కడ్తాల్‌: మహేశ్వర మహాపిరమిడ్‌ (పత్రీజీ శక్తి స్థల్‌)లో శనివారం నుంచి నిర్వహించే ధ్యాన మహాయాగ వేడుకలకు పిరమిడ్‌ ప్రాంగణం ముస్తాబైంది. ఈనెల 31 వరకు 11 రోజుల పాటు కొనసాగే కార్యక్రమాలకు నిర్వాహకులు ఏర్పాట్లు పూర్తి చేశారు. శుక్రవారం నుంచే వేలాదిగా ధ్యానులు తరలిరావడం కనిపించింది. ఉదయం 10 గంటలకు ప్రారంభమయ్యే ఉత్సవాలకు ప్రముఖ ఆధ్యాత్మిక, ధ్యాన గురువులు, కళాకారులు హాజరుకానున్నట్టు ట్రస్ట్‌ చైర్మన్‌ విజయభాస్కర్‌రెడ్డి తెలిపారు. వివిధ ప్రాంతాల నుంచి వచ్చే ధ్యానులకు ఇబ్బంది కలుగకుండా సౌకర్యాలు కల్పించినట్టు చెప్పారు. ఏర్పాట్లను పరిశీలించిన డీసీపీ ధ్యాన వేడుకల సందర్భంగా మహేశ్వర మహాపిరమిడ్‌ను శుక్రవారం సాయంత్రం శంషాబాద్‌ జోన్‌ డీసీపీ రాజేశ్‌, సీఐ శివప్రసాద్‌, ఎస్‌ఐ వరప్రసాద్‌ పోలీస్‌ సిబ్బందితో కలిసి పరిశీలించారు. ఏర్పాట్ల గురించి నిర్వాహకులను అడిగి తెలుసుకున్నారు. వారికి పలు సూచనలు చేశారు. నేటి నుంచి పత్రీజీ ధ్యాన మహాయాగం తరలివస్తున్న ధ్యానులు

సీఎం సారూ.. పాఠశాల భవనం మంజూరు చేయండి హస్నాబాద్‌ హరిజన్‌ చెర్రి పాఠశాల భవనం శిథిలావస్థకు చేరి పైకప్పు పెచ్చులూడుతోంది. గతంలో పలుమార్లు అధికారులు, పాలకులు భవనా న్ని పరిశీలించినా ఫలితం శూన్యమని ఆవేదన వ్యక్తం చేస్తున్నారు. ఇటీవల కడా ప్రత్యేకాధికారి వెంకట్‌రెడ్డి సైతం పరిశీలించడం.. ప్రభుత్వం కొడంగల్‌ అభివృద్ధికి ప్రత్యేక నిధులు కేటాయించడం జరిగింది. ఈ బడ్జెట్‌లోనూ భవనం మంజూరు చేయకపోవడంతో శుక్రవారం పాఠశాల ఎదుట విద్యార్థులు దండం పెడుతూ తమ నిరసన తెలిపారు. – దుద్యాల్‌

కొడంగల్‌: మండల పరిధిలోని అప్పాయిపల్లి గ్రామంలో సర్వేకు వెళ్లిన సిబ్బందిని అప్పాయిపల్లి రైతులు శుక్రవారం అడ్డుకున్నారు. ప్రభుత్వం ప్రకటించిన పరిహారం ఇచ్చిన తరువాతే భూములు స్వాధీనం చేసుకోవాలని అధికారులకు రైతులు సూచించారు. అప్పాయిపల్లి గ్రామంలోని సర్వే నంబర్‌ 19లో ప్రభుత్వ మెడికల్‌ కళాశాల కోసం ప్రభుత్వం అసైన్‌మెంట్‌ భూమిని సేకరించింది. రైతుల దగ్గర భూములు తీసుకొని ఎకరాకు రూ.10లక్షలు, ఒక ప్లాట్‌, ఒక ఉద్యోగం ఇస్తామని అధికారులు హామీ ఇచ్చారని, ఇప్పటి వరకూ పరిహారం అందలేదని రైతులు ఆరోపించారు. పూర్తిగా పరిహారం చెల్లించిన అనంతరం ఆ భూములను స్వాధీనం చేసుకోవాలని కోరారు. ఈ కార్యక్రమంలో తెలంగాణ ఉద్యమకారుల ఐక్యవేదిక జిల్లా అధ్యక్షుడు శ్రీనివాస్‌, ఫకీరప్ప, మోతీబాయి, రాములు గౌడ్‌, వెంకటమ్మ పాల్గొన్నారు.

తాండూరు: మూడేళ్లుగా పాతాళ గంగమ్మ కరుణిస్తోంది. బోరు బావుల కింద సాగు చేపట్టే యాసంగి పంటలకు నీరు పుష్కలంగా అందుతోంది. వర్షాకాలంలో కురిసిన భారీ వర్షాలకు భూగర్భజలాలు పెరిగాయి. దీంతో బావులు, బోరుబావులు రీచార్జ్‌ అయ్యాయి. భూగర్భ జలవనరుల శాఖ ఆధ్వర్యంలో జిల్లా వ్యాప్తంగా నవంబర్‌ 17 నుంచి 26 వరకు భూగర్భ జలాల నమోదు కార్యక్రమం చేపట్టారు. జిల్లాలోని 77 భూగర్భ జలాల నమోదు కేంద్రాల(ీఫీజో మీటర్‌) ద్వారా ఎంత లోతులో జలాలున్నాయనే వివరాలు పరిశీలించి రికార్డు చేశారు. గతేడాది నవంబర్‌లో 8.46 ఫీజో మీటర్ల లోతులో భూగర్భ జలాలుండగా.. ఈ ఏడాది డిసెంబర్‌ మొదటి వారంలో 7.02 ఫీజో మీటర్ల లోతులో జలాలున్నట్లు అధికారులు ధృవీకరించారు. గతేడాదిలో పోల్చుకుంటే ఈ సీజన్‌లో 1.44 మీటర్ల వరకు భూగర్భ జలాలు పెరిగాయి. సాధారణం కంటే అధిక వర్షపాతం వర్షాకాలంలో కురిసిన భారీ వర్షాలకు జిల్లాలో సాధారణం కంటే అధిక వర్షపాతం నమోదైంది. జిల్లాలో ఇప్పటి వరకు 623.6 మి.మీల సాధారణ వర్షపాతం నమోదు కావాల్సి ఉండగా భారీగా కురిసిన వర్షాలకు 877.8 మి.మీల వర్షపాతం నమోదైందని అధికారులు వెల్లడించారు. దీంతో జిల్లా వ్యాప్తంగా ఉన్న చెరువులు, కుంటలు జలకళను సంతరించుకున్నాయి. బోరుబావుల నుంచి పంటలకు సమృద్ధిగా నీరందుతుంది. దీంతో రైతులు సంతోషం వ్యక్తం చేస్తున్నారు. భూగర్భ జలాల వివరాలుమండలం పెరిగిన నీటి మట్టం (ఫీజో మీటర్లలో) కొడంగల్‌ 4.94 పూడూరు 5.27 మోమిన్‌పేట 6.01 వికారాబాద్‌ 6.13 బంట్వారం 6.55 కుల్కచర్ల 7.78 బొంరాస్‌పేట్‌ 7.11 పెద్దేముల్‌ 12.17 ధారూరు 13.84 పరిగి 15.32 మర్పల్లి 16.58 దుద్యాల 17.56భారీ వర్షాల కారణంగా భూగర్భజలాలు పెరిగాయి. గతేడాదితో పోలిస్తే ఏ ఏడాది మరింత తక్కువ లోతులోనే నీరు లభిస్తోంది. దీంతో సాగుకు సరిపడా నీరందుతోందని రైతులు హర్షం వ్యక్తం చేస్తున్నారు. 7.02 మీటర్ల పైకి చేరిన భూగర్భజలాలు గతేడాదితో పొలిస్తే 1.44 మీటర్ల అధికం హర్షం వ్యక్తం చేస్తున్న రైతులు వర్షపు నీటిని ఒడిసిపట్టాలి నవంబర్‌లో జిల్లాలో భూగర్భ జలాల వివరాలు సేకరించాం. జిల్లా వ్యాప్తంగా సగటున 7.02 ఫిజోమీటర్ల భూగర్భజలాలు నమోదయ్యాయి. గతేడాదితో పొలిస్తే ఈ నెలలో 1.44 మీటర్ల వరకు భూగర్భ జలాలు పైకి చేరుకున్నాయి. దుద్యాల, పరిగి, మర్పల్లి, పెద్దేముల్‌ మండలాల్లో వాటర్‌ లెవల్స్‌ కొంత తగ్గాయి. భూగర్భ జలాలను పెంచేందుకు ఇంకుడు గుంతలు, కందకాలు, ఫాంపండ్స్‌ లాంటివి ఏర్పాటు చేసుకోవాలి. వర్షపు నీటిని వృథా చేయకుండా ఒడిసి పట్టినప్పుడే గ్రౌండ్‌ వాటర్‌ పెరుగుతుంది. – రవిశంకర్‌, జిల్లా భూగర్భ జల శాఖ అధికారి

