రోజూ గంటల తరబడి డెస్క్‌ జాబ్‌ చేసేవారికి నడుం నొప్పి, పోట్ట దగ్గర కొవ్వు పేరుకు పోవడం వంటి సమస్యలు తలెత్తుతుంటాయి. వీటి నుంచి విముక్తికి ఈ వక్రాసనం ఎంతగానో ఉపయోగపడుతుంది. ఈ ఆసనాన్ని ట్విస్టెడ్‌ పోజ్‌ అని కూడా అంటారు. పది నిమిషాలు స్ట్రెచింగ్‌ వ్యాయామాలు చేసిన తర్వాత యోగాసనాలను సాధన చేయాలి.వెన్నెముక బలంగా అవడానికి, మెడ నరాల పనితీరు మెరుగుదలకూ సహాయపడుతుంది. డయాబెటిస్‌ అదుపులో ఉంటుంది. శ్వాస సమస్యలు తగ్గుతాయి, జీర్ణవ్యవస్థ పనితీరు మెరుగు పడుతుంది. రోజూ ఈ ఆసనాన్ని సాధన చేయడం వల్ల పోట్ట దగ్గరి కొవ్వు కరుగుతుంది. నిటారుగా.. నిదానంగా! విశ్రాంతిగా కూర్చొని ఒక కాలును పోట్ట దగ్గర నుంచి రెండవ కాలు మీదుగా తీసుకెళ్లి ఉంచాలి. చేతులను వ్యతిరేక దశలో ఉంచడంతో నడుము భాగం ట్విస్ట్‌ అవుతుంది. ఎడమచేతితో కుడికాలి పాదాన్ని పట్టుకోవాలి. వెన్నెముకను నిటారుగా ఉంచి, తలను భుజం మీదుగా సాధ్యమైనంత వెనుకకు తిప్పి, దాదాపు ఒక నిముషం పాటు ఆసనంలో ఉండాలి. అనంతరం ఇదే విధంగా ఎడమ కాలితో కూడా చేసుకోవాలి. తర్వాత దీర్ఘంగా శ్వాస తీసుకుంటూ ఎడమ చేత్తో కుడి మోకాలిని పోట్టవైపు నెడుతూ ఎడమ మోకాలిని పట్టుకోవాలి. ఈ ఆసనంలో ఉన్నప్పుడు ఐదు దీర్ఘశ్వాసలు తీసుకోవడం, వదలడం చేయాలి. – జి.అనూషా కార్తీక్, యోగా గురు

డాక్టర్లు చెప్పిన మందులు చెప్పినట్లు వేసుకునేవారు మనదేశంలో తక్కువే ఉంటారు. అమెరికాలో కూడా ఇంతే. కొలెస్ట్రాల్‌ ఎక్కువగా ఉన్న వృద్ధుల్లో దాదాపు 40 శాతం మంది వైద్యులు సూచించిన మందులు వేసుకోరని ‘పాప్యులేషన్‌ మెడిసిన్‌’ జర్నల్‌ అధ్యయనం ఒకటి స్పష్టం చేసింది. ‘లో డెన్సిటీ లిపో ప్రోటీన్‌’ క్లుప్తంగా ఎల్‌డీఎల్‌ అని పిలిచే ఈ రకమైన కొవ్వు గుండె ఆరోగ్యానికి చాలా కీలకం. మందులు సక్రమంగా వేసుకోకపోతే ఈ రకమైన కొవ్వులు ఎక్కువవుతాయి. ఫలితంగా రక్తనాళాల్లో గార పేరుకుపోవడం కూడా పెరిగి పోతుంది. ఇది కాస్తా గుండెజబ్బు లేదా గుండెపోటు వచ్చే ప్రమాదాన్ని ఎక్కువ చేస్తుంది. సకాలంలో చికిత్స చేయకపోతే సమస్య మరింత జటిలమవుతుంది. మందులు సక్రమంగా వేసుకోకపోయేందుకు కారణాలు చాలానే ఉన్నాయి. వ్యాధి లక్షణాలు కనిపించకపోవడం ఒకటైతే.. ‘‘ఆ..ఏమవుతుంది లే’’ అన్న నిర్లక్ష్యం రెండోది. మందులేసుకుంటే సైడ్‌ ఎఫెక్ట్స్ ఉంటాయన్న ఆందోళన మూడోది. కానీ... ఎల్‌డీఎల్‌ మోతాదులు ఆరోగ్యకరంగా ఉండాలంటే దీర్ఘకాలిక విధానం ఒకటి అవసరమవుతుంది. మందులు నిలిపివేయడం వల్ల కొలెస్ట్రాల్‌ మళ్లీ పెరిగిపోతుంది. కాబట్టి లక్షణాలు ఉన్నా లేకపోయినా వైద్యులు సూచించినట్లుగా మందులు వేసుకోవడం అవసరం.ఎల్‌డీఎల్‌ మోతాదులను నియంత్రించుకోవాల్సిన అవసరం గురించి హైదరాబాద్‌లోని కేర్‌ హాస్పిటల్‌ క్యాథ్‌ ల్యాబ్‌ సీనియర్‌ కన్సలెట్టంట్‌, కార్డియాలజిస్ట్‌ డాక్టర్‌ పీఎల్‌ఎన్‌ కపర్థి మాట్లాడుతూ "LDLC, లేదా "చెడు" కొలెస్ట్రాల్ నియంత్రణ జీవితాంతం కొనసాగాల్సిన ప్రయత్నం. చాలామంది మేము సురక్షితంగానే ఉన్నామని అనుకుంటారు కానీ.. అలా భావించి మందులు అశ్రద్ధ చేయడం వల్ల గుండెపోటుకు గురైన వారూ ఉన్నారు. కొలెస్ట్రాల్ నియంత్రణ అనేది రక్తనాళాల్లోపలి ఆరోగ్యంపై ఆధారపడి ఉంటుంది. లక్షణాలు కనిపించవు కానీ నెమ్మదిగా తీవ్రమవుతుంది. అందుకే తరచుగా డాక్టర్‌ చెకప్‌లు చేయించుకోవడం అవసరం. దీనివల్ల ఏదైనా మార్పులు ఉంటే ముందుగానే గుర్తించి తగు చర్యలు తీసుకునే అవకాశం ఏర్పడుతుంది. అలాగే వైద్యులు చెప్పినట్లు మందులు కచ్చితంగా సమయానికి తీసుకోవాలి.”హెల్తియన్స్‌ అనే సంస్థ ఇటీవల నిర్వహించిన ఒక పోల్‌ ‍ప్రకారం భారతదేశంలో 31 శాతం మంది అధిక కొలెస్ట్రాల్‌ కలిగి ఉన్నారు. హైదరాబాదు జనాభాలో ఈ మోతాదు 27.4% కావడం గమనార్హం. ఇది అథెరోస్కెలరోటిక్‌ కార్డియో వాస్కులర్ డిసీజ్ (ASCVD) పెరుగుదలను సూచిస్తుంది. ఎల్‌డీఎల్‌ కొలెస్ట్రాల్‌ ఎక్కువైనప్పుడు లక్షణాలేవీ కనిపించవని ముందుగానే చెప్పుకున్నాం. అందుకే దీన్ని నిశ్శబ్ధ కిల్లర్‌ అని పిలుస్తూంటారు. ఎల్‌డీఎల్‌ కొలెస్ట్రాల్‌ స్థాయి పెరిగితే ధమనులకు హాని జరుగుతుంది. క్రమంగా మూసుకుపోతాయి. పరిస్థితి తీవ్రమయ్యే వరకూ ఎవరూ గుర్తించలేరు. ఒకసారి మందులు తీసుకోవడం ఆపివేసినా సూచించిన విధంగా తీసుకోకపోయినా ఎల్‌డీఎల్‌ స్థాయులు మళ్లీ పెరగవచ్చు.కార్డియోలాజికల్ సొసైటీ ఆఫ్ ఇండియా మార్గదర్శకాల ప్రకారం, ఎల్‌డీఎల్‌ కొలెస్ట్రాల్‌ను నియంత్రణలో ఉంచుకోవడానికి జీవనశైలి మార్పులు, సూచించిన మందులు సక్రమంగా తీసుకోవడం అవసరం. ఆరోగ్యకరమైన ఆహారం, క్రమం తప్పకుండా వ్యాయామం చేయడం ముఖ్యం.

శరీరంలో కాలేయం ఉత్పత్తి చేసే ఒకలాంటి కొవ్వుని కొలెస్ట్రాల్‌ అంటారు. మన శరీర ప్రతికణంలో కొలెస్ట్రాల్‌ ఉంటుంది. కొలెస్ట్రాల్‌ అనగానే అదేదో ఆరోగ్యానికి చాలా హానికరమనీ, చెడు చేస్తుందనే అభి్రపాయం పెరిగింది. కానీ జీవక్రియలకు పరిమిత మోతాదులో కొలెస్ట్రాల్‌ చాలా అవసరమే కాకుండా ఉండాల్సిన మోతాదులో ఉంటే మంచి చేస్తుంది కూడా.ఏ కొలెస్ట్రాల్‌తో డేంజర్‌?కొలెస్ట్రాల్‌లో మంచి, చెడు రెండూ ఉంటాయి. చెడు కొలెస్ట్రాల్‌ పాళ్లు ఉండాల్సిన పరిమితిలో ఉండి, శరీరానికి అవసరమైన మంచి కొలెస్ట్రాల్‌ కూడా ఉండాల్సిన పాళ్లలో ఉండాలి. మంచి కొలెస్ట్రాల్‌ను ‘హై డెన్సిటీ లైపో్రపోటీన్‌’ (హెచ్‌డీఎల్‌) అంటారు. చెడు కొలెస్ట్రాల్‌ను ‘లో డెన్సిటీ లైపో్రపోటీన్‌’ (ఎల్‌డిఎల్‌) అంటారు. అందుకే ఎల్‌డీఎల్‌ను ‘‘చెడు కొలెస్ట్రాల్‌’’ (బ్యాడ్‌ కొలెస్ట్రాల్‌) అంటారు. అదే హెచ్‌డీఎల్‌ రక్తనాళాల్లోకి కొవ్వు చేరకుండా చేస్తుంది. అందుకే దీన్ని ‘‘వుంచి కొలెస్ట్రాల్‌’’ (గుడ్‌ కొలెస్ట్రాల్‌) అని అంటారు. మన శరీరంలో ఎప్పుడు హెచ్‌డీఎల్‌ ఎక్కువగా ఉండి ఎల్‌డీఎల్‌ తక్కువగా ఉండేలా మంచిది. ఈ ఎల్‌డీఎల్‌ ఉండాల్సిన మోతాదు కంటే మించితే అది రక్తనాళాల్లో చేరి రక్తప్రవాహాన్ని అడ్డుకుని గుండెపోటు, బ్రెయిన్‌స్ట్రోక్‌కు దారితీసే అవకాశం ఉంది. అందుకే చెడు కొలెస్ట్రాల్‌ను ఉండాల్సిన పరిమితికి మించకుండా చూసుకోవాలని జాగ్రత్త చెబుతారు.మోతాదు కనుగొనడం ఎలా? వున శరీరంలో కొలెస్ట్రాల్‌ మోతాదులను రక్త పరీక్ష ద్వారా కనుక్కోవచ్చు. పన్నెండు గంటలపాటు ఏమీ తినకుండా ఈ టెస్ట్‌ చేయించుకోవాలి. ఈ పరీక్షలో ఎల్‌డీఎల్‌ (లో డెన్సిటీ లైపో్ర ప్రోటీన్‌ లెవల్‌), హెచ్‌డీఎల్‌ (హై డెన్సిటీ లైపో ప్రోటీ లెవెల్‌) తెలుస్తాయి. ఎల్‌డీఎల్‌ ఎక్కువగా ఉంటే ధమనుల్లో కొవ్వు చేరి హార్ట్‌ ఎటాక్‌ వచ్చే ప్రమాదం ఉంది.మంచి కొలెస్ట్రాల్‌ కోసం... కొలెస్ట్రాల్‌ ఉండే గుడ్డు వంటి ఆహార పదార్థాలు తీసుకుంటూ ఉండాలి. అయితే వాటిని పరిమితంగా తీసుకోవాలి. అందరికీ అందుబాటులో ఉండే గుడ్డులోని తెల్లసొనలో మంచి కొలెస్ట్రాల్‌ ఉంటుంది. పచ్చ సొనలో చెడు కొలెస్ట్రాల్‌ ఉంటుంది. సరైన వ్యాయామం లేకపోవడం, ఫ్యామిలీ హిస్టరీ, కొవ్వు పదార్థాలు ఎక్కువ తినడం వల్ల చెడు కొలెస్ట్రాల్‌ పెరిగే ప్రమాదం ఉంది. అందుకే గతంలో ఎలాంటి లక్షణాలూ లేనివారు కూడా 40 ఏళ్లు పైబడ్డాక ప్రతి ఐదేళ్లకోవూరు పరీక్ష చేయించుకోవాలి. అదే రిస్క్‌ఫ్యాక్టర్స్‌ ఉన్నవారైతే డాక్టర్‌ సలహా మేరకు ప్రతి ఏడాదీ, లేదా డాక్టర్‌ సూచించిన ప్రకారం కొలెస్ట్రాల్‌ పరీక్షలు చేయించుకోవాలి.

ఇప్పటివరకూ రక్తంలో కొలెస్ట్రాల్విలువలు తెలుసుకోడానికి రాత్రి భోజనం తర్వాత కనీసం 12 గంటలపాటు ఆగాక..ఉదయమే ఏదీ తినకుండా పరగడుపున ఈ పరీక్ష చేయించాల్సి వచ్చేది. ఇకపై అలాంటి ఆంక్షలేమీ ఉండవని కార్డియాలాజికల్‌ సొసైటీ ఆఫ్‌ ఇండియా (సీఎస్‌ఐ) పేర్కొంది. ‘లిపిడ్‌ ప్రొఫైల్‌’పరీక్ష ఇకపై పరగడుపున చేయించాల్సిన అవసరం లేదని సీఎస్‌ఐ తెలిపింది. రక్తంలో ఈ విలువలు నార్మల్‌గా లేకపోవడాన్ని ‘డిస్‌లిపిడేమియా’అని పేర్కొంటారు. ఇలా లేకపోవడం వల్ల గుండెజబ్బులు వచ్చే అవకాశముంటుంది. ఈ మేరకు సీఎస్‌ఐ తొలిసారిగా ‘డిస్‌లిపిడేమియా’కు కొన్ని మార్గదర్శకాలు విడుదల చేసింది. నిజానికి ఇప్పటివరకూ మన దేశంతోపాటు ప్రపంచంలోని చాలా దేశాల్లో యూరోపియన్‌ సొసైటీ ఆఫ్‌ కార్డియాలజీ నిర్దేశించిన మార్గదర్శకాలనే అనుసరిస్తున్నాయి. అయితే కార్డియాలజీ సొసైటీ ఆఫ్‌ ఇండియా ఆధ్వర్యంలో 22 మంది సభ్యులతో ఒక కమిటీ ఏర్పడింది. ఇటీవలే అది డిస్‌లిపిడేమియా మార్గదర్శకాలనూ, మంచి, చెడు కొలె్రస్టాల్‌ల నార్మల్‌ తాలూకు కొత్త విలువలను వెల్లడించింది. ఈ సందర్భంగా కార్డియాలజీ సొసైటీ ఆనరరీ జనరల్‌ సెక్రటరీ డాక్టర్‌ ధూర్జటి ప్రసాద్‌ సిన్హా మాట్లాడుతూ ఇకపై పరగడుపున మాత్రమే లిపిడ్‌ ప్రొఫైల్‌ అక్కర్లేదనే సూచన తొలగిపోవడం అందరికీ మంచి సౌలభ్యం కలిగించే అంశమన్నారు. దీంతో అనేకమంది ఎప్పుడంటే అప్పుడు ఈ పరీక్ష చేయించుకునే సౌకర్యం కలిగిందని చెప్పారు. ఈ మార్గదర్శకాల ప్రకారం..» లిపిడ్‌ ప్రొఫైల్‌ పరీక్ష వీలైనంత త్వరగా (18 ఏళు దాటేనాటికే) చేయించుకోవాలి. అయితే కుటుంబంలో గుండెజబ్బులు, రక్తంలో కొలె్రస్టాల్‌ మోతాదులు ఎక్కువగా ఉన్న కుటుంబాల్లోని వారు (అంటే ఫెమీలియల్‌ హైపర్‌ కొలెస్టెరాలేమియా హైరిస్క్‌ పేషెంట్స్‌) అంతకంటే ముందే ఈ పరీక్ష చేయించుకోవచ్చు. » ముప్పు ఎక్కువగా (హైరిస్‌్క) ఉన్నవారు మినహాయించి మిగతా అందరికీ చెడు కొలె్రస్టాల్‌ మోతాదుల (ఎల్‌డీఎల్‌–సీ) నార్మల్‌ విలువ 100 ఎంజీ/డీఎల్‌. » ముప్పు ఎక్కువగా ఉన్నవారు మినహాయించి మిగతా అందరికీ హెచ్‌డీఎల్‌ కాకుండా మిగతా అన్ని కొలెస్ట్రాల్‌ల మోతాదుల (నాన్‌–హెచ్‌డీఎల్‌–సీ) నార్మల్‌ విలువ 130 ఎంజీ/డీఎల్‌ కంటే తక్కువగా ఉండాలి. » డయాబెటిస్‌ / హైబీపీ వల్ల ముప్పు ఎక్కువగా (హైరిస్‌్క) ఉన్నవారిలో చెడు కొలెస్ట్రాల్‌ (ఎల్‌డీఎల్‌–సీ) విలువ 70 ఎంజీ/డీఎస్‌ కంటే తక్కువగా ఉండాలి. » ఈ నార్మల్‌ విలువల కంటే ఎక్కువగా ఉండటంతో పాటు ట్రైగ్లిజరైడ్స్‌ అనే కొవ్వులు ఎక్కువగా ఉన్నట్టయితే అది గుండెపోటు (హార్ట్‌ స్ట్రోక్‌) లేదా గుండెజబ్బులు (పెరిఫెరల్‌ హార్ట్‌ డిసీజ్‌)లకు దారితీయవచ్చని తెలుసుకోవాలి. ఈ ట్రైగ్లిజరైడ్స్‌ కొవ్వుల నార్మల్‌ విలువ 150 ఎంజీ/డీఎల్‌కు లోపున ఉండాలని గుర్తుంచుకోవాలి. » మరీ ఎక్కువ ముప్పు (వెరీ హై–రిస్‌్క) ఉన్న పేషెంట్స్‌... అంటే గుండెపోటు వచ్చి ఉన్నవారు, యాంజైనా అనే చాతీనొప్పి వచ్చినవారు, దీర్ఘకాలిక మూత్రపిండాల జబ్బు (సీకేడీ) ఉన్నవారిలో చెడు కొలె్రస్టాల్‌ (ఎల్‌డీఎల్‌) మోతాదులు 55 ఎంజీ/డీఎల్‌ కంటే తక్కువగానూ మంచి కొలెస్ట్రాల్‌ (హెచ్‌డీఎల్‌) కాకుండా మిగతాది (నాన్‌–హెచ్‌డీఎల్‌) కొలెస్ట్రాల్‌ మోతాదులు 85 ఎంజీ/డీఎల్‌ కంటే తక్కువగా ఉంటూ ఆరోగ్యకరమైన జీవనశైలిని అనుసరించాలి.– సాక్షి హెల్త్‌డెస్క్‌

ఆధునిక కాలంలో మనం అనుసరించే జీవనశైలి వల్ల, తినే ఆహారం వల్ల రకరకాల జబ్బులను కొని తెచ్చుకునే వారి సంఖ్య పెరిగిపోతోంది. ముఖ్యంగా గుండె జబ్బులతో బాధపడే వారి సంఖ్య అంతకంతకూ హెచ్చుతూనే ఉంది. హృదయ సంబంధ వ్యాధులకు ప్రధానంగా ఆహార పదార్థాలతోపాటు కొలెస్ట్రాల్‌ స్థాయులు ఎక్కువ ఉండటమూ ఒక కారణం. ఇంతకూ కొలెస్ట్రాల్‌ శరీరానికి అవసరమేనా? ఇది ఎంత ఉండాలి, ఎంతకంటే ఎక్కువ ఉంటే ప్రమాదం అనే విషయాల గురించి తెలుసుకుందాం.శరీరంలో కొవ్వు పెరగడంలో ఎల్‌డిఎల్‌ది ప్రధాన బాధ్యత. ఇప్పటికే గుండె జబ్బు ఉన్నవారిలో ఎల్‌డిఎల్‌ స్థాయి 70 మిల్లీ గ్రాము/డిఎల్‌ కంటే తక్కువ ఉండాలని తాజా పరిశోధనలు సూచిస్తున్నాయి.హెచ్‌డీఎల్‌ కొలెస్ట్రాల్‌ దీనినే మంచి కొలెస్ట్రాల్‌ అని అంటారు. హెచ్‌డిఎల్‌ రక్తనాళాల్లోని కొలెస్ట్రాల్‌ను తొలగించి, కాలేయానికి పంపిస్తుంది. ఇక్కడ కొలెస్ట్రాల్‌ విచ్ఛిన్నం అవుతుంది. హెచ్‌డిఎల్‌ స్థాయి తక్కువగా ఉందంటే, గుండె రక్తనాళాల వ్యాధి ప్రమాదం పెరుగుతున్నట్లు భావించాలి. గుండె΄ోటుకు బలమైన కారణం ఎల్‌డిఎల్‌ పెరగడం కన్నా హెచ్‌డిఎల్‌ తగ్గడమే. హెచ్‌డిఎల్‌ పురుషుల్లో 40 ఎంజి/ డిఎల్, మహిళల్లో 50 ఎంజి/డిఎల్‌ ఉండేలా జాగ్రత్త తీసుకోవాలి. అల్లం వెల్లుల్లి మిశ్రమాన్ని ప్రతిరోజు వంటల్లో ఉపయోగించడం వల్ల కొలెస్ట్రాల్‌ సమస్యను తగ్గించుకోవచ్చు. అలాగే గ్రీన్‌ టీ రోజు తాగడం వల్ల కూడా చెడ్డ కొలెస్ట్రాల్‌ను తగ్గించడంతో΄ాటు హెచ్‌డీఎల్‌ స్ధాయిని కూడా పెంచుకునే వీలుంది.ఇక ధనియాలు.. ఈ గింజల్లో ఫోలిక్‌ యాసిడ్, విటమిన్‌ ఏ, బీటా కెరోటిన్, విటమిన్‌ సి వంటివి ఉండటం వల్ల కొలెస్ట్రాల్‌ ప్రభావం తగ్గుతుంది. వీటిని రోజు నేరుగా తినడం అలవాటు చేసుకుంటే మంచిది. మెంతులు కూడా కొలెస్ట్రాల్‌ను తగ్గించడంలో కీలక పాత్ర పోషిస్తాయి. వీటిని నేరుగా తినలేము. ఎందుకంటే ఇవి రుచికి చిరు చేదుగా అనిపిస్తాయి. అందువల్ల నానబెట్టుకుని తింటే మంచిది. ఇక చివరిగా ఉసిరి. ఇది కొలెస్ట్రాల్‌ సమస్యకు చక్కని పరిష్కారంగా నిపుణులు సూచిస్తున్నారు. అయితే ఏదైనా సమస్య రాకముందే ఇలాంటివి అలవాటు చేసుకుంటే మంచిదని.. చక్కని ఆరోగ్యాన్ని పోందవచ్చని కూడా చెబుతున్నారు.మాంసాహారం పూర్తిగా మానేయాలి. శాకాహారంలో వేపుడు కూరలు తినరాదు. వీటి బదులు ఫైబర్‌ ఎక్కువగా ఉన్న ఆహారం తీసుకోవడం మంచిది. అలాగే కొబ్బరి, వేరుశనగలు, నువ్వులు వంటివి తీసుకోవడం వల్ల వీటిలో ఫైబర్‌తోపాటు ఆరోగ్యకరమైన కొవ్వు ఉంటుంది. ఇది మన శరీర నిర్మాణానికి అవసరం.చెడు కొలెస్ట్రాల్‌ ఉంటే..?శరీరంలో కొలెస్ట్రాల్‌ ఎక్కువైతే ఎన్నో అనారోగ్య సమస్యలు వస్తాయి. రక్తపోటు, ఊబకాయం, గుండె పోటు, నడుము నొప్పులు, కీళ్ల నొప్పులు, వెన్ను నొప్పులు, కిడ్నీ, మెదడుకు సంబంధించిన సమస్యలు ఎక్కువవుతాయి. మరి మన శరీరంలోని చెడు కొలెస్ట్రాల్‌ను తగ్గించడానికి ఎలాంటి ఆహారం తీసుకోవాలి?అన్ని విషయాల్లో మంచి, చెడూ ఉన్నట్లే.. కొవ్వుల్లోనూ మనకు మేలు చేసేవి, చెడు చేసేవి ఉన్నాయి. చెడు కొవ్వుల్ని ఎల్‌డీఎల్‌ అని, మంచి కొవ్వుల్ని హెచ్‌డీఎల్‌ అని పిలుస్తారు. మన రక్తంలో చెడు కొలెస్ట్రాల్‌ తక్కువగా/అదుపులో ఉండాలి. అప్పుడే ఆరోగ్యంగా ఉంటాం. మరి మన వంట్లో ఉన్న చెడు కొలెస్ట్రాల్‌ తగ్గడానికి ఏం తినాలి? ఎలాంటి జాగ్రత్తలు తీసుకోవాలో తెలుసుకుందామా?చెడు కొవ్వు తగ్గడానికి...ఉప్పు తగిన మోతాదులో తీసుకోవాలి ∙ఎల్‌డీఎల్‌ అనే చెడు కొవ్వులు.. డెసిలీటర్‌కు 70 మిల్లీ గ్రాములకు మించకూడదు మధుమేహం ఉన్నవాళ్లు చెడు కొలెస్ట్రాల్‌ను తగ్గించే ఔషధాలు తీసుకోవడం తప్పనిసరి. అ΄ోహలను పక్కనపెట్టి వైద్యుల సూచనలను తప్పక ΄ాటించాలి ∙మంచి కొలెస్ట్రాల్‌ . డెసిలీటర్‌కు 40 మిల్లీగ్రాములు ఉండేలా చూసుకోవాలి ∙ఎత్తుకు తగ్గ బరువు ఉండేలా చూసుకోవాలి. ఊబకాయం బారిన పడకుండా జాగ్రత్త పడాలి. క్రమం తప్పకుండా వ్యాయామం చేయాలి ∙తిండిని అదుపులో ఉంచుకోవాలి. వరి, గోధుమ బదులు తృణ ధాన్యాలు, సిరి ధాన్యాలు తింటే కూడా చెడు కొలెస్ట్రాల్‌ బాగా తగ్గుతుంది. అలాగే పళ్ళు, పచ్చి కూరలు తురుముకొని పెరుగులో వేసుకుని తినండి. కీర దోసకాయలు, కారట్, బీట్రూట్, దోసకాయలు, బూడిద గుమ్మడి, సొరకాయ వంటివి తురుముకొని లేదా మిక్సర్‌ లో వేసి పెరుగులో కలిపి తీసుకుంటే మంచిది.పాలకు బదులు పెరుగు, మజ్జిగ తీసుకోండి. పంచదార పూర్తిగా మానేసి తాటి బెల్లం, బెల్లం లేదా తేనె కొద్ది మోతాదులో తీసుకోండి.రోజూ ఉదయం మొలకలు, మధ్యాహ్నం భోజనం, సాయంత్రం సలాడ్, పండ్లు తీసుకోండి. ఇలా 30 రోజులు చేయండి. ఉదయం రెండు కిలోమీటర్ల నడక, ్ర΄ాణాయామం చేయాలి.

బార్లీ నీరు వల్ల చాలా ఆరోగ్య ప్రయోజనాలున్నాయి. ఫైబర్ ఎక్కువగా  ఉంటుంది. ఇది  కొలెస్ట్రాల్ తగ్గించడంలో సాయపడుతుంది. గట్ బాక్టీరియాను సమతుల్యం చేయడంలో సహాయపడుతుంది. మన ఆరోగ్యంలో గట్ బ్యాక్టీరియా ముఖ్యమైన పాత్ర పోషిస్తుంది. బార్లీ ఆధారిత ఆహారాన్ని తీసుకోవడం వల్ల బాక్టీరాయిడ్స్ అనే గట్ బ్యాక్టీరియా తగ్గుతుందని అధ్యయనాలు చెబుతున్నాయి. ⇒ రక్తపోటును  అదుపులో ఉంచుతాయి రక్తంలో చక్కెర స్థాయిలను అదుపులో  ఉంచి. టైప్ 2 డయాబెటిస్ ప్రమాదాన్ని తగ్గించడంలో సహాయపడుతుంది. మధుమేహం ఉన్నవారు తమ రక్తంలో గ్లూకోజ్ స్థాయిలను నియంత్రించేందుకు బార్లీ వాటర్‌  తాగవచ్చు. ⇒ ఎండల ప్రభావం పడకుండా ఉండాలన్న, వడదెబ్బ తగలకుండా ఉండాలన్న ఈ నీళ్లు తాగాల్సిందే ⇒  బార్లీ నీళ్లు తాగితే  జీర్ణాశయం కూడా చాలా శుభ్రపడుతుంది. అజీర్తి దూరమవుతుంది. ⇒  పిల్లలకు బార్లీ నీళ్లు తాగిస్తే మంచి ఫలితం ఉంటుంది. మలబద్దకం వంటి సమస్యలు దరి చేరవు. ⇒  గర్భిణులు రోజూ బార్లీనీళ్లు తాగితే మరీ మంచిది. కాళ్ల వాపు సమస్య వారి దరిచేరదు. రోజులో ఉదయం, సాయంత్రం బార్లీ నీళ్లు తాగితే బిడ్డ ఆరోగ్యం కూడా బాగుంటుంది. అలసట కూడా త్వరగా రాదు ⇒ బరువు తగ్గాలనుకునే వారికి కూడా బార్లీ నీళ్లు బాగా ఉపయోగపడతాయి. రక్తంలో కొలెస్ట్రాల్‌ శాతాన్ని తగ్గిస్తాయి. దీని ద్వారా గుండె సంబంధిత వ్యాధులు దూరంగా ఉంటాయి. ⇒ మహిళలను తరచూ బాధించే ప్రధాన సమస్య మూత్రనాళ ఇన్ఫెక్షన్‌. ఈ సమస్యను దూరం చేసుకోవాలంటే ఉదయాన రోజూ గ్లాసుడు బార్లీ నీళ్లు తాగితే మంచి ఫలితం ఉంటుంది. మూత్రంలో ఇన్ఫెక్షన్లు కలిగే కారకాలు, వ్యర్థాలు బయటికి పోతాయి. సూక్ష్మమైన రాళ్లు కూడా కరిగిపోతాయి.

మన శరీరంలో అవసరమైన కొలస్ట్రాల్‌ కంటే చెడు కొలస్ట్రాలే అధికంగా ఉంటుంది. దీని కారణంగానే అనారోగ్యం బారిన పడతాం. ముఖ్యంగా బీపీ, మధుమేహం వంటి దీర్ఘకాలిక వ్యాధులకు కారణం కూడా ఈ చెడు కొలస్ట్రాలే. అధిక బరవు సమస్యకు కూడా ఇది ఒక కారణమే. దీని గురించి ఇక బాధపడాల్సిన పని లేదంటున్నారు శాస్త్రవేత్తలు. ఒక డోసు ఈ సరికొత్త ఔషధం తీసుకుంటే ఏడాది వరకు నిశ్చింతగా ఉండొచ్చట. ఇంతకీ ఏంటా ఔషధం అంటే.. శాస్త్రవేత్తలు లెపోడిసిరాన్‌ అనే కొత్త ఔషధాన్ని కనుగొన్నారు. ఇది ఒక డోస్‌ ఇంజెక్షన్‌ రూపంలో తీసుకుంటే లిపోప్రోటీన్‌(ఏ) అనే చెడు కొలస్ట్రాల్‌ను దాదాపు ఒక ఏడాది పాటు గుర్తించలేనంతగా మాయం అయిపోతాయని చెబుతున్నారు. తద్వారా హృదయ సంబంధిత వ్యాధుల ప్రమాదాన్ని తగ్గించొచ్చని అన్నారు. లిపో ప్రోటీన్‌(ఏ) లేదా ఎల్‌పీ(ఏ) అనే చెడు కొలస్ట్రాల్‌ శరీరంలోని ఇతర భాగాలకు రక్తప్రవాహాన్ని సాఫీగా జరగనివ్వదు. అదీగాక ఈ అధిక ఎల్‌పీ(ఏ) స్థాయిలు వారసత్వంగా వస్తే మాత్రం.. వాటిని వ్యాయామం, ఆహారం లేదా మందుల ద్వారా కూడా ప్రభావింతం చేయలేం. అలాగే ఈ  అధిక ఎల్‌పీ(ఏ)కి ఇప్పటి వరకు ఎలాంటి చికిత్సలు లేవు. ఈ సమస్యలన్నింటికి చెక్‌పెట్టేలా తాము కనుగొన్న ఈ కొత్త ఔషధం క్లినికల్‌ ట్రయల్స్‌లో చక్కటి ఫలితాలనిచ్చిందని చెప్పారు. ప్రతి ఏడాది మూడు నుంచి ఆరు నెలలకొకసారి మాత్రమే తీసుకుంటే చాలు ఏడాది వరకు శరీరంలో ఎలాంటి చెడు కొలస్ట్రాల్‌ ఉండదు. పైగా అధిక రక్తపోటును కూడా తగ్గిస్తుందని చెబుతున్నారు పరిశోధకులు. ఈ కొలస్ట్రాల్‌ని ఉత్పత్తి చేసే కాలేయంలోని కణాలకు సంబంధించిన ఆర్‌నెన్‌ఏ మెసెంజర్‌ని నిలిపేస్తుంది. తత్ఫలితంగా చెడు కొలస్ట్రాలనేది శరరీంలో ఉండదని చెబుతున్నారు. అందుకోసం అసాధారణ స్థాయిలో ఎల్‌పీ(ఏ) ఉన్న 48 మందిపై పరిశోధనలు చేయగా..వారిలో కొందరికి ఈ కొత్త ఔషధం మోతాదులుగా వారిగా ఇచ్చారు. ఎక్కువ మోతాదుని ఇచ్చిన వారిలో త్వరిత గతిన కొలస్ట్రాల్‌ స్థాయిలు తగ్గి, రక్త పోటు స్థాయిలు సమంగా ఉన్నట్లు గుర్తించారు. అలాగే మోతాదు తక్కువగా ఇచ్చిన వారిలో చెడు కొలస్ట్రాల్‌ తగ్గడానికి, రక్తం స్థాయిల్లో మార్పులకు కనీసం మూడు రోజుల సమయం పట్టినట్లు తెలిపారు. కానీ ఈ లెపోడిసిరాన్‌ ఔషధం మాత్రం క్లినిక్‌ పరిక్షల్లో నూటికి 94% సమర్థవంతంగా చెడు కొలస్ట్రాల్‌ని పూర్తి స్థాయిలో తగ్గించినట్లు తెలిపారు. అయితే ఈ పరిశోధనలో పాల్గొన్న వారందరికి ఎలాంటి ఇతర సమస్యలు లేవు. కానీ తాము నిర్వహించే సెకండ్‌ క్లినికల్‌ ట్రయల్స్‌లో పక్షవాతం, గుండె జబ్బులు ఉన్న పేషెంట్లపై ఈ కొత్త ఔషధం ఎలా పనిచేస్తుందనేది నిర్థారణ అవ్వాల్సి ఉందన్నారు పరిశోధకులు. ఆ అధ్యయనంలో కూడా ఫలితాలు మంచిగా ఉంటే రోగులకు ఈ సరికొత్త ఔషధం గొప్ప సంజీవని అవుతుందన్నారు. అంతేగాదు దీన్ని ఏడాదికొకసారి టీకా మాదిరిగా తీసుకునేలా అభివృద్ధి చేస్తే.. ఈ చెడు కొలస్ట్రాల్‌ సంబంధిత వ్యాధుల బారినపడుకుండా ప్రజలను సురక్షితంగా ఉండగలుగుతారని పరిశోధకులు నమ్మకంగా చెబుతున్నారు. ఈ మేరకు లిల్లీ రిసెర్చ్‌ ల్యాబరేటరీ అందుకు సంబంధించిన  పరిశోధన పత్రాలను అమెరికన్‌ హార్ట్‌ అసోసియేషన్‌కి సమర్పించింది. (చదవండి: బీపీని కరెక్ట్‌గానే చెక్‌ చేస్తున్నారా? రోజూ మాత్రలు వేసుకోనవసరం లేదా.?)

లావవుతామనే భయంతో చాలామంది కొవ్వు పదార్థాలు ఉండే ఆహారాలను తినడం మానేస్తున్నారు. కొందరైతే నెయ్యి తినడం ఎప్పుడో మానేశారు. అయితే శరీరంలోని ఎ, డి, ఇ, కె విటమిన్లు కొవ్వులో మాత్రమే కరుగుతాయి. కాబట్టి తగిన పరిమాణంలో మంచి కొలెస్ట్రాల్‌ ఎంతో అవసరం. అలాగని అన్నిరకాల కొవ్వులూ ఆరోగ్యం కాదు. ఇంతకూ ఆరోగ్యకరమైన కొవ్వు లభించాలంటే ఎలాంటి ఆహారాలు తీసుకోవాలో తెలుసుకుందామా?   అవకాడో:  మీరు ఆరోగ్యం పట్ల చాలా కాన్షియస్‌గా ఉండి..అధిక పరిమాణంలో కొలెస్ట్రాల్‌ ఉన్న ఆహారాలకు దూరంగా ఉంటే తప్పకుండా ఈ అవకాడోను ఆహారంలో చేర్చుకోవాల్సి ఉంటుంది. ఇందులో ఉండే మోనోశాచురేటెడ్‌ కొవ్వు చెడు కొలెస్ట్రాల్‌ను తగ్గించేందుకు కీలక పాత్ర పోషిస్తుంది. అంతేకాకుండా గుండెను ఆరోగ్యంగా ఉంచుతుంది.   ఆలివ్‌ ఆయిల్‌: వేపుళ్లకు దూరంగా ఉండేవారు తప్పకుండా ఆహారాల్లో ఆలివ్‌ ఆయిల్‌ను తప్పకుండా వినియోగించాల్సి ఉంటుంది. ఇందులో ఉండే పోషకాలు, మోనోశాచురేటెడ్‌ కొవ్వులు గుండెను ఆరోగ్యంగా చేసేందుకు సహాయపడతాయి. అంతేకాకుండా శరీర బరువును నియంత్రించేందుకు కూడా సహాయపడతాయి.  పెరుగు: బరువు తగ్గడానికి ఆరోగ్యకరమైన ఆహారాలు తప్పకుండా తీసుకోవాల్సి ఉంటుంది. ఇలా తీసుకుంటే శరీరంలోని కొవ్వును సమతుల్యంగా చేస్తుంది. కాబట్టి శరీరం ఆరోగ్యంగా ఉండడానికి తప్పకుండా కొవ్వు పాలతో చేసిన పెరుగు తినడం చాలా మంచిదని ఆరోగ్య నిపుణులు తెలుపుతున్నారు. ఇందులో ఉండే గుణాలు ప్రేగును కూడా ఆరోగ్యంగా ఉంచుతాయి.  కొబ్బరి: కొబ్బరి లేదా కొబ్బరి నూనె తీసుకోవడం వల్ల శరీరానికి అనేక రకాల ప్రయోజనాలు కలుగుతాయి. ఇందులో జీర్ణక్రియను మెరుగుపరిచే చాలా రకాల పోషకాలు దొరుకుతాయి. దీనివల్ల ట్రైగ్లిజరైడ్‌ ఫుడ్‌ సులభంగా జీర్ణమవుతుంది. అంతేకాకుండా మలబద్ధకం, ఇతర పొట్ట సమస్యల నుంచి కూడా ఉపశమనం లభిస్తుంది. చేపలు: చేపలలో మంచి కొలెస్ట్రాల్‌ను పెంపొందించే లక్షణాలున్నాయి. అందుకే ఇతర విధాలైన మాంసాహారాలకు దూరంగా ఉండమని హెచ్చరించే వైద్యులు సైతం పరిమితంగా అయినా చేపలు తీసుకోవచ్చునని చెబుతారు.  బాదం పప్పు, జీడిపప్పు: వీటిని తీసుకోవడం వల్ల కొవ్వు పెరుగుతుందని అనుకుంటాం. అయితే వీటిలో ఆరోగ్యకరమైన కొవ్వులు మాత్రమే ఉంటాయి. అందువల్ల బాదం, జీడిపప్పు తీసుకోవడం మంచిది. బాదం పప్పును నీటిలో నానబెట్టి, పైన పొట్టు తీసి తినడం మంచిది. జీడిపప్పును అయితే వేయించకుండా నేరుగా తీసుకోవడం వల్ల మంచి కొలెస్ట్రాల్‌ పెంపొందుతుంది. నెయ్యి: ఇదివరకటిలో ఆహారంలో నేతిని బాగా ఉపయోగించేవారు. అరిసెలు, గారెలు వంటి వాటిని నేతితోనే చేసేవారు. అయితే రానురానూ నెయ్యి తినడం ఆరోగ్యానికి మంచిది కాదనే అభిప్రాయం స్థిరపడిపోయింది. నిజానికి నేతిలో శరీరానికి అవసరమైన పోషకాలెన్నో ఉన్నాయి. అలాగని ముద్ద ముద్దకీ నెయ్యి వేసుకోవడం, నేతితోనే చేసిన డీప్‌ ఫ్రైలు విపరీతంగా తీసుకోవడం మాత్రం అంత మంచిది కాదు. గేదె నెయ్యి కన్నా ఆవు నెయ్యి మంచిది. 

ఆయుర్వేదం ప్రకారం, ట్రైగ్లిజరైడ్స్, కొలెస్ట్రాల్ రెండూ మన ఆరోగ్యానికి చాలా ఉపయోగకరంగా ఉంటాయి. పైగా అవి ముఖ్యమైన విధులను నిర్వహిస్తాయి. ట్రైగ్లిజరైడ్ పెరుగుదల చెడు కొలెస్ట్రాల్‌కి సంబంధించిన ప్రధాన కారణాలలో ఒకటిగా ఊబకాయం, కదలిక లేకపోవడం, చెడు ఆహారాల వినియోగం, చెడు అలవాట్లు, ఇవన్నీ శరీరంలో టాక్సిన్స్ పేరుకుపోవడానికి దారితీస్తాయి (బాగా). ట్రైగ్లిజరైడ్‌లను తగ్గించడానికి మొదటి అడుగు ఆయుర్వేదం. జీవనశైలి ఆహారంలో మార్పులతో ఈ సమస్యను సులభంగా బయటపడవచ్చు అటున్నారు నవీన్‌ నడిమింటి. ముందుగా సాధారణ కార్బోహైడ్రేట్ల వినియోగాన్ని తగ్గించండి. డెజర్ట్‌లు, చక్కెర, శుద్ధి చేసిన లేదాప్రాసెస్ చేసిన ఆహారాలు వంటి సాధారణ కార్బోహైడ్రేట్‌ల వినియోగం ద్వారా ట్రైగ్లిజరైడ్‌ల పరిమాణం పెరుగుతుంది. ఈ ఆహారాలకు బదులుగా, తృణధాన్యాలు, చిక్కుళ్ళు తీసుకోవడం పెంచాలని ఆయుర్వేదం సలహా ఇస్తుంది. వ్యాయామం రోజుకు కనీసం 30 నిమిషాలు నడక, పరుగు, యోగా లేదా శ్వాస వ్యాయామాలు చేయాలి. ఇలా చేస్తే రక్తప్రవాహంలో ట్రైగ్లిజరైడ్ స్థాయిలను తగ్గించడంలో సహాయపడుతుంది. శరీరంలోని అదనపు కేలరీలను బర్న్ చేస్తుంది. ఇది బరువు తగ్గేందుకి దారితీస్తుంది. కేలరీలను తీసుకోవడం తగ్గించండి. మాంసం, ప్రాసెస్ చేసిన ఆహారాలు, పాస్తా, సోడాలు, ఆల్కహాల్ ఇతర ఆహారాలు తోపాటు అధిక కొలెస్ట్రాల్ ఉన్న ఉత్పత్తుల వినియోగాన్ని తగ్గించండి, బరువుపై ట్రైగ్లిజరైడ్స్‌ ప్రభావం బరువుపై ట్రైగ్లిజరైడ్‌లు అధికంగా ప్రభావం చూపుతాయి. వీటి స్థాయిలు పెరిగిన వ్యక్తుల పొత్తికడుపులో కొవ్వు పేరుకుపోతుంది. తినడం, నిద్రించడం వంఇ వాటి వల్ల టాక్సిన్‌లు పేరుకుపోతాయి. ఇది కాస్త చెడు కొలస్ట్రాల్‌కి దారితీస్తుంది. ఆహారాన్ని తయారు చేసే విధానంలో ఉపయోగించే నూనెల విషయంలో కూడా శ్రద్ధ వహించాలి. లేదంటే ట్రైగ్లిజరైడ్స్‌ పెరిగే ప్రమాదం ఉందంటున్నారు ఆయుర్వేద నిపుణులు. ట్రైగ్లిజరైడ్‌లను తగ్గించే ఆహారాలు, ఆయుర్వేద మూలికలు తేనె తేనె ఎలివేటెడ్ ట్రైగ్లిజరైడ్స్ చెడు కొలెస్ట్రాల్‌తో విజయవంతంగా పోరాడుతుంది. ఒక చెంచా తేనెను ఒక గ్లాసు వేడి నీటిలో కరిగించి, ట్రైగ్లిజరైడ్ స్థాయిలను సాధారణీకరించి చెడు కొలెస్ట్రాల్‌ ఫామ్‌ కాకుండా ఉంచడానికి సహాయపడుతుంది. అలాగే నీటిలో 8 నుంచి 10 చుక్కల ఆపిల్ సైడర్ వెనిగర్ లేదా ½ టీస్పూన్ నిమ్మరసాన్ని కూడా జోడించవచ్చు. వెల్లుల్లి: ట్రైగ్లిజరైడ్స్ తగ్గించడానికి, ఆయుర్వేదం వెల్లుల్లి వినియోగాన్ని గట్టిగా సిఫార్సు చేస్తుంది. వెల్లుల్లిలో అమైనో ఆమ్లాలు, విటమిన్లు, ఖనిజాలు, అలిసిన్, అజోయిక్ ఇతర సల్ఫర్ సమ్మేళనాలు వంటి సేంద్రీయ సల్ఫేట్ సమ్మేళనాలు పుష్కలంగా ఉన్నాయి. తురిమి లేదా ఒలిచిన, వెల్లుల్లిని వంటలలో చేర్చమని అంటున్నారు నిపుణులు. వెల్లుల్లి పాలు కూడా మంచిదే అని చెబుతున్నారు. ఇది ఎలా చేయాలంటే..వెల్లుల్లి 5 నుంచి ఆరు తీసుకుని, రెండు లవంగాలు చూర్ణం చేసి 50 మి.ల్లీ లీటర్ల దేశీయా ఆవు పాలల్లో కలిపి వేడి చేయండి. సగం అయ్యేంత వరకు మరగినిచ్చి ఫిల్టర్‌ చేసి వేడిగా తాగండి చక్కటి ఫలితం ఉంటుంది.   ఆమ్లా ఉసిరికాయలో విటమిన్ సి వంటి ఖనిజాలు పుష్కలంగా ఉన్నాయి. ఇది చాలా మంచి యాంటీఆక్సిడెంట్. ఒక టేబుల్ స్పూన్ ఉసిరి పొడిని గోరువెచ్చని నీటిలో కలిపి తీసుకోవడం వల్ల ధమనులను శుభ్రం అవ్వడమే గాక ట్రైగ్లిజరైడ్ స్థాయిలను తగ్గించడంలో సహాయపడుతుంది. అర్జునుడు ఇది చాలా శక్తివంతమైన ఆయుర్వేద మూలిక, ఇది కొలెస్ట్రాల్‌ను కరిగించి ధమనులను శుభ్రంగా ఉంచే సామర్థ్యాన్ని కలిగి ఉంటుంది. అర్జునుడిని తెల్లవారుజామునే నీటిలో కరిగించి తీసుకుంటే చక్కటి ఫలితం ఉంటుంది. గుగ్గులు ఆయుర్వేదంతో ట్రైగ్లిజరైడ్‌లను తగ్గించడంలో సహాయపడే మరొక మూలిక. గుగ్గులు. గుగ్గుల్‌ స్టెరోన్‌లను కలిగి ఉంటాయి. ఇవి రక్తంలో చెడు కొలెస్ట్రాల్‌ను చురుకుగా నిరోధిస్థాయి. ఈ ఆయుర్వేద మూలికను ప్రతిసారి భోజనం తర్వాత తీసుకోవచ్చు కూడా. మీ ట్రైగ్లిజరైడ్‌లను సాధారణంగా ఉంచడానికి 25 మిల్లీగ్రాం సరిపోతుంది. సెలెరీ ఈ కూరగాయలలో యాంటీఆక్సిడెంట్లు పుష్కలంగా ఉంటాయి. అధిక రక్తపోటు, అధిక కొలెస్ట్రాల్, ట్రైగ్లిజరైడ్ స్థాయిలతో సంబంధం ఉన్న గుండె జబ్బుల ప్రమాదాన్ని తగ్గించడంలో సహాయపడుతుంది. సెలెరీని సలాడ్‌గా తినవచ్చు, వంటలలో చేర్చవచ్చు లేదా రసంగా త్రాగవచ్చు. రోజుకు 2 కాడల ఆకుకూరల వినియోగం చెడు కొలెస్ట్రాల్‌ను 7 పాయింట్లు తగ్గిస్తుందని ఆధారాలు ఉన్నాయి . అవకాడో అవోకాడోస్‌లో గణనీయమైన మొత్తంలో ఫైబర్, ఒలేయిక్ యాసిడ్ వంటి మంచి కొవ్వులు ఉంటాయి, ఇది అనారోగ్యకరమైన కొలెస్ట్రాల్‌ను తగ్గిస్తుంది. అవోకాడో సాధారణ ట్రైగ్లిజరైడ్ స్థాయిలను నిర్వహించడానికి చాలా ఉపయోగకరంగా ఉన్నప్పటికీ, దీనిలో కొవ్వులు అధికం అనే విషయం గుర్తుంచుకోవాలి.  గ్రీన్_టీ గ్రీన్ టీలో యాంటీ ఆక్సిడెంట్ సమ్మేళనాలు పుష్కలంగా ఉన్నాయి. ఇవి కొలెస్ట్రాల్ స్థాయిలను తగ్గించగలవు, రక్తం గడ్డకట్టడాన్ని నిరోధించగలవు. ఒక గ్లాసు గ్రీన్ టీలో కూరగాయలు, పండ్లలో ఉండే యాంటీఆక్సిడెంట్ల కంటే చాలా ఎక్కువ యాంటీ ఆక్సిడెంట్లు ఉంటాయి. కాబట్టి ఆయుర్వేదం గ్రీన్ టీని రోజుకు మూడు సార్లు తాగాలని సిఫార్సు చేస్తోంది. బ్రౌన్‌రైస్‌  మీరు మీ సాధారణ ట్రైగ్లిజరైడ్‌లను జాగ్రత్తగా చూసుకోవాలనుకుంటే, బ్రౌన్‌తో కూడిన వైట్ రైస్ తీసుకోండి. బ్రౌన్ రైస్‌లో అనేక ఖనిజాలు, విటమిన్లు ఉన్నాయి అనే వాస్తవం పక్కన పెడితే, ఇందులో ఫైబర్, సంతృప్త కొవ్వులు కూడా ఉన్నాయి. ఇది శరీరాన్ని టాక్సిన్స్ నుంచి శుద్ధి చేయడానికి, బరువును తగ్గించడానికి ముఖ్యంగా శరీరంలోని కొలెస్ట్రాల్, ట్రైగ్లిజరైడ్‌లను సమతుల్యం చేయడానికి సహాయపడుతుంది . యాపిల్స్ ఈ రుచికరమైన పండ్లలో పెక్టిన్ పుష్కలంగా ఉంటుంది. ఇది సహజ యాంటీఆక్సిడెంట్లను కలిగి ఉంటుంది. వీటిని ఫ్లేవనాయిడ్స్ అని పిలుస్తారు. ఇవి కొలెస్ట్రాల్‌ను తగ్గించి ఊపిరితిత్తులు, గుండెను ఆరోగ్యంగా ఉంచుతాయి. సగటు యాపిల్‌లో పెద్ద మొత్తంలో విటమిన్లు ఏ, సీ ఉంటాయి. సుమారు 4 గ్రాముల ఫైబర్‌లో కేలరీలు కేవలం 100 మాత్రమే. యాపిల్స్‌ తోపాటు, ఆయుర్వేదం బేరి, దానిమ్మ, ద్రాక్షపండ్లు, నారింజలను తీసుకోవడం ద్వారా ట్రైగ్లిజరైడ్‌లను తగ్గించడానికి సిఫార్సు చేస్తుంది. ఇది కొలెస్ట్రాల్‌ను కూడా తగ్గిస్తుంది. . బ్రోకలీ బ్రోకలీలో కాల్షియం, పొటాషియం, మెగ్నీషియం, విటమిన్ సి, ఫైబర్ వంటి అనేక రకాల పోషకాలు పుష్కలంగా ఉన్నాయి. అదనంగా, అవి యాంటీఆక్సిడెంట్ యాంటీ ఇన్ఫ్లమేటరీ లక్షణాలను కలిగి ఉంటాయి. బ్రోకలీతో కలిపి తీసుకుంటే, అందులో ఉండే ఫైబర్‌లు జీర్ణవ్యవస్థలో పేరుకుపోయిన పిత్త ఆమ్లాలతో బంధించి వాటిని సహజంగా శరీరం నుంచి బయటకు తీస్తాయి. బ్రోకలీ సాధారణ ట్రైగ్లిజరైడ్, కొలెస్ట్రాల్ స్థాయిలను నిర్వహించడానికి సహాయపడుతుంది. బార్లీ బార్లీ ట్రైగ్లిజరైడ్ స్థాయిలను తగ్గించడానికి రక్తంలో చక్కెరను సాధారణీకరించే సామర్థ్యానికి ప్రసిద్ధి చెందింది. తృణధాన్యంలో బీటా -గ్లూకాన్ అనే ఫైబర్ ఉంటుంది, ఇది కొలెస్ట్రాల్ స్థాయిలను 4-10% తగ్గిస్తుంది. అదనంగా, బార్లీ గోధుమలకు చాలా మంచి ప్రత్యామ్నాయం. మీరు దీన్ని బ్రెడ్‌కు ప్రత్యామ్నాయంగా క్రమం తప్పకుండా తినవచ్చు. చేప చేప నూనె, చేప ట్యూనా, మాకేరెల్, ట్రౌట్, సాల్మన్, హెర్రింగ్, సార్డినెస్ వంటి చేపలు ఒమేగా 3 యాసిడ్‌లతో నిండి ఉంటాయి, ఇవి ట్రైగ్లిజరైడ్‌లను తగ్గించి గుండె జబ్బులను నివారించగల సామర్థ్యాన్ని కలిగి ఉంటాయి. ఆయుర్వేదం వారానికి కనీసం రెండుసార్లు చేపలను తినాలని అలాగే ప్రతిరోజూ 1  నుంచి 4 గ్రాముల చేప నూనెను తీసుకోవాలని సిఫార్సు చేస్తోంది. దుంప దీని ఆకులలో సినారైన్ ఉంటుంది. ఇది కాలేయ పనితీరును మెరుగుపరుస్తుంది. ఇది పేరుకుపోయిన టాక్సిన్‌ని వేగవంతంగా తొలగిస్తుంది. తత్ఫలితంగా కొలెస్ట్రాల్ తగ్గి  ధమనులను శుభ్రం అవుతాయి . పాలకూర బచ్చలికూర వీటిలో ల్యూటిన్ ఉంటుంది. ఇది ట్రైగ్లిజరైడ్స్‌ని ధమనుల గోడలకు అంటుకోకుండా, మూసుకుపోకుండా నిరోధిస్తుంది. బచ్చలికూరలో ఉండే విటమిన్ ఇ, ఫలకం తొలగింపుపై శ్రద్ధ చూపుతుంది తద్వారా గుండె జబ్బుల నుంచి రక్షిస్తుంది. అలాగే బీన్స్, బఠానీలు, చిక్‌పీస్, కాయధాన్యాలు మరియు ఇతర ఫైబర్ అధికంగా ఉండే చిక్కుళ్ళు రెగ్యులర్‌గా తీసుకోవడం వల్ల ట్రైగ్లిజరైడ్స్‌ కొలెస్ట్రాల్ తగ్గుతుంది. ఫ్లాక్స్ సీడ్‌లో లిగ్నన్‌లు ఉంటాయి, ఇవి రక్తంలో కొలెస్ట్రాల్‌ను తగ్గిస్తాయి. జీర్ణవ్యవస్థను ఉత్తేజపరుస్తాయి. గుండె సమస్యలను దూరంగా ఉంచుతాయి. ఫ్లాక్స్ సీడ్‌లో ఫైబర్  ఒమేగా 3 యాసిడ్‌లు పుష్కలంగా ఉంటాయి. ఇవి కొలెస్ట్రాల్ ఉత్పత్తి, శోషణను నియంత్రిస్తాయి. (చదవండి: ఈ పొరపాటు చేస్తే.. మీరు ఏజ్‌డ్‌ పర్సన్‌లా కనిపించడం ఖాయం!)

