటడంతో అసలు దూరంగా ఉండటంలో అర్థం లేదనిపించింది. ఇద్దరం క్లోజ్‌ ఫ్రెండ్స్‌లా కలిసిపోయాం. మా గురించి రాసిన గాసిప్‌ వార్తలు చదివి ఇప్పటికీ సరదాగా నవ్వుకుంటున్నాం' అని అవికా గోర్‌ చెప్పుకొచ్చింది. చదవండి: పెళ్లికి సిద్దం, అతడు ఎప్పుడంటే అప్పుడే: అవికా గోర్‌

♦ ర్యాండమ్‌ ఫొటో షేర్‌ చేసిన అనుష్క శర్మ ♦ బర్త్‌డే సెలబ్రేషన్స్‌లో అంజలి ♦ వకీల్‌సాబ్‌ ప్రమోషన్స్‌ టైమ్‌లో అలా.. అంటోన్న అనన్య నాగల్ల ♦ అందాలతో కవ్విస్తోన్న అనసూయ ♦ ఫ్రెండ్స్‌తో పూల్‌లో ఎంజాయ్‌ చేసిన సారా అలీఖాన్‌ ♦ సూర్యకాంతి అవసరమంటోన్న రాశీ ఖన్నా ♦ స్నేహగీతం పాడుతున్న మధుప్రియ ♦ మహర్షి సినిమా స్టిల్‌ షేర్‌ చేసిన పూజా హెగ్డే ♦ ఫ్రేమ్స్‌తోపాటు తన ఫీలింగ్స్‌ కూడా నిల్‌ అంటోన్న హెబ్బా పటేల్‌ ♦ రోడ్డు పక్కన కాఫీ తాగడం మిస్‌ అవుతున్నానంటోన్న తాప్సీ పన్ను ♦ ఇన్‌స్టాగ్రామ్‌లో 38 మిలియన్ల అభిమానులను సొంతం చేసుకున్న ఊర్వశి రౌతేలా ♦ పొట్టి డ్రెస్సులో అషు డ్యాన్సులు ♦ ఆ ప్రైజ్‌మనీ మొత్తం ఇచ్చేశానంటోన్న అవికా గోర్‌ ♦ దోస్త్‌తో ఫస్ట్‌ రీల్‌ చేశానంటోన్న అరియానా గ్లోరీ View this post on Instagram A post shared by Keerthy Suresh (@keerthysureshofficial) View this post on Instagram A post shared by Pooja Hegde (@hegdepooja) View this post on Instagram A post shared by AnushkaSharma1588 (@anushkasharma) View this post on Instagram A post shared by Anjali (@yours_anjali) View this post on Instagram A post shared by Ananya Nagalla (@ananya.nagalla) View this post on Instagram A post shared by Anasuya Bharadwaj (@itsme_anasuya) View this post on Instagram A post shared by Sara Ali Khan (@saraalikhan95) View this post on Instagram A post shared by Raashii Khanna (@raashiikhanna) View this post on Instagram A post shared by Kalpika Ganesh (@iamkalpika) View this post on Instagram A post shared by Kirti Kulhari (@iamkirtikulhari) View this post on Instagram A post shared by Pragya Jaiswal (@jaiswalpragya) View this post on Instagram A post shared by Hebah Patel (@ihebahp) View this post on Instagram A post shared by Kritika Kamra (@kkamra) View this post on Instagram A post shared by Kriti Kharbanda (@kriti.kharbanda) View this post on Instagram A post shared by Taapsee Pannu (@taapsee) View this post on Instagram A post shared by Madhupriya (@madhupriya_peddinti) View this post on Instagram A post shared by URVASHI RAUTELA 🇮🇳Actor🇮🇳 (@urvashirautela) View this post on Instagram A post shared by URVASHI RAUTELA 🇮🇳Actor🇮🇳 (@urvashirautela) View this post on Instagram A post shared by Ashu Reddy❤️ (@ashu_uuu) View this post on Instagram A post shared by Richa Chadha (@therichachadha) View this post on Instagram A post shared by Avika Gor (@avikagor) View this post on Instagram A post shared by Ariyana Glory (@ariyanaglory)

'చిన్నారి పెళ్లికూతురు' సీరియల్‌తో బుల్లితెర ప్రేక్షకులకు దగ్గరైంది నటి అవికా గోర్‌. తెలుగులో 'ఉయ్యాల జంపాల' మూవీతో హీరోయిన్‌గా టాలీవుడ్‌ ఎంట్రీ ఇచ్చింది. ఆ తర్వాత 'లక్ష్మీ రావే మా ఇంటికి', 'సినిమా చూపిస్త మావ', 'ఎక్కడికి పోతావు చిన్నవాడ' వంటి పలు సినిమాల్లోనూ నటించి హీరోయిన్‌గా మంచి గుర్తింపు తెచ్చుకున్న అవికాకు ప్రస్తుతం. తెలుగులో సినిమాలు అవకాశాలు తగ్గిపోయాయి. దీంతో బాలీవుడ్‌కు మాకాం మార్చిన ఈ భామ ఇటీవల హిందీలో కాదిల్‌ అనే ప్రైవేట్‌ సాంగ్‌లో నటుడు ఆదిల్‌ ఖాన్‌ సరసన ఆడిపాడింది. ఈ నేపథ్యంలో వరుస ఆఫర్లు దక్కించుకుంటున్న ఆమె త్వరలోనే పెళ్లి పీటలు ఎక్కేందుకు సిద్దమైంట. ఇటీవల ఓ ఇంటర్వ్యూలో పాల్గోన్న అవికా తన ప్రేమ, పెళ్లి విషయమై నోరు విప్పింది. కొంతకాలంగా ఆమె హైదరాబాద్‌కు చెందిన మిలింద్‌ చంద్వానీతో ప్రేమలో మునిగి తేలుతున్న సంగతి తెలిసిందే. ఈ విషయాన్ని ఆమె గతేడాది సోషల్‌ మీడియాలో అధికారికంగా వెల్లడించింది. హిందీలో రోడీస్‌ 17 కంటెస్టెంట్‌ వచ్చిన మిలింద్‌ ఓ ఎన్‌జీవో సంస్థను నడుపుతున్నాడు. ఈ క్రమంలో ఓ ఎన్జీవో కార్యక్రమంలో పాల్గోన్న అప్పుడే వీరిద్దరూ ప్రేమలో పడినట్లు ఆమె తెలిపింది. ఈ సందర్భంగా అవికా మాట్లాడుతూ.. ‘నేను మిలింద్‌ను హైదరాబాద్‌లో కలుసుకున్నాను. ఓ ఎన్జీవో కోసం పనిచేస్తున్న క్రమంలో అక్కడే ఫస్ట్‌టైం చూశాను. తొలిచూపులోనే అతడికి ఇంప్రెస్‌ అయ్యా. అయితే మాది లవ్‌ ఎట్‌ ఫస్ట్‌ సైట్‌ కాదు. ఒకరిని గురించి ఒకరం పూర్తిగా అర్థం చేసుకున్నాకే మా ప్రేమను వ్యక్తం చేసుకున్నాం. చెప్పాలంటే దక్షిణాది సినిమాల ప్రేమకథలా ఉంటుంది మా లవ్‌స్టోరీ’ అంటు చెప్పుకొచ్చింది. ఇక పెళ్లి ఎప్పుడని హోస్ట్‌ అడగ్గా.. ‘ఇప్పుడే నాది పెళ్లి వయసు కాదు. కానీ మిలింద్‌ చేసుకుందామని అడిగితే దానికి నేను రెడీగా ఉన్నాను. తను రేపే పెళ్లి చేసుకుందామన్నా కూడా అందుకు నేను సిద్దం’ అని అవికా పేర్కొంది. అంతేగాక మిలింద్‌ పెళ్లి చేసుకునేందుకు సిద్దంగా ఉన్నాడని అతడు ఏ క్షణానైనా అడిగేలా ఉన్నాడంటు ఆమె చమత్కరించింది. ఇదంతా చూస్తుంటే అవికా త్వరలోనే పెళ్లి పీటల ఎక్కనున్నట్లు కనిపిస్తోంది.  View this post on Instagram A post shared by Avika Gor (@avikagor)

అవికా గోర్‌.. చిన్నారి పెళ్లికూతురుగా చాలామందికి ఆమె చిన్నప్పటి నుంచే పరిచయం.. బాలనటిగా కెరీర్‌ ప్రారంభించిన అవికా తర్వాత సినిమాల్లోనూ ఎంట్రీ ఇచ్చింది. ఇండస్ట్రీలో బిజీగా ఉన్న ఈ భామ ఆ మధ్య తన ప్రియుడిని సైతం పరిచేసింది. మిలింద్‌ చంద్వానీతో ప్రేమలో ఉన్నానని, కానీ ఇప్పుడప్పుడే పెళ్లి చేసుకోమని తేల్చి చెప్పింది. ఇదిలా వుంటే అవికా కరోనా విజృంభణను చూసి భయపడిపోతోంది. ఈ మేరకు సోషల్‌ మీడియాలో సుదీర్ఘ లేఖను షేర్‌ చేసింది. "బయట పరిస్థితులు భయంకరంగా ఉన్నాయి. అధికారిక లెక్కల ప్రకారం కరోనా వల్ల దాదాపు 2 లక్షల మంది చనిపోయారు. కానీ ఈ సంఖ్య నాలుగైదు రెట్లు ఎక్కువే ఉండి ఉంటుంది.  17 మిలియన్ల మంది వైరస్‌ బారిన పడ్డారు. వారిలో చాలామంది భవిష్యత్తులోనూ అనారోగ్యంతో బాధపడే అవకాశం ఉంది. ఈ కరోనాను డీల్‌ చేయడం వైద్యారోగ్య విభాగానికి తలకు మించిన భారంగా మారింది. కాబట్టి ఈ వైరస్‌ను నియంత్రించేందుకు మనం చేయగలిగేదంతా చేద్దాం.. నా కుటుంబం కూడా దీనితో పోరాడింది. నాకు చాలా భయమేసింది. కానీ ఈ పోరాటంలో వాళ్లు విజయం సాధించారు. కానీ ఎవరికీ ఇలాంటి పరిస్థితులు రావద్దు. కరోనాను జయించిన వాళ్లు దయచేసి ప్లాస్మాదానానికి ముందుకు రండి. అందరూ వ్యాక్సిన్‌ వేయించుకోండి. ఇది మిమ్మల్ని వైరస్‌ బారిన పడకుండా ఆపలేదు కావచ్చు, కానీ అది మీకు చేసే హానిని తగ్గిస్తుంది. View this post on Instagram A post shared by Avika Gor (@avikagor) మిమ్మల్ని వేడుకుంటున్నాను... అత్యవసరమైతేనే కాలు బయట పెట్టండి, ఇంట్లోనే ఉండండి. మనందరం ఏకమై దానితో పోరాడుదాం. ఇప్పటికే ఒకసారి జయించాం. మరోసారి గెలుస్తామన్న నమ్మకం కూడా ఉంది. నేను మీకు మాటిస్తున్నా.. కరోనా నుంచి విముక్తి కోసం నాకు చేతనైనంత కృషి చేస్తాను" అని అవికా గోర్‌ చెప్పుకొచ్చింది. చదవండి: ప్రియుడిని ప‌రిచ‌యం చేసిన అవికా గోర్‌