కబడ్డీ అసోసియేషన్‌ జిల్లా అధ్యక్షుడు పరుశురాంనాయక్‌ అనంతగిరి: 50వ అంతర్‌జిల్లా చాంపియన్‌ షిప్‌ పోటీల్లో పాల్గొనేందుకు ఆదివారం క్రీడాకారుల ఎంపిక ఉంటుందని కబడ్డీ అసోసియేషన్‌ జిల్లా అధ్యక్షుడు పరుశురాంనాయక్‌, కార్యదర్శి వినోద్‌కుమార్‌ శుక్రవారం ఓ ప్రకటనలో తెలిపారు. ఈ సెలక్షన్స్‌ పూడూర్‌ మండలం ఎన్కెపల్లి గేట్‌ సమీపంలోని తెలంగాణ మోడల్‌ స్కూల్‌ ఆవరణలో నిర్వహిస్తున్నట్లు చెప్పారు. క్రీడాకారులు ఈ అవకాశాన్ని సద్వినియోగం చేసుకోవాలన్నారు. 20 సంవత్సరాలలోపు ఉన్నవారు అర్హులన్నారు. వివరాలకు 9701225929 నంబర్‌లో సంప్రదించాలని సూచించారు. కాలుష్యరహిత పట్టణంగా పరిగి అసెంబ్లీ సమావేశాల్లో ఎమ్మెల్యే రామ్మోహన్‌రెడ్డి పరిగి: ముఖ్యమంత్రి రేవంత్‌రెడ్డి కృషితో పరిగి మున్సిపాలిటీ కాలుష్య రహిత పట్టణంగా మారిందని పరిగి ఎమ్మెల్యే టి.రామ్మోహన్‌రెడ్డి అసెంబ్లీ సమావేశాల్లో అన్నారు. మున్సిపాలిటీలో సుల్తాన్‌పూర్‌, నస్కల్‌, రుక్కుంపల్లి, సయ్యాద్‌మల్కాపూర్‌, షాకాపూర్‌, నజీరాబాద్‌ తండాలను మున్సిపల్‌లో విలీనం చేసిన సీఎంకు ఆయన ధన్యవాదాలు తెలిపారు. నియోజకవర్గ పరిధిలో విండ్‌ పవర్‌, సోలార్‌లతో విద్యుత్‌ వినియోగిస్తున్నామని చెప్పారు. కోట్‌పల్లి ఎస్‌ఐగా అబ్దుల్‌ గఫార్‌ బంట్వారం: కోట్‌పల్లి ఎస్‌ఐగా అబ్దుల్‌ గఫార్‌ శుక్రవారం బాధ్యతలు స్వీకరించారు. ఇక్కడ విధులు నిర్వహించిన ఎస్‌ఐ స్రవంతి ఎస్పీ ఆఫీసుకు వెళ్లగా డీసీఆర్బీ నుంచి అబ్దుల్‌ గఫార్‌ కోట్‌పల్లి పీఎస్‌కు బదిలీపై వచ్చారు. బాధ్యతలు స్వీకరించిన అనంతరం గఫార్‌ ఎస్పీ నారాయణరెడ్డిని మర్యాదపూర్వకంగా కలిసి పుష్పగుచ్ఛం అందజేశారు. అక్రమ కేసులు ఎత్తివేయాలి బీఆర్‌టీయూ జిల్లా అధ్యక్షుడు కృష్ణయ్య అనంతగిరి: మాజీమంత్రి, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌పై కాంగ్రెస్‌ ప్రభుత్వం పెట్టిన అక్రమ కేసులను వెంటనే ఎత్తివేయాలని బీఆర్‌టీయూ జిల్లా అధ్యక్షుడు కృష్ణయ్య శుక్రవారం ఓ ప్రకటనలో డిమాండ్‌ చేశారు. ముఖ్యమంత్రి రేవంత్‌రెడ్డి కుట్రపూరితంగానే కేటీఆర్‌ను ఇబ్బందులకు గురిచేసేందుకు యత్నిస్తున్నాడని ఆరోపించారు. ఫార్ములావన్‌ కారు నిర్వహణపై అసెంబ్లీలో ఎందుకు ప్రస్తావించడం లేదన్నారు. ఎన్ని అక్రమ కేసులు పెట్టిన చివరకు న్యాయమే గెలుస్తుందని, మా నాయకుడు మచ్చలేని మకుటంలా ఉన్న వ్యక్తి అని కొనియాడారు. కన్హాలో ముగిసిన జాతీయ సమైక్యతా సమ్మేళనం నందిగామ: మండల పరిధిలోని కన్హా శాంతివనంలో నవోదయ విద్యాలయ సమితి హైదరాబాద్‌ రీజియన్‌ ఆధ్వర్యంలో నిర్వహించిన జాతీయ సమైక్యతా సమ్మేళనం 2024–25 కార్యక్రమం శుక్రవారం ముగిసింది. ఈ సందర్భంగా వికసిత్‌ భారత్‌, మహిళా సాధికారత, భారతదేశ సాంస్కృతిక వారసత్వం అనే అంశాలపై విద్యార్థులు ప్రదర్శనలు ఇచ్చారు. శాసీ్త్రయ, జానపద సంగీతంతో పాటు ఆయా రాష్ట్రాల్లో ప్రాచుర్యం పొందిన కళలు, నృత్యాలు ప్రదర్శించారు. ఈ సమ్మేళనంలో ప్రతిభ కనపర్చిన విద్యార్థులకు నవోదయ విద్యాలయ సమితి జాయింట్‌ సెక్రటరీ జ్ఞానేంద్ర కుమార్‌ బహుమతులు అందజేశారు. కార్యక్రమంలో నవోదయ విద్యాలయ సమితి ఉప సంచాలకుడు గోపాలకృష్ణ, వివిధ రాష్ట్రాలకు చెందిన అధ్యాపకులు, సిబ్బంది, విద్యార్థులు పాల్గొన్నారు.

అనంతగిరి: తమ సమస్యల పరిష్కారానికి ఎస్‌ఎస్‌ఏ ఉద్యోగులు చేపట్టిన సమ్మెలో భాగంగా శుక్రవారం బోనాలు ఎత్తి నిరసన తెలిపారు. ఎస్‌ఎస్‌ఏలోని అన్ని విభాగాలకు చెందిన మహిళ ఉద్యోగులు బోనమెత్తి వికారాబాద్‌ పట్టణంలోని ప్రధాన రోడ్ల మీదుగా ర్యాలీ చేపట్టారు. ప్రభుత్వం ఇచ్చిన మాట ప్రకారం వెంటనే తమను రెగ్యులరైజ్‌ చేయాలని నినదించారు. ఈ సందర్భంగా జిల్లా అధ్యక్షుడు కేతావత్‌ గంగ్యా నాయక్‌ మాట్లాడుతూ.. ప్రభుత్వం స్పందించి వెంటనే తమను చర్చలకు పిలిచి న్యాయం చేయాలన్నారు. 21 ఏళ్లుగా విద్యాశాఖలో కీలకంగా పనిచేస్తున్నామన్నారు. ఈ కార్యక్రమంలో నాయకులు శ్రీశైలం, ప్రభావతి, రవికుమార్‌, ఆశాలతా, స్వరూప, శైలజ, రాధిక, పల్లవి, దేవి, రాజేశ్వరీ, స్రవంతి, సుమిత్ర, చైతన్య, రఘుసింగ్‌, సర్వర్‌, వెంకట్‌రెడ్డి తదితరులు పాల్గొన్నారు. ప్రభుత్వం కళ్లు తెరవాలి:డాక్టర్‌ రాజశేఖర్‌ 21 సంవత్సరాలుగా విద్యాశాఖలో చాలి చాలని వేతనాలతో పనిచేస్తున్న ఎస్‌ఎస్‌ఏ ఉద్యోగులను వెంటనే రెగ్యులరైజ్‌ చేయాలని బీజేపీ జిల్లా ఆధ్యాత్మిక సెల్‌ అధ్యక్షుడు డాక్టర్‌ రాజశేఖర్‌ డిమాండ్‌ చేశారు. ఈ మేరకు ఆయన సమ్మెకు సంఘీభావం తెలిపి మాట్లాడారు. ప్రభుత్వం ఇచ్చిన మాటకు కట్టుబడి పనిచేయాలన్నారు. లేదంటే ఎస్‌ఎస్‌ఏల ఉద్యమంలో తాము సైతం ముందుండి పోరాటుతామన్నారు. ఈ కార్యక్రమంలో బీజేపీ నాయకులు రాఘవేందర్‌, సుధాకర్‌, రాములు తదితరులు పాల్గొన్నారు. సంఘం జిల్లా అధ్యక్షుడు గంగ్యా నాయక్‌ బోనమెత్తి నిరసన తెలిపిన ఉద్యోగులు

