గత వారం తొలుత అంచనాలకు విరుద్ధంగా దేశీ స్టాక్‌ మార్కెట్లు బలహీనపడినప్పటికీ చివర్లో కొంత కోలుకున్నాయి. వెరసి ఈ వారం సైతం మార్కెట్లు ఆటుపోట్ల మధ్య ముందుకుసాగే వీలున్నట్లు విశ్లేషకులు పేర్కొంటున్నారు. బుల్లిష్‌ ట్రెండ్‌ కొనసాగవచ్చని భావిస్తున్నారు. మరోపక్క దేశ, విదేశీ ఆర్థిక గణాంకాలు సెంటిమెంటుకు కీలకంగా నిలవనున్నట్లు చెబుతున్నారు. వివరాలు చూద్దాం.. టోకు ధరల ఆధారిత ద్రవ్యోల్బణ ఇండెక్స్‌(డబ్ల్యూపీఐ) గణాంకాలు నేడు(సోమవారం) విడుదలకానున్నాయి. అక్టోబర్‌(2025)లో ప్రతిద్రవ్యోల్బణం(మైనస్‌ 1.21 శాతం) నమోదుకాగా.. నవంబర్‌ నెలకు సైతం ధరల క్షీణత కనిపించనున్నట్లు ఆర్థికవేత్తలు పేర్కొన్నారు. దీంతో అక్టోబర్‌తో పోలిస్తే గత నెలలో కాస్తమెరుగ్గా మైనస్‌ 0.5 నుంచి –0.6 శాతంస్థాయిలో గణాంకాలు వెలువడవచ్చని చెబుతున్నారు. ఈ బాటలో నవంబర్‌ నెలకు వాణిజ్య సంబంధ గణాంకాలు విడుదలకానున్నట్లు తెలియజేశారు. ప్రధానంగా పసిడి ధరలు భారీగా పెరగడంతో అక్టోబర్‌లో వాణిజ్య లోటు(ఎగుమతి, దిగుమతుల మధ్య అంతరం) రికార్డ్‌ గరిష్టం 41.68 బిలియన్‌ డాలర్లను తాకింది. నవంబర్‌లోనూ ఇదే పరిస్థితి కొనసాగవచ్చని పరిశ్రమ వర్గాలు భావిస్తున్నాయి. అక్టోబర్‌లో దిగుమతుల బిల్లు 76 బిలియన్‌ డాలర్లను దాటగా.. ఎగుమతులు 34.38 బిలియన్‌ డాలర్లు మాత్రమే. కరెన్సీ మారకంపై కన్ను గత వారం డాలరుతో మారకంలో రూపాయి ఇంట్రాడేలో చరిత్రాత్మక కనిష్టం 90.56కు పడిపోయింది. ఆరు ప్రపంచ ప్రధాన కరెన్సీలతో మారకంలో డాలరు ఇండెక్స్‌ 98.4కు బలహీనపడగా.. 10ఏళ్ల ట్రెజరీ బాండ్ల ఈల్డ్స్‌ తొలుత నీరసించినప్పటికీ 4.18 శాతానికి కోలుకున్నాయి. ఫెడ్, ఆర్‌బీఐ వడ్డీ రేట్ల కోతలు కరెన్సీ, బాండ్లపై ప్రభావం చూపుతున్నట్లు ఆర్థికవేత్తలు పేర్కొన్నారు. కాగా.. యూఎస్‌ విధించిన అదనపు టారిఫ్‌లకుతోడు మెక్సికో సైతం భారత్‌ దిగుమతులపై సుంకాలను పెంచడం సెంటిమెంటును దెబ్బతీసినట్లు విశ్లేషకులు తెలియజేశారు. అయితే ఇటీవల యూఎస్‌ ప్రెసిడెంట్‌ ట్రంప్‌తో దేశ ప్రధాని నరేంద్ర మోడీ చర్చలు, మెక్సికో వాణిజ్య అధికారులతో భారత అధికారుల భేటీ టారిఫ్‌ల సమస్యలకు చెక్‌ పెట్టే వీలున్నట్లు పరిశ్రమవర్గాలు అంచనా వేస్తున్నాయి. విదేశీ గణాంకాలు యూఎస్, యూరోజోన్‌ ద్రవ్యోల్బణ గణాంకాలు ఈ వారం విడుదలకానున్నాయి. గత నెలకు యూఎస్‌ వినియోగ ధరలు, రిటైల్‌ అమ్మకాలు, వ్యవసాయేతర ఉపాధి గణాంకాలు సైతం వెల్లడికానున్నాయి. వెరసి అమెరికా ఆర్థిక వ్యవస్థ అంతర్గత పటిష్టత, ద్రవ్యోల్బణ ఔట్‌లుక్‌ తదితర అంశాలు ఫెడ్‌ మానిటరీ పాలసీపై ప్రభావం చూపనున్నట్లు మార్కెట్‌ విశ్లేషకులు తెలియజేశారు. ఈ బాటలో విడుదలకానున్న జపనీస్‌ ద్రవ్యోల్బణం, వాణిజ్య గణాంకాలు బ్యాంక్‌ ఆఫ్‌ జపాన్‌ పరపతి సమీక్షను ప్రభావితం చేయనున్నట్లు వెల్లడించారు. దీంతో ఈ వారం సైతం మార్కెట్లలో హెచ్చుతగ్గులకు వీలున్నట్లు అభిప్రాయపడ్డారు. చిన్న షేర్లు భళా అంచనాలకు అనుగుణంగా గడిచిన వారం యూఎస్‌ ఫెడరల్‌ రిజర్వ్‌ వడ్డీ రేటులో 0.25 శాతం కోత పెట్టడంతో చివర్లో మార్కెట్లు రికవరీ అయ్యాయి. వెరసి ఎన్‌ఎస్‌ఈ నిఫ్టీ 26,000 పాయింట్లకు ఎగువన, బీఎస్‌ఈ సెన్సెక్స్‌ 85,200స్థాయికి పైన నిలిచాయి. డాలరుతో మారకంలో రూపాయి చరిత్రాత్మక కనిష్టానికి చేరడం, యూఎస్‌కు తోడు కొత్తగా దేశీ ఎగుమతులపై మెక్సికో సుంకాల పెంపు ప్రకటించడం సెంటిమెంటును దెబ్బతీసినట్లు నిపుణులు పేర్కొన్నారు. దీంతో గత వారం నికరంగా సెన్సెక్స్‌ 445 పాయింట్లు(0.51 శాతం) క్షీణించి 85,268 వద్ద స్థిరపడగా.. నిఫ్టీ 140 పాయింట్ల(0.53 శాతం) వెనకడుగుతో 26,047 వద్ద ముగిసింది. అయితే బీఎస్‌ఈ మిడ్‌ క్యాప్‌ ఇండెక్స్‌ 1.14 శాతం, స్మాల్‌ క్యాప్‌ 0.65 శాతం చొప్పున పుంజుకోవడం గమనార్హం! సాంకేతికంగా ముందుకే.. చార్టుల ప్రకారం గత వారం అంచనాలకు భిన్నంగా దేశీ స్టాక్‌ మార్కెట్లు డీలా పడ్డాయి. అయితే రెండో సపోర్ట్‌ స్థాయిల వద్ద నుంచి కోలుకున్నాయి. వెరసి సాంకేతికంగా కీలకమైన 85,000 పాయింట్లు(సెన్సెక్స్‌), 26,000 పాయింట్ల(నిఫ్టీ) కీలకస్థాయిలకు ఎగువన ముగిశాయి. ఈ వారం సైతం ఆటుపోట్ల మధ్య బలపడే వీలున్నట్లు సాంకేతిక నిపుణులు భావిస్తున్నారు. → నిఫ్టీకి తొలుత 26,000 పాయింట్లు సపోర్ట్‌గా నిలవవచ్చు. తదుపరి 25,800 వద్ద తిరిగి మద్దతు లభించే వీలుంది. 26,000 పాయింట్ల స్థాయికి ఎగువన నిలదొక్కుకుంటే 26,350 వద్ద రెసిస్టెన్స్‌ ఎదురుకావచ్చు. ఆపై సమీప భవిష్యత్‌లో 26,900–27,000 వరకూ పుంజుకునే చాన్స్‌లున్నాయ్‌. → సెన్సెక్స్‌ జోరందుకుంటే తొలుత 85,700–85,800 పాయింట్ల వద్ద అమ్మకాల ఒత్తిడి కనిపించవచ్చు. ఈ స్థాయిలను అధిగమిస్తే 88,000–88,500 వరకూ బలపడే వీలున్నట్లు అంచనా. ఒకవేళ అమ్మకాలతో బలహీనపడితే 85,000 నుంచి 84,000 పాయింట్లవరకూ క్షీణించవచ్చు. – సాక్షి, బిజినెస్‌ డెస్క్‌

ప్రధానంగా విదేశీ గణాంకాల ఆధారంగా ఈ వారం దేశీ స్టాక్‌ మార్కెట్లు కదలనున్నట్లు నిపుణులు చెబుతున్నారు. అయితే ప్రపంచ ఫైనాన్షియల్‌ మార్కెట్లను ప్రభావితం చేయగల యూఎస్‌ ఫెడరల్‌ రిజర్వ్‌ పాలసీ సమీక్షను చేపట్టనుంది. ఇది సెంటిమెంటుకు కీలకంగా నిలవనున్నట్లు మార్కెట్‌ విశ్లేషకులు పేర్కొంటున్నారు. వివరాలు చూద్దాం.. యూఎస్‌ కేంద్ర బ్యాంకు ఫెడరల్‌ రిజర్వ్‌ 9న పరపతి విధాన సమీక్షను చేపట్టనుంది. 10న చైర్మన్‌ పావెల్‌ అధ్యక్షతన ఫెడరల్‌ ఒపెన్‌ మార్కెట్‌ కమిటీ(ఎఫ్‌వోఎంసీ) మానిటరీ పాలసీ నిర్ణయాలు ప్రకటించనుంది. ఫెడ్‌ ఫండ్స్‌(వడ్డీ) రేట్లను 0.25 శాతంమేర తగ్గించవచ్చని అధికశాతంమంది ఆర్థికవేత్తలు అంచనా వేస్తున్నారు. గత పాలసీ సమావేశంలోనూ వడ్డీ రేటులో పావు శాతం కోత పెట్టిన సంగతి తెలిసిందే. దీంతో ప్రస్తుతం ఫెడ్‌ ఫండ్స్‌ రేట్లు 3.75–4 శాతంగా అమలవుతున్నాయి. కాగా.. ముందు రోజు అంటే 9న యూఎస్‌ ఉపాధి గణాంకాలు విడుదలకానున్నాయి. 11న సెపె్టంబర్‌ నెలకు వాణిజ్య గణాంకాలు వెల్లడికానున్నాయి. ఆగస్ట్‌లో వాణిజ్య లోటు 59.6 బిలియన్‌ డాలర్లకు పరిమితమైంది. జూలైలో 78 బిలియన్‌ డాలర్లుగా నమోదైంది. నవంబర్‌ నెలకు చైనా వాణిజ్య గణాంకాలు విడుదలకానున్నాయి. అక్టోబర్‌లో చైనా 90 బిలియన్‌ డాలర్లకుపైగా వాణిజ్య మిగులు ప్రకటించిన సంగతి తెలిసిందే. 10న గత నెలకు చైనా ద్రవ్యోల్బణ వివరాలు తెలియనున్నాయి. ఆర్‌బీఐ ఎఫెక్ట్‌ దేశీయంగా ఆర్‌బీఐ గత వారం వడ్డీ రేట్లకు కీలకమైన రెపోలో 0.25 శాతం కోత పెట్టింది. దీంతో రెపో రేటు 5.25 శాతానికి దిగివచ్చింది. అంతేకాకుండా రూ. లక్ష కోట్ల లిక్విడిటీకి సైతం తెరతీయనుంది. ఫలితంగా దేశీ స్టాక్‌ మార్కెట్లు వారాంతాన ఊపందుకున్నాయి. అయితే డాలరుతో మారకంలో రూపాయి 90కు బలహీనపడటం గమనించదగ్గ అంశం. దీంతో బ్యాంకింగ్‌ వ్యవస్థలో లిక్విడిటీకి దన్నుగా ఆర్‌బీఐ 5 బిలియన్‌ డాలర్ల రుపీ డాలర్‌ స్వాప్‌నకు తెరతీయనుంది. ఈ నేపథ్యంలో ఆర్‌బీఐ చర్యలు జీఎస్‌టీ సంస్కరణలకు జత కలసి సెంటిమెంటుకు ప్రోత్సాహాన్నివ్వనున్నట్లు విశ్లేషకులు తెలియజేశారు. ఆరు ప్రపంచ ప్రధాన కరెన్సీలతో మారకంలో యూఎస్‌ డాలరు ఇండెక్స్, ట్రెజరీ బాండ్ల ఈల్డ్స్‌ సైతం మార్కెట్లలో ట్రెండ్‌ను ప్రభావితం చేసే అవకాశముంది. ఇవి గ్లోబల్‌ ఇన్వెస్టర్లను రిస్కు పెట్టుబడులైన ఈక్విటీల నుంచి పసిడి తదితర రక్షణాత్మక సాధనాలవైపు మళ్లించవచ్చని ఆర్థికవేత్తలు అభిప్రాయపడుతున్నారు. రిటైల్‌ ధరలు.. నవంబర్‌ నెలకు వినియోగ ధరల(సీపీఐ) గణాంకాలు శుక్రవారం(12న) విడుదలకానున్నాయి. అక్టోబర్‌లో సీపీఐ 0.25 శాతానికి నీరసించింది. దీంతో ఆర్‌బీఐ వడ్డీ రేట్ల తగ్గింపునకు వీలు కలిగిన విషయం విదితమే. కాగా.. వరుసగా 9వ నెలలోనూ ఆర్‌బీఐ లక్ష్యం 4 శాతానికంటే దిగువనే రిటైల్‌ ధరలు నమోదవుతుండటం గమనార్హం! ఎఫ్‌పీఐల అమ్మకాల స్పీడ్‌ తొలి వారంలో రూ. 11,820 కోట్లు ఔట్‌ దేశీ స్టాక్స్‌లో ఇటీవల విక్రయాలకే ప్రాధాన్యమిస్తున్న విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) ఈ నెల మొదటి వారంలోనూ పెట్టుబడులను వెనక్కి తీసుకున్నారు. నగదు విభాగంలో నికరంగా రూ. 11,820 కోట్ల విలువైన అమ్మకాలు చేపట్టారు. దీంతో ఈ కేలండర్‌ ఏడాది(2025)లో ఇప్పటివరకూ రూ. 1.55 లక్షల కోట్ల పెట్టుబడులను వెనక్కి తీసుకున్నట్లయింది! గత నెలలోనూ రూ. 3,765 కోట్ల విలువైన స్టాక్స్‌ను నికరంగా విక్రయించిన ఎఫ్‌పీఐలు అక్టోబర్‌లో మాత్రం రూ. 14,610 కోట్లు ఇన్వెస్ట్‌ చేసిన విషయం విదితమే. అయితే అంతకుముందు సెపె్టంబర్‌లో రూ. 23,885 కోట్లు, ఆగస్ట్‌లో రూ. 34,990 కోట్లు, జూలైలో రూ. 17,700 కోట్ల పెట్టుబడులు వెనక్కి తీసుకోవడం గమనార్హం!బుల్లిష్‌గా..గత వారం ఆటుపోట్ల మధ్య దేశీ స్టాక్‌ మార్కెట్లు దాదాపు ఫ్లాట్‌గా ముగిశాయి. రూపాయి పతనంతో ఐటీ కౌంటర్లు బలపడ్డాయి. అయితే సాంకేతికంగా చూస్తే ఈ వారం మార్కెట్లు పుంజుకోవడానికే అధిక చాన్స్‌ ఉన్నట్లు విశ్లేషకులు భావిస్తున్నారు. → ఎన్‌ఎస్‌ఈ నిఫ్టీ 26,300–26,350 పాయింట్లకు పెరిగే వీలుంది. ఈ స్థాయిలో రెసిస్టెన్స్‌ ఎదురుకావచ్చు. దీనిని అధిగమిస్తే స్వల్ప కాలంలో 26,850–26,900 వరకూ పురోగమించే అవకాశముంది. ఒకవేళ బలహీనపడితే తొలుత 26,000, తదుపరి 25,850 పాయింట్ల వద్ద సపోర్ట్‌ లభించే వీలుంది. ఆపై మరోసారి 25,700 వద్ద మద్దతు కనిపించవచ్చు. ఇంతకంటే దిగువకు చేరితే మరింత నీరసించేందుకు ఆస్కారం ఉంటుంది. → బీఎస్‌ఈ సెన్సెక్స్‌ 86,350 వరకూ బలపడవచ్చు. ఈస్థాయిని దాటితే 87,500–88,000 పాయింట్లవరకూ పుంజుకునే అవకాశముంది. ఒకవేళ బలహీనపడితే తొలుత 84,800 వద్ద, తదుపరి 84,450 పాయింట్ల వద్ద సపోర్ట్‌ లభించవచ్చు. ఆపై మరింత నీరసిస్తే 83,600–83,300 పాయింట్లవరకూ క్షీణించే వీలుంది. –సాక్షి, బిజినెస్‌ డెస్క్‌

దేశీయంగా ఆర్థిక గణాంకాలు, యూఎస్‌ ఫెడరల్‌ రిజర్వ్‌ గత సమీక్షా సంబంధ వివరాలు(మినిట్స్‌) ఈ వారం దేశీ స్టాక్‌ మార్కెట్లకు కీలకంగా నిలవనున్నాయి. వీటికితోడు యూఎస్‌తో వాణిజ్య టారిఫ్‌లపై చర్చల పురోగతి సెంటిమెంటుకు కీలకంకానున్నట్లు నిపుణులు పేర్కొంటున్నారు. ఈ నేపథ్యంలో మార్కెట్లు ఆటుపోట్ల మధ్య మరింత బలపడవచ్చని భావిస్తున్నారు. వివరాలు చూద్దాం..ఈ వారం దేశీ స్టాక్‌ మార్కెట్లను దేశ, విదేశీ గణాంకాలతోపాటు పలు ఇతర అంశాలు ప్రభావితం చేయనున్నాయి. ప్రధానంగా యూఎస్‌తో వాణిజ్య టారిఫ్‌లపై చర్చల పురోగతిపై ఇన్వెస్టర్లు దృష్టి పెట్టనున్నట్లు విశ్లేషకులు చెబుతున్నారు. అత్యధికకాలం కొనసాగిన యూఎస్‌ ప్రభుత్వ షట్‌డౌన్‌కు గత వారాంతాన ముగింపు పలకడం ప్రోత్సాహకర అంశమని పేర్కొన్నారు. ప్రస్తుత ఆర్థిక సంవత్సరం(2025–26) రెండో త్రైమాసిక(జూలై–సెప్టెంబర్‌) ఫలితాలు ముగింపు దశకు చేరుకున్న నేపథ్యంలో వ్యవస్థాగత సానుకూలతలు, పటిష్ట ఫండమెంటల్స్‌ కలిగిన రంగాలవైపు ఇన్వెస్టర్లు దృష్టి పెట్టనున్నట్లు జియోజిత్‌ ఇన్వెస్ట్‌మెంట్స్‌ రీసెర్చ్‌ హెడ్‌ వినోద్‌ నాయిర్‌ తెలియజేశారు. దీంతో ఈ ఏడాది ద్వితీయార్థం(అక్టోబర్‌ 2025–మార్చి2026)లో అప్‌గ్రేడ్‌కు వీలున్న రంగాలవైపు పోర్ట్‌ఫోలియోల సవరణకు వీలున్నట్లు అభిప్రాయపడ్డారు. క్యాపిటల్‌ మార్కెట్‌ సంబంధిత స్టాక్స్‌ వెలుగులో నిలవనున్నట్లు మోతీలాల్‌ ఓస్వాల్‌ ఫైనాన్షియల్‌ సర్వీసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా అంచనా వేశారు. ఇందుకు రిటైల్‌ ఇన్వెస్టర్ల కొనుగోళ్లు, సిప్‌ పెట్టుబడులు, ఐపీవోల హవా దోహదపడనున్నట్లు వివరించారు. బీహార్‌ ఎఫెక్ట్‌ దేశీయంగా స్థూల ఆర్థిక పరిస్థితులు పటిష్టంగా ఉండటానికితోడు.. బీహార్‌ అసెంబ్లీ ఎన్నికల్లో కేంద్రంలో అధికారంలో ఉన్న ఎన్‌డీఏ విస్పష్ట మెజారిటీ సాధించడం సానుకూల అంశాలుగా నిపుణులు పేర్కొన్నారు. క్యూ2లో ఎఫ్‌ఎంసీజీ, బ్యాంకింగ్‌సహా పలు రంగాల దిగ్గజాలు ఆశావహ ఫలితాలు సాధించడం సెంటిమెంటుకు బలాన్నివ్వనున్నట్లు అభిప్రాయపడ్డారు. పండుగులు, పెళ్ళిళ్ల సీజన్‌ నేపథ్యంలో డిమాండ్‌కు వీలున్న రంగాలు పెట్టుబడులను ఆకట్టుకోవచ్చని ఖేమ్కా ప్రస్తావించారు. ఈ ఏడాది ద్వితీయార్ధంలో పెట్టుబడులు పుంజుకునే వీలున్నట్లు అంచనా వేశారు. టెక్నాలజీ, మెటల్‌ రంగాలు పుంజుకోవచ్చని నిపుణులు పేర్కొన్నారు. వాణిజ్య గణాంకాలు వారాంతాన దేశీయంగా అక్టోబర్‌ నెల ఎగుమతి, దిగుమతి గణాంకాలు విడుదలకానున్నాయి. 2025 సెప్టెంబర్‌లో ఎగుమతులకంటే దిగుమతులు పెరగడంతో వాణిజ్య లోటు 32.15 బిలియన్‌ డాలర్లకు చేరింది. ఇవికాకుండా తయారీ, సర్వీసెస్‌ తదితర పీఎంఐ ఇండెక్సులు విడుదలకానున్నాయి. ఇప్పటికే రిటైల్‌ ధరలు, టోకు ధరల ద్రవ్యోల్బణం భారీగా వెనకడుగు వేయడంతో ఆర్‌బీఐ చేపట్టనున్న డిసెంబర్‌ పాలసీ సమీక్షపై సానుకూల అంచనాలకు వీలున్నట్లు ఆర్థికవేత్తలు పేర్కొన్నారు. జీఎస్‌టీ రేట్ల కోతసహా.. ధరలు దిగిరావడం సెంటిమెంటుకు బలాన్నిచ్చినట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా తెలియజేశారు.గత వారమిలాపలు ఆటుపోట్ల మధ్య గత వారం(10–14) దేశీ స్టాక్‌ మార్కెట్లు బలపడ్డాయి. వెరసి రెండు వారాల నష్టాలకు చెక్‌ పెట్టాయి. బీఎస్‌ఈ సెన్సెక్స్‌ నికరంగా 1,347 పాయింట్లు(1.6 శాతం) పుంజుకుని 84,563 వద్ద నిలిచింది. ఎన్‌ఎస్‌ఈ నిఫ్టీ సైతం 418 పాయింట్లు(1.6 శాతం) లాభపడి 25,910 వద్ద స్థిరపడింది. బీఎస్‌ఈ మిడ్‌క్యాప్‌ 0.9 శాతం జంప్‌చేయగా.. స్మాల్‌క్యాప్‌ 0.15 శాతమే బలపడింది.విదేశీ అంశాలుగత పాలసీ సమీక్షా వివరాల(మినిట్స్‌)ను యూఎస్‌ ఫెడరల్‌ రిజర్వ్‌ ఈ వారం వెల్లడించనుంది. అంతేకాకుండా ఫెడ్‌ చైర్మన్‌ జెరోమీ పావెల్‌ పరపతి విధానాలపై ప్రసంగించనున్నారు. గత నెలలో నిర్వహించిన పరపతి సమావేశంలో ఫెడ్‌ కమిటీ వడ్డీ రేట్లను 0.25 శాతం తగ్గించిన విషయం విదితమే. దీంతో ఫెడ్‌ ఫండ్స్‌ రేట్లు 3.75–4 శాతానికి దిగివచ్చాయి. మరోవైపు చైనా ఎఫ్‌డీఐలు, వడ్డీ రేట్ల వివరాలు, యూఎస్‌ తయారీ, హౌసింగ్‌ తదితర గణాంకాలు సైతం ఈ వారం వెల్లడికానున్నాయి. కాగా.. అక్టోబర్‌లో విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) దేశీ స్టాక్స్‌లో పెట్టుబడులు చేపట్టినప్పటికీ తిరిగి ఈ నెలలో అమ్మకాలకు పాల్పడుతున్న సంగతి తెలిసిందే. దీంతో ఈ అంశాలన్నిటికీ ప్రాధాన్యత ఉన్నట్లు నాయిర్‌ తెలియజేశారు. ముడిచమురు ధరలు, డాలరుతో రూపాయి మారకం తదితర అంశాలు సైతం కీలకమేనని విశ్లేషకులు ప్రస్తావించారు.సాంకేతికంగా..గత వారం నికరంగా మార్కెట్లు పుంజుకున్నాయి. ఈ బాటలో మరింత బలపడేందుకు వీలున్నట్లు సాంకేతిక నిపుణులు భావిస్తున్నారు. ఈ అంచనాల ప్రకారం ఎన్‌ఎస్‌ఈ నిఫ్టీ బలహీనపడితే తొలుత 25,750 వద్ద, తదుపరి 25,500 వద్ద మద్దతు లభించవచ్చు. ఆపై 26,300–26,800వరకూ పురోగమించే వీలుంది. ఇక బీఎస్‌ఈ సెన్సెక్స్‌ తొలుత 84,000 వద్ద, ఆపై 83,600 వద్ద మద్దతు కూడగట్టుకోవచ్చు. తదుపరి బలపడితే 85,500–85,600 వద్ద రెసిస్టెన్స్‌ ఎదురుకావచ్చు.

ఈ వారం దేశీ స్టాక్‌ మార్కెట్లకు ప్రధానంగా ఆర్థిక గణాంకాలు, జూలై–సెప్టెంబర్ (క్యూ2) ఫలితాలు దిశా నిర్దేశం చేయనున్నట్లు విశ్లేషకులు పేర్కొంటున్నారు. వీటికితోడు యూఎస్‌తో చైనా, ఇండియా వాణిజ్య చర్చలకూ ప్రాధన్యమున్నట్లు తెలియజేశారు. వివరాలు చూద్దాం.. – సాక్షి, బిజినెస్‌ డెస్క్‌దేశీయంగా ఈ వారం పలు ఆర్థిక గణాంకాలు విడుదలకానున్నాయి. అక్టోబర్‌ నెలకు బుధవారం(12న) వినియోగ ధరల ద్రవ్యోల్బణం(సీపీఐ), శుక్రవారం(14న) టోకు ధరల ద్రవ్యోల్బణం(డబ్ల్యూపీఐ) గణాంకాలు వెలువడనున్నాయి. అంతకుముందు నెల(సెప్టెంబర్‌)లో సీపీఐ 2.07 శాతం నుంచి 1.54 శాతానికి దిగివచి్చంది. ఇది 2017 జూన్‌ తదుపరి కనిష్టంకాగా.. ఆర్‌బీఐ 2 శాతం లక్ష్యానికంటే తక్కువకావడం గమనార్హం! ఇక సెప్టెంబర్ లో డబ్ల్యూపీఐ 0.52 శాతం నుంచి 0.13 శాతానికి బలహీనపడింది. ద్రవ్యోల్బణ గణాంకాలు ఆర్‌బీఐ పరపతి విధానాలపై ప్రభావం చూపనున్నట్లు నిపుణులు పేర్కొన్నారు. క్యూ2 పనితీరు.. ప్రస్తుత ఆర్థిక సంవత్సరం(2025–26) రెండో త్రైమాసిక(క్యూ2) ఫలితాల సీజన్‌ దాదాపు ముగింపు దశకు చేరుకున్నట్లు మార్కెట్‌ నిపుణులు తెలియజేశారు. ఈ బాటలో ఇంధన రంగ పీఎస్‌యూ దిగ్గజాలు ఓఎన్‌జీసీ, ఆయిల్‌ ఇండియా, హిందుస్తాన్‌ ఏరోనాటిక్స్, హిందుస్తాన్‌ కాపర్‌తోపాటు టాటా స్టీల్, ఏషియన్‌ పెయింట్స్, బజాజ్‌ ఫైనాన్స్, భారత్‌ ఫోర్జ్, బయోకాన్, కంకార్, ఫినొలెక్స్‌ కేబుల్స్, టాటా పవర్, థెర్మాక్స్, ఇమామీ, బజాజ్‌ ఫిన్‌సర్వ్, గ్రాఫైట్, హడ్కో, కల్పతరు, కేఈసీ ఇంటర్నేషనల్, కేపీఐటీ టెక్, అశోక్‌ లేలాండ్‌ తదితరాలు క్యూ2 పనితీరు ప్రకటించనున్నాయి. ద్రవ్యోల్బణ గణాంకాలుసహా క్యూ2 ఫలితాలు మార్కెట్లలో కీలకంగా నిలవనున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా తెలియజేశారు. విదేశీ అంశాలు కొద్ది రోజులుగా కొనసాగుతున్న యూఎస్‌ ప్రభుత్వ షట్‌డౌన్‌ ఆ దేశ ఆర్థిక వ్యవస్థతోపాటు.. ఇతర దేశాలపైనా ప్రభావం చూపనున్నట్లు నిపుణులు చెబుతున్నారు. మరోపక్క యూఎస్‌తో చైనా, భారత్‌ నిర్వహిస్తున్న వాణిజ్య చర్చలు సైతం సెంటిమెంటును ప్రభావితం చేయనున్నట్లు తెలియజేశారు. ఈ వారం అక్టోబర్‌ నెలకు చైనా పారిశ్రామికోత్పత్తి(ఐఐపీ), రిటైల్‌ విక్రయ గణాంకాలు వెలువడనున్నాయి. అక్టోబర్‌ నెలకు యూఎస్‌ వినియోగ ధరల ద్రవ్యోల్బణం(సీపీఐ) వెల్లడికానుంది. ఈ అంశాలపైనా ఇన్వెస్టర్లు దృష్టి పెట్టనున్నట్లు ఆన్‌లైన్‌ ట్రేడింగ్, వెల్త్‌ టెక్‌ సంస్థ ఎన్‌రిచ్‌ మనీ సీఈవో ఆర్‌.పొన్మూడి పేర్కొన్నారు. ఇతర అంశాలకూ ప్రాధాన్యం ఇటీవల ముడిచమురు ధరలు హెచ్చుతగ్గులకు లోనవుతున్నట్లు జియోజిత్‌ ఇన్వెస్ట్‌మెంట్స్‌ లిమిటెడ్‌ రీసెర్చ్‌ హెడ్‌ వినోద్‌ నాయిర్‌ పేర్కొన్నారు. వీటితోపాటు డాలరుతో మారకంలో రూపాయి కదలికలు, స్టాక్స్‌లోదేశ, విదేశీ ఇన్వెస్టర్ల పెట్టుబడులు లేదా అమ్మకాల తీరు కీలకంగా నిలవనున్నట్లు విశ్లేíÙంచారు. యూఎస్‌ ప్రభుత్వ షట్‌డౌన్‌ ప్రభావంసహా.. చైనా, భారత్‌తో ట్రంప్‌ వాణిజ్య చర్చలు మార్కెట్లలో ట్రెండ్‌కు కీలకంకానున్నట్లు తెలియజేశారు. గత వారమిలా గురునానక్‌ జయంతి సందర్భంగా బుధవారం(5న) సెలవుకావడంతో గత వారం దేశీ స్టాక్‌ మార్కెట్లు నాలుగు రోజులే పనిచేశాయి. పలు ఆటోపోట్ల మధ్య బీఎస్‌ఈ సెన్సెక్స్‌ 722 పాయింట్లు(0.9 శాతం) నీరసించి 83,216 వద్ద నిలిచింది. ఎన్‌ఎస్‌ఈ నిఫ్టీ సైతం 230 పాయింట్లు(0.9 శాతం) క్షీణించి 25,492 వద్ద స్థిరపడింది. అయితే బీఎస్‌ఈ మిడ్‌క్యాప్‌ ఇండెక్స్‌ 0.25 శాతం పుంజుకోగా.. స్మాల్‌ క్యాప్‌ దాదాపు యథాతథంగా ముగిసింది. సాంకేతికంగా గత వారం సాంకేతికంగా మార్కెట్లు దిద్దుబాటు బాటలో సాగాయి. అయితే ఈ వారం క్షీణతకు కొంతమేర అడ్డుకట్టపడే వీలున్నట్లు సాంకేతిక నిపుణులు భావిస్తున్నారు. దీంతో నష్టాలు పరిమితంకావచ్చని పేర్కొన్నారు. నిఫ్టీకి తొలుత 25,350 పాయింట్ల వద్ద, తదుపరి 25,230 వద్ద మద్దతు లభించవచ్చని అంచనా వేశారు. ఈ స్థాయిల నుంచి బలాన్ని పుంజుకుంటే తొలుత 25,700, తదుపరి 25,800 వరకూ బలపడవచ్చని తెలియజేశారు. సెన్సెక్స్‌ బలహీనపడితే తొలుత 82,500 పాయింట్లవద్ద, ఆపై 82,000 స్థాయిలో సపోర్ట్‌ కనిపించవచ్చని పేర్కొన్నారు. ఈ స్థాయిలో బలపడితే 84,500– 85,000 పాయింట్ల వరకూ పుంజుకోవచ్చని అంచనా వేశారు.మళ్లీ ఎఫ్‌పీఐల అమ్మకాలు రూ. 12,569 కోట్లు వెనక్కి గత నెల చివరిలో దేశీ స్టాక్స్‌పట్ల ఆసక్తి ప్రదర్శించిన విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) తిరిగి ఇటీవల అమ్మకాల బాట పట్టారు. వెరసి ఈ నెల(నవంబర్‌)లో ఇప్పటివరకూ రూ. 12,569 కోట్ల పెట్టుబడులను వెనక్కి తీసుకున్నారు. నిజానికి అక్టోబర్‌లో నికరంగా రూ. 14,610 కోట్ల విలువైన స్టాక్స్‌ కొనుగోలు చేశారు. అయితే అంతకుముందు మూడు నెలలపాటు వరుసగా అమ్మకాలకే ప్రాధాన్యమిస్తూ వచ్చారు.ఫలితంగా సెప్టెంబర్ లో రూ. 23,885 కోట్లు, ఆగస్ట్‌లో రూ. 34,900 కోట్లు, జూలైలో రూ. 17,700 కోట్లు చొప్పున పెట్టుబడులను వెనక్కి తీసుకున్నారు. డిపాజిటరీల గణాంకాల ప్రకారం ఈ నెలలో ప్రతీ ట్రేడింగ్‌ రోజున నికరంగా అమ్మకాలకే మొగ్గు చూపడం గమనార్హం! దీంతో ఇతర మార్కెట్లతో పోలిస్తే దేశీ స్టాక్స్‌ వెనకడుగులో ఉన్నట్లు జియోజిత్‌ ఫైనాన్షియల్‌ సరీ్వసెస్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయ్‌కుమార్‌ తెలియజేశారు.

ప్రపంచ ఫైనాన్షియల్‌ మార్కెట్లపై ప్రభావం చూపగల యూఎస్‌ కేంద్ర బ్యాంకు ఫెడరల్‌ రిజర్వ్‌ ఈ వారం పాలసీ సమీక్షను చేపట్టనుంది. మరోపక్క దేశీయంగా పలు కార్పొరేట్‌ దిగ్గజాలు జూలై–సెపె్టంబర్‌(క్యూ2) ఫలితాలు ప్రకటించనున్నాయి. వీటితోపాటు పలు కీలక అంశాలు దేశీ స్టాక్‌ మార్కెట్లలో ట్రెండ్‌ను ప్రభావితం చేయనున్నట్లు విశ్లేషకులు పేర్కొంటున్నారు. వివరాలు చూద్దాం.. ఫెడ్‌ పాలసీ సమీక్షసహా.. ఆర్థిక గణాంకాలు, భారత్‌– యూఎస్‌ వాణిజ్య చర్చలు, విదేశీ ఇన్వెస్టర్ల పెట్టుబడులు తదితర పలు కీలక అంశాలు ఈ వారం దేశీ స్టాక్‌ మార్కెట్లకు దిక్సూచిగా నిలవనున్నాయి. ప్రధానంగా చైర్మన్‌ జెరోమీ పావెల్‌ అధ్యక్షతన యూఎస్‌ ఫెడరల్‌ ఓపెన్‌ మార్కెట్‌ కమిటీ(ఎఫ్‌వోఎంసీ) 28 నుంచి రెండు రోజులపాటు పరపతి సమీక్షను చేపట్టనుంది. 29న తుది నిర్ణయాలు ప్రకటించనుంది. సెపె్టంబర్‌లో నిర్వహించిన గత సమావేశంలో ఫెడ్‌.. ఫండ్స్‌ రేట్లను 0.25 శాతంమేర తగ్గించింది. దీంతో ప్రస్తుతం ఫెడ్‌ ఫండ్స్‌ రేట్లు 4–4.25 శాతంగా అమలవుతున్నాయి. పలువురు ఆర్థికవేత్తలు తాజా సమీక్షలో మరో పావు శాతం వడ్డీ రేటు కోతను అంచనా వేస్తున్నారు. దీంతో 3.75–4 శాతానికి రేట్లు దిగిరావచ్చని భావిస్తున్నారు. కాగా.. ఈ వారం యూరోపియన్‌ సెంట్రల్‌ బ్యాంక్, బ్యాంక్‌ ఆఫ్‌ జపాన్‌ సైతం పాలసీ సమావేశాలు చేపట్టనుండటం గమనార్హం! క్యూ2 జాబితాలో గత వారాంతాన కొటక్‌ మహీంద్రా బ్యాంక్‌ ఈ ఆర్థిక సంవత్సరం(2025–26) క్యూ2 ఫలితాలు విడుదల చేయడంతో నేడు ఈ కౌంటర్‌ వెలుగులో నిలవనున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. ఈ వారం ఇంధన దిగ్గజం ఐవోసీతోపాటు.. అదానీ ఎనర్జీ, ఇండస్‌ టవర్స్, ఎస్‌ఆర్‌ఎఫ్, టీవీఎస్‌ మోటార్, అదానీ గ్రీన్, టాటా క్యాపిటల్, శ్రీ సిమెంట్స్, ఎల్‌అండ్‌టీ, కోల్‌ ఇండియా, హెచ్‌పీసీఎల్, యూబీ, ఐటీసీ, పిడిలైట్, సిప్లా, కెనరా బ్యాంక్, డాబర్‌ ఇండియా, మారుతీ సుజుకీ, బీఈఎల్, శ్రీరామ్‌ ఫైనాన్స్, గోద్రెజ్‌ కన్జూమర్, ఏసీసీ జూలై–సెపె్టంబర్‌ పనితీరు వెల్లడించనున్నాయి. గత నెల ఐఐపీ.. ఈ నెల 28న సెపె్టంబర్‌ నెలకు పారిశ్రామికోత్పత్తి గణాంకాలు(ఐఐపీ) వెల్లడికానున్నాయి. 2025 ఆగస్ట్‌లో ఐఐపీ 4 శాతం పుంజుకుంది. ఇక ఇప్పటికే ప్రారంభమైన యూఎస్, భారత్‌ మధ్య వాణిజ్య సంబంధ చర్చల పురోగతిపై ఇన్వెస్టర్లు దృష్టి పెట్టనున్నట్లు ఆన్‌లైన్‌ ట్రేడింగ్, వెల్త్‌టెక్‌ సంస్థ ఎన్‌రిచ్‌ మనీ సీఈవో ఆర్‌.పొన్మూడి పేర్కొన్నారు. వెరసి ఈ వారం మార్కెట్లలో ఫలితాలు, వడ్డీ రేట్ల నిర్ణయాలు, వాణిజ్య చర్చలు తదితరాలకు ప్రాధాన్యత ఏర్పడినట్లు మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ రీసెర్చ్, వెల్త్‌ మేనేజ్‌మెంట్‌ హెడ్‌ సిద్ధార్థ ఖేమ్కా తెలియజేశారు. ద్వైపాక్షిక వాణిజ్య ఒప్పందం సమీపానికి చేరినట్లు గత వారం చివర్లో వాణిజ్యం, పరిశ్రమల మంత్రి పీయూష్‌ గోయల్‌ పేర్కొన్న విషయం విదితమే. మరోవైపు వచ్చే వారం నిర్వహించనున్న యూఎస్, చైనా అధినేతల సమావేశంపైనా ఇన్వెస్టర్లు దృష్టి సారించనున్నట్లు పేర్కొన్నారు. ఇతర అంశాలు గత వారం రష్యా చమురుపై సరికొత్త ఆంక్షల నేపథ్యంలో అంతర్జాతీయ మార్కెట్లలో ముడిచమురు ధరలు జోరందుకున్నాయి. ఆరు ప్రధాన కరెన్సీలతో మారకంలో డాలరు 98.93కు చేరుకోగా.. బ్రెంట్‌ చమురు బ్యారల్‌ 65 డాలర్లను తాకింది. ఇవికాకుండా దేశీ స్టాక్స్‌లో విదేశీ పోర్ట్‌ఫోలియో ఇన్వెస్టర్ల(ఎఫ్‌పీఐలు) పెట్టుబడులు లేదా అమ్మకాలు వంటి అంశాలు దేశీయంగా సెంటిమెంటును ప్రభావితం చేయనున్నట్లు నిపుణులు వివరించారు.గత వారమిలాదీపావళి పండుగ సెలవుల నేపథ్యంలో గత వారం దేశీ స్టాక్‌ మార్కెట్లు స్వల్ప లాభాలతో ముగిశాయి. బీఎస్‌ఈ సెన్సెక్స్‌ 260 పాయింట్లు(0.3 శాతం) లాభపడి 84,212 వద్ద నిలిచింది. ఎన్‌ఎస్‌ఈ నిఫ్టీ 85 పాయింట్లు(0.3 శాతం) పుంజుకుని 25,795 వద్ద స్థిరపడింది. బీఎస్‌ఈ మిడ్, స్మాల్‌ క్యాప్‌ ఇండెక్సులు 0.25 శాతం చొప్పున బలపడ్డాయి. సాంకేతికంగా..గత వారం తొలుత బలపడిన మార్కెట్లు తుదకు బలహీనపడ్డాయి. సెన్సెక్స్‌ ఒక దశలో 85,290 వద్ద గరిష్టానికి చేరి, చివరికి 84,211 వద్ద ముగిసింది. ఈ బాటలో మరింత నీరసిస్తే 83,300–83,000 పాయింట్ల వద్ద మద్దతు లభించవచ్చు. బలాన్ని పుంజుకుంటే స్వల్ప కాలంలో 85,500కు చేరవచ్చు. ఇక నిఫ్టీ ఇంట్రాడేలో 26,100ను అధిగమించినప్పటికీ చివరికి 25,795 వద్ద స్థిరపడింది. ఈ వారం నిఫ్టీకి 25,600–25,400 పాయింట్ల వద్ద సపోర్ట్‌ లభించవచ్చు. ఒకవేళ జోరందుకుంటే 26,100–26,200కు చేరే వీలుంది.– సాక్షి, బిజినెస్‌ డెస్క్‌

దేశీ స్టాక్‌ మార్కెట్లపై ఈ వారం పలు అంశాలు ప్రభావం చూపనున్నాయి. దేశీయంగా రిజర్వ్‌ బ్యాంక్‌(ఆర్‌బీఐ) పాలసీ సమీక్షను చేపట్టనుంది. ఆగస్ట్‌ నెలకు పారిశ్రామికోత్పత్తి(ఐఐపీ) గణాంకాలు వెలువడనున్నాయి. ఇవికాకుండా యూఎస్‌ టారిఫ్‌లు, వీటిపై భారత్‌తో చర్చలు తదితర అంశాలు ఈ వారం ట్రెండ్‌ను నిర్దేశించనున్నట్లు విశ్లేషకులు పేర్కొంటున్నారు. విజయదశమి, మహాత్మా గాంధీ జయంతి సందర్భంగా గురువారం(2న) మార్కెట్లకు సెలవుకావడంతో ట్రేడింగ్‌ నాలుగు రోజులకే పరిమితంకానుంది. వివరాలు చూద్దాం.. హెచ్‌1బీ వీసా ఫీజు పెంపుతోపాటు.. గత వారం ఫార్మా ప్రొడక్టులపై తాజాగా టారిఫ్‌లు విధించినప్పటికీ యూఎస్‌తో భారత్‌ చర్చలు కొనసాగుతున్నాయి. ఇప్పటికే భారత్‌ దిగుమతులపై విధించిన అదనపు టారిఫ్‌ల తొలగింపునకు ప్రభుత్వం ప్రయత్నాలు చేస్తోంది. ఈ నేపథ్యంలో గత వారం దేశీ స్టాక్‌ మార్కెట్లు బలహీనపడ్డాయి. అయితే ఈ వారం ఇతర పలు అంశాల ఆధారంగా మార్కెట్లు స్పందించనున్నట్లు విశ్లేషకులు చెబుతున్నారు. నేడు(29న) ఆర్‌బీఐ పరిపతి సమావేశం ప్రారంభంకానుంది. బుధవారం( అక్టోబర్‌ 1న) వడ్డీ రేట్లపై నిర్ణయాలు వెలువడనున్నాయి. ఆగస్ట్‌లో నిర్వహించిన సమావేశంలో వడ్డీ రేట్లకు కీలకమైన రెపో రేటును 5.5 శాతంవద్దే కొనసాగించేందుకు ఆర్‌బీఐ అధ్యక్షతన మానిటరీ పాలసీ కమిటీ(ఎంపీసీ) నిర్ణయించింది. జూన్‌లో 0.5 శాతం రేపోను తగ్గించినప్పటికీ ఈసారి యథాతథ పాలసీ అమలు లేదా 0.25 శాతం కోతకు వీలున్నట్లు ఆరి్థకవేత్తలు అంచనా వేస్తున్నారు. ఎఫ్‌అండ్‌వో ముగింపు స్టాక్‌ ఎక్సే్ఛంజీ దిగ్గజం ఎన్‌ఎస్‌ఈ డెరివేటివ్స్‌ గడువు ముగింపును ప్రతీ నెల చివరి గురువారం నుంచి మంగళవారానికి మార్చడంతో 30న సెప్టెంబర్‌ సిరీస్‌ ముగియనుంది. దీంతో మార్కెట్లలో హెచ్చుతగ్గులకు వీలున్నట్లు నిపుణులు భావిస్తున్నారు. మరోపక్క బీఎస్‌ఈ సైతం మంగళవారం నుంచి గురువారానికి ఎఫ్‌అండ్‌వో ముగింపు గడువును సవరించిన సంగతి తెలిసిందే. యూఎస్‌ టారిఫ్‌లు, వీటిపై చర్చలు, ఆర్‌బీఐ నిర్ణయాలు తదితర అంశాలన్నీ సెంటిమెంటుపై ప్రభావం చూపనున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. మరోపక్క ఆటో, వైట్‌గూడ్స్‌ తదితరాలపై పండుగల అమ్మకాల ప్రభావం, ఐఐపీ గణాంకాలపై సైతం ఇన్వెస్టర్లు దృష్టి పెట్టనున్నట్లు స్వస్తికా ఇన్వెస్ట్‌మార్ట్‌ రీసెర్చ్‌ హెడ్‌ సంతోష్‌ మీనా తెలియజేశారు. యాక్సెంచర్‌ దెబ్బ ఓపక్క ఐటీ దిగ్గజం యాక్సెంచర్‌ నిరుత్సాహకర ఔట్‌లుక్‌ను ప్రకటించగా, మరోవైపు హెచ్‌1బీ వీసా వ్యయభరితంకానుండటంతో దేశీ ఐటీ కంపెనీలపై ప్రతికూల ప్రభావం పడే అవకాశమున్నట్లు జియోజిత్‌ ఇన్వెస్ట్‌మెంట్స్‌ రీసెర్చ్‌ హెడ్‌ వినోద్‌ నాయిర్‌ అభిప్రాయపడ్డారు. యూఎస్‌ తాజా టారిఫ్‌లు సెంటిమెంటును దెబ్బతీసినట్లు పేర్కొన్నారు. లార్జ్‌క్యాప్స్‌తో పోలిస్తే గత వారం మిడ్, స్మాల్‌ క్యాప్స్‌ భారీగా క్షీణించినట్లు తెలియజేశారు. ఈ ప్రభావం మార్కెట్లపై మరోసారి కనిపించవచ్చని అంచనా వేశారు. ఇతర అంశాలు ఆగస్ట్‌లో ఐఐపీ గణాంకాలు నేడు వెలువడనున్నాయి. జూలైలో పారిశ్రామికోత్పత్తి 3.5 శాతం పుంజుకుంది. అంతకుముందు నెలలో నమోదైన 1.5 శాతంతో పోలిస్తే భారీగా బలపడింది. సెపె్టంబర్‌ నెలకు హెచ్‌ఎస్‌బీసీ తయారీ పీఎంఐ అక్టోబర్‌ 1న విడుదలకానుంది. ఆగస్ట్‌లో ఈ ఇండెక్స్‌ 59.3గా నమోదైంది. విదేశీ అంశాలలో చైనా తయారీ, స్పెయిన్, ఫ్రాన్స్, ఇటలీ, జర్మనీల ద్రవ్యోల్బణం, ఆ్రస్టేలియా వడ్డీ రేట్ల సమీక్షసహా సెపె్టంబర్‌లో యూఎస్‌ నిరుద్యోగ రేటు గణాంకాలు వెల్లడికానున్నాయి. ఈ అంశాలకూ ఈ వారం ప్రాధాన్యత ఉన్నట్లు నిపుణులు పేర్కొన్నారు. గత వారమిలా వరుసగా ఆరు రోజులపాటు మార్కెట్లు క్షీణ పథంలో సాగడంతో సెంటిమెంటు బలహీనపడింది. దీంతో గత వారం సెన్సెక్స్‌ 2,200 పాయింట్లు(2.66 శాతం) పతనమై 80,426 వద్ద ముగిసింది. నిఫ్టీ 672 పాయింట్లు(2.65 శాతం) క్షీణించి 24,655 వద్ద స్థిరపడింది. బీఎస్‌ఈ మిడ్, స్మాల్‌ క్యాప్స్‌ 2 శాతం చొప్పున నీరసించాయి.రూపాయి క్షీణతవిదేశీ పోర్ట్‌ఫోలియో ఇన్వెస్టర్ల(ఎఫ్‌పీఐలు) అమ్మకాలు, డాలరుతో మారకంలో రూపాయి భారీ క్షీణత, యూఎస్‌ వాణిజ్య టారిఫ్‌ల కారణంగా గత వారం మార్కెట్లు బలహీనపడినట్లు నిపుణులు పేర్కొన్నారు. ప్రపంచవ్యాప్తంగా అనిశి్చత పరిస్థితులు కొనసాగుతుండటంతో రక్షణాత్మక పెట్టుబడిగా బంగారానికి డిమాండ్‌ పుంజుకోగా.. ఈక్విటీలు క్షీణిస్తున్నట్లు తెలియజేశారు. టారిఫ్‌లపై యూఎస్‌తో ప్రభుత్వ చర్చలు, ముడిచమురు ధరలు, రూపాయి కదలికలు వంటి అంశాలు స్వల్ప కాలానికి మార్కెట్లలో ట్రెండ్‌ను నిర్దేశించే వీలున్నట్లు మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా పేర్కొన్నారు. – సాక్షి, బిజినెస్‌ డెస్క్‌

ఈ వారం దేశీ స్టాక్‌ మార్కెట్లను పలు అంశాలు ప్రభావితం చేయనున్నాయి. వారాంతాన యూఎస్‌ ప్రెసిడెంట్‌ ట్రంప్‌ హెచ్‌1బీ వీసా ఫీజును ఎకాఎకిన లక్ష డాలర్ల(రూ. 88 లక్షలు)కు పెంచేయడం, గత వారం 0.25 శాతం వడ్డీ రేట్లను తగ్గించిన యూఎస్‌ ఫెడ్‌ చైర్మన్‌ పావెల్‌ భవిష్యత్‌ విధానాలపై ప్రసంగించనుండటం వంటి అంశాలు ప్రధానంగా సెంటిమెంటుకు కీలకంగా నిలవనున్నట్లు విశ్లేషకులు పేర్కొంటున్నారు. వివరాలు చూద్దాం..దేశీయంగా స్టాక్‌ మార్కెట్లకు ఈ వారం కీలకంగా నిలవనుంది. గత వారం జూలై తదుపరి ప్రధాన ఇండెక్సులు బీఎస్‌ఈ సెన్సెక్స్, ఎన్‌ఎస్‌ఈ నిఫ్టీ గరిష్టాలకు చేరాయి. అయితే ఇకపై వీటి పరుగును దేశ, విదేశీ అంశాలు ప్రభావితం చేయనున్నట్లు మార్కెట్‌ నిపుణులు పేర్కొన్నారు. దేశీయంగా ఈ(సెపె్టంబర్‌) నెలకు హెచ్‌ఎస్‌బీసీ కాంపోజిట్, తయారీ, సర్వీసుల పీఎంఐ ఫ్లాష్‌ అంచనాలు వెలువడనున్నాయి. ఇక గత వారాంతాన ఉన్నట్టుండి యూఎస్‌ ప్రెసిడెంట్‌ ట్రంప్‌ హెచ్‌1బీ వీసా ఫీజును 3,000–5,000 డాలర్ల నుంచి ఏకంగా 1,00,000 డాలర్లకు పెంచేయడం ఐటీ పరిశ్రమలో సంచలనానికి తెరతీసింది. దీంతో యూఎస్‌ స్టాక్‌ ఎక్సే్ఛంజీలలో లిస్టయిన దేశీ ఐటీ దిగ్గజాల షేర్లు(ఏడీఆర్‌లు) అమ్మకాలతో డీలాపడ్డాయి. ఈ ప్రభావం నేడు(సోమవారం) కనిపించే వీలున్నట్లు విశ్లేషకులు తెలియజేశారు. దీనికితోడు ఐటీ పరిశ్రమలో కొన్నేళ్లుగా పెరిగిపోయిన ఆన్‌సైట్‌ సర్వీసులపై ఈ ప్రభావం పడవచ్చని అభిప్రాయపడ్డారు. పరిస్థితులు ఇలాగే కొనసాగితే తిరిగి ఆఫ్‌షోర్‌ విధానానికి ప్రాధాన్యత పెరగవచ్చని అంచనా వేశారు. 285 బిలియన్‌ డాలర్ల విలువైన దేశీ ఐటీ పరిశ్రమలో ఆన్‌షోర్‌ ప్రాజెక్టులపై ప్రతికూల ప్రభావం పడనున్నట్లు ఐటీ పరిశ్రమల సమాఖ్య నాస్కామ్‌ పేర్కొంది. ఇప్పటికే ఎగుమతి ఆధారిత రంగాలు ట్రంప్‌ విధించిన అదనపు టారిఫ్‌లతో డీలాపడినట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. హెచ్‌1బీ వీసాల జారీలో భారత నిపుణుల వాటా 70 శాతంకాగా.. దేశీ ఐటీ దిగ్గజాలు టీసీఎస్, ఇన్ఫోసిస్, విప్రోకు సెగ తగిలే వీలున్నట్లు స్వస్తికా ఇన్వెస్ట్‌మార్ట్‌ సీనియర్‌ టెక్నికల్‌ అనలిస్ట్‌ ప్రవేష్‌ గౌర్‌ వివరించారు. జీఎస్‌టీ దన్ను నేటి నుంచి వస్తు, సేవల పన్ను(జీఎస్‌టీ) సంస్కరణలు అమల్లోకిరానుండటంతో ఆటోమొబైల్, వైట్‌గూడ్స్, ఎఫ్‌ఎంసీజీసహా పలు రంగాలలోని కంపెనీలకు జోష్‌ లభించనున్నట్లు పరిశ్రమ వర్గాలు పేర్కొన్నాయి. కొనుగోళ్లు పెరిగి వ్యవస్థలో డిమాండ్‌ బలపడే వీలున్నట్లు అంచనా వేశాయి. ఇది పెట్టుబడులకు, ఉద్యోగాలకు ప్రోత్సాహాన్నిచ్చే వీలున్నట్లు అభిప్రాయపడ్డాయి. ప్రధానంగా జీఎస్‌టీని రెండు శ్లాబులు 5 శాతం, 18 శాతంగా క్రమబదీ్ధకరించడంతో పట్టణ ప్రాంతాలలోనూ డిమాండ్‌ ఊపందుకోనున్నట్లు నిపుణులు భావిస్తున్నారు. 40 శాతం శ్లాబులోకి మరికొన్ని ప్రొడక్టులను చేర్చినప్పటికీ జీవిత, ఆరోగ్య బీమాపై జీఎస్‌టీని రద్దు చేయడం, 375 వస్తువులపై జీఎస్‌టీ తగ్గింపు వినియోగానికి దారి చూపనున్నట్లు తెలియజేశారు. కాగా.. వాణిజ్యం, పరిశ్రమల మంత్రి పీయూష్‌ గోయల్‌ అధ్యక్షతన ఈ నెల 22 నుంచి యూఎస్‌తో వాణిజ్య టారిఫ్‌లపై చర్చలు ప్రారంభంకానున్నట్లు దేశీ ప్రభుత్వం వారాంతాన వెల్లడించింది. ఇతర అంశాలు కొద్ది నెలలుగా సెకండరీ మార్కెట్లు ఆటుపోట్లను చవిచూస్తున్నప్పటికీ ప్రైమరీ మార్కెట్లు కళకళలాడుతున్న సంగతి తెలిసిందే. ఈ నేపథ్యంలో భవిష్యత్‌లోనూ మరిన్ని కంపెనీలు ఐపీవో ద్వారా స్టాక్‌ ఎక్సే్ఛంజీలలో లిస్టింగ్‌కు క్యూ కట్టనున్నట్లు పీఎల్‌ క్యాపిటల్‌ అడ్వయిజరీ హెడ్‌ విక్రమ్‌ కసట్‌ పేర్కొన్నారు. ఇక దేశీ మార్కెట్లలో ముడిచమురు ధరలు, డాలరుతో మారకంలో రూపాయి కదలికలు, విదేశీ ఇన్వెస్టర్ల తీరు తదితర అంశాలకు ప్రాధాన్యత ఉన్నట్లు నిపుణులు వివరించారు. గత వారమిలా గత వారం మార్కెట్లు వరుసగా మూడోసారి లాభాలతో ముగిశాయి. బీఎస్‌ఈ సెన్సెక్స్‌ నికరంగా 722 పాయింట్లు(0.9 శాతం) బలపడి 82,626 వద్ద ముగిసింది. ఎన్‌ఎస్‌ఈ నిఫ్టీ 213 పాయింట్లు(0.85 శాతం) పుంజుకుని 25,327 వద్ద స్థిరపడింది. బీఎస్‌ఈ మిడ్, స్మాల్‌ క్యాప్‌ ఇండెక్సులు 1.5–2 శాతం చొప్పున ఎగశాయి.సాంకేతికంగా గత వారం అంచనాలనకు అనుగుణంగా మార్కెట్లు బ్రేకవుట్‌ బాటలో సాగాయి. దీంతో ఎన్‌ఎస్‌ఈ నిఫ్టీ 25,350 సమీపంలో ముగిసింది. అయితే ఈ వారం నిఫ్టీకి 25,500 పాయింట్ల వద్ద రెసిస్టెన్స్‌ కనిపించవచ్చు. ఆపై ఇటీవలి గరిష్టం 25,669 వద్ద అవరోధాలు ఎదురుకావచ్చు. ఒకవేళ బలహీనపడితే తొలుత 25,000 పాయింట్ల వద్ద మద్దతుకు వీలుంది. తదుపరి 24,650 వద్ద మరోసారి సపోర్ట్‌ లభించవచ్చు.వెనకడుగులోనే ఎఫ్‌పీఐలుఈ నెలలో రూ. 7,945 కోట్ల అమ్మకాలు విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) దేశీ స్టాక్స్‌లో అమ్మకాలు కొనసాగిస్తున్నారు. ఫలితంగా ఈ నెలలో ఇప్పటివరకూ నికరంగా రూ. 7,945 కోట్ల విలువైన స్టాక్స్‌ విక్రయించారు. ఆగస్ట్‌లో రూ. 34,990 కోట్లు, జూలైలో రూ. 17,700 కోట్లు విలువైన స్టాక్స్‌ విక్రయించిన విషయం విదితమే. దీంతో ఈ కేలండర్‌ ఏడాది(2025)లో ఇప్పటివరకూ రూ. 1.38 లక్షల కోట్ల పెట్టుబడులను నికరంగా వెనక్కి తీసుకున్నారు. టారిఫ్‌లు, యుద్ధాలు తదితర ప్రపంచ అనిశి్చతులు ప్రభావం చూపుతున్నట్లు నిపుణులు పేర్కొన్నారు. అయితే గత వారం యూఎస్‌ ఫెడ్‌ 0.25 శాతం వడ్డీ రేటు కోత పెట్టడంతో ఎఫ్‌పీఐలు నికరంగా రూ. 900 కోట్లు ఇన్వెస్ట్‌ చేశారు.– సాక్షి, బిజినెస్‌ డెస్క్‌

