పై ఫోటోలో శ్రీదేవితోపాటు కలిసి కూర్చున్న ముగ్గురు అక్కాచెల్లెళ్లు సౌత్‌ ఇండస్ట్రీలో చాలా పాపులర్‌ హీరోయిన్లు. తెలుగులో స్టార్‌ హీరోల సరసన నటించారు. మెగాస్టార్‌ చిరంజీవితో ఈ ముగ్గురూ యాక్ట్‌ చేశారు. ఇంతకీ ఈ కథానాయికలెవరో గుర్తుపట్టారా?తెలుగులో ఆ చిత్రంతో ఎంట్రీఫోటోలో అతిలోక సుందరి శ్రీదేవి పక్కన కూర్చుని క్యూట్‌గా కనిపిస్తున్న ఈ ముగ్గురు నగ్మా, జ్యోతిక, రోషిణి. నగ్మా విషయానికి వస్తే సల్మాన్‌ ఖాన్‌ భాగి: ఎ రెబల్‌ ఫర్‌ లవ్‌ అనే సినిమాతో తన కెరీర్‌ మొదలైంది. పెద్దింటి అల్లుడు చిత్రంతో తెలుగులో ఎంట్రీ ఇచ్చింది. ఘరానా మొగుడు, మేజర్‌ చంద్రకాంత్‌, కొండపల్లి రాజా, అల్లరి అల్లుడు, ముగ్గురు మొనగాళ్లు, రిక్షావోడు, అల్లరి రాముడు.. ఇలా అనేక చిత్రాల్లో యాక్ట్‌ చేసింది.అక్కడ ఫుల్‌ బిజీజ్యోతిక.. డోలి సజా కే రఖ్‌ణా అనే హిందీ చిత్రంతో వెండితెరపై ఎంట్రీ ఇచ్చింది. తర్వాత బిజీ అయింది మాత్రం తమిళ ఇండస్ట్రీలోనే! ఠాగోర్‌, మాస్‌, చంద్రముఖి, షాక్‌ చిత్రాలతో తెలుగువారికీ దగ్గరైంది. హీరో సూర్యను పెళ్లి చేసుకుని సినిమాలకు గ్యాప్‌ ఇచ్చిన ఆమె సెకండ్‌ ఇన్నింగ్స్‌లోనూ సక్సెస్‌ఫుల్‌గా రాణిస్తోంది.తెలుగులో ఫేమస్‌రోషిణి.. తన ఇద్దరు అక్కల్లా ఇండస్ట్రీలో స్టార్‌ హీరోయిన్‌గా రాణించలేకపోయింది. శిష్య అనే తమిళ చిత్రంతో కథానాయికగా పరిచయమైన ఈ మూవీ మాస్టర్‌, పవిత్ర ప్రేమ, శుభలేఖలు సినిమాతో తెలుగులో ఫేమస్‌ అయింది. రెండేళ్లు మాత్రమే సినిమాల్లో యాక్టివ్‌గా ఉన్న ఆమె తర్వాత చిత్రపరిశ్రమకు గుడ్‌బై చెప్పింది.పేరెంట్స్‌..కాగా ఈ హీరోయిన్ల తల్లి సీమా 1969లో అరవింద్‌ మొరార్జీని పెళ్లాడింది. వీరికి పుట్టిన కూతురే నగ్మా. మనస్పర్థల వల్ల ఈ దంపతులు 1974లో విడాకులు తీసుకున్నారు. తర్వాతి ఏడాది నిర్మాత చందర్‌ను పెళ్లాడింది. వీరికి ఒక బాబుతో పాటు జ్యోతిక, రోషిణి సంతానం.చదవండి: ఇండస్ట్రీలో విషాదం.. నటుడిని కాల్చిచంపిన దుండగులు!

ఇండియన్ మైఖేల్ జాక్సన్ ప్రభుదేవా సూపర్‌ హిట్‌ సినిమా ప్రేమికుడు రీ-రిలీజ్‌ కానుంది. మెగా ప్రొడ్యూసర్ కే. టి. కుంజుమోన్ నిర్మాతగా, సెన్సేషనల్ డైరెక్టర్ ఎస్. శంకర్ దర్శకత్వంలో తెరకెక్కిన ఈ సినిమాకు ఆస్కార్ అవార్డు గ్రహీత ఏ. ఆర్. రెహమాన్ మ్యూజిక్ అందించారు. అందాల నటి నగ్మ ఇందులో హీరోయిన్‌గా నటించారు. ప్రస్తుతం ఈ సినిమాను నిర్మాతలు రమణ, మురళీధర్ రిలీజ్ చేస్తున్నారు. ఎస్పీ బాలసుబ్రమణ్యం, వడివేలు, రఘువరన్, గిరీష్ కర్నాడ్ ముఖ్యపాత్రలో నటించారు. ఈ రీ- రిలీజ్ కి సంబంధించిన వేడుక తాజాగా చాలా ఘనంగా జరిగింది. ఈ వేడుకలో నిర్మాతలు మురళీధర్ రెడ్డి, రమణ, ప్రముఖ నిర్మాత లగడపాటి శ్రీనివాస్, శోభారాణి పాల్గొన్నారు.ఇండియన్ మైఖేల్ జాక్సన్ ప్రభుదేవా సూపర్‌ హిట్‌ సినిమా ప్రేమికుడు రీ-రిలీజ్‌ కానుంది. మెగా ప్రొడ్యూసర్ కే. టి. కుంజుమోన్ నిర్మాతగా, సెన్సేషనల్ డైరెక్టర్ ఎస్. శంకర్ దర్శకత్వంలో తెరకెక్కిన ఈ సినిమాకు ఆస్కార్ అవార్డు గ్రహీత ఏ. ఆర్. రెహమాన్ మ్యూజిక్ అందించారు. అందాల నటి నగ్మ ఇందులో హీరోయిన్‌గా నటించారు. ప్రస్తుతం ఈ సినిమాను నిర్మాతలు రమణ, మురళీధర్ రిలీజ్ చేస్తున్నారు. ఎస్పీ బాలసుబ్రమణ్యం, వడివేలు, రఘువరన్, గిరీష్ కర్నాడ్ ముఖ్యపాత్రలో నటించారు. ఈ రీ- రిలీజ్ కి సంబంధించిన వేడుక తాజాగా చాలా ఘనంగా జరిగింది. ఈ వేడుకలో నిర్మాతలు మురళీధర్ రెడ్డి, రమణ, ప్రముఖ నిర్మాత లగడపాటి శ్రీనివాస్, శోభారాణి పాల్గొన్నారు.30 సంవత్సరాల క్రితం వచ్చిన ప్రేమికుడు సినిమా మళ్లీ మే 1న 300కు పైగా థియేటర్లలో ఘనంగా రీ- రిలీజ్ అవుతోంది. బుకింగ్స్ ఓపెన్ అయి ప్రజల నుంచి అద్భుతమైన స్పందన లభిస్తోంది. ఎస్. శంకర్ దర్శకత్వంలో ఇండియన్ మైఖేల్ జాక్సన్ ప్రభుదేవా, నగ్మా జంటగా 30 సంవత్సరాల క్రితం వచ్చి యువతను ఆకట్టుకున్న సినిమా. ఇప్పటికి కూడా ఆ సినిమాలోని పాటలు యువతనే కాకుండా అందరినీ ఆకట్టుకుంటూనే ఉన్నాయి.ఈ సినిమాలో ప్రభుదేవా తండ్రిగా ఎస్. పి. బాలసుబ్రమణ్యం గారు నటించడం సినిమాకే పెద్ద ప్లస్ అయింది. అందమైన ప్రేమ రాణి చెయ్యి తగిలితే పాటలో ప్రభుదేవాతో సమానంగా ఎస్. పి. బాలు గారు డాన్స్ చేయడం విశేషం. టేకిట్ ఈజీ పాలసీ, ఓ చెలియా నా ప్రియ సఖియా పాటలు ఇప్పటికీ ఎప్పటికీ నిలిచిపోయేలా సాంగ్స్ ఉన్నాయి. ఒక మంచి యూత్ ఫుల్ లవ్ స్టోరీ గా వచ్చిన ఈ సినిమా అప్పటి రోజుల్లో బిగ్గెస్ట్ బ్లాక్ బస్టర్. నిర్మాత మురళీధర్ రెడ్డి గారు మాట్లాడుతూ : ప్రేమికుడు సినిమాని 30 సంవత్సరాల తర్వాత మళ్లీ సీ ఎం ఆర్ సంస్థ పైన మే 1న ప్రపంచవ్యాప్తంగా విడుదల చేస్తున్నాము. బుకింగ్స్ ఓపెన్ చేసిన వెంటనే ప్రేక్షకుల నుంచి అద్భుతమైన రెస్పాన్స్ వస్తోంది. డిస్ట్రిబ్యూటర్లు కూడా మాకు ఎంత సపోర్ట్ చేస్తున్నారు వారికి మా ధన్యవాదాలు. అదేవిధంగా ఈ సినిమా రిలీజ్‌కు అంగీకరించి మాకు సహకరిస్తున్న మా మెగా ప్రొడ్యూసర్ కొంచెం మోహన్ గారికి ప్రత్యేక కృతజ్ఞతలు తెలియజేసుకుంటున్నాము అని అన్నారు.

ప్రభుదేవా, నగ్మా జంటగా నటించిన ప్రేమికుడు చిత్రం రీ రిలీజ్‌కు సిద్ధమైంది. ప్రస్తుతం ఈ సినిమా రిలీజ్‌కు నిర్మాతలుగా రమణ, మురళీధర్ వ్యవహరిస్తున్నారు. తాజాగా ఈ సినిమా రీ రిలీజ్‌కు సంబంధించి ప్రెస్ మీట్ నిర్వహించారు. ఈ ఈవెంట్‌కు ముఖ్య అతిథులుగా తెలుగు ఫిలిం ప్రొడ్యూసర్స్ కౌన్సిల్ సెక్రటరీ ప్రసన్నకుమార్, దర్శకులు ముప్పలనేని శివ, శివనాగు, శోభారాణి  పాల్గొన్నారు.  ఈ చిత్రంలో ఎస్పీ బాలసుబ్రమణ్యం, వడివేలు, రఘువరన్, గిరీష్ కర్నాడ్ ముఖ్యపాత్రల్లో నటించిన సంగతి తెలిసిందే. ఈ సందర్భంగా ముప్పలనేని శివ మాట్లాడుతూ.. '30 ఏళ్ల క్రితం వచ్చిన ప్రేమికుడు ఇప్పుడు రీ రిలీజ్ అవ్వడం చాలా ఆనందంగా ఉంది. అప్పట్లో ప్రభుదేవని చూసి స్ప్రింగ్‌లు ఏమన్నా మింగాడా అనుకునేవాళ్లం. ఒక మంచి ప్రేమ కథగా సెన్సేషన్ సృష్టించిన సినిమా ఇప్పుడు మళ్లీ ప్రేక్షకుల ముందుకు రాబోతోంది. అందరితోపాటు ఈ సినిమా కోసం నేను కూడా ఎదురు చూస్తున్నా' అని అన్నారు. తెలుగు ఫిలిం ప్రొడ్యూసర్స్ కౌన్సిల్ సెక్రటరీ ప్రసన్నకుమార్ మాట్లాడుతూ..' ఈ సినిమా రీ రిలీజ్‌ కూడా మంచి విజయం అందుకుంటుంది. గానగంధర్వుడు ఎస్పీ బాలసుబ్రమణ్యం నటన అద్భుతంగా ఉంటుంది. ప్రభుదేవ నటన, డాన్సులు నగ్మ అందాలు ఈ సినిమాకి ప్రత్యేక ఆకర్షణ. మా సోదరి సుధారాణికి ఈ సినిమా పెద్ద విజయం సాధించాలని మనస్పూర్తిగా కోరుకుంటున్నా' అని అన్నారు. దర్శకుడు శివనాగుమాట్లాడుతూ.. 'ప్రేమికుడు ఈ తరంలో వచ్చుంటే కచ్చితంగా రూ.100 కోట్ల వసూళ్లు సాధించేంది. అప్పుడున్న బడ్జెట్‌కి రూ.3 కోట్లతో చేసిన సినిమా ఇప్పుడు కూడా రూ.30 కోట్లు సాధిస్తుందని ఆశిస్తున్నా. ఎస్పీ బాలసుబ్రమణ్యం నటన అద్భుతంగా ఉంటుంది. ప్రభుదేవా డాన్సులు  ఈ సినిమాకి హైలెట్. రీ రిలీజ్‌ కూడా మంచి సక్సెస్ అవ్వాలని కోరుకుంటున్నా' అని అన్నారు. కాగా.. ఈ  చిత్రానికి శంకర్ దర్శకత్వం వహించగా.. కేటి  కుంజుమన్ నిర్మించారు. ఈ మూవీకి ఏఆర్ రెహమాన్ సంగీతమందించారు.   

ప్రేక్షక్షుల ముందుకు మరోసారి వచ్చేందుకు ప్రేమికుడు సిద్ధం అవుతున్నాడు. ప్రభుదేవా హీరోగా, నగ్మా హీరోయిన్‌గా రూపొందిన చిత్రం ‘ప్రేమికుడు’(తమిళంలో ‘కాదలన్‌’). శంకర్‌ దర్శకత్వం వహించిన ఈ మూవీ 1994లో విడుదలై బ్లాక్‌బస్టర్‌గా నిలిచింది. ఏఆర్‌ రెహమాన్‌ సంగీతం అందించిన ఈ మూవీలోని ‘ముక్కాలా ముక్కాబులా’, ‘ఊర్వశి ఊర్వశి’, ‘ఓ చెలియా నా ప్రియ సఖియా’, ‘అందమైన ప్రేమరాణి’.. వంటి పాటలన్నీ యువతను ఉర్రూతలూగించాయి. క్లాసిక్‌ హిట్‌గా రూపొందిన ‘ప్రేమికుడు’ తెలుగులో రీ రిలీజ్‌కి సిద్ధమవుతోంది. తెలుగు రీ రిలీజ్‌ హక్కులను నిర్మాతలు మురళీధర్‌ రెడ్డి, రమణ దక్కించుకున్నారు. సీఎల్‌ఎన్‌ మీడియా ద్వారా త్వరలో సినిమా రిలీజ్‌కు సన్నాహాలు చేస్తున్నారు. అతి త్వరలో రిలీజ్‌ డేట్‌ ప్రకటిస్తామని నిర్మాతలు పేర్కొన్నారు.

ఇండస్ట్రీలో నెపోటిజం ఉంది. ఈ విషయం అందరికీ తెలుసు. కానీ టాలెంట్ ఉన్నోడే నిలబడతాడు. స్టార్ అవుతాడు. తెలుగులో ఇప్పటికే చాలామంది హీరోలు.. తండ్రి బాటలో వచ్చి సక్సెస్ అయ్యారు, అవుతున్నారు. అలా ఓ హీరోయిన్ తొలుత టాలీవుడ్‌లో అడుగుపెట్టింది. ఆ తర్వాత ఈమె ముగ్గురు చెల్లెళ్లు కూడా ఎం‍ట్రీ ఇచ్చారు. వీళ్లందరూ చిరంజీవితో సినిమాలు చేశారు. మరి వీళ్లెవరో గుర్తుపట్టారా? మమ్మల్నే చెప్పేయమంటారా? మీలో చాలామంది.. పైన కనిపిస్తున్న ఫొటోలో శ్రీదేవిని అయితే గుర్తుపట్టేసుంటారు. ఈమె పక్కన కూర్చున్న ముగ్గురు చిన్నారులు ఆమెకు చెల్లెళ్లు అవుతారు. కుడివైపు ఉన్న అమ్మాయి నగ్మా. ఎడమ వైపు శ్రీదేవి పక్కనే కూర్చున్న పాప జ్యోతిక. ఆ పక్కన ఉన్న చిన్నారి రోషిణి. వీళ్లందరూ మెగాస్టార్ చిరంజీవితో కలిసి పలు మూవీస్ చేశారు. (ఇదీ చదవండి: మెగాస్టార్ చిరంజీవి ఖరీదైన కొత్త వాచ్.. రేటు తెలిస్తే మైండ్ బ్లాకే) చిరు-శ్రీదేవి కాంబోలో 'జగదేకవీరుడు అతిలోక సుందరి', ఎస్పీ పరశురాం, కొండవీటి రాజా తదితర చిత్రాలు వచ్చాయి. చిరు-నగ్మా కలిసి ఘరానా మొగుడు, రిక్షావోడు, ముగ్గురు మొనగాళ్లు చిత్రాలు చేశారు. చిరు-జ్యోతిక కాంబోలో 'ఠాగూర్' లాంటి బ్లాక్ బస్టర్ వచ్చింది. ఇక చిరు-రోషిణి కలిసి 'మాస్టర్' చేశారు. ఇలా నలుగురు అక్కా చెల్లెళ్లతో సినిమాలు చేసిన హీరోగా మెగాస్టార్ రికార్డ్ సృష్టించారని చెప్పొచ్చు. ప్రస్తుతం ఈ నలుగురు హీరోయిన్లలో శ్రీదేవి చనిపోగా.. నగ్మా రాజకీయాల్లోకి వెళ్లిపోయారు. జ్యోతిక.. సినిమాల్లోకి రీఎంట్రీ ఇచ్చారు. భర్త సూర్యతో కలిసి పలు సినిమాలని నిర్మిస్తూ బిజీగా ఉన్నారు. రోషిణి మాత్రం ఇప్పుడెక్కడ ఉన్నారనేది పెద్దగా తెలీదు. తాజాగా ఈ ఫొటో సోషల్ మీడియాలో వైరల్ కావడంతో ఎవరబ్బా అని నెటిజన్స్ అనుకున్నారు. సో అసలు విషయం తెలిసి మూవీ లవర్స్ రిలాక్స్ అయిపోయారు. (ఇదీ చదవండి: ఈ వారం ఓటీటీల్లోకి ఏకంగా 32 సినిమాలు.. అవేంటో తెలుసా?)

మహారాష్ట్రకు చెందిన నగ్మ 'పెద్దింటి అల్లుడు' సినిమాతో హీరోయిన్‌గా తెలుగు ప్రేక్షకులకు పరిచయమైంది. చాలా ఏళ్లుగా ఆమె మీడియాకు దూరంగానే ఉన్నారు. తాజాగా ఆమెకు సంబంధించిన వీడియో ఒకటి సోషల్‌మీడియాలో వైరల్‌ అవుతుంది. 90వ దశకంలో ఆమె నటనకు, అందానికి యూత్‌ దాసోహమైపోయింది. దర్శకనిర్మాతలు తన ఇంటిముందు క్యూ కట్టారు. నచ్చిన కథలు సెలక్ట్‌ చేసుకుంటూ ఏడాదికి ఐదారు సినిమాలు చేసుకుంటూ పోయింది. తక్కువ కాలంలోనే స్టార్‌ హీరోయిన్‌ స్టేటస్‌ అందుకుంది. తెలుగులోనే కాకుండా తమిళ, మలయాళ, కన్నడ, హిందీ, భోజ్‌పురి, పంజాబీ, బెంగాలీ, మరాఠి భాషల్లోనూ హీరోయిన్‌గా రాణించింది. కానీ ఈమె తెలుగు వెండితెరకు దూరమై దాదాపు 20 ఏళ్లవుతోంది. ఆ తర్వాత ఇతర భాషల్లో నటించినప్పటికీ 2008లో నటనకు గుడ్‌బై చెప్పేసి రాజకీయాల్లో ప్రవేశించింది. కానీ ఎప్పుడు సుమారు పదేళ్ల క్రితం కాంగ్రెస్‌ పార్టీ తరుపున ఎన్నికల ప్రచారంలో కనిపించిన నగ్మ తర్వాత  ఎక్కడా కూడా పెద్దగా కనిపించలేదు. తాజాగా ఆమె కంట పడింది. అందుకు సంబంధించిన వీడియో ఒకటి నెట్టింట చక్కర్లు కొడుతుంది. ప్రస్తుతం నగ్మా వయసు 48 ఏళ్లు కాగా ఇప్పుడు ఆమెను చూడగానే గుర్తుపట్టడం కాస్త కష్టం అని చెప్పవచ్చు. బాగా బొద్దుగా ఆమె కనిపిస్తుంది. ఇప్పుడు ముంబైలో ఒంటరిగానే నగ్మ ఉంటుంది. కొద్దిరోజుల క్రితం బాలీవుడ్‌ మీడియాకు ఇచ్చిన ఒక ఇంటర్వ్యూలో తన పెళ్లి గురించి ఇలా మాట్లాడింది. 'పెళ్లి చేసుకోకూడదు అన్న ఆలోచన నాకు లేదు. ఇంకా చెప్పాలంటే నాకంటూ ఓ తోడు ఉండాలి, పిల్లలుండాలని నా ఆశ. పెళ్లి ద్వారా ఓ కుటుంబాన్ని ఏర్పరుచుకోవాలని ఉండేది. కాలం కలిసొస్తే త్వరలోనే నా పెళ్లి జరుగుతుందేమో చూద్దాం. నిజంగా పెళ్లయితే మాత్రం చాలా హ్యాపీగా ఫీలవుతాను. సంతోషమనేది జీవితంలో కొంతకాలానికే పరిమితం కాదు కదా!' అని చెప్పుకొచ్చింది. జ్యోతిక, రోషిణిలకు నగ్మా సోదరి అనే విషయం తెలిసిందే. View this post on Instagram A post shared by Varinder Chawla (@varindertchawla)

'పెద్దింటి అల్లుడు' సినిమాతో హీరోయిన్‌గా తెలుగు ప్రేక్షకులకు పరిచయమైంది నగ్మా. ఆమె నటనకు, అందానికి యూత్‌ దాసోహమైపోయింది. దర్శకనిర్మాతలు తన ఇంటిముందు క్యూ కట్టారు. నచ్చిన కథలు సెలక్ట్‌ చేసుకుంటూ ఏడాదికి ఐదారు సినిమాలు చేసుకుంటూ పోయింది. తక్కువ కాలంలోనే స్టార్‌ హీరోయిన్‌ స్టేటస్‌ అందుకుంది. తెలుగులోనే కాకుండా తమిళ, మలయాళ, కన్నడ, హిందీ, భోజ్‌పురి, పంజాబీ, బెంగాలీ, మరాఠి భాషల్లోనూ హీరోయిన్‌గా రాణించింది. మొదట హీరోయిన్‌గా చేసిన నగ్మా తర్వాత తల్లి, అత్త పాత్రల్లోనూ మెరిసింది. ఈమె తెలుగు వెండితెరకు దూరమై దాదాపు 20 ఏళ్లవుతోంది. ఆ తర్వాత ఇతర భాషల్లో నటించినప్పటికీ 2008లో నటనకు గుడ్‌బై చెప్పేసి రాజకీయాల్లో ప్రవేశించింది. ఇక స్టార్‌ హీరోయిన్‌గా ఉన్న సమయంలో ఎంతోమందితో ప్రేమాయణం సాగించిన నగ్మా ఇప్పటికీ పెళ్లి చేసుకోకుండా ఒంటరిగా మిగిలిపోయింది. 48 ఏళ్ల వయసున్న నగ్మా తాజాగా తన పెళ్లి గురించి స్పందించింది. 'పెళ్లి చేసుకోకూడదు అన్న ఆలోచన నాకు లేదు. ఇంకా చెప్పాలంటే నాకంటూ ఓ తోడు ఉండాలి, పిల్లలుండాలని నా ఆశ. పెళ్లి ద్వారా ఓ కుటుంబాన్ని ఏర్పరుచుకోవాలని ఉండేది. కాలం కలిసొస్తే త్వరలోనే నా పెళ్లి జరుగుతుందేమో చూద్దాం. నిజంగా పెళ్లయితే మాత్రం చాలా హ్యాపీగా ఫీలవుతాను. సంతోషమనేది జీవితంలో కొంతకాలానికే పరిమితం కాదు కదా!' అని చెప్పుకొచ్చింది. కాగా నగ్మా గతంలో పెళ్లైన నలుగురిని ప్రేమించిందని ఇప్పటికీ చెప్పుకుంటూ ఉంటారు. నటుడు శరత్‌ కుమార్‌, మనోజ్‌ తివారి, రవి కిషన్‌లతో పాటు క్రికెటర్‌ సౌరవ్‌ గంగూలీతోనూ లవ్‌లో పడిందని, కానీ పెళ్లిదాకా వెళ్లకముందే వీరితో బ్రేకప్‌ అయిందని ప్రచారం నడిచింది. అయితే రవి కిషన్‌.. నగ్మాతో తనది స్నేహం మాత్రమేనని ఇటీవలే క్లారిటీ ఇచ్చాడు. చదవండి: దత్తత తీసుకున్న పిల్లల వల్లే సుస్మితా సేన్‌ కెరీర్‌ క్లోజ్‌ అయిందా?

ప్రముఖ నటుడు, బీజేపీ ఎంపీ రవికిషన్ పరిచయం అక్కర్లేని పేరు. రేసు గుర్రం సినిమాతో టాలీవుడ్‌లో గుర్తింపు తెచ్చుకున్నారు.‌ మద్దాలి శివారెడ్డి పాత్రతో తెలుగు వారికి దగ్గరయ్యారు. ప్రస్తుతం ఆయన గోరఖ్‌పూర్‌ నియోజకవర్గం నుంచి బీజేపీ ఎంపీగా ఉన్నారు. అయితే ఇటీవల ఆప్ కీ అదాలత్ షోలో ఆయన పాల్గొన్నారు. ఈ సందర్భంగా అతనికి ఓ క్లిష్టమైన ప్రశ్న ఎదురైంది. సీనియర్ నటి నగ్మాతో మీకు ఎఫైర్‌ ఉండేదా? అని ప్రశ్నించారు. దీంతో ఆయన స్పందించారు. అయితే ఆమెతో ఎక్కువ సినిమాలు చేయడం వల్లే అలా రూమర్స్ సృష్టించారని చెప్పుకొచ్చారు.  రవి మాట్లాడుతూ, 'నగ్మాతో చాలా సినిమాలు చేశా. మా సినిమాలు బ్లాక్‌ బస్టర్లుగా కూడా నిలిచాయి. అయితే మేము మంచి స్నేహితులం కాబట్టి ఎక్కువ సినిమాలు చేసేవాళ్లం. మరీ ముఖ్యంగా నాకు పెళ్లి అయిన విషయం అందరికీ తెలుసు. నేను నా భార్య ప్రీతి శుక్లాను చాలా గౌరవిస్తా. నేను ఆమె పాదాలకు నమస్కరిస్తా. నా భార్య మొదటి నుంచి నాతోనే ఉంది. నా వద్ద డబ్బు లేనప్పుడు కూడా ఆమె నాతో ఉంది' అని అన్నారు. అయితే తాను సూపర్‌స్టార్‌ అయ్యాక అహంకారం ప్రదర్శించానని.. ఆ తర్వాత తనను బిగ్‌బాస్‌లో పాల్గొనాల్సిందిగా భార్య సూచించిందని రవి తెలిపారు.  రవికిషన్ మాట్లాడుతూ.. 'నా సినిమాలు సూపర్ హిట్ కావడంతో ఆ తర్వాత నేను కాస్తా గర్వం ప్రదర్శించా. దీంతో వెంటనే నా భార్య బిగ్ బాస్‌కు వెళ్లమని సలహా ఇచ్చింది. మొదట ఇష్టం లేకపోయినా సరే తర్వాత వెళ్లాను. మూడు నెలల పాటు హౌస్‌లో ఉన్నా. బయటకు వచ్చేసరికి నాలో చాలా మార్పు వచ్చింది. నేను పాపులర్ అవ్వడమే కాకుండా సాధారణ వ్యక్తిగా మారిపోయా. ఆ తర్వాత నా కుటుంబాన్ని, నా భార్య, పిల్లలను బాగా చూసుకున్నా.'  అని రవికిషన్ వెల్లడించారు.

ఇటీవల కాలంలో సైబర్‌ నేరాలు మరింత పెరిగిపోతున్నాయి. కొత్త కొత్త తరహాలో మోసాలలకు పాల్పడుతున్నారు సైబర్‌ నేరగాళ్లు.  సామాన్యులతో పాటు సెలబ్రిటీలు కూడా ఈ సైబర్‌ మోసగాళ్ల ఉచ్చులో చిక్కుకుంటున్నారు. తాజాగా సినియర్‌ హీరోయిన్‌ నగ్మా కేటుగాళ్ల వలలో చిక్కి పెద్ద మొత్తంలో మోసపోయారు. తన మొబైల్‌కు వచ్చిన మెసేజ్‌ని క్లిక్‌  చేసి రూ. లక్ష పోగొట్టుకున్నారు. ఫిబ్రవరి 28న నగ్మా మొబైల్‌కు బ్యాంకు వాళ్లు పంపినట్లు ఓ మెసేజ్‌ వచ్చిందట. అందులో ఉన్న ఓ లింక్‌ని ఓపెన్‌ చేయగానే వెంటనే ఆమెకు ఓ ఫోన్‌ కాల్‌ వచ్చిందట. బ్యాంక్‌ ఎంప్లాయ్‌గా తనను తాను పరిచయం చేసుకున్న కేటుగాడు.. కేవైసీ అప్‌డేట్‌ చేయమని చెప్పారు. ఆమె తన బ్యాంకు వివరాలు తెలియజేయనప్పటికీ.. తన్‌ ఆన్‌లైన్‌ బ్యాంకులోకి లాగిన్‌ అయి.. బెనిఫిషియరీ అకౌంట్ క్రియేట్ చేసుకుని దాదాపు లక్ష రూపాయలు ట్రాన్స్ఫర్ చేసుకున్నాడట. నేరగాడు లాగిన్ అయ్యే క్రమంలో తన మొబైల్‌కి దాదాపు 20 సార్లు ఓటీపీలు వచ్చాయని నగ్మా వెల్లడించారు. పెద్ద అమౌంట్ కాకుండా కేవలం లక్ష రూపాయలతో ఈ ఫ్రాడ్ నుండి బయటపడినందుకు నగ్మా బాధలో సంతోషం వ్యక్తం చేశారు. నగ్మా మాదిరే సదరు బ్యాంకులో ఖాతాలు ఉన్న మరో 80 మంది కూడా  ఇదే తరహాలో మోసపోవడం గమనార్హం. బాధితుల ఫిర్యాదు మేరకు కేసు నమోదు చేసుకున్న ముంబై     సైబర్‌ పోలీసులు.. దర్యాప్తు చేపట్టారు.

ముంబై: గ్రాండ్‌ ఓల్డ్‌ పార్టీ కాంగ్రెస్‌కు కొత్త కష్టాలు వచ్చి పడ్డాయ్‌. నాయకత్వ లోపాల కారణంగా సీనియర్లు సైతం ఓవైపు పార్టీని వీడుతుంటే.. మరోవైపు ఇప్పుడు ‘రాజ్యసభ’ చిచ్చు మరికొందరిలో తీవ్ర అసంతృప్తిని రాజేస్తోంది. తాజాగా మాజీ నటి, కాంగ్రెస్‌ నేత నగ్మా కాంగ్రెస్‌పై బహిరంగంగానే వ్యతిరేక పోస్ట్‌ చేశారు.  సోనియా జీ.. కాంగ్రెస్‌ చేరిక సమయంలో రాజ్యసభ సీటును నాకు ఇస్తామని ఆఫర్‌ చేశారు. 2003 నాటికి కాంగ్రెస్‌ అధికారంలో లేదు. అప్పటి నుంచి 18 ఏళ్ల పాటు అవకాశం కోసం ఎదురు చూడడంతోనే సరిపోయింది. ఇప్పుడు ఇమ్రాన్‌(ఇమ్రాన్‌ ప్రతాప్‌ఘడిని ఉద్దేశించి)ను మహారాష్ట్ర నుంచి పెద్దల సభకు పంపిస్తున్నారు. అసలు నాకు ఆ అర్హతే లేదా? అని నగ్మా ట్విటర్‌ ద్వారా అసంతృప్తిని వ్యక్తం చేశారు.  SoniaJi our Congress president had personally committed to accommodating me in RS in 2003/04 whn I joined Congressparty on her behest we weren’t in power thn.Since then it’s been 18Yrs they dint find an opportunity Mr Imran is accommodated in RS frm Maha I ask am I less deserving — Nagma (@nagma_morarji) May 30, 2022 మా 18 ఏళ్ల తపస్సు కూడా ఇమ్రాన్ భాయ్ ముందు వెనుకబడి పోయింది అంటూ ఓ ట్వీట్‌లో వైరాగ్యం ప్రదర్శించారు ఆమె.  हमारी भी १८ साल की तपस्या कम पड़ गई इमरान भाई के आगे । https://t.co/8SrqA2FH4c — Nagma (@nagma_morarji) May 29, 2022 ఇదిలా ఉంటే.. జూన్‌ 10న జరగబోయే రాజ్యసభ ఎన్నికల కోసం కాంగ్రెస్‌ పార్టీ ఏడు రాష్ట్రాల నుంచి పది మంది సభ్యులతో కూడిన అభ్యర్థుల జాబితాను విడుదల చేసింది. ఛత్తీస్‌గఢ్‌ నుంచి రాజీవ్‌ శుక్లా, రంజిత్‌ కుమార్‌, హర్యానా నుంచి అజయ్‌ మాకెన్‌, మహారాష్ట్ర నుంచి ఇమ్రాన్‌ ప్రతాప్‌ఘడి, కర్ణాటక నుంచి జైరామ్‌ రమేష్‌, మధ్యప్రదేశ్‌ నుంచి వివేక్‌ తన్హా, తమిళనాడు నుంచి చిదంబరం, రాజస్థాన్‌ నుంచి రణ్‌దీప్‌ సింగ్‌ సూర్జేవాలా, ముకుల్‌ వాస్నిక్‌, ప్రమోద్‌ తావారి(ముగ్గురు రాజస్థాన్‌ వాళ్లు కాకపోవడం గమనార్హం) పేర్లను ప్రకటించింది. ఇక బీజేపీ ఎనిమిది రాష్ట్రాల నుంచి 16 మందికి సీట్లు ఖారారు చేసింది. వీరిలో కేంద్ర మంత్రులు పీయూష్‌ గోయెల్(మహారాష్ట్ర)‌, నిర్మలా సీతారామన్‌(కర్ణాటక) సైతం ఉన్నారు. Congratulations to all those who made it to the Rajya Sabha @ShuklaRajiv ji Ranjeet Ranjan ji @ajaymaken ji @Jairam_Ramesh ji @VTankha ji @ShayarImran ji @rssurjewala ji @MukulWasnik ji @pramodtiwari700 ji & @PChidambaram_IN ji. And to all those who r selected to the Rajya Sabha https://t.co/GSQ070QgOk — Nagma (@nagma_morarji) May 30, 2022

‘ఉరుము ఉరిమి మంగలం మీద పడ్డట్టు’ అనే జాతీయం తెలుసు కదా!  అభిమాన క్రికెటర్‌ ఆశించిన ఆటతీరును కనబర్చలేకపోతే ఆ ఆటగాడి స్నేహితురాలో.. ప్రేమికురాలో ఆ నిందను మోయాల్సి వస్తోంది! క్రికెట్‌ అభిమానుల ఈ ఆగ్రహం సర్వసాధారణమైపోయింది..  ఈ రీతికి అనుష్కా శర్మనే కాదు.. అంతకుముందే నటి నగ్మా కూడా బలైంది!! ఎవరి విషయంలోనో చెప్పేలోపే ఆ వ్యక్తి మీ ఊహకు అందే ఉంటాడు.. సౌరవ్‌ గంగూలీ అని!! 1999.. వరల్డ్‌ కప్‌ మ్యాచ్‌ రోజులవి.. అప్పుడే కామన్‌ ఫ్రెండ్స్‌ ద్వారా సౌరవ్‌కి నగ్మా పరిచయం అయింది. లౌక్యం తెలియని ఆమె ప్రవర్తన అతణ్ణి ఆకట్టుకుంది. నగ్మాకూ అంతే.. ఇండియన్‌ క్రికెట్‌ టీమ్‌ కెప్టెన్‌గా ఉన్న సౌరవ్‌ పాపులారిటీ కన్నా అతని స్నేహపూర్వకమైన నడతే నచ్చింది. అన్ని జంటల ప్రయాణంలాగే ఈ జంట ప్రయాణమూ పరిచయం.. స్నేహం మీదుగా ప్రేమ పిచ్‌ చేరుకుంది. ఎప్పటిలాగే మీడియా ఆ కబుర్లను దేశమంతా బట్వాడా చేసింది. ఆ ప్రేమ వ్యవహారంలో పడిపోయి సౌరవ్‌ ఆట మీద దృష్టి పెట్టలేకపోతున్నాడనే విమర్శలనూ వినిపించింది. వరల్డ్‌ కప్‌ చేజారిపోవడానికీ సౌరవ్‌ ఏకాగ్రత లోపమనీ.. దానికి కారణం నగ్మాయేననీ క్రికెట్‌ అభిమానులు.. సౌరవ్‌ వీరాభిమానులూ తీర్మానం చేశారు. సౌరవ్‌ సారథ్యంలోని జట్టు ఎక్కడ ఏ మ్యాచ్‌ ఓడిపోయినా ‘అంతా నీవల్లే.. నీవల్లే’ అంటూ నగ్మాను ట్రోల్‌ చేయసాగారు.  అన్నిటినీ సహించింది నగ్మా.  కానీ డోనా భరించలేకపోయింది. ఆ ట్రోలింగ్స్‌ను కాదు.. భర్త ప్రవర్తనను. నగ్మాతో ప్రేమలో పడేటప్పటికే సౌరవ్‌ .. డోనాకు భర్త. ఆమె.. అతని చిన్ననాటి స్నేహితురాలు. మనసిచ్చి.. పుచ్చుకున్న నెచ్చెలి. పెద్దవాళ్లను ఎదిరించి మరీ డోనాను పెళ్లాడాడు. తర్వాత రెండేళ్లకే నగ్మా ఎదురైంది. అతని మనసు గెలుచుకుంది.  తర్వాత కథనంతా మీడియాలో వినింది.. చదివింది.. కనింది డోనా. అవన్నీ రూమర్సే అని తేలిగ్గా తీసుకుంది కూడా.. నగ్మా, సౌరవ్‌ తిరుపతి వచ్చి దర్శనం చేసుకున్నారని.. రహస్యంగా పెళ్లీ చేసుకున్నారనే వార్త వచ్చే వరకూ. వట్టి వార్తగానే వస్తే దాన్నీ పట్టించుకోకపోవునేమో డోనా.. కానీ సౌరవ్, నగ్మా ఇద్దరూ కలసి తిరుమలలో దర్శనానికి వెళ్తున్న ఫొటోతో సహా అచ్చయింది పత్రికల్లో.   విడాకులకు సిద్ధం.. అందుకే డోనా ఆ వ్యవహారాన్ని తేలిగ్గా తీసుకోలేకపోయింది. ఆ రుజువులు చూపిస్తూ సౌరవ్‌ను నిలదీసింది. ‘ఇవన్నీ రూమర్స్‌.. మా మధ్య అలాంటిదేం లేదు అంటూ అదే మీడియాకు స్టేట్‌మెంట్‌ ఇస్తారా? నన్ను విడాకులు ఇమ్మంటారా?’ అని అడిగింది డోనా .. సౌరవ్‌ను. డోనా స్వరంలోని స్థిరత్వానికి భయపడిపోయాడు సౌరవ్‌. చైల్డ్‌హుడ్‌ స్వీట్‌ హార్ట్‌.. హార్ట్‌ బ్రేక్‌ అయిందని అర్థమైంది ఆ భర్తకు. కళ్లనిండా నీళ్లతో ‘క్షమించు’ అని విన్నవించుకున్నాడు. ‘జీవితంలో ఇలాంటి ఆకర్షణలు సాధారణం. అదే సమయంలో స్థిర చిత్తమూ అవసరం’ అని అనునయిస్తున్నట్టుగా సౌరవ్‌ చేతిని తన చేతుల్లోకి తీసుకుంది డోనా.    అవన్నీ రూమర్సే.. ఆ తర్వాత మీడియాలో స్టేట్‌మెంట్‌ వచ్చింది.. ‘నగ్మాతో అలాంటిదేం లేదు.. అవన్నీ రూమర్స్‌’ అంటూ. అది సౌరవ్, డోనా ఇద్దరి నుంచీ వెలువడింది. ఇప్పుడు నగ్మా హర్ట్‌ అయింది. మౌనంగా ఏడ్చింది. సౌరవ్‌ మాటకు గౌరవం ఇచ్చి అతని జీవితంలోంచి తప్పుకుంది. ఒంటరిగానే జీవితం కొనసాగిస్తోంది. అయితే.. నగ్మా, సౌరవ్‌ తమ ప్రేమను మీడియా ముఖంగా ఎప్పుడూ నిర్ధారించలేదు.  ‘ఇద్దరికీ సంబంధించిన ఒక వ్యవహారంలో ఒకరికి కెరీర్‌ ప్రధానమైనప్పుడు ఇంకొకరు దాని పర్యవసానాల బరువును మోయాల్సి వస్తుంది. అయినా నాతోనే ఉండాలనే ఈగోకి వెళ్లే బదులు ఆ అనుబంధాన్ని తెంచుకొని బయటకు రావడమే మంచిది. అవతలి వ్యక్తి ఆశయం కోసం మన ఆసక్తి, ఇష్టాలను త్యాగం చేయాల్సి వస్తుంది. వాళ్ల జీవితంలో మన ఉనికి వాళ్లకు సంతోషాన్ని పంచకపోగా నరకాన్ని తలపిస్తుంటే అక్కడి నుంచి మనం తప్పుకోవడమే మేలు’ అని చెప్పింది నగ్మా .. ‘సావి’ పత్రికకు ఇచ్చిన ఒక ఇంటర్వ్యూలో. ఆ మాటలు సౌరవ్‌నుద్దేశించేనని భావించారు ఆమె అభిమానులు.  - ఎస్సార్‌

ఇక్కడ సినిమా, క్రికెట్‌కు ఎంత క్రేజ్‌ ఉందో ప్రత్యేకంగా చెప్పనవసరం లేదు. సినిమాలను ఎంతగా ప్రేమించేవారున్నారో.. అంతకంటే ఎక్కువగా క్రికెట్‌ను ఆరాధించే వారు  ఉన్నారనడంలో అతిశయోక్తి లేదు. సినీ నటులు రీల్‌ హీరోలు అయితే, మన క్రికెటర్స్‌ను రియల్‌ హీరోలుగా చూస్తారు. అయితే క్రికెటర్లు కొంతమంది బాలీవుడ్‌ హీరోయిన్స్‌తో ప్రేమాయణం సాగించిన సంగతి తెలిసిందే. మహమ్మద్‌ అజారుద్దీన్‌ నుంచి నేటీ తరం యువ క్రికెటర్స్‌ వరకు పలువురు హీరోయిన్స్‌తో డేటింగ్‌ చేసినవారే. అయితే అందులో కొందరు పెళ్లిపీటలు ఎక్కగా మరికొందరూ బ్రేకప్‌ చెప్పుకుని విడిపోయారు. ఇందులో మాజీ క్రికెటర్‌ సౌరవ్‌ గంగూలీ కూడా ఉన్నాడు. నేడు గంగూలీ పుట్టిన రోజు సందర్భంగా ఆయనకు సంబంధించిన పలు ఆసక్తికర విషయాలు చర్చనీయాంశం అయ్యాయి. అందులో నటి నగ్మాతో ఆయన నడిపిన ప్రేమ వ్యవహారం కూడా ఉంది.  దాదా అంటూ క్రికెట్‌ అభిమానులు ముద్దుగా పిలుచుకునే సౌరవ్‌ ఒకప్పటి స్టార్‌ హీరోయిన్‌ నగ్మాతో పీకల్లోతూ ప్రేమలో మునిగిపోయారనే విషయం తెలిసిందే. గంగూలీ, నగ్మాల డేటింగ్‌ విషయం అప్పట్లో సంచలనంగా మారింది. ఎందుకంటే దాదా అప్పటికే 1997లో డోనాను ప్రేమ వివాహం చేసుకున్నాడు. 90లలో నగ్మా క్రేజ్‌ గురించి అందరికి తెలిసిందే. సౌత్‌ స్టార్‌ హీరోయిన్‌ అయిన నగ్మా బాలీవుడ్‌లోను నటించింది. హిందీలో దాదాపు స్టార్‌ హీరోలందరి సరసన నటించి అక్కడ కూడా అగ్రనటిగా ఎదిగింది. తెలుగు, హిందీ, మలయాళం, కన్నడతో పాటు భోజ్‌పూరి, బెంగాలీ, పంజాబీ, మరాఠ వంటి  భాషల్లో కూడా నగ్మా నటించి తన సత్తా చాటుకుంది.   ఈ క్రమంలోనే దాదా ఆమెతో ప్రేమలో పడ్డాడు. అప్పట్లో ఇద్దరూ సీక్రెట్‌గా డేటింగ్‌ చేస్తూ విందులు, పార్టీలకు జంటగా హాజరయ్యేవారు. అప్పటి వరకు చిన్నపాటి రూమర్‌గా ఉన్న వారి లవ్‌ మ్యాటర్‌ 1999 వ‌ర‌ల్డ్ క‌ప్ స‌మ‌యంలో ఒక్కసారిగా గుప్పుమంది. లండ‌న్‌లో జరిగిన ప్రపంచ కప్‌ టోర్నమెంట్‌ సందర్భంగా వీరిద్దరూ అక్కడికి జంటగా వెళ్లారు. లండన్‌లో చెట్టాపట్టాలేసుకుంటూ తిరిగి వీరి ఫొటోలు బయటకు రావడంతో ఈ రూమర్లకు మరింత ఆధ్యం పోసినట్లు అయ్యింది. అప్పటి నుంచి వీరి రిలేషన్‌ హాట్‌టాపిక్‌ మారింది. ఇక గంగూలీ కెప్టెన్‌ అయ్యాక కూడా వారి ప్రేమ వ్యవహారం సాగింది. ఈ క్రమంలో నగ్మా, గంగూలీలు జంటగా శ్రీకాళహస్తి వెళ్లి పూజ చేయించుకుంటూ మీడియాకు చిక్కారు. ఇది అప్పట్లో మరింత వివాదాస్పదంగా మారింది.  ఈ క్రమంలో వారిద్దరూ సీక్రెట్‌గా పెళ్లి చేసుకున్నారని, గంగూలీ, నగ్మాను రెండో వివాహం చేసుకున్నాడంటూ పుకార్లు హల్‌చల్‌ చేశాయి. దీంతో దాదా, నగ్మాలు స్పందిస్తూ వారి మధ్య ఏం లేదని, ఆ వార్తల్లో ఎలాంటి నిజం లేదని తేల్చి చెప్పారు. అయితే అప్పటికే వారిద్దరూ వ్యక్తిగత కారణాలు వల్ల విడిపోయి ఒకరితో ఒకరూ సంబంధం లేకుండా ఉంటున్నారు. ఇదిలా ఉండగా ఇటీవల నగ్మా ఓ ఛానల్‌కు ఇచ్చిన ఇంటర్వ్యూలో దాదాతో తన రిలేషన్‌, ప్రేమ, బ్రేకప్‌పై నోరు విప్పిన సంగతి తెలిసిందే. తను, గంగూలీ ప్రేమించుకున్న మాట నిజమేనని, కొన్ని వ్యక్తిగత కారణాలు వల్ల తాము విడిపోయినట్లు ఆమె అంగీకరించింది. ‘అప్పుడు నా సినీ కెరీర్‌ పీక్స్‌లో ఉంది. క్రికెటర్‌గా గంగూలీ కెరీర్ కూడా. ఆ సమయంలో ఈగో మా బంధానికి అడ్డుగా నిలిచింది. అనుబంధంలో అహానికి చోటు ఉంటే ఆ బంధాన్ని ఎక్కువ కాలం నిలుపలేం కదా’ అంటూ మనస్పర్థల వల్ల వారిద్దరూ విడిపోయినట్లు నగ్మా స్పష్టం చేసింది. కానీ నగ్మా ప్రవర్తన నచ్చకే గంగూలీ ఆమెతో రీలేషన్‌కు పుల్‌స్టాప్‌ పెట్టాడని అప్పట్లో వార్తలు వచ్చాయి. 

కరోనా వైరస్‌ సెకండ్‌ వేవ్‌ మొదలైంది. మరోసారి మహమ్మారి దేశంలో కోరలు చాస్తోంది. కోవిడ్‌ వ్యాక్సిన్‌ వచ్చినప్పటికి మహమ్మారి దాని ప్రతాపం చూపుతూ నిపుణులను, శాస్త్రవేత్తలను వెక్కిరిస్తోంది. కరోనా వ్యాక్సిన్‌ తీసుకుంటే మహమ్మారి దరి చేరదని.. అందరూ తప్పనిసరిగా వ్యాక్సిన్‌ వేసుకోవాలంటూ పలు ఆరోగ్య సంస్థలు, సినీ ప్రముఖులు ప్రచారం చేస్తుంటే.. మరోవైపు టీకా తీసుకున్న వారు కరోనా పాజిటివ్‌గా రావడం ఆందోళన కల్గిస్తోంది. తాజాగా ప్రముఖ నటి, కాంగ్రెస్‌ నేత నగ్మా సైతం కరోనా బారిన పడ్డారు. ఈ విషయాన్ని ఆమె స్వయంగా ట్విటర్‌లో ప్రకటించారు.  ఈ సందర్భంగా ఆమె ఏప్రిల్‌ 2వ తేదీన కరోనా ఫస్ట్‌ డోస్‌ వ్యాక్సిన్‌ తీసుకున్నట్లు వెల్లడించారు. కాగా వ్యాక్సిన్‌ తీసుకున్నప్పటికి ఆమె కరోనా సోకినట్లు స్పష్టం చేశారు. అయితే ప్రస్తుతం వైద్యుల సలహా మేరకు ఇంట్లోనే ఉండి చికిత్స తీసుకుంటున్నట్లు ఆమె తెలిపింది. కాగా నగ్మా తెలుగు, తమిళ భాషల్లో ప్రముఖ హీరోల సరసన నటించి స్టార్‌ హీరోయిన్‌గా రాణించిన విషయం తెలిసిందే. Had taken my 1st dose of Vaccine a few days ago tested for Covid-19 yest, my test has come ‘Positive’ so Quarantined myself at home. All Please take care and take al necessary precautions even after taking the 1st dose of Vaccine do not get complacent in anyway manner #staysafe ! — Nagma (@nagma_morarji) April 7, 2021 చదవండి:  కరోనా టీకా రెండో డోస్‌ తీసుకున్న ప్రధాని మోదీ  కరోనా విలయం: సోనూసూద్‌ అతిపెద్ద టీకా డ్రైవ్

బాలీవుడ్‌ నటుడు సుశాంత్‌ సింగ్‌ రాజ్‌పుత్‌ ఆత్మహత్య కేసు అనేక మలుపులు తిరుగుతూ మాదకద్రవవ్యాల వినియోగం అంశం దగ్గర ఆగిన సంగతి తెలిసిందే. డ్రగ్స్‌ కోణం వెలువడటంతో కేసు మరో మలుపు తిరిగింది. పార్లమెంట్‌ వేదికగా దీనిపై వాదోపవాదాలు జరుగుతున్నాయి. ఇక మాదకద్రవ్యాల కోణం గురించి వ్యాఖ్యలు చేసిన కంగనకు, ఇతర నటులకు మధ్య మాటలయుద్ధం కొనసాగుతుంది. ఈ క్రమంలో నటి, కాంగ్రెస్‌ నాయకురాలు నగ్మ.. బీజేపీ నాయకులు, సీనియర్‌ నటి జయప్రదను టార్గెట్‌ చేశారు. సుశాంత్‌ సింగ్‌ రాజ్‌పుత్‌ కేసు నుంచి ప్రజలను దారి మళ్లించడానికి మాదకద్రవ్యాలు, బాలీవుడ్‌లో డ్రగ్‌ కల్చర్‌‌ అంశాలను తెర మీదకు తెచ్చారు అంటూ తీవ్ర ఆరోపణలు చేశారు. ఈ మేరకు నగ్మ ట్వీట్‌ చేశారు. (చదవండి: విమర్శలు... వ్యంగ్యాస్త్రాలు) CBI , NCB , ED pls answer to #BJP Member #JayaPrada Ji on what’s happening to #SSR case it’s been so long we are all waiting for what’s the outcome but no result and to cover up suddenly all #bjp members r talking about drugs in #Bollywood as Nation is still waiting #SSRDeathCase — Nagma (@nagma_morarji) September 17, 2020 ‘సీబీఐ, ఎన్‌సీబీ,ఈడీ దయచేసి సుశాంత్‌ కేసులో ఏం జరుగుతుందో బీజేపీ నాయకులు, జయప్రద గారికి తెలియజేయండి. సుశాంత్‌ చనిపోయి ఇప్పటికే మూడు నెలలు గడిచిపోయింది. దేశప్రజలంతా సుశాంత్‌ మృతికి కారకులేవరో తెలుసుకోవాలని ఆత్రుతగా ఎదురు చూస్తున్నారు. కానీ ఫలితం లేదు. దీన్ని కవర్‌ చేయడానికి ఉన్నట్లుండి బీజేపీ నాయకులు బాలీవుడ్‌లో మాదక ద్రవ్యాల వినియోగం గురించి మాట్లాడుతున్నారు. కానీ ఇప్పటికి కూడా దేశ ప్రజలు సుశాంత్‌ మృతికి కారకులేవరో తెలుసుకోవాలని భావిస్తున్నారు’ అంటూ ట్వీట్‌ చేశారు. ఎంపీ రవికిషన్‌ బాలీవుడ్‌లో డ్రగ్స్‌ వినియోగం ఉందంటూ చేసిన వ్యాఖ్యలకు జయప్రద మద్దతిచ్చారు. దాంతో నగ్మ ఈ వ్యాఖ్యలు చేశారు. టీవీ నటి కావ్యా పంజాబీ కూడా ఇలాంటి వ్యాఖ్యలే చేశారు. ‘తొలుత  జస్టిస్‌ ఫర్‌ సుశాంత్‌ అంటూ ప్రారంభమైంది.. తరువాత జస్టిస్‌ ఫర్‌ కంగనగా మారి ఇప్పుడు జస్టిస్‌ ఫర్‌ రవి కిషన్‌ అయ్యింది. మరి సుశాంత్‌ సింగ్‌ రాజ్‌పుత్‌ ఎక్కడ అంటూ’ ట్వీట్‌ చేసింది. 

న్యూ ఢిల్లీ: అల‌నాటి సినీ తార, ప్ర‌స్తుత రాజ‌కీయ నాయ‌కురాలు నగ్మా వివాదాల్లో ఇరుక్కున్నారు. భార‌త్‌పై విషం క‌క్కుతూ మాట్లాడిన‌ పాకిస్తాన్ జ‌ర్న‌లిస్టుకు మ‌ద్ద‌తు పలుకుతూ మాట్లాడ‌టంతో ఆమెపై నెటిజ‌న్లు విరుచుకుప‌డుతున్నారు. వివ‌రాల్లోకి వెళితే.. బుధ‌వారం నాడు ఓ హిందీ టీవీ ఛాన‌ల్ మైనారిటీలు ఎదుర్కొంటున్న స‌మ‌స్య‌ల‌‌పై చ‌ర్చా కార్య‌క్ర‌మం ప్రారంభించింది. ఇందులో న‌గ్మాతోపాటు త‌రీఖ్ పీర్జాదా అనే పాకిస్తాన్ జ‌ర్న‌లిస్ట్ కూడా పాల్గొన్నారు. ఈ డిబేట్‌లో పాక్ జ‌ర్న‌లిస్ట్.. భార‌త్‌ఫై విషం క‌క్కుతూ త‌న మాతృ దేశాన్ని పొగ‌డ‌డం ప్రారంభించారు. దీంతో ఛాన‌ల్ ప్ర‌తినిధి అత‌నిపై తీవ్రంగా మండిప‌డ్డారు. (అందుకే సింధియా పార్టీ వీడారు : నగ్మా) అలా మాట్లాడ‌టం త‌గ‌ద‌ని విమ‌ర్శించారు. కానీ న‌గ్మా మాత్రం పాక్ జ‌ర్నలిస్ట్‌ను ఎండ‌గ‌ట్టాల్సిందిపోయి యాంక‌ర్‌పై ఆగ్ర‌హం వ్య‌క్తం చేశారు. వారిని కించ‌ప‌రిచేందుకే డిబేట్‌కు ఆహ్వానించారా? అని మండిప‌డ్డారు. అనంత‌రం ట్విట‌ర్‌లోనూ పాక్ జ‌ర్న‌లిస్టుకు మ‌ద్ద‌తు తెలుపుతూ ట్వీట్ చేశారు. భార‌త్‌కు స‌పోర్ట్ చేయ‌కుండా మ‌న దేశానిపై ఇష్టానుసారంగా నోరుపారేసుకుంటున్న పాక్ జ‌ర్న‌లిస్టుకు మ‌ద్ద‌తివ్వ‌డం ఏంట‌ని నెటిజ‌న్లు న‌గ్మాని నిల‌దీస్తున్నారు. ఇలాంటి చ‌ర్య‌ల‌తో ఆమె త‌న గౌర‌వాన్ని పోగొట్టుకుంద‌ని విమ‌ర్శిస్తున్నారు. త‌న‌నే కాకుండా ఆమె కొన‌సాగుతున్న కాంగ్రెస్ పార్టీని కూడా ఓ ఆటాడుకుంటున్నారు. ఈ క్ర‌మంలో ట్విట‌ర్‌లో #NagmaStandsWithPakistan హ్యాష్‌ట్యాగ్ ట్రెండింగ్‌లో నిలిచింది. (కూతురికి కరోనా పేరు పెట్టిన ఎంపీ!)

న్యూఢిల్లీ : జ్యోతిరాదిత్య సింధియా రాజీనామా కాంగ్రెస్‌ పార్టీలోని అసమ్మతి నేతలకు మార్గం సుగమం చేసిందని నటి, ఆ పార్టీ నేత నగ్మా వ్యాఖ్యానించారు. సింధియా పార్టీని వీడటంపై కాంగ్రెస్‌ నేత సచిన్‌ పైలట్‌ చేసిన వ్యాఖ్యలను ఆమె తోసిపుచ్చారు. బుధవారం ట్విటర్‌ వేదికగా ఆమె స్పందించారు. కాంగ్రెస్‌ పార్టీలోని చాలా మంది నాయకులు అసంతృప్తితో వేగుతున్నారని, దాన్ని కనిపెట్టడంలో పార్టీ విఫలమైందని అన్నారు. సరైన గుర్తింపు లభించకపోవటం మూలానే సింధియా పార్టీ వీడారని చెప్పారు. మరికొంతమంది అసమ్మతి నాయకులు పార్టీ వీడేందుకు అవకాశం ఉందని అభిప్రాయపడ్డారు. ( ‘మహరాజ్‌’ కోసం ఏం చేయడానికైనా సిద్ధం..) కాగా, మూడు రోజుల రాజకీయ రసవత్తరతకు తెరదించుతూ సింధియా బుధవారం బీజేపీలో చేరిన సంగతి తెలిసిందే. మంగళవారం కాంగ్రెస్‌ పార్టీకి రాజీనామా చేసిన ఆయన నడ్డా సమక్షంలో ​కాషాయ కండువా కప్పుకున్నారు. ఆ వెంటనే బీజేపీ సింధియాను మధ్యప్రదేశ్‌ నుంచి రాజ్యసభ అభ్యర్థిగా ప్రకటించింది. ( రాజ్‌నాథ్‌తో సింధియా భేటీ )   There’s a lot of discontentment among many of us seems like the party totally fails to see it @SachinPilot after a time it’s not abt ideology anymore it’s abt recognition of ones efforts and given one an appropriate due so it’s not surprising @JM_Scindia left many will follow too https://t.co/G1QWEA2K2i — Nagma (@nagma_morarji) March 11, 2020 చదవండి : సింధియా నిష్క్రమణతో ‘చేతి’కి చిక్కులు

గుంటూరు ఈస్ట్‌: నగరంలో ఓ ప్రైవేటు చానల్‌ ఆధ్వర్యంలో శుక్రవారం నిర్వహించిన సెమీ క్రిస్మస్‌ వేడుకలకు సినీ నటి నగ్మా హాజరయ్యారు. సినీ నేపథ్య గాయకులు మనో, శ్రీలేఖ, సంగీత దర్శకుడు అనూప్‌ రూబెన్స్‌ ఈ కార్యక్రమంలో తమ గానంతో సందడి చేశారు. జిల్లా కలెక్టర్‌ ఐ.శామ్యూల్‌ ఆనందకుమార్, ఎమ్మెల్యే మొహమ్మద్‌ ముస్తఫా ముఖ్య అతిథులుగా హాజరైన ఈ వేడుకల్లో ఆర్సీఎస్‌ఎం ఫాదర్‌ బాలా, ఏఈఎల్సీ అధ్యక్షుడు పరదేశిబాబు, ఏఎంజీ అధ్యక్షుడు మహంతి, పాస్టర్లు, ఫెలోషిప్‌ ప్రతినిధులు, విశ్వాసులు పాల్గొన్నారు.

ఎలక్షన్‌లు వచ్చేస్తున్నాయి. ఏ నోట విన్నా రాజకీయమే. రచ్చబండ మీద, పొలం గట్ల దగ్గర అక్కడా ఇక్కడా అనే తేడా లేదు. ఎక్కడ చూసినా రాజకీయాలే. రాజకీయాలు వేరు, సినిమాలు వేరు. సినిమా సీన్లలో ఉండే రాజకీయాలను కథ నిర్ణయిస్తుంది. ఒకప్పుడు సినిమా, రాజకీయాలు రెండూ రెండు భిన్న కోణాలు. ప్రస్తుతం రాజకీయాలు, సినిమాలు కలిసే ప్రయాణం చేస్తున్నాయి అంటే అతిశయోక్తి కాదేమో. సినిమాల్లో రాజకీయాలు కాదు, రాజకీయాల్లో సినిమా స్టార్స్‌ గురించి ఈ వారం స్పెషల్‌ క్విజ్‌. 1. సినిమా వాళ్లల్లో మెంబర్‌ ఆఫ్‌ పార్లమెంట్‌కు (యం.పి) ఎన్నికైన మొట్టమొదటి తెలుగు నటుడు ఇతను. కాంగ్రెస్‌ పార్టీ తరపున ఒంగోలు నుంచి గెలుపొందిన ఈ నటుడు ఎవరో తెలుసా? ఎ) చిత్తూరు నాగయ్య బి) కాంతారావు   సి) కొంగర జగ్గయ్య   డి) యస్వీ రంగారావు 2. 1989లో పార్లమెంట్‌ సభ్యుడిగా ఎన్నికైన నటుడెవరో కనుక్కుందామా? ఎ) కృష్ణ   బి) శోభన్‌బాబు   సి) హరనాథ్‌   డి) శరత్‌బాబు 3. ప్రముఖ నటుడు చిరంజీవి 2008లో  ‘ప్రజారాజ్యం’ పార్టీని స్థాపించారు. ఆ పార్టీకి ఎన్నికల కమిషన్‌ కేటాయించిన గుర్తు ఏంటో కనుక్కోండి? ఎ) రైలు         బి) కారు    సి) విమానం    డి) స్కూటర్‌ 4. 2009 ఎలక్షన్స్‌లో వైయస్‌ రాజశేఖర్‌ రెడ్డి నేతృత్వంలోని కాంగ్రెస్‌ పార్టీ తరపున యం.ఎల్‌.ఏ గా గెలిచిన సినీ నటి ఎవరో తెలుసా? ( సికింద్రాబాద్‌ నియోజకవర్గం) ఎ) కుష్బూ   బి) నగ్మా    సి) సుహాసిని    డి) జయసుధ 5. నటి రోజా వైయస్‌ఆర్‌ సీపీ తరపున పోటీ చేసి యం.ఎల్‌.ఏగా గెలుపొందారు. ఆమె ఏ నియోజకవర్గం నుంచి పోటీ చేసి గెలుపొందారో తెలుసా? ఎ) నగరి     బి) చిత్తూరు   సి) పీలేరు    డి) తిరుపతి 6. ఉత్తరప్రదేశ్‌ లోని రాంపూర్‌ నియోజకవర్గం నుంచి పార్లమెంటేరియన్‌గా గెలుపొందిన నటి? ఎ) హేమమాలిని    బి) జయప్రద   సి) జయబాధురి   డి) రేఖ 7. ఈయన ప్రముఖ సినిమా రచయిత. తమిళనాట రాజకీయాల్లో చాలా కీలక పాత్రను పోషించారు. ఎవరా రచయిత? ఎ) కరుణానిధి   బి) యం.జీ.ఆర్‌   సి) స్టాలిన్‌    డి) నెపోలియన్‌ 8. నటి రాధిక భర్త శరత్‌కుమార్‌. అనేక తెలుగు సినిమాల్లో కూడా నటించారు. తమిళ రాజకీయల్లో క్రియాశీలక వ్యక్తి. 2007లో ఆయన తన సొంత పొలిటికల్‌ పార్టీని స్థాపించారు. ఆ పార్టీ పేరేంటి? ఎ) హిందూ మక్కళ్‌  కట్చి    బి) కొంగునాడు మున్నేట్ర కళగం   సి) తమిళ్‌ మానిల కాంగ్రెస్‌   డి) ఆల్‌ ఇండియా సమత్తువ మక్కళ్‌ కట్చి 9. 1999లో విజయవాడ తూర్పు నియోజకవర్గ యం.ఎల్‌.ఏగా గెలుపొందిన తెలుగు సినీ ప్రముఖుడెవరో కనుక్కోండి? ఎ) మురళీమోహన్‌   బి) ఏవీయస్‌   సి) అలీ   డి) కోట శ్రీనివాసరావు 10. 1995వ సంవత్సరం నుంచి  6 సంవత్సరాలు రాజ్యసభలో పార్లమెంట్‌ సభ్యుడిగా కొనసాగిన తెలుగు నటుడెవరు? ఎ) చిరంజీవి   బి) మోహన్‌బాబు   సి) బాలకృష్ణ    డి) ఏయన్నార్‌ 11. 2019 కర్ణాటక ఎన్నికల్లో ఇండిపెండెంట్‌ అభ్యర్థిగా పోటీ చేస్తాను అని ఈ మధ్యే ప్రకటించిన నటుడెవరో కనుక్కోండి? ఎ) సాయికుమార్‌   బి) ప్రకాశ్‌ రాజ్‌    సి) అయ్యప్ప.పి.శర్మ    డి) యశ్‌ 12. 1998లో భారతీయ జనతా పార్టీలో చేరి,  మెదక్‌ నియోజక వర్గం నుంచి యం.పీ గా పోటీ చేసి గెలుపొందారు. ప్రస్తుతం కాంగ్రెస్‌ పార్టీలో ఉన్నారు. ఎవరా నటి? ఎ) శారద   బి) కవిత   సి) విజయశాంతి   డి) విజయనిర్మల 13.  ప్రముఖ నటి సౌందర్య ప్రచారానికి వెళ్తూ ప్రమాదవశాత్తు హెలికాప్టర్‌ కుప్పకూలి మరణించారు. ఆమె ఏ సంవత్సరంలో మరణించారు? ఎ) 2000       బి) 2001    సి) 2002     డి) 2004 14. ఈ నటుడు 2017లో కర్ణాటకలోని ఓ పార్టీలో చేరారు. ఐదు నెలల తర్వాత ఆ పార్టీకి తిలోదకాలిచ్చి ప్రజాకీయ అనే సొంత పార్టీని ప్రారంభించారు. ఎవరా  నటుడు? ఎ)ఉపేంద్ర   బి) పునీత్‌ రాజ్‌కుమార్‌   సి) సుదీప్‌   డి) శివ రాజ్‌కుమార్‌ 15. 2006లో కాంగ్రెస్‌ పార్టీ తరపున రాజ్యసభ సభ్యుడిగా నియమితులైన దర్శకుడెవరో కనుక్కోండి? ఎ) దాసరి నారాయణరావు   బి) కె.రాఘవేంద్ర రావు   సి) దిలీప్‌ కుమార్‌    డి) రాజేష్‌ఖన్నా 16. ‘మక్కళ్‌ నీది మయం’ అనే పొలిటికల్‌ పార్టీని స్థాపించిన తమిళ నటుడు ఎవరు? ఎ) కమల్‌హాసన్‌    బి) రజనీకాంత్‌      సి) విశాల్‌ డి) విజయ్‌కాంత్‌ 17. ఈయన ప్రముఖ నటుడు. యం.ఎల్‌.ఏ గా రెండుసార్లు గెలుపొందారు. రెండుసార్లు ఓడిపోయారు. ఆ నటుడెవరు? ఎ) సుమన్‌    బి) పోసాని కృష్ణమురళీ    సి) బాబుమోహన్‌   డి) విజయ్‌ చందర్‌ 18. 1999లో  పదమూడవ లోక్‌సభకు జరిగిన పార్లమెంట్‌ ఎన్నికల్లో బాపట్ల నుంచి యంపీగా పోటీ చేసి గెలుపొందిన తెలుగు నిర్మాత ఎవరు? ఎ) సి.అశ్వనీదత్‌   బి) మాగంటి బాబు    సి) జి.ఆదిశేషగిరిరావు    డి) డి.రామానాయుడు 19. కాకినాడ నుంచి పోటీచేసి 12వ లోక్‌సభలో అడుగుపెట్టిన ప్రముఖ నటుడు ఎవరు? ఎ) కృష్ణ    బి) మురళీమోహన్‌  సి) కైకాల సత్యనారాయణ   డి) కృష్ణంరాజు 20. తమిళనాడు ముఖ్యమంత్రిగా జయలలిత తమిళ ప్రజల గుండెల్లో నిలిచారు. ఆమె మరణానంతరం ఆమెపై 3 బయోపిక్‌లు నిర్మితమవుతున్నాయి. అందులో ఓ చిత్రంలో జయలలిత పాత్రలో నటిస్తున్న నటి ఎవరో తెలుసా? ఎ) నిత్యామీనన్‌    బి) అనుష్క   సి) హన్సిక   డి) త్రిష మీరు 6 సమాధానాల కంటే తక్కువ చెబితే... మీకు సినిమా అంటే ఇష్టం      10 సమాధానాల వరకూ చెప్పగలిగితే...   మీకు సినిమా అంటే ఇంట్రెస్ట్‌ 15 సమాధానాల వరకూ చెప్పగలిగితే... మీకు సినిమా అంటే పిచ్చి 20 సమాధానాలూ చెప్పగలిగితే...  ఇంకోసారి ఈ క్విజ్‌ చదవకండి! సమాధానాలు 1) (సి) 2) (ఎ) 3) (ఎ) 4) (డి) 5) (ఎ) 6) (బి) 7) (ఎ) 8) (డి) 9) (డి) 10) (బి)  11) (బి) 12) (సి) 13) (డి) 14) (ఎ) 15) (ఎ) 16) (ఎ) 17) (సి) 18) (డి) 19) (డి) 20) (ఎ) నిర్వహణ: శివ మల్లాల

‘నాకు ఇంకా చాలా లైఫ్‌ ఉంది.. తెలుగులో చాలా సినిమాలు చేయాలనుకుంటున్నా’ అని ఇటీవల ‘టీఎస్‌ఆర్‌ టీవీ 9 నేషనల్‌ ఫిల్మ్‌ అవార్డ్స్‌’లో లైఫ్‌టైమ్‌ ఎచీవ్‌మెంట్‌ అవార్డు ప్రకటించినప్పుడు నగ్మా అన్నారు. తెలుగు సినిమాలు చేయాలని ఆమె అలా అనుకున్నారో లేదో ఇలా నెరవేరనుందని ఫిల్మ్‌నగర్‌ ఖబర్‌. ‘బాషా’, ‘ఘరానా మొగుడు’, ‘ప్రేమికుడు’ వంటి చిత్రాలతో కథానాయికగా నగ్మా తెలుగులో చాలా పేరు తెచ్చుకున్నారు. ‘రూప్‌ తేరా మస్తానా నీకు డేరా వేస్తానా.., ‘ఏందిబె ఎట్టాగ ఉంది ఒళ్లు.. ఎక్కడో గుచ్చావు చేపముల్లు..., ‘మోగిందోయమ్మో శ్రుతి చేయని సిగ్గుల వీణ...’ వంటి పాటల్లో నగ్మా వేసిన స్టెప్స్‌ని అంత సులువుగా మరచిపోలేం. కప్పుడు సౌత్‌లో స్టార్‌ హీరోలందరితోనూ నటించిన నగ్మా రాజకీయాల్లోకి Ðð ళ్లాక సినిమాలకు దూరంగా ఉంటున్నారు. 2002లో ‘అల్లరి రాముడు’ సినిమాలో ఆర్తీ అగర్వాల్‌ తల్లిగా, అదే ఏడాది ‘నిను చూడక నేనుండలేను’ సినిమాలో చేసిన ప్రత్యేక పాట తర్వాత నగ్మా తెలుగు తెరపై కనిపించలేదు. 2007 వరకూ బెంగాలీ, భోజ్‌పురి, హిందీ తదితర భాషల్లో చేశారు. ఇప్పుడు నగ్మా తెలుగు చిత్ర పరిశ్రమకి రీ–ఎంట్రీ ఇస్తున్నారనే వార్తలు హల్‌చల్‌ చేస్తున్నాయి. అల్లు అర్జున్‌ హీరోగా త్రివిక్రమ్‌ దర్శకత్వంలో తెరకెక్కనున్న సినిమాతో టాలీవుడ్‌కి ఎంట్రీ ఇవ్వనున్నారట. ఇందులో అల్లు అర్జున్‌కి తల్లి పాత్రలో కనిపించనున్నారని సమాచారం. 

ఒకప్పుడు గ్లామర్‌ హీరోయిన్స్‌గా ఇండస్ట్రీని ఏళిన భామలు ఇప్పుడు అత్త, అమ్మ పాత్రల్లో రీ ఎంట్రీ ఇస్తున్నారు. యంగ్ హీరోలకు గ్లామర్స్‌ మధర్స్‌గా అలరిస్తున్నారు. ఇప్పటికే నదియా, ఖుష్బూ, మీనా, రమ్యకృష్ణ లాంటి హీరోయిన్స్‌ తల్లి పాత్రల్లో సత్తా చాటుతున్నారు. తాజాగా ఈ లిస్ట్‌లో మరో సీనియర్‌ నటి చేరనున్నారు. 90లలో గ్లామర్‌ క్వీన్‌గా గుర్తింపు తెచ్చుకున్న నగ్మా రీ ఎంట్రీకి రెడీ అవుతున్నారు. ఇప్పటికే నదియా, ఖుష్బూలను పవర్‌ ఫుల్‌ రోల్స్‌లో చూపించి మెప్పించిన త్రివిక్రమ్ దర్శకత్వంలోనే నగ్మా రీ ఎంట్రీ ఇవ్వనున్నారన్న టాక్‌ వినిపిస్తోంది. ప్రస్తుతం అల్లు అర్జున్ హీరోగా తెరకెక్కబోయే సినిమా ప్రీ ప్రొడక్షన్‌ పనుల్లో బిజీగా ఉన్నాడు త్రివిక్రమ్‌ ఈ సినిమాలో నగ్మా, బన్నీ తల్లి పాత్రలో కనిపించనున్నారట. 2002 లో రిలీజ్‌ అయిన నిను చూడక నేనుండలేను సినిమాతో చివరిసారిగా తెలుగు తెరపై కనిపించిన నగ్మా ఇన్నేళ్ల తరువాత టాలీవుడ్‌లో రీ ఎంట్రీ ఇస్తుండటం సినిమాకు కూడా కలిసొస్తుందని భావిస్తున్నారు చిత్రయూనిట్.

‘‘కళాకారులకు జాతీయ స్థాయిలో ఫిల్మ్‌ అవార్డులు ఇవ్వాలని పదేళ్ల కిత్రం నాకో ఆలోచన వచ్చింది. అదీ ప్రజాభిప్రాయం తెలుసుకుని ఇవ్వాలని. ప్రజాభిప్రాయ సేకరణకు టీవీ చానల్‌ ఉంటే బాగుంటుందని టీ వీ9తో కలిసి ‘టీఎస్‌ఆర్‌ టీవీ9 నేషనల్‌ ఫిల్మ్‌ అవార్డ్స్‌’ని స్థాపించా’’ అని కళాబంధు, ‘టీఎస్‌ఆర్‌ టీవీ9 నేషనల్‌ ఫిల్మ్‌ అవార్డ్స్‌’ చైర్మన్‌ టి.సుబ్బరామి రెడ్డి అన్నారు. 2017, 2018 సంవత్సరాలకు ‘టీఎస్‌ఆర్‌ టీవీ9 నేషనల్‌ ఫిల్మ్‌ అవార్డ్స్‌’కి ఎంపికైన వారి వివరాలను గురువారం సుబ్బరామిరెడ్డి ప్రకటించారు. ఈ సందర్భంగా ఆయన మాట్లాడుతూ– ‘‘ఈ అవార్డ్స్‌ ఫంక్షన్‌ని ఈ నెల 17న విశాఖపట్నంలోని పోర్ట్‌ స్టేడియంలో నిర్వహిస్తున్నాం. తెలుగు, హిందీ, పంజాబీ, భోజ్‌పురి, తమిళ్, కన్నడ, మలయాళం.. ఇలా భారతదేశంలోని అన్ని భాషల నటీనటులకు అవార్డులు ఇస్తున్నాం. ఈ అవార్డుల జ్యూరీ మెంబర్లుగా నగ్మా, జీవితా రాజశేఖర్, మీనా, పరుచూరి గోపాలకృష్ణ, కేఎస్‌ రామారావు, నరేశ్, రఘు రామకృష్ణంరాజు, పింకీ రెడ్డి, శోభన కామినేని వ్యవహరించారు. వేలాది మంది ప్రజలు తమ అభిప్రాయాలను పంచుకున్నారు. అన్ని భాషల నుంచి దాదాపు 60మంది ఫిల్మ్‌ స్టార్స్‌ అవార్డులు తీసుకోనున్నారు’’ అన్నారు. జీవిత సాఫల్య పురస్కారానికి ఎంపికైన నటి నగ్మా మాట్లాడుతూ –‘‘నా లైఫ్‌ ఇంకా చాలా ఉంది.. ఇంకా చాలా సినిమాలు చేయాలి. అప్పుడే మీరు (సుబ్బరామిరెడ్డి) లైఫ్‌టైమ్‌ ఎచీవ్‌మెంట్‌ అవార్డు ప్రకటించారు (నవ్వుతూ). ఈ అవార్డుతో పాటు సామాజిక సేవ చేసినందుకు మార్చిలో ‘రాజీవ్‌గాంధీ’ అవార్డుకూడా అందుకోబోతున్నా. తెలుగులో నా సినీ ప్రయాణం ఇంకా కొనసాగాలి’’ అన్నారు. పరుచూరి గోపాలకృష్ణ మాట్లాడుతూ– ‘‘అందరికంటే కష్టమైన పని ఏంటంటే జ్యూరీ సభ్యునిగా ఉండటం. నక్షత్రాల్లో చంద్రుడ్ని చూపించి ఇందులో ఎవరు పెద్ద, గొప్ప అంటే చంద్రుడ్ని చూపిస్తాం. అందరి చంద్రుల్ని చూపించి ఇందులో ఏ చంద్రుడు గొప్ప అంటే ఏం చెబుతాం? అలా ఈ హీరోలు, హీరోయిన్లందరూ చందమామలే. మా అదృష్టం ఏంటంటే కొన్ని వేలమంది చక్కగా ఓటింగ్‌లో పాల్గొన్నారు. మేం రెండు మూడుసార్లు చర్చించుకుని ఫైనల్‌ లిస్ట్‌ తయారు చేశాం. వర్షం పడితే రైతుకు ఆనందం. కళాకారుల ముఖం ఆనందంతో తడిస్తే మా సుబ్బరామిరెడ్డిగారికి ఆనందం. మహాభారతంలో ధర్మరాజును అజాతశత్రువు అంటారు. ఈ భారతదేశంలో నాకు సజీవంగా కనిపిస్తున్న ఏకైక అజాత శత్రువు సుబ్బరామిరెడ్డిగారు’’ అన్నారు. జ్యూరీ సభ్యులు శోభన కామినేని, రఘురామ కృష్ణంరాజు పాల్గొన్నారు.

కొత్త సంవత్సరం వచ్చింది. కొత్త నిర్ణయాలు, కొత్త ఆశయాలు, కొత్త కలలు...  ఏడాదంతా బాగుండాలనే  పాజిటివ్‌ ఫీలింగ్‌తో 2019 స్టార్ట్‌ అయింది. సంవత్సరంలో తొలి నెల, తొలి వారంలో  ‘తొలి కబుర్లు’ ఈ వారం క్విజ్‌ స్పెషల్‌. 1. సిల్వర్‌ స్క్రీన్‌పై మొదటిసారి యన్టీఆర్‌ నటించిన చిత్రం ‘మన దేశం’. కానీ యన్టీఆర్‌ ఏ చిత్రం ద్వారా మాస్‌ హీరోగా చిత్రపరిశ్రమలో నిలబడ్డారో తెలుసా? ఎ) పాతాళ భైరవి     బి) గులేబకావళి కథ  సి) గుండమ్మకథ      డి) పాండవ వనవాసం 2. ప్రముఖ నటి విజయశాంతి తెలుగులో నటించిన మొదటి సినిమా ‘కిలాడి కృష్ణుడు’. ఆ చిత్రంలో హీరో ఎవరో చెప్పుకోండి? ఎ) చిరంజీవి    బి) మోహన్‌బాబు    సి) నాగార్జున    డి) కృష్ణ 3. తెలుగులో మొట్టమొదటి సూపర్‌స్టార్‌ ఈ ప్రముఖ నటి. ఆమె నటి, దర్శకురాలు, సంగీత దర్శకురాలు, సింగర్, రచయిత. ఇంతకీ ఆమెఎవరు? ఎ) అంజలీదేవి  బి) జమున  సి) సావిత్రి  డి) భానుమతి 4. తెలుగులో వచ్చిన మొదటి 70 యం.యం సినిమా పేరేంటో తెలుసా? ఎ) అల్లూరి సీతారామరాజు    బి) ఈనాడు   సి) తెలుగువీర లేవరా  డి) సింహాసనం 5. ‘బంగారక్క’ చిత్రం ద్వారా  తెలుగులో హీరోయిన్‌గా  పరిచయమైన నటి ఎవరో  తెలుసా? ఎ) రాధ     బి) జయప్రద  సి) శ్రీదేవి   డి) సుహాసిని 6. తాను హీరోయిన్‌గా నటించిన మొదటి చిత్రం హీరోనే పెళ్లి  చేసుకున్న నటి ఎవరో కనుక్కోండి? ఎ) శ్రియ బి) సమంత  సి) శ్వేతాబసు ప్రసాద్‌ డి) స్వాతి 7. నటుడు నాని నటించిన మొదటి చిత్రదర్శకుడెవరో చెప్పుకోండి? ఎ) ఇంద్రగంటి మోహనకృష్ణ బి) ‘పిల్లజమిందార్‌’ అశోక్‌  సి) సత్యం బెల్లంకొండ  డి) నందినీరెడ్డి 8. వెంకటేశ్‌ నటించిన మొదటి చిత్రం ‘కలియుగ పాండవులు’. కె.రాఘవేంద్రరావు దర్శకత్వం వహించిన ఈ చిత్రం ద్వారా తెలుగుకి పరిచయమైన ప్రముఖ నటి ఎవరో తెలుసుకుందామా? ఎ) నగ్మా బి) ఖుష్బూ  సి) సౌందర్య డి) రోజా 9. ‘సిరివెన్నెల’ చిత్రంలో పాటలు రాసినందుకు ఆయనకు ‘సిరివెన్నెల’ సీతారామశాస్త్రి అనే పేరొచ్చింది. రచయితగా ఆయన తొలి సినిమా హీరో ఎవరో తెలుసా? ఎ) సర్వధమన్‌ బెనర్జీ బి) బాలకృష్ణ  సి) సోమయాజులు  డి) కృష్ణంరాజు 10. ప్రముఖ గాయకుడు యస్పీ బాలసుబ్రహ్మణ్యం ఏ హీరోకి తన మొదటి తెలుగు సినిమా పాట పాడారో తెలుసా? ఎ) శోభన్‌బాబు  బి) చంద్రమోహన్‌ సి) రంగనాథ్‌ డి) గిరిబాబు 11. రామ్‌గోపాల్‌ వర్మ ‘రక్తచరిత్ర’ చిత్రం ద్వారా తెలుగు తెరకు పరిచయమైన బాలీవుడ్‌ నటి ఎవరు? ఎ) ఊర్మిళా మటోండ్కర్‌  బి) మైరా సరీన్‌  సి) రాధికా ఆప్టే  డి) నిషా కొఠారి 12. ‘మంచి మనుషులు’ చిత్రంలో బాలనటునిగా నటించిన నటుడెవరు? చిన్న క్లూ:  హీరోగా మెప్పించి, ఇప్పుడు నటుడిగా చాలా బిజీగా ఉన్నారాయన? ఎ) జగపతిబాబు     బి) వెంకటేశ్‌  సి) నాగార్జున         డి) కమల్‌హాసన్‌ 13. సుకుమార్‌కి  దర్శకునిగా తొలి అవకాశం ఇచ్చిన నిర్మాత ఎవరో కనుక్కోండి? ఎ) అశ్వనీదత్‌  బి) సురేశ్‌బాబు  సి) ‘దిల్‌’ రాజు  డి) అల్లు అరవింద్‌ 14. అఖిల్‌ హీరోగా పరిచయమైన చిత్రం ‘అఖిల్‌’. ఆ చిత్రానికి దర్శకుడెవరో కనుక్కోండి? ఎ) శ్రీను వైట్ల   బి) వీవీ వినాయక్‌ సి) పూరి జగన్నాథ్‌  డి) విక్రమ్‌ కె. కుమార్‌ 15. దేవిశ్రీ ప్రసాద్‌కి సంగీత దర్శకునిగా తొలి చిత్రం ‘దేవి’.  ఆ చిత్రాన్ని యం.యస్‌. రాజు నిర్మించారు. చిత్ర దర్శకుడెవరు? ఎ) కోడి రామకృష్ణ     బి) కృష్ణవంశీ    సి) ఈవీవీ    డి) శ్రీను వైట్ల 16. దర్శకుడు పూరీ జగన్నాథ్‌ 2000లో ఏ చిత్రం ద్వారా దర్శకునిగా మెగా ఫోన్‌ పట్టారో తెలుసా? ఎ) బాచీ    బి) బద్రి    సి) ఇడియట్‌    డి) శివమణి 17. నటుడు సుమంత్‌ హీరోగా పరిచయమైన చిత్రం ‘ప్రేమకథ’. ఆ చిత్రంలో సుమంత్‌ సరసన నటించిన నటి ఎవరు? ఎ) ఆంత్ర మాలి    బి) ప్రీతీ జింతా    సి) ప్రీతీ జింగ్యాని   డి) అంజలా జవేరి 18. బాలీవుడ్‌ ప్రముఖ నటి కంగనారనౌత్‌ నటించిన ఒకే ఒక్క తెలుగు చిత్రానికి దర్శకుడు పూరి జగన్నాథ్‌. మరి ఆ చిత్ర హీరో ఎవరో తెలుసా? ఎ) మహేశ్‌బాబు     బి) నితి¯Œ    ∙సి) రానా    డి) ప్రభాస్‌ 19. దాసరి దర్శకత్వం వహించిన తొలి చిత్రం ‘తాతా మనవడు’.  ఆ చిత్రంలో తాతగా యస్వీఆర్‌ నటించారు. మరి మనవడిగా  మురిపించిన నటుడెవరో గుర్తుందా? ఎ) చలం    బి) శరత్‌బాబు    సి) రాజనాల    డి) రాజబాబు 20. హీరో రామ్‌ కెరీర్‌లో తొలి హీరోయిన్‌ ఎవరో కనుక్కోండి? ఎ) హన్సిక బి) జెనీలియా సి) ఇలియానా డి) అక్ష మీరు 6 సమాధానాల కంటే తక్కువ చెబితే... మీకు సినిమా అంటే ఇష్టం      10 సమాధానాల వరకూ చెప్పగలిగితే...   మీకు సినిమా అంటే ఇంట్రెస్ట్‌ 15 సమాధానాల వరకూ చెప్పగలిగితే... మీకు సినిమా అంటే పిచ్చి 20 సమాధానాలూ చెప్పగలిగితే...  ఇంకోసారి ఈ క్విజ్‌ చదవకండి! సమాధానాలు 1) ఎ 2) డి 3) డి 4) డి  5) సి 6) బి 7) ఎ 8) బి 9) ఎ 10) ఎ 11) సి 12) ఎ 13) సి 14) బి 15) ఎ 16) బి  17) ఎ 18) డి 19) డి  20) సి నిర్వహణ: శివ మల్లాల

సాక్షి, వరంగల్‌: తెలంగాణ ఏర్పాటుతో సామాన్య నాయకుడిగా ఉన్న కేసీఆర్‌ సోనియాగాంధీ దయ వల్లనే సీఎం అయ్యారని ఏఐసీసీ మహిళా విభాగం ప్రధాన కార్యదర్శి, నటి నగ్మా అన్నారు. అసెంబ్లీ ఎన్నికల్లో భాగంగా ప్రజాకూటమి అభ్యర్థుల తరపున ప్రచారం చేసేందుకు వరంగల్‌కు వచ్చిన నగ్మా పోచమ్మమైదాన్‌లో నిర్వహించిన రోడ్‌షోలో మాట్లాడారు. గత ఎన్నికల్లో హామీలు ఇచ్చి అమలు చేయకుండా విస్మరించిన ప్రభుత్వానికి ఎలా ఓట్లు వేస్తారని ప్రజలను ప్రశ్నించారు. తెలంగాణ ప్రజల ఆకాంక్ష ప్రత్యేక రాష్ట్రాన్ని సోనియా ఇచ్చిందన్నారు. వరంగల్‌ జిల్లా చైతన్యం వంతమైందని, ఇక్కడ ప్రజలు మోసాన్ని తట్టుకోలేరన్నారు. ఇచ్చిన వాగ్ధానాలను మర్చిన టీఆర్‌ఎస్‌కు ప్రజలు తప్పకుండా బుద్ది చెబుతారని అన్నారు. ఈ ఎన్నికలు ప్రజల కోసమే వచ్చాయన్నారు. తెలంగాణ రాష్ట్రాన్ని కేసీఆర్‌ ఫాంహౌస్‌లో ఉండి పాలిస్తున్నారని అన్నారు. రాష్ట్రంలో వందల మంది రైతులు ఆత్మహత్యలకు పాల్పడితే వారిని పరమార్శంచిన పాపానా టీఆర్‌ఎస్‌ నేతలు పోలేదన్నారు. రాష్ట్రం ఇచ్చిన సోనియా రుణం తీర్చుకునేందుకు ప్రజా కూటమిని గెలిపించి దేశంలో కాంగ్రెస్‌ పార్టీని బలోపేతం చేయాలని ఆమె పిలుపునిచ్చారు. దేశాయిపేట కాలేజీలో చదువుకున్న తాను పక్కా లోకల్‌ అని వరంగల్‌ తూర్పు కాంగ్రెస్‌ అభ్యర్థిగా పోటీ చేస్తున్న వద్దిరాజు రవిచంద్ర అన్నారు. తనను గెలిపిస్తే అభివృద్ధి ఎంటో చూపిస్తానన్నారు. కేసీఆర్‌ రెండు పదవులు ఉన్న వ్యక్తికి మళ్లీ ఎమ్మెల్యే టిక్కెట్‌ ఇవ్వడం ఏమిటని ప్రశ్నించారు. కార్యక్రమంలో కాంగ్రెస్‌ నాయకులు, కార్యకర్తలు పాల్గొన్నారు. ఈ కార్యక్రమంలో వద్దిరాజు రవిచంద్ర సతీమణి విజయలక్ష్మీ, తోట వేణుమాధవ్, ఆయూబ్‌ఖాన్, కట్ల శ్రీనివాస్, మోతిలాల్‌నాయక్‌లు పాల్గొన్నారు.

సాక్షి, సిద్దిపేట : తెలంగాణ ఇచ్చిన కాంగ్రెస్‌ పార్టీ పేరు చెప్పుకుని కేసీఆర్‌ పుణ్యానికి సీఎం అయ్యారని కాంగ్రెస్‌ పార్టీ సీనియర్‌ నేత గులాంనబీ ఆజాద్‌ అన్నారు. గజ్వేల్‌ మహాకూటమి అభ్యర్థి వంటేరు ప్రతాప్‌ రెడ్డికి మద్దతుగా మంగళవారం ప్రజ్ఞాపూర్‌ నుంచి గజ్వేల్‌ వరకు జరిగిన రోడ్‌షోలో ఆజాద్‌తో పాటు సినీ నటి నగ్మా పాల్గొన్నారు. ఈ సందర్భంగా ఆజాద్‌ మాట్లాడుతూ.. తెలంగాణ ఉద్యమంలో కేసీఆర్‌ పాత్ర ఏమీ లేదని, ప్రత్యేక రాష్ట్ర ఏర్పాటు ఘనత కాంగ్రెస్‌ పార్టీకే దక్కుతుందని వ్యాఖ్యానించారు. ప్రస్తుతం తెలంగాణలో అమలులో ఉన్న సంక్షేమ పథకాలన్నీ గతంలో కాంగ్రెస్‌ పార్టీ అమలుచేసిన పథకాలేనని ఆయన గుర్తుచేశారు. హైదరాబాద్‌లో బీజేపీ అభ్యర్థులను గెలిపించేందుకు టీఆర్‌ఎస్‌ డమ్మీ అభ్యర్థులను పోటీలో ఉంచిందని ఆజాద్‌ ఆరోపించారు. ప్రాజెక్టుల రీడిజైనింగ్‌ కారణంగా భూములు కోల్పోయిన వారికి టీఆర్‌ఎస్‌ ప్రభుత్వం కేవలం 10 శాతం మాత్రమే నష్టపరిహారం చెల్లించిందని మండిపడ్డారు. ఈ ఎన్నికల్లో మహాకూటమి 70 నుంచి 80 స్థానాల్లో విజయం సాధించి అధికారంలోకి వస్తుందని ఆయన ధీమా వ్యక్తం చేశారు. గతంలో తాను కాంగ్రెస్‌ పార్టీ రాష్ట్ర ఇన్‌ఛార్జ్‌గా ఉన్న సమయంలో కేసీఆర్‌ తన వద్ద కూలీ మనిషిలా పనిచేశాడని ఎద్దేవా చేశారు. కేసీఆర్‌ డబ్బు సంపాదించుకోవడం కోసమే అధికారంలోకి వచ్చారని, మహాకూటమి ప్రజలకు సేవచేసేందుకు అధికారంలోకి రాబోతుందని ఆయన అన్నారు. ప్రజల స్పందన చూస్తుంటే గజ్వేల్‌లో ప్రతాప్‌రెడ్డి విజయం ఖాయమని ఆయన జోస్యం చెప్పారు.