Bigg Boss Telugu 5, Lobo: బిగ్‌బాస్‌ తెలుగు ఐదో సీజన్‌ కంటెస్టెంట్‌ లోబో తండ్రయ్యాడు. ఈ శుభవార్తను అతడు ఇన్‌స్టాగ్రామ్‌ వేదికగా అభిమానులతో పంచుకున్నాడు. తన భార్యకు కవలలు జన్మించినట్లు చెప్పాడు. ఒక బాబు, ఒక కూతురు పుట్టారని సంతోషం వ్యక్తం చేశాడు. దీంతో ఆయన అభిమానులు లోబోకు శుభాకాంక్షలు తెలియజేస్తున్నారు. మెగాస్టార్‌ చిరంజీవి సైతం తన కవలలను ఆశీర్వదించాడంటూ ఓ ఫొటోను సోషల్‌ మీడియాలో షేర్‌ చేశాడు. ఇదిలా ఉంటే బిగ్‌బాస్‌ హౌస్‌లో ఉండగా లోబో తన భార్య గర్భవతి అని, ఈ సమయంలో తనకు తోడుగా లేనంటూ ఎమోషనల్‌ అయిన విషయం తెలిసిందే. తన కూతురు వీడియో చూసినప్పుడు సైతం ఫ్యామిలీ గుర్తొస్తుందంటూ ఏడ్చాడు. ఇక షో నుంచి బయటకు రాగానే కుటుంబంతో క్వాలిటీ టైం స్పెండ్‌ చేస్తున్న లోబో మంచి మంచి ఆఫర్లు అందుకుంటూ కెరీర్‌లో దూసుకుపోతున్నాడు. మెహర్‌ రమేశ్‌ దర్శకత్వంలో చిరంజీవి నటిస్తున్న భోళా శంకర్‌ చిత్రంలో లోబో నటిస్తున్నాడు.  View this post on Instagram A post shared by Lobo (@lobo__619)

ఒక‌ప్పుడు టీవీ షోలు చేస్తూ ప్రేక్ష‌కుల‌ని అల‌రించిన లోబో ఇటీవల బిగ్‌బాస్‌ ఆఫ‌ర్ కొట్టెశాడు. సీజ‌న్ 5లో పాల్గొన్న ఆయ‌న త‌న కామెడీతో హౌజ్‌మేట్స్‌ని ఫుల్ ఎంట‌ర్‌టైన్ చేశాడు. సీక్రెట్ రూంలో ఉన్నా కూడా గేమ్‌ని మార్చుకోలేక బ‌య‌ట‌కు వ‌చ్చేశాడు లోబో. ఈ క్రమంలో అతడికి సినిమా ఆఫ‌ర్స్ త‌లుపుతడుతున్నాయని, ఏకంగా చిరు సినిమాలోనే నటించే చాన్స్‌ కొట్టేశాడంటూ వార్తలు వచ్చాయి. అయితే దీనిపై క్లారిటీ లేదు. ఈ నేపథ్యంలో చిరంజీవి పిలిచి మరి తన సినిమాలో ఆఫర్‌ ఇచ్చారని స్వయంగా లోబోనే వెల్లడించాడు. చదవండి: ‘ఆర్‌ఆర్‌ఆర్‌’ ట్రైలర్‌పై చిరంజీవి ఆసక్తికర వ్యాఖ్యలు తన ఇన్‌స్టాగ్రామ్‌లో చిరుతో ఉన్న ఫొటోను షేర్‌ చేస్తూ ‘నా కల నిజమైంది. చిరంజీవి సార్‌ సినిమాలో ఆఫర్‌ వచ్చింది’ అంటూ స్పష్టం చేసిన సంగతి తెలిసిందే. ఇక ఇటీవల ఓ టీవీ షోలో పాల్గొన్న లోబో చిరంజీవి సినిమా ఆఫర్‌పై మాట్లాడుతూ కన్నీళ్లు పెట్టుకున్నాడు. ‘ సినిమాలో నాది చిరు సార్‌ని అంటిపెట్టుకుని ఉండే పాత్ర. మెగాస్టార్‌ పక్కన నటించడం అంటే తన కల సాకారమైనట్లే’ అని సంబర పడిపోయాడు. దీంతో పాటు ఈ సినిమాకు మెహర్‌ రమేశ్‌ తెరకెక్కిస్తున్నాడని చెప్పుకొచ్చాడు. ప్ర‌స్తుతం చిరంజీవి- మెహ‌ర్ ర‌మేష్ ద‌ర్శ‌కత్వంలో తమిళ చిత్రం వేదాళం రీమేక్‌గా ‘భోళా శంక‌ర్’ చిత్రం రూపొందుతున్న విష‌యం తెలిసిందే. చదవండి: ఊహ నన్ను చూసి వణికిపోయింది: శ్రీకాంత్‌ ఆసక్తికర వ్యాఖ్యలు View this post on Instagram A post shared by Lobo (@lobo__619)

Bigg Boss 5 Telugu Contestants Lobo Got Movie Chance: 'హైదరాబాదీ ఎక్స్‌ప్రెస్‌' అనే మ్యూజిక్‌ షోతో బాగా పాపులర్‌ అయ్యాడు లోబో. తనకు అందరిలా ఉండటం నచ్చదు. సమ్‌థింగ్‌ స్పెషల్‌ అంటూ వెరైటీ జుట్టుతో, డిఫరెంట్‌ డ్రెస్సుతో, వినూత్న గెటప్‌తో, హైదరాబాదీ యాసతో ప్రేక్షకులను ఆకట్టుకున్నాడు. ఆ తర్వాత స్క్రీన్‌ మీద పెద్దగా కనిపించని లోబో ఈ మధ్యే బిగ్‌బాస్‌ షో ద్వారా బుల్లితెర ఆడియన్స్‌ను పలకరించాడు. బస్తీ నుంచి వచ్చాను, జనాల సపోర్ట్‌ వల్లే ఎదిగాను అంటూ నిత్యం చెప్తూ ఉండే లోబోకు బిగ్‌బాస్‌ షో తర్వాత బంపర్‌ ఆఫర్‌ వచ్చింది. అతడికి స్టార్‌ హీరో సినిమాలో నటించే అవకాశం వచ్చింది. ఇంతకీ ఆ స్టార్‌ హీరో ఎవరనుకుంటున్నారు? మెగాస్టార్‌ చిరంజీవి. ఈమధ్యే చిరంజీవి లోబోను పిలిచి మరీ నా సినిమాలో ఛాన్స్‌ ఉంది, వచ్చి చేయమని చెప్పారట! ఓ టీవీ షోలో పాల్గొన్న లోబో ఈ విషయాన్ని వెల్లడిస్తూ భావోద్వేగానికి లోనయ్యాడు. తనది చిరును అంటిపెట్టుకుని ఉండే పాత్ర అని, మెగాస్టార్‌ పక్కన ఉండి నటించడం అంటే తన కల నెరవేరినట్లేనని సంబరపడుతున్నాడు. ఈ సినిమాకు మెహర్‌ రమేశ్‌ దర్శకత్వం వహిస్తున్నాడని చెప్పుకొచ్చాడు. అంటే లోబో.. మెహర్‌ రమేశ్‌- చిరంజీవి కాంబోలో వస్తున్న 'భోళా శంకర్‌' సినిమాలో నటించనున్నట్లు తెలుస్తోంది.

Bigg Boss Telugu 5, Lobo Supports Shannu: లోబో.. బిగ్‌బాస్‌ తెలుగు ఐదో సీజన్‌లో ఎంటర్‌టైనర్‌ ఆఫ్‌ హౌస్‌ బిరుదు అందుకున్నాడీ హైదరాబాదీ. అయితే ఎంటర్‌టైన్‌మెంట్‌ ఒకటే సరిపోదని గేమ్‌ ఆడితే బాగుండేదని అభిప్రాయపడ్డారు ప్రేక్షకులు. అయితే బిగ్‌బాస్‌ మాత్రం లోబోకు ఒక ఛాన్సిద్దామని సీక్రెట్‌ రూమ్‌కు పంపించారు. కానీ అక్కడి నుంచి వచ్చిన తర్వాత కూడా గేమ్‌లో పెద్దగా ఛేంజ్‌ లేకపోవడంతో ప్రేక్షకులు పెదవి విరిచారు. ఎనిమిదవ వారం అతడిని ఎలిమినేట్‌ చేశారు.  హౌస్‌లో ఉన్నన్ని రోజులు రవి కోసం గేమ్‌ ఆడాడని, అతడికి కుడిభుజంలా వ్యవహరించాడని లోబో గురించి అంతా అనుకున్నారు. బయటకు వచ్చాక కూడా తన స్నేహితుడు రవికి ఓట్లేయండంటూ అతడికి సపోర్ట్‌ చేస్తూ వచ్చాడు. కానీ అనూహ్యంగా రవి కూడా షోలో నుంచి నిష్క్రమించడంతో ఇప్పుడు లోబో మరో కంటెస్టెంట్‌కు మద్దతు ప్రకటించాడు. యూట్యూబర్‌ షణ్ముఖ్‌ జశ్వంత్‌కు ఓటేయమని అభ్యర్థిస్తున్నాడు. అతడు ఈ వారం ఓటింగ్‌లో లేకపోయినా ఓట్లేయండంటూ వీడియో రిలీజ్‌ చేశాడు. View this post on Instagram A post shared by Lobo (@lobo__619) హౌస్‌లో ఉన్న అందరూ తనకు ఫ్రెండ్సే అని, కానీ షణ్ను అంటే కాస్త ఎక్కువ లవ్‌ అని చెప్పుకొచ్చాడు. ఎవరు ఎంత బాగా ఆడుతున్నారు? ఎవరు బాగా ఆడట్లేదు? అనేది పక్కనపెడితే షణ్ను తన ఫ్రెండ్‌ అని, అతడి జోలికొస్తే బాగోదని హెచ్చరించాడు. షణ్నును తోపుగా అభివర్ణించిన లోబో అతడికి సపోర్ట్‌ చేసి సూపర్‌ స్టార్‌ను చేద్దామని పిలుపునిచ్చాడు.

బిగ్‌బాస్‌ మీద ఇంట్రస్ట్‌తోనే సెలబ్రిటీలు షోలో పాల్గొంటారు. కానీ లోబో మాత్రం కొంత విరక్తి, మరికొంత ఆసక్తితో హౌస్‌లో అడుగుపెట్టాడు. గతంలో బిగ్‌బాస్‌ షో నచ్చదన్నాడు కదా! కానీ మరోసారి జనాలను ఎంటర్‌టైన్‌ చేసేందుకు ఐదో సీజన్‌లో ఎంట్రీ ఇచ్చాడు. అతడు హౌస్‌లో చేసే కామెడీకి కొదవ లేదు, లోబో అన్నయ్య కామెడీకి పొట్ట చెక్కలయ్యేలా నవ్వుతామని హౌస్‌మేట్‌ ప్రియాంక సింగ్‌ ఎన్నోసార్లు చెప్పుకొచ్చింది. కానీ షోలో రాణించాలంటే కామెడీ ఒక్కటే చేస్తే సరిపోదు, టాస్క్‌లు కూడా ఆడాలి! ఈ విషయాన్ని ఆలస్యంగా తెలుసుకున్నాడు లోబో. పైగా మాటిమాటికీ బస్తీలో నుంచి వచ్చాను, బస్తీ వాడిని అని చెప్పడం వల్ల అతడు సింపతీ కోసం ట్రై చేస్తున్నాడని నెగెటివ్‌ అభిప్రాయం ఏర్పడింది. వెరసి.. లోబో 8వ వారం ఎలిమినేట్‌ అయ్యాడు. అయితే అతడికి బిగ్‌బాస్‌ నుంచి ఎంత ముట్టిందనేది సోషల్‌ మీడియాలో హాట్‌ టాపిక్‌గా మారింది. లోబో రెమ్యునరేషన్‌ విషయానికి వస్తే అతడు వారానికి లక్షన్నర నుంచి రెండు లక్షల వరకు తీసుకున్నాడట! ఈ లెక్కన అతడు రోజుకు దాదాపుగా పాతిక వేల పైచిలుకు వెనకేసినట్లు తెలుస్తోంది. అంటే ఎనిమిది వారాలకు ఏకంగా 15 లక్షల కన్నా ఎక్కువే సంపాదించాడు. అతడు చేసిన ఎంటర్‌టైన్‌మెంట్‌ను దృష్టిలో పెట్టుకుని బిగ్‌బాస్‌ నిర్వాహకులు ముందుగా అనుకున్న డీల్‌ కంటే ఒకింత ఎక్కువే ఉండే అవకాశమూ లేకపోలేదు!

Bigg Boss Buzz, Lobo Interview: ఎంటర్‌టైనర్‌ ఆఫ్‌ హౌస్‌గా పేరు తెచ్చుకున్నాడు లోబో. మొదట్లో తెగ నవ్వించినా రానురానూ డల్‌ అయిపోయాడు. ఆరోవారం ఫేక్‌ ఎలిమినేషన్‌ ద్వారా హౌస్‌ బయటకు వచ్చేసిన లోబో తాజాగా అరియానా గ్లోరీ వ్యాఖ్యాతగా వ్యవహరించే బిగ్‌బాస్‌ బజ్‌కు హాజరయ్యాడు. ఈ సందర్భంగా అతడు తన దోస్త్‌ రవిని పదేపదే ఎందుకు నామినేట్‌ చేయాల్సి వచ్చిందో చెప్పాడు. అందరూ కొత్త ముఖాలే అని, అందుకే తనకు తెలిసిన రవిని నామినేట్‌ చేశానని సింపుల్‌గా చెప్పేశాడు. కాజల్‌ బిగ్‌బాస్‌ హౌస్‌లో సంవత్సరం ఉండమన్నా ఉంటుందని కామెంట్‌ చేశాడు. సిరి, షణ్నుతో ఫ్రెండ్‌షిప్‌ చేసి జెస్సీ హౌస్‌లో కంటిన్యూ కావాలనుకుంటున్నాడా? అన్న అరియానా ప్రశ్నకు అతడో స్వార్థపరుడని పెదవి విరిచాడు. షణ్నుకు డిఫరెంట్‌ యాటిట్యూడ్‌ ఉందని, తనకు గేమ్‌ ఎలా ఆడాలో బాగా తెలుసని చెప్పుకొచ్చాడు. చెటాకు మాటకు నాలుగు లక్షల మాటలు చెప్పుడు వద్దే వద్దని రవికి సూచించాడు. సిరి.. ఓ పక్క చేసేది చేస్తూనే ఒర్రుతుందన్నాడు. ఇక ఆమె షణ్నుకు చేసే సపర్యల గురించి చెప్తూ.. షణ్ను లేవగానే చేతికి బ్రష్‌ అందిస్తుంది. అన్ని పనులు చేసి పెడుతుంది. అతడికి వచ్చే భార్య కూడా ఇంతలా చేయకపోవచ్చు. మరోసారి ప్రజల వల్లే తానీ స్టేజీలో ఉన్నానని చెప్తూ ఎమోషనల్‌ అయ్యాడు లోబో. ప్రస్తుతం ఈ ఇంటర్వ్యూ వీడియో వైరల్‌గా మారింది.

