లక్నో సూపర్‌ జెయింట్స్‌ బౌలర్‌ దిగ్వేశ్‌ సింగ్‌ రాఠీ (Digvesh Singh Rathi)కి న్యూజిలాండ్‌ మాజీ క్రికెటర్‌ సైమన్‌ డౌల్‌ అండగా నిలిచాడు. రాఠీ విషయంలో భారత క్రికెట్‌ నియంత్రణ మండలి (BCCI) వ్యవహరిస్తున్న తీరు సరికాదని విమర్శించాడు. కాగా ఢిల్లీకి చెందిన దిగ్వేశ్‌ను ఐపీఎల్‌-2025 (IPL 2025) మెగా వేలంలో లక్నో రూ. 30 లక్షల ధరకు కొనుగోలు చేసింది.25 ఏళ్ల ఈ రైటార్మ్‌ లెగ్‌ బ్రేక్‌ స్పిన్నర్‌పై నమ్మకంతో సీజన్‌లో తమ తొలి మ్యాచ్‌లోనే తుదిజట్టులో అవకాశం ఇచ్చింది. ఈ క్రమంలో ఢిల్లీ క్యాపిటల్స్‌తో మ్యాచ్‌ సందర్భంగా అరంగేట్రంలోనే దిగ్వేశ్‌ రెండు వికెట్లు తీసి మేనేజ్‌మెంట్‌ అంచనాలు నిజం చేశాడు.‘నోట్‌బుక్‌’ సంబరాలుఆ తర్వాత కూడా రాణించిన దిగ్వేశ్‌ పంజాబ్‌ కింగ్స్‌తో మ్యాచ్‌ సందర్భంగా సెలబ్రేషన్స్‌ చేసుకున్న తీరు వైరల్‌ అయింది. బ్యాటర్‌ను అవుట్‌ చేయగానే.. అతడి దగ్గరికి వెళ్లి నోట్‌బుక్‌లో వికెట్‌ నంబర్‌ రాసుకుంటున్నట్లుగా కాస్త అతిగా సెలబ్రేట్‌ చేసుకున్నాడు. దీంతో ఐపీఎల్‌ పాలక మండలి.. ప్రవర్తనా నియమావళికి విరుద్ధంగా వ్యవహరించాడంటూ జరిమానా విధించింది.మ్యాచ్‌ ఫీజులో 25 శాతం కోత విధించడంతో పాటు.. ఓ డీమెరిట్‌ పాయింట్‌ జత చేసింది. ఇక ముంబై ఇండియన్స్‌తో మ్యాచ్‌ సందర్భంగా కూడా దిగ్వేశ్‌ రాఠీ మరోసారి ఇదే రీతిలో వికెట్‌ తీసిన సంబరాన్ని సెలబ్రేట్‌ చేసుకోగా.. ఈసారి మ్యాచ్‌ ఫీజులో యాభై శాతం కోత విధించడంతో పాటు మరో డీమెరిట్‌ పాయింట్‌ అతడి ఖాతాలో చేరింది. మూడోసారి ఇది రిపీట్‌ అయితే.. మ్యాచ్‌ నిషేధం ఎదుర్కోవాల్సిన పరిస్థితి ఉంటుంది. పచ్చిక మీద సంతకంఈ నేపథ్యంలో తాజాగా కోల్‌కతా నైట్‌ రైడర్స్‌తో మ్యాచ్‌లో మాత్రం దిగ్వేశ్‌ తన శైలిని మార్చుకున్నాడు. గత రెండు మ్యాచ్‌ల్లో వికెట్‌ తీసిన అనంతరం ‘నోట్‌ బుక్‌’ సంబరాలతో జరిమానా ఎదుర్కొన్న అతడు.. ఈ మ్యాచ్‌లో తన ఆరాధ్య ప్లేయర్‌ సునీల్‌ నరైన్‌ వికెట్‌ తీసిన అనంతరం భిన్నంగా సంబరాలు జరుపుకొన్నాడు. ఏడో ఓవర్‌ రెండో బంతికి నరైన్‌ను అవుట్‌ చేసిన అనంతరం నేల మీద కూర్చొని పచ్చిక మీద సంతకం పెట్టాడు.Apne idol ka hi chalaan kaat diya 😌😂 pic.twitter.com/HuoxZJj1DX— Lucknow Super Giants (@LucknowIPL) April 8, 2025ఇంతకంటే చెత్తగానే ప్రవర్తించారు.. అతడు చేసిన తప్పేంటి?ఈ పరిణామాలపై కామెంటేటర్‌ సైమన్‌ డౌల్‌ స్పందించాడు. ‘‘ఇలాంటి జరిమానాలను జట్టు యాజమాన్యం కడుతుంది. నాకైతే ఇదేమీ నచ్చడం లేదు. నిజానికి అతడు సెలబ్రేషన్స్‌ చేసుకున్న తీరు చూసి నాకు ముచ్చటేసింది. అసలు అతడు చేసిన తప్పేంటి?ఇంతకంటే చెత్తగానే ప్రవర్తించారు.. అతడు చేసిన తప్పేంటి?భారత క్రికెటర్లలో చాలా మంది సీనియర్లు ఇంతకంటే అధ్వానంగా సెలబ్రేట్‌ చేసుకున్న సందర్భాలు ఉన్నాయి. కానీ వాళ్లకు మాత్రం ఎప్పుడూ జరిమానా వేయలేదు. కానీ ఈ యువ ఆటగాడి పట్ల మాత్రం ఎందుకు ఈ వివక్ష?.. నోట్‌బుక్‌ సంబరాలను తప్పుపట్టడం ఎంత మాత్రం సరికాదు’’ అని డౌల్‌ క్రిక్‌బజ్‌ షోలో తన అభిప్రాయాలు పంచుకున్నాడు. కాగా ఇప్పటి వరకు ఐపీఎల్‌లో ఐదు మ్యాచ్‌లు పూర్తి చేసుకున్న దిగ్వేశ్‌ సింగ్‌ రాఠీ ఏడు వికెట్లతో సత్తా చాటాడు. మరోవైపు.. లక్నో జట్టు ఇప్పటిదాకా ఆడిన ఐదు మ్యాచ్‌లలో మూడు గెలిచింది.చదవండి: ఎగిరి గంతేసిన ప్రీతి జింటా.. కోపం పట్టలేక ధోని.. రియాక్షన్స్‌ వైరల్‌

ఐపీఎల్‌-2025 (IPL 2025)లో డిఫెండింగ్‌ చాంపియన్‌ కోల్‌కతా నైట్‌ రైడర్స్‌ (KKR)కు మరో పరాజయం ఎదురైంది. లక్నో సూపర్‌ జెయింట్స్‌తో ఆఖరి బంతి వరకు ఉత్కంఠగా సాగిన మ్యాచ్‌లో నాలుగు పరుగుల స్వల్ప తేడాతో ఓటమిపాలైంది. సొంత మైదానం ఈడెన్‌ గార్డెన్స్‌లో ఎదురైన ఈ చేదు అనుభవం పట్ల కేకేఆర్‌ కెప్టెన్‌ అజింక్య రహానే (Ajinkya Rahane) తీవ్ర విచారం వ్యక్తం చేశాడు.గొప్పగా బ్యాటింగ్‌ చేశాం..లక్నో చేతిలో ఓటమి అనంతరం స్పందిస్తూ.. ‘‘టాస్‌ సమయంలో నేను చెప్పినట్లుగానే.. ఈ వికెట్‌ 40 ఓవర్లపాటు బ్యాటర్లకు అనుకూలించింది. మేము కూడా మా అత్యుత్తమ ప్రదర్శన ఇచ్చాం. ఇదొక గొప్ప మ్యాచ్‌.కానీ చివర్లో విజయానికి మేము కేవలం నాలుగు పరుగుల దూరంలో నిలిచిపోయాం. 230 పరుగులకి పైగా స్కోరును ఛేదించే క్రమంలో కీలక సమయాల్లో వికెట్లు కోల్పోవడం ప్రభావం చూపింది. నిజంగా బ్యాటింగ్‌కు ఇది అత్యుత్తమ పిచ్‌.కానీ మా బౌలర్లలో ఆ ఇద్దరు మాత్రం...నిలదొక్కుకునేందుకు మా బ్యాటర్లు కాస్త ఇబ్బందిపడినా.. తర్వాత కుదురుకున్నారు. మధ్య ఓవర్లలో మా బౌలర్లు ప్రత్యర్థిని కట్టడి చేయడంలో సఫలమయ్యారని చెప్పవచ్చు. అయితే, సునిల్‌ నరైన్ బౌలింగ్‌ చేసే సమయంలో ఇబ్బంది పడ్డాడు. నిజానికి మిడిల్‌ ఓవర్లలో సునిల్‌, వరుణ్‌ అద్భుతంగా బౌలింగ్‌ చేస్తారు. కానీ ఈరోజు మా బౌలర్లకు ఏదీ పెద్దగా కలిసి రాలేదు’’ అని అజింక్య రహానే పేర్కొన్నాడు. బౌలర్లు ఇంకాస్త మెరుగ్గా రాణించి ఉంటే ఫలితం వేరేలా ఉండేదని అభిప్రాయపడ్డాడు.పూరన్‌ వీరంగంకాగా ఈడెన్‌ గార్డెన్స్‌లో మంగళవారం మధ్యాహ్నం నాటి మ్యాచ్‌లో టాస్‌ ఓడిన లక్నో తొలుత బ్యాటింగ్‌ చేసింది. నిర్ణీత 20 ఓవర్లలో 3 వికెట్ల నష్టానికి 238 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ నికోలస్‌ పూరన్‌ (36 బంతుల్లో 87 నాటౌట్‌; 7 ఫోర్లు, 8 సిక్స్‌లు), మిచెల్‌ మార్ష్‌ (48 బంతుల్లో 81; 6 ఫోర్లు, 5 సిక్స్‌లు) అర్ధశతకాలతో చెలరేగారు.మరోవైపు.. మార్క్‌రమ్‌ (28 బంతుల్లో 47; 4 ఫోర్లు, 2 సిక్స్‌లు) రాణించాడు. అనంతరం లక్ష్యఛేదనలో కోల్‌కతా 20 ఓవర్లలో 7 వికెట్లు కోల్పోయి 234 పరుగులు చేసింది. కేకేఆర్‌ బౌలర్లలో పేసర్‌ హర్షిత్‌ రాణా రెండు, రసెల్‌ ఒక వికెట్‌ దక్కించుకున్నారు.స్పిన్నర్లు వరుణ్‌ చక్రవర్తి, సునిల్‌ నరైన్‌ మాత్రం ఈసారి పెద్దగా ఆకట్టుకోలేకపోయారు. వరుణ్‌ నాలుగు ఓవర్ల కోటా పూర్తి చేసి 31 పరుగులు ఇచ్చి వికెట్‌ తీయలేకపోయాడు. మరోవైపు.. నరైన్‌ మూడు ఓవర్ల బౌలింగ్‌లో 38 పరుగులు ఇచ్చుకున్నాడు.కేకేఆర్‌ మెరుపులు సరిపోలేదుఇక లక్ష్య ఛేదనలో కెప్టెన్‌ అజింక్య రహానే (35 బంతుల్లో 61; 8 ఫోర్లు, 2 సిక్స్‌లు) హాఫ్‌ సెంచరీతో మెరవగా... వెంకటేశ్‌ అయ్యర్‌ (29 బంతుల్లో 45; 6 ఫోర్లు, 1 సిక్స్‌), సునీల్‌ నరైన్‌ (13 బంతుల్లో 30; 4 ఫోర్లు, 2 సిక్స్‌లు), రింకూ సింగ్‌ (15 బంతుల్లో 38 నాటౌట్‌; 6 ఫోర్లు, 2 సిక్స్‌లు) పోరాడినా ఫలితం లేకుండా పోయింది.చదవండి: IPL 2025: ప్రియాన్ష్ విధ్వంస‌క‌ర సెంచ‌రీ.. ఐపీఎల్ చ‌రిత్ర‌లోనే తొలి ప్లేయ‌ర్‌గా GAME ON, courtesy of the skipper 👊🫡Ajinkya Rahane notches up his 2️⃣nd 5️⃣0️⃣ of #TATAIPL 2025! 🙌#KKR need 90 runs in 8 overs.Updates ▶ https://t.co/3bQPKnwPTU#KKRvLSG | @KKRiders | @ajinkyarahane88 pic.twitter.com/1556wwfFfg— IndianPremierLeague (@IPL) April 8, 2025

ఐపీఎల్‌-2025లో ల‌క్నో సూప‌ర్ జెయింట్స్ స్టార్ వికెట్ కీప‌ర్ బ్యాట‌ర్‌ నికోల‌స్ పూర‌న్ త‌న సూప‌ర్ ఫామ్‌ను కొన‌సాగిస్తున్నాడు. ఈ మెగా టోర్నీలో భాగంగా ఈడెన్ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌తో జ‌రిగిన మ్యాచ్‌లో పూర‌న్ విధ్వంసం సృష్టించాడు. క్రీజులోకి వచ్చినప్పటి నుంచే ప్రత్యర్ధి బౌలర్లపై పూరన్ విరుచుకుపడ్డాడు.అద్భుతమైన అభిమానులను అలరించాడు. ఈడెన్ గార్డెన్స్‌లో సిక్సర్ల మోత మోగించాడు. కేవలం 36 బంతుల్లోనే పూర‌న్ 7 ఫోర్లు, 8 సిక్స‌ర్లతో 87 పరుగులు చేసి ఆజేయంగా నిలిచాడు. ఈ తుపాన్ ఇన్నింగ్స్‌తో పూరన్ ఐపీఎల్‌లో రెండు వేల పరుగుల మైలు రాయిని అందుకున్నాడు.త‌ద్వారా ఓ అరుదైన రికార్డును పూర‌న్ త‌న ఖాతాలో వేసుకున్నాడు. ఐపీఎల్‌లో అత్యంత వేగంగా 2000 ప‌రుగుల (బంతుల ప‌రంగా) మైలు రాయిని అందుకున్న రెండో ప్లేయ‌ర్‌గా నికోల‌స్ రికార్డుల‌కెక్కాడు. పూర‌న్‌ కేవ‌లం 1198 బంతుల్లోనే ఈ రేర్ ఫీట్‌ను అందుకున్నాడు.ఇప్ప‌టివ‌ర‌కు ఈ రికార్డు భార‌త మాజీ ఓపెన‌ర్ వీరేంద్ర సెహ్వాగ్(1211) పేరిట ఉండేది. తాజా మ్యాచ్‌తో సెహ్వాగ్ రికార్డును ఈ కరేబియ‌న్ వీరుడు బ్రేక్ చేశాడు. ఈ అరుదైన రికార్డు సాధించిన జాబితాతో పూరన్ సహచరుడు రస్సెల్‌(1120) అగ్రస్ధానంలో ఉన్నాడు.ఐపీఎల్‌లో అత్యంత వేగంగా 2000 పరుగులు చేసిన ఆట‌గాళ్లు1120 - ఆండ్రీ రస్సెల్1198 - నికోలస్ పూరన్1211 - వీరేంద్ర సెహ్వాగ్1251 - క్రిస్ గేల్1306 - రిషబ్ పంత్1309 - గ్లెన్ మాక్స్‌వెల్‌ఉత్కంఠ పోరులో ల‌క్నో గెలుపు..ఇక మ్యాచ్ విష‌యానికి వ‌స్తే.. ఆఖ‌రి వ‌రకు జ‌రిగిన ఉత్కంఠ‌పోరులో 4 ప‌రుగుల తేడాతో ల‌క్నో విజ‌యం సాధించింది. 239 ప‌రుగుల భారీ ల‌క్ష్యంతో బ‌రిలోకి దిగిన కేకేఆర్ నిర్ణీత 20 ఓవ‌ర్ల‌లో 7 వికెట్లు కోల్పోయి 234 ప‌రుగులు చేయ‌గ‌ల్గింది. కేకేఆర్ బ్యాట‌ర్ల‌లో అజింక్య ర‌హానే(61) టాప్ స్కోర‌ర్‌గా నిల‌వ‌గా.. రింకూ సింగ్‌(38), వెంక‌టేశ్ అయ్య‌ర్‌(45), సునీల్ న‌రైన్‌(30) పోరాడారు. ల‌క్నో బౌల‌ర్ల‌లో ఆకాష్ దీప్, శార్ధూల్ ఠాకూర్ త‌లా రెండు వికెట్లు ప‌డ‌గొట్ట‌గా.. అవేష్ ఖాన్‌,బిష్ణోయ్‌, దిగ్వేష్ త‌లా వికెట్ సాధించారు.అంత‌కుముందు బ్యాటింగ్‌కు చేసిన ల‌క్నో సూప‌ర్ జెయింట్స్ నిర్ణీత 20 ఓవర్లలో 3 వికెట్ల నష్టానికి 238 పరుగులు చేసింది. ల‌క్నో బ్యాట‌ర్ల‌లో పూర‌న్‌(87)తో పాటు మార్ష్‌ (48 బంతుల్లో 81; 6 ఫోర్లు, 5 సిక్సర్లు),మార్‌క్ర‌మ్‌(28 బంతుల్లో 47; 4 ఫోర్లు, 2 సిక్సర్లు) అద్బ‌తమైన ఇన్నింగ్స్‌లు ఆడాడు.చ‌ద‌వండి: Rohit Sharma: రోహిత్ శ‌ర్మకు అరుదైన గౌర‌వం..!

టీమిండియా వెట‌రన్‌, ల‌క్నో సూప‌ర్ జెయింట్స్ స్టార్ ఆల్‌రౌండ‌ర్ శార్ధూల్ ఠాకూర్ త‌న ఐపీఎల్ కెరీర్‌లో వంద మ్యాచ్‌ల మైలు రాయిని అందుకున్నాడు.. ఐపీఎల్‌-2025లో భాగంగా ఈడెన్ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌తో మ్యాచ్ సంద‌ర్భంగా శార్ధూల్ ఈ ఫీట్ సాధించాడు. ఈ మ్యాచ్‌కు ముందు శార్థూల్‌.. లక్నో సూపర్ జెయింట్స్ మెంటార్ జహీర్ ఖాన్ చేతిల మీద‌గా వంద నెంబ‌ర్ గ‌ల ప్ర‌త్యేక జెర్సీని అందుకున్నాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.ఆఖ‌రి నిమిషంలో ఎంట్రీ?వాస్త‌వానికి శార్థూల్ ఠాకూర్ ఐపీఎల్‌-2025లో అమ్ముడుపోలేదు. రూ. 2 కోట్ల కనీస ధరతో వేలంలోకి వచ్చిన శార్దుల్‌ను ఏ ఫ్రాంచైజీ కొనుగోలు చేసేందుకు ఆస‌క్తి చూప‌లేదు. దీంతో కౌంటీ క్రికెట్‌ ఆడేందుకు సిద్ధమవుతున్న ఈ ఆల్‌రౌండర్‌కు... ల‌క్నో మెంటార్‌ జహీర్‌ ఖాన్‌ నుంచి పిలుపు వచ్చింది. లక్నో పేసర్‌ మొహసిన్‌ ఖాన్‌ గాయంతో ఇండియన్‌ ప్రీమియర్‌ లీగ్‌ (ఐపీఎల్‌) 18వ సీజన్‌కు దూరం కావడంతో... అతడి స్థానంలో ప్రత్యామ్నాయంగా శార్దుల్‌ను జట్టులోకి తీసుకున్నారు. అయితే త‌న‌కు వ‌చ్చిన అవ‌కాశాన్ని శార్ధూల్ అందిపుచ్చుకున్నాడు.ఇప్ప‌టివ‌ర‌కు ఈ సీజ‌న్‌లో ఐదు మ్యాచ్‌లు ఆడిన లార్డ్ ఠాకూర్‌.. 7 వికెట్లు ప‌డ‌గొట్టాడు. శార్ధూల్ త‌న ఐపీఎల్ కెరీర్‌లో ఇప్ప‌టివ‌ర‌కు కోల్‌క‌తా నైట్‌రైడ‌ర్స్‌, చెన్నై సూప‌ర్ కింగ్స్‌, ఢిల్లీ క్యాపిట‌ల్స్‌, రైజింగ్ పుణే సూప‌ర్ జెయింట్స్‌, ల‌క్నో జ‌ట్ల‌కు ప్రాతినిథ్యం వ‌హించాడు.చ‌ద‌వండి: చరిత్ర సృష్టించిన రజత్‌ పాటిదార్‌.. ఐపీఎల్‌లో తొలి కెప్టెన్‌గా అరుదైన ఫీట్‌ 𝐒𝐩𝐞𝐜𝐢𝐚𝐥 𝐂𝐞𝐧𝐭𝐮𝐫𝐲 💯Shardul Thakur steps into his 1️⃣0️⃣0️⃣th #TATAIPL match 👏👏He receives a momentous jersey from #LSG mentor Zaheer Khan 👌#KKRvLSG | @imShard pic.twitter.com/G7jA3exxvE— IndianPremierLeague (@IPL) April 8, 2025

ఉత్కంఠ పోరులో కేకేఆర్ ఓట‌మి..ఐపీఎల్‌-2025లో భాగంగా ఈడెన్ గార్డెన్స్ వేదిక‌గా జ‌రిగిన ఉత్కంఠ పోరులో కోల్‌క‌తా నైట్‌రైడ‌ర్స్‌పై 4 ప‌రుగుల తేడాతో ల‌క్నో సూప‌ర్ జెయింట్స్ విజ‌యం సాధించింది. 239 ప‌రుగుల భారీ ల‌క్ష్యంతో బ‌రిలోకి దిగిన కేకేఆర్ నిర్ణీత 20 ఓవ‌ర్ల‌లో 7 వికెట్లు కోల్పోయి 234 ప‌రుగులు చేయ‌గ‌ల్గింది. కేకేఆర్ బ్యాట‌ర్ల‌లో అజింక్య ర‌హానే(61) టాప్ స్కోర‌ర్‌గా నిల‌వ‌గా.. రింకూ సింగ్‌(38), వెంక‌టేశ్ అయ్య‌ర్‌(45), సునీల్ న‌రైన్‌(30) పోరాడారు. ల‌క్నో బౌల‌ర్ల‌లో ఆకాష్ దీప్, శార్ధూల్ ఠాకూర్ త‌లా రెండు వికెట్లు ప‌డ‌గొట్ట‌గా.. అవేష్ ఖాన్‌,బిష్ణోయ్‌, దిగ్వేష్ త‌లా వికెట్ సాధించారు.ర‌స‌వ‌త్త‌రంగా కేకేఆర్‌-ల‌క్నో మ్యాచ్‌ఈడెన్ గార్డెన్స్ వేదిక‌గా ల‌క్నో-కేకేఆర్ మ్యాచ్ ర‌స‌వ‌త్త‌రంగా సాగుతోంది. కేకేఆర్ విజ‌యానికి ఆఖ‌రి ఓవ‌ర్‌లో 24 ప‌రుగులు కావాలి. క్రీజులో రింకూ సింగ్‌(24), హ‌ర్షిత్ రానా(5) ఉన్నారు.కేకేఆర్ ఆరో వికెట్ డౌన్‌..వెంక‌టేశ్ అయ్య‌ర్ రూపంలో కేకేఆర్ ఆరో వికెట్ కోల్పోయింది. 45 ప‌రుగులు చేసిన అయ్య‌ర్‌.. ఆకాష్‌దీప్ బౌలింగ్‌లో ఔట‌య్యాడు. క్రీజులోకి రింకూ సింగ్ వ‌చ్చాడు. 16 ఓవర్ల తర్వాత కేకేఆర్‌ స్కోర్‌ 185/6గా ఉంది. ఐదో వికెట్‌ కోల్పోయిన కేకేఆర్‌త్వరగా లక్ష్యాన్ని చేరుకుందామనే తొందరలో కేకేఆర్‌ వరుసగా వికెట్లు కోల్పోతుంది. ఆ జట్టు 173 పరుగుల వద్ద ఐదో వికెట్‌ కోల్పోయింది. ఆవేశ్‌ ఖాన్‌ బౌలింగ్‌లో పంత్‌కు క్యాచ్‌ ఇచ్చి రఘువంశీ (5) ఔటయ్యాడు. 15 ఓవర్ల తర్వాత కేకేఆర్‌ స్కోర్‌ 173/5గా ఉంది. నాలుగో వికెట్‌ కోల్పోయిన కేకేఆర్‌13.6వ ఓవర్‌- 166 పరుగుల వద్ద రవి భిష్ణోయ్‌ బౌలింగ్‌లో మార్క్రమ్‌కు క్యాచ్‌ ఇచ్చి రమన్‌దీప్‌ సింగ్‌ (1) ఔటయ్యాడు.మూడో వికెట్‌ కోల్పోయిన కేకేఆర్‌ఇన్నింగ్స్‌ 13వ ఓవర్‌లో వరుసగా ఐదు వైడ్లు వేసిన శార్దూల్‌ ఠాకూర్‌ ఆ ఓవర్‌ చివరి బంతికి అతి కీలకమైన రహానే (61) వికెట్‌ తీశాడు. 13 ఓవర్ల తర్వాత కేకేఆర్‌ స్కోర్‌ 162/3గా ఉంది. ఈ మ్యాచ్‌లో కేకేఆర్‌ గెలవాలంటే 42 బంతుల్లో మరో 77 పరుగులు మాత్రమే చేయాలి. వాతావరణ​ం బౌలర్లకు ఏమాత్రం సహకరించడం లేదు. బంతి అస్సలు నియంత్రణలో ఉండటం లేదు. టార్గెట్‌ 239.. 10 ఓవర్లలో 129 పరుగులు చేసిన కేకేఆర్‌239 పరుగుల భారీ లక్ష్య ఛేదనలో కేకేఆర్‌ కూడా ధీటుగా జవాబిస్తుంది. 10 ఓవర్లలోనే ఆ జట్టు 129 పరుగులు (2 వికెట్ల నష్టానికి) చేసింది. రహానే (47), వెంకటేశ్‌ అయ్యర్‌ (24) క్రీజ్‌లో ఉన్నారు. రెండో వికెట్‌ కోల్పోయిన కేకేఆర్‌6.2వ ఓవర్‌- పవర్‌ ప్లేలో అదరగొట్టిన కేకేఆర్‌ (90/1) ఆతర్వాతి ఓవర్‌లోనే వికెట్‌ కోల్పోయింది. దిగ్వేష​్‌ రాఠీ సునీల్‌ నరైన్‌ను (30) బోల్తా కొట్టించాడు. రహానేకు (36) జతగా వెంకటేశ్‌ అయ్యర్‌ క్రీజ్‌లోకి వచ్చాడు. టార్గెట్‌ 239.. విధ్వంసం సృష్టిస్తున్న కేకేఆర్‌ బ్యాటర్లుభారీ లక్ష్య ఛేదనలో కేకేఆర్‌ బ్యాటర్లు చెలరేగిపోతున్నారు. ఆదిలోనే డికాక్‌ వికెట్‌ కోల్పోయినప్పటికీ.. సునీల్‌ నరైన్‌ (30), రహానే (18) విధ్వంసం సృష్టిస్తున్నారు. వీరిద్దరి ధాటికి కేకేఆర్‌ 5 ఓవర్లలో ఏకంగా 73 పరుగులు చేసింది. టార్గెట్‌ 239.. తొలి వికెట్‌ కోల్పోయిన కేకేఆర్‌2.3వ ఓవర్‌- 239 పరుగుల భారీ లక్ష్య ఛేదనలో కేకేఆర్‌ 37 పరుగుల వద్ద తొలి వికెట్‌ కోల్పోయింది. తొలి ఓవర్‌లో 16 పరుగులిచ్చిన ఆకాశ్‌దీప్‌ అద్భుతంగా కమ్‌బ్యాక్‌ ఇచ్చి డికాక్‌ను (15) ఎల్బీడబ్ల్యూ చేశాడు. సునీల్‌ నరైన్‌కు (15) జతగా రహానే క్రీజ్‌లోకి వచ్చాడు.మార్ష్‌, పూరన్‌ విధ్వంసం.. లక్నో భారీ స్కోర్‌టాస్‌ ఓడి తొలుత బ్యాటింగ్‌ చేసిన లక్నో భారీ స్కోర్‌ చేసింది. మార్ష్‌ (48 బంతుల్లో 81; 6 ఫోర్లు, 5 సిక్సర్లు), పూరన్‌ (36 బంతుల్లో 87 నాటౌట్‌; 7 ఫోర్లు, 8 సిక్సర్లు) విధ్వంసం సృష్టించడంతో ఆ జట్టు నిర్ణీత 20 ఓవర్లలో 3 వికెట్ల నష్టానికి 238 పరుగులు చేసింది. లక్నో ఇన్నింగ్స్‌లో మార్క్రమ్‌ (28 బంతుల్లో 47; 4 ఫోర్లు, 2 సిక్సర్లు) కూడా సత్తా చాటాడు. కేకేఆర్‌ బౌలర్లలో హర్షిత్‌ రాణా 2, రసెల్‌ ఓ వికెట​్‌ తీశారు. 21 బంతుల్లోనే హాఫ్‌ సెంచరీ పూర్తి చేసిన పూరన్‌పూరన్‌ 21 బంతుల్లో 2 ఫోర్లు, 6 సిక్సర్ల సాయంతో హాఫ్‌ సెంచరీ పూర్తి చేశాడు. 16.4 ఓవర్ల తర్వాత లక్నో స్కోర్‌ 192/2గా ఉంది. పూరన్‌తో పాటు అబ్దుల్‌ సమద్‌ (2) క్రీజ్‌లో ఉన్నాడు. రెండో వికెట్‌ కోల్పోయిన లక్నో.. మార్ష్‌ ఔట్‌15.2వ ఓవర్‌- 81 పరుగుల వద్ద మిచెల్‌ మార్ష్‌ ఔటయ్యాడు. రసెల్‌ బౌలింగ్‌లో రింకూ సింగ్‌కు క్యాచ్‌ ఇచ్చి ఔటయ్యాడు.సెంచరీకి చేరువవుతున్న మార్ష్‌15 ఓవర్ల అనంతరం లక్నో స్కోర్‌ 170/1గా ఉంది. మార్ష్‌ (47 బంతుల్లో 81; 6 ఫోర్లు, 5 సిక్సర్లు) సెంచరీకి చేరువవుతున్నాడు. మరో ఎండ్‌లో పూరన్‌ కూడా ధాటిగా ఆడుతున్నాడు. పూరన్‌ 16 బంతుల్లో 2 ఫోర్లు, 3 సిక్సర్ల సాయంతో 32 పరుగులు చేసి క్రీజ్‌లో ఉన్నాడు. దంచి కొడుతున్న మార్ష్‌హాఫ్‌ సెంచరీ పూర్తయ్యాక మార్ష్‌ మరింత స్పీడ్‌ పెంచాడు. వరుస పెట్టి బౌండరీలు, సిక్సర్లు బాదుతున్నాడు. 13 ఓవర్ల తర్వాత లక్నో స్కోర్‌ 138/1గా ఉంది. మార్ష్‌ 42 బంతుల్లో 6 ఫోర్లు, 4 సిక్సర్ల సాయంతో 71 పరుగులతో క్రీజ్‌లో ఉన్నాడు. పూరన్‌ 8 బంతుల్లో 2 ఫోర్ల సాయంతో 12 పరుగులు చేసి మార్ష్‌కు జతగా ఉన్నాడు. తొలి వికెట్‌ కోల్పోయిన లక్నో10.2వ ఓవర్‌- 99 పరుగుల వద్ద లక్నో తొలి వికెట్‌ కోల్పోయింది. 28 బంతుల్లో 4 ఫోర్లు, 2 సిక్సర్ల సాయంతో 47 పరుగులు చేసి మార్క్రమ్‌ ఔటయ్యాడు. హర్షిత్‌ రాణా మార్క్రమ్‌ను క్లీన్‌ బౌల్డ్‌ చేశాడు. మిచెల్‌ మార్ష్‌ (34 బంతుల్లో 49; 3 ఫోర్లు, 3 సిక్సర్లు) హాఫ్‌ సెంచరీకి చేరువయ్యాడు. మార్ష్‌కు జతగా పూరన్‌ క్రీజ్‌లోకి వచ్చాడు. ధాటిగా ఆడుతున్న లక్నో ఓపెనర్లునిదానంగా ఇన్నింగ్స్‌ను ప్రారంభించిన లక్నో ఓపెనర్లు ఆతర్వాత గేర్‌ మార్చారు. మార్క్రమ్‌ (19 బంతుల్లో 36; 3 ఫోర్లు, 2 సిక్సర్లు), మిచెల్‌ మార్ష్‌ (23 బంతుల్లో 34; ఫోర్‌, 3 సిక్సర్లు) ధాటిగా ఆడటంతో 7 ఓవర్ల అనంతరం లక్నో స్కోర్‌ 72/0గా ఉంది. గేర్‌ మార్చిన మార్క్రమ్‌ఇన్నింగ్స్‌ ప్రారంభంలో నిదానంగా ఆడిన మార్క్రమ్‌ స్పెన్సర్‌ జాన్సన్‌ వేసిన నాలుగో ఓవర్‌లో గేర్‌ మార్చాడు. ఆ ఓవర్‌లో అతను 2 బౌండరీలు, సిక్సర్‌ సహా 18 పరుగులు రాబట్టాడు. 5 ఓవర్ల తర్వాత లక్నో స్కోర్‌ 43/0గా ఉంది. మార్క్రమ్‌తో పాటు (28) మార్ష్‌ (13) క్రీజ్‌లో ఉన్నాడు. ఆచితూచి ఆడుతున్న లక్నో ఓపెనర్లుటాస్‌ ఓడి తొలుత బ్యాటింగ్‌కు దిగిన లక్నో నిదానంగా ఆడుతుంది. ఓపెనర్లు ఎయిడెన్‌ మార్క్రమ్‌ (9), మిచెల్‌ మార్ష్‌ (11) ఆచితూచి ఆడుతున్నారు. 3 ఓవర్ల తర్వాత లక్నో స్కోర్‌ 20/0గా ఉంది. ఐపీఎల్‌ 2025లో భాగంగా ఇవాళ (ఏప్రిల్‌ 8) కేకేఆర్‌, లక్నో సూపర్‌ జెయింట్స్‌ జట్లు తలపడుతున్నాయి. కోల్‌కతాలోని ఈడెన్‌ గార్డెన్స్‌ వేదికగా జరుగుతున్న ఈ మ్యాచ్‌లో కేకేఆర్‌ టాస్‌ గెలిచి తొలుత బౌలింగ్‌ ఎంచుకుంది. నేటి మ్యాచ్‌ కోసం కేకేఆర్‌ ఓ మార్పు చేసింది. మొయిన్‌ అలీ స్థానంలో స్పెన్సర్‌ జాన్సన్‌ తుది జట్టులోకి వచ్చాడు. ఈ మ్యాచ్‌లో లక్నో ఎలాంటి మార్పులు లేకుండా బరిలోకి దిగుతుంది. ప్రస్తుతం కేకేఆర్‌, లక్నో పాయింట్ల పట్టికలో ఐదు, ఆరు స్థానాల్లో ఉన్నాయి. ఇరు జట్లు ఇప్పటివరకు తలో 4 మ్యాచ్‌లు ఆడి రెండింట గెలిచి, రెండిట ఓడాయి. ఐపీఎల్‌లో ఇరు జట్లు ఇప్పటివరుకు ఐదు మ్యాచ్‌ల్లో తలపడగా.. లక్నో 3, కేకేఆర్‌ 2 మ్యాచ్‌ల్లో గెలుపొందాయి.తుది జట్లు..కేకేఆర్‌: క్వింటన్ డికాక్ (వికెట్‌కీపర్‌), సునీల్ నరైన్, అజింక్య రహానే (కెప్టెన్‌), వెంకటేష్ అయ్యర్, రింకూ సింగ్, ఆండ్రీ రస్సెల్, రమణదీప్ సింగ్, స్పెన్సర్‌ జాన్సన్‌, హర్షిత్ రాణా, వరుణ్ చక్రవర్తి, వైభవ్‌ అరోరాలక్నో: మిచెల్ మార్ష్, ఎయిడెన్ మార్క్రమ్, నికోలస్ పూరన్, రిషబ్ పంత్ (కెప్టెన్‌/వికెట్‌కీపర్‌), ఆయుష్ బదోని, డేవిడ్ మిల్లర్, అబ్దుల్ సమద్, శార్దూల్ ఠాకూర్, ఆకాష్ దీప్, అవేష్ ఖాన్, దిగ్వేష్ రాఠి

కారు ప్రమాదానికి గురై కోలుకుంటున్న సమయంలో భారత మాజీ ఆటగాడు ఆశిష్‌ నెహ్రా (Ashish Nehra) తనకు మానసికంగా ధైర్యాన్నిస్తూ అండగా నిలిచాడని వికెట్‌ కీపర్‌ రిషభ్‌ పంత్‌ (Rishabh Pant) గుర్తు చేసుకున్నాడు. అతడి స్ఫూర్తిదాయక మాటలతో తాను ప్రతికూల పరిస్థితులను అధిగమించానని పంత్‌ అన్నాడు. ఆయన మాటలు మంత్రంలా పనిచేశాయి‘కష్టకాలంలో ఒక సలహా నాపై బాగా ప్రభావం చూపించింది. భారత మాజీ పేసర్‌ ఆశిష్‌ నెహ్రా.. నేను ఆడే స్థానిక క్లబ్‌లో కూడా సీనియర్‌. ఆయన నా వద్దకు వచ్చి నా ఆరోగ్యం గురించి వాకబు చేసిన తర్వాత ఆయన ఒకే ఒక మాట అన్నాడు.నీకు సంతోషం కలిగించే పనులు మాత్రమే చేస్తూ ఉండు. నేను కూడా గతంలో చాలా సార్లు గాయాలబారిన పడ్డాను. అయినా సరే అన్నీ మరచి ఆనందంగా ఉండటం ముఖ్యం అని నెహ్రా చెప్పాడు. నేను కోలుకునే క్రమంలో ఈ మాటలు బాగా ప్రభావం చూపించాయి’ అని పంత్‌ వివరించాడు. సొంతంగా పళ్లు కూడా తోముకోలేని దుస్థితిఒకటి, రెండు రోజుల్లోనే కోలుకోలేనని వాస్తవం అర్థమైన తర్వాత తనను తాను తిట్టుకోవడం మానేశానని, ప్రతికూల విషయాల గురించి ఆలోచించడం తగ్గించాలని పంత్‌ చెప్పాడు. కారు ప్రమాదం వల్ల తాను జీవితాన్ని చూసే విధానం మారిందని రిషభ్‌ పంత్‌ భావోద్వేగంతో అన్నాడు. ఇది క్రికెట్‌ గురించి తన ఆలోచనలను కూడా మార్చేసిందని భారత వికెట్‌ కీపర్‌ పేర్కొన్నాడు. ‘ప్రమాదం తర్వాత నేను చాలా చిన్న చిన్న పనులు కూడా సొంతంగా చేసుకోలేకపోయేవాడిని. సొంతంగా పళ్లు కూడా తోముకోలేని దుస్థితి. అంతా బాగున్నట్లు మనం ఇలాంటివి పట్టించుకోం. కానీ వాటి విలువ నాకు అప్పుడు అర్థమైంది.నా ఆలోచనా ధోరణి మారిందిక్రీడల్లో కూడా ప్రతి రోజూ బాగా ఆడాలనే కోరుకుంటాం. కానీ అది ఎప్పుడూ జరగదు. ఇలాంటి అంశాల్లో ప్రమా దం తర్వాత నా ఆలోచనా ధోరణి మారింది’ అని పంత్‌ వెల్లడించాడు. ప్రస్తుతం ఐపీఎల్‌లో లక్నో సూపర్‌ జెయింట్స్‌ జట్టుకు కెప్టెన్‌గా వ్యవహరిస్తున్న పంత్‌ ప్రదర్శన బాగా లేదు. అయితే తాను అన్ని విధాలా ప్రయత్నం చేస్తున్నానని, పరిస్థితి మారుతుందని అతను ఆశాభావం వ్యక్తం చేశాడు. చదవండి: గిల్‌, సూర్య కాదు!.. టీమిండియా కెప్టెన్‌గా ఊహించని పేరు చెప్పిన కపిల్‌ దేవ్‌

ఐపీఎల్‌-2025లో ముంబై ఇండియ‌న్స్‌పై గెలిచి ఫుల్ జోష్‌లో ఉన్న ల‌క్నో సూప‌ర్ జెయింట్స్‌కు గుడ్ న్యూస్ అందింది. ఆ జ‌ట్టు స్టార్ ఫాస్ట్ బౌల‌ర్ మయాంక్ యాద‌వ్ త్వ‌ర‌లోనే పూర్తి ఫిట్‌నెస్ సాధించిన‌ట్లు తెలుస్తోంది. వెన్ను గాయంతో బాధ‌పడుతున్న మయాంక్ ప్ర‌స్తుత బెంగుళూరులోని సెంటర్ ఫర్ ఎక్సలెన్స్ (CoE)లో శ‌ర‌వేగంగా కోలుకుంటున్నాడు.మ‌రో ప‌ది రోజుల్లో అత‌డు ల‌క్నో జ‌ట్టులో చేరే అవ‌కాశ‌ముంది. ఏప్రిల్ 14న సెంటర్ ఫర్ ఎక్సలెన్స్ వైద్య బృందం అతడికి ఫిట్‌నెస్ పరీక్ష నిర్వహించనుంది. ఆ పరీక్షలో యాదవ్ ఉత్తీరణత సాధిస్తే.. అతడికి ఐపీఎల్‌లో ఆడేందుకు క్లియరెన్స్ లభించనుంది. ఈ విషయాన్నిసెంటర్ ఫర్ ఎక్సలెన్స్ వ‌ర్గాలు ధ్రువీకరించాయి. మయాంక్ గాయంపై లక్నో హెడ్ కోచ్ జస్టిన్ లాంగర్ కూడా అప్‌డేట్ ఇచ్చాడు. మయాంక్ 90 శాతం ఫిట్‌నెస్ సాధించాడని, త్వరలోనే తిరిగి వస్తాడని పోస్ట్ మ్యాచ్ ప్రెస్ కాన్ఫరెన్స్‌లో లాంగర్‌ ఆశాభావం వ్యక్తం చేశాడు. అదేవిధంగా ఈ విలేకరుల సమావేశంలో లాంగర్ తన చర్యతో అందరిని ఆకట్టుకున్నాడు.అసలేమి జరిగిందంటే?ప్రెస్ కాన్ఫరెన్స్ మొదలయ్యే ముందు వాయిస్ రికార్డు కోసం టేబుల్ పై ఉంచిన ఫోన్లలో ఒక ఫోన్ మోగింది. ఓ రిపోర్ట్‌కు తన అమ్మ నుంచి ఫోన్ వచ్చింది. వెంటనే ఫోన్ తీసుకున్న లాంగర్‌. ఎవరి అమ్మ ఫోన్ చేశారు అని అడిగాడు. కాల్ లిఫ్ట్ చేసి మాట్లాడాడు. అమ్మా.. అర్ధరాత్రి 12:08 అయింది. నేను ప్రెస్ కాన్ఫరెన్స్ లో ఉన్నాను" అని ఆ రిపోర్టర్ తల్లితో చెప్ని లాంగర్ కాల్ కట్‌చేశాడు. ప్రస్తుతం ఇందుకు సంబంధించిన వీడియో సోషల్ మీడియాలో వైరలవుతోంది. ఇక గ‌తేడాది సీజ‌న్‌తో ఐపీఎల్ అరంగేట్రం చేసిన మ‌యాంక్ యాద‌వ్‌.. త‌న అద్భుత‌మైన ప్ర‌ద‌ర్శ‌నతో ఓవ‌ర్ నైట్ స్టార్‌గా మారిపోయాడు. అయితే త‌రుచుగా గాయాల బారిన ప‌డ‌డంతో మ‌యాంక్ ఎక్కువ‌గా బెంచ్‌కే ప‌రిమిత‌మ‌య్యాడు. ఇప్ప‌టివ‌ర‌కు ఐపీఎల్‌లో కేవ‌లం 4 మ్యాచ్‌లు మాత్ర‌మే ఆడిన యాద‌వ్‌.. 7 వికెట్లు ప‌డ‌గొట్టాడు. గాయాల‌తో స‌త‌మ‌త‌వుతున్న‌ప్ప‌టికి ల‌క్నో మాత్రం అత‌డిపై న‌మ్మ‌కం ఉంచింది. ఐపీఎల్‌-2025 సీజ‌న్‌కు ముందు రూ.11 కోట్లకు అత‌డిని ల‌క్నో రిటైన్ చేసుకుంది.చ‌ద‌వండి: IPL 2025 MI Vs LSG: బెడిసికొట్టిన వ్యూహం.. ఏం చేస్తున్నావ్‌ హార్దిక్‌? .. ఆకాశ్‌ అంబానీ రియాక్షన్‌ వైరల్‌Justin Langer picks up a call during the press conference. 🤣❤️pic.twitter.com/4lqRWcdfv1— Mufaddal Vohra (@mufaddal_vohra) April 4, 2025

ఐపీఎల్‌-2025 (IPL 2025) సీజన్‌ను పరాజయంతో ప్రారంభించిన ముంబై ఇండియన్స్‌ (Mumbai Indians) వైఫల్యాలు కొనసాగుతున్నాయి. తొలి మ్యాచ్‌లో చెన్నై సూపర్‌ కింగ్స్‌ చేతిలో ఓడిన హార్దిక్‌ సేన.. ఆ తర్వాత గుజరాత్‌ టైటాన్స్‌ చేతిలోనూ పరాజయం పాలైంది.ఈ క్రమంలో కోల్‌కతా నైట్‌ రైడర్స్‌పై గెలుపుతో విజయాల బాట పట్టిందనుకుంటే.. తాజాగా లక్నో సూపర్‌ జెయింట్స్‌ ముందు తలొగ్గింది. లక్నోలోని ఏకనా స్టేడియంలో శుక్రవారం జరిగిన మ్యాచ్‌లో పంత్‌ సేన చేతిలో 12 పరుగుల తేడాతో ఓడిపోయింది. ఆఖరి వరకు ఉత్కంఠగా సాగిన ఈ పోరులో.. లక్ష్య ఛేదనలో భాగంగా ముంబై నాయకత్వ బృందం తీసుకున్న నిర్ణయాలు ఆశ్చర్యపరిచాయి.విజయానికి ఇరవై నాలుగు పరుగుల దూరంలో ఉ‍న్న సమయంలో బ్యాటర్‌ తిలక్‌ వర్మ ( Tilak Varma- 23 బంతుల్లో 25)ను రిటైర్డ్‌ అవుట్‌గా వెనక్కి పిలిపించారు. అతడి స్థానంలో హార్దిక్‌ పాండ్యాకు జతగా బౌలింగ్‌ ఆల్‌రౌండర్‌ మిచెల్‌ సాంట్నర్‌ క్రీజులోకి వచ్చాడు. Batting at 25 off 23 in the run chase, #TilakVarma retired himself out to make way for Mitchell Santner! 🤯Only the 4th time a batter has retired out in the IPL!Watch LIVE action ➡ https://t.co/nH2UGjQY0t #IPLonJioStar 👉 #LSGvMI, LIVE NOW on Star Sports 1, Star Sports 1… pic.twitter.com/NJ0C0F8MvL— Star Sports (@StarSportsIndia) April 4, 2025పరుగు తీసేందుకు నిరాకరణఇక ఆఖరి ఓవర్లో ముంబై గెలుపునకు 22 పరుగులు అవసరమైన సమయంలో .. ఆవేశ్‌ ఖాన్‌ బౌలింగ్‌లో హార్దిక్‌ తొలి బంతికే సిక్సర్‌ బాదాడు. దీంతో ముంబై శిబిరంలో జోష్‌ కనిపించింది. అయితే, ఆ తర్వాత ఆవేశ్‌ కట్టుదిట్టంగా బౌలింగ్‌ చేశాడు. రెండో బంతికి రెండు పరుగులు ఇచ్చాడు ఈ పేస్‌ బౌలర్‌. అయితే, మూడో బంతికి సింగిల్‌ తీసే అవకాశం ఉన్నా పాండ్యా మాత్రం అందుకు నిరాకరించాడు.ఈ క్రమంలో మూడో బంతికి ముంబై పరుగులేమీ రాబట్టలేకపోగా.. నాలుగో బంతి కూడా డాట్‌ అయింది. అప్పటికే ముంబై పరాజయం దాదాపుగా ఖరారు కాగా.. ఐదో బంతికి హార్దిక్‌ సింగిల్‌ తీసి.. సాంట్నర్‌ను క్రీజులోకి పంపాడు. ఆఖరి బంతికి సాంట్నర్‌ పరుగులేమీ రాబట్టలేదు. ఫలితంగా పన్నెండు పరుగుల తేడాతో ముంబైకి పరాజయం తప్పలేదు. ఆకాశ్‌ అంబానీ ఆగ్రహంఅయితే, తిలక్‌ వర్మను కాదని ‘హిట్టింగ్‌’ కోసమని సాంట్నర్‌ను పంపిన ముంబై వ్యూహం బెడిసికొట్టగా.. సాంట్నర్‌కు స్ట్రైక్‌ ఇచ్చేందుకు హార్దిక్‌ నిరాకరించడం జట్టు యజమాని ఆకాశ్‌ అంబానీకి కోపం తెప్పించింది. ఆఖరి ఓవర్‌ మూడో బంతికి హార్దిక్‌ చేసిన పనికి ఆకాశ్‌ ఇచ్చిన రియాక్షన్‌ వైరల్‌గా మారింది.మరోవైపు.. ఆఖరి ఓవర్‌ ఐదో బంతికి లక్నో విజయం దాదాపు ఖరారు కాగా.. లక్నో ఓనర్‌ సంజీవ్‌ గోయెంకా ముఖం ఆనందంతో వెలిగిపోయింది. చప్పట్లు కొడుతూ అతడు విజయాన్ని సెలబ్రేట్‌ చేసుకోగా.. మరోవైపు ఆకాశ్‌​ మాత్రం తమ సభ్యులతో సీరియస్‌గా చర్చించాడు. ఇందుకు సంబంధించిన ఫొటోలు వైరల్‌ అవుతున్నాయి.ఐపీఎల్‌-2025:లక్నో వర్సెస్‌ ముంబైలక్నో స్కోరు: 203/8 (20)ముంబై స్కోరు: 191/5 (20)ఫలితం: 12 పరుగుల తేడాతో ముంబైపై లక్నో గెలుపు.చదవండి: హిట్టర్లు అవసరం.. అందుకే తిలక్‌ను వెనక్కి పంపించాం: హార్దిక్‌MI Owner Akash Ambani reaction When Hardik Pandya on 19.3 Balls not takes the Single.#LSGvsMI pic.twitter.com/BCznQ7fc5J— Vikas Yadav (@VikasYadav69014) April 4, 2025

గెలుపు జోష్‌లో ఉన్న లక్నో సూపర్‌ జెయింట్స్‌ కెప్టెన్‌ రిషభ్‌ పంత్‌ (Rishabh Pant)కు గట్టి ఎదురుదెబ్బ తగిలింది. ముంబై ఇండియన్స్‌తో మ్యాచ్‌లో లక్నో జట్టు తప్పిదానికి గానూ ఐపీఎల్‌ పాలక మండలి అతడికి జరిమానా విధించింది. నిర్ణీత సమయంలో ఓవర్ల కోటా పూర్తి చేయనందున రూ. 12 లక్షల ఫైన్‌ వేసింది.దిగ్వేశ్‌కి మరోసారి షాక్‌అదే విధంగా.. లక్నో స్పిన్నర్‌ దిగ్వేశ్‌ సింగ్‌ రాఠీకి ఐపీఎల్‌ పాలక మండలి మరోసారి షాకిచ్చింది. అనుచిత ప్రవర్తనకు గానూ మ్యాచ్‌ ఫీజులో యాభై శాతం మేర కోత విధించడంతో పాటు.. అతడి ఖాతాలో మరో డీమెరిట్‌ పాయింట్‌ జతచేసింది.203 పరుగులుఐపీఎల్‌-2025 (IPL 2025)లో భాగంగా లక్నోలోని ఏకనా స్టేడియంలో ఎల్‌ఎస్‌జీ- ముంబై (LSG vs MI) ఇండియన్స్‌ మధ్య శుక్రవారం మ్యాచ్‌ జరిగింది. టాస్‌ గెలిచిన ముంబై తొలుత బౌలింగ్‌ ఎంచుకోగా.. లక్నో నిర్ణీత 20 ఓవర్లలో 8 వికెట్ల నష్టానికి 203 పరుగులు సాధించింది.ఓపెనర్లు మిచెల్‌ మార్ష్‌ (60), ఐడెన్‌ మార్క్రమ్‌ (53), ఆయుశ్‌ బదోని (30), డేవిడ్‌ మిల్లర్‌(27) రాణించారు. ముంబై బౌలర్లలో కెప్టెన్‌ హార్దిక్‌ పాండ్యా అత్యధికంగా ఐదు వికెట్లు తీయగా.. విఘ్నేశ్‌ పుతూర్‌, అశ్వనీ కుమార్‌, ట్రెంట్‌ బౌల్ట్‌ ఒక్కో వికెట్‌ తమ ఖాతాలో వేసుకున్నారు.పన్నెండు పరుగుల తేడాతోఇక లక్ష్య ఛేదనలో ముంబై ఐదు వికెట్లు నష్టపోయి 191 పరుగులకే పరిమితమైంది. నమన్‌ ధీర్‌ (24 బంతుల్లో 46), సూర్యకుమార్‌ యాదవ్‌ (43 బంతుల్లో 67), హార్దిక్‌ పాండ్యా (16 బంతుల్లో 28 నాటౌట్‌) పోరాటం వృథాగా పోయింది. పన్నెండు పరుగుల తేడాతో లక్నో చేతిలో ముంబై ఓటమి పాలైంది.అయితే, ఈ మ్యాచ్‌లో లక్నో జట్టు నిర్ణీత సమయంలో 20 ఓవర్ల కోటా పూర్తి చేయలేకపోయింది. ఫలితంగా ఆఖరి ఓవర్లో 30 యార్డ్‌ సర్కిల్‌లోకి అదనంగా ఓ ఫీల్డర్‌ను పిలవాల్సి వచ్చింది. ముంబై విజయానికి చివరి ఓవర్లో 22 పరుగులు అవసరమైన వేళ కేవలం నలుగురు ఫీల్డర్లను మాత్రమే రింగ్‌ బయట ఉంచాల్సి వచ్చింది. దీనితో పాటు.. స్లో ఓవర్‌ రేటు మెయింటెన్‌ చేసిన కారణంగా ఆ జట్టు కెప్టెన్‌ పంత్‌కు జరిమానా కూడా పడింది.స్లో ఓవర్‌ రేటు ‘‘లక్నోలోని భారత రత్న శ్రీ అటల్‌ బిహారీ వాజ్‌పేయి ఏకనా క్రికెట్‌ స్టేడియంలో శుక్రవారం ముంబై ఇండియన్స్‌తో మ్యాచ్‌లో స్లో ఓవర్‌ రేటు మెయింటెన్‌ చేసినందు వల్ల లక్నో సూపర్‌ జెయింట్స్‌ కెప్టెన్‌ రిషభ్‌ పంత్‌కు జరిమానా విధించడమైనది’’ అని ఐపీఎల్‌ ఒక ప్రకటన విడుదల చేసింది.ఇదిలా ఉంటే.. దిగ్వేశ్‌ సింగ్‌ రాఠీ విషయంలోనూ ఐపీఎల్‌ పాలక మండలి మరో ప్రకటన జారీ చేసింది. ‘‘లక్నోలోని భారత రత్న శ్రీ అటల్‌ బిహారీ వాజ్‌పేయి ఏకనా క్రికెట్‌ స్టేడియంలో శుక్రవారం ముంబై ఇండియన్స్‌తో మ్యాచ్‌ సందర్భంగా ఐపీఎల్‌ ప్రవర్తనా నియమావళిని ఉల్లంఘించిన లక్నో బౌలర్‌ దిగ్వేశ్‌ సింగ్‌ మ్యాచ్‌ ఫీజులో యాభై శాతం కోత విధిస్తున్నాం.మళ్లీ అదే తప్పుఆర్టికల్‌ 2.5లోని లెవల్‌ 1 తప్పిదానికి అతడు పాల్పడ్డాడు. ఈ సీజన్‌లో అతడు నిబంధనలు అతిక్రమించడం ఇది రెండోసారి. మంగళవారం పంజాబ్‌ కింగ్స్‌తో మ్యాచ్‌లోనూ దిగ్వేశ్‌ రూల్స్‌ ఉల్లంఘించాడు. అప్పుడు ఒక డీమెరిట్‌ పాయింట్‌తో పాటు తాజాగా మరో డీమెరిట్‌ పాయింట్‌ అతడి ఖాతాలో చేరింది’’ అని సదరు ప్రకటనలో పేర్కొంది. అయితే, దిగ్వేశ్‌కు ఫైన్‌ వేయడానికి గల కారణం.. నమన్‌ వికెట్‌ తీసిన తర్వాత.. మరోసారి నోట్‌బుక్‌లో రాస్తున్నట్లుగా సెలబ్రేట్‌ చేసుకోవడం అని తెలుస్తోంది.నువ్విక మారవా? .. పాపం పంత్‌!కాగా ముంబై ఇండియన్స్‌తో మ్యాచ్‌లో.. లక్నో జట్టులోని మిగతా బౌలర్లతో పోలిస్తే దిగ్వేశ్‌ సింగ్‌ పొదుపుగా బౌలింగ్‌ చేశాడు. నాలుగు ఓవర్ల కోటా పూర్తి చేసి కేవలం 21 పరుగులే ఇచ్చి.. నమన్‌ ధీర్‌ రూపంలో కీలక వికెట్‌ తీశాడు. ఈ క్రమంలో ప్లేయర్‌ ఆఫ్‌ ది మ్యాచ్‌ అవార్డు దక్కించుకున్నాడు. కానీ తన అనుచిత ప్రవర్తనతో ఇలా మరోసారి శిక్షను అనుభవించాల్సి వచ్చింది. ఈ నేపథ్యంలో నెటిజన్లు దిగ్వేశ్‌పై.. ‘‘మారవా.. నువ్విక మారవా?’’ అంటూ మీమ్స్‌ ట్రోల్స్‌ చేస్తున్నారు. మరోవైపు..బ్యాటర్‌గా విఫలమవుతున్న పంత్‌కు ఇలా సారథిగానూ ఎదురుదెబ్బ తగలడం పట్ల.. ‘పాపం పంత్‌’ అంటూ సెటైర్లు వేస్తున్నారు.చదవండి: హిట్టర్లు అవసరం.. అందుకే తిలక్‌ను వెనక్కి పంపించాం: హార్దిక్‌ Just the breakthrough #LSG needed! Avesh Khan's change in pace does the trick as LSG dismiss Surya Kumar Yadav at a crucial juncture! 👊Updates ▶️ https://t.co/HHS1Gsaw71#TATAIPL | #LSGvMI | @LucknowIPL pic.twitter.com/KKptbNOjLI— IndianPremierLeague (@IPL) April 4, 2025

లక్నో సూపర్‌ జెయింట్స్‌తో మ్యాచ్‌లో ముంబై ఇండియన్స్‌ బ్యాటర్‌ తిలక్‌ వర్మ (Tilak Varma) రిటైర్డ్‌ అవుట్‌గా వెనుదిరగడం క్రికెట్‌ వర్గాల్లో చర్చకు దారితీసింది. లక్ష్య ఛేదనలో ఐదో స్థానంలో వచ్చిన ఈ ఎడమచేతి వాటం ఆటగాడు.. 25 పరుగుల వ్యక్తిగత స్కోరు వద్ద మైదానం నుంచి నిష్క్రమించాడు. అతడి స్థానంలో బౌలింగ్‌ ఆల్‌రౌండర్‌ మిచెల్‌ సాంట్నర్‌ క్రీజులోకి వచ్చాడు.ఈ నేపథ్యంలో స్పెషలిస్టు బ్యాటర్‌ను పెవిలియన్‌కు పంపి.. ఆల్‌రౌండర్‌ను రప్పించిన ముంబై నాయకత్వ బృందంపై విమర్శలు వెల్లువెత్తుతున్నాయి. ఈ క్రమంలో లక్నో చేతిలో ఓటమి అనంతరం ముంబై ఇండియన్స్‌ కెప్టెన్‌ హార్దిక్‌ పాండ్యా (Hardik Pandya) ఈ విషయంపై స్పందించాడు.హిట్టర్లు అవసరం.. అందుకే తిలక్‌ను వెనక్కి పంపించాం‘‘ఆఖర్లో మాకు హిట్టింగ్‌ ఆడే ఆటగాడు కావాలని అనుకున్నాం. క్రికెట్‌లో ఇలాంటివి సహజం. అయితే, ఒక్కోసారి మన ప్రయత్నాలు ఆశించిన ఫలితాలను ఇవ్వకపోవచ్చు. అయితే, వ్యూహాలు పక్కాగా అమలు చేస్తామని అనుకోవడంలో తప్పులేదు.ఒక్కోసారి ఇంకాస్త మెరుగైన నిర్ణయాలు తీసుకోవాల్సి ఉంటుంది. బౌలింగ్‌లో స్మార్ట్‌గా ఉండాలి. బ్యాటింగ్‌లో వివిధ ఆప్షన్లు ప్రయత్నించాలి. మనదైన శైలిలో ఆడుతూనే దూకుడు ప్రదర్శించగలగాలి’’ అని హార్దిక్‌ పాండ్యా చెప్పుకొచ్చాడు.ఓటమికి కారణం అదేఇక లక్నో చేతిలో ఓటమి తమను తీవ్ర నిరాశకు గురిచేసిందన్న హార్దిక్‌ పాండ్యా.. ప్రత్యర్థిని తక్కువ స్కోరుకు పరిమితం చేసి ఉంటే ఫలితం వేరేలా ఉండేదన్నాడు. అయితే, తనకు ఏకనా వికెట్‌ మీద ప్రయోగాలు చేసేందుకు ఎక్కువగా ఆప్షన్లు దొరకలేదని.. వికెట్లు తీయడం కంటే కూడా తాము డాట్‌ బాల్స్‌ వేసేందుకే ఎక్కువగా ప్రయత్నించామని తెలిపాడు. బ్యాటర్ల వైఫల్యం తీవ్ర ప్రభావం చూపిందని.. తమ పరాజయానికి అదే కారణమని పేర్కొన్నాడు.లక్నో ఓపెనర్లు ధనాధన్‌కాగా ఐపీఎల్‌-2025లో భాగంగా శుక్రవారం నాటి మ్యాచ్‌లో లక్నో- ముంబై జట్లు తలపడ్డాయి. సొంత మైదానం ఏకనాలో టాస్‌ ఓడిన లక్నో తొలుత బ్యాటింగ్‌ చేసింది. ఓపెనర్లు మిచెల్‌ మార్ష్‌ (31 బంతుల్లో 60), ఐడెన్‌ మార్క్రమ్‌ (38 బంతుల్లో 53) అదరగొట్టగా.. నికోలస్‌ పూరన్‌ (12), కెప్టెన్‌ రిషభ్‌ పంత్‌ (2) పూర్తిగా నిరాశపరిచారు.ఈ క్రమంలో ఆయుశ్‌ బదోని (19 బంతుల్లో 30), డేవిడ్‌ మిల్లర్‌ (14 బంతుల్లో 27) మెరుపు బ్యాటింగ్‌తో ఇన్నింగ్స్‌ చక్కదిద్దారు. ఆఖర్లో శార్దూల్‌ ఠాకూర్‌ ఐదు, ఆవేశ్‌ ఖాన్‌ రెండు పరుగులతో అజేయంగా నిలిచారు. ఫలితంగా నిర్ణీత 20 ఓవర్లలో ఎనిమిది వికెట్ల నష్టానికి లక్నో 203 పరుగులు స్కోరు చేసింది.ముంబై బౌలర్లలో కెప్టెన్‌ హార్దిక్‌ పాండ్యా ఐదు వికెట్లతో చెలరేగగా.. విఘ్నేశ్‌ పుతూర్‌, ట్రెంట్‌ బౌల్ట్‌, అశ్వనీ కుమార్‌ ఒక్కో వికెట్‌ తీశారు. ఇక లక్ష్య ఛేదనలో ఆరంభం నుంచే ముంబై తడ‘బ్యా’టుకు గురైంది. ఓపెనర్లు విల్‌ జాక్స్‌ (5), రియాన్‌ రికెల్టన్‌ (10) స్వల్ప వ్యవధిలో పెవిలియన్‌ చేరారు.నమన్‌, సూర్య, హార్దిక్‌ పోరాటం వృథాఈ క్రమంలో వన్‌డౌన్‌ బ్యాటర్‌ నమన్‌ ధీర్‌.. సూర్యకుమార్‌ యాదవ్‌తో కలిసి ఇన్నింగ్స్‌ చక్కదిద్దాడు. నమన్‌ 24 బంతుల్లో 46 రన్స్‌ చేయగా.. సూర్య 43 బంతుల్లో 67 పరుగులు సాధించాడు. అయితే, క్రీజులో నిలదొక్కుకునేందుకు కష్టపడ్డ తిలక్‌ వర్మ 23 బంతుల్లో రెండు ఫోర్ల సాయంతో 25 పరుగులు చేసిన క్రమంలో.. మేనేజ్‌మెంట్‌ అతడిని వెనక్కి పిలిపించింది.Batting at 25 off 23 in the run chase, #TilakVarma retired himself out to make way for Mitchell Santner! 🤯Only the 4th time a batter has retired out in the IPL!Watch LIVE action ➡ https://t.co/nH2UGjQY0t #IPLonJioStar 👉 #LSGvMI, LIVE NOW on Star Sports 1, Star Sports 1… pic.twitter.com/NJ0C0F8MvL— Star Sports (@StarSportsIndia) April 4, 2025 అప్పటికి ముంబై విజయానికి 24 పరుగులు కావాల్సి ఉండగా.. మిగిలింది కేవలం ఏడు బంతులు మాత్రమే. ఆ సమయంలో కెప్టెన్‌ హార్దిక్‌ పాండ్యా(16 బంతుల్లో 28 నాటౌట్‌) క్రీజులో ఉండగా.. తిలక్‌ స్థానంలో సాంట్నర్‌ వచ్చాడు. అయితే, ఆఖరి ఓవర్‌ను లక్నో పేసర్‌ ఆవేశ్‌ ఖాన్‌ కట్టుదిట్టంగా వేసి.. కేవలం తొమ్మిది పరుగులే ఇచ్చాడు. దీంతో ముంబై 191 పరుగుల వద్ద నిలిచిపోయి.. 12 పరుగుల తేడాతో ఓటమి పాలైంది. లక్నో బౌలర్లలో శార్దూల్‌ ఠాకూర్‌, ఆకాశ్‌ దీప్‌, ఆవేశ్‌ ఖాన్‌ ఒక్కో వికెట్‌ తీయగా.. పొదుపుగా బౌలింగ్‌ చేసి నమన్‌ వికెట్‌ తీసిన దిగ్వేశ్‌ సింగ్‌ రాఠి (1/21)కి ప్లేయర్‌ ఆఫ్‌ ది మ్యాచ్‌ అవార్డు దక్కింది. కాగా ముంబై ఇప్పటి వరకు ఈ సీజన్‌లో నాలుగు మ్యాచ్‌లు పూర్తి చేసుకుని.. ఒక్కటి మాత్రమే గెలిచింది.చదవండి: IPL 2025: చ‌రిత్ర సృష్టించిన హార్దిక్ పాండ్యా.. తొలి కెప్టెన్‌గాJust the breakthrough #LSG needed! Avesh Khan's change in pace does the trick as LSG dismiss Surya Kumar Yadav at a crucial juncture! 👊Updates ▶️ https://t.co/HHS1Gsaw71#TATAIPL | #LSGvMI | @LucknowIPL pic.twitter.com/KKptbNOjLI— IndianPremierLeague (@IPL) April 4, 2025

లక్నో సూపర్‌ జెయింట్స్‌తో మ్యాచ్‌లో ముంబై ఇండియన్స్‌ విజయలక్ష్యం 204 పరుగులు... నమన్, సూర్యకుమార్‌ చెలరేగినప్పుడు గెలుపు సునాయాసం అనిపించింది... చివర్లో 2 ఓవర్లో 29 పరుగులు చేయాల్సి ఉన్నా హార్దిక్‌ పాండ్యా కొట్టగలడని అనిపించింది... కానీ లక్నో మ్యాచ్‌ను కాపాడుకోగలిగింది. 19వ ఓవర్లో శార్దుల్‌ 7 పరుగులే ఇవ్వగా, ఆఖరి ఓవర్‌లో పదునైన బౌలింగ్‌తో అవేశ్‌ ఖాన్‌ 9 పరుగులే ఇచ్చాడు. దాంతో ముంబైకి ఓటమి తప్పలేదు. నలుగురు లక్నో బౌలర్లు 40కి పైగా పరుగులు ఇవ్వగా... స్పిన్నర్‌ దిగ్వేశ్‌ రాఠీ 21 పరుగులే ఇవ్వడటం చివరకు ఫలితంపై ప్రభావం చూపించింది. అంతకుముందు మిచెల్‌ మార్ష్, మార్క్‌రమ్‌ బ్యాటింగ్‌తో 200 పరుగులు దాటిన లక్నో ప్రత్యర్థికి సవాల్‌ విసిరింది. లక్నో: ఐపీఎల్‌ సీజన్‌లో సొంత మైదానంలో లక్నో సూపర్‌ జెయింట్స్‌కు తొలి విజయం దక్కింది. శుక్రవారం ఉత్కంఠభరితంగా జరిగిన పోరులో లక్నో 12 పరుగుల తేడాతో ఐదుసార్లు చాంపియన్‌ ముంబై ఇండియన్స్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన లక్నో 20 ఓవర్లలో 8 వికెట్ల నష్టానికి 203 పరుగులు చేసింది. మిచెల్‌ మార్ష్ (31 బంతుల్లో 60; 9 ఫోర్లు, 2 సిక్స్‌లు), ఎయిడెన్‌ మార్క్‌రమ్‌ (38 బంతుల్లో 53; 2 ఫోర్లు, 4 సిక్స్‌లు) అర్ధ సెంచరీలు చేయగా, ఆయుష్‌ బదోని (19 బంతుల్లో 30; 4 ఫోర్లు) రాణించాడు. హార్దిక్‌ పాండ్యా (5/36) తన టి20 కెరీర్‌లో తొలిసారి ఐదు వికెట్ల ప్రదర్శన నమోదు చేశాడు. అనంతరం ముంబై 20 ఓవర్లలో 5 వికెట్లకు 191 పరుగులే చేయగలిగింది. సూర్యకుమార్‌ యాదవ్‌ (43 బంతుల్లో 67; 9 ఫోర్లు, 1 సిక్స్‌), నమన్‌ ధీర్‌ (24 బంతుల్లో 46; 4 ఫోర్లు, 3 సిక్స్‌లు) రాణించారు. పంత్‌ విఫలం... లక్నోకు ఓపెనర్లు మార్ష్, మార్క్‌రమ్‌ శుభారంభం అందించారు. బౌల్ట్‌ వేసిన తొలి ఓవర్‌ నాలుగో బంతి మార్ష్ బ్యాట్‌ను తాకుతూ కీపర్‌ చేతుల్లో పడింది. అయితే దీనిని ముంబై బృందం గుర్తించక అప్పీల్‌ చేయలేదు. దాంతో బతికిపోయిన మార్ష్ ఆ తర్వాత చెలరేగిపోయి బౌల్ట్‌ తర్వాతి ఓవర్లో 6, 4 కొట్టాడు. అనంతరం అశ్వని ఓవర్లో మార్ష్ వరుసగా 6, 4, 2, 2, 4, 4 బాదగా, వైడ్‌తో కలిపి మొత్తం 23 పరుగులు వచ్చాయి. ఈ క్రమంలో 27 బంతుల్లో మార్ష్ హాఫ్‌ సెంచరీ పూర్తి కాగా, పవర్‌ప్లేలో లక్నో 69 పరుగులు సాధించింది. ఎట్టకేలకు పుతూర్‌... మార్ష్ను వెనక్కి పంపించాడు. మార్ష్, మార్క్‌రమ్‌ తొలి వికెట్‌కు 42 బంతుల్లోనే 76 పరుగులు జోడించారు. ఫామ్‌లో ఉన్న నికోలస్‌ పూరన్‌ (12) ఎక్కువసేపు నిలబడలేకపోగా, రిషభ్‌ పంత్‌ (2) వరుసగా నాలుగో మ్యాచ్‌లోనూ విఫలమయ్యాడు. ఈ దశలో బదోని, మార్క్‌రమ్‌ కలిసి ఇన్నింగ్స్‌ను నడిపించారు. సాంట్నర్‌ ఓవర్లో బదోని వరుసగా 3 ఫోర్లు కొట్టగా, ఎట్టకేలకు 17వ ఓవర్లో మార్క్‌రమ్‌ అర్ధసెంచరీ (34 బంతుల్లో) పూర్తయింది. వీరిద్దరు నాలుగో వికెట్‌కు 31 బంతుల్లో 51 పరుగులు జత చేశారు. చివర్లో డేవిడ్‌ మిల్లర్‌ (14 బంతుల్లో 27; 3 ఫోర్లు, 1 సిక్స్‌) దూకుడుతో స్కోరు 200 దాటింది. సూర్య హాఫ్‌ సెంచరీ... ఛేదనలో ముంబై ఆరంభంలోనే జాక్స్‌ (5), రికెల్టన్‌ (10) వికెట్లు కోల్పోయింది. అయితే నమన్, సూర్య భాగస్వామ్యంతో స్కోరు దూసుకుపోయింది. ముఖ్యంగా నమన్‌ మెరుపు బ్యాటింగ్‌తో చెలరేగిపోయాడు. ఆకాశ్‌దీప్‌ ఓవర్లో అతను వరుసగా 6, 6, 4, 4 బాదాడు. దాంతో పవర్‌ప్లే ముగిసేసరికి స్కోరు 64 పరుగులకు చేరింది. అయితే రాఠీ బౌలింగ్‌లో నమన్‌ బౌల్డ్‌ కావడంతో 69 పరుగుల (35 బంతుల్లో) మూడో వికెట్‌ భాగస్వామ్యానికి తెర పడింది. ఆ తర్వాతా జోరు సాగించిన సూర్య 31 బంతుల్లో అర్ధ సెంచరీ పూర్తి చేసుకున్నాడు. 24 బంతుల్లో 52 పరుగులు చేయాల్సిన స్థితిలో సూర్య అవుట్‌ కాగా...షాట్లు ఆడటంలో బాగా ఇబ్బంది పడిన తిలక్‌వర్మ (23 బంతుల్లో 25; 2 ఫోర్లు) ‘రిటైర్డ్‌ అవుట్‌’గా తప్పుకున్నాడు. చివర్లో హార్దిక్‌ పాండ్యా (16 బంతుల్లో 28 నాటౌట్‌; 2 ఫోర్లు, 1 సిక్స్‌) ఎంతగా ప్రయత్నించినా ముంబైకి ఓటమి తప్పలేదు. 17వ, 18వ ఓవర్లలో కలిపి 23 పరుగులు వచ్చినా... చివరి 2 ఓవర్లలో 29 పరుగులు చేయడంలో ముంబై విఫలమైంది. స్కోరు వివరాలు లక్నో సూపర్‌ జెయింట్స్‌ ఇన్నింగ్స్‌: మార్ష్ (సి అండ్‌ బి) పుతూర్‌ 60; మార్క్‌రమ్‌ (సి) బావా (బి) పాండ్యా 53; పూరన్‌ (సి) చహర్‌ (బి) పాండ్యా 12; పంత్‌ (సి) (సబ్‌) బాష్‌ (బి) పాండ్యా 2; బదోని (సి) రికెల్టన్‌ (బి) అశ్వని 30; మిల్లర్‌ (సి) నమన్‌ (బి) పాండ్యా 27; సమద్‌ (సి) నమన్‌ (బి) బౌల్ట్‌ 4; శార్దుల్‌ (నాటౌట్‌) 5; ఆకాశ్‌దీప్‌ (సి) సాంట్నర్‌ (బి) పాండ్యా 0; అవేశ్‌ (నాటౌట్‌) 2; ఎక్స్‌ట్రాలు 8; మొత్తం (20 ఓవర్లలో 8 వికెట్లకు) 203. వికెట్ల పతనం: 1–76, 2–91, 3–107, 4–158, 5–173, 6–182, 7–200, 8–200. బౌలింగ్‌: బౌల్ట్‌ 3–0–28–1, దీపక్‌ చహర్‌ 2–0–23–0, అశ్వని కుమార్‌ 3–0–39–1, సాంట్నర్‌ 4–0–46–0, విఘ్నేశ్‌ పుతూర్‌ 4–0–31–1, హార్దిక్‌ పాండ్యా 4–0–36–5. ముంబై ఇండియన్స్‌ ఇన్నింగ్స్‌: జాక్స్‌ (సి) బిష్ణోయ్‌ (బి) ఆకాశ్‌దీప్‌ 5; రికెల్టన్‌ (సి) బిష్ణోయ్‌ (బి) శార్దుల్‌ 10; నమన్‌ ధీర్‌ (బి) రాఠీ 46; సూర్యకుమార్‌ (సి) సమద్‌ (బి) అవేశ్‌ 67; తిలక్‌వర్మ (రిటైర్డ్‌ అవుట్‌) 25; పాండ్యా (నాటౌట్‌) 28; సాంట్నర్‌ (నాటౌట్‌) 2; ఎక్స్‌ట్రాలు 8; మొత్తం (20 ఓవర్లలో 5 వికెట్లకు) 191. వికెట్ల పతనం: 1–11, 2–17, 3–86, 4–152, 5–180. బౌలింగ్‌: శార్దుల్‌ ఠాకూర్‌ 4–0–40–1, ఆకాశ్‌దీప్‌ 4–0–46–1, అవేశ్‌ ఖాన్‌ 4–0–40–1, దిగ్వేశ్‌ రాఠీ 4–0–21–1, రవి బిష్ణోయ్‌ 4–0–40–0 రోహిత్‌ శర్మ దూరం ముంబై ఓపెనర్‌ రోహిత్‌ శర్మ లక్నోతో మ్యాచ్‌లో ఆడలేదు. గురువారం ప్రాక్టీస్‌ సందర్భంగా అతని మోకాలికి గాయమైంది. దాంతో అతను ఈ పోరు నుంచి తప్పుకున్నాడు. రోహిత్‌ స్థానంలో రాజ్‌ బావాకు టీమ్‌ అవకాశం కల్పించింది. ఐపీఎల్‌లో నేడుచెన్నై X ఢిల్లీ వేదిక: చెన్నై మధ్యాహ్నం 3: 30 గంటల నుంచి పంజాబ్‌ X రాజస్తాన్‌వేదిక: ముల్లాన్‌పూర్‌ రాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌-2025లో ల‌క్నో సూప‌ర్ జెయింట్స్ తిరిగి గెలుపు బాట ప‌ట్టింది. ఏక్నా స్టేడియం వేదిక‌గా ముంబై ఇండియ‌న్స్‌తో ఆఖ‌రి వ‌ర‌కు ఉత్కంఠ భ‌రితంగా సాగిన మ్యాచ్‌లో 12 ప‌రుగుల తేడాతో ల‌క్నో విజ‌యం సాధించింది. 204 ప‌రుగుల భారీ ల‌క్ష్యంతో బ‌రిలోకి దిగిన ముంబై ఇండియ‌న్స్ నిర్ణీత 20 ఓవ‌ర్ల‌లో 5 వికెట్లు కోల్పోయి 191 ప‌రుగుల‌కే ప‌రిమిత‌మైంది. ఆఖ‌రి ఓవ‌ర్‌లో అవేష్ ఖాన్ అద్బుతంగా బౌలింగ్ చేశాడు. ముంబై విజ‌యానికి చివ‌రి ఓవ‌ర్‌లో 22 ప‌రుగులు అవ‌స‌ర‌మ‌య్యాయి. ఆ ఓవ‌ర్‌లో తొలి బంతినే హార్దిక్ పాండ్యా సిక్స‌ర్‌గా మ‌లిచాడు. ఆ త‌ర్వాత అవేష్ ఖాన్ సూప‌ర్ క‌మ్‌బ్యాక్ ఇచ్చాడు. ఆఖ‌రి 5 బంతుల్లో కేవ‌లం మూడు ప‌రుగులు మాత్ర‌మే అవేష్ ఇచ్చాడు.ముంబై ఇండియ‌న్స్ బ్యాట‌ర్ల‌లో సూర్య‌కుమార్ యాద‌వ్‌(67) టాప్ స్కోర‌ర్‌గా నిల‌వ‌గా.. న‌మాన్ ధీర్‌(46) ప‌రుగుల‌తో ప‌ర్వాలేద‌న్పించాడు. కెప్టెన్ హార్దిక్ పాండ్యా(28) ఆఖ‌రిలో పోరాడిన‌ప్ప‌టికి త‌న జ‌ట్టును గెలిపించ‌లేక‌పోయాడు. ల‌క్నో బౌల‌ర్ల‌లో ఆకాష్ దీప్‌, దిగ్వేష్‌, శార్ధూల్ ఠాకూర్‌, అవేష్ ఖాన్ తలా వికెట్ సాధించారు. అంత‌కుముందు బ్యాటింగ్ చేసిన ల‌క్నో సూపర్‌ జెయింట్స్‌ 8 వికెట్ల న‌ష్టానికి 203 ప‌రుగులు చేసింది. ల‌క్నో బ్యాట‌ర్ల‌లో మిచెల్ మార్ష్‌(31 బంతుల్లో 9 ఫోర్లు, 2 సిక్స్‌ల‌తో 60), మార్‌క్ర‌మ్‌(53) హాఫ్ సెంచ‌రీల‌తో మెర‌వ‌గా.. డేవిడ్ మిల్ల‌ర్‌(27), బ‌దోని(27) రాణించారు. ముంబై బౌల‌ర్ల‌లో హార్ధిక్ పాండ్యా 5 వికెట్లతో చెలరేగగా.. విఘ్నేష్‌ పుత్తార్‌, బౌల్ట్‌, అశ్వినీ కుమార్ త‌లా వికెట్ సాధించారు.

LSG vs MI Live Updates: ఐపీఎల్‌-2025లో భాగంగా ల‌క్నో వేదిక‌గా ముంబై ఇండియ‌న్స్‌, ల‌క్నో సూప‌ర్ జెయింట్స్ త‌ల‌ప‌డుతున్నాయి.ముంబై ఇండియ‌న్స్‌పై ల‌క్నో విజ‌యం..ఏక్నా స్టేడియం వేదిక‌గా ముంబై ఇండియ‌న్స్‌తో ఆఖ‌రి వ‌ర‌కు ఉత్కంఠ భ‌రితంగా సాగిన మ్యాచ్‌లో 12 ప‌రుగుల తేడాతో ల‌క్నో సూప‌ర్ జెయింట్స్ విజ‌యం సాధించింది. 204 ప‌రుగుల భారీ ల‌క్ష్యంతో బ‌రిలోకి దిగిన ముంబై ఇండియ‌న్స్ నిర్ణీత 20 ఓవ‌ర్ల‌లో 5 వికెట్లు కోల్పోయి 191 ప‌రుగుల‌కే ప‌రిమిత‌మైంది. ఆఖ‌రి ఓవ‌ర్‌లో అవేష్ ఖాన్ అద్బుతంగా బౌలింగ్ చేశాడు. ముంబై ఇండియ‌న్స్ బ్యాట‌ర్ల‌లో సూర్య‌కుమార్ యాద‌వ్‌(67) టాప్ స్కోర‌ర్‌గా నిల‌వ‌గా.. న‌మాన్ ధీర్‌(46) ప‌రుగుల‌తో ప‌ర్వాలేద‌న్పించాడు. కెప్టెన్ హార్దిక్ పాండ్యా(28) ఆఖ‌రిలో పోరాడిన‌ప్ప‌టికి త‌న జ‌ట్టును గెలిపించ‌లేక‌పోయాడు. ల‌క్నో బౌల‌ర్ల‌లో ఆకాష్ దీప్‌, దిగ్వేష్‌, శార్ధూల్ ఠాకూర్‌, అవేష్ ఖాన్ తలా వికెట్ సాధించారు.17 ఓవ‌ర్ల‌కు ముంబై స్కోర్‌:164/4సూర్య‌కుమార్ యాద‌వ్ రూపంలో ముంబై ఇండియ‌న్స్ నాలుగో వికెట్ కోల్పోయింది. 67 ప‌రుగులు చేసిన సూర్య‌కుమార్ యాద‌వ్‌.. అవేష్ ఖాన్ బౌలింగ్‌లో ఔట‌య్యాడు. ముంబై విజ‌యానికి 21 బంతుల్లో 46 ప‌రుగులు కావాలి. క్రీజులో ప్ర‌స్తుతం తిల‌క్ వ‌ర్మ‌(18), హార్దిక్‌(5) ప‌రుగుల‌తో ఉన్నారు. 13 ఓవ‌ర్ల‌కు ముంబై ఇండియ‌న్స్ స్కోర్‌: 125/313 ఓవ‌ర్లు ముగిసే స‌రికి ముంబై ఇండియ‌న్స్ మూడు వికెట్ల న‌ష్టానికి 125 ప‌రుగులు చేసింది. క్రీజులో సూర్య‌కుమార్ యాద‌వ్‌(46), తిల‌క్ వ‌ర్మ‌(12) ఉన్నారు. ముంబై మూడో వికెట్ డౌన్..నమన్ ధీర్ రూపంలో ముంబై మూడో వికెట్ కోల్పోయింది. 46 ప‌రుగులు చేసిన ధీర్‌.. దిగ్వేష్ బౌలింగ్‌లో క్లీన్ బౌల్డ‌య్యాడు.దూకుడుగా ఆడుతున్న ధిర్‌, సూర్య‌ఆదిలోనే ఓపెన‌ర్ల వికెట్ల‌ను కోల్పోయిన ముంబై ఇండియ‌న్స్ తిరిగి పుంజుకుంది. న‌మాన్ ధిర్‌(46), సూర్య‌కుమార్ యాద‌వ్‌(21) దూకుడుగా ఆడుతున్నారు. 8 ఓవ‌ర్లు ముగిసే స‌రికి ముంబై రెండు వికెట్ల న‌ష్టానికి 86 ప‌రుగులు చేసింది.ముంబైకి ఆదిలోనే భారీ షాక్‌..204 పరుగుల భారీ లక్ష్యంతో బరిలోకి దిగిన ముంబై ఇండియన్స్‌కు ఆదిలోనే భారీ షాక్ తగిలింది. కేవలం 17 పరుగులకే రెండు వికెట్లు కోల్పోయి కష్టాల్లో పడింది. రెండో ఓవర్‌లో ఆకాష్ దీప్ బౌలింగ్‌లో విల్ జాక్స్‌(5) తొలి వికెట్ కోల్పోవగా.. తర్వాత శార్ధూల్ ఠాకూర్ బౌలింగ్‌లో ర్యాన్ రికెల్టన్‌(10) ఔటయ్యారు. 3 ఓవ‌ర్లు ముగిసే స‌రికి ముంబై రెండు వికెట్ల న‌ష్టానికి 25 ప‌రుగులు చేసింది.చెల‌రేగిన ల‌క్నో బ్యాట‌ర్లు.. ముంబై ముందు భారీ టార్గెట్‌ల‌క్నో వేదిక‌గా ముంబై ఇండియ‌న్స్‌తో జ‌రుగుతున్న మ్యాచ్‌లో ల‌క్నో బ్యాట‌ర్లు ఆకాశ‌మే హ‌ద్దుగా చెల‌రేగారు. టాస్ ఓడి తొలుత బ్యాటింగ్‌కు దిగిన ల‌క్నో 8 వికెట్ల న‌ష్టానికి 203 ప‌రుగులు చేసింది. ల‌క్నో బ్యాట‌ర్ల‌లో మిచెల్ మార్ష్‌(31 బంతుల్లో 9 ఫోర్లు, 2 సిక్స్‌ల‌తో 60), మార్‌క్ర‌మ్‌(53) హాఫ్ సెంచ‌రీల‌తో మెర‌వ‌గా.. డేవిడ్ మిల్ల‌ర్‌(27), బ‌దోని(27) రాణించారు. ముంబై బౌల‌ర్ల‌లో హార్ధిక్ పాండ్యా ఐదు వికెట్ల‌తో చెల‌రేగ‌గా.. పుత్తార్‌, బౌల్ట్‌, అశ్వినీ కుమార్ త‌లా వికెట్ సాధించారు.ల‌క్నో నాలుగో వికెట్ డౌన్‌..ఆయూష్ బ‌దోని రూపంలో ల‌క్నో నాలుగో వికెట్ కోల్పోయింది. 30 ప‌రుగులు చేసిన బ‌దోని.. అశ్వినీ కుమార్ బౌలింగ్‌లో ఔట‌య్యాడు. క్రీజులో మార్‌క్ర‌మ్‌(49), డేవిడ్ మిల్ల‌ర్‌(1) ఉన్నారు. 16 ఓవ‌ర్లు ముగిసే స‌రికి ల‌క్నో నాలుగు వికెట్ల న‌ష్టానికి 159 ప‌రుగులు చేసింది.పంత్ మ‌రోసారి ఫెయిల్‌..రిష‌బ్ పంత్ మ‌రోసారి విఫ‌ల‌మ‌య్యాడు. ముంబైతో జ‌రుగుతున్న మ్యాచ్‌లో కేవ‌లం 2 ప‌రుగులు మాత్ర‌మే చేసి పంత్ ఔట‌య్యాడు. హార్దిక్ పాండ్యా బౌలింగ్‌లో చెత్త షాట్ ఆడి త‌న వికెట్‌ను కోల్పోయాడు. 12 ఓవ‌ర్లు ముగిసే స‌రికి ల‌క్నో మూడు వికెట్ల న‌ష్టానికి 116 ప‌రుగులు చేసింది.ల‌క్నో రెండో వికెట్ డౌన్‌..నికోల‌స్ పూర‌న్(12) రూపంలో ల‌క్నో రెండో వికెట్ కోల్పోయింది. హార్దిక్ పాండ్యా బౌలింగ్‌లో దీప‌క్ చాహ‌ర్‌కు క్యాచ్ ఇచ్చి ఔట‌య్యాడు. 10 ఓవ‌ర్లు ముగిసే స‌రికి ల‌క్నో రెండు వికెట్లు కోల్పోయి 100 ప‌రుగులు చేసింది. క్రీజులో మార్క్‌రామ్‌(23) ఉన్నాడు.ల‌క్నో తొలి వికెట్ డౌన్‌..మిచెల్ మార్ష్ రూపంలో ల‌క్నో సూప‌ర్‌జెయింట్స్ తొలి వికెట్ కోల్పోయింది. 60 ప‌రుగులు చేసిన మార్ష్‌.. విఘ్నేష్ పుత్తార్ బౌలింగ్‌లో ఔట‌య్యాడు. క్రీజులోకి నికోల‌స్ పూర‌న్ వ‌చ్చాడు. 7 ఓవ‌ర్ల‌కు ముంబై స్కోర్‌దుమ్ములేపుతున్న మార్ష్‌..మిచెల్ మార్ష్ దుమ్ములేపుతున్నాడు. కేవ‌లం 27 బంతుల్లోనే త‌న హాఫ్ సెంచ‌రీ సాధించాడు. 60 ప‌రుగుల‌తో త‌న బ్యాటింగ్‌ను కొన‌సాగిస్తున్నాడు. అత‌డి ఇన్నింగ్స్‌ల‌లో 9 ఫోర్లు, 2 సిక్స్‌లు ఉన్నాయి. 6 ఓవ‌ర్లు ముగిసే స‌రికి ల‌క్నో 69 ప‌రుగులు చేసింది. దూకుడుగా ఆడుతున్న ల‌క్నో..టాస్ ఓడి తొలుత బ్యాటింగ్‌కు దిగిన ల‌క్నో సూప‌ర్ జెయింట్స్ ఓపెన‌ర్లు దూకుడుగా ఆడుతున్నారు. 3 ఓవ‌ర్లు ముగిసే స‌రికి ల‌క్నో వికెట్ న‌ష్ట‌పోకుండా 32 ప‌రుగులు చేసింది. క్రీజులో మిచెల్ మార్ష్‌(26), మార్‌క్ర‌మ్‌(5) ఉన్నారు.ఐపీఎల్‌-2025లో భాగంగా ల‌క్నో వేదిక‌గా ముంబై ఇండియ‌న్స్‌, ల‌క్నో సూప‌ర్ జెయింట్స్ త‌ల‌ప‌డుతున్నాయి. ఈ మ్యాచ్‌లో టాస్ గెలిచిన ముంబై ఇండియ‌న్స్ తొలుత బౌలింగ్ ఎంచుకుంది. ఈ మ్యాచ్‌కు రోహిత్ శ‌ర్మ దూర‌మ‌య్యాడు. ప్రాక్టీస్ సెష‌న్‌లో మోకాలికి గాయ‌మైంది. అత‌డి స్ధానంలో రాజ్ అంగ‌ద్ తుది జ‌ట్టులోకి బావా వ‌చ్చాడు.తుది జ‌ట్లు లక్నో సూపర్ జెయింట్స్ (ప్లేయింగ్ XI): ఐడెన్ మార్క్‌రామ్, మిచెల్ మార్ష్, నికోలస్ పూరన్, రిషబ్ పంత్(కెప్టెన్‌), ఆయుష్ బదోని, డేవిడ్ మిల్లర్, అబ్దుల్ సమద్, శార్దూల్ ఠాకూర్, దిగ్వేష్ సింగ్ రాఠీ, ఆకాష్ దీప్, అవేష్ ఖాన్ముంబై ఇండియన్స్ (ప్లేయింగ్ XI): విల్ జాక్స్, ర్యాన్ రికెల్టన్(వికెట్ కీప‌ర్‌), సూర్యకుమార్ యాదవ్, హార్దిక్ పాండ్యా(కెప్టెన్‌), నమన్ ధీర్, రాజ్ బావా, మిచెల్ సాంట్నర్, ట్రెంట్ బౌల్ట్, అశ్వనీ కుమార్, దీపక్ చాహర్, విఘ్నేష్ పుత్తూర్

లక్నో: భారీ అంచనాలతో బరిలోకి దిగి ఈ సీజన్‌లో స్థాయికి తగ్గ ప్రదర్శన చేయలేకపోతున్న ఇరు జట్ల మధ్య శుక్రవారం కీలక పోరు జరగనుంది. లక్నో సూపర్‌ జెయింట్స్‌ను ఐదుసార్లు చాంపియన్‌ ముంబై ఇండియన్స్‌ ‘ఢీ’ కొట్టనుంది. తాజా సీజన్‌లో చెరో 3 మ్యాచ్‌లాడిన ఇరు జట్లు ఒక్కో విజయం సాధించి రెండేసి పరాజయాలు మూటగట్టుకున్నాయి. ఐపీఎల్‌ చరిత్రలో అత్యధిక ధర (రూ. 27 కోట్లు) దక్కించుకున్న లక్నో సారథి పంత్‌... ఇప్పటి వరకు ఆకట్టుకోలేకపోయాడు. గత మూడు మ్యాచ్‌ల్లో అతడు వరుసగా 0, 15, 2 పరుగులు చేశాడు. దీంతో అతడిపై తీవ్ర ఒత్తిడి ఉండగా... ఐపీఎల్‌లో కెప్టెన్సీకి దూరమైనప్పటి నుంచి కేవలం ఇంపాక్ట్‌ ప్లేయర్‌గానే ఆడుతున్న రోహిత్‌ శర్మ కూడా ఫామ్‌లేమితో ఇబ్బంది పడుతున్నాడు. తాజా సీజన్‌లో ఆడిన మూడు మ్యాచ్‌ల్లో ‘హిట్‌మ్యాన్‌’ వరుసగా 0, 8, 13 పరుగులు చేశాడు. వీరిద్దరు ఎలాంటి ప్రణాళికలతో బరిలోకి దిగుతారో చూడాలి. మరోవైపు ఐపీఎల్‌లో ముంబైపై మెరుగైన రికార్డు ఉన్న లక్నో సూపర్‌ జెయింట్స్‌ దాన్నే కొనసాగించాలని భావిస్తోంది. ఇప్పటి వరకు ఇరు జట్ల మధ్య 6 మ్యాచ్‌లు జరగగా... అందులో ఐదింట లక్నో గెలుపొందింది. మరి స్పిన్‌కు సహకరిస్తున్న లక్నో పిచ్‌పై విజయం ఎవరిని వరిస్తుందో చూడాలి! బుమ్రా లేకపోయినా బలంగానే... ప్రధాన పేసర్‌ జస్‌ప్రీత్‌ బుమ్రా అందుబాటులో లేకపోయినా... ముంబై ఇండియన్స్‌ బౌలింగ్‌ దళం పటిష్టంగానే కనిపిస్తోంది. నైపుణ్యం ఉన్న దేశీయ ఆటగాళ్లను గుర్తించి వారిని సానబెట్టే అలవాటు ఉన్న ముంబై ఫ్రాంచైజీ ఇప్పటికి ఎందరో స్టార్‌ ఆటగాళ్లను తయారు చేసింది. బుమ్రా, సూర్యకుమార్, హార్దిక్‌ పాండ్యా, తిలక్‌ వర్మ ఇలా వెలుగులోకి వచ్చిన వారే. ఇప్పుడా జాబితాలో మరో రెండు కొత్త పేర్లు చేరేలా కనిపిస్తున్నాయి. గాయం కారణంగా తొలి దశ మ్యాచ్‌లకు బుమ్రా దూరం కావడంతో... జట్టు బౌలింగ్‌ బలహీనపడుతుంది అనుకుంటే... మేమున్నామంటూ బాధ్యత తీసుకునేందుకు యువ ఆటగాళ్లు ముందుకు వచ్చారు. లెఫ్టార్మ్‌ పేసర్‌ అశ్వని కుమార్, మణికట్టు స్పిన్నర్‌ విఘ్నేశ్‌ పుథుర్‌ చెరో 4 వికెట్లతో ఆకట్టుకున్నారు. యంగ్‌ ప్లేయర్లకు దిశానిర్దేశం చేయడంలో మెరుగైన రికార్డు ఉన్న ముంబై ఫ్రాంచైజీ వీరిద్దరినీ జాగ్రత్తగా తీర్చిదిద్దుతోంది. తొలి రెండు మ్యాచ్‌ల్లో ఓడినప్పటికీ డిఫెండింగ్‌ చాంపియన్‌ కోల్‌కతా నైట్‌రైడర్స్‌తో ఆడిన చివరి మ్యాచ్‌లో ముంబై సాధికారిక విజయం సాధించింది. దక్షిణాఫ్రికా ప్లేయర్‌ రికెల్టన్‌ మెరుపులు మెరిపిస్తుండగా... హైదరాబాద్‌ ప్లేయర్‌ తిలక్‌ వర్మ చక్కటి టచ్‌లో ఉన్నాడు. గత మ్యాచ్‌తో సూర్యకుమార్‌ కూడా లయ అందుకోగా... రోహిత్‌ శర్మ నుంచి మేనేజ్‌మెంట్‌ భారీ ఇన్నింగ్స్‌ ఆశిస్తోంది. కెపె్టన్‌ హార్దిక్‌తో పాటు బౌల్ట్, అశ్వని, దీపక్‌ చాహర్, సాంట్నర్‌ బౌలింగ్‌లో కీలకం కానున్నారు. ఫుల్‌ ఫామ్‌లో పూరన్, మార్ష్... కొత్త సారథి రిషబ్‌ పంత్‌ భారీ స్కోర్లు చేయలేకపోతున్నా... లక్నో జట్టుకు బ్యాటింగ్‌లో పెద్దగా సమస్యలు కనిపించడం లేదు. టి20 స్పెషలిస్ట్, విండీస్‌ స్టార్‌ నికోలస్‌ పూరన్‌ భారీ సిక్సర్లతో విరుచుకు పడుతుంటే... ఆ్రస్టేలియా బ్యాటర్‌ మిషెల్‌ మార్ష్ జట్టుకు మెరుగైన ఆరంభాలు అందిస్తున్నాడు. గత మూడు మ్యాచ్‌ల్లో ఈ ఇద్దరు రెండేసి హాఫ్‌ సెంచరీలు సాధించారు. క్షణాల్లో ప్రత్యర్థి నుంచి మ్యాచ్‌ను లాగేసుకోగల సామర్థ్యం ఉన్న వీరి నుంచి మేనేజ్‌మెంట్‌ ఇలాంటి మెరుపులే ఆశిస్తోంది. మార్క్‌రమ్, డేవిడ్‌ మిల్లర్‌ రూపంలో మరో ఇద్దరు విదేశీ ఆటగాళ్లు కూడా ధాటిగా ఆడగలిగే వాళ్లే కావడం... లక్నోకు కలిసి రానుంది. ఆయుశ్‌ బదోని, శార్దుల్‌ ఠాకూర్, షాబాజ్‌ నదీమ్‌ రూపంలో ముగ్గురు స్వదేశీ ప్లేయర్లు లోయర్‌ ఆర్డర్‌లో బ్యాటింగ్‌ చేసేందుకు సిద్ధం. ఎటొచ్చి పంత్‌ ఫామ్‌ మేనేజ్‌మెంట్‌ను కలవరపెడుతోంది.చాంపియన్స్‌ ట్రోఫీలో భారత తుది జట్టులో చోటు దక్కకపోవడంతో బెంచ్‌కే పరిమితమైన రిషబ్‌... ఈ మ్యాచ్‌లోనైనా దంచికొట్టాలని అభిమానులు ఆశిస్తున్నారు. ఇతర జట్లతో పోల్చుకుంటే... బౌలింగ్‌లో కాస్త బలహీనంగా కనిపించిన లక్నో... శార్దుల్‌ ఠాకూర్‌ రాకతో బలంగా తయారైంది. గాయం నుంచి కోలుకున్న ఆకాశ్‌దీప్‌ ఈ మ్యాచ్‌లో ఆడటం ఖాయమే. రవి బిష్ణోయ్, దిగ్వేశ్‌ రాఠి కీలకం కానున్నారు. తుది జట్లు (అంచనా) లక్నో సూపర్‌ జెయింట్స్‌: పంత్‌ (కెప్టెన్‌), మార్క్‌రమ్, మార్ష్, పూరన్, బదోని, మిల్లర్, సమద్, శార్దుల్, దిగ్వేశ్‌ రాఠి, ఆకాశ్‌దీప్, రవి బిష్ణోయ్, సిద్ధార్థ్‌. ముంబై ఇండియన్స్‌: హార్దిక్‌ పాండ్యా (కెప్టెన్‌), రోహిత్, రికెల్టన్, సూర్యకుమార్, తిలక్‌ వర్మ, నమన్‌ ధీర్, సాంట్నర్, దీపక్‌ చాహర్, బౌల్ట్, అశ్వని కుమార్, విఘ్నేశ్‌ పుథుర్, ముజీబ్‌. 6 ఐపీఎల్‌లో లక్నో సూపర్‌ జెయింట్స్, ముంబై ఇండియన్స్‌ మధ్య 6 మ్యాచ్‌లు జరిగాయి. ఐదింటిలో లక్నో గెలుపొందగా... ఒక మ్యాచ్‌లో ముంబై ఇండియన్స్‌ విజయం సాధించింది.