ప్రధానంగా దేశ, విదేశీ ద్రవ్యోల్బణ గణాంకాలు ఈ వారం దేశీ స్టాక్‌ మార్కెట్లకు కీలకంగా నిలవనున్నాయి. వీటికితోడు జీఎస్‌టీ సంస్కరణల ప్రభావం, యూఎస్‌తో వాణిజ్య పరిస్థితులు తదితరాలు సైతం ప్రభావం చూపనున్నట్లు మార్కెట్‌ విశ్లేషకులు పేర్కొంటున్నారు. యూఎస్‌ అదనపు టారిఫ్‌ల అమలు ప్రతికూల ప్రభావాన్ని చూపగా.. జీఎస్‌టీ సంస్కరణలు జోష్‌ నివ్వడంతో గత వారం ఆటుపోట్ల మధ్య మార్కెట్లు 1 శాతంపైగా బలపడ్డాయి. వివరాలు చూద్దాం..వస్తు, సేవల పన్ను(జీఎస్‌టీ) సంస్కరణలకు గత వారం తెరతీయడంతో పలు రంగాలకు లబ్ది చేకూరనున్నట్లు విశ్లేషణలు వెలువడుతున్నాయి. దీంతో ఇటీవల మందగించిన ఆటో రంగంతోపాటు.. ఎఫ్‌ఎంసీజీ, ఆతిథ్యం, వినియోగ, ఫుట్‌వేర్‌ తదితర రంగాలు పుంజుకోనున్నట్లు పరిశ్రమవర్గాలు అంచనా వేస్తున్నాయి. ఫలితంగా దేశీ స్టాక్‌ మార్కెట్లకు సైతం జోష్‌ వచ్చినట్లు విశ్లేషకులు పేర్కొన్నారు. కాగా.. ఈ వారం దేశ, విదేశీ ద్రవ్యోల్బణ గణాంకాలు వెలువడనున్నాయి. ఆగస్ట్‌ నెలకు వినియోగ ధరల ద్రవ్యోల్బణ(సీపీఐ) వివరాలు శుక్రవారం(12న) వెలువడనున్నాయి. జూలైలో రిటైల్‌ ధరల రేటు(సీపీఐ) వరుసగా 9వ నెలలోనూ వెనకడుగు వేసింది. 2.1 శాతం నుంచి 1.55 శాతానికి తగ్గింది. చైనా వాణిజ్య మిగులు.. ఆగస్ట్‌ నెలకు చైనా వాణిజ్య గణాంకాలు నేడు(8న) వెల్లడికానున్నాయి. జూలై చైనా వాణిజ్య మిగులు 98.24 బిలియన్‌ డాలర్లను తాకింది. దిగుమతులను మించుతూ ఎగుమతులు భారీగా పెరిగిపోవడం మిగులుకు దారి చూపే సంగతి తెలిసిందే. ఇక ఆగస్ట్‌ సీపీఐ వివరాలు బుధవారం(10న) వెలువడనున్నాయి. జూలైలో సీపీఐ 0.1 శాతం పెరిగింది. ఇతర అంశాలు యూఎస్‌ వాణిజ్య టారిఫ్‌లు, ప్రపంచ స్టాక్‌ మార్కెట్లలో నెలకొనే పరిస్థితులు, విదేశీ ఇన్వెస్టర్ల తీరు, ముడిచమురు ధరలు, ఆరు ప్రపంచ కరెన్సీలతో మారకంలో డాలరు కదలికలు వంటి అంశాలు సైతం దేశీయంగా సెంటిమెంటుకు కీలకంగా నిలవనున్నట్లు మార్కెట్‌ నిపుణులు వివరించారు. యూఎస్‌ గణాంకాలకుతోడు భారత్‌తో వాణిజ్య టారిఫ్‌లపై వార్తలు ఇన్వెస్టర్లను ప్రభావితం చేయనున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. అయితే ఇన్వెస్టర్లు వినియోగ ఆధారిత, పెట్టుబడి వ్యయాలకు సంబంధించిన రంగాలవైపు దృష్టిసారించే వీలున్నట్లు స్వస్తికా ఇన్వెస్ట్‌మార్ట్‌ సీనియర్‌ టెక్నికల్‌ అనలిస్ట్‌ ప్రవేశ్‌ గౌర్‌ తెలియజేశారు. మార్కెట్లలో అప్రమత్తత కనిపించనున్నట్లు పేర్కొన్నారు. అటు యూఎస్‌ టారిఫ్‌ల అమలు, ఇటు జీఎస్‌టీ సంస్కరణల నేపథ్యంలో ఈ వారం దేశీ స్టాక్‌ మార్కెట్లకు కీలకంగా నిలవనున్నట్లు మార్టస్‌ ట్రస్ట్‌ గ్రూప్‌ డైరెక్టర్‌ పునీత్‌ సింఘానియా అభిప్రాయపడ్డారు. కాగా.. ఈ వారం ద్రవ్యోల్బణ గణాంకాలేకాకుండా ఈసీబీ వడ్డీ పాలసీ సమీక్ష, జపాన్‌ రెండో త్రైమాసిక(ఏప్రిల్‌–జూన్‌) జీడీపీ వివరాలు వెల్లడికానున్నట్లు మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా వెల్లడించారు.యూఎస్‌ నిరుద్యోగితయూఎస్‌ నిరుద్యోగ గణాంకాలు ఆగస్ట్‌ చివరి వారంలో 8,000 పెరిగి 2,37,000కు చేరాయి. వెరసి నిరుద్యోగ లబ్ది దరఖాస్తులు జూన్‌ తదుపరి అధికంగా నమోదయ్యాయి. గత నెలలో ప్రయివేట్‌ రంగ ఉపాధి 54,000 పుంజుకోగా.. జూలైలో వాణిజ్య లోటు దాదాపు 33 శాతం పెరిగి 78 బిలియన్‌ డాలర్లను దాటింది. జూలైలో కోవిడ్‌–19 తదుపరి గరిష్టస్థాయిలో నిరుద్యోగిత నమోదైంది. ట్రంప్‌ వాణిజ్య టారిఫ్‌లు, తదితర అంశాలు ఉపాధిని దెబ్బతీసినట్లు ఆర్థికవేత్తలు పేర్కొన్నారు. దీంతో ఫెడరల్‌ రిజర్వ్‌ ఈ నెల 16–17 తేదీలలో చేపట్టనున్న పాలసీ సమీక్షలో వడ్డీ రేట్ల కోతకు మొగ్గు చూపవచ్చన్న అంచనాలు బలపడ్డాయి. ఈ బాటలో ఆగస్ట్‌ నెలకు యూఎస్‌ ఉత్పత్తిదారుల ధరల ఇండెక్స్‌ 10న వెల్లడికానుంది. జూలైలో ఇది 0.9% బలపడింది. గత నెల ద్రవ్యోల్బణ వివరాలు 11న వెల్లడికానున్నాయి. జూలైలో కీలక ద్రవ్యోల్బణం వార్షికంగా 2.7% పెరిగింది.గత వారమిలా.. ప్రధానంగా జీఎస్‌టీ సంస్కరణలు ఆకట్టుకోవడంతో గత వారం దేశీ స్టాక్‌ మార్కెట్లు బౌన్స్‌బ్యాక్‌ను సాధించాయి. దీంతో యూఎస్‌ ప్రెసిండెట్‌ ట్రంప్‌ విధించిన 25 శాతం అదనపు సుంకాలు సైతం అమల్లోకి వచి్చన ప్రతికూల వార్తలను అధిగమిస్తూ మార్కెట్లు నికరంగా లాభపడ్డాయి. గత వారం బీఎస్‌ఈ సెన్సెక్స్‌ 901 పాయింట్లు(1.1 శాతం) బలపడి 80,711 వద్ద నిలిచింది. ఎన్‌ఎస్‌ఈ నిఫ్టీ సైతం 314 పాయింట్లు(1.3 శాతం) ఎగసి 24,741 వద్ద స్థిరపడింది. అయితే బీఎస్‌ఈ మిడ్, స్మాల్‌ క్యాప్‌ ఇండెక్స్‌లు నామమాత్రంగానే లాభపడటం గమనార్హం!– సాక్షి, బిజినెస్‌ డెస్క్‌

కొద్ది రోజులుగా అటు దేశీ స్టాక్‌ మార్కెట్లకు, ఇటు పరిశ్రమ వర్గాలకు కీలకంగా మారిన వస్తు, సేవల పన్ను(జీఎస్‌టీ) సంస్కరణలపై ఇన్వెస్టర్లు దృష్టి పెట్టారు. మంగళ, బుధ వారాల్లో జీఎస్‌టీ కౌన్సిల్‌ సమావేశంకానుంది. మరోపక్క విశ్లేషకుల అంచనాలను మించుతూ 2025 ఏప్రిల్‌–జూన్‌లో దేశ ఆర్థిక వ్యవస్థ 7.8 శాతం ఎగసింది. దీంతో నేడు మార్కెట్లు కొంతమేర బలపడే వీలున్నట్లు నిపుణులు భావిస్తున్నారు. వివరాలు చూద్దాం..గత వారాంతాన వెలువడిన స్థూల దేశీయోత్పత్తి(జీడీపీ) గణాంకాలు పలువురు విశ్లేషకులను ఆశ్చర్యపరిచాయి. ఆర్థిక వృద్ధి 6.5 శాతం అంచనాలను మించుతూ ఏకంగా 7.8 శాతం బలపడింది. దీంతో దేశీయంగా సెంటిమెంటుకు జోష్‌రానున్నట్లు మార్కెట్‌ నిపుణులు అంచనా వేశారు. అయితే యూఎస్‌ ప్రెసిడెంట్‌ ట్రంప్‌ విధించిన అదనపు(25 శాతం) టారిఫ్‌లు సైతం అమల్లోకిరావడంతో గత వారం స్టాక్‌ మార్కెట్లు డీలా పడ్డాయి. ఈ నేపథ్యంలో మార్కెట్లు ఆటుపోట్ల మధ్య కదలవచ్చని విశ్లేషకులు భావిస్తున్నారు. విదేశీ ప్రతికూలతలున్నప్పటికీ ప్రభుత్వ వ్యయాలు, పాలసీ విధానాలు వంటి అంశాలు సానుకూలతకు దోహదం చేయవచ్చని జియోజిత్‌ ఇన్వెస్ట్‌మెంట్స్‌ రీసెర్చ్‌ హెడ్‌ వినోద్‌ నాయిర్‌ పేర్కొన్నారు. చర్చలు షురూ జీడీపీ జోరుకుతోడు జీఎస్‌టీ సంస్కరణల ప్రతిపాదనలపై పరిశ్రమవర్గాల్లో భారీ ఆశలు నెలకొన్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా తెలియజేశారు. జీఎస్‌టీ కౌన్సిల్‌ 2, 3 తేదీలలో నిర్వహించనున్న సమావేశాలలో పన్ను సంస్కరణల ప్రతిపాదనలపై చర్చించనుంది. దీంతో వస్తు, సేవల పన్ను సంస్కరణల అమలుపై అంచనాలు అధికమైనట్లు మోతీలాల్‌ ఓస్వాల్‌ ఫైనాన్షియల్‌ సర్వీసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా పేర్కొన్నారు. పన్ను రేట్లను భారీగా కుదించడంసహా శ్లాబులను తగ్గించేందుకు చేసిన ప్రతిపాదనలపై కౌన్సిల్‌ చర్చించనుంది. పలు గణాంకాలు ఈ వారం దేశీయంగా ఆగస్ట్‌ నెలకు వాహన విక్రయ గణాంకాలు వెలువడనున్నాయి. గత నెల హెచ్‌ఎస్‌బీసీ తయారీ, సర్వీసు రంగ పీఎంఐ ఇండెక్సుల తీరు సైతం వెల్లడికానుంది. శుక్రవారం(12న) ఆగస్ట్‌ రిటైల్‌ ధరల ద్రవ్యోల్బణ(సీపీఐ) గణాంకాలు వెల్లడికానున్నాయి. జూలైలో సీపీఐ 1.55 శాతానికి నీరసించింది. విదేశీ అంశాలకు వస్తే గత నెలకు చైనా తయారీ, సర్వీసుల రంగ వివరాలు తెలియనున్నాయి. గత నెలకు వ్యవసాయేతర రంగాలలో ఉపాధి కల్పన, నిరుద్యోగ గణాంకాలను యూఎస్‌ విడుదల చేయనుంది. వెరసి దేశ, విదేశీ గణాంకాలు ఈ వారం దేశీ స్టాక్‌ మార్కెట్లకు కీలకంగా నిలవనున్నట్లు స్వస్తికా ఇన్వెస్ట్‌మార్ట్‌ సీనియర్‌ టెక్నికల్‌ అనలిస్ట్‌ ప్రవేశ్‌ గౌర్‌ అభిప్రాయపడ్డారు. ఇతర అంశాలు ఇటీవల కొద్ది రోజులుగా విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) దేశీ స్టాక్స్‌లో అమ్మకాలకే మొగ్గు చూపుతున్నారు. దీంతో మార్కెట్లపై ఒత్తిడి పడుతున్నట్లు నిపుణులు తెలియజేశారు. మరోవైపు డాలరుతో మారకంలో రూపాయి బలహీనపడటం ప్రతికూలంగా పరిణమించనున్నట్లు అభిప్రాయపడ్డారు. గత వారం డాలరుతో మారకంలో దేశీ కరెన్సీ 88ను దాటి చరిత్రాత్మక కనిష్టానికి చేరిన సంగతి తెలిసిందే. ఇవేకాకుండా ముడిచమురు ధరల కదలికలకూ ప్రాధాన్యత ఉన్నట్లు నిపుణులు తెలియజేశారు. గత వారమిలా వినాయక చవితి పండుగ సందర్భంగా నాలుగు రోజులకే పరిమితమైన ట్రేడింగ్‌లో దేశీ స్టాక్‌ మార్కెట్లు క్షీణపథంలో సాగాయి. గత వారం ట్రేడింగ్‌లో సెన్సెక్స్‌ నికరంగా 1,497 పాయింట్లు(1.8 శాతం) కోల్పోయింది. 79,810 వద్ద ముగిసింది. నిఫ్టీ సైతం 443 పాయింట్లు(1.8 శాతం) క్షీణించి 24,427 వద్ద స్థిరపడింది. ఈ బాటలో బీఎస్‌ఈ మిడ్, స్మాల్‌ క్యాప్స్‌ మరింత అధికంగా 2.7 శాతంపైగా పతనమయ్యాయి.సాంకేతికంగావిదేశీ ఇన్వెస్టర్ల నిరంతర అమ్మకాలు, యూఎస్‌ ప్రెసిడెంట్‌ విధించిన అదనపు సుంకాలు అమల్లోకిరావడం, రూపాయి సరికొత్త కనిష్టాన్ని చవిచూడటం తదితర ప్రతికూలతలు ఇటీవల సెంటిమెంటును దెబ్బతీస్తున్నాయి. ఈ నేపథ్యంలో నిఫ్టీకి 24,300 పాయింట్ల వద్ద తొలి మద్దతు లభించవచ్చు. ఆపై 24,100, 24,000 స్థాయిలో సపోర్ట్‌ కనిపించవచ్చు. ఒకవేళ నిఫ్టీ బలాన్ని పుంజుకుంటే 25,000 పాయింట్లను తాకవచ్చు. తదుపరి 25,250 వద్ద రెసిస్టెన్స్‌ ఎదురుకావచ్చు. సెన్సెక్స్‌ 79,150, 79,000 పాయింట్లవరకూ క్షీణించవచ్చు. ఆ స్థాయిలో బౌన్స్‌అయితే 82,000 వరకూ పుంజుకునే వీలుంది.ఎఫ్‌పీఐల భారీ అమ్మకాలు రూ. 35,000 కోట్లు వెనక్కి గత 6 నెలల్లో అత్యధికం గత నెల(ఆగస్ట్‌)లో ఎఫ్‌పీఐలు భారీ అమ్మకాలకు తెరతీశారు. దేశీ స్టాక్స్‌ నుంచి అత్యధిక శాతం పెట్టుబడులు వెనక్కి తీసుకునేందుకే ప్రాధాన్యమిచ్చారు. వెరసి ఆగస్ట్‌లో నికరంగా రూ. 34,993 కోట్ల (సుమారు 4 బిలియన్‌ డాలర్లు) విలువైన స్టాక్స్‌ విక్రయించారు. ఇది గత ఆరు నెలల్లోనే అత్యధికంకాగా.. జూలై అమ్మకాల (రూ.17,741 కోట్లు)తో పోలిస్తే రెట్టింపుకావడం గమనార్హం! దీంతో డిపాజిటరీ గణాంకాల ప్రకారం 2025 కేలండర్‌ ఏడాదిలో దేశీ స్టాక్స్‌ నుంచి మొత్తం రూ. 1.3 లక్షల కోట్ల పెట్టుబడులు వెనక్కి తీసుకున్నట్లయ్యింది. ఇంతక్రితం ఎఫ్‌పీఐలు 2025 ఫిబ్రవరిలో మాత్రమే ఈ స్థాయిలో అంటే రూ.34,574 కోట్ల స్టాక్స్‌ విక్రయించారు. ఇందుకు దేశ, విదేశీ అంశాలు కారణమవుతున్నట్లు నిపుణులు పేర్కొన్నారు. దేశీయంగా కొన్ని రంగాలలో క్యూ1 ఫలితాలు నిరాశపరచడం, యూఎస్‌ ప్రెసిడెంట్‌ ట్రంప్‌ అదనపు టారిఫ్‌ల విధింపు వంటి అంశాలను ప్రస్తావించారు.– సాక్షి, బిజినెస్‌ డెస్క్‌

వినాయక చవితి సందర్భంగా బుధవారం దేశీ స్టాక్‌ మార్కెట్లకు సెలవుకావడంతో ఈ వారం ట్రేడింగ్‌ నాలుగు రోజులకే పరిమితంకానుంది. ప్రస్తుత ఆర్థిక సంవత్సరం(2025–26) తొలి త్రైమాసిక జీడీపీ గణాంకాలు వెలువడనున్నాయి. మరోపక్క యూఎస్‌ ప్రెసిడెంట్‌ ప్రకటించిన అదనపు టారిఫ్‌లు అమలుకానుండగా.. కేంద్ర ప్రభుత్వం జీఎస్‌టీ సంస్కరణలపై దృష్టి పెట్టడం ద్వారా ఇటీవల పలు రంగాలతోపాటు.. స్టాక్‌ మార్కెట్లకు జోష్‌నిచి్చంది. వివరాలు చూద్దాం... ఈ ఆర్థిక సంవత్సరం ఏప్రిల్‌–జూన్‌(క్యూ1) కాలానికి దేశ ఆర్థిక వృద్ధి గణాంకాలు శుక్రవారం(29న) వెలువడనున్నాయి. రష్యా చమురు కొనుగోళ్లను వ్యతిరేకిస్తూ యూఎస్‌ ప్రెసిడెంట్‌ ట్రంప్‌ భారత్‌పై విధించిన 25 శాతం అదనపు సుంకాలకు బుధవారం(27) నుంచి తెరలేవనుంది. జాక్సన్‌ హోల్‌ వద్ద యూఎస్‌ ఫెడరల్‌ రిజర్వ్‌ వార్షికంగా నిర్వహించే సదస్సు సందర్భంగా గత వారాంతాన ప్రస్తుత చైర్మన్‌ జెరోమీ పావెల్‌ వడ్డీ రేట్ల కోతకు వీలున్నదంటూ సంకేతాలిచ్చారు. బుధవారం గణేశ్‌ చతుర్ధి సందర్భంగా స్టాక్‌ మార్కెట్లు పనిచేయవు. దీంతో 4 రోజులకే పరిమితమైన ట్రేడింగ్‌లో ఈ వారం మార్కెట్ల సరళిపై విశ్లేషకులు పలు అంశాలు ప్రభావం చూపనున్నట్లు ప్రస్తావిస్తున్నారు. జీడీపీపై అంచనాలు ఈ ఏడాది క్యూ1లో దేశ ఆర్థిక వ్యవస్థ 6.7 శాతం వృద్ధి చూపగలదని ఆర్థికవేత్తలు అంచనా వేస్తున్నారు. ఇందుకు ప్రభుత్వ వ్యయాలు పెరగడం, గ్రామీణ డిమాండ్‌ పుంజుకోవడం, సర్వీసుల రంగం పటిష్ట పురోగతి వంటి అంశాలు సహకరించనున్నట్లు భావిస్తున్నారు. గతేడాది(2024–25) చివరి త్రైమాసికం(జనవరి–మార్చి)లో దేశ జీడీపీ 7.4 శాతం బలపడింది. ఈ బాటలో జూలై పారిశ్రామికోత్పత్తి ఇండెక్స్‌(ఐఐపీ) వివరాలు గురువారం(28న) వెల్లడికానున్నాయి. జూన్‌లో ఐఐపీ 2024 ఆగస్ట్‌ తదుపరి కనిష్టంగా 1.5 శాతం పుంజుకుంది. జీడీజీ, ఐఐపీ గణాంకాలు బలపడితే.. మార్కెట్లు మరింత పుంజుకునే వీలున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. జీఎస్‌టీ శ్లాబులతోపాటు.. రేట్లను భారీగా తగ్గించనున్న వార్తలతో పలు రంగాలకు హుషారొచి్చనట్లు మోతీలాల్‌ ఓస్వాల్‌ ఫైనాన్షియల్‌ సర్వీసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా తెలియజేశారు. వెరసి జీఎస్‌టీ సంస్కరణలపై అంచనాలు గత వారం దేశీ స్టాక్‌ మార్కెట్లకు బలాన్నిచి్చనట్లు పేర్కొన్నారు. విదేశీ అంశాలు యూఎస్‌ ప్రెసిడెంట్‌ ట్రంప్‌.. కొద్ది రోజులుగా రష్యా, ఉక్రెయిన్‌ మధ్య సయోధ్యకు ప్రయతి్నస్తున్న నేపథ్యంలో భారత్‌పై విధించిన 25 శాతం అదనపు టారిఫ్‌ల అమలు వాయిదా పడవచ్చని విశ్లేషకులు భావిస్తున్నారు. ఇది ఇన్వెస్టర్లకు ప్రోత్సాహాన్నివ్వనున్నట్లు మార్కెట్‌ నిపుణులు పేర్కొన్నారు. ఇదికాకుండా యూఎస్‌ కేంద్ర బ్యాంకు ఫెడ్‌ చైర్మన్‌ పావెల్‌ భవిష్యత్‌లో వడ్డీ రేట్ల కోత సంకేతాలు ఇవ్వడం సెంటిమెంటుకు బలాన్నివ్వనున్నట్లు తెలియజేశారు. ఇది ఇటీవల దేశీ స్టాక్స్‌లో నిరంతర విక్రయాలకు పాల్పడుతున్న విదేశీ పోర్ట్‌ఫోలియో ఇన్వెస్టర్ల(ఎఫ్‌పీఐలు)ను యూటర్న్‌ తీసుకునేలా ప్రోత్సహించవచ్చని అభిప్రాయపడ్డారు. ఇక యూఎస్‌ హౌసింగ్‌ విక్రయాలు, ఫ్యాక్టరీ ఆర్డర్లు తదతర గణాంకాలు సైతం ఈ వారం వెలువడనున్నాయి. ఈ అంశాలన్నిటినీ ఇన్వెస్టర్లు నిశితంగా పరిశీలించనున్నట్లు స్వస్తికా ఇన్వెస్ట్‌మార్ట్‌ రీసెర్చ్‌ హెడ్‌ సంతోష్‌ మీనా పేర్కొన్నారు. ఫెడ్‌ వడ్డీ రేట్ల సంకేతాలతో గత వారాంతాన యూఎస్‌ మార్కెట్లు 2 శాతంవరకూ బలపడటాన్ని ఈ సందర్భంగా జియోజిత్‌ ఇన్వెస్ట్‌మెంట్స్‌ చీఫ్‌ స్ట్రాటజిస్ట్‌ వీకే విజయకుమార్‌ ప్రస్తావించారు.డౌన్‌ట్రెండ్‌కు చెక్‌.. ఆరు రోజుల వరుస లాభాలకు బ్రేక్‌ వేస్తూ గత వారం చివర్లో భారీ అమ్మకాలు తలెత్తాయి. దీంతో దేశీ స్టాక్‌ మార్కెట్లు నికరంగా 1 శాతం లాభంతో ముగిశాయి. అయితే గత వారం ఆరు వారాల నష్టాలకు చెక్‌ పడింది. కాగా.. ఈ వారం పలు దేశ, విదేశీ అంశాలు సెంటిమెంటును ప్రభావితం చేయనున్నట్లు సాంకేతిక నిపుణులు పేర్కొంటున్నారు. ఈ నేపథ్యంలో ప్రధాన ఇండెక్సులు సెన్సెక్స్, నిఫ్టీ కదలికలపై సాంకేతిక అంశాలతో ఇలా విశ్లేషించారు. వీటి ప్రకారం మార్కెట్లలో డౌన్‌ట్రెండ్‌కు కొంతమేర చెక్‌ పడింది. అంతేకాకుండా ట్రెండ్‌ రివర్సల్‌(బుల్లి‹Ù)కు సంకేతాలు అందుతున్నాయి. ఎఫ్‌పీఐలు అమ్మకాలను వీడి కొనుగోళ్ల టర్న్‌ తీసుకుంటే మరింత బలపడే వీలుంది. వెరసి మార్కెట్లు బలహీనపడితే సెన్సెక్స్‌ 80,800–80,700 పాయింట్ల వద్ద మద్దతు తీసుకోవచ్చు. ఒకవేళ పుంజుకుంటే 82,200 వద్ద రెసిస్టెన్స్‌ ఎదురుకావచ్చు. తదుపరి 83,600–83,700 పాయింట్లవరకూ బలపడే వీలుంది. నిఫ్టీకి 24,600 పాయింట్ల తొలి సపోర్ట్‌ లభించవచ్చు. 24,500 వద్ద మరోసారి మద్దతు కనిపించవచ్చు. బలపడితే.. తొలుత 25,200 పాయింట్ల వద్ద, ఆపై 25,500 వద్ద రెసిస్టెన్స్‌కు వీలుంది. – సాక్షి, బిజినెస్‌ డెస్క్‌

ఈ వారం దేశీ స్టాక్‌ మార్కెట్లు ప్రధానంగా రిజర్వ్‌ బ్యాంక్‌ పరపతి నిర్ణయాలవైపు దృష్టి సారించనున్నాయి. అంతేకాకుండా ఇప్పటికే జోరందుకున్న ఏప్రిల్‌–జూన్‌(క్యూ1) ఫలితాలు సైతం సెంటిమెంటును ప్రభావితం చేయనున్నాయి. వీటికితోడు అంతర్జాతీయ అంశాలు, ఆర్థిక గణాంకాలు సైతం కీలకంకానున్నట్లు మార్కెట్‌ నిపుణులు చెబుతున్నారు. గత వారాంతాన ఫెడరల్‌ బ్యాంక్, ఏబీబీ ఇండియా, జేకే లక్ష్మీ సిమెంట్‌ తదితరాలు ఈ ఆర్థిక సంవత్సరం(2025–26) తొలి త్రైమాసిక ఫలితాలు ప్రకటించాయి. వీటికితోడు మరిన్ని దిగ్గజాలు ఈ వారం ఏప్రిల్‌–జూన్‌(క్యూ1) పనితీరును వెల్లడించనున్నాయి. ఈ జాబితాలో బాష్, శ్రీసిమెంట్స్, మారికో, ఏబీ క్యాపిటల్, భారతీ ఎయిర్‌టెల్, అదానీ పోర్ట్స్, బ్రిటానియా, బజాజ్‌ ఆటో, ట్రెంట్, పిడిలైట్‌ ఇండస్ట్రీస్, పీఎఫ్‌సీ, హీరో మోటోకార్ప్, బీహెచ్‌ఈఎల్, ఎల్‌ఐసీ, టైటన్‌ కంపెనీ, హెచ్‌పీసీఎల్, స్టేట్‌బ్యాంక్, టాటా మోటార్స్, గ్రాసిమ్‌ ఇండస్ట్రీస్‌ తదితరాలున్నాయి. నేడు(సోమవారం) ఫెడరల్‌ బ్యాంక్, ఏబీబీ, జేకే లక్ష్మీ సిమెంట్‌ కౌంటర్లలో యాక్టివిటీ కనిపించనున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. గత పాలసీలో స్పీడ్‌ రిజర్వ్‌ బ్యాంక్‌ గవర్నర్‌ సంజయ్‌ మల్హోత్రా అధ్యక్షతన సమావేశమైన మానిటరీ పాలసీ కమిటీ (ఎంపీసీ) గత సమీక్షలో అనూహ్యంగా కీలక వడ్డీ రేటు రెపోలో 0.5 శాతం కోత పెట్టింది. దీంతో మే నెలలో రెపో రేటు 5.5 శాతానికి దిగివచి్చంది. ఆర్థికవేత్తలు 0.25 శాతం తగ్గింపు అంచనా వేశారు. ఈ ఏడాది ఫిబ్రవరి నుంచి చూస్తే రెపో రేటు 1 శాతం తగ్గింది. ఫలితంగా 2022 ఆగస్ట్‌ తదుపరి వడ్డీ రేట్లు కనిష్టానికి చేరాయి. నేడు ప్రారంభంకానున్న ఆర్‌బీఐ పాలసీ సమీక్షా సమావేశాలు బుధవారం(6న) ముగియనున్నాయి. యూఎస్‌ టారిఫ్‌ల విధింపు, 3 శాతానికంటే దిగువకు చేరిన ద్రవ్యోల్బణం, ఈ ఏడాది ద్వితీయార్థంలో జీడీపీ నెమ్మదించవచ్చన్న అంచనాలు మరో 0.25 శాతం రేట్ల కోతకు వీలున్నట్లు ఆర్థికవేత్తలు అంచనా వేస్తున్నారు. అయితే గత రేట్ల కోత, ఈ ఏడాది తొలి 3 నెలల్లో జీడీపీ 7.4 శాతం వృద్ధి అంచనాల నేపథ్యంలో యథాతథ రేట్ల అమలుకే కట్టుబడవచ్చని మరికొంతమంది నిపుణులు అభిప్రాయపడ్డారు. దీంతో ఇన్వెస్టర్లు పాలసీ నిర్ణయాలపై దృష్టి పెట్టనున్నట్లు స్వస్తికా ఇన్వెస్ట్‌మార్ట్‌ సీనియర్‌ టెక్నికల్‌ అనలిస్ట్‌ ప్రవేష్‌ గౌర్‌ తెలియజేశారు. విదేశీ గణాంకాలు జులై నెలకు చైనా సరీ్వసుల రంగ గణాంకాలు మంగళవారం(5న) వెలువడనున్నాయి. గురువారం(7న) వాణిజ్య గణాంకాలు వెల్లడికానున్నాయి. జూన్‌లోనే చైనా వాణిజ్య మిగులు దాదాపు 115 బిలియన్‌ డాలర్లకు చేరింది. అంతక్రితం 99 బిలియన్‌ డాలర్లుగా నమోదైంది. కాగా.. జులై నెలకు యూఎస్‌ తయారీ, సరీ్వసుల రంగ గణాంకాలు సైతం సోమ, మంగళవారాల్లో వెలువడనున్నాయి. ఇక ఈ వారం బ్యాంక్‌ ఆఫ్‌ ఇంగ్లండ్‌(బీవోఈ) వడ్డీ రేట్ల సమీక్షను చేపట్టనుంది. ఇతర అంశాలు.. యూఎస్‌ ప్రెసిడెంట్‌ ట్రంప్‌ తాజాగా భారత్‌పై 25 శాతం టారిఫ్‌లను విధించడంతో 48 బిలియన్‌ డాలర్ల విలువైన ఎగుమతులపై ప్రతికూల ప్రభావం పడనున్నట్లు అంచనాలు వెలువడ్డాయి. ప్రధానంగా టెక్స్‌టైల్స్, ఫార్మా, రత్నాభరణాలు, ఆక్వా, ఫుట్‌వేర్, కెమికల్స్‌ తదితర పలు రంగాలకు సవాళ్లు ఎదురుకానున్నట్లు పరిశ్రమ వర్గాలు పేర్కొన్నాయి. ఇవి మార్కెట్‌ సెంటిమెంటును దెబ్బతీసినట్లు మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా, జియోజిత్‌ ఇన్వెస్ట్‌మెంట్స్‌ పెట్టుబడుల ప్రధాన వ్యూహకర్త వీకే విజయకుమార్‌ తెలియజేశారు. మరోపక్క గత నెలలో విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) దేశీ స్టాక్స్‌లో అమ్మకాలకే అధిక ప్రాధాన్యమిస్తూ వచి్చనట్లు వివరించారు. జూలైలో నికరంగా రూ.17,741 కోట్ల విలువైన షేర్లను నికరరంగా విక్రయించారు.గత వారం డీలా.. శుక్రవారం(ఆగస్ట్‌ 1)తో ముగిసిన గత వారం స్టాక్‌ మార్కెట్లు వరుసగా ఐదో వారం నష్టాలతో ముగిశాయి. సెన్సెక్స్‌(బీఎస్‌ఈ) 863 పాయింట్లు(1.1 శాతం) క్షీణించి 80,560 వద్ద నిలిచింది. నిఫ్టీ(ఎన్‌ఎస్‌ఈ) 272 పాయింట్లు(1.1 శాతం) నీరసించి 24,565 వద్ద స్థిరపడింది. ఈ బాటలో బీఎస్‌ఈ మిడ్‌ క్యాప్‌ 1.8 శాతం, స్మాల్‌ క్యాప్‌ 2.5 శాతం చొప్పున పతనమయ్యాయి. సాంకేతికంగా చూస్తే.. యూఎస్‌ టారిఫ్‌ల విధింపు, ఎఫ్‌పీఐల అమ్మకాలకుతోడు గత వారాంతాన ప్రపంచ మార్కెట్లు డీలా పడటంతో దేశీయంగా సెంటిమెంటు బలహీనపడినట్లు సాంకేతిక నిపుణులు పేర్కొన్నారు. దీంతో మార్కెట్లు మరింత బలహీనపడవచ్చని అభిప్రాయపడ్డారు. వీటి ప్రకారం సాంకేతికంగా ఎన్‌ఎస్‌ఈ ప్రధాన ఇండెక్స్‌ నిఫ్టీ 24,900 స్థాయిలో నిలదొక్కుకోలేకపోయింది. ఒక దశలో 24,550 దిగువకు చేరింది. దీంతో ఈ వారం 24,450 వద్ద తొలి మద్దతు లభించవచ్చు. ఇక్కడినుంచి పుంజుకుంటే 24,900–25,000కు తిరిగి చేరవచ్చు. ఇలాకాకుండా మరింత నీరసిస్తే 24,300కు, ఆపై 24,000 పాయింట్లస్థాయికి క్షీణించే వీలుంది.– సాక్షి, బిజినెస్‌ డెస్క్‌

సుమారు ఐదు వారాలుగా దేశీ స్టాక్‌ మార్కెట్లు పరిమిత శ్రేణి(కన్సాలిడేషన్‌ జోన్‌)లోనే కదులుతున్నాయి. అయితే ఈ వారం మార్కెట్లు కన్సాలిడేషన్‌ నుంచి బయటపడవచ్చని విశ్లేషకులు భావిస్తున్నారు. ఇందుకు దేశీయంగా లేదా అంతర్జాతీయంగా ప్రభావిత అంశాలు కొరవడినప్పటికీ సాంకేతికంగా అవకాశమున్నట్లు అంచనా వేస్తున్నారు. వివరాలు చూద్దాం.. గత వారం చివర్లో ఉన్నట్టుండి దేశీ స్టాక్‌ మార్కెట్లు జోరందుకున్నాయి. ఇరాన్, ఇజ్రాయెల్‌ మధ్య యుద్ధం ముదురుతున్న పరిస్థితుల్లోనూ ప్రామాణిక ఇండెక్సులు సెన్సెక్స్, నిఫ్టీ స్పీడందుకున్నాయి. ఫలితంగా మార్కెట్లు కొద్ది వారాలుగా చిక్కుకున్న కన్సాలిడేషన్‌ పరిధిని చేదించే వీలున్నట్లు సాంకేతిక నిపుణులు భావిస్తున్నారు. ఎన్‌ఎస్‌ఈ ప్రధాన ఇండెక్స్‌ నిఫ్టీ గత వారాంతాన సాంకేతికంగా పరివర్తన స్థాయి(25,112)కి చేరుకున్నట్లు చెబుతున్నారు. ఫలితంగా 25,200 పాయింట్ల ఎగువకు చేరి నిలదొక్కుకుంటే సాంకేతికంగా బ్రేకవుట్‌కు వీలున్నట్లు అంచనా వేశారు. దీంతో సమీప కాలంలో 25,600–25,800 పాయింట్లను తాకవచ్చని విశ్లేíÙంచారు. ఇలాకాకుండా బలహీనపడితే సైడ్‌వేస్‌లో కదలవచ్చని పేర్కొన్నారు. పశి్చమాసియాలో యుద్ధం ముదిరితే మార్కెట్లు క్షీణించవచ్చని తెలియజేశారు. దీంతో గత వారం మాదిరే 24,700 పాయింట్ల వద్ద మద్దతు లభించవచ్చని భావిస్తున్నారు. రుతుపవనాలకు ప్రాధాన్యత దేశీయంగా నైరుతి రుతుపవన కదలికలు కీలకంగా మారనున్నాయి. మే నెలలోనే దేశంలోకి ప్రవేశించడం ద్వారా ఆశలు రేపినప్పటికీ తదుపరి మందగించిన సంగతి తెలిసిందే. అయితే రెండు, మూడు రోజుల్లో తిరిగి ఊపందుకుని పలు ఉత్తరాది రాష్ట్రాలలో విస్తరించనున్నట్లు వాతావరణ శాఖ ప్రకటించడంతో సెంటిమెంటు బలపడనున్నట్లు స్టాక్‌ నిపుణులు పేర్కొన్నారు. దీనికితోడు విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) ఇటీవల దేశీ స్టాక్స్‌లో కొనుగోళ్లకు ఆసక్తి చూపుతుండటం సానుకూల పరిణామమని తెలియజేశారు. ఈ నేపథ్యంలో ఆటుపోట్ల మధ్య కన్సాలిడేషన్‌ కొనసాగవచ్చని మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా, వాటర్‌ఫీల్డ్‌ అడ్వయిజర్స్‌ లిస్టెడ్‌ ఇన్వెస్ట్‌మెంట్స్‌ సీనియర్‌ డైరెక్టర్‌ విపుల్‌ భోవర్‌ అభిప్రాయపడ్డారు. ఫెడ్‌పై చూపు గత వారం పాలసీ సమీక్షలో ఫెడరల్‌ ఓపెన్‌ మార్కెట్‌కమిటీ(ఎఫ్‌వోఎంసీ) వడ్డీ రేట్లను యథాతథంగా అమలు చేసేందుకే ఓటేసింది. ఫెడరల్‌ రిజర్వ్‌ చైర్మన్‌ జెరోమీ పావెల్‌ అధ్యక్షతన సమావేశమైన ఎఫ్‌వోఎంసీ వరుసగా నాలుగోసారి ఫెడ్‌ ఫండ్స్‌ రేట్లను 4.25–4.5 శాతంగా కొనసాగించేందుకు నిర్ణయించింది. ఇంతక్రితం 2024 డిసెంబర్‌లో 0.25 శాతం వడ్డీ రేటును తగ్గించిన ఫెడ్‌ తదుపరి నిర్వహించిన సమావేశాలలో యథాతథ పాలసీ అమలుకే ఓటు వేస్తూ వస్తోంది. అయితే ఈ నిర్ణయాలతోపాటు.. ద్రవ్యోల్బణం, ఆర్థిక వ్యవస్థలపై ఫెడ్‌ అభిప్రాయాలను పావెల్‌ కాంగ్రెస్‌కు వివరించనున్నారు. మంగళవారం(24న) ఫైనాన్షియల్‌ సరీ్వసెస్‌ కమిటీముందు, బుధవారం(25న) సెనేట్‌ బ్యాంకింగ్‌ కమిటీ ముందు ఫెడ్‌ అంచనాలను వెల్లడించనున్నారు. మరోపక్క యూఎస్‌ క్యూ1 జీడీపీ తుది గణాంకాలు గురువారం(26న) వెల్లడికానున్నాయి. 2025 జనవరి–మార్చిలో యూఎస్‌ జీడీపీ 0.2 శాతం క్షీణించిన సంగతి తెలిసిందే.చమురు ధరలు కీలకం ఇజ్రాయెల్‌తో యుద్ధం నేపథ్యంలో ఇరాన్‌ హర్ముజ్‌ జలసంధిని మూసివేసే వీలున్నట్లు హెచ్చరించింది. ఈ నేపథ్యంలో చమురు రవాణాకు కీలకమైన హర్ముజ్‌పై ప్రపంచ దేశాలు దృష్టి సారించాయి. ఇది జరిగితే చమురు ధరలకు రెక్కలురానున్నాయి. ఇరాన్, ఇజ్రాయెల్‌ మధ్య వివాదం తలెత్తిన వెంటనే బ్రెంట్‌ చమురు ధర ఒక్కో బ్యారల్‌కు 78 డాలర్ల గరిష్టానికి ఎగసిన విషయం విదితమే. ఫలితంగా యుద్ధ ప్రభావం ప్రధానంగా ముడిచమురు ధరలపై కనిపించనున్నట్లు నిపుణులు పేర్కొన్నారు. దేశీయంగా అధిక శాతం చమురు అవసరాలకు గల్ఫ్‌ దేశాలపై ఆధారపడుతున్న నేపథ్యంలో యుద్ధ సెగలు దేశీ మార్కెట్లను దెబ్బతీయవచ్చని రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా, జియోజిత్‌ ఇన్వెస్ట్‌మెంట్స్‌ రీసెర్చ్‌ హెడ్‌ వినోద్‌ నాయిర్‌ ఆందోళన వ్యక్తం చేస్తున్నారు. గత వారమిలా.. గత వారం(16–20) ఆటుపోట్ల మధ్య దేశీ స్టాక్‌ మార్కెట్లు బలపడ్డాయి. తొలుత క్షీణపథంలో ట్రేడయినప్పటికీ వారం చివర్లో జోరందుకున్నాయి. దీంతో నికరంగా బీఎస్‌ఈ సెన్సెక్స్‌ గత వారం 1,290 పాయింట్లు(1.6 శాతం) ఎగసింది. 82,408 వద్ద ముగిసింది. ఎన్‌ఎస్‌ఈ నిఫ్టీ 394 పాయింట్లు(1.6 శాతం) పుంజుకుని 25,112 వద్ద నిలిచింది. అయితే చిన్న, మధ్యతరహా కౌంటర్లలో అమ్మకాలదే పైచేయి అయ్యింది. వెరసి బీఎస్‌ఈ మిడ్‌క్యాప్‌ ఇండెక్స్‌ 0.45 శాతం క్షీణించగా.. స్మాల్‌ క్యాప్‌ దాదాపు 2 శాతం పతనమైంది. – సాక్షి, బిజినెస్‌ డెస్క్‌

గత వారాంతాన వెలువడిన జీడీపీ గణాంకాలు ఈ వారం దేశీ స్టాక్‌ మార్కెట్లను ప్రభావితం చేయనున్నాయి. మరోవైపు ఆర్‌బీఐ పాలసీ సమీక్షపై ఇన్వెస్టర్లు దృష్టి పెట్టనున్నట్లు నిపుణులు పేర్కొన్నారు. ఎఫ్‌పీఐ పెట్టుబడులు, యూఎస్‌ టారిఫ్‌ పరిస్థితులు తదితర అంశాలకూ ప్రాధాన్యత ఉన్నట్లు తెలియజేశారు. వివరాలు చూద్దాం.. ముంబై: గత ఆర్థిక సంవత్సరం(2024–25)లో దేశ ఆర్థిక వ్యవస్థ 6.5 శాతం బలపడింది. చివరి త్రైమాసికం(జనవరి–మార్చి)లో స్థూల దేశీయోత్పత్తి(జీడీపీ) 7.4 శాతం వృద్ధి చూపింది. జీడీపీ విలువ 3.9 లక్షల కోట్ల డాలర్లకు చేరడం సానుకూల అంశమని విశ్లేషకులు పేర్కొన్నారు. గత వారాంతాన వెలువడిన జీడీపీ గణాంకాలు ఈ వారం దేశీ స్టాక్‌ మార్కెట్లపై ప్రభావాన్ని చూపనున్నట్లు తెలియజేశారు. ఇక మరోపక్క ఆర్‌బీఐ అధ్యక్షతన మానిటరీ పాలసీ కమిటీ(ఎంపీసీ) మూడు రోజుల సమావేశం బుధవారం(4న) ప్రారంభంకానుంది. శుక్రవారం(6న) పాలసీ సమీక్షా నిర్ణయాలు వెలువడనున్నాయి. దీంతో ఇన్వెస్టర్లు వడ్డీ రేట్ల నిర్ణయాలపై దృష్టిపెట్టనున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా తెలియజేశారు. ఈ వారం మే నెల తయారీ, సరీ్వసుల రంగ పీఎంఐ గణాంకాలు వెలువడనున్నాయి. ఆర్‌బీఐ గత(ఏప్రిల్‌) సమీక్షలో రెపో రేటును 0.25 శాతం తగ్గించి 6 శాతానికి దించిన సంగతి తెలిసిందే.గణాంకాలు కీలకం మే నెలకు ఆటో అమ్మకాల గణాంకాలు వెలువడుతున్నాయి. వీటికితోడు జీఎస్‌టీ వసూళ్లు తదితర అంశాలు సెంటిమెంటును ప్రభావితం చేయగలవని మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ వెల్త్‌మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా తెలియజేశారు. ఇటీవల ప్రపంచ ప్రధాన కరెన్సీలతో మారకంలో యూఎస్‌ డాలరు ఆటుపోట్లను చవిచూడటం, 10ఏళ్ల ట్రెజరీ బాండ్ల ఈల్డ్స్‌ క్షీణించడం వంటి అంశాలకు ప్రాధాన్యత ఉన్నట్లు వివరించారు. దేశీయంగా ఆర్‌బీఐ రెపో రేటులో 0.25 శాతం కోత పెట్టవచ్చన్న అంచనాలున్నట్లు జియోజిత్‌ ఇన్వెస్ట్‌మెంట్‌ రీసెర్చ్‌ హెడ్‌ వినోద్‌ నాయిర్‌ పేర్కొన్నారు. ఈ నేపథ్యంలో పీఎస్‌యూ బ్యాంకులు యాక్టివ్‌గా కదిలే వీలున్నట్లు ఖేమ్కా అభిప్రాయపడ్డారు. జీఎస్‌టీ వసూళ్లు, ఆటో విక్రయాలు, జీడీపీ తదితర ఆర్థిక గణాంకాలు ఇన్వెస్టర్లకు ప్రోత్సాహాన్నిచ్చే వీలున్నట్లు అధిక శాతంమంది నిపుణులు అంచనా వేశారు. ఇతర అంశాలు గత నెల(మే)లో విదేశీ ఇన్వెస్టర్లు(ఎఫ్‌పీఐలు) దేశీ స్టాక్స్‌లో కొనుగోళ్లకు ఆసక్తి చూపడం సానుకూల అంశమని విశ్లేషకులు పేర్కొన్నారు. గతేడాది అక్టోబర్‌ నుంచి మార్చివరకూ అమ్మకాలకే అధిక ప్రాధాన్యమిచ్చిన ఎఫ్‌పీఐలు ఇటీవల నికర పెట్టుబడిదారులుగా నిలుస్తుండటం సెంటిమెంటుకు బలాన్నిస్తున్నట్లు తెలియజేశారు. డాలరుతో మారకంలో రూపాయి బలపడటం, వడ్డీ రేట్ల తగ్గింపు అంచనాలు, ముడిచమురు ధరలు దిగిరావడం వంటి అంశాలు ఆర్థిక వ్యవస్థకు దన్నునివ్వగలవని అభిప్రాయపడ్డారు. ఆర్‌బీఐ గతేడాదికి సరికొత్త రికార్డ్‌ నెలకొల్పుతూ ప్రభుత్వానికి భారీ డివిడెండ్‌ చెల్లించడం ప్రభుత్వ పెట్టుబడులకు దన్నునిస్తుందని తెలియజేశారు. ప్రెసిడెంట్‌ ట్రంప్‌ టారిఫ్‌ల విధింపునకు యూఎస్‌ ఫెడరల్‌ కోర్టు చెక్‌ పెట్టిన నేపథ్యంలో విదే శీ పెట్టుబడులు పుంజుకోవచ్చని అంచనా వేశారు.పెట్టుబడులకే ఎఫ్‌పీఐల మొగ్గు మే నెలలో రూ. 19,860 కోట్లు విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) గత నెలలో పెట్టుబడులకే ఆసక్తి చూపా రు. వెరసి మే నెలలో నికరంగా రూ. 19,860 కోట్ల విలువైన దేశీ స్టాక్స్‌ కొనుగోలు చేశారు. అంతకుముందు ఏప్రిల్‌లో అమ్మకాలు, కొను గోళ్ల మధ్య నికరంగా రూ. 4,223 కోట్లు ఇన్వెస్ట్‌ చేశారు. 2024 అక్టోబర్‌లో అమ్మకాలకే ప్రాధాన్యమిస్తూ వచ్చిన ఎఫ్‌పీఐలు ఈ ఏడాది (2025) జనవరిలో రూ. 78,027 కోట్లు, ఫిబ్రవరిలో రూ. 34,574 కోట్లు, మార్చిలో రూ. 3,973 కోట్లు చొప్పున పెట్టుబడులను వెనక్కి తీసుకున్న విషయం విదితమే. అయితే ఆపై ఏప్రిల్‌ చివరి నుంచి కొనుగోళ్ల యూటర్న్‌ తీసుకోవడం గమనార్హం!

ఈ వారం దేశీ స్టాక్‌ మార్కెట్లు పలు అంశాల ఆధారంగా కదలనున్నాయి. ప్రధానంగా యూఎస్, భారత్‌ జీడీపీ గణాంకాలు ప్రభావం చూపనున్నట్లు విశ్లేషకులు పేర్కొన్నారు. ఫెడరల్‌ రిజర్వ్‌ గత పాలసీ వివరాలు, రుతుపవనాల తీరు తదితర పలు అంశాలు సైతం ట్రెండ్‌ను నిర్దేశించనున్నట్లు తెలియజేశారు. వివరాలు చూద్దాం.. న్యూఢిల్లీ: ఇటు దేశీ, అటు విదేశీ అంశాలు ఈ వారం దేశీ స్టాక్‌ మార్కెట్లకు కీలకంగా నిలవనున్నాయి. ప్రధానంగా పలు ఆర్థిక గణాంకాలు ఈ వారం వెలువడనున్నాయి. దేశీయంగా చూస్తే ఏప్రిల్‌ నెలకు పారిశ్రామికోత్పత్తి(ఐఐపీ), త యారీ రంగ గణాంకాలను ప్రభుత్వం బుధవారం(28న) ప్రకటించనుంది. 2025 మార్చిలో ఐఐపీ, తయారీ రంగాలు 3% చొప్పున పుంజుకున్నాయి. ఈ బాటలో జనవరి –మార్చి2025 కాలానికి దేశ ఆర్థిక వ్యవస్థ(జీడీపీ) పురోగతి గణాంకాలు శుక్రవారం(30న) వెల్లడికానున్నాయి. 2024 అక్టోబర్‌–డిసెంబర్‌లో దేశ జీడీపీ 6.2 శాతం ఎగసింది. వీటిపై ఇన్వెస్టర్లు దృష్టిపెట్టనున్నట్లు మోతీలాల్‌ ఓస్వాల్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా తెలియజేశారు. విదేశీ అంశాలు ఏప్రిల్‌ నెలకు యూఎస్‌ మన్నికైన వస్తు ఆర్డర్లు 27న, కేంద్ర బ్యాంకు ఫెడరల్‌ రిజర్వ్‌(ఎఫ్‌వోఎంసీ) గత పాలసీ సమీక్ష వివరాలు(మినిట్స్‌) 28న విడుదలకానున్నాయి. 29న క్యూ1 జీడీపీ రెండో అంచనాలు వెలువడనున్నాయి. ఇదే రోజు మే నెలకు జపాన్‌ కన్జూమర్‌ కాని్ఫడెన్స్‌ ఇండెక్స్‌ వెల్లడికానుంది. 30న యూఎస్‌ ఏప్రిల్‌ పీసీఈ ధరల ఇండెక్స్‌ విడుదలకానుంది. కాగా.. చైనాసహా ఇతర దేశాలతో యూఎస్‌ వాణిజ్య చర్చలకు ప్రాధాన్యమున్నట్లు జియోజిత్‌ ఇన్వెస్ట్‌మెంట్స్‌ రీసెర్చ్‌ హెడ్‌ వినోద్‌ నాయిర్‌ తెలియజేశారు. కొద్ది రోజులుగా మళ్లీ విదేశీ పోర్ట్‌ఫోలియో ఇన్వెస్టర్లు దేశీ స్టాక్స్‌లో పెట్టుబడులకు ఆసక్తి చూపుతున్నప్పటికీ కొన్ని సెషన్లలో అమ్మకాలకూ ప్రాధాన్యత ఇస్తున్నారు. దీంతో విదేశీ ఇన్వెస్టర్ల తీరు సైతం సెంటిమెంటును ప్రభావితం చేయగలదని నిపుణులు పేర్కొన్నారు. క్యూ4 ఫలితాలు ఇప్పటికే క్యూ4(జనవరి–మార్చి2025) ఫలితాల సీజన్‌ ముగింపునకురాగా.. ఈ వారం మరికొన్ని దిగ్గజాల పనితీరు వెల్లడికానుంది. జాబితాలో బజాజ్‌ ఆటో, ఐఆర్‌సీటీసీ, అరబిందో ఫార్మా తదితరాలున్నాయి. ఈ ఏడాది అంచనాలకంటే ముందుగానే రుతుపవనాలు కేరళను తాకడం, కేంద్ర ప్రభుత్వానికి ఆర్‌బీఐ అత్యధిక డివిడెండ్‌ చెల్లింపు సానుకూల అంశాలుకాగా.. యూఎస్‌ ట్రెజరీ బాండ్ల ఈల్డ్స్‌తోపాటు, ప్రభుత్వ రుణ భారం అధికమవుతుండటం ఇన్వెస్టర్లలో ఆందోళనలు పెంచవచ్చని రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. గత వారాంతాన ఆర్‌బీఐ ప్రభుత్వానికి రూ. 2.69 లక్షల రికార్డ్‌ డివిడెండ్‌ చెల్లించిన సంగతి తెలిసిందే. సాంకేతికంగా గత వారం మార్కెట్లు స్వల్పంగా డీలా పడ్డాయి. బీఎస్‌ఈ సెన్సెక్స్‌ నికరంగా 610 పాయింట్లు(0.75 శాతం) క్షీణించి 81,721 వద్ద నిలిచింది. ఎన్‌ఎస్‌ఈ నిఫ్టీ 167 పాయింట్లు(0.7 శాతం) నష్టంతో 24,853 వద్ద ముగిసింది. బీఎస్‌ఈ మిడ్‌ క్యాప్‌ ఇండెక్స్‌ 0.3 శాతం నీరసించగా.. స్మాల్‌ క్యాప్‌ మాత్రం 0.95 శాతం ఎగసింది. సాంకేతికంగా ఈ వారం నిఫ్టీకి 24,950–25,000 పాయింట్ల వద్ద అవరోధాలు(రెసిస్టెన్స్‌) ఎదురుకావచ్చని విశ్లేషకులు అభిప్రాయపడ్డారు. ఈ బాటలో సెన్సెక్స్‌కు 82,500–83,000 పాయింట్లవద్ద రెసిస్టెన్స్‌ కనిపించవచ్చని అంచనా వేశారు.