పరిగి: ఆర్టీసీ ప్రయాణికుల కోసం ఎన్నో రకాల సేవలను అందిస్తుందని, వాటిని సద్వినియోగం చేసుకోవాలని పరిగి డీఎం కరుణశ్రీ సూచించారు. శుక్రవారం మర్యాదపూర్వక దినోత్సవం సందర్భంగా డీఎం, సిబ్బంది స్థానిక బస్టాండ్‌లో ప్రయాణికులకు పుష్పం ఇచ్చారు. అనంతరం ఆమె మాట్లాడుతూ.. ఆర్టీసీ ప్రతి ఒక్కరికి అందుబాటులో ఉండేందుకు కృషి చేస్తున్నామన్నారు. ప్రయాణికులతోనే ఆర్టీసీ నడుస్తుందని అందుకు మర్యాదలు చేయడం తమ విధి అన్నారు. ప్రజలు కూడా తమ ప్రయాణాన్ని ఆర్టీసీలోనే చేయాలని సూచించారు. ప్రైవేటు ప్రయాణాలకు స్వస్తి పలికి ఆర్టీసీ ప్రయాణాలను సద్వినియోగం చేసుకోవాలని సూచించారు. కార్యక్రమంలో ఆర్టీసీ సిబ్బంది తదితరులు పాల్గొన్నారు. పరిగి ఆర్టీసీ డీఎం కరుణశ్రీ

చేవెళ్ల: రోడ్డు ప్రమాదంలో గాయపడి చికిత్స పొందుతూ ఒకరు మృతి చెందిన సంఘటన మండల పరిధిలో చోటు చేసుకుంది. స్థానికుల వివరాల మేరకు.. మండలంలోని తంగడపల్లి అనుబంధ గ్రామమైన మడికట్టకు చెందిన హన్మంత్‌రెడ్డి, పోచ య్య(55)లు బుధవారం బైక్‌పై ఎన్కేపల్లి దగ్గర పెళ్లికి హాజరై తిరిగి స్వగ్రామానికి వస్తున్నారు. మార్గమధ్యలో శంకర్‌పల్లి మండలంలోని హుసెన్‌పూర్‌ చౌరస్తాలో ఎదురుగా వస్తున్న కారు ఢీకొన్న విషయం తెలిసిందే. ఈ ప్రమాదంలో గాయపడిన ఇరువురిని నగరంలోని ఓ ప్రైవేట్‌ ఆస్పత్రికి తరలించి చికిత్స అందించారు. అందులో తీవ్రంగా గాయపడిన పోచయ్య గురువారం రాత్రి మృతి చెందాడు. మృతుడి కుటుంబసభ్యులు, గ్రామస్తులు శుక్రవారం చేవెళ్లలో పోలీస్‌స్టేషన్‌ ఎదుట ఆందోళనకు దిగారు. మృతుడి కుటుంబానికి న్యాయం చేయాలని కారుతో ఢీకొట్టిన పోలీస్‌ అధికారిపై చర్యలు తీసుకోవాలని డిమాండ్‌ చేశారు. చేవెళ్ల సీఐ భూపాల్‌ శ్రీధర్‌ వారితో మాట్లాడి ఈ ప్రమాదానికి సంబంధించి ఘటన జరిగిన రోజునే కేసు నమోదు చేసినట్లు చెప్పారు. కారుతో ఢీకొట్టిన పోలీస్‌ అధికారి భాస్కర్‌రెడ్డిపై కేసు నమోదు చేసి దర్యాప్తు చేస్తున్నట్లు వివరించారు. మృతి చెందిన పోచయ్య కుటుంబానికి చేవెళ్ల మాజీ ఎంపీపీ ఎం.బాల్‌రాజ్‌ రూ.25 వేల నగదు అందించారు. మృతుడు వ్యవసాయ కూలీగా జీవనం సాగించేవాడు. కార్యక్రమంలో గ్రామ నాయకులు రాజు, సత్తయ్య తదితరులు ఉన్నారు. బైక్‌– కారు ఢీకొన్న ఘటనలో

ఉపాధ్యాయ దినోత్సవం శుక్రవారం పలుగుతండా పాఠశాలలో ఉపాధ్యాయ దినోత్సవాన్ని ఘనంగా నిర్వహించారు.8లోu9లోuఅనంతగిరి: స్త్రీనిధి రుణాల పంపిణీ, బ్యాంక్‌ లింకేజీ త్వరితగతిన పూర్తి చేయాలని కలెక్టర్‌ ప్రతీక్‌జైన్‌ అన్నారు. శుక్రవారం ఆయన కాన్ఫరెన్స్‌ హాల్‌లో గ్రామీణ అభివృద్ధి అధికారులతో సమావేశమయ్యారు. ఈ సందర్భంగా కలెక్టర్‌ మాట్లాడుతూ.. జిల్లాలో అర్హత ఉన్న మహిళా సంఘాలకు టార్గెట్‌ ప్రకారం రుణాలు అందించి.. వంద శాతం రికవరీ సైతం పూర్తి చేయాలని అధికారులకు సూచించారు. 60 ఏళ్లులోపు మహిళలు రుణాలు తీసుకుని చనిపోతే సంబంధిత ప్రతాలు మండల సమాఖ్యలో అందజేసి లబ్ధిపొందాలన్నారు. ప్రతీ వారం గ్రామీణ అభివృద్ధి అధికారి ఆధ్వర్యంలో క్షేత్రస్థాయి సిబ్బందితో సమీక్షిస్తూ రికవరీలపై శ్రద్ధ చూపాలన్నారు. లోన్‌ తీసుకునే సమయంలో సమస్యలు వస్తే సంబంధిత అధికారి దృష్టికి తీసుకురావాలన్నారు. క్లెయిమ్‌లకు సంబంధించిన రిపోర్టులు ఎప్పటికప్పుడు అందజేయాలని ఆదేశించారు. టూవీలర్‌ మొబైల్‌ క్యాంటీన్‌, బ్రౌన్‌ రైస్‌, మిల్లెట్స్‌ ఏర్పాటుకు చర్యలు తీసుకోవాలని అధికారులను ఆదేశించారు. ఈ సమావేశంలో జిల్లా గ్రామీణ అభివృద్ధి అధికారి శ్రీనివాస్‌, అదనపు పీడీ సరోజ, స్త్రీనిధి ఆర్‌ఎం ఉదయకుమారి, డీపీఎంలు, ఏపీఎంలు సంబంధిత అధికారులు పాల్గొన్నారు. కలెక్టర్‌ ప్రతీక్‌జైన్‌

వ్యవసాయ కార్మిక సంఘం జిల్లా ప్రధాన కార్యదర్శి వెంకటయ్య పరిగి: బాబాసాహెబ్‌ అంబేడ్కర్‌పై అనుచిత వాఖ్యలు చేసిన కేంద్ర మంత్రి అమిత్‌షాను వెంటనే మంత్రి పదవి నుంచి బర్తరఫ్‌ చేయాలని వ్యవసాయ కార్మిక సంఘం జిల్లా ప్రధాన కార్యర్శి వెంకటయ్య డిమాండ్‌ చేశారు. శుక్రవారం పట్టణ కేంద్రంలోని అంబేడ్కర్‌ విగ్రహం ఎదుట వ్యవసాయ, కార్మిక సంఘాల ఆధ్వర్యంలో నిరసన వ్యక్తం చేశారు. అనంతరం ఆయన మాట్లాడుతూ.. అధికార మదమెక్కి అడ్డగోలుగా మాట్లాడిన అమిత్‌షాపై చట్టపరమైన చర్యలు తీసుకోవాలన్నారు. పార్లమెంట్‌లో కేంద్ర హోం మంత్రి పదవిలో ఉండి అంబేడ్కర్‌పై ఇలా మాట్లాడటం సరికాదన్నారు. భారత ప్రజలతో పూజింపబడే అంబేడ్కర్‌ను చిన్న చూపు మాటలతో మాట్లడటం నీతిమాలిన చర్య అన్నారు. కార్యక్రమంలో ప్రజా సంఘాల నాయకులు శ్రీనునాయక్‌, సత్తయ్య, శేఖర్‌, మొగులయ్య తదితరులు పాల్గొన్నారు. హోంమంత్రి వాఖ్యలు ఇబ్బందికరం కుల్కచర్ల: భారత రాజ్యాంగ నిర్మాత బీఆర్‌.అంబేడ్కర్‌పై అమిత్‌షా వాఖ్యలు ఇబ్బందికరమని మాలమహానాడు జిల్లా అధ్యక్షుడు బి.వెంకటేష్‌ అన్నారు. శుక్రవారం చౌడాపూర్‌ మండల కేంద్రంలోని ప్రధాన చౌరస్తాలో కేంద్ర ప్రభుత్వ వైఖరి పట్ల నిరసన కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ.. పార్లమెంట్‌లో రాజ్యాంగంపై జరుగుతున్న చర్చలో భాగంగా అంబేడ్కర్‌ను అవమానపర్చే విధంగా వాఖ్యలు చేయడం వారి అహంకారానికి నిదర్శనమని పేర్కొన్నారు. కార్యక్రమంలో నాయకులు అశోక్‌, ప్రభు, గాంగ్యనాయక్‌, లక్ష్మణ్‌, జంగయ్య, భరత్‌, ఇబ్రహిం, జాంగీర్‌, నాసిం, బాల్‌రాజ్‌, అక్బర్‌ తదితరులు పాల్గొన్నారు. మాల మహానాడు ఆధ్వర్యంలో.. తాండూరు టౌన్‌: భారత రాజ్యాంగ నిర్మాత బీఆర్‌ అంబేడ్కర్‌పై అనుచిత వ్యాఖ్యలు చేసిన కేంద్ర మంత్రి అమిత్‌షా క్షమాపణలు చెప్పాలని తాండూరు మాల మహానాడు నాయకులు డిమాండ్‌ చేశారు. ఈమేరకు శుక్రవారం స్థానిక అంబేడ్కర్‌ చౌక్‌ వద్ద నిరసన వ్యక్తం చేశారు. పలువురు ప్రజాసంఘాల నాయకులు రాములు, బలరాం, నర్సింలు, రవి, కిష్టప్ప, మనోహర్‌, భాను, రాజు పాల్గొన్నారు. సీఐటీయూ ఖండన అంబేడ్కర్‌పై వివాదాస్పద వ్యాఖ్యలు చేసిన కేంద్ర మంత్రి అమిత్‌షా తన మంత్రి పదవికి రాజీనామా చేయాలని సీఐటీయూ జిల్లా ఉపాధ్యక్షుడు శ్రీనివాస్‌ ఓ ప్రకటనలో తెలిపారు. చట్ట సభల సాక్షిగా బీజేపీ వైఖరి అణగారిన వర్గాలపై ఎలా ఉందో బహిర్గతమైందన్నారు. నల్ల బ్యాడ్జీలతో నిరసన అనంతగిరి: బీఆర్‌ అంబేడ్కర్‌పై పార్లమెంట్‌ వేదికగా అనుచిత వ్యాఖ్యలు చేసిన కేంద్ర హోంమంత్రి అమిత్‌ షా క్షమాపణలు చెప్పాలని ధర్మసమాజ్‌ పార్టీ జిల్లా కన్వీనర్‌ రవీందర్‌ తెలిపారు. ఈ మేరకు శుక్రవారం వికారాబాద్‌లో అంబేడ్కర్‌ విగ్రహానికి క్షీరాభిషేకం చేసి నల్ల బ్యాడ్జీలతో నిరసన వ్యక్తం చేశారు. కార్యక్రమంలో నాయకులు వెంకటేష్‌, మల్లికార్జున్‌, శివ, శేఖర్‌, రాజు, సత్యం, నర్సింలు, గోపిచంద్‌ తదితరులు పాల్గొన్నారు.