బిగ్‌బాస్‌ తెలుగు ఐదో సీజన్‌ దీపావళి స్పెషల్‌ ఎపిసోడ్‌లో ఎంటర్‌టైన్‌మెంట్‌ ఆకాశాన్ని తాకింది. తారల డ్యాన్సులతో స్టేజీ దద్దరిల్లిపోయింది. బిగ్‌బాస్‌ మాజీ కంటెస్టెంట్లు చేసిన రచ్చను ప్రేక్షకులు ఆస్వాదించారు. ఇక విజయ్‌ దేవరకొండ, ఆనంద్‌ దేవరకొండలను ఒకే స్క్రీన్‌పై చూసి ముచ్చటపడిపోయారు అభిమానులు. మొత్తానికి బోలెడంత ఎంటర్‌టైన్‌మెంట్‌ను అందించిన ఈ ఎపిసోడ్‌లో ఎలిమినేషన్‌ ఘట్టం కూడా ముగిసింది. 8వ వారం లోబో ఎలిమినేట్‌ అయ్యాడు. అతడి ఎలిమినేషన్‌తో హౌస్‌లో వాతావరణం ఒక్కసారిగా మారిపోయింది. ఇది నిజమా? కలా? అని కొంతమంది కంటెస్టెంట్లు షాక్‌లోకి వెళ్లిపోయారు. ఈసారి సీక్రెట్‌ రూమ్‌, గట్రా ఏదీ ఉండదని అర్థమైన లోబో.. తనేదైనా తప్పుగా మాట్లాడితే క్షమించమని కాజల్‌ను వేడుకున్నాడు. స్టేజీ మీదకు వచ్చిన లోబోతో ఐదుగురు మిత్రువులు- ఆరుగురు శత్రువులు గేమ్‌ ఆడించాడు నాగార్జున. ఈ సందర్భంగా లోబో.. తొలుతగా ఫ్రెండ్స్‌ గురించి చెప్పుకొచ్చాడు. నాకు ఎల్లప్పుడూ బూస్ట్‌ ఇచ్చే విశ్వ తన ఫ్రెండ్‌ అని తెలిపాడు. అలాగే కాజల్‌, సన్నీ, రవి కూడా తన మిత్రువులేనని పేర్కొన్నాడు. ఇక ఐదో ఫ్రెండ్‌ యానీ గురించి చెప్తూ ఆమె కెప్టెన్‌ అయితే మా గల్లీలో పటాకులు కాలుస్తానన్నాడు. మిగిలిన షణ్ముఖ్‌, జెస్సీ, సిరి, మానస్‌, పింకీ శ్రీరామ్‌.. శత్రువులని చెప్పకనే చెప్పాడు.

Bigg Boss 5 8th Week Elimination: బిగ్‌బాస్ తెలుగు ఐదో సీజ‌న్‌లో ఎలిమినేష‌న్ ఎపిసోడ్‌ ప‌స లేకుండా పోతోంది. ఎవ‌రు ఎలిమినేట్ అవుతార‌న్న‌ది ఒక‌రోజు ముందే లీక‌వ‌డంతో స‌స్పెన్స్‌కు స్థానం లేకుండా పోయింది. ఈ వారం రవి, లోబో, శ్రీరామచంద్ర, సిరి హన్మంత్‌, షణ్ముఖ్‌ జస్వంత్‌, మానస్ నామినేష‌న్‌లో ఉన్నారు. వీరిలో ర‌వి, శ్రీరామ్, మాన‌స్‌, ష‌ణ్ముఖ్‌ల‌కు ఓటింగ్ ప‌రంగా ఢోకా లేదు. వీళ్లంద‌రికీ సోష‌ల్ మీడియాలో భారీ ఫాలోయింగ్ ఉంది, కాబ‌ట్టి ఈజీగా ఎలిమినేష‌న్ నుంచి బ‌య‌ట‌ప‌డ‌తారు.. ఎటొచ్చీ సిరి, లోబోల‌నే ఎలిమినేష‌న్ గండం వెంటాడుతోంది. వీళ్లిద్ద‌రిలో లోబో క‌న్నా సిరి బెట‌ర్ అన్న‌ది చాలామంది అభిప్రాయం. ఆమె టాస్కులు ఆడుతూ, గొడ‌వ‌లు పెట్టుకుంటూ, ష‌ణ్నూ ద‌గ్గ‌ర అలుగుతూ, ఏదో ఒక‌ర‌కంగా స్క్రీన్ స్పేస్ సంపాదించుకుంటూ వ‌స్తోంది. లోబో మొద‌ట్లో ఎంట‌ర్‌టైన్ చేసినా రానురానూ డ‌ల్ అయిపోయాడు. అత‌డు బాగా ఆడాడు అని చెప్పుకోవ‌డానికి ఒక‌టీ, రెండు టాస్కులు మిన‌హా పెద్ద‌గా ఏమీ లేవు. పైగా ఏడు వారాల్లో ఆరుగురు అమ్మాయిల‌ను పంపించివేయడంపై బిగ్‌బాస్‌పై గ‌ర‌మ‌వుతున్నారు నెటిజ‌న్లు. అమ్మాయిల‌ను విన్న‌ర్ చేయొద్ద‌ని ముందే డిసైడ్ అయిన‌ట్లున్నార‌ని విమ‌ర్శ‌లు చేస్తున్నారు. ఈ క్ర‌మంలో ఈ వారం కూడా అమ్మాయినే పంపించివేస్తే మ‌రింత విమ‌ర్శ‌ల‌పాల‌వ‌డం ఖాయం. దీనికి తోడు అన‌ధికారిక పోల్స్‌లోనూ లోబోకు త‌క్కువ ఓట్లు వ‌చ్చాయి. అటు అఫీషియ‌ల్ ఓటింగ్‌లోనూ లోబో వెన‌క‌బ‌డిన‌ట్లు స‌మాచారం! ఫ‌లితంగా ఈ వారం లోబో.. హౌస్ నుంచి త‌న బ‌స్తీకి ప‌య‌న‌మ‌వుతున్న‌ట్లు తెలుస్తోంది.

Bigg Boss 5 Telugu, 8th Week Elimination: బిగ్‌బాస్‌ షోలో ప్రేక్షకులకు ఎక్కువ కిక్కేచ్చేవి రెండే రెండు. ఒకటి నామినేషన్‌, రెండు ఎలిమినేషన్‌. సోమవారం నామినేషన్స్‌ తంతు పూర్తవగానే సండే ఎలిమినేషన్‌ ప్రక్రియ కోసం కళ్లు కాయలు కాచేలా ఎదురు చూస్తుంటారు వీక్షకులు. అయితే ఎవరు నామినేషన్‌లో ఉన్నారు? ఎవరు ఎలిమినేట్‌ అవుతున్నారు? అన్న విషయాలను ఎపిసోడ్‌ ప్రసారమవడాని కంటే ముందే లీక్‌ చేసి అసలైన మజాను పోగొడుతున్నారు లీకువీరులు. అయినప్పటికీ ఎలిమినేట్‌ అయినప్పుడు వారి భావోద్వేగాలను, స్టేజీపై వారు మాట్లాడే మాటలను వినాలని తెగ ఉవ్విళ్లూరుతుంటారు బిగ్‌బాస్‌ లవర్స్‌. ఇక ఈసారి కూడా ఎవరు బిగ్‌బాస్‌ హౌస్‌ను వీడబోతున్నారు? అని చర్చలు మొదలెట్టేశారు. అయితే ఈసారి ఎలిమినేషన్‌ వార్‌ వన్‌సైడ్‌ అవనున్నట్లు కనిపిస్తోంది. అదెలాగంటే.. ఎనిమిదవ వారం రవి, లోబో, శ్రీరామచంద్ర, సిరి హన్మంత్‌, షణ్ముఖ్‌ జశ్వంత్‌, మానస్‌ నామినేషన్స్‌లో ఉన్నారు. వీరిలో రవి ఈ సీజన్‌ ప్రారంభం నుంచి ప్రతివారం నామినేట్‌ అవడం, తనకున్న ఫ్యాన్‌ ఫాలోయింగ్‌తో సేవ్‌ అవడం ఆనవాయితీగా వస్తోంది. కాబట్టి రవి బెర్త్‌కు ఢోకా లేదు. యూట్యూబ్‌ సంచలనం షణ్ముఖ్‌కు సైతం యూత్‌లో మంచి పాపులారిటీ ఉంది. అతడు నామినేషన్‌లోకి రావడమే తరువాయి ఓట్ల వర్షం కురిపిస్తున్నారు అభిమానులు. అనఫీషియల్‌ ఓటింగ్‌లో భారీ ఓట్లతో టాప్‌ ప్లేస్‌లో దూసుకుపోతున్నాడు. అధికారిక ఓటింగ్‌లోనూ అతడు ముందువరుసలో ఉండే ఛాన్స్‌ ఉంది. ఇక శ్రీరామచంద్ర, మానస్‌.. ఇద్దరూ మిస్టర్‌ కూల్‌గా పేరు తెచ్చుకున్నవారే. లేనిపోని గొడవలు పెట్టుకోకుండా, ఏ తగవుల్లోనూ దూరకుండా తమ పని తాము చేసుకుపోతున్నారు. రోజురోజుకీ వీళ్లిద్దరి గ్రాఫ్‌ పెరుగుతూనే ఉంది తప్ప తగ్గడం లేదు. ఈ ఇద్దరినీ అభిమానులు ఇంకొన్నాళ్లు కాపాడుకుంటారే తప్ప అప్పుడే షో నుంచి జారవిడుచుకోరు.  మిగిలిందల్లా సిరి, లోబో. ఈ ఇద్దరే ఈ వారం డేంజర్‌ జోన్‌లో ఉన్నారు. కానీ ఎలిమినేషన్‌ కత్తి ప్రధానంగా వేలాడుతోంది లోబోపైనే. ఎందుకంటే గడిచిన ఏడు వారాల్లో ఆరుగురు అమ్మాయిలను షో నుంచి పంపించేసి బిగ్‌బాస్‌ పక్షపాతం చూపిస్తున్నాడని విమర్శలు ఎదుర్కొంటున్నారు. అలాంటి తరుణంలో మరోసారి అమ్మాయినే పంపించేసి చేతులు కాల్చుకునే సాహసం చేయదు బిగ్‌బాస్‌ టీమ్‌. ముఖ్యంగా గ్లామర్‌ కంటెంట్‌ తగ్గిపోయింది కాబట్టి దాన్ని బ్యాలెన్స్‌ చేయడానికైనా సిరిని ఇంకొన్నాళ్లు కొనసాగించే అవకాశం ఉంది. పైగా టాస్కుల్లో లోబో కంటే మెరుగ్గా ఆడుతోంది. ఇక లోబో విషయానికి వస్తే.. ఆరోవారంలో అమ్మాయిని పంపించకూడదని బిగ్‌బాస్‌ నిర్వాహకులు ఓ నిర్ణయానికి వస్తే గనుక శ్వేతవర్మ స్థానంలో ఎలిమినేట్‌ అ‍య్యేది లోబోనే! కానీ సీక్రెట్‌ రూమ్‌తో అతడిని ఆ గండం నుంచి గట్టెక్కించారు. కానీ ఈ వారం మాత్రం అతడిని ఎవరూ కాపాడలేరని తెలుస్తోంది. సీజన్‌ ప్రారంభమైన మొదట్లో లోబో బాగానే ఎంటర్‌టైన్‌ చేసినా రానురానూ డల్‌ అయిపోయినట్లు కనిపించింది. టాస్కుల్లోనూ ఎక్కడా పనితనం చూపకపోవడంతో స్వయంగా నాగార్జునే టాస్కుల్లోనూ కాస్త యాక్టివ్‌గా ఉండవయ్యా అంటూ చురకలంటించాడు. సీక్రెట్‌ రూమ్‌ ఎపిసోడ్‌ తర్వాత అతడు ఆటపై కొంత ఫోకస్‌ పెట్టినప్పటికీ అప్పటికే జరగాల్సిన నష్టం జరిగిపోయింది. ఈ 50 రోజుల్లో మిగతా కంటెస్టెంట్లు అందరూ టాస్క్‌ల్లో చురుకుగా పాల్గొంటూ తమ గ్రాఫ్‌ను పెంచుకుంటూ పోగా లోబో మాత్రం కేవలం ఎంటర్‌టైన్‌మెంట్‌నే నమ్ముకుని ఒకే దగ్గర ఉండిపోయాడు. ఏ విధంగా చూసుకున్న లోబో ఈ వారం ఎలిమినేట్‌ అవడం ఖాయంగా కనిపిస్తోంది. లేదు, అతడిని ఎలాగైనా కాపాడుకుంటాం అని బిగ్‌బాస్‌ నిర్వాహకులు అనుకుంటే మాత్రం సిరి బలవక తప్పదు.

బిగ్‌బాస్‌-5లో ట్రాన్స్‌ జెండర్‌ కంటెస్టెంట్‌గా పరిచయం అయినా ప్రియాంక... తన అంద చందాలతో బిగ్ బాస్ హౌస్‌లోనే గ్లామర్ బ్యూటీగా అవతరించిన ప్రియాంక స్ట్రాంగ్ కంటెస్టెంట్‌గా మారింది. మానస్‌తో ఆమె నడిపే లవ్‌ట్రాక్‌.. ప్రేక్షకులకు తెగ నచ్చేసింది. వారిద్దరిపై మిగతా సభ్యులు వేసే పంచ్‌లు, జోకులు బాగా పేలుతున్నాయి. తాజా ఎపిసోడ్‌లో ప్రియాంక పెద్దబావ, చిన్నబావ, బుల్లిబావల విషయంలో రవి, లోబోల మధ్య జరిగిన సరదా సంభాషణ నవ్వులు పూయించాయి.  శ్రీరామ్‌ను పెద్ద బావ, మానస్‌ను చిన్నబావ అని, జెస్సీని బుల్లి బావ అంటూ ప్రియాంక చెప్పుకొచ్చింది. పెద్ద బావ ఒప్పుకోవడం లేదన్న.. కట్నం కావాలని అంటున్నాడు అన్నయ్య అంటూ యాంకర్ రవితో అంటే.. రెండో అన్నయను అడుగు అంటూ లోబో వద్దకు పంపించాడు రవి. లోబో మాట్లాడుతూ పింకికి బుల్లి బావ ఎవరు అనగా.. జెస్సీ అని రవి సమాధానం ఇచ్చాడు. అయితే వాడు కూడా క్యారెక్టర్‌లో ఉన్నాడా అంటూ లోబో ఆశ్చర్యం వ్యక్తం చేశారు. దాంతో జెస్పీ గాడికి నేనంటే చాలా ఇష్టం అంటూ ప్రియాంక చెప్పుకొచ్చింది.  ‘నీ మాట వినని పెద్దబావ కాళ్లూచేతులు తీసేస్తాను’లోబో  అంటే ‘అయ్యయ్యో అలా చేయవద్దు అన్నయ్య’అని ప్రియాంక  రిక్వెస్ట్‌ చేసింది. చిన్నబావ అన్ని విషయాల్లోనూ అడ్జెస్ట్‌ అవుతాడు.. వాడిని ఇచ్చి పెళ్లి చేస్తాఅని  లోబో చెప్పాడు. ‘నీకు కూడా అతడే కదమ్మా కావాల్సింది’అని రవి కౌంటర్‌ ఇవ్వడం నవ్వులు పూయించింది. (చదవండి: బిగ్‌బాస్‌: ఎట్టకేలకు గెలిచిన షణ్ముఖ్‌.. చెమటలు కక్కిన శ్రీరామ్‌)