'చిన్నారి పెళ్లికూతురు' సీరియల్‌తో చిన్నప్పుడే బుల్లితెర ప్రేక్షకులకు దగ్గరైంది నటి అవికా గోర్‌. తర్వాత 'ఉయ్యాల జంపాల', 'లక్ష్మీ రావే మా ఇంటికి', 'సినిమా చూపిస్త మావ', 'ఎక్కడికి పోతావు చిన్నవాడ' వంటి పలు తెలుగు సినిమాల్లోనూ నటించి టాలీవుడ్‌లో మంచి గుర్తింపు తెచ్చుకుంది. ప్రస్తుతం ఆమె కాదిల్‌ అనే ప్రైవేట్‌ సాంగ్‌లో నటుడు ఆదిల్‌ ఖాన్‌ సరసన ఆడిపాడుతోంది. ఈ క్రమంలో వీరిద్దరూ చర్చిలో పెళ్లాడుతున్న ఫొటోను సోషల్‌ మీడియాలో షేర్‌ చేయగా ఫ్యాన్స్‌ గందరగోళానికి గురయ్యారు. ఏంటి? వీళ్లు పెళ్లి చేసుకున్నారా? అని అనుమానం వ్యక్తం చేశారు. దీంతో నెట్టింట ఈ ఫొటో వైరల్‌గా మారింది. కానీ అసలు విషయానికి వస్తే..  వాళ్లిద్దరూ కలిసి నటిస్తున్న కాదిల్‌ పాటలోని స్టిల్లే ఆ వెడ్డింగ్‌ ఫొటో. అంతే తప్ప వాళ్లు నిజంగా పెళ్లి చేసుకోలేదు. ఈ విషయం అర్థమైన అభిమానులు తప్పులో కాలేసామే అంటూ నాలుక్కరుచుకుంటున్నారు. మరికొందరేమో ఇది పబ్లిసిటీ స్టంట్‌ అని తమకు ఎప్పుడో అర్థమైందని కామెంట్లు చేస్తున్నారు. కాగా ఈ హీరోయిన్‌ రోడీస్‌ 17 కంటెస్టెంట్‌ మిలింద్‌ చంద్వానీతో ప్రేమలో మునిగి తేలుతోంది. ఈ విషయాన్ని ఆమె గతేడాది అధికారికంగా వెల్లడించింది. శనివారం మిలింద్‌ బర్త్‌డేను పురస్కరించుకుని ఇప్పటికీ, ఎప్పటికీ నిన్ను ప్రేమిస్తూనే ఉంటానంటూ ఓ సుదీర్ఘ ప్రేమ లేఖను సైతం ఇన్‌స్టాగ్రామ్‌లో అభిమానులతో పంచుకుంది. View this post on Instagram A post shared by Avika Gor (@avikagor) చదవండి: సినిమా బ్యానర్‌ మార్చి ఓటీటీకి.. సహా నిర్మాతపై ఫిర్యాదు అనుష్కకు ‘అరణ్య’ స్పెషల్‌ గిఫ్ట్‌

ముంబై: ‘బాలికా వధు (చిన్నారి పెళ్లికూతురు)’ సీరియల్‌తో దేశ వ్యాప్తంగా అభిమానులను సంపాదించుకుంది అవికా గోర్‌. ‘ఆనంది’గా సహజమైన నటనతో కట్టిపడేసి ప్రేక్షకుల మనస్సుల్లో చెరగని ముద్ర వేసుకుంది. ఈ సీరియల్‌ ఎన్ని భాషల్లో డబ్‌ అయినప్పటికీ తెలుగులో వచ్చినంత గుర్తింపు మరెక్కడా రాలేదు. దీంతో ఆమెకున్న క్రేజ్‌ దృష్ట్యా టాలీవుడ్‌ నిర్మాతలు.. ‘ఉయ్యాల జంపాల’ మూవీతో హీరోయిన్‌గా వెండితెరకు పరిచయం చేశారు. తొలి సినిమాతో మంచి మార్కులు కొట్టేసిన అవికాకు.. సినిమా చూపిస్తా మామాతో కెరీర్‌లో భారీ హిట్‌ పడింది. అప్పటి నుంచి అడపాదడపా సిల్వర్‌ స్క్రీన్‌పై తళుక్కుమన్న ఆమె తన జీవితంలో కొత్త ఇన్నింగ్స్‌ ఆరంభించబోతున్నట్లు ఇటీవలే ప్రకటించిన సంగతి తెలిసిందే.  ‘ఈ ఇడియట్‌ నావాడు’ అంటూ తన ప్రియుడు మిలింద్ చంద్వానీని సోషల్‌ మీడియా ద్వారా అభిమానులకు పరిచయం చేసింది. అంతేగాక బొద్దుగుమ్మ నుంచి నాజూకుగా మారిన ఆమె అధిక బరువు కారణంగా తాను ఎదుర్కొన్న విమర్శల గురించి పలు పోస్టులు పెడుతూ ట్రాన్స్‌ఫర్మేషన్‌ జర్నీ గురించి పంచుకుంది. ఈక్రమంలో గురువారం ఓ స్టన్నింగ్‌ ఫొటోతో తన ఫాలోవర్లను ఆశ్చర్యపరిచింది అవికా. కెరీర్‌ ఆరంభం నుంచి ఎక్కువగా సంప్రదాయ దుస్తుల్లోనే కనిపించిన ఈ అమ్మడు.. బికినీలో దర్శనమిచ్చింది. అవిక పోస్టుపై నెటిజన్ల నుంచి మిశ్రమ స్పందన వస్తోంది. బరువు తగ్గడానికి నువ్వు చూపిన అంకితభావం గొప్పదంటూ కొంతమంది ప్రశంసిస్తుండగా.. మరికొంత మంది మాత్రం సినిమా అవకాశాల కోసమే ఇలా స్కిన్‌ షో చేస్తోందని, ఇప్పుడిక దక్షిణాది దర్శకనిర్మాతలు ఆమెను సీనియర్‌ హీరోల సరసన నటింపజేస్తారంటూ ఇష్టారీతిన కామెంట్లు చేస్తున్నారు.  View this post on Instagram A post shared by Avika Gor (@avikagor)

'చిన్నారి పెళ్లి కూతురు' ఫేమ్, న‌టి అవికా గోర్ త‌న ప్రియుడిని ప‌రిచ‌యం చేశారు. మిలింద్ చంద్వానీతో ప్రేమ‌లో మునిగి తేలుతున్నాన‌ని సోష‌ల్ మీడియా వేదిక‌గా అభిమానుల‌కు వెల్ల‌డించారు. త‌న జీవితంలో చిగురించిన ఈ ప్రేమ ప్ర‌యాణం గురించి ఇన్‌స్టాగ్రామ్‌లో ఓ సుదీర్ఘ లేఖ‌ను పంచుకున్నారు. ఆయ‌న‌తో క‌లిసి దిగిన ఫొటోల‌ను సైతం పంచుకున్నారు. "నా ప్రార్థ‌న‌ల‌కు స‌మాధానం దొరికింది. నా లైఫ్‌లో ల‌వ్ దొరికింది. ఇక‌పై ఇత‌డు నావాడు. నేను అత‌నికే చెందుతాను. మ‌న‌ల్ని అర్థం చేసుకుని, నమ్మ‌కం ఉంచుతూ, స్ఫూర్తి నింపుతూ, ఎదుగుద‌ల‌కు దోహ‌దం చేస్తూ మ‌న‌ల్ని కంటికి రెప్ప‌లా చూసుకునే వ్య‌క్తిని పొందేందుకు మ‌నం అర్హులం. కానీ అలాంటి భాగ‌స్వామి దొర‌క‌డం అసాధ్య‌మ‌ని చాలామంది అనుకుంటారు. కానీ నా విష‌యంలో మాత్రం ఇది నిజ‌మైంది. అందుకే ఇదంతా ఇప్ప‌టికీ క‌ల‌లాగే అనిపిస్తోంది. మీ అంద‌రి కోసం నేను ప్రార్థిస్తాను. నేను ఎలా ఫీల్ అవుతున్నానో అది మీ అంద‌రు కూడా ఫీల‌వ్వాల‌ని ఆశిస్తున్నా" (చ‌ద‌వండి: ఆ కాలంలో ఒకరోజు!) "నాకు ఈ అనుభూతిని ఇచ్చినందుకు ఆ దేవుడికి కృత‌జ్క్ష‌త‌లు. ఈ బంధం నా జీవితంలో కీల‌కంగా మార‌బోతోంది. కొంప‌దీసి పెళ్ల‌నుకునేరు. కానే కాదు. ఇప్పుడ‌ప్పుడే పెళ్లి చేసుకునే ఉద్దేశ్య‌మే లేదు. నాకోసం, న‌న్ను ఎప్ప‌టికీ సంతోషంగా ఉంచడం కోసం నా జీవితంలోకి ఓ వ్య‌క్తి వ‌చ్చాడు. దీన్ని నేను ఎంజాయ్ చేస్తున్నాను. ఈ ఇడియ‌ట్ నా హృద‌యాన్ని క‌దిలించాడు. నా జీవితానికి నిండుద‌నం తెచ్చినందుకు థ్యాంక్స్ మిలింద్‌. నిన్ను హృద‌య‌పూర్వ‌కంగా ప్రేమిస్తున్నా.." అని సంతోష క్ష‌ణాల‌ను అభిమానుల‌తో పంచుకున్నారు. కాగా బాల‌న‌టిగా కెరీర్ ఆరంభించిన అవికా గోర్ ఉయ్యాలా జంపాలా చిత్రంతో హీరోయిన్‌గా మారారు. ప‌లు చిత్రాల్లో న‌టించి మెప్పించిన అవికా లాక్‌డౌన్‌లో శరీరం మీద దృష్టి పెట్టి సుమారు 13 కిలోల వరకూ తగ్గారు. (చ‌ద‌వండి: బాలీవుడ్‌లో స్టార్‌ డైరెక్టర్‌.. కానీ తెలుగులో!) View this post on Instagram La vie en rose. My prayers have been answered. I have found the love of my life! (Shiroo ke alava😂) This kind human is mine. And I’m his.. forever.. We all deserve a partner that understands us, believes in us, inspires us, helps us grow & truly cares for us. But, most of us feel that it's impossible to find such a partner. So, it feels like a dream, but it’s real! So so so real! I pray for all of you .. I want u all to feel what I’m feeling today.. Utmost joy.. Abundance of love.. My heart is so full and the feeling is precious. I thank God for giving me this experience that’s going to be most important chapter of my life... Haha... Nahi nahi, not getting married or anything so soon... Lekin log kya kahenge waale thoughts toh ab jaa chuke hai.. isiliye is pyaar ke baare mein khule aam batana chahti thi.. I feel so blessed and I feel this emotion right now for someone who entered my life with the intention of just making me smile.. Today I can proudly say that this idiot is making my heart smile.. Ufff ... challo itne paise mein itna hi milega🤓 isse zayada tareef karungi toh Mr. Chandwani chand tak udega.. 🤪 Well, I’m aware yeh kaafi ganda joke tha, but pura credit goes to his sense of humour! Like they say “sangat ka asar”😜 Challo jao sab khush raho ab 🥰 I love you from the bottom of my heart❤️Thanks for completing me. 😊 @milindchandwani Pc @j.v.d23 A post shared by Avika Gor (@avikagor) on Nov 11, 2020 at 4:43am PST