సొంత మైదానంలో లక్నో సూపర్‌ జెయింట్స్‌ (Lucknow Super Ziants) ఓడిపోవడాన్ని ఆ జట్టు మెంటార్‌ జహీర్‌ ఖాన్‌ (Zaheer Khan) జీర్ణించుకోలేకపోతున్నాడు. పంజాబ్‌ కింగ్స్‌ గెలుపునకు పరోక్షంగా పిచ్‌ క్యూరేటరే కారణమంటూ విస్మయకర వ్యాఖ్యలు చేశాడు. ఐపీఎల్‌-2025 (IPL 2025)లో భాగంగా లక్నో మంగళవారం పంజాబ్‌తో తలపడ్డ విషయం తెలిసిందే.లక్నోలోని భారత రత్న శ్రీ అటల్‌ బిహారీ వాజ్‌పేయి ఏకనా క్రికెట్‌ స్టేడియం ఇందుకు వేదిక. టాస్‌ గెలిచిన పంజాబ్‌.. లక్నో జట్టును తొలుత బ్యాటింగ్‌కు ఆహ్వానించింది. అయితే, ఏకనా వికెట్‌పై పరుగులు రాబట్టేందుకు లక్నో బ్యాటర్లు తడబడ్డారు.అయితే, 35 పరుగులకే మూడు వికెట్లు కోల్పోయి లక్నో కష్టాల్లో పడిన వేళ నికోలస్‌ పూరన్‌ (44), ఆయుశ్‌ బదోని (41), అబ్దుల్‌ సమద్‌ (12 బంతుల్లో 27)బ్యాట్‌ ఝులిపించారు. ఈ ముగ్గురి ధనాధన్‌ ఇన్నింగ్స్‌ కారణంగా లక్నో నిర్ణీత 20 ఓవర్లలో ఏడు వికెట్ల నష్టానికి 171 పరుగులు చేయగలిగింది.16.2 ఓవర్లలోనే..ఇక లక్ష్య ఛేదనలో ఆరంభంలోనే ఓపెనర్‌ ప్రియాన్ష్‌ ఆర్య (8) వికెట్‌ కోల్పోయినప్పటికీ పంజాబ్‌ అద్బుత రీతిలో పుంజుకుంది. వికెట్‌ కీపర్‌ ప్రభ్‌సిమ్రన్‌ సింఘ్‌ (34 బంతుల్లో 69) మెరుపు అర్ధ శతకంతో రాణించగా.. కెప్టెన్‌ శ్రేయస్‌ అయ్యర్‌ (30 బంతుల్లో 52), నేహాల్‌ వధేరా (25 బంతుల్లో 43) అజేయంగా నిలిచి జట్టు గెలుపును ఖరారు చేశారు. ఈ ముగ్గురి విజృంభణ కారణంగా 16.2 ఓవర్లలో కేవలం రెండు వికెట్లు మాత్రమే నష్టపోయి పంజాబ్‌ లక్నోపై ఘన విజయం సాధించింది.మాకు సొంత మైదానం..ఈ నేపథ్యంలో మ్యాచ్‌ అనంతరం లక్నో మెంటార్‌, టీమిండియా మాజీ పేసర్‌ జహీర్‌ ఖాన్‌ షాకింగ్‌ కామెంట్స్‌ చేశాడు. లక్నో తమకు సొంత మైదానం అయినా.. పిచ్‌ క్యూరేటర్‌ మాత్రం పంజాబ్‌కు మేలు చేయడం నిరాశపరిచిందన్నాడు. ఈ మేరకు ఈఎస్‌పీఎన్‌క్రిక్‌ఇన్ఫోతో మాట్లాడుతూ... ‘‘సొంత మైదానంలో మ్యాచ్‌ అంటే.. అక్కడి జట్టుకే కాస్త ఫేవర్‌గా ఉంటుంది.కానీ ఇక్కడ పంజాబ్‌ క్యూరేటర్‌ ఉన్నారుకానీ ఈ విషయంలో లక్నో క్యూరేటర్‌ చేసిన పని వల్ల.. ఇది హోం మ్యాచ్‌ అన్న భావనే రాలేదు. ఇక్కడి వికెట్‌ ఇలాగే ఉంటుందేమో బహుశా!.. ఇక్కడ పంజాబ్‌ క్యూరేటర్‌ ఉన్నారనిపించింది. ఈ మ్యాచ్‌లో నాకు అన్నింటికంటే ఇదే ఎక్కువ నిరాశను కలిగించింది.క్యూరేటర్‌ మమ్మల్నే కాదు లక్నో అభిమానులను కూడా నిరాశకు గురిచేశారు. సొంతగడ్డపై లక్నో గెలుస్తుందని వారంతా భావించారు. కానీ ఇలా జరిగిపోయింది. జట్టుగా మేము పటిష్టంగా ఉన్నాము. మ్యాచ్‌లో ఓడిపోయామన్న వాస్తవాన్ని మేము అంగీకరిస్తున్నాం.వినూత్న రీతిలో.. ముందడుగుఅయితే, సొంతమైదానంలో ఓటమి కాస్త ఎక్కువ బాధించింది. ఇక్కడ మాకు ఇంకో ఆరు మ్యాచ్‌లు మిగిలి ఉన్నాయి. మేము కచ్చితంగా మెరుగ్గా రాణిస్తామనే నమ్మకం ఉంది. సంప్రదాయ పద్ధతులను కాస్త పక్కనపెట్టి.. వినూత్న రీతిలో.. ముందడుగు వేసేందుకు మేము సిద్ధంగా ఉన్నాము’’ అని జహీర్‌ ఖాన్‌ చెప్పుకొచ్చాడు.రహానే కూడా ఇలాగేకాగా లక్నో పిచ్‌ సాధారణంగా స్పిన్నర్లకు అనుకూలంగా ఉంటుందని చెప్తారు. కానీ పంజాబ్‌తో మ్యాచ్‌లో లక్నో స్పిన్నర్లకు పెద్దగా కలిసిరాలేదు. రవి బిష్ణోయి, మణిమరన్‌ సిద్దార్థ్‌ ఒక్క వికెట్‌ కూడా తీయలేకపోగా.. దిగ్వేశ్‌ సింగ్‌ రాఠీ మాత్రం రెండు వికెట్లు పడగొట్టాడు. మరోవైపు.. పంజాబ్‌ బౌలర్లలో స్పిన్‌ బౌలింగ్‌ ఆల్‌రౌండర్‌ గ్లెన్‌ మాక్స్‌వెల్‌, రిస్ట్‌ స్పిన్నర్‌ యజువేంద్ర చహల్‌ ఒక్కో వికెట్‌ దక్కించుకున్నారు. ఇదిలా ఉంటే.. ఆరంభమ్యాచ్‌లో ఓటమి తర్వాత కోల్‌కతా నైట్‌ రైడర్స్‌ కెప్టెన్‌ అజింక్య రహానే కూడా.. ఈడెన్‌ గార్డెన్స్‌ పిచ్‌ గురించి ఇదే తరహా వ్యా ఖ్యలు చేసిన విషయం తెలిసిందే.చదవండి: లక్నో బౌలర్‌ ఓవరాక్షన్‌.. భారీ షాకిచ్చిన బీసీసీఐStatement victory ✅Skipper's second 5⃣0⃣ this season ✅Consecutive wins ✅Punjab Kings cap off a perfect day 🙌#TATAIPL | #LSGvPBKS | @PunjabKingsIPL pic.twitter.com/HSrX8KwiY4— IndianPremierLeague (@IPL) April 1, 2025

ఐపీఎల్‌-2025 (IPL 2025)లో పంజాబ్‌ కింగ్స్‌ అదరగొడుతోంది. కొత్త కెప్టెన్‌ శ్రేయస్‌ అయ్యర్‌ (Shreyas Iyer) సారథ్యంలో వరుస విజయాలతో దూసుకుపోతోంది. తమ తొలి మ్యాచ్‌లో గుజరాత్‌ టైటాన్స్‌పై గెలిచిన పంజాబ్‌.. తాజాగా లక్నో సూపర్‌ జెయింట్స్‌ను చిత్తు చేసింది. పంత్‌ సేనను సొంత మైదానంలో ఎనిమిది వికెట్ల తేడాతో ఓడించి వరుసగా రెండో గెలుపు నమోదు చేసిందిఇక ఈ రెండు విజయాల్లోనూ పంజాబ్‌ సారథి శ్రేయస్‌ అ‍య్యర్‌ది కీలక పాత్ర. గుజరాత్‌పై 42 బంతుల్లోనే 97 పరుగులతో చెలరేగిన అయ్యర్‌.. లక్నోతో మ్యాచ్‌లో 30 బంతుల్లో 52 పరుగులతో నాటౌట్‌గా నిలిచాడు. ధనాధన్‌ కెప్టెన్‌ ఇన్నింగ్స్‌తో జట్టును గెలిపించాడు.బ్యాటింగ్‌ నైపుణ్యాలు అద్భుతంఈ నేపథ్యంలో ఇటు బ్యాటర్‌గా.. అటు కెప్టెన్‌గా రాణిస్తున్న శ్రేయస్‌ అయ్యర్‌పై టీమిండియా దిగ్గజం, కామెంటేటర్‌ సునిల్‌ గావస్కర్‌ (Sunil Gavaskar) ప్రశంసలు కురిపించాడు. శ్రేయస్‌ బ్యాటింగ్‌ నైపుణ్యాలు అద్భుతమని కొనియాడాడు. అదే విధంగా.. అయ్యర్‌ పట్ల కోల్‌కతా నైట్‌ రైడర్స్‌ వ్యవహరించిన తీరును గావస్కర్‌ ఈ సందర్భంగా విమర్శించాడు.శ్రేయస్‌ అయ్యర్‌కు ఆ క్రెడిట్‌ దక్కలేదు‘‘2024లో కేకేఆర్‌ను గెలిపించిన కెప్టెన్‌ శ్రేయస్‌ అయ్యర్‌. కానీ అతడికి దక్కాల్సిన, రావాల్సిన గుర్తింపు రాలేదు. కేకేఆర్‌ విజయంలో అతడికి క్రెడిట్‌ దక్కలేదు. ఏదేమైనా అతడి కెప్టెన్సీ రికార్డు ఎంతో గొప్పగా, ఆకట్టుకునే విధంగా ఉంది’’ అని గావస్కర్‌ ప్రశంసలు కురిపించాడు.కాగా ఐపీఎల్‌-2024లో శ్రేయస్‌ అయ్యర్‌ సారథ్యంలో కోల్‌కతా జట్టు చాంపియన్‌గా నిలిచిన విషయం తెలిసిందే. దాదాపు పదేళ్ల విరామం తర్వాత కేకేఆర్‌కు మరోసారి టైటిల్‌ దక్కడంలో అతడు కీలకంగా వ్యవహరించాడు. అయితే, ఈ విజయం మెంటార్‌ గౌతం గంభీర్‌ ఖాతాలో పడింది. శ్రేయస్‌ అయ్యర్‌ కంటే ఎక్కువగా గౌతీకే క్రెడిట్‌ దక్కింది.రూ. 26.75 కోట్లు ఖర్చు చేసిఈ పరిణామాల నేపథ్యంలో మెగా వేలానికి ముందే కేకేఆర్‌ ఫ్రాంఛైజీతో శ్రేయస్‌ అయ్యర్‌ తెగదెంపులు చేసుకున్నాడు. ఈ క్రమంలో ఐపీఎల్‌-2025 వేలంపాటలోకి వచ్చిన అతడి కోసం ఫ్రాంఛైజీలన్నీ ఎగబడ్డాయి. అయితే, ఎంత ధరకైనా వెనుకాడని పంజాబ్‌ కింగ్స్‌ ఏకంగా రూ. 26.75 కోట్లు ఖర్చు చేసి ఆఖరికి అతడిని దక్కించుకుంది. కెప్టెన్‌గా అతడికి పగ్గాలు అప్పగించింది.ఈ క్రమంలో పైసా వసూల్‌ ప్రదర్శనతో శ్రేయస్‌ అయ్యర్‌ రాణిస్తుండటంతో పంజాబ్‌ కింగ్స్‌ యాజమాన్యం సంతోషంలో మునిగిపోయింది. ఇదే జోరులో వరుస విజయాలు సాధించి.. తొలి టైటిల్‌ గెలవాలని ఆకాంక్షిస్తోంది. కాగా శ్రేయస్‌ అయ్యర్‌ ఐపీఎల్‌లో ఇప్పటి వరకు 117 మ్యాచ్‌లు పూర్తి చేసుకుని 3276 పరుగులు సాధించాడు. ఇందులో 23 అర్ధ శతకాలు ఉన్నాయి.ఐపీఎల్‌-2025: లక్నో వర్సెస్‌ పంజాబ్‌ స్కోర్లు👉లక్నో స్కోరు: 171/7 (20)👉పంజాబ్‌ స్కోరు: 177/2 (16.2)👉ఫలితం: ఎనిమిది వికెట్ల తేడాతో లక్నోపై పంజాబ్‌ విజయం👉ప్లేయర్‌ ఆఫ్‌ ది మ్యాచ్‌: ప్రభ్‌సిమ్రన్‌ సింగ్‌ (34 బంతుల్లో 69).చదవండి: లక్నో బౌలర్‌ ఓవరాక్షన్‌.. భారీ షాకిచ్చిన బీసీసీఐ

లక్నో సూపర్‌ జెయింట్స్‌ బౌలర్‌ దిగ్వేశ్‌ సింగ్‌ రాఠీ (Digvesh Singh Rathi)కి భారత క్రికెట్‌ నియంత్రణ మండలి (BCCI) గట్టి షాకిచ్చింది. వికెట్‌ తీసిన సంబరంలో ‘అతి’ చేసినందుకు గానూ జరిమానా విధించింది. మ్యాచ్‌ ఫీజులో 25 శాతం మేర కోత వేయడంతో పాటు.. అతడి ఖాతాలో ఒక డీమెరిట్‌ పాయింట్‌ను జత చేసింది. అసలేం జరిగిందంటే..ఐపీఎల్‌-2025లో భాగంగా లక్నో మంగళవారం పంజాబ్‌ కింగ్స్‌ (Punjab Kings)తో మ్యాచ్‌ ఆడింది. ఏకనా స్టేడియంలో జరిగిన ఈ మ్యాచ్‌లో టాస్‌ ఓడిన లక్నో తొలుత బ్యాటింగ్‌ చేసింది. ఐడెన్‌ మార్క్రమ్‌ (18 బంతుల్లో 28), నికోలస్‌ పూరన్‌ (30 బంతుల్లో 44), ఆయుశ్‌ బదోని (33 బంతుల్లో 41), అబ్దుల్‌ సమద్‌ (12 బంతుల్లో 27) రాణించారు.అర్ష్‌దీప్‌ సింగ్‌కు మూడు వికెట్లుఫలితంగా నిర్ణీత 20 ఓవర్లలో లక్నో జట్టు ఏడు వికెట్ల నష్టానికి 171 పరుగులు స్కోరు చేసింది. పంజాబ్‌ బౌలర్లలో అర్ష్‌దీప్‌ సింగ్‌ మూడు వికెట్లతో మెరవగా.. లాకీ ఫెర్గూసన్‌, గ్లెన్‌ మాక్స్‌వెల్‌, మార్కో యాన్సెన్‌, యజువేంద్ర చహల్‌ ఒక్కో వికెట్‌ దక్కించుకున్నారు.ప్రియాన్ష్‌ ఆర్య విఫలంఇక లక్ష్య ఛేదన మొదలుపెట్టిన కాసేపటికే పంజాబ్‌.. ఓపెనర్‌ ప్రియాన్ష్‌ ఆర్య వికెట్‌ కోల్పోయింది. లక్నో స్పిన్నర్‌ దిగ్వేశ్‌ రాఠీ అవుట్‌సైడ్‌ ఆఫ్‌ దిశగా.. సంధించిన షార్ట్‌ బంతిని ఆడే క్రమంలో బ్యాట్‌ టాప్‌ ఎడ్జ్‌కు తగిలింది. అయితే, షాట్‌ సరిగ్గా కనెక్ట్‌ కాకపోవడంతో గాల్లోకి లేచిన బంతిని.. మిడాన్‌ నుంచి పరిగెత్తుకుని వచ్చిన ఫీల్డర్‌ శార్దూల్‌ ఠాకూర్‌ ఒడిసిపట్టాడు.రాఠీ ‘ఓవరాక్షన్‌’ఈ క్రమంలో మొత్తంగా తొమ్మిది బంతులు ఎదుర్కొన్న ప్రియాన్ష్‌ 8 పరుగుల వ్యక్తిగత స్కోరు వద్ద పెవిలియన్‌ చేరాడు. అయితే, అతడు క్రీజు వీడుతున్న సమయంలో దగ్గరికి పరిగెత్తుకు వచ్చిన దిగ్వేశ్‌ రాఠీ ‘ఓవరాక్షన్‌’ చేశాడు. పుస్తకంలో అతడి పేరును రాసుకుంటున్నట్లుగా వికెట్‌ తీసిన ఆనందాన్ని సెలబ్రేట్‌ చేసుకున్నాడు.#DigveshRathi provides the breakthrough as #PriyanshArya heads back!P.S: Don't miss the celebration at the end! 👀✍🏻Watch LIVE action of #LSGvPBKS ➡ https://t.co/GLxHRDQajv#IPLOnJiostar | LIVE NOW on Star Sports 1, Star Sports 1 Hindi & JioHotstar! | #IndianPossibleLeague pic.twitter.com/TAhHDtXX8n— Star Sports (@StarSportsIndia) April 1, 2025 ఈ నేపథ్యంలో దిగ్వేశ్‌ రాఠీ చర్యను తీవ్రంగా పరిగణించిన ఐపీఎల్‌ పాలక మండలి అతడిపై కఠిన చర్యలు తీసుకుంది. ఇందుకు సంబంధించి ఐపీఎల్‌ మీడియా అడ్వైజరీ కమిటీ ప్రకటన విడుదల చేసింది. జరిమానా‘‘ఐపీఎల్‌ ప్రవర్తనా నియమావళిలోని ఆర్టికల్ 2.5లో గల లెవల్‌ 1 ‌నిబంధనను దిగ్వేశ్‌ రాఠీ అతిక్రమించాడు. మ్యాచ్‌ రిఫరీ నిర్ణయం ప్రకారం అతడిపై చర్యలు తీసుకున్నాం’’ అని పేర్కొంది. మ్యాచ్‌ ఫీజులో 25 శాతం కోత విధించడంతో పాటు డీమెరిట్‌ పాయింట్‌ జతచేసినట్లు వెల్లడించింది.కాగా ఢిల్లీకి చెందిన దిగ్వేశ్‌ సింగ్‌ రాఠీ ఈ ఏడాదే ఐపీఎల్‌లో అరంగేట్రం చేశాడు. ఢిల్లీ క్యాపిటల్స్‌తో లక్నో మ్యాచ్‌ సందర్భంగా విశాఖపట్నం వేదికగా ఎంట్రీ ఇచ్చిన ఈ రైటార్మ్‌ స్పిన్నర్‌ తొలి మ్యాచ్‌లోనే రెండు వికెట్లు తీశాడు. ఇప్పటి వరకు మొత్తంగా మూడు మ్యాచ్‌లలో కలిపి ఐదు వికెట్లు పడగొట్టాడు.పంజాబ్‌ ఘన విజయంఇక మ్యాచ్‌ విషయానికొస్తే.. ప్రియాన్ష్‌ ఆర్య వికెట్‌ తీసిన ఆనందం లక్నోకు ఎంతో సేపు నిలవలేదు. మరో ఓపెనర్‌ ప్రభ్‌సిమ్రన్‌ సింగ్‌ (34 బంతుల్లో 69) అర్ధ శతకంతో చెలరేగగా.. కెప్టెన్‌ శ్రేయస్‌ అయ్యర్‌ (30 బంతుల్లో 52), నేహాల్‌ వధేరా (25 బంతుల్లో 43) ధనాధన్‌ దంచికొట్టి అజేయంగా ఇన్నింగ్స్‌తో.. జట్టును విజయతీరాలకు చేర్చారు. 16.2 ఓవర్లలోనే లక్ష్యాన్ని ఛేదించిన పంజాబ్‌ ఎనిమిది వికెట్ల తేడాతో జయభేరి మోగించింది.చదవండి: రూ. 27 కోట్లు దండుగ!.. పంత్‌కు గట్టిగానే క్లాస్‌ తీసుకున్న గోయెంకా!

ఇండియన్‌ ప్రీమియర్‌ లీగ్‌ (IPL) చరిత్రలోనే అత్యంత ఖరీదైన ఆటగాడిగా రికార్డులకెక్కాడు టీమిండియా స్టార్‌ రిషభ్‌ పంత్‌ (Rishabh Pant). ఐపీఎల్‌-2025 మెగా వేలంలో లక్నో సూపర్‌ జెయింట్స్‌ ఈ వికెట్‌ కీపర్‌ కోసం ఏకంగా రూ. 27 కోట్లు ఖర్చు చేసింది. ఇతర ఫ్రాంఛైజీలతో పోటీపడి మరీ పంత్‌ను సొంతం చేసుకుని.. జట్టు పగ్గాలు అప్పగించింది.అయితే, లక్నో సారథిగా తొలి మ్యాచ్‌లోనే పంత్‌ విఫలమయ్యాడు. బ్యాటర్‌గా, వికెట్‌ కీపర్‌గా స్థాయికి తగ్గట్లు రాణించలేక.. గెలవాల్సిన మ్యాచ్‌ను చేజార్చుకున్నాడు. ఇక రెండో మ్యాచ్‌లో మాత్రం పంత్‌కు ఊరట దక్కింది. సన్‌రైజర్స్‌ హైదరాబాద్‌తో మ్యాచ్‌లో లక్నో గెలుపొందడంతో అతడు తొలి విజయం అందుకున్నాడు. అయితే, సొంత మైదానంలో మాత్రం మళ్లీ పాత కథే పునరావృతమైంది.పంజాబ్‌ కింగ్స్‌(Punjab Kings)తో మంగళవారం నాటి మ్యాచ్‌లో లక్నో ఎనిమిది వికెట్ల తేడాతో ఓటమి పాలైంది. సమిష్టి వైఫల్యం కారణంగా హోం గ్రౌండ్‌లో తొలి మ్యాచ్‌లోనే పరాజయాన్ని చవిచూసింది. ఇక ఇప్పటి వరకు లక్నో ఆడిన మూడు మ్యాచ్‌లలోనూ పంత్‌ బ్యాటర్‌గా విఫలం కావడం తీవ్ర విమర్శలకు దారితీసింది.బ్యాటర్‌గా విఫలంతొలుత ఢిల్లీ క్యాపిటల్స్‌తో మ్యాచ్‌లో రిషభ్‌ పంత్‌ ఆరు బంతులు ఎదుర్కొని డకౌట్‌గా వెనుదిరిగాడు. రెండో మ్యాచ్‌లో భాగంగా సన్‌రైజర్స్‌తో పోరులో పదిహేను బంతుల్లో పదిహేను పరుగులు చేయగలిగాడు. ఇక తాజాగా పంజాబ్‌తో మ్యాచ్‌లో ఐదు బంతులు ఎదుర్కొని కేవలం రెండే పరుగులు చేసి నిష్క్రమించాడు. ఈ నేపథ్యంలో పంత్‌ బ్యాటింగ్‌ తీరుపై విమర్శలు వెల్లువెత్తుతున్నాయి.రూ. 27 కోట్లు దండుగ!‘‘పంత్‌కు ఏమైంది? హ్యాట్రిక్‌ అట్టర్‌ఫ్లాప్‌లు.. రూ. 27 కోట్లు.. లక్నో బూడిదలో పోసినట్లే..’’ అంటూ సోషల్‌ మీడియా వేదికగా పంత్‌పై భారీగా ట్రోలింగ్‌ జరుగుతోంది. మరోవైపు.. ప్రతి మ్యాచ్‌ తర్వాత లక్నో జట్టు యజమాని సంజీవ్‌ గోయెంకా పంత్‌తో సంభాషిస్తున్న ఫొటోలు వైరల్‌ అవుతున్న విషయం తెలిసిందే.గట్టిగానే క్లాస్‌ తీసుకున్న గోయెంకాతాజాగా పంజాబ్‌తో మ్యాచ్‌ తర్వాత కూడా గోయెంకా పంత్‌కు గట్టిగానే క్లాస్‌ తీసుకున్నట్లు తెలుస్తోంది. పంత్‌ చేతులు కట్టుకుని నిలబడగా.. అతడి వైపు వేలు చూపిస్తూ మరీ గోయెంకా సీరియస్‌ అయిన ఫొటోలు నెట్టింట చక్కర్లు కొడుతున్నాయి. ఈ నేపథ్యంలో గోయెంకా తీరుపై కూడా ట్రోల్స్‌ వస్తున్నాయి. గతంలో కేఎల్‌ రాహుల్‌తో ఇలాగే వ్యవహరించిన తీరును గుర్తుచేస్తూ నెటిజన్లు సెటైర్లు వేస్తున్నారు.‘‘విజయాల కంటే కూడా ఇలాంటి వివాదాలతోనే హైలైట్‌ కావాలని చూసే ఓనర్‌ ఈయన ఒక్కడేనేమో! ప్రతి మ్యాచ్‌ తర్వాత ఇలా కెప్టెన్‌తో అందరి ముందే సంభాషిస్తూ.. ఆగ్రహం వ్యక్తం చేసినట్లుగా బిల్డప్‌ ఇవ్వడం ద్వారా ఏం నిరూపించాలనుకుంటున్నారు? డబ్బులు పెట్టి కొన్నంత మాత్రాన వారిని తక్కువ చేసి చూపడం సరికాదు’’ అంటూ హితవు పలుకుతున్నారు.ఐపీఎల్‌-2025: లక్నో వర్సెస్‌ పంజాబ్‌ స్కోర్లు👉వేదిక: భారత రత్న శ్రీ అటల్‌ బిహారి వాజ్‌పేయి ఏకనా క్రికెట్‌ స్టేడియం, లక్నో👉టాస్‌: పంజాబ్‌.. తొలుత బౌలింగ్‌👉లక్నో స్కోరు: 171/7 (20)👉పంజాబ్‌ స్కోరు: 177/2 (16.2)👉ఫలితం: ఎనిమిది వికెట్ల తేడాతో లక్నోపై పంజాబ్‌ గెలుపు👉ప్లేయర్‌ ఆఫ్‌ ది మ్యాచ్‌: ప్రభ్‌సిమ్రన్‌ సింగ్‌ (34 బంతుల్లో 69).చదవండి: ఐపీఎల్ బెస్ట్ ప్లేయింగ్ ఎలెవ‌న్‌.. రోహిత్ శ‌ర్మ‌కు నో ఛాన్స్‌! కెప్టెన్‌ ఎవ‌రంటే?Statement victory ✅Skipper's second 5⃣0⃣ this season ✅Consecutive wins ✅Punjab Kings cap off a perfect day 🙌#TATAIPL | #LSGvPBKS | @PunjabKingsIPL pic.twitter.com/HSrX8KwiY4— IndianPremierLeague (@IPL) April 1, 2025

సొంత మైదానంలో తొలి మ్యాచ్‌లోనే లక్నో సూపర్‌ జెయింట్స్‌ (Lucknow Super Giants)కు చేదు అనుభవం ఎదురైంది. పంజాబ్‌ కింగ్స్‌ చేతిలో ఎనిమిది వికెట్ల తేడాతో ఓటమిపాలైంది. ఈ నేపథ్యంలో లక్నో కెప్టెన్‌ రిషభ్‌ పంత్‌ (Rishabh Pant) తీవ్ర విచారం వ్యక్తం చేశాడు. కనీసం మరో 20- 25 పరుగులు చేసి ఉంటే బాగుండేదని పేర్కొన్నాడు.హోం గ్రౌండ్‌లో పిచ్‌ పరిస్థితులను అంచనా వేయడంలో విఫలమయ్యామని.. ఈ ఓటమి నుంచి పాఠాలు నేర్చుకుంటామని పంత్‌ అన్నాడు. కాగా ఐపీఎల్‌-2025 (IPL 2025)లో భాగంగా లక్నో మంగళవారం పంజాబ్‌ కింగ్స్‌తో తలపడింది. టాస్‌ గెలిచిన పంజాబ్‌ తొలుత బౌలింగ్‌ ఎంచుకోగా.. లక్నో బ్యాటింగ్‌కు దిగింది.పంత్‌ ఫెయిల్‌టాపార్డర్‌లో ఓపెనర్‌ ఐడెన్‌ మార్క్రమ్‌ (18 బంతుల్లో 28) తొలిసారి రాణించగా.. ఇన్‌ ఫామ్‌ ఓపెనర్‌ మిచెల్‌ మార్ష్‌ మాత్రం డకౌట్‌ అయ్యాడు. వన్‌డౌన్‌లో వచ్చిన నికోలస్‌ పూరన్‌ (30 బంతుల్లో 44) ఫర్వాలేదనిపించగా.. కెప్టెన్‌ పంత్‌ (5 బంతుల్లో 2) మాత్రం మరోసారి పూర్తిగా నిరాశపరిచాడు.ఈ క్రమంలో ఆయుష్‌ బదోని (33 బంతుల్లో 41) మెరుగ్గా బ్యాటింగ్‌ చేయగా.. డేవిడ్‌ మిల్లర్‌ (18 బంతుల్లో 19) ఎక్కువ సేపు క్రీజులో నిలవలేకపోయాడు. ఆఖర్లో అబ్దుల్‌ సమద్‌ మెరుపు ఇన్నింగ్స్‌ (12 బంతుల్లో 27) ఆడటంతో లక్నో 170 పరుగుల మార్కు దాటింది. నిర్ణీత 20 ఓవర్లలో ఏడు వికెట్ల నష్టానికి 171 పరుగులు చేసింది.పంజాబ్‌ ఫటాఫట్‌ఇక లక్ష్య ఛేదనలో పంజాబ్‌ ఆరంభంలోనే ప్రియాన్ష్‌ ఆర్య(8) వికెట్‌ కోల్పోయినప్పటికీ.. మరో ఓపెనర్‌ ప్రభ్‌సిమ్రన్‌ సింగ్‌ ధనాధన్‌ ఇన్నింగ్స్‌తో చెలరేగాడు. 34 బంతుల్లో 9 ఫోర్లు, 3 సిక్సర్ల సాయంతో 69 పరుగులు సాధించాడు. ఇక శ్రేయస్‌ అయ్యర్‌ (30 బంతుల్లో 52 నాటౌట్‌) మరోసారి కెప్టెన్‌ ఇన్నింగ్స్‌ ఆడగా.. నేహాల్‌ వధేరా (25 బంతుల్లో 43 నాటౌట్‌) మెరుపులు మెరిపించాడు.Statement victory ✅Skipper's second 5⃣0⃣ this season ✅Consecutive wins ✅Punjab Kings cap off a perfect day 🙌#TATAIPL | #LSGvPBKS | @PunjabKingsIPL pic.twitter.com/HSrX8KwiY4— IndianPremierLeague (@IPL) April 1, 2025 ఈ నేపథ్యంలో 16.2 ఓవర్లలో కేవలం రెండు వికెట్లు కోల్పోయి పంజాబ్‌ కింగ్స్‌ జయకేతనం ఎగురవేసింది. లక్నోపై ఎనిమిది వికెట్ల తేడాతో విజయం సాధించింది. తద్వారా ఈ సీజన్‌లో ఆడిన రెండు మ్యాచ్‌లలో పంజాబ్‌ గెలుపొందింది. మరోవైపు.. మూడు మ్యాచ్‌లు పూర్తి చేసుకున్న లక్నోకు ఇది రెండో ఓటమి.పాఠాలు నేర్చుకుంటాం.. ఇంతకంటే ఎక్కువ మాట్లాడలేనుఈ క్రమంలో ఓటమి అనంతరం లక్నో సారథి రిషభ్‌ పంత్‌ మాట్లాడుతూ.. ‘‘మేము మరిన్ని పరుగులు సాధించాల్సింది. కనీసం మరో 20- 25 రన్స్‌ చేయాల్సింది. అయితే, ఆటలో ఇవన్నీ సహజమే. మా సొంత మైదానంలో వికెట్‌ను అంచనా వేసేందుకు ఇంకా సమయం పడుతోంది.ఆరంభంలోనే వికెట్లు కోల్పోతే భారీ స్కోర్లు సాధించడం చాలా కష్టం. అయితే, జట్టులోని ప్రతి సభ్యుడు తీవ్రంగా శ్రమిస్తున్నాడు. స్లో వికెట్‌ ఉంటుందని భావించాం. ఈ మ్యాచ్‌ ద్వారా నేర్చుకోవాల్సిన పాఠాలు చాలానే ఉన్నాయి. అయితే, ఇందులో మాకు కొన్ని సానుకూలతలు కూడా ఉన్నాయి. ఇంతకంటే ఎక్కువ మాట్లాడలేను’’ అంటూ ఉద్వేగానికి లోనయ్యాడు.చదవండి: ఐపీఎల్ బెస్ట్ ప్లేయింగ్ ఎలెవ‌న్‌.. రోహిత్ శ‌ర్మ‌కు నో ఛాన్స్‌! కెప్టెన్‌ ఎవ‌రంటే?

లక్నో: కొత్త కెప్టెన్‌ శ్రేయస్‌ అయ్యర్‌ ఆధ్వర్యంలో ఐపీఎల్‌ 18వ సీజన్‌లో అడుగు పెట్టిన పంజాబ్‌ కింగ్స్‌ వరుసగా రెండో విజయం సాధించింది. లక్నో సూపర్‌ జెయింట్స్‌ జట్టుతో మంగళవారం జరిగిన మ్యాచ్‌లో పంజాబ్‌ కింగ్స్‌ ఎనిమిది వికెట్ల తేడాతో ఘనవిజయాన్ని అందుకుంది. 172 పరుగుల లక్ష్యంతో బరిలోకి దిగిన పంజాబ్‌ కింగ్స్‌ 16.2 ఓవర్లలో 2 వికెట్లు కోల్పోయి 177 పరుగులు సాధించి గెలిచింది. 171 వద్ద స్కోరు సమమైనపుడు లక్నో బౌలర్‌ అబ్దుల్‌ సమద్‌ వేసిన బంతిని కెప్టెన్ శ్రేయస్‌ అయ్యర్‌ (30 బంతుల్లో 52 నాటౌట్‌; 3 ఫోర్లు, 4 సిక్స్‌లు) సిక్స్‌గా మలిచి పంజాబ్‌ కింగ్స్‌ను విజయతీరానికి చేర్చాడు. ‘ప్లేయర్‌ ఆఫ్‌ ద మ్యాచ్‌’ ప్రభ్‌సిమ్రన్‌ సింగ్‌ (34 బంతుల్లో 69; 9 ఫోర్లు, 3 సిక్స్‌లు) లక్నో బౌలర్ల భరతం పట్టి మెరుపు అర్ధసెంచరీతో అలరించాడు. ప్రభ్‌సిమ్రన్‌ అవుటయ్యాక వచ్చిన నేహల్‌ వధేరా (25 బంతుల్లో 43 నాటౌట్‌; 3 ఫోర్లు, 4 సిక్స్‌లు) కూడా దూకుడుగా ఆడటంతో పంజాబ్‌ ఆడుతూ పాడుతూ లక్ష్యాన్ని అందుకుంది. అంతకుముందు టాస్‌ ఓడి తొలుత బ్యాటింగ్‌కు దిగిన రిషభ్‌ పంత్‌ సారథ్యంలోని లక్నో జట్టు నిర్ణీత 20 ఓవర్లలో 7 వికెట్లకు 171 పరుగులు సాధించింది. అర్ష్ దీప్ ‌ సింగ్‌ (3/43) మూడు కీలక వికెట్టు పడగొట్టగా... మ్యాక్స్‌వెల్, ఫెర్గూసన్, యాన్సెన్, చహల్‌లకు ఒక్కో వికెట్‌ దక్కింది. లక్నో జట్టుకు ఆశించిన ఆరంభం దక్కలేదు. పవర్‌ప్లే ఆరు ఓవర్లు ముగిసేసరికి లక్నో టాప్‌–3 బ్యాటర్లను కోల్పోయింది. మిచెల్‌ మార్ష్ (0) ఖాతా తెరవకుండానే వెనుదిరగ్గా... పంత్‌ 2 పరుగులతో నిరాశపరిచాడు. క్రీజులో నిలదొక్కుకున్న దశలో మార్క్‌రమ్‌ను ఫెర్గూసన్‌ బౌల్డ్‌ చేశాడు. ఆ తర్వాత పూరన్‌ (30 బంతుల్లో 44; 5 ఫోర్లు, 2 సిక్స్‌లు), ఆయుశ్‌ బదోని (33 బంతుల్లో 41; 1 ఫోర్, 3 సిక్స్‌లు) ఆటతో లక్నో స్కోరు 100 దాటింది. చివర్లో సమద్‌ (12 బంతుల్లో 27; 2 ఫోర్లు, 2 సిక్స్‌లు) మెరిపించడంతో లక్నో జట్టు ప్రత్యర్థి కి గౌరవప్రద లక్ష్యాన్ని నిర్దేశించింది. ఛేజింగ్‌లో ఆరంభంలోనే ఆర్య వికెట్‌ కోల్పోయినా పంజాబ్‌ వెనక్కి తగ్గలేదు. లక్నో బౌలర్లపై ప్రభ్‌సిమ్రన్, అయ్యర్‌ ఎదురుదాడికి దిగి స్కోరు బోర్డును పరుగెత్తించారు. ముఖ్యంగా ప్రభ్‌సిమ్రన్‌ కళ్లు చెదిరే షాట్‌లతో అలరించాడు. శార్దుల్‌ వేసిన ఇన్నింగ్స్‌ తొలి ఓవర్లో 4,6 కొట్టిన ప్రభ్‌సిమ్రన్‌... రవి బిష్ణోయ్‌ వేసిన ఆరో ఓవర్లో 4,4,6తో మెరిశాడు. అదే జోరులో 23 బంతుల్లోనే అర్ధ సెంచరీ పూర్తి చేసుకున్నాడు. ఇన్నింగ్స్‌లో 11వ ఓవర్‌ తొలి బంతికి ప్రభ్‌సిమ్రన్‌ ఇన్నింగ్స్‌కు తెరపడింది. దిగ్వేశ్‌ వేసిన బంతిని డీప్‌ మిడ్‌వికెట్‌ వైపు ప్రభ్‌సిమ్రన్‌ షాట్‌ ఆడగా... ఆయుశ్‌ బదోని క్యాచ్‌ తీసుకొని బౌండరీ లైను వద్ద బ్యాలెన్స్‌ కోల్పోయి బంతిని గాల్లోకి విసిరాడు. డీప్‌ స్క్వేర్‌ లెగ్‌ వద్ద నుంచి వచ్చిన రవి బిష్ణోయ్‌ గాల్లో ఉన్న బంతిని పట్టుకోవడంతో ప్రభ్‌సిమ్రన్‌ పెవిలియన్‌ చేరుకున్నాడు. ప్రభ్‌సిమ్రన్‌ వెనుదిరిగాక వచ్చిన నేహల్‌ కూడా బ్యాట్‌ ఝుళిపించడంతో పంజాబ్‌ 17వ ఓవర్లోనే విజయాన్ని అందుకుంది. స్కోరు వివరాలు లక్నో సూపర్‌ జెయింట్స్‌ ఇన్నింగ్స్‌: మార్క్‌రమ్‌ (బి) ఫెర్గూసన్‌ 28; మిచెల్‌ మార్ష్ (సి) యాన్సెన్‌ (బి) అర్ష్ దీప్ ‌ సింగ్‌ 0; నికోలస్‌ పూరన్‌ (సి) మ్యాక్స్‌వెల్‌ (బి) చహల్‌ 44; రిషభ్‌ పంత్‌ (సి) చహల్‌ (బి) మ్యాక్స్‌వెల్‌ 2; ఆయుశ్‌ బదోని (సి) మ్యాక్స్‌వెల్‌ (బి) అర్ష్ దీప్ ‌ సింగ్‌ 41; డేవిడ్‌ మిల్లర్‌ (సి) ప్రభ్‌సిమ్రన్‌ సింగ్‌ (బి) యాన్సెన్‌ 19; అబ్దుల్‌ సమద్‌ (సి) ఆర్య (బి) అర్ష్ దీప్ ‌ సింగ్‌ 27; శార్దుల్‌ ఠాకూర్‌ (నాటౌట్‌) 3; అవేశ్‌ ఖాన్‌ (నాటౌట్‌) 0; ఎక్స్‌ట్రాలు 7; మొత్తం (20 ఓవర్లలో 7 వికెట్లకు) 171. వికెట్ల పతనం: 1–1, 2–32, 3–35, 4–89, 5–119, 6–166, 7–167. బౌలింగ్‌: అర్ష్ దీప్ ‌ సింగ్‌ 4–0–43–3, ఫెర్గూసన్‌ 3–0–26–1, మ్యాక్స్‌వెల్‌ 3–0–22–1, మార్కో యాన్సెన్‌ 4–0–28–1, స్టొయినిస్‌ 2–0–15–0, యుజువేంద్ర చహల్‌ 4–0–36–1. పంజాబ్‌ కింగ్స్‌ ఇన్నింగ్స్‌: ప్రియాంశ్‌ ఆర్య (సి) శార్దుల్‌ ఠాకూర్‌ (బి) దిగ్వేశ్‌ రాఠి 8; ప్రభ్‌సిమ్రన్‌ సింగ్‌ (సి) రవి బిష్ణోయ్‌ (బి) దిగ్వేశ్‌ రాఠి 69; శ్రేయస్‌ అయ్యర్‌ (నాటౌట్‌) 52; నేహల్‌ వధేరా (నాటౌట్‌) 43; ఎక్స్‌ట్రాలు 5; మొత్తం (16.2 ఓవర్లలో 2 వికెట్లకు) 177. వికెట్ల పతనం: 1–26, 2–110. బౌలింగ్‌: శార్దుల్‌ ఠాకూర్‌ 3–0–39–0, అవేశ్‌ ఖాన్‌ 3–0–30–0, దిగ్వేశ్‌ రాఠి 4–0–30–2, రవి బిష్ణోయ్‌ 3–0–43–0, మణిమారన్‌ సిద్ధార్థ్‌ 3–0–28–0, అబ్దుల్‌ సమద్‌ 0.2–0–6–0. ఐపీఎల్‌లో నేడుబెంగళూరు X గుజరాత్‌వేదిక: బెంగళూరురాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌-2025లో పంజాబ్ కింగ్స్ త‌మ జోరును కొన‌సాగిస్తోంది. ఈ మెగా టోర్నీలో భాగంగా ఎక్నా స్టేడియం వేదిక‌గా ల‌క్నో సూప‌ర్ జెయింట్స్‌తో జ‌రిగిన మ్యాచ్‌లో 8 వికెట్ల తేడాతో పంజాబ్ ఘ‌న విజ‌యం సాధించింది. ఈ మ్యాచ్‌లో తొలుత బ్యాటింగ్ చేసిన ల‌క్నో సూప‌ర్ జెయింట్స్ నిర్ణీత 20 ఓవ‌ర్ల‌లో 7 వికెట్ల న‌ష్టానికి 171 ప‌రుగులు చేసింది.ల‌క్నో బ్యాట‌ర్ల‌లో నికోల‌స్ పూర‌న్‌(44) టాప్ స్కోర‌ర్‌గా నిల‌వ‌గా.. ఆయూష్ బదోని(41), అబ్దుల్ స‌మ‌ద్‌(27), మార్క్రామ్‌(28) ప‌రుగుల‌తో రాణించారు. పంజాబ్ బౌల‌ర్ల‌లో అర్ష్‌దీప్ సింగ్ మూడు వికెట్లు ప‌డ‌గొట్ట‌గా.. ఫెర్గూస‌న్‌, మాక్స్‌వెల్‌, చాహ‌ల్ త‌లా వికెట్ సాధించారు.ఫ్ర‌బ్‌సిమ్రాన్ విధ్వంసం..అనంత‌రం 172 ప‌రుగుల ల‌క్ష్యాన్ని పంజాబ్ జ‌ట్టు కేవ‌లం రెండు వికెట్లు మాత్ర‌మే కోల్పోయి 16.2 ఓవ‌ర్ల‌లో చేధించింది. పంజాబ్ బ్యాట‌ర్ల‌లో ప్ర‌భుసిమ్రాన్ సింగ్ అద్బుత‌మైన ఇన్నింగ్స్ ఆడాడు. 34 బంతుల్లో 9 ఫోర్లు, 3 సిక్స్‌ల‌తో 69 ప‌రుగులు చేసి టాప్ స్కోర‌ర్‌గా నిలిచాడు. అత‌డితో పాటు ఇంపాక్ట్ ప్లేయ‌ర్ వదేరా(25 బంతుల్లో 3 ఫోర్లు, 4 సిక్స్‌ల‌తో 43 నాటౌట్‌), కెప్టెన్ శ్రేయ‌స్ అయ్య‌ర్‌(52 నాటౌట్‌) దుమ్ములేపారు. లక్నో బౌల‌ర్ల‌లో దిగ్వేష్ ఒక్క‌డే రెండు వికెట్లు సాధించాడు. మిగితా బౌల‌ర్లంద‌రూ దారుణంగా విఫ‌ల‌మ‌య్యారు.రిష‌బ్ పంత్ ఫెయిల్‌..ఈ మ్యాచ్‌లో ల‌క్నో కెప్టెన్ రిష‌బ్ పంత్ దారుణంగా విఫ‌ల‌మయ్యాడు. అటు బ్యాట‌ర్‌గా, ఇటు కెప్టెన్‌గా పంత్ నిరాశ‌ప‌రిచాడు. తొలుత బ్యాటింగ్‌లో కేవ‌లం 2 ప‌రుగులు మాత్ర‌మే చేసి ఔట‌య్యాడు. అనంత‌రం కెప్టెన్‌గా వ్యూహ‌త్మ‌కంగా వ్య‌వ‌హ‌రించ‌లేక‌పోయాడు.

ఐపీఎల్‌-2025లో టీమిండియా స్టార్ వికెట్ కీప‌ర్ బ్యాట‌ర్‌, ల‌క్నో సూప‌ర్ జెయింట్స్ కెప్టెన్ రిష‌బ్ పంత్ త‌న పేల‌వ ఫామ్‌ను కొన‌సాగిస్తున్నాడు. వ‌రుస‌గా మూడు మ్యాచ్‌లోనూ పంత్ విఫ‌ల‌మ‌య్యాడు. ఈ మెగా టోర్నీలో భాగంగా ల‌క్నో వేదిక‌గా పంజాబ్ కింగ్స్‌తో జ‌రిగిన మ్యాచ్‌లో పంత్ దారుణ ప్ర‌ద‌ర్శ‌న క‌న‌బ‌రిచాడు.కీల‌క స‌మ‌యంలో క్రీజులోకి వ‌చ్చిన రిష‌బ్‌.. 5 బంతులు ఎదుర్కొని కేవ‌లం రెండు ప‌రుగులు మాత్ర‌మే చేసి ఔట‌య్యాడు. గ్లెన్ మాక్స్‌వెల్ బౌలింగ్‌లో చాహ‌ల్‌కు క్యాచ్ ఇచ్చి ఔట‌య్యాడు. ఇప్ప‌టివ‌ర‌కు ఈ సీజ‌న్‌లో మూడు మ్యాచ్‌లు ఆడిన పంత్ కేవ‌లం 15 ప‌రుగులు మాత్ర‌మే చేశాడు. ఐపీఎల్ చ‌రిత్ర‌లోనే అత్య‌ధిక ఖ‌రీదైన ఆట‌గాడిగా నిలిచిన రిష‌బ్ పంత్ ఆట తీరుపై నెటిజ‌న్లు మండిపడుతున్నారు. సోష‌ల్ మీడియాలో పంత్‌ను దారుణంగా ట్రోలు చేస్తున్నారు. నీకంటే రూ. 30 ల‌క్ష‌ల తీసుకున్న యువ ఆట‌గాళ్లు ఎంతో బెట‌ర్ అని పోస్టులు పెడుతున్నారు. కాగా గ‌తేడాది జ‌రిగిన మెగా వేలంలో రూ. 27 కోట్ల రికార్డు ధ‌ర‌కు పంత్‌ను ల‌క్నో కొనుగోలు చేసిన సంగ‌తి తెలిసిందే. ఇక ఈ మ్యాచ్‌లో టాస్ గెలిచిన పంజాబ్ కింగ్స్ తొలుత బౌలింగ్ ఎంచుకుంది.తుది జ‌ట్లుపంజాబ్ కింగ్స్ (ప్లేయింగ్ XI): ప్రియాంష్ ఆర్య, ప్రభ్‌సిమ్రాన్ సింగ్ (వికెట్ కీప‌ర్‌), శ్రేయాస్ అయ్యర్ (కెప్టెన్‌), శశాంక్ సింగ్, మార్కస్ స్టోయినిస్, గ్లెన్ మాక్స్‌వెల్, సూర్యాంశ్ షెడ్జ్, మార్కో జాన్సెన్, లాకీ ఫెర్గూసన్, యుజ్వేంద్ర చాహల్, అర్ష్‌దీప్ సింగ్.లక్నో సూపర్ జెయింట్స్ ప్లేయింగ్ XI: మిచెల్ మార్ష్, ఐడెన్ మార్క్‌రామ్, నికోలస్ పూరన్, రిషబ్ పంత్ (కెప్టెన్‌), ఆయుష్ బడోని, డేవిడ్ మిల్లర్, అబ్దుల్ సమద్, శార్దూల్ ఠాకూర్, అవేష్ ఖాన్, దిగ్వేష్ సింగ్ రాఠీ, రవి బిష్ణోయ్.

IPl 2025 PBKS vs LSG Live Updates: ల‌క్నోపై పంజాబ్ ఘ‌న విజ‌యం..ఐపీఎల్‌-2025లో పంజాబ్ కింగ్స్ వ‌రుస‌గా రెండో విజ‌యం న‌మోదు చేసింది. ఎక్నా స్టేడియం వేదిక‌గా ల‌క్నో సూప‌ర్ జెయింట్స్‌తో జ‌రిగిన మ్యాచ్‌లో 8 వికెట్ల తేడాతో పంజాబ్ ఘ‌న విజ‌యం సాధించింది. 172 ప‌రుగుల ల‌క్ష్యాన్ని పంజాబ్ జ‌ట్టు కేవ‌లం రెండు వికెట్లు మాత్ర‌మే కోల్పోయి 16.2 ఓవ‌ర్ల‌లో చేధించింది.పంజాబ్ బ్యాట‌ర్ల‌లో ప్ర‌భుసిమ్రాన్ సింగ్ అద్బుత‌మైన ఇన్నింగ్స్ ఆడాడు. 34 బంతుల్లో 9 ఫోర్లు, 3 సిక్స్‌ల‌తో 69 ప‌రుగులు చేసి టాప్ స్కోర‌ర్‌గా నిలిచాడు. అత‌డితో పాటు ఇంపాక్ట్ ప్లేయ‌ర్ వదేరా(25 బంతుల్లో 3 ఫోర్లు, 4 సిక్స్‌ల‌తో 43 నాటౌట్‌), కెప్టెన్ శ్రేయ‌స్ అయ్య‌ర్‌(52 నాటౌట్‌) దుమ్ములేపారు. లక్నో బౌల‌ర్ల‌లో దిగ్వేష్ ఒక్క‌డే రెండు వికెట్లు సాధించాడు.ప్రభ్‌సిమ్రాన్ సింగ్ ఆన్‌ ఫైర్‌..6 ఓవ‌ర్లు ముగిసే స‌రికి పంజాబ్ కింగ్స్ వికెట్ న‌ష్టానికి 62 ప‌రుగులు చేసింది. ప్రభ్‌సిమ్రాన్(45) దూకుడుగా ఆడుతున్నాడు. అత‌డితో పాటు శ్రేయ‌స్ అయ్య‌ర్‌(8) ప‌రుగుల‌తో పాటు ఉన్నాడు.తొలి వికెట్ కోల్పోయిన పంజాబ్‌..172 ప‌రుగుల ల‌క్ష్యంతో బ‌రిలోకి దిగిన పంజాబ్ కింగ్స్ తొలి వికెట్ కోల్పోయింది. 8 ప‌రుగులు చేసిన ఆర్య‌.. దిగ్వేష్ బౌలింగ్‌లో ఔట‌య్యాడు. క్రీజులోకి కెప్టెన్ శ్రేయ‌స్ అయ్య‌ర్ వ‌చ్చాడు. 4 ఓవ‌ర్లు ముగిసే స‌రికి పంజాబ్ వికెట్ న‌ష్టానికి 36 ప‌రుగులు చేసింది. క్రీజులో ఫ్ర‌బ్‌సిమ్రాన్ సింగ్‌(25), శ్రేయ‌స్ అయ్య‌ర్‌(3) ఉన్నారు.రాణించిన పూర‌న్‌, బ‌దోని.. పంజాబ్ టార్గెట్ ఎంతంటే?ల‌క్నో వేదిక‌గా పంజాబ్ కింగ్స్‌తో జ‌రుగుతున్న మ్యాచ్‌లో పంజాబ్‌ బ్యాట‌ర్లు ప‌ర్వాలేద‌న్పించారు. టాస్ ఓడి తొలుత బ్యాటింగ్‌కు దిగిన ల‌క్నో సూప‌ర్ జెయింట్స్‌.. నిర్ణీత 20 ఓవ‌ర్ల‌లో 7 వికెట్ల న‌ష్టానికి 171 ప‌రుగులు చేసింది. ల‌క్నో బ్యాట‌ర్ల‌లో నికోల‌స్ పూర‌న్‌(44) టాప్ స్కోర‌ర్‌గా నిల‌వ‌గా.. ఆయూష్ బదోని(41), అబ్దుల్ స‌మ‌ద్‌(27), మార్క్రామ్‌(28) ప‌రుగుల‌తో రాణించారు. పంజాబ్ బౌల‌ర్ల‌లో అర్ష్‌దీప్ సింగ్ మూడు వికెట్లు ప‌డ‌గొట్ట‌గా.. ఫెర్గూస‌న్‌, మాక్స్‌వెల్‌, చాహ‌ల్ త‌లా వికెట్ సాధించారు.ల‌క్నో ఐదో వికెట్ డౌన్‌.. మిల్ల‌ర్ ఔట్‌డేవిడ్ మిల్ల‌ర్ రూపంలో ల‌క్నో ఐదో వికెట్ కోల్పోయింది. 19 ప‌రుగులు చేసిన మిల్ల‌ర్‌.. జాన్సెన్ బౌలింగ్‌లో ఔట‌య్యాడు. 17 ఓవ‌ర్లు ముగిసే స‌రికి ల‌క్నో 5 వికెట్ల న‌ష్టానికి 136 ప‌రుగులు చేసింది. క్రీజులో బ‌దోని(32), స‌మ‌ద్‌(8) ఉన్నారు.ల‌క్నో నాలుగో వికెట్ డౌన్‌.. పూర‌న్ ఔట్‌నికోల‌స్ పూర‌న్ రూపంలో ల‌క్నో నాలుగో వికెట్ కోల్పోయింది. 44 ప‌రుగులు చేసిన పూర‌న్.. చాహ‌ల్‌ బౌలింగ్‌లో ఔట‌య్యాడు. క్రీజులోకి డేవిడ్ మిల్ల‌ర్ వ‌చ్చాడు. 12 ఓవ‌ర్ల‌కు ల‌క్నో సూప‌ర్ జెయింట్స్ 4 వికెట్లు కోల్పోయి 91 ప‌రుగులు చేసింది.దూకుడుగా ఆడుతున్న పూర‌న్‌..10 ఓవ‌ర్లు ముగిసే స‌రికి లక్నో సూప‌ర్ జెయింట్స్ మూడు వికెట్ల న‌ష్టానికి 76 ప‌రుగులు చేసింది. నికోల‌స్ పూర‌న్‌(23 బంతుల్లో 33) దూకుడుగా ఆడుతున్నాడు. క్రీజులో పూర‌న్‌తో పాటు బ‌దోని(11) ఉన్నారు.క‌ష్టాల్లో ల‌క్నో.. పంత్ ఔట్‌ల‌క్నో సూప‌ర్ జెయింట్స్ కెప్టెన్ రిష‌బ్ పంత్ మ‌రోసారి నిరాశ‌ప‌రిచాడు. కేవ‌లం 2 ప‌రుగులు మాత్ర‌మే చేసిన పంత్‌.. మాక్స్‌వెల్ బౌలింగ్‌లో ఔట‌య్యాడు. 6 ఓవ‌ర్లు ముగిసే స‌రికి ల‌క్నో మూడు వికెట్ల న‌ష్టానికి 39 ప‌రుగులు చేసింది.ల‌క్నో రెండో వికెట్ డౌన్‌..ఐడెన్ మార్క్రామ్ రూపంలో ల‌క్నో సూప‌ర్ జెయింట్స్ రెండో వికెట్ కోల్పోయింది. 28 ప‌రుగులు చేసిన మార్క్రామ్.. ఫెర్గూస‌న్ బౌలింగ్‌లో క్లీన్ బౌల్డయ్యాడు. 4 ఓవ‌ర్లు ముగిసే స‌రికి ల‌క్నో రెండు వికెట్లు కోల్పోయి 33 ప‌రుగులు చేసింది. క్రీజులో రిష‌బ్ పంత్‌, నికోల‌స్ పూర‌న్ ఉన్నాడు.తొలి వికెట్ డౌన్‌.. మార్ష్ ఔట్‌టాస్ ఓడి తొలుత బ్యాటింగ్‌కు దిగిన ల‌క్నో సూప‌ర్ జెయింట్స్‌కు ఆదిలోనే బిగ్ షాక్ త‌గిలింది. అద్భుత‌మైన ఫామ్‌లో ఉన్న మార్ష్‌.. ఈ మ్యాచ్‌లో ఖాతా తెర‌వ‌కుండానే పెవిలియ‌న్‌కు చేరాడు. క్రీజులోకి నికోల‌స్ పూర‌న్ వ‌చ్చాడు.ఐపీఎల్‌-2025లో ల‌క్నో వేదిక‌గా పంజాబ్ కింగ్స్‌, ల‌క్నో సూప‌ర్ జెయింట్స్ త‌ల‌ప‌డుతున్నాయి. ఈ మ్యాచ్‌లో టాస్ గెలిచిన పంజాబ్ కింగ్స్‌ తొలుత బౌలింగ్ ఎంచుకుంది. ఈ మ్యాచ్‌లో పంజాబ్ కింగ్స్ త‌ర‌పున లాకీ ఫెర్గూస‌న్ అరంగేట్రం చేశాడు. అజ్మ‌తుల్లా ఓమ‌ర్జాయ్ స్ధానంలో ఫెర్గూస‌న్ పంజాబ్ తుది జ‌ట్టులోకి వ‌చ్చాడు. మ‌రోవైపు ల‌క్నో మాత్రం త‌మ తుది జ‌ట్టులో ఎటువంటి మార్పులు చేయ‌లేదు.తుది జ‌ట్లుపంజాబ్ కింగ్స్ (ప్లేయింగ్ XI): ప్రియాంష్ ఆర్య, ప్రభ్‌సిమ్రాన్ సింగ్ (వికెట్ కీప‌ర్‌), శ్రేయాస్ అయ్యర్ (కెప్టెన్‌), శశాంక్ సింగ్, మార్కస్ స్టోయినిస్, గ్లెన్ మాక్స్‌వెల్, సూర్యాంశ్ షెడ్జ్, మార్కో జాన్సెన్, లాకీ ఫెర్గూసన్, యుజ్వేంద్ర చాహల్, అర్ష్‌దీప్ సింగ్.లక్నో సూపర్ జెయింట్స్ ప్లేయింగ్ XI: మిచెల్ మార్ష్, ఐడెన్ మార్క్‌రామ్, నికోలస్ పూరన్, రిషబ్ పంత్ (కెప్టెన్‌), ఆయుష్ బడోని, డేవిడ్ మిల్లర్, అబ్దుల్ సమద్, శార్దూల్ ఠాకూర్, అవేష్ ఖాన్, దిగ్వేష్ సింగ్ రాఠీ, రవి బిష్ణోయ్.

ఐపీఎల్‌-2025లో ఇవాళ (ఏప్రిల్‌ 1) రెండు విధ్వంసకర జట్ల మధ్య పోటీ జరుగనుంది. హార్డ్‌ హిట్టర్లతో నిండిన లక్నో సూపర్‌ జెయింట్స్‌, పంజాబ్‌ కింగ్స్‌ లక్నోలోని భారతరత్న శ్రీ అటల్ బిహారీ వాజ్‌పేయి ఏకానా క్రికెట్ స్టేడియంలో అమీతుమీ తేల్చుకోనున్నాయి. ఈ మ్యాచ్‌ రాత్రి 7:30 గంటలకు ప్రారంభమవుతుంది. ఈ మ్యాచ్‌లో గెలిచే జట్టును అంచనా వేయడం చాలా కష్టం. ఇరు జట్లలో సమాంతరమైన మ్యాచ్‌ విన్నర్లు ఉన్నారు. సొంత మైదానంలో ఆడటం ఎల్‌ఎస్‌జీకి కాస్త అడ్వాంటేజ్‌ అవుతుంది. అలాగని పంజాబ్‌ను తక్కువ అంచనా వేయలేము. ఆ జట్టులో ఉన్న ఆటగాళ్లు చెలరేగితే ఎక్కడైనా, ఏ జట్టుపై అయినా విజయం సాధించగలరు.ఈ సీజన్‌లో పంజాబ్‌ ఇప్పటివరకు ఆడిన ఏకైక మ్యాచ్‌లో అద్భుత విజయం సాధించింది. గుజరాత్‌పై 11 పరుగుల తేడాతో గెలుపొందింది. ఈ మ్యాచ్‌లో పంజాబ్‌ కొత్త కెప్టెన్‌ శ్రేయస్‌ అయ్యర్‌ చెలరేగిపోయాడు. 42 బంతుల్లో 5 ఫోర్లు, 9 సిక్సర్ల సాయంతో 97 పరుగులు చేసి సెంచరీ చేసే అవకాశమున్నా జట్టు ప్రయోజనాల కోసం వద్దనుకున్నాడు. ఈ మ్యాచ్‌లో అరంగేట్రం కుర్రాడు ప్రియాంశ్‌ ఆర్య (23 బంతుల్లో 47), శశాంక్‌ సింగ్‌ (16 బంతుల్లో 44 నాటౌట్‌) కూడా సత్తా చాటారు. మెరుపు వీరులు మ్యాక్స్‌వెల్‌ (0), స్టోయినిస్‌ (20) విఫలమైనా ఈ మ్యాచ్‌లో పంజాబ్‌ 243 పరుగుల భారీ స్కోర్‌ చేసింది. ఛేదనలో గుజరాత్‌ కూడా అద్భుతంగా పోరాడింది. లక్ష్యానికి కేవలం​ 12 పరుగుల దూరంలో నిలిచిపోయింది. బ్యాటింగ్‌కు అనుకూలించే అహ్మదాబాద్‌ పిచ్‌ కావడంతో ఈ మ్యాచ్‌లో ఇరు జట్ల బౌలర్లు తేలిపోయారు. పంజాబ్‌ బౌలర్లలో అర్షదీప్‌ సింగ్‌ (4-0-36-2), స్పిన్నర్‌ విజయ్‌కుమార్‌ వైశాక్‌ (3-0-28-0) మాత్రమే పర్వాలేదనిపించారు. కీలక సమయంలో వైశాక్‌ అద్భుతంగా బౌలింగ్ చేసి ‍ప్రత్యర్థికి మ్యాచ్‌ను దూరం చేశాడు. నేడు లక్నోతో జరుగబోయే మ్యాచ్‌లో తొలి మ్యాచ్‌లో సత్తా చాటిన ఆటగాళ్లతో పాటు మ్యాక్సీ, స్టోయినిస్‌ కూడా రాణిస్తే పంజాబ్‌ను ఆపడం కష్టమవుతుంది.లక్నో విషయానికొస్తే.. ఈ జట్టు ఈ సీజన్‌లో ఇప్పటివరకు ఆడిన రెండు మ్యాచ్‌ల్లో ఓ దాంట్లో ఓడి, మరో మ్యాచ్‌లో విజయం సాధించింది. ఢిల్లీ క్యాపిటల్స్‌తో జరిగిన మ్యాచ్‌లో లక్నో గెలవాల్సింది. అయితే ఆ మ్యాచ్‌లో ఢిల్లీ ఆటగాళ్లు అశుతోష్‌ శర్మ, విప్రాజ్‌ నిగమ్‌ మెరుపు ఇన్నింగ్స్‌లు ఆడి లక్నో నుంచి మ్యాచ్‌ను లాగేసుకున్నారు. ఈ మ్యాచ్‌లో లక్నో విధ్వంసకర బ్యాటర్లు మిచెల్‌ మార్ష్‌, నికోలస్‌ పూరన్‌ ఆకాశమే హద్దుగా చెలరేగారు. వీరిద్దరు మెరుపు అర్ద సెంచరీలు చేసి తమ జట్టు భారీ స్కోర్‌కు (209) దోహదపడ్డారు. మరో డేంజర్‌ బ్యాటర్‌ కిల్లర్‌ మిల్లర​్‌ కూడా ఓ మోస్తరు మెరుపు ఇన్నింగ్స్‌ ఆడాడు. ఈ మ్యాచ్‌లో భారీ అంచనాలు పెట్టుకున్న కొత్త కెప్టెన్‌ రిషబ్‌ పంత్‌ దారుణంగా విఫలమయ్యాడు. మరో హార్డ్‌ హిట్టర్‌ మార్క్రమ్‌ కూడా సత్తా చాటలేకపోయాడు. మొహిసిన్‌ ఖాన్‌కు ప్రత్యామ్నాయ ఆటగాడిగా ఎల్‌ఎస్‌జీలో చేరిన శార్దూల్‌ ఠాకూర్‌ బౌలింగ్‌లో పర్వాలేదనిపించాడు. దేశీయ బౌలర్లు మణిమారన్‌ సిద్దార్థ్‌, దిగ్వేశ్‌ రతీ కూడా రాణించారు. సీనియర్‌ స్పిన్నర్‌ రవి బిష్ణోయ్‌ ధారాళంగా పరుగులు సమర్పించుకున్నాడు.ఈ సీజన్‌లో తమ రెండో మ్యాచ్‌లో లక్నో పిచ్చ కొట్టుడు కొట్టి సన్‌రైజర్స్‌ను చిత్తు చేసింది. ఈ మ్యాచ్‌లో తొలుత శార్దూల్‌ ఠాకూర్‌ (4-0-34-4) బంతితో చెలరేగిపోయాడు. ఆతర్వాత మార్ష్‌, పూరన్‌ విధ్వంసం సృష్టించారు. ఫలితంగా సన్‌రైజర్స్‌ సెట్‌ చేసిన 191 పరుగుల లక్ష్యాన్ని ఎల్‌ఎస్‌జీ 16.1 ఓవర్లలోనే ఊదేసింది. పంజాబ్‌తో నేడు జరుగబోయే మ్యాచ్‌లో పూరన్‌, మార్ష్‌ మరోసారి విజృంభిస్తే లక్నో విజయం ఖాయం. పంజాబ్‌తో పోలిస్తే లక్నోలో భారీ హిట్టర్ల సంఖ్య కాస్త ఎక్కువగానే ఉంది. మార్క్రమ్‌, పంత్‌, ఆయుశ్‌ బదోని కూడా టచ్‌లోకి వస్తే లక్నోకు తిరుగుండదు. గతేడాది సన్‌రైజర్స్‌ తరఫున విధ్వంసం సృష్టించిన అబ్దుల్‌ సమద్‌ ఈ సీజన్‌లో లక్నోతో ఉన్నాడు. శార్దూల్‌ కూడా లోయర్‌ ఆర్డర్‌లో మెరుపు ఇన్నింగ్స్‌లు ఆడగలదు.పంజాబ్‌, లక్నో జట్లలో భారీ హిట్టర్లు ఉండటంతో నేటి మ్యాచ్‌లో పరుగుల వరద ఖాయమైపోయింది. ఎవరు పైచేయి సాధిస్తారనేది చూడాలి. చరిత్ర చూస్తే ఇరు జట్ల ఇప్పటివరకు నాలుగు సార్లు ఎదురెదురుపడగా.. లక్నో 3, పంజాబ్‌ ఒక​ మ్యాచ్‌లో గెలిచాయి. నేటి మ్యాచ్‌లో లక్నోకు అనుకూలంగా ఉండే ఆనవాయితీనే కొనసాగుతుందని చెప్పలేము. పంజాబ్‌లో కూడా మెరుపు వీరుల సంఖ్య తక్కువ లేదు.తుది జట్లు (అంచనా)..లక్నో: మిచెల్ మార్ష్, ఐడెన్ మార్క్రామ్, నికోలస్ పూరన్, రిషబ్ పంత్(కెప్టెన్‌/వికెట్‌కీపర్‌), ఆయుష్ బదోని, డేవిడ్ మిల్లర్, షాబాజ్ అహ్మద్, శార్దూల్ ఠాకూర్, రవి బిష్ణోయ్, అవేష్ ఖాన్, దిగ్వేశ్‌ రతీ, ప్రిన్స్ యాదవ్పంజాబ్‌: ప్రభ్‌సిమ్రాన్ సింగ్ (వికెట్‌కీపర్‌), ప్రియాంష్ ఆర్య, శ్రేయాస్ అయ్యర్ (కెప్టెన్‌), శశాంక్ సింగ్, మార్కస్ స్టోయినిస్, గ్లెన్ మాక్స్‌వెల్, సూర్యాంశ్ షెడ్జ్, లాకీ ఫెర్గూసన్/అజ్మతుల్లా ఒమర్జాయ్, మార్కో జాన్సెన్, అర్ష్‌దీప్ సింగ్, యుజ్వేంద్ర చాహల్

ఐపీఎల్‌ 2024లో భాగంగా హైదరాబాద్‌ ఉప్పల్‌ స్టేడియంలో లక్నో సూపర్‌ జెయింట్స్, సన్‌రైజర్స్‌ హైదరాబాద్‌ జట్ల మధ్య జరిగిన మ్యాచ్‌ను అభిమానులు అంత త్వరగా మరచిపోలేరు. మొదట బ్యాటింగ్‌ చేసిన లక్నో 20 ఓవర్లలో 4 వికెట్ల నష్టానికి 165 పరుగులు చేస్తే... ఛేదనలో చెలరేగిపోయిన రైజర్స్‌ 9.4 ఓవర్లలోనే వికెట్‌ కోల్పోకుండా 167 పరుగులు చేసి విజయం సాధించింది!దూకుడే మంత్రంగా సాగుతున్న సన్‌రైజర్స్‌ హైదరాబాద్‌... ఈ సీజన్‌లో రాజస్తాన్‌తో ఆడిన తొలి మ్యాచ్‌లోనూ 286 పరుగులతో విజృంభించింది. రెండో మ్యాచ్‌లో లక్నోతో తలపడాల్సి రావడంతో మరింత భారీ స్కోరు ఖాయమే అని అభిమానులంతా అంచనాకు వచ్చేశారు. అందుకు తగ్గట్లే రైజర్స్‌కు మొదట బ్యాటింగ్‌ చేసే అవకాశం దక్కింది. ఇంకేముంది మరోసారి పరుగుల వరద ఖాయం అనుకుంటే... ఒకే ఒక్కడు హైదరాబాద్‌ జోరుకు అడ్డుకట్ట వేశాడు!! ఐపీఎల్‌ వేలంలో ఏ జట్టు కొనుగోలు చేయని ఆ ప్లేయర్‌... అందివచ్చిన అవకాశాన్ని రెండు చేతులతో ఒడిసిపట్టుకున్నాడు. సొంతగడ్డపై ఆకాశమే హద్దుగా చెలరేగుతున్న రైజర్స్‌ జోరుకు కళ్లెం వేశాడు. ప్రమాదకర ఓపెనర్‌ అభిషేక్‌ శర్మతో పాటు క్రితం మ్యాచ్‌ సెంచరీ హీరో ఇషాన్‌ కిషన్‌ను వరుస బంతుల్లో పెవిలియన్‌కు పంపి ఆరెంజ్‌ ఆర్మీని నిలువరించాడు. చివర్లో మరో రెండు వికెట్లు తీసిన అతడే భారత సీనియర్‌ ఆల్‌రౌండర్‌ శార్దుల్‌ ఠాకూర్‌. అనూహ్య అవకాశాన్ని సరిగ్గా వినియోగించుకుంటున్న శార్దుల్‌పై ప్రత్యేక కథనం... జాతీయ జట్టు తరఫున మూడు ఫార్మాట్లలో కలిపి 80కి పైగా మ్యాచ్‌లు ఆడిన అనుభవం... మీడియం పేస్‌తో పాటు లోయర్‌ ఆర్డర్‌లో విలువైన పరుగులు చేయగల నైపుణ్యం... తాజా రంజీ ట్రోఫీలో అటు బంతితో పాటు ఇటు బ్యాట్‌తో చక్కటి ప్రదర్శన చేసినప్పటికీ... శార్దుల్‌ ఠాకూర్‌ను ఐపీఎల్‌ వేలంలో ఏ ఫ్రాంచైజీ కొనుగోలు చేసుకోలేదు. రూ. 2 కోట్ల కనీస ధరతో వేలంలోకి వచ్చిన శార్దుల్‌పై ఏ జట్టు ఆసక్తి కనబర్చలేదు. దీంతో కౌంటీ క్రికెట్‌ ఆడేందుకు సిద్ధమవుతున్న ఈ ఆల్‌రౌండర్‌కు... భారత మాజీ పేసర్‌ జహీర్‌ ఖాన్‌ నుంచి పిలుపు వచ్చిoది. ‘ప్రయత్నాలు విడిచిపెట్టకు. నిన్ను జట్టులోకి తీసుకునే అవకాశాలు ఎక్కువ ఉన్నాయి. రిప్లేస్‌మెంట్‌గా నువ్వు టీమ్‌లో చేరితే తొలి మ్యాచ్‌ నుంచే బరిలోకి దిగాల్సి ఉంటుంది’ అని లక్నో సూపర్‌ జెయింట్స్‌ మెంటార్‌ జహీర్‌ ఖాన్‌ చెప్పిన మాటలతో శార్దుల్‌ తనను తాను టి20 ఫార్మాట్‌కు సిద్ధం చేసుకున్నాడు. లక్నో పేసర్‌ మొహసిన్‌ ఖాన్‌ గాయంతో ఇండియన్‌ ప్రీమియర్‌ లీగ్‌ (ఐపీఎల్‌) 18వ సీజన్‌కు దూరం కావడంతో... అతడి స్థానంలో ప్రత్యామ్నాయంగా శార్దుల్‌ను జట్టులోకి తీసుకున్నారు. అనుకోకుండా వచ్చిన అవకాశాన్ని సద్వినియోగం చేసుకోవాలనుకున్న శార్దుల్‌ తొలి మ్యాచ్‌ నుంచే తనదైన ముద్ర వేశాడు. తొలి మ్యాచ్‌లో 2 ఓవర్లే... విశాఖ వేదికగా ఢిల్లీ క్యాపిటల్స్, లక్నో సూపర్‌ జెయింట్స్‌ మధ్య జరిగిన పోరులో శార్దుల్‌ తన బౌలింగ్‌తో ఆకట్టుకున్నాడు. భారీ స్కోర్లు నమోదైన ఆ మ్యాచ్‌లో తొలి ఓవర్‌లోనే శార్దుల్‌ 2 వికెట్లు పడగొట్టి జట్టుకు అదిరిపోయే ఆరంభాన్నిచ్చాడు. ఇన్నింగ్స్‌ మూడో బంతికి మెక్‌గుర్క్‌ను ఔట్‌ చేసిన ఈ ముంబైకర్‌... ఐదో బంతికి అభిõÙక్‌ పొరెల్‌ను బుట్టలో వేసుకున్నాడు. దీంతో భారీ ఛేదనలో ఢిల్లీ ఆరంభంలోనే తడబడింది. అయితే ఆ మ్యాచ్‌లో లక్నో కెప్టెన్‌ రిషబ్‌ పంత్‌... శార్దుల్‌ను సరిగ్గా వినియోగించుకోలేదు. 2 ఓవర్ల తర్వాత అతడికి అసలు తిరిగి బౌలింగే ఇవ్వలేదు. దీంతో పంత్‌ సారథ్యంపై సర్వత్ర విమర్శలు వ్యక్తం కాగా... రెండో మ్యాచ్‌లో హైదరాబాద్‌పై దాన్ని పునరావృతం కానివ్వకుండా చూసుకున్నాడు. దాని ఫలితమే శార్దుల్‌ ఐపీఎల్లో తన అత్యుత్తమ గణాంకాలు (4/34) నమోదు చేసుకోవడంతో పాటు లీగ్‌లో 100 వికెట్ల మైలురాయిని సైతం దాటాడు. షార్ట్‌బాల్‌తో అబిషేక్‌కు బైబై చెప్పిన శార్దుల్‌... తదుపరి బంతికే ఇషాన్‌ను కీపర్‌ క్యాచ్‌గా పెవిలియన్‌ బాట పట్టించాడు. చివర్లో మరోసారి బౌలింగ్‌కు వచి్చన అతడు... అభినవ్‌ మనోహర్, మొహమ్మద్‌ షమీని ఔట్‌ చేశాడు. రైజర్స్‌కు కళ్లెం... హిట్టర్లతో దట్టంగా ఉన్న సన్‌రైజర్స్‌ హైదరాబాద్‌తో మ్యాచ్‌కు ముందు పక్కా ప్రణాళికతో బరిలోకి దిగినట్లు శార్దుల్‌ వెల్లడించాడు. ‘రైజర్స్‌ బ్యాటర్లు ప్రత్యర్థి బౌలర్లపై తీవ్ర ఒత్తిడి పెంచి భారీ షాట్లు ఆడుతూ మ్యాచ్‌ను లాగేసుకుంటున్నారు. అలాంటిది వారిపై ఒత్తిడి పెంచితే ఫలితాలు రాబట్టవచ్చు అని ముందే అనుకున్నా. చాన్స్‌ తీసుకోవాలనుకున్నా.ఫ్లాట్‌ పిచ్‌పై ఆరంభంలోనే ప్రత్యర్థి నుంచి మ్యాచ్‌ను లాగేసుకోవడం సన్‌రైజర్స్‌ ప్లేయర్లకు అలవాటు. అలాంటిది వారిని భారీ స్కోరు చేయకుండా మొదట్లోనే అడ్డుకోవాలని భావించా. నా ప్రణాళికలకు తగ్గట్లే బౌలింగ్‌ చేశాను. మెరుగైన ఫలితాలు రావడం ఆనందంగా ఉంది. నేనెప్పుడు వ్యక్తిగత ప్రదర్శనను పట్టించుకోను. జట్టు విజయంలో నా వంతు పాత్ర ఉండాలని భావిస్తా’ అని శార్దుల్‌ అన్నాడు. ఐపీఎల్‌లోని అన్నీ జట్లలో బౌలింగ్‌ లైనప్‌ బలహీనంగా ఉందని విమర్శలు మూటగట్టుకున్న లక్నో... ఇప్పుడు శార్దుల్‌ మ్యాజిక్‌తో ముందుకు సాగుతోంది. లీగ్‌లో మున్ముందు కూడా ఇదే ప్రదర్శన కొనసాగించాలనుకుంటున్నుట్లు ఈ ఆల్‌రౌండర్‌ వెల్లడించాడు. జహీర్‌ ఫోన్‌ కాల్‌తో.. ఐపీఎల్‌ వేలంలో ఏ ఫ్రాంచైజీ కొనుగోలు చేసుకోకపోవడంతో... శార్దుల్‌ దేశవాళీల్లో మరింత పట్టుదలగా ఆడాడు. 2024–25 రంజీ సీజన్‌లో ముంబై జట్టు తరఫున ఈ ఆల్‌రౌండర్‌ 35 వికెట్లు తీయడంతో పాటు లోయర్‌ ఆర్డర్‌లో బ్యాటింగ్‌కు దిగి 500 పైచిలుకు పరుగులు చేశాడు. ‘రంజీ నాకౌట్‌ మ్యాచ్‌ల సమయంలో జహీర్‌ ఖాన్‌ నుంచి ఫోన్‌ వచ్చింది. దీంతో సాధన కొనసాగించా. వేరే జట్లు కూడా సంప్రదించినప్పటికీ... జహీర్‌ ముందు ఫోన్‌ చేయడంతో అతడి మాటకు విలువ ఇచ్చి లక్నో జట్టులో చేరేందుకు అంగీకరించా’ అని శార్దుల్‌ చెప్పాడు. ఐపీఎల్‌ వేలంలో కొనుగోలు ఏ జట్టు కొనుగోలు చేసుకోక పోవడంతో ఏమాత్రం నిరుత్సాహానికి గురికాని శార్దుల్‌... మరింత క్రమశిక్షణతో తన బౌలింగ్‌ అ్రస్తాలను పెంచుకొని ఫలితాలు రాబడుతున్నాడు. –సాక్షి, క్రీడావిభాగం

ఉప్పల్‌ స్టేడియంలో మళ్లీ పరుగులు వరద పారింది. దాదాపు 400 పరుగులు కూడా నమోదయ్యాయి. కానీ ఫలితం మాత్రం పూర్తి భిన్నంగా వచ్చింది. ప్రతీసారి విధ్వంసకర బ్యాటింగ్‌తో చెలరేగుతూ ప్రత్యర్థిని ఊపిరాడకుండా చేసే సన్‌రైజర్స్‌ ఈసారి ఓటమి పక్షాన నిలిచింది. బలహీన బౌలింగ్‌గా అనిపించిన లక్నో పట్టుదలగా ఆడి రైజర్స్‌ను 200 గీత దాటకుండా చేస్తే... ఆపై లక్నో బ్యాటర్లు పూరన్, మిచెల్‌ మార్ష్లు సన్‌రైజర్స్‌కు వారి బ్యాటింగ్‌ దెబ్బనే రుచి చూపించారు. ఫలితంగా హైదరాబాద్‌కు అనూహ్య ఓటమి ఎదురుకాగా... లక్నో గెలుపు బోణీ చేసింది. ఏడాది క్రితం ఇదే మైదానంలో ఘోర పరాజయాన్ని ఎదుర్కొన్న లక్నో టీమ్‌ ఇప్పుడు బదులు తీర్చుకుంది. సాక్షి, హైదరాబాద్‌: ఐపీఎల్‌లో సన్‌రైజర్స్‌కు సొంతగడ్డపై తొలి పరాజయం ఎదురైంది. గురువారం జరిగిన మ్యాచ్‌లో లక్నో సూపర్‌ జెయింట్స్‌ 5 వికెట్ల తేడాతో హైదరాబాద్‌పై విజయం సాధించింది. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ 20 ఓవర్లలో 9 వికెట్ల నష్టానికి 190 పరుగులు చేసింది. ట్రావిస్‌ హెడ్‌ (28 బంతుల్లో 47; 5 ఫోర్లు,3 సిక్స్‌లు), అనికేత్‌ వర్మ (13 బంతుల్లో 36; 5 సిక్స్‌లు), నితీశ్‌ కుమార్‌ రెడ్డి (28 బంతుల్లో 32; 2 ఫోర్లు) జట్టు ఇన్నింగ్స్‌లో కీలక పరుగులు సాధించారు. ‘ప్లేయర్‌ ఆఫ్‌ ద మ్యాచ్‌’ శార్దుల్‌ ఠాకూర్‌ 34 పరుగులిచ్చి 4 వికెట్లు పడగొట్టాడు. అనంతరం లక్నో 16.1 ఓవర్లలో 5 వికెట్లకు 193 పరుగులు చేసి గెలిచింది. నికోలస్‌ పూరన్‌ (26 బంతుల్లో 70; 6 ఫోర్లు, 6 సిక్స్‌లు), మిచెల్‌ మార్ష్ (31 బంతుల్లో 52; 7 ఫోర్లు, 2 సిక్స్‌లు) కలిసి జట్టును గెలిపించారు. వీరిద్దరు రెండో వికెట్‌కు 43 బంతుల్లోనే 116 పరుగులు జోడించారు. అభిషేక్, ఇషాన్‌ విఫలం సన్‌రైజర్స్‌కు ఈసారి సరైన ఆరంభం లభించలేదు. శార్దుల్‌ వరుస బంతుల్లో అభిషేక్‌ శర్మ (6), గత మ్యాచ్‌ సెంచరీ హీరో ఇషాన్‌ కిషన్‌ (0)లను వెనక్కి పంపడంతో 15 పరుగులకే జట్టు 2 వికెట్లు కోల్పోయింది. అయితే హెడ్‌ మాత్రం తన జోరు తగ్గించలేదు. అవేశ్‌ ఓవర్లో అతను 2 సిక్స్‌లు, ఫోర్‌తో చెలరేగాడు. రవి బిష్ణోయ్‌ ఓవర్లో 35 పరుగుల వద్ద హెడ్‌ ఇచ్చిన సునాయాస క్యాచ్‌ను పూరన్‌ వదిలేశాడు. అదే ఓవర్లో బిష్ణోయ్‌ కూడా కఠినమైన మరో రిటర్న్‌ క్యాచ్‌ను అందుకోలేకపోయాడు. అయితే దాని వల్ల ఎక్కువ నష్టం జరగలేదు. మరో 12 పరుగులు జోడించిన హెడ్‌ను ప్రిన్స్‌ యాదవ్‌ అద్భుత బంతితో క్లీన్‌»ౌల్డ్‌ చేశాడు. ప్రిన్స్‌కు ఐపీఎల్‌లో ఇది తొలి వికెట్‌ కావడం విశేషం. మరో ఎండ్‌లో బాగా తడబడిన నితీశ్‌ ధాటిగా ఆడటంలో విఫలమయ్యాడు. క్రీజ్‌లో ఉన్నంత సేపు దూకుడు ప్రదర్శించిన క్లాసెన్‌ (17 బంతుల్లో 26; 2 ఫోర్లు, 1 సిక్స్‌) దురదృష్టవశాత్తూ రనౌటయ్యాడు. అయితే అనికేత్, ప్యాట్‌ కమిన్స్‌ (4 బంతుల్లో 18; 3 సిక్స్‌లు) సిక్సర్లు స్కోరును 200 పరుగులకు చేరువగా తెచ్చారు. బిష్ణోయ్‌ ఓవర్లో రెండు వరుస సిక్స్‌లు బాదిన అనికేత్‌...రాఠీ ఓవర్లోనూ వరుసగా రెండు సిక్సర్లతో చెలరేగాడు. అయితే తర్వాతి బంతికీ ఇదే ప్రయత్నంలో క్యాచ్‌ ఇచ్చి అతను వెనుదిరిగాడు. చివరి 2 ఓవర్లలో కలిపి 10 పరుగులే చేయగలిగిన హైదరాబాద్‌ ఆఖరి 16 బంతుల్లో ఒక్క బౌండరీ కూడా లేకపోవడం గమనార్హం. మెరుపు భాగస్వామ్యం... షమీ తన తొలి ఓవర్లో మార్క్‌రమ్‌ (1)ను అవుట్‌ చేసిన ఆనందం రైజర్స్‌ శిబిరంలో ఎంతోసేపు నిలవలేదు. అక్కడి నుంచి మార్ష్, పూరన్‌ కలిసి రైజర్స్‌ బౌలర్ల భరతం పట్టారు. సిమర్జీత్‌ ఓవర్లో పూరన్‌ ఫోర్, 2 సిక్స్‌లు బాదగా, షమీ ఓవర్లో మార్ష్ 2 సిక్స్‌లు కొట్టాడు. అభిషేక్‌ ఓవర్లో కూడా పూరన్‌ 2 సిక్స్‌లు కొట్టడంతో పవర్‌ప్లేలో లక్నో స్కోరు 77 పరుగులకు చేరింది. ఆ తర్వాత పూరన్‌ మరింత చెలరేగిపోయాడు. 18 బంతుల్లోనే ఈ సీజన్‌లో ఫాస్టెస్ట్‌ హాఫ్‌ సెంచరీ పూర్తి చేసుకున్నాడు. పూరన్‌ అవుటైన తర్వాత 29 బంతుల్లో మార్ష్ అర్ధ సెంచరీని అందుకున్నాడు. ఆ తర్వాత తక్కువ వ్యవధిలో బదోని (6), పంత్‌ (15) అవుటైనా... మిల్లర్‌ (13 నాటౌట్‌), సమద్‌ (8 బంతుల్లో 22 నాటౌట్‌; 2 ఫోర్లు, 2 సిక్స్‌లు) కలిసి విజయాన్ని పూర్తి చేశారు. మూడు బంతులు, మూడు సిక్సర్లు... సన్‌రైజర్స్‌ కెప్టెన్‌ కమిన్స్‌ బ్యాటింగ్‌ ఆసక్తికరంగా సాగింది. తాను ఎదుర్కొన్న తొలి 3 బంతులను అతను సిక్సర్లుగా మలిచాడు. శార్దుల్‌ ఓవర్లో రెండు సిక్స్‌లు కొట్టిన అతను, అవేశ్‌ ఓవర్లో తొలి బంతిని సిక్సర్‌ కొట్టి తర్వాతి బంతికే వెనుదిరిగాడు. అనూహ్య రనౌట్‌... టాప్‌–3 బ్యాటర్లు వెనుదిరిగిన తర్వాత రైజర్స్‌ ఆశలన్నీ క్లాసెన్‌పైనే ఉన్నాయి. అతనూ అప్పటికే చక్కటి షాట్లతో ధాటిని ప్రదర్శిస్తున్నాడు. అయితే ప్రిన్స్‌ యాదవ్‌ ఓవర్లో అతను రనౌట్‌ కావడం జట్టు తుది స్కోరుపై ప్రభావం చూపించింది. ప్రిన్స్‌ వేసిన బంతిని నితీశ్‌ బలంగా బాదగా బౌలర్‌ దానిని క్యాచ్‌ అందుకునే ప్రయత్నం చేశాడు. అయితే అది విఫలం కాగా, బంతి చేతులను తాకి నాన్‌ స్ట్రయికింగ్‌ స్టంప్స్‌ వైపు వెళ్లింది. అప్పటికే పరుగు కోసం క్రీజ్‌ దాటిన క్లాసెన్‌ రనౌటవక తప్పలేదు. ఎవరీ అనికేత్‌ వర్మ...? ఐదు సిక్సర్లతో సన్‌రైజర్స్‌ అభిమానులను ఆకట్టుకున్న అనికేత్‌ వర్మ గత మ్యాచ్‌తోనే ఐపీఎల్‌లోకి అడుగు పెట్టాడు. రాజస్తాన్‌తో పోరులో తన రెండో బంతికే అతను సిక్స్‌ కొట్టాడు. ఐపీఎల్‌కు ముందు అతను సీనియర్‌ స్థాయిలో ఒకే ఒక టి20 మ్యాచ్‌ ఆడాడు. మధ్యప్రదేశ్‌ తరఫున బరిలోకి దిగిన అనికేత్‌ హైదరాబాద్‌తో జరిగిన ముస్తాక్‌ అలీ ట్రోఫీ మ్యాచ్‌లో తొలి బంతికే డకౌటయ్యాడు. అయితే అండర్‌–23 స్థాయి తన దూకుడైన ప్రదర్శనతో అతను అందరి దృష్టిలో పడ్డాడు. దేశవాళీ అండర్‌–23 వన్డే టోర్నీలో 7 మ్యాచ్‌లలో 16 సిక్సర్లు బాదాడు. మధ్యప్రదేశ్‌ ప్రీమియర్‌ లీగ్‌లో కూడా చెలరేగిన తీరును చూసి సన్‌రైజర్స్‌ వేలంలో కనీస విలువ రూ. 30 లక్షలకు అనికేత్‌ను తీసుకుంది. పుట్టింది ఉత్తరప్రదేశ్‌లోని ఝాన్సీలోనే అయినా మెరుగైన అవకాశాల కోసం సరిహద్దు రాష్ట్రం మధ్యప్రదేశ్‌ చేరుకొని అక్కడే ఆటను మొదలు పెట్టాడు. ఐపీఎల్‌లో నేడుచెన్నై X బెంగళూరువేదిక: చెన్నైరాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారంస్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: హెడ్‌ (బి) ప్రిన్స్‌ 47; అభిషేక్‌ (సి) పూరన్‌ (బి) శార్దుల్‌ 6; ఇషాన్‌ కిషన్‌ (సి) పంత్‌ (బి) శార్దుల్‌ 0; నితీశ్‌ రెడ్డి (బి) రవి బిష్ణోయ్‌ 32; క్లాసెన్‌ (రనౌట్‌) 26; అనికేత్‌ (సి) మిల్లర్‌ (బి) రాఠీ 36; అభినవ్‌ మనోహర్‌ (సి) సమద్‌ (బి) శార్దుల్‌ 2; కమిన్స్‌ (సి) రాఠీ (బి) అవేశ్‌ 18; హర్షల్‌ (నాటౌట్‌) 12; షమీ (సి) బదోని (బి) శారుŠద్‌ల్‌ 1; సిమర్జీత్‌ (నాటౌట్‌) 3; ఎక్స్‌ట్రాలు 7; మొత్తం (20 ఓవర్లలో 9 వికెట్లకు) 190. వికెట్ల పతనం: 1–15, 2–15, 3–76, 4–110, 5–128, 6–156, 7–156, 8–176, 9–181. బౌలింగ్‌: శార్దుల్‌ ఠాకూర్‌ 4–0–34–4, అవేశ్‌ ఖాన్‌ 4–0–45–1, దిగ్వేశ్‌ రాఠీ 4–0–40–1, రవి బిష్ణోయ్‌ 4–0–42–1, ప్రిన్స్‌ యాదవ్‌ 4–0–29–1. లక్నో సూపర్‌ జెయింట్స్‌ ఇన్నింగ్స్‌: మార్ష్ (సి) నితీశ్‌ రెడ్డి (బి) కమిన్స్‌ 52; మార్క్‌రమ్‌ (సి) కమిన్స్‌ (బి) షమీ 1; పూరన్‌ (ఎల్బీ) (బి) కమిన్స్‌ 70; పంత్‌ (సి) షమీ (బి) హర్షల్‌ 15; బదోని (సి) హర్షల్‌ (బి) జంపా 6; మిల్లర్‌ (నాటౌట్‌) 13; సమద్‌ (నాటౌట్‌) 22; ఎక్స్‌ట్రాలు 14; మొత్తం (16.1 ఓవర్లలో 5 వికెట్లకు) 193. వికెట్ల పతనం: 1–4, 2–120, 3–138, 4–154, 5–164. బౌలింగ్‌: అభిషేక్‌ శర్మ 2–0–20–0, షమీ 3–0–37–1, సిమర్జీత్‌ సింగ్‌ 2–0–28–0, కమిన్స్‌ 3–0–29–2, ఆడమ్‌ జంపా 4–0–46–1, హర్షల్‌ పటేల్‌ 2–0–28–1, ఇషాన్‌ కిషన్‌ 0.1–0–4–0.