సాక్షి, హైదరాబాద్‌: అధిక రక్తపోటు (హైబీపీ), మధుమేహం (డయాబెటిస్‌/షుగర్‌) తెలుగు రాష్ట్రాలను వణికిస్తున్నాయి. పట్టణీకరణ, పారిశ్రామికీకరణ..తద్వారా జీవనశైలి, ఆహారపు అలవాట్లలో మార్పులు, ఇతర కారణాలతో ఎక్కువ సంఖ్యలో ప్రజలు బీపీ, షుగర్, కొలెస్ట్రాల్ వంటి అనారోగ్య సమస్యల బారిన పడుతున్నారు. 30 శాతం మంది హైబీపీతో బాధ పడుతుండగా, 9.9 శాతం మంది మధుమేహంతో బాధపడుతున్నట్లు అధ్యయనం వెల్లడించింది. దేశంలో డయాబెటిస్, బీపీ, కొలెస్ట్రాల్ వంటి వాటిపై భారత వైద్య పరిశోధన సంస్థ (ఐసీఎంఆర్‌) అధ్యయనం చేసింది. 31 రాష్ట్రాలు, కేంద్ర పాలిత ప్రాంతాల్లో 20 ఏళ్లకు పైబడిన వారిపై సర్వే జరిపింది. జనాభా, ప్రాంతాలు, సామాజిక, ఆర్థిక స్థితిగతుల ఆధారంగా ఈ అధ్యయనం జరిగింది. దేశవ్యాప్తంగా 1.13 లక్షల మందిని సర్వే చేశారు. 79,506 మంది గ్రామీణులు, 33,537 మంది పట్టణ ప్రాంత ప్రజల (మొత్తం 1.13 లక్షల మంది) ఆరోగ్య పరిస్థితిని పరిశీలించారు. 2008 అక్టోబర్‌ 18 నుంచి 2020 డిసెంబర్‌ 17 వరకు ఐదు దశల్లో రాష్ట్రాల వారీగా కొనసాగిన సర్వే ఉమ్మడి ఆంధ్రప్రదేశ్‌లోనూ జరిగింది. ఆ వివరాలను తాజాగా లాన్సెట్‌ జర్నల్‌ ప్రచురించింది.   పట్టణాల్లోనే ఎక్కువ..  తెలుగు రాష్ట్రాల్లోని పట్టణాల్లో 30 శాతం మందికి పైగా హైబీపీతో బాధపడుతుండగా, గ్రామాల్లో 25–30 శాతం మంది బాధపడుతున్నారు. రెండు రాష్ట్రాల్లోని పట్టణాల్లో 10 శాతం కంటే ఎక్కువగా మధుమేహ బాధితులు ఉన్నారు. గ్రామీణ ప్రాంతాల్లో వీరి సంఖ్య 7.4 శాతంగా ఉంది.  ఇక 15 శాతం మంది వరకు ప్రీ డయాబెటీస్‌ (వ్యాధికి ముందు దశ) స్థితిలో ఉన్నారు. పట్టణాల్లో ఇది 10–15 శాతంగా ఉంది. తెలంగాణ గ్రామాల్లో ప్రీ డయాబెటీస్‌ 15 శాతం వరకు ఉండగా, ఏపీలోని గ్రామాల్లో 10 శాతం వరకు ఉంది.   పంజాబ్‌లో 51.8 శాతం మందికి హైబీపీ  దేశవ్యాప్తంగా 11.4 శాతం మంది డయాబెటిస్‌తో బాధపడుతున్నట్లు సర్వే నిర్ధారించింది. డయాబెటిస్‌ ముందు దశలో 15.3 శాతం మంది ఉన్నారు. 35.5 శాతం బీపీతో బాధపడుతుండగా, 28.6 శాతం మంది ఊబకాయంతో ఉన్నారు. పొట్ట దగ్గర కొవ్వు ఎక్కువ ఉన్నవారు 39.5 శాతం మంది ఉన్నారు. రక్తంలో కొవ్వు శాతం అధికంగా ఉన్నవారు 81.2 శాతం ఉన్నారు. అత్యధికంగా గోవాలో 26.4 శాతం మందికి డయాబెటిస్‌ ఉంది. అతి తక్కువగా యూపీలో 4.8 శాతం మందికి ఉంది. బీపీ బాధితులు అత్యధికంగా పంజాబ్‌లో 51.8 శాతం మంది ఉన్నారు. అత్యంత తక్కువగా మేఘాలయలో 24.3 శాతం మంది ఉన్నారు. దేశంలో ఊబకాయులు 28.6 శాతంగా ఉన్నారు. పాండిచ్చేరిలో ఎక్కువ (53.3 శాతం) మంది, జార్ఖండ్‌లో తక్కువ (11.6 శాతం) మంది ఊబకాయ బాధితులు ఉన్నారు.   మరికొన్ని ముఖ్యాంశాలు..  ♦ ఉమ్మడి ఏపీలో ఊబకాయులు 25 శాతం కంటే ఎక్కువగా ఉన్నారు. పట్టణాల్లో 25 శాతం కంటే ఎక్కువగా ఉన్నారు. తెలంగాణ గ్రామాల్లో 20 శాతం వరకు ఉన్నారు. గ్రామీణ ఏపీలో 20–25 శాతం మధ్య ఉన్నారు.   ♦  పొట్ట దగ్గర అధిక కొవ్వు పేరుకుపోయిన వారు ఉమ్మడి ఏపీలో 25 శాతం కంటే ఎక్కువగా ఉన్నారు.   ♦ రక్తంలో అధిక కొలెస్ట్రాల్ ఉభయ రాష్ట్రాల్లోని 20–25 శాతం మందికి ఉంది. అర్బన్‌ తెలంగాణలో ఇది 20–25 శాతంగా, ఏపీలో 25 శాతం కంటే ఎక్కువగా ఉంది. గ్రామీణ తెలంగాణలో 20–25 శాతం మధ్య, గ్రామీణ ఏపీలో 15–20 శాతం మధ్య ఉంది.   ♦  మంచి కొలెస్ట్రాల్ తక్కువగా ఉన్నవారు తెలంగాణలో 50–60 శాతం మంది ఉండగా, ఏపీలో 60 శాతం కంటే ఎక్కువగా ఉన్నారు. ఉమ్మడి రాష్ట్రంలో 15–20 శాతం మందికి చెడు కొలెస్ట్రాల్ ఎక్కువగా ఉంది. రెండు రాష్ట్రాల్లోని పట్టణాల్లో 20–25 శాతం మందికి చెడు కొలెస్ట్రాల్ ఉంది.   అభివృద్ధి చెందిన రాష్ట్రాల్లో డయాబెటిస్‌ అధికం  అభివృద్ధి చెందిన రాష్ట్రాల్లో డయాబెటిస్‌ అధికంగా ఉంది. చాలా జబ్బులు పట్టణాల్లో ఉన్నాయి. ప్రీ డయాబెటిస్‌ గ్రామాల్లో ఎక్కువగా ఉంది. ఆర్థికంగా, సామాజికంగా వెనుకబడిన రాష్ట్రాల్లో షుగర్‌ తక్కువగా ఉంది. దీర్ఘకాలిక జబ్బులు అధికంగా ఉన్నాయని అధ్యయనం తేల్చింది. ప్రీడయాబెటిస్‌ స్థితిలో ఉన్నవారిని డయాబెటిస్‌ వైపు వెళ్లకుండా చర్యలు తీసుకోవాలని సిఫారసు చేసింది. అధిక షుగర్‌ బాధితుల్లో తదుపరి అనారోగ్య సమస్యలు తలెత్తకుండా చర్యలు తీసుకోవాలని సూచించింది.  –ప్రొఫెసర్‌ కిరణ్‌ మాదల, క్రిటికల్‌ కేర్‌ విభాగాధిపతి, నిజామాబాద్‌ మెడికల్‌ కాలేజీ  

‘మీ పాప లేదా బాబు బొద్దుగా ముద్దొస్తున్నారండీ’ అని ఎవరైనా అంటే వారి తల్లిదండ్రులు తెగ మురిసిపోతు­న్నారు. బాల్యంలోనే బొద్దుగా తయారవడం వల్ల వచ్చే దుష్ప్రభావాలను అసలు గుర్తించలేకపోతున్నారు. పిల్లలు ఏం తింటున్నారు, వారు తినే ఆహారంలో పోషకాలు ఏ మాత్రం ఉంటున్నాయనే విషయంపై ఆలోచించే వారైతే చాలా అరుదే. పంజాబ్‌లోని బటిండా, ఉత్తరప్రదేశ్‌లోని రాయబరేలి ఆల్‌ ఇండియా ఇన్‌స్టిట్యూట్‌ ఆఫ్‌ మెడికల్‌ సైన్సెస్‌ (ఎయిమ్స్‌) వైద్యులు అధ్యయనంలో ఈ విషయం వెల్లడైంది. మార్కెట్‌లో లభించే ప్యాక్‌ చేసిన ఆహార పదార్థాలనే పిల్లలకు పెట్టేందుకు తల్లిదండ్రులు అధిక ప్రాధాన్యత ఇస్తున్నారని తేలింది.  పిల్లలకు పెట్టే ఆహారంలో ఉండాల్సిన పోషక విలువలపై తక్కువ అవగాహన ఉంటోందని గుర్తించారు.  – సాక్షి, అమరావతి 53.9 శాతం అధికంగా కొలెస్ట్రాల్‌ పాఠశాలల్లో చదివే 14–18 సంవత్సరాల మధ్య వయసు పిల్లలు 722 మంది, వారి తల్లిదండ్రులను ఎయిమ్స్‌ బృందం అధ్యయనానికి ఎంచుకుంది. ఆ పిల్లల్లో జంక్‌ ఫుడ్, ప్యాక్‌ చేసిన ఆహారం కారణంగా చిన్న వయసులోనే ఊబకాయం, హృదయ సంబంధ వ్యాధులు, మధుమేహం, క్యాన్సర్‌ వ్యాధుల బారినపడేలా చేస్తున్నాయని గుర్తించారు. పిల్లలు తినే ఆహారాల (ప్యాకేజీ ఫుడ్‌) తయారీలో 53.9 శాతం అధికంగా కొలెస్ట్రాల్‌ పదార్థాలు ఉంటున్నాయని తేల్చారు. ఇది విద్యార్థుల ఆరోగ్యంపై తీవ్ర ప్రభావంచూపుతోందని తేల్చారు. ప్రకటనలతో ప్రభావితం  టీవీలు, డిజిటల్‌ మీడియాలలో వచ్చే ప్యాక్‌ చేసిన ఆహార పదార్థాల వైపు పిల్లలు ఆకర్షితులు అవుతున్నారని 273 మంది తల్లిదండ్రులు (37.8 శాతం) తీవ్ర ఆందోళన వ్యక్తం చేశారు. 184 (25.5 శాతం) మంది ప్రచారం చేస్తున్న ఆహార ఉత్పత్తుల్లో పోషకాల నాణ్యతకు సంబంధించిన సమాచార కచ్చితత్వంపై సందేహాలు వ్యక్తం చేశారు. దాదాపు 45 శాతం మంది తల్లిదండ్రులు ప్రసిద్ధ వ్యక్తులు జంక్‌ ఫుడ్స్‌ను ప్రమోట్‌ చేస్తుండటాన్ని వ్యతిరేకించారు. జంక్‌ ఫుడ్‌పై కంపెనీలు ఆఫర్లు ఇస్తుండటాన్ని 34 శాతం మంది తప్పుపట్టగా.. ప్రైమ్‌ టైమ్‌లో జంక్‌ ఫుడ్‌ ప్రకటనలు వేయకూడదని 40 శాతం మంది కోరారు. గడువు తేదీని చూడని వారే అధికం అధ్యయనంలో పాల్గొన్న విద్యార్థుల్లో 352 మంది (48.8 శాతం) విద్యార్థులు తినే ఆహార ప్యాకెట్లపై కనీసం గడువు తీరే తేదీని (ఎక్స్‌పైరీ డేట్‌)పరిశీలించడం లేదు. 526 మంది (72.9 శాతం) కేవలం ధరలను పరిశీలిస్తుండగా.. 518 మంది (71.7 శాతం) విద్యార్థులు కొనుగోలు చేసే ముందు ఆ ఆహారం వెజ్, నాన్‌–వెజ్‌ అనేది మా­త్రమే చూస్తున్నారు. మార్కెట్‌లో లభించే ఆహార ప్యాకెట్లపై తయారీకి వినియోగించిన పదార్థాలు, వాటిలో ఉండే పోషకాలకు సంబంధించిన లే­బుల్స్‌పై సమాచారాన్ని కేవలం 50 మంది వి­ద్యా­ర్థులు (6.9 శాతం) మాత్రమే అర్థం చేసుకుంటు­న్నారు. 356 మంది విద్యార్థులు (49.30 శాతం) లేబుల్‌ చూసి తాము ఆహార పదార్థాల వైపు ప్రభావితం అవలేదని, 424 మంది (58.7 శాతం) లేబుల్స్‌ కారణంగా తమ కొనుగోలు ప్రవర్తనను ఎప్పుడూ మార్చుకోలేదని నివేదించారు.  ఇంట్లోనే చేసి పెట్టాలి పిల్లలకు ఇంటి ఆహారం అలవాటు చేయాలి. పూర్వం తల్లిదండ్రులు పిల్లల కోసం ఇంట్లోనే చక్రాలు, కజ్జికాయలు, అరిసెలు వంటి ఆహార పదార్థాలు చేసేవారు. ఆ తరహా పద్ధతులను ఇప్పుడు కూడా పాటించాలి. వీలైనంత వరకూ కూరగాయలు, పళ్లు తినడాన్ని చిన్నప్పటి నుంచే పిల్లలకు అలవాటు చేయాలి. జంక్‌ ఫుడ్, ప్యాక్‌ చేసిన ఆహార పదార్థాలు పిల్లల ఆరోగ్యంపై తీవ్ర ప్రభావం చూపుతాయి. చైల్డ్‌ ఒబెసిటీ వస్తుంది. దీనివల్ల ఆస్తమా, ఫ్యాటీ లివర్, టైప్‌–2 డయాబెటిస్‌ వంటి సమస్యల బారినపడతారు. ఈ ఆహారంలో కలిపే పదార్థాల కారణంగా త్వరగా పిల్లల్లో కౌమార దశ మొదలవుతుంది. – డాక్టర్‌ నాగచక్రవర్తి,  అసిస్టెంట్‌ ప్రొఫెసర్, జనరల్‌ మెడిసిన్, విజయవాడ జీజీహెచ్‌ 

ఆహారంలో ఉప్పు తక్కువ తీసుకుంటున్నా, మీకు బీపీ పెరుగుతోందా? కాళ్లూ చేతులు తిమ్మిర్లుగా ఉంటున్నాయా? గోళ్ల రంగు మారుతోందా? ఇవన్నీ వ్యాధి లక్షణాలే. అయితే భయపడవద్దు. అది ఏమంత ప్రమాదకరమైనది కాకపోవచ్చు కానీ, తేలిగ్గా కూడా తీసుకోకూడదు. మీ శరీరంలో చెడు కొలెస్ట్రాల్‌ పెరిగిందనడానికి నిదర్శనం అది. కొలెస్ట్రాల్‌ దానంతట అది ప్రమాదకరమైనది కాదు కానీ, ఇతర వ్యాధులకు దారితీస్తుంది. అందువల్ల దానిని నిర్లక్ష్యం చేయద్దు. అసలు మన శరీరంలో కొలెస్ట్రాల్‌ ఎక్కువ ఉంటే ఏ లక్షణాలుంటాయో అవగాహన కోసం.  సాధారణంగా కొలెస్ట్రాల్‌ పేరు వినగానే అది చాలా చెడ్డదని అనుకుంటారు. కానీ ఇందులో రెండు రకాల కొలెస్ట్రాల్‌లు ఉంటాయి. మంచి కొలస్ట్రాల్‌ శరీరంలోని ఆరోగ్యకరమైన కణాలను తయారు చేయడానికి సహాయపడుతుంది. కానీ చెడు కొలెస్ట్రాల్‌ పరిమాణం పెరిగినప్పుడు రక్తనాళాలలో కొవ్వు పేరుకుపోయి రక్తం గడ్డకట్టడానికి దారితీస్తుంది. ఇది రక్త ప్రవాహానికి ఆటంకం కలిగిస్తుంది. ఈ ప్రమాదాలను నివారించడానికి ఆరోగ్యకరమైన ఆహారం తీసుకోవాలి. మంచి జీవనశైలిని అనుసరించాలి.  కొలెస్ట్రాల్‌ పెరిగిందనడానికి కొన్ని సంకేతాలు కనిపిస్తాయి. అవి... 1. అధిక రక్తపోటు: శరీరంలో చెడు కొలెస్ట్రాల్‌ పెరిగితే అది నేరుగా రక్తపోటుకు దారితీస్తుంది. రక్తంలో కొవ్వు శాతం ఎంత పెరిగితే రక్తపోటు అంతగా పెరుగుతుంది కాబట్టి కారణం తెలియకుండానే బీపీ పెరిగిపోతుంటే కొలెస్ట్రాల్‌ ఉందేమో అని అనుమానించాల్సి ఉంటుంది.   2. కాళ్లు, చేతులు తిమ్మిర్లు పాదాలు మొద్దుబారడం: కాళ్లు చేతులు తిమ్మిరికి గురి కావడాన్ని తేలికగా తీసుకోవద్దు. ఇది అధిక కొలెస్ట్రాల్‌కు సంకేతంగా గుర్తించాలి. ధమనులలో రక్త ప్రసరణ, ఆక్సిజన్‌ సరఫరాలో అవరోధం ఉండటం వల్ల ఇలా జరుగుతుంది. ΄ాదాలలో నొప్పి, తిమ్మిరి కారణంగా రక్త సరఫరా సరిగ్గా జరగదు.  3. గోర్ల రంగులో మార్పు: శరీరంలో చెడు కొలెస్ట్రాల్‌ పెరిగినప్పుడు ధమనులలో కొవ్వు పేరుకుపోతుంది. ఇది సిరల్లో రక్త ప్రవాహాన్ని అడ్డుకుంటుంది. చేతివేళ్లు, కాలి వేళ్లకు సరైన రక్త సరఫరా లేకపోవడం వల్ల అవి లేత గులాబీ రంగులోకి లేదా పసుపు రంగులోకి మారుతాయి. ఉండవలసిన దానికన్నా అధిక కొవ్వు ఉండటం వల్ల ఇలా జరుగుతుందని గుర్తించాలి.  మధుమేహం ఉంటే కొలెస్ట్రాల్‌ కూడా పెరుగుతూ ఉంటుంది. అందువల్ల మధుమేహం ఉన్న వాళ్లు మూడు నెలలకొకసారి రక్తంలో సరాసరి చక్కెర శాతం ఎంత ఉందో తెలుసుకునే పరీక్షతో΄ాటు కొలెస్ట్రాల్‌ ΄ాళ్లను తెలుసుకునే పరీక్ష కూడా చేయించుకుని దానిని అదుపు చేసేందుకు తగిన మందులు తీసుకోవాలి.  

దాదాపు ఒక ఇరవై ఏళ్ల కిందటి వరకు జ్వరమొచ్చి తగ్గిన వాళ్లకి పొట్లకాయ, బీరకాయ, దొండకాయ, కాకరకాయ లాంటి కూరలు పథ్యం పెట్టేవాళ్లు పెద్దవాళ్లు. అదేవిధంగా నీరసంగా ఉన్న వాళ్లకి ఆవిరి కుడుముల లాంటివి పెట్టేవాళ్లు. ఇవి తేలికగా అరగడంతోపాటు వంటికి సత్తువనిచ్చేవి. ఇది ఒకప్పటి మాట కదా అని తేలిగ్గా తీసుకోవద్దు. ఆధునిక వైద్యులు, ఆహార నిపుణులు కూడా ఆవిరితో తయారు చేసుకున్న ఆహార పదార్థాలనే తినమని సూచిస్తున్నారు చాలామందికి. ఎందుకో ఏమిటో తెలుసుకుందాం.  ఇడ్లీలు ఆవిరితోనే తయారవుతాయి. ఇది అందరికీ తెలిసిందే. అయితే ఆవిరితో ఇడ్లీలతోపాటు ఎన్నో రకాల వంటకాలను తయారుచేసుకోవచ్చు. ఎందుకంటే ఆవిరితో వండిన వంటలు మన ఆరోగ్యానికి ఎన్నో విధాలా మేలు చేస్తాయి. తొందరగా జీర్ణం అవుతుంది నూనెతో డీప్‌ ఫ్రై చేయడంతో పోలిస్తే ఆవిరితో వండటం వల్ల వాటిలో ఉండే పోషకాలు ఎక్కడికీ పోవు. కొవ్వు చాలా తక్కువగా ఉంటుంది. కేలరీలు కూడా తక్కువగానే ఉంటాయి. ఇలాంటి ఆహారం తొందరగా జీర్ణం అవుతుంది. బరువు తగ్గాలనుకునే వారికి ఇది ఉత్తమమైన ఆహారం.    విటమిన్లు, ఖనిజాలు అధికంగా ఉండే ఆహారాలు మన ఆరోగ్యానికి చాలా అవసరం. అయితే సాధారణంగా చాలా మంది ఇలాంటి ఆహార పదార్థాలను ఉడకబెట్టి వండుతారు. దీంతో వాటిలో ఉండే పోషకాలు చాలా తగ్గిపోతాయి. శక్తిని మరింత పెంచుతాయి అలా కాకుండా ఆవిరిలో ఉడికించడం వల్ల నియాసిన్, విటమిన్‌ బి, థయామిన్, విటమిన్‌ సి వంటివి మన శక్తిని మరింత పెంచుతాయి. ఇవి తిన్నవారికి ఖనిజాలు, పొటాషియం, ఫాస్ఫరస్, కాల్షియం, జింక్‌ వంటిపోషకాలు సమృద్ధిగా లభిస్తాయి.  బరువు తగ్గాలనుకునేవారికి బెస్ట్‌ ఫుడ్‌ సాధారణంగా ప్రతి వంటకు నూనెను ఖచ్చితంగా ఉపయోగిస్తారు. కానీ ఆవిరితో తయారుచేసే ఆహారాలకు నూనె అవసరమే లేదు. అందుకే ఆవిరి పట్టిన ఆహారాల్లో కొవ్వు పరిమాణం చాలా తక్కువగా ఉంటుంది కాబట్టి బరువు తగ్గాలనుకునేవారికి ఇది బెస్ట్‌ ఫుడ్‌ అని నిపుణులు చెబుతున్నారు.  ఆవిరితో వండిన ఆహార పదార్థాలలో కేలరీలు, కొవ్వు పదార్థాలు చాలా తక్కువగా ఉంటాయి. ఇవి చాలా తొందరగా జీర్ణం అవుతాయి. ఈ ఆహారం బరువుతోపాటు ఎన్నోరకాల అనారోగ్య సమస్యలను తగ్గించడానికి సహాయపడుతుంది.   కూరగాయలు, పండ్లు తేలికగా జీర్ణం అవుతాయి. ఆవిరిలో వండిన ఆహారాలు చాలా మృదువుగా తయారవుతాయి. ఆవిరి పట్టిన ఆహారం చాలా తేలిగ్గా జీర్ణం అవుతుంది. ఇది మీ జీర్ణవ్యవస్థను ఆరోగ్యంగా ఉంచడానికి సహాయపడుతుంది.   కొలెస్ట్రాల్‌ను అదుపు చేస్తుంది! ఆవిరిలో ఉడికించిన ఆహారం కొవ్వులను నియంత్రణలో ఉంచుతుంది. ఎందుకంటే ఈ వంటలో నూనెను ఉపయోగించకపోవడమే దీనికి కారణం. వంటల్లో నూనెవల్లే చాలా బరువు పెరుగుతారు. అందుకే ఎక్కువ కొవ్వు లేదా నూనెను తినకూడదు. ఇది అధిక రక్తపోటుకు దారితీస్తుంది. రంగు, రుచి మారదు ఆవిరితో వండిన కూరగాయల రంగు అస్సలు మారదు. రుచి కూడా బాగుంటుంది. మరింత రుచికరంగా కొన్ని రకాల మసాలా దినుసులను ఉపయోగించవచ్చు.  కాబట్టి ఆరోగ్యం బాగుండాలంటే ఆవిరి మీద తయారు చేసే ఆహార పదార్థాలేమిటో తెలుసుకుని వాటి మీద దృష్టి పెట్టాల్సిందే మరి!  చదవండి: Health Tips: షుగర్‌ పేషెంట్లకు ఈ పండ్లు అస్సలు మంచివి కావు! వీటిని తింటే.. Health Tips: బోడ కాకర తరచుగా తింటున్నారా? దీనిలోని లుటీన్‌ వల్ల..

క్యారెట్లు కొలెస్ట్రాల్‌ను తగ్గించడంలో సహాయపడతాయి. మొక్కల ఆధారిత ఆహారాలు వాస్తవానికి అధిక కొలెస్ట్రాల్‌ స్థాయిలను తగ్గించడానికి, నిర్వహించడానికి సహాయపడతాయని ఆరోగ్య నిపుణుల అధ్యయనాలలో తేలింది. ►క్యారెట్‌లో సహజంగా ఖనిజాలు, విటమిన్లు, కరిగే ఫైబర్, యాంటీఆక్సిడెంట్లు పుష్కలంగా ఉంటాయి. ►ఇవి శరీరంలో కొలెస్ట్రాల్‌ స్థాయులను తగ్గించడంలో సహాయపడతాయి. ►నిపుణుల అభిప్రాయం ప్రకారం, క్యారెట్‌లోని విటమిన్‌ ఎ, బీటా కెరోటిన్, యాంటీ ఆక్సిడెంట్, దీర్ఘకాలిక గుండె జబ్బుల నుండి రక్షించడంలో సహాయపడతాయి. ►వాస్తవానికి, యాంటీ ఆక్సిడెంట్ల ఉనికి కణాల పునరుత్పత్తిని ప్రోత్సహిస్తుంది. ►ఫ్రీ రాడికల్స్‌ వల్ల కలిగే నష్టాన్ని తగ్గిస్తుంది. ►అందువల్ల క్యారట్‌ తీసుకోవడం వల్ల చెడు కొలస్ట్రాల్‌ స్థాయులు తగ్గిపోతాయి.   క్యారెట్‌ సూప్‌ చేసుకోండిలా! కావల్సినవి:   క్యారెట్లు – 3 (శుభ్రపరిచి, ముక్కలు చేయాలి) ఉల్లిపాయలు – 2 (సన్నగా తరగాలి) చిలగడ దుంప – 1 (తొక్క తీసి, ముక్కలు చేయాలి) వెల్లుల్లి రెబ్బలు – 2 (తరగాలి), కొత్తిమీర – పావు కప్పు నీళ్లు – తగినన్ని, కూరగాయలు ఉడికించిన నీళ్లు – కప్పు టొమాటో గుజ్జు – అర కప్పు, పండుమిర్చి ముద్ద – పావు టీ స్పూన్ ఉప్పు – తగినంత, మిరియాల పొడి – పావు టీ స్పూన్, కారం – పావు టీ స్పూన్, నూనె – టేబుల్‌ స్పూన్‌ తయారీ:  క్యారెట్లు, ఉల్లిపాయలు, చిలగడదుంప, వెల్లుల్లి, కొత్తిమీర ఒక గిన్నెలో వేసి నీళ్లు పోయాలి. ఈ గిన్నెను పొయ్యి మీద పెట్టి సన్నని మంట మీద 15 నిమిషాలు ఉడికించాలి. తర్వాత చల్లారనివ్వాలి. నీళ్లు వడకట్టి కూరగాయల ముక్కలన్నీ మెత్తగా రుబ్బాలి. పొయ్యి మీద గిన్నె పెట్టి నూనె వేసి కాగాక టొమాటో గుజ్జు, పండుమిర్చి ముద్ద, ఉప్పు, కారం కలిపి ఉడికించాలి. దీంట్లో కూరగాయలు వడకట్టిన నీళ్లు, రుబ్బిన మిశ్రమం కలిపి, మిరియాల పొడి వేసి ఉడికించాలి. చివరగా కొత్తిమీర చల్లి వేడి వేడిగా అందించాలి. చదవండి: C- Section Wound Infection: సిజేరియన్‌.. కుట్ల నుంచి చీము.. ఏమైనా ప్రమాదమా? Detoxification: నోటి దుర్వాసన, చెమట నుంచి చెడు వాసన.. శరీరంలోని విషాలు తొలగించుకోండిలా! ఇవి తింటే మాత్రం..

ఆధునిక కాలంలో అనుసరిస్తున్న జీవన శైలి వల్ల, తినే ఆహారం వల్ల రకరకాల జబ్బులను కొని తెచ్చుకునే వారి సంఖ్య పెరిగిపోతోంది. ముఖ్యంగా గుండె జబ్బులతో బాధపడే వారి సంఖ్య అంతకంతకూ హెచ్చుతూనే ఉంది. హృదయ సంబంధ వ్యాధులకు ప్రధానంగా ఆహార పదార్థాలతోపాటు కొలెస్ట్రాల్‌ స్థాయులు ఎక్కువ ఉండటం కూడా ఒక కారణమే. కొలెస్ట్రాల్‌ అనేది శరీరానికి అవసరమేనా? ఇది ఎంత ఉండాలి, ఎంతకంటే ఎక్కువ ఉంటే ప్రమాదం అనే విషయాల గురించి తెలుసుకుందాం. శరీరంలో కొవ్వు పెరగడంలో ఎల్‌డిఎల్‌ది ప్రధాన బాధ్యత. ప్రతి 1 మిల్లీ గ్రాము/డి.ఎల్‌ ఎల్‌డిఎల్‌ పెరిగితే గుండెపోటు పెరిగే ప్రమాదం ఒకశాతం పెరుగుతుంది. అయితే ఎల్‌డి ఎల్‌కు ‘సాధారణ స్థాయి’ అంటూ ఏమీ లేదు. ఎల్‌డిఎల్‌ స్థాయి 100 మిల్లీ గ్రాము/డిఎల్‌కు పెరిగినప్పుడు గుండె పోటు ప్రమాదం అధికమవుతుంది. ఇప్పటికే గుండె జబ్బు ఉన్నవారిలో ఎల్‌డిఎల్‌ స్థాయి 70 మిల్లీ గ్రాము/డిఎల్‌ కంటే తక్కువ ఉండాలని తాజా పరిశోధనలు సూచిస్తున్నాయి. హెడీఎల్‌ కొలెస్ట్రాల్‌ దీనినే మంచి కొలెస్ట్రాల్‌ అని అంటారు. హెచ్‌డిఎల్‌ రక్తనాళాల్లోని కొలెస్ట్రాల్‌ను తొలగించి, కాలేయానికి పంపిస్తుంది. ఇక్కడ కొలెస్ట్రాల్‌ విచ్ఛిన్నం అవుతుంది. ‘అథిరొస్లె్కరొసిన్‌’ అనే సమస్య ఉత్పన్నం కాకుండా హెచ్‌డిఎల్‌ రక్షణగా ఉంటుంది. హెచ్‌డిఎల్‌ స్థాయి తక్కువ గా ఉందంటే, గుండె రక్తనాళాల వ్యాధి ప్రమాదం పెరుగుతున్నట్లు భావించాలి. గుండె పోటుకు బలమైన కారణం ఎల్‌డిఎల్‌ పెరగడం కన్నా హెచ్‌డిఎల్‌ తగ్గడమే. హెచ్‌డిఎల్‌ పురుషుల్లో 40 ఎంజి/ డిఎల్, మహిళల్లో 50 ఎంజి/డిఎల్‌ ఉండేలా జాగ్రత్తలు తీసుకోవాలి  ఆహార జాగ్రత్తలు ►అల్లం వెల్లుల్లి మిశ్రమాన్ని ప్రతిరోజు వంటల్లో ఉపయోగించడం వల్ల కొలెస్ట్రాల్‌ సమస్యను తగ్గించుకోవచ్చు. ►అలాగే గ్రీన్‌ టీ రోజు తాగడం వల్ల కూడా చెడ్డ కొలెస్ట్రాల్‌ను తగ్గించడంతో పాటు హెచ్‌డీఎల్‌ స్థాయిని కూడా పెంచుకునే వీలుంది. ►ఇక దనియాలు.. ఈ గింజల్లో ఫోలిక్‌ యాసిడ్, విటమిన్‌ ఏ, బీటా కెరోటిన్, విటమిన్‌ సి వంటివి ఉండటం వల్ల కొలెస్ట్రాల్‌ ప్రభావం తగ్గుతుంది. వీటిని రోజు నేరుగా తినడం అలవాటు చేసుకుంటే మంచిది. ►మెంతులు కూడా కొలెస్ట్రాల్‌ను తగ్గించడంలో కీలకపాత్ర పోషిస్తాయి. వీటిని నేరుగా తినలేము. ఎందుకంటే ఇవి రుచికి చిరుచేదుగా అనిపిస్తాయి. అందువల్ల నానబెట్టుకుని తింటే మంచిది. ►చివరిగా ఉసిరి. ఇది కొలెస్ట్రాల్‌ సమస్యకు చక్కని పరిష్కారంగా నిపుణులు సూచిస్తున్నారు. అయితే ఏదైనా సమస్య రాకముందే ఇలాంటివి అలవాటు చేసుకుంటే మంచిదని.. చక్కని ఆరోగ్యాన్ని పొందవచ్చని కూడా చెబుతున్నారు. ►మాంసాహారం పూర్తిగా మానేయాలి. శాకాహారం లో వేపుడు కూరలు తినరాదు. వీటి బదులు ఫైబర్‌ ఎక్కువగా ఉన్న ఆహారం తీసుకోవడం మంచిది. అలాగే కొబ్బరి, వేరుశనగలు, నువ్వులు వంటివి తీసుకోవడం వల్ల వీటిలో ఫైబర్‌తోపాటు ఆరోగ్యకరమైన కొవ్వు ఉంటుంది. ఇది మన శరీర నిర్మాణానికి అవసరం.  ►వరి, గోధుమ బదులు తృణ ధాన్యాలు, సిరి ధాన్యాలు తింటే కూడా చెడు కొలెస్ట్రాల్‌ బాగా తగ్గుతుంది. ►అలాగే పళ్ళు, పచ్చికూరలు తురుముకొని పెరుగులో వేసుకుని తినండి. కీర దోస, కారట్, బీట్రూట్, దోసకాయలు, బూడిద గుమ్మడి, సొరకాయ వంటివి తురుముకొని లేదా మిక్సర్‌లో వేసి పెరుగులో కలిపి తీసుకుంటే చాలా మంచిది. ►పాలకు బదులు పెరుగు, మజ్జిగ తీసుకోండి. పంచదార పూర్తిగా మానేసి తాటిబెల్లం, బెల్లం లేదా తేనె కొంచెం కొంచెం తీసుకోండి. ►ప్రతిరోజూ ఉదయం మొలకలు, మధ్యాహ్నం భోజనం, సాయంత్రం సలాడ్, పండ్లు తీసుకోవాలి. ఉదయం రెండు కిలోమీటర్ల నడక, ప్రాణాయామం చేయండి. చెడు కొవ్వు తగ్గడానికి... ఉప్పు తగిన మోతాదులో తీసుకోవాలి.ఎల్‌డీఎల్‌ అనే చెడు కొవ్వులు.. డెసీలీటర్‌కు 70 మిల్లీగ్రాములకు మించకూడదు. ఎంత తక్కువ గా ఉంటే అంత మంచిది. ∙మధుమేహం ఉన్నవాళ్లు చెడు కొలెస్ట్రాల్‌ను తగ్గించే ఔషధాలు తీసుకోవడం తప్పనిసరి.  ►మంచి కొలెస్ట్రాల్‌ డెసిలీటర్‌కు 40 మిల్లీగ్రాములు ఉండేలా చూసుకోవాలి. ∙ఎత్తుకు తగ్గ బరువు ఉండేలా చూసుకోవాలి. ఊబకాయం బారిన పడకుండా జాగ్రత్తపడాలి. క్రమం తప్పకుండా వ్యాయామం చేయాలి.  ►తిండిని అదుపులో ఉంచుకోవాలి. చెడు కొలెస్ట్రాల్‌ ఎక్కువైతే.? శరీరంలో కొలెస్ట్రాల్‌ ఎక్కువైతే ఎన్నో అనారోగ్య సమస్యలు వస్తాయి. రక్తపోటు, ఊబకాయం, గుండె పోటు, నడుము నొప్పులు, కీళ్ల నొప్పులు, వెన్నునొప్పులు, కిడ్నీ, మెదడుకు సంబంధించిన సమస్యలు ఎక్కువవుతాయి. అన్ని విషయాల్లో మంచి, చెడూ ఉన్నట్లే.. కొవ్వుల్లోనూ మనకు మేలు చేసేవి, చెడు చేసేవి ఉన్నాయి. చెడు కొవ్వుల్ని ఎల్‌డీఎల్‌(ఔఈఔ) అని, మంచి కొవ్వుల్ని హెచ్‌డీఎల్‌(ఏఈఔ) అని పిలుస్తారు. మన రక్తంలో చెడు కొలెస్ట్రాల్‌ తక్కువగా/అదుపులో ఉండాలి. అప్పుడే ఆరోగ్యంగా ఉంటాం.  

Why do heart attacks become common during winters? ప్రస్తుత కాలంలో గుండెపోటు కూడా అత్యంత సాధారణ మరణాల్లో ఒకటిగా చేరిపోయింది. ఒకప్పుడు 50 యేళ్లు దాటిన వారికి వచ్చే హార్ట్‌ అటాక్.. ఇప్పుడు 20, 30, 40 ఏళ్ల వారికి కూడా వస్తున్నాయి. అందుకు అనేకానేక కారణాలతోపాటు కాలానుగుణ మార్పులు కూడా మీ హృదయ ఆరోగ్యాన్ని దెబ్బతీస్తాయని అధ్యయనాలు హెచ్చరిస్తున్నాయి.  ముఖ్యంగా శీతాకాల వాతావరణం తరచుగా గుండెపోటులు రావడానికి కారణమౌతుందని అధ్యయనాలు చెబుతున్నాయి. ఈ కాలంలో కేవలం శ్వాసకోశ వ్యాధులు మాత్రమేకాకుండా గుండె జబ్బుల ప్రమాదం కూడా పొంచి ఉంటుంది. ఈ కాలంలో ఉష్ణోగ్రతలు హఠాత్తుగా తగ్గడం వల్ల ఆకస్మిక గుండెపోటులు సంభవిస్తాయట. కాబట్టి ఇతర సీజన్ల కంటే చలికాలం మరింత జాగ్రత్తగా ఉండవలసిన అవసరం ఎంతైనా ఉందని చెప్పవచ్చు. చలికాలంలో గుండెపోటు సంభవించడానికి గల ప్రధాన కారణాలు శీతాకాలంలోనే ఎందుకు గుండెపోటు ప్రమాదాలు అధికంగా సంభవిస్తున్నాయనేదానికి ఖచ్చితమైన కారణం తెలియనప్పటికీ.. చాలా మంది నిపుణులు గుండెపోటులు పెరగడానికి శరీర ఉష్ణోగ్రత కూడా ఒక కారణమనని అంటున్నారు. ఉష్ణోగ్రతల తగ్గుదల గుండెపై తీవ్ర ప్రభావాన్ని చూపుతాయి. అందుకే చలికాలంలో స్ట్రోకులు, ఆకస్మికంగా గుండె ఆగిపోవడం, గుండె సమస్యలు, అరిథ్మియా.. వంటి రుగ్మతలు సంభవిస్తాయని అనేక అధ్యయనాలు చెబుతున్నాయి. చలికాలంలో శరీరం నాడీ వ్యవస్థ క్రియాశీలతలో మార్పులు చోటుచేసుకోవటం వల్ల, రక్త నాళాలను కుచించుకుపోతాయి. దీనిని ‘వాసోకన్‌స్ట్రిక్షన్’ అని  పిలుస్తారు. ఇది జరిగినప్పుడు రక్తపోటు స్థాయి పెరిగడంవల్ల, శరీరంలోని వివిధ భాగాలకు రక్తాన్ని పంప్ చేయడంలో గుండె ఎక్కువగా కష్టపడి పని చేస్తుంది. ఉష్ణోగ్రతలు తగ్గినప్పుడు, శరీరం వేడిని నియంత్రించడానికి గుండె రెట్టింపు కష్టపడాల్సి ఉంటుంది. ఇది గుండె పనితీరుపై ప్రభావం చూపుతుంది. గుండెపోటు సమస్యలున్నవారికి ఈ ప్రమాదం మరింత ఎక్కువగా ఉంటుంది. చలికాలంలో శరీరానికి ఆక్సిజన్ అవసరాలు కూడా పెరుగుతాయి. రక్తనాళాల సంకోచం వల్ల, తక్కువ మొత్తంలో ఆక్సిజన్ గుండెకు చేరుతుంది. ఇది గుండెపోటుకు ఆస్కారన్నిస్తుంది. ఈ జాగ్రత్తలు పాటించారంటే మీ హృదయ ఆరోగ్యం పదిలంగా.. ►ఈ కాలంలో శారీరకంగా చురుకుగా లేకపోవడం కూడా ఒక కారణమే. తేలికపాటి వ్యాయామాలు చేయడం మరచిపోకూడదు. ►కొలెస్ట్రాల్‌ను పెంచే ఆహారాలను ఎక్కువగా తీసుకోవడం వల్ల ధమనులపై ప్రభావం పడి గుండె ఆరోగ్యాన్ని ప్రమాదంలోకి నెట్టేస్తుంది. ►మధుమేహం, బీపీ ఇతర సమస్యలున్నవారు తరచూ స్థాయిలను తనిఖీ చేసుకుంటూ ఉండాలి. ►మద్యం, పొగాకు వినియోగాన్ని తగ్గించాలి. ►ఏదైనా చికాకు, ఛాతీలో భారం, చెమట, భుజం నొప్పి, దవడ నొప్పి, తల తిరగడం, వికారం వంటి వాటిని తేలికగా తీసుకోకూడదు. వెంటనే ఆరోగ్య పరీక్షలు చేయించుకోవాలి. చదవండి: World's Largest Cemetery: ఇది నగరంలోని శ్మశానం కాదు.. శ్మశానమే ఓ మహానగరంగా! ఎక్కడుందో తెలుసా?