Bigg Boss Telugu 5, Episode 52: బిగ్‌బాస్‌ ఇంట్లో ఎనిమిదోవారం కెప్టెన్సీ కంటెండర్‌ టాస్క్‌ ఇంటి సభ్యులకు చుక్కలు చూపిస్తోంది. కెప్టెన్‌ అయ్యేందుకు కంటెస్టెంట్స్‌ నానా కష్టాలు పడుతున్నారు. లోబో, షణ్ముఖ్‌ ఆవుపేడతో ఆటలాడగా.. సిరి, రవి స్విమ్మింగ్‌ఫూల్‌లో సీసాలు ఏరారు. మరోవైపు మానస్‌, శ్రీరామచంద్రలు చమటలు పట్టేలా తాళ్లను ఊపారు. మరి ఈ టాస్కుల్లో ఎవరుగెలిచారు. హౌస్‌ని లాక్‌డౌన్‌ చేస్తున్నట్లు బిగ్‌బాస్‌ ఎందుకు ప్రకటించారు. ఇంట్లోకి వెళ్లేందుకు కంటెస్టెంట్స్‌ పడ్డ కష్టాలేంటో నేటి ఎపిసోడ్‌ చదివేద్దాం.  సిరికి షణ్ముఖ్‌ గోరు ముద్దలు నామినేషన్‌ ప్రక్రియలో విశ్వ ప్రవర్తన తనకు నచ్చలేదని సిరికి చెప్పాడు షణ్మఖ్‌. ఆమెకు గోరుముద్దలు తినిపిస్తూ.. తన గోడునంతా చెప్పుకున్నాడు. అందరిలాగే తనకు కూడా అమ్మ మొదటిసారే లెటర్‌ రాసిందని.. అందరు చెపుకుంటారు, మనం చెప్పుకోము అంతే తేడా అన్నాడు. అలాగే విశ్వ చాలా సేఫ్‌ గేమ్‌ ఆడుతున్నాడని, నామినేషన్‌ అంటే ఆయన భయమని చెప్పాడు.  టాప్‌ 5లో నేను, మానస్‌ ఉంటాం : ప్రియాంక బెడ్‌రూమ్‌ ఏరియాలో పింపీ, సిరి, మానస్‌ ముచ్చట్లు పెట్టారు.  ఈ సారి నామినేషన్‌లో ఆరుగురు ఉన్నారు కదా అని మానస్‌ అడగ్గా.. అవును ఒక గర్ల్‌, ఐదుగురు బాయ్స్‌ ఉన్నారని సిరి చెప్పింది. పింకి ఈ సారి కూడా నామినేషన్‌లో లేరని సిరి అనగా.. నేను మానస్‌ టాప్‌ 5లో ఉంటామని ప్రియాంక చెప్పింది. దానికి సిరి నవ్వుతూ.. 'మేమేంటి అడుక్కోవాలా..?' అని ప్రశ్నించించగా.. మా పక్కన మీ ముగ్గురు కూడా ఉంటారులేని కౌంటర్‌ ఇచ్చింది పింకి.  ఇక మానస్‌ అయితే.. అంకుల్స్‌ అంతా బయటకు వెళ్లిపోవాలి.. కుర్రాళ్లంతా లోపలే ఉండాలని మాసన్‌ కోరుకోగా.. ఒకవేళ ఆంటీలను బయటకు పోవాలని చెబితే.. పింకీ వెళ్తుందని సిరి నవ్వుతూ కౌంటర్‌ వేయగా.. మొహం పగిలిపోద్దని ప్రియాంక ఫన్నీ వార్నింగ్‌ ఇచ్చింది. షన్ను అంటే.. ఇన్ మోజ్ రూమ్ విత్ త్రీ: యాంకర్ రవి ఇక రవి ఏమో ఎప్పటిమాదిరే.. ఇతరులను ఇన్‌ఫ్లూయన్స్‌ చేసే పనిలో పడ్డాడు. షణ్ముఖ్‌ దగ్గరకు వెళ్లి.. 'నాకు తెలిసి నేను చూసిన దాంట్లో వేర్ ఈజ్ షన్ను అంటే.. ఇన్ మోజ్ రూమ్ విత్ త్రీ.. ఆన్ బెడ్ విత్ త్రీ..' అంటూ షన్ను పరువు తీశాడు రవి.  కెప్టెన్సీ పోటీదారుల టాస్క్‌..‘అభయహస్తం’ కెప్టెన్సీ కంటెండర్ టాస్క్ కోసం ఇంటిని లాక్‏డౌన్ చేసినట్లుగా ప్రకటించారు బిగ్ బాస్. ఇందులో భాగంగా అభయహస్తం టాస్కులో గెలిచి కెప్టెన్సీ కంటెస్టెంట్ గా సెలక్ట్ అయిన సభ్యులు మాత్రమే ఇంట్లోకి వెళ్లాల్సి ఉంటుందని కండిషన్ పెట్టాడు. ఇందులో భాగంగా గార్డెన్ ఏరియాలో కెప్టెన్సీ టాస్క్ కోసం ఏర్పాట్లు చేశారు. ఈ వారం కెప్టెన్సీ పోటీదారులు అవ్వడానికి, అలాగే ఇంట్లోకి వెళ్లడానికి ఐదు చాలెంజ్‌లు ఎదుర్కొవాల్సి ఉంటుందని చెప్పారు బిగ్‌బాస్‌. ఈ చాలెంజ్‌లో భాగంగా ఎవరెవరు పోటీ పడతారనేది ఇంటి సభ్యులంతా ఏకాభిప్రాయంతో చెప్పాలి. అలాగే ఒక చాలెంజ్‌లో ఓడినవారు ఇంటి సభ్యులను ఒప్పించి మిగతా చాలెంజ్‌లలో కూడా పోటీపడొచ్చు.  మొదటి చాలెంజ్‌..మట్టిలో ముత్యాలు ఈ చాలెంజ్‌లో భాగంగా గార్డెన్‌ ఏరియాలో బాత్‌టబ్‌లో మట్టి, పేడ, ముత్యాలు కలిపి ఉన్నాయి. దాని నుంచి ఎవర ఎక్కువ ముత్యాలు తీస్తారో వారే విజేతలు. ఒక్కోసారి ఒక్కో  ముత్యాన్ని మాత్రమే వేయాలి. ఈ టాస్క్‌కి ఇంటి సభ్యులందరూ ఏకాభిప్రాయంతో ఇప్పటివరకూ కెప్టెన్ పోటీదారులుగా అర్హత సాధించలేకపోయిన షణ్ముఖ్, లోబోలు వెళ్లారు. ఇందులో టాస్క్‌లో షన్నూ 101 ముత్యాలను ఏరి లోబో(74)పై విజయం సాధించాడు. అయితే షణ్ముఖ్‌ తీసిన ముత్యాలు సరిగా లేవని విశ్వ, శ్రీరామచంద్ర, రవి అనగా.. నీట్‌గా ఉండటం మ్యాటర్ కాదు.. ఎక్కువ తీయాలంతే అంటూ అడ్డంగా వాదించింది సిరి. చివరకు సంచాలకులుగా ఉన్న సన్నీ.. షణ్ముఖ్‌ని విన్నర్‌గా ప్రకటించడంతో సిరి ఎగిరిగంతేసి షణ్ముఖ్‌ని గట్టిగా కౌగిలించుకుంది.  రెండో చాలెంజ్‌ గాలం మార్చే మీ కాలం రెండో చాలెంజ్‌గా ‘గాలం మార్చే మీ కాలం’టాస్క్‌ ఇచ్చాడు బిగ్‌బాస్‌. ఈ టాస్క్‌లో భాగంగా స్విమ్మింగ్‌ ఫూల్‌ అడుగున​ ఉన్న బాటిల్స్‌ని ఫిషింగ్‌ రాడ్‌తో బయటకు తీయాలి. ఎండ్‌ బజర్‌ మోగేలోపు ఎవరు ఎక్కువ బాటిల్స్‌ని బయటకు తీస్తారు వారే విజయం సాధించినట్లు. దీని కోసం రవి, సిరి హోరా హోరిగా పోటీపడ్డారు. చివరకు సిరి 15 బాటిల్స్‌ని బయటకు తీసి రవి(12)పై విజయం సాధించింది.  మూడో చాలెంజ్‌.. తాడులు తకదిమి మూడో చాలెంజ్‌గా తాడుల తకదిమి టాస్క్‌ ఇచ్చారు. ఇందులో భాగంగా ఎవరైతే రోప్‌లను ఎక్కువగా వేగంగా కదుపుతూ ఆపకుండా ఉంటారో వారే గెలుస్తారు. ఆపేసిన వారు ఓడిపోతారు. దీని కోసం శ్రీరామచంద్ర, మానస్‌ పోటీ పడ్డారు. ఇద్దరు చెమటలు వచ్చేలా తాడులను ఊపారు. చివరకు మానస్‌ భరించలేక తాడులను వదిలేయడంతో శ్రీరామ్‌ విజయం సాధించాడు. అయితే మిగిలిన టాస్క్‌లతో పోల్చితే ఈ టాస్క్‌ కోసం శ్రీరామచంద్ర చాలా కష్టపడ్డాడు. చెమటలు వచ్చినప్పటికీ.. తాడులను ఊపడం ఆపలేదు. దీంతో మూడో విజేతగా నిలిచి ఇంట్లోకి ప్రవేశించాడు. మొత్తంగా ఇప్పటివరకు కెప్టెన్సీ దారులుగా షణ్ముఖ్‌, సిరి, శ్రీరామచంద్రలు గెలిచి, బిగ్‌బాస్‌ హౌస్‌లోకి వెళ్లారు. మిగిలి సభ్యులంతా బయటే ఉన్నారు. మరి వారిలో ఏ ఇద్దరు చాలెంజ్‌లు గెలిచి కెప్టెన్సీ పోటీదారులైన షన్నూ, సిరి, శ్రీరామ్‌లతో  పోటీపడ్డారు? ఈ వారం కెప్టెన్‌గా ఎవరు ఎంపికయ్యారో రేపటి ఎపిసోడ్‌లో చూద్దాం. 

Bigg Boss 5 Telugu Today Promo: బిగ్‌బాస్‌ ఐదో సీజన్‌ రానురానూ ఆసక్తికరంగా సాగుతోంది. కంటెస్టెంట్స్ కొంతమంది సరదాగా గడుపుతుంటే, మరికొంత మంది ఎమోషనల్ గా ఉన్నారు. అప్పుడే ఈ షో ఏడువారాలను పూర్తి చేసుకొని ఎనిమిదోవారంలోకి అడుగుపెట్టింది. ఈ వారం ఎలిమినేషన్‌ రవి, లోబో, శ్రీరామచంద్ర, సిరి హన్మంత్‌,షణ్ముఖ్‌ జస్వంత్‌, మానస్‌ ఉన్నారు. నామినేషన్‌ ప్రక్రియ పూర్తయిన వెంటనే.. హౌస్‌లో కొత్త కెప్టెన్‌ను ఎన్నుకునే ప్రక్రియ మొదలైంది. ఈ వారం కెప్టెన్సీ పోటీదారుల కోసం ‘అభయహస్తం’అనే టాస్క్‌ని ఇచ్చాడు బిగ్‌బాస్‌. ఈ టాస్క్‌లో భాగంగా బిగ్‌బాస్‌ ఇంటిని పూర్తిగా లాక్‌డౌన్‌ చేస్తున్నట్లు ప్రకటించాడు. ఈ చాలెంజ్‌లో గెలిచిన సభ్యులకు మాత్రమే ఇంట్లోకి ఎంట్రీ ఉంటుంది. ఈ టాస్క్‌లో భాగంగా షణ్ముఖ్‌-లోబో హోరా హోరిగా తలపడినట్లు తాజాగా విడుదలైన ప్రోమో చూస్తే అర్థమవుతుంది. (చదవండి: బిగ్‌బాస్‌: ప్రియ పారితోషికం ఎన్ని లక్షలో తెలుసా?) బురదతో నిండిన బాత్‌టబ్‌ నుంచి కాయిన్స్‌ని సేకరించే టాస్క్‌లో లోబో-షణ్ణ్నూ పోటీ పడ్డారు. ఆ సమయంలో విశ్వ-షణ్ముఖ్‌, కాజల్‌-లోబో మధ్య చిన్నపాటి మాటల యుద్దం జరిగింది. ‘వందమంది వంద వాగుతారు అని షణ్ణ్నూ అనగా.. విశ్వ మధ్యలో కలగజేసుకొని.. అంతా ఇక్కడ ఉన్నోళ్లమే కదా డార్లింగ్‌ అని సీరియస్‌ అయ్యారు. ఆ వంద మందిలో నువ్వు ఉన్నావా.. అంటూ షణ్ముఖ్‌ కౌంటర్‌ ఇచ్చాడు. ఇక కాజల్‌ ఏదో అనబోతుండగా.. కాసేపు ఏం మాట్లాడొద్దని లోబో అడ్డుకోబోయాడు. ‘నా ఇష్టం నేను మాట్లాడతా. నీకు ఇబ్బంది ఉంటే చెవులు మూసుకో’అంటూ లోబోపై కాజల్‌ ఫైర్‌ అయ్యారు. మరి ఈ కెప్టెన్సీ కంటెండర్‌ టాస్క్‌ ఇంటి సభ్యుల మధ్య ఎలాంటి చిచ్చు పెట్టిందో తెలియాలంటే.. నేటి ఎపిసోడ్‌ చూడాల్సిందే.

Bigg Boss Telugu 5, Episode 51: రవి లోబోకు చాలా సపోర్ట్‌ చేస్తాడు, కానీ అతడు మాత్రం రవికి సపోర్ట్‌ చేయడు, ఫ్రెండంటాడు, కానీ పదేపదే నామినేట్‌ చేస్తాడు అని పింకీతో చెప్పుకొచ్చింది యానీ మాస్టర్‌. ఇంతలో లోబో నమాజ్‌ చేసుకుంటూ ఏడ్చేశాడు. దీంతో రవి అతడిని దగ్గరకు తీసుకుని ఓదార్చాడు. బిగ్‌బాస్‌ హౌస్‌లో కంటెస్టెంట్లు అడుగుపెట్టి 50 రోజులు పూర్తయిందన్న బిగ్‌బాస్‌.. మీకు ఎంతో ప్రియమైనవారి నుంచి లేఖను పొందే అవకాశం లభిస్తుందని ఊరించాడు. కానీ.. ఏదైనా దక్కించుకోవాలంటే ఇంకేదైనా వదులుకోవాల్సి వస్తుందని నామినేషన్‌ గురించి హింటిచ్చాడు. నామినేషన్‌ ప్రక్రియలో భాగంగా పోస్ట్‌ మ్యాన్‌ ఇద్దరు ఇంటిసభ్యులను పవర్‌ రూమ్‌కు పిలుస్తుంటాడు. వారి ముందున్న బ్యాగ్‌లోని రెండు లేఖల్లో ఒక్కరికి మాత్రమే లేఖ ఇచ్చి మిగతాది చింపివేయాల్సి ఉంటుంది. లెటర్‌ అందుకోలేనివాళ్లు నామినేట్‌ అయినట్లు లెక్క! నాకు పుట్టకపోయినా నా దగ్గర కూడా ఒక బాబు ఉన్నాడు మొదటగా పవర్‌ రూమ్‌లోకి వెళ్లిన మానస్‌, శ్రీరామ్‌లకు లోబో, ప్రియాంక లేఖలు అందాయి. దీంతో లోబో మాట్లాడుతూ.. తన భార్య గర్భవతి అని, అమ్మ ఆరోగ్యం ఎలా ఉందో తెలుసుకోవాలని ఉందంటూనే పింకీ కోసం తన లేఖను త్యాగం చేశాడు. కానీ ఉబికి వస్తున్న కన్నీళ్లను మాత్రం ఆపుకోలేకపోయాడు. తర్వాత షణ్ను- రవిలకు విశ్వ, సిరి లేఖలు అందాయి. అయితే విశ్వ కోసం తన ప్రియుడు శ్రీహాన్‌ రాసిన లేఖను ముక్కలు చేయడానికి సిద్ధపడింది సిరి. 'నాకు పుట్టకపోయినా నా దగ్గర కూడా ఒక బాబు ఉన్నాడు, కాబట్టి నీకు పుట్టిన పిల్లల కోసం ఎంత తపన ఉంటుందో నేను అర్థం చేసుకోగలను' అంటూ విశ్వకు లేఖ అందించమని చెప్తూ ఎమోషనల్‌ అయింది. ఏడ్చేసిన శ్రీరామ్‌, ఓదార్చుతూ ముద్దులు పెట్టిన పింకీ తర్వాత పింకీ- కాజల్‌కు యానీ మాస్టర్‌, మానస్‌ల లేఖలు అందాయి. యానీ పరిస్థితి అర్థం చేసుకున్న మానస్‌ తన లేఖను త్యాగం చేశాడు. కానీ పింకీ మాత్రం మానస్‌ లెటర్‌ ముక్కలవుతున్నందుకు ఎంతగానో బాధపడిపోయింది. విశ్వ-లోబోలకు రవి, శ్రీరామ్‌ లెటర్స్‌ వచ్చాయి. అయితే పెద్ద మనసు చేసుకున్న శ్రీరామ్‌.. రవి కోసం తన లెటర్‌ను వదులుకునేందుకు సిద్ధపడిపోయాడు. కానీ లోబో మాత్రం రవి తన ఫ్యామిలీని గుర్తు చేసుకునేందుకు బొమ్మ, టీ షర్ట్‌, లెటర్‌ ఉన్నాయి కాబట్టి శ్రీరామ్‌కే లెటర్‌ ఇవ్వాలన్నాడు, ఇందుకోసం రవిని ఒప్పించేందుకు ప్రయత్నించాడు. దీంతో రవి తన లెటర్‌ను చింపివేసి శ్రీరామ్‌కు వచ్చిన లేఖను చదివి వినిపించాడు. తర్వాత కాసేపటికి ఆ లేఖను పట్టుకుని ఒంటరిగా కూర్చున్న శ్రీరామ్‌ ఇల్లు గుర్తొచ్చి కన్నీళ్లు పెట్టుకున్నాడు. ఇది చూసిన పింకీ అతడి కన్నీళ్లు తుడిచి, హగ్గిచ్చి, బుగ్గపై ముద్దులు పెట్టింది. అమ్మా, నువ్వే నా ఇన్‌స్పిరేషన్‌: షణ్ముఖ్‌ తర్వాత యానీ- సిరిలకు షణ్ముఖ్‌, కాజల్‌ లెటర్స్‌ వచ్చాయి. దీంతో మొదటిసారి కాజల్‌ తన కన్నీళ్లు ఆపుకోలేక గక్క్క పెట్టి ఏడ్చేసింది. ఇది చూసి కరిగిపోయిన షణ్ను కాజల్‌ను లెటర్‌ తీసుకోమన్నాడు. అయితే సిరి మాత్రం 'నేనెలాగో అందుకోలేకపోయాను, కనీసం నువ్వైనా తీసుకో' అంటూ ఏడ్చేసింది. కానీ షణ్ను అందుకు ఒప్పుకోకపోవడంతో అతడి లేఖ తునాతునకలైంది. ఇది చూసి దుఃఖాన్ని దిగమింగుకున్న షణ్ను.. 'అమ్మా, క్యాన్సర్‌ను జయించావు, అమ్మమ్మ చనిపోయినప్పుడు ఆ బాధ నుంచి  కోలుకున్నావు, నువ్వే నా ఇన్‌స్పిరేషన్‌, నేను ఈ బాధలో నుంచి బయటపడతాను' అని చెప్పుకొచ్చాడు. కానీ లోపలకు వెళ్లి గుండెలోని భారాన్ని దించుకుంటూ గట్టిగా ఏడ్చేశాడు. జెస్సీ కోసం త్యాగానికి పూనుకున్న శ్రీరామ్‌.. ఇక కెప్టెన్‌ సన్నీకి స్పెషల్‌ పవర్‌ లభించింది. దీని ద్వారా జెస్సీ లెటర్‌ను సన్నీ చేతిలో పెట్టాడు బిగ్‌బాస్‌. జెస్సీకి లెటర్‌ ఇచ్చి సేవ్‌ చేయాలంటే ఆల్‌రెడీ సేవ్‌ అయినవాళ్ల దగ్గరి నుంచి లేఖ అందుకోవాలని చెప్పాడు. దీంతో శ్రీరామ్‌.. జెస్సీ కోసం తన లేఖను త్యాగం చేసి నామినేట్‌ అయ్యేందుకు రెడీ అయ్యాడు. కానీ షణ్ను, సిరి, జెస్సీ.. శ్రీరామ్‌కు హగ్గిచ్చి దూరాన్ని చెరిపేసుకోవాలని రవి కండీషన్‌ పెట్టాడు. ఈ కండీషన్‌కు త్రిమూర్తులు ఒప్పుకోకపోగా మా మధ్య డిస్టబెన్స్‌ అంతా క్లియర్‌ అయిపోయిందని చెప్పడంతో రవి వెనక్కు తగ్గాడు.  అలా శ్రీరామ్‌ నామినేషన్‌లోకి వెళ్లి జెస్సీని సేవ్‌ చేశాడు. తర్వాత కెప్టెన్‌ సన్నీకి లేఖ అందడంతో ఆనందంలో మునిగి తేలాడు. ఇంతటితో నామినేషన్‌ ప్రక్రియ పూర్తవగా రవి, లోబో, శ్రీరామ్‌, సిరి, షణ్ముఖ్‌, మానస్‌ నామినేట్‌ అయ్యారు.

Bigg Boss 5 Telugu, 8th week Nominations: బిగ్‌బాస్‌ తెలుగు ఐదో సీజన్‌ ఎనిమిదో వారంలోకి అడుగు పెట్టింది. ఎప్పటికప్పుడు సరికొత్తగా నామినేషన్స్‌ నిర్వహించే బిగ్‌బాస్‌ ఈసారి హౌస్‌మేట్స్‌ ఎమోషన్స్‌తో ఆడుకునేందుకు ప్రయత్నించినట్లు కనిపిస్తోంది. ఈ మేరకు తాజాగా ఓ ప్రోమో రిలీజైంది. మీ అందరికీ మీ ప్రియమైనవారి నుంచి ఓ లేఖ పొందే అవకాశం లభిస్తుందన్న బిగ్‌బాస్‌ అంతలోనే మరో ట్విస్టు ఇచ్చాడు. జీవితంలో కోరుకున్న ప్రతీది దక్కదని, ఏదైనా దక్కించుకోవాలంటే వేరే ఏదైనా వదులుకోవాల్సి వస్తుందని చెప్పాడు. పవర్‌ రూమ్‌లోని సభ్యులు ఎవరికైతే లేఖ ఇస్తారో వారు సేఫ్‌ అవగా లెటర్‌ దక్కనివారు నామినేట్‌ అవుతారని బాంబు పేల్చాడు.  నామినేషన్స్‌లో ఆరుగురు కాగా ఎనిమిదో వారం నామినేట్‌ అయిన సభ్యులు వీరేనంటూ ఓ లిస్ట్‌ నెట్టింట చక్కర్లు కొడుతోంది. శ్రీరామచంద్ర, షణ్ముఖ్‌ జశ్వంత్‌, మానస్‌, సిరి హన్మంత్‌, లోబో, యాంకర్‌ రవి నామినేషన్‌లో ఉన్నట్లు సమాచారం. వీళ్లలో లోబో బయటకు వెళ్లే అవకాశాలు ఎక్కువగా ఉన్నాయంటున్నారు నెటిజన్లు. మరోవైపు ఈ వారం ఎవరో ఒకరు వైల్డ్‌ కార్డ్‌ లేదా రీఎంట్రీ ఇచ్చే అవకాశం ఉందన్న గుసగుసలు కూడా వినపడుతున్నాయి. మరి ఈ జోస్యాలు నిజమవుతాయా? లేదా? అనేది రానున్న రోజుల్లో చూడాల్సిందే!

బిగ్‌బాస్‌ హౌస్‌లో ఎప్పుడు ఏం జరుగుతుందో ఎవరూ ఊహించలేరు. కంటెస్టెంట్స్‌ అంతా ఒకటి ఆలోచిస్తే.. బిగ్‌బాస్‌ మరోకటి ఆలోచిస్తాడు. తాజాగా కెప్టెన్సీ పోటీదారుల కోసం పెట్టిన‘బంగారు కోడిపెట్ట’టాస్క్‌లో ఊహించని ట్విస్ట్‌ ఇచ్చి ఇంటి సభ్యులకు షాకిచ్చాడు బిగ్‌బాస్‌. ‘బంగారు కోడిపెట్ట’టాస్క్‌లో భాగంగా రెండు రోజుల నుంచి ఇంటి సభ్యులు గుడ్లను సంపాదించి, దాచుకుంటున్న విషయం తెలిసిందే. ఈ క్రమంలో ఇంటి సభ్యుల మధ్య గొడవలు కూడా జరిగాయి. ముఖ్యంగా సన్నీ, ప్రియలు అయితే ఫిజికల్‌ అటాక్‌ వరకు వెళ్లారు. ఎలాగైన కెప్టెన్‌ కావాలనే కసితో టాస్క్‌ ఆడుతున్నారు కంటెస్టెంట్స్‌. అయితే టాస్క్‌ల్లో గెలవడం అనేది కేవలం కష్టం మీదనే ఆధారపడి లేదని, కొంచెం అదృష్టం కూడా ఉండాలని నిరూపిస్తున్నాడు బిగ్‌బాస్‌. మధ్య మధ్యలో స్పెష​ల్‌ పవర్‌ ఉన్న ఎగ్స్‌ ఇస్తూ.. అదృష్ట పరీక్షలు పెడుతున్నాడు. (చదవండి: బిగ్‌బాస్‌: ఆడు, ఈడు అంటూ రెచ్చిపోయిన ప్రియ..ఏయ్ అంటూ సన్నీ ఫైర్‌) ఇదిలా ఉంటే.. తాజాగా ఈ గేమ్‌లో నుంచి ఒకరిని ఎలిమినేట్‌ చేసే అవకాశం రీఎంట్రీ ఇచ్చిన  లోబో చేతికి ఇచ్చాడు బిగ్‌బాస్‌. అతని చేతిలో బ్లాక్‌, గొల్డెన్‌ కలర్‌ ఎగ్స్‌ ఉన్నాయి. వాటి ద్వారా ఒకరిని గేమ్‌ నుంచి తొలగించొచ్చు, మరొకరిని నేరుగా కెప్టెన్సీ పోటీదారుడిగా ఎంపిక చేయ్యొచ్చు. బ్లాక్‌ ఎగ్‌ ఎవరికిస్తే వారు ఈ టాస్క్‌ నుంచి ఔట్‌ అయినట్లు. గొల్డెన్‌ ఎగ్‌ పొందిన వారు డెరెక్ట్‌గా కెప్టెన్సీ పోటీదారుడిగా ఎంపికైతారు. మరి లోబో ఈ రెండు గుడ్లను ఎవరెవరికి ఇచ్చారో తెలియాలంటే.. నేటి ఎపిసోడ్‌ చూడాల్సిందే.

బిగ్‌బాస్‌ హౌస్‌లో యుద్ధ వాతావరణం నెలకొంది. కెప్టెన్సీ పోటీదారుల కోసం ‘బంగారు కోడిపెట్ట’అనే టాస్క్‌ ఇచ్చిన విషయం తెలిసిందే. ఈ టాస్కే సన్నీ, ప్రియల మధ్య పెద్ద చిచ్చు పెట్టింది. వీరిద్దరూ మాటలతో ఆగకుండా ఫిజికల్‌ అటాక్‌ వరకు వెళ్లారు. ఇలా నిన్నటి ఎపిసోడ్‌ అంతా వాడివేడిగా జరగ్గా.. ఎండింగ్‌లో మాత్రం భారీ ట్విస్ట్‌ ఇచ్చాడు బిగ్‌బాస్‌. ఇప్పటి వరకు సీక్రెట్ రూమ్‌లో ఉన్న లోబో రీ ఎంట్రీ ఇచ్చినట్టు ప్రోమోలో తెలిపారు.   మెయిన్ గెట్ తెరుచుకోవడం, అక్కడ లోబో నిలబడి ఉండటం చూసిన రవి.. లోబో వచ్చాడు అంటూ చెప్పడంతో అందరి ముఖంలో ఆనందం కనిపించింది. రవి పరిగెత్తుకుంటూ వెళ్లి లోబోను గట్టిగా హత్తుకున్నాడు. మరోవైపు జెస్సీకి ఇచ్చిన సీక్రెట్‌ టాస్క్‌ త్రిమూర్తులు(షణ్ముఖ్‌, సిరి, జెస్సీ)మధ్య గొవడవకు దారి తీసినట్లు కనిపిస్తోంది.  జెస్సీకి సిరి సాయం చేయడాన్ని షణ్ముఖ్ జీర్ణించుకోలేకపోతున్నాడు.  అందరూ టాస్క్‌ సరిగ్గా ఆడడని అంటున్నారని, తనను అందరూ పిచ్చ లైట్‌ తీసుకుంటున్నారని జెస్సీ, సిరిల ముందు షణ్ముఖ్‌ వాపోయాడు. జెస్సీ కెప్టెన్ అవ్వాలనుకున్నాడు. నువ్వు సాయం చేశావు. చివరికి నేను మోసపోయాను. నాకు గేమ్ ఆడడం కూడా రాదు.. అదే నా దరిద్రం.. అంటూ షణ్ముఖ్ కన్నీళ్లు పెట్టుకున్నాడు. జెస్సీ, సిరి ఇద్దరు సంజాయిషీ ఇచ్చే ప్రయత్నం చేసినా షణ్ముఖ్‌ ఆగకుండా సిరిని అక్కడి నుంచి వెళ్లిపో అంటూ అరిచాడు. దీంతో సిరి కూడా కన్నీళ్లు పెట్టుకుంది. మంచి స్నేహితులుగా ఉన్న షణ్ముఖ్-సిరి-జెస్సీల మధ్య ఏం జరిగిందో ఈ రోజు ఎపిసోడ్‌లో తెలుస్తుంది.