ఐపీఎల్‌-2025లో ల‌క్నో సూప‌ర్ జెయింట్స్ బోణీ కొట్టింది. ఉప్ప‌ల్ వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన మ్యాచ్‌లో 5 వికెట్ల తేడాతో ల‌క్నో ఘ‌న విజ‌యం సాధించింది. 191 ప‌రుగుల భారీ ల‌క్ష్యాన్ని ల‌క్నో కేవ‌లం 16.1 ఓవ‌ర్ల‌లో ఊదిప‌డేసింది. ల‌క్నో బ్యాట‌ర్ల‌లో నికోల‌స్ పూర‌న్ విధ్వంస‌క‌ర ఇన్నింగ్స్ ఆడాడు. కేవలం 26 బంతులు మాత్రమే ఎదుర్కొన్న పూరన్‌.. 6 ఫోర్లు, 6 సిక్స్‌లతో 70 పరుగులు చేసి టాప్ స్కోర‌ర్‌గా నిలిచాడు.అత‌డితో పాటు ఇంపాక్ట్ ప్లేయ‌ర్‌గా బ‌రిలోకి దిగిన మిచెల్ మార్ష్ సైతం త‌న బ్యాట్‌కు ప‌నిచెప్పాడు. 31 బంతుల్లో 7 ఫోర్లు, 2 సిక్స్‌ల‌తో 52 ప‌రుగులు చేశాడు. ఎస్ఆర్‌హెచ్ బౌల‌ర్ల‌లో క‌మ్మిన్స్ రెండు వికెట్లు ప‌డ‌గొట్ట‌గా.. జంపా, హ‌ర్ష‌ల్ ప‌టేల్‌, ష‌మీ త‌లా వికెట్ సాధించారు. ఎస్ఆర్‌హెచ్ బౌల‌ర్లు త‌మ స్ధాయికి త‌గ్గ ప్ర‌ద‌ర్శ‌న చేయ‌లేకపోయారు. భారీగా ప‌రుగులు స‌మ‌ర్పించుకున్నారు.నాలుగేసిన శార్ధూల్‌..ఇక టాస్ ఓడి తొలుత బ్యాటింగ్ చేసిన ఎస్ఆర్‌హెచ్ నిర్ణీత 20 ఓవ‌ర్ల‌లో 9 వికెట్ల న‌ష్టానికి 190 ప‌రుగులు చేసింది. ల‌క్నో బౌల‌ర్లు అద్బుతంగా రాణించారు. ల‌క్నో పేస‌ర్ శార్ధూల్ ఠాకూర్ నాలుగు వికెట్ల‌తో చెల‌రేగాడు. అత‌డితో పాటు ప్రిన్స్ యాద‌వ్‌, దిగ్వేష్‌, ర‌వి బిష్ణోయ్‌, ప్రిన్స్ యాద‌వ్ త‌లా వికెట్ సాధించారు. ఎస్ఆర్‌హెచ్ బ్యాట‌ర్ల‌లో ట్రావిస్ హెడ్‌(47) ప‌రుగుల‌తో టాప్ స్కోర‌ర్‌గా నిలవ‌గా.. అనికేత్ వ‌ర్మ‌(36), నితీశ్ కుమార్ రెడ్డి(32),క్లాసెన్‌(26) రాణించారు.చ‌ద‌వండి: IPL 2025: నికోల‌స్ పూర‌న్ ఊచకోత.. ఫాస్టెస్ట్ ఫిప్టీ! వీడియో వైర‌ల్‌

ఐపీఎల్‌-2025లో ఉప్ప‌ల్ వేదిక‌గా స‌న్‌రైజ‌ర్స్ హైద‌రాబాద్‌తో మ్యాచ్‌లో ల‌క్నో సూప‌ర్ జెయింట్స్ స్టార్ ప్లేయ‌ర్ నికోల‌స్ పూర‌న్ విధ్వంసం సృష్టించాడు. 191 పరుగుల లక్ష్య చేధనలో పూరన్ ఆకాశమే హద్దుగా చెలరేగాడు. వన్ డౌన్‌లో బ్యాటింగ్‌కు దిగిన నికోలస్‌.. ప్రత్యర్ధి బౌలర్లను ఊచకోత కోశాడు. కెప్టెన్ కమ్మిన్స్‌తో సహా ఏ బౌలర్‌ను పూరన్ విడిచిపెట్టలేదు.ఉప్పల్ మైదానంలో బౌండరీల వర్షం కురిపించాడు. ఈ క్రమంలో ఈ కరేబియన్ బ్యాటర్ కేవలం 18 బంతుల్లోనే తన హాఫ్ సెంచరీ మార్క్‌ను అందుకున్నాడు. తద్వారా ఈ ఏడాది ఐపీఎల్ సీజన్‌లో అత్యంత వేగవంతమైన హాఫ్ సెంచరీ చేసిన ప్లేయర్‌గా పూరన్ నిలిచాడు. ఓవరాల్‌గా కేవలం 26 బంతులు మాత్రమే ఎదుర్కొన్న పూరన్‌.. 6 ఫోర్లు, 6 సిక్స్‌లతో 70 పరుగులు చేశాడు. అతడి విధ్వంసం ఫలితంగా లక్నో లక్ష్యాన్ని కేవలం ల‌క్నో కేవ‌లం 16.1 ఓవ‌ర్ల‌లో ఛేదించింది. లక్నో బ్యాటర్లలో పూరన్‌తో పాటు మార్ష్‌(52) హాఫ్‌ సెంచరీతో మెరిశాడు. ఎస్ఆర్‌హెచ్ బౌల‌ర్ల‌లో క‌మ్మిన్స్ రెండు వికెట్లు ప‌డ‌గొట్ట‌గా.. జంపా, హ‌ర్ష‌ల్ ప‌టేల్‌, ష‌మీ త‌లా వికెట్ సాధించారు. ఎస్ఆర్‌హెచ్ బౌల‌ర్లు త‌మ స్ధాయికి త‌గ్గ ప్ర‌ద‌ర్శ‌న చేయ‌లేకపోయారు. ఈ మ్యాచ్‌లో తొలుత బ్యాటింగ్ చేసిన ఎస్ఆర్‌హెచ్ నిర్ణీత 20 ఓవ‌ర్ల‌లో 9 వికెట్ల న‌ష్టానికి 190 ప‌రుగులు చేసింది.ల‌క్నో బౌల‌ర్లు అద్బుతంగా రాణించారు. ల‌క్నో పేస‌ర్ శార్ధూల్ ఠాకూర్ నాలుగు వికెట్ల‌తో చెల‌రేగాడు. అత‌డితో పాటు ప్రిన్స్ యాద‌వ్‌, దిగ్వేష్‌, ర‌వి బిష్ణోయ్‌, ప్రిన్స్ యాద‌వ్ త‌లా వికెట్ సాధించారు. ఎస్ఆర్‌హెచ్ బ్యాట‌ర్ల‌లో ట్రావిస్ హెడ్‌(47) ప‌రుగుల‌తో టాప్ స్కోర‌ర్‌గా నిలవ‌గా.. అనికేత్ వ‌ర్మ‌(36), నితీశ్ కుమార్ రెడ్డి(32),క్లాసెన్‌(26) రాణించారు. Raining sixes in Hyderabad... but by #LSG 🌧Nicholas Pooran show guides LSG to 77/1 after 6 overs 👊Updates ▶ https://t.co/X6vyVEvxwz#TATAIPL | #SRHvLSG | @LucknowIPL pic.twitter.com/K2Dlk5AXQw— IndianPremierLeague (@IPL) March 27, 2025

SRH vs LSG Live Updates And Highlights: ఉప్ప‌ల్ వేదిక‌గా స‌న్‌రైజ‌ర్స్ హైద‌రాబాద్‌, ల‌క్నో సూప‌ర్ జెయింట్స్ త‌ల‌ప‌డ‌తున్నాయి.ఎస్ఆర్‌హెచ్ ఘోర ఓట‌మి..ఉప్ప‌ల్ వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన మ్యాచ్‌లో 5 వికెట్ల తేడాతో ల‌క్నో ఘ‌న విజ‌యం సాధించింది. 191 ప‌రుగుల భారీ ల‌క్ష్యాన్ని ల‌క్నో కేవ‌లం 16.1 ఓవ‌ర్ల‌లో ఊదిప‌డేసింది. ల‌క్నో బ్యాట‌ర్ల‌లో నికోల‌స్ పూర‌న్ విధ్వంస‌క‌ర ఇన్నింగ్స్ ఆడాడు. కేవలం 26 బంతులు మాత్రమే ఎదుర్కొన్న పూరన్‌.. 6 ఫోర్లు, 6 సిక్స్‌లతో 70 పరుగులు చేసి టాప్ స్కోర‌ర్‌గా నిలిచాడు. అత‌డితో పాటు ఇంపాక్ట్ ప్లేయ‌ర్‌గా బ‌రిలోకి దిగిన మిచెల్ మార్ష్ సైతం త‌న బ్యాట్‌కు ప‌నిచెప్పాడు. 31 బంతుల్లో 7 ఫోర్లు, 2 సిక్స్‌ల‌తో 52 ప‌రుగులు చేశాడు. ఎస్ఆర్‌హెచ్ బౌల‌ర్ల‌లో క‌మ్మిన్స్ రెండు వికెట్లు ప‌డ‌గొట్ట‌గా.. జంపా, హ‌ర్ష‌ల్ ప‌టేల్‌, ష‌మీ త‌లా వికెట్ సాధించారు. ఎస్ఆర్‌హెచ్ బౌల‌ర్లు త‌మ స్ధాయికి త‌గ్గ ప్ర‌ద‌ర్శ‌న చేయ‌లేకపోయారు. భారీగా ప‌రుగులు స‌మ‌ర్పించుకున్నారు.విజ‌యానికి చేరువ‌లో లక్నోల‌క్నో తొలి విజ‌యానికి చేరువైంది. 30 బంతుల్లో 15 ప‌రుగులు కావాలి. క్రీజులో స‌మ‌ద్‌(11), మిల్ల‌ర్‌(8) ఉన్నారు.వ‌రుస‌గా రెండు వికెట్లు డౌన్‌..ల‌క్నో వ‌రుస క్ర‌మంలో రెండు వికెట్లు కోల్పోయింది. 13వ ఓవ‌ర్ వేసిన జంపా బౌలింగ్‌లో బ‌దోని ఔట్ కాగా.. 15 ఓవ‌ర్‌లో హ‌ర్ష‌ల్ ప‌టేల్ బౌలింగ్‌లో పంత్ ఔట‌య్యాడు.ల‌క్నో మూడో వికెట్ డౌన్‌..మార్ష్ రూపంలో ల‌క్నో సూప‌ర్ జెయింట్స్ మూడో వికెట్ కోల్పోయింది. 52 ప‌రుగులు చేసిన మార్ష్‌.. క‌మ్మిన్స్ బౌలింగ్‌లో ఔట‌య్యాడు. క్రీజులోకి ఆయూష్ బ‌దోని వ‌చ్చాడు. 11 ఓవ‌ర్లు ముగిసే స‌రికి ఎల్ఎస్‌జీ 3 వికెట్ల న‌ష్టానికి 149 ప‌రుగులు చేసింది.రెండో వికెట్ డౌన్‌.. పూర‌న్ ఔట్‌120 పరుగుల వద్ద లక్నో రెండో వికెట్ కోల్పోయింది. 70 ప‌రుగులు చేసిన పూర‌న్‌.. క‌మ్మిన్స్ బౌలింగ్‌లో ఎల్బీగా వెనుదిరిగాడు. 10 ఓవ‌ర్ల‌కు ఎల్ఎస్‌జీ రెండు వికెట్ల న‌ష్టానికి 129 ప‌రుగులు చేసింది.క్రీజులో మార్ష్‌(44),పంత్‌(2) ఉన్నారు.నికోలస్‌ పూరన్‌ విధ్వసం..నికోల‌స్ పూర‌న్ విధ్వ‌సం సృష్టిస్తున్నాడు. కేవలం 18 బంతుల్లోనే తన హాఫ్ సెంచరీ మార్క్‌ను అందుకున్నాడు. పూరన్ (24 బంతుల్లో 6 ఫోర్లు, 6 సిక్స్‌లతో 67) తన బ్యాటింగ్‌ను తన బ్యాటింగ్‌ను కొనసాగిస్తున్నాడు. 8 ఓవర్లకు లక్నో వికెట్ నష్టానికి 111 పరుగులు చేసింది. క్రీజులో పూరన్‌తో పాటు మార్ష్‌(32) ఉన్నారు.దూకుడుగా ఆడుతున్న మార్ష్,పూర‌న్‌..6 ఓవ‌ర్లు ముగిసే స‌రికి ల‌క్నో వికెట్ న‌ష్టానికి 77 ప‌రుగులు చేసింది. క్రీజులో నికోల‌స్ పూర‌న్‌(44), మిచెల్ మార్ష్‌(25) ఉన్నారు. వీరిద్ద‌రూ దూకుడుగా ఆడుతున్నారు.తొలి వికెట్ కోల్పోయిన ల‌క్నో..191 ప‌రుగుల ల‌క్ష్యంతో బ‌రిలోకి దిగిన ల‌క్నో సూప‌ర్ జెయింట్స్‌కు ఆదిలోనే భారీ షాక్ త‌గిలింది. కేవ‌లం ఒక్క ప‌రుగు మాత్ర‌మే చేసిన ఐడైన్ మార్‌క్ర‌మ్‌..మ‌హ్మ‌ద్ ష‌మీ బౌలింగ్‌లో ఔట‌య్యాడు. క్రీజులోకి నికోల‌స్ పూర‌న్ వ‌చ్చాడు.నాలుగేసిన శార్థూల్‌.. ఎస్ఆర్‌హెచ్ స్కోరంతంటే?ఉప్ప‌ల్ వేదిక‌గా ల‌క్నో సూప‌ర్ జెయింట్స్‌తో జ‌రుగుతున్న మ్యాచ్‌లో స‌న్‌రైజ‌ర్స్ హైద‌రాబాద్ బ్యాట‌ర్లు ప‌ర్వాలేద‌న్పించారు. టాస్ ఓడి తొలుత బ్యాటింగ్‌కు దిగిన ఎస్ఆర్‌హెచ్ 9 వికెట్ల న‌ష్టానికి 190 ప‌రుగులు చేసింది. ల‌క్నో బౌల‌ర్లు అద్బుతంగా రాణించారు. బ్యాటింగ్ అనుకూలించే వికెట్‌పై స‌న్‌రైజ‌ర్స్ బ్యాట‌ర్ల‌ను బౌల‌ర్లు క‌ట్ట‌డి చేశారు. ల‌క్నో పేస‌ర్ శార్ధూల్ ఠాకూర్ నాలుగు వికెట్ల‌తో చెల‌రేగాడు. అత‌డితో పాటు ప్రిన్స్ యాద‌వ్‌, దిగ్వేష్‌, ర‌వి బిష్ణోయ్‌, ప్రిన్స్ యాద‌వ్ త‌లా వికెట్ సాధించారు. ఎస్ఆర్‌హెచ్ బ్యాట‌ర్ల‌లో ట్రావిస్ హెడ్‌(47) ప‌రుగుల‌తో టాప్ స్కోర‌ర్‌గా నిలవ‌గా.. అనికేత్ వ‌ర్మ‌(36), నితీశ్ కుమార్ రెడ్డి(32),క్లాసెన్‌(26) రాణించారు.ఎనిమిది వికెట్ డౌన్.. క‌మ్మిన్స్ ఔట్‌ప్యాట్ క‌మ్మిన్స్(4 బంతుల్లో 18) రూపంలో ఎస్ఆర్‌హెచ్ ఎనిమిదో వికెట్ కోల్పోయింది. 18 ఓవ‌ర్ల‌కు ఎస్ఆర్‌హెచ్‌ స్కోర్‌: 180/8ఎస్ఆర్‌హెచ్ ఆరో వికెట్ డౌన్‌.. అనికేత్ ఔట్‌అనికేత్ వర్మ రూపంలో ఎస్ఆర్‌హెచ్ ఆరో వికెట్ కోల్పోయింది. 36 ప‌రుగుల‌తో అద్భుత ఇన్నింగ్స్ ఆడిన అనికేత్‌.. దిగ్వేష్ బౌలింగ్‌లో ఔట‌య్యాడు. 17 ఓవ‌ర్ల‌కు ఎస్ఆర్‌హెచ్‌ స్కోర్‌: 169/7ఎస్ఆర్‌హెచ్ ఐదో వికెట్ డౌన్‌.. నితీశ్ రెడ్డి ఔట్‌నితీశ్ కుమార్(32) రూపంలో ఎస్ఆర్‌హెచ్ ఐదో వికెట్ కోల్పోయింది. ర‌వి బిష్ణోయ్ బౌలింగ్‌లో నితీశ్ క్లీన్ బౌల్డ‌య్యాడు.ఎస్ఆర్‌హెచ్ నాలుగో వికెట్ డౌన్‌.. క్లాసెన్ ఔట్‌హెన్రిచ్ క్లాసెన్ రూపంలో ఎస్ఆర్‌హెచ్ నాలుగో వికెట్ కోల్పోయింది. 26 ప‌రుగులు చేసిన హెన్రిచ్ క్లాసెన్‌.. దురుదృష్టవశాత్తూ రనౌట్ రూపంలో పెవిలియన్‌కు చేరాడు. 13 ఓవర్లు ముగిసే సరికి సన్‌రైజర్స్ 4 వికెట్ల నష్టానికి 122 పరుగులు చేసింది. క్రీజులో నితీశ్ కుమార్ రెడ్డి(30), అంకిత్ వర్మ(7) పరుగులతో ఉన్నారు.ఎస్ఆర్‌హెచ్ మూడో వికెట్ డౌన్‌.. హెడ్ ఔట్‌ట్రావిస్ హెడ్ రూపంలో ఎస్ఆర్‌హెచ్ మూడో వికెట్ కోల్పోయింది. 47 ప‌రుగులు చేసిన హెడ్‌.. ప్రిన్స్ యాద‌వ్ బౌలింగ్‌లో క్లీన్ బౌల్డ‌య్యాడు. క్రీజులోకి హెన్రిచ్ క్లాసెన్ వ‌చ్చాడు.7 ఓవ‌ర్ల‌కు ఎస్ఆర్‌హెచ్ స్కోర్‌: 71/27 ఓవ‌ర్లు ముగిసే స‌రికి స‌న్‌రైజ‌ర్స్ హైద‌రాబాద్ రెండు వికెట్ల న‌ష్టానికి 71 ప‌రుగులు చేసింది. క్రీజులో ట్రావిస్ హెడ్‌(47), నితీశ్ కుమార్ రెడ్డి(15) ఉన్నారు.ఒకే ఓవ‌ర్‌లో రెండు వికెట్లు..టాస్ ఓడి బ్యాటింగ్‌కు దిగిన స‌న్‌రైజ‌ర్స్ హైద‌రాబాద్‌కు ఆదిలోనే భారీ షాక్ త‌గిలింది. ఇన్నింగ్స్ మూడో ఓవ‌ర్ వేసిన శార్థూల్ ఠాకూర్ బౌలింగ్‌లో తొలి బంతికి అభిషేక్ శ‌ర్మ ఔట్ కాగా.. రెండో బంతికి ఇషాన్ కిష‌న్ ఔట‌య్యాడు. 3 ఓవ‌ర్లు ముగిసే స‌రికి ఎస్ఆర్‌హెచ్ రెండు వికెట్ల న‌ష్టానికి 27 ప‌రుగులు చేసింది. క్రీజులో ట్రావిస్ హెడ్‌(14), నితీశ్ కుమార్ రెడ్డి(5) ఉన్నారు.ఐపీఎల్‌-2025లో మ‌రో ర‌స‌వ‌త్త‌ర పోరుకు తెర‌లేచింది. ఈ మెగా ఈవెంట్‌లో భాగంగా ఉప్ప‌ల్ వేదిక‌గా స‌న్‌రైజ‌ర్స్ హైద‌రాబాద్‌, ల‌క్నో సూప‌ర్ జెయింట్స్ త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన ల‌క్నో సూప‌ర్ జెయింట్స్ తొలుత బౌలింగ్ ఎంచుకుంది.తుది జ‌ట్లులక్నో సూపర్ జెయింట్స్ ప్లేయింగ్ XI: ఐడెన్ మార్క్రామ్, నికోలస్ పూరన్, రిషబ్ పంత్ (కెప్టెన్‌), ఆయుష్ బడోని, డేవిడ్ మిల్లర్, అబ్దుల్ సమద్, దిగ్వేష్ సింగ్ రాఠీ, శార్దూల్ ఠాకూర్, అవేష్ ఖాన్, రవి బిష్ణోయ్, ప్రిన్స్ యాదవ్సన్‌రైజర్స్ హైదరాబాద్ ప్లేయింగ్ ఎలెవన్: అభిషేక్ శర్మ, ట్రావిస్ హెడ్, ఇషాన్ కిషన్ (వికెట్ కీప‌ర్‌), నితీష్ కుమార్ రెడ్డి, హెన్రిచ్ క్లాసెన్, అనికేత్ వర్మ, అభినవ్ మనోహర్, పాట్ కమిన్స్ (కెప్టెన్‌), సిమర్జీత్ సింగ్, మహమ్మద్ షమీ, హర్షల్ పటేల్ఇంపాక్ట్ ప్లేయర్ సబ్స్టిట్యూట్స్:లక్నో సూపర్ జెయింట్స్: మిచెల్ మార్ష్, హిమ్మత్ సింగ్, షాబాజ్ అహ్మద్, మణిమారన్ సిద్ధార్థ్, ఆకాష్ సింగ్సన్‌రైజర్స్ హైదరాబాద్: సచిన్ బేబీ, వియాన్ ముల్డర్, ఆడమ్ జంపా, జయదేవ్ ఉనద్కట్, జీషన్ అన్సారీ

ఐపీఎల్‌-2025లో ఇవాళ (మార్చి 27) ఆసక్తికర సమరం జరుగనుంది. అరివీర భయంకరమైన ఫామ్‌లో ఉన్న సన్‌రైజర్స్‌ హైదరాబాద్‌.. తొలి మ్యాచ్‌లో ఢిల్లీ చేతిలో ఊహించని పరాజయాన్ని ఎదుర్కొన్న లక్నో సూపర్‌ జెయింట్స్‌ను ఢీకొట్టనుంది. ఈ మ్యాచ్‌ ఎస్‌ఆర్‌హెచ్‌ హోం గ్రౌండ్‌ రాజీవ్‌ గాంధీ ఇంటర్నేషనల్‌ స్టేడియంలో రాత్రి 7:30 గంటలకు ప్రారంభం కానుంది.ఈ మ్యాచ్‌ కోసం సన్‌రైజర్స్‌ అభిమానులు కళ్లకు వత్తులు పెట్టుకుని ఎదురుచూస్తున్నారు. వై నాట్‌ 300 అని టార్గెట్‌ పెట్టుకున్న తమ జట్టు ఈ మ్యాచ్‌లో తప్పక టార్గెట్‌ను రీచ్‌ అవుతుందని గంపెడాశలు పెట్టుకున్నారు. సన్‌రైజర్స్‌ ఈ సీజన్‌లో తమ తొలి మ్యాచ్‌లోనే టార్గెట్‌ 300ను దాదాపుగా రీచ్‌ అయినంత పని చేసింది. రాజస్థాన్‌ రాయల్స్‌తో జరిగిన మ్యాచ్‌లో ఆరెంజ్‌ ఆర్మీ 286 పరుగులు చేసింది.తొలి మ్యాచ్‌లో మిస్‌ అయిన టార్గెట్‌ 300ను నేటి మ్యాచ్‌లో తప్పక రీచ్‌ అవ్వాలని ఎస్‌ఆర్‌హెచ్‌ ఆటగాళ్లు కూడా పట్టుదలగా ఉన్నారు. ఐపీఎల్‌లో ఇప్పటివరకు ఏ జట్టు 300 పరుగులు చేయలేదు. ఐపీఎల్‌లో టాప్‌-3 అత్యధిక స్కోర్లు (287, 286, 277) సన్‌రైజర్స్‌ ఖాతాలోనే ఉన్నాయి. ఈ సీజన్‌లో సన్‌రైజర్స్‌ తప్పక 300 మార్కును తాకుతుందని క్రికెట్‌ పండితులు జోస్యం చెబుతున్నారు. దీని కోసమే సన్‌రైజర్స్‌ ఆడే ప్రతి మ్యాచ్‌ను అభిమానులు ఫాలో అవుతున్నారు.నేడు మ్యాచ్‌ జరుగబోయే రాజీవ్‌ గాంధీ ఇంటర్నేషనల్‌ స్టేడియం పిచ్‌ బ్యాటర్లకు స్వర్గధామం. ప్రస్తుతం సన్‌రైజర్స్‌ ఆటగాళ్లు ఉన్న ఫామ్‌ను బట్టి చూస్తే.. నేటి మ్యాచ్‌లో మరోసారి పరుగుల వరద పారడం​ ఖాయమని తెలుస్తుంది. నాలుగు రోజుల క్రితం ఇక్కడ జరిగిన మ్యాచ్‌లో తొలుత బ్యాటింగ్‌ చేసిన సన్‌రైజర్స్‌ 286 పరుగులు చేయగా.. ఛేదనలో రాయల్స్‌ కూడా ఏమాత్రం తగ్గకుండా 242 పరుగులు చేసింది. ఈ మ్యాచ్‌లో రాయల్స్‌ 44 పరుగుల తేడాతో ఓడినా అద్భుతంగా పోరాడింది.రాయల్స్ మ్యాచ్‌తో సన్‌రైజర్స్‌ తరఫున అరంగేట్రం చేసిన ఇషాన్‌ కిషన్‌.. విధ్వంసకర సెంచరీతో విరుచుకుపడ్డాడు. 47 బంతుల్లో 11 ఫోర్లు, 6 సిక్సర్ల సాయంతో 106 పరుగులు చేశాడు. ఈ మ్యాచ్‌లో మిగతా సన్‌రైజర్స్‌ ఆటగాళ్లు కూడా 200పైగా స్ట్రయిక్‌రేట్‌తో పరుగులు సాధించారు. హెడ్‌ అర్ద సెంచరీ చేశాడు. అభిషేక్‌, క్లాసెన్‌ తమదైన శైలిలో ఉన్న కాసేపు విధ్వంసం సృష్టించారు. నితీశ్‌ రెడ్డి కూడా మెరుపు ఇన్నింగ్స్‌ ఆడాడు.ఐపీఎల్‌లో సన్‌రైజర్స్‌, లక్నో ఇప్పటివరకు నాలుగు మ్యాచ్‌లు ఆడాయి. ఇందులో లక్నో మూడు గెలువగా.. సన్‌రైజర్స్‌ కేవలం ఒకే మ్యాచ్‌లో విజయం సాధించింది. ఇరు జట్ల మధ్య చివరిగా జరిగిన మ్యాచ్‌లో సన్‌రైజర్సే విజయం సాధించింది. గత సీజన్‌లో జరిగిన ఈ మ్యాచ్‌లో లక్నో నిర్దేశించిన 166 పరుగుల లక్ష్యాన్ని సన్‌రైజర్స్‌ తొలి అర్ద భాగంలోనే ఛేదించి, 10 వికెట్ల తేడాతో గెలుపొందింది.ఈ సీజన్‌లో సన్‌రైజర్స్‌, లక్నో రెండూ బలంగా కనిపిస్తున్నాయి. ఇరు జట్లలో విధ్వంసకర వీరులున్నారు. సన్‌రైజర్స్‌లో అభిషేక్‌, హెడ్‌, ఇషాన్‌, క్లాసెన్‌, నితీశ్‌ ఉంటే.. లక్నోలో మిచెల్‌ మార్ష్‌, పూరన్‌, మార్క్రమ్‌, మిల్లర్‌, పంత్‌ ఉన్నారు. ఈ సీజన్‌ తొలి మ్యాచ్‌లో ఓడినా లక్నో బ్యాటింగ్‌లో అదరగొట్టింది. ఢిల్లీతో జరిగిన మ్యాచ్‌లో మార్ష్‌, పూరన్‌ సుడిగాలి అర్ద శతకాలతో విరుచుకుపడ్డారు. ఈ మ్యాచ్‌లో లక్నో బౌలర్లు కూడా రాణించారు. అయితే ప్రత్యర్ధి ఆటగాళ్లు అశుతోష్‌ శర్మ, విప్రాజ్‌ నిగమ్‌ లక్నో చేతుల్లో నుంచి మ్యాచ్‌ను లాగేసుకున్నారు. గత మ్యాచ్‌తో పోలిస్తే నేటి మ్యాచ్‌లో లక్నో బౌలింగ్‌ మరింత బలపడనుంది. గాయం కారణంగా తొలి మ్యాచ్‌కు దూరంగా ఉన్న ఆవేశ్‌ ఖాన్‌ నేటి మ్యాచ్‌లో బరిలోకి దిగవచ్చు.తుది జట్లు (అంచనా)..సన్‌రైజర్స్‌: అభిషేక్ శర్మ, ట్రవిస్ హెడ్, ఇషాన్ కిషన్, నితీష్ రెడ్డి, హెన్రిచ్ క్లాసెన్ , అనికేత్ వర్మ, అభినవ్ మనోహర్, పాట్ కమిన్స్ (కెప్టెన్‌), హర్షల్ పటేల్, ఆడమ్ జంపా, మహమ్మద్ షమీ, సిమర్జీత్ సింగ్లక్నో: ఐడెన్ మార్క్రమ్, మిచెల్ మార్ష్, నికోలస్ పూరన్, ఆయుష్ బడోని, రిషబ్ పంత్ (కెప్టెన్‌), డేవిడ్ మిల్లర్, శార్దూల్ ఠాకూర్, షాబాజ్ అహ్మద్, రవి బిష్ణోయ్, దిగ్వేష్ రాఠీ, అవేష్ ఖాన్, మణిమారన్‌ సిద్దార్థ్‌

ఐపీఎల్‌-2025ను ల‌క్నో సూప‌ర్ జెయింట్స్ ఓట‌మితో ఆరంభించిన సంగ‌తి తెలిసిందే. సోమవారం(మార్చి 24) వైజాగ్ వేదిక‌గా జ‌రిగిన ఢిల్లీ క్యాపిట‌ల్స్‌తో జ‌రిగిన మ్యాచ్‌లో లక్నో ఒక్క వికెట్ తేడాతో అనూహ్యంగా ఓట‌మి పాలైంది. 210 ప‌రుగుల భారీ ల‌క్ష్యాన్ని ల‌క్నో బౌల‌ర్లు కాపాడుకోలేక‌పోయారు.తొలి 10 ఓవ‌ర్లు అద్బుతంగా బౌలింగ్ చేసిన‌ప్ప‌టి.. ఆఖ‌రి 10 ఓవ‌ర్ల‌లో ల‌క్నో బౌల‌ర్లు తేలిపోయారు. ఢిల్లీ ఆట‌గాడు అశుతోష్ శర్మ‌(31 బంతుల్లో 5 ఫోర్లు, 5 సిక్సులతో 66 పరుగులు) త‌న విధ్వంస‌క‌ర ఇన్నింగ్స్‌తో ల‌క్నో నుంచి మ్యాచ్ లాగేసుకున్నాడు.ఇక ల‌క్నో సూప‌ర్ జెయింట్స్ త‌మ తదుప‌రి మ్యాచ్‌లో మార్చి 27న ఉప్ప‌ల్‌ వేదిక‌గా స‌న్‌రైజ‌ర్స్ హైద‌రాబాద్‌తో త‌ల‌ప‌డ‌నుంది. ఈ మ్యాచ్‌కు ముందు ల‌క్నోకు ఓ గుడ్‌న్యూస్ అందింది. లక్నో సూపర్ జెయింట్స్ శిబిరంలో చేరడానికి స్టార్ పేస‌ర్ అవేష్ ఖాన్‌కు బీసీసీఐ సెంటర్ ఆఫ్ ఎక్సలెన్స్ ఫిట్ సర్టిఫికేట్ ఇచ్చింది. మోకాలి గాయంతో బాధపడుతున్న అవేశ్ ఖాన్‌ ప్ర‌స్తుతం బెంగ‌ళూరులోని సెంటర్ ఆఫ్ ఎక్సలెన్స్‌లో పున‌రావ‌సం పొందుతున్నాడు.దీంతో అత‌డు ఈ ఏడాది ఐపీఎల్ సీజ‌న్‌లో ల‌క్నో ఆడే తొలి మూడు మ్యాచ్‌లకు దూరం కానున్న‌ట్లు వార్త‌లు వినిపించాయి. కానీ త్వ‌ర‌గా కోలుకున్న అవేష్ ఖాన్‌.. మార్చి 24(సోమవారం) నిర్వ‌హించిన ఫిట్‌నెస్ ప‌రీక్ష‌లో పాసైన‌ట్లు తెలుస్తోంది. దీంతో అత‌డు అనుకున్న దానికంటే ముందుగానే ల‌క్నో జ‌ట్టుతో చేర‌నున్నాడు.కాగా ఢిల్లీతో జ‌రిగిన మ్యాచ్‌లో అవేష్ లేని లోటు ల‌క్నో జ‌ట్టులో క‌న్పించింది. మ‌రోవైపు ల‌క్నోను గాయాల బెడ‌ద వెంటాడుతోంది. స్టార్ పేస‌ర్ మోహ్షిన్ ఖాన్ గాయం కార‌ణంగా ఈ ఏడాది సీజ‌న్‌కు ఇప్ప‌టికే దూరం కాగా.. రూ. 11 కోట్లు వెచ్చించి రిటైన్ చేసుకున్న మయాంక్ యాదవ్ టోర్నమెంట్ మొదటి అర్ధభాగానికి దూరమయ్యే అవకాశం ఉంది.వీరిద్ద‌రితో పాటు ఆకాష్ దీప్ మరో రెండు మ్యాచ్‌లు దూరమయ్యే సూచ‌న‌లు క‌న్పిస్తున్నాయి. ఈ క్ర‌మంలో అవేష్ ఖాన్ గాయం నుంచి కోలుకోవ‌డం ల‌క్నోకు భారీ ఊర‌ట క‌లిగించింది అనే చెప్పాలి. కాగా మోహ్షిన్ ఖాన్ స్ధానంలో స్టార్ ఆల్‌రౌండ‌ర్ శార్ధూల్ ఠాకూర్‌తో ల‌క్నో ఒప్పందం కుదుర్చుకుంది.చ‌ద‌వండి: IPL 2025: అశుతోష్ కాదు.. అత‌డు కూడా హీరోనే! ఎవ‌రీ విప్రాజ్ నిగ‌మ్‌?

ఐపీఎల్‌-2025లో సోమ‌వారం వైజాగ్ వేదిక‌గా ల‌క్నో సూప‌ర్ జెయింట్స్‌, ఢిల్లీ క్యాపిట‌ల్స్ మ‌ధ్య జ‌రిగిన‌ ఉత్కంఠ భరిత పోరు అభిమానుల‌ను మునివేళ్ల‌పై నిల‌బెట్టింది. ఆఖ‌రి వ‌ర‌కు నువ్వానేనా అన్న‌ట్లు సాగిన ఈ మ్యాచ్‌లో ఒకే ఒక్క వికెట్ తేడాతో ఢిల్లీ క్యాపిట‌ల్స్ విజ‌యం సాధించింది. ఈ విజ‌యంలో ఢిల్లీ ఆట‌గాడు అశుతోష్ శ‌ర్మ‌ది కీల‌క పాత్రం. ఇంపాక్ట్ ప్లేయ‌ర్‌గా బరిలోకి దిగిన అశుతోష్ త‌న ఫైటింగ్ నాక్‌తో ఢిల్లీకి సంచ‌ల‌న విజ‌యాన్ని అందించాడు.ఓట‌మి త‌ప్ప‌ద‌నుకున్న చోటు అశుతోష్ శర్మ అజేయ ఇన్నింగ్స్‌తో అసాధ్యాన్ని సాధ్యం చేశాడు. అశుతోష్ 31 బంతుల్లో 5 ఫోర్లు, 5 సిక్సులతో 66 పరుగులు చేసి ఆజేయంగా నిలిచాడు. ఇక ఢిల్లీ ఈ సంచ‌ల‌న విజ‌యం సాధించ‌డంలో అశుతోష్ పాత్ర ఎంత కీలకమైందో మ‌రో ఆట‌గాడు విప్రాజ్‌ నిగ‌మ్‌ పాత్ర కూడా అంతే వెల కట్టలేనిది. ఢిల్లీ విజ‌యానికి 45 బంతుల్లో 97 ప‌రుగులు కావాల్సిన స‌మ‌యంలో విప్ర‌జ్ క్రీజులోకి వ‌చ్చాడు. అప్ప‌టివ‌ర‌కు దూకుడుగా ఆడుతున్న ట్రిస్ట‌న్ స్ట‌బ్స్ ఔట్ కావ‌డంతో ఢిల్లీ ఓట‌మి లాంఛ‌న‌మే అంతా అనుకున్నారు. కానీ క్రీజులోకి వ‌చ్చిన వ‌చ్చిన విప్రాజ్‌త‌న దూకుడైన బ్యాటింగ్‌తో గెలుపుపై ఆశలు రేకెత్తించాడు. ఐపీఎల్‍లో తొలి మ్యాచ్‍ ఆడుతున్నాన్న భ‌యం కానీ బెరుకు కానీ అత‌డిలో క‌న్పించ‌లేదు. ప్ర‌త్య‌ర్ధి బౌల‌ర్ల‌ను విప్రాజ్ ఊచ‌కోత కోశాడు. విప్రాజ్ కేవ‌లం 15 బంతుల్లోనే 5 ఫోర్లు, 2 సిక్స్‌లతో 39 పరుగులు చేశాడు. విప్రాజ్ బౌలింగ్‍లోనూ ఓ కీల‌క‌ వికెట్ పడగొట్టాడు. ఆ త‌ర్వాత బ్యాటింగ్‌లోనూ స‌త్తాచాటాడు. ఈ క్ర‌మంలో ఎవ‌రీ విప్రాజ్ నిగ‌మ్ అని నెటిజన్లు తెగ వెతికేస్తున్నారు.ఎవ‌రీ విప్రాజ్ నిగ‌మ్‌?20 ఏళ్ల విప్రాజ్ నిగ‌మ్‌.. ఫస్ట్ క్లాస్ క్రికెట్‌లో ఉత్త‌ర‌ప్ర‌దేశ్‌కు ప్రాతినిథ్యం వ‌హిస్తున్నాడు. గ‌తేడాది రంజీ సీజన్‌తో అత‌డు ఫ‌స్ట్ క్లాస్ క్రికెట్‌లోకి అడుగుపెట్టాడు. విప్ర‌జ్ బ్యాటింగ్‌లో కంటే బౌలింగ్‌లో ఎక్కువ‌గా అద్భుతాలు చేశాడు. 3 ఫ‌స్ట్ క్లాస్ మ్యాచ్‌లో 13 వికెట్లు ప‌డ‌గొట్టి స‌త్తాచాటాడు. సయ్యద్ ముష్తాక్ అలీ 2024-25 ట్రోఫీలోనూ విప్రాజ్ నిగ‌మ్ అద‌ర‌గొట్టాడు. ఈ టోర్నీలో అత‌డు ఏడు మ్యాచ్‌ల్లో ఎనిమిది వికెట్లు పడగొట్టాడు. ఆంధ్రప్రదేశ్‌తో జరిగిన మ్యాచ్‌లో కేవలం ఎనిమిది బంతుల్లో 27 పరుగులు ప‌రుగులు చేసి యూపీకి సంచ‌ల‌న విజ‌యాన్ని అందించాడు.దీంతో ఒక్క‌సారిగా అత‌డు వెలుగులోకి వ‌చ్చాడు. యూపీటీ20 2024 సీజన్‍లో కూడా విప్రాజ్ దుమ్ములేపాడు. ఈ టోర్నీలో యూపీ ఫాల్కన్స్ తరఫున 12 మ్యాచ్‍లు ఆడిన ఈ స్పిన్నర్ 20 వికెట్లు పడగొట్టాడు. ఈ క్ర‌మంలో ఐపీఎల్ 2025 వేలంలో విప్రాజ్ నిగమ్‍ను రూ.50లక్షలకు ఢిల్లీ క్యాపిటల్స్ జట్టు సొంతం చేసుకుంది. ఈ ఏడాది ఐపీఎల్ సీజ‌న్ ఆరంభానికి ముందు జ‌రిగిన ఢిల్లీ క్యాపిటల్స్ ఇంట్రా-స్క్వాడ్ ప్రాక్టీస్ గేమ్‌లో నిగ‌మ్ త‌న బ్యాటింగ్ స్కిల్స్‌ను ప్ర‌ద‌ర్శించాడు. 29 బంతుల్లో ఏడు ఫోర్లు, రెండు సిక్సర్లతో 54 పరుగులు చేశాడు. ఈ ఏడాది సీజ‌న్‌లో ఢిల్లీకి మంచి ఆల్‌రౌండ‌ర్ దొరికిన‌ట్లే.ఐపీఎల్‌-2025: ల‌క్నో వ‌ర్సెస్ ఢిల్లీ స్కోర్లు👉ల‌క్నో- 209/8 (20)👉ఢిల్లీ- 211/9 (16.2)👉ఫలితం- ఒక్క వికెట్ తేడాతో ల‌క్నోపై ఢిల్లీ గెలుపుచ‌ద‌వండి: అస్సలు జీర్ణించుకోలేకపోయా.. అయినా భాయ్‌కు అంతా తెలుసు: సిరాజ్‌

ఐపీఎల్‌ 2025లో భాగంగా నిన్న (మార్చి 24) జరిగిన రసవత్తర మ్యాచ్‌లో ఢిల్లీ క్యాపిటల్స్‌ చేతిలో లక్నో సూపర్‌ జెయింట్స్‌ షాకింగ్‌ ఓటమికి గురైంది. ఈ మ్యాచ్‌లో లక్నో గెలుపుకు సువర్ణావకాశాలు లభించినా ఒడిసి పట్టుకోలేకపోయింది. తొలుత బ్యాటింగ్‌ చేస్తూ అతి భారీ స్కోర్‌ చేసే అవకాశం (14 ఓవర్లలోనే 161 పరుగులు) వచ్చినా 209 పరుగులకే పరిమితమైంది. అనంతరం ఛేదనలో 113 పరుగులకే 6 వికెట్లు తీసినా మ్యాచ్‌ను కాపాడుకోలేకపోయింది. ఆశుతోష్‌ శర్మ (31 బంతుల్లో 66 నాటౌట్‌; 5 ఫోర్లు, 5 సిక్సర్లు), విప్రాజ్‌ నిగమ్‌ (15 బంతుల్లో 39; 5 ఫోర్లు, 2 సిక్సర్లు) మెరుపు ఇన్నింగ్స్‌లు ఆడి ఢిల్లీని గెలిపించారు.ఈ మ్యాచ్‌లో లక్నో ఓటమికి కెప్టెన్‌ పంత్‌ ప్రధాన కారకుడయ్యాడు. తొలుత బ్యాటింగ్‌లో 6 బంతులాడి డకౌట్‌ అయిన పంత్‌.. ఆతర్వాత ఛేదనలో అత్యంత కీలక సమయంలో స్టంపింగ్‌ మిస్‌ చేసి ఢిల్లీకి మ్యాచ్‌ను వదిలేశాడు. 9 వికెట్లు కోల్పోయిన ఢిల్లీకి చివరి ఓవర్‌లో గెలుపుకు 6 పరుగులు అవసరం​ కాగా.. తొలి బంతికి పంత్‌ మొహిత్‌ శర్మను స్టంపౌట్‌ చేసే సువర్ణావకాశాన్ని జారవిడిచాడు. ఆతర్వాతి బంతికి సింగిల్‌ తీసిన మోహిత్‌ అశుతోష్‌కు స్ట్రయిక్‌ ఇచ్చాడు. అ‍ప్పటికే జోష్‌లో ఉండిన అశుతోష్‌ మూడో బంతిని సిక్సర్‌గా మలిచి ఢిల్లీకి అపురూప విజయాన్నందించాడు.Bro ! Pant you lost the match here ! Misses the match stumping ! #LSGvsDC #IPL2025 #RishabhPant #starc #NupurSharma #kunalkamra #HarbhajanSingh #NicholasPooran #asutosh pic.twitter.com/BjzoJN0mQM— fart cat 🐱 smokimg🚬 (@gajendra87pal) March 24, 2025మ్యాచ్‌ అనంతరం లక్నో ఓనర్‌ సంజీవ్‌ గొయెంకా కెప్టెన్‌ పంత్‌ ప్రదర్శన పట్ల అసంతృప్తిగా ఉన్నట్లు కనిపించాడు. గొయెంకా-పంత్‌ వాడి వేడిగా చర్చిస్తున్నట్లు కనిపించే దృశ్యాలు సోషల్‌మీడియాలో వైరలవుతున్నాయి. వారి మధ్య సంభాషణ గతేడాది కేఎల్‌ రాహుల్‌ ఉదంతాన్ని గుర్తు చేసింది. గత సీజన్‌లో ఎస్‌ఆర్‌హెచ్‌ చేతిలో ఓటమి అనంతరం గొయెంకా నాటి కెప్టెన్‌ రాహుల్‌ను దుర్భాషలాడినట్లు ప్రచారం జరిగింది. తాజా ఓటమి తర్వాత గొయెంకా పం​త్‌పై కూడా అదే రేంజ్‌లో ఫైరయ్యాడని టాక్‌ నడుస్తుంది. ఈ ఘటన కారణంగానే రాహుల్‌ లక్నోను వీడాడన్నది కాదనలేని సత్యం. ఈ విషయంపై రాహుల్‌ ఎక్కడా నోరు విప్పకపోయినా ఆ సీన్‌ చూసిన జనాలకు విషయం ఇట్టే అర్దమవుతుంది. Once a toxic Manager always a toxic Manager #DCvLSGRishabh Pant #KLRahul Sanjiv Goenka pic.twitter.com/MmFZ4MlCRq— Ex Bhakt (@exbhakt_) March 24, 2025రాహుల్‌ను కాదనుకునే పంత్‌ను తెచ్చిపెట్టుకున్న గొయెంకా ఇప్పుడు అతనితోనూ అలాగే ప్రవర్తిస్తున్నట్లున్నాడు. ఇదే రిపీటైతే పంత్‌ కూడా వచ్చే సీజన్‌లో లక్నోకు టాటా చెప్పడం ఖాయం. కాగా, పంత్‌ను గొయెంకా ఈ సీజన్‌ మెగా వేలంలో ఐపీఎల్‌ చరిత్రలో అత్యధిక ధర (రూ. 27 కోట్లు) వెచ్చించి సొంతం చేసుకున్నాడు. పంత్‌ గత సీజన్‌ వరకు ఢిల్లీకి ఆడాడు. ఢిల్లీతో ఉన్న అనుబంధం ఇంకా తగ్గలేదో ఏమో మరి, ఈ మ్యాచ్‌లో పంత్‌ తన స్థాయి మేరకు రాణించలేకపోయాడు. ఇదే కొనసాగితే పంత్‌ మహా కోపిష్టి అయిన గొయెంకా చేతిలో మున్ముందైనా అవమానాలకు గురి కావల్సి ఉం‍టుంది. ఢిల్లీ తమ తదుపరి మ్యాచ్‌లో ఎస్‌ఆర్‌హెచ్‌ను వైజాగ్‌లో ఢీకొట్టనుంది. ఈ మ్యాచ్‌ మార్చి 30న మధ్యాహ్నం 3:30 గంటలకు ప్రారంభమవుతుంది.

ఇండియన్‌ ప్రీమియర్‌ లీగ్‌ (IPL)- 2025 సీజన్‌ను ఢిల్లీ క్యాపిటల్స్‌ గెలుపుతో ఆరంభించింది. ల​క్నో సూపర్‌ జెయింట్స్‌తో ఆఖరి వరకు ఉత్కంఠగా సాగిన పోరులో ఒక్క వికెట్‌ తేడాతో సంచలన విజయం సాధించింది. ఇందుకు ప్రధానం కారణం ఢిల్లీ లోయర్‌ ఆర్డర్‌ బ్యాటర్లు.సుడిగాలి ఇన్నింగ్స్‌ముఖ్యంగా ఏడో స్థానంలో బ్యాటింగ్‌ చేసిన అశుతోష్‌ శర్మ (Ashutosh Sharma) ఆకాశమే హద్దుగా చెలరేగడంతో.. చేజారిందనుకున్న మ్యాచ్‌ ఢిల్లీ సొంతమైంది. 26 ఏళ్ల ఈ బ్యాటింగ్‌ ఆల్‌రౌండర్‌.. కేవలం 31 బంతుల్లోనే 66 పరుగులతో అజేయంగా నిలిచి జట్టును విజయతీరాలకు చేర్చడంలో కీలక పాత్ర పోషించాడు. ఇంపాక్ట్‌ ప్లేయర్‌గా బరిలోకి దిగిన అశుతోష్‌ ఇన్నింగ్స్‌లో ఐదు ఫోర్లు, ఐదు సిక్సర్లు ఉన్నాయి.ఇక లక్నోతో మ్యాచ్‌ సందర్భంగా సుడిగాలి ఇన్నింగ్స్‌ ఆడిన అశుతోష్‌ శర్మ సరికొత్త చరిత్ర సృష్టించాడు. ఐపీఎల్‌లో.. విజయంతమైన లక్ష్య ఛేదనలో ఏడు లేదంటే ఆ తర్వాతి స్థానాల్లో బ్యాటింగ్‌కు వచ్చి.. అత్యధిక స్కోరు సాధించిన భారత తొలి బ్యాటర్‌గా నిలిచాడు. ఈ క్రమంలో యూసఫ్‌ పఠాన్‌ రికార్డును అశుతోష్‌ బద్దలు కొట్టాడు.సెంచూరియన్‌ వేదికగా 2009లో యూసఫ్‌ పఠాన్‌ రాజస్తాన్‌ రాయల్స్‌ తరఫున బరిలోకి దిగి.. ఢిల్లీపై 62 పరుగులు సాధించి నాడు తన జట్టును గెలిపించుకున్నాడు. ఇక ఈ జాబితాలో ఓవరాల్‌గా డ్వేన్‌ బ్రావో 68 పరుగులతో టాప్‌లో కొనసాగుతున్నాడు.ఏడు లేదా ఆ తర్వాతి స్థానాల్లో వచ్చి లక్ష్య ఛేదనలో జట్టును గెలిపించిన బ్యాటర్లు👉డ్వేన్‌ బ్రావో- 2018లో ముంబై వేదికగాచెన్నై సూపర్‌ కింగ్స్‌ తరఫున ముంబై ఇండియన్స్‌పై 68 పరుగులు👉అశుతోష్‌ శర్మ- 2025లో విశాఖపట్నం వేదికగా ఢిల్లీ క్యాపిటల్స్‌ తరఫున లక్నో సూపర్‌ జెయింట్స్‌పై 66 నాటౌట్‌👉ఆండ్రీ రసెల్‌- 2015లో పుణె వేదికగా కోల్‌కతా నైట్‌ రైడర్స్‌ తరఫున పంజాబ్‌ కింగ్స్‌పై 66 పరుగులు👉యూసఫ్‌ పఠాన్‌- 2009లొ సెంచూరియన్‌ వేదికగా రాజస్తాన్‌ రాయల్స్‌ తరఫున ఢిల్లీపై 62 పరుగులు👉ప్యాట్‌ కమిన్స్‌- 2022లో పుణె వేదికగా కోల్‌కతా నైట్‌ రైడర్స్‌ తరఫున ముంబై ఇండియన్స్‌పై 56 పరుగులుమొదటి జట్టుగా ఢిల్లీ అరుదైన రికార్డుమరోవైపు.. ఢిల్లీ క్యాపిటల్స్‌ కూడా సరికొత్త రికార్డు సాధించింది. ఐపీఎల్‌ చరిత్రలో ఓ జట్టు తరఫున ఏడు, ఆ తర్వాతి స్థానాల్లో వచ్చిన బ్యాటర్లు వందకు పైగా పరుగులు సాధించి.. జట్టును గెలిపించడం ఇదే తొలిసారి. అంతకు ముందు ఈ రికార్డు చెన్నై సూపర్‌ కింగ్స్‌ పేరిట ఉండేది. 2018లో ముంబై ఇండియన్స్‌తో మ్యాచ్‌ సందర్భంగా చెన్నై లోయర్‌ ఆర్డర్‌ బ్యాటర్లు 79 పరుగులు చేసి జట్టును గెలిపించారు.ఏడు లేదా ఆ తర్వాతి స్థానాల్లోని బ్యాటర్లు లక్ష్య ఛేదనలో అత్యధిక పరుగులతో జట్టును గెలిపించిన సందర్భాలు👉2025- ఢిల్లీ క్యాపిటల్స్‌- లక్నో సూపర్‌ జెయింట్స్‌పై 113 రన్స్‌👉2018- చెన్నై సూపర్‌ కింగ్స్‌- ముంబై ఇండియన్స్‌పై 79 పరుగులు.ఐపీఎల్‌-2025: ఢిల్లీ వర్సెస్‌ లక్నో👉వేదిక: డాక్టర్‌ వైఎస్‌ రాజశేఖరరెడ్డి ఏసీఏ- వీడీసీఏ క్రికెట్‌ స్టేడియం, విశాఖపట్నం👉టాస్‌: ఢిల్లీ క్యాపిటల్స్‌.. తొలుత బౌలింగ్‌👉లక్నో స్కోరు: 209/8 (20)👉ఢిల్లీ స్కోరు: 211/9 (19.3)👉ఫలితం: ఒక వికెట్‌ తేడాతో లక్నోపై ఢిల్లీ గెలుపు👉ప్లేయర్‌ ఆఫ్‌ ది మ్యాచ్‌: అశుతోష్‌ శర్మ. చదవండి: అలా అయితే.. నేను జట్టులో ఉండటం వేస్ట్‌: ధోనిClose finish ✅Safe to say, the #DC dugout was a bunch of emotions in those last couple of overs of a nail-biter! 😦 ☺𝗥𝗮𝘄 𝗩𝗶𝘀𝘂𝗮𝗹𝘀! 🎥 🔽 #TATAIPL | #DCvLSG | @DelhiCapitals pic.twitter.com/0EIdIQ7VTt— IndianPremierLeague (@IPL) March 25, 2025

ఐపీఎల్‌ 2025లో భాగంగా నిన్న (మార్చి 24) జరిగిన రసవత్తర సమరంలో లక్నో సూపర్‌ జెయింట్స్‌పై ఢిల్లీ క్యాపిటల్స్‌ పరుగు తేడాతో గెలిచింది. లక్నో నిర్దేశించిన భారీ లక్ష్య ఛేదనలో ఢిల్లీ ఆదిలో తడబడినా చివరికి విజయం సాధించింది. ఆశుతోష్‌ శర్మ (31 బంతుల్లో 66 నాటౌట్‌; 5 ఫోర్లు, 5 సిక్సర్లు), విప్రాజ్‌ నిగమ్‌ (15 బంతుల్లో 39; 5 ఫోర్లు, 2 సిక్సర్లు) సంచలన ఇన్నింగ్స్‌లు ఆడి ఢిల్లీని గెలిపించారు.టాస్‌ ఓడి తొలుత బ్యాటింగ్‌ చేసిన లక్నో.. మిచెల్‌ మార్ష్‌ (36 బంతుల్లో 72; 6 ఫోర్లు, 6 సిక్సర్లు), నికోలస్‌ పూరన్‌ (30 బంతుల్లో 75; 6 ఫోర్లు, 7 సిక్సర్లు) విధ్వంసకర ఇన్నింగ్స్‌లతో విరుచుకుపడటంతో నిర్ణీత ఓవర్లలో 8 వికెట్ల నష్టానికి 209 పరుగులు చేసింది. అనంతరం ఛేదనలో 65 పరుగులకే సగం వికెట్లు కోల్పోయిన ఢిల్లీని అశుతోష్‌.. ట్రిస్టన్‌ స్టబ్స్‌ (22 బంతుల్లో 34; ఫోర్‌, 3 సిక్సర్లు), విప్రాజ్‌ నిగమ్‌ సాయంతో గెలిపించాడు. అప్పటికే 9 వికెట్లు కోల్పోయిన ఢిల్లీకి చివరి ఓవర్‌లో గెలుపుకు 6 పరుగులు కావాలి. తొలి బంతికి లక్నో కెప్టెన్‌ రిషబ్‌ పంత్‌ మోహిత్‌ శర్మ స్టంపింగ్‌ను మిస్‌ చేశాడు. దీంతో ఊపిరిపీల్చుకున్న ఢిల్లీ ఆ తర్వాత మూడో బంతిని అశుతోష్‌ సిక్సర్‌గా మలచడంతో సంబరాలు చేసుకుంది. ఐపీఎల్‌లో ఇంత భారీ లక్ష్యాన్ని (210) ఛేదించడం ఢిల్లీకి ఇదే మొదటిసారి. ఐపీఎల్‌లో ఓ జట్టు లక్నోపై 200 ప్లస్‌ టార్గెట్‌ను ఛేదించడం​ కూడా ఇదే మొదటిసారి.మ్యాచ్‌ అనంతరం​ విన్నింగ్‌ కెప్టెన్‌ అక్షర్‌ పటేల్‌ మాట్లాడుతూ ఇలా అన్నాడు. ఎందుకో తెలీదు నా కెప్టెన్సీలోనే ఇలా జరుగుతుంది. పరిస్థితులు అప్‌ అండ్‌ డౌన్‌గా ఉంటాయి. మొత్తానికి మేం గెలిచాం. ఇప్పుడు ఆ ఓవర్ స్టబ్స్‌కి ఎందుకు ఇచ్చావని జనాలు నన్ను తిట్టరు. చివరిసారిగా ఇలాంటి ఉత్కంఠభరితమైన మ్యాచ్‌ ఎప్పుడు చూశానో గుర్తులేదు.మొదటి ఆరు ఓవర్లలో వాళ్ళు (మార్ష్‌, పూరన్‌) ఆడిన తీరు చూస్తే ఈజీగా 240 పైచిలుకు పరుగులు సాధిస్తారని అనుకున్నా. మా బౌలర్లు చాలా ఎక్కువ పరుగులు ఇచ్చారని అనిపించింది. మొదట్లో మేము కొన్ని క్యాచ్‌లు కూడా వదిలేశాము. అయినా తిరిగి ఆటలోకి రాగలిగాము. విప్రాజ్‌ సామర్థ్యం గురించి మాకు ముందే తెలుసు.కాగా, ఈ మ్యాచ్‌లో అక్షర్‌ ట్రిస్టన్‌ స్టబ్స్‌తో 13వ ఓవర్‌ వేయించాడు. అప్పటికే శివాలెత్తిపోయిన పూరన్‌ స్టబ్స్‌ బౌలింగ్‌లో మరింత రెచ్చిపోయి వరుసగా నాలుగు సిక్సర్లు, బౌండరీ సహా 28 పరుగులు పిండుకున్నాడు. అక్షర్‌ ఆ సమయంలో స్టబ్స్‌తో ఎందుకు బౌలింగ్‌ చేయించాడో ఎవరికీ అర్దం కాలేదు.

ఐపీఎల్‌ 2025 సీజన్‌లో భాగంగా నిన్న (మార్చి 24) జరిగిన ఉత్కంఠ పోరులో లక్నో సూపర్‌ జెయింట్స్‌పై ఢిల్లీ క్యాపిటల్స్‌ వికెట్‌ తేడాతో గెలుపొందింది. లక్నో నిర్దేశించిన 210 పరుగుల భారీ లక్ష్య ఛేదనలో ఆదిలోనే చేతులెత్తేసిన ఢిల్లీని ఆశుతోష్‌ శర్మ (31 బంతుల్లో 66 నాటౌట్‌; 5 ఫోర్లు, 5 సిక్సర్లు), విప్రాజ్‌ నిగమ్‌ (15 బంతుల్లో 39; 5 ఫోర్లు, 2 సిక్సర్లు) సంచలన ఇన్నింగ్స్‌లు ఆడి గెలిపించారు. ఈ మ్యాచ్‌లో ఢిల్లీ గెలుస్తుందని ఎవరూ ఊహించలేదు.టాస్‌ ఓడి తొలుత బ్యాటింగ్‌ చేసిన లక్నో.. మిచెల్‌ మార్ష్‌ (36 బంతుల్లో 72; 6 ఫోర్లు, 6 సిక్సర్లు), నికోలస్‌ పూరన్‌ (30 బంతుల్లో 75; 6 ఫోర్లు, 7 సిక్సర్లు) విధ్వంసకర ఇన్నింగ్స్‌లతో విరుచుకుపడటంతో నిర్ణీత ఓవర్లలో 8 వికెట్ల నష్టానికి 209 పరుగులు చేసింది. మార్ష్‌, పూరన్‌ మినహా లక్నో ఇన్నింగ్స్‌లో ఎవరూ రాణించలేదు. వీరిద్దరూ బ్యాటింగ్‌ చేస్తున్నంత సేపు లక్నో 250 పైచిలుకు పరుగులు సాధిస్తుందని అంతా అనుకున్నారు. అయితే మార్ష్‌, పూరన్‌ ఔటయ్యాక ఆ జట్టు​ మిడిలార్డర్‌ అనూహ్యంగా కుప్పకూలింది. రిషబ్‌ పంత్‌ 6 బంతుల్లో​ డకౌట్‌ కాగా.. ఆయుశ్‌ బదోని 4, శార్దూల్‌ ఠాకూర్‌ 0, షాబాజ్‌ అహ్మద్‌ 9, బిష్ణోయ్‌ 0 పరుగులకు ఔటయ్యారు. చివరి ఓవర్‌లో డేవిడ్‌ మిల్లర్‌ (19 బంతుల్లో 27 నాటౌట్‌; ఫోర్‌, 2 సిక్సర్లు) రెండు సిక్సర్లు బాదడంతో లక్నో 200 పరుగుల మార్కును దాటింది. ఢిల్లీ బౌలర్లలో స్టార్క్‌ 3, కుల్దీప్‌ 2, విప్రాజ్‌, ముకేశ్‌ కుమార్‌ తలో వికెట్‌ తీశారు.అనంతరం 210 పరుగుల లక్ష్యాన్ని ఛేదించేందుకు బరిలోకి దిగిన ఢిల్లీ.. 65 పరుగులకే సగం వికెట్లు కోల్పోయి గెలుపుపై ఆశలు వదులుకుంది. ఈ దశలో అశుతోష్‌ అద్భుతం చేశాడు. ట్రిస్టన్‌ స్టబ్స్‌ (22 బంతుల్లో 34; ఫోర్‌, 3 సిక్సర్లు), విప్రాజ్‌ నిగమ్‌ సాయంతో ఢిల్లీకి ఊహించని విజయాన్నందించాడు. చివరి ఓవర్‌ మూడో బంతికి సిక్సర్‌ కొట్టి తన జట్టును విజయతీరాలకు చేర్చాడు. ఢిల్లీ ఇన్నింగ్స్‌లో డుప్లెసిస్‌ (29), అక్షర్‌ పటేల్‌ (22) రెండంకెల స్కోర్లు చేయగా, మిగతా వారంతా సింగిల్‌ డిజిట్లకే పరిమితమయ్యారు. లక్నో బౌలరల్లో శార్దూల్‌ ఠాకూర్‌, మణిమారన్‌ సిద్దార్థ్‌, దిగ్వేశ్‌ రతీ, రవి బిష్ణోయ్‌ తలో రెండు వికెట్లు తీశారు.కాగా, ఈ మ్యాచ్‌లో లక్నో కెప్టెన్‌ రిషబ్‌ పంత్‌ ఆ జట్టు ఓటమికి ప్రత్యక్ష కారకుడయ్యాడు. తొలుత బ్యాటింగ్‌లో 6 బంతులు ఆడి డకౌటైన పంత్‌.. ఛేదనలో (ఢిల్లీ 9 వికెట్లు కోల్పోయిన దశలో) చివరి ఓవర్‌ తొలి బంతికి స్టంపింగ్‌ మిస్‌ చేసి లక్నో చేతుల్లో నుంచి మ్యాచ్‌ను వదిలేశాడు. పంత్‌ ఈ స్టంపింగ్‌ చేసుంటే లక్నో మ్యాచ్‌ గెలిచేది.మ్యాచ్‌ అనంతరం మాట్లాడుతూ పంత్‌ ఇలా అన్నాడు. మా టాపార్డర్ బ్యాటర్లు చాలా బాగా ఆడారు. ఈ వికెట్‌పై ఇది చాలా మంచి స్కోర్‌. దురదృష్టవశాత్తు మేము ఆ స్కోర్‌ను కాపాడుకోలేకపోయాము. మేము ప్రారంభంలో వికెట్లు తీసినప్పటికీ.. ఇది బ్యాటింగ్ చేయడానికి మంచి వికెట్ అని తెలుసు. వారు (ఢిల్లీ) రెండు మంచి భాగస్వామ్యాలు (స్టబ్స్‌తో, విప్రాజ్‌ నిగమ్‌తో అశుతోష్‌) నెలకొల్పారు. విప్రాజ్‌ నిగమ్ చాలా బాగా ఆడాడు. అతడే మా నుంచి మ్యాచ్‌ను దూరం చేశాడు.బౌలర్లకు ఈ పిచ్‌పై తగినంత ఉంది. కానీ మేము కొన్ని బేసిక్స్‌ మిస్‌ అయ్యాము. చివర్లో ఒత్తిడికి లోనయ్యాము. ఇది ఇంకా తొలి మ్యాచే. ఓటమిని అధిగమించి ట్రాక్‌లో పడతాము. ఈ మ్యాచ్ నుండి తీసుకోవలసిన సానుకూల అంశాలు చాలా ఉన్నాయి. ఖచ్చితంగా ఈ ఆటలో అదృష్టం కీలక పాత్ర పోషిస్తుంది. స్టంపింగ్‌ మిస్‌పై స్పందిస్తూ.. బంతి మోహిత్ ప్యాడ్‌లకు తాకకపోయుంటే స్టంపింగ్‌కు అవకాశం ఉండేది. క్రికెట్లో ఇలాంటివి జరుగుతూ ఉంటాయి. వీటినే పట్టించుకుంటూ పోతే ఆటపై దృష్టి పెట్టలేము.

లక్నోతో మ్యాచ్‌లో 210 పరుగుల లక్ష్య ఛేదనలో ఢిల్లీ స్కోరు 113/6... మరో 45 బంతుల్లో 97 పరుగులు రావాలి. అశుతోష్, తొలి ఐపీఎల్‌ మ్యాచ్‌ ఆడుతున్న విప్‌రాజ్‌ కలసి 22 బంతుల్లో 55 పరుగులు జోడించి ఆశలు రేపారు. మరో 42 పరుగులు చేయాల్సిన స్థితిలో విప్‌రాజ్‌ వెనుదిరగడంతో ఢిల్లీ గెలుపు కష్టమనిపించింది. కానీ అశుతోష్‌ మరోలా ఆలోచించాడు. తాను ఎదుర్కొన్న తర్వాతి 8 బంతుల్లోనే 2 ఫోర్లు, 4 సిక్స్‌లతో 35 పరుగులు బాది జట్టును విజయతీరం చేర్చాడు. మూడు బంతులు మిగిలి ఉండగానే గెలిపించి టీమ్‌ మెంటార్‌ పీటర్సన్‌ను అనుకరిస్తూ విజయనాదం చేశాడు. గెలుపునకు చేరువగా వచ్చి అనూహ్యంగా ఓడటంతో లక్నో కొత్త కెపె్టన్‌ పంత్‌లో తీవ్ర నిరాశ కనిపించింది. సాక్షి, విశాఖపట్నం: ఐపీఎల్‌లో ఉత్కంఠభరితంగా సాగిన పోరులో లక్నో సూపర్‌ జెయింట్స్‌ జట్టుపై ఢిల్లీ క్యాపిటల్స్‌ పైచేయి సాధించింది. సోమవారం డాక్టర్‌ వైఎస్‌ రాజశేఖర రెడ్డి ఏసీఏ–వీడీసీఏ స్టేడియంలో జరిగిన మ్యాచ్‌లో ఢిల్లీ క్యాపిటల్స్‌ ఒక వికెట్‌ తేడాతో లక్నోపై చిరస్మరణీయ విజయం సాధించింది. టాస్‌ ఓడి ముందుగా బ్యాటింగ్‌కు దిగిన లక్నో 20 ఓవర్లలో 8 వికెట్ల నష్టానికి 209 పరుగులు చేసింది. నికోలస్‌ పూరన్‌ (30 బంతుల్లో 75; 6 ఫోర్లు, 7 సిక్స్‌లు), మిచెల్‌ మార్ష్ (36 బంతుల్లో 72; 6 ఫోర్లు, 6 సిక్స్‌లు) మెరుపు బ్యాటింగ్‌తో చెలరేగారు. వీరిద్దరు రెండో వికెట్‌కు 42 బంతుల్లోనే 87 పరుగులు జోడించారు. అనంతరం ఢిల్లీ 19.3 ఓవర్లలో 9 వికెట్లకు 211 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ అశుతోష్‌ శర్మ (31 బంతుల్లో 66 నాటౌట్‌; 5 ఫోర్లు, 5 సిక్స్‌లు) అద్భుత బ్యాటింగ్‌తో జట్టును గెలిపించగా... విప్‌రాజ్‌ నిగమ్‌ (15 బంతుల్లో 39; 5 ఫోర్లు, 2 సిక్స్‌లు), ట్రిస్టన్‌ స్టబ్స్‌ (22 బంతుల్లో 34; 1 ఫోర్, 3 సిక్స్‌లు) అండగా నిలిచారు. పంత్‌ విఫలం... లక్నో ఇన్నింగ్స్‌ను మార్ష్ దూకుడుగా మొదలు పెట్టగా, తడబడుతూ ఆడిన మార్క్‌రమ్‌ (13 బంతుల్లో 15; 1 ఫోర్, 1 సిక్స్‌) ఆరంభంలోనే వెనుదిరిగాడు. అయితే మార్ష్, పూరన్‌ భాగస్వామ్యం ఢిల్లీ బౌలర్లకు చుక్కలు చూపించింది. వీరిద్దరు వరుస బౌండరీలతో చెలరేగి ప్రత్యర్థిపై సంపూర్ణ ఆధిక్యం కనబర్చారు. ఈ జోరులో 21 బంతుల్లోనే మార్ష్ హాఫ్‌ సెంచరీ పూర్తయింది. మార్ష్ వెనుదిరిగిన అనంతరం వచ్చిన రిషభ్‌ పంత్‌ (6 బంతుల్లో 0) డకౌటై నిరాశపర్చాడు. ఢిల్లీ కట్టుదిట్టమైన బౌలింగ్‌తో లక్నో 33 పరుగుల వ్యవధిలో 6 వికెట్లు చేజార్చుకుంది. అయితే చివరి రెండు బంతుల్లో డేవిడ్‌ మిల్లర్‌ (19 బంతుల్లో 27 నాటౌట్‌; 1 ఫోర్, 2 సిక్స్‌లు) రెండు సిక్స్‌లు బాదడంతో స్కోరు 200 పరుగులు దాటింది. ఆ రెండు ఓవర్లు... లక్నో ఇన్నింగ్స్‌లో రెండు వేర్వేరు ఓవర్లు హైలైట్‌గా నిలిచాయి. తొలి ఐపీఎల్‌ మ్యాచ్‌ ఆడిన లెగ్‌స్పిన్నర్‌ విప్‌రాజ్‌ నిగమ్‌ వేసిన 7వ ఓవర్లో తొలి బంతికి మార్ష్ సిక్స్‌ కొట్టగా, అదే ఓవర్లో పూరన్‌ 3 సిక్సర్లు బాదడంతో మొత్తం 25 పరుగులు వచ్చాయి. ఈ ఓవర్లో 17 పరుగుల వ్యక్తిగత స్కోరు వద్ద పూరన్‌ ఇచ్చిన సునాయాస క్యాచ్‌ను రిజ్వీ వదిలేశాడు. స్టబ్స్‌ వేసిన 13వ ఓవర్లో పూరన్‌ పండగ చేసుకున్నాడు. తొలి బంతికి పరుగు రాకపోగా, తర్వాతి ఐదు బంతుల్లో అతను వరుసగా 6, 6, 6, 6, 4 కొట్టడం విశేషం. దాంతో మొత్తం 28 పరుగులు లభించాయి. అద్భుత పోరాటం... ఆరంభంలో ఢిల్లీ స్కోరు 7 పరుగులకు 3 వికెట్లు. దీని ప్రభావం తర్వాతి బ్యాటర్లపై పడింది. డుప్లెసిస్‌ (18 బంతుల్లో 29; 3 ఫోర్లు, 2 సిక్స్‌లు), కెప్టెన్‌ అక్షర్‌ పటేల్‌ (11 బంతుల్లో 22; 3 ఫోర్లు, 1 సిక్స్‌) ఇన్నింగ్స్‌ను చక్కదిద్దేందుకు కొంత ప్రయతి్నంచారు. చేయాల్సిన రన్‌రేట్‌ బాగా పెరిగిపోతున్న దశలో లోయర్‌ ఆర్డర్‌ బ్యాటర్లు భారీ షాట్లతో పోరాడారు. దూకుడుగా ఆడి స్టబ్స్‌ ని్రష్కమించిన తర్వాత గెలుపు కష్టమే అనిపించినా... అశుతోష్, నిగమ్‌ కలిసి సాధ్యం చేసి చూపించారు. స్కోరు వివరాలు లక్నో సూపర్‌ జెయింట్స్‌ ఇన్నింగ్స్‌: మార్క్‌రమ్‌ (సి) స్టార్క్‌ (బి) నిగమ్‌ 15; మార్ష్ (సి) స్టబ్స్‌ (బి) ముకేశ్‌ 72; పూరన్‌ (బి) స్టార్క్‌ 75; పంత్‌ (సి) డుప్లెసిస్‌ (బి) కుల్దీప్‌ 0; మిల్లర్‌ (నాటౌట్‌) 27; బదోని (సి) స్టబ్స్‌ (బి) కుల్దీప్‌ 4; శార్దుల్‌ (రనౌట్‌) 0; షహబాజ్‌ (సి) (సబ్‌) విజయ్‌ (బి) స్టార్క్‌ 9; రవి బిష్ణోయ్‌ (బి) స్టార్క్‌ 0; దిగ్వేష్‌ రాఠీ (నాటౌట్‌) 0; ఎక్స్‌ట్రాలు 7; మొత్తం (20 ఓవర్లలో 8 వికెట్లకు) 209. వికెట్ల పతనం: 1–46, 2–133, 3–161, 4–169, 5–177, 6–177, 7–194, 8–194. బౌలింగ్‌: స్టార్క్‌ 4–0–42–3, అక్షర్‌ 3–0–18–0, విప్‌రాజ్‌ నిగమ్‌ 2–0–35–1, ముకేశ్‌ కుమార్‌ 2–0–22–1, కుల్దీప్‌ 4–0–20–2, మోహిత్‌ 4–0–42–2, స్టబ్స్‌ 1–0–28–0. ఢిల్లీ క్యాపిటల్స్‌ ఇన్నింగ్స్‌: జేక్‌ ఫ్రేజర్‌ (సి) బదోని (బి) శార్దుల్‌ 1; డుప్లెసిస్‌ (సి) మిల్లర్‌ (బి) బిష్ణోయ్‌ 29; పొరేల్‌ (సి) పూరన్‌ (బి) శార్దుల్‌ 0; రిజ్వీ (సి) పంత్‌ (బి) సిద్ధార్థ్‌ 4; అక్షర్‌ (సి) పూరన్‌ (బి) రాఠీ 22; స్టబ్స్‌ (బి) సిద్ధార్థ్‌ 34; అశుతోష్‌ (నాటౌట్‌) 66; విప్‌రాజ్‌ (సి) సిద్ధార్థ్‌ (బి) రాఠీ 39; స్టార్క్‌ (సి) పంత్‌ (బి) బిష్ణోయ్‌ 2; కుల్దీప్‌ (రనౌట్‌) 5; మోహిత్‌ (నాటౌట్‌) 1; ఎక్స్‌ట్రాలు 8; మొత్తం (19.3 ఓవర్లలో 9 వికెట్లకు) 211. వికెట్ల పతనం: 1–2, 2–2, 3–7, 4–50, 5–65, 6–113, 7–168, 8–171, 9–192. బౌలింగ్‌: శార్దుల్‌ ఠాకూర్‌ 2–0–19–2, సిద్ధార్థ్‌ 4–0–39–2, దిగ్వేశ్‌ రాఠీ 4–0–31–2, రవి బిష్ణోయ్‌ 4–0–53–2, ప్రిన్స్‌ యాదవ్‌ 4–0–47–0, షహబాజ్‌ అహ్మద్‌ 1.3–0–22–0.

ఐపీఎల్‌-2025లో వైజాగ్ వేదిక‌గా ఢిల్లీ క్యాపిట‌ల్స్‌, ల‌క్నో సూప‌ర్ జెయింట్స్ మ‌ధ్య జ‌రిగిన మ్యాచ్ థ్రిల్ల‌ర్ సినిమాను త‌ల‌పించింది. ఆఖ‌రివ‌ర‌కు ఉత్కంఠ భ‌రితంగా సాగిన ఈ మ్యాచ్‌లో ఢిల్లీ క్యాపిటల్స్ ఒక్క వికెట్ తేడాతో విజ‌యాన్ని అందుకుంది. ఓట‌మి త‌ప్ప‌ద‌నుకున్నచోట ఢిల్లీ క్యాపిట్స్ ఆట‌గాడు అశుతోష్ శ‌ర్మ‌ అద్బుతం చేశాడు. ఇంపాక్ట్ ప్లేయ‌ర్‌గా బ‌రిలోకి దిగిన అశుతోష్‌.. త‌న విరోచిత పోరాటంతో ఢిల్లీకి సంచ‌ల‌న విజ‌యాన్ని అందించాడు.తొలుత 20 బంతుల్లో 20 ప‌రుగులు చేసిన అశుతోష్‌.. 15వ త‌ర్వాత ఆకాశ‌మే హ‌ద్దుగా చెల‌రేగాడు. మ‌రో ఎండ్‌లో ఉన్న విప్ర‌జ్ నిగ‌మ్‌తో క‌లిసి స్కోర్ బోర్డును ప‌రుగులు పెట్టించాడు. అయితే దూకుడుగా ఆడుతున్న విప్ర‌జ్ నిగ‌మ్, వెంట‌నే మిచెల్ స్టార్క్ కూడా ఔట్ కావ‌డంతో ఢిల్లీకి ఓట‌మి త‌ప్ప‌దని అంతా అనుకున్నారు. కానీ క్రీజులో ఉన్న అశుతోష్ మాత్రం త‌గ్గేదేలే అన్న‌ట్లు బ్యాటింగ్ చేశాడు. వ‌రుస‌గా బౌండ‌రీలు బాదుతూ ప్ర‌త్య‌ర్ధి బౌల‌ర్ల‌ను ఒత్తిడిలోకి నెట్టాడు.త‌న‌దైన స్టైల్లో బ్యాటింగ్ చేసిన అశుతోష్ ఆఖ‌రి ఓవ‌ర్‌లో సిక్స్ కొట్టి మ్యాచ్‌ను ఫినిష్ చేశాడు. అశుతోష్ త‌న ఎదుర్కొన్న ఆఖ‌రి 11 బంతుల్లో ఏకంగా 44 ప‌రుగులు చేయ‌డం విశేషం. మొత్తంగా 31 బంతుల్లో 5 ఫోర్లు, 5 సిక్స్‌ల‌తో 66 ప‌రుగులు చేసి మ్యాన్ ఆఫ్‌ది మ్యాచ్‌గా నిలిచాడు. అత‌డి విధ్వంసం ఫ‌లితంగా ఢిల్లీ.. 210 ప‌రుగుల భారీ ల‌క్ష్యాన్ని 9 వికెట్లు కోల్పోయి 19.3 ఓవ‌ర్ల‌లో అందుకుంది. ఢిల్లీ బ్యాట‌ర్ల‌లో అశుతోష్‌తో పాటు విప్ర‌జ్ నిగ‌మ్‌( 15 బంతుల్లో 5 ఫోర్లు, 2 సిక్స్‌ల‌తో 39), స్ట‌బ్స్‌(34) కీల‌క ఇన్నింగ్స్‌లు ఆడారు. ల‌క్నో బౌల‌ర్ల‌లో శార్ధూల్ ఠాకూర్‌, సిద్దార్ద్‌, బిష్ణోయ్‌, దిగ్వేష్ త‌లా రెండు వికెట్లు సాధించారు. అంత‌కుముందు బ్యాటింగ్ చేసిన ల‌క్నో నిర్ణీత 20 ఓవ‌ర్ల‌లో 8 వికెట్ల న‌ష్టానికి 209 ప‌రుగులు చేసింది. ల‌క్నో బ్యాట‌ర్ల‌లో మిచెల్ మార్ష్‌( 36 బంతుల్లో 6 ఫోర్లు, 6 సిక్స్‌ల‌తో 72), నికోల‌స్ పూర‌న్‌( 30 బంతుల్లో 6 ఫోర్లు, 7 సిక్స్‌ల‌తో 75 ప‌రుగులు) హాఫ్ సెంచ‌రీల‌తో మెరిశారు. ఢిల్లీ బౌల‌ర్ల‌లో మిచెల్ స్టార్క్ మూడు వికెట్లు, కుల్దీప్ యాద‌వ్ రెండు వికెట్లు సాధించ‌గా.. విప్రాజ్ నిగ‌మ్‌, ముఖేష్ కుమార్ త‌లా వికెట్ సాధించారు. ఇక ఈ మ్యాచ్‌లో విరోచిత ఇన్నింగ్స్ ఆడిన అశుతోష్ ఎక్స్‌లో ట్రెండింగ్‌గా నిలిచాడు. ఈ క్ర‌మంలో ఎవ‌రీ అశుతోష్ అని నెటిజ‌న్లు తెగ‌వెతికేస్తున్నారు.ఎవ‌రీ అశుతోష్‌?26 ఏళ్ల అశుతోష్‌ రాంబాబు శ‌ర్మ‌.. ఫ‌స్ట్ క్లాస్ క్రికెట్‌లో రైల్వేస్ కు ప్రాతినిథ్యం వ‌హిస్తున్నాడు. 8 ఫస్ట్‌క్లాస్‌ మ్యాచ్‌లు, 7 లిస్ట్‌-ఏ, 31 టీ20లు ఆడాడు. ఫస్ట్‌ క్లాస్‌ కెరీర్‌లో సెంచరీ, రెండు హాఫ్‌ సెంచరీలు చేసిన అశుతోష్‌.. టీ20ల్లో 47 అర్దసెంచరీలు నమోదు చేశాడు. ఇక అశుతోష్ ఐపీఎల్ అభిమానులకు సుప‌రిచిత‌డే. ఐపీఎల్‌-2024 సీజ‌న్‌తో పంజాబ్ కింగ్స్ త‌ర‌పున అశుతోష్.. ఈ క్యాష్ రిచ్ లీగ్‌లోకి అడుగుపెట్టాడు. మినీ వేలంలో పంజాబ్‌ కింగ్స్‌ తన బేస్‌ ధర రూ. 20 లక్షలకు సొంతం చేసుకుంది. గ‌తేడాది సీజ‌న్‌లో ఏ మాత్రం అంచ‌నాలు లేకుండా బ‌రిలోకి దిగిన త‌న అద్బుత ప్ర‌ద‌ర్శ‌న‌తో రెండు మ్యాచ్‌ల్లో పంజాబ్‌ను గెలిపించాడు. అయిన‌ప్ప‌టికి పంజాబ్ మాత్రం ఐపీఎల్‌-2025 మెగా వేలానికి ముందు విడిచిపెట్టింది. దీంతో వేలంలోకి వ‌చ్చిన ఈ ప‌వ‌ర్ హిట్ట‌ర్‌ను రూ.3.8 కోట్ల‌కు ఢిల్లీ కొనుగోలు చేసింది. ఢిల్లీ త‌న‌పై పెట్టుకున్న న‌మ్మ‌కాన్ని ఈ మ‌ధ్య‌ప్ర‌దేశ్ క్రికెట‌ర్ నిల‌బెట్టుకున్నాడు. LONG LIVE, IPL.....!!! 👏- One of the greatest run chases in history, take a bow Ashutosh Sharma. 🫡pic.twitter.com/rxVzthPDC0— Mufaddal Vohra (@mufaddal_vohra) March 24, 2025

ఐపీఎల్‌-2025ను ల‌క్నో సూప‌ర్ జెయింట్స్ కెప్టెన్ రిష‌బ్ పంత్ పేల‌వంగా ఆరంభించాడు. ఐపీఎల్ చ‌రిత్ర‌లోనే అత్య‌ధిక ఖ‌రీదైన ఆట‌గాడిగా నిలిచిన రిష‌బ్ పంత్‌.. తొలి మ్యాచ్‌లోనే తీవ్ర నిరాశ‌ప‌రిచాడు. ఈ మెగా టోర్నీలో భాగంగా వైజాగ్ వేదిక‌గా ఢిల్లీ క్యాపిట‌ల్స్‌తో మ్యాచ్‌లో పంత్‌ డ‌కౌట‌య్యాడు. నాలుగో స్ధానంలో బ్యాటింగ్‌కు వ‌చ్చిన పంత్‌.. ఆరు బంతులు ఎదుర్కొని ఖాతా తెర‌వ‌కుండానే పెవిలియ‌న్‌కు చేరాడు.కుల్దీప్ యాద‌వ్ బౌలింగ్‌లో ఫాఫ్ డుప్లెసిస్‌కు క్యాచ్ ఇచ్చి ఔట‌య్యాడు. దీంతో పంత్‌ను నెటిజ‌న్లు ట్రోలు చేస్తున్నారు. ఈ మాత్రం ఆట‌కేనా రూ. 27 కోట్లు అంటూ పోస్ట్‌లు పెడుతున్నారు. కాగా గ‌తేడాది జ‌రిగిన మెగా వేలంలో రూ. 27 కోట్ల భారీ ధ‌ర‌కు పంత్‌ను ల‌క్నో కొనుగోలు చేసింది. ఇక ఈ మ్యాచ్‌లో పంత్ విఫ‌ల‌మైన‌ప్ప‌టికి మిగితా బ్యాట‌ర్లు మాత్రం విధ్వంసం సృష్టించారు. టాస్ ఓడి తొలుత బ్యాటింగ్‌కు దిగిన ల‌క్నో నిర్ణీత 20 ఓవ‌ర్ల‌లో 8 వికెట్ల న‌ష్టానికి 209 ప‌రుగులు చేసింది. ల‌క్నో బ్యాట‌ర్ల‌లో మిచెల్ మార్ష్‌( 36 బంతుల్లో 6 ఫోర్లు, 6 సిక్స్‌ల‌తో 72), నికోల‌స్ పూర‌న్‌( 30 బంతుల్లో 6 ఫోర్లు, 7 సిక్స్‌ల‌తో 75 ప‌రుగులు) హాఫ్ సెంచ‌రీల‌తో చెలరేగారు. ఓ దశలో ఈజీగా 250 పైగా లక్నో స్కోర్ దాటుతుందని భావించారు. కానీ 15 ఓవర్ల తర్వాత ఢిల్లీ బౌలర్లు కమ్‌బ్యాక్ ఇచ్చారు. ఢిల్లీ బౌల‌ర్ల‌లో మిచెల్ స్టార్క్ మూడు వికెట్లు, కుల్దీప్ యాద‌వ్ రెండు వికెట్లు సాధించ‌గా.. విప్రాజ్ నిగ‌మ్‌, ముఖేష్ కుమార్ త‌లా వికెట్ సాధించారు. Blind slogger sympathy merchant Rishabh Pant gone for 6 balls duck.He had created a ecosystem which presented him as a big match winner and a great clutch player, media people & commentators even hyped him in T2OIs & ODIs.Can't believe Goenka paid 27 crores for him & shame on… pic.twitter.com/PJMzI07FzF— Rajiv (@Rajiv1841) March 24, 2025

ఐపీఎల్‌-2025లో వైజాగ్ వేదిక‌గా ఢిల్లీ క్యాపిట‌ల్స్‌తో మ్యాచ్‌లో ల‌క్నో సూప‌ర్ జెయింట్స్ స్టార్ ప్లేయ‌ర్‌ నికోలస్ పూరన్ విధ్వంసకర ప్రదర్శన చేశాడు. ఫ‌స్ట్ డౌన్‌లో బ్యాటింగ్‌కు వ‌చ్చిన పూర‌న్ ఆకాశ‌మే హ‌ద్దుగా చెల‌రేగిపోయాడు. 17 ప‌రుగుల వ్య‌క్తిగ‌త స్కోర్ వద్ద ఔట‌య్యే ప్ర‌మాదం నుంచి త‌ప్పించుకున్న పూర‌న్‌.. ఆ త‌ర్వాత సిక్స‌ర్ల వ‌ర్షం కురిపించాడు.ప్ర‌త్య‌ర్ధి బౌల‌ర్ల‌ను ఊచ‌కోత కోశాడు. ఈ క్ర‌మంలో పూర‌న్ కేవ‌లం 24 బంతుల్లోనే త‌న హాఫ్ సెంచ‌రీ మార్క్‌ను అందుకున్నాడు. ముఖ్యంగా పార్ట్ టైమ్ బౌల‌ర్ ట్రిస్ట‌న్ స్ట‌బ్స్‌ను ఈ కరీబియ‌న్ వికెట్ కీప‌ర్ బ్యాట‌ర్‌ ఊతికారేశాడు. ల‌క్నో ఇన్నింగ్స్ 13వ ఓవ‌ర్ వేసిన స్ట‌బ్స్ బౌలింగ్‌లో పూర‌న్ వ‌రుస‌గా 4 సిక్స‌ర్లు, ఒక ఫోర్ బాదాడు.దీంతో ఆ ఓవ‌ర్‌లో ఏకంగా 28 ప‌రుగులు వ‌చ్చాయి. అత‌డి ఇన్నింగ్స్‌కు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. పూర‌న్‌ ఓవ‌రాల్‌గా 30 బంతుల్లో 6 ఫోర్లు, 7 సిక్స్‌ల‌తో 75 ప‌రుగులు చేశాడు. అత‌డితో పాటు మిచెల్ మార్ష్ కూడా తుపాన్ ఇన్నింగ్స్ ఆడాడు.మార్ష్ 36 బంతుల్లో 6 ఫోర్లు, 6 సిక్స్‌ల‌తో 72 ప‌రుగులు చేశాడు. వీరిద్ద‌రి విధ్వంసం ఫ‌లితంగా తొలుత బ్యాటింగ్ చేసిన ల‌క్నో నిర్ణీత 20 ఓవ‌ర్ల‌లో 8 వికెట్ల న‌ష్టానికి 209 ప‌రుగులు చేసింది. ఢిల్లీ బౌల‌ర్ల‌లో మిచెల్ స్టార్క్ మూడు వికెట్లు, కుల్దీప్ యాద‌వ్ రెండు వికెట్లు సాధించ‌గా.. విప్రాజ్ నిగ‌మ్‌, ముఖేష్ కుమార్ త‌లా వికెట్ సాధించారు. 6, 6, DROPPED, 6! 💥A tough start for debutant Vipraj Nigam as he conceded a 25-run over against Pooran & Marsh! 😳 Watch LIVE action: https://t.co/mQP5SyTHlW#IPLonJioStar 👉 #DCvLSG | LIVE NOW on Star Sports 1, Star Sports 1 Hindi & JioHotstar! pic.twitter.com/9g3GOI0wVl— Star Sports (@StarSportsIndia) March 24, 2025 The art 🎨The artist 😎Mitchell Starc gets one on target ⚡️Nicholas Pooran goes back after a breathtaking 75(30) 🔥Updates ▶ https://t.co/aHUCFODDQL#TATAIPL | #DCvLSG pic.twitter.com/SQcmxUD8La— IndianPremierLeague (@IPL) March 24, 2025

IPL 2025 LSG vs DC live updates and highlights: వారెవ్వా అశుతోష్‌.. ఉత్కంఠ‌పోరులో ఢిల్లీ విజ‌యంవైజాగ్ వేదిక‌గా ల‌క్నో సూప‌ర్ జెయింట్స్‌తో జ‌రిగిన మ్యాచ్‌లో ఒక్క వికెట్ తేడాతో ఢిల్లీ క్యాపిట‌ల్స్ సంచ‌ల‌న విజ‌యం సాధించింది. చివ‌రి వర‌కు ఉత్కంఠ‌భ‌రితంగా సాగిన ఈ మ్యాచ్‌లో అశుతోష్ శ‌ర్మ ఢిల్లీని గెలిపించాడు. ఇంపాక్ట్ ప్లేయ‌ర్‌గా వ‌చ్చిన అశుతోష్.. త‌న విరోచిత పోరాటంతో ఢిల్లీని ఓట‌మి నుంచి గ‌ట్టెక్కించాడు. ఫ‌లితంగా 210 ప‌రుగుల భారీ ల‌క్ష్యాన్ని ఢిల్లీ.. 9 వికెట్లు కోల్పోయి 19.3 ఓవ‌ర్ల‌లో అందుకుంది. ఢిల్లీ బ్యాట‌ర్ల‌లో అశుతోష్‌తో పాటు విప్ర‌జ్ నిగ‌మ్‌( 15 బంతుల్లో 5 ఫోర్లు, 2 సిక్స్‌ల‌తో 39), స్ట‌బ్స్‌(34) కీల‌క ఇన్నింగ్స్‌లు ఆడారు.ర‌స‌వ‌త్త‌రంగా మ్యాచ్‌..ఢిల్లీ క్యాపిటల్స్‌, ల‌క్నో సూప‌ర్ జెయింట్స్ మ‌ధ్య మ్యాచ్ ర‌స‌వత్త‌రంగా సాగుతోంది. ఢిల్లీ విజ‌యానికి 12 బంతుల్లో 22 ప‌రుగులు కావాలి. క్రీజులో అశుతోష్ శ‌ర్మ‌(48) ప‌రుగుల‌తో ఉన్నారు.దూకుడుగా ఆడుతున్న విప్ర‌జ్‌విప్రజ్ నిగమ్(11 బంతుల్లో 30) దూకుడుగా ఆడుతున్నాడు. విప్ర‌జ్ త‌న బ్యాటింగ్‌తో ఢిల్లీ క్యాపిట‌ల్స్ శిబిరంలో ఆశ‌లు రెకెత్తించాడు. ఢిల్లీ విజ‌యానికి 30 బంతుల్లో 62 ప‌రుగులు కావాలి.ఢిల్లీ ఆరో వికెట్ డౌన్‌ట్రిస్టన్ స్టబ్స్ రూపంలో ఢిల్లీ క్యాపిట‌ల్స్ ఆరో వికెట్ కోల్పోయింది. 34 ప‌రుగులు చేసిన స్ట‌బ్స్‌.. సిద్దార్ధ్ బౌలింగ్‌లో క్లీన్ బౌల్డ‌య్యాడు. ఢిల్లీ విజ‌యానికి 42 బంతుల్లో 94 ప‌రుగులు కావాలి. క్రీజులో అశుతోష్ శ‌ర్మ‌(17), విప్రాజ్ నిగమ్‌(2) ఉన్నారు.క‌ష్టాల్లో ఢిల్లీ క్యాపిట‌ల్స్‌..210 ప‌రుగుల భారీ ల‌క్ష్యంతో బ‌రిలోకి ఢిల్లీ క్యాపిట‌ల్స్ త‌డ‌బ‌డుతోంది. ఢిల్లీ కేవ‌లం 66 ప‌రుగుల‌కే 5 వికెట్లు కోల్పోయి క‌ష్టాల్లో ప‌డింది. అక్ష‌ర్ ప‌టేల్‌(22) నాలుగో వికెట్ వెనుదిర‌గగా.. ఫాఫ్ డుప్లెసిస్‌(29) ఐదో వికెట్‌గా పెవిలియ‌న్‌కు చేరాడు. 4 ఓవర్లకు ఢిల్లీ స్కోర్‌: 32/34 ఓవ‌ర్లు ముగిసే స‌రికి ఢిల్లీ 3 వికెట్ల న‌ష్టానికి 32 ప‌రుగులు చేసింది. క్రీజులో ఫాప్ డుప్లెసిస్‌(14), అక్ష‌ర్ ప‌టేల్‌(13) ప‌రుగుల‌తో ఉన్నారు.ఢిల్లీ క్యాపిట‌ల్స్‌కు బిగ్ షాక్‌.. తొలి ఓవ‌ర్‌లో రెండు వికెట్లు210 ప‌రుగుల భారీ ల‌క్ష్యంతో బ‌రిలోకి ఢిల్లీ క్యాపిట‌ల్స్‌కు భారీ షాక్ త‌గిలింది. శార్థూల్ ఠాకూర్ వేసిన తొలి ఒవ‌ర్‌లో వ‌రుస‌గా జాక్ ఫ్రెజ‌ర్ మెక్‌గ‌ర్క్(1), అభిషేక్ పోరెల్‌(0) ఔట‌య్యాడు.మార్ష్‌, పూర‌న్ ఊచ‌కోత‌.. ఢిల్లీ ముందు భారీ టార్గెట్‌వైజాగ్ వేదికగా ఢిల్లీ క్యాపిట‌ల్స్‌తో జ‌రుగుతున్న మ్యాచ్‌లో ల‌క్నో సూప‌ర్ జెయింట్స్ బ్యాట‌ర్లు అద‌ర‌గొట్టారు. టాస్ ఓడి తొలుత బ్యాటింగ్‌కు దిగిన ల‌క్నో నిర్ణీత 20 ఓవ‌ర్ల‌లో 8 వికెట్ల న‌ష్టానికి 209 ప‌రుగులు చేసింది. ల‌క్నో బ్యాట‌ర్ల‌లో మిచెల్ మార్ష్‌( 36 బంతుల్లో 6 ఫోర్లు, 6 సిక్స్‌ల‌తో 72), నికోల‌స్ పూర‌న్‌( 30 బంతుల్లో 6 ఫోర్లు, 7 సిక్స్‌ల‌తో 75 ప‌రుగులు) హాఫ్ సెంచ‌రీల‌తో మెరిశారు. ఢిల్లీ బౌల‌ర్ల‌లో మిచెల్ స్టార్క్ మూడు వికెట్లు, కుల్దీప్ యాద‌వ్ రెండు వికెట్లు సాధించ‌గా.. విప్రాజ్ నిగ‌మ్‌, ముఖేష్ కుమార్ త‌లా వికెట్ సాధించారు.18 ఓవర్లకు ఢిల్లీ స్కోర్‌: 188/6ఢిల్లీ క్యాపిట‌ల్స్ వ‌రుస క్ర‌మంలో వికెట్లు కోల్పోయింది. 18 ఓవ‌ర్లు ముగిసే స‌రికి 6 వికెట్ల న‌ష్టానికి 188 ప‌రుగులు చేసింది. క్రీజులో డేవిడ్ మిల్ల‌ర్‌(12), షెబాజ్ ఆహ్మ‌ద్‌(4) ఉన్నారు.మిచెల్ మార్ష్ ఔట్‌.. ల‌క్నో సూప‌ర్ జెయింట్స్ మిచెల్ మార్ష్ రూపంలో రెండో వికెట్ కోల్పోయింది. 72 ప‌రుగులు చేసిన మార్ష్‌.. ముఖేష్ కుమార్ బౌలింగ్‌లో ఔట‌య్యాడు. క్రీజులోకి రిషబ్‌ పంత్‌ వచ్చాడు. 14 ఓవర్లకు లక్నో స్కోర్‌: 161/2. క్రీజులో నికోలస్‌ పూరన్‌(70), రిషబ్‌ పంత్‌(0) పరుగులతో ఉన్నారు.భారీ స్కోర్‌ దిశగా లక్నో..11 ఓవర్లు ముగిసే సరికి లక్నో వికెట్‌ నష్టానికి 125 పరుగులు చేసింది. క్రీజులో మిచెల్‌ మార్ష్‌(65), నికోలస్‌ పూరన్‌(41) పరుగులతో ఉన్నారు.మార్ష్ హాఫ్ సెంచ‌రీ..ల‌క్నో స్టార్ ఓపెన‌ర్ మిచెల్ మార్ష్ ఆర్ధ‌శ‌త‌కం సాధించాడు. మార్ష్ 21 బంతుల్లో త‌న హాఫ్ సెంచ‌రీ మార్క్‌ను అందుకున్నాడు. క్రీజులోకి వ‌చ్చిన నికోల‌స్ పూర‌న్ సైతం దూకుడుగా ఆడుతున్నాడు. 8 ఓవర్లకు లక్నో స్కోర్‌: 98/1. ప్ర‌స్తుతం క్రీజులో మిచెల్ మార్ష్‌(20), నికోల‌స్ పూర‌న్(31) ఉన్నారు.తొలి వికెట్ కోల్పోయిన లక్నో..ఐడైన్ మార్‌క్రమ్ రూపంలో లక్నో సూపర్ జెయింట్స్ తొలి వికెట్ కోల్పోయింది. 15 పరుగులు చేసిన మార్‌క్రమ్‌.. విప్రజ్ నిగమ్ బౌలింగ్‌లో ఔటయ్యాడు. 5 ఓవర్లకు లక్నో స్కోర్‌: 50/1దూకుడుగా ఆడుతున్న లక్నో..టాస్ ఓడి బ్యాటింగ్ దిగిన లక్నో సూపర్ జెయింట్స్ వికెట్ నష్టపోకుండా 33 పరుగులు చేసింది. ఓపెనర్లు ఐడైన్ మార్‌క్రమ్‌(13), మిచెల్ మార్ష్‌(20) దూకుడుగా ఆడుతున్నారు.తుది జ‌ట్లుఢిల్లీ క్యాపిటల్స్ (ప్లేయింగ్ XI): జేక్ ఫ్రేజర్-మెక్‌గుర్క్, ఫాఫ్ డు ప్లెసిస్, అభిషేక్ పోరెల్(వికెట్ కీప‌ర్‌), సమీర్ రిజ్వి, అక్షర్ పటేల్(కెప్టెన్), ట్రిస్టన్ స్టబ్స్, విప్రజ్ నిగమ్, మిచెల్ స్టార్క్, కుల్దీప్ యాదవ్, మోహిత్ శర్మ, ముఖేష్ కుమార్లక్నో సూపర్ జెయింట్స్ (ప్లేయింగ్ XI): ఐడెన్ మార్క్రామ్, మిచెల్ మార్ష్, నికోలస్ పూరన్, ఆయుష్ బడోని, రిషబ్ పంత్(కెప్టెన్‌), డేవిడ్ మిల్లర్, ప్రిన్స్ యాదవ్, దిగ్వేష్ రాఠీ, షాబాజ్ అహ్మద్, శార్దూల్ ఠాకూర్, రవి బిష్ణోయ్

ఐపీఎల్‌-2025లో ఢిల్లీ క్యాపిట‌ల్స్ తమ తొలి మ్యాచ్‌లో విశాఖ‌ప‌ట్నం వేదిక‌గా ల‌క్నో సూప‌ర్ జెయింట్స్‌తో తలపడుతోంది. ఈ మ్యాచ్‌లో టాస్ గెలిచిన ఢిల్లీ తొలుత బౌలింగ్ ఎంచుకుంది. అయితే ఈ మ్యాచ్‌కు ఢిల్లీ క్యాపిటల్స్ స్టార్ ప్లేయర్ కేఎల్ రాహుల్ వ్యక్తిగత కారణాల వల్ల దూరమయ్యాడు.అతడి భార్య తొలి బిడ్డకు జన్మనివ్వనుండడంతో రాహుల్ ఇంకా జ‌ట్టుతో చేర‌లేదు. రాహుల్ స్ధానంలో సమీర్ రిజ్వీ తుది జట్టులో చోటు ద‌క్కించుకున్నాడు. కేఎల్ త్వ‌ర‌లోనే జ‌ట్టుతో చేర‌నున్నాడు. ఐపీఎల్‌-2025 మెగా వేలంలో రూ.14 కోట్ల భారీ ధ‌ర‌కు ఢిల్లీ కొనుగోలు చేసింది.తుది జ‌ట్లుఢిల్లీ క్యాపిటల్స్ (ప్లేయింగ్ XI): జేక్ ఫ్రేజర్-మెక్‌గుర్క్, ఫాఫ్ డు ప్లెసిస్, అభిషేక్ పోరెల్(వికెట్ కీప‌ర్‌), సమీర్ రిజ్వి, అక్షర్ పటేల్(కెప్టెన్), ట్రిస్టన్ స్టబ్స్, విప్రజ్ నిగమ్, మిచెల్ స్టార్క్, కుల్దీప్ యాదవ్, మోహిత్ శర్మ, ముఖేష్ కుమార్లక్నో సూపర్ జెయింట్స్ (ప్లేయింగ్ XI): ఐడెన్ మార్క్రామ్, మిచెల్ మార్ష్, నికోలస్ పూరన్, ఆయుష్ బడోని, రిషబ్ పంత్(కెప్టెన్‌), డేవిడ్ మిల్లర్, ప్రిన్స్ యాదవ్, దిగ్వేష్ రాఠీ, షాబాజ్ అహ్మద్, శార్దూల్ ఠాకూర్, రవి బిష్ణోయ్