కొలెస్ట్రాల్‌ అనగానే అది హానికరమనే విధంగా నే చెప్పుకుంటూ ఉంటాం. కానీ కొలెస్ట్రాల్‌లో మంచి, చెడు ఉంటాయి. అది చెడు కొలెస్ట్రాల్‌ అయినా, మంచి కొలెస్ట్రాల్‌ అయినా ఉండాల్సిన పాళ్లలో ఉండాలి. మంచి కొలెస్ట్రాల్‌ను హెచ్‌డీఎల్‌ అంటారు. చెడు కొలెస్ట్రాల్‌ను ఎల్‌డిఎల్‌ అంటారు. వున శరీరంలో కొలెస్ట్రాల్‌ స్థాయులను రక్త పరీక్ష ద్వారా కనుక్కోవచ్చు. 12 గంటలపాటు ఏమీ తినకుండా ఈ టెస్ట్‌ చేయించుకోవాలి. ఈ పరీక్షలో మన ఎల్‌డీఎల్‌ (చెడు కొలెస్ట్రాల్‌), హెచ్‌డీఎల్‌ (మంచి కొలెస్ట్రాల్‌) మోతాదులు తెలుస్తాయి. ఎల్‌డీఎల్‌ ఎక్కువగా ఉంటే ధమనుల్లో కొవ్వు చేరి హార్ట్‌ ఎటాక్‌ వచ్చే ప్రమాదం ఉంది. అందుకే ఎల్‌డీఎల్‌ను ‘‘చెడు కొలెస్ట్రాల్‌’’ అని అంటారు. కానీ హెచ్‌డీఎల్‌ రక్తనాళాల్లో కొవ్వు చేరకుండా చేస్తుంది. అందుకే హెడీఎల్‌ ను ‘‘వుంచి కొలెస్ట్రాల్‌’’ అని అంటారు. మన శరీరంలో ఎప్పుడు హెచ్‌డీఎల్‌ ఎక్కువగా, ఎల్‌డీఎల్‌ తక్కువగా ఉండాలి. గుడ్డులోని తెల్లసొన లో మంచి కొలెస్ట్రాల్‌ ఉంటుంది. పచ్చ సొనలో చెడు కొలెస్ట్రాల్‌ ఉంటుంది. కాబట్టి తెల్లసొన తీసుకుని, పచ్చసొనను తగ్గించాల్సిందిగా డాక్టర్లు, ఆహారనిపుణులు చెబుతుంటారు. ఒకవేళ చెడు కొలెస్ట్రాల్‌ అంతగా లేనివారు మొత్తం గుడ్డును తినేయవచ్చు. కొలెస్ట్రాల్‌ కూడా ఉండాల్సిన మోతాదులో శరీరానికి అందాలి. అయితే అది తన మోతాదుకు మించకుండా చూసుకోవాలి. మంచి జీవనశైలితో మంచి ఆహార అలవాట్లతో సరైన వ్యాయామంతో చెడు కొలెస్ట్రాల్‌ ను అదుపులో పెట్టుకోవచ్చు.   

కొలెస్ట్రాల్‌ పెరిగినప్పుడు దాన్ని తగ్గించే మందులను వాడుతూ ఉంటే... డాక్టర్‌ను సంప్రదించకుండా వాటిని మానకూడదు. నిజానికి కొలెస్ట్రాల్‌ ప్రధానంగా రెండు రకాలు. గుండెకు హాని చేసే కొలెస్ట్రాల్‌ను ఎల్‌డీఎల్‌ (లో డెన్సిటీ లిపోప్రొటీన్‌) అనీ, మేలు చేసేదాన్ని హెచ్‌డీఎల్‌ (హై డెన్సీటీ లైపోప్రొటీన్‌) అని అంటారు. మన రక్తంలో ఎల్‌డీఎల్‌ 100 కంటే తక్కువగానూ, హెచ్‌డీఎల్‌ 40 కంటే ఎక్కువగానూ ఉండాలి. అలాగే ట్రైగ్లిజరైడ్స్‌ అనే కొవ్వులు 150 లోపు ఉండాలి. కొలెస్ట్రాల్‌ మన శరీరానికి రెండు రకాలుగా అందుతుంది. మొదటిది ఆహారం ద్వారా, రెండోది కాలేయం పనితీరు వల్ల. శిశువు పుట్టినప్పుడు శరీరంలో 70 మి.గ్రా. కొలెస్ట్రాల్‌ ఉంటుంది. మెదడు, నరాల వ్యవస్థ ఇలా శిశువు పూర్తిగా ఎదగడానికి రెండేళ్ల వయసు వచ్చే వరకు కొలెస్త్రాల్‌ ఎక్కువ మోతాదులో అవసరమవుతుంది. రెండేళ్ల తర్వాత దీని అవసరం అంతగా ఉండదు.(చదవండి: పేల బాధ తగ్గాలంటే.. ) అయితే వ్యక్తుల్లోని జన్యుతత్వాన్ని బట్టి కూడా మంచి, చెడు కొలెస్ట్రాల్‌ ఉత్పత్తి ఎక్కువ / తక్కువగా అవుతుంటుంది. మనుషులు  మాంసాహారం, దాంతోపాటు వేపుళ్లు, బేకరీ పదార్థాలు, నెయ్యిలాంటి వాటిని పరిమితి కంటే మించి ఎక్కువగా తీసుకుంటే ఆ ఆహారం కాస్తా కొవ్వుగా మారుతుంది. అది గుండె ఆరోగ్యానికి మంచిది కాదు. ముందుగా చెప్పినట్టు కొలెస్ట్రాల్‌ ఎక్కువగా ఉన్నవారు, దాన్ని పరిమితిలో ఉంచుకోడానికి మందులు వాడుతుంటే, వాటిని మధ్యలో ఎట్టిపరిస్థితుల్లోనూ మానేయకూడదు. ఇక ఆహారంలో మాంసాహారం బాగా తగ్గించాలి. నాన్‌వెజ్‌లో కొవ్వులు తక్కువగా ఉండే చికెన్, చేపలు మంచిది. ముదురు ఆకుపచ్చరంగులో ఉండే ఆకుకూరలు, కాయగూరలు తీసుకోవడం మేలు.

సాక్షి, హైదరాబాద్‌ : రక్తంలోని చెడు కొలెస్ట్రాల్‌ను ఉన్నపణంగా తగ్గించేందుకు ఓ కొత్త మందు రాబోతోంది. ఎవినాకుమాబ్‌ అనే మందుపై ప్రస్తుతం ప్రయోగాలు జరుగుతున్నాయి.. శరీరానికి కొలెస్ట్రాల్‌ అవసరమైనప్పటికీ.. అందులో హెచ్‌డీఎల్‌ అనే మంచి కొలెస్ట్రాల్, ఎల్‌డీఎల్‌ అనే చెడు కొలెస్ట్రాల్‌లు ఉంటాయి. రక్తంలో ఎల్‌డీఎల్‌ ఎక్కువైతే గుండెజబ్బులు వచ్చే అవకాశాలు మెండు. ప్రస్తుతం ఈ సమస్యను నివారించేందుకు చిన్నపేగులు శోషించుకునే కొలెస్ట్రాల్‌ మోతాదును నియంత్రించే స్టాటిన్లు, రెండు ఇతర మందులను ఉపయోగిస్తున్నారు. అయితే చాలామంది రోగుల్లో ఈ చికిత్సతోనూ సమస్యలు ఏర్పడుతున్నాయి. ఈ నేపథ్యంలోనే తాము ఎల్‌డీఎల్‌ కొలెస్ట్రాల్‌ను సగం చేసే ఎవినాకుమాబ్‌ను అభివృద్ధి చేశామని, ఇది ఇప్పటికే రెండో దశ ప్రయోగాలను కూడా పూర్తి చేసుకుందని అమెరికాకు చెందిన డాక్టర్‌ రాబర్ట్‌ రోసెన్సన్‌ వెల్లడించారు. ఎవినాకుమాబ్‌పై తాము 272 మందిపై ప్రయోగించామని, 16 వారాల తర్వాత జరిపిన పరిశీలనల్లో ఎల్‌డీఎల్‌ కొలెస్ట్రాల్‌ దాదాపు 56% వరకు తగ్గినట్లు తేలిందని ఆయన వివరించారు. చర్మం అడుగు భాగం నుంచి వారానికోసారి 450 మిల్లీ గ్రాముల మందు ఇచ్చిన వారిలో ఈ తేడా కనిపించగా, వారంలో ఒకసారి రక్తం ద్వారా 300 మిల్లీగ్రాముల మందు తీసుకున్న వారిలో 52.9 శాతం తగ్గుదల నమోదైందని ప్రయోగాల్లో స్పష్టమైంది. శరీర బరువు ప్రతి కిలోకు కనిష్టంగా ఐదు మిల్లీగ్రాముల చొప్పున మందు అందించినా కొవ్వులో తగ్గుదల 24.2 శాతం వరకూ ఉందని తెలిసింది. ఎవినాకుమాబ్‌ తీసుకున్న వారిలో దుష్ప్రభావాలూ తక్కువేనని రోసెన్సన్‌ తెలిపారు. ప్రస్తుతం ఫుడ్‌ అండ్‌ డ్రగ్‌ అడ్మినిస్ట్రేషన్‌ ఈ మందుకు ఆమోదం తెలపాలా? వద్దా? అన్న దానిని పరిశీలిస్తోంది. రేడియో తరంగాలతో కీళ్ల నొప్పులు మాయం! సాక్షి, హైదరాబాద్‌: కీళ్ల నొప్పుల బాధ వర్ణనాతీతమనే చెప్పాలి.. మందులు వాడినంత సమయం బాగానే ఉంటుంది గానీ.. మానేసిన వెంటనే మళ్లీ నొప్పి ప్రాణాలు తీసేస్తుంది. అయితే తక్కువ సామర్థ్యమున్న రేడియో తరంగాలు ఈ సమస్యను తీరుస్తాయని అంటున్నారు జపాన్‌కు చెందిన ఎమోరీ యూనివర్సిటీ స్కూల్‌ ఆఫ్‌ మెడిసిన్‌ శాస్త్రవేత్త డాక్టర్‌ ఎం.ఫెలిక్స్‌ గోంజాల్వెజ్‌.. తాము జరిపిన పరీక్షల్లో ఈ రేడియో తరంగాలు ఎక్కువ సమయం కీళ్ల నొప్పులను తగ్గించినట్లు తేలిందని ఆయన చెబుతున్నారు. సాధారణంగా వాడే మందులు, ఇంజెక్షన్లకు శరీరం కొంతకాలం తర్వాత అలవాటు పడిపోతుందని, అందువల్ల వాటితో ఫలితం తక్కువగా ఉంటుందని ఫెలిక్స్‌ చెబుతున్నారు. కార్టికో స్టెరాయిడ్లతో కూడిన ఇంజెక్షన్‌ మొదటిసారి ఆరు నెలల వరకూ ప్రభావం చూపితే, రెండోది మూడు నెలల కంటే ఎక్కువ సమయం పనిచేయదని.. ఇక మూడోది నెల వరకే ప్రభావం చూపుతుందని వివరించారు. ఈ నేపథ్యంలోనే తాము ప్రత్యామ్నాయ చికిత్స పద్ధతుల కోసం ప్రయత్నాలు మొదలుపెట్టామని, సమస్యలున్న కీళ్ల వద్ద సూదులు చొప్పించి తక్కువ స్థాయి రేడియో తరంగాలను పంపడం ద్వారా అక్కడి నాడులను ఉత్తేజపరిస్తే మంచి ఫలితాలు ఉన్నట్లు తెలిసిందని వివరించారు. ఈ పద్ధతిలో నొప్పి తాలూకూ సంకేతాలు మెదడుకు చేరే వేగం తగ్గుతుందన్నారు. గతేడాది తాము ఈ పద్ధతిని కొంతమందిపై విజయవంతంగా పరీక్షించామని అప్పట్లో మోకాలిపై ప్రయోగాలు జరిగితే ప్రస్తుతం భుజాలు, తుంటి ప్రాంతంలోని కీళ్లపై జరుగుతున్నట్లు వెల్లడించారు. మూడు నెలల పాటు 23 మందిపై ప్రయోగాలు జరగ్గా చాలామందిలో మంచి ఫలితాలు కనిపించాయని ఫెలిక్స్‌ తెలిపారు. 

సాక్షి, న్యూఢిల్లీ: గుండెపోటు నివారణకు ‘స్టాటిన్‌’ ట్యాబ్‌లెట్లను బ్రిటన్‌లోనే కాకుండా భారత్‌లో ప్రజలు ఎక్కువగా వాడుతున్నారు. స్టాటిన్స్‌ రక్తంలోని చెడు కొలెస్ట్రాల్‌ ఎల్‌డీఎల్‌ను తగ్గించడం వల్ల గుండెపోటు రాకుండా అండుకోగలుగుతుందన్న విశ్వాసమే ఈ మందులను ఎక్కువగా వాడడానికి కారణం. కానీ వాస్తవానికి హృద్రోగులు స్టాటిన్స్‌ తీసుకోవడం వల్ల పెద్ద ప్రయోజనమేమి కనిపించడం లేదని ‘బ్రిటిష్‌ మెడికల్‌ జర్నల్‌’ తాజా సంచికలో పేర్కొంది. హృద్రోగులపై స్టాటిన్స్‌ ప్రభావానికి సంబంధించి ఇంతకుముందు నిర్వహించిన 35 అధ్యయనాలను విశ్లేషించడం ద్వారా ఓ వైద్య బృందం ఈ అభిప్రాయానికి వచ్చింది. (చదవండి: టిక్‌టాక్‌ విక్రయం : చైనా వార్నింగ్?) స్టాటిన్స్‌ను వాడిన వారిలో మూడొంతుల మంది గుండెపోటు వల్ల మరణించారని, సగానికి సగం మంది రోగుల్లో స్టాటిన్స్‌ గుండెపోటు ప్రమాదాన్ని ఏమాత్రం తగ్గించలేక పోయాయని వైద్య బృందం పేర్కొంది. స్టాటిన్స్‌ ప్రభావంపై తాజాగా అధ్యయనాలు జరపకుండానే, పాత అధ్యయనాలను సరిగ్గా విశ్లేషించకుండానే వైద్యులు సంప్రదాయబద్ధంగా ఇప్పటికీ స్టాటిన్స్‌ ప్రిస్క్రైబ్‌ చేస్తున్నారని వైద్య బృందం అభిప్రాయాలను క్రోడీకరించిన డాక్టర్‌ రాబర్ట్‌ డ్యూబ్రాఫ్‌ తెలిపారు. ఆయన ‘యూనివర్శిటీ ఆఫ్‌ న్యూమెక్సికో స్కూల్‌ ఆఫ్‌ మెడిసిన్‌’లో ప్రొఫెసర్‌గా పని చేస్తున్నారు.  (ఫ్లూ టీకాతో ఆ రెండు జబ్బులు తగ్గుదల..)

కాకరకాయను తలచుకోగానో దీని చేదు స్వభావం ముందుగా కళ్ల ముందు కదలాడుతుంది. చేదుగా ఉంటే కాకరను ఎలా తింటాంరా బాబూ అని చాలా మంది దూరం పెడుతుంటారు. అయితే కొంతమందికి మాత్రం కాకరకాయ పిచ్చిపిచ్చిగా నచ్చుతుంది. రోజువారీ ఆహారం కాకరను తప్పనిసరిగా వినియోగిస్తారు. రుచికి చేదు అయినా ఆరోగ్యానికి అమృతం లాంటింది. ఎంతో మందికి కాకర వల్ల కలిగే ప్రయోజనాలు తెలియవు. దానిలో ఉండే పోషక విలువలు తెలిస్తే ఇక వదులుకోరు. కాకర ఆస్తమా, జలుబు, దగ్గు వంటి మొదలైన శ్వాస సంబంధిత సమస్యల నివారణకు అద్భుతవమైన ఔషధంగా పనిచేస్తుంది. కాకర జ్యూస్‌ తాగితే లివర్‌ సమస్యలు తగ్గుతాయి.  న్యూట్రిషన్‌ విలువలు ► మొత్త కాలరీలు-16 ►ఆహార ఫైబర్ - 2.6 గ్రా ►కార్బోహైడ్రేట్లు - 3.4 గ్రా ►కొవ్వులు - 158 మి.గ్రా ►నీటి శాతం - 87.4 గ్రా ►ప్రోటీన్ - 930 మి.గ్రా అసలు మనిషి ఆరోగ్యానికి కాకరకాయ ఎలా ఉపయోగపడుతుంది అనే విషయంలో అనేక క్లినికల్ అధ్యయనాలు జరిగాయి. ఈ అధ్యయనాలలో దీనిని తినడం ఆరోగ్యానికి ఎక్కువ మేలు చేస్తుందని వెల్లడైంది. మనలో చాలా మంది కాకరను రుచి కారణంగా తినడానికి పెద్దగా ఆసక్తి చూపకపోయినా, సమృద్ధిగా ఉన్న ఆరోగ్య ప్రయోజనాల గురించి తెలుసుకున్న తర్వాత, మీరు బహుశా మీ ఆలోచనను మార్చుకోవచ్చు. దీనితో కడుపు నొప్పి, మధుమేహం, కాన్యర్‌, గుండె జబ్బులు వంటి సర్వ రోగాలకు నివారిణిగా పనిచేస్తుంది. ఎంతో మేలు చేస్తుంది. 1.మలబద్దకం, జీర్ణాశయం వ్యాధులు నివారణ కాకరను క్రమం తప్పకుండా తీసుకోవడం వల్ల ఆరోగ్యంపై సానుకూల ప్రభావాన్ని చూపుతుంది. ఇది మలబద్ధకం, కడుపు నొప్పి వంటి పేగు రుగ్మతలను నయం చేయడమే కాకుండా, జీర్ణవ్యవస్థలోకి ప్రవేశించే పరాన్నజీవులను చంపడానికి సహాయపడుతుంది. అంతేకాక ఇది యాంటీఆక్సిడెంట్లను కలిగి ఉంటుంది.జీర్ణ ఎంజైమ్లను ప్రేరేపించడానికి, జీర్ణక్రియకు ఉపకరిస్తుంది.అధిక ఫైబర్‌ ఉంన్నందు వల్ల మంచి ఆరోగ్యాన్ని కాపాడుకోవడానికి కాకరను వైద్యులు సిఫార్సు చేస్తారు. 2. డయాబెటిస్‌  కాకర డయాబెటిస్ నిర్వహణకు సహాయపడుతుంది. డయాబెటిస్‌తో బాధపడుతున్న ఎవరికైనా దీనిని తరచుగా తీసుకోవాలని సూచిస్తారు. ఇందులో యాంటీ-డయాబెటిక్ లక్షణాలతో కూడిన మూడు క్రియాశీల పదార్థాలు ఉన్నాయి. అవి పాలీపెప్టైడ్-పి, వైసిన్, చరణి. ఇవి ఇన్సులిన్ లాంటి లక్షణాలు కలిగి రక్తంలో గ్లూకోజ్ విలువలను తగ్గించే ప్రభావాలను కలిగి ఉంటాయని నిర్ధారణ జరిగింది.  రక్తంలో షుగర్‌ లెవల్స్‌లను తగ్గించడంలో చురుకుగా పనిచేస్తాయి. అంతేకాక కాకరలో లెక్టిన్ ఉందని, ఇది ఆకలిని అణచివేయడం,పరిధీయ కణజాలాలపై పనిచేయడం ద్వారా శరీరంలోని రక్తంలో గ్లూకోజ్ లెవల్స్‌ను తగ్గించడానికి సహాయపడుతుంది. నిపుణుల అభిప్రాయం ప్రకారం రోజూ ఉదయం కాకర జ్యూస్‌ను ఖాళీ కడుపుతో తీసుకోవడం వల్ల మీ డయాబెటిస్‌ను అదుపులో ఉంచుకోవచ్చు. దీనిలో పీచు లక్షణాలు అధికంగా కలిగిఉండడం వల్ల తేలికగా అరుగుతుంది. ఈ ఆహారం అరుగుదలకు, మలబద్ధకం, అజీర్తి సమస్యల నివారణలో సహాయపడి శరీరం నుండి చెత్తను తొలగిస్తుంది. 3. రోగనిరోధక శక్తిని పెంచుతుంది.  కాకరలో విటమిన్ సి ఎక్కువగా ఉంటుంది. దీనిలో యాంటీఆక్సిడెంట్ లక్షణాలు పుష్కలంగా లభిస్తాయి. మానవ శరీరానికి యాంటీఆక్సిడెంట్లు అవసరం. ఇది రోగనిరోధక కణాలు,తెల్ల రక్త కణాలు (డబ్ల్యూసీ) పెంచడానికి సహాయపడుతుంది.  రోగనిరోధక శక్తిని బలోపేతం చేయడమే కాకుండా, అలెర్జీని నివారించడంలో సహాయపడుతుంది. కాకర కాయలు, ఆకులను నీటిలో ఉడకించి తీసుకోవడం వల్ల అంటు రోగాలు దరిచేరకుండా ఉంటాయి. 4. రక్తాన్ని శుద్ధి చేస్తుంది. కాలేయాన్ని శుభ్రపరుస్తుంది  కాకరకు గల  యాంటీమైక్రోబయల్, యాటీఆక్సిడెంట్ లక్షణాలు మన శరీరంలోని చెత్తను తొలగించడంలో సహాయపడతాయి. అంతేకాక ఇది మీ కాలేయంలో స్థిరపడిన అన్ని రకాల మత్తులను తుడిచిపెట్టడానికి దోహదపడుతుంది. అందువల్ల ఇది అనేక కాలేయ సమస్యలను నయం చేస్తుంది. అలాగే మీ పేగును శుభ్రపరుస్తుంది. ఇది మూత్రాశయం సరైన పనితీరుకు సహాయపడుతుంది. నిపుణుల అభిప్రాయం ప్రకారం.. మీరు హ్యాంగోవర్ అయితే, చేదుకాయ రసం తీసుకోవడం వల్ల మన శరీరం నుంచి ఆల్కహాల్ మత్తును తగ్గించి చురుకుగా ఉంటారు. 5. క్యాన్సర్ నుండి రక్షింస్తుంది.  ఫ్రీ రాడికల్స్ క్యాన్సర్‌కు ప్రధాన కారణం. అవి మన శరీరం పనిచేసే విధానాన్ని ప్రభావితం చేస్తాయి. నిందుకు మన శరీరాన్ని ఫ్రీ రాడికల్స్ లేకుండా చూసుకోవాలి. ఫ్రీ రాడికల్స్..  ధూమపానం, కాలుష్యం,ఒత్తిడితో అధికంగా పెరుగుతుంది. కావున కారలో  లైకోపీన్, లిగ్నన్స్, కెరోటినాయిడ్లు ఉంటాయి. ఎక్కువ మొత్తంలో విటమిన్ ఎ, జియా-శాంథిన్,లుటిన్ ఉన్నాయి. ఇవి ప్రాధమిక యాంటీ ఆక్సిడెంట్లు, పోషకాలు ఫ్రీ రాడికల్స్‌తో పోరాడతాయి. దీంతో చివరకి మన శరీరంలో కణితులు ఏర్పడటాన్ని తగ్గిస్తుంది. 6. కొలెస్ట్రాల్‌ను నియంత్రిస్తుంది. అధిక స్థాయిలో కొలెస్ట్రాల్ ఉండటం వల్ల ధమనులలో కొవ్వు ఫలకం ఏర్పడుతుంది, ఇది గుండె రక్తాన్ని పంప్ చేయడానికి కష్టపడి పనిచేస్తుంది. హృదయ సంబంధ వ్యాధుల ప్రమాదాన్ని పెంచుతుంది. కాకర చెడు కొలెస్ట్రాల్ స్థాయిలను తగ్గిస్తుంది. పుష్టి ఆరోగ్యానికి తోడ్పడటానికి మంచి కొలెస్ట్రాల్‌ను పెంచుతుంది. కాకరలో పొటాషియం, మెగ్నీషియం, కాల్షియం అధిక మొత్తంలో ఉంటాయి. ఇవన్నీ గుండెపై సానుకూల ప్రభావాన్ని చూపుతాయి. 7. అధిక బరువును తగ్గిస్తుంది.  కాకరలో గొప్ప పోషకాలు ఉండటం వల్లగా బరువు తగ్గించే ఆహారంగా సహకరిస్తుంది. 100 గ్రాముల కాకరలో 16 కేలరీలు, 0.15 గ్రాముల కొవ్వు, 0.93 గ్రాముల ప్రోటీన్, 2.6 గ్రాముల ఫైబర్ మాత్రమే ఉంటాయి. అందువల్ల, మన బరువుకు అదనపు పౌండ్లను జోడించకుండా తగ్గిస్తుంది. పోషకాలు జీవక్రియను పెంచడంలో సహాయపడతాయి. జంక్, అనారోగ్యకరమైన స్నాక్స్ మీద ఆధారపడకుండా చేస్తుంది. కాకర రసం తాగడం ద్వారా ఉబకాయం తగ్గుముఖం పడుతుంది. కాకరలో విటమిన్ సి, పొటాషియం, మెగ్నీషియం, ఐరన్, మంచి ప్రోటీన్, ఫైబర్ ఉన్నాయి. ఇవన్నీ మిమ్మల్ని రోజంతా ఉల్లాసంగా ఉంచుతాయి. 8. జుట్టుకు మెరుపు అందిస్తుంది. కాకర జుట్టు పెరుగుదలను ప్రోత్సహిస్తుంది. జుట్టు మంచి ఆరోగ్యానికి తోడ్పడుతుంది. దీనిలో ప్రోటీన్, జింక్.విటమిన్ సి వంటి భాగాలు జుట్టును ఆరోగ్యంగా, బలంగా ఉంచుతాయి. జుట్టుకు కాకర జ్యూస్‌ను రాయడం వల్ల మూలాలు బలోపేతం అవుతాయి. స్ప్లిట్ ఎండ్స్, హెయిర్ ఫాల్ వంటి సమస్యలు చికిత్స అందుతుంది. ఇది జుట్లును షైన్‌గా ఉండటంలో సహాయపడుతుంది.  9. చర్మాన్ని అందంగా చేస్తుంది మొటిమలు, మచ్చలు, చర్మ అంటు వ్యాదులను తొలగిస్తుంది. నిమ్మరసంతో కాకరను ప్రతిరోజు పరగడుపున 6 నెలలు తీసుకుంటే సరైన ఫలితాలు పొందుతారు. చర్మాన్ని ముడతలు లేకుండా ఉంచడంలో, అకాల వృద్ధాప్యాన్ని నివారించడంలో విటమిన్ సి ముఖ్యమైన పాత్ర పోషిస్తుంది. ఇది కొల్లాజెన్ ఉత్పత్తికి సహాయపడుతుంది. ఇది చర్మం సున్నితత్వానికి కారణమవుతుంది. ఇంకా సోరియాసిస్ , తామర చికిత్సకు సహాయపడుతుంది.సూర్యుడి నుంచి హానికరమైన యూవీ కిరణాల నుండి చర్మాన్ని రక్షిస్తుంది. 10. కళ్ళను ఆరోగ్యంగా ఉంచుతుంది కంటి చూపు, కంటిశుక్లం వంటి దృష్టి సంబంధిత సమస్యలను నివారించడంలో కాకర సహాయపడుతుందని వైద్యులు, ఆరోగ్య నిపుణులు అంటున్నారు. దీనిలో విటమిన్ ఏ, బీటా కెరోటిన్ నిండి ఉంటాయి. ఇవి కళ్ళకు ఆరోగ్యంగా ఉంటాయి. అంతేకాక కళ్ల కింద నల్లడి వలయాలను తగ్గించేందుకు మంచి నివారణగా ఉపకరిస్తుంది.

సాక్షి, హైదరాబాద్‌: ఆసియాలోని పలు దేశాల్లో గుండెకు హాని కలిగించే కొలెస్టరాల్‌ పెరుగుతున్నట్లు అంతర్జాతీయ అధ్యయనం స్పష్టం చేసింది. ఇదే సమయంలో పాశ్చాత్య దేశాల్లో రక్తంలోని కొలెస్టరాల్‌ తగ్గుతోందని, భారత్‌లో మాత్రం పెద్దగా మార్పులేదని ఈ అధ్యయనంలో భాగం వహించిన జాతీయ పోషకాహార సంస్థ (ఎన్‌ఐఎన్‌) సీనియర్‌ శాస్త్రవేత్త ఆవుల లక్ష్మయ్య తెలిపారు. అంతర్జాతీయ స్థాయిలో రక్తంలోని కొలెస్టరాల్‌పై జరిగిన అతిపెద్ద అధ్యయనం ఇదేనని, లండన్‌లోని ఇంపీరియల్‌ కాలేజీ నేతృత్వంలో ప్రపంచవ్యాప్తంగా వందలాది మంది పరిశోధకు లు పాల్గొన్నారన్నారు. దాదాపు 200 దేశాల్లోని సుమారు 10 కోట్ల మందిని పరిశీలించి మరీ శాస్త్రవేత్తలు ఈ అంచనాకు వచ్చారని వివరించారు. 1980 నుంచి 39 ఏళ్ల పాటు ఈ పరిశీలనలు జరిపారన్నారు. కొలెస్టరాల్‌ కారణంగా ఏటా సుమారు 39 లక్షల మంది ప్రాణాలు కోల్పోతున్నారని.. ఈ నేపథ్యంలో వెల్‌కమ్‌ ట్రస్ట్, బ్రిటిష్‌ హార్ట్‌ ఫౌండేషన్లు నిధులు సమకూర్చాయని ఎన్‌ఐఎన్‌ డైరెక్టర్‌ ఆర్‌.హేమలత ఓ ప్రకటనలో తెలిపారు. చెడు కొవ్వుతోనే సమస్య..  ఒక రకమైన కొవ్వు పదార్థం ఆరోగ్యకరమైన క ణాల తయారీకి అవసరం. అయితే అవసరానికి మించి ఎక్కువైతే రక్తనాళాల్లో పేరుకుపోయి గుండెపోటుకు కారణమవుతుంది. హైడెన్సిటీ లి పోప్రొటీన్‌ (హెచ్‌డీఎల్‌) లేదా మంచి కొలెస్టరాల్‌ గుండెజబ్బులు, పోటు నుంచి రక్షణ కల్పిస్తుంది. అధికాదాయ దేశాల్లో హెచ్‌ డీఎల్‌ కొలెస్టరాల్‌ కాకుండా ఇతర రకాల కొలెస్టరాల్‌ మో తాదు క్రమేపీ తగ్గుతుండగా.. అల్ప, మధ్య ఆదా య దేశాల్లో ఎక్కువ అవుతోందని ఈ కొత్త అధ్యయనం చెబుతోంది. 1980 ప్రాంతం లో పాశ్చాత్య దేశాల్లో హెచ్‌ డీఎల్‌యేతర కొలెస్టరాల్‌ అత్యధికంగా ఉండగా, తొలిసారి ఇతర దేశాల్లో ఆ పరిస్థితి నమోదవు తోందని ఈ అధ్యయనానికి నేతృత్వం వహించిన ప్రొఫెసర్‌ మాజి ద్‌ ఎజ్జాటి తెలిపారు. చెడు కొలెస్టరాల్‌ విషయంలో భారత్‌ ప్రపంచదే శాల జాబితాలో 128వ స్థానంలో గత 39 ఏళ్లుగా కొనసాగుతోందని లక్ష్మయ్య తెలిపా రు. అయితే మహిళల విషయంలో మాత్రం ఒక ర్యాంకు పెరిగి 140కి చేరిందన్నారు.

మనం ఇటీవల చెడు కొలెస్ట్రాల్, ట్రైగ్లిజరైడ్స్‌ వంటి వాటి గురించి తరచూ వింటూ ఉంటాం. అవెంతో హాని చేస్తాయన్న విషయం మనలో చాలామందికి తెలిసిందే. అసలు ట్రైగ్లిజరైడ్స్‌ అంటే ఏమిటి, అవి ఎందుకు హాని కలిగిస్తాయన్న విషయాలను తెలుసుకుందాం. ట్రైగ్లిజరైడ్స్‌ అనేవి వున శరీరంలోనూ, ఆహారపదార్థాల్లోనూ ఉండే ఒక రకం కొవ్వు వంటి జీవరసాయన పదార్థాలు. అవి కొలెస్ట్రాల్‌ లాగానే రక్తంలో ప్రవహిస్తుంటాయి.  మనం తీసుకునే కొవ్వులు, చక్కెరల నుంచి తయారవతుంటాయి. మనం తీసుకున్న ఆహారం వెంటనే శక్తిగా వూరకపోతే అది ట్రైగ్లిజరైడ్స్‌గా వూరి కొవ్వు కణాల్లో నిల్వ అవుతుంది. రక్తంలో ట్రైగ్లిజరైడ్స్‌ ఎక్కువగా ఉంటే... రక్తంలో ట్రైగ్లిజరైడ్స్‌ ఎక్కువగా ఉన్న కండిషన్‌ను ‘హైపర్‌ ట్రైగ్లిజరైడెమియా’ అని అంటారు. రక్తంలో వీటి పాళ్లు పెరిగితే అది గుండెజబ్బులకు దారితీయవచ్చు. ఎక్కువగా ఉండటానికి కారణాలు... 1) డయాబెటిస్, 2) థైరాయిడ్‌ సమస్యలు, 3) చాలా ఎక్కువ మోతాదుల్లో ఆల్కహాల్‌ తీసుకోవడం. రక్తంలో ట్రైగ్లిజరాయిడ్స్‌ ఎక్కువగా ఉన్నప్పుడు రోగిని పై అంశాల విషయంలోనూ పరీక్షించాలి. మోతాదులను తెలుసుకోవడమిలా... ద నేషనల్‌ కొలెస్ట్రాల్‌ ఎడ్యుకేషన్‌ ప్రోగ్రామ్‌ వూర్గదర్శకాల ప్రకారం పరగడపున చేసిన రక్తపరీక్షలో కనుగొనే ట్రైగ్లిజరైడ్‌ మోతాదులను కింది విధంగా వర్గీకరించారు. 150 ఎంజీ/డీఎల్‌ కంటే తక్కువగా ఉంటే... అది నార్మల్‌.   150 – 199 ఎంజీ/డీఎల్‌ ఉంటే కొంతవరకు పరవాలేదు (బార్డర్‌లైన్‌). 200 – 499 ఎంజీ/డీఎల్‌  ఉంటే... ఎక్కువ.   500 ఎంజీ/డీఎల్‌ అంతకు మించి ఉంటే... చాలా ఎక్కువ పాటించాల్సిన ఆహార నియవూలు... ►హైపర్‌ ట్రైగ్లిజరైడెమియా ఉన్నప్పుడు జీవన సరళిలో వూర్పులు తెచ్చుకొని ఆహార నియమాలు పాటించాలి. ►ఉండాల్సిన దానికన్నా ఎక్కువగా బరువు ఉంటే శరీర బరువు సాధారణస్థాయికి వచ్చేలా ఆహారంలో క్యాలరీలు తగ్గించుకోవాలి. అంటే.. కొవ్వులు, ప్రోటీన్లు, కార్బోహైడ్రేట్స్, ఆల్కహాల్‌... ఇలా అన్ని పదార్థాల నుంచి మీ శరీరంలోకి వచ్చే క్యాలరీలను తగ్గించుకోవాలి. ►ఆహారంలో శాచ్యురేటెడ్‌ ఫ్యాట్స్‌ను బాగా తగ్గించాలి. అంటే... నెయ్యి, వెన్న, వనస్పతి, వూంసాహారాలైన రొయ్యలు, వూంసం, చికెన్‌ స్కిన్‌, డీప్‌గా వేయించిన వేపుళ్లను తగ్గించాలి.      ఆల్కహాల్‌ పూర్తిగా వూనేయాలి. ►తాజాపళ్లు, కూరగాయలు, ఆకుకూరలు ఎక్కువగా తీసుకోవాలి. డ్రైఫ్రూట్స్‌లో పీచు ఎక్కువగా ఉండి... ట్రైగ్లిజరైడ్స్‌ పాళ్లను తగ్గించడంలో బాగా ఉపయోగపడతాయి.  వెజిటబుల్‌ సలాడ్స్, తేలిగ్గా ఉడికించిన కాయగూరలు తీసుకోవాలి. ►స్వీట్స్, బేకరీ ఐటమ్స్‌ లాంటి రిఫైన్‌డ్‌ ఫుడ్స్‌ తగ్గించాలి. పొట్టుతీయని తృణధాన్యాలు అంటే... దంపుడుబియ్యం, మెుక్కజొన్న, పొట్టుతీయని రాగులు, గోధువులు, ఓట్స్‌, పొట్టుతీయని పప్పుధాన్యాలు, మెులకెత్తిన గింజలు (స్ప్రౌట్స్‌) తీసుకోవాలి. ►ప్రతిరోజూ కనీసం 30 నిమిషాల పాటు  శారీరక శ్రవు / వాకింగ్‌ వంటి వ్యాయావూలు చేయాలి. మీ ఎత్తుకు తగిన బరువ# ఉండేలా జాగ్రత్తలు తీసుకోవాలి. ►కనీసం వారంలో వుూడుసార్లు చేపలు... అవి కూడా కేవలం ఉడికించిన గ్రిల్డ్‌ ఫిష్‌ వూత్రమే తీసుకోవాలి. ►పొగతాగడం పూర్తిగా వూనేయాలి. శరీరంలో ట్రైగ్లిజరైడ్స్‌ పాళ్లు పెరిగినప్పుడు డాక్టర్లు చెప్పిన వుందులు వాడుతున్నా ఆహార నియవూలు పాటించడం తప్పనిసరి. మీ ఫిజీషియన్‌/కార్డియాలజిస్ట్‌ / న్యూట్రిషనిస్ట్‌ చెప్పే సూచనలు తప్పక పాటించండి. డాక్టర్‌ డి. మీరాజీ రావు, సీనియర్‌  ఇంటర్వెన్షనల్‌ కార్డియాలజిస్ట్‌ కాంటినెంటల్‌ హాస్పిటల్స్, హైదరాబాద్‌

ఎన్నెన్నో వర్ణాలతో కూడిన మన ప్రపంచం చాలా అందమైనది. ఈ లోకం అందాలను భావుకతతో ఆస్వాదించడానికీ మన ఆరోగ్యమూ బాగుండాలి. అందుకోసమేనేమో... ఆరోగ్యం బాగుండటాన్ని ఇంగ్లిష్‌లో అందంగా ‘ఇన్‌ ద పింక్‌ ఆఫ్‌ .... హెల్త్‌’ అంటూ చెబుతుంటారు. మన ఆరోగ్యాన్ని వర్ణమయం చేసుకోడానికి ఏయే రంగుల ఆహారాలు ఉపకరిస్తాయో చూద్దాం. క్యాన్సర్‌నివారణకు నారింజ రంగు ఈ రంగు ఆహారపదార్థాలు గుండెకు మేలు చేస్తాయి. తమలోని విటమిన్‌–సి తో వ్యాధి నిరోధకతను పెంచుతాయి. యాంటీ ఆక్సిడెంట్లతో క్యాన్సర్లనుంచి రక్షణతో పాటు చాలాకాలం పాటు యౌవనంగా ఉండేలా చేస్తాయి. అందం మెరుగుదల పసుపుపచ్చ గుండెకు మేలు చేస్తాయి. చెడు కొలెస్ట్రాల్‌ను అదుపు చేస్తాయి. మన మేనిలో మంచి నిగారింపు వచ్చేలా చూస్తాయి. కంటిచూపును కాపాడతాయి. వ్యాధి నిరోధకత తెలుపు తెల్లరంగులో ఉండే ఆహారాలు మనలో రోగనిరోధకత బలంగా ఉండేలా చూస్తాయి. పెద్ద పేగును ఆరోగ్యంగా ఉంచుతాయి. అల్సర్స్‌ను నివారిస్తాయి. కొలెస్ట్రాల్‌ను తగ్గిస్తాయి. చాలాకాలం యౌవనంగా... పర్పుల్‌ గుండెకు ఎంతో మంచివి. రక్తనాళాలను శుభ్రం చేసి, వాటిల్లో రక్తప్రవాహం సాఫీగా జరిగేలా చూస్తాయి. వయసు పెరిగే ప్రక్రియను మందగింపజేస్తాయి. మూత్రవిసర్జన వ్యవస్థను ఆరోగ్యంగా ఉండేలా చూస్తాయి. విషాలను తొలగించడానికి ఆకుపచ్చ ఆకుపచ్చగా ఉండే ఆహారాలు ఎముకలను బలంగా ఉంచుతాయి. చూపును పదికాలాలపాటు పదిలంగా ఉంచుతాయి, కంటి వ్యాధులను నివారిస్తాయి.  వ్యాధి నిరోధకతను పెంచుతాయి. తమలోని పీచుతో జీర్ణవ్యవస్థ ఆరోగ్యాన్ని కాపాడతాయి. గుండె ఆరోగ్యానికి ఎరుపు గుండెకు ఎంతో మేలు చేస్తాయి. రక్తపోటును తగ్గిస్తాయి. మన చర్మానికి ఎంతో మంచివి. క్యాన్సర్లను నివారిస్తాయి. కణాజాల ఆరోగ్యానికి ఎంతో తోడ్పడతాయి. సుజాతా స్టీఫెన్‌ చీఫ్‌ న్యూట్రిషనిస్ట్‌ యశోద హాస్పిటల్స్, మలక్‌పేట, హైదరాబాద్‌

చాలా మంది కొవ్వులను హాని చేసే ఆహారపదార్థంగా చూస్తారు. నూనెలతో చేసిన పదార్థాలంటేనే చాలు... ఆమడ దూరం పరిగెడుతుంటారు.  నూనెను ఉపయోగించాల్సి వస్తే... కొలెస్ట్రాల్‌ ఫ్రీ ఆయిల్‌ను వాడుతుంటారు. నిజానికి వెజిటబుల్‌ కింగ్‌డమ్‌లోని మొక్కల నుంచి కొలెస్ట్రాల్‌ ఎంతమాత్రమూ తయారుకాదు. మనం వాడే నూనెలన్నీ మొక్కల గింజల నుంచే వస్తాయి కాబట్టి అవన్నీ కొలెస్ట్రాల్‌ లేనివే. కొవ్వుల గురించి తెలుసుకుందాం... మన ఆహారంలో కొవ్వులు ఎంతగానో అవసరం. ఎందుకంటే 1 గ్రాము కొవ్వు నుంచి 9 క్యాలరీల శక్తి లభిస్తుంది.  కొవ్వుల్లో 1) మోనో– అన్‌శాచురేటెడ్, 2) పాలీ–అన్‌శాచ్యురేటెడ్, 3) శాచురేటెడ్, 4) ట్రాన్స్‌ఫ్యాట్‌... అనే నాలుగు రకాల కొవ్వులు ఉంటాయి. వీటిలో మొదటి మూడురకాల కొవ్వులు పరిమితంగా అవసరమే.  మోనో–అన్‌శాచురేటెడ్‌ ఫ్యాట్స్‌... వేరుశనగ, ఆలివ్‌ ఆయిల్‌ వంటి నూనెల్లో ఉంటాయి. ఇక సఫోలా, పన్‌ఫ్లవర్, వేరుశనగతోపాటు, అవకాడో వంటి నూనెల్లో పాలీ అన్‌శాచురేటెడ్‌ ఫ్యాటీ యాసిడ్స్‌ ఉంటాయి. వీటిలో మోనో–అన్‌శాచురేటెడ్, పాలీ–అన్‌శాచురేటెడ్‌ నూనెలను మార్చి మార్చి వాడుతూ ఉండటం వల్ల అవి గుండెకు ఒక రక్షణగా పనిచేస్తుంటాయి. నమ్మలేకపోయినా ఇది వాస్తవం. ఇక నెయ్యి, డాల్డా వంటివాటిని శాచ్యురేటెడ్‌ ఫ్యాటీ యాసిడ్స్‌గా పేర్కొంటాం. వీటిని చాలా చాలా పరిమితంగా మాత్రమే వాడాలి. ఇక చేపలు, చేపనూనె, సోయాబీన్‌నూనెలో ఒమెగా 3 ఫ్యాటీ యాసిడ్స్‌ అనే తరహా ఆరోగ్యకరమైన పాలీ అన్‌శ్యాచురేటెడ్‌ కొవ్వులు ఎక్కువ. ఇవి ఎక్కవగా తీసుకోవడం వల్ల మన రోగనిరోధక శక్తి బాగా పెరుగుతుంది.   కొవ్వులతో ప్రయోజనాలివి... నూనెల వల్ల ఒంట్లోకి పేరుకునే కొవ్వులు బయటి వేడిమి, చల్లదనం నుంచి ఒంట్లోని అంతర్గతఅవయవాలను కాపాడతాయి. కిడ్నీలు, కాలేయం, గుండె వంటివాటికి ప్యాడింగ్‌గా ఉండటంతో పాటు షాక్‌అబ్జార్బర్స్‌లా కూడా పనిచేస్తాయి. అయితే గుర్తుంచుకోవాల్సిన విషయం ఏమిటంటే... ఉదరంలోని అవయవాల చుట్టూ ఉండే కొవ్వును విసరల్‌ ఫ్యాట్‌ అంటారు. ఇది అధికంగా ఉండే గుండెజబ్బులు ఎక్కువగా వస్తాయి. ఇదీ పరిమితి...ఒక థంబ్‌రూల్‌ నియమం ప్రకారం... ప్రతి ఒక్క వ్యక్తి నెలకు అరలీటర్‌ (500 ఎమ్‌ఎల్‌) నుంచి ముప్పావులీటర్‌ (750 ఎమ్‌.ఎల్‌)కు మించకుండా నూనె వాడటం మంచిది. అంతకంటే మించితే అది చేటు చేస్తుంది. ఆ పరిమితికి మించితే అది స్థూలకాయం, గుండెజబ్బులు, డయాబెటిస్, ఆర్థరైటిస్, అధికరక్తపోటు వంటి వ్యాధులకు దారితీసే ప్రమాదం ఉంటుంది. మాంసాహారులు వారానికి కనీసం మూడుసార్లకు తగ్గకుండా చేపలు తినడం మంచిది. ఇక మనకు కనిపించకుండా వాడే కొవ్వులు (ఇన్విజిబుల్‌ ఫ్యాట్స్‌)... అంటే నట్స్, డ్రైఫ్రూట్స్, మాంసాహారాలు, పాలు వంటి వాటిల్లో ఉండే కొవ్వులను పరిమితంగా తీసుకుంటూ ఉండాలి. కొందరు కొలెస్ట్రాల్‌ ఎక్కువగా ఉంటుందంటూ గుడ్ల జోలికే పోరు. కానీ మన ఒంట్లోకి ఆహారంతో వచ్చే కొలెస్ట్రాల్‌ కేవలం 16% మాత్రమే. మిగతాదంతా మన కాలేయంలోనే తయారవుతుంది. కాబట్టి కొలెస్ట్రాల్‌ భయంతో గుడ్లకు దూరంగా ఉంటే ఆరోగ్యానికీ, ప్రోటీన్లకూ దూరంగా ఉన్నట్లే. అందుకే గుడ్లను తప్పనిసరిగా తినాలి. 1990లలో అమెరికన్‌ గైడ్‌లైన్స్‌ వల్ల కొవ్వుల వినియోగం బాగా తగ్గి... అదే సమయంలో రిఫైన్‌డ్‌ కార్బోహైడ్రేట్ల వినియోగం బాగా పెరిగింది. ఈ కార్బోహైడ్రేట్ల వల్ల నష్టం జరిగే అవకాశం ఉంటుందని పరిశోధనల్లో వెల్లడైంది. దాంతో కొవ్వుల వినియోగం మళ్లీ పెరిగే అవకాశం ఉంది. ఎక్కువ కార్బోహైడ్రేట్లు, ఎక్కువ కొవ్వులు మళ్లీ ప్రమాదకరం కాబట్టి... అందుకు బదులుగా ఎక్కువ ప్రోటీన్‌తో పాటు ఎక్కువ పీచుపదార్థాలు ఉండే ఆహారం తీసుకోవడం మేలు. కృత్రిమ కొవ్వులు మాత్రం డేంజరే... ఇక్కడ ఒక్క విషయం గుర్తుపెట్టుకోవాలి. ఆహారాన్ని ఎక్కువ కాలం నిల్వ ఉండేలా చేసేందుకు మార్జరిన్‌ వంటి కొవ్వులను ఉపయోగిస్తుంటారు. ఇవే ట్రాన్స్‌ఫ్యాట్స్‌ అంటూ మనం పిలిచే నాలుగో తరహా కొవ్వులు. వీటిని చాలాకాలం నిల్వ ఉండాల్సిన (షెల్ఫ్‌ లైఫ్‌ ఎక్కువగా ఉండాల్సిన) చిప్స్, బేకరీ ఉత్పాదనల్లో వాడుతుంటారు. వాటి నుంచి ఎట్టిపరిస్థితుల్లోనూ దూరంగా ఉండాల్సిన అవసరం మాత్రం ఉంది. డాక్టర్‌ ఎం.ఎస్‌.ఎస్‌. ముఖర్జీ, సీనియర్‌ కార్డియాలజిస్ట్, మాక్స్‌క్యూర్‌ హాస్పిటల్స్‌ మాదాపూర్, హైదరాబాద్‌