దుద్యాల్‌: మండలంలోని హకీంపేట్‌ గ్రామంలో ప్రథమ్‌ సంస్థ ఆధ్వర్యంలో మహిళలకు ఉచిత టైలరింగ్‌ శిక్షణ కేంద్రాన్ని శుక్రవారం ప్రారంభించారు. ఈ సందర్భంగా సంస్థ కో ఆర్డినేటర్‌ కవిత మాట్లాడుతూ.. మహిళలు స్వయం ఉపాధి ద్వారా అభివృద్ధి చెందాలనే ఉద్దేశంతో ఈ శిక్షణ కేంద్రాన్ని ఏర్పాటు చేశామన్నారు. పదో తరగతి పాసైన మహిళలు, యువతులు ఈ అవకాశాన్ని సద్వినియోగం చేసుకోవాలని సూచించారు. కార్యక్రమంలో సంస్థ ప్రత్యేక అధికారి శ్రీనివాస్‌, గ్రామస్తుడు శ్రీనివాస్‌రెడ్డి, గ్రామ పంచాయతీ కార్యదర్శి, మహిళలు తదితరులు పాల్గొన్నారు.

కొడంగల్‌: మండల పరిధిలోని అప్పాయిపల్లి గ్రామంలో సర్వేకు వెళ్లిన సిబ్బందిని అప్పాయిపల్లి రైతులు శుక్రవారం అడ్డుకున్నారు. ప్రభుత్వం ప్రకటించిన పరిహారం ఇచ్చిన తరువాతే భూములు స్వాధీనం చేసుకోవాలని అధికారులకు రైతులు సూచించారు. అప్పాయిపల్లి గ్రామంలోని సర్వే నంబర్‌ 19లో ప్రభుత్వ మెడికల్‌ కళాశాల కోసం ప్రభుత్వం అసైన్‌మెంట్‌ భూమిని సేకరించింది. రైతుల దగ్గర భూములు తీసుకొని ఎకరాకు రూ.10లక్షలు, ఒక ప్లాట్‌, ఒక ఉద్యోగం ఇస్తామని అధికారులు హామీ ఇచ్చారని, ఇప్పటి వరకూ పరిహారం అందలేదని రైతులు ఆరోపించారు. పూర్తిగా పరిహారం చెల్లించిన అనంతరం ఆ భూములను స్వాధీనం చేసుకోవాలని కోరారు. ఈ కార్యక్రమంలో తెలంగాణ ఉద్యమకారుల ఐక్యవేదిక జిల్లా అధ్యక్షుడు శ్రీనివాస్‌, ఫకీరప్ప, మోతీబాయి, రాములు గౌడ్‌, వెంకటమ్మ పాల్గొన్నారు.

పరిగి: విద్యార్థులు ఆత్మస్థైర్యంతో ముందుకు వెళ్లాలని పట్టణ కేంద్రంలోని తుంకుల్‌గడ్డ సాంఘిక సంక్షేమ గురుకుల పాఠశాల ప్రిన్సిపాల్‌ థామాస్‌రెడ్డి అన్నారు. శుక్రవారం గురుకులంలో వాయిస్‌ ఫర్‌ గర్‌ల్స్‌ స్వచ్ఛంద సంస్థ ఆధ్వర్యంలో విద్యార్థులకు కార్యాచరణ ఆధారిత విద్యా శిబిరాన్ని నిర్వహించారు. అనంతరం ఆయన మాట్లాడుతూ.. విద్యార్థులు తమ జీవితంలో సమస్యలను సమన్వయంతో ఎదుర్కోవాలని సూచించారు. విద్యార్థుల్లో మనోస్థైర్యాన్ని నింపడం కోసం ఈ కార్యక్రమాన్ని ఏర్పాటు చేశామన్నారు. లక్ష్యసాధన కోసం ప్రతిఒక్కరూ ప్రణాళికను సిద్ధం చేసుకుని ముందుకు వెళ్లాలని సూచించారు. కార్యక్రమంలో అధ్యాపకులు, స్వచ్ఛందసంస్థ ప్రతినిధులు పాల్గొన్నారు. డ్రంక్‌ అండ్‌ డ్రైవ్‌లో ఆరుగురికి జరిమానా తాండూర్‌టౌన్‌: డ్రంక్‌ అండ్‌ డ్రైవ్‌ కేసులో అసిస్టెంట్‌ కలెక్టర్‌, సెకండ్‌ క్లాస్‌ మేజిస్ట్రేట్‌ ఉమా హారతి శుక్రవారం ఆరుగురికి జరిమానా విధించినట్లు పట్టణ ఎస్‌ఐ భరత్‌రెడ్డి తెలిపారు. ఆరుగురిలో ఐదు మందికి వెయ్యి రూపాయాల జరిమానా విధించినట్లు చెప్పారు.

ధారూరు: బహిర్భూమికి వెళ్లి వస్తున్న ఓ వృద్ధుడిని కుక్కలు దాడిచేసి తీవ్రంగా గాయపర్చాయి. ఈ సంఘటన మండల పరిధిలోని కొండాపూర్‌కలాన్‌లో చోటుచేసుకున్నాయి. వివరాలిలా ఉన్నాయి. గ్రామానికి చెందిన కేశపల్లి నర్సింహులు(70) సాయంత్రం బహిర్భూమికి వెళ్లి తిరిగి వస్తుండగా కుక్క వెంబడించి దాడి చేసింది. గాయపడిన అతన్ని కుటుంబ సభ్యులు వికారాబాద్‌లోని ఆస్పత్రికి తరలించి చికిత్స చేయిస్తున్నారు. మరోఘటనలో కుక్కింద గ్రామానికి చెందిన కానపురం మల్లయ్య(50) పశువులకు నీరు తాగించి ఇంటికి వస్తుండగా కుక్క దాడి చేసింది. వెంటనే అతడిని స్థానికంగా చికిత్స చేయించారు. శునకాల స్వైర విహారంపై స్థానికులు భయాందోఽళన చెందుతున్నారు.