ఐపీఎల్‌-2025 (IPL)లో మరో ఆసక్తికర మ్యాచ్‌కు రంగం సిద్ధమైంది. ఢిల్లీ క్యాపిటల్స్‌ (Delhi Capitals)- లక్నో సూపర్‌ జెయింట్స్‌ (Lucknow Super Giants) మధ్య సోమవారం పోటీ జరుగనుంది. విశాఖపట్నంలోని వైఎస్సార్‌ ఏసీఏ–వీడీసీఏ స్టేడియం ఇందుకు వేదిక. కాగా ఢిల్లీ క్యాపిటల్స్‌కు ఇది రెండో హోంగ్రౌండ్‌ అన్న విషయం తెలిసిందే.ఇదిలా ఉంటే.. ఢిల్లీకి గతేడాది సారథ్యం వహించిన టీమిండియా స్టార్‌ రిషభ్‌ పంత్‌.. ఈసారి లక్నో సూపర్‌ జెయింట్స్‌కు కెప్టెన్‌ అయ్యాడు. రూ. 27 కోట్ల భారీ ధరకు లక్నో ఫ్రాంఛైజీ కొనుక్కోగా.. ఈ సీజన్‌లో తొలి మ్యాచ్‌లోనే తన పాత జట్టుపై ఈ వికెట్‌ కీపర్‌ ప్రతాపం చూపేందుకు సిద్ధమయ్యాడు.పంత్‌ వర్సెస్‌ అక్షర్‌!మరోవైపు.. పంత్‌ నిష్క్రమణతో ఖాళీ అయిన ఢిల్లీ క్యాపిటల్స్‌ కెప్టెన్సీ పోస్టును టీమిండియా ఆల్‌రౌండర్‌ అక్షర్‌ పటేల్‌ భర్తీ చేశాడు. ఈ జట్టులో మరో టీమిండియా స్టార్‌ కేఎల్‌ రాహుల్‌ కూడా కీలకం కానున్నాడు. అయితే, లక్నోతో మ్యాచ్‌కు అతడు దూరమయ్యే అవకాశాలు ఎక్కువగా ఉన్నాయి. రాహుల్‌ భార్య అతియా శెట్టి త్వరలోనే తమ తొలి సంతానానికి జన్మనివ్వనుండటం ఇందుకు కారణంగా తెలుస్తోంది.గాయాల బెడదఇదిలా ఉంటే.. లక్నో జట్టును గాయాల బెడద వేధిస్తోంది. ఆ జట్టు పేసర్‌ మొహ్సిన్‌ ఖాన్‌ సీజన్‌ మొత్తానికి దూరం కాగా.. అతడి స్థానంలో శార్దూల్‌ ఠాకూర్‌ జట్లుఓకి వచ్చాడు. అయితే, కీలక పేసర్లు మయాంక్‌ యాదవ్‌, ఆవేశ్‌ ఖాన్‌, ఆకాశ్‌ దీప్‌ కూడా గాయాల బారిన పడ్డారు. వీరంతా ప్రస్తుతం చికిత్స తీసుకుంటున్నారు.ఇలా స్టార్‌ పేసర్లంతా గాయపడటం లక్నో తుదిజట్టు కూర్పుపై కచ్చితంగా ప్రభావం చూపనుంది. మరోవైపు.. ఢిల్లీ రాహుల్‌ సేవలను కోల్పోయినా జేక్‌ ఫ్రేజర్‌-మెగర్క్‌తో పాటు ఫాఫ్‌ డుప్లెసిస్‌ అందుబాటులో ఉండటం.. ఆ జట్టుకు సానుకూలాంశంగా పరిణమించింది. అంతేకాదు ప్రపంచస్థాయి పేసర్‌ మిచెల్‌ స్టార్క్‌ కూడా జట్టుతో ఉండటం ఢిల్లీకి కలిసి రానుంది.లక్నోదే పైచేయిఇక లక్నో మిచెల్‌ మార్ష్‌తో అర్షిన్‌ కులకర్ణిని ఇన్నింగ్స్‌ ఆరంభించేందుకు పంపే సూచనలు ఉన్నాయి. పంత్‌ వికెట్‌ కీపర్‌గా బాధ్యతలు నిర్వర్తించడంతో పాటు నాయకుడిగానూ జట్టును ముందుండి నడిపించనుండగా.. నికోలస్‌ పూరన్‌ స్పెషలిస్టు బ్యాటర్‌గా అందుబాటులో ఉన్నాడు. ఇంపాక్ట్‌ ప్లేయర్‌గా ఆకాశ్‌ సింగ్‌ లేదంటే షాబాజ్ అహ్మద్‌ బరిలోకి దిగే ఛాన్స్‌ ఉంది. కాగా ఢిల్లీ- లక్నో జట్లు ఇప్పటి వరకు ముఖాముఖి ఐదుసార్లు తలపడగా.. ఢిల్లీ రెండుసార్లు, లక్నో మూడుసార్లు గెలిచాయి.వర్షం ముప్పు?ఇదిలా ఉంటే.. విశాఖపట్నంలో ఒక్కసారిగా వాతావరణం మారిపోయింది. ఉరుములతో ఆకాశం మేఘావృతమైంది. ఇక హైదరాబాద్‌లో ఇప్పటికే కుండపోత వర్షం కురుస్తుండగా.. విశాఖలోనూ వాన పడితే ఢిల్లీ- లక్నో మ్యాచ్‌పై ప్రభావం పడనుంది.ఐపీఎల్‌-2025: ఢిల్లీ వర్సెస్‌ లక్నో తుదిజట్లు (అంచనా)ఢిల్లీజేక్ ఫ్రేజర్-మెగర్క్, ఫాఫ్ డు ప్లెసిస్, అభిషేక్ పోరెల్ (వికెట్‌ కీపర్‌), కరుణ్ నాయర్, అక్షర్ పటేల్ (కెప్టెన్‌), ట్రిస్టన్ స్టబ్స్, అశుతోష్ శర్మ, మిచెల్ స్టార్క్, కుల్దీప్ యాదవ్, ముకేష్ కుమార్, టి.నటరాజన్ఇంపాక్ట్‌ ప్లేయర్‌: మోహిత్‌ శర్మలక్నోఅర్షిణ్‌ కులకర్ణి, మిచెల్‌ మార్ష్‌, రిషభ్‌ పంత్‌(కెప్టెన్‌, వికెట్‌ కీపర్‌), నికోలస్‌ పూరన్‌, ఆయుశ్‌ బదోని, డేవిడ్‌ మిల్లర్‌, అబ్దుల్‌ సమద్‌, శార్దూల్‌ ఠాకూర్‌, రాజ్‌వర్ధన్‌ హంగ్రేకర్‌, రవి బిష్ణోయి, షమార్‌ జోసెఫ్‌ఇంపాక్ట్‌ ప్లేయర్‌: ఆకాశ్‌ సింగ్‌/షాబాజ్‌ అహ్మద్‌.చదవండి: కలకాలం గుర్తుండిపోతుంది!.. ఎవరీ విఘ్నేశ్‌?.. ధోని కూడా ఫిదా!Captains 👍Match-day rivals 🆚Friends through & through 🤝𝗠. 𝗢. 𝗢. 𝗗 Axar & Rishabh as we gear up for tonight's #DCvLSG clash 👌👌#TATAIPL | @DelhiCapitals | @LucknowIPL | @akshar2026 | @RishabhPant17 pic.twitter.com/mI2RI3WHYF— IndianPremierLeague (@IPL) March 24, 2025

ఐపీఎల్‌ 2025లో ఇవాళ (మార్చి 24) మరో ఆసక్తికర సమరం జరుగనుంది. విశాఖ వేదికగా లక్నో సూపర్‌ జెయింట్స్‌, ఢిల్లీ క్యాపిటల్స్‌ కత్తులు దూసుకోనున్నాయి. రాత్రి 7:30 గంటలకు ఈ మ్యాచ్‌ ప్రారంభం కానుంది.ఐపీఎల్‌లో ఇరు జట్లు ఇప్పటివరకు ఐదు మ్యాచ్‌ల్లో తలపడగా.. లక్నో 3, ఢిల్లీ 2 మ్యాచ్‌ల్లో విజయాలు సాధించాయి. ఢిల్లీ ఎల్‌ఎస్‌జీపై సాధించిన రెండు విజయాలు గత సీజన్‌లో వచ్చినవే. నేటి మ్యాచ్‌లో భారీ స్కోర్లు నమోదయ్యే అవకాశం ఉంది. విశాఖ పిచ్‌ బ్యాటంగ్‌కు స్వర్గధామమని చెప్పవచ్చు. గత సీజన్‌లో ఇక్కడ జరిగిన ఓ మ్యాచ్‌లో కేకేఆర్‌ రికార్డు స్థాయిలో 272 పరుగులు చేసింది.గత సీజన్‌లో ఢిల్లీ కెప్టెన్‌గా ఉన్న పంత్‌ ఈ సీజన్‌లో లక్నో సారధిగా వ్యవహరిస్తున్నాడు. గత సీజన్‌లో లక్నో కెప్టెన్‌గా ఉన్న రాహుల్‌ ఈ సీజన్‌లో ఢిల్లీ ఆటగాడిగా బరిలోకి దిగనున్నాడు. తనను వదిలించుకున్న మాజీ జట్టుపై రాహుల్‌ ఏ మేరకు సత్తా చాటుతాడన్నది ఆసక్తికరంగా మారింది.సీజన్‌ ప్రారంభ మ్యాచ్‌కు ముందే లక్నోను గాయాల సమస్య వేధిస్తుంది. ఆ జట్టుకు చెందిన ముగ్గురు పేసర్లు (మయాంక​్‌ యాదవ్‌, ఆవేశ్‌ ఖాన్‌, ఆకాశ్‌దీప్‌) గాయాలతో బాధపడుతున్నారు. ఓ పేసర్‌ (మొహిసిన్‌ ఖాన్‌) ఏకంగా సీజన్‌ మొత్తానికే దూరమ్యాడు. మొహిసిన్‌ స్థానంలో శార్దూల్‌ ఠాకూర్‌ కొత్తగా జట్టులో చేరాడు. మరోవైపు ఢిల్లీని కూడా ఓ సమస్య ఇరుకునపెడుతుంది. ఆ జట్టు మిడిలార్డర్‌ బ్యాటర్‌ హ్యారీ బ్రూక్‌ గత సీజన్‌లాగే ఈ సీజన్‌లో కూడా హ్యాండిచ్చాడు. బ్రూక్‌ లేకపోవడం ఢిల్లీ మిడిలార్డర్‌ కూర్పును దెబ్బతీస్తుంది. బ్రూక్‌ లేకపోయినా లక్నోతో పోలిస్తే ఢిల్లీ అన్ని విభాగాల్లో పటిష్టంగా కనిపిస్తుంది. ఆ జట్టులో విధ్వంకర వీరులతో పాటు ప్రామిసింగ్‌ ఆల్‌రౌండర్లు, నాణ్యమైన స్పిన్నర్లు, వరల్డ్‌ క్లాస్‌ పేసర్లు ఉన్నారు.లక్నోతో నేటి మ్యాచ్‌లో జేక్‌ ఫ్రేజర్‌, డుప్లెసిస్‌ ఢిల్లీ ఇన్నింగ్స్‌ను ప్రారంభించే అవకాశం ఉంది. జేక్‌ ఫ్రేజర్‌ తాజాగా జరిగిన ఓ ఇంట్రా స్క్వాడ్‌ మ్యాచ్‌లో విధ్వంసకర సెంచరీ చేసి మంచి ఫామ్‌లో ఉన్నాడు. అభిషేక్‌ పోరెల్‌, కేఎల్‌ రాహుల్‌, అక్షర్‌ పటేల్‌, ట్రిస్టన్‌ స్టబ్స్‌, అశుతోష్‌ శర్మతో ఢిల్లీ మిడిలార్డర్‌ పటిష్టంగా ఉంది. మిచెల్‌ స్టార్క్‌, కుల్దీప్‌ యాదవ్‌, ముకేశ్‌ కుమార్‌, నటరాజన్‌తో బౌలింగ్‌ విభాగం కూడా బలంగా ఉంది. కరుణ్‌ నాయర్‌, మోహిత్‌ శర్మ ఇంపాక్ట్‌ ప్లేయర్లుగా ఉండవచ్చు.లక్నో విషయానికొస్తే.. అర్శిన్‌ కులకర్ణి, మిచెల్‌ మార్ష్‌ ఈ జట్టు ఇన్నింగ్స్‌ను ప్రారంభించవచ్చు. లక్నో మిడిలార్డర్‌ మెరుపు వీరులతో నిండి ఉంది. వన్‌డౌన్‌లో పంత్‌, నాలుగో స్థానంలో పూరన్‌, ఐదో స్థానంలో బదోని, ఆరో ప్లేస్‌తో మిల్లర్‌, ఏడో స్థానంలో అబ్దుల్‌ సమద్‌ బరిలోకి దిగవచ్చు. ఆల్‌రౌండర్‌ కోటాలో శార్దూల్‌.. బౌలర్లుగా రాజవర్దన్‌ హంగార్గేకర్‌, రవి బిష్ణోయ్‌, షమార్‌ జోసఫ్‌ తుది జట్టులో ఉండే అవకాశం ఉంది. ఆకాశ్‌ సింగ్‌, షాబాజ్‌ అహ్మద్‌, మణిమారన్‌ సిద్దార్థ్‌ ఇంపాక్ట్‌ ప్లేయర్లుగా బరిలోకి దిగవచ్చు.పూర్తి జట్లు..లక్నో సూపర్ జెయింట్స్: అర్షిన్ కులకర్ణి, మిచెల్ మార్ష్, రిషబ్ పంత్(కెప్టెన్‌), నికోలస్ పూరన్, ఆయుష్ బదోని, డేవిడ్ మిల్లర్, అబ్దుల్ సమద్, శార్దూల్ ఠాకూర్, ఆర్ఎస్ హంగర్గేకర్, రవి బిష్ణోయ్, షమర్ జోసెఫ్, ఆకాష్ దీప్, షాబాజ్‌ అహ్మద్‌, మణిమారన్‌ సిద్దార్థ్‌, ఆకాశ్‌ మహారాజ్‌ సింగ్‌, ఎయిడెన్‌ మార్క్రమ్‌, అవేష్ ఖాన్, హిమ్మత్ సింగ్, మాథ్యూ బ్రీట్జ్కే, ఆర్యన్ జుయల్, యువరాజ్ చౌదరి, మయాంక్ యాదవ్, ప్రిన్స్ యాదవ్, దిగ్వేష్ రాఠీఢిల్లీ క్యాపిటల్స్: జేక్ ఫ్రేజర్-మెక్‌గుర్క్, ఫాఫ్ డు ప్లెసిస్, అభిషేక్ పోరెల్, కేఎల్ రాహుల్, అక్షర్ పటేల్(కెప్టెన్‌), ట్రిస్టన్ స్టబ్స్, అశుతోష్ శర్మ, మిచెల్ స్టార్క్, కుల్దీప్ యాదవ్, ముఖేష్ కుమార్, టి నటరాజన్, కరుణ్ నాయర్, మొహిత్‌ శర్మ, దుష్మంత చమీరా, అజయ్‌ జాదవ్‌ మండల్‌, దర్శన్‌ నల్కండే, సమీర్ రిజ్వీ, డోనోవన్ ఫెరీరా, త్రిపురాన విజయ్, మన్వంత్ కుమార్ ఎల్, విప్రజ్ నిగమ్, మాధవ్ తివారీ

టీమిండియా స్టార్‌ ఆల్‌రౌండర్‌ శార్దూల్‌ ఠాకూర్‌ లేట్‌గా ఐపీఎల్‌-2025లోకి ఎంట్రీ ఇచ్చాడు. ఈ సీజన్‌ మెగా వేలంలో అన్‌ సోల్డ్‌గా ఉన్న శార్దూల్‌ను తాజాగా లక్నో సూపర్‌ జెయింట్స్‌ సొంతం చేసుకుంది. లక్నో లెఫ్ట్‌ ఆర్మ్‌ పేసర్‌ మొహిసిన్‌ ఖాన్‌ గాయం కారణంగా సీజన్‌ మొత్తానికే దూరం కావడంతో అతనికి ప్రత్యామ్నాయంగా శార్దూల్‌ ఎంపిక​ జరిగింది. శార్దూల్‌ను రిజిస్టర్‌ అవైలబుల్‌ ప్లేయర్‌ పూల్‌ (RAPP) నుంచి లక్నో ఎంపిక చేసుకుంది. లక్నో అతన్ని బేస్‌ ధర రూ. 2 కోట్లకు దక్కించుకుంది. శార్దూల్‌ ఎంపికతో బలహీనంగా ఉన్న లక్నో పేస్‌ బౌలింగ్‌ విభాగానికి కొత్త జోష్‌ వచ్చింది. ఈ సీజన్‌లో లక్నో పేస్‌ బౌలింగ్‌ యూనిట్‌ గాయాలతో సతమతమవుతుంది. ఆ జట్టు పేస్‌ బౌలింగ్‌ సంచలనం మయాంక్‌ యాదవ్‌, సీనియర్లు ఆవేశ్‌ ఖాన్‌, ఆకాశ్‌దీప్‌ గాయాలతో పోరాడుతున్నారు. ప్రస్తుతం ఎన్‌సీఏలో ఉన్న మయాంక్‌ ఏప్రిల్‌ 15 తర్వాత జట్టులో చేరతాడని తెలుస్తుంది. ఆవేశ్‌ ఖాన్‌, ఆకాశ్‌దీప్‌ లక్నో తొలి మూడు మ్యాచ్‌ల తర్వాత జట్టులో చేరతారని సమాచారం.ఇటీవలికాలంలో దేశవాలీ మ్యాచ్‌ల్లో అదరగొట్టిన శార్దూల్‌ను ఎందుకో మెగా వేలంలో ఏ ఫ్రాంచైజీ తీసుకోలేదు. లేట్‌గా అయినా శార్దూల్‌ ఐపీఎల్‌ 2025లోకి ఎంట్రీ ఇచ్చాడు. 33 ఏళ్ల శార్దూల్‌కు ఐపీఎల్‌లో 95 మ్యాచ్‌ల అనుభవం ఉంది. ఇందులో అతను 94 వికెట్లు తీశాడు. లోయర్‌ ఆర్డర్‌లో శార్దూల్‌ ఉపయోగకరమైన బ్యాటర్‌ కూడా. ఇటీవలి దేశవాలీ సీజన్‌లో శార్దూల్‌ బ్యాట్‌తోనూ మెరిపించాడు. శార్దూల్‌కు ఐపీఎల్‌లో ఐదు జట్లకు (పంజాబ్‌, రైజింగ్‌ పూణే సూపర్‌ జెయింట్స్‌, సీఎస్‌కే, ఢిల్లీ, కేకేఆర్‌) ఆడిన అనుభవం ఉంది. అతను ఐపీఎల్‌లో రెండు టైటిళ్లలో భాగమయ్యాడు. 2018, 2021లో సీఎస్‌కే విన్నింగ్‌ టీమ్‌లో సభ్యుడిగా ఉన్నాడు.ఇదిలా ఉంటే, ఈ సీజన్‌లో​ లక్నో సూపర్‌ జెయింట్స్‌ తమ టైటిల్‌ వేటను మార్చి 24న ఢిల్లీ క్యాపిటల్స్‌తో జరిగే మ్యాచ్‌తో ప్రారంభిస్తుంది. ఈ మ్యాచ్‌ ఢిల్లీ సెకెండ్‌ హోం గ్రౌండ్‌ అయిన వైజాగ్‌లో జరుగనుంది. 2022లో ఐపీఎల్‌ అరంగేట్రం చేసిన లక్నో తొలి రెండు సీజన్లలో (2022, 2023) మూడో స్థానంలో నిలిచి, గత సీజన్‌లో (2024) ఏడో స్థానానికి పడిపోయింది. గత సీజన్‌లో లక్నో ప్రదర్శన చాలా దారుణంగా ఉండింది. ఈ కారణంగానే ఆ జట్టు కేఎల్‌ రాహుల్‌ను కెప్టెన్‌గా దించేసి రిషబ్‌ పంత్‌ను కొత్త కెప్టెన్‌గా ఎంపిక చేసుకుంది. పంత్‌ను లక్నో ఐపీఎల్‌ హిస్టరీలోనే అత్యధిక ధర (రూ. 27 కోట్లు) వెచ్చించి సొంతం చేసుకుంది.ఐపీఎల్‌ 2025 సీజన్‌లో లక్నో సూపర్‌ జెయింట్స్‌..రిషబ్‌ పంత్‌ (కెప్టెన్‌), డేవిడ్‌ మిల్లర్‌, హిమ్మత్‌ సింగ్‌, ఎయిడెన్‌ మార్క్రమ్‌, ఆయుశ్‌ బదోని, అబ్దుల్‌ సమద్‌, యువరాజ్‌ చౌదరీ, షాబాజ్‌ అహ్మద్‌, మిచెల్‌ మార్ష్‌, అర్శిన్‌ కులకర్ణి, ఆర్‌ఎస్‌ హంగార్గేకర్‌, మాథ్యూ బ్రీట్జ్కీ, నికోలస్‌ పూరన్‌, ఆర్యన్‌ జుయల్‌, రవి బిష్ణోయ్‌, మయాంక్‌ యాదవ్‌, ఆకాశ్‌దీప్‌, మణిమారన్‌ సిద్దార్థ్‌, షమార్‌ జోసఫ్‌, ఆవేశ్‌ ఖాన్‌, ప్రిన్స్‌ యాదవ్‌, శార్దూల్‌ ఠాకూర్‌, ఆకాశ్‌ మహారాజ్‌ సింగ్‌, దిగ్వేశ్‌ రతీ

ఇండియన్‌ ప్రీమియర్‌ లీగ్‌ (IPL) ఆరంభానికి ముందు లక్నో సూపర్‌ జెయింట్స్‌ తీవ్ర స్థాయిలో విమర్శలు మూటగట్టుకుంటోంది. ఇంతకంటే చెత్త ఫ్రాంఛైజీ ఇంకొకటి ఉండదంటూ క్రికెట్‌ ప్రేమికులు సోషల్‌ మీడియా వేదికగా ఆగ్రహం వ్యక్తం చేస్తున్నారు. డబ్బులు పెట్టి కొనుకున్నాం కాబట్టి.. ఆటగాళ్ల భావోద్వేగాలతో ఆడుకోవచ్చనే సంస్కృతికి వీడ్కోలు పలకాలని హితవు పలుకుతున్నారు.భారీ ధరకు కొనుగోలుఅసలేం జరిగిందంటే.. ఐపీఎల్‌ మెగా వేలం-2025లో లక్నో యాజమాన్యం సౌతాఫ్రికా హార్డ్‌ హిట్టర్‌ డేవిడ్‌ మిల్లర్‌ (David Miller)ను సొంతం చేసుకున్న విషయం తెలిసిందే. గతేడాది గుజరాత్‌ టైటాన్స్‌కు ఆడిన ఈ విధ్వంసకర వీరుడు ఆక్షన్‌లోకి రాగా.. రూ. 7.5 కోట్లకు లక్నో కొనుగోలు చేసింది.ఇక మార్చి 22న ఐపీఎల్‌ తాజా ఎడిషన్‌ ఆరంభం కానుండగా.. మార్చి 24న లక్నో తమ తొలి మ్యాచ్‌ ఆడనుంది. విశాఖపట్నం వేదికగా ఢిల్లీ క్యాపిటల్స్‌తో తలపడనుంది. ఈ నేపథ్యంలో ఇప్పటికే ఇరుజట్లు విశాఖకు చేరుకున్నాయి. ఇదిలా ఉంటే.. లక్నో ఫ్రాంఛైజీ డేవిడ్‌ మిల్లర్‌తో ఓ ఇంటర్వ్యూయర్‌ జరిపిన సంభాషణకు సంబంధించిన వీడియోను విడుదల చేసింది. ఇందులో ఓ వ్యక్తి.. మీ కెరీర్‌లో బిగ్గర్‌ హార్ట్‌బ్రేక్‌ ఏది? అంటూ మిల్లర్‌ను ప్రశ్నించాడు. బిగ్గర్‌ హార్ట్‌బ్రేక్‌ ఏది? నవ్వుతూ ప్రశ్నలుఇందులో.. ‘‘గుజరాత్‌ టైటాన్స్‌ తరఫున 2023 ఫైనల్లో ఓటమి.. 2014లో పంజాబ్‌ కింగ్స్‌ ఫైనల్‌ ఓటమి.. లేదంటే.. వరల్డ్‌కప్‌-2019, 2021లలో సౌతాఫ్రికా గ్రూప్‌ దశలోనే నిష్క్రమించడం.. లేదా టీ20 వరల్డ్‌కప్‌-2024 ఫైనల్లో ఓటమి.. అదీ కాదంటే వన్డే వరల్డ్‌కప్‌-2023 సెమీస్‌లో ఓటమి.. లేదంటే.. చాంపియన్స్‌ ట్రోఫీ-2025లో న్యూజిలాండ్‌ చేతిలో ఓటమి.. వీటిల్లో మీ హృదయాన్ని ముక్కలు చేసిన సంఘటన ఏది?’’ అంటూ బోలెడన్ని ఆప్షన్లు కూడా ఇచ్చాడు.అంతేకాదు.. సదరు వ్యక్తి నవ్వుతూ ఈ ప్రశ్నలు అడగటం గమనార్హం. ఇందుకు మిల్లర్‌ బాధగా, దిగాలుగా ముఖం పెట్టుకుని సమాధానాలు ఇచ్చాడు. అయితే, ఇంటర్వ్యూయర్‌ మాత్రం నవ్వుతూనే ఉన్నాడు. ఇందుకు సంబంధించిన వీడియోను సోషల్‌ మీడియాలో పోస్ట్‌ చేసిన లక్నో.. ‘ఇకపై మిల్లర్‌కు ఇలాంటి బాధలు ఉండవు’ అంటూ తాము ఈసారి టైటిల్‌ గెలవబోతున్నట్లు క్యాప్షన్‌ ఇచ్చింది.ఇంతకంటే చెత్త ఫ్రాంఛైజీ మరొకటి లేదుమిలియన్‌కు పైగా వ్యూస్‌ సాధించిన ఈ వీడియోపై నెటిజన్లు మండిపడుతున్నారు. ‘‘ఇది వినోదం కాదు.. ఓ ఆటగాడిని మానసికంగా వేధించడం లాంటిది. ఓటములను గుర్తుచేస్తూ అతడి మనసును మరింత బాధపెట్టడం సరికాదు. వీడియోలు సృజనాత్మకంగా ఉండాలి గానీ.. ఇలా ఆటగాడి మనసును నొప్పించేలా ఉండకూడదు.డబ్బులు పెట్టి కొన్నారు కాబట్టి ఆటగాళ్లంతా తాము చెప్పినట్లు నడచుకోవాలనే లక్నో యాజమాన్యం అహంభావ వైఖరికి ఇది నిదర్శనం. గత సీజన్లో కేఎల్‌ రాహుల్‌ను అవమానించిన తీరును మేము ఇప్పటికీ మర్చిపోలేకపోతున్నాం. ఐపీఎల్‌లో ఇంతకంటే చెత్త ఫ్రాంఛైజీ మరొకటి లేదు’’ అంటూ తీవ్ర స్థాయిలో ట్రోల్‌ చేస్తున్నారు.రాహుల్‌ పట్ల అదే తీరుకాగా గతేడాది సన్‌రైజర్స్‌ హైదరాబాద్‌ చేతిలో ఓటమి తర్వాత లక్నో జట్టు యజమాని సంజీవ్‌ గోయెంకా.. అప్పటి తమ కెప్టెన్‌ కేఎల్‌ రాహుల్‌పై మైదానంలోనే అరిచేశాడు. అందుకు సంబంధించిన దృశ్యాలు విస్తృతంగా వైరల్‌ కాగా.. గోయెంకాపై తీవ్ర స్థాయిలో విమర్శలు వచ్చిన విషయం తెలిసిందే.ఇక ఈ పరిణామాల నేపథ్యంలో కేఎల్‌ రాహుల్‌ లక్నోను వీడి వేలంలోకి రాగా.. ఢిల్లీ క్యాపిటల్స్‌ కొనుగోలు చేసింది. మరోవైపు.. మరో టీమిండియా స్టార్‌ రిషభ్‌ పంత్‌ను రికార్డు స్థాయిలో రూ. 27 కోట్లకు కొన్న లక్నో.. కెప్టెన్‌గా అతడికి పగ్గాలు అప్పగించింది. చదవండి: నమ్మశక్యం కాని ఇన్నింగ్స్‌.. అతడి బ్యాటింగ్‌ అద్భుతం: కివీస్‌ కెప్టెన్‌Manifesting zero heartbreaks for Miller bhai this season 🤞 pic.twitter.com/4zd5FbtblW— Lucknow Super Giants (@LucknowIPL) March 20, 2025

ఐపీఎల్‌-2025 షెడ్యూల్‌లో స్వల్ప మార్పు చోటు చేసుకుంది. ఈడెన్ గార్డెన్స్ వేదికగా కోల్‌కతా నైట్ రైడర్స్-లక్నో సూపర్ జైయింట్స్ మధ్య ఏప్రిల్ 6న జరగాల్సిన మ్యాచ్‌ను గౌహతికి తరలించారు. అదే రోజు శ్రీ రామ నవమి ఉండటంతో భద్రత కల్పించలేమని కోల్‌కతా పోలీసులు బెంగాల్ క్రికెట్ అసోసియేషన్‌కు తెలియ‌జేశారు.ఈ విష‌యాన్ని ఐపీఎల్ గ‌వ‌ర్నింగ్ కౌన్సిల్‌తో బెంగాల్ క్రికెట్ బోర్డు చ‌ర్చింది. ఈ క్ర‌మంలోనే ఐపీఎల్ పాల‌క‌మండ‌లి వేదిక‌ను గౌహతికి మార్చింది.ఈ వేదిక మార్పును బీసీసీఐ కూడా ఆమోదించింది. కాగా రామ నవమి వేడుకల కారణంగా కోల్‌కతాలో ఐపీఎల్ మ్యాచ్‌లను రీ షెడ్యూల్ చేయడం ఇదేమి తొలిసారి కాదు. గ‌తేడాది కూడా ఏప్రిల్ 17న జ‌ర‌గాల్సిన కోల్‌క‌తా వేదిక‌గా కేకేఆర్‌-రాజస్తాన్ రాయల్స్ మధ్య జరగాల్సిన మ్యాచ్‌ను రామ నవమి కారణంగా.. ఒకరోజు ముందు (ఏప్రిల్ 16న) నిర్వహించారు.ఇందుకోసం మరో మ్యాచ్‌ను బీసీసీఐ రీ షెడ్యూల్ చేయాల్సి వచ్చింది. వాస్త‌వానికి గౌహ‌తిలోని అస్సాం క్రికెట్ అసోషియేష‌న్ స్టేడియం రాజ‌స్తాన్ రాయ‌ల్స్‌కు సెకెండ్ హోం గ్రౌండ్‌గా ఉంది. రాజ‌స్తాన్ టీమ్ ఈ వేదిక‌లో రెండు మ్యాచ్‌లు ఆడ‌నుంది. ఈ మైదానంలో రాజ‌స్తాన్ మార్చి 26న కేకేఆర్‌తో, మార్చి 30న చెన్నై సూప‌ర్‌కింగ్స్‌తో త‌ల‌ప‌డ‌నుంది.కాగా ఈ మెగా ఈవెంట్‌ మొత్తం 13 వేదికల్లో జరగనుంది. ఐపీఎల్‌-18వ సీజన్‌ మార్చి 22 నుంచి ప్రారంభం కానుంది. తొలి మ్యాచ్‌లో ఈడెన్‌గార్డెన్స్‌ వేదికగా రాయల్‌ ఛాలెంజర్స్‌ బెంగళూరు, కోల్‌కతా నైట్‌రైడర్స్‌ జట్లు తలపడనున్నాయి.చదవండి: CT 2025: ‘రూ. 739 కోట్ల నష్టం’.. పాక్‌ క్రికెట్‌ బోర్డు స్పందన ఇదే!

ఐపీఎల్‌-2025 ఆరంభానికి కేవ‌లం ఒక్క రోజు స‌మ‌యం మాత్ర‌మే మిగిలింది. మార్చి 22న ఈడెన్ గార్డెన్స్‌ కేకేఆర్‌-ఆర్సీబీ మ‌ధ్య జ‌ర‌గ‌నున్న మ్యాచ్‌తో ఈ మెగా ఈవెంట్‌కు తేర‌లేవ‌నుంది. ఈ క్ర‌మంలో మొత్తం ప‌ది ఫ్రాంచైజీలు గాయాల కార‌ణంగా దూర‌మైన ఆట‌గాళ్ల స్ధానాల‌ను భ‌ర్తీ చేసే ప‌నిలో ప‌డ్డాయి. లక్నో సూప‌ర్ జెయింట్స్ ఫ్రాంచైజీ టీమిండియా వెట‌ర‌న్ ఆల్‌రౌండ‌ర్ శార్దూల్ ఠాకూర్‌తో ఒప్పందం కుదుర్చుకున్న‌ట్లు తెలుస్తోంది. గాయం కార‌ణంగా ఈ ఏడాది సీజ‌న్‌కు దూర‌మైన ల‌క్నో పాస్ట్ బౌల‌ర్‌ మొహ్సిన్ ఖాన్ స్థానంలో శార్ధూల్‌ను తీసుకున్న‌ట్లు స‌మాచారం. ఇప్ప‌టికే శార్ధూల్ ఠాకూర్ వైజాగ్‌లో ఉన్న ల‌క్నో సూప‌ర్ జెయింట్స్ టీమ్‌తో క‌లిసిన‌ట్లు వార్త‌లు వినిపిస్తున్నాయి. ఈ టోర్నీలో ల‌క్నో సూప‌ర్ జెయింట్స్ త‌మ తొలి మ్యాచ్‌లో ఈ నెల 24న ఢిల్లీ క్యాపిట‌ల్స్‌తో ఆడనుంది. కాగా ఐపీఎల్‌-2025 మెగా వేలంలో శార్ధూల్ ఠాకూర్ అమ్ముడు పోలేదు. రూ. 2 కోట్ల బేస్‌ప్రైస్‌తో వేలంలోకి వ‌చ్చిన అత‌డిని ఏ ఫ్రాంచైజీ కొనుగోలు చేసేందుకు ఆస‌క్తి చూప‌లేదు.కానీ ఇప్పుడు మ‌రోసారి అత‌డికి ఐపీఎల్‌లో భాగ‌మ‌య్యే అవ‌కాశం ల‌క్నో జ‌ట్టు క‌ల్పించింది. కాగా శార్థూల్‌తో ఒప్పందంపై ల‌క్నో ఇంకా అధికారిక ప్ర‌క‌ట‌న చేయ‌లేదు. శార్ధూల్ ఇటీవ‌ల జ‌రిగిన హోలీ వేడుకల్లో ఢిల్లీ జట్టు సభ్యులతో క‌న్పించాడు.ఐపీఎల్‌లో అదుర్స్‌.. కాగా ఐపీఎల్‌లో శార్దూల్ ఠాకూర్ మంచి రికార్డు ఉంది. శార్థూల్ 2015లో పంజాబ్ కింగ్స్ త‌ర‌పున ఐపీఎల్ అరంగేట్రం చేశాడు. అప్ప‌టి నుంచి ఇప్ప‌టివ‌ర‌కు 95 మ్యాచ్‌లు ఆడిన లార్డ్ ఠాకూర్‌.. 307 పరుగులతో పాటు 94 వికెట్లు పడగొట్టాడు. 2017 నుంచి అత‌డు అన్ని ఐపీఎల్ సీజ‌న్ల‌లోనూ ఆడాడు. గ‌తేడాది మెగా వేలానికి ముందు సీఎస్‌కే అత‌డిని విడిచిపెట్టింది.వీక్‌గా పేస్ బౌలింగ్ యూనిట్‌..కాగా ల‌క్నో సూపర్ జెయింట్స్ పేస్ బౌలింగ్ విభాగం చాలా వీక్‌గా క‌న్పిస్తోంది. పేస్ అటాక్‌లో భాగంగా ఉన్న ఆకాష్ దీప్, అవేష్ ఖాన్, మయాంక్ యాదవ్ గాయాల‌తో పోరాడుతున్నారు. వీరూ ఇంకా ల‌క్నో జ‌ట్టుతో చేర‌లేదు. మోహ్షిన్ ఖాన్ అయితే పూర్తిగా ఈ ఏడాది సీజ‌న్‌కే దూర‌మ‌య్యాడు. ప్ర‌స్తుతం షెమార్ జోష‌ఫ్‌, ప్రిన్స్ యాద‌వ్‌, రాజవర్ధన్ హంగర్గేకర్ వంటి యువ పేస‌ర్ల ల‌క్నో జ‌ట్టులో ఉన్నారు. ఈ నేప‌థ్యంలో శార్థూల్ ఠాకూర్ ల‌క్నో జ‌ట్టుకు కీల‌కంగా మారే అవ‌కాశ‌ముంది.చదవండి: 'సెహ్వాగ్ నన్ను అవమానించాడు.. అందుకే మాట్లాడటం మానేశా'

అభిమానులు ఎప్పుడెప్పుడా అని ఎదురుచూస్తున్న మెగా క్రికెట్‌ టోర్నీ ఇండియన్‌ ప్రీమియర్‌ లీగ్‌ (IPL) వినోదం పంచేందుకు సిద్ధమైంది. రెండు నెలలకు పైగా నిర్విరామంగా క్రికెట్‌ ప్రేమికులకు పొట్టి క్రికెట్‌ మజా అందించనుంది. ఐపీఎల్‌-2025 మార్చి 22న మొదలై.. మే 25న ఫైనల్‌తో ముగియనుంది.గతేడాది.. కోల్‌కతా నైట్‌ రైడర్స్‌, సన్‌రైజర్స్‌ హైదరాబాద్‌ (Sunrisers Hyderabad), రాజస్తాన్‌ రాయల్స్‌, రాయల్‌ చాలెంజర్స్‌ బెంగళూరు, చెన్నై సూపర్‌ కింగ్స్‌, ఢిల్లీ క్యాపిటల్స్‌, లక్నో సూపర్‌ జెయింట్స్‌, గుజరాత్‌ టైటాన్స్‌, పంజాబ్‌ కింగ్స్‌, ముంబై ఇండియన్స్‌ పాయింట్ల పట్టికలో వరుసగా ఒకటి నుంచి పది స్థానాల్లో నిలిచిన విషయం తెలిసిందే.పది జట్లలో భారీ మార్పులువీటిలో కోల్‌కతా- హైదరాబాద్‌ ఫైనల్లో తలపడగా.. రైజర్స్‌పై నైట్‌ రైడర్స్‌ విజయం సాధించి చాంపియన్‌గా నిలిచింది. ఇక ఏడాది ఈ పది జట్లలో భారీ మార్పులు చోటుచేసుకున్నాయి. మెగా వేలం-2025 నేపథ్యంలో ఐదు జట్ల కెప్టెన్లూ మారారు. లక్నోకు రిషభ్‌ పంత్‌, పంజాబ్‌కు శ్రేయస్‌ అయ్యర్‌, ఢిల్లీకి అక్షర్‌ పటేల్‌, బెంగళూరుకు రజత్‌ పాటిదార్‌, కోల్‌కతాకు అజింక్య రహానే సారథులుగా నియమితులయ్యారు.అత్యధికంగా పదికి 9 పాయింట్లుఈ పరిణామాల నేపథ్యంలో ఇంగ్లండ్‌ మాజీ కెప్టెన్‌ మైకేల్‌ వాన్‌ ఐపీఎల్‌-2025లో పది జట్లకు తనదైన శైలిలో రేటింగ్‌ ఇచ్చాడు. అదే విధంగా.. ప్లే ఆఫ్స్‌ చేరే జట్లు, విజేతపై తన అంచనా తెలియజేశాడు. గుజరాత్‌ టైటాన్స్‌ జట్టుకు అత్యధికంగా పదికి 9 పాయింట్లు ఇచ్చిన మైకేల్‌ వాన్‌.. అతి తక్కువగా ఢిల్లీ క్యాపిటల్స్‌కు 5 పాయింట్లు వేశాడు.అయితే, గతేడాది పేలవ ప్రదర్శన కనబరిచిన పంజాబ్‌ కింగ్స్‌, లక్నో సూపర్‌ జెయింట్స్‌కు ఏడేసి పాయింట్లు ఇవ్వడం విశేషం. ఇక 2024లో పద్నాలుగింట కేవలం నాలుగే గెలిచి అట్టడుగున నిలిచిన ముంబై ఇండియన్స్‌కు ఏకంగా 7.5 రేటింగ్‌ ఇవ్వడం గమనార్హం. అన్ని జట్ల కంటే ఈసారి గుజరాత్‌ టైటాన్స్‌ గొప్పగా ఉందన్న మైకేల్‌ వాన్‌.. ఆ జట్టును తొమ్మిది పాయింట్లతో టాప్‌లో నిలిపాడు.ఇక గతేడాది ఫైనలిస్టు అయిన సన్‌రైజర్స్‌ హైదరాబాద్‌కు 6.5 పాయింట్లే ఇచ్చిన వాన్‌.. ఈసారి ఆ జట్టు ప్లే ఆఫ్స్‌ చేరే అవకాశాలు చాలా తక్కువని అభిప్రాయపడ్డాడు. నాలుగో స్థానం కోసం ఎస్‌ఆర్‌హెచ్‌.. పంజాబ్‌, లక్నోలతో పోటీ పడుతుందని అంచనా వేశాడు. ఈసారి ముంబై ఇండియన్స్‌ చాంపియన్‌గా నిలవడం ఖాయమని వాన్‌ జోస్యం చెప్పాడు. ఈ మేరకు క్రిక్‌బజ్‌తో తన అభిప్రాయాలు పంచుకున్నాడు.ఐపీఎల్‌-2025 జట్లకు మైకేల్‌ వాన్‌ ఇచ్చిన రేటింగ్‌(పది పాయింట్లకు)👉గుజరాత్‌ టైటాన్స్‌- 9👉కోల్‌కతా నైట్‌ రైడర్స్‌- 8👉లక్నో సూపర్‌ జెయింట్స్‌- 7👉పంజాబ్‌ కింగ్స్‌- 7👉సన్‌రైజర్స్‌ హైదరాబాద్‌- 6.5👉రాయల్‌ చాలెంజర్స్‌ బెంగళూరు- 6.5👉రాజస్తాన్‌ రాయల్స్‌- 6.5👉చెన్నై సూపర్‌ కింగ్స్‌- 6👉ఢిల్లీ ‍క్యాపిటల్స్‌- 5.మైకేల్‌ వాన్‌ ఎంచుకున్న టాప్‌-4 జట్లు(ప్లే ఆఫ్స్‌)గుజరాత్‌, కోల్‌కతా, ముంబై ఇండియన్స్‌ టాప్‌-3లో ఉండగా.. నాలుగో స్థానం కోసం లక్నో, పంజాబ్‌, సన్‌రైజర్స్‌ పోటీ.విజేతపై మైకేల్‌ వాన్‌ అంచనాఈసారి ముంబై ఇండియన్స్‌ ట్రోఫీ గెలిచే అవకాశం.చదవండి: CT 2025: టీమిండియాకు భారీ నజరానా ప్రకటించిన బీసీసీఐ

లక్నో సూపర్ జెయింట్స్ జట్టు ఇండియన్ ప్రీమియర్ లీగ్ (IPL) లో 2022లో అరంగేట్రం చేసింది. వరుసగా రెండు (2022, 2023) సీజన్లలో మూడో స్థానంలో నిలిచి.. ప్లే ఆఫ్స్‌ చేరింది. అయితే, గతేడాది మాత్రం లక్నోకు ఎదురు దెబ్బతగిలింది. తొలిసారిగా ఐపీఎల్లో లీగ్ దశ నుంచే నిష్క్రమించింది. ఏడు విజయాలు, ఏడు పరాజయాలతో 14 పాయింట్లతో ఏడవ స్థానంతో ముగించింది.ఈ నేపథ్యంలో 2025 సీజన్ కోసం జట్టులో భారీ మార్పులు చేపట్టింది. ఐపీఎల్ మెగా వేలం ఇందుకు అనువుగా ఉపయోగించుకుంది. విశాఖపట్నంలోని డాక్టర్ వై.ఎస్. రాజశేఖర రెడ్డి ఏసీఏ-విడిసిఏ క్రికెట్ స్టేడియంలో ఢిల్లీ క్యాపిటల్స్ మార్చి 24 (గురువారం)న ఢిల్లీ క్యాపిటల్స్ తో జరిగే మ్యాచ్ తో లక్నో సూపర్ జెయింట్స్ తన ఐపీఎల్ టైటిల్ వేట ప్రారంభిస్తుంది.భారీ మార్పులతో కొత్త సీజన్లోకి ప్రారంభంలో నికోలస్ పూరన్ (Nicholas Pooran), రవి బిష్ణోయ్, మయాంక్ యాదవ్, ఆయుష్ బదోని, మోసిన్ ఖాన్ వంటి ఆటగాళ్ళని రెటైన్ చేసుకుంది. అయితే అనూహ్యంగా కెప్టెన్ కేఎల్ రాహుల్‌ (KL Rahul)ను తప్పించాలని నిర్ణయించింది. రాహుల్ ఢిల్లీ క్యాపిటల్స్‌ జట్టులో చేరాడు. వేలంలో ఢిల్లీ క్యాపిటల్స్ విడుదల చేసిన భారత యువ వికెట్ కీపర్ రిషబ్ పంత్ (Rishabh Pant)ను రూ. 27 కోట్ల భారీ బిడ్‌తో కొనుగోలుచేసింది. ఇది ఐపీఎల్ చరిత్రలో నే అత్యంత ఖరీదైన ఒప్పందంగా రికార్డ్ నెలకొల్పింది.ఇంకా వేలంలో డేవిడ్ మిల్లర్, ఐడెన్ మార్క్రామ్ మరియు మిచెల్ మార్ష్ వంటి విదేశీ ఆటగాళ్ల ను జట్టులో చేర్చుకుంది. వీరు కాక అవేష్ ఖాన్, అబ్దుల్ సమద్, ఆర్యన్ జుయల్, ఆకాష్ దీప్ వంటి వారిని కూడా తీసుకున్నారు. విధ్వంసకర ఆటగాళ్లు.. ఫైనల్‌ చేరేనా?రిషబ్ పంత్‌తో పటు విధ్వంసకర ఆటగాళ్లుగా పేరుపొందిన మాథ్యూ బ్రీట్జ్కే, నికోలస్ పూరన్, డేవిడ్ మిల్లర్ వంటి ఆటగాళ్లు ఉన్నందున లక్నో జట్టు బ్యాటింగ్ ఫైర్ పవర్ పూర్తి స్థాయిలో ఉందని చెప్పవచ్చు.ఇంకా ఆల్ రౌండర్లు మిచెల్ మార్ష్, షాబాజ్ అహ్మద్ జట్టు కు సమతుల్యతను తెస్తారు. అవేష్ ఖాన్, మోసిన్ ఖాన్, రవి బిష్ణోయ్ నేతృత్వంలోని బౌలింగ్ యూనిట్ ఏ బ్యాటింగ్ లైనప్‌నైనా కూల్చివేసే సామర్థ్యాన్ని కలిగి ఉంది. ఈ భారీ మార్పులు తర్వాత ఇప్పుడు రిషబ్ పంత్ నాయకత్వంలో ఐపీఎల్ ఫైనల్‌కి చేరాలని లక్నో ఆశిస్తోంది.గంభీర్‌ వెళ్లిపోయిన తర్వాతఅలాగే, 2024 సీజన్ ప్రారంభంలో మెంటార్‌ గౌతమ్ గంభీర్ జట్టును విడిచిపెట్టి కోల్‌కతాలో చేరాడు. గంభీర్ రెండు సీజన్ లలో లక్నో జట్టుకు మెంటార్ గా పనిచేసాడు. ఇప్పుడు అతడి స్థానంలో దక్షిణాఫ్రికా లెజెండ్ లాన్స్ క్లూసెనర్‌ను అసిస్టెంట్ కోచ్‌గా చేర్చుకోవడం ద్వారా కోచింగ్ సిబ్బందిని బలోపేతం చేసింది. ఆస్ట్రేలియా మాజీ కెప్టెన్ జస్టిన్ లాంగర్ నాయకత్వంలో క్లూసెనర్ నైపుణ్యం ఉండటంతో, లక్నో చివరి అడ్డంకులను అధిగమించి రాబోయే సీజన్‌లో విజయం సాధించాలని లక్ష్యంగా పెట్టుకుంది.లక్నో సూపర్ జెయింట్స్ జట్టు లో ప్రధాన ఆటగాళ్లురిషబ్ పంత్లక్నో సూపర్ జెయింట్స్ బిడ్డింగ్ పోరులో విజయం సాధించి, రిషబ్ పంత్‌ను రూ. 27 కోట్లకు దక్కించుకుంది. ఈ చారిత్రాత్మక బిడ్‌లో గత రికార్డులన్నింటినీ బద్దలు కొట్టి, పంత్‌ను టోర్నమెంట్ చరిత్రలో అత్యంత ఖరీదైన ఆటగాడిగా నిలిపింది. పంత్ చేరికతో లక్నో వ్యూహం, స్వరూపం పూర్తిగా మారే అవకాశముంది.నికోలస్ పూరన్ఈ వెస్టిండీస్ వికెట్‌ కీపర్‌ బ్యాటర్‌ తన అసాధారణ ప్రతిభ తో మ్యాచ్ స్వరూపాన్ని మార్చేయగలడు. అందుకే లక్నో ఈ ఆటగాడ్ని వేలానికి ముందే రెటైన్ చేసుకుంది. 76 ఐపీఎల్ మ్యాచ్ లలో పూరన్ 160 కంటే ఎక్కువ స్ట్రైక్ రేట్ తో 1,769 పరుగులు చేశాడు, తొమ్మిది అర్ధ సెంచరీలు కూడా సాధించాడు. అతని అపార సామర్థ్యం కారణంగా జట్టులో కీలకమైన ఆటగాడనడంలో సందేహం లేదు.డేవిడ్ మిల్లర్మిడిల్ ఆర్డర్ లో బ్యాటింగ్ చేసే డేవిడ్ మిల్లర్ ఇప్పటికే మ్యాచ్ విన్నర్గా నిరూపించుకున్నాడు. డేవిడ్ మిల్లర్ 130 ఐపీఎల్ మ్యాచ్ లలో 13 అర్ధ సెంచరీలు, ఒక సెంచరీతో దాదాపు 140 స్ట్రైక్ రేట్ తో 2,924 పరుగులు చేశాడు.మయాంక్ యాదవ్మయాంక్ యాదవ్ బౌలింగ్లో లక్నోకి కీలకమైన ఆటగాడిగా ఉండే అవకాశముంది. లక్నో రూ. 11 కోట్లకు మయాంక్ యాదవ్ ను కొనుగోలు చేసింది. వేగం, వైవిధ్యం మయాంక్ సొత్తు. కొత్త బంతితో పాటు డెత్ బౌలింగ్‌లో కూడా మయాంక్ బాగా రాణించగలనని ఇప్పటికే నిరూపించాడు.ఆయుష్ బదోనిలక్నో జట్టుతో చేరినప్పటి నుంచి ఆయుష్ బదోని తన క్రికెట్ కెరీర్‌లో భారీ పురోగతి సాధించాడు. 25 ఏళ్ల ఈ స్టైలిష్ బ్యాటర్ 2022 సీజన్‌లో రెండు మ్యాచ్ విన్నింగ్ నాక్స్ ఆడటం ద్వారా ఫ్రాంచైజీపై తనదైన ముద్ర వేశాడు. అయితే, టోర్నమెంట్ కొనసాగే కొద్దీ అతని ఫామ్ క్షీణించింది. కొద్దిగా నిలకడ తగ్గినప్పటికీ లక్నో అతన్ని రెటైన్ చేయాలని నిర్ణయించింది.లక్నో సూపర్ జెయింట్స్ జట్టులక్నో సూపర్ జెయింట్స్ జట్టునికోలస్ పూరన్, రవి బిష్ణోయ్, మయాంక్ యాదవ్, మొసిన్ ఖాన్, ఆయుష్ బదోని, రిషబ్ పంత్, డేవిడ్ మిల్లర్, ఐడెన్ మార్క్రామ్, మిచెల్ మార్ష్, అవేష్ ఖాన్, అబ్దుల్ సమద్, ఆర్యన్ జుయల్, ఆకాష్ దీప్, హిమ్మత్ సింగ్, ఎం. సిద్ధార్థ్, దిగ్వేష్ సింగ్, ప్రిన్స్ యాదవ్‌, యువరాజ్ చౌదరి, రాజవర్ధన్ హంగర్గేకర్, షెహబాజ్‌ అహ్మద్‌, షమార్‌ జోసెఫ్‌, అర్షిన్ కులకర్ణి, మాథ్యూ బ్రీట్జ్కే. చదవండి: ముగ్గురు టీమిండియా కెప్టెన్లు.. అది నా అదృష్టం: హార్దిక్‌ పాండ్యా Never give up the superpower 👊 pic.twitter.com/NtahEerR2x— Lucknow Super Giants (@LucknowIPL) March 19, 2025

టీమిండియా వికెట్‌ కీపర్‌ బ్యాటర్‌ రిషబ్‌ పంత్‌ త్వరలో ప్రారంభం కానున్న ఐపీఎల్‌-2025 కోసం సన్నాహకాలు మొదలుపెట్టాడు. గత వారమంతా సోదరి వివాహ వేడుకలతో బిజీగా గడిపిన పంత్‌.. నిన్ననే తన కొత్త ఐపీఎల్‌ జట్టు లక్నో సూపర్‌ జెయింట్స్‌తో కలిశాడు. పంత్‌ను ఎల్‌ఎస్‌జీ మేనేజ్‌మెంట్‌ గతేడాది జరిగిన మెగా వేలంలో రికార్డు ధరకు (రూ. 27 కోట్లు) సొంతం చేసుకుంది. ఐపీఎల్‌ చరిత్రలో ఓ ఆటగాడికి లభించిన అత్యధిక ధర ఇదే. పంత్‌ను ఎల్‌ఎస్‌జీ యాజమాన్యం కెప్టెన్‌గా కూడా ఎంపిక చేసింది. గత సీజన్‌ వరకు కెప్టెన్‌గా ఉండిన కేఎల్‌ రాహుల్‌ను లక్నో యాజమాన్యం మెగా వేలానికి ముందు వదిలేసింది. రాహుల్‌ను వేలంలో ఢిల్లీ కొనుగోలు చేసింది. లక్నో.. ఐపీఎల్‌ 2025 సీజన్‌ను మార్చి 24న ఢిల్లీ క్యాపిటల్స్‌తో జరిగే మ్యాచ్‌తో మొదలుపెడుతుంది. ఈ మ్యాచ్‌ విశాఖలో జరుగనుంది.2022లో గుజరాత్‌తో పాటు ఐపీఎల్‌ అరంగేట్రం చేసిన లక్నో మూడు సీజన్లలో ఒక్క టైటిల్‌ కూడా గెలువలేదు. తొలి రెండు సీజన్లలో మూడో స్థానంలో సరిపెట్టుకున్న లక్నో.. గత సీజన్‌లో పేలవ ప్రదర్శన చేసి ఏడో స్థానంలో నిలిచింది. కొత్త కెప్టెన్‌ రిషబ్‌ పంత్‌ నాయకత్వంలో ఈ సారైనా టైటిల్‌ సాధించాలని లక్నో అభిమానులు కోరుకుంటున్నారు. మరి పంత్‌ లక్నో ఆశలను నిజం చేస్తాడో లేక నీరుగారుస్తాడో వేచి చూడాలి.Part-time wicketkeeper-batter. Full-time karaoke singer 🎤 pic.twitter.com/mFf2BC77e3— Lucknow Super Giants (@LucknowIPL) March 15, 2025ఇదిలా ఉంటే, పంత్‌కు సంబంధించిన వీడియో ఒకటి ప్రస్తుతం సోషల్‌మీడియాలో వైరలవుతుంది. ఈ వీడియోలో పంత్‌ పాకిస్తాన్‌ సూపర్‌ హిట్‌ పాట 'అఫ్సానే'ను పాడుతూ కనిపించాడు. పాకిస్తానీ బ్యాండ్‌ యంగ్‌ స్టన్నర్స్‌కు చెందిన ఈ పాటను పంత్‌ అద్భుతంగా పాడాడు. పంత్‌లో సింగింగ్‌ టాలెంట్‌ చూసి లక్నో మెంటార్‌ జహీర్‌ ఖాన్‌ షాక్‌కు గురయ్యాడు. పంత్‌ పాట పాడుతుండగా జహీర్‌ అతన్ని చూస్తూ ఉండిపోయాడు. దీనికి సంబంధించిన వీడియోను లక్నో సూపర్‌ జెయింట్స్‌ యాజమాన్యం తమ సోషల్‌మీడియా ఖాతాల్లో షేర్‌ చేసింది. ఈ వీడియోకు పార్ట్‌ టైమ్‌ వికెట్‌కీపర్‌ బ్యాటర్‌.. ఫుల్‌ టైమ్‌ కరావోకే సింగర్‌ అని క్యాప్షన్‌ ఇచ్చింది. ఈ వీడియోకు నెటిజన్ల నుంచి విపరీతమైన స్పందన వస్తుంది. పంత్‌ సింగింగ్‌ టాలెంట్‌కు జనాలు ముగ్దులవుతున్నారు. చిన్న పిల్లాడిలా, ఎప్పుడూ ఏదో ఒక కోతి పని చేస్తూ ఉండే పంత్‌లో ఇంత టాలెంట్‌ ఉందా అని ముక్కున వేలేసుకుంటున్నారు.కాగా, 27 ఏళ్ల పంత్‌ 2022వ సంవత్సరం చివర్లో కారు ప్రమాదానికి గురై తీవ్ర గాయాలపాలైన విషయం తెలిసిందే. ఈ ఘటనతో పంత్‌ కెరీర్‌ ముగుస్తుందని అంతా అనుకున్నారు. అయితే పంత్‌ మొక్కవోని మనో ధైర్యంతో గాయాలను జయించి పునర్జన్మ సాధించాడు. రీఎంట్రీలో పంత్‌ గతం కంటే మెరుగ్గా ఆడుతున్నాడు. గతేడాది ఐపీఎల్‌తో రీఎంట్రీ ఇచ్చిన పంత్‌.. ఆ సీజన్‌లో ఢిల్లీ తరఫున లీడింగ్‌ రన్‌స్కోరర్‌గా నిలిచాడు. అనంతరం పంత్‌ భారత జట్టుకు కూడా ఎంపికై టీ20 వరల్డ్‌కప్‌-2025, ఛాంపియన్స్‌ ట్రోఫీ-2025 గెలిచాడు.2016లో ఐపీఎల్‌ కెరీర్‌ ప్రారంభించిన పంత్‌.. వరుసగా ఎనిమిది సీజన్ల పాటు ఢిల్లీ క్యాపిటల్స్‌కు ఆడాడు. పంత్‌ ఐపీఎల్‌లో 111 మ్యాచ్‌లు ఆడి 148.93 స్ట్రయిక్‌రేట్తో3284 పరుగులు చేశాడు. ఇందులో సెంచరీ, 18 హాఫ్‌ సెంచరీలు ఉన్నాయి.2025 సీజన్‌లో లక్నో సూపర్‌ జెయింట్స్‌ జట్టు..రిషబ్‌ పంత్‌ (కెప్టెన్‌), డేవిడ్‌ మిల్లర్‌, హిమ్మత్‌ సింగ్‌, ఎయిడెన్‌ మార్క్రమ్‌, ఆయుశ్‌ బదోని, అబ్దుల్‌ సమద్‌, యువరాజ్‌ చౌదరీ, షాబాజ్‌ అహ్మద్‌, మిచెల్‌ మార్ష్‌, అర్శిన్‌ కులకర్ణి, ఆర్‌ఎస్‌ హంగార్గేకర్‌, మాథ్యూ బ్రీట్జ్కీ, నికోలస్‌ పూరన్‌, ఆర్యన్‌ జుయల్‌, రవి భిష్ణోయ్‌, మయాంక్‌ యాదవ్‌, ఆకాశ్‌దీప్‌, మణిమారన్‌ సిద్దార్థ్‌, షమార్‌ జోసఫ్‌, ఆవేశ్‌ ఖాన్‌, ప్రిన్స్‌ యాదవ్‌, మొహిసిన్‌ ఖాన్‌, ఆకాశ్‌ మహారాజ్‌ సింగ్‌, దిగ్వేశ్‌ రతీ

ఐపీఎల్-2025 సీజ‌న్‌కు ముందు ల‌క్నో సూపర్ జెయింట్స్‌కు గుడ్ న్యూస్ అందింది. వెన్ను నొప్పితో బాధపడుతున్న ఆస్ట్రేలియా టీ20 కెప్టెన్‌ మిచెల్ మార్ష్ త‌న గాయం నుంచి కోలుకున్నాడు. ఈ ఏడాది ఐపీఎల్ సీజన్‌లో ఆడేందుకు క్రికెట్ ఆస్ట్రేలియా వైద్య‌బృందం నుంచి మార్ష్‌ క్లియరెన్స్ పొందాడు. 33 ఏళ్ల మార్ష్ వెన్ను గాయం కార‌ణంగా ఛాంపియ‌న్స్ ట్రోఫీ-2025కు దూర‌మ‌య్యాడు.ఈ క్రమంలో నెల రోజుల పాటు ​‍క్రికెట్ ఆస్ట్రేలియా రిహాబిలిటేషన్ సెంటర్‌లో గడిపిన మార్ష్ తిరిగి తన ఫిట్‌నెస్‌ను పొందాడు. అయితే మార్ష్ ఈ ఏడాది సీజన్‌లో కేవలం స్పెషలిస్టు బ్యాటర్‌గానే ఆడనున్నాడు. క్రికెట్ ఆస్ట్రేలియా వైద్య బృందం సూచనల మేరకు కొన్నాళ్లపాటు మార్ష్ బౌలింగ్‌కు దూరంగా ఉండనున్నాడు.బౌలింగ్‌ చేసే క్రమంలో వెన్నెముకపై ఎక్కువగా ఒత్తిడి పడే అవకాశమున్నందన బౌలింగ్‌కు దూరంగా ఉండాలని వైద్యలు సూచించినట్లు ఈఎస్పీఎన్‌ తమ రిపోర్ట్‌లో పేర్కొన్నారు. అతడిని లక్నో ఇంపాక్ట్‌ ప్లేయర్‌గా ఉపయెగించుకునే అవకాశముంది.కాగా ఐపీఎల్‌-2025 మెగా వేలంలో మార్ష్‌ను రూ.3.3 కోట్ల‌కు ల‌క్నో కొనుగోలు చేసింది. త్వరలోనే లక్నో జట్టుతో మార్ష్‌ కలవనున్నాడు. కెప్టెన్ రిష‌బ్ పంత్‌, నికోల‌స్ పూర‌న్, మిల్ల‌ర్‌ వంటి విధ్వంస‌క‌ర ఆట‌గాళ్ల‌తో మార్ష్ ఆడ‌నున్నాడు. గ‌త రెండు సీజ‌న్ల‌లో మార్ష్‌ ఢిల్లీ క్యాపిట‌ల్స్‌కు ప్రాతినిథ్యం వ‌హించాడు. మెగా వేలానికి ముందు అత‌డిని ఢిల్లీ విడిచిపెట్టింది.ఇక ఐపీఎల్‌-18 సీజ‌న్ మార్చి 22 నుంచి ప్రారంభం కానుంది. తొలి మ్యాచ్‌లో ఈడెన్ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌,రాయ‌ల్ ఛాలెంజ‌ర్స్ బెంగ‌ళూరు జ‌ట్లు త‌ల‌ప‌డ‌నున్నాయి. లక్నో సూపర్‌ జెయింట్స్‌ తమ మొదటి మ్యాచ్‌లో మార్చి 24న ఢిల్లీ క్యాపిటల్స్‌తో అమీతుమీ తెల్చుకోనుంది. ఇక మార్ష్‌తో పాటు సన్‌రైజర్స్‌ కెప్టెన్‌ ప్యాట్‌ కమ్మిన్స్‌, మిచెల్‌ స్టార్క్‌, జోష్‌ హాజిల్‌వుడ్‌ సైతం పూర్తి ఫిట్‌నెస్‌ సాధించారు. త్వరలోనే ఈ ఆసీస్‌ ఆటగాళ్లు తమ ప్రాతినిథ్యం వహిస్తున్న జట్లతో కలవనున్నారు. ఐపీఎల్‌-2025కు లక్నో సూపర్ జెయింట్స్ టీమ్:డేవిడ్ మిల్లర్, ఎయిడెన్ మార్క్‌రమ్, హిమ్మత్ సింగ్, ఆయుష్ బదోని, నికోలస్ పూరన్, రిషభ్ పంత్(కెప్టెన్), మాథ్యూ బ్రీట్జ్కీ, ఆర్యన్ జుయల్, మిచెల్ మార్ష్, షాబాజ్ అహ్మద్, యువరాజ్ చౌదరీ, అబ్దుల్ సమద్, రాజవర్దన్ హంగార్గేకర్, అర్శిన్ కులకర్ణి, ఆవేశ్ ఖాన్, ఆకాశ్ దీప్, ప్రిన్స్ యాదవ్, మొహిసిన్ ఖాన్, షమార్ జోసఫ్, ఆకాశ్ సింగ్, మయాంక్ యాదవ్, మణిమారన్ సిద్దార్థ్, దిగ్వేశ్ సింగ్, రవి బిష్ణోయ్.చదవండి: IPL 2025: ముంబై ఇండియ‌న్స్ కీల‌క నిర్ణ‌యం.. ఐపీఎల్ చ‌రిత్ర‌లో తొలిసారి

ఐపీఎల్‌-2025 ప్రారంభానికి ముందు లక్నో సూపర్‌ జెయింట్స్‌కు భారీ షాక్‌ తగిలింది. రూ. 11 కోట్లు పెట్టి రీటైన్‌ చేసుకున్న ఫాస్ట్‌ బౌలర్‌ మయాంక్‌ యాదవ్‌ లీగ్‌ ఫస్ట్‌ హాఫ్‌కు దూరం కానున్నాడు. గతేడాది టీమిండియా అరంగేట్రం​ సందర్భంగా గాయపడిన మాయంక్‌ ఇంకా కోలుకోలేదు. ప్రస్తుతం అతను బెంగళూరులోని బీసీసీఐ సెంటర్‌ ఆఫ్‌ ఎక్సెలెన్స్‌లో రిహాబ్‌లో ఉన్నాడు. బీసీసీఐ మయాంక్‌ గాయానికి సంబంధించి ఇప్పటివరకు ఎలాంటి అప్‌డేట్‌ ఇవ్వలేదు. ఐపీఎల్‌-2025 సెకండాఫ్‌ సమయానికి మయాంక్‌ కోలుకుని అవకాశం ఉందని తెలుస్తుంది. లీగ్‌ ఫస్ట్‌ హాఫ్‌లో మయాంక్‌ లేకపోవడం ఎల్‌ఎస్‌జీకి పెద్ద ఎదురుదెబ్బ అవుతుంది.మయాంక్‌ గతేడాది ఐపీఎల్‌ సందర్భంగా స్థిరంగా 150 కిమీలకు పైగా వేగంతో బంతులు సంధించి వెలుగులోకి వచ్చాడు. ఈ ప్రదర్శన కారణంగా అతను గతేడాది అక్టోబర్‌లో బంగ్లాదేశ్‌తో జరిగిన టీ20 సిరీస్‌కు (టీమిండియాకు) ఎంపికయ్యాడు. ఈ సిరీస్‌లో మయాంక్‌ అద్భుతంగా బౌలింగ్‌ చేసినప్పటికీ అనుకోని గాయం అతన్ని 6 నెలలకు పైగా క్రికెట్‌కు దూరం చేసింది. బంగ్లాతో జరిగిన టీ20 సిరీస్‌లో మయాంక్‌ అదే స్థిరమైన వేగంతో (150 కిమీ పైగా) బౌలింగ్‌ చేసి 3 మ్యాచ్‌ల్లో 4 వికెట్లు పడగొట్టాడు.టీమిండియాకు మరో నాణ్యమైన ఫాస్ట్‌ బౌలర్‌ దొరికాడని అనుకునే లోపే మయాంక్‌ గాయపడ్డాడు. మయాంక్‌ గతేడాది ఐపీఎల్‌లో సూపర్‌ ఫాస్ట్‌ బౌలింగ్‌తో ప్రత్యర్థులకు దడ పుట్టించాడు. ఆ సీజన్‌లో అతను 4 మ్యాచ్‌ల్లో 7 వికెట్లు తీసి లక్నో విజయాల్లో కీలకపాత్ర పోషించాడు. లక్నో గతేడాది కేఎల్‌ రాహుల్‌ సారథ్యంలో 14 మ్యాచ్‌ల్లో 7 విజయాలు సాధించి ఏడో స్థానంతో సరిపెట్టుకుంది. గత చేదు అనుభవాల దృష్ట్యా లక్నో ఈసారి జట్టు మొత్తాన్ని ప్రక్షాళన చేసింది. లక్నో తమ నూతన కెప్టెన్‌గా రిషబ్‌ పంత్‌ను ఎంపిక చేసుకుంది. ఈ ఏడాది లక్నో జట్టులో విధ్వంకర బ్యాటర్లు మార్క్రమ్‌, డేవిడ్‌ మిల్లర్‌, మిచెల్‌ మార్ష్‌ చేరారు. 2025 సీజన్‌లో లక్నో తమ ప్రయాణాన్ని మార్చి 24 నుంచి ప్రారంభిస్తుంది. లక్నో తమ తొలి మ్యాచ్‌లో ఢిల్లీ క్యాపిటల్స్‌ను ఢీకొంటుంది. ఈ మ్యాచ్‌ వైజాగ్‌లో జరుగనుంది. ఈ ఏడాది ఐపీఎల్‌ మార్చి 22 నుంచి ప్రారంభం కానున్న విషయం తెలిసిందే. తొలి మ్యాచ్‌లో డిఫెండింగ్‌ ఛాంపియన్ కేకేఆర్ ఆర్సీబీతో తలపడుతుంది. ఈ మ్యాచ్‌ కోల్‌కతాలో జరుగనుంది. కాగా, 2022లో గుజరాత్‌ టైటాన్స్‌తో కలిసి ఐపీఎల్‌ అరంగేట్రం చేసిన లక్నో సూపర్‌ జెయింట్స్‌ ఇప్పటివరకు ఆడిన 3 సీజన్లలో ఒక్కసారి కూడా టైటిల్‌ గెలవలేదు. 2022, 2023 సీజన్లలో మూడో స్థానంలో నిలిచిన ఈ జట్టు.. గత సీజన్‌తో అడపాదడపా ప్రదర్శనలతో ఏడో స్థానంతో సరిపెట్టుకుంది.2025 సీజన్‌ కోసం లక్నో సూపర్‌ జెయింట్స్‌ జట్టు..డేవిడ్‌ మిల్లర్‌, ఎయిడెన్‌ మార్క్రమ్‌, హిమ్మత్‌ సింగ్‌, ఆయుశ్‌ బదోని, నికోలస్‌ పూరన్‌, రిషబ్‌ పంత్‌ (కెప్టెన్‌), మాథ్యూ బ్రీట్జ్కీ, ఆర్యన్‌ జుయల్‌, మిచెల్‌ మార్ష్‌, షాబాజ్‌ అహ్మద్‌, యువరాజ్‌ చౌదరీ, అబ్దుల్‌ సమద్‌, రాజవర్దన్‌ హంగార్గేకర్‌, అర్శిన్‌ కులకర్ణి, ఆవేశ్‌ ఖాన్‌, ఆకాశ్‌దీప్‌, ప్రిన్స్‌ యాదవ్‌, మొహిసిన్‌ ఖాన్‌, షమార్‌ జోసఫ్‌, ఆకాశ్‌ సింగ్‌, మయాంక్‌ యాదవ్‌, మణిమారన్‌ సిద్దార్థ్‌, దిగ్వేశ్‌ సింగ్‌, రవి బిష్ణోయ్‌సపోర్ట్‌ స్టాఫ్‌..హెడ్‌ కోచ్‌- జస్టిన్‌ లాంగర్‌మెంటార్‌- జహీర్‌ ఖాన్‌అసిస్టెంట్‌ కోచ్‌- విజయ్‌ దాహియాడైరెక్టర్‌ ఆఫ్‌ టాలెంట్‌ సెర్చ్‌- ఎంఎస్‌కే ప్రసాద్‌క్రికెట్‌ కన్సల్టెంట్‌- ఆడమ్‌ వోగ్స్‌స్పిన్‌ బౌలింగ్‌ కన్సల్టెంట్‌- ప్రవీణ్‌ తాంబేఫీల్డింగ్‌ కోచ్‌- జాంటీ రోడ్స్‌

ఇండియన్ ప్రీమియర్ లీగ్ (ఐపీఎల్) ప్రారంభం నుంచి భారత్ క్రికెట్ కంట్రోల్ బోర్డుకు లాభాల పంట పండిస్తోంది. అందుకే ఐపీఎల్ ఫ్రాంచైజీల కోసం బడా వ్యాపారవేత్తలు అప్పట్లో ఎగబడ్డారు. ఇప్పుడు ఐపీఎల్ ఫ్రాంచైజీలు తమ వ్యాపారాన్ని విదేశాలకు కూడా విస్తరిస్తున్నారు. వివిధ దేశాల్లో నిర్వహిస్తున్న ఐపీఎల్ తరహా టోర్నమెంట్‌లలో పెట్టుబడులు పెట్టేందుకు క్యూ లు కడుతున్నారు. తాజాగా ఐపీఎల్‌లో హైదరాబాద్ వేదికగా పోటీ పడుతున్న సన్‌రైజర్స్ హైదరాబాద్ జట్టు ఇంగ్లాండ్ అండ్ వేల్స్ క్రికెట్ బోర్డు నిర్వహిస్తున్న 'ది హండ్రెడ్' టోర్నమెట్‌లోకి రంగ ప్రవేశం చేసింది.మూడో ఐపీఎల్ ఫ్రాంచైజీబుధవారం నార్తర్న్ సూపర్‌చార్జర్స్‌ను కొనుగోలు కోసం నిర్వహించిన వేలంలో కళానిధి మారన్ యాజమాన్యంలోని సన్ గ్రూప్ పాల్గొని మొత్తం వంద శాతం వాటాను కొనుగోలు చేసింది. ఇంగ్లాండ్ క్రికెట్ బోర్డు యొక్క 49 శాతం వాటాను, ఈ క్లబ్ నిర్వాహకులైన యార్క్‌షైర్ యొక్క 51 శాతం వాటాను కొనుగోలు చేయడానికి అంగీకారాన్ని పొందింది. దీంతో 'ది హండ్రెడ్' టోర్నమెంట్ లో 100% వాటాను పొందిన తొలి ఫ్రాంచైజ్ గా నిలిచింది. ఈ టోర్నమెంట్ లో వాటాలు చేజిక్కించుకున్న ఇండియన్ ప్రీమియర్ లీగ్ ఫ్రాంచైజీ లలో సన్‌రైజర్స్ హైదరాబాద్ మూడో ఫ్రాంచైజీ కావడం విశేషం. సూపర్‌చార్జర్స్ కొనుగోలు కోసం సన్ గ్రూప్ ఏకంగా 100 మిలియన్ పౌండ్లు వెచ్చించినట్టు తెలుస్తోంది. నాలుగో స్థానంలో సూపర్‌చార్జర్స్యార్క్‌షైర్‌కు వేదికగా పోటీ పడుతున్న సూపర్‌చార్జర్స్ గత సీజన్‌లో పురుషులు మరియు మహిళల టోర్నమెంట్లలో నాలుగో స్థానంలో నిలిచింది. సూపర్‌చార్జర్స్ పురుషుల జట్టుకు ఇంగ్లాండ్ మాజీ ఆల్ రౌండర్ ఆండ్రూ ఫ్లింటాఫ్ కోచ్‌గా వ్యవహరిస్తున్నాడు. ప్రస్తుత ఇంగ్లాండ్ జట్లు లో సభ్యుడైన హ్యారీ బ్రూక్ ఈ జట్టుకు కెప్టెన్‌గా ఉన్నాడు.లక్నో సూపర్ జెయింట్స్ నిర్వాహకులైన ఆర్ పి ఎస్ జి గ్రూప్, ముంబై ఇండియన్స్ నిర్వాహకులైన రిలయన్స్ ఇండస్ట్రీస్ లిమిటెడ్ 'ది హండ్రెడ్' టోర్నమెంట్ లో పోటీ పడుతున్న జట్ల స్టాక్‌లను కొనుగోలు చేసిన కొన్ని రోజుల తర్వాత సన్ గ్రూప్ కూడా ఈ టోర్నమెంట్ లో పెట్టుబడి పెట్టింది.ప్రారంభంలో లండన్ స్పిరిట్‌ కొనుగోలు హక్కులను దక్కించుకోవడంలో విఫలమైన ఆర్ పి ఎస్ జి గ్రూప్ తర్వాత మాంచెస్టర్ ఒరిజినల్స్‌లో వాటాను కొనుగోలు చేసింది. రాబోయే రోజుల్లో ది హండ్రెడ్‌లో మరో ఐపీఎల్ క్లబ్ కూడా పెట్టుబడి పెట్టే అవకాశం ఉందని మార్కెట్ వర్గాల కథనం.మొదటి స్థానంలో చెన్నై సూపర్ కింగ్స్ టాటా గ్రూప్ 2024-2028 సంవత్సరానికి ఐపీఎల్ టైటిల్ స్పాన్సర్‌షిప్‌ను దాదాపు 2,500 కోట్ల డాలర్లకు కొనుగోలు చేసింది. ఇది మునుపటి ఒప్పందం కంటే దాదాపు 50 శాతం అధికం. ఇక ఐపీఎల్ ఫ్రాంచైజీల విషయానికొస్తే, 231.0 మిలియన్ డాలర్లతో చెన్నై సూపర్ కింగ్స్ అత్యంత విలువైన ఫ్రాంచైజీ గా కొనసాగుతోంది. గత సంవత్సరం ఈ క్లబ్ తొమ్మిది శాతం వృద్ధి రేటు ని సాధించింది. రాయల్ ఛాలెంజర్స్ బెంగళూరు 227.0 మిలియన్ డాలర్లతో రెండవ స్థానంలో ఉంది. గత సంవత్సరం ఐపీఎల్ విజేత అయిన కోల్‌కతా నైట్ రైడర్స్ వ్యాపార వృద్ధి లో 19.3 శాతం పెరుగుదలతో మొదటి స్థానాన్ని ఆక్రమించింది. ముంబై ఇండియన్స్ 204.0 మిలియన్ డాలర్లతో బ్రాండ్ విలువతో నాలుగో స్థానంలో ఉంది. తరువాత సన్‌రైజర్స్ హైదరాబాద్ (132 మిలియన్ డాలర్లు), రాజస్థాన్ రాయల్స్ (113 మిలియన్ డాలర్లు) ఉన్నాయి.లాభాల పంటవాణిజ్య ప్రకటనల ద్వారా ఐపీఎల్ ఫ్రాంచైజీలు విపరీతంగా లాభాలు ఆర్జిస్తున్నాయి. దాదాపు ప్రతి జట్టుకు 5 మిలియన్ డాలర్ల నుండి 12 మిలియన్ డాలర్ల వరకు స్పాన్సర్‌షిప్ ఆదాయం లభించడమే కాక టెలివిజన్ హక్కుల ద్వారా కూడా గణనీయమైన ఆదాయం సంపాదిస్తున్నట్లు తెలుస్తోంది. రాయల్ ఛాలెంజర్స్ బెంగళూరుతో మూడేళ్ల ఒప్పందం కోసం ఖతార్ ఎయిర్‌వేస్ దాదాపు 175 కోట్ల రూపాయలతో ఒప్పందం ఖరారు చేసుకుందంటే ఐపీఎల్ ఫ్రాంచైజీల ఆదాయం ఏ స్థాయిలో ఉందో అర్థంచేసుకోవచ్చు.

ఐపీఎల్‌ (IPL) టీమ్‌ లక్నో సూపర్‌ జెయింట్స్‌ (Lucknow Super Giants) మరో క్రికెట్‌ లీగ్‌లోకి అడుగుపెట్టింది. ఎల్‌ఎస్‌జీ యాజమాన్యం హండ్రెడ్‌ లీగ్‌లోని (The Hundred League) మాంచెస్టర్‌ ఒరిజినల్స్‌ (ఇంగ్లండ్‌) ఫ్రాంచైజీని కళ్లు చెదిరే ధర వెచ్చించి సొంతం చేసుకుంది. ఫ్రాంచైజీ మొత్తం విలువలో 49 శాతాన్ని ఎల్‌ఎస్‌జీ యాజమాన్యమైన RPSG గ్రూప్‌ దక్కించుకుంది. భారత కరెన్సీలో ఈ వాటా విలువ రూ. 1251 కోట్లు. మాంచెస్టర్‌ ఒరిజినల్స్‌లో (Manchester Originals) వాటా దక్కించుకున్న విషయాన్ని RPSG గ్రూప్‌ అధినేత సంజీవ్‌ గొయెంకా వెల్లడించారు. తొలుత ఎల్‌ఎస్‌జీ యాజమాన్యం హండ్రెడ్‌ లీగ్‌లోని మరో ఫ్రాంచైజీ (లండన్‌ స్పిరిట్‌) కోసం బిడ్‌ దాఖలు చేసింది. అయితే ఆ ప్రయత్నాలు ఫలించలేదు. అంతిమంగా RPSG గ్రూప్‌ మాంచెస్టర్‌ ఒరిజినల్స్‌లో వాటా దక్కించుకుంది. RPSG గ్రూప్‌తో జత కట్టడంపై మాంచెస్టర్ యాజమాన్యం లంకాషైర్ సంతోషం వ్యక్తం చేసింది. ఈ డీల్‌లో టర్మ్స్‌ అండ్‌ కండీషన్స్‌పై తదుపరి 8 వారాల్లో చర్చిస్తామని పేర్కొంది.కాగా, ఇటీవలే హండ్రెడ్‌ లీగ్‌లోకి మరో ఐపీఎల్‌ ఫ్రాంచైజీ కూడా అడుగుపెట్టింది. ఐదు సార్లు ఐపీఎల్‌ ఛాంపియన్‌ అయిన ముంబై ఇండియన్స్‌ (అంబానీ గ్రూప్‌).. ఓవల్ ఇన్విన్సిబుల్స్‌ ఫ్రాంచైజీని భారీ ధరకు కొనుగోలు చేసింది. మరో రెండు ఐపీఎల్‌ ఫ్రాంచైజీలు సన్‌రైజర్స్‌ హైదరాబాద్‌, ఢిల్లీ క్యాపిటల్స్‌ కూడా హండ్రెడ్‌ లీగ్‌లో ఫ్రాంచైజీలను కొనుగోలు చేసేందుకు ఆసక్తి చూపుతున్నాయి. ఎస్‌ఆర్‌హెచ్‌కు చెందిన సన్‌ గ్రూప్‌.. నార్త్రన్‌ సూపర్ ఛార్జర్స్, ట్రెంట్ రాకెట్స్‌ను కొనుగోలు చేయాలని చూస్తుండగా.. ఢిల్లీ క్యాపిటల్స్ సహ యజమాని అయిన జీఎమ్ఆర్ గ్రూప్ సథరన్‌ బ్రేవ్‌లో వాటాను దక్కించుకునేందుకు ఆసక్తి కనబరుస్తుంది.అప్పట్లో రైజింగ్‌ పూణే సూపర్‌ జెయింట్స్‌..లక్నో సూపర్‌ జెయింట్స్‌ యాజమాన్యం 2016లో రైజింగ్‌ పూణే సూపర్‌ జెయింట్స్‌ ఫ్రాంచైజీని కొనుగోలు చేసిన విషయం తెలిసిందే. అయితే ప్రస్తుతం ఆ ఫ్రాంచైజీ తెరమరుగైంది. రైజింగ్‌ పూణే సూపర్‌ జెయింట్స్‌కు ఎంఎస్‌ ధోని సారధిగా వ్యవహరించాడు. 2021లో సంజీవ్ గొయెంకాకు చెందిన RPSG గ్రూప్.. లక్నో సూపర్ జెయింట్స్‌ను రూ. 7090 కోట్లకు కొనుగోలు చేసింది. 2023లో RPSG గ్రూప్.. సౌతాఫ్రికా టీ20 లీగ్‌లో (SA20) డర్బన్ సూపర్‌ జెయింట్స్‌ ఫ్రాంఛైజీని కూడా కొనుగోలు చేసింది.

ఐసీసీ ఛాంపియ‌న్స్ ట్రోఫీ-2025(Champions Trophy 2025)కి ముందు ఆస్ట్రేలియాకు ఊహించని ఎదురు దెబ్బ త‌గిలింది. ఆ జ‌ట్టు స్టార్ ఆల్‌రౌండ‌ర్ మిచెల్ మార్ష్(Mitchell Marsh) వెన్ను గాయం కార‌ణంగా ఈ ఐసీసీ మెగా టోర్నీకి దూర‌మయ్యాడు. ఈ విష‌యాన్ని క్రికెట్ ఆస్ట్రేలియా ధృవీకరించింది. ఛాంపియ‌న్స్ ట్రోఫీకి ఆసీస్ సెల‌క్ట‌ర్లు ఎంపిక చేసిన జ‌ట్టులో మార్ష్‌కు చోటు ద‌క్కింది. ఇప్పుడు అత‌డి స్ధానాన్ని మ‌రో ఆల్‌రౌండ‌ర్‌తో సెల‌క్ట‌ర్లు భ‌ర్తీ చేయ‌నున్నారు.స్వ‌దేశంలో భార‌త్‌తో జ‌రిగిన టెస్టు సిరీస్ ఆరంభంలోనే త‌ను వెన్ను నొప్పితో బాధ‌ప‌డుతున్నాని క్రికెట్ ఆస్ట్రేలియాకు మార్ష్ తెలియ‌జేశాడు. దీంతో అతడిపై ఎక్కువ బౌలింగ్ లోడ్‌ను టీమ్ మెనెజ్‌మెంట్ ఉంచ‌లేదు. అటు బౌలింగ్‌లోనూ, ఇటు బ్యాటింగ్‌లోనూ మార్ష్ తీవ్ర నిరాశ‌ప‌రిచాడు.బోర్డర్-గవాస్కర్ ట్రోఫీలో ఏడు ఇన్నింగ్స్‌లలో కేవలం 73 పరుగులు చేశాడు. దీంతో సిడ్నీ వేదిక‌గా జ‌రిగిన ఆఖ‌రి టెస్టుకు టీమ్ మెనెజ్‌మెంట్ అత‌డిపై వేటు వేసింది. అత‌డి స్ధానంలో బ్యూ వెబ్‌స్టార్‌కు చోటు ఇచ్చాడు. ఈ టాల్ ఆల్‌రౌండ‌ర్ త‌న అరంగేట్రంలోనే ఆక‌ట్టుకున్నాడు. ఆ త‌ర్వాత బిగ్‌బాష్‌లోకి వెళ్లిన మార్ష్ కేవ‌లం ఒకే ఒక మ్యాచ్ ఆడాడు.ఛాంపియన్స్ ట్రోఫీకి ముందు కోలుకోవడానికి బిగ్‌బాష్ లీగ్ చివరి మూడు మ్యాచ్‌ల‌ను మార్ష్ దాటేశాడు. అయిన‌ప్ప‌టికి అత‌డు పూర్తి ఫిట్‌నెస్ సాధించడంలో విఫలమయ్యాడు. ఈ క్రమంలోనే అతడు ఛాంపియన్స్ ట్రోఫీ మొత్తానికి దూరమయ్యాడు."మిచెల్ మార్ష్ వెన్ను నొప్పి కారణంగా ఛాంపియన్స్ ట్రోఫీ జట్టు నుంచి తొలగించబడ్డాడు. ఇటీవల కాలంలో అతడి నడుము నొప్పి మరింత ఎక్కువైంది. దీంతో అతడిని జట్టు నుంచి తప్పించాలని ఆస్ట్రేలియా సెలక్షన్ ప్యానల్ నిర్ణయించింది. అతడు కోలుకోవడానికి కొన్ని వారాల సమయం పట్టనున్నట్లు" క్రికెట్ ఆస్ట్రేలియా ఓ ప్రకటనలో పేర్కొంది.కాగా మార్ష్‌​ ఐపీఎల్‌​ ఫస్ట్‌హాఫ్‌కు కూడా దూరమయ్యే సూచనలు కన్పిస్తున్నాయి. ఐపీఎల్‌-2025 మెగా వేలంలో లక్నో సూపర్ జెయింట్స్ అతడిని రూ.3.4 కోట్లకు కొనుగోలు చేసింది. ఇక ఛాంపియన్స్ ట్రోఫీ 2025 ఫిబ్రవరి 19 నుంచి ప్రారంభం కానుంది. కాగా మార్ష్ స్ధానాన్ని వెబ్‌స్టెర్‌తో భ‌ర్తీ చేసే అవ‌కాశ‌ముంది.ఛాంపియన్స్‌ ట్రోఫీకి ఆసీస్‌ జట్టు: పాట్ కమ్మిన్స్ (కెప్టెన్‌), అలెక్స్ కారీ, నాథన్ ఎల్లిస్, ఆరోన్ హార్డీ, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, మార్నస్ లాబుషేన్‌, గ్లెన్ మాక్స్‌వెల్, మాట్ షార్ట్, స్టీవ్ స్మిత్, మిచెల్ స్టార్క్, మార్కస్ స్టోయినిస్, ఆడమ్ జాంపాచదవండి: Virat Kohli: పన్నెండేళ్ల తర్వాత రీఎంట్రీ.. క్లీన్‌బౌల్డ్‌! దారుణ వైఫల్యం

ఐపీఎల్‌-2025 సీజ‌న్‌కు ముందు ల‌క్నో సూప‌ర్ జెయింట్స్ కీల‌క నిర్ణ‌యం తీసుకుంది. త‌మ జ‌ట్టు కెప్టెన్‌గా స్టార్ వికెట్ కీప‌ర్ బ్యాట‌ర్ రిష‌బ్ పంత్‌(Rishabh Pant)ను ల‌క్నో ఫ్రాంచైజీ నియ‌మించింది. ఈ విష‌యాన్ని ల‌క్నో సూప‌ర్ జెయింట్స్ యజమాని సంజీవ్‌ గోయెంకా ధ్రువీకరించారు. ఐపీఎల్‌లో అత్యంత ఖరీదైన ఆటగాడిగా మాత్రమే కాకుండా, అత్యుత్తమ కెప్టెన్‌గా కూడా పంత్ ఎదుగుతాడని గోయెంకా ఆశాభావం వ్యక్తం చేశారు.రికార్డు ధర.. జెడ్డా వేదికగా జరిగిన ఐపీఎల్‌-2025(IPL 2025) మెగా వేలంలో రిషబ్ పంత్‌ను రూ. 27 కోట్ల రికార్డు ధరకు కొనుగోలు చేసింది. తద్వారా ఐపీఎల్‌ చరిత్రలో అత్యంత ఖరీదైన ఆటగాడిగా పంత్‌ రికార్డులకెక్కాడు. వేలంలో తొలుత సన్‌రైజర్స్‌ హైదరాబాద్‌తో పోటీ పడిన సూపర్‌ జెయింట్స్‌.. రైట్ టూ మ్యాచ్ కార్డును ఢిల్లీ క్యాపిటల్స్ నుంచి ఎదుర్కొని మరీ పంత్‌ను సొంతం చేసుకుంది.కాగా లక్నో సూపర్ జెయింట్స్ ఐపీఎల్‌-2021 సీజ‌న్‌తో ఈ క్యాష్ రిచ్ లీగ్‌లో అడుగు పెట్టింది. గ‌త మూడు సీజ‌న్ల‌లో కేఎల్ రాహుల్ సార‌థ్యంలో లక్నో మెరుగైన ప్ర‌ద‌ర్శ‌న క‌న‌బ‌రిచింది. రెండు సార్లు ప్లే ఆఫ్స్‌లో అడుగు పెట్టిన‌ప్ప‌టికి తుది పోరుకు ఆర్హ‌త సాధించ‌లేక‌పోయింది. అయితే ఐపీఎల్‌-2025 మెగా వేలానికి ముందు రాహుల్‌ను ల‌క్నో రిటైన్ చేసుకోలేదు.దీంతో ఈ ఏడాది సీజన్‌లో కేఎల్‌ రాహుల్‌​ స్ధానాన్ని పంత్‌ భర్తీ చేయనున్నాడు. కాగా తొలుత లక్నో కెప్టెన్‌గా వెస్టిండీస్‌ స్టార్‌ వికెట్‌ కీపర్‌ నికోలస్‌ పూరన్‌ ఎంపిక అవుతాడని వార్తలు వినిపించాయి. కానీ లక్నో యాజమాన్యం మాత్రం పంత్‌ వైపే మొగ్గు చూపింది.రెండో జట్టుకు కెప్టెన్‌గా..కాగా ఐపీఎల్‌లో కెప్టెన్‌గా పంత్‌కు అనుభవం ఉంది. 2016 సీజన్‌తో ఐపీఎల్ అరంగేంట్రం చేసిన రిషబ్ పంత్‌.. అప్పటి నుంచి గతేడాది సీజన్‌కు అదే జట్టుకు ప్రాతినిథ్యం వహించాడు. 2021 నుంచి 2024 వరకు ఢిల్లీ కెప్టెన్‌గా రిషబ్ పని చేశాడు. అయితే గాయం​ కారణంగా ఐపీఎల్‌-2022 సీజన్‌కు మాత్రం దూరమయ్యాడు. మళ్లీ గతేడాది సీజన్‌తో పంత్ రీఎంట్రీ ఇచ్చాడు. వ్యక్తిగత ప్రదర్శతనతో అతడు ఆకట్టుకున్నప్పటికి.. సారథిగా మాత్రం జట్టును ముందుండి నడిపించడంలో విఫలమయ్యాడు. అతడి నాయకత్వంలోని ఢిల్లీ జట్టు లీగ్ స్టేజిలోనే ఇంటిముఖం పట్టింది. ఈ క్రమంలో జట్టు యాజమాన్యంతో పంత్‌కు విభేదాలు ఏర్పడినట్లు వార్తలు వినిపించాయి.ఈ కారణంగానే ఢిల్లీ ఫ్రాంచైజీతో పంత్ తెగదింపులు చేసుకున్నాడని, క్యాపిటల్స్ కూడా అతడిని రిటైన్ చేసుకోలేదని జోరుగా ప్రచారం సాగింది. ఏదమైనప్పటికి వేలంలోకి వచ్చిన పంత్‌కు మాత్రం కళ్లు చెదిరే ధర దక్కింది. పంత్‌​ సారథ్యంలో ఢిల్లీ క్యాపిటల్స్ 43 మ్యాచ్‌లు ఆడగా.. 24 విజయాలు, 19 ఓటములు చవిచూసింది. ఇక ఐపీఎల్‌ 18వ సీజన్ మార్చి 21 నుంచి ప్రారంభం కానుంది.చదవండి: రింకూ సింగ్‌, ఎంపీ ప్రియా సరోజ్‌ల పెళ్లి.. అఫీషియల్‌ అప్‌డేట్‌

ఐపీఎల్‌-2025లో లక్నో సూపర్‌ జెయింట్స్‌ కెప్టెన్‌ ఎవరు?!.. ఇంకెవరు రిషభ్‌ పంత్‌ అంటారా?!.. ఆగండాగండి.. ఇప్పుడే అలా డిసైడ్‌ చేసేయకండి.. ఈ మాట అంటున్నది స్వయానా లక్నో ఫ్రాంఛైజీ యజమాని, వ్యాపారవేత్త సంజీవ్‌ గోయెంకా. తమ జట్టు కెప్టెన్‌ ఎవరన్న అంశంపై ఆయన చేసిన కామెంట్స్‌ వైరల్‌ అవుతున్నాయి.రూ. 27 కోట్లకు కొనుగోలుకాగా మెగా వేలానికి ముందు లక్నో.. వెస్టిండీస్‌ స్టార్‌ నికోలసన్‌ పూరన్‌ కోసం ఏకంగా రూ. 21 కోట్లు ఖర్చుచేసిన విషయం తెలిసిందే. ఈ వికెట్‌ కీపర్‌ బ్యాటర్‌ను తమ జట్టులోనే కొనసాగిస్తూ ఈ మేర భారీ మొత్తం చెల్లించింది. అయితే, వేలంలో అనూహ్య రీతిలో టీమిండియా స్టార్‌ క్రికెటర్‌ రిషభ్‌ పంత్‌ను రికార్డు స్థాయిలో రూ. 27 కోట్లకు కొనుగోలు చేసింది.ఢిల్లీ క్యాపిటల్స్‌తో పోటీ నేపథ్యంలో పంత్‌ ధర రూ. 20 కోట్లకు చేరగా.. లక్నో ఒక్కసారిగా ఏడు కోట్లు పెంచింది. దీంతో ఢిల్లీ రేసు నుంచి తప్పుకోగా.. వికెట్‌ కీపర్‌ బ్యాటర్‌ పంత్‌ను లక్నో దక్కించుకుంది. ఈ నేపథ్యంలో లక్నో జట్టు కొత్త కెప్టెన్‌గా పంత్‌ నియామకం లాంఛనమేనని క్రికెట్‌ విశ్లేషకులు భావిస్తున్నారు.ఈ క్రమంలో టీమిండియా మాజీ ఓపెనర్‌, కామెంటేటర్‌ ఆకాశ్‌ చోప్రాకు ఇచ్చిన ఇంటర్వ్యూలో లక్నో ఓనర్‌ సంజీవ్‌ గోయెంకా ఆసక్తికర వ్యాఖ్యలు చేశారు. లక్నో జట్టు కొత్త కెప్టెన్‌ రిషభేనా లేదంటే మాకోసం ఏదైనా సర్‌ప్రైజ్‌ ప్లాన్‌ చేశారా? అని చోప్రా ప్రశ్నించాడు.నలుగురు ఉన్నారుఇందుకు బదులిస్తూ.. ‘‘అవును.. కచ్చితంగా అందరూ ఆశ్చర్యానికి లోనవుతారు. నా వరకైతే సర్‌ప్రైజ్‌లు ఇవ్వడం ఇష్టం ఉండదు. అయితే, మా కెప్టెన్‌ ఎవరన్నది త్వరలోనే తెలియజేస్తాం. మా జట్టులో రిషభ్‌, పూరన్‌, మార్క్రమ్‌, మిచెల్‌ మార్ష్‌ రూపంలో నలుగురు నాయకులు అందుబాటులో ఉన్నారు’’ అని సంజీవ్‌ గోయెంకా పేర్కొన్నారు. ఆయన వ్యాఖ్యలను బట్టి.. నికోలస్‌ పూరన్‌కు లక్నో పగ్గాలు అప్పగించే యోచనలో యాజమాన్యం ఉందనే కామెంట్లు వినిపిస్తున్నాయి.వారే డిసైడ్‌ చేస్తారుఇక పంత్‌ ఓపెనర్‌గా వస్తాడా అన్న ప్రశ్నకు గోయెంకా సమాధానమిస్తూ.. ‘‘మా మిడిలార్డర్‌ను పటిష్టం చేసుకోవాలని భావిస్తున్నాం. వేలంలో బట్లర్‌(గుజరాత్‌ రూ, 15.75 కోట్లు) కోసం ప్రయత్నించాం. కానీ డబ్బు సరిపోలేదు. ఓపెనింగ్‌ జోడీపై జహీర్‌ ఖాన్‌, జస్టిన్‌ లాంగర్‌, మా కెప్టెన్‌ నిర్ణయం తీసుకుంటారు’’ అని పేర్కొన్నారు.కాగా 2022లో క్యాష్‌ రిచ్‌ లీగ్‌లో ఎంట్రీ ఇచ్చిన లక్నో ఫ్రాంఛైజీకి మూడు సీజన్లపాటు కేఎల్‌ రాహుల్‌ సారథ్యం వహించాడు. తొలి రెండు ఎడిషన్లలో జట్టును ప్లే ఆఫ్స్‌ చేర్చి సత్తా చాటాడు. అయితే, ఈ ఏడాది మాత్రం టాప్‌-4లో నిలపలేకపోయాడు. ఈ క్రమంలో రిటెన్షన్‌కు ముందు లక్నో రాహుల్‌ను వదిలేయగా.. వేలంలో ఢిల్లీ క్యాపిటల్స్‌ రూ. 14 కోట్లకు కొనుక్కుంది.చదవండి: IPL 2025: అతడే గనుక బతికి ఉంటే.. పంత్‌ రికార్డు బ్రేక్‌ చేసేవాడు!