ప్రపంచంలో 1900 కి ముందు గుండెజబ్బులు అంటే పెద్దగా ఎవరికీ తెలిసేది కాదు. గుండెజబ్బులతో చనిపోవడం అన్నది కనిపించేదే కాదు. అయితే 1900 నుంచి 1960 వరకు ప్రపంచంలోని అన్ని దేశాలలో గుండెజబ్బులు విపరీతంగా పెరిగిపోయాయి. మిగతా అన్ని రకాల కారణాలతో వచ్చే మరణాలతో పోలిస్తే గుండెజబ్బు మరణాల సంఖ్య చాలా విపరీతంగా పెరిగిపోయింది. అయితే 1960ల తర్వాత అభివృద్ధి చెందిన దేశాల్లో గుండెజబ్బు మరణాలు బాగా తగ్గుముఖం పట్టాయి. గుండెజబ్బుకు గల కారణాలూ, దాని లక్షణాలు తెలియడంతో పాటు దాన్ని నివారణ గురించి అభివృద్ధి చెందిన దేశాల వారికి బాగా అవగాహన పెరగడం వల్ల అక్కడ గుండెజబ్బుల సంఖ్య గణనీయంగా తగ్గింది. అయితే భారతదేశంలో ఆ పరిస్థితి కాస్త భిన్నంగా ఉంది. ఈ నెల 29న ప్రపంచ గుండె దినోత్సవం (వరల్డ్‌ హార్ట్‌ డే) సందర్భంగా మన దేశంలో గుండెజబ్బుల పరిస్థితి గురించి, వాటిని నివారించే విషయంలో మనం తీసుకోగల జాగ్రత్తలు/నివారణ చర్యల గురించి కాస్తంత విపులంగా పరిశీలిద్దాం. అన్ని విషయాల్లోనూ ఉన్నట్లే... జబ్బులు వాటి నివారణ విషయాల్లోనూ ఒక పరిణామక్రమం ఉంటుంది. ఈ పరిణామక్రమంలోని దశలో అన్ని దేశాల్లోనూ ఒకేలా ఉండకపోవచ్చు. కానీ దాదాపుగా అన్నిదేశాల్లోనూ మొదటో... తర్వాతో ఇవే దశలు కొనసాగుతాయి. మొదటి దశలో వచ్చే జబ్బులు ఉదాహరణకు ప్రతిదేశంలోనూ మొదట అంటురోగాలు (కమ్యూనికబుల్‌ డిసీజెస్‌), పౌష్టికాహార లోపాలతో వచ్చే జబ్బులు బాగా ఎక్కువగా ఉంటాయి. మన అవగాహనతోనూ... మందులను కనుగొనడంతోనూ, మన ఆర్థిక పరిస్థితి మెరుగుపరుచుకోవడం ద్వారా జీవన నాణ్యతను మరింతగా పెంచుకోవడం వల్ల ఈ జబ్బులు క్రమంగా తగ్గిపోతాయి. కమ్యూనికబుల్‌ డిసీజెస్‌కు కలరా, ప్లేగు వంటి వాటిని ఉదాహరణలుగా చెప్పవచ్చు. ఇక పోషకాహార లోపాల వల్ల వచ్చే వాటికి బెరీబెరీ వంటి జబ్బులు ఉదాహరణగా నిలుస్తాయి. మానవాళి యాంటీబ్యాక్టీరియా మందులు కనుకున్న తర్వాత కమ్యూనికబుల్‌ డిసీజెస్‌ వంటి కలరా, ప్లేగు వంటివి దాదాపుగా కనుమరుగయ్యాయి. దాదాపు అన్ని అభివృద్ధి చెందిన దేశల్లోనూ నాణ్యమైన నీటి సరఫరాతో నీరు కలుషితం కావడం వల్ల వచ్చే జబ్బులు తగ్గాయి. అలాగే మెరుగైన ఆహార పంపిణీ వల్ల పోషకాహార లోపంతో వచ్చే జబ్బులన్నీ బాగా అభివృద్ధి చెందిన పాశ్చాత్యదేశాల్లో పూర్తిగా మటుమాయమయ్యాయనే చెప్పవచ్చు. అయితే భారతదేశం ప్రస్తుతం అభివృద్ధి చెందుతున్న దేశం కావడంతో అంటురోగాలు ఇప్పటికీ అడపాదడపా ప్రబలుతూనే ఉన్నాయి. అభివృద్ధి చెందిన దేశాల్లాగా మనం వాటిని ఇంకా పూర్తిగా అరికట్టలేకపోయాం. రెండో దశలో వచ్చే జబ్బులు ఆ తర్వాతి వంతు నాన్‌ కమ్యూనికబుల్‌ డిసీజెస్‌ది. అంటే ఇవి అంటురోగాలు కాని జబ్బులన్నమాట. ఈ తరహా జబ్బులకు ప్రధానమైన ఉదాహరణగా గుండెజబ్బులను చెప్పవచ్చు. హైబీపీ, డయాబెటిస్‌ వంటి జీవనశైలికి సంబంధించిన జబ్బులూ ఈ కోవకే చెందుతాయి. అవి మళ్లీ గుండెజబ్బులు మరింత పెరిగేందుకు దోహదం చేస్తాయి. వ్యాధులలో రెండో దశ అయిన ఈ గుండెజబ్బుల నివారణ విషయానికి వచ్చే సరికి... తమ దేశాల్లో మొదటిదశ జబ్బులు లేకపోవడం వల్ల ఆయాదేశాలు గుండెజబ్బుల వంటి రెండోదశ జబ్బులపై పూర్తిగా దృష్టిపెట్టగలిగాయి. కానీ మనం ఇంకా అంటురోగులతో పోరాడుతూనే ఉన్నాం. స్వచ్ఛమైన నీటి సరఫరా, దోమల నివారణ, మురుగునీటి పారుదల వంటి మౌలిక సదుపాయాల కల్పన్న అన్నది భారతదేశంలోని ఇంకా అన్ని ప్రాంతాల్లోనూ పూర్తిగా జరగనందువల్ల ఒకవైపు మొదటిదశ జబ్బులైన అంటువ్యాధులతో పోరాడుతూనే ఇంకా గుండెజబ్బుల వంటి రెండోదశ జబ్బులతోనూ పోరు చేయాల్సివస్తోంది. పైగా భారతదేశంలో పౌష్టికాహారం ఇంకా పూర్తిగా అందరికీ అందుబాటులోకి రాకపోవడంతో మొదటిదశలో వచ్చే పౌష్టికాహార లోపాల కారణంగా వచ్చే జబ్బులూ మనదేశంలో కనిపిస్తూనే ఉన్నాయి. దాంతో పాశ్చాత్యదేశాల కంటే ఈ విషయంలోనూ కాస్తంత వెనకబడే ఉన్నాం. ఫలితంగా మనదేశంలో మొదటి దశ వ్యాధులు పూర్తిగా తగ్గకముందే రెండోదశ వ్యాధులతోనూ ద్విముఖ పోరాటం చేయాల్సి వస్తోంది. ఒకేసారి ఇద్దరు శత్రువులతో పోరాడుతున్నందున మన అడుగులు తడబడుతూనే సాగుతున్నాయని చెప్పవచ్చు. జన్యుపరమైన అంశాలూ కారణాలేనా? ఇవన్నీ బయటి పరిస్థితుల కారణంగా గుండెజబ్బులకు దోహదపడే అంశాలైతే మరికొన్ని జన్యుపరమైన కారణాలూ ఉన్నాయి. ఉదాహరణకు అమెరికా వంటి అభివృద్ధి చెందిన దేశాల్లో ఉన్న మిగతా జాతీయులతో పోలిస్తే... భారత జాతీయులకు అధికంగా గుండెజబ్బులు వస్తున్నాయని అధ్యయనాల్లో తేలింది. అలాగే ఇంగ్లాండ్‌ వంటి యూరోపియన్‌ దేశాల్లో స్థిరపడ్డ భారతీయుల్లోనే గుండెజబ్బులు ఎక్కువ. పాశ్చాత్యదేశాల్లో స్థిరపడ్డ భారతీయులలో అక్కడి జీవనశైలికి అలవాటు పడ్డవారిలో కూడా భారతీయుల్లో జబ్బులు మరింతగా ప్రబలాయి. ఈ అన్ని పరిశోధనలూ, పరిశీలనల కారణంగా భారతీయుల్లో జన్యుపరంగా గుండెజబ్బులు ఎక్కువగానే వస్తాయని, కాబట్టి భారతీయుల్లో వీటిని నివారణ అంతగా సాధ్యం కాకపోవచ్చని  తొలుత అధ్యయనవేత్తలు భావించారు. ఇదీ ఒక ప్రధానమైన ఆశారేఖ   కానీ గుండెజబ్బుల విషయంలో మనదేశంలో నిశితంగా పరిశీలిస్తే... పట్టణప్రాంతాల్లో ఉన్న భారతీయులకూ, పల్లెల్లో ఉన్నవారికీ మధ్య చాలా స్పష్టమైన వ్యత్యాసం కనబడుతోంది. గ్రామీణ ప్రాంతాల్లోని ప్రజలకు మెరుగైన వ్యాయామం ఉండటంతో పాటు ఒత్తిడి తక్కువగా ఉండే జీవనశైలి, ప్రాసెస్‌డ్‌ ఆహారం పట్టణాల్లో ఎక్కువగా అందుబాటులో ఉండి, పల్లెల్లో లేకపోవడం వంటి కారణాలతో పట్టణవాసుల్లో గుండెజబ్బులు ఎక్కువగానూ, పల్లెల్లో అంతగా లేకపోవడం నిపుణల దృష్టికి వచ్చింది. ఇది ఒక ఆశారేఖ. దీనితో తేలుతున్న విషయం ఏమిటంటే... మన జీవనశైలిలో మార్పులు చేసుకోవడం ద్వారా మనం మనకున్న జన్యులోపాలను అధిగమించి గుండెజబ్బులను తగ్గించుకోవచ్చు! ముందుంది ఒక పెనుసవాలు అయితే ఇక్కడ మన ముందు ఒక పెనుసవాలు కనిపిస్తోంది. గ్రామీణ ప్రాంతాల్లో ఇంకా పొగతాగే అలవాటు ఎక్కువగానే ఉంది. ఒకప్పుడు పట్టణాల్లో కనిపించే ప్రాసెస్‌డ్‌ ఆహారాలు, కూల్‌డ్రింకులు, జంక్‌ఫుడ్స్‌ వంటివి ఇప్పుడు గ్రామీణ ప్రాంతాలకూ చేరుతున్నాయి. ఈ విషయంలో పట్టణప్రాంతాలకూ, పల్లెలకు ఉన్న తేడా చెరిగిపోవడానికి ఎక్కువ కాలం పట్టదు. అలాగే ఒకసారి శారీరక శ్రమ తగ్గించే వస్తువులు (గాడ్జెట్స్‌ ఉదాహరణకు మిక్సీ, గ్రైండర్, వాషింగ్‌ మెషిన్‌ వంటివి), యాంత్రీకరణ వల్ల పల్లెల్లోనూ ఇప్పుడు వ్యాయామం తగ్గిపోతోంది. అలాగే వినియోగదారులు పెరగడం, రవాణా సదుపాయాలు మెరుగుకావడం వంటి అంశాలతో ఇప్పుడు కన్సూ్యమరిజమ్‌ కారణంగా ప్రాసెస్‌డ్‌ ఆహారం లభ్యత కూడా ఇప్పుడు  పల్లెల్లో బాగా పెరుగుతోంది. ఇది వేగంగా జరుగుతున్నందున గుండెజబ్బుల విషయంలో పట్టణాలకూ, పల్లెలకూ ఉన్న తేడా వేగంగా చెరిగిపోవడానికి చాలాకాలం పట్టదు. ఇప్పటికీ మనం మొదటిదశ జబ్బులతోనూ, రెండోదశ వ్యాధులతోనూ ఒకేసారి పోరాడుతున్న ప్రస్తుత నేపథ్యంలో పట్టణాలకూ, పల్లెలకూ ఉన్న వ్యత్యాసం తగ్గిపోతే మనకిప్పుడు ఉన్న ఆర్థిక వనరులతోగానీ, లేదా వైద్య సదుపాయాల వంటి వనరులుగానీ ఈ తేడా చెరిగిపోవడంతో పెరిగిపోయే వ్యాధిగ్రస్తుల చికిత్సను మనం ఒకేసారి ఎదుర్కోవడానికి మనకున్న సామర్థ్యం పూర్తిగా సరిపోకపోవచ్చు.   మన ఆశారేఖను వినియోగించుకోవాలిలా... పట్టణ, గ్రామీణ ప్రాంతాల్లోని గుండెజబ్బుల విస్తృతిలో ఉన్న తేడాలను బట్టి మనం ఆరోగ్యకరమైన జీవనశైలిని అనుసరించడం ద్వారా గుండెజబ్బులను అరికట్టుకోవచ్చని తేలింది. కాబట్టి... మనమీ ఆశారేఖను సమర్థంగా వినియోగించుకోవాలి. అందుకు ఈ కింది నివారణ చర్యలు/జాగ్రత్తలు తీసుకోండి.   నివారణ    పొగ తాగడం మానండి:  పొగ తాగే అలవాటు ఉంటే వెంటనే మానేయండి. మీ ఇంట్లో ఎవరికైనా ఆ అలవాటు ఉన్నా, మాన్పించండి. ఒకసారి హార్ట్‌ ఎటాక్‌ కానీ, గుండె జబ్బు కానీ వస్తే, దీర్ఘకాలం ఇబ్బంది పెట్టే దానితో బాధపడడం కన్నా, పొగ తాగే అలవాటు మానేయడమే సుఖం. పౌష్టికాహారం తీసుకోండి: గుండె జబ్బులు రాకుండా ఉండాలంటే, పౌష్టికాహారం తీసుకోవాలి. మీరు తినే ఆహారాన్ని బట్టే – ఒంట్లో కొలెస్ట్రాల్‌ పెరగడం, రక్తపోటు రావడం, షుగర్, అధిక బరువు రావడం లాంటి ఇబ్బందులు తలెత్తుతాయి. కానీ, విటమిన్లు, మినరల్స్, పీచు పదార్థం, ఇతర పోషకాలు ఉంటూనే, క్యాలరీలు మాత్రం తక్కువుగా ఉండే ఆహారం తీసుకోవాలి. ఎక్కువగా కూరగాయలు, పండ్లు, తృణధాన్యాలు, కొవ్వు తక్కువగా ఉండే పాల ఉత్పత్తులు, చేపలు, కాయధాన్యాలు తినాలి. స్వీట్లు, కూల్‌డ్రింక్‌లు, వేటమాంసం (రెడ్‌ మీట్‌) తక్కువ తినాలి. కొలెస్ట్రాల్‌ తగ్గించుకోండి: గుండెకు రక్తం తీసుకువెళ్లే రక్తనాళాల్లో కొవ్వు చేరితే, గుండె జబ్బులు వస్తాయి. కాబట్టి, వీలైనంత వరకు శ్యాచురేటెడ్‌ కొవ్వు పదార్థాల లాంటివి తినకూడదు. ఒంట్లో చెడ్డ (ఎల్‌.డి.ఎల్‌) కొలెస్ట్రాల్, మంచి (హెచ్‌.డి.ఎల్‌) కొలెస్ట్రాల్, ట్రై గ్లిజరైడ్స్‌ ఎంతెంత స్థాయిలో ఉన్నాయో, ఎప్పటికప్పుడు చెక్‌ చేయించుకొని, జాగ్రత్తపడాలి. రోజూ శారీరక శ్రమ చేయండి : రోజూ సగటున 45 నిమిషాల చొప్పున, వారానికి కనీసం అయిదారు రోజులు వ్యాయామం చేయాలి. దీని వల్ల చాలా ఉపయోగం ఉంటుంది. బరువు చూసుకోండి : స్థూలకాయం, అధిక బరువు వల్ల చాలా ఇబ్బందులు ఉన్నాయి. స్థూలకాయం అంటే హై కొలెస్ట్రాల్, అధిక రక్తపోటు, టైప్‌–2 డయాబెటిస్‌కు ముందు సూచన అయిన ఇన్సులిన్‌ రెసిస్టెన్స్‌ లాంటివి వస్తాయి. ఇవన్నీ గుండె జబ్బులకు దారితీసేవే. కాబట్టి, సరైన ‘బాడీ మాస్‌ ఇండెక్స్‌’ (బీఎమ్‌ఐ) ఉండేలా చూసుకోవాలి. మానసిక ఒత్తిడి (స్ట్రెస్‌) తగ్గించుకోండి: గుండె జబ్బులు రావడానికీ, ఆ వ్యక్తి మానసిక ఒత్తిడికీ స్పష్టమైన సంబంధం ఉన్నట్లు అధ్యయనాలు చెబుతున్నాయి. స్ట్రెస్‌లో ఉన్నవాళ్లు అతిగా తినడం, ఎక్కువగా పొగ తాగడం లాంటివి చేసే అవకాశం ఉంది. అలాగే, స్ట్రెస్‌ వల్ల యువతీ యువకుల్లో మధ్యవయసులోనే అధిక రక్తపోటు వచ్చే ప్రమాదం ఉంది. మద్యపానం మానేయండి : అతిగా మద్యం తాగడం కూడా రిస్కే. దాని వల్ల రక్తపోటు పెరుగుతుంది. కార్డియోమయోపతీ, గుండెనొప్పి, క్యాన్సర్, ఇతర వ్యాధులు వస్తాయి. గుండెజబ్బుల విషయంలో గుర్తుపెట్టుకోవాల్సిన సంగతి ఒక్కటే. మనం నివారణకు పెట్టే ఖర్చుతో పోషకాహారాలు, వ్యాయామంతో పోలిస్తే... అది వచ్చాక చికిత్సకు అయ్యే ఖర్చు వందల రెట్లు ఎక్కువ. పైగా నివారణ చర్యలతో గుండెజబ్బులు రాకపోవడంతో పాటు మిగతా జబ్బులూ నివారితమవుతాయి. ఫిట్‌నెస్‌ బాగుంటుంది.గతేడాది, ఈ ఏడాది వరల్డ్‌ హార్ట్‌ డే థీమ్స్‌... ‘మై హార్ట్‌– యువర్‌ హార్ట్‌’తో పాటు ‘‘క్రియేట్‌ ఎ గ్లోబల్‌ కమ్యూనిటీ ఆఫ్‌ హార్ట్‌ హీరోస్‌’’. అంటే దీన్ని బట్టి అర్థం చేసుకోవాల్సింది ఏమిటంటే...  నా గుండెను రక్షించుకోవడం ఎలా... ఎదుటివాళ్ల గుండె ఆరోగ్యానికీ మనం చేయగలిగేదేమిటి?’ అనే చర్యలతో పాటు గుండెను రక్షించే నాయకుల తయారీలో మన కుటుంబాలను భాగస్వామ్యం చేయడానికి... ఇంటిలో వండిన ఆరోగ్యకరమైన వంటలే తినేందుకూ (ఇప్పుడు ఫుడ్‌ డెలివరీ యాప్స్‌ కారణంగా జంక్‌ఫుడ్‌ మన గుమ్మం ముందుకే వస్తున్నాయి. మన పిల్లలూ వాటికి దూరంగా ఉండేలా జాగ్రత్త వహించాల్సిన అవసరం ఉంది).మన పిల్లల భవిష్యత్తు కోసం మనం ఆరోగ్యంగా ఉండేందుకు తప్పక వ్యాయామం చేయడంతో పాటు పొగతాగడం వంటి అనారోగ్యకరమైన అలవాట్లు మానేసేందుకు; పిల్లలను సైతం చిన్నవయసు నుంచే వ్యాయామం వైపుకు మళ్లించేందుకు; ఇక ఆరోగ్యరంగంలో కృషి చేసేవారు తమ పేషెంట్స్‌ పొగతాగడం వంటి అలవాట్లు మానుకునేలాగా, కొలెస్ట్రాల్‌ తక్కువ ఉండే ఆహారం తీసుకునేలా అవగాహన తేవడం; మన విధాన రూపకర్తలు ఆరోగ్యకరమైన వ్యవస్థలను రూపొందించేలా విధానాలు రూపొందించడం; ప్రతి ఒక్కరూ గుండె ఆరోగ్యం కోసం కృష్టి చేయడంతో పాటు... పైన పేర్కొన్న నివారణ చర్యలను అందరూ పాటించేలా చేయగలిగితే ఈ వరల్డ్‌ హార్ట్‌ డే థీమ్స్‌కు న్యాయం జరిగినట్లే. ఆహారపరమైన జాగ్రత్తలివి ►సాల్మన్‌ ఫిష్‌ లాంటి చేపలు గుండెకు ఆరోగ్యకరం. వీటిలో గుండె కొట్టుకోవడంలో తేడానీ, రక్తనాళాల్లో కొవ్వు పేరుకుపోవడాన్నీ, ట్రై గ్లిజరైడ్స్‌నూ తగ్గించే ఒమేగా–3 ఫ్యాటీ యాసిడ్స్‌ వీటిలో ఎక్కువుంటాయి. వారానికి కనీసం రెండు సార్లయినా ఈ చేపలు తింటే మంచిదంటూ అమెరికన్‌ హార్ట్‌ అసోసియేషన్‌ సిఫార్సు చేసింది. ►ఓట్‌ మీల్‌ ఒంట్లో కొలెస్ట్రాల్‌ను తగ్గిస్తుంది. జీర్ణకోశ మార్గంలో ఇది ఒక స్పాంజ్‌లా పనిచేస్తూ... కొలెస్ట్రాల్‌ను నానిపోయేలా చేసి, రక్తంలో ఇంకిపోకుండా ఒంట్లో నుంచి తొలగిస్తుంది. హోల్‌ వీట్‌ బ్రెడ్‌ లాంటి తృణధాన్యాలతో చేసినవి తిన్నా మంచిదే. ►స్ట్రా బెర్రీలు, బ్లూ బెర్రీల లాంటివి తింటే, అవి రక్తనాళాల్ని వెడల్పు చేసి, గుండె పోటు వచ్చే అవకాశాలు తగ్గిస్తాయని ఒక పరిశోధనలో వెల్లడైంది. ►డార్క్‌ చాక్లెట్లు, అంటే కనీసం 60 నుంచి 70 శాతం కోకోతో తయారైన చాక్లెట్లు తింటే, అధిక రక్తపోటు, తగ్గుతాయి. అయితే, మామూలు మిల్క్‌ చాక్లెట్లు, క్యాండీ బార్‌ల వల్ల ఉపయోగం ఉండదు. పైగా అవి కీడు చేస్తాయి కూడా.    ►విటమిన్‌ ‘సి’ ఎక్కువగా ఉండే బత్తాయిలు, కమలా పండ్లు లాంటి నిమ్మజాతి పండ్లు తినాలి. జామపండ్ల వంటి విటమిన్‌ సి ఎక్కువగా ఉండే వాటినీ తినాలి. అయితే వీటిని కొరికి తినాలి తప్ప జ్యూస్‌లుగా చేసుకొని తాగకూడదు. ఏవైనా కారణాలతో కొరికితినలేని వారు జ్యూస్‌లుగా చేసుకొని తాగాల్సివస్తే అందులో పంచదార కలుపుకోకుండా, తాజా జ్యూస్‌లు తాగాలి. ►టొమాటోలలకూ కూడా గుండెకు ఆరోగ్యమిచ్చే పొటాషియం ఉంటుంది. వీటిల్లో ఉండే లైకోపిన్‌ అనే పోషకం గుండెజబ్బులను నివారిస్తుంది. ►బాదంపప్పు, అక్రోటు కాయలు (వాల్‌నట్స్‌), వేరుసెనగ లాంటివి తగు మోతాదులో తినాలి. వాటిలో చెడ్డ కొలెస్ట్రాల్‌ను తగ్గించే విటమిన్‌ ‘ఇ’ ఉంటుంది. ►బీన్స్, బఠానీల లాంటి కాయధాన్యాల్లో కూడా కొవ్వు చేరనివ్వని బోలెడంత ప్రొటీన్‌ ఉంటుంది. ►పాలకూర, బచ్చలి కూర లాంటి ఆకుకూరలు గుండెకు అదనపు బలం ఇస్తాయి. ►అవిసె గింజలు (ఫ్లాక్స్‌ సీడ్స్‌)లో ఒమేగా–3 ఫ్యాటీ యాసిడ్స్‌ ఎక్కువ. పీచు పదార్థం కూడా ఎక్కువే. కాబట్టి, అవి గుండెకు మంచిది. ►రోజూ నాలుగు కప్పుల గ్రీన్‌ టీ తాగడం కూడా గుండెజబ్బుల నివారణకు గణనీయంగా తోడ్పడుతుంది. గుండెజబ్బులు రావడానికి కారణాలు ఇప్పుడు గుండెజబ్బులు వచ్చేందుకు గల కారణాలను చూద్దాం. ఆహారంలో కొవ్వుపదార్థాలూ, పిండి పదార్థాలు ఎక్కువగా తీసుకోవడంతో పాటు కొలెస్ట్రాల్‌ ఎక్కువగా ఉన్న ఆహారాలు తీసుకోవడం, ఊబకాయం, వ్యాయామం చేయకపోవడం, హైబీపీ, షుగర్‌ వంటివి కొన్ని ప్రధాన కారణాలైతే... మనకు మనమే జబ్బులకు చేరువయ్యేలా చేసే మన చెడు అలవాట్లైన పొగతాగడం వంటివి ఇంకా గుండెజబ్బుల విషయంలో మనకు చేటు చేసే అంశాలు. ఇక వీటితో పాటు మారిన వృత్తుల నేపథ్యంలో మానసిక ఒత్తిడి బాగా పెరగడం, నిద్రలేమి వంటివి కూడా వచ్చి చేరాయి. డాక్టర్‌ ఎమ్‌.ఎస్‌.ఎస్‌. ముఖర్జీ, ఇంటర్వెన్షనల్‌ కార్డియాలజిస్ట్, మెడికవర్‌ హాస్పిటల్స్, మాదాపూర్, హైదరాబాద్‌  

►ప్రతిరోజూ నాలుగైదు రెమ్మల పచ్చి కరివేపాకు తింటుంటే చిన్న వయసులో జుట్టు తెల్లబడడాన్ని నివారిస్తుంది. ►కరివేపాకు డయాబెటిస్‌ను అరికట్టడంలోసమర్థంగా పనిచేస్తుంది. ఫ్యామిలీ హిస్టరీలో డయాబెటిస్‌ ఉన్నట్లయితే తప్పకుండా ప్రతిరోజూ ఉదయం పరగడుపున గుప్పెడు కరివేపాకు (పచ్చిది కాని మరే రూపంలోనైనా)తినాలి. ఇలా క్రమం తప్పకుండా వందరోజులు తింటే మంచి ఫలితం ఉంటుంది. ►హైబీపీ లేదా అధిక కొలెస్ట్రాల్‌ ఉన్నట్లయితేపరగడుపున ఒక పచ్చి వెల్లుల్లి రేకు తినాలి. ►వెల్లుల్లి బ్లడ్‌ప్రెషర్‌ను తగ్గించి కొలెస్ట్రాల్‌ను అదుపులో ఉంచుతుంది. ►ఓట్‌మీల్‌ కొలెస్ట్రాల్‌ను తగ్గిస్తుంది. మూడు వారాలపాటు ప్రతిరోజూ బ్రేక్‌ఫాస్ట్‌లో ఓట్‌మీల్‌ను తీసుకుంటే మంచి ఫలితం ఉంటుంది.

టైప్‌ –2 మధుమేహులకు రక్తంలోని కొలెస్ట్రాల్‌ ఒక స్థాయికి మించి తగ్గితే నాడీ సంబంధిత సమస్యలు ఎక్కువవుతాయంటున్నారు జర్మనీకి చెందిన హైడల్‌బర్గ్‌ యూనివర్శిటీ హాస్పిటల్‌ శాస్త్రవేత్తలు. డయాబెటిక్‌ పాలీ న్యూరోపతి అని పిలిచే నాడీ సంబంధిత సమస్యలకు మధుమేహానికి మధ్య సంబంధం ఉందన్న విషయం చాలాకాలంగా తెలిసినప్పటికీ.. కొలెస్ట్రాల్‌ మోతాదులతో దీనికి లింక్‌ ఉండటంపై పెద్దగా సమాచారం లేదు. ఈ నేపథ్యంలో తాము వంద మంది మధుమేహులపై ప్రయోగం చేశామని.. వీరిలో న్యూరోపతి ఉన్నవారు, లేనివారు ఇద్దరూ ఉన్నారని ఈ పరిశోధనల్లో పాల్గొన్న శాస్త్రవేత్త ఒకరు తెలిపారు. వీరి కుడికాలిని ఎమ్మారై స్కానింగ్‌ ద్వారా చూసినప్పుడు నాడీ సంబంధిత గడ్డలు కొన్ని సూక్ష్మస్థాయిలో కనిపించాయని.. రక్తంలోని కొలెస్ట్రాల్‌ మోతాదుకు, ఈ గడ్డల సైజుకు నేరుగా సంబంధం ఉన్నట్లు తాము వీరి ఇతర వైద్య పరీక్షల వివరాలను చూసినప్పుడు తెలిసిందని చెప్పారు. మధుమేహుల్లో కొలెస్ట్రాల్‌ తగ్గడానికి ఉపయోగించే మందులను విచక్షణతో వాడాలన్న భావనకు తమ పరిశోధన ఉపయోగపడుతుందని తెలిపారు.

కేకులు..పిజ్జా బర్గర్లతో రోజులు గడిపేస్తూంటే.. కొంచెం జాగ్రత్త. ఈ జంక్‌ఫుడ్‌ మీ ఒంటికే కాదు.. మనసుకూ చేటు చేస్తుందని హెచ్చరిస్తున్నారు మాంఛెస్టర్‌ మెట్రోపాలిటన్‌ యూనివర్శిటీ శాస్త్రవేత్తలు. కొలెస్ట్రాల్, సంతప్త కొవ్వులు పిండిపదార్థాలు ఎక్కువగా ఉన్న ఆహారం తీసుకోవడం వల్ల మనో వ్యాకులత (డిప్రెషన్‌) వచ్చే అవకాశాలు 40 శాతం వరకూ పెరుగుతాయని వీరు జరిపిన అధ్యయనం ఒకటి చెబుతోంది. పదహారేళ్ల నుంచి 72 ఏళ్ల మధ్యవయస్కులు దాదాపు లక్ష మందిపై జరిగిన పదకొండు అధ్యయనాల ఫలితాలను విశ్లేషించడం ద్వారా తాము ఈ అంచనాక వచ్చినట్లు ఈ పరిశోధనలో పాల్గొన్న శాస్త్రవేత్త స్టీఫెన్‌ బ్రాడ్‌బర్న్‌ తెలిపారు. అమెరికాతోపాటు యూరప్, ఆస్ట్రేలియా, మధ్యాప్రాచ్య దేశాల్లోని స్వచ్ఛంద కార్యకర్తలతో ఈ అధ్యయనం జరిగిందని మనోవ్యాకులత లేదా దాని లక్షణాలు ఉన్న వారి ఆహారపు అలవాట్లను సేకరించి.. అవి శరీరంలో మంట/వాపు కలిగించేందుకు ఉన్న అవకాశం ఆధారంగా ఒక సూచీ సిద్ధం చేశామని వివరించారు. సూచీలో ఎక్కువ స్థాయిలో ఉన్న వారు వారి వయసు, ప్రాంతాలతో సంబంధం లేకుండా జంక్‌ఫుడ్‌ తీసుకుంటున్నట్లు స్పష్టమైందని అన్నారు. డిప్రెషన్‌కు సరికొత్త ఆహారం ఆధారంగా చికిత్స పద్ధతులను అభివద్ధి చేసేందుకు ఈ పరిశోధన ఉపయోగపడుతుందని తెలిపారు. ఈ పరిశోధన వివరాలు క్లినికల్‌ న్యూట్రీషన్‌ తాజా సంచికలో ప్రచురితమయ్యాయి.  

లండన్‌ : పొత్తికడుపులో కొవ్వుతో మెదడు సంబంధిత వ్యాధులు, శరీరంలో వాపు నెలకొనే ముప్పు అధికంగా ఉందని తాజా అథ్యయనం వెల్లడించింది. పొట్ట మినహా ఇతర శరీర భాగాల్లో కొవ్వు పేరుకుపోయిన వారితో పోలిస్తే పొట్టభాగంలో కొలెస్ర్టాల్‌ అధికంగా ఉన్న వారికి ఈ వ్యాధుల ముప్పు అధికమని యూనివర్సిటీ ఆఫ్‌ కాలిఫోర్నియా, రివర్‌సైడ్‌ అథ్యయనంలో వెల్లడైంది.  మహిళలతో పోలిస్తే పొట్టభాగంలో కొవ్వు పేరుకుపోయిన పురుషుల్లోనే మెదడులో వాపు ముప్పు అధికమని పరిశోధకులు గుర్తించారు. రోజూ తీసుకునే ఆహారంపై కన్నేసి ఉంచాలని, ముఖ్యంగా పొత్తికడుపు చుట్టూ కొవ్వు పేరుకుపోకుండా చూసుకోవాలని యూనివర్సిటీ ఆఫ్‌ కాలిఫోర్నియా ప్రొఫెసర్‌ డుడికా కాస్‌ సూచించారు. పొత్తికడుపులో పేరుకుపోయే కొవ్వు రక్త ప్రసరణకు అడ్డంకిగా మారుతుందని, మెదడుకు రక్తసరఫరాను కూడా ఇది ప్రభావితం చేస్తుందని పరిశోధకులు హెచ్చరించారు.

కార్డియాలజీ కౌన్సెలింగ్‌ మా అమ్మగారికి ఛాతీ నొప్పి వస్తే ఆసుపత్రికి తీసుకెళ్లాం. అన్ని పరీక్షలు చేశాక ఆమెకు కరొనరీ ఆర్టరీ హార్ట్‌ డిసీజ్‌ అని చెప్పారు. అంటే ఏమిటి? ఇది రాకుండా ఉండటానికి తగిన జాగ్రత్తలు చెప్పండి.  – డి. మల్లేశ్వరరావు, కర్నూలు  శరీరంలోని ప్రతి అవయవానికి కొన్ని ప్రత్యేక రక్తనాళాల ద్వారా రక్త సరఫరా జరుగుతుంది. రక్తం ద్వారానే ఆహారం, ఆక్సిజన్‌ సరఫరా అన్ని కణాలకూ జరుగుతుంది. అన్ని అవయవాలకు అందినట్టే కరొనరీ ఆర్టరీ అనే రక్తనాళాల ద్వారా గుండెకు రక్తం అందుతుంది. వీటిల్లో అడ్డంకులు ఏర్పడితే గుండె కండరకాలకు రక్తం సరిగా సరఫరా కాదు. దాంతో కండరాలు బలహీనమైపోయి గుండె స్పందనలు కష్టమవుతాయి. గుండె తాలూకు రక్తనాళాలైన కరొనరీ ఆర్టరీలు పూడుకుపోయి, తద్వారా గుండెకు రక్తప్రసరణ తగ్గడాన్ని కరొనరీ ఆర్టరీ హార్ట్‌ డిసీజ్‌ అంటారు. గుండె రక్తనాళాల్లో కొవ్వును ప్లేక్స్‌ అంటారు. ఈ ప్లేక్స్‌ రకరకాలుగా ఉంటాయి. కొన్ని కొవ్వు కణాలతో పెద్దగా ఏర్పడి సన్నటి క్యాప్‌ కప్పినట్లు పెరుగుతాయి. వాటి ద్వారా రక్తనాళాల్లో అడ్డంకులు ఏర్పడతాయి. ఈ విధంగా కరొనరీ ఆర్టరీలో కొవ్వు 50 శాతం కన్నా ఎక్కువగా పేరుకుపోతే, అలా తగ్గిన ప్రాంతంలో గుండె కండరాలు దెబ్బతింటాయి. అలా వచ్చే గుండె జబ్బులను కరొనరీ ఆర్టరీ డిసీజెస్‌గా చెబుతారు. మామూలు వ్యక్తుల కన్నా పొగతాగే వాళ్లలో ఎక్కువ. కొలెస్ట్రాల్‌ పెరగడం కూడా  కరొనరీ హార్ట్‌ డిసీజెస్‌ వచ్చే రిస్క్‌ ఫ్యాక్టర్‌. కొలెస్ట్రాల్‌ పెరగడానికి రెండు ప్రత్యేక కారణాలు ఉంటాయి. అవి... 1) వంశపారంపర్యంగా కొలెస్ట్రాల్‌ పెరగడం 2) ఆహారం ద్వారా రక్తంలో కొవ్వులు పెరగడం. చిన్న వయసులో కొన్ని జీన్స్‌ దెబ్బతినడం వల్ల వంశపారంపర్యంగా కొవ్వులు పెరగడం జరగవచ్చు. దాంతో కరొనరీ హార్ట్‌ డిసీజెస్‌ చిన్న వయసులోనే వచ్చే అవకాశం ఉంది. ఇక కొవ్వు పదార్థాలు ఎక్కువగా ఉండే ఆహారం (ఫ్యాట్స్‌) తీసుకోవడం వల్ల కూడా కరొనరీ హార్ట్‌ డిసీజెస్‌ రావచ్చు. అధికబరువు, డయాబెటిస్, హైబీపీ వల్ల కూడా గుండె రక్తనాళాల్లో కొవ్వు పేరుకుపోతుంది. డయాబెటిస్‌ ఉన్నవాళ్లలో రక్తనాళాలు మూసుకుపోయే రిస్క్‌ ఎక్కువ. సరైన వ్యాయామం లేకపోవడం వల్ల కూడా కరొనరీ హార్ట్‌ డిసీజెస్‌ వచ్చే ముప్పు పెరుగుతుంది. అందుకే వారంలో కనీసం ఐదు రోజుల పాటు రోజూ 30 నిమిషాలు పాటు వ్యాయామం చేయాలి. కనీసం వాకింగ్‌ వంటి వ్యాయమమైనా చేయాలి. ఆల్కహాల్‌ తీసుకున్నా కరొనరీ హార్ట్‌ డిసీజెస్‌ రావచ్చు. జీవనశైలి మార్పులు, ఆరోగ్యకరమైన ఆహారం, మంచి వ్యాయామంతో ఈ కరొనరీ హార్ట్‌ డిసీజెస్‌ను చాలావరకు నివారించుకోవచ్చు.  వాల్వ్‌  సమస్యలు ఎందుకు వస్తాయి నా వయస్సు 59 ఏళ్లు. ఒకసారి మాకు దగ్గర్ల ఉన్న కార్డియాలజిస్ట్‌ను సంప్రదిస్తే నాకు  హార్ట్‌ వాల్వ్స్‌లో (గుండె కవాటాల్లో) సమస్య ఉందని చెప్పారు. ఈ సమస్యకు గల కారణాలు ఏమిటి? ఈ సమస్య ఉంటే వాల్వ్‌ మార్చాల్సిందేనా? దయచేసి వివరించండి. – ఎల్‌. శ్రీధర్‌రావు, మెదక్‌  గుండె కవాటాల్లో ప్రధానంగా రెండు రకాల సమస్యలు రావచ్చు. అవి... 1. వాల్వ్స్‌ సన్నబడటం (స్టెనోసిస్‌) 2. వాల్వ్‌ లీక్‌ కావడం (రీగర్జిటేషన్‌)  వీటికి కారణాలు:  ∙కొన్ని ఇన్ఫెక్షన్స్‌ వల్ల ∙కొందరిలో రుమాటిక్‌ హార్ట్‌ డిసీజెస్‌ వల్ల ∙మరికొందరిలో ఈ సమస్య పుట్టుకతోనే రావచ్చు ∙కొందరిలో వయసు పెరగడం వల్ల (డీజరేటివ్‌) వచ్చే సమస్యగా రావచ్చు. వాల్వ్స్‌ సమస్యలకు చికిత్స: ఈ సమస్యలను కొంతవరకు మందులతో చికిత్స చేయవచ్చు. కొన్ని సందర్భాల్లో మందులతో చికిత్స సాధ్యం కాకపోతే రోగి పరిస్థితిని బట్టి సర్జరీ అవసరమవుతుంది. ప్రస్తుతం గుండె కవాటాలకు వచ్చే సమస్యలకు సర్జరీ కంటే వాల్వ్‌ను రిపేర్‌ చేయడానికి అప్పుడు వైద్యులు అత్యంత ప్రాధాన్యం వస్తున్నారు. పైగా ఉన్న వాల్వ్‌నే రిపేర్‌ చేసిన సందర్భాల్లో జీవితాంతం వాడాల్సిన ఎసిట్రోమ్‌ (రక్తాన్ని పలచబార్చే మందు) ఇవ్వాల్సిన అవసరం లేదు. కాబట్టి ప్రత్యేకంగా మైట్రల్, ట్రైకస్పిడ్‌ వాల్వ్‌లు అయితే రిపేర్‌ చేయడానికే ప్రాధాన్యం ఇస్తున్నారు. గుండె జబ్బుల నివారణ ఎలా?  నా వయసు 37 ఏళ్లు. మాకు తెలిసిన ఇద్దరుముగ్గురు సన్నిహితులు ఇటీవల వెంటవెంటనే గుండెజబ్బుతో చనిపోయారు. దాంతో మాకు చాలా ఆందోళనగా ఉంది. గుండెజబ్బులు రాకుండా తీసుకోవాల్సిన జాగ్రత్తలు చెప్పండి.  – కె. నవీన్‌ కుమార్, సిరిసిల్లా  గుండెజబ్బులు ఉన్న కుటుంబ చరిత్ర గలవారు కొన్ని జాగ్రత్తలు తీసుకోవాలి. కొన్ని ప్రధాన సూచనలివి...  ∙మీలా చిన్న వయసు వారైనప్పటికీ ఇప్పట్నుంచే తరచూ కొలెస్ట్రాల్‌ పరీక్షలు చేయిస్తూ, ఆహార నియమాలు పాటిస్తూ ఉండటం మేలు. డాక్టర్‌ సలహాల మేరకు కొన్ని మందులు తీసుకోవడం ద్వారా కొలెస్ట్రాల్‌ను నియంత్రించుకుంటూ ఉండాలి.  ∙గుండెపోటు రావడానికి డయాబెటిస్‌ ఒక ప్రధాన కారణం. అందుకే ఆ సమస్య ఉన్నవారు రక్తంలోని చక్కెరను పూర్తిగా నియంత్రణలో ఉంచుకోవడం తప్పనిసరి. రోజూ క్రమం తప్పకుండా మందులు వాడుతూ,  డాక్టర్‌ సూచన మేరకు వారు సూచించిన వ్యవధిలో క్రమం తప్పకుండా రక్తంలోని చక్కెరలను పరీక్షించుకుంటూ ఉండాలి.  ∙కొవ్వు పదార్థాలు ఉండే ఆహారాన్ని బాగా తగ్గించాలి.  ∙పొగ తాగే అలవాటును పూర్తిగా వదిలేయాలి. అలాగే పొగాకుకు సంబంధించిన ఉత్పాదనలు, వస్తువులను పూర్తిగా మానేయాలి. గుండెజబ్బుల నివారణలో ఇది చాలా ప్రధానం.  ∙డాక్టర్‌ సూచనల మేరకు శరీరానికి మరీ శ్రమ కలిగించకుండా చేసే వ్యాయామాలను క్రమం తప్పకుండా చేయాలి.  ∙మన ఒంటి బరువును పెరగకుండా జాగ్రత్తగా చూసుకోవాలి.  ∙రక్తపోటును అదుపులో పెట్టుకోవాలి.  ∙మనం తీసుకునే ఆహారంలో అన్ని పోషకాలు ఒంటికి అందేలా సమతులాహారం తీసుకోవాలి.  ∙ఆరోగ్యకరమైన జీవనశైలిని తప్పనిసరిగా పాటించాలి.  ఈ కొన్ని జాగ్రత్తలతోనే చాలావరకు గుండెజబ్బులను నియంత్రించవచ్చు. ఇప్పటికే గుండె సమస్యలు ఉన్నవారు తమ డాక్టర్లు సూచించిన మందులను తప్పక వాడుతుండాలి. ఆరోగ్యంలో ఏమాత్రం తేడా ఉన్నట్లు అనిపించినా డాక్టర్‌ను  తప్పక సంప్రదించాలి. ఈ కొద్దిపాటి సూచనలు పాటిస్తే గుండెపోటు వంటి ఎన్నో ప్రమాదకరమైన పరిస్థితులను నివారించడం చాలావరకు నివారించవచ్చు. డాక్టర్‌ హేమంత్‌ కౌకుంట్ల  సీనియర్‌ కార్డియోథొరాసిక్‌ సర్జన్,  సెంచరీ హాస్పిటల్స్, బంజారాహిల్స్, హైదరాబాద్‌.  

కొలెస్ట్రాల్‌ గుండెకు హాని చేస్తుందన్న విషయం తెలిసిందే. మరి నూనె లేనిదే వంట లేదు. వంటలేనిదే ఆహారమూ లేదు. అలాంటప్పుడు రోజూ వంటల్లో నూనె వాడాల్సిందే కదా. అంటే కొలెస్ట్రాల్‌ ముప్పు ఉన్నట్లే కదా అంటూ ఆందోళన పడకండి. నూనెను వాడండి. అయితే కొలెస్ట్రాల్‌ సమస్యకు చెక్‌ పెట్టండి. ఈ రెండు ప్రయోజనాలు సాధించాలంటే చేయాల్సింది రైస్‌బ్రాన్‌ ఆయిల్‌ను వాడటం. దాని కథా కమామిషూ తెలుసుకోవాలంటే ముందుగా కొలెస్ట్రాల్‌ చేసే హాని ఏమిటో, దాని నుంచి రైస్‌ బ్రాన్‌ ఆయిల్‌ ఎలా రక్షిస్తుందో అర్థం చేసుకోవాలి.  కొవ్వులు మన శరీరానికి హాని చేస్తాయంటూ, వాటిని అసలే తీసుకోబోము అంటే చాలా తప్పు. ఎందుకంటే మన శరీరానికి కొద్దిగా కొవ్వుల అవసరం ఉంటుంది. కొన్ని విటమిన్లు మన శరీరంలో ఇంకడానికీ, విటమిన్‌–డి తయారీలోనూ కొవ్వులు పరిమితంగా అవసరమే. అయితే మోతాదు మించితే ఆ కొవ్వులే ఎన్నో ఆరోగ్య సమస్యలను తెచ్చిపెడతాయి.  కొలెస్ట్రాల్‌ కథ ఏమిటంటే... మన దేహంలో కొలెస్ట్రాల్‌ను ప్రధానంగా కాలేయం ఉత్పత్తి చేస్తుంది. అలాగే ఒంట్లోని ఇతర కణజాలాలూ కొంతమొత్తంలో దీన్ని తయారు చేస్తాయి. ఇక జంతువుల నుంచి లభించే మాంసం, పౌల్ట్రీ, చేపలు, పాల ఉత్పాదనలు (డెయిరీ ప్రాడక్ట్స్‌)తో కూడా కొలెస్ట్రాల్‌ లభ్యమవుతుంది. కొలెస్ట్రాల్‌ రక్తంలో ప్రోటీన్లతో పాటు ప్రవహిస్తుంటుంది. దీన్నే లైపోప్రోటీన్స్‌ అంటారు. వీటిలో రెండు రకాలు ఉంటాయి.  లో–డెన్సిటీ లైపోప్రోటీన్‌ (ఎల్‌డీఎల్‌) కొలెస్ట్రాల్‌ : శరీరంలోని కణజాలానికి అవసరమైన దానిలో ఈ రకం కొలెస్ట్రాలే అధికశాతం ఉంటుంది. దీన్నే చెడు కొలెస్ట్రాల్‌ అంటాం. రక్తప్రవాహంలో దీని మోతాదు మించితే ఇది ధమనుల్లో పేరుకుపోతుంది.  హై–డెన్సిటీ లైపోప్రోటీన్‌ (హెచ్‌డీఎల్‌) కొలెస్ట్రాల్‌ : దీన్ని మంచి కొలెస్ట్రాల్‌ అంటారు. ధమనుల్లో పేరుకుపోయే కొలెస్ట్రాల్‌ను తొలగించడానికి ఇది తోడ్పడుతుంది.  ఆరోగ్యవంతుడైన ఒక వ్యక్తి శరీరంలో మొత్తం కొలెస్ట్రాల్‌ 200 ఎంజీ/డీఎల్‌కు మించి ఉండకూడదు. అంతకు మించి ఉంటే దాన్ని హై బ్లడ్‌ కొలెస్ట్రాల్‌ అంటారు. ఇలా ఎక్కువ ఉండటం అంత మంచి సూచన కాదు.  కొలెస్ట్రాల్‌ ఎక్కువగా ఉంటే ఏమవుతుంది? : రక్తంలో ఎల్‌డీఎల్‌ కొలెస్ట్రాల్‌ ఎక్కువగా ఉంటే అది రక్తనాళాల గోడలకు అంటుకొని రక్తప్రవాహానికి అడ్డుపడే అవకాశాలున్నాయి. ఇదే పరిస్థితి గుండెకు రక్తాన్ని అందించే కొరొనరీ ఆర్టరీలో జరిగితే, ఆ నాళాలు మరింత సన్నబడతాయి. దాంతో గుండెకు మంచి రక్తం అందకుండా పోతుంది. అథెరోస్కి›్లరోసిస్‌ అనే ఈ కండిషన్‌ గుండెపోటుకు కారణమవుతుంది.  మరి ఈ ముప్పును నివారించడం ఎలా : రైస్‌బ్రాన్‌ ఆయిల్‌ను  తీసుకోవడం వల్ల ఈ ముప్పును నివారించవచ్చు. రైస్‌బ్రాన్‌ ఆయిల్‌లో ఒరైజనాల్‌ అధికంగా ఉంటుంది. ఇది కేవలం రైస్‌బ్రాన్‌ ఆయిల్‌లో మాత్రమే లభ్యమయ్యే ఒక మంచి యాంటీఆక్సిడెంట్‌.  ఇది చెడు కొలెస్ట్రాల్‌ (ఎల్‌డీఎల్‌)ను తగ్గించి, మంచి కొలెస్ట్రాల్‌ను పెంచుతుందని అనేక అధ్యయనాల్లో తేలింది. కచ్చితంగా చెప్పాలంటే ఒరైజనాల్‌ అనే పోషకం రక్తంలో ఎల్‌డీఎల్‌ పేరుకుపోకుండా చూస్తుంది. రక్తంలో ఎక్కువగా ఉన్న ఎల్‌డీఎల్‌ను హెచ్‌డీఎల్‌ కాలేయానికి తీసుకువెళ్తుంది. అక్కడ కాలేయం దాన్ని శరీరం నుంచి బయటకు పోయేలా చేస్తుంది. ఇలా ఒరైజనాల్‌ అనేది జీర్ణక్రియలో పలు కీలక భూమికలు పోషించడంతో పాటు, గుండె(కార్డియోవాస్క్యులార్‌) జబ్బులను అడ్డుకుంటుంది.  ఫిజికల్లీ రిఫైన్డ్‌ రైస్‌బ్రాన్‌ ఆయిల్‌లో ఒరైజనాల్‌ పాళ్లను 10,000 పీపీఎం కన్నా ఎక్కువగా నిర్వహితమయ్యేలా చూస్తారు. దాంతో ఇది మొత్తం శరీరానికి ప్రయోజనం కలిగిస్తుంది. ఇండియా, జపాన్, యూఎస్‌లో జరిగిన పలు అధ్యయనాలు... దీనివల్ల కలిగే ప్రయోజనాలను నిర్ధారణ చేయడంతో పాటు, రైస్‌బ్రాన్‌ ఆయిల్‌కు హెల్తీ ఆయిల్‌ అనే పేరునిచ్చాయి.  భారత్‌లోని ప్రతిష్టాత్మకమైన ఆహార పరిశోధన సంస్థ నేషనల్‌ ఇన్‌స్టిట్యూట్‌ ఆఫ్‌ న్యూట్రిషన్‌... అత్యధిక మోతాదులో ఒరైజనాల్‌ పెంచడంతో పాటు కొలెస్ట్రాల్‌ను గణనీయంగా తగ్గించే ఫిజికల్లీ రిఫైన్డ్‌ రైస్‌బ్రాన్‌ ఆయిల్‌ ప్రయోజనాలను ధ్రువీకరించింది. ‘‘రైస్‌బ్రాన్‌ ఆయిల్‌లోని ప్రముఖ బ్రాండ్‌ అయిన ఫ్రీడమ్‌ రైస్‌బ్రాన్‌ ఆయిల్‌లో ఎలాంటి రసాయనాలు ఉపయోగించకుండా స్టీమ్‌ డిస్టిలేషన్‌ విధానంలో శుద్ధి చేయడం వల్ల ఇందులోని పోషకాలు ఏమాత్రం నష్టపోనివిధంగా అలాగే ఉంటాయంటారు ఫ్రీడమ్‌ రైస్‌బ్రాన్‌ ఆయిల్‌ సేల్స్‌ అండ్‌ మార్కెటింగ్‌ వైస్‌ ప్రెసిడెంట్‌  పి. చంద్రశేఖర్‌రెడ్డి. ఇక మనదేశంలో ఇప్పటికే మూడు కోట్ల మంది గుండెజబ్బులతో బాధపడుతుండటంతో పాటు ప్రతి ఏడాది మూడు లక్షల కొత్త కేసులు ఈ జాబితాకు చేరుతున్నందున మనం మన ఆహారంలో అతి తక్కువ శాచురేటెడ్‌ ఫ్యాట్స్‌ ఉండే నూనెలు తీసుకోవాలని, రైస్‌బ్రాన్‌ ఆయిల్‌ ఇందుకు తోడ్పడుతుందని సిఫార్సు చేస్తున్నారు అపోలో హాస్పిటల్‌కు చెందిన సీనియర్‌ కన్సల్టెంట్‌ కార్డియాలజిస్టు డాక్టర్‌ జె. శివకుమార్‌. మన గుండె ఆరోగ్యం కోసం అందరూ రైస్‌బ్రాన్‌ ఆయిల్‌ వైపు మళ్లడం ఎంతో మేలు చేస్తుందని పలువురు నిపుణులు చెబుతున్నారు. 