మోమిన్‌పేట: విద్యుత్‌ షార్ట్‌ సర్క్యూట్‌తో ఓ ఇల్లు పూర్తిగా దగ్ధమైన సంఘటన శుక్రవారం మధ్యా హ్నం మండల కేంద్రంలో చోటు చేసుకుంది. వివరాలిలా ఉన్నాయి. మోమిన్‌పేట కేంద్రానికి చెందిన మంగళి శ్రీనివాస్‌ ఇల్లు షార్ట్‌ సర్క్యూట్‌తో కాలిపోయింది. ఉదయం ఆయన భార్య గంగమ్మ ఇంట్లో పూజ చేసి కూతురు అఖిలతో పాటు బయట వచ్చి కూర్చుంది. అనంతరం ఇంట్లో నుంచి పొగ రావడంతో తలుపు తీసి చూడగా మంటలు ఎగబడ్డాయి. దీంతో ఆమె అరవగా చుట్టు పక్కల వారు వచ్చి మంటలు ఆర్పే ప్రయత్నం చేసినా ఫలించ లేదు. ఫైర్‌ సిబ్బందికి సమాచారం ఇవ్వగా ఘటనా స్థలానికి చేరుకుని సాయంత్రం వరకు మంటలు ఆర్పారు. అప్పటికే ఇంట్లో నిత్యావసర సరుకులు, బట్టలు, రూ.2లక్షల నగదు, 2 తులాల బంగారం పూర్తిగా కాలిపోయిందని బాధితులు రోదించారు. రెవెన్యూ సిబ్బంది ఘటన స్థలానికి చేరుకుని పంచనామా చేశారు. కాంగ్రెస్‌ నాయకులు సుభాష్‌గౌడ్‌, రాజ్‌ సంఘటన స్థలానికి చేరుకుని బాధితులను పరామర్శించారు. కాలిపోయిన రూ.2 లక్షల నగదు, బంగారు ఆభరణాలు

తాండూరు: తాండూరు పట్టణంలోని జాతీయ రహదారిపై కొన్ని రోజులుగా మురుగు నీరు ఏరులై పారుతుండటంతో ప్రజలు తీవ్ర ఇబ్బందులు పడుతున్నారు. పట్టణంలోని మహబూబ్‌నగర్‌–చించోళి రోడ్డుని రెండేళ్ల క్రితం కేంద్ర ప్రభుత్వం జాతీయ రహదారిగా మార్చారు. అందుకు అనుగుణంగా రోడ్డు విస్తరణ పనులు చేపట్టారు. రోడ్డు పక్కన వరద, మురుగు నీరు పారేందుకు పెద్ద కాలువలను నిర్మించారు. అయితే 8 నెలలుగా సంబంధిత కాంట్రాక్టర్‌ వాటిని అసంపూర్తిగా వదిలేశారు. పట్టణంలోని శివాజి చౌక్‌ నుంచి బస్‌స్టేషన్‌ వరకు కాలువను నిర్మించారు. కానీ స్నేహ సూపర్‌ మార్కెట్‌ వద్ద ఉన్న రోడ్డు పక్కన మురుగు కాలువను అసంపూర్తిగా వదిలేశారు. రోడ్డు వెడల్పు పెరిగినా రహదారి వేయకపోవడం, మరోవైపు కాలువను అసంపూర్తిగా వదిలేయడంతో మురుగు నీరంతా రోడ్డుపై పారుతుంది. అధికారులు, ప్రజా ప్రతినిధులు రోడ్డుపై డ్రైనేజీ నీరు పారకుండా చూడాలని స్థానికులు కోరుతున్నారు.

కరోనా సంక్షోభం అనంతరం గాడిన పడుతున్న విద్యావ్యవస్థలో సమగ్ర శిక్ష ఉద్యోగుల సమ్మెతో మళ్లీ ఇబ్బందికర పరిస్థితులు తలెత్తాయి. కస్తూర్బాల్లో పనిచేసే ఉపాధ్యాయులు, పాఠశాలలను పర్యవేక్షించే సీఆర్పీలు సమ్మెలోకి వెళ్లడంతో క్షేత్రస్థాయిలో పర్యవేక్షణ లోపించింది. దీని ప్రభావంపది, ఇంటర్మీడియట్‌ విద్యార్థులపై పడే అవకాశం ఉందని తల్లిదండ్రులు ఆందోళన చెందుతున్నారు. కుల్కచర్ల: సమగ్ర శిక్షా అభియాన్‌(ఎస్‌ఎస్‌ఏ) ఉద్యోగులు చేస్తున్న సమ్మె విద్యార్థుల పాలిట శాపంగా మారింది. గత 11 రోజుల నుంచి వారి సమస్యలను పరిష్కరించాలని సామూహికంగా ఆందోళనలు నిర్వహిస్తున్నారు. ఈ క్రమంలో కుల్కచర్ల మండల పరిధిలోని సమగ్ర శిక్ష ఉద్యోగులతో పాటుగా జిల్లా వ్యాప్తంగా ఉన్న ఉద్యోగులందరూ వికారాబాద్‌లో నిరసన కార్యక్రమాలు చేపట్టారు. గ్రామీణ ప్రాంతాల్లో పాఠశాలలను పర్యవేక్షించేందుకు పనిచేసే సీఆర్పీలు, కేజీబీవీలో ఇంటర్మీడియట్‌ వరకు బోధించే ఉపాధ్యాయులు, పాఠశాలలకు సమాచారం అందించే మెసెంజర్‌లు, పాఠశాలల జీతాలు, తదితర ఆన్‌లైన్‌ కార్యక్రమాలు నిర్వహించే కంప్యూటర్‌ ఆపరేటర్లు తదితరులందరూ సమ్మె బాట పట్టడంతో క్షేత్రస్థాయిలో గందరగోళ పరిస్థితి నెలకొంది. పాఠశాలలకు బియ్యం సరఫరా చేయడానికి సీఆర్పీలు సమ్మెలో ఉండటంతో ఎంఈఓలు బాధ్యత తీసుకుని ప్రతి పాఠశాలకు వెళ్లి పరిశీలిస్తున్నారు. పరీక్షల సమయం జిల్లాలో 19 మండలాల్లో 19 కేజీబీవీలు ఉన్నాయి. ఇందులో 728 ఉపాధ్యాయులు ఉండగా వారంద రూ ప్రస్తుతంలో సమ్మెలో ఉన్నారు. ఉదాహరణకు కుల్కచర్ల మండల పరిధిలోని కేజీబీవీలో 18 మంది ఉపాధ్యాయులు సమ్మెలోకి వెళ్లడంతో విద్యార్థులకు పాఠాలు చెప్పేవారు లేకుండా పోయారు. అలా జిల్లా పరిధిలో ఉన్న కేజీబీవీలో ఉపాధ్యాయులందరూ సమ్మెలోకి వెళ్లడంతో పాఠ్యాంశాలు పూర్తికాక విద్యార్థులు తీవ్ర ఇబ్బందులు ఎదుర్కొంటున్నారు. ప్రస్తుతం పదో తరగతి, ఇంటర్మీడియట్‌ వార్షిక పరీక్షల తేదీలను ప్రభుత్వం ప్రకటించింది. మార్చి మొదటి వారంలోనే ప్రారంభమవుతాయి. అప్పటివరకు అయినా సిలబస్‌ పూర్తి అవుతుందా కాదా అని విద్యార్థులు మానసిన వేదన అనుభవిస్తున్నారు. రాష్ట్ర ప్రభుత్వం, జిల్లా అధికార యంత్రాంగం విద్యార్థులకు నష్టం కలగకుండా జాగ్రత్తలు తీసుకోవాలని ప్రజలు కోరుతున్నారు. 11 రోజుల నుంచి సమ్మెలో సమగ్ర శిక్ష అభియాన్‌ ఉద్యోగులు ముంచుకొస్తున్న పరీక్షలతోఆందోళనలో విద్యార్థులు