ఆస్ట్రేలియా మాజీ హెడ్‌కోచ్‌ జస్టిన్‌ లాంగర్ ఉద్వేగపూరిత వ్యాఖ్యలు చేశాడు. ఫిలిప్‌ హ్యూస్‌ గనుక బతికి ఉంటే ఐపీఎల్‌ వేలంలో కోట్లు కొల్లగొట్టేవాడని.. కానీ తను ఇప్పుడు ఈ లోకంలో లేడంటూ భావోద్వేగానికి లోనయ్యాడు. కాగా సౌదీ అరేబియాలో ఇటీవల ఐపీఎల్‌-2025 మెగా వేలం జరిగిన విషయం తెలిసిందే.అమాంతం ఏడు కోట్లు పెంచిఇందులో భాగంగా రూ. 2 కోట్ల కనీస ధరతో అందుబాటులో ఉన్న టీమిండియా స్టార్‌ రిషభ్‌ పంత్‌ కోసం ఫ్రాంఛైజీలు ఎగబడ్డాయి. ఢిల్లీ క్యాపిటల్స్‌తో పాటు సన్‌రైజర్స్‌ హైదరాబాద్‌ పోటీకి రాగా.. లక్నో సూపర్‌ జెయింట్స్‌ కళ్లు చెదిరే మొత్తానికి ఈ వికెట్‌ కీపర్‌ బ్యాటర్‌ను సొంతం చేసుకుంది. పంత్‌ ధర రూ. 20 కోట్లకు చేరినపుడు ఢిల్లీ రైట్‌ టు మ్యాచ్‌ కార్డు ద్వారా పంత్‌ను తిరిగి దక్కించుకునే ప్రయత్నం చేయగా.. లక్నో అమాంతం ఏడు కోట్లు పెంచేసింది.దీంతో ఢిల్లీ రేసు నుంచి తప్పుకోగా.. లక్నో రూ. 27 కోట్లకు రిషభ్‌ పంత్‌ను తమ సొంతం చేసుకుంది. ఈ క్రమంలో ఐపీఎల్‌ చరిత్రలో అత్యంత ఖరీదైన ఆటగాడిగా పంత్‌ రికార్డు సాధించాడు. ఈ నేపథ్యంలో లక్నో జట్టు హెడ్‌కోచ్‌, ఆసీస్‌ మాజీ క్రికెటర్‌ జస్టిన్‌ లాంగర్‌ ‘ది వెస్ట్‌ ఆస్ట్రేలియన్‌’కు రాసిన కాలమ్‌లో ఆసక్తికర వ్యాఖ్యలు చేశాడు.‘‘ఐపీఎల్‌లో అత్యధిక ధరకు అమ్ముడుపోయిన ఆటగాడిగా పంత్‌ చరిత్ర సృష్టించాడు. మా ఫ్రాంఛైజీ.. లక్నో సూపర్‌ జెయింట్స్‌ అతడి సేవల కోసం ఐదు మిలియన్‌ డాలర్ల మేర ఖర్చు చేసింది. కేవలం ఎనిమిది వారాలకు ఇంత మొత్తం అంటే మాటలు కాదు.అతడే గనుక బతికి ఉంటేఒకవేళ హ్యూస్‌ గనుక బతికి ఉంటే.. ఐపీఎల్‌ వేలంలో అతడు కూడా భారీ ధర పలికేవాడు. కేవలం తన డైనమిక్‌ బ్యాటింగ్‌ మాత్రమే ఇందుకు కారణం కాదు.. తనలోని ఎనర్జీ కూడా ఇందుకు కారణం. కానీ.. విచారకరం ఏమిటంటే.. తను ఇప్పుడు మన మధ్యలేడు. ఎప్పటికీ వేలంలోకి రాలేడు’’ అంటూ ఆసీస్‌ దివంగత స్టార్‌ ఫిలిప్‌ హ్యూస్‌ను గుర్తుచేసుకున్నాడు. అదే విధంగా.. పంత్‌ క్రికెటింగ్‌ నైపుణ్యాలను కొనియాడిన లాంగర్‌.. ఆస్ట్రేలియా గడ్డ మీద టీమిండియా(2020-21)ను ఒంటిచేత్తో గెలిపించిన తీరు ఎన్నటికీ మరువలేనిదన్నాడు. కాగా 2014లో ఫిలిప్‌ హ్యూస్‌ ఈ లోకాన్ని శాశ్వతంగా విడిచివెళ్లాడు. ఆసీస్‌ దేశీ టోర్నీ షెఫీల్డ్‌ షీల్డ్‌లో భాగంగా న్యూ సౌత్‌వేల్స్‌- సౌత్‌ ఆస్ట్రేలియా మధ్య మ్యాచ్‌ సందర్భంగా ఈ విషాదకర ఘటన చోటు చేసుకుంది. సీన్‌ అబాట్‌ వేసిన రాకాసి బంతి బలైన హ్యూస్‌ఆసీస్‌ బౌలర్‌ సీన్‌ అబాట్‌ వేసిన రాకాసి బంతి హ్యూస్‌ మెడకు బలంగా తాకడంతో అతడు కుప్పకూలిపోయి ప్రాణాలు వదిలాడు. నవంబరు 27న హ్యూస్‌ పదో వర్ధంతి జరిగింది. ఈ నేపథ్యంలో అతడిని తలచుకుంటూ జస్టిన్‌ లాంగర్‌ ఉద్వేగానికి గురయ్యాడు.కాగా న్యూ సౌత్‌ వేల్స్‌లో జన్మించిన హ్యూస్‌ 2009లో ఆస్ట్రేలియా తరఫున అరంగేట్రం చేశాడు. అంతర్జాతీయ కెరీర్‌లో 26 టెస్టులు, 25 వన్డేలు ఆడిన ఈ ఎడమచేతి వాటం బ్యాటర్‌.. ఆయా ఫార్మాట్లలో వరుసగా 1535, 826 పరుగులు చేశాడు. తన 26వ పుట్టినరోజు కంటే మూడు రోజుల ముందు.. క్రికెట్‌ ఆడుతూ తుదిశ్వాస విడిచాడు. చదవండి: ఐసీసీ దెబ్బకు దిగివచ్చిన పాకిస్తాన్‌.. ‘హైబ్రిడ్‌ మోడల్‌’కు ఓకే!.. కానీ..

‘‘ఢిల్లీ క్యాపిటల్స్‌తో నా ప్రయాణం ఒక అద్భుతం. మైదానంలో ఎన్నెన్నో ఉత్కంఠభరిత క్షణాలు.. మరెన్నో మధుర జ్ఞాపకాలు. ఓ టీనేజర్‌గా ఇక్కడికి వచ్చాను. ఢిల్లీ క్యాపిటల్స్‌తో కలిసి ఈ తొమ్మిదేళ్లలో నేనూ ఎంతో ఎత్తుకు ఎదిగాను. నేనిది ఎన్నడూ ఊహించలేదు.నా ప్రయాణం ఇంత ప్రత్యేకంగా మారడానికి ప్రధాన కారణం అభిమానులు. నన్ను అక్కున చేర్చుకున్నారు. నా జీవితంలోని కఠిన సమయంలో నాకు అండగా నిలబడ్డారు. నేను ఇప్పుడు ఇక్కడి నుంచి వెళ్లిపోతున్నాను.అయితే, నాపై మీకున్న ప్రేమాభిమానాలను బరువైన హృదయంతో మోసుకెళ్తున్నాను. నేను ఎక్కడ ఉన్నా.. నా ఆటతో మీకు వినోదం అందిస్తాను. నన్ను కుటుంబ సభ్యుడిగా ఆదరించినందుకు.. నా ప్రయాణాన్ని ప్రత్యేకంగా మలిచినందుకు ధన్యవాదాలు.. ఏదేమైనా వీడ్కోలు చెప్పడం అంత సులువేమీ కాదు’’ అంటూ టీమిండియా స్టార్‌ క్రికెటర్‌ రిషభ్‌ పంత్‌ ఉద్వేగపూరిత నోట్‌ షేర్‌ చేశాడు.వీడలేక వీడిపోతున్నట్లు..ఢిల్లీ క్యాపిటల్స్‌ను వీడలేక వీడిపోతున్నట్లు తన మనసులో ఉన్న మాటలను లేఖ రూపంలో వెల్లడించాడు. కాగా ఐపీఎల్‌- 2025 మెగా వేలానికి ముందు ఢిల్లీ ఫ్రాంఛైజీ పంత్‌ను విడుదల చేసిన విషయం తెలిసిందే. ఈ క్రమంలో ఆక్షన్‌లోకి వచ్చిన ఈ వికెట్‌ కీపర్‌ బ్యాటర్‌ కోసం లక్నో సూపర్‌ జెయింట్స్‌ ఆది నుంచి ఆసక్తి చూపింది.అయితే, పంత్‌ ధర రూ. 20 కోట్లకు చేరుకున్న సమయంలో ఢిల్లీ క్యాపిటల్స్‌ తమ రైట్‌ టు మ్యాచ్‌ కార్డును ఉపయోగించుకోవాలని చూసింది. కానీ లక్నో మాత్రం వెనక్కి తగ్గలేదు. అమాంతం ఏడు కోట్లు పెంచి మొత్తంగా రూ. 27 కోట్లకు రిషబ్‌ పంత్‌ను తమ సొంతం చేసుకుంది. దీంతో వచ్చే ఏడాది పంత్‌ లక్నోకు ఆడబోతున్నాడు.ఢిల్లీ ఫ్రాంఛైజీతో సుదీర్ఘ అనుబంధంకాగా పంత్‌కు ఢిల్లీ ఫ్రాంఛైజీతో సుదీర్ఘ అనుబంధం ఉంది. 2016లో ఢిల్లీ జట్టుతో తన ఐపీఎల్‌ జర్నీ ఆరంభించిన పంత్‌ కెప్టెన్‌ స్థాయికి ఎదిగాడు. 2017లో 366 పరుగులు మాత్రమే చేసిన అతడు.. 2018లో మాత్రం దుమ్ములేపాడు. పద్నాలుగు మ్యాచ్‌లలో కలిపి 684 పరుగులు సాధించాడు. ఇందులో ఓ సెంచరీ, నాలుగు ఫిప్టీలు ఉండటం విశేషం.ఇక 2022లో ఘోర రోడ్డు ప్రమాదానికి గురైన పంత్‌ ఐపీఎల్‌-2023 మొత్తానికి దూరమయ్యాడు. ఆ సమయంలోనూ అభిమానులతో పాటు ఢిల్లీ క్యాపిటల్స్‌ అతడికి అండగా ఉంది. అయితే, వేలానికి ముందు అభిప్రాయ భేదాలు తలెత్తిన నేపథ్యంలో ఆ ఫ్రాంఛైజీతో పంత్‌ బంధం ముగిసినట్లు తెలుస్తోంది. కాగా ఈ ఏడాది రీఎంట్రీ ఇచ్చి పంత్‌ 13 ఇన్నింగ్స్‌లో కలిపి 446 పరుగులు చేశాడు. కెప్టెన్‌గా జట్టును ఆరో స్థానంలో నిలపగలిగాడు.చదవండి: IPL Auction 2025: అతడికి ఏకంగా రూ. 18 కోట్లు.. కారణం మాత్రం కావ్యానే!.. పాపం ప్రీతి!

ఇండియన్‌ ప్రీమియర్‌ లీగ్‌-2025 మెగా వేలంలో టీమిండియా స్టార్‌ క్రికెటర్‌ కేఎల్‌ రాహుల్‌కు అనుకున్నంత ధర దక్కలేదు. భారీ అంచనాల నడుమ ఆక్షన్‌లోకి వచ్చిన ఈ వికెట్‌ కీపర్‌ కోసం ఏ ఫ్రాంఛైజీ కూడా మరీ అంతగా ఎగబడిపోలేదు. రూ. 2 కోట్ల కనీస ధరతో రాహుల్‌ తన పేరును నమోదు చేసుకున్నాడు.అయితే, లోకల్‌ బాయ్‌ కోసం రాయల్‌ చాలెంజర్స్‌ బెంగళూరు తొలుత బిడ్‌ వేయగా.. కోల్‌కతా నైట్‌ రైడర్స్‌ కూడా పోటీకి వచ్చింది. కానీ ధర కాస్త పెరగగానే ఈ రెండూ తప్పుకోగా.. ఢిల్లీ క్యాపిటల్స్‌, చెన్నై సూపర్‌ కింగ్స్‌ రాహుల్‌ కోసం పోటీపడ్డాయి. అలా ఆఖరికి రాహుల్‌ను ఢిల్లీ రూ. 14 కోట్లకు దక్కించుకుంది.కాగా కేఎల్‌ రాహుల్‌ ఐపీఎల్‌-2022- 2024 వరకు లక్నో సూపర్‌ జెయింట్స్‌కు సారథ్యం వహించాడు. లక్నో ఫ్రాంఛైజీని అరంగేట్రంలో(2022)నే ప్లే ఆఫ్స్‌ చేర్చి సత్తా చాటాడు. మరుసటి ఏడాది కూడా టాప్‌-4లో నిలిపాడు. కానీ.. ఐపీఎల్‌-2024లో మాత్రం లక్నోకు వరుస పరాభవాలు ఎదురయ్యాయి.రాహుల్‌పై గోయెంకా ఆగ్రహంసీజన్‌ మొత్తంలో ఆడిన పద్నాలుగు మ్యాచ్‌లలో కేవలం ఏడు మాత్రమే గెలిచిన లక్నో.. 14 పాయింట్లతో పట్టికలో ఏడో స్థానానికి పరిమితమైంది. ఇదిలా ఉంటే.. సన్‌రైజర్స్‌ హైదరాబాద్‌ చేతిలో లక్నో చిత్తుగా ఓడిన నేపథ్యంలో.. ఆ ఫ్రాంఛైజీ యజమాని, ప్రముఖ వ్యాపారవేత్త సంజీవ్‌ గోయెంకా.. తమ కెప్టెన్‌ కేఎల్‌ రాహుల్‌పై బహిరంగంగానే ఆగ్రహం వ్యక్తం చేశాడు.స్వేచ్ఛ ఉన్న చోటే ఆడాలనిఅందరి ముందే రాహుల్‌ను గోయెంకా తిట్టినట్లుగా ఉన్న దృశ్యాలు నెట్టింట విస్తృతంగా వైరల్‌ అయ్యాయి. ఈ నేపథ్యంలో రిటెన్షన్‌కు ముందు రాహుల్‌- లక్నోల బంధం తెగిపోయింది. ఈ విషయంపై రాహుల్‌ స్పందిస్తూ.. స్వేచ్ఛ ఉన్న చోట ఆడాలని అనుకుంటున్నట్లు పరోక్షంగా గోయెంకా వైపు మాటల బాణాలు విసిరాడు.ఈ నేపథ్యంలో మెగా వేలం సందర్భంగా సంజీవ్‌ గోయోంకా సైతం కేఎల్‌ రాహుల్‌కు కౌంటర్‌ గట్టిగానే ఇచ్చాడు. కాగా సౌదీ అరేబియాలో జరిగిన ఆక్షన్‌లో లక్నో.. టీమిండియా స్టార్‌ రిషభ్‌ పంత్‌ కోసం రూ. 27 కోట్లు వెచ్చించింది. ఈ విషయం గురించి గోయెంకా మాట్లాడుతూ.. ‘‘మాకు కావాల్సిన ఆటగాడికి ఉండాల్సిన లక్షణాలన్నీ పంత్‌లో ఉన్నాయి. అందుకే అతడి కోసం మేము ముందే రూ. 25- 27 కోట్లు పక్కన పెట్టుకున్నాం’’ అని పేర్కొన్నాడు.ఏదేమైనా వేలం ముగిసే సరికి పంత్‌, రాహుల్‌ల జట్లు తారమారయ్యాయి. రాహుల్‌ స్థానంలో లక్నో కెప్టెన్‌గా పంత్‌, పంత్‌ ప్లేస్‌లో ఢిల్లీ సారథిగా రాహుల్‌ వ్యవహరించే అవకాశం ఉంది. ఈ నేపథ్యంలో ఓ నెటిజన్‌ వీళ్లిద్దరి ఫొటోతో ఓ ఆసక్తికర ట్వీట్‌ చేశాడు. అన్నీ బాగానే ఉంటాయి.. కానీరాహుల్‌ పంత్‌ చెవిలో ముచ్చటిస్తున్నట్లుగా ఉన్న ఫొటోకు.. ‘‘చూడు భాయ్‌.. కంపెనీ మంచిది.. డబ్బు కూడా బాగానే ఇస్తారు.. కానీ బాస్‌ మాత్రం విషపూరితమైన మనసున్న వ్యక్తి’’ అంటూ క్యాప్షన్‌ జతచేశాడు. ఇందుకు ప్రముఖ వ్యాపారవేత్త, సంజీవ్‌ గోయెంకా అన్న హర్ష్‌ గోయెంకా స్పందించారు. ఇదేమిటబ్బా అన్నట్లుగా ఉన్న ఎమోజీని ఆయన జతచేశారు.చదవండి: IPL 2025 Mega Auction: మెగా వేలంలో అమ్ముడుపోయిన ఆటగాళ్ల పూర్తి జాబితా ఇదే..!

బ్యాటింగ్‌లో దూకుడుకు మారుపేరు... వికెట్‌ కీపర్‌... కెప్టెన్ గా అనుభవం... ఎలాంటి స్థితిలోనైనా జట్టును గెలిపించగల నైపుణ్యం... అన్నీ కలిసి ఇండియన్‌ ప్రీమియర్‌ లీగ్‌ (ఐపీఎల్‌) రిషభ్‌ పంత్‌ స్థాయి ఏమిటో చూపించాయి. ఇలాంటి ఆటగాడి కోసమే ఏ జట్టయినా పోటీ పడుతుంది. అందుకే అతని పేరు వచ్చినప్పుడు వేలం వెర్రిగా సాగింది. అతనిపై కోట్లు వెదజల్లేందుకు ఫ్రాంచైజీలు పోటీ పడ్డాయి. అలా అలా పెరుగుతూ పోయిన ఆ విలువ చివరకు రూ.27 కోట్ల వద్ద ఆగింది. లక్నో సూపర్‌ జెయింట్స్‌ టీమ్‌ ఐపీఎల్‌ చరిత్రలోనే అత్యధిక మొత్తం చెల్లించి భారత ఆటగాడు రిషభ్‌ పంత్‌ను సొంతం చేసుకుంది. దాంతో అంతకు కొద్ది నిమిషాల క్రితమే పంజాబ్‌ కింగ్స్‌ సంచలన రీతిలో రూ.26 కోట్ల 75 లక్షలకు శ్రేయస్‌ అయ్యర్‌ను సొంతం చేసుకున్న రికార్డు వెనక్కి వెళ్లిపోయింది. వీరిద్దరూ భారత జట్టులో సభ్యులుగా ఇప్పటికే తమకంటూ గుర్తింపు తెచ్చుకోగా... నాలుగు సీజన్లలో అంతంత మాత్రం ఆటనే ప్రదర్శించిన వెంకటేశ్‌ అయ్యర్‌ కోసం కోల్‌కతా నైట్‌రైడర్స్‌ ఏకంగా రూ.23 కోట్ల 75 లక్షలు చెల్లించడం వేలంలో అతి పెద్ద సంచలనం. ఏకంగా 20 మంది ఆటగాళ్లకు రూ.10 కోట్లకంటే ఎక్కువ విలువ దక్కడం విశేషం. అనూహ్యాలకు వేదికగా నిలిచే ఐపీఎల్‌ వేలం ఎప్పటిలాగే తమ రివాజును కొనసాగించింది. అర్ష్ దీప్ సింగ్, బట్లర్, కేఎల్‌ రాహుల్, సిరాజ్, స్టార్క్, స్టొయినిస్, షమీవంటి ప్లేయర్లకు ఆశించిన మొత్తాలే దక్కగా... చహల్, జేక్‌ ఫ్రేజర్, ఆర్చర్, జితేశ్‌ శర్మ, రబాడ, నూర్, అవేశ్‌ ఖాన్‌లకు మాత్రం చాలా పెద్ద మొత్తం లభించింది. డికాక్, మ్యాక్స్‌వెల్, హర్షల్‌ పటేల్, డేవిడ్‌ మిల్లర్, మార్క్‌రమ్‌ తక్కువ మొత్తాలకే సరిపెట్టుకోవాల్సి రాగా... ఐపీఎల్‌ చరిత్రలో అత్యధిక పరుగులు చేసిన విదేశీ ఆటగాడైన డేవిడ్‌ వార్నర్‌ను తొలిరోజు ఎవరూ తీసుకోకపోవడం అత్యంత ఆశ్చర్యకరం! జిద్దా: ఐపీఎల్‌–2025 వేలం ఊహించిన విధంగానే కోట్లాది రూపాయల రికార్డులకు కేరాఫ్‌ అడ్రస్‌గా నిలిచింది. తొలి రోజు 72 మంది ఆటగాళ్లను 10 ఫ్రాంచైజీలు ఎంచుకున్నాయి. వీరిలో రిషభ్‌ పంత్‌ (రూ.27 కోట్లు) అత్యధిక ధరతో అందరికంటే టాపర్‌గా నిలిచాడు. 2024 వేలంలో మిచెల్‌ స్టార్క్‌ (కోల్‌కతా; రూ.24 కోట్ల 75 లక్షలు) నెలకొల్పిన అత్యధిక మొత్తం రికార్డును పంత్‌ బద్దలు కొట్టాడు. 2024లో కెపె్టన్‌గా కోల్‌కతాను చాంపియన్‌గా నిలిపిన శ్రేయస్‌ అయ్యర్‌ (రూ.26 కోట్ల 75 లక్షలు) కాస్త తేడాతో రెండో స్థానంలో నిలవగా... వెంకటేశ్‌ అయ్యర్‌ కోసం ఏకంగా రూ.23 కోట్ల 75 లక్షలు చెల్లించి కోల్‌కతా వెనక్కి తీసుకుంది. భారత ఆటగాళ్లలో అర్ష్ దీప్ సింగ్‌ తన ప్రస్తుతం టీమ్‌ పంజాబ్‌ కింగ్స్‌కే వెళ్లగా... చహల్, కేఎల్‌ రాహుల్, షమీ, ఇషాన్‌ కిషన్‌ కొత్త జట్ల తరఫున బరిలోకి దిగనున్నారు. హైదరాబాదీ పేసర్‌ సిరాజ్‌ను గుజరాత్‌ టైటాన్స్‌ ఎంచుకోగా... కెరీర్‌ చివర్లో సీనియర్‌ స్పిన్నర్‌ రవిచంద్రన్‌ అశ్విన్‌ మరోసారి తన ‘హోం’ టీమ్‌ చెన్నై సూపర్‌ కింగ్స్‌కు వెళ్లడం విశేషం. సోమవారం కూడా వేలం సాగనుంది. మొత్తం 577 మంది నుంచి మిగిలిన ఆటగాళ్లతో పాటు ఆదివారం అమ్ముడుపోని ఆటగాళ్లు కూడా రెండో రోజు మళ్లీ వేలంలోకి వస్తారు. పంత్‌ కోసం పోటీపడ్డారిలా...తొలి రోజు ఆరో ఆటగాడిగా రూ. 2 కోట్ల కనీస విలువతో పంత్‌ పేరు వేలంలోకి వచ్చింది. లక్నో ముందుగా తమ ఆసక్తిని చూపించింది. వెంటనే రాయల్‌ చాలెంజర్స్‌ బెంగళూరు (ఆర్‌సీబీ) బరిలోకి దిగింది. ఈ రెండు ఫ్రాంచైజీలు పోటీ పడుతూ మొత్తాన్ని రూ.10 కోట్ల 50 లక్షల వరకు తీసుకెళ్లాయి. ఈ దశలో ఆర్‌సీబీ వెనక్కి తగ్గగా... సన్‌రైజర్స్‌ పోటీకి సిద్ధమైంది. అలా ఇరు జట్ల మధ్య సాగిన సమరం పంత్‌ విలువను రూ.20 కోట్ల 75 లక్షల వరకు తీసుకెళ్లింది. ఈ దశలో పంత్‌ పాత జట్టు ఢిల్లీ అతడిని రైట్‌ టు మ్యాచ్‌ ద్వారా మళ్లీ తీసుకునేందుకు ప్రయత్నించింది. అయితే లక్నో ఏకంగా రూ.27 కోట్ల మొత్తానికి ప్యాడిల్‌ ఎత్తడంతో పంత్‌ విలువ శిఖరానికి వెళ్లింది. శ్రేయస్‌ అయ్యర్‌ ముందుగా... పంత్‌కంటే ముందు రికార్డు ధరతో శ్రేయస్‌ అయ్యర్‌ అమ్ముడుపోయాడు. 2024 ఐపీఎల్‌లో కోల్‌కతాను చాంపియన్‌గా నిలిపిన కెప్టెన్‌గా అతని పేరు వచ్చింది. గతంలో ఢిల్లీ టీమ్‌లో శ్రేయస్‌ ఆడినప్పుడు కోచ్‌గా ఉన్న పాంటింగ్‌ ఈసారి పంజాబ్‌ తరఫున ముందుగా అతనిపై ఆసక్తిని ప్రదర్శించాడు. ఆపై కోల్‌కతా, ఢిల్లీ మధ్య పోటీ సాగగా... రూ.25 కోట్ల వద్ద ఢిల్లీ సొంతమైనట్లు కనిపించింది. కానీ అనూహ్యంగా మళ్లీ ముందుకొచి్చన పంజాబ్‌ కింగ్స్‌ చివరకు బిడ్‌ను ఖాయం చేసుకుంది. వెంకటేశ్‌ అయ్యర్‌ కోసం హోరాహోరీ... ఐపీఎల్‌లో 2021–24 మధ్య నాలుగు సీజన్ల పాటు ఆడిన కోల్‌కతా నైట్‌రైడర్స్‌ తరఫునే ఆడిన వెంకటేశ్‌ అయ్యర్‌ 49 ఇన్నింగ్స్‌లలో 137.12 స్ట్రయిక్‌రేట్‌తో 1326 పరుగులు చేశాడు. 9 ఇన్నింగ్స్‌లలో మాత్రమే బౌలింగ్‌ చేసే అవకాశం దక్కింది. అప్పుడప్పుడు కొన్ని చెప్పుకో దగ్గ ప్రదర్శనలు ఉన్నా... ఒంటి చేత్తో మ్యాచ్‌ను మార్చగల విధ్వంసకర ఆటగాడైతే కాదు. కానీ అతని కోసం వేలం అసాధారణ రీతిలో సాగింది. కోల్‌కతా టీమ్‌ ముందుగా వేలం మొదలు పెట్టింది. లక్నో ముందు ఆసక్తి చూపించినా...ఆ తర్వాత ప్రధానంగా కోల్‌కతా, ఆర్‌సీబీ మధ్యే పోటీ సాగింది. ఇరు జట్లు కలిసి రూ. 20 కోట్లు దాటించాయి. కోల్‌కతా రూ. 23 కోట్ల 75 లక్షలకు చేర్చిన తర్వాత బెంగళూరు స్పందించలేదు. డేవిడ్‌ వార్నర్‌కు నిరాశ!పట్టించుకోని ఫ్రాంచైజీలుఐపీఎల్‌ చరిత్రలో అత్యంత విజయవంతమైన బ్యాటర్లలో ఒకడు, 184 మ్యాచ్‌లలో 6565 పరుగులతో అత్యధిక స్కోరర్ల జాబితాలో నాలుగో స్థానం, ఒంటి చేత్తో మ్యాచ్‌లను గెలిపించిన రికార్డుతో పాటు కెపె్టన్‌గా సన్‌రైజర్స్‌కు టైటిల్‌ అందించిన ఘనత! ఇలాంటి ఘనాపాటి ఆసీస్‌ స్టార్‌ డేవిడ్‌ వార్నర్‌ను ఎవరూ తీసుకోకపోవడం ఆశ్చర్యం కలిగించింది. అంతర్జాతీయ క్రికెట్‌ నుంచి తప్పుకున్నా... అతనేమీ ఆటకు దూరమై చాలా కాలం కాలేదు. ఇటీవల టి20 వరల్డ్‌కప్‌ ఆడి చురుగ్గా ఉన్న వార్నర్‌లో ఇప్పటికీ ఈ ఫార్మాట్‌లో చెలరేగిపోగల సత్తా ఉంది.వేలంలో కొందరు అనామక ఆటగాళ్ల కోసం సాగిన పోటీ చూస్తే వార్నర్‌ కనీస విలువ రూ.2 కోట్లకు కూడా తీసుకునేందుకు ఎవరూ ముందుకు రాకపోవడం అనూహ్యం. గత సీజన్‌లో పూర్తిగా విఫలం కావడం వేలంపై ప్రభావం చూపించి ఉండవచ్చు. తొలి రోజు 12 మందిని మాత్రమే ఫ్రాంచైజీలు తిరస్కరించగా అందులో వార్నర్, బెయిర్‌స్టో ఎక్కువగా గుర్తింపు పొందిన ఆటగాళ్లు కాగా... ప్రస్తుతం భారత టెస్టు టీమ్‌లో ఉన్న దేవదత్‌ పడిక్కల్‌పై పెద్దగా అంచనాలు లేవు. మిగిలిన 9 మందిలో పీయూష్‌ చావ్లా తప్ప ఇతర ఆటగాళ్లు అనామకులే. అమ్ముడుపోయిన ఆటగాళ్ల జాబితాచెన్నై సూపర్‌ కింగ్స్‌ నూర్‌ అహ్మద్‌ (రూ.10 కోట్లు) ఆర్‌. అశ్విన్‌ (రూ. 9.75 కోట్లు) కాన్వే (రూ. 6.25 కోట్లు) ఖలీల్‌ అహ్మద్‌ (రూ. 4.80 కోట్లు) రచిన్‌ రవీంద్ర (రూ. 4 కోట్లు) రాహుల్‌ త్రిపాఠి (రూ. 3.40 కోట్లు) విజయ్‌ శంకర్‌ (రూ. 1.20 కోట్లు) ఢిల్లీ క్యాపిటల్స్‌ కేఎల్‌ రాహుల్‌ (రూ. 14 కోట్లు) స్టార్క్‌ (రూ. 11.75 కోట్లు) నటరాజన్‌ (రూ. 10.75 కోట్లు) జేక్‌ ఫ్రేజర్‌ (రూ 9 కోట్లు) హ్యారీ బ్రూక్‌ (రూ. 6.25 కోట్లు) అశుతోష్‌ శర్మ (రూ. 3.80 కోట్లు) మోహిత్‌ శర్మ (రూ.2.20 కోట్లు) సమీర్‌ రిజ్వీ (రూ. 95 లక్షలు) కరుణ్‌ నాయర్‌ (రూ. 50 లక్షలు) గుజరాత్‌ టైటాన్స్‌ బట్లర్‌ (రూ.15.75 కోట్లు) సిరాజ్‌ (రూ.12.25 కోట్లు) రబాడ (రూ.10.75 కోట్లు) ప్రసిధ్‌ కృష్ణ (రూ.9.50 కోట్లు) లోమ్రోర్‌ (రూ.1.70 కోట్లు) కుమార్‌ కుశాగ్ర (రూ.65 లక్షలు) మానవ్‌ సుతార్‌ (రూ. 30 లక్షలు) అనూజ్‌ రావత్‌ (రూ.30 లక్షలు) నిశాంత్‌ సింధు (రూ. 30 లక్షలు) కోల్‌కతా నైట్‌రైడర్స్‌ వెంకటేశ్‌ (రూ.23.75 కోట్లు) ఆన్రిచ్‌ నోర్జే (రూ.6.50 కోట్లు) డికాక్‌ (రూ.3.60 కోట్లు) అంగ్‌కృష్‌ (రూ.3 కోట్లు) గుర్బాజ్‌ (రూ.2 కోట్లు) వైభవ్‌ అరోరా (రూ.1.80 కోట్లు) మర్కండే (రూ. 30 లక్షలు) లక్నో సూపర్‌ జెయింట్స్‌ రిషభ్‌ పంత్‌ (రూ.27 కోట్లు) అవేశ్‌ ఖాన్‌ (రూ.9.75 కోట్లు) మిల్లర్‌ (రూ.7.50 కోట్లు) అబ్దుల్‌ సమద్‌ (రూ.4.20 కోట్లు) మిచెల్‌ మార్‌‡్ష (రూ.3.40 కోట్లు) మార్క్‌రమ్‌ (రూ.2 కోట్లు) ఆర్యన్‌ జుయాల్‌ (రూ.30 లక్షలు) ముంబై ఇండియన్స్‌ ట్రెంట్‌ బౌల్ట్‌ (రూ.12.50 కోట్లు) నమన్‌ ధీర్‌ (రూ.5.25 కోట్లు) రాబిన్‌ మిన్జ్‌ (రూ.65 లక్షలు) కరణ్‌ శర్మ (రూ.50 లక్షలు) పంజాబ్‌ కింగ్స్‌ శ్రేయస్‌ అయ్యర్‌ (రూ.26.75 కోట్లు) అర్ష్ దీప్ సింగ్‌ (రూ.18 కోట్లు) చహల్‌ (రూ.18 కోట్లు) స్టొయినిస్‌ (రూ.11 కోట్లు) నేహల్‌ వధేరా (రూ.4.20 కోట్లు) మ్యాక్స్‌వెల్‌ (రూ.4.20 కోట్లు) వైశాక్‌ విజయ్‌ (రూ.1.80 కోట్లు) యశ్‌ ఠాకూర్‌ (రూ.1.60 కోట్లు) హర్‌ప్రీత్‌ బ్రార్‌ (రూ.1.50 కోట్లు) విష్ణు వినోద్‌ (రూ.95 లక్షలు) రాజస్తాన్‌ రాయల్స్‌ జోఫ్రా ఆర్చర్‌ (రూ.12.50 కోట్లు) హసరంగ (రూ.5.25 కోట్లు) మహీశ్‌ తీక్షణ (రూ.4.40 కోట్లు) ఆకాశ్‌ మధ్వాల్‌ (రూ.1.20 కోట్లు) కార్తికేయ (రూ.30 లక్షలు) బెంగళూరు హాజల్‌వుడ్‌ (రూ.12.50 కోట్లు) ఫిల్‌ సాల్ట్‌ (రూ.11.50 కోట్లు) జితేశ్‌ శర్మ (రూ.11 కోట్లు) లివింగ్‌స్టోన్‌ (రూ.8.75 కోట్లు) రసిక్‌ ధార్‌ (రూ.6 కోట్లు) సుయాశ్‌ శర్మ (రూ.2.60 కోట్లు) సన్‌రైజర్స్‌ హైదరాబాద్‌ ఇషాన్‌ కిషన్‌ (రూ.11.25 కోట్లు) మొహమ్మద్‌ షమీ (రూ.10 కోట్లు) హర్షల్‌ పటేల్‌ (రూ.8 కోట్లు) రాహుల్‌ చహర్‌ (రూ.3.20 కోట్లు) మనోహర్‌ (రూ.3.20 కోట్లు) ఆడమ్‌ జంపా (రూ.2.40 కోట్లు) సిమర్జిత్‌ సింగ్‌ (రూ.1.50 కోట్లు) అథర్వ తైడే (రూ.30 లక్షలు) టాప్‌–20 (రూ.10 కోట్లు, అంతకుమించి) రిషభ్‌ పంత్‌ (రూ.27 కోట్లు) శ్రేయస్‌ (రూ.26.75 కోట్లు) వెంకటేశ్‌ (రూ.23.75 కోట్లు) అర్ష్ దీప్ సింగ్‌ (రూ.18 కోట్లు) చహల్‌ (రూ.18 కోట్లు) బట్లర్‌ (రూ.15.75 కోట్లు) కేఎల్‌ రాహుల్‌ (రూ. 14 కోట్లు) ట్రెంట్‌ బౌల్ట్‌ (రూ.12.50 కోట్లు) హాజల్‌వుడ్‌ (రూ.12.50 కోట్లు) జోఫ్రా ఆర్చర్‌ (రూ.12.50 కోట్లు) సిరాజ్‌ (రూ.12.25 కోట్లు) స్టార్క్‌ (రూ. 11.75 కోట్లు) ఫిల్‌ సాల్ట్‌ (రూ.11.50 కోట్లు) ఇషాన్‌ కిషన్‌ (రూ.11.25 కోట్లు) జితేశ్‌ శర్మ (రూ.11 కోట్లు) స్టొయినిస్‌ (రూ.11 కోట్లు) నటరాజన్‌ (రూ. 10.75 కోట్లు) రబాడ (రూ.10.75 కోట్లు) మొహమ్మద్‌ షమీ (రూ.10 కోట్లు) నూర్‌ అహ్మద్‌ (రూ.10 కోట్లు) తొలి రోజు మొత్తం 72 మంది ఆటగాళ్లను ఫ్రాంచైజీలు వేలంలో దక్కించుకోగా... ఇందులో 24 మంది విదేశీయులు ఉన్నారు. వేలం కోసం మొత్తం రూ.467.95 కోట్లను జట్లు వెచ్చించాయి.

ఐపీఎల్‌-2025 మెగా వేలంలో టీమిండియా స్టార్‌ క్రికెటర్‌ రిషభ్‌ పంత్‌ అత్యంత భారీ ధర పలికాడు. రూ. 2 కోట్ల కనీస ధరతో వేలంలోకి వచ్చిన ఈ వికెట్‌ కీపర్‌ కోసం లక్నో సూపర్‌ జెయింట్స్‌(ఎల్‌ఎస్‌జీ), రాయల్‌ చాలెంజర్స్‌ బెంగళూరు(ఆర్సీబీ) ఆదిలోనే పోటీకి దిగాయి. ఇరు ఫ్రాంఛైజీలు పంత్‌ కోసం హోరాహోరీగా తలపడి వేలం మొదలైన కాసేపటికే ధరను రూ. 10 కోట్లకు పెంచాయి.సన్‌రైజర్స్‌ హైదరాబాద్‌ రేసులోకి వచ్చిఆ తర్వాత కూడా తగ్గేదేలే అన్నట్లు పంత్‌ ధరను పెంచుతూ పోగా.. సన్‌రైజర్స్‌ హైదరాబాద్‌ రేసులోకి వచ్చి.. రూ. 13 కోట్లకు పెంచింది. ఈ క్రమంలో ఆర్సీబీ తప్పుకోగా.. హైదరాబాద్‌, లక్నో నువ్వా- నేనా అన్నట్లు దూకుడు పెంచాయి. శ్రేయస్‌ అయ్యర్‌ రికార్డు బ్రేక్‌అయితే, రూ. 20 కోట్లకు ధర పెరిగిన తర్వాత హైదరాబాద్ పోటీ నుంచి తప్పుకొంది. అయితే, అనూహ్యంగా ఢిల్లీ క్యాపిటల్స్‌ రైట్‌ టు మ్యాచ్‌ ద్వారా రేసులోకి రాగా.. లక్నో అమాంతం ఏడు కోట్లు పెంచింది. మొత్తంగా రూ. 27 కోట్ల భారీ ధరకు పంత్‌ను లక్నో సొంతం చేసుకుంది. దీంతో శ్రేయస్‌ అయ్యర్‌ రికార్డు బ్రేక్‌ అయింది.పడిలేచిన కెరటంకాగా 2022 చివర్లో పంత్‌ ఘోర రోడ్డు ప్రమాదానికి గురయ్యాడు. తీవ్రమైన గాయాలపాలైనా అదృష్టవశాత్తూ ప్రాణాలతో బయటపడ్డాడు. ఈ క్రమంలో ఐపీఎల్‌-2023 మొత్తానికి దూరమైన పంత్‌.. ఢిల్లీ క్యాపిటల్స్‌ కెప్టెన్‌గా ఈ ఏడాది పునరాగమనం చేశాడు. ఈ సీజన్‌లో మొత్తంగా 13 ఇన్నింగ్స్‌లో కలిపి 446 పరుగులు చేశాడు. సారథిగా జట్టును ప్లే ఆఫ్స్‌ చేర్చలేకపోయినా.. ఆరో స్థానంలో నిలపగలిగాడు. ఇక టీమిండియా తరఫున రీఎంట్రీలో కూడా అదరగొడున్నాడు. అయితే, వేలానికి ముందు ఢిల్లీ అతడిని వదిలేసింది. ఇదిలా ఉంటే.. ఐపీఎల్‌లో పంత్‌ ఇప్పటి వరకు 111 మ్యాచ్‌లు ఆడి 3284 పరుగులు సాధించాడు.ఇప్పటి వరకు ఐపీఎల్‌ వేలంలో అత్యధిక ధర పలికిన టాప్‌-5 ఆటగాళ్లు👉రిషభ్‌ పంత్‌(లక్నో సూపర్‌ జెయింట్స్‌- 2025)- రూ. 27 కోట్లు(వికెట్‌ కీపర్‌ బ్యాటర్- టీమిండియా‌)👉శ్రేయస్‌ అయ్యర్‌(పంజాబ్‌ కింగ్స్‌- 2025)- రూ. 26.75 కోట్లు(బ్యాటర్‌- టీమిండియా)👉మిచెల్‌ స్టార్క్‌(కోల్‌కతా నైట్‌ రైడర్స్‌- 2024)- రూ. 24.75 కోట్లు(పేస్‌ బౌలర్‌)👉ప్యాట్‌ కమిన్స్‌(సన్‌రైజర్స్‌ హైదరాబాద్‌- 2024)- రూ. 20.5 కోట్లు(పేస్‌ బౌలర్‌- ఆస్ట్రేలియా)👉సామ్‌ కర్రాన్‌(పంజాబ్‌ కింగ్స్‌- 2023)- రూ. 18.50 ​​కోట్లు(ఆల్‌రౌండర్‌- ఇంగ్లండ్‌).చదవండి: IPL 2025: కేఎల్‌ రాహుల్‌కు భారీ షాక్‌..𝗥𝗲𝗰𝗼𝗿𝗱-𝗯𝗿𝗲𝗮𝗸𝗶𝗻𝗴 𝗥𝗶𝘀𝗵𝗮𝗯𝗵 🔝Snippets of how that Historic bidding process panned out for Rishabh Pant 🎥 🔽 #TATAIPLAuction | #TATAIPL | @RishabhPant17 | @LucknowIPL | #LSG pic.twitter.com/grfmkuCWLD— IndianPremierLeague (@IPL) November 24, 2024

టీమిండియాకు దూరమైన ఇషాన్‌ కిషన్‌కు ఇండియన్‌ ప్రీమియర్‌ లీగ్‌లోనూ ఈ ఏడాది కలిసి రాలేదు. ముంబై ఇండియన్స్‌ తరపున ఐపీఎల్‌-2024లో ఈ వికెట్‌ కీపర్‌ బ్యాటర్‌.. పద్నాలుగు మ్యాచ్‌లలో కలిపి 320 పరుగులు చేయగలిగాడు. అయితే, మెగా వేలానికి ముందు ముంబై ఫ్రాంఛైజీ మాత్రం అతడిని వదిలేసింది.జస్‌ప్రీత్‌ బుమ్రా, సూర్యకుమార్‌ యాదవ్‌, హార్దిక్‌ పాండ్యా, రోహిత్‌ శర్మలతో పాటు యువ క్రికెటర్‌ తిలక్‌ వర్మను రీటైన్‌ చేసుకున్న ముంబై.. ఇషాన్‌ పేరును మాత్రం పరిగణనలోకి తీసుకోలేదు. నిజానికి 2018లో ముంబై తరఫునే క్యాచ్‌ రిచ్‌ లీగ్‌లో ఎంట్రీ ఇచ్చాడు ఈ లెఫ్టాండర్‌ బ్యాటర్‌. ఆరంభం నుంచే మెరుగ్గా రాణించిన ఇషాన్‌ కిషన్‌ కోసం ఐపీఎల్‌-2022లో ముంబై భారీ మొత్తం వెచ్చించింది.నాడు రూ. 15.25 కోట్ల ధరకు ముంబై సొంతంనాటి మెగా వేలంలో అతడిని ఏకంగా రూ. 15.25 కోట్ల ధరకు సొంతం చేసుకుంది. కానీ.. అప్పటి నుంచి నేటి దాకా ఇషాన్‌ కిషన్‌ అందుకు తగ్గ పైసా వసూల్‌ ప్రదర్శన మాత్రం ఇవ్వలేకపోయాడు. అంతేకాదు.. దేశవాళీ క్రికెట్‌ ఆడాలన్న బీసీసీఐ ఆదేశాలను ధిక్కరించి సెంట్రల్‌ కాంట్రాక్టు కోల్పోయి.. జాతీయ జట్టుకూ దూరమయ్యాడు.అయితే, ఇటీవలే రంజీల్లో సెంచరీలు చేయడంతో రీ ఎంట్రీ ఇచ్చిన ఇషాన్‌ కిషన్‌.. భారత్‌-‘ఎ’ జట్టుకు సెలక్ట్‌ అయ్యాడు. కానీ.. ఆస్ట్రేలియా గడ్డపై కంగారూ జట్టుతో జరిగిన అనధికారిక టెస్టు సిరీస్‌లో పూర్తిగా విఫలమయ్యాడు. ఇలాంటి పరిస్థితుల నడుమ ఇషాన్‌ కిషన్‌ ఐపీఎల్‌-2025 మెగా వేలంలోకి రాబోతున్నాడు.వికెట్‌ కీపర్‌ కోటాలో కళ్లు చెదిరే మొత్తంఈ నేపథ్యంలో టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ నిర్వహించిన ‘మాక్‌ వేలం’లో మాత్రం ఇషాన్‌ కిషన్‌ భారీ ధర పలకడం విశేషం. మెగా వేలంలో ఇషాన్‌ రూ. 2 కోట్ల కనీస ధరతో పేరును నమోదు చేసుకున్నాడు. అయితే, అశ్విన్‌ మాత్రం తన వేలంలో.. వికెట్‌ కీపర్‌ కోటాలో ఇషాన్‌ కోసం బిడ్‌ వేసే ఫ్రాంఛైజీలు రూ. 5 కోట్ల నుంచి మొదలుపెట్టాలని సూచించాడు.ఈ క్రమంలో చెన్నై సూపర్‌ కింగ్స్‌ రూ. 5 కోట్లకు బిడ్‌ వేయగా.. క్రమక్రమంగా ఇషాన్‌ ధర రూ. 10 కోట్లకు పెంచింది. దీంతో పంజాబ్‌ కింగ్స్‌ రేసు నుంచి తప్పుకోగా.. లక్నో సూపర్‌ జెయింట్స్‌ మాత్రం వికెట్‌ కీపర్‌ కోసం ఏకంగా రూ. 14.5 కోట్లు వెచ్చించి దక్కించుకుంది.ఏకంగా రూ. 21 కోట్ల మొత్తానికి అతడు ఉన్నా కూడాఅయితే, అశ్విన్‌ నిర్వహించిన ఈ మాక్‌వేలంలో ఇషాన్‌ కిషన్‌కు కళ్లు చెదిరే మొత్తం దక్కడంపై భిన్నాభిప్రాయాలు వ్యక్తమవుతున్నాయి. ఫామ్‌లో లేని ఇషాన్‌ కోసం.. మెగా వేలంలో ఏ ఫ్రాంఛైజీ అంతగా ఆసక్తి చూపదని.. మహా అయితే, అతడికి రూ. ఐదు కోట్లు దక్కవచ్చని క్రికెట్‌ ప్రేమికులు అంటున్నారు.అంతేకాదు.. లక్నో ఇప్పటికే వికెట్‌ కీపర్‌ బ్యాటర్‌ నికోలస్‌ పూరన్‌ను ఏకంగా రూ. 21 కోట్ల మొత్తానికి అట్టిపెట్టుకుంది. అలాంటిది.. ఇషాన్‌ను ఆ ఫ్రాంఛైజీ కొనుక్కోవడం ఏమిటంటూ అశూ మాక్‌ వేలంలో లక్నో తరఫున పాల్గొన్న అభిమానులను ట్రోల్‌ చేస్తున్నారు. ​కాగా సౌదీ అరేబియాలోని జెద్దా వేదికగా నవంబరు 24, 25 తేదీల్లో మెగా వేలం జరుగనుంది.చదవండి: BGT 2024: టీమిండియాకు గుడ్‌న్యూస్‌

ఇండియన్‌ ప్రీమియర్‌ లీగ్‌ 2025 సీజన్‌తో తాను కొత్త ప్రయాణం మొదలుపెట్టాలనుకుంటున్నానని టీమిండియా స్టార్‌ క్రికెటర్‌ కేఎల్‌ రాహుల్‌ తెలిపాడు. స్వేచ్ఛాయుత వాతావరణంలో తనను తాను కొత్తగా ఆవిష్కరించుకునే ప్రయత్నం చేస్తానన్నాడు. కాగా ఈ ఏడాది ఐపీఎల్‌ మెగా వేలం జరుగనున్న విషయం తెలిసిందే.లక్నో సూపర్‌ జెయింట్స్‌ను వీడిన కేఎల్‌ రాహుల్‌సౌదీ అరేబియాలోని జిద్దా నగరం వేదికగా నవంబరు 24, 25 తేదీల్లో వేలంపాట నిర్వహించేందుకు భారత క్రికెట్‌ నియంత్రణ మండలి(బీసీసీఐ) ఏర్పాట్లు చేసింది. ఈ నేపథ్యంలో ఇప్పటికే పది ఫ్రాంఛైజీలు తాము అట్టిపెట్టుకునే ఆటగాళ్ల జాబితాను విడుదల చేశాయి.ఈ సందర్భంగా లక్నో సూపర్‌ జెయింట్స్‌తో కేఎల్‌ రాహుల్‌ బంధం తెంచుకున్నట్లు వెల్లడైంది. అయితే, ఇందుకు గల కారణాన్ని ఈ టీమిండియా స్టార్‌ తాజాగా బయటపెట్టాడు. ‘‘నా ప్రయాణాన్ని సరికొత్తగా మొదలుపెట్టాలనుకుంటున్నాను. నాకు ఉన్న ఆప్షన్లను పరిశీలించాలని భావిస్తున్నా. ముఖ్యంగా ఎక్కడైతే నాకు స్వేచ్ఛగా ఆడే వీలు ఉంటుందో అక్కడికి వెళ్లాలనుకుంటున్నాను.కొన్నిసార్లు కఠిన నిర్ణయాలు తీసుకోకతప్పదుఅక్కడి వాతావరణం కాస్త తేలికగా, ప్రశాంతంగా ఉండగలగాలి. అందుకే మన మంచి కోసం మనమే కొన్నిసార్లు కఠిన నిర్ణయాలు తీసుకోకతప్పదు’’ అని కేఎల్‌ రాహుల్‌ ఇండియా టుడేతో పేర్కొన్నాడు. కాగా 2022లో లక్నో ఫ్రాంఛైజీ ఐపీఎల్‌లో అడుగుపెట్టింది. తమ కెప్టెన్‌గా కేఎల్‌ రాహుల్‌ను నియమించుకుంది.కెప్టెన్‌గా రాణించినాఅయితే, యాజమాన్యం అంచనాలకు తగ్గట్లుగానే రాహుల్‌.. లక్నోను అరంగేట్ర సీజన్‌లోనే ప్లే ఆఫ్స్‌నకు చేర్చాడు. ఆ తర్వాతి ఎడిషన్‌లోనూ టాప్‌-4లో నిలిపాడు. అయితే, ఐపీఎల్‌-2024లో మాత్రం లక్నో ప్లే ఆఫ్స్‌నకు అర్హత సాధించలేకపోయింది. పద్నాలుగు మ్యాచ్‌లకు గానూ.. ఏడే గెలిచి పాయింట్ల పట్టికలో ఏడో స్థానంలో నిలిచింది.ఇదిలా ఉంటే.. లక్నో జట్టు యజమాని, ప్రముఖ వ్యాపారవేత్త సంజీవ్‌ గోయెంకా ఐపీఎల్‌ 2024లో ఓ మ్యాచ్‌ సందర్భంగా.. రాహుల్‌ను అందరి ముందే తిట్టాడు. సన్‌రైజర్స్‌ హైదరాబాద్‌ చేతిలో ఘోర ఓటమిని జీర్ణించుకోలేక కెప్టెన్‌పై బహిరంగంగానే ఆగ్రహం వ్యక్తం చేశాడు.రాహుల్‌కు ఘోర అవమానంఇందుకు సంబంధించిన దృశ్యాలు వైరల్‌ కాగా.. సంజీవ్‌ గోయెంకాపై తీవ్ర స్థాయిలో విమర్శలు వచ్చాయి. అయితే, ఆ తర్వాత అతడు నష్టనివారణ చర్యలే చేపట్టి.. రాహుల్‌ను తన ఇంటికి ఆహ్వానించి ఫొటోలు విడుదల చేశాడు. కానీ.. అందరి ముందు జరిగిన అవమానాన్ని మర్చిపోలేకపోయిన రాహుల్‌ ఆ జట్టును వీడినట్లు అతడి తాజా వ్యాఖ్యల ద్వారా స్పష్టమైంది. ఇక టీమిండియా టీ20 జట్టులో పునరాగమనమే లక్ష్యంగా తాను ఇకపై అడుగులు వేస్తానని కేఎల్‌ రాహుల్‌ ఈ సందర్భంగా తన మనసులోని మాటను వెల్లడించాడు. కాగా లక్నో తరఫున కేఎల్‌ రాహుల్‌ 2022లో 616 పరుగులు చేశాడు. గత రెండు సీజన్లలో కలిపి 23 మ్యాచ్‌లు ఆడి 800 రన్స్‌ స్కోరు చేశాడు. ఇక మొత్తంగా అంతర్జాతీయ టీ20లలో రాహుల్‌ ఇప్పటి వరకు 72 మ్యాచ్‌లు ఆడి 2265 పరుగులు సాధించాడు.చదవండి: CT 2025: పాకిస్తాన్‌ కాదు... సౌతాఫ్రికా వేదికగా ఛాంపియన్స్‌ ట్రోఫీ!?

ఐపీఎల్‌ 2025 సీజన్‌కు సంబంధించి అన్ని ఫ్రాంచైజీలు తమతమ రిటైన్ లిస్ట్‌ను సమర్పించడానికి మరో మూడు రోజుల గడువు మాత్రమే ఉంది. అక్టోబర్ 31 రిటైన్ లిస్ట్‌ను సమర్పించడానికి డెడ్‌ లైన్‌ అని బీసీసీఐ తెలిపింది. ప్రస్తుతమున్న సమాచారం మేరకు ఒక్కో ఫ్రాంచైజీ ఆరుగురు ఆటగాళ్లను రిటైన్ చేసుకోవచ్చు. ఇందులో గరిష్టంగా అయిదుగురు క్యాప్డ్ ప్లేయర్లు, ఇద్దరు అన్‌క్యాప్డ్ ప్లేయర్లకు అవకాశం ఉంటుంది.రిటైన్ చేసుకునే క్యాప్డ్‌ ప్లేయర్లకు ఛాయిస్‌ ప్రకారం​ వరుసగా 18, 14, 11 కోట్లు ఇవ్వాల్సి ఉంటుంది. రిటైన్‌ చేసుకునే అన్‌క్యాప్డ్ ప్లేయర్‌కు 4 కోట్లు పారితోషికం చెల్లించాల్సి ఉంటుంది. ఈ నేపథ్యంలో ఫ్రాంచైజీలన్నీ తమ తమ రిటైన్ లిస్ట్‌ను దాదాపుగా ఖరారు చేసుకున్నాయి. అన్ని ఫ్రాంచైజీల బాటలోనే లక్నో సూపర్ జెయింట్స్ కూడా నడుస్తుంది. ఈ ఫ్రాంచైజీ కూడా తమ రిటైన్‌ జాబితాను సిద్దం చేసుకున్నట్లు సమాచారం.అయితే ఎల్‌ఎస్‌జీ ఈసారి తమ కెప్టెన్ కేఎల్ రాహుల్ లేకుండానే రిటైన్ లిస్ట్‌ను సిద్ధం చేసుకున్నట్లు తెలుస్తుంది. ఫస్ట్‌ చాయిస్‌ కింద నికోలస్‌ పూరన్‌ను ఎంపిక చేసుకున్నట్లు సమాచారం. పూరన్‌కే కెప్టెన్సీ బాధ్యతలు కూడా కట్టబెట్టనున్నట్లు తెలుస్తుంది. ఇదే కరెక్ట్‌ అయితే పూరన్‌కు పారితోషికం కింద రూ. 18 కోట్లు దక్కనున్నాయి.ఎల్‌ఎస్‌జీ.. పూరన్‌తో పాటు మయాంక్‌ యాదవ్‌, రవి బిష్ణోయ్‌, ఆయుశ్‌ బదోని, మొహిసిన్‌ ఖాన్‌లను రిటైన్‌ చేసుకున్నట్లు తెలుస్తుంది. ఈ ఫ్రాంచైజీ మయాంక్ యాదవ్‌ను సెకెండ్‌ ఛాయిస్‌గా ఎంపిక చేసుకున్నట్లు సమాచారం. ఇదే నిజమైతే మయాంక్‌ యాదవ్‌కు రూ. 14 కోట్లు దక్కనున్నాయి. 2024 ఐపీఎల్ సీజన్‌లో అరంగేట్రం చేసిన మయాంక్ కేవలం 4 మ్యాచ్‌లే ఆడాడు. ఇందులో 7 వికెట్లు పడగొట్టాడు.

ఐపీఎల్‌ 2025 సీజన్‌ మెగా వేలానికి ముందు లక్నో సూపర్‌ జెయింట్స్‌ యాజమాన్యం కేఎల్‌ రాహుల్‌ను రిలీజ్‌ చేయాలని డిసైడైనట్లు తెలుస్తుంది. ఫ్రాంచైజీ మేనేజ్‌మెంట్‌ రాహుల్‌ స్ట్రయిక్‌రేట్‌ పట్ల అసంతృప్తిగా ఉన్నట్లు సమాచారం. గత మూడు సీజన్లలో జట్టు పేలవ ప్రదర్శనకు రాహుల్‌ స్ట్రయిక్‌ రేట్‌ ప్రధాన కారణమని మేనేజ్‌మెంట్‌ భావిస్తుందట.రాహుల్‌ స్థానంలో లక్నో కెప్టెన్సీ పగ్గాలు నికోలస్‌ పూరన్‌కు అప్పజెప్పాలని భావిస్తున్నట్లు తెలుస్తుంది. ఎల్‌ఎస్‌జీ యాజమాన్యం పూరన్‌తో పాటు మరో ఇద్దరిని రిటైన్‌ చేసుకోనుందని సమాచారం. రవి బిష్ణోయ్‌, మయాంక్‌ యాదవ్‌ల కోసం భారీ మొత్తం ఖర్చు చేయనున్నట్లు తెలుస్తుంది. మయాంక్‌కు పారితోషికం కింద దాదాపు రూ. 14 కోట్లు దక్కవచ్చని అంచనా. అన్‌క్యాప్డ్‌ ప్లేయర్ల కోటాలో ఆయుశ్‌ బదోని, మొహిసిన్‌ ఖాన్‌లను కూడా రిటైన్‌ చేసుకోనున్నట్లు సమాచారం.కాగా, లక్నో సూపర్‌ జెయింట్స్‌ 2022 సీజన్‌తో ఐపీఎల్‌ అరంగేట్రం చేసిన విషయం తెలిసిందే. అప్పటి నుంచి మూడు సీజన్ల పాటు కేఎల్‌ రాహుల్‌ ఆ జట్టుకు నాయకత్వం వహించాడు. 2022, 2023 సీజన్లలో ప్లే ఆఫ్స్‌కు చేరిన లక్నో.. ఈ ఏడాది లీగ్‌ స్టేజ్‌లోనే ఇంటిముఖం పట్టింది. చదవండి: ఫాస్టెస్ట్‌ డబుల్‌ సెంచరీ.. 103 బంతుల్లో 27 ఫోర్లు, 7 సిక్సర్లు

తాను టీమిండియాకు ఎంపికవుతానని ఊహించలేదన్నాడు యువ బౌలర్‌ మయాంక్‌ యాదవ్‌. భారత క్రికెట్‌ నియంత్రణ మండలి(బీసీసీఐ) వెబ్‌సైట్‌ చూసిన తర్వాతే తనకు నమ్మకం కుదిరిందన్నాడు. ఆ తర్వాత తనను అభినందిస్తూ ఫోన్‌ కాల్స్‌ వచ్చాయని.. ఆ సమయంలో ఒక్కసారిగా గతం కళ్ల ముందు కదలాడిందని ఉద్వేగానికి లోనయ్యాడు.లక్నోకు ఆడిన మయాంక్‌టీమిండియా ప్రస్తుత హెడ్‌కోచ్‌ గౌతమ్‌ గంభీర్‌ గతంలో చెప్పిన మాటలు తనపై ప్రభావం చూపాయని మయాంక్‌ యాదవ్‌ ఈ సందర్భంగా గుర్తు చేసుకున్నాడు. కాగా ఢిల్లీకి చెందిన మయాంక్‌.. 2024లో ఇండియన్‌ ప్రీమియర్‌ లీగ్‌లో అరంగేట్రం చేశాడు. లక్నో సూపర్‌ జెయింట్స్‌కు ఆడిన ఈ పేస్‌ బౌలర్‌.. గంటకు 150కి పైగాకిలో మీటర్ల వేగంతో బంతులు విసిరి క్రికెట్‌ ప్రేమికుల దృష్టిని ఆకర్షించాడు.స్పీడ్‌కు గాయాల బ్రేక్‌వరుసగా రెండు మ్యాచ్‌లలో అద్భుత ప్రదర్శనతో జట్టును గెలిపించి.. పేస్‌ స్టన్‌ గన్‌గా ప్రశంసలు అందుకున్నాడు. అయితే, గాయం కారణంగా అతడి స్పీడ్‌కు బ్రేక్‌ పడింది. పక్కటెముకల నొప్పితో మిగిలిన మ్యాచ్‌లకు అతడు దూరమయ్యాడు. ఈ క్రమంలో బెంగళూరులోని జాతీయ క్రికెట్‌ అకాడమీలో చికిత్స పొందిన మయాంక్‌ యాదవ్‌ ఇటీవలే మ్యాచ్‌ ఫిట్‌నెస్‌ సాధించాడు. నెట్స్‌లో అతడి బౌలింగ్‌ పట్ల సంతృప్తివ్యక్తం చేసిన టీమిండియా సెలక్టర్లు బంగ్లాదేశ్‌తో టీ20 సిరీస్‌కు మయాంక్‌ను ఎంపిక చేశారు.గంభీర్‌ భయ్యా ఆరోజు నాతో చెప్పాడుఈ నేపథ్యంలో మయాంక్‌ యాదవ్‌ మాట్లాడుతూ.. ‘‘‘కొంత మంది ఆటగాళ్లు వరుసగా విఫలమైనా.. తమను తాము నిరూపించుకోవడానికి వరుస అవకాశాలు వస్తాయి.. కానీ కొంతమందికి మాత్రం ఎప్పుడో ఒకసారి ఒక్క ఛాన్స్‌ మాత్రమే వస్తుంది’ అని గౌతం గంభీర్‌ భయ్యా ఓసారి నాతో చెప్పాడు. నిజానికి నన్ను ఓ ఐపీఎల్‌ టీమ్‌ కొనుగోలు చేసిన తర్వాత కూడా షూ స్పాన్సర్‌ కోసం వెతుక్కోవాల్సిన దుస్థితిలో ఉన్న రోజులవి..నన్ను నేను నిరూపించుకున్నానుఆ సమయంలో గౌతం భయ్యా మాటలో నా మనసులో అలాగే ఉండిపోయాయి. ఆయనతో పాటు విజయ్‌ దహియా(లక్నో మాజీ కోచ్‌) కూడా.. కనీసం రెండేళ్ల తర్వాతైనా నువ్వు మొదటి ఐపీఎల్‌ మ్యాచ్‌ ఆడతావు. అప్పటి వరకు ఓపికగా వేచిచూడు అని చెప్పారు. ఈ ఏడాది ఆ అవకాశం వచ్చింది. నన్ను నేను నిరూపించుకున్నాను.ఇక నేను టీమిండియాకు ఎంపికయ్యాననే విషయం కాస్త ఆలస్యంగానే తెలిసింది. ఎన్సీఏలో నా సహచర ఆటగాళ్లకు కంగ్రాట్యులేషన్స్‌ చెబుతూ కాల్స్‌ వచ్చాయి. అప్పుడు నేను బీసీసీఐ అధికారిక వెబ్‌సైట్‌ చూస్తే టీ20 జట్టులో నా పేరు కూడా కనిపించింది. అప్పుడు ఒక్కసారిగా గతం గుర్తుకు వచ్చింది. అరంగేట్రం ఖాయమే!వరుస గాయాలతో సతమతమవుతూ నేను ఎన్సీఏకు చేరడం.. నాలుగు నెలలు అక్కడే ఇప్పుడిలా జట్టుకు ఎంపిక కావడం.. అన్నీ గుర్తుకువచ్చాయి’’ అని టైమ్స్‌ ఆఫ్‌ ఇండియాతో పేర్కొన్నాడు. కాగా 22 ఏళ్ల మయాంక్‌ స్వదేశంలో బంగ్లాదేశ్‌తో మూడు మ్యాచ్‌ల టీ20 సిరీస్‌ సందర్భంగా అంతర్జాతీయ క్రికెట్‌లో అడుగుపెట్టడం దాదాపు ఖాయమైనట్లే! లక్నో సూపర్‌ జెయింట్స్‌ మాజీ మెంటార్‌ గంభీర్‌, మాజీ బౌలింగ్‌ కోచ్‌ మోర్నీ మోర్కెల్‌లకు మయాంక్‌ నైపుణ్యాల గురించి అవగాహన ఉంది. వీరిద్దరిలో ఒకరు ఇప్పుడు టీమిండియా హెడ్‌కోచ్‌, మరొకరు బౌలింగ్‌ కోచ్‌ అన్న సంగతి తెలిసిందే. చదవండి: టీమిండియా స్టార్లంతా రెండు నెలలు ఆటకు దూరం

భారత సంచలన పేసర్‌ మయాంక్‌ యాదవ్‌ త్వరలోనే అంతర్జాతీయ క్రికెట్‌లో అడుగుపెట్టే అవకాశం ఉన్నట్లు తెలుస్తోంది. బంగ్లాదేశ్‌తో టీ20 సిరీస్‌ సందర్భంగా ఈ యువ స్పీడ్‌స్టర్‌ టీమిండియా తరఫున అరంగేట్రం చేయనున్నట్లు తెలుస్తోంది. కాగా దేశవాళీ క్రికెట్‌లో ఢిల్లీకి ఆడుతున్న ఫాస్ట్‌ బౌలర్‌ ఈ ఏడాది ఇండియన్‌ ప్రీమియర్‌ లీగ్‌లో ఎంట్రీ ఇచ్చాడు.మెరుపు వేగంతో దూసుకువచ్చే బంతులు విసరడంలో దిట్టలక్నో సూపర్‌ జెయింట్స్‌కు ప్రాతినిథ్యం వహించిన ఈ రైటార్మ్‌ బౌలర్‌.. తన మెరుపు వేగంతో హాట్‌టాపిక్‌గా మారాడు. గంటకు 150కి పైగా కిలో మీటర్ల వేగంతో బంతులు విసురుతూ యువ బౌలర్లందరిలో ప్రత్యేక ఆకర్షణగా నిలిచాడు. లక్నో తరఫున వరుసగా రెండు ప్లేయర్‌ ఆఫ్‌ ది మ్యాచ్‌ అవార్డులు అందుకుని.. ఐపీఎల్‌ చరిత్రలో ఈ ఘనత సాధించిన మొదటి క్రికెటర్‌గా రికార్డులకెక్కాడు.మ్యాచ్‌ ఫిట్‌నెస్‌ కూడా సాధించాడు!అయితే, ఆ వెంటనే గాయం కారణంగా మయాంక్‌ జట్టుకు దూరం కావాల్సి వచ్చింది. పక్కటెముకల నొ​ప్పితో బాధపడుతున్న అతడు.. బెంగళూరులోని జాతీయ క్రికెట్‌ అకాడమీ(ఎన్సీఏ)కి చేరాడు. అక్కడి వైద్య బృందం పర్యవేక్షణలో చికిత్స పొందిన 22 ఏళ్ల మయాంక్‌.. ప్రస్తుతం పూర్తిగా కోలుకున్నాడు. మ్యాచ్‌ ఫిట్‌నెస్‌ కూడా సాధించాడు.టీమిండియా సెలక్టర్ల ఆరాఈ విషయం గురించి బీసీసీఐ వర్గాలు మాట్లాడుతూ.. ‘‘గత నెల రోజులుగా మయాంక్‌ గాయం కారణంగా ఎలాంటి ఇబ్బందిపడలేదు. ఎన్సీఏ నెట్స్‌లో పూర్తి స్థాయిలో బౌలింగ్‌ చేశాడు. అతడు అంతర్జాతీయ క్రికెట్‌ అరంగేట్రానికి సిద్ధంగా ఉన్నాడా? లేదా? అని టీమిండియా సెలక్టర్లు ఆరా తీశారు.స్వదేశంలో వరుస టెస్టు సిరీస్‌లు ఉన్న కారణంగా.. బంగ్లాదేశ్‌తో టీ20 సిరీస్‌ సందర్భంగా ఎక్కువగా కొత్త ముఖాలకే చోటు ఇవ్వాలనే యోచనలో ఉన్నారు. మయాంక్‌ ఇక్కడ రోజుకు 20 ఓవర్ల పాటు వైట్‌బాల్‌తో ప్రాక్టీస్‌ చేస్తున్నాడు.ఎన్సీఏలో అతడి ప్రదర్శన చూసిన తర్వాత.. టీమిండియా సెలక్టర్లు అతడి బంగ్లాతో టీ20 సిరీస్‌కు ఎంపిక చేస్తారనే నమ్మకం బలపడింది. ఎన్సీఏ కొత్త కార్యాలయం ప్రారంభోత్సవం కోసం టీమిండియా ఛీఫ్‌ సెలక్టర్‌ అగార్కర్‌ బెంగళూరుకు రానున్నాడు. అప్పుడు ఈ విషయంపై స్పష్టత వస్తుంది.గంభీర్‌, మోర్కెల్‌లకు తెలుసుఅయినా.. మయాంక్‌ను కేవలం టీ20 ఫార్మాట్‌కే పరిమితం చేయాలని సెలక్టర్లు భావించడం లేదు. టీమిండియా ప్రస్తుత హెడ్‌కోచ్‌ గౌతం గంభీర్‌, బౌలింగ్‌ కోచ్‌ మోర్నీ మోర్కెల్‌ లక్నో సూపర్‌ జెయింట్స్‌తో ఉన్న సమయంలో మయాంక్‌ను దగ్గరగా గమనించారు. అతడి ప్రతిభ గురించి వారికి తెలుసు’’ అని టైమ్స్‌ ఆఫ్‌ ఇండియాతో వ్యాఖ్యానించాయి. దీనిని బట్టి బంగ్లాదేశ్‌తో అక్టోబరు 6-12 మధ్య జరుగనున్న టీ20 సిరీస్‌కు మయాంక్‌ యాదవ్‌ ఎంపిక కావడం ఖాయంగా కనిపిస్తోంది.చదవండి: లివింగ్‌స్టోన్‌ విధ్వంసం.. బ్రూక్‌ కెప్టెన్‌ ఇన్నింగ్స్‌.. మట్టికరిచిన ఆసీస్‌

ఐపీఎల్‌-2025 సీజ‌న్ ముందు టీమిండియా కెప్టెన్ రోహిత్ శ‌ర్మ ముంబై ఇండియ‌న్స్ ఫ్రాంచైజీని వీడిడంపై ఊహాగానాలు ఊపుందుకున్నాయి. రోహిత్‌ వ‌చ్చే ఏడాది సీజ‌న్ కోసం ల‌క్నో సూప‌ర్ జెయింట్స్‌తో జ‌త‌క‌ట్ట‌నున్నాడ‌ని వార్త‌లు వినిపిస్తున్నాయి.అత‌డి కోసం ఎంత మొత్తాన్ని నైనా వెచ్చించేందుకు ల‌క్నో ఫ్రాంచైజీ సిద్దంగా ఉన్న‌ట్లు తెలుస్తోంది. తాజాగా ల‌క్నో ఫీల్డింగ్ కోచ్ జాంటీ రోడ్స్ చేసిన వ్యాఖ్య‌లు ఈ వార్త‌ల‌కు మ‌రింత ఊత‌మిస్తున్నాయి."శ‌ర్మ వేలంలోకి వ‌స్తే అత‌డిని స్వాగ‌తించేందుకు ల‌క్నో సూప‌ర్ జెయింట్స్ సిద్దంగా ఉంది. అత‌డు చాలా గొప్ప ఆట‌గాడు. హిట్‌మ్యాన్ వేలంలోకి వ‌స్తే ప్ర‌తీ ఫ్రాంచైజీ అత‌డిని సొంతం చేసుకునేందుకు ప్ర‌య‌త్నిస్తోంది. ముంబై ఫీల్డింగ్ కోచ్‌గా ఉన్న స‌మ‌యంలో రోహిత్‌తో చాలా క్లోజ్‌గా ప‌నిచేశా. అత‌డి బ్యాటింగ్ స్టైల్ అంటే నాకెంతో ఇష్టమ‌ని" న్యూస్ 24కు ఇచ్చిన ఇంట‌ర్వ్యూలో రోడ్స్ పేర్కొన్నాడు. దీంతో రోహిత్‌పై లక్నో దృష్టిసారించినట్లు తేటతెల్లమైంది.కాగా ఐపీఎల్‌-2024 సీజ‌న్‌కు ముందు ముంబై ఇండియ‌న్స్ ఫ్రాంచైజీ త‌మ జట్టు కెప్టెన్సీ నుంచి త‌ప్పించిన సంగ‌తి తెలిసిందే. అత‌డి స్ధానంలో స్టార్ ఆల్‌రౌండ‌ర్ హార్దిక్ పాండ్యాను గుజ‌రాత్ టైటాన్స్ నుంచి ట్రేడ్ చేసుకుని మ‌రి ముంబై త‌మ జ‌ట్టు ప‌గ్గాలు అప్ప‌గించింది. అప్ప‌టి నుంచి ముంబై యాజ‌మాన్యం ప‌ట్ల హిట్‌మ్యాన్ అసంతృప్తితో ఉన్నట్లు సమాచారం. ఈ క్రమంలోనే ఫ్రాంచైజీ మారేందుకు రోహిత్ శర్మ సిద్దమైనట్లు పలు రిపోర్ట్‌లు పేర్కొంటున్నాయి.

జహీర్‌ ఖాన్‌ రాకతో లక్నో సూపర్‌ జెయింట్స్‌ రాత మారబోతుందని ఆ జట్టు టాలెంట్‌ సెర్చ్‌ డైరెక్టర్‌, టీమిండియా మాజీ చీఫ్‌ సెలక్టర్‌ ఎమ్‌ఎస్‌కే ప్రసాద్‌ అన్నాడు. ఈ రివర్స్‌ స్వింగ్‌ కింగ్‌ను గేమ్‌ ఛేంజర్‌గా అభివర్ణించాడు. అంతర్జాతీయ క్రికెట్‌లో అపార అనుభవం ఉన్న జహీర్‌ మార్గదర్శనంలో లక్నో అద్భుత విజయాలు సాధిస్తుందని ధీమా వ్యక్తం చేశాడు.లక్నో మెంటార్‌గా జహీర్‌ నియామకంకాగా ఐపీఎల్‌ ఫ్రాంఛైజీ లక్నో సూపర్‌ జెయింట్స్‌ తమ కొత్త మెంటార్‌గా భారత మాజీ పేస్‌ బౌలర్‌ జహీర్‌ ఖాన్‌ను నియమించిన విషయం తెలిసిందే. జహీర్‌ ఈ జట్టుతో చేరుతున్నట్లుగా గత కొంత కాలంగా వార్తలు వినిపించగా... టీమ్‌ యజమాని సంజీవ్‌ గోయెంకా బుధవారం అధికారికంగా ప్రకటించారు. మెంటార్‌గా ప్రధాన జట్టుకే పరిమితం కాకుండా ప్రతిభాన్వేషణ, కొత్త ఆటగాళ్లను తీర్చిదిద్దే అదనపు బాధ్యతలను కూడా జహీర్‌కు లక్నో యాజమాన్యం అప్పగించింది.క్యాష్‌ రిచ్‌ లీగ్‌లోకి 2022లో లీగ్‌లోకి ప్రవేశించిన లక్నో సూపర్‌ జెయింట్స్‌కు రెండేళ్లు గౌతమ్‌ గంభీర్‌ మెంటార్‌గా వ్యవహరించగా.. కేఎల్‌ రాహుల్‌ సారథ్యంలోని ఈ జట్టు రెండుసార్లు ప్లే ఆఫ్స్‌కు చేరింది. ఆ తర్వాత మెంటార్‌ బాధ్యతల నుంచి గంభీర్‌ తప్పుకోగా.. 2024 సీజన్‌లో లక్నో పేలవ ప్రదర్శన కనబర్చింది. ఈ క్రమంలో గంభీర్‌ స్థానాన్ని జహీర్‌తో భర్తీ చేసింది యాజమాన్యం.అత్యుత్తమ బౌలర్‌ రాక మాకు శుభ పరిణామంఈ నేపథ్యంలో ఎమ్‌ఎస్‌కే ప్రసాద్‌ మాట్లాడుతూ.. ‘‘లక్నో జట్టుకు ఇదొక శుభవార్త. జహీర్‌ ఖాన్‌ వంటి మేటి క్రికెటర్‌ మెంటార్‌గా రావడం మంచి పరిణామం. జహీర్‌ నెమ్మదస్తుడు. కూల్‌గానే తనకు కావాల్సిన ఫలితాలను రాబట్టుకోగల సమర్థత ఉన్నవాడు. ఆట పట్ల అతడికి విశేష జ్ఞానం ఉంది. ఐపీఎల్‌లో జహీర్‌ కెరీర్‌ ఇలాటీమిండియా తరఫున మూడు ఫార్మాట్లలో అత్యుత్తమంగా రాణించిన ఘనత అతడి సొంతం. ఐపీఎల్‌లోనూ తనకు గొప్ప అనుభవం ఉంది. లక్నో జట్టుకు అతడు గేమ్‌ ఛేంజర్‌ కాబోతున్నాడు’’ అని స్పోర్ట్స్‌కీడాకు ఇచ్చిన ఇంటర్వ్యూలో పేర్కొన్నాడు. కాగా భారత అత్యుత్తమ పేస్‌ బౌలర్లలో ఒకడిగా గుర్తింపు తెచ్చుకున్న జహీర్‌ 2017 వరకు ఐపీఎల్‌ ఆడాడు. ముంబై, బెంగళూరు, ఢిల్లీ జట్ల తరఫున మొత్తం 100 మ్యాచ్‌లు ఆడి 102 వికెట్లు పడగొట్టిన అతను ఆ తర్వాత కూడా ఐపీఎల్‌తో కొనసాగాడు. 2018–2022 మధ్య ఐదేళ్ల పాటు జహీర్‌ ఖాన్‌ ముంబై ఇండియన్స్‌ టీమ్‌కు డైరెక్టర్, ఆ తర్వాత హెడ్‌ ఆఫ్‌ గ్లోబల్‌ డెవలప్‌మెంట్‌గా బాధ్యతలు నిర్వర్తించాడు. ఇక ఐపీఎల్‌-2025లో లక్నో మెంటార్‌గా వ్యవహరించనున్నాడు.చదవండి: ఒక్కడి కోసం అంత ఖర్చు పెడతారా? లక్నో జట్టు ఓనర్‌

‘‘టీమిండియా కెప్టెన్‌ రోహిత్‌ శర్మ కోసం ఇండియన్‌ ప్రీమియర్‌ లీగ్‌ ఫ్రాంఛైజీ లక్నో సూపర్‌ జెయింట్స్‌ రూ. 50 కోట్లు అయినా సరే ఖర్చుపెట్టబోతోంది.. ఢిల్లీ క్యాపిటల్స్‌తో పోటీ నేపథ్యంలో అతడికి ఇప్పటికే ఈ మేర భారీ ఆఫర్‌ కూడా ఇచ్చింది’’ అంటూ సోషల్‌ మీడియాలో కొద్దిరోజులుగా ప్రచారం జరుగుతోంది. ఈ ఊహాగానాలపై లక్నో జట్టు యజమాని సంజీవ్‌ గోయెంకా తాజాగా స్పందించాడు. ముంబై జట్టుతో సుదీర్ఘ అనుబంధంఇలాంటి నిరాధార వార్తలు ఎలా పుట్టుకొస్తాయో తనకు అర్థం కావడం లేదని.. అయినా ఒక్క ఆటగాడి కోసం ఇంత పెద్ద మొత్తం ఎవరైనా ఖర్చు చేస్తారా? అంటూ విస్మయం వ్యక్తం చేశాడు. ఈ ఏడాది ఐపీఎల్‌ మెగా వేలం జరుగనున్న విషయం తెలిసిందే. ఈ నేపథ్యంలో కళ్లన్నీ దిగ్గజ బ్యాటర్‌ రోహిత్‌ శర్మపైనే ఉన్నాయి. ముంబై ఇండియన్స్‌ను ఐదుసార్లు చాంపియన్స్‌గా నిలిపిన హిట్‌మ్యాన్‌.. పదేళ్లపాటు ఆ జట్టుకు కెప్టెన్‌గా వ్యవహరించాడు. అనూహ్య రీతిలో వేటుఅయితే, గతేడాది ఆల్‌రౌండర్‌ హార్దిక్‌ పాండ్యా ఆగమనంతో రోహిత్‌ను సారథ్య బాధ్యతల నుంచి తప్పించి ముంబై యాజమాన్యం. దీంతో అసంతృప్తికి లోనైన రోహిత్‌ శర్మ ఆ జట్టును వీడాలని నిర్ణయించుకున్నట్లు ఊహాగానాలు వినిపిస్తున్నాయి. ఫలితంగా రోహిత్‌ శర్మ వేలంలోకి రానున్నాడని.. అతడి కోసం లక్నో, ఢిల్లీ తదితర జట్లు పోటీపడే అవకాశం ఉందనే అభిప్రాయాలు వ్యక్తమవుతున్నాయి. ఈ విషయం గురించి సంజీవ్‌ గోయెంకాకు ప్రశ్న ఎదురైంది.‘‘రోహిత్‌ కోసం లక్నో రూ. 50 కోట్లు విడిగా పెట్టిందనే వదంతులు వస్తున్నాయి. ఇవి నిజమేనా?’’ అని యాంకర్‌ ప్రశ్నించారు. ఇందుకు బదులిస్తూ.. ‘‘అసలు రోహిత్‌ శర్మ వేలంలోకి వస్తాడో? లేదో మీరే చెప్పండి. ఈ విషయం గురించి ఎవరికైనా స్పష్టత ఉందా?ఒక్కడి కోసం రూ. 50 కోట్లా?ఇవన్నీ వట్టి వదంతులే. ముంబై ఇండియన్స్‌ రోహిత్‌ను రిలీజ్‌ చేస్తుందో లేదో కూడా తెలియదు. ఒకవేళ అదే జరిగి అతడు వేలంలోకి వచ్చినా.. సాలరీ పర్సులోని 50 శాతం డబ్బు ఒక్క ప్లేయర్‌ కోసమే ఎవరైనా ఖర్చు చేస్తారా? అలాంటపుడు మిగతా 22 ప్లేయర్ల సంగతేంటి?’’ అని సంజీవ్‌ గోయెంకా తిరిగి ప్రశ్నించాడు.కోరుకుంటే సరిపోదుఈ క్రమంలో.. ‘‘రోహిత్‌ మీ విష్‌ లిస్ట్‌లో ఉన్నాడా?’’ అనే ప్రశ్నకు స్పందిస్తూ.. ‘‘ప్రతి ఒక్కరికి ఒక విష్‌ లిస్ట్‌ ఉంటుంది. అత్యుత్తమ ఆటగాడు, అత్యుత్తమ కెప్టెన్‌నే ఎవరైనా కోరుకుంటారు. అయితే, మనం ఏం ఆశిస్తున్నామనేది కాదు.. మనకు ఏది అందుబాటులో ఉంది.. మనం పొందగలిగేదన్న విషయం మీదే అంతా ఆధారపడి ఉంటుంది. నేను కావాలనుకున్న వాళ్లను వేరే ఫ్రాంఛైజీ దక్కించుకోవచ్చు కదా!’’ అని సంజీవ్‌ గోయెంకా సమాధానం దాటవేశాడు.చదవండి: ‘రోహిత్‌ శర్మ ముంబై ఇండియన్స్‌తోనే ఉంటాడు’గంభీర్‌ స్థానంలో జహీర్‌ ఖాన్‌.. కేఎల్‌ రాహుల్‌ కెప్టెన్‌గా ఉంటాడా?

ఇండియన్‌ ప్రీమియర్‌ లీగ్‌(ఐపీఎల్‌) ఫ్రాంఛైజీ లక్నో సూపర్‌ జెయింట్స్‌ తమ కొత్త మెంటార్‌ పేరును ప్రకటించింది. టీమిండియా రివర్స్‌ స్వింగ్‌ కింగ్‌ జహీర్‌ ఖాన్‌ తమ జట్టుకు మార్గ నిర్దేశనం చేయనున్నట్లు తెలిపింది. ఈ దిగ్గజ పేసర్‌తో జతకట్టడం సంతోషంగా ఉందంటూ హర్షం వ్యక్తం చేసింది. కాగా ఐపీఎల్‌-2023లో లక్నో మెంటార్‌గా ఉన్న భారత మాజీ క్రికెటర్‌ గౌతం గంభీర్‌.. ఈ ఏడాది ఆ జట్టును వీడిన విషయం తెలిసిందే.ఈ క్రమంలో గౌతీ తిరిగి కోల్‌కతా నైట్‌ రైడర్స్‌ గూటికి చేరుకోగా.. లక్నో అతడి స్థానాన్ని అలాగే ఖాళీగా ఉంచింది. ఈ నేపథ్యంలో తాజాగా జహీర్‌ ఖాన్‌ను తమ మెంటార్‌గా అధికారికంగా ప్రకటించింది. ఈ సందర్భంగా లక్నో ఫ్రాంఛైజీ యజమాని, ప్రముఖ వ్యాపారవేత్త సంజీవ్‌ గోయెంకా జహీర్‌కు లక్నో జెర్సీ(నంబర్‌ 34)ని ప్రదానం చేశాడు.రివర్స్‌ స్వింగ్‌ కింగ్‌కు 102 వికెట్లుకాగా మహారాష్ట్రకు చెందిన 45 ఏళ్ల జహీర్‌ ఖాన్‌ దాదాపు రెండేళ్ల విరామం తర్వాత ఐపీఎల్‌లో రీఎంట్రీ ఇస్తున్నాడు. గతంలో ముంబై ఇండియన్స్‌, రాయల్‌ చాలెంజర్స్‌ బెంగళూరు, ఢిల్లీ డేర్‌డెవిల్స్‌కు ఆడిన ఈ లెఫ్టార్మ్‌ పేసర్‌... పది సీజన్లలో 100 మ్యాచ్‌లు ఆడి 7.58 ఎకానమీతో 102 వికెట్లు పడగొట్టాడు.అనంతరం కోచ్‌ అవతారమెత్తిన జహీర్‌ ఖాన్‌.. తొలుత ముంబై ఇండియన్స్‌ డైరెక్టర్‌ ఆఫ్‌ క్రికెట్‌గా పనిచేశాడు. 2018- 2022 మధ్య కాలంలో ఆ ఫ్రాంఛైజీతో ప్రయాణం చేసిన ఈ దిగ్గజ బౌలర్‌.. రెండేళ్ల విరామం అనంతరం మళ్లీ ఐపీఎల్‌లో అడుగుపెట్టాడు. కాగా లక్నో బౌలింగ్‌ కోచ్‌గా ఉన్న సౌతాఫ్రికా స్పీడ్‌స్టర్‌ మోర్నీ మోర్కెల్‌ ఇటీవలే టీమిండియా బౌలింగ్‌ శిక్షకుడిగా నియమితుడైన విషయం తెలిసిందే.కేఎల్‌ రాహుల్‌పై గోయెంకా కామెంట్‌ఈ నేపథ్యంలో లక్నో మెంటార్‌గా వ్యవహరించడంతో పాటు ఫాస్ట్‌ బౌలింగ్‌ విభాగాన్ని కూడా జహీర్‌ పర్యవేక్షించనున్నట్లు తెలుస్తోంది. ఇక జస్టిన్‌ లాంగర్‌ ఈ జట్టుకు హెడ్‌కోచ్‌గా ఉండగా.. లాన్స్‌ క్లూస్నర్‌, ఆడం వోగ్స్‌ అతడికి డిప్యూటీలుగా పనిచేస్తున్నారు. ఇదిలా ఉంటే.. లక్నో కెప్టెన్సీకి కేఎల్‌ రాహుల్‌ గుడ్‌బై చెప్తున్నాడనే వార్తల నడుమ.. సంజీవ్‌ గోయెంకా మాట్లాడుతూ.. అతడు తమ కుటుంబంలోని వ్యక్తి లాంటివాడని తెలిపాడు. అయితే, తమ కెప్టెన్‌ మార్పు గురించి వస్తున్న వార్తలపై స్పందించేందుకు నిరాకరించాడు. మరోవైపు.. కోల్‌కతా నైట్‌ రైడర్స్‌ను ఈ ఏడాది చాంపియన్‌గా నిలపడంలో కీలక పాత్ర పోషించిన గంభీర్‌ టీమిండియా ప్రధాన కోచ్‌గా బాధ్యతలు చేపట్టిన విషయం విదితమే.చదవండి: భారత స్టార్‌ క్రికెటర్‌ గుండెలో రంధ్రం.. సర్జరీ తర్వాత ఇలా..Zaheer, Lucknow ke dil mein aap bohot pehle se ho 🇮🇳💙 pic.twitter.com/S5S3YHUSX0— Lucknow Super Giants (@LucknowIPL) August 28, 2024

ఇండియన్‌ ప్రీమియర్‌ లీగ్‌-2025లో లక్నో సూపర్‌ జెయింట్స్‌కు కొత్త కెప్టెన్‌ వచ్చే అవకాశం ఉంది. టీమిండియా స్టార్‌ క్రికెటర్‌ కేఎల్‌ రాహుల్‌ స్థానంలో మరో సీనియర్‌ ప్లేయర్‌కు సారథ్య బాధ్యతలు అప్పగించేందుకు ఫ్రాంఛైజీ సిద్ధమైనట్లు తెలుస్తోంది. వేలం నేపథ్యంలో రిటెన్షన్‌ విధివిధానాలపై బీసీసీఐ స్పష్టతనిచ్చిన తర్వాత ఇందుకు సంబంధించి లక్నో తుది నిర్ణయం తీసుకోనున్నట్లు సమాచారం.కెప్టెన్‌గా విఫలంకాగా 2022లో క్యాష్‌ రిచ్‌ లీగ్‌లో అరంగేట్రం చేసిన లక్నో జట్టుకు ఆది నుంచి కేఎల్‌ రాహుల్‌ కెప్టెన్‌గా ఉన్నాడు. గత రెండు సీజన్లలో టీమ్‌ను ప్లే ఆఫ్స్‌నకు చేర్చిన ఈ కర్ణాటక వికెట్‌ కీపర్‌ బ్యాటర్‌.. ఈ ఏడాది మాత్రం ఆకట్టుకోలేకపోయాడు. ఆటగాడిగా 520 పరుగులతో పర్వాలేదనపించినా కెప్టెన్‌గా మాత్రం విఫలమయ్యాడు. లక్నోతోనే రాహుల్‌.. కానీఈ క్రమంలో లక్నో ఈసారి పద్నాలుగింట కేవలం ఏడు మాత్రమే గెలిచి ఏడోస్థానానికి పరిమితమైంది. ముఖ్యంగా సన్‌రైజర్స్‌ హైదరాబాద్‌ చేతిలో ఘోర ఓటమి నేపథ్యంలో ఫ్రాంఛైజీ ఓనర్‌ సంజీవ్‌ గోయెంక బహిరంగంగానే రాహుల్‌పై ఆగ్రహం వ్యక్తం చేశాడు. ఈ నేపథ్యంలో రాహుల్‌ లక్నో ఫ్రాంఛైజీని వీడనున్నాడనే వార్తలు రాగా.. సోమవారం సంజీవ్‌ గోయెంకాతో భేటీ అయిన రాహుల్‌ తాను జట్టుతోనే ఉంటాననే సంకేతాలు ఇచ్చాడు. రేసులో ఆ ఇద్దరుఈ క్రమంలో లక్నో జట్టు సంబంధిత వర్గాలు వార్తా సంస్థ IANSతో ఆసక్తికర విషయాలు వెల్లడించాయి. ‘‘సీఈఓ సంజీవ్‌ గోయెంకాతో రాహుల్‌ అధికారికంగానే భేటీ అయ్యాడు. రిటెన్షన్‌ గురించి చర్చలు జరిగాయి. వచ్చే ఏడాది కెప్టెన్‌గా ఉండటానికి రాహుల్‌ విముఖత చూపాడు. బ్యాటర్‌గా తాను మరింతగా రాణించేందుకు సారథ్య బాధ్యతలు వదులుకోవాలని భావిస్తున్నాడు. నిజానికి రాహుల్‌ కెప్టెన్సీ పట్ల గోయెంకాకు పూర్తి విశ్వాసం ఉంది. అయితే, తను మాత్రం అందుకు సిద్ధంగా లేడు.లక్నో రాహుల్‌ను రిటైన్‌ చేసుకోవడం ఖాయం. అయితే, కెప్టెన్‌గా ఉండడు. బీసీసీఐ విధివిధానాలు ఖరారు చేసిన తర్వాత ఈ అంశంపై మేము నిర్ణయం తీసుకుంటాం. అయితే, ఇప్పటికి కెప్టెన్సీ రేసులో కృనాల్‌ పాండ్యా, నికోలస్‌ పూరన్‌ ఉన్నారు’’ అని సదరు వర్గాలు పేర్కొన్నాయి. కాగా సెప్టెంబరు 5 నుంచి మొదలుకానున్న దులిప్‌ ట్రోఫీతో కేఎల్‌ రాహుల్‌ బిజీ కానున్నాడు.చదవండి: Duleep Trophy: ఆ ముగ్గురు స్టార్లు దూరం.. బీసీసీఐ ప్రకటన

న్యూఢిల్లీ: భారత మాజీ పేసర్‌ జహీర్‌ ఖాన్‌ను మెంటార్‌గా నియమించుకునేందుకు ఐపీఎల్‌ ఫ్రాంచైజీ లక్నో సూపర్‌ జెయింట్స్‌ (ఎల్‌ఎస్‌జీ) ప్రయత్నాలు చేస్తోంది. మెగా వేలం ప్రారంభానికి ముందే జహీర్‌తో ఒప్పందం కుదుర్చుకోవాలని లక్నో జట్టు యాజమాన్యం భావిస్తోంది. ముంబై ఇండియన్స్‌ గ్లోబల్‌ డెవలప్‌మెంట్‌ హెడ్‌గా పనిచేస్తున్న జహీర్‌ ఖాన్‌.. ఐపీఎల్‌లో 10 సీజన్లపాటు మూడు జట్ల తరఫున 100 మ్యాచ్‌లు ఆడి 102 వికెట్లు పడగొట్టాడు.2017లో అన్ని ఫార్మాట్ల క్రికెట్‌కు వీడ్కోలు పలికిన జహీర్‌... అప్పటి నుంచి ముంబై ఇండియన్స్‌తో కొనసాగుతున్నాడు. లక్నో సూపర్‌ జెయింట్స్‌కు మెంటార్‌గా వ్యవహరించిన గౌతమ్‌ గంభీర్‌ 2023 సీజన్‌ అనంతరం లక్నోను వీడి కోల్‌కతా నైట్‌రైడర్స్‌ (కేకేఆర్‌) జట్టుకు మారాడు. ఈ సీజన్‌లో గంభీర్‌ మార్గదర్శకత్వంలో కోల్‌కతా జట్టు అద్వితీయ ప్రదర్శన కనబర్చి మూడోసారి ఐపీఎల్‌ ట్రోఫీ కైవసం చేసుకుంది. ‘టీమ్‌ మెంటార్‌గా జహీర్‌ ఖాన్‌ను నియమించేందుకు లక్నో సూపర్‌ జెయింట్స్‌ యాజమాన్యం ప్రయత్నిస్తోంది.గంభీర్‌ నిష్క్రమణతో అతడి స్థానాన్ని జహీర్‌తో భర్తీ చేయాలని అనుకుంటున్నారు’ అని పలు కథనాలు వెలుగులోకి వచ్చాయి. గంభీర్‌ మెంటార్‌షిప్‌లో 2022, 2023లో ప్లేఆఫ్స్‌కు చేరిన లక్నో... ఈ ఏడాది అంతగా ఆకట్టుకోలేకపోయింది. తాజాగా లక్నో బౌలింగ్‌ కోచ్‌ మోర్నీ మోర్కెల్‌ కూడా ఆ జట్టును వీడి... భారత జాతీయ జట్టు బౌలింగ్‌ కోచ్‌గా నియమితుడయ్యాడు. దీంతో లక్నో జట్టు ఐపీఎల్‌ మెగా వేలానికి ముందు సహాయక సిబ్బంది ఎంపిక పూర్తి చేయాలని భావిస్తోంది.మరోవైపు పంజాబ్‌ కింగ్స్‌ జట్టు కూడా కోచ్‌ కోసం అన్వేషణ కొనసాగిస్తోంది. హెడ్‌ కోచ్‌ ట్రేవర్‌ బేలిస్‌ స్థానంలో భారత ఆటగాడికే ఈ బాధ్యతలు అప్పగించాలని పంజాబ్‌ యాజమాన్యం భావిస్తోంది. అయితే ఈ జాబితాలో వీవీఎస్‌ లక్ష్మణ్‌ పేరు బలంగా వినిపిస్తోంది. ఆటపై అపార అనుభవం ఉన్న లక్ష్మణ్‌ ప్రధాన కోచ్‌ పదవికి సరైన ప్రత్యామ్నాయం అని పంజాబ్‌ మేనేజ్‌మెంట్‌ భావిస్తోంది.అయితే గత కొన్నాళ్లుగా బీసీసీఐతో కొనసాగుతున్న వీవీఎస్‌.. ప్రస్తుతం జాతీయ క్రికెట్‌ అకాడమీ (ఎన్‌సీఏ) హెడ్‌గా వ్యవహరిస్తున్నాడు. మరో ఏడాది కాలం లక్ష్మణ్‌ ఎన్‌సీఏ హెడ్‌గా కొనసాగే అవకాశాలు ఉన్నాయి. మరి ఈ నేపథ్యంలో పంజాబ్‌ ప్రయత్నాలు ఫలిస్తాయా చూడాలి!

లక్నో సూపర్‌ జెయింట్స్‌ మెంటార్‌గా టీమిండియా మాజీ ఫాస్ట్‌ బౌలర్‌ జహీర్‌ ఖాన్‌ పేరు దాదాపుగా ఖరారైనట్లు తెలుస్తుంది. ఈ నెలాఖరులో జహీర్‌ పేరును అధికారికంగా ప్రకటించవచ్చని సమాచారం. జహీర్‌, ఎల్‌ఎస్‌జీ యాజమాన్యం మధ్య ప్రస్తుతం ఆర్ధిక పరమైన చర్చలు సాగుతున్నట్లు తెలుస్తుంది. ప్యాకేజీ కాస్త అటూ ఇటైనా డీల్‌కు ఓకే చెప్పాలనే జహీర్‌ భావిస్తున్నాడట. అన్నీ కుదిరితే జహీర్‌ ఎల్‌ఎస్‌జీలో మెంటార్షిప్‌తో పాటు బౌలింగ్‌ కోచ్‌ స్థానాన్ని కూడా భర్తీ చేసే అవకాశం ఉంది. గౌతమ్‌ గంభీర్‌, మోర్నీ మోర్కెల్‌ టీమిండియా కోచింగ్‌ బాధ్యతలు చేపట్టాక ఎల్‌ఎస్‌జీ మెంటార్షిప్‌, బౌలింగ్‌ కోచ్‌ పదవులు ఖాళీగా ఉన్న విషయం తెలిసిందే. జహీర్‌ స్వతహాగా ఫాస్ట్‌ బౌలర్‌ కావడంతో బౌలింగ్‌ కోచ్‌ పదవిని కూడా అతనికే కట్టబెట్టాలని ఎల్‌ఎస్‌జీ మేనేజ్‌మెంట్‌ భావిస్తుందట. రెండు పదవులు రానుండటంతో ఈ డీల్‌ పట్ల జహీర్‌ కూడా సానుకూలంగా ఉన్నాడని సమాచారం.వాస్తవానికి జహీర్‌ టీమిండియా బౌలింగ్‌ కోచ్‌ పదవి ఆశించాడని టాక్‌. అయితే గంభీర్‌ పట్టుబట్టడంతో ఆ పదవి మోర్నీ మోర్కెల్‌కు దక్కిందని తెలుస్తుంది. కాగా, ప్రస్తుతం లక్నో హెడ్‌ కోచ్‌గా జస్టిన్‌ లాంగర్‌, అసిస్టెంట్‌ కోచ్‌లుగా ఆడమ్‌ వోగ్స్‌, లాన్స్‌ క్లూసెనర్‌, జాంటీ రోడ్స్‌ ఉన్న విషయం తెలిసిందే.జహీర్‌ గురించి వివరాలు..జహీర్‌ గతంలో ముంబై ఇండియన్స్‌ కోచింగ్‌ టీమ్‌లో పని చేశాడు. 45 ఏళ్ల జహీర్‌ టీమిండియా తరఫున 92 టెస్ట్‌లు, 200 వన్డేలు, 17 టీ20లు ఆడాడు. జహీర్‌ ఐపీఎల్‌లో వివిధ ఫ్రాంచైజీల తరఫున 100 గేమ్‌లు ఆడాడు. జహీర్‌ చివరిగా 2017లో ఐపీఎల్‌ ఆడాడు.లక్నో సూపర్‌ జెయింట్స్‌ విషయానికొస్తే.. ఈ ఫ్రాంచైజీ 2022, 2023 సీజన్లలో ప్లే ఆఫ్స్‌కు చేరి, 2024 సీజన్‌లో చేరలేకపోయింది. లక్నో.. గుజరాత్‌ టైటాన్స్‌తో కలిసి 2022 ఐపీఎల్‌ సీజన్‌లో అరంగేట్రం చేసిన విషయం తెలిసిందే.ఐపీఎల్‌ 2025 విషయానికొస్తే.. బీసీసీఐ ఈ నెలాఖరులోగా ఆటగాళ్ల రిటెన్షన్‌ రూల్స్‌ను ప్రకటించే అవకాశం ఉంది. ఫ్రాంచైజీలు ఆర్టీఎం ఆప్షన్‌ సహా ఆరు రిటెన్షన్స్‌ చేసుకోవచ్చని ప్రచారం జరుగుతుంది. ఇటీవల జరిగిన మీటింగ్‌లో ఫ్రాంచైజీలు భారీ వేలాన్ని రద్దు చేయాలని కోరినప్పటికీ బీసీసీఐ ప్రస్తుతానికి అందుకు అనుకూలంగా లేదని టాక్‌.

