ఐపీఎల్‌ 2026లో భాగంగా ఇవాళ (మే 3) రాత్రి జరిగిన మ్యాచ్‌లో పంజాబ్‌పై గుజరాత్‌ 4 వికెట్ల తేడాతో గెలుపొందింది. ఉత్కంఠగా సాగిన ఈ మ్యాచ్‌లో మరో బంతి మాత్రమే మిగిలుండగా వాషింగ్టన్‌ సుందర్‌ (40 నాటౌట్‌) సిక్సర్‌ బాది గుజరాత్‌ను గెలిపించాడు. అంతకుముందు సాయి సుదర్శన్‌ (57) అర్ద సెంచరీతో రాణించి, గెలుపుకు పునాది వేశాడు. అయితే గుజరాత్‌ వరుస విరామాల్లో వికెట్లు కోల్పోయి ఒత్తిడికి లోనైంది. దీంతో సునాయాసంగా గెలవాల్సిన మ్యాచ్‌ చివ​రి ఓవర్‌ వరకు సాగింది. ఈ మధ్యలో పం​జాబ్‌ బౌలర్లు అద్భుతంగా బౌలింగ్‌ చేశారు. బార్ట్‌లెట్‌ (4-0-38-2), అర్షదీప్‌ సింగ్‌ (4-0-24-2), జన్సెన్‌ (4-0-33-1), విజయ్‌ కుమార్‌ (4-0-31-2) తమ పాత్రలకు న్యాయం చేశారు. ఆఖరి ఓవర్‌ వేసిన స్టోయినిస్‌ (2.5-0-26-1) లక్ష్యాన్ని కాపాడలేకపోయాడు. ఈ ఓవర్‌లో ఓ ఫోర్‌, ఓ సిక్సర్‌ వచ్చింది. గుజరాత్‌ ఇన్నింగ్స్‌లో శుభ్‌మన్‌ గిల్‌ (5), నిషాంత్‌ సంధు (15), తెవాతియా (2), హోల్డర్‌ (2) తక్కువ స్కోర్లకే ఔట్‌ కాగా.. బట్లర్‌ (26) ఓ మోస్తరు స్కోర్‌ చేశాడు. ఆఖరి ఓవర్‌ తొలి బంతికి అర్షద్‌ ఖాన్‌ (8 నాటౌట్‌) బౌండరీ బాది లక్ష్యానికి చేరువ చేశాడు.అంతకుముందు పంజాబ్‌ పడుతూ లేస్తూ చివరికి గౌరవప్రదమైన స్కోర్‌ చేయగలిగింది. సూర్యాంశ్‌ షేడ్గే (57), మార్కస్‌ స్టోయినిస్‌ (40), ఆఖర్లో మార్కో జన్సెన్‌ రాణించడంతో నిర్ణీత 20 ఓవర్లలో 9 వికెట్ల నష్టానికి 163 పరుగులు చేసింది. గుజరాత్‌ బౌలర్లలో జేసన్‌ హోల్డర్‌ (4-0-24-4) పంజాబ్‌ను భారీ దెబ్బకొట్టాడు. తొలుత సిరాజ్‌ (4-0-28-2), రబాడ (4-1-22-2) కూడా పంజాబ్‌ను కష్టాల్లోకి నెట్టారు. మిగతా బౌలర్లలో రషీద్‌ ఖాన్‌ (4-0-32-1) పర్వాలేదనిపించగా.. మానవ్‌ సుతార్‌ (1-0-27-0), అర్షద్‌ ఖాన్‌ (3-0-29-0) ధారాళంగా పరుగులు సమర్పించుకున్నారు. పంజాబ్‌ ఇన్నింగ్స్‌లో ప్రియాంశ్‌ ఆర్మ 2, ప్రభ్‌సిమ్రన్‌ 15, కూపర్‌ కన్నోల్లీ డకౌట్‌, శ్రేయస్‌ అయ్యర్‌ 19, నేహల్‌ వధేరా, జేవియర్‌ బార్ట్‌లెట్‌ డకౌటయ్యారు. విజయ్‌ కుమార్‌, అర్షదీప్‌ తలో పరుగుతో అజేయంగా నిలిచారు.

టీమిండియా టెస్ట్‌, వన్డే.. ఐపీఎల్‌లో గుజరాత్‌ టైటాన్స్‌ కెప్టెన్‌ అయిన శుభ్‌మన్‌ గిల్‌ తన పెళ్లిపై వస్తున్న ఊహాగానాలకు తెరదించాడు. ఐపీఎల్‌ 2026లో భాగంగా పంజాబ్‌ కింగ్స్‌-గుజరాత్‌ టైటాన్స్‌ ఇవాళ (మే 3) తలపడుతున్నాయి. ఈ మ్యాచ్‌ టాస్‌ సమయంలో గిల్ తన వివాహంపై క్లారిటీ ఇచ్చాడు.త్వరలో పెళ్లి చేసుకోబోతున్నావా..? అని ప్రెజెంటర్ డ్యానీ మోరిసన్ అడగగా, అలాంటిదేమీ లేదని ఒక్క మాటలో సమాధానం చెప్పాడు. ప్రస్తుతం పెళ్లి గురించి ఆలోచించడం లేదని స్పష్టం చేశాడు. ఈ వ్యాఖ్యలతో గత కొంతకాలంగా జరుగుతున్న ప్రచారానికి తెరపడినట్లైంది.గిల్‌.. క్రికెట్‌ దిగ్గజం సచిన్‌ టెండూల్కర్‌ కుమార్తె సారా టెండూల్కర్‌ను పెళ్లి చేసుకోబోతున్నాడని కొందరు.. బాలీవుడ్‌ నటీమణులు సారా అలీ ఖాన్‌, అవ్‌నీత్‌ కౌర్‌, సోనమ్‌ బజ్వా ప్రేమాయణం​ సాగిస్తున్నాడని మరికొందరు పుకార్లు పుట్టించారు. వీటిలో ఎంత మాత్రం నిజం లేదని తాజాగా గిల్‌ చేసిన వ్యాఖ్యలను బట్టి అర్దమవుతుంది.తన పెళ్లి, డేటింగ్‌పై వచ్చిన వార్తలను గిల్‌ గతంలోనూ చాలాసార్లు ఖండించాడు. తాను సింగిల్‌గానే ఉన్నానని క్లారిటీ ఇచ్చాడు. అయినా గిల్‌ ఏదో దాస్తున్నాడని అభిమానులు గుసగుసలాడుకుంటున్నారు.ఇదిలా ఉంటే, గిల్‌ ప్రస్తుత ఐపీఎల్‌ సీజన్‌లోనూ గత సీజన్‌లలో మాదిరిగానే రాణిస్తున్నాడు. ఈ సీజన్‌లో ఇప్పటివరకు 8 మ్యాచ్‌లు ఆడి 3 అర్ద సెంచరీల సాయంతో 373 పరుగులు చేసి, లీడింగ్‌ రన్‌ స్కోరర్ల జాబితాలో ఆరో స్థానంలో కొనసాగుతున్నాడు.ఈ సీజన్‌లో గిల్‌ నేతృత్వంలోని గుజరాత్‌ ప్లే ఆఫ్స్‌ రేసులో ప్రధాన పోటీదారుగా ఉంది. ఆ జట్టు ఇప్పటివరకు ఆడిన 9 మ్యాచ్‌ల్లో 5 విజయాలు సాధించి పాయింట్ల పట్టికలో ఐదో స్థానంలో ఉంది.ఇవాళ పంజాబ్‌తో జరుగుతున్న మ్యాచ్‌లో టాస్‌ గెలిచి తొలుత బౌలింగ్‌ ఎంచుకున్న గుజరాత్‌ ఆదిలోనే ప్రత్యర్దిని చావు దెబ్బకొట్టినప్పటికీ.. సూర్యాంశ్‌ షేడ్గే (58), మార్కస్‌ స్టోయినిస్‌ (29) కలిసి పంజాబ్‌ను తిరిగి గేమ్‌లోకి తెచ్చారు. వీరిద్దరు ఆరో వికెట్‌కు 78 పరుగులు జోడించి బ్యాటింగ్‌ను కొనసాగిస్తున్నారు. 15.5 ఓవర్ల తర్వాత పంజాబ్‌ స్కోర్‌ 126-5గా ఉంది.

పంజాబ్‌పై గుజరాత్‌ గెలుపుఐపీఎల్‌ 2026లో భాగంగా ఇవాళ (మే 3) రాత్రి జరిగిన మ్యాచ్‌లో పంజాబ్‌పై గుజరాత్‌ 4 వికెట్ల తేడాతో గెలుపొందింది. ఉత్కంఠగా సాగిన ఈ మ్యాచ్‌లో మరో బంతి మాత్రమే మిగిలుండగా వాషింగ్టన్‌ సుందర్‌ (40 నాటౌట్‌) సిక్సర్‌ బాది గుజరాత్‌ను గెలిపించాడు. అంతకుముందు సాయి సుదర్శన్‌ (57) అర్ద సెంచరీతో రాణించి, గెలుపుకు పునాది వేశాడు. అయితే గుజరాత్‌ వరుస విరామాల్లో వికెట్లు కోల్పోయి ఒత్తిడికి లోనైంది. దీంతో సునాయాసంగా గెలవాల్సిన మ్యాచ్‌ చివ​రి ఓవర్‌ వరకు సాగింది. ఈ మధ్యలో పం​జాబ్‌ బౌలర్లు అద్భుతంగా బౌలింగ్‌ చేశారు. బార్ట్‌లెట్‌ (4-0-38-2), అర్షదీప్‌ సింగ్‌ (4-0-24-2), జన్సెన్‌ (4-0-33-1), విజయ్‌ కుమార్‌ (4-0-31-2) తమ పాత్రలకు న్యాయం చేశారు. ఆఖరి ఓవర్‌ వేసిన స్టోయినిస్‌ (2.5-0-26-1) లక్ష్యాన్ని కాపాడలేకపోయాడు. ఈ ఓవర్‌లో ఓ ఫోర్‌, ఓ సిక్సర్‌ వచ్చింది. గుజరాత్‌ ఇన్నింగ్స్‌లో శుభ్‌మన్‌ గిల్‌ (5), నిషాంత్‌ సంధు (15), తెవాతియా (2), హోల్డర్‌ (2) తక్కువ స్కోర్లకే ఔట్‌ కాగా.. బట్లర్‌ (26) ఓ మోస్తరు స్కోర్‌ చేశాడు. ఆఖరి ఓవర్‌ తొలి బంతికి అర్షద్‌ ఖాన్‌ (8 నాటౌట్‌) బౌండరీ బాది లక్ష్యానికి చేరువ చేశాడు.నాలుగో వికెట్‌ కోల్పోయిన గుజరాత్‌14.5వ ఓవర్‌- 124 పరుగుల వద్ద గుజరాత్‌ నాలుగో వికెట్‌ కోల్పోయింది. విజయ్‌ కుమార్‌ బౌలింగ్‌లో బార్ట్‌లెట్‌కు క్యాచ్‌ ఇచ్చి సాయి సుదర్శన్‌ (57) ఔటయ్యాడు.మూడో వికెట్‌ కోల్పోయిన గుజరాత్‌11.3వ ఓవర​్‌- 94 పరుగుల వద్ద గుజరాత్‌ మూడో వికెట్‌ కోల్పోయింది. స్టోయినిస్‌ బౌలింగ్లో విజయ్‌ కుమార్‌కు క్యాచ్‌ ఇచ్చి నిషాంత్‌ సింధు (15) ఔటయ్యాడు.రెండో వికెట్‌ కోల్పోయిన గుజరాత్‌8.1వ ఓవర్‌- 69 పరుగుల వద్ద గుజరాత్‌ రెండో వికెట్‌ కోల్పోయింది. విజయ్‌ కుమార్‌ బౌలింగ్‌లో శ్రేయస్‌ అయ్యర్‌కు క్యాచ్‌ ఇచ్చి బట్లర్‌ (26) ఔటయ్యాడు. ఆదిలోనే గుజరాత్‌కు షాక్‌1.3వ ఓవర్‌: 164 పరుగుల స్వల్ప లక్ష్య ఛేదనలో గుజరాత్‌కు ఆదిలోనే షాక్‌ తగిలింది. ఆ జట్టు కెప్టెన్‌ శుభ్‌మన్‌ గిల్‌ (5) రెండో ఓవర్‌లోనే అర్షదీప్‌ బౌలింగ్‌లో కూపర్‌ కన్నోల్లీకి క్యాచ్‌ ఇచ్చి ఔటయ్యాడు. పంజాబ్‌ స్కోర్‌ 163-9టాస్‌ ఓడి తొలుత బ్యాటింగ్‌ చేసిన పంజాబ్‌ పడుతూ లేస్తూ చివరికి గౌరవప్రదమైన స్కోర్‌ చేయగలిగింది. సూర్యాంశ్‌ షేడ్గే (57), మార్కస్‌ స్టోయినిస్‌ (40), ఆఖర్లో మార్కో జన్సెన్‌ రాణించడంతో నిర్ణీత 20 ఓవర్లలో 9 వికెట్ల నష్టానికి 163 పరుగులు చేసింది. గుజరాత్‌ బౌలర్లలో జేసన్‌ హోల్డర్‌ (4-0-24-4) పంజాబ్‌ను భారీ దెబ్బకొట్టాడు. తొలుత సిరాజ్‌ (4-0-28-2), రబాడ (4-1-22-2) కూడా పంజాబ్‌ను కష్టాల్లోకి నెట్టారు. మిగతా బౌలర్లలో రషీద్‌ ఖాన్‌ (4-0-32-1) పర్వాలేదనిపించగా.. మానవ్‌ సుతార్‌ (1-0-27-0), అర్షద్‌ ఖాన్‌ (3-0-29-0) ధారాళంగా పరుగులు సమర్పించుకున్నారు. పంజాబ్‌ ఇన్నింగ్స్‌లో ప్రియాంశ్‌ ఆర్మ 2, ప్రభ్‌సిమ్రన్‌ 15, కూపర్‌ కన్నోల్లీ డకౌట్‌, శ్రేయస్‌ అయ్యర్‌ 19, నేహల్‌ వధేరా, జేవియర్‌ బార్ట్‌లెట్‌ డకౌటయ్యారు. విజయ్‌ కుమార్‌, అర్షదీప్‌ తలో పరుగుతో అజేయంగా నిలిచారు. పతనం అంచుల్లో పంజాబ్‌పంజాబ్‌ కింగ్స్‌ మరోసారి వరుస బంతుల్లో వికెట్లు కోల్పోయింది. తొలి ఓవర్‌లో సిరాజ్‌, 18వ ఓవర్‌లో హోల్డర్‌ ఈ ఘనత సాధించారు. తాజాగా హోల్డర్‌ స్టోయినిస్‌ (40), బార్ట్‌లెట్‌ (0)ను వరుస బంతుల్లో ఔట్‌ చేశాడు. ఆరో వికెట్‌ కోల్పోయిన పంజాబ్‌15.6వ ఓవర్‌- 126 పరుగుల వద్ద పంజాబ్‌ ఆరో వికెట్‌ కోల్పోయింది. రబాడ బౌలింగ్‌లో సూర్యాంశ్‌ షేడ్గే (57) ఔటయ్యాడు. పీకల్లోతు కష్టాల్లో పంజాబ్‌8.4వ ఓవర్‌- 47 పరుగుల వద్ద పంజాబ్‌ ఐదో వికెట్‌ కోల్పోయింది. హోల్డర్‌ బౌలింగ్‌లో శ్రేయస్‌ అయ్యర్‌ (19) క్లీన్‌ బౌల్డ్‌ అయ్యాడు. కష్టాల్లో పంజాబ్‌6.3వ ఓవర్‌- పంజాబ్‌ జట్టు కష్టాల్లో పడింది. 36 పరుగులకే 4 వికెట్లు కోల్పోయింది. తాజాగా నేహల్‌ వధేరాను (0) హోల్డర్‌ ఔట్‌ చేశాడు. బట్లర్‌ అద్భుతమైన క్యాచ్‌ పట్టాడు. మూడో వికెట్‌ కోల్పోయిన పంజాబ్‌5.2వ ఓవర్‌- 35 పరుగుల వద్ద పంజాబ్‌ మూడో వికెట్‌ కోల్పోయింది. రబాడ బౌలింగ్‌లో మానవ్‌ సుతార్‌కు క్యాచ్‌ ఇచ్చి ప్రభ్‌సిమ్రన్‌ సింగ్‌ (15) ఔటయ్యాడు. తొలి ఓవర్‌లోనే 2 వికెట్లు కోల్పోయిన పంజాబ్‌పంజాబ్‌ తొలి ఓవర్లోనే 2 వికెట్లు కోల్పోయింది. సిరాజ్‌ వరుస బంతుల్లో ప్రియాంశ్‌ ఆర్య (2), కన్నోల్లీ (0)ని ఔట్‌ చేశాడు.తొలి వికెట్‌ కోల్పోయిన పంజాబ్‌0.2వ ఓవర్‌- ఇన్నింగ్స్‌ రెండో బంతికే పంజాబ్‌ తొలి వికెట్‌ కోల్పోయింది. సిరాజ్‌ బౌలింగ్‌లో నిషాంత్‌ సంధుకు క్యాచ్‌ ఇచ్చి ప్రియాంశ్‌ ఆర్మ (2) ఔటయ్యాడు.టాస్‌ గెలిచి బౌలింగ్‌ ఎంచుకున్నగుజరాత్‌ఐపీఎల్‌ 2026లో భాగంగా ఇవాళ (మే 3) జరుగుతున్న 46వ మ్యాచ్‌లో గుజరాత్‌ టైటాన్స్‌, పంజాబ్‌ కింగ్స్‌ తలపడుతున్నాయి. అహ్మదాబాద్‌లోని నరేంద్ర మోదీ స్టేడియం వేదికగా జరిగే ఈ మ్యాచ్‌లో గుజరాత్‌ టాస్‌ గెలిచి బౌలింగ్‌ ఎంచుకుంది. ప్రస్తుతం పంజాబ్‌ పాయింట్ల పట్టికలో అగ్రస్థానంలో ఉండగా.. గుజరాత్‌ ఐదో స్థానంలో ఉంది. పంజాబ్‌ 8 మ్యాచ్‌ల్లో 6 విజయాలు సాధించి, ఓ మ్యాచ్‌లో ఓడగా.. గుజరాత్‌ 9 మ్యాచ్‌ల్లో 5 విజయాలు, 4 అపజయాలు ఎదుర్కొంది.తుది జట్లు..పంజాబ్ కింగ్స్ (ప్లేయింగ్ XI): ప్రభ్‌సిమ్రాన్ సింగ్ (w), ప్రియాంష్ ఆర్య, కూపర్ కొన్నోలీ, శ్రేయాస్ అయ్యర్ (సి), మార్కస్ స్టోయినిస్, సూర్యాంశ్ షెడ్జ్, నెహాల్ వధేరా, మార్కో జాన్సెన్, జేవియర్ బార్ట్‌లెట్, అర్ష్‌దీప్ సింగ్, యుజ్వేంద్ర చాహల్ గుజరాత్ టైటాన్స్ (ప్లేయింగ్ XI): శుభమన్ గిల్(సి), సాయి సుదర్శన్, జోస్ బట్లర్(w), వాషింగ్టన్ సుందర్, నిశాంత్ సింధు, జాసన్ హోల్డర్, రషీద్ ఖాన్, అర్షద్ ఖాన్, కగిసో రబడ, మహ్మద్ సిరాజ్, మానవ్ సుతార్

ఐపీఎల్‌-2026లో గుజ‌రాత్ టైటాన్స్ ఐదో విజ‌యాన్ని న‌మోదు చేసింది. గురువారం అహ్మదాబాద్ వేదిక‌గా రాయ‌ల్ ఛాలెంజ‌ర్స్ బెంగ‌ళూరుతో జ‌రిగిన మ్యాచ్‌లో 4 వికెట్ల తేడాతో గుజ‌రాత్ విజ‌యం సాధించింది. ఈ మ్యాచ్‌లో టైటాన్స్ ఆల్‌రౌండ్ షోతో అద‌ర‌గొట్టింది. మొద‌ట ఆర్సీబీని 155 ప‌రుగుల‌కే క‌ట్ట‌డి చేసిన గుజ‌రాత్‌.. అనంత‌రం బ్యాటింగ్‌లోనూ స‌త్తాచాటింది.15.5 ఓవ‌ర్ల‌లో 6 వికెట్లు కోల్పోయి ల‌క్ష్యాన్ని చేధించింది. ఈ విజ‌యంపై మ్యాచ్ అనంత‌రం గుజ‌రాత్ టైటాన్స్ కెప్టెన్ శుభ్‌మ‌న్ గిల్ స్పందిచాడు. ఈ గెలుపులో కీల‌క పాత్ర పోషించిన త‌మ బౌల‌ర్ల‌ను గిల్ కొనియాడాడు."కీల‌క మ్యాచ్‌లో విజ‌యం సాధించింనందుకు చాలా సంతోషంగా ఉంది. ముఖ్యంగా మా బౌల‌ర్లు అద్భుత‌మైన ప్ర‌ద‌ర్శ‌న క‌న‌బ‌రిచారు. ఇలాంటి వికెట్‌పై ప్ర‌త్య‌ర్ధి జ‌ట్టును 160 ప‌రుగులలోపు క‌ట్డ‌డి చేయ‌డం అంత సులువు కాదు. కానీ మా బౌల‌ర్లు మాత్రం ఆసాధ్యాన్ని సుసాధ్యం చేశారు. ఫీల్డింగ్‌లో కూడా మెరుగ్గా రాణించాము. గత మ్యాచ్‌తో పోలిస్తే ఈ రోజు అన్ని విభాగాల్లో మేము పై చేయి సాధించాము. ప్ర‌తీ ఒక్క‌రూ జ‌ట్టు విజ‌యంలో త‌మ వంతు పాత్ర పోషించారు. రెండో ఓవ‌ర్‌లో విరాట్ భాయ్ వ‌రుస బౌండ‌రీల‌తో విరుచుకుప‌డ్డారు. కానీ ఆ త‌ర్వాత మేము పుంజుకున్న తీరు చాలా బాగుంది. అత‌డి వికెట్‌తో తిరిగి మేము గేమ్‌లోకి వ‌చ్చాము. నేనేమి ఈ మ్యాచ్‌లో ప్ర‌త్యేక ప్ర‌ణాళిక‌ల‌తో బ‌రిలోకి దిగ‌లేదు. నేను ఒక రిథ‌మ్‌లో ఉన్నాను అన్పించింది. మొదటి బంతికి కాస్త అదృష్టం తోడైంది, రెండో బంతి నాకు కావాల్సిన స్లాట్‌లో ప‌డింది. దీంతో ఈ రోజునే నాదే అనుకున్నాను.అందుకే బౌల‌ర్లపై ఎదురుదాడికి దిగాను. ఇక తెవాటియా మా జ‌ట్టులో కీల‌క స‌భ్యుడు. ఈ రోజు అత‌డు మ్యాచ్ ఫినిష్ చేసినందుకు మాకు చాలా ఆనందంగా ఉంది. జోస్ భాయ్ మ్యాచ్ ఫినిష్ చేస్తాడ‌నుకున్నా. కానీ ఆ త‌ర్వాత వ‌రుస‌గా మూడు వికెట్లు కోల్పోయాము. ఆ బాధ్య‌త‌ను తెవాటియా తీసుకుని మ్యాచ్‌ను ముగించాడు" అని పోస్ట్ మ్యాచ్ ప్రెజెంటేష‌న్‌లో గిల్ పేర్కొన్నాడు. కాగా ఈ మ్యాచ్‌లో గిల్ 43 ప‌రుగులు చేశాడు.చదవండి: IPL 2026: పాటిదార్‌ది అవుటా? నాటౌటా? రూల్స్ ఏమి చెబుతున్నాయి?

బెంగళూరు: రాయల్‌ చాలెంజర్స్‌ బెంగళూరు (ఆర్‌సీబీ), గుజరాత్‌ టైటెన్స్‌ (జీటీ) జట్ల మధ్య చిన్నస్వామి క్రీడామైదానంలో ఈనెల 24న జరిగిన రాయల్‌ ఐపీఎల్‌ పోటీల సమయంలో 240 సీసీటీవీ కెమెరాల సర్క్యూట్‌ను కట్‌చేసిన ఘటనకు సంబంధించి కర్ణాటక రాష్ట్ర క్రికెట్‌ సంస్థ (కేఎస్‌సీఏ) స్పషీ్టకరణను ఇచ్చింది. ఇది పూర్తిగా ప్రైవేట్‌ అమ్మకందారులతో కూడిన అంతర్గత వివాదంగా స్పష్టం చేసింది. క్రీడామైదానం భద్రతకు సంబంధించి సంబంధం లేదని వెల్లడించింది. అమ్మకందారుల, దాని ఉద్యోగుల మధ్య చెల్లింపులకు సంబంధించి భిన్నాభిప్రాయాలతో ఈ సమస్య ఉద్భవించిందని పేర్కొంది. హర్యాణాకు చెందిన ఎస్‌టీఏక్యూ టెక్నాలజీస్‌ సంస్థ ఆదిత్య భట్‌ ఇచ్చిన ఫిర్యాదు మేరకు చిత్రదుర్గ జిల్లా హిరియూర మంజునాథ్‌ (37), ఉత్తర ప్రదశ్‌ సుల్తాన్‌పుర అబ్దుల్‌ కలాం (19) అరెస్ట్‌ చేశారని పేర్కొంది. ‘క్రీడామైదానం భద్రత కోసం అమర్చబడిన సీసీటీవీ కెమెరాల నిర్వహణ బాధ్యతను ఐవీఎస్‌ డిజిటల్‌ సొల్యూషన్‌ అనే ఉప పంపిణీదారుల సంస్థకు ఇచ్చారు. ఆ సంస్థలో మంజునాథ్, అబ్దుల్‌ కలాం గతంలో పనిచేశారు. అయితే కంనెనీ నుంచి జీతం పెండింగ్‌ ఉంది, ఎంత అడిగినా జీతం ఇవ్వకపోవటంతో కోపగించుకొని ఈ కృత్యానికి పాల్పడ్డారు’. ఈ విషయం తనిఖీ ద్వారా తెలిసిందని పోలీసులు తెలిపారు.

ఐపీఎల్‌-2026లో రాయల్ ఛాలెంజర్స్ బెంగళూరు జోరుకు గుజరాత్ టైటాన్స్ బ్రేక్‌లు వేసింది. గురువారం అహ్మదాబాద్ వేదికగా గుజరాత్‌తో జరిగిన మ్యాచ్‌లో 4 వికెట్ల తేడాతో ఆర్సీబీ ఓటమి పాలైంది. ఈ మ్యాచ్‌లో ఆర్సీబీ బ్యాటర్లు విఫలమయ్యారు. విరాట్ కోహ్లి(28), దేవ్‌దత్త్ పడిక్కల్‌(40) మినహా మిగితా బ్యాటర్లంతా తీవ్ర నిరాశపరిచారు.దీంతో తొలుత ‍బ్యాటింగ్ చేసిన ఆర్సీబీ 19.2 ఓవర్లలో 155 పరుగులకే ఆలౌటైంది. అనంతరం గుజరాత్ టైటాన్స్ ఈ లక్ష్యాన్ని 6 వికెట్లు కోల్పోయి 15.5 ఓవర్లలో ఛేదించింది. కెప్టెన్ శుభ్‌మన్ గిల్‌(43) టాప్ స్కోరర్‌గా నిలిచాడు. ఇక ఈ ఓటమిపై మ్యాచ్ అనంతరం​ ఆర్సీబీ కెప్టెన్ రజత్ పాటిదార్ స్పందించాడు. బ్యాటింగ్ వైఫల్యం కారణంగానే ఓడిపోయామని పాటిదార్ తెలిపాడు."ఈ పిచ్‌పై మేము సాధించిన స్కోర్ మాత్రం సరిపోదు. అయినప్పటికి మా బౌలర్లు అద్భుతమైన పోరాట పటిమ కనబరిచారు. మ్యాచ్‌ను 16 ఓవర్లకు తీసుకొచ్చారు. ఇది మా​కు ఒక సానుకూల ఆంశం. పిచ్‌పై ఉన్న పచ్చిక ఫాస్ట్ బౌలర్లకు బాగా సహకరించింది. అయితే శుభ్‌మన్ గిల్ పవర్‌ప్లేలో దూకుడుగా ఆడి మాపై ఒత్తిడి పెంచాడు. కానీ అంత ఒత్తిడిలోనూ మా బౌలర్లు తిరిగి పుంజుకున్న తీరు నిజంగా అద్భుతం. గిల్‌ను ఆరంభంలోనే ఔట్‌ చేసి ఉంటే ఫలితం మరో విధంగా ఉండేది. ఇక ఈ ఓటమి నుంచి చాలా పాఠాలు నేర్చుకున్నాం.ముఖ్యంగా మిడిల్ ఓవర్లలో వెంటవెంటనే వికెట్లు కోల్పోవడం మమ్మల్ని దెబ్బ తీసింది. ఇక భువనేశ్వర్ కుమార్ గురుంచి మనందరికీ తెలిసిందే. అతడు టీ20 ఫార్మాట్‌లో ఎంతో అనుభవం ఉన్న బౌలర్‌. ఈ మ్యాచ్‌లో కూడా తన మార్క్ చూపించాడు.ఇక ఈ టోర్నీలో మాకు ఇంకా ఐదు మ్యాచ్‌లు మిగిలి ఉన్నాయి. కాబట్టి ఇప్పటి నుంచి మేము పాయింట్ల పట్టిక గురుంచి ఆలోచించడం లేదు. మా తదుపరి మ్యాచ్‌లో అత్యత్తుమ క్రికెట్ ఆడటమే మా లక్ష్యమని" పాటిదార్ పోస్ట్ మ్యాచ్ ప్రెజెంటేషన్‌లో పేర్కొన్నాడు. ఆర్సీబీ తమ తదుపరి మ్యాచ్‌లో మే7న లక్నో సూపర్ జెయింట్స్‌తో తలపడనుంది.చదవండి: శ్రేయస్‌, సంజూ కాదు!.. భారత టీ20 కెప్టెన్‌గా ఊహించని పేరు!

ఐపీఎల్‌ 2026లో భాగంగా ఇవాళ (ఏప్రిల్‌ 30) జరిగిన మ్యాచ్‌లో గుజరాత్‌ టైటాన్స్‌ ఆర్సీబీకి షాకిచ్చింది (4 వికెట్ల తేడాతో గెలుపు). అహ్మదాబాద్‌లోని నరేంద్ర మోదీ స్టేడియం వేదికగా జరిగిన ఈ మ్యాచ్‌లో టాస్‌ గెలిచి తొలుత బౌలింగ్‌ చేసిన గుజరాత్‌ ఆర్సీబీని 19.2 ఓవర్లలో 155 పరుగులకే ఆలౌట్‌ చేసింది. ఈ మ్యాచ్‌లో గుజరాత్‌ బౌలర్లతో పాటు ఫీల్డర్లు కూడా చెలరేగిపోయారు.హోల్డర్‌ 3, సాయి సుదర్శన్‌, రషీద్‌ ఖాన్‌ తలో 2 క్యాచ్‌లతో ఆర్సీబీని దారుణంగా దెబ్బకొట్టారు. బౌలింగ్‌లో అర్షద్‌ ఖాన్‌ 3, హోల్డర్‌, రషీద్‌ ఖాన్‌ తలో 2, సిరాజ్‌, రబాడ చెరో వికెట్‌ పడగొట్టి ఆర్సీబీని కుప్పకూల్చారు. ఆర్సీబీ ఇన్నింగ్స్‌లో పడిక్కల్‌ (40) టాప్‌ స్కోరర్‌ కాగా.. విరాట్‌ 28, బేతెల్‌ 5, పాటిదార్‌ 19, జితేశ్‌ శర్మ 1, టిమ్‌ డేవిడ్‌ 9, కృనాల్‌ 4, షెపర్డ్‌ 17, వెంకటేశ్‌ అయ్యర్‌ 12, భువనేశ్వర్‌ కుమార్‌ 15 (నాటౌట్‌), హాజిల్‌వుడ్‌ డకౌటయ్యారు.అనంతరం 156 పరుగుల సాధారణ లక్ష్యాన్ని ఛేదించేందుకు బరిలోకి దిగిన గుజరాత్‌ తడబడుతూనే బ్యాటింగ్‌ చేసినప్పటికీ.. 15.5 ఓవర్లలో 6 వికెట్లు కోల్పోయి లక్ష్యాన్ని చేరుకుంది. భువనేశ్వర్‌ కుమార్‌ (4-0-28-3), రొమారియో షెపర్డ్‌ (4-0-30-2) ఇబ్బంది పెట్టినా.. శుభ్‌మన్‌ గిల్‌ (43), జోస్‌ బట్లర్‌ (39), రాహుల్‌ తెవాతియా (27 నాటౌట్‌) ఓ మోస్తరు ఇన్నింగ్స్‌లు ఆడి గుజరాత్‌ను విజయతీరాలకు చేర్చారు. మిగతా బ్యాటర్లలో సాయి సుదర్శన్‌ 6, వాషింగ్టన్‌ సుందర్‌ 12, షారుక్‌ ఖాన్‌ 8, జేసన్‌ హోల్డర్‌ 12, రషీద్‌ ఖాన్‌ 7 (నాటౌట్‌) పరుగులు చేశారు. ఆర్సీబీ బౌలర్లలో భువీ, షెపర్డ్‌తో పాటు సుయాశ్‌ శర్మ (3.5-0-44-1) వికెట్‌ తీశాడు. గత మ్యాచ్‌లో చెలరేగి బౌలింగ్‌ చేసిన హాజిల్‌వుడ్‌ (4-0-56-0) ఈ మ్యాచ్‌లో వికెట్‌ తీయలేకపోగా.. ధారాళంగా పరుగులు సమర్పించుకున్నాడు.

ఆర్సీబీపై గుజరాత్‌ గెలుపు156 పరుగుల సాధారణ లక్ష్యాన్ని ఛేదించేందుకు బరిలోకి దిగిన గుజరాత్‌ తడబడుతూనే బ్యాటింగ్‌ చేసినప్పటికీ.. 15.5 ఓవర్లలో 6 వికెట్లు కోల్పోయి లక్ష్యాన్ని చేరుకుంది. భువనేశ్వర్‌ కుమార్‌ (4-0-28-3), రొమారియో షెపర్డ్‌ (4-0-30-2) ఇబ్బంది పెట్టినా.. శుభ్‌మన్‌ గిల్‌ (43), జోస్‌ బట్లర్‌ (39), రాహుల్‌ తెవాతియా (27 నాటౌట్‌) ఓ మోస్తరు ఇన్నింగ్స్‌లు ఆడి గుజరాత్‌ను విజయతీరాలకు చేర్చారు. మిగతా బ్యాటర్లలో సాయి సుదర్శన్‌ 6, వాషింగ్టన్‌ సుందర్‌ 12, షారుక్‌ ఖాన్‌ 8, జేసన్‌ హోల్డర్‌ 12, రషీద్‌ ఖాన్‌ 7 (నాటౌట్‌) పరుగులు చేశారు. ఆర్సీబీ బౌలర్లలో భువీ, షెపర్డ్‌తో పాటు సుయాశ్‌ శర్మ (3.5-0-44-1) వికెట్‌ తీశాడు. గత మ్యాచ్‌లో చెలరేగి బౌలింగ్‌ చేసిన హాజిల్‌వుడ్‌ (4-0-56-0) ఈ మ్యాచ్‌లో వికెట్‌ తీయలేకపోగా.. ధారాళంగా పరుగులు సమర్పించుకున్నాడు. గెలుపు దిశగా గుజరాత్‌7 ఓవర్ల తర్వాత గుజరాత్‌ స్కోర్‌ 86-2గా ఉంది. బట్లర్‌ 33, సుందర్‌ 3 పరుగులతో క్రీజ్‌లో ఉన్నారు. 155 పరుగులకే ఆలౌటైన ఆర్సీబీఈ మ్యాచ్‌లో గుజరాత్‌ బౌలర్లతో పాటు ఫీల్డర్లు కూడా చెలరేగిపోయారు. హోల్డర్‌ 3, సాయి సుదర్శన్‌, రషీద్‌ ఖాన్‌ తలో 2 క్యాచ్‌లతో ఆర్సీబీని దెబ్బకొట్టారు. బౌలింగ్‌లో అర్షద్‌ ఖాన్‌ 3, హోల్డర్‌, రషీద్‌ ఖాన్‌ తలో 2, సిరాజ్‌, రబాడ చెరో వికెట్‌ పడగొట్టారు. ఫలితంగా ఆర్సీబీ 155 పరుగులకే ఆలౌటైంది.ఆర్సీబీ ఇన్నింగ్స్‌లో పడిక్కల్‌ (40) టాప్‌ స్కోరర్‌ కాగా.. విరాట్‌ 28, బేతెల్‌ 5, పాటిదార్‌ 19, జితేశ్‌ శర్మ 1, టిమ్‌ డేవిడ్‌ 9, కృనాల్‌ 4, షెపర్డ్‌ 17, వెంకటేశ్‌ అయ్యర్‌ 12, భువనేశ్వర్‌ కుమార్‌ 15 (నాటౌట్‌), హాజిల్‌వుడ్‌ డకౌటయ్యారు. ఏడో వికెట్‌ కోల్పోయిన ఆర్సీబీ13.6వ ఓవర్‌- 126 పరుగుల వద్ద ఆర్సీబీ ఏడో వికెట్‌ కోల్పోయింది.రషీద్‌ ఖాన్‌ బౌలింగ్‌లో పడిక్కల్‌ (40) క్లీన్‌ బౌల్డ్‌ అయ్యాడు. నాలుగో వికెట్‌ కోల్పోయిన ఆర్సీబీ8.1వ ఓవర్‌- 80 పరుగుల వద్ద ఆర్సీబీ నాలుగో వికెట్‌ కోల్పోయింది. హోల్డర్‌ బౌలింగ్‌లో జితేశ్‌ శర్మ (1) అతనికే క్యాచ్‌ ఇచ్చి ఔటయ్యాడు. హోల్డర్‌ సూపర్‌ క్యాచ్‌7.4వ ఓవర్‌- 79 పరుగుల వద్ద ఆర్సీబీ మూడో వికెట్‌ కోల్పోయింది. అర్షద్‌ ఖాన్‌ బౌలింగ్లో జేసన్‌ హోల్డర్‌ అద్భుతమైన క్యాచ్‌ పట్టడంతో రజత్‌ పాటిదార్‌ (19) ఔటయ్యాడు. కోహ్లి ఔట్‌3.2వ ఓవర్‌- 35 పరుగుల వద్ద ఆర్సీబీ రెండో వికెట్‌ కోల్పోయింది. రబాడ బౌలింగ్‌లో రషీద్‌ ఖాన్‌కు క్యాచ్‌ ఇచ్చి విరాట్‌ కోహ్లి (28) ఔటయ్యాడు. తొలి వికెట్‌ కోల్పోయిన ఆర్సీబీ2.4వ ఓవర్‌- 34 పరుగుల వద్ద ఆర్సీబీ తొలి వికెట్‌ కోల్పోయింది. సిరాజ్‌ బౌలింగ్‌లో రషీద్‌ ఖాన్‌కు క్యాచ్‌ ఇచ్చి జేకబ్‌ బేతెల్‌ (5) ఔటయ్యాడు.టాస్‌ గెలిచి బౌలింగ్‌ ఎంచుకున్న గుజరాత్‌ఐపీఎల్‌ 2026లో భాగంగా ఇవాళ (ఏప్రిల్‌ 30) జరుగనున్న 42 మ్యాచ్‌లో గుజరాత్‌ టైటాన్స్‌, ఆర్సీబీ తలపడుతున్నాయి. అహ్మదాబాద్‌లోని నరేంద్ర మోదీ స్టేడియం వేదికగా జరుగుతున్న ఈ మ్యాచ్‌లో గుజరాత్‌ టాస్‌ గెలిచి బౌలింగ్‌ ఎంచుకుంది. ఈ మ్యాచ్‌ కోసం ఇరు జట్లు ఎలాంటి మార్పులు చేయలేదు. కాగా, పాయింట్ల పట్టికలో ప్రస్తుతం ఆర్సీబీ రెండో స్థానంలో ఉండగా.. గుజరాత్‌ ఐదో స్థానంలో ఉంది. ఆర్సీబీ ఇప్పటివరకు ఆడిన 8 మ్యాచ్‌ల్లో 6 విజయాలు సాధించగా.. గుజరాత్‌ 8లో నాలుగు విజయాలు నమోదు చేసింది. తుది జట్లు..గుజరాత్ టైటాన్స్ (ప్లేయింగ్ XI): శుభమన్ గిల్(సి), సాయి సుదర్శన్, జోస్ బట్లర్(w), జాసన్ హోల్డర్, షారుఖ్ ఖాన్, వాషింగ్టన్ సుందర్, అర్షద్ ఖాన్, రషీద్ ఖాన్, కగిసో రబడ, మహ్మద్ సిరాజ్, మానవ్ సుతార్ రాయల్ ఛాలెంజర్స్ బెంగళూరు (ప్లేయింగ్ XI): విరాట్ కోహ్లీ, జాకబ్ బెథెల్, దేవదత్ పడిక్కల్, రజత్ పాటిదార్(సి), జితేష్ శర్మ(w), టిమ్ డేవిడ్, రొమారియో షెపర్డ్, కృనాల్ పాండ్యా, భువనేశ్వర్ కుమార్, సుయాష్ శర్మ, జోష్ హేజిల్‌వుడ్

ఐపీఎల్ 2026 సీజ‌న్‌లో చెన్నై సూప‌ర్‌కింగ్స్ విష‌యంలో ఆన్‌ఫీల్డ్‌, ఆఫ్‌ఫీల్డ్‌లో చాలా ఆస‌క్తిక‌ర విష‌యాలు జ‌రుగుతున్నాయి. ఆరం భంలో వ‌రుస ప‌రాజ‌యాలు, మ‌ధ్య‌లో విజ‌యాలు, మ‌ళ్లీ ఓట‌మి.. ఇలా సీఎస్‌కే త‌న ప్ర‌యాణాన్ని ప‌డుతూ లేస్తూ కొన‌సాగిస్తుంది. అయితే ఆన్‌ఫీల్డ్‌లో ఇలా ఉంటే ఆఫ్‌ఫీల్డ్‌లో సీఎస్‌కే కు అవ‌మానాలు జ‌రుగుతున్నాయి. సీజ‌న్ ఆరంభంలో ఆర్సీబీపై బీసీసీఐకి ఫిర్యాదు చేసిన సీఎస్‌కే తాజాగా గుజ‌రాత్ టైటాన్స్ కెప్టెన్ శుబ్‌మ‌న్ గిల్‌పై ఫిర్యాదు చేయ‌డం ఆస‌క్తి క‌లిగించింది. ఇందులో నిజ‌మెంత అనేది తెలియ‌నప్ప‌టికీ గిల్‌పై సీఎస్‌కే చేసిన ఫిర్యాదు కాపీ మాత్రం సోష‌ల్ మీడియాలో చ‌క్క‌ర్లు కొడుతుంది.అస‌లేం జ‌రిగింది?ఆదివారం (ఏప్రిల్ 26) చెన్నై వేదిక‌గా గుజరాత్ టైటాన్స్‌తో చెన్నై సూప‌ర్‌కింగ్స్ (సీఎస్‌కే) త‌ల‌ప‌డింది. అయితే ఈ మ్యాచ్‌లో సీఎస్‌కేపై గుజ‌రాత్ 8 వికెట్ల తేడాతో విజ‌యాన్ని అందుకుంది. అయితే మ్యాచ్ విజ‌యం అనంత‌రం గుజ‌రాత్ కెప్టెన్ గిల్ త‌న ఇన్‌స్టాగ్రామ్‌లో సీఎస్‌కే ఫ్రాంచైజీని ట్రోల్ చేస్తూ పోస్ట్ చేశాడు. ఏఐతో రూపొందించిన త‌న ఫొటోను పంచుకున్న గిల్ చేతిలో పసుపు రంగు విజిల్ ప‌ట్టుకొని న‌వ్వుతూ క‌నిపించాడు. అయితే గిల్ పెట్టిన పోస్టు సీఎస్‌కే జెర్సీని, ఫ్రాంచైజీ నినాదం అయిన‌ విజిల్ పోడును అవమానిస్తున్న‌ట్లుగా ఉందంటూ సీఎస్‌కకే ఫ్యాన్స్ ఆగ్ర‌హం వ్య‌క్తం చేశారు. అది న‌కిలీదా లేక నిజ‌మైనదేనా అన్న‌ది ఇంకా తెలియదు. అయితే సీఎస్‌కే ఫ్రాంచైజీ గిల్‌పై బీసీసీఐకి ఫిర్యాదు చేసిన కాపీ మాత్రం ప్రస్తుతం సోషల్‌ మీడియాలో చక్కర్లు కొడుతుంది.CSK filed another complaint this time against India skipper & star batter Shubham Gill... pic.twitter.com/w6iGlOydw1— The Cricket View (@TheCricketView) April 26, 2026గతంలో ఆర్సీబీపై ఫిర్యాదుఇక ఇదే సీజ‌న్‌లో 11వ మ్యాచ్‌లో ఆర్సీబీ, సీఎస్‌కే త‌ల‌ప‌డ్డాయి. సీఎస్‌కే ఇన్నింగ్స్ ప్రారంభానికి ముందు ’దోశ, ఇడ్లీ, సాంబార్, చట్నీ’ అంటూ ఓ ట్రాక్‌ను డీజే ప్లే చేశారు. అయితే ఇవి దక్షిణాదికి చెందిన ప్రజలు ఎక్కువగా తినే ఆహార పదార్థాలు. ఈ ట్రాక్‌పై సీఎస్‌కే తీవ్ర అభ్యంత‌రం వ్య‌క్తం చేసింది. ‘దోశ, ఇడ్లీ, సాంబార్, చట్నీ’ అనే పదాలను వాడుతూ తమిళనాడు గుర్తింపును ఎగతాళి చేశారంటూ సీఎస్‌కే ఆర్సీబీ ఫ్రాంచైజీపై బీసీసీఐకి ఫిర్యాదులో చేసింది. కాగా ఐపీఎల్ 19వ సీజ‌న్‌లో సీఎస్‌కే ఐదో ఓట‌మిని మూట‌గ‌ట్టుకుంది. సీఎస్‌కే విధించిన 159 ప‌రుగుల టార్గెట్‌ను గుజ‌రాత్ మ‌రో 20 బంతులు మిగిలి ఉండ‌గానే ఛేదించింది. సాయి సుద‌ర్శ‌న్ (87), గిల్ (33), బ‌ట్ల‌ర్ (39 నాటౌట్‌) జ‌ట్టు విజ‌యంలో కీల‌క‌పాత్ర పోషించారు.చదవండి: ‘వైభ‌వ్‌పై అనుమానముంది.. డోపింగ్‌ టెస్ట్ చేయాల్సిందే!’

ఐపీఎల్‌-2026లో భాగంగా ఏకానా స్టేడియం వేదికగా లక్నో సూపర్ జెయింట్స్‌తో జరుగుతున్న మ్యాచ్‌లో కేకేఆర్ బ్యాటర్ అంగ్‌క్రిష్ రఘువంశీని దురదృష్టం వెంటాడింది. క్రికెట్‌లో అరుదుగా కన్పించే 'అబ్‌స్ట్రక్టింగ్ ద ఫీల్డ్' (ఫీల్డింగ్‌కు ఆటంకం కలిగించడం) నిబంధన ప్రకారం రఘువంశీ ఔటయ్యాడు. దీంతో ఐపీఎల్ చరిత్రలో అబ్‌స్ట్రక్టింగ్ ద ఫీల్డ్ ప్రకారం ఔటైన నాలుగో బ్యాటర్‌గా రఘువంశీ నిలిచాడు.ఏమి జరిగిందంటే?కోల్‌కతా ఇన్నింగ్స్ 5వ ఓవర్ ప్రిన్స్ యాద‌వ్ బౌలింగ్‌లో ఆఖ‌రి బంతికి రఘువంశీ మిడ్-ఆన్ వైపు షాట్ ఆడి సింగిల్ కోసం ప్రయత్నించాడు. అయితే మిడ్ ఆన్‌లో ఉన్న మ‌హ్మ‌ద్ ష‌మీ బంతిని వేగంగా అందుకోవ‌డంతో.. ర‌ఘువంశీ స‌గం దూరం వెళ్ళాక మళ్ళీ వెన‌క్కి వ‌చ్చేందుకు ప్ర‌య‌త్నించాడు.అయితే వెన‌క్కి వెళ్లే క్ర‌మంలో ష‌మీ త్రో చేసిన బంతి రఘువంశీ కాలికి తగిలి వికెట్ కీపర్ పంత్ చేతికి వెళ్లలేదు. అయితే రఘువంశీ కావాలనే తన దారిని మార్చుకుని వెనుక్కి పరిగెత్తాడని పంత్ అబ్‌స్ట్రక్టింగ్ ద ఫీల్డ్‌కు అప్పీల్‌ చేశాడు. దీంతో ఫీల్డ్ అంపైర్‌లు థర్డ్ అంపైర్‌కు రిఫర్ చేశారు. చాలా సేపు రీప్లేలను పరిశీలించిన టీవీ అంపైర్.. రఘువంశీ కావాలనే ఫీల్డర్ విసిరిన బంతికి అడ్డుపడ్డాడని నిర్ధారించారు.దీంతో ఆర్టికల్ 37 ప్రకారం అతడిని అబ్‌స్ట్రక్టింగ్ ద ఫీల్డ్ కింద అవుట్‌గా ప్రకటించారు. థర్డ్ అంపైర్ నిర్ణయంపై రఘువంశీతో పాటు హెడ్ కోచ్ అభిషేక్ నాయర్, మెంటార్లు షేన్ వాట్సన్ తీవ్ర అసహనం వ్యక్తం చేశాడు. రఘువంశీ మైదానాన్ని వీడే క్రమంలో తన బ్యాట్‌ను, హెల్మెట్‌ను నేలకేసి కొట్టాడు.ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. ఇది చూసిన నెటిజన్లు భిన్నాభిప్రాయాలను వ్యక్తం చేస్తున్నారు. అతడు క్రీజులోకి చేరుకోవాలనే ఉద్దేశంతోనే అలా పరిగెత్తాడని, అలా ఎలా ఔట్ ఇస్తారని ఓ యూజర్ పోస్ట్ చేశాడు. మరో యూజర్ రూల్స్ ప్రకారం ఇది అవుటేనని కామెంట్ చేశాడు. Obs 🥵Angkrish Raghuvanshi !! Obstructing the field #LSGvsKKR #CSKvsGTpic.twitter.com/2mTxfZlbJU— Baba Jaipuriya (@BabaJaipuriya) April 26, 2026

ఐపీఎల్‌-2026 సీజ‌న్‌లో గుజ‌రాత్ టైటాన్స్ తిరిగి గెలుపు బాట ప‌ట్టింది. చెపాక్‌ స్టేడియం వేదికగా చెన్నై సూపర్ కింగ్స్‌తో జరిగిన మ్యాచ్‌లో 8 వికెట్ల తేడాతో గుజరాత్‌ ఘన విజయం సాధించింది. సీఎస్‌కే నిర్ధేశించిన 159 పరుగుల లక్ష్యాన్ని గుజరాత్‌ 16.4 ఓవర్లలో కేవలం రెండు వికెట్లు మాత్రమే కోల్పోయి చేధించింది.గుజరాత్‌ ఓపెనర్‌ సాయిసుదర్శన్‌(46 బంతుల్లో 4 ఫోర్లు, 7 సిక్స్‌లతో 87) మరోసారి సత్తాచాటాడు. అతడితో పాటు జోస్‌ బట్లర్‌(39 నాటౌట్‌), శుభ్‌మన్‌గిల్‌(33)రాణించారు. సీఎస్‌కే బౌలర్లలో ఆకిల్‌ హోస్సేన్‌, నూర్‌ అహ్మద్‌ తలా వికెట్ పడగొట్టారు.రుతురాజ్ కెప్టెన్ ఇన్నింగ్స్‌అంతకముందు బ్యాటింగ్ చేసిన సీఎస్‌కే నిర్ణీత 20 ఓవర్లలో 7 వికెట్ల నష్టానికి 158 పరుగులు చేసింది. రుతురాజ్ గైక్వాడ్ కెప్టెన్ ఇన్నింగ్స్ ఆడాడు. శాంసన్‌, బ్రెవిస్ వంటి స్టార్ ప్లేయర్లు ఆరంభంలోనే ఔటైనప్పటికి.. రుతురాజ్ మాత్రం ఆచితూచి ఆడుతూ జట్టుకు గౌరప్రదమైన స్కోర్‌ను అందించాడు.60 బంతులు ఎదుర్కొన్న గైక్వాడ్‌.. 6 ఫోర్లు, 4 సిక్స్‌లతో 74 పరుగులు చేశాడు. అతడితో పాటు ఓవర్టన్‌(6 బంతుల్లో 18) దూకుడుగా ఆడాడు. గుజరాత్ బౌలర్లలో రబాడ మూడు, అర్షద్‌ ఖాన్‌, సుత్తార్‌, సిరాజ్‌ తలా వికెట్‌ సాధించారు. గుజరాత్‌కు ఇది నాలుగో విజయం. ఈ విజయంతో గుజరాత్ పాయింట్ల పట్టికలో ఐదో స్ధానానికి చేరుకుంది.చదవండి: IPL 2026: 'నీ సీక్రెట్స్‌ మొత్తం నాకు తెలుసు.. మా టీమ్‌పై నెమ్మదిగా ఆడు'

ఐపీఎల్‌-2026 సీజ‌న్‌లో చెన్నై సూప‌ర్ కింగ్స్ కెప్టెన్ రుతురాజ్ గైక్వాడ్ ఎట్ట‌కేల‌కు త‌న ఫామ్‌ను అందుకున్నాడు. ఈ లీగ్‌లో భాగంగా చెపాక్ వేదిక‌గా గుజ‌రాత్‌ టైటాన్స్‌తో జ‌రుగుతున్న మ్యాచ్‌లో రుతురాజ్ హాఫ్ సెంచ‌రీతో స‌త్తాచాటాడు. ఓ వైపు క్ర‌మం త‌ప్ప‌కుండా వికెట్లు కోల్పోతున్న‌ప్ప‌టికి రుతురాజ్ మాత్రం ఆచితూచి త‌మ జ‌ట్టుకు గౌర‌వ‌ ప్ర‌ద‌మైన స్కోర్‌ను అందించాడు.60 బంతులు ఎదుర్కొన్న గైక్వాడ్‌.. 6 ఫోర్లు, 4 సిక్స్‌లతో 74 పరుగులు చేశాడు. అతడితో పాటు జేమీ ఓవర్టన్‌(6 బంతుల్లో 18) ఆఖరిలో మెరుపులు మెరిపించాడు. ఫలితంగా టాస్‌ ఓడి తొలుత బ్యాటింగ్‌ చేసిన సీఎస్‌కే నిర్ణీత 20 ఓవర్లలో 7 వికెట్ల నష్టానికి 158 పరుగులు చేసింది.గుజరాత్‌ బౌలర్లలో రబాడ మూడు, అర్షద్‌ ఖాన్‌, సుత్తార్‌, సిరాజ్‌ తలా వికెట్‌ సాధించారు. గత మ్యాచ్‌లో సెంచరీతో సత్తాచాటిన సంజూ సంశాన్‌.. గుజరాత్‌పై మాత్రం 11 పరుగులు చేసి ఔటయ్యాడు.

ఐపీఎల్‌-2026లో భాగంగా చెపాక్ వేదికగా చెన్నై సూపర్ కింగ్స్, గుజ‌రాత్ టైటాన్స్ జ‌ట్లు త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన గుజ‌రాత్ టైటాన్స్ తొలుత బౌలింగ్ ఎంచుకుంది. ఈ మ్యాచ్‌లో ఇరు జట్లు చెరో మార్పుతో బరిలోకి దిగాయి. గుజరాత్‌ జట్టులోకి అర్షద్‌ ఖాన్‌ రాగా.. సీఎస్‌కే జట్టులోకి ఉర్విల్‌ పటేల్‌ వచ్చాడు.తుది జట్లుగుజరాత్ టైటాన్స్: సాయి సుదర్శన్, శుభ్‌మన్ గిల్(కెప్టెన్‌), జోస్ బట్లర్(వికెట్ కీపర్‌), షారుక్ ఖాన్, వాషింగ్టన్ సుందర్, జాసన్ హోల్డర్, రషీద్ ఖాన్, అర్షద్ ఖాన్, కగిసో రబడ, మహ్మద్ సిరాజ్, మానవ్ సుతార్చెన్నై సూపర్ కింగ్స్: సంజు శాంసన్ (వికెట్ కీపర్‌), రుతురాజ్ గైక్వాడ్ (కెప్టెన్‌), ఉర్విల్ పటేల్, డెవాల్డ్ బ్రెవిస్, శివమ్ దూబే, కార్తీక్ శర్మ, జామీ ఓవర్టన్, అకేల్ హోసేన్, నూర్ అహ్మద్, అన్షుల్ కాంబోజ్, గుర్జప్నీత్ సింగ్

గుజరాత్‌ టైటాన్స్‌తో మ్యాచ్‌లో రాయల్‌ చాలెంజర్స్‌ బెంగళూరు (ఆర్సీబీ) దిగ్గజం విరాట్‌ కోహ్లి మెరుపులు మెరిపించాడు. ఈ ఓపెనింగ్‌ బ్యాటర్‌ మొత్తంగా 44 బంతులు ఎదుర్కొని 81 పరుగులు సాధించాడు. ఇందులో ఎనిమిది ఫోర్లు, నాలుగు సిక్సర్లు ఉన్నాయి.అయితే, ఒకానొక దశలో సెంచరీ దిశగా పయనించిన కోహ్లి.. అనూహ్య రీతిలో అవుటయ్యాడు. జేసన్‌ హోల్డర్‌ బౌలింగ్‌లో బౌల్డ్‌ అయి వెనుదిరిగాడు. దీంతో తీవ్ర అసంతృప్తికి లోనైన కోహ్లి బ్యాట్‌ను ప్యాడ్‌కేసి కొడుతూ కోపంగా మైదానం వీడాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది.కాగా బెంగళూరు వేదికగా శుక్రవారం నాటి మ్యాచ్‌లో ఆర్సీబీ గుజరాత్‌ తలపడ్డాయి. టాస్‌ ఓడి తొలుత బ్యాటింగ్‌కు దిగిన గుజరాత్‌ 20 ఓవర్లలో మూడు వికెట్ల నష్టానికి 205 పరుగులు సాధించింది.‘సున్నా’ వద్ద కోహ్లికి లైఫ్‌! ఇక లక్ష్య ఛేదనలో భాగంగా సీజన్‌లో తొలి మ్యాచ్‌ ఆడిన ఆర్సీబీ స్టార్‌ జాకబ్‌ బెతెల్‌ (14) ప్రభావం చూపలేకపోయాడు. మరోవైపు.. కోహ్లి ఆడిన తొలి బంతికే షార్ట్‌ మిడ్‌వికెట్‌ వద్ద వాషింగ్టన్‌ సుందర్‌ సునాయాస క్యాచ్‌ వదిలేశాడు. ఆ తర్వాత కోహ్లి చక్కటి షాట్లతో దూసుకుపోగా టైటాన్స్‌ భారీ మూల్యం చెల్లించింది.మరో ఎండ్‌లో పడిక్కల్‌ (27 బంతుల్లో 55)... కోహ్లికంటే వేగంగా పరుగులు రాబట్టి ఆర్సీబీ పనిని సులువు చేశాడు. తొలి బంతికే సిక్స్‌తో మొదలు పెట్టిన అతను సిరాజ్‌ ఓవర్లో మరో సిక్స్‌ కొట్టాడు. రషీద్‌ ఓవర్లో కోహ్లి వరుసగా సిక్స్, ఫోర్‌ కొట్టగా... ప్రసిధ్‌ ఓవర్లో పడిక్కల్‌ 2 సిక్స్‌లు, ఫోర్‌ బాదాడు. ఆపై రషీద్‌ ఓవర్లోనూ 2 సిక్స్‌లతో చెలరేగిన పడిక్కల్‌ 20 బంతుల్లో హాఫ్‌ సెంచరీని అందుకోవడం విశేషం. ఆ తర్వాత 30 బంతుల్లో కోహ్లి అర్ధ సెంచరీ పూర్తయింది.హోల్డర్‌ వైల్డ్‌గా సెలబ్రేషన్స్‌.. తీవ్ర అసంతృప్తిలో కోహ్లిపడిక్కల్‌ను రషీద్‌ అవుట్‌ చేయగా, హోల్డర్‌ ఓవర్లో వరుసగా రెండు సిక్స్‌లు కొట్టిన కోహ్లి తర్వాతి బంతిని వికెట్లపైకి ఆడుకున్నాడు. దీంతో సున్నా వద్ద లైఫ్‌ పొంది సెంచరీ దిశగా పయనించిన కోహ్లి ఇన్నింగ్స్‌కు పద్నాలుగో ఓవర్లో తెరపడింది. హోల్డర్‌ బౌలింగ్‌లో బౌల్డ్‌ అయి కోపంగా కోహ్లి వెనుదిరగగా.. హోల్డర్‌ వైల్డ్‌గా సెలబ్రేట్‌ చేసుకున్నాడు.Set batters gone 😯🎥 Rashid Khan and Jason Holder hit the timber \|/Updates ▶️ https://t.co/5ZJjfv5Nr6#TATAIPL | #KhelBindaas | #RCBvGT | @gujarat_titans pic.twitter.com/zVUsxy1NB2— IndianPremierLeague (@IPL) April 24, 2026ఇక ఆర్సీబీ మిగిలిన ఆటగాళ్లలో జితేశ్‌ శర్మ (10), కెప్టెన్‌ రజత్‌ పాటీదార్‌ (8) విఫలమైనా... కృనాల్‌ పాండ్యా (12 బంతుల్లో 23 నాటౌట్‌; 3 ఫోర్లు, 1 సిక్స్‌), టిమ్‌ డేవిడ్‌ (10 నాటౌట్‌) కలిసి మ్యాచ్‌ను ముగించారు. చదవండి: అందుకే శ్రేయస్‌ అయ్యర్‌ను వదులుకున్నాం: కేకేఆర్‌ మాజీ కోచ్‌

ఐపీఎల్‌ 2026లో భాగంగా ఆర్సీబీతో జరిగిన మ్యాచ్‌లో గుజరాత్‌ టైటాన్స్‌ 5 వికెట్ల తేడాతో పరాజయంపాలైంది. ఈ మ్యాచ్‌లో తొలుత బ్యాటింగ్‌ చేసిన గుజరాత్‌, ఓపెనర్‌ సాయి సుదర్శన్‌ (100) సూపర్‌ సెంచరీతో కదంతొక్కడంతో నిర్ణీత 20 ఓవర్లలో 3 వికెట్ల నష్టానికి 205 పరుగులు చేసింది. అనంతరం లక్ష్య ఛేదనలో విరాట్‌ కోహ్లి (81), పడిక్కల్‌ (55) చెలరేగడంతో ఆర్సీబీ మరో 7 బంతులు మిగిలుండగానే 5 వికెట్లు కోల్పోయి విజయతీరాలకు చేరింది.వాస్తవానికి గుజరాత్‌ ఈ మ్యాచ్‌లో ఇంకా భారీ స్కోర్‌ చేయాల్సింది. అయితే చివరి ఓవర్లలో ఆర్సీబీ బౌలర్లు అనూహ్యంగా పుంజుకొని వారిని కట్టడి చేశారు. ఛేదన సమయంలోనూ గుజరాత్‌కు పైచేయి సాధించే అవకాశం ఉండింది. స్వల్ప వ్యవధిలో 3 వికెట్లు తీయగలిగినా, ఆతర్వాత ప్రత్యర్థిపై ఒత్తిడి పెంచలేకపోయింది. చివరికి మూల్యం చెల్లించుకుంది.మ్యాచ్‌ అనంతరం గిల్‌ ఓటమిపై ఆత్మపరిశీలన చేసుకున్నాడు. అతని మాటల్లో.. పవర్‌ప్లే ముగిసే సమయానికి మంచి స్థితిలో ఉన్నాం. కానీ, 16 నుంచి 19వ ఓవర్ వరకు ఆశించిన రీతిలో పరుగులు చేయలేకపోయాము. ఆ మూడు ఓవర్లలో ఒక్క బౌండరీ కూడా రాకపోవడం మ్యాచ్ గమనాన్ని మార్చేసింది.మధ్య ఓవర్లలో వికెట్లు తీయలేకపోయాంప్రత్యర్థిపై ఒత్తిడి పెంచాలంటే మధ్య ఓవర్లలో వికెట్లు తీయడం చాలా ముఖ్యం. అయితే, పవర్‌ప్లే తర్వాత మా బౌలర్లు ఆ పనిని చేయలేకపోయారు. ఆ సమయంలో కొన్ని మంచి బంతులు వేసినా, అవసరమైన స్థాయిలో లెంగ్త్‌ను మెయిన్‌టైన్‌ చేయలేకపోయారు.సుతార్‌కు బంతి ఇవ్వడంపై వివరణపిచ్ స్పిన్‌కు సహకరిస్తోందని తాను బ్యాటింగ్ చేసే సమయంలోనే గమనించాను. ముఖ్యంగా కృనాల్‌ వేసిన బంతులు బాగా టర్న్‌ అయ్యాయి. అందుకే చివర్లో మానవ్‌ సుతార్‌కు అవకాశం ఇచ్చాను.మరో రెండు వికెట్లు పడుంటే మ్యాచ్ మళ్లీ తమవైపు తిరిగేది.సాయి సుదర్శన్‌పై సరదా వ్యాఖ్యసాయి ఇటీవల రెండు మ్యాచ్‌ల్లో నిరాశపరిచినా, ఈ మ్యాచ్‌లో అద్భుతంగా పుంజుకున్నాడు. అతని ప్రదర్శనపై గిల్ ప్రశంసలు కురిపించాడు. వచ్చే మ్యాచ్‌లో అయినా సాయి తనకు పవర్‌ప్లేలో స్ట్రైక్ ఇస్తాడని ఆశిస్తున్నానంటూ సరదాగా వ్యాఖ్యానించాడు.

రికార్డుల రారాజు విరాట్‌ కోహ్లి ఖాతాలో మరో రెండు భారీ రికార్డులు చేరాయి. ఈ దిగ్గజ బ్యాటర్‌ ఐపీఎల్‌ 2026లో భాగంగా నిన్న (ఏప్రిల్‌ 24) గుజరాత్‌ టైటాన్స్‌తో జరిగిన మ్యాచ్‌లో మెరుపు అర్ద సెంచరీ (44 బంతుల్లో 81) చేసి తన జట్టును గెలిపించాడు. ఇందులో 8 ఫోర్లు, 4 సిక్సర్లు ఉన్నాయి. ఈ బౌండరీలు, సిక్సర్ల ద్వారా విరాట్‌ చరిత్ర సృష్టించాడు. ఐపీఎల్‌లో 800 ఫోర్లు, ఒకే ఫ్రాంచైజీ (ఆర్సీబీ) తరఫున 300 సిక్సర్లు బాదిన తొలి ఆటగాడిగా రికార్డు నెలకొల్పాడు. ఐపీఎల్‌ చరిత్రలో ఈ ఘనతలను ఇప్పటివరకు ఏ ఆటగాడు సాధించలేదు.వేర్వేరు ఫ్రాంచైజీల తరఫున 300 సిక్సర్లను మాత్రం క్రిస్‌ గేల్‌ (కేకేఆర్‌, కింగ్స్‌ ఎలెవెన్‌ పంజాబ్‌, పంజాబ్‌ కింగ్స్‌, ఆర్సీబీ- 357), రోహిత్‌ శర్మ (డెక్కన్‌ ఛార్జర్స్‌, ముంబై ఇండియన్స్‌- 310) సాధించారు. గుజరాత్‌పై మ్యాచ్‌ తర్వాత విరాట్‌ ఖాతాలో 807 ఫోర్లు, 303 సిక్సర్లు ఉన్నాయి. ఫోర్ల విషయంలో మాత్రం ప్రస్తుతమున్న ఆటగాళ్లలో విరాట్‌ కనుచూపు మేరల్లో కూడా ఎవరూ లేరు. ఐపీఎల్‌లో విరాట్‌ తర్వాత అత్యధిక బౌండరీలు సాధించిన ఘనత మాజీ డాషింగ్‌ ఓపెనర్‌ శిఖర్‌ ధవన్‌ (768) పేరిట ఉంది. ప్రస్తుమున్న ఆటగాళ్లలో విరాట్‌ తర్వాతి స్థానాల్లో డేవిడ్‌ వార్నర్‌ (663), రోహిత్‌ శర్మ (653) ఉన్నారు.50 హాఫ్‌ సెంచరీస్‌ఈ హాఫ్‌ సెంచరీతో విరాట్‌ మరో ఘనత కూడా సాధించాడు. ఈ హాఫ్‌ సెంచరీ అతనికి ఐపీఎల్‌లో ఓపెనర్‌ 50వది. ఈ ఘనతను విరాట్‌కు ముందు డేవిడ్‌ వార్నర్‌ మాత్రమే సాధించాడు. తాజా ఇన్నింగ్స్‌తో విరాట్‌ ప్రస్తుత సీజన్‌లో లీడింగ్‌ రన్‌స్కోరర్‌గానూ అవతరించాడు. 7 ఇన్నింగ్స్‌ల్లో 328 పరుగులతో ఆరెంజ్‌ క్యాప్‌ను సొంతం చేసుకున్నాడు.మ్యాచ్‌ విషయానికొస్తే.. తొలుత బ్యాటింగ్‌ చేసిన గుజరాత్‌, ఓపెనర్‌ సాయి సుదర్శన్‌ (100) సూపర్‌ సెంచరీతో కదంతొక్కడంతో నిర్ణీత 20 ఓవర్లలో 3 వికెట్ల నష్టానికి 205 పరుగులు చేసింది. అనంతరం లక్ష్య ఛేదనలో విరాట్‌ కోహ్లి (81), పడిక్కల్‌ (55) చెలరేగడంతో ఆర్సీబీ 5 వికెట్లు కోల్పోయి విజయతీరాలకు చేరింది.

ఐపీఎల్‌ 2026లో భాగంగా నిన్న (ఏప్రిల్‌ 24) బెంగళూరు వేదికగా గుజరాత్‌ టైటాన్స్‌తో జరిగిన మ్యాచ్‌లో ఆర్సీబీ 5 వికెట్ల తేడాతో ఘన విజయం సాధించింది. ఈ మ్యాచ్‌లో గుజరాత్‌ నిర్దేశించిన 206 పరుగుల లక్ష్యాన్ని ఆర్సీబీ 18.5 ఓవర్లలో సునాయాసంగా ఛేదించింది. ఈ గెలుపు ద్వారా ఆర్సీబీ ఓ అరుదైన ఘనత సాధించింది. సొంత మైదానం బెంగళూరులో తమ 50వ విజయాన్ని నమోదు చేసింది. తద్వారా ముంబై ఇండియన్స్‌ (వాంఖడే), కేకేఆర్‌ (కోల్‌కతా), సీఎస్‌కే (చెన్నై) జట్ల సరసన చేరింది. ఈ జట్లు కూడా తమతమ సొంత వేదికలపై 50 విజయాలు నమోదు చేశాయి. గత 18 సీజన్లలో కలిపి బెంగళూరులో 46 విజయాలు నమోదు చేసిన ఆర్సీబీ, ఈ ఒక్క సీజన్‌లో ఇప్పటికే (5 మ్యాచ్‌ల్లో) 4 విజయాలు సాధించింది. ఈ సీజన్‌లో బెంగళూరులో ఆర్సీబీకి ఎదురైన ఏకైక పరాజయం ఢిల్లీ క్యాపిటల్స్‌ చేతిలో. ఈ మ్యాచ్‌లో 200 ప్లస్‌ లక్ష్యాన్ని ఛేదించడం ద్వారానూ ఆర్సీబీ ఓ ఘనత సాధించింది. ఐపీఎల్‌ చరిత్రలో అత్యధిక సార్లు 200 ప్లస్‌ టార్గెట్‌ను ఛేదించిన జట్ల జాబితాలో రాజస్థాన్‌ రాయల్స్‌, ఎస్‌ఆర్‌హెచ్‌తో కలిసి సంయుక్తంగా మూడో స్థానంలో నిలిచింది. అలాగే ఈ మ్యాచ్‌లో ఆర్సీబీ ఛేదించిన 206 పరుగుల లక్ష్యం ఆ జట్టుకు ఐపీఎల్‌లో రెండో అత్యధిక లక్ష్య ఛేదనగా నిలిచింది.ఐపీఎల్‌లో అత్యధిక సార్లు 200 ప్లస్‌ లక్ష్యాన్ని ఛేదించిన టాప్‌-5 జట్లుపంజాబ్‌ కింగ్స్‌- 10ముంబై ఇండియన్స్‌- 6ఆర్సీబీ-5రాజస్థాన్‌- 5ఎస​్‌ఆర్‌హెచ్‌- 5ఐపీఎల్‌లో ఆర్సీబీ ఛేదించిన 200 ప్లస్‌ లక్ష్యాలు228 vs LSG, లక్నో, 2025206 vs GT, బెంగళూరు, 2026*204 vs KXIP, బెంగళూరు, 2010202 vs SRH, బెంగళూరు, 2026201 vs GT, అహ్మదాబాద్, 2024ఐపీఎల్‌లో ఒక వేదికపై ఒక జట్టు సాధించిన అత్యధిక విజయాలు58 - MI (వాంఖడే)55 - KKR (కోల్‌కతా)53 - CSK (చెన్నై)50 - RCB (బెంగళూరు)*40 - SRH (హైదరాబాద్)*సూపర్ ఓవర్ విజయాలతో కలిపికాగా, నిన్నటి మ్యాచ్‌లో తొలుత బ్యాటింగ్‌ చేసిన గుజరాత్‌.. ఓపెనర్‌ సాయి సుదర్శన్‌ (100) సూపర్‌ సెంచరీతో కదంతొక్కాడంతో నిర్ణీత 20 ఓవర్లలో 3 వికెట్ల నష్టానికి 205 పరుగులు చేసింది. అనంతరం లక్ష్య ఛేదనలో విరాట్‌ కోహ్లి (81), పడిక్కల్‌ (55) చెలరేగడంతో ఆర్సీబీ 5 వికెట్లు కోల్పోయి విజయతీరాలకు చేరింది.

ఐపీఎల్ 2026 సీజ‌న్‌లో రాయ‌ల్ చాలెంజ‌ర్స్ బెంగ‌ళూరు సొంత‌గ‌డ్డ‌పై మ‌రో విజ‌యాన్ని న‌మోదు చేసింది. శుక్ర‌వారం చిన్న‌స్వామి స్టేడియం వేదిక‌గా గుజ‌రాత్ టైటాన్స్‌తో మ్యాచ్‌లో ఆర్సీబీ 5 వికెట్ల తేడాతో గెలుపొందింది. 206 ప‌రుగుల ల‌క్ష్యాన్ని 18.5 ఓవ‌ర్ల‌లో 5 వికెట్లు కోల్పోయి ఛేదించింది. కోహ్లి (81), ప‌డిక్క‌ల్ (55) విధ్వంసంతో ఆర్సీబీ సునాయాస విజ‌యాన్ని అందుకుంది. చివ‌ర్లో హైడ్రామా నెల‌కొన్న‌ప్ప‌టికీ టిమ్ డేవిడ్ (10 నాటౌట్‌), కృనాల్ పాండ్యా (23 నాటౌట్‌) జ‌ట్టును విజ‌యతీరాల‌కు చేర్చారు. గుజ‌రాత్ బౌల‌ర్ల‌లో ర‌షీద్ ఖాన్ 2, సిరాజ్‌, హోల్డ‌ర్‌, మాన‌వ్ సుతార్‌లు త‌లా ఒక వికెట్ తీశారు. అంత‌క‌ముందు గుజరాత్ టైటాన్స్ 20 ఓవ‌ర్ల‌లో 3 వికెట్ల న‌ష్టానికి 205 ప‌రుగులు చేసింది. సాయి సుద‌ర్శ‌న్ సెంచ‌రీతో చెల‌రేగాడు. ఆర్సీబీ బౌల‌ర్ల‌లో భువ‌నేశ్వ‌ర్‌, సుయాశ్ శ‌ర్మ‌, హాజిల్‌వుడ్ త‌లా ఒక వికెట్ తీశారు.సాయి సుదర్శన్ సెంచరీటాస్ ఓడి బ్యాటింగ్‌కు దిగిన గుజరాత్ టైటాన్స్‌కు ఓపెనర్లు సాయి సుదర్శన్‌, శుబ్‌మన్ గిల్ శుభారంభం అందించారు. తొలి వికెట్‌కు ఈ ఇద్దరు 128 పరుగులు జోడించారు. ముఖ్యంగా సాయి సుదర్శన్ ఆది నుంచే బ్యాటింగ్‌లో జోరు ప్రదర్శించాడు. గిల్ ఔటయ్యే సమయానికి సాయి సుదర్శన్ 85 పరుగులతో ఆడుతున్నాడు. జట్టు స్కోరు 128 ఉంటే అందులో సాయి సుదర్శన్‌వే ఎక్కువ పరుగులు ఉండడం అతడి విధ్వంసాన్ని చూపిస్తోంది. గిల్ ఔటైన తర్వాత క్రీజులోకి వచ్చిన బట్లర్ ఎక్కువసేపు నిలవలేకపోయాడు. ఇక 58 బంతుల్లో సెంచరీ సాధించిన సాయి సుదర్శన్ వెనుదిరిగిన అనంతరం గుజరాత్ స్కోరు మందగించింది. ఆఖర్లో సుందర్ (19 నాటౌట్‌), హోల్డర్ (23 నాటౌట్‌) మెరవడంతో గుజరాత్ 200 ప్లస్ స్కోరును దాటింది.కోహ్లి మాస్.. పడిక్కల్ క్లాస్‌ఛేదనలో ఆర్సీబీకి ఆరంభంలోనే షాక్ తగిలింది. సిరాజ్ బౌలింగ్‌లో జాకబ్ బెతల్ (14) షారుక్‌ఖాన్‌కు క్యాచ్ ఇచ్చి వెనుదిరిగాడు. అయితే ఆ తర్వాత వచ్చిన పడిక్కల్‌తో కలిసి కోహ్లి విధ్వంసం సృష్టించాడు. మైదానం నలుమూలలా బౌండరరీలు కొట్టిన కోహ్లి ఆర్సీబీని విజయం దిశగా నడిపించాడు. కోహ్లికి తోడు పడిక్కల్‌కూడా రాణించడంతో ఆర్సీబీ లక్ష్యం దిశగా సాగింది. ఈ దశలో అర్థసెంచరీ సాధించిన పడిక్కల్ ఔటయ్యాడు. అప్పటికే అర్థసెంచరీ పూర్తి చేసుకున్న కోహ్లి సెంచరీ దిశగా సాగాడు. కానీ 81 పరుగుల వద్ద హోల్డర్ బౌలింగ్‌లో బౌల్డ్ అయ్యాడు. అయితే కోహ్లి ఔటైన తర్వాత ఆర్సీబీ వరుస విరామాల్లో వికెట్లు కోల్పోయింది. అయితే ఛేదించాల్సిన పరుగులు తక్కువగా ఉండడంతో ఆఖర్లో టిమ్ డేవిడ్‌, కృనాల్ పాండ్యాలు మరో వికెట్ పడకుండా జాగ్రత్తగా ఆడుతూ ఆర్సీబీని గెలుపు తీరాలకు చేర్చారు. ఈ సీజన్‌లో ఆర్సీబీకి ఇది ఐదో విజయం. ఈ గెలుపుతో పాయింట్ల పట్టికలో రెండో స్థానానికి చేరింది. అటు గుజరాత్ కు ఇది వరుసగా రెండో ఓటమి కాగా.. ఆడిన ఏడు మ్యాచ్‌ల్లో 3 విజయాలు, నాలుగు పరాజయాలతో పట్టికలో ఏడో స్థానంలో కొనసాగుతుంది.Clinical at home...Again! ❤️@RCBTweets jump to 2⃣nd spot on the points table with another win in front of a roaring Bengaluru crowd 🥳Scorecard ▶️ https://t.co/5ZJjfv5Nr6#TATAIPL | #KhelBindaas | #RCBvGT | @RCBTweets pic.twitter.com/pYTwF4yzbo— IndianPremierLeague (@IPL) April 24, 2026

ఐపీఎల్‌-2026లో గుజరాత్ టైటాన్స్ స్టార్ ఓపెనర్ సాయి సుదర్శన్ తన ఫామ్‌ను తిరిగి అందుకున్నాడు. చిన్నస్వామి స్టేడియం రాయల్ ఛాలెంజర్స్ బెంగళూరుతో మ్యాచ్‌లో సుదర్శన్ అద్బుతమైన సెంచరీతో చెలరేగాడు. గత మ్యాచ్‌లో అహ్మదాబాద్‌లో 'గోల్డెన్ డక్' అయిన సుదర్శన్.. ఈమ్యాచ్‌లో మాత్రం తన విశ్వరూపాన్ని చూపించాడు.ఈ తమిళనాడు క్రికెటర్ ఆర్సీబీ బౌలర్లను ఓ ఆట ఆడుకున్నాడు. తొలి రెండు ఓవర్లు కాస్త ఆచితూచి ఆడిన సుదర్శన్‌, ఆ తర్వాత ఆకాశమే హద్దుగా చెలరేగాడు. కేవలం 58 బంతులు మాత్రమే ఎదుర్కొన్న సుదర్శన్‌.. 11 ఫోర్లు, 5 సిక్స్‌లతో 100 పరుగులు చేసి ఔటయ్యాడు. సుదర్శన్‌కు ఇది మూడో ఐపీఎల్ సెంచరీ కావడం​ గమనార్హం.ఈ క్రమంలో సాయిసుదర్శన్ ఓ అరుదైన రికార్డును తన పేరిట లిఖించుకున్నాడు. ఐపీఎల్ చరిత్రలో ఇన్నింగ్స్‌లు పరంగా అత్యంత వేగంగా 2000 పరుగుల మార్కును చేరుకున్న ఆటగాడిగా సాయి సుదర్శన్ రికార్డుల​కెక్కాడు. అతడు కేవలం 47 ఇన్నింగ్స్‌లలో ఈ ఘనత సాధించాడు. ఇంతకుముందు ఈ రికార్డు యూనివర్స్ బాస్ క్రిస్ గేల్(48 ఇన్నింగ్స్‌లు) పేరిట ఉండేది. బంతులు పరంగా ఈ ఫీట్ సాధించిన జాబితాలో అభిషేక్ శర్మ(1193) అగ్రస్ధానంలో ఉన్నాడు.బంతులు పరంగా అత్యంతవేగంగా 2000 పరుగులు చేసిన భారత ప్లేయర్లు వీరే1193 - అభిషేక్ శర్మ1211 - వీరేంద్ర సెహ్వాగ్1306 - రిషబ్ పంత్1326 - యశస్వి జైస్వాల్1353 - యూసుఫ్ పఠాన్1361 - సాయి సుదర్శన్Krunal Pandya ಅವರ ಬೌನ್ಸರ್ ಎಸೆತಕ್ಕೆ Sai Sudharsan ಅಟ್ಟಿದ ಭರ್ಜರಿ ಸಿಕ್ಸರ್!😱🔥ವೀಕ್ಷಿಸಿ | #TATAIPL2026 👉 #RCBvsGT | LIVE NOW | ನಿಮ್ಮ Star Sports ಕನ್ನಡ & JioHotstar ನಲ್ಲಿ.#TATAIPL pic.twitter.com/0BTEiT4tnC— Star Sports Kannada (@StarSportsKan) April 24, 2026

ఐపీఎల్ 2026 సీజ‌న్‌లో రాయ‌ల్ చాలెంజ‌ర్స్ బెంగ‌ళూరు సొంత‌గ‌డ్డ‌పై మ‌రో విజ‌యాన్ని న‌మోదు చేసింది. శుక్ర‌వారం చిన్న‌స్వామి స్టేడియం వేదిక‌గా గుజ‌రాత్ టైటాన్స్‌తో మ్యాచ్‌లో ఆర్సీబీ 5 వికెట్ల తేడాతో గెలుపొందింది. 206 ప‌రుగుల ల‌క్ష్యాన్ని 18.5 ఓవ‌ర్ల‌లో 5 వికెట్లు కోల్పోయి ఛేదించింది. కోహ్లి (81), ప‌డిక్క‌ల్ (55) విధ్వంసంతో ఆర్సీబీ సునాయాస విజ‌యాన్ని అందుకుంది. చివ‌ర్లో హైడ్రామా నెల‌కొన్న‌ప్ప‌టికీ టిమ్ డేవిడ్ (10 నాటౌట్‌), కృనాల్ పాండ్యా (23 నాటౌట్‌) జ‌ట్టును విజ‌యతీరాల‌కు చేర్చారు. గుజ‌రాత్ బౌల‌ర్ల‌లో ర‌షీద్ ఖాన్ 2, సిరాజ్‌, హోల్డ‌ర్‌, మాన‌వ్ సుతార్‌లు త‌లా ఒక వికెట్ తీశారు. అంత‌క‌ముందు గుజరాత్ టైటాన్స్ 20 ఓవ‌ర్ల‌లో 3 వికెట్ల న‌ష్టానికి 205 ప‌రుగులు చేసింది. సాయి సుద‌ర్శ‌న్ సెంచ‌రీతో చెల‌రేగాడు. ఐదో వికెట్ కోల్పోయిన ఆర్సీబీ206 ప‌రుగుల ల‌క్ష్యంతో బ‌రిలోకి దిగిన రాయ‌ల్ చాలెంజ‌ర్స్ బెంగ‌ళూరు ఐదో వికెట్ కోల్పోయింది. 8 ప‌రుగులు చేసిన ర‌జ‌త్ ప‌టీదార్ మాన‌వ్ సుత‌ర్ బౌలింగ్‌లో భారీ షాట్‌కు య‌త్నించి సుంద‌ర్‌కు క్యాచ్ ఇచ్చి వెనుదిరిగాడు. ప్ర‌స్తుతం బెంగ‌ళూరు 15.3 ఓవ‌ర్ల‌లో 5 వికెట్ల న‌ష్టానికి 173 ప‌రుగులు చేసింది. టిమ్ డేవిడ్ ఒక్క ప‌రుగుతో క్రీజులో ఉన్నాడు.దూకుడుగా ఆడుతున్న పడిక్కల్‌5 ఓవర్లు ముగిసే సరికి ఆర్సీబీ వికెట్‌ నష్టానికి 50 పరుగులు చేసింది. క్రీజులో విరాట్‌ కోహ్లి(16), దేవ్‌దత్త్‌ పడిక్కల్‌(18) ఉన్నారు.ఆర్సీబీ తొలి వికెట్ డౌన్‌ఆర్సీబీ తొలి వికెట్ కోల్పోయింది. 14 పరుగులు చేసిన బెతల్‌.. సిరాజ్ బౌలింగ్‌లో ఔటయ్యాడు.ఆర్సీబీ ముందు భారీ టార్గెట్‌చిన్నస్వామి స్టేడియం వేదికగా ఆర్సీబీతో జరుగుతున్న మ్యాచ్‌లో గుజరాత్‌ టైటాన్స్‌ బ్యాటర్‌ సాయిసుదర్శన్‌ సూపర్‌ సెంచరీతో చెలరేగాడు. 58 బంతులు మాత్రమే ఎదుర్కొన్న సుదర్శన్‌.. 11 ఫోర్లు, 5 సిక్స్‌లతో 100 పరుగులు చేశాడు.అతడితో పాటు శుభ్‌మన్‌ గిల్‌(32), జోస్‌ బట్లర్‌(25), జాసన్‌ హోల్డర్‌(23) రాణించారు. ఫలితంగా టాస్‌ ఓడి తొలుత బ్యాటింగ్‌కు దిగిన గుజరాత్‌ నిర్ణీత 20 ఓవర్లలో 3 వికెట్ల నష్టానికి 205 పరుగులు చేసింది. ఆర్సీబీ బౌలర్లలో భువనేశ్వర్‌ కుమార్‌, జోష్‌ హాజిల్‌వుడ్‌, సుయాశ్‌ శర్మ తలా వికెట్‌ సాధించారు.గుజరాత్ మూడో వికెట్ డౌన్‌గుజరాత్ టైటాన్స్ మూడో వికెట్ కోల్పోయింది. 25 పరుగులు చేసిన జోస్ బట్లర్‌.. భువనేశ్వర్ కుమార్ బౌలింగ్‌లో ఔటయ్యాడు.గుజ‌రాత్ రెండో వికెట్ డౌన్‌గుజ‌రాత్ రెండో వికెట్ కోల్పోయింది. 100 ప‌రుగులు చేసిన సాయి సుద‌ర్శ‌న్‌.. జోష్ హాజిల్‌వుడ్ బౌలింగ్‌లో పెవిలియ‌న్‌కు చేరాడు. 16 ఓవ‌ర్ల‌కు గుజ‌రాత్ స్కోర్‌: 170/2సాయిసుదర్శన్‌ సెంచరీగుజరాత్‌ టైటాన్స్‌ ఓపెనర్‌ సాయిసుదర్శన్‌ సెంచరీతో మెరిశాడు. 57 బంతుల్లో 11 ఫోర్లు, 5 సిక్సర్లతో సుదర్శన్‌ తన సెంచరీ మార్క్‌ను అందుకున్నాడు. 15 ఓవర్లకు గుజరాత్‌ స్కోర్‌: 155-1గుజరాత్‌ తొలి వికెట్‌ డౌన్‌128 పరుగుల వద్ద గుజరాత్‌ టైటాన్స్‌ తొలి వికెట్‌ కోల్పోయింది. 32 పరుగులు చేసిన కెప్టెన్‌ శుభ్‌మన్‌ గిల్‌.. సుయాశ్‌ శర్మ బౌలింగ్‌లో ఔటయ్యాడు.7 ఓవ‌ర్ల‌కు గుజ‌రాత్ స్కోర్‌:61/07 ఓవ‌ర్లు ముగిసే స‌రికి గుజ‌రాత్ వికెట్ న‌ష్ట‌పోకుండా 61 ప‌రుగులు చేసింది. క్రీజులో సాయిసుద‌ర్శ‌న్‌(48), శుభ్‌మ‌న్ గిల్‌(11) ఉన్నారు.ఆచితూచి ఆడుతున్న గుజరాత్‌2 ఓవర్లు ముగిసే సరికి గుజరాత్‌ టైటాన్స్‌ వికెట్‌ నష్టపోకుండా 11 పరుగులు చేసింది. క్రీజులో సాయిసుదర్శన్‌(8), శుభ్‌మన్‌ గిల్‌(1) ఉన్నారు.ఐపీఎల్‌-2026లో భాగంగా చిన్నస్వామి స్టేడియం వేదికగా రాయల్ ఛాలెంజర్స్ బెంగళూరు, గుజరాత్ టైటాన్స్ జట్లు తలపడుతున్నాయి. ఈ మ్యాచ్‌లో టాస్ గెలిచిన ఆర్సీబీ తొలుత బౌలింగ్ ఎంచుకుంది. ఈ మ్యాచ్‌కు ఆర్సీబీ స్టార్‌ ప్లేయర్‌ ఫిల్‌ సాల్ట్‌ దూరమయ్యాడు. అతడి స్ధానంలో జాకబ్‌ బెతల్‌ తుది జట్టులోకి వచ్చాడు. మరోవైపు వెస్టిండీస్ ఆల్‌రౌండర్ జాసన్ హోల్డర్ గుజరాత్ టైటాన్స్ తరపున అరంగేట్రం చేశాడు.తుది జ‌ట్లుగుజరాత్ టైటాన్స్: సాయి సుదర్శన్, శుభ్‌మన్ గిల్(కెప్టెన్‌), జోస్ బట్లర్(వికెట్ కీప‌ర్‌), వాషింగ్టన్ సుందర్, షారుక్ ఖాన్, జాసన్ హోల్డర్, రాహుల్ తెవాటియా, రషీద్ ఖాన్, మానవ్ సుతార్, కగిసో రబడ, మహ్మద్ సిరాజ్రాయల్ ఛాలెంజర్స్ బెంగళూరు: విరాట్ కోహ్లి, దేవదత్ పడిక్కల్, రజత్ పాటిదార్(కెప్టెన్‌), జితేష్ శర్మ(వికెట్ కీప‌ర్‌), టిమ్ డేవిడ్, రొమారియో షెపర్డ్, కృనాల్ పాండ్యా, భువనేశ్వర్ కుమార్, జోష్ హేజిల్‌వుడ్, సుయాష్ శర్మ, రసిఖ్ సలాం దార్

గుజరాత్‌ టైటాన్స్‌ స్టార్‌ బౌలర్‌ కగిసో రబాడ వివాదంలో చిక్కుకున్నాడు. టీమ్‌ హోటల్‌ పరిసరాల్లో సిగరెట్‌ కాలుస్తూ కెమెరా కంటికి చిక్కాడు. దీనికి సంబంధించిన వీడియో సోషల్‌మీడియాలో చక్కర్లు కొడుతుంది. ఇది చూసి అభిమానులు రబాడపై చర్యలుంటాయా అని ఆరా తీస్తున్నారు.ఐపీఎల్‌ కాంట్రాక్ట్‌లో స్మోకింగ్‌పై స్పష్టమైన నిషేధం లేదు. అంటే సిగరెట్ తాగడం నిబంధనలకు వ్యతిరేకం కాదు. అయితే ఆటగాళ్ల ఫిట్‌నెస్, ప్రొఫెషనల్ ప్రవర్తన దృష్ట్యా ఇది విమర్శలకు దారి తీస్తోంది.🚨 KAGISO RABADA IS SMOKING !🤯- Kagiso Rabada was smoking and got caught on camera while doing so. At that moment, Rashid Khan and the rest of the staff came and asked him, “What is this?” 👀pic.twitter.com/kF65xT8Mxl— lndian Sports Netwrk (@IS_Netwrk29) April 22, 2026రబాడాకు డోపింగ్ ఉల్లంఘన నేపథ్యం ఉన్నందున ఈ ఘటనను బీసీసీఐ యాంటీ-డోపింగ్ విభాగం పరిశీలించే అవకాశం ఉంది. అతను వాడింది కేవలం సిగరెట్ మాత్రమేనా? లేక మరేదైనా నిషేధిత పదార్థమా? అన్నది నిర్ధారించాల్సి ఉంటుంది.ఇదిలా ఉంటే, ఈ సీజన్‌లో రబాడ అద్భుత ఫామ్‌లో ఉన్నాడు. ఇప్పటివరకు ఆడిన 6 మ్యాచ్‌ల్లో 10 వికెట్లు తీసి లీడింగ్‌ వికెట్‌టేకర్ల జాబితాలో ముందువరుసలో ఉన్నాడు. జట్టు విషయానికొస్తే.. గుజరాత్‌ ఈ సీజన్‌లో మధ్యస్త ప్రదర్శనలతో మమ అనిపిస్తుంది. ఇప్పటివరకు ఆడిన 6 మ్యాచ్‌ల్లో 3 విజయాలు, 3 అపజయాలతో పాయింట్ల పట్టికలో ఆరో స్థానంలో ఉంది.

న్యూఢిల్లీ: ముంబై ఇండియన్స్‌ జట్టులో చాలా మంది ప్రపంచకప్‌ విజేతలు ఉన్నారని... వారు స్థాయికి తగ్గ ప్రదర్శన కనబరిస్తే తమ జట్టును ఆపడం ఎవరి వల్లా కాదని మిడిలార్డర్‌ బ్యాటర్‌ తిలక్‌ వర్మ అన్నాడు. ఐపీఎల్‌లో భాగంగా సోమవారం గుజరాత్‌ టైటాన్స్‌తో జరిగిన మ్యాచ్‌లో ముంబై జయభేరి మోగించడంలో తిలక్‌ వర్మ కీలక పాత్ర పోషించాడు. ఆరంభంలో నెమ్మదిగా ఆడిన ఈ హైదరాబాదీ లెఫ్ట్‌ హ్యాండర్‌... ఆ తర్వాత భారీ షాట్‌లతో రెచ్చిపోయి అజేయ సెంచరీతో ముంబై జట్టుకు భారీ స్కోరు అందించాడు. ఆ తర్వాత బౌలర్లు సమష్టి కృషితో సత్తాచాటడంతో గుజరాత్‌పై ముంబై ఘనవిజయం సాధించింది. మ్యాచ్‌ అనంతరం తిలక్‌ మాట్లాడుతూ... ‘ఈ ప్రదర్శన నాకు, జట్టుకు ఎంతో ముఖ్యమైంది. గత నాలుగైదు మ్యాచ్‌ల్లో ఏదీ కలిసిరాలేదు. ఎక్కువ సమయం క్రీజులో గడిపేందుకు ప్రయత్నించినా సాధ్యపడలేదు. దీంతో గుజరాత్‌తో మ్యాచ్‌లో పరిస్థితులకు తగ్గట్లు ఆడాలని అనుకున్నా... అది ఫలితాన్నిచ్చింది’ అని అన్నాడు. ఈ సీజన్‌ ఆరంభ మ్యాచ్‌లో విజయం సాధించిన అనంతరం వరుసగా నాలుగు మ్యాచ్‌లు ఓడిన ముంబై ఇండియన్స్‌... తిలక్‌ మెరుపులతో తిరిగి గెలుపు బాట పట్టింది. తిలక్‌ వర్మకు ఐపీఎల్‌లో ఇదే తొలి శతకం కాగా... ఈ జోరు సీజన్‌ మొత్తం కొనసాగించాలనుకుంటున్నట్లు అతడు వెల్లడించాడు. ‘అహ్మదాబాద్‌ వేదికగా ముంబై మ్యాచ్‌ ఎప్పుడు జరిగినా... ఇలాంటి పిచ్‌పైనే సాగుతుంది. ఇతర పిచ్‌లతో పోల్చుకుంటే అది కాస్త నెమ్మదిగా ఉంది. బంతి తక్కువ ఎత్తులో వస్తుండటంతో స్ట్రెయిట్‌గా ఆడాలని నిర్ణయించుకున్నా. దీంతో సులువుగా పరుగులు రాబట్టగలిగా. సాధారణంగా మూడో స్థానంలో బ్యాటింగ్‌ చేయడాన్ని ఇష్టపడతా. కానీ జట్టుకు అవసరమైనప్పుడు పరిస్థితులకు తగ్గట్లు ఎక్కడైనా ఆడేందుకు సిద్ధంగా ఉన్నా. చిన్నప్పటి నుంచి దీని కోసం ఎంతో సాధన చేశా. ఎక్కువ ఆలోచించడం లేదు. చిన్నచిన్న లక్ష్యాలను నిర్దేశించుకొని వాటిని అందుకోవడమే మా పని. ఒక్కో మ్యాచ్‌పైనే దృష్టి పెట్టాం. మా సామర్థ్యం ఏంటో మాకు తెలుసు. జట్టులో చాలా మంది ప్రపంచకప్‌ గెలిచిన ప్లేయర్లు ఉన్నారు. అనుభవం, నైపుణ్యానికి కొదవలేదు. మేమంతా కలిసికట్టుగా రాణిస్తే... ముంబై ఇండియన్స్‌ను ఆపడం ఎవరి తరం కాదు. బ్యాటింగ్‌ చేస్తున్న సమయంలో హార్దిక్‌ పాండ్యా ఉత్సాహపరిచాడు. ‘నువ్వు చేయగలవు’ అని పదే పదే చెప్తూ నాలో ఆత్మవిశ్వాసం నింపాడు. ఆ సమయంలో ‘ప్రశాంతంగా ఉండు... మిగిలిందంతా నేను చూసుకుంటా’ అని చెప్పాను. మొత్తానికి ఈ విజయం జట్టులో జోష్‌ నింపింది’ అని తిలక్‌ వివరించాడు.

ఐపీఎల్‌ 2026లో భాగంగా నిన్న (ఏప్రిల్‌ 21) జరిగిన మ్యాచ్‌లో ముంబై ఇండియన్స్‌ గుజరాత్‌ టైటాన్స్‌ను వారి సొంత ఇలాకాలో (అహ్మదాబాద్‌) చిత్తుగా ఓడించింది. హ్యాట్రిక్‌ విజయాల తర్వాత గుజరాత్‌కు ఎదురైన తొలి ఓటమి ఇది. మరోవైపు ముంబైకు నాలుగు వరుస పరాజయాల తర్వాత వచ్చిన తొలి గెలుపు ఇది. ఈ మ్యాచ్‌లో తిలక్‌ వర్మ (101 నాటౌట్‌) రికార్డు శతకంతో ముంబై ఇండియన్స్‌ గెలుపులో ప్రధానపాత్ర పోషించాడు. తొలుత బ్యాటింగ్‌ చేసిన ముంబై తిలక్‌ శతక్కొట్టుడుతో నిర్ణీత ఓవర్లలో 5 వికెట్ల నష్టానికి 199 పరుగులు చేసింది. అనంతరం 200 పరుగుల లక్ష్య ఛేదనలో అశ్వనీ కుమార్‌ (4-0-24-4), ఘజన్‌ఫర్‌ (2.5-0-17-2), సాంట్నర్‌ (3-0-16-2) ధాటికి గుజరాత్‌ 15.5 ఓవర్లలో 100 పరుగులకే కుప్పకూలి ఘోర పరాజయాన్ని ఎదుర్కొంది.ఈ గెలుపుపై ముంబై కెప్టెన్‌ హార్దిక్‌ పాండ్యా చాలా ఆనందం వ్యక్తం చేశాడు. మ్యాచ్ అనంతరం మాట్లాడుతూ.. అహ్మదాబాద్ లాంటి కఠిన వేదికపై గెలవడం చాలా సంతోషాన్ని కలిగిస్తుంది. ఈ మైదానంలో ముంబై ఇండియన్స్‌కు గతంలో పెద్దగా విజయాలు లేవు. ఈసారి మంచి క్రికెట్ ఆడి విజయం సాధించడం ప్రత్యేకంగా అనిపించింది. ఈ గెలుపు జట్టుకు అత్యంత అవసరమైంది.మ్యాచ్‌లో కీలక మలుపు 14వ ఓవర్ టైమ్‌ఔట్‌ తర్వాత వచ్చింది. ఆ సమయంలో తిలక్‌ వర్మకు ఓ సందేశం ఇచ్చాను. బంతిని గమనించి, ధైర్యంగా కొట్టు అని చెప్పాను. తిలక్‌ ప్రతిభపై పూర్తి నమ్మకం ఉంది, అతను తన సహజ ఆట ఆడితే చాలు అన్న భావనతో ప్రోత్సహించాను. చివరికి తిలక్ అద్భుతంగా ఆడి జట్టుకు మంచి స్కోర్‌ అందించాడు.బౌలింగ్‌లో బుమ్రా వినియోగంపై పాండ్యా ఆసక్తికర వ్యాఖ్యలు చేశాడు. బుమ్రాను ఎప్పుడైనా ఉపయోగించవచ్చని, అతను ప్రత్యేకమైన బౌలర్ కాబట్టి పరిస్థితులకు అనుగుణంగా అతన్ని వినియోగించడం ముఖ్యమని అన్నాడు. ఈ మ్యాచ్‌లో కొత్త బంతితోనే ప్రభావం చూపాలని నిర్ణయించి, బుమ్రాను ప్రారంభంలోనే బౌలింగ్‌కు తీసుకురావడం విజయానికి దోహదపడిందని తెలిపాడు.ఈ మ్యాచ్‌లో యువ ఆటగాళ్ల ప్రదర్శనపై ప్రత్యేకంగా ప్రశంసలు కురిపించాడు. అరంగేట్రం బౌలర్‌ కృష్‌ మంచి లైన్, లెంగ్త్‌తో బౌలింగ్ చేసి ఆకట్టుకున్నాడని, అశ్వనీ కుమార్‌ కీలక సమయంలో వికెట్లు తీసి మ్యాచ్ మలుపు తిప్పాడని పేర్కొన్నాడు. గత సీజన్‌లో కూడా అతను ఇదే తరహా ప్రదర్శన చేసినట్లు గుర్తు చేశాడు. అదనంగా ఫీల్డింగ్‌లో కూడా జట్టు మెరుగ్గా రాణించిందని, ముఖ్యంగా నమన్ ప్రదర్శనను ప్రశంసించాడు. మొత్తంగా ఈ మ్యాచ్ ముంబై ఇండియన్స్‌కు టర్నింగ్ పాయింట్ అవుతుందని పాండ్యా అభిప్రాయపడ్డాడు. ఇక​ దూసుకుపోతామని పరోక్షంగా చెప్పాడు.

ఐపీఎల్‌ 2026లో భాగంగా నిన్న (ఏప్రిల్‌ 20) జరిగిన మ్యాచ్‌లో ముంబై ఇండియన్స్‌ చేతిలో గుజరాత్‌ టైటాన్స్‌ 99 పరుగుల భారీ తేడాతో పరాజయంపాలైంది. తిలక్‌ వర్మ (101 నాటౌట్‌) రికార్డు శతకంతో ముంబై ఇండియన్స్‌ గెలుపులో ప్రధానపాత్ర పోషించాడు. నాలుగు వరుస పరాజయాల తర్వాత ముంబైకి వచ్చిన మొదటి గెలుపు ఇది. ఈ మ్యాచ్‌లో ముంబై గెలిచి ఉండకపోయుంటే ప్లే ఆఫ్స్‌ అవకాశాలు చాలా సంక్లిష్టం అయ్యేవి. మరోవైపు గుజరాత్‌కు ఇది హ్యాట్రిక్‌ విజయాల తర్వాత తొలి పరాజయం. ఈ మ్యాచ్‌లో ముంబై నిర్దేశించిన 200 పరుగుల లక్ష్య ఛేదనలో గుజరాత్‌ చేతులెత్తేసింది. అశ్వనీ కుమార్‌ (4-0-24-4), ఘజన్‌ఫర్‌ (2.5-0-17-2), సాంట్నర్‌ (3-0-16-2) ధాటికి 15.5 ఓవర్లలో 100 పరుగులకే కుప్పకూలి ఘోర పరాజయాన్ని ఎదుర్కొంది.మ్యాచ్‌ అనంతరం కెప్టెన్‌ శుభ్‌మన్‌ గిల్‌ ఓటమిపై సమీక్షిస్తూ కీలక వ్యాఖ్యలు చేశాడు. మధ్య ఓవర్లలో ఎక్కువ పరుగులు ఇవ్వడం మ్యాచ్ ఫలితంపై ప్రభావం చూపిందని అభిప్రాయపడ్డాడు.గిల్‌ మాటల్లో.. ఈ పిచ్‌పై 160-170 పరుగుల స్కోర్‌ చాలా ఎక్కువ. మా బౌలర్లు మధ్య ఓవర్లలో కట్టుదిట్టంగా బౌలింగ్ చేయలేకపోవడం వల్ల ప్రత్యర్థి జట్టు అదనపు పరుగులు సాధించింది. ఈ మ్యాచ్ నుంచి ఎన్నో పాఠాలు నేర్చుకోవాలి. వాటిని భవిష్యత్తులో అమలు చేయాల్సిన అవసరం ఉంది.ఈ ఓటమిని పెద్ద సమస్యగా చూడదలచుకోలేదు. చిన్న అవాంరంగానే పరిగణిస్తాం. ఇకపై బయట మైదానాల్లో జరిగే మ్యాచ్‌ల్లో తిరిగి విజయాల బాట పడతాం. జట్టు ప్రదర్శనను మెరుగుపరుచుకోవడానికి అవసరమైన మార్పులు చేసుకుంటాము.పిచ్‌పై మాట్లాడుతూ.. వికెట్ కొంచెం నెమ్మదిగా ఉంది. బంతి సరిగా బ్యాట్‌పైకి రాకపోవడం బౌలర్లకు సవాలుగా మారింది. కొన్ని బంతులు వేగంగా, మరికొన్ని నెమ్మదిగా, ఇంకొన్ని తక్కువ ఎత్తులో ఉండటం వల్ల సరైన లెంగ్త్‌ను నిరంతరం కొనసాగించలేకపోయాము. ముఖ్యంగా మధ్య ఓవర్లలో ఒకే లెంగ్త్‌ను కచ్చితంగా పాటించలేకపోవడం మా ప్రధాన లోపం.ప్రత్యర్థి బ్యాటింగ్ సమయంలో పిచ్‌లో మార్పులపై ప్రశ్నించగా.. పెద్దగా తేడా లేదని చెప్పాడు. అయితే తమ బ్యాటింగ్ సమయానికి కొంత మంచు ప్రభావం ఉండిందని అన్నాడు. ఇది ముంబై బౌలర్లకు కలిసొచ్చిందని పరోక్షంగా తెలిపాడు.మొత్తంగా, గిల్‌ ఈ మ్యాచ్‌లో జరిగిన తప్పిదాలను గుర్తించి, వాటిని సరిదిద్దుకుంటే మళ్లీ విజయాల బాట వచ్చని నమ్మకం వ్యక్తం చేశాడు. కెప్టెన్‌గా తన జట్టును మళ్లీ సమతుల్యంగా తీర్చిదిద్దేందుకు ప్రయత్నిస్తానని స్పష్టం చేశాడు.

ఐపీఎల్ 2026 సీజ‌న్‌లో ముంబై ఇండియ‌న్స్ రెండో విజ‌యాన్ని న‌మోదు చేసుకుంది. సోమ‌వారం అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రిగిన మ్యాచ్‌లో ముంబై ఇండియ‌న్స్ 99 ప‌రుగుల తేడాతో ఘ‌న విజ‌యాన్ని అందుకుంది. 200 ప‌రుగుల ల‌క్ష్యంతో బ‌రిలోకి దిగిన గుజ‌రాత్ టైటాన్స్ 15.5 ఓవ‌ర్ల‌లో 100 ప‌రుగుల‌కే కుప్ప‌కూలి దారుణ ఓట‌మిని మూట‌గ‌ట్టుకుంది. వాషింగ్ట‌న్ సుంద‌ర్ 26 ప‌రుగుల‌తో టాప్ స్కోర‌ర్‌గా నిలిచాడు. ముంబై బౌల‌ర్ల‌లో అశ్వ‌నీ కుమార్ 4 వికెట్ల‌తో చెల‌రేగ‌గా, గ‌జ‌న్‌ఫ‌ర్‌, మిచెల్ సాంట్న‌ర్ 2 వికెట్లు ప‌డ‌గొట్టారు. సొంత‌గ‌డ్డ‌పై ఆడిన గుజ‌రాత్ ముంబై బౌల‌ర్ల ధాటికి వ‌రుస విరామాల్లో వికెట్లు కోల్పోతూ వ‌చ్చింది. అంత‌కముందు తొలుత బ్యాటింగ్ చేసిన ముంబై ఇండియ‌న్స్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 199 ప‌రుగులు చేసింది. టాపార్డ‌ర్ విఫ‌ల‌మైన‌ప్ప‌టికీ మిడిలార్డ‌ర్‌లో తిల‌క్ వ‌ర్మ (101 నాటౌట్‌) సెంచ‌రీతో విధ్వంసం చెల‌రేగ‌గా, న‌మ‌న్ ధిర్ (45) బాధ్య‌తాయుతంగా ఆడారు. గుజ‌రాత్‌బౌల‌ర్ల‌లో ర‌బాడ 3 వికెట్లు తీయ‌గా, సిరాజ్‌, ప్ర‌సిధ్ క్రిష్ణ చెరొక వికెట్ తీశారు. సెంచ‌రీతో చెల‌రేగిన తిల‌క్ వ‌ర్మ ప్లేయర్ ఆఫ్ ది మ్యాచ్ అవార్డు గెలుచుకున్నాడు. సీజ‌న్‌లో రెండో విజ‌యం సాధించిన ముంబై 4 పాయింట్ల‌తో ప‌ట్టిక‌లో ఏడో స్థానానికి ఎగ‌బాకింది. మ‌రోవైపు గుజ‌రాత్ టైటాన్స్ ఆడిన 6 మ్యాచ్‌ల్లో మూడు విజ‌యాలు, మూడు ప‌రాజ‌యాల‌తో ప‌ట్టిల‌క‌లో ఆరో స్థానంలో కొన‌సాగుతోంది.

ఐపీఎల్ 2026 సీజ‌న్‌లో ముంబై ఇండియ‌న్స్ రెండో విజ‌యాన్ని న‌మోదు చేసుకుంది. సోమ‌వారం అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రిగిన మ్యాచ్‌లో ముంబై ఇండియ‌న్స్ 99 ప‌రుగుల తేడాతో ఘ‌న విజ‌యాన్ని అందుకుంది. 200 ప‌రుగుల ల‌క్ష్యంతో బ‌రిలోకి దిగిన గుజ‌రాత్ టైటాన్స్ 15.5 ఓవ‌ర్ల‌లో 100 ప‌రుగుల‌కే కుప్ప‌కూలి దారుణ ఓట‌మిని మూట‌గ‌ట్టుకుంది. వాషింగ్ట‌న్ సుంద‌ర్ 26 ప‌రుగుల‌తో టాప్ స్కోర‌ర్‌గా నిలిచాడు. ముంబై బౌల‌ర్ల‌లో అశ్వ‌నీ కుమార్ 4 వికెట్ల‌తో చెల‌రేగ‌గా, గ‌జ‌న్‌ఫ‌ర్‌, మిచెల్ సాంట్న‌ర్ 2 వికెట్లు ప‌డ‌గొట్టారు. సొంత‌గ‌డ్డ‌పై ఆడిన గుజ‌రాత్ ముంబై బౌల‌ర్ల ధాటికి వ‌రుస విరామాల్లో వికెట్లు కోల్పోతూ వ‌చ్చింది. అంత‌కముందు తొలుత బ్యాటింగ్ చేసిన ముంబై ఇండియ‌న్స్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 199 ప‌రుగులు చేసింది.గుజరాత్‌ మూడో వికెట్‌ డౌన్‌గుజరాత్‌ మూడో వికెట్‌ కోల్పోయింది. 14 పరుగులు చేసిన శుభ్‌మన్‌ గిల్‌.. అశ్విన్‌ కుమార్‌ బౌలింగ్‌లో ఔటయ్యాడు. 6 ఓవర్లకు గుజరాత్‌ స్కోర్‌: 45/3గుజరాత్‌ రెండో వికెట్‌ డౌన్‌గుజరాత్‌ రెండో వికెట్‌ కోల్పోయింది. 5 పరుగులు చేసిన జోస్‌ బట్లర్‌.. హార్దిక్‌ పాండ్యా బౌలింగ్‌లో వికెట్ల ముందు దొరికిపోయాడు.గుజ‌రాత్ టైటాన్స్‌కు భారీ షాక్‌200 ప‌రుగుల ల‌క్ష్యంతో బ‌రిలోకి దిగిన గుజ‌రాత్ టైటాన్స్‌కు భారీ షాక్ త‌గిలింది. బుమ్రా వేసిన మొద‌టి ఓవ‌ర్‌లో తొలి బంతికే సాయిసుద‌ర్శ‌న్ పెవిలియ‌న్‌కు చేరాడు.తిలక్‌ వర్మ విధ్వంసంఅహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రుగుతున్న మ్యాచ్‌లో ముంబై ఇండియ‌న్స్ స్టార్ బ్యాట‌ర్ తిలక్ వర్మ విధ్వంసకర సెంచరీతో చెలరేగాడు. కేవలం 45 బంతుల్లో 8 ఫోర్లు, 7 సిక్స్‌లతో 101 పరుగులు చేశాడు. తిలక్‌ వర్మకు ఇదే తొలి ఐపీఎల్‌ సెంచరీ. అతడితో పాటు నమన్‌ ధీర్‌(32 బంతుల్లో 6 ఫోర్లు, 1 సిక్స్‌తో 45) రాణించాడు. ఫలితంగా టాస్ ఓడి బ్యాటింగ్‌కు దిగిన ముంబై ఇండియన్స్‌ నిర్ణీత 20 ఓవర్లలో 5 వికెట్ల నష్టానికి 199 పరుగులు చేసింది. గుజరాత్‌ బౌలర్లలో కగిసో రబాడ మూడు వికెట్లు పడగొట్టగా.. సిరాజ్‌, ప్రసిద్ద్‌ కృష్ణ తలా వికెట్‌ సాధించారు.తిలక్‌ వర్మ హాఫ్‌ సెంచరీతిలక్‌ వర్మ ఎట్టకేలకు తన ఫామ్‌ను అందుకున్నాడు. అహ్మాదాబాద్‌ వేదికగా గుజరాత్‌ టైటాన్స్‌తో జరుగుతున్న మ్యాచ్‌లో తిలక్‌ హాఫ్‌ సెంచరీతో సత్తాచాటాడు. 59 పరుగులతో తన బ్యాటింగ్‌ను కొనసాగిస్తున్నాడు.దూకుడుగా ఆడుతున్న తిలక్‌16 ఓవర్లు ముగిసే సరికి ముంబై ఇండియన్స్‌ 4 వికెట్ల నష్టానికి 126 పరుగులు చేసింది. క్రీజులో తిలక్‌ వర్మ(37), హార్దిక్‌ పాండ్యా(7) ఉన్నారు.ముంబై నాలుగో వికెట్‌ డౌన్‌98 పరుగుల వద్ద ముంబై నాలుగో వికెట్‌ కోల్పోయింది. 45 పరుగులు చేసిన నమన్‌ధీర్‌.. ప్రసిద్ద్‌ కృష్ణ బౌలింగ్‌లో ఔటయ్యాడు. 14 ఓవర్లు ముగిసే సరికి ముంబై స్కోర్‌: 103/4ముంబై మూడో వికెట్‌ డౌన్‌44 పరుగుల వద్ద ముంబై మూడో వికెట్‌ కోల్పోయింది. 15 పరుగులు చేసిన సూర్యకుమార్‌ యాదవ్‌.. రబాడ బౌలింగ్‌లో క్లీన్‌ బౌల్డయ్యాడుముంబై రెండో వికెట్‌ డౌన్‌23 ప‌రుగుల వ‌ద్ద ముంబై ఇండియ‌న్స్ రెండో వికెట్ కోల్పోయింది. 13 ప‌రుగులు చేసిన క్వింట‌న్ డికాక్‌.. క‌గిసో ర‌బాడ బౌలింగ్‌లో ఔట‌య్యాడు. క్రీజులోకి సూర్య‌కుమార్ యాద‌వ్ వ‌చ్చాడు.తొలి వికెట్‌ డౌన్‌టాస్‌ ఓడి బ్యాటింగ్‌కు దిగిన ముంబై ఇండియన్స్‌కు ఆదిలోనే షాక్‌ తగిలింది. అరంగేట్ర ఆటగాడు డానిష్‌ మాలెవర్‌(2).. రబాడ బౌలింగ్‌లో ఔటయ్యాడు. 3 ఓవర్లకు ముంబై స్కోర్‌: 21/1ఐపీఎల్‌-2026 సీజన్‌లో భాగంగా అహ్మదాబాద్ వేదికగా గుజరాత్ టైటాన్స్‌, ముంబై ఇండియన్స్ జట్లు తలపడుతున్నాయి. ఈ మ్యాచ్‌లో టాస్ గెలిచిన గుజరాత్ తొలుత బౌలింగ్ ఎంచుకుంది. ఈ మ్యాచ్‌కు ​కూడా ముంబై స్టార్‌ బ్యాటర్‌ రోహిత్‌ శర్మ దూరమయ్యాడు.కాగా ఈ మ్యాచ్‌లో ముంబై ఇండియన్స్‌ తరపున యువ ఆటగాళ్లు డానిష్ మలేవార్, క్రిష్‌ భగత్‌ అరంగేట్రం చేశాడు. అదేవిధంగా మిచెల్‌ శాంట్నర్‌ తిరిగి జట్టులోకి వచ్చాడు. గుజరాత్‌ టైటాన్స్‌ మాత్రం తమ జట్టులో ఎలాంటి మార్పులు చేయలేదు.తుది జట్లుగుజరాత్ టైటాన్స్ : శుభ్‌మన్ గిల్(కెప్టెన్‌), సాయి సుదర్శన్, జోస్ బట్లర్(వికెట్‌కీపర్‌), వాషింగ్టన్ సుందర్, గ్లెన్ ఫిలిప్స్, షారుక్ ఖాన్, రషీద్ ఖాన్, మహ్మద్ సిరాజ్, కగిసో రబడ, ప్రసిద్ధ్ కృష్ణ, అశోక్ శర్మముంబై ఇండియన్స్ : డానిష్ మాలెవార్, క్వింటన్ డి కాక్(వికెట్‌కీపర్‌), నమన్ ధీర్, సూర్యకుమార్ యాదవ్, హార్దిక్ పాండ్యా(సి), తిలక్ వర్మ, షెర్ఫాన్‌ రూథర్‌ఫోర్డ్, మిచెల్ సాంట్నర్, క్రిష్ భగత్, జస్ప్రీత్ బుమ్రా, ఘజన్‌ఫర్

అఫ్గానిస్తాన్ స్టార్ స్పిన్న‌ర్‌, గుజ‌రాత్ టైటాన్స్ వైస్ కెప్టెన్ ర‌షీద్ ఖాన్ తండ్రయ్యాడు. అత‌డి భార్య పండింటి మగ బిడ్డకు జన్మనిచ్చింది. ఈ గుడ్ న్యూస్‌ను రషీద్‌ ఎక్స్ వేదికగా అభిమానులతో పంచుకున్నాడు. తన చిన్నారికి 'అస్లాన్ ఖాన్' అని పేరు పెట్టినట్లు రషీద్ వెల్ల‌డించాడు. ఈ ప్రపంచంలోకి నా లిటిల్ ప్రిన్స్‌కు స్వాగతం అంటూ రషీద్ ఓ పోస్ట్ పెట్టాడు. దీంతో అతడికి నెటిజన్లు శుభాకాంక్షలు తెలుపుతున్నారు. కాగా రషీద్ ఖాన్ గతేడాది ఆగస్టులో రెండో పెళ్లి చేసుకున్నాడు. అంతకంటే ముందు 2024 అక్టోబర్‌లో పష్తూన్ ఆచారాల ప్రకారం రషీద్ మొదటి పెళ్లి జరిగింది. రషీద్ వివాహ వేడుకకు అఫ్గానిస్తాన్‌ క్రికెటర్లంతా హాజరయ్యారు. కానీ ఏడాది తిరగకుముందే వ్యక్తిగత కారణాల చేత వారిద్దరూ విడిపోయారు. ఇప్పుడు తన రెండో భార్యకు మగ బిడ్డ జన్మించడంతో రషీద్ తండ్రయ్యాడు. రషీద్ ప్రస్తుతం ఐపీఎల్‌-2026లో బిజీబిజీగా ఉన్నాడు. ఈ ఏడాది సీజ‌న్‌లో ఇప్ప‌టివ‌ర‌కు 5 మ్యాచ్‌లు ఆడిన ర‌షీద్ 5 వికెట్లు ప‌డ‌గొట్టాడు.చదవండి: ‘విరాట్‌ కోహ్లిని చూస్తే బాధగా ఉంది’

అహ్మదాబాద్‌: ఇండియన్‌ ప్రీమియర్‌ లీగ్‌ (ఐపీఎల్‌) 19వ సీజన్‌లో మాజీ చాంపియన్‌ కోల్‌కతా నైట్‌రైడర్స్‌ పరాజయాల పరంపర కొనసాగుతోంది. ఇప్పటికే నాలుగు మ్యాచ్‌ల్లో ఓడిన రహానే సారథ్యంలోని నైట్‌రైడర్స్‌... మరో ఓటమిని తమ ఖాతాలో వేసుకుంది. శుక్రవారం జరిగిన పోరులో గుజరాత్‌ టైటాన్స్‌ 5 వికెట్ల తేడాతో కోల్‌కతాను చిత్తుచేసింది. టాస్‌ గెలిచి మొదట బ్యాటింగ్‌కు దిగిన కోల్‌కతా నిర్ణీత 20 ఓవర్లలో 180 పరుగులకు ఆలౌటైంది. పాతిక కోట్ల విలువైన ప్లేయర్‌ కామెరాన్‌ గ్రీన్‌ (55 బంతుల్లో 79; 7 ఫోర్లు, 4 సిక్స్‌లు) ఎట్టకేలకు రాణించగా... తక్కినవాళ్లంతా విఫలమయ్యారు. రషీద్‌ ఖాన్‌ను లక్ష్యంగా చేసుకున్న గ్రీన్‌ భారీ షాట్‌లతో పరుగులు రాబట్టాడు. గుజరాత్‌ ఫీల్డింగ్‌ లోపాలు కూడా అతడికి కలిసి రావడంతో ఈ సీజన్‌లో తొలి అర్ధశతకం తన పేరిట లిఖించుకున్నాడు. పావెల్‌ (27; 2 ఫోర్లు, 2 సిక్స్‌లు) ఫర్వాలేదనిపించగా... కెప్టెన్‌ అజింక్యా రహానే (0), రఘువంశీ (8), సీఫెర్ట్‌ (19), అనుకూల్‌ రాయ్‌ (9), రింకూ సింగ్‌ (1) పెవిలియన్‌కు క్యూ కట్టారు. గుజరాత్‌ బౌలర్లలో రబాడ 3 వికెట్లు పడగొట్టగా... సిరాజ్, అశోక్‌ శర్మ చెరో రెండు వికెట్లు తీశారు. అనంతరం లక్ష్యఛేదనలో గుజరాత్‌ టైటాన్స్‌ 19.4 ఓవర్లలో 5 వికెట్లకు 181 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ శుబ్‌మన్‌ గిల్‌ (50 బంతుల్లో 86; 8 ఫోర్లు, 4 సిక్స్‌లు) కెప్టెన్‌ ఇన్నింగ్స్‌తో జట్టును గెలిపించాడు. కోల్‌కతా బౌలర్లలో వరుణ్‌ చక్రవర్తి 2 వికెట్లు పడగొట్టాడు. ఈ సీజన్‌లో టైటాన్స్‌కిది మూడో విజయం. శుబ్‌మన్‌ దూకుడు... ఓపెనర్లు చెలరేగడంతో గుజరాత్‌కు శుభారంభం దక్కింది. తొలి ఓవర్‌లో ఓ ఫోర్‌ కొట్టిన శుబ్‌మన్, రెండో ఓవర్‌లో మరో రెండు ఫోర్లు బాదాడు. మూడో ఓవర్‌లో గిల్, సాయి సుదర్శన్‌ (16 బంతుల్లో 22; 1 ఫోర్, 2 సిక్స్‌) కలిసి 3 సిక్స్‌లు కొట్టడంతో 20 పరుగులు వచ్చాయి. ఆ తర్వాత కూడా గిల్‌ దూకుడు కొనసాగడంతో పవర్‌ప్లేలో గుజరాత్‌ 71 పరుగులు చేసి సుదర్శన్‌ వికెట్‌ కోల్పోయింది. వచ్చీ రావడంతోనే 4, 6, 4 కొట్టిన బట్లర్‌ (15 బంతుల్లో 25; 2 ఫోర్లు, 2 సిక్స్‌లు)... వరుణ్‌ బౌలింగ్‌లో అవుటయ్యాడు. ఈ క్రమంలో గిల్‌ 27 బంతుల్లో హాఫ్‌సెంచరీ సాధించాడు. బట్లర్, సుందర్‌ (13) వెనుదిరిగినా... ఛేదించాల్సిన లక్ష్యం పెద్దది కాకపోవడంతో గుజరాత్‌కు ఇబ్బంది లేకుండా పోయింది. సెంచరీ చేసేలా కనిపించిన గిల్‌... గ్రీన్‌ పట్టిన చక్కటి క్యాచ్‌కు పెవిలియన్‌ బాటపట్టాడు. స్కోరు వివరాలు కోల్‌కతా నైట్‌రైడర్స్‌ ఇన్నింగ్స్‌: సైఫెర్ట్‌ (సి) ఫిలిప్స్‌ (బి) రబాడ 19; రహానే (సి) రబాడ (బి) సిరాజ్‌ 0; రఘువంశీ (సి) బట్లర్‌ (బి) రబాడ 8; గ్రీన్‌ (సి) బట్లర్‌ (బి) రషీద్‌ 79; పావెల్‌ (సి) సిరాజ్‌ (బి) అశోక్‌ 27; రాయ్‌ (సి) బట్లర్‌ (బి) ప్రసిధ్‌ 9; రింకూ (సి) బట్లర్‌ (బి) రబాడ 1; రమణ్‌దీప్‌ (సి) సిరాజ్‌ (బి) అశోక్‌ 17; నరైన్‌ (సి) ఫిలిప్స్‌ (బి) సిరాజ్‌ 0; కార్తీక్‌ (రనౌట్‌) 6; వైభవ్‌ (నాటౌట్‌) 0; ఎక్స్‌ట్రాలు 14; మొత్తం (20 ఓవర్లో ఆలౌట్‌) 180. వికెట్ల పతనం: 1–5, 2–21, 3–32, 4–87, 5–147, 6–148, 7–165, 8–166, 9–173, 10–180. బౌలింగ్‌: సిరాజ్‌ 4–0–23–2; రబాడ 4–0–29–3; ప్రసిధ్‌ 4–0–32–1; అశోక్‌ 4–0–45–2; రషీద్‌ 4–0–44–1. గుజరాత్‌ టైటాన్స్‌ ఇన్నింగ్స్‌: సుదర్శన్‌ (సి) కార్తీక్‌ (బి) నరైన్‌ 22; గిల్‌ (సి) గ్రీన్‌ (బి) అరోరా 86; బట్లర్‌ (సి) గ్రీన్‌ (బి) వరుణ్‌ 25; సుందర్‌ (సి) కార్తీక్‌ (బి) వరుణ్‌ 13; ఫిలిప్స్‌ (సి) రింకూ (బి) రమణ్‌దీప్‌ 19; తెవాటియా (నాటౌట్‌) 7; షారుక్‌ (నాటౌట్‌) 3; ఎక్స్‌ట్రాలు 6; మొత్తం (19.4 ఓవర్లలో 5 వికెట్లకు) 181. వికెట్ల పతనం: 1–57, 2–95, 3–141, 4–158, 5–177. బౌలింగ్‌: వైభవ్‌ 4–0–35–1; కార్తీక్‌ 4–0–40–0; అనుకూల్‌ రాయ్‌ 3–0–37–0; నరైన్‌ 4–0–28–1; వరుణ్‌ 4–0–34–2; రమణ్‌దీప్‌ 0.4–0–5–1.

ఐపీఎల్ 2026 సీజన్‌లో గుజరాత్ టైటాన్స్ మూడో విజయాన్ని నమోదు చేసుకుంది. శుక్రవారం అహ్మదాబాద్ వేదికగా కోల్‌కతా నైట్‌రైడర్స్ (కేకేఆర్‌) జరిగిన ఉత్కంఠభరిత మ్యాచ్‌లో గుజరాత్ టైటాన్స్ 5 వికెట్ల తేడాతో గెలుపొందింది. 181 పరుగుల లక్ష్యాన్ని గుజరాత్ టైటాన్స్ 19.4 ఓవర్లలో 5 వికెట్లు కోల్పోయి ఛేదించింది.కెప్టెన్ గిల్ (86) సూపర్ ఇన్నింగ్స్‌తో గుజరాత్ విజయంలో కీలకపాత్ర పోషించాడు. బట్లర్ (25), సాయి సుదర్శన్ (22) పర్వాలేద నిపించారు. గిల్ ఔటయ్యాక కాస్త ఉత్కంఠ నెలకొన్నప్పటికీ చివర్లో గ్లెన్ ఫిలిప్స్ (17), రాహుల్ తెవాటియా (7 నాటౌట్‌) జట్టును విజయతీరాలకు చేర్చారు. కేకేఆర్ బౌలర్లలో వరుణ్ చక్రవర్తి 2 వికెట్లు తీయగా, సునీల్ నరైన్‌, రమన్‌దీప్‌, వైభవ్ అరోరాలు ఒక్కో వికెట్ పడగొట్టారు. అంతకముందు తొలుత బ్యాటింగ్ చేసిన కేకేఆర్ 20 ఓవర్లలో 180 పరుగులకు ఆలౌటైంది. గ్రీన్ (79) టాప్ స్కోరర్‌గా నిలిచాడు. గ్రీన్ మినహా మిగతా బ్యాటర్లంతా విఫలమయ్యారు. గుజరాత్ బౌలర్లలో రబాడ 3 వికెట్లు తీయగా, సిరాజ్‌, అశోక్ శర్మలు చెరో 2 వికెట్ల పడగొట్టారు. ఈ విజయంతో గుజరాత్‌ పట్టికలో నాలుగో స్థానానికి చేరుకోగా, కేకేఆర్‌ వరుసగా ఐదో పరాజయంతో అట్టడుగు స్థానంలో నిలిచింది.2⃣ points in the bag ✅Hat-trick of wins ✅@gujarat_titans wrap a fantastic all-round show at home 🥳🏠 Scorecard ▶️ https://t.co/FACeUzse3B#TATAIPL | #KhelBindaas | #GTvKKR pic.twitter.com/mVnSg3ZI5p— IndianPremierLeague (@IPL) April 17, 2026

ఐపీఎల్ 2026 సీజ‌న్‌లో కోల్‌క‌తా నైట్‌రైడ‌ర్స్ ఆట‌గాడు కామెరున్ గ్రీన్ ఎట్ట‌కేల‌కు మెరిశాడు. సీజ‌న్‌లో కామెరున్ గ్రీన్ తొలి హాఫ్ సెంచ‌రీ న‌మోదు చేశాడు. గుజ‌రాత్ టైటాన్స్‌తో మ్యాచ్‌లో అర్థ‌సెంచ‌రీ సాధించిన గ్రీన్ మొత్తంగా 55 బంతుల్లో 79 ప‌రుగులు చేశాడు. అత‌డి ఇన్నింగ్స్‌లో 7 ఫోర్లు, 4 సిక్స‌ర్లు ఉన్నాయి. ఇక్కడ గమనించాల్సిన అంశం ఏంటంటే.. గ్రీన్‌ దంచికొడుతున్న సమయంలో కేకేఆర్‌ వరుస విరామాల్లో వికెట్లు కోల్పోయింది. అయితే ఇన్నింగ్స్‌ ఆఖరి వరకు బ్యాటింగ్‌ చేసిన కేకేఆర్‌ చివరి రెండు ఓవర్లలో తనకే స్ట్రైక్ వచ్చినప్పటికీ పరుగులు చేయడంలో విఫల మయ్యాడు.ఇక గ‌తేడాది జ‌రిగిన వేలంలో గ్రీన్‌ను కేకేఆర్ రూ. 25 కోట్ల రికార్డు ధ‌ర‌కు కొనుగోలు చేసిన సంగ‌తి తెలిసిందే. అధిక ధ‌ర‌కు అమ్ముడైన గ్రీన్ ఈ సీజ‌న్‌లో మాత్రం ఒక్క మ్యాచ్‌లోనూ చెప్పుకోద‌గ్గ ఇన్నింగ్స్ ఆడ‌లేదు. దీంతో అత‌డిపై విమ‌ర్శ‌లు పెరిగిపోయాయి. 23 కోట్లు దండ‌గంటూ అభిమానులు సోష‌ల్ మీడియాలో గ్రీన్‌ను ఏకిపారేశారు. అభిమానుల మాట‌లు గ్రీన్ మ‌నుసుకు తగిలాయేమో కానీ గుజ‌రాత్‌తో మ్యాచ్‌లో చివ‌రిదాకా నిల‌బ‌డి కేకేఆర్ గౌర‌వ‌ప్ర‌ద‌మైన స్కోరు చేయ‌డంలో కీల‌క‌పాత్ర పోషించాడు. ఈ సీజ‌న్‌లో గ్రీన్ ఐదు మ్యాచ్‌ల్లో వ‌రుసగా 18, 2, 4, 32, 0 ప‌రుగులు సాధించాడు. Making a strong statement 💪Cameron Green getting a move on for #KKR 💜 Updates ▶️ https://t.co/FACeUzse3B#TATAIPL | #KhelBindaas | #GTvKKR | @KKRiders pic.twitter.com/utzOHFRbGx— IndianPremierLeague (@IPL) April 17, 2026

Gujarat Titans Vs KKR Updates..ఐపీఎల్ 2026 సీజన్‌లో గుజరాత్ టైటాన్స్ మూడో విజయాన్ని నమోదు చేసుకుంది. శుక్రవారం అహ్మదాబాద్ వేదికగా కోల్‌కతా నైట్‌రైడర్స్ (కేకేఆర్‌) జరిగిన ఉత్కంఠభరిత మ్యాచ్‌లో గుజరాత్ టైటాన్స్ 5 వికెట్ల తేడాతో గెలుపొందింది. 181 పరుగుల లక్ష్యాన్ని గుజరాత్ టైటాన్స్ 19.4 ఓవర్లలో 5 వికెట్లు కోల్పోయి ఛేదించింది. గిల్‌ 86 పరుగులతో విజయంలో కీలకపాత్ర పోషించాడు. కేకేఆర్ బౌలర్లలో వరుణ్ చక్రవర్తి 2 వికెట్లు తీయగా, సునీల్ నరైన్‌, రమన్‌దీప్‌, వైభవ్ అరోరాలు ఒక్కో వికెట్ పడగొట్టారు. కేకేఆర్‌ 180 ప‌రుగులకు ఆలౌటైంది. కామెరున్ గ్రీన్ (79) ప‌రుగుల‌తో కేకేఆర్ గౌర‌వ‌ప్ర‌ద‌మైన స్కోరు చేయ‌డంలో కీల‌క‌పాత్ర పోషించాడు. గుజ‌రాత్ బౌల‌ర్ల‌లో రబాడ 3 వికెట్లు తీయ‌గా, మ‌హ్మ‌ద్ సిరాజ్, అశోక్ శ‌ర్మ‌లు చెరో 2 వికెట్లు ప‌డగొట్టారు.86 పరుగులు చేసిన శుబ్‌మన్‌ గిల్‌ వైభవ్‌ అరోరా బౌలింగ్‌లో కామెరున్‌ గ్రీన్‌ అద్భుత క్యాచ్‌కు వెనుదిరిగాడు. ప్రస్తుతం గుజరాత్‌ 4 వికెట్ల నష్టానికి 164 పరుగులు చేసింది.16 ఓవర్లు ముగిసేసరికి గుజరాత్ టైటాన్స్ 3 వికెట్ల నష్టానికి 149 పరుగులు చేసింది. గిల్ 81, పిలిప్స్ 4 పరుగులతో ఆడుతున్నారు. అంతకముందు వాషింగ్టన్ సుందర్ (13) వరుణ్ చక్రవర్తి బౌలింగ్‌లో వెనుదిరిగాడు.గిల్ అర్థ‌శ‌త‌కం.. గుజ‌రాత్ 101/2కేకేఆర్‌తో జ‌రుగుతున్న మ్యాచ్‌లో గుజ‌రాత్ టైటాన్స్ కెప్టెన్ శుబ్‌మ‌న్ గిల్ అర్థ‌శ‌త‌కం సాధించాడు. గిల్ 27 బంతుల్లో ఫిఫ్టీ మార్క్ అందుకున్నాడు. అంత‌క‌ముందు గుజ‌రాత్ రెండో వికెట్ కోల్పోయింది. 25 ప‌రుగులు చేసిన జాస్ బ‌ట్ల‌ర్ వ‌రుణ్ చ‌క్ర‌వ‌ర్తి బౌలింగ్‌లో గ్రీన్‌కు క్యాచ్ ఇచ్చి వెనుదిరిగాడు. ప్ర‌స్తుతం గుజ‌రాత్ టైటాన్స్ 11 ఓవ‌ర్ల‌లో రెండు వికెట్ల న‌ష్టానికి 104 ప‌రుగులు చేసింది.తొలి వికెట్ కోల్పోయిన గుజ‌రాత్‌కేకేఆర్‌తో మ్యాచ్‌లో గుజ‌రాత్ టైటాన్స్ తొలి వికెట్ కోల్పోయింది. 22 ప‌రుగులు చేసిన సాయి సుద‌ర్శ‌న్ సునీల్ న‌రైన్ బౌలింగ్‌లో కార్తిక్ త్యాగికి క్యాచ్ ఇచ్చి వెనుదిరిగాడు. ప్ర‌స్తుతం గుజ‌రాత్ 6 ఓవ‌ర్ల‌లో వికెట్ న‌ష్టానికి 71 ప‌రుగులు చేసింది.దంచికొడుతున్న గుజ‌రాత్‌181 ప‌రుగుల ల‌క్ష్యంతో బ‌రిలోకి దిగిన గుజరాత్ టైటాన్స్ ఛేద‌న‌ను దూకుడుగిఆ ఆరంభించింది. 5 ఓవ‌ర్లు ముగిసేస‌రికి గుజ‌రాత్ వికెట్ న‌ష్ట‌పోకుండా 57 ప‌రుగులు చేసింది. సాయి సుద‌ర్శ‌న్ (22), గిల్ (34) క్రీజులో ఉన్నారు.గుజ‌రాత్ టార్గెట్ 181 ప‌రుగులుగుజ‌రాత్ టైటాన్స్‌తో జ‌రుగుతున్న మ్యాచ్‌లో కేకేఆర్‌ 180 ప‌రుగులకు ఆలౌటైంది. కామెరున్ గ్రీన్ (79) ప‌రుగుల‌తో కేకేఆర్ గౌర‌వ‌ప్ర‌ద‌మైన స్కోరు చేయ‌డంలో కీల‌క‌పాత్ర పోషించాడు. రోవ్‌మెన్ పావెల్ 27 ప‌రుగుల‌తో ప‌ర్వాలేద‌నిపించాడు. ఒక ద‌శ‌లో 15 ఓవ‌ర్ల‌లో 5 వికెట్ల న‌ష్టానికి 148 ప‌రుగుల‌తో ప‌టిష్టంగా క‌నిపించిన కేకేఆర్ చివ‌రి ఐదు ఓవ‌ర్ల‌లో కేవ‌లం 32 ప‌రుగులు మాత్ర‌మే చేయ‌డం గ‌మ‌నార్హం. గుజ‌రాత్ బౌల‌ర్ల‌లో రబాడ 3 వికెట్లు తీయ‌గా, మ‌హ్మ‌ద్ సిరాజ్, అశోక్ శ‌ర్మ‌లు చెరో 2 వికెట్లు ప‌డగొట్టారు.16 ఓవర్లు ముగిసేసరికి కేకేఆర్‌ 6 వికెట్ల నష్టానికి 157 పరుగులు చేసింది. అంతకముందు రింకూ సింగ్‌ రబాడ బౌలింగ్‌లో ఆరో వికెట్‌గా వెనుదిరిగాడు.ఐదో వికెట్‌ కోల్పోయిన కేకేఆర్‌గుజరాత్‌ టైటాన్స్‌తో మ్యాచ్‌లో కేకేఆర్‌ 147 పరుగుల వద్ద ఐదో వికెట్‌ కోల్పోయింది. 9 పరుగులు చేసిన అనుకుల్ రాయ్ ప్రసిధ్ క్రిష్ణ బౌలింగ్‌లో బట్లర్‌కు క్యాచ్ ఇచ్చి వెనుదిరిగాడు. ప్రస్తుతం కేకేఆర్ 5 వికెట్ల నష్టానికి 147 పరుగులు చేసింది. కామెరున్ ‍గ్రీన్ 75 పరుగులతో బ్యాటింగ్ ఆడుతున్నాడు.87 పరుగుల వద్ద కేకేఆర్‌ నాలుగో వికెట్‌ కోల్పోయింది. పావెల్‌ (27).. అశోక్‌ శర్మ బౌలింగ్‌లో ఔటయ్యాడు.8 ఓవర్లలో కేకేఆర్‌ 59/38 ఓవర్లు ముగిసేసరికి కేకేఆర్‌ 3 వికెట్ల నష్టానికి 59 పరుగులు చేసింది. పావెల్‌ (21), గ్రీన్‌ (8) క్రీజులో ఉన్నారు. గుజరాత్‌ టైటాన్స్‌తో మ్యాచ్‌లో కేకేఆర్‌ మూడో వికెట్‌ కోల్పోయింది. 19 పరుగులు చేసిన సీఫెర్ట్‌ రబాడ బౌలింగ్‌లో గ్లెన్‌ ఫిలిప్స్‌కు క్యాచ్‌ ఇచ్చి వెనుదిరిగాడు. ప్రస్తుతం కేకేఆర్‌ 6 ఓవర్లలో 3 వికెట్ల నష్టానికి 37 పరుగులు చేసింది.రెండో వికెట్ కోల్పోయిన కేకేఆర్‌8 ప‌రుగులు చేసిన అంగ్‌క్రిష్ రఘువంశీ ర‌బాడ బౌలింగ్‌లో జాస్ బ‌ట్ల‌ర్‌కు క్యాచ్ ఇచ్చి వెనుదిరిగాడు. దీంతో కేకేఆర్ రెండో వికెట్ కోల్పోయింది. ప్ర‌స్తుతం కేకేఆర్ 2 ఓవ‌ర్ల‌లో 2 వికెట్ల న‌ష్టానికి 22 ప‌రుగులు చేసింది.రహానే గోల్డెన్‌ డక్‌గుజరాత్‌తో జరుగుతున్న మ్యాచ్‌లో కేకేఆర్‌ తొలి వికెట్‌ కోల్పోయింది. కెప్టెన్‌ అజింక్య రహానే సిరాజ్‌ బౌలింగ్‌లో గోల్డెన్‌ డక్‌గా వెనుదిరిగాడు.బ్యాటింగ్‌ ఎంచుకున్న కేకేఆర్‌ఐపీఎల్ 2026 సీజన్‌లో భాగంగా అహ్మదాబాద్ వేదికగా శుక్రవారం 25వ మ్యాచ్‌లో గుజరాత్ టైటాన్స్‌, కోల్‌కతా నైట్‌రైడర్స్ (కేకేఆర్‌) తలపడుతున్నాయి. టాస్ గెలిచిన కేకేఆర్‌ బ్యాటింగ్‌ ఎంచుకుంది. కేకేఆర్‌ ఈ మ్యాచ్‌కు ఒక మార్పుతో బరిలోకి దిగింది. ఫిన్‌ అలెన్‌ స్థానంలో టిమ్‌ సీఫెర్ట్‌ జట్టులోకి వచ్చాడు. మరోవైపు గుజరాత్‌ మాత్రం జట్టులో ఏ మార్పు చేయలేదు. ఈ సీజన్‌లో కేకేఆర్‌ ఇప్పటివరకు ఒక్క విజయం కూడా సాధించలేదు. ఐదు మ్యాచ్‌ల్లో నాలుగింటి పరాజయాలు, ఒక మ్యాచ్‌ రద్దు కావడంతో పట్టికలో అట్టడుగు స్థానంలో ఉంది. మరోవైపు గుజరాత్‌ టైటాన్స్‌ ఆడిన 4 మ్యాచ్‌ల్లో రెండు విజయాలతో ఐదో స్థానంలో ఉంది. ముఖాముఖి పోరులో నాలుగుసార్లు తలపడగా గుజరాత్‌ మూడుసార్లు, కేకేఆర్‌ ఒకసారి గెలుపొందాయి.కోల్‌కతా నైట్ రైడర్స్: టిమ్ సీఫెర్ట్, సునీల్ నరైన్, అజింక్యా రహానే (కెప్టెన్), కామెరాన్ గ్రీన్, అంగ్క్రిష్ రఘువంశీ (వికెట్‌ కీప‌ర్‌), రోవ్‌మన్ పావెల్, రింకు సింగ్, రమణదీప్ సింగ్, అనుకూల్ రాయ్, వైభవ్ అరోరా, కార్తీక్ త్యాగి.గుజరాత్ టైటాన్స్: శుభమన్ గిల్ (కెప్టెన్), సాయి సుదర్శన్, జోస్ బట్లర్ (వికెట్‌ కీప‌ర్‌),వాషింగ్టన్ సుందర్, గ్లెన్ ఫిలిప్స్, రాహుల్ తెవాటియా, రషీద్ ఖాన్, అశోక్ శర్మ, కగిసో రబడ, మహమ్మద్ సిరాజ్, ప్రసిధ్‌ క్రిష్ణ.

ఐపీఎల్-2026 మ‌ధ్య‌లో గుజ‌రాత్ టైటాన్స్ ఓ కీల‌క నిర్ణ‌యం తీసుకుంది. గాయం కారణంగా ఈ ఏడాది సీజ‌న్‌కు దూరమైన ఇంగ్లండ్ ఆటగాడు టామ్ బాంటన్ స్థానాన్ని దక్షిణాఫ్రికా వికెట్ కీపర్ బ్యాటర్ కానర్ ఎస్టర్హుయిజెన్‌తో గుజ‌రాత్ భర్తీ చేసింది. ఈ విష‌యాన్ని గుజ‌రాత్ టైటాన్స్ ఎక్స్ వేదిక‌గా ధ్రువీక‌రించింది.గ‌తేడాది జ‌రిగిన మినీ వేలంలో టామ్ బాంట‌న్‌ను రూ.2 కోట్ల బేస్‌ప్రైస్‌కు కొనుగోలు చేసింది. కానీ ఈ ఏడాది సీజ‌న్ ఆరంభానికి ముందు ప్రాక్టీస్ సెష‌న్‌లో బాంట‌న్ చేతి వేలికి గాయమైంది. దీంతో అత‌డు గుజ‌రాత్ ఆడిన తొలి నాలుగు మ్యాచ్‌ల‌కు దూర‌మ‌య్యాడు. అయితే బాంట‌న్‌ తన గాయం నుంచి కోలుకోవ‌డానికి మ‌రింత స‌మ‌యం ప‌ట్ట‌నుండ‌డంతో.. ఇప్పుడు మొత్తం సీజ‌న్‌కే దూర‌మ‌య్యాడు. ఈ క్ర‌మంలోనే ఎస్టర్హుయిజెన్‌ రూ. 75 లక్షలకు గుజరాత్ టైటాన్స్ సొంతం చేసుకుందిఎవ‌రీ ఎస్టర్హుయిజెన్‌?24 ఏళ్ల కానర్ ఎస్టర్హుయిజెన్ గత నెలలో న్యూజిలాండ్‌తో జరిగిన టీ20 సిరీస్‌తో అంతర్జాతీయ అరంగేట్రం చేశాడు. త‌న మొద‌టి సిరీస్‌లోనే అద్బుత ప్ర‌ద‌ర్శ‌ల‌న‌తో అంద‌రిని ఆక‌ట్టుకున్నాడు. 5 మ్యాచ్‌ల‌లో 145.98 స్ట్రైక్ రేట్‌తో 200 పరుగులు చేసి టాప్ స్కోరర్‌గా నిలిచాడు.అత‌డికి అద్బుత‌మైన హిట్టింగ్ స్కిల్స్ ఉన్నాయి. అతడి రాకతో గుజరాత్ టైటాన్స్ బ్యాటింగ్ విభాగం మరింత పటిష్టం కానుంది. జోస్ బట్లర్‌కు బ్యాకప్ వికెట్ కీపర్‌గా ఎస్టర్హుయిజెన్ ఉండనున్నాడు. ఈ ఏడాది సీజన్‌లో గుజరాత్ ఇప్పటివరకు నాలుగు మ్యాచ్‌లు ఆడి రెండింట విజయం సాధించింది. గిల్ సేన ప్రస్తుతం పాయింట్ల పట్టికలో ఆరో స్ధానంలో కొనసాగుతోంది.చదవండి: IPL 2026: వ‌రుస ఓట‌ములు.. హార్దిక్ పాండ్యా సంచ‌ల‌న నిర్ణ‌యం!

ఆఫ్ఘనిస్తాన్‌ స్టార్‌ ఆటగాడు రషీద్‌ ఖాన్‌కు కీలక పదవి దక్కింది. ప్రపంచ క్రికెటర్స్‌ అసోసియేషన్‌ (WCA) ప్లేయర్‌ అడ్వైజరీ బోర్డులో సభ్యుడిగా నియమితులయ్యాడు. ఈ విషయాన్ని WCA సీఈవో ఇవాళ (ఏప్రిల్‌ 14) ప్రకటించారు. WCA ప్లేయర్‌ అడ్వైజరీ బోర్డులో రషీద్‌తో పాటు చమారి ఆటపట్టు, డారిల్‌ మిచెల్, వేన్‌ మాడ్సెన్, మాడీ గ్రీన్‌ కూడా చోటు దక్కింది. ఈ పదవిలో రషీద్‌ తదితరులు గ్లోబల్‌ క్రికెట్‌లో జరిగే విషయాలపై తమ అభిప్రాయాలను వెల్లడిస్తారు. WCA బోర్డు 2018లో ఏర్పడింది. ఐసీసీ ఈవెంట్లు, షెడ్యూలింగ్‌, కమర్షియల్‌ అంశాలపై ఆటగాళ్ల అభిప్రాయాలను ప్రతిబింబించడం ఈ బోర్డు ప్రధాన లక్ష్యం. ఇందులో 17 ప్రధాన క్రికెట్‌ దేశాల ఆటగాళ్లకు ప్రాతినిథ్యం ఉంది.కొత్త బోర్డు సభ్యుల నియామకం తర్వాత WCA సీఈవో మాట్లాడుతూ.. ఆటగాళ్లు క్రికెట్‌ భవిష్యత్తుపై శ్రద్ధ చూపుతున్నారు. 2028 ఒలింపిక్స్‌లో క్రికెట్‌ పాల్గొనడం వంటి అంశాలపై చర్చలు జరిగాయి. ఆటగాళ్ల హక్కులు, అవకాశాలు, క్రికెట్‌ అభివృద్ధి కోసం వారు కలసి పనిచేయాలని కోరుకుంటున్నారని అన్నారు. ఇదిలా ఉంటే, ‍ప్రస్తుతం రషీద్‌ ఖాన్‌ ఐపీఎల్‌ 2026లో గుజరాత్‌ టైటాన్స్‌ తరఫున ఆడుతున్నాడు. ఈ సీజన్‌లో అతను ఇప్పటివరకు ఆడిన 4 మ్యాచ్‌ల్లో 5 వికెట్లు తీశాడు. తాజాగా ఢిల్లీ క్యాపిటల్స్‌పై (4-0-17-3) మ్యాచ్‌ విన్నింగ్‌ ప్రదర్శన చేసి, గతకొంతకాలంగా లేని ఫామ్‌ను దొరకబుచ్చుకున్నాడు. 2024లో వెన్ను శస్త్రచికిత్స తర్వాత రషీద్‌ ప్రభావం కాస్త తగ్గింది. ఈ సీజన్‌లో గుజరాత్‌ తమ తదుపరి మ్యాచ్‌లో కేకేఆర్‌తో తలపడనుంది. ఈ మ్యాచ్‌ ఏప్రిల్‌ 17న జరుగనుంది.

ఐపీఎల్ 2026 సీజ‌న్‌లో షెడ్యూల్‌కు సంబంధించి బీసీసీఐ కీల‌క మార్పు చేసింది. అహ్మ‌దాబాద్‌లో మున్సిప‌ల్ ఎన్నిక‌ల దృష్ట్యా చెన్నై సూప‌ర్‌కింగ్స్‌, గుజ‌రాత్ టైటాన్స్ మ్యాచ్‌ల‌కు సంబంధించి మ్యాచ్ వేదిక‌ల‌ను స్వాప్ చేస్తూ బీసీసీఐ సెక్ర‌ట‌రీ దేవ‌జిత్‌ సైకియా ఒక ప్ర‌క‌ట‌న విడుద‌ల చేశారు. విష‌యంలోకి వెళితే.. సీజ‌న్ తొలి ద‌శలో ఏప్రిల్ 26న అహ్మ‌దాబాద్ వేదిక‌గా మ‌ధ్యాహ్నం 3.30 గంట‌ల‌కు గుజ‌రాత్ టైటాన్స్‌, చెన్నై సూప‌ర్‌కింగ్స్ మ‌ధ్య మ్యాచ్ జ‌ర‌గాల్సి ఉంది. మున్సిప‌ల్ ఎన్నిక‌ల దృష్ట్యా ఈ మ్యాచ్ వేదిక‌ను చెన్నై చిదంబ‌రం స్టేడియానికి మారుస్తూ ఉత్త‌ర్వులు జారీ చేసింది. మ్యాచ్ స‌మ‌యంలో మాత్రం ఎలాంటి మార్పు లేదు. ఇక మే 21 ఈ రెండు జ‌ట్లు చెన్నైలోని చిదంబ‌రం స్టేడియం వేదిక‌గా రాత్రి 7.30 గంట‌ల‌కు మ‌రోసారి త‌ల‌ప‌డాల్సి ఉంది. తాజాగా ఈ వేదిక‌ను అహ్మ‌దాబాద్‌కు మారుస్తున్న‌ట్లు బీసీసీఐ తెలిపింది. ఐపీఎల్‌ 19వ సీజన్‌లో చెన్నై సూపర్‌కింగ్స్‌ 4 మ్యాచ్‌​ల్లో ఒక విజయంతో పట్టికలో 9వ స్థానంలో ఉండగా, గుజరాత్‌ టైటాన్స్‌ 4 మ్యాచ్‌ల్లో రెండు విజయాలతో ఐదో స్థానంలో కొనసాగుతుంది.చదవండి: తిక్క కుదిరింది.. ఆర్సీబీ బ్యాటర్‌కు షాక్‌!

లక్నో: ఐపీఎల్‌ 19వ సీజన్‌లో గుజరాత్‌ టైటాన్స్‌ వరుసగా రెండో విజయం ఖాతాలో వేసుకుంది. ఆదివారం ‘డబుల్‌ హెడర్‌’లో భాగంగా జరిగిన తొలి పోరులో మాజీ విజేత గుజరాత్‌ 7 వికెట్ల తేడాతో లక్నో సూపర్‌ జెయింట్స్‌పై గెలిచింది. గత మ్యాచ్‌లో ముకుల్‌ చౌదరీ మెరుపులతో విజయం సాధించిన లక్నో... ఈ పోరులో అటు బ్యాటింగ్‌ లో, ఇటు బౌలింగ్‌లో కనీస ప్రతిఘటన కనబర్చలేకపోయింది. టాస్‌ ఓడి మొదట బ్యాటింగ్‌కు దిగిన లక్నో నిర్ణిత 20 ఓవర్లలో 8 వికెట్ల నష్టానికి 164 పరుగులు చేసింది. ఓపెనర్‌ మార్క్‌రమ్‌ (21 బంతుల్లో 30; 5 ఫోర్లు, 1 సిక్స్‌) టాప్‌ స్కోరర్‌ కాగా... మిగిలిన బ్యాటర్లలో ఒక్కరు కూడా ఇరవై పరుగులు చేయలేకపోయారు. కెప్టెన్‌ రిషభ్‌ పంత్‌ (18), మార్ష్ (11), ఆయుశ్‌ బదోనీ (9), పూరన్‌ (19), అబ్దుల్‌ సమద్‌ (18), ముకుల్‌ చౌదరీ (18), జార్జ్‌ లిండే (16), షమీ (12 నాటౌట్‌) తలా కొన్ని పరుగులు చేశారు. గుజరాత్‌ బౌలర్లలో ‘ప్లేయర్‌ ఆఫ్‌ ద మ్యాచ్‌’ ప్రసిధ్‌ కృష్ణ 28 పరుగులు ఇచ్చి 4 వికెట్లు పడగొట్టాడు. అనంతరం లక్ష్యఛేదనలో గుజరాత్‌ టైటాన్స్‌ 18.4 ఓవర్లలో 3 వికెట్లు కోల్పోయి 165 పరుగులు చేసింది. జోస్‌ బట్లర్‌ (37 బంతుల్లో 60; 11 ఫోర్లు), కెప్టెన్‌ శుబ్‌మన్‌ గిల్‌ (40 బంతుల్లో 56; 6 ఫోర్లు, 1 సిక్స్‌) అర్ధశతకాలతో ఆకట్టుకున్నారు. లక్ష్యం పెద్దది కాకపోవడంతో టైటాన్స్‌ ఆడుతూ పాడుతూ ముందుకు సాగింది.స్కోరు వివరాలు లక్నో సూపర్‌ జెయింట్స్‌ ఇన్నింగ్స్‌: మార్క్‌రమ్‌ (సి) సుందర్‌ (బి) ప్రసిధ్‌ 30; మార్ష్ (సి) గిల్‌ (బి) రబాడ 11; పంత్‌ (సి) తెవాటియా (బి) సిరాజ్‌ 18; బదోని (సి) ఫిలిప్స్‌ (బి) ప్రసిధ్‌ 9; పూరన్‌ (సి) గిల్‌ (బి) ప్రసిధ్‌ 19; అబ్దుల్‌ సమద్‌ (సి) ఫిలిప్స్‌ (బి) అశోక్‌ 18; ముకుల్‌ (సి) బట్లర్‌ (బి) ప్రసిధ్‌ 18; లిండే (సి) (సబ్‌) షారుక్‌ (బి) అశోక్‌ 16; షమీ (నాటౌట్‌) 12; అవేశ్‌ (నాటౌట్‌) 4; ఎక్స్‌ట్రాలు 9; మొత్తం (20 ఓవర్లలో 8 వికెట్లకు) 164. వికెట్ల పతనం:1–14, 2–45, 3–69, 4–74, 5–109, 6–118, 7–131, 8–157. బౌలింగ్‌: సిరాజ్‌ 4–0–19–1; రబాడ 4–0–54–1; అశోక్‌ 4–0–32–2; ప్రసిధ్‌ 4–0–28–4; రషీద్‌ 4–0–25–0. గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (సి) అవేశ్‌ (బి) రాఠీ 15; గిల్‌ (సి) పంత్‌ (బి) ప్రిన్స్‌ 56; బట్లర్‌ (సి) మార్క్‌రమ్‌ (బి) షమీ 60; సుందర్‌ (నాటౌట్‌) 21; తెవాటియా (నాటౌట్‌) 10; ఎక్స్‌ట్రాలు 3; మొత్తం (18.4 ఓవర్లలో 3 వికెట్లకు) 165. వికెట్ల పతనం: 1–45, 2–129, 3–135. బౌలింగ్‌: షమీ 4–0–36–1; ప్రిన్స్‌ 4–0–31–1; దిగ్వేశ్‌ రాఠీ 4–0–31–1; లిండే 3–0–28–0; అవేశ్‌ 2–0–24–0; మార్క్‌రమ్‌ 1.4–0–15–0.

ఐపీఎల్‌ 2026లో భాగంగా లక్నో సూపర్‌ జెయింట్స్‌తో ఇవాళ (ఏప్రిల్‌ 12) మధ్యహ్నం జరిగిన మ్యాచ్‌లో గుజరాత్‌ టైటాన్స్‌ 7 వికెట్ల తేడాతో ఘన విజయం సాధించింది. లక్నో వేదికగా జరిగిన ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన లక్నో ని​ర్ణీత 20 ఓవర్లలో 8 వికెట్ల నష్టానికి 164 పరుగులు చేసింది.ప్రసిద్ద్‌ కృష్ణ (4-0-28-4), అశోక్‌ కుమార్‌ (4-0-32-2), సిరాజ్‌ (4-0-19-1) అద్భుతంగా బౌలింగ్‌ చేసి లక్నోను కట్టడి చేశారు. రబాడ (4-0-54-1) ధారాళంగా పరుగులు సమర్పించుకోగా.. రషీద్‌ ఖాన్‌ (4-0-25-0) వికెట్‌ తీయకపోయినా పొదుపుగా బౌలింగ్‌ చేశాడు. లక్నో ఇన్నింగ్స్‌లో 30 పరుగులు చేసిన మార్క్రమ్‌ టాప్‌ స్కోరర్‌గా నిలిచాడు. మిగతా ఆటగాళ్లలో మిచెల్‌ మార్ష్‌ 11, పంత్‌ 18, బదోని 9, పూరన్‌ 19, అబ్దుల్‌ సమద్‌ 18, ముకుల్‌ ఛౌదరి 18, జార్జ్‌ లిండే 16, షమీ 12 (నాటౌట్‌), ఆవేశ్‌ ఖాన్‌ 4 (నాటౌట్‌) పరుగులు చేశారు.అనంతరం లక్ష్య ఛేదనకు దిగిన గుజరాత్‌ 18.4 ఓవర్లలో 3 వికెట్లు మాత్రమే కోల్పోయి ఆడుతూపాడుతూ విజయతీరాలకు చేరింది. శుభ్‌మన్‌ గిల్‌ (56), బట్లర్‌ (60) అర్ద సెంచరీలతో రాణించి గుజరాత్‌ను గెలిపించారు. ఆఖర్లో వాషింగ్టన్‌ సుందర్‌ (21 నాటౌట్‌) బ్యాట్‌ ఝులిపించి వేగంగా మ్యాచ్‌ను ముగించాడు. మిగతా ఆటగాళ్లలో సాయి సుదర్శన్‌ 15, తెవాతియా 10 (నాటౌట్‌) పరుగులు చేశారు. లక్నో బౌలర్లలో షమీ, ప్రిన్స్‌ యాదవ్‌, దిగ్వేష్‌ రాఠీ తలో వికెట్‌ తీశారు.

లక్నోపై గుజరాత్ టైటాన్స్ 7 వికెట్ల తేడాతో విజయం లక్నో 164/8(20) గుజరాత్‌ 165/3(18.4)లక్ష్యం దిశగా సాగుతున్న గుజరాత్‌165 పరుగుల లక్ష్య ఛేదనలో గుజరాత్‌ లక్ష్యం దిశగా సాగుతుంది. 8 ఓవర్ల తర్వాత ఆ జట్టు స్కోర్‌ వికెట్‌ నష్టానికి 69 పరుగులుగా ఉంది. గిల్‌ (40), బట్లర్‌ (14) క్రీజ్‌లో ఉన్నారు. గుజరాత్‌ టార్గెట్‌ 165టాస్‌ ఓడి తొలుత బ్యాటింగ్‌ చేసిన లక్నో ని​ర్ణీత 20 ఓవర్లలో 8 వికెట్ల నష్టానికి 164 పరుగులు చేసింది. ప్రసిద్ద్‌ కృష్ణ 4 వికెట్లు తీసి లక్నోను దెబ్బ తీశాడు. ఏడో వికెట్‌ కోల్పోయిన లక్నో18.1వ ఓవర​్‌- 131 పరుగుల వద్ద లక్నో ఏడో వికెట్‌ కోల్పోయింది. ప్రసిద్ద్‌ కృష్ణ బౌలింగ్‌లో బట్లర్‌కు క్యాచ్‌ ఇచ్చి ముకుల్‌ చౌదరి (18) ఔటయ్యాడు.ఐదో వికెట్‌ కోల్పోయిన లక్నో14.3వ ఓవర్‌-109 పరుగుల వద్ద లక్నో ఐదో వికెట్‌ కోల్పోయింది. ప్రసిద్ద్‌ కృష్ణ బౌలింగ్‌లో గిల్‌కు క్యాచ్‌ ఇచ్చి పూరన్‌ (19) ఔటయ్యాడు.నాలుగు వికెట్లు కోల్పోయిన లక్నోలక్నో 74 పరుగులకే 4 వికెట్లు కోల్పోయింది. 13 ఓవర్ల తర్వాత ఆ జట్టు స్కోర్‌ 96 పరుగులుగా ఉంది. పూరన్‌ (6), సమద్‌ (17) క్రీజ్‌లో ఉన్నారు. రెండో వికెట్‌ కోల్పోయిన లక్నో4.1వ ఓవర్‌- 45 పరుగుల వద్ద లక్నో రెండో వికెట్‌ కోల్పోయింది. సిరాజ్‌ బౌలింగ్‌లో తెవాతియాకు క్యాచ్‌ ఇచ్చి పంత్‌ (18) ఔటయ్యాడు. మార్ష్‌ (11) ఔట్‌1.3వ ఓవర్‌- 14 పరుగుల వద్ద లక్నో తొలి వికెట్‌ కోల్పోయింది. టాస్‌ గెలిచి బౌలింగ్‌ ఎంచుకున్న గుజరాత్‌ఐపీఎల్‌ 2026లో భాగంగా ఇవాళ (ఏప్రిల్‌ 12) డబుల్‌ హెడర్‌ మ్యాచ్‌లు జరుగుతున్నాయి. మధ్యాహ్నం 3:30 గంటలకు ప్రారంభమయ్యే మ్యాచ్‌లో లక్నో సూపర్‌ జెయింట్స్‌, గుజరాత్‌ టైటాన్స్‌ తలపడుతున్నాయి. లక్నో వేదికగా జరుగుతున్న ఈ మ్యాచ్‌లో గుజరాత్‌ టైటాన్స్‌ టాస్‌ గెలిచి బౌలింగ్‌ ఎంచుకుంది.తుది జట్లు..గుజరాత్ టైటాన్స్: సాయి సుదర్శన్, శుభ్‌మన్ గిల్(సి), జోస్ బట్లర్(w), వాషింగ్టన్ సుందర్, గ్లెన్ ఫిలిప్స్, రాహుల్ తెవాటియా, రషీద్ ఖాన్, కగిసో రబడ, మహ్మద్ సిరాజ్, అశోక్ శర్మ, ప్రసిధ్ కృష్ణ ఇంపాక్ట్ సబ్స్‌: షారుక్ ఖాన్, మానవ్ సుతార్, జాసన్ హోల్డర్, కుల్వంత్ ఖేజ్రోలియా, అనుజ్ రావత్లక్నో సూపర్ జెయింట్స్: మిచెల్ మార్ష్, ఐడెన్ మార్క్రామ్, రిషబ్ పంత్(w/c), ఆయుష్ బదోని, నికోలస్ పూరన్, అబ్దుల్ సమద్, ముకుల్ చౌదరి, మహమ్మద్ షమీ, అవేష్ ఖాన్, దిగ్వేష్ సింగ్ రాఠీ, ప్రిన్స్ యాదవ్ఇంపాక్ట్ సబ్స్‌: మణిమారన్ సిద్ధార్థ్, జార్జ్ లిండే, మాథ్యూ బ్రీట్జ్కే, షాబాజ్ అహ్మద్, మయాంక్ యాదవ్

క్రికెటర్లకు అభిమానులుండడం సహజం. కానీ మాజీ క్రికెటర్ కూతురు మరో క్రికెటర్‌కు అభిమానిగా ఉండడం, అతడిని కలవాలని కోరడం ఇక్కడ ఆసక్తి కలిగించే విషయం. టీమిండియా మాజీ క్రికెటర్ వృద్దిమాన్ సాహా, అతడి కూతురు అన్వి మధ్య జరిగిన సంభాషణను సాహా భార్య రోమి మిత్రా సోషల్ మీడియాలో పంచుకుంది. ఈ వీడియోలో సాహా, కూతురు అన్వి మధ్య సంభాషణ ఆద్యంతం ఆకట్టుకుంది. విషయంలోకి వెళితే.. అన్వి శుబ్‌మన్ గిల్‌కు అభిమాని. ఐపీఎల్‌లో గుజరాత్ టైటాన్స్‌కు కెప్టెన్‌గా వ్యవహరిస్తున్న గిల్‌ను కల్పించాలాంటూ అన్వి పదే పదే తండ్రి సాహాను రిక్వెస్ట్ చేసింది. అయితే దీనిపై సాహా కూతురుకు ఊహించని షాక్‌ ఇచ్చాడు. ‘గిల్‌ను కలవాలనుకోవడం ఓకే. కానీ అందరిలానే లైన్‌లో నిలబడి అతడిని కలవాల్సి ఉంటుంది. ఇందులో నీకు ఎలాంటి మినహాయింపు ఉండదు’ అని సాహా తన కూతురితో పేర్కొన్నాడు. అందుకు అన్వి.. ‘అదేంటి.. మీరు గిల్‌తో కలిసి డ్రెస్సింగ్ రూమ్ పంచుకున్నారుగా’ అని గుర్తుచేసింది. దానికి సాహా ‘అదంతా ఒకప్పుడు.. ఇప్పుడు నేను ఐపీఎల్ ఆడడం లేదు కదా’ అని నవ్వుతూ బదులిచ్చాడు. వీరిద్దరి మధ్య సంభాషణను సాహా భార్య రోమి మిత్రా రికార్డ్ చేసి ఇన్‌స్టాగ్రామ్‌లో పంచుకుంది. కాగా సాహా గతంలో గుజరాత్‌ టైటాన్స్‌ తరఫున గిల్‌తో కలిసి ఇన్నింగ్స్‌లు పంచుకున్న సంగతి తెలిసిందే. వృద్దిమాన్ సాహా ఐపీఎల్ ఆరంభ సీజన్ నుంచి పలు జట్లకు ప్రాతినిధ్యం వహించాడు. 2022లో ఐపీఎల్ టైటిల్ సాధించిన గుజ‌రాత్ టైటాన్స్ జ‌ట్టులో సాహా స‌భ్యుడిగా ఉన్నాడు. అంతేకాదు ఒక ఐపీఎల్ సీజ‌న్‌ ఫైన‌ల్లో సెంచ‌రీ సాధించిన తొలి క్రికెట‌ర్‌గా సాహా రికార్డుల‌కెక్కాడు. ఐపీఎల్ కెరీర్‌లో 170 మ్యాచ్‌లాడిన సాహా 2,934 ప‌రుగులు సాధించాడు. ఇందులో ఒక సెంచ‌రీ స‌హా 13 అర్థ‌శ‌త‌కాలున్నాయి. ధోని హ‌యాంలో పెద్ద‌గా వెలుగులోకి రాలేక‌పోయిన వృద్దిమాన్ సాహా టీమిండియా త‌ర‌ఫున 40 టెస్టులు, 9 వ‌న్డే మ్యాచ్‌లు ఆడాడు. 2024 రంజీ సీజ‌న్‌లో బెంగాల్ త‌ర‌ఫున ఆడిన సాహా ఆ త‌ర్వాత అంత‌ర్జాతీయ స‌హా అన్ని ఫార్మాట్ల క్రికెట్‌కు వీడ్కోలు ప‌లికాడు. 2024-25 రంజీ సీజ‌న్‌లో పంజాబ్‌తో మ్యాచ్ సంద‌ర్భంగా బెంగాల్ ఆట‌గాళ్లు సాహాకు గార్డ్ ఆఫ్ హాన‌ర్ ఇచ్చి గౌర‌వించారు. సాహా తన ఫ‌స్ట్‌క్లాస్ కెరీర్‌లో 142 మ్యాచ్‌లాడి 7 వేల‌కు పైగా ప‌రుగులు సాధించాడు. View this post on Instagram A post shared by Romi Mitra (@romi_mitra) చదవండి: నడిరోడ్డుపై చాహల్‌ హల్‌చల్‌!

న్యూఢిల్లీ: గుజరాత్‌ టైటాన్స్‌తో జరిగిన ఐపీఎల్‌ మ్యాచ్‌లో చివరి ఓవర్‌ ఐదో బంతికి ఢిల్లీ క్యాపిటల్స్‌ బ్యాటర్‌ డేవిడ్‌ మిల్లర్‌ సింగిల్‌ నిరాకరించడం తీవ్ర చర్చకు దారి తీసింది. మిల్లర్‌ తప్పు చేశాడని, జట్టు ఓటమికి కారణమయ్యాడని ఎక్కువ భాగం విమర్శలు వచ్చాయి. భారత మాజీ స్పిన్నర్‌ రవిచంద్రన్‌ అశ్విన్‌ కూడా ఇదే తరహా అభిప్రాయం వ్యక్తం చేశాడు. అసలు మిల్లర్‌ ఏం ఆలోచించాడో ఎంత బుర్ర బద్దలు కొట్టుకున్నా తనకు అర్థం కావడం లేదని, మ్యాచ్‌ ఫలితాన్ని అసలు నమ్మలేకపోతున్నానని అతను వ్యాఖ్యానించాడు.‘ఆఖరి బంతికి ఫోర్‌ లేదా సిక్స్‌ కొట్టాల్సి ఉందంటే మిల్లర్‌ నిర్ణయం సరైంది అనుకోవచ్చు. కానీ 2 బంతుల్లో 2 పరుగులు అంటే మహా అయితే ఏం జరిగే అవకాశం ఉంటుంది. ఐదో బంతికి సింగిల్‌ తీసి ఉంటే స్కోరు సమమయ్యేది. చివరి బంతికి కుల్దీప్‌ సింగిల్‌ తీసేవాడు. అలా కాకున్నా అతను అవుటయ్యేవాడు. అలాంటిది 10 మ్యాచ్‌లలో ఒకసారి జరగవచ్చంతే. భారీ స్కోర్ల మ్యాచ్‌లో సూపర్‌ ఓవర్‌ వరకు తీసుకెళ్లడంలో నష్టం ఏముంది. ఆ ఐదో బంతికి కుల్దీప్‌ స్థానంలో నేను ఉండి ఉంటే సింగిల్‌ కోసం దూసుకుపోయి అక్కడి నుంచి మిల్లర్‌ను పరుగెత్తమని తోసేసేవాడిని’ అని అశ్విన్‌ అన్నాడు. ఢిల్లీ క్యాపిటల్స్‌ జట్టు టోర్నీ నుంచి నిష్క్రమించేందుకు కొత్త తరహా దారులు వెతుకుతున్నట్లు అనిపిస్తుందని కూడా అశ్విన్‌ విశ్లేషించాడు. ‘ఈ తరహాలో ఓడిపోవడం వల్ల ముందుగా మీ జట్టులో ఆత్మవిశ్వాసం దెబ్బ తింటుంది. పైగా వరుసగా మూడు మ్యాచ్‌లు ఓడితే తీవ్ర ఇబ్బందుల్లో పడే అవకాశం ఉన్న గుజరాత్‌ కోలుకొని మళ్లీ బరిలోకి నిలిచేందుకు మీరు అవకాశం కల్పించి మీరు నాలుగు పాయింట్ల వద్దే ఆగిపోయారు’ అని అశ్విన్‌ విమర్శించాడు. మిల్లర్‌ ఆలోచన తప్పు కాదు: గావస్కర్‌ మరోవైపు మాజీ కెప్టెన్‌ సునీల్‌ గావస్కర్‌ మాత్రం మిల్లర్‌ నిర్ణయాన్ని సమర్థించాడు. జట్టును గెలిపించాలనే అతని ఉద్దేశంలో తప్పేమీ లేదని గావస్కర్‌ అభిప్రాయపడ్డాడు. ‘మిల్లర్‌ అప్పటికి చాలా బాగా ఆడుతున్నాడు. గెలిపించగలనని తనపై తాను నమ్మకం ఉంచాడు. అతaని ఉద్దేశాన్ని మనం తప్పు పట్టవద్దు. చివరకు అతని ఆలోచన సరిగా అమలు చేయలేకపోయాడు. ప్రసిధ్‌ కృష్ణ చక్కటి స్లో బౌన్సర్‌తో మిల్లర్‌ను కట్టిపడేశాడు. ఒత్తిడిలో ఉన్నప్పుడు ఇలాంటివి జరుగుతాయి. ఈ స్థితిలోనే మన బుర్రను వాడాలి. నా ఉద్దేశం ప్రకారం కూడా ఐదో బంతికి సింగిల్‌ తీస్తే బాగుండేది. అంతకు ముందు కుల్దీప్‌ సింగిల్‌ రాబట్టగలిగాడనే విషయం మర్చిపోవద్దు’ అని గావస్కర్‌ అన్నాడు.

ఐపీఎల్‌ 2026లో గుజరాత్‌ టైటాన్స్‌ తరఫున అద్భుత ప్రదర్శన చేస్తున్న ఆఫ్ఘనిస్తాన్‌ స్టార్‌ స్పిన్నర్‌ రషీద్‌ ఖాన్‌, తన అంతర్జాతీయ కెరీర్‌పై ఆసక్తికర ప్రకటన చేశాడు. నిన్న (ఏప్రిల్‌ 8) ఢిల్లీ క్యాపిటల్స్‌పై మ్యాచ్‌ విన్నింగ్‌ ప్రదర్శన (3-17) చేసి ప్లేయర్‌ ఆఫ్‌ ది మ్యాచ్‌గా నిలిచిన అతను.. టెస్ట్‌ క్రికెట్‌ నుంచి తప్పుకోవచ్చన్న సంకేతాన్ని ఇచ్చి బాంబు పేల్చాడు.మ్యాచ్‌ అనంతరం రషీద్‌ మాట్లాడుతూ.. టెస్ట్‌ క్రికెట్‌ ఆడొద్దని డాక్టర్లు చెప్పారు. అయినా నేను ఆడాను. గతేడాది జింబాబ్వేపై ఓ టెస్ట్‌ మ్యాచ్‌లో 67 ఓవర్లు వేశాను. ఈ చర్య నా ఆరోగ్యంపై తీవ్ర ప్రభావం చూపింది. నేను ఓ టెస్ట్‌ మ్యాచ్‌లో ఇన్ని ఓవర్లు వేశానని తెలిసి డాక్టర్లు షాక్‌ అయ్యారు. ఇకపై టెస్ట్‌లు ఆడే సాహసం చేస్తే, ఎక్కువ కాలం క్రికెట్‌లో కొనసాగలేనని హెచ్చరించినట్లు వెల్లడించాడు. కాగా, రషీద్‌ ఖాన్‌ 2023 నుంచి వెన్ను గాయాలతో ఇబ్బందులు పడుతున్నాడు. శస్త్రచికిత్స కూడా జరిగింది. వైద్యులు రెడ్‌బాల్‌ క్రికెట్‌ ఆడొద్దని స్పష్టంగా సూచించారు. అయినా రషీద్‌ గతేడాది జింబాబ్వేపై టెస్ట్‌ మ్యాచ్‌ ఆడి ఏకంగా 67 ఓవర్లు వేశాడు. ఈ నిర్ణయం అతని ఆరోగ్యంపై తీవ్ర ప్రభావం చూపింది. రషీద్‌ 2023 వన్డే వరల్డ్‌ కప్‌ కోసం శస్త్రచికిత్స వాయిదా వేసుకున్నాడు. ఆతర్వాత యూకేలో సర్జరీ చేయించుకున్నాడు. 2024లో తిరిగి వచ్చాడు. వరుసగా ఫ్రాంచైజీ క్రికెట్‌ ఆడటం వల్ల గాయాలు తిరగబెట్టాయి. ఫలితంగా కొంతకాలం ఫామ్‌ కోల్పోయి ఇబ్బందులు పడ్డాడు. ప్రస్తుత ఐపీఎల్‌ సీజన్‌లోనే అతను తిరిగి గాడిలో పడ్డాడు. ఈ సీజన్‌లో ఇప్పటివరకు ఆడిన 3 మ్యాచ్‌ల్లో 5 వికెట్లు తీశాడు. బ్యాట్‌తోనూ పర్వాలేదనిపించాడు. రషీద్‌ టెస్ట్‌ కెరీర్‌ను పరిశీలిస్తే.. ఆఫ్ఘనిస్తాన్‌ 2017లో టెస్ట్‌ హోదా పొందినప్పటి నుంచి 12 మ్యాచ్‌లు ఆడగా, రషీద్‌ కేవలం 6 టెస్ట్‌ల్లో మాత్రమే పాల్గొన్నాడు. చివరిసారి అతను 2025లో జింబాబ్వేపై టెస్ట్‌ మ్యాచ్‌ ఆడాడు. ఆ మ్యాచ్‌లో 67 ఓవర్లు వేసి 11 వికెట్లు తీశాడు. మొత్తంగా రషీద్‌ తన టెస్ట్‌ కెరీర్‌లో 6 మ్యాచ్‌ల్లో 45 వికెట్లు తీశాడు.

ఐపీఎల్‌ 2026లో భాగంగా నిన్న (ఏప్రిల్‌ 8) జరిగిన ఉత్కంఠ సమరంలో గుజరాత్‌ టైటాన్స్‌ చేతిలో ఢిల్లీ క్యాపిటల్స్‌ పరుగు తేడాతో ఓటమిపాలైన విషయం తెలిసిందే. ఈ మ్యాచ్‌లో ఢిల్లీని గెలిపించేందుకు డేవిడ్‌ మిల్లర్‌ చివరి బంతి వరకు పోరాడి విఫలమయ్యాడు. చివరి 2 బంతుల్లో 2 పరుగులు అవసరమైన తరుణంలో మిల్లర్‌ సింగిల్‌కు నిరాకరించడం కీలక తప్పిదంగా మారింది. Backing our Tiger, always 🫂💙 pic.twitter.com/pAFouiVmVH— Delhi Capitals (@DelhiCapitals) April 9, 2026ఆఖరి బంతిని మిస్‌ చేయడంతో కుల్దీప్‌ యాదవ్‌ రనౌటయ్యాడు. దీంతో ఢిల్లీ పరుగు తేడాతో పరాజయంపాలైంది. అంతకుముందు ఓవర్‌లో (19) 23 పరుగులు బాది ఢిల్లీని గెలుపుకు చేరువ చేసింది కూడా మిల్లరే. ఇంత చేసి చివరికి మ్యాచ్‌ గెలిపించలేకపోవడంతో అతను తీవ్ర భావోద్వేగానికి గురయ్యాడు. ఓటమి అనంతరం డ్రెస్సింగ్‌ రూమ్‌లో ఒంటరిగా కన్నీళ్లు పెట్టుకోవడం అభిమానులను కదిలించింది. దీనికి సంబంధించిన వీడియో సోషల్‌మీడియాలో వైరలవుతుంది. బాధపడుతున్న మిల్లర్‌ను కెప్టెన్‌ అక్షర్‌ పటేల్‌, హెడ్‌ కోచ్‌ హేమాంగ్‌ బదానీ ఓదార్చారు. మిల్లర్‌ భావోద్వేగ క్షణాలను డీసీ తమ సోషల్‌మీడియాలో ఖాతాల్లో పోస్ట్‌ చేసింది. “Backing our Tiger, always 💙” అంటూ మిల్లర్‌కు మద్దతు తెలిపింది. ఇది నాణేనికి ఒకవైపు.. మరోవైపు, కొందరు సొంత అభిమానులే మిల్లర్‌ను తిట్టిపోశారు. 19వ ఓవర్‌ ఐదో బంతిలో సింగిల్‌ తీసుంటే కనీసం సూపర్‌ ఓవర్‌కి అవకాశం ఉండేది. తప్పంతా మిల్లర్‌దే అంటూ సోషల్‌మీడియాలో దుమ్మెత్తిపోశారు. అంత అతి విశ్వాసం పనికి రాదంటూ మిల్లర్‌కు చీవాట్లు పెట్టారు.నాణేనికి అటు ఇటు ఉన్న విషయాలను పక్కన పెడితే, మిల్లర్‌ చేసిన దాంట్లో తప్పేమీ లేదు. ఆ సందర్భంలో అనుభవమున్న ఏ బ్యాటర్‌ అయినా అలాగే చేస్తాడు. కొన్ని సందర్భాల్లో ఇలా మిస్‌ ఫైర్‌ అవడం సహజమే. ఇందులో మిల్లర్‌ను నిందించాల్సిన అవసరం లేదు.ఎవరు ఔనన్నా, కాదన్నా ఈ సీజన్‌లో ఢిల్లీ మునుపెన్నడూ లేనంత పటిష్టంగా ఉంది. తాజాగా గుజరాత్‌ చేతిలో ఓటమి మినహా, ఈ సీజన్‌లో ఆ జట్టు తిరుగులేని ఆధిపత్యాన్ని చలాయించింది. వరుసగా లక్నో, ముంబై ఇండియన్స్‌పై 6 వికెట్ల తేడాతో గెలుపొందింది. తాజా ఓటమి తర్వాత కూడా మెరుగైన రన్‌రేట్‌ కలిగి పాయింట్ల పట్టికలో నాలుగో స్థానంలో కొనసాగుతుంది.ఢిల్లీ-గుజరాత్‌ మ్యాచ్‌ హైలైట్స్‌ - GT 20 ఓవర్లలో 210 పరుగులు చేసింది.- గిల్‌ (70), బట్లర్‌ (52), సుందర్‌ (55) అర్ద సెంచరీలతో రాణించారు. - ఛేదనలో DC ఓపెనర్లు కేఎల్‌ రాహుల్‌ (92), నిస్స​ంక (41) చెలరేగి ఆడారు. - గాయపడిన చేతితో డేవిడ్‌ మిల్లర్‌ (41 నాటౌట్‌) చివరి బంతి వరకు పోరాడినప్పటికీ ఢిల్లీని గెలిపించలేకపోయాడు. - రషీద్‌ ఖాన్‌ 4 ఓవర్లలో 3/17తో DC మిడిలార్డర్‌ను కుదిపేశాడు.

గుజరాత్‌ టైటాన్స్‌ ఎట్టకేలకు ఐపీఎల్‌-2026 టోర్నీలో బోణీ కొట్టింది. ఢిల్లీ క్యాపిటల్స్‌తో బుధవారం నాటి మ్యాచ్‌లో ఒక్క పరుగు తేడాతో గెలిచింది. ఢిల్లీ హిట్టర్‌ డేవిడ్‌ మిల్లర్‌ (20 బంతుల్లో 41 నాటౌట్‌) చేసిన పొరపాటు టైటాన్స్‌ నెత్తిన పాలు పోసింది. ఫలితంగా ఆఖరి బంతి వరకు నరాలు తెగే ఉత్కంఠ రేపిన మ్యాచ్‌లో టైటాన్స్‌ను విజయం వరించింది.ధనాధన్‌సొంతమైదానం అరుణ్‌ జైట్లీ స్టేడియం వేదికగా టాస్‌ గెలిచిన ఢిల్లీ.. గుజరాత్‌ను బ్యాటింగ్‌కు ఆహ్వానించింది. నిర్ణీత 20 ఓవర్లలో గుజరాత్‌ నాలుగు వికెట్లు నష్టపోయి 210 పరుగులు సాధించింది. శుబ్‌మన్‌ గిల్‌ (45 బంతుల్లో 70) కెప్టెన్‌ ఇన్నింగ్స్‌తో మెరవగా.. జోస్‌ బట్లర్‌ (27 బంతుల్లో 52), వాషింగ్టన్‌ సుందర్‌ (32 బంతుల్లో 55) ధనాధన్‌ దంచికొట్టారు.అనంతరం లక్ష్య ఛేదనకు దిగిన ఢిల్లీ 20 ఓవర్లలో ఎనిమిది వికెట్ల నష్టానికి 209 పరుగుల వద్ద నిలిచిపోయింది. పాతుమ్‌ నిస్సాంక (24 బంతుల్లో 41), కేఎల్‌ రాహుల్‌ (52 బంతుల్లో 92), మిల్లర్‌ ఇన్నింగ్స్‌ వృథా అయ్యాయి. గుజరాత్‌ బౌలర్లలో రషీద్‌ ఖాన్‌ మూడు వికెట్లు తీయగా.. ప్రసిద్‌ కృష్ణ రెండు, మహ్మద్‌ సిరాజ్‌ ఒక వికెట్‌ దక్కించుకున్నారు.శుబ్‌మన్‌ గిల్‌కు ఊహించని షాక్‌అయితే, గెలుపు జోష్‌లో ఉన్న గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌కు ఊహించని షాక్‌ తగిలింది. ఢిల్లీతో మ్యాచ్‌లో నిర్ణీత సమయంలో బౌలింగ్‌ కోటా పూర్తి చేయనందున ఐపీఎల్‌ పాలక మండలి అతడికి జరిమానా విధించింది. ఇందుకు సంబంధించి అధికారిక ప్రకటన విడుదల చేసింది.‘‘ఐపీఎల్‌-2026లో ఢిల్లీ క్యాపిటల్స్‌తో మ్యాచ్‌ సందర్భంగా గుజరాత్ టైటాన్స్‌ స్లో ఓవర్‌ రేటు మెయింటెన్‌ చేసింది. ఐపీఎల్‌ ప్రవర్తనా నియమావళిలోని ఆర్టికల్‌ 2.22 ప్రకారం.. గుజరాత్‌ కెప్టెన్‌ శుబ్‌మన్‌ గిల్‌కు జరిమానా విధించడమైనది. ఈ సీజన్‌లో ఇదే అతడి తొలి తప్పిదం కాబట్టి రూ. 12 లక్షల జరిమానాతో సరిపెడుతున్నాము’’ అని ఐపీఎల్‌ పాలక మండలి ప్రకటనలో పేర్కొంది. చదవండి: ఢిల్లీ కొంపముంచిన మిల్లర్‌.. అక్షర్‌ పటేల్‌ రియాక్షన్‌ ఇదే!Watch it yourself to believe it 🤯A nerve-wrecking finish to a #TATAIPL classic 🥶 @gujarat_titans fans, you can breathe now 😅Updates ▶️ https://t.co/oOdPR1oSeP#TATAIPL | #KhelBindaas | #DCvGT pic.twitter.com/Wh5EQvshqd— IndianPremierLeague (@IPL) April 8, 2026

ఢిల్లీ విజయానికి చివరి 18 బంతుల్లో 45 పరుగులు కావాలి. రిటైర్డ్‌హర్ట్‌గాతప్పుకొని మళ్లీ క్రీజ్‌లోకి వచ్చిన మిల్లర్‌పైనే ఆశలు ఉన్నాయి. 18వ ఓవర్లో 9 పరుగులే వచ్చాయి. అయితే సిరాజ్‌ వేసిన 19వ ఓవర్లో మిల్లర్‌ చెలరేగి 2 సిక్స్‌లు, 2 ఫోర్లు బాదడంతో మొత్తం 23 పరుగులు లభించాయి. ఆఖరి ఓవర్లో 13 పరుగులు అవసరం కాగా, తొలి 4 బంతుల్లో 11 పరుగులు లభించాయి. ఇక చేయాల్సింది 2 బంతుల్లో 2 పరుగులే! అయితే డీప్‌ బ్యాక్‌వర్డ్‌ స్క్వేర్‌ లెగ్‌ వరకు బంతి వెళ్లినా సునాయాస సింగిల్‌ తీయకుండా కుల్దీప్‌ను మిల్లర్‌ వెనక్కి పంపించాడు. ఈ అనూహ్య నిర్ణయం ఢిల్లీని దెబ్బ తీసింది. ప్రసిధ్‌ కృష్ణ వేసిన షార్ట్‌ బంతిని మిల్లర్‌ ఆడలేకపోగా, సింగిల్‌ తీసే ప్రయత్నంలో కుల్దీప్‌ రనౌటయ్యాడు. వైడ్‌ కోసం అంపైర్లు పరిశీలించగా అది సరైందేనని తేలింది. దాంతో గుజరాత్‌ సంబరాలు చేసుకోగా... ఢిల్లీ బృందం నిరాశలో మునిగింది. అంతకుముందు గిల్, బట్లర్, సుందర్‌ అర్ధసెంచరీలతో గుజరాత్‌ భారీ స్కోరు చేసి ప్రత్యర్థికి సవాల్‌ విసిరింది. న్యూఢిల్లీ: మాజీ చాంపియన్‌ గుజరాత్‌ టైటాన్స్‌ ఐపీఎల్‌లో గెలుపు బోణీ చేసింది. గత రెండు మ్యాచ్‌ల్లో ఓడిన గుజరాత్‌ బుధవారం జరిగిన పోరులో ఒక పరుగు తేడాతో ఢిల్లీ క్యాపిటల్స్‌పై విజయం సాధించింది. టాస్‌ ఓడి ముందుగా బ్యాటింగ్‌కు దిగిన గుజరాత్‌ 20 ఓవర్లలో 4 వికెట్ల నష్టానికి 210 పరుగులు చేసింది. కెప్టెన్ శుబ్‌మన్‌ గిల్‌ (45 బంతుల్లో 70; 4 ఫోర్లు, 5 సిక్స్‌లు), వాషింగ్టన్‌ సుందర్‌ (32 బంతుల్లో 55; 6 ఫోర్లు, 2 సిక్స్‌లు), జోస్‌ బట్లర్‌ (27 బంతుల్లో 52; 3 ఫోర్లు, 5 సిక్స్‌లు) అర్ధ సెంచరీలు సాధించడం విశేషం. రెండో వికెట్‌కు బట్లర్‌తో 32 బంతుల్లో 60 పరుగులు జోడించిన గిల్‌... మూడో వికెట్‌కు సుందర్‌తో 61 బంతుల్లో 104 పరుగులు జత చేశాడు. అనంతరం ఢిల్లీ 20 ఓవర్లలో 8 వికెట్లకు 209 పరుగులు చేసి ఓడిపోయింది. కేఎల్‌ రాహుల్‌ (52 బంతుల్లో 92; 11 ఫోర్లు, 4 సిక్స్‌లు) సెంచరీ చేజార్చుకోగా, డేవిడ్‌ మిల్లర్‌ (20 బంతుల్లో 41 నాటౌట్‌; 3 ఫోర్లు, 3 సిక్స్‌లు) పోరాడాడు. భారీ భాగస్వామ్యం... ఓపెనర్‌ సాయి సుదర్శన్‌ (12) ఎక్కువ సేపు నిలవలేకపోయినా... చాలా కాలం తర్వాత బట్లర్‌ చెప్పుకోదగ్గ ఇన్నింగ్స్‌ ఆడటంతో టైటాన్స్‌ భారీ స్కోరుకు పునాది పడింది. సిక్స్‌తో పరుగుల ఖాతా తెరిచిన బట్లర్‌...అక్షర్‌ ఓవర్లో వరుసగా ఫోర్, సిక్స్‌ కొట్టాడు. అనంతరం ముకేశ్‌ వేసిన మూడో ఓవర్లో అతను చెలరేగిపోయాడు. ఈ ఓవర్లో వరుసగా 6, 6, 4 కొట్టిన అతను ఆ తర్వాత మరో సిక్స్‌ బాదడంతో మొత్తం 23 పరుగులు వచ్చాయి. పవర్‌ప్లేలో జట్టు 68 పరుగులు చేయగా, 24 బంతుల్లోనే బట్లర్‌ హాఫ్‌ సెంచరీ పూర్తయింది. అయితే కుల్దీప్‌ చక్కటి బంతితో అతని ఆటను ముగించాడు. ఈ దశలో గిల్, సుందర్‌ కలిసి ధాటిని ప్రదర్శించారు. విప్రాజ్‌ వేసిన 12వ ఓవర్‌ గుజరాత్‌కు కలిసొచ్చింది. ఈ ఓవర్లో సుందర్‌ 2 ఫోర్లు, సిక్స్‌ కొట్టగా, గిల్‌ మరో సిక్స్‌ బాదడంతో మొత్తం 23 పరుగులు లభించాయి. 33 బంతుల్లో హాఫ్‌ సెంచరీని అందుకున్న గిల్‌... కుల్దీప్‌ ఓవర్లో మరో రెండు సిక్స్‌లతో చెలరేగాడు. గుజరాత్‌ ఆఖరి 4 ఓవర్లలో 42 పరుగులు రాబట్టగా... 30 బంతుల్లో సుందర్‌ అర్ధసెంచరీ పూర్తయింది. అనారోగ్యంతో గత మ్యాచ్‌లో ఆడని గిల్‌ కోలుకొని మళ్లీ బరిలోకి దిగాడు. ఒక్క కుల్దీప్‌ బౌలింగ్‌లోనే అతను నాలుగు సిక్సర్లు బాదడం విశేషం. రిజ్వీ విఫలం... సిరాజ్‌ వేసిన తొలి ఓవర్లోనే మూడు ఫోర్లు బాది నిసాంక జోరుగా ఛేదనను మొదలు పెట్టాడు. ఆ తర్వాత అశోక్‌ ఓవర్లోనూ అతను వరుసగా 4, 6, 4, 4తో దూకుడు ప్రదర్శించాడు. గత రెండు మ్యాచ్‌లలో విఫలమైన రాహుల్‌ కూడా కొన్ని చక్కటి షాట్లు ఆడటంతో పవర్‌ప్లే ముగిసేసరికి స్కోరు 63 పరుగులకు చేరింది. అశోక్‌ ఓవర్లోనే ఢిల్లీ 23 పరుగులు రాబట్టింది. తొలి వికెట్‌కు 76 పరుగుల (49 బంతుల్లో) తర్వాత నిసాంకను ప్రసిధ్‌ అవుట్‌ చేయగా...అదే ఓవర్‌ చివరి నాలుగు బంతుల్లో రాహుల్‌ వరుసగా 4, 6, 6, 4తో చెలరేగి 29 బంతుల్లోనే అర్ధసెంచరీ పూర్తి చేసుకున్నాడు. నితీశ్‌ రాణా (5) మళ్లీ విఫలం కాగా, గత రెండు మ్యాచ్‌ల హీరో సమీర్‌ రిజ్వీ (0) ఈసారి తొలి బంతికే బౌల్డయ్యాడు. అక్షర్‌ పటేల్‌ (2) కూడా నిలబడలేకపోగా, దూకుడుగా ఆడే ప్రయత్నంలో రాహుల్‌ అవుటయ్యాడు. 12 పరుగుల వద్ద గాయంతో రిటైర్డ్‌హర్ట్‌గా బయటకు వెళ్లిన మిల్లర్‌ ఈ దశలో తిరిగొచ్చి చివరి వరకు పోరాడినా లాభం లేకపోయింది.స్కోరు వివరాలు గుజరాత్‌ టైటాన్స్‌ ఇన్నింగ్స్‌: సుదర్శన్‌ (బి) ముకేశ్‌ 12; గిల్‌ (సి) రాణా (బి) ఎన్‌గిడి 70; బట్లర్‌ (బి) కుల్దీప్‌ 52; సుందర్‌ (సి) రాణా (బి) ముకేశ్‌ 55; ఫిలిప్స్‌ (నాటౌట్‌) 14; తెవాటియా (నాటౌట్‌) 1; ఎక్స్‌ట్రాలు 6; మొత్తం (20 ఓవర్లలో 4 వికెట్లకు) 210. వికెట్ల పతనం: 1–19, 2–79, 3–183, 4–205. బౌలింగ్‌: ముకేశ్‌ కుమార్‌ 4–0–55–2, ఎన్‌గిడి 4–0–24–1, అక్షర్‌ 3–0–32–0, కుల్దీప్‌ 4–0–42–1, నటరాజన్‌ 4–0–34–0, విప్రాజ్‌ 1–0–23–0. ఢిల్లీ క్యాపిటల్స్‌ ఇన్నింగ్స్‌: నిసాంక (సి) తెవాటియా (బి) ప్రసిధ్‌ 41; రాహుల్‌ (సి) బట్లర్‌ (బి) సిరాజ్‌ 92; రాణా (సి) సుదర్శన్‌ (బి) రషీద్‌ 5; రిజ్వీ (బి) రషీద్‌ 0; మిల్లర్‌ (నాటౌట్‌) 41; అక్షర్‌ (సి) ఫిలిప్స్‌ (బి) రషీద్‌ 2; స్టబ్స్‌ (రనౌట్‌) 7; విప్రాజ్‌ (సి) గిల్‌ (బి) ప్రసిధ్‌ 12; కుల్దీప్‌ (రనౌట్‌) 1; ఎక్స్‌ట్రాలు 8; మొత్తం (20 ఓవర్లలో 8 వికెట్లకు) 209. వికెట్ల పతనం: 1–76, 2–101, 3–101, 4–134, 5–160, 6–166, 7–202, 8–209. బౌలింగ్‌: సిరాజ్‌ 4–0–52–1, రబాడ 4–0–32–0, రషీద్‌ ఖాన్‌ 4–0–17–3, అశోక్‌ శర్మ 3–0–45–0, ప్రసిధ్‌ కృష్ణ 4–0–52–2, సుందర్‌ 1–0–11–0.ఐపీఎల్‌లో నేడుకోల్‌కతా X లక్నో వేదిక: కోల్‌కతారాత్రి గం. 7:30 నుంచి స్టార్‌ స్పోర్ట్స్,జియో హాట్‌స్టార్‌లో ప్రత్యక్ష ప్రసారం

ఐపీఎల్‌-2026లో భాగంగా అరుణ్ జైట్లీ స్టేడియం వేదికగా ఢిల్లీ క్యాపిటల్స్‌, గుజరాత్ టైటాన్స్ మధ్య జరిగిన మ్యాచ్ అభిమానులను మునివేళ్లపై నిలబెట్టింది. ఆఖరి వరకు నువ్వానేనా అన్నట్లు సాగిన ఉత్కంఠ పోరులో ఒక్క పరుగు తేడాతో ఢిల్లీ ఓటమి పాలైంది. 211 పరుగుల భారీ లక్ష్యంతో బరిలోకి దిగిన ఢిల్లీ క్యాపిటల్స్‌.. నిర్ణీత 20 ఓవర్లలో 8 వికెట్లు కోల్పోయి 209 రన్స్ చేసింది.చివరి రెండు ఓవర్లలో ఢిల్లీ విజయానికి 36 పరుగులు అవసరమయ్యాయి. ఈ క్రమంలో సిరాజ్ వేసిన 19 ఓవర్‌లో ఢిల్లీ బ్యాటర్‌ డేవిడ్ మిల్లర్ ఏకంగా 23 పరుగులు పిండుకున్నాడు. దీంతో ఒక్కసారి మ్యాచ్ మొత్తం ఢిల్లీ వైపు తిరిగిపోయింది. ఆఖరి ఓవర్‌లో ఢిల్లీ విజయసమీకరణం 13 పరుగులగా మారింది. చివరి ఓవర్ వేసే బాధ్యతను గుజరాత్ కెప్టెన్‌.. ప్రసిద్ద్ కృష్ణకు అప్పగించాడు. అయితే తొలి బంతిని విప్రజ్ నిగమ్ బౌండరీగా మలిచాడు. తర్వాతి బంతికి నిగమ్ ఔటయ్యాడు. దీంతో ఢిల్లీ విజయ సమీకరణం 4 బంతుల్లో 9 పరుగులగా మారింది. మూడో బంతికి కుల్దీప్ సింగిల్ తీసి మిల్లర్‌కు స్ట్రైక్ ఇచ్చాడు. నాలుగో బంతిని మిల్లర్ సిక్సర్‌గా మలిచాడు. దీంతో రెండు బంతుల్లో ఢిల్లీకి రెండు పరుగులు అవసరయ్యాయి. మిల్లర్ క్రీజులో ఉండడంతో ఢిల్లీ ఈజీగా గెలుస్తుందని భావించారు. ఐదో బంతికి సింగిల్ వచ్చే అవకాశమున్నప్పటికి మిల్లర్ తిరస్కరించాడు. స్ట్రైక్ తన వద్ద అంటిపెట్టుకున్నాడు. కానీ అయితే ఆఖరి బంతిని ప్రసిద్ద్ అద్భుతమైన బౌన్సర్‌గా సంధించడంతో మిల్లర్ కనీసం టచ్ కూడా చేయలేకపోయాడు. మిల్లర్‌ బై కోసం పరిగెత్తగా.. జోస్ బట్లర్ సూపర్‌త్రోతో స్ట్రైకర్ ఎండ్ వైపు స్టంప్స్‌ను గిరాటేశాడు. దీంతో ఢిల్లీ ఒక్క పరుగు తేడాతో ఓటమి చవిచూడాల్సి వచ్చింది. ఒకవేళ ఐదో బంతికి మిల్లర్ సింగిల్ తీసి ఉంటే మ్యాచ్ టై అయ్యేది. ఇక ఢిల్లీ ఇన్నింగ్స్‌లో మిల్లర్‌తో పాటు ఓపెనర్‌ కేఎల్‌ రాహుల్‌ కూడా అద్భుతమైన ఇన్నింగ్స్‌ ఆడాడు. రాహుల్‌ 52 బంతుల్లో 11 ఫోర్లు, 4 సిక్స్‌లతో 92 పరుగులు చేశాడు. అయినప్పటికి ఢిల్లీ ఓడిపోవడంతో రాహుల్‌, మిల్లర్(20 బంతుల్లో 41) ఇన్నింగ్స్‌లు వృథా అయిపోయాయి. గుజరాత్‌ బౌలర్లలో రషీద్‌ ఖాన్‌ మూడు వికెట్లు పడగొట్టగా.. ప్రసిద్ద్‌ కృష్ణ రెండు, సిరాజ్‌ ఓ వికెట్‌ సాధించాడు.అంతకుముందు బ్యాటింగ్ చేసిన గుజరాత్‌ నిర్ణీత 20 ఓవర్లలో 4 వికెట్ల నష్టానికి 210 పరుగులు చేసింది. గుజరాత్‌ బ్యాటర్లలో శుభ్‌మన్‌ గిల్‌(70), జోస్‌ బట్లర్‌(52), వాషింగ్టన్‌ సుందర్‌(55) హాఫ్‌ సెంచరీలతో సత్తాచాటారు. ఢిల్లీ బౌలర్లలో ముఖేష్‌ కుమార్‌ రెండు, ఎంగిడి, కుల్దీప్‌ యాదవ్‌ తలా వికెట్‌ సాధించారు.

టీమిండియా స్టార్ ఆల్‌రౌండ‌ర్ వాషింగ్ట‌న్ సుంద‌ర్ త‌న ఐపీఎల్ హాఫ్‌ సెంచ‌రీని సాధించాడు. ఐపీఎల్‌-2026లో గుజ‌రాత్ టైటాన్స్‌కు ప్రాతినిథ్యం వ‌హిస్తున్న సుంద‌ర్‌.. బుధ‌వారం ఢిల్లీ క్యాపిట‌ల్స్‌తో మ్యాచ్‌లో అద్భుతమైన అర్ధ శ‌త‌కంతో మెరిశాడు. నాలుగో స్ధానంలో బ్యాటింగ్‌కు వ‌చ్చిన సుంద‌ర్ ఢిల్లీ బౌల‌ర్ల‌ను ఉతికారేశాడు.వాషీ కెప్టెన్ శుభ్‌మ‌న్ గిల్‌తో క‌లిసి స్కోర్ బోర్డును ప‌రుగులు పెట్టించాడు. సుంద‌ర్‌ కేవలం 32 బంతుల్లో 5 ఫోర్లు, 2 సిక్సర్లతో 55 ప‌రుగులు చేసి ఔట‌య్యాడు. అయితే తొలి రెండు మ్యాచ్‌ల్లో మాత్రం సుంద‌ర్ బంతితో పాటు బ్యాట్‌తో కూడా విఫ‌ల‌మ‌య్యాడు. దీంతో అత‌డిని తుది జ‌ట్టు నుంచి త‌ప్పించాల‌ని చాలా మంది డిమాండ్ చేశారు. కానీ గుజ‌రాత్ మేనెజ్‌మెంట్ అత‌డిపై న‌మ్మ‌కం ఉంచింది. త‌న అద్భుత ఇన్నింగ్స్‌తో మేనెజ్‌మెంట్ న‌మ్మ‌కాన్ని సుంద‌ర్ నిల‌బెట్టుకున్నాడు. ఇక ఈ మ్యాచ్‌లో మొద‌ట బ్యాటింగ్ చేసిన గుజ‌రాత్ నిర్ణీత 20 ఓవర్లలో 4 వికెట్ల నష్టానికి 210 పరుగులు చేసింది. గుజరాత్‌ బ్యాటర్లలో సుంద‌ర్‌తో పాటు శుభ్‌మన్‌ గిల్‌(70), జోస్‌ బట్లర్‌(52) హాఫ్‌ సెంచరీలతో సత్తాచాటారు. ఢిల్లీ బౌలర్లలో ముఖేష్‌ కుమార్‌ రెండు, ఎంగిడి, కుల్దీప్‌ యాదవ్‌ తలా వికెట్‌ సాధించారు.Gujrat Titans against Delhi CapitalsGT70(45 : Shubman Gill55(32) : Washington Sundar52(27) : Jos ButtlerDC2/55 : Mukesh Kumar1/24 : Lungi Ngidi1/42 : Kuldeep Yadav pic.twitter.com/Wk8cmnCVba— Hello Cricket (@thehellocricket) April 8, 2026

ఐపీఎల్‌-2026లో గుజ‌రాత్ టైటాన్స్ స్టార్ వికెట్ కీప‌ర్ బ్యాట‌ర్ జోస్ బ‌ట్ల‌ర్ ఎట్టకేల‌కు తన రిథ‌మ్‌ను అందుకున్నాడు. ఈ ధ‌న‌ధాన్ లీగ్‌లో భాగంగా అరుణ్ జైట్లీ స్టేడియం వేదిక‌గా ఢిల్లీ క్యాపిట‌ల్స్‌తో జ‌రుగుతున్న మ్యాచ్‌లో బట్ల‌ర్ మెరుపు అర్ధశతకంతో విరుచుకుపడ్డాడు.ఈ ఇంగ్లండ్ మాజీ కెప్టెన్ ఢిల్లీ బౌలర్లను ఉతికారేశాడు. ముఖ్యంగా ఢిల్లీ పేసర్ ముఖేష్ కుమార్‌కు బట్లర్ చుక్కలు చూపించాడు. గుజరాత్ ఇన్నింగ్స్ 4వ ఓవర్ వేసిన ముఖేష్ కుమార్ బౌలింగ్‌లో బట్లర్ ఏకంగా 23 పరుగులు పిండుకున్నాడు. ఇందులో మూడు భారీ సిక్సర్లు ఉండటం విశేషం. ఓవర్ మొదటి బంతికే తన ఫేవరెట్ 'ర్యాంప్ షాట్'తో సిక్సర్ కొట్టి బౌలర్‌ను ఒత్తిడిలోకి నెట్టాడు. బట్లర్ మొత్తంగా 27 బంతులు ఎదుర్కొని 3 ఫోర్లు, 5 సిక్సర్లతో 52 పరుగులు చేశాడు. అతడి బ్యాటింగ్‌కు సంబంధించిన వీడియో ప్రస్తుతం సోషల్ మీడియాలో వైరలవుతోంది.తుది జ‌ట్లుగుజరాత్ టైటాన్స్: శుభమన్ గిల్(కెప్టెన్‌), సాయి సుదర్శన్, జోస్ బట్లర్(వికెట్ కీప‌ర్‌), వాషింగ్టన్ సుందర్, గ్లెన్ ఫిలిప్స్, షారుఖ్ ఖాన్, రాహుల్ తెవాటియా, రషీద్ ఖాన్, కగిసో రబడ, మహ్మద్ సిరాజ్, అశోక్ శర్మఢిల్లీ క్యాపిటల్స్: కేఎల్‌ రాహుల్(వికెట్ కీప‌ర్‌), పాతుమ్ నిస్సాంక, నితీష్ రాణా, విప్రజ్ నిగమ్, అక్షర్ పటేల్(కెప్టెన్‌), డేవిడ్ మిల్లర్, ట్రిస్టన్ స్టబ్స్, కుల్దీప్ యాదవ్, లుంగి ఎన్గిడి, టి నటరాజన్, ముఖేష్ కుమార్

Gujarat titans vs Delhi capitals live Updates: ఉత్కంఠ పోరులో ఢిల్లీ ఓటమిఅరుణ్ జైట్లీ స్టేడియం వేదికగా ఢిల్లీ క్యాపిటల్స్‌తో జరిగిన ఉత్కంఠపోరులో ఒక్క పరుగు తేడాతో గుజరాత్ టైటాన్స్ విజయం సాధించింది. అరుణ్ జైట్లీ స్టేడియం వేదికగా ఢిల్లీ క్యాపిటల్స్‌తో జరిగిన ఉత్కంఠపోరులో ఒక్క పరుగు తేడాతో గుజరాత్ టైటాన్స్ విజయం సాధించింది. 211 పరుగుల భారీ లక్ష్యంతో బరిలోకి దిగిన ఢిల్లీ క్యాపిటల్స్‌.. నిర్ణీత 20 ఓవర్లలో 8 వికెట్లు కోల్పోయి 209 పరుగులు చేసింది. ఆఖరి ఓవర్‌లో ఢిల్లీ విజయానికి 13 పరుగులు అవసరమవ్వగా.. ప్రసిద్ద్ కృష్ణ పరుగులు మాత్రమే ఇచ్చాడు. చివరి బంతికి కుల్దీప్ యాదవ్ రనౌట్ కావడం మ్యాచ్ గుజరాత్ వశమైంది. ఢిల్లీ బ్యాటర్ డేవిడ్ మిల్లర్(20 బంతుల్లో 3 ఫోర్లు, 3 సిక్స్‌లతో 41) చివరి వరకు పోరాడనప్పటికి తన జట్టును గెలిపించలేకపోయాడు. అంతకుముందు ఓపెనర్‌ కేఎల్‌ రాహుల్‌ కూడా అద్భుతమైన ఇన్నింగ్స్‌ ఆడాడు. రాహుల్‌ 52 బంతుల్లో 11 ఫోర్లు, 4 సిక్స్‌లతో 92 పరుగులు చేశాడు. వీరిద్దరితో పాటు నిస్సాంక(41) కూడా రాణించాడు. గుజరాత్‌ బౌలర్లలో రషీద్‌ ఖాన్‌ మూడు వికెట్లు పడగొట్టగా.. ప్రసిద్ద్‌ కృష్ణ రెండు, సిరాజ్‌ ఓ వికెట్‌ సాధించాడు.మిల్లర్‌.. కిల్లర్‌అరుణ్ జైట్లీ మైదానంలో ఢిల్లీ క్యాపిటల్స్ స్టార్ డేవిడ్ మిల్లర్ సిక్సర్ల వర్షం కురిపిస్తున్నాడు. 12 బంతుల్లో 36 పరుగులు కావాల్సిన సమయంలో మిల్లర్ వరుసగా హ్యాట్రిక్ సిక్సర్లు బాదాడు.ఢిల్లీ క్యాపిటల్స్‌ ఆరో వికెట్‌ డౌన్‌ఢిల్లీ క్యాపిటల్స్‌ ఆరో వికెట్‌ కోల్పోయింది. 92 పరుగులు చేసిన రాహుల్‌.. మహ్మద్‌ సిరాజ్‌ బౌలింగ్‌లో ఔటయ్యాడు. ఢిల్లీ విజయానికి 16 బంతుల్లో 42 పరుగులు కావాలి.ఢిల్లీ ఐదో వికెట్‌ డౌన్‌160 పరుగుల వద్ద ఢిల్లీ ఐదో వికెట్‌ కోల్పోయింది. 7 పరుగులు చేసిన స్టబ్స్ రనౌట్‌ రూపంలో పెవిలియన్‌కు చేరాడు. డిల్లీ విజయానికి 20 బంతుల్లో 50 పరుగులు కావాలిఢిల్లీ నాలుగో వికెట్ డౌన్‌ఢిల్లీ క్యాపిట‌ల్స్ నాలుగో వికెట్ కోల్పోయింది. కెప్టెన్ అక్ష‌ర్ ప‌టేల్ కేవ‌లం రెండు ప‌రుగులు చేసి రషీద్ ఖాన్ బౌలింగ్‌లో ఔట‌య్యాడు. ఢిల్లీ విజ‌యానికి 36 బంతుల్లో 77 ప‌రుగులు కావాలి. క్రీజులో కేఎల్ రాహుల్‌(71) ఉన్నాడు.డేవిడ్ మిల్ల‌ర్ రిటైర్డ్ హార్ట్‌డేవిడ్ మిల్ల‌ర్ రిటైర్డ్ హార్ట్‌గా వెనుదిరిగాడు. ఎడమ చేతి వేలి గాయం కార‌ణంగా మిల్ల‌ర్ మైదానాన్ని వీడాడు. అత‌డి స్ధానంలో అక్ష‌ర్ ప‌టేల్ క్రీజులోకి వ‌చ్చాడు.రషీద్‌ ఖాన్‌ మ్యాజిక్‌రషీద్‌ ఖాన్‌ బంతితో మ్యాజిక్‌ చేశాడు. ఒకే ఓవర్‌లో ఢిల్లీ రెండు వికెట్లు కోల్పోయింది. 10వ ఓవర్‌ వేసిన రషీద్‌ ఖాన్‌ ఐదో బంతికి నితీష్‌ రాణా ఔట్‌ కాగా.. ఆరో బంతికి సమీర్‌ రిజ్వీ క్లీన్‌ బౌల్డయ్యాడు.కేఎల్‌ రాహుల్‌ ఫిప్టీతొలి రెండు మ్యాచ్‌ల్లో విఫలమైన కేఎల్‌ రాహుల్‌.. గుజరాత్‌తో మ్యాచ్‌లో మాత్రం దుమ్ములేపుతున్నాడు. కేవలం 29 బంతుల్లోనే తన హాఫ్‌ సెంచరీ మార్క్‌ను అందుకున్నాడు.ఢిల్లీ తొలి వికెట్‌ డౌన్‌ఢిల్లీ క్యాపిటల్స్‌ తొలి వికెట్‌ కోల్పోయింది. కేవలం 24 బంతుల్లో 41 పరుగులు చేసిన నిస్సాంక.. ప్రసిద్ద్‌ కృష్ణ బౌలింగ్‌లో ఔటయ్యాడు. దూకుడుగా ఆడుతున్న ఢిల్లీ ఓపెనర్లు6 ఓవర్లు ముగిసేసరికి ఢిల్లీ క్యాపిటల్స్‌ వికెట్‌ నష్టపోకుండా 63 పరుగులు చేసింది. క్రీజులో రాహుల్‌(26), నిస్సాంక(35) ఉన్నారు.4 ఓవర్లకు ఢిల్లీ స్కోర్‌: 36/04 ఓవర్లు ముగిసేసరికి ఢిల్లీ వికెట్‌ నష్టపోకుండా 36 పరుగులు చేసింది. క్రీజులో రాహుల్‌(19), నిస్సాంక(15) ఉన్నారు.గిల్‌ విధ్వంసం.. అరుణ్‌ జైట్లీ స్టేడియం వేదికగా ఢిల్లీ క్యాపిటల్స్‌తో జరుగుతున్న మ్యాచ్‌లో గుజరాత్‌ టైటాన్స్‌ బ్యాటర్లు విధ్వంసం సృష్టించాడు. టాస్‌ ఓడి తొలుత బ్యాటింగ్‌ చేసిన గుజరాత్‌ నిర్ణీత 20 ఓవర్లలో 4 వికెట్ల నష్టానికి 210 పరుగులు చేసింది. గుజరాత్‌ బ్యాటర్లలో శుభ్‌మన్‌ గిల్‌(70), జోస్‌ బట్లర్‌(52), వాషింగ్టన్‌ సుందర్‌(55) హాఫ్‌ సెంచరీలతో సత్తాచాటారు. ఢిల్లీ బౌలర్లలో ముఖేష్‌ కుమార్‌ రెండు, ఎంగిడి, కుల్దీప్‌ యాదవ్‌ తలా వికెట్‌ సాధించారు.శుభ్‌మన్‌ గిల్‌ ఔట్‌శుభ్‌మన్‌ గిల్‌ రూపంలో గుజరాత్‌ టైటాన్స్‌ మూడో వికెట్‌ కోల్పో‍యింది. 70 పరుగులు చేసిన గిల్‌.. లుంగి ఎంగిడీ బౌలింగ్‌లో పెవిలియన్‌కు చేరాడు.భారీ స్కోర్‌ దిశగా గుజరాత్‌గుజరాత్‌ టైటాన్స్‌ భారీ స్కోర్‌ దిశగా దూసుకుపోతుంది. 15 ఓవర్లు ముగిసే సరికి గుజరాత్‌ రెండు వికెట్ల నష్టానికి 161 పరుగులు చేసింది. క్రీజులో శుభ్‌మన్‌ గిల్‌(51), వాషింగ్టన్‌ సుందర్‌(41) ఉన్నారు.గుజరాత్‌ రెండో వికెట్‌ డౌన్‌జోస్‌ బట్లర్‌ రూపంలో గుజరాత్‌ టైటాన్స్‌ రెండో వికెట్‌ కోల్పోయింది. 52 పరుగులు చేసిన బట్లర్‌.. కుల్దీప్‌ యాదవ్‌ బౌలింగ్‌లో ఔటయ్యాడు. 8 ఓవర్లకు గుజరాత్‌ స్కోర్‌: 85/2దూకుడుగా ఆడుతున్న గుజరాత్‌జోస్‌ బట్లర్‌(22 బంతుల్లో 3 ఫోర్లు, 5 సిక్స్‌లతో 47) దూకుడుగా ఆడుతున్నాడు. 6 ఓవర్లు ముగిసే సరికి గుజరాత్‌ వికెట్‌ నష్టానికి 68 పరుగులు చేసింది.గుజరాత్‌ తొలి వికెట్‌ డౌన్‌19 ప‌రుగుల గుజ‌రాత్ టైటాన్స్ తొలి వికెట్ కోల్పోయింది. 12 ప‌రుగులు చేసిన సాయిసుద‌ర్శ‌న్‌.. ముఖేష్ కుమార్ బౌలింగ్‌లో బౌల్డ‌య్యాడు. 2.1 ఓవర్లకు గుజరాత్‌ స్కోర్‌: 19/1టాస్‌ గెలిచి బౌలింగ్‌ ఎంచుకున్న గుజరాత్‌ఐపీఎల్‌-2026లో భాగంగా అరుణ్ జైట్లీ స్టేడియం వేదిక‌గా ఢిల్లీ క్యాపిట‌ల్స్‌, గుజ‌రాత్ టైటాన్స్ జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన ఢిల్లీ క్యాపిట‌ల్స్ తొలుత బౌలింగ్ ఎంచుకుంది. గుజరాత్‌ కెప్టెన్‌ శుభ్‌మన్‌ గిల్‌ తిరిగి జట్టులోకి వచ్చాడు. శుభ్‌మన్‌ తిరిగి రావడంతో కుమార్‌ కుశాగ్ర బెంచ్‌కే పరిమితమయ్యాడు. ఢిల్లీ మాత్రం తమ జట్టులో ఎలాంటి మార్పులు చేయలేదు.తుది జ‌ట్లుగుజరాత్ టైటాన్స్: శుభమన్ గిల్(కెప్టెన్‌), సాయి సుదర్శన్, జోస్ బట్లర్(వికెట్ కీప‌ర్‌), వాషింగ్టన్ సుందర్, గ్లెన్ ఫిలిప్స్, షారుఖ్ ఖాన్, రాహుల్ తెవాటియా, రషీద్ ఖాన్, కగిసో రబడ, మహ్మద్ సిరాజ్, అశోక్ శర్మఢిల్లీ క్యాపిటల్స్: కేఎల్‌ రాహుల్(వికెట్ కీప‌ర్‌), పాతుమ్ నిస్సాంక, నితీష్ రాణా, విప్రజ్ నిగమ్, అక్షర్ పటేల్(కెప్టెన్‌), డేవిడ్ మిల్లర్, ట్రిస్టన్ స్టబ్స్, కుల్దీప్ యాదవ్, లుంగి ఎన్గిడి, టి నటరాజన్, ముఖేష్ కుమార్Innovative 🤝 Powerful Jos Buttler looks in the 𝙈.𝙊.𝙊.𝘿 tonight 😎#GT 68/1 after the powerplay. Updates ▶️ https://t.co/oOdPR1oSeP#TATAIPL | #KhelBindaas | #DCvGT | @josbuttler | @gujarat_titans pic.twitter.com/mLBuDqyQWl— IndianPremierLeague (@IPL) April 8, 2026

భార‌త్‌లో ఫాస్ట్ బౌల‌ర్ల క‌న్నా మీడియం ఫాస్ట్ బౌల‌ర్లే ఎక్కువ‌గా ఉంటారు. న‌ట‌రాజ‌న్‌, ఉమ్రాన్ మాలిక్‌, కార్తిక్ త్యాగి వంటి ఫాస్ట్ బౌల‌ర్లు అరుదుగా క‌నిపిస్తుంటారు. తాజాగా ఐపీఎల్ 2026 సీజ‌న్ ద్వారా మ‌రో ఫాస్ట్ బౌల‌ర్ వెలుగులోకి వ‌చ్చాడు. అత‌డే గుజ‌రాత్ టైటాన్స్‌కు చెందిన అశోక్ శ‌ర్మ. శ‌నివారం రాజ‌స్తాన్ రాయల్స్‌తో జ‌రిగిన మ్యాచ్‌లో ఎవ‌రూ ఊహించ‌ని విధంగా గంట‌కు 154 కిలోమీట‌ర్ల వేగంతో బౌలింగ్ చేసి నిప్పులు చెరిగాడు. రాజ‌స్తాన్ ఇన్నింగ్స్ 16వ ఓవ‌ర్ చివ‌రి బంతిని అశోక్ శ‌ర్మ 154.2 కి.మీ వేగంతో విసిరాడు. మెరుగు వేగంతో వ‌చ్చిన బంతిని ధ్రువ్ జురేల్ భారీ షాట్ ఆడ‌డంలో విఫ‌ల‌మై డిఫెన్స్ చేసుకున్నాడు. ఈ నేప‌థ్యంలో ఈ సీజ‌న్‌లో అశోక్ శ‌ర్మ సంధించిన బంతి అత్యంత వేగ‌వంత‌మైనదిగా రికార్డుల‌కెక్కింది. అశోక్ శ‌ర్మ కంటే ముందు ల‌క్నో సూప‌ర్‌జెయింట్స్ బౌల‌ర్‌ అన్రిచ్ నోర్ట్జే (150.9), కార్తిక్ త్యాగి (149.7), ర‌బాడ (149.1) ఉన్నారు. అయితే తొలి స్పెల్‌లో అశోక్ శ‌ర్మ‌ను రాజ‌స్తాన్ బ్యాట‌ర్లు దంచికొట్టారు. 2 ఓవ‌ర్లు క‌లిపి 9 స‌గ‌టుతో 18 ప‌రుగులు స‌మ‌ర్పించుకున్నాడు. అయితే రెండో స్పెల్‌లో మాత్రం అశోక్ శ‌ర్మ దుమ్మురేపాడు. ఒక వికెట్ తీయ‌డంతో పాటు త‌న ఫాస్ట్ బౌలింగ్‌తో వ‌ణికించాడు. అంతేకాదు గుజ‌రాత్ బౌల‌ర్ల‌లో అంద‌రూ దాదాపు భారీగా ప‌రుగులిచ్చుకోగా.. అశోక్ శ‌ర్మ మాత్రం మిగ‌తా వాళ్ల‌తో పోలిస్తే త‌క్కువ‌ ఎకాన‌మీ న‌మోదు చేయ‌డం విశేషం. గుజ‌రాత్ ఓడిన‌ప్ప‌టికీ అశోక్ శ‌ర్మ త‌న ప్ర‌ద‌ర్శ‌న‌తో ఆక‌ట్టుకున్నాడు. ఈ నేప‌థ్యంలో ఎవ‌రీ అశోక్ శ‌ర్మ‌? ఎక్క‌డి నుంచి వ‌చ్చాడ‌నేది ఇప్పుడు తెలుసుకుందాం.ఎవ‌రీ అశోక్ శ‌ర్మ‌?రాజస్థాన్‌లోని జైపూర్‌ సమీపంలో ఉన్న ఒక చిన్న గ్రామానికి చెందిన అశోక్ శర్మ‌ను ఐపీఎల్ 2026 మినీ వేలంలో గుజరాత్ టైటాన్స్ రూ.90 లక్షలకు కొనుగోలు చేసింది. అశోక్‌ శర్మ తండ్రి హుకుమ్‌ చంద్‌ శర్మ.. రాజస్థాన్ పోలీస్ విభాగంలో సబ్ ఇన్‌స్పెక్టర్‌గా పనిచేస్తున్నారు. కొడుకును క్రికెటర్‌గా చూడాలనేది ఆయన కోరిక.తండ్రి ప్రోత్సాహంతో క్రికెటర్‌గా ఎదిగిన అశోక్ శర్మ.. సయ్యద్ ముస్తాక్ అలీ ట్రోఫీలో రాజస్థాన్ తరఫున సత్తా చాటి అందరి దృష్టిని ఆకర్షించాడు. గంటకు 150 కిలోమీటర్ల వేగంతో బంతులను సంధించడం అతని ప్రత్యేకత. కుడిచేతి వాటం పేసర్ అయిన అశోక్ శర్మ.. తనను తాను హార్డ్ లెంగ్త్ బౌలర్‌గా చెప్పుకుంటాడు.ముస్తాక్‌ అలీ ట్రోఫీతో వెలుగులోకిముస్తాక్ అలీ ట్రోఫీలో రాజస్థాన్ తరఫున 19 వికెట్లతో అల్లాడించాడు. 12.10 సగటు, 8.84 ఎకానమీతో టాప్ బౌలర్‌గా నిలిచాడు. అశోక్ శర్మ తొలినాళ్లలో రాజస్థాన్ రాయల్స్ జట్టులో నెట్ బౌలర్‌గా పనిచేసి అందరి దృష్టిని ఆకర్షించాడు. బంతిని రెండు వైపులా స్వింగ్ చేయడంలో ఇతనికి మంచి పట్టు ఉంది. 2022 వేలంలో కోల్‌కతా నైట్ రైడర్స్ ఇతడిని రూ. 55 లక్షలకు కొనుగోలు చేయగా, 2025లో రాజస్థాన్ రాయల్స్ జట్టులోకి వెళ్ళాడు. ఇక 2026 వేలంలో గుజరాత్ టైటాన్స్ రూ. 90 లక్షలు వెచ్చించి అశోక్‌ను సొంతం చేసుకుంది. ఇప్పటివరకు 11 టీ20 మ్యాచ్‌ల్లో 33 వికెట్లు పడగొట్టిన ఈ యువ స్పీడ్‌స్టర్, ఫస్ట్ క్లాస్ క్రికెట్‌లోనూ మంచి రికార్డును కలిగి ఉన్నాడు.Ashok Sharma clocks the fastest ball of the season🚄#AshokSharma #IPL2026 #GTvsRR pic.twitter.com/wfyPT9UeC7— CREX (@Crex_live) April 4, 2026చదవండి: రవి బిష్ణోయ్‌ అరుదైన రికార్డు!

ఐపీఎల్ 2026 సీజ‌న్‌లో రాజ‌స్తాన్ రాయ‌ల్స్ వ‌రుస‌గా రెండో విజ‌యాన్ని న‌మోదు చేసింది. శ‌నివారం గుజ‌రాత్ టైటాన్స్‌తో జ‌రిగిన మ్యాచ్ ఆఖ‌రి వ‌ర‌కు నువ్వా నేనా అన్న‌ట్లుగా సాగింది. అయితే మొద‌ట బ్యాటింగ్‌లో ధ్రువ్ జురేల్‌, జైస్వాల్ మెరిస్తే.. ఆ త‌ర్వాత బౌలింగ్‌లో ర‌వి బిష్ణోయ్‌, తుషార్ దేశ్‌పాండే సూప‌ర్ బౌలింగ్‌తో రాజ‌స్తాన్ థ్రిల్లింగ్ విజ‌యాన్ని అందుకుంది. మ్యాచ్‌లో నాలుగు వికెట్లు తీసిన బిష్ణోయ్‌ ప్లేయర్ ఆఫ్ ది మ్యాచ్ అవార్డు కూడా సొంతం చేసుకున్నాడు. గుజ‌రాత్ బ్యాట‌ర్లు సాయి సుద‌ర్శ‌న్‌, గ్లెన్ పిలిప్స్‌, వాషింగ్ట‌న్ సుంద‌ర్‌, రాహుల్ తెవాటియాలు ర‌వి బిష్ణోయ్‌ స్పిన్ ఉచ్చులో చిక్కుకున్నారు. అయితే గ్లెన్ పిలిప్స్ వికెట్ తీయ‌డం ద్వారా ర‌వి బిష్ణోయ్‌ టీ20 క్రికెట్‌లో 200 వికెట్ల మైలురాయిని చేరుకున్నాడు. అయితే భార‌త్ త‌ర‌ఫున‌ ఈ ఘ‌న‌త సాధించిన అత్యంత పిన్న వ‌య‌స్కుడిగా (25 ఏళ్ల 211 రోజులు) బిష్ణోయ్‌ నిలిచాడు. 171 మ్యాచ్‌ల్లో 200 వికెట్లు పూర్తి చేసుకున్నాడు. అంతేకాదు భార‌త్ త‌ర‌ఫున టీ20ల్లో 200 వికెట్లు తీసిన 19వ బౌల‌ర్‌గా, 9వ స్పిన్ బౌల‌ర్‌గా ర‌వి బిష్ణోయ్‌ రికార్డులకెక్కాడు. ఓవ‌రాల్‌గా చూసుకుంటే టీ20 క్రికెట్‌లో 200 వికెట్ల మైలురాయిని అందుకున్న అత్యంత పిన్న వ‌య‌స్కుడిగా ర‌షీద్ ఖాన్ (23 ఏళ్ల 119 రోజులు) పేరిట రికార్డు ఇప్ప‌టికీ ప‌దిలంగా ఉంది. ఇక ఐపీఎల్‌లో ప్ర‌స్తుతం రాజ‌స్తాన్‌కు ప్రాతినిధ్యం వ‌హించిన ర‌వి బిష్ణోయ్‌ గ‌త‌లో పంజాబ్ కింగ్స్‌, ల‌క్నో సూప‌ర్‌జెయింట్స్‌కు కూడా ఆడాడు. టీమిండియా త‌ర‌ఫున 44 టీ20లు ఆడిన ర‌వి బిష్ణోయ్‌ 64 వికెట్లు ప‌డ‌గొట్టాడు.మ్యాచ్ విష‌యానికి వ‌స్తే తొలుత బ్యాటింగ్ చేసిన రాజ‌స్తాన్ రాయ‌ల్స్ 20 ఓవ‌ర్ల‌లో 6 వికెట్ల న‌ష్టానికి 210 ప‌రుగులు చేసింది. జురేల్ (75), జైస్వాల్ (55) రాణించారు. అనంత‌రం క‌డ‌దాకా పోరాడిన గుజ‌రాత్ టైటాన్స్ 20 ఓవ‌ర్ల‌లో 8 వికెట్ల న‌ష్టానికి 204 ప‌రుగుల‌కు ప‌రిమిత‌మై 6 ప‌రుగుల తేడాతో పరాజ‌యం చ‌విచూసింది. View this post on Instagram A post shared by IPL (@iplt20)చదవండి: ‘ఆ తప్పిదం మా కొంపముంచింది’

ఐపీఎల్ 2026 సీజన్‌లో తొలిసారి థ్రిల్లింగ్ మ్యాచ్ జరిగింది. ఆఖరి వరకు నువ్వా నేనా అన్నట్లు సాగిన మ్యాచ్‌లో చివరకు రాజస్తాన్ రాయల్స్‌నే విజయం వరించింది. గుజరాత్ టైటాన్స్ సీజన్ వరుసగా రెండో ఓటమిని మూటగట్టుకున్నప్పటికీ తమ పోరాట పటిమతో అభిమానుల మనసులు గెలుచుకుంది. ఈ నేపథ్యంలో గిల్ స్థానంలో స్టాండింగ్ కెప్టెన్‌గా వ్యవహరించిన రషీద్ ఖాన్ మ్యాచ్ ఓటమిపై స్పందించాడు. రషీద్ ఖాన్ మాట్లాడుతూ.. ‘నిజానికి మేము మంచిగానే బౌలింగ్ చేశాం. తొలుత రాజస్తాన్ మరింత భారీ స్కోరు చేస్తుందని అనుకున్నాం. కానీ మా బౌలర్లు కట్టడి చేయడంతో 210 పరుగులకు కట్టడి చేశాం. ఆ తర్వాత బ్యాటింగ్‌లోనూ మంచి ఆరంభమే దక్కింది. ము‍ఖ్యంగా ఇద్దరు ఓపెనర్లు జట్టుకు శుభారంభాన్ని ఇచ్చారు. కానీ మిడిల్ ఓవర్లలో వరుస విరామాల్లో వికెట్లు కోల్పోవడంతో మ్యాచ్‌పై పట్టు కోల్పోయాం. అయితే భారీ టార్గెట్‌ను ఛేదించే క్రమంలో ఒత్తిడి ఉండడం సహజం. ఇలాంటి పిచ్‌పై ఓవ‌ర్‌కు 9-10 పరుగులు చేయడం కష్టమేమీ కాదు. బౌండరీలు ఈజీగా వచ్చాయి. అయితే మిడిల్ ఓవర్లలో వరుసగా కొన్ని వికెట్లు కోల్పోవడంతో ఆఖరి వరకు దూకుడును కొనసాగించలేకపోయాం. ప్రతి ఆటగాడికి ఒక స్వంత ప్రణాళిక ఉంటుంది. పిచ్ పరిస్థితులు, జట్టు అవసరాలను అర్థం చేసుకుని ఆడటం ముఖ్యం. ఇది టోర్నీ ఆరంభం మాత్రమే, మేం చేసిన తప్పుల నుంచి పాఠాలు నేర్చుకుని మరింత బలంగా తిరిగి వస్తాం. ఆఖరి ఓవర్ లో మా మధ్య (రబాడతో) జరిగిన సంభాషణ ఒక్కటే... మాకు కేవలం ఒక బౌండరీ అవసరమైంది. తుషార్ దేశ్‌పాండే అద్భుతమైన యార్కర్లు వేశాడు. అయితే అతను మిస్ చేసిన ఆ ఒక్క బంతిని నేను సిక్సర్‌గా మలచాల్సింది. ఇలాంటి సమయాల్లో ప్రశాంతంగా ఉండటం ముఖ్యం. ఇది సుదీర్ఘమైన టోర్నీ. మేం ఈ ఓటమి నుంచి పాఠాలు నేర్చుకుని తదుపరి మ్యాచ్‌లో రాణిస్తాం. మా రెగ్యులర్‌ కెప్టెన్‌ గిల్ తదుపరి మ్యాచ్‌కు అందుబాటులోకి వస్తాడు.’ అని రషీద్ ఖాన్ చెప్పుకొచ్చాడు.చదవండి: అంపైర్‌ తప్పిదం.. కసితీరా బాదిన ఆయుశ్‌!

ఐపీఎల్‌ 2026లో భాగంగా ఇవాళ (ఏప్రిల్‌ 4) రాత్రి (7:30 గంటలకు) జరిగిన మ్యాచ్‌లో గుజరాత్‌ టైటాన్స్‌పై రాజస్తాన్‌ రాయల్స్‌ 6 పరుగుల స్వల్ప తేడాతో గెలుపొందింది. చివరి బంతి వరకు ఉత్కంఠగా సాగిన ఈ సమరంలో గెలుపు ఇరు జట్ల మధ్య దోబూచులాడింది. తొలుత బ్యాటింగ్‌ చేసిన రాయల్స్‌ నిర్ణీత 20 ఓవర్లలో 6 వికెట్ల నష్టానికి 210 పరుగుల భారీ స్కోర్‌ చేయగా.. ఛేదనను దూకుడుగా ప్రారంభించిన గుజరాత్‌.. మధ్యలో ఒక్కసారిగా లయ తప్పి స్వల్ప వ్యవధిలో 6 వికెట్లు కోల్పోయింది. ఈ దశలో రబాడ, రషీద్‌ ఖాన్‌ గుజరాత్‌కు గెలుపుపై ఆశలు కలిగించి, ఆఖర్లో చేతులెత్తేశారు. చివరి ఓవర్‌లో వీరు గెలుపు కోసం శాయశక్తులా ప్రయత్నించినప్పటికీ.. తుషార్‌ దేశ్‌పాండే అద్భుతంగా బౌలింగ్‌ చేసి వీరిని కట్టడి చేశాడు. ఫలితంగా గుజరాత్‌ నిర్ణీత ఓవర్లలో 8 వికెట్ల నష్టానికి 204 పరుగులు చేసి, లక్ష్యానికి 7 పరుగుల దూరంలో ఆగిపోయింది. రాయల్స్‌ స్పిన్నర్‌ రవి బిష్ణోయ్‌ మధ్య ఓవర్లలో అద్భుతంగా బౌలింగ్‌ చేసి స్వల్ప వ్యవధిలో 4 వికెట్లతో గుజరాత్‌ నడ్డి విరిచాడు. ఫలితంగా గుజరాత్‌కు సొంతగడ్డపై పరాభవం తప్పలేదు.చెలరేగిన జురెల్‌, జైస్వాల్‌తొలుత బ్యాటింగ్‌లో ధృవ్‌ జురెల్‌ (75), యశస్వి జైస్వాల్‌ (55) అర్ద సెంచరీలతో చెలరేగడంతో రాయల్స్‌ భారీ స్కోర్‌ చేసింది. వైభవ్‌ సూర్యవంశీ (31) సైతం మెరుపులు మెరిపించి ఔటయ్యాడు. మిగతా ఆటగాళ్లలో రియాన్‌ పరాగ్‌ 4, హెట్‌మైర్‌ 18, డొనొవన్‌ ఫెరియెరా ఒక పరుగు చేసి ఔట్‌ కాగా.. రవీంద్ర జడేజా (7), జోఫ్రా ఆర్చర్‌ (1) అజేయంగా నిలిచారు. గుజరాత్‌ బౌలర్లలో రబాడ 2, సిరాజ్‌, అశోక్‌ శర్మ, ప్రసిద్ద్‌ కృష్ణ, రషీద్‌ ఖాన్‌ తలో వికెట్‌ తీశారు.రాయల్స్‌ను భయపెట్టిన సాయి సుదర్శన్‌భారీ ఛేదనను గుజరాత్‌ ఓపెనర్‌ ధాటిగా ప్రారంభించాడు. 44 బంతుల్లో 73 పరుగులు చేసి రాయల్స్‌ శిబిరంలో భయాన్ని రేకెత్తించాడు. అయితే ఇతను ఔటయ్యాక పరిస్థితి ఒక్కసారిగా తారుమారైంది. బిష్ణోయ్‌ దెబ్బకు గుజరాత్‌ మిడిలార్డర్‌ పేకమేడలా కూలింది. బట్లర్‌ (26), రషీద్‌ ఖాన్‌ (24), రబాడ (23 నాటౌట్‌) పోరాడి చేతులెత్తేశారు. రాయల్స్‌ బౌలర్లలో బిష్ణోయ్‌ 4, బర్గర్‌, తుషార్‌ దేశ్‌పాండే, రియాన్‌ పరాగ్‌ తలో వికెట్‌ తీశారు.

ఐపీఎల్‌ ద్వారా మరో భారత టాలెంట్‌ బయటపడింది. 2026 ఎడిషన్‌లో భాగంగా ఇవాళ (ఏప్రిల్‌ 4) రాత్రి (7:30 గంటలకు) ప్రారంభమైన మ్యాచ్‌లో ఓ అద్భుతం జరిగింది. రాజస్థాన్‌ రాయల్స్‌తో జరుగుతున్న మ్యాచ్‌లో గుజరాత్‌ టైటాన్స్‌కు చెందిన అనామక బౌలర్‌ అశోక్‌ శర్మ నిప్పులు చెరిగాడు. ఊహించని విధంగా గంటకు 154 కిమీ వేగంతో బౌలింగ్‌ చేశాడు. ఐపీఎల్‌ 2026లో ఇప్పటివరకు ఇదే అత్యంత వేగవంతమైన బంతిగా రికార్డైంది. రాజస్థాన్‌ ఇన్నింగ్స్‌ 16వ చివరి బంతికి అశోక్‌ మెరుపు వేగంతో బంతిని సంధించాడు. ఈ బంతిని ఎదుర్కొన్న ధృవ్‌ జురెల్‌ పరుగు సాధించలేకపోయాడు.ప్రస్తుత సీజన్‌లో అశోక్‌ శర్మ తర్వాత అత్యంత వేగవంతమైన బంతి లక్నో సూపర్‌ జెయింట్స్‌ బౌలర్‌ అన్రిచ్‌ నోర్జే (150.9) పేరిట ఉంది. ఆతర్వాతి స్థానాల్లో కార్తీక్‌ త్యాగి (149.7), రబాడ (149.1), ఓవర్టన్‌ (145.6) ఉన్నారు.ఓవరాల్‌గా ఐపీఎల్‌ చరిత్రలో అత్యంత వేగవంతమైన బంతి షాన్‌ టైట్‌ పేరిట ఉంది. 2011 ఎడిషన్‌లో ఇతను రాజస్థాన్‌ రాయల్స్‌కు ఆడుతూ ఢిల్లీ డేర్‌ డెవిల్స్‌పై ఈ ఘనత సాధించాడు. ఐపీఎల్‌ చరిత్రలో టాప్‌-5 వేగవంతమైన బంతులు ఇలా ఉన్నాయి.157.71 కిమీ/గం - షాన్ టైట్ (2011)157.4 కిమీ/గం - గెరాల్డ్ కోయెట్జీ (2024)157.3 కిమీ/గం - లాకీ ఫెర్గూసన్ (2022)157.0 కిమీ/గం - ఉమ్రాన్ మాలిక్ (2022)156.22 కిమీ/గం - అన్రిచ్ నోర్ట్జే (2020)మ్యాచ్‌ విషయానికొస్తే.. టాస్‌ గెలిచి తొలుత బ్యాటింగ్‌ చేసిన రాజస్థాన్‌ రాయల్స్‌ నిర్ణీత 20 ఓవర్లలో 6 వికెట్ల నష్టానికి 210 పరుగుల భారీ స్కోర్‌ చేసింది. జురెల్‌ (75), జైస్వాల్‌ (55) అర్ద సెంచరీలతో రాణించగా.. వైభవ్‌ సూర్యవంశీ (31) పర్వాలేదనిపించాడు. మిగతా ఆటగాళ్లలో రియాన్‌ పరాగ్‌ 4, హెట్‌మైర్‌ 18, డొనొవన్‌ ఫెరియెరా ఒక పరుగు చేసి ఔట్‌ కాగా.. రవీంద్ర జడేజా (7), జోఫ్రా ఆర్చర్‌ (1) అజేయంగా నిలిచారు. గుజరాత్‌ బౌలర్లలో రబాడ 2, సిరాజ్‌, అశోక్‌ శర్మ, ప్రసిద్ద్‌ కృష్ణ, రషీద్‌ ఖాన్‌ తలో వికెట్‌ తీశారు.అనంతరం భారీ లక్ష్య ఛేదనను గుజరాత్‌ కూడా ధాటిగానే ప్రారంభించింది. 7.1 ఓవర్లలోనే ఆ జట్టు వికెట్‌ నష్టపోకుండా 71 పరుగులు చేసింది. సాయి సుదర్శన్‌ (47) చెలరేగి ఆడుతున్నాడు. అతనికి కుమార్‌ కుషాగ్రా (18) అండగా ఉన్నాడు.

గుజరాత్‌పై రాయల్స్‌ గెలుపుఉత్కంఠగా సాగిన పోరులో గుజరాత్‌పై రాయల్స్‌ 6 పరుగుల తేడాతో గెలుపొందింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన రాయల్స్‌ నిర్ణీత 20 ఓవర్లలో 6 వికెట్ల నష్టానికి 210 పరుగులు చేయగా.. గుజరాత్‌ 20 ఓవర్లలో 8 వికెట్ల నష్టానికి 204 పరుగులు చేసి లక్ష్యానికి 7 పరుగుల దూరంలో నిలిచిపోయింది. స్వల్ప వ్యవధిలో 6 వికెట్లు కోల్పోయిన గుజరాత్‌106 పరుగుల వరకు కేవలం ఒక్క వికెట్‌ మాత్రమే కోల్పోయి గెలుపు దిశగా సాగిన గుజరాత్‌.. స్వల్ప వ్యవధిలో 6 వికెట్లు కోల్పోయి ఓటమి బాట పట్టింది. రవి బిష్ఱోయ్‌ (3-0-31-4) ఒక్కసారిగా చెలరేగి గుజరాత్‌ను దెబ్బకొట్టాడు. 15 ఓవర్ల తర్వాత గుజరాత్‌ స్కోర్‌ 161-7గా ఉంది. రెండో వికెట్‌ కోల్పోయిన గుజరాత్‌10.4వ ఓవర్‌- 107 పరుగుల వద్ద గుజరాత్‌ రెండో వికెట్‌ కోల్పోయింది. రవి బిష్ణోయ్‌ బౌలింగ్‌లో తుషార్‌ దేశ్‌పాండేకు క్యాచ్‌ ఇచ్చి సాయి సుదర్శన్‌ (73) ఔటయ్యాడు. తొలి వికెట్‌ కోల్పోయిన గుజరాత్‌211 పరుగుల భారీ లక్ష్య ఛేదనలో గుజరాత్‌ 8వ ఓవర్‌ చివరి బంతికి తొలి వికెట్‌ కోల్పోయింది. రియాన్‌ పరాగ్‌ బౌలింగ్‌లో హెట్‌మైర్‌కు క్యాచ్‌ ఇచ్చి కుమార్‌ కుషాగ్రా (18) ఔటయ్యాడు.ధాటిగా ఆడుతున్న సాయి సుదర్శన్‌భారీ లక్ష్య ఛేదనను గుజరాత్‌ కూడా ధాటిగానే ప్రారంభించింది. 7.1 ఓవర్లలోనే ఆ జట్టు వికెట్‌ నష్టపోకుండా 71 పరుగులు చేసింది. సాయి సుదర్శన్‌ (47) చెలరేగి ఆడుతున్నాడు. అతనికి కుమార్‌ కుషాగ్రా (18) అండగా ఉన్నాడు. రాయల్స్‌ భారీ స్కోర్‌టాస్‌ గెలిచి తొలుత బ్యాటింగ్‌ చేసిన రాజస్థాన్‌ రాయల్స్‌ నిర్ణీత 20 ఓవర్లలో 6 వికెట్ల నష్టానికి 210 పరుగుల భారీ స్కోర్‌ చేసింది.జురెల్‌ (75), జైస్వాల్‌ (55) అర్ద సెంచరీలతో రాణించగా.. వైభవ్‌ సూర్యవంశీ (31) పర్వాలేదనిపించాడు. నాలుగో వికెట్‌ కోల్పోయిన రాయల్స్‌15.3వ ఓవర్‌- 165 పరుగుల వద్ద రాయల్స్‌ నాలుగో వికెట్‌ కోల్పోయింది. అశోక్‌ శర్మ బౌలింగ్‌లో సిరాజ్‌కు క్యాచ్‌ ఇచ్చి హెట్‌మైర్‌ (18) ఔటయ్యాడు. జైస్వాల్‌ (55) ఔట్‌12.3వ ఓవర్‌-126 పరుగుల వద్ద రాయల్స్‌ రెండో వికెట్‌ కోల్పోయింది. రబాడ బౌలింగ్‌లో యశస్వి జైస్వాల్‌ క్లీన్‌ బౌల్డ్‌ అయ్యాడు. జురెల్‌కు (31) జతగా రియాన్‌ పరాగ్‌ క్రీజ్‌లోకి వచ్చాడు. వైభవ్‌ సూర్యవంశీ (31) ఔట్‌6.2వ ఓవర్‌- 70 పరుగుల వద్ద రాయల్స్‌ తొలి వికెట్‌ కోల్పోయింది. రషీద్‌ ఖాన్‌ బౌలింగ్‌లో గ్లెన్‌ ఫిలిప్స్‌కు క్యాచ్‌ ఇచ్చి వైభవ్‌ సూర్యవంశీ ఔటయ్యాడు. ధాటిగా ఆడుతున్న జైస్వాల్‌, సూర్యవంశీటాస్‌ గెలిచి బ్యాటింగ్‌ ఎంచుకున్న రాయల్స్‌ ధాటిగా ఆడుతుంది. పవర్‌ ప్లేలో (తొలి 6 ఓవర్లలో) ఆ జట్టు 69 పరుగులు చేసింది. ఓపెనర్లు యశస్వి జైస్వాల్‌ (35), వైభవ్‌ సూర్యవంశీ (31) చెలరేగి ఆడుతున్నారు.టాస్‌ గెలిచి బ్యాటింగ్‌ ఎంచుకున్న రాయల్స్‌ఐపీఎల్‌ 2026లో భాగంగా ఇవాళ (ఏప్రిల్‌ 4) రాత్రి జరుగుతున్న మ్యాచ్‌లో రాజస్థాన్‌ రాయల్స్‌, గుజరాత్‌ టైటాన్స్‌ తలపడుతున్నాయి. ఈ మ్యాచ్‌లో రాయల్స్‌ కెప్టెన్‌ రియాన్‌ పరాగ్‌ టాస్‌ గెలిచి బ్యాటింగ్‌ ఎంచుకున్నాడు. ఈ మ్యాచ్‌కు వేదిక అయిన నరేంద్ర మోదీ స్టేడియం బ్యాటింగ్‌కు అనుకూలించనుండటమే రియాన్‌ నిర్ణయానికి కారణం. ఈ మ్యాచ్‌కు గుజరాత్‌ కెప్టెన్‌ శుభ్‌మన్‌ గిల్‌ దూరంగా ఉన్నాడు. గాయం కారణంగా అతను ఈ మ్యాచ్‌ ఆడటం లేదు. గిల్‌ స్థానంలో రషీద్‌ ఖాన్‌ టాస్‌కు వచ్చాడు. ఈ మ్యాచ్‌ కోసం రాయల్స్‌ రెండు మార్పులు చేసింది. బ్రిజేష్‌ శర్మ స్థానంలో తుషార్‌ దేశ్‌పాండే.. రవి బిష్ణోయ్‌ స్థానంలో శుభమ్‌ దూబే జట్టులోకి వచ్చారు. గుజరాత్‌ విషయానికొస్తే.. గిల్‌ స్థానంలో కుమార్‌ కుషాగ్రా తన తొలి మ్యాచ్‌ ఆడనున్నాడు. మిగతా జట్టంతా యధాతథంగా కొనసాగుతుంది. తుది జట్లు..గుజరాత్ టైటాన్స్: కుమార్ కుషాగ్రా, సాయి సుదర్శన్, జోస్ బట్లర్(w), గ్లెన్ ఫిలిప్స్, వాషింగ్టన్ సుందర్, రాహుల్ తెవాటియా, రషీద్ ఖాన్(c), కగిసో రబడ, అశోక్ శర్మ, మహమ్మద్ సిరాజ్, ప్రసిద్ధ కృష్ణఇంపాక్ట్ సబ్స్‌: షారుక్ ఖాన్, జాసన్ హోల్డర్, మానవ్ సుతార్, అనుజ్ రావత్, జయంత్ యాదవ్రాజస్థాన్ రాయల్స్: యశస్వి జైస్వాల్, వైభవ్ సూర్యవంశీ, ధ్రువ్ జురెల్(w), రియాన్ పరాగ్(c), షిమ్రాన్ హెట్మెయర్, డోనోవన్ ఫెరీరా, రవీంద్ర జడేజా, జోఫ్రా ఆర్చర్, నాంద్రే బర్గర్, తుషార్ దేశ్‌పాండే, సందీప్ శర్మఇంపాక్ట్ సబ్స్: రవి బిష్ణోయ్, లువాన్-డ్రే ప్రిటోరియస్, సుశాంత్ మిశ్రా, బ్రిజేష్ శర్మ, రవి సింగ్

గుజరాత్‌ టైటాన్స్‌ స్టార్‌ బ్యాటర్‌ జోస్‌ బట్లర్‌.. రాజస్తాన్‌ రాయల్స్‌ సంచలనం వైభవ్ సూర్యవంశీపై ప్రశంసల వర్షం కురిపించాడు. రాబోయే దశాబ్దంలో వైభవ్ ప్రపంచ క్రికెట్‌ను శాసించే అవకాశముందని జోస్యం చెప్పాడు. 15 ఏళ్ల సూర్యవంశీ ఆటతీరుకు తాను ముగ్దుడినయ్యానని బట్లర్ పేర్కొన్నాడు. ఇవాళ గుజరాత్‌ టైటాన్స్‌, రాజస్తాన్‌ రాయల్స్‌ మధ్య మ్యాచ్‌ జరగనున్న నేపథ్యంలో బట్లర్‌ సూర్యవంశీతో సరదాగా సంభాషించిన వీడియోను రాజస్తాన్‌ యాజమాన్యం షేక్‌ చేసుకుంది. వీడియోలో బట్లర్ మాట్లాడుతూ.. ‘నేను చూసిన అత్యుత్తమ ఆటగాళ్లలో వైభవ్ ఒకడు. వైభవ్‌కు 21 లేదా 25 ఏళ్లు వచ్చేసరికి ప్రపంచం అతని పాదాల చెంత ఉంటుంది. అండర్-19 ప్రపంచకప్ ఫైనల్లో మీరు మా ఇంగ్లండ్ జట్టు హృదయాన్ని ముక్కలు చేశారు. హరారే వేదికగా జరిగిన ఫైనల్‌ మ్యాచ్‌లో నువ్వు ఆడిన 175 పరుగుల ప్రపంచ రికార్డు ఇన్నింగ్స్‌ ఇప్పటికీ నా కళ్ల ముందు కదలాడుతూనే ఉంది. ఆరోజు నువ్వు చాలా బాగా ఆడావు. నీ ఆట చాలా బాగుంది. ఇదే స్వేచ్ఛతో కష్టపడి ఆడే తత్వాన్ని కొనసాగించు. భవిష్యత్తులో నువ్వు గొప్ప క్రికెటర్‌ అవుతావు. అందులో ఎలాంటి సందేహం లేదు.’ వైభవ్‌ను పొగడ్తల్లో ముంచడంతో పాటు విలువైన సూచనలు కూడా ఇచ్చాడు. ఐపీఎల్ చరిత్రలోనే అత్యంత పిన్న వయసులో సెంచరీ చేసిన ఆటగాడిగా వైభవ్ సూర్యవంశీ రికార్డు సృష్టించాడు. ఈ సీజన్‌లో చెన్నై సూపర్ కింగ్స్‌తో జరిగిన మ్యాచ్‌లో కేవలం 17 బంతుల్లోనే 52 పరుగులు చేసి జట్టు విజయంలో కీలక పాత్ర పోషించాడు. మరోవైపు బట్లర్ పంజాబ్ కింగ్స్‌తో జరిగిన మ్యాచ్‌లో 33 బంతుల్లో 38 పరుగులు చేశాడు. ఐపీఎల్‌లో ఇప్పటివరకు 122 మ్యాచ్‌లు ఆడిన బట్లర్, దాదాపు 40 సగటుతో, 149 స్ట్రైక్ రేట్‌తో 4,158 పరుగులు చేశాడు. బట్లర్‌ ఫామ్‌పై విమర్శలు వస్తున్న వేళ ఒక్క ఇన్నింగ్స్‌తో వాటికి సమాధానం చెబుతాడేమో చూడాలి.Two generations of the Royals 💗🥹 pic.twitter.com/d8y76RbGaT— Rajasthan Royals (@rajasthanroyals) April 3, 2026చదవండి: పంజాబ్ సిక్సర్ల మోత వెనుక ర‌హ‌స్య‌మిదే!

న్యూఢిల్లీ: ఐపీఎల్‌ సీజన్‌లో తొలి ‘డబుల్‌ హెడర్‌’కు రంగం సిద్ధమైంది. ఢిల్లీలో జరిగే పోరులో ముంబై ఇండియన్స్‌తో ఢిల్లీ క్యాపిటల్స్‌ తలపడనుండగా... అహ్మదాబాద్‌లో జరిగే మ్యాచ్‌లో రాజస్తాన్‌ రాయల్స్‌ను గుజరాత్‌ టైటాన్స్‌ ఎదుర్కొంటుంది. తమ తొలి మ్యాచ్‌ల్లో నెగ్గి ముంబై, ఢిల్లీ జోరు మీదుండగా ... సొంత మైదానంలో లీగ్‌లో బోణీ చేయాలని గుజరాత్‌ పట్టుదలగా ఉంది. లక్నోతో జరిగిన మ్యాచ్‌లో ఢిల్లీ అదృష్టవశాత్తూ ఓటమి నుంచి తప్పించుకుంది. 142 పరుగుల ఛేదనలో 26/4తో కష్టాల్లో ఉన్న సమయంలో రిజ్వీ, స్టబ్స్‌ పట్టుదలగా ఆడి గెలిపించారు. ఈ నేపథ్యంలో టాపార్డర్‌ నుంచి జట్టు మంచి ప్రదర్శనను ఆశిస్తోంది. మరోవైపు కోల్‌కతాపై 221 పరుగుల లక్ష్యాన్ని అవలీలగా ఛేదించిన ముంబై అదే దూకుడును కొనసాగించాలని భావిస్తోంది. రికెల్టన్, రోహిత్, సూర్య, తిలక్, పాండ్యాలతో టాప్‌–5 బ్యాటింగ్‌ పటిష్టంగా ఉంది. గుజరాత్‌ బోణీ చేసేనా! తొలి మ్యాచ్‌లో చెన్నైని చిత్తు చేసిన ఉత్సాహంతో రాజస్తాన్‌ రెండో పోరుకు సై అంటోంది. ముఖ్యంగా వైభవ్‌ సూర్యవంశీ విధ్వంసాన్ని అడ్డుకోవడమే గుజరాత్‌కు కీలకం కానుంది. సొంత మైదానంలో విజయంతో ఖాతా తెరవాలని ఆశిస్తున్న టైటాన్స్‌ తుది జట్టులో ఎలాంటి మార్పూ చేయకపోవచ్చు. గత పోరులో ఫలితం ప్రతికూలంగా వచి్చనా...టాప్‌–4 బ్యాటర్లు గిల్, సుదర్శన్, బట్లర్, ఫిలిప్స్‌పైనే జట్టు ఆధారపడి ఉంది.

ఐపీఎల్ 2026 సీజ‌న్‌లో పంజాబ్ కింగ్స్ శుభారంభం చేసింది. మంగ‌ళ‌వారం గుజ‌రాత్ టైటాన్స్‌తో జ‌రిగిన మ్యాచ్‌లో పంజాబ్ 3 వికెట్ల తేడాతో విజ‌యం సాధించింది. ఈ నేప‌థ్యంలో మ్యాచ్ ముగిసిన అనంత‌రం పంజాబ్ కింగ్స్ కెప్టెన్ శ్రేయ‌స్ అయ్య‌ర్ స్పందించాడు. మ్యాచ్‌ హీరో కచ్చితంగా కూపర్‌ కనోలీనేనని, అతడి వల్లే ఈ గెలుపు సాధ్యమైందన్నాడు. అయితే గుజరాత్‌ కెప్టెన్‌ గిల్‌పై శ్రేయస్‌ ప్రశంసలు కురిపించడం ఆసక్తిగా మారింది. శ్రేయ‌స్ మాట్లాడుతూ..‘నా చేతికి స్పల్ప గాయమైంది. పెద్దది అవ్వొద్దని గట్టిగా కోరుకున్నా. ప్రస్తుతం అంతా బాగుంది. గాయం తీవ్రత కూడా పెద్దగా లేదు. అయితే ఈ మ్యాచ్‌లో హీరో మాత్రం కూపర్ కనోలీనే. అద్భుతమైన టెక్నిక్‌తో మ్యాచ్ ఆడాడు. కనోలీ బాదిన కొన్ని షాట్లు మాత్రం అద్భుతం. డ్రెస్సింగ్ రూమ్‌కి వెళ్లి చేతి గాయానికి ఐస్ పెట్టుకునే లోపే టపాటపా వికెట్లు పడిపోయాయి. క్రికెట్‌లో ఇలాంటి పరిస్థితులు సహజం. ఏం జరిగినా పోరాటం ఆపొద్దు. కనోలీ అదే చేశాడు. ప్రశాంతంగా ఆడుతూ జట్టుకు విజయాన్ని అందించాడు. అర్ష్‌దీప్ సింగ్ వచ్చి బంతి కాస్త ఆగి వస్తోందని చెప్పాడు. అందుకే మేం బంతిని వీలైనంత త్వరగా పాతబడేలా చేయడానికి ప్రయత్నించాం. విజయ్ కుమార్ వైశాఖ్ గత సీజన్ ఫామ్‌ను కొనసాగిస్తున్నాడు. అతడు బిగ్ మ్యాచ్ ప్లేయర్. అయితే నేను బ్యాటింగ్ చేసే సమయంలో షార్ట్ లెగ్ ఫీల్డర్‌ను చూసి షాకయ్యాను. ఇంతకుముందు ఏ కెప్టెన్ ఇలాంటి నిర్ణయం తీసుకోవడం నేను చూడలేదు. ఈ విషయాన్ని గిల్‌తో కూడా చెప్పాను. శుభ్‌మన్ గిల్ ఇలాంటి అటాకింగ్ ఫీల్డింగ్ సెట్ చేయడం బాగుంది’ అని అయ్యర్‌ చెప్పుకొచ్చాడు.చదవండి: ఇట‌లీకి షాక్‌.. ఫిపా ప్ర‌పంచ‌క‌ప్‌కు అన‌ర్హ‌త‌

టీ20 క్రికెట్‌లో విధ్వంసకర బ్యాటర్లలో ఒకడిగా గుర్తింపు...ఇంగ్లండ్‌కు టి20 వరల్డ్‌ కప్‌ అందించిన కెప్టెన్‌ ... ఐపీఎల్‌లో ఏడు సెంచరీలు సహా నాలుగు వేలకు పైగా పరుగులు, ఏడు సీజన్ల పాటు రాజస్తాన్‌ రాయల్స్‌ విజయాల్లో కీలక పాత్ర... గత ఏడాది కూడా గుజరాత్‌ తరఫున 163 స్ట్రయిక్‌ రేట్‌తో 538 పరుగులు... కానీ ఇప్పుడు జోస్‌ బట్లర్‌ ఒక్కో పరుగు కోసం శ్రమిస్తున్నాడు. బౌండరీలు కాదు కదా సింగిల్‌ తీయడమే కష్టంగా మారిపోయింది. తనపై వస్తున్న విమర్శలకు బట్లర్‌ ఒక్క ఇన్నింగ్స్‌తో సమాధానం చెప్తాడేమో చూడాలి..ఇటీవల టీ20 ప్రపంచకప్‌లోనూ బట్లర్‌ పేలవ ప్రదర్శన చేశాడు. 8 ఇన్నింగ్స్‌లలో కలిపి కేవలం 87 పరుగులే చేసిన బట్లర్‌ ఐదుసార్లు సింగిల్‌ డిజిట్‌కే పరిమితమయ్యాడు. నిజానికి రెండేళ్లుగా అంతర్జాతీయ క్రికెట్‌లో బట్లర్‌ ఆట ఏమాత్రం బాగా లేదు. గత నాలుగు ఐసీసీ టోర్నీల్లో కలిపి (రెండు టీ20 ప్రపంచకప్‌లు, వన్డే వరల్డ్‌కప్, చాంపియన్స్‌ ట్రోఫీ) ఇంగ్లండ్‌ తరఫున 28 ఇన్నింగ్స్‌లలో బట్లర్‌ ఒకే ఒక అర్ధసెంచరీ చేయడం చూస్తేనే పరిస్థితి అర్థమవుతుంది. అయితే ఐపీఎల్‌కు వచ్చేసరికి అన్నీ వెనక్కి తోసి మళ్లీ ఫామ్‌లోకి వచ్చి చెలరేగుతాడని ఆశించిన టైటాన్స్‌కు తొలి మ్యాచ్‌లోనే నిరాశ ఎదురైంది. పంజాబ్‌తో మ్యాచ్‌లో క్రీజ్‌లో ఉన్నంత సేపు బట్లర్‌ చాలా ఇబ్బందిగా కనిపించాడు. అసలు ఏమాత్రం సాధికారికంగా ఆడలేకపోయాడు. తన తొలి 30 బంతుల్లో అతను 11 డాట్‌ బాట్స్‌ ఆడాడు. ఆ తర్వాత లెక్క సరి చేసేందుకు అతను చాలా శ్రమించాడు. స్వీప్, రివర్స్‌ స్వీప్‌లు ప్రయత్నించినా ఆశించిన ఫలితం మాత్రం రాలేదు. చివరకు చహల్‌ బౌలింగ్‌లో వరుసగా రెండు డాట్‌ బాల్స్‌ తర్వాత అసహనంతో భారీ షాట్‌కు ప్రయత్నించి వెనుదిరిగాడు. కేవలం 115.15 స్ట్రయిక్‌రేట్‌తో ఇన్నింగ్స్‌ ముగించడం బట్లర్‌ స్థాయికి సరిపోదని క్రికెట్‌ ఫ్యాన్స్‌ వాపోయారు.2022లో ఆరెంజ్‌ క్యాప్‌..2022 ఐపీఎల్‌ సీజన్‌లో రాజస్తాన్‌ రాయల్స్‌ ప్లేఆఫ్స్‌ చేరడంలో బట్లర్‌ కీలక పాత్ర పోషించాడు. ఆ సీజన్‌లో ఓపెనర్‌గా వచ్చిన బట్లర్‌ ప్రత్యర్థి బౌలర్లను ఊచకోత కోశాడు. 868 పరుగులు చేసిన బట్లర్‌ ఆ సీజన్‌లో అత్యధిక పరుగులు సాధించి ఆరెంజ్‌ క్యాప్‌ సొంతం చేసుకున్నాడు. అంతేకాదు ఒకే సీజన్‌లో నాలుగు సెంచరీలు బాదిన బట్లర్‌ ఈ ఘనత సాధించిన తొలి విదేశీ ఆటగాడిగా, ఐపీఎల్‌ చరిత్రలో రెండో ప్లేయర్‌గా చరిత్ర సృష్టించాడు. 2023, 2024 సీజన్లలోనూ బట్లర్‌ రాజస్తాన్‌ రాయల్స్‌ తరఫునే ప్రాతినిధ్యం వహించాడు. అయితే 2025 మెగావేలంలో బట్లర్‌ను దక్కించుకునేందుకు రాజస్తాన్‌, గుజరాత్‌ టైటాన్స్‌ పోటీ పడ్డాయి. చివరకు బట్లర్‌ను గుజరాత్‌ టైటాన్స్‌ రూ. 15.06 కోట్లకు కొనుగోలు చేసింది. గత సీజన్‌లో గుజరాత్‌ తరఫున 14 మ్యాచ్‌ల్లో 538 పరుగులు సాధించాడు. లెక్క సరిచేయాలి..కానీ ఈ సీజన్‌లో మాత్రం బట్లర్‌ బ్యాట్‌ మూగబోయినట్లుగా అనిపిస్తుంది. ఈ సీజన్‌లో తొలి మ్యాచ్‌ అయినప్పటికీ బట్లర్‌ ఆడిన తీరు అతడు ఫామ్‌లేమితో సతమత మవుతున్నట్లు అర్థమవుతుంది. తనపై వస్తున్న విమర్శలకు చెక్‌ పెట్టేందుకు బట్లర్‌కు ఒక్క ఇన్నింగ్స్‌ చాలు. రాబోయే మ్యాచ్‌ల్లో బట్లర్‌ మెరవాలని కోరుకుందాం. చదవండి: చెన్నై ఓటమి వెనుక తప్పులెన్నో!

గుజరాత్‌ టైటాన్స్‌తో మ్యాచ్‌లో 163 పరుగుల విజయలక్ష్యం.... పంజాబ్‌ ఒకదశలో 11 ఓవర్లలో 110/2... మిగిలిన 48 బంతుల్లో మరో 53 పరుగులు అంటే అలవోకగా ఛేదించవచ్చు... కానీ ఇక్కడ జట్టు అనూహ్యంగా తడబడింది. 16 బంతుల వ్యవధిలో జట్టు 4 వికెట్లు కోల్పోవడంతో ఒక్కసారిగా ఉత్కంఠ పెరిగింది. అయితే ఈ మ్యాచ్‌తోనే ఐపీఎల్‌లో అరంగేట్రం చేసిన ఆ్రస్టేలియన్‌ కూపర్‌ కనోలీ పట్టుదలగా నిలబడ్డాడు. ఒత్తిడిని అధిగమిస్తూ చివరి వరకు నిలబడి ఒంటి చేత్తో గెలిపించాడు. అంతకుముందు పంజాబ్‌ పదునైన బౌలింగ్‌ ముందు నిలవలేక గుజరాత్‌ సాధారణ స్కోరుకే పరిమితమైంది. న్యూ చండీగఢ్‌: ఐపీఎల్‌లో మూడు ఏకపక్ష మ్యాచ్‌ల తర్వాత ఉత్కంఠభరిత పోరు జరిగింది. మంగళవారం చివరి వరకు ఆసక్తికరంగా సాగిన మ్యాచ్‌లో పంజాబ్‌ కింగ్స్‌ 3 వికెట్ల తేడాతో గుజరాత్‌ టైటాన్స్‌పై విజయం సాధించింది. టాస్‌ ఓడి ముందుగా బ్యాటింగ్‌కు దిగిన గుజరాత్‌ 20 ఓవర్లలో 6 వికెట్ల నష్టానికి 162 పరుగులు చేసింది. శుబ్‌మన్‌ గిల్‌ (27 బంతుల్లో 39; 6 ఫోర్లు), జోస్‌ బట్లర్‌ (33 బంతుల్లో 38; 3 ఫోర్లు, 2 సిక్స్‌లు) ఫర్వాలేదనిపించారు. అనంతరం పంజాబ్‌ 19.1 ఓవర్లలో 7 వికెట్లకు 165 పరుగులు సాధించింది. ‘ప్లేయర్‌ ఆఫ్‌ ద మ్యాచ్‌’ కూపర్‌ కనోలీ (44 బంతుల్లో 72 నాటౌట్‌; 5 ఫోర్లు, 5 సిక్స్‌లు) చెలరేగగా, ప్రభ్‌సిమ్రన్‌ సింగ్‌ (24 బంతుల్లో 37; 1 ఫోర్, 4 సిక్స్‌లు) రాణించాడు. బ్యాటింగ్‌ వైఫల్యం! బార్ట్‌లెట్‌ ఓవర్లో గిల్‌ మూడు ఫోర్లు కొట్టి ధాటిని ప్రదర్శించగా, మరో ఓపెనర్‌ సాయిసుదర్శన్‌ (13) ఎక్కువసేపు నిలవలేకపోయాడు. బట్లర్‌ కూడా ఆశించిన స్థాయిలో దూకుడుగా ఆడకపోవడంతో పవర్‌ప్లేలో గుజరాత్‌ 54 పరుగులే చేయగలిగింది. ఇందులో ఒక్క సిక్స్‌ కూడా లేకపోవడం విశేషం. ఆ తర్వాత చహల్‌ బౌలింగ్‌లో స్లాగ్‌ స్వీప్‌కు ప్రయత్నించి గిల్‌ వెనుదిరగ్గా, గ్లెన్‌ ఫిలిప్స్‌ (17 బంతుల్లో 25; 1 ఫోర్, 1 సిక్స్‌) కూడా ఎక్కువసేపు నిలవలేదు. 16వ ఓవర్‌ వరకు క్రీజ్‌లో ఉన్నా బట్లర్‌ ప్రభావం కనిపించలేదు. చివరి 4 ఓవర్లలో టైటాన్స్‌ కేవలం 2 ఫోర్లతో 31 పరుగులే రాబట్టగలిగిందంటే పరిస్థితి అర్థం చేసుకోవచ్చు. మిడిలార్డర్‌లో వాషింగ్టన్‌ సుందర్‌ (18), షారుఖ్‌ ఖాన్‌ (4) కూడా విఫలమయ్యారు. రాణించిన ప్రభ్‌సిమ్రన్‌... ఛేదనలో ఆరంభంలోనే ప్రియాన్‌‡్ష ఆర్య (7) వెనుదిరిగినా... ప్రభ్‌ సిమ్రన్‌ సిక్సర్లతో చెలరేగాడు. రబాడ ఓవర్లో వరుసగా రెండు సిక్స్‌లు కొట్టిన అతను, సుందర్‌ బౌలింగ్‌లో మరో రెండు భారీ సిక్స్‌లు బాదాడు. అయితే కీలక సమయంలో గుజరాత్‌ కట్టుదిట్టమైన బౌలింగ్‌తో వరుస వికెట్లు తీసి పంజాబ్‌పై ఒత్తిడి పెంచింది. కానీ కనోలీ పోరాటంతో మ్యాచ్‌ పంజాబ్‌ వశమైంది. అశోక్‌ అరంగేట్రం... రాజస్తాన్‌కు చెందిన 23 ఏళ్ల అశోక్‌ శర్మ ఈ మ్యాచ్‌తోనే ఐపీఎల్‌లో అడుగు పెట్టాడు. దేశవాళీ క్రికెట్‌లో నిలకడగా గంటకు 150 కిలోమీటర్లకు పైగా వేగంతో బౌలింగ్‌ చేసే ఫాస్ట్‌ బౌలర్‌గా గుర్తింపు పొందాడు. ఇటీవల సయ్యద్‌ ముస్తాక్‌ అలీ ట్రోఫీలో కేవలం 15.63 సగటుతో 22 వికెట్లు పడగొట్టి టోర్నీ టాపర్‌గా నిలిచాడు. ఐపీఎల్‌లో 2022లో కోల్‌కతా, 2025లో రాజస్తాన్‌ జట్లలో ఉన్నా ఒక్క మ్యాచ్‌ కూడా ఆడే అవకాశం రాలేదు. స్కోరు వివరాలు గుజరాత్‌ టైటాన్స్‌ ఇన్నింగ్స్‌: సుదర్శన్‌ (సి) అయ్యర్‌ (బి) యాన్సెన్‌ 13; గిల్‌ (సి) కనోలీ (బి) చహల్‌ 39; బట్లర్‌ (సి) బార్ట్‌లెట్‌ (బి) చహల్‌ 38; ఫిలిప్స్‌ (సి) యాన్సెన్‌ (బి) వైశాక్‌ 25; సుందర్‌ (సి) అర్ష్‌దీప్‌ (బి) వైశాక్‌ 18, షారుఖ్‌ (సి) అర్ష్‌దీప్‌ (బి) వైశాక్‌ 4; తెవాటియా (నాటౌట్‌) 11; రషీద్‌ (నాటౌట్‌) 0; ఎక్స్‌ట్రాలు 14; మొత్తం (20 ఓవర్లలో 6 వికెట్లకు) 162. వికెట్ల పతనం: 1–37, 2–83, 3–119, 4–129, 5–144, 6–150.బౌలింగ్‌: అర్ష్‌దీప్‌ 4–0–42–0, బార్ట్‌లెట్‌ 4–0–36–0, యాన్సెన్‌ 4–0–20–1, వైశాక్‌ 4–0–34–3, చహల్‌ 4–0–28–2, పంజాబ్‌ కింగ్స్‌ ఇన్నింగ్స్‌: ప్రియాన్‌‡్ష (సి) అశోక్‌ (బి) రబాడ 7; ప్రభ్‌సిమ్రన్‌ (సి) ప్రసిధ్‌ (బి) రషీద్‌ 37; కనోలీ (నాటౌట్‌) 72; శ్రేయస్‌ (సి) సుందర్‌ (బి) ప్రసిధ్‌ 18; వధేరా (సి) గిల్‌ (బి) సుందర్‌ 3; శశాంక్‌ (సి) బట్లర్‌ (బి) ప్రసిధ్‌ 4; స్టొయినిస్‌ (సి) రషీద్‌ (బి) ప్రసిధ్‌ 0; యాన్సెన్‌ (సి) గిల్‌ (బి) అశోక్‌ 9; బార్ట్‌లెట్‌ (నాటౌట్‌) 11; ఎక్స్‌ట్రాలు 4; మొత్తం (19.1 ఓవర్లలో 7 వికెట్లకు) 165. వికెట్ల పతనం: 1–7, 2–83, 3–110, 4–113, 5–118, 6–118, 7–144. బౌలింగ్‌: సిరాజ్‌ 2–0–15–0 రబాడ 3–0–34–1, అశోక్‌ శర్మ 3–0–31–1, రషీద్‌ 4–0–29–1, సుందర్‌ 3.1–0–27–1, ప్రసిధ్‌ 4–0–29–3.

ఐపీఎల్‌ 2026లో భాగంగా ఇవాళ (మార్చి 31) జరిగిన మ్యాచ్‌లో గుజరాత్‌ టైటాన్స్‌పై పంజాబ్‌ ​కింగ్స్‌ 3 వికెట్ల తేడాతో గెలుపొందింది. టాస్‌ ఓడి తొలుత బ్యాటింగ్‌ చేసిన గుజరాత్‌ నిర్ణీత 20 ఓవర్లలో 6 వికెట్ల నష్టానికి 162 పరుగులు చేయగా.. పంజాబ్‌ మరో 5 బంతులు (19.1 ఓవర్లలో) మిగిలుండగానే 7 వికెట్లు కోల్పోయి లక్ష్యాన్ని ఛేదించింది. అరంగేట్రం ఆటగాడు కూపర్‌ కన్నోల్లీ (44 బంతుల్లో 72 నాటౌట్‌; 5 ఫోర్లు, 5 సిక్సర్లు) అద్భుతమైన ఇన్నింగ్స్‌ ఆడి పంజాబ్‌ను గెలిపించాడు.తొలుత సునాయాసంగా గెలుస్తుందనుకున్న పంజాబ్‌ ఓ దశలో తడబడింది. 8 పరుగుల వ్యవధిలో 4 వికెట్లు కోల్పోయి ఒత్తిడికి లోనైంది. ఈ దశలో కన్నోల్లీ సంయమనంతో ఆడి పంజాబ్‌ను విజయతీరాలకు చేర్చాడు. అతనికి జేవియర్‌ బార్ట్‌లెట్‌ (11 నాటౌట్‌) సహకరించాడు. పంజాబ్‌ ఇన్నింగ్స్‌లో ప్రభ్‌సిమ్రన్‌ సింగ్‌ (37) ఓ మోస్తరు స్కోర్‌ చేయగా.. శ్రేయస్‌ అయ్యర్‌ (18), ప్రియాంశ్‌ ఆర్య (7), నేహల్‌ వధేరా (3), శశాంక్‌ సింగ్‌ (4), స్టోయినిస్‌ (0), జన్సెన్‌ (9) నిరాశపరిచారు. గుజరాత్‌ బౌలర్లలో ప్రసిద్ద్‌ కృష్ణ (4-0-29-3) అద్భుతమైన స్పెల్‌తో పంజాబ్‌ బ్యాటర్లపై ఒత్తిడి పెంచగా.. రషీద్‌ ఖాన్‌ (4-0-29-1) పర్వాలేదనిపించాడు. మిగతా బౌలర్లలో రబాడ, అశోక్‌ శర్మ, వాషింగ్టన్‌ సుందర్‌ తలో వికెట్‌ తీశారు.అంతకుముందు గుజరాత్‌ సైతం​ ఓ దశలో భారీ స్కోర్‌ చేసేలా కనిపించినప్పటికీ.. పంజాబ్‌ బౌలర్లు ఒక్కసారిగా పుంజుకోవడంతో నామమాత్రపు స్కోర్‌కే పరిమితమైంది. విజయ్‌కుమార్‌ వైశాక్‌ (4-0-34-3), యుజ్వేంద్ర చహల్‌ (4-0-28-2), మార్కో జన్సెన్‌ (4-0-20-1), బార్ట్‌లెట్‌ (4-0-36-0) అద్భుతంగా బౌలింగ్‌ చేసి గుజరాత్‌ బ్యాటర్లను కట్టడి చేశారు. ఒక్క అర్షదీప్‌ సింగ్‌ (4-0-42-0) మినహా పంజాబ్‌ బౌలర్లంతా అద్బుతంగా బౌలింగ్‌ చేశారు.గుజరాత్‌ ఇన్నింగ్స్‌లో శుభ్‌మన్‌ గిల్‌ (27 బంతుల్లో 39; 6 ఫోర్లు), జోస్‌ బట్లర్‌ (33 బంతుల్లో 38; 3 ఫోర్లు, 2 సిక్సర్లు), గ్లెన్‌ ఫిలిప్స్‌ (17 బంతుల్లో 25; 2 ఫోర్లు) ఓ మోస్తరు స్కోర్లు చేయగా.. సాయి సుదర్శన్‌ (13), వాషింగ్టన్‌ సుందర్‌ (18), షారుక్‌ ఖాన్‌ (4) తక్కువ స్కోర్లకే ఔటయ్యారు. రాహుల్‌ తెవాతియా (11), రషీద్‌ ఖాన్‌ (0) అజేయంగా నిలిచారు.

ఐపీఎల్‌ 2026లో భాగంగా పంజాబ్‌ కింగ్స్‌తో ఇవాళ (మార్చి 31) జరుగుతున్న మ్యాచ్‌లో గుజరాత్‌ టైటాన్స్‌ స్వల్ప స్కోర్‌కే పరిమితమైంది. పంజాబ్‌ హోం గ్రౌండ్‌ అయిన మహారాజా యాదవీంద్ర సింగ్‌ అంతర్జాతీయ క్రికెట్‌ స్టేడియంలో (ముల్లాన్‌పూర్‌) జరుగుతున్న ఈ మ్యాచ్‌లో పంజాబ్‌ టాస్‌ గెలిచి బౌలింగ్‌ ఎంచుకుంది.వారి బౌలర్లు అద్భుతంగా బౌలింగ్‌ చేయడంతో గుజరాత్‌ నిర్ణీత 20 ఓవర్లలో 6 వికెట్ల నష్టానికి 162 పరుగులకే పరిమితమైంది. విజయ్‌కుమార్‌ వైశాక్‌ (4-0-34-3), యుజ్వేంద్ర చహల్‌ (4-0-28-2), మార్కో జన్సెన్‌ (4-0-20-1), బార్ట్‌లెట్‌ (4-0-36-0) అద్భుతంగా బౌలింగ్‌ చేసి గుజరాత్‌ బ్యాటర్లను కట్టడి చేశారు. ఒక్క అర్షదీప్‌ సింగ్‌ (4-0-42-0) మినహా పంజాబ్‌ బౌలర్లంతా అద్బుతంగా బౌలింగ్‌ చేశారు.గుజరాత్‌ ఇన్నింగ్స్‌లో శుభ్‌మన్‌ గిల్‌ (27 బంతుల్లో 39; 6 ఫోర్లు), జోస్‌ బట్లర్‌ (33 బంతుల్లో 38; 3 ఫోర్లు, 2 సిక్సర్లు), గ్లెన్‌ ఫిలిప్స్‌ (17 బంతుల్లో 25; 2 ఫోర్లు) ఓ మోస్తరు స్కోర్లు చేయగా.. సాయి సుదర్శన్‌ (13), వాషింగ్టన్‌ సుందర్‌ (18), షారుక్‌ ఖాన్‌ (4) తక్కువ స్కోర్లకే ఔటయ్యారు. రాహుల్‌ తెవాతియా (11), రషీద్‌ ఖాన్‌ (0) అజేయంగా నిలిచారు.

ఐపీఎల్‌ 2026లో భాగంగా ఇవాళ (మార్చి 31) జరిగిన మ్యాచ్‌లో గుజరాత్‌ టైటాన్స్‌పై పంజాబ్‌ ​కింగ్స్‌ 3 వికెట్ల తేడాతో గెలుపొందింది. తొలుత బ్యాటింగ్‌ చేసిన గుజరాత్‌ నిర్ణీత 20 ఓవర్లలో 6 వికెట్ల నష్టానికి 162 పరుగులు చేయగా.. పంజాబ్‌ మరో 5 బంతులు మిగిలుండగానే లక్ష్యాన్ని ఛేదించింది. అరంగేట్రం ఆటగాడు కూపర్‌ కన్నోల్లీ (44 బంతుల్లో 72 నాటౌట్‌; 5 ఫోర్లు, 5 సిక్సర్లు) అద్భుతమైన ఇన్నింగ్స్‌ ఆడి పంజాబ్‌ను గెలిపించాడు.శ్రేయస్‌ ఔట్‌12.1వ ఓవర్‌- 110 పరుగుల వద్ద పంజాబ్‌ మూడో వికెట్‌ కోల్పోయింది. ప్రసిద్ద్‌ కృష్ణ బౌలింగ్‌లో వాషింగ్టన్‌ సుందర్‌కు క్యాచ్‌ ఇచ్చి శ్రేయస్‌ అయ్యర్‌ (18) ఔటయ్యాడు.రెండో వికెట్‌ కోల్పోయిన పంజాబ్‌9.3వ ఓవర్‌- 83 పరుగుల వద్ద పంజాబ్‌ రెండో వికెట్‌ కోల్పోయింది. రషీద్‌ ఖాన్‌ బౌలింగ్‌లో ప్రసిద్ద్‌ కృష్ణకు క్యాచ్‌ ఇచ్చి ప్రభ్‌సిమ్రన్‌ సింగ్‌ (37) ఔటయ్యాడు. ఆదిలోనే పంజాబ్‌కు ఎదురుదెబ్బ1.2వ ఓవర్‌- 163 పరుగుల లక్ష్య ఛేదనలో పంజాబ్‌కు ఆదిలోనే ఎదురుదెబ్బ తగిలింది.రబాడ బౌలింగ్‌లో ప్రియాంశ్‌ ఆర్య (7) ఔటయ్యాడు. స్వల్ప స్కోర్‌కే పరిమితమైన గుజరాత్‌టాస్‌ ఓడి తొలుత బ్యాటింగ్‌ చేసిన గుజరాత్‌ నిర్ణీత 20 ఓవర్లలో 6 వికెట్ల నష్టానికి 162 పరుగులు చేసింది. నాలుగో వికెట్‌ కోల్పోయిన గుజరాత్‌15.4వ ఓవర్‌- 129 పరుగుల వద్ద గుజరాత్‌ నాలుగో వికెట్‌ కోల్పోయింది. చహల్‌ బౌలింగ్‌లో బార్ట్‌లెట్‌కు క్యాచ్‌ ఇచ్చి జోస్‌ బట్లర్‌ (38) పెవిలియన్‌ బాట పట్టాడు.మూడో వికెట్‌ కోల్పోయిన గుజరాత్‌13.6వ ఓవర్‌- 119 పరుగుల వద్ద గుజరాత్‌ మూడో వికెట్‌ కోల్పోయింది. విజయ్‌కుమార్‌ వైశాక్‌ బౌలింగ్‌లో జన్సెన్‌కు క్యాచ్‌ ఇచ్చి గ్లెన్‌ ఫిలిప్స్‌ (25) ఔటయ్యాడు. గిల్‌ ఔట్‌9.3వ ఓవర్‌- 83 పరుగుల వద్ద గుజరాత్‌ రెండో వికెట్‌ కోల్పోయింది. చహల్‌ బౌలింగ్‌లో కన్నోల్లీకి క్యాచ్‌ ఇచ్చి శుభ్‌మన్‌ గిల్‌ (39) ఔటయ్యాడు. తొలి వికెట్‌ కోల్పోయిన గుజరాత్‌.. సుదర్శన్‌ (13) ఔట్‌3.4వ ఓవర్‌- 37 పరుగుల వద్ద గుజరాత్‌ తొలి వికెట్‌ కోల్పోయింది. జన్సెన్‌ బౌలింగ్‌లో శ్రేయస్‌ అయ్యర్‌కు క్యాచ్‌ ఇచ్చి సాయి సుదర్శన్‌ ఔటయ్యాడు. ఐపీఎల్‌ 2026లో భాగంగా ఇవాళ (మార్చి 31) జరుగుతున్న నాలుగో మ్యాచ్‌లో గత ఎడిషన్‌ రన్నరప్‌ పంజాబ్‌ కింగ్స్‌, గుజరాత్‌ టైటాన్స్‌ తలపడుతున్నాయి. ఈ మ్యాచ్‌ పంజాబ్‌ హోం గ్రౌండ్‌ అయిన మహారాజా యాదవీంద్ర సింగ్‌ అంతర్జాతీయ క్రికెట్‌ స్టేడియంలో (ముల్లాన్‌పూర్‌) జరుగుతుంది. ఈ మ్యాచ్‌లో పంజాబ్‌ టాస్‌ గెలిచి బౌలింగ్‌ ఎంచుకుంది.ఇరు జట్లు చివరి సారి తలపడినప్పుడు పరుగుల వరద పారింది. అహ్మదాబాద్‌ వేదికగా గత ఎడిషన్‌లో జరిగిన ఈ మ్యాచ్‌లో తొలుత బ్యాటింగ్‌ చేసిన పంజాబ్‌ 243 పరుగుల భారీ స్కోర్‌ చేయగా.. గుజరాత్‌ సైతం అద్భుతంగా పోరాడినప్పటికీ, లక్ష్యానికి 12 పరుగుల దూరంలో (232) నిలిచిపోయింది. ఈ గెలుపుతో శ్రేయస్‌ అయ్యర్‌ పంజాబ్‌ కెప్టెన్‌గా గ్రాండ్‌గా ఎంట్రీ ఇచ్చాడు.తుది జట్లు..పంజాబ్‌: ప్రభ్‌సిమ్రాన్ సింగ్(w), కూపర్ కొన్నోలీ, శ్రేయాస్ అయ్యర్(c), నేహాల్ వధేరా, శశాంక్ సింగ్, మార్కస్ స్టోయినిస్, మార్కో జాన్సెన్, జేవియర్ బార్ట్‌లెట్, విజయ్‌కుమార్ వైషాక్, అర్ష్‌దీప్ సింగ్, యుజ్వేంద్ర చాహల్పంజాబ్ కింగ్స్ ఇంపాక్ట్ సబ్‌లు: ప్రియాంష్ ఆర్య, హర్‌ప్రీత్ బ్రార్, ప్రవీణ్ దూబే, విష్ణు వినోద్, సూర్యాంశ్ షెడ్గేగుజరాత్‌: సాయి సుదర్శన్, శుభమన్ గిల్(c), జోస్ బట్లర్(w), వాషింగ్టన్ సుందర్, గ్లెన్ ఫిలిప్స్, M షారుక్ ఖాన్, రాహుల్ తెవాటియా, రషీద్ ఖాన్, కగిసో రబడ, అశోక్ శర్మ, మహ్మద్ సిరాజ్గుజరాత్ టైటాన్స్ ఇంపాక్ట్ సబ్‌లు: ప్రసిద్ధ్ కృష్ణ, జాసన్ హోల్డర్, జయంత్ యాదవ్, మానవ్ సుతార్, కుమార్ కుశాగ్రా

మాజీ చాంపియన్‌ గుజరాత్‌ టైటాన్స్, గతేడాది రన్నరప్‌ పంజాబ్‌ కింగ్స్‌ ఈ ఐపీఎల్‌ సీజన్‌లో శుభారంభంపై దృష్టి పెట్టాయి. నేడు జరిగే పోరులో శుబ్‌మన్‌ గిల్‌ నాయకత్వంలోని టైటాన్స్‌తో శ్రేయస్‌ అయ్యర్‌ సారథిగా ఉన్న పంజాబ్‌ కింగ్స్‌ తలపడుతుంది. భారత టి20 జట్టులో స్థానంలేని ఇరు జట్ల కెప్టెన్లు అటు తమ బ్యాటింగ్‌తో, ఇటు నాయకత్వంతో తమను తాము నిరూపించుకోవాలని పట్టుదలగా ఉన్నారు. ప్రతీ సీజన్‌లో నిలకడగా పరుగులు సాధిస్తున్నా... గిల్‌ స్ట్రయిక్‌రేట్‌పై ఇటీవల చర్చ పెరిగింది. ఈ నేపథ్యంలో తనలో దూకుడు పెంచాలని అతను భావిస్తున్నాడు. మరోవైపు శ్రేయస్‌ గత ఏడాది అద్భుత బ్యాటింగ్‌తో 604 పరుగులు చేసి జట్టును ముందుండి నడిపించాడు. ఈసారి కూడా అదే ఫామ్‌ను కొనసాగిస్తే జట్టు ముందంజ వేయవచ్చు. ఐపీఎల్‌ టోర్నీలో ఇప్పటి వరకు ఈ రెండు జట్లు ఆరుసార్లు ముఖాముఖిగా తలపడ్డాయి. మూడుసార్లు గుజరాత్, మూడుసార్లు పంజాబ్‌ గెలిచి సమఉజ్జీగా ఉన్నాయి. ఈ నేపథ్యంలో మరో ఆసక్తికర పోరుకు రంగం సిద్ధమైంది. చదవండి: సినెర్‌దే మయామి మాస్టర్స్‌

ఐపీఎల్-2026 సీజ‌న్‌కు ముందు గుజ‌రాత్ టైటాన్స్ జ‌ట్టులో కీల‌క మార్పు చోటు చేసుకుంది. గాయం కార‌ణంగా ఈ ఏడాది సీజ‌న్‌కు ఆ జట్టు పేసర్ యర్రా పృథ్వీరాజ్ దూరమయ్యాడు. ఆంధ్రప్రదేశ్‌కు చెందిన పృథ్వీరాజ్‌ను గతేడాది జరిగిన వేలంలో రూ. 30 లక్షల బేస్‌ప్రైస్‌కు గుజరాత్ సొంతం చేసుకుంది. కానీ ప్రాక్టీస్ సెషన్‌లో అతడు గాయపడినట్లు తెలుస్తోంది.ఈ కారణంతోనే పృథ్వీ ఐపీఎల్‌-19వ సీజన్ నుంచి వైదొలిగాడు. దీంతో అతడి స్దానాన్ని ఎడమచేతి వాటం ఫాస్ట్ బౌలర్ కుల్వంత్ ఖేజ్రోలియాతో గుజరాత్ టైటాన్స్ భర్తీ చేసింది. ఖేజ్రోలియాకు ఐపీఎల్‌లో ఆడిన అనుభవం ఉంది. ఖేజ్రోలియా గతంలో గుజరాత్ టైటాన్స్, కేకేఆర్, రాయల్ ఛాలెంజర్స్ బెంగళూరు జట్లకు ప్రాతినిథ్యం వహించాడు. ఇప్పుడు మరోసారి అతడికి ఈ క్యాష్ రిచ్ లీగ్‌లో భాగమయ్యే అవకాశం దక్కింది. మొత్తంగా 6 ఐపీఎల్ వికెట్లు అతడి పేరిట ఉన్నాయి. మరోవైపు కేకేఆర్ గాయపడిన హర్షిత్ రాణా స్ధానంలో ఢిల్లీ పేసర్ నవ్‌దీప్‌సైనీతో ఒప్పందం కుదర్చుకుంది. సైనీ ఇప్పటికే కేకేఆర్ ట్రైనింగ్ శిబిరంలో చేరాడు. సైనీ గతంలో రాజస్తాన్ రాయల్స్‌, ఢిల్లీ వంటి ఫ్రాంచైజీల తరపున ఆడాడు.ఐపీఎల్‌-2026 సీజన్ కోసం కోల్‌కతా నైట్ రైడర్స్ జట్టుఅజింక్య రహానే (కెప్టెన్), రఘువంశీ, అనుకుల్ రాయ్, నవదీప్ సైనీ, మనీష్ పాండే, రమణదీప్ సింగ్, రింకు సింగ్, రోవ్‌మన్ పావెల్, సునీల్ నరైన్, ఉమ్రాన్ మాలిక్, వైభవ్ అరోరా, వరుణ్ చక్రవర్తి, కెమెరాన్ గ్రీన్, ఫిన్ సింగ్, టి ప్రవిష్ణ, తీజాక్ అలెన్, తీజాక్ పవీయానా, తీషా సోలంకి, రాహుల్ త్రిపాఠి, టిమ్ సీఫెర్ట్, సార్థక్ రంజన్, దక్ష్ కమ్రా, రచిన్ రవీంద్ర, ఆకాష్ దీప్, బ్లెస్సింగ్ ముజారబానీ.ఐపీఎల్‌-2026 కోసం గుజరాత్ టైటాన్స్ జట్టుశుభ్‌మన్ గిల్ (కెప్టెన్), సాయి సుదర్శన్, కుమార్ కుషాగ్రా, అనుజ్ రావత్, జోస్ బట్లర్, నిశాంత్ సింధు, వాషింగ్టన్ సుందర్, గ్లెన్ ఫిలిప్స్, అర్షద్ ఖాన్, షారుఖ్ ఖాన్, రాహుల్ తెవాటియా, కగిసో రబడ, మహమ్మద్ సిరాజ్, ప్రసిధ్ కృష్ణ, ఇషాంత్ సింగ్ బి, గుర్నౌర్ ఖాన్, మన్షి సునర్ శర్మ కిషోర్, జయంత్ యాదవ్, అశోక్ శర్మ, జాసన్ హోల్డర్, టామ్ బాంటన్, కుల్వంత్ ఖేజ్రోలియా, ల్యూక్ వుడ్చదవండి: IPL 2026: ఆర్సీబీ టీమ్ పేరు మార్పు?

ఐపీఎల్‌లో అడుగు పెట్టిన తొలి ఏడాదే చాంపియన్‌గా నిలిచి సంచలనం సృష్టించడంతో పాటు తర్వాతి ఏడాది కూడా రన్నరప్‌గా నిలిచి గుజరాత్‌ టైటాన్స్‌ తమ స్థాయిని ప్రదర్శించింది. అయితే ఆ తర్వాతి సీజన్‌లో అనూహ్యంగా వెనుకబడి ఎనిమిదో స్థానానికే పరిమితమైంది. కానీ గత సీజన్‌లో మెరుగైన ప్రదర్శనతో ‘ప్లే ఆఫ్స్‌’కు చేరగలిగింది. 2025తో పోలిస్తే పెద్దగా మార్పులు లేకుండా ఈసారి కూడా జట్టు బరిలోకి దిగుతోంది. శుబ్‌మన్‌ గిల్‌ నాయకత్వానికి ఆశిష్‌ నెహ్రా కోచింగ్‌ వ్యూహాలు తోడైతే రెండో టైటిల్‌ను ఆశించవచ్చు. అయితే జోస్‌ బట్లర్, రషీద్‌ ఖాన్‌లాంటి స్టార్స్‌ ఇటీవలి తమ వైఫల్యాలను అధిగమించి ఫామ్‌లోకి రావడం జట్టుకు కీలకం. –సాక్షి క్రీడా విభాగం గత సీజన్‌లో లీగ్‌ దశలో 9 మ్యాచ్‌లు గెలిచి మూడో స్థానంలో నిలిచిన టైటాన్స్‌... ‘ఎలిమినేటర్‌’లో ముంబై చేతిలో ఓడి నిష్క్రమించింది. ఐపీఎల్‌ వేలంలో ఈ ఏడాది గుజరాత్‌ ఐదుగురు ఆటగాళ్లనే ఎంచుకుంది. వీరిలో ముగ్గురు విదేశీయులు హోల్టర్, టామ్‌ బాంటన్, ల్యూక్‌ వుడ్‌ ఉన్నారు. షెర్ఫాన్‌ రూథర్‌ఫర్డ్‌ను జట్టు వదిలేసుకొని అతని స్థానంలో టామ్‌ బాంటన్‌ను ఎంచుకుంది. గాయం కారణంగా గత సీజన్‌లో ఒక్క మ్యాచ్‌ కూడా ఆడలేకపోయిన ఫిలిప్స్‌ ఈసారి అందుబాటులో ఉండటం గుజరాత్‌ బలాన్ని పెంచింది. తుది జట్టులో ఆడే విదేశీ ఆటగాళ్లలో రషీద్, బట్లర్‌లకు చోటు ఖాయం కాబట్టి బాంటన్, ఫిలిప్స్‌లలో ఒకరికే అవకాశం దక్కవచ్చు. ఎందుకంటే బౌలింగ్‌లో రబాడ లేదా హోల్డర్‌కు అవకాశం కల్పించడం కూడా కీలకం. టాప్‌–3 పైనే... గుజరాత్‌ మరోసారి తమ టాప్‌–3 బ్యాటింగ్‌ ఆర్డర్‌పైనే ప్రధానంగా ఆధారపడుతోంది. గిల్, సాయి సుదర్శన్, బట్లర్‌ కలిసి 2025 సీజన్‌లో జట్టు మొత్తం స్కోరులో 74.54 శాతం స్కోరు సాధించారు. ఒకే టీమ్‌ నుంచి టాప్‌–3 ఒక సీజన్‌లో 500కు పైగా పరుగులు చేయడం కూడా ఇదే తొలిసారి. అయితే ఈసారి టైటాన్స్‌ ఇదే విషయంలో కొంత సవాల్‌ను కూడా ఎదుర్కొంటోంది. గిల్‌ భారత టి20 జట్టులో చోటు కోల్పోయాడు. బట్లర్‌ తన కెరీర్‌లోనే అతి ఘోరమైన ఫామ్‌లో ఉన్నాడు. ఇటీవలి టి20 వరల్డ్‌ కప్‌లో ఎనిమిది మ్యాచ్‌లలో అతని అత్యధిక స్కోరు 26 కాగా, ఐదుసార్లు సింగిల్‌ డిజిట్‌కే పరిమితమయ్యాడు. సాయిసుదర్శన్‌ కూడా గాయం నుంచి కోలుకుంటున్నాడు. కాబట్టి మిడిలార్డర్‌లో బాంటన్, ఫిలిప్స్, సుందర్, షారుఖ్, తెవాటియాలపై భారీ స్కోరు భారం ఉంది. గత రెండు సీజన్లలో మిడిలార్డర్‌ బ్యాటర్లు కలిపి అతి తక్కువ పరుగులు చేసిన జట్టు గుజరాత్‌దే. ఈసారి మాత్రం అదనపు బాధ్యత తీసుకోవాల్సి ఉంటుంది. ఆస్ట్రేలియా దిగ్గజం మాథ్యూ హేడెన్‌ను గుజరాత్‌ తాజా సీజన్‌ కోసం బ్యాటింగ్‌ కోచ్‌గా ఎంచుకుంది కాబట్టి అతని ప్రభావం కూడా కొంత ఉండవచ్చు. రషీద్‌ రాణించేనా... ఐపీఎల్‌లో 9 సీజన్లు ఆడిన లెగ్‌స్పిన్నర్‌ రషీద్‌ ఖాన్‌ అత్యుత్తమ బౌలర్లలో ఒకడిగా గుర్తింపు పొందాడు. కానీ ఇటీవల రషీద్‌ ఏమాత్రం ప్రభావం చూపలేకపోతున్నాడు. గత రెండు సీజన్లలో అతని ఫామ్‌ పేలవంగా ఉంది. 2025లోనైతే మరీ ఘోరంగా కనీసం 10 వికెట్లు కూడా తీయలేకపోయిన రషీద్‌ ఏకంగా 57.11 సగటు నమోదు చేశాడు. ఎకానమీ కూడా 9కి పైగా ఉంది. ఇలాంటి స్థితిలో అతను మళ్లీ లయ అందుకుంటే తప్ప గుజరాత్‌ బౌలింగ్‌ బలహీనంగా మారిపోతుంది. లెఫ్టార్మ్‌ స్పిన్నర్‌ సాయికిషోర్‌ ప్రభావం చూపించగలడు. సిరాజ్, ప్రసిధ్‌ కృష్ణ ప్రధాన పేసర్లు కాగా...మూడో పేసర్‌గా ఆల్‌రౌండర్‌ నైపుణ్యం ఉన్న హోల్డర్‌ వైపే జట్టు మొగ్గు చూపవచ్చు. వేలంలో రూ.7 కోట్లకు ఎంచుకున్న హోల్డర్‌ ఇటీవలి వరల్డ్‌ కప్‌లో మెరుగ్గా రాణించాడు. గత ఏడాది డోపింగ్‌ నిషేధం కారణంగా నాలుగు మ్యాచ్‌లకే పరిమితమైన రబాడ ఈసారి పూర్తి స్థాయిలో అందుబాటులో ఉన్నాడు. విదేశీ ప్రత్యామ్నాయ పేసర్‌గా లెఫ్టార్మ్‌ బౌలర్‌ ల్యూక్‌వుడ్‌ అందుబాటులో ఉన్నాడు. సీనియర్‌ పేసర్‌ ఇషాంత్‌కు తుది జట్టులో స్థానం లభించడం కష్టమే. ఆంధ్ర ఆటగాడు పృథ్వీరాజ్‌ గాయం కారణంగా లీగ్‌కు దూరమయ్యాడు. 2019 సీజన్‌లో కోల్‌కతా నైట్‌రైడర్స్‌ తరఫున 2 మ్యాచ్‌లు ఆడిన తర్వాత అతను ఇప్పటి వరకు మరో ఐపీఎల్‌ మ్యాచ్‌ ఆడలేదు.గుజరాత్‌ టైటాన్స్‌ గణాంకాలుఆడిన మ్యాచ్‌లు 60 గెలిచినవి 37 ఓడినవి 23 అత్యుత్తమ ప్రదర్శనవిజేత (2022), రన్నరప్‌ (2023) గుజరాత్‌ టైటాన్స్‌ జట్టు: శుబ్‌మన్‌ గిల్‌ (కెపె్టన్‌), జోస్‌ బట్లర్, కుమార్‌ కుశాగ్ర, అనూజ్‌ రావత్, టామ్‌ బాంటన్, గ్లెన్‌ ఫిలిప్స్, సాయిసుదర్శన్, నిశాంత్, వాషింగ్టన్‌ సుందర్, అర్షద్‌ ఖాన్, సాయికిషోర్, జయంత్‌ యాదవ్, జేసన్‌ హోల్డర్, రాహుల్‌ తెవాటియా, షారుఖ్‌ ఖాన్, రబాడ, సిరాజ్, ప్రసిధ్‌ కృష్ణ, మానవ్‌ సుతార్, గుర్నూర్‌ సింగ్, ఇషాంత్‌ శర్మ, అశోక్‌ శర్మ, ల్యూక్‌వుడ్, రషీద్‌ ఖాన్, కుల్వంత్‌ ఖెజ్రోలియా.

అహ్మదాబాద్‌: మైదానంలో ఎలాంటి పరిస్థితులు ఎదురైనా... ప్రశాంతంగా ఉండటం వల్ల సునిశిత దృష్టి అలవడుతుందని గుజరాత్‌ టైటాన్స్‌ ఫ్రాంచైజీ కెప్టెన్ శుబ్‌మన్‌ గిల్‌ పేర్కొన్నాడు. ఇటీవల టి20 వరల్డ్‌కప్‌ గెలిచిన భారత జట్టులో చోటు దక్కించుకోలేకపోయిన గిల్‌... ఐపీఎల్‌లో గుజరాత్‌ టైటాన్స్‌కు రెండో టైటిల్‌ అందించేందుకు సిద్ధమవుతున్నాడు. 2022లో ఐపీఎల్‌లో అడుగుపెట్టిన గుజరాత్‌ టైటాన్స్‌ ఫ్రాంచైజీ తొలి సీజన్‌లోనే చాంపియన్‌ అవతరించింది. ఆ తర్వాత ఏడాది రన్నరప్‌గా నిలిచిన టైటాన్స్‌... గత సీజన్‌లో ప్లే ఆఫ్స్‌కు చేరింది. శుక్రవారం నుంచి ఐపీఎల్‌ ప్రారంభం కానున్న నేపథ్యంలో... ఆ ఫ్రాంచైజీ ‘శుభారంభం–2026’ పేరిట ప్రత్యేక కార్యక్రమం నిర్వహిస్తోంది. ఇందులో భాగంగా మంగళవారం గిల్‌ మాట్లాడుతూ... ‘నేను సాధారణంగా ప్రశాంతంగానే ఉంటాను. అదే నాకు జట్టుపై నమ్మకం, విశ్వాసం పెంచుతుంది. ఎలాంటి పరిస్థితుల్లోనూ ఒత్తిడికి లోనూ కాకుండా ఉండటం ద్వారా విశాల దృక్పథం అలవుడుతుంది. దీంతో ఆ క్షణాలను విభిన్నంగా చూడగల శక్తి వస్తుంది. అప్పుడు సమస్యల పరిష్కారం సులువు అవుతుంది’ అని వెల్లడించాడు.ఫ్రాంచైజీ క్రికెట్‌ డైరెక్టర్‌ విక్రమ్‌ సోలంకి మాట్లాడుతూ... ‘గతేడాది మా జట్టు మంచి ప్రదర్శన చేసింది. ఈ సీజన్‌ ప్రారంభానికి ముందే ఈ కార్యక్రమం ద్వారా ఆటగాళ్లందరినీ ఒక్క చోటకు చేర్చాం. దీంతో జట్టు సభ్యుల మధ్య అనుబంధం పెరగడంతో పాటు పరస్పర నమ్మకం కలుగుతుంది. వేలంలో చిన్నచిన్న మార్పులు మాత్రమే చేశాం. జట్టు కూర్పుకు తగ్గట్లు ప్లేయర్లను ఎంపిక చేసుకున్నాం. ఆ ఫలితాలు మరి కొన్ని రోజుల్లో మీ ముందు ఉంటాయి’ అని అన్నాడు.

ఇండియ‌న్ ప్రీమియ‌ర్ లీగ్ (ఐపీఎల్)లో గుజ‌రాత్ టైటాన్స్ ప్ర‌స్థానం 2022లో మొద‌లైంది. ఆ సీజ‌న్‌లో హార్దిక్ పాండ్యా నేతృత్వంలోని గుజరాత్ టైటాన్స్ బ‌రిలోకి దిగిన తొలిసారే చాంపియ‌న్‌గా నిలవ‌డం విశేషం. ఆ మ‌రుస‌టి ఏడాది అంచ‌నాల‌ను అందుకుంటూ మ‌రోసారి ఫైన‌ల్ చేరిన‌ప్ప‌టికీ ర‌న్న‌ర‌ప్‌కే ప‌రిమితమ‌యింది. అయితే 2024 సీజ‌న్‌లో పేల‌వ ఆట‌తీరుతో లీగ్ ద‌శ‌కే ప‌రిమిత‌మైన గుజ‌రాత్ గ‌త సీజ‌న్‌లో మాత్రం మ‌రోసారి మంచి ప్ర‌ద‌ర్శ‌న న‌మోదు చేసింది. గిల్ కెప్టెన్సీలో గుజ‌రాత్ టైటాన్స్ ప్లేఆఫ్స్‌కు చేరుకుంది. ఈ నేప‌థ్యంలో ఐదో సీజ‌న్ ఆడ‌నున్న గుజ‌రాత్ టైటాన్స్ ఈసారి క‌ప్పు గెల‌వ‌డానికే బ‌రిలోకి దిగుతోంద‌ని ఆ జ‌ట్టు ప్ర‌ధాన‌ కోచ్ ఆశిష్ నెహ్రా ధీమా వ్య‌క్తం చేశాడు. సోమ‌వారం రాత్రి గుజ‌రాత్ టైటాన్స్ ఫ్రాంచైజీ పూర్తిస్థాయి జ‌ట్టుతో శుభారంభ్-2026 కార్య‌క్ర‌మాన్ని నిర్వ‌హించింది. ఆట‌గాళ్ల‌తో పాటు అభిమానులు, ఫ్రాంచైజీ ఓన‌ర్లు, స‌హాయ‌క సిబ్బంది పెద్ద ఎత్తున పాల్గొన్నారు. ఈ నేప‌థ్యంలో నెహ్రా మాట్లాడాడు. ‘ఈ సీజ‌న్‌లో భిన్నంగా ఆలోచించాల్సిన అవ‌స‌రం ఉంద‌ని నేను అనుకోవ‌డం లేదు. ఎందుకంటే నేను ఆలోచించ‌డానికేం లేదు. ఎందుకంటే బ‌రిలోకి దిగ‌నున్న జ‌ట్టు మ్యాచ్ ఎలా ఆడాల‌న్న‌ది ఆలోచిస్తోంది, జ‌ట్టు ఆట‌గాళ్లు దీని గురించి ఆలోచిస్తారు. ఒక కోచ్‌గా నేను స‌ల‌హాలు మాత్ర‌మే అందివ్వ‌గ‌ల‌ను. ఈ శుభారంబ్ వేడుక సాక్షిగా ఒక విష‌యం చెప్ప‌ద‌ల‌చుకున్నా. ఈ సీజ‌న్‌కు పూర్తి ఆత్మ‌విశ్వాసంతో వ‌స్తున్నాం. ఈసారి కేవ‌లం పాల్గొన‌డానికి రాలేదు, ఐపీఎల్‌లో క‌ప్పు గెల‌వ‌డానికే వ‌స్తున్నాం. కొత్త జ‌ట్టుకు స‌మ‌యం ప‌డుతుంద‌ని అంతా అంటున్నారు. కానీ మా విధానాలు, ప్ర‌ణాళిక‌లు ఎప్పుడు రెండు అడుగులు ముందే ఉంటాయి. ఐదేళ్లుగా గుజ‌రాత్ జ‌ట్టుతోనే ఉన్నాను. ఈ ఐదేళ్ల‌లో జ‌ట్టుతో ఎన్నో జ్ఞాప‌కాలు ఉన్నాయి. ఈ శుభారంభ్ మా గుజ‌రాత్ టైటాన్స్‌కు కొత్త శోభ‌ను తీసుకొచ్చింది. ఇది ఇచ్చిన స్ఫూర్తి, ఐక్య‌త‌తో ముందుకు సాగుతాం’ అని చెప్పుకొచ్చాడు. ఇక గుజ‌రాత్ టైటాన్స్ ఈ సీజ‌న్‌లో తొలి మ్యాచ్‌ను మార్చి 31 ముల్ల‌న్‌పూర్ వేదికగా పంజాబ్ కింగ్స్‌తో ఆడ‌నుంది.

తమ తొలి సీజన్‌లోనే (2022) టైటిల్‌ ఎగరేసుకుపోయి సంచలనం సృష్టించిన గుజరాత్‌ టైటాన్స్‌ ఫ్రాంచైజీ మళ్లీ సక్సెస్‌ బాట పట్టేందుకు కీలక అడుగు ముందుకేసింది. ఇందులో భాగంగా టూ టైమ్‌ విన్నింగ్‌ కోచ్‌ విజయ్‌ దాహియాతో ఒప్పందం చేసుకుంది. రానున్న సీజన్‌ కోసం అతన్ని అసిస్టెంట్‌ కోచ్‌గా నియమించుకుంది. దాహియా ఇటీవలే నియమితుడైన హెడ్‌ కోచ్‌ మాథ్యూ హేడెన్‌కు డిప్యూటీగా వ్యవహరిస్తాడు. దాహియా 2012, 2014లో కేకేఆర్‌ టైటిల్‌ గెలిచినప్పుడు ఆ బృందంలో అసిస్టెంట్‌ కోచ్‌గా ఉన్నాడు. దాహియా తన ఐపీఎల్‌ కెరీర్‌లో కేకేఆర్‌తో పాటు ఢిల్లీ క్యాపిటల్స్‌, లక్నో సూపర్‌ జెయింట్స్‌కు కూడా పని చేశాడు. అతని కోచింగ్‌లో ఢిల్లీ జట్టు 2007-08 సీజన్‌లో రంజీ ట్రోఫీ గెలిచింది. ఈ అనుభవం గుజరాత్ టైటాన్స్‌కి కొత్త ఉత్సాహాన్ని తీసుకురావచ్చని విశ్లేషకులు భావిస్తున్నారు. కాగా, హార్దిక్‌ పాండ్యా సారథ్యంలో తొలి సీజన్‌లోనే టైటిల్‌ గెలిచిన గుజరాత్‌.. ఆతర్వాత సీజన్‌లో కూడా ఫైనల్‌కు చేరినా, సీఎస్‌కే చేతిలో ఓడి రన్నరప్‌తో సరిపెట్టుకుంది. 2024లో హార్దిక్‌ పాండ్యా ఆ ఫ్రాంచైజీని వీడి ముంబై ఇండియన్స్‌లో చేరడంతో శుభ్‌మన్‌ గిల్‌ కెప్టెన్‌గా ఎంపికయ్యాడు. గిల్‌ సారథ్యంలో గుజరాత్‌ తొలి సీజన్‌లో ఎనిమిదో స్థానంలో నిలిచింది. గత సీజన్‌లో ఆ జట్టు మూడో స్థానంలో నిలిచినా ఫైనల్స్‌కు చేరలేకపోయింది. రాబోయే సీజన్‌లో మరోసారి గిల్‌ నేతృత్వంలో గుజ.రాత్‌ తమ అదృష్టాన్ని పరీక్షించుకోనుంది.ఇదిలా ఉంటే, 2026 సీజన్‌కు సంబంధించి తొలి విడత షెడ్యూల్‌ (20 మ్యాచ్‌లు) ఇవాళే విడుదలైంది. గుజరాత్‌ తమ తొలి మ్యాచ్‌లో పంజాబ్‌ కింగ్స్‌తో తలపడనుంది. టోర్నీ ఆరంభ మ్యాచ్‌లో (మార్చి 28) ఆర్సీబీ-ఎస్‌ఆర్‌హెచ్‌ పోటీపడనున్నాయి. తొలి విడతలో ప్రతి జట్టు తలో నాలుగు మ్యాచ్‌లు ఆడనుంది.గుజరాత్‌ టైటాన్స్‌ తొలి విడత షెడ్యూల్‌.. - మార్చి 31: GT vs PBKS - ఏప్రిల్‌ 4: GT vs RR - ఏప్రిల్‌ 8: GT vs DC - ఏప్రిల్‌ 12: GT vs LSG దేశంలో పలు రాష్ట్రాల్లో ఎన్నికల దృష్ట్యా షెడ్యూల్‌ను విడతల వారీగా ప్రకటిస్తామని బీసీసీఐ ముందే చెప్పిన విషయం తెలిసిందే.

ఐపీఎల్‌-2026 సీజన్‌కు ముందు గుజరాత్ టైటాన్స్ ఫ్రాంచైజీ కీలక నిర్ణయం తీసుకుంది. ఆస్ట్రేలియా దిగ్గజ ఓపెనర్ మాథ్యూ హేడెన్‌ను తమ జట్టు కొత్త బ్యాటింగ్ కోచ్‌గా నియమిస్తున్నట్లు గుజరాత్ ప్రకటించింది. వరల్డ్‌కప్ విన్నర్‌, డేంజరస్ ప్లేయర్‌ హేడెన్ రాకతో టైటాన్స్ బ్యాటింగ్ విభాగం మరింత బలోపేతం కానుంది."మా ప్రయాణంలో మాథ్యూ హేడెన్ నియామకం ఒక కీలకమైన ఘట్టం. దీర్ఘకాలిక ప్రయోజనాలను దృష్టిలో పెట్టుకుని మాథ్యూను మా బ్యాటింగ్ కోచ్‌గా నియమించాము. యువ ఆటగాళ్లకు మార్గనిర్దేశం చేయడంలో అతడి అనుభవం మాకు ఎంతగానో ఉపయోగపడుతుంది" గుజరాత్ టైటాన్స్ క్రికెట్ డైరెక్టర్ విక్రమ్ సోలంకి ఓ ప్రకటనలో పేర్కొన్నారు.ఈ విధ్వంసకర బ్యాటర్ గుజరాత్ హెడ్ కోచ్‌ ఆశిష్ నెహ్రా, పార్థివ్ పటేల్‌లతో కలిసి పనిచేయనున్నాడు. హేడన్ గతంలో 2021 టీ20 ప్రపంచకప్‌లో పాకిస్తాన్ బ్యాటింగ్ కన్సల్టెంట్‌గా పనిచేశాడు. కానీ పూర్తి స్ధాయిలో ఎప్పుడు కోచ్‌గా బాధ్యతలు నిర్వర్తించలేదు. అంతర్జాతీయ క్రికెట్ చరిత్రలో తన పేరును సువర్ణ అక్షరాలతో లిఖించుకున్న హేడెన్‌.. ఐపీఎల్‌లో కూడా తన మార్క్‌ను చూపించాడు.హేడెన్ చెన్నై సూపర్ కింగ్స్ తరఫున 32 మ్యాచ్‌లు ఆడారు. 2010లో టీమ్ ని టైటిల్ గెలిపించగా, 2009లో 12 మ్యాచ్‌ల్లో 572 రన్స్ చేసి ఆరెంజ్ కాప్‌ను కూడా సొంతం చేసుకున్నాడు. పవర్ ప్లే ఓవర్లలో విధ్వంసకర బ్యాటింగ్‌తో ఆట తీరునే మార్చేసిన హేడెన్, ఇప్పుడు కోచ్‌గా గుజరాత్ టైటాన్స్ ఆటగాళ్లకు ఎలాంటి శిక్షణ ఇస్తారో చూడాలి. మార్చి 28 నుంచి ఈ క్యాష్ రిచ్ లీగ్ ప్రారంభం కానుంది.చదవండి: Teamindia: బీసీసీఐ భారీ న‌జ‌రానా.. ఎన్ని కోట్లు తెలిస్తే షాకవ్వాల్సిందే?

మ‌హిళ‌ల ప్రీమియ‌ర్ లీగ్‌-2026 సీజ‌న్‌లో గుజ‌రాత్ జెయింట్స్ బ్యాట‌ర్లు త‌మ సూప‌ర్ ఫామ్‌ను కొన‌సాగిస్తున్నారు. ఈ టోర్నీలో భాగంగా న‌వీ ముంబై వేదిక‌గా ముంబై ఇండియ‌న్స్‌తో జ‌రుగుతున్న మ్యాచ్‌లో గుజ‌రాత్ బ్యాట‌ర్లు విధ్వంసం సృష్టించారు.టాస్ ఓడి తొలుత బ్యాటింగ్ చేసిన గుజరాత్ నిర్ణీత 20 ఓవర్లలో 5 వికెట్ల నష్టానికి 192 పరుగుల భారీ స్కోరు సాధించింది. గత రెండు మ్యాచ్‌లలో మెరుపులు మెరిపించిన సోఫీ డివైన్.. ముంబైపై మాత్రం నామమాత్రపు స్కోర్‌కే పరిమితమైంది. కేవలం 8 పరుగులు మాత్రమే చేసి డివైన్ ఔటైంది.అయితే జార్జియా వేర్‌హామ్(33 బంతుల్లో 4 ఫోర్లు, ఒక సిక్సర్‌తో 43), భారతి ఫుల్మాలి(15 బంతుల్లో 3 ఫోర్లు, 3 సిక్స్‌లతో 36) మెరుపులు మెరిపించారు. వీరిద్దరితో పాటు మూనీ(33), కనిక అహుజా(35) రాణించారు. ముంబై బౌలర్లలో ఇస్మాయిల్‌, హీలీ మాథ్యూస్‌, అమీలియా కేర్‌, కారీ తలా వికెట్‌ సాధించారు.చదవండి: T20 World Cup: ఆస్ట్రేలియాకు మ‌రో భారీ షాక్‌..

పాకిస్తాన్‌ పట్ల భారత్‌ అనుసరిస్తున్న వైఖరిపై విండీస్‌ స్టార్‌ క్రికెటర్‌, ఆ దేశ మాజీ కెప్టెన్‌, టీ20 స్పెషలిస్ట్‌ జేసన్‌ హోల్డర్‌ చేసిన అనాలోచిత వ్యాఖ్యలు వివాదాస్పదమయ్యాయి. ఇటీవల హోల్డర్‌ Game On with Grace అనే పోడ్‌కాస్ట్‌లో మాట్లాడుతూ.. భారత్‌–పాకిస్తాన్‌ బీఫ్‌ (వివాదం) నాకిష్టం లేదని అన్నాడు. అలాగే టీమిండియా ఆసియా కప్‌ 2025 ట్రోఫీని స్వీకరించకపోవడంపై నిరాశ వ్యక్తం చేశాడు.హోల్డర్‌ ఈ వ్యాఖ్యలు అవగాహన లేమితో చేసినట్లు తెలుస్తున్నప్పటికీ.. అతను భారతీయ క్రికెట్‌ అభిమానుల దృష్టిలో విలన్‌ అయ్యాడు. ఫలితంగా తన ఐపీఎల్‌ భవిష్యత్తును ప్రశ్నార్థకంగా మార్చుకున్నాడు. ఐపీఎల్‌ 2026 వేలంలో హోల్డర్‌ను గుజరాత్ టైటాన్స్‌ రూ. 7 కోట్ల భారీ మొత్తం వెచ్చించి సొంతం చేసుకుంది.మంచి ఆఫర్‌ అనుకునేలోపే హోల్డర్‌ అనవసర విషయంలో తలదూర్చి వివాదంలో చిక్కుకున్నాడు. దేశంపై ఎలాంటి వ్యాఖ్యలు చేసినా సహించని భారత క్రికెట్‌ అభిమానులు హోల్డర్‌ విషయంలో కఠినంగా వ్యవహరించే అవకాశం ఉంది. బంగ్లా ఆటగాడు ముస్తాఫిజుర్‌ ఎదుర్కొన్న నష్టమే హోల్డర్‌ కూడా ఎదుర్కొనే ప్రమాదముంది.వాస్తవానికి హోల్డర్‌ తన వ్యాఖ్యల్లో భారత్‌పై ఎలాంటి వ్యతిరేక వ్యాఖ్యలు చేయలేదు. అయినా ఇది భారత క్రికెట్‌ అభిమానులకు నచ్చదు. ఫలితం అక్కడ ఉన్నది ఎంతటి స్టార్‌ అయినా మూల్యం చెల్లించుకోకతప్పదు. బంగ్లాదేశీ ఆటగాడిని హైర్‌ చేసుకున్నాడని తమ ఆరాధ్య హీరోనే వ్యతిరేకించిన ఘన చరిత్ర మన భారత క్రికెట్‌ అభిమానులది. కాబట్టి హోల్డర్‌ విషయంలో కూడా గుజరాత్‌ టైటాన్స్‌ ఫ్రాంచైజీపై ఒత్తిడి తప్పేలా లేదు.ఈ నేపథ్యంలో సదరు ఫ్రాంచైజీ పరిశీలించబోయే హోల్డర్‌ ప్రత్యామ్నాయాలపై ఓ లుక్కేద్దాం. హోల్డర్‌ పొట్టి ఫార్మాట్‌లో అత్యంత ప్రభావితమైన పేస్‌ బౌలింగ్‌ ఆల్‌రౌండర్‌. ప్రపంచ క్రికెట్‌లో ఇలాంటి ఆప్షన్స్‌ చాలా తక్కువగా ఉంటాయి. ఉన్న వాటిలో గుజరాత్‌ పరిశీలించే అవకాశం ఉన్న ముగ్గురు పేస్‌ బౌలింగ్‌ ఆల్‌రౌండర్లలో ముఖ్యుడు, ప్రథముడు ఎవాన్‌ జోన్స్‌.ఎవాన్‌ జోన్స్‌ సౌతాఫ్రికా టీ20 లీగ్‌ 2026లో డర్బన్‌ సూపర్‌ జెయింట్స్‌ తరఫున 182 స్ట్రైక్‌రేట్‌తో మెరిసిన పవర్‌హిట్టర్‌.హోల్డర్‌లాగే భారీకాయుడైన జోన్స్‌ డెత్‌ ఓవర్లలో 233 స్ట్రైక్‌రేట్‌తో ఫినిషింగ్‌ టచ్‌ ఇచ్చే సామర్థ్యం ఉన్న ఆటగాడు.ప్రస్తుత దేశవాలీ సీజన్‌లో 5 మ్యాచ్‌ల్లో 10 వికెట్లు తీసి మంచి ఊపుమీద ఉన్న జోన్స్‌, హార్డ్‌లెంగ్త్‌ బౌలింగ్‌తో అహ్మదాబాద్‌ పిచ్‌లకు సరిపోయే బౌలర్‌. అయుష్‌ వర్తక్‌ ఈ ముంబై యువ ఆల్‌రౌండర్‌ అండర్‌-23 విభాగంలో అద్భుత ప్రదర్శనలు చేస్తున్నాడు. 169.62 స్ట్రైక్‌రేట్‌తో లోయర్‌ ఆర్డర్‌ హిట్టర్‌గా మంచి పేరుంది. స్వల్ప కెరీర్‌లోనే 26 సిక్సర్లు బాదాడు. బ్యాటింగ్‌తో పాటు సీమ్‌ బౌలింగ్‌లోనూ సత్తా చాటగలడు.మనిశంకర్‌ మురసింగ్‌ఈ త్రిపుర ఆల్‌రౌండర్‌ సయ్యద్‌ ముస్తాక్‌ అలీ టోర్నీలో అదరగొట్టాడు. 21 సిక్సర్లు సహా 46.16 సగటున, 172.04 స్ట్రైక్‌రేట్‌తో 277 పరుగులు చేశాడు. బౌలింగ్‌లో 7.6 ఎకానమీతో 6 వికెట్లు తీశాడు. మనిశంకర్‌ బ్యాట్‌తో పాటు బంతితోనూ ప్రభావం చూపగల ఆటగాడు.

ఐపీఎల్‌-2026 మినీ వేలానికి ముందే ఐదు సార్లు ఛాంపియన్‌ ముంబై ఇండియన్స్ తమ మార్క్ చూపిస్తోంది. లక్నో సూపర్ జెయింట్స్ నుంచి శార్ధూల్ ఠాకూర్‌ను రూ.2 కోట్ల బెస్ ప్రెస్‌కు ట్రేడ్ చేసుకున్న ముంబై ఇండియన్స్‌.. ఇప్పుడు మరో వ్యూహాత్మక నిర్ణయం తీసుకుంది. గుజరాత్ టైటాన్స్ (GT) నుంచి వెస్టిండీస్ ఫినిషర్ షెర్ఫేన్ రూథ‌ర్ ఫ‌ర్డ్‌ను ముంబై ఇండియ‌న్స్ ట్రేడ్ రూపంలో సొంతం చేసుకుంది. ఈ విష‌యాన్ని ముంబై ఫ్రాంచైజీ ఎక్స్ వేదిక‌గా ధ్రువీక‌రించింది.కాగా గ‌త సీజ‌న్ వేలంలో రూథ‌ర్ ఫ‌ర్డ్‌ను రూ. 2.6 కోట్ల‌కు గుజ‌రాత్ కొనుగోలు చేసింది. ఈ కరేబియ‌న్ ఆట‌గాడు ఇప్పుడు అదే ప్రైస్ ట్యాగ్‌తో ముంబైకి మారాడు. ఐపీఎల్‌-2025లో రూథ‌ర్ ఫ‌ర్డ్ అద్భుత‌మైన ప్ర‌ద‌ర్శ‌న చేసిన‌ప్ప‌టికి గుజ‌రాత్ అత‌డిని ట్రేడ్ చేయడం అంద‌రిని ఆశ్చ‌ర్య‌ప‌రుస్తోంది. ఇప్ప‌టికే న‌మ‌న్ ధీర్ వంటి సూప‌ర్ ఫినిష‌ర్ ఉండ‌డంతో రూథ‌ర్‌ఫ‌ర్డ్‌ను మిడిల్ ఆర్డర్‌లో ఉపయోగించుకోవాలని ముంబై యోచిస్తున్నట్లు తెలుస్తోంది.Poore #CricketTwitter ko hila daala na? 😎🔥 pic.twitter.com/wuizRDyvwM— Mumbai Indians (@mipaltan) November 13, 202527 ఏళ్ల షెర్ఫేన్ రూథ‌ర్‌ఫ‌ర్డ్ విండీస్ త‌ర‌పున ఇప్ప‌టివ‌ర‌కు వెస్టిండీస్ త‌ర‌పున 44 టీ20లు ఆడాడు. ఆండ్రీ రస్సెల్‌తో క‌లిసి టీ20ల్లో ఆరో వికెట్‌కు అత్య‌ధిక భాగ‌స్వామ్యం(139) నెలకొల్పిన రికార్డును అత‌డు క‌లిగి ఉన్నాడు. ఇక 2019 సీజ‌న్‌లో ఢిల్లీ క్యాపిట‌ల్స్ త‌ర‌పున ఈ క్యాష్ రిచ్ లీగ్‌లో అడుగుపెట్టిన రూథ‌ర్ ఫ‌ర్డ్.. ఇప్ప‌టివ‌ర‌కు 23 మ్యాచ్‌లు ఆడాడు. ఐపీఎల్‌-2020 సీజ‌న్‌లో ముంబై ఇండియ‌న్స్‌కు కూడా అత‌డు ప్రాతినిథ్యం వ‌హించాడు. మ‌ళ్లీ ఇప్పుడు ఆరేళ్ల త‌ర్వాత ముంబై త‌ర‌పున మ‌ళ్లీ ఆడ‌నున్నాడు.

ఆసియా కప్‌-2025 (Asia Cup) టోర్నీతో అంతర్జాతీయ టీ20లలో పునరాగమనం చేశాడు టీమిండియా స్టార్‌ శుబ్‌మన్‌ గిల్‌ (Shubman Gil). దాదాపు ఏడాది విరామం తర్వాత యూఏఈతో మ్యాచ్‌ సందర్భంగా బుధవారం రీఎంట్రీ ఇచ్చాడు. అభిషేక్‌ శర్మతో కలిసి భారత ఇన్నింగ్స్‌ ఆరంభించిన గిల్‌ ధనాధన్‌ దంచికొట్టాడు.గిల్‌ ధనాధన్‌యూఏఈ విధించిన 58 పరుగుల స్వల్ప లక్ష్యాన్ని ఛేదించే క్రమంలో గిల్‌ విశ్వరూపం ప్రదర్శించాడు. పసికూనపై ఆది నుంచే ఎదురుదాడి ఆరంభించాడు. తాను ఎదుర్కొన్న తొలి బంతి (రెండో ఓవర్‌ మొదటి బంతి)నే ఫోర్‌గా మలిచిన ఈ కుడిచేతి వాటం బ్యాటర్‌.. అదే ఓవర్లో ఓ సిక్సర్‌ కూడా బాదాడు.టీమిండియా ఘన విజయం ఇక ఈ మ్యాచ్‌లో మొత్తంగా తొమ్మిది బంతులు ఆడిన శుబ్‌మన్‌ గిల్‌.. రెండు ఫోర్లు, ఒక సిక్స్‌ సాయంతో 20 పరుగులతో అజేయంగా నిలిచాడు. అతడి స్ట్రైక్‌రేటు 222.22. ఇదిలా ఉంటే.. గిల్‌తో పాటు అభిషేక్‌ శర్మ (16 బంతుల్లో 30), కెప్టెన్‌ సూర్యకుమార్‌ యాదవ్‌ (2 బంతుల్లో 7 నాటౌట్‌) రాణించడంతో 4.3 ఓవర్లలోనే పని పూర్తి చేసింది టీమిండియా. యూఏఈని తొమ్మిది వికెట్ల తేడాతో ఓడించి ఘన విజయం సాధించింది.ఈ నేపథ్యంలో భారత మాజీ క్రికెటర్‌, ఐపీఎల్‌ ఫ్రాంఛైజీ బ్యాటింగ్‌ కోచ్‌ పార్థివ్‌ పటేల్‌.. తమ కెప్టెన్‌ శుబ్‌మన్‌ గిల్‌ను ఉద్దేశించి ఆసక్తికర వ్యాఖ్యలు చేశాడు. టైటాన్స్‌కు ఆడేటపుడు గిల్‌లో ఇలాంటి దూకుడు చూడలేదని అన్నాడు. ‘‘తొలి బంతి నుంచే గిల్‌ అటాకింగ్‌ మోడ్‌లోకి వెళ్లిపోయాడు.మా జట్టుకు మాత్రం.. గిల్‌ ఇలా ఆడడుఆ తర్వాత వెంటనే.. క్రీజు బయటకు వచ్చి మరీ ఫోర్‌ బాదాడు. అదే ఓవర్లో సిక్స్‌ కూడా కొట్టాడు. గుజరాత్‌ టైటాన్స్‌కు ఆడేటపుడు అతడిలో ఇలాంటి దూకుడు ఎప్పుడూ చూడలేదు. నిజానికి ఇక్కడ కుదురుకునేందుకు గిల్‌ కాస్త సమయం తీసుకుంటాడు.కానీ టీమిండియా తరఫున ఈ మ్యాచ్‌లో ఎనిమిది మంది బ్యాటర్లు ఉన్న కారణంగా ఆది నుంచే దూకుడు ప్రదర్శించాడు. అద్భుతంగా ఆడాడు కూడా!’’ అని పార్థివ్‌ పటేల్‌ గిల్‌ను ప్రశంసించాడు. టీ20 జట్టు వైస్‌ కెప్టెన్‌గాకాగా టైటాన్స్‌కు సారథ్యం వహించడంతో పాటు ఓపెనర్‌గానూ గిల్‌ సేవలు అందిస్తున్నాడు. ఇటీవలే ఇంగ్లండ్‌ పర్యటన సందర్భంగా టీమిండియా టెస్టు కెప్టెన్‌గా గిల్‌ బాధ్యతలు చేపట్టిన విషయం తెలిసిందే. ఆండర్సన్‌- టెండుల్కర్‌ ట్రోఫీలో భాగంగా బ్యాట్‌తో ఇరగదీసిన ఈ పంజాబీ బ్యాటర్‌.. కెప్టెన్‌గానూ 2-2తో సిరీస్‌ సమం చేయగలిగాడు.ఇక భవిష్యత్తులో టీమిండియా మూడు ఫార్మాట్లలో గిల్‌ను కెప్టెన్‌ను చేయాలనే ఉద్దేశంతో.. ఇటీవలే టీ20 జట్టు వైస్‌ కెప్టెన్‌గా బీసీసీఐ తిరిగి నియమించింది. ప్రస్తుతం టీమిండియాకు వన్డేల్లో రోహిత్‌ శర్మ, టీ20లలో సూర్యకుమార్‌ యాదవ్‌, టెస్టుల్లో శుబ్‌మన్‌ గిల్‌ కెప్టెన్లుగా పనిచేస్తున్నారు.చదవండి: 21 సార్లు డకౌట్‌ అయినా సరే.. జట్టులోనే.. అతడికి గంభీర్‌ చెప్పిందిదే..

గుజరాత్ టైటాన్స్‌.. త‌మ ఐపీఎల్ అరంగేట్ర సీజ‌న్‌లోనే ఛాంపియ‌న్‌గా నిలిచి చ‌రిత్ర సృష్టించింది. ఐపీఎల్‌-2022 టైటిల్‌ను హార్దిక్ పాండ్యా పాండ్యా సారథ్యంలోని గుజరాత్ సొంతం చేసుకుంది. ఆ తర్వాత సీజన్‌లోనూ తమ జట్టును రన్నరప్‌గా హార్దిక్ నిలిపాడు.కానీ అనుహ్యంగా ఐపీఎల్‌-2024కు ముందు ట్రాన్స్‌ఫర్ విండో ద్వారా గుజరాత్ నుంచి ముంబై ఇండియన్స్‌కు హార్దిక్ వెళ్లిపోయాడు. ఆ తర్వాత శుబ్‌మన్ గిల్ గుజరాత్ టైటాన్స్ బాధ్యతలు చేపట్టనప్పటికి జట్టును విజ‌య ప‌థంలో న‌డిపించ‌డంలో విఫ‌ల‌మ‌య్యాడు. ఐపీఎల్‌-2025లో ప్లే ఆఫ్స్‌లో ఇంటిముఖం ప‌ట్టిన గుజ‌రాత్‌.. అంత‌క‌ముందు సీజ‌న్‌లో లీగ్ స్టేజిలోనే టోర్నీ నుంచి నిష్క్ర‌మించింది.హార్దిక్ గుజరాత్‌ను వీడి రెండు సీజ‌న్లు అవుతున్న‌ప్ప‌టి అత‌డి స్ధానాన్ని స‌రైన ఆట‌గాడు ఎవ‌రూ భ‌ర్తీ చేయ‌లేక‌పోయారు. హార్దిక్ బ్యాట్‌, బంతితో రాణించి గుజ‌రాత్ విజ‌యాల్లో భాగ‌మ‌య్యేవాడు. అయితే ఈసారి మినీవేలంలో అయినా హార్దిక్ త‌గ్గ ఆట‌గాడిని కొనుగోలు చేయాల‌ని గుజ‌రాత్ యాజ‌మాన్యం భావిస్తుందంట‌.గ్రీన్‌పై క‌న్ను..?ఐపీఎల్‌-2026 మినీ వేలం ఈ ఏడాది డిసెంబ‌ర్‌లో జ‌ర‌గ‌నుంది. ఈ వేలంలో ఆస్ట్రేలియా స్టార్ ఆల్‌రౌండ‌ర్ కామెరాన్ గ్రీన్‌పై గుజ‌రాత్ టైటాన్స్ కన్నేసిన‌ట్లు తెలుస్తోంంది. గ్రీన్ గాయం కార‌ణంగా గ‌తేడాది ఐపీఎల్ సీజ‌న్‌కు దూర‌మ‌య్యాడు. అయితే గాయం నుంచి కోలుకున్న గ్రీన్ వ‌చ్చే ఏడాది సీజ‌న్‌లో ఆడ‌నున్నాడు.ఇప్ప‌టికే అంత‌ర్జాతీయ క్రికెట్‌లో ఆసీస్ త‌ర‌పున అద‌ర‌గొడుతున్నాడు. ఈ 26 ఏళ్ల ఆట‌గాడిని ఎలాగైనా సొంతం చేసుకోవాల‌ని గుజ‌రాత్ యోచిస్తున్న‌ట్లు ఐపీఎల్ వ‌ర్గాలు వెల్ల‌డించాయి. ప్ర‌స్తుతం వైద్యుల సూచ‌న మేర‌కు కేవ‌లం బ్యాటింగ్ మాత్ర‌మే చేస్తున్న గ్రీన్.. త్వ‌ర‌లోనే బౌలింగ్‌కు చేసేందుకు అందుబాటులో ఉండ‌నున్నాడు. గ్రీన్ ఇప్ప‌టికే ఐపీఎల్‌లో రెండు సార్లు రూ. 17.50 కోట్లు అమ్ముడుపోయాడు. ముంబై ఇండియ‌న్స్‌, ఆర్సీబీకి ప్రాతినిథ్యం వ‌హించాడు. గ‌త రెండేళ్ల‌లో టీ20ల్లో అత‌డి స్ట్రైక్ రేట్ 150 కంటే ఎక్కువగా ఉంది. ఐపీఎల్‌ 2026 వేలంలో అత్యంత డిమాండ్ ఉన్న ఆటగాళ్లలో ఒక‌డిగా గ్రీన్ ఉన్నాడు. గ్రీన్‌కు ఓ ఐపీఎల్ సెంచ‌రీ కూడా ఉంది.

ఇంగ్లండ్‌ కౌంటీ క్రికెట్‌లోకి మరో భారత ఆటగాడు అరంగేట్రం చేయను​న్నాడు. తమిళనాడు స్పిన్‌ బౌలింగ్‌ ఆల్‌రౌండర్‌ రవిశ్రీనివాస్‌ సాయి కిషోర్‌ సర్రే కౌంటీ జట్టుతో రెండు మ్యాచ్‌ల స్వల్ప ఒప్పందం చేసుకున్నాడు. సాయి కిషోర్‌ ఈ నెల 22న యార్క్‌షైర్‌తో జరుగబోయే మ్యాచ్‌తో కౌంటీ అరంగేట్రం చేస్తాడు. ఆ మ్యాచ్‌లో సాయి తన మాజీ సీఎస్‌కే సహచరడు రుతురాజ్‌ గైక్వాడ్‌ను ఢీకొంటాడు. ‌రుతురాజ్‌ కూడా ఇదే సీజన్‌తో యార్క్‌షైర్‌ తరఫున కౌంటీ అరంగేట్రం చేశాడు.28 ఏళ్ల సాయి సర్రే క్లబ్‌తో ఒప్పందం చేసుకోవడంపై ఆనందం వ్యక్తం చేశాడు. ఘన చరిత్ర కలిగిన సర్రేకు ఆడటం అదృష్టంగా భావిస్తున్నట్లు తెలిపాడు. సాయి ఐపీఎల్‌లో గుజరాత్‌ టైటాన్స్‌ తరఫున ఆడతాడు. రంజీ ట్రోఫీలో తమిళనాడు కెప్టెన్‌గా వ్యవహరిస్తాడు. భారత్‌ తరఫున 3 టీ20లు ఆడిన సాయికి ఫస్ట్‌క్లాస్‌ క్రికెట్‌లో మంచి ట్రాక్‌ రికార్డు ఉంది. ఈ ఫార్మాట్‌లో అతను 23.5 సగటున 192 వికెట్లు పడగొట్టాడు. ఐపీఎల్‌లో 2022 సీజన్‌ నుంచి గుజరాత్‌కు ఆడుతున్న సాయి.. ఈ లీగ్‌లో 25 మ్యాచ్‌లు ఆడి 20.3 సగటుతో 32 వికెట్లు తీశాడు.ఈ సీజన్‌లో ఆరో క్రికెటర్‌ప్రస్తుత కౌంటీ సీజన్‌లో ఆడేందుకు భారత ఆటగాళ్లు క్యూ కడుతున్నారు. ఈ సీజన్‌లో ఇప్పటికే ఐదుగురు భారత ఆటగాళ్లు వేర్వేరు క్లబ్‌లకు ప్రాతినిథ్యం వహిస్తున్నారు. ఇషాన్‌ కిషన్‌ నాటింగ్హమ్‌షైర్‌, తిలక్‌ వర్మ హ్యాంప్‌షైర్‌, ఖలీల్‌ అహ్మద్‌ ఎసెక్స్‌, రుతురాజ్‌ గైక్వాడ్‌ యార్క్‌షైర్‌, యుజ్వేంద్ర చహల్‌ నార్తంప్టన్‌షైర్‌కు ఆడుతున్నారు.వీరిలో యువ బ్యాటర్లు తిలక్‌ వర్మ, ఇషాన్‌ కిషన్‌ తమ అరంగేట్రం​ మ్యాచ్‌ల్లోనే ఇరగదీశారు. ఇప్పటివరకు ఆడిన రెండు మ్యాచ్‌ల్లో తిలక్‌ సెంచరీ, ఓ హాఫ్‌ సెంచరీ చేయగా.. ఇషాన్‌ రెండు మ్యాచ్‌ల్లో రెండు హాఫ్‌ సెంచరీలు చేశారు.

ర‌షీద్ ఖాన్‌.. ప్ర‌పంచంలోనే అత్యుత్త‌మ స్పిన్న‌ర్ల‌లో ఒక‌డిగా పేరు గాంచాడు. త‌న స్పిన్ మ‌యాజాలంతో ప్ర‌త్య‌ర్ధుల‌ను ముప్పు తిప్ప‌లు పెట్టే సత్తా ఉన్నోడు రషీద్. కానీ ఐపీఎల్‌-2025లో మాత్రం రషీద్ త‌న మార్క్‌ను చూపించ‌లేక‌పోయాడు. ఈ ఏడాది సీజ‌న్‌లో అఫ్గాన్ స్టార్ స్పిన్న‌ర్ దారుణంగా విఫ‌ల‌మ‌య్యాడు.ప్ర‌తీ మ్యాచ్‌లోనూ భారీగా ప‌రుగులు స‌మ‌ర్పించుకుంటూ జ‌ట్టుకు భారంగా మారాడు. శుక్ర‌వారం ముంబై ఇండియ‌న్స్‌తో జ‌రిగిన ఎలిమినేట‌ర్‌లోనూ అదే తీరును క‌న‌బ‌రిచాడు. త‌న నాలుగు ఓవ‌ర్ల‌లో కోటాలో వికెట్ ఏమీ తీయ‌కుండా 31 ప‌రుగులు ఇచ్చాడు. ఓవ‌రాల్‌గా ఈ ఏడాది సీజ‌న్‌లో 15 మ్యాచ్‌లు ఆడిన ర‌షీద్‌.. 9.34 ఏకాన‌మితో కేవ‌లం 9 వికెట్లు మాత్రమే ప‌డ‌గొట్టాడు.ర‌షీద్ ఖాన్ చెత్త రికార్డు..ఈ క్ర‌మంలో ర‌షీద్ ఖాన్ అత్యంత చెత్త రికార్డును త‌న ఖాతాలో వేసుకున్నాడు. ఒక ఐపీఎల్ సీజ‌న్‌లో అత్య‌ధిక సిక్స‌ర్లు స‌మ‌ర్పించుకున్న బౌల‌ర్‌గా ర‌షీద్ ఆప్ర‌తిష్ట‌ను మూట‌క‌ట్టుకున్నాడు. ఈ ఏడాది సీజ‌న్‌లో ర‌షీద్ ఏకంగా 33 సిక్సర్లు ఇచ్చాడు. ఇప్ప‌టివ‌ర‌కు ఈ రికార్డు టీమిండియా ఫాస్ట్ బౌల‌ర్ మహ్మ‌ద్ సిరాజ్ పేరిట ఉండేది. 2022 ఐపీఎల్ సీజ‌న్‌లో ఆర్సీబీకి ప్రాతినిథ్యం వ‌హిస్తూ సిరాజ్ 31 సిక్స‌ర్లు ఇచ్చాడు. తాజా మ్యాచ్‌లో రెండు సిక్స‌ర్లు ఇచ్చిన ర‌షీద్‌.. సిరాజ్‌ను అధిగ‌మించాడు. వీరిద్ద‌రి త‌ర్వాత స్ధానాల్లో చాహ‌ల్‌(30), హ‌స‌రంగా(30),బ్రావో ఉన్నారు. కాగా ఎలిమినేట‌ర్ మ్యాచ్‌లో 20 ప‌రుగుల తేడాతో గుజ‌రాత్ ఓట‌మి పాలైంది.చదవండి: అదే మా కొంప‌ముంచింది.. అతడు మాత్రం నిజంగా అద్బుతం: గిల్

ఐపీఎల్‌-2025 సీజ‌న్‌లో గుజ‌రాత్ టైటాన్స్ క‌థ ముగిసింది. శుక్ర‌వారం ముంబై ఇండియ‌న్స్‌తో జ‌రిగిన ఎలిమినేట‌ర్‌లో 20 ప‌రుగుల తేడాతో గుజ‌రాత్ ఓట‌మి పాలైంది. దీంతో ఈ మెగా ఈవెంట్ నుంచి గుజ‌రాత్ నిష్క‌మ్రించింది. 229 ప‌రుగుల భారీ ల‌క్ష్య చేధ‌న‌లో సాయిసుద‌ర్శ‌న్‌(49 బంతుల్లో 10 ఫోర్లు, ఒక సిక్స‌ర్‌తో 80), వాషింగ్ట‌న్ సుంద‌ర్‌(48) అద్బుత ఇన్నింగ్స్‌లు ఆడిన‌ప్ప‌టికి.. మిగితా బ్యాట‌ర్ల నుంచి స‌హ‌కారం ల‌భించ‌క‌పోవ‌డంతో గుజ‌రాత్ ఓట‌మి చ‌విచూడాల్సి వ‌చ్చింది.ముఖ్యంగా ఈ మ్యాచ్‌లో గుజ‌రాత్ ఓట‌మికి ప్ర‌ధాన కార‌ణం చెత్త ఫీల్డింగ్‌. మ్యాచ్ ఆరంభంలోనే ముంబై స్టార్ బ్యాట‌ర్ రోహిత్ శ‌ర్మ‌కు రెండు లైఫ్‌లు వ‌చ్చాయి. వ‌రుస ఓవ‌ర్ల‌లో అత‌డి ఇచ్చిన ఈజీ క్యాచ్‌ల‌ను గుజ‌రాత్ ఫీల్డ‌ర్లు జార‌విడిచారు. అందుకు గుజ‌రాత్ భారీ మూల్యం చెల్లుంచుకోవాల్సి వ‌చ్చింది.3 ప‌రుగుల వ‌ద్ద ఔట‌య్యే ప్ర‌మాదం నుంచి త‌ప్పించుకున్న రోహిత్‌.. ఏకంగా 81 ప‌రుగుల‌తో విధ్వంసం సృష్టించాడు. బౌలర్లు కూడా భారీ పరుగులు సమర్పించుకున్నారు. పేలవ ఫీల్డింగ్‌, బౌలింగ్ కారణంగానే ఈ టోర్నీ నుంచి ఎలిమినేట్ కావాల్సి వచ్చింది.కన్నీరు పెట్టుకున్న నెహ్రా ఫ్యామిలీ..ఇక ఓటమి అనంతరం గుజరాత్ టైటాన్స్ ప్రధాన కోచ్ ఆశిష్ నెహ్రా కుటుంబ సభ్యులు కన్నీటి పర్యంతమయ్యారు. స్టాండ్స్‌లో కూర్చున్న నెహ్రా కుమారుడు, కూమర్తె ఎక్కి ఎక్కి ఏడ్చారు. ఈ సమయంలో పక్కనే ఉన్న గుజరాత్ కెప్టెన్ గిల్ సోదరి షహ్నీల్ గిల్ కూడా వారిని ఓదర్చే ప్రయత్నం చేసింది. ఈ క్రమంలో ఆమె కూడా భోవోద్వేగానికి లోనైంది. ఇందు​కు సంబంధించిన వీడియో ప్రస్తుతం సోషల్ మీడియాలో వైరలవుతోంది.𝙈𝙄-𝙜𝙝𝙩𝙮 effort on a 𝙈𝙄-𝙜𝙝𝙩𝙮 occasion 💙@mipaltan seal the #Eliminator with a collective team performance ✌Scorecard ▶ https://t.co/R4RTzjQNeP#TATAIPL | #GTvMI | #TheLastMile pic.twitter.com/cJzBLVs8uM— IndianPremierLeague (@IPL) May 30, 2025 Nehra ka Beta bada hoke humse badla lega 🤣🤣#MIvsGT pic.twitter.com/2j8Z17Hxx1— WTF Cricket (@CricketWtf) May 30, 2025

ఐపీఎల్‌-2025లో గుజ‌రాత్ టైటాన్స్ ప్ర‌యాణం ముగిసింది. శుక్ర‌వారం ముల్లాన్‌పూర్ వేదిక‌గా ముంబై ఇండియ‌న్స్‌తో జ‌రిగిన ఎలిమినేట‌ర్‌లో 20 ప‌రుగుల తేడాతో ఓట‌మి పాలైన గుజ‌రాత్‌.. ఈ టోర్నీ నుంచి ఇంటిముఖం ప‌ట్టింది. 229 ప‌రుగుల భారీ ల‌క్ష్యాన్ని చేధించ‌డంలో గుజ‌రాత్ విఫ‌ల‌మైంది. సాయిసుద‌ర్శ‌న్‌(81), వాషింగ్ట‌న్ సుంద‌ర్‌(48) అద్బుత ఇన్నింగ్స్‌లు ఆడిన‌ప్ప‌టికీ మిగితా బ్యాట‌ర్లు తేలిపోవ‌డంతో గుజ‌రాత్ ఓట‌మి చ‌విచూడాల్సి వ‌చ్చింది. ల‌క్ష్య చేధ‌న‌లో టైటాన్స్ నిర్ణీత 20 ఓవ‌ర్ల‌లో 6 వికెట్లు కోల్ప‌యి 208 ప‌రుగులు చేయ‌గ‌ల్గింది. ఇక ఈ హార్ట్‌బ్రేకింగ్ ఓట‌మిపై మ్యాచ్ అనంత‌రం గుజ‌రాత్ కెప్టెన్ శుబ్‌మ‌న్ గిల్ స్పందించాడు. త‌మ పేల‌వ ఫీల్డింగ్ కార‌ణంగానే ఓడిపోయాము అని గిల్ తెలిపాడు."క్రికెట్ అనేది నిజంగా ఒక అద్బుత‌మైన గేమ్‌. ఎప్పుడు ఏమి జ‌రుగుతుందో ఎవ‌రూ ఊహించలేరు. ఈ మ్యాచ్‌లో మేము ఆఖ‌రి వ‌ర‌కు పోరాడి ఓడిపోయాము. చివ‌రి మూడు, నాలుగు ఓవ‌ర్ల‌లో మాకు కలిసి రాలేదు. అయిన‌ప్ప‌టికి మేము బాగానే ఆడాము. క‌చ్చితంగా క్యాచ్‌లు మ్యాచ్ ఫలితాల‌పై తీవ్ర ప్ర‌భావం చూపుతాయి.ఈ మ్యాచ్‌లో మేము మూడు సునాయ‌స క్యాచ్‌లు జార‌విడిచాము. ఈజీగా క్యాచ్‌ల‌ను వ‌దిలిస్తే బౌల‌ర్లకు ప‌రుగులను నియంత్రించడం అంత సులభం కాదు. సాయిసుద‌ర్శ‌న్‌, వాషింగ్ట‌న్ సుంద‌ర్‌కు మేము ఒక‌టే మెసేజ్ పంపాము. ఎలాంటి ఒత్తిడి లేకుండా పూర్తిగా స్వేచ్ఛగా ఆడాలని వారికి చెప్పాం. జ‌ట్టును గెలిపించ‌డమే వారద్ద‌రి ల‌క్ష్యం.మంచు కారణంగా వికెట్ కూడా బ్యాటింగ్‌కు అనుకూలంగా మారింది. ఈ సీజ‌న్‌లో మాకు చాలా సానుకూల అంశాలు ఉన్నాయి. గ‌త మూడు మ్యాచ్‌లలో మేము స్ధాయికి త‌గ్గ ప్ర‌ద‌ర్శ‌న చేయ‌లేక‌పోయాము. కానీ జ‌ట్టులోని ప్ర‌తీ ఒక్క‌రూ కూడా మెరుగ్గా రాణించారు. ముఖ్యంగా సాయిసుద‌ర్శ‌న్ ఒక అద్బుం. ఈ సీజన్‌లో అత‌డు ఆసాధ‌ర‌ణ ప్ర‌ద‌ర్శ‌న క‌న‌బ‌రిచాడు అని పోస్ట్ మ్యాచ్ ప్రెజెంటేష‌న్‌లో గిల్ పేర్కొన్నాడు.చదవండి: సంతోషంగా ఉంది.. అతడి వల్లే ​ఓడిపోయే మ్యాచ్‌లో గెలిచాము: హార్దిక్‌

ఐపీఎల్‌-2025లో శుక్ర‌వారం ముల్లాన్‌పూర్ వేదిక‌గా ముంబై ఇండియ‌న్స్‌, గుజ‌రాత్ టైటాన్స్ మ‌ధ్య జ‌రిగిన ఎలిమినిటేర్ మ్యాచ్ స‌స్పెన్ష్ థ్రిల్ల‌ర్‌ను త‌లపించింది. ఆఖ‌రి వ‌ర‌కు ఉత్కంఠ‌భ‌రితంగా సాగిన ఈ పోరులో గుజ‌రాత్ 20 ప‌రుగుల తేడాతో ముంబై విజ‌యం సాధించింది. దీంతో ముంబై ఇండియ‌న్స్ క్వాలిఫ‌య‌ర్‌-2కు ఆర్హ‌త సాధించింది. ఆదివారం జ‌ర‌గ‌నున్న సెకెండ్ క్వాలిఫ‌య‌ర్‌లో పంజాబ్ కింగ్స్‌తో ముంబై త‌ల‌ప‌డ‌నుంది. ఈ విజ‌యంపై మ్యాచ్ అనంత‌రం ముంబై ఇండియ‌న్స్ కెప్టెన్ హార్దిక్ పాండ్యా స్పందించాడు. మ్యాచ్‌ను మ‌లుపు తిప్పిన స్టార్ పేస‌ర్ జ‌స్ప్రీత్ బుమ్రాపై పాండ్యా ప్ర‌శంస‌ల వ‌ర్షం కురిపించాడు."కీల‌క మ్యాచ్‌లో విజ‌యం సాధించ‌డం చాలా సంతోషంగా ఉంది. ఒకానొక ద‌శ‌లో గేమ్ స‌మానంగా మారింది. రెండో ఇన్నింగ్స్‌లో వికెట్ బ్యాటింగ్‌కు మ‌రింత మెరుగ్గా అనుకూలించింది. మంచు కార‌ణంగా బంతి సునాయ‌సంగా బ్యాట్‌పైకి వ‌చ్చింది. దీంతో రిథ‌మ్ అందుకున్న గుజ‌రాత్ బ్యాట‌ర్లు దూకుడుగా ఆడ‌డం మొద‌లు పెట్టారు. ఆ స‌మ‌యంలో ఒత్తిడికి లోనవ్వ‌కుండా మా బౌల‌ర్ల‌కు స‌పోర్ట్‌గా ఉండాల‌ని నిర్ణ‌యించుకున్నాము.ఇక జానీ బెయిర్ స్టో త‌న అరంగేట్రంలో ఆసాధ‌ర‌ణ ప్ర‌ద‌ర్శ‌న క‌న‌బ‌రిచాడు. మాకు అత‌డు అద్బుత‌మైన ఆరంభాన్ని అందించాడు. రోహిత్ శ‌ర్మ మ‌రోసారి త‌న క్లాస్ చూపించాడు. తొలుత కాస్త నెమ్మ‌దిగా ఆడిన‌ప్ప‌టికి.. తన రిథమ్ అనుకున్న తర్వాత ప్రత్యర్ధి బౌలర్లకు చుక్కలు చూపించాడు. బౌలింగ్‌లో గ్లీసన్, బుమ్రా, అశ్విన్ కుమార్ ప్రతీ ఒక్కరూ రాణించారు.ఈ మ్యాచ్‌లో మేము ఎటువంటి ఒత్తిడి లోనవ్వలేదు. తొలి ఇన్నింగ్స్‌లో నేను మరో సిక్స్‌లు కొట్టి ఉంటే బాగుండేంది. ఎందుకంటే ఆఖరిలో చేసే పరుగులు మ్యాచ్ ఫలితంపై ప్రభావం చూపుతాయి. బ్యాటింగ్‌లో మేము అనుకున్న విధంగా దూకుడుగా ఆడాము. ఇక బుమ్రాతో ఎప్పుడు బౌలింగ్ చేయంచాలన్నది అన్నది చాలా సులభం. మ్యాచ్ చేజారిపోతుందని అనిపిచ్చినప్పుడు బుమ్రాను ఎటాక్‌లో తీసుకురావాలి. బుమ్రా లాంటి ప్లేయర్‌ జట్టులో ఉంటే కెప్టెన్‌కు అదొక వరం.ముంబైలో ఇళ్లు ఎంత ఖరీదుగా ఉంటాయో, బుమ్రా కూడా అంతే కాస్టలీ. చివరి ఓవర్లలో అదనపు పరుగులు ఉంచుకోగలిగితే, వాటిని డిఫెండ్ చేయగల బౌలర్లు జట్టులో ఉన్నారు అని భావించాను. అందుకే 18 ఓవర్ బుమ్రాతో వెయించాను. అందుకు తగ్గట్టే ఆ ఓవర్‌లో అతడు కేవలం 9 పరుగులు మాత్రమే ఇచ్చింది. దీంతో గుజరాత్‌కు కావల్సిన రన్‌రేట్ పెరిగింది. మా తదుపురి మ్యాచ్ కోసం ఆతృతగా ఎదురు చూస్తున్నాను" అని హార్ధిక్ పేర్కొన్నాడు.కాగా ఈ మ్యాచ్‌లో మొదట బ్యాటింగ్‌ చేసిన ముంబై ఇండియన్స్‌ నిర్ణీత 20 ఓవర్లలో 5 వికెట్ల నష్టానికి 228 పరుగుల భారీ స్కోర్‌ సాధించింది. ముంబై బ్యాటర్లలో రోహిత్‌ శర్మ(81) పరుగులతో టాప్‌ స్కోరర్‌గా నిలిచాడు. అనంతరం గుజరాత్ టైటాన్స్ నిర్ణీత 20 ఓవర్లలో 6 వికెట్లకు 208 పరుగులకే పరిమితమైంది. గుజరాత్‌ ‍బ్యాటర్లలో సాయిసుదర్శన్‌(80) పోరాడాడు. అయితే 48 పరుగులతో దూకుడుగా ఆడుతున్న వాషింగ్టన్‌ సుందర్‌ను ఔట్‌ చేసి బుమ్రా మ్యాచ్‌ మలుపు తిప్పాడు.

ఒత్తిడితో కూడిన మ్యాచ్‌లు ఆడటంలో ఆరితేరిన ముంబై ఇండియన్స్‌... గుజరాత్‌ టైటాన్స్‌ను చిత్తు చేసి క్వాలిఫయర్‌–2కు చేరింది. బ్యాటింగ్‌లో రోహిత్‌ శర్మ దూకుడుకు... బెయిర్‌స్టో, సూర్యకుమార్‌ మెరుపులు తోడవడంతో మొదట భారీ స్కోరు చేసిన ముంబై... ఆ తర్వాత బౌలింగ్‌లోనూ ఆకట్టుకొని ముందంజ వేసింది. టాప్‌–3 ఆటగాళ్లపైనే ఎక్కువ ఆధారపడిన గుజరాత్‌... కీలక ఎలిమినేటర్‌ పోరులో అది సాధ్యపడక పరాజయంతో లీగ్‌ నుంచి నిష్క్రమించింది. ముల్లాన్‌పూర్‌: ఆల్‌రౌండ్‌ ప్రదర్శనతో అదరగొట్టిన ముంబై ఇండియన్స్‌ జట్టు ఐపీఎల్‌ క్వాలిఫయర్‌–2కు అర్హత సాధించింది. శుక్రవారం జరిగిన ఎలిమినేటర్‌ పోరులో ముంబై 20 పరుగుల తేడాతో గుజరాత్‌ టైటాన్స్‌పై విజయం సాధించింది. మొదట ముంబై నిర్ణీత 20 ఓవర్లలో 5 వికెట్ల నష్టానికి 228 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ రోహిత్‌ శర్మ (50 బంతుల్లో 81; 9 ఫోర్లు, 4 సిక్స్‌లు) దుమ్మురేపగా... జానీ బెయిర్‌స్టో (22 బంతుల్లో 47; 4 ఫోర్లు, 3 సిక్స్‌లు), సూర్యకుమార్‌ యాదవ్‌ (20 బంతుల్లో 33; 1 ఫోర్, 3 సిక్స్‌లు) ధాటిగా ఆడారు. గుజరాత్‌ బౌలర్లలో ప్రసిధ్‌ కృష్ణ, సాయి కిషోర్‌ చెరో 2 వికెట్లు పడగొట్టారు. అనంతరం లక్ష్యఛేదనలో గుజరాత్‌ 20 ఓవర్లలో 6 వికెట్లకు 208 పరుగులు చేసింది. సాయి సుదర్శన్‌ (49 బంతుల్లో 80; 10 ఫోర్లు, 1 సిక్స్‌) టాప్‌ స్కోరర్‌ కాగా... వాషింగ్టన్‌ సుందర్‌ (24 బంతుల్లో 48; 5 ఫోర్లు, 3 సిక్స్‌లు) కీలక ఇన్నింగ్స్‌ ఆడాడు. ముంబై బౌలర్లలో బౌల్ట్‌ 2... బుమ్రా, గ్లీసన్, సాంట్నర్, అశ్వని కుమార్‌ తలా ఒక వికెట్‌ తీశారు. ఆదివారం జరగనున్న క్వాలిఫయర్‌–2లో పంజాబ్‌ కింగ్స్‌తో ముంబై ఇండియన్స్‌ తలపడనుంది. దంచుడే దంచుడు... టాస్‌ గెలిచి మొదట బ్యాటింగ్‌కు దిగిన ముంబై జట్టుకు ఓపెనర్లు రోహిత్, బెయిర్‌స్టో మెరుపు ఆరంభాన్నిచ్చారు. రికెల్టన్‌ అందుబాటులో లేకపోవడంతో... ఈ సీజన్‌లో తొలి మ్యాచ్‌ ఆడిన బెయిర్‌స్టో తన విలువ చాటుకున్నాడు. ప్రసిధ్‌ కృష్ణ వేసిన రెండో ఓవర్‌లో ఫోర్‌తో దూకుడు పెంచిన బెయిర్‌స్టో... ప్రసిధ్‌ కృష్ణ వేసిన నాలుగో ఓవర్‌లో పరుగుల పండగ చేసుకున్నాడు. వరసగా 6, 4, 6, 6, 4... 26 పరుగులు పిండుకున్నాడు. సిరాజ్‌ ఓవర్‌లో రెండు ఫోర్లతో టచ్‌లోకి వచ్చిన రోహిత్‌ సాయి కిషోర్‌ బౌలింగ్‌లో 6, 4, 4తో గేర్‌ మార్చాడు. 3 పరుగుల వ్యక్తిగత స్కోరు వద్ద రోహిత్‌ ఇచ్చిన క్యాచ్‌ను కోట్జీ వదిలేయగా... 12 పరుగుల వద్ద మెండిస్‌ మరో సులువైన క్యాచ్‌ను నేలపాలు చేశాడు. దీన్ని పూర్తిగా వినియోగించుకున్న రోహిత్‌ భారీ షాట్లతో విరుచుకుపడ్డాడు. దీంతో పవర్‌ ప్లే ముగిసేసరికి ముంబై జట్టు 79/0తో నిలిచింది. స్పిన్నర్ల రాకతో స్కోరు వేగం మందగించగా... బెయిర్‌స్టోను అవుట్‌ చేసి సాయి కిషోర్‌ గుజరాత్‌కు బ్రేక్‌ ఇచ్చాడు. రషీద్‌ ఓవర్‌లో 4, 6 ద్వారా ఐపీఎల్లో 7 వేల పరుగులతో పాటు 300 సిక్స్‌లు పూర్తి చేసుకున్న రోహిత్‌... 28 బంతుల్లో హాఫ్‌సెంచరీ మార్క్‌ అందుకున్నాడు. క్రీజులో ఉన్నంతసేపు భారీ షాట్లతో విరుచుకుపడిన సూర్యకుమార్‌ను సాయి కిషోర్‌ పెవిలియన్‌ పంపగా... ఈ సీజన్‌లో పెద్దగా ఆకట్టుకోలేకపోయిన హైదరాబాద్‌ ఆటగాడు తిలక్‌ వర్మ (11 బంతుల్లో 25; 3 సిక్స్‌లు) కొన్ని చక్కటి షాట్లు ఆడాడు. స్లో బంతితో రోహిత్‌ను ప్రసిధ్‌ కృష్ణ బుట్టలో వేసుకోగా... చివరి ఓవర్‌లో మూడు సిక్స్‌లు కొట్టిన కెప్టెన్ హార్దిక్‌ పాండ్యా (9 బంతుల్లో 22 నాటౌట్‌; 3 సిక్స్‌లు) జట్టుకు భారీ స్కోరు అందించాడు. సుదర్శన్‌ పోరాడినా... భారీ లక్ష్యఛేదనలో గుజరాత్‌కు శుభారంభం లభించలేదు. కెప్టెన్ గిల్‌ (1) ఇన్నింగ్స్‌ నాలుగో బంతికే వికెట్ల ముందు దొరికిపోయాడు. దీంతో మరో ఓపెనర్‌ సుదర్శన్‌ బాధ్యతగా ముందుకు సాగాడు. ఐపీఎల్‌లో తొలి మ్యాచ్‌ ఆడిన కుశాల్‌ మెండిస్‌ (10 బంతుల్లో 20; 1 ఫోర్, 2 సిక్స్‌లు) కాస్త సహకరించగా... సుదర్శన్‌ క్లాస్‌ కవర్‌ డ్రైవ్‌లతో ఆకట్టుకున్నాడు. భారీ లక్ష్యం కళ్లముందు ఉన్నా... ఏమాత్రం వెరవని టైటాన్స్‌ పవర్‌ప్లే ముగిసేసరికి 66/1తో నిలిచింది. గ్లీసన్, హార్దిక్, బుమ్రా, సాంట్నర్‌ ఓవర్లలో రెండేసి ఫోర్లు కొట్టిన పసుదర్శన్‌ 28 బంతుల్లో అర్ధ శతకం పూర్తి చేసుకున్నాడు. మెండిస్‌ వెనుదిరిగాక క్రీజులోకి వచ్చిన వాషింగ్టన్‌ సుందర్‌ కూడా ఆకట్టుకున్నాడు. ప్రమాదక బుమ్రా బంతులను కాచుకున్న ఈ జంట... మిగిలిన ఓవర్లలో ధాటిగా పరుగులు రాబట్టింది. దీంతో 13 ఓవర్లు ముగిసేసరికి టైటాన్స్‌ 148/2తో నిలిచింది. విజయానికి 42 బంతుల్లో 81 పరుగులు కావాల్సిన దశలో... బుమ్రా అద్భుత యార్కర్‌తో సుందర్‌ను క్లీన్‌ బౌల్డ్‌ చేయడంతో పరిస్థితి మారిపోయింది. సుదర్శన్‌ను గ్లీసన్‌ను అవుట్‌ చేయగా... రూథర్‌ఫోర్డ్‌ (24; 4 ఫోర్లు) ఎక్కువసేపు నిలవలేకపోయాడు. చివర్లో రాహుల్‌ తెవాటియా (16; 1 ఫోర్, 1 సిక్స్‌), షారుక్‌ ఖాన్‌ (13; 1 సిక్స్‌) మెరుపులు జట్టును గెలిపించలేకపోయాయి. స్కోరు వివరాలు ముంబై ఇండియన్స్‌ ఇన్నింగ్స్‌: రోహిత్‌ (సి) రషీద్‌ (బి) ప్రసిధ్‌ కృష్ణ 81; బెయిర్‌స్టో (సి) కోట్జీ (బి) సాయి కిషోర్‌ 47; సూర్యకుమార్‌ (సి) సుందర్‌ (బి) సాయి కిషోర్‌ 33; తిలక్‌ (సి) మెండిస్‌ (బి) సిరాజ్‌ 25; హార్దిక్‌ (నాటౌట్‌) 22; నమన్‌ ధీర్‌ (సి) రషీద్‌ (బి) ప్రసిధ్‌ కృష్ణ 9, సాంట్నర్‌ (నాటౌట్‌) 0; ఎక్స్‌ట్రాలు 11; మొత్తం (20 ఓవర్లలో 5 వికెట్లకు) 228. వికెట్ల పతనం: 1–84, 2–143, 3–186, 4–194, 5–206. బౌలింగ్‌: సిరాజ్‌ 4–0–37–1; ప్రసిధ్‌ కృష్ణ 4–0–53–2; సాయి కిషోర్‌ 4–0–42–2; రషీద్‌ ఖాన్‌ 4–0–31–0; కోట్జీ 3–0–51–0; సుందర్‌ 1–0–7–0. గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (బి) గ్లీసన్‌ 80; గిల్‌ (ఎల్బీ) (బి) బౌల్ట్‌ 1; మెండిస్‌ (హిట్‌ వికెట్‌) (బి) సాంట్నర్‌ 20; సుందర్‌ (బి) బుమ్రా 48; రూథర్‌ఫోర్డ్‌ (సి) తిలక్‌ (బి) బౌల్ట్‌ 24; తెవాటియా (నాటౌట్‌) 16; షారుక్‌ ఖాన్‌ (సి) సూర్యకుమార్‌ (బి) అశ్వని కుమార్‌ 13; రషీద్‌ ఖాన్‌ (నాటౌట్‌) 0; ఎక్స్‌ట్రాలు 6; మొత్తం (20 ఓవర్లలో 6 వికెట్లకు) 208. వికెట్ల పతనం: 1–3, 2–67, 3–151, 4–170, 5–193, 6–208. బౌలింగ్‌: బౌల్ట్‌ 4–0–56–2; బుమ్రా 4–0–27–1; గ్లీసన్‌ 3.3–0–39–1; హార్దిక్‌ పాండ్యా 3–0–37–0; సాంట్నర్‌ 1–0–10–1; నమన్‌ ధీర్‌ 1–0–9–0; అశ్వని కుమార్‌ 3.3–0–28–1.

ఐపీఎల్‌ 2025లో భాగంగా ఇవాళ (మే 30) జరిగిన ఎలిమినేటర్‌ మ్యాచ్‌లో గుజరాత్‌ టైటాన్స్‌పై ముంబై ఇండియన్స్‌ 20 పరుగుల తేడాతో విజయం సాధించింది. తద్వారా ముంబై రెండో క్వాలిఫయర్‌కు అర్హత సాధించగా.. గుజరాత్‌ ఇంటిబాట పట్టింది.ఉత్కంఠగా సాగిన ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ముంబై ఇండియన్స్‌ భారీ స్కోర్‌ చేసింది. రోహిత్‌ శర్మ (81), బెయిర్‌స్టో (47), సూర్యకుమార్‌ యాదవ్‌ (33), తిలక్‌ వర్మ (25) ఇరగదీయడంతో నిర్ణీత 20 ఓవర్లలో 5 వికెట్ల నష్టానికి 228 పరుగులు చేసింది. ఆఖరి ఓవర్‌లో హార్దిక్‌ పాండ్యా (21 నాటౌట్‌) బ్యాట్‌ ఝులిపించాడు. మూడు సిక్సర్లు బాదాడు. గుజరాత్‌ బౌలర్లలో ప్రసిద్ద్‌ కృష్ణ, సాయికిషోర్‌ తలో రెండు వికెట్లు తీయగా.. సిరాజ్‌ ఓ వికెట్‌ దక్కించుకున్నాడు.అనంతరం భారీ లక్ష్య ఛేదనలో గుజరాత్‌ ముంబై ఇండియన్స్‌ గుండెల్లో రైళ్లు పరిగెట్టించింది. ముఖ్యంగా సాయి సుదర్శన్‌ (80) ఆకాశమే హద్దుగా చెలరేగి ముంబై ఇండియన్స్‌ బౌలర్లకు చెమటలు పట్టించాడు. సాయి క్రీజ్‌లో ఉన్నంత సేపు మ్యాచ్‌ గుజరాత్‌ చేతుల్లో ఉండింది. అయితే సాయి ఔటయ్యాక పరిస్థితి మెల్లగా చేజారుతూ వచ్చింది. చివరి ఓవర్‌ వరకు పోరాడినా గుజరాత్‌కు విజయం దక్కలేదు. నిర్ణీత ఓవర్లలో ఆ జట్టు 6 వికెట్లు కోల్పోయి 208 పరుగులు చేయగలిగింది. గుజరాత్‌ ఇన్నింగ్స్‌లో సాయి సుదర్శన్‌తో పాటు వాషింగ్టన్‌ సుందర్‌ (48) రాణించాడు. శుభ్‌మన్‌ గిల్ ఒక్క పరుగుకే ఔట్‌ కాగా.. రూథర్‌ఫోర్డ్‌ 24, తెవాతియా 16 (నాటౌట్‌), షారుఖ్‌ ఖాన్‌ 13 పరుగులు చేశారు. ముంబై బౌలర్లలో బౌల్ట్‌ 2, బుమ్రా, గ్లీసన్‌, సాంట్నర్‌, అశ్వనీ కుమార్‌ తలో వికెట్‌ పడగొట్టారు. ముంబై ఇండియన్స్‌ జూన్‌ 1న జరిగే క్వాలిఫయర్‌-2లో పంజాబ్‌ కింగ్స్‌తో తలపడుతుంది. ఆ మ్యాచ్‌లో గెలిచిన జట్టు జూన్‌ 3న జరిగే ఫైనల్లో ఆర్సీబీని ఢీకొంటుంది.

గుజరాత్‌పై ముంబై ఇండియన్స్‌ గెలుపుఐపీఎల్‌ 2025లో భాగంగా ఇవాళ (మే 30) జరిగిన ఎలిమినేటర్‌ మ్యాచ్‌లో గుజరాత్‌ టైటాన్స్‌పై ముంబై ఇండియన్స్‌ 20 పరుగుల తేడాతో విజయం సాధించింది. తద్వారా ముంబై రెండో క్వాలిఫయర్‌కు అర్హత సాధించగా.. గుజరాత్‌ ఇంటిబాట పట్టింది. ఈ మ్యాచ్‌లో తొలుత బ్యాటింగ్‌ చేసిన ముంబై ఇండియన్స్‌ నిర్ణీత 20 ఓవర్లలో 5 వికెట్ల నష్టానికి 228 పరుగులు చేయగా.. ఛేదనలో చివరి వరకు పోరాడిన గుజరాత్‌ 20 ఓవర్లలో 6 వికెట్లు కోల్పోయి 208 పరుగులు చేయగలిగింది.ధాటిగా ఆడుతున్న సాయి సుదర్శన్‌రెండు వికెట్లు కోల్పోయిన సాయి సుదర్శన్‌ ఏమాత్రం తగ్గడం లేదు. 36 బంతుల్లో 10 ఫోర్లు, సిక్సర్‌ సాయంతో 67 పరుగులు చేసి అజేయంగా ఉన్నాడు. అతనికి జతగా వాషింగ్టన్‌ సుందర్‌ (16) క్రీజ్‌లో ఉన్నాడు. 10 ఓవర్ల తర్వాత గుజరాత్‌ స్కోర్‌ 106/2గా ఉంది. రెండో వికెట్‌ కోల్పోయిన గుజరాత్‌6.2వ ఓవర్‌- 67 పరుగుల వద్ద గుజరాత్‌ రెండో వికెట్‌ కోల్పోయింది. సాంట్నర్‌ బౌలింగ్‌లో కుసాల్‌ మెండిస్‌ (20) హిట్‌ వికెట్‌గా వెనుదిరిగాడు. ఆదిలోనే తొలి వికెట్‌ కోల్పోయినా, పవర్‌ ప్లేలో ఇరగదీసిన గుజరాత్‌ బ్యాటర్లుతొలి ఓవర్‌లోనే గిల్‌ (1) వికెట్‌ కోల్పోయినా గుజరాత్‌ బ్యాటర్లు సాయి సుదర్శన్‌ (43), కుసాల్‌ మెండిస్‌ (20) పవర్‌ప్లేలో ఇరగదీశారు. వీరి ధాటికి గుజరాత్‌ 6 ఓవర్లలో వికెట్‌ నష్టానికి 66 పరుగులు చేసింది.టార్గెట్‌ 229.. 3 పరుగులకే తొలి వికెట్‌ కోల్పోయిన గుజరాత్‌229 పరుగుల భారీ లక్ష్య ఛేదనలో గుజరాత్‌ 3 పరుగుల వద్దే తొలి వికెట్‌ కోల్పోయింది. బౌల్ట్‌ బౌలింగ్‌లో శుభ్‌మన్‌ గిల్‌ (1) ఔటయ్యాడు. ముంబై ఇండియన్స్‌ భారీ స్కోర్‌టాస్‌ గెలిచి తొలుత బ్యాటింగ్‌ చేసిన ముంబై ఇండియన్స్‌ భారీ స్కోర్‌ చేసింది. రోహిత్‌ శర్మ (81), బెయిర్‌స్టో (47), సూర్యకుమార్‌ యాదవ్‌ (33), తిలక్‌ వర్మ (25) ఇరగదీయడంతో నిర్ణీత 20 ఓవర్లలో 5 వికెట్ల నష్టానికి 228 పరుగులు చేసింది. ఆఖరి ఓవర్‌లో హార్దిక్‌ పాండ్యా (21 నాటౌట్‌) బ్యాట్‌ ఝులిపించాడు. మూడు సిక్సర్లు బాదాడు.నాలుగో వికెట్‌ కోల్పోయిన ముంబై17.2వ ఓవర్‌- 194 పరుగుల వద్ద ముంబై ఇండియన్స్‌ నాలుగో వికెట్‌ కోల్పోయింది. సిరాజ్‌ బౌలింగ్‌లో తిలక్‌ వర్మ (25) ఔటయ్యాడు.సెంచరీ మిస్‌ చేసుకున్న రోహిత్‌16.4వ ఓవర్‌- 186 పరుగుల వద్ద ముంబై మూడో వికెట్‌ కోల్పోయింది. 81 పరుగుల వద్ద ఔటై రోహిత్‌ సెంచరీ చేసే అవకాశాన్ని మిస్‌ చేసుకున్నాడు.సెంచరీకి చేరువగా రోహిత్‌.. భారీ స్కోర్‌ దిశగా ముంబై ఇండియన్స్‌16 ఓవర్ల తర్వాత ముంబై ఇండియన్స్‌ స్కోర్‌ 175/2గా ఉంది. రోహిత్‌ శర్మ 81, తిలక్‌ వర్మ 11 పరుగులతో క్రీజ్‌లో ఉన్నారు. భారీ స్కోర్‌ దిశగా ముంబై15 ఓవర్ల తర్వాత ముంబై ఇండియన్స్‌ స్కోర్‌ 160/2గా ఉంది. రోహిత్‌ శర్మ 74, తిలక్‌ వర్మ 3 పరుగులతో క్రీజ్‌లో ఉన్నారు.చరిత్ర సృష్టించిన రోహిత్‌ శర్మ.. ఒకే ఇన్నింగ్స్‌తో రెండు భారీ రికార్డులుఐపీఎల్‌లో రోహిత్‌ శర్మ రెండు భారీ రికార్డులు సొంతం చేసుకున్నాడు. ఐపీఎల్‌ 2025లో భాగంగా గుజరాత్‌ టైటాన్స్‌తో ఇవాళ (మే 30) జరుగుతున్న కీలక ఎలిమినేటర్‌ మ్యాచ్‌లో 28 బంతుల్లో హాఫ్‌ సెంచరీ పూర్తి చేసుకున్న రోహిత్‌.. ఐపీఎల్‌లో 7000 పరుగులు పూర్తి చేశాడు. ఈ ఇన్నింగ్స్‌లో ఇప్పటివరకు 2 సిక్సర్లు బాదిన రోహిత్‌ ఐపీఎల్‌లో 300 సిక్సర్లు కొట్టిన తొలి భారత క్రికెట్‌గా చరిత్ర సృష్టించాడు. 11 ఓవర్ల తర్వాత ముంబై స్కోర్‌ 120/1 కాగా.. రోహిత్‌ 57, సూర్యకుమార్‌ యాదవ్‌ 13 పరుగులతో క్రీజ్‌లో ఉన్నారు. తొలి వికెట్‌ కోల్పోయిన ముంబై7.2వ ఓవర్‌- 84 పరుగుల వద్ద ముంబై ఇండియన్స్‌ తొలి వికెట్‌ కోల్పోయింది. సాయి కిషోర్‌ బౌలింగ్‌లో కొయెట్జీ క్యాచ్‌ పట్టడంతో జానీ బెయిర్‌స్టో (47) ఔటయ్యాడు.ప్రసిద్ద్‌ కృష్ణను ఉతికి ఆరేసిన బెయిర్‌స్టోనాలుగో ఓవర్‌లో ప్రసిద్ద్‌ కృష్ణను జానీ బెయిర్‌స్టో ఉతికి ఆరేశాడు. ఈ ఓవర్‌లో అతను 3 సిక్సర్లు, 2 ఫోర్లు కొట్టాడు. ఫలితంగా ముంబై 4 ఓవర్లలోనే 50 పరుగులు దాటింది. బెయిర్‌స్టో 39, రోహిత్‌ శర్మ 13 పరుగుల వద్ద క్రీజ్‌లో ఉన్నారు. రోహిత్‌ శర్మకు రెండు లైఫ్‌లుముంబై ఇండియన్స్‌ ఓపెనర్‌ రోహిత్‌ శర్మకు రెండు లైఫ్‌లు లభించాయి. గెరాల్డ్‌ కొయెట్జీ, కుసాల్‌ మెండిస్‌ సునాయాసమైన క్యాచ్‌లు వదిలేశారు. 3 ఓవర్ల తర్వాత ముంబై స్కోర్‌ 28/0గా ఉంది. రోహిత్‌, బెయిర్‌స్టో తలో 13 పరుగుల వద్ద క్రీజ్‌లో ఉన్నారు. ఐపీఎల్‌ 2025లో ఇవాళ (మే 30) ఎలిమినేటర్‌ మ్యాచ్‌ జరుగుతుంది. ముల్లాన్‌పూర్‌ వేదికగా గుజరాత్‌ టైటాన్స్‌, ముంబై ఇండియన్స్‌ అమీతుమీ తేల్చుకోనున్నాయి. ఈ మ్యాచ్‌లో ముంబై ఇండియన్స్‌ టాస్‌ గెలిచి బ్యాటింగ్‌ ఎంచుకుంది. జట్ల వివరాలు..ముంబై ఇండియన్స్ (ప్లేయింగ్ XI): రోహిత్ శర్మ, జానీ బెయిర్‌స్టో(w), సూర్యకుమార్ యాదవ్, తిలక్ వర్మ, హార్దిక్ పాండ్యా(c), నమన్ ధీర్, రాజ్ బావా, మిచెల్ సాంట్నర్, ట్రెంట్ బౌల్ట్, జస్ప్రీత్ బుమ్రా, రిచర్డ్ గ్లీసన్ఇంపాక్ట్ సబ్స్: కృష్ణన్ శ్రీజిత్, రఘు శర్మ, రాబిన్ మింజ్, అశ్వనీ కుమార్, రీస్ టోప్లీ.గుజరాత్ టైటాన్స్ (ప్లేయింగ్ XI): శుభమన్ గిల్(సి), సాయి సుదర్శన్, కుసల్ మెండిస్(w), షారుక్ ఖాన్, వాషింగ్టన్ సుందర్, రాహుల్ తెవాటియా, రషీద్ ఖాన్, రవిశ్రీనివాసన్ సాయి కిషోర్, గెరాల్డ్ కోయెట్జీ, మహమ్మద్ సిరాజ్, ప్రసిద్ధ కృష్ణఇంపాక్ట్ సబ్స్: షెర్ఫేన్ రూథర్‌ఫోర్డ్, అనుజ్ రావత్, మహిపాల్ లోమ్రోర్, జయంత్ యాదవ్, అర్షద్ ఖాన్.

ముల్లాన్‌పూర్‌: ఐపీఎల్‌ 18వ సీజన్‌లో బెంగళూరు జట్టు తుది పోరుకు అర్హత సాధించగా... గుజరాత్‌ టైటాన్స్, ముంబై ఇండియన్స్‌ ఎలిమినేటర్‌ మ్యాచ్‌కు సిద్ధమయ్యాయి. శుక్రవారం జరగనున్న పోరులో గెలిచిన జట్టు... క్వాలిఫయర్‌–1లో ఓడిన పంజాబ్‌ కింగ్స్‌తో క్వాలిఫయర్‌–2లో తలపడనుంది. ఓడిన జట్టు లీగ్‌ నుంచి నిష్క్రమిస్తుంది. ఈ సీజన్‌లో ఆడిన 14 మ్యాచ్‌ల్లో 9 విజయాలు, 5 పరాజయాలతో 18 పాయింట్లు ఖాతాలో వేసుకున్న గుజరాత్‌ పట్టికలో మూడో స్థానంతో ‘ప్లే ఆఫ్స్‌’కు చేరుకుంది. హార్దిక్‌ పాండ్యా సారథ్యంలోని ముంబై 14 మ్యాచ్‌ల్లో 8 విజయాలు, 6 పరాజయాలతో 16 పాయింట్లతో నాలుగో స్థానంలో నిలిచి నాకౌట్‌కు చేరింది. ఈ సీజన్‌లో ఇరు జట్ల మధ్య రెండు మ్యాచ్‌లు జరగగా... రెండింట్లోనూ గుజరాత్‌నే విజయం వరించింది. రోహిత్‌ శర్మ, సూర్యకుమార్‌ యాదవ్, రికెల్టన్, హార్దిక్‌ పాండ్యా నమన్‌ ధీర్‌ ముంబై బ్యాటింగ్‌కు కీలకం కానుండగా... జస్‌ప్రీత్‌ బుమ్రా, బౌల్ట్, దీపక్‌ చహర్, సాంట్నర్‌ బౌలింగ్‌ భారం మోయనున్నారు. మరోవైపు స్టార్‌ బ్యాటర్‌ జోస్‌ బట్లర్‌ సేవలు అందుబాటులో లేకపోవడంతో గుజరాత్‌ కాస్త వెనుకబడినట్లు కనిపిస్తోంది. కెపె్టన్‌ శుబ్‌మన్‌ గిల్, మరో ఓపెనర్‌ సాయి సుదర్శన్‌ ప్రదర్శనపైనే ఆ జట్టు భవితవ్యం ఆధారపడి ఉంది. రూథర్‌ఫోర్డ్, షారుక్‌ ఖాన్, రాహుల్‌ తెవాటియా సత్తా చాటాల్సిన అవసరముంది.ఐపీఎల్‌లో నేడు (ఎలిమినేటర్‌)గుజరాత్‌ X ముంబైవేదిక: ముల్లాన్‌పూర్‌రాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో

‘మిస్టర్‌ కూల్‌’ మహేంద్ర సింగ్‌ ధోని (MS Dhoni)కి కోపమొచ్చింది. తన ప్రియ శిష్యుడు మతీశ పతిరణ (Matheesha Pathirana) తీరు ‘తలా’కు విసుగుతెప్పించింది. దీంతో ధోని సీరియస్‌ లుక్‌ ఇవ్వగానే.. పతిరణ అలెర్ట్‌ అయిపోయాడు. కెప్టెన్‌ వ్యూహానికి అనుగుణంగా వ్యవహరించి.. అనుకున్న ఫలితాన్ని రాబట్టడంలో సఫలమయ్యాడు. తద్వారా ‘తలా’ను ప్రసన్నం చేసుకోగలిగాడు. 230 పరుగులుఐపీఎల్‌-2025 (IPL 2025)లో భాగంగా చెన్నై సూపర్‌ కింగ్స్‌ ఆదివారం తమ ఆఖరి లీగ్‌ మ్యాచ్‌ ఆడేసింది. అహ్మదాబాద్‌ వేదికగా గుజరాత్‌ టైటాన్స్‌తో పోరులో టాస్‌ గెలిచి తొలుత బ్యాటింగ్‌ చేసిన ధోని సేన.. నిర్ణీత 20 ఓవర్లలో ఐదు వికెట్ల నష్టానికి 230 పరుగులు చేసింది.ఈ క్రమంలో లక్ష్య ఛేదనకు దిగిన గుజరాత్‌కు సాయి సుదర్శన్‌ (28 బంతుల్లో 41) మరోసారి శుభారంభం అందించినా.. మరో ఓపెనర్‌, కెప్టెన్‌ శుబ్‌మన్‌ గిల్‌ (13) విఫలమయ్యాడు. జోస్‌ బట్లర్‌ (5), షెర్ఫానే రూథర్‌ఫర్డ్‌ (0) కూడా నిరాశపరిచారు. ఇలాంటి తరుణంలో సాయి సుదర్శన్‌తో కలిసి షారుఖ్‌ ఖాన్‌ నిలదొక్కుకునే ప్రయత్నం చేశాడు.గుజరాత్‌ ఇన్నింగ్స్‌లో శివం దూబే పదో ఓవర్‌ వేయగా.. తొలి రెండు బంతుల్లో రెండు ఫోర్లు రాబట్టిన సాయి సుదర్శన్‌.. మూడో బంతికి సింగిల్‌ తీశాడు. ఇక నాలుగో బంతికి షారుఖ్‌ సిక్సర్‌ బాదాడు. ఆ తర్వాత షారుఖ్‌ సింగిల్‌ తీయగా.. ఆఖరి బంతికి సుదర్శన్‌ రెండు పరుగులు తీశాడు. దీంతో దూబే ఓవర్లో మొత్తంగా 18 పరుగులు సమర్పించుకున్నాడు.చెప్పింది వినరా?.. సహనం కోల్పోయిన ధోని.. పతిరణ, దూబేపై ఫైర్‌!అయితే, ఈ ఓవర్లో ధోని ఫీల్డింగ్‌ సెట్‌ చేస్తున్న వేళ పతిరణ కాస్త నిర్లక్ష్యంగా కనిపించాడు. దీంతో తన ఆదేశాలను పట్టించుకోకుండా ఉన్న బౌలర్‌, ఫీల్డర్‌పై ధోని ఆగ్రహం వ్యక్తం చేస్తున్నట్లుగా సీరియస్‌ లుక్‌ ఇచ్చాడు. ఇక మరుసటి ఓవర్లో రవీంద్ర జడేజా బంతితో రంగంలోకి దిగగా.. తొలి బంతికే షారుఖ్‌ను అవుట్‌ చేశాడు.ఫుల్‌ వైట్‌ అవుట్‌సైడ్‌ ఆఫ్‌ దిశగా చేసిన బంతిని షాట్‌ ఆడేందుకు ప్రయత్నించిన షారుఖ్‌ ఖాన్‌ బంతిని గాల్లోకి లేపగా షార్ట్‌ థర్డ్‌మ్యాన్‌ దిశగా పయనించింది. ఈ క్రమంలో.. పతిరణ క్యాచ్‌ అందుకునే క్రమంలో తడబడ్డా.. ఎట్టకేలకు విజయవంతంగా పనిపూర్తి చేశాడు. దీంతో 19 పరుగుల వ్యక్తిగత స్కోరు వద్ద షారుఖ్‌ ఖాన్‌ ఇన్నింగ్స్‌కు తెరపడింది.ఆ తర్వాత వచ్చిన వాళ్లలో రాహుల్‌ తెవాటియా 14, అర్షద్‌ ఖాన్‌ 20 పరుగులు చేశారు. ఈ క్రమంలో 18.3 ఓవర్లలో 147 పరుగులకే గుజరాత్‌ ఆలౌట్‌ అయింది. సీఎస్‌కే 83 పరుగుల తేడాతో గెలిచి.. సీజన్‌లో నాలుగో విజయం సాధించి గెలుపుతో ముగించింది. ఈ మ్యాచ్‌లో ధోని సహనం కోల్పోయిన తీరును కామెంటేటర్లు విశ్లేషించిన వీడియోను స్టార్‌ స్పోర్ట్స్‌ షేర్‌ చేసింది.కాగా ఈ మ్యాచ్‌లో ధోని బ్యాటింగ్‌కు రాలేదు. ఓవరాల్‌గా ఈ సీజన్‌లో పదమూడు ఇన్నింగ్స్‌ ఆడిన ధోని 196 పరుగులు చేశాడు. ఇక సీఎస్‌కే పద్నాలుగు మ్యాచ్‌లకు గానూ కేవలం నాలుగు మాత్రమే గెలిచింది. మరోవైపు.. గుజరాత్‌ టైటాన్స్‌, ఆర్సీబీ, ముంబై ఇండియన్స్‌, పంజాబ్‌ కింగ్స్‌ ఇప్పటికే ప్లే ఆఫ్స్‌ చేరిన విషయం తెలిసిందే. చదవండి: Pat Cummins: ఫైనల్‌ చేరాల్సిన జట్టు.. మా వాళ్లను చూస్తే నాకే భయమేసిందిWhen #CaptainCool lost his cool! 🥵A tactical masterclass & an uncanny #MSDhoni's moment - #CSK's last match this season had it all! 💛Watch the LIVE action ➡ https://t.co/XfCrZHriFf #IPLonJioStar 👉 #SRHvKKR | LIVE NOW on Star Sports Network & JioHotstar! pic.twitter.com/wxPM71McJI— Star Sports (@StarSportsIndia) May 25, 2025

‘ప్లే ఆఫ్స్‌’ రేసు నుంచి తప్పుకున్న జట్లు... తమ ఆఖరి లీగ్‌ మ్యాచ్‌ల్లో దంచికొట్టాయి. గుజరాత్‌ టైటాన్స్‌తో పోరులో చెన్నై దుమ్మురేపి 230 పరుగులు చేస్తే... కోల్‌కతా నైట్‌రైడర్స్‌పై సన్‌రైజర్స్‌ హైదరాబాద్‌ 278 పరుగులతో విరుచుకుపడింది. అంచనాల ఒత్తిడి లేకపోవడంతో స్వేచ్ఛగా ఆడిన ఈ రెండు జట్లు విజయాలతో సీజన్‌ను ముగించాయి. గుజరాత్‌తో పోరులో చెన్నై బ్యాటర్లు కాన్వే, బ్రెవిస్‌ హాఫ్‌ సెంచరీలతో విజృంభిస్తే... నైట్‌ రైడర్స్‌ బౌలర్లను క్లాసెన్, హెడ్‌ చీల్చి చెండాడారు. సీజన్‌ ఆరంభ పోరులో రాజస్తాన్‌ రాయల్స్‌పై 286 పరుగులు చేసి అదరగొట్టిన ఆరెంజ్‌ ఆర్మీ... తమ ఆఖరి మ్యాచ్‌లో మరోసారి మూడొందలకు చేరువైంది. అభిషేక్‌ శర్మ, హెడ్‌ మెరుపులతో భారీ స్కోరుకు పునాది వేస్తే... క్లాసెన్‌ దాన్ని మరో స్థాయికి తీసుకెళ్లాడు. మధ్యలో నిలకడలేమితో పరాజయాలు మూటగట్టుకున్న ఆరెంజ్‌ ఆర్మీ... చివరి మూడు మ్యాచ్‌ల్లోనూ విజయాలు సాధించి పాయింట్ల పట్టికలో ఆరో స్థానానికి ఎగబాకింది. న్యూఢిల్లీ: విధ్వంసకర ఆటతీరుతో ఐపీఎల్‌లో భారీ స్కోర్లకు కేరాఫ్‌ అడ్రస్‌గా మారిన సన్‌రైజర్స్‌ హైదరాబాద్‌ తమ స్థాయికి తగ్గ ప్రదర్శనతో సీజన్‌కు వీడ్కోలు పలికింది. ఆదివారం జరిగిన పోరులో సన్‌రైజర్స్‌ 110 పరుగుల తేడాతో డిఫెండింగ్‌ చాంపియన్‌ కోల్‌కతా నైట్‌రైడర్స్‌ (కేకేఆర్‌)పై విజయం సాధించింది. మొదట సన్‌రైజర్స్‌ నిర్ణీత 20 ఓవర్లలో 3 వికెట్ల నష్టానికి 278 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ హెన్రిచ్‌ క్లాసెన్‌ (39 బంతుల్లో 105 నాటౌట్‌; 7 ఫోర్లు, 9 సిక్స్‌లు) అజేయ శతకంతో కదంతొక్కగా... ట్రావిస్‌ హెడ్‌ (40 బంతుల్లో 76; 6 ఫోర్లు, 6 సిక్స్‌లు) దంచికొట్టాడు. బంతి తన పరిధిలో ఉంటే చాలు దానిపై ఆకలిగొన్న సింహంలా విరుచుకుపడిన క్లాసెన్‌ 37 బంతుల్లోనే సెంచరీ పూర్తిచేసుకున్నాడు. అభిషేక్‌ శర్మ (16 బంతుల్లో 32; 4 ఫోర్లు, 2 సిక్స్‌లు), కూడా రాణించాడు. లక్ష్యఛేదనలో కోల్‌కతా నైట్‌రైడర్స్‌ 18.4 ఓవర్లలో 168 పరుగులకు ఆలౌటైంది. దంచుడే... దంచుడు మొదట బ్యాటింగ్‌కు దిగిన సన్‌రైజర్స్‌ తొలి ఓవర్‌లో 2 పరుగులకే పరిమితమైంది. ఆ తర్వాతి నుంచి వెనుదిరిగి చూసుకోని రైజర్స్‌... ఫోర్లు, సిక్స్‌లతో మైదానాన్ని మోతెక్కించింది. రెండో ఓవర్‌లో హెడ్‌ సిక్స్‌తో ఖాతా తెరవగా... అభిషేక్‌ రెండు ఫోర్లు బాదాడు. మూడో ఓవర్‌లో 6, 4, 2, 6 బాదిన హెడ్‌... నాలుగో ఓవర్‌లో మరో మూడు ఫోర్లు కొట్టాడు. నోర్జే ఓవర్‌లో అభిషేక్‌ 2 ఫోర్లతో చెలరేగడంతో పవర్‌ప్లే ముగిసేసరికి రైజర్స్‌ 79 పరుగులు చేసింది. నరైన్‌ ఓవర్‌లో రెండు సిక్స్‌లు కొట్టిన అభిషేక్‌... మరో షాట్‌ ఆడే ప్రయత్నంలో ఔట్‌ కాగా... క్లాసెన్‌ రాకతో విధ్వంసం మరో స్థాయికి చేరింది. ఒకవైపు హెడ్, మరోవైపు క్లాసెన్‌ బౌలర్‌తో సంబంధం లేకుండా భారీ షాట్లతో విరుచుకుపడటంతో... 10 ఓవర్లు ముగిసేసరికి ఆరెంజ్‌ ఆర్మీ 139/1తో నలిచింది. ఈ క్రమంలో హెడ్‌ 26 బంతుల్లో అర్ధశతకం పూర్తి చేసుకోగా... హర్షిత్‌ ఓవర్‌లో 4, 6, ,6తో క్లాసెన్‌ 17 బంతుల్లోనే హాఫ్‌సెంచరీ అందుకున్నాడు. హెడ్‌ను ఔట్‌ చేయడం ద్వారా నరైన్‌ ఈ జోడీని విడదీయగా ... ఇషాన్‌ కిషన్‌ వేగంగా ఆడలేకపోయాడు. నరైన్‌ ఓవర్‌లో 2 సిక్స్‌లు కొట్టిన క్లాసెన్‌... వరుణ్‌కు అదే శిక్ష వేసి సెంచరీకి సమీపించాడు. రసెల్‌ ఓవర్‌లో 6, 4 కొట్టిన క్లాసెన్‌... అరోరా బౌలింగ్‌లో రెండు పరుగులు తీసి 37 బంతుల్లో సెంచరీ పూర్తి చేసుకున్నాడు. స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ (సి) రింకూ (బి) నరైన్‌ 32; హెడ్‌ (సి) రసెల్‌ (బి) నరైన్‌ 76; క్లాసెన్‌ (నాటౌట్‌) 105; ఇషాన్‌ కిషన్‌ (సి) నోర్జే (బి) వైభవ్‌ 29; అనికేత్‌ (నాటౌట్‌) 12; ఎక్స్‌ట్రాలు 24; మొత్తం (20 ఓవర్లలో 3 వికెట్లకు) 278. వికెట్ల పతనం: 1–92, 2–175, 3–158. బౌలింగ్‌: వైభవ్‌ అరోరా 4–0–39–1; నోర్జే 4–0–60–0; హర్షిత్‌ రాణా 3–0–40–0; నరైన్‌ 4–0–42–2; వరుణ్‌ చక్రవర్తి 3–0–54–0; రసెల్‌ 2–0–34–0. కోల్‌కతా నైట్‌రైడర్స్‌ ఇన్నింగ్స్‌: డికాక్‌ (సి) మనోహర్‌ (బి) మలింగ 9; నరైన్‌ (బి) ఉనాద్కట్‌ 31; రహానే (సి) అభిషేక్‌ (బి) ఉనాద్కట్‌ 15; రఘువంశీ (సి) నితీశ్‌ (బి) మలింగ 14; రింకూ (సి) నితీశ్‌ (బి) హర్ష్ దూబే 9; రసెల్‌ (ఎల్బీ) (బి) హర్ష్ దూబే 0; మనీశ్‌ పాండే (సి) మనోహర్‌ (బి) ఉనాద్కట్‌ 37; రమణ్‌దీప్‌ (బి) హర్ష్ దూబే 13; హర్షిత్‌ (సి అండ్‌ బి) మలింగ 34; వైభవ్‌ అరోరా (రనౌట్‌) 0; నోర్జే (నాటౌట్‌) 0; ఎక్స్‌ట్రాలు 6; మొత్తం (18.4 ఓవర్లలో ఆలౌట్‌) 168. వికెట్ల పతనం: 1–37, 2–55, 3–61, 4–70, 5–70, 6–95, 7–110, 8–162, 9–162, 10–168. బౌలింగ్‌: కమిన్స్‌ 2–0–25–0; ఉనాద్కట్‌ 4–0–24–3; హర్షల్‌ 2–0–21–0; ఇషాన్‌ మలింగ 3.4–0– 31–3; హర్ష్ దూబే 4–0–34–3; నితీశ్‌ రెడ్డి 1–0–6–0; అభిషేక్‌ 2–0–25–0. 278/3 ఐపీఎల్‌లో ఇది మూడో అత్యధిక స్కోరు. తొలి రెండు స్థానాల్లోనూ సన్‌రైజర్స్‌ జట్టే ఉంది. 2024లో బెంగళూరుపై 287/5 స్కోరు చేసిన హైదరాబాద్‌... ఈ ఏడాది తమ తొలి మ్యాచ్‌లో రాజస్తాన్‌పై 286/5 పరుగులు చేసింది. 37 సెంచరీకి క్లాసెన్‌ తీసుకున్న బంతులు. ఐపీఎల్‌లో ఇది మూడో వేగవంతమైన శతకం. క్రిస్‌ గేల్‌ (30 బంతుల్లో), వైభవ్‌ సూర్యవంశీ (35 బంతుల్లో), యూసుఫ్‌ పఠాన్‌ (37 బంతుల్లో) తొలి మూడు స్థానాల్లో ఉన్నారు. అహ్మదాబాద్‌: ఐపీఎల్‌ 18వ సీజన్‌ను చెన్నై సూపర్‌ కింగ్స్‌ జట్టు విజయంతో ముగించింది. పాయింట్ల పట్టికలో చివరిదైన పదో స్థానంలో నిలిచిన ధోనీ బృందం... ఆదివారం తమ చివరి లీగ్‌ మ్యాచ్‌లో 83 పరుగుల తేడాతో గుజరాత్‌ టైటాన్స్‌పై గెలుపొందింది. మొదట చెన్నై నిర్ణీత 20 ఓవర్లలో 5 వికెట్ల నష్టానికి 230 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ డెవాల్డ్‌ బ్రెవిస్‌ (23 బంతుల్లో 57; 4 ఫోర్లు, 5 సిక్స్‌లు), కాన్వే (35 బంతుల్లో 52; 6 ఫోర్లు, 2 సిక్స్‌లు) అర్ధశతకాలతో ఆకట్టుకున్నారు. ఆయుశ్‌ మాత్రే (17 బంతుల్లో 34; 3 ఫోర్లు, 3 సిక్స్‌లు), ఉర్విల్‌ పటేల్‌ (19 బంతుల్లో 37; 4 ఫోర్లు, 2 సిక్స్‌లు) ధాటిగా ఆడారు. అర్షద్‌ ఖాన్‌ వెసిన రెండో ఓవర్‌లో ఆయుశ్‌ చెలరేగి వరుసగా 2, 6, 6, 4, 4, 6తో 28 పరుగులు రాబట్టాడు. క్రీజులో అడుగుపెట్టిన ప్రతీ బ్యాటర్‌ దంచికొట్టడమే పనిగా పెట్టుకోవడంతో చెన్నై భారీ స్కోరు చేయగలిగింది. అనంతరం లక్ష్యఛేదనలో గుజరాత్‌ 18.3 ఓవర్లలో 147 పరుగులకు ఆలౌటైంది. భారత టెస్టు జట్టులో చోటు దక్కించుకున్న సాయి సుదర్శన్‌ (28 బంతుల్లో 41; 6 ఫోర్లు) టాప్‌ స్కోరర్‌ కాగా... మిగిలిన వాళ్లు ఆకట్టుకోలేకపోయారు. చెన్నై బౌలర్లలో అన్షుల్‌ కంబోజ్, నూర్‌ అహ్మద్‌ చెరో 3 వికెట్లు తీశారు. ఈ మ్యాచ్‌తో ధోని ఐపీఎల్‌కు వీడ్కోలు పలుకుతాడని జోరుగా చర్చ సాగగా... మహీ తనకు అలవాటైన రీతిలో ‘వేచి చూద్దాం’ అని ముక్తాయించాడు. సంక్షిప్త స్కోర్లుచెన్నై సూపర్‌ కింగ్స్‌ ఇన్నింగ్స్‌: 230/5 (20 ఓవర్లలో) (ఆయుశ్‌ 34; కాన్వే 52; ఉర్విల్‌ 37; బ్రెవిస్‌ 57, ప్రసిధ్‌ కృష్ణ 2/22) గుజరాత్‌ టైటాన్స్‌: 147 ఆలౌట్‌ (18.3 ఓవర్లలో) (సాయి సుదర్శన్‌ 41; అర్షద్‌ ఖాన్‌ 20, అన్షుల్‌ కంబోజ్‌ 3/13, నూర్‌ అహ్మద్‌ 3/21, జడేజా 2/17).ఐపీఎల్‌లో నేడుముంబై X పంజాబ్‌వేదిక: జైపూర్‌ రాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో

ఐపీఎల్‌-2025 సీజ‌న్‌ను చెన్నై సూప‌ర్ కింగ్స్ అద్బుత‌మైన విజ‌యంతో ముగించింది. అహ్మదాబాద్ వేదిక‌గా జ‌రిగిన మ్యాచ్‌లో గుజరాత్ టైటాన్స్‌ను 83 ప‌రుగుల తేడాతో సీఎస్‌కే చిత్తు చేసింది. ఈ మ్యాచ్‌లో చెన్నై జ‌ట్టు ఆల్‌రౌండ్ షోతో అద‌ర‌గొట్టింది. టాస్ గెలిచి తొలుత బ్యాటింగ్ చేసిన సీఎస్‌కే నిర్ణీత 20 ఓవ‌ర్ల‌లో 5 వికెట్ల న‌ష్టానికి 230 ప‌రుగుల భారీ స్కోర్ సాధించింది. సీఎస్‌కే ఇన్నింగ్స్‌లో డెవాల్డ్ బ్రెవిస్‌(23 బంతుల్లో 4 ఫోర్లు, 5 సిక్స్‌ల‌తో 57), డెవాన్ కాన్వే(35 బంతుల్లో 6 ఫోర్లు, 2 సిక్స్‌లతో 52) సూప‌ర్‌ హాఫ్ సెంచ‌రీల‌తో చెల‌రేగ‌గా.. ఆయూష్ మాత్రే(17 బంతుల్లో 3 ఫోర్లు, 3 సిక్స్‌ల‌తో 34), ఉర్విల్ ప‌టేల్‌(19 బంతుల్లో 4 ఫోర్లు, 2 సిక్స్‌ల‌తో 37) మెరుపు ఇన్నింగ్స్‌లు ఆడారు. గుజ‌రాత్ బౌల‌ర్ల‌లో ప్ర‌సిద్ద్ కృష్ణ రెండు వికెట్లు పడగొట్టగా.. సాయికిషోర్‌, రషీద్ ఖాన్‌, షారుఖ్ ఖాన్ తలా వికెట్ సాధించారు.సుద‌ర్శ‌న్ ఒక్క‌డే..అనంత‌రం ల‌క్ష్య చేధ‌న‌లో సీఎస్‌కే బౌల‌ర్లు చెల‌రేగ‌డంతో గుజ‌రాత్‌.. 18.3 ఓవ‌ర్ల‌లో 147 ప‌రుగుల‌కే కుప్ప‌కూలింది. గుజ‌రాత్ బ్యాట‌ర్ల‌లో ఓపెన‌ర్ సాయిసుద‌ర్శ‌న్‌(41) టాప్ స్కోర‌ర్‌గా నిల‌వ‌గా.. మిగితా బ్యాట‌ర్లంతా దారుణంగా విఫ‌ల‌మ‌య్యారు. కెప్టెన్ శుబ్‌మ‌న్ గిల్ 13 ప‌రుగులు చేయ‌గా.. స్టార్ బ్యాట‌ర్ జోస్ బ‌ట్ల‌ర్ కేవ‌లం 5 ప‌రుగులు మాత్ర‌మే చేసి నిరాశ‌ప‌రిచారు. సీఎస్‌కే బౌల‌ర్ల‌లో అన్షుల్ కాంబోజ్‌, నూర్ అహ్మ‌ద్ త‌లా మూడు వికెట్లు ప‌డ‌గొట్టి గుజ‌రాత్‌ను దెబ్బ‌తీయ‌గా.. ర‌వీంద్ర జ‌డేజా రెండు, ప‌తిరానా, ఖాలీల్ అహ్మ‌ద్ చెరో వికెట్ ప‌డ‌గొట్టారు.కాగా ఈ ఓట‌మితో గుజ‌రాత్ టైటాన్స్ టాప్-2 స్దానం ప్రమాదంలో ప‌డింది. ఆర్సీబీ, పంజాబ్ త‌మ త‌దుప‌రి రెండు మ్యాచ్‌ల‌లో గెలిస్తే గుజ‌రాత్ మూడో స్ధానానికి ప‌డిపోతుంది.చదవండి: IPL 2025: ప్లే ఆఫ్స్‌కు ముందు పంజాబ్ కింగ్స్‌కు భారీ షాక్

ఐపీఎల్‌-2025లో చెన్నై సూప‌ర్‌కు కింగ్స్‌కు ఆయుష్ మాత్రే రూపంలో ఒక‌ అణిముత్యం దొరికింది. గాయ‌ప‌డిన రుతురాజ్ గైక్వాడ్ స్దానంలో సీఎస్‌కే జ‌ట్టులోకి వ‌చ్చిన ఆయూష్‌.. ఆడిన ప్ర‌తీ మ్యాచ్‌లోనూ స‌త్తాచాటాడు. ఈ యువ ఆట‌గాడు త‌న విధ్వంస‌క‌ర బ్యాటింగ్‌తో సీఎస్‌కేకు అద్బ‌త‌మైన ఆరంభాల‌ను అందించాడు. తాజాగా అహ్మ‌దాబాద్ వేదిక‌గా గుజ‌రాత్ టైటాన్స్‌తో జరుగుతున్న సీఎస్‌కే ఆఖ‌రి మ్యాచ్‌లోనూ మాత్రే మెరుపు ఇన్నింగ్స్ ఆడాడు. ఆయూష్ కేవ‌లం 17 బంతుల్లోనే 3 ఫోర్లు, 3 సిక్స్‌ల‌తో 34 పరుగులు చేసి ఔట‌య్యాడు. చెన్నై ఇన్నింగ్స్ 2 ఓవ‌ర్ వేసిన గుజ‌రాత్ పేస‌ర్ ఆర్ష‌ద్ ఖాన్‌ను మాత్రే ఊతికారేశాడు.ఓ ఓవ‌ర్‌లో మాత్రం మూడు సిక్స్‌లు, రెండు ఫోర్ల‌తో ఏకంగా 28 ప‌రుగులు పిండుకున్నాడు. తొలి బంతికి రెండు ప‌రుగులు తీసిన మాత్రే.. ఆ త‌ర్వాత రెండు సిక్స్‌లు, రెండు ఫోర్లు బాదాడు. ఆఖ‌రి బంతిని కూడా స్టాండ్స్‌కు త‌ర‌లించాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.కాగా ఒకే ఓవర్‌లో అత్యధిక పరుగులు చేసిన ఐదో సీఎస్‌కే బ్యాటర్‌గా మాత్రే నిలిచాడు. ఈ అరుదైన ఫీట్ సాధించిన జాబితాలో రవీంద్ర జడేజా అగ్రస్దానంలో ఉన్నాడు. ఐపీఎల్‌-2021 సీజన్‌లో జడేజా.. హర్షల్ పటేల్ వేసిన ఓవర్‌లో ఏకంగా 36 పరుగులు సాధించాడు. ఇక మాత్రే విషయానికి వస్తే.. ఈ ఏడాది సీజ‌న్‌లో 7 మ్యాచ్‌లు 240 ప‌రుగులు చేశాడు.చదవండి: PBKS VS DC: అంపైర్‌ నిర్ణయంపై ఆగ్రహం వ్యక్తం చేసిన ప్రీతి జింటా#CaptainCool would be proud of that onslaught! 🤩#AyushMhatre smashes 28 runs off the 2nd over of the game. 💪Watch the LIVE action ➡ https://t.co/vroVQLpMts#Race2Top2 👉 #GTvCSK | LIVE NOW on Star Sports Network & JioHotstar! pic.twitter.com/jvoaHXixXD— Star Sports (@StarSportsIndia) May 25, 2025

ఐపీఎల్‌ 2025లో చెన్నై సూపర్‌ కింగ్స్‌ ఇవాళ (మే 25) తమ ఆఖరి మ్యాచ్‌ ఆడుతుంది. అహ్మదాబాద్‌ వేదికగా టేబుల్‌ టాపర్స్‌ గుజరాత్‌తో జరుగుతున్న ఈ మ్యాచ్‌లో టాస్‌ గెలిచి తొలుత బ్యాటింగ్‌ ఎంచుకుంది. ఈ మ్యాచ్‌ కోసం ఇరు జట్లు చెరో మార్పు చేశాయి. గుజరాత్‌ తరఫున రబాడ స్థానంలో గెరాల్డ్‌ కొయెట్జీ తుది జట్టులోకి రాగా.. సీఎస్‌కే తరఫున అశ్విన్‌ స్థానంలో హుడా తుది జట్టులోకి వచ్చాడు. ఈ మ్యాచ్‌లో సీఎస్‌కే గెలిచినా, ఓడినా ఒరిగేదేమీ ఉండదు. ఈ సీజన్‌ను ఆ జట్టు ఆఖరి స్థానంతోనే ముగిస్తుంది. గుజరాత్‌ విషయానికొస్తే.. ఈ జట్టు సీఎస్‌కేపై గెలిస్తే టేబుల్‌ టాపర్‌గా ప్లే ఆఫ్స్‌కు చేరుకుంటుంది.జట్ల వివరాలు..చెన్నై సూపర్ కింగ్స్ (ప్లేయింగ్ XI): ఆయుష్ మ్హత్రే, డెవాన్ కాన్వే, ఉర్విల్ పటేల్, రవీంద్ర జడేజా, డెవాల్డ్ బ్రెవిస్, శివమ్ దూబే, దీపక్ హుడా, MS ధోని(w/c), నూర్ అహ్మద్, అన్షుల్ కాంబోజ్, ఖలీల్ అహ్మద్ఇంపాక్ట్ సబ్స్: మతీష పతిరన, విజయ్ శంకర్, కమలేష్ నాగర్కోటి, రామకృష్ణ ఘోష్, రవిచంద్రన్ అశ్విన్గుజరాత్ టైటాన్స్ (ప్లేయింగ్ XI): శుభమన్ గిల్(సి), జోస్ బట్లర్(w), షెర్ఫాన్ రూథర్‌ఫోర్డ్, షారుక్ ఖాన్, రాహుల్ తెవాటియా, రషీద్ ఖాన్, గెరాల్డ్ కోయెట్జీ, రవిశ్రీనివాసన్ సాయి కిషోర్, మహ్మద్ సిరాజ్, అర్షద్ ఖాన్, ప్రసిద్ కృష్ణఇంపాక్ట్ సబ్స్: సాయి సుదర్శన్, అనుజ్ రావత్, మహిపాల్ లోమ్రోర్, వాషింగ్టన్ సుందర్, ఇషాంత్ శర్మ

ఐపీఎల్‌-2025లో ల‌క్నోసూప‌ర్ జెయింట్స్ ఎట్ట‌కేల‌కు మ‌రో విజ‌యాన్ని న‌మోదు చేసింది. ప్లేఆఫ్స్‌ రేసు నుంచి నిష్క్రమించిన లక్నో.. టేబుల్‌ టాపర్‌ గుజరాత్‌ టైటాన్స్‌కు చెక్‌ పెట్టింది. గుజరాత్‌ జట్టును 33 పరుగుల తేడాతో మట్టికరిపించింది. 236 ప‌రుగుల భారీ ల‌క్ష్యంతో బ‌రిలోకి దిగిన గుజ‌రాత్.. నిర్ణీత 20 ఓవ‌ర్ల‌లో 9 వికెట్లు కోల్పోయి 202 ప‌రుగుల‌కు ప‌రిమితమైంది. లక్నో విజయంపై కెప్టెన్‌ రిషబ్‌ పంత్‌ ఆనందం వ్యక్తం చేశాడు.మ్యాచ్‌ ముగిసిన అనంతరం, లక్నో కెప్టెన్‌ రిషబ్ పంత్ మాట్లాడుతూ.. విజయం పట్ల కచ్చితంగా సంతోషంగా ఉంది. ఓ జ‌ట్టుగా మేము మంచి క్రికెట్ ఆడ‌గ‌ల‌మ‌ని నిరూపించాం. టోర్నమెంట్‌లో మాకు ప్లేఆఫ్స్‌కు అర్హత సాధించే అవకాశాలు ఒకప్పుడు ఉన్నాయి. ఇప్పుడు గెలిచినా రేసులో లేము. కానీ అది ఆటలో భాగం. ఎల్ల‌ప్పుడూ నేర్చుకుంటూ ఉండాలి. టాప్ త్రీలో చోటు సంపాదించడం ఎప్పుడూ సులభం కాదు. మిచెల్ మార్ష్‌, నికోల‌స్ పూర‌న్‌లు అద్భుతంగా బ్యాటింగ్‌ చేశారు. ఫీల్డింగ్‌లో కొన్ని తప్పిదాలు చేశాం. మ‌రికొంత మెరుగు కావాల్సి అవసరం ఉంది అంటూ చెప్పుకొచ్చాడు.గుజరాత్‌ కెప్టెన్‌ శుభమన్‌ గిల్‌ మాట్లాడుతూ.. ఈ మ్యాచ్‌ ఓటమి ద్వారా జట్టులో కొన్ని లోపాలు, సానుకూల అంశాలను తెలుసుకున్నాం. పవర్‌ప్లేలో మేము బాగా బౌలింగ్ చేశాం. కానీ, అనుకున్న ప్రకారం వికెట్టు సాధించలేకపోయాం. మా బౌలర్లు భారీగా పరుగులిచ్చారు. 15-20 పరుగులు అదనంగా ఇచ్చాం. వారిని 210 దగ్గర ఆపాలనుకున్నాము. 210కి 230 మధ్య భారీ తేడా ఉంటుంది. 240 పరుగులను ఛేదించడం ఎప్పుడూ సులభం కాదు. రూథర్‌ఫోర్డ్, షారుఖ్ బ్యాటింగ్ మాకు పెద్ద పాజిటివ్‌ అంశం. ప్లేఆఫ్‌లోకి వెళ్లే క్రమంలో మళ్లీ పుంజుకుని విజయం సాధిస్తామని తెలిపాడు.ఈ మ్యాచ్‌లో లక్నో జట్టు మొదట బ్యాటింగ్‌ చేసింది. ఓపెనర్‌ మిచెల్‌ మార్ష్‌ (117; 64 బంతుల్లో 10×4, 8×6) మెరుపు శతకం సాధించడంతో ఎల్‌ఎస్‌జీ 2 వికెట్లకు 235 పరుగుల భారీ స్కోరు సాధించింది. నికోలస్‌ పూరన్‌ (56 నాటౌట్‌; 27 బంతుల్లో 4×4, 5×6), మార్‌క్రమ్‌ (36; 24 బంతుల్లో 3×4, 2×6) కూడా రాణించారు. అనంతరం ఛేదనలో గుజరాత్‌ 9 వికెట్లకు 202 పరుగులే చేయగలిగింది. షారుఖ్‌ ఖాన్‌ (57; 29 బంతుల్లో 5×4, 3×6) టాప్‌స్కోరర్‌. ఎల్‌ఎస్‌జీ బౌలర్లలో ఒరూర్క్‌ (3/27), ఆయుష్‌ బదోని (2/4) రాణించారు. 13 మ్యాచ్‌ల్లో గుజరాత్‌కిది 4వ ఓటమి కాగా.. లక్నో ఆరో విజయం నమోదు చేసింది. ఈ సీజన్లో నిలకడకు మారుపేరుగా నిలిచిన సాయి సుదర్శన్‌ (21) ఇన్నింగ్స్‌ను మెరుగ్గానే ఆరంభించినా ఎక్కువసేపు నిలవలేకపోయాడు.

అహ్మదాబాద్‌: ఐపీఎల్‌లో ప్లేఆఫ్స్‌కు చేరిన గుజరాత్‌ టైటాన్స్‌ తదుపరి లక్ష్యం టాప్‌–2లో చేరడం. ఈ ప్రయత్నానికి లక్నో సూపర్‌జెయింట్స్‌ అడ్డొచ్చింది. గురువారం జరిగిన పోరులో లక్నో 33 పరుగుల తేడాతో గుజరాత్‌పై గెలిచింది. మొదట బ్యాటింగ్‌కు దిగిన లక్నో సూపర్‌జెయింట్స్‌ నిర్ణీత 20 ఓవర్లలో 2 వికెట్లు మాత్రమే కోల్పోయి 235 పరుగుల భారీస్కోరు చేసింది. ‘ప్లేయర్‌ ఆఫ్‌ ద మ్యాచ్‌’ మిచెల్‌ మార్ష్ (64 బంతుల్లో 117; 10 ఫోర్లు, 8 సిక్స్‌లు) శతక్కొట్టగా, నికోలస్‌ పూరన్‌ (27 బంతుల్లో 56 నాటౌట్‌; 4 ఫోర్లు, 5 సిక్స్‌లు) చెలరేగాడు. అనంతరం గుజరాత్‌ నిర్ణీత 20 ఓవర్లలో 9 వికెట్లకు 202 పరుగులు చేసి ఓడింది. షారుఖ్‌ ఖాన్‌ (29 బంతుల్లో 57; 5 ఫోర్లు, 3 సిక్స్‌లు), రూథర్‌ఫర్డ్‌ (22 బంతుల్లో 38; 1 ఫోర్, 3 సిక్స్‌లు) మాత్రమే రాణించారు. క్యాన్సర్‌ అవగాహన–ప్రచార కార్యక్రమంలో భాగంగా ప్రతీ సీజన్‌ తరహాలోనే ఈ సారి కూడా ఒక మ్యాచ్‌లో గుజరాత్‌ టైటాన్స్‌ లావెండర్‌ రంగు జెర్సీతో బరిలోకి దిగింది. ఓపెనింగ్‌ ధాటితో... ఓపెనర్లు మార్ష్, మార్క్‌రమ్‌ జోడీ లక్నోకు శుభారంభం ఇచ్చింది. గుజరాత్‌ బౌలర్లపై మార్ష్ విరుచుకుపడటంతో 5.3 ఓవర్లో లక్నో స్కోరు ఫిఫ్టీ దాటింది. మరోవైపు నుంచి మార్క్‌రమ్‌ (24 బంతుల్లో 36; 3 ఫోర్లు, 2 సిక్స్‌లు) కూడా షాట్లతో పరుగుల వేగం పెంచాడు. ఈ క్రమంలో మార్ష్ 33 బంతుల్లో అర్ధసెంచరీ పూర్తి చేసుకున్నాడు. ఓపెనర్‌ మార్క్‌రమ్‌ను కిషోర్‌ అవుట్‌ చేసి 91 పరుగుల తొలి వికెట్‌ భాగస్వామ్యానికి తెరదించాడు. రషీద్‌ఖాన్‌పై మార్ష్ పిడుగల్లే చెలరేగాడు. అతను వేసిన ఇన్నింగ్స్‌ 12వ ఓవర్లో వరుసగా 6, 4, 6, 4, 4, 1లతో ఏకంగా 25 పరుగుల్ని రాబట్టాడు. మార్ష్ సెంచరీ, పూరన్‌ ఫిఫ్టీ మార్‌‡్షతో పాటు వన్‌డౌన్‌ బ్యాటర్‌ పూరన్‌ కూడా ధాటిగా ఆడటంతో ప్రతీ ఓవర్‌కు 10 పైచిలుకు రన్‌రేట్‌తో పరుగులు వచ్చాయి. మార్ష్ 56 బంతుల్లో సెంచరీ సాధించాడు. కాసేపటికే పూరన్‌ కూడా 23 బంతుల్లోనే ఫిఫ్టీ పూర్తి చేసుకున్నాడు. వీరిద్దరి వీరవిహారంతో లక్నో 17.4 ఓవర్లలో 200 మార్క్‌ దాటింది. డెత్‌ ఓవర్లలో భారీ షాట్లు ఆడేక్రమంలో మార్ష్ అవుట్‌కాగా... రెండో వికెట్‌కు 121 పరుగుల భాగస్వామ్యం ముగిసింది. పూరన్‌తో పంత్‌ (6 బంతుల్లో 16 నాటౌట్‌; 2 సిక్స్‌లు) అజేయంగా నిలిచాడు. షారుఖ్‌ పోరాడినా... కష్టమైన లక్ష్యాన్ని ఛేదించేందుకు ఆరంభం నుంచే దంచేందుకు దిగిన టాపార్డర్‌ బ్యాటర్లు అంతే వేగంగా వికెట్లు పారేసుకున్నారు. సాయి సుదర్శన్‌ (21; 4 ఫోర్లు), శుబ్‌మన్‌ గిల్‌ (20 బంతుల్లో 35; 7 ఫోర్లు), బట్లర్‌ (18 బంతుల్లో 33; 3 ఫోర్లు, 2 సిక్స్‌లు) నిష్క్రమించడంతో లక్నో శిబిరం సంబరం చేసుకుంది. కానీ రూథర్‌ఫర్డ్, షారుఖ్‌ ఖాన్‌లు ధనాధన్‌ షోకు శ్రీకారం చుట్టడంతో లక్నో గుండెల్లో గుబులు రేగింది. చెరోవైపు నుంచి రూథర్‌ఫొర్డ్, షారుఖ్‌లు సిక్స్‌లు, ఫోర్లతో విజృంభించారు. అంతే... 16 ఓవర్లు గడిచేసరికి స్కోరు 182/3కి చేరింది. 24 బంతుల్లో 54 పరుగుల సమీకరణం గుజరాత్‌ను ఆశల పల్లకిలో ఉంచింది. రూథర్‌ఫొర్డ్, షారుఖ్‌ నాలుగో వికెట్‌కు 40 బంతుల్లో 86 పరుగులు జోడించారు. అయితే 17వ ఓవర్లో రూథర్‌ఫర్డ్, తెవాటియా (2), మరుసటి ఓవర్లో అర్షద్‌ ఖాన్‌ (1) అవుట్‌ కావడంతో లక్నో కు ఊరట లభించింది. 22 బంతుల్లో ఫిఫ్టీ పూర్తి చేసుకున్న షారుఖ్‌ ఖాన్‌ పోరాటం సరిపోలేదు. స్కోరు వివరాలు లక్నో సూపర్‌జెయింట్స్‌ ఇన్నింగ్స్‌: మార్క్‌రమ్‌ (సి) షారుక్‌ (బి) సాయి కిషోర్‌ 36; మార్ష్ (సి) రూథర్‌ఫొర్డ్‌ (బి) అర్షద్‌ 117; పూరన్‌ నాటౌట్‌ 56; రిషభ్‌ పంత్‌ నాటౌట్‌ 16; ఎక్స్‌ట్రాలు 10; మొత్తం (20 ఓవర్లలో 2 వికెట్లకు) 235. వికెట్ల పతనం: 1–91, 2–212. బౌలింగ్‌: సిరాజ్‌ 4–0–37–0, అర్షద్‌ ఖాన్‌ 3–0–36–1, రబడ 4–0–45–0, ప్రసి«ద్‌కృష్ణ 4–0–44–0, సాయి కిషోర్‌ 3–0–34–1, రషీద్‌ ఖాన్‌ 2–0–36–0. గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (సి) మార్క్‌రమ్‌ (బి) రూర్కే 21; గిల్‌ (సి) సమద్‌ (బి) అవేశ్‌ 35; బట్లర్‌ (బి) ఆకాశ్‌ సింగ్‌ 33; రూథర్‌ఫర్డ్‌ (సి)సబ్‌–బిష్ణోయ్‌ (బి) రూర్కే 38; షారుఖ్‌ (సి) సబ్‌–బిష్ణోయ్‌ (బి) అవేశ్‌ 57; తెవాటియా (సి) హిమ్మత్‌ (బి) రూర్కే 2; అర్షద్‌ (సి) రూర్కే (బి) షాబాజ్‌ 1; రషీద్‌ ఖాన్‌ నాటౌట్‌ 4; రబడా (బి) బదోని 2; సాయి కిషోర్‌ (బి) బదోని 1; ఎక్స్‌ట్రాలు 8; మొత్తం (20 ఓవర్లలో 9 వికెట్లకు) 202. వికెట్ల పతనం: 1–46, 2–85, 3–96, 4–182, 5–186, 6–193, 7–197, 8–200, 9–202. బౌలింగ్‌: ఆకాశ్‌ సింగ్‌ 3.1–0–29–1, ఆకాశ్‌దీప్‌ 4–0–49–0, రూర్కే 4–0–27–3, అవేశ్‌ఖాన్‌ 3.5–0–51–2, షాబాజ్‌ 4–0–41–1, బదొని 1–0–4–2. ఐపీఎల్‌లో నేడుబెంగళూరు X హైదరాబాద్‌వేదిక: లక్నోరాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో

ఐపీఎల్‌-2025లో ల‌క్నోసూప‌ర్ జెయింట్స్ ఎట్ట‌కేల‌కు మ‌రో విజ‌యాన్ని న‌మోదు చేసింది. ఈ మెగా ఈవెంట్‌లో భాగంగా గురువారం గుజ‌రాత్ టైటాన్స్‌తో జ‌రిగిన మ్యాచ్‌లో 33 ప‌రుగుల తేడాతో ల‌క్నో విజ‌యం సాధించింది. 236 ప‌రుగుల భారీ ల‌క్ష్యంతో బ‌రిలోకి దిగిన గుజ‌రాత్.. నిర్ణీత 20 ఓవ‌ర్ల‌లో 9 వికెట్లు కోల్పోయి 202 ప‌రుగుల‌కు ప‌రిమితమైంది.టైటాన్స్ బ్యాట‌ర్ల‌లో షారుఖ్ ఖాన్(57) టాప్‌ స్కోరర్‌గా నిలవగా.. షెర్ఫ‌న్ రూథ‌ర్‌ఫ‌ర్డ్‌(38),బ‌ట్ల‌ర్‌(33), శుబ్‌మన్‌ గిల్‌(35) తమవంతు ప్రయత్నం చేశారు. లక్నో బౌలర్లలో విలియం ఓ రూర్క్‌ మూడు వికెట్లు పడగొట్టగా.. బదోని రెండు, ఆకాష్‌ మహారాజ్‌ సింగ్‌,అవేష్‌ ఖాన్‌ తలా వికెట్‌ సాధించారు.మార్ష్‌ సూపర్‌ సెంచరీ..ఈ మ్యాచ్‌లో తొలుత బ్యాటింగ్‌ చేసిన లక్నో నిర్ణీత 20 ఓవర్లలో 2 వికెట్ల నష్టానికి 235 పరుగుల భారీ స్కోర్ సాధించింది. లక్నో బ్యాటర్లలో మిచెల్ మార్ష్ సూపర్ సెంచరీతో చెలరేగాడు. 64 బంతులు ఎదుర్కొన్న మార్ష్‌.. 10 ఫోర్లు, 8 సిక్స్‌లతో 117 పరుగులు చేశాడు. అతడితో పాటు నికోలస్ పూరన్‌(56), మార్‌క్రమ్‌(36) కీలక ఇన్నింగ్స్‌లు ఆడారు. గుజరాత్ బౌలర్లలో ఆర్షద్ ఖాన్‌, సాయి కిషోర్ తలా వికెట్ సాధిం‍చారు.

IPL 2025 GT vs LSG Live Updates: ఐపీఎల్‌-2025లో అహ్మ‌దాబాద్ వేదిక‌గా గుజ‌రాత్ టైటాన్స్‌, ల‌క్నో సూప‌ర్ జెయింట్స్ త‌ల‌ప‌డుతున్నాయి.గుజరాత్‌కు షాకిచ్చిన లక్నో..గుజ‌రాత్ టైటాన్స్‌తో జ‌రిగిన మ్యాచ్‌లో 33 ప‌రుగుల తేడాతో ల‌క్నో విజ‌యం సాధించింది. 236 ప‌రుగుల భారీ ల‌క్ష్యంతో బ‌రిలోకి దిగిన గుజ‌రాత్.. నిర్ణీత 20 ఓవ‌ర్ల‌లో 9 వికెట్లు కోల్పోయి 202 ప‌రుగుల‌కు ప‌రిమితమైంది.టైటాన్స్ బ్యాట‌ర్ల‌లో షారుఖ్ ఖాన్(57) టాప్‌ స్కోరర్‌గా నిలవగా.. షెర్ఫ‌న్ రూథ‌ర్‌ఫ‌ర్డ్‌(38),బ‌ట్ల‌ర్‌(33), శుబ్‌మన్‌ గిల్‌(35) తమవంతు ప్రయత్నం చేశారు. లక్నో బౌలర్లలో విలియం ఓ రూర్క్‌ మూడు వికెట్లు పడగొట్టగా.. బదోని రెండు, ఆకాష్‌ మహారాజ్‌ సింగ్‌,అవేష్‌ ఖాన్‌ తలా వికెట్‌ సాధించారు.గుజరాత్ నాలుగో వికెట్ డౌన్‌..రూథర్‌ఫర్డ్ రూపంలో గుజరాత్ నాలుగో వికెట్ కోల్పోయింది. 38 పరుగులు చేసిన రూథర్‌ఫర్డ్‌.. ఓ రూర్క్ బౌలింగ్‌లో ఔటయ్యాడు. గుజరాత్ విజయానికి 23 బంతుల్లో 54 పరుగులు కావాలి. క్రీజులో షారుఖ్ ఖాన్‌(49) ఉన్నాడు.దూకుడు పెంచిన షారుఖ్‌, రూథ‌ర్‌ఫ‌ర్డ్‌14 ఓవ‌ర్లు ముగిసే స‌రికి గుజ‌రాత్ టైటాన్స్ మూడు వికెట్ల న‌ష్టానికి 146 ప‌రుగులు చేసింది. క్రీజులో షారుఖ్ ఖాన్‌(27),రూథ‌ర్ ఫ‌ర్డ్‌(25) ఉన్నారు.గుజ‌రాత్ మూడో వికెట్ డౌన్‌..జోస్ బ‌ట్ల‌ర్ రూపంలో గుజ‌రాత్ మూడో వికెట్ కోల్పోయింది. 33 ప‌రుగులు చేసిన బ‌ట్ల‌ర్‌.. ఆకాష్ మ‌హారాజ్ సింగ్ బౌలింగ్‌లో క్లీన్ బౌల్డ‌య్యాడు. 11 ఓవ‌ర్లు ముగిసే స‌రికి గుజ‌రాత్ మూడు వికెట్ల న‌ష్టానికి 107 ప‌రుగులు చేసింది.గుజ‌రాత్ రెండో వికెట్ డౌన్‌శుబ్‌మ‌న్ గిల్ రూపంలో గుజ‌రాత్ టైటాన్స్ రెండో వికెట్ కోల్పోయింది. 35 ప‌రుగులు చేసిన గిల్‌.. అవేష్ ఖాన్ బౌలింగ్‌లో ఔట‌య్యాడు. 9 ఓవ‌ర్లు ముగిసే సరికి గుజ‌రాత్ రెండు వికెట్ల న‌ష్టానికి 94 ప‌రుగులు చేసింది.గుజరాత్ తొలి వికెట్ డౌన్‌..సాయిసుదర్శన్ రూపంలో గుజరాత్ టైటాన్స్ తొలి వికెట్ కోల్పోయింది. 21 పరుగులు చేసిన సాయిసుదర్శన్‌.. విలియం ఓ రూర్క్ బౌలింగ్‌లో ఔటయ్యాడు. 6 ఓవర్లకు గుజరాత్ వికెట్ నష్టానికి 67 పరుగులు చేసింది. క్రీజులో శుబ్‌మన్ గిల్‌(24), జోప్ బట్లర్‌(20) ఉన్నారు.దూకుడుగా ఆడుతున్న గుజ‌రాత్‌..33 ఓవ‌ర్లు ముగిసే స‌రికి గుజ‌రాత్ వికెట్ న‌ష్ట‌పోకుండా 33 ప‌రుగులు చేసింది. క్రీజులో శుబ్‌మ‌న్ గిల్‌(15), సాయిసుదర్శ‌న్‌(16) ఉన్నారు.గుజరాత్‌ ముందు భారీ టార్గెట్‌..అహ్మ‌దాబాద్ వేదిక‌గా గుజ‌రాత్ టైటాట‌న్స్‌తో జ‌రుగుతున్న మ్యాచ్‌లో ల‌క్నో సూప‌ర్ జెయింట్స్ బ్యాట‌ర్లు విధ్వంసం సృష్టించారు. తొలుత బ్యాటింగ్ చేసిన లక్నో నిర్ణీత 20 ఓవర్లలో 2 వికెట్ల నష్టానికి 235 పరుగుల భారీ స్కోర్ సాధించింది. లక్నో బ్యాటర్లలో మిచెల్ మార్ష్ సూపర్ సెంచరీతో చెలరేగాడు. 64 బంతులు ఎదుర్కొన్న మార్ష్‌.. 10 ఫోర్లు, 8 సిక్స్‌లతో 117 పరుగులు చేశాడు. అతడితో పాటు నికోలస్ పూరన్‌(56), మార్‌క్రమ్‌(36) కీలక ఇన్నింగ్స్‌లు ఆడారు. గుజరాత్ బౌలర్లలో ఆర్షద్ ఖాన్‌, సాయి కిషోర్ తలా వికెట్ సాధిం‍చారు.మిచెల్ మార్ష్ సూప‌ర్ సెంచ‌రీ..ల‌క్నో బ్యాట‌ర్ మిచెల్ మార్ష్ తొలి ఐపీఎల్ సెంచ‌రీ సాధించాడు. అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రిగిన మ్యాఛ్‌లో ఈ ఫీట్ న‌మోదు చేశాడు. కేవ‌లం 56 బంతుల్లో 10 ఫోర్లు, 6 సిక్స్‌ల‌తో మార్ష్ త‌న సెంచ‌రీ మార్క్‌ను అందుకున్నాడు. 16 ఓవర్లకు లక్నో స్కోర్‌: 180/115 ఓవర్లకు లక్నో స్కోర్‌: 160/115 ఓవర్లు ముగిసే సరికి లక్నో వికెట్ నష్టానికి 160 పరుగులు చేసింది. క్రీజులో మిచెల్ మార్ష్‌(89), పూరన్‌(29) ఉన్నారు.ల‌క్నో తొలి వికెట్ డౌన్‌..ఐడైన్ మార్‌క్ర‌మ్ రూపంలో ల‌క్నో తొలి వికెట్ కోల్పోయింది. 36 ప‌రుగులు చేసిన మార్‌క్ర‌మ్‌.. సాయికిషోర్ బౌలింగ్‌లో ఔట‌య్యాడు. 10 ఓవ‌ర్లు ముగిసే స‌రికి ల‌క్నో వికెట్ న‌ష్టానికి 97 ప‌రుగులు చేసింది. క్రీజులో మార్ష్‌(51), పూర‌న్‌(6) ఉన్నారు.దూకుడుగా ఆడుతున్న ల‌క్నో ఓపెన‌ర్లు..6 ఓవ‌ర్లు ముగిసే సరికి ల‌క్నో సూప‌ర్ జెయింట్స్ వికెట్ న‌ష్ట‌పోకుండా 53 ప‌రుగులు చేసింది. క్రీజులో ఐడైన్ మార్‌క్ర‌మ్‌(28), మార్ష్‌(22) ఉన్నారు.నిల‌క‌డ‌గా ఆడుతున్న ల‌క్నో ఓపెన‌ర్లు..3 ఓవ‌ర్లు ముగిసే స‌రికి ల‌క్నో సూప‌ర్ జెయింట్స్ వికెట్ న‌ష్ట‌పోకుండా 26 ప‌రుగులు చేసింది. క్రీజులో మార్ష్‌(8), మార్‌క్ర‌మ్‌(15) ఉన్నారు.ఐపీఎల్‌-2025లో అహ్మ‌దాబాద్ వేదిక‌గా గుజ‌రాత్ టైటాన్స్‌, ల‌క్నో సూప‌ర్ జెయింట్స్ త‌ల‌ప‌డుతున్నాయి. ఈ మ్యాచ్‌లో టాస్ గెలిచిన గుజ‌రాత్ తొలుత బౌలింగ్ ఎంచుకుంది. ఈ నామాత్ర‌పు మ్యాచ్‌లో గుజరాత్ టైటాన్స్ క్యాన్సర్ అవగాహన కార్యక్రమానికి మద్దతుగా లావెండర్ జెర్సీతో బ‌రిలోకి దిగింది.తుది జ‌ట్లులక్నో సూపర్ జెయింట్స్ (ప్లేయింగ్ XI): మిచెల్ మార్ష్, ఐడెన్ మార్క్‌రామ్, నికోలస్ పూరన్, రిషబ్ పంత్(కెప్టెన్‌), ఆయుష్ బడోని, అబ్దుల్ సమద్, హిమ్మత్ సింగ్, షాబాజ్ అహ్మద్, ఆకాష్ దీప్, అవేష్ ఖాన్, విలియం ఒరూర్కేగుజరాత్ టైటాన్స్ (ప్లేయింగ్ XI): శుభమన్ గిల్(కెప్టెన్‌), జోస్ బట్లర్(వికెట్ కీప‌ర్‌), షెర్ఫానే రూథర్‌ఫోర్డ్, షారుక్ ఖాన్, రాహుల్ తెవాటియా, రషీద్ ఖాన్, అర్షద్ ఖాన్, రవిశ్రీనివాసన్ సాయి కిషోర్, కగిసో రబడ, మహ్మ‌ద్ సిరాజ్, ప్రసిద్ధ కృష్ణ

అహ్మదాబాద్‌: ఇప్పటికే ‘ప్లే ఆఫ్స్‌’ చేరుకున్న గుజరాత్‌ టైటాన్స్‌ జట్టు... ఇక పాయింట్ల పట్టికలో అగ్రస్థానంపై దృష్టి పెట్టింది. ఐపీఎల్‌ 18వ సీజన్‌లో ఆడిన 12 మ్యాచ్‌ల్లో 9 విజయాలు, 3 పరాజయాలతో 18 పాయింట్లు ఖాతాలో వేసుకొని ‘ప్లే ఆఫ్స్‌’ బెర్త్‌ దక్కించుకున్న మాజీ చాంపియన్‌ గుజరాత్‌ టైటాన్స్‌ నేడు లక్నో సూపర్‌ జెయింట్స్‌ (ఎల్‌ఎస్‌జీ)తో తలపడనుంది. 2022, 2023లలో ఫైనల్‌కు చేరిన గుజరాత్‌ టైటాన్స్‌... ఈసారి కూడా నిలకడైన ప్రదర్శనతో ఆకట్టుకుంటోంది. పాయింట్ల పట్టికలో తొలి రెండు స్థానాల్లో నిలిస్తే ఫైనల్‌కు చేరేందుకు అదనంగా మరో అవకాశం ఉండటంతో... ప్రస్తుతానికి టైటాన్స్‌ దానిపైనే దృష్టి పెట్టింది. మరోవైపు ఇప్పటికే ‘ప్లే ఆఫ్స్‌’ రేసు నుంచి నిష్క్రమించిన లక్నో సూపర్‌ జెయింట్స్‌ చివర్లో అయినా మెరిపించాలని భావిస్తోంది. ఈ సీజన్‌లో టైటాన్స్‌ ఓడిన మూడు మ్యాచ్‌ల్లో ఒకటి లక్నో చేతిలో ఉండటంతో దానికి సొంతగడ్డపై బదులు తీర్చుకోవాలని కూడా చూస్తోంది. గుజరాత్‌ జట్టు ‘హ్యాట్రిక్‌’ విజయాలతో జోరు మీదుంటే... లక్నో జట్టు గత నాలుగు మ్యాచ్‌ల్లోనూ ఓడింది. మరి టైటాన్స్‌ అదే ఊపుతో మరింత ముందుకు దూసుకెళ్తుందా లేక... లక్నో పరాజయాల బాట వీడుతుందా చూడాలి! ముగ్గురు మొనగాళ్లు... ఈ సీజన్‌లో టైటాన్స్‌ ఆధిపత్యానికి ప్రధాన కారణం... టాప్‌–3 ఆటగాళ్లే. కెపె్టన్‌ శుబ్‌మన్‌ గిల్, ఓపెనర్‌ సాయి సుదర్శన్, ఇంగ్లండ్‌ స్టార్‌ జోస్‌ బట్లర్‌ కలిసికట్టుగా కదంతొక్కడంతోనే గుజరాత్‌ జట్టు వరుస విజయాలు సాధించగలిగింది. సాయి సుదర్శన్‌ 56.09 సగటుతో 617 పరుగులు చేయగా... గిల్‌ 60.10 సగటుతో 601 పరుగులు సాధించాడు. బట్లర్‌ 500 పరుగులు చేశాడు. ఈ ముగ్గురు జట్టు భారాన్ని మోస్తూ మెరుగైన ఆరంభాలు అందిస్తుండటంతో... టైటాన్స్‌ భారీ స్కోర్లు చేయగలుగుతోంది. ఈ త్రయం 16 హాఫ్‌ సెంచరీలు, ఒక సెంచరీ చేసిందంటే వీరి ఆధిపత్యం ఎలా సాగుతోందో అర్థం చేసుకోవచ్చు. ఈ ముగ్గురితో పాటు రూథర్‌ఫోర్డ్, షారుక్‌ ఖాన్, రాహుల్‌ తెవాటియా రూపంలో మిడిలార్డర్‌ బలంగా ఉండగా... బౌలింగ్‌లో కూడా మంచి ప్రత్యామ్నాయాలు అందుబాటులో ఉన్నాయి. హైదరాబాదీ పేసర్‌ సిరాజ్, ప్రసిధ్‌ కృష్ణ, రబడ, రషీద్‌ ఖాన్, సాయి కిషోర్‌ రూపంలో బౌలింగ్‌ దళం మెరుగ్గా ఉంది. అయితే గుజరాత్‌ బలం, బలహీనత రెండు టాపార్డరే కావడం గమనార్హం. టాప్‌–3 ఆటగాళ్లు విఫలమైతే మిడిలార్డర్‌లో సుదీర్ఘ ఇన్నింగ్స్‌లు ఆడేవాళ్లు కనిపించడం లేదు. లక్నోతో లీగ్‌ మ్యాచ్‌లో ఇది నిరూపితమైంది. 12 ఓవర్లలో వికెట్‌ నష్టపోకుండా 120 పరుగులు చేసిన టైటాన్స్‌... గిల్, సుదర్శన్, బట్లర్‌ అవుటైన తర్వాత 180/6కే పరిమితమైంది. ఈ నేపథ్యంలో కీలక ప్లే ఆఫ్స్‌ మ్యాచ్‌లకు ముందు మిడిలార్డర్‌ను పరీక్షించుకోవాల్సిన అవసరముంది. సీజన్‌లో అన్నీ మ్యాచ్‌లు ఆడిన ప్రధాన పేసర్లు సిరాజ్, ప్రసిధ్‌ కృష్ణకు ఈ మ్యాచ్‌లో విశ్రాంతినిచ్చే అవకాశాలు కూడా ఫ్రాంఛైజీ పరిశీలిస్తోంది.తీవ్ర ఒత్తిడిలో పంత్ఐపీఎల్‌ చరిత్రలోనే అత్యధిక ధర పలికిన రిషభ్‌ పంత్‌... సీజన్‌ చివరికి వచ్చేసరికి తీవ్ర ఒత్తిడిలో కనిపిస్తున్నాడు. అంచనాల భారాన్ని మోయలేకపోతున్న పంత్‌... అటు బ్యాటర్‌గా, ఇటు కెపె్టన్‌గా విఫలమవుతున్నాడు. మిచెల్‌ మార్‌‡్ష, మార్క్‌రమ్, నికోలస్‌ పూరన్‌ రూపంలో ముగ్గురు విదేశీ ఆటగాళ్లు మెరుగైన ప్రదర్శన చేస్తున్నా... జట్టు విజయాలు సాధించలేకపోవడానికి పంత్‌ ప్రదర్శనే ప్రధాన కారణం. బ్యాటింగ్‌ ఆర్డర్‌లో మార్పులు చేసుకున్నా... పంత్‌ ఆటతీరు మాత్రం మారడం లేదు.పట్టుమని పది నిమిషాలు కూడా క్రీజులో నిలవకుండానే పేలవ షాట్‌ ఆడి పెవిలియన్‌ చేరడం పరిపాటిగా మారింది. ఈ సీజన్‌లో 12 మ్యాచ్‌లాడిన పంత్‌ 12.27 సగటుతో 135 పరుగులే చేశాడు. గత మ్యాచ్‌లో సన్‌రైజర్స్‌ హైదరాబాద్‌ చేతిలో ఓటమితోనే ‘ప్లే ఆఫ్స్‌’చేరే అవకాశాలు కోల్పోయిన ఎల్‌ఎస్‌జీ... ఇక మిగిలిన రెండు మ్యాచ్‌ల్లో నెగ్గి మెరుగైన స్థానంతో సీజన్‌ను ముగించాలని భావిస్తోంది. ఆయుశ్‌ బదోని, అబ్దుల్‌ సమద్‌ నిలకడలేమితో ఇబ్బంది పడుతుంటే... బౌలర్లను గాయాల బెడద వెంటాడుతోంది. ప్రధాన పేసర్లు గాయాల బారిన పడటంతో ప్రత్యామ్నాయాలు లేక మేనేజ్‌మెంట్‌ చిక్కులు ఎదుర్కొంటోంది. మయాంక్‌ యాదవ్‌ అందుబాటులో లేకపోగా... అవేశ్‌ ఖాన్, ఆకాశ్‌ దీప్‌ కూడా గాయాలతో ఇబ్బంది పడుతున్నారు. దీనికి తోడు గత మ్యాచ్‌లో హద్దులు దాటినందుకు స్పిన్నర్‌ దిగ్వేశ్‌ రాఠీపై నిషేధం పడింది. ఈ నేపథ్యంలో శార్దుల్‌ ఠాకూర్, రవి బిష్ణోయ్‌ కీలకం కానున్నారు.తుది జట్లు(అంచనా)గుజరాత్‌ టైటాన్స్‌: గిల్‌ (కెప్టెన్ ), సాయి సుదర్శన్, బట్లర్, రూథర్‌ఫోర్డ్, షారుక్‌ ఖాన్, రాహుల్‌ తెవాటియా, రషీద్‌ ఖాన్, రబడ, అర్షద్‌ ఖాన్, సాయి కిషోర్, సిరాజ్, ప్రసిధ్‌ కృష్ణ. లక్నో సూపర్‌ జెయింట్స్‌: పంత్‌ (కెప్టెన్ ), మార్ష్ , మార్క్‌రమ్, పూరన్, బదోని, అబ్దుల్‌ సమద్, శార్దుల్‌ ఠాకూర్, రవి బిష్ణోయ్, ఆకాశ్‌దీప్, అవేశ్‌ ఖాన్, షాబాజ్‌ నదీమ్, రూర్కె.

గుజరాత్‌ టైటాన్స్‌ జట్టు పొట్టి క్రికెట్‌లో ఓ అరుదైన రికార్డు సాధించింది. ఐపీఎల్‌ 2025లో భాగంగా నిన్న (మే 18) ఢిల్లీ క్యాపిటల్స్‌ జరిగిన మ్యాచ్‌లో 200 పరుగుల లక్ష్యాన్ని వికెట్‌ కోల్పోకుండా ఛేదించిన ఈ జట్టు.. పాకిస్తాన్‌ తర్వాత టీ20ల్లో 200, అంతకుమించిన లక్ష్యాన్ని వికెట్‌ కోల్పోకుండా ఛేదించిన రెండో జట్టుగా నిలిచింది. యావత్‌ టీ20 ఫార్మాట్‌ చరిత్రలో ఈ రెండు జట్లే (పాకిస్తాన్‌, గుజరాత్‌) ఇప్పటివరకు 200, అంతకుమించిన లక్ష్యాలను వికెట్‌ కోల్పోకుండా ఛేదించాయి.2022లో పాకిస్తాన్‌ స్వదేశంలో ఇంగ్లండ్‌తో జరిగిన ఓ టీ20 మ్యాచ్‌లో 200కు పైగా లక్ష్యాన్ని వికెట్‌ కోల్పోకుండా ఛేదించింది. ఆ మ్యాచ్‌లో నాటి పాక్‌ కెప్టెన్‌ అజేయమైన సెంచరీతో (66 బంతుల్లో 110) విధ్వంసం సృష్టించగా.. అతని పార్ట్‌నర్‌, ప్రస్తుత కెప్టెన్‌ మహ్మద్‌ రిజ్వాన్‌ మెరుపు ఇన్నింగ్స్‌తో (51 బంతుల్లో 88 నాటౌట్‌) చెలరేగాడు.నిన్నటి మ్యాచ్‌ విషయానికొస్తే.. ఢిల్లీ క్యాపిటల్స్‌పై గుజరాత్‌ టైటాన్స్‌ 10 వికెట్ల తేడాతో ఘన విజయం సాధించి, ప్లే ఆఫ్స్‌ బెర్త్‌ను ఖరారు చేసుకుంది. ఈ మ్యాచ్‌లో తొలుత బ్యాటింగ్‌ చేసిన ఢిల్లీ.. కేఎల్‌ రాహుల్‌ (65 బంతుల్లో 112 నాటౌట్‌; 14 ఫోర్లు, 4 సిక్స్‌లు) అజేయ సెంచరీతో కదంతొక్కడంతో నిర్ణీత 20 ఓవర్లలో 3 వికెట్ల నష్టానికి 199 పరుగులు చేసింది. ఢిల్లీ ఇన్నింగ్స్‌లో డుప్లెసిస్‌ 5, అభిషేక్‌ పోరెల్‌ 30, అక్షర్‌ పటేల్‌ 25, ట్రిస్టన్‌ స్టబ్స్‌ 21 (నాటౌట్‌) పరుగులు చేశారు. గుజరాత్‌ బౌలర్లలో అర్షద్ ఖాన్‌, ప్రసిధ్‌కృష్ణ, సాయికిషోర్‌ తలా ఒక వికెట్‌ తీశారు.అనంతరం భారీ లక్ష్య ఛేదనకు దిగిన గుజరాత్‌.. ఓపెనర్లు సాయి సుదర్శన్‌ (61 బంతుల్లో 108 నాటౌట్‌; 12 ఫోర్లు, 4 సిక్స్‌లు), శుబ్‌మన్‌ గిల్‌ (53 బంతుల్లో 93 నాటౌట్‌; 3 ఫోర్లు, 7 సిక్స్‌లు) చెలరేగిపోవడంతో 19 ఓవర్లలో వికెట్‌ నష్టపోకుండా 205 పరుగులు చేసి విజయతీరాలకు చేరింది. ఈ మ్యాచ్‌లో గిల్‌-సాయి సుదర్శన్‌ నెలకొల్పిన 205 పరుగుల భాగస్వామ్యం ఐపీఎల్‌ చరిత్రలో మూడో అత్యుత్తమ ఓపెనిం‍గ్‌ భాగస్వామ్యంగా రికార్దైంది. ఈ సీజన్‌లో గిల్‌-సాయి జోడీ 839 పరుగుల భాగస్వామ్యాన్ని నెలకొల్పి.. లీగ్‌ చరిత్రలోనే ఓ సీజన్‌లో అత్యధిక పరుగులు జోడించిన భారత జోడీగా రికార్డుల్లోకెక్కింది.

200 పరుగుల లక్ష్యం. ఛేదించే జట్టుకు ఏమాత్రం సులువు కానేకాదు. కానీ ఇద్దరే ఇద్దరు... గుజరాత్‌ ఓపెనర్లు దంచేశారు. అంతపెద్ద లక్ష్యాన్ని సులువుగా కరిగించేశారు. సాయి సుదర్శన్, శుబ్‌మన్‌ గిల్‌ పోటీపడ్డారు. పరుగు పెట్టేందుకు... ఫోర్లు బాదేందుకు... సిక్సర్లు కొట్టేందుకు ఇలా ప్రతిదానికి ఆఖరుదాకా పోటీపడి మరీ సాధించడంతో కఠిన లక్ష్యం కూడా ఓ ఓవర్‌కు ముందే కరిగిపోయింది. అంత చేసి కూడా ఢిల్లీ క్యాపిటల్స్‌ ఓటమితో కుంగిపోయింది. అంతేకాదు గుజరాత్‌ దర్జాగా సాధించిన విజయంతో తమతోపాటే రాయల్‌ చాలెంజర్స్‌ బెంగళూరు (ఆర్‌సీబీ), పంజాబ్‌ కింగ్స్‌ జట్లను కూడా ‘ప్లే ఆఫ్స్‌’కు తీసుకెళ్లింది. ఇక మిగిలింది ఒకే ఒక్క బెర్త్‌. దీని కోసం ముంబై ఇండియన్స్, ఢిల్లీ క్యాపిటల్స్‌ కాచుకున్నాయి. మరి ఆఖరి బెర్త్‌ ఎవరిని వరిస్తుందో చూడాలి. న్యూఢిల్లీ: ఓపెనర్ల గర్జనతో గుజరాత్‌ టైటిల్స్‌ దర్జాగా ఐపీఎల్‌ 18వ సీజన్‌లో ప్లే ఆఫ్స్‌ దశకు అర్హత సంపాదించింది. ‘ప్లేయర్‌ ఆఫ్‌ ద మ్యాచ్‌’ సాయి సుదర్శన్‌ (61 బంతుల్లో 108 నాటౌట్‌; 12 ఫోర్లు, 4 సిక్స్‌లు), శుబ్‌మన్‌ గిల్‌ (53 బంతుల్లో 93 నాటౌట్‌; 3 ఫోర్లు, 7 సిక్స్‌లు) ఢిల్లీ బౌలింగ్‌ను దంచికొట్టారు. దీంతో టైటాన్స్‌ 10 వికెట్ల తేడాతో ఢిల్లీ క్యాపిటల్స్‌పై ఘన విజయం సాధించింది. తొలుత బ్యాటింగ్‌ చేపట్టిన ఢిల్లీ క్యాపిటల్స్‌ నిర్ణీత 20 ఓవర్లలో 3 వికెట్ల నష్టానికి 199 పరుగులు చేసింది. కేఎల్‌ రాహుల్‌ (65 బంతుల్లో 112 నాటౌట్‌; 14 ఫోర్లు, 4 సిక్స్‌లు) అజేయ సెంచరీతో కదంతొక్కాడు. అర్షద్, ప్రసిధ్‌కృష్ణ, సాయికిషోర్‌ తలా ఒక వికెట్‌ తీశారు. అనంతరం గుజరాత్‌ టైటాన్స్‌ 19 ఓవర్లలో వికెట్‌ నష్టపోకుండా 205 పరుగులు చేసి గెలిచింది. ఓపెనర్లు సాయి సుదర్శన్, శుబ్‌మన్‌ గిల్‌ అజేయంగా, ఆకాశమే హద్దుగా చెలరేగారు. నెల నిషేధం ముగియడంతో గుజరాత్‌ తరఫున రబడ ఈ మ్యాచ్‌ బరిలోకి దిగాడు. రాహుల్‌ 112 నాటౌట్‌ క్యాపిటల్స్‌ ఇన్నింగ్స్‌ను ఆరంభం నుంచి ఆఖరుదాకా నడిపించింది... పరుగులు రాబట్టింది ఒకే ఒక్కడు రాహుల్‌. డుప్లెసిస్‌ (5)తో ఓపెనింగ్‌ వికెట్‌ ఎంతోసేపు నిలబడలేదు. ఆరంభంలో స్కోరులో ఏమాత్రం జోరు లేదు. 5 ఓవర్లలో ఢిల్లీ స్కోరు 28/1. పవర్‌ప్లేలో కనీసం బంతికో పరుగైనా చేయలేదు. అయితే ఆరో ఓవర్లో రాహుల్‌ రెండు సిక్స్‌లు, ఓ బౌండరీ బాదడంతో క్యాపిటల్స్‌ 45/1 స్కోరుతో కోలుకుంది. అభిషేక్‌ పొరెల్‌ (19 బంతుల్లో 30; 1 ఫోర్, 3 సిక్స్‌లు) అడపాదడపా భారీషాట్లు బాదాడు. రాహుల్‌ 35 బంతుల్లో ఫిఫ్టీ పూర్తిచేసుకున్నాడు. రబడ 11వ ఓవర్లో పొరెల్, రాహుల్‌ చెరో సిక్సర్‌ బాదడంతో 17 పరుగులు వచ్చాయి. దీంతో మరుసటి ఓవర్లోనే క్యాపిటల్స్‌ 100 మార్క్‌ను దాటింది. కానీ ఆఖరి బంతికి పొరెల్‌ వికెట్‌ను కోల్పోయింది. దీంతో రెండో వికెట్‌కు 90 పరుగుల భాగస్వామ్యానికి తెరపడింది. క్రీజులోకి కెపె్టన్‌ అక్షర్‌ పటేల్‌ (16 బంతుల్లో 25; 2 ఫోర్లు, 1 సిక్స్‌) రాగా... రాహుల్‌ ధాటిని పెంచాడు. 14వ ఓవర్లో వరుసగా 3 బౌండరీలు కొట్టాడు. అక్షర్‌ కూడా 4, 6తో దంచేపనిలో పడ్డాడు కానీ మరుసటి ఓవర్లోనే ప్రసి«ద్‌కృష్ణకు వికెట్‌ సమరి్పంచుకున్నాడు. 19వ ఓవర్లో 6, 4 బాదిన రాహుల్‌ 60 బంతుల్లో శతకాన్ని పూర్తి చేసుకున్నాడు. స్టబ్స్‌ (10 బంతుల్లో 21 నాటౌట్‌; 2 సిక్స్‌లు) వేగంగా ఆడే ప్రయత్నం చేశాడు. ఆరంభం నుంచే ధనాధన్‌ తొలి ఓవర్లో సాయి సుదర్శన్‌ బౌండరీతో శుబ్‌మన్‌ సిక్స్‌తో తమ ఖాతా తెరవడం ద్వారా లక్ష్యానికి దీటైన ఆరంభమిచ్చారు. నటరాజన్‌ వేసిన రెండో ఓవర్‌ను సుదర్శన్‌ 6, 4, 4, 0, 2, 4లతో చితగ్గొట్టాడు. దీంతో 20 పరుగులు వచ్చాయి. అక్షర్‌ మూడో ఓవర్లో మరో రెండు బౌండరీలు బాదాడు. టైటాన్స్‌ 6 ఓవర్లలో 59/0 స్కోరు చేసింది. ఆ తర్వాత కూడా ఇద్దరు చక్కని సమన్వయంతో ఆడటంతో పరుగులకు పెద్దగా ఇబ్బంది లేకుండా పోయింది. ఈ క్రమంలో మొదట సుదర్శన్‌ 30 బంతుల్లో ఫిఫ్టీ పూర్తి చేసుకోగా... 10 ఓవర్లు ముగిసేసరికి గుజరాత్‌ 93/0 స్కోరు చేసింది. ఇక మిగిలిన 10 ఓవర్లలో 107 పరుగులు చేయాల్సిన దశలోనూ ఓపెనింగ్‌ జోడీ పరుగుల పయనం సాఫీగా సాగిపోయింది. దీంతో ఓవర్లు గడిచేకొద్దీ ఢిల్లీ బౌలర్లు కాస్తా డీలా బౌలర్లుగా మారిపోయారు. 33 బంతుల్లో గిల్‌ అర్ధసెంచరీ పూర్తవగా జట్టు స్కోరు 15వ ఓవర్లో 150 దాటింది. ఇక 30 బంతుల్లో 46 పరుగుల సమీకరణంతోనే... చేతిలో పది వికెట్లున్న టైటాన్స్‌ చేతుల్లోకే మ్యాచ్‌ వచ్చేసింది. ఈ లాంఛనాన్ని మరో బ్యాటర్‌కు ఇవ్వకుండా ఓపెనర్లే పూర్తి చేశారు. భారీ సిక్సర్‌తో సాయి సుదర్శన్‌ 56 బంతుల్లో సెంచరీ సాధించగా, చూడచక్కని బౌండరీలతో గిల్‌ కూడా శతకానికి చేరువయ్యాడు. కానీ ఈ లోపే 200 పరుగుల పెద్ద లక్ష్యం 19వ ఓవర్లోనే దిగిరావడంతో అతని సెంచరీకి అవకాశం లేకుండాపోయింది. స్కోరు వివరాలు ఢిల్లీ క్యాపిటల్స్‌ ఇన్నింగ్స్‌: కేఎల్‌ రాహుల్‌ (నాటౌట్‌) 112; డుప్లెసిస్‌ (సి) సిరాజ్‌ (బి) అర్షద్‌ 5; పోరెల్‌ (సి) బట్లర్‌ (బి) సాయికిషోర్‌ 30; అక్షర్‌ (సి) సాయికిషోర్‌ (బి) ప్రసిధ్‌ కృష్ణ 25; స్టబ్స్‌ (నాటౌట్‌) 21; ఎక్స్‌ట్రాలు 6; మొత్తం (20 ఓవర్లలో 3 వికెట్లకు) 199. వికెట్ల పతనం: 1–16, 2–106, 3–151. బౌలింగ్‌: సిరాజ్‌ 4–0–37–0, అర్షద్‌ ఖాన్‌ 2–0–7–1, రబడా 2–0–34–0, ప్రసిద్‌కృష్ణ 4–0–40–1, రషీద్‌ ఖాన్‌ 4–0–32–0, సాయికిషోర్‌ 4–0–47–1. గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (నాటౌట్‌) 108; శుబ్‌మన్‌ గిల్‌ (నాటౌట్‌) 93; ఎక్స్‌ట్రాలు 4; మొత్తం (19 ఓవర్లలో వికెట్‌ నష్టపోకుండా) 205. బౌలింగ్‌: అక్షర్‌ పటేల్‌ 3–0–35–0, నటరాజన్‌ 3–0–49–0, ముస్తాఫిజుర్‌ 3–0–24–0, చమీర 2–0–22–0, విప్రాజ్‌ 4–0–37–0, కుల్దీప్‌ 4–0–37–0.

ఐపీఎల్‌-2025లో ప్లే ఆఫ్స్‌లో గుజరాత్‌ టైటాన్స్‌ అడుగుపెట్టింది. ఈ మెగా టోర్నీలో భాగంగా ఆదివారం అరుణ్‌జైట్లీ స్టేడియం వేదిక‌గా ఢిల్లీ క్యాపిట‌ల్స్‌తో జ‌రిగిన మ్యాచ్‌లో 10 వికెట్ల తేడాతో గుజరాత్ ఘ‌న విజ‌యం సాధించింది. దీంతో తమ ఫ్లే ఆఫ్స్ బెర్త్‌ను గుజ‌రాత్ టీమ్ ఖారారు చేసుకుంది. ప్ర‌స్తుతం పాయింట్ల ప‌ట్టిక‌లో గుజ‌రాత్‌(18 పాయింట్లు) అగ్ర‌స్ధానంలో కొనసాగుతోంది. గుజరాత్‌ విజయంతో ఆర్సీబీ(17 పాయింట్లు), పంజాబ్‌ కింగ్స్‌(17 పాయింట్లు) సైతం ప్లే ఆఫ్స్‌కు ఆర్హత సాధించాయి. మరో స్ధానం కోసం ముంబై ఇండియన్స్‌, ఢిల్లీ క్యాపిటల్స్‌, లక్నో సూపర్‌ జెయింట్స్‌ జట్లు పోటీపడుతున్నాయి.ఓపెన‌ర్ల విధ్వంసం..ఇక ఈ మ్యాచ్‌ విషయానికి వస్తే.. ఢిల్లీ క్యాపిట‌ల్స్‌ నిర్ధేశించిన 200 ప‌రుగుల ల‌క్ష్యాన్ని గుజ‌రాత్ టైటాన్స్ వికెట్ న‌ష్ట‌పోకుండా 19 ఓవర్లలోనే ఊదిప‌డేసింది. గుజరాత్‌ ఓపెనర్లే మ్యాచ్‌ను ఫినిష్‌ చేశారు. సాయిసుదర్శన్‌(58 బంతుల్లో 12 ఫోర్లు, 4 సిక్స్‌లతో 108 నాటౌట్‌) అద్బుతమైన సెంచరీతో చెలరేగగా.. శుబ్‌మన్‌ గిల్‌(53 బంతుల్లో 3 ఫోర్లు, 7 సిక్స్‌లతో 93 నాటౌట్‌) కెప్టెన్‌ ఇన్నింగ్స్‌ ఆడాడు. ఢిల్లీ బౌలర్లలో ఒక్కరూ కనీసం వికెట్‌ సాధించలేకపోయారు.రాహుల్‌ సెంచరీ వృథా..ఇక తొలుత బ్యాటింగ్ చేసిన ఢిల్లీ క్యాపిట‌ల్స్‌ నిర్ణీత 20 ఓవర్లలో 3 వికెట్ల నష్టానికి 199 పరుగులు చేసింది. ఢిల్లీ బ్యాటర్లలో కేఎల్ రాహుల్ సూపర్ సెంచరీతో చెలరేగాడు. రాహుల్ 65 బంతుల్లో 14 ఫోర్లు, 4 సిక్స్‌లతో 112 పరుగులు చేశాడు.రాహుల్‌కు ఇది ఐదో ఐపీఎల్ సెంచరీ. ఇక రాహుల్‌తో పాటు అభిషేక్ పోరెల్‌(30), అక్షర్ పటేల్‌(25), స్టబ్స్‌(21) కీలక ఇన్నింగ్స్‌లు ఆడారు. గుజరాత్ బౌలర్లలో అర్షద్ ఖాన్‌, సాయికిషోర్‌, ప్రసిద్ద్ కష్ణ తలా వికెట్ సాధించారు.

IPL 2025 DC vs GT Live Updates: ఢిల్లీలోని అరుణ్ జైట్లీ స్టేడియం వేదిక‌గా గుజ‌రాత్ టైటాన్స్‌, ఢిల్లీ క్యాపిట‌ల్స్ జ‌ట్లు త‌ల‌ప‌డ‌తున్నాయి.ప్లే ఆఫ్స్‌కు గుజరాత్‌..అరుణ్ జైట్లీ స్టేడియం వేదికగా ఢిల్లీ క్యాపిటల్స్‌తో జరిగిన మ్యాచ్‌లో 10 వికెట్ల తేడాతో గుజరాత్ టైటాన్స్ విజయం సాధించింది. 200 పరుగుల లక్ష్యాన్ని గుజరాత్ వికెట్ నష్టపోకుండా 19 ఓవర్లలో ఛేదించింది. గుజరాత్ ఓపెనర్ సాయి సుదర్శన్‌(61 బంతుల్లో 108) సూపర్ సెంచరీతో చెలరేగగా.. శుబ్‌మన్‌ గిల్‌(53 బంతుల్లో 3 ఫోర్లు, 7 సిక్స్‌లతో 93 నాటౌట్‌) కెప్టెన్ ఇన్నింగ్స్ ఆడాడు. ఈ విజయంతో గుజరాత్ ప్లే ఆఫ్స్ బెర్త్‌ను ఖారారు చేసుకుంది. తొలుత బ్యాటింగ్‌ చేసిన ఢిల్లీ క్యాపిటల్స్‌ నిర్ణీత ఓవర్లలో 3 వికెట్ల నష్టానికి 199 పరుగులు చేసింది.విజ‌యం దిశ‌గా గుజ‌రాత్‌గుజ‌రాత్ టైటాన్స్ విజ‌యం దిశ‌గా దూసుకెళ్తోంది. 16 ఓవ‌ర్లు ముగిసే స‌రికి గుజ‌రాత్ వికెట్ న‌ష్ట‌పోకుండా 165 ప‌రుగులు చేసింది. క్రీజులో సాయిసుద‌ర్శ‌న్‌(87), శుబ్‌మ‌న్ గిల్‌(74) ఉన్నారు.శుబ్‌మ‌న్ గిల్ హాఫ్ సెంచ‌రీ..200 ప‌రుగుల ల‌క్ష్య చేధ‌న‌లో గుజ‌రాత్ టైటాన్స్ అద్బుతంగా ఆడుతోంది. 13 ఓవ‌ర్లు ముగిసే స‌రికి గుజ‌రాత్‌ వికెట్ న‌ష్ట‌పోకుండా 134 ప‌రుగులు చేసింది. శుబ్‌మ‌న్ గిల్‌(59), సాయిసుద‌ర్శ‌న్‌(72) హాఫ్ సెంచ‌రీల‌తో త‌మ బ్యాటింగ్‌ను కొన‌సాగిస్తున్నారు.7 ఓవ‌ర్ల‌కు గుజ‌రాత్ స్కోర్‌: 63/07 ఓవ‌ర్లు ముగిసే స‌రికి గుజ‌రాత్ టైటాన్స్ వికెట్ న‌ష్టపోకుండా 63 ప‌రుగులు చేసింది. క్రీజులో సాయిసుద‌ర్శ‌న్‌(46), శుబ్‌మ‌న్ గిల్‌(17) ఉన్నారు.దూకుడుగా ఆడుతున్న గుజరాత్‌200 పరుగుల భారీ లక్ష్యంతో బరిలోకి దిగిన గుజరాత్ టైటాన్స్ దూకుడుగా ఆడుతోంది. 2 ఓవర్లు ముగిసే సరికి గుజరాత్ టైటాన్స్ వికెట్ నష్టపోకుండా 31 పరుగులు చేసింది. క్రీజులో సాయిసుదర్శన్‌(25), శుబ్‌మన్ గిల్‌(6) ఉన్నారు.కేఎల్ రాహుల్ సెంచరీ.. గుజరాత్ ముందు భారీ లక్ష్యంఐపీఎల్‌-2025లో అరుణ్ జైట్లీ స్టేడియం వేదికగా గుజరాత్ టైటాన్స్‌తో జరుగుతున్న మ్యాచ్‌లో ఢిల్లీ క్యాపిటల్స్ బ్యాటర్లు దంచి కొట్టారు. టాస్ ఓడి తొలుత బ్యాటింగ్‌కు దిగిన ఢిల్లీ నిర్ణీత 20 ఓవర్లలో 3 వికెట్ల నష్టానికి 199 పరుగులు చేసింది. ఢిల్లీ బ్యాటర్లలో కేఎల్ రాహుల్ సూపర్ సెంచరీతో చెలరేగాడు. రాహుల్ 65 బంతుల్లో 14 ఫోర్లు, 4 సిక్స్‌లతో 112 పరుగులు చేశాడు. రాహుల్‌కు ఇది ఐదో ఐపీఎల్ సెంచరీ. ఇక రాహుల్‌తో పాటు అభిషేక్ పోరెల్‌(30), అక్షర్ పటేల్‌(25), స్టబ్స్‌(21) కీలక ఇన్నింగ్స్‌లు ఆడారు. గుజరాత్ బౌలర్లలో అర్షద్ ఖాన్‌, సాయికిషోర్‌, ప్రసిద్ద్ కష్ణ తలా వికెట్ సాధించారు.ఢిల్లీ రెండో వికెట్ డౌన్‌అభిషేక్ పోరెల్ రూపంలో ఢిల్లీ క్యాపిట‌ల్స్ రెండో వికెట్ కోల్పోయింది. 30 ప‌రుగులు చేసిన పోరెల్‌.. సాయికిషోర్ బౌలింగ్‌లో ఔట‌య్యాడు.కేఎల్ రాహుల్ ఫిప్టీ..అరుణ్ జైట్లీ స్టేడియం వేదిక‌గా గుజ‌రాత్ టైటాన్స్‌తో జ‌రుగుతున్న మ్యాచ్‌లో ఢిల్లీ క్యాపిట‌ల్స్‌ కేఎల్ రాహుల్ హాఫ్ సెంచ‌రీ సాధించాడు. 65 ప‌రుగుల‌తో రాహుల్ త‌న బ్యాటింగ్‌ను కొన‌సాగిస్తున్నాడు. 11 ఓవ‌ర్లు ముగిసే స‌రికి ఢిల్లీ వికెట్ న‌ష్టానికి 98 ప‌రుగులు చేసింది.6 ఓవ‌ర్ల‌కు ఢిల్లీ స్కోర్‌: 44/16 ఓవ‌ర్లు ముగిసే స‌రికి ఢిల్లీ క్యాపిట‌ల్స్ వికెట్ న‌ష్టానికి 44 ప‌రుగులు చేసింది. క్రీజులో కేఎల్ రాహుల్‌(36), అభిషేక్ పోరెల్‌(1) ఉన్నారు.ఢిల్లీ తొలి వికెట్ డౌన్‌..ఫాఫ్ డుప్లెసిస్ రూపంలో ఢిల్లీ క్యాపిట‌ల్స్ తొలి వికెట్ కోల్పోయింది. 5 ప‌రుగులు చేసిన డుప్లెసిస్‌.. అర్ష‌ద్ ఖాన్ బౌలింగ్‌లో ఔట‌య్యాడు. ఆచితూచి ఆడుతున్న ఢిల్లీ ఓపెన‌ర్లు..టాస్ ఓడి బ్యాటింగ్‌కు దిగిన ఢిల్లీ క్యాపిట‌ల్స్ నిల‌క‌డ‌గా ఆడుతోంది. 3 ఓవ‌ర్లు ముగిసే స‌రికి ఢిల్లీ వికెట్ న‌ష్ట‌పోకుండా 14ప‌రుగులు చేసింది. క్రీజులో కేఎల్ రాహుల్‌(9), ఫాఫ్ డుప్లెసిస్‌(3) ఉన్నారు.ఐపీఎల్‌-2025లో కీల‌క పోరుకు స‌మ‌యం అస‌న్న‌మైంది. ఢిల్లీలోని అరుణ్ జైట్లీ స్టేడియం వేదిక‌గా గుజ‌రాత్ టైటాన్స్‌, ఢిల్లీ క్యాపిట‌ల్స్ జ‌ట్లు త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన గుజ‌రాత్ టైటాన్స్ తొలుత బౌలింగ్ ఎంచుకుంది.తుది జ‌ట్లుగుజరాత్ టైటాన్స్ ప్లేయింగ్ XI: శుభమన్ గిల్ (కెప్టెన్‌), జోస్ బట్లర్ (వికెట్ కీప‌ర్‌), షెర్ఫాన్ రూథర్‌ఫోర్డ్, షారుక్ ఖాన్, రాహుల్ తెవాటియా, రషీద్ ఖాన్, కగిసో రబడ, రవిశ్రీనివాసన్ సాయి కిషోర్, అర్షద్ ఖాన్, ప్రసిధ్ కృష్ణ, మహ్మద్ సిరాజ్ఢిల్లీ క్యాపిటల్స్ ప్లేయింగ్ XI: ఫాఫ్ డు ప్లెసిస్ , అభిషేక్ పోరెల్, సమీర్ రిజ్వీ, కెఎల్ రాహుల్ (వికెట్ కీప‌ర్‌), అక్షర్ పటేల్ (కెప్టెన్‌), ట్రిస్టన్ స్టబ్స్, అశుతోష్ శర్మ, విప్రజ్ నిగమ్, టి నటరాజన్, కుల్దీప్ యాదవ్, ముస్తాఫిజుర్ రెహమాన్

న్యూఢిల్లీ: ఐపీఎల్‌–2025ను ఢిల్లీ క్యాపిటల్స్‌ ఘనంగా ప్రారంభించింది. తొలి 4 మ్యాచ్‌లలో వరుస విజయాలు సాధించి జోరు ప్రదర్శించింది. అయితే తర్వాత జట్టు ఫామ్‌ ఒక్కసారిగా తిరోగమించింది. తర్వాత 7 మ్యాచ్‌లలో ఢిల్లీ కేవలం 2 మాత్రమే గెలవగలిగింది. హైదరాబాద్‌లో జరిగిన తమ చివరి పోరులో కూడా క్యాపిటల్స్‌ 133 పరుగులకే పరిమితమై ఓటమికి బాటలు వేసుకుంది. అయితే అదృష్టవశాత్తూ వర్షంతో ఆ మ్యాచ్‌ రద్దు కావడంతో ఊపిరి పీల్చుకుంది. ఇప్పుడు మిగిలిన 3 మ్యాచ్‌లలో గెలిస్తే ఇతర సమీకరణాలతో సంబంధం లేకుండా ‘ప్లే ఆఫ్స్‌’కు చేరుకునే అవకాశం ఉంటుంది. మరోవైపు గుజరాత్‌ టైటాన్స్‌ నిలకడకు మారుపేరులా ఆడుతూ ముందంజ వేసేందుకు సిద్ధమైంది. ప్రస్తుతం పాయింట్ల పట్టికలో రెండోస్థానంలో ఉన్న ఆ టీమ్‌ మరో మ్యాచ్‌ గెలిస్తే చాలు అధికారికంగా ప్లే ఆఫ్స్‌కు చేరుతుంది. ఈ మ్యాచ్‌లోనే దానిని అందుకోవాలని గిల్‌ బృందం భావిస్తోంది. ముస్తఫిజుర్‌ దూరం... ఐపీఎల్‌ కొత్త షెడ్యూల్‌ కారణంగా ఢిల్లీ ప్రణాళికలు కూడా మారాయి. కీలక సమయంలో జట్టును గెలిపించే సత్తా ఉన్న ప్రధాన పేసర్‌ మిచెల్‌ స్టార్క్‌ ఆ్రస్టేలియాకు వెళ్లిపోయాడు. అతని స్థానంలో బంగ్లాదేశ్‌ బౌలర్‌ ముస్తఫిజుర్‌ను ఢిల్లీ ఎంచుకుంది. అయితే శనివారం షార్జాలో టి20 మ్యాచ్‌ ఆడిన అతను తిరిగి వచ్చి ఈ మ్యాచ్‌ బరిలోకి దిగే అవకాశం లేదు. దాంతో తుది జట్టులో ముగ్గురు విదేశీయులే ఉండనున్నారు. డుప్లెసిస్, స్టబ్స్‌ పునరాగమనంతో జట్టు బ్యాటింగ్‌ బలంగా కనిపిస్తుండగా, పేసర్‌ చమీరా కూడా ఆడనున్నాడు. అయితే జట్టు విజయావకాశాలు భారత ఆటగాళ్లు పొరేల్, కరుణ్‌ నాయర్, రాహుల్, కెప్టెన్‌ అక్షర్‌ ప్రదర్శనపైనే ఎక్కువగా ఆధారపడి ఉన్నాయి. విప్‌రాజ్, అశుతోష్‌ మిడిలార్డ్‌లో చెలరేగాల్సి ఉండగా... కుల్దీప్‌ యాదవ్‌ ఎప్పటిలాగే తన పదును చూపిస్తే ప్రత్యర్థిని కట్టిపడేయవచ్చు. మార్పుల్లేకుండా... టోర్నీ వాయిదా తర్వాత ఎలాంటి ఇబ్బందీ లేకుండా దాదాపు అదే ప్రధాన ఆటగాళ్లతో జట్టును సిద్ధం చేసుకోవడంలో గుజరాత్‌ సఫలం కావడం విశేషం. మరో మ్యాచ్‌ గెలిస్తే ముందంజ వేసే టీమ్‌ మరో రెండు కూడా నెగ్గి టాప్‌ స్థానంపై గురి పెట్టింది. లీగ్‌ దశ వరకు బట్లర్, రూథర్‌ఫర్డ్, రబడ, కొయెట్జీ అందుబాటులో ఉంటుండటంతో టైటాన్స్‌ మేనేజ్‌మెంట్‌ ధీమాగా ఉంది. ఓపెనర్లు గిల్, సుదర్శన్‌ అందిస్తున్న చక్కటి ఆరంభాలు జట్టును ముందంజలో నిలిపాయి. ఆ తర్వాత బట్లర్‌ మిగిలిన పని పూర్తి చేస్తున్నాడు. సీజన్‌లో 500 పరుగులు దాటిన టాప్‌–5లో ముగ్గురు టైటాన్స్‌ సుదర్శన్, గిల్, బట్లర్‌ ఉండటం విశేషం. షారుఖ్, తెవాటియా చివర్లో అదనపు పరుగులు జోడించగలరు. ముగ్గురు పేసర్లు ప్రసిధ్, సిరాజ్, అర్షద్‌ చక్కటి బౌలింగ్‌ ప్రదర్శన కనబరుస్తుండగా... స్పిన్నర్లు సాయికిషోర్, రషీద్‌ ఖాన్‌ తమ వంతు పాత్ర పోషిస్తున్నారు. బలాబలాలపరంగా చూస్తే టైటాన్స్‌దే పైచేయిగా కనిపిస్తోంది.

శ్రీలంక విధ్వంసకర బ్యాటర్‌ కుసాల్‌ మెండిస్‌ పాకిస్తాన్‌ సూపర్‌ లీగ్‌ 2025కు మధ్యలోనే గుడ్‌ బై చెప్పాడు. ఆ లీగ్‌లో క్వెట్టా గ్లాడియేటర్స్‌కు ప్రాతినిథ్యం వహిస్తున్న మెండిస్‌.. బట్లర్‌కు ప్రత్యామ్నాయంగా గుజరాత్‌ టైటాన్స్‌ నుంచి ఆఫర్‌ రావడంతో ఐపీఎల్‌కు వచ్చేశాడు. మెండిస్‌ నిన్ననే గుజరాత్‌ జట్టులో చేరిపోయాడు. ఐపీఎల్‌లాగే పాకిస్తాన్‌ సూపర్‌ లీగ్‌ కూడా వాయిదా అనంతరం మే 17 నుంచి ప్రారంభం​ కానుంది. ఆ లీగ్‌లో కూడా ఐపీఎల్‌లాగే విదేశీ ఆటగాళ్లు స్వదేశాలకు వెళ్లిపోయారు. ఐపీఎల్‌లో దాదాపుగా అందరు విదేశీ ఆటగాళ్లు లీగ్‌ పునఃప్రారంభానికి అందుబాటులోకి వస్తుంటే.. పీఎస్‌ఎల్‌లో మాత్రం విదేశీ ఆటగాళ్లు ఒక్కొక్కరుగా జారుకుంటున్నారు. మెండిస్‌కు ముందు ఆస్ట్రేలియా బ్యాటర్‌ మిచెల్‌ ఓవెన్‌ కూడా పీఎస్‌ఎల్‌కు గుడ్‌ బై చెప్పి ఐపీఎల్‌లో చేరిపోయాడు. మిచెల్‌ ఓవెన్‌ను పంజాబ్‌ కింగ్స్‌ మ్యాక్స్‌వెల్‌కు ప్రత్యామ్నాయంగా ఎంపిక చేసుకుంది. ఓవెన్‌, మెండిస్‌ ఇ‍ద్దరూ పీఎస్‌ఎల్‌తో ఒప్పందం ఉన్నప్పటికీ దాన్ని తెంచుకుని ఐపీఎల్‌ పంచన చేరాడు. భద్రతా కారణాల వల్ల పీఎస్‌ఎల్‌లో ఆడలేనని మెండిస్‌ తాజాగా స్పష్టం చేశాడు. అంతకుముందే ఓవెన్‌ తనకు ఐపీఎల్‌ ఆఫరే ముఖ్యమని పీఎస్‌ఎల్‌కు తేల్చి చెప్పాడు. వీరిద్దరిపై పాకిస్తాన్‌ క్రికెట్‌ బోర్డు చర్చలు తీసుకునే అవకాశం ఉంది. ఐపీఎల్‌ ప్రారంభానికి ముందు మరో విదేశీ ఆటగాడు కార్బిన్‌ బాష్‌ కూడా పీఎస్‌ఎల్‌కు హ్యాండిచ్చి ముంబై ఇండియన్స్‌లో చేరిపోయాడు. ఐపీఎల్‌ ఆఫర్‌ రావడం అదృష్టంగా భావించే విదేశీ ఆటగాళ్లు..పీఎస్‌ఎల్‌ లాంటి చిన్న లీగ్‌ను తృణప్రాయంగా వదిలేసుకుంటున్నారు.ఇదిలా ఉంటే, జాతీయ విధుల కారణంగా జోస్‌ బట్లర్‌ ఐపీఎల్‌ ప్లే ఆఫ్స్‌కు అందుబాటులో ఉండడం లేదు. దీంతో గుజరాత్‌ అతనికి ‍ప్రత్యామ్నాయంగా మెండిస్‌ను ఎంపిక చేసుకుంది. బట్లర్‌ మే 26 వరకు గుజరాత్‌కు అందుబాటులో ఉంటాడు. మెండిస్‌ను గుజరాత్‌ యాజమాన్యం రూ. 75 లక్షలకు సొంతం చేసుకుంది. ఈ సీజన్‌లో భీకర ఫామ్‌లో ఉన్న బట్లర్‌ ప్లే ఆఫ్స్‌లో గుజరాత్‌కు అందుబాటులో లేకపోవడం ఆ జట్టు టైటిల్‌ విన్నింగ్‌ అవకాశాలను ఖచ్చితంగా ప్రభావితం చేస్తుంది. ఈ సీజన్‌లో బట్లర్‌ 11 మ్యాచ్‌లు ఆడి 71.43 సగటుతో 500 పరుగులు చేసి లీడింగ్‌ రన్‌ స్కోరర్ల జాబితాలో ఐదో స్థానంలో ఉన్నాడు. బట్లర్‌ గుజరాత్‌ ఆడబోయే తదుపరి మూడు లీగ్‌ మ్యాచ్‌ల్లో ఆడే అవకాశం ఉంది. ఈ మూడు మ్యాచ్‌ల్లో ఒక్కటి గెలిచినా గుజరాత్‌ ప్లే ఆఫ్స్‌ బెర్త్‌ అధికారికంగా ఖరారవుతుంది. గుజరాత్‌ తమ తదుపరి మ్యాచ్‌ల్లో ఢిల్లీ (మే 18), లక్నో (మే 22), సీఎస్‌కేతో (మే 25) తలపడాల్సి ఉంది.

భారత్‌, పాక్‌ మధ్య యుద్దం కారణంగా వారం రోజులు వాయిదా పడిన ఐపీఎల్‌ 2025 రేపటి నుండి (మే 17) పునఃప్రారంభం కానుంది. ఆటగాళ్లంతా ఒక్కొక్కరుగా తమతమ ఫ్రాంచైజీల క్యాంప్‌ల్లో చేరుతున్నారు. తదుపరి లెగ్‌కు కొందరు విదేశీ ఆటగాళ్ల లభ్యత సమస్య మినహా లీగ్‌ ముందులా రంజుగా సాగేందుకు ఎలాంటి అడ్డంకులు లేవు. పునఃప్రారంభం రోజున జరిగే మ్యాచ్‌లో కేకేఆర్‌, ఆర్సీబీ తలపడనున్నాయి. ఈ మ్యాచ్‌ బెంగళూరులో జరుగనుంది.టాప్‌లో గుజరాత్‌ఈ సీజన్‌లో అంచనాలకు మించి రాణిస్తున్న గుజరాత్‌ లీగ్‌ వాయిదా పడే సమయానికి పాయింట్ల పట్టికలో టాప్‌ ప్లేస్‌లో ఉంది. ఈ సీజన్‌ 11 మ్యాచ్‌లు ఆడిన గుజరాత్‌ 8 మ్యాచ్‌ల్లో విజయాలు సాధించి 16 పాయింట్లు​ సాధించింది. గుజరాత్‌ ఇంకా 3 మ్యాచ్‌లు ఆడాల్సి ఉంది. వీటిలో ఒకటి గెలిచినా ఆ జట్టు ప్లే ఆఫ్స్‌ బెర్తు ఖరారవుతుంది.ప్లే ఆఫ్స్‌ రేసులో మొత్తం ఐదు జట్లులీగ్‌ వాయిదా పడే సమయానికి ఐదు జట్లు ప్లే ఆఫ్స్‌ రేసులో ఉన్నాయి. ఇంకా ఏ జట్టుకు ప్లే ఆఫ్స్‌ బెర్త్‌ అధికారికంగా ఖరారు కాలేదు. ప్లే ఆఫ్స్‌ రేసులో గుజరాత్‌ (16), ఆర్సీబీ (16) ముందు వరుసలో ఉండగా.. పంజాబ్‌ (15), ముంబై ఇండియన్స్‌ (14), ఢిల్లీ (13) పోటాపోటీ పడుతున్నాయి.కేకేఆర్‌, లక్నో కూడా రేసులోనే..!లీగ్‌ వాయిదా పడే సమయానికి కేకేఆర్‌ (11), లక్నోకు (10) ప్లే ఆఫ్స్‌ అవకాశాలు లేనప్పటికీ.. టెక్నికల్‌గా ఆ జట్లకు ఇంకా ఛాన్స్‌లు ఉన్నాయి. ఈ రెండు జట్లు తదుపరి ఆడాల్సిన అన్ని మ్యాచ్‌ల్లో గెలవాల్సి ఉండటంతో పాటు.. ఈ జట్ల ప్లే ఆఫ్స్‌ అవకాశాలు ఇతర జట్ల జయాపజయాలపై ఆధారపడి ఉన్నాయి.ఈ మూడు టీమ్‌లు ఔట్‌లీగ్‌ వాయిదా పడే సమయానికి సీఎస్‌కే, రాజస్థాన్‌ రాయల్స్‌, సన్‌రైజర్స్‌ ప్లే ఆఫ్స్‌ రేసు నుంచి నిష్క్రమించాయి. తదుపరి ఆడబోయే మ్యాచ్‌ల ఫలితాలతో ఈ జట్లకు ఒరిగేదేమీ లేనప్పటికీ.. ఈ జట్లు ఇతర జట్ల ప్లే ఆఫ్స్‌ అవకాశాలను ప్రభావితం చేసే అవకాశం ఉంది.ఆరెంజ్‌ క్యాప్‌ హెల్డర్‌గా సూర్యకుమార్‌లీగ్‌ వాయిదా పడే సమయానికి ముంబై ఇండియన్స్‌ బ్యాటర్‌ సూర్యకుమార్‌ వద్ద ఆరెంజ్‌ క్యాప్‌ (అత్యధిక పరుగులు) ఉంది. స్కై ఈ సీజన్‌లో 12 మ్యాచ్‌లు ఆడి 63.75 సగటున 170.57 స్ట్రయిక్‌రేట్‌తో 510 పరుగులు చేశాడు.నూర్‌ అహ్మద్‌, ప్రసిద్ద్‌ కృష్ణ వద్ద పర్పుల్‌ క్యాప్‌లీగ్‌ వాయిదా పడకముందు ప్రసిద్ద్‌ కృష్ణ (గుజరాత్‌), నూర్‌ అహ్మద్‌ (సీఎస్‌కే) వద్ద పర్పుల్‌ క్యాప్‌ (అత్యధిక వికెట్లు) ఉంది. వీరిద్దరు తలో 20 వికెట్లు తీశారు.పునఃప్రారంభానికి ముందు ఐపీఎల్‌ 2025 పరిస్థితి ఇది57 మ్యాచ్‌ల పాటు సజావుగా సాగిన ఐపీఎల్‌ 2025.. భారత్‌, పాక్‌ల మధ్య ఉద్రిక్తతల కారణంగా 58వ మ్యాచ్‌ మధ్యలో బ్రేక్‌ పడింది. పునఃప్రారంభానికి ముందు ఐపీఎల్‌ 2025 పరిస్థితి ఇలా ఉంది.పాయింట్ల పట్టిక..అత్యధిక పరుగులు..అత్యధిక వికెట్లు..

ఐపీఎల్‌-2025 పునఃప్రారంభానికి స‌ర్వం సిద్దమైంది. మే 17వ తేదీ నుంచి క్యాష్ రిచ్ లీగ్‌లోని మిగిలిన మ్యాచులు మొదలవనున్నాయి. అయితే ఐపీఎల్ పునఃప్రారం వేళ గుజ‌రాత్ టైటాన్స్ జ‌ట్టుకు భారీ షాక్ త‌గిలింది. ఆ జ‌ట్టు స్టార్ ప్లేయ‌ర్‌, ఇంగ్లండ్ మాజీ కెప్టెన్ జోస్ బ‌ట్ల‌ర్.. జాతీయ విధుల కార‌ణంగా ఈ ఏడాది సీజ‌న్‌లో మిగిలిన మ్యాచ్‌ల‌కు దూరం కానున్నాడు.భారత్‌-పాక్ మధ్య ఉద్రిక్తల కారణంగా స్వదేశానికి వెళ్లిపోయిన బట్లర్‌..తిరిగి ఐపీఎల్‌లో పాల్గోనేందుకు రావడం లేదు. ఈ విష‌యాన్ని బ‌ట్ల‌ర్‌ ఇప్ప‌టికే గుజ‌రాత్ ఫ్రాంచైజీకి తెలియ‌జేశాడు. వెస్టిండీస్‌తో త్వరలో జరగబోయే టీ20, వన్డే సిరీస్‌లకు ఎంపిక చేసిన ఇంగ్లండ్ జట్టులో బట్లర్ సభ్యునిగా ఉన్నాడు. మే 29 నుంచి ఇంగ్లండ్ జ‌ట్టు విండీస్ పర్య‌ట‌న ప్రారంభం కానుంది. కాగా తొలుత బ‌ట్ల‌ర్ ఐపీఎల్‌లో ఆడేందుకు తిరిగి భార‌త్‌కు వ‌స్తాడ‌ని, ప్లే ఆఫ్స్‌కు మాత్ర‌మే దూరం కానున్న‌డాని వార్త‌లు వినిపించాయి. కానీ పూర్తిగా ఇప్పుడు మిగిలిన సీజ‌న్ మొత్తానికి దూర‌మ‌య్యాడు. జోస్ బ‌ట్ల‌ర్ ప్రస్తుతం అద్బుత‌మైన ఫామ్‌లో ఉన్నాడు.ఈ ఏడాది సీజ‌న్‌లో 11 మ్యాచ్‌లు ఆడిన బ‌ట్ల‌ర్‌..71.43 స‌గ‌టుతో 500 ప‌రుగులు చేశాడు. ప్లే ఆఫ్స్‌కు ముందు బ‌ట్ల‌ర్ దూరం కావ‌డం గుజ‌రాత్‌కు గ‌ట్టి ఎదురు దెబ్బ‌గానే చెప్పాలి. గుజ‌రాత్ ప్ర‌స్తుతం పాయింట్ల ప‌ట్టిక‌లో అగ్ర‌స్ధానంలో ఉంది. టైటాన్స్‌కు ఇంకా మూడు లీగ్ మ్యాచ్‌లు మిగిలి ఉన్నాయి. ఇందులో ఒక్క మ్యాచ్ గెలిచినా చాలు గిల్ సేన త‌మ ప్లే ఆఫ్ బెర్త్‌ను ఖారారు చేసుకుంటుంది.గుజ‌రాత్ జ‌ట్టులోకి స్టార్ ప్లేయ‌ర్‌..ఇక గుజ‌రాత్ టైటాన్స్ యాజ‌మాన్యం బ‌ట్ల‌ర్ స్ధానాన్ని శ్రీలంక వికెట్ కీప‌ర్ బ్యాట‌ర్ కుశాల్ మెండీస్‌తో భ‌ర్తీ చేసిన‌ట్లు తెలుస్తోంది. త్వరలోనే అధికారిక ప్రకటన వెలువడే అవకాశం ఉంది. ఈ శ్రీలంక క్రికెట‌ర్ పాకిస్తాన్ సూపర్ లీగ్‌-2025లో క్వెట్టా గ్లాడియేటర్స్‌కు ప్రాత‌నిథ్యం వ‌హిస్తున్నాడు. అయితే పీఎస్ఎల్ తాత్కాలికంగా వాయిదా ప‌డ‌డంతో మెండిస్‌తో గుజ‌రాత్ టైటాన్స్‌తో జ‌త‌కట్టిన‌ట్లు వార్త‌లు వినిపిస్తున్నాయి. గుజ‌రాత్ టైటాన్స్ త‌మ త‌దుప‌రి మ్యాచ్‌లో మే 18న ఢిల్లీ క్యాపిట‌ల్స్‌తో త‌ల‌ప‌డ‌నుంది.చదవండి: IPL 2025 Resumption: ఢిల్లీ క్యాపిటల్స్‌పై దుమ్మెత్తిపోస్తున్న అభిమానులు

భారత్‌, పాక్‌ల మధ్య ఉద్రిక్తతల కారణంగా ఐపీఎల్‌ 2025 నిరవధికంగా వాయిదా పడింది. ఈ విషయాన్ని బీసీసీఐ ఇవాళ (మే 9) అధికారికంగా ప్రకటించింది. యుద్ద పరిస్థితుల్లో లీగ్‌ను కొనసాగించలేమని చెప్పింది. దేశ రక్షణ, ఆటగాళ్ల భద్రతే తమకు ముఖ్యమని పేర్కొంది. ఐపీఎల్‌ 2025 భవితవ్యాన్ని త్వరలో వెల్లడిస్తామని తెలిపింది.పంజాబ్‌-ఢిల్లీ మ్యాచ్‌ రద్దునిన్న (మే 8) ధర్మశాల వేదికగా పంజాబ్‌-ఢిల్లీ మధ్య జరగాల్సిన మ్యాచ్‌ రద్దైంది. షెడ్యూల్‌ ప్రకారం ప్రారంభమైన మ్యాచ్‌ను బ్లాక్‌ అవుట్‌ ప్రకటించడంతో అత్యవసరంగా రద్దు చేశారు. తొలుత ఫ్లడ్‌ లైట్ల సమస్య కారణంగా మ్యాచ్‌ను రద్దు చేస్తున్నట్లు ప్రకటించిన ఐపీఎల్‌ వర్గాలు.. ఆతర్వాత అసలు విషయాన్ని వెల్లడించాయి. పాక్‌ దాడులను తెగబడే అవకాశాలు ఉండటంతో ముందు జాగ్రత్త చర్యగా మ్యాచ్ రద్దు చేస్తున్నట్లు ఐపీఎల్‌ చీఫ్‌ అరుణ్‌ ధుమాల్‌ ప్రకటించాడు.ఈ మ్యాచ్‌పై ప్రస్తుతానికి బీసీసీఐ ఎలాంటి నిర్ణయం తీసుకోలేదు. ఇరు జట్లకు చెరో పాయింట్‌ కేటాయిస్తారా లేక ఫ్రెష్‌గా మరో మ్యాచ్‌ను స్టార్ట్‌ చేస్తారా లేక ఆగిపోయిన దగ్గరి నుంచే కొనసాగిస్తారా అన్నది తెలియాల్సి ఉంది.వాయిదా ప్రకటనకు ముందు ఐపీఎల్‌ 2025 పరిస్థితి ఇది57 మ్యాచ్‌ల పాటు సజావుగా సాగిన ఐపీఎల్‌ 2025.. భారత్‌, పాక్‌ల మధ్య ఉద్రిక్తతల కారణంగా 58వ మ్యాచ్‌ మధ్యలో బ్రేక్‌ పడింది. వాయిదా ప్రకటనకు ముందు ఐపీఎల్‌ 2025 పరిస్థితి ఇలా ఉంది.పాయింట్ల పట్టిక..అత్యధిక పరుగులు..అత్యధిక వికెట్లు..

ముంబై: ఐపీఎల్‌–2025లో ముంబై ఇండియన్స్‌ జైత్రయాత్రకు కాస్త విరామం... వరుసగా ఆరు విజయాలతో కొనసాగించిన జోరుకు గుజరాత్‌ టైటాన్స్‌ బ్రేక్‌ వేసింది. మంగళవారం వాంఖెడే మైదానంలో జరిగిన పోరులో గుజరాత్‌ 3 వికెట్ల తేడాతో (డక్‌వర్త్‌ లూయిస్‌ ప్రకారం) ముంబైపై విజయం సాధించింది. టాస్‌ ఓడి ముందుగా బ్యాటింగ్‌కు దిగిన ముంబై 20 ఓవర్లలో 8 వికెట్ల నష్టానికి 155 పరుగులు చేసింది. విల్‌ జాక్స్‌ (35 బంతుల్లో 53; 5 ఫోర్లు, 3 సిక్స్‌లు) అర్ధ సెంచరీ సాధించగా, సూర్యకుమార్‌ యాదవ్‌ (24 బంతుల్లో 35; 5 ఫోర్లు) రాణించాడు. వీరిద్దరు మూడో వికెట్‌కు 43 బంతుల్లో 71 పరుగులు జోడించారు. చక్కటి బౌలింగ్‌తో ముంబైని తక్కువ స్కోరుకు కట్టడి చేయడంలో టైటాన్స్‌ సఫలమైంది. అనంతరం గుజరాత్‌ 19 ఓవర్లలో 7 వికెట్లకు 147 పరుగులు చేసి గెలిచింది. శుబ్‌మన్‌ గిల్‌ (46 బంతుల్లో 43; 3 ఫోర్లు, 1 సిక్స్‌), జోస్‌ బట్లర్‌ (27 బంతుల్లో 30; 3 ఫోర్లు, 1 సిక్స్‌), రూథర్‌ఫర్డ్‌ (15 బంతుల్లో 28; 2 ఫోర్లు, 2 సిక్స్‌లు) రాణించారు. ఛేదనలో 14 ఓవర్ల తర్వాత 107/2తో గుజరాత్‌ మెరుగైన స్థితిలో నిలిచింది. చేతిలో 8 వికెట్లు ఉన్న జట్టు మరో 36 బంతుల్లో 49 పరుగులే చేయాలి. గుజరాత్‌ విజయం లాంఛనమే అనిపించింది. ఈ దశలో వానతో చాలా సేపు ఆట ఆగిపోయింది. అంతా చక్కబడి మ్యాచ్‌ మొదలైన తర్వాత ఒక్కసారిగా పరిస్థితి మారిపోయింది. బుమ్రా, బౌల్ట్‌ చెలరేగిపోవడంతో గుజరాత్‌ బ్యాటింగ్‌ తడబాటుకు లోనైంది. తర్వాతి 4 ఓవర్లలో 25 పరుగులు చేసిన జట్టు 16 బంతుల వ్యవధిలో 4 వికెట్లు కోల్పోయింది. 2 ఓవర్లలో 24 పరుగులు చేయాల్సిన ఉన్న సమయంలో మళ్లీ భారీ వర్షంతో ఆట ఆగిపోయింది. దాంతో ఆటను ఒక ఓవర్‌ కుదించి డక్‌వర్త్‌–లూయిస్‌ ప్రకారం గుజరాత్‌ లక్ష్యాన్ని 19 ఓవర్లలో 147గా నిర్దేశించారు. దాంతో చివరి ఓవర్లో విజయానికి 15 పరుగులు అవసరమయ్యాయి. చహర్‌ వేసిన ఈ ఓవర్లో టైటాన్స్‌ 15 పరుగులు చేసి విజయాన్నందుకుంది. స్కోరు వివరాలు: ముంబై ఇండియన్స్‌ ఇన్నింగ్స్‌: రికెల్టన్‌ (సి) సుదర్శన్‌ (బి) సిరాజ్‌ 2; రోహిత్‌ (సి) ప్రసిధ్‌ (బి) అర్షద్‌ 7; జాక్స్‌ (సి) సుదర్శన్‌ (బి) రషీద్‌ 53; సూర్యకుమార్‌ (సి) షారుఖ్‌ (బి) సాయికిషోర్‌ 35; తిలక్‌ (సి) గిల్‌ (బి) కొయెట్జీ 7; పాండ్యా (సి) గిల్‌ (బి) సాయికిషోర్‌ 1; నమన్‌ (సి) గిల్‌ (బి) ప్రసిధ్‌ 7; బాష్‌ (రనౌట్‌) 27; చహర్‌ (నాటౌట్‌) 8; కరణ్‌ శర్మ (నాటౌట్‌) 1; ఎక్స్‌ట్రాలు 7; మొత్తం (20 ఓవర్లలో 8 వికెట్లకు) 155. వికెట్ల పతనం: 1–2, 2–26, 3–97, 4–103, 5–106, 6–113, 7–123, 8–150. బౌలింగ్‌: సిరాజ్‌ 3–0–29–1, అర్షద్‌ 3–0–18–1, ప్రసిధ్‌ 4–0–37–1, సాయికిషోర్‌ 4–0–34–2, రషీద్‌ ఖాన్‌ 4–0–21–1, కొయెట్జీ 2–0–10–1. గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (సి) రికెల్టన్‌ (బి) బౌల్ట్‌ 5; గిల్‌ (బి) బుమ్రా 43; బట్లర్‌ (సి) రికెల్టన్‌ (బి) అశ్వని 30; రూథర్‌ఫర్డ్‌ (ఎల్బీ) (బి) బౌల్ట్‌ 28; షారుఖ్‌ (బి) బుమ్రా 6; తెవాటియా (నాటౌట్‌) 11; రషీద్‌ ఖాన్‌ (ఎల్బీ) (బి) అశ్వని 2; కొయెట్జీ (సి) నమన్‌ (బి) చహర్‌ 12; అర్షద్‌ (నాటౌట్‌) 1; ఎక్స్‌ట్రాలు 9; మొత్తం (19 ఓవర్లలో 7 వికెట్లకు) 147. వికెట్ల పతనం: 1–6, 2–78, 3–113, 4–115, 5–123, 6–126, 7–146. బౌలింగ్‌: దీపక్‌ చహర్‌ 3–0–32–1, బౌల్ట్‌ 4–0–22–2, బుమ్రా 4–0–19–2, హార్దిక్‌ పాండ్యా 1–0–18–0, కరణ్‌ శర్మ 2–0–13–0, అశ్వని కుమార్‌ 4–0–28–2, జాక్స్‌ 1–0–15–0.

ఉత్కంఠ పోరులో ముంబైపై గుజరాత్‌ విజయం సాధించింది. వర్షం అంతరాయం వల్ల 19 ఓవర్లకు మ్యాచ్‌ను కుదించారు. చివరి ఓవర్లో లక్ష్యం 15 పరుగులు కాగా వర్షం కారణంగా DLS పద్ధతిలో 3 వికెట్ల తేడాతో గుజరాత్ గెలుపొందింది. మ్యాచ్‌ మొదలైన కాసేపటికే వర్షం పడటంతో మరోసారి మ్యాచ్‌కు అంతరాయం కలిగింది. తిరిగి మొదలైన మ్యాచ్‌.. లక్ష్యానికి చేరువగా గుజరాత్‌14 ఓవర్ల తర్వాత వర్షం​ పడటంతో మ్యాచ్‌కు కాసేపు అంతరాయం కలిగింది. తిరిగి అర్ద గంట తర్వాత మ్యాచ్‌ మళ్లీ మొదలైంది.గుజరాత్‌ లక్ష్యానికి చేరువగా ఉంది. 14 ఓవర్ల అనంతరం​ ఆ జట్టు స్కోర్‌ 107/2గా ఉంది. గిల్‌ 8, రూథర్‌ఫోర్డ్‌ 26 పరుగులతో క్రీజ్‌లో ఉన్నారు.వర్షం కారణంగా మ్యాచ్‌కు అంతరాయంవర్షం కారణంగా మ్యాచ్‌కు అంతరాయం ఏర్పడింది. ఈ మ్యాచ్‌లో గుజరాత్‌ గెలుపు దిశగా సాగుతుంది. గుజరాత్‌ గెలవాలంటే 36 బంతుల్లో 48 పరుగులు చేయాలి. 14 ఓవర్ల తర్వాత గుజరాత్‌ స్కోర్‌ 107/214 ఓవర్ల తర్వాత గుజరాత్‌ స్కోర్‌ 107/2గా ఉంది. గిల్‌ 8, రూథర్‌ఫోర్డ్‌ 26 పరుగులతో క్రీజ్‌లో ఉన్నారు. రెండో వికెట్‌ కోల్పోయిన గుజరాత్‌11.3వ ఓవర్‌- 78 పరుగుల వద్ద గుజరాత్‌ రెండో వికెట్‌ కోల్పోయింది. అశ్వనీ కుమార్‌ బౌలింగ్‌లో రికెల్టన్‌కు క్యాచ్‌ ఇచ్చి జోస్‌ బట్లర్‌ (30) ఔటయ్యాడు. 10 ఓవర్ల తర్వాత గుజరాత్‌ స్కోర్‌ 68/110 ఓవర్ల తర్వాత గుజరాత్‌ స్కోర్‌ 68/1గా ఉంది. గిల్‌ 28, బట్లర్‌ 28 పరుగులతో క్రీజ్‌లో ఉన్నారు. టార్గెట్‌ 156.. 6 ఓవర్ల తర్వాత గుజరాత్‌ స్కోర్‌ 29/1156 పరుగుల లక్ష్య ఛేదనలో గుజరాత్‌ ఆచితూచి ఆడుతుంది. ఆదిలోనే వికెట్‌ కోల్పోవడంతో మరో వికెట్‌ పడకుండా జాగ్రత్తగా ఆడుతుంది. 6 ఓవర్ల తర్వాత ఆ జట్టు స్కోర్‌ 29/1గా ఉంది. గిల్‌ (12) పరుగులు చేసేందుకు ఇబ్బంది పడుతున్నాడు. బట్లర్‌ 10 పరుగులతో అతనికి జతగా ఉన్నాడు. తొలి వికెట్‌ కోల్పోయిన గుజరాత్‌1.2వ ఓవర్‌- 156 పరుగుల స్వల్ప లక్ష్య ఛేదనలో గుజరాత్‌ 6 పరుగుల వద్ద తొలి వికెట్‌ కోల్పోయింది. బౌల్ట్‌ బౌలింగ్‌లో వికెట్‌ కీపర్‌ రికల్టెన్‌కు క్యాచ్‌ ఇచ్చి ఇన్‌ఫామ్‌ బ్యాటర్‌ సాయి సుదర్శన్‌ (5) ఔటయ్యాడు. సత్తా చాటిన గుజరాత్‌ బౌలర్లు.. స్వల్ప స్కోర్‌కే పరిమితమైన ముంబైటాస్‌ గెలిచి తొలుత బౌలింగ్‌ చేసిన గుజరాత్‌ ముంబైని స్వల్ప స్కోర్‌కే పరిమితం చేసింది. గుజరాత్‌ బౌలర్లందరూ సత్తా చాటడంతో ముంబై నిర్ణీత 20 ఓవర్లలో 8 వికెట్ల నష్టానికి 155 పరుగులు మాత్రమే చేయగలిగింది. గుజరాత్‌ బౌలర్లలో సాయికిషోర్‌ 2, సిరాజ్‌, అర్షద్‌ ఖాన్‌, ప్రసిద్ద్‌ కృష్ణ, రషీద్‌ ఖాన్‌, గెరాల్డ్‌ కొయెట్జీ తలో వికెట్‌ పడగొట్టారు. ముంబై ఇన్నింగ్స్‌లో విల్‌ జాక్స్‌ (53), సూర్యకుమార్‌ యాదవ్‌ (35), కార్బిన్‌ బాష్‌ (27) మాత్రమే రెండంకెల స్కోర్లు చేశారు. ఆఖర్లో బాష్‌ బ్యాట్‌ ఝులిపించకపోయుంటే ముంబై ఈ మాత్రం స్కోర్‌ కూడా సాధించలేకపోయేది. ఏడో వికెట్‌ కోల్పోయిన ముంబై16.2వ ఓవర్‌- 123 పరుగుల వద్ద ముంబై ఏడో వికెట్‌ కోల్పోయింది. ప్రసిద్ద్‌ కృష్ణ బౌలింగ్‌లో గిల్‌కు క్యాచ్‌ ఇచ్చి నమన్‌ ధిర్‌ (7) ఔటయ్యాడు.ఆరో వికెట్‌ కోల్పోయిన ముంబై13.5వ ఓవర్‌- 113 పరుగుల వద్ద ముంబై ఆరో వికెట్‌ కోల్పోయింది. గెరాల్డ్‌ కొయెట్జీ బౌలింగ్‌లో గిల్‌కు క్యాచ్‌ ఇచ్చి తిలక్‌ వర్మ (7) ఔటయ్యాడు. కష్టాల్లో ముంబై ఇండియన్స్‌12.3వ ఓవర్‌- 106 పరుగుల వద్ద ముంబై ఐదో వికెట్‌ కోల్పోయింది. సాయి కిషోర్‌ బౌలింగ్‌లో గిల్‌కు క్యాచ్‌ ఇచ్చి హార్దిక్‌ పాండ్యా (1) ఔటయ్యాడు. నాలుగో వికెట్‌ కోల్పోయిన ముంబై11.4వ ఓవర్‌- 103 పరుగుల వద్ద ముంబై నాలుగో వికెట్‌ కోల్పోయింది. రషీద్‌ ఖాన్‌ బౌలింగ్‌లో భారీ షాట్‌కు ప్రయత్నించి విల్‌ జాక్స్‌ (53) ఔటయ్యాడు. డీప్‌ స్క్వేర్‌ లెగ్‌లో సాయి సుదర్శన్‌ క్యాచ్‌ పట్టాడు. మూడో వికెట్‌ కోల్పోయిన ముంబై10.4వ ఓవర్‌- 97 పరుగుల వద్ద ముంబై ఇండియన్స్‌ మూడో వికెట్‌ కోల్పోయింది. సాయి కిషోర్‌ బౌలింగ్‌లో షారుఖ్‌ ఖాన్‌కు క్యాచ్‌ ఇచ్చి సూర్యకుమార్‌ యాదవ్‌ (35) ఔటయ్యాడు.10 ఓవర్ల తర్వాత ముంబై స్కోర్‌ 89/210 ఓవర్ల తర్వాత ముంబై స్కోర్‌ 89/2గా ఉంది. సూర్యకుమార్‌ యాదవ్‌ (34), విల్‌ జాక్స్‌ (45) క్రీజ్‌లో ఉన్నారు. 6 ఓవర్ల తర్వాత ముంబై స్కోర్‌ 56/26 ఓవర్ల తర్వాత ముంబై స్కోర్‌ 56/2గా ఉంది. విల్‌ జాక్స్‌ 30, సూర్యకుమార్‌ యాదవ్‌ 16 పరుగులతో క్రీజ్‌లో ఉన్నారు. జాక్స్‌కు 0, 29 పరుగుల వద్ద రెండు లైఫ్స్‌ లభించాయి. సాయి సుదర్శన్‌, సిరాజ్‌ చేతుల్లోకి వచ్చిన క్యాచ్‌లు వదిలేశారు. రెండో వికెట్‌ కోల్పోయిన ముంబై ఇండియన్స్‌3.3వ ఓవర్‌- ముంబై ఇండియన్స్‌ 26 పరుగుల వద్ద రెండో వికెట్‌ కోల్పోయింది. అర్షద్‌ ఖాన్‌ బౌలింగ్‌లో ప్రసిద్ద్‌ కృష్ణకు క్యాచ్‌ ఇచ్చి రోహిత్‌ శర్మ (7) ఔటయ్యాడు. రెండో బంతికే వికెట్‌ తీసిన సిరాజ్‌టాస్‌ గెలిచి తొలుత బౌలింగ్‌ ఎంచుకున్న గుజరాత్‌ రెండో బంతికే ముంబైని దెబ్బకొట్టింది. సిరాజ్‌ బౌలింగ్‌లో సాయి సుద​ర్శన్‌ అద్బుతమైన క్యాచ్‌ పట్టడంతో ఇన్‌ ఫామ్‌ బ్యాటర్‌ ర్యాన్‌ రికెల్టన్‌ (2) ఔటయ్యాడు. టాస్‌ గెలిచి బౌలింగ్‌ ఎంచుకున్న గుజరాత్‌ఐపీఎల్‌ 2025లో భాగంగా ఇవాళ (మే 6) జరుగుతున్న మ్యాచ్‌లో ముంబై ఇండియన్స్‌, గుజరాత్‌ టైటాన్స్ తలపడుతున్నాయి. ముంబైలోని వాంఖడే స్టేడియం వేదికగా జరుగుతున్న ఈ మ్యాచ్‌లో గుజరాత్‌ టాస్‌ గెలిచి బౌలింగ్‌ ఎంచుకుంది. ఈ మ్యాచ్‌ కోసం గుజరాత్‌ ఓ మార్పు చేయగా.. ముంబై గత మ్యాచ్‌లో ఆడిన టీమ్‌తోనే బరిలోకి దిగుతుంది. గుజరాత్‌ తరఫున వాషింగ్టన్‌ సుందర​్‌ స్థానంలో అర్షద్‌ ఖాన్‌ తుది జట్టులోకి వచ్చాడు. ప్రస్తుతం పాయింట్ల పట్టికలో ముంబై ఇండియన్స్‌, గుజరాత్‌ టైటాన్స్‌ వరుసగా మూడు, నాలుగు స్థానాల్లో ఉన్నాయి.తుది జట్లు..గుజరాత్ టైటాన్స్ (ప్లేయింగ్ XI): సాయి సుదర్శన్, శుభమన్ గిల్(సి), జోస్ బట్లర్(w), రాహుల్ తెవాటియా, షారుక్ ఖాన్, రషీద్ ఖాన్, రవిశ్రీనివాసన్ సాయి కిషోర్, అర్షద్ ఖాన్, గెరాల్డ్ కోయెట్జీ, మహమ్మద్ సిరాజ్, ప్రసిద్ధ్ కృష్ణఇంపాక్ట్ సబ్‌లు: వాషింగ్టన్ సుందర్, మహిపాల్ లోమ్రోర్, అనుజ్ రావత్, దాసున్ షనక, షెర్ఫేన్ రూథర్‌ఫోర్డ్ముంబై ఇండియన్స్ (ప్లేయింగ్ XI): ర్యాన్ రికెల్టన్(w), రోహిత్ శర్మ, విల్ జాక్స్, సూర్యకుమార్ యాదవ్, తిలక్ వర్మ, హార్దిక్ పాండ్యా(c), నమన్ ధీర్, కార్బిన్ బాష్, దీపక్ చాహర్, ట్రెంట్ బౌల్ట్, జస్ప్రీత్ బుమ్రాఇంపాక్ట్ సబ్స్: కర్ణ్ శర్మ, రాజ్ బావా, రాబిన్ మింజ్, రీస్ టోప్లీ, అశ్వనీ కుమార్

ముంబై: ఐపీఎల్‌ 18వ సీజన్‌లో వరుస విజయాలతో విజృంభిస్తున్న ముంబై ఇండియన్స్‌ జుట్టు గుజరాత్‌ టైటాన్స్‌తో పోరుకు సిద్ధమైంది. ఆరంభంలో ఆడిన ఐదు మ్యాచ్‌ల్లో కేవలం ఒక్క దాంట్లోనే నెగ్గిన హార్దిక్‌ పాండ్యా సారథ్యంలోని ముంబై ఇండియన్స్‌ ఆ తర్వాత వరుసగా 6 మ్యాచ్‌లు గెలిచి ‘ప్లే ఆఫ్స్‌’కు చేరువైంది. మరోవైపు 10 మ్యాచ్‌ల్లో ఏడు విజయాలతో 14 పాయింట్లతో ఉన్న గుజరాత్‌ కూడా ‘ప్లే ఆఫ్స్‌’ బెర్తు ఖరారు చేసుకోవాలని తహతహలాడుతోంది. ఈ నేపథ్యంలో సమ ఉజ్జీల మధ్య మంగళవారం వాంఖడే వేదికగా కీలక పోరు జరగనుంది. ఈ సీజన్‌లో ఇరు జట్ల మధ్య జరిగిన తొలి మ్యాచ్‌లో గుజరాత్‌ విజయం సాధించింది. అయితే ఆలస్యంగా రేసులోకి వచి్చన ఐదుసార్లు చాంపియన్‌ ముంబై... గత ఆరు మ్యాచ్‌ల్లో ప్రత్యర్థులపై సంపూర్ణ ఆధిపత్యం ప్రదర్శించింది. హిట్‌మ్యాన్‌ రోహిత్‌ శర్మ ఫామ్‌లోకి రావడం ముంబైకి కొండంత బలం కాగా... రికెల్టన్, సూర్యకుమార్‌ యాదవ్, హార్దిక్‌ పాండ్యా మంచి ఫామ్‌లో ఉన్నారు. ముఖ్యంగా సూర్యకుమార్‌ 67.86 సగటుతో 475 పరుగులు చేసి ‘ఆరెంజ్‌ క్యాప్‌’ రేసులో ముందు వరుసలో ఉన్నాడు. తిలక్‌ వర్మ, విల్‌ జాక్స్, నమన్‌ ధీర్‌తో ముంబై బ్యాటింగ్‌ బలంగా ఉండగా... బౌలింగ్‌లో జస్‌ప్రీత్‌ బుమ్రా, ట్రెంట్‌ బౌల్ట్, దీపక్‌ చహర్, కరణ్‌ శర్మ కీలకం కానున్నారు. ఈ సీజన్‌లో పాండ్యా బౌలింగ్‌లో 13 వికెట్లు తీయడంతో పాటు బ్యాట్‌తో 157 పరుగులు చేసి ఆకట్టుకున్నాడు. సాంట్నర్‌ అందుబాటులో లేకుంటే అతడి స్థానంలో కార్బిన్‌ బాష్‌ బరిలోకి దిగొచ్చు. మరోవైపు గుజరాత్‌ కూడా అటు బ్యాటింగ్, ఇటు బౌలింగ్‌లో పటిష్టంగా ఉంది. టాప్‌–3 ఆటగాళ్లు శుబ్‌మన్‌ గిల్, సాయి సుదర్శన్, జోస్‌ బట్లర్‌ భీకర ఫామ్‌లో ఉన్నారు. సాయి సుదర్శన్‌ 50.40 సగటుతో 504 పరుగులు చేయగా... జోస్‌ బట్లర్‌ 78.33 సగటుతో 470, గిల్‌ 51.67 సగటుతో 465 పరుగులు చేశారు. ఈ సీజన్‌లో గుజరాత్‌ జైత్రయాత్రకు ఈ ముగ్గురే ప్రధాన కారణం కాగా... వాషింగ్టన్‌ సుందర్, షారుక్‌ ఖాన్, రాహుల్‌ తెవాటియా రూపంలో టైటాన్స్‌కు నాణ్యమైన ఆటగాళ్లు అందుబాటులో ఉన్నారు. నిషేధం అనంతరం రబడ తిరిగి అందుబాటులోకి రాగా... ఈ మ్యాచ్‌లో అతడు బరిలోకి దిగుతాడా లేదా చూడాలి. బౌలింగ్‌లో ప్రసిధ్‌ కృష్ణ, మొహమ్మద్‌ సిరాజ్, సాయి కిషోర్, రషీద్‌ ఖాన్‌ కీలకం కానున్నారు. అత్యధిక వికెట్లు తీసిన బౌలర్ల జాబితాలో ప్రసిధ్‌ కృష్ణ 19 వికెట్లతో అగ్రస్థానంలో ఉండగా... సిరాజ్‌ 14, సాయి కిషోర్‌ 12 వికెట్లు తీశారు. తుది జట్లు (అంచనా) ముంబై ఇండియన్స్‌: హార్దిక్‌ (కెప్టెన్‌), రోహిత్, రికెల్టన్, సూర్యకుమార్, తిలక్‌ వర్మ, విల్‌ జాక్స్, నమన్‌ ధీర్, కార్బిన్‌ బాష్‌/సాంట్నర్, దీపక్, బౌల్ట్, బుమ్రా, కరణ్‌ శర్మ. గుజరాత్‌ టైటాన్స్‌: గిల్‌ (కెపె్టన్‌), సాయి సుదర్శన్, బట్లర్, సుందర్, షారుక్‌ ఖాన్, రాహుల్‌ తెవాటియా, రషీద్‌ ఖాన్, కోట్జీ, సాయి కిషోర్, ప్రసిధ్‌ కృష్ణ, సిరాజ్, ఇషాంత్‌ శర్మ/రబడ.

దక్షిణాఫ్రికా ఫాస్ట్‌ బౌలర్‌, గుజరాత్‌ టైటాన్స్‌ పేసర్‌ కగిసో రబడ (Kagiso Rabada)కు భారీ ఊరట లభించింది. అతడిపై ప్రపంచ డోపింగ్‌ వ్యతిరేక సంస్థ (వాడా) తాత్కాలికంగా విధించిన నిషేధాన్ని ఎత్తివేసింది. ఈ విషయాన్ని సౌతాఫ్రికన్‌ ఇన్‌స్టిట్యూట్‌ ఆఫ్‌ డ్రగ్‌ ఫ్రీ స్పోర్ట్స్‌ (SAIDS) సోమవారం ధ్రువీకరించింది. రబడపై నిషేధం తొలగిపోయిందని.. తక్షణమే ఇది అమల్లోకి వస్తుందని స్పష్టం చేసింది. దీంతో అతడు వెంటనే గుజరాత్‌ టైటాన్స్‌ జట్టుతో చేరేందుకు మార్గం సుగమమైంది.రూ. 10.75 కోట్లకు కొనుగోలుకాగా ఐపీఎల్‌-2025 (IPL 2025)లో గుజరాత్‌ ఫ్రాంఛైజీ రబడను రూ. 10.75 కోట్ల మేర భారీ ధరకు కొనుగోలు చేసింది. ఈ క్రమంలో రెండు మ్యాచ్‌ల అనంతరం అతడు ‘వ్యక్తిగత కారణాలతో’ దక్షిణాఫ్రికాకు వెళ్లిపోయాడు. అయితే, ఇందుకు గల స్పష్టమైన కారణాన్ని మాత్రం ఐపీఎల్‌ యాజమాన్యం బయటకు వెల్లడించలేదు. రబడ త్వరలో మళ్లీ జట్టుతో చేరతాడని కూడా టైటాన్స్‌ కెప్టెన్‌ శుబ్‌మన్‌ గిల్‌ టోర్నీ మధ్యలో ప్రకటించాడు.PC: BCCI/IPLఅలాంటివి ఇందులో ఉన్నాయి.. అయితే..అయితే కొన్ని రోజుల క్రితం అసలు వాస్తవం బయటకు వచ్చింది. డోపింగ్‌ పరీక్షలో పాజిటివ్‌గా దొరికిపోవడంతో రబడపై సస్పెన్షన్‌ వేటు పడింది. సరదా కోసం తీసుకునే (రిక్రియేషనల్‌) డ్రగ్‌ను రబడ వాడినట్లు తేలడంతో ప్రపంచ డోపింగ్‌ వ్యతిరేక సంస్థ (వాడా) అతనిపై తాత్కాలిక నిషేధం విధించింది. అయితే, పూర్తి స్థాయిలో ఇంకా ఎంత కాలం సస్పెన్షన్‌ వేటు పడుతుందనేదానిపై స్పష్టత రాలేదు.తాజాగా SAIDS ఇందుకు సంబంధించిన వివరాలను వెల్లడించింది. రబడపై నెల రోజుల పాటు పడిన నిషేధం తొలగిపోయినట్లు తెలిపింది. ‘‘రబడపై సస్పెన్షన్‌ నేపథ్యంలో అతడు ఇండియా నుంచి వెంటనే సౌతాఫ్రికాకు తిరిగి వచ్చాడు.అయితే, డ్రగ్స్‌ వాడకానికి సంబంధించి రబడ తన తప్పును అంగీకరించాడు. కానీ దురుద్దేశంతో వాటిని వాడలేదన్న అతడి వాదన సబబుగానే ఉంది. వెంటనే అతడు మళ్లీ మైదానంలో దిగవచ్చు.క్రీడా రంగం వెలుపలి సమాజంలో ఈ పదార్థాలు ఎక్కువగా దుర్వినియోగమవుతాయి కాబట్టి వీటిని అందరూ తప్పుగానే చూస్తున్నారు. కొకైన్‌, హెరాయిన్‌, ఎండిఎంఎ/ఎక్సటసీ, టీహెచ్‌సీ వంటివి ఇందులో ఉన్నాయి’’ అని సోమవారం నాటి ప్రకటనలో వెల్లడించింది.కాగా క్రీడల్లో మెరుగైన ప్రదర్శనకు ఉపయోగపడే డ్రగ్స్‌ తరహాలో కాకుండా కొకైన్, హెరాయిన్, గంజాయివంటివాటిని రిక్రియేషనల్‌ డ్రగ్స్‌గా వ్యవహరిస్తారు. పోటీలు లేని సమయంలో ఆటగాళ్లు వీటిని వాడుతుంటారు. సాధారణంగా ఇలాంటి డ్రగ్స్‌ వాడితే నిబంధనల ప్రకారం గరిష్టంగా నాలుగేళ్ల వరకు నిషేధం పడుతుంది. సరదా కోసమే వాటిని వాడానని నిరూపిస్తేఅయితే తాను సరదా కోసమే వాటిని వాడానని, ఆ సమయంలో ఎలాంటి మ్యాచ్‌లు జరగడం లేదని సదరు ప్లేయర్‌ నిరూపించగలిగితే కేవలం 3 నెలల నిషేధం విధిస్తారు. ఇక రబడ విషయానికొస్తే.. సొంతగడ్డపై జరిగిన సౌతాఫ్రికా టీ20 లీగ్‌ టోర్నీ సమయంలో అతడు ఈ డ్రగ్‌ తీసుకున్నట్లుగా సమాచారం. ఇక ఇప్పుడు నెల రోజుల నిషేధం తొలగిపోవడంతో అటు గుజరాత్‌ టైటాన్స్‌తో చేరడంతో పాటు జూన్‌లో జరిగే ప్రపంచ టెస్టు చాంపియన్‌షిప్‌-2025 ఫైనల్లోనూ అతడు ఆడేందుకు లైన్‌ క్లియర్‌ అయింది.కాగా ఐపీఎల్‌-2025లో కగిసో రబడ రెండు మ్యాచ్‌లు ఆడి రెండు వికెట్లు తీశాడు. ఇక గుజరాత్‌ టైటాన్స్‌ ఇప్పటికి పది మ్యాచ్‌లు పూర్తి చేసుకుని ఏడు విజయాలతో పట్టికలో నాలుగో స్థానంలో ఉంది. ఇక రబడ రాకతో ఆ జట్టు పేస్‌ దళం మరింత పటిష్టంగా మారుతుందనడంలో సందేహం లేదు. కాగా టైటాన్స్‌లో మహ్మద్‌ సిరాజ్‌, ఇషాంత్‌ శర్మ, ప్రసిద్‌ కృష్ణ, గెరాల్డ్‌ కోయెట్జి తదితర ఫాస్ట్‌ బౌలర్లు ఉన్నారు. వీరిలో ప్రసిద్‌ పది మ్యాచ్‌లలో 19 వికెట్లు కూల్చి ప్రస్తుతం పర్పుల్‌ క్యాప్‌ తన దగ్గర పెట్టుకున్నాడు. గుజరాత్‌ తమ పదకొండో మ్యాచ్‌లో ముంబై ఇండియన్స్‌తో మంగళవారం తలపడుతుంది.చదవండి: ఏం ఆడుతున్నార్రా బాబూ! గుడ్లు ఉరిమి చూసిన రియాన్‌.. ఒక్క చూపుతోనే..

ద‌క్షిణాఫ్రికా స్పీడ్ స్టార్‌, గుజ‌రాత్ టైటాన్స్ ఫాస్ట్ బౌల‌ర్ కగిసో ర‌బాడ ఐపీఎల్‌-2025 మ‌ధ్య‌లోనే త‌న స్వ‌దేశానికి వెళ్లిపోయిన సంగ‌తి తెలిసిందే. వ్య‌క్తిగ‌త కార‌ణాల‌తో ర‌బాడ సౌతాఫ్రికా వెళ్లిన‌ట్లు గుజ‌రాత్ టైటాన్స్ ఓ ప్ర‌క‌ట‌న‌లో పేర్కొంది. దాదాపు 20 రోజులు అవుతున్న‌ప్ప‌టికి ర‌బాడ తిరిగి భార‌త్‌కు మ‌ళ్లీ రాలేదు.ఈ క్ర‌మంలో త‌న స్వ‌దేశానికి వెళ్లిపోవ‌డానికి అస్స‌లు కార‌ణాన్ని రబాడ వెల్ల‌డించాడు. సౌతాఫ్రికా టీ20 లీగ్‌-2025 స‌మ‌యంలో నిషేదిత డ్ర‌గ్ వాడ‌డంతో త‌న‌పై తాత్క‌లిక‌ సస్పెన్షన్‌ వేటు ప‌డిన‌ట్లు ర‌బాడ తెలిపాడు. అందుకే ఐపీఎల్ మ‌ధ్య‌లోనే వైదొలిగ‌న‌ట్లు ఈ స్పీడ్ స్టార్ స్ప‌ష్టం చేశాడు. దీంతో ఐపీఎల్‌-2025లో మిగిలిన మ్యాచ్‌ల‌కు కూడా ర‌బాడ దూరం కానున్నాడు. అంతేకాకుండా ఆస్ట్రేలియాతో జరిగే ప్రపంచ టెస్ట్ ఛాంపియన్‌షిప్ 2025 ఫైనల్‌లో దక్షిణాఫ్రికా తరపున కూడా ర‌బాడ అడేది సందేహంగా మారింది.నేను ఐపీఎల్‌లో ఆడకుండా వ్యక్తిగత కారణాల వల్ల తిరిగి దక్షిణాఫ్రికాకు వచ్చానని ఇప్పటికే గుజ‌రాత్ టైటాన్స్ ఓ ప్ర‌క‌టన చేసింది. అయితే నిషేధిత డ్ర‌గ్ వాడ‌డంతో సౌతాఫ్రికా క్రికెట్ నాపై తాత్కాలిక సస్పెన్షన్ విధించింది. అందుకే ఉన్న‌ప‌ళంగా స్వదేశానికి వెళ్లాల్సి వ‌చ్చింది. ఈ త‌ప్పు చేసినందుకు అంద‌రికి క్ష‌మాప‌ణ‌లు తెలుపుతున్నాను. క్రికెట్ ఆడే అవకాశాన్ని ఎల్ల‌ప్పుడూ నేను అరుదైన గౌర‌వంగా భావిస్తాను. తిరిగి నాకు ఇష్టమైన ఆట ఆడేందుకు ఆతృతగా ఎదురు చూస్తున్నాను. ఈ కఠిన సమయంలో సపోర్ట్‌గా నిలిచిన నా ఏజెంట్‌, సౌతాఫ్రికా క్రికెట్‌, గుజరాత్ టైటాన్స్‌కు ధన్యవాదాలు చెప్పాలనుకుంటున్నాను" అని ఓ ప్రకటనలో రబాడ పేర్కొన్నాడు.

భారీ అంచనాలతో ఐపీఎల్‌-2025 (IPL 2025) బరిలో దిగిన సన్‌రైజర్స్‌ హైదరాబాద్‌ (SRH) జట్టు తుస్సుమనిపించింది. ఈసారి 300 స్కోరు పక్కా అనుకుంటే.. నామమాత్రపు లక్ష్యాలనూ ఛేదించలేక చతికిలపడింది. ఆరంభ మ్యాచ్‌లో రాజస్తాన్‌ రాయల్స్‌ (రైజర్స్‌- 286)పై దంచికొట్టడం మినహా ఈసారి రైజర్స్‌ బ్యాటింగ్‌లో చెప్పుకోదగ్గ మెరుపులేవీ కనబడలేదు.తాజాగా గుజరాత్‌ టైటాన్స్‌ (GT vs SRH)తో మ్యాచ్‌లోనూ సన్‌రైజర్స్‌ పూర్తిగా విఫలమైంది. అహ్మదాబాద్‌లోని నరేంద్ర మోదీ స్టేడియంలో శుక్రవారం జరిగిన ఈ మ్యాచ్‌లో కమిన్స్‌ బృందం టాస్‌ గెలిచి తొలుత బౌలింగ్‌ చేసింది.ఆకాశమే హద్దుగా చెలరేగి..ఈ క్రమంలో టైటాన్స్‌ బ్యాటర్లు ఆకాశమే హద్దుగా చెలరేగి.. రైజర్స్‌ బౌలర్లను ఓ ఆటాడుకున్నారు. ఓపెనర్లు సాయి సుదర్శన్‌ (23 బంతుల్లో 48), కెప్టెన్‌ శుబ్‌మన్‌ గిల్‌ (38 బంతుల్లో 76).. వన్‌డౌన్‌ బ్యాటర్‌ జోస్‌ బట్లర్‌ (37 బంతుల్లో 64) ధనాధన్‌ దంచికొట్టారు. ఈ ముగ్గురి అద్భుత ఇన్నింగ్స్‌ నేపథ్యంలో టైటాన్స్‌ నిర్ణీత 20 ఓవర్లలో ఆరు వికెట్లు కోల్పోయి 224 పరుగులు సాధించింది.సన్‌రైజర్స్‌ బౌలర్లలో మహ్మద్‌ షమీ, హర్షల్‌ పటేల్‌ దారుణంగా విఫలమయ్యారు. వీరిద్దరి బౌలింగ్‌ (షమీ 48, పటేల్‌ 41)లో టైటాన్స్‌ 89 పరుగులు పిండుకుంది. మిగతావాళ్లలో కెప్టెన్‌ కమిన్స్‌, జీషన్‌ అన్సారీ ఒక్కో వికెట్‌ తీయగా.. జయదేవ్‌ ఉనాద్కట్‌ మూడు వికెట్ల (3/35)తో రాణించాడు.అభిషేక్‌ శర్మ ఒక్కడేఇక లక్ష్య ఛేదనలో సన్‌రైజర్స్‌ ఓపెనర్‌ ట్రవిస్‌ హెడ్‌ (16 బంతుల్లో 20) మరోసారి విఫలమయ్యాడు. అతడి స్థానంలో వన్‌డౌన్‌లో బ్యాటింగ్‌కు వచ్చిన ఇషాన్‌ కిషన్‌ (17 బంతుల్లో 13) జిడ్డు ఇన్నింగ్స్‌ ఆడాడు. ఈ క్రమంలో ఇన్నింగ్స్‌ చక్కదిద్దుకునే బాధ్యత తీసుకున్న ఓపెనర్‌ అభిషేక్‌ శర్మ 41 బంతుల్లో 74 పరుగులతో ఆకట్టుకున్నాడు.అయితే, మిగతా వాళ్ల నుంచి అతడికి పెద్దగా సహకారం అందలేదు. హెన్రిచ్‌ క్లాసెన్‌ (18 బంతుల్లో 23), నితీశ్‌ కుమార్‌ రెడ్డి (10 బంతుల్లో 21 నాటౌట్‌) మాత్రమే చెప్పుకోదగ్గ స్కోరు చేశారు. ఈ క్రమంలో 20 ఓవర్లలో ఆరు వికెట్లు కోల్పోయిన సన్‌రైజర్స్‌ 186 పరుగుల వద్ద నిలిచి.. 38 పరుగుల తేడాతో పరాజయం పాలైంది.ప్లే ఆఫ్స్‌ అవకాశాలు దాదాపుగా ముగిసినట్లే.. కానీఇక ఇప్పటికి ఈ సీజన్‌లో పది మ్యాచ్‌లు పూర్తి చేసుకున్న సన్‌రైజర్స్‌కు ఇది ఏడో ఓటమి. తద్వారా మూడు విజయాలతో కేవలం ఆరు పాయింట్లలో పట్టికలో తొమ్మిదో స్థానంలో కొనసాగుతోంది. దీంతో సన్‌రైజర్స్‌ ప్లే ఆఫ్స్‌ అవకాశాలు దాదాపుగా ముగిసిపోయాయి.అయితే, ఇంకా దింపుడు కళ్లెం ఆశలు మాత్రం మిగిలి ఉన్నాయి. ఇప్పటికీ సన్‌రైజర్స్‌ ప్లే ఆఫ్స్‌ చేరాలంటే.. మిగిలిన నాలుగు మ్యాచ్‌లలోనూ భారీ తేడాలతో విజయాలు సాధించాలి. అదే విధంగా ఇతర జట్ల ఫలితాలు కూడా తమకు అనుకూలంగా వస్తేనే ఇది జరుగుతుంది.ఇతర జట్ల పరిస్థితి ఇలాప్రస్తుతం ముంబై ఇండియన్స్‌ (11 మ్యాచ్‌లు, ఏడు విజయాలు, 14 పాయింట్లు) అగ్రస్థానంలో ఉంది. గుజరాత్‌ టైటాన్స్‌ (10 మ్యాచ్‌లు, ఏడు విజయాలు, 14 పాయింట్లు), ఆర్సీబీ (10 మ్యాచ్‌లు, ఏడు విజయాలు, 14 పాయింట్లు), పంజాబ్‌ కింగ్స్‌ (10 మ్యాచ్‌లు, 6 విజయాలు, 13 పాయింట్లు), ఢిల్లీ క్యాపిటల్స్‌ (10 మ్యాచ్‌లు, ఐదు విజయాలు, 10 పాయింట్లు) టాప్‌-5లో ఉన్నాయి.ఇక లక్నో సూపర్‌ జెయింట్స్‌ (10 మ్యాచ్‌లు, 5 విజయాలు 10 పాయింట్లు), కోల్‌కతా నైట్‌ రైడర్స్‌ (10 మ్యాచ్‌లు, 4 విజయాలు,9 పాయింట్లు)లతో ఆరు, ఏడు స్థానాల్లో కొనసాగుతున్నాయి. రాజస్తాన్‌ రాయల్స్‌ (11 మ్యాచ్‌లు, మూడు విజయాలు, ఆరు పాయింట్లు)లతో ఎనిమిదో స్థానంలో ఉండడగా.. సన్‌రైజర్స్‌ (10 మ్యాచ్‌లు, మూడు విజయాలు, ఆరు పాయింట్లు)లతో రన్‌రేటు పరంగా వెనుకబడి తొమ్మిదో స్థానంలో ఉంది. ఇక చెన్నై సూపర్‌ కింగ్స్‌(10 మ్యాచ్‌లు, రెండు విజయాలు, నాలుగు పాయింట్లు)ఆఖర్లో పదో స్థానంలో ఉంది.ఢిల్లీ, కేకేఆర్‌, ఆర్సీబీ, లక్నోలపై గెలిచిరాజస్తాన్‌, చెన్నైలను మినహాయిస్తే సాంకేతికంగా మిగిలిన ఎనిమిది జట్లకు ప్లే ఆఫ్స్‌ అవకాశాలు ఉన్నాయి. ఇక సన్‌రైజర్స్‌ గనుక మిగిలిన అన్ని మ్యాచ్‌లు తప్పక భారీ తేడాతో గెలవాలి. ఢిల్లీ, కేకేఆర్‌, ఆర్సీబీ, లక్నోలపై ఘన విజయం సాధిస్తే.. పద్నాలుగు పాయింట్లతో పాటు నెట్‌ రన్‌రేటు (ప్రస్తుతం- -1.192) కూడా మెరుగుపడుతుంది.అదే విధంగా.. టాప్‌లో ఉన్న ముంబై ఇండియన్స్‌, గుజరాత్‌, ఆర్సీబీ తమ మిగిలిన మ్యాచ్‌లలో మెజారిటీ శాతం ఓడిపోవాలి. ఇక పంజాబ్‌ కింగ్స్‌, ఢిల్లీ కూడా రేసులో ఉన్నాయి. ఈ రెండు జట్లు కూడా తదుపరి మ్యాచ్‌లో ఎక్కువగా ఓడిపోవాలి. ఇంతా జరిగినా సన్‌రైజర్స్‌ ప్లే ఆఫ్స్‌ చేరాలంటే ఇంకేదో అద్భుతం జరగాలి. అయితే, తదుపరి ఢిల్లీ (మే 5)తో మ్యాచ్‌లో కమిన్స్‌ బృందం ఓడిందా.. ఇక అంతే సంగతులు! టోర్నీ నుంచి అవుట్‌.. సోషల్‌ మీడియా మీమర్ల భాషల్లో చెప్పాలంటే చెన్నై, రాజస్తాన్‌లతో పాటు అసోం రైలుకు టికెట్‌ కన్‌ఫామ్‌ చేసుకున్నట్లే!!చదవండి: Shubman Gill: అంపైర్‌తో గొడవపడి.. అభిషేక్‌ను కాలితో తన్ని!

గుజరాత్‌ టైటాన్స్‌ స్టార్‌ క్రికెటర్‌ జోస్‌ బట్లర్‌ (Jos Buttler) సరికొత్త చరిత్ర సృష్టించాడు. ఇండియన్‌ ప్రీమియర్‌ లీగ్‌ (IPL)లో అత్యధిక పరుగులు సాధించిన ఇంగ్లండ్‌ బ్యాటర్‌గా నిలిచాడు. ఐపీఎల్‌-2025 (IPL 2025)లో భాగంగా సన్‌రైజర్స్‌ హైదరాబాద్‌తో శుక్రవారం నాటి మ్యాచ్‌ సందర్భంగా బట్లర్‌ ఈ ఘనత సాధించాడు.అహ్మదాబాద్‌లోని నరేంద్ర మోదీ స్టేడియంలో జరిగిన మ్యాచ్‌లో టాస్‌ ఓడిన టైటాన్స్‌ తొలుత బ్యాటింగ్‌ చేసింది. ఈ క్రమంలో ఓపెనర్లు సాయి సుదర్శన్‌, కెప్టెన్‌ శుబ్‌మన్‌ గిల్‌ ధాటిగా ఇన్నింగ్స్‌ ఆరంభించారు.సాయి 23 బంతుల్లో 48 పరుగులు చేసి అవుట్‌ కాగా.. వికెట్‌ కీపర్‌ బ్యాటర్‌ జోస్‌ బట్లర్‌ క్రీజులోకి వచ్చాడు. గిల్‌ (38 బంతుల్లో 76)తో కలిసి స్కోరు బోర్డును పరుగులు పెట్టించాడు. బట్లర్‌ 37 బంతులు ఎదుర్కొని మూడు ఫోర్లు, నాలుగు సిక్సర్ల సాయంతో 64 పరుగులు రాబట్టాడు.4000 పరుగుల మైలురాయిఅయితే, సన్‌రైజర్స్‌ ​కెప్టెన్‌ ప్యాట్‌ కమిన్స్‌ బౌలింగ్‌లో అభిషేక్‌ శర్మకు క్యాచ్‌ ఇవ్వడంతో బట్లర్‌ ఇన్నింగ్స్‌కు తెరపడింది. ఇక ఈ మ్యాచ్‌లో హాఫ్‌ సెంచరీ సాధించిన బట్లర్‌.. ఐపీఎల్‌ కెరీర్‌లో 4000 పరుగుల మైలురాయిని అందుకున్నాడు.తద్వారా క్యాష్‌ రిచ్‌ లీగ్‌లో ఈ ఘనత సాధించిన తొలి ఇంగ్లండ్‌ బ్యాటర్‌గా బట్లర్‌ చరిత్రకెక్కాడు. అంతేకాదు.. ఐపీఎల్‌లో అత్యంత వేగంగా (తక్కువ బంతుల్లోనే) ఈ మార్కు అందుకున్న మూడో బ్యాటర్‌గా.. అదే విధంగా.. తక్కువ ఇన్నింగ్స్‌లోనే ఈ మైలురాయి అందుకున్న నాలుగో క్రికెటర్‌గా రికార్డు సాధించాడు. కాగా బట్లర్‌ గతంలో ముంబై ఇండియన్స్‌, రాజస్తాన్‌ రాయల్స్‌ జట్లకు ప్రాతినిథ్యం వహించాడు. ఐపీఎల్‌లో తక్కువ బంతుల్లోనే 4000 పరుగుల మార్కు అందుకున్న క్రికెటర్లు👉క్రిస్‌ గేల్‌ (వెస్టిండీస్‌)- 2658 బంతుల్లో👉ఏబీ డివిలియర్స్‌ (సౌతాఫ్రికా)- 2658 బంతుల్లో👉జోస్‌ బట్లర్‌ (ఇంగ్లండ్‌)- 2677 బంతుల్లో👉సూర్యకుమార్‌ యాదవ్‌ (ఇండియా)- 2714 బంతుల్లో..ఐపీఎల్‌లో తక్కువ ఇన్నింగ్స్‌లో నాలుగు వేల పరుగుల మైలురాయిని చేరుకున్న క్రికెటర్లు👉కేఎల్‌ రాహుల్‌ (ఇండియా)- 105 ఇన్నింగ్స్‌లో👉క్రిస్‌ గేల్‌ (వెస్టిండీస్‌)- 112 ఇన్నింగ్స్‌లో👉డేవిడ్‌ వార్నర్‌ (ఆస్ట్రేలియా)- 114 ఇన్నింగ్స్‌లో👉జోస్‌ బట్లర్‌ (ఇంగ్లండ్‌)- 116 ఇన్నింగ్స్‌లో👉ఫాఫ్‌ డుప్లెసిస్‌ (సౌతాఫ్రికా)- 121 ఇన్నింగ్స్‌లో👉విరాట్‌ కోహ్లి (ఇండియా)- 128 ఇన్నింగ్స్‌లో.ఇక గుజరాత్‌- హైదరాబాద్‌ మ్యాచ్‌ విషయానికొస్తే.. సాయి, గిల్‌, బట్లర్‌ అద్భుత ఇన్నింగ్స్‌ కారణంగా గుజరాత్‌ భారీ స్కోరు సాధించింది. నిర్ణీత 20 ఓవర్లలో ఆరు వికెట్ల నష్టానికి 224 పరుగులు చేసింది. లక్ష్య ఛేదనలో హైదరాబాద్‌ జట్టు 20 ఓవర్లు పూర్తయ్యేసరికి ఆరు వికెట్లు కోల్పోయి 186 పరుగులకే పరిమితమైంది. ఫలితంగా గుజరాత్‌ 38 పరుగులు తేడాతో జయభేరి మోగించింది.చదవండి: Shubman Gill: అంపైర్‌తో గొడవపడి.. అభిషేక్‌ను కాలితో తన్ని! How’s the JOS? Quite high, indeed! 🙌🏻🔥#JosButtler continued his stellar IPL form with another fifty as #GT push towards a massive first-innings total!Watch the LIVE action ➡ https://t.co/RucOdyBo4H#IPLonJioStar 👉 #GTvSRH | LIVE NOW on SS-1, SS- 1 Hindi & JioHotstar! pic.twitter.com/sUDd0x9erf— Star Sports (@StarSportsIndia) May 2, 2025

సన్‌రైజర్స్‌ హైదరాబాద్‌తో మ్యాచ్‌ సందర్భంగా తాను ప్రవర్తించిన తీరును గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ సమర్థించుకున్నాడు. వందకు నూటా పది శాతం కష్టపడుతున్నపుడు ఇలాంటివి జరుగుతాయని.. ఒక్కోసారి భావోద్వేగాలను అదుపు చేసుకోలేమని పేర్కొన్నాడు.ఐపీఎల్‌-2025 (IPL 2025)లో భాగంగా టైటాన్స్‌ శుక్రవారం సన్‌రైజర్స్‌తో తలపడింది. నరేంద్ర మోదీ స్టేడియంలో జరిగిన ఈ మ్యాచ్‌లో గిల్‌ కెప్టెన్‌ ఇన్నింగ్స్‌తో మెరిశాడు. ఈ ఓపెనింగ్‌ బ్యాటర్‌ 38 బంతుల్లో పది ఫోర్లు, రెండు సిక్సర్ల సాయంతో 76 పరుగులు సాధించాడు.అంపైర్లతో వాదనతనకు అచ్చొచ్చిన మైదానంలో గిల్‌ శతకం దిశగా పయనిస్తున్న వేళ అనూహ్య రీతిలో రనౌట్‌ అయ్యాడు. జీషన్‌ అన్సారీ బౌలింగ్‌లో జోస్‌ బట్లర్‌ పరుగుకు యత్నించగా.. గిల్‌ రన్‌ పూర్తి చేసేందుకు సిద్ధమయ్యాడు. అయితే, ఇంతలో ఫీల్డర్‌ హర్షల్‌ పటేల్‌ విసిరిన బంతిని వికెట్‌ కీపర్‌ హెన్రిచ్‌ క్లాసెన్‌ అందుకుని వికెట్లకు గిరాటేశాడు.అయితే, బంతి క్లాసెన్‌ గ్లోవ్స్‌ను తాకి స్టంప్స్‌ పక్కగా వెళ్లింది. అప్పుడు క్లాసెన్‌ గ్లవ్‌ తాకి స్టంప్స్‌ పైకి ఎగిరినట్లు కనిపించింది. అయితే, కీపర్‌ చేతిలో ఉండగానే బంతి స్టంప్‌ను తాకిందా లేదా అన్నది స్పష్టంగా తెలియరాలేదు. అయినప్పటికీ టీవీ అంపైర్‌ మాత్రం గిల్‌ను అవుట్‌గానే ప్రకటించాడు.మరోసారి వాగ్వాదంఈ నేపథ్యంలో తీవ్ర అసంతృప్తికి లోనైన శుబ్‌మన్‌ గిల్‌ అంపైర్లతో వాగ్వాదానికి దిగాడు. అదే విధంగా.. లక్ష్య ఛేదనలో సన్‌రైజర్స్‌ బ్యాటర్‌ అభిషేక్‌ శర్మ విషయంలో ఎల్బీడబ్ల్యూ అప్పీలు అంశంలో ప్రతికూల నిర్ణయం రావడంతో కోపోద్రిక్తుడయ్యాడు.మళ్లీ అప్పుడు కూడా గిల్‌ అంపైర్‌తో వాదనకు దిగాడు. ఈ పరిణామాల గురించి విజయానంతరం గిల్‌ స్పందించాడు. ‘‘నాకు, అంపైర్‌కు మధ్య చర్చ జరిగింది. ఒక్కోసారి భావోద్వేగాలను అదుపుచేసుకోలేము.తప్పేముంది?.. తగ్గేదేలేగెలిచేందుకు వందకు 110 శాతం కృషి చేస్తున్నపుడు ఇలాంటివి జరుగుతూ ఉంటాయి. జరిగిన విషయం గురించే మాట్లాడాను. ఈ వైఖరి తప్పని నేను అనుకోను’’ అని గిల్‌ స్పష్టం చేశాడు. స్కోరు బోర్డును ఎలా పరుగులు తీయించాలో తమకు తెలుసునని.. ఏదేమైనా ప్లే ఆఫ్స్‌కు చేరువ కావడం సంతోషంగా ఉందని పేర్కొన్నాడు.కాగా ఈ సీజన్‌లో ఇప్పటికి పది మ్యాచ్‌లు ఆడిన గుజరాత్‌కు ఇది ఏడో గెలుపు. తద్వారా పద్నాలుగు పాయిం ట్లతో పట్టికలో రెండోస్థానంలోకి దూసుకు వచ్చింది. మరోవైపు.. ఏడో పరాజయం నమోదు చేసిన సన్‌రైజర్స్‌ ప్లే ఆఫ్స్‌ అవకాశాలను దాదాపు కోల్పోయింది. ఐపీఎల్‌-2025: టైటాన్స్‌ వర్సెస్‌ సన్‌రైజర్స్‌👉టాస్‌: సన్‌రైజర్స్‌.. తొలుత బౌలింగ్‌👉టైటాన్స్‌ స్కోరు: 224/6 (20)👉సన్‌రైజర్స్‌ స్కోరు: 186/6 (20)👉ఫలితం: 38 పరుగుల తేడాతో సన్‌రైజర్స్‌పై టైటాన్స్‌ విజయం👉ప్లేయర్‌ ఆఫ్‌ ది మ్యాచ్‌: ప్రసిద్‌ కృష్ణ (టైటాన్స్‌ పేసర్‌- నాలుగు ఓవర్ల బౌలింగ్‌లో కేవలం 19 పరుగులు ఇచ్చి రెండు వికెట్లు).చదవండి: Shubman Gill: అంపైర్‌తో గొడవపడి.. అభిషేక్‌ను కాలితో తన్ని! What's your take? 👇✍🏻#ShubmanGill seen having a word with the umpire after being given out by the third umpire on a tight call! 👀Watch the LIVE action ➡ https://t.co/RucOdyBVUf#IPLonJioStar 👉 #GTvSRH | LIVE NOW on SS-1, SS- 1 Hindi & JioHotstar! pic.twitter.com/TPiALXJu8O— Star Sports (@StarSportsIndia) May 2, 2025

ఐపీఎల్‌లో గతేడాది రన్నరప్‌గా నిలిచిన సన్‌రైజర్స్‌ హైదరాబాద్‌ (SRH) ఈసారి చెత్త ప్రదర్శనతో విమర్శలు మూటగట్టుకుంటోంది. గుజరాత్‌ టైటాన్స్‌తో శుక్రవారం నాటి మ్యాచ్‌లో కమిన్స్‌ బృందం 38 పరుగుల తేడాతో ఓటమిపాలైంది. తద్వారా ఐపీఎల్‌-2025 (IPL 2025)లో రైజర్స్‌ ప్లే ఆఫ్స్‌ అవకాశాలు దాదాపుగా ముగిసిపోయాయి.ఈ నేపథ్యంలో సన్‌రైజర్స్‌ కెప్టెన్‌ ప్యాట్‌ కమిన్స్‌ (Pat Cummins) ఓటమి అనంతరం తీవ్ర విచారం వ్యక్తం చేశాడు. ఇటు బౌలింగ్‌లో.. అటు బ్యాటింగ్‌లోనూ విఫలమయ్యామని పేర్కొన్నాడు. ఈ ఘోర ఓటమికి తానూ బాధ్యత వహిస్తున్నానని తెలిపాడు.పవర్‌ ప్లేలో మేము విఫలం‘‘పవర్‌ ప్లేలో మా ఇన్నింగ్స్‌ అంత గొప్పగా ఏమీ సాగలేదు. అందరిలాగే నేనూ ఈ పరాజయానికి బాధ్యుడిని. నాకు తెలిసి.. మేము 20-30 అదనపు పరుగులు సమర్పించుకున్నాం. అంతేకాదు.. రెండు- మూడు క్యాచ్‌లు మిస్‌ చేసుకున్నాం.అక్కడ కూడా నా తప్పు ఉందనే చెప్పాలి. ఇక 200కు పైగా పరుగుల ఛేదన అంత కష్టమేమీ కాదు. కానీ ఈరోజు మేము అందులో సఫలం కాలేకపోయాం. ఆ జట్టులో క్లాస్‌ బ్యాటర్లు ఉన్నారు.మా బౌలింగ్‌ అత్యంత చెత్తగా సాగిందిచెత్త బంతులు పడితే కచ్చితంగా బాదేస్తారు. ఈరోజు అదే జరిగింది. నిజంగా మా బౌలింగ్‌ అత్యంత చెత్తగా సాగింది. వికెట్‌ బాగున్నా మేము దానిని సద్వినియోగం చేసుకోలేకపోయాం.ఇక అభిషేక్‌ శర్మ ఈరోజు అద్భుతంగా బ్యాటింగ్‌ చేశాడు. నితీశ్‌ ఆఖర్లో పోరాడాడు. అయితే, అప్పటికే ఆలస్యమైపోయింది. పరిస్థితి మా చేయిదాటి పోయింది. వేలంలో మేము సరైన నిర్ణయాలే తీసుకున్నాం అనుకుంటున్నాం. మూడేళ్ల పాటుఈ కోర్‌ గ్రూప్‌ మూడేళ్ల పాటు కొనసాగుతుంది. ఇంకా చాలా దూరం ప్రయాణించాల్సి ఉంది’’ అని ప్యాట్‌ కమిన్స్‌ చెప్పుకొచ్చాడు. కాగా అహ్మదాబాద్‌లో టాస్‌ గెలిచిన సన్‌రైజర్స్‌ తొలుత బౌలింగ్‌ చేసింది.ధారాళంగా పరుగులు సమర్పించుకునిఈ క్రమంలో బ్యాటింగ్‌కు దిగిన టైటాన్స్‌ సొంత మైదానంలో దుమ్మురేపింది. నిర్ణీత 20 ఓవర్లలో ఆరు వికెట్లు కోల్పోయి ఏకంగా 224 పరుగుల మేర భారీ స్కోరు సాధించింది. సన్‌రైజర్స్‌ బౌలర్లలో మహ్మద్‌ షమీ (3 ఓవర్లలో 48), హర్షల్‌ పటేల్‌ (3 ఓవర్లలో 41)ధారాళంగా పరుగులు సమర్పించుకుని ఒక్క వికెట్‌ కూడా తీయలేకపోయారు.మిగతా వాళ్లలో జీషన్‌ అన్సారీ తన బౌలింగ్‌ కోటాలో 42 పరుగులు ఇచ్చి ఒక వికెట్‌ తీయగా.. జయదేవ్‌ ఉనాద్కట్‌ నాలుగు ఓవర్లలో 35 రన్స్‌ మాత్రమే ఇచ్చి మూడు వికెట్లు కూల్చాడు. కెప్టెన్‌ కమిన్స్‌ నాలుగు ఓవర్లలో 40 పరుగులు ఇచ్చి ఒక్క వికెట్‌ పడగొట్టాడు.బ్యాటర్లు కూడా చెత్తగా ఆడిబౌలర్ల సంగతి ఇలా ఉంటే... లక్ష్య ఛేదనలో సన్‌రైజర్స్‌ బ్యాటర్లు కూడా చెత్త ప్రదర్శన కనబరిచారు. ఓపెనర్‌ అభిషేక్‌ శర్మ (41 బంతుల్లో 74) ఒక్కడే అర్ధ శతకంతో రాణించగా.. ట్రవిస్‌ హెడ్‌ (20), ఇషాన్‌ కిషన్‌ (13), హెన్రిచ్‌ క్లాసెన్‌ (23), అనికేత్‌ వర్మ (3) విఫలమయ్యారు. ఆఖర్లో నితీశ్‌ రెడ్డి 10 బంతుల్లో 21 పరుగులతో నాటౌట్‌గా నిలిచినా ఫలితం లేకపోయింది. 20 ఓవర్లలో ఆరు వికెట్ల నష్టానికి 186 పరుగుల వద్ద నిలిచిపోయిన రైజర్స్‌.. 38 పరుగుల తేడాతో ఓటమిపాలైంది.చదవండి: Shubman Gill: అంపైర్‌తో గొడవపడి.. అభిషేక్‌ను కాలితో తన్ని! That's what you call a complete team performance 🤝@gujarat_titans climb to No.2⃣ in the points table after a convincing 3⃣8⃣-run win over #SRH 👏Scorecard ▶ https://t.co/u5fH4jPU3a#TATAIPL | #GTvSRH pic.twitter.com/EEc0v13pT2— IndianPremierLeague (@IPL) May 2, 2025

గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ (Shubman Gill) ప్రవర్తన విమర్శలకు దారితీసింది. సారథిగా సంయమనంతో వ్యవహరించాల్సిన ఆటగాడే ఇలా సహనం కోల్పోవడం సరికాదంటూ క్రికెట్‌ ప్రేమికులు అతడిని విమర్శిస్తున్నారు. గిల్‌ నుంచి ఇలాంటివి అస్సలు ఊహించలేదని.. స్నేహపూర్వకంగా చేసే పనులకు కూడా ఓ హద్దు ఉంటుందని సోషల్‌ మీడియా వేదికగా హితవు పలుకుతున్నారు.అసలు విషయమేమిటంటే.. ఐపీఎల్‌-2025 (IPL 2025)లో భాగంగా గుజరాత్‌ టైటాన్స్‌ అహ్మదాబాద్‌ వేదికగా శుక్రవారం సన్‌రైజర్స్‌ హైదరాబాద్‌ జట్టు (GT vs SRH)తో తలపడింది. సొంత మైదానం నరేంద్ర మోదీ స్టేడియంలో టాస్‌ ఓడిన టైటాన్స్‌ తొలుత బ్యాటింగ్‌ చేసింది.సాయి, గిల్‌ మెరుపు ఇన్నింగ్స్‌ఓపెనర్లు సాయి సుదర్శన్‌ (23 బంతుల్లో 48), శుబ్‌మన్‌ గిల్‌ (38 బంతుల్లో 76) మెరుపు ఇన్నింగ్స్‌ ఆడగా.. వన్‌డౌన్‌ బ్యాటర్‌ జోస్‌ బట్లర్‌ (37 బంతుల్లో 64) కూడా అదరగొట్టాడు. వీరికి తోడు వాషింగ్టన్‌ సుందర్‌ (16 బంతుల్లో 21) కూడా రాణించాడు.ఫలితంగా నిర్ణీత 20 ఓవర్లలో టైటాన్స్‌ ఆరు వికెట్లు నష్టపోయి ఏకంగా 224 పరుగులు చేసింది. అయితే, గిల్‌ రనౌట్‌ అయిన తీరు విమర్శలకు దారితీయగా.. అతడు మైదానాన్ని వీడే ముందు అంపైర్‌తో వాదించాడు.38 పరుగుల తేడాతో ఇదిలా ఉంటే.. లక్ష్య ఛేదనలో తడబడ్డ సన్‌రైజర్స్‌ 20 ఓవర్లలో ఆరు వికెట్లు కోల్పోయి కేవలం 186 పరుగులే చేసింది. తద్వారా 38 పరుగుల తేడాతో ఓటమి పాలై ప్లే ఆఫ్స్‌ ఆశలను దాదాపు వదిలేసుకుంది.ఇక రైజర్స్‌ ఇన్నింగ్స్‌లో ఓపెనర్‌ అభిషేక్‌ శర్మ ఒక్కడే మెరుగ్గా ఆడాడు. మొత్తంగా 41 బంతుల్లో నాలుగు ఫోర్లు, ఆరు సిక్సర్ల సాయంతో 74 పరుగులు సాధించాడు. అయితే, పద్నాలుగో ఓవర్లో టైటాన్స్‌ పేసర్‌ ప్రసిద్‌ కృష్ణ వేసిన యార్కర్‌ను ఆడే క్రమంలో అభిషేక్‌ విఫలమయ్యాడు.అంపైర్‌తో గొడవపడి.. అభిషేక్‌ను కాలితో తన్ని!అయితే, బంతి దిశను మార్చుకుని అతడి ప్యాడ్‌ను తాకినట్లు కనిపించింది. కానీ ఫీల్డ్‌ అంపైర్‌ మాత్రం స్పందించకపోవడంతో.. టైటాన్స్‌ రివ్యూకు వెళ్లింది. అందులో బంతి వికెట్లను హిట్‌ చేసినట్లుగా కనిపించినప్పటికీ.. అంపైర్స్‌ కాల్‌ ద్వారా అభిషేక్‌ నాటౌట్‌గా నిలిచాడు.దీంతో సహనం కోల్పోయిన శుబ్‌మన్‌ గిల్‌ ఫీల్డ్‌ అంపైర్‌తో వాదనకు దిగాడు. కోపంతో అతడి పైపైకి వస్తూ వాగ్వాదం పెట్టుకున్నాడు. ఇంతలో అభిషేక్‌ శర్మ జోక్యం చేసుకుని గిల్‌ను కూల్‌ చేసేందుకు ప్రయత్నించాడు.అయితే, అప్పటికి అభిషేక్‌ క్రీజులో ఉండి చాలా సేపు కావడంతో బహుశా కండరాలు పట్టేయడంతో.. ఫిజియోను పిలిపించుకుని ట్రీట్‌మెంట్‌ తీసుకుంటున్నాడు. ఈ క్రమంలో అభిషేక్‌ కింద కూర్చుని ఉండగా.. గిల్‌ వెనక్కి వచ్చి అతడి కాలిని తన్నాడు. సమయం వృథా చేస్తున్నాడన్న కారణంతో ఇలా చేసి ఉంటాడు.PC: BCCI/JioHotstarయాంగ్రీ యంగ్‌ మ్యాన్‌.. సరదాగా చేసినా..కాగా గిల్‌- అభిషేక్‌.. ఇద్దరూ దేశవాళీ క్రికెట్‌లో పంజాబ్‌ జట్టుకు ఆడతారన్న విషయం తెలిసిందే. ఈ ఓపెనింగ్‌ జోడీ మధ్య గాఢమైన స్నేహం ఉంది. అయితే, ఈ మ్యాచ్‌లో మాత్రం అభిషేక్‌ గిల్‌ను సముదాయించేందుకు ప్రయత్నిస్తే.. అతడు మాత్రం ఇలా కాలితో తన్నడం గమనార్హం.అభిషేక్‌తో తనకున్న చనువుతో సరదాగానే గిల్‌ ఈ పని చేసినా.. లైవ్‌లో ఇలాంటి చర్యలు ఎంతమాత్రం సరికాదనే విమర్శలు వెల్లువెత్తుతున్నాయి. కాగా రైజర్స్‌పై గెలుపుతో ఈ సీజన్‌లో టైటాన్స్‌ ఏడో విజయం నమోదు చేయగా.. కమిన్స్‌ సేనకు ఇది ఏడో ఓటమి.చదవండి: IPL 2025: శుబ్‌మ‌న్ గిల్‌ది ఔటా? నాటౌటా? Chaos at the centre! 😳#ShubmanGill and #AbhishekSharma in discussion with the umpires!A review going #SRH’s way has sparked some serious drama! 🧐Watch the LIVE action ➡ https://t.co/RucOdyBo4H#IPLonJioStar 👉 #GTvSRH | LIVE NOW on Star Sports 1, Star Sports 1 Hindi, &… pic.twitter.com/KX68eec2ZB— Star Sports (@StarSportsIndia) May 2, 2025

ఐపీఎల్‌లో గత సీజన్‌ రన్నరప్‌ సన్‌రైజర్స్‌ హైదరాబాద్‌ ‘ప్లే ఆఫ్స్‌’ వెళ్లే అవకాశాలకు దాదాపు తెరపడినట్లే! హైదరాబాద్‌ జట్టు అధికారికంగా ఇంకా నిష్క్రమించకపోయినా ఏడో ఓటమితో సమీకరణాలన్నీ సంక్లిష్టంగా మారిపోయాయి. ఆశలు నిలవాలంటే గుజరాత్‌పై కచ్చితంగా గెలవాల్సిన మ్యాచ్‌లో సన్‌రైజర్స్‌ పేలవ బౌలింగ్‌తో ఓటమిని మూటగట్టుకుంది. సొంత మైదానంలో గిల్, బట్లర్, సుదర్శన్‌ బ్యాటింగ్‌తో భారీ స్కోరు నమోదు చేసిన టైటాన్స్‌ దానిని నిలబెట్టుకుంది. ఏడో విజయంతో గుజరాత్‌ మరో మెట్టు పైకెక్కి ప్లే ఆఫ్స్‌కు చేరువైంది. అహ్మదాబాద్‌: ఐపీఎల్‌ సీజన్‌లో సన్‌రైజర్స్‌ హైదరాబాద్‌పై ఆడిన రెండు మ్యాచ్‌లలో నెగ్గిన గుజరాత్‌ టైటాన్స్‌ 2–0తో పైచేయి సాధించింది. శుక్రవారం జరిగిన పోరులో గుజరాత్‌ 38 పరుగుల తేడాతో హైదరాబాద్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన గుజరాత్‌ 20 ఓవర్లలో 6 వికెట్ల నష్టానికి 224 పరుగులు చేసింది. కెప్టెన్‌ శుబ్‌మన్‌ గిల్‌ (38 బంతుల్లో 76; 10 ఫోర్లు, 2 సిక్స్‌లు), జోస్‌ బట్లర్‌ (37 బంతుల్లో 64; 3 ఫోర్లు, 4 సిక్స్‌లు) అర్ధ సెంచరీలు చేయగా... సాయి సుదర్శన్‌ (23 బంతుల్లో 48; 9 ఫోర్లు) మరో కీలక ఇన్నింగ్స్‌ ఆడాడు. అనంతరం హైదరాబాద్‌ 20 ఓవర్లలో 6 వికెట్లకు 186 పరుగులే చేయగలిగింది. అభిషేక్‌ శర్మ (41 బంతుల్లో 74; 4 ఫోర్లు, 6 సిక్స్‌లు) మినహా అంతా విఫలమయ్యారు. పరుగుల వరద... తొలి 2 ఓవర్లలో 16 పరుగులతో గుజరాత్‌ ఇన్నింగ్స్‌ నెమ్మదిగా మొదలైంది. అయితే తర్వాతి 4 ఓవర్లలో ఏకంగా 66 పరుగులు వచ్చాయి. షమీ ఓవర్లో సుదర్శన్‌ 5 ఫోర్లతో (4, 0, 4, 4, 4, 4) చెలరేగిపోగా, కమిన్స్‌ ఓవర్లో గిల్‌ 2 ఫోర్లు, సిక్స్‌ బాదాడు. హర్షల్‌ ఓవర్లోనూ సుదర్శన్‌ 4 ఫోర్లతో దూకుడు ప్రదర్శించాడు. పవర్‌ప్లే ముగిసేసరికి టైటాన్స్‌ 82 పరుగులు చేసింది. ఆ జట్టుకు ఐపీఎల్‌లో ఇదే అత్యధిక పవర్‌ప్లే స్కోరు కావడం విశేషం. తొలి వికెట్‌కు గిల్‌తో 41 బంతుల్లోనే 87 పరుగులు జోడించిన అనంతరం సుదర్శన్‌ వెనుదిరిగాడు. ఆ తర్వాత 25 బంతుల్లో గిల్‌ అర్ధ సెంచరీ పూర్తయింది. మరోవైపు బట్లర్‌ కూడా దూకుడు కనబర్చాడు. 22 పరుగుల వద్ద అతను ఇచ్చిన క్యాచ్‌ను కమిన్స్‌ వదిలేయడం కూడా కలిసొచ్చింది. అన్సారీ ఓవర్లో 6, 4 కొట్టిన బట్లర్‌ 31 బంతుల్లో హాఫ్‌ సెంచరీని అందుకున్నాడు. ఉనాద్కట్‌ వేసిన ఇన్నింగ్స్‌ చివరి ఓవర్‌ ఆసక్తికరంగా సాగింది. ఈ ఓవర్లో 2 సిక్స్‌లు బాదిన గుజరాత్‌...3 వికెట్లు కోల్పోయింది. అభిషేక్‌ పోరాటం వృథా... భారీ ఛేదనలో తొలి వికెట్‌కు 49 పరుగులు జత చేశాక ట్రవిస్‌ హెడ్‌ (16 బంతుల్లో 20; 4 ఫోర్లు) వెనుదిరిగాడు. అభిషేక్‌ ‌ సిక్సర్లతో ధాటిగా ఆడటంతో పవర్‌ప్లేలో 57 పరుగులు వచ్చాయి. ఇషాన్‌ కిషన్‌ (13) పరుగులు చేయడంలో తీవ్రంగా ఇబ్బంది పడగా, అభిషేక్‌కు క్లాసెన్‌ (18 బంతుల్లో 23; 1 ఫోర్, 1 సిక్స్‌) సహకరించాడు. 28 బంతుల్లోనే అభిషేక్‌ ‌ హాఫ్‌ సెంచరీ పూర్తయింది. అభిషేక్‌ , క్లాసెన్‌ మూడో వికెట్‌కు 33 బంతుల్లో 57 పరుగులు జత చేసినా... చేయాల్సిన రన్‌రేట్‌ పైపైకి వెళ్లడంతో బ్యాటర్లపై ఒత్తిడి పెరిగింది. 31 బంతుల్లో 86 పరుగులు చేయాల్సిన స్థితిలో అభిషేక్‌ ‌ అవుట్‌ కాగా... మరో మూడు బంతులకే క్లాసెన్‌ కూడా వెనుదిరగడంతో హైదరాబాద్‌ ఆశలు గల్లంతయ్యాయి. చివర్లో నితీశ్‌ కుమార్‌ రెడ్డి (10 బంతుల్లో 21 నాటౌట్‌; 1 ఫోర్, 2 సిక్స్‌లు), ప్యాట్‌ కమిన్స్‌ (10 బంతుల్లో 19 నాటౌట్‌; 1 ఫోర్, 1 సిక్స్‌) కొన్ని షాట్లు ఆడినా అది సరిపోలేదు. స్కోరు వివరాలు గుజరాత్‌ టైటాన్స్‌ ఇన్నింగ్స్‌: సుదర్శన్‌ (సి) క్లాసెన్‌ (బి) అన్సారీ 48; గిల్‌ (రనౌట్‌) 76; బట్లర్‌ (సి) అభిషేక్‌ ‌ (బి) కమిన్స్‌ 64; సుందర్‌ (సి) నితీశ్‌ రెడ్డి (బి) ఉనాద్కట్‌ 21; షారుఖ్‌ (నాటౌట్‌) 6; తెవాటియా (సి) అనికేత్‌ (బి) ఉనాద్కట్‌ 6; రషీద్‌ (సి) అండ్‌ (బి) ఉనాద్కట్‌ 0; ఎక్స్‌ట్రాలు 3; మొత్తం (20 ఓవర్లలో 6 వికెట్లకు) 224. వికెట్ల పతనం: 1–87, 2–149, 3–206, 4–218, 5–224, 6–224. బౌలింగ్‌: షమీ 3–0–48–0, ఉనాద్కట్‌ 4–0–35–3, కమిన్స్‌ 4–0–40–1, హర్షల్‌ 3–0–41–0, అన్సారీ 4–0–42–1, కమిందు 2–0–18–0. సన్‌రైజర్స్‌ హైదరాబాద్‌ ఇన్నింగ్స్‌: హెడ్‌ (సి) రషీద్‌ (బి) ప్రసిధ్‌ 20; అభిషేక్‌ ‌ (సి) సిరాజ్‌ (బి) ఇషాంత్‌ 74; ఇషాన్‌ కిషన్‌ (సి) ప్రసిధ్‌ (బి) కొయెట్జీ 13; క్లాసెన్‌ (సి) బట్లర్‌ (బి) ప్రసిధ్‌ 23; అనికేత్‌ (సి) షారుఖ్‌ (బి) సిరాజ్‌ 3; నితీశ్‌ రెడ్డి (నాటౌట్‌) 21; కమిందు (సి) బట్లర్‌ (బి) సిరాజ్‌ 0; కమిన్స్‌ (నాటౌట్‌) 19; ఎక్స్‌ట్రాలు 13; మొత్తం (20 ఓవర్లలో 6 వికెట్లకు) 186. వికెట్ల పతనం: 1–49, 2–82, 3–139, 4–141, 5–145, 6–145, బౌలింగ్‌: సిరాజ్‌ 4–0–33–2, ఇషాంత్‌ 3.2–0–35–1, ప్రసిధ్‌ 4–0–19–2, కొయెట్జీ 4–0–36–1, సుందర్‌ 1–0–6–0, రషీద్‌ 3–0–50–0, సాయికిషోర్‌ 0.4–0–1–0. ఐపీఎల్‌లో నేడుబెంగళూరు X చెన్నై వేదిక: బెంగళూరురాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌-2025లో స‌న్‌రైజ‌ర్స్ హైద‌రాబాద్ క‌థ దాదాపు ముగిసిన‌ట్లే. ప్లే ఆఫ్స్ రేసులో నిల‌వాలంటే క‌చ్చితంగా గెల‌వాల్సిన మ్యాచ్‌లో స‌న్‌రైజ‌ర్స్ తేలిపోయింది. అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రిగిన మ్యాచ్‌లో 38 ప‌రుగుల తేడాతో ఎస్ఆర్‌హెచ్ ఓట‌మి పాలైంది. 225 ప‌రుగుల భారీ ల‌క్ష్యంతో బ‌రిలోకి దిగిన స‌న్‌రైజ‌ర్స్ నిర్ణీత 20 ఓవ‌ర్ల‌లో 6 వికెట్లు కోల్పోయి 186 ప‌రుగులు మాత్ర‌మే చేయ‌గ‌ల్గింది. లక్ష్య​​ చేధనలో ఓపెనర్లు మంచి అరంభం ఇచ్చినప్పటికి, మిడిలార్డర్ విఫలమం కావడంతో ఆరెంజ్ ఆర్మీ ఓటమి చవిచూడాల్సి వచ్చింది. ఎస్‌ఆర్‌హెచ్ బ్యాటర్లలో అభిషేక్ శ‌ర్మ(74) టాప్ స్కోరర్‌గా నిలిచాడు. మిగితా బ్యాటర్లు చెప్పుకోదగ్గ ప్రదర్శన చేయలేకపోయారు. గుజ‌రాత్ బౌల‌ర్ల‌లో ప్ర‌సిద్ద్ కృష్ణ, సిరాజ్ త‌లా రెండు వికెట్లు సాధించ‌గా.. ఇషాంత్ శ‌ర్మ, కోయిట్జీ త‌లా వికెట్ సాధించారు. గిల్ కెప్టెన్ ఇన్నింగ్స్‌..అంత‌కుముందు బ్యాటింగ్ చేసిన గుజ‌రాత్ టైటాన్స్ నిర్ణీత 20 ఓవర్లలో 6 వికెట్ల నష్టానికి 224 పరుగులు చేసింది. గుజరాత్ బ్యాటర్లలో కెప్టెన్ శుబ్‌మన్ గిల్‌(76) టాప్ స్కోరర్‌గా నిలవగా.. జోస్ బట్లర్‌(64), సుదర్శన్‌(48) పరుగులతో రాణించారు. సన్‌రైజర్స్ బౌలర్లలో జయ్‌దేవ్ ఉనద్కట్ మూడు వికెట్లు పడగొట్టగా.. కమ్మిన్స్‌, అన్సారీ తలా వికెట్ సాధించారు. కాగా ఇప్ప‌టివ‌ర‌కు ప‌ది మ్యాచ్‌లు ఆడిన స‌న్‌రైజ‌ర్స్ కేవ‌లం మూడు విజ‌యాల‌తో పాయింట్ల ప‌ట్టిక‌లో రెండోస్దానంలో కొన‌సాగుతోంది.

ఐపీఎల్‌-2025లో గుజ‌రాత్ టైటాన్స్ యువ ఓపెనర్ సాయిసుదర్శన్ తన సూపర్ ఫామ్‌ను కొనసాగిస్తున్నాడు. ఈ మెగా ఈవెంట్‌లో భాగం‍గా అహ్మదాబాద్ వేదికగా సన్‌రైజర్స్ హైదరాబాద్‌తో జరుగుతున్న మ్యాచ్‌లో సుదర్శన్ విధ్వం‍సం సృష్టించాడు. ఇన్నింగ్స్ ఆరంభం నుంచే ఎస్‌ఆర్‌హెచ్ బౌలర్లను ఊతికారేశాడు. ముఖ్యంగా గుజరాత్ ఇన్నింగ్స్ మూడో ఓవర్ వేసిన స్టార్ పేసర్ మహ్మద్ షమీకి సుదర్శన్‌ చుక్కలు చూపించాడు. ఆ ఓవర్‌లో ఐదు ఫోర్ల సాయంతో ఏకంగా 20 పరుగులు పిండుకున్నాడు. ఓవరాల్‌గా 23 బంతులు ఎదుర్కొన్న 9 ఫోర్ల సాయంతో 48 పరుగులు చేసి ఔటయ్యాడు. ఈ క్రమంలో సుదర్శన్ ఓ అరుదైన రికార్డును తన ఖాతాలో వేసుకున్నాడు. టీ20ల్లో అత్యంతవేగంగా 2000 పరుగుల మైలు రాయిని అందుకున్న భార‌త క్రికెట‌ర్‌గా సాయి సుదర్శన్ రి​కార్డు సృష్టించాడు. సుదర్శన్ కేవలం 54 ఇన్నింగ్స్‌లలో అందుకున్నాడు. ఇంత‌కుముందు ఈ రికార్డు భార‌త క్రికెట్ దిగ్గ‌జం స‌చిన్ టెండూల్క‌ర్ పేరిట ఉండేది. సచిన్ ఈ ఘ‌న‌త‌ను 59 ఇన్నింగ్స్‌ల‌లో అందుకున్నాడు. తాజా మ్యాచ్‌తో స‌చిన్ రికార్డును ఈ త‌మిళ‌నాడు బ్యాట‌ర్ బ్రేక్ చేశాడు. ఓవ‌రాల్‌గా ఈ రేర్ ఫీట్ సాధించిన జాబితాలో ఆస్ట్రేలియా మాజీ ఓపెనర్ షాన్ మార్ష్‌(53) అగ్రస్దానంలో ఉండ‌గా.. రెండో స్దానంలో సుద‌ర్శ‌న్ కొన‌సాగుతున్నాడు. ఇప్పటివరకు ఈ రికార్డు బ్రాడ్ హాడ్జ్ , మార్కస్ ట్రెస్కోథిక్, ముహమ్మద్ వసీం పేరిట సంయుక్తంగా ఉండేది. తాజా మ్యాచ్‌తో వీరిని సుదర్శన్ అధిగమించాడు. చ‌ద‌వండి: బాబర్‌ ఆజం, మహ్మద్‌ రిజ్వాన్‌లకు షాక్‌.. అకౌంట్లు బ్లాక్‌

ఐపీఎల్‌ 2025లో ఇవాళ (మే 2) గుజరాత్‌ టైటాన్స్‌, సన్‌రైజర్స్‌ హైదరాబాద్‌ తలపడనున్నాయి. గుజరాత్‌ హోం గ్రౌండ్‌ అహ్మదాబాద్‌లో ఈ మ్యాచ్‌ జరుగనుంది. ఈ మ్యాచ్‌ సన్‌రైజర్స్‌కు అత్యంత​ కీలకంగా పరిగణించబడుతుంది. ఈ మ్యాచ్‌లో ఓడితే ఆ జట్టు ప్లే ఆఫ్స్‌ అవకాశాలు గల్లంతైరనట్లే. ఈ సీజన్‌లో ఇప్పటికే సీఎస్‌కే, రాజస్థాన్‌ రాయల్స్‌ ప్లే ఆఫ్స్‌ రేసు నుంచి నిష్క్రమించాయి.సన్‌రైజర్స్‌ ఇప్పటివరకు ఆడిన 9 మ్యాచ్‌ల్లో మూడు విజయాలు సాధించి, పాయింట్ల పట్టికలో చివరి నుంచి రెండో స్థానంలో ఉంది. గుజరాత్‌ విషయానికొస్తే.. 9 మ్యాచ్‌ల్లో ఆరు విజయాలతో నాలుగో స్థానంలో కొనసాగుతూ, ప్లే ఆఫ్స్‌ బెర్త్‌కు ప్రధాన పోటీదారుగా ఉంది. ప్రస్తుత​ పాయింట్ల పట్టికలో ముంబై, ఆర్సీబీ, పంజాబ్‌ టాప్‌-3లో ఉన్నాయి. ఢిల్లీ, లక్నో, కేకేఆర్‌ ఐదు నుంచి ఏడు స్థానాల్లో ఉన్నాయి.గిల్‌ గాయంపై అప్‌డేట్‌గుజరాత్‌ కెప్టెన్‌ శుభ్‌మన్‌ గిల్‌ రాజస్థాన్‌ రాయల్స్‌తో జరిగిన మ్యాచ్‌ సందర్భంగా గాయపడిన విషయం తెలిసిందే. గిల్‌ ఆ మ్యాచ్‌లో వెన్ను సమస్య కారణంగా ఫీల్డింగ్‌కు (బ్యాటింగ్‌ చేశాడు) దిగలేదు. అతడి గైర్హాజరీలో రషీద్‌ ఖాన్‌ గుజరాత్‌కు కెప్టెన్‌గా వ్యవహరించాడు. గిల్‌ గాయంపై గుజరాత్‌ డైరెక్టర్‌ ఆఫ్‌ క్రికెట్‌ విక్రమ్‌ సోలంకి తాజాగా అప్‌డేట్‌ ఇచ్చాడు. గిల్‌ ఇవాళ సన్‌రైజర్స్‌తో జరుగబోయే ​మ్యాచ్‌లో బరిలోకి దిగుతాడని స్పష్టం చేశాడు.గిల్‌ గాయంపై సానుకూల అప్‌డేట్‌ రావడంతో గుజరాత్‌ అభిమానులు ఊపిరి పీల్చుకున్నారు. లీగ్‌ కీలక దశలో గిల్‌ అందుబాటులో ఉండకపోతే అది గుజరాత్‌ ప్లే ఆఫ్స్‌ అవకాశాలను భారీగా ప్రభావితం చేస్తుంది. ఈ సీజన్‌లో గిల్‌ వ్యక్తిగతంగా అద్భుతమై ఫామ్‌లో కొనసాగుతూ (9 మ్యాచ్‌ల్లో 4 హాఫ్‌ సెంచరీల సాయంతో 389 పరుగులు చేసి ఈ సీజన్‌ లీడింగ్‌ రన్‌ స్కోరర్ల జాబితలో ఏడో స్థానంలో ఉన్నాడు), తన జట్టును కూడా విజయవంతంగా నడిపిస్తున్నాడు. రాజస్థాన్‌ మ్యాచ్‌లో గిల్‌ లేని లోటు స్పష్టంగా కనిపించింది. ఆ మ్యాచ్‌లో రషీద్‌ అనుభవారాహిత్యం కారణంగా గుజరాత్‌ ఓటమిపాలైంది. రషీద్‌ కీలక సమయంలో సరైన నిర్ణయాలు తీసుకోవడంలో విఫలం కావడంతో పాటు బౌలర్లను సరిగ్గా మేనేజ్‌ చేయలేకపోయాడు.నేటి మ్యాచ్‌కు గిల్‌ అందుబాటులోకి రావడం గుజరాత్‌లో జోష్‌ నింపనుంది. ఈ మ్యాచ్‌ గెలిస్తే ఆ జట్టు పాయింట్ల పట్టికలో రెండో స్థానానికి ఎగబాకడంతో పాటు ప్లే ఆఫ్స్‌ బెర్త్‌ను దాదాపుగా ఖరారు చేసుకుంటుంది. ఈ సీజన్‌లో గుజరాత్‌ నేటి మ్యాచ్‌తో కలుపుకుని మరో ఐదు మ్యాచ్‌లు ఆడాల్సి ఉంది. మే 6న ముంబై ఇండియన్స్‌తో, మే 11న ఢిల్లీ క్యాపిటల్స్‌తో, మే 14న లక్నోతో, మే 18న సీఎస్‌కేతో తలపడనుంది.నేటి మ్యాచ్‌కు తుది జట్లు (అంచనా)గుజరాత్‌: శుభ్‌మన్ గిల్ (C), సాయి సుదర్శన్, జోస్ బట్లర్ (WK), షెర్ఫాన్ రూథర్‌ఫోర్డ్, షారుక్ ఖాన్, వాషింగ్టన్ సుందర్, రాహుల్ తెవాటియా, రషీద్ ఖాన్, సాయి కిషోర్, మహమ్మద్ సిరాజ్, ప్రసిద్ధ్ కృష్ణ, ఇషాంత్ శర్మసన్‌రైజర్స్‌: ట్రావిస్ హెడ్, అభిషేక్ శర్మ, ఇషాన్ కిషన్, నితీష్ కుమార్ రెడ్డి, హెన్రిచ్ క్లాసెన్ (WK), అనికేత్ వర్మ, కమిందు మెండిస్, పాట్ కమిన్స్ (C), హర్షల్ పటేల్, సిమర్జీత్ సింగ్, జీషన్ అన్సారీ, మహమ్మద్ షమీ

అహ్మదాబాద్‌: సీజన్‌లో ఐదు మ్యాచ్‌లు మిగిలి ఉన్నాయి...అన్నీ గెలిస్తే ఎలాంటి ఇబ్బందీ లేకుండా ప్లే ఆఫ్స్‌కు చేరవచ్చు. నాలుగు గెలిస్తే వేర్వేరు సమీకరణాలు, ఇతర జట్ల ఫలితాలపై ఆధారపడి ఆశలు పెట్టుకోవచ్చు... ఐపీఎల్‌–2025లో సన్‌రైజర్స్‌ హైదరాబాద్‌ తాజా పరిస్థితి ఇది. పూర్తిగా దారులు మూసుకుపోకుండా రేసులో నిలవాలంటే తప్పనిసరిగా గెలవాల్సిన మ్యాచ్‌లో నేడు హైదరాబాద్‌ బరిలోకి దిగుతోంది. గుజరాత్‌ టైటాన్స్‌ను వారి సొంతగడ్డపై సన్‌రైజర్స్‌ ఎదుర్కొంటుంది. ఇరు జట్ల మధ్య ఉప్పల్‌లో జరిగిన గత మ్యాచ్‌లో టైటాన్స్‌ 7 వికెట్ల తేడాతో సునాయాస విజయం సాధించింది. నరేంద్ర మోదీ స్టేడియంలో ఈ సీజన్‌లో జరిగిన ఎనిమిది ఇన్నింగ్స్‌లలో ఐదుసార్లు 200 పరుగులకంటే ఎక్కువ స్కోర్లు నమోదయ్యాయి. ఈ మ్యాచ్‌లో కూడా భారీ స్కోరుకు అవకాశం ఉంది. శుక్రవారం దాదాపు 42 డిగ్రీల ఉష్ణోగ్రత మధ్య ఆటగాళ్లు పోరాడాల్సి రావచ్చు. సమష్టిగా రాణిస్తేనే... గత ఏడాదితో పోలిస్తే ఈసారి సన్‌రైజర్స్‌ బ్యాటింగ్‌ చాలా వరకు విఫలమైంది. అక్కడక్కడ కొన్ని మెరుపులు కనిపించినా ఓవరాల్‌గా ఆశించిన ప్రదర్శన రాలేదు. అయితే ఇప్పటికీ జట్టు విజయావకాశాలు ముగ్గురు బ్యాటర్లు హెడ్, అభిషేక్, క్లాసెన్‌లపైనే ఆధారపడి ఉన్నాయి. వీరు బాగా ఆడినప్పుడు మాత్రమే టీమ్‌కు సానుకూల ఫలితం వచి్చంది. ఓపెనర్లుగా హెడ్, అభిషేక్‌ ఈ సీజన్‌లో ఓవర్‌కు 10.89 రన్‌రేట్‌తో 316 పరుగులు జోడించారు. మరోసారి వీరిద్దరు సత్తా చాటాల్సి ఉంది. మిడిలార్డర్‌లో 156.52 స్ట్రయిక్‌ రేట్‌తో క్లాసెన్‌ ధాటిని చూపిస్తున్నాడు. తొలి మ్యాచ్‌లో సెంచరీ తర్వాత వరుసగా విఫలమై గత మ్యాచ్‌లో రాణించిన ఇషాన్‌ కిషన్‌ అదే జోరును కొనసాగించాల్సి ఉంది. మరీ పేలవంగా ఆడుతున్న నితీశ్‌ కుమార్‌ రెడ్డి ఈ సారైనా దూకుడును ప్రదర్శిస్తాడా చూడాలి. బౌలింగ్‌లో హైదరాబాద్‌ పరిస్థితి ఏమాత్రం గొప్పగా లేదు. హర్షల్‌ పటేల్‌ 13 వికెట్లు తీసినా అందులో లోయర్‌ ఆర్డర్‌వే ఎక్కువగా ఉన్నాయి. కమిన్స్, షమీ, మలింగ పూర్తిగా విఫలమయ్యారు. స్పిన్నర్లు అన్సారీ, కమిందు మాత్రమే కాస్త ఫర్వాలేదనిపిస్తున్నారు. ఇలాంటి స్థితిలో ప్రత్యర్థి వేదికపై విజయం దక్కాలంటే సన్‌రైజర్స్‌ రెట్టింపు శ్రమించాల్సి ఉంటుంది. చెన్నైపై విజయం సాధించిన తర్వాత విహారయాత్రకు వెళ్లి కొత్త ఉత్సాహంతో తిరిగొచి్చన ఆటగాళ్లు మైదానంలో ఎలా చెలరేగుతారనేది ఆసక్తికరం. సొంతగడ్డపై ఉత్సాహంగా...రాజస్తాన్‌తో ఆడిన గత మ్యాచ్‌లో 209 పరుగులు చేసిన కూడా వైభవ్‌ సూర్యవంశీ దెబ్బకు గుజరాత్‌ అనూహ్యంగా ఓటమి పాలైంది. అయితే సీజన్‌లో ఇప్పటి వరకు టీమ్‌ నిలకడైన ప్రదర్శనను కనబరుస్తోంది. చక్కటి ఓపెనింగ్‌ భాగస్వామ్యంతో సాయిసుదర్శన్‌ (456 పరుగులు), శుబ్‌మన్‌ గిల్‌ (389) శుభారంభాలు అందిస్తుండగా, మూడో స్థానంలో బట్లర్‌ (406) చెలరేగిపోతున్నాడు. ఈ ముగ్గురితో పాటు చివర్లో రూథర్‌ఫర్డ్‌ కూడా 150కి పైగా స్ట్రయిక్‌రేట్‌తో పరుగులు సాధించడం విశేషం. టాప్‌–3 కలిసి ఈ సీజన్‌లో 13 అర్ధ సెంచరీలు నమోదు చేయడం విశేషం. వీరు తమ ఫామ్‌ను కొనసాగిస్తే సన్‌రైజర్స్‌కు ఇబ్బందులు తప్పకపోవచ్చు. బౌలింగ్‌ విభాగంలోనూ టైటాన్స్‌ పటిష్టంగా ఉంది. ప్రసిధ్‌ కృష్ణ (17 వికెట్లు), సాయికిషోర్‌ (12), సిరాజ్‌ (12) ప్రత్యర్థి బ్యాటర్లను నిలువరించడంలో సఫలమయ్యారు. లెగ్‌స్పిన్నర్‌ రషీద్‌ ఖాన్‌ పెద్ద సంఖ్యలో వికెట్లు తీయలేకపోయినా... భారీ స్కోర్లు నమోదవుతున్న ఈ సీజన్‌లో 9కంటే తక్కువ ఎకానమీతో పరుగులు ఇచ్చాడు. ఈ మైదానంలో ఆడిన నాలుగు మ్యాచ్‌లలో గుజరాత్‌ మూడు విజయాలు సాధించింది.

వైభవ్‌ సూర్యవంశీ.. క్రికెట్‌ వర్గాల్లో ఎక్కడ చూసినా అతడి గురించే చర్చ. పద్నాలుగేళ్ల వయసులోనే టీ20 క్రికెట్‌లో చరిత్ర సృష్టించిన ఈ చిచ్చర పిడుగును చూసి దిగ్గజ ఆటగాళ్లే ఆశ్చర్యపోతున్నారు. ఏమాత్రం భయం లేకుండా అంతర్జాతీయ స్థాయి బౌలర్లను ఎదుర్కొన తీరు తనకు ముచ్చటగొలిపిందని భారత లెజెండరీ బ్యాటర్‌ సచిన్‌ టెండుల్కర్‌ వైభవ్‌ను కొనియాడాడు.అసలు పద్నాలుగేళ్ల వయసులో ఇలాంటి ఆటను అస్సలు ఊహించలేమని.. వైభవ్‌ మాత్రం బౌలర్లకు కాళరాత్రిని మిగిల్చి చరిత్రలో తన పేరు లిఖించుకున్నాడని మాజీ ఆల్‌రౌండర్‌ యువరాజ్‌ సింగ్‌ అబ్బురపడ్డాడు. ఇర్ఫాన్‌ పఠాన్‌, యూసఫ్‌ పఠాన్‌, రాహుల్‌ ద్రవిడ్‌, మైకేల్‌ హస్సీ వంటి వారంతా రాజస్తాన్‌ రాయల్స్‌ యువ సంచలనం వైభవ్‌ ఆట తీరుపై ప్రశంసలు కురిపించారు.అయితే, టీమిండియా మాజీ కోచ్‌, కామెంటేటర్‌ రవిశాస్త్రి మాత్రం కాస్త భిన్నంగా స్పందించాడు. ఇప్పడే వైభవ్‌ సూర్యవంశీపై ఓ అంచనాకు రాకూడదని.. భవిష్యత్తులో అతడు కఠిన సవాళ్లు ఎదుర్కోబోతున్నాడని పేర్కొన్నాడు. వైఫల్యాలు, ఒత్తిడిని అధిగమించే తీరుపైనే అతడి ఫ్యూచర్‌ ఆధారపడి ఉంటుందని వ్యాఖ్యానించాడు.ఈ మేరకు ఐసీసీ రివ్యూ షోలో భాగంగా రవిశాస్త్రి.. స్పోర్ట్స్‌ ప్రజెంటర్‌ సంజనా గణేషన్‌తో మాట్లాడుతూ.. వైభవ్‌ అరంగేట్రంలో ఆడిన తీరు తనను ఆశ్చర్యానికి గురిచేసిందన్నాడు. అతడికి అసాధారణ నైపుణ్యాలు ఉన్నాయని కొనియాడాడు. ‘‘లక్నో సూపర్‌ జెయింట్స్‌తో మ్యాచ్‌లో అతడు కొట్టిన మొదటి షాట్‌ ప్రేక్షకులను ఊపిరి బిగపట్టేలా చేసింది.అయితే, అతడు ఇంకా చిన్న పిల్లాడే. ఈ వయసులో వైఫల్యాలను ఎలా ఎదుర్కొంటాడో కూడా చూడాలి. ముఖ్యంగా తొలి బంతినే సిక్సర్‌గా మలిచిన వైభవ్‌ పట్ల బౌలర్లు ఇకపై కనికరం చూపబోరు.అతడి వయసు 14 లేదంటే 12, 20 ఏళ్లా అని చూడరు. అతడి ఆటకు తగ్గట్లుగా సరైన వ్యూహాలు, ప్రణాళికలతో ముందుకు వస్తారు. అలాంటి వారిని వైభవ్‌ ఎలా ఎదుర్కొంటాడో చూడాలి. అప్పుడే అతడి ఆట తీరుపై సరైన అవగాహన, అంచనాకు రాగలము’’ అని రవిశాస్త్రి పేర్కొన్నాడు. క్రమశిక్షణతో ముందుకు సాగితేనే ఉజ్వల భవిష్యత్తు ఉంటుందని వైభవ్‌కు ఈ సందర్భంగా సలహా ఇచ్చాడు.కాగా ఐపీఎల్‌-2025 మెగా వేలంలో రాజస్తాన్‌ రాయల్స్‌ 1.10 కోట్లకు బిహార్‌ కుర్రాడు వైభవ్‌ సూర్యవంశీని కొనుగోలు చేసింది. కెప్టెన్‌ సంజూ శాంసన్‌ గాయం కారణంగా అతడికి రాజస్తాన్‌ ఓపెనర్‌గా అవకాశం వచ్చింది. లక్నో సూపర్‌ జెయింట్స్‌తో మ్యాచ్‌ సందర్భంగా ఐపీఎల్‌లో అరంగేట్రం చేసిన వైభవ్‌.. ఎదుర్కొన్న తొలి బంతినే సిక్సర్‌గా మలిచి రికార్డులకెక్కాడు.ఆడిన తొలి మ్యాచ్‌లో 20 బంతులు ఎదుర్కొని 34 పరుగులు సాధించిన ఈ ఎడమచేతి వాటం బ్యాటర్‌.. చివరగా గుజరాత్‌ టైటాన్స్‌తో మ్యాచ్‌లో ఆకాశమే హద్దుగా చెలరేగాడు. ముప్పై ఐదు బంతుల్లోనే శతక్కొట్టి సరికొత్త చరిత్ర సృష్టించాడు. ఈ నేపథ్యంలో వైభవ్‌పై ప్రశంసలు కురిపిస్తూనే.. ఇక ముందు మరింత జాగ్రత్తగా ఆడాలంటూ రవిశాస్త్రి హెచ్చరించాడు. In case you missed it… 🍿🔥pic.twitter.com/rOXwTuxgyX— Rajasthan Royals (@rajasthanroyals) April 29, 2025

సచిన్‌ వేగాన్ని ఆరాధించాం. సెహ్వాగ్‌ దూకుడును చూశాం. రో‘హిట్స్‌’ను ఆస్వాదించాం. కోహ్లి ‘షో’కు ముచ్చటపడ్డాం. వీళ్లందరూ ప్రొఫెషనల్‌ క్రికెటర్లు. కానీ వైభవ్‌ సూర్యవంశీ మాత్రం కాదు. 14 ఏళ్ల ఈ కుర్రాడు ఓ అనామకుడు. ఇంకా చెప్పాలంటే ఈ మ్యాచ్‌కు ముందు బహుశా చాలా మందికి అతనెవరో తెలియదు. కానీ తెలుసుకుంటారు. నెట్టింట గూగుల్‌లో సెర్చ్‌ చేస్తారు. ‘లైక్‌’లు కొట్టే షాట్లను ఫోన్‌ కెమెరాల్లో బంధించారు. ‘షేర్‌’ చేసే సమయం ఇవ్వనంతగా సిక్స్‌ల ‘షో’ చూశారు. 35 బంతుల సెంచరీకి ‘సబ్‌ స్క్రైబ్‌’ అయిపోయారు. ఐపీఎల్‌ కొత్త వైభవానికి పండగ చేసుకున్నారు. జైపూర్‌: ఐపీఎల్‌ 2008లో పుట్టింది. లీగ్‌ పుట్టిన మూడేళ్ల (2011లో) తర్వాత లోకం చూసిన బుడ్డొడిని పురుడు పోసిన కొద్దిమందే చూశారు! 14 ఏళ్లు తిరిగేసరికి ఇప్పుడా కుర్రాడిని మొత్తం క్రికెట్‌ ప్రపంచమే చూసి మురిసింది. అ బుడ్డొడు... ఇప్పటి కుర్రాడు... వైభవ్‌ సూర్యవంశీ. ఐపీఎల్‌లో అతనొక సంచలనం. బ్యాటింగ్‌ మెరుపులకే వైభోగం. క్రికెట్‌ ప్రేక్షకులకి కనుల పండగ అతని శతకం. బంతి సిక్స్‌లకే ఫిక్స్‌ అయినట్లు... అతని బ్యాట్‌ షాట్‌లకే అలవాటైనట్లు... అతని ‘షో’కు బంతులన్నీ దాసోహమైనట్లు అలవోకగా ఆడేశాడు.వైభవ్‌ (38 బంతుల్లో 101; 7 ఫోర్లు, 11 సిక్స్‌లు) శతకానికి జైపూర్‌లో నిశిరాతిరి కూడా వెలుగులు విరజిమ్మింది. టాస్‌ ఓడి ముందుగా బ్యాటింగ్‌కు దిగిన గుజరాత్‌ నిర్ణీత 20 ఓవర్లలో 4 వికెట్ల నష్టానికి 209 పరుగుల భారీస్కోరు చేసింది. శుబ్‌మన్‌ గిల్‌ (50 బంతుల్లో 84; 5 ఫోర్లు, 4 సిక్స్‌లు), జోస్‌ బట్లర్‌ (26 బంతుల్లో 50 నాటౌట్‌; 3 ఫోర్లు, 4 సిక్స్‌లు) అర్ధసెంచరీలతో కదంతొక్కారు. అనంతరం రాజస్తాన్‌ రాయల్స్‌ 15.5 ఓవర్లలోనే కేవలం రెండే వికెట్లు కోల్పోయి 212 పరుగులు చేసి గెలిచింది. యశస్వీ జైస్వాల్‌ (40 బంతుల్లో 70 నాటౌట్‌; 9 ఫోర్లు, 2 సిక్స్‌లు) చెలరేగాడు. ఫిఫ్టీలో 48 పరుగులు... సిక్స్‌లు, ఫోర్లతోనే... పెద్ద లక్ష్యం... ఛేదించడం కష్టం... ఇలాంటి పరిస్థితుల మధ్య పరుగుల వేట మొదలుపెట్టిన యశస్వి జైస్వాల్, వైభవ్‌ సూర్యవంశీ (Vaibhav Suryavanshi) పరుగుల ఉప్పెన చూపెట్టారు. ముఖ్యంగా 14 ఏళ్ల వైభవ్‌ ఆట అసాంతం హైలైట్స్‌నే తలపించింది. సూర్యవంశీ షాట్ల ఎంపిక, సిక్స్‌ల తుఫాన్‌ ఒక్క మైదానాన్నే కాదు... క్రికెట్‌ ప్రపంచాన్నే తనవైపు తిప్పుకుంది. జైస్వాల్‌ పరుగుతో మొదలైన తొలిఓవర్‌ వైభవ్‌ సిక్సర్‌తో ఊపందుకుంది. రెండో ఓవర్లో యశస్వి సిక్స్‌ బాదడంతో రెండు ఓవర్లలో 19 పరుగులు వచ్చాయి. కానీ ఆ తర్వాతే విధ్వంసరచన మొదలైంది. సిరాజ్‌ మూడో ఓవర్లో జైస్వాల్‌ 3 ఫోర్లు కొట్టాడు. 3 ఓవర్లలో జట్టు స్కోరు 32. అప్పటికింకా వైభవ్‌ (9) పది పరుగులైనా చేయలేదు. ఇషాంత్‌ నాలుగో ఓవర్‌తో అతని షో మ్యాచ్‌ రూపాన్ని మార్చింది. 6, 6, 4, 0, 6, వైడ్, వైడ్, 4లతో ఏకంగా 28 పరుగులు పిండుకున్నాడు. తర్వాత ఐదో ఓవర్లో జైస్వాల్‌ బౌండరీ, సింగిల్‌ తీసివ్వగా, వైభవ్‌ 6, 0, 6, 4... ఈ బౌండరీతోనే 17 బంతుల్లోనే అతని ఫాస్టెస్ట్‌ అర్ధసెంచరీ అది కూడా ఐదో ఓవర్లోనే పూర్తయ్యింది. ఇందులో 3 బౌండరీలు, 6 సిక్స్‌లు అంటే 48 పరుగులు మెరుపులే! ఇలా ‘పవర్‌ ప్లే’నే పరుగెత్తుకున్న చందంగా, బౌండరీ లైన్‌–బంతి ముద్దు ముచ్చటలాడిన విధంగా అతని విధ్వంసం సాగింది. 35 బంతుల్లో భారతీయ శతకం రాయల్స్‌ జట్టు 6 ఓవర్లలో 87/0 స్కోరు చేసింది. జైస్వాల్‌ కొట్టిన వరుస బౌండరీలతో ప్రసిధ్‌ కృష్ణ 8వ ఓవర్లో జట్టు స్కోరు వందను దాటింది. ఇంకా డజను ఓవర్లు మిగిలివుంటే చేయాల్సిన లక్ష్యం (102) సగం కంటే తక్కువగా కరిగింది. ఐపీఎల్‌ అరంగేట్రం చేసిన కరీమ్‌ జనత్‌ వేసిన పదో ఓవర్లో అయితే వైభవ్‌ వీరబాదుడికి సిక్స్, ఫోర్‌ పోటీపడినట్లుగా అనిపించింది. 6, 4, 6, 4, 4, 6లతో 30 పరుగుల్ని రాబట్టాడు. 10 ఓవర్లలో 144/0 స్కోరు చేసింది. రషీద్‌ఖాన్‌ వేసిన మరుసటి ఓవర్లోనే మిడ్‌వికెట్‌ మీదుగా బాదిన సిక్స్‌తో వైభవ్‌ సెంచరీ 35 బంతుల్లోనే పూర్తయ్యింది. గేల్‌ (30 బంతుల్లో) తర్వాత ఐపీఎల్‌ చరిత్రలో రెండో వేగవంతమైన శతకం కాగా... భారత ఆటగాడు కొట్టిన తొలి ఫాస్టెస్ట్‌ సెంచరీగా పుటలకెక్కింది. 12వ ఓవర్లో వైభవ్‌ను బౌల్డ్‌ చేయడం ద్వారా ప్రసిధ్‌ కృష్ణ తొలివికెట్‌ను తీశాడు. 166 పరుగుల ఓపెనింగ్‌ వికెట్‌కు తెరపడింది. నితీశ్‌ (4) విఫలమైనా... మిగతా లాంఛనాన్ని జైస్వాల్, కెప్టెన్‌ రియాన్‌ పరాగ్‌ (15 బంతుల్లో 32 నాటౌట్‌; 2 ఫోర్లు, 2 సిక్స్‌లు) కూడా అంతే వేగంగా ముగించారు. స్కోరు వివరాలు గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (సి) పరాగ్‌ (బి) తీక్షణ 39; గిల్‌ (సి) పరాగ్‌ (బి) తీక్షణ 84; బట్లర్‌ (నాటౌట్‌) 50; వాషింగ్టన్‌ సుందర్‌ (సి) హెట్‌మైర్‌ (బి) సందీప్‌ 13; తెవాటియా (ఎల్బీడబ్ల్యూ) (బి) ఆర్చర్‌ 9; షారుఖ్‌ ఖాన్‌ (నాటౌట్‌) 5; ఎక్స్‌ట్రాలు 9; మొత్తం (20 ఓవర్లలో 4 వికెట్లకు) 209. వికెట్ల పతనం: 1–93, 2–167, 3–193, 4–202. బౌలింగ్‌: ఆర్చర్‌ 4–0–49–1, తీక్షణ 4–0–35–2, యు«ద్‌వీర్‌ 3–0–38–0, సందీప్‌ శర్మ 4–0–33–1, పరాగ్‌ 1–0–14–0, హసరంగ 4–0–39–0. రాజస్తాన్‌ రాయల్స్‌ ఇన్నింగ్స్‌: జైస్వాల్‌ (నాటౌట్‌) 70; వైభవ్‌ (బి) ప్రసిధ్‌ కృష్ణ 101; నితీశ్‌ రాణా (ఎల్బీడబ్ల్యూ) (బి) రషీద్‌ ఖాన్‌ 4; పరాగ్‌ (నాటౌట్‌) 32; ఎక్స్‌ట్రాలు 5; మొత్తం (15.5 ఓవర్లలో 2 వికెట్లకు) 212. వికెట్ల పతనం: 1–166, 2–171. బౌలింగ్‌: సిరాజ్‌ 2–0–24–0, ఇషాంత్‌ 2–0–36–0, సుందర్‌ 1.5–0–34–0, ప్రసిధ్‌ కృష్ణ 4–0–47–1, రషీద్‌ 4–0–24–1, కరీమ్‌ 1–0–30–0, సాయి కిషోర్‌ 1–0–16–0. వైభవ్‌ సూర్యవంశీ రికార్డులు → టి20 క్రికెట్‌ చరిత్రలో సెంచరీ చేసిన పిన్న వయసు్కడిగా వైభవ్‌ (14 ఏళ్ల 32 రోజులు) ప్రపంచ రికార్డు సృష్టించాడు. గతంలో ఈ రికార్డు భారత్‌కే చెందిన మహారాష్ట్ర ప్లేయర్‌ విజయ్‌ జోల్‌ (18 ఏళ్ల 118 రోజులు; ముంబైపై 2013లో) పేరిట ఉంది. → ఐపీఎల్‌లో అర్ధ సెంచరీ, సెంచరీ చేసిన పిన్న వయస్కుడిగా వైభవ్‌ ఘనత వహించాడు. గతంలో అర్ధ సెంచరీ రికార్డు రియాన్‌ పరాగ్‌ (17 ఏళ్ల 175 రోజులు; 2019లో) పేరిట, సెంచరీ రికార్డు మనీశ్‌ పాండే (19 ఏళ్ల 253 రోజులు; 2009లో) పేరిట నమోదయ్యాయి. → ఐపీఎల్‌లో ఫాస్టెస్ట్‌ సెంచరీ చేసిన భారతీయ ప్లేయర్‌గానూ వైభవ్‌ గుర్తింపు పొందాడు. యూసుఫ్‌ పఠాన్‌ (37 బంతుల్లో ముంబై ఇండియన్స్‌పై 2010లో) పేరిట ఉన్న రికార్డును వైభవ్‌ బద్దలు కొట్టాడు. క్రిస్‌ గేల్‌ (30 బంతుల్లో 2013లో పుణే వారియర్స్‌పై) తర్వాత ఐపీఎల్‌లో రెండో ఫాస్టెస్ట్‌ సెంచరీ చేసిన ప్లేయర్‌ వైభవే కావడం విశేషం.చాలా ఆనందంగా ఉంది. ఐపీఎల్‌లో ఆడిన మూడో ఇన్నింగ్స్‌లోనే సెంచరీ చేయడం సంతోషం. మూడు, నాలుగు నెలల నుంచి పడ్డ కష్టానికి ప్రతిఫలం దక్కింది. నేను బౌలర్లు ఎవరనే విషయాన్ని పెద్దగా పట్టించుకోను. కేవలం బంతి మీదే దృష్టి పెడతా. యశస్వి జైస్వాల్‌తో కలిసి బ్యాటింగ్‌ చేయడం సౌకర్యవంతంగా ఉంటుంది. అవసరమైనప్పుడు సలహాలు ఇవ్వడంతో పాటు ఆత్మవిశ్వాసం నింపుతాడు. దీంతో బ్యాటింగ్‌ చేయడం సులువవుతుంది. ఐపీఎల్‌లో సెంచరీ చేయాలన్నది నా కల. క్రీజులో అడుగు పెట్టాక భయపడను. అసలు వేరే ఏ అంశాలను పట్టించుకోను. కేవలం నా ఆటపైనే దృష్టి పెడతా. – వైభవ్‌ సూర్యవంశీ

IPL Rajasthan Royals vs Gujarat Titans Live Updates:గుజ‌రాత్‌ను చిత్తు చేసిన రాజ‌స్తాన్‌జైపూర్ వేదికగా గుజ‌రాత్ టైటాన్స్‌లో జ‌రిగిన మ్యాచ్‌లో 8 వికెట్ల తేడాతో రాజ‌స్తాన్ రాయ‌ల్స్ ఘ‌న‌ విజ‌యం సాధించింది. ఈ విజ‌యంతో రాజ‌స్తాన్ త‌మ ప్లే ఆఫ్ ఆశ‌ల‌ను స‌జీవంగా ఉంచుకుంది. 210 ప‌రుగుల భారీ ల‌క్ష్యాన్ని రాజ‌స్తాన్ కేవ‌లం రెండు వికెట్లు మాత్రమే కోల్పోయి 15.5 ఓవ‌ర్లలో చేధించింది. రాజ‌స్తాన్ బ్యాట‌ర్ల‌లో యువ సంచ‌ల‌నం వైభ‌వ్ సూర్య‌వంశీ అద్భుత‌మైన సెంచ‌రీతో చెల‌రేగాడు. కేవ‌లం 35 బంతుల్లోనే తొలి ఐపీఎల్ సెంచ‌రీని అందుకున్నాడు. ఐపీఎల్ ఫాస్టెస్ట్ సెంచ‌రీ చేసిన రెండో ఆట‌గాడిగా 14 ఏళ్ల వైభ‌వ్ రికార్డుల‌కెక్కాడు. ఓవరాల్‌గా 38 బంతుల్లో 7 ఫోర్లు, 11 సిక్స్‌లతో 101 పరుగులు చేసి ఔటయ్యాడు. అత‌డితో పాటు య‌శ‌స్వి జైశ్వాల్(40 బంతుల్లో 9 ఫోర్లు, 2 సిక్స్‌ల‌తో 70 నాటౌట్‌) సైతం కీల‌క ఇన్నింగ్స్ ఆడాడు. గుజ‌రాత్ బౌల‌ర్లు పూర్తిగా తేలిపోయారు. ప్రసిద్ద్‌, ర‌షీద్ ఖాన్ మాత్ర‌మే చెరో వికెట్ సాధించారు.రాజస్తాన్ రెండో వికెట్ డౌన్‌..సూర్యవంశీ రూపంలో రాజస్తాన్ రెండో వికెట్ కోల్పోయింది.101 పరుగులు చేసిన సూర్యవంశీ.. ప్రసిద్ద్ కృష్ణ బౌలింగ్‌లో ఔటయ్యాడు. 12 ఓవర్లకు రాజస్తాన్ వికెట్ నష్టానికి 170 పరుగులు చేసింది.35 బంతుల్లో సూపర్‌ సెంచరీగుజరాత్ టైటాన్స్‌తో జరుగుతున్న మ్యాచ్‌లో రాజస్తాన్ రాయల్స్ యువ ఓపెనర్‌ సూర్యవంశీ సెంచరీతో చెలరేగాడు. కేవలం 35 బంతుల్లోనే తన తొలి ఐపీఎల్ సెంచరీ మార్క్‌ను అందుకున్నాడు. అతడి ఇన్నింగ్స్‌లో 7 ఫోర్లు, 11 సిక్స్‌లు ఉన్నాయి. 11 ఓవర్లు ముగిసే సరికి రాజస్తాన్ వికెట్ నష్టానికి 155 పరుగులు చేసింది. క్రీజులో సూర్యవంశీ(101), జైశ్వాల్‌(49) ఉన్నారు.సూర్యవంశీ విధ్వంసంగుజరాత్ టైటాన్స్‌తో జరుగుతున్న మ్యాచ్‌లో 14 ఏళ్ల సూర్యవంశీ విధ్వంసం సృష్టించాడు. కేవలం 17 బంతుల్లోనే 3 ఫోర్లు, 6 సిక్స్‌లతో తన తొలి ఐపీఎల్ హాఫ్ సెంచరీని అందుకున్నాడు. 6 ఓవర్లు ముగిసే సరికి రాజస్తాన్ వికెట్ నష్టపోకుండా 87 పరుగులు చేసింది.దూకుడుగా ఆడుతున్న రాజస్తాన్‌..రాజస్తాన్ రాయల్స్ ఓపెనర్లు వైభవ్ సూర్యవన్షీ(35), యశస్వీ జైశ్వాల్ దూకుడుగా ఆడుతున్నారు. 4 ఓవర్లు ముగిసే సరికి రాజస్తాన్ వికెట్ నష్టపోకుండా 60 పరుగులు చేసింది.దూకుడుగా ఆడుతున్న రాజస్తాన్‌..3 ఓవర్లు ముగిసే సరికి వికెట్ నష్టపోకుండా 32 పరుగులు చేసింది. క్రీజులో జైశ్వాల్‌(21), వైభవ్ సూర్యవంశీ(9) ఉన్నారు.చెలరేగిన గిల్‌.. రాజస్తాన్ ముందు భారీ టార్గెట్‌జైపూర్ వేదిక‌గా రాజ‌స్తాన్ రాయ‌ల్స్‌తో జ‌రుగుతున్న మ్యాచ్‌లో గుజ‌రాత్ టైటాన్స్ బ్యాట‌ర్లు విధ్వంసం సృష్టించారు. టాస్ ఓడి తొలుత బ్యాటింగ్‌కు దిగిన గుజరాత్ నిర్ణీత 20 ఓవర్లలో 4 వికెట్ల నష్టానికి 209 పరుగులు చేసింది. గుజరాత్ బ్యాటర్లలో శుబ్‌మన్ గిల్ మరోసారి తన బ్యాట్‌కు పని చెప్పాడు. 50 బంతుల్లో 5 ఫోర్లు, 4 సిక్స్‌లతో 84 పరుగులు చేసి గిల్ ఔటయ్యాడు. అతడితో పాటు బట్లర్‌(50), సాయిసుదర్శన్‌(39) రాణించారు. రాజస్తాన్ బౌలర్లలో థీక్షణ రెండు, అర్చర్‌, సందీప్ శర్మ తలా వికెట్ సాధించారు.గుజ‌రాత్ రెండో వికెట్ డౌన్‌..శుబ్‌మ‌న్ గిల్ రూపంలో గుజ‌రాత్ రెండో వికెట్ కోల్పోయింది. 84 పరుగులుచేసిన గిల్‌.. థీక్ష‌ణ బౌలింగ్‌లో ఔట‌య్యాడు. 17 ఓవ‌ర్ల‌కు గుజ‌రాత్ రెండు వికెట్ల న‌ష్టానికి 168 ప‌రుగులు చేసింది. క్రీజులో బ‌ట్ల‌ర్‌(37), సుంద‌ర్‌(1) ఉన్నారు.భారీ స్కోర్ దిశ‌గా గుజ‌రాత్..15 ఓవ‌ర్లు ముగిసే స‌రికి గుజ‌రాత్ వికెట్ న‌ష్టానికి 149 ప‌రుగులు చేసింది. క్రీజులో జోస్ బ‌ట్ల‌ర్‌(30), గిల్‌(77) ఉన్నారు.శుబ్‌మ‌న్ గిల్ ఫిప్టీ..జైపూర్ వేదిక‌గా రాజ‌స్తాన్ రాయ‌ల్స్‌తో జ‌రుగుతున్న మ్యాచ్‌లో గుజ‌రాత్ టైటాన్స్ కెప్టెన్ శుబ్‌మ‌న్ గిల్ హాఫ్ సెంచ‌రీ సాధించాడు.51 ప‌రుగుల‌తో గిల్ త‌న బ్యాటింగ్‌ను కొన‌సాగిస్తున్నాడు. 10 ఓవ‌ర్లు ముగిసే స‌రికి గుజ‌రాత్ వికెట్ న‌ష్టపోకుండా 92 ప‌రుగులు చేసింది. క్రీజులో గిల్‌తో పాటు సుద‌ర్శ‌న్‌(39) ఉన్నారు.3 ఓవ‌ర్ల‌కు గుజ‌రాత్ స్కోర్‌: 27/0మూడు ఓవ‌ర్లు ముగిసే స‌రికి గుజ‌రాత్ టైటాన్స్ వికెట్ న‌ష్ట‌పోకుండా 27 ప‌రుగులు చేసింది. క్రీజులో శుబ్‌మ‌న్ గిల్‌(16), సుద‌ర్శ‌న్‌(11) ఉన్నారు.ఐపీఎల్‌-2025లో జైపూర్ వేదిక‌గా రాజ‌స్తాన్ రాయ‌ల్స్‌, గుజ‌రాత్ టైటాన్స్ జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన రాజ‌స్తాన్ తొలుత బౌలింగ్ ఎంచుకుంది. ఈ మ్యాచ్ రాజ‌స్తాన్‌కు చాలా కీల‌కం. గుజ‌రాత్‌పై గెలిస్తేనే ప్లే ఆఫ్స్ ఆశ‌ల‌ను రాజ‌స్తాన్ స‌జీవంగా ఉంచుకుంటుంది.ఈ మ్యాచ్ రాయ‌ల్స్ రెండు మార్పుల‌తో బ‌రిలోకి దిగింది. మ‌తీషా థీక్ష‌ణ‌,యుద్ద్‌వీర్ సింగ్ తుది జ‌ట్టులోకి వ‌చ్చారు. అదేవిధంగా గుజరాత్ త‌ర‌పున క‌రీమ్ జ‌న‌త్ ఐపీఎల్ అరంగేట్రం చేశాడు.తుది జ‌ట్లుగుజరాత్ టైటాన్స్ (ప్లేయింగ్ XI): సాయి సుదర్శన్, శుభ్‌మన్ గిల్(కెప్టెన్‌), జోస్ బట్లర్(వికెట్ కీప‌ర్), వాషింగ్టన్ సుందర్, షారుక్ ఖాన్, రాహుల్ తెవాటియా, కరీం జనత్, రషీద్ ఖాన్, రవిశ్రీనివాసన్ సాయి కిషోర్, మహ్మద్ సిరాజ్, ప్రసిద్ధ్ కృష్ణరాజస్థాన్ రాయల్స్ (ప్లేయింగ్ XI): యశస్వి జైస్వాల్, వైభవ్ సూర్యవంశీ, నితీష్ రాణా, రియాన్ పరాగ్(కెప్టెన్‌), ధృవ్ జురెల్(వికెట్ కీప‌ర్‌), షిమ్రాన్ హెట్మెయర్, వనిందు హసరంగా, జోఫ్రా ఆర్చర్, మహేశ్ తీక్షణ, సందీప్ శర్మ, యుధ్వీర్ సింగ్ చరక్”

జైపూర్‌: ఇండియన్‌ ప్రీమియర్‌ లీగ్‌ (ఐపీఎల్‌) 18వ సీజన్‌లో వరస విజయాలతో జోరు మీదున్న మాజీ చాంపియన్‌ గుజరాత్‌ టైటాన్స్‌... వరస పరాజయాలతో డీలా పడ్డ రాజస్తాన్‌ రాయల్స్‌తో పోరుకు సిద్ధమైంది. ఆడిన 8 మ్యాచ్‌ల్లో 6 విజయాలు, 2 ఓటములతో 12 పాయింట్లు ఖాతాలో వేసుకున్న గుజరాత్‌ ప్లే ఆఫ్స్‌ వైపు అడుగులు వేస్తుండగా... రాజస్తాన్‌ 9 మ్యాచ్‌ల్లో 2 విజయాలు, 7 ఓటములతో పట్టికలో కింది స్థానం కోసం పోటీ పడుతోంది. రాయల్స్‌ జట్టు ఆడిన చివరి 5 మ్యాచ్‌ల్లోనూ పరాజయం పాలైంది. ఈ సీజన్‌లో ఇరు జట్ల మధ్య జరిగిన మ్యాచ్‌లో రాజస్తాన్‌పై గుజరాత్‌ 58 పరుగుల తేడాతో గెలుపొందింది. గత మూడు మ్యాచ్‌ల్లోనూ విజయానికి అతి చేరువగా వచ్చిన రాయల్స్‌... ఆఖర్లో ఒత్తిడికి చిత్తై ప్రత్యర్థికి మ్యాచ్‌లు అప్పగించింది. ఇందులో ఢిల్లీ క్యాపిటల్స్‌తో జరిగిన ‘సూపర్‌ ఓవర్‌’ కూడా ఉంది. రెగ్యులర్‌ కెప్టెన్ సంజూ సామ్సన్‌ గాయం కారణంగా జట్టుకు దూరం కాగా అతడి స్థానంలో రియాన్‌ పరాగ్‌ సారథ్య బాధ్యతలు నిర్వర్తిస్తున్నాడు. ఇప్పటికే ప్లే ఆఫ్స్‌ రేసు నుంచి నిష్క్రమించిన రాయల్స్‌... తెగించి పోరాడాలని చూస్తోంది. మరో రెండు విజాయలు సాధిస్తే టైటాన్స్‌కు ప్లే ఆఫ్స్‌ బెర్త్‌ ఖరారు కానున్న నేపథ్యంలో ఈ మ్యాచ్‌ గుజరాత్‌కు మంచి అవకాశం కానుంది. తెగించి కొట్లాడితేనే! ఐపీఎల్‌ ఆరంభ సీజన్‌ (2008)లో చాంపియన్‌గా నిలిచిన రాజస్తాన్‌ రాయల్స్‌... ఆ తర్వాత ఎన్నిసార్లు ప్రయత్నించినా రెండోసారి ట్రోఫీ చేజిక్కించుకోలేకపోయింది. సారథులు, ఆటగాళ్లు, కోచ్‌లు ఎంతమంది మారినా జట్టు రాత మాత్రం మారలేదు. ఈసారి యువ ఆటగాళ్ల బృందంతో బరిలోకి దిగిన రాయల్స్‌ స్థాయికి తగ్గ ప్రదర్శన చేయడంలో విఫలమవుతోంది. ఓపెనర్‌ యశస్వి జైస్వాల్‌ తన వంతు ప్రయత్నం చేస్తున్నా... మిగతా వాళ్ల నుంచి సహకారం లభించడం లేదు. తాజా సీజన్‌లో 9 మ్యాచ్‌లాడిన జైస్వాల్‌ 39.56 సగటుతో 356 పరుగులు చేశాడు. ఇందులో 4 అర్ధశతకాలు ఉన్నాయి. సంజూ దూరమవడంతో... 14 ఏళ్ల కుర్రాడు వైభవ్‌ సూర్యవంశీకి ఓపెనర్‌గా అవకాశం దక్కుతోంది. అందుకు తగ్గట్లే ఆరంభ మెరుపులు మెరిపిస్తున్న సూర్యవంశీ... ప్రతి బంతికి షాట్‌ కొట్టాలనే తొందరలో పెవిలియన్‌ చేరుతున్నాడు. రియాన్‌ పరాగ్, నితీశ్‌ రాణా, ధ్రువ్‌ జురెల్, శుభమ్‌ దూబేతో మిడిలార్డర్‌ పేపర్‌ మీద బలంగానే కనిపిస్తున్నా... మైదానంలో ప్రదర్శన అంతంత మాత్రమే. వెస్టిండీస్‌ వీరుడు హెట్‌మైర్‌ ధాటిగా ఆడటంలో విఫలమవుతున్నాడు. బౌలింగ్‌లో జోఫ్రా ఆర్చర్, హసరంగ, ఫరూఖీ, సందీప్‌ శర్మ ప్రభావం చూపలేకపోతున్నారు. ఇక చేసేదేమీ లేని తరుణంలో ఈ మ్యాచ్‌లో జట్టు సమష్టిగా తెగించి పోరాడాలని చూస్తోంది. ఫుల్‌ ఫామ్‌లో టాప్‌–3... శుబ్‌మన్‌ గిల్‌ సారథ్యంలోని గుజరాత్‌ టైటాన్స్‌... చక్కటి ఫామ్‌లో ఉంది. బ్యాటింగ్‌లో టాప్‌–3 ప్లేయర్లు విజృంభిస్తుంటే... బౌలర్లు అంచనాలకు మించి రాణిస్తున్నారు. 8 మ్యాచ్‌ల్లో 52.13 సగటుతో 417 పరుగులు చేసిన సాయి సుదర్శన్‌ ‘ఆరెంజ్‌ క్యాప్‌’ రేసులో ముందు వరుసలో నిలవగా... గతంలో రాజస్తాన్‌కు ప్రాతినిధ్యం వహించిన బట్లర్‌ 71.20 సగటుతో 356 పరుగులు చేశాడు. సారథి గిల్‌ 43.57 సగటుతో 305 పరుగులతో కొనసాగుతున్నాడు. ఈ ముగ్గురూ 150కి పైగా స్ట్రయిక్‌రేట్‌తో ఈ పరుగులు సాధించడం మరో విశేషం. మిడిలార్డర్‌లో షారుక్‌ ఖాన్, రూథర్‌ఫర్డ్, రాహుల్‌ తెవాటియా కీలకం కానున్నారు. ఇక దక్షిణాఫ్రికా పేసర్‌ రబడ లీగ్‌ మధ్యలో వ్యక్తిగత కారణాలతో స్వదేశానికి తిరుగు పయనమవడంతో... గుజరాత్‌ బౌలింగ్‌ బలహీన పడుతుందని భావిస్తే... విభిన్న కూర్పుతో మరింత రాటుదేలింది. గాయాల కారణంగా చాన్నాళ్లుగా లైమ్‌లైట్‌లో లేని ప్రసిధ్‌ కృష్ణ... 8 మ్యాచ్‌ల్లో 16 వికెట్లతో ‘పర్పుల్‌ క్యాప్‌’ రేసులో దూసుకెళ్తున్నాడు. హైదరాబాదీ పేసర్‌ సిరాజ్, సాయి కిషోర్‌ చెరో 12 వికెట్లు పడగొట్టి మంచి టచ్‌లో ఉన్నారు. వీరంతా మరోసారి విజృంభిస్తే... గుజరాత్‌ టైటాన్స్‌ జట్టు ‘ప్లే ఆఫ్స్‌’కు మరింత చేరువ కావడం ఖాయమే! తుది జట్లు (అంచనా) రాజస్తాన్‌ రాయల్స్‌: రియాన్‌ పరాగ్‌ (కెప్టెన్ ), యశస్వి జైస్వాల్, వైభవ్‌ సూర్యవంశీ, నితీశ్‌ రాణా, ధ్రువ్‌ జురెల్, హెట్‌మైర్, శుభమ్‌ దూబే, ఆర్చర్, హసరంగ, తుషార్‌ దేశ్‌పాండే, ఫజల్‌హక్‌ ఫరూఖీ, సందీప్‌ శర్మ. గుజరాత్‌ టైటాన్స్‌: శుబ్‌మన్‌ గిల్‌ (కెప్టెన్ ), సాయి సుదర్శన్, జోస్‌ బట్లర్, రాహుల్‌ తెవాటియా, షారుక్‌ ఖాన్, రూథర్‌ఫార్డ్, రషీద్‌ ఖాన్, వాషింగ్టన్‌ సుందర్, సాయి కిషోర్, సిరాజ్, ప్రసిద్ధ్‌ కృష్ణ, ఇషాంత్‌ శర్మ,

ఐపీఎల్-2025లో గుజ‌రాత్ టైటాన్స్ యువ ఓపెన‌ర్ సాయి సుద‌ర్శ‌న్ దుమ్ములేపుతున్నాడు. ప్ర‌తీ మ్యాచ్‌లోనూ ప‌రుగులు సాధించి గుజ‌రాత్ జైత్ర యాత్ర‌లో కీల‌క పాత్ర పోషిస్తున్నాడు. సోమ‌వారం కోల్‌క‌తా నైట్‌రైడ‌ర్స్‌తో జ‌రిగిన మ్యాచ్‌లోనూ సుద‌ర్శ‌న్ హాఫ్ సెంచ‌రీతో మెరిశాడు.ఇప్ప‌టివ‌ర‌కు 8 మ్యాచ్‌లు ఆడిన సుద‌ర్శ‌న్‌.. 50 కంటే ఎక్కువ సగటుతో 417 పరుగులు చేసి ఆరెంజ్ క్యాప్ హోల్డ‌ర్‌గా కొన‌సాగుతున్నాడు. ఈ క్ర‌మంలో సుద‌ర్శ‌న్‌పై టీమిండియా మాజీ క్రికెట‌ర్ అంబ‌టి రాయుడు ప్ర‌శంస‌ల వ‌ర్షం కురిపించాడు. టీ 20 క్రికెట్‌ను ట్రేడిష‌న‌ల్‌గా ఎలా ఆడాలో సుద‌ర్శ‌న్ చూపిస్తున్నాడ‌ని అత‌డు కొనియాడాడు."సాయిసుద‌ర్శ‌న్ అద్బుతంగా ఆడుతున్నాడు. అత‌డి బ్యాటింగ్ చూసేందుకు రెండు క‌ళ్లు స‌రిపోవ‌డం లేదు. చాలా సంతోషంగా ఉంది. అత‌డు క్లాసిక‌ల్ బ్యాట‌ర్‌గా ఆడుతున్నాడు. క్రికెట్‌ను సాంప్రదాయ పద్ధతిలో ఎలా ఆడవచ్చో త‌న బ్యాటింగ్‌తో చూపిస్తున్నాడు. సుద‌ర్శ‌న్‌ బంతి వేగాన్ని సరిగ్గా ఉపయోగించుకుని స్మార్ట్ క్రికెట్ ఆడుతున్నాడు.ప్ర‌తీ మ్యాచ్‌లో ప‌రుగులు సాధించ‌డం అతడి ఆత్మ‌విశ్వాస్వాన్ని మ‌రింత రెట్టింపు చేస్తోంది. సుద‌ర్శ‌న్ అద్భుత ఫామ్ జ‌ట్టు మొత్తాన్ని ప్ర‌భావితం చేస్తోంది. అందరు ఆటగాళ్లు ఒకే లయలో ఆడతారు. ప్ర‌స్తుతం గుజ‌రాత్ టీమ్‌లో అదే మ‌నం చూస్తున్నాము" అని జియో స్టార్‌కు ఇచ్చిన ఇంట‌ర్వ్యూలో రాయుడు పేర్కొన్నాడు.చ‌ద‌వండి: IPL 2025: టీమిండియా క్రికెట‌ర్ మంచి మ‌న‌సు.. రూ.7 ల‌క్ష‌ల‌ ఆర్ధిక సాయం

ఐపీఎల్‌లో గుజరాత్‌ టైటాన్స్‌ ఓపెనింగ్‌ జోడీ శుభ్‌మన్‌ గిల్‌, సాయి సుదర్శన్‌ రికార్డు నెలకొల్పింది. నిన్న (ఏప్రిల్‌ 21) కేకేఆర్‌తో జరిగిన మ్యాచ్‌లో సెంచరీ భాగస్వామ్యం (114 పరుగులు) నమోదు చేసిన ఈ జోడీ.. క్యాష్‌ రిచ్‌ లీగ్‌లో అత్యధిక ఓపెనింగ్‌ శతక భాగస్వామ్యాలు (6) నెలకొల్పిన భారత జోడీగా చరిత్ర సృష్టించింది. ఈ మ్యాచ్‌కు ముందు ఈ రికార్డు గిల్‌-సాయి సుదర్శన్‌.. కేఎల్‌ రాహుల్‌-మయాంక్‌ అగర్వాల్‌.. గౌతమ్‌ గంభీర్‌-రాబిన్‌ ఉతప్ప జోడీల పేరిట సంయుక్తంగా ఉండేది. ఓవరాల్‌గా ఐపీఎల్‌లో అత్యధిక ఓపెనింగ్‌ శతక భాగస్వామ్యాలు నమోదు చేసిన జోడీగా విరాట్‌ కోహ్లి-ఏబీ డివిలియర్స్‌ ద్వయం ఉంది. ఈ జోడీ ఐపీఎల్‌లో 10 సెంచరీ పార్ట్‌నర్‌షిప్స్‌ నమోదు చేసింది. విరాట్‌-ఏబీడీ జోడీ తర్వాత అత్యధిక ఓపెనింగ్‌ శతక భాగస్వామ్యాలు నమోదు చేసిన జోడీగా క్రిస్‌ గేల్‌-విరాట్‌ ద్వయం ఉంది. ఈ జోడీ 9 సెంచరీ పార్ట్‌నర్‌షిప్స్‌ నమోదు చేసింది. వీరి తర్వాత గిల్‌-సాయి సుదర్శన్‌, శిఖర్‌ ధవన్‌-డేవిడ్‌ వార్నర్‌, డుప్లెసిస్‌-విరాట్‌ ద్వయాలు తలో 6 ఓపెనింగ్‌ శతక భాగస్వామ్యాలు నమోదు చేసి ఈ జాబితాలో సంయుక్తంగా మూడో స్థానంలో ఉన్నాయి. ప్రస్తుత ఐపీఎల్‌ సీజన్‌లోనే గిల్‌-సాయి సుదర్శన్‌ జోడీ రెండు శతక భాగస్వామ్యాలు నమోదు చేయడం విశేషం.ఐపీఎల్‌లో తొలి వికెట్‌కు అత్యధిక సెంచరీ భాగస్వామ్యాలు నమోదు చేసిన భారత జోడీలుసాయి సుదర్శన్‌-శుభ్‌మన్‌ గిల్‌ (గుజరాత్‌)- 6కేఎల్‌ రాహుల్‌-మయాంక్‌ అగర్వాల్‌ (పంజాబ్‌)-5గౌతమ్‌ గంభీర్‌-రాబిన్‌ ఉతప్ప (కేకేఆర్‌)-5ఓవరాల్‌గా ఐపీఎల్‌లో తొలి వికెట్‌కు అత్యధిక సెంచరీ భాగస్వామ్యాలు నమోదు చేసిన జోడీలువిరాట్‌ కోహ్లి-ఏబీ డివిలియర్స్‌ (ఆర్సీబీ)- 10విరాట్‌ కోహ్లి-క్రిస్‌ గేల్‌ (ఆర్సీబీ)- 9విరాట్‌ కోహ్లి- ఫాఫ్‌ డుప్లెసిస్‌ (ఆర్సీబీ)-6శుభ్‌మన్‌ గిల్‌- సాయి సుదర్శన్‌ (గుజరాత్‌)- 6శిఖర్‌ ధవన్‌- డేవిడ్‌ వార్నర్‌ (సన్‌రైజర్స్‌)- 6మ్యాచ్‌ విషయానికొస్తే.. ఈ మ్యాచ్‌లో గుజరాత్‌ కేకేఆర్‌ను 39 పరుగుల తేడాతో చిత్తు చేసింది. తద్వారా గుజరాత్‌ పాయింట్ల పట్టికలో అగ్రస్థానాన్ని పదిలం​ చేసుకుంది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన గుజరాత్‌.. గిల్‌ (90), సాయి సుదర్శన్‌ (52), బట్లర్‌ (41 నాటౌట్‌) సత్తా చాటడంతో నిర్ణీత ఓవర్లలో 3 వికెట్ల నష్టానికి 198 పరుగులు చేసింది. అనంతరం ఛేదనలో గుజరాత్‌ బౌలర్లు కలిసికట్టుగా రాణించి కేకేఆర్‌ను 158 పరుగులకే పరిమితం చేశారు. ప్రసిద్ద్‌, రషీద్‌ ఖాన్‌ చెరో 2, సిరాజ్‌, ఇషాంత్‌, సుందర్‌, సాయికిషోర్‌ తలో వికెట్‌ తీశారు. కేకేఆర్‌ ఇన్నింగ్స్‌లో రహానే ఒక్కడే హాఫ్‌ సెంచరీతో (50) రాణించాడు. గుజరాత్‌ ఏప్రిల్‌ 28న జరిగే తమ తదుపరి మ్యాచ్‌లో రాజస్థాన్‌ రాయల్స్‌తో తలపడుతుంది.

ప్రస్తుత ఐపీఎల్‌ సీజన్‌లో గుజరాత్‌ టైటాన్స్‌ అంచనాలకు తలకిందులు చేస్తూ వరుస విజయాలతో దూసుకుపోతుంది. ఇప్పటివరకు ఆడిన 8 మ్యాచ్‌ల్లో 6 విజయాలతో టేబుల్‌ టాపర్‌గా కొనసాగుతుంది. మరో ఆరు మ్యాచ్‌లు ఆడాల్సి ఉన్నా ప్లే ఆఫ్స్‌ బెర్త్‌ను దాదాపుగా ఖరారు చేసుకుంది.ప్రస్తుతం ఆరెంజ్‌, పర్పుల్‌ క్యాప్‌లు కూడా గుజరాత్‌ ఆటగాళ్ల చేతుల్లోనే ఉన్నాయి. సాయి సుదర్శన్‌ 8 మ్యాచ్‌ల్లో 417 పరుగులు చేసి అత్యధిక పరుగులు చేసిన ఆటగాడిగా కొనసాగుతున్నాడు. 8 మ్యాచ్‌ల్లో 16 వికెట్లు తీసిన ప్రసిద్ద్‌ కృష్ణ అత్యధిక వికెట్లు తీసిన బౌలర్‌గా చలామణి అవుతున్నాడు. బ్యాటింగ్‌లో అత్యధిక పరుగులు చేసిన ఆటగాళ్ల టాప్‌-10 జాబితాలో సాయి సుదర్శన్‌తో పాటు జోస్‌ బట్లర్‌, కెప్టెన్‌ శుభ్‌మన్‌ గిల్‌ ఉన్నారు. ఈ ముగ్గురు గుజరాత్‌ టాపార్డర్‌లో అంచనాలకు మించి రాణిస్తున్నారు. ప్రతి మ్యాచ్‌లో ఈ ముగ్గురిలో ఒకరిద్దరు సత్తా చాటుతున్నారు. బౌలింగ్‌లోనూ అత్యధిక వికెట్లు తీసిన టాప్‌-10 బౌలర్ల జాబితాలో ప్రసిద్ద్‌ సహా ముగ్గురు గుజరాత్‌ బౌలర్లు ఉన్నారు. ఈ సీజన్‌లో రవిశ్రీనివాస్‌ సాయికిషోర్‌ ఊహలకందని విధంగా సత్తా చాటుతూ అత్యధిక వికెట్లు తీసిన బౌలర్ల జాబితాలో నాలుగో స్థానంలో ఉన్నాడు. ఈ ఏడాదే కొత్తగా గుజరాత్‌లో చేరిన సిరాజ్‌ సైతం ఈ సీజన్‌లో అదరగొడుతున్నాడు. అత్యధిక వికెట్లు తీసిన బౌలర్ల జాబితాలో ఆరో స్థానంలో ఉన్నాడు. గుజరాత్‌ విజయాల్లో మిడిలార్డర్‌ బ్యాటర్లు షెర్ఫాన్‌ రూథర్‌ఫోర్డ్‌, రాహుల్‌ తెవాతియా, షారుఖ్‌ ఖాన్‌, వాషింగ్టన్‌ సుందర్‌ కీలకపాత్ర పోషిస్తున్నారు. వెటరన్‌ బౌలర్‌ ఇషాంత్‌ శర్మ కూడా ఈ సీజన్‌లో అదరగొడుతున్నాడు. స్టార్‌ స్పిన్నర్‌ రషీద్‌ ఖాన్‌ ఫామ్‌ ఒక్కటే ఈ సీజన్‌లో గుజరాత్‌ను కలవరపెడుతుంది. అతను కూడా నిన్న (ఏప్రిల్‌ 21) కేకేఆర్‌తో జరిగిన మ్యాచ్‌లో ఫామ్‌లోకి వచ్చాడు. నిన్నటి మ్యాచ్‌లో రషీద్‌ 4 ఓవర్లలో కేవలం 25 పరుగులకే ఇచ్చి 2 కీలక వికెట్లు (నరైన్‌, రసెల్‌) తీశాడు. ఈ సీజన్‌లో గుజరాత్‌కు ప్రతి ఒక్కరు మ్యాచ్‌ విన్నర్లుగా నిలిచారు. ప్రతి మ్యాచ్‌లో ఎవరో ఒకరు సత్తా చాటుతూ విజయాన్నందిస్తున్నారు. బ్యాటింగ్‌లో సాయి సుదర్శన్‌ నిలకడకు మారు పేరు అన్నట్లుగా మారిపోయాడు. గిల్‌ సామర్థ్యం మేరకు రాణిస్తుండగా.. బట్లర్‌ అంచనాలకు మించి సత్తా చాటుతున్నాడు. ఈ సీజన్‌ ప్రారంభానికి ముందు పేస్‌ త్రయం ప్రసిద్ద్‌, సిరాజ్‌, ఇషాంత్‌పై ఎవరికీ అంచనాలు లేవు. సాయికిషోర్‌ నుంచి అయితే ఈ స్థాయి అత్యుత్తమ ప్రదర్శన అస్సలు ఊహించలేదు. సాయికిషోర్‌ ఎప్పుడు బంతిని పట్టుకున్నా వికెట్లు తీయడమే కాకుండా అత్యంత పొదుపుగా బౌలింగ్‌ చేస్తున్నాడు. ఇతను ప్రత్యర్థి బ్యాటర్ల పాలిట కొరకరాని కొయ్యగా మారాడు. ఈ సీజన్‌లో గుజరాత్‌ ఇదే జోరును కొనసాగిస్తే రెండో టైటిల్‌ ఖాతాలో వేసుకోవడం గ్యారెంటీ​. అందరూ ఈ సీజన్‌లో ఆర్సీబీ, ఢిల్లీ, పంజాబ్‌, లక్నో జట్లలో ఏదో ఒకటి టైటిల్‌ గెలుస్తుందని అనుకుంటున్నారు. అయితే గుజరాత్‌ అందరి అంచనాలకు తలకిందులు చేస్తూ టైటిల్‌ దిశగా దూసుకుపోతుంది.కాగా, కేకేఆర్‌తో నిన్న జరిగిన మ్యాచ్‌లో గుజరాత్‌ 39 పరుగుల తేడాతో ఘన విజయం సాధించింది. ఈ మ్యాచ్‌లో గుజరాత్‌ ఎప్పటిలాగే టీమ్‌ ఎఫర్ట్‌ను చూపించి మరో విజయాన్ని సొంతం చేసుకుంది. తొలుత బ్యాటింగ్‌ చేసిన గుజరాత్‌.. గిల్‌ (90), సాయి సుదర్శన్‌ (52), బట్లర్‌ (41 నాటౌట్‌) సత్తా చాటడంతో నిర్ణీత ఓవర్లలో 3 వికెట్ల నష్టానికి 198 పరుగులు చేసింది. అనంతరం ఛేదనలో గుజరాత్‌ బౌలర్లు కలిసికట్టుగా రాణించి కేకేఆర్‌ను 158 పరుగులకే పరిమితం చేశారు. ప్రసిద్ద్‌, రషీద్‌ ఖాన్‌ చెరో 2, సిరాజ్‌, ఇషాంత్‌, సుందర్‌, సాయికిషోర్‌ తలో వికెట్‌ తీశారు. కేకేఆర్‌ ఇన్నింగ్స్‌లో రహానే ఒక్కడే హాఫ్‌ సెంచరీతో (50) రాణించాడు. గుజరాత్‌ ఏప్రిల్‌ 28న జరిగే తమ తదుపరి మ్యాచ్‌లో రాజస్థాన్‌ రాయల్స్‌తో తలపడుతుంది.

కోల్‌కతా: గుజరాత్‌ టైటాన్స్‌ ఆల్‌రౌండ్‌ ప్రదర్శనకు డిఫెండింగ్‌ చాంపియన్‌ కోల్‌కతా నైట్‌రైడర్స్‌ చేతులెత్తేసింది. దీంతో సోమవారం జరిగిన ఐపీఎల్‌ మ్యాచ్‌లో టైటాన్స్‌ 39 పరుగుల తేడాతో జయభేరి మోగించింది. మొదట బ్యాటింగ్‌కు దిగిన గుజరాత్‌ నిరీ్ణత 20 ఓవర్లలో 3 వికెట్ల నష్టానికి 198 పరుగులు చేసింది. కెప్టెన్‌ శుబ్‌మన్‌ గిల్‌ (55 బంతుల్లో 90; 10 ఫోర్లు, 3 సిక్స్‌లు), సాయి సుదర్శన్‌ (36 బంతుల్లో 52; 6 ఫోర్లు, 1 సిక్స్‌) మెరిపించారు. బట్లర్‌ (23 బంతుల్లో 41 నాటౌట్‌; 8 ఫోర్లు) ధాటిగా ఆడాడు. కోల్‌కతా బౌలర్లలో రసెల్, వైభవ్, హర్షిత్‌ తలా ఒక వికెట్‌ తీశారు. అనంతరం లక్ష్యఛేదనకు దిగిన కోల్‌కతా 20 ఓవర్లలో 8 వికెట్లకు 159 పరుగులు చేసి ఓడింది. కెప్టెన్‌ అజింక్య రహానే (36 బంతుల్లో 50; 5 ఫోర్లు, 1 సిక్స్‌) ఒక్కడే రాణించాడు. గుజరాత్‌ బౌలర్లలో ప్రసిధ్‌ కృష్ణ, రషీద్‌ ఖాన్‌ చెరో 2 వికెట్లు తీశారు. ఆ ఇద్దరు బాదేశారిలా... గుజరాత్‌ ఇన్నింగ్స్‌ రెండో ఓవర్‌లో ముందుగా సాయి సుదర్శన్‌ బౌండరీతో బాదుడు మొదలు పెట్టాడు. మూడో ఓవర్లో మరో రెండు ఫోర్లు కొట్టాడు. కాస్త ఆలస్యమైనా... గిల్‌ ఐదో ఓవర్లో రెండు వరుస బౌండరీలతో దూకుడు షురూ చేశాడు. టైటాన్స్‌ పవర్‌ప్లే స్కోరు 45/0. అలీ వేసిన ఏడో ఓవర్లో గిల్‌ 6, 4, 4లతో ఒక్కసారిగా విరుచుకుపడ్డాడు. క్రమం తప్పకుండా ఫోర్లు బాదేయడంతో సగం ఓవర్లు ముగిసేసరికి గుజరాత్‌ 89/0 స్కోరు చేసింది. తర్వాతి ఓవర్లోనే గిల్‌ 34 బంతుల్లో, సుదర్శన్‌ 33 బంతుల్లో ఫిఫ్టీలు పూర్తి చేసుకున్నారు. జట్టు స్కోరు 100 దాటింది. ఎట్టకేలకు సుదర్శన్‌ను అవుట్‌ చేసిన రసెల్‌ కోల్‌కతాకు ఊరటనిచ్చాడు. అయితే బట్లర్‌ రాకతో దంచుడులో ఏ మార్పులేకపోయింది. ఆఖర్లో గిల్, రాహుల్‌ తెవాటియా (0) వికెట్లు పడినా కూడా భారీస్కోరు సాధ్యమైంది. కెప్టెన్‌ ఒంటరి పోరాటం పెద్ద లక్ష్యాన్ని ఛేదించేందుకు దిగిన నైట్‌రైడర్స్‌ పవర్‌ప్లేలోనే ఓపెనర్లను కోల్పోయింది. సిరాజ్‌ తొలి ఓవర్లోనే రహా్మనుల్లా గుర్బాజ్‌ (1) పెవిలియన్‌ చేరగా, కెప్టెన్‌ రహానేతో అడపాదడపా షాట్లతో స్కోరును నడిపిస్తున్న సునీల్‌ నరైన్‌ (17)ను రషీద్‌ ఖాన్‌ బోల్తా కొట్టించాడు. వెంకటేశ్‌ అయ్యర్‌ (14) మెప్పించలేకపోయాడు. బాధ్యతగా ఆడిన రహానే 36 బంతుల్లో అర్ధసెంచరీ సాధించగా, అదేస్కోరు వద్ద వాషింగ్టన్‌ సుందర్‌ అతన్ని అవుట్‌ చేశాడు. ధాటిగా ఆడే ప్రయత్నం చేసిన రసెల్‌ (15 బంతుత్లో 21; 3 ఫోర్లు, 1 సిక్స్‌) స్టంపౌట్‌ కావడంతో కోల్‌కతా లక్ష్యానికి దూరమైంది. రఘువంశీ (13 బంతుల్లో 27 నాటౌట్‌; 3 ఫోర్లు, 1 సిక్స్‌) కాసేపు అలరించాడు. స్కోరు వివరాలు గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (సి) గుర్బాజ్‌ (బి) రసెల్‌ 52; శుబ్‌మన్‌ గిల్‌ (సి) రింకూ సింగ్‌ (బి) వైభవ్‌ 90; బట్లర్‌ (నాటౌట్‌) 41; తెవాటియా (సి) రమణ్‌దీప్‌ (బి) హర్షిత్‌ రాణా 0; షారుఖ్‌ ఖాన్‌ (నాటౌట్‌) 11; ఎక్స్‌ట్రాలు 4; మొత్తం (20 ఓవర్లలో 3 వికెట్లకు) 198. వికెట్ల పతనం: 1–114, 2–172, 3–177. బౌలింగ్‌: వైభవ్‌ అరోరా 4–0–44–1, మొయిన్‌ అలీ 3–0–27–0, హర్షిత్‌ రాణా 4–0–45–1, వరుణ్‌ చక్రవర్తి 4–0–33–0, నరైన్‌ 4–0–36–0, రసెల్‌ 1–0–13–1. కోల్‌కతా నైట్‌రైడర్స్‌ ఇన్నింగ్స్‌: గుర్బాజ్‌ (ఎల్బీడబ్ల్యూ) (బి) సిరాజ్‌ 1; నరైన్‌ (సి) తెవాటియా (బి) రషీద్‌ 17; రహానే (స్టంప్డ్‌) బట్లర్‌ (బి) సుందర్‌ 50; వెంకటేశ్‌ (సి) సుందర్‌ (బి) సాయి కిషోర్‌ 14; రింకూ సింగ్‌ (సి) గిల్‌ (బి) ఇషాంత్‌ 17; రసెల్‌ (స్టంప్డ్‌) బట్లర్‌ (బి) రషీద్‌ 21; రమణ్‌దీప్‌ (సి అండ్‌ బి) ప్రసిధ్‌ కృష్ణ 1; మొయిన్‌ అలీ (సి) షారుఖ్‌ (బి) ప్రసిధ్‌ కృష్ణ 0; రఘువంశీ (నాటౌట్‌) 27; హర్షిత్‌ (నాటౌట్‌) 1; ఎక్స్‌ట్రాలు 10; మొత్తం (20 ఓవర్లలో 8 వికెట్లకు) 159. వికెట్ల పతనం: 1–2, 2–43, 3–84, 4–91, 5–118, 6–119, 7–119, 8–151. బౌలింగ్‌: సిరాజ్‌ 4–0–32–1, ఇషాంత్‌ 2–0–18–1, ప్రసిధ్‌ కృష్ణ 4–0–25–2, రషీద్‌ ఖాన్‌ 4–0–25–2, సుందర్‌ 3–0–36–1, సాయి కిషోర్‌ 3–0–19–1.

ఐపీఎల్‌-2025లో గుజరాత్ టైటాన్స్ తమ జైత్ర యాత్రను కొనసాగిస్తోంది. ఈ ​మెగా ఈవెంట్‌లో భాగంగా ఈడెన్ గార్డెన్స్ వేదికగా కోల్‌కతా నైట్‌రైడర్స్‌తో జరిగిన మ్యాచ్‌లో 39 పరుగుల తేడాతో ఘన విజయాన్ని గుజరాత్ అందుకుంది. 199 పరుగుల భారీ లక్ష్యంతో బరిలోకి దిగిన కోల్‌కతా జట్టు నిర్ణీత 20 ఓవర్లలో 8 వికెట్లు కోల్పోయి 159 పరుగులు మాత్రమే చేయగల్గింది.కేకేఆర్ బ్యాటర్లలో కెప్టెన్ అజింక్య రహానే(50)టాప్ స్కోర‌ర్‌గా నిల‌వ‌గా.. ఆఖ‌రిలో ర‌ఘువ‌న్షి(27) ప‌ర్వాలేద‌న్పించాడు. మిగితా ప్లేయర్లంతా దారుణంగా విఫలమయ్యారు. గుజరాత్ బౌలర్లలో రషీద్ ఖాన్‌, ప్రసిద్ద్ కృష్ట తలా రెండు వికెట్లు పడగొట్టగా.. సిరాజ్‌, సుందర్‌, ఇషాంత్ శ‌ర్మ‌ సాయికిషోర్ చెరో వికెట్ పడగొట్టారు.చితక్కొట్టిన శుబ్‌మన్‌..ఇక ఈ మ్యాచ్‌లో టాస్ గెలిచి తొలుత బ్యాటింగ్ చేసిన గుజరాత్ టైటాన్స్ నిర్ణీత 20 ఓవర్లలో మూడు వికెట్ల న‌ష్టానికి 198 ప‌రుగులు చేసింది. గుజ‌రాత్ బ్యాట‌ర్ల‌లో కెప్టెన్ శుబ్‌మ‌న్ గిల్ విధ్వంసం సృష్టించాడు. తన సూపర్ బ్యాటింగ్‌తో ఈడెన్‌లో బౌండరీలు వర్షం కురిపించాడు. 55 బంతులు ఎదుర్కొన్న గిల్‌.. 10 ఫోర్లు, మూడు సిక్స్‌ల‌తో 90 ప‌రుగులు చేశాడు. గిల్‌తో పాటు సాయిసుద‌ర్శ‌న్‌(52), బ‌ట్ల‌ర్‌(41) మెరుపు ఇన్నింగ్స్‌లు ఆడారు. కేకేఆర్ బౌల‌ర్ల‌లో వైభ‌వ్ ఆరోరా, హ‌ర్షిత్ రాణా, ర‌స్సెల్ త‌లా వికెట్ సాధించారు. ఇప్పటివరకు 8 మ్యాచ్‌లు ఆడిన గుజరాత్ 6 విజయాలతో పాయింట్ల పట్టికలో అగ్రస్ధానంలో కొనసాగుతోంది.

ఐపీఎల్‌-2025లో ఈడెన్ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌, గుజ‌రాత్ టైటాన్స్ జ‌ట్లు తల‌ప‌డ‌తున్నాయి. అయితే ఈ మ్యాచ్ టాస్ సంద‌ర్బంగా ఓ ఆస‌క్తిక‌ర స‌న్నివేశం చోటు చేసుకుంది. టాస్ స‌మ‌యంలో న్యూజిలాండ్ మాజీ క్రికెట‌ర్‌, ప్రముఖ క్రికెట్ వ్యాఖ్యాత డానీ మోరిసన్ న‌వ్వులు పూయించాడు.ఏ సాధార‌ణంగా వ్యాఖ్యాత అయినా టాస్ సంద‌ర్భంగా కెప్టెన్‌లను జ‌ట్టు మార్పులు, మ్యాచ్ ప్లాన్స్ గురుంచి అడుగుతారు. కానీ మోరిస‌న్ మాత్రం గుజ‌రాత్ కెప్టెన్ శుబ్‌మ‌న్ గిల్‌ను త‌న‌ వివాహ ప్రణాళికల గురించి అడిగాడు. ఈ కివీస్ మాజీ క్రికెట‌ర్ గిల్‌ను త్వరలో పెళ్లి చేసుకుంటున్నారా? అని ప్ర‌శ్నించాడు. ఆ ప్రశ్నతో ఆశ్చర్యపోయిన గిల్‌.. అటువంటి ప్లాన్స్ ఏమీ లేవంటూ న‌వ్వుతూ స‌మధాన‌మిచ్చాడు. వీరిద్ద‌రి సంభాష‌ణ‌కు సంబంధించిన వీడియో ప్రస్తుతం సోష‌ల్ మీడియాలో వైర‌ల‌వుతోంది. ఇక ఈ మ్యాచ్‌లో టాస్ గెలిచిన కేకేఆర్ తొలుత బౌలింగ్ ఎంచుకుంది.కోల్‌క‌తా రెండు మార్పుల‌తో బ‌రిలోకి దిగింది. వ‌రుస మ్యాచ్‌ల్లో విఫ‌ల‌మ‌వ‌తున్న స్టార్ ఓపెన‌ర్ క్వింట‌న్ డికాక్‌ను కేకేఆర్‌ మెనెజ్‌మెంట్ ప‌క్క‌న పెట్టింది. అత‌డి స్ధానంలో అఫ్గాన్ స్టార్ ప్లేయ‌ర్ గుర్బాజ్ తుది జ‌ట్టులోకి వ‌చ్చాడు. తుది జ‌ట్లుగుజరాత్ టైటాన్స్ (ప్లేయింగ్ XI): సాయి సుదర్శన్, శుభ్‌మన్ గిల్ (కెప్టెన్‌), జోస్ బట్లర్ (వికెట్ కీప‌ర్‌), షెర్ఫాన్ రూథర్‌ఫోర్డ్, రాహుల్ తెవాటియా, వాషింగ్టన్ సుందర్, షారుక్ ఖాన్, రషీద్ ఖాన్, రవిశ్రీనివాసన్ సాయి కిషోర్, ప్రసిద్ధ్ కృష్ణ, మహ్మద్ సిరాజ్కోల్‌కతా నైట్ రైడర్స్ (ప్లేయింగ్ XI): రహ్మానుల్లా గుర్బాజ్(వికెట్ కీప‌ర్‌), సునీల్ నరైన్, అజింక్యా రహానే(కెప్టెన్‌), వెంకటేష్ అయ్యర్, రింకూ సింగ్, మొయిన్ అలీ, ఆండ్రీ రస్సెల్, రమణదీప్ సింగ్, హర్షిత్ రాణా, వైభవ్ అరోరా, వరుణ్ చ‌క్ర‌వ‌ర్తి

IPL 2025 KKR vs GT Live Updates: కేకేఆర్‌పై గుజ‌రాత్ ఘ‌న విజ‌యంఐపీఎల్‌-2025లో గుజరాత్ టైటాన్స్ తమ జైత్ర యాత్రను కొనసాగిస్తోంది. ఈ ​మెగా ఈవెంట్‌లో భాగంగా ఈడెన్ గార్డెన్స్ వేదికగా కోల్‌కతా నైట్‌రైడర్స్‌తో జరిగిన మ్యాచ్‌లో 39 పరుగుల తేడాతో ఘన విజయాన్ని గుజరాత్ అందుకుంది. 199 పరుగుల భారీ లక్ష్యంతో బరిలోకి దిగిన కోల్‌కతా జట్టు నిర్ణీత 20 ఓవర్లలో 8 వికెట్లు కోల్పోయి 159 పరుగులు మాత్రమే చేయగల్గింది.కేకేఆర్ బ్యాటర్లలో కెప్టెన్ అజింక్య రహానే(50)టాప్ స్కోర‌ర్‌గా నిల‌వ‌గా.. ఆఖ‌రిలో ర‌ఘువ‌న్షి(27) ప‌ర్వాలేద‌న్పించాడు. మిగితా ప్లేయర్లంతా దారుణంగా విఫలమయ్యారు. గుజరాత్ బౌలర్లలో రషీద్ ఖాన్‌, ప్రసిద్ద్ కృష్ట తలా రెండు వికెట్లు పడగొట్టగా.. సిరాజ్‌, సుందర్‌, ఇషాంత్ శ‌ర్మ‌ సాయికిషోర్ చెరో వికెట్ పడగొట్టారు.ఓటమి దిశగా కేకేఆర్‌..గుజ‌రాత్ టైటాన్స్‌తో జ‌రుగుతున్న మ్యాచ్‌లో కేకేఆర్ ఓట‌మి దిశ‌గా సాగుతోంది. వ‌రుస క్ర‌మంలో కోల్‌క‌తా మూడు వికెట్లు కోల్పోయింది. ర‌షీద్ ఖాన్ బౌలింగ్‌లో ర‌స్సెల్(24) ఔట్ కాగా.. ప్ర‌సిద్ద్ బౌలింగ్‌లో రమణ్‌దీప్ సింగ్‌(1) మోయిన్ అలీ(0) పెవిలియన్‌కు చేరారు. కేకేఆర్ విజయానికి 18 బంతుల్లో 75 పరుగులు కావాలి. క్రీజులో రింకూ సింగ్‌(6), రఘువన్షి(5) ఉన్నారు.కేకేఆర్ మూడో వికెట్ డౌన్‌..వెంక‌టేశ్ అయ్య‌ర్ రూపంలో కేకేఆర్ మూడో వికెట్ కోల్పోయింది. 14 ప‌రుగులు చేసిన అయ్య‌ర్‌.. సాయికిషోర్ బౌలింగ్‌లో పెవిలియ‌న్‌కు చేరాడు. క్రీజులోకి రింకూ సింగ్ వ‌చ్చాడు. 12 ఓవ‌ర్లు ముగిసే స‌రికి కేకేఆర్ మూడు వికెట్ల న‌ష్టానికి 86 ప‌రుగులు చేసింది.కేకేఆర్ నాలుగో వికెట్ డౌన్‌..90 ప‌రుగుల వ‌ద్ద కేకేఆర్ నాలుగో వికెట్ కోల్పోయింది. 50 ప‌రుగులు చేసిన కెప్టెన్ అజింక్య ర‌హానే.. వాషింగ్ట‌న్ సుంద‌ర్ బౌలింగ్‌లో స్టంపౌట‌య్యాడు. 13 ఓవ‌ర్లు ముగిసే స‌రికి కేకేఆర్ మూడు వికెట్ల న‌ష్టానికి 101 ప‌రుగులు చేసింది. క్రీజులో రింకూ సింగ్‌(2), ర‌స్సెల్‌(10) ఉన్నారు.కేకేఆర్ రెండో వికెట్ డౌన్‌..సునీల్ న‌రైన్ రూపంలో కేకేఆర్ రెండో వికెట్ కోల్పోయింది. 17 ప‌రుగులు చేసిన న‌రైన్‌.. ర‌షీద్ ఖాన్ బౌలింగ్‌లో తెవాటియాకు క్యాచ్ ఇచ్చి ఔట‌య్యాడు. 6 ఓవ‌ర్లు ముగిసే స‌రికి కేకేఆర్ రెండు వికెట్ల న‌ష్టానికి 45 ప‌రుగులు చేసింది. క్రీజులో వెంక‌టేశ్ అయ్య‌ర్‌(3), అజింక్య ర‌హానే(24) ఉన్నారు.గుజ‌రాత్‌కు భారీ షాక్‌..199 ప‌రుగుల‌తో భారీ ల‌క్ష్యంతో బ‌రిలోకి దిగిన గుజ‌రాత్ టైటాన్స్‌కు భారీ షాక్ త‌గిలింది. మ‌హ్మ‌ద్ సిరాజ్ బౌలింగ్‌లో గుర్భాజ్‌(1) ఎల్బీగా వెనుదిరిగాడు. క్రీజులోకి కెప్టెన్ అజింక్య ర‌హానే వ‌చ్చాడు.శుబ్‌మ‌న్ గిల్ విధ్వంసం.. కేకేఆర్ టార్గెట్ ఎంతంటే?ఈడెన్ గార్డెన్స్ వేదిక‌గా కేకేఆర్‌తో జ‌రుగుతున్న మ్యాచ్‌లో గుజ‌రాత్ టైటాన్స్ బ్యాట‌ర్లు స‌త్తాచాటారు. టాస్ ఓడి బ్యాటింగ్‌కు దిగిన గుజ‌రాత్ నిర్ణీత 20 ఓవ‌ర్ల‌లో మూడు వికెట్ల న‌ష్టానికి 198 ప‌రుగులు చేసింది. గుజ‌రాత్ బ్యాట‌ర్ల‌లో కెప్టెన్ శుబ్‌మ‌న్ గిల్ అద్భుత‌మైన ఇన్నింగ్స్ ఆడాడు.55 బంతులు ఎదుర్కొన్న గిల్‌.. 10 ఫోర్లు, మూడు సిక్స్‌ల‌తో 90 ప‌రుగులు చేశాడు. గిల్‌తో పాటు సాయిసుద‌ర్శ‌న్‌(52), బ‌ట్ల‌ర్‌(41) మెరుపు ఇన్నింగ్స్‌లు ఆడారు. కేకేఆర్ బౌల‌ర్ల‌లో వైభ‌వ్ ఆరోరా, హ‌ర్షిత్ రాణా, ర‌స్సెల్ త‌లా వికెట్ సాధించారు.దూకుడుగా ఆడుతున్న గిల్‌..17 ఓవ‌ర్లు ముగిసే స‌రికి గుజ‌రాత్ వికెట్ న‌ష్టానికి 162 ప‌రుగులు చేసింది. క్రీజులో బ‌ట్ల‌ర్‌(26), శుబ్‌మ‌న్ గిల్‌(80) ఉన్నారు.గుజ‌రాత్ తొలి వికెట్ డౌన్‌..సాయిసుద‌ర్శ‌న్ రూపంలో గుజ‌రాత్ టైటాన్స్ తొలి వికెట్ కోల్పోయింది. 52 ప‌రుగులు చేసిన సాయిసుద‌ర్శ‌న్‌.. ర‌స్సెల్ బౌలింగ్‌లో ఔట‌య్యాడు. క్రీజులోకి వ‌చ్చిన జోస్ బ‌ట్ల‌ర్ వ‌రుస‌గా మూడు బౌండరీలు బాదాడు. 14 ఓవ‌ర్లు ముగిసే స‌రికి గుజ‌రాత్ వికెట్ న‌ష్టానికి 129 ప‌రుగులు చేసింది. క్రీజులో బ‌ట్ల‌ర్‌(13), శుబ్‌మ‌న్ గిల్‌(60) ఉన్నారు.హాఫ్ సెంచ‌రీల‌తో చెల‌రేగిన గిల్‌, సుద‌ర్శ‌న్‌..కేకేఆర్‌తో మ్యాచ్‌లో గుజ‌రాత్ ఓపెన‌ర్లు శుబ్‌మ‌న్ గిల్‌(52), సాయి సుద‌ర్శ‌న్(52) హాఫ్ సెంచ‌రీ మార్క్‌ను అందుకున్నారు. 12 ఓవ‌ర్లు ముగిసే స‌రికి గుజ‌రాత్ వికెట్ న‌ష్ట‌పోకుండా 113 ప‌రుగులు చేసింది.గిల్ ఆన్ ఫైర్‌..7 ఓవ‌ర్లు ముగిసే స‌రికి గుజ‌రాత్ టైటాన్స్ వికెట్ న‌ష్టపోకుండా 62 ప‌రుగులు చేసింది. కెప్టెన్ శుబ్‌మ‌న్ గిల్‌(39), సాయిసుద‌ర్శ‌న్(21) దూకుడుగా ఆడుతున్నారు.నిల‌క‌డ‌గా ఆడుతున్న గిల్‌, సుద‌ర్శ‌న్‌..టాస్ ఓడి బ్యాటింగ్‌కు దిగిన కేకేఆర్ 4 ఓవ‌ర్లు ముగిసే స‌రికి వికెట్ న‌ష్ట‌పోకుండా 26 ప‌రుగులు చేసింది. క్రీజులో శుబ్‌మ‌న్ గిల్‌(6), సాయిసుద‌ర్శ‌న్‌(19) ఉన్నారు.ఐపీఎల్‌-2025లో ఈడెన్ గార్డెన్స్ వేదిక‌గా గుజ‌రాత్ టైటాన్స్‌, కోల్‌క‌తా నైట్‌రైడ‌ర్స్ జ‌ట్లు త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన కేకేఆర్ తొలుత బౌలింగ్ ఎంచుకుంది. ఈ కీల‌క పోరులో కేకేఆర్ రెండు మార్పుల‌తో బ‌రిలోకి దిగింది. కేకేఆర్ తుది జ‌ట్టులోకి గుర్బాజ్‌, మోయిన్ అలీ వ‌చ్చారు. గుజ‌రాత్ మాత్రం త‌మ జ‌ట్టులో ఎటువంటి మార్పులు చేయ‌లేదు.తుది జ‌ట్లుగుజరాత్ టైటాన్స్ (ప్లేయింగ్ XI): సాయి సుదర్శన్, శుభ్‌మన్ గిల్ (కెప్టెన్‌), జోస్ బట్లర్ (వికెట్ కీప‌ర్‌), షెర్ఫాన్ రూథర్‌ఫోర్డ్, రాహుల్ తెవాటియా, వాషింగ్టన్ సుందర్, షారుక్ ఖాన్, రషీద్ ఖాన్, రవిశ్రీనివాసన్ సాయి కిషోర్, ప్రసిద్ధ్ కృష్ణ, మహ్మద్ సిరాజ్కోల్‌కతా నైట్ రైడర్స్ (ప్లేయింగ్ XI): రహ్మానుల్లా గుర్బాజ్(వికెట్ కీప‌ర్‌), సునీల్ నరైన్, అజింక్యా రహానే(కెప్టెన్‌), వెంకటేష్ అయ్యర్, రింకూ సింగ్, మొయిన్ అలీ, ఆండ్రీ రస్సెల్, రమణదీప్ సింగ్, హర్షిత్ రాణా, వైభవ్ అరోరా, వరుణ్ చ‌క్ర‌వ‌ర్తిచ‌దవండి: IPL 2025: చ‌రిత్ర సృష్టించిన ముంబై ఇండియన్స్‌.. తొలి జట్టుగా

కోల్‌కతా: ఐపీఎల్‌లో చక్కటి ప్రదర్శన కనబరుస్తున్న గుజరాత్‌ టైటాన్స్‌ డిఫెండింగ్‌ చాంపియన్‌ కోల్‌కతా నైట్‌రైడర్స్‌ (కేకేఆర్‌)తో పోరుకు సిద్ధమైంది. కేకేఆర్‌ జట్టు లీగ్‌ చరిత్రలో ఇప్పటి వరకు 259 మ్యాచ్‌లాడగా... అందులో మూడుసార్లు మాత్రమే గుజరాత్‌ టైటాన్స్‌తో తలపడింది. షెడ్యూల్‌ కారణంగా ఇరు జట్ల మధ్య తక్కువ మ్యాచ్‌లు జరగగా... సోమవారం పోరులో అటు కేకేఆర్, ఇటు గుజరాత్‌ టైటాన్స్‌ స్పిన్నర్లే ప్రధాన ఆయుధంగా బరిలోకి దిగనున్నాయి. వరుణ్‌ చక్రవర్తి, సునీల్‌ నరైన్‌ రూపంలో ఇద్దరు మిస్టరీ స్పిన్నర్లు కోల్‌కతాకు అందుబాటులో ఉండగా... గుజరాత్‌ తరఫున రషీద్‌ ఖాన్, సాయికిషోర్‌ సత్తా చాటేందుకు సిద్ధంగా ఉన్నారు. ప్రస్తుత సీజన్‌లో శుబ్‌మన్‌ గిల్‌ సారథ్యంలోని గుజరాత్‌ టైటాన్స్‌ 7 మ్యాచ్‌లాడి 5 విజయాలు, 2 పరాజయాలతో 10 పాయింట్లు ఖాతాలో వేసుకొని పట్టికలో అగ్రస్థానంలో ఉంది. గతంలో కోల్‌కతాకు ప్రాతినిధ్యం వహించిన గిల్‌... తన పాత జట్టుపై విజృంభించాలని చూస్తుంటే... విండీస్‌ ద్వయం రసెల్, నరైన్‌ సమష్టిగా కదంతొక్కి జట్టును గెలుపు బాట పట్టించాలని కోల్‌కతా మేనేజ్‌మెంట్‌ భావిస్తోంది. టీమిండియా అసిస్టెంట్‌ కోచ్‌ పదవి నుంచి తప్పించిన అనంతరం తిరిగి కేకేఆర్‌ గూటికి చేరిన అభిషేక్‌ నాయర్‌ ఈ మ్యాచ్‌లో డగౌట్‌ నుంచి కోల్‌కతా ప్లేయర్లకు సలహాలు ఇవ్వనున్నాడు. మరి ఈ మ్యాచ్‌లో విజయంతో గుజరాత్‌ అగ్రస్థానాన్ని మరింత పటిష్టం చేసుకుంటుందా... లేక సొంతగడ్డపై కోల్‌కతా విజయ దరహాసం చేస్తుందా చూడాలి! నిలకడ లేమి సమస్య... డిఫెండింగ్‌ చాంపియన్‌గా సీజన్‌ ఆరంభించిన కోల్‌కతా... స్థాయికి తగ్గ ఆటతీరు కనబర్చలేకపోతోంది. పంజాబ్‌తో జరిగిన గత మ్యాచ్‌లో 112 పరుగుల లక్ష్యాన్ని ఛేదించలేకపోయిన కేకేఆర్‌... 95 పరుగులకే కుప్పకూలింది. బ్యాటర్లు ముకుమ్మడిగా విఫలమవడంతో కోల్‌కతా మూల్యం చెల్లించుకుంది. అయితే అభిõÙక్‌ నాయర్‌ రాకతో జట్టులో జవసత్వం నిండుతుందని యాజమాన్యం ఆశిస్తోంది. ప్లే ఆఫ్స్‌ రేసులో నిలవాలంటే ఇకపై ఆడనున్న అన్నీ మ్యాచ్‌లు కీలకమైన నేపథ్యంలో... ప్లేయర్లంతా సమష్టిగా సత్తా చాటాలని చూస్తున్నారు. ముఖ్యంగా వేలంలో రూ. 23.75 కోట్లు పెట్టి కొనుగోలు చేసుకున్న వెంకటేశ్‌ అయ్యర్‌ కనీస ప్రదర్శన కనబర్చలేకపోతున్నాడు. ఈ సీజన్‌లో వెంకటేశ్‌ 24.20 సగటుతో 121 పరుగులు చేయగా... రమణ్‌దీప్‌ కేవలం 29 పరుగులే చేశాడు. హిట్టర్లుగా పేరున్న రసెల్‌ 5 మ్యాచ్‌ల్లో 34 పరుగులకే పరిమితం కాగా... రింకూ సింగ్‌ 38.66 సగటుతో 116 పరుగులు చేశాడు. కెప్టెన్‌ అజింక్య రహానే 2 అర్ధశతకాల సాయంతో 221 పరుగులు చేయగా... 20 ఏళ్ల రఘువంశీ 170 పరుగులతో ఫర్వాలేదనిపించాడు. ఓపెనర్లు సునీల్‌ నరైన్, డికాక్‌ కొన్ని మెరుపులు మెరిపిస్తున్నా... నిలకడగా జట్టుకు శుభారంభం అందించలేకపోతున్నారు. ఈ లోపాలన్నీ సరిద్దిద్దుకుంటేనే కేకేఆర్‌ తిరిగి గెలుపు పట్టాలెక్కనుంది. బౌలింగ్‌లో హర్షిత్‌ రాణా, వైభవ్‌ అరోరా, వరుణ్‌ చక్రవర్తి మంచి ఫామ్‌లో ఉన్నారు. అన్నీ రంగాల్లో పటిష్టంగా... అటు బౌలింగ్, ఇటు బ్యాటింగ్‌లో గుజరాత్‌ టైటాన్స్‌ బలంగా కనిపిస్తోంది. టాప్‌–3 ఆటగాళ్లు శుబ్‌మన్‌ గిల్, సాయి సుదర్శన్, బట్లర్‌ చక్కటి ఫామ్‌లో ఉండటం ఆ జట్టుకు కలిసి రానుంది. రూథర్‌ఫార్డ్, షారుక్‌ ఖాన్, రాహుల్‌ తెవాటియా రూపంలో మిడిలార్డర్‌ కూడా పటిష్టంగా ఉంది. గత మ్యాచ్‌లో శతకానికి మూడు పరుగుల దూరంలో నిలిచిపోయిన బట్లర్‌ ఈ సీజన్‌లో 63.00 సగటుతో 315 పరుగులు చేయగా... సాయి సుదర్శన్‌ 365 పరుగులతో ఆరెంజ్‌ క్యాప్‌ రేసులో ముందు వరుసలో ఉన్నాడు. బౌలింగ్‌లోనూ గుజరాత్‌కు ఇబ్బందులు లేవు. సీనియర్‌ పేసర్‌ ప్రసిధ్‌ కృష్ణ తాజా సీజన్‌లో 14 వికెట్లు పడగొట్టి దూకుడు మీద ఉండగా... హైదరాబాద్‌ పేసర్‌ మొహమ్మద్‌ సిరాజ్, ఇషాంత్‌ శర్మ అతడికి చక్కటి సహకారం అందిస్తున్నారు. తమిళనాడు స్పిన్నర్‌ సాయి కిషోర్‌ తనకు ఇచ్చిన బాధ్యతలు సక్రమంగా నిర్వర్తిస్తుండగా... రషీద్‌ ఖాన్‌ గురించి కొత్తగా చెప్పుకోవాల్సిన పనిలేదు. తుది జట్లు (అంచనా) కోల్‌కతా నైట్‌ రైడర్స్‌: రహానే (కెప్టెన్‌), నరైన్, డికాక్, వెంకటేశ్‌ అయ్యర్, రఘువంశీ, రింకూ సింగ్, రసెల్, రమన్‌దీప్‌ సింగ్, హర్షిత్‌ రాణా, నోర్జే, వైభవ్‌ అరోరా, వరుణ్‌ చక్రవర్తి. గుజరాత్‌ టైటాన్స్‌: గిల్‌ (కెప్టెన్‌), సాయి సుదర్శన్, బట్లర్, రూథర్‌ఫర్డ్, షారుక్‌ ఖాన్, రాహుల్‌ తెవాటియా, రషీద్‌ ఖాన్, అర్షద్‌ ఖాన్, సాయి కిషోర్, సిరాజ్, ప్రసిధ్‌ కృష్ణ, ఇషాంత్‌ శర్మ.

ఐపీఎల్‌ 2025 సీజన్‌లో భాగంగా అహ్మదాబాద్‌లోని నరేంద్ర మోదీ స్టేడియం వేదికగా ఇవాళ (ఏప్రిల్‌ 19) మధ్యాహ్నం జరిగిన మ్యాచ్‌లో ఢిల్లీ క్యాపిటల్స్‌పై గుజరాత్‌ టైటాన్స్‌ 7 వికెట్ల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన ఢిల్లీ నిర్ణీత 20 ఓవర్లలో 8 వికెట్ల నష్టానికి 203 పరుగులు చేసింది.ఢిల్లీ బ్యాటర్లలో అక్షర్‌ 39, అశుతోష్‌ శర్మ 37, కరుణ్‌ నాయర్‌, ట్రిస్టన్‌ స్టబ్స్‌ తలో 31, కేఎల్‌ రాహుల్‌ 28, అభిషేక్‌ పోరెల్‌ 18, విప్రాజ్‌ నిగమ్‌ 0, డొనోవన్‌ ఫెరియెరా 1, స్టార్క్‌ 2 (నాటౌట్‌), కుల్దీప్‌ 4 (నాటౌట్‌) పరుగులు చేశారు. గుజరాత్‌ బౌలర్లలో ప్రసిద్ద్‌ కృష్ణ 4 వికెట్లు తీయగా.. సిరాజ్‌, అర్షద్‌ ఖాన్‌, ఇషాంత్‌ శర్మ, సాయికిషోర్‌ తలో వికెట్‌ పడగొట్టారు.అనంతరం​ భారీ లక్ష్య ఛేదనకు దిగిన గుజరాత్‌ ఆదిలోనే శుభ్‌మన్‌ గిల్‌ (7) వికెట్‌ కోల్పోయినప్పటికీ.. జోస్‌ బట్లర్‌ వీరోచిత ఇన్నింగ్స్‌ (97 నాటౌట్‌) కారణంగా 19.2 ఓవర్లలో (3 వికెట్ల నష్టానికి) లక్ష్యాన్ని చేరుకుంది. గుజరాత్‌ బ్యాటర్లలో సాయి సుదర్శన్‌ 36, రూథర్‌ఫోర్డ్‌ 43, తెవాతియా 11 పరుగులు (నాటౌట్‌) చేశారు.ఢిల్లీ బౌలర్లలో ముకేశ్‌ కుమార్‌, కుల్దీప్‌ యాదవ్‌ తలో వికెట్‌ పడగొట్టారు. ఈ గెలుపుతో గుజరాత్‌ ఢిల్లీని వెనక్కు నెట్టి పాయింట్ల పట్టికలో అగ్రస్థానానికి ఎగబాకింది. ప్రస్తుతం గుజరాత్‌, ఢిల్లీ, పంజాబ్‌ తలో 10 పాయింట్లతో తొలి మూడు స్థానాల్లో ఉన్నాయి.పాపం బట్లర్‌ఈ మ్యాచ్‌లో బట్లర్‌కు సెంచరీ పూర్తి చేసే అవకాశం ఉన్నా 97 పరుగుల వద్ద అజేయంగా నిలిచిపోయాడు. చివరి రెండు ఓవర్లలో గుజరాత్‌ గెలుపుకు 15 పరుగులు అవసరమైన తరుణంలో బట్లర్‌ 96 పరుగుల వద్ద ఉన్నాడు. ఎంత పని చేశావయ్యా తెవాతియా..?అయితే 19వ ఓవర్‌ను ముకేశ్‌ కుమార్‌ అద్భుతంగా బౌల్‌ చేయడంతో ఆ ఓవర్‌లో బట్లర్‌ సెంచరీ కోసం రిస్క్‌ చేయలేకపోయాడు. చివరి ఓవర్‌లో అయినా మూడంకెల స్కోర్‌ను అందుకుందామా అంటే తెవాతియా అతనికి అడ్డుపడ్డాడు. జట్టు గెలుపుకు 10 పరుగులు అవసరమైన తరుణంలో వరుసగా సిక్సర్‌, బౌండరీ కొట్టి గుజరాత్‌ను విజయతీరాలకు చేర్చాడు. దీంతో బట్లర్‌ చేసేదేమీ లేక జట్టు గెలుపును ఆస్వాదించాడు.విరాట్‌ రికార్డు సమమయ్యేదిఈ మ్యాచ్‌లో బట్లర్‌ సెంచరీ పూర్తి చేసి ఉంటే ఐపీఎల్‌లో అత్యధిక సెంచరీలు చేసిన ఆటగాడిగా విరాట్‌ కోహ్లి రికార్డును సమం చేసేవాడు. విరాట్‌ ఐపీఎల్‌లో 8 సెంచరీలు చేయగా.. బట్లర్‌ ఖాతాలో 7 సెంచరీలు ఉన్నాయి. విరాట్‌ రికార్డును సమం చేసేందుకు బట్లర్‌కు ఇంతకంటే మంచి అవకాశం రాదు. తెవాతియా కారణంగా బట్లర్‌ చరిత్రలోనే నిలిచిపోయే అవకాశాన్ని కోల్పోయాడు. ఏదిఏమైనా ఈ మ్యాచ్‌లో బట్లర్‌ వీరోచిత ఇన్నింగ్స్‌ కారణంగానే గుజరాత్‌ గెలిచింది. సెంచరీ పూర్తి చేసుంటే అతని టాలెంట్‌కు తగ్గ గుర్తింపు దక్కేది.

ప్రస్తుత ఐపీఎల్‌ సీజన్‌లో టేబుల్‌ సెకెండ్‌ టాపర్‌గా ఉన్న గుజరాత్‌ టైటాన్స్‌ తమ గాయపడిన ఆటగాడు గ్లెన్‌ ఫిలిప్స్‌కు ప్రత్యామ్నాయ ఆటగాడిగా శ్రీలంక పరిమిత ఓవర్ల మాజీ కెప్టెన్‌ దసున్‌ షనకను ఎంపిక చేసుకుంది. షనక 2023 సీజన్‌లో కూడా గుజరాత్‌ టైటాన్స్‌కు ప్రాతినిథ్యం వహించాడు. ఈ సీజన్‌ మెగా వేలంలో షనక అన్‌ సోల్డ్‌గా మిగిలిపోయినప్పటికీ.. ఫిలిప్స్‌ గాయపడటంతో అతనికి అవకాశం వచ్చింది. షనక త్వరలోనే గుజరాత్‌ టైటాన్స్‌తో జతకడతాడని సమాచారం. షనక 2023 సీజన్‌లో గుజరాత్‌ తరఫున 3 మ్యాచ్‌లు ఆడి కేవలం 26 పరుగులే చేశాడు. పేస్‌ బౌలింగ్‌ ఆల్‌రౌండర్‌ అయిన షనకకు ఆ సీజన్‌లో బౌలింగ్‌ చేసే అవకాశం రాలేదు. 2023 సీజన్‌లో గుజరాత్‌ హార్దిక్‌ పాండ్యా నేతృత్వంలో రన్నరప్‌గా నిలిచింది. షనక ఈ ఏడాది ఇంటర్నేషనల్‌ టీ20 లీగ్‌ (దుబాయ్‌) టైటిల్‌ గెలిచిన దుబాయ్‌ క్యాపిటల్స్‌ జట్టులో సభ్యుడిగా ఉన్నాడు. 33 ఏళ్ల కుడి చేతి వాటం ఆల్‌రౌండర్‌ అయిన షనక శ్రీలంక తరఫున 6 టెస్ట్‌లు, 71 వన్డేలు, 102 టీ20లు ఆడాడు. షనక టెస్ట్‌ల్లో ఓ హాఫ్‌ సెంచరీ 13 వికెట్లు.. వన్డేల్లో 2 సెంచరీలు, 4 హాఫ్‌ సెంచరీలు, 27 వికెట్లు.. టీ20ల్లో 5 హాఫ్‌ సెంచరీలు, 33 వికెట్లు తీశాడు. షనక వన్డేల్లో ఓ ఐదు వికెట్ల ప్రదర్శన కూడా నమోదు చేశాడు. షనక తన ఐపీఎల్‌ కెరీర్‌ మొత్తంలో గుజరాత్‌ తరఫునే మూడు మ్యాచ్‌లు ఆడాడు.ఫిలిప్స్‌ విషయానికొస్తే.. ఈ సీజన్‌లోనే సన్‌రైజర్స్‌ నుంచి గుజరాత్‌కు వచ్చిన ఫిలిప్స్‌ ఈ సీజన్‌లో ఒక్క మ్యాచ్‌ కూడా ఆడలేదు. ఏప్రిల్‌ 6న సన్‌రైజర్స్‌తో జరిగిన మ్యాచ్‌లో ఫిలిప్స్‌ గాయపడ్డాడు. గాయం తీవ్రమైంది కావడంతో ఫిలిప్స్‌ సీజన్‌ మొత్తానికే దూరమ్యాడు.గుజరాత్‌ ఈ సీజన్‌ను నిదానంగా ఆరంభించి ప్రస్తుతం పాయింట్ల పట్టికలో రెండో స్థానంలో కొనసాగుతుంది. ఆ జట్టు ఈ సీజన్‌లో ఇప్పటివరకు ఆడిన 6 మ్యాచ్‌ల్లో 4 విజయాలు సాధించి, రెండింట ఓటమిపాలైంది. గుజరాత్‌ తమ తదుపరి మ్యాచ్‌లో ఢిల్లీ క్యాపిటల్స్‌తో తలపడనుంది. ఈ మ్యాచ్‌ ఏప్రిల్‌ 19న అహ్మదాబాద్‌లో జరుగనుంది. ప్రస్తుతం పాయింట్ల పట్టికలో ఢిల్లీ క్యాపిటల్స్‌ అగ్రస్థానంలో ఉంది. ఢిల్లీ ఈ సీజన్‌లో 6 మ్యాచ్‌లు ఆడి ఐదింట గెలిచింది. ఆర్సీబీ, పంజాబ్‌ చెరో 6 మ్యాచ్‌లు ఆడి తలో 4 విజయాలతో మూడు, నాలుగు స్థానాల్లో ఉన్నాయి. లక్నో, కేకేఆర్‌, ముంబై ఇండియన్స్‌, రాజస్థాన్‌ రాయల్స్‌, సన్‌రైజర్స్‌, సీఎస్‌కే వరుసగా ఐదు నుంచి పది స్థానాల్లో నిలిచాయి.

అహ్మదాబాద్‌: గుజరాత్‌ టైటాన్స్‌ ఆల్‌రౌండర్‌ గ్లెన్‌ ఫిలిప్స్‌ ఇండియన్‌ ప్రీమియర్‌ లీగ్‌ (ఐపీఎల్‌)కు దూరమయ్యాడు. న్యూజిలాండ్‌కు చెందిన ఫిలిప్స్‌ గాయం కారణంగా మిగిలిన మ్యాచ్‌లకు అందుబాటులో ఉండబోడని గుజరాత్‌ ఫ్రాంచైజీ శనివారం ఒక ప్రకటనలో తెలిపింది. తాజా సీజన్‌లో తుది జట్టులో చోటు దక్కించుకోలేకపోయిన ఫిలిప్స్‌... ఈ నెల 6న సన్‌రైజర్స్‌ హైదరాబాద్‌తో జరిగిన మ్యాచ్‌లో సబ్‌స్టిట్యూట్‌ ఫీల్డర్‌గా బరిలోకి దిగాడు. ఆ మ్యాచ్‌ చివరి ఓవర్‌లో రైజర్స్‌ బ్యాటర్‌ ఇషాన్‌ కిషన్‌ కొట్టిన బంతిని అడ్డుకునే ప్రయత్నంలో కిందపడ్డాడు. ఈ సమయంలో అతడి గజ్జల్లో గాయమైంది. తీవ్రత ఎక్కువగా ఉండటంతో అతడు కోలుకునేందుకు ఎక్కువ సమయం పట్టనుంది. ఇప్పటికే దక్షిణాఫ్రికా స్టార్‌ పేసర్‌ కగిసో రబడ వ్యక్తిగత కారణాలతో స్వదేశానికి తిరుగు పయనం కాగా... ఇప్పుడు గుజరాత్‌ టైటాన్స్‌ జట్టు గ్లెన్‌ ఫిలిప్స్‌ సేవలను కూడా కోల్పోయింది.

ఐపీఎల్‌ 2025 సీజన్‌లో భాగంగా ఇవాళ (ఏప్రిల్‌ 12) మధ్యాహ్నం జరిగిన మ్యాచ్‌లో గుజరాత్‌ టైటాన్స్‌పై లక్నో సూపర్‌ జెయింట్స్ 6 వికెట్ల తేడాతో ఘన విజయం సాధించింది. టాస్‌ ఓడి తొలుత బ్యాటింగ్‌ చేసిన గుజరాత్‌ నిర్ణీత 20 ఓవర్లలో 6 వికెట్ల నష్టానికి 180 పరుగులు చేసింది. గిల్‌ (38 బంతుల్లో 60; 6 ఫోర్లు, సిక్స్‌), సాయి సుదర్శన్‌ (37 బంతుల్లో 56; 7 ఫోర్లు, సిక్స్‌) రాణించారు.వాస్తవానికి ఈ మ్యాచ్‌లో గుజరాత్‌ భారీ స్కోర్‌ సాధించాల్సి ఉండింది. ఓపెనర్లు సాయి సుదర్శన్‌, శుభ్‌మన్‌ గిల్‌ క్రీజ్‌లో ఉండగా గుజరాత్‌ స్కోర్‌ 12 ఓవర్లలో 120గా ఉండింది. అయితే వీరిద్దరు రెండు పరుగుల వ్యవధిలో ఔట్‌ కావడంతో గుజరాత్‌ స్కోర్‌ ఒక్కసారిగా నెమ్మదించింది.తొలుత భారీగా పరుగులు సమర్పించుకున్న లక్నో బౌలర్లు అద్భుతంగా పుంజుకుని గుజరాత్‌ను ఓ మోస్తరు స్కోర్‌కే పరిమితం చేశారు. రూథర్‌ఫోర్డ్‌ 22 (19 బంతుల్లో 3 ఫోర్లు), బట్లర్‌ 16 (14 బంతుల్లో 2 ఫోర్లు), షారుక్‌ ఖాన్‌ 11 నాటౌట్‌ (6 బంతుల్లో సిక్సర్‌), సుందర్‌ 2 (3 బంతుల్లో), తెవాటియా డకౌటయ్యారు. లక్నో బౌలర్లలో బిష్ణోయ్‌, శార్దూల్‌ ఠాకూర్‌ తలో 2 వికెట్లు తీయగా.. దిగ్వేశ్‌ రాఠీ, ఆవేశ్‌ ఖాన్‌ చెరో వికెట్‌ పడగొట్టారు.అనంతరం ఛేదనకు దిగిన లక్నో..మార్క్రమ్‌ (31 బంతుల్లో 58; 9 ఫోర్లు, సిక్స్‌), పూరన్‌ (34 బంతుల్లో 61; ఫోర్‌, 7 సిక్సర్లు) విధ్వంసకర ఇన్నింగ్స్‌లతో రెచ్చిపోవడంతో 19.3 ఓవర్లలో 4 వికెట్లు కోల్పోయి లక్ష్యాన్ని చేరుకుంది. పూరన్‌ ఆకాశమే హద్దుగా చెలరేగిపోయి సిక్సర్ల సునామీ సృష్టించాడు. మిచెల్‌ మార్ష్‌ గైర్హాజరీలో (కూతురు అనారోగ్యం కారణంగా ఈ మ్యాచ్‌ ఆడలేదు) ఓపెనర్‌గా బరిలోకి దిగిన రిషబ్‌ పంత్‌ (18 బంతుల్లో 4 ఫోర్ల సాయంతో 21) ఓ మోస్తరుగా రాణించాడు. బదోని సిక్సర్‌తో మ్యాచ్‌ను ముగించాడు. గుజరాత్‌ బౌలర్లలో ప్రసిద్ద్‌ కృష్ణ 2, రషీద్‌ ఖాన్‌, వాషింగ్టన్‌ సందర్‌ తలో వికెట్‌ తీశారు.

ఐపీఎల్‌-2025లో గుజ‌రాత్ టైటాన్స్ స్టార్ ఓపెన‌ర్‌, టీమిండియా యువ ఆట‌గాడు సాయి సుద‌ర్శ‌న్ త‌న సూప‌ర్ ఫామ్‌ను కొన‌సాగిస్తున్నాడు. ఈ ఏడాది సీజ‌న్‌లో నిల‌క‌డ‌కు మారు పేరుగా మారిన సుద‌ర్శ‌న్.. మ‌రోసారి త‌న బ్యాట్‌కు ప‌నిచెప్పాడు. ఈ మెగా టోర్నీలో భాగంగా ఎక్నా స్టేడియం వేదిక‌గా ల‌క్నో సూప‌ర్ జెయింట్స్‌తో మ్యాచ్‌లో సుద‌ర్శ‌న్ అద్భుత‌మైన హాఫ్ సెంచ‌రీతో చెల‌రేగాడు. కెప్టెన్ శుబ్‌మ‌న్ గిల్‌తో క‌లిసి గుజ‌రాత్‌కు అదిరిపోయే ఆరంభాన్ని సుద‌ర్శ‌న్ అందించాడు. ఈ మ్యాచ్‌లో 37 బంతులు ఎదుర్కొన్న సాయి సుద‌ర్శ‌న్‌.. 7 ఫోర్లు 1 సిక్స్‌తో 56 ప‌రుగులు చేశాడు. ఈ ఏడాది సీజ‌న్‌లో సుద‌ర్శ‌న్‌కు ఇది నాలుగో హాఫ్ సెంచ‌రీ కావ‌డం విశేషం.74, 63, 49, 5, 82, 56 వ‌రుస‌గా సుద‌ర్శ‌న్ సాధించిన స్కోర్లు ఇవి. ఇప్ప‌టివ‌ర‌కు ఆరు మ్యాచ్‌లు ఆడిన సుద‌ర్శ‌న్‌.. 54.83 స‌గ‌టుతో 329 ప‌రుగులు చేసి లీడింగ్ ర‌న్ స్కోర‌ర్‌గా కొన‌సాగుతున్నాడు. ఈ క్ర‌మంలో సుద‌ర్శ‌న్‌పై నెటిజ‌న్లు ప్ర‌శంస‌ల వ‌ర్షం కురిపిస్తున్నారు. సూప‌ర్ స్టార్ సుద‌ర్శ‌న్ అంటూ కొనియాడుతున్నారు.4th fifty plus score for Mr.Consistent Sai Sudharsan#LSGvsGT pic.twitter.com/2qhdkvCRbv— Ganesh 🇮🇳 (@GaneshVerse) April 12, 2025కాగా సాయి సుదర్శన్ ఇప్పటికే టీమిండియా తరపున వన్డే, టీ20 అరంగేట్రం చేశాడు. ఆడిన 3 వన్డేల్లో 63.50 సగటుతో సుదర్శన్ 127 ప‌రుగులు చేశాడు. అందులో రెండు హాఫ్ సెంచరీలు ఉన్నాయి. కానీ ఆ తర్వాత అత‌డికి అనూహ్యంగా జ‌ట్టులో చోటు ద‌క్క‌లేదు. ఇప్పుడు ఐపీఎల్ 2025లో నిలకడగా సత్తాచాటి మళ్లీ టీమిండియాలోకి రావాలనే లక్ష్యంతో ఉన్నాడు. Mr. Reliable for Gujarat Titans! 🥶Well played, Sai Sudharsan 👏👏#SaiSudharsan #LSGvGT #GTvsLSG #IPL2025 #TATAIPL2025 pic.twitter.com/HHx5e4tDzF— Saabir Zafar (@Saabir_Saabu01) April 12, 2025

ప్రస్తుత ఐపీఎల్‌ సీజన్‌లో గుజరాత్‌ టైటాన్స్‌ వరుస విజయాలతో దూసుకుపోతూ పాయింట్ల పట్టికలో అగ్ర స్థానంలో ఉంది. ఆ జట్టు విజయాల్లో ఓపెనర్లు సాయి సుదర్శన్‌, శుభ్‌మన్‌ గిల్‌ పాత్ర చాలా కీలకం​. ఈ ఇద్దరు దాదాపుగా ప్రతి మ్యాచ్‌లో నిలకడైన ఆటతీరు ప్రదర్శిస్తూ జట్టు విజయానికి పటిష్టమైన పునాది వేస్తున్నారు.ఈ సీజన్‌లో సాయి ఆడిన ఆరు మ్యాచ్‌ల్లో నాలుగు హాఫ్‌ సెంచరీలు చేసి లీడింగ్‌ రన్‌ స్కోరర్‌గా కొనసాగుతుండగా.. గిల్‌ చివరి మూడు మ్యాచ్‌ల్లో రెండు హాఫ్‌ సెంచరీలు చేసి లీడింగ్‌ రన్‌ స్కోరర్ల జాబితాలో ఆరో స్థానంలో నిలిచాడు.ఈ సీజన్‌లో అత్యుత్తమ ఓపెనింగ్‌ జోడీగా పేరు తెచ్చుకున్న సాయి-గిల్‌ ద్వయం.. ఇవాళ (ఏప్రిల్‌ 12) లక్నోతో జరుగుతున్న మ్యాచ్‌లో రెండు రికార్డులు నెలకొల్పింది. ఈ మ్యాచ్‌లో 120 పరుగులు జోడించిన సాయి-గిల్‌ జోడీ.. ప్రస్తుత ఐపీఎల్‌ సీజన్‌లో తొలి వికెట్‌కు 100కు పైగా పరుగులు జోడించిన తొలి జోడీగా రికార్డు నెలకొల్పింది. అలాగే ఈ సీజన్‌లో ఏ వికెట్‌కైనా అత్యధిక పరుగులు జోడించిన జోడీగానూ రికార్డుల్లోకెక్కింది.ప్రస్తుత ఐపీఎల్‌ సీజన్‌లో అత్యధిక భాగస్వామ్యాలుగిల్‌-సాయి సుదర్శన్‌- 120 (తొలి వికెట్‌కు)పూరన్‌-మార్ష్‌- 116 (రెండో వికెట్‌కు)స్టబ్స్‌-కేఎల్‌ రాహుల్‌- 111* (ఐదో వికెట్‌కు)శాంసన్‌-జురెల్‌- 111 (నాలుగో వికెట్‌కు)రహానే-నరైన్‌- 103 (రెండో వికెట్‌కు)ఈ మ్యాచ్‌లో గిల్‌ 60, సాయి సుదర్శన్‌ 56 పరుగులు చేసి ఔటయ్యారు. వీరిద్దరు క్రీజ్‌లో ఉన్నంతవరకు గుజరాత్‌ జట్టు భారీ స్కోర్‌ దిశగా సాగింది. అయితే 2 పరుగుల వ్యవధిలో ఈ ఇద్దరు ఔట్‌ కావడంతో గుజరాత్‌ స్కోర్‌ ఒక్కసారిగా నెమ్మదించింది.13వ ఓవర్‌ తొలి బంతికి సాయి ఔటయ్యే సమయానికి గుజరాత్‌ స్కోర్‌ 120 పరుగులుగా ఉండగా.. 17వ ఓవర్‌ ముగిసే సమయానికి ఆ జట్టు నాలుగు వికెట్లు కోల్పోయి కేవలం 147 పరుగులు మాత్రమే చేయగలిగింది. రూథర్‌ఫోర్డ్‌ (6), షారుక్‌ ఖాన్‌ (1) గుజరాత్‌కు గౌరవప్రదమైన స్కోర్‌ అందించేందుకు ప్రయత్నిస్తున్నారు. గుజరాత్‌ ఇన్నింగ్స్‌లో బట్లర్‌ 16, సుందర్‌ 2 పరుగులకు ఔటయ్యారు. లక్నో బౌలర్లలో బిష్ణోయ్‌ 2, దిగ్వేశ్‌ రాఠీ, ఆవేశ్‌ ఖాన్‌ తలో వికెట్‌ పడగొట్టారు. ఈ మ్యాచ్‌లో గుజరాత్‌ టాస్‌ ఓడి లక్నో ఆహ్వానం మేరకు తొలుత బ్యాటింగ్‌ చేస్తుంది.తుది జట్లు..లక్నో: ఎయిడెన్ మార్క్రమ్, నికోలస్ పూరన్, రిషబ్ పంత్(కెప్టెన్‌/వికెట్‌కీపర్‌), హిమ్మత్ సింగ్, డేవిడ్ మిల్లర్, అబ్దుల్ సమద్, శార్దూల్ ఠాకూర్, ఆకాష్ దీప్, దిగ్వేష్ సింగ్ రాఠీ, అవేష్ ఖాన్, రవి బిష్ణోయ్గుజరాత్‌ టైటాన్స్‌: సాయి సుదర్శన్, శుభమన్ గిల్(కెప్టెన్‌), జోస్ బట్లర్(వికెట్‌కీపర్‌), వాషింగ్టన్ సుందర్, షెర్ఫానే రూథర్‌ఫోర్డ్, షారుక్ ఖాన్, రాహుల్ తెవాటియా, అర్షద్ ఖాన్, రషీద్ ఖాన్, రవిశ్రీనివాసన్ సాయి కిషోర్, మహ్మద్ సిరాజ్

ఐపీఎల్‌-2025లో భాగంగా ఏక్నా స్టేడియం వేదిక‌గా ల‌క్నో సూప‌ర్ జెయింట్స్‌తో జ‌రుగుతున్న మ్యాచ్‌లో గుజ‌రాత్ టైటాన్స్ కెప్టెన్ శుబ్‌మ‌న్ గిల్ అద్బుత‌మైన హాఫ్ సెంచ‌రీతో మెరిశాడు. తొలుత కాస్త ఆచితూచి ఆడిన గిల్‌.. క్రీజులో కుదురుకున్నాక ఆకాశ‌మే హ‌ద్దుగా చెల‌రేగిపోయాడు. మ‌రో ఓపెన‌ర్ సాయిసుద‌ర్శ‌న్‌తో క‌లిసి స్కోర్ బోర్డును ప‌రుగులు పెట్టించాడు. త‌నదైన శైలిలో బౌండ‌రీలు బాదుతూ అభిమానుల‌ను ప్రిన్స్ అలరించాడు. ఈ క్ర‌మంలో గిల్ కేవ‌లం 31 బంతుల్లోనే ఆర్ధ శత‌కాన్ని అందుకున్నాడు. ఓవ‌రాల్‌గా 38 బంతులు ఎదుర్కొన్న గిల్‌.. 6 ఫోర్లు, ఒక సిక్స‌ర్‌తో 60 ప‌రుగులు చేసి ఔట‌య్యాడు. ఈ మ్యాచ్‌లో హాఫ్ సెంచ‌రీతో చెల‌రేగిన గిల్ ఓ అరుదైన ఘ‌న‌తను త‌న పేరిట లిఖించుకున్నాడు. ఐపీఎల్‌లో గుజ‌రాత్ త‌ర‌పున 2000 ప‌రుగులు పూర్తి చేసుకున్న తొలి బ్యాట‌ర్‌గా గిల్ రికార్డుల‌కెక్కాడు. శుబ్‌మ‌న్ 53 ప‌రుగుల వ్య‌క్తిగ‌త స్కోర్ వ‌ద్ద ఈ ఫీట్‌ను అందుకున్నాడు. ఓవరాల్‌గా ఐపీఎల్‌లో ఇప్పటివరకు 109 మ్యాచ్‌లు ఆడిన గిల్ 3424 పరుగులు చేశాడు. అతడి ఇన్నింగ్స్‌లలో 22 హాఫ్ సెంచరీలు, నాలుగు శతకాలు ఉన్నాయి. ఇక ఈ మ్యాచ్‌లో టాస్ ఓడి మొద‌ట బ్యాటింగ్ చేసిన గుజ‌రాత్ టైటాన్స్ నిర్ణీత 20 ఓవ‌ర్ల‌లో 6 వికెట్ల న‌ష్టానికి 180 ప‌రుగులు చేసింది. గుజరాత్ బ్యాట‌ర్ల‌లో గిల్‌తో పాటు సాయిసుద‌ర్శ‌న్‌(56), ష‌ర్ఫెన్ రూథ‌ర్ ఫ‌ర్డ్‌(22) ప‌రుగుల‌తో రాణించారు. ల‌క్నో బౌల‌ర్ల‌లో శార్ధూల్ ఠాకూర్‌, బిష్ణోయ్ త‌లా రెండు వికెట్లు సాధించ‌గా.. దిగ్వేష్ సింగ్‌, అవేష్ ఖాన్ చెరో వికెట్ సాధించారు.చ‌ద‌వండి: LSG VS GT: మిచెల్‌ మార్ష్‌ ఎందుకు ఆడటం లేదు.. ఈ హిమ్మత్‌ సింగ్‌ ఎవరు..?

ఐపీఎల్‌ 2025లో భాగంగా ఇవాళ (ఏప్రిల్‌ 12) లక్నో సూపర్‌ జెయింట్స్‌, గుజరాత్‌ టైటాన్స్‌ తలపడుతున్నాయి. లక్నోలోని అటల్‌ బిహారి స్టేడియంలో ఈ మ్యాచ్‌ జరుగనుంది. మధ్యాహ్నం 3:30 గంటలకు ప్రారంభమైన ఈ మ్యాచ్‌లో లక్నో టాస్‌ గెలిచి ఫీల్డింగ్‌ ఎంచుకుంది. ఈ మ్యాచ్‌లో లక్నో ఓ కీలక మార్పుతో బరిలోకి దిగుతుంది. స్టార్‌ ఆటగాడు, ఇన్‌ ఫామ్‌ ప్లేయర్‌ మిచెల్‌ మార్ష్‌ ఈ మ్యాచ్‌లో ఆడటం లేదు.కారణం ఏంటి..?నేటి మ్యాచ్‌కు మార్ష్‌ వ్యక్తిగత కారణాల చేత దూరంగా ఉన్నాడని టాస్‌ సందర్భంగా లక్నో కెప్టెన్‌ పంత్‌ చెప్పాడు. మార్ష్‌ కూతురు లైలా అనారోగ్యంతో బాధపడుతుందని పంత్‌ పేర్కొన్నాడు. మార్ష్‌ తదుపరి మ్యాచ్‌లకు అందుబాటులో ఉంటాడా లేదా అన్నదానిపై స్పష్టత లేదు.మార్ష్‌ ప్రస్తుత సీజన్‌లో అరివీర భయంకరమైన ఫామ్‌లో ఉన్నాడు. మార్ష్‌ ఈ సీజన్‌లో ఇప్పటివరకు ఆడిన ఐదు మ్యాచ్‌ల్లో 53.00 సగటున, 180.27 స్ట్రయిక్‌రేట్‌తో 265 పరుగులు చేసి అత్యధిక పరుగులు చేసిన ఆటగాళ్ల జాబితాలో మూడో స్థానంలో కొనసాగుతున్నాడు. మార్ష్‌ ఈ సీజన్‌లో ఆడిన 5 మ్యాచ్‌ల్లో 4 హాఫ్‌ సెంచరీలు చేశాడు. పంజాబ్‌తో ఆడిన మ్యాచ్‌లో మాత్రమే మార్ష్‌ డకౌటయ్యాడు.ఈ సీజన్‌లో మార్ష్‌ చేసిన స్కోర్లు..ఢిల్లీపై 72 (36)హైదరాబాద్‌పై 52 (31)పంజాబ్‌పై 0 (1)ముంబైపై 60 (31)కేకేఆర్‌పై 81 (48)మార్ష్‌ స్థానాన్ని భర్తీ చేసిన ఈ హిమ్మత్‌ సింగ్‌ ఎవరు..?గుజరాత్‌తో మ్యాచ్‌లో మార్ష్‌ స్థానాన్ని భర్తీ చేస్తున్న హిమ్మత్‌ సింగ్‌ ఢిల్లీకి చెందిన కుడి చేతి వాటం విధ్వంసకర బ్యాటర్‌. నేటి మ్యాచ్‌లో హిమ్మత్‌ ఐపీఎల్‌ అరంగేట్రం చేస్తున్నాడు. హిమ్మత్‌కు టీ20ల్లో మంచి ట్రాక్‌ రికార్డు ఉంది. 47 మ్యాచ్‌ల్లో 28.65 సగటున 132.51 స్ట్రైక్ రేట్‌తో 917 పరుగులు చేశాడు. బౌలింగ్‌లోనూ హాఫ్‌ బ్రేక్‌తో సత్తా చాటగలడు. ఢిల్లీ ప్రీమియర్‌ లీగ్‌తో హిమ్మత్‌ వెలుగులోకి వచ్చాడు. ఈ సీజన్‌ మెగా వేలంలో లక్నో హిమ్మత్‌ను రూ. 30 లక్షలకు కొనుగోలు చేసింది. నేటి మ్యాచ్‌లో హిమ్మత్‌ ఓపెనింగ్‌ లేదా మిడిలార్డర్‌లో రావచ్చు.మ్యాచ్‌ విషయానికొస్తే.. టాస్‌ ఓడి బ్యాటింగ్‌కు దిగిన గుజరాత్‌ నిలకడగా ఇన్నింగ్స్‌ను కొనసాగిస్తుంది. ఓపెనర్లు సాయి సుదర్శన్‌ (23 బంతుల్లో 35; 4 ఫోర్లు, సిక్స్‌), శుభ్‌మన్‌ గిల్‌ (31 బంతుల్లో 50; 5 ఫోర్లు, సిక్స్‌) తమ సహజ శైలిలో ఆడుతున్నారు. 9 ఓవర్ల తర్వాత గుజరాత్‌ స్కోర్‌ 88/0గా ఉంది.తుది జట్లు..లక్నో: ఎయిడెన్ మార్క్రమ్, నికోలస్ పూరన్, రిషబ్ పంత్(కెప్టెన్‌/వికెట్‌కీపర్‌), హిమ్మత్ సింగ్, డేవిడ్ మిల్లర్, అబ్దుల్ సమద్, శార్దూల్ ఠాకూర్, ఆకాష్ దీప్, దిగ్వేష్ సింగ్ రాఠీ, అవేష్ ఖాన్, రవి బిష్ణోయ్గుజరాత్‌ టైటాన్స్‌: సాయి సుదర్శన్, శుభమన్ గిల్(కెప్టెన్‌), జోస్ బట్లర్(వికెట్‌కీపర్‌), వాషింగ్టన్ సుందర్, షెర్ఫానే రూథర్‌ఫోర్డ్, షారుక్ ఖాన్, రాహుల్ తెవాటియా, అర్షద్ ఖాన్, రషీద్ ఖాన్, రవిశ్రీనివాసన్ సాయి కిషోర్, మహ్మద్ సిరాజ్

గుజరాత్‌పై లక్నో విజయంఐపీఎల్‌ 2025 సీజన్‌లో భాగంగా ఇవాళ (ఏప్రిల్‌ 12) మధ్యాహ్నం జరిగిన మ్యాచ్‌లో గుజరాత్‌ టైటాన్స్‌పై లక్నో సూపర్‌ జెయింట్స్ 6 వికెట్ల తేడాతో ఘన విజయం సాధించింది. టాస్‌ ఓడి తొలుత బ్యాటింగ్‌ చేసిన గుజరాత్‌ నిర్ణీత 20 ఓవర్లలో 6 వికెట్ల నష్టానికి 180 పరుగులు చేసింది. గిల్‌ (38 బంతుల్లో 60; 6 ఫోర్లు, సిక్స్‌), సాయి సుదర్శన్‌ (37 బంతుల్లో 56; 7 ఫోర్లు, సిక్స్‌) అర్ద సెంచరీతో రాణించారు.అనంతరం ఛేదనకు దిగిన లక్నో..మార్క్రమ్‌ (31 బంతుల్లో 58; 9 ఫోర్లు, సిక్స్‌), పూరన్‌ (34 బంతుల్లో 61; ఫోర్‌, 7 సిక్సర్లు) విధ్వంసకర ఇన్నింగ్స్‌లతో రెచ్చిపోవడంతో 19.3 ఓవర్లలో 4 వికెట్లు కోల్పోయి లక్ష్యాన్ని చేరుకుంది. బదోని సిక్సర్‌తో మ్యాచ్‌ను ముగించాడు. గుజరాత్‌ బౌలర్లలో ప్రసిద్ద్‌ కృష్ణ 2, రషీద్‌ ఖాన్‌, వాషింగ్టన్‌ సందర్‌ తలో వికెట్‌ తీశారు.పూరన్‌ ఔట్‌15.2వ ఓవర్‌- 155 పరుగుల వద్ద లక్నో మూడో వికెట్‌ కోల్పోయింది. రషీద్‌ ఖాన్‌ బౌలింగ్‌లో షారుక్‌ ఖాన్‌కు క్యాచ్‌ ఇచ్చి పూరన్‌ (61) ఔటయ్యాడు.23 బంతుల్లో హాఫ్‌ సెంచరీ పూర్తి చేసిన పూరన్‌23 బంతుల్లో 6 సిక్సర్లు, బౌండరీ సాయంతో పూరన్‌ హాఫ్‌ సెంచరీ పూర్తి చేశాడు. ఈ మ్యాచ్‌లో లక్నో గెలవాలంటే 42 బంతుల్లో మరో 41 పరుగులు మాత్రమే చేయాలి. పూరన్‌ 51, బదోని 4 పరుగులతో క్రీజ్‌లో ఉన్నారు. రెండో వికెట్‌ కోల్పోయిన లక్నో11.1వ ఓవర్‌- 123 పరుగుల వద్ద లక్నో రెండో వికెట్‌ కోల్పోయింది. ప్రస్దిద్‌ కృష్ణ బౌలింగ్‌లో శుభ్‌మన్‌ గిల్‌కు క్యాచ్‌ ఇచ్చి మార్క్రమ్‌ (58) ఔటయ్యాడు. 26 బంతుల్లోనే హాఫ్‌ సెంచరీ పూర్తి చేసిన మార్క్రమ్‌181 పరుగుల లక్ష్య ఛేదనలో లక్నో ఓపెనర్‌ మార్క్రమ్‌ ధాటిగా ఇన్నింగ్స్‌ను ప్రారంభించాడు. మార్క్రమ్‌ కేవలం 26 బంతుల్లోనే హాఫ్‌ సెంచరీ (8 ఫోర్లు, సిక్స్‌) పూర్తి చేశాడు. పంత్‌ ఔటయ్యాక క్రీజ్‌లోకి వచ్చిన పూరన్‌ ఆకాశమే హద్దుగా చెలరేగుతున్నాడు. పూరన్‌ కేవలం 16 బంతుల్లో 5 సిక్సర్ల సాయంతో 37 పరుగులు చేశాడు. 10 ఓవర్లలో లక్నో స్కోర్‌ 114/1గా ఉంది. తొలి వికెట్‌ కోల్పోయిన లక్నో.. పంత్‌ ఔట్‌6.2వ ఓవర్‌- 65 పరుగుల వద్ద లక్నో తొలి వికెట్‌ కోల్పోయింది. ప్రసిద్ద్‌ కృష్ణ బౌలింగ్‌లో సుందర్‌కు క్యాచ్‌ ఇచ్చి రిషబ్‌ పంత్‌ (21) ఔటయ్యాడు.టార్గెట్‌ 181.. 6 ఓవర్లలో 61 పరుగులు చేసిన లక్నో181 పరుగుల లక్ష్య ఛేదనలో లక్నో ధాటిగా ఆడుతుంది. ఓపెనర్లు పంత్‌ (17), మార్క్రమ్‌ (38) వేగంగా పరుగులు సాధిస్తున్నారు. 6 ఓవర్ల తర్వాత లక్నో స్కోర్‌ 61/0గా ఉంది. టార్గెట్‌ 181.. ఓపెనర్‌గా పంత్‌.. రెచ్చిపోయి ఆడుతున్న మార్క్రమ్‌181 పరుగుల లక్ష్య ఛేదనలో లక్నో ఓపెనర్‌గా రిషబ్‌ పంత్‌ బరిలోకి దిగాడు. మార్క్రమ్‌కు జతగా పంత్‌ క్రీజ్‌లో ఉన్నాడు. పంత్‌ 11 బంతుల్లో 2 ఫోర్ల సాయంతో 10 పరుగులు చేసి క్రీజ్‌లో ఉన్నాడు. అతనికి జతగా ఉన్న మార్క్రమ్‌ 18 బంతుల్లో 5 ఫోర్లు, సిక్సర్‌ సాయంతో 33 పరుగులు చేసి ఇన్నింగ్స్‌ను కొనసాగిస్తున్నాడు. ఈ మ్యాచ్‌లో మిచెల్‌ మార్ష్‌ గైర్హాజరీలో పంత్‌ ఓపెనర్‌గా బరిలోకి దిగాడు. 5 ఓవర్ల తర్వాత లక్నో స్కోర్‌ 49/0గా ఉంది.లక్నో బౌలర్ల అద్బుత ప్రదర్శన.. ఓ మోస్తరు స్కోర్‌కే పరిమితమైన గుజరాత్‌టాస్‌ ఓడి లక్నో ఆహ్వానం మేరకు తొలుత బ్యాటింగ్‌ చేసిన గుజరాత్‌ నిర్ణీత 20 ఓవర్లలో 6 వికెట్ల నష్టానికి 180 పరుగులు చేసింది. గిల్‌ 60, సాయి సుదర్శన్‌ 56 పరుగులతో రాణించారు. వాస్తవానికి ఈ మ్యాచ్‌లో గుజరాత్‌ భారీ స్కోర్‌ సాధించాల్సి ఉండింది. ఓపెనర్లు సాయి సుదర్శన్‌, శుభ్‌మన్‌ గిల్‌ క్రీజ్‌లో ఉండగా గుజరాత్‌ స్కోర్‌ 12 ఓవర్లలో 120గా ఉండింది. అయితే వీరిద్దరు రెండు పరుగుల వ్యవధిలో ఔట్‌ కావడంతో గుజరాత్‌ స్కోర్‌ ఒక్కసారిగా నమ్మదించింది. ఈ దశలో లక్నో బౌలర్లు అద్భుతంగా బౌలింగ్‌ చేసి గుజరాత్‌ను ఓ మోస్తరు స్కోర్‌కే పరిమితం చేశారు. రూథర్‌ఫోర్డ్‌ 22, బట్లర్‌ 16, షారుక్‌ ఖాన్‌ 11 (నాటౌట్‌), సుందర్‌ 2, తెవాటియా డకౌటయ్యారు. లక్నో బౌలర్లలో బిష్ణోయ్‌, శార్దూల్‌ ఠాకూర్‌ తలో 2 వికెట్లు తీయగా.. దిగ్వేశ్‌ రాఠీ, ఆవేశ్‌ ఖాన్‌ చెరో వికెట్‌ పడగొట్టారు. నాలుగో వికెట్‌ కోల్పోయిన గుజరాత్‌16.4వ ఓవర్‌- 145 పరుగుల వద్ద గుజరాత్‌ నాలుగో వికెట్‌ కోల్పోయింది. దిగ్వేశ్‌ రాఠీ బౌలింగ్‌లో శార్దూల్‌ ఠాకూర్‌కు క్యాచ్ ఇచ్చి జోస్‌ బట్లర్‌ (16) ఔటయ్యాడు. రూథర్‌ఫోర్డ్‌కు (6) జతగా షారుక్‌ ఖాన్‌ క్రీజ్‌లోకి వచ్చాడు. ఒకే ఓవర్‌లో రెండు వికెట్లు కోల్పోయిన గుజరాత్‌ఇన్నింగ్స్‌ 14వ ఓవర్‌లో గుజరాత్‌ రెండు వికెట్లు కోల్పోయింది. తొలి బంతికి సాయి సుదర్శన్‌ (56), ఆఖరి బంతికి వాషింగ్టన్‌ సుందర్‌ను (2) రవి బిష్ణోయ్‌ ఔట్‌ చేశారు. 14 ఓవర్ల తర్వాత గుజరాత్‌ స్కోర్‌ 127/3గా ఉంది. బట్లర్‌ (3), రూథర్‌ఫోర్డ్‌ క్రీజ్‌లో ఉన్నారు. తొలి వికెట్‌ కోల్పోయిన గుజరాత్‌12.1వ ఓవర్‌- 120 పరుగుల వద్ద గుజరాత్‌ తొలి వికెట్‌ కోల్పోయింది. ఆవేశ్‌ ఖాన్‌ బౌలింగ్లో మార్క్రమ్‌ బౌండరీ లైన్‌ వద్ద అద్బుతమైన క్యాచ్‌ పట్టడంతో శుభ్‌మన్‌ గిల్‌ (38 బంతుల్లో 60; 6 ఫోర్లు, సిక్స్‌) ఔటయ్యాడు. సాయి సుదర్శన్‌కు (55) జతగా జోస్‌ బట్లర్‌ క్రీజ్‌లోకి వచ్చాడు. హాఫ్‌ సెంచరీలు పూర్తి చేసిన గిల్‌, సుదర్శన్‌.. 11 ఓవర్ల తర్వాత గుజరాత్‌ స్కోర్‌ ఎంతంటే..?11 ఓవర్ల తర్వాత గుజరాత్‌ స్కోర్‌ 109/0గా ఉంది. గిల్‌ (53), సాయి సుదర్శన్‌ (51) హాఫ్‌ సెంచరీలు పూర్తి చేసుకున్నారు. నిలకడగా ఆడుతున్న గిల్‌, సాయి సుదర్శన్‌.. 7 ఓవర్ల తర్వాత స్కోర్‌ ఎంతంటే..?7 ఓవర్ల తర్వాత గుజరాత్‌ స్కోర్‌ 66/0గా ఉంది. ఓపెనర్లు సాయి సుదర్శన్‌ (30), శుభ్‌మన్‌ గిల్‌ (34) నిలకడగా ఆడుతున్నారు. ఆచితూచి ఆడుతున్న గుజరాత్‌ ఓపెనర్లుటాస్‌ ఓడి బ్యాటింగ్‌కు దిగిన గుజరాత్‌ 3 ఓవర్లలో వికెట్‌ నష్టపోకుండా 26 పరుగులు చేసింది. ఓపెనర్లు శుభ్‌మన్‌ గిల్‌ (15), సాయి సుదర్శన్‌ (11) ఆచితూచి ఆడుతున్నారు. ఐపీఎల్‌ 2025లో భాగంగా ఇవాళ (ఏప్రిల్‌ 12) లక్నో సూపర్‌ జెయింట్స్‌, గుజరాత్‌ టైటాన్స్‌ తలపడుతున్నాయి. లక్నోలోని అటల్‌ బిహారి స్టేడియంలో ఈ మ్యాచ్‌ జరుగనుంది. ఈ మ్యాచ్‌ మధ్యాహ్నం 3:30 గంటలకు ప్రారంభమవుతుంది. ఈ మ్యాచ్‌లో లక్నో కెప్టెన్‌ పంత్‌ టాస్‌ గెలిచి ఫీల్డింగ్‌ ఎంచుకున్నాడు. ఈ మ్యాచ్‌లో లక్నో ఓ కీలక మార్పుతో బరిలోకి దిగుతుంది. స్టార్‌ ఆటగాడు, ఇన్‌ ఫామ్‌ ప్లేయర్‌ మిచెల్‌ మార్ష్‌ ఈ మ్యాచ్‌లో ఆడటం లేదు. వ్యక్తిగత కారణాల చేత మార్ష్‌ ఈ మ్యాచ్‌కు దూరంగా ఉన్నాడు. అతని స్థానాన్ని హిమ్మత్‌ సింగ్‌ భర్తీ చేయనున్నాడు. గుజరాత్‌ కూడా ఓ మార్పుతో బరిలోకి దిగుతుంది. కుల్వంత్‌ కేజ్రోలియా స్థానంలో వాషింగ్టన్‌ సుందర్‌ జట్టులోకి వచ్చాడు.ప్రస్తుత సీజన్‌లో గుజరాత్‌ ఇప్పటివరకు ఆడిన 5 మ్యాచ్‌ల్లో నాలుగింట గెలిచి పాయింట్ల పట్టికలో అగ్రస్థానంలో కొనసాగుతుంది. లక్నో ఐదింట మూడు గెలిచి ఆరో స్థానంలో ఉంది.తుది జట్లు..లక్నో: ఎయిడెన్ మార్క్రమ్, నికోలస్ పూరన్, రిషబ్ పంత్(కెప్టెన్‌/వికెట్‌కీపర్‌), హిమ్మత్ సింగ్, డేవిడ్ మిల్లర్, అబ్దుల్ సమద్, శార్దూల్ ఠాకూర్, ఆకాష్ దీప్, దిగ్వేష్ సింగ్ రాఠీ, అవేష్ ఖాన్, రవి బిష్ణోయ్గుజరాత్‌ టైటాన్స్‌: సాయి సుదర్శన్, శుభమన్ గిల్(కెప్టెన్‌), జోస్ బట్లర్(వికెట్‌కీపర్‌), వాషింగ్టన్ సుందర్, షెర్ఫానే రూథర్‌ఫోర్డ్, షారుక్ ఖాన్, రాహుల్ తెవాటియా, అర్షద్ ఖాన్, రషీద్ ఖాన్, రవిశ్రీనివాసన్ సాయి కిషోర్, మహ్మద్ సిరాజ్

గుజరాత్‌ టైటాన్స్‌ ఓపెనర్‌ సాయి సుదర్శన్‌ ఐపీఎల్‌-2025 (IPL 2025)లోనూ అదరగొడుతున్నాడు. గతేడాది పన్నెండు ఇన్నింగ్స్‌లోనే 527 పరుగులు సాధించి సత్తా చాటిన ఈ ఎడమచేతి వాటం బ్యాటర్‌.. ఈసారి అదే జోరును కనబరుస్తున్నాడు. ఇప్పటి వరకు ఐదు మ్యాచ్‌లలో కలిపి 273 పరుగులు సాధించాడు.ధనాధన్‌ దంచికొడుతూసీజన్‌ ఆరంభ మ్యాచ్‌లో పంజాబ్‌ కింగ్స్‌పై 41 బంతుల్లో 74.. అనంతరం ముంబై ఇండియన్స్‌పై 41 బంతుల్లో 63 పరుగులు చేశాడు. ఆ తర్వాత ఆర్సీబీపై 36 బంతుల్లో 49 రన్స్‌ చేసిన సాయి సుదర్శన్‌ (Sai Sudharshn).. సన్‌రైజర్స్‌ హైదరాబాద్‌తో మ్యాచ్‌లో మాత్రం కేవలం ఐదు పరుగులే చేసి నిరాశ పరిచాడు. అయితే, తాజాగా రాజస్తాన్‌ రాయల్స్‌తో మ్యాచ్‌ సందర్భంగా మరోసారి బ్యాట్‌ ఝులిపించి.. సాయి ఫామ్‌లోకి వచ్చేశాడు.అహ్మదాబాద్‌ వేదికగా బుధవారం జరిగిన మ్యాచ్‌లో సాయి సుదర్శన్‌ ధనాధన్‌ బ్యాటింగ్‌తో అలరించాడు. కేవలం 53 బంతుల్లోనే ఎనిమిది ఫోర్లు, మూడు సిక్సర్ల సాయంతో 82 పరుగులు సాధించాడు. ఆరంభంలోనే కీలక వికెట్లు కోల్పోయి కష్టాల్లో ఉన్న వేళ మంచి స్కోరు సాధించి జట్టు విజయానికి పునాది వేశాడు.సరికొత్త చరిత్రఇక రాయల్స్‌తో మ్యాచ్‌ సందర్భంగా సాయి సుదర్శన్‌ ఐపీఎల్‌లో 1300 పరుగుల మార్కును దాటాడు. అంతేకాదు కేవలం 30 ఇన్నింగ్స్‌లోనే అతడు ఈ మైలురాయిని చేరుకోవడం గమనార్హం. ఈ నేపథ్యంలో సాయి సుదర్శన్‌ సరికొత్త చరిత్ర సృష్టించాడు. ఐపీఎల్‌ చరిత్రలో తక్కువ ఇన్నింగ్స్‌లోనే 1300కు పైగా పరుగులు చేసిన భారత తొలి క్రికెటర్‌గా రికార్డు సాధించాడు.కాగా 2022లో ఐపీఎల్‌లో అరంగేట్రం చేసిన చెన్నై ఆటగాడు సాయి సుదర్శన్‌.. ఇప్పటి వరకు 30 మ్యాచ్‌లు పూర్తి చేసుకుని 1307 పరుగులు సాధించాడు. ఇక ఆది నుంచి టైటాన్స్‌కే ప్రాతినిథ్యం వహిస్తున్న సాయి సుదర్శన్‌ను ఐపీఎల్‌-2025 మెగా వేలానికి ముందు గుజరాత్‌ ఫ్రాంఛైజీ రూ. రూ. 8.50 కోట్లకు రిటైన్‌ చేసుకుంది.ఐపీఎల్‌ చరిత్రలో 30 ఇన్నింగ్స్‌లోనే వెయ్యికి పైగా పరుగులు సాధించిన క్రికెటర్లు👉షాన్‌ మార్ష్‌- 1338👉సాయి సుదర్శన్‌- 1307*👉క్రిస్‌ గేల్‌- 1141👉కేన్‌ విలియమ్సన్‌- 1096👉మాథ్యూ హెడెన్‌- 1082.తొలి ప్లేయర్‌గా మరో ఘనతరాయల్స్‌తో మ్యాచ్‌ సందర్భంగా ఈ రికార్డుతో పాటు మరో ఘనతను కూడా సాయి సుదర్శన్‌ సాధించాడు. ఒకే వేదికపై వరుసగా ఐదు హాఫ్‌ సెంచరీలు బాదిన తొలి భారత బ్యాటర్‌గా నిలిచాడు. అహ్మదాబాద్‌లో ఆర్సీబీపై 84, సీఎస్‌కేపై 103, పంజాబ్‌ కింగ్స్‌పై 74, ముంబై ఇండియన్స్‌పై 63 పరుగులు సాధించిన సాయి.. తాజాగా అదే వేదికపై రాయల్స్‌పై 82 పరుగులు స్కోరు చేశాడు.చదవండి: పృథ్వీ షాను చూడు.. మనకూ అదే గతి పట్టవచ్చు.. జాగ్రత్త!Elegance 👌Power 💪🎥 Display of complete range from Sai Sudharsan and Shahrukh Khan 🔥Updates ▶ https://t.co/raxxjzY9g7#TATAIPL | #GTvRR | @gujarat_titans pic.twitter.com/LXSXbgL5Rp— IndianPremierLeague (@IPL) April 9, 2025

ఓటమి బాధలో ఉన్న రాజస్తాన్‌ రాయల్స్‌ కెప్టెన్‌ సంజూ శాంసన్‌ (Sanju Samson)కు మరో షాక్‌ తగిలింది. ఐపీఎల్‌ పాలక మండలి అతడికి రూ. 24 లక్షల మేర జరిమానా విధించింది. అదే విధంగా.. గుజరాత్‌ టైటాన్స్‌ (GT vs RR)తో బుధవారం నాటి మ్యాచ్‌లో రాజస్తాన్‌ తుదిజట్టులో ఉన్న ఆటగాళ్లకు కూడా ఫైన్‌ వేసింది.ఎదురుదెబ్బలుకాగా ఐపీఎల్‌-2025 (IPL 2025)లో రాజస్తాన్‌కు ఆరంభం నుంచే ఎదురుదెబ్బలు తగులుతున్నాయి. గాయం నుంచి కోలుకున్న సంజూ.. పూర్తిస్థాయిలో ఫిట్‌నెస్‌ సాధించని కారణంగా తొలి మూడు మ్యాచ్‌లలో కేవలం బ్యాటర్‌గానే బరిలోకి దిగాడు. అతడి స్థానంలో యువ ఆటగాడు రియాన్‌ పరాగ్‌ జట్టును ముందుండి నడిపించాడు.ఈ క్రమంలో శనివారం (ఏప్రిల్‌ 5) నాటి మ్యాచ్‌ నుంచి కెప్టెన్‌గా సంజూ శాంసన్‌ అందుబాటులోకి వచ్చాడు. అతడి సారథ్యంలో ఈ సీజన్‌లో తొలుత పంజాబ్‌ కింగ్స్‌తో తలపడ్డ రాజస్తాన్‌.. 50 పరుగుల తేడాతో జయభేరి మోగించింది. అయితే, తాజాగా గుజరాత్‌ టైటాన్స్‌తో మ్యాచ్‌లో మాత్రం చేతులెత్తేసింది.159 పరుగులకేఅహ్మదాబాద్‌లో బుధవారం జరిగిన మ్యాచ్‌లో టాస్‌ గెలిచిన రాజస్తాన్‌ తొలుత బౌలింగ్‌ చేసింది. ఈ క్రమంలో ఆతిథ్య గుజరాత్‌ జట్టు నిర్ణీత 20 ఓవర్లలో ఆరు వికెట్ల నష్టానికి 217 పరుగులు సాధించింది. ఇక లక్ష్య ఛేదనలో రాజస్తాన్‌ మాత్రం 159 పరుగులకే కుప్పకూలింది. గుజరాత్‌ బౌలర్ల దెబ్బకు సంజూ సేన 19.2 ఓవర్లలోనే ఆలౌట్‌ అయి.. 58 పరుగుల తేడాతో ఓటమిని మూటగట్టుకుంది.సంజూకు రూ. 24 లక్షల జరిమానాఇదిలా ఉంటే.. గుజరాత్‌తో మ్యాచ్‌లో నిర్ణీత ఓవర్లలో బౌలింగ్‌ కోటా పూర్తి చేయనందున రాజస్తాన్‌కు భారత క్రికెట్‌ నియంత్రణ మండలి (BCCI) పనిష్మెంట్‌ ఇచ్చింది. గతంలో రియాన్‌ పరాగ్‌ కెప్టెన్సీలో చెన్నై సూపర్‌ కింగ్స్‌తో మ్యాచ్‌లోనూ రాజస్తాన్‌ ఇదే తప్పిదానికి పాల్పడింది. అప్పుడు అతడికి రూ. 12 లక్షల ఫైన్‌ వేసిన బీసీసీఐ... రాజస్తాన్‌ మరోసారి ఇదే తప్పు పునరావృతం చేసినందున నిబంధనల ప్రకారం సంజూకు రూ. 24 లక్షల జరిమానా విధించింది.ఇందుకు సంబంధించి.. ‘‘గుజరాత్‌ టైటాన్స్‌తో మ్యాచ్‌లో స్లో ఓవర్‌ రేటు మెయింటెన్‌ చేసినందుకు గానూ రాజస్తాన్‌ రాయల్స్‌ కెప్టెన్‌ సంజూ శాంసన్‌కు రూ. 24 లక్షల జరిమానా విధిస్తున్నాం.వారికి కూడాఅదే విధంగా.. ఇంపాక్ట్‌ ప్లేయర్‌ సహా తుదిజట్టులోని ప్రతి ఆటగాడు రూ. లక్షల జరిమానా కట్టాలి లేదంటే వారి మ్యాచ్‌ ఫీజులో 25 శాతం మేర చెల్లించాలి. ఈ రెండింటిలో ఏది తక్కువగా ఉంటే అదే వర్తిస్తుంది’’ అని ఐపీఎల్‌ మీడియా ప్రకటనలో పేర్కొంది. ఇదిలా ఉంటే.. రాజస్తాన్‌ రాయల్స్‌ ఇప్పటి వరకు ఈ సీజన్‌లో ఐదు మ్యాచ్‌లు పూర్తి చేసుకుని కేవలం రెండే గెలిచింది.ఐపీఎల్‌-2025: గుజరాత్‌ వర్సెస్ రాజస్తాన్‌👉వేదిక: నరేంద్ర మోదీ స్టేడియం, అహ్మదాబాద్‌👉టాస్‌: రాజస్తాన్‌.. తొలుత బౌలింగ్‌👉గుజరాత్‌ స్కోరు: 217/6 (20)👉రాజస్తాన్‌ స్కోరు: 159 (19.2)👉ఫలితం: 58 పరుగుల తేడాతో రాజస్తాన్‌పై గుజరాత్‌ గెలుపు👉ప్లేయర్‌ ఆఫ్‌ ది మ్యాచ్‌: సాయి సుదర్శన్‌ (53 బంతుల్లో 82).చదవండి: KKR: చేతులు జోడించి అడుగుతున్నా.. రింకూని కాస్త ముందే పంపండి! 🔝 of their Game. 🔝 of the Table. 💙#GT roar to the top of the points table with another strong display of cricket 💪Scorecard ▶ https://t.co/raxxjzYH5F#TATAIPL | #GTvRR | @gujarat_titans pic.twitter.com/ZDRsDqoMAT— IndianPremierLeague (@IPL) April 9, 2025

ఐపీఎల్‌లో మాజీ చాంపియన్‌ గుజరాత్‌ టైటాన్స్‌ జోరు కొనసాగుతోంది. సీజన్‌ తొలి మ్యాచ్‌లో ఓటమి తర్వాతి నుంచి చెలరేగుతున్న జట్టు వరుసగా నాలుగో విజయంతో అగ్ర స్థానానికి దూసుకెళ్లింది. రాజస్తాన్‌ రాయల్స్‌తో పోరులో సాయి సుదర్శన్‌ అండ్‌ టీమ్‌ మెరుపు బ్యాటింగ్‌తో ముందుగా భారీ స్కోరు నమోదు చేసి... ఆ తర్వాత సొంత మైదానంలో దానిని విజయవంతంగా నిలబెట్టుకోగలిగింది. పేలవ బౌలింగ్‌ తర్వాత బ్యాటింగ్‌లోనూ బలహీనంగా కనిపించిన రాయల్స్‌ ఓటముల ‘హ్యాట్రిక్‌’ నమోదు చేసింది. ఛేదనలో హెట్‌మైర్, సామ్సన్‌ పోరాటం సరిపోక జట్టు చేతులెత్తేసింది. అహ్మదాబాద్‌: శుబ్‌మన్‌ గిల్‌ సారథ్యంలోని గుజరాత్‌ టైటాన్స్‌ మరోసారి సమష్టి ప్రదర్శనతో ప్రత్యర్థిపై పైచేయి సాధించింది. బుధవారం జరిగిన ఐపీఎల్‌ 18వ సీజన్‌ మ్యాచ్‌లో అన్ని రంగాల్లో ఆధిక్యం కనబర్చిన టైటాన్స్‌ 58 పరుగుల తేడాతో రాజస్తాన్‌ రాయల్స్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన గుజరాత్‌ 20 ఓవర్లలో 6 వికెట్ల నష్టానికి 217 పరుగులు చేసింది.‘ప్లేయర్‌ ఆఫ్‌ ద మ్యాచ్‌’ సాయి సుదర్శన్‌ (53 బంతుల్లో 82; 8 ఫోర్లు, 3 సిక్స్‌లు) మెరుపు బ్యాటింగ్‌తో చెలరేగగా... జోస్‌ బట్లర్‌ (25 బంతుల్లో 36; 5 ఫోర్లు), షారుఖ్‌ ఖాన్‌ (20 బంతుల్లో 36; 4 ఫోర్లు, 2 సిక్స్‌లు) అండగా నిలిచారు. అనంతరం రాజస్తాన్‌ 19.2 ఓవర్లలో 159 పరుగులకు ఆలౌటైంది. హెట్‌మైర్‌ (32 బంతుల్లో 52; 4 ఫోర్లు, 3 సిక్స్‌లు), సంజూ సామ్సన్‌ (28 బంతుల్లో 41; 4 ఫోర్లు, 2 సిక్స్‌లు) రాణించగా, ప్రసిధ్‌ కృష్ణకు 3 వికెట్లు దక్కాయి. కీలక భాగస్వామ్యాలు... ఆర్చర్‌ బౌలింగ్‌లో శుబ్‌మన్‌ గిల్‌ (2) ఆరంభంలోనే వెనుదిరిగినా... సుదర్శన్, బట్లర్‌ భాగస్వామ్యంలో జట్టు కోలుకుంది. వీరిద్దరు చక్కటి షాట్లతో స్కోరుబోర్డును నడిపించారు. తుషార్‌ దేశ్‌పాండే ఓవర్లో సుదర్శన్‌ 2 ఫోర్లు, సిక్స్‌ కొట్టడంతో పవర్‌ప్లే ముగిసేసరికి స్కోరు 56 పరుగులకు చేరింది. రెండో వికెట్‌కు 47 బంతుల్లో 80 పరుగులు జోడించిన తర్వాత బట్లర్‌ వెనుదిరిగాడు. మరోవైపు సుదర్శన్‌ 32 బంతుల్లో హాఫ్‌ సెంచరీని అందుకున్నాడు.తీక్షణ ఓవర్లో వరుసగా 6, 4, 4 కొట్టి షారుఖ్‌ కూడా జోరు ప్రదర్శించాడు. అయితే తీక్షణ తర్వాతి ఓవర్లో అతను అవుట్‌ కావడంతో 62 పరుగుల (34 బంతుల్లో) మూడో వికెట్‌ భాగస్వామ్యం ముగిసింది. రూథర్‌ఫర్డ్‌ (7) విఫలం కాగా, దూకుడుగా ఆడే ప్రయత్నంలో సుదర్శన్‌ సెంచరీ అవకాశం చేజార్చుకున్నాడు. చివర్లో తెవాటియా (12 బంతుల్లో 24 నాటౌట్‌; 2 ఫోర్లు, 2 సిక్స్‌లు), రషీద్‌ ఖాన్‌ (4 బంతుల్లో 12; 1 ఫోర్, 1 సిక్స్‌) ధాటిగా ఆడటంతో టైటాన్స్‌ భారీ స్కోరు నమోదు చేసింది. హైదరా బాద్‌తో జరిగిన గత మ్యాచ్‌లో బ్యాటింగ్‌లో రాణించిన సుందర్‌ను గుజరాత్‌ ఈసారి ఆడించకపోగా... వ్యక్తిగత కారణాలతో హసరంగ మ్యాచ్‌కు దూరం కావడం రాజస్తాన్‌ బౌలింగ్‌ను బలహీనపర్చింది. టపటపా... ఛేదనలో ఏ దశలోనూ రాజస్తాన్‌ ఇన్నింగ్స్‌ గొప్పగా సాగలేదు. ఆరంభం నుంచి చివరి వరకు బ్యాటర్లలో తడబాటు కనిపించింది. గుజరాత్‌ బౌలర్లంతా సమష్టి ప్రదర్శనతో రాయల్స్‌ను కట్టడి చేశారు. రెండు పరుగుల వ్యవధిలో జైస్వాల్‌ (6), నితీశ్‌ రాణా (1) వెనుదిరగ్గా... సామ్సన్, రియాన్‌ పరాగ్‌ (14 బంతుల్లో 26; 1 ఫోర్, 3 సిక్స్‌లు) ఆదుకునే ప్రయత్నం చేశారు. తాను ఆడిన తొలి 8 బంతుల్లోనే 3 సిక్స్‌లు కొట్టిన పరాగ్‌ ఎక్కువసేపు నిలవలేకపోగా, ధ్రువ్‌ జురేల్‌ (5) విఫలమయ్యాడు. 47 బంతుల్లో 102 పరుగులు చేయాల్సిన స్థితిలో సామ్సన్‌ను ప్రసిధ్‌ అవుట్‌ చేయడంతో రాయల్స్‌ ఆశలు గల్లంతయ్యాయి. చివర్లో హెట్‌మైర్‌ చేసిన ప్రయత్నం ఏమాత్రం సరిపోలేదు. స్కోరు వివరాలు గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (సి) సామ్సన్‌ (బి) దేశ్‌పాండే 82; గిల్‌ (బి) ఆర్చర్‌ 2; బట్లర్‌ (ఎల్బీ) (బి) తీక్షణ 36; షారుఖ్‌ (స్టంప్డ్‌) సామ్సన్‌ (బి) తీక్షణ 36; రూథర్‌ఫర్డ్‌ (సి) సామ్సన్‌ (బి) సందీప్‌ 7; తెవాటియా (నాటౌట్‌) 24; రషీద్‌ (సి) జైస్వాల్‌ (బి) దేశ్‌పాండే 12; అర్షద్‌ (నాటౌట్‌) 0; ఎక్స్‌ట్రాలు 18; మొత్తం (20 ఓవర్లలో 6 వికెట్లకు) 217. వికెట్ల పతనం: 1–14, 2–94, 3–156, 4–163, 5–187, 6–201. బౌలింగ్‌: ఆర్చర్‌ 4–0–30–1, ఫారుఖీ 4–0–38–0, దేశ్‌పాండే 4–0–53–2, సందీప్‌ 4–0–41–1, తీక్షణ 4–0–54–2. రాజస్తాన్‌ రాయల్స్‌ ఇన్నింగ్స్‌: యశస్వి జైస్వాల్‌ (సి) రషీద్‌ (బి) అర్షద్‌ 6; సామ్సన్‌ (సి) సాయికిషోర్‌ (బి) ప్రసిధ్‌ 41; నితీశ్‌ రాణా (సి) ఖెజ్రోలియా (బి) సిరాజ్‌ 1; పరాగ్‌ (సి) బట్లర్‌ (బి) ఖెజ్రోలియా 26; జురేల్‌ (సి) సుదర్శన్‌ (బి) రషీద్‌ 5; హెట్‌మైర్‌ (సి) సాయికిషోర్‌ (బి) ప్రసిధ్‌ 52; శుభమ్‌ దూబే (ఎల్బీ) (బి) రషీద్‌ 1; ఆర్చర్‌ (సి) గిల్‌ (బి) ప్రసిధ్‌ 4; తీక్షణ (సి) సుదర్శన్‌ (బి) సాయికిషోర్‌ 5; దేశ్‌పాండే (సి) రషీద్‌ (బి) సాయికిషోర్‌ 3; సందీప్‌ (నాటౌట్‌) 6; ఎక్స్‌ట్రాలు 9; మొత్తం (19.2 ఓవర్లలో ఆలౌట్‌) 159. వికెట్ల పతనం: 1–10, 2–12, 3–60, 4–68, 5–116, 6–119, 7–144, 8–145, 9–150, 10–159. బౌలింగ్‌: సిరాజ్‌ 4–0–30–1, అర్షద్‌ 2–0–19–1, ప్రసిధ్‌ కృష్ణ 4–0–24–3, ఖెజ్రోలియా 3–0–29–1, రషీద్‌ 4–0–37–2, సాయికిషోర్‌ 2.2–0–20–2.ఐపీఎల్‌లో నేడుబెంగళూరు X ఢిల్లీ వేదిక: బెంగళూరురాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌ 2025లో భాగంగా ఇవాళ (ఏప్రిల్‌ 9) జరిగిన మ్యాచ్‌లో రాజస్థాన్‌ రాయల్స్‌పై గుజరాత్‌ టైటాన్స్‌ 58 పరుగుల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన గుజరాత్‌.. సాయి సుదర్శన్‌ (53 బంతుల్లో 82; 8 ఫోర్లు, 3 సిక్సర్లు) చెలరేగడంతో నిర్ణీత ఓవర్లలో 6 వికెట్ల నష్టానికి 217 పరుగుల భారీ స్కోర్‌ చేసింది. గుజరాత్‌ ఇన్నింగ్స్‌లో జోస్‌ బట్లర్‌ (25 బంతుల్లో 36; 5 ఫోర్లు), షారుక్‌ ఖాన్‌ (20 బంతుల్లో 36; 4 ఫోర్లు, 2 సిక్సర్లు), రాహుల్‌ తెవాతియా (12 బంతుల్లో 24 నాటౌట్‌; 2 ఫోర్లు, 2 సిక్సర్లు) కూడా రాణించారు. రషీద్‌ ఖాన్‌ 4 బంతుల్లో ఫోర్‌, సిక్స్‌ సాయంతో 12 పరుగులు, రూథర్‌ఫోర్డ్‌ 3 బంతుల్లో సిక్స్‌ సాయంతో 7 పరుగులు, శుభ్‌మన్‌ గిల్‌ 3 బంతుల్లో 2 పరుగులు చేశారు. రాయల్స్‌ బౌలర్లలో తుషార్‌ దేశ్‌పాండే, తీక్షణ తలో రెండు వికెట్లు తీయగా.. ఆర్చర్‌, సందీప్‌ శర్మ చెరో వికెట్‌ తీశారు.అనంతరం భారీ లక్ష్య ఛేదనకు దిగిన రాయల్స్‌ గుజరాత్‌ బౌలర్లు కలిసికట్టుగా రాణించడంతో 19.2 ఓవర్లలో 159 ఆలౌటైంది. ప్రసిద్ద్‌ కృష్ణ 3, రషీద్‌ ఖాన్‌, సాయి కిషోర్‌ చెరో 2, సిరాజ్‌, అర్షద్‌ ఖాన్‌, కేజ్రోలియా తలో వికెట్‌ పడగొట్టారు. రాజస్థాన్‌ ఇన్నింగ్స్‌లో షిమ్రోన్‌ హెట్‌మైర్‌ (32 బంతుల్లో 52; 4 ఫోర్లు, 3 సిక్సర్లు) టాప్‌ స్కోరర్‌గా నిలువగా.. సంజూ శాంసన్‌ (28 బంతుల్లో 41; 4 ఫోర్లు, 2 సిక్సర్లు), రియాన్‌ పరాగ్‌ (14 బంతుల్లో 26; ఫోర్‌, 3 సిక్సర్లు) ఓ మోస్తరు స్కోర్లు చేశారు.యశస్వి జైస్వాల్‌ (7 బంతుల్లో 6; ఫోర్‌), నితీశ్‌ రాణా (3 బంతుల్లో 1), ధృవ్‌ జురెల్‌ (4 బంతుల్లో 5; ఫోర్‌), శుభమ్‌ దూబే (3 బంతుల్లో 1), తుషార్‌ దేశ్‌పాండే (3 బంతుల్లో 3), జోఫ్రా ఆర్చర్‌ (4 బంతుల్లో 4), తీక్షణ (13 బంతుల్లో 5) విఫలమయ్యారు.