జన్యుమార్పిడి టెక్నాలజీ ద్వారా కోతుల్లో కొలెస్ట్రాల్‌ మోతాదులను గణనీయంగా తగ్గించడంలో పెన్సిల్వేనియా యూనివర్శిటీ శాస్త్రవేత్తలు విజయం సాధించారు. అన్నీ సవ్యంగా సాగితే ఇంకో పదేళ్లలో ఇదే పద్ధతిని ఉపయోగించి ఊబకాయంతో పాటు అనేక ఇతర సమస్యలకు చెక్‌ పెట్టవచ్చునని శాస్త్రవేత్తలు అంటున్నారు. మన కాలేయానికి  చెడు కొలెస్ట్రాల్‌ను తొలగించే శక్తి సహజసిద్ధంగానే ఉన్నప్పటికీ పీసీఎస్‌కే 9 అనే ప్రొటీన్‌ ఈ ప్రక్రియను అడ్డుకుంటూ ఉంటుంది. ఫలితంగా రక్తంలో చెడు కొలెస్ట్రాల్‌ ఎక్కువవుతూంటుంది. ఈ ప్రొటీన్‌పై ఇప్పటికే బోలెడన్ని పరిశోధనలు జరిగాయి. ఈ నేపథ్యంలో పెన్సిల్వేనియా యూనివర్శిటీ శాస్త్రవేత్తలు కోతులపై కొని ప్రయోగాలు చేశారు. పీసీఎస్‌కే 9 ప్రొటీన్‌ను ఉత్పత్తి చేసే జన్యువును పనిచేయకుండా చేసినప్పుడు ఈ కోతుల రక్తంలోని చెడు కొలెస్ట్రాల్‌ సగానికిపైగా తగ్గినట్లు తెలిసింది. జన్యువును పనిచేయకుండా చేసేందుకు శాస్త్రవేత్తలు ఎంజైమ్‌ ఆధారిత మెగా న్యూక్లియస్‌ ఆధారిత టెక్నాలజీని ఉయోగించడం విశేషం. అయితే ఈ ప్రయోగాల్లో కొన్ని అనుకోని దుష్ప్రభావాలు కనిపించిన నేపథ్యంలో శాస్త్రవేత్తలు విస్తృత స్థాయి పరిశోధనలకు ప్రయత్నిస్తున్నారు. అన్నీ సవ్యంగా సాగితే ఇంకో పదేళ్లలో ఇది సాధ్యం కావచ్చునని, తద్వారా కొన్ని అరుదైన గుండెజబ్బులతో పాటు ఇతర వ్యాధులకు మెరుగైన చికిత్స లభించే అవకాశముందని ఈ పరిశోధనల్లో పాల్గొన్న శాస్త్రవేత్త లిలి వాంగ్‌ తెలిపారు. 

సాక్షి, న్యూఢిల్లీ: అధిక కొవ్వుతో గుండె జబ్బుల బారిన పడే ప్రమాదాన్ని నివారించేందుకు ఆహారంలో సోయా, తృణధాన్యాలు, పప్పు ధాన్యాలను ఎక్కువగా తీసుకోవాలని నిపుణులు సూచిస్తున్నారు.మాంసం, కొవ్వు శాతం అధికంగా ఉండే పాలు వంటి పదార్ధాల స్ధానంలో ఆరోగ్యకర ఆహారంతో మెరుగైన మార్పులు చోటుచేసుకుంటాయని ఓ అథ్యయనం వెల్లడించింది. రోజూ రెండు కప్పుల సోయా, తృణధాన్యాలు, గింజలను తీసుకుంటే హానికర ఎల్‌డీఎల్‌ కొవ్వులను 5 శాతం మేర తగ్గించవచ్చని తేలింది.ఈ ఆహారంపై తాము విస్తృతంగా జరిపిన పరిశోధనలో ఇవి గుండె ఆరోగ్యంపై సానుకూల ప్రభావం చూపుతాయని స్పష్టంగా వెల్లడైందని అథ్యయనానికి నేతృత్వం వహించిన జాన్‌ సెన్‌పైపర్‌ చెప్పారు. కెనడాలోని ఒంటారియో నగరంలోని సెంట్‌ మైఖేల్‌ హాస్పిటల్‌లో జాన్‌ సేవలందిస్తున్నారు. ప్లాంట్‌ ప్రొటీన్లతో పాటు కొవ్వును తగ్గించే ఓట్స్‌​, బార్లీ వంటి ఆహారంతో వీటిని కలిపితీసుకుంటే ఆరోగ్యకరంగా మరింత మెరుగైన ఫలితాలు కనిపిస్తాయని అథ్యయనంలో తేలింది.


 చింతాకు, నీరు, ఉప్పు కలిపి కాచి, ఆ నీటితో కాపడం పెడితే కీళ్ల నొప్పుల నుంచి ఉపశమనం కలుగుతుంది. రాత్రి నిద్రించే ముందు వేడి నీటిలో కాసింత తేనె కలిపి ఆ నీటితో పుక్కిలించుకుంటే  దంత సమస్యలకు దూరంగా ఉండొచ్చు. వెల్లుల్లి... కొలెస్ట్రాల్‌ను కరిగించి స్థూలకాయానికి దూరంగా ఉంచుతుంది. కాబట్టి వెల్లుల్లిని విరివిగా వాడటం మంచిది..
  


 గుడ్‌ ఫుడ్‌
 
 వంటకాన్ని అలంకరించడానికి కొత్తిమీర చల్లుతారు. వంటలో చివరగా వాడినా ఆరోగ్యంలో మొదటిస్థానం కొత్తిమీరదే! కారణం... కొత్తిమీరలో పుష్కలంగా ఉండే ఆరోగ్య అంశాలు. వాటిలో కొన్ని ఇవి...
 
 ⇒ కొత్తిమీరలో క్యాలరీలు చాలా తక్కువ. కొలెస్ట్రాల్‌ ఉండకపోగా, ఉన్న చెడు కొలెస్ట్రాల్‌ను తగ్గించే గుణం ఉంది. కాబట్టి కొలెస్ట్రాల్‌ గురించి దిగులు పడేవాళ్లు కొత్తిమీర తింటే చాలు...  స్థూలకాయాన్ని తేలిగ్గా నివారించవచ్చు / అదుపులో ఉంచుకోవచ్చు.
 
 ⇒ కొత్తిమీరలో పొటాషియమ్, క్యాల్షియమ్, మ్యాంగనీస్, ఐరన్, మెగ్నీషియమ్‌ సమృద్ధిగా ఉంటాయి. పొటాషియమ్‌ జీవకణం ఆరోగ్యాన్ని మెరుగుపరచడంతో పాటు రక్తపోటును నియంత్రిస్తుంది. గుండె ఆరోగ్యాన్ని కూడా మెరుగుపరుస్తుంది.
 
 ⇒ కొత్తిమీరలోని ఐరన్‌ రక్తహీనతను నివారించడంతో పాటు ఎర్ర రక్తకణాల ఉత్పాదనకు తోడ్పడుతుంది.
 
 ⇒కొత్తిమీరలో విటమిన్‌–ఏ, విటమిన్‌–బి కాంప్లెక్స్, విటమిన్‌–సి పుష్కలంగా ఉంటాయి. ఇవి రోగనిరోధక శక్తిని పెంపొందిస్తాయి. కొత్తిమీరలో విటమిన్‌–సి పాళ్లు ఎంత ఎక్కువంటే ఒక వ్యక్తికి రోజుకు అవసరమైన విటమిన్‌–సిలో 30 శాతం కొత్తిమీరతోనే లభ్యమవుతుంది.
 
 ⇒ కొత్తిమీర నోటిక్యాన్సర్లను నిరోధిస్తుంది. న్యూరాన్ల ఆరోగ్యాన్ని కాపాడుతుంది. ∙రక్తాన్ని గడ్డ కట్టించడంలో కీలక భూమిక నిర్వహించే విటమిన్‌–కె కొత్తిమీరలో పుష్కలం. ఇందులోని ఔషధ గుణాలు అలై్జమర్స్‌ వ్యాధి చికిత్సలోనూ ఉపయోగపడతాయి.


 గుడ్‌ఫుడ్‌
 
 పనస ఒక పవర్‌హౌజ్‌ లాంటిది.  శక్తిని వెలువరించడంలో దానికి అదే సాటి. కొలెస్ట్రాల్‌ ఏమీ లేకుండా అత్యంత శక్తిని ఇచ్చే ఫ్రక్టోజ్‌ వల్ల ఈ శక్తి సమకూరుతుంది. పనస వల్ల ఒనగూరే ప్రయోజనాల్లో కొన్ని...
 
 ►పనస పండులో విటమిన్‌ సి పుష్కలంగా ఉంటుంది. అది శక్తిమంతమైన యాంటీ ఆక్సిడెంట్‌ కావడం వల్ల అనేక రకాల క్యాన్సర్లకు స్వాభావిక నివారణిగా పనిచేస్తుంది. మరీ ముఖ్యంగా పెద్దపేగు, ఊపిరితిత్తులు, నోటి క్యాన్సర్లను నివారిస్తుంది.
 
 ►పనసలో మరెన్నో పోషకాలు (ఫైటోన్యూట్రియెంట్స్‌), ఫ్లేవనాయిడ్స్‌ ఉన్నాయి. కణంలో దెబ్బతిన్న డీఎన్‌ఏలను సైతం చక్కదిద్దగల సామర్థ్యం వాటికి ఉంది.
 
 ►పనసలో విటమిన్‌–ఏ పాళ్లు ఎక్కువ. అందుకే అది కంటికి మేలు చేస్తుంది. అదీగాక క్యాటరాక్ట్, మాక్యులార్‌ డీ–జనరేషన్, రేచీకటి వంటి అనేక కంటివ్యాధులను నివారిస్తుంది.
 
 ►థైరాయిడ్‌ గ్రంథికి వచ్చే జబ్బులను నివారించడంతో పాటు  థైరాయిడ్‌  జీవక్రియలకు అవసరమైన కాపర్‌ను సమకూరుస్తుంది.


 పరిపరిశోధన
 
 డాక్టర్లు మీకు కొలెస్ట్రాల్‌ తగ్గించే మందులైన స్టాటిన్స్‌ వాడాలని సూచించారా? మీరు ఆ మందులను వాడుతున్నారా? అయితే వాటిని ఎట్టిపరిస్థితుల్లోనూ మానవద్దని పరిశోధకులు సూచిస్తున్నారు, మరీ ముఖ్యంగా ఒకసారి గుండెపోటు వచ్చాక వీటిని వాడుతున్నవారైతే... అసలు వాటిని అస్సలు మానకూడదు. ఒకసారి గుండెపోటు వచ్చాక వాడుతున్న వారిలో అవి రెండోసారి ఎపిసోడ్‌ను నివారిస్తాయంటున్నారు నిపుణులు. అయితే వాటిని వాడుతూ, వాడుతూ మానేసిన వారిలో గుండెపోటు వచ్చే అవకాశాలు ఎక్కువని వారు హెచ్చరిస్తున్నారు.
 
 మొదటిసారి గుండెపోటు వచ్చిన  1,05,329 మందికి సంబంధించిన మెడికల్‌ రికార్డులను అమెరికన్‌ పరిశోధకులు విశ్లేషించారు. స్టాటిన్స్‌ వాడే కొందరిలో ఒంటినొప్పుల వంటి సైడ్‌ఎఫెక్ట్స్‌ కనిపించేవి. ఆ కారణంగా కొందరు మందులు మానేశారు. వారిలో చాలామందికి రెండోసారి గుండెపోటు వచ్చినట్లు పరిశోధకులు కనుగొన్నారు. వారు ఈ విషయాన్ని ‘ద జర్నల్‌ ఆఫ్‌ అమెరికన్‌ కాలేజ్‌ ఆఫ్‌ కార్డియాలజీ’లో నమోదు చేశారు.


 గుడ్‌ఫుడ్‌
 గుడ్డు... ‘ఎగ్‌’సలెంట్‌ ఫుడు’ అని నిర్ద్వంద్వంగా చెప్పుకోవచ్చు. అందుకు అనువైన పోషకాలన్నీ అందులో ఉన్నాయి. గుడ్డుతో ఆరోగ్యానికి ఒనగూరే లాభాలు అన్నీ ఇన్నీ కావు. అందులో కొన్ని...గుడ్డులోని విటమిన్‌–ఏ అంధత్వాన్ని నిరోధిస్తుంది. వయసు పెరుగుతున్న కొద్దీ మన ఎముకలు కాస్త కాస్త బోన్‌డెన్సిటీని కోల్పోతుంటాయి. గుడ్డు దీన్ని నివారిస్తుంది. కండరాలను బలపరుస్తుంది. వ్యాయామం చేసేవాళ్లు గుడ్డును తమ రోజువారీ మెన్యూలో తప్పక ఉండేలా చూసుకుంటారు.
 
 గుడ్డులోని తెల్లసొనలో మంచి కొలెస్ట్రాల్‌ పుష్కలంగా ఉంటుంది. ఇది గుండెజబ్బులను నివారిస్తుంది. గతంలో కోడిగుడ్డులోని పచ్చసొన ఆరోగ్యానికి అంత మంచిది కాదనీ, అది చెడు కొలెస్ట్రాల్‌ను పెంచుతుందని అపోహ ఉండేది. కానీ దాన్ని తినకపోవడం వల్ల వచ్చే ఆరోగ్యపరమైన అనర్థాలు చాలా ఉన్నాయని ఇటీవలని అధ్యయనల్లో తేలింది. దాంతో ఆ ఆధునిక పరిశోధనల ఆధారంగా, ఇప్పుడు పచ్చసొనను కూడా నిరభ్యంతరంగా తినమని ఆహార నిపుణులు, డాక్టర్లు సిఫార్సు చేస్తున్నారు. వయసు పెరుగుతున్న కొద్దీ వచ్చే డీజనరేటివ్‌ సమస్యలను గుడ్డు సమర్థంగా అడ్డుకుంటుంది. దీనిని నిర్ధారించే పరిశోధన పత్రాలను ‘జర్నల్‌ ఆఫ్‌ న్యూట్రిషన్‌ అండ్‌ ఫుడ్‌ సైన్స్‌’లో ఇటీవలే ప్రచురించారు.


 పరిపరిశోధన
 డీజిల్‌ పొగ అనర్థాలను తెచ్చిపెడుతుందన్న విషయం ఇంతకముందే మనందరికీ తెలుసు. కానీ అది మంచి కొలెస్ట్రాల్‌ను తగ్గించడం ద్వారా గుండెజబ్బులకు కారణమవుతుందన్నది కొత్తగా ఇప్పుడు పరిశోధనల్లో తేలిన అంశం. డీజిల్‌ పొగలో చాలాసేపు ఉన్నప్పుడు మనకు అందాల్సినంతగా ఆక్సిజన్‌ అందదు. ఫలితంగా ఒంట్లో మంచి కొలెస్ట్రాల్‌ (హెచ్‌డీఎల్‌) ఉత్పత్తి తగ్గుతుంది. ఈ హెచ్‌డీఎల్‌ అన్నది రక్తనాళాల ఆరోగ్యానికి ఉపకరిస్తుంది. శరీరంలో హెచ్‌డీఎల్‌ ఉత్పత్తి తగ్గడం వల్ల అది రక్తనాళాల ఆరోగ్యంపై దుష్ప్రభావం చూపి, గుండెజబ్బులకు కారణమవుతుందని పేర్కొంటున్నారు సియాటిల్‌లోని యూనివర్సిటీ ఆఫ్‌ వాషింగ్టన్‌కు చెందిన పరిశోధకులు డాక్టర్‌ గ్రిఫిత్‌ బెల్‌.
 
 ‘‘ట్రాఫిక్‌ పొగకూ, గుండెజబ్బులకూ సంబంధం ఉందని ఈ పరిశోధనల వల్ల తేలింది’’ అంటారు డాక్టర్‌ బెల్‌. అమెరికాకు చెందిన దాదాపు 6,700 మంది మధ్యవయస్కులపై ఈ పరిశోధనలు నిర్వహించారు. వారిలో హెచ్‌డీఎల్‌ పాళ్లు తగ్గడం గమనించారు. డాక్టర్‌ బెల్‌ పరిశోధన వివరాలు ‘ద జర్నల్‌ ఆఫ్‌ అర్టీరియో స్కె›్లరోసిస్, థ్రాంబోసిస్‌ అండ్‌ వ్యాస్క్యులార్‌ బయాలజీ’లో ప్రచురితమయ్యాయి.
  


 ప్యాంక్రియాస్‌ చాలా కీలకమైన విధులు నిర్వహిస్తుంది. అందులో ప్రధానమైనది ఆహారం జీర్ణమయ్యేలా చేయడం. ఇందుకోసం అది తన ప్యాక్రియాటిక్‌ స్రావాలను విడుదల చేస్తుంది. ప్యాంక్రియాస్‌ స్రావాలు కలిసే చిన్న పేగుల వరకు ఉండే నాళం చాలా మృదువుగా, ఏకరీతి (రెగ్యులర్‌)గా ఉంటుంది. అయితే దీర్ఘకాలిక ప్యాంక్రియాటైటిస్‌ ఉన్నవారిలో అది ఏకరీతిగా ఉండక అక్కడక్కడ సన్నబడుతుంది. దీర్ఘకాలిక ప్యాంక్రియాటైటిస్‌ వచ్చిన 22 – 60 శాతం మందిలో ప్యాంక్రియాస్‌ నుంచి స్రావాలు సరిగా వెలువడక రాళ్లు కూడా రావచ్చు. ఈ రాళ్లు మళ్లీ ప్యాంక్రియాటిక్‌ స్రావాలను అడ్డగించవచ్చు. ప్యాంక్రియాటిక్‌ నాళంలో రాళ్లు రావడం గతంలో చాలా అరుదుగానీ ఇటీవల చాలా తరచుగానే కనిపిస్తున్నాయి. వాటిని తొలగించుకోడానికి అవసరమయ్యే శస్త్రచికిత్సల గురించి తెలుసుకోవడం కోసమే ఈ ప్రత్యేక కథనం.
 
 ప్యాంక్రియాటిక్‌ స్టోన్స్‌ (రాళ్లు) ఎలా వస్తాయి?
 ప్యాంక్రియాస్‌ స్రావంలోని క్యాల్షియమ్‌ నిల్వ కావడంతో ఈ రాళ్లు ఏర్పడతాయి. ఇవి మళ్లీ జీర్ణప్రక్రియను నిర్వహించాల్సిన స్రావాలకు అడ్డుపడవచ్చు.  గాల్‌బ్లాడర్‌ నుంచి వచ్చే నాళం, ప్యాంక్రియాటిక్‌ నాళంలో కలిసి ఒకే నాళంగా ఏర్పడుతుంది. కొన్నిసార్లు గాల్‌ బ్లాడర్‌ (పిత్తాశయం)లో కూడా రాళ్లు ఏర్పడవచ్చు. ఈ రెండు రకాల రాళ్లలో ఏవైనా సరే ప్యాంక్రియాటిక్‌ ఎంజైములను అడ్డుకోవచ్చు. దాంతో ఆ స్రావాలు ప్యాంక్రియాస్‌లోని లోపలి పొరలనే దెబ్బతీయవచ్చు.
 
 ఎందుకు వస్తాయి...?
 కొందరిలో ఈ రాళ్లు ఎందుకు వస్తాయనే అంశం ఇదమిత్థంగా తెలియదు. అయితే కొన్ని అంశాలు ఇందుకు దోహదం చేస్తాయి. అవి... కొలెస్ట్రాల్‌ పెరగడం లేదా పైత్యరసంలో బైలురుబిన్‌ పెరగడం  స్థూలకాయం. ఒకేచోట కూర్చొని పనిచేయడం ∙వయసు పెరగడం డయాబెటిస్‌ .తీవ్రమైన కాలేయ వ్యాధులు రావడం.    కుటుంబ చరిత్రలో గాల్‌ స్టోన్స్‌ ఉండటం, ఆల్కహాల్‌ ఎక్కువగా తీసుకోవడం.. ఇవన్నీ క్రానిక్‌ ప్యాంక్రియాటైటిస్‌కు దారితీస్తాయి.
 
 ప్యాంక్రియాటిక్‌ స్టోన్స్‌ ఉన్నవారిలో కనిపించే లక్షణాలు
 ఈ రాళ్లు ఉన్నవారిలో సాధారణంగా పొట్టపైభాగం (అప్పర్‌ అబ్డామిన్‌)లో కుడివైపున నొప్పి కనిపిస్తుంది. ఈ నొప్పి వీపు భాగంలోకి కూడా రేడియేట్‌ అవుతుంటుంది. ఇది సాధారణంగా 15 నిమిషాలు మొదలుకొని కొంతమందిలో తీవ్రమైన నొప్పితో గంటలకొద్దీ బాధించవచ్చు. కొందరిలో వాంతులు కావడం, చెమటలు పట్టడం కూడా సంభవించవచ్చు. వారాలు, నెలలు కొందరిలో సంవత్సరాల తరబడి కనిపించవచ్చు. నొప్పి ఉన్న ప్రాంతాన్ని ముట్టుకోనివ్వనట్లుగా (టెండర్‌నెస్‌తో) ఈ బాధ ఉంటుంది. ఇక దీర్ఘకాలికంగా ఈ నొప్పి వస్తున్నవారిలో అజీర్ణం, ఎలాంటి ప్రయత్నం లేకుండానే బరువు తగ్గడం, మలం కాస్త నూనె కలిసినట్లుగా (ఆయిలీగా), ఒకలాంటి వాసనతో ఉంటుంది. ఈ కండిషన్‌ను స్టియటోరియా అంటారు.
 
 అనర్థాలు: ప్యాంక్రియాటిక్‌ రాళ్లు ఆహారం జీర్ణం చేయాల్సిన ప్యాంక్రియాటిక్‌ స్రావాలకు అడ్డుపడటంతో పాటు రక్తంలో చక్కెరపాళ్లను నియంత్రించే ప్యాంక్రియాటిక్‌ స్రావాలు సరిగా వెలువడకుండా అడ్డుపడవచ్చు. అది డయాబెటిస్‌కు దారి తీసే ప్రమాదం కూడా ఉంది.
 
 చికిత్స విధానాలు
 కొన్నిసార్లు ఈ రాళ్లను మందులతో కరిగించవచ్చు. అయితే రాళ్లు చాలా చిన్న సైజులో ఉన్నప్పుడు, కొలెస్ట్రాల్‌ స్రావాలతో ఏర్పడ్డ రాళ్ల విషయంలోనే ఈ చికిత్స సాధ్యమవుతుంది. చాలామందిలో రాళ్లను తొలగించడానికి శస్త్రచికిత్స విధానాలు అవసరమవుతాయి.
 ∙కొందరిలో ఈఆర్‌సీపీ అనే ఎండోస్కోపిక్‌ ప్రక్రియ ద్వారా రాళ్లను తొలగించవచ్చు. ఈఆర్‌సీపీ ప్రక్రియలో చిన్న పేగు దగ్గర ప్యాంక్రియాటిక్‌ నాళం కలిసే చోట, ఆ నాళాన్ని కొద్దిగా కట్‌ చేసి అక్కడి రాళ్లను ఎండోస్కోప్‌ (కడుపులోకి పంపే గొట్టం) ద్వారా తొలగిస్తారు. ఎండోస్కోపిక్‌ రెట్రోగ్రేడ్‌ కొలాంజియో ప్యాంక్రియోటోగ్రఫీ అనే మాటకు సంక్షిప్తరూపమే ఈఆర్‌సీపీ. ఇందులో ఎండోస్కోపీ ప్రక్రియలో ఒక పలుచటి గొట్టానికి కెమెరా అమర్చి కడుపులోకి పంపించి, ఆ గొట్టం చివర లైట్‌ వెలిగేలా చేసి, దాని సహాయంతో కడుపులోకి స్పష్టంగా చూస్తూ చికిత్స చేస్తారు. ఈ ఎండోస్కోప్‌ సహాయంతో కడుపు, చిన్నపేగులు, ఆ మార్గంలో కనెక్ట్‌ అయ్యే కొన్ని శరీర భాగాలకు  అనేక వైద్య పరీక్షలు, చికిత్సలు ఇప్పుడు సాధ్యమవుతున్నాయి. రెట్రోగ్రేడ్‌ అంటే ఎండోస్కోప్‌ మార్గంలో ఒక ద్రవం విడుదలయ్యేలా చేసి దాని సహాయంతో ఎక్స్‌–రేస్‌ ప్రసరింపజేస్తూ అక్కడి  అవయవాలైను చూడటం. కొలాంజియో–ప్యాంక్రియాటోగ్రఫీ అంటే కొలాంజియో అనే  బైల్‌ నాళంలోనూ, ప్యాంక్రియాటోగ్రఫీ అంటే ప్యాంక్రియాస్‌ భాగాలలో ఎక్స్‌ కిరణాలసు ప్రసరించేయడం.
 
 ⇒ మరికొందరిలో ఎక్స్‌ట్రా కార్పోరియల్‌ షాక్‌వేవ్‌ లిథోట్రిప్సీ (ఈఎస్‌డబ్ల్యూఎల్‌) అనే ప్రక్రియ ద్వారా రాళ్లను తొలగిస్తారు. ఇందులో రాళ్లను శబ్దతరంగాల సహయంతో చిన్న చిన్న ముక్కలుగా చేసి, అప్పుడు ఈసీఆర్‌పీ ప్రక్రియ ద్వారా తొలగిస్తారు. ఈఎస్‌డబ్ల్యూఎల్‌ అనేది ఇప్పుడు ఔట్‌పేషెంట్‌ ప్రక్రియగానూ చేస్తున్నారు.
 
 ⇒  ఈఎస్‌డబ్ల్యూఎల్‌ అనే ఈ ప్రక్రియలో పేషెంట్‌ని ఒక నీళ్ల తొట్టిలో బోర్లా పడుకోబెడతారు. కడుపు నీళ్లలో పాక్షికంగా మునిగి ఉండేలా చూస్తారు. శబ్దతరంగాలను వెలువరించే షాక్‌హెడ్స్‌ పొట్టకు ఆనించి ఉంచి, 2400 నుంచి 3000 వరకు షాక్‌వేవ్స్‌ వెలువడేలా చూస్తారు. దాంతో ఈ షాక్‌వేవ్‌ల శబ్దతరంగాల తాకిడికి రాళ్లు నుసిగా మారేలా చేస్తారు. ఈ ప్రక్రియకు సాధారణంగా 45 నిమిషాల నుంచి గంట వరకు పడుతుంది. ఒక్కోసారి పొట్టనొప్పి, చాలా అరుదుగా పొట్టకు గాయాలు కావచ్చు. ఈఆర్‌సీపీ, ఈఎస్‌డబ్ల్యూల్‌ అనేవి శరీరానికి కోట పెట్టకుండా చేసే శస్త్రచికిత్సలు (నాన్‌–ఇన్వేజివ్‌) శస్త్రచికిత్స మార్గాలు.
 
 ⇒  ఇక పొట్ట భాగంలో కోతతో చేసే సంప్రదాయ సర్జరీ కూడాచేయవచ్చు. అయితే ఈ ప్రక్రియయలో రక్తస్రావం అయ్యే ప్రమాదం ఉంది కాబట్టి రోగికి రక్తం ఇవ్వడానికి సంసిద్ధంగా ఉండాల్సిన అవసరం ఉంటుంది. ఇలాంటి సంప్రదాయ శస్త్రచికిత్సలో ప్యాంక్రియాస్‌ను ఓపెన్‌ చేసి, రాళ్లు బయటకు తీసి, ప్యాంక్రియాస్‌ నాళాన్ని మళ్లీ చిన్నపేగుకు కనెక్ట్‌ చేయాల్సి ఉంటుంది. కాబట్టి ఇలా సంప్రదాయ శస్త్రచికిత్స చేస్తారు కాబట్టి కోలుకోడానికి దాదాపు 10 రోజులు పైగానే ఆసుపత్రిలో ఉండాల్సిన అవసరం ఉంటుంది.
 
 డాక్టర్‌ ఆలోక్‌ రథ్‌
 కన్సల్టెంట్‌ జనరల్‌ సర్జరీ
 అండ్‌ సర్జికల్‌ గ్యాస్ట్రోఎంటరాలజీ,
 కేర్‌ హాస్పిటల్స్, బంజారాహిల్స్‌
  హైదరాబాద్‌
 
 
  


 ప్రతిరోజూ నాలుగైదు రెమ్మల పచ్చి కరివేపాకు తింటుంటే చిన్న వయసులో జుట్టు తెల్లబడడాన్ని నివారిస్తుంది.కరివేపాకు డయాబెటిస్‌ను అరికట్టడంలో సమర్థంగా పనిచేస్తుంది. ఫ్యామిలీ హిస్టరీలో డయాబెటిస్‌ ఉన్నట్లయితే తప్పకుండా ప్రతిరోజూ ఉదయం పరగడుపున గుప్పెడు కరివేపాకు (పచ్చిది కాని మరే రూపంలోనైనా) తినాలి.
 
 ఇలా క్రమం తప్పకుండా వందరోజులు తింటే మంచి ఫలితం ఉంటుంది. హైబీపీ లేదా అధిక కొలెస్ట్రాల్‌ ఉన్నట్లయితే పరగడుపున ఒక పచ్చి వెల్లుల్లి రేకు తినాలి. వెల్లుల్లి బ్లడ్‌ప్రెషర్‌ను తగ్గించి కొలెస్ట్రాల్‌ను అదుపులో ఉంచుతుంది. ఓట్‌మీల్‌ కొలెస్ట్రాల్‌ను తగ్గిస్తుంది. మూడు వారాలపాటు ప్రతిరోజూ బ్రేక్‌ఫాస్ట్‌లో ఓట్‌మీల్‌ను తీసుకుంటే మంచి ఫలితం ఉంటుంది.


 ► సాల్మన్ ఫిష్, ట్యూనా, హెర్రింగ్ లాంటి చేపలు గుండెకు ఆరోగ్యకరం. వీటిలో గుండె కొట్టుకోవడంలో తేడానీ, రక్తనాళాల్లో కొవ్వు పేరుకుపోవడాన్నీ, ట్రై గ్లిజరైడ్స్‌నూ తగ్గించే ఒమేగా-3 ఫ్యాటీ యాసిడ్స్ వీటిలో ఎక్కువుంటాయి. వారానికి కనీసం రెండు సార్లయినా ఈ చేపలు తింటే బెటరని అమెరికన్ హార్ట్ అసోసియేషన్ సిఫార్సు చేసింది.
 ► ఓట్ మీల్ తింటే మంచిది. పీచు పదార్థం ఉండే ఈ ఓట్ మీల్ ఒంట్లో కొలెస్ట్రాల్‌ను తగ్గిస్తుంది. జీర్ణకోశ మార్గంలో ఇది ఒక స్పాంజ్‌లా పనిచేసి, కొలెస్ట్రాల్‌ను నానిపోయేలా చేసి, రక్తంలో ఇంకిపోకుండా ఒంట్లో నుంచి తొలగిస్తుంది. హోల్ వీట్ బ్రెడ్ లాంటి తృణధాన్యాలతో చేసినవి తిన్నా మంచిదే.
 ► స్ట్రాబెర్రీలు, బ్లూ బెర్రీల లాంటివి తింటే, ఆ పండ్లలో ఉండే ఫైటోన్యూట్రియెంట్స్, పీచుపదార్థాలు రక్తనాళాల్ని వెడల్పు చేసి, గుండె పోటు వచ్చే అవకాశాలు తగ్గిస్తాయని ఒక పరిశోధనలో వెల్లడైంది.
 ► డార్క్ చాక్లెట్లు, అంటే కనీసం 60 నుంచి 70 శాతం కోకోతో తయారైన చాక్లెట్లు తింటే, అధిక రక్తపోటు, రక్తం ఊరిగే గట్టకట్టుకుపోవడం లాంటివి తగ్గుతాయి. అయితే, మామూలు మిల్క్ చాక్లెట్లు, క్యాండీ బార్‌ల వల్ల ఉపయోగం లేదు. అయితే వీటిని కూడా చాలా పరిమితంగా తీసుకోవాలి.
 ► విటమిన్ ‘సి’ ఎక్కువగా ఉండే బత్తాయిలు, కమలా పండ్ల లాంటి నిమ్మజాతి పండ్లు తినాలి. అయితే, ఈ పండ్ల రసాల్లో మళ్ళీ అతిగా పంచదార కలుపుకోకూడదు.
 ► సోయా పాలు, సోయా జున్ను (తోఫూ) తింటే ఒంటికి కావాల్సిన ప్రొటీన్లు వస్తాయి. అనారోగ్యకరమైన కొవ్వు, కొలెస్ట్రాల్ ఒంట్లో చేరవు. సోయా ప్రొటీన్లు ఒంట్లో చెడ్డ కొలెస్ట్రాల్‌ను తగ్గిస్తాయి.
 ► బంగాళదుంపలు అనగానే అతిగా పిండిపదార్థమని చాలామంది పక్కనపెడుతుంటారు. కానీ, అతిగా వేయించనంత వరకు బంగాళదుంపలు గుండెకు ప్రమాదకరం కావు. పొటాషియం ఎక్కువగా ఉండే వీటిలో ఫైబర్ ఉంటుంది.
 ► టొమాటోలలో కూడా గుండెకు ఆరోగ్యమిచ్చే పొటాషియం ఉంటుంది. ఇందులోని విటమిన్లు రక్తాన్ని శుద్ధి చేస్తాయి.
 ►గుప్పెడన్ని నట్స్ అంటే బాదంపప్పు, అక్రోటు కాయలు (వాల్‌నట్స్), వేరుసెనగ లాంటివి తగు మోతాదులో తినాలి. వాటిలో చెడ్డ కొలెస్ట్రాల్‌ను తగ్గించే విటమిన్ ‘ఇ’ ఉంటుంది.
 ►బచ్చలి కూర లాంటి ఆకుకూరలు గుండెకు అదనపు బలం ఇస్తాయి.
 ►దానిమ్మలో యాంటీ ఆక్సిడెంట్లు ఎక్కువ. రోజూ నిర్ణీత మోతాదులో కనీసం మూడు నెలల పైగా దానిమ్మ రసం తాగితే, గుండెకు రక్తప్రసారం బాగా మెరుగవుతుంది. దానిమ్మ పండు గుండె రక్తనాళాల్లో పేరుకుపోయే అడ్డంకులు (ప్లాక్స్)నూ శుభ్రం చేస్తాయి. యాపిల్ పండ్లు కూడా.
 ►అవిశె గింజలలో (ఫ్లాక్ సీడ్స్) పీచు, ఒమెగా ఫ్యాటీ యాసిడ్స్ ఉంటాయి. వాటిని రోజుకు 20 గ్రాములు తింటే మేలు.
 
 - రాధిక
  చీఫ్ డైటీషియన్,
  కిమ్స్ హాస్పిటల్స్, సికింద్రాబాద్


 కార్డియాలజీ కౌన్సెలింగ్
 నా వయసు 35 ఏళ్లు. ఈమధ్య గుండెజబ్బులు చిన్న వయసులోనే వస్తున్నాయని చదివాక ఆందోళనగా ఎక్కువైంది. దయచేసి నివారణకోసం తీసుకోవాల్సిన జాగ్రత్తలను తెలియజేయండి.     - రవి, నల్లగొండ
 గుండెజబ్బుల నివారణ కోసం తీసుకోవాల్సిన జాగ్రత్తలివి...
 కుటుంబ చరిత్రలో కొలెస్ట్రాల్ ఉన్నవారు క్రమం తప్పకుండా పరీక్షలు చేయించుకంటూ ఉండాలి. అలాగే శాకాహారం (గ్రీన్‌లీఫీ వెజిటబుల్స్) తీసుకోవడం, కొవ్వులను పూర్తిగా తగ్గించడం వంటి ఆహార నియమాలు పాటిస్తూ, అవసరాన్ని బట్టి కొలెస్ట్రాల్ నియంత్రణకు మందులు తీసుకుంటూ గుండెజబ్బులను నివారించుకోవచ్చు  గుండెపోటుకు ప్రధాన కారణం డయాబెటిస్. అందుకే ఆ సమస్య ఉన్నవారు డయాబెటిస్‌ను పూర్తిగా నియంత్రణలో ఉంచుకోవడం తప్పనిసరి. రోజూ క్రమం తప్పకుండా మందులు వాడుతూ కనీసం మూడు నెలలకొకసారి డాక్టర్‌ను సంప్రదిస్తూ, వారు సూచించిన విధంగా అవసరమైన పరీక్షలు చేయించుకోవాలి  బరువు పెరగకుండా జాగ్రత్తలు తీసుకోవాలి  క్రమం తప్పకుండా వ్యాయామం చేయాలి. అయితే ఈ వ్యాయామాలు గుండెకు భారంగా పరిణమించకుండా చూసుకోవాలి  పొగాకు, దాని సంబంధించిన వస్తువులను పూర్తిగా మానేయాలి.
 ఆయుర్వేద కౌన్సెలింగ్
 నా వయసు 62. నాకు రాత్రిపూట మూత్రం ఎక్కువసార్లు వస్తుంటుంది. డాక్టర్లు పరీక్ష చేసి షుగరు వ్యాధి లేదన్నారు. కానీ ప్రోస్టేట్ గ్రంధి వాచడం వల్ల ఈ సమస్య కలిగిందన్నారు. ఇది తగ్గడానికి మందులు తెలియజేయ ప్రార్థన. - కె. వీరభద్రరావు, విశాఖపట్నం 
 ప్రోస్టేట్ గ్లాండ్‌ను ఆయుర్వేద పరిభాషలో ‘పౌరుషగ్రంధి’ అంటారు. ఇది కేవలం పురుషుల్లో మాత్రమే ఉంటుంది. వయసు పైబడిన వారిలో ఇది కొద్దిగా పరిమాణం పెరగడం సహజం. దానివల్ల మూత్రాశయంపై ఒత్తిడి పెరిగి మూత్రం మాటిమాటికీ వస్తుంటుంది. ఒక్కొక్కప్పుడు ఈ గ్రంధికి ఇన్ఫెక్షనూ సోకవచ్చు. కొందరిలో ఈ వాపు క్యాన్సరుగా పరిణమించవచ్చు. మీరేమీ కంగారు పడాల్సిన అవసరం లేదు. ఈ దిగువ సూచించిన మందుల్ని రెండు నెలల పాటు వాడి పరిస్థితిని సమీక్షించుకోండి.
 సప్తవింశతి గుగ్గులు (మాత్రలు)    ఉదయం 2, రాత్రి 2
 చంద్రప్రభావటి (మాత్రలు)     ఉదయం 2, రాత్రి 2
 చందనాసవ (ద్రావకం):        నాలుగు చెంచాలకు సమానంగా నీళ్లు కలిపి రెండు  పూటలా తాగాలి.
 నా వయసు 23. తరచూ తలలో పేలు బాధిస్తున్నాయి. దీనికి మందు చెప్పండి.
 - రాధాబాయి, నకిరేకల్లు
 శిరోజాలలో మాలిన్యం లేకుండా పరిశుభ్రంగా ఉంచుకుంటే తలకు పేలుపట్టే పరిస్థితి రాదు. ప్రతి రాత్రి ‘నింబతైలం’ (వేపనూనె) తలకు రాసుకుని, మరుసటిదినం కుంకుడుకాయ చూర్ణంతో తలస్నానం చేయండి. సీతాఫలాల్లోని గింజల్ని ఎండబెట్టి, పొడిచేసి, ఆ చూర్ణాన్ని నీళ్లలో ముద్దగా చేసి రోజు విడిచి రోజు శిరోజాలకు పట్టించండి. పది రోజుల్లో ఫలితం కనిపిస్తుంది. ‘కుమార్యాసవ’ ద్రావకాన్ని ఉదయం, రాత్రి నాలుగేసి చెంచాలు... సమానంగా నీళ్లు కలిపి ఒక నెలపాటు తాగితే మంచి ఫలితం ఉంటుంది.
 డాక్టర్ వృద్ధుల లక్ష్మీనరసింహశాస్త్రి
 ఆయుర్వేద నిపుణులు,
 సౌభాగ్య ఆయుర్వేదిక్ క్లినిక్, హుమాయూన్ నగర్, హైదరాబాద్


 కార్డియాలజీ కౌన్సెలింగ్
  
 నా వయసు 49 ఏళ్లు. నేను మాంసాహారం ఎక్కువగా తీసుకుంటూ ఉంటాను. మాంసాహారం లేకుండా దాదాపుగా భోజనం చేయను. కొవ్వులతో కూడిన ఆహారం ఇంత ఎక్కువగా తీసుకోకూడదనీ, దీనివల్ల ఒంట్లో కొలెస్ట్రాల్ పేరుకుంటుందనీ, అది ఈ వయసులో గుండె జబ్బులకు దారితీస్తుందని  ఫ్రెండ్స్ అంటున్నారు. నాకు తగిన సలహా ఇవ్వగలరు.  - షరీఫ్, నల్లగొండ
 కొలెస్ట్రాల్ అనే కొవ్వులలో రెండు రకాలు ఉంటాయి. మొదటిది ఒంటికి మేలు చేసే కొవ్వులు. వీటిని హైడెన్సిటీ లైపో ప్రొటీన్ (హెచ్‌డీఎల్)అంటారు. ఇవి గుడ్డు  తెల్లసొనలో ఉంటాయి. శరీరానికి హానికారకమైన కొవ్వులను ఎల్‌డీఎల్ (లోడెన్సిటీ లైపో ప్రొటీన్స్) అంటారు. చెడు కొలెస్ట్రాల్ వంటి కొవ్వులు గుండెజబ్బులకు ఒక రిస్క్ ఫాక్టర్. చెడు కొలెస్ట్రాల్ పాళ్లు ఎక్కువగా ఉండే ఆహారం తినేవారిలో, ఫాస్ట్ ఫుడ్ తీసుకునే వారిలో గుండెజబ్బుల రిస్క్ ఎక్కువగా ఉంటుంది. అయితే రక్తంలో ఈ రెండు రకాల కొవ్వులు కలుపుకొని 200 లోపు ఉండాలి. ఎల్‌డీఎల్ 100 లోపు, హెచ్‌డీఎల్ 40పైన ఉండాలి. అలాగే ట్రైగ్లిజరైడ్స్ అనే మరో రకం కొవ్వులు కూడా గుండెకు హాని చేస్తాయి. ఇవి 150 లోపు ఉండాలి. కొలెస్ట్రాల్ మన శరీరంలోకి రెండు రకాలుగా చేరుతుంది. ఒకటి ఆహారం ద్వారా, మరొకటి లివర్ పనితీరు వల్ల. శిశువు పుట్టినప్పుడు 70 మి.గ్రా. కొలెస్ట్రాల్ ఉంటుంది. మెదడు నరాల వ్యవస్థ కోసం, శిశువు రెండేళ్ల పాటు ఎదగడానికి ఈ కొలెస్ట్రాల్ కొవ్వులు ఉపయోగపడతాయి.
 
 ఆ తర్వాత దీని అవసరం అంతగా ఉండదు. అయితే జన్యుతత్వాన్ని బట్టి ఈ కొవ్వులు (మంచి, చెడు ఈ రెండు రకాల కొలెస్ట్రాల్స్) ఉత్పత్తి అవుతూనే ఉంటాయి. వేపుళ్లు, బేకరీ పదార్థాలు, కృత్రిమ నెయ్యి వంటి పదార్థాలను ఎక్కువగా తినేవాళ్లలో ఈ కొవ్వు పేరుకుంటూ ఉంటుంది. ఇది గుండె ఆరోగ్యానికి అంత మంచిది కాదు. ఇక రక్తంలో కొలెస్ట్రాల్ పాళ్లు ఎక్కువగా ఉన్నవారికి... డాక్టర్లు వాటిని అదుపు చేసే మందులు ఇస్తుంటారు. ఈ తరహా మందులు వాడుతున్న వారు వాటిని మధ్యలోనే  ఆపకూడదు. మీరు మాంసాహారం పూర్తిగా మానేయలేకపోతే... కొవ్వులు తక్కువగా ఉండే చేపలు, చికెన్ వంటి వైట్‌మీట్ తీసుకోండి. వీటిలోనూ చికెన్ కంటే చేపలు చాలా మందిది. కాబట్టి మాంసాహారం తీసుకోవాలనిపిస్తే చేపలు తినడం మేలు. అది కూడా ఉడికించినవే. వేపుడు వద్దు.
  
 డాక్టర్ అనుజ్ కపాడియా
 సీనియర్ కార్డియాలజిస్ట్,
 కేర్ హాస్పిటల్స్, బంజారాహిల్స్, హైదరాబాద్
  
  
 ఎప్పుడూ నీరసం, నిస్సత్తువ..! తగ్గేదెలా?
 హోమియో కౌన్సెలింగ్
  
 నా వయసు 45 ఏళ్లు. గత ఆరె నెలల నుంచి ఒళ్లు నొప్పులు. కండరాలు లాగుతున్నాయి. ఎప్పుడూ నీరసం. జ్వరంగా కూడా అనిపిస్తోంది. దయచేసి  హోమియోపతిలో పరిష్కారం ఇవ్వగలరు. - రమాదేవి, విశాఖపట్నం
 క్రానిక్ ఫెటీగ్ సిండ్రోమ్ (సీఎఫ్‌ఎస్) / దీర్ఘకాలిక నీరసం అనేది సాధారణంగా శ్రమతో సంబంధం లేకుండా నీరసానికి కారణమయ్యే వ్యాధి. దీనితో బాధపడేవాళ్లలో కనీసం ఆరు నెలల పాటు నీరసం, నిస్సత్తువ లక్షణాలూ కనిపిస్తాయి. విశ్రాంతి తీసుకున్నా ఉత్సాహంగా లేకపోవడం కూడా గమనించవచ్చు. దీనినే ఇమ్యూన్ డిస్‌ఫంక్షన్ సిండ్రోమ్ లేదా మైయాల్జిక్ ఎన్సెఫాలో మైలైటిస్ అని కూడా అంటారు. ఇది ముఖ్యంగా 40 నుంచి 50 ఏళ్ల వయసు వారిలో ఎక్కువగా కనిపిస్తుంది. క్రానిక్ ఫెటీగ్ సిండ్రోమ్ (సీఎస్‌ఎఫ్)తో బాధపడేవారిలో నాడీమండలం, రోగనిరోధక వ్యవస్థ, వినాళ గ్రంథుల వ్యవస్థలకు సంబంధించిన అసాధారణతలు కనిపిస్తాయి.
  
 కారణాలు :   వయసు ప్రభావం (ఎక్కువగా మహిళల్లో కనిపిస్తుంది)  ఆందోళన  రోగ నిరోధకశక్తి తగ్గడం  అంటువ్యాధులు  మానసిక వ్యాధులు, డిప్రెషన్  హార్మోన్ సమస్యలు
  
 లక్షణాలు : నీరసం లేదా అలసట  విశ్రాంతి తీసుకున్నా ఉత్సాహంగా లేకపోవడం  శారీరక శ్రమ చేయలేకపోవడం  నిద్ర సరిపోనట్లు అనిపించడం  ఏకాగ్రత లోపించడం, తలనొప్పి, కండరాల బలహీనత  రోజువారీ పనులు చేయడం కష్టంగా ఉండటం, చిరాకు
  
 వ్యాధి నిర్ధారణ : బ్రెయిన్ ఎమ్మారై, సీబీసీ, ఈఎస్‌ఆర్, టీఎస్‌హెచ్, యూరిన్ టెస్ట్
  
 చికిత్స : హోమియో విధానంలో ఎలాంటి సైడ్‌ఎఫెక్ట్స్ లేకుండా సీఎఫ్‌ఎస్‌కు మేలైన చికిత్స అందించవచ్చు. వ్యాధి మూలకారణాన్ని గుర్తించి, వ్యాధి తీవ్రతను అంచనావేసి, రోగి లక్షణాలను విశ్లేషించి వైద్యనిపుణులు మందులు సూచిస్తారు. సీఎఫ్‌ఎస్‌కు హోమియోలో చైనా, యాసిడ్ ఫాస్, ఆర్సినిక్ ఆల్బ్, కార్బోవెజ్, ఫైమెట్ మొదలైన మందులు ఈ చికిత్స కోసం అందుబాటులో ఉన్నాయి. వీటిని అనుభవజ్ఞులైన హోమియో డాక్టర్ల పర్యవేక్షణలో వాడాలి.
  
 డాక్టర్ మురళి కె. అంకిరెడ్డి
 ఎండీ (హోమియో)
 స్టార్ హోమియోపతి
 హైదరాబాద్
  
  
  


 గుండె సంబంధిత సమస్యలతో బాధపడుతున్నారా.. శరీరంలో చెడు కొలెస్ట్రాల్‌ను తగ్గించుకోవాలని చూస్తున్నారా.. అయితే బార్లీ తినడం మొదలుపెట్టండి. బార్లీ అటు ఎల్‌డీఎల్‌తోపాటు నాన్ హెచ్‌డీఎల్ కొలెస్ట్రాల్‌ను కూడా ఏడు శాతం వరకూ తగ్గించగలదని కెనెడాలోని సెయింట్ మైకేల్స్ హాస్పిటల్ శాస్త్రవేత్తలు చెబుతున్నారు. ఈ రెండు రకాల కొలెస్ట్రాల్‌లు గుండె జబ్బులకు కారణమవుతాయని అంటున్నారు. గుండెకు బార్లీ చేసే మేలు గురించి చాలాకాలంగా తెలిసినా...
 
 ఎల్‌డీఎల్, నాన్ హెచ్‌డీఎల్ కొలెస్ట్రాల్‌లపై దీని ప్రభావం ఎంతమేరకు ఉంటుందనేది తమ అధ్యయనం ద్వారా వెల్లడైందని పరిశోధనలో పాల్గొన్న డాక్టర్ వ్లాదిమిర్ వుక్సన్ తెలిపారు. ఓట్స్‌తో పోలిస్తే బార్లీలో పీచు పదార్థం, ప్రొటీన్లు ఎక్కువగా ఉంటాయని.. అధిక కొలెస్ట్రాల్ ఉన్నవారికే కాకుండా సాధారణ వ్యక్తులకూ ఇది ఎంతో మేలు చేస్తుందని చెప్పారు.    - సాక్షి, హైదరాబాద్


 రోజూ టీవీల్లో, పేపర్లలో ‘మా ఆయిల్ వాడితే కొలెస్ట్రాల్ పెరగదు’ అంటూ నూనె కంపెనీల యాడ్లు హోరెత్తిస్తుంటాయి. మనం నిజమేనేమో అనుకుని వాటిని ఇష్టం వచ్చినట్టు పోసేశాం అనుకోండి... ఇక అంతే సంగతులు. ఏ వంటకంలో నూనె వేసినా, అది మనలో ఎంత కొలెస్ట్రాల్‌ను పెంచుతుంది అనేది అంచనా వేసుకోవాలి. అది మనకు ఎలా తెలుస్తుంది? ఒకవేళ మన కూరలో నూనె ఎక్కువయ్యిందని తెలిస్తే దాన్ని ఎలా తగ్గించ గలం? అదంతా మన ఒంట్లోకి వెళ్లకుండా ఎలా అడ్డుకోగలం? ఈ ‘ఫ్యాట్ మ్యాగ్నెట్’ ఉంటే అవన్నీ చేయగలం. ఇది మహా షార్‌‌ప. దీన్ని ఒక్కసారి కూరలోనో చారులోనో పెడితే చాలు... ఎక్కువైన నూనెను చప్పున లాగే స్తుంది.
 
 దాంతో నూనె పైకి తేలు తుంది. అప్పుడు దాన్ని చెంచాతో తీసేయొచ్చు. మటన్ కరీ లాంటి వాటిలో ఫ్యాట్ ఎక్కువ ఉంటుంది కదా! దాన్ని కూడా విజయ వంతంగా తీసేస్తుందిది. కాబట్టి మన శరీరంలోకి అనవసరమైన కొవ్వు, నూనె వెళ్లవు.  దీన్ని వంటకాల్లో పెట్టే ముందు ఓ అయిదు నిమిషాల పాటు ఫ్రిజ్‌లో పెడితే ఇంకా బాగా పని చేస్తుందని నిపుణులు అంటున్నారు!


 అవాస్తవం
 కొలెస్ట్రాల్ అన్న మాట వింటేనే కంగారు పడిపోతున్నారంతా. ఇటీవల వాడుకలో దానిపై చాలా దురభిప్రాయాలూ, అపోహలూ పెచ్చరిల్లడమే అందుక్కారణం. మన శరీరంలోని కాలేయం ఉత్పత్తి చేసే ఒకలాంటి కొవ్వుని కొలెస్ట్రాల్ అంటారు. శరీరంలోని ప్రతి కణంలో ఇది ఉంటుంది. ఇది  చాలా అవసరం. అరుుతే కొలెస్ట్రాల్ అవసరమైన దానికంటే ఎక్కువైతే రక్తనాళాలు కొవ్వుతో నిండి హృద్రోగాలు, పక్షవాతం వంటి సవుస్యలు రావడం జరుగుతుంది.
 
 కొలెస్ట్రాల్‌లో మంచి కొలెస్ట్రాల్ (హై డెన్సిటీ లైపోప్రొటీన్ - హెచ్‌డీఎల్), చెడు కొలెస్ట్రాల్ (లో డెన్సిటీ లైపోప్రొటీన్ -ఎల్‌డీఎల్) అని రెండు రకాలు ఉంటాయి. ఈ మంచి కొలెస్ట్రాల్ ఉండాల్సిన పరిమాణంలో ఉండాలి. ఒంటిలోకి కొన్ని విటమిన్లు వచ్చి చేరాలంటే  కొన్ని కొవ్వులు ఆరోగ్యకరమైన మోతాదులో ఉండాల్సిందే.
 
 చెడు కొలెస్ట్రాల్‌గా పేర్కొనే ఎల్‌డీఎల్ పరిమిత స్థాయికి మించితే అది రక్తనాళాల్లో చేరి రక్తప్రవాహాన్ని అడ్డుకుని గుండెపోటు, బ్రెయిన్‌స్ట్రోక్‌కు దారితీసే అవకాశం ఉంది. కాబట్టి శరీరంలో మంచి కొలెస్ట్రాల్ పెరగడానికీ, చెడు కొలెస్ట్రాల్ తగ్గడానికీ తగినంత వ్యాయామం చేయాలి. కొలెస్ట్రాల్ మోతాదులను పరిశీలించుకుంటూ... వాటి వల్ల ఎలాంటి ముప్పూ లేదని ఎప్పటికప్పుడు నిర్ధారించుకుంటూ ఉంటే నిర్భయంగా ఉండవచ్చు.  


 హోమియో కౌన్సెలింగ్
  
 నా వయసు 40. ఎత్తు 5.4 అంగుళాలు. బరువు 78 కిలోలు. ఇటీవల లిపిడ్ ప్రొఫైల్ టెసట్ చేయిస్తే బ్యాడ్ కొలస్ట్రాల్ ఎక్కువగా ఉందన్నారు. హోమియోలో దీన్ని తగ్గించవచ్చా?
  - ఎస్.పవన్ కుమార్, తెనాలి
  మారుతున్న జీవనశైలి, పెరుగుతున్న శారీరక, మానసిక ఒత్తిడి, ఆహారపు అలవాట్లలో మార్పుల కారణంగా వస్తున్న వ్యాధుల్లో కొలెస్ట్రాల్ ఒకటి. సాధారణంగా కొలెస్ట్రాల్ అనగానే అది హానికరమైనదే అనే మాట తరచు వినిపిస్తుంది. అయితే కొలెస్ట్రాల్ పెరగడం వల్లే కాదు, తగ్గడం వల్ల కూడా సమస్యలు తప్పవు. ఎందుకంటే మన శరీరంలో ఉన్న ప్రతి కణానికీ కొలెస్ట్రాల్ కావాలి. అలాగే విటమిన్ - డి, హార్మోన్ల తయారీకి కొలెస్ట్రాల్ కావలసిందే. గుండె జబ్బుల బారిన పడుతున్న వారి సంఖ్య రోజు రోజుకీ పెరుగుతుండడంతో ఇటీవల కాలంలో చాలామంది కొలెస్ట్రాల్‌పై దృష్టి కేంద్రీకరిస్తున్నారు.
 
 కొలెస్ట్రాల్ రెండు రకాలు. అందులో హైడెన్సిటీ లైపో ప్రొటీన్స్ (హెచ్.డి.ఎల్): ఇది మనకు మేలు చేసేది. మంచి కొలెస్ట్రాల్‌ను హెచ్‌డీఎల్ అంటారు. దీని సాధారణ విలువ 40-60 మధ్యన ఉండాలి. అరవైకన్నా ఎక్కువ ఉంటే గుండెలోని రక్తనాళాల్లో కొవ్వు చేరకుండా చేస్తుంది. అందుకే దీన్ని మంచి కొలెస్ట్రాల్ అంటారు. లో డెన్సిటీ లైపో ప్రొటీన్స్(ఎల్ డీ ఎల్) ఇది హానికరమైనది. రక్తప్రవాహంలో ఆటంకాలు కలిగించే కొలెస్ట్రాల్ ఇది. డెసీలీటరుకు 130 మిల్లీగ్రాముల కన్నా తక్కువ ఉండటం మంచిది. అంతకు మించితే ధమనుల్లో కొవ్వు చేరి, గుండెపోటు, పక్షవాతం వంటి జబ్బులు వచ్చే ప్రమాదం ఉంది. అందుకే ఎల్‌డీఎల్‌ను చెడు కొలెస్ట్రాల్ అంటారు.
 
 కారణాలు: చక్కెర, కొవ్వు, పిండిపదార్థాలు ఎక్కువగా ఉండే ఆహారాన్ని తీసుకోవడం, వేపుడుపదార్థాలు, వెన్న, నెయ్యి, మాంసం, జంక్‌ఫుడ్స్, మాదక ద్రవ్యాలు తీసుకోవడం, గర్భనిరోధక మందులు, మూత్రం ఎక్కువగా రావడానికి వాడే మందులు, వంశపారంపర్యత, మద్యపానం, ధూమపానం, శారీరక శ్రమ లేకపోవడం, మానసిక ఒత్తిడి, ఆందోళన, పౌష్టికాహార లోపం.
 
 జాగ్రత్తలు: నడక వల్ల మంచి కొవ్వు స్థాయి పెరగవచ్చు, ఆల్కహాల్, మాంసాహారం ఎక్కువగా తీసుకోవడం, సిగరెట్లు మానేయాలి. పీచు ఎక్కువగా ఉన్న పండ్లు, కూరగాయలు, ఆహారం, ఓట్స్ తీసుకోవడం వల్ల కొలెస్ట్రాల్‌ను పూర్తిగా నియంత్రించవచ్చు.
 
  నిర్ధారణ: లిపిడ్ ప్రొఫైల్ పరీక్ష. హోమియో చికిత్స: కొలెస్ట్రాల్‌ను తగ్గించడానికి హోమియోపతిలో మంచి మందులు ఉన్నాయి. దీనిని సాధారణంగా వాడే మందులు కాల్కేరియా కార్బ్, ఫైటోలిక్కా, కొలెస్ట్రినమ్, గ్రాఫైటిస్, కాక్టస్, రావుల్ఫియా, సర్పెంటైనా, ఫ్యూకస్. వీటిని నిపుణులైన వైద్యుల ఆధ్వర్యంలో కాన్‌స్టిట్యూషనల్ విధానంలో వాడితే మంచి ఫలితం ఉంటుంది.     
  
 న్యూరాలజీ కౌన్సెలింగ్
  
  మా బాబుకు నాలుగేళ్లు. ఇప్పటికి ఒక ఏడాదిలోపు మూడు సార్లు ఫిట్స్ వచ్చాయి. ఈ మూడుసార్లు కూడా జ్వరం వచ్చినప్పుడు మాత్రమే మా బాబుకు ఫిట్స్ వచ్చాయి. మేము డాక్టర్‌ను సంప్రదించాలనుకుంటున్నాము. దయచేసి సలహా ఇవ్వండి.
  - మనోహర్‌రావు, నల్గొండ
  చిన్నపిల్లల్లో జ్వరంతో పాటు ఫిట్స్ రావడం అనేది చాలాసార్లు అంత భయపడాల్సిన విషయం కాదు. వాటిని ఫిబ్రైల్ సీజర్స్ అంటారు. వాటికోసం ఫిట్స్‌వ్యాధి ఉన్నవారిలోలాగా పిల్లలకు రోజూ మాత్రలు వేయాల్సిన అవసరం ఉండదు. జ్వరం వచ్చినప్పుడు మాత్రమే పారాసిటమాల్ వంటివి తీసుకొని, వాటితో పాటు మూడు లేదా నాలుగు రోజులు ఫిట్స్‌కు సంబంధించిన మాత్రలు డాక్టర్ సలహా మేరకు తీసుకుంటే సరిపోతుంది. వీటి నిర్ధారణ పరీక్షలు కూడా అవసరం ఉండదు. చాలా కొద్దిమందిలో మాత్రం ఫిట్స్ లేదా ఎక్కువ సేపు వచ్చినా ఎక్కువసార్లు వచ్చినా లేదా వాటితో పాటు కొన్ని ప్రత్యేకమైన లక్షణాలు ఉన్నప్పుడు ఫిట్స్‌కు సంబంధించిన మాత్రలు ఎక్కువ రోజులు వాడాల్సిన అవసరం రావచ్చు. మీకు దగ్గర్లో ఉన్న చిన్నపిల్లల వైద్యులు లేదా న్యూరోఫిజీషియన్‌ను సంప్రదించి చికిత్స తీసుకోండి.
  
 నాకు 24 ఏళ్లు. నేను ఎనిమిదేళ్లుగా ఫిట్స్ మందులు వాడుతున్నాను. నాకు ఏడాది క్రితం పెళ్లయ్యింది. నేను పిల్లలను కనచ్చా? ముందు మందులు మానేయవచ్చా? సలహా ఇవ్వండి.
  - మంజుల, నందిగామ
  ఫిట్స్ వ్యాధి ఉన్న మహిళలు మందుల ద్వారా ఫిట్స్‌ను నియంత్రించుకున్న తర్వాత గర్భం దాల్చవచ్చు. మందులు వాడుతున్నవారు ప్రత్యేకమైన జాగ్రత్తలు తీసుకోవడం ద్వారా గర్భంలో పెరిగే శిశువుకు మందుల వల్ల వచ్చే దుష్ర్పభావాలు రాకుండా తగ్గించుకోవచ్చు. అయితే ఎట్టి పరిస్థితుల్లోనూ డాక్టర్ సూచనలు లేకుండా మందులు మానకూడదు. మీ విషయంలో ఫిట్స్ రెండేళ్ల నుంచి రావడం లేదు కాబట్టి ఒకసారి డాక్టరును సంప్రదించి, వీలుంటే మందులు పూర్తిగా ఆపేశాక గర్భం ధరించవచ్చు. ఒకవేళ మీ ఫిట్స్ మందులు ఆపడం సాధ్యం కాకపోతే గర్భం దాల్చకముందు నుంచి ఫోలిక్ యాసిడ్ మాత్రలు వాడటం ద్వారా గర్భస్థ శిశువుపై ఫిట్స్ మందుల ప్రభావం తగ్గించవచ్చు. డాక్టర్ల సలహా మేరకు సరైన మందులు వాడటం వల్ల పుట్టబోయే బిడ్డకు కలిగే ఇబ్బందులు నివారించవచ్చు.
  
  లైఫ్‌స్టైల్ కౌన్సెలింగ్
  
  నా వయసు 58 ఏళ్లు. గతం కంటే కొంత ఫిట్‌నెస్ తగ్గినట్లు అనిపిస్తోంది. నేను మునపటి ఆరోగ్యాన్నే కొనసాగించాలంటే మార్గాలేమిటి?
  - నర్సింహారావు, కరీంనగర్
  వయసు పెరుగుతున్నప్పుడు ఆరోగ్యాన్ని కాపాడుకోవడం చాలా ప్రధానమైన అంశం. ఇందుకోసం వ్యాధి లక్షణాలు ఉంటే తగిన చికిత్స పొందడం, మంచి ఆహారం తీసుకోవడం, క్రమం తప్పకుండా వ్యాయామం చేయడం వంటి అంశాలు ఎంతగానో దోహదపడతాయి. అందులో వ్యాయామం చాలా ముఖ్యమైనది. దీనివల్ల గుండెజబ్బులు, మతిమరపు, డయాబెటిస్, కొన్ని రకాల క్యాన్సర్లు, హైబీపీ, ఒబేసిటీ వంటి సమస్యలను నివారించుకోవచ్చు. ఎముకల సాంద్రత తగ్గడం కూడ నివారితమవుతుంది. దానివల్ల వయసు పైబడ్డవారు పడిపోయినప్పుడు ఎముకలు విరిగే ప్రమాదం తగ్గుతుంది. వ్యాయామం చేసేవారిలో ఎండార్ఫిన్ వంటి జీవరసాయనాలు ఎక్కువగా స్రవించి ఒత్తిడిని తగ్గిస్తాయి. ఆత్మవిశ్వాసాన్ని కలిగిస్తాయి. అయితే కాస్త వయసుపైబడ్డవారు వ్యాయామాన్ని ప్రారంభించే ముందుగా డాక్టర్ నుంచి తగిన సలహా పొందాలి. వారి వ్యక్తిగత రుగ్మతలకూ, జీవనశైలికి తగిన వ్యాయామ విధానాల గురించి సూచనలు పొందాలి.
 
 ఉదాహరణకు డయాబెటిస్ వంటి సమస్యలు ఉన్నవారు తాము తీసుకుంటున్న మందులు, ఆహారానికి తగినట్లుగా తమ వ్యాయామ పద్ధతులు, వేళల గురించి డాక్టర్ సలహా పొందడం అవసరం. వ్యాయామాన్ని కొత్తగా మొదలుపెట్టేవారు పెద్దపెద్ద వ్యాయామాలను ఒకేసారి ప్రారంభించకూడదు. వ్యవధినీ, శరీరం మీద పడే భారాన్ని మెల్లమెల్లగా పెంచాలి. వ్యాయామం వల్ల అయ్యే గాయాలను నివారించడానికి ఎక్సర్‌సైజ్‌కు ముందుగా వార్మింగ్ అప్, తర్వాత కూలింగ్ డౌన్ వ్యాయామాలు చేయాలి. వ్యాయామం మనల్ని మరింత చురుగ్గా ఉండేలా చేయాలి గానీ, నిస్సత్తువను పెంచకూడదు. వ్యాయామం చేస్తున్నప్పుడు నొప్పులు పెరిగినా, ఒంట్లో ఎక్కడైనా ఎర్రబారినా, శ్వాస అందకపోయినా, చెమటలు బాగా పట్టినా, ఇతరత్రా ఇబ్బందులు ఎదురైనా వెంటనే వ్యాయామం ఆపేసి డాక్టర్‌ను కలిసి తగిన చికిత్సనూ, సూచనలను పొందాలి.
  
  


 కార్డియాలజీ  కౌన్సెలింగ్
  
  నా వయసు 44 ఏళ్లు. నేను కొవ్వులతో కూడిన ఆహారం ఎక్కువగా తీసుకుంటూ ఉంటాను.  దీనివల్ల గుండె దెబ్బతింటుందని చాలామంది ఫ్రెండ్స్ చెబుతున్నారు. ఇది నిజమేనా? నాకు తగిన సలహా ఇవ్వగలరు.
  - కె. జీవన్ కుమార్, భువనగిరి
 
 కొలెస్ట్రాల్ అనే కొవ్వులలో రెండు రకాలు ఉంటాయి. మొదటిది ఒంటికి మేలు చేసే కొవ్వులు. వీటిని హైడెన్సిటీ లైపో ప్రొటీన్ (హెచ్‌డీఎల్)అంటారు. ఇవి గుండె తెల్లసొనలో ఉంటాయి. శరీరానికి హానికారకమైన కొవ్వులను ఎల్‌డీఎల్ (లో డెన్సిటీ లైపో ప్రొటీన్స్) అంటారు. చెడు కొలెస్ట్రాల్ వంటి కొవ్వులు గుండెజబ్బులకు ఒక రిస్క్ ఫాక్టర్. ఈ తరహా కొవ్వులు ఎక్కువగా ఉండే ఆహారం తినేవారిలో, ఫాస్ట్ ఫుడ్ తీసుకునే వారిలో గుండెజబ్బుల రిస్క్ ఎక్కువగా ఉంటుంది. అయితే రక్తంలో ఈ రెండు రకాల కొవ్వులు కలుపుకొని 200 లోపు ఉండాలి. ఎల్‌డీఎల్ 100 లోపు, హెచ్‌డీఎల్ 40పైన ఉండాలి. అలాగే ట్రైగ్లిజరైడ్స్ అనే మరో రకం కొవ్వులు కూడా గుండెకు హాని చేస్తాయి. ఇవి 150 లోపు ఉండాలి. కొలెస్ట్రాల్ మన శరీరంలోకి రెండు రకాలుగా చేరుతుంది. ఒకటి ఆహారం ద్వారా, మరొకటి లివర్ పనితీరు వల్ల. శిశువు పుట్టినప్పుడు 70 మి.గ్రా. కొలెస్ట్రాల్ ఉంటుంది. మెదడు నరాల వ్యవస్థ కోసం, శిశువు రెండేళ్ల పాటు ఎదగడానికి ఈ కొలెస్ట్రాల్ కొవ్వులు ఉపయోగపడతాయి. ఆ తర్వాత దీని అవసరం అంతగా ఉండదు. అయితే జన్యుతత్వాన్ని బట్టి ఈ కొవ్వులు (మంచి, చెడు ఈ రెండు రకాల కొలెస్ట్రాల్స్) ఉత్పత్తి అవుతూనే ఉంటాయి. వేపుళ్లు, బేకరీ పదార్థాలు, కృత్రిమ నెయ్యి వంటి పదార్థాలను ఎక్కువగా తినేవాళ్లలో ఈ కొవ్వు పేరుకుంటూ ఉంటుంది. ఇది గుండె ఆరోగ్యానికి అంత మంచిది కాదు.
 
 ఇక కొందరిలో కొలెస్ట్రాల్ పాళ్లు ఎక్కువగా ఉన్నవారికి డాక్టర్లు వాటిని అదుపు చేసే మందులు ఇస్తుంటారు. ఈ తరహా మందులు వాడుతున్న వారు మధ్యలో వాటిని మానేయకూడదు. మీరు మాంసాహారం పూర్తిగా మానేయలేకపోతే... కొవ్వులు తక్కువగా ఉండే చేపలు, చికెన్ వంటి వైట్‌మీట్ తీసుకోండి. ఇందులో చికెన్ కంటే చేపలు చాలా మంచిది. కాబట్టి మాంసాహారం తీసుకునే బదులు చేపలు తినండి.
  
 ఆర్థోపెడిక్ కౌన్సెలింగ్
 నా వయసు 28 ఏళ్లు. నాకు మూడేళ్ల కిందట కుడివైపు తుంటి భాగంలో తీవ్రమైన నొప్పి వచ్చింది. అప్పుడు డాక్టర్‌ను కలిశాను. కుడి తుంటి ఎముకలో గుండ్రగా బంతిలా ఉండే భాగానికి రక్తసరఫరా తగ్గిందని, డ్రిల్ వేసి దానికి రక్తసరఫరా జరిగేలా శస్త్రచికిత్స చేయాలని అన్నారు. దాంతో ఆ సర్జరీ చేయించుకున్నాను. ఆ తర్వాత కూడా నొప్పి వస్తోంది. ఇప్పుడు నడవడం కూడా కష్టమవుతోంది. డాక్టర్‌ను కలిస్తే పూర్తి తుంటి మార్పిడి (హిప్ జాయింట్ రీప్లేస్‌మెంట్) శస్త్రచికిత్స చేయాలంటున్నారు. ఇంత చిన్న వయసులో అలాంటి శస్త్రచికిత్స చేయించుకోవాలంటే భయంగా ఉంది. నాకు తగిన సలహా ఇవ్వండి.
  - అబ్దుల్లా, వరంగల్
 
 మీరు చెబుతున్న విషయాలను బట్టి మీరు అవాస్క్యులార్ నెక్రోసిస్ అనే కండిషన్‌తో బాధపడుతున్నారనిపిస్తోంది. మీ డాక్టర్ చెప్పినట్లుగా అది కొన్నిసార్లు డ్రిల్లింగ్ ప్రక్రియతో నయమవుతుంది. అయితే చాలా సందర్భాల్లో అది ఆర్థరైటిస్‌గా మారి, చాలా బాధాకరంగా పరిణమిస్తుంది. నొప్పి చాలా తీవ్రంగా ఉంటే మీ డాక్టర్ చెప్పినట్లు హిప్ రీప్లేస్‌మెంట్ సర్జరీ చేయించుకోవాలి. ఇది పెద్ద శస్త్రచికిత్స (మేజర్ సర్జరీ) అయినప్పటికీ, వైద్య విజ్ఞానంలో ఇప్పుడు లభ్యమవుతున్న ఆధునిక సాంకేతిక పరిజ్ఞానం వల్ల దీని విజయావకాశాలు 100 శాతం ఉంటాయి. నొప్పి కూడా చాలా తక్కువే. రెండుమూడు రోజుల్లోనే మీరు నడక మొదలుపెట్టవచ్చు. ఈ సర్జరీ ఫలితాలు దాదాపు 30 ఏళ్లపాటు ఉంటాయి. కాబట్టి మీకు మరీ భరించలేనంత నొప్పి వస్తుంటే మీ డాక్టర్ చెప్పినట్లుగా హిప్ రీప్లేస్‌మెంట్ సర్జరీ చేయించుకోవడమే మంచి మార్గం.
  
 నాకు ఐదేళ్ల క్రితం జరిగి ప్రమాదంలో ముంజేతికి శస్త్రచికిత్స చేసి, ప్లేట్లు, స్క్రూలు బిగించారు. ఇప్పుడు వాటిని తప్పనిసరిగా తొలగించాలా?
  - సురేశ్, భీమవరం
  ఇలా ఆపరేషన్ కోసం బిగించిన ప్లేట్లు, స్క్రూలను ప్రతిసారీ తొలగించాల్సిన అవసరం ఉండదు. కాళ్ల విషయంలో అయితే తప్పనిసరిగా వాటిని తొలగించాలి. మీరు చెయ్యికి ప్లేట్లు వేశారంటున్నారు కాబట్టి ఎలాంటి సమస్యా లేకపోతే వాటిని తొలగించాల్సిన అవసరం లేదు. కానీ మళ్లీ ఫ్రాక్చర్ అయితే ప్రమాదం కాబట్టి వాటిని తొలగిస్తుంటారు. కాబట్టి మీ సౌకర్యాన్ని బట్టి నిర్ణయం తీసుకోండి.
  
 పీడియాట్రిక్ కౌన్సెలింగ్
  
 మా పాప వయసు ఏడేళ్లు. కొన్నాళ్ల క్రితం గొంతు నొప్పి అంటే డాక్టర్‌కు చూపించాం.  పాప నోటిలో, నాలుక మీద, గొంతులోపలి భాగంలో రెండు మూడుసార్లు పుండ్లలాగా వచ్చాయి. చాలా నొప్పిగా ఉంటోందని చెబుతోంది. గొంతు అంతా ఎర్రబారింది. తినడానికి వీలుగాక విపరీతంగా ఏడుస్తోంది. మా పాప సమస్యకు మంచి సలహా ఇవ్వండి.
  - షహనాజ్, నెల్లూరు
 మీరు చెప్పిన లక్షణాలను బట్టి చూస్తే మీ పాపకు పదే పదే నోటిలో పుండ్లు (మౌత్ అల్సర్స్) వస్తున్నాయని తెలుస్తోంది. పిల్లల్లో ఈ సమస్య చాలా సాధారణం. దీనికి చాలా కారణాలు ఉన్నాయి. ఉదాహరణకు... ఉద్వేగపరమైన ఒత్తిడి (ఎమోషనల్ స్ట్రెస్), బాగా నీరసంగా అయిపోవడం (ఫెటీగ్),  విటమిన్‌లు, పోషకాల లోపం... (ఇందులోనూ విటమిన్ బి12, ఐరన్, ఫోలిక్ యాసిడ్, జింక్ ల వంటి పోషకాలు లోపించడం) వైరల్ ఇన్ఫెక్షన్‌లు (ముఖ్యంగా హెర్పిస్ వంటివి)  గాయాలు కావడం (బ్రషింగ్‌లో గాయాలు, బాగా ఘాటైన పేస్టులు, అబ్రేసివ్ ఫుడ్స్  వంటి కొన్ని ఆహారపదార్థాల వల్ల అయ్యే గాయాల కారణంగా)  
  
 పేగుకు సంబంధించిన సమస్యలు, రక్తంలో మార్పులు, గ్లూటిన్ అనే పదార్థం పడకపోవడం, తరచూ జ్వరాలు రావడం... వంటి అనేక రకాల ఆరోగ్య సమస్యల వల్ల పిల్లలకు తరచూ నోటిలో పుండ్లు (మౌత్ అల్సర్స్) వస్తుంటాయి. మీరు చెప్పిన కొద్దిపాటి వివరాలతో నిర్దిష్టంగా ఇదీ కారణం అని చెప్పలేకపోయినా... మీ పాపకు విటమిన్‌ల వంటి పోషకాల లోపం లేదా తరచూ వన్చే ఇన్ఫెక్షన్స్‌తో ఈ సమస్య వస్తున్నట్లు భావించవచ్చు.
  
 ఇలాంటి పిల్లలకు నోటిలో బాధ తెలియకుండా ఉండేందుకు పైపూతగా వాడే మందులు, యాంటిసెప్టిక్ మౌత్ వాష్‌లు, విటమిన్ సప్లిమెంట్స్ వాడాల్సి ఉంటుంది. ఇలాంటి పిల్లల్లో చాలా అరుదుగా స్టెరాయిడ్ క్రీమ్స్ వాడటం వల్ల ప్రయోజనం  ఉంటుంది. మీరు పైన పేర్కొన్న అంశాల విషయంలో జాగ్రత్తలు తీసుకుంటూ మరోసారి మీ పిల్లల వైద్య నిపుణుడినిగానీ లేదా దంత వైద్య నిపుణుడిని గాని సంప్రదించి వారి ఆధ్వర్యంలో తగిన చికిత్స తీసుకోండి. మీరు ఆందోళన చెందాల్సిన అవసరం లేదు.
  


 కొలెస్ట్రాల్‌తో అంతా నష్టమేనా?
 
  కొలెస్ట్రాల్ పెరగడం వల్ల గుండెజబ్బులు వస్తాయని ఇటీవల అందరూ అంటున్నారు. అసలు కొలెస్ట్రాల్ అంటే ఏమిటి? దానివల్ల అన్నీ నష్టాలేనా? కొలెస్ట్రాల్ మేనేజ్‌మెంట్ ఎలా చేయాలో వివరించగలరు.
  - రమాకాంతరావు, ఏలూరు
 
  కొలెస్ట్రాల్‌లో ప్రధానంగా రెండు రకాలు ఉంటాయి. ఇందులోని ఎల్‌డీఎల్ అనే రకాన్ని చెడుకొలెస్ట్రాల్‌గా చెబుతారు. ఎందుకంటే సాధారణంగా రక్తనాళాలు ఒక  రబ్బర్ ట్యూబ్‌లా ఎటుపడితే అటు ఒంగేలా మంచి ఎలాస్టిసిటీతో ఉంటాయి. కానీ ఈ ఎల్‌డీఎల్ అనేది రక్తనాళం లోపల గారలాగా పట్టేస్తూ ఉంటుంది. దాంతో ఎటుపడితే అటు తేలిగ్గా ఒంగగలిగే రక్తనాళం బిరుసుగా మారడమేగాక లోపలి సన్నబారుతుంది. ఈ కండిషన్‌ను అథెరోస్క్లిరోసిస్ అంటారు. దీని వల్ల గుండెకు రక్తం అందక గుండెపోటు రావచ్చు. కానీ ఇందులోనే మరో రకం కొలెస్ట్రాల్ ఉంది. దీన్ని హెచ్‌డీఎల్ అంటారు. ఇది మంచి కొలెస్ట్రాల్ అన్నమాట. ఇది రక్తనాళం లోపల గారలా పేరుకుపోతున్న చెడు కొలెస్ట్రాల్‌ను తొలుచుకుంటూ, ఒలుచుకుంటూ పోతుంటుంది. అంటే రక్తనాళాల్లోని పూడికను తొలగించే పనిచేస్తుందన్నమాట. అందుకే హెచ్‌డీఎల్ పాళ్లు పెరుగుతున్నకొద్దీ గారలా పేరుకునే చెడు కొలెస్ట్రాల్ చెక్కినట్లుగా తీసేస్తుంటుంది. అందుకే ఇది గుండెపోటు రాకుండా చూసే కొలెస్ట్రాల్ అన్నమాట. ఇక కొవ్వుల్లో మరో రకం కూడా ఉన్నాయి. వాటిని ట్రైగ్లిజరైడ్స్ అంటారు. మనం తిన్న ఆహారంలో ఎక్కువ శక్తిని నిల్వ చేసుకునే ప్రక్రియలో ఈ రకం కొవ్వు పుడుతుంది. అది మళ్లీ రక్తనాళాలు సన్నబడటానికి దోహదం చేస్తుంది. కాబట్టి ఇది ప్రమాదకరమైనది. ఇది కేవలం ఆహారపు శక్తిని నిల్వచేసే సమయంలోనే గాక... మన శరీర బరువు పెరిగినా, స్థూలకాయం వచ్చినా, తగినంత శారీరక శ్రమ చేయకపోయినా, సిగరెట్లు, మద్యం తాగినా పెరుగుతాయి. కాబట్టి ఈ కొవ్వు మంచిది కాదు.
 
  ఇక మనల్ని మనం ఆరోగ్యంగా ఉంచుకునేందుకూ, మన గుండెను హార్ట్‌ఎటాక్ రిస్క్‌నుంచి తప్పించుకునేందుకు చేయాల్సిన పని ఏమిటంటే... మనం తీసుకునే ఆహారంలో ఎల్‌డీఎల్, ట్రైగ్లిజరైడ్స్ పెరగకుండా చూసుకోవాలి. అలాగే హెచ్‌డీఎల్‌ను పెంచుకోవాలి. చెడుకొలెస్ట్రాల్‌ను తగ్గించుకొని, మంచి కొలెస్ట్రాల్‌ను పెంచుకోవాలంటే కరిగే పీచు ఎక్కువగా ఉండే సోయాప్రోటీన్ల వంటి ఆహారంతో పాటు వారానికి కనీసం 150 నిమిషాలు (రోజుకు అరగంట చొప్పున ఐదు రోజులు) వ్యాయామం చేయాలి. దీనివల్ల మంచి కొలెస్ట్రాల్ అయిన హెచ్‌డీఎల్ పెరుగుతుంది. అదే వ్యాయామం చెడుకొలెస్ట్రాల్‌ను కరిగిస్తుంది. అందుకే కొలెస్ట్రాల్‌లన్నీ ఒకేలాంటివి కావని గ్రహించడంతో పాటు... వ్యాయామం చేయడం అనే ఒకే చర్య అటు చెడు కొలెస్ట్రాల్‌ను తగ్గించడంతో పాటు మంచి కొలెస్ట్రాల్‌ను పెంచుతుందని గ్రహించండి.
  
  డాక్టర్ సుధీంద్ర ఊటూరి
  కన్సల్టెంట్,
  లైఫ్‌స్టైల్ అండ్ రీహ్యాబిలిటేషన్,
  కిమ్స్ హాస్పిటల్స్, సికింద్రాబాద్
  


 కొలెస్ట్రాల్ కారణంగా వచ్చే సమస్యలు అధికమవుతూ ఉండటంతో... ఆలివ్ నూనెను వాడమని వైద్యులు సలహా ఇస్తున్నారు. అందుకే ఇటీవల ఆలివ్ నూనె వినియోగం పెరుగుతోంది. అయితే షాపులో కనిపించిన ఆలివ్ నూనెను కొనుక్కొచ్చేయ కండి. ఆలివ్ నూనెలోనూ రకాలున్నాయి. ఒక్కో రకం వల్ల ఒక్కో ఉపయోగం ఉంటుంది. కాబట్టి ముందు ఆలివ్ నూనెలో రకాల గురించి తెలుసుకోండి.
  ఎక్స్‌ట్రా వర్జిన్ ఆలివ్ ఆయిల్: ఇది అత్యుత్తమ క్వాలిటీ. కెమికల్స్ వాడకుండా తయారు చేస్తారు దీన్ని.
 
 ఇందులో ఫ్యాటీ యాసిడ్ శాతం 0.8 శాతానికి మించదు. మరిగిస్తే చాలా నూనెలు వాసనను, రుచిని కోల్పోతాయి. దీనితో ఆ సమస్య రాదు. స్మోకింగ్ పాయింట్ తక్కువ ఉండటం వల్ల ఈ నూనెను మళ్లీ మళ్లీ వాడినా ప్రమాదం ఉండదు. ఇది అంత త్వరగా పాడవదు కూడా. అయితే ఆలివ్ జ్యూస్ నుంచి చేయడం వల్ల దీనికి ఘాటైన వాసన ఉంటుంది. రుచి కూడా కొంచెం వగరుగా అనిపిస్తుంది. దాంతో ఈ నూనెతో చేసిన వంటల్ని తినడం మనకు కాస్త కష్టమే. సలాడ్లపై చల్లుకోడానికి, ఒంటికి రాసుకోవడానికైతే ఓకే.
 
  వర్జిన్ ఆలివ్ ఆయిల్: ఎక్స్‌ట్రా వర్జిన్ తర్వాతి స్థానం దీనిదే. దీనిలో యాసిడ్ లెవెల్స్ రెండు శాతానికి మించవు. ఇది కూడా డీప్ ఫ్రయింగ్‌కి పనికి రాదు. సలాడ్‌‌స వంటి వాటికే బాగుంటుంది. రిఫైన్డ్ ఆలివ్ ఆయిల్: వర్జిన్ ఆయిల్‌ని రిఫైన్ చేయగా ఏర్పడిన నూనె. మన రిఫైన్‌‌డ ఆయిల్స్‌లానే ఉంటుంది. కాబట్టి  భారతీయ వంటలకి ఇదే తగిన నూనె. అయితే యాసిడ్ స్థాయి కొంచెం ఎక్కువ ఉంటుంది కాబట్టి దీన్ని సలాడ్ల ద్వారా నేరుగా తీసుకోకపోవడమే మంచిదంటారు వైద్యులు.
 
 ప్యూర్ ఆలివ్ ఆయిల్: దీన్ని ప్రాసెసింగ్ చేయరు. కెమికల్స్ వాడరు. కాబట్టి ఈ నూనె కూడా మంచిదే. ఇది మన భారతీయ వంటలకు బాగా సూటవుతుంది. ఆలివ్ పొమేస్ ఆయిల్: ఆలివ్స్ నుంచి స్వచ్ఛమైన నూనెను తీసేసిన తర్వాత... మిగిలిన పిప్పిలోంచి తీస్తారు దీన్ని. అందువల్ల ఇందులో పెద్దగా పోషకాలు ఉండవు. రుచి, వాసన అంతగా ఉండవు. అందుకే దీనిలో కొద్దిగా వర్జిన్ ఆయిల్‌ని కలిపి వంటనూనెగా అమ్ముతుంటారు. వడియాల్లాంటివి వేయించుకోవడానికి, ఆమ్లెట్/దోసెలు కాల్చుకున్నప్పుడు వేసుకోవ డానికి తప్ప మామూలు వంటకి అంత బాగోదు.
 
 లైట్ ఆలివ్ ఆయిల్: ఇది చాలా తక్కువ గ్రేడ్ నూనె. సాధారణ ఆలివ్ నూనెగా మాత్రమే దీన్ని పరిగణించగలం తప్ప పెద్ద ప్రత్యేకతలేమీ లేవు దీనికి. స్నాక్స్ వేయించుకోవడానికి, బేకింగ్‌కి, గ్రిల్లింగ్‌కి ఉపయోగిస్తారు దీన్ని.
  
  


 కొలెస్ట్రాల్ కరిగించడానికి, బరువు తగ్గించడానికి గ్రీన్ టీ చాలా ఉపయోగపడుతుందన్న విషయం అందరికీ తెలిసిందే. అయితే రోజుకు రెండు కప్పులకు మించి గ్రీన్ టీని కడుపులో వేస్తే, అది చాలా సమస్యల్ని మీ గడపలోకి తీసుకొస్తుందంటున్నారు పరిశోధకులు. వాళ్లు చెబుతున్నదాని ప్రకారం...
 
 గ్రీన్ టీలోనూ కొద్దిగా కెఫీన్ ఉంటుంది. ఉండదనుకుని రోజుకు నాలుగైదు కప్పులు లాగిస్తే, శరీరంలోకి కెఫీన్ ఎక్కువగానే చేరిపోతుంది  గర్భవతులు రెండు కప్పుల కంటే ఎక్కువ గ్రీన్ టీ తాగితే... గర్భస్రావం అయ్యే ప్రమాదం ఉందట  గ్రీన్ టీలోని పాలీఫినాల్స్ మోతాదు మించి శరీరంలో చేరినట్లయితే, క్యాన్సర్‌ని నిరోధించే కణాలను అడ్డుకుంటాయని తేలింది  ఖాళీ కడుపుతో గ్రీన్ టీ ఎక్కువ తాగితే గ్యాస్ట్రిక్, లివర్‌కి సంబంధించిన సమస్యలు తలెత్తుతాయి  గ్రీన్ టీలో ఉంటే ట్యానిన్స్... ఆహారం, పానీయాల ద్వారా శరీరంలోకి ప్రవేశించే ఇనుమును అడ్డుకుంటాయి  .చూశారుగా! ఒక్కోసారి మనం మంచనుకున్నది మన పాలిట చెడవుతుంది. కాబట్టి దేని విషయంలోనైనా అతి ప్రమాదమే!
  


 టేస్ట్‌లో కాస్త తేడాగా ఉన్నా.. గ్రీన్ టీ ఆరోగ్యానికి మేలు చేస్తుంది. కొలెస్ట్రాల్‌ను కరిగిస్తుంది. గ్రీన్ టీ బెనిఫిట్‌ను మరింత పెంచే ప్రయత్నం చేసింది బేగంపేటలోని వివంతా తాజ్. గ్రీన్ టీతో ప్రత్యేకమైన రెసిపీస్ తయారు చేసింది. టెట్లే గ్రీన్ టీ ఆధ్వర్యంలో శుక్రవారం జరిగిన కార్యక్రమంలో వివంతా తాజ్ ఎగ్జిక్యూటివ్ చెఫ్ అర్జున్ యాదవ్ గ్రీన్ టీతో తయారు చేసిన స్పెషల్ రెసిపీస్ పరిచయం చేశారు.
 
 వెజిటబుల్ షమ్మీ, స్పైసీ గ్రీన్స్, మలాయ్ సాస్, స్నో పీస్ వంటి వంటకాలను గ్రీన్ టీ వాటర్ మిక్స్ చేసి తయారు చేశారు. గుడ్ హెల్త్  కోరుకునే వారు ఈ రెసిపీస్ టేస్ట్ చేయడం ద్వారా.. రుచితో పాటు ఆరోగ్యం కూడా సొంతం చేసుకోవచ్చని చెబుతున్నారు.
  


 ఆమె పేరు స్నేహ. వయస్సు 23 సంవత్సరాలు. సాఫ్ట్‌వేర్ కంపెనీలో ఉద్యోగం, అయిదంకెల జీతం. అంతా హ్యాపీ, కానీ అదంతా కొన్ని రోజుల క్రితం వరకు, ఇప్పుడామె ఉద్యోగానికి రాజీనామా చేసి ఇంట్లోనే ఉంటోంది. ఉద్యోగం దొరకడమే కష్టంగా ఉన్న ఈ రోజుల్లో అంత మంచి ఉద్యోగాన్ని ఎలా వదులుకుందని స్నేహితులు, బంధువులు ప్రశ్నలు అడగటం మొదలు పెట్టారు. అయితే ఏవో కారణాలు చెప్పుకుంటూ వచ్చింది. అసలు కారణం ‘స్థూలకాయం’.
 
 అధిక బరువు వల్ల ఆమె శరీరాకృతి మొత్తం దెబ్బతింది. ఆమెకే ఎబ్బెట్టుగా అనిపించేది. ఓ రోజు కొలీగ్‌‌స తన శరీరాకృతి గురించి మాట్లాడుకోవటం ఆమె చెవిన పడింది. అప్పట్నుంచి ఆమెలో ఆత్మన్యూనతా భావం మొదలైంది. నలుగురిలో మాట్లాడటం తగ్గిపోయింది. అమ్మానాన్నల సలహాతో వాకింగ్ మొదలెట్టింది. తిండి బాగా తగ్గించేసింది. దీంతో నీరసం. బరువు తగ్గకపోగా కొత్త సమస్యలు ప్రారంభమయ్యాయి. అధిక బరువు ఉండి వాకింగ్ చేయడం మూలంగా కీళ్ల నొప్పులు.
 
 క్రమంగా స్నేహలో డిప్రెషన్. ఇంట్లో వాళ్లు పెళ్లి సంబం ధాలు చూస్తున్నా.. ఎవరికీ అమ్మాయి నచ్చడం లేదు. ఏం చేయాలో తెలియని స్థితిలో ఉండగా.. ఇంటర్‌లో తనతో కలసి చదువుకున్న పావని తారసపడింది. ఇద్దరు పిచ్చాపాటీ మాట్లాడుకున్న తరువాత తన బాధనంతా చెప్పుకొచ్చింది స్నేహ. దానికి పావని అదేం బాధపడాల్సి నంత పెద్ద విషయం కాదని, ఆపరేషన్ లేకుండానే అధిక బరువును తగ్గించుకునే చికిత్సా విధానాలు ఇప్పుడు అందుబాటులో ఉన్నాయని చెప్పింది. ‘హెల్దీ కర్‌‌వ్స’ క్లినిక్‌లో తను కూడా ఆ విధానాల ద్వారా బరువు తగ్గానని చెప్పింది. స్నేహను ‘హెల్దీ కర్‌‌వ్స’ క్లినిక్‌కు తీసుకొచ్చింది. మేం ముందుగా ఆమె గతాన్ని తెలుసుకునే ప్రయత్నం చేశాం...
 
 నేపథ్యం ఏమిటి?
 ఆమె పుట్టుక నుంచి లావుగా ఉందా.. ఈ మధ్య కాలంలో లావయిందా అనే ప్రశ్నలను అడిగాం. ఇక్కడ మాకు కొన్ని ఆసక్తికరమైన విషయాలు తెలిశాయి. స్నేహ ఇంటర్ చదివే రోజుల్లో స్లిమ్‌గా ఉండేది. ఇంటర్ తరువాత ఇంజనీరింగ్‌లో చేరింది. నాలుగేళ్లు హాస్టల్‌లో ఉండి చదువుకుంది. వ్యాయామం లేకపోవటం, క్లాసు రూముల్లో కంప్యూటర్ ముందు కూర్చుని చదువుకోవటం.. లేదంటే పడుకోవటం... నాలుగేళ్లు ఇలానే గడిచాయి. దీంతో బరువు పెరిగింది. చదువు పూర్తికావడంతోనే ఉద్యోగంలో చేరింది. అక్కడా అంతే... కంప్యూటర్ ముందు ఉదయం నుంచి సాయంత్రం వరకు కూర్చుని పని చేసేది. ఆఫీసుకు క్యాబ్‌లోనే వెళ్లి వచ్చేది. ఎక్కడా నాలుగు అడుగులు వేసే పని ఉండేది కాదు. దానికి తోడు పిజ్జాలు, బర్గర్‌లు, వీకెండ్‌లో పార్టీలు... అన్నీ కలిపి స్థూలకాయాన్ని తెచ్చిపెట్టాయి.
 
 అనర్థాలు వివరించాం...
 అధిక బరువు వల్ల గుండె జబ్బులు, అధిక రక్తపోటు, మధుమేహం, కీళ్ల నొప్పులు, స్త్రీలలో సంతానలేమి, పీసీఓడీ వంటి సమస్యలు వచ్చే అవకాశం ఉంది. చెడు కొలెస్ట్రాల్ పెరగడంతో పక్షవాతం వచ్చే అవకాశం ఉందని చెప్పాం.
 
 ముందుగా కౌన్సిలింగ్
 చికిత్సకు ముందు కౌన్సిలింగ్ ఇవ్వడం వల్ల పేషంట్‌కు నమ్మకం కలుగుతుంది. అందుకే స్నేహకు కౌన్సిలింగ్ ఇచ్చాం. బరువు తగ్గడానికి ఉన్న మార్గాలను వివరించాం. స్నేహ కూడా బరువు తగ్గటానికి అనేక ప్రయత్నాలు చేసి విఫలం అయింది. కాబట్టి ఆమెకు ‘క్రయోలిపోలైసిస్’ చికిత్స ఒక్కటే మార్గమని చెప్పాం.
  
 చికిత్స ఎలా ఉంటుంది?
 మొదటగా డాక్టర్... స్నేహ శరీరంలో కొవ్వు పేరుకుపోయిన భాగాలను గుర్తించి, ఆ భాగాలను ‘క్రయోలిపోలైసిస్’ చికిత్సతో చల్లబరచటం ద్వారా అక్కడ ఉన్న కొవ్వు కణాలు కొంత సమయం తరువాత స్తంభించిపోయి, నెమ్మదిగా వాటంతట అవి చనిపోవటం జరిగింది. ఈ పద్ధతిని వైద్య పరిజ్ఞానంలో అపోప్టసిస్ అంటారు. దీని  తరువాత ఎక్కువగా ఫిజికల్ ఎక్సర్‌సైజ్ చేయటం మొదలు పెట్టింది. దానివల్ల చనిపోయిన కొవ్వు కణాలు శరీరం నుండి చెమట, మూత్రం, వ్యర్థాల రూపంలో బయటకు వెళ్లిపోయాయి. ఈ చికిత్సలో నొప్పి, గాయాలు, రక్తస్రావం, కుట్లు వంటివి ఉండవు. బెడ్ రెస్ట్ అవసరం ఉండదు. చికిత్స జరిగే సమయంలో స్నేహ ఎంచక్కా ల్యాప్‌టాప్‌పై పనిచేసుకుంది.  
  