ముంబై: దేశీ స్టాక్‌ మార్కెట్లు ఈ వారం పలు అంశాల ఆధారంగా కదలనున్నాయి. ప్రధానంగా గత వారం జమ్మూ కాశ్మీర్‌లోని పహల్గాంలో టూరిస్టులపై ఉగ్రదాడి కారణంగా భారత్, పాకిస్తాన్‌ మధ్య తలెత్తిన ఉద్రిక్తతలు ప్రభావం చూపనున్నాయి. దీంతో రెండు దేశాల మధ్య రాజకీయ, భౌగోళిక ఆందోళనలు సెంటిమెంటుకు కీలకంగా నిలవనున్నట్లు విశ్లేషకులు ప్రస్తావించారు. ఇవికాకుండా అమెరికా, చైనా మధ్య టారిఫ్‌ల సంక్షోభానికి సైతం ప్రాధాన్యత ఉన్నట్లు తెలియజేశారు. ఈ నేపథ్యంలో గత వారం చివర్లో మార్కెట్లు ఉన్నట్టుండి బలహీనపడ్డాయి. ఫలితంగా ఎన్‌ఎస్‌ఈ ప్రధాన ఇండెక్స్‌ నిఫ్టీ 23,800కు ఎగువన నిలవగలిగితేనే సాంకేతికంగా బుల్లిష్‌ ధోరణి కొనసాగే వీలున్నట్లు నిపుణులు అభిప్రాయపడ్డారు. కాగా.. ఈ వారం ట్రేడింగ్‌ నాలుగు రోజులకే పరిమితంకానుంది. మహారాష్ట్ర డే సందర్భంగా గురువారం(మే 1న) మార్కెట్లు పనిచేయవు. ఇంధన, సిమెంట్‌ కంపెనీలు ఇప్పటికే గత ఆర్థిక సంవత్సర(2024–25) ఫలితాల సీజన్‌ ప్రారంభమై జోరందుకుంది. ఈ బాటలో ఈ వారం మరికొన్ని దిగ్గజాలు క్యూ4(జనవరి–మార్చి) పనితీరుతోపాటు పూర్తి ఏడాది ఫలితాలు ప్రకటించనున్నాయి. జాబితాలో ఇంధన రంగ పీఎస్‌యూలు ఇండిఆయన్‌ ఆయిల్‌ కార్పొరేషన్‌(ఐవోసీ), భారత్‌ పెట్రోలియం కార్పొరేషన్‌(బీపీసీఎల్‌)సహా.. సిమెంట్‌ దిగ్గజాలు అంబుజా, అల్ట్రాటెక్, టాటా గ్రూప్‌ దిగ్గజం ట్రెంట్, ద్విచక్ర వాహన దిగ్గజం టీవీఎస్‌ మోటార్, బజాజ్‌ ఫైనాన్స్‌ తదిరాలున్నాయి. గత వారం చివర్లో డైవర్సిఫైడ్‌ దిగ్గజం రిలయన్స్‌ ఇండస్ట్రీస్‌ క్యూ4, పూర్తి ఏడాది ఫలితాలు వెలువరించింది. ఈ ప్రభావం నేటి(సోమవారం) ట్రేడింగ్‌లో రిలయన్స్‌ కౌంటర్‌పై కనిపించనున్నట్లు నిపుణులు పేర్కొన్నారు. ఇతర అంశాలు గత వారం ఆరు ప్రధాన కరెన్సీలతో మారకంలో డాలరు ఇండెక్స్‌ వెనకడుగు వేసింది. మరోవైపు దేశీ స్టాక్స్‌లో ఎఫ్‌పీఐలు భారీగా ఇన్వెస్ట్‌ చేశారు. వెరసి డాలరుతో మారకంలో దేశీ కరెన్సీ రూపాయి బలపడింది. అమెరికా, చైనా మధ్య టారిఫ్‌ల సంక్షోభం కారణంగా పసిడి ధరలు మండుతున్నప్పటికీ ముడిచమురు ధరలు దిగివస్తున్నాయి. బ్రెంట్‌ చమురు 65 డాలర్ల సమీపంలో కదులుతోంది. రూపాయి పుంజుకోవడం, చమురు చల్లబడటం దేశీ ఆర్థిక వ్యవస్థకు సానుకూల అంశాలుగా మార్కెట్‌ వర్గాలు పేర్కొన్నాయి. ఈ వారం భారత్, పాకిస్తాన్‌ మధ్య తలెత్తిన ఉద్రిక్తతలు, అంతర్జాతీయ టారిఫ్‌ల సంక్షోభం సెంటిమెంటును ప్రభావితం చేయనున్నట్లు రెలిగేర్‌ బ్రోకింగ్‌ రీసెర్చ్‌ సీనియర్‌ వీపీ అజిత్‌ మిశ్రా పేర్కొన్నారు. ఇవికాకుండా దేశీయంగా పలు కార్పొరేట్‌ దిగ్గజాలు క్యూ4 ఫలితాలు ప్రకటించనుండటంతో ఇన్వెస్టర్లు వీటిపై దృష్టి పెట్టనున్నట్లు మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా తెలియజేశారు. మరోవైపు ఎఫ్‌పీఐలు కొనుగోళ్లకు ఆసక్తి చూపుతుండటం సానుకూల అంశమని జియోజిత్‌ ఇన్వెస్ట్‌మెంట్స్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయకుమార్‌ పేర్కొన్నారు. సానుకూలం2024 అక్టోబర్‌ మొదలు దేశీ స్టాక్స్‌లో పెట్టుబడుల ఉపసంహరణకే పెద్దపీట వేస్తున్న విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) ఇటీవల కొనుగోళ్ల యూటర్న్‌ తీసుకోవడం గమనార్హం! దీంతో గత 7 ట్రేడింగ్‌ రోజుల్లో ఎఫ్‌పీఐలు నగదు విభాగంలో నికరంగా రూ. 27649 కోట్లు ఇన్వెస్ట్‌ చేశారు. గత వారం రూ. 17,425 కోట్ల విలువైన స్టాక్స్‌ కొనుగోలు చేశారు. ఫలితంగా భారత్, పాక్‌ ఉద్రిక్తతల నడుమ చివరి రెండు రోజుల్లో మార్కెట్లు నీరసించినప్పటికీ నికరంగా గత వారం లాభపడ్డాయి. బీఎస్‌ఈ ఇండెక్స్‌ సెన్సెక్స్‌ 659 పాయింట్లు(0.84 శాతం) పుంజుకుని 79,213 వద్ద ముగిసింది. నిఫ్టీ సైతం 188 పాయింట్లు(0.8 శాతం) ఎగసి 24,039 వద్ద స్థిరపడింది. అయితే బీఎస్‌ఈ మిడ్‌క్యాప్‌ మరింత అధికంగా 1.3 శాతం బలపడగా, స్మాల్‌క్యాప్‌ 0.12 శాతమే లాభపడింది.ఐఐపీవైపు చూపుమార్చి నెలకు పారిశ్రామికోత్పత్తి(ఐఐపీ) గణాంకాలు నేడు విడుదలకానున్నాయి. ఫిబ్రవరిలో ఐఐపీ వృద్ధి గత 6 నెలల్లోనే కనిష్టంగా 2.9 శాతానికి పరిమితమైంది. జనవరిలో నమోదైన 5.2 శాతంతో పోలిస్తే భారీగా క్షీణించింది. ఇక ఏప్రిల్‌ నెలకు హెచ్‌ఎస్‌బీసీ ఇండియా తయారీ పీఎంఐ వారాంతాన(మే 2న) విడుదలకానుంది. అంతర్జాతీయ అంశాల విషయానికివస్తే మార్చి నెలకు 29న యూఎస్‌ ఉపాధి గణాంకాలు వెల్లడికానున్నాయి. ఏప్రిల్‌కు చైనా తయారీ పీఎంఐ గణాంకాలు, ఏప్రిల్‌కు యూఎస్‌ పీసీఈ ధరల ఇండెక్స్‌ 30న వెలువడనున్నాయి. మే 1న బ్యాంక్‌ ఆఫ్‌ జపాన్‌ వడ్డీ రేట్ల నిర్ణయాలు, రిటైల్‌ ధరలు ప్రకటితంకానున్నాయి. ఈ బాటలో యూఎస్‌ తయారీ పీఎంఐ, వ్యవసాయేతర ఉపాధి, నిరుద్యోగిత గణాంకాలు 2న వెల్లడికానున్నాయి.

గత ఆర్థిక సంవత్సరం(2024–25) చివరి త్రైమాసిక(క్యూ4) ఫలితాలే ప్రధానంగా ఈ వారం దేశీ స్టాక్‌ మార్కెట్లను ప్రభావితం చేయనున్నాయి. వీటికితోడు యూఎస్‌ టారిఫ్‌ వార్తలు కీలకంగా నిలవనున్నట్లు మార్కెట్‌ విశ్లేషకులు పేర్కొన్నారు. వారాంతాన వెలువడిన వర్షపాత అంచనాలు సెంటిమెంటుకు జోష్‌నివ్వనున్నట్లు తెలియజేశారు. వివరాలు చూద్దాం..ముంబై: దేశీ స్టాక్‌ మార్కెట్లు ఈ వారం ప్రధానంగా కార్పొరేట్‌ దిగ్గజాల క్యూ4(జనవరి–మార్చి) ఫలితాల ఆధారంగా కదలనున్నాయి. క్యూ4తోపాటు మార్చితో ముగిసిన పూర్తి ఏడాది పనితీరును సైతం వెల్లడించనున్నాయి. కొన్ని రంగాల కంపెనీలు ప్రస్తుత ఆర్థిక సంవత్సరం(2025–26)లో ప్రభావిత అంశాలు, పనితీరుపై అంచనాలు సైతం వెలువరించనున్నాయి. ఈ జాబితాలో కార్ల దిగ్గజం మారుతీసహా.. ఐటీ దిగ్గజం హెచ్‌సీఎల్‌ టెక్నాలజీస్, ఎఫ్‌ఎంసీజీ బ్లూచిప్‌ హిందుస్తాన్‌ యూనిలీవర్, ప్రయివేట్‌ రంగ దిగ్గజం యాక్సిస్‌ బ్యాంక్‌ తదితరాలున్నాయి. ఐటీ బ్లూచిప్‌ ఇన్ఫోసిస్‌తోపాటు వారాంతాన(19న) ప్రయివేట్‌ రంగ బ్యాంకింగ్‌ దిగ్గజాలు హెచ్‌డీఎఫ్‌సీ, ఐసీఐసీఐసహా యస్‌ బ్యాంక్‌ ఫలితాలు విడుదల చేశాయి. దీంతో నేడు(21న) ఈ కౌంటర్లపై ఫలితాల ప్రభావం కనిపించనున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. ఇతర అంశాలు ప్రపంచ ప్రధాన(ఆరు) కరెన్సీలతో మారంకలో ఇటీవల డాలరు బలహీనపడుతుండటంతో దేశీ కరెన్సీ బలపడుతోంది. డాలరు ఇండెక్స్‌ కొద్ది రోజులుగా 104 స్థాయి నుంచి 99కు నీరసించడం రూపాయికి జోష్‌నిస్తున్నట్లు నిపుణులు చెబుతున్నారు. దీనికితోడు దేశీ స్టాక్స్‌లో తిరిగి విదేశీ ఇన్వెస్టర్లు(ఎఫ్‌పీఐలు) భారీగా పెట్టుబడులు చేపడుతుండటం మరింత మద్దతిస్తున్నట్లు జియోజిత్‌ ఇన్వెస్ట్‌మెంట్స్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయకుమార్‌ పేర్కొన్నారు. కాగా.. ముడిచమురు ధరలు బ్యారల్‌ 65–60 డాలర్ల స్థాయికి దిగిరావడం దేశీయంగా సానుకూల అంశమని, ఇది ద్రవ్యోల్బణం తగ్గేందుకు దోహదపడుతుందని విశ్లేషకులు అంచనా వేశారు. ప్రపంచ మార్కెట్ల ట్రెండ్‌కూ ప్రాధాన్యత ఉన్నట్లు తెలియజేశారు. గత వారమిలా కేవలం మూడు రోజులు జరిగిన గత వారం ట్రేడింగ్‌లో సెన్సెక్స్, నిఫ్టీ ఏకంగా 4 శాతంపైగా జంప్‌చేయడం విశేషం! ఇందుకు ప్రధానంగా విదేశీ ఇన్వెస్టర్లు కొనుగోళ్ల యూటర్న్‌ తీసుకోవడం తోడ్పాటునిస్తున్నట్లు నిపుణులు పేర్కొన్నారు. గత వారం సెన్సెక్స్‌ నికరంగా 3,396 పాయింట్లు(4.5 శాతం)దూసుకెళ్లగా, నిఫ్టీ సైతం 1,023 పాయింట్లు(4.5 శాతం) ఎగసింది. వెరసి సెన్సెక్స్‌ 78,553 వద్ద, నిఫ్టీ 23,852 వద్ద ముగిశాయి. బీఎస్‌ఈ మిడ్, స్మాల్‌ క్యాప్స్‌ ఇదేస్థాయిలో ర్యాలీ చేయడం గమనార్హం! సాంకేతికంగా గత వారం సెలవుల నేపథ్యంలో సాంకేతికంగా మార్కెట్లు మూడు ట్రేడింగ్‌ సెషన్లలోనే భారీగా బలపడ్డాయి. ఎన్‌ఎస్‌ఈ ప్రధాన ఇండెక్స్‌ నిఫ్టీ 23,600 పాయింట్ల స్థాయిలో బలమైన మద్దతును కూడగట్టుకుంటున్నట్లు సాంకేతిక నిపుణులు తెలియజేశారు. దీంతో మరోసారి నిఫ్టీకి ఈ స్థాయి సపోర్ట్‌గా నిలిచే వీలున్నట్లు అంచనా వేశారు. ఇదేవిధంగా 24,550 పాయింట్ల వద్ద అవరోధాలు ఎదురుకావచ్చని పేర్కొన్నారు. వెరసి సమీప భవిష్యత్‌లో సపోర్ట్‌ లేదా రెసిస్టెన్స్‌లను అధిగమిస్తే మార్కెట్ల తీరు వెల్లడికావచ్చని అభిప్రాయపడ్డారు.రుతుపవనాల ఎఫెక్ట్‌ ఈ ఏడాది సాధారణానికంటే అధిక వర్షపాతానికి వీలున్నట్లు దేశీ వాతావరణ శాఖ(ఐఎండీ) విడుదల చేసిన అంచనాలు ఇన్వెస్టర్లకు ప్రోత్సాహాన్నివ్వనున్నట్లు మోతీలాల్‌ ఓస్వాల్‌ ఫైనాన్షియల్‌ సర్వీసెస్‌ వెల్త్‌మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా అభిప్రాయపడ్డారు. ఇది ధరల(ద్రవ్యోల్బణ) క్షీణతకు దారి చూపవచ్చని పేర్కొన్నారు. అయితే యూఎస్‌ టారిఫ్‌ వార్తలు మార్కెట్లలో హెచ్చుతగ్గులకు కారణంకావచ్చని విశ్లేషించారు. ప్రధాన ఆర్థిక వ్యవస్థలుగల యూఎస్, చైనా సుంకాల విధింపులో పోటాపోటీగా వ్యవహరిస్తుండటం ఇన్వెస్టర్లలో ఆందోళనలకు కారణమవుతున్నట్లు పలువురు నిపుణులు తెలియజేశారు. ఇకపై టారిఫ్‌ల యుద్ధం మరింత వేడెక్కడం లేదా చల్లబడటం అనే అంశాలపై మార్కెట్లు దృష్టిపెట్టనున్నట్లు వివరించారు.ఎఫ్‌పీఐల దన్ను 3 రోజుల్లో రూ. 8,500 కోట్లు గత వారం మూడు ట్రేడింగ్‌ సెషన్లలో విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) రూ. 8,472 కోట్లు ఇన్వెస్ట్‌ చేశారు. నిజానికి ఈ నెల మొదట్లో సైతం ఎఫ్‌పీఐలు అమ్మకాలకే ప్రాధాన్యమిచ్చారు. ఈ బాటలో గత వారం తొలి రోజు రూ. 2,352 కోట్ల విలువైన స్టాక్స్‌ విక్రయించారు. తదుపరి రెండు సెషన్లలో ఏకంగా రూ. 10,824 కోట్ల విలువైన స్టాక్స్‌ కొనుగోలు చేశారు. దీంతో ఈ నెలలో ఇప్పటివరకూ ఎఫ్‌పీఐలు దేశీ స్టాక్స్‌ నుంచి రూ. 23,103 కోట్ల పెట్టుబడులు వెనక్కి తీసుకున్నారు. అంటే 2025 జనవరి నుంచి రూ. 1.4 లక్షల కోట్ల పెట్టుబడులు ఉపసంహరించారు.

నేడు దేశీ స్టాక్‌ మార్కెట్లు లాభాలతో ప్రారంభమయ్యే వీలుంది. ఆసియా, యూరప్, యూఎస్‌ మార్కెట్లు బలపడటంతో సెంటిమెంటు మెరుగుపడింది. ట్రంప్‌ ప్రభుత్వం టారిఫ్‌లను 90 రోజుల వరకూ నిలిపివేయడంతోపాటు.. ఎల్రక్టానిక్స్‌కు మినహాయింపు ప్రకటించడంతో ప్రపంచవ్యాప్తంగా మార్కెట్లలో హుషారు నెలకొంది. ముంబై: అంబేడ్కర్‌ జయంతి సందర్భంగా సోమవారం దేశీ స్టాక్‌మార్కెట్లు పనిచేయనప్పటికీ ప్రపంచవ్యాప్తంగా ఇన్వెస్టర్లు కొనుగోళ్లకు ఆసక్తి చూపారు. దీంతో ఆసియా మార్కెట్లు 0.5–1.5% బలపడ్డాయి. యూరోపియన్‌ మార్కెట్లు మరింత అధికంగా 1.5–2.5% ఎగశాయి. యూఎస్‌ మార్కెట్లు సైతం 1% పైగా లాభాలతో ప్రారంభమయ్యాయి. ఈ నేపథ్యంలో నేడు (మంగళవారం) దేశీ మార్కెట్లు సానుకూలంగా కదిలే వీలున్నట్లు నిపుణులు తెలిపారు. ఇప్పటికే యూఎస్‌ టారిఫ్‌ల అమలు 3 నెలలపాటు నిలిచిపోగా.. తాజాగా ఎల్రక్టానిక్స్‌కు మినహాయింపు లభించింది. కంప్యూటర్‌ చిప్స్, మొబైల్స్, ల్యాప్‌టాప్‌సహా పలు ప్రొడక్టులపై కొత్త టారిఫ్‌లను ఎత్తివేశారు. దీంతో సెన్సెక్స్, నిఫ్టీ సానుకూలంగా ట్రేడయ్యే వీలున్నట్లు విశ్లేషకులు అభిప్రాయపడ్డారు. అయితే టారిఫ్‌ల నేపథ్యంలో ఆర్థిక వ్యవస్థలు కుదేలుకావచ్చన్న ఆందోళనలు అటు ముడిచమురు ధరలను.. ఇటు ప్రధాన కరెన్సీలతో మారకంలో డాలరును దెబ్బతీస్తున్నట్లు వివరించారు. టోక్యో ఎల్రక్టాన్, శామ్‌సంగ్‌ ఎల్రక్టానిక్స్‌ తదితర షేర్లు లాభపడ్డాయి. మార్చిలో చైనా ఎగుమతులు 12 శాతంపైగా పుంజుకున్నట్లు చైనా ప్రభుత్వం వెల్లడించింది. బాండ్లు, కరెన్సీపై.. తాజాగా 10ఏళ్ల యూఎస్‌ ట్రెజరీ బాండ్ల ఈల్డ్‌ 4.47 శాతానికి బలపడింది. ఒక దశలో 4.58 శాతానికి ఎగసింది. వారంక్రితం 4.01 శాతంగా నమోదైంది. వెరసి ట్రేడ్‌ వార్‌ కారణంగా యూఎస్‌ వెలుపలి ఇన్వెస్టర్లు ట్రెజరీ బాండ్లను విక్రయిస్తున్నట్లు ఫారెక్స్‌ వర్గాలు చెబుతున్నాయి. ఇతర నష్టాలను కవర్‌ చేసుకునే బాటలో హెడ్జ్‌ ఫండ్స్‌ సైతం బాండ్లను విక్రయిస్తున్నట్లు తెలియజేశాయి. ట్రంప్‌ ప్రభుత్వం టారిఫ్‌లపై అటూఇటుగా వ్యవహరిస్తుండటంతో ప్రపంచ దేశాలలో రక్షణాత్మకంగా భావించే యూఎస్‌పై విశ్వాసం తగ్గే అవకాశమున్నట్లు ఆర్థికవేత్తలు పేర్కొంటున్నారు. ఇది మరోవైపు పసిడికి డిమాండును పెంచుతున్నట్లు పేర్కొన్నారు. దీంతో న్యూ యార్క్‌ కామెక్స్‌లో ఔన్స్‌ బంగారం తాజాగా 3,261 డాలర్లను తాకింది. ద్రవ్యోల్బణం.. ట్రంప్‌ టారిఫ్‌ ప్రణాళికలు రానున్న నెలల్లో ద్రవ్యోల్బణాన్ని పెంచనున్నట్లు ఆర్థికవేత్తలు అంచనా వేశారు. మార్చి గణాంకాలు అంచనాలకంటే మెరుగ్గా ఉన్నప్పటికీ ఆర్థిక వ్యవస్థపై ప్రతికూల ప్రభా వాన్ని చూపనున్నట్లు భావిస్తున్నారు. ఫలితంగా కేంద్ర బ్యాంకు ఫెడరల్‌ రిజర్వ్‌ పరపతి విధానాల్లో స్వేచ్చగా వ్యవహరించలేకపోవచ్చని అభిప్రాయపడ్డారు.శుక్రవారం సెలవు గుడ్‌ఫ్రైడే సందర్భంగా శుక్రవారం(18న) స్టాక్‌ మార్కెట్లతోపాటు కమోడిటీ మార్కెట్లు సైతం పనిచేయవు. అంబేడ్కర్‌ జయంతి సందర్భంగా సోమవారం మార్కెట్లు పని చేయలేదు. దీంతో ఈ వారం ట్రేడింగ్‌ 3 రోజులకే పరిమితంకానుంది. కాగా.. ఈ వారం పలు దిగ్గజాలు జనవరి–మార్చి(క్యూ4) ఫలితాలు ప్రకటించనున్నాయి. 15న ఇరెడా, ఐసీఐసీఐ ప్రు, 16న స్వరాజ్‌ ఇంజిన్స్, విప్రో, 17న హెచ్‌డీఎఫ్‌సీ లైఫ్, ఏఎంసీ, ఇన్ఫోసిస్, టాటాఎలక్సీ, 18న మాస్టెక్, 19న హెచ్‌డీఎఫ్‌సీ, ఐసీఐసీఐ, యస్‌ బ్యాంకుల పనితీరు వెల్లడికానుంది.

ఈ వారం దేశీ స్టాక్‌ మార్కెట్లు అత్యధిక సమయం పతనబాటలో సాగవచ్చని పలువురు సాంకేతిక నిపుణులు పేర్కొంటున్నారు. అయితే రిజర్వ్‌ బ్యాంక్‌ పాలసీ సమీక్ష, యూఎస్‌ టారిఫ్‌ల ప్రభావం, ఫెడ్‌ గత పాలసీ మినిట్స్‌ వెల్లడి తదితర పలు అంశాలు సెంటిమెంటును ప్రభావితం చేయనున్నట్లు తెలియజేశారు. దీంతో తీవ్ర ఆటుపోట్లకు వీలున్నట్లు అభిప్రాయపడ్డారు. వివరాలు చూద్దాం..ముంబై: గత వారాంతాన యూఎస్‌ స్టాక్స్‌ అత్యంత భారీ పతనాన్ని చవిచూశాయి. నేడు(7న) యూఎస్‌ స్టాక్‌ మార్కెట్లకు ‘బ్లాక్‌మండే’ ఎదురుకావచ్చని అక్కడి నిపుణులు అంచనా వేశారు. భారత్‌సహా చైనా, జపాన్‌ తదితర ప్రధాన దేశాలపై ట్రంప్‌ ప్రతీకార టారిఫ్‌లను ప్రకటించడంతో అమెరికా ఆరి్ధక వ్యవస్థ దెబ్బతినవచ్చని, మాంద్యంలోకి జారుకోవచ్చని ఆర్థికవేత్తలు ఆందోళన వ్యక్తం చేస్తున్నారు. ఈ నేపథ్యంలో దేశీ స్టాక్‌ మార్కెట్లలో సైతం అమ్మకాలకు తెరలేచే వీలున్నట్లు విశ్లేషకులు పేర్కొంటున్నారు. 2020 తరువాత గత వారం యూఎస్‌ మార్కెట్లు 6 శాతం పడిపోయాయి. 5 లక్షల కోట్ల డాలర్లకుపైగా మార్కెట్‌ విలువ ఆవిరైంది. వెరసి ఈ వారం దేశీ మార్కెట్లు పతన బాటలో సాగవచ్చని విశ్లేషకులు అంచనా వేశారు. కాగా.. గురువారం(10న) శ్రీ మహావీర్‌ జయంతి సందర్భంగా మార్కెట్లు పనిచేయవు. దీంతో ట్రేడింగ్‌ 4 రోజులకే పరిమితంకానుంది.గత వారమిలాప్రపంచ దేశాలపై యూఎస్‌ టారిఫ్‌ల ఎఫెక్ట్‌తో గత వారం దేశీ స్టాక్‌ మార్కెట్లు సైతం డీలా పడ్డాయి. ఆటుపోట్ల మధ్య సెన్సెక్స్‌ నికరంగా 2,050 పాయింట్లు(2.65 శాతం) పతనమై 75,365 వద్ద ముగిసింది. ఈ బాటలో నిఫ్టీ 615 పాయింట్లు(2.6 శాతం) కోల్పోయి 22,904 వద్ద స్థిరపడింది. ఇక బీఎస్‌ఈ మిడ్‌క్యాప్‌ ఇండెక్స్‌ 2.5 శాతం క్షీణించి 40,509కు చేరగా.. స్మాల్‌క్యాప్‌ 1.65 శాతం నీరసించి 45,867 వద్ద నిలిచింది.టీసీఎస్‌ రెడీగురువారం సాఫ్ట్‌వేర్‌ సేవల దిగ్గజం టీసీఎస్‌ ఈ ఆర్ధిక సంవత్సరం(2024–25) చివరి త్రైమాసిక(క్యూ4) ఫలితాలు విడుదల చేయనుంది. దీంతో జనవరి–మార్చి(క్యూ4) ఫలితాల సీజన్‌ ప్రారంభంకానుంది. కాగా.. అక్టోబర్‌ మొదలు అమ్మకాలకే ప్రాధాన్యమిస్తున్న విదేశీ ఇన్వెస్టర్లు(ఎఫ్‌పీఐలు) మార్చి చివవి వారంలో నికర కొనుగోలుదారులుగా మారినప్పటికీ తిరిగి ఏప్రిల్‌లో అమ్మకాల బాట పట్టడం సెంటిమెంటును బలహీనపరుస్తున్నట్లు జియోజిత్‌ ఇన్వెస్ట్‌మెంట్స్‌ పెట్టుబడుల ప్రధాన వ్యూహకర్త వీకే విజయకుమార్‌ పేర్కొన్నారు. గత నాలుగు ట్రేడింగ్‌ సెషన్లలో ఎఫ్‌పీఐలు రూ. 10,355 కోట్ల పెట్టుబడులు వెనక్కి తీసుకోవడం గమనార్హం! ఎఫ్‌పీఐలు ఫిబ్రవరిలో దేశీ స్టాక్స్‌ నుంచి రూ. 34,574 కోట్లు, జనవరిలో మరో రూ. 78,027 కోట్లు చొప్పున పెట్టుబడులు ఉపసంహరించిన సంగతి తెలిసిందే.

తాజాగా ముగిసిన ఆర్థిక సంవత్సరం(2024–25)లో దేశీ స్టాక్‌ మార్కెట్లు స్వల్పంగా బలపడ్డాయి. ప్రామాణిక ఇండెక్స్‌ సెన్సెక్స్‌ 5 శాతం లాభపడింది. అయితే అత్యధిక శాతం ఇన్వెస్టర్లను ఆకట్టుకోవడంతో చిన్న షేర్ల ఇండెక్స్‌ బీఎస్‌ఈలో 8 శాతం పురోగమించింది. ఇందుకు ప్రధానంగా మార్చి నెల మద్దతిచ్చింది.న్యూఢిల్లీ: పలు ఆటుపోట్ల మధ్య 2024–25లో స్టాక్‌ మార్కెట్లు నికరంగా లాభపడ్డాయి. సెన్సెక్స్‌ 3,764 పాయింట్లు(5.1 శాతం) పుంజుకోగా.. బీఎస్‌ఈలో స్మాల్‌క్యాప్‌ ఇండెక్స్‌ 3,472 పాయింట్లు(8 శాతం) ఎగసింది. ఈ బాటలో మిడ్‌క్యాప్‌ సైతం 2,209 పాయింట్లు(5.6 శాతం) వృద్ధి చెందింది. ఇందుకు ప్రధానంగా మార్చి నెల దన్నుగా నిలిచింది. గతేడాది అక్టోబర్‌ నుంచి అమ్మకాల బాట పట్టిన విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) గత నెలలో ఉన్నట్టుండి కొనుగోళ్ల యూటర్న్‌ తీసుకోవడంతో మార్కెట్లు భారీ నష్టాల నుంచి రికవరీ సాధించాయి. దీంతో పూర్తి ఏడాదికి లాభాలతో నిలిచాయి. ప్రధానంగా రిటైల్‌ ఇన్వెస్టర్లు పెట్టుబడులకు ఆసక్తి చూపడం మిడ్, స్మాల్‌క్యాప్‌ కౌంటర్లకు ప్రోత్సాహాన్నిచ్చినట్లు విశ్లేషకులు పేర్కొన్నారు. నష్టాలకు చెక్‌ గతేడాది అక్టోబర్‌ మొదలు వరుసగా 5 నెలలపాటు నష్టాలతో ముగిసిన మార్కెట్లు గత నెలలో బౌన్స్‌బ్యాక్‌ అయ్యాయి. తద్వారా గతేడాది నికరంగా లాభాలతో నిలిచినట్లు లెమన్‌ మార్కెట్స్‌ డెస్క్‌ విశ్లేషకులు సతీష్‌ చంద్ర ఆలూరి పేర్కొన్నారు. ప్రధానంగా మిడ్, స్మాల్‌క్యాప్‌ ఇండెక్సులు మార్కెట్లను మించి బలపడినట్లు తెలియజేశారు. అందుబాటు విలువలకు చేరిన పలు షేర్లకుతోడు దేశీయంగా నెలకొన్న ఆశావహ పరిస్థితులు, ఎఫ్‌పీఐల పెట్టుబడులు ఇందుకు కారణమైనట్లు వివరించారు. దీంతో ప్రస్తుతం చరిత్రాత్మక సగటులకు పలు కౌంటర్లు చేరినట్లు అభిప్రాయపడ్డారు. ఈక్విటీల విలువలు ఖరీదుగా మారడంతో అక్టోబర్‌ నుంచి ఎఫ్‌పీఐలు పెట్టుబడులను వెనక్కి తీసుకుంటున్నారు. వెరసి దేశీ స్టాక్‌ మార్కెట్లు ‘బేర్‌’ ట్రెండ్‌లో చిక్కుకున్న సంగతి తెలిసిందే. అయితే ఎఫ్‌పీఐలు పెట్టుబడులవైపు మళ్లడంతోపాటు.. భారీ సంఖ్యలో రిటైల్‌ ఇన్వెస్టర్లు కొనుగోళ్లకు ఆసక్తి చూపడంతో మార్కెట్లు నష్టాలనుంచి బయటపడినట్లు నిపుణులు తెలియజేశారు. ఇది చివరికి మార్కెట్లు సానుకూల ధోరణిలో ముగిసేందుకు దోహదం చేసినట్లు వివరించారు. ఫైనాన్షియల్‌ మార్కెట్లను ప్రభావితం చేయగల యూఎస్‌ ఫెడరల్‌ రిజర్వ్‌ 2025లో వడ్డీ రేట్ల కోత సంకేతాలు ఇవ్వడం సెంటిమెంటుకు బలాన్నిచ్చినట్లు పేర్కొన్నారు. ప్రీమియం విలువల ఎఫెక్ట్‌ నిజానికి బుల్‌ మార్కెట్లలో ప్రధాన ఇండెక్సులతో పోలిస్తే మిడ్, స్మాల్‌ క్యాప్స్‌ మరింత అధికంగా ర్యాలీ చేయవలసి ఉన్నట్లు హైబ్రో సెక్యూరిటీస్‌ వ్యవస్థాపకులు తరుణ్‌ సింగ్‌ పేర్కొన్నారు. గతేడాది చిన్న షేర్ల ఇండెక్సులు రెండంకెల స్థాయిలో వృద్ఢి చూపకపోవడానికి మార్కెట్ల ర్యాలీ చాలా ముందుగానే ప్రారంభంకావడంతో షేర్ల ధరలు భారీగా పెరిగాయని, ఇందుకు తగిన స్థాయిలో కంపెనీల పనితీరు లేకపోవడం ఇన్వెస్టర్లను నిరాశపరచిందని వివరించారు. గత రెండు త్రైమాసికాలలో అంచనాలకంటే దిగువన వెలువడిన ఫలితాలు షేర్ల ప్రీమియం ధరలకు మద్దతివ్వలేకపోయినట్లు తెలియజేశారు. మరోవైపు యూఎస్‌ కొత్త ప్రెసిడెంట్‌ ట్రంప్‌ భారత్‌సహా పలు దేశాలపై ప్రతీకార టారిఫ్‌లకు తెరతీయడం సెంటిమెంటును బలహీనపరచినట్లు మాస్టర్‌ క్యాపిటల్‌ సరీ్వసెస్‌ డైరెక్టర్‌ పాల్క అరోరా చోప్రా పేర్కొన్నారు. సరికొత్త రికార్డులు గతేడాది(2024) సెప్టెంబర్‌ 27న సెన్సెక్స్‌ చరిత్రాత్మక గరిష్టం 85,978 పాయింట్లను అధిగమించగా.. బీఎస్‌ఈ మిడ్‌క్యాప్‌ ఇండెక్స్‌ అదేనెల 24న 49,701ను తాకి సరికొత్త గరిష్టాన్ని అందుకుంది. ఈ బాటలో స్మాల్‌క్యాప్‌ సైతం 2024 డిసెంబర్‌ 12న 57,828 పాయింట్ల వద్ద లైఫ్‌టైమ్‌ గరిష్టానికి చేరింది. నిజానికి బ్లూచిప్స్‌ లేదా లార్జ్‌క్యాప్‌ స్టాక్స్‌ను ఎఫ్‌పీఐలు అత్యధికంగా కొనుగోలు చేస్తే.. రిటైలర్లు చిన్న షేర్లపట్ల ఆకర్షితులవుతుంటారని విశ్లేషకులు వివరించారు. అయితే ఇకపై ఆయా కంపెనీల ఫలితాల ఆధారంగా స్టాక్‌ విలువలు సర్దుబాటుకానున్నట్లు తెలియజేశారు. కొత్త ఆర్థిక సంవత్సరం(2025–26)లో అడుగుపెడుతున్న నేపథ్యంలో దేశీ ఈక్విటీ మార్కెట్లు ఆటుపోట్ల మధ్య వృద్ధి బాటలో సాగే వీలున్నట్లు నిపుణులు భావిస్తున్నారు. ప్రపంచ పరిస్థితులు, మార్కెట్ల ట్రెండ్‌సహా దేశీయంగా కార్పొరేట్‌ ఫలితాలు, ప్రభుత్వ, ప్రయివేట్‌ పెట్టుబడులు సెంటిమెంటును ప్రభావితం చేయనున్నట్లు వివరించారు.మార్చిలో బూస్ట్‌ఎఫ్‌పీఐలు, రిటైలర్ల పెట్టుబడుల దన్నుతో ఒక్క మార్చి నెలలోనే మార్కెట్లు భారీగా టర్న్‌అరౌండ్‌ అయ్యాయి. సెన్సెక్స్‌ 4,217 పాయింట్లు(5.8 శాతం) ఎగసింది. బీఎస్‌ఈ స్మాల్‌ క్యాప్‌ ఇండెక్స్‌ 3,555 పాయింట్లు(8.3%) జంప్‌చేస్తే, మిడ్‌క్యాప్‌ 2,939 పాయింట్లు(7.6%) బలపడింది. అంతర్జాతీయంగా అనిశ్చిత పరిస్థితులు తలెత్తినప్పటికీ దేశీయంగా సుస్థిర ప్రభుత్వ ఏర్పాటు, విధానాల కొనసాగింపుపై అంచనాలు ఇన్వెస్టర్లలో మార్కెట్లపట్ల విశ్వాసాన్ని పెంచాయి. ఫలితంగా గతేడాది పలు ఆటుపోట్ల మధ్య మార్కెట్లు నికరంగా లాభపడ్డాయి.

ముంబై: దేశీ స్టాక్‌ మార్కెట్లలో ట్రెండ్‌ ఈ వారం ప్రధానంగా గణాంకాలపై ఆధారపడనుంది. దేశ, విదేశీ తయారీ, సర్వీసు రంగ గణాంకాలు ఈ వారంలో విడుదలకానున్నాయి. దీనికితోడు పలు దేశాలపై యూఎస్‌ ప్రభుత్వ తాజా టారిఫ్‌లు బుధవారం(2)నుంచి అమల్లోకి రానున్నాయి. వెరసి ఈ వారం మార్కెట్లు ఆటుపోట్లను చవిచూసే వీలున్నట్లు విశ్లేషకులు పేర్కొంటున్నారు. రంజాన్‌ పర్వదినం సందర్భంగా నేడు(31న) స్టాక్‌ మార్కెట్లు పనిచేయవు. దీంతో ఈ వారం ట్రేడింగ్‌ నాలుగు రోజులకే పరిమితంకానుంది. ఇతర వివరాలు చూద్దాం.జీడీపీ ఎఫెక్ట్‌ గత కేలండర్‌ ఏడాది(2024) చివరి త్రైమాసికం(అక్టోబర్‌–డిసెంబర్‌)లో యూఎస్‌ జీడీపీ అంచనాలకు అనుగుణంగా నెమ్మదించింది. తుది అంచనాల ప్రకారం వార్షిక ప్రాతిపదికన వృద్ధి 3.1 శాతం నుంచి 2.4 శాతానికి మందగించింది. అయితే కొత్త ప్రెసిడెంట్‌ ట్రంప్‌ తెరతీస్తున్న టారిఫ్‌లు ఆర్థిక వ్యవస్థకు మరిన్ని సవాళ్లు విసరనున్నట్లు విశ్లేషకులు భావిస్తున్నారు. బిజినెస్‌ ప్రణాళికలు, కన్జూమర్‌ వినియోగం తదితరాలపై ప్రతికూల ప్రభావం చూపే వీలున్నట్లు పేర్కొన్నారు. వెరసి ఈ ప్రభావం ప్రపంచ ఆర్థిక వ్యవస్థలపై ప్రసరించనున్నట్లు అభిప్రాయపడ్డారు. సుంకాలపై కన్ను ఈ వారం అమల్లోకిరానున్న ట్రంప్‌ సుంకాల(టారిఫ్‌లు)పై ప్రపంచవ్తాప్తంగా ఇన్వెస్టర్లు దృష్టిసారించనున్నట్లు మెహతా ఈక్విటీస్‌ రీసెర్చ్‌ సీనియర్‌ వీపీ ప్రశాంత్‌ తాప్సే పేర్కొన్నారు. వీటితోపాటు గణాంకాలను సైతం పరిగణనలోకి తీసుకోనున్నట్లు జియోజిత్‌ ఇన్వెస్ట్‌మెంట్స్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయ్‌కుమార్‌ తెలియజేశారు. మార్కెట్‌ ప్రభావిత అంశాలు కరవుకావడంతో గణాంకాలు, కీలక వాణిజ్య దేశాలపై యూఎస్‌ టారిఫ్‌లకు ప్రాధాన్యత ఏర్పడినట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా సైతం వివరించారు. అయితే గతేడాది క్యూ4 జీడీపీ నీరసించిన నేపథ్యంలో ట్రంప్‌ ప్రభుత్వం టారిఫ్‌లపై కఠినంగా వ్యవహరించకపోవచ్చని నిపుణులు అభిప్రాయపడ్డారు. హెచ్‌ఎస్‌బీసీ పీఎంఐ బుధవారం మార్చి నెలకు హెచ్‌ఎస్‌బీసీ ఇండియా తయారీ పీఎంఐ గణాంకాలు వెల్లడికానున్నాయి. ప్రాథమిక అంచనాల ప్రకారం 56.3 నుంచి 57.6కు బలపడింది. అయితే శుక్రవారం(4న) విడుదలకానున్న మార్చి సర్వీసుల రంగ ఇండెక్స్‌ తొలి అంచనాలలో 59 నుంచి 57.7కు బలహీనపడింది. కాంపోజిటల్‌ పీఎంఐ సైతం 58.8 నుంచి 58.6కు స్వల్పంగా వెనకడుగు వేసింది. ఇక విదేశీ మారక నిల్వల వివరాలు సైతం 4న వెల్లడికానున్నాయి. ఇక ప్రపంచ దేశాలలో చైనా ఎన్‌బీఎస్, కైగ్జిన్‌ తయారీ గణాంకాలు మార్చి నెలకు సోమవారం(నేడు), మంగళవారం(1న) విడుదలకానున్నాయి. ఈ బాటలో ఫిబవ్రరి నెలకు యూరో దేశాల రిటైల్‌ ధరల ద్రవ్యోల్బణ రేటు 1న వెల్లడికానుంది. ఫిబ్రవరిలో కన్జూమర్‌ ధరల రేటు తొలి అంచనాల ప్రకారం 2.3 శాతంగా నమోదైంది. ఇదేరోజు యూఎస్‌ ఫిబ్రవరి ఐఎస్‌ఎం తయారీ ఇండెక్స్, ఉపాధి కల్పన గణాంకాలు విడుదలకానున్నాయి. 3న యూఎస్‌ ఐఎస్‌ఎం సర్వీసుల పీఎంఐ వెల్లడికానుంది. వారాంతాన(4న) వ్యవసాయేతర ఉపాధి, నిరుద్యోగిత గణాంకాలు వెల్లడికానున్నాయి. ఇతర అంశాలు టారిఫ్‌లు, గణాంకాలతోపాటు.. ఈ వారం దేశీ స్టాక్‌ మార్కెట్లలో పలు ఇతర అంశాలు సెంటిమెంటును ప్రభావితం చేయనున్నట్లు విశ్లేషకులు వివరించారు. గతేడాది(2024) అక్టోబర్‌ నుంచీ అమ్మకాల యూటర్న్‌ తీసుకున్న విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) ఉన్నట్టుండి గత వారం నికర పెట్టుబడిదారులుగా స్టాక్స్‌ కొనుగోలు చేశారు. అయితే వారాంతాన(28న) తిరిగి భారీగా అమ్మకాలు చేపట్టారు. దీంతో ఎఫ్‌పీఐల పెట్టుబడులు లేదా అమ్మకాలకు ప్రాధాన్యత ఉన్నట్లు తెలియజేశారు. ఇదేసమయంలో డాలరు ఇండెక్స్‌ బలహీనపడటం, దేశీ కరెన్సీ ఒక్కసారిగా బలపడటం మార్కెట్లకు జోష్‌నిచి్చనట్లు పేర్కొన్నారు. దిగుమతుల బిల్లుపై ప్రభావం చూపే ముడిచమురు ధరలు వెనకడుగు వేస్తున్నప్పటికీ బంగారం ధరలు మెరుస్తుండటం కొంత ప్రతికూలమేనని తెలియజేశారు.గత వారమిలా.. గత వారం(24–28) దేశీ స్టాక్‌ మార్కెట్లు ఆటుపోట్ల మధ్య నికరంగా లాభపడ్డాయి. సెన్సెక్స్‌ 509 పాయింట్లు(0.7 శాతం) పుంజుకుని 77,415 వద్ద ముగిసింది. నిఫ్టీ సైతం 169 పాయింట్లు(0.7%) బలపడి 23,519 వద్ద నిలిచింది. అయితే తిరిగి చిన్న షేర్లలో అమ్మకాలు తలెత్తడంతో బీఎస్‌ఈ మిడ్‌క్యాప్‌ ఇండెక్స్‌ 0.7 శాతం నీరసించింది. స్మాల్‌క్యాప్‌ మరింత అధికంగా 1.4% క్షీణించింది. తాజాగా ముగిసిన ఆర్థిక సంవత్సరం(2024–25)లో సెన్సెక్స్‌ 3,764 పాయింట్లు (5.1%) ర్యాలీ చేయగా.. నిఫ్టీ 1,192 పాయింట్లు (5.3 శాతం) లాభపడింది. ఈ బాటలో బీఎస్‌ఈ మిడ్‌క్యాప్‌ 5.6%, స్మాల్‌ క్యాప్‌ 8 శాతం చొప్పున ఎగశాయి. బీఎస్‌ఈ లిస్టెడ్‌ కంపెనీల మార్కెట్‌ క్యాపిటలైజేషన్‌(విలువ) 25,90,547 కోట్లు పెరిగి 4,12,87,647 కోట్ల(4.82 లక్షల కోట్ల డాలర్లు)కు చేరింది.ఎఫ్‌పీఐల కొనుగోళ్లుకొద్ది నెలుగా అమ్మకాలకే అధికంగా ఆసక్తి చూపుతున్న విదేశీ ఇన్వెస్టర్లు(ఎఫ్‌పీఐలు) ఇటీవల పెట్టుబడులవైపు దృష్టి మరల్చారు. వెరసి గత ఆరు సెషన్లలో నికరంగా రూ. 31,000 కోట్ల విలువైన స్టాక్స్‌ కొనుగోలు చేశారు. పలు కంపెనీల షేర్లు అందుబాటు ధరల్లోకి రావడంతో పెట్టుబడులకు ఆసక్తి చూపుతున్నట్లు నిపుణులు పేర్కొన్నారు. దీంతో ఇటీవల మార్కెట్లు భారీ నష్టాల నుంచి బయటపడి 6 శాతం పుంజుకోడం గమనార్హం. కాగా.. తాజా పెట్టుబడుల ప్రభావంతో మార్చి నెలలో ఎఫ్‌పీఐల నికర అమ్మకాలు రూ. 3,973 కోట్లకు పరిమితమయ్యాయి! ఫిబ్రవరిలో రూ. 34,574 కోట్లు, జనవరిలో మరింత అధికంగా రూ. 78,027 కోట్ల పెట్టుబడులు వెనక్కి తీసుకున్న విషయం విదితమే.

ముంబై: సెంటిమెంటుపై ప్రభావం చూపగల అంశాలు కొరవడిన నేపథ్యంలో ఈ వారం దేశీ స్టాక్‌ మార్కెట్లు లాభాల బాటలో సాగే వీలున్నట్లు విశ్లేషకులు భావిస్తున్నారు. ఇందుకు ప్రధానంగా విదేశీ అంశాలు దోహదపడనున్నట్లు తెలియజేశారు. గత వారం మార్కెట్లు నష్టాల నుంచి బయటపడి ఒక్కసారిగా స్పీడందుకోవడంతో స్వల్ప కాలానికి లాభాల పరుగు కొనసాగనున్నట్లు మోతీలాల్‌ ఓస్వాల్‌ ఫైనాన్షియల్‌ సర్వీసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా పేర్కొన్నారు. అయితే ఈ వారం మార్చి నెల డెరివేటివ్‌ కాంట్రాక్టుల గడువు ముగియనుంది. దీంతో సెంటిమెంటు సానుకూలంగా ఉన్నప్పటికీ కొంతమేర ఆటుపోట్లకు అవకాశమున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా అభిప్రాయపడ్డారు. 23,100 వద్ద సపోర్ట్‌ ఎన్‌ఎస్‌ఈ ప్రధాన ఇండెక్స్‌ నిఫ్టీకి తొలుత 23,100 పాయింట్ల వద్ద సపోర్ట్‌ లభించే వీలున్నట్లు టెక్నికల్‌ విశ్లేషకులు చెబుతున్నారు. అయితే ప్రస్తుతం జోరందుకున్న నేపథ్యంలో 100 రోజుల చలన సగటు 23,522 పాయింట్ల వద్ద రెసిస్టెన్స్‌ ఎదురుకావచ్చని అంచనా వేశారు. 23,600 స్థాయి కీలకంకాగా.. 23,700, 23,800ను అధిగమిస్తే మరింత బలపడవచ్చని భావిస్తున్నారు. స్వల్ప కాలంలో 24,069 వద్ద తీవ్ర అవరోధం ఎదురుకావచ్చని అంచనా. ఇతర అంశాలు యూఎస్‌ టారిఫ్‌ వార్తలు, విదేశీ ఇన్వెస్టర్ల పెట్టుబడులు లేదా అమ్మకాలతోపాటు.. డాలరు ఇండెక్స్, ముడిచమురు ధరల కదలికలపై ఈ వారం ఇన్వెస్టర్లు దృష్టి పెట్టనున్నారు. గత వారం అమ్మకాల బాట వీడి విదేశీ ఇన్వెస్టర్లు పెట్టుబడులకు దిగారు. అయితే దేశీ ఫండ్స్‌ విక్రయాలవైపు చూపు సారించాయి. ఇటీవల ఆరు ప్రధాన కరెన్సీలతో మారకంలో డాలరు కొంతమేర బలహీనపడింది. దీంతో రూపాయి 1 శాతంమేర బలపడింది. ఈ నేపథ్యంలో గత వారం మార్కెట్లు జోరందుకున్నట్లు జియోజిత్‌ ఫైనాన్షియల్‌ సర్వీసెస్‌ రీసెర్చ్‌ హెడ్‌ వినోద్‌ నాయిర్‌ తెలియజేశారు. యూఎస్‌ మార్కెట్లు సైతం పుంజుకున్నప్పటికీ రానున్న రోజుల్లో హెచ్చుతగ్గులు ఎదురుకావచ్చని నిపుణులు పేర్కొంటున్నారు. గత వారమిలా గత వారం దేశీ స్టాక్‌ మార్కెట్లు ఉన్నట్టుండి జోరందుకోవడంతో సెన్సెక్స్‌ 77,000 మైలురాయికి చేరువైంది. నిఫ్టీ కీలకమైన 23,300ను అధిగమించింది. నికరంగా సెన్సెక్స్‌ 3,077 పాయింట్లు(4.2 శాతం) జంప్‌చేసి 76,906 వద్ద స్థిరపడింది. నిఫ్టీ సైతం 953 పాయింట్లు(4.3 శాతం) ఎగసి 23,350 వద్ద ముగిసింది. ఇదేవిధంగా బీఎస్‌ఈ మిడ్‌క్యాప్‌ 7 శాతం జంప్‌చేయగా.. స్మాల్‌ క్యాప్‌ మరింత వేగంగా 8 శాతం జోరు చూపింది. గణాంకాలపై దృష్టి 2024 చివరి త్రైమాసిక (అక్టోబర్‌–డిసెంబర్‌) యూఎస్‌ జీడీపీ త్రైమాసికవారీ గణాంకాలు గురువారం(27న) వెల్లడికానున్నాయి. ముందస్తు అంచనాల ప్రకారం గతేడాది క్యూ4లో రియల్‌ జీడీపీ 2.3 శాతం పుంజుకుంది. ఫిబ్రవరి నెలకు యూఎస్‌ మన్నికైన వస్తువుల (డ్యూరబుస్‌) ఆర్డర్ల వివరాలు బుధవారం(26) వెలువడనున్నాయి. ఈ బాటలో శుక్రవారం(28న) ఫిబ్రవరి నెలకు కీలక పీసీఈ ధరల ఇండెక్స్‌ను ప్రకటించనుంది. జనవరిలో 0.3%పెరిగింది.ఎఫ్‌పీఐల యూటర్న్‌ కొద్ది నెలలుగా దేశీ స్టాక్స్‌లో అమ్మకాలకే అధిక ప్రాధాన్యమిస్తున్న విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) గత వారం చివర్లో కొనుగోళ్ల యూటర్న్‌ తీసుకున్నారు. ఉన్నట్టుండి పెట్టుబడుల బాట పట్టారు. చివరి రెండు రోజుల్లో నగదు విభాగంలో రూ. 11,000 కోట్ల విలువైన స్టాక్స్‌ కొనుగోలు చేశారు. దీంతో గత వారం నికరంగా 19.4 కోట్ల డాలర్లు(రూ. 1,700 కోట్లు) విలువైన అమ్మకాలు నమోదయ్యాయి. అంతకుముందు వారం 4 రోజుల ట్రేడింగ్‌లోనే 60.4 కోట్ల(రూ. 5,230 కోట్లు) డాలర్ల పెట్టుబడులు వెనక్కి తీసుకోవడం గమనార్హం! కాగా.. మార్చిలో ఇప్పటివరకూ ఎఫ్‌పీఐలు రూ. 31,719 కోట్ల విలువైన స్టాక్స్‌ విక్రయించగా.. అంతకుముందు ఫిబ్రవరిలో రూ. 34,574 కోట్లు, జనవరిలో రూ. 78,027 కోట్లు చొప్పున పెట్టుబడులు వెనక్కి తీసుకున్నారు.టాప్‌–10 కంపెనీల స్పీడ్‌రూ. 3 లక్షల కోట్ల విలువ ప్లస్‌గత వారం మార్కెట్ల జోరుతో మార్కెట్‌ క్యాపిటలైజేషన్‌(విలువ)రీత్యా టాప్‌–10 లిస్టెడ్‌ కంపెనీలు భారీగా బలపడ్డాయి. ఇన్వెస్టర్ల సంపదగా పిలిచే వీటి మార్కెట్‌ విలువ రూ. 3 లక్షల కోట్లకుపైగా పెరిగింది. ప్రయివేట్‌ రంగ దిగ్గజాలు ఐసీఐసీఐ, ఎయిర్‌టెల్, హెచ్‌డీఎఫ్‌సీ బ్యాంక్‌ ప్రధానంగా బలపడగా.. ఐటీసీ మాత్రమే డీలాపడింది. ప్రామాణిక ఇండెక్స్‌లు సెన్సెక్స్, నిఫ్టీ 4.2 శాతం చొప్పున ఎగశాయి. ఈ నేపథ్యంలో ఐసీఐసీఐ బ్యాంక్‌ మార్కెట్‌ విలువ అత్యధికంగా రూ. 64,426 కోట్లకుపైగా పుంజుకుని 9,47,628 కోట్లను అధిగమించింది. ఈ బాటలో మొబైల్‌ టెలికం దిగ్గజం భారతీ ఎయిర్‌టెల్‌ మార్కెట్‌ విలువ రూ. 53,286 కోట్లు జంప్‌చేసి రూ. 9,84,354 కోట్లను దాటింది. ఇక హెచ్‌డీఎఫ్‌సీ బ్యాంక్‌ విలువకు రూ. 49,105 కోట్లు జమయ్యింది. దీంతో బ్యాంక్‌ విలువ రూ. 13,54,275 కోట్లను తాకింది. రిలయన్స్‌ సైతం టాప్‌–10 దిగ్గజాలలో రిలయన్స్‌ ఇండస్ట్రీస్‌ మార్కెట్‌ విలువ దాదాపు రూ. 39,312 కోట్లు బలపడి రూ. 17,27,340 కోట్లకు చేరింది. ఎన్‌బీఎఫ్‌సీ దిగ్గజం బజాజ్‌ ఫైనాన్స్‌ విలువ సుమారు రూ. 30,954 కోట్లు ఎగసి రూ. 5,52,846 కోట్లను అధిగమించింది. టీసీఎస్‌ మార్కెట్‌ క్యాప్‌ రూ. 24,259 కోట్లు పెరిగి రూ. 12,95,058 కోట్లను తాకింది. బ్యాంకింగ్‌ దిగ్గజం ఎస్‌బీఐ విలువ రూ. 22,535 కోట్లు మెరుగుపడి రూ. 6,72,024 కోట్లకు చేరింది. ఎఫ్‌ఎంసీజీ బ్లూచిప్‌ హిందుస్తాన్‌ యూనిలీవర్‌ క్యాపిటలైజేషన్‌ రూ. 16,823 కోట్లు ఎగసింది.

ముంబై: ఈ వారం దేశీ స్టాక్‌ మార్కెట్లు ప్రపంచ పరిస్థితులు, స్థూల ఆర్థిక గణాంకాలపై దృష్టి పెట్టనున్నాయి. వీటికితోడు యూఎస్‌ ప్రెసిడెంట్‌ ట్రంప్‌ టారిఫ్‌ల విధింపు చర్యలకూ ప్రాధాన్యత ఉన్నట్లు విశ్లేషకులు పేర్కొన్నారు. టారిఫ్‌ల కారణంగా అమెరికా ఆర్థిక వ్యవస్థ నీరసించవచ్చన్న అంచనాలు తెరమీదకు వస్తున్నట్లు పేర్కొన్నారు. దీంతో గత వారం యూఎస్‌ టెక్నాలజీ దిగ్గజాలు డీలాపడటంతో నాస్‌డాక్‌ ఇండెక్స్‌ పతనమైన సంగతి తెలిసిందే. దీంతో గ్లోబల్‌ ట్రెండ్‌ సైతం దేశీయంగా సెంటిమెంటును ప్రభావితం చేయనున్నట్లు విశ్లేషకులు తెలియజేశారు. కాగా.. ఈ వారం మార్కెట్లు నాలుగు రోజులే పనిచేయనున్నాయి. వారాంతాన(14న) హోలీ పండుగ సందర్భంగా మార్కెట్లకు సెలవు. ఐఐపీ, సీపీఐ జనవరి నెలకు పారిశ్రామికోత్పత్తి సూచీ(ఐఐపీ) గణాంకాలు బుధవారం(12న) విడుదలకానున్నాయి. 3.7 శాతం వృద్ధి నమోదుకాగలదని అంచనా. 2024 జనవరిలో 4.2 శాతం పురోగమించగా.. డిసెంబర్‌లో 3.2 శాతం వృద్ధి చూపింది. ఇక ఫిబ్రవరి నెలకు రిటైల్‌ ధరల ద్రవ్యోల్బణ(సీపీఐ) గణాంకాలు సైతం విడుదలకానున్నాయి. 2025 జనవరిలో సీపీఐ 3.2 శాతంగా నమోదైంది. 2024 డిసెంబర్‌లో నమోదైన 3 శాతంతో పోలిస్తే స్వల్పంగా పెరిగింది. ఇతర అంశాలూ కీలకమే దేశీయంగా విదేశీ ఇన్వెస్టర్లు(ఎఫ్‌పీఐలు) ఇటీవల నిరంతరంగా అమ్మకాలు చేపడుతున్నారు. దీంతో ఎఫ్‌పీఐల తీరు మార్కెట్లలో కీలకంగా నిలుస్తున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. కాగా.. మరోవైపు యూఎస్‌ డాలరుతోపాటు ట్రెజరీ ఈల్డ్స్‌ బలపడటం అటు మార్కెట్లను, ఇటు రూపాయినీ దెబ్బతీస్తున్నాయి. వీటితోపాటు రాజకీయ భౌగోళిక అనిశి్చతులు, ముడిచమురు ధరలు సైతం ఇన్వెస్టర్లను ఆందోళనకు లోను చేస్తున్నట్లు నిపుణులు తెలియజేశారు. గత వారమిలాగత వారం(3–7) దేశీ స్టాక్‌ మార్కెట్లు భారీ అమ్మకాల నుంచి బయటపడ్డాయి. ఇండెక్సులు బౌన్స్‌బ్యాక్‌ అయ్యాయి. సెన్సెక్స్‌ నికరంగా 1,134 పాయింట్లు(1.6 శాతం) ఎగసి 74,333 వద్ద నిలిచింది. నిఫ్టీ మరింత అధికంగా 428 పాయింట్లు(2 శాతం) జంప్‌చేసి 22,553 వద్ద స్థిరపడింది. యూఎస్‌ టారిఫ్‌ల విధింపు ఆలస్యంకానున్న అంచనాలు, వీటిపై చర్చలకు ఆస్కారమున్నట్లు వెలువడిన అంచనాలు మార్కెట్లు బలపడేందుకు దోహదం చేసినట్లు జియోజిత్‌ ఫైనాన్షియల్‌ సర్విసెస్‌ రీసెర్చ్‌ హెడ్‌ వినోద్‌ నాయిర్‌ తెలియజేశారు.అమ్మకాలువీడని ఎఫ్‌పీఐలుమార్చి తొలివారంలో రూ. 24,753 కోట్లు దేశీ స్టాక్స్‌లో విదేశీ పోర్ట్‌ఫోలియో ఇన్వెస్టర్ల(ఎఫ్‌పీఐలు) అమ్మకాలు కొనసాగుతున్నాయి. తాజాగా ఈ నెలలో ఇప్పటి(7)వరకూ రూ. 24,753 కోట్ల(2.8 బిలియన్‌ డాలర్లు) పెట్టుబడులను వెనక్కి తీసుకున్నారు. ఫిబ్రవరిలో రూ. 34,574 కోట్ల విలువైన స్టాక్స్‌ విక్రయించగా.. జనవరిలోనూ రూ. 78,027 కోట్ల పెట్టుబడులను వెనక్కి తీసుకున్న విషయం విదితమే. వెరసి ఈ కేలండర్‌ ఏడాది(2025)లో ఇప్పటిరకూ రూ. 1.37 లక్షల విలువైన స్టాక్స్‌ విక్రయించారు. ప్రపంచ వాణిజ్య ఆందోళనలు, దేశీ కార్పొరేట్‌ ఫలితాల నిరాశ వంటి అంశాలు ప్రభావం చూపుతున్నాయి. 2024 డిసెంబర్‌ 13 నుంచి చూస్తే ఎఫ్‌పీఐలు దేశీ స్టాక్‌ మార్కెట్ల నుంచి నికరంగా 17.1 బిలియన్‌ డాలర్ల పెట్టుబడులను ఉపసంహరించారు.

దేశీ స్టాక్‌ మార్కెట్లో కొద్ది నెలలుగా విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) అమ్మకాలకే ఆసక్తి చూపుతున్నారు. ఈ నెలలోనూ ఇదే బాటలో కొనసాగుతున్నారు. దీంతో ఫిబ్రవరి 3–21 మధ్య నికరంగా రూ. 23,710 కోట్ల విలువైన పెట్టుబడులను వెనక్కి తీసుకున్నారు. ప్రపంచవ్యాప్తంగా పెరుగుతున్న భౌగోళిక ఉద్రిక్తతలు, వాణిజ్య ఆందోళనల మధ్య దేశీ స్టాక్స్‌లో విక్రయాలకు తెరతీస్తున్నట్లు విశ్లేషకులు చెబుతున్నారు. డిపాజిటరీల గణాంకాల ప్రకారం జనవరిలో ఎఫ్‌పీఐలు దేశీ మార్కెట్ల నుంచి రూ. 78,027 కోట్ల పెట్టుబడులు వెనక్కి తీసుకున్నారు. వెరసి కొత్త కేలండర్‌ ఏడాది(2025)లో ఇప్పటివరకూ రూ. 1,01,737 కోట్ల విలువైన స్టాక్స్‌ అమ్మివేశారు. ఫలితంగా ఈ కాలంలో ఎన్‌ఎస్‌ఈ ప్రధాన ఇండెక్స్‌ నిఫ్టీ 4 శాతం నష్టపోయింది. పటిష్ట ఆరి్థక పురోగతి, కార్పొరేట్‌ ఫలితాలలో వృద్ధి వంటి సానుకూల అంశాలు మాత్రమే తిరిగి ఎఫ్‌పీఐలను ఆకట్టుకోగలవని జియోజిత్‌ ఫైనాన్షియల్‌ సరీ్వసెస్‌.. పెట్టుబడుల ప్రధాన వ్యూహకర్త వీకే విజయకుమార్‌ అభిప్రాయపడ్డారు.

ముంబై: ప్రధానంగా ప్రపంచ పరిణామాలు ఈ వారం దేశీ స్టాక్‌ మార్కెట్లలో ట్రెండ్‌ను నిర్దేశించనున్నాయి. బుధవారం (26న) మహాశివరాత్రి పర్వదినం సందర్భంగా మార్కెట్లు పనిచేయవు. దీంతో ఈ వారం ట్రేడింగ్‌ నాలుగు రోజులకే పరిమితంకానుంది. ఇటీవల దేశీ స్టాక్‌ మార్కెట్లు భారీ అమ్మకాల కారణంగా నేలచూపులకే పరిమితమవుతున్నాయి. ఈ బాటలో మరోసారి ఆటుపోట్లు చవిచూడనున్నట్లు మార్కెట్‌ విశ్లేషకులు పేర్కొంటున్నారు. చైనా ఎఫెక్ట్‌ యూఎస్‌ టారిఫ్‌లు తదితర పాలసీ నిర్ణయాలు, ప్రపంచ ఆర్థిక పరిస్థితులు వంటి అంశాలు దేశీయంగా సెంటిమెంటును ప్రభావితం చేయనున్నట్లు మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా పేర్కొన్నారు. కొద్ది నెలలుగా మార్కెట్లు దిద్దుబాటు ధోరణిలో సాగుతున్నాయి. దీంతో మార్కెట్లు ఎక్కడ టర్న్‌అరౌండ్‌ అయ్యేదీ అంచనా వేయడం కష్టమేనని విశ్లేషకులు చెబుతున్నారు. ఇటీవల మరోసారి చైనా మార్కెట్లవైపు విదేశీ ఇన్వెస్టర్లు దృష్టి పెట్టినట్లు పేర్కొంటున్నారు. ఫలితంగా దేశీ మార్కెట్లలో అమ్మకాలు కొనసాగుతున్నట్లు తెలియజేశారు. దీంతో పలువురికి ఆదాయపన్ను ఉపశమనాన్ని కల్పిస్తూ కేంద్ర ప్రభుత్వం ప్రవేశపెట్టిన సార్వత్రిక బడ్జెట్, వడ్డీ రేట్లకు కీలకమైన రెపోలో 0.25 శాతం కోత పెట్టిన ఆర్‌బీఐ పరపతి విధాన సమీక్ష పెద్దగా ప్రభావం చూపలేకపోయినట్లు ప్రస్తావించారు. వారాంతాన... గత కేలండర్‌ ఏడాది(2024) చివరి త్రైమాసికంలో దేశ ఆర్థిక వ్యవస్థ పనితీరు శుక్రవారం(28న) వెల్లడికానుంది. అక్టోబర్‌–డిసెంబర్‌(క్యూ4)లో దేశ జీడీపీ పురోగతి గణాంకాలు విడుదలకానున్నాయి. జులై–సెప్టెంబర్‌(క్యూ3)లో జీడీపీ 5.4 శాతం వృద్ధి చూపింది. మరోపక్క యూఎస్‌ క్యూ4 జీడీపీ రెండో అంచనాలు 27న వెలువడనున్నాయి. ముందస్తు అంచనాలు 2.3 శాతం వృద్ధిని సంకేతించాయి. గత మూడు త్రైమాసికాలలో ఇది తక్కువకాగా.. క్యూ3లో 3.1 శాతం పురోగతి నమోదైంది. ఇదే రోజు జనవరి నెలకు యూఎస్‌ కీలక ద్రవ్యోల్బణ గణాంకాలు, డ్యురబుల్‌ గూడ్స్‌ ఆర్డర్లు, వ్యక్తిగత ఆదాయం, వ్యయాలు తదితర గణాంకాలు సైతం వెల్లడికానున్నాయి. ఇన్వెస్టర్లు గ్లోబల్‌ అంశాలపైనా దృష్టి పెట్టనున్నట్లు జియోజిత్‌ ఫైనాన్షియల్‌ సరీ్వసె స్‌ రీసెర్చ్‌ హెడ్‌ వినోద్‌ నాయిర్‌ తెలియజేశారు.గత వారమిలా..గత వారం(17–21) దేశీ స్టాక్‌ మార్కెట్లు వరుసగా మూడోవారంలోనూ డీలా పడ్డాయి. అమ్మకాలు ఊపందుకోవడంతో సెన్సెక్స్‌ నికరంగా 628 పాయింట్లు(0.85 శాతం) క్షీణించి 75,311 వద్ద ముగిసింది. నిఫ్టీ సైతం 133 పాయింట్లు(0.6 శాతం) నీరసించి 22,796 వద్ద స్థిరపడింది. అయితే బీఎస్‌ఈ మిడ్‌ క్యాప్, స్మాల్‌ క్యాప్‌ ఇండెక్సులు 1.6 శాతం, 1 శాతం చొప్పున బలపడటం గమనార్హం!ఇతర అంశాలురష్యా– ఉక్రెయిన్‌ యుద్ధం సంబంధిత వార్తలు, ముడిచమురు ధరలు, డాలరుతో మారకంలో రూపాయి తీరు సైతం దేశీయంగా సెంటిమెంటును ప్రభావితం చేయనున్నట్లు ఖేమ్కా పేర్కొన్నారు. దేశీ మార్కెట్లలో బలహీన సెంటిమెంటు నేపథ్యంలో ట్రేడర్లు అప్రమత్తంగా వ్యవహరించనున్నట్లు వినోద్‌ అభిప్రాయపడ్డారు. కార్పొరేట్‌ ఆర్జన మెరుగుపడటం, గ్లోబల్‌ లిక్విడిటీ, కరెన్సీ నిలకడం వంటి సానుకూల పరిస్థితులు నెలకొనేవరకూ మార్కెట్లు కన్సాలిడేట్‌ అయ్యే వీలున్నట్లు నిపుణులు వివరించారు. యూఎస్‌ విధిస్తున్న టారిఫ్‌లపై ఆందోళనలు దేశీ మార్కెట్లతోపాటు.. పలు ఇతర మార్కెట్లను సైతం ప్రభావితం చేయనున్నట్లు కొటక్‌ సెక్యూరిటీస్‌ ఈక్విటీ రీసెర్చ్‌ హెడ్‌ శ్రీకాంత్‌ చౌహాన్‌ తెలియజేశారు. సమీప భవిష్యత్‌లో టారిఫ్‌ వార్తలు ట్రెండ్‌ను నిర్దేశించవచ్చని అంచనా వేశారు. యూఎస్‌ ప్రెసిడెంట్‌ ట్రంప్‌ విధిస్తున్న టారిఫ్‌లు కీలక భాగస్వామ్య దేశాలను ప్రభావితం చేయనున్నట్లు మాస్టర్‌ ట్రస్ట్‌ గ్రూప్‌ డైరెక్టర్‌ పునీత్‌ సింఘానియా పేర్కొన్నారు. దీనికితోడు దేశీయంగా కార్పొరేట్‌ ఫలితాలు కొంతమేర నిరాశపరుస్తున్నట్లు తెలియజేశారు.

ముంబై: ప్రస్తుత ఆర్థిక సంవత్సరం(2024–25) మూడో త్రైమాసిక ఫలితాల సీజన్‌ ముగింపునకు వస్తున్న నేపథ్యంలో ఈ వారం దేశీ స్టాక్‌ మార్కెట్లు పలు ఇతర అంశాలపై దృష్టి పెట్టనున్నట్లు విశ్లేషకులు తెలియజేశారు. ప్రధానంగా ద్రవ్యోల్బణ గణాంకాలు, ప్రపంచ స్టాక్‌ మార్కెట్లలో నెలకొనే పరిస్థితులు ప్రభావం చూపనున్నట్లు పేర్కొన్నారు. వీటితోపాటు యూఎస్‌ రిటైల్‌ సేల్స్, యూకే జీడీపీ గణాంకాలు తదితరాలకూ ప్రాధాన్యత ఉన్నట్లు వివరించారు. ఇతర వివరాలు చూద్దాం.. క్యూ3 ఫలితాలకు రెడీ ఇప్పటికే అక్టోబర్‌–డిసెంబర్‌(క్యూ3) ఫలితాల సీజన్‌ ముగింపునకు వచ్చింది. ఈ బాటలో మరికొన్ని కంపెనీలు క్యూ3 పనితీరు ప్రకటించనున్నాయి. జాబితాలో ఐషర్‌ మోటార్స్, గ్రాసిమ్‌ ఇండస్ట్రీస్, వొడాఫోన్‌ ఐడియా, సెయిల్, నాల్కో, లుమాక్స్, అపోలో హాస్పిటల్స్, అశోకా బిల్డ్‌కాన్, అవంతీ ఫీడ్స్, రెయిన్‌బో చి్రల్డన్స్, బిర్లా కేబుల్, బామర్‌లారీ, బాటా, ఎస్కార్ట్స్, గలక్సీ సర్ఫక్టేంట్స్, జిలెట్‌ తదితరాలున్నట్లు మాస్టర్‌ ట్రస్ట్‌ గ్రూప్‌ డైరెక్టర్‌ పునీత్‌ సింఘానియా పేర్కొన్నారు. 12న గణాంకాలు బుధవారం(12న) జనవరి నెలకు రిటైల్‌ ధరల ద్రవ్యోల్బణం(సీపీఐ), డిసెంబర్‌ నెలకు పారిశ్రామికోత్పత్తి(ఐఐసీ) గణాంకాలు వెలువడనున్నాయి. డిసెంబర్‌లో సీపీఐ 5.22 శాతంగా నమోదైంది. ఇక నవంబర్‌లో ఐఐపీ 3.5 శాతం వృద్ధిని చూపింది. ఈ బాటలో జనవరి నెలకు టోకు ధరల ద్రవ్యోల్బణం(డబ్ల్యూపీఐ) గణాంకాలు 14న విడుదలకానున్నాయి. డిసెంబర్‌లో డబ్ల్యూపీఐ 2.37 శాతంగా నమోదైంది. ఇదే విధంగా జనవరి వాణిజ్య గణాంకాలు వెల్లడికానున్నాయి. డిసెంబర్‌లో వాణిజ్య లోటు 21.94 బిలియన్‌ డాలర్లుగా నమోదైంది. అంతర్జాతీయంగా యూఎస్‌ రిటైల్‌ అమ్మకాలు, ఫెడ్‌ చైర్మన్‌ జెరోమీ పావెల్‌ ప్రసంగం, యూకే జీడీపీ గణాంకాలూ కీలకంగా నిలవనున్నట్లు సింఘానియా తెలియజేశారు. ఫెడ్‌ గత పాలసీ సమీక్షలో వడ్డీ రేట్లను యథాతథంగా 4.25–4.5 శాతంవద్దే కొనసాగించేందుకు నిర్ణయించిన సంగతి తెలిసిందే. ఇవికాకుండా డాలరుతో మారకంలో రూపాయి కదలికలు, ముడిచమురు ధరలు, విదేశీ పోర్ట్‌ఫోలియో ఇన్వెస్టర్ల(ఎఫ్‌పీఐలు) తీరు సైతం సెంటిమెంటును ప్రభావితం చేయనున్నట్లు నిపుణులు వివరించారు. గత వారమిలా గత వారం దేశీ స్టాక్‌ మార్కెట్లు స్వల్ప లాభాలతో నిలిచాయి. సెన్సెక్స్‌ 354 పాయింట్లు(0.5 శాతం) బలపడి 77,860 వద్ద ముగిసిది. నిఫ్టీ 78 పాయింట్లు(0.3%) పుంజుకుని 23,560 వద్ద స్థిరపడింది. చివరికి ఢిల్లీ కోటలో పాగా దాదాపు మూడు దశాబ్దాల తదుపరి మళ్లీ న్యూఢిల్లీ కోటలో బీజేపీ పాగా వేసింది. తాజా అసెంబ్లీ ఎన్నికలలో ఆప్‌ దశాబ్ద కాలం పాలనకు కేంద్రంలో అధికారంలో ఉన్న బీజేపీ చెక్‌ పెట్టింది. పార్లమెంట్‌ ఎన్నికల బాటలో రాష్ట్రంలోనూ సీట్లు సాధించడంతో స్థానికంగా ప్రభుత్వాన్ని ఏర్పాటు చేయనుంది. దీంతో స్టాక్‌ మార్కెట్లలో స్వల్ప కాలానికి సెంటిమెంటు బలపడనున్నట్లు జియోజిత్‌ ఫైనాన్షియల్‌ సరీ్వసెస్‌ పెట్టుబడుల ప్రధాన వ్యూహకర్త వీకే విజయకుమార్‌ పేర్కొన్నారు. ప్రో త్సాహకర బడ్జెట్, ఆర్‌బీఐ వడ్డీ రేట్ల కోత దీనికి జత కలవనున్నట్లు అభిప్రాయపడ్డారు. అమ్మకాలు వీడని ఎఫ్‌పీఐలు ఇటీవల దేశీ స్టాక్స్‌లో అమ్మకాలకే ప్రాధాన్యమిస్తున్న విదేశీ ఇన్వెస్టర్లు(ఎఫ్‌పీఐలు) గత వారం సైతం ఇదే బాటలో సాగారు. ఫిబ్రవరి తొలి వారంలో నికరంగా రూ. 7,300 కోట్ల(84 కోట్ల డాలర్లు) పెట్టుబడులను వెనక్కి తీసుకున్నారు. జనవరిలోనూ ఎఫ్‌పీఐలు నగదు విభాగంలో రూ. 78,027 కోట్ల విలువైన స్టాక్స్‌ విక్రయించిన విషయం విదితమే. అయితే అంతకుముందు అంటే డిసెంబర్‌ మధ్యలో అమ్మకాలను వీడి కొనుగోళ్లు చేపట్టారు. దీంతో 2024 చివరి నెలలో నికరంగా రూ. 15,446 కోట్లు ఇన్వెస్ట్‌ చేయడం గమనార్హం!

సుమారు 15 ఏళ్ల తదుపరి తొలిసారి దేశీ స్టాక్‌ మార్కెట్లలో సరికొత్త ట్రెండ్‌కు తెరలేవనుంది. ఇటీవల దేశీ సంస్థాగత ఇన్వెస్టర్ల (డీఐఐలు) పెట్టుబడులు విదేశీ పోర్ట్‌ఫోలియో ఇన్వెస్టర్ల (ఎఫ్‌పీఐలు) అమ్మకాలను మించుతున్నాయి. దీంతో ఎన్‌ఎస్‌ఈ లిస్టెడ్‌ కంపెనీలలో డీఐఐల వాటా ఎఫ్‌పీఐలకున్న పెట్టుబడుల విలువను అధిగమించనుంది! ఫలితంగా తొలిసారి లిస్టెడ్‌ కంపెనీలలో ప్రమోటర్ల తదుపరి అతిపెద్ద వాటాదారులుగా డీఐఐలు నిలవనున్నాయి. వెరసి రేసులో ఎఫ్‌పీఐలను వెనక్కి నెట్టనున్నాయి.దేశీ లిస్టెడ్‌ కంపెనీలలో ఈ ఏడాది ప్రమోటర్లేతర ఓనర్‌íÙప్‌లో ఆధిపత్యం చేతులు మారనుంది. 1992లో దేశీ స్టాక్‌ మార్కెట్లలో ఎఫ్‌పీఐలను అనుమతించాక భారీ పెట్టుబడులతో దూకుడు చూపుతున్నారు. డీఐఐల పెట్టుబడులకంటే అధికంగా ఇన్వెస్ట్‌ చేస్తూ దేశీ స్టాక్స్‌లో ఆధిపత్యాన్ని ప్రదర్శిస్తూ వస్తున్నారు. అయితే ఇటీవల ట్రెండ్‌ మారుతోంది. గత నాలుగేళ్లుగా బుల్‌ ట్రెండ్‌తో దేశీ మార్కెట్లు సరికొత్త గరిష్టాలను తాకుతూ వచ్చాయి. ఇందుకు ప్రధానంగా దేశీ సంస్థాగత ఇన్వెస్టర్లుగా పిలిచే మ్యూచువల్‌ ఫండ్స్, బీమా కంపెనీలు, పెన్షన్‌ ఫండ్స్‌ పెట్టుబడులు ప్రభావం చూపుతున్నాయి. అయితే గతేడాది అక్టోబర్‌ నుంచి ఎఫ్‌పీఐలు యూటర్న్‌ తీసుకున్నారు. ఇదే సమయంలో డీఐఐలు మరిన్ని పెట్టుబడులు కుమ్మరిస్తున్నారు. వెరసి ఎన్‌ఎస్‌ఈ లిస్టెడ్‌ కంపెనీల్లో ఎఫ్‌పీఐల వాటా తగ్గుతుంటే.. డీఐఐల వాటా పెరుగుతోంది.2015తో పోలిస్తే 2025లో ఎఫ్‌పీఐలు, డీఐఐల పెట్టుబడుల విలువ మధ్య అంతరం 2009 తదుపరి అత్యంత కనిష్టానికి చేరింది. ఎన్‌ఎస్‌ఈ లిస్టెడ్‌ కంపెనీలలో 2024 డిసెంబర్‌కల్లా ఎఫ్‌పీఐల వాటా 17.23 శాతానికి దిగిరాగా.. డీఐఐల వాటా 16.90 శాతానికి బలపడింది. అంటే అంతరం 33 బేసిస్‌ పాయింట్లు(0.33 శాతం) మాత్రమే. నిజానికి 2015లో ఎఫ్‌పీఐ, డీఐఐ వాటాల మధ్య అంతరం 1032 బేసిస్‌ పాయింట్లు(10.32 శాతం)గా నమోదైంది. జనవరిలోనూ ఎఫ్‌పీఐల అమ్మకాలు కొనసాగడం, పెట్టుబడుల బాటలో డీఐఐలు కొనసాగుతుండటంతో త్వరలో ఎఫ్‌పీఐలపై డీఐఐలు ఆధిపత్యం వహించనున్నట్లు మార్కెట్‌ విశ్లేషకులు పేర్కొంటున్నారు. ఫండ్స్‌ ఆధిపత్యం డీఐఐలలో మ్యూచువల్‌ ఫండ్స్‌దే అగ్రస్థానంకాగా.. వీటికి రిటైల్‌ ఇన్వెస్టర్ల నుంచే అధిక బలం సమకూరుతోంది. గత నెల(జనవరి)లో ఎఫ్‌పీఐలు నికరంగా రూ. 78,000 కోట్ల విలువైన స్టాక్స్‌ విక్రయిస్తే.. డీఐఐలు రూ. 86,000 కోట్లు ఇన్వెస్ట్‌ చేశాయి. ఇక 2024 అక్టోబర్‌–డిసెంబర్‌లో ఎఫ్‌పీఐలు రూ. లక్ష కోట్ల పెట్టుబడులను వెనక్కి తీసుకోగా.. డీఐఐలు రూ.1.86 లక్షల కోట్ల విలువైన స్టాక్స్‌ కొనుగోలు చేశాయి. విలువపరంగా డీఐఐల వద్ద గల ఈక్విటీలు రూ. 73.5 లక్షల కోట్లు! ఎఫ్‌పీఐల వాటాల విలువకంటే 1.9 శాతమే తక్కువ! దశాబ్దంక్రితం ఎఫ్‌పీఐల పెట్టుబడులలో దేశీ ఫండ్స్‌ ఈక్విటీల విలువ సగమేకావడం ఈ సందర్భంగా ప్రస్తావనార్హం! ఈ బాటలో లిస్టెడ్‌ కంపెనీల మార్కెట్‌ విలువలో మ్యూచువల్‌ ఫండ్స్‌(ఎంఎఫ్‌లు) పెట్టుబడులు 10వ వంతుకు చేరడం విశేషం!రిటైలర్ల బలమిది ఇటీవల కొన్నేళ్లుగా రిటైల్‌ ఇన్వెస్టర్లు దేశీ మార్కెట్లకు తరలి వస్తున్నారు. ఎంఎఫ్‌లలో భారీగా ఇన్వెస్ట్‌ చేస్తున్నారు. ఫలితంగా 2019లో రూ. 7.7 లక్షల కోట్లుగా నమోదైన ఫండ్స్‌ నిర్వహణలోని ఆస్తుల విలువ (ఏయూఎం) 2024 డిసెంబర్‌కల్లా రూ. 31 లక్షల కోట్లను తాకింది! ఇదే కాలంలో సిప్‌ ద్వారా పెట్టుబడులు రూ. 8,518 కోట్ల నుంచి రూ. 26,549 కోట్లకు జంప్‌ చేశాయి. 2024 చివరి క్వార్టర్‌లో రిటైలర్లు స్టాక్స్‌లో రూ. 57,524 కోట్లు ఇన్వెస్ట్‌ చేశారు! ఈ జోష్‌తో గతేడాది 91 కంపెనీలు ఐపీఓలతో రూ.1.6 లక్షల కోట్లకుపైగా సమకూర్చుకోవడం కొసమెరుపు!!జనవరిలో ఎఫ్‌పీఐల అమ్మకాలు రూ. 78,000 కోట్లుదేశీ ఫండ్స్‌ పెట్టుబడుల విలువ రూ. 86,000 కోట్లు అక్టోబర్‌–డిసెంబర్‌లో ఎఫ్‌పీఐల అమ్మకాలు రూ. లక్ష కోట్లు ఇదే కాలంలో డీఐఐల కొనుగోళ్లు రూ. 1.86 లక్షల కోట్లు –సాక్షి, బిజినెస్‌ డెస్క్‌

ముంబై: లోక్‌సభలో వారాంతాన ఆర్థిక మంత్రి నిర్మలా సీతారామన్‌ ప్రవేశపెట్టిన బడ్జెట్‌పై ఈ వారం దేశీ స్టాక్‌ మార్కెట్లు స్పందించనున్నట్లు నిపుణులు పేర్కొన్నారు. రంగాలవారీగా పెట్టుబడుల కేటాయింపులు, పథకాలు తదితర ప్రతిపాదనల ఆధారంగా స్టాక్స్‌ కదలికలు నమోదుకానున్నట్లు తెలియజేశారు. రూ. 12 లక్షలవరకూ ఆదాయంపై పన్ను చెల్లింపులు లేకపోవడంతో శనివారం ట్రేడింగ్‌లో వినియోగ రంగ కౌంటర్లు జోరు చూపాయి. బీమా రంగానికి బూస్ట్‌నిస్తూ ఇప్పటివరకూ 75 శాతంగా అమలవుతున్న ఎఫ్‌డీఐలను 100 శాతానికి పెంచుతూ బడ్జెట్‌లో ప్రతిపాదించారు. బడ్జెట్‌లో యువత, మహిళలు, రైతులకు సైతం మద్దతుగా పలు చర్యలు ప్రతిపాదించారు. ఈ బాటలో ఇన్వెస్టర్లు మరిన్ని రంగాలవైపు దృష్టిపెట్టనున్నట్లు మోతీలాల్‌ ఓస్వాల్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా అభిప్రాయపడ్డారు. వినియోగ రంగం మరింత జోరు చూపవచ్చని రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా, యాక్సిస్‌ సెక్యూరిటీస్‌ సీఈవో, ఎండీ ప్రణవ్‌ హరిదాసన్‌ అంచనా వేశారు. 7న పాలసీ నిర్ణయాలు కొత్త ఏడాదిలో తొలిసారి పరపతి సమీక్షను చేపట్టనున్న రిజర్వ్‌ బ్యాంక్‌ శుక్రవారం(7న) విధాన నిర్ణయాలను ప్రకటించనుంది. దాదాపు ఐదేళ్ల తదుపరి ఆర్‌బీఐ వడ్డీ రేట్లను తగ్గించవచ్చని మెహతా ఈక్విటీస్‌ రీసెర్చ్‌ సీనియర్‌ వీపీ ప్రశాంత్‌ తాప్సీ అంచనా వేస్తున్నారు. గత 11 సమావేశాలలో వడ్డీ రేట్లకు కీలకమైన రెపోను 6.5 శాతం వద్దే యథాతథంగా కొనసాగిస్తున్న సంగతి తెలిసిందే. 2022 మే నుంచి 2023 ఫిబ్రవరి కాలంలో రెపో రేటులో 2.5 శాతం కోతను అమలు చేసింది. రిటైల్‌ ధరల ఇండెక్స్‌(సీపీఐ) డిసెంబర్‌లో 4 నెలల కనిష్టం 5.22 శాతానికి దిగివచి్చంది. వచ్చే ఆర్థిక సంవత్సరంలో 4 శాతానికి పరిమితంకానున్న అంచనాల నేపథ్యంలో ఈసారి ఆర్‌బీఐ రెపో రేటును పావు శాతం తగ్గించవచ్చని ఆర్థికవేత్తలు భావిస్తున్నారు. దిగ్గజాలు రెడీ ఈ ఏడాది(2024–25) మూడో త్రైమాసిక ఫలితాల సీజన్‌ ఇప్పటికే వేడెక్కింది. మరిన్ని దిగ్గజాలు ఈ వారం క్యూ3((అక్టోబర్‌–డిసెంబర్‌) ఫలితాలు విడుదల చేయనున్నాయి. జాబితాలో ఏషియన్‌ పెయింట్స్, అపోలో టైర్స్, భారతీ ఎయిర్‌టెల్, ఐటీసీ, ఎస్‌బీఐ, ఎంఅండ్‌ఎం, ఎల్‌ఐసీ, టైటన్, ఎన్‌హెచ్‌పీసీ, టాటా పవర్, పీసీ జ్యువెలర్స్‌ తదితరాలున్నాయి. పనితీరు ఆధారంగా ఇన్వెస్టర్లు వివిధ స్టాక్స్‌లో పొజిషన్లు తీసుకునే వీలున్నట్లు మార్కెట్‌ వర్గాలు అభిప్రాయపడ్డాయి. ఢిల్లీ అసెంబ్లీ ఎన్నికలు సైతం ఇన్వెస్టర్లను ఆకట్టుకోనున్నట్లు ఏంజెల్‌ వన్‌ డెరివేటివ్స్‌ సీనియర్‌ విశ్లేషకులు ఓషో కృష్ణన్‌ పేర్కొన్నారు.ఇతర అంశాలు ముడిచమురు ధరలు, డాలరుతో మారకంలో రూపాయి కదలికలకూ మార్కెట్లో ప్రాధాన్యత ఉన్నట్లు నిపుణులు పేర్కొన్నారు. రూపాయి ఇటీవల బలహీనపడుతుంటే చమురు ధరలు పటిష్టంగా కదులుతున్నాయి. మరోపక్క యూఎస్‌ డాలరు, ట్రెజరీ ఈల్డ్స్‌ మరింత పుంజుకుంటే సెంటిమెంటుపై ప్రభావంపడే వీలున్నట్లు విశ్లేషకులు భావిస్తున్నారు. ఇప్పటికే దేశీ స్టాక్స్‌లో విదేశీ ఇన్వెస్టర్లు (ఎఫ్‌పీఐలు) అమ్మకాలకు మొగ్గు చూపుతున్నారు. జనవరిలో ఎఫ్‌పీఐలు 8 బిలియన్‌ డాలర్ల విలువైన స్టాక్స్‌ విక్రయించినట్లు అంచనా. గత వారమిలాగత వారం(జనవరి 27–ఫిబ్రవరి1) దేశీ స్టాక్‌ మార్కెట్లు జోరు చూపాయి. సెన్సెక్స్‌ నికరంగా 1,316 పాయింట్లు(1.7 శాతం) బలపడి 77,506 వద్ద ముగిసింది. నిఫ్టీ సైతం 390 పాయింట్లు(1.7 శాతం) పుంజుకుని 23,482 వద్ద స్థిరపడింది. కాగా.. ఎఫ్‌పీఐల అమ్మకాల కారణంగా జనవరిలో సెన్సెక్స్, నిఫ్టీ 3.5 శాతం క్షీణించగా.. మిడ్, స్మాల్‌ క్యాప్స్‌ 9 శాతం చొప్పున పతనమయ్యాయి.

ముంబై: ప్రపంచ దేశాలన్నీ అత్యంత ఆసక్తిగా ఎదురుచూస్తున్న అమెరికా ప్రెసిడెంట్‌ ప్రమాణ స్వీకారానికి నేడు(20న) తెరలేవనుంది. రిపబ్లికన్‌ అభ్యర్థి డొనాల్డ్‌ ట్రంప్‌ రెండోసారి యూఎస్‌ ప్రెసిడెంట్‌గా బాధ్యతలు స్వీకరించనుండటంతో కొంతకాలంగా వాణిజ్య వర్గాలు అధికంగా ప్రభావితం కానున్నట్లు అంచనాలు వెలువడుతున్నాయి. వాణిజ్యంతోపాటు ఫైనాన్షియల్‌ మార్కెట్లపైనా ట్రంప్‌ ఎఫెక్ట్‌ ఉండబోతున్నట్లు మరోపక్క ఆర్థికవేత్తలు పేర్కొంటున్నారు. ఇప్పటికే ప్రపంచ ప్రధాన కరెన్సీలతో మారకంలో యూఎస్‌ డాలరు నిరవధికంగా బలపడుతూ 109ను అధిగమించింది. అంతేకాకుండా 10ఏళ్ల ట్రెజరీ ఈల్డ్స్‌ 4.6 శాతాన్ని తాకాయి. ఈ ప్రభావంతో పలు ఆసియా కరెన్సీలతోపాటు రూపాయి సైతం డీలా పడుతోంది. డాలరుతో మారకంలో గత వారం దేశీ కరెన్సీ విలువ 86.62కు పడిపోయింది. వెరసి ఈ వారం దేశీ స్టాక్‌ మార్కెట్లను 47వ యూఎస్‌ ప్రెసిడెంట్‌కానున్న ట్రంప్‌ నిర్ణయాలు అత్యధికంగా ప్రభావితం చేయనున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. బ్లూచిప్స్‌ జోరు టీసీఎస్, ఇన్ఫోసిస్, విప్రో, ఆర్‌ఐఎల్, యాక్సిస్‌ బ్యాంక్‌తో ఇప్పటికే ఈ ఆర్థిక సంవత్సరం(2024–25) మూడో త్రైమాసిక ఫలితాల సీజన్‌ ప్రారంభమైంది. ఈ వారం మరికొన్ని దిగ్గజాలు అక్టోబర్‌–డిసెంబర్‌(క్యూ3) పనితీరు వెల్లడించనున్నాయి. జాబితాలో బ్యాంకింగ్‌ దిగ్గజాలు హెచ్‌డీఎఫ్‌సీ, ఐసీఐసీఐ, సెంట్రల్‌ బ్యాంకుతోపాటు ఎఫ్‌ఎంసీజీ బ్లూచిప్‌ హిందుస్తాన్‌ యూనిలీవర్, డాక్టర్‌ రెడ్డీస్, అ్రల్టాటెక్‌ సిమెంట్, జేఎస్‌డబ్ల్యూ స్టీల్, బీపీసీఎల్, హెచ్‌పీసీఎల్, వన్‌97 కమ్యూనికేషన్స్‌(పేటీఎమ్‌), జొమాటో ఉన్నాయి. ఈ నేపథ్యంలో మార్కెట్లు ఆటుపోట్లను చవిచూడవచ్చని మోతీలాల్‌ ఓస్వాల్‌ ఫైనాన్షియల్‌ సరీ్వసెస్, వెల్త్‌మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా అభిప్రాయపడ్డారు. ఆయా కంపెనీల పనితీరు ఆధారంగా స్టాక్స్‌లో యాక్టివిటీ నమోదయ్యే వీలున్నదని తెలియజేశారు. బడ్జెట్‌పై కన్ను క్యూ3 ఫలితాలతోపాటు వచ్చే నెలలో కేంద్ర ప్రభుత్వం ప్రవేశపెట్టనున్న సార్వత్రిక బడ్జెట్‌పై ఇన్వెస్టర్లు దృష్టి పెట్టనున్నట్లు స్వస్తికా ఇన్వెస్ట్‌మార్ట్‌ సీనియర్‌ టెక్నికల్‌ విశ్లేషకులు ప్రవేశ్‌ గౌర్‌ పేర్కొన్నారు. ఆదాయపన్నుసహా పలు రంగాల నుంచి సంస్కరణలకోసం ఆర్థిక మంత్రి నిర్మలా సీతారామన్‌కు వినతులు అందుతున్న విషయం విదితమే. ద్రవ్య విధానాలు, ఆర్థిక వృద్ధి చర్యలు, పెట్టుబడుల కేటాయింపు, కీలక రంగాలలో సంస్కరణలు వంటి పలు అంశాలకు ప్రాధాన్యత ఉన్నట్లు నిపుణులు చెబుతున్నారు. ఇదేవిధంగా దేశ, విదేశీ ఇన్వెస్టర్ల పెట్టుబడులు, ముడిచమురు ధరలు సైతం మార్కెట్లలో సెంటిమెంటుకు కీలకంగా నిలవనున్నట్లు వివరించారు. గత వారమిలా దేశీ స్టాక్‌ మార్కెట్లు వరుసగా రెండో వారంలోనూ క్షీణపథంలోనే ముగిశాయి. 17తో ముగిసిన గత వారం సెన్సెక్స్‌ నికరంగా 760 పాయింట్లు(1 శాతం) నీరసించి 76,618 వద్ద స్థిరపడింది. నిఫ్టీ సైతం 228 పాయింట్లు(1 శాతం) నష్టపోయి 23,203 వద్ద ముగిసింది. బీఎస్‌ఈ మిడ్‌క్యాప్‌ ఇండెక్స్‌ నామమాత్ర నష్టంతో నిలవగా.. స్మాల్‌క్యాప్‌ 0.8 శాతం డీలా పడింది.

దేశీ స్టాక్‌ మార్కెట్లు ఈ వారం ప్రధానంగా అక్టోబర్‌–డిసెంబర్‌(క్యూ3)ఫలితాలు, ద్రవ్యోల్బణ గణాంకాల ఆధారంగా కదిలే వీలున్నట్లు విశ్లేషకులు పేర్కొన్నారు. వీటికితోడు అంతర్జాతీయ అంశాలు సైతం సెంటిమెంటును ప్రభావితం చేయనున్నట్లు తెలియజేశారు. డిసెంబర్‌ నెలకు యూఎస్, చైనా గణాంకాలు వెలువడనున్నాయి. ఇవికాకుండా విదేశీ పెట్టుబడులు, డాలరు ఇండెక్స్‌ కదలికలు తదితర అంశాలు సైతం కీలకంగా నిలవనున్నట్లు వివరించారు. వివరాలు చూద్దాం.. ఫలితాలకు రెడీ గత వారం ఐటీ సేవల దిగ్గజం టీసీఎస్‌ క్యూ3 ఫలితాలతో ఇన్వెస్టర్లను మెప్పించగా.. ఈ వారం మరికొన్ని దిగ్గజాలు పనితీరు వెల్లడించనున్నాయి. ఆనంద్‌రాఠీ, ఏంజెల్‌ వన్, డెల్టా కార్ప్, హిమాద్రి స్పెషాలిటీ, హెచ్‌సీఎల్‌ టెక్నాలజీస్‌ 13న, నెట్‌వర్క్‌ 18, హెచ్‌డీఎఫ్‌సీ ఏఎంసీ 14న, సియట్, హెచ్‌డీఎఫ్‌సీ లైఫ్, ఎల్‌టీటీఎస్, నెల్కో, ట్రాన్స్‌రైల్‌ 15న, యాక్సిస్‌ బ్యాంక్, హాట్సన్, హావెల్స్, ఇన్ఫోసిస్, కేశోరామ్, ఎల్‌టీఐఎం, మాస్టెక్, ఆర్‌ఐఎల్‌ 16న ఫలితాలు ప్రకటించనున్నాయి. ఈ బాటలో 17న అట్లాస్‌ సైకిల్, ఇండియన్‌ హోటల్స్, ర్యాలీస్, ఆర్‌కే ఫోర్జ్, ఎస్‌బీఐ లైఫ్, శేషసాయి పేపర్, స్టెరిలైట్‌ టెక్, స్వరాజ్‌ ఇంజిన్స్, టెక్‌ మహీంద్రా, విప్రో క్యూ3 ఫలితాలు తెలియజేయనున్నాయి. వారాంతాన(11న) డీమార్ట్‌ రిటైల్‌ స్టోర్ల దిగ్గజం ఎవెన్యూ సూపర్‌మార్ట్స్, జస్ట్‌డయల్‌ అక్టోబర్‌–డిసెంబర్‌ ఫలితాలు వెల్లడించాయి. ఈ ప్రభావం సోమవారం(13న) కనిపించనున్నట్లు స్వస్తికా ఇన్వెస్ట్‌మార్ట్‌ సీనియర్‌ టెక్నికల్‌ అనలిస్ట్‌ ప్రవేశ్‌ గౌర్‌ పేర్కొన్నారు. ధరల వివరాలు డిసెంబర్‌ నెలకు రిటైల్‌ ధరల ద్రవ్యోల్బణం(సీపీఐ) గణాంకాలు నేడు(సోమవారం) వెల్లడికానున్నాయి. నవంబర్‌లో సీపీఐ 5.48 శాతానికి తగ్గింది. అక్టోబర్‌లో ఇది 6.21 శాతంగా నమోదైంది. ఇక టోకు ధరల ద్రవ్యోల్బణం(డబ్ల్యూపీఐ) వివరాలు రేపు(14న) విడుదలకానున్నాయి. నవంబర్‌లో డబ్ల్యూపీఐ 1.89 శాతానికి తగ్గింది. అక్టోబర్‌లో ఇది 2.36 శాతంగా నమోదైంది. ఆహార ధరలు తగ్గడం ప్రభావం చూపింది. బుధవారం(15న) నవంబర్‌ నెలకు వాణిజ్య గణాంకాలు వెలువడనున్నాయి. నవంబర్‌లో వాణిజ్య లోటు అత్యధికంగా 37.8 బిలియన్‌ డాలర్లను తాకింది. గతేడాది ఇదే నెలలో ఈ సంఖ్య 20.6 బిలియన్‌ డాలర్లు మాత్రమే. ఆర్థిక గణాంకాలు సైతం సెంటిమెంటుకు కీలకంగా నిలవనున్నట్లు మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ రీసెర్చ్‌ హెడ్‌ సిద్ధార్థ ఖేమ్కా అభిప్రాయపడ్డారు. వాణిజ్య మిగులు డిసెంబర్‌ నెలకు చైనా వాణిజ్య గణాంకాలు 13న విడుదలకానున్నాయి. నవంబర్‌లో వాణిజ్య మిగులు 97.5 బిలియన్‌ డాలర్లుగా నమోదైంది. డిసెంబర్‌ నెలకు యూఎస్‌ ఉత్పాదక ధరల ద్రవ్యో ల్బణ వివరాలు 14న, కీలక ద్రవ్యోల్బణ గణాంకాలు 15న వెలువడనున్నాయి. నవంబర్‌లో మూడు నెలల గరిష్టం 3.3 శాతానికి చేరింది. రిటైల్‌ అమ్మకాలు 16న వెల్లడికానున్నాయి. నవంబర్‌లో ఇవి 0.7 శాతం పెరిగాయి. 17న చైనా 2024 క్యూ3 జీడీపీ వివరాలు తెలియనున్నాయి. వార్షికంగా 4.6 శాతం ఎకానమీ వృద్ధిని అంచనా వేస్తున్నారు. క్యూ2లో 4.7 శాతం పురోగతిని సాధించింది. గత వారమిలా శుక్రవారం(11)తో ముగిసిన గత వారం మార్కెట్లు డీలా పడ్డాయి. 2 వారాల తదుపరి తిరిగి నష్టపోయాయి. సెన్సెక్స్‌ నికరంగా 1,844 పాయింట్లు (2.3 శాతం) పతనమైంది. 77,379 వద్ద ముగిసింది. నిఫ్టీ సైతం 573 పాయింట్లు(2.4 శాతం) పడిపోయి 23,432 దిగువన స్థిరపడింది. బీఎస్‌ఈ మిడ్‌ క్యాప్‌ ఇండెక్స్‌ మరింత అధికంగా 5.7 శాతం దిగజారగా.. స్మాల్‌ క్యాప్‌ 6 శాతంపైగా పడిపోయింది.ఇతర అంశాలు ప్రపంచ ప్రధాన కరెన్సీలతో మారకంలో డాలరు బలపడుతోంది. దీంతో దేశీ కరెన్సీ రోజురోజుకీ సరికొత్త కనిష్టాలను తాకుతోంది. గత వారం సాంకేతికంగా కీలకమైన 86 స్థాయినీ కోల్పోయింది. మరోపక్క యూఎస్‌ బాండ్ల ఈల్డ్స్, ముడిచమురు ధరలు సైతం పుంజుకుంటున్నాయి. దీంతో గత వారం మార్కెట్లు పతన బాటలో సాగినట్లు మాస్టర్‌ ట్రస్ట్‌ గ్రూప్‌ డైరెక్టర్‌ పునీత్‌ సింఘానియా పేర్కొన్నారు. అయితే ఈ వారం క్యూ3 ఫలితాల ప్రభావం అధికంగా కనిపించనున్నట్లు తెలియజేశారు. అయితే యూఎస్, చైనా గణాంకాలు, విదేశీ పెట్టుబడులు తదితర అంశాలు సైతం మార్కెట్లలో ఒత్తిడికి కారణమవుతున్నట్లు జియోజిత్‌ ఫైనాన్షియల్‌ సరీ్వసెస్‌ రీసెర్చ్‌ హెడ్‌ వినోద్‌ నాయిర్‌ పేర్కొన్నారు.ఎఫ్‌పీఐల అమ్మకాలు.. జనవరి 10 వరకు రూ. 22,914 కోట్లు న్యూఢిల్లీ: దేశీ ఈక్విటీలలో విదేశీ పోర్ట్‌ఫోలియో ఇన్వెస్టర్లు (ఎఫ్‌పీఐలు) మరోసారి నికర అమ్మకందారులుగా నిలుస్తున్నారు. ఈ నెలలో ఇప్పటివరకూ(1–10 మధ్య) రూ. 22,194 కోట్ల విలువైన స్టాక్స్‌ విక్రయించారు. డిసెంబర్‌లో తొలుత అమ్మకాలు చేపట్టినప్పటికీ చివరి వారాల్లో కొనుగోళ్లకు దిగడంతో నికరంగా రూ. 15,446 కోట్లు ఇన్వెస్ట్‌ చేశారు. యూఎస్‌ డాలర్‌ ఇండెక్స్‌ 109కు బలపడటం, కొత్త ప్రెసిడెంట్‌గా ఎంపికైన ట్రంప్‌ టారిఫ్‌లకు తెరతీయవచ్చన్న అంచనాలు ప్రభావం చూపుతున్నట్లు నిపుణులు పేర్కొన్నారు. వీటికితోడు యూఎస్‌ బాండ్ల ఈల్డ్స్‌ 4.6 శాతానికి పుంజుకోవడం, దేశ జీడీపీ వేగం తగ్గడం వంటి అంశాలు సైతం జత కలుస్తున్నట్లు అభిప్రాయపడ్డారు. 5 ఐపీవోల లిస్టింగ్‌ స్టాక్‌ ఎక్సే్ఛంజీలలో ఈ వారం 5 కంపెనీలు లిస్ట్‌కానున్నాయి. గత వారం ఇష్యూలు పూర్తయిన హైదరాబాద్‌ కంపెనీ స్టాండర్డ్‌ గ్లాస్‌ లైనింగ్‌ టెక్నాలజీ(13న)తోపాటు రైల్వే రక్షణ రంగ కంపెనీ క్వాడ్రంట్‌ ఫ్యూచర్‌ టెక్, క్యాపిటల్‌ ఇన్‌ఫ్రా ట్రస్ట్‌ ఇని్వట్‌(14న) లిస్ట్‌కానున్నాయి. ఈ బాటలో ఎస్‌ఎంఈలు బీఆర్‌ గోయల్‌ ఇన్‌ఫ్రాస్ట్రక్చర్, డెల్టా ఆటోకార్ప్, అవాక్స్‌ అపారెల్స్‌ అండ్‌ ఆర్నమెంట్స్‌ 14న లిస్ట్‌కానున్నాయి. మరోవైపు 13న లక్ష్మీ డెంటల్‌ ఐపీవో ప్రారంభంకానుంది. ఈ బాటలోఎస్‌ఎంఈలు కాబ్రా జ్యువెల్స్, రిఖావ్‌ సెక్యూరిటీస్, ల్యాండ్‌మార్క్‌ ఇమ్మిగ్రేషన్, ఈఎంఏ పార్ట్‌నర్స్‌ ఇష్యూలు ప్రారంభంకానున్నాయి. టాప్‌–5 కంపెనీలకు అమ్మకాల సెగ గత వారం మార్కెట్‌ క్యాపిటలైజేషన్‌(విలువ)రీత్యా టాప్‌–5 కంపెనీల మార్కెట్‌ విలువలో నికరంగా రూ. 1,85,952 కోట్లు ఆవిరైంది. జాబితాలో టాప్‌–5 కంపెనీల విలువ నష్టపోగా.. మిగిలిన 5 దిగ్గజాల మార్కెట్‌ క్యాప్‌ బలపడింది. ప్రధానంగా హెచ్‌డీఎఫ్‌సీ బ్యాంక్‌ విలువకు రూ. 70,479 కోట్లు చిల్లు పడింది. ఈ బాటలో ఐటీసీ విలువ రూ. 46,481 కోట్లు, స్టేట్‌బ్యాంక్‌(ఎస్‌బీఐ) విలువ రూ. 44,935 కోట్లు, రిలయన్స్‌ ఇండస్ట్రీస్‌ విలువ రూ. 12,179 కోట్లు, ఐసీఐసీఐ బ్యాంక్‌ విలువ రూ. 11,877 కోట్లు చొప్పున క్షీణించింది. అయితే ఐటీ దిగ్గజం టీసీఎస్‌ మార్కెట్‌ విలువకు రూ. 60,169 కోట్లు జమకావడం గమనార్హం!

ముంబై: దేశీ స్టాక్‌ మార్కెట్లను ఈ వారం ప్రధానంగా కార్పొరేట్‌ ఫలితాలు నడిపించనున్నాయి. ప్రస్తుత ఆర్థిక సంవత్సర(2024–25) మూడో త్రైమాసిక ఫలితాల సీజన్‌ ప్రారంభంకానుంది. దీనికితోడు పారిశ్రామికోత్పత్తి గణాంకాలు సైతం విడుదలకానున్నాయి. దీంతో ఇన్వెస్టర్లు అక్టోబర్‌–డిసెంబర్‌(క్యూ3) ఫలితాలు, ఆర్థిక గణాంకాలపై దృష్టి పెట్టనున్నట్లు విశ్లేషకులు పేర్కొన్నారు. ఇవికాకుండా ప్రపంచ రాజకీయ, భౌగోళిక అంశాలకూ ప్రాధాన్యత ఉన్నట్లు తెలియజేశారు. వివరాలు చూద్దాం.. 9న షురూ సాఫ్ట్‌వేర్‌ సేవల దిగ్గజం టీసీఎస్‌తోపాటు టాటా గ్రూప్‌ కంపెనీ టాటా ఎలక్సీ, ఫైనాన్షియల్‌ పీఎస్‌యూ ఇండియన్‌ రెనెవబుల్‌ ఎనర్జీ(ఇరెడా) గురువారం(9న) క్యూ3 పనితీరును వెల్లడించనున్నాయి. తద్వారా ఫలితాల సీజన్‌కు శ్రీకారం చుట్టనున్నాయి. ఇటీవలే స్టాక్‌ ఎక్సే్ఛంజీలలో లిస్టయిన ఫిన్‌టెక్‌ సంస్థ వన్‌ మొబిక్విక్‌ సిస్టమ్స్‌ మంగళవారం తొలిసారి త్రైమాసిక ఫలితాలు ప్రకటించనుంది. టీసీఎస్‌ పటిష్ట పనితీరు సాధిస్తే ఇటీవల అమ్మకాల బాటలో సాగుతున్న విదేశీ ఇన్వెస్టర్లు పెట్టుబడులవైపు దృష్టి పెట్టవచ్చని రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. దేశీ అంశాలు వారాంతాన(10న) ప్రభుత్వం నవంబర్‌ నెలకు పారిశ్రామికోత్పత్తి ఇండెక్స్‌(ఐఐపీ) గణాంకాలు వెల్లడించనుంది. అక్టోబర్‌లో ఐఐపీ వార్షికంగా 3.5 శాతం పుంజుకుంది. అంతేకాకుండా డిసెంబర్‌ నెలకు హెచ్‌ఎస్‌బీసీ సరీ్వసెస్‌ పీఎంఐ గణాంకాలు విడుదలకానున్నాయి. వచ్చే నెల మొదట్లో కేంద్ర ప్రభుత్వం సార్వత్రిక బడ్జెట్‌ను ప్రకటించనుంది. దీంతో ఇన్వెస్టర్లు బడ్జెట్‌ ప్రతిపాదలపైనా దృష్టి పెట్టనున్నట్లు స్వస్తికా ఇన్వెస్ట్‌మార్ట్‌ సీనియర్‌ టెక్నికల్‌ అనలిస్ట్‌ ప్రవేశ్‌ గౌర్‌ అభిప్రాయపడ్డారు. ట్రంప్‌ ఎఫెక్ట్‌ ఈ నెల మూడో వారంలో రిపబ్లికన్‌ నేత డొనాల్డ్‌ ట్రంప్‌ అమెరికా అధ్యక్షుడిగా బాధ్యతలు చేపట్టనున్నారు. ఈ నేపథ్యంలో గత వారాంతాన ముడిచమురు ధరలు బలపడ్డాయి. బ్రెంట్‌ బ్యారల్‌ 75 డాలర్లను తాకింది. మరోపక్క డాలరుతో మారకంలో రూపాయి సరికొత్త కనిష్టం 85.79కు చేరింది. ఇక ఫెడ్‌ ఓపెన్‌ మార్కెట్‌ కమిటీ(ఎఫ్‌వోఎంసీ) గత పాలసీ నిర్ణయాలకు సంబంధించిన వివరాలు(మినిట్స్‌) 9న వెల్లడికానున్నాయి. ఈ అంశాలు సైతం సెంటిమెంటును ప్రభావితం చేయగలవని జియోజిత్‌ ఫైనాన్షియల్‌ సర్వీసెస్‌ రీసెర్చ్‌ హెడ్‌ వినోద్‌ నాయిర్‌ అంచనా వేశారు. కాగా.. విదేశీ పోర్ట్‌ఫోలియో ఇన్వెస్టర్లు దేశీ స్టాక్స్‌లో అమ్మకాలకే మొగ్గు చూపుతున్నారు. అయితే దేశీ ఫండ్స్‌ భారీ స్థాయిలో ఇన్వెస్ట్‌ చేస్తున్నాయి. ఈ అంశాలన్నీ ట్రెండ్‌ నిర్ణయంలో కీలకంగా నిలవనున్నట్లు మెహతా ఈక్విటీస్‌ రీసెర్చ్‌ సీనియర్‌ వీపీ ప్రశాంత్‌ తాప్సే తెలియజేశారు. గత వారమిలా శుక్రవారం(3)తో ముగిసిన గత వారం తీవ్ర ఆటుపోట్ల మధ్య మార్కెట్లు బలపడ్డాయి. బీఎస్‌ఈ సెన్సెక్స్‌ నికరంగా 524 పాయింట్లు(0.7 శాతం) పుంజుకుని 79,223 వద్ద ముగిసింది. ఎన్‌ఎస్‌ఈ నిఫ్టీ సైతం 191 పాయింట్లు(0.8 శాతం) ఎగసి 24,000 పాయింట్లకు ఎగువన 24,005 వద్ద నిలిచింది. ఈ బాటలో బీఎస్‌ఈ మిడ్‌క్యాప్‌ 1.3 శాతం, స్మాల్‌క్యాప్‌ ఇండెక్స్‌ 2 శాతం జంప్‌చేసింది.ఎఫ్‌పీఐలు వెనక్కివిదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) కొత్త ఏడాది తొలి మూడు(1–3) ట్రేడింగ్‌ రోజుల్లో నికర అమ్మకందారులుగా నిలిచారు. వెరసి రూ. 4,285 కోట్ల పెట్టుబడులను వెనక్కి తీసుకున్నారు. అయితే డిసెంబర్‌లో తొలుత అమ్మకాలకే పరిమితమైనప్పటికీ చివరి రెండు వారాల్లో పెట్టుబడులకు ఆసక్తి చూపిన సంగతి తెలిసిందే. వెరసి గత నెలలో నికరంగా రూ. 15,446 కోట్ల విలువైన స్టాక్స్‌ కొనుగోలు చేశారు. యూఎస్‌ బాండ్ల ఈల్డ్స్‌ ఆకర్షణీయంగా మారడం, డాలరు బలపటడంతో ఎఫ్‌ఫీఐలు అమ్మకాలకే కట్టుబడవచ్చని జియోజిత్‌ ఫైనాన్షియల్‌ సర్వీసెస్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయకుమార్‌ అభిప్రాయపడ్డారు.

ముంబై: దేశీ స్టాక్‌ మార్కెట్లలో ట్రెండ్‌ను ఈ వారం ప్రధానంగా దేశ, విదేశీ గణాంకాలు నిర్దేశించే అవకాశముంది. వీటికితోడు ముడిచమురు ధరలు, ప్రపంచ ప్రధాన కరెన్సీలతో డాలరు మారకం వంటి అంశాలకూ ప్రాధాన్యత ఉన్నట్లు విశ్లేషకులు తెలియజేశారు. గత కొద్ది రోజులుగా దేశీ స్టాక్స్‌లో అమ్మకాలకే మొగ్గు చూపుతున్న విదేశీ సంస్థాగత ఇన్వెస్టర్లు(ఎఫ్‌ఐఐలు) ఇటీవల కొనుగోళ్ల యూటర్న్‌ తీసుకున్న విషయం విదితమే. దీంతో విదేశీ పెట్టుబడులతోపాటు.. రాజకీయ భౌగోళిక అంశాలూ సెంటిమెంటును ప్రభావితం చేయనున్నట్లు స్టాక్‌ నిపుణులు తెలియజేశారు. ఎఫ్‌ఐఐల పెట్టుబడుల కారణంగా లార్జ్‌క్యాప్‌ బ్యాంకింగ్‌ షేర్లు జోరు చూపుతున్నట్లు జియోజిత్‌ ఫైనాన్షియల్‌ సర్వీసెస్‌ చీఫ్‌ ఇన్వెస్ట్‌మెంట్‌ వ్యూహకర్త వీకే విజయ్‌కుమార్‌ తెలియజేశారు. కొన్ని ఎంపిక చేసిన షేర్లలో పెట్టుబడుల ప్రభావం కనిపిస్తున్నట్లు పేర్కొన్నారు. గత రెండు నెలలుగా భారీ అమ్మకాలు చేపట్టిన ఎఫ్‌ఐఐలు ఈ నెలలో నికర పెట్టుబడిదారులుగా నిలుస్తున్న విషయాన్ని ఈ సందర్భంగా ప్రస్తావించారు.గత వారమిలా..శుక్రవారం(6)తో ముగిసిన గత వారం దేశీ సాŠట్‌క్‌ ఇండెక్సులు పలు ఆటుపోట్ల మధ్య తిరిగి జోరందుకున్నాయి. సెన్సెక్స్‌ నికరంగా 1,906 పాయింట్లు(2.4 శాతం) జంప్‌చేసి 81,709 వద్ద ముగిసింది. నిఫ్టీ 547 పాయింట్లు(2.3 శాతం) ఎగసి 24,678 వద్ద స్థిరపడింది. గత వారం మార్కెట్‌ విలువరీత్యా టాప్‌–10 కంపెనీలలో ఆరు కంపెనీల మార్కెట్‌ విలువ రూ. 2 లక్షల కోట్లమేర బలపడింది. టీసీఎస్‌ మార్కెట్‌ క్యాప్‌ రూ. 62,575 కోట్లు, హెచ్‌డీఎఫ్‌సీ బ్యాంక్‌ విలువ రూ. 45,338 కోట్లు, ఇన్ఫోసిస్‌ రూ. 26,886 కోట్లు, ఎస్‌బీఐ రూ. 22,312 కోట్లు చొప్పున ఎగసింది. అయితే ఎయిర్‌టెల్‌ విలువ రూ. 16,720 కోట్లు, ఐటీసీ విలువ రూ. 7,256 కోట్లు క్షీణించింది.ఆర్థిక గణాంకాలుదేశీయంగా అక్టోబర్‌ నెలకు పారిశ్రామికోత్పత్తి సూచీ వివరాలు గురువారం(12న) వెల్లడికానున్నాయి. సెపె్టంబర్‌లో పారిశ్రామికోత్పత్తి వార్షికంగా 3.1 శాతం పుంజుకుంది. ఆర్థికవేత్తల 2.5 శాతం అంచనాలను అధిగమించింది. ఇదేవిధంగా నవంబర్‌ నెలకు రిటైల్‌ ధరల ద్రవ్యోల్బణం(సీపీఐ) గణాంకాలు సైతం 12న వెలువడనున్నాయి. అక్టోబర్‌లో సీపీఐ వార్షిక రేటు 6.21 శాతంగా నమోదైంది. ఐఐపీ, సీపీఐ గణాంకాలు ఆర్థిక వ్యవస్థ పురోగతికి సంకేతాలని రెలిగేర్‌ బ్రోకింగ్‌ రీసెర్చ్‌ సీనియర్‌ వైస్‌ప్రెసిడెంట్‌ అజిత్‌ మిశ్రా తెలియజేశారు. ఎఫ్‌ఐఐలు పెట్టుబడులకు ఆసక్తి చూపడం ట్రేడర్లను ప్రభావితం చేసే వీలున్నట్లు వివరించారు. యుద్ధ భయాలురష్యా– ఉక్రెయిన్‌ యుద్ధ భయాలు ఇన్వెస్టర్లలో ఆందోళనలు కలిగించే వీలున్నట్లు స్వస్తికా ఇన్వెస్ట్‌మార్ట్‌ సీనియర్‌ టెక్నికల్‌ విశ్లేషకులు ప్రవేష్‌ గౌర్‌ పేర్కొన్నారు. మరోపక్క తాజాగా ఆరు ప్రధాన కరెన్సీలతో మారకంలో డాలరు ఇండెక్స్‌ బలహీనపడటానికితోడు ట్రెజరీ బాండ్ల ఈల్డ్స్‌ వెనకడుగు వేయడం భారత్‌వంటి వర్ధమాన మార్కెట్లకు సానుకూలంగా పరిణమిస్తున్నట్లు అభిప్రాయపడ్డారు. నవంబర్‌ నెలకు యూఎస్‌ వ్యవసాయేతర ఉపాధి గణాంకాలు అంచనాలు(2 లక్షలు) మించుతూ 2.2 లక్షలకు చేరింది. నిరుద్యోగిత 4.2 శాతంగా నమోదైంది. అక్టోబర్‌లో తుఫాను సహా బోయింగ్‌లో ఉద్యోగుల సమ్మె కారణంగా ఉపాధి గణాంకాలు పడిపోయిన విషయం విదితమే. ఇవేకాకుండా పలు ఇతర విదేశీ గణాంకాలు సైతం ఈ వారం విడుదలకానున్నట్లు మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా తెలియజేశారు. చైనా ద్రవ్యోల్బణం నేడు(9న), వాణిజ్య గణాంకాలు 10న విడుదలకానుండగా.. 11న యూఎస్‌ కీలక ద్రవ్యోల్బణ గణాంకాలు వెల్లడికానున్నాయి. ఇవి ఈ నెలలో కేంద్ర బ్యాంకు ఫెడరల్‌ రిజర్వ్‌ చేపట్టనున్న పాలసీ సమీక్షపై ప్రభావం చూపే వీలున్నట్లు విశ్లేషకులు పేర్కొన్నారు. కాగా.. లండన్‌ మార్కెట్లో బ్రెంట్‌ చమురు బ్యారల్‌ 71 డాలర్ల ఎగువకు చేరగా.. న్యూయార్క్‌ మార్కెట్లో పసిడి ఔన్స్‌ 2,670 డాలర్లను తాకింది. డాలరు ఇండెక్స్‌ 106 వద్ద కదులుతోంది.

ముంబై: ప్రధానంగా పీఎస్‌యూ, ప్రైవేట్‌ బ్యాంకింగ్‌ షేర్లకు పెరిగిన డిమాండ్‌తో వరుసగా మూడో రోజు దేశీ స్టాక్‌ మార్కెట్లు జోరు చూపాయి. సెన్సెక్స్‌ 598 పాయింట్లు జంప్‌చేసి 80,846 వద్ద ముగిసింది. నిఫ్టీ 181 పాయింట్ల వృద్ధితో 24,457 వద్ద నిలిచింది. వెరసి మూడు రోజుల్లో సెన్సెక్స్‌ 1,802 పాయింట్లు జమ చేసుకుంది. మరోసారి ఇన్వెస్టర్లు కొనుగోళ్లకే ప్రాధాన్యత ఇవ్వడంతో ఒక దశలో సెన్సెక్స్‌ 701, నిఫ్టీ 205 పాయింట్లు చొప్పున ఎగశాయి.ఇంట్రాడేలో సెన్సెక్స్‌ గరిష్టంగా 81,000 సమీపాని(80,949)కి చేరింది. గ్లోబల్‌ మార్కెట్ల సానుకూలతలు సెంటిమెంటుకు ప్రోత్సాహాన్నిస్తున్నట్లు నిపుణులు తెలియజేశారు. ఆర్‌బీఐ పాలసీ సమీక్ష నేపథ్యంలో బ్యాంకింగ్‌ కౌంటర్లు వెలుగులో నిలిచినట్లు పేర్కొన్నారు.బ్లూచిప్స్‌ బలిమి..: ఎన్‌ఎస్‌ఈలో ప్రధానంగా పీఎస్‌యూ బ్యాంక్స్, మీడియా 2.5 శాతం జంప్‌చేయగా.. ఆయిల్‌ అండ్‌ గ్యాస్, మెటల్, ప్రయివేట్‌ బ్యాంక్స్‌ 1 శాతం చొప్పున పుంజుకున్నాయి. ఆటో, ఐటీ 0.5 శాతం బలపడగా.. ఎఫ్‌ఎంసీజీ 0.4 శాతం నీరసించింది. నిఫ్టీ దిగ్గజాలలో అదానీ పోర్ట్స్‌ 6 శాతం జంప్‌చేసింది. ఎన్‌టీపీసీ, అదానీ ఎంటర్, యాక్సిస్, ఎస్‌బీఐ, ఎల్‌అండ్‌టీ, అ్రల్టాటెక్, ఓఎన్‌జీసీ, సిప్లా, బీఈఎల్, శ్రీరామ్‌ ఫైనాన్స్, టాటా మోటార్స్, ఆర్‌ఐఎల్, హెచ్‌డీఎఫ్‌సీ బ్యాంక్‌ 2.7–1 శాతం మధ్య లాభపడ్డాయి.అయితే ఎయిర్‌టెల్, హీరోమోటో, ఐటీసీ, హెచ్‌డీఎఫ్‌సీ లైఫ్‌ 1.5–0.8 శాతం మధ్య డీలాపడ్డాయి. మార్కెట్ల బాటలో బీఎస్‌ఈలో మిడ్, స్మాల్‌ క్యాప్స్‌ 1% ఎగశాయి. విదేశీ ఇన్వెస్టర్లు అమ్మకాలు ఆపి రూ. 3,665 కోట్ల విలువైన స్టాక్స్‌ కొనుగోలు చేయడం గమనార్హం! దేశీ ఫండ్స్‌ రూ. 251 కోట్ల విలువైన స్టాక్స్‌ విక్రయించాయి. ⇒ వారాంతాన 40 శాతం ప్రీమియంతో లిస్టయిన ఎన్విరో ఇన్‌ఫ్రా ఇంజినీర్స్‌ ఇంట్రాడేలో మరో 19 శాతం జంప్‌చేసి రూ. 264ను తాకింది. చివరికి ఈ షేరు 16 % లాభంతో రూ. 258 వద్ద ముగిసింది.⇒ గత నెల 27న లిస్టయిన ఎన్‌టీపీసీ గ్రీన్‌ ఎనర్జీ షేరు 10 శాతం అప్పర్‌ సర్క్యూట్‌ను తాకి రూ. 142 వద్ద నిలిచింది. ఈ షేరు ఐపీవో ధర రూ. 108.బంపర్‌ లిస్టింగ్‌లుసీ2సీ అడ్వాన్స్‌డ్‌ చిన్న తరహా కంపెనీ(ఎస్‌ఎంఈ).. సీ2సీ అడ్వాన్స్‌డ్‌ సిస్టమ్స్‌ బంపర్‌ లిస్టింగ్‌ సాధించింది. ఇష్యూ ధర రూ.226తో పోలిస్తే 90% ప్రీమియంతో రూ.429 వద్ద ప్రారంభమైంది. చివరికి 99.5 శాతం లాభంతో రూ.451 వద్ద ముగిసింది.రాజ్‌పుటానా బయోడీజిల్‌ ఎస్‌ఎంఈ సంస్థ రాజ్‌పుటానా బయోడీజిల్‌ లిస్టింగ్‌ అదిరింది. ఇష్యూ ధర రూ. 130తో పోలిస్తే 90% ప్రీమియంతో రూ. 247 వద్ద ప్రారంభమైంది. చివరికి 99.5% లాభంతో రూ. 259 వద్ద ముగిసింది.

ముంబై: ఈ ఏడాది జూలై–సెప్టెంబర్‌(క్యూ2)లో జీడీపీ వృద్ధి 5.4 శాతానికి మందగించినప్పటికీ దేశీ స్టాక్‌ మార్కెట్లు జోరు చూపాయి. గత 7 త్రైమాసికాలలోనే ఆర్థిక వ్యవస్థ కనిష్ట వృద్ధికి పరిమితమైనప్పటికీ ఇన్వెస్టర్లు పెట్టుబడులకే ప్రాధాన్యత ఇవ్వడంతో వరుసగా రెండో రోజు లాభాలతో నిలిచాయి. ఆర్థిక వృద్ధి మందగించిన కారణంగా స్వల్ప వెనకడుగుతో ప్రారంభమైన మార్కెట్లు వెనువెంటనే కోలుకున్నాయి. మిడ్‌సెషన్‌ నుంచీ కొనుగోళ్లు పెరగడంతో జోరందుకున్నాయి. వెరసి సెన్సెక్స్‌ 445 పాయింట్లు లాభపడింది. 80,248 వద్ద ముగిసింది. నిఫ్టీ సైతం 145 పాయింట్లు బలపడి 24,276 వద్ద నిలిచింది. రియల్టీ జూమ్‌..: ఎన్‌ఎస్‌ఈలో రియల్టీ అత్యధికంగా 3 శాతం ఎగసింది. కన్జూమర్‌ డ్యూరబుల్స్, హెల్త్‌కేర్, ఆటో రంగాలు 2–1 శాతం మధ్య పుంజుకున్నాయి. నిఫ్టీ దిగ్గజాలలో అ్రల్టాటెక్, అపోలో, గ్రాసిమ్, శ్రీరామ్‌ ఫైనాన్స్, జేఎస్‌డబ్ల్యూ, అదానీ పోర్ట్స్, ఎంఅండ్‌ఎం, టెక్‌ఎం, టైటన్, డాక్టర్‌ రెడ్డీస్, ఆర్‌ఐఎల్, సన్, మారుతీ, హెచ్‌సీఎల్‌టెక్, కోల్‌ ఇండియా 4–1.3 శాతం మధ్య బలపడ్డాయి.అయితే హెచ్‌డీఎఫ్‌సీ లైఫ్, ఎన్‌టీపీసీ, సిప్లా, ఎస్‌బీఐ లైఫ్, హెచ్‌యూఎల్, బ్రిటానియా, కొటక్‌ బ్యాంక్, ఇండస్‌ఇండ్‌ 2.7–0.5 శాతం మధ్య డీలాపడ్డాయి. బీఎస్‌ఈలో మిడ్, స్మాల్‌ క్యాప్స్‌ 1 శాతం చొప్పున పుంజుకున్నాయి. మధ్య, చిన్నతరహా షేర్లలో 463 కౌంటర్లు అప్పర్‌ సర్క్యూట్‌ను తాకాయి. ఈ జాబితాలో రామ్‌కో సిస్టమ్స్, గోల్డియామ్‌ ఇంటర్నేషనల్, అతుల్‌ ఆటో, కొచిన్‌ షిప్‌యార్డ్‌ తదితర కంపెనీలు ఉన్నాయి.అదానీ గ్రూప్‌ నేలచూపు:మార్కెట్లు లాభపడినప్పటికీ అదానీ గ్రూప్‌లోని ఆరు కౌంటర్లలో అమ్మకాలు తలెత్తాయి. అదానీ టోటల్‌ గ్యాస్‌ 5 శాతం, ఎనర్జీ సొల్యూషన్స్‌ 4 శాతం చొప్పున పతనమయ్యాయి. ఇతర షేర్లలో ఎన్‌డీటీవీ, అదానీ విల్మర్, అదానీ పవర్, అదానీ ఎంటర్‌ప్రైజెస్‌ 1–0.5 శాతం మధ్య నీరసించాయి.

ముంబై: ప్రస్తుత ఆర్థిక సంవత్సరం(2024–25) రెండో త్రైమాసికం (జులై–సెపె్టంబర్‌)లో దేశ ఆర్థిక వ్యవస్థ అంచనాలను అందుకోలేకపోయింది. గత 7 త్రైమాసికాలలోనే అత్యల్పంగా 5.4 శాతంగా నమోదైంది. జీడీపీ గణాంకాలు గత వారాంతాన మార్కె ట్లు ముగిశాక వెలువడటంతో ఈ ప్రభావం నేడు (2న) దేశీ స్టాక్‌ మార్కెట్లపై కనిపించనున్నట్లు విశ్లేషకులు తెలియజేశారు. దీనికితోడు అంతర్జాతీయ పరిస్థితులు, విదేశీ పెట్టుబడులు, స్థూల ఆర్థిక గణాంకాలు సైతం ఈ వారం సెంటిమెంటుపై ప్రభావం చూపనున్నట్లు తెలియజేశారు. ఈ వారం చివర్లో రిజర్వ్‌ బ్యాంక్‌(ఆర్‌బీఐ) పరపతి సమీక్షను చేపట్టనుంది. దీంతో ఇన్వెస్టర్లు ఆర్‌బీఐ పాలసీ నిర్ణయాలపై దృష్టి పెట్టనున్నట్లు నిపుణులు పేర్కొన్నారు. ఆటో గణాంకాలు నవంబర్‌ నెలకు ఆటో రంగ గణాంకాలు ఆశావహంగా వెలువడ్డాయి. పెళ్లిళ్ల సీజన్‌కుతోడు.. ఎస్‌యూవీలకు డిమాండ్‌ కొనసాగడంతో వాహన విక్రయాలు సానుకూలంగా నమోదయ్యాయి. దీంతో సోమవారం(2న) ఆటో రంగ కౌంటర్లలో యాక్టివిటీ కనిపించనున్నట్లు విశ్లేషకులు అభిప్రాయపడ్డారు. కాగా.. ఈ ఏడాది క్యూ2లో అంచనాలను వమ్ము చేస్తూ జీడీపీ నెమ్మదించడంతో కొంతమేర సెంటిమెంటు బలహీనపడే వీలున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. తయారీ, మైనింగ్‌తోపాటు వినియోగం తగ్గడం జీడీపీని దెబ్బతీసింది. జీడీపీ మందగమన ప్రభావం ఆర్‌బీఐ నిర్ణయాలను ప్రభావితం చేయవచ్చని మిశ్రా తెలియజేశారు. వడ్డీ రేట్లపై నిర్ణయాలు కీలకంగా నిలవనున్నట్లు తెలియజేశారు. విదేశీ అంశాలు ప్రపంచవ్యాప్తంగా రాజకీయ భౌగోళిక అనిశి్చతులు మార్కెట్లలో ఆందోళనలకు కారణమవుతున్నట్లు స్వస్తికా ఇన్వెస్ట్‌మార్ట్‌ రీసెర్చ్‌ హెడ్‌ సంతోష్‌మీనా పేర్కొన్నారు. ప్రధానంగా రష్యా– ఉక్రెయిన్‌ మధ్య యుద్ధ వాతావరణం ప్రభావం చూపుతున్నట్లు వివరించారు. యూఎస్‌ తయారీ, సరీ్వసుల రంగ గణాంకాలు, వ్యవసాయేతర రంగంలో ఉపాధి, నిరుద్యోగిత అంశాలకూ ప్రాధాన్యత ఉన్నట్లు మాస్టర్‌ క్యాపిటల్‌ సరీ్వసెస్‌ డైరెక్టర్‌ పాల్క అరోరా చోప్రా వివరించారు. వీటికితోడు యూఎస్‌ ఫెడ్‌ చైర్మన్‌ జెరోమీ పావెల్‌ ప్రసంగం(5న)పై ఇన్వెస్టర్లు దృష్టి పెట్టనున్నట్లు సంతోష్‌ మీనా పేర్కొన్నారు. ఆర్థిక గణాంకాలు దేశీయంగా ఈ వారం ఆర్థిక గణాంకాలు కీలకంగా నిలవనున్నట్లు అరోరా చోప్రా తెలియజేశారు. నవంబర్‌ నెలకు తయారీ, సరీ్వసుల రంగ పీఎంఐ గణాంకాలు నేడు వెలువడనున్నాయి. అక్టోబర్‌లో తయారీ రంగ పీఎంఐ 57.3కు చేరగా.. సరీ్వసుల రంగ పీఎంఐ 59.5గా నమోదైంది. క్యూ2లో దేశ జీడీపీ నీరసించినప్పటికీ ప్రపంచ దేశాలలో వేగవంత వృద్ధిగా నిలవడం ప్రస్తావించదగ్గ అంశమని విశ్లేషకులు అభిప్రాయపడ్డారు. ఇవికాకుండా డాలరుతో మారకంలో రూపాయి కదలికలు, ముడిచమురు ధరలు, యూఎస్‌ ట్రెజరీ ఈల్డ్స్‌ వంటి అంశాలూ కీలకమేనని తెలియజేశారు. గత వారమిలా.. పలు ఆటుపోట్ల మధ్య గత వారం దేశీ స్టాక్‌ మార్కెట్లు లాభాలతో నిలిచాయి. సెన్సెక్స్‌ నికరంగా 686 పాయింట్లు(0.9 శాతం) జంప్‌చేసింది. 79,803 వద్ద ముగిసింది. నిఫ్టీ సైతం 224 పాయింట్లు(1 శాతం) ఎగసి 24,131 వద్ద స్థిరపడింది.అమ్మకాలవైపే ఎఫ్‌పీఐలు నవంబర్‌లో రూ. 21,612 కోట్లు దేశీ స్టాక్స్‌లో విదేశీ పోర్ట్‌ఫోలియో ఇన్వెస్టర్ల(ఎఫ్‌పీఐలు) అమ్మకాలు కొనసాగుతున్నాయి. గత నెల(నవంబర్‌)లో నికరంగా రూ. 21,612 కోట్ల(2.56 బిలియన్‌ డాలర్లు) విలువైన స్టాక్స్‌ విక్రయించారు. ఇందుకు ప్రధానంగా యూఎస్‌ ట్రెజరీ బాండ్ల ఈల్డ్స్‌ మెరుగుపడటం, ప్రపంచ ప్రధాన కరెన్సీలతో మారకంలో డాలరు బలపడటం, దేశీ ఆర్థిక వ్యవస్థ మందగించడం వంటి అంశాలు ప్రభావం చూపుతున్నట్లు విశ్లేషకులు తెలియజేశారు. అయితే అంతక్రితం నెల(అక్టోబర్‌)తో పోలిస్తే నవంబర్‌లో ఎఫ్‌పీఐల అమ్మకాల స్పీడ్‌ తగ్గింది. అక్టోబర్‌లో కొత్త చరిత్రను లిఖిస్తూ ఎఫ్‌పీఐలు దేశీ ఈక్విటీల నుంచి 11.2 బిలియన్‌ డాలర్లు(రూ. 94,017 కోట్లు) పెట్టుబడులు వెనక్కి తీసుకున్నారు.

ముంబై: ఈ వారం దేశీ స్టాక్‌ మార్కెట్లపై మహారాష్ట్ర అసెంబ్లీ ఫలితాలు, ప్రపంచ రాజకీయ, భౌగోళిక పరిస్థితులు, ఆర్థిక గణాంకాలు ప్రభావం చూపనున్నట్లు విశ్లేషకులు పేర్కొన్నారు. మహారాష్ట్ర అసెంబ్లీ ఫలితాలను కేంద్రంలో అధికారంలో ఉన్న బీజేపీ కూటమి శాసించడంతో ఇన్వెస్టర్లకు ప్రోత్సాహం లభించినట్లు తెలియజేశారు. దీంతో తొలి రోజు మార్కెట్లు సానుకూలంగా ప్రారంభంకావచ్చని స్వస్తికా ఇన్వెస్ట్‌మార్ట్‌ రీసెర్చ్‌ హెడ్‌ సంతోష్‌ మీనా అంచనా వేశారు. దీనికితోడు గత వారం చివర్లో మార్కెట్లు హైజంప్‌ చేయడంతో సెంటిమెంటు బలపడినట్లు విశ్లేషించారు. కొద్ది వారాలుగా కరెక్షన్‌ బాటలో సాగుతున్న మార్కెట్లలో శుక్రవారం రిలీఫ్‌ ర్యాలీకి తెరలేచింది. గత ఐదు నెలల్లోలేని విధంగా సెన్సెక్స్‌ 1,961 పాయింట్లు దూసుకెళ్లగా.. నిఫ్టీ 557 పాయింట్లు ఎగసిన సంగతి తెలిసిందే. అయితే తదుపరి దశలో పలు దేశ, విదేశీ అంశాలు ప్రతికూల ప్రభావాన్ని చూపవచ్చని మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా భావిస్తున్నారు. జార్ఖండ్‌ అసెంబ్లీ ఎన్నికలలో ఇండియా కూటమి విజయం సాధించడం, రష్యా– ఉక్రెయిన్‌ మధ్య యుద్ధ భయాలు పెరగడం వంటి అంశాలను ఈ సందర్భంగా ఖేమ్కా, మీనా ప్రస్తావించారు. జీడీపీ.. కీలకం బుధవారం(27న) త్రైమాసిక ప్రాతిపదికన జులై–సెపె్టంబర్‌(క్యూ3)కు యూఎస్‌ జీడీపీ గణాంకాల రెండో అంచనా వెలువడనుంది. ముందస్తు అంచనాలో వార్షికంగా క్యూ3లో 2.8 శాతం వృద్ధిని సాధించింది. ఈ బాటలో ఫెడరల్‌ రిజర్వ్‌ మినిట్స్‌ విడుదల కానున్నాయి. ఎఫ్‌వోఎంసీ గత పాలసీ సమావేశంలో వడ్డీ రేట్లను 0.25 శాతం తగ్గించింది. దీంతో ప్రస్తుతం ఫెడ్‌ ఫండ్స్‌ రేట్లు 4.5–4.75 శాతంగా అమలవుతున్నాయి. ఈ నిర్ణయాల వెనుక అంశాలను మినిట్స్‌ వెల్లడించనున్నాయి. అక్టోబర్‌ నెలకు కీలక పీసీఈ ధరల గణాంకాలు విడుదలకానుండగా.. 29న నవంబర్‌ నెలకు యూరో ప్రాంత ద్రవ్యోల్బణ అంచనాలు తెలియనున్నాయి. ఇక దేశీయంగా జులై–సెపె్టంబర్‌(క్యూ2)లో ఆర్థిక వ్యవస్థ పనితీరు గణాంకాలు వెలువడనున్నాయి. ఏప్రిల్‌–జూన్‌(క్యూ1)లో జీడీపీ 6.7 శాతం పుంజుకుంది. ఇదేవిధంగా ప్రభుత్వం అక్టోబర్‌ నెలకు మౌలిక రంగ పురోగతి గణాంకాలు ప్రకటించనుంది. సెపె్టంబర్‌లో మౌలిక రంగం 2 శాతం బలపడింది. ఇతర ప్రభావిత అంశాలు ప్రపంచస్థాయిలో రాజకీయ, భౌగోళిక ఆందోళనలు, దీంతో పెరుగుతున్న ముడిచమురు ధరలు, ద్రవ్యోల్బణ పరిస్థితులకు దారితీస్తున్నట్లు మార్కెట్‌ విశ్లేషకులు వివరించారు. మరోవైపు ప్రపంచ ప్రధాన కరెన్సీలతో మారకంలో డాలరు ఇండెక్స్‌ బలపడుతుండటంతో రూపాయి నీరసిస్తున్న విషయం విదితమే. వీటికితోడు యూఎస్‌ ట్రెజరీ బాండ్ల ఈల్డ్స్‌ మెరుగుపడుతుండటంతో కొద్ది రోజులుగా విదేశీ పెట్టుబడులు వెనక్కి మళ్లుతున్నాయి. ఈ అంశాలు దేశీయంగా మార్కెట్ల ట్రెండ్‌ను నిర్దేశించే వీలున్నట్లు మీనా, ఖేమ్కా తెలియజేశారు. కాగా.. దేశీయంగా మౌలిక రంగ అభివృద్ధి, రాజకీయ సుస్థిరతకు మహారాష్ట్ర అసెంబ్లీ ఫలితాలు దోహదపడగలవని మాస్టర్‌ క్యాపిటల్‌ సరీ్వసెస్‌ డైరెక్టర్‌ పల్క అరోరా చోప్రా పేర్కొన్నారు. ఇది స్టాక్‌ మార్కెట్లకు బలిమిని ఇవ్వగలదని అభిప్రాయపడ్డారు. అయితే వారాంతాన వెలువడను న్న జీడీపీ, ‘మౌలిక’ గణాంకాలపై ఇన్వెస్టర్లు దృష్టి పెట్టనున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. గత వారమిలా దేశీ స్టాక్‌ మార్కెట్లు భారీ అమ్మకాల నుంచి గత వారం చివర్లో యూటర్న్‌ తీసుకున్నాయి. దీంతో గత వారం మార్కెట్లు నికరంగా లాభాలతో ముగిశాయి. ఆటుపోట్ల మధ్య సెన్సెక్స్‌ 1,537 పాయింట్లు(2 శాతం) జమ చేసుకుని 79,117 వద్ద నిలిచింది. నిఫ్టీ సైతం 375 పాయింట్లు(1.6 శాతం) బలపడి 23,907 వద్ద స్థిరపడింది. వెరసి సెన్సెక్స్‌ 79,000ను అధిగమించగా.. నిఫ్టీ 24,000 పాయింట్లకు చేరువైంది. అయితే బీఎస్‌ఈ మిడ్‌ క్యాప్‌ ఇండెక్స్‌ 1.7% లాభపడగా.. స్మాల్‌ క్యాప్‌ 0.5 శాతమే పుంజుకుంది.అమ్మకాలకే ఎఫ్‌పీఐల మొగ్గు నవంబర్‌లో రూ. 26,533 కోట్లు ఇటీవల కొద్ది రోజులుగా దేశీ స్టాక్‌ మార్కెట్లలో అమ్మకాలకే ప్రాధాన్యత ఇస్తున్న విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) ఈ నెలలోనూ పెట్టుబడులను వెనక్కి తీసుకుంటున్నారు. వెరసి నవంబర్‌లో ఇప్పటి(22)వరకూ నికరంగా రూ. 26,533 కోట్ల విలువైన స్టాక్స్‌ విక్రయించారు. ఇందుకు ప్రధానంగా చైనా సహాయక ప్యాకేజీలకు తెరతీయడం, దేశీ కార్పొరేట్‌ క్యూ2 ఫలితాలు నిరాశపరచడం, ప్రపంచ అనిశి్చతులు, డాలరు బలపడటం వంటి అంశాలు కారణమవుతున్నట్లు విశ్లేషకులు పేర్కొన్నారు. అయితే అక్టోబర్‌లో నమోదైన విక్రయాలతో పోలిస్తే అమ్మకాల తీవ్రత తగ్గినట్లు తెలియజేశారు. అక్టోబర్‌లో ఎఫ్‌పీఐలు నికరంగా 11.2 బిలియన్‌ డాలర్ల(రూ. 94,107 కోట్లు) పెట్టుబడులను వెనక్కి తీసుకున్న సంగతి తెలిసిందే. అయితే అంతకుముందు సెపె్టంబర్‌లో అంతక్రితం 9 నెలల్లోనే అత్యధికంగా రూ. 57,724 కోట్లు ఇన్వెస్ట్‌ చేయడం గమనార్హం!

ప్రస్తుత ఆర్థిక సంవత్సరం(2024–25) రెండో త్రైమాసిక(జులై–సెప్టెంబర్‌) ఫలితాల సీజన్‌ ముగింపు దశకు చేరడంతో ఇకపై దేశీ స్టాక్‌ మార్కెట్లకు అంతర్జాతీయ పరిణామాలే దిక్సూచిగా నిలవనున్నట్లు విశ్లేషకులు పేర్కొంటున్నారు. దేశీయంగా ప్రభావిత అంశాలు కొరవడటం దీనికి కారణమని తెలియజేశారు. వివరాలు చూద్దాం.న్యూఢిల్లీ: దేశీ కార్పొరేట్‌ క్యూ2 ఫలితాలు దాదాపు ముగియనున్నాయి. దీంతో ఇకపై ఇన్వెస్టర్లు విదేశీ మార్కెట్లు, పెట్టుబడులు, గణాంకాలవైపు దృష్టి సారించనున్నట్లు స్టాక్‌ నిపుణులు అభిప్రాయపడ్డారు. బుధవారం(20న) మహారాష్ట్ర అసెంబ్లీ ఎన్నికల పోలింగ్‌ జరగనున్న నేపథ్యంలో బీఎస్‌ఈ, ఎన్‌ఎస్‌ఈలకు సెలవు ప్రకటించారు. దీంతో ఈ వారం దేశీ స్టాక్‌ మార్కెట్లు నాలుగు రోజులే పనిచేయనున్నాయి.కొద్ది రోజులుగా మార్కెట్లు నేలచూపులతో కదులుతున్న నేపథ్యంలో కొంతమేర షార్ట్‌కవరింగ్‌కు వీలున్నట్లు నిపుణులు అంచనా వేశారు. ఫలితంగా మార్కెట్లు ఆటుపోట్ల మధ్య కదలవచ్చని తెలియజేశారు. 288మంది సభ్యుల మహారాష్ట్ర లెజిస్లేటివ్‌ అసెంబ్లీ ఎన్నికల ఫలితాలు ఈ నెల 23న వెలువడనున్నాయి. కేంద్రంలో అధికారంలో ఉన్న బీజేపీసహా పలు పారీ్టలు ఎన్నికలలో పోటీ పడుతుండటంతో ఫలితాలకు ప్రాధాన్యత ఏర్పడింది. యూఎస్‌ ఎఫెక్ట్‌ కొత్త ప్రెసిడెంట్‌గా డొనాల్డ్‌ ట్రంప్‌ ఎన్నికైన నేపథ్యంలో ప్రపంచ ప్రధాన కరెన్సీలతో మారకంలో డాలరు ఇండెక్స్‌ బలపడుతోంది. గత వారాంతాన ఒక దశలో 106.66ను తాకింది. దీంతో దేశీ కరెన్సీ బలహీనపడుతూ వస్తోంది. గురువారం(14న) రూపాయి సరికొత్త కనిష్టం 84.41 వద్ద ముగిసింది. దీనికితోడు యూఎస్‌ ట్రెజరీ బాండ్ల ఈల్డ్స్‌ సైతం మెరుగుపడుతున్నాయి. గత వారం చివర్లో 4.5 శాతానికి చేరాయి. మరోవైపు చైనా సహాయక ప్యాకేజీలకు తెరతీస్తోంది. రియల్టీ రంగానికి వెసులుబాటు కల్పించింది. 5.3 ట్రిలియన్‌ డాలర్ల విలువైన మార్టీగేజ్‌ రుణ వ్యయాలుసహా.. డౌన్‌ పేమెంట్‌ను తగ్గించడం వంటి చర్యలు చేపట్టింది. ఈ అంశాల నేపథ్యంలో ఇటీవల కొద్ది రోజులుగా దేశీ స్టాక్స్‌ నుంచి విదేశీ పెట్టుబడులు భారీ స్థాయిలో తరలివెళుతున్నాయి. ఈ వారం జపాన్‌ ద్రవ్యోల్బణ గణాంకాలు విడుదల కానున్నాయి. యూఎస్‌ నిరుద్యోగిత, తయారీ, సరీ్వసుల రంగ గణాంకాలు సైతం వెల్లడికానున్నాయి. 10 శాతం దిద్దుబాటు.. గత వారం దేశీ స్టాక్‌ మార్కెట్లు విదేశీ ఇన్వెస్టర్ల అమ్మకాలతో డీలా పడ్డాయి. సెన్సెక్స్‌ 1,906 పాయింట్లు కోల్పోయి 77,580 వద్ద ముగిసింది. వెరసి రికార్డ్‌ గరిష్టం(86,000స్థాయి) నుంచి 8,395 పాయింట్లు(10 శాతం) పడిపోయింది. ఇక గత వారం నిఫ్టీ సైతం 616 పాయింట్లు క్షీణించి 23,533 వద్ద స్థిరపడింది. ఈ బాటలో చరిత్రాత్మక గరిష్టం(26,277) నుంచి 2,745 పాయింట్లు పతనమైంది.వర్ధమాన మార్కెట్లకు దెబ్బయూఎస్‌ బాండ్ల ఈల్డ్స్, డాలరు బలపడటంతో వర్ధమాన మార్కెట్లపై ప్రభావం పడుతున్నట్లు స్వస్తికా ఇన్వెస్ట్‌మార్ట్‌ సీనియర్‌ టెక్నికల్‌ అనలిస్ట్‌ ప్రవేశ్‌ గౌర్‌ పేర్కొన్నారు. క్యూ2 ఫలితాల సీజన్‌ ముగియడంతో ఇకపై మార్కెట్లు విదేశీ ఇన్వెస్టర్ల తీరు ఆధారంగా కదలవచ్చని రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా అభిప్రాయపడ్డారు. ట్రేడర్లు ప్రపంచ మార్కెట్ల ట్రెండ్‌ను అనుసరించే వీలున్నట్లు తెలియజేశారు. విదేశీ అంశాల నేపథ్యంలో ఈ వారం దేశీ మార్కెట్లు హెచ్చుతగ్గుల మధ్య కదిలే వీలున్నట్లు మోతీలాల్‌ ఓస్వాల్‌ ఫైనాన్షియల్‌ సరీ్వసెస్‌ వెల్త్‌మేనేజ్‌మెంట్, రీసెర్చ్‌ హెడ్‌ సిద్ధార్థ ఖేమ్కా అంచనా వేశారు.అమ్మకాల బాటలోనే...దేశీ స్టాక్స్‌లో విదేశీ పోర్ట్‌ఫోలియో ఇన్వెస్టర్ల(ఎఫ్‌పీఐలు) అమ్మకాలు కొనసాగుతున్నాయి. ఈ నెలలో ఇప్పటివరకూ నికరంగా రూ. 22,420 కోట్ల విలువైన స్టాక్స్‌ విక్రయించారు. యూఎస్‌ డాలర్‌తోపాటు ట్రెజరీ ఈల్డ్స్‌ బలిమి, చైనా ప్యాకేజీలు, దేశీ మార్కెట్ల గరిష్ట విలువల కారణంగా అమ్మకాలవైపు మొగ్గు చూపుతున్నారు. దీంతో గత నెల(అక్టోబర్‌)లో కొత్త రికార్డ్‌ నెలకొల్పుతూ రూ. 94,017 కోట్ల పెట్టుబడులను వెనక్కి తీసుకున్న విషయం విదితమే. ఇంతక్రితం 2020 మార్చిలో మాత్రమే ఈ స్థాయిలో రూ. 61,973 కోట్ల విలువైన స్టాక్స్‌ విక్రయించారు. అయితే ఈ ఏడాది సెపె్టంబర్‌లో 9 నెలల్లోనే అత్యధికంగా రూ. 57,724 కోట్లు ఇన్వెస్ట్‌ చేయడం గమనార్హం!

దేశీ స్టాక్‌ మార్కెట్లను ఈ వారం ప్రధానంగా కార్పొరేట్‌ ఫలితాలు నిర్దేశించనున్నాయి. గత వారాంతాన పలు దిగ్గజాలు జులై–సెపె్టంబర్‌(క్యూ2) ఫలితాలు వెల్లడించాయి. బ్యాంకింగ్‌ దిగ్గజాలు హెచ్‌డీఎఫ్‌సీ, కొటక్‌ మహీంద్రాసహా ఆర్‌బీఎల్‌ బ్యాంక్, యుకో బ్యాంక్, ఐటీ దిగ్గజం టెక్‌ మహీంద్రా ఈ ఆర్థిక సంవత్సరం(2024–25) రెండో త్రైమాసికం పనితీరు ప్రకటించాయి. దీంతో సోమవారం ప్రధానంగా ఈ కౌంటర్లలో యాక్టివిటీ కనిపించనున్నట్లు నిపుణులు భావిస్తున్నారు. కాగా.. ఈ వారం మరిన్ని రంగాలకు చెందిన బ్లూచిప్‌ కంపెనీలు క్యూ2 ఫలితాలు వెల్లడించనున్నాయి. జాబితాలో ఎఫ్‌ఎంసీజీ దిగ్గజాలు ఐటీసీ, హచ్‌యూఎల్, రిఫైనరీ దిగ్గజాలు బీపీసీఎల్, హెచ్‌పీసీఎల్, సిమెంట్‌ దిగ్గజం అల్ట్రాటెక్‌ తదితరాలున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. ఇదేవిధంగా ఫైనాన్స్‌ దిగ్గజాలు బజాజ్‌ ఫైనాన్స్, బజాజ్‌ ఫిన్‌సర్వ్, ఇటీవలే స్టాక్‌ ఎక్సే్ఛంజీలలో లిస్టయిన బజాజ్‌ హౌసింగ్‌ ఫైనాన్స్‌తోపాటు.. అదానీ గ్రీన్‌ ఎనర్జీ, వన్‌97 కమ్యూనికేషన్స్‌(పేటీఎమ్‌), జొమాటో, బ్యాంక్‌ ఆఫ్‌ బరోడా(బీవోబీ) సైతం ఫలితాలు ప్రకటించనున్నాయి. చమురు ధరలు సైతం ఇజ్రాయెల్, ఇరాన్‌ మధ్య ముదిరిన వివాదాలతో ఇటీవల ముడిచమురు ధరలకు రెక్కలొస్తున్నాయి. వారాంతాన బ్రెంట్‌ చమురు బ్యారల్‌ 75 డాలర్లకు చేరింది. దీనికిజతగా అన్నట్లు విదేశీ మార్కెట్లో పసిడి ఔన్స్‌(31.1 గ్రాములు) 2,730 డాలర్ల ఆల్‌టైమ్‌ గరిష్టాన్ని దాటింది. చమురు, పసిడి ధరల పెరుగుదల వాణిజ్యలోటును పెంచే వీలుంది. దీనికితోడు ఇటీవల డాలరుతో మారకంలో రూపాయి బలహీనపడుతోంది. చరిత్రత్మాక కనిష్టం 84కు బలహీనపడి కదులుతోంది. ఇవి ప్రతికూల అంశాలుగా మార్కెట్‌ విశ్లేషకులు ప్రస్తావిస్తున్నారు. ఇరాన్‌– ఇజ్రాయెల్‌ యుద్ధ భయాలు, చమురు ధరల సెగ మార్కెట్లలో ఆటుపోట్లకు కారణమయ్యే అవకాశమున్నట్లు స్వస్తికా ఇన్వెస్ట్‌మార్ట్‌ సీనియర్‌ టెక్నికల్‌ అనలిస్ట్‌ ప్రవేష్‌ గౌర్‌ తెలియజేశారు. ఈ నేపథ్యంలో ఇన్వెస్టర్లు కార్పొరేట్‌ ఫలితాలను నిశితంగా గమనిస్తారని మిశ్రా చెబుతున్నారు. గత వారమిలా పలు ఆటుపోట్ల మధ్య గత వారం దేశీ స్టాక్‌ మార్కెట్లు స్వల్ప వెనకడుగు వేశాయి. బీఎస్‌ఈ సెన్సెక్స్‌ నికరంగా 157 పాయింట్లు(0.2 శాతం) క్షీణించి 81,225 వద్ద ముగిసింది. నిఫ్టీ కొంత అధికంగా 110 పాయింట్లు(0.4 శాతం) నీరసించి 24,854 వద్ద నిలిచింది. బీఎస్‌ఈ మిడ్‌ క్యాప్‌ ఇండెక్స్‌ 0.2 శాతమే నష్టపోగా.. స్మాల్‌ క్యాప్‌ 1 శాతంపైగా క్షీణించింది. ఎఫ్‌పీఐ అమ్మకాలు భౌగోళిక, రాజకీయ అనిశి్చతులు, చైనా ఆర్థిక వ్యవస్థ మందగమనం కారణంగా సెంటిమెంటు బలహీనపడినట్లు మెహతా ఈక్విటీస్‌ సీనియర్‌ వైస్‌ప్రెసిడెంట్‌(రీసెర్చ్‌) ప్రశాంత్‌ తాప్సే పేర్కొన్నారు. మరోపక్క దేశీ స్టాక్స్‌లో విదేశీ పోర్ట్‌ఫోలియో ఇన్వెస్టర్ల(ఎఫ్‌పీఐలు) నిరవధిక అమ్మకాలు ఇన్వెస్టర్లలో ఆందోళనలకు తెరతీస్తున్నట్లు వివరించారు. ఈ నెలలో ఇప్పటివరకూ ఎఫ్‌పీఐలు దేశీ స్టాక్స్‌లో నికరంగా రూ. 74,700 కోట్ల విలువైన అమ్మకాలు చేట్టారు. అయితే ఇందుకు ధీటుగా దేశీ సంస్థాగత ఇన్వెస్టర్లు(డీఐఐలు) కొనుగోళ్లు చేపడుతుండటం గమనార్హం! ఈ ట్రెండ్‌ సమీపకాలంలో కొనసాగవచ్చని జియోజిత్‌ ఫైనాన్షియల్‌ సర్వీసెస్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయ్‌కుమార్‌ అభిప్రాయపడ్డారు. చైనా స్టాక్స్‌ చౌకగా లభిస్తుండటం, దేశీ మార్కెట్లు అధిక విలువలకు చేరుకోవడం ఎఫ్‌పీఐలపై ప్రభావం చూపుతున్నట్లు విశ్లేíÙంచారు. కాగా.. క్యూ2లో హెచ్‌డీఎఫ్‌సీ బ్యాంక్‌ 6 శాతం వృద్ధితో రూ. 17,286 కోట్ల నికర లాభాన్ని ప్రకటించింది. కొటక్‌ బ్యాంక్‌ 13 శాతం అధికంగా రూ. 5,044 కోట్ల నికర లాభం ఆర్జించింది. టెక్‌ మహీంద్రా 60.3 కోట్ల డాలర్ల(రూ. కోట్లు) విలువైన కొత్త డీల్స్‌ కుదుర్చుకుంది. ఈ వివరాలు శనివారం(19న) వెల్లడయ్యాయి. వీటి ప్రభావం నేడు(21న) ఆయా స్టాక్స్‌పై కనిపించనున్నట్లు విశ్లేషకులు అంచనా వేశారు.క్యూ2 ఫలితాలదే పైచేయిఆరి్టఫిషియల్‌ ఇంటెలిజెన్స్‌ ఆధారిత సొల్యూషన్స్‌ అందించే బ్లూ క్లౌడ్‌ సాఫ్టెక్‌ సంస్థ తమ షేర్లను 2:1 నిష్పత్తిలో విభజించనుంది. ఈ ప్రతిపాదనకు బోర్డు ఆమోదం తెలిపినట్లు వివరించింది. దీని ప్రకారం రూ. 2 ముఖ విలువ ఉండే ఒక్కో షేరును రూ. 1 ముఖ విలువ ఉండే షేరుగా విభజిస్తారు. కంపెనీ ఇటీవలే బ్లూహెల్త్‌ అప్లికేషన్, బ్లూరా, ఎడ్యుజీనీ, బయోస్టర్‌ పేరిట నాలుగు ఆరి్టఫిషియల్‌ ఇంటెలిజెన్స్‌ ఆధారిత ఉత్పత్తులను ఆవిష్కరించింది.నవంబర్‌ 1న ముహూరత్‌ ట్రేడింగ్‌దీపావళి సందర్భంగా బీఎస్‌ఈ, ఎన్‌ఎస్‌ఈ రెడీ స్టాక్‌ ఎక్సే్ఛంజీ దిగ్గజాలు బీఎస్‌ఈ, ఎన్‌ఎస్‌ఈ దీపావళి పండుగ సందర్భంగా యథావిధిగా ముహూరత్‌(మూరత్‌) ట్రేడింగ్‌ను చేపట్టనున్నాయి. ఇందుకు నవంబర్‌ 1న(శుక్రవారం) సాయంత్రం 6 నుంచి 7వరకూ గంటపాటు ప్రత్యేక ట్రేడింగ్‌కు తెరతీయనున్నాయి. తద్వారా స్టాక్‌ మార్కెట్‌కు కొత్త ఏడాది సంవత్‌ 2081 ప్రారంభంకానున్నట్లు ఎక్సే్ఛంజీలు ఒక ప్రకటనలో తెలియజేశాయి. హిందువుల క్యాలండర్‌ ప్రకారం దీపావళికి ప్రారంభమయ్యే కొత్త ఏడాది తొలి రోజు చేపట్టే ముహూరత్‌ ట్రేడింగ్‌ ఆర్థికంగా శుభాన్ని, లాభాన్ని కలగజేస్తుందని స్టాక్‌ మార్కెట్‌ వర్గాలు భావిస్తుంటాయి. కాగా.. దీపావళి రోజు మార్కెట్లలో సాధారణ ట్రేడింగ్‌ ఉండదు. దీనిస్థానే సాయంత్రం గంటపాటు ప్రత్యేక ట్రేడింగ్‌ను నిర్వహిస్తారు. 5.45కల్లా ప్రీఓపెనింగ్‌ సెషన్‌ ప్రారంభమవుతుంది. ఈక్విటీ, ఎఫ్‌అండ్‌వో, కమోడిటీ, కరెన్సీ డెరివేటివ్స్‌ ట్రేడింగ్‌కు వీలుంటుంది.పీఎస్‌యూలలో ట్రేడింగ్‌కు నో ప్రభుత్వ అధికారులకు దీపమ్‌ ఆదేశాలుప్రభుత్వ రంగ కంపెనీ(పీఎస్‌యూ)ల షేర్లలో ట్రేడింగ్‌ చేపట్టవద్దంటూ ఆర్థిక శాఖ నిర్వహణలోని దీపమ్‌ అంతర్గత ఆదేశాలు జారీ చేసింది. ఆయా కంపెనీలకు సంబంధించిన మార్కెట్లపై ప్రభావం చూపగల రహస్య సమాచారం అందుబాటులో ఉంటుందన్న యోచనతో దీపమ్‌ తాజా నిర్ణయం తీసుకుంది. ఆయా శాఖలలో చేరేందుకు ఎంపికయ్యే వ్యక్తులు పీఎస్‌యూలలో షేర్లను కలిగి ఉంటే ముందుగానే వెల్లడించవలసిందిగా తెలియజేసింది. అధికారిక అనుమతులు పొందాక మాత్రమే వీటిని విక్రయించేందుకు వీలుంటుందని వివరించింది. పీఎస్‌యూలలో ప్రభుత్వ ఈక్విటీని దీపమ్‌ మేనేజ్‌ చేస్తుంటుంది. అంతేకాకుండా పీఎస్‌యూలలో ప్రభుత్వానికి చెందిన మైనారిటీ వాటా లేదా వ్యూహాత్మక వాటాల విక్రయం, ఎంపిక చేసిన కంపెనీల ప్రయివేటైజేషన్‌ తదితరాలను చేపట్టే సంగతి తెలిసిందే. వెరసి షేర్ల ధరలను ప్రభావితం చేయగల సమాచారం అందుబాటులో ఉంటుందన్న కారణంతో పీఎస్‌యూలలో ట్రేడింగ్‌ చేపట్టవద్దంటూ ప్రభుత్వ అధికారులకు అంతర్గత ఆదేశాల ద్వారా దీపమ్‌ స్పష్టం చేసింది. డిజిన్వెస్ట్‌మెంట్‌లో భాగంగా ప్రభుత్వం గతేడాది(2023–24) రూ. 16,507 కోట్ల విలువైన సీపీఎస్‌ఈ షేర్లను విక్రయించిన విషయం విదితమే. అంతక్రితం ఏడాది(2022–23)లోనూ రూ. 35,294 కోట్లు సమీకరించింది. ఈ ఆర్థిక సంవత్సరం(2024–25) జీఐసీ, కొచిన్‌ షిప్‌యార్డ్‌లలో మైనారిటీ వాటాల విక్రయం ద్వారా రూ. 5,160 కోట్లు అందుకుంది.చిన్నషేర్ల ఫండ్స్‌కు భారీ పెట్టుబడులు 6 నెలల్లో రూ. 30,352 కోట్లు ప్రస్తుత ఆర్థిక సంవత్సరం(2024–25) తొలి ఆరు నెలల్లో మధ్య, చిన్నతరహా షేర్ల ఫండ్స్‌కు మరోసారి పెట్టుబడులు భారీగా తరలివచ్చాయి. వెరసి ఏప్రిల్‌–సెపె్టంబర్‌ మధ్య మిడ్, స్మాల్‌ క్యాప్‌ ఫండ్స్‌కు రూ. 30,352 కోట్లు ప్రవహించాయి. మ్యూచువల్‌ ఫండ్‌ అసోసియేషన్‌(యాంఫీ) వివరాల ప్రకారం మిడ్‌క్యాప్‌ ఫండ్స్‌ రూ. 14,756 కోట్లు, స్మాల్‌క్యాప్‌ ఫండ్స్‌ రూ. 15,586 కోట్లు చొప్పున పెట్టుబడులను ఆకట్టుకున్నాయి. ఇందుకు మధ్య, చిన్నతరహా షేర్ల విభాగాలు ఆకట్టుకునే స్థాయిలో రిటర్నులు సాధించడం ప్రభావం చూపింది. గతేడాది(2023–24) తొలి ఆరు నెలల్లోనూ మిడ్, స్మాల్‌ క్యాప్‌ ఫండ్స్‌కు రూ. 32,924 కోట్ల పెట్టుబడులు లభించాయి. ఓవైపు క్యాపిటల్‌ మార్కెట్ల నియంత్రణ సంస్థ సెబీ ఈ అంశంపై ఆందోళనలు వ్యక్తం చేసినప్పటికీ ఈ ఏడాది పెట్టుబడులు కొనసాగడం గమనార్హం! అధిక రిటర్నులు మిడ్, స్మాల్‌ క్యాప్స్‌ అత్యధిక లాభాలు అందించగలవన్న ఇన్వెస్టర్ల విశ్వాసమే ఇందుకు కారణమని ట్రస్ట్‌ మ్యూచువల్‌ ఫండ్‌(ఎంఎఫ్‌) సీఈవో సందీప్‌ బాగ్లా, ట్రేడ్‌జినీ సీవోవో ట్రివేష్‌ పేర్కొన్నారు. ఇకపైన కూడా చిన్న షేర్లు వేగవంతంగా వృద్ధి చెందనున్నట్లు అభిప్రాయపడ్డారు. అధిక వృద్ధిగల రంగాలలో ఇన్వెస్టర్లు పెట్టుబడులకు ఆసక్తి చూపుతున్నట్లు తెలియజేశారు. వెరసి స్మాల్‌ క్యాప్‌ ఫండ్స్‌ పోర్ట్‌ఫోలియో కేటాయింపుల్లో భాగమైపోయినట్లు వివరించారు. ఈ ఏడాది ఇప్పటివరకూ మిడ్‌ క్యాప్‌ ఇండెక్స్‌ 20 శాతం, స్మాల్‌ క్యాప్‌ 24 శాతం చొప్పున ర్యాలీ చేశాయి. తద్వారా నిఫ్టీ, లార్జ్‌క్యాప్‌ ఇండెక్సులను అధిగమించాయి. 2024 మార్చిలో స్ట్రెస్‌ టెస్ట్‌ సైతం ఇందుకు కీలకపాత్ర పోషించినట్లు ఆనంద్‌ రాఠీ వెల్త్‌ డిప్యూటీ సీఈవో ఫిరోజ్‌ అజీజ్‌ తెలియజేశారు. దీంతో ఫండ్‌ మేనేజర్లు మార్కెట్‌ ఆటుపోట్లను సమర్థవంతంగా ఎదుర్కొనేందుకు సిద్ధపడినట్లు వివరించారు.సాక్షి, బిజినెస్‌ డెస్క్‌

ప్రపంచ ఫైనాన్షియల్‌ మార్కెట్లపై ప్రభావాన్ని చూపే అమెరికా ఫెడరల్‌ రిజర్వ్‌ ఇప్పటికే వడ్డీ రేట్ల తగ్గింపు బాట పట్టింది. గత పాలసీ సమీక్షలో 0.5 శాతం వడ్డీ రేటును తగ్గించింది. ఈ ప్రభావం దేశీ కేంద్ర బ్యాంకు ఆర్‌బీఐపైనా ఉండవచ్చని బ్యాంకింగ్‌ వర్గాలు భావిస్తున్నాయి. ఈ నేపథ్యంలో దేశీ స్టాక్‌ మార్కెట్లు ప్రభావితంకానున్నట్లు విశ్లేషకులు పేర్కొంటున్నారు. వివరాలు చూద్దాం.. దేశీ స్టాక్‌ మార్కెట్లు నేటి(7) నుంచి ప్రారంభంకానున్న రిజర్వ్‌ బ్యాంక్‌ పాలసీ సమీక్షా సమావేశాలపై దృష్టి పెట్టనున్నాయి. ఆర్‌బీఐ గవర్నర్‌ శక్తికాంత దాస్‌ అధ్యక్షతన మానిటరీ పాలసీ కమిటీ(ఎంపీసీ) బుధవారం(9న) పరపతి నిర్ణయాలను తీసుకోనుంది. వెరసి ఈ వారం ఇన్వెస్టర్లు ఆర్‌బీఐ పాలసీ నిర్ణయాలపై అధికంగా దృష్టి సారించనున్నట్లు మార్కెట్‌ నిపుణులు పేర్కొంటున్నారు. గత నెల18న యూఎస్‌ ఫెడ్‌ నాలుగేళ్ల తదుపరి యూటర్న్‌ తీసుకుంటూ వడ్డీ రేట్లలో 0.5 శాతం కోత పెట్టింది. దీంతో ఫెడ్‌ ఫండ్స్‌ రేట్లు 4.75–5 శాతానికి దిగివచ్చాయి. ఫెడ్‌ పాలసీ నిర్ణయాల వివరాలు(మినిట్స్‌) బుధవారం వెల్లడికానున్నాయి. అయితే దేశీయంగా ద్రవ్యోల్బణ పరిస్థితులు, మధ్యప్రాచ్య అనిశి్చతులు వంటి అంశాల నేపథ్యంలో ఆర్‌బీఐ యథాతథ పాలసీ అమలుకే మొగ్గు చూపవచ్చని బ్యాంకింగ్‌ వర్గాలు భావిస్తున్నాయి. ప్రస్తుతం దేశీయంగా వడ్డీ రేట్లకు కీలకమైన రెపో రేటు 6.5 శాతంగా అమలవుతోంది. ఫలితాల సీజన్‌ షురూ ఈ వారం నుంచి దేశీ కార్పొరేట్‌ జులై–సెపె్టంబర్‌ (క్యూ2) ఫలితాల సీజన్‌ ప్రారంభంకానుంది. ప్రధానంగా ఐటీ దిగ్గజాలు ప్రస్తుత ఆరి్థక సంవత్సరం(2024–25) క్యూ2 ఫలితాల సీజన్‌కు తెరతీయనున్నాయి. జాబితాలో టాటా గ్రూప్‌ దిగ్గజాలు టీసీఎస్, టాటా ఎలక్సీ 10న క్యూ2 పనితీరు వెల్లడించనున్నాయి. ఈ బాటలో డెన్‌ నెట్‌వర్క్స్, జీఎం బ్రూవరీస్, ఇరెడా సైతం ఇదే రోజు ఫలితాలు ప్రకటించనున్నాయి. కాగా.. పశ్చిమాసియాలో కొనసాగుతున్న యుద్ధ వాతావరణం సెంటిమెంటుపై ప్ర భావాన్ని చూపగలదని స్వస్తికా ఇన్వెస్ట్‌మార్ట్‌ సీనియర్‌ టెక్నికల్‌ నిపుణులు ప్రవేశ్‌ గౌర్‌ అంచనా వేశారు. మధ్యప్రా చ్య ఉద్రిక్తతలతో సెన్సెక్స్‌ 85,000, నిఫ్టీ 26,000 పాయింట్ల మైలురాళ్లను స్వల్ప కాలంలోనే కోల్పోయినట్లు జియోజిత్‌ ఫైనాన్షియల్‌ సర్వీసెస్‌ రీసెర్చ్‌ హెడ్‌ వినోద్‌ నాయిర్‌ పేర్కొన్నారు. గత వారం మార్కెట్లు 4 శాతం పతనమైన సంగతి తెలిసిందే. ఇతర అంశాలు కీలకం ఆర్‌బీఐ పాలసీ సమీక్ష, పశి్చమాసియా ఉద్రిక్తతలతోపాటు.. విదేశీ ఇన్వెస్టర్ల పెట్టుబడులు లేదా విక్రయాలు, ఆరు ప్రధాన కరెన్సీలతో మారకంలో డాలరు ఇండెక్స్‌ కదలికలు, చమురు ధరలు వంటి అంశాలు సైతం దేశీ స్టాక్‌ మార్కెట్లలో ట్రెండ్‌ను నిర్దేశిస్తాయని రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా వివరించారు. మాస్టర్‌ క్యాపిటల్‌ సరీ్వసెస్‌ డైరెక్టర్‌ పల్కా ఆరోరా చోప్రా సైతం ఇదే అభిప్రాయాన్ని వ్యక్తం చేశారు. గత వారం పశి్చమాసియాలో చెలరేగిన యుద్ధవాతావరణం, విదేశీ పోర్ట్‌ఫోలియో ఇన్వెస్టర్ల భారీ అమ్మకాలు దేశీ మార్కెట్లను దెబ్బతీసిన విషయం విదితమే. సెన్సెక్స్‌ 3,883 పాయింట్లు(4.5 శాతం) పతనమై 81,688 వద్ద స్థిరపడింది. నిఫ్టీ సైతం 1,164 పాయింట్లు(4.5 శాతం) కోల్పోయి 25,015 వద్ద ముగిసింది. దీంతో గత వారం ఇన్వెస్టర్ల సంపదగా పిలిచే లిస్టెడ్‌ కంపెనీల మార్కెట్‌ క్యాపిటలైజేషన్‌(విలువ)లో రూ. 16.25 లక్షల కోట్లు ఆవిరికావడం ప్రస్తావించదగ్గ అంశం! కాగా.. దేశీయంగా లిక్విడిటీ పటిష్టంగా ఉన్నదని గౌర్‌ పేర్కొన్నారు. ప్రస్తుతం అధిక విలువల్లో ఉన్న రంగాల నుంచి ఆకర్షణీయ విలువల్లో ఉన్న స్టాక్స్‌వైపు పెట్టుబడులు తరలే వీలున్నట్లు అభిప్రాయపడ్డారు. ఎఫ్‌పీఐల భారీ అమ్మకాలుఇటీవలి యుద్ధ వాతావరణం నేపథ్యంలో ఉన్నట్టుండి విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) అమ్మకాల బాట పట్టారు. దేశీ స్టాక్స్‌ నుంచి పెట్టుబడులను వెనక్కి తీసుకునేందుకే ప్రాధాన్యత ఇస్తున్నారు. దీంతో ఈ నెల(అక్టోబర్‌)లో భారీ గా అమ్మకాలకు తెరతీశారు. ఈ నెలలో తొలి మూడు(1–4 మధ్య) సెషన్లలోనే భారీగా రూ. 27,142 కోట్ల విలువైన స్టాక్స్‌ విక్రయించారు. ఇందుకు ముడిచమురు ధరలు జోరందుకోవడం, చైనాలో సహాయక ప్యాకేజీల ప్రకటనలు సైతం ప్రభావం చూపాయి. అయితే సెపె్టంబర్‌లో గత తొమ్మిది నెలల్లోనే అత్యధికంగా దేశీ స్టాక్స్‌లో రూ. 57,724 కోట్లు ఇన్వెస్ట్‌ చేసిన ఎఫ్‌పీఐలు పశి్చమాసియాలో ఉద్రిక్తతలు ఊపందుకోవడంతో అమ్మకాల యూటర్న్‌ తీసుకున్నట్లు విశ్లేషకులు పేర్కొన్నారు. ఈ ఏడాది ఏప్రిల్, మే నెలల్లో అమ్మకాలకే ప్రాధాన్యమిచి్చన ఎఫ్‌పీఐలు జూన్‌ నుంచి కొనుగోళ్లకు ఆసక్తి చూపుతున్న విషయం విదితమే. – సాక్షి, బిజినెస్‌ డెస్క్‌

ముంబై: అనిశి్చతికి తెరదించుతూ మూడోసారి బీజేపీ కూటమి అధికారాన్ని చేపట్టనుండటంతో వరుసగా రెండో రోజు దేశీ స్టాక్‌ మార్కెట్లు లాభాల దౌడు తీశాయి. సెన్సెక్స్‌ 692 పాయింట్లు జంప్‌చేసింది. 75,000 పాయింట్ల మైలురాయిని అధిగమించి 75,075 వద్ద ముగిసింది. నిఫ్టీ సైతం 201 పాయింట్లు ఎగసి 22,821 వద్ద నిలిచింది. తొలుత ఒక దశలో గరిష్టంగా సెన్సెక్స్‌ 75,298కు చేరగా.. నిఫ్టీ 22,910ను తాకింది. వెరసి సెన్సెక్స్‌ 915 పాయింట్లు, నిఫ్టీ 290 పాయింట్లు చొప్పున దూసుకెళ్లాయి. దీంతో బీజేపీకి మెజారిటీ లభించకపోవడంతో మంగళవారం నమోదైన రూ. 31 లక్షల కోట్ల మార్కెట్‌ విలువ నష్టంలో చాలావరకూ రికవరైంది. గత రెండు రోజుల్లో బీఎస్‌ఈ మార్కెట్‌ క్యాప్‌ రూ. 21 లక్షల కోట్లకుపైగా బలపడింది. ఫలి తంగా బీఎస్‌ఈ మార్కెట్‌ క్యాప్‌ దాదాపు రూ. 416 లక్షల కోట్లకు(4.98 ట్రిలియన్‌ డాలర్లు) చేరింది. నేటి ఆర్‌బీఐ పాలసీ నిర్ణయాలపై దృష్టినేడు(శుక్రవారం) ఆర్‌బీఐ పాలసీ సమీక్ష నిర్ణయాలు వెలువడనున్న నేపథ్యంలో ఇకపై ఇన్వెస్టర్ల దృష్టి వడ్డీ రేట్లవైపు మళ్లనున్నట్లు మార్కెట్‌ నిపుణులు వివరించారు. కాగా.. రియలీ్ట, మీడియా, పీఎస్‌యూ బ్యాంక్స్, ఐటీ, ఆయిల్, మెటల్‌ రంగాలు 5–1.5 శాతం మధ్య లాభపడ్డాయి. మరోవైపు హిందాల్కో, హీరోమోటో కార్ప్, ఏషియన్‌ పెయింట్స్, ఎంఅండ్‌ఎం, నెస్లే, ఇండస్‌ఇండ్, సిప్లా, బ్రిటానియా 2.4–1% మధ్య నీరసించాయి.కాగా, బీఎస్‌ఈలో ట్రేడైన షేర్లలో 2,981 లాభపడితే.. కేవలం 878 నష్టపోయాయి. నగదు విభాగంలో విదేశీ ఇన్వెస్టర్లు(ఎఫ్‌పీఐలు) మరోసారి అమ్మకాలకే ప్రాధాన్యమిచ్చారు. రూ. 6,868 కోట్ల విలువైన స్టాక్స్‌ విక్రయించారు. దేశీ ఫండ్స్‌ మాత్రం రూ. 3,718 కోట్లు ఇన్వెస్ట్‌ చేశాయి. గత 2 రోజుల్లో ఎఫ్‌పీఐలు రూ. 18,000 కోట్ల పెట్టుబడులు వెనక్కి తీసు కున్నారు.బీహెచ్‌ఈఎల్‌ 9% జంప్‌ అదానీ పవర్‌ రూ. 3,500 కోట్ల భారీ ఆర్డర్‌ నేపథ్యంలో బీహెచ్‌ఈఎల్‌ షేరు తాజాగా 9 శాతం జంప్‌చేసింది. రూ. 278 వద్ద ముగిసింది. ఇంట్రాడేలో 15% దూసుకెళ్లి రూ. 292ను అధిగమించింది. మార్కెట్‌ విలువ రూ. 7,974 కోట్లు బలపడి రూ. 96,854 కోట్లకు చేరింది. అదానీ షేర్లు జూమ్‌ వరుసగా రెండో రోజు అదానీ గ్రూప్‌ కౌంటర్లకు డిమాండ్‌ నెలకొంది. గ్రూప్‌లోని 10 లిస్టెడ్‌ కంపెనీలలో అదానీ పోర్ట్స్‌ స్వల్ప వెనకడుగు వేయగా.. ఎనర్జీ సొల్యూషన్స్, టోటల్‌ గ్యాస్, ఎన్‌డీటీవీ, పవర్, విల్మర్, ఏసీసీ, ఎంటర్‌ప్రైజెస్, గ్రీన్‌ ఎనర్జీ, అంబుజా 5– 2 శాతం మధ్య ఎగశాయి. గ్రూప్‌ మార్కెట్‌ విలువ రూ. 17 లక్షల కోట్లను అధి గమించింది.

ముంబై: చివరి గంటలో ఒక్కసారిగా ఊపందుకున్న అమ్మకాలు దేశీ స్టాక్‌ మార్కెట్లను దెబ్బతీశాయి. సెన్సెక్స్‌ 354 పాయింట్లు పతనమై 71,731 వద్ద ముగిసింది. నిఫ్టీ 82 పాయింట్లు కోల్పోయి 21,772 వద్ద నిలిచింది. అయితే తొలుత హుషారుగా ప్రారంభమైన మార్కెట్లు పరిమిత శ్రేణిలో స్వల్ప లాభాల మధ్య కదిలాయి. చివర్లో ఇన్వెస్టర్లు అమ్మకాలు చేపట్టడంతో కుదేలయ్యాయి. వెరసి ఒక దశలో 72,386 వద్ద ఇంట్రాడే గరిష్టాన్ని తాకిన సెన్సెక్స్‌ చివర్లో 71,602 వరకూ నీరసించింది. నిఫ్టీ సైతం 21,964– 21,727 పాయింట్ల మధ్య హెచ్చుతగ్గులను చవిచూసింది. ఆసియా, యూరప్‌ మార్కెట్ల బలహీనతలు సెంటిమెంటును దెబ్బతీసినట్లు మార్కెట్‌ విశ్లేషకులు పేర్కొన్నారు. బ్లూచిప్స్‌ రిలయన్స్, ఎయిర్‌టెల్, మారుతీ సైతం ఇండెక్సులను బలహీనపరచినట్లు పేర్కొన్నారు. కారణాలివీ... జనవరి నెలకు యూఎస్‌ ఉద్యోగ గణాంకాలు బలపడటంతో ఫెడరల్‌ రిజర్వ్‌ వడ్డీ రేట్ల తగ్గింపునకు మొగ్గు చూపకపోవచ్చన్న అంచనాలు పెరిగినట్లు నిపుణులు తెలియజేశారు. ఇటీవల యూఎస్‌ ట్రెజరీ బాండ్ల ఈల్డ్స్‌ 4 శాతం ఎగువకు చేరడం, దేశీయంగా తాత్కాలిక బడ్జెట్‌కు ముందు మార్కెట్ల ర్యాలీ వంటి అంశాలు ఇన్వెస్టర్లను లాభాల స్వీకరణకు ఉసిగొలి్పనట్లు విశ్షించారు. దిగ్గజాల తీరిలా నిఫ్టీ దిగ్గజాలలో టాటా మోటార్స్‌ 6 శాతం ఎగసింది. కోల్‌ ఇండియా, బీపీసీఎల్, సన్‌ ఫార్మా, సిప్లా, ఓఎన్‌జీసీ, ఎంఅండ్‌ఎం, పవర్‌గ్రిడ్, టాటా స్టీల్‌ 5–2% మధ్య జంప్‌చేశాయి. అయితే యూపీఎల్‌ 11 శాతం పతనంకాగా.. బజాజ్‌ ఫైనాన్స్, ఫిన్, ఎయిర్‌టెల్, హెచ్‌డీఎఫ్‌సీ లైఫ్, గ్రాసిమ్,  మారుతీ, అ్రల్టాటెక్, హెచ్‌సీఎల్‌ టెక్, టైటన్, అపోలో హాస్పిటల్, జేఎస్‌డబ్ల్యూ స్టీల్, హెచ్‌యూఎల్, ఆర్‌ఐఎల్‌ 3.2–1.2 శాతం మధ్య క్షీణించాయి. క్యూ3 ఫలితాల నిరాశతో యూపీఎల్‌ 11 శాతం పతనమైంది.    షేర్ల స్పీడ్‌... టాటా మోటార్స్‌: క్యూ3 (అక్టోబర్‌–డిసెంబర్‌)లో నికర లాభం రెట్టింపై రూ. 7,100 కోట్లను తాకడంతో 6 శాతం జంప్‌చేసి రూ. 950 వద్ద ముగిసింది. ఇంట్రాడేలో 8 శాతం దూసుకెళ్లి రూ. 950 వద్ద చరిత్రాత్మక గరిష్టాన్ని అందుకుంది! కంపెనీ మార్కెట్‌ విలువ రూ. 15,950 కోట్లు బలపడి రూ. 3.07 లక్షల కోట్లను దాటింది. ఎల్‌ఐసీ: లిస్టయిన తదుపరి తొలిసారి రూ. 1,000 మార్క్‌ను అందుకుంది. 6 శాతం లాభపడింది. తద్వారా రూ. 6 లక్షల కోట్ల మార్కెట్‌ విలువను అధిగమించింది. ఒక్క రోజులో రూ. 35,230 కోట్లను జమ చేసుకుంది. విలువరీత్యా గత నెలలో ఎస్‌బీఐను దాటేసింది.

ముంబై: దేశీయ స్టాక్‌ మార్కెట్‌ ఈ వారం కూడా లాభాలు ఆర్జించవచ్చని నిపుణులు అంచనా వేస్తున్నారు. ప్రపంచ ఈక్విటీ మార్కెట్లలోని సానుకూల సంకేతాలు, బడ్జెట్‌(2024–25)పై సమగ్ర విశ్లేషణ తర్వాత మార్కెట్‌ వర్గాల ప్రశంసనీయ వ్యాఖ్యలు, గతవారం వెలువడిన కొన్ని స్థూల ఆర్థిక గణాంకాలు మెప్పించడం తదితర అంశాలు సూచీలను లాభాల వైపు నడిపిస్తాయంటున్నారు. ఇక మంగళవారం నుంచి ప్రారంభం కానున్న ఆర్‌బీఐ ద్రవ్య పాలసీ కమిటీ నిర్ణయాలు, దేశీయ మార్కెట్లో విదేశీ పెట్టుబడుల తీరుతెన్నులు, కార్పొరేట్‌ క్యూ3 ఆర్థిక ఫలితాలు ట్రేడింగ్‌పై ప్రభావం చూపొచ్చంటున్నారు. వీటితో పాటు డాలర్‌ మారకంలో రూపాయి విలువ, కమోడిటీ, క్రూడాయిల్‌ ధరలు, బాండ్లపై రాబడులపై ఇన్వెస్టర్లు దృష్టి సారించే వీలుందంటున్నారు.  బడ్జెట్లో ద్రవ్యలోటు తగ్గింపు లక్ష్యం, మూలధన వ్యయ కేటాయింపు పెంపుతో పాటు ప్రపంచ ఈక్విటీ మార్కెట్ల నుంచి సానుకూల సంకేతాలు అందుకోవడంతో గతవారంలో సూచీలు 2% ర్యాలీ చేశాయి. ఐటీ, ప్రభుత్వరంగ బ్యాంకుల షేర్లతో పాటు అధిక వెయిటేజీ రిలయన్స్‌ షేరు రికార్డు ర్యాలీ నేపథ్యంలో వారం మొత్తంగా సెన్సెక్స్‌ 1,385 పాయింట్లు, నిఫ్టీ 502 పాయింట్లు చొప్పున ఆర్జించాయి.   ‘‘నిఫ్టీ కొత్త రికార్డు(22,127) నమోదు, పాలసీ వెల్లడికి ముందు స్టాక్‌ మార్కెట్లో కొంత స్థిరీకరణ జరగొచ్చు. అయితే ప్రపంచ ఈక్విటీ మార్కెట్లోని సానుకూల సంకేతాలు బుల్స్‌కు అనుకూలంగా ఉన్నాయి. నిఫ్టీ సాంకేతికంగా కీలకమైన 21,850 స్థాయిపై ముగిసింది. లాభాలు కొనసాగితే ఎగువున 22,350 స్థాయిని చేధించాల్సి ఉంటుంది. లాభాల స్వీకరణ చోటు చేసుకుంటే 21,640 పాయింట్ల వద్ద కీలక మద్దతు లభిస్తుంది’’ అనిమాస్టర్‌ క్యాపిటల్‌ సరీ్వసెస్‌ వైస్‌ ప్రెసిడెంట్‌ అరవింద్‌ సింగ్‌ నందా తెలిపారు.   క్యూ3 ఆర్థిక ఫలితాల ప్రభావం దేశీయ కార్పొరేట్‌ కంపెనీలు క్యూ3 ఆర్థిక ఫలితాల ప్రకటన తుది అంకానికి చేరుకుంది. భారతీ ఎయిర్‌టెల్, బ్రిటానియా, నెస్లే ఇండియా, పవర్‌ గ్రిడ్, టాటా కన్జూమర్‌ ప్రోడక్ట్స్, గ్రాసీం ఇండస్ట్రీస్, హీరో మోటోకార్ప్, దివీస్‌ ల్యాబ్స్, ఓఎన్‌జీసీతో సహా ఈ వారంలో 1,200 కంపెనీలు తమ డిసెంబర్‌ ఫలితాలను వెల్లడించనున్నాయి. ఎల్‌ఐసీ, లుపిన్, నైనా, జొమాటో, టాటా పవర్, అలెంబిక్‌ ఫార్మా, అశోక్‌ లేలాండ్, వరణ్‌ బేవరేజెస్, గోద్రేజ్‌ ప్రాపరీ్టస్, అపోలో టైర్స్, మణిప్పురం ఫైనాన్స్, బయోకాన్, ఎస్కార్ట్స్, పతంజలీ ఫుడ్స్, ఎంసీఎక్స్‌ కంపెనీలు మూడో త్రైమాసిక ఫలితాలు ప్రకటించే జాబితాలో ఉన్నాయి. కార్పొరేట్‌ ఆర్థిక ఫలితాల వెల్లడి సందర్భంగా కంపెనీల యాజమా న్యం అవుట్‌లుక్‌ వ్యాఖ్యలను మార్కెట్‌ వర్గాలు పరిశీలిస్తాయి. స్టాక్‌ ఆధారిత ట్రేడింగ్‌కు అవకాశం ఉంది.   స్థూల ఆర్థిక గణాంకాలు   చైనా, యూరోజోన్, జపాన్‌ దేశాలు జనవరి సేవారంగ పీఎంఐ డేటాను(సోమవారం) వెల్లడించనున్నాయి. భారత సేవారంగ డేటా ఫిబ్రవరి 5న విడుదల అవుతుంది. వారాంతాపు రోజైన శుక్రవారం జనవరి 26తో ముగిసి వారం బ్యాంకు రుణాలు, డిపాజిట్ల వృద్ధి డేటాతో పాటు జనవరి 2తో ముగిసిన వారం ఫారెక్స్‌ నిల్వలు ప్రకటించనుంది.   4 పబ్లిక్‌ ఇష్యూలు, ఒక లిస్టింగ్‌   ఈ వారంలో నాలుగు కంపెనీలు పబ్లిక్‌ ఇష్యూల ద్వారా రూ.2,700 కోట్ల నిధుల సమీకరణకు సిద్ధమయ్యాయి. ఏపీజే సురేంద్ర పార్స్‌ హోటల్‌ ఐపీఓ జనవరి 5న, రాశి పెరిఫెరల్స్, జన స్మాల్‌ ఫైనాన్స్‌ బ్యాంక్, క్యాపిటల్‌ స్మాల్‌ ఫైనాన్స్‌ బ్యాంక్‌ పబ్లిక్‌ ఇష్యూలు జనవరి7న ప్రారంభం కానున్నాయి. ఇదే వారంలో ఇటీవల ఇష్యూలను పూర్తి చేసుకున్న బీఎల్‌ఎస్‌ ఈ–సరీ్వసెస్‌(ఫిబ్రవరి 7న) కంపెనీల షేర్లు ఎక్సే్చంజీల్లో లిస్ట్‌ కానున్నాయి. ఆర్‌బీఐ పాలసీ నిర్ణయాలపై దృష్టి   ఫెడ్‌ ద్రవ్య పాలసీ, మధ్యంతర బడ్జెట్‌ ప్రకటన తర్వాత దలాల్‌ స్ట్రీట్‌కు ఆర్‌బీఐ ద్రవ్య సమావేశ నిర్ణయాలు కీలకం కానున్నాయి. సమీక్ష సమావేశం మంగళవారం(జనవరి 6న) ప్రారంభం అవుతుంది. కమిటీ నిర్ణయాలను బుధవారం గవర్నర్‌ శక్తికాంత దాస్‌ వెల్లడిస్తారు. రెపో రేటు (6.5%) యథాతథ కొనసాగింపునకే కమిటీ మొగ్గుచూపొచ్చు. అయితే వడ్డీ రేట్లు తగ్గింపు సైకిల్, ద్రవ్యోల్బణం, దేశ ఆర్థిక స్థితిగతులు, వృద్ధి అవుట్‌లుక్‌పై గవర్నర్‌ వ్యాఖ్యలను మార్కెట్‌ వర్గాలు నిశితంగా పరిశీలించవచ్చు.   డెట్‌ మార్కెట్లో ఆరేళ్ల గరిష్టానికి ఎఫ్‌ఐఐల పెట్టుబడులు   విదేశీ పెట్టుబడులు జనవరిలో దేశీయ డెట్‌ మార్కెట్లో రూ. 19,800 కోట్లకు పైగా పెట్టుబడులు పెట్టారు. గడిచిన ఆరేళ్లలోనే అత్యధిక నెలవారీ పెట్టుబడులు కావడం విశేషం. భారత ప్రభుత్వ బాండ్లను జేపీ మోర్గాన్‌ ఇండెక్స్‌లో చేర్చడం ఇందుకు ప్రధాన కారణం. అమెరికాలో పెరుగుతున్న బాండ్ల రాబడితో గత నెల ఈక్విటీ మార్కెట్ల నుంచి ఎఫ్‌పీఐలు రూ. 25,743 కోట్ల విలువైన పెట్టుబడులను ఉపసంహరించుకున్నారు. డిపాజిటరీ గణాంకాల ప్రకారం, క్రితం నెల డెట్‌ మార్కెట్లలో ఎఫ్‌పీఐలు రూ.19,836 కోట్లు ఇన్వెస్ట్‌ చేయగా,  2017, జూన్‌లో వచి్చన రూ. 25,685 కోట్ల తర్వాత ఇది రెండో అత్యధికం. బడ్జెట్‌ ప్రకటనలో భాగంగా ఆర్థిక మంత్రి నిర్మలా సీతారామన్‌ బడ్జెట్‌ ప్రకటనలో ఆర్థిక లోటును వచ్చే ఆర్థిక సంవత్సరంలో 5.1 శాతానికి తగ్గిస్తామని చెప్పడం, డెట్‌ మార్కెట్లో నిధుల పెరుగుదలకు దోహదపడుతుందని మార్కెట్‌ నిపుణులు భావిస్తున్నారు.

న్యూఢిల్లీ: ఈ వారం దేశీ స్టాక్‌ మార్కెట్లు ప్రధానంగా దేశ ఆర్థిక పురోగతి గణాంకాలపై ఆధారపడి కదిలే వీలుంది. ఈ ఆర్థిక సంవత్సరం(2023–24) రెండో త్రైమాసికానికి స్థూల దేశీయోత్పత్తి(జీడీపీ) వివరాలు గురువారం(30న) వెల్లడికానున్నాయి. అక్టోబర్‌ నెలకు మౌలిక సదుపాయాల గణాంకాలు సైతం ఇదే రోజు విడుదలకానున్నాయి. గురునానక్‌ జయంతి సందర్భంగా సోమవారం మార్కెట్లకు సెలవుకావడంతో ఈ వారం ట్రేడింగ్‌ నాలుగు రోజులకే పరిమితంకానుంది. కాగా.. గురువారం నవంబర్‌ డెరివేటివ్స్‌ సిరీస్‌ గడువు ముగియనుంది. శుక్రవారం(డిసెంబర్‌ 1న) తయారీ రంగ పనితీరు వెల్లడించే నవంబర్‌ పీఎంఐ ఇండెక్స్‌ వివరాలు తెలియనున్నాయి. ఈ నేపథ్యంలో మార్కెట్లు ఆటుపోట్లను ఎదుర్కోవచ్చని విశ్లేషకులు అంచనా వేశారు. స్థూల ఆర్థిక గణాంకాలతోపాటు, విదేశీ మార్కెట్లలో నెలకొనే పరిస్థితులకు అనుగుణంగా ట్రెండ్‌ ఏర్పడే అవకాశమున్నట్లు పేర్కొంటున్నారు.   ఇతర అంశాలూ కీలకమే.. ఆరు ప్రధాన కరెన్సీలతో డాలరు మారకంతోపాటు.. దేశీయంగా రూపాయి కదలికలు సెంటిమెంటును ప్రభావితం చేయనున్నట్లు స్వస్తికా ఇన్వెస్ట్‌మార్ట్‌ రీసెర్చ్‌ హెడ్‌ సంతోష్‌ మీనా పేర్కొన్నారు. గత వారం డాలరుతో మారకంలో రూపాయి సరికొత్త కనిష్టం 83.38వరకూ నీరసించిన సంగతి తెలిసిందే. అంతేకాకుండా ముడిచమురు ధరలు, యూఎస్‌ బాండ్ల ఈల్డ్స్‌కు సైతం ఇన్వెస్టర్లు ప్రాధాన్యత ఇవ్వనున్నట్లు మీనా తెలియజేశారు. నవంబర్‌ నెలకు వాహన విక్రయ గణాంకాలు వెల్లడికానున్న నేపథ్యంలో వారాంతాన ఆటో రంగ దిగ్గజాలు వెలుగులో నిలిచే వీలున్నట్లు మాస్టర్‌ క్యాపిటల్‌ సరీ్వసెస్‌ సీనియర్‌ వైస్‌ప్రెసిడెంట్‌ అర్వీందర్‌ సింగ్‌ నందా తెలియజేశారు. వీటికితోడు యూఎస్‌ జీడీపీ, యూఎస్‌ పీఎంఐ, చమురు నిల్వలు, యూరోజోన్‌ సీపీఐ తదితర గణాంకాలు కీలకంగా నిలవనున్నట్లు విశ్లేíÙంచారు.   వడ్డీ రేట్ల ప్రభావం   గత వారం దేశీ స్టాక్‌ మార్కెట్లు స్వల్పంగా బలపడ్డాయి. హెచ్చుతగ్గుల మధ్య నికరంగా సెన్సెక్స్‌ 175 పాయింట్లు, నిఫ్టీ 63 పాయింట్లు చొప్పున పుంజుకున్నాయి. అయితే విదేశీ పోర్ట్‌ఫోలియో ఇన్వెస్టర్ల(ఎఫ్‌పీఐలు) అమ్మకాలు లేదా పెట్టుబడులు ఈ వారం కొంతమేర ప్రభావం చూపనున్నట్లు మీనా పేర్కొన్నారు. యూఎస్‌లో అంచనాలకంటే అధికంగా ద్రవ్యోల్బణం తగ్గడంతో మార్కెట్లలో విశ్వాసం నెలకొననున్నట్లు జియోజిత్‌ ఫైనాన్షియల్‌ సరీ్వసెస్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయ్‌కుమార్‌ పేర్కొన్నారు. ఇది కేంద్ర బ్యాంకు ఫెడరల్‌ రిజర్వ్‌ వడ్డీ రేట్ల పెంపు యోచనను అడ్డుకోవచ్చని అభిప్రాయపడ్డారు. దీంతో పదేళ్ల ట్రెజరీ బాండ్ల ఈల్డ్స్‌ రెండు వారాల క్రితం నమోదైన 5 శాతం నుంచి 4.4 శాతానికి దిగివచ్చాయి. వెరసి దేశీ ఈక్విటీలలో ఎఫ్‌పీఐల అమ్మకాలు నెమ్మదించవచ్చని తెలియజేశారు. 

న్యూఢిల్లీ: ఇటీవల దేశీ స్టాక్‌ మార్కెట్లు సరికొత్త గరిష్టాలకు చేరడంతోపాటు.. పటిష్ట లాభాలతో కదులుతుండటంతో ప్రైమరీ మార్కెట్‌ జోరందుకుంది. కొద్ది రోజులుగా పలు కంపెనీలు పబ్లిక్‌ ఇష్యూలకు ఆసక్తి చూపుతున్నాయి. మే–జూలై మధ్య సుమారు 10 కంపెనీలు నిధుల సమీకరణ ద్వారా స్టాక్‌ ఎక్సే్ఛంజీలలో లిస్టయిన సంగతి తెలిసిందే. వీటిలో ఐకియో లైటింగ్, సెన్‌కో గోల్డ్, గ్లోబల్‌ సర్ఫేస్, ఐడియాఫోర్జ్‌ టెక్, డివ్‌గీ టార్క్‌ట్రాన్స్‌ఫర్, మ్యాన్‌కైండ్‌ ఫార్మా, నెట్‌వెబ్‌ టెక్, ఉత్కర్‌‡్ష ఎస్‌ఎఫ్‌బీ తదితరాలను పేర్కొనవచ్చు. ఈ బాటలో తాజాగా మరికొన్ని కంపెనీలు లిస్టింగ్‌ బాట పట్టాయి. జాబితాలో సెల్లో బ్రాండ్‌ సంస్థ సెల్లో వరల్డ్, హ్యాపీ ఫోర్జింగ్స్, ఏరోఫ్లెక్స్‌ ఇండస్ట్రీస్, బీఎల్‌ఎస్‌ ఈసరీ్వసెస్‌ తదితరాలున్నాయి. వివరాలు చూద్దాం.. ఏరోఫ్లెక్స్‌ ఇండస్ట్రీస్‌ స్టెయిన్‌లెస్‌ స్టీల్‌ ఫ్లెక్సిబుల్‌ హోస్‌ తయారీ కంపెనీ ఏరోఫ్లెక్స్‌ ఇండస్ట్రీస్‌ పబ్లిక్‌ ఇష్యూకి రూ. 102–108 ధరల శ్రేణి నిర్ణయించింది. ఈ నెల 22–24 మధ్య చేపట్టనున్న ఇష్యూలో భాగంగా రూ. 162 కోట్ల విలువైన ఈక్విటీని తాజాగా జారీ చేయనుంది. వీటికి అదనంగా 1.75 కోట్ల షేర్లను ప్రమోటర్‌ సంస్థ శాట్‌ ఇండస్ట్రీస్‌ విక్రయానికి ఉంచనుంది. వెరసి ఐపీవో ద్వారా రూ. 351 కోట్లు సమీకరించే యోచనలో ఉంది. యాంకర్‌ ఇన్వెస్టర్లకు 21న షేర్లను కేటాయించనుంది. ప్రస్తుతం ప్రమోటర్‌ గ్రూప్‌ కంపెనీలో 91 శాతం వాటాను కలిగి ఉంది. ఈక్విటీ జారీ నిధులను రుణ చెల్లింపులు, వర్కింగ్‌ క్యాపిటల్, సాధారణ కార్పొరేట్‌ అవసరాలకు వినియోగించనుంది. ఇతర సంస్థల కొనుగోళ్లనూ చేపట్టనుంది. రిటైల్‌ ఇన్వెస్టర్లు కనీసం 130 షేర్లకు(ఒక లాట్‌) దరఖాస్తు చేయవలసి ఉంటుంది. 80 దేశాలకు ఉత్పత్తులను ఎగుమతి చేస్తున్న కంపెనీ తద్వారా 80 శాతం ఆదాయాన్ని అందుకుంటోంది. 2022–23లో రూ. 269 కోట్ల ఆదాయం, రూ. 30 కోట్ల నికర లాభం ఆర్జించింది.     సెల్లో వరల్డ్‌ సెల్లో బ్రాండుతో హౌస్‌హోల్డ్, స్టేషనరీ ప్రొడక్టులను తయారు చేస్తున్న సెల్లో వరల్డ్‌ లిమిటెడ్‌ పబ్లిక్‌ ఇష్యూకి వస్తోంది. ఇందుకు వీలుగా క్యాపిటల్‌ మా ర్కెట్ల నియంత్రణ సంస్థ సెబీకి ప్రాస్పెక్టస్‌ను దాఖలు చేసింది. ఇష్యూ ద్వారా రూ. 1,750 కోట్లు సమీ కరించే ప్రణాళికల్లో ఉంది. ఐపీవోలో భాగంగా కంపెనీ ప్రమోటర్లు, ప్రస్తుత వాటాదారులు ఈ క్విటీ షేర్లను విక్రయించనున్నారు. ఈ ముంబై కంపెనీ అర్హతగల తమ ఉద్యోగులకు రూ. 10 కోట్ల వి లువైన షేర్లను ఆఫర్‌ చేయనుంది. కంపెనీ ప్రధానంగా కన్జూమర్‌ హౌస్‌వేర్, రైటింగ్, స్టేషనరీ ప్రొడక్టులతోపాటు.. మౌల్డెడ్‌ ఫరీ్నచర్, తత్సంబంధిత ఉత్పత్తులను రూపొందిస్తున్న సంగతి తెలిసిందే. 2017లో గ్లాస్‌వేర్, ఒపల్‌ వేర్‌ ప్రొడక్టులను సై తం ప్రవేశపెట్టింది. దేశవ్యాప్తంగా 13 తయారీ ప్లాంట్లను కలిగి ఉంది. రాజస్టాన్‌లో గ్లాస్‌వేర్‌ యూనిట్‌ ను ఏర్పాటు చేస్తోంది. 2022–23లో రూ. 1,770 కోట్ల ఆదాయం, రూ. 285 కోట్ల నికర లాభం ఆర్జించింది.   హ్యాపీ ఫోర్జింగ్స్‌ ఆటో విడిభాగాల తయారీ కంపెనీ హ్యాపీ ఫోర్జింగ్స్‌ లిమిటెడ్‌ పబ్లిక్‌ ఇష్యూకి వస్తోంది. ఇందుకు అనుగుణంగా సెబీకి ప్రాస్పెక్టస్‌ను దాఖలు చేసింది. ఐపీవోలో భాగంగా కంపెనీ ప్రమోటర్లు, ప్రస్తుత వాటాదారులు 80.55 లక్షల ఈక్విటీ షేర్లను విక్రయించనున్నారు. అంతేకాకుండా కంపెనీ మరో రూ. 500 కోట్ల విలువచేసే ఈక్విటీని కొత్తగా జారీ చేయనుంది. వెరసి ఇష్యూ ద్వారా సుమారు రూ. 1,300 కోట్లు సమీకరించాలని భావిస్తోంది. ఐపీవోకు ముందుగా రూ. 100 కోట్ల విలువైన షేర్లను జారీ చేసే యోచనలో ఉంది. ఈక్విటీ జారీ నిధుల్లో రూ. 214 కోట్లు ప్లాంటు మెషినరీ, ఎక్విప్‌మెంట్‌ తదితరాలకు, రూ. 190 కోట్లు రుణ చెల్లింపులకు వినియోగించనుంది. సాధారణ కార్పొరేట్‌ అవసరాలకు మరికొన్ని నిధులను వెచ్చించనుంది. వాణిజ్య, వ్యవసాయ, ఆఫ్‌రోడ్‌ వాహనాలకు విడిభాగాలను సమకూరుస్తోంది. అశోక్‌ లేలాండ్, ఎంఅండ్‌ఎం, ఎస్‌ఎంఎల్‌ ఇసుజు తదితర దిగ్గజాలు క్లయింట్లుగా ఉన్నాయి. విదేశాలలోనూ కార్యకలాపాలు విస్తరించింది. 2022–23లో రూ. 1,197 కోట్ల ఆదాయం, రూ. 209 కోట్ల నికర లాభం ఆర్జించింది. 18 నుంచి బొండాడ ఇంజినీరింగ్‌ ఐపీవో టెలికం, సౌర విద్యుత్‌ రంగ సంస్థలకు మౌలిక సదుపాయాలపరమైన సేవలు అందించే బొండాడ ఇంజినీరింగ్‌ పబ్లిక్‌ ఇష్యూ (ఐపీవో) ద్వారా రూ. 42.72 కోట్లు సమీకరించనుంది. ఇందుకోసం షేరు ధరను రూ. 75గా నిర్ణయించారు. ఇష్యూ 18న ప్రారంభమై 22న ముగుస్తుందని సంస్థ సీఎఫ్‌వో బరతం సత్యనారాయణ తెలిపారు. కనీసం 1600 షేర్లకు బిడ్‌ చేయాల్సి ఉంటుందని, ఎస్‌ఎంఈ ప్లాట్‌ఫామ్‌పై దీన్ని లిస్ట్‌ చేయనున్నామని వివరించారు. పూర్తిగా ఈక్విటీ జారీ రూపంలో ఈ ఇష్యూ ఉంటుందని పేర్కొన్నారు. ఐపీవో ద్వారా వచ్చే నిధులను వర్కింగ్‌ క్యాపిటల్‌ అవసరాల కోసం ఉపయోగించుకోనున్నట్లు సీఎండీ బొండాడ రాఘవేంద్ర రావు పేర్కొన్నారు. ఇటీవలే బీఎస్‌ఎన్‌ఎల్‌ నుంచి రూ. 1,150 కోట్ల ఆర్డరు లభించిందని, ప్రస్తుతం మొత్తం ఆర్డరు బుక్‌ విలువ రూ. 1,600 కోట్ల మేర ఉందని ఉందని వివరించారు.

ముంబై: ప్రపంచ మార్కెట్ల ప్రోత్సాహంతో దేశీ స్టాక్‌ మార్కెట్లు వరుసగా మూడో రోజు బలపడ్డాయి. సెన్సెక్స్‌ 345 పాయింట్లు జంప్‌చేసి 62,846 వద్ద ముగిసింది. నిఫ్టీ 99 పాయింట్లు ఎగసి 18,599 వద్ద నిలిచింది. యూఎస్‌ మార్కెట్లు పుంజుకోవడం, విదేశీ ఇన్వెస్టర్ల పెట్టుబడుల ప్రభావంతో ఇన్వెస్టర్లు తొలి నుంచీ కొనుగోళ్లకే ఆసక్తి చూపారు. దీంతో మార్కెట్లు ఊగిసలాడినప్పటికీ లాభాల మధ్యే కదిలాయి. ఇంట్రాడేలో సెన్సెక్స్‌ 524 పాయింట్లు పురోగమించి 63,026కు చేరింది. వెరసి 63,000 పాయింట్ల మైలురాయిని అధిగమించింది. నిఫ్టీ సైతం 18,641 పాయింట్ల వద్ద ఇంట్రాడే గరిష్టాన్ని తాకింది. సానుకూల సెంటిమెంటు నేపథ్యంలో మూడు రోజుల్లో సెన్సెక్స్‌ 1,072 పాయింట్లు జమ చేసుకోగా.. నిఫ్టీ 313 పాయింట్లు లాభపడింది. దీంతో మార్కెట్లు చరిత్రాత్మక గరిష్టాల సమీపానికి చేరాయి. యూఎస్‌ రుణ పరిమితిపెంపునకు ఆదివారం సూత్రప్రాయ అనుమతి లభించడంతో ఇన్వెస్టర్లకు జోష్‌ వచ్చినట్లు స్టాక్‌ నిపుణులు పేర్కొన్నారు.   ఎంఅండ్‌ఎం జూమ్‌ ఎన్‌ఎస్‌ఈలో కన్సూ్యమర్‌ డ్యురబుల్స్, మెటల్, బ్యాంకింగ్, ఆటో, రియల్టీ 0.6 శాతం స్థాయిలో బలపడితే.. ఆయిల్‌–గ్యాస్, ఐటీ 0.4 శాతం స్థాయిలో డీలా పడ్డాయి. నిఫ్టీ దిగ్గజాలలో క్యూ4 ఫలితాల అండతో ఎంఅండ్‌ఎం 3.4 శాతం ఎగసింది. ఇతర బ్లూచిప్స్‌లో టైటాన్, కోల్‌ ఇండియా, టాటా స్టీల్, అల్ట్రాటెక్, ఎస్‌బీఐ లైఫ్, గ్రాసిమ్, హిందాల్కో, హెచ్‌డీఎఫ్‌సీ ద్వయం, ఎస్‌బీఐ, అదానీ పోర్ట్స్, ఇండస్‌ఇండ్, ఐటీసీ 2.6–1 శాతం మధ్య లాభపడ్డాయి. అయితే ఓఎన్‌జీసీ 3 శాతం పతనంకాగా.. దివీస్, పవర్‌గ్రిడ్, హెచ్‌సీఎల్‌ టెక్, మారుతీ, బీపీసీఎల్, బ్రిటానియా, అదానీ ఎంటర్, విప్రో 1.2–0.4 శాతం మధ్య క్షీణించాయి. చిన్న షేర్లు..: బీఎస్‌ఈలో మిడ్, స్మాల్‌ క్యాప్స్‌ 0.3 శాతం చొప్పున బలపడ్డాయి. ట్రేడైన షేర్లలో 1,921 లాభపడగా.. 1,715 నష్టపోయాయి. ఇటీవల దేశీ స్టాక్స్‌పట్ల ఆసక్తి చూపుతున్న విదేశీ ఇన్వెస్టర్లు తాజాగా నగదు విభాగంలో రూ. 1,758 కోట్లు ఇన్వెస్ట్‌ చేశారు. దేశీ ఫండ్స్‌ సైతం రూ. 854 కోట్ల విలువైన స్టాక్స్‌ సొంతం చేసుకున్నాయి. కాగా.. లండన్‌ మార్కెట్లో బ్రెంట్‌ చమురు బ్యారల్‌ 0.2 శాతం నీరసించి 76.82 డాలర్లకు చేరింది. డాలరుతో మారకంలో రూపాయి స్వల్పంగా 4 పైసలు తగ్గి 82.63కు చేరింది.

ముంబై: రోజంతా నష్టాల మధ్యే కదిలిన దేశీ స్టాక్‌ మార్కెట్లో బౌన్స్‌బ్యాక్‌ సాధించాయి. వెరసి సెన్సెక్స్‌ 99 పాయింట్లు లాభపడి 61,873 వద్ద ముగిసింది. నిఫ్టీ సైతం 36 పాయింట్లు బలపడి 18,321 వద్ద స్థిరపడింది. మే నెల డెరివేటివ్స్‌ ముగింపు నేపథ్యంలో తొలి నుంచీ మార్కెట్లు ఆటుపోట్లకు లోనయ్యాయి. ఇంట్రాడేలో సెన్సెక్స్‌ 61,934 వద్ద గరిష్టాన్ని, 61,485 దిగువన కనిష్టాన్ని తాకింది. ఈ బాటలో నిఫ్టీ 18,338–18,202 పాయింట్ల మధ్య ఊగిసలాడింది. ప్రధానంగా చివరి అర్ధగంటలో ఇన్వెస్టర్లు కొనుగోళ్లకు దిగడంతో మార్కెట్లు నష్టాలను వీడి లాభాల్లో నిలిచాయి. రియల్టీ అప్‌ ఎన్‌ఎస్‌ఈలో ప్రధానంగా రియల్టీ, ఎఫ్‌ఎంసీజీ, కన్సూ్యమర్‌ డ్యూరబుల్స్‌ 1–0.5 శాతం మధ్య పుంజుకోగా.. పీఎస్‌యూ బ్యాంక్స్‌ 0.5 శాతం నీరసించాయి. నిఫ్టీ దిగ్గజాలలో బజాజ్‌ ఆటో, అదానీ ఎంటర్, ఎయిర్‌టెల్, ఐటీసీ, దివీస్, ఐషర్, టాటా కన్సూ్యమర్, హెచ్‌డీఎఫ్‌సీ లైఫ్, బ్రిటానియా, కొటక్‌ బ్యాంక్, అదానీ పోర్ట్స్, అపోలో హాస్పిటల్స్‌ 3–1% మధ్య ఎగశాయి. అయితే విప్రో, టాటా మోటార్స్, ఇండస్‌ఇండ్, యూపీఎల్, హిందాల్కో, సన్‌ ఫార్మా, హెచ్‌డీఎఫ్‌సీ, హెచ్‌యూఎల్, కోల్‌ ఇండియా 1.2–0.5 శాతం మధ్య డీలా పడ్డాయి. చిన్న షేర్లు ఓకే బీఎస్‌ఈలో మిడ్, స్మాల్‌ క్యాప్స్‌ 0.3 శాతం స్థాయిలో బలపడ్డాయి. ట్రేడైన షేర్లలో 1,802 లాభపడితే.. 1,687 నష్టపోయాయి. నగదు విభాగంలో విదేశీ ఇన్వెస్టర్లు రూ. 589 కోట్లు, దేశీ ఫండ్స్‌ రూ. 338 కోట్లు ఇన్వెస్ట్‌ చేశారు. గత 3 రోజుల్లో ఎఫ్‌పీఐలు రూ. 2,291 కోట్ల విలువైన స్టాక్స్‌ కొనుగోలు చేసిన సంగతి తెలిసిందే. కాగా.. విదేశీ మార్కెట్లో బ్రెంట్‌ చమురు బ్యారల్‌ 1.2 శాతం క్షీణించి 77.47 డాలర్లకు చేరింది. డాలరుతో మారకంలో రూపాయి 7 పైసలు తగ్గి 82.75ను తాకింది. ఎల్‌ఐసీ జూమ్‌ క్యూ4లో ఆకర్షణీయ ఫలితాలు సాధించిన ఎల్‌ఐసీ షేరు 2 శాతం వృద్ధితో రూ. 604 వద్ద ముగిసింది. ఒక దశలో రూ. 616వరకూ ఎగసింది. దీంతో కంపెనీ మార్కెట్‌ విలువ రూ. 6,357 కోట్లు బలపడి రూ. 3,81,777 కోట్లకు చేరింది. ఎన్‌ఎస్‌ఈ, బీఎస్‌ఈలలో కలిపి 55.4 లక్షల షేర్లు ట్రేడయ్యాయి.

ముంబై: ప్రపంచ మార్కెట్ల నుంచి సానుకూలతలు, ఉపశమించిన ద్రవ్యోల్బణం నేపథ్యంలో దేశీ స్టాక్‌ మార్కెట్లు వరుసగా రెండో రోజూ దూకుడు చూపాయి. సెన్సెక్స్‌ 318 పాయింట్లు జంప్‌చేసి 62,346కు చేరింది. నిఫ్టీ 84 పాయింట్లు ఎగసి 18,399 వద్ద నిలిచింది. వెరసి గతేడాది డిసెంబర్‌ 14 తర్వాత తిరిగి మార్కెట్లు గరిష్టాలకు చేరాయి. ఆసియా, యూరోపియన్‌ మార్కెట్ల ప్రోత్సాహానికితోడు.. ఏప్రిల్‌లో టోకు ధరలు మైనస్‌కు చేరడంతో ఇన్వెస్టర్లకు హుషారొచ్చినట్లు మార్కెట్‌ నిపుణులు పేర్కొన్నారు. దీంతో లాభాలతో ప్రారంభమైన మార్కెట్లు మిడ్‌సెషన్‌కల్లా జోరందుకున్నాయి. సెన్సెక్స్‌ 535 పాయింట్లు పురోగమించి 62,563కు చేరింది. నిఫ్టీ 18,459ను తాకింది. విదేశీ ఇన్వెస్టర్ల పెట్టుబడులు సైతం సెంటిమెంటుకు బలాన్నిస్తున్నట్లు నిపుణులు పేర్కొన్నారు. రియల్టీ దూకుడు ఎన్‌ఎస్‌ఈలో అన్ని రంగాలూ బలపడగా.. రియల్టీ 4.3 శాతం జంప్‌చేసింది. రిటైల్, టోకు ధరలు తగ్గడంతో వడ్డీ రేట్లకు చెక్‌ పడనున్న అంచనాలు ఇందుకు దోహదపడినట్లు నిపుణులు తెలియజేశారు. కాగా.. మీడియా, ఎఫ్‌ఎంసీజీ, బ్యాంకింగ్‌ 2–0.7 శాతం లాభపడ్డాయి. ఆయిల్‌ అండ్‌ గ్యాస్‌ యథాతథంగా నిలిచింది. రియల్టీ కౌంటర్లలో శోభా 11.5 శాతం దూసుకెళ్లగా.. డీఎల్‌ఎఫ్, మహీంద్రా లైఫ్, ప్రెస్జీజ్‌ ఎస్టేట్స్, ఒబెరాయ్, గోద్రెజ్‌ ప్రాపర్టీస్, లోధా 7.4–3.4 శాతం మధ్య జంప్‌ చేశాయి. టాటా మోటార్స్‌ జోరు నిఫ్టీ దిగ్గజాలలో హీరోమోటో, టాటా మోటార్స్‌ 3 శాతం పుంజుకోగా.. ఐటీసీ, టెక్‌ మహీంద్రా, హిందాల్కో, హెచ్‌యూఎల్, డాక్టర్‌ రెడ్డీస్, ఇన్ఫోసిస్, కోల్‌ ఇండియా, ఎల్‌అండ్‌టీ, ఎంఅండ్‌ఎం, ఇండస్‌ఇండ్, టాటా స్టీల్, విప్రో, ఐషర్, ఎస్‌బీఐ, ఎయిర్‌టెల్, హెచ్‌డీఎఫ్‌సీ బ్యాంక్‌ 2–0.6 శాతం మధ్య బలపడ్డాయి. అయితే అదానీ ఎంటర్, సిప్లా, బీపీసీఎల్, గ్రాసిమ్, దివీస్‌ ల్యాబ్, మారుతీ, అదానీ పోర్ట్స్, టీసీఎస్‌ 3–0.7 శాతం మధ్య నీరసించాయి. చిన్న షేర్లు ఓకే మార్కెట్ల బాటలో చిన్న షేర్లకూ డిమాండ్‌ కనిపించింది. బీఎస్‌ఈలో మిడ్, స్మాల్‌ క్యాప్స్‌ 0.5 శాతం చొప్పున పుంజుకున్నాయి. ట్రేడైన షేర్లలో 1,856 లాభపడితే, 1,802 డీలాపడ్డాయి. నగదు విభాగంలో వారాంతాన రూ. 1,014 కోట్ల విలువైన స్టాక్స్‌ కొనుగోలు చేసిన విదేశీ ఇన్వెస్టర్లు(ఎఫ్‌పీఐలు) సోమవారం మరింత అధికంగా రూ. 1,685 కోట్లు ఇన్వెస్ట్‌ చేశారు. అయితే దేశీ ఫండ్స్‌ రూ. 191 కోట్ల విలువైన స్టాక్స్‌ మాత్రమే కొనుగోలు చేశాయి. ఈ నెల తొలి రెండు వారాలలో ఎఫ్‌పీఐలు రూ. 23,152 కోట్లు ఇన్వెస్ట్‌ చేయడం గమనార్హం! విదేశీ మార్కెట్లో బ్రెంట్‌ ముడిచమురు బ్యారల్‌ 0.25 శాతం బలపడి 74.34 డాలర్లకు చేరింది. డాలరుతో మారకంలో రూపాయి 13 పైసలు నీరసించి 82.31కు చేరింది. సెన్సెక్స్, బ్యాంకెక్స్‌ డెరివేటివ్‌లు మళ్లీ ప్రారంభం స్టాక్‌ ఎక్సే్చంజీ బీఎస్‌ఈ తాజాగా సెన్సెక్స్, బ్యాంకెక్స్‌ డెరివేటివ్‌లను సోమవారం పునఃప్రారంభించింది. ఈ కాంట్రాక్టులకు సంబంధించిన ఫ్యూచర్స్, ఆప్షన్స్‌ లాట్‌ సైజును తగ్గించడంతో పాటు ఎక్స్‌పైరీ రోజును కూడా గురువారం నుంచి శుక్రవారానికి మార్చినట్లు సంస్థ ఎండీ సుందరరామన్‌ రామమూర్తి ఒక ప్రకటనలో తెలిపింది. దీని ప్రకారం.. సెన్సెక్స్‌ ఫ్యూచర్స్, ఆప్షన్స్‌ లాట్‌ సైజు 15 నుంచి 10కి, బ్యాంకెక్స్‌ లాట్‌ సైజును 20 నుంచి 15కి తగ్గించారు. అధిక రాబడులిచ్చేందుకు ఆస్కారమున్న అత్యంత రిస్కీ  సాధనాలుగా డెరివేటివ్స్‌ను పరిగణిస్తారు. 2000లో బీఎస్‌ఈ తొలిసారిగా సెన్సెక్స్‌–30 డెరివేటివ్స్‌ (ఆప్షన్స్, ఫ్యూచర్స్‌)ను ప్రవేశపెట్టింది.

న్యూఢిల్లీ: దేశీ స్టాక్‌ మార్కెట్ల నడకను ఈ వారం పలు అంశాలు ప్రభావితం చేయనున్నాయి. ప్రస్తుతం కార్పొరేట్‌ ఫలితాల సీజన్‌ ఊపందుకుంది. జనవరి–మార్చి(క్యూ4) ఫలితాలతోపాటు పూర్తి ఏడాది(2022–23)కి లిస్టెడ్‌ కంపెనీలు పనితీరును వెల్లడిస్తున్నాయి. వీటికితోడు విదేశీ స్టాక్‌ మార్కెట్లలో నెలకొనే పరిస్థితులు సైతం దేశీయంగా ట్రెండ్‌ను నిర్దేశించనున్నట్లు విశ్లేషకులు పేర్కొన్నారు. ఈ వారం పలు దిగ్గజాలు ఆర్థిక ఫలితాలు ప్రకటించనున్నాయి. జాబితాలో ఏషియన్‌ పెయింట్స్, అపోలో టైర్స్‌ సిప్లా, ఐషర్‌ మోటార్స్, ఎల్‌అండ్‌టీ, యూపీఎల్, టాటా మోటార్స్‌ తదితరాలున్నాయి.   కోల్‌ ఇండియా వీక్‌ వారాంతాన యూనియన్‌ బ్యాంక్‌ ఆఫ్‌ ఇండియా, కోల్‌ ఇండియా క్యూ4 ఫలితాలు ప్రకటించాయి. యూనియన్‌ బ్యాంక్‌ లాభం 81 శాతం జంప్‌చేయగా.. కోల్‌ ఇండియా లాభం 18 శాతం క్షీణించింది. దీంతో నేడు(సోమవారం) ఈ కౌంటర్లపై ఫలితాల ప్రభావం కనిపించనున్నట్లు స్టాక్‌ నిపుణులు భావిస్తున్నారు. ఈ బాటలో కెనరా బ్యాంక్, యూపీఎల్‌(8న), లుపిన్‌(9న), బాష్, డాక్టర్‌ రెడ్డీస్‌ ల్యాబ్, ఎల్‌అండ్‌టీ(10న), ఏషియన్‌ పెయింట్స్, సీమెన్స్‌(11న), సిప్లా, హెచ్‌పీసీఎల్, టాటా మోటార్స్‌(12న) పనితీరు వెల్లడించనున్నాయి.   ఆర్థిక గణాంకాలు మార్చి నెలకు పారిశ్రామికోత్పత్తి(ఐఐపీ), తయారీ రంగ గణాంకాలతోపాటు, రిటైల్‌ ధరల ద్రవ్యోల్బణం(సీపీఐ) వివరాలు 12న విడుదలకానున్నాయి. ఏప్రిల్‌ నెలకు 10న యూఎస్, 11న చైనా ద్రవ్యోల్బణ గణాంకాలు తెలియరానున్నాయి. కాగా.. 10న కర్ణాటక అసెంబ్లీ ఎన్నికలు జరగనున్నాయి. ఫలితాలు 13న వెలువడనున్నాయి. కేంద్రంలో అధికారంలో ఉన్న బీజేపీసహా పలు ప్రధాన పార్టీలు పోటీపడుతుండటంతో ఫలితాలకు ప్రాధాన్యమున్నట్లు విశ్లేషకులు తెలియజేశారు. ఆటుపోట్ల మధ్య గత వారం దేశీ స్టాక్‌ మార్కెట్లు అక్కడక్కడే అన్నట్లుగా ముగిశాయి. సెన్సెక్స్‌ స్వల్పంగా 58 పాయింట్లు నీరసించి 61,112 వద్ద నిలవగా.. నిఫ్టీ 4 పాయింట్ల నామమాత్ర లాభంతో 18,069 వద్ద ముగిసింది. అయితే చిన్న షేర్లకు డిమాండ్‌ పుట్టడంతో బీఎస్‌ఈ మిడ్, స్మాల్‌ క్యాప్‌ ఇండెక్సులు 1.3 శాత చొప్పున బలపడ్డాయి. ఇతర అంశాలు ఇటీవల విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) దేశీ స్టాక్స్‌పట్ల ఆసక్తిని చూపుతున్నారు. ఏప్రిల్‌ 26– మే 5 మధ్య కాలంలో ఎఫ్‌పీఐలు రూ. 11,700 కోట్ల విలువైన స్టాక్స్‌ కొనుగోలు చేసినట్లు జియోజిత్‌ ఫైనాన్షియల్‌ సర్వీసెస్‌ నిపుణులు వీకే విజయకుమార్‌ తెలియజేశారు. దీంతో ఎఫ్‌పీఐల పెట్టుబడులు ఇకపై కీలకంగా నిలవనున్నట్లు అభిప్రాయపడ్డారు. వీటికితోడు ముడిచమురు ధరలు, డాలరుతో మారకంలో రూపాయి కదలికలు సైతం సెంటిమెంటును ప్రభావితంచేయనున్నట్లు స్వస్తికా ఇన్వెస్ట్‌మార్ట్‌ సీనియర్‌ విశ్లేషకులు ప్రవేశ్‌ గౌర్‌ పేర్కొన్నారు.

న్యూఢిల్లీ: దేశీ స్టాక్‌ మార్కెట్లు ఈ వారం కార్పొరేట్‌ ఫలితాలు, ఆర్థిక గణాంకాల ఆధారంగా ట్రేడయ్యే వీలున్నట్లు విశ్లేషకులు పేర్కొంటున్నారు. ప్రస్తుత ఆర్థిక సంవత్సరం(2022–23) రెండో త్రైమాసిక ఫలితాల సీజన్‌ ప్రారంభంకానుంది. సోమవారం(10న) సాఫ్ట్‌వేర్‌ సేవల నంబర్‌వన్‌ కంపెనీ టీసీఎస్‌ జులై–సెప్టెంబర్‌(క్యూ2) ఫలితాలు ప్రకటించనుంది. ఈ బాటలో ఇతర ఐటీ దిగ్గజాలు విప్రో, హెచ్‌సీఎల్‌ టెక్నాలజీస్‌(12న), ఇన్ఫోసిస్‌(13న), ద్విచక్ర వాహన బ్లూచిప్‌ కంపెనీ బజాజ్‌ ఆటో(14న), ప్రయివేట్‌ రంగ దిగ్గజం హెచ్‌డీఎఫ్‌సీ బ్యాంక్‌(15న).. క్యూ2 పనితీరును వెల్లడించనున్నాయి. ఇక ఆగస్ట్‌ నెలకు పారిశ్రామికోత్పత్తి, సెప్టెంబర్‌ నెలకు రిటైల్‌ ధరల(సీపీఐ) గణాంకాలు 12న, సెప్టెంబర్‌ టోకు ధరల (డబ్ల్యూపీఐ) వివరాలు 14న వెలువడనున్నాయి.   రూపాయి ఎఫెక్ట్‌ క్యూ2 ఫలితాల సీజన్‌ ప్రారంభంకానుండగా.. మరోపక్క ఆర్థిక గణాంకాలూ ట్రెండ్‌ను ప్రభావితం చేయనున్నట్లు స్టాక్‌ నిపుణులు చెబుతున్నారు. అంతేకాకుండా గత వారం డాలరుతో మారకంలో రూపాయి సరికొత్త కనిష్టం 82ను తాకింది. చమురు దేశాల(ఒపెక్‌) సరఫరా కోతలతో బ్రెంట్‌ చమురు ధర మళ్లీ 100 డాలర్లకు చేరువైంది. ఇక డాలరు ఇండెక్స్‌ కొంతవెనకడుగు వేసినప్పటికీ ఫెడ్‌ గత పాలసీ సమీక్షా నిర్ణయాల వివరాలు(మినిట్స్‌) వెలువడనుండటంతో ఇన్వెస్టర్లు వీటిపై దృష్టిపెట్టే అవకాశముంది. వీటికితోడు ఇటీవల విదేశీ ఇన్వెస్ట ర్లు దేశీ స్టాక్స్‌లో అమ్మకాలవైపు మొగ్గుచూపుతున్నారు. రష్యా–ఉక్రెయిన్‌ యుద్ధం, ఆర్థిక మాంద్య భయాలు కొనసాగుతుండటంతో ఈ ప్రభావం ప్రపంచ మార్కెట్లపై పడనున్నట్లు నిపుణులు అభిప్రాయపడ్డారు. ఈ అంశాలన్నీ దేశీయంగా సెంటిమెంటును ప్రభావితం చేయనున్నట్లు తెలియజేశారు.   విదేశీ అంశాలు అంతర్జాతీయంగా చూస్తే యూఎస్‌ సీపీఐ గణాంకాలు 11న విడుదల కానున్నాయి. ఫెడ్‌ ఓపెన్‌ మార్కెట్‌ కమిటీ గత పాలసీ మినిట్స్‌ 12న, కీలక ద్రవ్యోల్బణ గణాంకాలు 13న వెల్లడికానున్నాయి. వారం రోజులపాటు ఐఎంఎఫ్‌ సాధారణ వార్షిక సమావేశాలు జరగనున్నట్లు తెలుస్తోంది. వెరసి ఈ వారం దేశీ స్టాక్‌ మార్కెట్లు పలు అంశాల ఆధారంగా కదలనున్నట్లు నిపుణులు వివరించారు. గత వారం మూడు వారాల డౌన్‌ట్రెండ్‌కు చెక్‌ పెడుతూ గత వారం దేశీ మార్కెట్లు జోరందుకున్నాయి. ట్రేడింగ్‌ నాలుగు రోజులకే పరిమితమైనప్పటికీ సెన్సెక్స్‌ 764 పాయింట్లు జమ చేసుకుని 58,191 వద్ద నిలవగా.. నిఫ్టీ 220 పాయింట్ల ఎగసి 17,315 వద్ద స్థిరపడింది. ఫలితంగా ప్రధాన ఇండెక్సులు సాంకేతికంగా కీలకమైన 58,000– 17,000 స్థాయిలకు ఎగువనే స్థిరపడ్డాయి.  

ముంబై: ఆర్థికవేత్తల ఆందోళనలను నిజం చేస్తూ యూఎస్‌ ఫెడ్‌ వడ్డీ రేట్లను మూడోసారి 0.75 శాతం పెంచడంతో దేశీ స్టాక్‌ మార్కెట్లు డీలా పడ్డాయి. ఇన్వెస్టర్లు అమ్మకాలకే ప్రాధాన్యత ఇవ్వడంతో సెన్సెక్స్‌ 337 పాయింట్లు క్షీణించింది. 59,120 వద్ద ముగిసింది. నిఫ్టీ సైతం 89 పాయింట్ల వెనకడుగుతో 17,630 వద్ద స్థిరపడింది. ప్రస్తుతం 3.25 శాతంగా ఉన్న ఫండ్స్‌ రేట్లను ఈ ఏడాది చివరికల్లా 4.4 శాతానికి చేర్చే వీలున్నట్లు ఫెడ్‌ సంకేతాలివ్వడంతో ప్రపంచ కరెన్సీలతో మారకంలో డాలరు ఇండెక్స్‌ 111ను దాటింది. ఫలితంగా రూపాయి ఇంట్రాడేలో 100 పైసలు కోల్పోయి చరిత్రాత్మక కనిష్టం 80.96కు చేరింది. వీటికితోడు ఉక్రెయిన్‌పై దాడికి రష్యా సైనిక బలగాలను పెంచుతుండటంతో సెంటిమెంటు దెబ్బతిన్నట్లు మార్కెట్‌ నిపుణులు పేర్కొన్నారు. దీంతో మిడ్‌సెషన్‌కల్లా సెన్సెక్స్‌ 624 పాయింట్లు పతనమైంది. నిఫ్టీ సైతం ఇంట్రాడేలో 17,723–17,532 పాయింట్ల మధ్య ఆటుపోట్లను చవిచూసింది. అయితే ట్రేడర్లు షార్ట్‌ కవరింగ్‌కు దిగడంతో ఒక దశలో సెన్సెక్స్‌ నామమాత్ర లాభాల్లోకి ప్రవేశించడం గమనార్హం! మీడియా అప్‌ ఫెడ్‌ బాటలో ఇతర కేంద్ర బ్యాంకులూ కఠిన విధానాలను అవలంబించనున్న అంచనాలు ఇన్వెస్టర్లలో ఆందోళనలు పెంచుతున్నట్లు విశ్లేషకులు పేర్కొన్నారు. దీంతో వర్ధమాన మార్కెట్లలో కరెన్సీలు, ఈక్విటీలు నీరసిస్తున్నట్లు తెలియజేశారు. ఎన్‌ఎస్‌ఈలో ప్రధానంగా బ్యాంకింగ్‌ 1.4 శాతం నీరసించగా.. మీడియా, ఎఫ్‌ఎంసీజీ, వినియోగ వస్తువులు, ఆటో రంగాలు 1.9–0.7 శాతం మధ్య బలపడ్డాయి. బ్లూచిప్స్‌లో పవర్‌గ్రిడ్, హెచ్‌డీఎఫ్‌సీ ద్వయం, యాక్సిస్, ఓఎన్‌జీసీ, కోల్‌ ఇండియా, ఎస్‌బీఐ లైఫ్, ఐసీఐసీఐ, బజాజ్‌ ఫిన్, శ్రీసిమెంట్, బీపీసీఎల్‌ 3–1.2 శాతం మధ్య నష్టపోయాయి. అయితే టైటన్, హెచ్‌యూఎల్, ఏషియన్‌ పెయింట్స్, మారుతీ, ఐషర్, అదానీ పోర్ట్స్, బ్రిటానియా, ఐటీసీ 2.8–1.4 శాతం మధ్య ఎగశాయి. చిన్న షేర్లు ఓకే.. తాజాగా చిన్న షేర్లకు డిమాండ్‌  నెలకొంది. బీఎస్‌ఈలో మిడ్, స్మాల్‌క్యాప్స్‌ 0.5–0.3 శాతం చొప్పున బలపడ్డాయి.  నగదు విభాగంలో విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) రూ. 2,510 కోట్ల అమ్మకాలు చేపట్టగా.. దేశీ ఫండ్స్‌(డీఐఐలు) రూ. 263 కోట్లు ఇన్వెస్ట్‌ చేశాయి. స్టాక్‌ హైలైట్స్‌ ► పట్టణీకరణతోపాటు వినియోగం పెరుగుతుండటంతో జాకీ బ్రాండ్‌ దుస్తుల కంపెనీ పటిష్ట ఫలితాలు సాధించనున్నట్లు నిపుణులు భావిస్తున్నారు. ఈ షేరు 4 శాతం జంప్‌చేసి రూ. 53,225 వద్ద ముగిసింది. ► రూ. 10 ముఖ విలువగల షేర్లను రూ. 1 ముఖ విలువగల 10 షేర్లుగా విభజిస్తుండటంతో ఐటీ సేవల కంపెనీ శాక్‌సాఫ్ట్‌ షేరు 12 శాతం దూసుకెళ్లి రూ. 1,278 వద్ద స్థిరపడింది. ► ప్రమోటర్‌ సంస్థ విల్మర్‌ తాజాగా వర్కింగ్‌ క్యాపిటల్‌ తదితర అవసరాలకు మద్దతునివ్వడంతో శ్రీ రేణుకా షుగర్స్‌ 6.5% ఎగసి 60.50 వద్ద క్లోజైంది. ఆల్‌టైమ్‌ కనిష్టానికి రూపాయి ► ఒకేరోజు 83 పైసలు డౌన్‌ ► 80.79 వద్ద ముగింపు అమెరికా ఫెడ్‌ ఫండ్‌ రేటు పెంపు నేపథ్యంలో డాలర్‌ మారకంలో రూపాయి విలువ గురువారం ఒకేరోజు భారీగా 83 పైసలు బలహీనపడి, 80.79 రికార్డు కనిష్ట స్థాయికి పడిపోయింది. ఇంటర్‌ బ్యాంక్‌ ఫారెక్స్‌ మార్కెట్లో గడచిన ఏడు నెలల్లో (ఫిబ్రవరి 24న 99 పైసలు పతనం) రూపాయి ఒకేరోజు ఈ స్థాయిలో బలహీనపడ్డం ఇదే తొలిసారి. అమెరికా ఫెడ్‌ రేటు పెంపుతోపాటు, రష్యా–ఉక్రెయిన్‌ భౌగోళిక ఉద్రిక్తతలు, ద్రవ్యోల్బణం భయాలు కూడా రూపాయిని వెంటాడుతున్నట్లు ఫారెక్స్‌ ట్రేడర్లు తెలిపారు. బుధవారం రూపాయి ముగింపు 79.96.  ట్రేడింగ్‌ ప్రారంభంలోనే 80.27 వద్ద ప్రారంభమైన రూపాయి విలువ ఒక దశలో ఆల్‌టైమ్‌ ఇంట్రాడేలో 80.96కు కూడా పడిపోయింది. ఫెడ్‌ ఫండ్‌ రేటు పెంపు నేపథ్యంలో ఇక ఇన్వెస్టర్ల దృష్టి ప్రస్తుతం బ్యాంక్‌ ఆఫ్‌ జపాన్, బ్యాంక్‌ ఆఫ్‌ ఇంగ్లండ్‌పై ఉన్నట్లు ట్రేడర్లు పేర్కొన్నారు. మరోపక్క, అంతర్జాతీయ మార్కెట్‌లో ఆరు ప్రధాన కరెన్సీల ప్రాతిపదిక లెక్కించే డాలర్‌ ఇండెక్స్‌ 20యేళ్ల గరిష్టం 111 వద్ద ట్రేడవుతోంది. రూపాయి విలువ భారీ నష్టంతో 81.18 వద్ద ట్రేడవుతోంది.

న్యూఢిల్లీ: దేశీ స్టాక్‌ మార్కెట్లలో ఈ వారం ట్రెండ్‌ ప్రధానంగా యూఎస్‌ కేంద్ర బ్యాంకు ఫెడరల్‌ రిజర్వ్‌ పాలసీ సమీక్షా నిర్ణయాలపై ఆధారపడి ఉన్నట్లు విశ్లేషకులు అభిప్రాయపడ్డారు. మంగళవారం(20) నుంచి రెండు రోజులపాటు సమావేశంకానున్న ఫెడరల్‌ ఓపెన్‌ మార్కెట్‌ కమిటీ(ఎఫ్‌వోఎంసీ) బుధవారం వడ్డీ రేట్ల నిర్ణయాలు ప్రకటించనుంది. ద్రవ్యోల్బణం, ఉపాధి తదితర అంశాలపై సమీక్షను చేపట్టనుంది. ఇటీవల ప్రపంచవ్యాప్తంగా ద్రవ్యోల్బణం, వడ్డీ రేట్లు, ఆర్థిక మాంద్యం తదితరాలపై ఆందోళనలు వ్యక్తమవుతున్న నేపథ్యంలో ఫెడ్‌ నిర్ణయాలకు ప్రాధాన్యత ఏర్పడింది. ధరల అదుపుపైనే దృష్టి పెట్టిన ఎఫ్‌వోఎంసీ వరుసగా మూడోసారి వడ్డీ రేట్లను భారీగా పెంచే వీలున్నట్లు నిపుణులు అంచనా వేస్తున్నారు. ఈ బాటలో యూరోపియన్‌ కేంద్ర బ్యాంకు, బ్యాంక్‌ ఆప్‌ ఇంగ్లండ్, బ్యాంక్‌ ఆఫ్‌ జపాన్‌ తదితరాలు సైతం ఇదే బాటలో సాగనున్నట్లు భావిస్తున్నారు. పెట్టుబడుల ప్రభావం విదేశీ ఇన్వెస్టర్ల పెట్టుబడుల తీరు, డాలరుతో మారకంలో రూపాయి కదలికలు సైతం ఈ వారం సెంటిమెంటును ప్రభావితం చేయనున్నట్లు నిపుణులు పేర్కొన్నారు. అంతేకాకుండా ముడిచమురు ధరలు, ఆరు ప్రధాన కరెన్సీలతో మారకంలో బలపడుతున్న డాలరు, ట్రెజరీ ఈల్డ్స్‌ వంటి అంశాలపైనా ఇన్వెస్టర్లు దృష్టి పెట్టనున్నట్లు తెలియజేశారు. యూఎస్‌ ద్రవ్యోల్బణంతోపాటు, 110కు చేరిన డాలరు ఇండెక్స్‌పట్ల గ్లోబల్‌ మార్కెట్లు ఆందోళనగా ఉన్నట్లు స్వస్తికా ఇన్వెస్ట్‌మార్ట్‌ రీసెర్చ్‌ హెడ్‌ సంతోష్‌ మీనా పేర్కొన్నారు. ప్రభావిత దేశీ అంశాలు కొరవడటంతో యూఎస్‌ ఫెడ్‌పైనే మార్కెట్లు కన్నేయనున్నట్లు రెలిగేర్‌ బ్రోకింగ్‌ రీసెర్చ్‌ నిపుణులు అజిత్‌ మిశ్రా, శామ్‌కో సెక్యూరిటీస్‌ నిపుణులు అపూర్వ సేథ్‌ అభిప్రాయపడ్డారు. గత వారం వెనకడుగు యూఎస్‌ ఫెడ్‌ వడ్డీ రేట్ల పెంపు అంచనాలతో దేశీ ఈక్విటీ మార్కెట్లు గత వారం(12–16) భారీగా వెనకడుగు వేశాయి. సెన్సెక్స్‌ 952 పాయింట్లు  పతనమై 58,841 వద్ద నిలవగా.. 303 పాయింట్లు క్షీణించిన నిఫ్టీ 17,531 వద్ద స్థిరపడింది. అన్నివైపులా అమ్మకాలు పెరగడంతో బీఎస్‌ఈ మిడ్, స్మాల్‌ క్యాప్‌ ఇండెక్సులు సైతం 1.25 శాతం స్థాయిలో నీరసించాయి. అయితే స్థూల ఆర్థిక గణాంకాలు ప్రోత్సాహకరంగా ఉన్నప్పటికీ డాలరుసహా బాండ్ల ఈల్డ్స్‌ బలపడటంతో దేశీ స్టాక్‌ మార్కెట్లు విదేశీ ప్రభావంతో బలహీనపడినట్లు జియోజిత్‌ ఫైనాన్షియల్‌ సర్వీసెస్‌ రీసెర్చ్‌ హెడ్‌ వినోద్‌ నాయర్‌ పేర్కొన్నారు.   ఎఫ్‌పీఐల దన్ను తొమ్మిది నెలల అమ్మకాల తదుపరి ఈ ఏడాది జులైలో పెట్టుబడుల బాట పట్టిన విదేశీ పోర్ట్‌ఫోలియో ఇన్వెస్టర్ల(ఎఫ్‌పీఐలు) ఈ నెలలో ఇప్పటివరకూ(1–16) దేశీ స్టాక్స్‌లో రూ. 12,084 కోట్లు ఇన్వెస్ట్‌ చేశారు. ఆగస్ట్‌లో రూ. 51,200 కోట్ల పెట్టుబడులు పంప్‌చేయగా.. జులైలోనూ రూ. 5,000 కోట్ల విలువైన స్టాక్స్‌ కొనుగోలు చేశారు. ఈ నెలలో రుణ సెక్యూరిటీలలోనూ రూ. 1,777 కోట్లు ఇన్వెస్ట్‌ చేయడం గమనార్హం. కాగా.. గతేడాది చివర్లో అమ్మకాలకే ప్రాధాన్యమివ్వడం ప్రారంభించిన ఎఫ్‌పీఐలు 2021 అక్టోబర్‌– 2022 జూన్‌ మధ్య కాలంలో రూ. 2.46 లక్షల కోట్ల పెట్టుబడులను వెనక్కి తీసుకున్న సంగతి తెలిసిందే. అయితే వడ్డీ పెంపు అంచనాల నడుమ ఇకపై ఎఫ్‌పీఐలు ఊగిసలాట ధోరణి ప్రదర్శించవచ్చని కొటక్‌ సెక్యూరిటీస్‌ రీసెర్చ్‌ హెడ్‌ శ్రీకాంత్‌ చౌహాన్‌ అభిప్రాయపడ్డారు.

ముంబై: ఈ వారం దేశీ స్టాక్‌ మార్కెట్ల గమనాన్ని ప్రధానంగా అంతర్జాతీయ పరిస్థితులు నిర్దేశించనున్నట్లు పలువురు నిపుణులు భావిస్తున్నారు. దేశీయంగా మార్కెట్లను ప్రభావితం చేయగల అంశాలు కొరవడటం దీనికి కారణమని తెలియజేశారు. అయితే మరోపక్క రుతు పవనాల కదలికలు, విదేశీ పోర్ట్‌ఫోలియో ఇన్వెస్టర్ల పెట్టుబడులు, ముడిచమురు ధరలు వంటి అంశాలకు సైతం ప్రాధాన్యత ఉన్నట్లు పేర్కొన్నారు. అంతేకాకుండా డాలరుతో మారకంలో రూపాయి విలువ సైతం సెంటిమెంటుకు కీలకంగా నిలవనున్నట్లు అభిప్రాయపడ్డారు. ఆర్‌బీఐ పరపతి విధాన కమిటీ (ఎంపీసీ) సమావేశపు మినిట్స్‌ను మార్కెట్‌ వర్గాలు క్షుణ్ణంగా పరిశీలించే వీలుంది. వడ్డీ రేట్ల పెంపు ధరలు అదుపు చేసేందుకు పలు కేంద్ర బ్యాంకులు కఠిన ద్రవ్య విధానాల అమలుకు మొగ్గుచూపాయి. ఫలితంగా గత వారంలో సెన్సెక్స్‌ 2,943 పాయింట్లు, నిఫ్టీ 908 పాయింట్లు చొప్పున క్షీణించాయి. గడిచిన రెండేళ్లలో ఒకవారంలో సూచీలు ఈ స్థాయిలో పతనాన్ని చవిచూడటం ఇదే తొలిసారి.   ‘‘గడిచిన వారంలో సూచీలు ఐదున్నర శాతానికి పైగా క్షీణించడంతో షార్ట్‌కవరింగ్‌కు వీలున్నప్పటికీ ట్రెండ్‌ బలహీనంగా ఉంది. ఆర్థిక మందగమన భయాలతో ఈక్విటీ మార్కెట్లు మరింత ఒత్తిడికి లోనయ్యే అవకాశం ఉంది. ట్రేడర్లు లాంగ్‌ పొజిషన్లకు దూరంగా ఉండటం మంచిది. నిఫ్టీ 15,360 స్థాయిని నిలుపుకోగలిగితే తప్ప మార్కెట్‌ దిద్దుబా టు ఆగదు. అమ్మకాలు కొనసాగితే నిఫ్టీకి 15,183 పాయింట్ల వద్ద తక్షణ మద్దతు, ఆ తర్వాత 14,900 వద్ద మద్దతు లభించొచ్చు’’ శామ్కో సెక్యూరిటీస్‌ ఈక్విటీ రీసెర్చ్‌ హెడ్‌ యష్‌ షా తెలిపారు. విదేశీ గణాంకాలు 1–5 ఏళ్ల కాలానికి రుణాల ప్రామాణిక రేటును చైనా ఈ నెల 20న ప్రకటించనుంది. కోవిడ్‌–19 షాక్‌ తదుపరి ఆర్థిక వ్యవస్థ బలోపేతానికే అధిక ప్రాధాన్యమివ్వనున్నట్లు బ్యాంక్‌ ఆఫ్‌ జపాన్‌ పే ర్కొంది. దీంతో వడ్డీ రేట్లను యథాతథంగా కొనసాగిస్తున్నట్లు ప్రకటించింది. అయితే ఇటీవల ఆర్‌బీఐ, యూఎస్‌ ఫెడ్, బ్యాంక్‌ ఆఫ్‌ ఇంగ్లండ్, స్విస్‌ నేషనల్‌ బ్యాంక్‌ తదితరాలు వడ్డీ రేట్ల పెంపుతోపాటు కఠిన పరపతి విధానాలకు మొగ్గు చూపుతున్న సంగతి తెలిసిందే. దీంతో బాండ్ల ఈల్డ్స్‌ బలపడుతుండటంతో పెట్టుబడులు స్టాక్స్‌ నుంచి రుణ సెక్యూరిటీలవైపుమళ్లుతున్నట్లు ఆర్థికవేత్తలు చెబుతున్నారు. రుతు పవనాలు ప్రభావం   ఈ ఏడాది వర్షాలు సాధారణంగానే కురుస్తాయన్న వాతావరణ శాఖ అంచనా వేశారు. అయితే నైరుతి రుతు పవనాలు ప్రవేశించినా, వాటి విస్తరణ ఆశించిన విధంగా లేకపోవడం ప్రతికూల ప్రభావం చూపుతోంది. సకాలంలో వర్షాలు కురవకపోతే ద్రవ్యోల్బణ ధీర్ఘకాలం కొనసాగడంతో పాటు పెట్టుబడులు మందగించవచ్చని ఆర్థికవేత్తలు ఆందోళన వ్యక్తం చేస్తున్నారు. విదేశీ ఇన్వెస్టర్ల పెట్టుబడుల ఉపసంహరణ   భారత ఈక్విటీ మార్కెట్ల నుంచి విదేశీ ఇన్వెస్టర్ల పెట్టుబడుల ఉపసంహరణ కొనసాగుతూనే ఉంది. ఈ జూన్‌లో ఇప్పటి వరకు రూ.31,430 కోట్లు ఉపసంహరించుకున్నారు. దీంతో 2022 ఆరంభం నుంచి మొత్తంగా రూ.1.98 లక్షల కోట్లు భారత ఈక్విటీ మార్కెట్ల నుంచి తరలిపోయాయి. భౌగోళిక రాజకీయ ఉద్రిక్తతలు, ద్రవ్యోల్బణం పెరుగుదల, కేంద్ర బ్యాంకులు ద్రవ్య విధానాన్ని కఠినతరం చేయడం వంటి అంశాలే ఎఫ్‌పీఐల అమ్మకాలకు ప్రధాన కారణమని కోటక్‌ సెక్యూరిటీస్‌ ఈక్విటీ రీసెర్చ్‌ హెడ్‌ శ్రీకాంత్‌ చౌహాన్‌ తెలిపారు.


 దేశీ స్టాక్‌మార్కెట్లు దూసుకుపోతున్నాయి. సూచీలు ఆల్‌టైమ్‌ గరిష్టాలను దాటేస్తున్నాయి. ఇక రాబోయే రోజుల్లో కంపెనీల ఆదాయాలు మరింతగా మెరుగుపడే సూచనలు కనిపిస్తున్నాయి. ఇక వడ్డీ రేట్లు చూస్తే ఇవి మరికొన్నాళ్లు తక్కువ స్థాయిల్లోనే కొనసాగవచ్చు. వేల్యుయేషన్స్‌ ధోరణులను, మార్కెట్ల దిశను అంచనా వేయడానికి కీలకమైన ఈ రెండింటి తీరు తెన్నులను బట్టి చూస్తే.. దీర్ఘకాలిక పెట్టుబడి సాధనంగా ఈక్విటీలు ఆశావహంగా ఉన్నాయని చెప్పవచ్చు. ఇక గణనీయంగా పెరిగినప్పటికీ.. వేల్యుయేషన్‌ దృష్టికోణం నుంచి దీర్ఘకాలిక సగటు ప్రాతిపదికన చూస్తే సూచీల్లోని లార్జ్‌ క్యాప్‌ స్టాక్స్‌ మరీ ఖరీదైనవిగా ఏమీ లేవు. వడ్డీరేట్లు మరి కొంత కాలం తక్కువ స్థాయిలోనే ఉండనున్న నేపథ్యంలో సహేతుకమైన వేల్యుయేషన్స్‌ గల లార్జ్‌ క్యాప్‌ స్టాక్స్‌లో పెట్టుబడులకు అవకాశాలు ఉన్నాయి. అప్పుడప్పుడు చిన్న చిన్న కరెక్షన్స్‌ చోటు చేసుకోవచ్చు గానీ.. స్థూలంగా చూస్తే మాత్రం రిస్కుకు తగిన రివార్డులివ్వడంలో ఈక్విటీలే ఆశావహంగా కనిపిస్తున్నాయి.
 
 స్మాల్‌ క్యాప్‌ జోరు తగ్గుముఖం..
 దేశీయంగా పెట్టుబడులు ఈక్విటీల్లోకి రావాలంటే మార్కెట్లు బాగుండాలి. స్టాక్‌మార్కెట్లలోకి దేశీ పెట్టుబడులు పెరుగుతాయనడంలో ఎలాంటి సందేహం లేదు.. కానీ గడిచిన కొన్నాళ్లుగా చూస్తే.. ఈ పెట్టుబడుల్లో అధిక భాగం మిడ్, స్మాల్‌ క్యాప్‌ కంపెనీల్లోకి వచ్చాయి. లార్జ్‌ క్యాప్‌ స్టాక్స్‌లోకి అంతగా రాలేదు. లార్జ్‌ క్యాప్‌తో పోలిస్తే మిడ్, స్మాల్‌ క్యాప్‌ షేర్లు రాణిస్తుంటేనే మార్కెట్లపై దేశీయంగా సామాన్య ఇన్వెస్టర్లు ఆశావహంగా ఉంటారు. మధ్య, చిన్న స్థాయి షేర్ల వేల్యుయేషన్లు ఇప్పటికే గణనీయంగా పెరిగాయి. దీంతో మరికొన్నాళ్ల పాటు ఈ పరుగు పునరావృతం కాకపోవచ్చు. రేప్పొద్దున మరింత భారీగా ఎదిగే సత్తా ఉన్న చిన్న సంస్థలను నిరంతరాయంగా దొరకపుచ్చుకోవడం చాలా కష్టమైన వ్యవహారమే. మంచి ట్రాక్‌ రికార్డు, లాభదాయకత, ఉత్తమమైన కార్పొరేట్‌ విధానాలు, వ్యాపారం తీరుతెన్నులు బాగున్న సంస్థలు స్వల్పకాలంలో లార్జ్‌ క్యాప్‌లుగా ఎదిగే అవకాశాలు ఉంటాయి.
 
 ఈ రంగాలు ఆసక్తికరం..
 రాబోయే రోజుల్లో రంగాలవారీగా చూస్తే.. ఫార్మా మెరుగ్గానే ఉండొచ్చని అంచనా. ఎఫ్‌డీఏ అంశాలు ప్రస్తుతం చికాకుపెడుతున్నప్పటికీ.. అవి మరింత కాలం కొనసాగకపోవచ్చు. ఫార్మా కొన్నాళ్లుగా గడ్డు పరిస్థితులు ఎదుర్కొన్నప్పటికీ.. మెల్లగా అంతా చక్కబడగలదు. ఫైనాన్షియల్‌ సర్వీసుల రంగం కూడా కొన్నాళ్లుగా స్థిరంగా మెరుగైన పనితీరు కనపరుస్తోంది. అలాగే ఆటోమొబైల్‌ విడిభాగాల తయారీ కంపెనీలు సైతం ఆసక్తికరంగా కనిపిస్తున్నాయి. వీటితో పాటు చిన్న రంగాలకు సంబంధించి టెక్స్‌టైల్స్, స్పెషాలిటీ కెమికల్స్, ఆగ్రో కమోడిటీ స్టాక్స్‌ కూడా రాబోయే రోజుల్లో మెరుగ్గా రాణించవచ్చు.
 
 విస్తృతమైన ర్యాలీ...
 వర్ధమాన మార్కెట్లలోకి మళ్లీ పెట్టుబడుల ప్రవాహం పెరుగుతుండటంతో సూచీలు ర్యాలీ చేస్తున్నాయి. క్రమంగా కొన్ని రంగాల్లో పెట్టుబడుల ప్రవాహం పరిమితమైనా.. మొత్తం మీద మాత్రం విçస్తృ తంగా అన్ని రంగాల షేర్లలోనూ ర్యాలీ కనిపించవచ్చు. అంతర్జాతీయ పరిణామాలకు తగినట్లుగా ఒకో సందర్భంలో ఒక్కో రంగం హైలైట్‌ కావొచ్చు. వడ్డీ రేట్లు తక్కువ స్థాయిల్లో ఉండటంతో పాటు మెరుగైన ఆర్థిక ఫలితాలతో అన్నింటి వేల్యుయేషన్స్‌ పెరగొచ్చు. వాటికుండే వెయిటేజీని బట్టి తదనుగుణంగా సూచీలు సైతం పెరిగే అవకాశముంది.


 ⇒ 556 పాయింట్లు పతనం; 28 వేల దిగువన ముగింపు
 ⇒ నిఫ్టీ 158 పాయింట్లు డౌన్; 8448 వద్ద క్లోజ్
 ⇒ వెంటాడిన పన్ను భయాలు.. అమ్మకాల బాటలో ఎఫ్‌ఐఐలు
 ⇒ ఎగుమతుల్లో తీవ్ర క్షీణత ప్రభావం కూడా...
 ⇒ భారీగా పడిన రిలయన్స్, ఇన్ఫోసిస్ తదితర బ్లూచిప్స్
 ఇన్నాళ్లూ దేశీ స్టాక్ మార్కెట్లకు వెన్నుదన్నుగా నిలుస్తున్న విదేశీ ఇన్వెస్టర్లకు కోపం వచ్చింది.
 
 ఐటీ శాఖ జారీ చేసిన భారీ పన్ను నోటీసులతో ఆందోళన చెందుతున్న విదేశీ ఫండ్స్ ఎడాపెడా అమ్మకాలకు దిగడంతో సెన్సెక్స్ కుప్పకూలింది. ఏకంగా 556 పాయింట్లు దిగజారి... ‘బ్లాక్ మండే’గా మారింది. అంతేకాదు సెన్సెక్స్ మూడు వారాల కనిష్ట స్థాయికి పడిపోవడం మరో ప్రధానాంశం. ఇక ఎన్‌ఎస్‌ఈ నిఫ్టీ 158 పాయింట్లు క్షీణించింది. ప్రధానంగా రిలయన్స్, ఇన్ఫోసిస్ వంటి బ్లూచిప్స్ తీవ్రంగా నష్టపోవడంతోపాటు అంతర్జాతీయ మార్కెట్లలో బలహీనత కూడా దేశీ సూచీలు దిగజారడానికి కారణాల్లో కొన్ని.
  
 విదేశీ సంస్థాగత ఇన్వెస్టర్ల(ఎఫ్‌ఐఐలు/ఎఫ్‌పీఐలు)కు పన్ను నోటీసుల భయాలు మార్కెట్‌ను వెంటాడాయి. సోమవారం ట్రేడింగ్ ప్రారంభంలోనే 95 పాయింట్లకు పైగా లాభంతో ఆరంభమైన సూచీ... ఆ తర్వాత క్రమంగా నష్టాల్లోకి జారిపోయింది. ఒకానొక దశలో 640 పాయింట్లు ఆవిరై.. 27,802 పాయింట్ల కనిష్ట స్థాయికి కూడా పడిపోయింది. చివరకు క్రితం ముగింపు 28,442తో పోలిస్తే 556 పాయింట్లు(దాదాపు 2 శాతం) క్షీణతతో 27,886 వద్ద సెన్సెక్స్ ముగిసింది. గత నాలుగు ట్రేడింగ్ సెషన్లలోనూ వరుసగా నష్టాల్లోనే కొనసాగుతున్న సూచీ.. మొత్తం 1,160 పాయింట్లు దిగజారడం గమనార్హం.
 
 ఇక నిఫ్టీ కూడా భారీగా 1.83 శాతం(158 పాయింట్లు) నష్టపోయి 8,448 పాయింట్ల వద్ద స్థిరపడింది. ఇంట్రాడేలో 8,620-8,423 పాయింట్ల గరిష్ట, కనిష్ట స్థాయిలను నమోదు చేసింది. ఐటీ, ఎఫ్‌ఎంసీజీ, రియల్టీ షేర్లలో పెద్దయెత్తున లాభాల స్వీకరణ జరిగినట్లు మార్కెట్ వర్గాలు పేర్కొన్నాయి.
  
 ట్రేడింగ్ ప్రధానాంశాలు...
 ⇒ బీఎస్‌ఈలో రియల్టీ సూచీ అత్యధికంగా 2.78 శాతం కుప్పకూలింది. ఆ తర్వాత భారీగా దిగజారిన వాటిలో ఎఫ్‌ఎంసీజీ(2.71%), క్యాపిటల్ గూడ్స్(2.17%), ఐటీ(2.08%), విద్యుత్(2.04%), చమురు-గ్యాస్(1.91%) రంగాలు ప్రధానంగా ఉన్నాయి.
 ⇒ బీఎస్‌ఈ స్మాల్‌క్యాప్ సూచీ 2.17%, మిడ్‌క్యాప్ సూచీ 2.02 చొప్పున నష్టపోయాయి.
 ⇒ సెన్సెక్స్ జాబితాలోని 30 స్టాక్స్‌లో 28 నష్టాలతో ముగిశాయి. సన్ ఫార్మా(0.66%), ఐసీఐసీఐ బ్యాంక్(0.31%) స్వల్ప లాభాలను చవిచూశాయి.
 ⇒ గత శుక్రవారం ఫలితాలను ప్రకటించిన రిలయన్స్ ఇండస్ట్రీస్ షేరు అత్యధికంగా 4.46 శాతం కుప్పకూలింది.
 ⇒ ఇక భారీగా నష్టపోయిన ఇతర షేర్లలో హీరో మోటోకార్ప్(3.96%), సిప్లా(3.03%), ఎంఅండ్‌ఎం(2.96%), యాక్సిస్ బ్యాంక్(2.94%), ఐటీసీ(2.97%), హెచ్‌డీఎఫ్‌సీ(2.69%), ఎల్‌అండ్‌టీ(2.51%), ఓఎన్‌జీసీ(2.47%), డాక్టర్ రెడ్డీస్(2.44%),  హెచ్‌యూఎల్ (2.43%) ఇన్ఫో సిస్(2.23%),  ఉన్నాయి.
 ⇒ బీఎస్‌ఈ నగదు విభాగంలో టర్నోవర్‌కూడా గత శుక్రవారంతో పోలిస్తే(రూ.3,457 కోట్లు).. భారీగా రూ.5,004 కోట్లకు ఎగబాకింది. ఇక ఎన్‌ఎస్‌ఈ క్యాష్ సెగ్మెంట్‌లో రూ.17,678 కోట్లు, డెరివేటివ్స్(ఫ్యూచర్స్ అండ్ ఆప్షన్స్) విభాగంలో రూ,3,27,420 కోట్ల చొప్పున టర్నోవర్ జరిగింది.
  
 రూ.1.59 లక్షల కోట్ల సంపద ఆవిరి
 మార్కెట్ తీవ్ర పతనంతో ఇన్వెస్టర్ల సంపద కూడా భారీగా కరిగిపోయింది. సోమవారం ఒక్కరోజే స్టాక్ మార్కెట్ క్యాపిటలైజేషన్(మొత్తం షేర్ల విలువ)లో రూ.1.59 లక్షల కోట్లు ఆవిరైంది. దీంతో బీఎస్‌ఈ మొత్తం మార్కెట్ క్యాప్ రూ.102.64 లక్షల కోట్లకు తగ్గిపోయింది.
  
 రూపాయి భారీ క్షీణత..
 దిగుమతిదారుల నుంచి డాలర్లకు డిమాండ్ కొనసాగడంతో దేశీ కరెన్సీ మారకం విలువ సోమవారం భారీగా క్షీణించింది. 55 పైసలు తగ్గి నెల రోజుల కనిష్టమైన 62.91 స్థాయికి పతనమైంది. ఒక్క రోజులో రూపాయి విలువ ఇంతగా క్షీణించడం 2015లో ఇదే మొదటిసారి. అటు అంతర్జాతీయంగా డాలరు బలపడుతున్న నేపథ్యంలో ఎగుమతిదారులు షార్ట్‌కవరింగ్‌కు దిగడం, ఇటు దేశం నుంచి విదేశీ పెట్టుబడులు భారీగా తరలిపోతుండటం తదితర అంశాలతో రూపాయిపై గణనీయంగా ఒత్తిడి పెరిగిందని మార్కెట్ వర్గాలు తెలిపాయి. చివరిసారిగా మార్చి 13న డాలర్‌తో పోలిస్తే రూపాయి విలువ 62.97 వద్ద క్లోజయ్యింది.
  
 కారణాలేంటి...
 ఎఫ్‌ఐఐలు తమ మూలధన లాభాలపై 20 శాతం కనీస ప్రత్యామ్నాయ పన్ను(మ్యాట్) చెల్లించాల్సిందేనంటూ ఇటీవలే ఆదాయపు పన్ను శాఖ డిమాండ్ నోటీసులు జారీ చేయడం తెలిసిందే. దీనిపై తామేమీ కల్పించుకోలేమంటూ మోదీ సర్కారు తేల్చిచెప్పడంతో విదేశీ ఇన్వెస్టర్లలో భయాందోళనలు తీవ్రమయ్యాయి. ఎఫ్‌ఐఐలు చెల్లించాల్సిన పన్ను బకాయిల మొత్తం రూ.40,000 కోట్లుగా అంచనా. మరోపక్క, కెయిర్న్, క్యాడ్‌బరీ వంటి కేసుల్లో రెట్రోస్పెక్టివ్ పన్ను(పాత కేసులు, లావాదేవీలకూ పన్ను విధింపు) నోటీసులు కూడా విదేశీ ఇన్వెస్టర్లలో ప్రతికూల సెంటిమెంట్‌కు కారణమవుతోందని మార్కెట్ వర్గాలు చెబుతున్నాయి.
 
 సోమవారం ఎఫ్‌ఐఐలు నికరంగా రూ.1,500 కోట్లకుపైగా విలువైన షేర్లను అమ్మేసినట్లు ప్రాథమిక గణాంకాల్లో వెల్లడైంది. ఈ ఏడాది ఇప్పటిదాకా ఎఫ్‌ఐఐలు స్టాక్స్, బాండ్ మార్కెట్లలో రూ.83,000 కోట్లకు పైగానే నికరంగా పెట్టుబడులు పెట్టారు. దెబ్బతీసిన ఎగుమతుల డేటా: ఇదిలాఉంటే.. మార్చి నెలలో దేశీ ఎగుమతులు భారీగా 21 శాతం క్షీణించడం..
 
 2014-15 ఏడాది ఎగుమతుల లక్ష్యానికి ఆమడదూరంలోనే(లక్ష్యం 340 బిలియన్ డాలర్లు.. సాకారమైంది 311 బిలియన్ డాలర్లే. 2013-14లో ఎగుమతులు 314 బిలియన్ డాలర్లు) నిలిచిపోవడం కూడా మార్కెట్లకు షాకిచ్చిందని ట్రేడర్లు పేర్కొంటున్నారు. దాదాపు ఆసియా ప్రధాన మార్కెట్లన్నీ నష్టాలతో ముగియడం.. నాలుగో త్రైమాసికంలో కార్పొరేట్ల ఆర్థిక ఫలితాలు అంతంతమాత్రంగానే ఉండొచ్చన్న ఆందోళనలు కూడా సెంటిమెంట్‌ను దిగజార్చిందనేది విశ్లేషకుల అభిప్రాయం.
  
 యూబీఎస్.. నిఫ్టీ అంచనాలు కట్
 ఎన్‌ఎస్‌ఈ నిఫ్టీ డిసెంబర్ కల్లా 9,600 పాయింట్లకు చేరుతుందన్న అంచనాలను అంతర్జాతీయ బ్రోకరేజ్ సంస్థ యూబీఎస్ 9,200 పాయింట్లకు తగ్గిం చింది.  వృద్ధి రికవరీ ఆశించిన దానికన్నా నెమ్మదిగా ఉండడమే దీనికి కారణమని వివరించింది. ఆర్‌బీఐ కీలర రేట్ల కోత, ముడి చమురు ధరలు తక్కువగా ఉండడం, సంస్కరణల వార్తలతో గత ఏడాది కాలంలో భారత మార్కెట్లు వృద్ధి పధంలో కొనసాగాయని యూబీఎస్ హెడ్(ఇండియా రీసెర్చ్) గౌతమ్ చౌహరియా పేర్కొన్నారు.
 
 ఇక ఇప్పటి నుంచి కంపెనీల వాస్తవిక ఫలితాలు, ద్రవ్యోల్బణం తదితర అంశాలు ప్రభావం చూపుతాయన్నారు. వృద్ధి రికవరీ అంచనా వేసిన దానికంటే నెమ్మదిగా ఉండడం వల్లే నిఫ్టీ లక్ష్యాన్ని తగ్గించామని, ప్రస్తుతం వెలువడుతున్న కంపెనీల ఫలితాలు దీన్ని ప్రతిబింబిస్తున్నాయని చెప్పారు.


 * వారం రోజుల గరిష్టానికి సెన్సెక్స్
 * 8,300 పైన నిఫ్టీ
 మార్కెట్  అప్‌డేట్
 పారిశ్రామికోత్పత్తి, రిటైల్ ద్రవ్యోల్బణ గణాంకాలపై ఆశావహ అంచనాలతో దేశీ స్టాక్‌మార్కెట్లు వరుసగా మూడో సెషన్లోనూ లాభపడ్డాయి. సోమవారం దాదాపు రోజంతా నష్టాల్లోనే ట్రేడయినా చివరి గంటన్నర వ్యవధిలో లాభాలు నమోదు చేశాయి. క్యాపిటల్ గూడ్స్, ఎఫ్‌ఎంసీజీ, ఐటీ షేర్లలో కొనుగోళ్లతో సెన్సెక్స్ 127 పాయింట్లు పెరిగి వారం రోజుల గరిష్ట స్థాయిలో ముగిసింది. అటు నిఫ్టీ కూడా కీలకమైన 8,300 మార్కును దాటి .. 38 పాయింట్ల లాభంతో 8,323 వద్ద ముగిసింది.  
 
 సోమవారం ట్రేడింగ్ ప్రారంభంలో కొనుగోళ్ల మద్దతుతో క్రితం ముగింపు కన్నా అధికంగా 27,524 వద్ద సెన్సెక్స్ ప్రారంభమైంది. కానీ ఆ తర్వాత లాభాల స్వీకరణతో 27,324 స్థాయికి పడిపోయింది. అయితే, మధ్యాహ్నం సెషన్లో మళ్లీ కోలుకుని చివరికి 27,585 వద్ద ముగిసింది. జనవరి 5 నాటి 27,842 క్లోజింగ్ తర్వాత ఇదే అత్యధికం. దీంతో సెన్సెక్స్ వరుసగా మూడు రోజుల్లో 676 పాయింట్లు పెరిగినట్లయింది. మొత్తం మీద బీఎస్‌ఈలో 1,651 స్టాక్స్ లాభాల్లోనూ, 1,253 స్టాక్స్ నష్టాల్లోనూ ముగిశాయి.
 
 టర్నోవరు రూ. 3,285 కోట్ల నుంచి రూ. 3,019 కోట్లకు తగ్గింది. మరోవైపు ఎన్‌ఎస్‌ఈ స్టాక్స్ విభాగంలో రూ. 14,485 కోట్లు, డెరివేటివ్స్‌లో రూ. 1,73,407 కోట్లు టర్నోవరు నమోదైంది.  ఇక అంతర్జాతీయంగా చూస్తే ఆసియా దేశాల్లో చాలా మటుకు సూచీలు నష్టపోయాయి. ఉద్దీపన ప్యాకేజీలు యూరో దేశాల సమస్యలు తీర్చలేకపోవచ్చన్న ఆందోళనలు ఇందుకు కారణం. జపాన్ మార్కెట్‌లో ట్రేడింగ్ జరగలేదు. మరోవైపు, యూరప్ సూచీల్లో లాభాల్లో ముగిశాయి.


 మార్కెట్  అప్‌డేట్
 సెన్సెక్స్ 46 పాయింట్లు, నిఫ్టీ 17 పాయింట్లు నష్టం
 బ్లూచిప్ స్టాక్స్‌లో లాభాల స్వీకరణతో దేశీయ స్టాక్ మార్కెట్లలో ఆరు సెషన్ల ర్యాలీకి బ్రేకు పడింది. దాదాపు నెల రోజుల గరిష్టానికి ఎగిసిన సెన్సెక్స్ 46 పాయింట్లు, నిఫ్టీ 17 పాయింట్లు నష్టపోయాయి. దేశీ సూచీలు కీలక నిరోధక స్థాయులను అధిగమించడంతో సోమవారం ట్రేడింగ్ సానుకూలంగా ప్రారంభమైంది.
 
 బీఎస్‌ఈ సెన్సెక్స్ 28,064 పాయింట్లు, ఎన్‌ఎస్‌ఈ నిఫ్టీ 8,446 పాయింట్ల స్థాయిని తాకాయి. అయితే, ఆసియా మార్కెట్లు ప్రతికూలంగా ముగియడం, యూరప్ మార్కెట్లు అంత బలంగా లేకపోవటం వంటిపరిణామాలతో బ్లూచిప్ స్టాక్స్‌లో లాభాల స్వీకరణ జరిగింది. దీంతో చివర్లో సెన్సెక్స్ 27,842 పాయింట్లు, నిఫ్టీ 8,378 పాయింట్ల వద్ద ముగిశాయి.
 
 ఐటీ, టెలికం, మెటల్, బ్యాంకింగ్ షేర్లలో అమ్మకాలు వెల్లువెత్తగా.. ఆటోమొబైల్, వినియోగ వస్తువులు, క్యాపిటల్ గూడ్స్ షేర్లలో కొనుగోళ్లు జరిగాయి. హెచ్‌డీఎఫ్‌సీ, టీసీఎస్, రిలయన్స్ ఇండస్ట్రీస్, హెచ్‌డీఎఫ్‌సీ బ్యాంక్, భారతి ఎయిర్‌టెల్, డాక్టర్ రెడ్డీస్ ల్యాబ్స్, ఎస్‌బీఐ తదిత షేర్లు నష్టపోవడంతో మార్కెట్లపై గణనీయంగా ప్రభావం పడినట్లు ట్రేడర్లు తెలిపారు.మార్కె ట్లు సానుకూలంగా మొదలైనప్పటికీ అంతర్జాతీయ పరిణామాలతో నష్టాల్లో ముగిసినట్లు రెలిగేర్ సెక్యూరిటీస్ ప్రెసిడెంట్ జయంత్  తెలియజేశారు. మొత్తం 1,545 స్టాక్స్ లాభాల్లోనూ, 1,420 షేర్లు నష్టాల్లోను ముగిశాయి.


 మార్కెట్  అప్‌డేట్
 * 27,209కు దిగిన సెన్సెక్స్
 * అమెరికా వడ్డీ పెంపు భయాలు
 * లాభాల స్వీకరణ ఎఫెక్ట్ కూడా
 * ఎన్‌ఎస్‌ఈ టర్నోవర్ రికార్డు
 అంచనాలకంటే ముందుగానే అమెరికా కేంద్ర బ్యాంకు వడ్డీ పెంపు నిర్ణయాన్ని తీసుకోవచ్చునన్న ఆందోళనలు దేశీ స్టాక్ మార్కెట్లను మరోసారి పడగొట్టాయి. క్యూ3లో యూఎస్ జీడీపీ 5% పుంజుకోవడం దీనికి కారణం కాగా, డిసెంబర్ సిరీస్ డెరివేటివ్స్ ముగింపు రోజు కావడంతో ట్రేడర్లు లాభాల స్వీకరణకు అమ్మకాలు చేపట్టడం కూడా జతకలిసింది. వెరసి సెన్సెక్స్ 298 పాయింట్లు పతనమైంది. వారం రోజుల కనిష్టమైన 27,209 వద్ద ముగిసింది. ఇదే విధంగా నిఫ్టీ కూడా 93 పాయింట్లు జారి 8,200 కీలక స్థాయి దిగువకు చేరింది. 8,174 వద్ద నిలిచింది.
  
 పీఎస్‌యూలు డీలా
 సెన్సెక్స్ దిగ్గజాలలో పీఎస్‌యూలు భెల్, ఎన్‌టీపీసీ, గెయిల్, ఓఎన్‌జీసీ, కోల్ ఇండియా 3-2% మధ్య నీరసించా యి. ఈ బాటలో ఇతర బ్లూచిప్స్ హెచ్‌డీఎఫ్‌సీ ద్వయం, డాక్టర్ రెడ్డీస్ 2-1% మధ్య క్షీణించాయి. డిసెంబర్ ఎఫ్‌అండ్‌వో కాంట్రాక్ట్‌ల ము గింపు నేపథ్యంలో ఎన్‌ఎస్‌ఈ ఈక్విటీ డెరివేటివ్స్‌లో రికార్డు టర్నోవర్ జరిగింది. ఇండెక్స్ ఆప్షన్స్‌లో నమోదైన రూ. 4,53,562 కోట్లతో కలిపి ఎఫ్‌అండ్‌వోలో మొత్తం రూ. 5,66,898 కోట్లు జరిగింది. ఇక నగదు విభాగంలోనూ రూ. 22,159 కోట్ల టర్నోవర్ నమోదైంది. కాగా, అల్ట్రాటెక్‌కు 2 సిమెంట్ ప్లాంట్లను విక్రయించనున్న జేపీ అసోసియేట్స్ షేరు 9% జంప్‌చేసింది. మెడికల్ పరికరాల రంగంలో ఎఫ్‌డీఐ నిబంధనలను సరళతరం చేయడంతో ఆప్టో సర్క్యూట్స్ 16% దూసుకెళ్లింది.
  
 నేడు మార్కెట్లకు సెలవు
 క్రిస్మస్ పర్వదినం సందర్భంగా గురువారం(25న) బీఎస్‌ఈ, ఎన్‌ఎస్‌ఈలకు సెలవు ప్రకటించారు.


 సెన్సెక్స్ 538 పాయింట్లు డౌన్
 
 ⇒27,000 స్థాయి దిగువకు...
 ⇒ఏడాదిన్నర కాలంలో అతిపెద్ద పతనం
 ⇒152 పాయింట్లు దిగజారిన నిఫ్టీ
 ⇒ఐదున్నరేళ్ల కనిష్టానికి చమురు ధరలు
 ⇒సంక్షోభంలో రష్యన్ కరెన్సీ ‘రూబుల్’  
 ⇒నష్టాలలో ప్రపంచ స్టాక్ మార్కెట్లు
  
 ప్రపంచ స్టాక్ మార్కెట్ల నష్టాలకు తోడు తాజాగా కరెన్సీ ఆందోళనలు దేశీ స్టాక్ మార్కెట్లను పడగొట్టాయి. దేశీయంగానూ పారిశ్రామికోత్పత్తి క్షీణించడం, వాణిజ్యలోటు పుంజుకోవడం వంటి అంశాలు సెంటిమెంట్‌ను దెబ్బకొట్టాయి. వీటికి ఎఫ్‌ఐఐల అమ్మకాలు జత కలవడంతో సెన్సెక్స్ ఏడాదిన్నర కాలంలో లేనివిధంగా 538 పాయింట్లు పతనమైంది. 27,000 పాయింట్ల కీలక స్థాయికి దిగువన 26,781 వద్ద ముగిసింది. దాదాపు రెండు నెలల కనిష్టమిది! సెన్సెక్స్ ఇంతక్రితం 2013 సెప్టెంబర్ 3న మాత్రమే ఈ స్థాయిలో 651 పాయింట్లు కోల్పోయింది.  
  
 ఏం జరుగుతోంది?
 ఇటీవల నాలుగేళ్ల కనిష్టానికి చేరిన మలేసియన్ కరెన్సీ రింగిట్‌కు జతగా రష్యన్ కరెన్సీ రూబుల్ తాజాగా డాలరుతో మారకంలో చరిత్రాత్మక కనిష్టానికి పడిపోయింది. ఈ ఏడాది జనవరి నుంచీ 50% విలువ కోల్పోయింది. దీంతో 1998 తరువాత మళ్లీ రష్యా హుటాహుటిన వడ్డీ రేటును 10.5% నుంచి ఏకంగా 17%కు పెంచివేసింది. అక్కడి స్టాక్ మార్కెట్ ప్రధాన సూచీ కూడా 14 శాతం పైగా కుప్పకూలింది. మరోపక్క రష్యా, మలేసియాసహా చమురు ఉత్పాదక దేశాల ఆదాయాన్ని దెబ్బతీస్తూ తాజాగా ముడిచమురు ధరలు ఐదున్నరేళ్ల కనిష్టాన్ని తాకడం కూడా ప్రపంచవ్యాప్తంగా సెంటిమెంట్‌ను బలహీనపరచింది.
 
 బ్రెంట్ చమురు బ్యారల్ ధర 58.5 డాలర్ల స్థాయికి దిగిరాగా, నెమైక్స్ రకం 54.5 డాలర్ల స్థాయిలో కదులుతోంది. ఇక ఆర్థిక వ్యవస్థ పుంజుకుంటున్న గణాంకాల నడుమ అమెరికా ఫెడరల్ రిజర్వ్ రెండు రోజుల పరపతి సమీక్షా సమావేశాలు మంగళవారం మొదలయ్యాయి. ఫెడ్ వడ్డీ రేట్లను పెంచే సంకేతాలు వెల్లడిస్తే డాలర్ నిధులు వెనక్కు మళ్లుతాయన్న భయాలు ఇప్పటికే వర్ధ మాన దేశాలను కునుకు లేకుండా చేస్తున్నాయి. ఇప్పటికే చైనా తయారీ రంగ మందగమన ఆందోళనలు, జపాన్ మాంద్య పరిస్థితులు ఆసియా మార్కెట్లను వణికిస్తున్నాయి. ఈ అంశాల నేపథ్యంలో సోమవారం ట్రేడింగ్‌లో యూరప్, అమెరికా మార్కెట్లు 2.5-1% మధ్య నష్టపోయాయి. మంగళవారం చైనా మినహా జపాన్ తదితర ఆసియా మార్కెట్లు కూడా నీరసించాయి.
  
 దేశీయంగానూ...
 దేశీయంగా చూస్తే నవంబర్‌లో వాణిజ్య లోటు 7 బిలియన్ డాలర్లమేర పెరిగి 18 నెలల గరిష్టాన్ని తాకింది. దీంతో డాలరుతో మారకంలో రూపాయి 13 నెలల కనిష్టమైన 63.53కు చేరింది. మరోవైపు గత రెండు రోజుల్లో రూ. 1,325 కోట్ల విలువైన షేర్లను విక్రయించిన ఎఫ్‌ఐఐలు తాజాగా రూ. 1,250 కోట్ల పెట్టుబడులను వెనక్కి తీసుకున్నారు. ప్రపంచ మార్కెట్ల బలహీనతలకుతోడు ఇలాంటి పలు అంశాలు ఇన్వెస్టర్లను ఆందోళనకు లోనుచేశాయి. దీంతో ట్రేడింగ్ గడిచేకొద్దీ అమ్మకాలు వెల్లువెత్తాయి. వెరసి ఎన్‌ఎస్‌ఈ ప్రధాన సూచీ నిఫ్టీ సైతం 152 పాయింట్లు పడిపోయి 8,068 వద్ద నిలిచింది.
 
 ఇతర ప్రధాన అంశాలివీ...
 ⇒బీఎస్‌ఈలో ఐటీ మినహా అన్ని రంగాలూ 4-1.5% మధ్య పతనమయ్యాయి. డాలర్ బలోపేతంతో హెచ్‌సీఎల్‌టెక్, టీసీఎస్, టెక్ మహీంద్రా 4.5-1.5% మధ్య లాభపడ్డాయి.
 ⇒ప్రధానంగా మెటల్, రియల్టీ, ఎఫ్‌ఎంసీజీ, బ్యాంకింగ్, హెల్త్‌కేర్ సూచీలు 4-3% మధ్య నీరసించాయి. మిడ్, స్మాల్ క్యాప్ ఇండెక్స్‌లు సైతం మార్కెట్లను మించుతూ 3% చొప్పున పడిపోయాయి.
 ⇒సెన్సెక్స్ దిగ్గజాలలో సెసాస్టెరిలైట్, డాక్టర్ రెడ్డీస్, హిందాల్కో, ఎస్‌బీఐ, టాటా పవర్, ఐసీఐసీఐ, ఐటీసీ, హెచ్‌డీఎఫ్‌సీ, హెచ్‌యూఎల్, ఓఎన్‌జీసీ 8-2% మధ్య తిరోగమించాయి.
 ⇒ ప్రతికూల పరిస్థితులను ప్రతిబింబిస్తూ ట్రేడైన షేర్లలో 2,327 నష్టపోతే, కేవలం 541 లాభపడ్డాయి.
 ⇒రియల్టీ రంగానికి చెందిన షేర్లలో యూనిటెక్, హెచ్‌డీఐఎల్, అనంత్‌రాజ్, ఒబెరాయ్, డీబీ, ఇండియాబుల్స్, డీఎల్‌ఎఫ్ 11-4% మధ్య కుప్పకూలాయి.


 ‘సాక్షి’ ఇంటర్వ్యూ : డీఎస్‌పీ బ్లాక్‌రాక్ ఫండ్ మేనేజర్ అపూర్వ షా
 
 * వరుస సానుకూల వార్తలే మార్కెట్లను పరుగెట్టిస్తున్నాయి
 * గతేడాదిలాగానే లాభాలను ఇవ్వొచ్చు
 * అమెరికా వడ్డీరేట్లు పెంచినా ఆ ప్రభావం పెద్దగా ఉండదు...
 * బడ్జెట్ తర్వాత ఆర్‌బీఐ వడ్డీరేట్ల కోత
 * ఫైనాన్షియల్స్, క్యాపిటల్ గూడ్స్, ఆటోమొబైల్స్‌పై బుల్లిష్
  
 హైదరాబాద్, బిజినెస్ బ్యూరో: అన్ని వైపుల నుంచి వస్తున్న సానుకూల అంశాలతో దేశీయ స్టాక్ మార్కెట్లు పరుగులు పెడుతున్నాయని, వచ్చే ఏడాదిన్నర వరకు  ఈ ర్యాలీ కొనసాగే అవకాశం ఉందంటున్నారు డీఎస్‌పీ బ్లాక్ రాక్ ఏఎంసీ ఎగ్జిక్యూటివ్ వైస్ ప్రెసిడెంట్, ఫండ్ మేనేజర్ అపూర్వ షా. అమెరికాలో వడ్డీరేట్లు పెరిగినా ఇండియాకొచ్చే ఎఫ్‌ఐఐ నిధుల ప్రవాహంపై పెద్దగా ప్రభావం చూపదంటున్న ‘షా’తో ఇంటర్వ్యూ విశేషాలు..
  
 గతేడాది కాలంగా ఎటువంటి చెప్పుకోదగ్గ పతనం లేకుండానే మార్కెట్లు దూసుకుపోతున్నాయి. ఈ ర్యాలీ ఎంతకాలం కొనసాగే అవకాశం ఉంది?
 ఒకదాని తర్వాత ఒకటి సానుకూల వార్తలు, సంఘటనలే మార్కెట్లను పరుగెట్టిస్తున్నాయి. రఘురామ్ రాజన్ ఆర్‌బీఐ గవర్నర్‌గా పదవీ బాధ్యతలు స్వీకరించిన తర్వాత రూపాయి బలపడటం, యూపీఏ ప్రభుత్వం చివర్లో సంస్కరణలు, మోదీ నేతృత్వలో స్థిరమైన ప్రభుత్వం, ముడి చమురు, బంగారం ధరలు దిగిరావడం, ద్రవ్యోల్బణం... ఇలా అన్నీ ఒకదాని వెనుక ఒకటిగా సానుకూల వార్తలు వెలువడుతుండటంతో లాభాల స్వీకరణకు అవకాశం లేకుండా మార్కెట్ పెరుగుతోంది. వచ్చేది రెండో ఆర్థిక సంస్కరణల బడ్జెట్ అన్న వార్తలు కూడా మార్కెట్ సెంటిమెంట్‌ను మరింత పెంచుతున్నాయి. రానున్న కాలంలో ఇదే విధమైన సానుకూల వార్తలు వస్తాయని గట్టిగా విశ్వసిస్తున్నాము. దేశ ఆర్థిక వ్యవస్థ ఇప్పుడిప్పుడే రికవరీ బాట పట్టడంతో మరో ఏడాదిన్నర పాటు ఈ ర్యాలీ కొనసాగే అవకాశాలున్నాయి.
 
 గతేడాది కాలంలో ఇండెక్స్‌లు సుమారు 40 శాతం రాబడిని అందించాయి. వచ్చే ఏడాదిన్నర కూడా ఇదే విధమైన రాబడిని అంచనా వేస్తున్నారా?
 ఎంత రాబడిని అందిస్తాయని చెప్పలేము. ఇండెక్స్‌ల పెరుగుదల అనేది కంపెనీలు ఆర్జించే లాభాలపై ఆధారపడి ఉంటుంది. ప్రస్తుతం కార్పొరేట్ రంగం ఎదుర్కొంటున్న సమస్యలను పరిష్కరించి, ప్రోత్సాహకరమైన విధానాలు ప్రవేశపెడితే వచ్చే ఏడాది కూడా ఇండెక్స్‌లు ఇదే స్థాయిలో లాభాలు అందించవచ్చు.
 
 వచ్చే ఏడాది కాలంలో నిఫ్టీ ఏ స్థాయికి చేరవచ్చు?
 మా పాలసీ ప్రకారం ఇండెక్స్ లక్ష్యాలను చెప్పలేము. కానీ బంగారం, రియల్ ఎస్టేట్, ఫిక్స్‌డ్ ఇన్‌కమ్ వంటి ఇతర పెట్టుబడి సాధనాల కంటే ఈక్విటీలు అధిక రాబడిని ఇస్తాయని చెప్పొచ్చు. ఇప్పటికే బంగారం ధరలు తగ్గడంతో దేశీయ నగదు ఈక్విటీల్లోకి వస్తోంది. వడ్డీరేట్లు తగ్గనున్న నేపథ్యంలో ఫిక్స్‌డ్ ఇన్‌కమ్ సాధనాలు కూడా మంచి రాబడిని అందించే అవకాశం ఉన్నా అది ఈక్విటీల కంటే తక్కువగా ఉంటుంది. ఇండెక్స్‌లు ఏటా 20% పెరిగితే ఇప్పుడు కొంతమంది మార్కెట్ నిపుణులు పేర్కొంటున్న లక్ష్యాలను(రాకేష్ ఝున్‌ఝున్‌వాలా 2030కి నిఫ్టీ 1,25,000పాయింట్ల చేరుతుందని చెప్పారు) చేరుకోవడం పెద్ద కష్టం కాదు. దీర్ఘకాలంలో చూస్తే దేశీ స్టాక్ మార్కెట్స్ 20% రాబడిని అందించాయి. ఇప్పుడు ఇండెక్స్‌లు ఎంత లాభాలు అందిస్తాయని చెప్పలేము కానీ, ఇతర పెట్టుబడి సాధనాల కంటే ఈక్విటీలు అధిక లాభాలను అందిస్తాయని చెప్పగలను.
 
 ప్రస్తుతం దేశీ  మార్కెట్స్ ఎదుర్కొనే అతిపెద్ద రిస్క్?
 దేశీయంగా అన్నీ సానుకూలాంశాలే కనిపిస్తున్నాయి. అంతర్జాతీయంగా తీవ్రవాదం, దేశాల మధ్య యుద్ధాలు ఏర్పడితే ప్రపంచ ఆర్థిక వ్యవస్థ ఏ విధంగా ఎదుర్కొంటుందన్నదే ప్రధానమైన రిస్క్‌గా చెప్పొచ్చు. దేశీయంగా చూస్తే అధికారంలో ఉన్న మోదీ నాయకత్వానికి ఏమైనా ఇబ్బందులు తలెత్తితే మార్కెట్లు ప్రతికూలంగా స్పందించొచ్చు.
 
 అంతర్జాతీయంగా ముడి చమురు ధరలు తగ్గడం దేశ ఆర్థిక వ్యవస్థకు మంచిదే అయినా... మరోపక్క ప్రపంచ ఆర్థిక వ్యవస్థ బాగోలేదన్న సంకేతాన్ని ఇస్తోంది కదా?
 ప్రస్తుతం చమురు ధరలు తగ్గడాన్ని ఆ విధంగా చూడలేము. ఇంతకాలం కొంతమంది కూటమిగా ఏర్పడి చమురు ధరలను పెంచుతున్నారు. ఇప్పడు ఆ కూటమికి దెబ్బపడింది. రష్యాని దెబ్బతీయడంతో పాటు షెల్ గ్యాస్ కంపెనీలను దెబ్బతీయాలన్న ఉద్దేశంలో ఒపెక్ దేశాలు ఉన్నాయి. షెల్ గ్యాస్ కంపెనీల బ్యాలెన్స్ షీట్ బలహీనంగా ఉండటం, అత్యధిక వ్యయంతో కూడిన ఈ ఉత్పత్తిని ధరలు తగ్గించడం ద్వారా ఆపించాలన్నది ఆలోచనగా కనిపిస్తోంది. దీంతో అంతర్జాతీయంగా చమురు ధరలు 40 శాతం తగ్గాయి. ఇది దేశ ఆర్థిక వ్యవస్థకు కలిసొచ్చింది.
 
 రానున్న ఏడాది కాలంలో వడ్డీరేట్ల కదలికలు ఏ విధంగా ఉంటాయని అంచనా వేస్తున్నారు?
 రానున్న కాలంలో వడ్డీరేట్లు తగ్గుతాయని ఇప్పటికే ఆర్‌బీఐ చెప్పింది. బడ్జెట్ తర్వాత కోత మొదలు కావచ్చు. ఒకసారి రేట్ల కోత మొదలైన తర్వాత అది నిరంతరాయంగా కొనసాగుతుందని భావిస్తున్నాం.
 
 అమెరికా వడ్డీరేట్లు పెంచితే దేశీయ మార్కెట్స్‌పై ముఖ్యంగా ఎఫ్‌ఐఐల నిధుల ప్రవాహంపై ప్రభావం ఏవిధంగా ఉండొచ్చు?
 అమెరికా వడ్డీరేట్లు పెంచినా అది మన మార్కెట్లపై అంత ప్రతికూల ప్రభావం చూపించకపోవచ్చు. యూరప్, జపాన్ నుంచి వచ్చే నిధులు ఆదుకునే అవకాశం ఉంది. అలాగే అంతర్జాతీయంగా ఇతర కరెన్సీలతో పోలిస్తే రూపాయిలోనే ఒడిదుడుకులు తక్కువే. ఇది ఇండియా మార్కెట్‌పై బుల్లిష్ సెంటిమెంట్‌ను సూచిస్తోంది. అమెరికాలో తక్షణం వడ్డీరేట్లు పెంచే అవకాశాలు చాలా తక్కువగా కనిపిస్తున్నాయి.
  
 ప్రస్తుత మార్కెట్లో ఏ సెక్టార్స్‌పై బుల్లిష్‌గా ఉన్నారు. వేటికి దూరంగా ఉండమని సూచిస్తారు?
 ఒక సెక్టార్ బాగున్నా.. అందులోని అన్ని కంపెనీల షేర్లు బాగుంటాయని కాదు. అందుకు ఇన్వెస్ట్ చేసేటప్పుడు కంపెనీల ఫండమెంటల్స్‌ను చూడాలి. ప్రస్తుత పరిస్థితుల్లో ఫైనాన్షియల్, క్యాపిటల్ గూడ్స్, ఆటో మొబైల్ రంగాలపై బుల్లిష్‌గా ఉన్నాం. అలాగే ఇప్పటికే బాగా పెరిగిన ఫార్మా, ఎఫ్‌ఎంసీజీ రంగాల పట్ల అప్రమత్తంగా ఉండాలి. పై వాటితో పోలిస్తే ఈ రెండు రంగాల్లో రిస్క్ ఎక్కువగా ఉంటుంది.


 న్యూఢిల్లీ: ఈ వారం దేశీ స్టాక్ మార్కెట్లు ఒడిదుడుకులను చవిచూస్తాయని విశ్లేషకులు అంచనా వేశారు. సెప్టెంబర్ డెరివేటివ్ సిరీస్ ముగింపు నేపథ్యంలో ప్రధాన సూచీలు హెచ్చుతగ్గులకు లోనయ్యే అవకాశముందని చెప్పారు. గురువారం(25న) ఎఫ్‌అండ్‌వో కాంట్రాక్ట్‌ల గడువు ముగియనుంది. మరోవైపు అంతర్జాతీయ సంకేతాలు, విదేశీ ఇన్వెస్టర్ల పెట్టుబడులు, డాలరుతో మారకంలో రూపాయి కదలికలు వంటి అంశాలు సైతం కీలకంగా నిలవనున్నాయని విశ్లేషకులు పేర్కొన్నారు.
 
  ఇక ముడిచమురు ధరలు సైతం సెంటిమెంట్‌ను ప్రభావితం చేస్తాయని తెలిపారు. కాగా, సమీప కాలానికి ఈ నెల చివర్లో(30న) రిజర్వ్ బ్యాంక్ చేపట్టనున్న పరపతి సమీక్ష మార్కెట్ల ట్రెండ్‌ను నిర్దేశించనుందని అత్యధిక శాతం మంది నిపుణులు అభిప్రాయపడ్డారు. అయితే వడ్డీ రేట్ల విషయంలో రిజర్వ్ బ్యాంక్ ప్రస్తుత పరిస్థితినే కొనసాగించే అవకాశముందని క్యాపిటల్‌వయా గ్లోబల్  రీసెర్చ్ డెరైక్టర్ వివేక్ గుప్తా అంచనా వేశారు.
 
  ఆర్థిక వ్యవస్థపై ఆశలు
  దేశీయంగా మార్కెట్లను ప్రభావితం చేయగల ప్రధాన అంశాలులేని నేపథ్యంలో ఎఫ్‌ఐఐల పెట్టుబడులు, రూపాయి కదలికలు వంటి అంశాలకు ప్రాధాన్యత ఉంటుందని సియాన్స్ అనలిటిక్స్ సీఈవో అమన్ చౌదరి అభిప్రాయపడ్డారు. యూఎస్ ఫెడరల్ రిజర్వ్ పాలసీ సమీక్షపై అంచనాలతో గత వారం మొదట్లో మార్కెట్లు డీలాపడినప్పటికీ, రేట్ల పెంపు నిర్ణయం లేకపోవడంతో చివర్లో జోరందుకున్న సంగతి తెలిసిందే.
 
  దీనికితోడు దేశీయంగా ఆర్థిక వ్యవస్థ పుంజుకుంటుందన్న ఆశలు ఈ వారం మార్కెట్లను ముందుకు దౌడు తీయించగలవని అమన్ అంచనా వేశారు. పాలసీ సమీక్ష వివరాలను వెల్లడిస్తూ ఫెడరల్ రిజర్వ్ చైర్‌ఉమన్ జానట్ యెలెన్ మరికొంత కాలం నామమాత్ర వడ్డీ రేట్లనే కొనసాగించనున్నట్లు ప్రకటించడంతో ఇన్వెస్టర్లు ఊపిరి పీల్చుకున్నారని పలువురు నిపుణులు వ్యాఖ్యానించారు.
 
 అమెరికా ఆర్థిక వ్యవస్థకు దన్నుగా నెలకు 85 బిలియన్ డాలర్లను అమెరికా బ్యాంకింగ్ వ్యవస్థలోకి పంప్ చేయడం ద్వారా ఫెడరల్ రిజర్వ్ అమలు చేస్తున్న సహాయక ప్యాకేజీ అక్టోబర్‌లో ముగియనున్న నేపథ్యంలో రేట్ల పెంపు వాయిదా నిర్ణయానికి ప్రాధాన్యత ఏర్పడిందని వివరించారు. ఫెడ్ తాజా నిర్ణయంతో మరికొంతకాలం విదేశీ పెట్టుబడులకు ఢోకా ఉండబోదని, ఇది భారత్‌సహా వర్థమాన మార్కెట్లకు తీపి కబురు అందించిందని వ్యాఖ్యానించారు.
 
  మోడీ యూఎస్ పర్యటన
  ప్రధాని నరేంద్ర మోడీ ఈ వారంలో అమెరికా పర్యటనకు వెళ్లనున్నారు. దీనిలో భాగంగా ఈ నెల 29-30న అమెరికా అధ్యక్షుడు బరాక్ ఒబామాతోపాటు మోడీ వైట్‌హౌస్‌ను సందర్శించనున్నారు. పర్యటనకు సంబంధించిన అంశాలపై ఇన్వెస్టర్లు నిశితంగా దృష్టిసారిస్తారని విశ్లేషకులు పేర్కొన్నారు. కాగా, గడిచిన వారం ఎగుడుదిగుడు నడకలో సాగిన సెన్సెక్స్ నికరంగా 29 పాయింట్లు మాత్రమే జమ చేసుకోవడం గమనార్హం. వెరసి 27,090 వద్ద ముగిసింది.


 యూఎస్ ఆర్థిక గణాంకాలు, యూఎస్ సహాయక ప్యాకేజీ వార్తలతో దేశీయ స్టాక్ మార్కెట్లు మరోసారి పుంజుకున్నాయి. వెరసి వరుసగా మూడో రోజూ రికార్డుల బాటలోనే సాగాయి. సెన్సెక్స్ 117 పాయింట్లు లాభపడి 26,560 వద్ద నిలవగా, 31 పాయింట్లు బలపడ్డ నిఫ్టీ 7,936 వద్ద స్థిరపడింది. ఇవి సరికొత్త గరిష్ట స్థాయి ముగింపులుకాగా, సెన్సెక్స్ వరుసగా ఐదో రోజు లాభపడటం విశేషం! కాగా, ఇంట్రాడేలో సెన్సెక్స్ 26,599ను తాకగా, నిఫ్టీ 7,947కు చేరింది. యూరోపియన్ కేంద్ర బ్యాంక్ మరోసారి సహాయక ప్యాకేజీలకు సై అనడంతో సెంటిమెంట్ మెరుగుపడిందని విశ్లేషకుల అంచనా.
 
  డిఫెన్స్ షేర్ల జోరు: ర క్షణ రంగ పరికరాల షేర్లకు భారీ డిమాండ్ కనిపించింది. రక్షణ రంగంలో 49% ఎఫ్‌డీఐలకు కేంద్ర ప్రభుత్వం నోటిఫికేషన్‌ను జారీ చేయడం ఇందుకు దోహదపడింది. భారత్ ఎలక్ట్రానిక్స్ 20% జంప్‌చేయగా, ఆస్ట్రా మైక్రోవేవ్ 8%, బీఈఎంఎల్ 5% చొప్పున పుంజుకున్నాయి. మరోవైపు ఫోరెన్సిక్ ఆడిట్ వార్తలతో యూకో బ్యాంక్ 8% పతనం అయ్యింది.


 ముంబై: కేంద్రం చేపట్టబోయే మరిన్ని సంస్కరణలు దీర్ఘకాలంలో మార్కెట్లకు ఊతంగా నిలుస్తాయని విశ్లేషకులు అంచనా వేస్తున్నారు. ఆర్నెల్ల నుంచి ఏడాది వ్యవధిలోగా భారత్ మళ్లీ అధిక వృద్ధి బాట పట్టగలదని చెబుతున్నారు. స్వాతంత్య్ర దినోత్సవ సందర్భంగా ప్రధాని నరేంద్ర మోడీ మరిన్ని సంస్కరణలు ప్రకటి ంచవచ్చన్న వార్తలతో మార్కెట్లు గణనీయంగా పెరిగిన నేపథ్యంలో విశ్లేషకుల అంచనాలు ప్రాధాన్యం సంతరించుకున్నాయి.
 
 సానుకూల సెంటిమెంటు మూలంగా విదేశీ ఇన్వెస్టర్లు కొనుగోళ్లు జరపడంతో దేశీ స్టాక్ మార్కెట్లు ఆగస్టు 14తో ముగిసిన వారంలో ... అంత క్రితం వారం కన్నా దూకుడుగా మూడు శాతం పైగా పెరిగాయి. సంస్కరణలపై ఆశాభావం, అంతర్జాతీయంగా భౌగోళిక-రాజకీయపరమైన విషయాలపై ఆందోళనలు తగ్గుముఖం పట్టడం తదితర అంశాలు సైతం ఈ పరుగుకు తోడ్పడ్డాయని కోటక్ సెక్యూరిటీస్ హెడ్ (ప్రైవేట్ క్లయింట్ గ్రూప్ రీసెర్చ్) దీపేన్ షా పేర్కొన్నారు.
 
  మరోవైపు, ‘మధ్యకాలికం నుంచి దీర్ఘకాలికంగా ప్రభుత్వం చేపట్టబోయే అదనపు సంస్కరణలు మార్కెట్లకు ఊతం ఇవ్వగలవని భావిస్తున్నాం. అంతర్జాతీయంగా భౌగోళిక-రాజకీయ అంశాలు, రుతుపవనాల కదలికలు సమీప కాలంలో కీలక పాత్ర పోషించే అవకాశం ఉంది’ అని చెప్పారు.
 
  సంస్కరణలు అమలవ్వాలి ..
  కేవలం ప్రకటనలకు మాత్రమే పరిమితం కాకుండా సంస్కరణలు క్షేత్రస్థాయిలో అమలు కావాల్సిన అవసరం ఉంటుందని రీసెర్చ్ సంస్థ జైఫిన్ అడ్వైజర్స్ సీఈవో దేవేంద్ర నెవ్‌గీ అభిప్రాయపడ్డారు. దీర్ఘకాలికంగా మార్కెట్లు సంతృప్తికరమైన దిశలోనే కదులుతున్నట్లు భావిస్తున్నామన్నారు. స్వల్పకాలికంగా కాస్త ఒడిదుడుకులు ఉన్నా.. స్థూల ఆర్థిక పరిస్థితుల సంకేతాలు చూస్తుంటే దీర్ఘకాలికంగా సానుకూల ఫలితాలే ఉండేట్లు కనిపిస్తోందని దేవేంద్ర చెప్పారు. వచ్చే ఆరు నెలలు-ఏడాది కాలంలో భారత్ మళ్లీ అధిక వృద్ధి రేటు సాధించే అవకాశాలు ఇందుకు తోడ్పడగలవని ఆయన పేర్కొన్నారు.
 
  స్వాతంత్య్ర దినోత్సవం సందర్భంగా శుక్రవారం మార్కెట్లకు సెలవు దినం కాగా.. అంతకు ముందు రోజున విదేశీ సంస్థాగత ఇన్వెస్టర్లు (ఎఫ్‌ఐఐ) గణనీయంగా కొనుగోళ్లు జరిపిన సంగతి తెలిసిందే. గురువారం రోజున ఎఫ్‌ఐఐలు నికరంగా రూ. 1,266.54 కోట్ల మేర కొనుగోళ్లు జరిపారు. ఇటు బ్యాంకులు, డెవలప్‌మెంట్ ఫైనాన్స్ సంస్థలు, బీమా కంపెనీలు, మ్యూచువల్ ఫండ్స్ సహా దేశీ సంస్థాగత ఇన్వెస్టర్లు (డీఐఐ) సైతం రూ. 135.75 కోట్ల పైచిలుకు స్టాక్స్ కొన్నారు. ఫలితంగా సెన్సెక్స్ 26,103 పాయింట్ల దగ్గర క్లోజయ్యింది.
  


 డోజోన్స్‌తో పోలిస్తే పదో వంతు మాత్రమే
 దేశీ స్టాక్ మార్కెట్ల ప్రామాణిక సూచీ సెన్సెక్స్‌కు ప్రాతినిధ్యం వహించే 30 దిగ్గజ  కంపెనీలను పరిగణనలోకి తీసుకుంటే... బ్లూచిప్ కంపెనీ సీఈవోల సగటు జీతాలు పెరిగాయ్. గత ఆర్థిక సంవత్సరం(2013-14)లో సగటున (ప్రభుత్వ రంగ కంపెనీలు మినహా)ఇవి రూ. 9.9 కోట్లకు చేరాయి. అంతక్రితం ఏడాది(2012-13)లో సీఈవోల సగటు వేతనం 8.5 కోట్లుగా నమోదైంది. అయితే అమెరికా స్టాక్ సూచీ డోజోన్స్ ఇండస్ట్రియల్(డీజేఐఏ) సూచీకి ప్రాతినిధ్యం వహించే దిగ్గజాలతో పోలిస్తే ఇవి పదో వంతు మాత్రమేకావడం గమనార్హం.
 
 గతేడాది యూఎస్ డోజోన్స్‌లో భాగమైన 30 కంపెనీల సీఈవోలకు సగటున ఒక్కొక్కరికీ 17.5 మిలియన్ డాలర్లు(రూ. 105 కోట్లు) జీతం లభించడం విశేషం!  ఇక యూకే, జర్మనీ సీఈవోలు సైతం ఇండియాకంటే అధిక స్థాయిలో జీతాలు ఆర్జిస్తుండ టం ప్రస్తావించదగ్గ అంశం! యూకే, జర్మనీ బ్లూచిప్ కంపెనీల సీఈవోలకు సగటున రూ. 50-60 కోట్ల స్థాయిలో వేతనాలు అందుతున్నాయి.
 
 అతి తక్కువ... ఎక్కువ: ఇన్ఫోసిస్ సీఈవో సిబూలాల్ జీతం  అత్యంత తక్కువగా రూ. 16 లక్షలకు పరిమితంకాగా... హీరోమోటో కార్ప్ సీఈవో పవన్ ముంజాల్ అత్యధికంగా రూ. 38 కోట్లను అందుకున్నారు. ఇక అమెరికా దిగ్గజాలలో ఒరాకిల్ కార్ప్ సీఈవో లారీ ఇల్లిసన్ అత్యధికంగా 78.4 మిలియన్ డాలర్లు (రూ. 470 కోట్లు) జీతం ఆర్జించారు.


 ఆర్థిక వ్యవస్థ దూసుకెళ్తుంది..
 - ప్రసిద్ధ ఇన్వెస్టర్ రాకేష్ ఝున్‌ఝున్‌వాలా అంచనాలు
 న్యూఢిల్లీ: రానున్న కాలంలో దేశీ స్టాక్ మార్కెట్లు ఆకాశమే హద్దుగా చెలరేగనున్నాయని బిగ్‌బుల్‌గా పిలిచే ప్రసిద్ధ ఇన్వెస్టర్ రాకేష్ ఝున్‌ఝున్‌వాలా అంచనా వేశారు. సీఐఐ నిర్వహించిన ఒక సదస్సుకు హాజరైన రాకేష్ దేశీ ఆర్థిక వ్యవస్థ పురోగతిపై అత్యంత ఆశావహంగా ఉన్నట్లు చెప్పారు. ప్రస్తుతం ఇండియా ఆర్థిక వ్యవస్థ కొత్త వృద్ధి బాటలో అడుగుపెట్టిందని వ్యాఖ్యానించారు.  
  
 2017-18కల్లా జీడీపీ 9% స్థాయిలో పురోగమిస్తుందని అంచనా వేశారు. ఆపై ఏడాది 10% వృద్ధిని చేరుకుంటుందని అభిప్రాయపడ్డారు.రానున్న ఐదేళ్లలో రిటైల్ రంగంలో అద్భుత అవకాశాలు లభిస్తాయని పేర్కొన్నారు. ప్రస్తుత రిటైల్ రంగ పరిమాణం ఐదు రెట్లు పెరుగుతుందని అంచనా వేశారు. భవిష్యత్‌లో దేశీ స్టాక్ మార్కెట్లో పటిష్టమైన బూమ్‌కు అవకాశమున్నదని, అయితే బలమైన యాజమాన్యం, పారదర్శక నిర్వహణ కలిగిన కంపెనీల షేర్లను ఎంపిక చేసుకోవాలని ఇన్వెస్టర్లకు సూచిం చారు.
  
 వృద్ధి అవకాశాలున్న రంగాలపై దృష్టిపెట్టాలని చెప్పారు. వీటిలో రిటైల్ రంగం ఒకటని పేర్కొన్నారు. భారీ స్థాయిలో విస్తరించగలిగే కంపెనీలను ఎంపిక చేసుకోవడం మేలని తెలిపారు. పెట్టుబడులకు ముందుగా అవకాశాలపై కన్నేయాలని చెప్పారు. అవకాశంలేనిదే ఆర్థిక చైతన్యం ఉండదని, ఆర్థిక పురోగతి లేకపోతే లాభదాయకతకూ వీలుచిక్కదని వ్యాఖ్యానించారు. ఇలాంటి ఆలోచనతో కాల్గేట్ షేర్లలో ఇన్వెస్ట్ చేయడం ద్వారా భారీగా లాభపడినట్లు వెల్లడించారు.
  
 ఇక దేశీ రిటైల్ మార్కెట్ పరిమాణం 500 బిలియన్ డాలర్లుకాగా, ఆర్గనైజ్డ్ రంగం వాటా 8% మాత్రమేనని చెప్పారు. ప్రత్యేకత చూపే రిటైల్ సంస్థలకు భారీ అవకాశాలున్నాయని అభిప్రాయపడ్డారు. రియల్టీ, రిటైల్ నుంచే..: ఏ దేశానికి చెందిన సంపన్నుల జాబితాను చూసినా రియల్టీ, రిటైల్ రంగాల నుంచి వచ్చిన వారికి తప్పకుండా చోటు లభిస్తుంటుందని వివరించారు.
  
  వీటిలో రిటైల్ రంగంలో పలు అవకాశాలున్నాయని చెప్పారు. ఇలాంటి ఆలోచన నుంచే టైటాన్ షేర్లలో ఇన్వెస్ట్‌చేసినట్లు పేర్కొన్నారు. టైటా న్‌లో ఇకపై కూడా పెట్టుబడులను కొనసాగించనున్నట్లు చెప్పారు. వీటి తరువాత కంపెనీల పోటీతత్వానికి ప్రాధాన్యత ఇవ్వాలని సూచించారు. ఇదే విధంగా భవిష్యత్‌లో లార్జ్ క్యాప్‌గా మారగల సత్తా ఉన్న మిడ్ క్యాప్ షేర్లను పెట్టుబడులకు పరిశీలించవచ్చన్నారు.
  


 ఉక్రెయిన్‌పై ఇన్వెస్టర్లలో పెరుగుతున్న ఆందోళనల నేపథ్యంలో దేశీ స్టాక్  మార్కెట్లు డీలాపడ్డాయి.సెన్సెక్స్ 56 పాయింట్లు క్షీణించి 22,632 వద్ద ముగిసింది. ఇది వారం రోజుల కనిష్టంకాగా, నిఫ్టీ సైతం 21 పాయింట్లు తగ్గి 6,761 వద్ద నిలిచింది. వెరసి వరుసగా రెండో రోజు మార్కెట్లు నీరసించాయి. ప్రధానంగా క్యాపిటల్ గూడ్స్, ఆటో రంగాలు 1% చొప్పున నష్టపోగా, హెల్త్‌కేర్ దాదాపు 2% లాభపడింది.
 
 ఇన్వెస్టర్లు లాభాల స్వీకరణ కోసం అమ్మకాలు చేపట్టడంతో గడిచిన శుక్రవారం సైతం సెన్సెక్స్ 188 పాయింట్లు పతనమైన సంగతి తెలిసిందే. విదేశీ సంకేతాలు, సార్వత్రిక ఎన్నికలపై ఆశావహ అంచనాలతో ఇటీవల మార్కెట్లలో వచ్చిన ర్యాలీ కారణంగా ఇన్వెస్టర్లు లాభాల స్వీకరణకు పాల్పడుతున్నారని నిపుణులు పేర్కొన్నారు. ఉక్రెయిన్ సంక్షోభం కారణంగా రష్యాపై ఆంక్షలు పెరిగే అవకాశముండటంతో ఆసియా మార్కెట్లు కూడా నష్టపోయాయని, ఇది కూడా అమ్మకాలకు కారణమైందని వివరించారు.  
 
  సిప్లా 3% అప్
  ఎఫ్‌ఐఐలు రూ. 77 కోట్లను మాత్రమే ఇన్వెస్ట్‌చేయగా, దేశీ ఫండ్స్ రూ. 370 కోట్లకుపైగా అమ్మకాలు చేపట్టాయి. సెన్సెక్స్ దిగ్గజాలలో గెయిల్, భెల్, ఎల్‌అండ్‌టీ, హీరోమోటో, టాటా మోటార్స్, హిందాల్కో, కోల్ ఇండియా 2-1.5% మధ్య నష్టపోగా, సిప్లా 3%పైగా ఎగసింది. ఈ బాటలో సన్ ఫార్మా, డాక్టర్ రెడ్డీస్, విప్రో, ఎస్‌బీఐ 2-1% మధ్య పుంజుకున్నాయి. కాగా, మిడ్ క్యాప్ షేర్లకు డిమాండ్ కొనసాగింది. యునెటైడ్ ఫాస్ఫరస్, అడ్వాంటా, కిర్లోస్కర్ బ్రదర్స్, జేపీ ఇన్‌ఫ్రా, జైన్ ఇరిగేషన్, ఇండియాబుల్స్ హౌసింగ్, వోకార్డ్, నైవేలీ లిగ్నైట్, సింఫనీ, క్లారిస్ లైఫ్ తదితరాలు 20-6% మధ్య పురోగమించాయి. అయితే ఎతిహాద్ నుంచి ఓపెన్ ఆఫర్ ఉండదన్న వార్తలతో జెట్ ఎయిర్‌వేస్ 3% క్షీణించింది.


 విదేశీ నిధుల ప్రవాహం
  దేశీ స్టాక్ మార్కెట్లలోకి విదేశీ ఇన్వెస్టర్ల(ఎఫ్‌ఐఐలు) నిధుల ప్రవాహం జోరుగానే కొనసాగుతోంది. ఏప్రిల్ నెలలో ఇప్పటిదాకా నికరంగా రూ.6,783 కోట్ల విలువైన షేర్లను ఎఫ్‌ఐఐలు కొనుగోలు చేయడమే దీనికి నిదర్శనం. ప్రధానంగా రానున్న కేంద్ర ప్రభుత్వం సుస్థిరంగా ఉంటుందని, సంస్కరణలకు పెద్దపీటవేస్తుందన్న విశ్వాసమే విదేశీ నిధుల ప్రవాహానికి కారణమని మార్కెట్ వర్గాలు చెబుతున్నారు. కాగా, జనవరి నుంచి ఇప్పటిదాకా ఎఫ్‌ఐఐలు దేశీ స్టాక్స్‌లో నికరంగా రూ.28,979 కోట్ల పెట్టుబడులు పెట్టారు. కాగా, ఏప్రిల్‌లో డెట్  మార్కెట్ నుంచి రూ.4,282 కోట్లను నికరంగా ఉపసంహరించుకున్నారు.
  
  న్యూఢిల్లీ: గత వారంలో ప్రారంభమైన కార్పొరేట్ కంపెనీల మార్చి క్వార్టర్(క్యూ4) ఫలితాలు స్టాక్ మార్కెట్ గమనాన్ని నిర్ధేశించనున్నాయని నిపుణులు చెబుతున్నారు. ప్రధానంగా ఈ వారంలో వెలువడనున్న హెచ్‌డీఎఫ్‌సీ బ్యాంక్, మారుతీ సుజుకీ, ఐసీఐసీఐ బ్యాంక్ తదితర బ్లూచిప్ కంపెనీల ఆర్థిక ఫలితాలు మార్కెట్ ట్రెండ్‌కు దిక్సూచిగా పనిచేస్తాయని వారు పేర్కొన్నారు.
 
 బుధవారం నాడు ఏప్రిల్ నెల డెరివేటివ్ కాంట్రాక్టుల(ఫ్యూచర్స్ అండ్ ఆప్షన్స్) ముగింపు నేపథ్యంలో సూచీలు తీవ్ర హెచ్చుతగ్గులను చవిచూడొచ్చని విశ్లేషకులు అభిప్రాయపడ్డారు. కాగా, గురువారం(24న) ముంబైలో సార్వత్రిక ఎన్నికల పోలింగ్ నేపథ్యంలో స్టాక్ మార్కెట్లకు సెలవు ప్రకటించారు. దీంతో ఈ వారంలో ట్రేడింగ్ నాలుగు రోజులకే పరిమితం కానుంది. మరోపక్క, గత శుక్రవారం వెలువడిన దేశీ కార్పొరేట్ అగ్రగామి రిలయన్స్ ఇండస్ట్రీస్(ఆర్‌ఐఎల్) ఆర్థిక ఫలితాలు కూడా స్వల్పకాలానికి మార్కెట్‌పై ప్రభావం చూపనున్నట్లు నిపుణులు వ్యాఖ్యానించారు.
 
  కొనసాగనున్న ఎన్నికల ట్రిగ్గర్...
  ఈ నెల 7న ప్రారంభమైన లోక్ సభ ఎన్నికల పోలింగ్ ప్రక్రియ స్టాక్ మార్కెట్లకు అతిపెద్ద ట్రిగ్గర్‌గా కొనసాగనుందని రెలిగేర్ క్యాపిటల్ మార్కెట్స్ డెరైక్టర్(ఇనిస్టిట్యూషనల్ రీసెర్చ్) తీర్థంకర్ పట్నాయక్ పేర్కొన్నారు. ‘ప్రస్తుత స్టాక్ మార్కెట్ ర్యాలీకి ప్రధానంగా కేంద్రంలో రానున్నది బీజేపీ నేతృత్వంలోని ఎన్‌డీఏ ప్రభుత్వమేనన్న బలమైన అంచనాలే కారణం. అదేవిధంగా దేశ స్థూల ఆర్థిక పరిస్థితులు మెరుగవడం, డాలరుతో రూపాయి మారకం విలువ పుంజుకోవడం వంటి అంశాలు కూడా మార్కెట్ దూకుడుకు దోహదం చేస్తున్నాయి. ఎలక్షన్ ఆధారిత ర్యాలీని పక్కనబెడితే... తాజాగా మొదలైన కార్పొరేట్ల త్రైమాసిక పనితీరు(క్యూ4 ఫలితాలు) కూడా రానున్న కొద్దివారాల్లో మార్కెట్ గమనాన్ని నిర్దేశించడంలో కీలక పాత్ర పోషించనుంది’ అని పట్నాయక్ చెప్పారు.
 
  నిఫ్టీ 6,800 స్థాయిపైన మరింత జోరు...
  సార్వత్రిక ఎన్నికల ఫలితాలపై ఆశావహ ధోరణి(సుస్థిర ప్రభుత్వం ఏర్పాటు అంచనాలు)ని స్టాక్ మార్కెట్లు ప్రదర్శిస్తున్నాయని, తదుపరి దిశానిర్దేశం క్యూ4 ఫలితాలు, అంతర్జాతీయ పరిణామాలదేనని బొనాంజా పోర్ట్‌ఫోలియో సీనియర్ వైస్‌ప్రెసిడెంట్ రాకేశ్ గోయల్ తెలిపారు. మార్కెట్లో కరెక్షన్ వచ్చినప్పుల్లా కొనుగోళ్ల మద్దతు కొనసాగుతుందన్నారు. అదేవిధంగా ఎన్‌ఎస్‌ఈ నిఫ్టీ 6,800 పాయింట్లపైన మరింత ర్యాలీకి అవకాశం ఉందని కూడా ఆయన అభిప్రాయపడ్డారు. రానున్న రోజుల్లో బులిష్ ట్రెండ్‌కు ప్రతిబింభంగా తగిన సాంకేతిక సూచికలు కనబడుతున్నాయని వెరాసిటీ బ్రోకింగ్ సర్వీసెస్ రీసెర్చ్ హెడ్ జిగ్నేష్ చౌదరి పేర్కొన్నారు. నిఫ్టీ 6700-6,800 స్థాయిలో, సెన్సెక్స్ 22,600-23,800 స్థాయిలో కదలాడవచ్చనేది ఆయన అంచనా.
 
  ఎఫ్‌ఐఐ, రూపాయిపై దృష్టి...
  స్టాక్ మార్కెట్లకు దిశానిర్దేశాన్ని కొనసాగించే అంశాల్లో విదేశీ సంస్థాగత ఇన్వెస్టర్ల (ఎఫ్‌ఐఐ) పెట్టుబడులు, డాల రుతో రూపాయి మారకం విలువ కదలికలు, ప్రపంచ మార్కెట్ల గమనం, సంబంధిత పరిణామాలు ప్రధానంగా ఉంటాయని చౌదరి చెప్పారు. అమెరికాలో ఇళ్ల అమ్మకాలు, ఇతరత్రా కొన్ని కీలక గణాంకాలు ఈ వారంలోనే వెలువడనున్నాయని... మార్కెట్ వర్గాలు వీటిపైనా దృష్టిసారించనున్నట్లు ఆయన పేర్కొన్నారు. గడిచిన వారంలో(సెలవుల కారణంగా మూడు ట్రేడింగ్ రోజులే) ద్రవ్యోల్బణం, ఐఐపీ గణాంకాలు, కార్పొరేట్ ఫలితాల ప్రభావంతో దేశీ మార్కెట్లు తీవ్ర ఆటుపోట్లను చవిచూశాయి. గురువారం సెన్సెక్స్ 352 పాయింట్లు(22,629), నిఫ్టీ 104 పాయింట్లు(6,779) చొప్పున ఎగబాకాయి.


  తీవ్ర ఒడిదుడుకులకు లోనవుతున్న దేశీ స్టాక్ మార్కెట్లు భారీ నష్టాలందిస్తున్నాయి. మరోవైపు, విదేశీ మార్కెట్లు... ముఖ్యంగా అమెరికా స్టాక్‌మార్కెట్లు గరిష్ట స్థాయిలకు దూసుకెళుతూ... ఇన్వెస్టర్లకు లాభాలు పంచుతున్నాయి. ఈ నేపథ్యంలో దేశీ ఇన్వెస్టర్లు నష్టాల భారాన్ని తగ్గించుకునేందుకు విదేశీ మార్కెట్లలో ఇన్వెస్ట్‌మెంట్ చే యడంపై ఆసక్తి చూపుతున్నారు. మరి విదేశీ మార్కెట్లలో మనమూ ఇన్వెస్ట్ చేయాలంటే కుదురుతుందా? గూగుల్, యాపిల్ లాంటి కంపెనీల షేర్లు మనమూ కొనొచ్చా? దీనికోసం ఏం చేయాలి? ఖాతా తెరిచేదెలా? ఏ జాగ్రత్తలు తీసుకోవాలి? ఇలాంటి సందేహాలన్నింటినీ నివృత్తి చేసేదే ఈ వారం 
  ప్రాఫిట్ ప్రధాన కథనం... 
   
  విదేశీ మార్కెట్లలో ఇన్వెస్ట్ చేయాలనుకున్నవారు తొలుత విదేశీ బ్రోకింగ్ సంస్థ భాగస్వామ్యం ఉన్న దేశీ బ్రోకింగ్ సంస్థను సంప్రదించాలి. ప్రస్తుతం ఐసీఐసీఐ డెరైక్ట్, కొటక్ సెక్యూరిటీస్, ఇండియా ఇన్ఫోలైన్, రిలయన్స్ మనీ, రెలిగేర్ వంటి బ్రోకింగ్ సంస్థలు విదేశాల్లో ఇన్వెస్ట్ చేసేందుకు వెసులుబాటు కల్పిస్తున్నాయి. వీటిలో నుంచి మనకు అనువైన సంస్థను ఎంచుకుని, ట్రేడింగ్ అకౌంట్ తెరవాలి. దీనికోసం ఎక్కడైతే ఇన్వెస్ట్ చేయబోతున్నామో.. ఆ దేశ నిబంధనలకు అనుగుణంగా కావాల్సిన సమాచారాన్ని ఇవ్వాలి (ఐడెంటిఫికేషన్, నివాస ధ్రువీకరణ పత్రాలు మొదలైనవి). 
  
  దరఖాస్తు.. డిక్లరేషన్ ఫారాలను నింపాలి. అటుపై విదేశీ మారక నిర్వహణకు (ఫెమా) సంబంధించిన డిక్లరేషన్ ఫారం, లావాదేవీల నిర్వహణకు సదరు బ్యాంకు.. డీలర్లకు అధికారాన్నిచ్చే ఫారం మొదలైన వాటిని నింపాలి. ఇలా ఖాతా ప్రారంభించిన తర్వాత... ఇన్వెస్ట్‌మెంట్‌కు కావాల్సిన నిధులను బదలాయించేందుకు విదేశీ బ్రోకింగ్ సంస్థ బ్యాంక్ అకౌంట్ నంబరును ఇక్కడి బ్రోకింగ్ సంస్థ ఇస్తుంది. అలాగే విదేశీ షేర్లలో ట్రేడింగ్‌కు ఉపయోగపడే ట్రేడింగ్ అకౌంట్‌కు సంబంధించిన లాగిన్ ఐడీ, పాస్‌వర్డ్ కూడా లభిస్తుంది. ట్రేడింగ్‌లో సహకరించేందుకు ప్రత్యేకంగా ఒక ఎగ్జిక్యూటివ్‌ను కూడా బ్రోకింగ్ సంస్థ నియమిస్తుంది. 
  
  ఎంత ఇన్వెస్ట్ చేయొచ్చు..
  విదేశాల్లో పెట్టుబడులకు సంబంధించి ఆర్‌బీఐ కొన్ని పరిమితులు విధించింది. దీని ప్రకారం ఒక ఆర్థిక సంవత్సరంలో షేర్లు, స్థిరాస్తులు, డెట్ లేదా ఇతర పెట్టుబడి సాధనాల్లో గరిష్టంగా 2,00,000 డాలర్ల దాకా (రూ. 1.2 కోట్లు దాకా) ఇన్వెస్ట్ చేయొచ్చు. ఇందుకోసం ప్రత్యేకంగా ఆర్‌బీఐ నుంచి ముందస్తుగా అనుమతి తీసుకోనక్కర్లేదు. ఈ పెట్టుబడులపై వచ్చే రాబడులను కూడా తిరిగి అక్కడే పెట్టుబడిగా పెట్టవచ్చు. ప్రత్యేకంగా అనుమతి అక్కర్లేదు.
  
  వ్యయాలు..
  విదేశీ మార్కెట్లలో ఇన్వెస్ట్ చేయాలంటే కొన్ని వ్యయాలూ ఉంటాయి. మన దగ్గరలాగానే ట్రేడింగ్ అకౌంట్‌ను ప్రారంభించేందుకు, ప్రతి లావాదేవీపై బ్రోకింగ్ చార్జీలు మొదలైనవి చెల్లించాల్సి ఉంటుంది. కొన్ని బ్రోకరేజీలు వన్ టైమ్ వార్షిక ఫీజుల విధానాన్ని కూడా పాటిస్తుంటాయి. కాబట్టి, ముందుగా వ్యయాలు, ముందు చెప్పకుండా తర్వాత వసూలు చేసే విధమైన ఫీజులు లాంటివేమైనా ఉన్నాయేమో తెలుసుకోవాలి. 
  
  రిస్కులు .. పన్నులు..
  విదేశంలో ఇన్వెస్ట్ చేయడమంటే ఆ దేశ ఆర్థిక వ్యవస్థకు సంబంధించిన రిస్కులు కూడా కొంత ఉంటాయి. కనుక ఆయా దేశాల్లో పరిణామాలు, స్టాక్స్‌పై వాటి ప్రభావాలు మొదలైనవి ఒక కంట పరిశీలిస్తూ ఉండాలి. ఇక, కరెన్సీ ఆధారిత రిస్కు కొంత ఉంటుంది. విదేశీ మార్కెట్లలో డాలర్ల రూపంలో ఇన్వెస్ట్ చేస్తాం కనుక.. మారకం విలువపరమైన అంశాలపై కాస్త అవగాహన ఉండటం మంచిది. డాలర్‌తో రూపాయి మారకం విలువ పటిష్టంగా ఉన్న తరుణంలో ఇన్వెస్ట్ చేయడం మంచిది. దీనివల్ల డాలర్లు ఎక్కువగా వస్తాయి. దాంతో అక్కడ పెట్టుబడి పెట్టేందుకు ఎక్కువ డబ్బు చేతిలో ఉంటుంది. 
  
  అలాగే, వెనక్కి తీసుకోవాలనుకున్నప్పుడు రూపాయి విలువ తగ్గినప్పుడు తీసుకుంటే ప్రయోజనం ఉంటుంది. ఎందుకంటే అప్పుడు ఎక్కువ రూపాయలు మన చేతికొస్తాయి. ఇక పన్నులపరమైన విషయానికొస్తే.. విదేశీ పెట్టుబడులకు దేశీ పన్ను రేట్లు కాకుండా ప్రత్యేక రేట్లు ఉంటాయి. 12 నెలలకు మించి హోల్డింగ్ చేస్తే 20 శాతం దాకా పన్ను ఉం టుంది. అలాగే, ఆయా దేశ చట్టాల ప్రకారం అక్కడ కూడా పన్ను ఉంటుంది.
  - పర్సనల్ ఫైనాన్స్ విభాగం