టీమిండియా బౌలింగ్‌ కొత్త కోచ్‌గా సౌతాఫ్రికా మాజీ క్రికెటర్‌ మోర్నీ మోర్కెల్‌ ఎంపిక ఖరారైనట్లు సమాచారం. నూతన హెడ్‌కోచ్‌ గౌతం గంభీర్‌ సహాయక సిబ్బందిలో చేరేందుకు మోర్కెల్‌ మార్గం సుగమం చేసుకున్నట్లు తెలుస్తోంది. కాగా ప్రొటిస్‌ పేస్‌ దళంలో కీలక బౌలర్‌గా సేవలు అందించిన మోర్నీ మోర్కెల్‌.. గత కొన్నేళ్లుగా ఐపీఎల్‌తో బంధం కొనసాగిస్తున్న విషయం తెలిసిందే.కోల్‌కతా నైట్‌ రైడర్స్‌ కెప్టెన్‌గా గౌతం గంభీర్‌ వ్యవహరించిన సమయంలో ఆ జట్టు కీలక పేసర్లలో మోర్కెల్‌ ఒకడిగా ఉన్నాడు. ఆ తర్వాత ఇద్దరూ లక్నో సూపర్‌ జెయింట్స్‌లో కలిసి పనిచేశారు. లక్నో మెంటార్‌గా గంభీర్‌ వ్యవహరించగా.. బౌలింగ్‌ కోచ్‌గా మోర్కెల్‌ ఉన్నాడు.అనంతరం గంభీర్‌ కేకేఆర్‌ మెంటార్‌గా మారగా.. మోర్కెల్‌ మాత్రం ఐపీఎల్‌-2024లోనూ లక్నోతోనే కొనసాగాడు. తాజాగా ఫ్రాంఛైజీతో బంధం తెంచుకునేందుకు మోర్నీ మోర్కెల్‌ సిద్ధమైనట్లు వార్తలు వినిపిస్తున్నాయి. టీమిండియా బౌలింగ్‌ కోచ్‌గా నియమితుడయ్యే క్రమంలోనే 39 ఏళ్ల మోర్కెల్‌ ఈ నిర్ణయం తీసుకున్నట్లు తెలుస్తోంది.బీసీసీఐ నిబంధనల ప్రకారం భారత జట్టు కోచ్‌గా పనిచేయాలంటే.. ఇతర బాధ్యత(క్రికెట్‌కు సంబంధించిన)ల నుంచి సదరు వ్యక్తులు వైదొలగాలన్న విషయం తెలిసిందే. ఈ క్రమంలో ఇప్పటికే గంభీర్‌ కేకేఆర్‌ను వీడగా.. ఇప్పుడు మోర్నీ మోర్కెల్‌ కూడా అదే బాటలో నడవాలని నిర్ణయించుకున్నట్లు ఇన్‌సైడ్‌స్పోర్ట్‌ వెల్లడించింది. టీమిండియా శ్రీలంక పర్యటన తర్వాత టీమిండియా బౌలింగ్‌ కోచ్‌గా మోర్నె మోర్కెల్‌ నియామకానికి సంబంధించిన ప్రకటన వెలువడే అవకాశం ఉందని పేర్కొంది. కాగా తన తండ్రి అనారోగ్యం దృష్ట్యా మోర్కెల్‌ ప్రస్తుతం సౌతాఫ్రికాలో ఉన్నాడు. ఇదిలా ఉంటే.. జూలై 27 నుంచి శ్రీలంక- టీమిండియా మధ్య ద్వైపాక్షిక సిరీస్‌ మొదలుకానుంది. ఇరు జట్ల మధ్య తొలుత మూడు టీ20లు.. తర్వాత మూడు వన్డే మ్యాచ్‌ల సిరీస్‌ జరుగనుంది. ఈ టూర్‌తో టీమిండియా ప్రధాన కోచ్‌గా గౌతం గంభీర్‌ ప్రస్థానం ఆరంభం కానుంది. ఇక ఈ పర్యటనలో టీమిండియా బౌలింగ్‌ తాత్కాలిక కోచ్‌ సాయిరాజ్‌ బహుతులే ఎంపికయ్యాడు. కేకేఆర్‌లో గౌతీ సహచరులు అభిషేక్‌ నాయర్‌, ర్యాన్‌ టెన్‌ డష్కాటే అసిస్టెంట్‌ కోచ్‌లుగా పనిచేయనుండగా.. ఫీల్డింగ్‌ కోచ్‌గా టి.దిలీప్‌ రీఎంట్రీ ఇచ్చాడు.

భార‌త మాజీ క్రికెట‌ర్, హైద‌రాబాదీ వీవీఎస్‌ లక్ష్మణ్ ఐపీఎల్‌లోకి తిరిగి రీ ఎంట్రీ ఇచ్చేందుకు సిద్దమయ్యాడు. ఐపీఎల్‌-2025 సీజ‌న్‌కు ముందు ల‌క్నో సూప‌ర్ జెయింట్స్ కోచింగ్ స్టాప్‌లో లక్ష్మణ్ భాగం కానున్న‌ట్లు స‌మాచారం. ల‌క్నో ఫ్రాంచైజీ త‌మ కోచింగ్ స్టాప్‌లోకి భార‌త దిగ్గ‌జ ఆట‌గాళ్ల‌ను తీసుకోవాల‌ని భావిస్తోంది. ఈ క్ర‌మంలోనే లక్ష్మ‌ణ్‌పై క‌న్నేసిన‌ట్లు వినికిడి. అతడిని తమ జట్టు మెంటార్‌గా నియమించాలని లక్నో యోచిస్తున్నట్లు పలు రిపోర్ట్‌లు పేర్కొంటున్నాయి. ఇప్ప‌టికే ల‌క్ష్మ‌ణ్‌తో ల‌క్నో ఫ్రాంచైజీ చర్చ‌లు జ‌రిపిన‌ట్లు తెలుస్తోంది.కాగా ల‌క్ష్మ‌ణ్ ప్ర‌స్తుతం బెంగళూరులోని నేషనల్ క్రికెట్ అకాడమీ( (NCA) ఛీప్‌గా ఉన్నాడు. లక్ష్మణ్‌ పదవీకాలం త్వరలోనే ముగియనుంది. తన కాంట్రాక్ట్‌ను పొడగించే అవకాశం బీసీసీఐ ఇచ్చినా.. వీవీయస్ మాత్రం అందుకు సుముఖంగా లేనట్లు సమాచారం.లక్ష్మణ్ తన నిర్ణయాన్ని బీసీసీఐ ఇప్పటికే తెలియజేసినట్లు తెలుస్తోంది. ఇక మెంటార్‌గా లక్ష్మణ్‌కు అపారమైన అనుభవం ఉంది. 2013 నుంచి 2021 వరకు ఎస్‌ఆర్‌హెచ్ జట్టుకు లక్ష్మణ్ పనిచేశాడు. ఆ తర్వాత ఏన్సీఏ హెడ్‌గా బాధ్యతలు చేపట్టడంతో మెంటార్ పదవి నుంచి ఈ ఈ సొగసరి బ్యాటర్ తప్పుకున్నాడు. ఇక లక్ష్మణ్ తర్వాత ఎన్సీఏ ఛీప్‌గా మాజీ భారత బ్యాటింగ్ కోచ్ విక్రమ్ రాథోర్ బాధ్యతలు చేపట్టే అవకాశముంది.

ఐపీఎల్‌-2025 సీజ‌న్‌కు ప‌లు ఫ్రాంచైజీలు భారీ ప్ర‌క్షాళ‌న దిశ‌గా అడుగులు వేస్తున్న‌ట్లు తెలుస్తోంది. అందులో ఒక‌టి ల‌క్నో సూప‌ర్ జెయింట్స్‌. వ‌చ్చే ఏడాది సీజ‌న్‌కు ముందు త‌మ జట్టు కెప్టెన్ కేఎల్ రాహుల్‌ను విడిచిపెట్టాల‌ని ల‌క్నో ఫ్రాంచైజీ యాజ‌మాన్యం నిర్ణ‌యించుకున్న‌ట్లు తెలుస్తోంది. దైనిక్ జాగరణ్ రిపోర్ట్ ప్రకారం.. కేఎల్ రాహుల్‌, ల‌క్నో మేనేజ్‌మెంట్ మధ్య విభేదాలు త‌లెత్తిన‌ట్లు స‌మాచారం. ఈ క్ర‌మంలోనే అత‌డిని ల‌క్నో విడిచిపెట్టాల‌ని భావిస్తున్న‌ట్లు స‌ద‌రు ప‌త్రిక పేర్కొంది. రాహుల్ కూడా ల‌క్నో మేనేజ్‌మెంట్ పైన ఆంస‌తృప్తితో ఉన్నట్లు వార్తలు వినిపిస్తున్నాయి. కాగా ఈ ఏడాది సీజన్‌లో ఎల్‌ఎస్‌జి యజమాని సంజీవ్ గోయెంకా, రాహుల్ మధ్య చిన్నపాటి వాగ్వాదం చోటు చేసుకుంది. ఇందుకు సంబంధించిన వీడియో సోషల్ మీడియాలో వైరల్ అయింది. దీంతో వీరిద్దరి మధ్య విభేదాలు ఉన్నట్లు పలు ఊహాగానాలు వినిపించాయి.ఆ తర్వాత రాహుల్‌, గోయెంకా ఇద్దరూ ఈ ఊహాగానాలను ఖండించినప్పటికి.. క్రికెట్ వర్గాల్లో మాత్రం ఇంకా ఈ చర్చనడుస్తోంది. రాహుల్ సారథ్యంలోని ఎల్‌ఎస్‌జి రెండు సార్లు ఫ్లే ఆఫ్స్‌కు చేరింది. కానీ ఈ ఏడాది సీజన్‌లో లీగ్ దశలోనే ఇంటిముఖం పట్టింది.ఆర్సీబీ కెప్టెన్‌గా రాహుల్‌?ఇక కేఎల్ రాహుల్‌పై రాయల్ ఛాలెంజర్స్ బెంగళూరు ఫ్రాంచైజీ కన్నేసినట్లు తెలుస్తోంది. మెగా వేలానికి ముందు ఎల్‌ఎస్‌జి నుంచి రాహుల్‌ను ట్రేడ్ చేసుకోవాలని ఆర్సీబీ భావిస్తున్నట్లు జాతీయ మీడియాలో కథనాలు వెలువడతున్నాయి. ప్రస్తుత ఆర్సీబీ కెప్టెన్ ఫాఫ్ డు ప్లెసిస్ వయస్సు 40కి చేరుకోవడంతో​.. దీర్ఘకాలిక ప్రయోజనాల దృష్ట్యా కొత్త కెప్టెన్‌ను ఫ్రాంచైజీ వెతుకుతున్నట్లు సమాచారం. ఈ క్రమంలో కేఎల్ రాహల్‌ను సొంతం చేసుకుని తమ జట్టు పగ్గాలను అప్పగించాలని ఆర్సీబీ యాజమాన్యం యోచిస్తున్నట్లు వినికిడి. కాగా కేఎల్ రాహుల్ తన ఐపీఎల్ కెరీర్‌ను ఆర్సీబీ ఫ్రాంచైజీతో ప్రారంభించాడు.

టీమిండియా క్రికెటర్‌ దీపక్‌ హుడా ఓ ఇంటివాడయ్యాడు. తన చిరకాల ప్రేయసిని పెళ్లాడినట్లు తెలిపాడు. సోమవారం(జూలై 15) తమ వివాహం జరిగిందని సోషల్‌ మీడియా వేదికగా తాజాగా వెల్లడించాడు.తొమ్మిదేళ్ల సుదీర్ఘ నిరీక్షణఈ సందర్భంగా పెళ్లి వేడుకలకు సంబంధించిన ఫొటోలను దీపక్‌ హుడా షేర్‌ చేశాడు. ‘‘తొమ్మిదేళ్ల సుదీర్ఘ నిరీక్షణ.. ఈ ప్రయాణంలోని ప్రతీ క్షణం, ప్రతీ కల, ప్రతీ సంభాషణ మనల్ని ఈరోజు ఇక్కడి దాకా తీసుకువచ్చాయి.మా కళ్లలోని భావాలు.. మేము చెప్పుకొనే ముచ్చట్లు కేవలం మా రెండు హృదయాలకు మాత్రమే అర్థమవుతాయి. నా చిన్నారి- పొన్నారి హిమాచలి అమ్మాయీ.. మన ఇంట్లోకి నీకు స్వాగతం పలుకుతున్నా’’ అంటూ దీపక్‌ హుడా తన శ్రీమతిని ఉద్దేశించి భావోద్వేగ క్యాప్షన్‌ కూడా జతచేశాడు.కుటుంబ సభ్యులు, అత్యంత సన్నిహితుల నడుమ.. అందరి ఆశీర్వాదాలతో తాము కొత్త జీవితం మొదలుపెట్టామని తెలిపాడు. తమ బంధం ఈరోజుతో శాశ్వతంగా ముడిపడిపోయిందని.. మనసంతా సంతోషంతో నిండిందని పేర్కొన్నాడు.శుభాకాంక్షల వెల్లువఈ నేపథ్యంలో కొత్త జంటకు క్రికెటర్లు, అభిమానుల నుంచి శుభాకాంక్షలు వెల్లువెత్తుతున్నాయి. శిఖర్‌ ధావన్‌, అర్ష్‌దీప్‌ సింగ్‌, యజువేంద్ర చహల్‌, ఖలీల్‌ అహ్మద్‌ తదితర భారత క్రికెటర్లతో పాటు మహ్మద్‌ నబీ(అఫ్గనిస్తాన్‌), లక్నో సూపర్‌ జెయింట్స్‌ యజమాని సంజీవ్‌ గోయెంకా.. దీపక్‌ హుడా దంపతులను విష్‌ చేశారు.అయితే, దీపక్‌ హుడా తన భార్య పేరును మాత్రం వెల్లడించలేదు. కాగా ఐపీఎల్‌-2024లో దీపక్‌ హుడా లక్నో సూపర్‌ జెయింట్స్‌కు ప్రాతినిథ్యం వహించాడు.అదే ఆఖరుహర్యానాకు చెందిన దీపక్‌ హుడా కుడిచేతి వాటం బ్యాటర్‌.. రైటార్మ్‌ ఆఫ్‌ బ్రేక్‌ స్పిన్నర్‌. ఐపీఎల్‌లో సత్తా చాటిన 29 ఏళ్ల ఈ బ్యాటింగ్‌ ఆల్‌రౌండర్‌.. 2022లో టీమిండియా తరఫున అంతర్జాతీయ క్రికెట్‌లో అరంగేట్రం చేశాడు.అదే ఏడాది వన్డేల్లోనూ ఎంట్రీ ఇచ్చాడు. గతేడాది న్యూజిలాండ్‌తో సిరీస్‌ సందర్భంగా దీపక్‌ హుడా టీమిండియాకు చివరిసారిగా ఆడాడు.ఇక ఇప్పటి వరకు అంతర్జాతీయ క్రికెట్‌లో 10 వన్డేలు, 21 టీ20లు ఆడిన దీపక్‌ హుడా.. ఆయా ఫార్మాట్లలో 153, 368 పరుగులు చేశాడు. అదే విధంగా.. 3, 6 వికెట్లు తీశాడు. చదవండి: పక్షవాతాన్ని జయించి.. ప్యారిస్‌ ఒలింపిక్స్‌లో! View this post on Instagram A post shared by Deepak Hooda (@deepakhooda30)

భారత యువ ఫాస్ట్‌ బౌలర్‌ మయాంక్‌ యాదవ్‌ శుభవార్త పంచుకున్నాడు. గాయం నుంచి తాను పూర్తిగా కోలుకున్నట్లు వెల్లడించాడు. అయితే, పూర్తి ఫిట్‌నెస్‌ సాధించాలంటే మరికొంత కాలం చెమటోడ్చక తప్పదని పేర్కొన్నాడు.కాగా ఉత్తరప్రదేశ్‌కు చెందిన స్పీడ్‌స్టర్‌ మయాంక్‌ యాదవ్‌ ఈ ఏడాది ఐపీఎల్‌లో అరంగేట్రం చేసిన విషయం తెలిసిందే. లక్నో సూపర్‌ జెయింట్స్‌ తరఫున తొలి మ్యాచ్‌లోనే సత్తా చాటిన ఈ యంగ్‌ పేస్‌గన్‌.. వరుసగా రెండు మ్యాచ్‌లలో జట్టును గెలిపించాడు.రెండుసార్లు వరుసగా ప్లేయర్‌ ఆఫ్‌ ది మ్యాచ్‌గంటకు 150కి పైగా కిలో మీటర్ల వేగంతో బంతులు సంధిస్తూ అందరి దృష్టిని ఆకర్షించిన ఈ యూపీ ఎక్స్‌ప్రెస్‌ రెండుసార్లు వరుసగా ప్లేయర్‌ ఆఫ్‌ ది మ్యాచ్‌ అవార్డులు అందుకున్నాడు. తద్వారా ఐపీఎల్‌ చరిత్రలో ఈ ఘనత సాధించిన మొదటి క్రికెటర్‌గా రికార్డులకెక్కాడు.అయితే, దురదృష్టవశాత్తూ పక్కటెముకల గాయం కారణంగా ఐపీఎల్‌-2024లో మిగిలిన మ్యాచ్‌లకు దూరమయ్యాడు మయాంక్‌ యాదవ్‌. ప్రస్తుతం అతడు బెంగళూరులోని జాతీయ క్రికెట్‌ అకాడమీలో పునరావాసం పొందుతున్నాడు.వందశాతం ఫిట్‌నెస్‌ సాధించాలంటేఈ నేపథ్యంలో టెలిగ్రాఫ్‌ ఇండియాతో మాట్లాడుతూ.. ‘‘నా చికిత్స పూర్తైంది. గాయం నుంచి కోలుకుంటున్నాను. ఇక్కడ నాకు ఉపశమనం లభించింది.పూర్తి ఫిట్‌గా ఉన్నట్లు అనిపిస్తోంది. అయితే, వందశాతం ఫిట్‌నెస్‌ సాధించాలంటే మరికొంత కాలం ఇక్కడ ఉండక తప్పదని తెలుసు.గత కొన్ని రోజులుగా పూర్తిస్థాయిలో బౌలింగ్‌ చేయడం సానుకూలాంశం. ఇప్పటి వరకు సాధించిన పురోగతి పట్ల సంతోషంగా ఉన్నాను’’ అని మయాంక్‌ యాదవ్‌ చెప్పుకొచ్చాడు.రీఎంట్రీ అప్పుడే కాగా పేస్‌ సంచలనం మయాంక్‌ యాదవ్‌పై దృష్టి సారించిన సెలక్టర్లు అతడి పునరాగమనం కోసం వేదిక సిద్ధం చేస్తున్నట్లు సమాచారం. దులీప్‌ ట్రోఫీ- 2024 ద్వారా ఈ బౌలర్‌ రీఎంట్రీ ఇస్తే.. ఆ ప్రదర్శన ఆధారంగా జాతీయ జట్టులో చోటు ఇచ్చే అంశం గురించి సమాలోచనలు చేస్తున్నట్లు తెలుస్తోంది.అరంగేట్రం ఆ తర్వాతే ఈ విషయం గురించి బీసీసీఐ వర్గాలు మాట్లాడుతూ.. ‘‘మయాంక్‌ యాదవ్‌ వంటి అద్భుత నైపుణ్యాలున్న ఫాస్ట్‌బౌలర్‌ విషయంలో రిస్క్‌ తీసుకోవడానికి సిద్ధంగా లేము. అతడు పూర్తిగా కోలుకున్న తర్వాత వేర్వేరు ఫార్మాట్లలో ఆడించాలనుకుంటున్నాం.అక్కడ ప్రతిభ నిరూపించుకున్న తర్వాతే టీమిండియా అరంగేట్రం గురించి స్పష్టత వస్తుంది. అంతేతప్ప హడావుడిగా జాతీయ జట్టులోకి పంపితే అనుకున్న ఫలితాలు రాకపోవచ్చు’’ అని పేర్కొన్నాయి. కాగా ప్రస్తుతం జింబాబ్వే పర్యటనలో ఉన్న టీమిండియా తదుపరి శ్రీలంకతో తలపడనుంది.చదవండి: అభి"షేక్‌" శర్మ.. రసెల్‌, హెడ్‌ కూడా దిగదుడుపే..!

భారత క్రికెట్‌కు శుభవార్త. ఐపీఎల్‌ 2024 సందర్భంగా గాయపడిన యువ ఫాస్ట్‌ బౌలర్‌ మయాంక్‌ యాదవ్‌ తిరిగి రంగంలోకి దిగాడు. గాయం నుంచి పూర్తిగా కోలుకున్న అనంరతం మయాంక్‌ ఇవాళే ప్రాక్టీస్‌ షురూ చేశాడు. మయాంక్‌ నెట్స్‌లో సాధన చేస్తున్న దృశ్యాలు, వీడియోలు నెట్టింట వైరలవుతున్నాయి.Mayank Yadav has been gearing up for the tour against Sri Lanka and Zimbabwe in July. pic.twitter.com/PZ7WS8mFo9— Mufaddal Vohra (@mufaddal_vohra) June 11, 2024గత సీజన్‌తోనే లక్నో సూపర్‌ జెయింట్స్‌ తరఫున ఐపీఎల్‌ అరంగేట్రం చేసిన మయాంక్‌ ఆడిన 4 నాలుగు మ్యాచ్‌ల్లో తనేంటో రుజువు చేసుకున్నాడు. తన ప్రధాన అస్త్రమైన పేస్‌తో భారత క్రికెట్‌లో హాట్‌ టాపిక్‌ అయ్యాడు. దాదాపుగా ప్రతి బంతిని 150 కిమీ పైగా వేగంతో సంధించగల సత్తా ఉన్న మయాంక్‌.. తన పేస్‌ పదునుతో ప్రత్యర్ధులను గడగడలాడించాడు.తన అరంగేట్రం మ్యాచ్‌లోనే (పంజాబ్‌పై (4-0-27-3)) ప్లేయర్‌ ఆఫ్‌ ద మ్యాచ్‌ అవార్డు గెలుచుకున్న మయాంక్‌.. ఆర్సీబీతో జరిగిన మ్యాచ్‌లో (4-0-14-3) మరింత రెచ్చిపోచి, వరుసగా రెండో మ్యాచ్‌లో ప్లేయర్‌ ఆఫ్‌ ద మ్యాచ్‌గా నిలిచాడు. సీజన్‌లో ముగిసే లోపు ప్రపంచవ్యాప్త గుర్తింపు తెచ్చుకుంటాడనుకున్న తరుణంలో మాయంక్‌ గాయపడ్డాడు. గుజరాత్‌తో మ్యాచ్‌ సందర్భంగా గాయపడిన మయాంక్‌.. ఆ మ్యాచ్‌లో కేవలం ఒకే ఒక ఓవర్‌ వేసి పెవిలియన్‌కు చేరాడు. ఆ తర్వాత అతను తిరిగి బరిలోకి దిగలేదు.తాజాగా గాయం పూర్తిగా నయం కావడంతో మయాంక్‌ తిరిగి ప్రాక్టీస్‌ మొదలుపెట్టాడు. వచ్చే నెల (జులై) భారత జట్టు శ్రీలంక, జింబాబ్వే పర్యటనలకు వెళ్లాల్సి ఉండగా.. భారత సెలెక్టర్లు మయాంక్‌ పేరును పరిశీలించవచ్చని తెలుస్తుంది.

టీమిండియా హెడ్‌ కోచ్‌ రేసులో వినిపిస్తున్న పేర్లలో జస్టిన్‌ లాంగర్‌ పేరు ఒకటి. గతంలో ఆస్ట్రేలియా ప్రధాన కోచ్‌గా పనిచేసిన లాంగర్‌.. ఆటగాళ్లతో విభేదాల నేపథ్యంలో ఆ బాధ్యతల నుంచి వైదొలిగాడు.ఈ క్రమంలో కొన్నాళ్ల పాటు విరామం తీసుకున్న జస్టిన్‌ లాంగర్‌ 2024లో ఐపీఎల్‌ ఫ్రాంఛైజీ లక్నో సూపర్‌ జెయింట్స్‌తో జట్టుకట్టాడు. పదిహేడో సీజన్‌లో లక్నోకు కోచ్‌గా నియమితుడయ్యాడు ఈ ఆస్ట్రేలియా మాజీ ఓపెనర్.లాంగర్‌ మార్గదర్శనంలో కేఎల్‌ రాహుల్‌ కెప్టెన్సీలో లక్నో అద్భుతాలు సాధిస్తుందనుకుంటే కనీసం ప్లే ఆఫ్స్‌ కూడా చేరకుండానే నిష్క్రమించింది. పాయింట్ల పట్టికలో ఏడో స్థానంలో నిలిచి సీజన్‌ను ముగించింది.ద్రవిడ్‌ వారసుడు ఎవరు?ఇదిలా ఉంటే.. బీసీసీఐ రాహుల్‌ ద్రవిడ్‌ స్థానంలో కొత్త కోచ్‌ వేట మొదలుపెట్టిన నేపథ్యంలో జస్టిన్‌ లాంగర్‌, రిక్కీ పాంటింగ్‌, స్టీఫెన్‌ ఫ్లెమింగ్‌ తదితర విదేశీ కోచ్‌ల పేర్లు తెరమీదకు వచ్చాయి.ఈ విషయంపై స్పందించిన జస్టిన్‌ లాంగర్‌ బీబీసీతో మాట్లాడుతూ సంచలన వ్యాఖ్యలు చేశాడు. టీమిండియా కోచ్‌గా బాధ్యతలు చేపడితే ఎలాంటి పరిణామాలు ఎదుర్కోవాల్సి ఉంటుందో కేఎల్‌ రాహుల్‌ తనకు వివరించాడంటూ బాంబు పేల్చాడు.అంతకు మించి.. వెయ్యి రెట్లు అధికంగా‘‘కోచ్‌ పాత్ర ఎలాంటిదో నాలుగేళ్ల పాటు ఆస్ట్రేలియా జట్టుతో గడిపినపుడే నాకు అర్థమైంది. అప్పుడు నేనైతే పూర్తిగా అలసిపోయాను. ఇక భారత జట్టు హెడ్‌ కోచ్‌ బాధ్యత ఎలా ఉంటుందన్న విషయం గురించి నేను కేఎల్‌ రాహుల్‌తో మాట్లాడినపుడు ఆసక్తికర సమాధానం విన్నాను.‘ఐపీఎల్‌ జట్టు విషయంలో ఒత్తిడి, రాజకీయాలు ఎలా ఉంటాయో మీకు తెలుసు. అందుకు వెయ్యి రెట్ల ఒత్తిడి, పాలిటిక్స్‌ టీమిండియా కోచ్‌గా ఎదుర్కోవాల్సి ఉంటుంది’ అని చెప్పాడు.అంతకంటే గొప్ప సలహా మరొకటి ఉంటుందని నేను అనుకోను’’ అని జస్టిన్‌ లాంగర్ పేర్కొన్నాడు. భారత జట్టు ప్రధాన కోచ్‌ పదవి విషయంలో తనకు ఇప్పుడు పూర్తి స్పష్టత వచ్చిందని తెలిపాడు. ఒక విధంగా కేఎల్‌ రాహుల్‌ తన కళ్లు తెరిపించాడని పేర్కొన్నాడు.రిక్కీ పాంటింగ్‌ సైతంఇదిలా ఉంటే.. ఆస్ట్రేలియా దిగ్గజ కెప్టెన్‌ రిక్కీ పాంటింగ్‌ సైతం టీమిండియా హెడ్‌కోచ్‌ పదవి చేపట్టేందుకు సిద్ధంగా లేనని పేర్కొన్న విషయం తెలిసిందే. తన కుటుంబానికి ఎక్కువ సమయం కేటాయించాలనుకుంటున్నానని.. అందుకే బీసీసీఐ ఆఫర్‌ ఇచ్చినా తాను తిరస్కరించానని తెలిపాడు.చదవండి: IPL 2024: టైమ్‌కి చెక్‌ వస్తుంది.. రూ. 11 కోట్లు.. ఇంకెందుకు ఆడటం?

ఐపీఎల్‌-2024 లీగ్‌ దశలో లక్నో సూపర్‌ జెయింట్స్‌ తమ ఆఖరి మ్యాచ్‌ ఆడేసింది. ముంబై ఇండియన్స్‌తో శుక్రవారం నాటి మ్యాచ్‌లో గెలిచి ప్లే ఆఫ్స్‌ ఆశలను ఇంకా సజీవంగానే ఉంచుకుంది.అయితే, చెన్నై సూపర్‌ కింగ్స్‌- రాయల్‌ చాలెంజర్స్‌ బెంగళూరు మధ్య శనివారం నాటి మ్యాచ్‌ ఫలితంపైనే లక్నో భవితవ్యం ఆధారపడి ఉంది. అయితే, ఈ మ్యాచ్‌లో ఏవైనా అద్భుతాలు జరిగితే తప్ప ఇప్పటికైతే లక్నో దాదాపుగా నిష్క్రమించినట్లే!ఇదిలా ఉంటే.. లీగ్‌ దశను విజయంతో ముగించడం పట్ల లక్నో కెప్టెన్‌ కేఎల్‌ రాహుల్‌ హర్షం వ్యక్తం చేశాడు. సీజన్‌ ఆసాంతం ఇలాగే ఆడి ఉంటే బాగుండేదని పేర్కొన్నాడు. ఏదేమైనా ఈ ఎడిషన్‌లో ఓవరాల్‌గా తమ ప్రదర్శన మాత్రం నిరాశకు గురిచేసిందని విచారం వ్యక్తం చేశాడు.ఫ్రాంఛైజీ మయాంక్‌ యాదవ్‌, యుధ్‌వీర్‌ వంటి భారత యువ ఆటగాళ్ల మీద భారీ మొత్తం పెట్టుబడి పెట్టిందని.. అయితే, గాయాల కారణంగా వారు తమ పని పూర్తి చేయలేకపోయారని కేఎల్‌ రాహుల్‌ పేర్కొన్నాడు. నేను మా మామగారి జట్టులో ఉన్నాఅదే విధంగా.. తన బ్యాటింగ్‌ పొజిషన్‌పై దృష్టి సారించానని.. మిడిలార్డర్‌లో ఆడితే ఎలా ఉంటుందన్న అంశంపై చర్చించినట్లు తెలిపాడు. కాగా ఈ ఎడిషన్‌లో లక్నో 14 మ్యాచ్‌లలో ఏడు గెలిచింది. ఇక ఐపీఎల్‌-2024 తర్వాత తదుపరి ప్రణాళికలు ఏమిటన్న ప్రశ్నకు కేఎల్‌ రాహుల్‌ బదులిస్తూ.. ‘‘ప్రస్తుతం నేను మా మామగారి జట్టులో ఉన్నాను. ఇద్దరం కలిసి ప్రపంచకప్‌ టోర్నీలో ఆడే శర్మా జీ వాళ్ల అబ్బాయిని చీర్‌ చేస్తాం’’ అంటూ సరదాగా వ్యాఖ్యానించాడు. టీ20 ప్రపంచకప్‌-2024లో ఆడనున్న టీమిండియా కెప్టెన్‌ రోహిత్‌ శర్మను ఉద్దేశించి ఈ వ్యాఖ్యలు చేశాడు.తన మామగారు, బాలీవుడ్‌ నటుడు సునిల్‌ శెట్టితో కలిసి మ్యాచ్‌లు చూస్తూ ఎంజాయ్‌ చేస్తానని తెలిపాడు. కాగా జూన్‌ 1 నుంచి ఆరంభం కానున్న టీ20 వరల్డ్‌కప్‌-2024 టోర్నీ నేపథ్యంలో కేఎల్‌ రాహుల్‌కు భారత జట్టులో చోటు దక్కలేదు. వికెట్‌ కీపర్‌ కోటాలో రాహుల్‌ను కాదని రిషభ్‌ పంత్, సంజూ శాంసన్‌లకు చోటిచ్చింది బీసీసీఐ సెలక్షన్‌ కమిటీ!చదవండి: BCCI: హార్దిక్‌ పాండ్యాకు ఊహించని షాక్‌.. ఐపీఎల్‌ 2025లో ఇక.. #LSG wrapped up their season on a winning note and happy faces in Mumbai😃👌🎥 Here's a roundup of the #MIvLSG clash at the Wankhede 🏟️ #TATAIPL pic.twitter.com/FbdT2QQQAk— IndianPremierLeague (@IPL) May 18, 2024

ముంబై ఇండియన్స్‌ కెప్టెన్‌ హార్దిక్‌ పాండ్యాకు భారత క్రికెట్‌ నియంత్రణ మండలి భారీ షాకిచ్చింది. రూ. 30 లక్షల జరిమానాతో పాటు తదుపరి మ్యాచ్‌కు దూరంగా ఉండాలని నిషేధం విధించింది.కాగా ఐపీఎల్‌-2024లో ముంబై ఇండియన్స్‌ సారథిగా రోహిత్‌ శర్మ స్థానాన్ని భర్తీ చేసిన హార్దిక్‌ పాండ్యాకు అడుగడుగునా చేదు అనుభవాలే ఎదురయ్యాయి. రోహిత్‌ స్థానంలో వచ్చినందుకు సొంత జట్టు అభిమానుల నుంచే ఛీత్కారాలు.. కెప్టెన్‌గా తీసుకున్న నిర్ణయాల కారణంగా విమర్శలు ఎదుర్కొన్నాడు.ప్లే ఆఫ్స్‌ రేసు నుంచి నిష్క్రమించిన తొలి జట్టుఆల్‌రౌండర్‌గానూ తన స్థాయికి తగ్గట్లు ఆకట్టుకోలేకపోయాడు హార్దిక్‌ పాండ్యా. సారథిగానూ సరైన వ్యూహాలు రచించలేక చతికిలపడ్డాడు. ఫలితంగా ఈ సీజన్‌లో ప్లే ఆఫ్స్‌ రేసు నుంచి నిష్క్రమించిన తొలి జట్టుగా ముంబై పరాభవం మూటగట్టుకుంది.ఇక లీగ్‌ దశలో ఆఖరిదై మ్యాచ్‌లో భాగంగా ముంబై ఇండియన్స్‌ శుక్రవారం లక్నో సూపర్‌ జెయింట్స్‌తో తలపడింది. వాంఖడే వేదికగా జరిగిన ఈ పోరులో లక్నో ముంబైని 18 పరుగుల తేడాతో ఓడించింది. దీంతో ముంబై ఖాతాలో పదో పరాజయం నమోదైంది.ఇదిలా ఉంటే.. లక్నోతో మ్యాచ్‌ సందర్భంగా ముంబై ఇండియన్స్‌ నిర్ణీత సమయంలో ఓవర్ల కోటా పూర్తి చేయలేకపోయింది. ఈ నేపథ్యంలో బీసీసీఐ హార్దిక్‌ పాండ్యాకు పనిష్మెంట్‌ ఇచ్చింది.ఐపీఎల్‌-2025లో తొలి మ్యాచ్‌ ఆడకుండా నిషేధంఈ మేరకు.. ‘‘ఈ సీజన్‌లో ముంబై జట్టు చేసిన మూడో తప్పిదం కావున.. ఐపీఎల్‌ ప్రవర్తనా నియమావళి కింద.. స్లో ఓవర్‌ రేటు మెయింటెన్‌ చేసిన కారణంగా పాండ్యాకు రూ. 30 లక్షల జరిమానా విధించడంతో పాటు.. జట్టు తదుపరి ఆడే మ్యాచ్‌ ఆడకుండా నిషేధం విధిస్తున్నాం’’ అని ఐపీఎల్‌ నిర్వాహకులు ప్రకటన విడుదల చేశారు. అంటే ఐపీఎల్‌-2025లో పాండ్యా తన తొలి మ్యాచ్‌కు దూరంగా ఉండాలన్నమాట! ఇక పాండ్యాతో పాటు ముంబై జట్టుకు కూడా ఎదురుదెబ్బ తగిలింది. ముంబై జట్టు మొత్తానికి జరిమానా‘‘లక్నోతో మ్యాచ్‌ ఆడిన ముంబై తుదిజట్టులోని ఆటగాళ్లందరికీ.. ఇంపాక్ట్‌ ప్లేయర్‌తో సహా ప్రతి ఒక్కరికి రూ. 12 లక్షల జరిమానా లేదంటే మ్యాచ్‌ ఫీజులో 50 శాతం మేర కోత(ఏది తక్కువగా ఉంటే అది) విధిస్తాం’’ అని తెలిపారు. కాగా ఐపీఎల్‌-2024లో ఆడిన 14 మ్యాచ్‌లలో కేవలం నాలుగు మాత్రమే గెలిచిన ముంబై ఇండియన్స్‌ పాయింట్ల పట్టికలో అట్టడుగున నిలిచింది.చదవండి: Pat Cummins: సన్‌రైజర్స్‌ కెప్టెన్‌ చేసిన పనికి అభిమానులు ఫిదా.. వీడియో వైరల్‌ #LSG wrapped up their season on a winning note and happy faces in Mumbai😃👌🎥 Here's a roundup of the #MIvLSG clash at the Wankhede 🏟️ #TATAIPL pic.twitter.com/FbdT2QQQAk— IndianPremierLeague (@IPL) May 18, 2024

ముంబై: ఐదుసార్లు ఐపీఎల్‌ చాంపియన్‌ అయిన ముంబై ఇండియన్స్‌ ఈ సీజన్‌లో అందరికంటే ముందుగా ప్లేఆఫ్స్‌ దశకు దూరమైంది. ఇప్పుడు ఆఖరి స్థానంతో లీగ్‌ దశను పేలవంగా ముగించింది. మధ్యలో వర్షం ఆటంకం కలిగించిన ఈ మ్యాచ్‌లో లక్నో సూపర్‌ జెయింట్స్‌ 18 పరుగుల తేడాతో ముంబైపై ఘనవిజయం సాధించింది. ముందుగా లక్నో నిర్ణీత 20 ఓవర్లలో 6 వికెట్ల నష్టానికి 214 పరుగులు చేసింది. నికోలస్‌ పూరన్‌ (29 బంతుల్లో 75; 5 ఫోర్లు, 8 సిక్స్‌లు) సునామీలా చెలరేగిపోయాడు. కెప్టెన్‌ కేఎల్‌ రాహుల్‌ (41 బంతుల్లో 55; 3 ఫోర్లు, 3 సిక్స్‌లు) రాణించాడు. పియూశ్‌ చావ్లా, తుషారా చెరో 3 వికెట్లు తీశారు. అనంతరం లక్ష్యాన్ని ఛేదించేందుకు బరిలోకి దిగిన ముంబై 20 ఓవర్లలో 6 వికెట్లకు 196 పరుగులు చేసి ఓడింది. రోహిత్‌ శర్మ (38 బంతుల్లో 68; 10 ఫోర్లు, 3 సిక్స్‌లు), నమన్‌ ధీర్‌ (28 బంతుల్లో 62 నాటౌట్‌; 4 ఫోర్లు, 5 సిక్స్‌లు) మెరిపించారు. పూరన్‌ ధనాధన్‌ పది ఓవర్లలో లక్నో స్కోరు 69/3. పడిక్కల్‌ (0), స్టొయినిస్‌ (22 బంతుల్లో 28; 5 ఫోర్లు), దీపక్‌ హుడా (11) అవుటయ్యారు. ఇంకో 10 ఓవర్లలో వంద కొట్టినా... 170 దాటదు! కానీ పూరన్‌ తన 29 బంతుల్లో అంతా మార్చేశాడు. రాహుల్‌తో కలిసి విధ్వంసరచన చేశాడు. అన్షుల్‌ 13వ ఓవర్లో పూరన్‌ 4, 0, వైడ్, 4, 6, 6, 1లతో 22 పరుగులు రాబట్టాడు. 15వ ఓవర్‌ను అర్జున్‌ టెండూల్కర్‌ ప్రారంభించి 2 బంతులేస్తే పూరన్‌ సిక్సర్లుగా మలిచాడు. కండరాలు పట్టేయడంతో అర్జున్‌ వెనుదిరిగాడు. మిగతా ఓవర్‌ను నమన్‌ ధీర్‌ వేయగా పూరన్‌ 6, 4, 1 కొట్టాడు. ఆఖరి బంతిని రాహుల్‌ సిక్స్‌ బాదడంతో ఈ ఓవర్లో 29 పరుగులు వచ్చాయి. పూరన్‌ 19 బంతుల్లోనే ఫిఫ్టీ చేసుకోగా... రాహుల్‌ 37 బంతుల్లో అర్ధసెంచరీ సాధించాడు. ఆఖర్లో బదోని (10 బంతుల్లో 22 నాటౌట్‌; 1 ఫోర్, 2 సిక్స్‌లు) ధాటిగా ఆడటంతో లక్నో 200 పైచిలుకు స్కోరు చేసింది. రోహిత్, ధీర్‌ ఫిఫ్టీ–ఫిఫ్టీ భారీ లక్ష్యఛేదనకు అవసరమైన హిట్టింగ్‌తో రోహిత్‌ ముంబై స్కోరును పరుగుపెట్టించాడు. మరో ఓపెనర్‌ బ్రెవిస్‌ (20 బంతుల్లో 23; 1 ఫోర్, 2 సిక్స్‌లు) వేగంలో వెనుకబడినా రోహిత్‌ బౌండరీలతో జోరు కనబరిచాడు. 28 బంతుల్లో ఫిఫ్టీ సాధించాడు. 88 పరుగుల వద్ద బ్రెవిస్‌ అవుటయ్యాక ముంబై తడబడింది. సూర్యకుమార్‌ (0), రోహిత్, హార్దిక్‌ (16), నేహల్‌ (1) వికెట్లను కోల్పోవడంతో ముంబై లక్ష్యానికి దూరమైంది. ఈ దశలో నమన్‌ ధీర్‌ మెరిపించినా అప్పటికే ఆలస్యమైంది. నమన్‌ 25 బంతుల్లో అర్ధసెంచరీ సాధించినా ముంబైని ఓటమి నుంచి గట్టెక్కించలేకపోయాడు. స్కోరు వివరాలు లక్నో సూపర్‌ జెయింట్స్‌ ఇన్నింగ్స్‌: రాహుల్‌ (సి) తుషారా (బి) చావ్లా 55; పడిక్కల్‌ (ఎల్బీడబ్ల్యూ) (బి) తుషారా 0; స్టొయినిస్‌ (ఎల్బీడబ్ల్యూ) (బి) చావ్లా 28; హుడా (సి) నేహల్‌ (బి) చావ్లా 11; పూరన్‌ (సి) సూర్య (బి) తుషారా 75; అర్షద్‌ (సి) నేహల్‌ (బి) తుషారా 0; బదోని (నాటౌట్‌) 22; కృనాల్‌ (నాటౌట్‌) 12; ఎక్స్‌ట్రాలు 11; మొత్తం (20 ఓవర్లలో 6 వికెట్లకు) 214. వికెట్ల పతనం: 1–1, 2–49, 3–69, 4–178, 5–178, 6–178. బౌలింగ్‌: తుషారా 4–0–28–3, అర్జున్‌ 2.2–0–22–0, అన్షుల్‌ 3–0–48–0, పియూశ్‌ చావ్లా 4–0–29–3, నేహల్‌ 2–0– 13–0, హార్దిక్‌ 2–0–27–0, నమన్‌ 0.4–0–17–0, షెఫర్డ్‌ 2–0–30–0. ముంబై ఇండియన్స్‌ ఇన్నింగ్స్‌: రోహిత్‌ (సి) మోసిన్‌ (బి) బిష్ణోయ్‌ 68; బ్రెవిస్‌ (సి) కృనాల్‌ (బి) నవీనుల్‌ 23; సూర్య (సి) బిష్ణోయ్‌ (బి) కృనాల్‌ 0; ఇషాన్‌ (బి) నవీనుల్‌ 14; హార్దిక్‌ (సి) నవీనుల్‌ (బి) మోసిన్‌ 16; నేహల్‌ (సి) కృనాల్‌ (బి) బిష్ణోయ్‌ 1; నమన్‌ (నాటౌట్‌) 62; షెఫర్డ్‌ (నాటౌట్‌) 1; ఎక్స్‌ట్రాలు 11; మొత్తం (20 ఓవర్లలో 6 వికెట్లకు) 196. వికెట్ల పతనం: 1–88, 2–89, 3–97, 4–116, 5–120, 6–188. బౌలింగ్‌: అర్షద్‌ 2–0–11–0, హెన్రీ 2–0–24–0, కృనాల్‌ 4–0–29–1, మోసిన్‌ 4–0– 45–1, నవీనుల్‌ 4–0–50–2, రవి బిష్ణోయ్‌ 4–0–37–2.

ముంబయి ఇండియన్స్‌తో జరిగిన మ్యాచ్‌లో ఎల్‌ఎస్‌జీ ప్లేయర్‌ నికోలస్ పూరన్ విధ్వంసం సృష్టించారు. కేవలం 19 బంతుల్లోనే అర్ధసెంచరీ సాధించారు. ఇందులో 7 సిక్సర్లు, 2 ఫోర్లతో చేలరేగాడు. అర్జున్‌ టెండూల్కర్‌ వేసిన 15 ఓవర్లో వరుస బంతుల్లో నికోల పూరన్ మూడు సిక్సర్లు బాదాడు. దీంతో ఆ ఓవర్లో ఏకంగా 29 పరుగులు సమర్పించుకున్నారు. కేవలం 29 బంతుల్లో 75 పరుగులు నికోలస్‌ పూరన్‌ ఐదు ఫోర్లు, ఎనిమిది సిక్సర్లు కొట్టాడు. చివరికీ నువాన్ తుషార బౌలింగ్‌లో ఔటై వెనుదిరిగారు. అయితే ఇప్పటికే ముంబయి ఇండియన్స్‌ ప్లే ఆఫ్ రేసు నుంచి తప్పుకున్న సంగతి తెలిసిందే. మరోవైపు లక్నో సూపర్‌ జైయింట్స్‌కు సైతం దాదాపుగా ప్లే ఆఫ్ వెళ్లే అవకాశం లేనట్లే. ఇప్పటికే 12 పాయింట్లతో ఉన్న లక్నోకు రన్‌రేట్‌ లేకపోవడం వారి అవకాశాలు దెబ్బతీసింది. ఇవాల్టి మ్యాచ్‌లో గెలిచినా ఎలాంటి ఉపయోగం లేదు. కాగా.. ఇప్పటికే మూడు జట్లు ప్లే ఆఫ్స్‌కు చేరుకోగా.. మరో స్థానం కోసం ఆర్సీబీ, చెన్నై పోటీ పడుతున్నాయి. "De chauka de chakka. Aaj ho jaye, ho jaye, Dhoom Dhadaka" pic.twitter.com/f0gZiT3kjz— Lucknow Super Giants (@LucknowIPL) May 17, 2024

ఐపీఎల్‌-2024 ప్లే ఆఫ్స్‌లో మూడో బెర్తు కూడా ఖరారైంది. కోల్‌కతా నైట్‌ రైడర్స్‌ టేబుల్‌ టాపర్‌గా ముందుగానే టాప్‌-4లో తిష్ట వేయగా.. రాజస్తాన్‌ రాయల్స్, సన్‌రైజర్స్‌ హైదరాబాద్‌ కూడా అర్హత సాధించాయి.లక్నో సూపర్‌ జెయింట్స్‌పై ఢిల్లీ క్యాపిటల్స్‌ విజయం(మే 14)తో ఎలాంటి సమీకరణలతో పనిలేకుండా రాజస్తాన్‌.. గుజరాత్‌ టైటాన్స్‌తో గురువారం నాటి మ్యాచ్‌ వర్షం కారణంగా రద్దు కావడంతో సన్‌రైజర్స్‌ ప్లే ఆఫ్స్‌లో నేరుగా చోటు దక్కించుకున్నాయి.ఆ మూడు జట్ల మధ్య పోటీఇక ప్లే ఆఫ్స్‌లో మిగిలిన ఒక్క స్థానం కోసం చెన్నై సూపర్‌ కింగ్స్‌, రాయల్‌ చాలెంజర్స్‌ బెంగళూరు, లక్నో సూపర్‌ జెయింట్స్‌ జట్టు పోటీపడుతున్నాయి. నిజానికి రన్‌రేటు పరంగా ఈ రెండు జట్ల కంటే వెనుకబడి ఉన్న లక్నో(12 పాయింట్లు, నెట్‌ రన్‌రేటు -0.787) ఈ రేసు నుంచి అనధికారికంగా నిష్క్రమించినట్లే!ఒకవేళ ఆశలు సజీవం చేసుకోవాలంటే.. ముంబై ఇండియన్స్‌తో శుక్రవారం నాటి మ్యాచ్‌లో భారీ తేడాతో లక్నో గెలవాలి. అయినప్పటికీ సీఎస్‌కే- ఆర్సీబీ ఫలితంపై ఆధారపడాల్సి ఉంటుంది. అందులోనూ ఆర్సీబీని సీఎస్‌కే కచ్చితంగా.. అది కూడా స్వల్ప తేడాతో ఓడిస్తేనే లక్నోకు అవకాశం ఉంటుంది.సీఎస్‌కే- ఆర్సీబీ ఫలితంపై సర్వత్రా ఆసక్తిఈ నేపథ్యంలో.. ఏదైనా అద్భుతం జరిగితే తప్ప లక్నో వరుసగా మూడోసారి ప్లే ఆఫ్స్‌ చేరడం సాధ్యంకాదు. కాబట్టి ప్రధానంగా పోటీలో ఉన్నది సీఎస్‌కే- ఆర్సీబీ మాత్రమే అని చెప్పవచ్చు.ఈ రెండు జట్లలోనూ చెన్నై(14 పాయింట్లు, రన్‌రేటు 0.528) ఆర్సీబీ(12 పాయింట్లు 0.387) కంటే ఓ మెట్టు పైనే ఉంది. అయినప్పటికీ ఆర్సీబీ సీఎస్‌కేను దాటి ప్లే ఆఫ్స్‌ చేరాలంటే..? సాధ్యమయ్యే రెండు సమీకరణలు ఇలా!అలా చెన్నైపై గెలిచినా సాధ్యం కాదు1. ‌చిన్నస్వామి స్టేడియంలో శనివారం జరిగే మ్యాచ్‌లో ఆర్సీబీ తొలుత బ్యాటింగ్‌ చేసి 200 పరుగులకు తక్కువ కాకుండా స్కోరు చేయాలి. అంతేకాదు 18 పరుగుల తేడాతో చెన్నైని ఓడించాలి. అంతకంటే ఒక్క పరుగు తక్కువ తేడాతో చెన్నైని ఓడించినా ఫలితం ఉండదు. నెట్‌ రన్‌రేటు ఆధారంగా చెన్నై ప్లే ఆఫ్స్‌ చేరితే.. ఆర్సీబీ మాత్రం ఇంటిబాట పడుతుంది.2. ఒకవేళ ఆర్సీబీ గనుక సెకండ్‌ బ్యాటింగ్‌ చేయాల్సి వచ్చి.. చెన్నై విధించిన 201 పరుగుల లక్ష్యాన్ని.. 11 బంతులు మిగిలి ఉండగానే ఆర్సీబీ పూర్తి చేయాలి. చదవండి: Kavya Maran- SRH: కేన్‌ మామను హత్తుకున్న కావ్యా.. వీడియో వైరల్‌

రెండేళ్ల క్రితం ఐపీఎల్‌లో అడుగుపెట్టిన లక్నో సూపర్‌ జెయింట్స్‌ వరుసగా రెండుసార్లు ప్లే ఆఫ్స్‌ చేరింది. కేఎల్‌ రాహుల్‌ కెప్టెన్సీలో టాప్‌-4కు అర్హత సాధించి సత్తా చాటింది. కానీ ఐపీఎల్‌-2024లో మాత్రం ఈ ఫీట్‌ పునరావృతం చేసే అవకాశాలు కనిపించడం లేదు.ఢిల్లీ క్యాపిటల్స్‌తో మంగళవారం నాటి మ్యాచ్‌లో లక్నో 19 పరుగుల తేడాతో ఓడిపోయింది. తద్వారా ప్లే ఆఫ్స్‌ రేసు అవకాశాలను సంక్లిష్టం చేసుకున్న లక్నో.. మిగిలిన మ్యాచ్‌లో గెలిచినా.. ఇతర జట్ల ఫలితాలపై ఆధారపడాల్సిన దుస్థితి.ఈ నేపథ్యంలో ఢిల్లీతో మ్యాచ్‌ సందర్భంగా లక్నో యజమాని సంజీవ్‌ గోయెంక ఇచ్చిన రియాక్షన్స్‌ వైరల్‌గా మారాయి. కాగా గత మ్యాచ్‌లో సన్‌రైజర్స్‌ హైదరాబాద్‌తో లక్నో చిత్తుగా ఓడిపోయిన విషయం తెలిసిందే.ఈ మ్యాచ్‌లో కెప్టెన్‌గా, వికెట్‌ కీపర్‌ బ్యాటర్‌గా కేఎల్‌ రాహుల్‌ విఫలమయ్యాడు. ఈ నేపథ్యంలో సంజీవ్‌ గోయెంక మైదానంలోనే అతడిపై ఆగ్రహం వ్యక్తం చేశాడు. రాహుల్‌ వివరణ ఇస్తున్నా పట్టించుకోకుండా కోపంతో ఊగిపోయాడు.ఇందుకు సంబంధించిన దృశ్యాలు నెట్టింట విరివిగా చక్కర్లు కొట్టగా సంజీవ్‌ గోయెంక తీరుపై విమర్శలు వెల్లువెత్తాయి. టీమిండియా స్టార్‌ పట్ల ఇలా వ్యవహరించడం సరికాదంటూ మాజీ క్రికెటర్లు హితవు పలికారు.ఈ క్రమంలో పొరపాటు గ్రహించిన సంజీవ్‌ గోయెంక ఢిల్లీతో మ్యాచ్‌కు ముందు రాహుల్‌ను తన ఇంటికి డిన్నర్‌కు పిలిచాడు. ఈ నేపథ్యంలో అతడిని ప్రేమగా హత్తుకున్న ఫొటోను బయటకు వదిలారు. తమ మధ్య అంతా బాగానే ఉందనే సంకేతాలు ఇచ్చారు. Goenka smiling after KL Rahul's wicket pic.twitter.com/R0K4BVteSN— Div🦁 (@div_yumm) May 14, 2024 ఈ క్రమంలో ఢిల్లీ క్యాపిటల్స్‌తో మ్యాచ్‌ సందర్భంగా కెమెరాలన్నీ సంజీవ్‌ గోయెంక వైపే దృష్టి సారించాయి. కేఎల్‌ రాహుల్‌ ఐదు పరుగులకే అవుటైనా గోయెంక చిన్నగా నవ్వులు చిందించాడే తప్ప కోపం తెచ్చుకోలేదు. Sanjeev Goenka appreciating KL Rahul's catch. pic.twitter.com/pAeTqjcnTB— Mufaddal Vohra (@mufaddal_vohra) May 14, 2024 అదే విధంగా.. షాయీ హోప్‌ ఇచ్చిన క్యాచ్‌ను రాహుల్‌ పట్టగానే లేచి నిలబడి మరీ చప్పట్లు కొడుతూ అతడిని అభినందించాడు. ఇక మ్యాచ్‌ ఓడిపోయిన తర్వాత మైదానంలో కేఎల్‌ రాహుల్‌తో నవ్వుతూ మాట్లాడాడు. ఇందుకు సంబంధించిన ఫొటోలు బయటకురాగా నెటిజన్లు తమదైన శైలిలో కామెంట్లు చేస్తున్నారు. ‘‘ఇంతలో ఎంత మార్పు సార్‌.. మీరు సూపర్’’ అంటూ సెటైర్లు వేస్తున్నారు.‌చదవండి: సీజన్‌ మొత్తం మాకు అదే సమస్య.. అందుకే ఈ దుస్థితి: కేఎల్‌ రాహుల్‌ Ishant Sharma x Mukesh Kumar ⚡️⚡️The duo combine to dismiss the #LSG openers 👏👏Watch the match LIVE on @StarSportsIndia and @JioCinema 💻📱#TATAIPL | #DCvLSG pic.twitter.com/nuFD7AlK28— IndianPremierLeague (@IPL) May 14, 2024A clinical win at home to finish off their home season 🙌 @DelhiCapitals with a lap of honour for their roaring home fans to extend their gratitude for their love and support 🥳#TATAIPL | #DCvLSG pic.twitter.com/DroMjvb9bU— IndianPremierLeague (@IPL) May 15, 2024KL Rahul with Sanjiv Goenka at the special Dinner in Sanjiv Goenka's home last night in Delhi. [LSG] - All is well at LSG Camp. 🌟 pic.twitter.com/W5BtE0Qmff— Johns. (@CricCrazyJohns) May 14, 2024

ఐపీఎల్‌-2024 తుది అంకానికి చేరుకుంటోంది. ఈ సీజన్‌లో ప్లే ఆఫ్స్‌లో అడుగుపెట్టిన తొలి జట్టుగా కోల్‌కతా నైట్‌ రైడర్స్‌ నిలవగా.. ఢిల్లీ క్యాపిటల్స్‌- లక్నో సూపర్‌ జెయింట్స్‌ మ్యాచ్‌ ఫలితంతో రాజస్తాన్‌ రాయల్స్‌ కూడా టాప్‌-4కు అర్హత సాధించింది.సొంత మైదానంలో ఢిల్లీ క్యాపిటల్స్‌ లక్నోను ఓడించడంతో రాజస్తాన్‌ ప్లే ఆఫ్స్‌ బెర్తును ఖరారు చేసుకుంది. ఇదిలా ఉంటే.. ​ఐపీఎల్‌ తాజా ఎడిషన్‌లో 64వ మ్యాచ్‌ అయిన ఢిల్లీ- లక్నో పోరు తర్వాత సరికొత్త చరిత్ర ఆవిష్కృతమైంది.ఈసారి ఏకంగాక్యాష్‌ రిచ్‌ లీగ్‌ చరిత్రలో అత్యధిక సిక్సర్లు నమోదైన సీజన్‌గా 2024 నిలిచింది. ఈ ఎడిషన్‌లో ఇప్పటి వరకు మొత్తంగా 1125 సిక్సర్లు నమోదయ్యాయి. ఇక మంగళవారం నాటి మ్యాచ్‌ సందర్భంగా ఢిల్లీ బ్యాటర్లలో అభిషేక్‌ పోరెల్‌ 4, షాయీ హోప్‌ రెండు, ట్రిస్టన్‌ స్టబ్స్‌ 4 సిక్సర్లు బాదగా.. లక్నో ఆటగాళ్లలో నికోలసన్‌ పూరన్‌ 4, అర్షద్‌ ఖాన్‌ 5, యుద్‌వీర్‌ సింగ్‌ చరక్‌ ఒక సిక్సర్‌ కొట్టారు.కాగా ఐపీఎల్‌-2024 ఆరంభం నుంచే సిక్సర్ల మోత మోగుతున్న విషయం తెలిసిందే. ముఖ్యంగా విధ్వంసకర బ్యాటింగ్‌కు మారుపేరుగా మారిన సన్‌రైజర్స్‌ హైదరాబాద్‌తో పాటు రాయల్‌ చాలెంజర్స్‌ బెంగళూరు కూడా సిక్స్‌ల వర్షం కురిపించింది. తద్వారా ఈ సీజన్‌లో ఇప్పటి వరకు అత్యధిక సిక్స్‌లు నమోదు చేసిన తొలి రెండు జట్లుగా సన్‌రైజర్స్‌, ఆర్సీబీ నిలవగా.. అనూహ్య రీతిలో ఢిల్లీ క్యాపిటల్స్‌ మూడో స్థానం ఆక్రమించింది.ఒక ఐపీఎల్‌ సీజన్‌లో అత్యధిక సిక్సర్లు👉1125 సిక్సర్లు - 2024👉1124 సిక్సర్లు - 2023👉1062 సిక్సర్లు - 2022👉872 సిక్సర్లు- 2018👉784 సిక్సర్లు- 20192024లో ఇప్పటి వరకు అత్యధిక సిక్స్‌లు నమోదు చేసిన జట్లు👉సన్‌రైజర్స్‌ హైదరాబాద్‌- 12 మ్యాచ్‌లలో 146 సిక్స్‌లు👉ఆర్సీబీ- 13 మ్యాచ్‌లలో 141 సిక్స్‌లు👉ఢిల్లీ క్యాపిటల్స్‌- 14 మ్యాచ్‌లలో 135 సిక్స్‌లు👉కోల్‌కతా నైట్‌ రైడర్స్‌- 12 మ్యాచ్‌లలో 125 సిక్స్‌లు👉ముంబై ఇండియన్స్‌- 13 మ్యాచ్‌లలో 122 సిక్స్‌లు👉పంజాబ్‌ కింగ్స్‌- 12 మ్యాచ్‌లలో 102 సిక్స్‌లు👉రాజస్తాన్‌ రాయల్స్‌- 12 మ్యాచ్‌లలో 100 సిక్స్‌లు. Fearless striking from Arshad Khan 🔥He's not given up yet in this chase 💪Watch the match LIVE on @StarSportsIndia and @JioCinema 💻📱#TATAIPL | #DCvLSG pic.twitter.com/JxfdwBnG0t— IndianPremierLeague (@IPL) May 14, 2024

ఐపీఎల్‌-2024 ప్లే ఆఫ్స్‌ రేసులో నిలవాలంటే తప్పక గెలవాల్సిన మ్యాచ్‌లో లక్నో సూపర్‌ జెయింట్స్‌ ఓటమి పాలైంది. ఢిల్లీ క్యాపిటల్స్‌ చేతిలో 19 పరుగుల తేడాతో ఓడిపోయింది. ఢిల్లీ వేదికగా మంగళవారం జరిగిన ఈ మ్యాచ్‌ ఫలితంతో రాజస్తాన్‌ రాయల్స్‌ ప్లే ఆఫ్స్‌లో అడుగుపెట్టింది.ఇక సమిష్టి ప్రదర్శనతో లక్నోపై గెలుపుతో లీగ్‌ దశను ముగించిన ఢిల్లీ క్యాపిటల్స్‌.. ఓవరాల్‌గా ఈ సీజన్‌లో ఏడు విజయాలు సాధించింది. వెళ్తూ వెళ్తూ లక్నో సూపర్‌ జెయింట్స్‌ ప్లే ఆఫ్స్‌ ఆశలను దాదాపుగా గల్లంతు చేసింది.వాళ్లిద్దరు పట్టుదలగా నిలబడ్డారుఈ నేపథ్యంలో లక్నో సూపర్‌ జెయింట్స్‌ కెప్టెన్‌ కేఎల్‌ రాహుల్ ఢిల్లీ చేతిలో ఓటమిపై స్పందించాడు. ‘‘40 ఓవర్ల పాటు వికెట్‌ ఒకే విధంగా ఉంది. తొలి ఓవర్లోనే మేము జేక్‌ ఫ్రేజర్‌ మెగర్క్‌ను అవుట్‌ చేసి శుభారంభం అందుకున్నాం.అయితే, దానిని మేము నిలబెట్టుకోలేకపోయాం. షాయీ హోప్‌, అభిషేక్‌ పోరెల్‌ పట్టుదలగా నిలబడ్డారు. ఇక్కడ 200 పెద్ద స్కోరేమీ కాదు. అయినా, లక్ష్య ఛేదనలో మేము తడబడ్డాం.సీజన్‌ మొత్తం మాకు అదే సమస్యనిజానికి ఇది పూర్తి చేయదగిన టార్గెట్‌. ఈ సీజన్‌ ఆసాంతం పవర్‌ ప్లేలో త్వరగా వికెట్లు కోల్పోవడం మాకు ఇబ్బందికరంగా మారింది. బ్యాటింగ్‌ పరంగా మాకు ఎప్పుడూ శుభారంభం లభించలేదు.స్టొయినిస్‌, పూరన్‌లకు మేము సహకారం అందించలేకపోయాం. అందుకే మేము ఇప్పుడిలా విపత్కర పరిస్థితిలో కూరుకుపోయాం’’ అని కేఎల్‌ రాహుల్‌ విచారం వ్యక్తం చేశాడు. కాగా ఈ మ్యాచ్‌లో రాహుల్‌ పూర్తిగా విఫలమయ్యాడు. 3 బంతులు ఎదుర్కొన్న ఈ ఓపెనింగ్‌ బ్యాటర్‌ కేవలం ఐదు పరుగులు మాత్రమే చేశాడు.ఢిల్లీ వర్సెస్‌ లక్నో స్కోర్లు👉వేదిక: అరుణ్‌జైట్లీ స్టేడియం.. ఢిల్లీ👉టాస్‌: లక్నో.. బౌలింగ్‌👉ఢిల్లీ స్కోరు: 208/4 (20)👉లక్నో స్కోరు: 189/9 (20)👉ఫలితం: 19 పరుగుల తేడాతో లక్నోపై ఢిల్లీ గెలుపు👉ప్లేయర్‌ ఆఫ్‌ ది మ్యాచ్‌:ఇషాంత్‌ శర్మ(3/34).చదవండి: Virat Kohli: అదే జరిగితే.. ఆర్సీబీ కెప్టెన్‌గా మ‌ళ్లీ కోహ్లినే!A clinical win at home to finish off their season 🙌 @DelhiCapitals with a lap of honour for their roaring home fans to extend their gratitude for their love and support 🥳#TATAIPL | #DCvLSG pic.twitter.com/kekvx9uuZK— IndianPremierLeague (@IPL) May 15, 2024

న్యూఢిల్లీ: సొంతగడ్డపై సత్తా చాటిన ఢిల్లీ క్యాపిటల్స్‌ ఐపీఎల్‌ లీగ్‌ దశను విజయంతో ముగించింది. ఈ గెలుపుతో సాంకేతికంగా ‘ప్లే ఆఫ్స్‌’ అవకాశాలు ఇంకా మిగిలే ఉన్నా... ఆ జట్టు ముందంజ వేయడం చాలా రకమైన ఇతర సమీకరణాలపై ఆధారపడి ఉంది. మరోవైపు గెలిస్తే ప్లే ఆఫ్స్‌ రేసులో మెరుగైన స్థితికి చేరే అవకాశం ఉన్నా కూడా లక్నో సూపర్‌ జెయింట్స్‌ దానిని చేజార్చుకుంది. మంగళవారం జరిగిన పోరులో ఢిల్లీ 19 పరుగుల తేడాతో లక్నోపై విజయం సాధించింది. టాస్‌ ఓడి ముందుగా బ్యాటింగ్‌కు దిగిన ఢిల్లీ 20 ఓవర్లలో 4 వికెట్ల నష్టానికి 208 పరుగులు చేసింది. అభిõÙక్‌ పొరేల్‌ (33 బంతుల్లో 58; 5 ఫోర్లు, 4 సిక్స్‌లు), ట్రిస్టన్‌ స్టబ్స్‌ (25 బంతుల్లో 57 నాటౌట్‌; 3 ఫోర్లు, 4 సిక్స్‌లు) అర్ధ సెంచరీలు చేయగా... షై హోప్‌ (27 బంతుల్లో 38; 3 ఫోర్లు, 2 సిక్స్‌లు), రిషభ్‌ పంత్‌ (23 బంతుల్లో 33; 5 ఫోర్లు) రాణించారు. అనంతరం లక్నో 20 ఓవర్లలో 9 వికెట్లకు 189 పరుగులు చేసి ఓడిపోయింది. నికోలస్‌ పూరన్‌ (27 బంతుల్లో 61; 6 ఫోర్లు, 4 సిక్స్‌లు), అర్షద్‌ ఖాన్‌ (33 బంతుల్లో 58 నాటౌట్‌; 3 ఫోర్లు, 5 సిక్స్‌లు) దూకుడుగా ఆడగా మిగతా వారంతా పూర్తిగా విఫలమయ్యారు. ఢిల్లీ–లక్నో మ్యాచ్‌ ఫలితంతో రెండు మ్యాచ్‌లు మిగిలి ఉండగానే రాజస్తాన్‌ రాయల్స్‌ 16 పాయింట్లతో ‘ప్లే ఆఫ్స్‌’కు బెర్త్‌ను ఖరారు చేసుకున్న రెండో జట్టుగా నిలిచింది. కీలక భాగస్వామ్యం... తొలి ఓవర్లోనే జేక్‌ ఫ్రేజర్‌ (0)ను అవుట్‌ చేసిన లక్నో ఆనందం ఎక్కువ సేపు నిలవలేదు. పొరేల్, హోప్‌ కలిసి దూకుడుగా ఆడారు. అర్షద్‌ ఓవర్లో పొరేల్‌ 3 ఫోర్లు, సిక్స్‌ కొట్టగా, యు«ద్‌వీర్‌ ఓవర్లో హోప్‌ 2 ఫోర్లు, సిక్స్‌ బాదాడు. పవర్‌ప్లేలో ఢిల్లీ 73 పరుగులు చేసింది.21 బంతుల్లోనే పొరేల్‌ అర్ధసెంచరీ పూర్తి కాగా, ఈ జోడీ రెండో వికెట్‌కు 92 పరుగులు (49 బంతుల్లో) జోడించింది. వీరిద్దరు తక్కువ వ్యవధిలో వెనుదిరగ్గా, పంత్‌ కొన్ని కీలక పరుగులు సాధించాడు. అయితే స్టబ్స్‌ ధాటైన బ్యాటింగ్‌ ఢిల్లీ స్కోరును 200 దాటించింది. అర్షద్‌ ఓవర్లో 2 ఫోర్లు, సిక్స్‌ కొట్టిన అతను, నవీన్‌ ఓవర్లో 2 సిక్స్‌లు, ఫోర్‌ బాది 22 బంతుల్లోనే హాఫ్‌ సెంచరీని అందుకున్నాడు. పూరన్‌ మినహా... భారీ ఛేదనలో లక్నో పూర్తిగా తడబడింది. పూరన్‌ మెరుపు బ్యాటింగ్‌ తప్ప ఇన్నింగ్స్‌లో ప్రధాన బ్యాటర్‌ ఒక్కరు కూడా కనీస ప్రదర్శన ఇవ్వలేకపోయారు. పవర్‌ప్లే ముగిసేలోపే కేఎల్‌ రాహుల్‌ (5), డికాక్‌ (12), స్టొయినిస్‌ (5), హుడా (0) వెనుదిరగడం జట్టును బాగా దెబ్బ తీసింది. మరోవైపు అక్షర్‌ ఓవర్లో 2 ఫోర్లు, 2 సిక్స్‌లు కొట్టిన పూరన్‌... ఇతర బౌలర్లపై కూడా చెలరేగి 20 బంతుల్లోనే హాఫ్‌ సెంచరీ సాధించాడు. అయితే లక్నోను విజయం దిశగా తీసుకెళ్లేందుకు ఇది సరిపోలేదు. విజయానికి 9 ఓవర్లలో 108 పరుగులు చేయాల్సిన స్థితిలో పూరన్‌ అవుట్‌ కావడంతో జట్టు ఆశలు కోల్పోయింది. చివర్లో అర్షద్‌ పోరాడినా అప్పటికే ఆలస్యమైపోయింది. స్కోరు వివరాలు ఢిల్లీ క్యాపిటల్స్‌ ఇన్నింగ్స్‌: జేక్‌ ఫ్రేజర్‌ (సి) నవీన్‌ (బి) అర్షద్‌ 0; పొరేల్‌ (సి) పూరన్‌ (బి) నవీన్‌ 58; హోప్‌ (సి) రాహుల్‌ (బి) బిష్ణోయ్‌ 38; పంత్‌ (సి) హుడా (బి) నవీన్‌ 33; స్టబ్స్‌ (నాటౌట్‌) 57; అక్షర్‌ (నాటౌట్‌) 14; ఎక్స్‌ట్రాలు 8; మొత్తం (20 ఓవర్లలో 4 వికెట్లకు) 208. వికెట్ల పతనం: 1–2, 2–94, 3–111, 4–158. బౌలింగ్‌: అర్షద్‌ 3–0–45–1, మొహసిన్‌ 4–0–29–0, యుధ్‌వీర్‌ 2–0–28–0, నవీన్‌ 4–0–51–2, బిష్ణోయ్‌ 4–0–26–1, కృనాల్‌ 2–0–20–0, హుడా 1–0–9–0. లక్నో సూపర్‌ జెయింట్స్‌ ఇన్నింగ్స్‌: డికాక్‌ (సి) ముకేశ్‌ (బి) ఇషాంత్‌ 12; రాహుల్‌ (సి) ముకేశ్‌ (బి) ఇషాంత్‌ 5; స్టొయినిస్‌ (స్టంప్డ్‌) పంత్‌ (బి) అక్షర్‌ 5; హుడా (ఎల్బీ) (బి) ఇషాంత్‌ 0; పూరన్‌ (సి) అక్షర్‌ (బి) ముకేశ్‌ 61; బదోని (సి) గుల్బదిన్‌ (బి) స్టబ్స్‌ 6; కృనాల్‌ (స్టంప్డ్‌) పంత్‌ (బి) కుల్దీబ్‌ 18; అర్షద్‌ (నాటౌట్‌) 58; యుధ్‌వీర్‌ (సి) హోప్‌ (బి) ఖలీల్‌ 14; బిష్ణోయ్‌ (రనౌట్‌) 2; నవీన్‌ (నాటౌట్‌) 2; ఎక్స్‌ట్రాలు 6; మొత్తం (20 ఓవర్లలో 9 వికెట్లకు) 189. వికెట్ల పతనం: 1–7, 2–24, 3–24, 4–44, 5–71, 6–101, 7–134, 8–167, 9–183. బౌలింగ్‌: ఇషాంత్‌ 4–0–34–3, ఖలీల్‌ 2–0–22–1, అక్షర్‌ 1–0–20–1, ముకేశ్‌ 4–0–33–1, కుల్దీప్‌ 4–0–33–1, స్టబ్స్‌ 1–0–4–1, గుల్బదిన్‌ 1–0–12–0, సలామ్‌ 3–0–30–0. ఐపీఎల్‌లో నేడురాజస్తాన్‌ X పంజాబ్‌ వేదిక: గువాహటిరాత్రి 7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం

ప్లే ఆఫ్ రేసులో నిలవాలంటే కచ్చితంగా గెలవాల్సిన మ్యాచ్ లో ఢిల్లీ క్యాపిటల్స్‌ సత్తాచాటింది. అరుణ్‌ జైట్లీ స్టేడియం వేదికగా లక్నో సూపర్‌ జెయింట్స్‌తో మ్యాచ్‌లో 19 పరుగుల తేడాతో ఢిల్లీ విజయం సాధించింది. దీంతో ఢిల్లీ తమ ప్లే ఆఫ్స్‌ ఆశలను సజీవంగా ఉంచుకుంది. అయితే ఢిల్లీ ప్లే ఆఫ్స్‌ భవితవ్యం ఇతర జట్ల గెలుపోటములుపై ఆధారపడి ఉంటుంది. ఇక ఈ మ్యాచ్‌లో తొలుత బ్యాటింగ్‌ చేసిన ఢిల్లీ క్యాపిటల్స్ నిర్ణీత 20 ఓవర్లలో 4 వికెట్ల నష్టానికి 208 పరుగుల భారీ స్కోర్ సాధించింది.ఢిల్లీ బ్యాటర్లలో అభిషేక్ పోరెల్‌(58), ట్రిస్టన్ స్టబ్స్‌(57) అద్బుతమైన హాఫ్ సెంచరీలతో చెలరేగారు. వారిద్దరితో పాటు షాయ్ హోప్‌(38), కెప్టెన్ రిషబ్ పంత్‌(33) పరుగులతో రాణించారు. ఇక లక్నో బౌలర్లలో నవీన్ ఉల్ హక్ రెండు వికెట్లు పడగొట్టగా.. అర్షద్ ఖాన్‌, బిష్ణోయ్ తలా వికెట్ సాధించారు.చెలరేగిన ఇషాంత్‌..అనంతరం 209 పరుగుల లక్ష్యంతో బరిలోకి దిగిన లక్నో సూపర్‌ జెయింట్స్‌ నిర్ణీత 20 ఓవర్లలో 9 వికెట్లు కోల్పోయి 189 పరుగులకే పరిమితమైంది. లక్నో టెయిలాండర్‌ అర్షద్‌ ఖాన్‌ అద్బుతమైన పోరాట పటిమ కనబరిచనప్పటికి తన జట్టును గెలిపించలేకపోయాడు. 7వ స్ధానంలో బ్యాటింగ్‌లో వచ్చిన అర్షద్‌.. ఢిల్లీ బౌలర్లపై ఎదురుదాడికి దిగాడు. లక్ష్య చేధనలో 102 పరుగులకే 6 వికెట్లు కోల్పోయిన సమయంలో క్రీజులోకి వచ్చిన అర్షద్‌ ఖాన్‌.. గెలుపు అంచుల దాకా తీసుకువచ్చాడు. 33 బంతులు ఎదుర్కొన్న అర్షద్‌.. 3 ఫోర్లు, 5 సిక్స్‌లతో 58 పరుగులు చేశాడు. అతడితో పాటు నికోలస్‌ పూరన్‌(61) కూడా మెరుపు ఇన్నింగ్స్‌ ఆడాడు. వీరిద్దరూ మిగితా బ్యాటర్లంతా దారుణంగా విఫలమయ్యారు. ఇక ఢిల్లీ బౌలర్లలో ఇషాంత్‌ శర్మ మూడు వికెట్లు, ఖాలీల్‌ అహ్మద్‌, అక్షర్‌ పటేల్‌, స్టబ్స్‌, ముఖేష్‌ కుమార్, కుల్దీప్‌ యాదవ్‌‌ తలా వికెట్‌ సాధించారు.​

ఐపీఎల్‌-2024లో తమ చివరి లీగ్ మ్యాచ్‌లో ఢిల్లీ ‍‍క్యాపిటల్స్ బ్యాటర్లు జూలు విధిల్చారు. ఈ మెగా ఈవెంట్‌లో భాగంగా అరుణ్ జైట్లీ స్టేడియం వేదికగా లక్నో సూపర్ జెయింట్స్‌తో మ్యాచ్‌లో ఢిల్లీ బ్యాటర్లు ఆకాశమే హద్దుగా చెలరేగిపోయారు. తొలుత బ్యాటింగ్ చేసిన ఢిల్లీ క్యాపిటల్స్ నిర్ణీత 20 ఓవర్లలో 4 వికెట్ల నష్టానికి 208 పరుగుల భారీ స్కోర్ సాధించింది. ఢిల్లీ బ్యాటర్లలో అభిషేక్ పోరెల్‌(58), ట్రిస్టన్ స్టబ్స్‌(57) అద్బుతమైన హాఫ్ సెంచరీలతో చెలరేగారు. వారిద్దరితో పాటు షాయ్ హోప్‌(38), కెప్టెన్ రిషబ్ పంత్‌(33) పరుగులతో రాణించారు. ఇక లక్నో బౌలర్లలో నవీన్ ఉల్ హక్ రెండు వికెట్లు పడగొట్టగా.. అర్షద్ ఖాన్‌, బిష్ణోయ్ తలా వికెట్ సాధించారు.

ఐపీఎల్‌-2024లో ల‌క్నో సూప‌ర్ జెయింట్స్ కీల‌క పోరుకు సిద్ద‌మైంది. ఈ మెగా ఈవెంట్‌లో భాగంగా అరుణ్ జైట్లీ స్టేడియం వేదిక‌గా ల‌క్నో, ఢిల్లీ క్యాపిట‌ల్స్ త‌ల‌ప‌డ‌తున్నాయి.ఈ మ్యాచ్‌లో టాస్ గెలిచిన ల‌క్నో తొలుత బౌలింగ్ ఎంచుకుంది. ఇరు జ‌ట్లు ప‌లు మార్పుల‌తో ఈ మ్యాచ్‌లో బ‌రిలోకి దిగాయి. గ‌త మ్యాచ్‌కు దూర‌మైన ఢిల్లీ క్యాపిట‌ల్స్ కెప్టెన్ రిష‌బ్ పంత్ తిరిగి రీఎంట్రీ ఇచ్చాడు. ల‌క్నో జ‌ట్టులోకి పేస‌ర్లు అర్ష‌ద్ ఖాన్‌, యుద్ద‌వీర్‌, మోహ్షిన్ ఖాన్ వ‌చ్చారు. కాగా ల‌క్నో సూప‌ర్ జెయింట్స్‌కు ఈ మ్యాచ్ చాలా కీల‌కం. ప్లే ఆఫ్ రేసులో ఉండాలంటే ఈ మ్యాచ్‌లో ల‌క్నో క‌చ్చితంగా విజ‌యం సాధించాలి. మ‌రోవైపు ఢిల్లీ త‌మ చివ‌రి లీగ్ మ్యాచ్‌లో స‌త్తాచాటాల‌ని భావిస్తోంది. కాగా ఈ మ్యాచ్‌లో ఢిల్లీ గెలిచిన ప్లే ఆఫ్స్ చేరాలంటే అద్భుతాలు జ‌ర‌గాలి.తుది జ‌ట్లుఢిల్లీ క్యాపిటల్స్ : అభిషేక్ పోరెల్, జేక్ ఫ్రేజర్-మెక్‌గుర్క్, షాయ్ హోప్, రిషబ్ పంత్(కెప్టెన్‌/ వికెట్ కీప‌ర్‌), ట్రిస్టన్ స్టబ్స్, అక్షర్ పటేల్, గుల్బాదిన్ నాయబ్, రసిఖ్ దార్ సలామ్, ముఖేష్ కుమార్, కుల్దీప్ యాదవ్, ఖలీల్ అహ్మద్లక్నో సూపర్ జెయింట్స్ : కేఎల్‌ రాహుల్ (వికెట్ కీప‌ర్‌/ కెప్టెన్‌), క్వింటన్ డి కాక్, మార్కస్ స్టోయినిస్, దీపక్ హుడా, నికోలస్ పూరన్, కృనాల్ పాండ్యా, యుధ్వీర్ సింగ్ చరక్, అర్షద్ ఖాన్, రవి బిష్ణోయ్, నవీన్-ఉల్-హక్, మొహ్సిన్ ఖాన్

ల‌క్నో సూప‌ర్ జెయింట్స్ య‌జ‌మాని, బ‌డా వ్యాపార‌వేత్త సంజీవ్ గోయెంక న‌ష్ట నివార‌ణ చ‌ర్య‌లు చేప‌ట్టారు. ల‌క్నో కెప్టెన్ కేఎల్ రాహుల్‌ను త‌న ఇంటికి ఆహ్వానించి.. త‌న‌పై వ‌స్తున్న విమ‌ర్శ‌ల‌కు చెక్ పెట్టే ప్ర‌య‌త్నం చేశారు. ఈ క్ర‌మంలో రాహుల్‌ను ఆయ‌న ఆత్మీయంగా హ‌త్తుకున్న ఫొటో నెట్టింట వైర‌ల్‌గా మారింది.ఐపీఎల్‌-2022లో ఇండియ‌న్ ప్రీమియ‌ర్ లీగ్‌లో అడుగుపెట్టిన ల‌క్నో ఫ్రాంఛైజీ త‌మ సార‌థిగా టీమిండియా స్టార్ కేఎల్ రాహుల్‌ను నియ‌మించింది. ఈ వికెట్ కీప‌ర్ బ్యాట‌ర్ కెప్టెన్సీలో ల‌క్నో అరంగేట్రంలోనే ప్లే ఆఫ్స్ చేరింది. గ‌తేడాది సైతం టాప్‌-4తో ముగించింది.ఈ క్ర‌మంలో ప‌దిహేడో ఎడిష‌న్‌లోనూ స‌త్తా చాటాల‌ని ప‌ట్టుద‌ల‌గా ఉంది. అయితే, ప్లే ఆఫ్స్ రేసులో ఆటంకాలు లేకుండా ముందుకు సాగాలంటే స‌న్‌రైజ‌ర్స్ హైద‌రాబాద్‌తో త‌ప్ప‌క గెల‌వాల్సిన మ్యాచ్‌లో ల‌క్నో ఓడిపోయింది.అంద‌రూ చూస్తుండ‌గానే చీవాట్లుఈ మ్యాచ్‌లో ప్యాట్ క‌మిన్స్ టీమ్ కేఎల్ రాహుల్ సేన‌ను 10 వికెట్ల తేడాతో చిత్తుగా ఓడించి.. బ్యాటింగ్ విధ్వంసంతో ప‌లు రికార్డులు ఖాతాలో వేసుకుంది. ఈ నేప‌థ్యంలో ల‌క్నో య‌జ‌మాని సంజీవ్ గోయెంక కెప్టెన్ రాహుల్‌పై తీవ్ర‌ ఆగ్ర‌హం వ్య‌క్తం చేశాడు.మైదానంలో అంద‌రూ చూస్తుండ‌గానే చీవాట్లు పెట్టాడు. ఇందుకు సంబంధించిన ఫొటోలు, వీడియోలు వైర‌ల్ కావ‌డంతో సంజీవ్ గోయెంక తీరుపై విమ‌ర్శ‌లు వెల్లువెత్తాయి. కెప్టెన్ ప‌ట్ల ఇంత దారుణంగా ప్ర‌వ‌ర్తిస్తారా అంటూ మాజీ క్రికెట‌ర్లు వీరేంద్ర సెహ్వాగ్ వంటి వాళ్లు గోయెంక వ్య‌వ‌హార‌శైలిని త‌ప్పుబ‌ట్టారు.డిన్న‌ర్ కోసం త‌న ఇంటికి ఆహ్వానించిఇక ఫ్యాన్స్ అయితే, రాహుల్ ఆత్మ‌గౌర‌వం నిల‌బ‌డాలంటే వెంట‌నే ల‌క్నోకు గుడ్‌బై చెప్పాలంటూ సోష‌ల్ మీడియా వేదిక‌గా డిమాండ్ చేశారు. ఈ నేప‌థ్యంలో తాజా ఫొటో తెర మీద‌కు వ‌చ్చింది. కేఎల్ రాహుల్‌ను డిన్న‌ర్ కోసం త‌న ఇంటికి ఆహ్వానించిన సంజీవ్ గోయెంక అత‌డిని ఆలింగనం చేసుకున్నాడు. Sanjiv Goenka invited KL Rahul for dinner at his home last night and both hugged each other.- Everything is okay now in LSG. ❤️ pic.twitter.com/RY9KsiNre3— Tanuj Singh (@ImTanujSingh) May 14, 2024తుపాన్ వెలిసిన త‌ర్వాతఈ నేప‌థ్యంలో గోయెంక‌- రాహుల్ మ‌ధ్య స‌ఖ్య‌త కుదిరింద‌ని.. జ‌ట్టులో ప్ర‌స్తుతం అంతా బాగానే ఉంద‌నే కామెంట్లు వినిపిస్తున్నాయి. ఇదిలా ఉంటే.. కేఎల్ రాహుల్ భార్య‌, న‌టి అతియా శెట్టి చేసిన పోస్ట్ ఇందుకు బ‌లాన్ని చేకూరుస్తోంది. తుపాన్ వెలిసిన త‌ర్వాత ప్ర‌శాంతంగా ఇలా అంటూ ఆమె మ‌బ్బులు వీడిన సూర్యుడి ఫొటో పంచుకుంది.కాగా ఐపీఎల్‌-2024లో భాగంగా ల‌క్నో మంగ‌ళ‌వారం ఢిల్లీతో త‌ల‌ప‌డ‌నుంది. ఈ మ్యాచ్‌లో గెలిస్తే లక్నో ప్లే ఆఫ్స్ ఆశ‌లు స‌జీవంగా ఉంటాయి. అయితే, మిగిలి ఉన్న మ‌రో మ్యాచ్ గెల‌వ‌డంతో పాటు ఇందుకోసం ఇత‌ర జ‌ట్ల ఫ‌లితాల‌పై కూడా ఆధార‌ప‌డాల్సి ఉంటుంది. Athiya Shetty Instagram story.Cryptic post 🤔🤔 pic.twitter.com/HTKdJ95G9d— DREAM11s STATS (@fantasy1Cricket) May 14, 2024

ఐపీఎల్‌ ఫ్రాంఛైజీ యజమానులను ఉద్దేశించి టీమిండియా మాజీ బ్యాటర్‌ వీరేంద్ర సెహ్వాగ్‌ కీలక వ్యాఖ్యలు చేశాడు. ఆటగాళ్లు, కోచ్‌లే జట్టును ముందుకు నడిపిస్తారని.. ఈ విషయంలో ఓనర్ల జోక్యం అనవసమా అంటూ ఘాటుగా విమర్శించాడు.వ్యాపారవేత్తలు కేవలం లాభనష్టాల గురించే ఆలోచిస్తారని.. అయితే, మైదానంలోనే ఆటగాళ్లను కించపరిచేలా వ్యవహరించడం సరికాదని హితవు పలికాడు. లక్నో సూపర్‌ జెయింట్స్‌ యజమాని సంజీవ్‌ గోయెంకా ఆ జట్టు కెప్టెన్‌ కేఎల్‌ రాహుల్‌ పట్ల అనుచితంగా ప్రవర్తించిన నేపథ్యంలో సెహ్వాగ్‌ ఈ మేరకు వ్యాఖ్యలు చేశాడు.కాగా ఐపీఎల్‌-2024లో సన్‌రైజర్స్‌ హైదరాబాద్‌తో మ్యాచ్‌లో కేఎల​ రాహుల్‌ కెప్టెన్‌గా, బ్యాటర్‌గా విఫలమయ్యాడు. ఫలితంగా రైజర్స్‌ చేతిలో లక్నో చిత్తుగా ఓడిపోయింది. ఈ క్రమంలో సంజీవ్‌ గోయెంకా మైదానంలోనే రాహుల్‌తో వాదనకు దిగాడు.అతడు సర్దిచెప్తున్నా వినిపించుకోకుండా ఆగ్రహం ప్రదర్శించాడు. అదే విధంగా కోచ్‌ జస్టిన్‌ లాంగర్‌ పట్ల కూడా ఇదే తరహాలో వ్యవహరించాడు గోయెంకా. ఈ విషయంపై స్పందించిన సెహ్వాగ్‌ క్రిక్‌బజ్‌ షోలో తన అభిప్రాయాలు పంచుకున్నాడు.‘‘డ్రెస్సింగ్‌ రూం లేదంటే ప్రెస్‌ మీట్‌ సమయంలోనే ఓనర్లు ఆటగాళ్లతో మాట్లాడాలి. అది కూడా వాళ్లలో స్ఫూర్తి నింపేలా వ్యవహరించాలి గానీ.. ‘‘సమస్య ఏంటి? ఏం జరుగుతోంది?’’ అంటూ మైదానంలోనే ఇలా వ్యవహరించకూడదు.కోచ్‌లు, కెప్టెన్‌ జట్టును నడిపిస్తారు. కాబట్టి ఓనర్లు ఆటగాళ్ల విషయాల్లో జోక్యం చేసుకోకపోవడమే బెటర్‌. వాళ్లంతా వ్యాపారవేత్తలు. వాళ్లకు కేవలం లాభం, నష్టం గురించి మాత్రమే తెలుసు.అయినా ఇక్కడ వారికి ఎలాంటి లాస్‌ లేదు. 400 కోట్ల రూపాయల వరకు లాభం ఆర్జిస్తున్నారు. అంటే.. ఇక్కడ వాళ్లకు నష్టమేమీ ఉండదు కదా అని అంటున్నా! లాభాలు తీసుకోవడం తప్ప జట్టులో ఏం జరిగినా పట్టించుకునే అవసరం పెద్దగా లేదనే అనుకుంటున్నా. మీరేమైనా చెప్పాలనుకుంటే ఆటగాళ్లను మోటివేట్‌ చేసేలా ఉండాలి.ఐపీఎల్‌లో చాలా ఫ్రాంఛైజీలు ఉన్నాయి. ఆటగాడు ఓ జట్టును వీడితే మరో జట్టు అతడిని తీసుకుంటుంది. కీలకమైన ఆటగాడిని కోల్పోతే మీ విజయాల శాతం సున్నా అవుతుంది. నేను పంజాబ్‌ జట్టును వీడినపుడు వాళ్లు ఐదో స్థానంలో ఉన్నారు. ఆ తర్వాత ఎప్పుడూ కనీసం ఐదో స్థానంతో ముగించలేకపోయారు’’ అని సెహ్వాగ్‌ ఘాటు వ్యాఖ్యలు చేశాడు.

భారత స్టార్‌ క్రికెటర్ కెప్టెన్‌ కేఎల్‌ రాహుల్‌ లక్నో సూపర్‌ జెయింట్స్‌ను వీడనున్నాడనే వార్తల నేపథ్యంలో ఆ జట్టు సన్నిహిత వర్గాలు కీలక అప్‌డేట్‌ అందించాయి. కెప్టెన్‌- యాజమాన్యం మధ్య అంతాబాగానే ఉందని స్పష్టం చేశాయి. కాగా ఐపీఎల్‌-2024లో హైదరాబాద్‌లో సన్‌రైజర్స్‌తో ఘోర ఓటమి నేపథ్యంలో కేఎల్‌ రాహుల్‌కు ఘోర అవమానం జరిగిన విషయం తెలిసిందే. లక్నో ఫ్రాంచైజీ యజమాని సంజీవ్‌ గోయెంకా మైదానంలోకి వచ్చి రాహుల్‌పై తీవ్ర అసహనాన్ని ప్రదర్శించారు. రాహుల్‌పై గోయెంకా ఆగ్రహం వ్యక్తం చేస్తున్నట్లుగా ఉన్న వీడియో సోషల్‌ మీడియాలో వైరల్‌గా మారింది. ఫలితంగా.. ఫ్రాంచైజీ అసంతృప్తి నేపథ్యంలో రాహుల్‌ మిగిలిన రెండు మ్యాచ్‌ల్లో పగ్గాలు వదిలేసి పూర్తిగా బ్యాటింగ్‌పై శ్రద్ధ పెడతాడా లేదా ఫ్రాంఛైజీకి గుడ్‌బై చెబుతాడా? అనేవి చర్చనీయాంశంగా మారాయి. ఈ క్రమంలో.. ‘లక్నో ఈ నెల 14న ఢిల్లీ క్యాపిటల్స్‌తో తలపడుతుంది. ఇందుకు ఇంకా గడువు ఉండటంతో ఏ నిర్ణయం తీసుకోలేదు. మేనేజ్‌మెంట్‌ తప్పిస్తుందా లేదంటే కెప్టెన్‌ రాహులే వైదొలగుతాడా అనే దానిపై త్వరలోనే స్పష్టత వస్తుంది’ అని ఐపీఎల్‌ వర్గాలు తెలిపాయి.తాజాగా ఈ విషయం గురించి లక్నో వర్గాలు స్పందిస్తూ.. ‘‘కేఎల్‌ రాహుల్‌ను కెప్టెన్సీ నుంచి తప్పించడమే గాక... వచ్చే వేలంలో కూడా అతడిని లక్నో తీసుకోదు అని వస్తున్నవి కేవలం వదంతులు మాత్రమే.గత మ్యాచ్‌ ఫలితం మాకు అనుకూలంగా లేదనే బాధ ఉంది. అయితే, జట్టు, ఓనర్ల మధ్య అంతా బాగానే ఉంది. రాహుల్‌ కూడా బాగున్నాడు. ఢిల్లీతో మ్యాచ్‌కు ముందు అతడు విశ్రాంతి తీసుకుంటున్నాడంతే!’’ అని వార్తా సంస్థ IANSకు తెలిపాయి. కాగా సంజీవ్‌ గోయెంకా తీరుతో రాహుల్ తీవ్ర మనస్తాపం చెందడం, సోషల్‌ మీడియాలో తనపై పెద్ద ఎత్తున నెగటివిటీ రావడంతో ఆయన అతడిని క్షమాపణ కోరినట్లు వదంతులు వినిపిస్తున్నాయి.‌చదవండి: ప్లే ఆఫ్స్‌ రేసులో ఉండాలంటే.. సన్‌రైజర్స్‌ చేయాల్సిందిదే! ఆ రెండు జట్లు కన్ఫామ్‌!?

రెండేళ్ల క్రితం ఇండియన్‌ ప్రీమియర్‌ లీగ్‌లో అడుగుపెట్టింది లక్నో సూపర్‌ జెయింట్స్‌. కేఎల్‌ రాహుల్‌ కెప్టెన్సీలో వరుసగా రెండుసార్లు ప్లే ఆఫ్స్‌ చేరింది. తద్వారా క్యాష్‌ రిచ్‌ లీగ్‌ ఆరంభం నుంచి ఉన్న కొన్ని జట్లకు సాధ్యం కాని ఘనతను లక్నో సాధించింది.ఐపీఎల్‌-2024లోనూ ప్లే ఆఫ్స్‌ రేసులో ముందుకు వెళ్లాలని పట్టుదలగా ఉంది. కేఎల్‌ రాహుల్‌ వికెట్‌ కీపర్‌ బ్యాటర్‌గా, కెప్టెన్‌గా రాణిస్తూ జట్టును టాప్‌-4లో నిలిపేందుకు తన వంతు కృషి​ చేస్తున్నాడు.అయితే, టాప్‌-4లో అడుగుపెట్టాలంటే కీలకమైన మ్యాచ్‌లో లక్నో చిత్తుగా ఓడిపోయింది. సన్‌రైజర్స్‌ హైదాబాద్‌తో బుధవారం నాటి మ్యాచ్‌లో పది వికెట్ల తేడాతో పరాజయం పాలైంది. ఈ మ్యాచ్‌లో కేఎల్‌ రాహుల్‌ బ్యాటర్‌గా, సారథిగా విఫలమయ్యాడు.ఈ నేపథ్యంలో లక్నో సూపర్‌ జెయింట్స్ యజమాని సంజీవ్‌ గోయెంకా అందరి ముందే కేఎల్‌ రాహుల్‌, కోచ్‌ జస్టిన్‌ లాంగర్‌కు గట్టిగా చీవాట్లు పెట్టాడు. దీంతో సంజీవ్‌ గోయెంకా తీరుపై విమర్శలు వెల్లువెత్తుతున్నాయి. రెండుసార్లు జట్టును ప్లే ఆఫ్స్‌ వరకు తీసుకువచ్చిన కెప్టెన్‌కు మీరిచ్చే గౌరవం ఇదేనా అంటూ మహ్మద్‌ షమీ వంటి ప్రముఖులు ఫైర్‌ అవుతున్నారు.ఈ క్రమంలో ఆస్ట్రేలియా దిగ్గజ పేసర్‌ బ్రెట్‌ లీ భిన్నంగా స్పందించాడు. ‘‘అందరి ముందు అలా మాట్లాడేకంటే.. లోపలికి వెళ్లిన తర్వాత చర్చించాల్సింది. ఒకవేళ అదే జరిగితే ఈ విషయం గురించి స్పందించమనే ప్రశ్న నాకు ఎదురయ్యేదే కాదు.అయితే, నాణేనికి మరోవైపు కూడా ఆలోచించాలి. ఆట పట్ల జట్ల యజమానులు, కోచ్‌లకు ఉన్న ప్యాషన్‌ను మనం అర్థం చేసుకోవాలి. వాళ్ల జట్టు అత్యుత్తమంగా రాణించాలని కోరుకోవడంలో తప్పు లేదు. బహుశా అందుకే ఈ ఘటన జరిగి ఉంటుంది’’ అని బ్రెట్‌ లీ ఢిల్లీలో జరిగిన ఓ కార్యక్రమంలో వ్యాఖ్యానించాడు. ‌చదవండి: ద్రవిడ్‌ గుడ్‌ బై!.. టీమిండియా కొత్త కోచ్‌గా ఫారినర్‌?.. జై షా కామెంట్స్‌ వైరల్‌

లక్నో సూపర్‌ జెయింట్స్‌ యజమాని సంజీవ్‌ గోయెంకాపై టీమిండియా స్టార్‌ పేసర్‌ మహ్మద్‌ షమీ ఆగ్రహం వ్యక్తం చేశాడు. ఆటగాళ్లను కించపరిచేలా వ్యవహరించడం సరికాదని విమర్శించాడు. కెప్టెన్‌ పట్ల బహిరంగంగా అసహనం వ్యక్తం చేయడం సిగ్గు చేటంటూ ఘాటు వ్యాఖ్యలు చేశాడు.కాగా సన్‌రైజర్స్‌ హైదరాబాద్‌ చేతిలో లక్నో సూపర్‌ జెయింట్స్‌ ఘోర పరాజయం పాలైన విషయం తెలిసిందే. ఉప్పల్‌లో బుధవారం జరిగిన ఈ మ్యాచ్‌లో కేఎల్‌ రాహుల్‌ సేన నిర్ణీత 20 ఓవర్లలో నాలుగు వికెట్ల నష్టానికి 165 పరుగులు చేయగలిగింది.టాపార్డర్‌ పూర్తిగా విఫలం కాగా ఐదు, ఆరు స్థానాల్లో వచ్చిన నికోలస్‌ పూరన్‌(48), ఆరో నంబర్‌ బ్యాటర్‌ ఆయుశ్‌ బదోని(55) అద్భుత ఇన్నింగ్స్‌ చేయడంతో ఈ మాత్రం పరుగులు రాబట్టింది.ఇక ఈ మ్యాచ్‌లో రాహుల్‌ 33 బంతులు ఎదుర్కొని కేవలం 29 పరుగులు మాత్రమే చేశాడు. ఇక లక్ష్య ఛేదనకు దిగిన సన్‌రైజర్స్‌ ఓపెనర్లు అభిషేక్‌ శర్మ(28 బంతుల్లో 75), ట్రావిస్‌ హెడ్‌(30 బంతుల్లో 89) విధ్వంసకర ఇన్నింగ్స్‌ కారణంగా 9.4 ఓవర్లలోనే పని పూర్తి చేసింది.ఫలితంగా లక్నో 10 వికెట్ల తేడాతో చిత్తుగా ఓడింది. ఈ నేపథ్యంలో లక్నో యజమాని కెప్టెన్‌ కేఎల్‌ రాహుల్‌పై అందరి ముందే సీరియస్‌ అయ్యాడు. రాహుల్‌ వివరణ ఇచ్చేందుకు ప్రయత్నించినా అస్సలు వినిపించుకోలేదు.ఇందుకు సంబంధించిన వీడియోలు వైరల్‌ కాగా.. సంజీవ్‌ గోయెంకా తీరుపై విమర్శలు వెల్లువెత్తాయి. ఈ నేపథ్యంలో మహ్మద్‌ షమీ స్పందిస్తూ.. గోయెంకా తీరును తప్పుబట్టాడు.‘‘ఆటగాళ్లకు ఆత్మ గౌరవం ఉంటుంది. యజమానిగా మీరు కూడా ఒక గౌరవప్రదమైన స్థాయిలో ఉన్న వ్యక్తి. చాలా మంది మిమ్మల్ని చూసి చాలా విషయాలు నేర్చుకుంటారు.కెమెరాల ముందు మీరిలా చేయడం నిజంగా సిగ్గు చేటు. ఇది కచ్చితంగా సిగ్గుపడాల్సిన విషయమే. ఒకవేళ మీరు కెప్టెన్‌తో మాట్లాడాలనుకుంటే అందుకు ఎన్నో మార్గాలు ఉన్నాయి.డ్రెసింగ్‌రూం లేదంటే హోటల్‌ రూంలో కెప్టెన్‌తో మాట్లాడవచ్చు. కానీ ఇలా అందరి ముందే మైదానంలో ఇలా అరిచేయడం సరికాదు. ఇలా చేయడం ద్వారా ఎర్రకోట మీద జెండా ఎగురవేసినంత గొప్ప ఏమైనా వచ్చిందేంటి?అతడు కేవలం ఆటగాడే కాదు కెప్టెన్‌ కూడా! ప్రతిసారి ప్రణాళికలు పక్కాగా అమలు చేయలేకపోవచ్చు. ఆటలో గెలుపోటములు సహజం. అంత మాత్రాన కెప్టెన్‌ కించపరిచేలా వ్యవహరిస్తారా? ఇలా చేసి తప్పుడు సందేశం ప్రజల్లోకి వెళ్లేలా చేశారు’’ అంటూ మహ్మద్‌ షమీ సంజీవ్‌ గోయెంకా వ్యవహార శైలిపై విరుచుకుపడ్డాడు. కాగా చీలమండ సర్జరీ కారణంగా షమీ(గుజరాత్‌ టైటాన్స్) ఐపీఎల్‌-2024 సీజన్‌ మొత్తానికి దూరమయ్యాడు.