 చికిత్స తరువాత...
 చికిత్స జరిగిన మూడు వారాల తరువాత మంచి ఫలితాన్ని చూసింది. నడుం, తొడలు, పిరుదుల భాగంలో ఉన్న కొవ్వు బాగా తగ్గిపోయింది. శరీరాకృతిలో తేడాను ఆమె స్పష్టంగా గుర్తించింది. ఇంటర్ చదివే రోజుల్లో నాజూగ్గా ఎలా ఉండేదో అలా తయారయింది. ఇప్పుడు ఆమె ముఖంలో ఆత్మవిశ్వాసం తొణికిసలాడుతోంది. మళ్లీ ఉద్యోగంలో చేరిపోయింది. పెళ్లి కూడా చేసుకొని సెటిలయింది. ఎందరికో స్ఫూర్తినిస్తున్న ఆమె జీవితం, చికిత్సా వివరాలను కేస్ స్టడీ రూపంలో అందించాం. కొసమెరుపు ఏమిటంటే ఈ చికిత్సా విధానం కేవలం ఒకటి లేదా రెండు సార్లు చేయించుకుంటే సరిపోతుంది.


 చర్మ సౌందర్యం
  
 అందం, ఆరోగ్యాన్ని ఏకకాలంలో ప్రాప్తింపజేసే సుగుణాల గని నువ్వులు. నువ్వుల నుంచి తీసిన తైలాన్ని రోజువారీ వాడుకలో భాగం చేసు కుంటే ఎన్నో ప్రయోజనాలను పొందవచ్చు. నువ్వుల నూనెను మనవాళ్లు ప్రాచీన కాలం నుంచి ఆయుర్వేద ఔషధాలలో ఉపయోగిస్తున్నారు. నువ్వుల నూనెలో ఎన్నో విటమిన్లు, మినరల్స్, కొవ్వు పదార్థాలు.. ఉంటాయి. మర్దన తైలంగా కూడా ఈ నూనె ప్రసిద్ధి.
  
 బరువు తగ్గచ్చు... నువ్వుల నూనెకు బరువు తగ్గించే సుగుణాలు ఉన్నాయి. కేలరీలు ఈ నూనెలో సమృద్ధిగా ఉంటాయి. వంటలలోనూ, సలాడ్‌లలోనూ ఈ నూనెను వాడటం వల్ల ఇతర ఆహారపదార్థాలను తక్కువ తీసుకుంటాం. ఫలితంగా తీసుకునే ఆహారంపై నియంత్రణ ఉండి, బరువు తగ్గవచ్చు. రోజూ 15-30 నిమిషాల సేపు నువ్వుల నూనెతో ఒంటికి మసాజ్ చేసుకొని, వెచ్చని నీళ్లతో స్నానం చేయాలి. చెమట రూపంలో మలినాలు బయటకు వెళ్లిపోయి మేనికాంతి పెరుగుతుంది.
  
 చర్మకాంతికి...
 
 నువ్వుల నూనె శరీర మర్దనకు మేలైనది. స్వేదరంధ్రాలు తెరుచుకొని మలినాలు తొలగిపోతాయి. చర్మం మృదువుగా తయారవుతుంది. బిగువు కోల్పోదు.
  
 కురులకు నిగారింపు...
  
 మాడు పొడిబారితే శిరోజాల కుదుళ్లు నిర్జీవంగా తయారవుతాయి. ఫలితంగా జుట్టు ఎండిపోయి పీచులా కనిపిస్తుంది. గోరువెచ్చని నువ్వుల నూనెతో మాడుకు మసాజ్ చేసుకుంటే రక్తప్రసరణ పెరుగుతుంది.
  
 నువ్వుల నూనెలోని చలువదనం వల్ల మానసిక ఒత్తిడి తగ్గి, వెంట్రుక వృద్ధి అవుతుంది.
  
 మాడు మీద చుండ్రు వంటి ఏవైనా ఇన్ఫెక్షన్లు ఉన్నా నువ్వుల నూనెలోని ఔషధాలు వాటితో పోరాడి సమస్యను నివారిస్తాయి.
  
  సూర్యుని నుంచి వచ్చే అతినీల లోహిత కిరణాలను అడ్డుకొని జుట్టురాలుడు సమస్యను తగ్గిస్తుంది.
  
  నువ్వుల నూనె, బాదం నూనె, ఆలివ్ ఆయిల్ కలిపి తలకు మసాజ్ చేసుకుంటే మరిన్ని ప్రయోజనాలు కలుగుతాయి.
  
  రాత్రి పడుకునే ముందు గోరువెచ్చని నూనెను మాడుకు పట్టించి, మసాజ్ చేసుకొని, వేడి నీటిలో ముంచి, గట్టిగా పిండిన టవల్‌ను తలకు చుట్టాలి. 15 నిమిషాలు తలకు ఇలా ఆవిరిపట్టాక వదిలేయాలి. మరుసటి రోజు ఉదయం తలస్నానం చేయాలి. దీని వల్ల జుట్టు రాలడం తగ్గుతుంది.
  
 ఆరోగ్యానికి మేలు...
 నువ్వుల నూనెలో మోనో, పాలీ అన్‌శాచ్యురేటెడ్ కొవ్వు ఆమ్లాలు ఉంటాయి. ఇవి చెడు కొలెస్ట్రాల్‌ను నిరోధిస్తాయి. దానిలోని యాంటీ ఆక్సిడెంట్లవల్ల మంచి కొలెస్ట్రాల్ వృద్ధి అవుతుంది.
  


 కుంకుమ పువ్వు... ఈ పేరు వినగానే సంపన్నత గుర్తుకు వస్తుంది. సుగంధద్రవ్యాల్లో అత్యంత ఖరీదైనది కావడంతో కుంకుమ పువ్వు అంటే సంపన్నులు వాడే దినుసు అనే భావనతోపాటు బంగారు సుగంధద్రవ్యం అనే పేరు కూడా స్థిరపడిపోయింది. ఇంతకీ కుంకుమ పువ్వు వల్ల ప్రయోజనాలేంటంటే...
  
 జీర్ణక్రియను వృద్ధి చేస్తుంది, ఆహారం తీసుకోవాలనే కోరికను కలిగిస్తుంది. దేహంలో అన్ని భాగాలకూ రక్తం సక్రమంగా సరఫరా అయ్యేటట్లు చేస్తుంది. అందుకే దీన్ని కాలేయం, మూత్రపిండాలు, మూత్రాశయ వ్యాధుల చికిత్సలో ఉపయోగిస్తారు.
  
 కుంకుమ పువ్వు రక్తంలోని కొలెస్ట్రాల్ స్థాయులను, ట్రైగ్లిజరైడ్స్‌ను తగ్గిస్తుంది. కాబట్టి గుండె వ్యాధులు ఉన్న వారు రోజుకు రెండు లేదా మూడు రేకలను నీటిలో కానీ, పాలలో కానీ నానబెట్టి తీసుకుంటే మంచిది.
      
 ఇందులో చర్మాన్ని కాంతిమంతం చేసే గుణం ఉంది. కాబట్టి సౌందర్య సాధనాల తయారీలో కుంకుమ పువ్వును ఉపయోగిస్తారు. ఒక టీ స్పూన్ పాలలో ఒక కుంకుమ పువ్వు రేకను నానబెట్టి ఆ పాలను ముఖానికి రాస్తుంటే ముఖం మీద మచ్చలు పోతాయి.
      
 గర్భిణులు కుంకుమ పువ్వు కలిపిన పాలను తాగితే జీవక్రియలకు తగినంత ఉష్ణశక్తి ఉత్పత్తి అవుతుంది.
 
 - ఉషశ్రీ, న్యూట్రిషనిస్ట్, కేర్ హాస్పిటల్


 వెజ్‌ఫ్యాక్ట్స్
 
 *బెండకాయలో... ఐరన్, క్యాల్షియం, పొటాషియం, సోడియం, కాపర్, మెగ్నీషియం, సిలీనియం, మాంగనీస్, జింక్ వంటి పోషకాలతోపాటు సి,ఎ, ఇ,కె విటమిన్లు ఉంటాయి. జీర్ణవ్యవస్థకు దోహదం చేసే పీచు కూడా ఉంటుంది.
 
 * బెండకాయ తింటే అధిక బరువు, కొలెస్ట్రాల్ తగ్గుతాయి. మధుమేహం ఉన్న వారు వారానికోసారయినా తింటే మంచిది. ఈ కూరగాయ... చర్మకాంతిని మెరుగుపరిచి, ఎముకలను శక్తిమంతం చేస్తుంది.
 
 *  బెండకాయ కోలన్ క్యాన్సర్(పెద్దపేగు క్యాన్సర్), ఊపిరితిత్తుల క్యాన్సర్‌లను నివారిస్తుంది. దంత క్షయాన్ని కూడా నివారిస్తుంది.
 
 * గర్భవతిగా ఉన్నప్పుడు బెండకాయ తినడం వల్ల పిండం ఎదుగుదల బావుంటుంది. ఫోలేట్ అనే పోషకం సమృద్ధిగా అందడం వల్ల బిడ్డ మెదడు నిర్మాణం ఆరోగ్యకరంగా ఉంటుంది. ఫోలిక్ యాసిడ్ నాడీవ్యవస్థ ఆరోగ్యకరంగా ఏర్పడడానికి దోహదం చేస్తుంది. గర్భధారణ జరిగిన నాలుగు నుంచి పన్నెండు వారాల లోపు ఈ పోషకాలు చాలా అవసరం.
  - ఉషశ్రీ, న్యూట్రిషనిస్ట్


 రక్తపోటును, కొలెస్ట్రాల్‌ను నియంత్రిస్తూ గుండెజబ్బుల రోగుల్లో గుండెపోటు, పక్షవాతం నివారణకు ఉపయోగపడే ఓ సూపర్ మాత్రను శాస్త్రవేత్తలు తయారు చేశారు. దీనిని రోజుకొకటి చొప్పున వాడితే చాలు.. గుండెజబ్బుల రోగుల్లో మెరుగైన ఫలితాలు వస్తాయట. ‘జార్జ్ ఇన్‌స్టిట్యూట్ ఫర్ గ్లోబల్ హెల్త్’ నేతృత్వంలో భారత్, ఆస్ట్రేలియా, యూరోప్‌లలో 3,140 మంది కార్డియోవాస్కులర్ డిసీజ్(సీవీడీ) రోగుల్లో ఈ ‘పాలీపిల్’ను పరీక్షించగా.. 43 శాతం మెరుగైన ఫలితాలు వచ్చాయని శాస్త్రవేత్తలు వెల్లడించారు. వీరి పరిశోధన వివరాలను ఇటీవల ‘వరల్డ్ కాంగ్రెస్ ఆఫ్ కార్డియాలజీ-2014’ సమావేశంలో సమర్పించారు.


 లీఫ్ ఫ్యాక్ట్స్
 మెంతి ఆకు అనగానే మధుమేహంతో బాధపడే వారు ఆహారంగా తీసుకోవాల్సిన ఆకుకూరగానే అనుకుంటారు కొందరు. కానీ మెంతులు, మెంతి ఆకు తీసుకోవడం ద్వారా ఒనగూరే ప్రయోజనాలు అనేకం.
  
 మెంతులు, మెంతి ఆకు ఎక్కువగా తీసుకుంటే గర్భస్రావాలు, బిడ్డ నెలలు నిండకుండా పుట్టడం వంటి సమస్యలు రావు. ప్రసవ నొప్పుల తీవ్రత తగ్గుతుంది. బాలింత మెంతి ఎక్కువగా వాడితే పాలు సమృద్ధిగా పడతాయి.
  
 మెంతి ఆకుల్లో ఐరన్ పుష్కలంగా ఉంటుంది. రుతుక్రమ సమస్యలు, ఒంటి నుంచి ఆవిరి వచ్చినట్లు ఉండడం వంటి మెనోపాజ్ సమస్యల నుంచి నివారణకు మెంతి బాగా పనిచేస్తుంది. మెంతి ఈస్ట్రోజెన్ హార్మోన్ ఉత్పత్తికి దోహదం చేస్తుంది. కౌమారదశ నుంచి వార్ధక్యం వరకు మహిళలకు అన్ని వయసుల్లోనూ మెంతులు, మెంతి ఆకు వాడకం మంచి ఫలితాన్నిస్తుంది.
  
 కొలెస్ట్రాల్ స్థాయులను తగ్గిస్తుంది. గుండె సంబంధిత అనారోగ్యాలను దూరం చేస్తుంది. సోడియం పనితీరును అదుపు చేసి రక్తప్రసరణ వేగాన్ని, గుండె వేగాన్ని నియంత్రిస్తుంది.
  
  రక్తంలో చేరే చక్కెర పరిమాణాన్ని, వేగాన్ని తగ్గిస్తుంది. ఇందులోని అమినో యాసిడ్‌లు ఇన్సులిన్ ఉత్పత్తికి దోహదం చేస్తాయి.
  
  జీర్ణక్రియకు ఉపకరిస్తుంది. వ్యర్థాలను తొలగిస్తుంది.


 వాషింగ్టన్: శరీరంలో మంచి కొలెస్ట్రాల్ గుండెకు మేలు చేస్తుందని, చెడు కొవ్వు మాత్రం హాని చేస్తుందని గతంలో అనేక పరిశోధన ల్లో తేలింది. అయితే చెడు కొవ్వు(ఎల్‌డీఎల్) మాత్రమే కాదు.. పనిచేయని మంచి కొవ్వు(హెచ్‌డీఎల్)  కూడా గుండెకు ముప్పు తెస్తుందని తాజాగా అమెరికాలోని క్లీవ్‌ల్యాండ్ క్లినిక్ శాస్త్రవేత్తల పరిశోధనలో వెల్లడైంది. సాధారణంగా మంచి కొవ్వు రక్తనాళాలు గట్టిపడకుండా చూస్తూ గుండెను కాపాడుతుంది.
  
  అయితే మంచి కొవ్వులో ఉండే అపోలిపోప్రొటీన్ ఏ1(అపోఏ1) అనే ప్రొటీన్ ఆక్సిజన్‌తో కలిసి చర్య జరిపితే గనక.. ఆ మంచి కొవ్వు పనిచేయదని, ఫలితంగా రక్తనాళాలు గట్టిపడి గుండెపోటు, గుండె జబ్బుల ముప్పు పెరుగుతుందని పరిశోధకులు గుర్తించారు. గుండె జబ్బులు ఉన్న 627 మంది రోగులపై పరిశోధించిన శాస్త్రవేత్తలు.. పనిచేయని మంచి కొవ్వు ఎంత పెరిగితే అంతగా గుండెకు చేటు తప్పదని కనుగొన్నారు. తమ పరిశోధన ఫలితాల ఆధారంగా గుండెజబ్బులకు కొత్త పరీక్షలు, చికిత్సలు రూపొందించవచ్చని అంటున్నారు.


 కొత్త పరిశోధన
  
 ఆరోగ్యానికి కాఫీ తాగడం మంచిదా లేక చాయ్ తాగాలా? కాదు కాదు, కాఫీ ఎక్కువ హానికరమా లేక చాయ్ హానికరమా? ఇలాంటి అనేక సందేహాలు తరచూ వినిపిస్తూంటాయి. అయితే తాజా పరిశోధనలు ఇందుకు భిన్నంగా... కాఫీ ఆకుతో చేసిన చాయ్ తాగడం మంచిదంటున్నాయి.
  
 కాఫీ చెట్టు ఆకులతో చేసిన తేనీరు ఎలా ఉంటుంది?... సాధారణ తేయాకుతో చేసిన తేనీటి కంటే వగరు, చేదు తక్కువ. అలాగే కాఫీ గింజల పొడితో చేసిన కాఫీతో పోలిస్తే అంత స్ట్రాంగ్‌గా ఉండదు.
  
 కాఫీ ఆకు లక్షణాలేమిటి?... నొప్పి, వాపులను తగ్గిస్తుంది, రక్తంలో కొలెస్ట్రాల్ స్థాయులను తగ్గిస్తుంది. గుండెసంబంధ వ్యాధులను, డయాబెటిస్ వచ్చే అవకాశాలను తగ్గిస్తుంది. మెదడులోని న్యూరాన్లను రక్షిస్తుంది.
  
 ఇథియోపియా, సౌత్ సూడాన్, ఇండోనేసియా దేశాలలో కాఫీ ఆకుల తేనీటినే తాగుతారు. ఇంతకీ దీనికి ఏ పేరు పెడితే బావుంటుంది? కాఫీ, చాయ్ రెండింటినీ కలిపి ‘చాఫీ’ అందామా?!
  


 మనిషి గుండె కొట్టుకోవలసిన వేగం నిమిషానికి 72 సార్లు అయినప్పటికీ అది ఆ వ్యక్తి చేస్తున్న పనిని బట్టి, ఉన్న పరిస్థితిని బట్టి - నిమిషానికి 60 నుంచి 100 సార్లు కొట్టుకుంటుంది. కాబట్టి గుండె స్పందనలు నిమిషానికి 90- 100 మధ్యన ఉన్నా దాన్ని నార్మల్‌గానే పరిగణించవచ్చు. ఎప్పుడైతే గుండె వేగం నిమిషానికి 100 కంటే ఎక్కువగా ఉందో దాన్ని టాకికార్డియా అని, అది 60 కంటే తక్కువగా ఉంటే దాన్ని బ్రాడీకార్డియా అని పరిగణించాలి. ఏదైనా ప్రత్యేకసందర్భం (ఉదాహరణకు మెట్లపై వేగంగా పరుగెత్తుతున్నప్పుడు)లో గుండె స్పందన పెరిగితే దాన్ని నార్మల్‌గానే పరిగణించాలి. ఆందోళనకు గురైనప్పుడు కూడా గుండెవేగం నిమిషానికి 100 దాటవచ్చు. అయితే ఈ నార్మల్ రేంజ్‌లో కాకుండా ఎప్పుడూ అబ్‌నార్మల్ రేంజ్‌లో ఉండేవారు మాత్రం డాక్టర్‌ను కలిసి తగు సలహా తీసుకోవాలి.
  
  ఒక ఆస్పిరిన్ మాత్ర... జీవితాన్ని రక్షిస్తుంది...
  
  ఒక ఆస్పిరిన్ మాత్ర జీవితాన్ని రక్షిస్తుంది. ఆస్పిరిన్‌లో రక్తాన్ని పలచబార్చే గుణం ఉంది. గుండెపోటు రావడం అంటే... ప్రధానంగా గుండెకు రక్తాన్ని సరఫరా చేసే నాళాల్లో ఎక్కడైనా అడ్డంకి (బ్లాక్) ఉండటం వల్ల, దానికారణంగా గుండెకు తగినంత రక్తసరఫరా జరగకపోవడం. ఈ పరిణామం వల్ల గుండెకండరం చచ్చుబడిపోవడం ప్రారంభమవుతుంది. అందుకే గుండెపోటు లక్షణాలు (ఎడమ పక్క భుజం లేదా చేయి లాగినట్లుగా ఉండటం, గుండె / ఛాతీలో నొప్పి, చెమటలు పట్టడం వంటివి) కనిపించినప్పుడు ఒక ఆస్పిరిన్ మాత్ర అందుబాటులో ఉంచుకుని, అలాంటి లక్షణాలు కనిపించగానే టక్కున నోట్లో వేసుకోవాలి. ఇక రక్తంలో కొలెస్ట్రాల్ ఉన్నవారు డాక్టర్ సలహా మీద క్రమం తప్పకుండా స్టాటిన్స్ అనే మందులు వాడాలి.
  
  స్టాటిన్స్ వాడేవారూ ఈ విషయాలు తెలుసా?
  
  స్టాటిన్స్ అన్నవి కొలెస్ట్రాల్‌ను నియంత్రించే మాత్రలు. రక్తంలో కొలెస్ట్రాల్ పాళ్లు ఎక్కువగా ఉండటం అన్నది కేవలం మన ఆహార నియమాల మీదే కాకుండా ప్రతి మనిషి తాలూకు జన్యుపరమైన కారణాల వల్ల కూడా కావచ్చు. అయితే ఇలాంటివారు ఆహారనియమాలు ఏవీ పాటించనట్లయితే కొలెస్ట్రాల్ పాళ్లు మరింతగా పెరగవచ్చు. కొలెస్ట్రాల్ పెరుగుదలకు కారణాలు ఏవైనప్పటికీ, మున్ముందు దానివల్ల గుండెజబ్బులకు దారితీసే అవకాశాలు ఉంటాయి. శరీరంలో కొలెస్ట్రాల్ అనే ఒకరకం కొవ్వుపదార్థం ఉత్పత్తి కాకుండా నివారించే మందులే స్టాటిన్స్. ఇవి శరీరంపై  పెద్దగా సైడ్‌ఎఫెక్ట్స్ చూపకుండానే గుండెకు మరింత లాభం చేకూరుస్తాయి. గుండెపోటు రిస్క్ ఉన్నవారు డాక్టర్ సలహా మేరకు ఈ మందులను క్రమం తప్పకుండా వాడుతున్నంతకాలమే వీటి వల్ల ప్రయోజనం ఉంటుంది. వీటిని మానేస్తే వీటివల్ల శరీరానికి కలిగే రక్షణ తొలగిపోతుంది. అందుకే ఒకసారి స్టాటిన్స్ మొదలుపెట్టినవారు వాటిని మానకుండా డాక్టర్ సలహా మేరకు వాటిని ఎప్పటికీ వాడుతుండటమే మంచిది.
  
  మరి అవి వాడుతున్నప్పుడు రక్తసిక్త గాయమైతే..?
  
  ఆస్పిరిన్ లేదా ఇతర రక్తాన్ని పలచబార్చే మందులు వాడేవారికి ఒక సందేహం ఉంటుంది. అదేమిటంటే... గుండె ఆపరేషన్ అయ్యాక మళ్లీ జబ్బు రాకుండా ఉండటానికి కార్డియాలజిస్ట్ సలహా మేరకు జీవితాంతం ఆస్పిరిన్, స్టాటిన్ వంటి మాత్రలు వాడాల్సి ఉంటుంది కదా... మరి అవి వాడే క్రమంలో ఏదైనా రక్తస్రావం జరిగేలా దెబ్బతగిలితే ఎలా... అన్నదే వారి ఆందోళన. ఆస్పిరిన్ లేదా ఇతర రక్తాన్ని పలచబార్చే మందులు వాడటం వల్ల గాయం అయినప్పుడు రక్తస్రావం అయిపోతుందేమోనని భయపడాల్సిన అవసరం లేదు. కొందరిలో గుండె, రక్తనాళాల్లో రక్తం గడ్డకట్టే అవకాశం ఉండటం లేదా గుండె కవాటం మార్పిడి చికిత్స చేసినట్లయితే వారికి ఓరల్ యాంటీకోయాగ్యులెంట్స్ (ఎసిట్రోమ్, వార్‌ఫేరిన్) కూడా ఇచ్చినట్లయితే అప్పుడు మాత్రమే రక్తస్రావం కాకుండా, దెబ్బలేమీ తగలకుండా జాగ్రత్తగా చూసుకోవాల్సిన అవసరం ఉంది. అలాంటి సందర్భాల్లోనే రక్తస్రావం జరిగి, ప్రమాదం ఏర్పడే అవకాశం ఉంది. అయితే దెబ్బతగిలి, రక్తస్రావం అవుతుంటే కంగారుపడకుండా శుభ్రమైన బట్టతో దాన్ని అదిమిపట్టి వెంటనే దగ్గర్లోని డాక్టర్‌ను సంప్రదించాలి.
  
  - నిర్వహణ: యాసీన్
  
 నడక ఎంతో మేలు...
 గుండెజబ్బులను నివారించడానికి లేదా గుండె జబ్బును కనుగొన్న తర్వాత దానిని అదుపులో పెట్టుకోడానికైనా నడక మంచి వ్యాయామం. అయితే ఆరుబయట లేదా ట్రెడ్‌మిల్‌పై నడవడం మంచిది. అయితే నడిచేవారు ఒక ప్రాథమిక నియమం గుర్తుపెట్టుకోవాలి. ఎక్కువ వేగంతో తక్కువ దూరాలు నడవటం కంటే...గుండెజబ్బులు ఉన్నవారు తక్కువ వేగంతో ఎక్కువ సమయం నడిస్తే మంచిది. మామూలుగా ఆరోగ్యం కోసం నడిచేవారు ఉదయం వేళ వాకింగ్ చేయడం ఇబ్బందిగా ఉంటే సాయంత్రం కూడా నడవచ్చు. అయితే ఒకవేళ గుండెజబ్బు నిర్ధారణ అయినవారు మాత్రం ఉదయం వేళ నడవడం మేలు. సాయంత్రాలు నడిచేవారు మాత్రం వాకింగ్ చేయడానికి ముందు మితంగా ఆహారం తీసుకోవాలి. కడుపు నిండా ఆహారం తీసుకుని వాకింగ్ చేయకూడదని గుర్తుంచుకోవాలి.
  


 నా వయసు 38. సాఫ్ట్‌వేర్ ఇంజనీర్‌ని కావడంతో రోజుకు కనీసం 10 -12 గంటలకు పైగా ఇంటర్నెట్ మీద కూర్చుంటాను. ఇటీవలే మా కంపెనీలో యాన్యువల్ హెల్త్ చెకప్ జరిగినప్పుడు, క్రియాటినిన్ 1.7 ఉన్నట్లుగా రిపోర్టు వచ్చింది. కిడ్నీ స్పెషలిస్ట్‌కు తప్పక చూపించాల్సిందిగా మా కంపెనీ డాక్టర్ సలహా ఇచ్చారు. క్రియాటినిన్‌కూ, కిడ్నీకీ సంబంధం ఏమిటి? క్రియాటినిన్ తగ్గడానికి ఏవైనా మార్గాలుంటే చెప్పండి.
  - కె.ఎన్.వి., హైదరాబాద్
  
  మూత్రపిండాల (కిడ్నీ) పనితీరును తెలుసుకోవడానికి చేసే పరీక్షల్లో క్రియాటినిన్, బ్లడ్ యూరియా చాలా ముఖ్యమైనవి. సాధారణంగా శరీరంలో క్రియాటినిన్ పరిమాణం  0.5 ఎంజీ/డీఎల్ నుంచి 1.2 ఎంజీ/డీఎల్ వరకు ఉండాలి. అదే బ్లడ్ యూరియా అయితే 20 ఎంజీ/డీఎల్ నుంచి 40 ఎంజీ/డీఎల్ ఉండవచ్చు. ఒకవేళ క్రియాటినిన్ పరిమాణం 1.5 ఎంజీ/డీఎల్ కంటే ఎక్కువగా ఉంటే కిడ్నీ పనితీరు సామర్థ్యం తగ్గినదానికి  ఒక సూచనగా పరిగణించాలి. అదే క్రియాటినిన్ పరిమాణం 4 ఎంజీ/డీఎల్  కంటే ఎక్కువగా ఉంటే కిడ్నీ పనితీరు 80శాతం నుంచి 90శాతం వరకు తగ్గినట్లుగా భావించాలి.
  
  శరీరంలో క్రియాటినిన్ పెరగడానికి ప్రధానమైన కొన్ని కారణాలు... హైబీపీ, డయాబెటిస్, కిడ్నీ ఇన్ఫెక్షన్స్, ప్రోస్టేట్ గ్రంథి వాపు, నొప్పి నివారణ మందులు దీర్ఘకాలంపాటు వాడటం, ఉప్పు,మాంసకృత్తులు ఎక్కువగా ఉండే ఆహారాన్ని రోజూ తీసుకోవడం వంటివి.
  
  ఒకవేళ క్రియాటినిన్ పరిమాణం1.5 ఎంజీ/డీఎల్ కంటే ఎక్కువగా వస్తే కేవలం కిడ్నీకి సంబంధించిన పరీక్షలే కాకుండా బీపీ, షుగర్, కొలెస్ట్రాల్ వంటివి కూడా చెక్ చేయించుకుని కిడ్నీ స్పెషలిస్ట్‌ను కలవాలి. వయసు పెరిగేకొద్దీ శరీరంలో క్రియాటినిన్ పరిమాణం పెరగకుండా ఉండాలంటే రోజూ 3-4 లీటర్ల నీటిని తాగుతూ, అరగంటకు తగ్గకుండా ఒళ్లు అలిసేలా వ్యాయామం చేస్తూ, మంచి ఆహారపు అలవాట్లు పాటించాలి.
  
  మీరు చెప్పిన విధంగా ఇంటర్నెట్‌పై 10 గంటలు కూర్చుండటం వల్ల క్రియాటినిన్ పెరుగుతుందనే అంశంపై ఇంకా శాస్త్రీయమైన నిరూపణలేమీ లేవు. అయినా మీరు వైర్‌లెస్ ఇంటర్నెట్ ఉపయోగాన్ని వీలైనంతగా తగ్గించడం, బాగా వేడిని వెలువరించే ల్యాప్‌టాప్‌లను శరీరానికి వీలైనంత దూరంగా ఉంచి ఉపయోగిస్తే మంచిది. మధ్య మధ్య వీలైనంత విశ్రాంతి తీసుకోవడం అవసరం.
  
  నా వయసు 28. చాలా సన్నగా ఉంటాను. ఎంత తిన్నా నా బరువు 48 కిలోలు దాటడం లేదు. సెక్స్‌లో పాల్గొన్న తర్వాత చాలా నీరసంగా ఫీలవుతున్నాను. మాంసాహారం అలవాటు లేదు. రోజుకు 10 సిగరెట్స్ తాగే అలవాటు ఉంది. రెండు నెలల నుంచి అంగస్తంభన సరిగా జరగడం లేదు. ఏ ఆహారపదార్థాలు తీసుకుంటే సెక్స్ పొటెన్సీ పెరుగుతుంది? తగిన సలహా ఇవ్వగలరు.
  - సి.ఆర్.ఎమ్., ఒంగోలు
  
  ఎత్తుకు తగిన బరువు ఉండటం మంచి ఆరోగ్యాన్ని సూచిస్తుంది. చాలామంది సన్నగా ఉన్నవారు లావెక్కాలని, లావుగా ఉన్నవారు సన్నబడాలని ప్రయత్నిస్తుంటారు. ఎత్తు-బరువు ఛార్ట్ చూసుకుని, దానికి తగ్గట్లుగా ఉంటే మీ బరువును గురించి ఆలోచించాల్సిన అవసరం లేదు. ఇక సెక్స్ అనేది మీ మానసిక-శారీరక నిలకడను సూచిస్తుంది. శాకాహారమైనా, మాంసాహారమైనా సరైన మోతాదులో శరీరానికి అవసరమైన పాళ్లలో తీసుకుంటే శారీరక దృఢత్వంలో తేడా ఉండదు. మీరు శాకాహారం తిన్నా, మాంసాహారం తిన్నా అది సమతుల ఆహారమై ఉండి, అన్ని పోషకాలూ సమపాళ్లలో అందేలా తీసుకుంటే శరీరంలో, సెక్స్‌లో పటుత్వం ఎప్పటికీ తగ్గదు. మూడుపూటలా ఆకలవుతూ ఉండి, బాలెన్స్‌డ్ డైట్ తీసుకుంటూ ఉండటం కేవలం ఒక్క సెక్స్ విషయంలోనే గాక... శారీరక ఆరోగ్యానికీ మంచిది. మీరు సిగరెట్స్ పూర్తిగా మానేసి, సమతులాహారం తీసుకునేలా జాగ్రత్త తీసుకోండి. ఇక మీరు ఎంత ఎక్కువగా తింటున్నా లావెక్కడం లేదని బాధపడుతున్నారు కాబట్టి ఒకసారి థైరాయిడ్ పరీక్ష చేయించుకుంటే మంచిది.
  
  నా వయసు 19. నాకు ఎలాంటి చెడు అలవాట్లూ లేవు. స్నానం చేసే సమయంలో  పురుషాంగంపై ఉన్న చర్మాన్ని వెనక్కి లాగి ప్రతిరోజూ శుభ్రపరచుకుంటాను. అయితే ఈవుధ్య అంగం మీది చర్మం బాగా పొడిగా అయిపోయి  వుునుపటిలా వెనక్కు రావడం లేదు. బలవంతంగా వెనక్కు నెడితే క్రాక్స్ ఏర్పడి రక్తం వస్తోంది. ఈ సవుస్యతో చాలా ఆందోళనగా ఉంది. డాక్టర్‌కు చూపించాలంటే సిగ్గుగా ఉంది. దయచేసి నాకు మంచి సలహా ఇవ్వండి.
  - ఎస్.ఎస్.ఆర్., అమలాపురం
  
  పురుషాంగం మీది చర్మం ఫ్రీగా వెనక్కు వెళ్లకుండా ఉండే కండిషన్‌ను ఫైమోసిస్ అంటారు. దీనివల్ల చర్మం చివరి భాగంలో క్రాక్స్ వచ్చి ఇన్ఫెక్షన్‌కు దారితీసే అవకాశం ఉంటుంది. ఇలాంటప్పుడు సెక్స్ చేస్తే నొప్పి రావచ్చు. ఒక్కోసారి చర్మం వెనక్కి వెళ్లి మళ్లీ ముందుకు రాకపోతే వాపు కూడా రావచ్చు. యుక్తవయుసులో ఇలా చర్మం ఫ్రీగా ముందుకు, వెనక్కు రాకపోతే సున్తీ చేయించుకోవడం మంచిది. దీనివల్ల వ్యక్తిగత పరిశుభ్రత (పర్సనల్ హైజీన్) పాటించడం కూడా సులువు. సెక్స్ చేయడానికీ అనువుగా ఉంటుంది. మన ప్రైవేట్ పార్ట్స్ వద్ద వచ్చే సమస్యలు కూడా ఇతర సమస్యల్లాంటివే. ఇతర సమస్యలను ప్రస్తావించడానికి మనం ఎలా సిగ్గుపడమో, డాక్టర్ వద్ద ఈ సమస్యలను చెప్పడానికీ అలాగే సిగ్గుపడాల్సిన, బిడియ పడాల్సిన అవసరం లేదు. డాక్టర్లు ఉన్నదే ఇలాంటి సమస్యలను చక్కదిద్దడానికి. అందుకే చెడు అలవాట్లు ఉన్నా లేకపోయినా, ఏదైనా సమస్య వచ్చినప్పుడు డాక్టర్‌కు చూపించి సమస్య నుంచి విముక్తి పొందడమే మనం చేయాల్సింది. ఏ డాక్టర్ కూడా దీనికి మిమ్మల్ని నిందించడు. తక్కువగా చూడడు. చెడుగా అనుకోడు. కాబట్టి మీ దగ్గర్లోని డాక్టర్‌కు చూపించి వెంటనే తగిన చికిత్స చేయించుకుని, మీ బాధల నుంచి విముక్తి పొందండి.
  నిర్వహణ: యాసీన్
  
  డాక్టర్ వి.చంద్రమోహన్
  యూరోసర్జన్, ఆండ్రాలజిస్ట్,
  ప్రీతి యూరాలజీ - కిడ్నీ హాస్పిటల్,
  కెపిహెచ్‌బి, హైదరాబాద్
  


 కొలెస్ట్రాల్ అనేది మైనం లాంటి పదార్థం. ఇది శరీరమంతటా ఉంటుంది. కొలెస్ట్రాల్ మనం తీసుకునే ఆహారం నుంచీ, శరీరం లోపలా తయారవుతుంది. శరీరంలో కొలెస్ట్రాల్ లివర్‌లో తయారవుతుంది. ఆహారం ద్వారా  పొందే కొలెస్ట్రాల్ మనం తీసుకునే పాలు, పాలపదార్థాలు, మాంసాహారం, చేపలు, గుడ్లులోని పచ్చసొన నుంచి అందుతుంది.
  
  కొలెస్ట్రాల్ రెండు రకాలుగా ఉంటుంది. అది మంచి, చెడు కొలెస్ట్రాల్.  శరీరంలో ఉండే కొవ్వును ట్రైగ్లిసరాయిడ్స్ రూపంలో రక్తం ద్వారా శరీర కణజాలానికి చేరవేస్తుంది. ఈ ట్రైగ్లిసరాయిడ్స్ అధికంగా ఉన్న వారికి చెడు కొలెస్ట్రాల్ పాళ్లు అధికమవుతాయి. ఫలితంగా గుండెపోటు ముప్పుంటుంది. కాబట్టి ట్రైగ్లిసరాయిడ్స్ పాళ్లను అదుపులో ఉంచుకోవాలి.
  
  రక్తంలో కొలెస్ట్రాల్ పాళ్లను మనం తగ్గించుకోక పోవటం వల్ల గుండెవ్యాధులు వస్తాయి. ముఖ్యంగా గుండెపోటు ముప్పు ఎక్కువగా ఉంటుంది. కాబట్టి కొలెస్ట్రాల్‌ను నిర్ణీత పాళ్ల కంటే తక్కువగా ఉండేలా జాగ్రత్తలు తీసుకోవాలి.
  
  ఆయుర్వేద శాస్త్రం ప్రకారం కొలెస్ట్రాల్‌ను ఆహార విహారాదులను ఆరోగ్యకరంగా పాటించడం వల్ల వాటిని పూర్తిగా అదుపులో ఉంచుకోవచ్చు మరియు ఆయుర్వేద ఔషధాలు కొలెస్ట్రాల్ దుష్ర్పభావాలను తీవ్రతరం చేయకుండా కాపాడతాయి.
  
  తీసుకోవలసిన జాగ్రత్తలు:  
  వ్యాయామం: నడక వల్ల మంచి కొలెస్ట్రాల్ పాళ్లను పెంచవచ్చు.  
  ప్రాణాయామం: 15 నిమిషాలు ప్రాణాయామం చేయటం వల్ల రక్తప్రసరణ వ్యవస్థ శుభ్రపడుతుంది  
  నీరు: రోజుకి సగటున 6-8 గ్లాసులు తీసుకోవాలి.   
  ఆల్కహాల్, మాంసాహారం, సిగరెట్లు మానివేయాలి.  
  బరువును పూర్తిగా అదుపులో ఉంచుకోవాలి. యాంటి ఆక్సిడెంట్లు ఎక్కువగా ఉండే ఆహారం తీసుకోవాలి.  
  పీచుకలిగిన పండ్లు, కూరగాయలు, ఆహారం, ఓట్స్ తీసుకోవటం వల్ల కొలెస్ట్రాల్‌ను పూర్తిగా అదుపు చేయవచ్చు.
  
  చెడు కొలెస్ట్రాల్ (LDL)
  LDL కొలెస్ట్రాల్: ఎక్కువగా రక్తంలో ప్రయాణించటం వల్ల గుండెకు, మెదడుకు వెళ్లి ధమనుల్లో అవరోధం ఏర్పడుతుంది. ఈ విధమైన చెడు కొలెస్ట్రాల్ పేరుకోవటం వల్ల రక్తప్రసరణకు అంతరాయం    ఏర్పడి గుండెపోటు వస్తుంది. అలాగే  మెదడుకు సరఫరా అయ్యే రక్తప్రసరణకు అడ్డంకితో పక్షవాతం ముప్పు ఏర్పడుతుంది.
  
  మంచి కొలెస్ట్రాల్ (HDL)
  HDL కొలెస్ట్రాల్: ఇది మంచి కొలెస్ట్రాల్. దీనిని పెంచుకోవటం వల్ల అనారోగ్యాలను నివారించుకోవచ్చు. ఇది శరీరంలోని చెడ్డ కొలెస్ట్రాల్‌ను తగ్గిస్తుంది. కావున LDL కొలెస్ట్రాల్ 140-150 mg/d లోపు ఉండాలి. ఇక HDL కొలెస్ట్రాల్ 40-50 mg/dl ఉండేలా చూసుకోవాలి.
  


 ఎప్పుడూ పనిచేసే యంత్రానికి కాసేపు విశ్రాంతి ఇస్తే బాగుంటుందనిపిస్తుంది. కానీ ఈ సూత్రం మాత్రం దేహయంత్రంలోని గుండెకు మినహాయింపు. ఎందుకంటే... గుండె ఎప్పుడూ పనిచేస్తుంటేనే మనకు బాగుంటుంది. అది పనిమానేస్తానంటూ మొరాయించే పరిస్థితిని మనం రప్పించకూడదు. దానికి చేయాల్సినవి చాలా సులభం. గుండెను ఇంగ్లిష్‌లో హార్ట్ అంటారని గుర్తుపెట్టుకుని, ఆ హార్ట్ స్పెల్లింగ్‌లోని కొన్ని అంశాలను పాటిస్తే చాలు... అది గుర్తుపెట్టుకోడానికి వీలుగా ఈ కథనం...
  
  H హెచ్ ఫర్ హెల్దీ డైట్ : ఆరోగ్యకరమైన సమతులాహారం తీసుకోవడం గుండె జబ్బుల నివారణకు ఒక మార్గం. రోజూ తాజా ఆకుకూరలు, పండ్లు తీసుకోవడం మంచిది. ఎందుకంటే ఫ్రిజ్‌లో పెట్టిన ఆకుకూరలు, పండ్లలో సగానికి సగం పోషకాలు నశిస్తాయి. ఇక కొవ్వుల్ని కొలెస్ట్రాల్‌ను తగ్గించే ఆహారాలైన వెల్లుల్లినీ, రక్తనాళాలను శుభ్రపరిచే ద్రాక్ష వంటి పండ్లను, ఒమెగా 3-ఫ్యాటీ ఆసిడ్స్ లభ్యమయ్యే చేపలను మీ ఆహారంలో ఉండేలా చూసుకోండి.
 
  హెచ్ ఫర్ హ్యాపీనెస్:  ఎప్పుడూ సంతోషంగా ఉండండి. తద్వారా మీలోని ఒత్తిడి తగ్గి గుండె ఆరోగ్యం పెంపొందుతుంది.
  
  E ఈ ఫర్ ఎక్సర్‌సైజ్ : వ్యాయామం అన్నది గుండె ఆరోగ్యానికి చాలా మంచి మార్గం. అయితే  శ్రమ కలిగించే కఠినమైన వ్యాయామాలు కాకుండా నడక / జాగింగ్ వంటి తేలికపాటి సాధారణ వ్యాయామాలు అయితే మరీ మంచిది.
 
  ఈ ఫర్ ఎండార్ఫిన్స్ : వ్యాయామం వల్ల మనలో సంతోషం కలిగించే రసాయనాలైన ఎండార్ఫిన్ వంటివి వృద్ధి అవుతాయి. దాంతో రెండు ప్రయోజనాలన్నమాట. ఒకటి వ్యాయామం వల్ల కొవ్వులు, రక్తపోటు, మధుమేహం వంటివి అదుపులో ఉండటంతో పాటు అదే ప్రక్రియలో ఎండార్ఫిన్ కూడా స్రవించడం వల్ల సంతోషం, మానసిక ఉల్లాసం పెరిగి ఒత్తిడి తగ్గుతుంది. ఇది కూడా గుండెకు మేలు చేసేదే.
  
  A ఏ ఫర్ యాక్టివిటీ : బద్దకంగా ఒకేచోట కదలకుండా ఉండటం వల్ల స్మోకింగ్‌తో ఎలాంటి దుష్ఫలితాలు వస్తాయో అలాంటివే వస్తాయని అధ్యయనాల్లో తేలింది. మీకు ఒక విషయం తెలుసా? పదిలక్షల సార్లు స్పందించడం వల్ల గుండెకు కలిగే అలసటను ఒకసారి మనం చురుగ్గా పని చేయడం అన్న చర్య తొలగిస్తుందని కొన్ని పరిశోధనల ఫలితాలు చెబుతున్నాయి. అందుకే ఆఫీసులోనూ లిఫ్ట్‌కు బదులు మెట్లు వాడటం మంచిది. మనం చురుగ్గా ఉండటం గుండెపై మరింత ఒత్తిడిని కలగజేస్తుందన్నది అపోహ మాత్రమే. మనమెంత చురుగ్గా ఉంటే గుండెకు అంత మేలు. అందుకే అందరికీ వ్యాయామంతోపాటు మంచి వ్యాపకమూ (యాక్టివిటీ) ఉండాలి.
  
  R ఆర్ ఫర్ రెస్ట్ : ఇక్కడ రెస్ట్ అంటే ఆరోగ్యకరమైన విశ్రాంతి తప్ప బద్దకం కాదు.  పగలు ఎంత యాక్టివ్‌గా ఉంటామో, రాత్రి మంచి నిద్ర కూడా గుండె ఆరోగ్యానికి మేలు చేస్తుంది. నిద్రలేమి రక్తపోటును పెంచి, వ్యాధి నిరోధకతను తగ్గిస్తుంది.
 
  ఆర్ ఫర్ రిఫ్రెషింగ్ మూడ్ : వారమంతా మీరు  కష్టపడి చురుగ్గా పనిచేయడం గుండెకు ఎంత లాభమో, వారాంతపు విశ్రాంతి కూడా దానికి అంతే ప్రయోజనం. అయితే అతివిశ్రాంతి మళ్లీ గుండెకు అనర్థమన్నది గుర్తుపెట్టుకోండి.
 
  ఫర్ రొటీన్ హార్ట్ చెకప్ : మీకు 40 దాటితే ఏడాదికోసారి రొటీన్‌గా గుండె పరీక్షలను డాక్టర్ సలహా మేరకు చేయించుకోవడం మంచిది.
  
  T టీ ఫర్ టొమాటో: అని కూడా గుర్తుంచుకోవచ్చు. మీ ఆహారంలో టొమాటోను ఎంత గా వాడితే గుండెకు అంత మేలు అన్నమాట. టొమాటోకు ఎర్రటి రంగును తెచ్చిపెట్టే పదార్థం ‘లైకోపిన్’ అనే పోషకం. మనం లైకోపిన్‌ను ఎంతగా లైక్ చేస్తుంటే అది గుండె ఆరోగ్యాన్ని అంతగా ‘లైక్’ చేస్తుందని ‘పిన్’పాయింటెడ్‌గా గుర్తుపెట్టుకోండి.
 
  టీ ఫర్ ట్రెడ్‌మిల్: మీ గుండె ఆరోగ్యానికి ట్రెడ్‌మిల్‌పై నడక కూడా ఒక సాధనం అని గుర్తుపెట్టుకోండి. అంటే ఇక్కడ ట్రెడ్‌మిల్‌కు ప్రాధాన్యం లేదు. కేవలం నడకకే. టీ ఫర్ ట్రెక్కింగ్ అని గుర్తుపెట్టుకున్నా పర్వాలేదు. అది కూడా నడక కోసమే. ఇక్కడ నడకకే ప్రాధాన్యం గాని ట్రెడ్‌మిల్ సాధనానికీ/ట్రెక్కింగ్ ప్రక్రియకూ కాదన్నమాట.
 
  -నిర్వహణ: యాసీన్
  


 కొలెస్ట్రాల్ అనేది మైనంలాంటి పదార్థం. ఇది శరీరం అంతటా ఉంటుంది. కొలెస్ట్రాల్ శరీంలో తీసుకున్న ఆహారం నుండి, శరీరం లోపల నుండి తయారవుతుంది. శరీరంలో తయారయ్యే కొలెస్ట్రాల్ లివర్ నందు తయారవుతుంది. ఆహారం నుండి పొందే కొలెస్ట్రాల్ మనం తీసుకునే పాలు, పాల పదార్థాలు, మాంసాహారం, చేపలు, గుడ్డులోని పచ్చసొన నుండి అందుతుంది.
  
  కొలెస్ట్రాల్ రెండు రకాలుగా ఉంటుంది 1) చెడు కొలెస్ట్రాల్ (LDL)  2) మంచి కొలెస్ట్రాల్ (HDL)
  
  1. LDL కొలెస్ట్రాల్: ఎక్కువగా రక్తంలో ప్రయాణించటం వల్ల గుండెకు, మెదడుకు వెళ్లి ధమనులందు అవరోధం ఏర్పడుతుంది. ఈ విధమైన చెడు కొలెస్ట్రాల్ పేరుకొనటం వల్ల రక్తప్రసరణకు అంతరాయం కలిగి గుండెపోటు వస్తుంది. అదేవిధంగా మెదడుకు సరఫరా అయ్యే రక్తప్రసరణకు అడ్డంకి ఏర్పడి పక్షవాతం ముప్పు ఏర్పడుతుంది.
  
  2. HDL కొలెస్ట్రాల్: ఇది మంచి కొలెస్ట్రాల్. దీనిని పెంచుకోవటం వల్ల అనారోగ్యాలను తప్పించుకోవచ్చు. ఇది శరీరంలో ఉన్న చెడ్డ కొలెస్ట్రాల్‌ను తగ్గిస్తుంది.
  
  కావున LDL కొలెస్ట్రాల్‌ను 140-150 mg/dl లోపు ఉండాలి.
  అదేవిధంగా HDL కొలెస్ట్రాల్ 40-50 mg/dl ఉండేలా చూసుకోవాలి.
  శరీరంలో ఉండే కొవ్వును ట్రైగ్లిసరాయిడ్స్ రూపంలో రక్తం ద్వారా శరీర కణజాలానికి చేరవేస్తుంది. ఈ ట్రైగ్లిసరాయిడ్స్ అధికంగా ఉన్న వారికి చెడు కొలెస్ట్రాల్ ... స్థాయి అధికం అవుతుంది. దీనిద్వారా కూడా గుండెపోటు ముప్పు ఏర్పడుతుంది కాబట్టి ట్రైగ్లిసరాయిడ్స్ స్థాయిని శరీరంలో అదుపులో ఉంచుకోవాలి.
  
  రక్తంలో కొలెస్ట్రాల్ స్థాయిని మనం తగ్గించుకోక పోవటం వల్ల తీవ్రస్థాయి గుండెవ్యాధులు వస్తాయి. ముఖ్యంగా గుండెపోటు ముప్పు ఎక్కువగా ఉంటుంది. కావున కొలె స్ట్రాల్‌ను వాటి స్థాయులకన్నా తక్కువ మోతాదులో ఉండేలా చూసుకొనే జాగ్రత్తలు తీసుకోవాలి.
  