Bigg Boss 5 Telugu, 7th Week Eliminations: బిగ్‌బాస్‌ గేమ్‌ ఎప్పుడు ఎటు తిరుగుతుందో ఎవరూ చెప్పలేరు. ఎందుకంటే ఊహించని ట్విస్టులతో, ఊహకందని ఎలిమినేషన్లతో ప్రేక్షకులకు తరచూ షాకుల మీద షాకులిస్తుంటాడు బిగ్‌బాస్‌. ఈసారి ఆయన నిర్వహించిన వెరైటీ నామినేషన్స్‌ ద్వారా శ్రీరామ్‌, సిరి, రవి, కాజల్‌, జెస్సీ, ప్రియ, యానీ.. ఏడుగురు ఎలిమినేషన్‌ జోన్‌లోకి వచ్చారు. సీక్రెట్‌ రూమ్‌లో ఉన్న లోబో నేరుగా నామినేట్‌ అవడంతో ఈ వారం నామినేషన్స్‌లో ఉన్నవారి సంఖ్య ఎనిమిదికి చేరింది. ఇప్పటివరకు బిగ్‌బాస్‌ షో నుంచి ఆరుగురు ఎలిమినేట్‌ అయ్యారు. అందులో సరయు, ఉమాదేవి, లహరి, హమీదా, శ్వేత ఐదుగురు ఆడవాళ్లే కాగా ఒక మేల్‌ కంటెస్టెంట్‌ నటరాజ్‌ మాస్టర్‌ ఉన్నారు. దీంతో ఈసారి ఎవరిని పంపిస్తారనేది ఆసక్తికరంగా మారింది. రవి, శ్రీరామ్‌ స్ట్రాంగ్‌ అండ్‌ పాపులర్‌ కంటెస్టెంట్స్‌, కాబట్టి బిగ్‌బాస్‌ వాళ్లను టచ్‌ చేసే ప్రయత్నం కూడా చేయడు. ఇక వరుస పెట్టి అమ్మాయిలను పంపించేసి గ్లామర్‌ను షోకు దూరం చేసిన బిగ్‌బాస్‌ సిరి ద్వారా దాన్ని బ్యాలెన్స్‌ చేస్తున్నాడు. పైగా షణ్ముఖ్‌తో దోస్తీ వల్ల అతడి ఫ్యాన్స్‌ కూడా సిరికే ఓట్లేస్తున్నారు. ఫలితంగా సిరి బయటకు వెళ్లే ఛాన్స్‌ లేదని తెలుస్తోంది. ప్రియకు బుల్లితెర సెలబ్రిటీల మద్దతు గట్టిగా ఉంది. ఎవరేంటో పసిగడుతూ ఆచితూచి అడుగు ముందుకు వేస్తూ గేమ్‌ ఆడుతోందీ నటి. ఈమె కంటే వీక్‌ కంటెస్టెంట్స్‌ నామినేషన్స్‌లో ఉన్నారు కాబట్టి తను ఈ వారం నిశ్చింతగా ఉండొచ్చని తెలుస్తోంది. మిగిలిందల్లా జెస్సీ, యానీ, లోబో. మొదట్లో జెస్సీని అందరూ చిన్నపిల్లాడని తీసిపారేశారు. కానీ రానురాను ఆటలోనే కాకుండా మాటల్లోనూ పదును తేలాడు. అయితే అందరితో కలవకుండా కేవలం షణ్ముఖ్‌, సిరిలతో మాత్రమే ఉంటున్నాడు. దీంతో అతడు సొంతంగా గేమ్‌ ఆడలేకపోతున్నాడని, సొంత నిర్ణయాలు తీసుకోవడం లేదన్న విమర్శలు మొదలయ్యాయి. కానీ షణ్ముఖ్‌ నామినేషన్స్‌లో లేకపోవడంతో అతడి ఓట్లు జెస్సీకి పడి సేవ్‌ అయ్యే అవకాశాలున్నాయి.  లోబోను ఫేక్‌ ఎలిమినేషన్‌తో సీక్రెట్‌ రూమ్‌కు పంపించారు. అతడిని తిరిగి హౌస్‌లోకి పంపించి గేమ్‌ను రసవత్తరంగా మార్చేందుకు ఏదైనా డ్రామా ప్లాన్‌ చేసి ఉంటారు బిగ్‌బాస్‌ నిర్వాహకులు. లేదంటే సీక్రెట్‌ రూమ్‌ గడువు పూర్తయిన వెంటనే అతడు ఎలిమినేట్‌ అయ్యాడంటే ఫేక్‌ ఎలిమినేషన్‌ అట్టర్‌ ఫ్లాప్‌ అయినట్లేనని బిగ్‌బాస్‌ను తిట్టిపోస్తారు జనాలు. కాబట్టి లోబో ఎలిమినేషన్‌కు 50-50 ఛాన్సులున్నాయి. మిగిలింది యానీ మాస్టర్‌.. ఫ్యాన్‌బేస్‌ పెద్దగా లేని యానీ మాస్టర్‌ ఈవారం గట్టెక్కడం కష్టమే అనిపిస్తోంది. తనను ఎవరైనా నామినేట్‌ చేస్తే సహించలేకపోయే స్వభావం, ఇతరులను కించపరుస్తూ మాట్లాడటం, నోరు జారడం.. ఇలా పలు అంశాలు ఆమెకు నెగెటివ్‌గా మారాయి. శ్వేతను కూతురు కూతురు అంటూ అల్లుకుపోయిన యానీ.. ఓ టాస్క్‌లో మాత్రం తొక్కలో రిలేషన్స్‌ నాకొద్దు అని ఆవేశంతో ఊగిపోయి తన క్యారెక్టర్‌ను బ్యాడ్‌ చేసుకుంది. ఎక్కువగా కిచెన్‌కే పరిమితమైన ఆమె గేమ్‌లో పెద్దగా పర్ఫామ్‌ చేయలేదన్న కామెంట్లు కూడా వినిపించాయి. మొత్తంగా ఈ వారం యానీ మాస్టర్‌ ఎలిమినేట్‌ అయ్యే అవకాశాలు పుష్కలంగా ఉన్నాయి. గత వారమే కూతుర్ని(శ్వేత) పంపించేసిన బిగ్‌బాస్‌ ఈ వారం తల్లిని(యానీ మాస్టర్‌) కూడా బయటకు పంపిస్తాడేమో చూడాలి! లేదంటే ఇప్పటికే ఐదుగురు అమ్మాయిలను పంపించాం కాబట్టి, ఈసారి అబ్బాయిలనే పంపించాలని నిర్ణయం తీసుకుంటే మాత్రం జెస్సీ ఎలిమినేట్‌ అవొచ్చు.

Bigg Boss Telugu 5 Promo: స‌డ‌న్ ఎలిమినేష‌న్‌తో షాక్‌లో ఉన్నారు హౌస్‌మేట్స్‌. లోబో ఎలిమినేట్ అవ‌డాన్ని చాలామంది జీర్ణించుకోలేక‌పోయారు. ముఖ్యంగా విశ్వ ఏక‌ధాటిగా ఏడుస్తుంటే ర‌వి త‌న క‌ళ్ల‌ను తానే న‌మ్మ‌లేక‌పోయాడు. లోబోది ఫేక్ ఎలిమినేష‌న్ అన్న విష‌యం కంటెస్టెంట్ల‌కు త‌ప్ప మ‌నంద‌రికీ తెలిసిందే! దీంతో వారిని షాక్‌లో నుంచి బ‌య‌ట‌కు తీసుకొచ్చే ప్ర‌య‌త్నం చేశాడు నాగ్‌. అందులో భాగంగా నాగ్ వారితో స‌ర‌దాగా ఆట‌లాడించాడు. ఇక సీక్రెట్ రూమ్‌లో ఉన్న లోబోతో మాట్లాడిన నాగ్‌.. త‌నిచ్చిన డ్రెస్ వేసుకోలేద‌ని ప్ర‌శ్నించాడు. నాలుక్క‌రుచుకున్న లోబో వెంట‌నే డ్రెస్ వేసుకున్నాడు. ఇక్క‌డే సీక్రెట్ రూమ్‌లో ఉంటాన‌న‌డంతో నాగ్ న‌వ్వాపుకోలేక‌పోయాడు. ఈ ప్రోమో చూసిన నెటిజ‌న్లు బిగ్‌బాస్ లోబోను సీక్రెట్ రూమ్‌కు పంపించి పెద్ద త‌ప్పు చేశాడ‌ని కామెంట్లు చేస్తున్నారు. 'శ్రీరామ్‌, స‌న్నీ... వీళ్లిద్ద‌రిలో ఎవ‌రిని సీక్రెట్ రూమ్‌కు పంపించినా క‌థ వేరే ఉండేద‌ని, ఈ సీజ‌న్‌లో సీక్రెట్ రూమ్ ఉండి కూడా వేస్టే' అంటున్నారు.  'సీక్రెట్ రూమ్‌లో లోబో తిన్నామా, ప‌డుకున్నామా, తెల్లారిందా అన్న‌ట్లుగా ఉంటున్నాడు', 'షో చాలా చ‌ప్ప‌గా సాగుతుంది, లోబోకి సీక్రెట్ రూమ్ వేస్ట్ అనిపిస్తోంది', 'అత‌డు సీక్రెట్ రూమ్‌కు వెళ్తున్నాడ‌ని విశ్వ కు త‌ప్ప మిగ‌తా అంద‌రికీ తెలిసిన‌ట్లుంది', 'మిగ‌తా సీజ‌న్ల‌తో పోలిస్తే ఈసారి పెద్ద‌గా కామెడీ లేదు, బంధాలు, అనుబంధాలు, స్నేహం, గేమ్‌.. ఇవేవీ క‌నిపించ‌డం లేదు' అని పెద‌వి విరుస్తున్నారు.

Bigg Boss 5 Telugu, Episode 42: వ‌ర‌స్ట్ ప‌ర్ఫామ‌ర్‌గా ఎంపికై జైల్లో బందీ అయిన శ్వేత శిక్ష పూర్తి చేసుకుని బ‌య‌ట‌కు వ‌చ్చింది. ఇంత‌లో ర‌వి ఆమె ద‌గ్గ‌ర‌కు వెళ్లి.. నా ఐడియా ఫాలో అవ‌మ‌ని నీకు చెప్ప‌లేద‌ని పేర్కొన్నాడు. కానీ శ్వేత మాత్రం.. నువ్వు  కుష‌న్స్ క‌ట్ చేయ‌మ‌ని నాకు కూడా చెప్పావ‌ని తెలిపింది. త‌ర్వాత ఇంటిస‌భ్యులు వారికి పంపించిన కాస్ట్యూమ్స్ వేసుకుని రెడ్ కార్పెట్‌పై హొయ‌లొలికిస్తూ న‌డిచారు. అనంత‌రం కాజ‌ల్‌, ర‌వి ఫ్రెండ్‌షిప్ హ‌గ్గిచ్చుకుని క‌లిసిపోయారు. ర‌వి గ‌డ్డి తిన‌మంటే తింటావా? ఇక నాగార్జున వ‌చ్చీరావ‌డంతోనే కెప్టెన్సీ కంటెండ‌ర్స్ టాస్కులో కుష‌న్స్ పాడు చేసింది ఎవ‌ర‌ని గ‌ర‌మ‌య్యాడు. దీంతో లోబో నీళ్లు న‌ములుతూ మొద‌ట త‌నే దూది తీశాన‌ని తెలిపాడు. హౌస్ ప్రాప‌ర్టీ ధ్వంసం చేయ‌కూడ‌ద‌ని తెలీదా? అని నాగ్‌ నిల‌దీయ‌గా అమాయ‌కంగా ముఖం పెట్టి తెలీదంటూ అడ్డంగా త‌లూపాడు లోబో. కుష‌న్స్ క‌ట్ చేయ‌మ‌ని నీకు ర‌వి చెప్తే గుడ్డిగా ఫాలో అయిపోయావు, ర‌వి గ‌డ్డి తిన‌మంటే తింటావా? అని ఫైర్ అయ్యాడు. యాక్ట‌ర్స్ అంటే చిన్న‌చూపా? సంచాల‌కులుగా ఉన్న‌ప్పుడు కంటెస్టెంట్లు చెప్పేది కూడా వినాల‌ని సిరికి స‌ల‌హా ఇచ్చాడు నాగ్‌. ఇక యానీ అంత గ‌ట్టిగా అర‌వాల్సిన అవ‌స‌రం లేద‌ని, అంద‌రి మీదా ఒట్టేయాల్సిన ప‌ని లేద‌ని చుర‌క‌లంటించాడు. అయితే సిరి యాటిట్యూడ్ న‌చ్చ‌కే అలా ప్ర‌వ‌ర్తించాన‌నింటూ ఆమెకు సారీ చెప్పింది యానీ. ఇక‌ నువ్వు నీలా ఉంటేనే అంద‌రికీ న‌చ్చుతావ‌ని శ్రీరామ్‌కు సూచించాడు నాగ్‌. అయితే నామినేష‌న్స్‌లో అంత‌ దురుసుగా మాట్లాడావు, యాక్ట‌ర్స్ అంటే చిన్న‌చూపా? అని నిల‌దీశాడు. దీంతో త‌ప్పు అంగీక‌రించిన‌ శ్రీరామ్ త‌ల దించుకుని సారీ చెప్పాడు. స‌న్నీకి ఎక్క‌డ‌లేని ఎన‌ర్జీ వ‌చ్చింద‌న్న నాగ్ ఇదే ఆట‌ను కంటిన్యూ చేయ‌మ‌ని చెప్పాడు. అంద‌రూ ఇన్‌ఫ్లూయెన్స్ అవుతున్నా నువ్వు మాత్రం అవ్వ‌డం లేద‌ని ష‌ణ్నుని మెచ్చుకున్నాడు నాగ్‌. మ‌రోసారి అడ్డంగా దొరికిపోయిన ర‌వి ఇక శ్వేత‌.. త‌ను రెండుసార్లు కుష‌న్స్ క‌ట్ చేశాన‌ని చెప్తూ బోరుమ‌ని ఏడ్చేసింది. ఆ ఐడియా ఇచ్చిన మ‌నిషి మాత్రం చేయ‌లేదంటూ ర‌వి మీద కౌంట‌రేశాడు నాగ్‌. ఇదంతా చూస్తుంటే న‌ట‌రాజ్ చెప్పిందే క‌రెక్ట్(గుంట‌న‌క్క‌) అనిపిస్తోంద‌ని ర‌విని ఘోరంగా అవ‌మానించాడు. త‌న మీద ప‌డ్డ నింద‌ను చెరిపేసుకునేందుకు ప్ర‌య‌త్నించిన‌ ర‌వి.. లోబో, నేను మాత్ర‌మే ఈ ఐడియా డిస్క‌ష‌న్ చేశామ‌న్నాడు. బిగ్‌బాస్ పంపిన కాట‌న్‌, కుష‌న్స్‌లో ఉన్న దూది సేమ్ ఉన్నాయ‌న్నాడు. దీంతో సంచాల‌కులు ఆ రెండుర‌కాల దూదిల‌ను ప‌రీక్షించి అవి ఒకేలా లేవ‌ని చెప్పడంతో మ‌రోసారి ర‌వి అడ్డంగా దొరికిపోయాడు. ఇక శ్వేత తీసింద‌ని త‌న‌కు తెలీద‌ని ర‌వి ప‌దేప‌దే చెప్ప‌డంతో మ‌ధ్య‌లోనే అడ్డుప‌డ్డ శ్వేత‌.. ర‌వికి ఈ విష‌యం ముందే తెలుసంటూ అంద‌రి ముందే క్లారిటీ ఇచ్చింది. ర‌వి ఇన్‌ఫ్లూయెన్స్ చేసి ప‌క్క‌వారి గేమ్ చెడ‌గొడుతున్నాడు త‌ర్వాత నాగ్‌ ఇంటిస‌భ్యుల‌ను ఒక్కొక్క‌రిగా క‌న్ఫెష‌న్ రూమ్‌లోకి పిలిచి హౌస్‌లో ఉండేందుకు అర్హ‌త లేని వాళ్ల పేర్ల‌ను చెప్ప‌మ‌న్నాడు. ముందుగా మాన‌స్‌.. వేరేవాళ్ల మాట‌ల‌ను ప‌ట్టించుకుంటూ శ్రీరామ్ అన్నింటా వెన‌క‌డుగు వేస్తున్నాడ‌న్నాడు. స‌న్నీ మాట్లాడుతూ.. టాస్కుల్లో 100% ఇవ్వ‌డం లేదంటూ ప్రియ పేరు చెప్పాడు. కాజ‌ల్‌.. ఇద్ద‌రికి అర్హ‌త లేద‌నిపిస్తూనే ప్రియ పేరు చెప్పింది. ఆమె క‌నిపించేంత స్వీట్‌గా ఉండ‌ర‌ని పేర్కొంది. యానీ మాస్ట‌ర్‌, శ్వేత‌, సిరి, ష‌ణ్ముఖ్‌.. సొంతంగా ఆడ‌లేక‌పోతున్నాడంటూ లోబో పేరు సూచించారు. శ్రీరామ్‌.. రవి పేరు చెప్పాడు. ప్రియ‌, ప్రియాంక‌.. ఎవ‌రికి గొడ‌వ‌ల‌వుతాయా అని ఎప్పుడూ ఎదురుచూస్తూ ఉండే కాజ‌ల్ అన్‌ఫిట్ అని అభిప్రాయ‌ప‌డ్డారు. జెస్సీ.. ప‌క్క‌వాళ్లను ఇన్‌ఫ్లూయెన్స్ చేస్తూ వారి గేమ్ చెడ‌గొడుతున్న ర‌వి వెళ్లిపోవాల‌ని కోరుకున్నాడు. తెలీక త‌ప్పు చేస్తే క్షమించండంటూ లోబో వీడ్కోలు ర‌వి.. అక్క‌డి విష‌యాలు ఇక్క‌డ, ఇక్క‌డ విష‌యాలు అక్క‌డ చెప్తున్న కాజ‌ల్ హౌస్‌లో అన‌ర్హురాలు అని చెప్పాడు. విశ్వ‌.. త‌ప్పు చేస్తే ఒప్పుకోకుండా, స‌మ‌ర్థించుకునే ప్రియ అన్‌ఫిట్ అని అభిప్రాయ‌ప‌డ్డాడు. చివ‌ర‌గా వ‌చ్చిన లోబో.. ప్రియ బిగ్‌బాస్ హౌస్‌కు అన‌ర్హురాలు అని పేర్కొన్నాడు. మొత్తంగా ఈ ప్ర‌క్రియ‌లో లోబోకు, ప్రియ‌కు స‌మానంగా 4 ఓట్లు ప‌డ‌టంతో నాగ్ ఓ ప‌రీక్ష పెట్టాడు. హౌస్‌మేట్స్ ఎవ‌రికి ఎక్కువ స‌పోర్ట్ చేస్తే వారు సేఫ్ అని చెప్పాడు. ర‌వి, స‌న్నీ, విశ్వ.. ఈ ముగ్గురు మాత్ర‌మే లోబో వైపు నిల‌బ‌డ‌గా మిగిలిన అంద‌రూ ప్రియ‌కు మ‌ద్ద‌తిచ్చారు. దీంతో లోబో ఎలిమినేట్ అయిన‌ట్లు నాగ్‌ ప్ర‌క‌టించ‌డంతో ర‌వి షాకయ్యాడు. ఇక‌ విశ్వ అయితే చిన్న‌పిల్లాడిలా గుక్క పెట్టి మ‌రీ ఏడ్చాడు. తెలీక త‌ప్పు చేస్తే క్షమించండంటూ ఏడుస్తూ వీడ్కోలు తీసుకున్నాడు. వారం రోజుల‌పాటు సీక్రెట్ రూమ్‌లో! స్టేజీ మీద‌కు వ‌చ్చిన లోబోతో నాగ్ థంబ్స్ అప్‌, థంబ్స్ డౌన్ ఆడించాడు. స‌న్నీ బుర్ర‌, త‌న బుర్ర ఒక‌టేన‌న్న లోబో ఇక‌పై మారిపోమ‌ని సూచించాడు. కాజ‌ల్‌కు ఏ వేలూ చూపించ‌లేదని మ‌రోసారి స్ప‌ష్టం చేశాడు. కంటెస్టెంట్లు అంద‌రికీ థంబ్స్ అప్ చూపించాడు. త‌ర్వాత‌ అత‌డిని పంపించిన‌ట్లే పంపించేసి తిరిగి ర‌మ్మ‌న్నాడు నాగ్‌. నిన్ను ఎలిమినేట్ చేసే అధికారం ప్రేక్ష‌కుల‌కు మాత్ర‌మే ఉంద‌ని చెప్ప‌డంతో లోబో నేల‌పై మోక‌రిల్లి ఏడ్చాడు.  మెజారిటీ కంటెస్టెంట్లు నువ్వు వెళ్లాల‌ని ఓటేసినందున‌ వ‌చ్చేవారం నేరుగా నామినేష‌న్స్‌లో ఉండ‌బోతున్నావ‌ని చెప్పాడు. కాక‌పోతే నువ్వు హౌస్‌లోకి కాకుండా సీక్రెట్ రూమ్‌లోకి వెళ్తున్నావ‌ని వెల్ల‌డించాడు.

బిగ్‌బాస్ షోలో కంటెస్టెంట్ల‌ను వెంటాడేవి ఎలిమినేష‌న్స్‌. ప్ర‌తివారం ఎవ‌రో ఒక‌రు హౌస్ నుంచి వెళ్లిపోవాల్సిందే! ఇప్ప‌టికే స‌ర‌యు, ఉమాదేవి, ల‌హ‌రి, న‌ట‌రాజ్ మాస్ట‌ర్‌, హ‌మీదా వ‌రుస‌గా ఎలిమినేట్ అవుతూ వ‌చ్చారు. ఇప్ప‌టివ‌ర‌కు ఐదుగురు ఎలిమినేట్ అయితే అందులో న‌లుగురు అమ్మాయిలే కావ‌డం గ‌మ‌నార్హం. దీంతో ఈ వారం అమ్మాయిని పంపిస్తారా?  లేదా అబ్బాయిని వెళ్ల‌గొడ‌తారా? అన్న‌ది ఆస‌క్తిక‌రంగా మారింది. ఆరోవారం జ‌రిగిన నామినేష‌న్స్‌లో శ్రీరామ్ చంద్ర, సిరి, లోబో, విశ్వ, షణ్ముఖ్ జస్వంత్, ప్రియాంక, యాంకర్ రవి, జెస్సీ, శ్వేతా, సన్నీ ఉన్నారు. వీరిలో లోబో, విశ్వ‌, శ్వేత డేంజ‌ర్ జోన్‌లో ఉన్న‌ట్లు అన‌ధికారిక పోల్స్‌లో వెల్లడైంది. అయితే విశ్వ టాస్కుల్లో విశ్వ‌రూపం చూపిస్తూ మిగ‌తా కంటెస్టెంట్ల‌కు గ‌ట్టిపోటీ ఇస్తున్నాడు. లోబో.. మొద‌ట్లో ఎంట‌ర్‌టైన్ చేసినా త‌ర్వాత పూర్తిగా సైలెంట్ అయిపోయాడు. కాక‌పోతే ర‌వికి న‌మ్మిన బంటుగా ఉండ‌టంతో యాంక‌ర్ ఫ్యాన్స్ ఇత‌డిని సేవ్ చేసే అవ‌కాశం ఉంది. మిగిలింద‌ల్లా శ్వేత‌.. ఆమెకు సోష‌ల్‌ మీడియాలో పెద్ద‌గా ఫ్యాన్ ఫాలోయింగ్ లేదు. పైగా షోలో హౌస్‌మేట్స్‌తో త‌ర‌చూ గొడ‌వ‌కు దిగింది. ఇప్ప‌టివ‌ర‌కు జ‌రిగిన ఎలిమినేష‌న్స్ చూసిన‌ట్లైతే ఎక్కువ‌గా గొడ‌వ‌ప‌డిన వాళ్లే బిగ్‌బాస్‌కు దూర‌మ‌వుతూ వ‌చ్చారు. ఈ లెక్క‌న ఈ వారం సెట్ శ్వేత ఎలిమినేట్ అయిన‌ట్లు లీకువీరులు నెట్టంట ప్ర‌చారం చేస్తున్నారు. అంతేకాదు, తాజాగా రిలీజైన ప్రోమోలో ప్రియ, లోబోల‌లో ఒక‌రిని ఎలిమినేట్ చేస్తున్న‌ట్లు ఊద‌ర‌గొట్టాడు నాగ్‌. నిజంగానే ఇందులో ఒక‌రిని ఎలిమినేట్ చేశార‌ట‌, కాక‌పోతే అది ఫేక్ ఎలిమినేష‌న్‌! లోబోను ఎలిమినేట్ చేసిన‌ట్లే చేసి సీక్రెట్ రూమ్‌కు పంపించార‌ట‌. మ‌రి సీక్రెట్ రూమ్‌ను లోబో త‌న‌కు ఎలా అనుకూలంగా మార్చుకుంటాడు, గేమ్‌ను ఎలా ట‌ర్న్ చేస్తాడ‌న్న‌ది చూడాలి!

బిగ్‌బాస్ హౌస్‌లో ఈ వారం జ‌రిగిన గొడ‌వ‌ల‌ను తిర‌గ‌దోడుతున్నాడు నాగార్జున‌. త‌ప్పొప్పుల‌ను ఎత్తిచూపుతూ కంటెస్టెంట్ల‌తో పంచాయితీ పెడుతున్నాడు. ఇదంతా ప‌క్క‌న‌పెడితే రేపు జ‌ర‌గాల్సిన ఎలిమినేష‌న్‌ను ఈరోజే జ‌రిపించేలా ఉన్నాడు నాగ్‌. తాజాగా రిలీజైన ప్రోమోలో అంద‌రికీ ఓ బ్రేకింగ్ న్యూస్ చెప్ప‌బోతున్నాన‌నంటూ స‌స్పెన్స్ పెట్టాడు. ఈ హౌస్‌లో ఉండేందుకు అర్హ‌త లేనివాళ్లు ఎవ‌రో చెప్పండి? అంటూ ఒక్కొక్క‌రినీ క‌న్ఫెష‌న్ రూమ్‌లోకి పిలిచి మ‌రీ అడిగాడు. ఈ క్ర‌మంలో అంద‌రూ త‌లా ఒక‌రి పేరు చెప్పారు. ఫైన‌ల్‌గా ప్రియ‌కు, లోబోకు ఇద్ద‌రికీ 4 ఓట్లు ప‌డ్డాయి. దీంతో నాగ్‌.. వీరిలో ఎవ‌రికి స‌పోర్ట్ చేస్తారో వారి ప‌క్క‌న నిల్చోమ‌ని ఇంటిస‌భ్యుల‌ను ఆదేశించాడు. మ‌రి మెజారిటీ హౌస్‌మేట్స్ ఎవ‌రిని సేవ్ చేసే అవ‌కాశం ఉంది? ఎవ‌రిని హౌస్‌లో నుంచి పంపించేస్తార‌న్న‌ది ఆస‌క్తిక‌రంగా మారింది. అయితే నెటిజ‌న్లు మాత్రం ఆ ఇద్ద‌రిలో ఎవ‌రిని ఎలిమినేట్ చేసి సీక్రెట్ రూమ్‌కు పంపించినా పెద్ద ప్ర‌యోజ‌నం ఏమీ ఉండ‌ద‌ని పెద‌వి విరుస్తున్నారు. కావాలంటే డ‌బుల్ ఎలిమినేష‌న్ పెట్టండ‌ని సూచిస్తున్నారు. ఇక‌ ప్రోమో ఈ రేంజ్‌లో ఉన్న‌ప్ప‌టికీ ప్రియ‌, లోబో ఎలిమినేట్ అయ్యే అవ‌కాశాలైతే లేన‌ట్లే క‌నిపిస్తోంది. ఇలా అర్ధాంత‌రంగా వారిని హౌస్‌లోంచి వెళ్ల‌గొట్టే సాహ‌సం చేయ‌ర‌ని నెటిజ‌న్లు కామెంట్లు చేస్తున్నారు. మ‌రి నాగ్ నిజంగానే బ్రేకింగ్ న్యూస్ చెప్తాడా?  లేదా జ‌నాల‌ను ప్రాంక్ చేస్తాడా? అన్న‌ది చూడాలి!

Bigg Boss 5 Telugu, 6th Week Elimination: బిగ్‌బాస్ తెలుగు ఐదో సీజ‌న్‌లో ఆరో ఎలిమినేష‌న్‌కు రంగం సిద్ధ‌మైంది. 19 మంది కంటెస్టెంట్ల‌తో ప్రారంభ‌మైన ఈ షోలో ఇప్పుడు 14 మంది మాత్ర‌మే మిగిలారు. ఈ వారం వీరిలో నుంచి ఏకంగా 10 మంది నామినేట్  అయ్యారు. శ్రీరామ‌చంద్ర‌, సిరి, లోబో, విశ్వ‌, ష‌ణ్ముఖ్‌, ప్రియాంక‌, స‌న్నీ, శ్వేత‌, యాంక‌ర్ ర‌వి, జెస్సీ నామినేష‌న్‌లో ఉన్నారు. మ‌రి ఈ 10 మందిలో నుంచి హౌస్‌కు వీడ్కోలు ప‌లికేదెవ‌రు? అన్న‌ది ఇంట్ర‌స్టింగ్‌గా మారింది. ఓటింగ్‌లో మొద‌టి నుంచి టాప్‌లో దూసుకుపోతున్నాడు ష‌ణ్ముఖ్ జ‌శ్వంత్‌. దీంతో అత‌డు ఎలిమినేట్ అయ్యే ఛాన్స్ అంగుళం కూడా లేదు. ప్ర‌తిసారి త‌ప్పులు చేస్తూ అడ్డంగా దొరికిపోతున్న యాంక‌ర్ ర‌వికి కావాల్సినంత‌ పాపులారిటీ ఉంది కాబ‌ట్టి అది అత‌డిని నీడ‌లా ర‌క్షిస్తోంది. స‌న్నీ, శ్రీరామ్‌కు కూడా భారీగానే ఓట్లు గుద్దుతున్నారు.. క‌నుక వీళ్లూ సేఫ్ జోన్‌లోనే ఉన్న‌ట్లు లెక్క‌! సిరి, ప్రియాంక, జెస్సీ కూడా బ‌య‌ట‌కు వెళ్లేట్లు క‌నిపించ‌డం లేదు. మిగిలింద‌ల్లా శ్వేత‌, విశ్వ‌, లోబో. వీరిలో ఒక‌రిపై ఎలిమినేష‌న్ వేటు ప‌డ‌టం ఖాయంగా క‌నిపిస్తోంది. విశ్వ రెండోసారి కెప్టెన్‌గా గెలిచి స‌త్తా చాట‌డంతో అత‌డి గ్రాఫ్ ఒక్క‌సారిగా పెరిగిపోయింది. వ‌ర‌స్ట్ ప‌ర్ఫామ‌ర్‌గా ఎన్నికైన శ్వేత గ్రాఫ్ అమాంతం ప‌డిపోయింది. ఈ లెక్క‌న శ్వేత హౌస్‌కు గుడ్‌బై చెప్పే అవ‌కాశాలు పుష్క‌లంగా ఉన్న‌ట్లు క‌నిపిస్తోంది. ఇది బిగ్‌బాస్‌.. ఇక్క‌డ ఏదైనా జ‌ర‌గొచ్చు, కాబ‌ట్టి ఎలిమినేష‌న్‌లో ఏం ట్విస్ట్ ఇస్తారో? ఎవ‌రిని పంపించేస్తారో చూడాలి!