కేఎల్‌ రాహుల్‌ లక్నో సూపర్‌ జెయింట్స్‌ కెప్టెన్సీ నుంచి తప్పుకోనున్నాడని తెలుస్తుంది. ఈ నిర్ణయం తక్షణమే అమల్లోకి వస్తుందని సమాచారం. ఈ సీజన్‌లో లక్నో ఆడబోయే తదుపరి రెండు మ్యాచ్‌ల్లో రాహుల్‌ సాధారణ ఆటగాడిగా కొనసాగుతాడని ప్రముఖ వార్తా సంస్ధ వెల్లడించిన నివేదిక ద్వారా తెలుస్తుంది.సన్‌రైజర్స్‌తో నిన్నటి మ్యాచ్‌ తదనంతర పరిణామాల్లో రాహుల్‌ ఈ కఠినమైన నిర్ణయం తీసుకున్నట్లు సమాచారం​. సన్‌రైజర్స్‌ చేతిలో దారుణ పరాభవాన్ని ఎదుర్కొన్న అనంతరం లక్నో ఫ్రాంచైజీ యజమాని సంజీవ్‌ గోయంకా రాహుల్‌ పట్ల చాలా అసభ్యంగా ప్రవర్తించాడు. అందరూ చూస్తుండగానే రాహుల్‌పై మాటల దాడికి దిగాడు.గొయెంకా నుంచి ఈ తరహా ప్రవర్తనను ఊహించని రాహుల్‌ తీవ్ర మనస్థాపానికి గురై కెప్టెన్సీ నుంచి వైదొలగాలని నిర్ణయించుకున్నట్లు తెలుస్తుంది. రాహుల్‌ కెప్టెన్సీ నుంచి తప్పుకోవడానికి మరో కారణం కూడా ఉందని తెలుస్తుంది.గొయెంకా తదుపరి సీజన్‌లో రాహుల్‌ను వదించుకోవాలని సన్నిహితుల వద్ద ప్రస్తావించాడని సమాచారం. గొయెంకాకు ఆ అవకాశం ఇవ్వడమెందుకని రాహులే స్వయంగా కెప్టెన్సీ నుంచి తప్పుకుంటున్నట్లు ప్రచారం జరగుతుంది. 2022 సీజన్‌లో లక్నో టీమ్‌ లాంచ్‌ అయినప్పుడు రాహుల్‌ను గొయెంకా 17 కోట్ల రికార్డు ధరకు సొంతం చేసుకున్నాడు.ఈ సీజన్‌లో లక్నో ఆడబోయే తదుపరి మ్యాచ్‌కు ఐదు రోజుల సమయం ఉండటంతో రాహుల్‌ నిర్ణయం ఏ క్షణానైనా వెలువడవచ్చని సమాచారం. గొయెంకా గతంలో పూణే వారియర్స్‌ అధినేతగా ఉన్నప్పుడు ధోని విషయంలోనూ ఇలాగే వ్యవహరించాడు. ఓ సీజన్‌ తర్వాత ధోనిని తప్పించి స్టీవ్‌ స్మిత్‌ను కెప్టెన్‌గా నియమించాడు.ఇదిలా ఉంటే, నిన్నటి మ్యాచ్‌లో సన్‌రైజర్స్‌ చేతిలో ఓడినప్పటికీ లక్నో ప్లే ఆఫ్స్‌ అవకాశాలు ఇంకా సజీవంగానే ఉన్నాయి. లక్నో తదుపరి ఆడబోయే రెండు మ్యాచ్‌ల్లో భారీ తేడాతో గెలిస్తే 16 పాయింట్లతో ప్లే ఆఫ్స్‌ రేసులో ఉంటుంది. అయితే ఈ జట్టు ప్లే ఆఫ్స్‌ బెర్త్‌ మిగిలిన జట్ల జయాపజయాలపై అధారపడి ఉంటుంది.

ఐపీఎల్‌ 2024 సీజన్‌లో సన్‌రైజర్స్‌ హైదరాబాద్‌ బ్యాటర్లు ఆకాశమే హద్దుగా చెలరేగిపోతున్నారు. దాదాపుగా ప్రతి మ్యాచ్‌లో పట్టపగ్గాల్లేకుండా విరుచుకుపడుతున్నారు. ఓపెనర్లు అభిషేక్‌ శర్మ, ట్రవిస్‌ హెడ్‌ విధ్వంసం మాటల్లో వర్ణించలేనట్లుగా ఉంది. వీరిద్దరి ఊచకోత ధాటికి పొట్టి క్రికెట్‌ రికార్డులు బద్దలవుతున్నాయి. నిన్న లక్నోతో జరిగిన మ్యాచ్‌లో వీరి విధ్వంసం వేరే లెవెల్లో ఉంది. వీరిద్దరు లక్నో బౌలర్లపై నిర్దాక్షిణ్యంగా విరుచుకుపడ్డారు. ఫలితంగా 166 పరుగుల ఓ మోస్తరు లక్ష్యం 9.4 ఓవర్లలోనే తునాతునకలైంది. అభిషేక్‌ (28 బంతుల్లో 75 నాటౌట్‌; 8 ఫోర్లు, 6 సిక్సర్లు), హెడ్‌ (30 బంతుల్లో 89 నాటౌట్‌; 8 ఫోర్లు, 8 సిక్సర్లు) ఊహకందని విధ్వంసం​ సృష్టించి తమ జట్టుకు చిరస్మరణీయ విజయాన్నందించారు. ఈ విజయంతో సన్‌రైజర్స్‌ ప్లే ఆఫ్స్‌ అవకాశాలను మరింత మెరుగుపర్చుకుంది.పిచ్‌ స్వరూపం మారిందా.. ఆ ఇద్దరూ మార్చేశారా..?నిన్నటి మ్యాచ్‌లో అభిషేక్‌, హెడ్‌ విధ్వంసం ఏ రేంజ్‌లో సాగిందన్నదానికి ఓ విషయం అద్దం పడుతుంది. ఈ మ్యాచ్‌లో లక్నో టాస్‌ గెలిచి తొలుత బ్యాటింగ్‌ ఎంచుకుంది. ఉప్పల్‌ మైదానంలోని పిచ్‌ ఆనవాయితీగా తొలుత బ్యాటింగ్‌ చేసే జట్లకు సహకరిస్తుంది. అయితే సన్‌రైజర్స్‌ బౌలర్లు, ముఖ్యంగా భువీ చెలరేగడంతో లక్నో ఇన్నింగ్స్‌ నత్తనడకలా సాగింది. ఆఖర్లో పూరన్‌, బదోని మెరుపులు మెరిపించడంతో లక్నో గౌరవప్రదమైన స్కోర్‌ చేయగలిగింది.ఇక్కడ ఓ ఆసక్తికర విషయం ఏంటంటే.. లక్నో తొలుత బ్యాటింగ్‌ చేస్తూ పవర్‌ ప్లేలో (తొలి 6 ఓవర్లలో) 2 వికెట్లు కోల్పోయి కేవలం 27 పరుగులు మాత్రమే చేసింది. అదే సన్‌రైజర్స్‌ తొలి ఆరు ఓవర్లలో మాటల్లో వర్ణించలేని విధ్వంసాన్ని సృష్టించి ఏకంగా 107 పరుగులు పిండుకుంది. సన్‌రైజర్స్‌ ఓపెనర్ల విధ్వంసం చూశాక అభిమానులు పలు సందేహాలు వ్యక్తం చేస్తున్నారు. పిచ్‌ స్వరూపం మారిందా లేక ఆ ఇద్దరూ మార్చేశారా..? అంటూ కామెంట్లు చేస్తున్నారు. ఒకే మ్యాచ్‌లో పవర్‌ ప్లేల్లో మరీ ఇంత వ్యత్యాసమా అని ముక్కునవేల్లేసుకుంటున్నారు. ఇరు జట్ల పవర్‌ ప్లే స్కోర్లలో 80 పరుగుల వ్యత్యాసం ఉంది. మొత్తానికి నిన్నటి మ్యాచ్‌లో సన్‌రైజర్స్‌ ఓపెనర్ల విధ్వంసం ధాటికి పలు రికార్డులు బద్దలయ్యాయి. వాటిపై ఓ లుక్కేద్దాం.ఐపీఎల్‌ పవర్‌ ప్లేల్లో రెండో అత్యధిక స్కోర్‌ (107/0)ఐపీఎల్‌లో సన్‌రైజర్స్‌ మాత్రమే రెండు సందర్భాల్లో (ఇదే సీజన్‌లో ఢిల్లీతో జరిగిన మ్యాచ్‌లో (125/0) పవర్‌ ప్లేల్లో 100 పరుగుల మార్కును దాటింది.ఓ మ్యాచ్‌ పవర్‌ ప్లేల్లో అత్యధిక వ్యత్యాసం (80 పరుగులు- లక్నో 27/2, సన్‌రైజర్స్‌ 107/0)లక్నోకు పవర్‌ ప్లేల్లో ఇదే అత్యల్ప స్కోర్‌ (27/2)ఈ సీజన్‌ బ్యాటింగ్‌ పవర్‌ ప్లేల్లో ట్రవిస్‌ హెడ్‌కు ఇది నాలుగో అర్ద సెంచరీ. ఓ సీజన్‌ పవర్‌ ప్లేల్లో ఇవే అత్యధికం.ఒకే సీజన్‌లో 20 బంతుల్లోపే మూడు హాఫ్‌ సెంచరీలు సాధించిన హెడ్‌. ఐపీఎల్‌ చరిత్రలో ఢిల్లీ ఆటగాడు జేక్‌ ఫ్రేజర్‌, హెడ్‌ మాత్రమే ఈ ఘనత సాధించారు.ఐపీఎల్‌ చరిత్రలో రెండో వేగవంతమైన 100 పరుగుల భాగస్వామ్యం (అభిషేక్‌, హెడ్‌ (34 బంతుల్లో). ఇదే జోడీ పేరిటే వేగవంతమైన 100 పరుగుల భాగస్వామ్యం రికార్డు కూడా నమోదై ఉంది. ఇదే సీజన్‌లో ఢిల్లీతో జరిగిన మ్యాచ్‌ల్లో ఈ ఇద్దరు 30 బంతుల్లోనే 100 పరుగుల పార్ట్‌నర్‌షిప్‌ను నమోదు చేశారు.ఐపీఎల్‌ చరిత్రలోనే తొలి 10 ఓవర్లలో అత్యధిక​ స్కోర్‌ (సన్‌రైజర్స్‌ 9.4 ఓవర్లలో 167/0)100కు పైగా లక్ష్య ఛేదనలో అత్యధిక మార్జిన్‌తో విజయం (166 పరుగుల లక్ష్యాన్ని మరో 62 బంతులు మిగిలుండగానే ఛేదించిన సన్‌రైజర్స్‌)మూడో వేగవంతమైన 100 పరుగులు (జట్టు స్కోర్‌)-5.4 ఓవర్లలో 100 పరుగులు టచ్‌ చేసిన సన్‌రైజర్స్‌ఓ సింగిల్‌ ఎడిషన్‌లో అత్యధిక సిక్సర్లు బాదిన జట్టుగా రికార్డుల్లోకెక్కిన సన్‌రైజర్స్‌. ఆరెంజ్‌ ఆర్మీ ఈ సీజన్‌లో ఇప్పటికే 146 సిక్సర్లు బాదింది. 2018 సీజన్‌లో సీఎస్‌కే 145 సిక్సర్లతో రెండో స్థానంలో ఉంది.

ఐపీఎల్‌-2024లో ముంబై ఇండియన్స్‌ చేతిలో ఓటమి తర్వాత అదిరిపోయే కమ్‌బ్యాక్‌ ఇచ్చింది సన్‌రైజర్స్‌ హైదరాబాద్‌. సొంత మైదానం ఉప్పల్‌లో లక్నో సూపర్‌ జెయింట్స్‌ను చిత్తు చిత్తుగా ఓడించింది.ఓపెనర్లు అభిషేక్‌ శర్మ, ట్రావిస్‌ హెడ్‌ తుఫాన్‌ ఇన్నింగ్స్‌ కారణంగా క్యాష్‌ రిచ్‌ లీగ్‌ చరిత్రలో తొలిసారి లక్నోపై విజయం నమోదు చేసింది. అదే విధంగా ఈ సీజన్‌లో ఆడిన 12 మ్యాచ్‌లలో ఏడో గెలుపు నమోదు చేసింది.విధ్వంసకర బ్యాటింగ్‌తద్వారా 14 పాయింట్లతో పట్టికలో మూడోస్థానానికి ఎగబాకి.. ప్లే ఆఫ్స్‌ రేసులో ముందుకు దూసుకువచ్చింది. కాగా లక్నోతో మ్యాచ్‌ సందర్భంగా సన్‌రైజర్స్‌ సరికొత్త ప్రపంచ రికార్డు సాధించింది. ఓపెనర్లు అభిషేక్‌ శర్మ, ట్రావిస్‌ హెడ్‌ విధ్వంసకర బ్యాటింగ్‌ వల్లే ఇది సాధ్యమైంది.ఉప్పల్‌లో టాస్‌ గెలిచిన లక్నో తొలుత బ్యాటింగ్‌ చేసిన విషయం తెలిసిందే. ఈ క్రమంలో నిర్ణీత 20 ఓవర్లలో నాలుగు వికెట్ల నష్టానికి 165 పరుగులు చేసింది రాహుల్‌ సేన.సునామీ ఇన్నింగ్స్‌అయితే, లక్ష్య ఛేదనకు దిగిన తర్వాత లక్నోకు ఏమాత్రం అవకాశం ఇవ్వలేదు రైజర్స్‌ ఓపెనర్లు. ట్రావిస్‌ హెడ్‌ ఆది నుంచే దూకుడుగా బ్యాటింగ్‌ చేస్తూ లక్నో బౌలర్లను ఒత్తిడిలోకి నెట్టాడు. అతడి ప్రోద్బలంతో అభిషేక్‌ శర్మ కూడా హిట్టింగ్‌తో మెరిశాడు.హెడ్‌ 30 బంతుల్లోనే 89 పరుగులతో దుమ్ములేపగా.. అభిషేక్‌ 28 బంతుల్లో 75 పరుగులతో విరుచుకుపడ్డాడు. వీరిద్దరి సునామీ ఇన్నింగ్స్‌ కారణంగా 8.2 ఓవర్లలోనే 150 పరుగుల మార్కు అందుకుంది.ప్రపంచంలోనే తొలి జట్టు👉టీ20 చరిత్రలో అత్యంత తక్కువ ఓవర్లలో ఇలా 150 స్కోరు చేసిన తొలి జట్టు సన్‌రైజర్స్‌ కావడం విశేషం. ఇక హెడ్‌, అభి విధ్వంసం కారణంగా సన్‌రైజర్స్‌ 9.4 ఓవర్లలోనే లక్నో విధించిన 166 పరుగుల లక్ష్యాన్ని ఛేదించింది.తద్వారా మరో వరల్డ్‌ రికార్డు కూడా సాధించింది. టీ20 క్రికెట్‌ చరిత్రలో 150కి పైగా లక్ష్యాన్ని అత్యంత వేగంగా ఛేదించిన జట్టుగా నిలిచింది. లక్నోతో మ్యాచ్‌ సందర్భంగా సన్‌రైజర్స్‌ సాధించిన ప్రపంచ రికార్డులు క్లుప్తంగా..టీ20 హిస్టరీలో ఫాస్టెస్ట్‌ 150+ ఛేజింగ్‌1. సన్‌రైజర్స్‌ హైదరాబాద్‌- లక్నో సూపర్‌ జెయింట్స్‌ మీద- 9.4 ఓవర్లలోఏ 166 పరుగుల లక్ష్య ఛేదన.2. బ్రిస్బేన్‌ హీట్‌- మెల్‌బోర్న్‌ స్టార్స్‌ మీద- 10 ఓవర్లలో 157 పరుగుల లక్ష్య ఛేదన.3. గయానా అమెజాన్‌ వారియర్స్‌- జమైకా తలావాస్‌- 10.3 ఓవర్లలో 150 పరుగుల లక్ష్య ఛేదన.ఐపీఎల్‌ చరిత్రలో 10 ఓవర్లలోపే మూడుసార్లు అత్యధిక పరుగులు సాధించిన ఏకైక జట్టు సన్‌రైజర్స్‌ హైదరాబాద్👉లక్నో సూపర్‌ జెయింట్స్‌ మీద- 167/0 (9.4)- 2024లో👉ఢిల్లీ క్యాపిటల్స్‌ మీద- 157/4- 2024లో👉ముంబై ఇండియన్స్‌ మీద- 148/2- 2024లో.WHAT. A. CHASE 🧡A 🔟-wicket win for @SunRisers with more than 🔟 overs to spare! Scorecard ▶️ https://t.co/46Rn0QwHfi#TATAIPL | #SRHvLSG pic.twitter.com/kOxzoKUpXK— IndianPremierLeague (@IPL) May 8, 2024

‘‘నాకసలు ఏం మాట్లాడాలో అర్థం కావడం లేదు. టీవీలోనే ఇలాంటి బ్యాటింగ్‌ చూశాం. కానీ ఇప్పుడిలా.. అస్సలు నమ్మలేకపోతున్నాం. ప్రతి బంతి బౌండరీ లేదంటే సిక్సర్‌.వారి నైపుణ్యాలకు హ్యాట్సాఫ్‌. సిక్స్‌లు కొట్టేందుకు వాళ్లు పడిన శ్రమ ఇక్కడ కనిపిస్తోంది. సెకండ్‌ ఇన్నింగ్స్‌లో అసలు పిచ్‌ ఎలా ఉంటుందో అంచనా వేసే ఛాన్స్‌ కూడా వాళ్లు మాకివ్వలేదు.మొదటి బంతి నుంచే వారి దూకుడు కొనసాగగా.. మేము ఏ దశలోనూ అడ్డుకట్ట వేయలేకపోయాం. జట్టు ఓడిపోయినట్లయితే.. మనం తీసుకున్న ప్రతీ నిర్ణయాన్ని ప్రశ్నిస్తూనే ఉంటారు.మేము కనీసం ఇంకో 40- 50 పరుగులు చేయాల్సింది. పవర్‌ ప్లేలో వికెట్లు కోల్పోయిన తర్వాత అస్సలు కోలుకోలేకపోయాం. ఆయుశ్‌, నిక్కీ అద్భుతంగా బ్యాటింగ్‌ చేసినందు వల్లే 166 టార్గెట్‌ విధించగలిగాం’’ అని లక్నో సూపర్‌ జెయింట్స్‌ కెప్టెన్‌ కేఎల్‌ రాహుల్‌ అన్నాడు.ఒకవేళ తాము 240 పరుగులు చేసినా సన్‌రైజర్స్‌ హైదరాబాద్‌ జట్టు ఆ లక్ష్యాన్ని ఛేదించేదేనేమో అంటూ ప్రశంసలు కురిపించాడు. కాగా ఐపీఎల్‌-2024 తాజా మ్యాచ్‌లో లక్నో సన్‌రైజర్స్‌తో తలపడింది.టాపార్డర్‌ పూర్తిగా విఫలం ఉప్పల్‌లో బుధవారం జరిగిన ఈ మ్యాచ్‌లో టాస్‌ గెలిచిన లక్నో తొలుత బ్యాటింగ్‌ చేసి.. పరుగులు రాబట్టేందుకు ఆపసోపాలు పడింది. ఓపెనర్‌, కెప్టెన్‌ కేఎల్‌ రాహుల్‌(29) సహా టాపార్డర్‌లో క్వింటన్‌ డికాక్‌(2), మార్కస్‌ స్టొయినిస్‌(3) పూర్తిగా విఫలమయ్యారు.నాలుగో నంబర్‌ బ్యాటర్‌ కృనాల్‌ పాండ్యా(21 బంతుల్లో 24) నిలదొక్కునే ప్రయత్నం చేసినా రైజర్స్‌ కెప్టెన్‌ ప్యాట్‌ కమిన్స్‌ అతడి పప్పులు ఉడకనివ్వలేదు. దీంతో కష్టాల్లో పడిన లక్నోను నికోలస్‌ పూరన్‌(26 బంతుల్లో 48), ఆయుశ్‌ బదోని(30 బంతుల్లో 55) ఆదుకున్నారు.పరుగుల సునామీవీరిద్దరి భాగస్వామ్యం కారణంగానే లక్నో నిర్ణీత 20 ఓవర్లలో నాలుగు వికెట్ల నష్టానికి 165 పరుగులు చేయగలిగింది. అయితే, లక్ష్య ఛేదనలో ఊహించని విధంగా పరుగుల సునామీ సృష్టించారు సన్‌రైజర్స్‌ ఓపెనర్లు అభిషేక్‌ శర్మ(28 బంతుల్లో 8 ఫోర్లు, 6 సిక్స్‌లు- 75 పరుగులు), ట్రావిస్‌ హెడ్(30 బంతుల్లో 8 ఫోర్లు, 8 సిక్స్‌లు- 89 రన్స్‌).కొడితే బౌండరీ లేదంటే సిక్స్‌ అన్నట్లుగా సాగింది వీళ్లిద్దరి విధ్వంసం. అభిషేక్‌ 267.86, హెడ్‌ 296.67 స్ట్రైక్‌రేటుతో బ్యాటింగ్‌ చేయడంతో.. దెబ్బకు 9.4 ఓవర్లలోనే టార్గెట్‌ పూర్తి చేసింది సన్‌రైజర్స్‌.పాపం రాహుల్‌లక్నోను 10 వికెట్ల తేడాతో చిత్తు చేసింది. ఇక ఈ పరుగుల విధ్వంసానికి సాక్షిగా నిలిచిన వికెట్‌ కీపర్‌ బ్యాటర్‌, కెప్టెన్‌ కేఎల్‌ రాహుల్‌ ఓటమి అనంతరం పైవిధంగా స్పందించాడు.‌ ‌ కాగా ఓటమి నేపథ్యంలో లక్నో యజమాని సంజీవ్‌ గోయెంకా రాహుల్‌పై సీరియస్‌ అయ్యాడు. చదవండి: SRH: కాస్త ఓపిక పట్టు.. నీకూ టైమ్‌ వస్తుంది: యువీ పోస్ట్‌ వైరల్‌WHAT. A. CHASE 🧡A 🔟-wicket win for @SunRisers with more than 🔟 overs to spare! Scorecard ▶️ https://t.co/46Rn0QwHfi#TATAIPL | #SRHvLSG pic.twitter.com/kOxzoKUpXK— IndianPremierLeague (@IPL) May 8, 2024

#Abhishek Sharma: లక్నో సూపర్‌ జెయింట్స్‌తో మ్యాచ్‌ సందర్భంగా సన్‌రైజర్స్‌ యువ ఓపెనర్‌ అభిషేక్‌ శర్మ మరోసారి తన బ్యాటింగ్‌ పవర్‌ చూపించాడు. గత కొన్ని రోజులుగా భారీ స్కోర్లు నమోదు చేయలేక చతికిల పడిన ఈ లెఫ్టాండర్‌ బ్యాటర్‌.. ఉప్పల్‌లో మాత్రం శివాలెత్తిపోయాడు.మరో ఓపెనర్‌ ట్రావిస్‌ హెడ్‌(30 బంతుల్లో 89)తో కలిసి ఆకాశమే హద్దుగా చెలరేగాడు. లక్నో విధించిన 166 పరుగుల లక్ష్యాన్ని ఛేదించే క్రమంలో 8 ఫోర్లు, 6 సిక్సర్ల సాయంతో 28 బంతుల్లోనే 75 పరుగులు సాధించాడు అభిషేక్‌ శర్మ.హెడ్‌తో కలిసి అజేయంగా నిలిచి 9.4 ఓవర్లలోనే సన్‌రైజర్స్‌ టార్గెట్‌ పూర్తి చేసి ఉప్పల్‌ స్టేడియాన్నిహోరెత్తించాడు. ఈ నేపథ్యంలో అభిషేక్‌ శర్మపై ప్రశంసల వర్షం కురుస్తోంది.That's Sunrisers Hyderabad for you 💥#IPLonJioCinema #SRHvLSG #TATAIPL pic.twitter.com/xFiuuafuXa— JioCinema (@JioCinema) May 8, 2024యువీ పాజీకి థాంక్స్‌ఇక మ్యాచ్‌ అనంతరం అభిషేక్‌ శర్మ మాట్లాడుతూ.. ‘‘ఈ టోర్నీ ఆరంభానికి ముందు నేను చేసిన హార్డ్‌వర్క్‌ ఫలితాన్నిస్తోంది. యువీ పాజీ(యువరాజ్‌ సింగ్‌), బ్రియన్‌ లారా, నా తండ్రికి ధన్యవాదాలు. మా నాన్నే నా మొదటి కోచ్‌’’ అంటూ ఉద్వేగానికి లోనయ్యాడు 23 ఏళ్ల అభిషేక్‌.కాస్త ఓపికగా పట్టుఈ నేపథ్యంలో యువరాజ్‌ సింగ్‌ స్పందిస్తూ.. ‘‘అద్భుతంగా ఆడావు అభిషేక్‌ శర్మ. ఇలాగే నిలకడగా ఆడు. కాస్త ఓపికగా ఉండు! త్వరలోనే నీకూ టైమ్‌ వస్తుంది’’ అంటూ టీమిండియాలో ఎంట్రీ ఇవ్వాలని ఆకాంక్షించాడు.అదే విధంగా ట్రావిస్‌ హెడ్‌ గురించి ప్రస్తావిస్తూ.. ‘‘నువ్వు ఏ గ్రహం నుంచి వచ్చావు ఫ్రెండ్‌? అస్సలు నమ్మలేకున్నాం’’ అని యువీ అతడిని ఆకాశానికెత్తాడు. కాగా టీమిండియా మాజీ ఆల్‌రౌండర్‌ యువరాజ్‌ సింగ్‌ పంజాబ్‌ యువ సంచలనం అభిషేక్‌ శర్మకు మెంటార్‌!!సూపర్‌ అభికాగా ఐపీఎల్‌-2024లో అభిషేక్‌ శర్మ నమోదు చేసిన స్కోర్లు వరుసగా.. 32(19), 63(23), 29(20), 37(12), 16(11), 34(22), 46(12), 31(13), 15(9), 12(10), 11(16), 75*(28). మొత్తం 195 బంతుల్లో 35 సిక్సర్ల సాయంతో 401 పరుగులు.సన్‌రైజర్స్‌ హైదరాబాద్‌ వర్సెస్‌ లక్నో సూపర్‌ జెయింట్స్‌ స్కోర్లు👉వేదిక: ఉప్పల్ స్టేడియం.. హైదరాబాద్‌👉టాస్‌: లక్నో.. బ్యాటింగ్‌👉లక్నో స్కోరు: 165/4 (20)👉సన్‌రైజర్స్‌ స్కోరు: 167/0 (9.4)👉ఫలితం: 10 వికెట్ల తేడాతో లక్నోను చిత్తు చేసిన సన్‌రైజర్స్‌👉ప్లేయర్‌ ఆఫ్‌ ది మ్యాచ్‌: ట్రావిస్‌ హెడ్‌ (30 బంతుల్లో 8 ఫోర్లు, 8 సిక్స్‌ల సాయంతో 89 రన్స్‌- నాటౌట్‌).

ఐపీఎల్‌-2024 ప్లే ఆఫ్స్‌ రేసు నుంచి ముంబై ఇండియన్స్‌ నిష్క్రమించింది. సన్‌రైజర్స్‌ హైదరాబాద్‌- లక్నో సూపర్‌ జెయింట్స్‌ మధ్య బుధవారం మ్యాచ్‌ ఫలితంతో పాండ్యా సేన టాప్‌-4 ఆశలు గల్లంతయ్యాయి. లక్నోను సన్‌రైజర్స్‌ చిత్తు ఓడించడంతో ఈ సీజన్‌లో ముంబై ప్రయాణం ముగిసినట్లయింది.ఎలా అంటే?ఉప్పల్‌ మ్యాచ్‌లో సన్‌రైజర్స్‌ హైదరాబాద్‌ లక్నోను పది వికెట్ల తేడాతో చిత్తుగా ఓడించింది. కేఎల్‌ రాహుల్‌ సేన విధించిన 166 పరుగుల లక్ష్యాన్ని వికెట్‌ నష్టపోకుండా 9.4 ఓవర్లలోనే ఛేదించింది.WHAT. A. CHASE 🧡A 🔟-wicket win for @SunRisers with more than 🔟 overs to spare! Scorecard ▶️ https://t.co/46Rn0QwHfi#TATAIPL | #SRHvLSG pic.twitter.com/kOxzoKUpXK— IndianPremierLeague (@IPL) May 8, 2024తద్వారా క్యాష్‌ రిచ్‌ లీగ్‌ పదిహేడో ఎడిషన్‌లో ఏడో విజయం(పన్నెండు మ్యాచ్‌లకు గానూ) నమోదు చేసి.. మొత్తంగా 14 పాయింట్లు సాధించింది. నెట్‌ రన్‌రేటు(0.406) కూడా మెరుగుపరచుకుని పట్టికలో మూడో స్థానానికి చేరుకుంది. టాప్‌-2లో తిష్ట వేసిన కేకేఆర్‌, రాజస్తాన్‌మరోవైపు.. కోల్‌కతా నైట్‌ రైడర్స్‌(రన్‌రేటు 1.453), రాజస్తాన్‌ రాయల్స్‌(రన్‌రేటు 0.476) పదకొండేసి మ్యాచ్‌లు ఆడి చెరో 16 పాయింట్లతో టాప్‌-2లో కొనసాగుతున్నాయి. ఇక చెన్నై సూపర్‌ కింగ్స్‌ 11 మ్యాచ్‌లలో ఆరు గెలిచి 12 పాయింట్లతో నాలుగో స్థానంలో ఉంది.ఈ నేపథ్యంలో చెరో 12 పాయింట్లతో ఐదు, ఆరు స్థానాల్లో ఉన్న ఢిల్లీ క్యాపిటల్స్‌(రన్‌రేటు -0.316), లక్నో సూపర్‌ జెయింట్స్‌(రన్‌రేటు -0.769) వచ్చే వారం తలపడనున్నాయి. ఈ మ్యాచ్‌లో ఏ జట్టు గెలిచినా 14 పాయింట్లతో పైకి ఎగబాకుతుంది.పాండ్యా సేనకు తప్పని పరాభవంమరోవైపు.. ఆర్సీబీ(11 మ్యాచ్‌లు- 8 పాయింట్లు- మిగిలినవి 3), పంజాబ్‌ కింగ్స్‌(11 మ్యాచ్‌లు- 8 పాయింట్లు- మిగిలినవి 3) ఏడు, ఎనిమిది స్థానాల్లో కొనసాగుతున్నాయి. అయితే, ముంబై ఇండియన్స్‌ తొమ్మిదో స్థానంలో ఉన్నప్పటికీ ఇప్పటికే 12 మ్యాచ్‌లు ఆడేసింది. కేవలం నాలుగింట గెలిచి 8 పాయింట్లతో ఉంది.మిగిలిన రెండు మ్యాచ్‌లు గెలిచినా మహా అయితే మొత్తంగా 12 పాయింట్లు వస్తాయి. కాబట్టి టాప్‌-4లో అడుగుపెట్టేందుకు ముంబైకి దారులు మూసుకపోయినట్లే! ఇక అట్టడుగున ఉన్న గుజరాత్‌ టైటాన్స్‌కు ఇంకో మూడు మ్యాచ్‌లు మిగిలి ఉన్నాయి. ఈ నేపథ్యంలో కేకేఆర్‌, రాజస్తాన్‌, సన్‌రైజర్స్‌ దాదాపుగా ప్లే ఆఫ్స్‌ బెర్తు ఖరారు చేసుకోగా.. ముంబై టోర్నీ నుంచి నిష్క్రమించినట్లయింది.చదవండి: #KL Rahul: కెప్టెన్‌పై కోపంతో ఊగిపోయిన లక్నో ఓనర్‌.. అందరూ చూస్తుండగానే అలా..

లక్నో సూపర్‌ జెయింట్స్‌ ఫ్రాంఛైజీ యజమాని సంజీవ్‌ గోయెంకాపై కేఎల్‌ రాహుల్‌ అభిమానులు మండిపడుతున్నారు. కెప్టెన్‌ పట్ల మరీ ఇంత దారుణంగా వ్యవహరిస్తారా? అంటూ ఫైర్‌ అవుతున్నారు. ఇంతకు ముందు ఏ జట్టు ఓనర్‌ కూడా ఇలా ప్రవర్తించినట్లు చూడలేదని సోషల్‌ మీడియాలో పెద్ద ఎత్తున ట్రోల్‌ చేస్తున్నారు.ఐపీఎల్‌-2024లో భాగంగా లక్నో జట్టు బుధవారం సన్‌రైజర్స్‌ హైదరాబాద్‌తో తలపడింది. టాస్‌ గెలిచిన లక్నో సారథి కేఎల్‌ రాహుల్‌ తొలుత బ్యాటింగ్‌ ఎంచుకున్నాడు. అయితే, సొంత మైదానం ఉప్పల్‌లో ప్యాట్‌ కమిన్స్‌ బృందం సమిష్టి ప్రదర్శనతో ఆకట్టుకుంది.సన్‌రైజర్స్‌ బౌలర్లు, ఫీల్డర్ల అద్భుత ప్రదర్శన కారణంగా లక్నో నిర్ణీత 20 ఓవర్లలో నాలుగు వికెట్ల నష్టానికి 165 పరుగులకు పరిమితమైంది. కేఎల్‌ రాహుల్‌(29), కృనాల్‌ పాండ్యా(24) ఓ మోస్తరు స్కోర్లు చేయగా.. నికోలస్‌ పూరన్‌(26 బంతుల్లో 48*), ఆయుశ్‌ బదోని(30 బంతుల్లో 55*) అద్భుతంగా రాణించారు.అయితే, లక్నో విధించిన నామమాత్రపు లక్ష్యాన్ని సన్‌రైజర్స్‌ హైదరాబాద్‌ ఉఫ్‌మని ఊదేసింది. ఓపెనర్లు అభిషేక్‌ శర్మ(28 బంతుల్లో 75), ట్రావిస్‌ హెడ్‌(30 బంతుల్లో 89) పరుగుల వరద పారించి.. 10 వికెట్ల తేడాతో సన్‌రైజర్స్‌ను గెలిపించారు. వీరిని కట్టడి చేసేందుకు లక్నో కెప్టెన్‌ కేఎల్‌ రాహుల్‌ అమలు చేసిన వ్యూహాలలో ఒక్కటీ ఫలితాన్నివ్వలేదు.ఈ నేపథ్యంలో ఘోర ఓటమి అనంతరం లక్నో ఓనర్‌ సంజీవ్‌ గోయెంకా కేఎల్‌ రాహుల్‌తో వాదనకు దిగాడు. అందరూ చూస్తుండగానే సీరియస్‌గా రాహుల్‌కు క్లాస్‌ తీసుకున్నాడు.కెప్టెన్‌ వివరణ ఇచ్చినా పట్టించుకోకుండా.. ‘‘సాకులు చెప్పొద్దు.. నేను సహించను.. ఆ రెండు పాయింట్లు ఎంత ముఖ్యమో తెలుసు కదా’’ అన్నట్లుగా కోపంతో ఊగిపోయాడు. ఇందుకు సంబంధించిన వీడియో నెట్టింట వైరల్‌ అవుతోంది.Mr Goenka is a pathetic owner.I support KL Rahul 100%Repost and show your support towards #KLRahul #SRHvLSG #PBKSvRCB #PBKSvsRCBpic.twitter.com/JUYv9AgVdd— Samira (@Logical_Girll) May 9, 2024 ఈ నేపథ్యంలో సంజీవ్‌ గోయెంకా ప్రవర్తనను రాహుల్‌ ఫ్యాన్స్ తప్పుబడుతున్నారు. కాగా ప్లే ఆఫ్స్‌ రేసులో సాఫీగా ముందుకు వెళ్లాలంటే‌ గెలవాల్సిన మ్యాచ్‌లో లక్నో చిత్తుగా ఓడిపోయింది. పాయింట్ల పట్టికలో ప్రస్తుతానికి ఆరో స్థానంలోనే నిలిచిపోయింది. మరోవైపు సన్‌రైజర్స్‌ మూడో స్థానానికి దూసుకువచ్చింది.చదవండి: SRH: వాళ్లిద్దరు పిచ్‌ను మార్చేశారు.. అతడొక అద్భుతం.. నమ్మలేకపోతున్నా! WHAT. A. CHASE 🧡A 🔟-wicket win for @SunRisers with more than 🔟 overs to spare! Scorecard ▶️ https://t.co/46Rn0QwHfi#TATAIPL | #SRHvLSG pic.twitter.com/kOxzoKUpXK— IndianPremierLeague (@IPL) May 8, 2024

IPL 2024 SRH vs LSG: ఉప్పల్‌ స్టేడియంలో మరోసారి పరుగుల వరద పారింది. మ్యాచ్‌కు వాన గండం పొంచి ఉందంటూ అభిమానులు ఆందోళన పడిన వేళ.. ఫోర్లు, సిక్సర్ల వర్షం కురిపించి అసలైన టీ20 మజాను అందించారు సన్‌రైజర్స్‌ ఓపెనర్లు అభిషేక్‌ శర్మ, ట్రావిస్‌ హెడ్‌.తమ బ్యాటింగ్‌ విధ్వంసంతో లక్నో సూపర్‌ జెయింట్స్‌ జట్టు కళ్లు తేలేసేలా చేసి జట్టుకు అపూర్వ విజయాన్ని అందించారు. రాహుల్‌ సేన పరుగులు చేసేందుకు తడబడిన పిచ్‌పై.. 166 పరుగుల లక్ష్యాన్ని అలవోకగా ఛేదించారు.కనీవినీ ఎరుగని రీతిలో 62 బంతులు మిగిలి ఉండగానే సన్‌రైజర్స్‌ను గెలుపుతీరాలకు చేర్చారు. తమ కెప్టెన్‌ ప్యాట్‌ కమిన్స్‌కు ఈ విజయాన్ని పుట్టినరోజు కానుకగా అందించారు. న భూతో న భవిష్యతి అన్న చందంగా ప్రత్యర్థి జట్టు బౌలింగ్‌ను ఊచకోత కోశారు అభిషేక్‌, హెడ్‌.వాళ్లిద్దరు పిచ్‌ను మార్చేశారుఈ నేపథ్యంలో మ్యాచ్‌ అనంతరం ప్యాట్ కమిన్స్‌ మాట్లాడుతూ.. ‘‘బహుశా ట్రావిస్‌, అభిషేక్‌ కలిసి పిచ్‌ను మార్చేసి ఉంటారు(నవ్వుతూ). వాళ్లు ఏం చేయగలరో మాకు తెలుసు. అందుకే వారికి పూర్తి స్వేచ్ఛనిచ్చాం.నిజానికి నేనొక బౌలర్‌ను. కాబట్టి ఆ బ్యాటర్లకు పెద్దగా ఇన్‌పుట్స్‌ ఇవ్వలేను. ట్రావిస్‌ హెడ్‌ విషయానికొస్తే.. అతడు గత రెండేళ్లుగా ఇలాగే ఆడుతున్నాడు.అతడొక అద్భుతంకఠినమైన పిచ్‌లపై కూడా అద్భుతంగా రాణిస్తున్నాడు. ఇక అభిషేక్‌ శర్మ.. అతడొక అద్భుతమైన ఆటగాడు. స్పిన్‌, పేస్‌ బౌలింగ్‌ను సమర్థవంతంగా ఎదుర్కోగలడు.పవర్‌ ప్లేలో వీళ్లిద్దరిని ఎదుర్కోవడం ప్రత్యర్థి బౌలర్లకు కష్టమే. ఈ సీజన్‌లో మా వాళ్లు సూపర్‌గా ఆడుతున్నారు. అయితే, పది కంటే తక్కువ ఓవర్లలోనే లక్ష్యాన్ని ఛేదించడం నమ్మలేకపోతున్నాం’’ అంటూ హర్షం వ్యక్తం చేశాడు.10 వికెట్ల తేడాతో గెలుపుకాగా లక్నోతో బుధవారం నాటి మ్యాచ్‌లో టాస్‌ ఓడిన సన్‌రైజర్స్‌ తొలుత బౌలింగ్‌ చేసింది. భువనేశ్వర్‌ కుమార్‌(2/12)కు తోడు ఫీల్డర్లు అద్భుతంగా రాణించడంతో లక్నోను 165/4 స్కోరుకు కట్టడి చేసింది.ఇక లక్ష్య ఛేదనకు దిగిన సన్‌రైజర్స్‌.. ఓపెనర్లు‌ అభిషేక్‌ శర్మ(28 బంతుల్లో 8 ఫోర్లు, 6 సిక్స్‌లు), ‘ప్లేయర్‌ ఆఫ్‌ ది మ్యాచ్‌’ ట్రావిస్‌ హెడ్‌(30 బంతుల్లో 8 ఫోర్లు, 8 సిక్సర్లు) తుఫాన్‌ ఇన్నింగ్స్‌ కారణంగా 10 వికెట్ల తేడాతో గెలుపొందింది. తద్వారా ప్లే ఆఫ్స్‌ రేసులో మరో ముందడుగు వేసింది.‌‌ WHAT. A. CHASE 🧡A 🔟-wicket win for @SunRisers with more than 🔟 overs to spare! Scorecard ▶️ https://t.co/46Rn0QwHfi#TATAIPL | #SRHvLSG pic.twitter.com/kOxzoKUpXK— IndianPremierLeague (@IPL) May 8, 2024

250 పరుగుల లక్ష్యమైనా సన్‌రైజర్స్‌ ఛేదించేదేమో? ఓటమి తర్వాత లక్నో సూపర్‌ జెయింట్స్‌ జట్టు కెప్టెన్ రాహుల్‌ వ్యాఖ్య... ప్రత్యర్థి బ్యాటర్ల వీర బాదుడుకు మైదానంలో మొదటి బాధితుడిగా అతను చెప్పిన మాట అక్షరసత్యం. తొలుత బ్యాటింగ్‌ చేస్తూ సీజన్‌లో రికార్డు స్కోర్లు సాధించిన హైదరాబాద్‌ ఇప్పుడు ఛేదనలోనూ వి«ధ్వంసం సృష్టించింది. వీడియోగేమ్‌ తరహాలో ట్రవిస్‌ హెడ్, అభిõÙక్‌ శర్మ విరుచుకుపడుతుంటే స్టేడియంలో పరుగుల ఉప్పెన వచ్చింది. 16 ఫోర్లు, 14 సిక్స్‌లంటే 148 పరుగులు బౌండరీలతోనే... లక్నో విధించిన 166 పరుగుల లక్ష్యం మరీ చిన్నదేమీ కాదు. కానీ 10 ఓవర్లకు ముందే కేవలం 52 నిమిషాల్లో రైజర్స్‌ ఛేదించిపడేసింది. రైజర్స్‌ ఛేజింగ్‌ రాత్రి 9 గంటల 23 నిమిషాలకు మొదలై 10 గంటల 15 నిమిషాలకు ముగిసింది. ఈ గెలుపుతో సన్‌రైజర్స్‌ పాయింట్ల పట్టికలో మూడో స్థానానికి ఎగబాకింది. లక్నో పరాజయంతో ముంబై ఇండియన్స్‌ జట్టు ప్లే ఆఫ్స్‌ రేసు నుంచి నిష్క్రమించింది.సాక్షి, హైదరాబాద్‌: సన్‌రైజర్స్‌ హైదరాబాద్‌ తమ బ్యాటింగ్‌ పవర్‌ను మరోసారి చూపించింది. బుధవారం ఉప్పల్‌ స్టేడియంలో జరిగిన ఐపీఎల్‌ మ్యాచ్‌లో సన్‌రైజర్స్‌ 10 వికెట్ల తేడాతో లక్నో సూపర్‌ జెయింట్స్‌ను చిత్తుగా ఓడించింది. టాస్‌ గెలిచి బ్యాటింగ్‌ ఎంచుకున్న లక్నో 20 ఓవర్లలో 4 వికెట్ల నష్టానికి 165 పరుగులు చేసింది. ఆయుశ్‌ బదోని (30 బంతుల్లో 55 నాటౌట్‌; 9 ఫోర్లు), నికోలస్‌ పూరన్‌ (26 బంతుల్లో 48 నాటౌట్‌; 6 ఫోర్లు, 1 సిక్స్‌) కీలక ఇన్నింగ్స్‌లు ఆడారు. అనంతరం హైదరాబాద్‌ కేవలం 9.4 ఓవర్లలో వికెట్‌ నష్టపోకుండా 167 పరుగులు సాధించి గెలిచింది. ఓపెనర్లు ‘ప్లేయర్‌ ఆఫ్‌ ద మ్యాచ్‌’ ట్రవిస్‌ హెడ్‌ (30 బంతుల్లో 89 నాటౌట్‌; 8 ఫోర్లు, 8 సిక్స్‌లు), అభిషేక్‌ శర్మ (28 బంతుల్లో 75 నాటౌట్‌; 8 ఫోర్లు, 6 సిక్స్‌లు) మరో అవకాశం ఇవ్వకుండా చెలరేగి కేవలం 58 బంతుల్లోనే మ్యాచ్‌ను ముగించారు. లక్నో ఓటమితో ముంబై ఇండియన్స్‌ జట్టు ప్లే ఆఫ్స్‌ రేసు నుంచి నిష్క్రమించింది. ముంబై తమ చివరి రెండు మ్యాచ్‌ల్లో నెగ్గినా 12 పాయింట్లతో టాప్‌–4లో స్థానాన్ని దక్కించుకునే అవకాశం లేదు. రాహుల్‌ విఫలం... భువనేశ్వర్‌ చక్కటి బౌలింగ్‌ వల్ల లక్నో ఇన్నింగ్స్‌ పేలవంగా ప్రారంభమైంది. భువీ తన వరుస ఓవర్లలో డికాక్‌ (2), స్టొయినిస్‌ (3)లను పెవిలియన్‌ పంపించాడు. ఈ రెండు సందర్భాల్లో ఆంధ్ర క్రికెటర్‌ నితీశ్‌ కుమార్‌ రెడ్డి, సన్వీర్‌ సింగ్‌ అద్భుత క్యాచ్‌లు కారణంగా నిలిచాయి. పవర్‌ప్లే ముగిసేసరికి లక్నో 27 పరుగులకే పరిమితమైంది. ఈ దశలో రాహుల్, కృనాల్‌ ఆదుకునే ప్రయత్నం చేసినా వీరిద్దరూ నెమ్మదిగా ఆడటంతో పరుగులు రావడం మందగించింది. పదో ఓవర్‌ చివరి బంతికి రాహుల్‌ అవుట్‌ కాగా... లక్నో స్కోరు 57 పరుగులకు చేరింది. అవుటయ్యే వరకు కూడా ఏ దశలోనూ రాహుల్‌ స్ట్రయిక్‌రేట్‌ కనీసం 100 కూడా లేకపోవడం జట్టు అవకాశాలను దెబ్బ తీసింది. ఆ తర్వాత కొద్ది సేపటికే కృనాల్‌ రనౌట్‌ కావడంతో స్కోరు 66/4గా మారింది. ఇలాంటి స్థితిలో పూరన్, బదోని బ్యాటింగ్‌ లక్నో కాస్త గౌరవప్రదమైన స్కోరును అందించింది. చివరి 5 ఓవర్లలో 63 పరుగులు రాగా... వీరిద్దరు 52 బంతుల్లోనే అభేద్యంగా 99 పరుగులు జోడించారు. మెరుపు వేగంతో... 8, 17, 22, 17, 23, 20, 19, 17, 14, 10... ఛేదనలో సన్‌రైజర్స్‌ ఒక్కో ఓవర్‌లో చేసిన పరుగులు ఇవి. తొలి ఓవర్‌ మినహాయిస్తే ఎక్కడా తగ్గకుండా హెడ్, అభిషేక్‌ చెలరేగిపోయారు. యశ్‌ ఓవర్లో అభిషేక్‌ 4 ఫోర్లు కొట్టగా, గౌతమ్‌ ఓవర్లో హెడ్‌ 3 సిక్స్‌లు, ఫోర్‌ బాదాడు. నవీనుల్‌ ఓవర్లో వరుసగా 4, 4, 6, 4, 4 బాదిన హెడ్‌... ఈ క్రమంలో 16 బంతుల్లోనే అర్ధ సెంచరీ పూర్తి చేసుకున్నాడు. యశ్‌ ఓవర్లో 2 ఫోర్లు, 2 సిక్స్‌లు కొట్టిన అభిషేక్‌ హాఫ్‌ సెంచరీ 19 బంతులకు పూర్తయింది. పవర్‌ప్లేలో 107 పరుగులు చేసిన రైజర్స్‌ ఆట ముగించేందుకు ఎక్కువ సమయం పట్టలేదు. యశ్‌ వేసిన పదో ఓవర్‌ నాలుగో బంతిని అభిõÙక్‌ సిక్స్‌గా మలచడంతో ఉప్పల్‌ స్టేడియంలో సంబరాలు మొదలయ్యాయి. స్కోరు వివరాలు లక్నో సూపర్‌ జెయింట్స్‌ ఇన్నింగ్స్‌: కేఎల్‌ రాహుల్‌ (సి) నటరాజన్‌ (బి) కమిన్స్‌ 29; డికాక్‌ (సి) నితీశ్‌ (బి) భువనేశ్వర్‌ 2; స్టొయినిస్‌ (సి) సన్వీర్‌ (బి) భువనేశ్వర్‌ 3; కృనాల్‌ పాండ్యా (రనౌట్‌) 24; పూరన్‌ (నాటౌట్‌) 48; బదోని (నాటౌట్‌) 55; ఎక్స్‌ట్రాలు 4; మొత్తం (20 ఓవర్లలో 4 వికెట్లకు) 165. వికెట్ల పతనం: 1–13, 2–21, 3–57, 4–66. బౌలింగ్‌: భువనేశ్వర్‌ 4–0–12–2, కమిన్స్‌ 4–0–47–1, షహబాజ్‌ 2–0–9–0, విజయకాంత్‌ 4–0–27–0, ఉనాద్కట్‌ 2–0–19–0, నటరాజన్‌ 4–0–50–0. సన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ శర్మ (నాటౌట్‌) 75; హెడ్‌ (నాటౌట్‌) 89; ఎక్స్‌ట్రాలు 3; మొత్తం (9.4 ఓవర్లలో వికెట్‌ నష్టపోకుండా) 167. బౌలింగ్‌: గౌతమ్‌ 2–0–29–0, యశ్‌ ఠాకూర్‌ 2.4–0–47–0, బిష్ణోయ్‌ 2–0–34–0, నవీనుల్‌ హక్‌ 2–0–37–0, బదోని 1–0–19–0. ఐపీఎల్‌లో నేడుపంజాబ్‌ X బెంగళూరు వేదిక: ధర్మశాలరాత్రి 7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం

ఇండియన్ ప్రీమియర్ లీగ్ (ఐపీఎల్) 17వ సీజన్‌లో సన్‌రైజర్స్ హైదరాబాద్ నేడు(బుధవారం) లక్నో సూపర్‌జెయింట్‌తో తలపడింది. హైదరాబాద్‌లోని రాజీవ్ గాంధీ ఇంటర్నేషనల్ స్టేడియంలో జరిగిన ఈ మ్యాచ్‌లో లక్నో టాస్ గెలిచింది. దీంతో హైదరాబాద్ ముందుగా బౌలింగ్‌ను ఎంచుకుంది. హైదరాబాద్‌లో జరిగిన ఈ మ్యాచ్‌లో లక్నో టాస్‌ గెలిచి తొలుత బ్యాటింగ్‌ చేయగా 4 నాలుగు వికెట్ల నష్టానికి మొత్తం 165 పరుగులు చేసింది. అనంతరం రంగంలోకి దిగిన సన్‌రైజర్స్ జట్టు లక్ష్యాన్నిఅలవోకగా ఛేదించింది. కనీసం ఒక్క వికెట్‌ కూడా కోల్పోకుండా 167 పరుగులు చేసి విజేతగా నిలిచింది.స్కోర్లు: లక్నో 165/4, హైదరాబాద్‌ 167/0

ఐపీఎల్‌ 2024 సీజన్‌లో భాగంగా సన్‌రైజర్స్‌ హైదరాబాద్‌తో ఇవాళ (మే 8) జరుగుతున్న మ్యాచ్‌లో లక్నో సూపర్‌ జెయింట్స్‌ నామమాత్రపు స్కోర్‌కే పరిమితమైంది. టాస్‌ గెలిచి తొలుత బ్యాటింగ్‌ ఎంచుకున్న లక్నోను భువనేశ్వర్‌ కుమార్‌ (4-0-12-2) కట్టడి చేయడంతో ఆ జట్టు నిర్ణీత ఓవర్లలో 4 వికెట్ల నష్టానికి 165 పరుగులు మాత్రమే చేసింది. ఆఖర్లో ఆయుశ్‌ బదోని (55 నాటౌట్‌), పూరన్‌ (48 నాటౌట్‌) చెలరేగి ఆడటంతో లక్నో ఈ మాత్రం స్కోరైనా చేయగలిగింది. లక్నో ఇన్నింగ్స్‌లో డికాక్‌ (2), స్టోయినిస్‌ (3), కృనాల్‌ పాండ్యా (24), రాహుల్‌ (29) తక్కువ స్కోర్లకే ఔటయ్యారు. బదోని, పూరన్‌ ఆఖరి రెండు ఓవర్లలో ఆకాశమే హద్దుగా చెలరేగడంతో ఏకంగా 34 పరుగులు వచ్చాయి. కమిన్స్‌ వేసిన ఆఖరి ఓవర్‌లో 19, నటరాజన్‌ వేసిన 19 ఓవర్‌లో 15 పరుగులు వచ్చాయి.ఈ మ్యాచ్‌లో బర్త్‌ డే బాయ్‌ కమిన్స్‌ను బదోని, పూరన్‌ ఆడుకున్నారు. కమిన్స్‌ 4 ఓవర్లలో వికెట్‌ తీసి ఏకంగా 47 పరుగులు సమర్పించుకున్నాడు. నటరాజన్‌ సైతం ధారాళంగా పరుగులిచ్చాడు. నటరాజన్‌ 4 ఓవర్లలో ఏకంగా 50 పరుగులిచ్చాడు. అరంగేట్రం బౌలర్‌ (శ్రీలంక) విజయ్‌కాంత్‌ వియాస్‌కాంత్‌ (4-0-27-0) అకట్టుకున్నాడు.

ప్రస్తుత ఐపీఎల్‌ సీజన్‌లో గతంలో ఎన్నడూ లేని విధంగా సిక్సర్ల మోత మోగుతుంది. ఈ సీజన్‌ మరో 18 మ్యాచ్‌లు మిగిలుండగానే 1000 సిక్సర్ల అత్యంత అరుదైన మైలురాయిని తాకింది. సన్‌రైజర్స్‌తో ఇవాళ (మే 8) జరుగుతున్న మ్యాచ్‌లో కృనాల్‌ పాండ్యా కొట్టిన సిక్సర్‌తో ఈ సీజన్‌లో 1000 సిక్సర్లు పూర్తయ్యాయి. ఈ మైలురాయిని చేరుకునే క్రమంలో ప్రస్తుత ఐపీఎల్‌ సీజన్‌ ఆల్‌టైమ్‌ రికార్డును బద్దలు కొట్టింది. వెయ్యి సిక్సర్ల మార్కును అత్యంత వేగంగా చేరుకున్న సీజన్‌గా ఐపీఎల్‌ 2024 సరికొత్త చరిత్ర సృష్టించింది.1000TH SIXES IN IPL 2024...!!!! 🤯- THE MOST CRAZIEST IPL SEASON EVER. 🔥 pic.twitter.com/mfYwS6fbUY— Tanuj Singh (@ImTanujSingh) May 8, 2024ఐపీఎల్‌ చరిత్రలో 2022 (1062 సిక్సర్లు), 2023 (1124 సిక్సర్లు), 2024 సీజన్లలో మాత్రమే 1000కి పైగా సిక్సర్లు నమోదు కాగా.. ఈ సీజన్‌లోనే అత్యంత వేగంగా ఆ మార్కు తాకింది. 2022 సీజన్‌లో ఈ మార్కును తాకేందుకు 16269 బంతులు అవసరమైతే.. గత సీజన్‌లో 15390 బంతులు.. ఈ సీజన్‌లో అన్నిటికంటే తక్కువగా 13079 బంతుల్లోనే వెయ్యి సిక్సర్లు పూర్తయ్యాయి.సన్‌రైజర్స్‌-లక్నో మ్యాచ్‌ విషయానికొస్తే.. హైదరాబాద్‌లో జరుగుతున్న ఈ మ్యాచ్‌లో లక్నో టాస్‌ గెలిచి తొలుత బ్యాటింగ్‌ చేస్తుంది. 18 ఓవర్లు పూర్తయ్యాక లక్నో స్కోర్‌ 4 వికెట్ల నష్టానికి 131 పరుగులుగా ఉంది. డికాక్‌ (2), స్టోయినిస్‌ (3), కృనాల్‌ పాండ్యా (24), రాహుల్‌ (29) ఔట్‌ కాగా.. పూరన్‌ (30), బదోని (39) క్రీజ్‌లో ఉన్నారు. భువనేశ్వర్‌ కుమార్‌ అద్భుతమైన స్పెల్‌తో (4-0-12-3) లక్నోను దారుణంగా దెబ్బ కొట్టగా.. కమిన్స్‌ ఓ వికెట్‌ పడగొట్టాడు. కృనాల్‌ను కమిన్స్‌ అద్భుతమైన త్రోతో రనౌట్‌ చేశాడు.

ఐపీఎల్‌ 2024 సీజన్‌లో భాగంగా లక్నో సూపర్‌ జెయింట్స్‌తో ఇవాళ (మే 8) జరుగుతున్న మ్యాచ్‌లో సన్‌రైజర్స్‌ హైదరాబాద్‌ ఆటగాళ్లు కళ్లు చెదిరే క్యాచ్‌లు పట్టారు. తొలుత నితీశ్‌ కుమార్‌ రెడ్డి, ఆ తర్వాత సన్వీర్‌ సింగ్‌ నమ్మశక్యంకాని రీతిలో క్యాచ్‌లు పట్టి హైలైటయ్యారు.సన్వీర్‌ సూపర్‌ క్యాచ్‌భువనేశ్వర్‌ కుమార్‌ బౌలింగ్‌లో సన్వీర్‌ మిడ్‌ ఆన్‌ దిశగా ముందుకు పరిగెడుతూ అద్భుతమన డైవింగ్‌ క్యాచ్‌ అందుకున్నాడు. సన్వీర్‌ క్యాచ్‌ పట్టిన విధానం క్లారిటీగా లేకపోవడంతో ఫీల్డ్‌ అంపైర్‌ థర్డ్‌ అంపైర్‌కు రిఫర్‌ చేయగా రీ ప్లేలో స్పష్టమైన క్యాచ్‌గా తేలింది. దీంతో బ్యాటర్‌ స్టోయినిస్‌ నిరాశగా పెవిలియన్‌ బాట పట్టాడు. ఈ క్యాచ్‌ చూసిన జనాలకు ఫ్యూజులు ఎగిరిపోయాయి. దీనికి సంబంధించిన వీడియో నెట్టింట చక్కర్లు కొడుతుంది. - First Nitish Reddy.- Then Sanvir Singh.- Two Incredible Catches by these SRH's youngsters. 🤯🙌 pic.twitter.com/DHtMenorn5— Tanuj Singh (@ImTanujSingh) May 8, 2024నితీశ్‌ అద్భుత విన్యాసంసన్వీర్‌ పట్టిన అద్భుతమైన క్యాచ్‌కు ముందు నితీశ్‌ కుమార్‌ రెడ్డి కూడా సూపర్‌ క్యాచ్‌ పట్టాడు. భువీ బౌలింగ్‌లోనే నితీశ్‌ బౌండరీ లైన్‌ వద్ద చూడచక్కని క్యాచ్‌ అందుకున్నాడు. సిక్సర్‌కు వెళ్లాల్సిన బంతిని నితీశ్‌ అద్భుతంగా బ్యాలెన్స్‌ చేసి తన జట్టుకు 6 పరుగులు ఆదా చేయడంతో పాటు కీలకమైన డికాక్‌ను పెవిలియన్‌కు సాగనంపాడు. ఈ మ్యాచ్‌లో సన్‌రైజర్స్‌ ఆటగాళ్లు మైదానంలో చాలా చురుగ్గా కదులుతున్నారు. బౌలింగ్‌లోనూ సత్తా చాటుతున్నారు.టాస్‌ గెలిచి తొలుత బ్యాటింగ్‌ చేస్తున్న లక్నో.. భువీ దెబ్బకు (3-0-7-2) 9 ఓవర్లలో 2 వికెట్లు కోల్పోయి కేవలం 49 పరుగులు మాత్రమే చేయగలిగింది. డికాక్‌ (2), స్టోయినిస్‌ (3) పెవిలియన్‌కు చేరగా.. రాహుల్‌ (22), కృనాల్‌ (21) క్రీజ్‌లో ఉన్నారు.

ఐపీఎల్‌ 2024 సీజన్‌లో భాగంగా సన్‌రైజర్స్‌ హైదరాబాద్‌తో ఇవాళ (మే 8) జరుగుతున్న మ్యాచ్‌లో లక్నో సూపర్‌ జెయింట్స్‌ టాస్‌ గెలిచి తొలుత బ్యాటింగ్‌ ఎంచుకుంది. హైదరాబాద్‌లోని ఉప్పల్‌ స్టేడియంలో జరుగుతున్న ఈ మ్యాచ్‌ ప్లే ఆఫ్స్‌ రేసులో ఉన్న ఇరు జట్లకు అత్యంత కీలకంగా మారింది. ప్రస్తుతం పాయింట్ల పట్టికలో సన్‌రైజర్స్‌ నాలుగులో.. లక్నో ఆరో స్థానంలో ఉన్నాయి. నగరంలో నిన్న రాత్రి అతి భారీ వర్షం కురిసిన నేపథ్యంలో నేటి మ్యాచ్‌ సాధ్యాసాధ్యాలపై అనుమానాలు ఉండేవి. అయితే ప్రస్తుత పరిస్థితిని బట్టి చూస్తే వరుణుడి నుంచి మ్యాచ్‌కు ఎలాంటి ముప్పు లేదని తెలుస్తుంది. తుది జట్ల విషయానికొస్తే.. ఇరు జట్లు పలు మార్పులతో బరిలోకి దిగుతున్నాయి. లక్నో జట్టుకు సంబంధించి డికాక్‌ తిరిగి జట్టులోకి రాగా.. మొహిసిన్‌ ఖాన్‌ ఔటయ్యాడు. సన్‌రైజర్స్‌ తరఫున లంక యువ స్పిన్నర్‌ విజయ్‌కాంత్‌ వియాస్‌కాంత్‌ అరంగేట్రం చేయనుండగా.. మయాంక్‌ అగర్వాల్‌ స్థానంలో సన్వీర్‌ సింగ్‌ జట్టులోకి వచ్చాడు.హెడ్‌ టు హెడ్‌ రికార్డ్స్‌ విషయానికొస్తే.. ఐపీఎల్‌లో ఇరు జట్లు ఇప్పటివరకు మూడు సార్లు తలపడగా.. అన్ని సందర్భాల్లో లక్నోనే విజయం సాధించింది.తుది జట్లు..లక్నో సూపర్ జెయింట్స్ (ప్లేయింగ్ XI): క్వింటన్ డికాక్, కేఎల్‌ రాహుల్ (కెప్టెన్‌/వికెట్‌కీపర్‌), మార్కస్ స్టోయినిస్, నికోలస్ పూరన్, ఆయుష్ బదోని, దీపక్ హుడా, కృనాల్ పాండ్యా, కృష్ణప్ప గౌతమ్, యశ్ ఠాకూర్, రవి బిష్ణోయ్, నవీన్-ఉల్-హక్సన్‌రైజర్స్ హైదరాబాద్ (ప్లేయింగ్ XI): ట్రవిస్ హెడ్, నితీష్ రెడ్డి, హెన్రిచ్ క్లాసెన్ (వికెట్‌కీపర్‌), అబ్దుల్ సమద్, షాబాజ్ అహ్మద్, సన్వీర్ సింగ్, పాట్ కమిన్స్ (కెప్టెన్‌), భువనేశ్వర్ కుమార్, జయదేవ్ ఉనద్కత్, విజయకాంత్ వియాస్కాంత్, టి నటరాజన్

ఐపీఎల్‌ 2024 సీజన్‌లో ఇవాళ (మే 8) మరో బిగ్‌ ఫైట్‌ జరుగనుంది. విధ్వంసకర ఆటగాళ్లతో నిండిన సన్‌రైజర్స్‌, లక్నో సూపర్‌ జెయింట్స్‌ అమీతుమీకి సిద్దమయ్యాయి. సన్‌రైజర్స్‌ హోం గ్రౌండ్‌ అయిన ఉప్పల్‌ స్టేడియంలో ఈ మ్యాచ్‌ జరుగునుంది. హైదరాబాద్‌లో నగరంలో నిన్న రాత్రి అతి భారీ వర్షం కురిసింది. ఇవాళ కూడా వర్షం పడే అవకాశం ఉందని వాతావరణ శాఖ హెచ్చరికలు జారీ చేసింది. అయితే నగరంలో ప్రస్తుత పరిస్థితిని బట్టి చూస్తే వరుణుడి నుంచి మ్యాచ్‌కు ఎలాంటి ముప్పు లేదని తెలుస్తుంది. ప్రస్తుతం సన్‌రైజర్స్‌, ఎల్‌ఎస్‌జీ పాయింట్ల పట్టికలో సమవుజ్జీలుగా ఉన్నాయి. రెండు జట్లు చెరి 11 మ్యాచ్‌లు ఆడి ఆరింట గెలుపొందాయి. అయితే లక్నోతో పోలిస్తే సన్‌రైజర్స్‌ రన్‌రేట్‌ కాస్త మెరుగ్గా ఉండటంతో ఆ జట్టు మెరుగైన స్థానంలో ఉంది. సన్‌రైజర్స్‌ నాలుగులో.. లక్నో ఆరో స్థానంలో కొనసాగుతున్నాయి. ఇరు జట్లకు ప్లే ఆఫ్స్‌ అవకాశాలు సమానంగా ఉండటంతో ఈ మ్యాచ్‌ ఫలితం అత్యంత కీలకం కానుంది. ఈ మ్యాచ్‌లో గెలిచే జట్టు టెన్షన్‌ లేకుండా తదుపరి మ్యాచ్‌కు వెళ్లవచ్చు. ఇరు జట్ల ఈ సీజన్‌లో ఇదే తొలి మ్యాచ్‌. ఐపీఎల్‌లో ఇరు జట్లు ఇప్పటివరకు మూడు సార్లు తలపడగా.. అన్ని సందర్భాల్లో లక్నోనే విజయం సాధించింది.మరో మూడేస్తే..ఇక ఈ మ్యాచ్‌ ఓ భారీ మైలురాయికి వేదిక కానుంది. ఈ మ్యాచ్‌లో మరో మూడు సిక్సర్లు నమోదైతే ఈ సీజన్‌లో 1000 సిక్సర్లు (అన్ని జట్లు కలిపి) పూర్తవుతాయి. ఐపీఎల్‌ చరిత్రలో అత్యధిక సిక్సర్లు నమోదైన సీజన్‌గా ఐపీఎల్‌ 2023 ఉంది. గత సీజన్‌లో రికార్డు స్థాయిలో 1124 సిక్సర్లు నమోదయ్యాయి. ఈ సీజన్‌లో ఇంకా 18 మ్యాచ్‌లు మిగిలుండగానే 1000 సిక్సర్లు మార్కు తాకితే ఆల్‌టైమ్‌ హైయెస్ట్‌ సిక్సర్ల రికార్డు బద్దలవడం ఖాయం. నేటి మ్యాచ్‌లో తలపడబోయే సన్‌రైజర్స్‌, లక్నో జట్లలో భారీ హిట్టర్లు ఉండటంతో ఈ మ్యాచ్‌లో కనీసం 20 సిక్సర్లు నమోదయ్యే అవకాశం ఉంది. సీజన్ల వారీగా సిక్సర్లు..2008- 6222009- 5062010- 5852011- 6392012- 7312013- 6722014- 7142015- 6922016- 6382017- 7052018- 8722019- 7842020- 7342021- 6872022- 10622023- 11242024- 997*

సాక్షి, హైదరాబాద్‌: సన్‌రైజర్స్‌ హైదరాబాద్‌ సొంత మైదానంలో మరో మ్యాచ్‌కు సిద్ధమైంది. లక్నో సూపర్‌ జెయింట్స్‌తో ఉప్పల్‌ వేదికగా బుధవారం తలపడనుంది. ప్లే ఆఫ్స్‌ రేసులో సాఫీగా ముందుకు వెళ్లాలంటే లక్నోతో మ్యాచ్‌లో కమిన్స్‌ బృందం తప్పక గెలవాలి.అయితే, వర్షం రూపంలో సన్‌రైజర్స్‌- లక్నో పోరుకు ఆటంకం కలిగే అవకాశం ఉంది. నగరంలో కురుస్తున్న అకాల వర్షాల కారణంగా మ్యాచ్‌ గనుక రద్దైతే ఇరు జట్లకు చెరో పాయింట్‌ వస్తుంది.ఆర్టీసీ ప్రత్యేక ఏర్పాట్లుఇదిలా ఉంటే.. హోంగ్రౌండ్‌లో సన్‌రైజర్స్‌ మెరుపులను వీక్షించడానికి వచ్చే అభిమానుల కోసం ఆర్టీసీ ప్రత్యేక ఏర్పాట్లు చేసింది. ఉప్పల్‌ క్రికెట్‌ స్టేడియంలో జరగనున్న ఐపీఎల్‌ మ్యాచ్‌ కోసం నగరంలోని వివిధ ప్రాంతాల నుంచి ప్రత్యేక బస్సులను నడపనున్నట్లు ఆర్టీసీ అధికారులు తెలిపారు.ఆ ప్రాంతాల నుంచి స్పెషల్‌ బస్సులు ఈసీఐఎల్‌, ఎల్‌బీనగర్‌, కొండాపూర్‌, జీడిమెట్ల, వనస్థలిపురం, ఇబ్రహీంపట్నం,మియాపూర్‌,లక్డీకాపూల్‌, కూకట్‌పల్లి హౌసింగ్‌బోర్డ్‌, జూబ్లీ బస్‌స్టేషన్‌, హకీంపేట్‌, మేడ్చల్‌, చార్మినార్‌, చాంద్రాయణగుట్ట, మెహిదీపట్నం, బీహెచ్‌ఈఎల్‌ తదితర ప్రాంతాల నుంచి ఉప్పల్‌ స్టేడియంకు ప్రత్యేక బస్సులను నడుపనున్నారు.మెట్రోలో సైతంఅలాగే ప్రయాణికుల రద్దీ మేరకు వివిధ మార్గాల్లో అర్ధరాత్రి వరకు మెట్రో రైళ్లను నడిపేందుకు అధికారులు చర్యలు చేపట్టారు. రాయదుర్గం నుంచి నాగోల్‌ వరకు మియాపూర్‌ నుంచి ఎల్‌బీనగర్‌, జేబీఎస్‌ నుంచి ఎంజీబీఎస్‌ మధ్య ప్రయాణికుల డిమాండ్‌ మేరకు మెట్రో సేవలు అందుబాటులో ఉంటాయి.చదవండి: సంజూ శాంసన్‌కు ఊహించని షాకిచ్చిన బీసీసీఐThe Risers are back to Hyderabad 🧡💪 pic.twitter.com/uecAotesSz— SunRisers Hyderabad (@SunRisers) May 7, 2024

ఐపీఎల్‌-2024 ప్లే ఆఫ్స్‌ రేసు రసవత్తరంగా సాగుతోంది. ఇప్పటికే పదకొండేసి మ్యాచ్‌లు ఆడిన కోల్‌కతా నైట్‌ రైడర్స్‌(నెట్‌ రన్‌రేటు 1.453), రాజస్తాన్‌ రాయల్స్ రాయల్స్‌(నెట్‌ రన్‌రేటు 0.476) ఎనిమిది గెలిచి టాప్‌-2లో తిష్ట వేశాయి.చెరో పదహారు పాయింట్లతో ప్లే ఆఫ్స్‌ బెర్తును దాదాపుగా ఖరారు చేసుకున్నాయి. ఇక ప్రస్తుతం మూడో స్థానం కోసం 12 పాయింట్లతో ఉన్న చెన్నై సూపర్‌ కింగ్స్, సన్‌రైజర్స్‌ హైదరాబాద్‌ (-0.065)మధ్య జరుగుతున్న పోటీలో ఇప్పటి వరకు రన్‌రేటు పరంగా మెరుగ్గా ఉన్న సీఎస్‌కే(0.700)నే పైచేయి సాధించింది.ప్లే ఆఫ్స్‌ పోటీలో కీలక మ్యాచ్‌దీంతో రైజర్స్‌ నాలుగో స్థానంలో కొనసాగుతుండగా.. రాజస్తాన్‌ రాయల్స్‌పై మంగళవారం నాటి విజయంతో ఢిల్లీ క్యాపిటల్స్‌ సైతం ముందుకు దూసుకువచ్చింది. ఇక లక్నో సూపర్‌ జెయింట్స్‌ సైతం 12 పాయింట్లతో ఆరో స్థానంలో కొనసాగుతూ టాప్‌-4పై కన్నేసింది.ఈ నేపథ్యంలో సన్‌రైజర్స్‌ హైదరాబాద్‌- లక్నో సూపర్‌ జెయింట్స్‌ మధ్య బుధవారం నాటి మ్యాచ్‌ ఆసక్తికరంగా మారింది. ఈ మ్యాచ్‌లో గెలిచిన జట్టు ప్లే ఆఫ్స్‌ రేసులో ముందుకు దూసుకువెళ్తుంది. అదే సమయంలో ఓడిన జట్టు ఇతర జట్ల ఫలితాలపై ఆధారపడాల్సి ఉంటుంది.పొంచి ఉన్న వాన గండంఅయితే, సొంతగడ్డపై మ్యాచ్‌ జరుగనుండటం సన్‌రైజర్స్‌కు సానుకూల అంశమే అయినా.. వర్షం రూపంలో ప్రమాదం పొంచి ఉంది. ఐపీఎల్‌ తాజా ఎడిషన్‌లో ఇప్పటి వరకు 56 మ్యాచ్‌లు జరిగాయి.కానీ ఒక్క మ్యాచ్‌ కూడా వరణుడి కారణంగా రద్దు కాలేదు. అయితే, ఉప్పల్‌ స్టేడియంలో జరగాల్సిన సన్‌రైజర్స్‌- లక్నో మ్యాచ్‌కు మాత్రం వాన గండం పొంచి ఉంది. హైదరాబాద్‌లో మంగళవారం కుండపోతగా వర్షం కురిసింది.ఈ నేపథ్యంలో స్టేడియం సిబ్బంది మైదానంలోని మధ్య భాగాన్ని కవర్లతో కప్పి ఉంచారు. అయితే, వాతావరణ శాఖ రెండు రోజుల పాటు వర్షాలు కురిసే అవకాశం ఉందని మంగళవారం హెచ్చరించడం ఆరెంజ్‌ ఆర్మీ గుండెల్లో గుబులు రేపుతోంది.మ్యాచ్‌ గనుక రద్దు అయితేకాగా తాజా సీజన్‌లో ఆరంభ మ్యాచ్‌లో తడబడ్డా ప్యాట్‌ కమిన్స్‌ బృందం తర్వాత అనూహ్య రీతిలో పుంజుకుంది. 266.. 277.. 287 స్కోర్లు నమోదు చేసి పరుగుల విధ్వంసానికి మారుపేరుగా నిలిచింది.అయితే, గత కొన్ని మ్యాచ్‌ల నుంచి సన్‌రైజర్స్‌ పేలవ బ్యాటింగ్‌తో తేలిపోతోంది. ఆఖరిగా సోమవారం ముంబై ఇండియన్స్‌తో ఆడిన మ్యాచ్‌లో సన్‌రైజర్స్‌ ఏడు వికెట్ల తేడాతో ఓటమిపాలైంది. ఇక బుధవారం నాటి మ్యాచ్‌ గనుక రద్దైతే సన్‌రైజర్స్‌, లక్నోల ఖాతాలో చెరో పాయింట్‌ చేరుతుంది. అలా కాక మ్యాచ్‌ సాఫీగా సాగితే గెలిచిన జట్టుకు రెండు పాయింట్లు వస్తాయి.వాతావరణ శాఖ హెచ్చరికనగరంలో వర్షాల నేపథ్యంలో వాతావరణ శాఖ హెచ్చరికలు జారీ చేసింది. హైదరాబాద్‌లో బుధవారం సాయంత్రం లేదా రాత్రి సమయంలో తేలికపాటి నుంచి మోస్తరు వర్షం లేదా ఉరుములతో కూడిన జల్లులు కురిసే అవకాశం ఉందని తెలిపింది.చదవండి: సంజూ శాంసన్‌కు ఊహించని షాకిచ్చిన బీసీసీఐ 𝙇𝙤𝙘𝙠𝙚𝙙 𝙖𝙣𝙙 𝙡𝙤𝙖𝙙𝙚𝙙 👊🔥#PlayWithFire #SRHvLSG pic.twitter.com/En1XXReksW— SunRisers Hyderabad (@SunRisers) May 8, 2024

లక్నో సూపర్‌ జెయింట్స్‌ను చిత్తుగా ఓడించిన కోల్‌కతా నైట్‌ రైడర్స్‌పై టీమిండియా మాజీ క్రికెటర్‌ ఆకాశ్‌ చోప్రా ప్రశంసలు కురిపించాడు. ఏకపక్ష విజయం అన్న మాటలకు కేకేఆర్‌ సరైన నిర్వచనం ఇచ్చిందని.. విధ్వంసకర ఆట తీరును కళ్లకు కట్టిందని ఆకాశానికెత్తాడు.లక్నో గల్లీకి వెళ్లి గల్లీ క్రికెట్‌లో మాదిరి వారిని మట్టికరిపించిన తీరు అద్భుతమంటూ కేకేఆర్‌ను కొనియాడాడు. కాగా సొంత మైదానంలో ఆదివారం నాటి మ్యాచ్‌లో టాస్‌ గెలిచిన లక్నో తొలుత బౌలింగ్‌ ఎంచుకుంది.సంచలన ఇన్నింగ్స్‌ఈ క్రమంలో బ్యాటింగ్‌కు దిగిన కోల్‌కతా నిర్ణీత 20 ఓవర్లలో ఆరు వికెట్ల నష్టానికి 235 పరుగులు చేసింది. ఓపెనర్లు ఫిలిప్‌ సాల్ట్‌(14 బంతుల్లో 32), సునిల్‌ నరైన్(39 బంతుల్లో 81) మెరుపు ఇన్నింగ్స్‌తో ఆకట్టుకోగా.. ఏడో నంబర్‌ బ్యాటర్‌ రమణ్‌ దీప్‌ సింగ్‌ సంచలన ఇన్నింగ్స్‌ ఆడాడు.కేవలం ఆరు బంతుల్లోనే 25 పరుగులు చేసి అజేయంగా నిలిచాడు. ఇక లక్ష్య ఛేదనకు దిగిన లక్నోను కేకేఆర్‌ 137 పరుగులకే కుప్పకూల్చింది. పేసర్లు హర్షిత్‌ రాణా(3/24, రసెల్‌(2/17), మిచెల్‌ స్టార్క్‌(1/22).. స్పిన్నర్లు వరుణ్‌ చక్రవర్తి(3/30), సునిల్‌ నరైన్‌(1/22) లక్నో బ్యాటింగ్‌ ఆర్డర్‌ను కుదేలు చేశారు.ఏకపక్ష విజయం ఫలితంగా కేకేఆర్‌ లక్నోపై ఏకంగా 98 పరుగుల తేడాతో ఘన విజయం సాధించింది. ఇక ఐపీఎల్‌లో లక్నోకు ఇదే అతిపెద్ద పరాజయం కావడం గమనార్హం. ఈ నేపథ్యంలో భారత మాజీ ఓపెనర్‌, కామెంటేటర్‌ ఆకాశ్‌ చోప్రా ఆసక్తికర వ్యాఖ్యలు చేశాడు.‘‘లక్నో గల్లీకి వెళ్లి గల్లీ క్రికెట్‌ మాదిరే వారిని చిత్తు చేసింది కేకేఆర్‌. ఏకపక్ష విజయం ఎలా ఉంటుందన్న దానికి ప్రత్యక్ష ఉదాహరణగా నిలిచింది.SRH అని ఎవరన్నారు?లక్నోకు తమ రెండున్నరేళ్ల ప్రయాణంలో అతిపెద్ద ఓటమిని రుచి చూపించింది. ఈ ఏడాది ఐపీఎల్‌ టోర్నీలో సన్‌రైజర్స్‌ హైదరాబాద్‌ అత్యంత విధ్వంసకర జట్టు అని ఎవరు చెప్పారు?ఎస్‌ఆర్‌హెచ్‌ కాదు! అది కేకేఆర్ మాత్రమే’’ అని ఆకాశ్‌ చోప్రా శ్రేయస్‌ అయ్యర్‌ సేనకు కితాబులిచ్చాడు. ఇప్పటికే కేకేఆర్‌ ఆరుసార్లు 200 పరుగుల స్కోరు దాటిందని.. కోల్‌కతా కంటే ప్రమాదకర జట్టు ఇంకేది ఉందని టేబుల్‌ టాపర్‌ను ప్రశంసించాడు. కాగా ఐపీఎల్‌ చరిత్రలో అత్యధిక స్కోరు(287) సాధించిన జట్టుగా సన్‌రైజర్స్‌ ఈ ఎడిషన్‌ సందర్బంగా అరుదైన రికార్డు సాధించిన విషయం తెలిసిందే.చదవండి: అచ్చా.. అలాగా?: కోహ్లిపై గావస్కర్‌ కామెంట్స్‌.. వసీం అక్రం కౌంటర్‌High-Fives in the @KKRiders camp 🙌With that they move to the 🔝 of the Points Table with 16 points 💜Scorecard ▶️ https://t.co/CgxfC5H2pD#TATAIPL | #LSGvKKR pic.twitter.com/0dUMJLasNQ— IndianPremierLeague (@IPL) May 5, 2024

లక్నో: ఆల్‌రౌండ్‌ ప్రదర్శనతో అదరగొట్టిన కోల్‌కతా నైట్‌రైడర్స్‌ (కేకేఆర్‌) ఐపీఎల్‌ టోరీ్నలో ఎనిమిదో విజయం నమోదు చేసింది. లక్నో సూపర్‌ జెయింట్స్‌తో ఆదివారం జరిగిన మ్యాచ్‌లో కోల్‌కతా జట్టు 98 పరుగుల తేడాతో ఘనవిజయం సాధించింది. గతంలో రెండుసార్లు ఐపీఎల్‌ చాంపియన్‌గా నిలిచిన కోల్‌కతా తాజా విజయంతో పాయింట్ల పట్టికలో అగ్రస్థానానికి దూసుకొచి్చంది. రాజస్తాన్, కోల్‌కతా జట్లు 16 పాయింట్లతో సమంగా ఉన్నప్పటికీ... మెరుగైన రన్‌రేట్‌తో కోల్‌కతా టాప్‌ ర్యాంక్‌ను అందుకుంది. టాస్‌ గెలిచి లక్నో జట్టు ఫీల్డింగ్‌ ఎంచుకోగా... మొదట బ్యాటింగ్‌కు దిగిన కోల్‌కతా నిరీ్ణత 20 ఓవర్లలో 6 వికెట్లకు 235 పరుగులు సాధించింది. ఓపెనర్‌ సునీల్‌ నరైన్‌ (39 బంతుల్లో 81; 6 ఫోర్లు, 7 సిక్స్‌లు) మెరిపించాడు. ఫిల్‌ సాల్ట్‌ (14 బంతుల్లో 32; 5 ఫోర్లు, 1 సిక్స్‌), రమణ్‌దీప్‌ సింగ్‌ (6 బంతుల్లో 25 నాటౌట్‌; 1 ఫోర్, 3 సిక్స్‌లు) కూడా దూకుడుగా ఆడారు. అనంతరం 236 పరుగుల లక్ష్యాన్ని ఛేదించడానికి బరిలోకి దిగిన లక్నో జట్టు 16.1 ఓవర్లలో 137 పరుగులకే కుప్పకూలింది. స్టొయినిస్‌ (21 బంతుల్లో 36; 4 ఫోర్లు, 2 సిక్స్‌లు) మినహా ఇతర బ్యాటర్లు విఫలమయ్యారు. ఈ సీజన్‌లో అద్భుతమైన ఫామ్‌లో ఫిల్‌ సాల్ట్, సునీల్‌ నరైన్‌ మరోసారి కోల్‌కతా జట్టుకు శుభారంభాన్నిచ్చారు. తొలి బంతి నుంచే వీరిద్దరు లక్నో బౌలర్ల భరతం పట్టారు. మోసిన్‌ ఖాన్‌ వేసిన ఇన్నింగ్స్‌ నాలుగో ఓవర్లో నరైన్‌ చెలరేగిపోయాడు. వరుసగా మూడు ఫోర్లతోపాటు ఒక సిక్స్‌ కూడా బాదడంతో ఈ ఓవర్లో 20 పరుగులు వచ్చాయి. ఐదో ఓవర్లో సాల్ట్‌ అవుట్‌కాగా, పవర్‌ప్లే ముగిసేసరికి కోల్‌కతా 70 పరుగులు సాధించింది. పవర్‌ప్లే తర్వాత కూడా నరైన్‌ తన జోరు కొనసాగించాడు. 27 బంతుల్లో అర్ధ సెంచరీ పూర్తి చేసుకున్నాడు. స్టొయినిస్‌ వేసిన ఇన్నింగ్స్‌ 11వ ఓవర్లో నరైన్‌ మూడు సిక్స్‌లు కొట్టాడు. రవి బిష్ణోయ్‌ వేసిన 12వ ఓవర్లో ఒక సిక్స్‌ కొట్టిన నరైన్‌ ఆ తర్వాత మరో భారీ షాట్‌కు యత్నించి అవుటయ్యాడు. నరైన్‌ వెనుదిరిగాక... శ్రేయస్, రమణ్‌దీప్‌ దూకుడును కొనసాగించడంతో కోల్‌కతా స్కోరు 230 దాటింది.స్కోరు వివరాలు కోల్‌కతా నైట్‌రైడర్స్‌ ఇన్నింగ్స్‌: సాల్ట్‌ (సి) రాహుల్‌ (బి) నవీనుల్‌ 32; నరైన్‌ (సి) సబ్‌–పడిక్కల్‌ (బి) బిష్ణోయ్‌ 81; రఘువంశీ (సి) రాహుల్‌ (బి) యు«ద్‌వీర్‌ 32; రసెల్‌ (సి) సబ్‌–గౌతమ్‌ (బి) నవీనుల్‌ 12; రింకూ సింగ్‌ (సి) స్టొయినిస్‌ (బి) నవీనుల్‌ 16; శ్రేయస్‌ అయ్యర్‌ (సి) రాహుల్‌ (బి) యశ్‌ ఠాకూర్‌ 23; రమణ్‌దీప్‌ సింగ్‌ (నాటౌట్‌) 25; వెంకటేశ్‌ అయ్యర్‌ (నాటౌట్‌) 1; ఎక్స్‌ట్రాలు 13; మొత్తం (20 ఓవర్లలో 6 వికెట్లకు) 235. వికెట్ల పతనం: 1–61, 2–140, 3–167, 4–171, 5–200, 6–224.బౌలింగ్‌: స్టొయినిస్‌ 2–0–29–0, మోసిన్‌ ఖాన్‌ 2–0–28–0, నవీనుల్‌ హక్‌ 4–0–49–3, యశ్‌ ఠాకూర్‌ 4–0–46–1, కృనాల్‌ పాండ్యా 2–0–26–0, రవి బిష్ణోయ్‌ 4–0–33–1, యు«ద్‌వీర్‌ సింగ్‌ 2–0–24–1. లక్నో సూపర్‌ జెయింట్స్‌ ఇన్నింగ్స్‌: కేఎల్‌ రాహుల్‌ (సి) రమణ్‌దీప్‌ (బి) హర్షిత్‌ 25; అర్షిన్‌ (సి) రమణ్‌దీప్‌ (బి) స్టార్క్‌ 9; స్టొయినిస్‌ (సి) హర్షిత్‌ (బి) రసెల్‌ 36; దీపక్‌ హుడా (ఎల్బీడబ్ల్యూ) (బి) వరుణ్‌ 5; పూరన్‌ (సి) సాల్ట్‌ (బి) రసెల్‌ 10; బదోని (సి) స్టార్క్‌ (బి) నరైన్‌ 15; టర్నర్‌ (సి అండ్‌ బి) వరుణ్‌ 16; కృనాల్‌ పాండ్యా (సి) సాల్ట్‌ (బి) హర్షిత్‌ 5; యు«ద్‌వీర్‌ (సి) రసెల్‌ (బి) వరుణ్‌ 7; బిష్ణోయ్‌ (ఎల్బీడబ్ల్యూ) (బి) హర్షిత్‌ 2; నవీనుల్‌ (నాటౌట్‌) 0; ఎక్స్‌ట్రాలు 7; మొత్తం (16.1 ఓవర్లలో ఆలౌట్‌) 137. వికెట్ల పతనం: 1–20, 2–70, 3–77, 4–85, 5–101, 6–109, 7–125, 8–129, 9–137, 10–137.బౌలింగ్‌: వైభవ్‌ 2–0–21–0, స్టార్క్‌ 2–0–22–1, నరైన్‌ 4–0–22–1, హర్షిత్‌ రాణా 3.1–0–24–3, వరుణ్‌ చక్రవర్తి 3–0–30–3, రసెల్‌ 2–0–17–2.

ఐపీఎల్‌-2024లో కోల్‌క‌తా నైట్‌రైడ‌ర్స్ జైత్ర యాత్ర కొన‌సాగుతోంది. ఈ మెగా ఈవెంట్‌లో భాగంగా ఏక్నా స్టేడియం వేదిక‌గా ల‌క్నో సూప‌ర్ జెయింట్స్‌తో జ‌రిగిన మ్యాచ్‌లో 98 ప‌రుగుల తేడాతో కేకేఆర్ ఘ‌న విజ‌యం సాధించింది. ఈ విజ‌యంతో కేకేఆర్ త‌మ ప్లేఆఫ్ బెర్త్‌ను దాదాపు ఖారారు చేసుకున్న‌ట్లే. కేకేఆర్ పాయింట్ల ప‌ట్టిక‌లో అగ్ర‌స్ధానానికి చేరుకుంది. ఇక ఈ మ్యాచ్‌లో 236 ప‌రుగుల భారీ ల‌క్ష్యంతో బ‌రిలోకి దిగిన ల‌క్నో 16.1 ఓవర్లలో 137 ప‌రుగుల‌కే ఆలౌటైంది. కేకేఆర్ బౌల‌ర్ల‌లో హ‌ర్షిత్ రాణా, వ‌రుణ్ చ‌క్ర‌వ‌ర్తి త‌లా మూడు వికెట్ల ప‌డ‌గొట్ట‌గా.. ర‌స్సెల్ రెండు, స్టార్క్‌, న‌రైన్ చెరో వికెట్ సాధించారు. ల‌క్నో బ్యాట‌ర్ల‌లో మార్క‌స్ స్టోయినిష్‌(36) ప‌రుగుల‌తో టాప్ స్కోర‌ర్‌గా నిలిచాడు. మిగితా బ్యాట‌ర్లు ఎవ‌రూ చెప్పుకోద‌గ్గ ప్ర‌దర్శ‌న చేయ‌లేక‌పోయారు.ఇక తొలుత బ్యాటింగ్ చేసిన కేకేఆర్ నిర్ణీత 20 ఓవర్లలో 6 వికెట్ల నష్టానికి 235 పరుగుల భారీ స్కోర్ సాధించింది. కేకేఆర్ బ్యాటర్లలో ఓపెనర్ సునీల్ నరైన్ మరోసారి ఆకాశమే హద్దుగా చెలరేగాడు. నరైన్ 39 బంతుల్లో 6 ఫోర్లు, 7 సిక్స్‌లతో 81 పరుగులు చేశాడు. అతడితో పాటు ఫిల్ సాల్ట్‌(32), రఘువంశీ(32), రమణ్ దీప్ సింగ్‌(6 బంతుల్లో 25) రాణించారు. లక్నో బౌలర్లలో నవీన్ ఉల్- హాక్ మూడు వికెట్లు పడగొట్టగా.. బిష్ణోయ్‌, యుద్దవీర్‌, యష్ ఠాకూర్ తలా వికెట్ సాధించారు.

ఐపీఎల్‌-2024లో భాగంగా ఏక్నా స్టేడియం వేదిక‌గా ల‌క్నో సూప‌ర్ జెయింట్స్‌తో జ‌రుగుతున్న మ్యాచ్‌లో కోల్‌క‌తా నైట్‌రైడ‌ర్స్ బ్యాట‌ర్లు విధ్వంసం సృష్టించారు.టాస్ ఓడి తొలుత బ్యాటింగ్‌కు దిగిన కేకేఆర్ నిర్ణీత 20 ఓవర్లలో 6 వికెట్ల నష్టానికి 235 పరుగుల భారీ స్కోర్ సాధించింది. కేకేఆర్ బ్యాటర్లలో ఓపెనర్ సునీల్ నరైన్ మరోసారి ఆకాశమే హద్దుగా చెలరేగాడు.నరైన్ 39 బంతుల్లో 6 ఫోర్లు, 7 సిక్స్‌లతో 81 పరుగులు చేశాడు. అతడితో పాటు ఫిల్ సాల్ట్‌(32), రఘువంశీ(32), రమణ్ దీప్ సింగ్‌(6 బంతుల్లో 25) రాణించారు. లక్నో బౌలర్లలో నవీన్ ఉల్- హాక్ మూడు వికెట్లు పడగొట్టగా.. బిష్ణోయ్‌, యుద్దవీర్‌, యష్ ఠాకూర్ తలా వికెట్ సాధించారు.

ఐపీఎల్‌-2024లో మ‌రో కీల‌క స‌మ‌రానికి రంగం సిద్ద‌మైంది. ఈ మెగా ఈవెంట్‌లో భాగంగా ఏక్నా స్టేడియం వేదిక‌గా కోల్‌క‌తా నైట్‌రైడ‌ర్స్‌, ల‌క్నో సూప‌ర్ జెయింట్స్ జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన ల‌క్నో తొలుత బౌలింగ్ ఎంచుకుంది. ఈ మ్యాచ్‌కు ల‌క్నో యువ పేస‌ర్ మ‌యాంక్ యాద‌వ్ దూర‌మ‌య్యాడు. అత‌డి స్ధానంలో య‌ష్ ఠాకూర్ వ‌చ్చాడు. మ‌రోవైపు కేకేఆర్ మాత్రం ఎటువంటి మార్పులు లేకుండా బ‌రిలోకి దిగింది .తుది జ‌ట్లుకోల్‌కతా నైట్ రైడర్స్: ఫిలిప్ సాల్ట్ (వికెట్ కీప‌ర్‌), సునీల్ నరైన్, అంగ్క్రిష్ రఘువంశీ, శ్రేయాస్ అయ్యర్ (కెప్టెన్‌), వెంకటేష్ అయ్యర్, రింకూ సింగ్, ఆండ్రీ రస్సెల్, రమణదీప్ సింగ్, మిచెల్ స్టార్క్, వరుణ్ చక్రవర్తి, హర్షిత్ రాణాలక్నో సూపర్ జెయింట్స్: కేఎల్ రాహుల్ (కెప్టెన్‌), మార్కస్ స్టోయినిస్, దీపక్ హుడా, నికోలస్ పూరన్, అష్టన్ టర్నర్, ఆయుష్ బడోని, కృనాల్ పాండ్యా, రవి బిష్ణోయ్, నవీన్-ఉల్-హక్, మొహ్సిన్ ఖాన్, యశ్ ఠాకూర్

ప్రస్తుత ఐపీఎల్‌ సీజన్‌లో వరుస ఓటములు ఎదుర్కొంటున్న ముంబై ఇండియన్స్‌కు మరో భారీ షాక్‌ తగిలింది. నిన్న (ఏప్రిల్‌ 30) లక్నోతో మ్యాచ్‌లో స్లో ఓవర్‌ రేట్‌ మెయింటైన్‌ చేసినందుకు గాను కెప్టెన్‌ హార్దిక్‌ పాండ్యా మ్యాచ్‌ ఫీజ్‌లో 24 లక్షల కోత పడింది. ఇంపాక్ట్‌ ప్లేయర్‌ సహా జట్టు సభ్యులందరికి 6 లక్షల జరిమానా విధించారు. హార్దిక్‌ ఈ సీజన్‌లో రెండో సారి స్లో ఓవర్‌ రేట్‌కు కారుకుడు కావడంతో అతనికి భారీ జరిమానా పడింది.కాగా, లక్నో సూపర్‌ జెయింట్స్‌తో నిన్న జరిగిన లో స్కోరింగ్‌ మ్యాచ్‌లో ముంబై ఇండియన్స్‌ 4 వికెట్ల తేడాతో పరాజయంపాలైంది. తొలుత బ్యాటింగ్‌ చేసిన ముంబై.. లక్నో బౌలర్లు రెచ్చిపోవడంతో నిర్ణీత ఓవర్లలో 7 వికెట్ల నష్టానికి 144 పరుగులు మాత్రమే చేసింది.ఇషాన్‌ కిషన్‌ (32), నేహల్‌ వధేరా (46), టిమ్‌ డేవిడ్‌ (35 నాటౌట్‌) ఓ మోస్తరు స్కోర్లు చేశారు. రోహిత్‌ శర్మ (4), సూర్యకుమార్‌ (10), తిలక్‌ వర్మ (7), హార్దిక్‌ పాండ్యా (0), మొహమ్మద్‌ నబీ (1) విఫలమయ్యారు. లక్నో బౌలర్లలో మొహిసిన్‌ ఖాన్‌ 2 వికెట్లు పడగొట్టగా.. స్టోయినిస్‌, నవీన్‌ ఉల్‌ హక్‌, మయాంక్‌ యాదవ్‌, రవి బిష్ణోయ్‌ తలో వికెట్‌ పడగొట్టారు.145 పరుగుల స్వల్ప లక్ష్యాన్ని ఛేదించేందుకు బరిలోకి దిగిన లక్నో.. ఆపసోపాలు పడి 19.2 ఓవర్లలో 6 వికెట్లు కోల్పోయి విజయతీరాలకు చేరింది. స్టోయినిస్‌ (62) బాధ్యతాయుతమైన ఇన్నింగ్స్‌ ఆడి లక్నోను గెలిపించాడు. రాహుల్‌ (28), దీపక్‌ హూడా (18), పూరన్‌ (14 నాటౌట్‌) రెండంకెల స్కోర్లు చేశారు. ముంబై బౌలర్లలో హార్దిక్‌ పాండ్యా 2 వికెట్లు పడగొట్టగా.. నువాన్‌ తుషార, గెరాల్డ్‌ కొయెట్జీ, నబీ తలో వికెట్‌ పడగొట్టారు. ఈ మ్యాచ్‌లో ఓటమితో ముంబై ప్లే ఆఫ్స్‌ అవకాశాలు గల్లంతు కాగా.. లక్నో ఈ సీజన్‌ ఆరో విజయం సాధించి, పాయింట్ల పట్టికలో మూడో స్థానానికి ఎగబాకింది.