‘‘నా సినిమాలో కథకే ప్రాధాన్యం ఇస్తాను. కథ నచ్చితేనే ప్రేక్షకులు హిట్‌ చేస్తారు. ‘రాజుగారి గది 3’ సినిమా కథపై నాకు నమ్మకం ఉంది. తప్పక విజయం సాధిస్తుంది’’ అన్నారు. ఓంకార్‌. అశ్విన్‌బాబు, అవికా గోర్‌ జంటగా ఓక్‌ ఎంటర్‌టైన్మెంట్స్‌ పతాకంపై ఓంకార్‌ స్వీయదర్శకత్వంలో తెరకెక్కించిన చిత్రం ‘రాజుగారిగది 3’. ఈ చిత్రం నేడు విడుదల కాబోతుంది. ఈ సందర్భంగా ఓంకార్‌ చెప్పిన విశేషాలు. ► ‘రాజుగారి గది’ (2015) విజయానికి ఆ సినిమాలోని హాస్యభరిత సన్నివేశాలే కారణం. అందులో మంచి సందేశంతో పాటు వినోదం కూడా ఉంది. ప్రేక్షకులు బాగా ఎంజాయ్‌ చేశారు. అయితే ‘రాజుగారి గది 2’ (2017)లో మంచి సందేశం ఉంది కానీ వినోదాన్ని మిస్సయ్యాం అని ప్రేక్షకులు అన్నారు. ‘రాజుగారి గది 3’ మంచి వినోదాన్ని అందిస్తుంది. ► ఈ సినిమా కథ రాసుకుంటున్నప్పుడే నా తమ్ముడు అశ్విన్‌ హీరోగా సరిపోతాడనిపించింది. నేను దర్శకత్వం వహించిన సినిమాల్లోనే కాక, ఇతర సినిమాల్లోనూ అశ్విన్‌ నటించాడు. కానీ రావాల్సిన గుర్తింపు రాలేదు. ‘రాజుగారి గది 3’ తర్వాత అశ్విన్‌కు హీరోగా మంచి గుర్తింపు వస్తుందనుకుంటున్నాను. అవికా అద్భుతంగా నటించింది. ► ఇతర సినిమాలతో బిజీగా ఉండటం వల్లే ఈ సినిమా నుంచి తమన్నా తప్పుకున్నారు. ఆ తర్వాత ఈ సినిమా కోసం కాజల్, తాప్సీలను సంప్రదించాం. కానీ కుదర్లేదు. ఫైనల్‌గా అవికాను తీసుకున్నాం. కథలో కూడా కొన్ని మార్పులు చేశాం. కానీ తమన్నాకు నేను చెప్పిన కథ వేరే. ఈ కథతో ఓ అగ్ర కథానాయికతో భవిష్యత్‌లో సినిమా చేయాలనుకుంటున్నాను. అలాగే ‘రాజుగారి గది 2’ సినిమాను వెంకటేశ్‌గారితో తెరకెక్కించాలనుకున్నా. వేరే సినిమాలతో ఆయన బిజీగా ఉండటం వల్ల నాగార్జునగారితో తీశాం. వెంకటేశ్‌గారితో ఓ సినిమా చేయాలన్నది నా కోరిక. ‘రాజుగారి గది’ సిరీస్‌లో ఓ చిత్రాన్ని ఆయనతో చేయాలని ఉంది. ► నేను అక్టోబరులో పుట్టాను. ‘రాజుగారి గది’ సిరీస్‌లో వస్తోన్న ప్రతి సినిమా అక్టోబరులోనే విడుదలవుతోంది. ‘రాజుగారి గది 3’ సినిమా నాకు దర్శకుడిగా మంచి పేరు తెచ్చిపెడుతుందని ఆశిస్తున్నాను. నాకు నటనపై పెద్దగా ఆసక్తి లేదు. దర్శకుడినిగానే కొనసాగుతాను. ► నేను చేస్తోన్న ఓ రియాలిటీ షో త్వరలో ప్రేక్షకుల ముందుకు రానుంది. నా దగ్గర ‘రాజుగారి గది 4’ కథతో పాటు, ఓ క్రీడా నేపథ్యంలో సాగే కథ ఉంది. వీటిలో ఏ సినిమా ముందు సెట్స్‌పైకి వెళ్తుందనే విషయంపై ఇంకా ఓ నిర్ణయానికి రాలేదు.

అశ్విన్, అవికా గోర్‌ జంటగా నటించిన చిత్రం ‘రాజుగారి గది 3’. ఓక్‌ ఎంటర్‌టైన్మెంట్స్‌పై ఓంకార్‌ స్వీయదర్శకత్వంలో తెరకెక్కిన ఈ సినిమా రేపు విడుదలకానుంది. ఈ సందర్భంగా జరిగిన ప్రీ–రిలీజ్‌ వేడుకలో ప్రముఖ కెమెరామన్‌ ఛోటా కె. నాయుడు మాట్లాడుతూ– ‘‘ఈ చిత్రం సంచలన విజయం సాధిస్తుంది. సాంకేతిక అభివృద్ధి వల్ల నటీనటుల్లో బద్ధకం పెరిగిందని నేను చెప్పినట్లు ఓ దిన పత్రికలో వచ్చింది. నా ఉద్దేశం అది కాదు. సాంకేతికత పెరగడం వల్ల సాంకేతిక నిపుణుల పని కాస్త తేలికైందని నా అభిప్రాయం’ అన్నారు. ‘‘యాంకర్‌ నుంచి నేనీ స్థాయికి ఎదగడానికి కారణం నా తమ్ముళ్లు అశ్విన్, కల్యాణ్‌. చదువును కూడా మర్చిపోయి నా కెరీర్‌ కోసం కష్టపడ్డారు. నాకు జన్మనిచ్చింది మా అమ్మానాన్నలు అయితే.. నా సినీ కెరీర్‌కు జన్మనిచ్చింది నా తమ్ముళ్లే. ఈ సినిమాతో అశ్విన్‌ హీరోగా పరిచయం అవుతున్నాడు. కల్యాణ్‌ నిర్మాతగా త్వరలో ఓ సినిమా తెరకెక్కనుంది. ఈ సినిమాను తెలుగు రాష్ట్రాల్లో డిస్ట్రిబ్యూట్‌ చేస్తున్న వరంగల్‌ శ్రీనుగారి నమ్మకం నిజం అవుతుందని నమ్ముతున్నాను. మా నాన్నగారు గత ఏడాది చనిపోయారు. అందుకే నేను ఎక్కువగా తెల్ల దుస్తుల్లో కనిపిస్తున్నా. ఈ సినిమాతో అశ్విన్‌ను ప్రేక్షకులు హీరోగా అంగీకరించిన తర్వాత తిరిగి మామూలు దుస్తులు వేసుకుంటాను’’ అన్నారు ఓంకార్‌. ‘‘జీనియస్‌’ నుంచి ఇప్పటివరకు ఐదు సినిమాలు చేశాను. హీరోగా ఈ శుక్రవారం నా డ్రీమ్‌ను చూడబోతున్నాను’’ అన్నారు అశ్విన్‌. ‘‘ఇదివరకు ‘హుషారు’, ‘ఇస్మార్ట్‌ శంకర్‌’, ‘గద్దలకొండ గణేష్‌’ సినిమాలను డిస్ట్రిబ్యూట్‌ చేశాను. ఈ విజయాల వరుసలో ఈ చిత్రం కూడా చేరుతుంది’’ అన్నారు వరంగల్‌ శ్రీను.  

బుల్లితెరపై సత్తా చాటిన ఓంకార్‌ తరువాత రాజుగారి గది సినిమాతో వెండితెర మీద కూడా దర్శకుడిగా సక్సెస్‌ అయ్యాడు. ఈ సినిమా ఘనవిజయం సాధించటంతో ఏకంగా నాగార్జున, సమంత లాంటి స్టార్స్‌తో రాజుగారి గది 2 సినిమాను తెరకెక్కించాడు. అయితే ఆ సినిమా రిజల్ట్‌ బెడసి కొట్టింది. దీంతో కాస్త గ్యాప్‌ తీసుకొని తన తమ్ముడు అశ్విన్‌ హీరోగా ‘రాజుగారి గది 3’ చిత్రాన్ని ఓంకార్‌ తెరకెక్కించాడు.  ఓక్ ఎంట‌ర్‌టైన్‌మెంట్స్ బ్యాన‌ర్‌లో నిర్మిస్తున్న ఈ చిత్రంలో అవికాగోర్‌ హీరోయిన్‌గా నటిస్తోంది. తాజాగా సెన్సార్‌ పూర్తి చేసుకున్న ఈ చిత్రం ‘యూ/ఏ’ సర్టిఫికేట్‌ను సొంతం చేసుకుంది. ఈ నెల 18న విడుదల కానున్న ఈ చిత్ర ప్రీరిలీజ్‌ ఈవెంట్‌ను బుధవారం ప్రసాద్‌ ల్యాబ్‌లో ఘనంగా నిర్వహించారు.        ఈ సంద‌ర్భంగా ద‌ర్శ‌కుడు ఓంకార్ మాట్లాడుతూ.. ‘18న విడుద‌లవుతున్న ఈ చిత్రం చిన్న పిల్ల‌ల‌తో స‌హా అంద‌రూ చూసి ఎంజాయ్ చేయొచ్చు. అశ్విన్, క‌ళ్యాణ్  నా త‌మ్ముళ్ళు ఇద్దరూ న‌న్ను న‌మ్ముకుని నాతో ఉంటూ న‌న్ను స‌పోర్ట్ చేస్తూ చాలా హెల్ప్‌ చేశారు. నేను ఎప్పుడూ అశ్విన్‌ని హీరోని చెయ్యాల‌ని, క‌ళ్యాణ్‌ని ప్రొడ్యూస‌ర్ చేయాల‌న్న‌ది నా కోరిక‌. 18న అశ్విన్ హీరోగా మీ ముందుకు వ‌స్తాడు. ఇక క‌ళ్యాణ్ బాధ్య‌త ఒక‌టి ఉంది.  మీరందరూ మ‌మ్మ‌ల్ని త‌ప్ప‌కుండా స‌పోర్ట్ చేస్తార‌ని కోరుకుంటున్నాను. నాన్న‌గారూ లాస్ట్ ఇయ‌ర్ చ‌నిపోయారు. అప్ప‌టి నుంచి నేను వైట్ డ్ర‌స్‌లో ఉంటున్నాను. త‌మ్ముళ్ళ‌ని సక్సెస్‌ చేసిన త‌ర్వాతే డ్రసింగ్‌ మార్చుకుంటాను. న‌న్ను ఆద‌రించిన‌ట్లే నా త‌మ్ముడు అశ్విన్‌ని రిసీవ్ చేసుకుంటార‌ని భావిస్తున్నాను’అని ఓంకార్‌ అన్నారు.   ‘నా డ్రీమ్ 18న‌ చూడ‌బోతున్నారు. జీనియ‌స్ నుంచి నేను ఒక ఐదు చిత్రాల్లో చేశాను. కానీ చోటా గారి లాంటి పెద్ద టెక్నీషియ‌న్‌తో పని చేయ‌డం చాలా ఆనందంగా ఉంది. ఈ సినిమా జూన్ 21న మొద‌లై  ఇంత త్వ‌ర‌గా పూర్త‌వ‌డానికి  మొయిన్ కార‌ణం కాస్ట్ అండ్ క్రూ ఎవ్వ‌రూ మ‌మ్మల్ని ఇబ్బంది పెట్ట‌లేదు. అంద‌రూ ఇష్ట‌ప‌డి మ‌మ్మ‌ల్ని ఆశీర్వదిస్తారని అనుకుంటున్నాను’అని అశ్విన్‌ బాబు పేర్కొన్నారు. హీరోయిన్‌ అవికాగోర్ మాట్లాడుతూ..‘మొద‌టిసారి నేను చాలా నెర్వ‌స్‌గా ఫీలవుతున్నాను.  ఎందుకంటే ఈ చిత్రం  నాకు చాలా స్పెష‌ల్‌. ‘రాజుగారి గది3’ చిత్ర యూనిట్‌ను నా ఫ్యామిలీగా భావిస్తున్నాను. ఈ క్యారెక్ట‌ర్‌ని ఆడియ‌న్స్ ఎలా ఆద‌రిస్తారా అని వెయిట్ చేస్తున్నాను. చోటాగారు, ఓంకార్‌ బ్ర‌ద‌ర్స్ చాలా క‌ష్ట‌ప‌డ్డారు’అని అన్నారు. 

‘‘సినిమా రిలీజ్‌ అయిపోతే మార్చడానికి ఏమీ ఉండదు. కానీ సీరియల్స్‌ విషయానికి వస్తే గత ఎపిసోడ్‌లో జరిగిన తప్పులను ఎప్పటికప్పుడు సరిదిద్దుకోవచ్చు. టీవీ ద్వారానే పాపులారిటీ సంపాదించాను. అందుకే టాలీవుడా? బాలీవుడా? టీవీ ఇండస్ట్రీయా? అని అడిగితే ఎప్పుడూ టీవీకే నా ఓటు’’ అన్నారు అవికా గోర్‌. ‘చిన్నారి పెళ్లి కూతురు’ సీరియల్‌ ద్వారా గుర్తింపు పొంది హీరోయిన్‌గా మారారామె. ఓంకార్‌ దర్శకత్వంలో అశ్విన్‌ హీరోగా నటించిన ‘రాజుగారి గది 3’లో హీరోయిన్‌గా నటించారు అవికా. ఈ నెల 18న ఈ సినిమా రిలీజ్‌ కానుంది. ఈ సందర్భంగా అవికా మాట్లాడుతూ – ‘‘ఎక్కడికి పోతావు చిన్నవాడా’ సినిమా తర్వాత వరుసగా టీవీ షోలు, ఒక హిందీ సినిమా చేశాను. అందుకే తెలుగులో సినిమాలు చేయలేకపోయాను. పేరుకి చేశాం అనేట్టు సినిమా అంగీకరించడం నాకు ఇష్టం ఉండదు. ప్రస్తుతం ‘ఖత్రా’ అనే టీ షో చేస్తున్నాను. ఆ సమయంలో ఓంకార్‌గారు కలసి ‘రాజుగారి గది 3’ కథ చెప్పారు. ఈ సినిమాలో ముందు తమన్నాను అనుకున్నాం, డేట్స్‌ క్లాష్‌తో ఆమె తప్పుకున్నారు అని ముందే చెప్పారు. ఆయన కథ చెప్పడం పూర్తయ్యే సమయానికి భయపడిపోయాను. హారర్‌ సినిమాలు ఒక్కదాన్నే చూడటానికి భయపడుతుంటాను. ఫ్యామిలీ, ఫ్రెండ్స్‌ ఉంటేనే చూస్తాను. ఈ సినిమా షూటింగ్‌ స్టార్ట్‌ అయ్యాక పూర్తి మేకప్‌ వేసుకున్నాక నన్ను నేను అద్దంలో చూసుకుని,  భయపడ్డాను. మా నాన్నగారైతే ‘ఇదే నువ్వు’ అని ఆటపట్టించారు. ప్రేక్షకులు భయపడుతూనే విపరీతంగా నవ్వుతారు. అదే మా సినిమా హైలెట్‌. ప్రస్తుతం తెలుగు అర్థం అవుతోంది. నేర్చుకుంటున్నాను. సెట్లో పెద్ద పెద్ద టెక్నీషియన్స్‌తో వర్క్‌ చేయడం మంచి ఎక్స్‌పీరియన్స్‌. అలీగారి లాంటి లెజెండ్‌తో నటించడం మర్చిపోలేను. కుదిరితే బిగ్‌ బాస్‌ షో హోస్ట్‌ చేయాలనుంది కానీ బిగ్‌బాస్‌ హౌస్‌లోకి వెళ్లలేను. ఒక తెలుగు ప్రాజెక్ట్‌ కమిట్‌ అయ్యాను. త్వరలోనే ప్రకటిస్తాను’’ అన్నారు. అన్ని ఇండస్ట్రీల్లో తెలుగు ఇండస్ట్రీ బెస్ట్‌ అని నా అభిప్రాయం. ఇక్కడ ఉన్నంత ప్లానింగ్, పద్ధతి ఎక్కడా ఉండదు. జూలైలో సినిమా ప్రారంభించి అక్టోబర్‌లో వచ్చేస్తున్నాం. యాక్టర్‌గా నాకు మంచి ఎక్స్‌పీరియన్స్‌ ఇచ్చింది తెలుగు ఇండస్ట్రీయే.

రాజుగారి గది, రాజుగారి గది2 సినిమాలతో వరుస విజయాలు అందుకున్న ఓంకార్‌ ఇప్పుడు అదే సిరీస్‌లో మూడు చిత్రాన్ని సిద్ధం చేస్తున్నారు. స్వీయ దర్శకత్వంలో తమ్ముడు అశ్విన్‌ బాబు హీరోగా రాజుగారి గది3 చిత్రాన్ని తెరకెక్కించాడు. ఈ సినిమాతో లాంగ్ గ్యాప్‌ తరువాత అవికా గోర్‌ తెలుగు సినిమాలో నటిస్తున్నారు. అలీ, బ్రహ్మాజీ, ధనరాజ్‌, అజయ్‌ ఘోష్‌, ఊర్వశి, హరితేజలు ఇతర కీలక పాత్రల్లో నటిస్తున్నారు. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం నిర్మాణానంతర కార్యక్రమాలు జరుపుకుంటోంది. ప్రమోషన్‌ కార్యక్రమాలు ప్రారంభించిన చిత్రయూనిట్ తాజాగా సీనియర్‌ హీరో విక్టరి వెంకటేష్‌ చేతుల మీదుగా ట్రైలర్‌ను విడుదల చేశారు. థ్రిల్లింగ్ విజువల్స్‌తో రూపొందించిన ఈ ట్రైలర్‌ సినిమా మీద అంచనాలు పెంచేస్తోంది. షబీర్‌ సంగీతమందిస్తున్న ఈ సినిమాను దసరా సందర్భంగా రిలీజ్ చేసేందుకు ప్లాన్‌ చేస్తున్నారు.