  ఆయుర్వేద శాస్త్రం ప్రకారం ఆహార విహారాదులను ఆరోగ్యకరంగా పాటించడం వల్ల కొలెస్ట్రాల్‌ను పూర్తిగా అదుపులో ఉంచుకోవచ్చు దానితోబాటు ఆయుర్వేద ఔషధాలు వ్యాధిని తీవ్రతరం చేయకుండా కాపాడతాయి.
  
  తీసుకోవలసిన జాగ్రత్తలు:
  1. వ్యాయామం: నడక వల్ల .... మంచి కొలెస్ట్రాల్ స్థాయి పెంచవచ్చు.
  2. ప్రాణాయామం: 15 నిమిషాల పాటు ప్రాణాయామం చేయటం వల్ల శరీరంలోని రక్తప్రసరణ వ్యవస్థ శుభ్రపడుతుంది.
  3. నీరు: రోజుకి సగటున 6-8 గ్లాసుల నీరు తీసుకోవాలి.
  4. ఆల్కహాల్, మాంసాహార సేవన, సిగరెట్లు మానివేయాలి.
  5. బరువును పూర్తిగా అదుపులో ఉంచుకోవాలి. యాంటీ ఆక్సిడెంట్లు అధిక మోతాదుకల ఆహారం తీసుకోవాలి.
  6. పీచు కలిగిన పండ్లు, కూరగాయలు, ఆహారం, ఓట్స్ తీసుకోవటం వల్ల కొలెస్ట్ట్రాల్‌ను పూర్తి స్థాయిలో నియంత్రించవచ్చు.
  
  డాక్టర్ హనుమంతరావు, ఎం.డి (ఆయుర్వేద),
  స్టార్ ఆయుర్వేద
  సికింద్రాబాద్, కూకట్‌పల్లి, దిల్‌సుఖ్‌నగర్,  విజయవాడ,
  విశాఖపట్నం, తిరుపతి, హనుమకొండ, రాజమండ్రి, కర్ణాటక
  ph: 8977 33 66 88 / www.starayurveda.com
  


 నవీన యుగంలో వయస్సు, లింగ-విచక్షణ లేకుండా రాను రాను మధుమేహ వ్యాధిగ్రస్తుల సంఖ్య పెరిగిపోతోంది. భారతదేశంలో, అందులోనూ ఆంధ్రప్రదేశ్‌లో వీరి సంఖ్య నానాటికీ పెరిగిపోతోంది. భవిష్యత్తులో ప్రతి ఇద్దరిలో ఒకరు షుగర్ వ్యాధితో బాధపడినా ఆశ్చర్యపోనక్కర్లేదు. డయాబెటిస్ లేదా షుగర్ వ్యాధి ఒక దీర్ఘకాలిక వ్యాధి. ఇది మన శరీరంలో ఎప్పుడు వచ్చిందో తెలుసుకునేలోపే మనలోని షుగర్ లెవెల్స్ పెరిగిపోయి ఎన్నో అనారోగ్యాల బారిన పడతాం. కాబట్టి ప్రతి ఒక్కరికీ డయాబెటిస్‌పై అవగాహన ఎంతో ముఖ్యం.
  
  లక్షణాలు
  అతిగా మూత్రవిసర్జన, ఎక్కువగా ఆకలి వేయడం, ఎక్కువగా దాహం వేయడం, మందగించిన చూపు. కారణం లేకుండా బరువు తగ్గడం, బద్దకం, బరువు తగ్గడం తప్ప మిగతా లక్షణాలన్నీ డయాబెటిస్ - 2 లో కూడా కనిపిస్తాయి.
  
  కారణాలు: స్థూలకాయం. వంశపారంపర్యం, మాసనసిక ఒత్తిడి, ఆహారపు అలవాట్లు, జీవనశైలి, థైరాయిడ్, పీసీఓడీ ఉన్నవాళ్ళకు మధుమేహం వచ్చే అవకాశాలు ఎక్కువ.
  
  రకాలు: టైప్ - 1 డయాబెటిస్: సాధారణంగా బీటా కణాలను మన శరీరమే స్వయంగా నాశనం చేయడం వల్ల ఇన్సులిన్ ఉత్పత్తి సరిగా ఉండదు. అందుకే ఇన్సులిన్ ఇంజక్షన్స్ ఇస్తారు. టైప్ - 2  డయాబెటిస్: ఉత్పత్తి అయిన ఇన్సులిన్‌ను సరిగ్గా ఉపయోగించుకోలేకపోవడం, ఇన్సులిన్ రెసిస్టెన్స్(ఇన్సులిన్ నిరోధకత) ఉంటుంది.
  
  రెసిస్టెన్షియల్ డయాబెటిస్ : ఈ రకాన్ని గర్భధారణ సమయంలో మాత్రమే చూస్తాం. సాధారణంగా కాన్పు తర్వాత, సాధారణ స్థితికి వస్తుంది. కొద్దిమందిలో మాత్రం అలానే కొనసాగుతుంది.
  
  డయాబెటిస్ వల్ల కాంప్లికేషన్లు: నాడీ కణాల మీద ప్రభావం ఏర్పడుతుంది. ఇందులో మొత్తం శరీరభాగాలన్నీ ప్రభావితమవుతాయి. మొత్తం న్యూరైటిస్‌లలో ఇది అత్యంత ప్రభావశీలి. నరం మీద మైలిన్ షీత్ (పొర) దెబ్బ తినడం వల్ల తిమ్మిర్లు మరియు మంటగా అనిపించడం, స్పర్శ తెలియకపోవడం, అంటే వారి కాలికి, చేతికి ఏదైనా గుచ్చుకున్నా దెబ్బ తగిలినా రోగికి తెలియదు. నడకలో మార్పు, కంటిచూపు తగ్గిపోవడం, కొన్నిసార్లు మూత్రాన్ని కంట్రోల్ చేయలేకపోవడం వంటి సమస్యలు చూస్తూ ఉంటాము.
  
  తీసుకోవాల్సిన జాగ్రత్తలు, ఆహారనియమాలు: రోజు కనీసం 45 ని॥పాటు నడక లేదా వ్యాయామం
  
  =భోజనానికి అరగంట ముందు మాత్రలు వేసుకోవాలి  
  
  =రాత్రిపూట ఫలహారం మాత్రమే (టిఫిన్) తీసుకోవాలి. (అన్నం తినకూడదు)
  
  =ప్రతిరోజు ఒక నిర్ణీత సమసయంలోనే భోజనం చేయాలి
  
  =పాదాల మీద పుండ్లు, ఆనెలు, గాయాలు ఏమైనా ఉన్నా డాక్టర్ సమక్షంలోనే చికిత్స తీసుకోవాలి
  
  =పిండిపదార్థాలు తగ్గించి అధిక పీచు ఉండే ఆహారపదార్థాలను ఎక్కువగా తీసుకోవాలి.
  మానుకోవాల్సిన అలవాట్లు: పొగత్రాగకూడదు
  
  =మద్యం సేవించకూడదు  
  
  =పాదరక్షలు లేకుండా నడవకూడదు
  
  =మానసిక ఒత్తిడిని తగ్గించుకోవాలి
  
  =కొలెస్ట్రాల్ అధికంగా ఉండే మాంసం తగ్గించి తీసుకోవాలి.
  
  పాజిటివ్ హోమియోపతి వైద్య విధానం కేవలం వ్యాధి లక్షణాలు మాత్రమే కాక మానవుని మొత్తంగా పరిగణనలోనికి తీసుకొని, వ్యాధి లక్షణాల ఉపశమనం కాకుండా వ్యాధి పూర్తిగా నయం కావాలనే లక్ష్యంతో పనిచేస్తుంది. హోమియోపతి వైద్యవిధానంలో మానవుని కాన్‌స్టిట్యూషన్‌కు ప్రాముఖ్యం ఇవ్వబడుతుంది. అంటే అతని వ్యాధి లక్షణాలు, పేథాలజీ, కుటుంబ చరిత్ర, మానసిక లక్షణాలు తదితర అన్ని విషయాలు పరిగణనలోనికి తీసుకుని చికిత్స చేయడం వలన కేవలం ఉపశమనం మాత్రమే కాకుండా పూర్తిగా నయం చేయవచ్చును. దేశ వ్యాప్తంగా పలు శాఖలతో విస్తరించి, ప్రతిదినం హోమియో వైద్య విధానంలో నూతన ఒరవడులను అందిపుచ్చుకుంటూ, రీసెర్చ్ విభాగంలో అందరికంటే ఉన్నతంగా నిలుస్తూ, హోమియో వైద్య ప్రపంచంలో అగ్రగామిగా నిలిచింది.
  
  డా॥టి. కిరణ్‌కుమార్
  పాజిటివ్ హోమియోపతి
  
  అపాయింట్‌మెంట్ కొరకు 9246199922
  హైదరాబాద్, నిజామాబాద్, కర్నూలు, గుంటూరు, విజయవాడ,
  వైజాగ్, తిరుపతి, రాజమండ్రి, బెంగళూరు - చెన్నై
  www.positivehomeopathy.com
  


 మధుమేహం లేదా చక్కెర వ్యాధి లేదా షుగర్ వ్యాధి లేదా డయాబెటిస్ మెలినస్- ఇన్సులిన్ హార్మోన్ స్థాయి తగ్గడం వల్ల కలిగే అనియంత్రిత మెటబాలిజం, రక్తంలో అధిక గ్లూకోజు స్థాయి వంటి లక్షణాలతో కూడిన ఒక రుగ్మత.
  
  మానుకోవాల్సిన అలవాట్లు:
  పొగతాగకూడదు
  
  మద్యం సేవించకూడదు
  
  పాదరక్షలు లేకుండా నడవకూడదు
  
  మానసిక ఒత్తిడిని తగ్గించుకోవాలి
  
  కొలెస్ట్రాల్ అధికంగా ఉండే మాంసాన్ని తక్కువగా తీసుకోవాలి.
  
  హోమియోపతి వైద్యవిధానం: హోమియోపతిలో రోగి మాసిక, శారీరక, భౌతిక వ్యాధి లక్షణాలను పరిగణనలోనికి తీసుకొని మూలకారణాన్ని కనుక్కొని, జెనెటిక్ కాన్సిట్యూషనల్ సిమిలిమమ్ ద్వారా సరియైన ఔషధాన్ని ఇస్తారు. హోమియోపతి మందులు ఎటువంటి సైడ్ ఎఫెక్ట్స్ కలిగించని మందులు.
  
  ఇన్సులిన్ హార్మోన్ ఉత్పత్తి ఆధారం చేసుకొని డయాబెటిన్‌ను రెండు ప్రధాన రకాలుగా విభజించుతారు. అవి
  టైప్ 1 డయాబెటిస్
  టైప్ 2 డయాబెటిస్.
  
  డయాబెటిస్ వల్ల కాంప్లికేషన్లు: నాడీ కణాల మీద ప్రభావం. ఇందులో మొత్తం శరీరభాగాలు అన్నీ ప్రభావితమవుతాయి. మొత్తం న్యూరైటిసిస్‌లలో ఇది అత్యంత ప్రభావశీలి నరం మీద మైలీన్‌షీల్ (పొర) దెబ్బ తినడం వల్ల తిమ్మిరుల మరియు మంటగా అనిపించడం, స్పర్శ తెలియకపోవడం, అంటే వారి కాలికి, చేతికి ఏదైనా గుచ్చుకున్నా, దెబ్బ తిగిలినా రోగికి తెలియదు. నడకలో మార్పు, కంటి చూపు తగ్గిపోవడం, కొన్నిసార్లు మూత్రాన్ని కంట్రోల్ చేయలేకపోవడం వంచి సమస్యలు చూస్తూ ఉంటాము.
  
  తీసుకోవాల్సిన జాగ్రత్తలు, ఆహార నియమాలు:
  రోజూ కనీసం 45 ని॥పాటు నడక లేదా వ్యాయామం
  
  భోజనానికి అరగంట ముందు మాత్రలు వేసుకోవాలి
  
  రాత్రిపూట ఫలహారం మాత్రమే (టిఫిన్) తీసుకోవాలి. (అన్నం తినకూడదు)  ప్రతిరోజు ఒక నిర్ణీత సమయంలోనే భోజనం చేయాలి
  
  పాదాల మీద పుండ్లు, ఆనెలు, గాయాలు ఏమైనా ఉన్నా డాక్టర్ సమక్షంలోనే చికిత్స తీసుకోవాలి
  
  పిండి పదార్థాలు తగ్గించి అధిక పీచు ఉండే ఆహార పదార్థాలను ఎక్కువగా తీసుకోవాలి.
  
  లక్షణాలు:
  అతిగా మూత్ర విసర్జన
  ఎక్కువగా ఆకలి వేయడం
  ఎక్కువగా దాహం వేయడం
  మందగించిన చూపు
  కారణం లేకుండా బరువు తగ్గడం
  బద్ధకం.
  ఒక బరువు తగ్గడం తప్ప మిగతా లక్షణాలు అన్ని డయాబెటిస్ 2 లో కూడా కనిపిస్తాయి.
  
  కారణాలు:
  స్థూలకాయం
  వంశపారంపర్యంగా  
  మానసిక ఒత్తిడి. ఆహారపు అలవాట్లు
  జీవనశైలి
  థైరాయిడ్, పీసీఓడీ ఉన్న వాళ్ళకు మధుమేహం వచ్చే అవకాశాలు ఎక్కువ.
  
  రకాలు: టైప్ 1 డయాబెటిస్: సాధారణంగా బీటా కణాలను మన శరీరమే స్వయంగా నాశనం చేయడం వల్ల ఇన్సులిన్ ఉత్పత్తి సరిగా ఉండదు. అందుకే ఇన్సులిన్ ఇంజక్షన్స్ ఇస్తారు
  
  టైప్ 2 డయాబెటిస్: ఉత్పత్తి అయిన ఇన్లుసిన్‌ను సరిగ్గా ఉపయోగించుకోలేకపోవడం ఇన్సులిన్ రెసిటెన్స్- ఇన్సులిన్ నిరోధకత ఉంటుంది.
  
  రెసిస్టెన్షియల్ డయాబెటిస్: ఈ రకాన్ని గర్భధారణ సమయంలో మాత్రమే చూస్తాము. సాధారణంగా కాన్పు తర్వాత, సాధారణ స్థితికి వస్తుంది. కొద్దిమందిలో మాత్రం అలానే కొనసాగుతుంది.
  
  నాపేరు రాములు. నేను ఆటోమొబైల్ కంపెనీలో ఫ్లోర్ ఇన్‌ఛార్జ్‌గా చేస్తాను. నేను చాలా సం॥డయాబెటిస్‌తో బాధపడ్డాను. విపరీతమైన ఆకలి. దాహం, నీరసం వంటి సమస్యలతో ఎంతో సతమతమయ్యేవాడిని. ఎన్నోరకాల మందులు, వ్యాయామాలు, డైటింగ్, వాకింగ్ ఎన్నో చేశాను. కాని ఫలితం కన్పించలేదు. హోమియోపతి మందుల వల్ల డయాబెటిస్ కంట్రోల్‌కి వస్తుందని ఎంతోమంది చెబితే విని పాజిటివ్ హోమియోపతికి వెళ్ళాను. వీరిచ్చిన ట్రీట్‌మెంట్ వలన, సలహాల వలన ఇప్పుడు నా డయాబెటిస్ చాలా కంట్రోల్‌కొచ్చింది. నా సంతోషానికి కారణమైన పాజిటివ్ హోమియోపతికి చాలా థ్యాంక్స్...
  ...పాజిటివ్ హోమియోపతి
  
  డా॥టి. కిరణ్‌కుమార్
  పాజిటివ్ హోమియోపతి
  
  అపాయింట్‌మెంట్ కొరకు 9246199922
  హైదరాబాద్, నిజామాబాద్, కర్నూలు, గుంటూరు, విజయవాడ,
  వైజాగ్, తిరుపతి, రాజమండ్రి, బెంగళూరు - చెన్నై
  www.positivedental.com
  


 ప్రస్తుత కాలంలో మానవ జీవన విధానంలో అనేక మార్పుల వలన, అలాగే ఆహారపు అలవాట్లలో మార్పులవలన ఈ కాలేయ సమస్యలు ఎక్కువగా వస్తున్నాయి. మన ఆహారంలో తీసుకున్న కొవ్వు పరిమాణం పెరుగుతోంది. అలాగే శరీరం కదలికలు తగ్గుతున్నాయి, శ్రమ చేసే తత్వం తగ్గిపోతుంది. మద్యపానం దిన చర్యలో భాగం అయిపోయింది. ఇవి అన్నీ నాగరికత పేరుతో ఆరోగ్యానికి చెరుపు చేస్తున్నాయి అనడంలో ఎలాంటి అతిశయోక్తీ లేదు.
  
  ఈ ఆధునిక కాలంలో మధుమేహం, స్థూలకాయం, థైరాయిడ్, సంతానలేమి అనే సమస్యలు ఎలా సాధారణం అయిపోయాయో, అలాగే కాలేయ సంబంధ సమస్యలూ ఎక్కువ అయ్యాయి.
  
  దానికి కారణాలు: ఫాస్ట్ ఫుడ్ సంస్కృతి, చక్కెర సంబంధిత ఆహార పదార్థాలసేవన, కొవ్వు అధికంగా ఉండే పదార్థాలు తీసుకోవడం. ఇటీవల ఫ్యాటీలివర్ అనే సమస్యతో బాధపడేవారి సంఖ్య ఎక్కువగా ఉంది.
  
  ఫ్యాటీలివర్... ఉదరంలో కాలేయగ్రంథి అనేది ముఖ్యమైన అవయవం, కుడివైపున ఉంటుంది. ఇది అన్నింటి కంటే చాలా పెద్దగ్రంథి. అలాగే జీర్ణప్రక్రియలో అతి ప్రాధాన్యతను సంతరించుకున్నది. మానవులు తీసుకున్న ఆహారంలో చక్కెర శాతం పెరుగుతున్న కొలది కాలేయంలో నిల్వ అవుతూపోతుంది. తర్వాత అది శక్తిగా మారుతుంది. శక్తిగా మారుతున్న చెక్కెరను మినహాయిస్తే మిగిలినది కొవ్వుగా మారుతుంది. ఈ ప్రక్రియలో కాలేయంలో ఉండే కణాలు తమ గుణాన్ని కోల్పోయి, అక్కడ కొవ్వు పేరుకుపోతుంది. దీనినే వైద్య పరిభాషలో ఫ్యాటీలివర్‌గా వ్యవహరిస్తారు. దీనిలో  అనేక దశలు ఉంటాయి. వీటిలో ముఖ్యమైనవి 3 దశలు.
  
  మొదటి దశ: కాలేయ కణాల మధ్య కొంచెం కొవ్వు పేరుకుంటుంది.
  
  రెండవ దశ: నాష్ అంటారు. ఇందులో కాలేయం గాయపడటం (డామేజ్)తో పాటు, కొన్ని కాలేయ కణాలు నశించిపోతాయి.
  
  మూడవ దశ: సిర్రోసిన్ వస్తుంది. అంటే కాలేయంలోని కణాలు తమ కార్యనిర్వహణ శక్తిని పూర్తిగా కోల్పోతుంది. స్వరూపం కూడా మారిపోతుంది. ఇది  ప్రమాదకరమైన కండిషన్. ముఖ్యంగా ఇక్కడ కాలేయ మార్పిడి తప్పని పరిస్థితి ఏర్పడుతుంది.
  
  సాధారణ కారణాలు: ఆహారంలో పిండి పదార్థాలు, కొవ్వులు ఎక్కువగా ఉన్న ఆహారం తినటం, మద్యపానం ఎక్కువగా చెయ్యటం, ప్రమేహం, స్థూలకాయం కూడా కారణాలుగా చెప్పుకోవచ్చు.
  
  సాధారణ లక్షణాలు: సాధారణంగా ఫ్యాటీలివర్ వ్యాధితో బాధపడే వారికి ఈ లక్షణాలు ఉండవు. కాని ఆల్ట్రాసౌండ్ స్కానింగ్ పరీక్షలో ఇది ఉన్నట్లు నిర్ధారణ అవుతుంది  
  
  కొందరికి కుడివైపు పొట్ట పైభాగంలో (రిబ్‌కేజ్ పక్కటెముకల కింద) పొడిచినట్లుగా నొప్పి వస్తుంది. ఇది కాలేయం కొంచెం కొంచెం పెరుగుతున్నట్లు (లివర్ ఎన్‌లార్జ్‌మెంట్) ఉండటం వల్ల వస్తుంది  
  
  కొందరిలో మాంసాహారం, నూనె పదార్థాలు, తిన్నప్పుడు అలాంటి నొప్పి వచ్చే అవకాశం ఉంది.
  
  కాలక్రమేణా కాలేయంలో వచ్చే మార్పులు
  కాలేయవ్యాధి వచ్చిన తర్వాత తగిన జాగ్రత్తలు తీసుకోకపోతే కాలేయం పూర్తిగా దెబ్బతిని సిర్రోసిస్ లేదా లివర్‌క్యాన్సర్‌గా మారవచ్చు.
      
  ఫ్యాటీలివర్ మొదటిదశ నుండి రెండవ దశ అయిన ఎన్.ఏఎస్.హెచ్‌కు. అక్కడి నుండి 3వ దశ అయిన సిర్రోసిస్‌కు దారి తీస్తుంది అనుకోకూడదు. చాలా సందర్భాలలో 1 నుండి నేరుగా 3 కు దారితీయవచ్చు. అందుకే ఫ్యాటీలివర్ కన్పించగానే తగు జాగ్రత్త తీసుకోవాలి.
  
  స్థూలకాయం వలన అనర్థాలు: బరువు పెరుగుతున్న కొద్దీ కాలేయానికి నష్టం వాటిల్లుతుందని అధ్యయనాలు పేర్కొంటున్నాయి  
  
  స్థూలకాయం ఉన్న 90% వ్యక్తులలో ఫ్యాటీలివర్, ఫ్యాటీలివర్ మొదటిదశ కనిపిస్తుంది  
  
  స్థూలకాయం ఉన్న 20% వ్యక్తుల్లో మనం రెండవ దశగా పేర్కొన్న ఎన్.ఏ.ఎస్.హెచ్. దశ ఉంటుంది  
  
  ఫ్యాటీలివర్ వచ్చిన వ్యక్తులను పరిశీలిస్తే వారిలో దాదాపు 50% మందికి డయాబెటిస్ ఉన్నట్లు తెలుస్తుంది. సిర్రోసిస్ వచ్చిన వారిలో 50% మంది డయాబెటిస్, స్థూలకాయం ఉన్నవారే.
  
  నిర్ధారణ పరీక్షలు:
  అల్ట్రాసౌండ్, అబ్డామిన్ స్కానింగ్‌లో చాలావరకు ఫ్యాటీలివర్ డిసీజ్ తెలుస్తుంది.
      
  లివర్ ఫంక్షన్ పరీక్ష చేయించాలి. దానిలో ఏవైనా ఎంజైములు స్రవించడం వల్ల కాలేయం దెబ్బ తిన్నడం అనే విషయం తెలుస్తుంది.
      
  డయాబెటిస్, కొలెస్ట్రాల్ స్థాయిలు, టైగ్లిసరైడ్స్ స్థాయులు ఏమైనా పెరిగాయా అని చూడాలి.
      
  కొందరిలో లివర్ బయాప్సీ అవసరం.
  
  కామెల: ఆయుర్వేదశాస్త్రంలో కాలేయ వ్యాధులలో అతిసాధారణ వ్యాధి కామెల. దీనినే సాధారణంగా జాండీస్ అంటారు. ఈ సమస్య ఉన్నవారిలో ఒళ్లంతా పచ్చగా మారుతుంది. ముఖ్యంగా కళ్లు, మూత్రం, గోళ్లు, పసుపురంగుగా మారతాయి. ఇంకా తీవ్రమైతే శరీరంలోని చర్మం అంతా పసుపురంగుగా మారుతుంది. జ్వరం, ఆకలి మందగించడం, వ మనం అవుతుందనే భ్రాంతి లక్షణాలు ఉంటాయి. ఇది ఒక రకమైన వైరస్ ద్వారా వస్తుంది. తద్వారా కాలేయం సామాన్య కర్మ దెబ్బ తింటుంది. ఈ వైరస్ అనేది తీసుకొనే తినుబండారాలు, పానీయాలు ముఖ్యంగా చెరుకురసం, ఐస్ కలిసిన పండ్ల రసం ద్వారా శరీరంలోకి ప్రవేశిస్తుంది. ఇది ఎక్కువ అయితే రోగి మెదడు దెబ్బతిని కోమాలోకి కూడా వెళ్లవచ్చును.
  
  నివారణ: ఇది వేసవిలో ఎక్కువగా వస్తుంది కనుక, ఇంట్లో తయారు చేసిన పదార్థాలు తీసుకొనుట వలన, కామెర్ల వ్యాధిని నివారించవచ్చు. కలుషిత నీరు తాగకుండా నీరు కాచి, చల్లార్చి త్రాగటం మంచిది.
  
  చికిత్స: ఈ వ్యాధి సోకినవారు మసాలాలు, నూనె పదార్థాలు, కొవ్వు పదార్థాలకు దూరంగా ఉండాలి. పెరుగు లేక మజ్జిగ అన్నం తినటం మంచిది. ద్రవపదార్థాల సేవన అంటే కొబ్బరినీళ్లు, బార్లీ, గ్లూకోజ్ నీళ్లు ఎక్కువగా తీసుకోవాలి.
  
  ఔషధ చికిత్స
  ఆయర్వేదంలో చక్కటి ఔషద పరిష్కార మార్గాలు ఉన్నాయి. అలాగే అవసరాన్ని బట్టి విరేచనం, తక్రధార అనే పంచకర్మ చికిత్సా పద్ధతులు ఉంటాయి. ఇవి వైద్యుల పర్యవేక్షణలో తీసుకోవాలి.
  
  డాక్టర్ హనుమంతరావు
  ఎం.డి (ఆయుర్వేద),
  స్టార్ ఆయుర్వేద,
  సికింద్రాబాద్, కూకట్‌పల్లి, దిల్‌సుఖ్‌నగర్,
  విజయవాడ, విశాఖపట్నం, తిరుపతి, రాజమండ్రి, కర్ణాటక
  ph: 99089 11199 / 99599 11466
  
  వ్యాధి నివారణ - తీసుకోవలసిన జాగ్రత్తలు
  బరువు తగ్గటం, ఆరోగ్యకరమైన ఆహారం, విధిగా కూరగాయలు, పండ్లు తీసుకోవాలి. నెయ్యివంటి కొవ్వు పదార్థాలు వాడరాదు. ఆలివ్ ఆయిల్ వాడాలి. తృణధాన్యాలు, పొట్టుతీయని బియ్యం, గోధుమలు ఎక్కువగా వాడాలి.
  
  వ్యాయామం చేయాలి, డయాబెటిస్ అదుపులో ఉంచుకోవాలి. కొలెస్ట్రాల్ పాళ్లను తగ్గించుకోవాలి. దురలవాట్లు లేకుండా ఉండాలి. ఆల్కహాల్ వంటి మత్తు పదార్థాలను తీసుకొనే అలవాటు ఉంటే వాటికి దూరంగా ఉండాలి.
  


 ఇటీవల బ్లడ్ షుగర్ చెక్ చేయించుకున్నాను. భోజనానంతరం రీడింగ్స్ కాస్త ఎక్కువగానే ఉన్నాయని చెప్పారు. అయితే అంతమాత్రాన ప్రస్తుతానికి నాకు షుగర్ ఉన్నట్లుగా చెప్పలేకపోయినా భవిష్యత్తులో షుగర్ వచ్చే అవకాశాలు ఉన్నట్లు చెప్పారు. పైగా మా తల్లిదండ్రులకు షుగర్ ఉంది. కాబట్టి నాకు షుగర్ వచ్చే అవకాశాలు ఎక్కువగా ఉన్నాయని అన్నారు. దీర్ఘకాలంపాటు  షుగర్ వ్యాధిని వాయిదా వేయడానికి నేనేం చేయాలో చెబుతూ, నాకు తగిన సలహా ఇవ్వండి.
  - యాదగిరి, నకిరేకల్
  
  చాలామంది కొలెస్ట్రాల్, అధిక కొవ్వు వల్లనే గుండెజబ్బులు ఎక్కువగా వస్తుంటాయిని అనుకుంటుంటారు. కానీ ఇటీవలి కొత్త అధ్యయనాల వల్ల హై బ్లడ్ షుగర్ కూడా గుండె జబ్బులకు కారణమవుతుందని తెలుస్తోంది. షుగర్ ఉన్నా లేకపోయినా హై బ్లడ్ షుగర్ వల్ల గుండెకు ఇబ్బందులు కలగడం మాత్రం తప్పవు. మీకు ప్రస్తుతానికి  డయాబెటిస్ లేకపోయినా బ్లడ్ గ్లూకోజ్ లెవల్స్‌ను ఎప్పటికప్పుడు గమనిస్తుండాలి. జాన్స్ హాప్‌కిన్స్ అధ్యయనం ప్రకారం డయాబెటిస్ ఉన్నవారిలో బ్లడ్ గ్లూకోజ్ లెవెల్స్ ఒక శాతం పెరిగితే హార్ట్‌అటాక్ వచ్చే అవకశాలు 18 శాతం పెరుగుతాయని తెలిసింది. అయితే క్రమ
  
  బద్ధమైన మంచి జీవనశైలితో బ్లడ్ షుగర్ లెవల్స్‌లో తేడా తీసుకురావచ్చు. ఆహారంలో తక్కువ షుగర్, నూనె, కొవ్వు, ఎక్కువ పీచు పదార్థాలు ఉండేట్లు చూసుకుంటే 30 శాతం వరకు బ్లడ్ షుగర్‌ను తగ్గించుకోవచ్చు. క్రమం తప్పకుండా వ్యాయామం, వారానికి కనీసం ఐదు రోజులు వాకింగ్, జాగింగ్, సైక్లింగ్‌లతో పాటు వారంలో కనీసం రెండు సార్లు గుండె పనితీరు సామర్థ్యాన్ని పెంచే వ్యాయామాల వల్ల 30 శాతం బ్లడ్ షుగర్ తగ్గుతుంది. ఇక పై వ్యాయామాలకు తోడు  మెడిటేషన్ చేస్తే ఆ తీవ్రతలోని మరో 30 శాతం  మాయమవుతుంది. ఇవన్నీ పాటించగలిగితే బ్లడ్ షుగర్‌లో 10 శాతం బోనస్ రిలీఫ్ కలుగుతుంది. మీరు ఈ రకమైన జీవనశైలిని పాటిస్తూ భవిష్యత్తులో రాబోయే డయాబెటిస్‌ను వీలైనంతగా ఆలస్యం చేయవచ్చు.
  
  డాక్టర్ భక్తియార్ చౌదరి
  స్పోర్ట్స్ మెడిసిన్, ఫిట్‌నెస్ నిపుణుడు, హైదరాబాద్
  


 మహిళల్లో గుండెజబ్బులు, గుండెపోటు లక్షణాలు కాస్తంత వేరుగా ఉంటాయి. ఒకింత ప్రత్యేకం కూడా. మహిళలు, పిల్లల్లో  గుండెజబ్బుల నివారణ ఈ ఏడాది వరల్డ్ హార్ట్ డే థీమ్. అందుకే మహిళల విషయంలో గుండెజబ్బులు కనిపించే తీరుతెన్నులను తెలుసుకుంటే, నివారణ కూడా సులభం. ఇక గుండెజబ్బుల పట్ల అప్రమత్తతగా ఉండి, తగిన జాగ్రత్తలు వహిస్తూ ఉంటే వీటిలో 80 శాతాన్ని సమర్థంగా నివారించవచ్చు. కావాల్సిందల్లా కాస్త అవగాహన. అందుకు ఉపయోగపడేదే ఈ కథనం.
  
  గుండెజబ్బులు అనగానే చాలామంది అది పురుషుల్లోనే ఎక్కువగా వచ్చే జబ్బుగా అభిప్రాయ పడుతుంటారు. కానీ ఇది అపోహ మాత్రమే. గుండెజబ్బులు మహిళల్లో కూడా  సాధారణంగానే కనిపిస్తుంటాయి. మహిళల్లో మరణానికి దారితీసే కారణాల్లో గుండె, రక్తనాళాల సమస్యలు (కార్డియో వాస్క్యులార్ డిసీజెస్) ప్రధానమైనవి. ప్రపంచవ్యాప్తంగా మహిళల్లో మూడోవంతు మరణాలు కార్డియో వాస్క్యులార్ డిసీజెస్ వల్లనే జరుగుతున్నాయి. మహిళల్లో కనిపించే గుండెజబ్బులకు ప్రధాన కారణం గుండెకు రక్తాన్ని చేరవేసే ప్రధాన రక్తనాళాలైన కరొనరీ ఆర్టరీస్‌లో అడ్డంకులు ఏర్పడటం. దీన్నే వైద్య పరిభాషలో కరొనరీ ఆర్టరీ డిసీజ్ అంటారు.
  
  మహిళల్లో గుండెపోటు లక్షణాలు
 
  గుండెజబ్బుల విషయంలో మనకు తెలిసిన ఏకైక లక్షణం ఛాతీలో నొప్పి మాత్రమే. నిజానికి గుండెపోటు వచ్చినప్పుడు గుండెపై ఒత్తినట్లుగా విపరీతమైన నొప్పి వచ్చి అది మెడ లేదా భుజం లేదా మెడవైపునకు పాకుతున్నట్లుగా వెళ్తుంది. అదే సమయంలో చెమటలు పడతాయి. దాంతోపాటు ఊపిరితీసుకోవడం కష్టమవుతుంది. ఈ లక్షణాలన్నీ పురుషుల్లో చాలా సాధారణం. మహిళల్లోనూ ఇవే లక్షణాలు కనిపిస్తాయి. అయితే 50 శాతం మంది మహిళల్లో మాత్రం ఇవి పురుషులతో పోలిస్తే కాస్త వేరుగా ఉండే అవకాశం కూడా ఉంది. అంటే... బాగా అలసటగా/నీరసంగా ఉన్నట్లుగా ఉండటం(ఫెటీగ్), తిన్న ఆహారం జీర్ణం కానట్లుగా ఉండటం, పొట్ట పైభాగంలో ఇబ్బంది, దవడలో నొప్పి, గొంతులో నొప్పి, భుజంలో నొప్పి వంటి సాధారణ లక్షణాలకు భిన్నమైనవి కనిపించవచ్చు. దాంతో చాలామంది మహిళలు వాటిని గుండెజబ్బు లక్షణాలుగా పరిగణించరు. మహిళల్లో కనిపించే పై లక్షణాలను నిర్లక్ష్యం చేయడానికి వీల్లేదు.
  
  మహిళల్లో గుండెజబ్బులకు రిస్క్ ఫ్యాక్టర్స్
 
  మహిళలో గుండెజబ్బులు క్రమేణా అభివృద్ధి చెందుతూ ఉండటానికి కొన్ని అంశాలు దోహదపడుతుంటాయి. వాటినే రిస్క్‌ఫ్యాక్టర్స్‌గా చెప్పవచ్చు. అవి...  
  వయసు  
  కుటుంబ సభ్యుల్లో ఎవరికైనా గుండెజబ్బులున్న చరిత్ర (ఫ్యామిలీ హిస్టరీ)
  రక్తపోటు మధుమేహం
  రక్తంలో కొలెస్ట్రాల్ ఎక్కువగా ఉండటం  
  పొగతాగే అలవాటు స్థూలకాయం  
  శారీరక శ్రమ/వ్యాయామం లేకపోవడం  
  ఒత్తిడి
  
  మహిళల్లో గుండెజబ్బులకు సహజ రక్షణ... రుతుక్రమం  
 
  పురుషులతో పోలిస్తే మహిళలకు గుండెజబ్బులు రావడం పదేళ్లు ఆలస్యంగా జరుగుతుంది. ఈ సహజ రక్షణకు కారణం... వాళ్ల రుతుక్రమమే. ప్రతినెలా రుతుక్రమం సమయంలో విడుదల అయ్యే ఈస్ట్రోజెన్ హార్మోన్ కారణంగా వారి గుండెకూ, రక్తనాళాలకూ రక్షణ ఉంటుంది. కాబట్టి రుతుక్రమం ఆగిన వారితో పోలిస్తే... రుతుక్రమం అయ్యే మహిళలకు (మెనోపాజ్ దశకు చేరని వారిలో) గుండెజబ్బులు వచ్చే అవకాశాలు వచ్చే అవకాశాలు తక్కువ. అయితే ఈ సహజ రక్షణ కవచం డయాబెటిక్ లేదా పొగతాగే మహిళల్లో కనిపించదు.
  
  హార్మోన్ రీప్లేస్‌మెంట్ థెరపీతో ఆ సహజ రక్షణ కరవే...
 
  కొందరు మహిళల్లో రుతుక్రమం ఆగాక కనిపించే లక్షణాలను తగ్గించడానికి బయట నుంచి ఈస్ట్రోజెన్ హార్మోన్లు ఇస్తుంటారు. దీన్నే హార్మోన్ రీప్లేస్‌మెంట్ థెరపీగా పేర్కొంటారు. అయితే ఇలా బయటి నుంచి ఇచ్చే ఈస్ట్రోజెన్‌తో అంతకుముందు దొరికే సహజ రక్షణ దొరకకపోవడం గమనించాల్సిన అంశం.  
  
  గుండెపోటు-మహిళలు, పురుషుల్లో తేడాలు...
  
  గుండెపోటు తీవ్రత పురుషుల కంటే మహిళల్లో ఎక్కువ. దీనికి చాలా అంశాలు కారణం. ముందుగా చెప్పుకున్నట్లుగా మహిళల్లో గుండెజబ్బుల లక్షణాలు భిన్నంగా ఉండటంతో వాటిని గుర్తించడం ఆలస్యం కావడం, దానికి అనుగుణంగా చికిత్స అందడంలోనూ జాప్యం జరగడం చాలా సాధారణం. దీంతో మహిళల్లో గుండె మరింత దెబ్బతినే అవకాశాలు ఎక్కువ. పైగా మన దేశంలోని వివక్ష కారణంగా పురుషులతో పోలిస్తే మహిళల విషయంలో తరచూ చేయించుకునే ఆరోగ్య పరీక్షలు కూడా తక్కువే. ఇక శరీర నిర్మాణపరమైన అంశానికి వస్తే... పురుషులతో పోలిస్తే మహిళల్లో రక్తనాళాలు సన్నగా ఉంటాయి, ఫలితంగా పురుషులతో పోలిస్తే మహిళ చికిత్స కాస్తంత సంక్లిష్టం అనుకోవచ్చు. కాబట్టి మహిళల్లో గుండెజబ్బులను నివారించడానికి మరింత శ్రద్ధ వహించాలి.
  
  నివారణ:  
  మహిళల్లో వ్యాయామం చేయడం అన్న అంశం మనదేశంలో చాలా చాలా తక్కువ. రోజూ కనీసం 30 నిమిషాల చొప్పున వారంలో కనీసం 5 రోజుల పాటు నడక, మెల్లగా జాగింగ్ చేయడం వంటి వ్యాయామాలు మహిళల గుండెజబ్బులను సహజంగానే నిరోధిస్తాయి  
  
  ఆహారంలో ఉప్పు తగ్గించడం, ఆకుకూరలు, తాజా పండ్లు ఎక్కువగా తీసుకోవడం, నూనె పదార్థాలను పరిమితంగా తీసుకోవడం వల్ల గుండెజబ్బులను నివారించవచ్చు. (ఒక నెలకు ఒక మనిషి అరలీటరు నూనె కంటే ఎక్కువగా తీసుకోకుండా ఉండటం అన్నది ఆరోగ్యకరమైన పరిమితి అని గుర్తుంచుకోండి)
  
  రక్తపోటు, మధుమేహం, కొలెస్ట్రాల్ పాళ్లు పెరగడం వంటివి ఉంటే వాటికి తగిన చికిత్స చేయించుకుంటూ... అవి ఉన్నవారు గుండెజబ్బులు ఉన్నట్లుగానే పరిగణించి జాగ్రత్తలు తీసుకోవడం అన్నది గుండెజబ్బుల విషయంలో మంచి నివారణ చర్య.
  
  - నిర్వహణ : యాసీన్
  
  డాక్టర్ రమేశ్ గూడపాటి
  చీఫ్ ఆఫ్ కార్డియాలజీ
  స్టార్ హాస్పిటల్స్ బంజారాహిల్స్, హైదరాబాద్
  


 ఆడవాళ్ళలో, అదీ ఇవాళ్టి రోజుల్లో, హార్మోన్ల అసమతుల్యత అనే సమస్య చాలా ఎక్కువగా ఉంది. ఇందువల్ల ముఖ్యంగా ఈస్ట్రోజన్, ప్రొజెస్టిరాన్ హార్మోన్ల అసమతుల్యత వల్ల అండాశయంలో నీటితిత్తులు ఏర్పడుతున్నాయి. దీనినే పీసీఓడీ (PCOD) లేదా పాలిసిస్టిక్ ఒవేరియన్ డిసీజ్ అంటారు.
  
  ఇది ఒక్కొక్కసారి జన్యువులలో ఏదైనా తేడా వచ్చినప్పుడు కూడా రావచ్చు లేదా ఏదైనా మానసిక ఒత్తిడి లేదా ఆందోళనల వలన హార్మోన్ల మీద దాని ప్రభావం చూపి ిపీసీఓడీ సమస్య తలెత్తవచ్చు.
  
  కారణాలు:  1) వారసత్వంగా వస్తున్న 2) జన్యుపరమైన విభేదాలు 3) మానసికంగా ఉండే ఒత్తిడి, ఆందోళనలు. ఇటువంటివన్నీ చిన్న హార్మోన్ల అసమతుల్యతతో మొదలై నెలసరులు సక్రమంగా రాక, భవిష్యత్తులో ఇటువంటి నీటితిత్తులు ఏర్పడి సంతానలేమి సమస్య రావచ్చు, అంతే కాకుండా సంతానం కలిగిన, పుట్టబోయే పిల్లలలో జన్యుపరంగా వచ్చే వ్యాధులు కూడా రావచ్చు.
  
  లక్షణాలు  నెలసరుల సమస్యలు
  నెలసరులు అనేవి మొదటగా ప్రతినెల వచ్చేవి కాస్త ఆలస్యంగా రావటం అంటే  26-30 రోజుల మధ్యలో రావలసినవి 33-40 రోజులకు రావటం ఆ తర్వాత  నెల విడిచి నెల రావటం ఉంటుంది. ఒకవేళ నెలసరి వచ్చినా రక్తస్రావం చాలా  తక్కువగా ఉంటుంది. కాని నొప్పి తీవ్రత ఎక్కువగా ఉంటుంది.
  
  సంతానలేమి
  ఈ పీసీఓడీ సమస్య వల్ల అండం విడుదల అనేది సరిగ్గా ఉండదు.
 
  ఇంకా అండం విడుదల కాకుండా కూడా నెలసరులు వస్తాయి.
  
  దీనిని ‘ఎన్‌ఒవ్యులేటరీ సైకిల్స్’ అంటారు. అండం విడుదల అవకపోతే సంతానం కలగదు.
  
  మగవాళ్ళల్లో ఉండే ఎండ్రోజన్ హార్మోన్లు
  మగవాళ్ళలో ఉండే ఎండ్రోజన్ హార్మోన్లు ఎక్కువ మొత్తంలో ఉత్పత్తి అయ్యి మొటిమలు, అవాంఛిత రోమాలు, నెలసరులు తరచుగా వస్తూండటం జరుగుతుంది.
  
  బరువు అతిగా పెరగటం
  దీనివలన కొలస్ట్రాల్ స్థాయిలు శరీరంలో పెరిగి మధుమేహం లేదా చక్కెర వ్యాధి వస్తుంది.
  
  ఒక్కొక్కసారి ఈ పీసీఓడీ సమస్యకు సరైనరీతిలో చికిత్స తీసుకోకపోతే, హైపో థైరాయిడిజమ్ సమస్యకు కూడా దారితీస్తుంది.
  
  పాజిటివ్ హోమియోపతిలో పీసీఓడీ సమస్యకు సరైన పరిష్కారం ఉంటుంది. ఈ సమస్య అనేది ఎక్కడ నుంచి ప్రారంభమైందో అంటే మూలకారణాన్ని ఎనలైజ్ చేసుకొని, నీటితిత్తుల సైజ్‌ని బట్టి చికిత్సను ప్రారంభించి, ‘జెనిటిక్ కాన్‌స్టిట్యూషనల్ సిమిలిమమ్’ అనే పద్ధతి ద్వారా మందులు ఇస్తారు. దీనివలన మొదటగా నెలసరులు సక్రమంగా వచ్చి, అండం విడుదల మొదలై సంతానం కలుగుతుంది.
  
  హైదరాబాద్, నిజామాబాద్, కర్నూలు, గుంటూరు, విజయవాడ,
  వైజాగ్, తిరుపతి, రాజమండ్రి, కర్ణాటక - తమిళనాడు.
  అపాయింట్‌మెంట్ కొరకు 9246199922
  


 కొలెస్ట్రాల్ అనేది మైనంలాంటి పదార్థం. ఇది శరీరం అంతటా ఉంటుంది. కొలెస్ట్రాల్ శరీరంలో తీసుకున్న ఆహారం నుండి, శరీరం లోపల నుండి తయారవుతుంది.  కొలెస్ట్రాల్ లివర్‌లో తయారవుతుంది. ఆహారం నుండి పొందే కొలెస్ట్రాల్ మనం తీసుకునే పాలు, పాలపదార్థాలు, మాంసాహారం, చేపలు, గుడ్డులోని పచ్చసొన నుండి అందుతుంది.
  
  కొలెస్ట్రాల్ రెండు రకాలుగా ఉంటుంది.
  1. చెడు కొలెస్ట్రాల్ (LDL)
  2. మంచి కొలెస్ట్రాల్ (HDL)
  
  1. చెడు కొలెస్ట్రాల్ (LDL): ఎక్కువగా రక్తంలో ప్రయాణించటం వలన గుండెకు, మెదడుకు వెళ్ళే ధమనులలో అవరోధం ఏర్పడుతుంది. ఈ విధమైన చెడుకొలెస్ట్రాల్ పేరుకొనటం వలన రక్తప్రసరణకు అంతరాయం కలిగి గుండెపోటు వస్తుంది. అదేవిధంగా మెదడుకు సరఫరా అయ్యే రక్తప్రసరణకు అడ్డంకి ఏర్పడి పక్షవాతం ముప్పు ఏర్పడుతుంది.
  
  2. మంచి కొలెస్ట్రాల్ (HDL): ఇది మంచి కొలెస్ట్రాల్. దీనిని పెంచుకోవటం వలన అనారోగ్యాలను తప్పించుకోవచ్చు. ఇది శరీరంలో ఉన్న చెడ్డ కొలెస్ట్రాల్‌ను తగ్గిస్తుంది. కాబట్టి చెడు కొలెస్ట్రాల్ 140-150 mg/dl లోపు ఉండాలి. అదేవిధంగా మంచి కొలెస్ట్రాల్ 40-50 mg/d ఉండేలా చూసుకోవాలి.
  
  శరీరంలో ఉండే కొవ్వును ట్రైగ్లిజరాయిడ్స్ రూపంలో రక్తం ద్వారా శరీర కణజాలానికి చేరవేస్తుంది. ఈ ట్రైగ్లిజరాయిడ్స్ అధికంగా ఉన్నవారికి చెడు కొలెస్ట్రాల్ స్థాయి అధికం అవుతుంది. దీనిద్వారా కూడా గుండెపోటు ముప్పు ఏర్పడుతుంది. కాబట్టి ట్రైగ్లిజరాయిడ్స్ స్థాయిని శరీరంలో అదుపులో ఉంచుకోవాలి.
  
  రక్తంలో కొలెస్ట్రాల్‌స్థాయిని తగ్గించక పోవటం వలన తీవ్రస్థాయి గుండె వ్యాధులు వస్తాయి. ముఖ్యంగా గుండెపోటు ముప్పు ఎక్కువగా ఉంటుంది. కాబట్టి కొలెస్ట్రాల్‌ను వాటి స్థాయులకన్నా తక్కువ మోతాదులో ఉండేలా చూసుకొనే జాగ్రత్తలు తీసుకోవాలి.
  
  ఆయుర్వేదశాస్త్రం ప్రకారం కొలెస్ట్రాల్‌ను, ఆహార విహారాదులను ఆరోగ్యకరంగా పాటించడం వలన ఈ వ్యాధిని పూర్తిగా అదుపులో ఉంచుకోవచ్చు. ఆయుర్వేద ఔషధాలు వ్యాధి తీవ్రం కాకుండా కాపాడతాయి.
  
  తీసుకోవలసిన జాగ్రత్తలు:
  1. వ్యాయామం:- నడక వలన HDL మంచి కొలెస్ట్రాల్ స్థాయి పెంచుకోవచ్చు.
  
  2. ప్రాణాయామం: - 15 నిమిషాల పాటు ప్రాణాయామం చేయటం వలన శ్వాసవ్యవస్థ శుభ్రపడుతుంది.
  
  3. నీరు: రోజుకి సగటున 6-8 గ్లాసుల నీరు త్రాగాలి.
  
  4. ఆల్కహాల్, మాంసాహారసేవన, సిగరెట్లు మానివేయాలి.
  
  5. బరువును పూర్తిగా అదుపులో ఉంచుకోవాలి. యాంటీ ఆక్సిడెంట్లు అధిక మోతాదుగల ఆహారం తీసుకోవాలి.
  
  6. పీచు కలిగిన పండ్లు, కూరగాయలు, ఆహారం, ఓట్స్ తీసుకోవటం వలన కొలెస్ట్రాల్‌ను పూర్తిస్థాయిలో నియంత్రించవచ్చు.
  
  డాక్టర్ హనుమంతరావు
  ఎం.డి (ఆయుర్వేద),
  స్టార్ ఆయుర్వేద,
  సికింద్రాబాద్, కూకట్‌పల్లి, దిల్‌సుఖ్‌నగర్,
  విజయవాడ, విశాఖపట్నం, తిరుపతి, రాజమండ్రి, కర్ణాటక
  ph: 7416 101 101
          7416 102 102