అనంతగిరి: అసెంబ్లీలో సభాపతిని అవమాన పర్చేలా పేపర్లు చించి విసిరేసిన బీఆర్‌ఎస్‌ ఎ మ్మెల్యేలపై వెంటనే చర్యలు తీసుకోవాలని కా ంగ్రెస్‌ సీనియర్‌ నాయకుడు మల్లేశం ఒక ప్రకటనలో డిమాండ్‌ చేశారు. అసెంబ్లీలో సామరస్యంగా సమావేఽశాలు జరుగుతున్న తరుణంలో కావాలనే సభలో గందరగోళం సృస్టించేలా వ్యవహరించడాన్ని ఖండిస్తున్నామన్నారు. బీఆర్‌ఎస్‌ వాళ్లు పదేళ్లు అధికారంలో ఉండి ఏమి చేయలేకపోయారని విమర్శించారు. రాష్ట్రస్థాయి కబడ్డీ పోటీలకు ఆరు జట్లు కొడంగల్‌ రూరల్‌: పట్టణంలోని ప్రభుత్వ జూనియర్‌ కళాశాల ఆవరణలో శుక్రవారం సీఎం కప్‌ టోర్నమెంట్‌ నిర్వహించారు. జిల్లా స్థాయిలో ఏర్పాటు చేసిన కబడ్డీ పోటీలకు జిల్లాలోని వివిధ మండలాల నుంచి విద్యార్థులు హాజరయ్యారు. 14 బాలికల, 18 బాలుర జట్లు కబడ్డీ పోటీల్లో పాల్గొన్నాయి. సాయంత్రం వరకు నిర్వహించిన ఈ పోటీల్లో బాలుర విభాగంలో తొలి మూడు స్థానాల్లో వరుసగా కొడంగల్‌, మర్పల్లి, పరిగి నిలవగా బాలికల విభాగంలో తాండూరు, బొంరాస్‌పేట, కుల్కచర్ల జట్లు గెలుపొందాయని పీడీలు అనిల్‌కుమార్‌, అజీజ్‌ తెలిపారు. రాష్ట్ర స్థాయి సీఎం కప్‌ టోర్నమెంట్‌కు ఆరు జట్లు ఎంపికయ్యాయని తెలిపారు. బాలిక అపహరణపై పోక్సో కేసు యువకుడికి రిమాండ్‌ కుల్కచర్ల: బాలికను అపహరించిన యువకుడిపై పోక్సో కేసు నమోదు చేసి రిమాండ్‌కు తరలించిన ఘటన కుల్కచర్ల పోలీస్‌స్టేషన్‌ పరిధిలో చోటుచేసుకుంది. ఎస్‌ఐ అన్వేష్‌ రెడ్డి తెలిపిన వివరాల ప్రకారం.. మండలానికి చెందిన బాలిక(17)ను గత నెల మొదటివారంలో దోమ మండలం గొడుగోనిపల్లి గ్రామానికి చెందిన నరేష్‌ అపహరించుకుని వెళ్లాడు. ఈమేరకు బాలిక తల్లిదండ్రులు పోలీసులకు ఫిర్యాదు చేయడంతో విచారించి అపహరించిన యువకుడిపై పోక్సో కేసు నమోదు చేశారు. ఆచూకీ తెలుసుకున్న పోలీసులు నిందితున్ని అదుపులోకి తీసుకుని శుక్రవారం పరిగి సబ్‌ జైలుకు తరలించారని ఎస్‌ఐ తెలిపారు. కట్నం కోసం వేధించిన భర్తపై కేసు తాండూరు టౌన్‌: అదనపు కట్నం కోసం వేధించిన భర్తపై ఓ భార్య ఫిర్యాదు చేసింది. ఈ సంఘటన తాండూరు పట్టణంలోని సాయిపూర్‌లో శుక్రవారం చోటు చేసుకుంది. పట్టణ ఎస్‌ఐ భరత్‌రెడ్డి కథనం ప్రకారం.. సాయిపూర్‌కు చెందిన సారియా సుల్తానా, ఖలీల్‌ ఖురేషి భార్యాభర్తలు. వీరికి రెండేళ్ల క్రితం వివాహామైంది. 9 నెలల బాబు కూడా ఉన్నారు. అయితే ఖలీల్‌ తనను కొన్ని నెలల నుంచి అదనపు కట్నం కోసం వేధించి, చిత్రహింసలకు గురి చేశారని సుల్తానా ఆరోపించారు. అంతేకాకుండా అత్త సుల్తానా బేగం, ఆడపడుచు సల్మాలను కూడా తనని వేధించారని ఫిర్యాదులో పేర్కొంది. దీంతో విచారణ చేపట్టిన పోలీసులు ఖలీల్‌ని అరెస్ట్‌ చేసి రిమాండ్‌కు తరలించినట్లు ఎస్‌ఐ తెలిపారు.

మీర్‌పేట: కబ్జాకు గురైన పార్కింగ్‌ స్థలాలను తిరిగి ప్రజలకు ఇప్పించాలని మీర్‌పేట కార్పొరేషన్‌ 31వ డివిజన్‌ కార్పొరేటర్‌ విజయలక్ష్మి శుక్రవారం రంగారెడ్డి జిల్లా కలెక్టర్‌ నారాయణరెడ్డికు వినతిపత్రం అందజేశారు. ఈ సందర్భంగా ఆమె మాట్లాడుతూ.. జనప్రియా మహానగర్‌లోని 5, 9ఏ బ్లాకులలోని పార్కింగ్‌ స్థలాన్ని కొందరు కబ్జా చేసి షెటర్లు నిర్మించారని ఆరోపించారు. ఒక్కో షెటర్‌ను రూ.10 లక్షలకు విక్రయిస్తున్నారని కలెక్టర్‌ దృష్టికి తీసుకెళ్లినట్లు తెలిపారు. ఇప్పటివరకు 8 షెటర్లను అమ్ముకోగా, మరో పది షెటర్లు అమ్మకానికి పెట్టారని వివరించారు. ఈ మేరకు పార్కింగ్‌ స్థలాన్ని కాపాడాలని కలెక్టర్‌ను కోరినట్లు చెప్పారు. కలెక్టర్‌ స్పందిస్తూ.. ఆక్రమణ దారులపై చట్టపరమైన చర్యలు తీసుకుంటామని హామీ ఇచ్చినట్లు ఆమె తెలిపారు.

దుద్యాల్‌: లగచర్ల ఘటన నేపథ్యంలో దుద్యాల మండల కేంద్రంలో తాత్కాలిక పోలీస్‌ స్టేషన్‌ ఏర్పాటుకు అధికారులు సన్నాహాలు చేస్తున్నారు. అందుకు గురువారం పల్లె దవాఖానను కడా ప్రత్యేక అధికారి వెంకట్‌రెడ్డి, తహసీల్దార్‌ కిషన్‌, పంచాయత్‌రాజ్‌ ఏఈ సురేందర్‌రెడ్డి రెడ్డి, ఎస్‌ఐ రహూఫ్‌లు పరిశీలించారు. అనంతరం కడా అధికారి మాట్లాడారు. దుద్యాల మండలాన్ని అన్ని రంగాల్లో అభివృద్ధి చేయడానికి ప్రభుత్వం కృషి చేస్తుందని తెలిపారు. అందుకు అవసరమైన నిధులను ముఖ్యమంత్రి రేవంత్‌రెడ్డి మంజూరు చేయనున్నారని వెల్లడించారు. అందులో భాగంగానే తొలుత తాత్కాలికంగా ఆస్పత్రిలో ఠాణా ఏర్పాటు చేయనున్నట్లు పేర్కొన్నారు. ఠాణాతో పాటు.. హకీంపేట్‌ జిల్లా పరిషత్‌ ఉన్నత పాఠశాల ఆవరణలో ఇంటిగ్రేటెడ్‌ పాఠశాల భవనాలు నిర్మించేందుకు స్థల పరిశీలన చేశామని చెప్పారు. ఇదిలా ఉండగా.. హకీంపేట్‌లో ఇది వరకే జూనియర్‌ కళాశాల మంజూరు అయిన విషయం తెలిసిందే. ఇంటిగ్రేటెడ్‌ పాఠశాల భవనాల్లోనే జూనియర్‌ కళాశాలను ఏర్పాటు చేసేందుకు సన్నాహాలు చేస్తున్నారు. కార్యక్రమంలో ఎంఈఓ విజయరామారావ్‌, ఉప తహసీల్దార్‌ వీరేశ్‌బాబు, రెవెన్యూ సిబ్బంది, కాంగ్రెస్‌ నాయకులు తదితరులు పాల్గొన్నారు. హకీంపేట్‌ జెడ్పీహెచ్‌ఎస్‌ ఆవరణలో ఇంటిగ్రేటెడ్‌ పాఠశాల కడా ప్రత్యేక అధికారి వెంకట్‌రెడ్డి

తాండూరు రూరల్‌: అసంపూర్తిగా ఉన్న బైపాస్‌ రోడ్డు పనులు త్వరగా పూర్తి చేస్తామని సబ్‌ కలెక్టర్‌ ఉమాశంకర్‌ ప్రసాద్‌ అన్నారు. గురువారం మండల పరిధి చెంగోల్‌ గ్రామ శివారులో బైపాస్‌ సర్వే పనులను ఆయన పరిశీలించి మాట్లాడారు. రోడ్డు నిర్మాణంలో భూములు కోల్పోయిన 17 మంది చెంగోల్‌, అంతారంతండా రైతులకు పరిహారం చెల్లించాల్సి ఉందని పేర్కొన్నారు. అయితే రికార్డుల్లో ఒకరి పొజిషన్‌లో మరొకరు ఉండటం వలన పరిహారం ఆలస్యమయిందని తెలిపారు. రైతులందరూ కూర్చుని మాట్లాడుకోవాలని సూచించారు. అందరూ ఒకే మాటమీద ఉంటే.. ప్రభుత్వం దృష్టికి తీసుకెళ్లి పరిహారం త్వరగా అందించేందుకు కృషి చేస్తానని చెప్పారు. తహసీల్దార్‌ తారాసింగ్‌, సర్వేయర్‌ మహేశ్‌, ఆర్‌ఐ గోపి, జూనియర్‌ అసిస్టెంట్‌ బాబు, నాయకులు రాముయాదవ్‌, సంపత్‌, కృష్ణయ్య, హన్మంత్‌, నాగేశం, రాజు ఉన్నారు. ఆందోళన వద్దు బైపాస్‌ రోడ్డు నిర్మాణంలో భూములు కోల్పోయిన రైతులు ఆందోళన చెందవద్దని మార్కెట్‌ కమిటీ చైర్మన్‌ పట్లోళ్ల బాల్‌రెడ్డి అన్నారు. ఎమ్మెల్యే మనోహర్‌రెడ్డి ఆదేశాల మేరకు ఆయన విడిగా.. చెంగోల్లో రోడ్డు సర్వేను రైతులతో కలిసి పరిశీలించారు. రైతులకు పరిహారం చెల్లిస్తాం సబ్‌ కలెక్టర్‌ ఉమాశంకర్‌ ప్రసాద్‌ చెంగోల్‌లో సర్వేపనుల పరిశీలన

ఇందిరమ్మ ఇళ్ల సర్వే పరిశీలించిన కలెక్టర్‌ నారాయణరెడ్డి కొత్తూరు: రాష్ట్ర ప్రభుత్వం ప్రతిష్టాత్మకంగా చేపడుతున్న ఇందిరమ్మ ఇళ్ల సర్వేను పకడ్బందీగా చేపట్టాలని కలెక్టర్‌ నారాయణరెడ్డి అధికారులను ఆదేశించారు. గురువారం మండల పరిధిలోని పెంజర్ల గ్రామంలో అధికారులు చేపడుతున్న సర్వేను కలెక్టర్‌ నారాయణరెడ్డి పరిశీలించారు. ఈ సందర్భంగా ఆయన అర్హుల ఎంపికలో అనుసరించాల్సిన విధి విధానాలను అధికారులకు, పంచాయతీ కార్యదర్శులకు వివరించారు. అనంతరం గ్రామంలోని జెడ్పీహెచ్‌ఎస్‌లో విద్యార్థులకు అందజేస్తున్న మధ్యాహ్న భోజనాన్ని పరిశీలించారు. ఈ సందర్భంగా పదోతరగతి విద్యార్థులకు సలహాలు ఇచ్చారు. ఇష్టపడి చదువుతేనే ఉన్నతంగా రాణిస్తారని చెప్పారు. వెనుకబడిన విద్యార్థులపై ప్రత్యేక శ్రద్ధ తీసుకోవాలని ఉపాధ్యాయులకు సూచించారు. అంగన్‌వాడీ కేంద్రం, ఆరోగ్య సబ్‌సెంటర్‌ను సందర్శించి చిన్నారులతో మాట్లాడారు. పెంజర్లలోని సబ్‌సెంటర్‌ పరిధిలో రికార్డులను పరిశీలించిన ఆయన ఎక్కువ అబార్షన్‌ కేసులు నమోదైనట్లు గుర్తించారు. వివరాలను సమర్పించాలని వైద్యాధికారులను ఆదేశించారు. ఈ పర్యటనలో కలెక్టర్‌ వెంట ఎంపీడీఓ అరుంధతి, తహసీల్దార్‌ రవీందర్‌రెడ్డి, ఎంపీఓ విజయలక్ష్మి, పలు శాఖల అధికారులు తదితరులు ఉన్నారు.

అనంతగిరి: మెనూ ప్రకారం విద్యార్థులకు భోజనం అందించాలని కలెక్టర్‌ ప్రతీక్‌ జైన్‌ వార్డెన్లను ఆదేశించారు. గురువారం ఆయన వికారాబాద్‌ పట్టణంలోని తెలంగాణ సోషల్‌ వెల్ఫేర్‌ బాలుర వసతి గృహం నంబర్‌ 1, 2లతో పాటు వెనుకబడిన తరగతుల బాలుర వసతి గృహాన్ని తనిఖీ చేశారు. పరిసరాలను పర్యవేక్షించారు. మెనూ, వంట గది, బియ్యం తదితర సామగ్రిని పరిశీలించారు. ప్రతి రోజు టిఫిన్‌, భోజనం ఎలా పెడుతున్నారని విద్యార్థులను అడిగి తెలుసుకున్నారు. అనంతరం కలెక్టర్‌ మాట్లాడారు. బాత్‌ రూంలు, మరుగుదొడ్లతో పాటు వసతిగృహాల పరిసరాలు పరిశుభ్రంగా ఉంచాలని చెప్పారు. విద్యార్థులపై ప్రత్యేక దృష్టి సారించాలని పేర్కొన్నారు. ఫ్యాన్లు, లైట్లు, మేజర్‌, మైనర్‌ రిపేర్‌ పనులు ఎంత వరకు పూర్తి చేశారని నిర్వాహకులను ప్రశ్నించారు. పనులు పూర్తయిన అనంతరం మరమ్మతుకు ముందు తర్వాత ఫొటోలు తీసి పంపించాలని ఆదేశించారు. బాగా చదువుకొని పదిలో అత్యధిక మార్కులతో ఉత్తీర్ణత సాధించాలని విద్యార్థులకు సూచించారు. షెడ్యూల్డ్‌ కులాల జిల్లా అభివృద్ధి అధికారి మల్లేశం, వార్డెన్లు రత్నం, రవీందర్‌, సుక్రవర్ధన్‌ రెడ్డి ఉన్నారు. పరిసరాలను పరిశుభ్రంగా ఉంచాలి కలెక్టర్‌ ప్రతీక్‌ జైన్‌ వసతిగృహాల తనిఖీ

బషీరాబాద్‌: జిల్లాలో ఎత్తిపోతల పథకం ఉత్తిగానే మిగిలిపోయింది. కాగ్నా పరివాహక గ్రామాల రైతులకు సాగు నీరు అందించాలన్న సంకల్పంతో కాగ్నాపై ఐదు దశాబ్దాల క్రితం నాటి ప్రభుత్వం నాలుగు ఎత్తిపోతల పథకాలను నిర్మించింది. ఇరిగేషన్‌ డెవలప్‌మెంట్‌ కార్పొరేషన్‌ వీటి నిర్వహణ బాధ్యతలు పర్యవేక్షించేది. ప్రారంభంలో 2 వేల ఎకరాలకు పైగా సాగునీరు పారడంతో పరిసర ప్రాంతాలు పచ్చని పంట పొలాలతో కళకళలాడేవి. ఆయకట్టు రైతులు వరి, వేరుశనగ, ఇతర ఆరుతడి పంటలు వేసేవారు. కానీ ప్రస్తుతం లిఫ్టులు మూతపడటంతో సాగునీరందక పొలాలు బీళ్లుగా మారిపోయాయి. సాగుకు స్వస్తి చెప్పిన ఆయకట్టు రైతులు కూలీ పనులకు వెళ్తున్నారు. ప్రభుత్వాల నిర్లక్ష్యం ఎత్తిపోతల పథకాలకు సాగు నీటి సంఘాలు ఉండేవి. అయితే వీటిపై ప్రభుత్వాల నిర్లక్ష్యం వలన నిర్వహణ వ్యయం భారమై ఐడీసీ చేతులెత్తేసింది.దీంతో జిల్లాలోని జీవన్గీ, ఇందర్‌చెడ్‌, దోర్నాల్‌ లిఫ్ట్‌ ఇరిగేషన్‌ పథకాలు మూతపడగా, నావంద్గీ ఆదరణకు నోచుకోలేదు. దీని కారణంగా ఏటా సుమారు 6.3 టీఎంసీల వరద నీరు దిగువనున్న కర్ణాటకకు తరలిపోతోంది. వెరసి నాలుగు లిఫ్టుల కింద ఉన్న 2వేల ఎకరాల ఆయకట్టు భూములు నేడు బీళ్లుగా దర్శనమిస్తున్నాయి. విద్యుత్‌ బకాయి రూ.5 లక్షలు నాలుగు లిఫ్ట్‌ ఇరిగేషన్‌ పథకాల నిర్వహణకు వినియోగించిన కరెంటు బిల్లుల బకాయిలు సుమారు రూ.5లక్షల వరకు పేరుకుపోయిందని ట్రాన్స్‌కో అధికారులు చెబుతున్నారు. బిల్లులు కట్టాలని ఐదేళ్లుగా ట్రాన్స్‌ కో అధికారులు ఐడీసీకి చెప్పినా చెల్లించలేదని, సరఫరాను నిలిపివేశారు.బీఆర్‌ఎస్‌ ప్రభుత్వం వేసిన శిలాఫలకం పునరుద్ధరణకు రూ.1.30కోట్లు బషీరాబాద్‌ మండల కేంద్రం పక్కనే ఉన్న నావంద్గీ లిఫ్ట్‌ 2012 వరకు 550 ఎకరాల వరకు సాగునీరు అందించేంది. తెలంగాణ ప్రభుత్వం వచ్చాక పునరుద్ధరణ కోసం నాటి బీఆర్‌ఎస్‌ ప్రభుత్వం రూ.1.30కోట్ల నిధులు మంజూరు చేసింది. అప్పటి మంత్రి హరీశ్‌రావు, మాజీ మంత్రి, ప్రస్తుత చీఫ్‌విప్‌ మహేందర్‌రెడ్డి 2017 మే 7న శిలాఫలకం వేశారు. పైప్‌లైన్‌ కోసం అందులో నుంచి రూ.8లక్షలు నిధులతోపంపునుంచి కాలువల వరకు పైప్‌లైన్‌ను కొత్తగా తవ్వారు. కానీ అది కూడా మూతపడింది. దీంతో ఆయకట్టు రైతులు కొందరుబోర్లువేసుకొని సాగు చేసుకుంటుండగా..మరి కొందరు బీళ్లుగానే వదిలిపెట్టారు. కాగా.. జీవన్గీ వద్ద కాగ్నాలో రైతులు మోటార్లు బిగించి ఆరుతడి పంటలు వేస్తున్నారు. దిగువన కర్ణాటక ప్రభుత్వం చెక్‌డ్యాం నిర్మించడంతో బ్యాక్‌ వాటర్‌ ద్వారా పంటలు పండిస్తున్నట్లు కర్షకులు చెబుతున్నారు. ఒక వేల 4 లిఫ్టులతో పాటు మరికొన్ని లిఫ్టులు నిర్మిస్తే.. 6.3టీఎంసీల నీటిని 40వేల ఎకరాలకు సాగునీటితో పాటు, తాగడానికి వాడుకునే అవకాశంఉండేదని అధికారిక లెక్కలు చెబుతున్నాయి.ఎత్తిపోతల కింద ఆయకట్టు ఇలా.. ఎత్తిపోతల పేరు ఆయకట్టు (ఎకరాల్లో..) నావంద్గీ 550 ఇందర్‌చెడ్‌ 600 జీవన్గీ 600 దోర్నాల్‌ 250 మొత్తం 2,000 వ్యయం వృథా అని మూత చిన్న, మధ్య, భారీ సాగునీటి ప్రాజెక్టులను బీఆర్‌ఎస్‌ ప్రభుత్వం 2021లో ఒకే గొడుగు కిందకు తెచ్చింది. ఇందులో భాగంగా లిఫ్ట్‌ ఇరిగేషన్‌ ఐడీసీ(ఇరిగేషన్‌ డెవలప్‌మెంట్‌ కార్పొరేషన్‌) నుంచి సాగునీటి శాఖకు బాధ్యతలు అప్పగించింది. దీంతో ఆ శాఖ అధికారులు ఎత్తిపోతలపై దృష్టి సారించారు. లిఫ్టులు ఎందుకు మూతపడ్డాయి, కరెంటు బిల్లుల బకాయి, ఆయకట్టు భూముల వివరాల లెక్కలు తీశారు. ఇందులో దోర్నాల, జీవన్గీ, ఇందర్‌చెడ్‌ పునరుద్ధరణ చేయడం మూడు రెట్లు ఖర్చుతో కూడుకున్నదని, తద్వారా రైతులకు మేలు జరగదని అధికారులు పేర్కొంటున్నారు. దీంతో మూడు ఎత్తిపోతల పథకాలు శాశ్వతంగా మూతపడనున్నాయి. 1974లో కాగ్నా నదిపై 4 లిఫ్టుల నిర్మాణం 2 వేల ఎకరాలకు సాగు నీరు అందించే సామర్థ్యం మూతపడిన మూడు ఎత్తిపోతలు నావంద్గీని మాత్రమే పునరుద్ధరించే అవకాశం దీన్నికూడా పట్టించుకోని పాలకులు, ఇరిగేషన్‌ అధికారులు పూడుకున్న కాలువలు కాగ్నా నుంచి మొదటి 20 ఏళ్లపాటు ఎత్తిపోతలు బ్రహ్మాండంగా సాగినా.. తరువాత ప్రభుత్వాలు పట్టించుకోలేదు. దీంతో కాలువలు, మోటార్లు మరమ్మతులకు గురయ్యాయి. కరెంటు బిల్లుకు మొదటి నుంచి రెండు దశాబ్దాల వరకు ప్రభుత్వాలు నిధులు కేటాయించాయి. దీంతో పాటు ఆయకట్టు రైతుల నీటి పన్నుల ద్వారా కొనసాగుతూ వచ్చింది. అయితే దోర్నాల్‌, జీవన్గీ, ఇందర్‌చెడ్‌ లిఫ్ట్‌ ఇరిగేషన్లు నిర్వహణ భారంతో 20 ఏళ్లుగా మూత పడిపోయాయి. మోటార్లు కాలిపోయాయి. కాలువలు, నదిలో తీసిన బావులు పూడుకు పోయాయి. పునరుద్ధరించాలి జీవన్గీ ఎత్తిపోతల పథకం 20 ఏళ్లుగా మూతపడింది. పాలకులు పట్టించుకోవడం లేదు. దీని కింద నాకు 1.24 ఎకరాల సాగు భూమి ఉంది. లిఫ్టు మూతపడటంతో వాగులో మోటారు పెట్టి, పైప్‌ల ద్వారా పంటలు పండిస్తున్నా. ఎత్తిపోథల పథకం పునఃప్రారంభించి సాగునీరు ఇవ్వాలి. లేని పక్షంలో సోలర్‌ పంపుసెట్లు ఇస్తే ఆరుతడి పంటలు వేస్తాం. – బసప్ప, రైతు, జీవన్గీ నావంద్గీ పునరుద్ధరణకు వీలు జిల్లాలోని నాలుగు లిఫ్ట్‌ ఇరిగేషన్లు ప్రస్తుతం పనిచేయడం లేదు. వీటిని ఇరిగేషన్‌కు అప్పగించిన తరువాత పరిశీలిస్తే నిర్వహణకు భారీగా ఖర్చవుతుందని పేర్కొంది. ఇప్పటికే అన్నింటికీ విద్యుత్‌ సరఫరా నిలిచిపోయింది. మూడు పూర్తిగా శిథిలావస్థకు చేరుకున్నాయి. పరిస్థితులను ప్రభుత్వానికి నివేదించాం. నావంద్గీని పునరుద్ధరణ చేయాలని నివేదించాం. ఈ లిఫ్టు పనులు పూర్తయితే పూర్తిస్థాయిలో సాగునీరు అందించవచ్చు. ప్రస్తుతం జుంటుపల్లి ప్రాజెక్టు పునరుద్ధరణకు రూ.10 కోట్లతో నివేదిక తయారు చేశాం. – కిష్టయ్య, డీఈఈ ఐదు దశాబ్దాల క్రితం.. జిల్లాలోని అనంతగిరుల్లో పుట్టిన కాగ్నా నది ధారూరు, పెద్దేముల్‌, యాలాల, తాండూరు, బషీరాబాద్‌ మండలాల మీదుగా ప్రవహిస్తూ ఇందర్‌చెడ్‌ దగ్గర దిగువనున్న కర్ణాటకలో కలుస్తుంది. వర్షాకాలంలో ఎగువన కురిసే భారీ వర్షాలకు నావంద్గీ, ఇందర్‌చెడ్‌ మధ్యన 6.3 టీఎంసీల భారీ వరద నీరు దిగువనున్న కర్ణాటక మీదుగా కృష్ణానది ఉపనది బీమాలో కలుస్తుంది. కాగ్నా నీటిని వ్యవసాయానికి వాడుకోవడానికి 5 దశాబ్దాల క్రితం 1974లో నాటి కాంగ్రెస్‌ ప్రభుత్వం బషీరాబాద్‌ మండలంలో జీవన్గీ, నావంద్గీ, ఇందర్‌చెడ్‌, ధారూరు మండలం ధోర్నాల్‌ దగ్గర నాలుగు ప్రధాన లిఫ్టులను నిర్మించింది. వీటా ద్వారా పరివాహక పరిధి బీడు భూములకు సాగునీరుతో పాటు తాగునీరు ఇవ్వాలని సంకల్పించి ప్రారంభించింది.

● తోటి ఉద్యోగుల దాతృత్వం ● ఎకై ్సజ్‌ కానిస్టేబుల్‌ వైద్యానికి రూ.8 లక్షలు సాయం ● ఒకరోజు వేతనం అందజేత అనంతగిరి: ఎకై ్సజ్‌ శాఖలో పనిచేస్తున్న ఓ కానిస్టేబుల్‌కు యాక్సిడెంట్‌ కావడంతో రూ.8.02 లక్షలు ఇచ్చి తమ మానవత్వాన్ని చాటుకున్నారు ఉమ్మడి రంగారెడ్డి డివిజన్‌ ఆ శాఖ అధికారులు, సిబ్బంది. వికారాబాద్‌ ఎకై ్సజ్‌ పీఎస్‌లో విధులు నిర్వహిస్తున్న సురేందర్‌.. గత నెలలో వికారాబాద్‌ పట్టణంలో రోడ్డు ప్రమాదానికి గురయ్యాడు. ఈ ఘటనలో కాలికి తీవ్ర గాయాలయ్యాయి. మొకీలు చిప్ప మార్పిడి అనివార్యం అయింది. ఇందుకు వైద్య ఖర్చులకు రూ.లక్షలు వెచ్చించాల్సి ఉంది. కానిస్టేబుల్‌ది నిరుపేద కుటుంబం కావడంతో.. శాఖ అధికారులు, సిబ్బంది మేమున్నామంటూ ముందుకు వచ్చారు. వైద్య ఖర్చుల నిమిత్తం ఒకరోజు వేతనం చెక్కును గురువారం నగరంలోని ఆబ్కారీ భవన్‌లో కమిషనర్‌ చేవూరి హరికిరణ్‌, రంగారెడ్డి డిప్యూటీ కమిషనర్‌ దశరథ్‌ చేతుల మీదుగా సురేందర్‌ తల్లిదండ్రులకు అందజేశారు. వికారాబాద్‌, శంషాబాద్‌, మల్కాజ్‌గిరి, సరూర్‌నగర్‌ డీపీఈఓలు, ఇతర అధికారులు తదితరులు పాల్గొన్నారు. ఇదిలా ఉండగా.. కష్టాల్లో ఉన్న తోటి ఉద్యోగికి మేమున్నామంటూ అండగా నిలిచినవారికి ఎకై ్సజ్‌ సీఐ రాఘవీణ, ఎస్‌ఐలు శ్రీనివాస్‌, వీరాంజనేయులు ధన్యవాదాలు తెలిపారు.