పండక్కి నాలుగైదు సినిమాలు ఒకేసారి విడుదలైనా బాక్సాఫీస్‌ వద్ద మంచి వసూళ్లను ఆశించవచ్చు. పండగ సెలవులు, ఫెస్టివల్‌ మూడ్‌ ఆడియన్స్‌ను థియేటర్స్‌కు రప్పిస్తాయి. అందుకే పండగకి మూడు నుంచి నాలుగు సినిమాలు విడుదలవుతుంటాయి. ఈసారి దసరా రేస్‌లో నిలబడే సినిమాల లిస్ట్‌ ఒక్కోటిగా బయటికి వస్తోంది. ‘చాణక్య’గా వస్తున్నారు గోపీచంద్‌. తిరు దర్శకత్వం వహిస్తున్న ఈ సినిమాలో మెహరీన్, జరీన్‌ఖాన్‌ కథానాయికలుగా నటించారు. టాకీ పార్ట్‌ పూర్తయింది. ఇటీవలే ఇటలీలో పాటల చిత్రీకరణ జరిగింది. ఈ సినిమాకు అజయ్‌ సుంకర సహనిర్మాత. దసరా పండక్కి ప్రేక్షకులను నవ్వించడంతో పాటు భయపెట్టనున్నారు దర్శకుడు ఓంకార్‌. ఆల్రెడీ ఆయన ‘రాజుగారి గది, రాజుగారి గది 2’ చిత్రాలతో అదే చేశారు. ఈ సారి అంతకుమించి నవ్వించి భయపెట్టడానికి ‘రాజుగారి గది 3’ చిత్రం షూటింగ్‌ పూర్తి చేశారు. అశ్విన్‌బాబు, అవికా గోర్‌ హీరోహీరోయిన్లుగా ఓక్‌ ఎంటర్‌టైన్మెంట్‌ పతాకంపై తెరకెక్కిన ఈ చిత్రం దసరాకు విడుదల కానుంది. ఈ సినిమా ఫస్ట్‌ లుక్‌ను ప్రముఖ దర్శకుడు వీవీ వినాయక్‌ విడుదల చేశారు. ఈ సినిమాకు సాయి మాధవ్‌ బుర్రా డైలాగ్స్‌ రాశారు. ఇక దసరా రేస్‌కి ఓ హీరోయిన్‌ ఓరియంటెడ్‌ మూవీ కూడా రెడీ అవుతోంది. కీర్తీ సురేశ్‌ నటిస్తున్న లేడీ ఓరియంటెడ్‌ మూవీ ‘మిస్‌ ఇండియా’ కూడా దసరాకే విడుదల అంటున్నారు. ‘వెంకీ మామ’ కూడా దసరాకు విడుదలవుతుందనే ఊహగానాలు వినిపిస్తున్నాయి. మరి.. దసరా రేస్‌లో నిలిచే చిత్రాలు ఏవో తెలియాలంటే ఓపిక పట్టాల్సిందే.

బుల్లితెరపై సత్తా చాటిన ఓంకార్‌ తరువాత రాజుగారి గది సినిమాతో వెండితెర మీద కూడా దర్శకుడిగా సక్సెస్‌ అయ్యాడు. ఈ సినిమా ఘనవిజయం సాధించటంతో ఏకంగా నాగార్జున, సమంత లాంటి స్టార్స్‌తో రాజుగారి గది 2 సినిమాను తెరకెక్కించాడు. అయితే ఆ సినిమా రిజల్ట్‌ బెడసి కొట్టింది. అందుకే తదుపరి సినిమాకు లాంగ్‌ గ్యాప్‌ తీసుకున్నాడు. ఇటీవల తన తమ్ముడు అశ్విన్‌ హీరోగా రాజుగారి గది 3 చిత్రాన్ని ప్రారంభించాడు ఓంకార్‌. హారర్‌ జానర్‌లో తెరకెక్కనున్న  ఈ సినిమాలో తమన్నా హీరోయిన్‌గా నటిస్తుందని ప్రకటించారు. కానీ ఓ బాలీవుడ్‌ సినిమా కోసం తమన్నా ఈ ప్రాజెక్ట్ నుంచి తప్పుకున్నారట. దీంతో చేసేదేమి లేక మరో హీరోయిన్‌తో సినిమాను కంటిన్యూ చేసేందుకు రెడీ అవుతున్నారు. అయితే తమన్నా లాంటి గ్లామరస్‌ స్టార్‌ను తీసుకోవాలనుకున్న ప్లేస్‌లో ఇప్పుడు ఉయ్యాల జంపాల ఫేం అవికా గోర్‌ను తీసుకున్నారట. అవికా టాలీవుడ్‌ను వదిలేసి చాలా కాలం అవుతుంది. ఎక్కడికి పోతావు చిన్నవాడా సినిమాలో కనిపించినా అది అతిథి పాత్రే. మరి ఈ సమయంలో అవికా రాజుగారి గది 3కి ఎంత వరకు ప్లస్ అవుతుందో చూడాలి.


 కెరీర్ మంచి ఫామ్‌లో ఉన్న సమయంలో నటి అవికా గోర్ సినిమాలకు గుడ్‌బై చెప్పనున్నారని  ఇటీవల జోరుగా ప్రచారం జరిగింది. కానీ ఈ వదంతులు ఆనోటా ఈనోటా పాకి చివరికి అవిక చెవినపడ్డట్లున్నాయి. ఈ విషయంపై ఆమె చాలా తీవ్రంగానే స్పందించారు. తాను సినిమాలకు గుడ్‌బై చెప్పాలనుకున్నట్లు ఎక్కడా, ఎప్పుడూ ప్రకటించలేదన్నారు. ఇంకా చెప్పాలంటే.. రెండు సినిమాలు సక్సెస్ కావడంతో కొందరు సీనియర్ సినీ సెలబ్రిటీలు తన చేతిలో సినిమాలు లేకుండా చేశారని ఆమె ప్రధాన ఆరోపణ. అవికాకు చాన్స్‌లు ఇవ్వొద్దని తమకు తెలిసిన డైరెక్టర్లకు సీనియర్లు సూచించడం ఓ కారణంగా కనిపిస్తోంది.
 
 ఉయ్యాల జంపాల, సినిమా చూపిస్తా మావా, ఎక్కడికి పోతావు చిన్నవాడా మూవీలతో తనకంటూ ఇండస్ట్రీలో మంచి పేరు తెచ్చుకోవడం కొందరికి నచ్చకపోవడం వల్లే అవకాశాలు ఆమె అవకాశాలు కోల్పోయారట. ఎక్కడికీ పోతావు చిన్నవాడా సినిమాతో మరో హిట్ అందుకున్న ఈ భామ ఆ తరువాత ఒక్క తెలుగు సినిమాకు కూడా సైన్ చేయలేదు. ఓ దశలో ఆమె సినీ కెరీర్‌ను ముగిస్తారని వదంతులు రావడంపై ఆమె ఆందోళన చెందారు. చివరికి టాలీవుడ్‌ను వదిలిపెట్టినా.. బాలీవుడ్‌లోనైనా అవకాశాలు ఇవ్వకపోతారా అని అక్కడికే వెళ్లనున్నట్లు ఇండస్ట్రీలో టాక్ వినపడుతోంది.


 ఒకప్పుడు స్టార్ హీరోయిన్లుగా గుర్తింపు తెచ్చుకున్న వారు కూడా సక్సెస్లు లేక అవకాశాల కోసం ఎదురుచూస్తుంటే.. ఓ యంగ్ హీరోయిన్ మాత్రం కెరీర్ మంచి ఫాంలో ఉండగానే సినిమాలకు గుడ్ బై చెప్పాలని నిర్ణయించుకుందట. ఇటీవల ఎక్కడికీ పోతావు చిన్నవాడా సినిమాతో మరో హిట్ అందుకున్న ఈ భామ తరువాత ఒక్క తెలుగు సినిమా కూడా అంగీకరించలేదు.
 
 అయితే ఈ ముద్దుగుమ్మ త్వరలోనే నటనకు గుడ్ బై చెప్పనుందన్న ప్రచారం జోరుగా జరుగుతోంది. ఇటీవల ఓ యంగ్ హీరోతో వివాదంతో అవికా పేరు వార్తల్లో ప్రముఖంగా వినిపించింది. దీంతో ఈ అమ్మడు టాలీవుడ్కు దూరంగా ఉండాలని నిర్ణయించుకుందట. అయితే కేవలం తెలుగు సినిమాలకు గుడ్ బై చెపుతుందా..? లేక నటనకే గుడ్ బై చెపుతుందా..? అన్న విషయంపై మాత్రం తెలియరాలేదు.


 వరుస అవకాశాలతో బిజీగా ఉన్న సమయంలో ఏ హీరోయిన్ అయినా, మిగతావి పక్కన పెట్టి సినిమాల మీదే దృష్టిపెడుతుంది. కానీ యంగ్ హీరోయిన్ అవికాగోర్ మాత్రం, యాక్టింగ్కు కామా పెట్టాలని భావిస్తుందట. ఇప్పటికే తెలుగులో నాలుగు సినిమాల్లో నటించిన ఈ బ్యూటి రెండు విజయాలు సాధించింది. టెలివిజన్ సీరియల్ చిన్నారి పెళ్లికూతురుతో అందరికి దగ్గరయ్యిన ఈ అమ్మడిని వరస అవకాశాలు పలకరిస్తున్నాయి.
 
 ఇలా కెరీర్ మంచి ఫాంలో ఉన్న సమయంలో యాక్టింగ్ మానేస్తున్నానంటూ షాకింగ్ స్టేట్మెంట్ ఇచ్చింది అవికా. ప్రస్తుతానికి చదువు మీద దృష్టిపెట్టాలనే ఆలోచనతో కొంతకాలం నటనకు దూరంగా ఉండాలని నిర్ణయించుకుందట. అయితే యాక్టింగ్ పూర్తిగా మానేయటం లేదని, చదువు పూర్తయిన తరువాత తిరిగి ఇదే రంగంలో అడుగుపెడతానంటూ చెప్పుకొచ్చింది.
 
 అంతేకాదు తన తరువాత చిన్నారి పెళ్లి కూతురు సీరియల్ లో నటించిన ప్రత్యూష బెనర్జీ మృతిపై కూడా స్పందించింది అవికా. తన చనిపోయిందన్న విషయాన్ని నమ్మలేకపోతున్నానన్న అవికా, గతంలో ఎప్పుడు తను బాధపడటం చూడలేదని తెలిపింది.


 బుల్లితెర ‘చిన్నారి పెళ్లికూతురి’గా ఎంట్రీ ఇచ్చి, కథానాయికగా సినిమాల్లో బిజీ అయిపోయారు  అవికా గోర్.  తెలుగుతో పాటు  హిందీ, కన్నడ భాషల్లో కూడా నటించిన ఆమె  తాజాగా తమిళంలో  ‘కడవుళ్ ఇరుక్కాన్ కుమారు’ అనే చిత్రం అంగీకరించారు. సంగీత దర్శకుడు జీవీ ప్రకాశ్‌కుమార్ హీరోగా రూపొంద నున్న ఈ చిత్రంలో నిక్కీ గల్రానీ మరో కథానాయిక.
  


 మళ్లీ ఇద్దరమ్మాయిలతో రొమాన్స్‌కు సిద్ధమవుతున్నారు జీవీ.ప్రకాశ్‌కుమార్. ఇంతకు ముందు మనీషాయాదవ్, ఆనందిలతో ఈయన డ్యూయెట్లు పాడిన త్రిష ఇల్లన్నా నయనతార చిత్రం కమర్షియల్‌గా హిట్ అయి కాసుల వర్షం కురిపించిదన్న విషయం తెలిసిందే. ప్రస్తుతం ఇటు హీరోగానూ,అటు సంగీతదర్శకుడిగానూ చేతినిండా చిత్రాలతో బిజీగా ఉన్న జీవీ తాజాగా మరో చిత్రానికి పచ్చజెండా ఊపారు.కడవుళ్ ఉరుకిరాన్ కుమారు చిత్రంలో నటించి సంగీతం అందించడానికి రెడీ అవుతున్నారు.ఇంతకు ముందు శివ మనసుల శక్తి, ఒరుకల్ ఒరుకన్నాడీ, బాస్‌ఎన్గిర భాస్కరన్, వాసువుమ్,శరవణనుమ్ ఒన్నా పడిచవంగ వంటి సక్సెస్‌ఫుల్ చిత్రాలను తెరకెక్కించిన ఎం.రాజేశ్ దర్శకత్వం వహించనున్న తాజా చిత్రం ఇది.
 
 దైవవాక్కు, చిన్నమాప్లే, రాసయ్య, అరవిందన్ విజయవంతమైన చిత్రాలను నిర్మించిన అమ్మా క్రియేషన్స్ శివ చిన్న గ్యాప్ తరువాత నిర్మించనున్న చిత్రం కడవుళ్ ఇరుక్కిరాన్ కుమారు. ఇందులో జీవీ ఇద్దరు ముద్దుగుమ్మలతో రొమాన్స్ చేయనున్నారు. అందులో ఒకరు నిక్కీగల్రాణి కాగా ఇంకో బ్యూటీ అవిక గోర్. ఈ గుజరాతి చిన్నది చిన్నారి పెళ్లికూతురు టీవీ సీరియల్ ద్వారా మంచి ప్రాచుర్యం పొందింది. అంతే కాదు తెలుగులో ఉయ్యాల జంపాల చిత్రం ద్వారా హీరోయిన్‌గా తెరంగేట్రం చేసి అక్కడి అక్కడి అభిమానుల మనసుల్ని దోచుకుంది.
 
 తాజాగా కేర్ ఆఫ్ ఫుట్‌పాత్ అనే కన్నడ చిత్ర పరిశ్రమలోకి అడుగుపెట్టనున్న అవికగోర్ ఇప్పుడు జీవీతో కలిసి తమిళ చిత్రపరిశ్రమకు దిగుమతి కానుందన్న మాట. లవ్, రొమాంటిక్ కథా చిత్రాలను తెరకెక్కించడంలో అందే వేసిన దర్శకుడు రాజేశ్ ఈ చిత్రాన్ని ఆ తరహాలోనే జనరంజకంగా తెరపై ఆవిష్కరించడానికి రెడీ అవుతున్నారట. మార్చి నుంచి షూటింగ్ ప్రారంభం కానున్న ఈ చిత్రాన్ని విశాఖపట్టణం.గోవా  ప్రాంతాల్లో చిత్రీకరించనున్నట్లు యూనిట్ వర్గాలు వెల్లడించారు.


 ఇప్పటికే రెండు సూపర్ హిట్ చిత్రాలతో సక్సెస్ఫుల్ పెయిర్ అనిపించుకున్న ఓ అందాల జంట, మరోసారి వెండి తెర మీద మెరవడానికి రెడీ అవుతోంది. ఉయ్యాల జంపాల సినిమాతో తొలిసారిగా స్క్రీన్ షేర్ చేసుకున్న రాజ్ తరుణ్, అవికా గోర్లు తరువాత సినిమా చూపిస్తా మామ సినిమాతో మరోసారి ఆకట్టుకున్నారు. ఈ రెండు సినిమాలు మంచి విజయాలు సాధించటంతో ఇప్పుడు మరోసారి తెర పంచుకోవడానికి రెడీ అవుతున్నారు.
 
 మంచు విష్ణు హీరోగా నిర్మాతగా జి.నాగేశ్వరరెడ్డి దర్శకత్వంలో తెరకెక్కుతున్న సినిమాలో రాజ్ తరుణ్ మరో హీరోగా నటిస్తున్నాడు. కామెడీ ఎంటర్టైనర్గా తెరకెక్కుతున్న ఈ సినిమాలో రాజ్ తరుణ్కు జోడిగా అవికా గోర్ నటించనుంది. మంచు విష్ణు సొంత నిర్మాణ సంస్థ 24 ఫ్రేమ్స్తో పాటు ప్రముఖ నిర్మాత అనిల్ సుంకర సంయుక్తంగా నిర్మిస్తున్న ఈ సినిమా జనవరిలో మొదలు కానుంది.


 అమాయకమైన కళ్లు, ఆకట్టుకునే అభినయంతో పక్కా పదహారణాల తెలుగమ్మాయిలా కనిపిస్తారు గుజరాతీ భామ అవికా గోర్. ‘ఉయ్యాల జంపాల’, ‘సినిమా చూపిస్త మావ’ విజయాలతో మంచి జోష్ మీద ఉన్న అవిక తాజాగా ‘తను - నేను’ చిత్రం ద్వారా తెరపై మెరవనున్నారు. నిర్మాత పి. రామ్మోహన్ తొలి ప్రయత్నంగా దర్శకత్వం వహించిన ఈ చిత్రం గురించి ఆసక్తికరమైన విశేషాలు అవిక మాటల్లోనే...
 
   ‘ఉయ్యాల -జంపాల’ సినిమా చేస్తున్నప్పుడే నిర్మాత రామ్మోహన్ నాకీ కథ చెప్పారు. కథ నచ్చినప్పటికీ ఇందులో ఉన్న కీర్తి పాత్రకు సెట్ అవుతానా? అనే సందేహం వచ్చింది. చాలా మెచ్యూర్డ్‌గా ఆలోచించే అమ్మాయి కీర్తి. అంత పరిణతి కనబరుస్తానా? అనిపించింది.  ఆ తర్వాత నాకు నమ్మకం కలగడానికి కారణం ‘లక్ష్మీ రావే మా ఇంటికి’. ఆ సినిమా చేశాక మాత్రం కీర్తి పాత్రకు సెట్ అవుతాననే నమ్మకం కుదిరింది. అందుకే ఒప్పుకున్నా.
 
 ఇది నా కెరీర్‌లో స్పెషల్ మూవీ.  ఇక ఈ సినిమా కథ గురించి చెప్పాలంటే...ఓ అబ్బాయి, అమ్మాయి, ఆమె తండ్రి చుట్టూ తిరిగే కథ. తన తండ్రి ఇష్టానుసారం హీరోయినేమో ఎప్పటికైనా అమెరికాలో సెటిల్ కావాలని కలలు కంటుంది. కానీ ఆమెను ప్రేమించే అబ్బాయికి  మాత్రం అది ఇష్టం ఉండదు. తర్వాత ఏమైందనేది మిగతా కథ.  కీర్తికీ, అవికా గోర్‌కు ఏ మాత్రం పోలికలు లేవు. కీర్తి అంత మెచ్యూర్డ్‌గా, స్వతంత్రంగా నేనైతే ఆలోచించను.  
  
   మళ్లీ ‘ఉయ్యాల జంపాల’ టీమ్‌తోనే పనిచేయడం చాలా ఆనందంగా ఉంది. రామ్మోహన్ గారు డెరైక్ట్ చేసిన ఫస్ట్ మూవీ ఇది. ‘ఉయ్యాల జంపాల’ టైంలో ఓ నిర్మాతగా సెట్‌లో గంభీరంగా ఉండే వారు.  కానీ డెరైక్టర్‌గా అందుకు పూర్తి భిన్నంగా సరదాగా నవ్వించేవారు. షూటింగ్ చాలా సరదాగా గడిచిపోయింది.  సీరియల్స్ చిత్రీకరణకూ, సినిమాలకూ చాలా తేడా ఉంటుంది. అక్కడ ప్రాప్టింగ్ ఇవ్వరు. అంతా మనమే చెప్పాలి. సినిమాలు చేస్తున్నా నేను సీరియల్స్ మానలేదు. ఈ సినిమా రిలీజ్ కోసం ఆసక్తిగా ఎదురుచూస్తున్నా. తెలుగులో నాకు మరో మంచి ఆఫర్ వచ్చింది. త్వరలోనే ఆ వివరాలు వెల్లడిస్తాను.
  


 ‘అష్టాచమ్మా’, ‘గోల్కొండ హైస్కూల్’, ‘ఉయ్యాల - జంపాల’ చిత్రాలు నిర్మించి విజయాలందుకొన్న నిర్మాత పి. రామ్మోహన్.
 ఆయన ఇప్పుడు దర్శకుడిగా ముందుకొస్తున్నారు.
 సంతోష్ శోభన్, అవికాగోర్ జంటగా రామ్మోహన్ స్వీయ దర్శకత్వంలో నిర్మించిన ‘తను - నేను’ ఈ 27న రిలీజ్.
 ఈ సందర్భంగా ఆయన సినీ అనుభవాలు ఆయన మాటల్లోనే...
  
 * నేను ఎంబీఏ చదివా. వ్యాపారం చేసుకొంటున్న సమయంలో డి. సురేశ్‌బాబుతో పరిచయం ఏర్పడింది. ఆయన ప్రోత్సాహంతో రామానాయుడు స్టూడియోలో ప్రొడక్షన్ వ్యవహారాలు చూసుకొనేందుకు చేరాను. చిత్ర నిర్మాణానికి సంబంధించి ఓనమాలు నేర్చుకున్నాను. ప్రొడక్షన్ విలువలు, కథల గొప్పతనం గురించి రామానాయుడు గారి నుంచి తెలుసుకున్నా.
 
 * రామానాయుడు ఫిలిమ్ స్కూల్‌లో చదువుకున్న సాయి రమేశ్ అనే కుర్రాడు ‘తను- నేను’ చిత్రం కథ నాకు అమ్మేసి, అమెరికా వెళ్లిపోయాడు. మూడేళ్ళుగా నా దగ్గరే ఉందీ కథ. ఈ కథతో దర్శకులను కలిస్తే రకరకాల కారణాలతో వారు సినిమా చేసేందుకు ఒప్పుకోలేదు. ఇక నేనే దర్శకత్వం వహించాలని సురేశ్‌బాబు గారితో అన్నా. ‘తప్పకుండా మీరే చేయండి’ అంటూ రానా అన్నాడు. అలా చివరకు సురేశ్‌బాబు సపోర్ట్‌తో సినిమా పూర్తి చేశా.  
 
 * నా ‘గోల్కొండ హైస్కూల్’ చిత్రంలో పనిచేసిన సంతోశ్ శోభన్ ‘తను-నేను’ ఆడిషన్స్‌కి వచ్చాడు. వెంటనే, ఓకే చేప్పేశా.
 
 * ఈ చిత్రంలో హీరోయిన్ తండ్రి పాత్రలో రవిబాబు కనిపిస్తారు. ఆయనతో పనిచేయడానికి మొదట్లో చాలా టెన్షన్ పడేవాడిని. చాలా సీన్స్‌లో టెక్నికల్‌గా ఆయన నన్ను గైడ్ చేసేవారు.
 
 * మూడేళ్ళుగా ఈ స్క్రిప్ట్‌పై అవగాహన ఉండటంతో నాకు ఏం కావాలో బాగా తెలుసు. ప్రతి ఫ్రేమ్ నా మైండ్‌లో ఉండేది. ఆర్టిస్టులతో ముందుగా 45 రోజులు రిహార్సల్స్ చేయించా. అందుకే, ఈ షూటింగ్ 33 రోజుల్లో పూర్తి చేయగలిగా.
 
 * ‘సోగ్గాడే చిన్నినాయనా’ కథ ఐడియా దర్శకుడు కళ్యాణ్ కృష్ణ చెబితే నేను అది డెవలప్ చేసి ఇచ్చాను. యువ హీరోలతో సినిమాలు చేయాలనుంది, కానీ ‘తను -నేను’ రిలీజ్ అయ్యాక వచ్చే స్పందనను బట్టి ఆలోచిస్తా.
 
 * విశ్వదేవ్, పునర్నవి భూపాలం జంటగా అనుదీప్‌ను దర్శకుడిగా పరిచయం చేస్తూ ‘పిట్టగోడ’ సినిమా నిర్మాణం ప్రారంభిస్తున్నా.


 చెన్నై: 'ఉయ్యాల జంపాల'తో హీరోయిన్ గా మారిన 'చిన్నారి పెళ్లికూతురు' అవికా గోర్ మరో సినిమాకు గ్రీన్ సిగ్నల్ ఇచ్చింది. యువహీరో నిఖిల్ తో ఆమె జత కట్టనుంది. విఐ ఆనంద్ దర్శకత్వంలో తెరకెక్కించే సినిమాలో వీరు కలిసి నటించనున్నారు. మరో హీరోయిన్ గా తాప్సీ ఎంపికైంది.
 
 ఈ సినిమాలో మొత్తం ముగ్గురు హీరోయిన్లు ఉంటారని, మరో హీరోయిన్ ను ఖరారు చేయాల్సివుందని దర్శకుడు ఆనంద్ తెలిపారు. ఫాంటసీ ప్రేమకథతో తెరకెక్కించనున్న ఈ సినిమాలో రెండు విభిన్న పాత్రల్లో నిఖిల్ నటిస్తాడని వెల్లడించారు. వెంకటేశ్వరరావు నిర్మిస్తున్న ఈ చిత్రం డిసెంబర్ లో ప్రారంభంకానుంది. శేఖర్ చంద్ర సంగీతం సమకూర్చనున్నాడు. తాను తెలుగులో దర్శకత్వం వహించిన 'టైగర్' సినిమాను తమిళంలో రీమేక్ చేయాలనుకుంటున్నట్టు ఆనంద్ తెలిపారు.


 ఇంటర్వ్యూ
 హీరోయిన్ అంటే స్లిమ్‌గా ఉండాలి, మోడ్రన్‌గా రెడీ అవ్వాలి, గ్లామర్ ఒలకబోయాలి అంటారంతా. కానీ వీటిలో ఏదీ అవసరం లేదు, టాలెంట్ చాలు అంటుంది అవికా గోర్. మిగతా హీరోయిన్లంతా గ్లామర్ క్వీన్‌‌సలా మెరుస్తుంటే... తాను మాత్రం సంప్రదాయబద్ధంగా ఉంటూనే సంచలనాలు సృష్టిస్తానని నమ్మకంగా చెబుతోంది. తెలుగు చలన చిత్ర రంగంలో గోరంత దీపంలా వెలుగుతోన్న అవిక చెప్పిన మరిన్ని కబుర్లు చదవండి...
  
 * మీ బ్యాగ్రౌండ్..?
 నేను ముంబైలో పుట్టాను. నాన్న ఇన్వెస్ట్‌మెంట్ రంగంలో ఉన్నారు. అమ్మ నేచురోపతి డాక్టర్. అమ్మానాన్నలకు నేనొక్కదాన్నే.
  
 * నటనపై ఆసక్తి ఎలా వచ్చింది?
 ఎనిమిదేళ్ల వయసులో ఓ షాపింగ్ మాల్‌కి వెళ్లిన ప్పుడు, అక్కడి మ్యూజిక్‌కి నేను డ్యాన్స్ చేయడం మొద లెట్టాను. అప్పుడు ఎవరో నాన్నతో... ‘భలే డ్యాన్స్ చేస్తోంది, తనని యాక్టర్‌ని చేయండి’ అన్నారట. నాన్నకి కూడా అభ్యంతరం లేకపోవడంతో నన్ను నటిని చేయడానికి ఇష్టపడ్డారు. తర్వాత ‘బాలికావధు (చిన్నారి పెళ్లికూతురు)’ సీరియల్‌తో నా కెరీర్ ప్రారంభమైంది.
  
 * దక్షిణాదిన చాన్స్ ఎలా వచ్చింది?
 ‘చిన్నారి పెళ్లికూతురు’తో నేను ఇక్కడ కూడా బాగా పాపులర్ అయ్యాను. అందుకే ‘ఉయ్యాల జంపాల’లో ఆఫర్ వచ్చింది. అంతకు ముందు హిందీ, తమిళం, గుజరాతీ, రాజస్థానీ చిత్రాల్లో కూడా అవకాశాలు వచ్చాయి. కానీ కొన్ని సన్నివేశాలు అభ్యంతరకరంగా ఉన్నాయి. అలాంటివి చేయడం ఇష్టం లేక ఒప్పుకోలేదు. కానీ తెలుగులో ఆ సమస్య లేదు. ‘ఉయ్యాల జంపాల’ క్లీన్ మూవీ. పైగా నా వయసుకు తగిన క్యారెక్టర్. దాంతో వెంటనే ఓకే అనేశా.
      
 * ‘ససురాల్ సిమర్‌కా (మూడుముళ్లు)’ సీరియల్లో భార్యగా, కోడలిగా చేశారు. ఇంత చిన్న వయసులో అంత బరువైన పాత్ర ఎందుకు ఎంచుకున్నారు?
 వయసు ఎంతయితే ఏంటి! నేనా పాత్రకి సూటవుతాను కాబట్టి వాళ్లు తీసుకున్నారు. చేయగలనన్న నమ్మకం నాకుంది కాబట్టి నేను చేశాను. ఈ వయసులో అమితాబ్‌గారు ‘పా’లో చిన్న పిల్లాడిగా చేయలేదా? ఆయన కంటే ఎంతో చిన్నదైన విద్యాబాలన్ ఆయనకు తల్లిగా చేయలేదా? యాక్టర్ అన్న తర్వాత అన్నీ చేయాలి. క్యారెక్టర్ డిమాండ్ చేస్తే ప్రెగ్నెంట్‌గా నటించడానికి కూడా రెడీ నేను.
      
 * అందులో రొమాంటిక్ సీన్లు కూడా చేశారు..?
 నటించడానికి సిద్ధపడిన తర్వాత నవ రసాలూ పండించాలిగా! అది నటన అని గుర్తున్నంత వరకూ ఇబ్బందిగా ఉండదు. అయినా సీరియల్‌లో ఎంత రొమాన్‌‌స ఉంటుంది చెప్పండి! పైగా అది అసభ్యంగా కూడా ఉండదు. ఉంటే నేను చేసేదాన్ని కాదు.
      
 * మోడ్రన్‌గా ఉండటానికి ఇష్టపడరెందుకని?
 పొట్టి పొట్టి స్కర్టులు, నిక్కర్లు సౌకర్యంగా అనిపించవు నాకు. కుర్తీ, గాగ్రా, చీర వంటివే బాగుంటాయి. అవే ఇష్టపడతాను, ధరిస్తాను.
      
 * ఒకవేళ క్యారెక్టర్ డిమాండ్ చేస్తే?
 నటన నా ప్రాణం. దానికోసం ఎంతయినా కష్టపడతాను. అయితే నా కుటుంబంతో కలిసి చూడలేని విధంగా నా సినిమా ఉండకూడదు. ఆ విషయంలో మాత్రం నో కాంప్రమైజ్.
  
 * ఇప్పుడున్న హీరోయిన్లతో పోలిస్తే లావుగా ఉన్నారు. సన్నబడాలని లేదా?
 అది నేను చేసే పాత్ర మీద ఆధారపడి ఉంటుంది. పాత్ర కోసం బరువు తగ్గాలంటే తగ్గుతా లేకపోతే పెరుగుతా. నిజానికి నాకు కాజోల్ అంటే ఇష్టం. అందుకే ఆమెలా బొద్దుగా ఉండటానికే ఇష్టపడతా.
  
 * మీలో మార్చుకోవాలనుకునేది ఏదైనా ఉందా?
 నేను ఫుడ్ లవర్‌ని. బాగా తింటాను. కంట్రోల్ చేసుకోకపోతే కెరీర్‌కి దెబ్బవుతుం దని అమ్మ చెబుతూంటుంది. అప్పుడు నిజమే కదా అనుకుంటా. తర్వాత మళ్లీ మామూలే.
      
 * ఎవరినైనా ప్రేమించారా?
 చిన్నప్పుడు ‘ఇష్క్ విష్క్’ సినిమా చూసి షాహిద్ కపూర్‌తో ప్రేమలో పడ్డాను.
 
 * మరి ఇప్పుడు?
 ప్రేమలో పడేంత, డేటింగ్ చేసేంత వయసు నాకింకా రాలేదు.
      
 * ఫ్యూచర్ ప్లాన్స్?
 ఏమున్నాయి! ప్రస్తుతానికి మంచి ఆఫర్‌‌స ఉన్నాయి. తెలుగులో చేస్తున్నా. హిందీలో కూడా ఓ సినిమాలో చాన్‌‌స వచ్చింది. రెండు చోట్లా సక్సెస్ కావాలన్నదే లక్ష్యం.


  ‘‘ఇప్పటివరకూ చేసిన చిత్రాలు నాకు మంచి పేరు తెచ్చాయి. వాటన్నిటి కన్నా మించిన ఆదరణ ‘సినిమా చూపిస్త మావ’ చిత్రం పాటలకు లభిస్తున్నందుకు చాలా చాలా ఆనందంగా ఉంది’’ అని సంగీతదర్శకుడు శేఖర్ చంద్ర అన్నారు. రాజ్ తరుణ్, అవికా గోర్ జంటగా త్రినాధరావు నక్కిన దర్శకత్వంలో బోగాది అంజిరెడ్డి, బెక్కెం వేణుగోపాల్ (గోపి), రూపేష్ డి.గోవిల్, జి. సునీత నిర్మించిన ‘సినిమా చూపిస్త మావ’ వచ్చే నెల 14న విడుదల కానుంది. ఈ చిత్రం పాటల గురించి శేఖర్ చంద్ర మాట్లాడుతూ- ‘‘కృష్ణంరాజు, సునీల్, కోన వెంకట్ తదితర సినీ ప్రముఖులు పాటలు బాగున్నాయని అభినందించారు. ఆ అభినందనలు ఎప్పటికీ మర్చిపోలేను. అందుకే ఈ పాటల విజయం నాకు మధురాతి మధురం’’ అని చెప్పారు.
  


  అందమైన ప్రేమకథతో  కుటుంబ ప్రేక్షకులను కూడా ఆకట్టుకునే విధంగా రూపొందుతోన్న  చిత్రం ‘సినిమా చూపిస్త... మావా’. రాజ్ తరుణ్, అవికా గోర్ జంటగా ఆర్యత్ సినీ ఎంటర్‌టైన్‌మెంట్స్, లక్కీ మీడియా పతాకంపై బోగది అంజిరెడ్డి, బెక్కెం వేణుగోపాల్, రూపేశ్ డి. గోహిల్, జి.సునీత సమష్టిగా నిర్మిస్తున్న ఈ చిత్రానికి త్రినాథరావు నక్కిన దర్శకుడు. ఈ సినిమా ఫస్ట్ లుక్‌ను హైదరాబాద్‌లో ఆవిష్కరించారు.
  
  ఈ సందర్భంగా హీరో రాజ్ తరుణ్ మాట్లాడుతూ -‘‘ ‘ఉయ్యాల జంపాల’ తర్వాత చాలా గ్యాప్ తీసుకున్నా. మంచి మాస్ ఎలిమెంట్స్ జోడించి ఈ సినిమా తెరకెక్కించారు’’ అని చెప్పారు. ‘‘వైవిధ్యమైన ప్రేమకథ నేపథ్యంలో ఈ చిత్రం తీశాం. అందరం చాలా కష్టపడి ఈ సినిమా చేశాం’’ అని దర్శక, నిర్మాతలు తెలిపారు. ఈ కార్యక్రమంలో కథానాయిక అవికాగోర్, సంగీత దర్శకుడు శేఖర్ చంద్ర, మాటల రచయిత ప్రసన్న జె.కుమార్ తదితరులు పాల్గొన్నారు.
  


 ‘‘ఇటీవల విడుదల చేసిన ఈ చిత్రం పాటలకు మంచి ఆదరణ లభిస్తోంది. సినిమాపై అంచనాలు పెరగడానికి పాటల విజయం ఓ కారణమైంది. చక్కని కథ, చిక్కని కథనం, మంచి పాటల సమాహారంతో రూపొందిన ఈ చిత్రం తప్పకుండా విజయం సాధిస్తుందనే నమ్మకం ఉంది’’ అని నిర్మాత గిరిధర్ మామిడిపల్లి చెప్పారు. నాగశౌర్య, అవికా గోర్ జంటగా గిరిధర్ ప్రొడక్షన్స్ పతాకంపై నంద్యాల రవి దర్శకత్వంలో రూపొందిన ‘లక్ష్మీ రావె మా ఇంటికి’ వచ్చే నెల 5న విడుదల కానుంది.
 
 ఈ సందర్భంగా పాటల రచయిత భాస్కరభట్ల మాట్లాడుతూ -‘‘ఇందులో నాలుగు పాటలు రాశాను. అన్నీ సందర్భోచితంగా సాగే పాటలే. ‘ఆనంద్, గోదావరి, చందమామ’ తర్వాత సంగీత దర్శకుడు కేయం. రాధాకృష్ణన్ నుంచి వచ్చిన మరో మంచి ఆల్బమ్ ఇది’’ అని చెప్పారు. ఇందులో మంచి పాత్ర చేశానని నాగశౌర్య, ఈ చిత్రం పాటలను బాలీవుడ్ మ్యూజిక్ డెరైక్టర్స్‌కి వినిపిస్తే, బాగున్నాయన్నారని అవికా గోర్ చెప్పారు. మంచి పాటలకు అవకాశం ఉన్న ఈ కథకు చక్కని స్వరాలు సమకూర్చడం ఆనందంగా ఉందని నంద్యాల రవి అన్నారు.
  


  ‘ఉయ్యాల జంపాల’ జంట రాజ్‌తరుణ్, అవికా గోర్ మళ్లీ కలిసి నటిస్తున్న చిత్రం ‘సినిమా చూపిస్త మావ’. త్రినాథరావు నక్కిన దర్శకుడు. అంజిరెడ్డి, రూపేష్ డి.గోవిల్, బెక్కెం వేణుగోపాల్, రాజశేర్ రెడ్డి నిర్మాతలు. ఈ చిత్రం షూటింగ్ ప్రస్తుతం హైదరాబాద్‌లో జరుగుతోంది. ఈ సందర్భంగా ఏర్పాటు చేసిన విలేకరుల సమావేశంలో దర్శక, నిర్మాతలు మాట్లాడుతూ -‘‘అవిక, రాజ్ తరుణ్‌ల మధ్య కెమిస్ట్రీని మరోసారి బ్రహ్మాండంగా ఆవిష్కరించే చిత్రమిది. కథ కోసమే ఎనిమిది నెలల సమయం కేటాయించాం. ప్రసన్నకుమార్ సంభాషణలు నవ్విస్తాయి. శేఖర్‌చంద్ర బాణీలు అలరిస్తాయి. అందరూ చూడదగ్గ వినోదాత్మక చిత్రమిది’’ అన్నారు. మళ్లీ కలిసి నటిస్తున్నందుకు హీరో హీరోయిన్లు ఆనందం వ్యక్తం చేశారు. ఈ చిత్రానికి కెమెరా: సాయి శ్రీరామ్.
  


 ‘చిన్నారి పెళ్లికూతురు’ టీవీ సీరియల్‌తో స్టార్‌డమ్ తెచ్చుకున్న అవికాగోర్ ‘ఉయ్యాల జంపాల’తో తెలుగు ప్రేక్షకులకు బాగా చేరువయ్యారు. ఈ సినిమా తర్వాత ఆమె 20 కథలు విన్నారు. ఫైనల్‌గా ఆమెకో కథ నచ్చింది. అదే ‘లక్ష్మీ రావే మా ఇంటికి’. వైజాగ్ నేపథ్యంలో రూపొందుతోన్న ఈ కుటుంబ ప్రేమకథ చిత్రంలో నాగశౌర్య కథానాయకుడు. రచయిత నంద్యాల రవి దర్శకునిగా పరిచయమవుతున్నారు. గిరిధర్ ప్రొడక్షన్స్ హౌస్ పతాకంపై మామిడిపల్లి గిరిధర్ ఈ చిత్రాన్ని నిర్మిస్తున్నారు.
  
   ఇటీవలే పతాక సన్నివేశాల చిత్రీకరణ పూర్తయింది. దర్శకుడు మాట్లాడుతూ -‘‘ఊహలు గుసగుసలాడే’ తర్వాత నాగశౌర్య - అవికాగోర్‌ల మధ్య కెమిస్ట్రీ ఆకట్టుకునే విధంగా ఉంటుంది. టైటిల్‌కి మంచి గుర్తింపు వచ్చింది’’ అని చెప్పారు. నిర్మాత మాట్లాడుతూ -‘‘ఆగస్టు 6తో టాకీపార్ట్ పూర్తవుతుంది. అదే నెలాఖరు నుంచి వైజాగ్‌లో పాటల చిత్రీకరణ చేస్తాం. కేఎం రాధాకృష్ణన్ సంగీతం ఈ చిత్రానికి ప్రధాన ఆకర్షణగా నిలుస్తుంది. ఆనంద్, గోదావరి, చందమామ తరహాలో సంగీతం ఆహ్లాదకరకంగా ఉంటుంది’’ అని తెలిపారు. రావు రమేశ్, నరేశ్, వెన్నెల కిశోర్ తదితరులు ఇందులో ముఖ్యతారలు.