Bigg Boss Telugu, Episode 38 Highlights : నిన్నటి నామినేషన్‌ ప్రక్రియతో బిగ్‌బాస్‌ హౌస్‌ అంతా గంభీరంగా మారిపోగా..నేడు ఆ గొడవల నుంచి బయటకు వచ్చి కాస్త రిలాక్స్‌ అయ్యేందుకు ప్రయత్నించారు ఇంటి సభ్యులు. ఇంతలోనే కెప్టెన్సీ పోటీదారుల టాస్క్‌ ఇచ్చి మళ్లీ హౌస్‌లో యుద్ధ వాతావరణం నెలకొల్పాడు బిగ్‌బాస్‌. ఈ పోటీలో భాగంగా ఇంటి సభ్యులంతా మళ్లీ టీమ్‌లుగా విడిపోయారు. గేమ్‌ కోసం ఒకరిపై ఒకరు అరుచుకున్నారు. యానీ మాస్టర్‌ అయితే ఆవేశంతో ఊగిపోయారు. సిరి చిన్నబోయింది.. రవి, లోబో, శ్వేతలో ఆనందంతో చిందులేశారు. ఇంకా బిగ్‌బాస్‌ హౌస్‌లో నేడు ఏమేం జరిగిందో నేటి ఎపిసోడ్‌లో చదివేద్దాం.  సోమవారం జరిగిన నామినేషన్‌ ప్రక్రియ గురించి ఇంటి సభ్యులంతా గుసగుసలు మొదలు పెట్టారు. యాక్టర్స్‌ అంటూ శ్రీరామ్‌ నోరు జారడంపై సిరి, షణ్ముఖ్‌, జెస్సీ మరోసారి సీరియస్‌ అయ్యారు. ఇక షణ్నూ అయితే గత వారం నామినేషన్‌ ప్రక్రియను ఇంకా మర్చిపోవడం లేదు. . సీక్రెట్ నామినేషన్స్ అంటే 8 మంది నామినేట్ చేశారు.. ఇప్పుడు డైరెక్ట్ నామినేషన్స్ అంటే ఇద్దరే నామినేట్ చేశారు అని ఇంటి సభ్యులందరిపై అసహనం వ్యక్తం చేశాడు. ప్రియ ఏమో సన్నీ గురించి ప్రియాంక దగ్గర చెబుతూ.. ‘ప్రతి వారం నామినేట్‌ చేస్తానని అంటున్నాడు. ఆయన నన్ను బెదిరిస్తున్నాడా? మానస్‌ని హెల్ప్‌ చేయమని తనే పంపానని చెప్పాడు.. సన్నీ చెబితేనే మాసన్‌ వింటాడా? ఆయనకు ఏం చేయాలిపిస్తే అదే చేస్తాడుగా’అంటూ సన్నీ మాటలకు కౌంటర్‌ ఇచ్చింది. మరోవైపు మాస్టర్‌ని ఎందుకు నామినేట్‌ చేశావని విశ్వని శ్రీరామ్‌ అడిగాడు. తను ప్రతిసారి స్ట్రాంగ్‌ కంటెస్టెంట్‌ని నామినేట్‌ చేస్తాననడం తనకు నచ్చలేదని, అందుకే నామినేట్‌ చేశానని విశ్వ చెప్పుకొచ్చాడు.  మన రాజుకు బుర్రలేదు : షణ్నూ నామినేషన్స్‌లో జరిగిన రచ్చపై త్రిమూర్తులు జెస్సీ, సిరి, షణ్ముఖ్‌ చర్చ పెట్టారు.  లోబోని సన్నీ వెనుకేసుకొస్తున్నాడని జశ్వంత్‌ చెప్పగా.. మన రాజుకు బుర్రలేదని, ఉంటే ఆ టాస్క్‌ మనమే గెలిచేవామని షణ్ముఖ్‌ చెప్పాడు. ఐన్‌స్టీన్‌ E=mc2 ఎందుకు కనిపెట్టాడో కూడా కనుక్కోవచ్చు. కానీ ఎలిమినేషన్స్‌ అర్థంకావు’అని షణ్నూ చేసిన ఫన్నీ కామెంట్‌కి  జెస్సీ, సిరి పగలబడి నవ్వారు. చర్రితలోనే ఫస్ట్‌ టైమ్‌ ఇలాంటి బ్రేకప్‌! సోమవారం జరిగిన నామినేషన్‌ ప్రక్రియలో శ్రీరామ్‌, కాజల్‌ మధ్య గొడవ జరిగిన విషయం తెలిసిందే. ఇకపై తనను సిస్టర్‌ అని పిలవొద్దని శ్రీరామ్‌కు చెప్పింది కాజల్‌.నేడు కూడా అదే విషయాన్ని మరోసారి గుర్తు చేసింది. బెడ్‌రూమ్‌లో ఉన్న కాజల్‌ దగ్గరకు శ్రీరామ్‌ వెళ్లగా.. ‘బ్రేకప్‌ బ్రో.. చరిత్రలో బ్రదర్‌ అండ్‌ సిస్టర్‌ బ్రేకప్‌ ఫస్ట్‌ టైమ్‌ కదా’అంటూ నవ్వుతూ చెప్పింది. దాన్ని కామెడీగానే స్వీకరించి శ్రీరామ్‌.. అవునవును అంటూ అక్కడ నుంచి వెళ్లిపోయాడు.  ‘బీబీ బొమ్మల ఫ్యాక్టరీ’ ఈ వారం కెప్టెన్సీ పోటీదారుల టాస్క్‌గా ‘బీబీ బొమ్మల ఫ్యాక్టరీ’అనే గేమ్‌ ఇచ్చాడు. ఇందులో కంటెస్టెంట్స్‌ అంతా నాలుగు టీమ్‌లుగా విడిపోయారు. బ్లూ టీమ్‌లో సభ్యులు: మానస్‌, సన్నీ, యానీ మాస్టర్‌ ఎల్లో టీమ్‌ సభ్యులు   షణ్ముఖ్, ప్రియాంక, జెస్సీ రెడ్‌ టీమ్‌ సభ్యులు : విశ్వ, శ్రీరామ్‌, ప్రియ గ్రీన్‌ టీమ్‌ సభ్యులు : రవి, లోబో, శ్వేత సిరి, కాజల్‌ ఫ్యాక్టరీ మేనేజర్‌, సంచాలకులుగా వ్యవహరిస్తారని చెప్పారు బిగ్ బాస్. రెడ్ అండ్ గ్రీన్ టీంకి మేనేజర్స్‌గా సిరిని.. బ్లూ, ఎల్లో టీంకి కాజల్‌కి మేనేజర్స్‌గా నియమించారు. వీళ్లే బొమ్మల నాణ్యతని తనిఖీ చేసి ఎటువంటి లోపాలు లేకుండా చూస్తారు. కెప్టెన్సీ పోటీ దారులు అవ్వాలంటే.. ప్రతి టీమ్‌  ప్రత్యర్థుల కంటే ఎక్కువ బొమ్మలు తయారు చేయాల్సి ఉంటుంది. ఈ టాస్క్‌లో భాగంగా గార్డెన్‌ ఏరియాలో ఉన్న కన్వేయర్‌ బెల్ట్‌పై నుంచి బొమ్మలకు సంబంధించి రా మెటీరియల్‌ వస్తుంది. వాటిని తీసుకొని బొమ్మలను తయారు చేయాల్సి ఉంటుంది. గెలిచిన టీంకి మేనేజర్‌గా ఉన్నవాళ్లకి కూడా కెప్టెన్ అయ్యే అవకాశం ఉంది. అయితే బొమ్మల్లో కాటన్ సరిగా పెట్టకపోవడంతో.. ఇదో పత్తేపారం.. బొమ్మల్లో పత్తి లేకపోతే రిజెక్ట్ చేస్తున్నారు అంటూ మానస్ పంచ్ వేశాడు యానీ మాస్టర్‌ ఉగ్రరూపం.. సిరిపై చిందులు ఈ టాస్క్‌లో భాగంగా  యానీ మాస్టర్‌, సిరిల మధ్య మాటల యుద్దం జరిగింది. సంచాలకులుగా ఉన్నవారు బొమ్మల కౌంటింగ్‌ సరిగా చేయాలని, బజర్‌ మోగిన తర్వాత బొమ్మలను తెస్తే నేను యాక్సెప్ట్ చేయను.. గొడవ చేస్తాని యానీ మాస్టర్‌ అనగా..  'మాకెవరూ ఏం చెప్పొద్దూ.. సంచాలకురాలిగా మేం చూసుకుంటాం' అంటూ సిరి చెప్పింది. దీంతో యానీ మాస్టర్‌ ఉగ్రరూపం దాల్చింది. 'నేను అంత రూడ్ కాదు.. నువ్ నన్ను అలా బ్లేమ్ చేయలేవు.. నాకు డ్రామాలు ఆడడం రాదు.. నేను డ్రామా క్వీన్ కాదు' అంటూ మండిపడింది. దీంతో బాగా హర్ట్‌ అయిన సిరి.. గేమ్‌ ఫేర్‌గా అడినప్పటికీ.. నేను ఒక టీమ్‌(షణ్ను ఉన్న ఎల్లో టీమ్‌)కే సపోర్ట్‌ చేస్తున్నానని అంటున్నారు.. ఇకపై అలానే ఆడుతాను. 'ఇప్పుడు నా చేతుల్లో గేమ్ ఉంది.. నేను ఆడతాను’అని సిరి అనగా.. గేమ్‌కి రెస్పెక్ట్‌ ఇచ్చి జన్యూన్‌గా ఆడాలని షణ్ముఖ్‌ సర్థి చెప్పాడు. రవి టీమ్‌కి జాక్‌పాట్‌ ఇక ఈ టాస్క్‌లో గ్రీన్‌ టీమ్‌ సభ్యులైన రవి, లోబో, శ్వేతాలకు స్పెషల్‌ పవర్ లభించింది. స్పెషల్ బొమ్మ రావడంతో దాని ద్వారా వేరే టీం దగ్గర ఉన్న బొమ్మల్ని తీసుకునే అవకాశం ఇచ్చారు బిగ్ బాస్. ఇక రేపటి ఎపిసోడ్‌లో యానీ మాస్టర్‌, శ్వేతల మధ్య పెద్ద గొడవే జరిగినట్లు తెలుస్తోంది. లాస్ట్‌ టాస్క్‌లో ఫ్రెండ్‌ని కోల్పోయా.. ఈ టాస్క్‌లో బిడ్డని కోల్పోయా.. అలాంటి తొక్కల రిలేషన్‌షిప్‌ నాకొద్దంటూ యానీ మాస్టర్‌ తన అసలు రూపాన్ని బయటపెట్టింది.   

Bigg Boss Telugu, Episode 37: హమీదా వెళ్లిపోయాక శ్రీరామచంద్ర కాస్త డల్‌ అయిపోయినట్లు కనిపించింది. అర్ధరాత్రి నిద్రలో కూడా ఏవేవో కేకలు వేయడంతో ఇంటిసభ్యులు ఉలిక్కిపడ్డారు. పక్కనే ఉన్న విశ్వ.. అతడి పరిస్థితి అర్థమై అతడి వీపు నిమురుతూ నిద్రపుచ్చాడు. మరోపక్క నామినేషన్స్‌లో ఎలా ఫైట్‌ చేయాలా? సిరి, జెస్సీ, షణ్ముఖ్‌ చర్చించుకున్నారు. ఏదేమైనా సరే,  అతడికి రివర్స్‌ కౌంటరివ్వు, ఏం కాదంటూ సిరిని శ్రీరామ్‌ మీదకు ఉసిగొల్పాడు షణ్ముఖ్‌. మరోపక్క కెప్టెన్‌, రేషన్‌ మేనేజర్‌కు అస్సలు పడటం లేదన్న విషయం మరోసారి స్పష్టమైంది. రేషన్‌ మేనేజర్‌గా నువ్వు ఫెయిలయ్యావంటూ విశ్వ ముఖం మీదే చెప్పేసింది ప్రియ. అంతేకాకుండా అందరికీ గిన్నెల్లో వేసి పెట్టిన తర్వాతే తినాలని అతడిని ఆదేశించింది. కంటెస్టెంట్లకు అగ్ని పరీక్ష అనంతరం బిగ్‌బాస్‌ హౌస్‌లో ఆరోవారం నామినేషన్స్‌ మొదలయ్యాయి. నిప్పులా ఎగసిపడుతున్న అభిప్రాయాలను 'అగ్నిపరీక్ష' టాస్క్‌లో బయటపెట్టాలన్నాడు బిగ్‌బాస్‌. మొదటగా వచ్చిన సన్నీ.. రవి, జెస్సీ ఫొటోలను మంటలో వేశాడు. తర్వాత వచ్చిన విశ్వ.. ఎంతో కష్టపడి బిగ్‌బాస్‌కు వచ్చిన తనను స్ట్రాంగ్‌ అంటూ పదేపదే నామినేట్‌ చేయడం నచ్చలేదంటూ యానీ మాస్టర్‌ ఫొటోను నిప్పులో పడేశాడు. దీన్ని జీర్ణించుకోలేకపోయిన యానీ ఉగ్రావతారం ఎత్తింది. ఇకపై తనను అక్క అని పిలవద్దంటూ వార్నింగ్‌ ఇచ్చింది. తర్వాత అతడు ప్రియాంక సింగ్‌ను నామినేట్‌ చేశాడు. నా గేమ్‌ నా ఇష్టం, నాకు నీతులు చెప్పకు: సిరి శ్వేత.. సిరి, కాజల్‌ను నామినేట్‌ చేసింది. అనంతరం లోబో వంతు రాగా.. నమ్మకం అంటే చచ్చిపోతా, అలాంటిది తన నమ్మకాన్ని చంపారంటూ ప్రియాంక సింగ్‌, జెస్సీని నామినేట్‌ చేశాడు. దీనిపై జెస్సీ రియాక్ట్‌ అవుతూ.. నమ్మకంతో తనకు పని లేదని, గేమ్‌ ఆడటానికి వచ్చానని సమాధానమిచ్చాడు. సిరి మాట్లాడుతూ.. నీ కెప్టెన్సీలో పక్షపాతం కనిపించిందంటూ శ్రీరామచంద్రను నామినేట్‌ చేసింది. తర్వాత శ్వేత ఫొటోను మంటల్లో వేస్తూ.. నా గేమ్‌ నా ఇష్టం, ఏం చేయాలో నాకు సూక్తులు చెప్పకంటూ చిర్రెత్తిపోయింది. యాంకర్‌ రవి.. కెప్టెన్సీ టాస్క్‌లో సపోర్ట్‌ చేయలేదని మానస్‌ను నామినేట్‌ చేశాడు. జనాలను ఎంటర్‌టైన్‌ చేయాలని తాను, లోబో బిగ్‌బాస్‌కు వచ్చామని, కానీ మా ఇద్దరినీ తప్పుగా అర్థం చేసుకుంటున్నావంటూ సిరి ఫొటోను కాల్చి బూడిద చేశాడు. విశ్వను ఛీ కొట్టిన పింకీ, నవ్వాపుకున్న ప్రియ జెస్సీ.. శ్రీరామ్‌, సన్నీని నామినేట్‌ చేశాడు. ఈ క్రమంలో జెస్సీ, సన్నీ మధ్య పెద్ద ఫైటే నడిచింది. నేను గేమ్‌ ఆడితే తట్టుకోలేవు, నా మంచితనం పోతే చాలా వరస్ట్‌గా ఉంటుంది అని హెచ్చరించాడు సన్నీ. ప్రియాంక సింగ్‌ మాట్లాడుతూ.. ప్రతిసారి సిల్లీ రీజన్స్‌తో నామినేట్‌ చేయడమే కాకుండా నమ్మకం గురించి మాట్లాడేందుకు సిగ్గుండాలంటూ లోబో ఫొటోను నిప్పుల్లో వేసింది. విశ్వ గురించి మాట్లాడుతూ.. కండబలమే కాదు బుద్ధిబలం కూడా ఉపయోగించాలి. ఎధవ రీజన్లు చెప్తారు.. ఛీ.. అంటూ అక్కడి నుంచి ఆవేశంగా వెళ్లిపోయింది. ఇదంతా చూసి ప్రియ నవ్వాపుకోవడం గమనార్హం. మానస్‌.. యాంకర్‌ రవి, లోబోను నామినేట్‌ చేశాడు. యానీ మాస్టర్‌.. మరోసారి స్ట్రాంగ్‌ కంటెస్టెంట్‌నే నామినేట్‌ చేస్తానంటూ షణ్ముఖ్‌ ఫొటోను నిప్పుల్లో పడేసింది. అక్కా, అక్కా అంటూ దొంగ నాటకాలు ఆడకు, వెనకాల నుంచి పొడవకు అని హెచ్చరిస్తూ విశ్వ ఫొటోను కాల్చివేసింది. అందుకోసం నేను బిగ్‌బాస్‌కు రాలేదు: కాజల్‌ తర్వాత శ్రీరామ్‌ వంతురాగా.. మీ అవసరానికి తగ్గట్టు రిలేషన్‌షిప్‌ వాడుకోవద్దని సూచిస్తూ సిరిని నామినేట్‌ చేశాడు. ఆడినా ఆడకపోయినా షణ్ముఖ్‌నెవరూ నామినేట్‌ చేయడంలేదంటూ ఆశ్చర్యం వ్యక్తం చేస్తూ అతడి ఫొటోను మంటల్లో వేశాడు. ఈ క్రమంలో నిప్పులు తొక్కిన షణ్ను బిగ్‌బాస్‌ హౌస్‌కు నువ్వు దేవుడివి, నువ్వేం చెప్తే అది చేయాలా? అని ఫైర్‌ అయ్యాడు. దీంతో శ్రీరామ్‌ అతడికి కూల్‌ చేసేందుకు ప్రయత్నించాడు. తర్వాత కాజల్‌ మాట్లాడుతూ.. హమీదా నన్ను అక్కా అంటూ పిలిచింది కానీ నేను కనెక్ట్‌ కాలేకపోయా.. నేను నిన్ను బ్రదర్‌ అంటూ మాట్లాడదామని ముందుకు వస్తే నువ్వు కనెక్ట్‌ అవ్వలేదు. ఇదే కర్మ.. ఎమోషనల్‌ ఎటాచ్‌మెంట్‌ పెట్టుకోవడానికి హౌస్‌లోకి రాలేదు, కేవలం గేమ్‌ ఆడటానికే వచ్చానని తేల్చి చెప్పింది కాజల్‌. తనను నామినేట్‌ చేసినందుకు శ్వేత ఫొటోను నిప్పుల్లో వేసింది. అందరికీ పెట్టాకే తినాలి: ప్రియ ప్రియ.. నువ్వేం మాట్లాడతావో అర్థం కాదు, టక్కున నోరు జారేస్తావు. రేషన్‌ మేనేజర్‌గా బాధ్యతలు తీసుకున్నప్పుడు అందరికీ పెట్టాకే తినాలి అంటూ విశ్వను నామినేట్‌ చేసింది. తర్వాత సన్నీ ఫొటోను మంటల్లో వేసింది. ప్రతివారం తనను నామినేట్‌ చేయడమే పనిగా పెట్టుకోవడాన్ని సహించలేకపోయాడు సన్నీ. మీరున్నన్ని రోజులు మిమ్మల్నే నామినేట్‌ చేస్తానంటూ ప్రియను హెచ్చరించాడు. మొత్తంగా ఈ వారం షణ్ముఖ్‌, ప్రియాంక సింగ్‌, లోబో, శ్రీరామ్‌, రవి, సిరి, విశ్వ, శ్వేత, సన్నీ, జెస్సీ నామినేట్‌ అయినట్లు బిగ్‌బాస్‌ ప్రకటించాడు.

Bigg Boss Telugu 5: నవరాత్రి స్పెషల్‌ ఎపిసోడ్‌లో భాగంగా నాగ్‌ సాంప్రదాయ పంచెకట్టులో మెరిసిపోయాడు. అటు కంటెస్టెంట్లు కూడా పోటీపడి మరీ అలంకరించుకున్నట్లు కనిపిస్తోంది. సండేను స్పెషల్‌డేగా మార్చేందుకు స్టేజీ మీదకు విచ్చేసిన నాగ్‌.. మగాళ్లందరూ బంగార్రాజులాగా, ఆడాళ్లందరూ సత్యభామల్లా ఉన్నారంటూ కంటెస్టెంట్ల మీద పొగడ్తల వర్షం కురిపించాడు. నవరాత్రి సందర్భంగా 9 గేమ్స్‌, 9 అవార్డులు ఇవ్వబోతున్నట్లు వెల్లడించాడు. గెలిచిన రవి టీమ్‌ ఇందులో భాగంగా A టీమ్‌లో రవి, హమీదా, శ్వేత, సన్నీ, షణ్ముఖ్‌, ప్రియాంక, లోబో, యానీ ఉండగా మిగిలినవారు B టీమ్‌లో ఉంటారు. మొదటగా వీరిద్దరికీ మధ్య రింగ్‌ ఫైట్‌ పెట్టారు. ఇందులో సన్నీ, సిరి గెలవడంతో వారికి ఫ్యామిలీ వీడియో చూపించారు. లోబో తన కూతురు మాట్లాడిన వీడియో చూడగానే వెక్కివెక్కి ఏడ్చాడు. తర్వాత జెస్సీ తల్లి అతడికి ధైర్యం నూరిపోసిన మాటలను చూపించగా అతడు తెగ సంతోషపడ్డాడు. తర్వాత రెండు టీమ్‌లు చెరో స్కిట్‌తో మంచి సందేశాన్ని అందించే ప్రయత్నం చేశారు. ఈ గేమ్‌లో రవి టీమ్‌ గెలవగా అతడు మరోసారి పాలపిట్ట అవార్డు అందుకున్నాడు. ఈ సందర్భంగా అతడి టీమ్‌లోని యానీ మాస్టర్‌కు ఆమె తల్లి మాట్లాడిన వీడియో చూపించారు. దీంతో కొరియోగ్రాఫర్‌.. ఉద్వేగానికి లోనైంది. అనంతరం హెబ్బా పటేల్‌.. నా తప్పు ఏమున్నదబ్బా అంటూ.. డ్యాన్స్‌తో హుషారెత్తించింది. కాజల్‌కు కాకరకాయ, ప్రియకు ఉల్లిపాయ తర్వాత కంటెస్టెంట్ల కోసం బిగ్‌బాస్‌ డబ్బాలు పంపించాడు. ఎవరికి ఎక్కువ స్వీట్లు వస్తే వారే గెలిచినట్లు అని చెప్పాడు. ఈ టాస్క్‌లో కాజల్‌కు కాకరకాయ, ప్రియకు ఉల్లిపాయ రావడం గమనార్హం. ​కానీ రవి టీమ్‌లోని హమీదాకు పూతరేకులు, పింకీ, షణ్ముఖ్‌లకు స్వీట్లు రావడంతో A టీమ్‌ గెలవగా మరోసారి వారు పాలపిట్ట అవార్డు ఎగరేసుకుపోయారు. ఈ సందర్భంగా యాంకర్‌ రవి భార్య, కూతురు మాట్లాడిన వీడియో ప్లే చేయడంతో అతడు ఎమోషనల్‌ అయ్యాడు. స్పెషల్‌ పర్ఫామెన్స్‌తో ఆకట్టుకున్న సంధ్యారాణి తర్వాత నాగార్జున రెండు టీములను చెరో 5 ప్రశ్నలు అడిగాడు. ఈ గేమ్‌లో ఎక్కువ సమాధానాలు చెప్పి ప్రియ టీమ్‌ గెలవడంతో ఆమె టీమ్‌లోని విశ్వకు అతడి ఫ్యామిలీ మాట్లాడిన వీడియో చూపించారు. అందులో విశ్వ భార్య మాట్లాడుతూ.. ఏదున్నా మసులో పెట్టుకోకని సూచించింది. నాట్యం సినిమా కథానాయిక సంధ్యారాణి తన స్పెషల్‌ పర్ఫామెన్స్‌తో అందరినీ అవాక్కయ్యేలా చేసింది. ఉర్రూతలూగించిన మంగ్లీ అనంతరం కడవ మీద కడవ ఎత్తుకుని నడిచే టాస్కులో కాజల్‌ గెలిచింది. దీంతో ఆమె సభ్యురాలిగా ఉన్న B టీమ్‌కు పాలపిట్ట అవార్డు రాగా ప్రియకు ఆమె కుమారుడు మాట్లాడిన వీడియో చూపించారు. తర్వాత హౌస్‌మేట్స్‌ బతుకమ్మ పేర్చి ఆడారు. బతుకమ్మ అందంగా పేర్చి ప్రియ టీమ్‌ గెలిచి పాలపిట్ట అవార్డు ఎగరేసుకుపోయింది. దీంతో కాజల్‌కు ఆమె కూతురు మాట్లాడిన వీడియో చూపించారు. అటు మంగ్లీ మాస్‌ పాటలు పాడి తన గాత్రంతో అందరినీ ఓ ఊపు ఊపేసింది. జెస్సీని, సిరిని కాపాడటానికే షణ్ముఖ్‌ పుట్టాడు.. తర్వాత వచ్చిన హైపర్‌ ఆది కంటెస్టెంట్లు అందరినీ చెడుగుడు ఆడేశాడు. హమీదా వాకిట్లో శ్రీరామ్‌ చెట్టు అనే ఈవెంట్‌ ప్లాన్‌ చేస్తున్నారంటూ వాళ్లిద్దరి మీద జోకేశాడు ఆది. నాగ్‌ తాకిన షర్ట్‌ను అంత అపురూపంగా చూసుకున్నావు, మరి నన్ను హగ్‌ చేసుకున్నారు. నన్నేం చేస్తావంటూ పంచ్‌ వేశాడు. జెస్సీని, సిరిని కాపాడటానికే షణ్ముఖ్‌ పుట్టాడని కౌంటరిచ్చాడు. ఈ ముగ్గురు మిగతావాళ్లతో కూడా కలిసి ఆడితే బాగుంటుందని సెలవిచ్చాడు. స్విమ్మింగ్‌పూల్‌లో ఎక్కువ సేపు మునగాలన్న టాస్క్‌లో B టీమ్‌ నుంచి విశ్వ గెలిచింది. దీంతో అదే టీమ్‌లోని సిరికి ఆమె మాట్లాడిన వీడియో చూపించారు. ప్రియ గెలిచింది 6, రవి గెలిచింది 2 తర్వాత బొమ్మను అందంగా ముస్తాబు చేయాల్సిన టాస్క్‌లో ప్రియ టీమ్‌ గెలిచి మరోసారి పాలపిట్ట అవార్డు ఎగరేసుకుపోయింది. దీంతో ఆ టీమ్‌లోని హమీదాకు ఆమె ఫ్యామిలీ మాట్లాడిన వీడియో చూపించారు. ట్రోఫీ తీసుకొచ్చేయ్‌ అక్కా.. అంటూ ఆమె తమ్ముడు మాట్లాడిన మాటలు విని హమీదా కంటతడి పెట్టుకుంది. ఇప్పటివరకు ఆడిన 8 గేముల్లో ప్రియ 6 గెలవగా రవి 2 గెలిచాడు. తర్వాత స్టేజీ మీద సడన్‌ సర్‌ప్రైజ్‌ ఇచ్చింది మోస్ట్‌ ఎలిజిబుల్‌ బ్యాచ్‌లర్‌ టీమ్‌. హీరో అఖిల్‌.. తనతో పాటు తీసుకొచ్చిన పూజా హెగ్డేను ఇంప్రెస్‌ చేయమని ఇంట్లోని మగవాళ్లకు టాస్క్‌ ఇచ్చాడు.  దీంతో శ్రీరామ్‌ పాట పాడగా, సన్నీ మిమిక్రీ చేశాడు. షణ్ముఖ్‌ మాత్రం సింగిల్స్‌ కోసం స్కిట్‌ వేశాడు. జెస్సీ, మానస్‌ డ్యాన్స్‌తో పడగొట్టేందుకు ప్రయత్నించారు. కానీ పూజా మాత్రం.. తను అఖిల్‌కే పడిపోయానని చెప్పింది. అయితే ఈ గేమ్‌లో మానస్‌ గెలిచాడని తెలిపాడు నాగ్‌. దీంతో మానస్‌కు ఫ్యామిలీ వీడియో చూపించారు. తర్వాత షణ్ముఖ్‌ సేవ్‌ అయినట్లు ప్రకటించారు. చివరగా విశ్వ, హమీదా మిగలగా... వీరిలో నుంచి హమీదా ఎలిమినేట్‌ అయినట్లు ప్రకటించారు. హౌస్‌కు తానే హీరోయిన్‌ అని చెప్పుకొచ్చింది హమీదా.