లక్నో: బౌలర్లు శాసించిన ఐపీఎల్‌ మ్యాచ్‌లో లక్నో సూపర్‌ జెయింట్స్‌ పైచేయి సాధించింది. 4 వికెట్ల తేడాతో ముంబై ఇండియన్స్‌ను ఓడించింది. తొలుత ముంబై ఇండియన్స్‌ నిర్ణీత 20 ఓవర్లలో 7 వికెట్ల నష్టానికి 144 పరుగులు చేసింది. నేహల్‌ వధెరా (41 బంతుల్లో 46; 4 ఫోర్లు, 2 సిక్స్‌లు), టిమ్‌ డేవిడ్‌ (18 బంతుల్లో 35 నాటౌట్‌; 3 ఫోర్లు, 1 సిక్స్‌) రాణించారు. మోసిన్‌ ఖాన్‌ 2 వికెట్లు తీశాడు. తర్వాత లక్నో 19.2 ఓవర్లలో 6 వికెట్లకు 145 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ స్టొయినిస్‌ (45 బంతుల్లో 62; 7 ఫోర్లు, 2 సిక్స్‌) నెమ్మదించిన పిచ్‌పై కీలకపాత్ర పోషించాడు. హార్దిక్‌ పాండ్యా 2 వికెట్లు తీశాడు. ముంబై 28/4 మెరుపులు మెరిపించాల్సిన పవర్‌ ప్లేలో ముంబై కష్టాలపాలైంది. రోహిత్‌ (4), సూర్యకుమార్‌ (10), తిలక్‌ వర్మ (7), హార్దిక్‌ పాండ్యా (0) ఇలా హిట్టర్లంతా వరుస కట్టడంతో 6 ఓవర్లలో ముంబై 28/4 స్కోరు చేసింది. 9వ ఓవర్లో 8 పరుగుల వ్యక్తిగత స్కోరు వద్ద ఇషాన్‌ కిషన్‌కు లైఫ్‌ వచ్చింది... లేదంటే పరిస్థితి ఇంకాస్త క్లిష్టంగా ఉండేది.పదో ఓవర్లో ముంబై కష్టంగా 50 పరుగులు దాటింది. కిషన్‌ (36 బంతుల్లో 32; 3 ఫోర్లు), నేహల్‌ వధెరా ఐదో వికెట్‌కు 53 పరుగులు జోడించారు. వీళ్లిద్దరు అవుటయ్యాక ఆఖర్లో టిమ్‌ డేవిడ్‌ ధాటిగా ఆడటంతో ముంబై ఆ మాత్రం స్కోరు చేయగలిగింది. మొదటి ఓవర్లోనే అర్శిన్‌ కులకర్ణి (0) డకౌటైనా... కెప్టెన్‌ రాహుల్‌ (22 బంతుల్లో 28; 3 ఫోర్లు, 1 సిక్స్‌), స్టొయినిస్‌ క్రీజులో పాతుకుపోవడంతో పవర్‌ ప్లేలో లక్నో 52/1 స్కోరు చేసింది. కాసేపటికే రాహుల్‌ నిష్క్రమించినప్పటికీ స్టొయినిస్‌ తర్వాత వచ్చిన బ్యాటర్స్‌తో జట్టును లక్ష్యం వైపు నడిపించాడు. 39 బంతుల్లో అర్ధసెంచరీ పూర్తి చేసుకున్నాడు. స్వల్ప వ్యవధిలో స్టొయినిస్, టర్నర్‌ (5) అవుటైనప్పటికీ పూరన్‌ (14 బంతుల్లో 14 నాటౌట్‌; 1 సిక్స్‌) బాధ్యతగా ఆడి మిగతా లక్ష్యాన్ని పూర్తి చేశాడు. స్కోరు వివరాలు ముంబై ఇండియన్స్‌ ఇన్నింగ్స్‌: ఇషాన్‌ (సి) మయాంక్‌ (బి) బిష్ణోయ్‌ 32; రోహిత్‌ (సి) స్టొయినిస్‌ (బి) మోసిన్‌ 4; సూర్యకుమార్‌ (సి) రాహుల్‌ (బి) స్టొయినిస్‌ 10; తిలక్‌ వర్మ (రనౌట్‌) 7; హార్దిక్‌ (సి) రాహుల్‌ (బి) నవీనుల్‌ 0; నేహల్‌ (బి) మోసిన్‌ 46; టిమ్‌ డేవిడ్‌ (నాటౌట్‌) 35; నబీ (బి) మయాంక్‌ 1; కొయెట్జీ (నాటౌట్‌) 1; ఎక్స్‌ట్రాలు 8; మొత్తం (20 ఓవర్లలో 7 వికెట్లకు) 144. వికెట్ల పతనం: 1–7, 2–18, 3–27, 4–27, 5–80, 6–112, 7–123. బౌలింగ్‌: స్టొయినిస్‌ 3–0–19–1, మోసిన్‌ 4–0–36–2, నవీనుల్‌ 3.5–0–15–1, మయాంక్‌ 3.1–0–31–1, రవి బిష్ణోయ్‌ 4–0–28–1, దీపక్‌ హుడా 2–0–13–0. లక్నో సూపర్‌ జెయింట్స్‌ ఇన్నింగ్స్‌: రాహుల్‌ (సి) నబీ (బి) హార్దిక్‌ 28; అర్శిన్‌ (ఎల్బీడబ్ల్యూ) (బి) తుషార 0; స్టొయినిస్‌ (సి) తిలక్‌ (బి) నబీ 62; హుడా (సి) బుమ్రా (బి) హార్దిక్‌ 18; పూరన్‌ (నాటౌట్‌) 14; టర్నర్‌ (బి) కొయెట్జీ 5; బదోని (రనౌట్‌) 6; కృనాల్‌ (నాటౌట్‌) 1; ఎక్స్‌ట్రాలు 11; మొత్తం (19.2 ఓవర్లలో 6 వికెట్లకు) 145. వికెట్ల పతనం: 1–1, 2–59, 3–99, 4–115, 5–123, 6–133. బౌలింగ్‌: తుషార 4–0–30–1, బుమ్రా 4–0–17–0, కొయెట్జీ 3–0–29–1, పియూశ్‌ చావ్లా 3–0–23–0, హార్దిక్‌ పాండ్యా 4–0–26–2, నబీ 1.2–0–16–1. ఐపీఎల్‌లో నేడుచెన్నై X పంజాబ్‌ వేదిక: చెన్నైరాత్రి 7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం

ఐపీఎల్‌ 2024 సీజన్‌లో భాగంగా ముంబై ఇండియన్స్‌తో మంగళవారం (ఏప్రిల్‌ 30) జరిగిన మ్యాచ్‌లో లక్నో సూపర్‌ జెయింట్స్‌ బౌలర్లు అదరగొట్టారు.డూ ఆర్‌ డై లా జరిగిన మ్యాచ్‌లో ముంబై కేవలం నామమాత్రపు స్కోరుకే పరిమితమైంది. లక్నో సూపర్‌ జెయింట్స్‌ బౌలర్లు ముంబైకి చుక్కలు చూపించారు. వరుసగా వికెట్లు పడగొట్టడంతో పాటు పరుగులు కూడా రాకుండా కట్టడి చేశారు. ఫలితంగా ముంబై జట్టుపై నాలుగు వికెట్ల తేడాతో లక్నో సూపర్‌ జెయింట్స్‌ విజయం సాధించింది. దాంతో పాయింట్ల జాబితాలో లక్నో మూడో స్ధానానికి చేరింది. ఇక ప్లే ఆఫ్‌ అవకాశాలు ముంబై జట్టు దాదాపు కోల్పోయింది.స్కోర్లు: ముంబై 144/7, 145/6(19.2 ఓవర్లు)ముంబై ఇండియన్స్: ఇషాన్ కిషన్(వికెట్‌కీపర్‌), రోహిత్ శర్మ, సూర్యకుమార్ యాదవ్, తిలక్ వర్మ, హార్దిక్ పాండ్యా(కెప్టెన్‌), నేహాల్ వధేరా, టిమ్ డేవిడ్, మహ్మద్ నబీ, గెరాల్డ్ కోయెట్జీ, పీయూష్ చావ్లా, జస్ప్రీత్ బుమ్రాఇంపాక్ట్‌ ప్లేయర్స్‌: నువాన్ తుషార, కుమార్ కార్తికేయ, డెవాల్డ్ బ్రెవిస్, నమన్ ధీర్, షమ్స్ ములానీలక్నో సూపర్ జెయింట్స్: కేఎల్‌ రాహుల్ (కెప్టెన్‌/వికెట్‌కీపర్‌), మార్కస్ స్టోయినిస్, దీపక్ హుడా, నికోలస్ పూరన్, అష్టన్ టర్నర్, ఆయుష్ బడోని, కృనాల్ పాండ్యా, రవి బిష్ణోయ్, నవీన్-ఉల్-హక్, మొహ్సిన్ ఖాన్, మయాంక్ యాదవ్ఇంపాక్ట్‌ ప్లేయర్స్‌: అర్షిన్ కులకర్ణి, మణిమారన్ సిద్ధార్థ్, కృష్ణప్ప గౌతం, యుధ్వీర్ సింగ్, ప్రేరక్ మన్కడ్

ఐపీఎల్‌ 2024 సీజన్‌లో భాగంగా ముంబై ఇండియన్స్‌తో ఇవాళ (ఏప్రిల్‌ 30) జరుగుతున్న మ్యాచ్‌లో లక్నో సూపర్‌ జెయింట్స్‌ బౌలర్లు అదరగొట్టారు. పొదుపుగా బౌలింగ్‌ చేయడంతో పాటు క్రమం తప్పకుండా వికెట్లు తీసి ముంబై ఇండియన్స్‌ను స్వల్ప స్కోర్‌కే కట్టడి చేశారు. లక్నో కెప్టెన్‌ కేఎల్‌ రాహుల్‌ ఆహ్వానం మేరకు తొలుత బ్యాటింగ్‌ చేసిన ముంబై నిర్ణీత ఓవర్లలో 7 వికెట్ల నష్టానికి 144 పరుగులు చేసింది. ఇషాన్‌ కిషన్‌ (32), నేహల్‌ వధేరా (46), టిమ్‌ డేవిడ్‌ (35 నాటౌట్‌) ఓ మోస్తరు స్కోర్లు చేశారు. రోహిత్‌ శర్మ (4), సూర్యకుమార్‌ (10), తిలక్‌ వర్మ (7), హార్దిక్‌ పాండ్యా (0), మొహమ్మద్‌ నబీ (1) విఫలమయ్యారు. లక్నో బౌలర్లలో మొహిసిన్‌ ఖాన్‌ 2 వికెట్లు పడగొట్టగా.. స్టోయినిస్‌, నవీన్‌ ఉల్‌ హక్‌, మయాంక్‌ యాదవ్‌, రవి బిష్ణోయ్‌ తలో వికెట్‌ పడగొట్టారు.తుది జట్లు..ముంబై ఇండియన్స్: ఇషాన్ కిషన్(వికెట్‌కీపర్‌), రోహిత్ శర్మ, సూర్యకుమార్ యాదవ్, తిలక్ వర్మ, హార్దిక్ పాండ్యా(కెప్టెన్‌), నేహాల్ వధేరా, టిమ్ డేవిడ్, మహ్మద్ నబీ, గెరాల్డ్ కోయెట్జీ, పీయూష్ చావ్లా, జస్ప్రీత్ బుమ్రాఇంపాక్ట్‌ ప్లేయర్స్‌: నువాన్ తుషార, కుమార్ కార్తికేయ, డెవాల్డ్ బ్రెవిస్, నమన్ ధీర్, షమ్స్ ములానీలక్నో సూపర్ జెయింట్స్: కేఎల్‌ రాహుల్ (కెప్టెన్‌/వికెట్‌కీపర్‌), మార్కస్ స్టోయినిస్, దీపక్ హుడా, నికోలస్ పూరన్, అష్టన్ టర్నర్, ఆయుష్ బడోని, కృనాల్ పాండ్యా, రవి బిష్ణోయ్, నవీన్-ఉల్-హక్, మొహ్సిన్ ఖాన్, మయాంక్ యాదవ్ఇంపాక్ట్‌ ప్లేయర్స్‌: అర్షిన్ కులకర్ణి, మణిమారన్ సిద్ధార్థ్, కృష్ణప్ప గౌతం, యుధ్వీర్ సింగ్, ప్రేరక్ మన్కడ్

ఐపీఎల్‌ 2024 సీజన్‌లో భాగంగా ఇవాళ (ఏప్రిల్‌ 30) లక్నో సూపర్‌ జెయింట్స్‌, ముంబై ఇండియన్స్‌ జట్లు తలపడుతున్నాయి. లక్నో హోం గ్రౌండ్‌ అయిన భారతరత్న శ్రీ అటల్‌ బిహారీ వాజ్‌పేయి ఎఖానా క్రికెట్‌ స్టేడియంలో ఈ మ్యాచ్‌ జరుగనుంది. ఈ మ్యాచ్‌లో లక్నో కెప్టెన్‌ కేఎల్‌ రాహుల్‌ టాస్‌ గెలిచి తొలుత ఫీల్డింగ్‌ ఎంచుకున్నాడు. గాయం కారణంగా గత కొన్ని మ్యాచ్‌లకు దూరంగా ఉన్న ఫాస్ట్‌ బౌలింగ్‌ సంచలనం మయాంక్‌ యాదవ్‌ ఈ మ్యాచ్‌తో రీఎంట్రీ ఇస్తున్నాడు. లక్నో జట్టులో మరిన్ని మార్పులు జరిగాయి. క్వింటన్‌ డికాక్‌ ఈ మ్యాచ్‌కు దూరం కాగా.. అర్షిన్‌ కులకర్ణి జట్టులోకి వచ్చాడు. ముంబై విషయానికొస్తే.. లూక్‌ వుడ్‌ స్థానంలో గెరాల్డ్‌ కొయెట్జీ తిరిగి జట్టులోకి వచ్చాడు. లక్నో ఈ మ్యాచ్‌తో పాటు మిగతా మ్యాచ్‌లన్నీ గెలిస్తే ప్లే ఆఫ్స్‌ రేసులో ఉంటుంది. ముంబై ప్లే ఆఫ్స్‌పై ఆశలు దాదాపుగా వదులుకుంది. ప్రస్తుతం లక్నో పాయింట్ల పట్టికలో ఐదో స్థానంలో ఉండగా.. ముంబై చివరి నుంచి రెండో స్థానంలో ఉంది.తుది జట్లు..ముంబై ఇండియన్స్: ఇషాన్ కిషన్(వికెట్‌కీపర్‌), రోహిత్ శర్మ, సూర్యకుమార్ యాదవ్, తిలక్ వర్మ, హార్దిక్ పాండ్యా(కెప్టెన్‌), నేహాల్ వధేరా, టిమ్ డేవిడ్, మహ్మద్ నబీ, గెరాల్డ్ కోయెట్జీ, పీయూష్ చావ్లా, జస్ప్రీత్ బుమ్రాఇంపాక్ట్‌ ప్లేయర్స్‌: నువాన్ తుషార, కుమార్ కార్తికేయ, డెవాల్డ్ బ్రెవిస్, నమన్ ధీర్, షమ్స్ ములానీలక్నో సూపర్ జెయింట్స్: కేఎల్‌ రాహుల్ (కెప్టెన్‌/వికెట్‌కీపర్‌), మార్కస్ స్టోయినిస్, దీపక్ హుడా, నికోలస్ పూరన్, అష్టన్ టర్నర్, ఆయుష్ బడోని, కృనాల్ పాండ్యా, రవి బిష్ణోయ్, నవీన్-ఉల్-హక్, మొహ్సిన్ ఖాన్, మయాంక్ యాదవ్ఇంపాక్ట్‌ ప్లేయర్స్‌: అర్షిన్ కులకర్ణి, మణిమారన్ సిద్ధార్థ్, కృష్ణప్ప గౌతం, యుధ్వీర్ సింగ్, ప్రేరక్ మన్కడ్

ఐపీఎల్‌-2024లో భాగంగా లక్నో సూపర్‌ జెయింట్స్‌ ఏప్రిల్‌ 30న ఏక్నా స్టేడియం వేదికగా ముంబై ఇండియన్స్‌తో తలపడనుంది. ఈ మ్యాచ్‌కు ముందు లక్నో సూపర్ జెయింట్స్‌కు గుడ్‌ న్యూస్‌ అందింది.గాయం కారణంగా గత నాలుగు మ్యాచ్‌లకు దూరమైన ఆ జట్టు పేస్‌ సంచలనం మయాంక్‌ యాదవ్‌.. ఇప్పుడు పూర్తి ఫిట్‌నెస్‌ సాధించాడు. సోమవారం నిర్వహించిన ఫిట్‌నెస్‌ పరీక్షను మయాంక్‌ క్లియర్‌ చేశాడు. ఈ విషయాన్ని లక్నో సూపర్ జెయింట్స్ బౌలింగ్ కోచ్ మోర్నీ మోర్కెల్ ధ్రువీకరించాడు.దీంతో అతడు ముంబై ఇండియన్స్‌తో మ్యాచ్‌కు జట్టు సెలక్షన్‌కు యాదవ్‌ అందుబాటులో ఉండనున్నాడు. "మయాంక్ యాదవ్‌ ఫుల్‌ ఫిట్‌గా ఉన్నాడు. అతడు అన్ని రకాల ఫిట్‌నెస్ టెస్ట్‌లను క్లియర్ చేశాడు. మాకు ఇది నిజంగా గుడ్‌ న్యూస్‌. మంగళవారం జరిగే మ్యాచ్‌కు అతడు అందుబాటులో ఉండనున్నాడు.ఇంపాక్ట్‌ ప్లేయర్‌గా అతడిని ఉపయోగించే ఛాన్స్‌ ఉందని" ప్రీమ్యాచ్‌ కాన్ఫరెన్స్‌లో మోర్కెల్ పేర్కొన్నాడు. కాగా ఈ ఏడాది సీజన్‌లో మయాంక్‌ సంచలన ప్రదర్శన కనబరిచాడు. 155 కిలోమీటర్ల పైగా వేగంతో బౌలింగ్‌ చేసి ప్రత్యర్ధి బ్యాటర్లను వణికించాడు. వరుసగా రెండు మ్యాచ్‌ల్లోనూ తన ప్రదర్శనతో ప్లేయర్‌ ఆఫ్‌ది మ్యాచ్‌గా నిలిచాడు. మయాంక్‌ ఫిట్‌నెస్‌ సాధించడం టీమిండియాకు కూడా కలిసిసొచ్చే ఆంశంగా చెప్పుకోవాలి. మయాంక్‌ను టీ20 వరల్డ్‌కప్‌-2024కు ఎంపిక చేసే అవకాశముంది.

ఐపీఎల్‌-2024లో వరుస విజయాలతో అదరగొడుతున్న రాజస్తాన్‌ రాయల్స్‌ ప్లే ఆఫ్స్‌ రేసులో మరింత ముందుకు దూసుకెళ్లింది. లక్నో సూపర్‌ జెయింట్స్‌తో మ్యాచ్‌లో ఏడు వికెట్ల తేడాతో ఘన విజయం సాధించి.. అందరి కంటే ముందుగానే టాప్‌-4లో బెర్తు ఖరారు చేసుకునే పనిలో పడింది.ఈ నేపథ్యంలో రాయల్స్‌ కెప్టెన్‌ సంజూ శాంసన్‌ హర్షం వ్యక్తం చేశాడు. జట్టు ప్రదర్శన పట్ల తాను సంతృప్తిగా ఉన్నట్లు వెల్లడించాడు. అదే విధంగా రాయల్స్‌ను గెలుపుతీరాలకు చేర్చడంలో తనకు అండగా నిలిచిన ధ్రువ్‌ జురెల్‌పై ప్రశంసలు కురిపించాడు.ఫామ్‌లేమితోగతేడాది ఐపీఎల్‌లో అదరగొట్టి టీమిండియా తరఫున టెస్టుల్లో ఎంట్రీ ఇచ్చిన వికెట్‌ కీపర్‌ బ్యాటర్‌ ధ్రువ్‌ జురెల్‌కు.. ఐపీఎల్‌-2024 ఆరంభంలో చేదు అనుభవాలు ఎదురయ్యాయి. ఫామ్‌లేమితో సతమతమైన అతడు లక్నో సూపర్‌ జెయింట్స్‌తో మ్యాచ్‌ కంటే ముందు ఆడిన ఐదు ఇన్నింగ్స్‌లో కలిపి కేవలం 50 పరుగులే చేశాడు.అయితే, శనివారం నాటి మ్యాచ్‌లో ఈ కుడిచేతి వాటం బ్యాటర్‌ ధనాధన్‌ ఇన్నింగ్స్‌తో అలరించాడు. వన్‌డౌన్‌ బ్యాటర్‌, కెప్టెన్‌ సంజూ శాంసన్‌ సుడిగాలి ఇన్నింగ్స్‌(33 బంతుల్లో 71 నాటౌట్‌)తో విరుచుకుపడగా మరో ఎండ్‌ నుంచి అతడికి సహకారం అందించాడు.మొత్తంగా 34 బంతులు ఎదుర్కొని ఐదు ఫోర్లు, రెండు సిక్సర్ల సాయంతో 52 పరుగులు రాబట్టాడు. తద్వారా సంజూ శాంసన్‌తో కలిసి నాలుగో వికెట్‌కు 121 పరుగులు జోడించి ఇంకా ఆరు బంతులు మిగిలి ఉండగానే జట్టును విజయతీరాలకు చేర్చాడు.ఈ నేపథ్యంలో సంజూ శాంసన్‌ మాట్లాడుతూ.. ‘‘ఫామ్‌ టెంపరరీ. నిజానికి టీ20 క్రికెట్‌లో ఐదో స్థానంలో బ్యాటింగ్‌ చేయడం చాలా కష్టం. అయితే, ధ్రువ్‌ జురెల్‌ వంటి యువ ఆటగాళ్లు పిచ్‌ పరిస్థితులను చక్కగా అర్థం చేసుకుని రాణిస్తుండటం సానుకూలాంశం.టీమిండియా తరఫున టెస్టుల్లో తన ప్రదర్శన మనం చూశాం. ఆరంభంలో తడబడ్డా అతడిపై మా నమ్మకం సడలలేదు. నెట్స్‌లో రెండు నుంచి మూడు గంటల పాటు తీవ్రంగా శ్రమించాడు. అతడు తప్పక రాణిస్తాడని మాకు తెలుసు. అదే జరిగింది కూడా’’ అని ధ్రువ్‌ జురెల్‌ ఆట తీరును కొనియాడాడు.రాజస్తాన్‌ వర్సెస్‌ లక్నో స్కోర్లు:వేదిక: లక్నోటాస్‌: రాజస్తాన్‌.. బౌలింగ్‌లక్నో స్కోరు: 196/5 (20)రాజస్తాన్‌ స్కోరు: 199/3 (19)ఫలితం: లక్నోపై ఏడు వికెట్ల తేడాతో రాజస్తాన్‌ విజయంప్లేయర్‌ ఆఫ్‌ ది మ్యాచ్‌: సంజూ శాంసన్‌.చదవండి: డీకే అవసరమా?: యువీ Winning streak continues 🩷A Sanju Samson special & Dhruv Jurel's attractive innings propel Rajasthan Royals to their 8th win this season🙌Scorecard ▶️ https://t.co/Dkm7eJqwRj#TATAIPL | #LSGvRR | @rajasthanroyals pic.twitter.com/cam0GepXVo— IndianPremierLeague (@IPL) April 27, 2024

లక్నో: ఈ సీజన్‌లో తిరుగులేని విజయాలతో దూసుకెళ్తున్న రాజస్తాన్‌ రాయల్స్‌ అందరికంటే ముందుగా ప్లేఆఫ్స్‌ చేరేందుకు మరింత చేరువైంది. శనివారం జరిగిన ఐపీఎల్‌ మ్యాచ్‌లో రాజస్తాన్‌ 7 వికెట్ల తేడాతో లక్నోపై గెలిచింది. తొలుత లక్నో సూపర్‌జెయింట్స్‌ 20 ఓవర్లలో 5 వికెట్ల నష్టానికి 196 పరుగులు చేసింది.ఆరంభంలోనే ఓపెనర్‌ డికాక్‌ (8), హిట్టర్‌ స్టొయినిస్‌ (0) వికెట్లను కోల్పోయి కష్టాల్లో ఉన్న సూపర్‌జెయింట్స్‌ను కేఎల్‌ రాహుల్‌ (48 బంతుల్లో 76; 8 ఫోర్లు, 2 సిక్స్‌లు), దీపక్‌ హుడా (31 బంతుల్లో 51; 7 ఫోర్లు) ఆదుకున్నారు. వీరిద్దరు మూడో వికెట్‌కు 115 పరుగులు జోడించారు.మిగతావారిలో పూరన్‌ (11), బదోని (18 నాటౌట్‌), కృనాల్‌ పాండ్యా (15 నాటౌట్‌) పెద్ద స్కోర్లేమీ చేయలేదు. అనంతరం లక్ష్యఛేదనకు దిగిన రాజస్తాన్‌ రాయల్స్‌ 19 ఓవర్లలో 3 వికెట్లు కోల్పోయి 199 పరుగులు చేసింది.కెప్టెన్ సంజు సామ్సన్‌ (33 బంతుల్లో 71 నాటౌట్‌; 7 ఫోర్లు, 4 సిక్స్‌లు), ధ్రువ్‌ జురేల్‌ (34 బంతుల్లో 52 నాటౌట్‌; 5 ఫోర్లు, 2 సిక్స్‌లు) అబేధ్యమైన నాలుగో వికెట్‌కు 121 పరుగులు జోడించి మరో ఆరు బంతులు మిగిలి ఉండగానే గెలిపించారు. స్కోరు వివరాలు లక్నో సూపర్‌జెయింట్స్‌ ఇన్నింగ్స్‌: డికాక్‌ (బి) బౌల్ట్‌ 8; రాహుల్‌ (సి) బౌల్ట్‌ (బి) అవేశ్‌ ఖాన్‌ 76; స్టొయినిస్‌ (బి) సందీప్‌ 0; దీపక్‌ హుడా (సి) పావెల్‌ (బి) అశి్వన్‌ 50; పూరన్‌ (సి) బౌల్ట్‌ (బి) సందీప్‌ 11; బదోని నాటౌట్‌ 18; కృనాల్‌ నాటౌట్‌ 15; ఎక్స్‌ట్రాలు 18; మొత్తం (20 ఓవర్లలో 5 వికెట్లకు) 196. వికెట్ల పతనం: 1–8, 2–11, 3–126, 4–150, 5–173. బౌలింగ్‌: బౌల్ట్‌ 4–0–41–1, సందీప్‌ 4–0–31–2, అవేశ్‌ ఖాన్‌ 4–0–42–1, అశ్విన్‌ 4–0–39–1, చహల్‌ 4–0–41–0. రాజస్తాన్‌ రాయల్స్‌ ఇన్నింగ్స్‌: యశస్వి (సి) బిష్ణోయ్‌ (బి) స్టొయినిస్‌ 24; బట్లర్‌ (బి) యశ్‌ ఠాకూర్‌ 34; సామ్సన్‌ నాటౌట్‌ 71; పరాగ్‌ (సి) బదోని (బి) అమిత్‌ 14; జురేల్‌ నాటౌట్‌ 52; ఎక్స్‌ట్రాలు 4; మొత్తం (19 ఓవర్లలో 3 వికెట్లకు) 199. వికెట్ల పతనం: 1–60, 2–60, 3–78. బౌలింగ్‌: హెన్రీ 3–0–32–0, మొహసిన్‌ 4–0–52–0, యశ్‌ ఠాకూర్‌ 4–0–50–1, స్టొయినిస్‌ 1–0–3–1, కృనాల్‌ 4–0–24–0, అమిత్‌ మిశ్రా 2–0–20–1, రవి బిష్ణోయ్‌ 1–0–16–0.

ఐపీఎల్‌లో ఇవాళ (ఏప్రిల్‌ 27) రెండు రసవత్తర సమరాలు జరుగనున్నాయి. మధ్యాహ్నం 3:30 గంటలకు జరిగే మ్యాచ్‌లో ఢిల్లీ-ముంబై.. రాత్రి 7:30 గంటలకు ప్రారంభమయ్యే మ్యాచ్‌లో లక్నో-రాజస్థాన్‌ జట్లు తలపడనున్నాయి. మధ్యాహ్నం మ్యాచ్‌ విషయానికొస్తే.. ఈ మ్యాచ్‌ ఢిల్లీ హోం గ్రౌండ్‌ అరుణ్‌ జైట్లీ స్టేడియంలో జరుగనుంది. పాయింట్ల పట్టికలో ప్రస్తుతం ఢిల్లీ ఆరో స్థానంలో.. ముంబై తొమ్మిదో స్థానంలో ఉన్నాయి. ప్లే ఆఫ్స్‌ రేసులో నిలవాలంటే ముంబై ఈ మ్యాచ్‌లో తప్పక గెలవాల్సి ఉంది. ముంబై ఈ మ్యాచ్‌లో ఓడితే మాత్రం ప్లే ఆఫ్స్‌ ఆశలు వదులుకోవాల్సి ఉంటుంది. ముంబై ఇప్పటివరకు 8 మ్యాచ్‌లు ఆడి 3 విజయాలతో ఆరు పాయింట్లు ఖాతాలో కలిగి ఉంది.ఢిల్లీ విషయానికొస్తే.. లీగ్‌ ఆరంభంలో వరుస పరాజయాలు ఎదుర్కొన్న ఈ జట్టు ఇటీవల వరుస విజయాలు సాధించి ప్లే ఆఫ్స్‌ అవకాశాలను సజీవంగా ఉంచుకుంది. ఢిల్లీ ఈ మ్యాచ్‌లో గెలిస్తే ప్లే ఆఫ్స్‌ బెర్త్‌ కోసం ప్రధాన పోటీదారుగా మారుతుంది. ఒకవేళ ఓడితే మాత్రం ప్లే ఆఫ్స్‌ అవకాశాలను సంక్లిష్టం చేసుకుంటుంది. ఢిల్లీ ఇప్పటివరకు ఆడిన 9 మ్యాచ్‌ల్లో 4 విజయాలు సాధించి 8 పాయింట్లు కలిగి ఉంది.హెడ్‌ టు హెడ్‌ రికార్డులను పరిశీలిస్తే.. ఇరు జట్లు ఇప్పటివరకు 34 మ్యాచ్‌ల్లో ఎదురెదురుపడగా.. ముంబై 19, ఢిల్లీ 15 మ్యాచ్‌ల్లో విజయాలు సాధించాయి. తుది జట్లు (అంచనా)..ఢిల్లీ: పృథ్వీ షా, జేక్ ఫ్రేజర్-మెక్‌గర్క్, అభిషేక్ పోరెల్, షాయ్ హోప్, రిషబ్ పంత్ (కెప్టెన్‌/విరుట్‌కీపర్‌), ట్రిస్టన్ స్టబ్స్, అక్షర్ పటేల్, కుల్దీప్ యాదవ్, జై రిచర్డ్‌సన్, ఖలీల్ అహ్మద్, ముఖేష్ కుమార్. [ఇంపాక్ట్ సబ్: రసిఖ్ సలామ్]ముంబై: ఇషాన్ కిషన్ (వికెట్‌కీపర్‌), రోహిత్ శర్మ, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్‌), టిమ్ డేవిడ్, నేహాల్ వధేరా, మొహమ్మద్ నబీ, గెరాల్డ్ కోయెట్జీ, పీయూష్ చావ్లా, జస్ప్రీత్ బుమ్రా. [ఇంపాక్ట్ సబ్: నువాన్ తుషార]రాత్రి మ్యాచ్‌ విషయానికొస్తే.. ఈ మ్యాచ్‌ లక్నో హోం గ్రౌండ్‌ అయిన భారతరత్న శ్రీ అటల్‌ బిహారీ వాజ్‌పేయి ఎఖానా క్రికెట్‌ స్టేడియంలో జరుగనుంది. పాయింట్ల పట్టికలో ప్రస్తుతం రాజస్థాన్‌ అగ్రస్థానంలో.. లక్నో నాలుగో స్థానంలో ఉన్నాయి. 8 మ్యాచ్‌ల్లో ఏడింట గెలిచిన రాజస్థాన్‌ ప్లే ఆఫ్స్‌ బెర్త్‌ను అనధికారికంగా దక్కించుకోగా.. 8 మ్యాచ్‌ల్లో ఐదింట గెలిచిన లక్నో ప్లే ఆఫ్స్‌ బెర్తు కోసం పోటీపడుతుంది.ప్లే ఆఫ్స్‌ రేసులో మిగతా జట్ల కంటే ముందుండాలంటే లక్నో ఈ మ్యాచ్‌ తప్పనిసరిగా గెలవాల్సి ఉంటుంది. మరోవైపు రాజస్థాన్‌ను ఈ మ్యాచ్‌ ఫలితం పెద్దగా ప్రభావితం చేయకపోవచ్చు. గెలిస్తే మాత్రం రాజస్థాన్‌ ప్లే ఆఫ్స్‌కు అధికారికంగా అర్హత సాధిస్తుంది.హెడ్‌ టు హెడ్‌ రికార్డులను పరిశీలిస్తే.. ఇరు జట్లు ఇప్పటివరకు 4 మ్యాచ్‌ల్లో ఎదురెదురుపడగా.. రాజస్థాన్‌ 3, లక్నో ఓ మ్యాచ్‌లో గెలుపొందాయి.తుది జట్లు (అంచనా)..రాజస్థాన్‌: యశస్వి జైస్వాల్, సంజు శాంసన్, రియాన్ పరాగ్, ధృవ్ జురెల్, షిమ్రాన్ హెట్మెయర్, రోవ్‌మన్ పావెల్, రవిచంద్రన్ అశ్విన్, ట్రెంట్ బౌల్ట్, అవేష్ ఖాన్, సందీప్ శర్మ, యుజ్వేంద్ర చాహల్ [ఇంపాక్ట్‌ సబ్‌: జోస్ బట్లర్]లక్నో: క్వింటన్ డి కాక్, కేఎల్‌ రాహుల్, దేవదత్ పడిక్కల్, మార్కస్ స్టోయినిస్, నికోలస్ పూరన్, దీపక్ హుడా, ఆయుష్ బదోని, కృనాల్ పాండ్యా, రవి బిష్ణోయ్, మాట్ హెన్రీ, యష్ ఠాకూర్ [ఇంపాక్ట్‌ సబ్‌: మయాంక్ యాదవ్]

లక్నో సూపర్‌ జెయింట్స్‌ ఆల్‌రౌండర్‌, ముంబై ఇండియన్స్‌ కెప్టెన్‌ హార్దిక్‌ పాండ్యా సోదరుడు కృనాల్‌ పాండ్యా రెండో సారి తండ్రయ్యాడు. ఈ నెల 21 కృనాల్‌ భార్య పంఖురి శర్మ పండంటి మగబిడ్డకు జన్మనిచ్చింది. బిడ్డకు 'వాయు' అని నామకరణం చేసినట్లు కృనాల్‌ తెలిపాడు. ఈ విషయాన్ని సోషల్‌మీడియా వేదికగా షేర్‌ చేసుకున్నాడు. బిడ్డ పేరుతో (వాయు కృనాల్‌ పాండ్యా) పాటు పుట్టిన తేదీని (21.4.24) కృనాల్‌ తన పోస్ట్‌లో పేర్కొన్నాడు. Vayu Krunal Pandya21.04.24 💙🪬 🌍 pic.twitter.com/TTLb0AjOVm— Krunal Pandya (@krunalpandya24) April 26, 2024 కృనాల్‌-పంఖురి శర్మ దంపతులకు ఇదివరకే ఓ మగబిడ్డ ఉన్నాడు. ఆ అబ్బాయి పేరు కవిర్‌ కృనాల్‌ పాండ్యా. కవిర్‌ 2022 జులై 24న జన్మించాడు. ప్రముఖ మోడల్‌ అయిన పంఖురితో కృనాల్‌కు 2017లో వివాహమైంది. కృనాల్‌ సోదరుడు హార్దిక్‌కు కూడా ఓ కుమారుడు ఉన్నాడు. ఆ అబ్బాయి పేరు అగస్త్య. అగస్త్య.. హార్దిక్‌-సటాషా స్టాంకోవిచ్‌ దంపతులకు జన్మించిన సంతానం.ఇదిలా ఉంటే, కృనాల్‌ ప్రస్తుత ఐపీఎల్‌ సీజన్‌లో ఓ మోస్తరు ప్రదర్శనలతో పర్వాలేదనిపించాడు. ఈ సీజన్‌లో కృనాల్‌ 8 మ్యాచ్‌ల్లో 58 పరుగులు చేసి, 5 వికెట్లు పడగొట్టాడు. కృనాల్‌ జట్టు లక్నో ఈ సీజన్‌లో 8 మ్యాచ్‌ల్లో 5 విజయాలతో పాయింట్ల పట్టికలో నాలుగో స్థానంలో కొనసాగుతుంది. ఈ సీజన్‌లో కృనాల్‌కు బ్యాటింగ్‌ చేసే అవకాశాలు పెద్దగా రాలేదు. బంతితో మాత్రం వచ్చిన అవకాశాలను కృనాల్‌ సద్వినియోగం చేసుకున్నాడు.ఈ సీజన్‌లో కృనాల్‌ ప్రదర్శనలు..రాజస్థాన్‌పై (4-0-19-0, 3 నాటౌట్‌)పంజాబ్‌పై (43 నాటౌట్‌, 3-0-26-0)ఆర్సీబీపై (0 నాటౌట్‌, 1-0-10-0)గుజరాత్‌పై (2 నాటౌట్‌, 4-0-11-3)ఢిల్లీపై (3, 3-0-45-0)కేకేఆర్‌పై (7 నాటౌట్‌, 1-0-14-0)సీఎస్‌కేపై (3-0-16-2)సీఎస్‌కేపై (2-0-15-0)

లక్నో సూపర్‌ జెయింట్స్‌ ఆల్‌రౌండర్‌ మార్కస్‌ స్టొయినిస్‌ సరికొత్త చరిత్ర సృష్టించాడు. చెన్నై సూపర్‌ కింగ్స్‌తో మ్యాచ్‌లో అజేయ శతకంతో చెలరేగిన 34 ఏళ్ల ఈ ఆసీస్‌ స్టార్‌.. పదేళ్లుగా వీరేంద్ర సెహ్వాగ్‌ పేరిట ఉన్న రికార్డు బద్దలు కొట్టాడు.ఐపీఎల్‌-2024లో భాగంగా చెపాక్‌ వేదికగా చెన్నై- లక్నో మధ్య మంగళవారం జరిగిన మ్యాచ్‌లో కేఎల్‌ రాహుల్‌ సేన విజయం సాధించింది. సొంతమైదానంలోనే చెన్నైని ఆరు వికెట్ల తేడాతో ఓడించి సత్తా చాటింది. లక్నో గెలుపులో స్టొయినిస్‌దే కీలక పాత్ర.Have a look at those emotions 🥳The Lucknow Super Giants make it 2/2 this season against #CSK 👏👏Scorecard ▶️ https://t.co/MWcsF5FGoc#TATAIPL | #CSKvLSG | @LucknowIPL pic.twitter.com/khDHwXXJoF— IndianPremierLeague (@IPL) April 23, 2024సీఎస్‌కే విధించిన 211 లక్ష్యంతో బరిలోకి దిగిన లక్నో ఆరంభంలోనే ఓపెనర్లు క్వింటన్‌ డికాక్‌(0), కేఎల్‌ రాహుల్‌(16) వికెట్లు కోల్పోయి కష్టాల్లో కూరుకుపోయిన వేళ.. తానున్నానంటూ స్టొయినిస్‌ బ్యాటెత్తాడు.మూడో స్థానంలో బ్యాటింగ్‌కు వచ్చిన అతడు 26 బంతుల్లోనే అర్ధ శతకం, 56 బంతుల్లో సెంచరీ పూర్తి చేసుకున్నాడు. మొత్తంగా 63 బంతులు ఎదుర్కొని 124 పరుగులతో అజేయంగా నిలిచాడు. ఇక స్టొయినిస్‌ ఇన్నింగ్స్‌లో ఏకంగా 13 ఫోర్లు, 6 సిక్స్‌లు ఉండటం విశేషం.Maiden #TATAIPL century ✅Highest T20 chase at Chepauk ✅Double over #CSK ✅Highest individual score in an IPL chase ✅#CSKvLSG #TATAIPL #IPLonJioCinema #MarcusStoinis pic.twitter.com/imjZQcLXa7— JioCinema (@JioCinema) April 23, 2024కాగా ఐపీఎల్‌ 17 ఏళ్ల చరిత్రలో చెన్నై సూపర్‌ కింగ్స్‌పై నమోదైన వ్యక్తిగత స్కోరు స్టొయినిస్‌దే. అంతకు ముందు 2014లో వీరేంద్ర సెహ్వాగ్‌ చెన్నై మీద 122 పరుగులు సాధించాడు. నాడు పంజాబ్‌ కింగ్స్‌ తరఫున ముంబైలోని వాంఖడే వేదికగా క్వాలిఫయర్‌-2 మ్యాచ్‌లో సెహ్వాగ్‌ ఈ మేరకు పరుగులు రాబట్టాడు.అయితే, చెపాక్‌ వేదికగా మంగళవారం నాటి మ్యాచ్‌లో స్టొయినిస్‌.. సెహ్వాగ్‌ పేరిట ఉన్న ఈ అరుదైన రికార్డును బ్రేక్‌ చేశాడు. అంతేకాదు.. నికోలస్‌ పూరన్‌(34), దీపక్‌ హుడా(6 బంతుల్లో 17 నాటౌట్‌)తో కలిసి లక్నోను విజయతీరాలకు చేర్చి మరో రికార్డు కూడా సొంతం చేసుకున్నాడు. ఐపీఎల్‌ రన్‌ ఛేజింగ్‌లో అత్యధిక వ్యక్తిగత స్కోరు(124*) సాధించిన ఆటగాడిగా స్టొయినిస్‌ చరిత్రకెక్కాడు. చదవండి: CSK vs LSG: అతడు అద్భుతం.. ఓటమిని జీర్ణించుకోలేకపోతున్నాం: గైక్వాడ్‌ var request = 'https://www.sakshi.com/knowwidget/kwstr_7552012696.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

‘‘ఓటమిని జీర్ణించుకోలేకపోతున్నాం. అయితే, మ్యాచ్‌ మాత్రం బాగా సాగింది. లక్నో సూపర్‌ జెయింట్స్‌ అద్భుతంగా ఆడింది. 13- 14 ఓవర్ల వరకు మ్యాచ్‌ మా చేతుల్లోనే ఉంది.అయితే, స్టొయినిస్‌ గొప్ప ఇన్నింగ్స్‌తో మ్యాచ్‌ స్వరూపాన్ని మార్చివేశాడు. పిచ్‌ మీద తేమ ఎక్కువగా ఉంది. అందుకే మా స్పిన్నర్లు పెద్దగా ప్రభావం చూపలేకపోయారు. లేదంటే ఫలితం వేరేలా ఉండేది.అయినా.. ఆటలో ఇవన్నీ సహజమే. కొన్ని విషయాలు మన ఆధీనంలో ఉండవు. పవర్‌ ప్లేలోనే రెండో వికెట్‌ కోల్పోయిన వేళ జడ్డూ నాలుగో స్థానంలో బ్యాటింగ్‌కు రావాల్సి వచ్చింది.పవర్‌ ప్లే తర్వాత వికెట్‌ పడితే శివం దూబేను రంగంలోకి దించాలని ముందుగానే నిర్ణయించుకున్నాం. అందుకు అనుగుణంగానే మా ప్రణాళికలు అమలు చేస్తున్నాం. మేము ఇంకొన్ని పరుగులు చేస్తే బాగుండేది. ప్రాక్టీస్‌ చేస్తున్న సమయంలో ఇంత తేమ కనిపించలేదు. ఏదేమైనా ఎల్‌ఎస్‌జీకి క్రెడిట్‌ ఇవ్వాల్సిందే. వాళ్లు మెరుగ్గా ఆడినందువల్లే పైచేయి సాధించగలిగారు’’ అని చెన్నై సూపర్‌ కింగ్స్‌ కెప్టెన్‌ రుతురాజ్‌ గైక్వాడ్‌ అన్నాడు.ఓటమికి కారణం అదేఇంకాస్త మెరుగైన స్కోరు సాధిస్తే బాగుండేదని.. మార్కస్‌ స్టొయినిస్‌ అద్భుత ఇన్నింగ్స్‌ కారణంగానే మ్యాచ్‌ను కోల్పోవాల్సి వచ్చిందని విచారం వ్యక్తం చేశాడు. కాగా ఐపీఎల్‌-2024 సీజన్‌లో తొలుత లక్నో వేదికగా లక్నో సూపర్‌ జెయింట్స్‌ చేతిలో ఓడిన సీఎస్‌కేకు.. సొంత మైదానం చెపాక్‌లోనూ చేదు అనుభవం ఎదురైంది.తమకు కంచుకోట అయిన చెపాక్‌లో చెన్నై భారీ స్కోరు సాధించినా దానిని నిలబెట్టుకోలేకపోయింది. ఎంఏ చిదంబరం స్టేడియంలో మంగళవారం జరిగిన మ్యాచ్‌లో టాస్‌ ఓడిన చెన్నై తొలుత బ్యాటింగ్‌ చేసింది. ఓపెనర్‌ రుతురాజ్‌ గైక్వాగ్‌ కెప్టెన్‌ ఇన్నింగ్స్‌(60 బంతుల్లో 108 నాటౌట్‌)తో దుమ్ములేపగా.. శివం దూబే(27 బంతుల్లో 66) మరోసారి ధనాధన్‌ దంచికొట్టాడు.What an incredible innings by Ruturaj Gaikwad !! Had people getting out right & left but made sure to be play well & be there right till the end ! A super century as he made 108* today 👏🏻 a true captain's innings!#LSGvsCSK • #RuturajGaikwad • #CSKvLSGpic.twitter.com/YdDSvde6w5— ishaan (@ixxcric) April 23, 2024వీరిద్దరి సూపర్‌ ఇన్నింగ్స్‌ కారణంగా.. సీఎస్‌కే నిర్ణీత 20 ఓవర్లలో నాలుగు వికెట్ల నష్టానికి 210 పరుగులు సాధించింది. ఇక భారీ లక్ష్యంతో బరిలోకి దిగిన లక్నో ఆదిలోనే ఓపెనర్లు క్వింటన్‌ డికాక్‌(0), కెప్టెన్‌ కేఎల్‌ రాహుల్‌(16) వికెట్లు కోల్పోయి కష్టాల్లో పడింది.అయితే, వన్‌డౌన్‌ బ్యాటర్‌ మార్కస్‌ స్టొయినిస్‌ సుడిగాలి ఇన్నింగ్స్‌తో చెలరేగాడు. 63 బంతుల్లో 124 పరుగులతో అజేయంగా నిలిచి సీఎస్‌కే ఓటమిని శాసించాడు. మిగతా వాళ్లలో నికోలస్‌ పూరన్‌ 15 బంతుల్లో 34 పరుగులతో రాణించాడు. ఈ క్రమంలో 19.3 ఓవర్లలోనే టార్గెట్‌ పూర్తి చేసిన లక్నో.. చెన్నై కంచుకోటలో ఆరు వికెట్ల తేడాతో విజయం సాధించింది. ఈ సీజన్‌లో ఐదో విజయం అందుకుని టాప్‌-4లోకి చేరుకుంది.Have a look at those emotions 🥳The Lucknow Super Giants make it 2/2 this season against #CSK 👏👏Scorecard ▶️ https://t.co/MWcsF5FGoc#TATAIPL | #CSKvLSG | @LucknowIPL pic.twitter.com/khDHwXXJoF— IndianPremierLeague (@IPL) April 23, 2024 var request = 'https://www.sakshi.com/knowwidget/kwstr_7522010156.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ఐపీఎల్‌ 2024 సీజన్‌లో భాగంగా సీఎస్‌కేతో నిన్న (ఏప్రిల్‌ 23) జరిగిన మ్యాచ్‌లో లక్నో సూపర్‌ జెయింట్స్‌ అద్భుత విజయం సాధించింది. ఈ మ్యాచ్‌లో సీఎస్‌కే నిర్దేశించిన 211 పరుగుల లక్ష్యాన్ని లక్నో మరో మూడు బంతులు మిగిలుండగానే ఛేదించింది. స్టోయినిస్‌ అజేయమైన మెరుపు శతకంతో (63 బంతుల్లో 124 నాటౌట్‌; 13 ఫోర్లు, 6 సిక్సర్లు) లక్నోను విజయతీరాలకు చేర్చాడు. స్టోయినిస్‌కు పూరన్‌ (15 బంతుల్లో 34; 3 ఫోర్లు, 2 సిక్సర్లు), దీపక్‌ హుడా (6 బంతుల్లో 17 నాటౌట్‌; 2 ఫోర్లు, సిక్స్‌) సహకరించారు. గెలిస్తే ధోని ఓడితే రుతురాజా..?మ్యాచ్‌ అనంతరం జరిగిన డిబేట్‌లో నవ్‌జ్యోత్‌ సింగ్‌ సిద్దూ, అంబటి రాయుడు మధ్య ఆసక్తికర సంభాషణ జరిగింది. సీఎస్‌కే ఓటమికి రుతురాజ్‌ చెత్త కెప్టెన్సీ కారణమని రాయుడు అంటే.. గెలిచినప్పుడు ధోని పేరు చెప్పి ఓడినప్పుడు రుతురాజ్‌ నిందించడం సమంజసం కాదని సిద్దూ అభిప్రాయపడ్డాడు. Ambati Rayudu - Poor field placements in deaths overs by Ruturaj. We clearly saw lack of experience as captainN. Sidhu - If you credit Dhoni for CSK wins then blame him for the losses too. Dhoni is still the main think tank#LSGvsCSK #CSKvLSG #CSKvsLSG pic.twitter.com/R4VnEwWUKY— Richard Kettleborough (@RichKettle07) April 24, 2024 తొలుత రాయుడు మాట్లాడుతూ.. డెత్‌ ఓవర్లలో రుతురాజ్‌ ఫీల్డింగ్‌ను మొహరించడంలో విఫలమయ్యాడు. కెప్టెన్‌గా అతని అనుభవ రాహిత్యం స్పష్టంగా బయటపడింది. స్టోయినిస్‌ విధ్వంసకర మూడ్‌లో ఉన్నప్పుడు రుతురాజ్‌ సిల్లీ ఫీల్డ్‌ సెటప్‌ చేసి అతను మరింత రెచ్చిపోయేలా చేశాడని అన్నాడు.ఇందుకు సిద్దూ కౌంటరిస్తూ.. సీఎస్‌కే గెలిచినప్పుడు ధోనికి క్రెడిట్‌ ఇచ్చి, ఓడినప్పుడు రుతురాజ్‌ను నిందించడం సమంజసం కాదని అభిప్రాయపడ్డాడు. గెలిచినప్పుడు ధోనిని పొగిడిన నోళ్లు ఓడినప్పుడు కూడా అతన్నే నిందించాలని అన్నాడు. సీఎస్‌కే కెప్టెన్సీని ధోనినే ఇంకా మోస్తున్నాడన్న విషయం బహిరంగ సత్యమని తెలిపాడు. మ్యాచ్‌ విషయానికొస్తే.. తొలుత బ్యాటింగ్‌ చేసిన సీఎస్‌కే.. రుతురాజ్‌ గైక్వాడ్‌ మెరుపు సెంచరీతో (60 బంతుల్లో 108 నాటౌట్‌; 12 ఫోర్లు, 3 సిక్సర్లు) చెలరేగడంతో నిర్ణీత ఓవర్లలో 4 వికెట్ల నష్టానికి 210 పరుగులు చేసింది. రుతురాజ్‌ మెరుపులకు శివమ్‌ దూబే (27 బంతుల్లో 66; 3 ఫోర్లు, 7 సిక్సర్లు) విధ్వంసం తోడు కావడంతో సీఎస్‌కే భారీ స్కోర్‌ చేసింది. భారీ లక్ష్యాన్ని ఛేదించేందుకు బరిలోకి దిగిన లక్నో.. తొలి ఓవర్‌లోనే డికాక్‌ వికెట్‌ కోల్పోయి కష్టాల్లో పడినట్లు కనిపించింది. అయితే స్టోయినిస్‌.. పూరన్‌, హుడా సహకారంతో లక్నోకు అపురూప విజయాన్ని అందించాడు. చివరి ఓవర్‌లో లక్నో గెలుపుకు 17 పరుగులు అవసరం కాగా.. మస్తాఫిజుర్‌ బౌలింగ్‌లో ప్టోయినిస్‌ వరుసగా 6, 4, 4, 4 పరగులు సాధించాడు. ఫలితంగా లక్నో ఆరు వికెట్ల తేడాతో గెలుపొంది పాయింట్ల పట్టికలో నాలుగో స్థానానికి ఎగబాకింది.

ఐపీఎల్‌-2024లో భాగంగా చెపాక్‌ వేదికగా చెన్నై సూపర్‌ కింగ్స్‌తో జరిగిన మ్యాచ్‌లో లక్నో సూపర్‌ జెయింట్స్‌ స్టార్‌ ఆల్‌రౌండర్‌ మార్కస్‌ స్టోయినిష్‌ విరోచిత శతకంతో చెలరేగాడు. కేఎల్‌ రాహుల్‌, క్వింటన్‌ డికాక్‌ వంటి వారు విఫలమైన చోట స్టోయినిష్ తన బ్యాట్‌కు పనిచెప్పాడు. 211 పరుగుల భారీ లక్ష్య చేధనలో సీఎస్‌కే బౌలర్లను స్టోయినిష్‌ ఓ ఆట ఆడుకున్నాడు.  తన విధ్వంసకర సెంచరీతో లక్నో విజయంలో కీలక పాత్ర పోషించాడు. ఈ మ్యాచ్‌లో 63 బంతులు ఎదుర్కొన్న  స్టోయినిష్‌ 13 ఫోర్లు, 6 సిక్స్‌లతో 124 పరుగులు చేసి ఆజేయంగా నిలిచాడు. కాగా సీఎస్‌కే నిర్దేశించిన 211 పరుగుల లక్ష్యాన్ని లక్నో 19.3 ఓవర్లలో కేవలం 4 వికెట్లు కోల్పోయి ఛేదించింది. దీంతో సీఎస్‌కేపై లక్నో 6 వికెట్ల తేడాతో ఘన విజయాన్ని అందుకుంది. ఇక సెంచరీతో మెరిసిన స్టోయినిష్‌ ఓ అరుదైన ఘనతను తన పేరిట లిఖిచుకున్నాడు. ఐపీఎల్‌ చరిత్రలోనే విజయవంతమైన రన్‌ ఛేజింగ్‌లో అత్యధిక వ్యక్తిగత స్కోర్‌ సాధించిన ఆటగాడిగా స్టోయినిష్‌ రికార్డులకెక్కాడు. ఇంతకుముందు ఈ రికార్డు పంజాబ్‌ కింగ్స్‌ మాజీ ఆటగాడు పాల్ వాల్తాటి పేరిట ఉండేది. 2011 ఐపీఎల్‌ సీజన్‌లో సీఎస్‌కేపై లక్ష్య చేధనలో వాల్తాటి 120 పరుగులు చేసి ఆజేయంగా నిలిచాడు. తాజా మ్యాచ్‌లో 124 పరుగులు చేసిన స్టోయినిష్‌.. వాల్తాటి ఆల్‌టైమ్‌ రికార్డును బ్రేక్‌ చేశాడు. MARCUS STOINIS... THE HULK. 💪 - The winning celebrations from Stoinis and LSG says everything. 🔥pic.twitter.com/iGBHDNWDSU — Mufaddal Vohra (@mufaddal_vohra) April 23, 2024

చెన్నై: నాలుగు రోజుల క్రితం లక్నో వేదికగా చెన్నై సూపర్‌కింగ్స్, లక్నో సూపర్‌ జెయింట్స్‌ల  మధ్య జరిగిన మ్యాచ్‌కు ఇప్పుడు చెన్నైలో రీప్లేగా జరిగిన పోరులో లక్నోనే మళ్లీ ‘సూపర్‌’గా ఆడి విజయాన్ని ఖాతాలో వేసుకుంది. మంగళవారం జరిగిన ఐపీఎల్‌ మ్యాచ్‌లో లక్నో 6 వికెట్ల తేడాతో చెన్నైపై గెలిచింది. మొదట బ్యాటింగ్‌ చేపట్టిన చెన్నై నిర్ణీత 20 ఓవర్లలో 4 వికెట్ల నష్టానికి 210 పరుగుల భారీస్కోరు చేసింది. ఓపెనర్, కెప్టెన్ రుతురాజ్‌ గైక్వాడ్‌ (60 బంతుల్లో 108 నాటౌట్‌; 12 ఫోర్లు, 3 సిక్స్‌లు) అజేయ శతకాన్ని నమోదు చేశాడు. ‘హిట్టర్‌’ శివమ్‌ దూబే (27 బంతుల్లో 66; 3 ఫోర్లు, 7 సిక్స్‌లు) చెలరేగాడు. అనంతరం లక్ష్యఛేదనకు దిగిన లక్నో 19.3 ఓవర్లలో 4 వికెట్ల నష్టానికి 213 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ మార్కస్‌ స్టొయినిస్‌ (63 బంతుల్లో 124 నాటౌట్‌; 13 ఫోర్లు, 6 సిక్స్‌లు) అసాధారణ ఇన్నింగ్స్‌తో అజేయ సెంచరీ సాధించి లక్నోను విజయతీరాలకు చేర్చాడు. పూరన్‌తో నాలుగో వికెట్‌కు 70 పరుగులు, దీపక్‌ హుడాతో అబేధ్యమైన ఐదో వికెట్‌కు 55 పరుగులు జోడించిన స్టొయినిస్‌ లక్నోకు చిరస్మరణీయ విజయం అందించాడు.   కెప్టెన్ ఇన్నింగ్స్‌...  రహానే (1), వన్‌డౌన్‌లో మిచెల్‌ (11), జడేజా (16) చెన్నై టాప్‌–4 బ్యాటర్లలో ముగ్గురి స్కోరిది!  పవర్‌ ప్లేలో చెన్నై చేసిన స్కోరు 49/2 తక్కువే! ఈ దశలో కెప్టెన్‌ రుతురాజ్‌ బౌండరీలతో పరుగుల వేగాన్ని అందుకున్నాడు. గైక్వాడ్‌ 28 బంతుల్లో ఫిఫ్టీ పూర్తి చేసుకోగా... జట్టు స్కోరు 11.3 ఓవర్లలో వందకు చేరింది. అదే ఓవర్లో జడేజా నిష్క్రమించడంతో వచ్చిన దూబే ఓ రకంగా శివతాండవమే చేశాడు. 15 ఓవర్లలో చెన్నై 135/3 స్కోరు చేసింది. కానీ ఆ తర్వాత దూబే పవర్‌ప్లే మొదలైంది. భారీ సిక్సర్లతో స్కోరు ఒక్కసారిగా దూసుకెళ్లింది. 16వ ఓవర్లో దూబే హ్యాట్రిక్‌ సిక్స్‌లతో 19 పరుగులు, 18వ ఓవర్లో గైక్వాడ్‌ 6, 4, 4లతో 16 పరుగులు, 19వ ఓవర్లో మళ్లీ దూబే దంచేయడంతో 17 పరుగులు, ఆఖరి ఓవర్లో 15 పరుగులతో స్కోరు 200 పైచిలుకు చేరింది. చివరి 5 ఓవర్లలో దూబే వికెట్‌ మాత్రమే కోల్పోయిన చెన్నై 75 పరుగులు సాధించింది. గైక్వాడ్‌ 56 బంతుల్లో శతకాన్ని, దూబే 22 బంతుల్లో అర్ధసెంచరీని పూర్తి చేసుకున్నారు.  బ్యాటింగ్‌ గేర్‌ మార్చి...  కొండంత లక్ష్యం ముందున్న లక్నోకు ఆరంభంలో అన్ని ఎదురుదెబ్బలే తగిలాయి. ఓపెనర్లు డికాక్‌ (0), కేఎల్‌ రాహుల్‌ (14 బంతుల్లో 16; 1 ఫోర్, 1 సిక్స్‌), దేవదత్‌ పడిక్కల్‌ (19 బంతుల్లో 13) నిరాశపరిచారు. టాపార్డర్‌లో బ్యాటింగ్‌కు దిగిన స్టొయినిస్‌ ఒక్కడే గెలిపించేదాకా మెరిపించాడు. ఈ క్రమంలో 26 బంతుల్లో ఫిఫ్టీ చేశాడు. తర్వాత నికోలస్‌ పూరన్‌ (15 బంతుల్లో 34; 3 ఫోర్లు, 2 సిక్స్‌లు) జోరు పెంచగానే... పతిరణ మరుసటి ఓవర్లోనే పెవిలియన్‌ చేర్చాడు. స్టొయినిస్‌ 56 బంతుల్లో సెంచరీ పూర్తిచేసుకున్నాడు. దీపక్‌ హుడా కూడా (6 బంతుల్లో 17 నాటౌట్‌; 2 ఫోర్లు, 1 సిక్స్‌) బ్యాట్‌కు పని చెప్పడంతో అనూహ్యంగా లక్నో లక్ష్యం వైపు పరుగు పెట్టింది. 18 బంతుల్లో 47 పరుగుల కష్టమైన సమీకరణం ఇద్దరి దూకుడుతో సులువైంది. 18, 19వ ఓవర్లలో 15 పరుగుల చొప్పున వచ్చాయి. 6 బంతుల్లో 17 పరుగుల్ని స్టొయినిస్‌ 6, 4, నోబాల్‌4, 4లతో ఇంకో మూడు బంతులు మిగిల్చి ముగించాడు.   స్కోరు వివరాలు  చెన్నై సూపర్‌కింగ్స్‌ ఇన్నింగ్స్‌: రహానే (సి) రాహుల్‌ (బి) హెన్రి 1; రుతురాజ్‌ (నాటౌట్‌) 108; మిచెల్‌ (సి) హుడా (బి) యశ్‌ 11; జడేజా (సి) రాహుల్‌ (బి) మోసిన్‌ 16; దూబే (రనౌట్‌) 66; ధోని (నాటౌట్‌) 4; ఎక్స్‌ట్రాలు 4; మొత్తం (20 ఓవర్లలో 4 వికెట్లకు) 210. వికెట్ల పతనం: 1–4, 2–49, 3–101, 4–205. బౌలింగ్‌: హెన్రీ 4–0–28–1, మోసిన్‌ ఖాన్‌ 4–0–50–1, రవి బిష్ణోయ్‌ 2–0–19–0, యశ్‌ ఠాకూర్‌ 4–0–47–1, స్టొయినిస్‌ 4–0–49–0, కృనాల్‌ పాండ్యా 2–0–15–0.  లక్నో సూపర్‌ జెయింట్స్‌ ఇన్నింగ్స్‌: డికాక్‌ (బి) దీపక్‌ 0; రాహుల్‌ (సి) రుతురాజ్‌ (బి) ముస్తఫిజుర్‌ 16; స్టొయినిస్‌ (నాటౌట్‌) 124; పడిక్కల్‌ (బి) పతిరణ 13; పూరన్‌ (సి) శార్దుల్‌ (బి) పతిరణ 34; హుడా (నాటౌట్‌) 17; ఎక్స్‌ట్రాలు 9; మొత్తం (19.3 ఓవర్లలో 4 వికెట్లకు) 213. వికెట్ల పతనం: 1–0, 2–33, 3–88, 4–158. బౌలింగ్‌: దీపక్‌ చహర్‌ 2–0–11–1, తుషార్‌ 3–0–34–0, ముస్తఫిజుర్‌ 3.3–0–51–1, శార్దుల్‌ 3–0–42–0, మొయిన్‌ అలీ 2–0–21–0, జడేజా 2–0–16–0, పతిరణ 4–0–35–2. ఐపీఎల్‌లో నేడు ఢిల్లీ X గుజరాత్‌  వేదిక: న్యూఢిల్లీ రాత్రి7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం

ఐపీఎల్‌-2024లో చెన్నై సూపర్‌ కింగ్స్‌ స్టార్‌ ఆల్‌రౌండర్‌ శివమ్‌ దూబే మరోసారి సంచలన ఇన్నింగ్స్‌ ఆడాడు. ఈ మెగా ఈవెంట్‌లో భాగంగా చెపాక్‌ వేదికగా లక్నో సూపర్‌ జెయింట్స్‌తో మ్యాచ్‌లో దూబే ఆకాశమే హద్దుగా చెలరేగిపోయాడు. లక్నో బౌలర్లకు చుక్కలు చూపించాడు. ఎప్పుడూ స్పిన్నర్లను టార్గెట్‌ చేసే దూబే.. ఈ మ్యాచ్‌లో మాత్రం లక్నో ఫాస్ట్‌ బౌలర్లను ఊచకోత కోశాడు. ముఖ్యంగా లక్నో పేసర్‌ యష్‌ ఠాకూర్‌ను దూబే ఓ ఆట ఆడుకున్నాడు. 16 ఓవర్‌ వేసిన యష్‌ ఠాకూర్‌ బౌలింగ్‌లో హ్యాట్రిక్‌ సిక్స్‌లు బాదాడు. ఓవరాల్‌గా ఈ మ్యాచ్‌లో కేవలం 27 బంతులు మాత్రమే ఎదుర్కొన్న దూబే.. 3 ఫోర్లు, 7 సిక్స్‌లతో 66 పరుగులు చేశాడు. అతడి విధ్వంసకర ఇన్నింగ్స్‌కు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఇది చూసిన నెటిజన్లు దూబేకు టీ20 వరల్డ్‌కప్‌ జట్టులో కచ్చితంగా చోటుదక్కుతుందని కామెంట్లు చేస్తున్నాడు. కాగా ఈ ఏడాది సీజన్‌లో దూబే అదరగొడుతున్నాడు. ఇప్పటివరకు 8 మ్యాచ్‌లు ఆడిన దూబే.. 51.83 సగటుతో 311 పరుగులు చేశాడు. ఈ క్రమంలో టీ20 వరల్డ్‌కప్‌ జట్టులో హార్దిక్‌ పాండ్యా స్ధానంలో దూబేకు ఛాన్స్‌ ఇవ్వాలని చాలా మంది అభిప్రాయపడుతున్నారు. pic.twitter.com/uaqdwKYbWm — Cricket Videos (@cricketvid123) April 23, 2024

ఐపీఎల్‌-2024లో చెపాక్ వేదికగా లక్నో సూపర్ జెయింట్స్‌తో మ్యాచ్‌లో చెన్నై సూపర్ కింగ్స్ కెప్టెన్ రుతురాజ్ గైక్వాడ్ విధ్వం‍సం సృష్టించాడు. ఈ మ్యాచ్‌లో గైక్వాడ్ అద్భుతమైన సెంచరీతో చెలరేగాడు. ఈ మ్యాచ్‌లో లక్నో బౌలర్లను రుతురాజ్ ఓ ఆట ఆడుకున్నాడు. ఈ క్రమంలో కేవలం 54 బంతుల్లోనే గైక్వాడ్ తన సెంచరీ మార్క్‌ను అందుకున్నాడు. ఓవరాల్‌గా 60 బంతులు ఎదుర్కొన్న గైక్వాడ్‌.. 12 ఫోర్లు, 3 సిక్స్‌లతో 108 పరుగులు చేసి ఆజేయంగా నిలిచాడు. గైక్వాడ్‌కు ఇది తన ఐపీఎల్ కెరీర్‌లో రెండో సెంచరీ కావడం విశేషం. ఇక ఈ మ్యాచ్‌లో తొలుత బ్యాటింగ్‌ చేసిన సీఎస్‌కే నిర్ణీత 20 ఓవర్లలో నాలుగు వికెట్ల నష్టానికి సీఎస్‌కే 210 పరుగుల భారీ స్కోర్‌ సాధించింది. సీఎస్‌కే బ్యాటర్లలో కెప్టెన్‌ రుతురాజ్‌  గైక్వాడ్‌తో పాటు శివమ్‌ దూబే మరోసారి తుపాన్‌ ఇన్నింగ్స్‌ ఆడాడు. కేవలం 27 బంతుల్లోనే 3 ఫోర్లు, 7 సిక్స్‌లతో 66 పరుగులు చేశాడు. లక్నో బౌలర్లలో మాట్‌ హెన్రి, యశ్‌ ఠాకూర్‌,  మోహ్షిన్‌ ఖాన్‌ తలా వికెట్‌ సాధించారు. The Guiding Star! 🌟🦁#CSKvLSG #WhistlePodu 🦁💛 pic.twitter.com/aUsekAgySQ — Chennai Super Kings (@ChennaiIPL) April 23, 2024

ఐపీఎల్‌ 2024 సీజన్‌లో ఇవాళ (ఏప్రిల్‌ 23) మరో ఆసక్తికర సమరం జరుగనుంది. ఐదు సార్లు ఛాంపియన్‌ చెన్నై సూపర్‌ కింగ్స్‌ను  లక్నో సూపర్‌ జెయింట్స్‌ ఢీకొట్టనుంది. చెన్నై హోం గ్రౌండ్‌ చిదంబరం స్టేడియంలో ఈ మ్యాచ్‌ జరుగనుంది.  ప్రస్తుత సీజన్‌లో చెన్నై 7 మ్యాచ్‌ల్లో 4 విజయాలు సాధించి పాయింట్ల పట్టికలో నాలుగో స్థానంలో ఉండగా.. లక్నో సైతం 7 మ్యాచ్‌ల్లో నాలుగు విజయాలు సాధించి ఐదో స్థానంలో నిలిచింది. సీఎస్‌కేతో పోలిస్తే లక్నో రన్‌రేట్‌ కాస్త తక్కువగా ఉంది.  హెడ్‌ టు హెడ్‌ రికార్డుల విషయానికొస్తే.. ఐపీఎల్‌లో ఇరు జట్లు ఇప్పటివరకు మూడు మ్యాచ్‌ల్లో ఎదురెదురుపడ్డాయి. ఇందులో సీఎస్‌కే ఒకటి, లక్నో రెండు మ్యాచ్‌ల్లో గెలుపొందాయి. ఐపీఎల్‌లో దాదాపు అన్ని జట్లపై మెరుగైన రికార్డు ఉన్న సీఎస్‌కే లక్నో విషయంలో కాస్త వెనుకపడి ఉంది.  బలాబలాల విషయానికొస్తే.. ఈ సీజన్‌లో ఇరు జట్ల బలాబలాలు సమానంగా ఉన్నాయి. అన్ని విభాగాల్లో సీఎస్‌కే, లక్నో సమతూకంగా ఉన్నాయి. సీఎస్‌కేతో పోలిస్తే లక్నోలో బ్యాటింగ్‌ డెప్త్‌ కాస్త ఎక్కువగా ఉంది. ఈ జట్టు నిండా విధ్వంసకర వీరులే ఉన్నారు. సీఎస్‌కేలో చెప్పుకోదగ్గ హిట్టర్లు లేనప్పటికీ ఆ జట్టులో కచ్చితత్వం ఉంది. అందరూ కలిసికట్టుగా ఆడతారు. బౌలింగ్‌ విషయానికొస్తే.. ఈ సీజన్‌లో సీఎస్‌కేకు బౌలింగే బలం. పేసర్లు పతిరణ, ముస్తాఫిజుర్‌, తుషార్‌ దేశ్‌పాండే అద్భుతంగా రాణిస్తున్నారు. జడేజా,మొయిన్‌ అలీ తమ స్థానాలకు న్యాయం చేస్తున్నారు. లక్నో పరిస్థితి ఇందుకు భిన్నంగా ఉంది. సంచలన పేసర్‌ మయాంక్‌ యాదవ్‌ జట్టుకు దూరమైనప్పటి (గాయం) నుంచి లక్నో పేస్‌ విభాగం బలహీనపడింది. యశ్‌ ఠాకూర్‌, మొహిసిన్‌ ఖాన్‌ అడపాదడపా రాణిస్తున్నారు. కొత్తగా జట్టులోకి వచ్చిన మ్యాట్‌ హెన్రీపై లక్నో భారీ ఆశలు పెట్టుకుంది. రవి బిష్ణోయ్‌ తేలిపోతుండటం లక్నోను మరింత కలవరపెడుతుంది. ఈ నేపథ్యంలో నేటి మ్యాచ్‌లో ఏం జరుగుతుందో వేచి చూడాలి. తుది జట్లు (అంచనా).. లక్నో: కేఎల్‌ రాహుల్, క్వింటన్ డికాక్, దీపక్ హుడా, మార్కస్ స్టోయినిస్, నికోలస్ పూరన్, ఆయుష్ బదోని, కృనాల్ పాండ్యా, మ్యాట్ హెన్రీ, రవి బిష్ణోయ్, యష్ ఠాకూర్, మొహ్సిన్ ఖాన్ [ఇంపాక్ట్‌ ప్లేయర్‌: దేవదత్ పడిక్కల్] సీఎస్‌కే: రుతురాజ్ గైక్వాడ్, రచిన్ రవీంద్ర, అజింక్య రహానే, శివమ్ దూబే, మొయిన్ అలీ, సమీర్ రిజ్వీ, రవీంద్ర జడేజా, ఎంఎస్‌ ధోని, దీపక్ చాహర్, ముస్తాఫిజుర్ రెహమాన్, మతీషా పతిరణ [ఇంపాక్ట్‌ ప్లేయర్‌: తుషార్ దేశ్‌పాండే]  

ఐపీఎల్‌ సీజన్‌లో వరుసగా రెండు  ఓటముల తర్వాత లక్నో సూపర్‌  జెయింట్స్‌ కోలుకుంది. కట్టుదిట్టమైన  బౌలింగ్‌తో  చెన్నై సూపర్‌ కింగ్స్‌ను నిలువరించిన లక్నో ఆ తర్వాత ఎలాంటి తడబాటు లేకుండా లక్ష్యం చేరింది. ఛేదనలో కేఎల్‌ రాహుల్, డికాక్‌ కీలక పాత్ర పోషించగా... రెండు వరుస  విజయాల తర్వాత చెన్నై తలవంచింది.    లక్నో: సొంతగడ్డపై సమష్టి ప్రదర్శనతో లక్నో కీలక విజయాన్ని అందుకుంది. శుక్రవారం జరిగిన మ్యాచ్‌లో లక్నో 8 వికెట్ల తేడాతో ఐదుసార్లు చాంపియన్‌ చెన్నైపై ఘన విజయం సాధించింది. టాస్‌ ఓడి ముందుగా బ్యాటింగ్‌కు దిగిన చెన్నై 20 ఓవర్లలో 6 వికెట్ల నష్టానికి 176 పరుగులు చేసింది. రవీంద్ర జడేజా (40 బంతుల్లో 57 నాటౌట్‌; 5 ఫోర్లు, 1 సిక్స్‌) అర్ధ సెంచరీ చేయగా... రహానే (24 బంతుల్లో 36; 5 ఫోర్లు, 1 సిక్స్‌), మొయిన్‌ అలీ (20 బంతుల్లో 30; 3 సిక్స్‌లు), ధోని (9 బంతుల్లో 28 నాటౌట్‌; 3 ఫోర్లు, 2 సిక్స్‌లు) రాణించారు. అనంతరం లక్నో 19 ఓవర్లలో 2 వికెట్లకు 180 పరుగులు సాధించి గెలిచింది. కెప్టెన్‌ కేఎల్‌ రాహుల్‌ (53 బంతుల్లో 82; 9 ఫోర్లు, 3 సిక్స్‌లు), క్వింటన్‌ డికాక్‌ (43 బంతుల్లో 54; 5 ఫోర్లు, 1 సిక్స్‌) తొలి వికెట్‌కు 90 బంతుల్లోనే 134 పరుగులు జోడించి విజయాన్ని సులువు చేశారు.   ధోని మెరుపులు...  ఓపెనర్‌ రచిన్‌ రవీంద్ర (0) టోర్నీలో తన వరుస వైఫల్యాలను కొనసాగించగా... మరో ఎండ్‌లో రహానే కొన్ని చక్కటి షాట్లు ఆడాడు. పవర్‌ప్లే ముగిసేసరికి చెన్నై 51 పరుగులు చేసింది. కెప్టెన్‌ రుతురాజ్‌ గైక్వాడ్‌ (17) ప్రభావం చూపలేకపోగా, నాలుగో స్థానంలో వచ్చిన జడేజా పరిస్థితిని చక్కదిద్దాడు. అయితే రహానేతో పాటు ఫామ్‌లో ఉన్న శివమ్‌ దూబే (3), సమీర్‌ రిజ్వీ (1)లను తక్కువ వ్యవధిలో అవుట్‌ చేసి లక్నో ఆధిక్యం ప్రదర్శించింది. ఈ సమయంలో కట్టుదిట్టమైన బౌలింగ్‌ కారణంగా చెన్నై బ్యాటర్లు పరుగులు చేయడంలో ఇబ్బంది పడ్డారు. ఒకదశలో వరుసగా 34 బంతుల పాటు బౌండరీనే రాలేదు! 16 ఓవర్లు ముగిసేసరికి స్కోరు 113/5. అయితే చివరి 4 ఓవర్లలో సూపర్‌ కింగ్స్‌ చెలరేగి 63 పరుగులు రాబట్టింది. మొహసిన్‌ ఓవర్లో సిక్సర్‌తో 34 బంతుల్లో జడేజా అర్ధ సెంచరీ పూర్తి చేసుకోగా... బిష్ణోయ్‌ వేసిన తర్వాతి ఓవర్లో అలీ వరుసగా 6, 6, 6 బాదడం విశేషం. అనంతరం 19వ ఓవర్లో 4, 6 కొట్టిన ధోని... ఆఖరి ఓవర్లో మరో 2 ఫోర్లు, సిక్స్‌తో చెలరేగాడు. ఏడో వికెట్‌కు ధోని, జడేజా 13 బంతుల్లో 35 పరుగులు జోడించారు.   శతక భాగస్వామ్యం...  ఛేదనను రాహుల్, డికాక్‌ ఘనంగా ఆరంభించారు. వీరిద్దరిని ఇబ్బంది పెట్టడంలో చెన్నై బౌలర్లంతా విఫలమయ్యారు. ఇద్దరూ ధాటిగా ఆడటంతో పవర్‌ప్లేలో 54 పరుగులు రాగా... 10.5 ఓవర్లు ముగిసేసరికి స్కోరు 9 ఫోర్లు, 4 సిక్సర్లతో 100 పరుగులు దాటింది. 31 పరుగుల స్కోరు వద్ద డికాక్‌ ఇచ్చిన క్యాచ్‌ను పతిరణ వదిలేయగా, 31 బంతుల్లో రాహుల్‌ అర్ధసెంచరీ పూర్తి చేసుకున్నాడు. ఆ తర్వాత 41 బంతుల్లో డికాక్‌ కూడా హాఫ్‌ సెంచరీ మార్క్‌ను అందుకున్నాడు. విజయానికి చేరువైన దశలో తక్కువ వ్యవధిలో వీరిద్దరు అవుటైనా... లక్ష్యం చేరేందుకు లక్నోకు ఇబ్బంది ఎదురు కాలేదు.   స్కోరు వివరాలు చెన్నై సూపర్‌ కింగ్స్‌ ఇన్నింగ్స్‌: రహానే (బి) కృనాల్‌ 36; రచిన్‌ (బి) మొహసిన్‌ 0; రుతురాజ్‌ (సి) రాహుల్‌ (బి) యశ్‌ 17; జడేజా (నాటౌట్‌) 57; దూబే (సి) రాహుల్‌ (బి) స్టొయినిస్‌ 3; రిజ్వీ (స్టంప్డ్‌) రాహుల్‌ (బి) కృనాల్‌ 1; అలీ (సి) బదోని (బి) బిష్ణోయ్‌ 30; ధోని (నాటౌట్‌) 28; ఎక్స్‌ట్రాలు 4; మొత్తం (20 ఓవర్లలో 6 వికెట్లకు 176. వికెట్ల పతనం: 1–4, 2–33, 3–68, 4–87, 5–90, 6–141. బౌలింగ్‌: హెన్రీ 3–0–26–0, మొహసిన్‌ 4–0–37–1, యశ్‌ ఠాకూర్‌ 4–0–45–1, కృనాల్‌ పాండ్యా 3–0–16–2, రవి బిష్ణోయ్‌ 4–0–44–1, స్టొయినిస్‌ 2–0–7–1.   లక్నో సూపర్‌ జెయింట్స్‌ ఇన్నింగ్స్‌: డికాక్‌ (సి) ధోని (బి) ముస్తఫిజుర్‌ 54; రాహుల్‌ (సి) జడేజా (బి) పతిరణ 82; పూరన్‌ (నాటౌట్‌) 23; స్టొయినిస్‌ (నాటౌట్‌) 8; ఎక్స్‌ట్రాలు 13; మొత్తం (19 ఓవర్లలో 2 వికెట్లకు) 180. వికెట్ల పతనం: 1–134, 2–161. బౌలింగ్‌: దీపక్‌ చహర్‌ 3–0–26–0, తుషార్‌ 4–0–42–0, ముస్తఫిజుర్‌ 4–0–43–1, జడేజా 3–0–32–0, పతిరణ 4–0–29–1, అలీ 1–0–5–0.    ఐపీఎల్‌లో నేడు ఢిల్లీ X హైదరాబాద్‌  వేదిక: న్యూఢిల్లీ రాత్రి 7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం

ఐపీఎల్‌-2024లో చెన్నై సూపర్‌ కింగ్స్‌ స్టార్‌ వికెట్‌ కీపర్‌ బ్యాటర్‌ ఎంఎస్‌ ధోని మరోసారి అదరగొట్టాడు. ఈ మెగా ఈవెంట్‌లో భాగంగా ఏక్నా స్టేడియం వేదికగా లక్నో సూపర్‌ జెయింట్స్‌తో మ్యాచ్‌లో ఎంఎస్‌ ధోని మెరుపులు మెరిపించాడు. ఆఖరిలో బ్యాటింగ్‌కు వచ్చిన మిస్టర్‌ కూల్‌.. లక్నో బౌలర్లపై విరుచుకుపడ్డాడు. 42 ఏళ్ల వయస్సులోనూ ధోని తన ట్రేడ్‌ మార్క్‌ షాట్లతో అభిమానులను అలరించాడు. కేవలం 9 బంతులు మాత్రమే ఎదుర్కొన్న ధోని.. 3 ఫోర్లు, 2 సిక్సర్లతో 28 పరుగులు చేశాడు. అతడి ఇన్నింగ్స్‌కు సంబంధించిన వీడియో ప్రస్తుతం సోషల్‌ మీడియాలో వైరల్‌ అవుతోంది.  సీఎస్‌కే నిర్ణీత 20 ఓవర్లలో 6 వికెట్ల నష్టానికి 176 పరుగులు చేసింది. సీఎస్‌కే బ్యాటర్లలో రవీంద్ర జడేజా(57) పరుగులతో టాప్‌ స్కోరర్‌గా నిలవగా.. ధోని(28), మొయిన్‌ అలీ(30) పరుగులతో రాణించారు. pic.twitter.com/ZkcCOZBogc — Cricket Videos (@cricketvid123) April 19, 2024

IPL 2024 CSK vs LSG Live Updates: రాహుల్‌ కెప్టెన్‌ ఇన్నింగ్స్‌.. సీఎస్‌కేపై లక్నో ఘన విజయం ఏక్నా స్టేడియం వేదికగా చెన్నై సూపర్‌ కింగ్స్‌తో జరిగిన మ్యాచ్‌లో 8 వికెట్ల తేడాతో లక్నో సూపర్‌ జెయింట్స్‌ ఘన విజయం సాధించింది. 177 పరుగుల లక్ష్యాన్ని లక్నో 19 ఓవర్లలో కేవలం రెండు వికెట్లు మాత్రమే కోల్పోయి చేధించింది. లక్నో బ్యాటర్లలో కెప్టెన్‌ కేఎల్‌ రాహుల్‌(53 బంతుల్లో 9 ఫోర్లు, 3 సిక్స్‌లు) కీలక ఇన్నింగ్స్‌ ఆడగా.. డికాక్‌(54) హాఫ్‌ సెంచరీతో రాణించాడు. సీఎస్‌కే బౌలర్లలో ముస్తఫిజుర్‌ రెహ్మన్‌, పతిరానా తలా వికెట్‌ సాధించారు. అంతకుముందు బ్యాటింగ్‌ చేసిన సీఎస్‌కే నిర్ణీత 20 ఓవర్లలో 6 వికెట్ల నష్టానికి 176 పరుగులు చేసింది. సీఎస్‌కే బ్యాటర్లలో రవీంద్ర జడేజా(57) పరుగులతో టాప్‌ స్కోరర్‌గా నిలవగా.. ఎంఎస్‌ ధోని ఆఖరిలో మెరుపులు మెరిపించాడు. కేవలం 9 బంతుల్లో 3 ఫోర్లు, 2 సిక్స్‌లతో 28 పరుగులు చేసి ఆజేయంగా నిలిచాడు. లక్నో బౌలర్లలో కృనాల్‌ పాండ్యా రెండు వికెట్లు పడగొట్టగా.. రవి బిష్ణోయ్‌, మార్కస్‌ స్టోయినిష్‌, మోహ్షిన్‌ ఖానా తలా వికెట్‌ సాధించారు. తొలి వికెట్‌ కోల్పోయిన లక్నో.. 134 పరుగుల వద్ద లక్నో సూపర్‌ జెయింట్స్‌ తొలి వికెట్‌ కోల్పోయింది. 54 పరుగులు చేసిన క్వింటన్‌ డికాక్‌.. ముస్తఫిజుర్‌ రెహ్మన్‌ బౌలింగ్‌లో ఔటయ్యాడు. క్రీజులో కేఎల్‌ రాహుల్‌(73), పూరన్‌ ఉన్నారు. కేఎల్‌ రాహుల్‌ ఫిప్టీ.. లక్నో సూపర్‌ జెయింట్స్‌ కెప్టెన్‌ కేఎల్‌ రాహుల్‌ తన హాఫ్‌ సెంచరీ మార్క్‌ను అందుకున్నాడు. 31 బంతుల్లో తన హాఫ్‌ సెంచరీని రాహుల్‌ పూర్తి చేసుకున్నాడు. 11 ఓవర్లకు లక్నో స్కోర్‌: 103/0 9 ఓవర్లకు లక్నో స్కోర్‌: 84/0 9 ఓవర్లు ముగిసే సరికి లక్నో వికెట్‌ నష్టపోకుండా 84 పరుగులు చేసింది. క్రీజులో కేఎల్‌ రాహుల్‌(46), క్వింటన్‌ డికాక్‌(34) పరుగులతో ఉన్నారు. 4 ఓవర్లకు లక్నో స్కోర్‌: 32/0 177 పరుగుల లక్ష్యంతో బరిలోకి దిగిన లక్నో సూపర్‌ జెయింట్స్‌ 4 ఓవర్లు ముగిసే సరికి వికెట్‌ నష్టపోకుండా 32 పరుగులు చేసింది. క్రీజులో రాహుల్‌(19), క్వింటన్‌ డికాక్‌(23) పరుగులతో ఉన్నారు. ఆఖరిలో ధోని మెరుపులు.. లక్నో టార్గెట్‌ 177 పరుగులు టాస్‌ ఓడి బ్యాటింగ్‌కు దిగిన సీఎస్‌కే నిర్ణీత 20 ఓవర్లలో 6 వికెట్ల నష్టానికి 176 పరుగులు చేసింది. సీఎస్‌కే బ్యాటర్లలో రవీంద్ర జడేజా(57) పరుగులతో టాప్‌ స్కోరర్‌గా నిలవగా.. ఎంఎస్‌ ధోని ఆఖరిలో మెరుపులు మెరిపించాడు. కేవలం 9 బంతుల్లో 3 ఫోర్లు, 2 సిక్స్‌లతో 28 పరుగులు చేసి ఆజేయంగా నిలిచాడు. లక్నో బౌలర్లలో కృనాల్‌ పాండ్యా రెండు వికెట్లు పడగొట్టగా.. రవి బిష్ణోయ్‌, మార్కస్‌ స్టోయినిష్‌, మోహ్షిన్‌ ఖానా తలా వికెట్‌ సాధించారు. సీఎస్‌కే ఆరో వికెట్‌ డౌన్‌.. మొయిన్‌ అలీ రూపంలో సీఎస్‌కే ఆరో వికెట్‌ కోల్పోయింది. 30 పరుగులు చేసిన అలీ.. రవి బిష్ణోయ్‌ బౌలింగ్‌లో ఔటయ్యాడు. క్రీజులోకి ధోని వచ్చాడు. 18 ఓవర్లకు సీఎస్‌కే స్కోర్‌: 142/6 రవీంద్ర జడేజా హాఫ్‌ సెంచరీ.. 17 ఓవర్లు ముగిసే సరికి సీఎస్‌కే 5 వికెట్ల నష్టానికి 123 పరుగులు చేసింది. క్రీజులో రవీంద్ర జడేజా(53), మొయిన్‌ అలీ(12) పరుగులతో ఉన్నారు. సీఎస్‌కే ఐదో వికెట్‌ డౌన్‌.. రిజ్వీ ఔట్‌ సీఎస్‌కే ఐదో వికెట్‌ కోల్పోయింది. కేవలం ఒక్కపరుగు మాత్రమే చేసిన సమీర్‌ రిజ్వీ.. కృనాల్‌ పాండ్యా బౌలింగ్‌లో ఔటయ్యాడు. సీఎస్‌కే నాలుగో వికెట్‌ డౌన్‌.. దూబే ఔట్‌ శివమ్‌ దూబే రూపంలో సీఎస్‌కే నాలుగో వికెట్‌ కోల్పోయింది. 3 పరుగులు చేసిన శివమ్‌ దూబే.. స్టోయినిష్‌ బౌలింగ్‌లో ఔటయ్యాడు. 12 ఓవర్లకు సీఎస్‌కే స్కోర్‌: 89/4 సీఎస్‌కే మూడో వికెట్‌ డౌన్‌.. రహానే ఔట్‌ అజింక్య రహానే రూపంలో సీఎస్‌కే మూడో వికెట్‌ కోల్పోయింది. 36 పరుగులు చేసిన అజింక్య రహానే.. కృనాల్‌ పాండ్యా బౌలింగ్‌లో ఔటయ్యాడు. 5 ఓవర్లు ముగిసే సరికి సీఎస్‌కే రెండు వికెట్ల నష్టానికి 42 పరుగులు చేసింది. క్రీజులో రవీంద్ర జడేజా(20) పరుగులతో ఉన్నారు. 8.1 ఓవర్లకు సీఎస్‌కే స్కోర్‌: 68/3 సీఎస్‌కే రెండో వికెట్‌ డౌన్‌.. గైక్వాడ్‌ ఔట్‌ సీఎస్‌కే రెండో వికెట్‌ కోల్పోయింది. 17 పరుగులు చేసిన సీఎస్‌కే కెప్టెన్‌ రుతురాజ్‌ గైక్వాడ్‌.. యష్‌ ఠాకూర్‌ బౌలింగ్‌లో ఔటయ్యాడు. 5 ఓవర్లు ముగిసే సరికి సీఎస్‌కే రెండు వికెట్ల నష్టానికి 42 పరుగులు చేసింది. క్రీజులో అజింక్యా రహానే(24), రవీంద్ర జడేజా(1) పరుగులతో ఉన్నారు. తొలి వికెట్‌ కోల్పోయిన సీఎస్‌కే.. రవీంద్ర ఔట్‌ టాస్‌ ఓడి బ్యాటింగ్‌కు దిగిన సీఎస్‌కేకు ఆదిలోనే బిగ్‌ షాక్‌ తగిలింది. స్టార్‌ ఓపెనర్‌ రచిన్‌ రవీంద్ర ఖాతా తెరవకుండానే పెవిలియన్‌కు చేరాడు. మోహ్షిన్‌ ఖాన్‌ బౌలింగ్‌లో రవీంద్ర క్లీన్‌ బౌల్డ్‌ అయ్యాడు. 2 ఓవర్లు ముగిసే సరికి సీఎస్‌కే వికెట్‌ నష్టానికి 7 పరుగులు చేసింది. ఐపీఎల్‌-2024లో భాగంగా ఏక్నా స్టేడియం వేదికగా లక్నో సూపర్‌ జెయింట్స్‌, చెన్నై సూపర్‌ కింగ్స్‌ జట్లు తలపడుతున్నాయి. ఈ మ్యాచ్‌లో టాస్‌ గెలిచిన లక్నో సూపర్‌ జెయింట్స్‌ తొలుత బౌలింగ్‌ ఎంచుకుంది.  ఈ మ్యాచ్‌లో సీఎస్‌కే రెండు మార్పులతో బరిలోకి దిగగా.. లక్నో ఒక మార్పు చేసింది. సీఎస్‌కే జట్టులోకి మొయిన్‌ అలీ, దీపక్‌ చాహర్‌ వచ్చారు. అదే విధంగా లక్నో తరపున మాట్‌ హెన్రీ ఐపీఎల్‌ అరంగేట్రం చేశాడు. తుది జట్లు చెన్నై సూపర్ కింగ్స్ : రుతురాజ్ గైక్వాడ్ (కెప్టెన్‌), రచిన్ రవీంద్ర, అజింక్యా రహానే, మొయిన్ అలీ, శివమ్ దూబే, రవీంద్ర జడేజా, ఎంఎస్ ధోని (వికెట్‌ కీపర్‌), దీపక్ చాహర్, తుషార్ దేశ్‌పాండే, ముస్తాఫిజుర్ రెహమాన్, మతీషా పతిరానా లక్నో సూపర్ జెయింట్స్ : క్వింటన్ డి కాక్, కేఎల్‌ రాహుల్ (కెప్టెన్‌), దీపక్ హుడా, మార్కస్ స్టోయినిస్, నికోలస్ పూరన్, ఆయుష్ బడోని, కృనాల్ పాండ్యా, మాట్ హెన్రీ, రవి బిష్ణోయ్, మొహ్సిన్ ఖాన్, యశ్ ఠాకూర్

‘‘ఆ రోజు విరాట్‌ అక్కడే ఉన్నాడు. కోచ్‌ రే జెన్సింగ్స్‌.. ఇంకా మిగతా సహాయక సిబ్బంది కూడా ఉన్నారు. అప్పుడు విరాట్‌ వచ్చి.. ‘నీకు ఈ కాంట్రాక్ట్‌ మీద సంతకం పెట్టడం ఇష్టమేనా? ఆర్సీబీకి ఆడతావా? అని అడిగాడు. అందుకు బదులుగా.. ‘ఏంటీ జోక్‌ చేస్తున్నావా?.. నా చిరకాల కల అది’ అని అన్నాన్నేను. అప్పుడు విరాట్‌.. ‘అవును.. జోక్‌ చేశానులే.. అయినా.. ఇది నీకు ఆప్షన్‌ కాదు.. ముందు ఈ కాంట్రాక్టు మీద సంతకం పెట్టు’ అన్నాడు.  నేను అలాగే చేశాను. అప్పుడు వెంటనే విరాట్‌ స్పందిస్తూ.. ‘ఇక నుంచి  నీ ప్రయాణం క్రేజీగా ఉండబోతోంది. వచ్చే రెండు నెలలు నీకు ఫుల్‌ మజా’ అంటూ నన్ను ఆటపట్టించాడు’’ అని టీమిండియా స్టార్‌, ఐపీఎల్‌ ఫ్రాంఛైజీ లక్నో సూపర్‌ జెయింట్స్‌ కెప్టెన్‌ కేఎల్‌ రాహుల్‌ అన్నాడు. క్యాష్‌ రిచ్‌ లీగ్‌లో అడుగుపెట్టిన నాటి జ్ఞాపకాలను తాజాగా గుర్తు చేసుకున్నాడు. కాగా కర్ణాటకకు చెందిన కన్ననూర్‌ లోకేశ్‌ రాహుల్‌ 2013లో రాయల్‌ చాలెంజర్స్‌ బెంగళూరు తరఫున అరంగేట్రం చేశాడు. ఆ ఏడాది దేశవాళీ టీ20 టోర్నీ సయ్యద్‌ ముస్తాక్‌ అలీ ట్రోఫీలో అదరగొట్టి ఐపీఎల్‌లోనూ ఎంట్రీ ఇచ్చాడు.  కేకేఆర్‌తో మ్యాచ్‌తో ఎంట్రీ సొంతమైదానం బెంగళూరులోని చిన్నస్వామి స్టేడియంలో కోల్‌కతా నైట్‌ రైడర్స్‌తో ఆర్సీబీ తరఫున అరంగేట్రం చేశాడు. ఇక ఆ తర్వాత సన్‌రైజర్స్‌ హైదరాబాద్‌, పంజాబ్‌ కింగ్స్‌(కెప్టెన్‌)కు ఆడిన రాహుల్‌.. 2022లో ఎంట్రీ ఇచ్చిన లక్నో సూపర్‌ జెయింట్స్‌ సారథిగా బాధ్యతలు చేపట్టాడు. తమ తొలి సీజన్‌లోనే లక్నోను ప్లే ఆఫ్స్‌ చేర్చి సత్తా చాటాడు. ఇక ఐపీఎల్‌-2024లోనూ ప్రస్తుతం లక్నో పరిస్థితి మెరుగ్గానే ఉంది. ఆడిన ఆరు మ్యాచ్‌లలో మూడు గెలిచి ఐదో స్థానంలో ఉంది. శుక్రవారం నాటి మ్యాచ్‌లో చెన్నై సూపర్‌ కింగ్స్‌తో లక్నో వేదికగా సూపర్‌ జెయింట్స్‌ తలపడనుంది. ఇదిలా ఉంటే.. లక్నోకు సారథిగా ఉన్నా కేఎల్‌ రాహుల్‌ మనసులో ఆర్సీబీకి మాత్రం ప్రత్యేక స్థానం ఉంది. తన సొంత రాష్ట్రానికి చెందిన ఫ్రాంఛైజీ కావడంతో పాటు.. తనకు లైఫ్‌ కూడా ఇచ్చిన ఆర్సీబీ అంటే అతడికి గౌరవం. ఈ విషయాన్ని తాజాగా రవిచంద్రన్‌ అశ్విన్‌కు ఇచ్చిన ఇంటర్వ్యూలో పంచుకున్నాడు రాహుల్‌. అక్కడే మొదలు.. అక్కడే ముగిస్తా ‘‘ఆ రెండు నెలలు ఆర్సీబీలో నేను చాలా నేర్చుకున్నాను. మంచి అనుభవం గడించాను. అంతా త్వరత్వరగా జరిగిపోయింది. బెంగళూరుకు ఆడటం నాకెల్లప్పుడూ ఇష్టమే. నా కెరీర్‌ మొదలైందే అక్కడ!  అక్కడే కెరీర్‌ ముగిస్తే బాగుంటుందని కూడా అనుకుంటున్నా. ఏదేమైనా భిన్న జట్లతో.. భిన్న ప్లేయర్లతో కలిపే ఐపీఎల్‌ ఓ అద్భుతమైన టోర్నీ’’ అని కేఎల్‌ రాహుల్‌ చెప్పుకొచ్చాడు.  చదవండి: హార్దిక్‌ను పట్టించుకోని ఆకాశ్‌.. రోహిత్‌ మాట విని అలా! వైరల్‌ వీడియో var request = 'https://www.sakshi.com/knowwidget/kwstr_4381453179.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });