ప్రపంచ టెస్టు చాంపియన్‌షిప్‌ (WTC) 2025-27 సైకిల్‌ను టీమిండియా ఓటమితో ఆరంభించింది. టెండుల్కర్‌- ఆండర్సన్‌ ట్రోఫీ (Tendulkar - Andersomn Trophy)లో భాగంగా ఇంగ్లండ్‌తో జరిగిన తొలి టెస్టులో ఐదు వికెట్ల తేడాతో పరాజయం పాలైంది. లీడ్స్‌లోని హెడింగ్లీ మైదానం వేదికగా గిల్‌ సేన ఐదు సెంచరీలు బాదినా ఫలితం లేకుండా పోయింది.ఇద్దరూ విఫలమేఫీల్డింగ్‌, బౌలర్ల వైఫల్యం కారణంగా 371 పరుగుల లక్ష్యాన్ని కాపాడుకోలేక ఆతిథ్య జట్టు చేతిలో ఓడింది. ఈ విజయంతో ఐదు మ్యాచ్‌ల టెస్టు సిరీస్‌లో స్టోక్స్‌ బృందం 1-0తో ఆధిక్యంలోకి వెళ్లింది. ఇక తొలి టెస్టులో విఫలమైన ఆటగాళ్లలో ప్రధానంగా ఇద్దరు బ్యాటర్ల పేర్లు చెప్పవచ్చు.లీడ్స్‌ మ్యాచ్‌ ద్వారా టెస్టుల్లో అరంగేట్రం చేసిన చెన్నై యువ ఆటగాడు సాయి సుదర్శన్‌.. తొలి ఇన్నింగ్స్‌లో నాలుగు బంతులు ఎదుర్కొని డకౌట్‌(0)గా వెనుదిరిగాడు. ఇక రెండో ఇన్నింగ్స్‌లో ఈ లెఫ్టాండర్‌ బ్యాటర్‌.. 48 బంతుల్లో 30 పరుగులు చేయగలిగాడు. ఈ రెండు సందర్భాల్లోనూ అతడు ఇంగ్లండ్‌ సారథి బెన్‌ స్టోక్స్‌కే వికెట్‌ సమర్పించుకున్నాడు.మరోవైపు.. ఎనిమిదేళ్ల తర్వాత పునరాగమనం చేసిన కరుణ్‌ నాయర్‌ (Karun Nair) కూడా పూర్తిగా విఫలమయ్యాడు. తొలి ఇన్నింగ్స్‌లో సాయి మాదిరే డకౌట్‌ అయిన కరుణ్‌.. రెండో ఇన్నింగ్స్‌లో 20 పరుగులు చేయగలిగాడు. ఈ నేపథ్యంలో వీరు తదుపరి టెస్టు ఆడే అవకాశాలు సన్నగిల్లవచ్చని టీమిండియా దిగ్గజం, కామెంటేటర్‌ సునిల్‌ గావస్కర్‌ అభిప్రాయపడ్డాడు.అతడిని తీసు​కోండిఅదే విధంగా.. బౌలింగ్‌ విభాగంలో చేయాల్సిన మార్పుల గురించి కూడా ప్రస్తావిస్తూ.. ‘‘జస్‌ప్రీత్‌ బుమ్రా ఫిట్‌గా ఉన్నాడో లేదో తెలియదు. ఇక తదుపరి మ్యాచ్‌లో కుల్దీప్‌ యాదవ్‌ను తీసుకువస్తే మంచిది. శార్దూల్‌ ఠాకూర్‌ స్థానంలో అతడిని తీసుకుంటే బెటర్‌. బర్మింగ్‌హామ్‌లో పిచ్‌ మణికట్టు స్పిన్నర్లకు కాస్త సహకరిస్తుంది.వారిపై వేటు పడవచ్చుఅందుకే కుల్దీప్‌ వస్తే బాగుంటుంది అంటున్నాను. ఒకవేళ కాలం కలిసి రాకపోతే సాయి సుదర్శన్‌, కరుణ్‌ నాయర్‌లపై వేటు పడే అవకాశం ఉంది. నేనైతే ప్రస్తుతానికి వారిని జట్టు నుంచి తప్పించాలని అనుకోవడం లేదు.ఏదేమైనా స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌ను జట్టులోకి తీసుకుంటే.. బ్యాటింగ్‌ లైనప్‌ బలపడుతుంది. బౌలింగ్‌ పరంగానూ కాస్త వైవిధ్యం చేకూరుతుంది’’ అని సోనీ స్పోర్ట్స్‌ నెట్‌వర్క్‌ షోలో గావస్కర్‌ తన అభిప్రాయాలు పంచుకున్నాడు. కాగా ఇంగ్లండ్‌- భారత్‌ మధ్య జూలై 2- 6 మధ్య రెండో టెస్టు జరుగనుంది. బర్మింగ్‌హామ్‌లోని ఎడ్జ్‌బాస్టన్‌ ఇందుకు వేదిక. కాగా ఈ సిరీస్‌లో టీమిండియా ఆతిథ్య జట్టుతో ఐదు టెస్టులు ఆడనుంది.ఇంగ్లండ్‌తో టెస్టులకు భారత జట్టు:యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, శుబ్‌మన్‌ గిల్‌ (కెప్టెన్‌), రిషభ్‌ పంత్‌ (వికెట్‌ కీపర్‌), కరుణ్‌ నాయర్‌, రవీంద్ర జడేజా, శార్దూల్‌ ఠాకూర్‌, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ, అభిమన్యు ఈశ్వరన్‌, వాషింగ్టన్‌ సుందర్‌, అర్ష్‌దీప్‌ సింగ్‌, కుల్దీప్‌ యాదవ్‌, ధ్రువ్‌ జురెల్‌, నితీశ్‌ కుమార్‌ రెడ్డి, ఆకాశ్‌ దీప్‌, హర్షిత్‌ రాణా. చదవండి: విధ్వంసకర శతకం, మూడు ఫిఫ్టీలు.. ఇంగ్లండ్‌ను చిత్తు చేసిన భారత్‌

లీడ్స్‌ వేదికగా భారత్‌-ఇంగ్లండ్‌ మధ్య జరుగుతున్న తొలి టెస్ట్‌ మ్యాచ్‌ ఆసక్తికరంగా సాగుతోంది. తొలి ఇన్నింగ్స్‌ల్లో ఇరు జట్లు నువ్వా-నేనా అన్నట్లు పోటీపడగా (భారత్‌ 471, ఇంగ్లండ్‌ 465).. భారత్‌కే స్వల్ప ఆధిక్యం లభించింది. 6 పరుగుల లీడ్‌తో రెండో ఇన్నింగ్స్‌ ప్రారంభించిన భారత్‌.. నాలుగో రోజు లంచ్‌ విరామం తర్వాత 3 వికెట్ల నష్టానికి 227 పరుగులు చేసింది. రాహుల్‌ 98, పంత్‌ 77 పరుగులతో క్రీజ్‌లో ఉన్నారు. ప్రస్తుతానికి భారత్‌ ఆధిక్యం 232 పరుగులుగా ఉంది.ఇదిలా ఉంటే, మూడో రోజు ఆటలో చోటు చేసుకున్న ఓ ఆసక్తికర పరిణామం సోషల్‌మీడియాలో వైరలవుతుంది. భారత స్టార్‌ ఆటగాడు కేఎల్‌ రాహుల్‌ ఎంత క్లాసీ ఆటగాడో అంతే తెలివిపరుడని మరోసారి రుజువు చేసుకున్నాడు. ఓ సందర్భంలో రాహుల్‌ తన మాస్టర్‌ మైండ్‌ను ఉపయోగించిన తీరును భారత క్రికెట్‌ అభిమానులు తెగ ప్రశంశిస్తున్నారు.ఇంతకీ ఏం జరిగిందంటే.. మూడో రోజు ఆటలో తొలి ఇన్నింగ్స్‌ సెంచరీ హీరో యశస్వి జైస్వాల్‌ కేవలం​ 4 పరుగులు మాత్రమే చేసి బ్రైడన్‌ కార్స్‌ బౌలింగ్‌లో వికెట్‌కీపర్‌ జేమీ స్మిత్‌కు క్యాచ్‌ ఇచ్చి ఔటయ్యాడు.అనంతరం రాహుల్‌కు తొలి ఇన్నింగ్స్‌లో డకౌటైన సాయి సుదర్శన్‌ జత కలిశాడు. సాయి సుదర్శన్‌ వచ్చీ రాగానే ఇంగ్లండ్‌ కెప్టెన్‌ బెన్‌ స్టోక్స్‌ తన ఎత్తుగడలను మొదలుపెట్టాడు. తొలి ఇన్నింగ్స్‌లో డకౌటై అప్పటికే ఒత్తిడిలో ఉన్న సాయి సుదర్శన్‌పై బెన్‌ తన స్పిన్‌ అస్త్రం, పాకిస్తానీ సంతతి ఆటగాడు షోయబ్‌ బషీర్‌ను ప్రయోగించాడు.ఈ సమయంలో రాహుల్‌ తన మాస్టర్‌ బుర్రను (సాయి సుదర్శన్‌ను అలర్ట్‌ చేసే క్రమంలో) ఉపయోగించాడు. సాయి సుదర్శన్‌తో హిందీ, ఇంగ్లీష్‌లో కాకుండా తమిళంలో సంభాషించాడు. పాకిస్తానీ సంతతి వాడైన షోయబ్‌ బషీర్‌కు హిందీ, ఇంగ్లీష్‌లో మాట్లాడితే అర్దమవుతుందనే ఉద్దేశంతో రాహుల్‌ సాయితో తమిళంలో మాట్లాడాడు. రాహుల్‌ తనకు అర్దం కాని భాషలో మాట్లాడటం చూసి బషీర్‌ జట్టు పీక్కున్నాడు. కర్ణాటకు చెందిన రాహుల్‌కు కన్నడ, హిందీ, ఇంగ్లీష్‌ భాషలే కాకుండా తమిళం కూడా తెలుసని చాలామందికి తెలీదు. వాస్తవానికి ఈ ట్రిక్‌కు భారత దిగ్గజ ఆటగాళ్లు సచిన్‌ టెండూల్కర్‌, రాహుల్‌ ద్రవిడ్‌ వాడేవారు. పాకిస్తాన్‌తో మ్యాచ్‌లు ఆడే సమయంలో వారికి ఇంగ్లీష్‌, హిందీ అర్దమవుతాయని ఆ ఇద్దరు దిగ్గజాలు మరాఠీలో మాట్లాడేవారు. తమ వ్యూహాలు ప్రత్యర్ధికి అర్దం కాకుండా భారత దిగ్గజాలు ఈ ఎత్తుగడను ఉపయోగించేవారు. తాజాగా రాహుల్‌ సచిన్‌, ద్రవిడ్‌ మాస్టర్‌ మైండ్స్‌ను ఫాలో అయ్యి క్రికెట్‌ అభిమానులచే శభాష్‌ అనిపించుకున్నాడు.

టీమిండియా యువ ఆటగాడు సాయిసుదర్శన్ తన టెస్టు కెరీర్‌ను పేలవంగా ఆరభించాడు. లీడ్స్ వేదికగా ఇంగ్లండ్‌తో జరుగుతున్న తొలి టెస్టులో అరంగేట్రం చేసిన సుదర్శన్ తీవ్ర నిరాశపరిచాడు. మొదటి ఇన్నింగ్స్‌లో 4 బంతులు ఎదుర్కొన్న సుదర్శన్ ఖాతా తెరవకుండానే పెవిలియన్‌కు చేరాడు. బెన్ స్టోక్స్ బౌలింగ్‌లో అనవసర షాట్‌కు ప్రయత్నించి వి​కెట్ కీపర్‌కు క్యాచ్ ఇచ్చి ఔటయ్యాడు.అయితే సుదర్శన్ క్రీజులో వచ్చినప్పటినుంచే ఇంగ్లీష్ బౌలర్లను ఎదుర్కొవడానికి తీవ్ర ఇబ్బంది పడ్డాడు. సుదర్శన్‌ తను ఎదుర్కొన్న తొలి బంతికే బ్రైడన్ కార్స్ బౌలింగ్‌లో ఎల్బీడబ్ల్యూ నుంచి తప్పించుకున్నాడు. ఆ తర్వాత తొలి రోజు లంచ్‌కు ముందు ఓవర్ వేసిన స్టోక్స్ బౌలింగ్‌లో జైశ్వాల్ సింగిల్ తీసి సుదర్శన్‌కు స్ట్రైక్ ఇచ్చాడు. స్టోక్స్‌ రెండో బంతిని సుదర్శన్‌కు లెగ్ సైడ్ డెలివరీగా సంధించాడు.ఆ బంతిని సుదర్శన్ ఆడకుండా వదిలేశాడు. అనంతరం మూడో బంతిని కూడా అదేవిధంగా స్టోక్స్ సంధించాడు. అయితే ఈసారి మాత్రం సుదర్శన్ ట్రాప్‌లో చిక్కుకున్నాడు. ఆ బంతిని సుదర్శన్ డౌన్‌ది లెగ్ సైడ్ ఆడటానికి ప్రయత్నించాడు. ​​బ్యాట్‌కు తాకి డౌన్‌ది లెగ్ సైడ్ వెళ్తున్న బంతిని వికెట్ కీపర్ స్మిత్ డైవ్ చేసి క్యాచ్‌ను పూర్తి చేశాడు.దీంతో నిరాశతో సుదర్శన్ పెవిలియన్‌కు చేరాడు. సుదర్శన్ డకౌట్ కావడంతో డ్రెస్సింగ్ రూమ్‌లో ఉన్న హెడ్ కోచ్ గౌతమ్ గంభీర్ సైతం ఆసంతృప్తి వ్యక్తం చేశాడు. ఇందుకు సంబంధించిన వీడి​యో ప్రస్తుతం సోషల్ మీడియాలో వైరలవుతోంది.అయితే ఐపీఎల్‌లో అదరగొట్టిన సుదర్శన్‌.. తన టెస్టు అరంగేట్రంలో ఈ తరహా ప్రదర్శన చేయడం అభిమానులు జీర్ణించుకులేకపోతున్నారు. మరి ఇంత చీప్‌గా ఔట్ అవుతావా అంటూ పోస్ట్‌లు పెడుతున్నారు. 34 ఓవర్లు ముగిసే సరికి భారత్ తమ తొలి ఇన్నింగ్స్‌లో రెండు వికెట్ల నష్టానికి 132 పరుగులు చేసింది.క్రీజులో జైశ్వాల్‌(49), శుబ్‌మన్ గిల్‌(31) ఉన్నారు. ఇక ఈ మ్యాచ్‌లో డకౌటైన సుదర్శన్‌ ఓ చెత్త రికార్డును తన పేరిట లిఖించుకున్నాడు. 2000 సంవత్సరం త‌ర్వాత బ్యాటింగ్‌ ఆర్డర్‌లో టాప్‌-7లో వచ్చి అరంగేట్రంలోనే డకౌట్‌ అయిన నాలుగో భారత ప్లేయర్‌గా సుదర్శన్ నిలిచాడు.అరంగేట్ర టెస్టులో డకౌటైన భారత ఆటగాళ్లు వీరే (2000 సంవత్సరం నుంచి)అజయ్ రాత్ర- 2002వృద్ధిమాన్ సాహా- 2010హనుమ విహారి- 2018సాయి సుదర్శన్- 2025*Highly irresponsible, pathetic shot by Sai Sudarshan, especially in a debut match. Does he deserve a place in the Test team?#INDvsENGTest #HeadingleyTest #SaiSudharsan pic.twitter.com/mGaUCLj3QL— Raj Singh (@Rajkumaarsingh) June 20, 2025

అభిమాన్యు ఈశ్వ‌ర‌న్‌.. దుర‌దృష్టానికి బ్రాండ్ అంబాసిడర్‌. ఫ‌స్ట్ క్లాస్‌ క్రికెట్‌లో ట‌న్నుల కొద్దీ ప‌రుగులు సాధిస్తున్న‌ప్ప‌ట‌కి.. ఈ బెంగాల్ క్రికెటర్‌ ఇప్ప‌టివ‌ర‌కు భార‌త త‌ర‌పున అంత‌ర్జాతీయ అరంగేట్రం చేయలేకపోయాడు. అతడి కంటే ఎన్నో ఏళ్లు వెనుక కెరీర్ మొదలు పెట్టిన ఆటగాళ్లు టీమిండియాకు ప్రాతనిథ్యం వహిస్తుంటే.. ఈశ్వ‌ర‌న్‌ కేవలం రిజర్వ్ ప్లేయర్‌గానే మిగిలుపోతున్నాడు. ఇంగ్లండ్ పర్యటనకు ఎంపికైన ఈశ్వరన్‌.. తొలి టెస్టులో అరంగేట్రం చేస్తాడని భావించారు.కానీ టీమ్ మెనెజ్‌మెంట్ మాత్రం మరోసారి అతడికి మొండి చేయి చూపించింది. అతడి స్ధానంలో తమిళనాడుకు చెందిన సాయిసుదర్శన్‌కు గంభీర్ అండ్ కెప్టెన్ గిల్ ఛాన్స్ ఇచ్చారు. ఇప్ప‌టికి ఈశ్వ‌రన్‌ మూడు సార్లు భార‌త జ‌ట్టుకు ఎంపికైన‌ప్ప‌టికి అరంగేట్రం చేసే అవ‌కాశం మాత్రం రాలేదు. అదే సాయి సుద‌ర్శ‌న్ విష‌యంలో ప‌రిస్థితి భిన్నంగా ఉంది. సుద‌ర్శ‌న్ భార‌త టెస్టు జ‌ట్టుకు ఎంపికైన తొలిసారే డెబ్యూ చేసే అవ‌కాశం వ‌చ్చింది.రంజీల్లో ఆడితే సరిపోదు..!తుది జ‌ట్టులో ఈశ్వ‌రన్‌కు చోటుద‌క్క‌పోవ‌డంతో భార‌త జ‌ట్టు మెనెజ్‌మెంట్‌పై నెటిజ‌న్లు విమ‌ర్శ‌ల వ‌ర్షం కురిపిస్తున్నారు. ఫ‌స్ట్ క్లాస్ క్రికెట్‌లో కాదు, ఐపీఎల్‌లో బాగా రాణిస్తేనే టీమిండియా త‌ర‌పున ఆడే అవ‌కాశం ల‌భిస్తుంద‌ని సెటైర్లు వేస్తున్నారు.అది మ‌రోసారి రుజువైంద‌ని సోష‌ల్ మీడియాలో పోస్ట్‌లు పెడుతున్నారు. సాయిసుద‌ర్శ‌న్‌కు కెప్టెన్ శుబ్‌మ‌న్ గిల్ స‌పోర్ట్ ఉంద‌ని, ఈశ్వ‌రన్‌కు ఎవ‌రి మ‌ద్ద‌తు లేక‌పోవ‌డంతో ఛాన్స్ ల‌భించ‌డం లేద‌ని మ‌రికొంద‌రు అభిప్రాయ‌ప‌డుతున్నారు. కాగా ఐపీఎల్‌లో గుజ‌రాత్ టైటాన్స్ జ‌ట్టుకు గిల్‌, సాయిసుద‌ర్శ‌న్ క‌లసి ఆడుతున్న సంగ‌తి తెలిసిందే. ఇక అభిమ‌న్యు ఇప్ప‌టివ‌ర‌కు ఫస్ట్ క్లాస్ క్రికెట్‌లో 101 మ్యాచ్‌లు ఆడి 53.63 సగటుతో 7841 పరుగులు చేశాడు. అతడి కెరీర్‌లో 27 సెంచరీలు, 31 హాఫ్ సెంచరీలు ఉన్నాయి.అరంగేట్రంలో ఫెయిల్‌..ఇక అభిమాన్యు స్ధానంలో చోటు ద‌క్కించుకున్న సాయిసుద‌ర్శ‌న్ త‌న అరంగేట్రంలో దారుణ ప్ర‌ద‌ర్శ‌న క‌న‌బ‌రిచాడు. లీడ్స్ వేదిక‌గా జ‌రుగుతున్న ఈ మ్యాచ్ తొలి ఇన్నింగ్స్‌లో 4 బంతులు ఆడి డ‌కౌట్‌గా పెవిలియ‌న్‌కు చేరాడు. స్టోక్స్ బౌలింగ్‌లో వికెట్ కీప‌ర్‌కు క్యాచ్ ఇచ్చి సుద‌ర్శ‌న్ ఔట‌య్యాడు.అయితే ఈ మ్యాచ్ ప‌క్క‌న పెడితే.. అయితే సాయిసుద‌ర్శ‌న్ సైతం మంచి ఫామ్‌లో ఉన్నాడు. ఇటీవ‌లే జ‌రిగిన ఐపీఎల్‌-2025లో అత్య‌ధిక ప‌రుగులు వీరుడిగా సుద‌ర్శ‌ర‌న్ నిలిచాడు. ఫ‌స్ట్ క్లాస్ క్రికెట్‌లో సుద‌ర్శ‌న్ మెరుగ్గా రాణిస్తున్నాడు.29 ఫ‌స్ట్ క్లాస్ మ్యాచ్‌లు ఆడిన సుద‌ర్శ‌న్‌.. 39.93 స‌గ‌టుతో 1957 ప‌రుగులు చేశాడు. అందులో 7 సెంచ‌రీలు, 5 హాఫ్ సెంచ‌రీలు ఉన్నాయి. ఏదేమైనప్పటికీ అనుభవం దృష్ట్యా ఈశ్వరన్‌కు ఛాన్స్ ఇవ్వాల్సందని క్రికెట్ నిపుణులు సైతం అభిప్రాయపడుతున్నారు.తుది జట్లుభారత్‌యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, శుబ్‌మన్‌ గిల్‌ (కెప్టెన్‌), రిషభ్‌ పంత్‌ (వికెట్‌ కీపర్‌), కరుణ్‌ నాయర్‌, రవీంద్ర జడేజా, శార్దూల్‌ ఠాకూర్‌, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ.ఇంగ్లండ్‌జాక్‌ క్రాలే, బెన్‌ డకెట్‌, ఓలీ పోప్‌, జో రూట్‌, హ్యారీ బ్రూక్‌, బెన్‌ స్టోక్స్‌, జేమీ స్మిత్‌ (వికెట్‌ కీపర్‌), క్రిస్‌ వోక్స్‌, బ్రైడన్‌ కార్సే, జోష్‌ టంగ్‌, షోయబ్‌ బషీర్‌.చదవండి: చరిత్ర సృష్టించిన శుబ్‌మన్‌ గిల్‌.. ఈ శతాబ్దంలో ఒకే ఒక్కడు!

క్రికెట్‌ ప్రేమికులు ఆసక్తిగా ఎదురుచూస్తున్న టెస్టు సమరానికి సమయం ఆసన్నమైంది. లీడ్స్‌ వేదికగా ఇంగ్లండ్‌- టీమిండియా (Eng vs Ind) మధ్య టెండుల్కర్‌-ఆండర్సన్‌ ట్రోఫీ (Tendulkar-Anderson Trophy)లో భాగంగా శుక్రవారం తొలి టెస్టు మొదలైంది. టాస్‌ గెలిచిన ఇంగ్లండ్‌ కెప్టెన్‌ బెన్‌ స్టోక్స్‌ (Ben Stokes) తొలుత బౌలింగ్‌ ఎంచుకుని.. గిల్‌ సేనను బ్యాటింగ్‌కు ఆహ్వానించాడు.ఇక ఈ సిరీస్‌తో భారత టెస్టు జట్టు కెప్టెన్‌గా శుబ్‌మన్‌ గిల్‌ ప్రస్థానం మొదలు కాగా.. చెన్నై చిన్నోడు సాయి సుదుర్శన్‌ టెస్టుల్లో అరంగేట్రం చేశాడు. టీమిండియా నయా వాల్‌, వెటరన్‌ క్రికెటర్‌, ప్రస్తుత కామెంటేటర్‌ ఛతేశ్వర్‌ పుజారా చేతుల మీదుగా ఈ ఎడమచేతి వాటం బ్యాటర్‌ క్యాప్‌ అందుకున్నాడు.ఈ సందర్భంగా భారత కెప్టెన్‌ శుబ్‌మన్‌ గిల్‌ మాట్లాడుతూ.. టాస్‌ గెలిస్తే తాను కూడా బౌలింగే ఎంచుకునే వాడినని తెలిపాడు. బెకింగ్‌హామ్‌లో ప్రాక్టీస్‌ మ్యాచ్‌ ఆడటం అద్బుతంగా అనిపించిందని.. సిరీస్‌లో శుభారంభం అందుకుంటామనే ఆశాభావం వ్యక్తం చేశాడు.అదే విధంగా సాయి సుదర్శన్‌ మూడో స్థానంలో బ్యాటింగ్‌కు వస్తాడని.. కరుణ్‌ నాయర్‌కు కూడా తుది జట్టులో చోటు ఇచ్చినట్లు తెలిపాడు. కాగా దశాబ్ద కాలం తర్వాత విరాట్‌ కోహ్లి, రోహిత్‌ శర్మ లేకుండా భారత్‌ టెస్టు సిరీస్‌ ఆడటం ఇదే తొలిసారి. ఇంగ్లండ్‌తో సిరీస్‌కు ముందే ఈ ఇద్దరూ సంప్రదాయ ఫార్మాట్‌కు రిటైర్మెంట్‌ ప్రకటించిన విషయం తెలిసిందే.విమాన ప్రమాద మృతులకు నివాళిగాకాగా తొలి టెస్టు సందర్భంగా అహ్మదాబాద్‌ విమాన ప్రమాద బాధితులకు ఇరుజట్ల ఆటగాళుల సంతాపం ప్రకటించారు. నిమిషం పాటు మౌనం పాటించడంతో పాటు.. బ్లాక్‌ ఆర్మ్‌బ్యాండ్లతో బరిలోకి దిగారు. జూన్‌ 12న అహ్మదాబాద్‌ నుంచి లండన్‌కు బయల్దేరిన విమానం టేకాఫ్‌ అయిన కాసేపటికే కుప్పకూలింది. ఈ దుర్ఘటనలో 181 మంది భారత ప్రయాణికులతో పాటు 53 మంది బ్రిటిష్‌ పౌరులు మృతి చెందారు.భారత్‌ వర్సెస్‌ ఇంగ్లండ్‌ తొలి టెస్టువేదిక: హెడింగ్లీ మైదానం, లీడ్స్‌టాస్‌: ఇంగ్లండ్‌.. తొలుత బౌలింగ్‌తుదిజట్లుభారత్‌🏏యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, శుబ్‌మన్‌ గిల్‌ (కెప్టెన్‌), రిషభ్‌ పంత్‌ (వికెట్‌ కీపర్‌), కరుణ్‌ నాయర్‌, రవీంద్ర జడేజా, శార్దూల్‌ ఠాకూర్‌, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ.ఇంగ్లండ్‌🏏జాక్‌ క్రాలే, బెన్‌ డకెట్‌, ఓలీ పోప్‌, జో రూట్‌, హ్యారీ బ్రూక్‌, బెన్‌ స్టోక్స్‌, జేమీ స్మిత్‌ (వికెట్‌ కీపర్‌), క్రిస్‌ వోక్స్‌, బ్రైడన్‌ కార్సే, జోష్‌ టంగ్‌, షోయబ్‌ బషీర్‌.

ఇంగ్లండ్‌తో టెస్టు సిరీస్‌ ఆరంభం నేపథ్యంలో టీమిండియా వైస్‌ కెప్టెన్‌ రిషభ్‌ పంత్‌ కీలక అప్‌డేట్‌ అందించాడు. విరాట్‌ కోహ్లి స్థానాన్ని భర్తీ చేసే ఆటగాడి పేరు వెల్లడించాడు. మిడిలార్డర్‌లో కీలకమైన నాలుగో స్థానంలో కెప్టెన్‌ శుబ్‌మన్‌ గిల్‌ బరిలోకి దిగుతాడని స్పష్టం చేశాడు.ప్రపంచ టెస్టు చాంపియన్‌షిప్‌ 2025-27 సైకిల్‌లో భాగంగా టీమిండియా తమ తొలి సిరీస్‌లో ఇంగ్లండ్‌తో తలపడనుంది. లీడ్స్‌ వేదికగా జూన్‌ 20 నుంచి ఇరుజట్ల మధ్య ఐదు మ్యాచ్‌ల టెస్టు సిరీస్‌ ఆరంభం కానుంది. కాగా దిగ్గజ బ్యాటర్‌ విరాట్‌ కోహ్లి, కెప్టెన్‌ రోహిత్‌ శర్మ టీమిండియా ఇంగ్లండ్‌ పర్యటనకు ముందే రిటైర్మెంట్‌ ప్రకటించిన విషయం తెలిసిందే.ఈ క్రమంలో రోహిత్‌ స్థానాన్ని శుబ్‌మన్‌ గిల్‌తో భర్తీ చేసిన భారత క్రికెట్‌ నియంత్రణ మండలి (BCCI).. అతడికి డిప్యూటీగా వికెట్‌ కీపర్‌ బ్యాటర్‌ రిషభ్‌ పంత్‌ను నియమించింది. కాగా కోహ్లి నిష్క్రమణ నేపథ్యంలో టెస్టుల్లో భారత బ్యాటింగ్‌ ఆర్డర్‌లో నాలుగో స్థానంలో ఎవరు దిగుతారన్న అంశంపై గత కొన్ని రోజులుగా పెద్ద ఎత్తున చర్చ జరుగుతోంది.కోహ్లి వారసుడిగా కరుణ్‌ నాయర్‌, సాయి సుదర్శన్‌ పేర్లు వినిపించాయి. తాజాగా ఈ విషయంపై వైస్‌ కెప్టెన్‌ రిషభ్‌ పంత్‌ క్లారిటీ ఇచ్చేశాడు. ప్రి- మ్యాచ్‌ కాన్ఫరెన్స్‌లో భాగంగా బుధవారం మీడియాతో మాట్లాడుతూ.. ‘‘శుబ్‌మన్‌ గిల్‌ నాలుగో స్థానంలో బ్యాటింగ్‌ చేస్తాడు.అయితే, అతడు ఆడుతున్న మూడో స్థానంలో ఎవరు బ్యాటింగ్‌ చేస్తారన్న అంశంపై ఇంకా నిర్ణయం తీసుకోలేదు. నేను యథావిధిగా ఐదో స్థానంలో బ్యాటింగ్‌కు వస్తాను’’ అని రిషభ్‌ పంత్‌ వెల్లడించాడు. దీంతో తుదిజట్టుపై మరోసారి సందిగ్దం నెలకొంది. సాయి సుదర్శన్‌ టెస్టుల్లో అరంగేట్రం చేస్తాడా? లేదంటే ‘ట్రిపుల్‌ సెంచూరియన్‌’ కరుణ్‌ నాయర్‌ ఎనిమిదేళ్ల తర్వాత పునరాగమనం చేస్తాడా అన్నది ఆసక్తికరంగా మారింది.ఇంగ్లండ్‌తో టెస్టులకు టీమిండియా:శుబ్‌మన్ గిల్ (కెప్టెన్‌), రిషబ్ పంత్ (వికెట్‌ కీపర్‌/వైస్‌ కెప్టెన్‌), యశస్వి జైస్వాల్, కేఎల్‌ రాహుల్, సాయి సుదర్శన్, అభిమన్యు ఈశ్వరన్, కరుణ్ నాయర్, నితీష్ కుమార్ రెడ్డి, రవీంద్ర జడేజా, ధ్రువ్ జురెల్ (వికెట్‌ కీపర్‌), వాషింగ్టన్ సుందర్, శార్దూల్ ఠాకూర్, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ, ఆకాశ్‌ దీప్‌, అర్ష్‌దీప్‌ సింగ్‌, కుల్దీప్‌ యాదవ్‌.చదవండి: టీమిండియాకు గేమ్‌ ఛేంజర్లు వీరిద్దరే: ఊహించని పేర్లు చెప్పిన ఇంగ్లండ్‌ మాజీ క్రికెటర్‌

టీమిండియాతో టెస్టు సిరీస్‌ నేపథ్యంలో ఇంగ్లండ్‌ మాజీ స్పిన్నర్‌ మాంటీ పనేసర్‌ ఆసక్తికర వ్యాఖ్యలు చేశాడు. స్టోక్స్‌ బృందంతో తలపడే భారత జట్టులో 23 ఏళ్ల అన్‌క్యాప్డ్‌ ప్లేయర్‌ గేమ్‌ ఛేంజర్‌ కాబోతున్నాడని జోస్యం చెప్పాడు. అదే విధంగా.. పేస్‌ బౌలింగ్‌ ఆల్‌రౌండర్‌ శార్దూల్‌ ఠాకూర్‌ టీమిండియాకు కీలకం కానున్నాడని పేర్కొన్నాడు.కాగా ప్రపంచ టెస్టు చాంపియన్‌షిప్‌ 2025-27 సీజన్‌లో భాగంగా టీమిండియా తొలుత ఇంగ్లండ్‌ (India vs England)తో సిరీస్‌ ఆడనుంది. ఈ క్రమంలో లీడ్స్‌ వేదికగా జూన్‌ 20 నుంచి ఇరుజట్ల మధ్య ఐదు మ్యాచ్‌ల సిరీస్‌ (Tendulkar-Anderson Trophy) ఆరంభం కానుంది. ఈ నేపథ్యంలో ఇంగ్లండ్‌ మాజీ క్రికెటర్‌ మాంటీ పనేసర్‌ టైమ్స్‌ ఆఫ్‌ ఇండియాతో మాట్లాడుతూ తన బ్రేకౌట్‌ స్టార్స్‌పై తన అభిప్రాయాలు పంచుకున్నాడు.వీరిద్దరు కీలకం‘‘టీమిండియా తరఫున ఈ పర్యటనలో రాణించే ఆటగాళ్లలో సాయి సుదర్శన్‌ ముందు వరుసలో ఉంటాడని చెప్పగలను. సర్రీ తరఫున కౌంటీ క్రికెట్‌లో అతడు అద్భుతంగా ఆడాడు. ఇంగ్లండ్‌ బౌలర్లను అతడు సమర్థవంతంగా ఎదుర్కోగలడు’’ అని మాంటీ పనేసర్‌ పేర్కొన్నాడు.అదే విధంగా.. ‘‘శార్దూల్‌ ఠాకూర్‌కు ఇది కీలకమైన టూర్‌. అతడి చేరికతో టీమిండియాకు రెండో బౌలిండ్‌ చేంజ్‌ ఆప్షన్‌ లభించినట్లయింది. మెరుగైన ఎకానమీతో వికెట్లు తీయగల సత్తా అతడికి ఉంది. కాబట్టి భారత బౌలింగ్‌ విభాగంలో అతడు కీలక పాత్ర పోషించనున్నాడు’’ అని మాంటీ పనేసర్‌ చెప్పుకొచ్చాడు. కాగా గిల్‌, బుమ్రా వంటి స్టార్‌ ప్లేయర్లను కాదని పనేసర్‌ ఈ ఇద్దరి పేర్లు చెప్పడం గమనార్హం.అత్యధిక పరుగుల వీరుడిగాకాగా చెన్నైకి చెందిన సాయి సుదర్శన్‌ ఐపీఎల్‌-2025లో దుమ్ములేపిన విషయం తెలిసిందే. శుబ్‌మన్‌ గిల్‌ సారథ్యంలోని గుజరాత్‌ టైటాన్స్‌ ఓపెనర్‌గా బరిలోకి దిగిన ఈ స్టార్‌ బ్యాటర్‌.. 15 మ్యాచ్‌లలో కలిపి ఏకంగా 759 పరుగులు సాధించాడు. తద్వారా ఈ సీజన్‌లో అత్యధిక పరుగుల వీరుడిగా నిలిచి ఆరెంజ్‌ క్యాప్‌ సొంతం చేసుకున్నాడు.ఇక టీమిండియా తరఫున ఇప్పటి వరకు మూడు వన్డేలు ఆడిన సాయి సుదర్శన్‌ 127 పరుగులు చేశాడు. అదే విధంగా.. ఒక టీ20 మ్యాచ్‌ ఆడినప్పటికీ పరుగుల ఖాతా తెరవలేదు. ఇక టెస్టుల్లో ఇప్పటి వరకు అరంగేట్రం చేయని 23 ఏళ్ల ఈ ఎడమచేతి వాటం బ్యాటర్‌.. ఇంగ్లండ్‌తో సిరీస్‌తో ఆ కలను నెరవేర్చుకోనున్నాడు.అతడి రీ ఎంట్రీమరోవైపు.. 33 ఏళ్ల శార్దూల్‌ ఠాకూర్‌ 2024లో సౌతాఫ్రికాతో సిరీస్‌ తర్వాత.. ఇప్పుడే మరోసారి టీమిండియాలో చోటు దక్కించుకున్నాడు. ఇదిలా ఉంటే.. రోహిత్‌ శర్మ రిటైర్మెంట్‌ తర్వాత భారత టెస్టు జట్టు కెప్టెన్‌గా పగ్గాలు చేపట్టిన శుబ్‌మన్‌ గిల్‌ ఇంగ్లండ్‌తో సిరీస్‌తో సారథిగా తన ప్రయాణం మొదలుపెట్టనున్నాడు. ఇక ఈ సిరీస్‌కు ముందే దిగ్గజ బ్యాటర్‌ విరాట్‌ కోహ్లి కూడా టెస్టులకు వీడ్కోలు పలికిన విషయం తెలిసిందే.ఇంగ్లండ్‌తో టెస్టులకు భారత జట్టు:శుబ్‌మన్ గిల్ (కెప్టెన్‌), రిషబ్ పంత్ (వికెట్‌ కీపర్‌/వైస్‌ కెప్టెన్‌), యశస్వి జైస్వాల్, కేఎల్‌ రాహుల్, సాయి సుదర్శన్, అభిమన్యు ఈశ్వరన్, కరుణ్ నాయర్, నితీష్ కుమార్ రెడ్డి, రవీంద్ర జడేజా, ధ్రువ్ జురెల్ (వికెట్‌ కీపర్‌), వాషింగ్టన్ సుందర్, శార్దూల్ ఠాకూర్, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ, ఆకాశ్‌ దీప్‌, అర్ష్‌దీప్‌ సింగ్‌, కుల్దీప్‌ యాదవ్‌.చదవండి: కోహ్లి లేకుండా టీమిండియాతో సిరీస్‌.. స్టోక్స్‌ రియాక్షన్‌ వైరల్‌!

క్రికెట్ అభిమానులు ఎంతో ఆతృతగా ఎదురు చూస్తున్న భారత్‌-ఇంగ్లండ్ మధ్య టెస్టు సిరీస్ మరో మూడు రోజుల్లో ప్రారంభం కానుంది. ఈ సిరీస్‌లో భాగంగా తొలి టెస్టు జూన్ 20 నుంచి 24 వరకు లీడ్స్ వేదికగా జరగనుంది. ఈ క్ర‌మంలో తొలి టెస్టు కోసం టీమిండియా భార‌త ప్లేయింగ్ ఎలెవ‌న్‌ను భార‌త మాజీ క్రికెట‌ర్ దీప్ దాస్‌గుప్తా ఎంచుకున్నాడు.తన ప్లేయింగ్ ఎలెవన్‌లో దాస్‌గుప్తా ముగ్గురు ఫ్రంట్‌లైన్ పేసర్లు,ఇద్దరు స్పిన్నర్లకు ఛాన్స్ ఇచ్చాడు. అయితే ఈ మ్యాచ్‌తో టెస్టు అరంగేట్రం చేసేందుకు సిద్దంగా ఉన్న యువ ఆట‌గాడు సాయిసుద‌ర్శ‌న్‌కు మాత్రం దాస్ గుప్తా త‌న ఎంచుకున్న జ‌ట్టులో చోటు ఇవ్వ‌లేదు.అత‌డి స్ధానంలో వెట‌ర‌న్ ఆట‌గాడు క‌రుణ్ నాయ‌ర్ వైపు ఈ మాజీ క్రికెట‌ర్ మొగ్గు చూపాడు. సాయిసుద‌ర్శ‌న్ మంచి ఫామ్‌లో ఉన్న‌ప్ప‌టికి, అనుభవాన్ని పరిగణలోకి తీసకుని కరుణ్‌కు అవకాశమివ్వాలని దీప్ దాస్ గుప్తా సూచించాడు. కాగా నాయర్ దేశవాళీ క్రికెట్‌లో అద్బుతమైన ప్రదర్శన కనబరిచి ఎనిమిదేళ్ల తర్వాత భారత టెస్టు జట్టులోకి రీ ఎంట్రీ ఇచ్చాడు.ఇక దీప్‌దాస్ గుప్తా ఎంపిక చేసిన జట్టులో స్పిన్నర్లగా రవీంద్ర జడేజా, కుల్దీప్ యాదవ్‌లకు చోటు దక్కింది. అదేవిధంగా పేస్ బౌలింగ్ ఆల్‌రౌండర్‌గా శార్ధూల్ ఠాకూర్ బదులుగా నితీష్ కుమార్ రెడ్డిని దాస్‌గుప్త ఎంచుకున్నాడు. పేస్ బౌలింగ్ విభాగంలో బుమ్రా, సిరాజ్, ప్రసిద్ద్ కృష్ణలకు అవకాశమిచ్చాడు.ఇంగ్లండ్‌తో తొలి టెస్టుకు దాస్ గుప్తా ఎంపిక చేసిన భారత ప్లేయింగ్ ఎలెవన్‌యశస్వీ జైశ్వాల్‌, కేఎల్ రాహుల్‌, కరుణ్ నాయర్‌, శుబ్‌మన్ గిల్‌(కెప్టెన్‌), రిషబ్ పంత్‌, నితీష్ కుమార్ రెడ్డి, రవీంద్ర జడేజా, కుల్దీప్ యాదవ్‌, జస్ప్రీత్ బుమ్రా,మహ్మద్ సిరాజ్,ప్రసిద్ కృష్ణచదవండి: ఇంగ్లండ్‌తో తొలి టెస్ట్‌కు ముందు సంచలన విషయాన్ని బయటపెట్టిన కరుణ్‌ నాయర్‌

భార‌త్ ఇంగ్లండ్ మ‌ధ్య టెండూల్కర్-అండర్సన్ ట్రోఫీ ఆరంభానికి మ‌రో ప‌ది రోజుల స‌మ‌యం మాత్ర‌మే మిగిలి ఉంది. ఈ సిరీస్‌లో భాగంగా ఇరు జ‌ట్ల మ‌ధ్య‌ తొలి టెస్టు లీడ్స్ వేదిక‌గా జూన్ 20 నుంచి ప్రారంభం కానుంది. ఇప్ప‌టికే ఇంగ్లండ్‌పై అడుగుపెట్టిన భార‌త జ‌ట్టు నెట్స్‌లో తీవ్రంగా శ్ర‌మిస్తోంది.ఇక ఇది ఇలా ఉండ‌గా.కాగా భారత టెస్టు క్రికెట్‌లో నాలుగో నంబర్ బ్యాటింగ్ స్దానానికి ప్రత్యేక గుర్తింపు ఉంది. 1970ల నుండి 1980ల వరకు దిగ్గజం సునీల్ గవాస్కర్ ఆ స్ధానంలో బ్యాటింగ్ చేయగా.. ఆ తర్వాత గవాస్కర్ వారసుడిగా సచిన్ టెండూల్కర్ రెండు దశాబ్దాలకు పైగా నాలుగో నంబర్‌లో కొనసాగాడు. అనంతరం సచిన్ నుంచి 2013లో విరాట్ కోహ్లి ఆ బాధ్యతలను స్వీకరించాడు. ఇప్పుడు విరాట్ కోహ్లి రిటైర్మెంట్ ప్ర‌క‌టించ‌డంతో కీలకమైన నాలుగో స్ధానాన్ని ఎవ‌రు భ‌ర్తీ చేస్తార‌న్న చ‌ర్చ ప్ర‌స్తుతం క్రికెట్ వ‌ర్గాల్లో న‌డుస్తోంది. కొంత‌మంది సాయిసుద‌ర్శ‌న్ పేరును సూచిస్తుంటే.. మ‌రి కొంత‌మంది కరుణ్ నాయ‌ర్‌ను పేరును చెబుతున్నారు. ఈ నేపథ్యంలో ఇంగ్లండ్ దిగ్గజ స్పిన్నర్ మాంటీ పనేసర్ కీలక వ్యాఖ్యలు చేశాడు. కోహ్లి స్ధానంలో సాయిసుదర్శన్ సరైనోడని పనేసర్ అభిప్రాయపడ్డాడు."ప్రస్తుత భారత జట్టులో అద్బుతమైన యువ ఆటగాళ్లు ఉన్నారు. అందులో ఒకరు సర్రే ఆటగాడు సాయిసుదర్శన్‌. అతడు చాలా దూకుడుగా, ఎటువంటి భయం లేకుండా ఆడుతాడు. అతడికి ఇంగ్లండ్ కండీషన్స్‌లో ఆడిన అనుభవం ఉంది. సర్రే క్రికెట్ క్లబ్ తరపున అద్బుతంగా రాణించాడు. అతడు భారత క్రికెట్‌లో మరో విరాట్ కోహ్లి అవుతాడు. కోహ్లి ఆడిన నాలుగో స్ధానాన్ని సుదర్శన్ సమర్ధవంతంగా భర్తీ చేస్తాడని నేను భావిస్తున్నాను. విరాట్ కోహ్లికి రెడ్ బాల్ క్రికెట్ అంటే మక్కువ ఎక్కువ. యువ భారత జట్టు కోహ్లి వారసత్వాన్ని కొనసాగిస్తుందని ఆశిస్తున్నా" అని ఇన్‌సైడ్ స్పోర్ట్‌కు ఇచ్చిన ఇంటర్వ్యూలో పనేసర్‌ పేర్కొన్నాడు.

త‌మిళ‌నాడు యువ సంచ‌ల‌నం సాయిసుద‌ర్శ‌న్ టీమిండియా త‌ర‌పున టెస్టు అరంగేట్రం చేసేందుకు సిద్ద‌మ‌య్యాడు. జూన్ 20 నుంచి లీడ్స్ వేదిక‌గా ఇంగ్లండ్‌తో జ‌రిగే తొలి టెస్టులో సుద‌ర్శ‌న్ డెబ్యూ చేయ‌డం దాదాపు ఖాయ‌మైంది. భార‌త జ‌ట్టుతో పాటు లండ‌న్‌కు చేరుకున్న సుద‌ర్శ‌న్ త‌న ప్రాక్టీస్‌ను మొద‌లుపెట్టాడు. వ‌న్డే, టీ20ల్లో త‌నకు వ‌చ్చిన అవ‌కాశాల‌ను స‌ద్వినియోగ‌ప‌రుచుకున్న సుద‌ర్శ‌న్‌.. ఇప్పుడు వైట్‌బాల్ జెర్సీలో భార‌త త‌ర‌పున స‌త్తాచాటాల‌ని భావిస్తున్నాడు. ఈ నేప‌థ్యంలో సుద‌ర్శ‌న్‌పై ఆస్ట్రేలియా మాజీ కెప్టెన్ మైఖ‌ల్ క్లార్క్‌ ప్ర‌శంస‌ల వ‌ర్షం కురిపించాడు. అత‌డొక అద్బుత‌మైన ఆట‌గాడ‌ని, మూడో స్ధానంలో బ్యాటింగ్‌కు పంపాల‌ని క్లార్క్ సూచించాడు.కాగా విరాట్ కోహ్లి రిటైర్మెంట్ ప్ర‌క‌టించడంతో కొత్త కెప్టెన్ శుబ్‌మ‌న్ గిల్ నాలుగో స్ధానంలో బ్యాటింగ్ వ‌చ్చే అవ‌కాశ‌ముంది. దీంతో గిల్ స్ధానంలో సుద‌ర్శ‌న్ బ్యాటింగ్‌కు రావాల‌ని క్లార్క్‌తో పాటు ప‌లు మాజీలు సైతం అభిప్రాయ‌ప‌డుతున్నారు."సాయిసుద‌ర్శ‌న్ ఒక సూప‌ర్ స్టార్‌. అద్బుత‌మైన ఫామ్‌లో ఉన్నాడు. అత‌డు ఎటువంటి రిస్క్ తీసుకోకుండా షాట్లు ఆడగ‌ల‌డు. టెస్టు క్రికెట్‌లో అత‌డు నంబ‌ర్ త్రీ స్ధానానికి స‌రిగ్గా స‌రిపోతాడు. అదే వ‌న్డే, టీ20ల్లో అయితే ఓపెన‌ర్‌గా అత‌డు ఇన్నింగ్స్‌ను ప్రారంభించాల‌ని భావిస్తున్నాను. సుద‌ర్శ‌న్ భార‌త టెస్టు సెట‌ప్‌లో భాగంగా ఉన్నాడు. కాబ‌ట్టి అత‌డికి ఇంగ్లండ్‌పై గ‌డ్డ‌పై అరంగేట్రం చేసే అవ‌కాశం లభిస్తుంది" అని క్లార్క్ బియాండ్23 క్రికెట్ పాడ్‌కాస్ట్‌లో క్లార్క్ పేర్కొన్నాడు.

ఐపీఎల్‌-2025 సీజ‌న్ ముగిసిన వెంట‌నే భార‌త జ‌ట్టు ఇంగ్లండ్ ప‌ర్య‌ట‌న‌కు వెళ్ల‌నుంది. ఈ ప‌ర్య‌ట‌న‌లో భాగంగా ఇంగ్లీష్ జ‌ట్టుతో టీమిండియా ఐదు మ్యాచ్‌ల టెస్టు సిరీస్‌లో త‌ల‌ప‌డ‌నుంది. జూన్ 20 నుంచి ఈ సిరీస్ ప్రారంభం కానుంది. ఇప్ప‌టికే ఈ సిరీస్ కోసం భార‌త జ‌ట్టును బీసీసీఐ ప్ర‌క‌టించింది. భార‌త టెస్టు కెప్టెన్‌గా రోహిత్ శ‌ర్మ స్ధానంలో శుబ్‌మ‌న్ గిల్ ఎంపికయ్యాడు. అదేవిధంగా టీమిండియా టెస్టు వైస్ కెప్టెన్‌గా శుబ్‌మ‌న్ గిల్ నియ‌మితుడ‌య్యాడు. అయితే ఈ జ‌ట్టులో అద్బుత‌మైన ఫామ్‌లో ఉన్న‌ మిడిలార్డ‌ర్ బ్యాట‌ర్ శ్రేయస్ అయ్య‌ర్‌కు చోటు ద‌క్క‌క‌పోవ‌డం తీవ్ర చ‌ర్చ‌నీయాంశ‌మైంది.శ్రేయస్ అయ్యర్ స్థానంలో యువ ఆట‌గాడు సాయి సుదర్శన్‌కు సెల‌క్ట‌ర్లు చోటిచ్చారు. తాజాగా సెల‌క్ట‌ర్ల నిర్ణ‌యంపై భార‌త మాజీ క్రికెట‌ర్ మహమ్మద్ కైఫ్ అసంతృప్తి వ్య‌క్తం చేశాడు. సుద‌ర్శ‌న్ బ‌దులుగా అనుభ‌వం ఉన్న అయ్య‌ర్‌కు ఛాన్స్ ఇవ్వాల్సంద‌ని కైఫ్ అభిప్రాయ‌ప‌డ్డాడు."సాయి సుదర్శన్ ఒక అద్బుత‌మైన ఆట‌గాడు, అందులో ఎటువంటి సందేహం లేదు. ఐపీఎల్ సీజ‌న్‌లో బాగా రాణించ‌డంతో అత‌డిని టెస్టు జ‌ట్టులోకి తీసుకున్నారు. అదే స‌మ‌యంలో శ్రేయ‌స్ అయ్య‌ర్ కూడా మంచి ఫామ్‌లో ఉన్నాడు. గ‌త కొంత‌కాలంగా మూడు ఫార్మాట్ల‌లోనూ అత‌డు నిల‌క‌డ‌గా రాణిస్తున్నాడు. వన్డే ప్రపంచ కప్‌-2023, ఛాంపియన్స్ ట్రోఫీలో కూడా అయ్య‌ర్‌ దాదాపు 550 పరుగులు చేశాడు. ప్ర‌స్తుతం ఐపీఎల్‌లో కూడా అద్బుతంగా ఆడుతున్నాడు. కెప్టెన్‌గా అత‌డు విజ‌య‌వంత‌మ‌య్యాడు. సుద‌ర్శ‌న్‌ను వైట్ క్రికెట్ ప్ర‌ద‌ర్శ‌న ఆధారంగా టెస్టు జ‌ట్టులోకి తీసుకున్న‌ప్పుడు, మ‌రి అయ్య‌ర్ విష‌యంలో ఏమైంద‌ని" సెల‌క్ట‌ర్ల‌పై కైఫ్ మండిప‌డ్డాడు.ఇంగ్లండ్ టూర్‌కు భారత జట్టుశుభ్‌మన్ గిల్ (కెప్టెన్‌), రిషభ్ పంత్ (వైస్ కెప్టెన్), యశస్వి జైశ్వాల్, కేఎల్ రాహుల్, సాయి సుదర్శన్, అభిమన్యు ఈశ్వరన్, కరుణ్ నాయర్, నితీశ్ కుమార్ రెడ్డి, రవీంద్ర జడేడా, ధ్రువ్ జురెల్, వాషింగ్టన్ సుదంర్, శార్దుల్ ఠాకూర్, జస్ప్రీత్‌ బుమ్రా, మహమ్మద్ సిరాజ్, ప్రసిద్ధ్ కృష్ణ, ఆకాశ్ దీప్, అర్షదీప్ సింగ్, కుల్‌దీప్ యాదవ్

ఐపీఎల్‌-2025 తర్వాత టీమిండియా ఇంగ్లండ్‌ పర్యటన (India vs England)తో బిజీకానుంది. ప్రపంచ టెస్టు చాంపియన్‌షిప్‌ (WTC) 2025-27 సీజన్‌లో భాగంగా ఇరుజట్ల మధ్య తొలి సిరీస్‌ జరుగునుంది. ఇందుకు సంబంధించి శనివారమే భారత క్రికెట్‌ నియంత్రణ మండలి (BCCI) జట్టును ప్రకటించింది.వారికి గ్రీన్‌ సిగ్నల్‌పద్దెనిమిది మంది సభ్యులతో కూడిన బృందానికి యువ ఆటగాడు శుబ్‌మన్‌ గిల్‌ను కెప్టెన్‌గా నియమించింది. ఇంగ్లండ్‌తో టెస్టులతో సారథిగా అతడి ప్రయాణం మొదలుకానుంది. ఇక ఈ జట్టులో సాయి సుదర్శన్‌, అభిమన్యు ఈశ్వరన్‌ చోటు దక్కించుకోగా.. అర్ష్‌దీప్‌ సింగ్‌ కూడా తొలిసారి టెస్టు టీమ్‌లోకి వచ్చాడు. కరుణ్‌ రీ ఎంట్రీచాలా ఏళ్ల తర్వాత ‘ట్రిపుల్‌ సెంచూరియన్‌’ కరుణ్‌ నాయర్‌కు కూడా అవకాశం దక్కింది. మరోవైపు.. శార్దూల్‌ ఠాకూర్‌ కూడా పునరాగమనం చేశాడు. అయితే, సర్ఫరాజ్‌ ఖాన్‌కు మాత్రం సెలక్టర్లు ఇంగ్లండ్‌తో టెస్టులు ఆడే జట్టులో చోటివ్వలేదు. ఈ పరిణామాలపై టీమిండియా వెటరన్‌ క్రికెటర్‌ ఛతేశ్వర్‌ పుజారా స్పందించాడు. అందుకే సర్ఫరాజ్‌పై వేటు!‘‘ఆసియా, ఉపఖండ పిచ్‌లపై సర్ఫరాజ్‌ ఖాన్‌ విజయవంతమైన ఆటగాడిగా ఉన్నాడు. కానీ ఆస్ట్రేలియా, ఇంగ్లండ్‌లలో అతడు రాణించలేడని సెలక్టర్లు భావించి ఉండవచ్చు. అందుకే.. అతడికి ఈ జట్టులో చోటు ఇవ్వలేదనుకుంటా. అంతేకాదు.. అతడికి ఫిట్‌నెస్‌ సమస్యలు ఉన్నట్లు గతంలో వార్తలు వచ్చాయి. అయితే, ప్రస్తుతం సర్ఫరాజ్‌ ఫిట్‌నెస్‌ గురించి నాకైతే సమాచారం లేదు. ఫిట్‌గా ఉండేందుకు అతడు అన్ని రకాలుగా తీవ్రంగా శ్రమిస్తున్నాడని మాత్రం తెలుసు.రీఎంట్రీకి అతడు అర్హుడుఏదేమైనా దురదృష్టవశాత్తూ జట్టులో చోటు దక్కించుకోలేకపోయాడు. అయితే, కరుణ్‌ నాయర్‌ ఎంపిక పట్ల సంతోషంగా ఉంది. దేశవాళీ క్రికెట్‌లో అద్భుతంగా ఆడుతున్న అతడు జట్టులో చోటుకు అర్హుడు’’ అని పుజారా హిందుస్తాన్‌ టైమ్స్‌తో తన అభిప్రాయాలు పంచుకున్నాడు. కాగా టీమిండియా చివరగా ఆస్ట్రేలియాతో బోర్డర్‌- గావస్కర్‌ ట్రోఫీ ఆడింది. ఈ టెస్టు సిరీస్‌కు సర్ఫరాజ్‌ ఎంపికైనా ఒక్క మ్యాచ్‌ కూడా అడే అవకాశం రాలేదు.ఇక టీమిండియా- ఇంగ్లండ్‌ మధ్య జూన్‌ 20 నుంచి ఐదు మ్యాచ్‌ల టెస్టు సిరీస్‌ ఆరంభం కానుంది. కాగా దేశవాళీ క్రికెట్‌తో పాటు కౌంటీల్లోనూ రాణిస్తున్న పుజారా సైతం టెస్టు జట్టులో పునరాగమనం కోసం ఎదురుచూస్తున్నాడు. అయితే, అతడి కల ఇప్పట్లో నెరవేరేలా కనిపించడం లేదు.ఇంగ్లండ్‌తో టెస్టులకు భారత జట్టుశుబ్‌మన్‌ గిల్‌ (కెప్టెన్‌), రిషభ్‌ పంత్‌ (వైస్‌ కెప్టెన్‌), యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, అభిమన్యు ఈశ్వరన్‌, కరుణ్‌ నాయర్‌, నితీశ్‌ రెడ్డి, రవీంద్ర జడేజా, ధ్రువ్‌ జురెల్‌, వాషింగ్టన్‌ సుందర్‌, శార్దూల్‌ ఠాకూర్‌, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ, ఆకాశ్‌ దీప్‌, అర్ష్‌దీప్‌ సింగ్‌, కుల్దీప్‌ యాదవ్‌.చదవండి: కోపంతో ఊగిపోయిన సిరాజ్‌.. ఇదేంటి మియా?.. అతడి పట్ల ఇలాగేనా ప్రవర్తించేది?

భార‌త కొత్త టెస్టు కెప్టెన్ ఎవ‌రన్న ఉత్కంఠకు నేటితో తెరపడింది. టీమిండియా కెప్టెన్‌గా అంతా ఊహించినట్లే శుబ్‌మన్ గిల్ ఎంపికయ్యాడు. అయితే ఇప్పుడు టీమిండియా ఓపెన‌ర్ ఎవ‌ర‌న్న ప్ర‌శ్న అందరిలోనూ మొద‌లైంది. రోహిత్ శ‌ర్మ రిటైర్మెంట్ ప్ర‌క‌టించడంతో భార‌త ఇన్నింగ్స్‌ను జైశ్వాల్‌తో కలిసి ఎవరు ఆరభిస్తారన్న చర్చ నడుస్తోంది. భారత ఓపెనర్ స్దానం కోసం ముగ్గురు పోటీలో ఉన్నారు. వారే స్టార్ ప్లేయర్ కేఎల్ రాహుల్‌, తమిళనాడు సంచలనం సాయిసుదర్శన్‌, బెంగాల్ మాజీ కెప్టెన్ అభిమాన్యు ఈశ్వ‌ర‌న్‌. కేఎల్ రాహుల్ వైపే మొగ్గు..?మిగితా ఇద్ద‌రితో పోలిస్తే రాహుల్‌కే భార‌త‌ ఓపెన‌ర్‌గా బ‌రిలోకి దిగే అవ‌కాశాలు ఎక్కువ‌గా ఉన్నాయి. రాహుల్ ఒక సెల్ప్‌లెస్‌ ఆట‌గాడు. 2014లో అరంగేట్రం చేసినప్పటి నుంచి రాహుల్ ఓపెన‌ర్‌గాను, మిడిలార్డ‌ర్‌లోనూ త‌న సేవ‌ల‌ను అందించాడు. ఆఖ‌రికి ఆరో స్ధానంలో కూడా బ్యాటింగ్ చేసిన సంద‌ర్బాలు ఉన్నాయి. గతంలో టెస్టుల్లో భార‌త ఇన్నింగ్స్‌ను ప్రారంభించిన అనుభవం రాహుల్‌కు ఉంది. టెస్టుల్లో అత‌డికి ఓపెన‌ర్‌గా రెండు సెంచ‌రీలు ఉన్నాయి. 2018-21 కాలంలో టెస్టుల్లో టీమిండియా ఓపెన‌ర్‌గా బ‌రిలోకి దిగిన రాహుల్‌.. 18 ఇన్నింగ్స్‌ల‌లో 37.31 స‌గ‌టుతో 597 ప‌రుగులు చేశాడు. ఓవ‌రాల్‌గా 83 ఇన్నింగ్స్‌లలో 35.03 స‌గ‌టుతో 2803 ప‌రుగులు చేశాడు. అదేవిధంగా ఇంగ్లండ్ వంటి బౌన్సీ కండిష‌న్స్‌లో నిల‌క‌డ‌గా బ్యాటింగ్ చేసే స‌త్తా కూడా రాహుల్‌కు ఉంది. దీంతో రాహుల్‌-జైశ్వాల్ భార‌త ఇన్నింగ్స్‌ను ప్రారంభించే సూచ‌న‌లు క‌న్పిస్తున్నాయి.సాయిసుద‌ర్శ‌న్ మ‌రో అప్ష‌న్‌..!ఒక వేళ కేఎల్ రాహ‌ల్‌ను మిడిలార్డ‌ర్‌లో ఆడించాల‌ని టీమ్ మెనెజ్‌మెంట్ భావిస్తే.. యువ ఆట‌గాడు సాయి సుద‌ర్శ‌న్‌ను ఓపెన‌ర్‌గా పంపే అవకాశ‌ముంటుంది. సాయి సుద‌ర్శ‌న్ ప్ర‌స్తుతం అద్బుత‌మైన ఫామ్‌లో ఉన్నాడు. ఐపీఎల్‌లో గుజ‌రాత్ టైటాన్స్ త‌ర‌పున సంచలనాలు సృష్టించాడు. వైట్ బాల్ క్రికెట్‌లోనూ కాదు రెడ్ బాల్ క్రికెట్‌లో కూడా సుద‌ర్శ‌న్‌ను త‌న‌ను తాను నిరూపించుకున్నాడు.ఫ‌స్ట్‌క్లాస్ క్రికెట్‌లో అత‌డికి మెరుగైన రికార్డు ఉంది. 2022-25 కాలంలో 49 ఫ‌స్ట్‌క్లాస్ మ్యాచ్‌లు ఆడిన సుద‌ర్శ‌న్‌.. 39.93 స‌గ‌టుతో 1957 ప‌రుగులు చేశాడు. అందులో 7 హాఫ్ సెంచ‌రీలు, 5 శ‌త‌కాలు ఉన్నాయి. అదేవిధంగా ఇంగ్లండ్ కౌంటీల్లో ఆడిన అనుభవం కూడా అత‌డికి ఉంది. కౌంటీ ఛాంపియన్‌షిప్‌లో సర్రే తరపున ఆడాడు. ఈ త‌మిళ‌నాడు బ్యాట‌ర్ కౌంటీల్లో 8 ఇన్నింగ్స్‌ల‌లో 35.12 స‌గ‌టుతో 281 ప‌రుగులు చేశాడు.అభిమ‌న్యు ఈశ్వ‌రన్‌..భార‌త జ‌ట్టు మెనెజ్‌మెంట్‌కు ఓపెన‌ర్‌గా అభిమన్యు ఈశ్వరన్ రూపంలో మ‌రో అప్ష‌న్ ఉంది. దశాబ్ద కాలంగా దేశీయ క్రికెట్‌లో ప‌రుగులు వ‌ర‌ద పారిస్తున్న ఈశ్వ‌రన్‌.. ఇప్ప‌టివ‌ర‌కు భార‌త జ‌ట్టు త‌ర‌పున అరంగేట్రం చేయ‌లేదు. ప‌లుమార్లు భార‌త జ‌ట్టు ఎంపికైనా.. ప్లేయింగ్ ఎలెవ‌న్‌లో మాత్రం చోటు ద‌క్క‌లేదు. ఒక‌వేళ ఇంగ్లండ్ టూర్‌లో అత‌డు అరంగేట్రం చేస్తే.. క‌చ్చితంగా జైశ్వాల్ ఓపెనింగ్ పార్ట‌న‌ర్ అభిమ‌న్యు అనే చెప్పాలి. ఎందుకంటే అత‌డికి అపార‌మైన అన‌భవం ఉంది. ఇప్ప‌టివ‌ర‌కు 101 ఫ‌స్ట్ క్లాస్ మ్యాచ్‌లు ఆడిన ఈశ్వ‌రన్‌.. 48.87 స‌గ‌టుతో 7674 ప‌రుగులు చేశాడు. అత‌డి పేరిట 27 సెంచ‌రీలు, 29 హాఫ్ సెంచ‌రీలు ఉన్నాయి. అదేవిధంగా ప్ర‌ధాన సిరీస్‌కు ముందు ఇంగ్లండ్ ల‌య‌న్స్‌తో జ‌ర‌గ‌నున్న టెస్టు సిరీస్‌లో ఇండియా-ఎ టీమ్ కెప్టెన్‌గా అభిమ‌న్యు వ్య‌వ‌హ‌రించ‌నున్నాడు. ఈ అనాధికారిక సిరీస్‌లో అభిమన్యు రాణిస్తే.. ప్ర‌ధాన సిరీస్‌లో కూడా అడే అవ‌కాశ‌ముంది.చదవండి: Shreyas Iyer: కెప్టెన్ అవుతాడన్నారు.. క‌ట్ చేస్తే! ఇప్పుడు టీమ్‌లోనే నో ఛాన్స్‌

దాదాపు రెండున్నరేళ్ల క్రితం ఉప్పల్‌ స్టేడియం వేదికగా హైదరాబాద్, తమిళనాడు మధ్య రంజీ ట్రోఫీ మ్యాచ్‌... తొలి ఇన్నింగ్స్‌లో హైదరాబాద్‌ తరఫున రెండు, తమిళనాడు తరఫున మూడు సెంచరీలు నమోదయ్యాయి. మ్యాచ్‌ సాధారణ ‘డ్రా’ దిశగా సాగుతున్నట్లు అనిపించింది. అయితే రెండో ఇన్నింగ్స్‌లో హైదరాబాద్‌ కుప్పకూలింది. దాంతో చివరి రోజు తమిళనాడు విజయలక్ష్యం 11 ఓవర్లలో 144... సాధారణంగా ఇలాంటి స్థితిలో బ్యాటర్లు మైదానంలోకి దిగి లాంఛనంగా కొన్ని బంతులు ఆడి ‘షేక్‌ హ్యాండ్‌’కు సిద్ధమవుతారు. కానీ తమిళనాడు టి20 శైలిలో గెలుపుపై గురి పెట్టింది. ఒకవైపు సీనియర్‌ జగదీశన్‌ చెలరేగుతుండగా మరో ఓపెనర్‌ తన విధ్వంసకర బ్యాటింగ్‌తో 20 బంతుల్లోనే 5 సిక్సర్లతో 42 పరుగులు బాదాడు. 7 ఓవర్లలో స్కోరు 108/1. అనూహ్యంగా వెలుతురులేమితో మ్యాచ్‌ను అంపైర్లు నిలిపివేయడంతో హైదరాబాద్‌ బతికిపోయింది. అయితే 21 ఏళ్ల ఆ ఓపెనర్‌ ఆటపై అన్ని వైపుల నుంచి అసాధారణ ప్రశంసలు వెల్లువెత్తాయి. తొలి ఇన్నింగ్స్‌లోనూ సెంచరీ బాది ‘ప్లేయర్‌ ఆఫ్‌ ద మ్యాచ్‌’గా నిలిచిన ఆ కుర్రాడే సాయి సుదర్శన్‌. అతనికిదే తొలి ఫస్ట్‌ క్లాస్‌ మ్యాచ్‌ కావడం విశేషం. నాలుగు సీజన్ల పాటు దేశవాళీ క్రికెట్‌లో నిలకడైన ఆటతో ‘ఆల్‌ ఫార్మాట్‌’ ప్లేయర్‌గా గుర్తింపు తెచ్చుకున్న సుదర్శన్‌ ఇప్పుడు ఇంగ్లండ్‌తో సిరీస్‌కు ఎంపిక చేయనున్న ఆటగాళ్లలో ముందు వరుసలో ఉన్నాడు. - సాక్షి క్రీడా విభాగం రంజీ ట్రోఫీలో అరంగేట్రం చేయడానికి ముందే సాయి సుదర్శన్‌ ఐపీఎల్‌లో ఒక సీజన్‌ ఆడాడు. 2022లో ఐదు మ్యాచ్‌లలో కలిపి 114 బంతులు ఎదుర్కొని ఒక హాఫ్‌ సెంచరీ సహా 145 పరుగులు చేసి ఫర్వాలేదనిపించాడు. అయితే ఐపీఎల్‌లో ఒక ఏడాది బాగా ఆడి ఆ తర్వాత ఎంతో మంది కనుమరుగైన ఉదంతాలు ఉన్నాయి కాబట్టి అతని ప్రదర్శనను ఎవరూ అంత సీరియస్‌గా చూడలేదు. కానీ రంజీ ట్రోఫీ తొలి మ్యాచ్‌లోనే అతని ఆటను చూశాక భవిష్యత్తులో చాలా తొందరగా భారత్‌కు ఆడగల సత్తా ఉన్న ప్లేయర్‌గా సుదర్శన్‌కు గుర్తింపు లభించింది.రంజీ ఆరంభానికి చాలా ముందే ‘ఈ అబ్బాయిలో ఎంతో ప్రత్యేకత ఉంది. సాధ్యమైనంత తొందరగా ఇతడిని తమిళనాడు జట్టులోకి తీసుకోండి’ అంటూ స్పిన్‌ దిగ్గజం రవిచంద్రన్‌ అశ్విన్‌ చేసిన సూచనను సెలక్టర్లు పరిగణనలోకి తీసుకుంటూ ‘ఫాస్ట్‌ ట్రాక్‌’తో ముందు టి20ల్లోకి, ఆ తర్వాత వన్డేల్లోకి, ఆపై రంజీ టీమ్‌లోకి ఎంపిక చేశారు. తనపై ఉంచిన ఆ నమ్మకాన్ని అతను నిలబెట్టుకున్నాడు. ఒక్కసారి తమిళనాడు జట్టులోకి వచ్చాక తనకు లభించిన ప్రతీ అవకాశాన్ని సుదర్శన్‌ సమర్థంగా ఉపయోగించుకున్నాడు. చూడచక్కటి ఆటతో... సుదర్శన్‌ బ్యాటింగ్‌ గురించి ఒక్క మాటలో చెప్పాలంటే ‘క్లాస్‌’ తరహా శైలి అతనిది. చక్కటి డ్రైవ్‌లతో అలవోకగా ఫోర్లు రాబట్టడం అతనికి బాగా తెలిసిన విద్య. అవసరమైన సమయంలో గేర్లు మార్చి సిక్స్‌లు కొట్టినా అందులోనూ ఒక కళ ఉంటుంది. అప్పుడప్పుడు పుల్, హుక్‌ షాట్‌లతో పాటు స్లాగ్‌ స్వీప్‌లు, స్కూప్‌ షాట్‌లను కూడా ఐపీఎల్‌లో సుదర్శన్‌ చూపించాడు. టి20లు అయినా సరే లెక్క లేనితనంతో గుడ్డిగా బ్యాట్‌ ఊపే తత్వం కాదు. తనకు ఏం కావాలనే దానిపై అతనికి మంచి అవగాహన ఉంది. ఐపీఎల్‌లో నాలుగు సీజన్ల కెరీర్‌ చూస్తే అతని బ్యాటింగ్‌లో ఎక్కడా తడబాటు కనిపించకపోవడమే కాదు... అనవసరపు చెత్త షాట్లతో అవుటైన సందర్భాలు చాలా అరుదు. ఇదే అతడిని ఇతర దేశవాళీ బ్యాటర్లతో పోలిస్తే భిన్నంగా నిలబెట్టింది. అందుకే ఐపీఎల్‌లో చెలరేగుతున్న సమయంలో అతడిని టెస్టు జట్టులోకి తీసుకోవాలనే డిమాండ్‌ అన్ని వైపుల నుంచి వినిపించడం సుదర్శన్‌ బ్యాటింగ్‌పై నమ్మకాన్ని చూపిస్తోంది. సరిగ్గా చెప్పాలంటే టి20 ఫార్మాట్‌లో ఇప్పుడు అందరినీ ఆకట్టుకున్నా... సుదర్శన్‌ వన్డేలూ బాగా ఆడగలడు కాబట్టే ముందుగా అదే ఫార్మాట్‌లో తొలి అవకాశం దక్కింది. ఇక టెస్టు క్రికెట్‌కు సరిపోగల బ్యాటింగ్‌ నైపుణ్యం, పట్టుదల, టెక్నిక్‌ అతనిలో పుష్కలంగా ఉన్నాయి. అమ్మా నాన్న అండతో... సాయి సుదర్శన్‌ ఇప్పటికే భారత సీనియర్‌ జట్టుకు ప్రాతినిధ్యం వహించాడు. 3 వన్డేలు ఆడితే వరుసగా 55 నాటౌట్, 62, 10 పరుగులు సాధించాడు. బరిలోకి దిగిన ఏకైక టి20లో బ్యాటింగ్‌ అవకాశం రాలేదు. వేర్వేరు కారణాలతో ఆ తర్వాత అతనికి అవకాశాలు లభించలేదు. సుదర్శన్‌ టి20 సామర్థ్యమేమిటో ఐపీఎల్‌ చూపించింది. నిజానికి ఈ ఫార్మాట్‌లో తమిళనాడు ప్రీమియర్‌ లీగ్‌లో అదరగొట్టడంతోనే అతను ముందుగా వెలుగులోకి వచ్చాడు. అయితే అనూహ్యంగా మెరిసి ఆపై మళ్లీ కనబడకుండా పోయే ఆటగాళ్ల జాబితాలో అతను చేరరాదని సుదర్శన్‌ తల్లిదండ్రులు భావించారు. అందుకే పక్కా ప్రణాళికతో, సరైన కోచింగ్‌తో అతడికి వారు మార్గనిర్దేశనం చేశారు. క్రీడాకారుల కుటుంబం నుంచి రావడం కూడా అతనికి ఎంతో మేలు చేసింది. అథ్లెట్‌ అయిన తండ్రి భరద్వాజ్‌ ‘శాఫ్‌’ క్రీడల్లో భారత్‌కు ప్రాతినిధ్యం వహించగా...తల్లి ఉష తమిళనాడు రాష్ట్ర జట్టు తరఫున వాలీబాల్‌ ఆడింది. పదేళ్ల వయసులో క్రికెట్‌ మొదలు పెట్టిన సుదర్శన్‌ ఆ తర్వాత మెల్లగా ఒక్కో మెట్టే ఎక్కుతూ వివిధ వయో విభాగాల్లో రాణిస్తూ ముందంజ వేశాడు. అండర్‌–19 చాలెంజర్‌ ట్రోఫీ తర్వాత భారత్‌ ‘ఎ’కు ఆడిన తర్వాత రెగ్యులర్‌గా మారాడు. వరుసగా రెండు ఐపీఎల్‌లలో 500కు పైగా పరుగులు సాధించి తన విలువేమిటో అతను చూపించాడు. టెస్టులకు చేరువలో...దేశవాళీలో నిలకడైన ప్రదర్శన, ప్రస్తుత ఫామ్, రోహిత్, కోహ్లిల రిటైర్మెంట్‌తో ఖాళీలు... ఇప్పుడు అన్నీ సరిగ్గా సరిపోయే సందర్భం 24 ఏళ్ల సుదర్శన్‌ కోసం వచ్చింది. దాదాపు 40 పరుగుల ఫస్ట్‌ క్లాస్‌ సగటు అసాధారణం కాకపోయినా... 29 మ్యాచ్‌లలో 1957 పరుగుల అనుభవం టెస్టు టీమ్‌లో అవకాశం కల్పించడానికి సరిపోతుంది. ప్రస్తుత టీమ్‌లో రాహుల్‌ ఓపెనింగ్‌ స్థానానికి మారితే మిడిలార్డర్‌ సుదర్శన్‌కు సరైన స్థానం కాగలదు. పైగా రెండు సీజన్ల పాటు ఇంగ్లండ్‌ కౌంటీ క్రికెట్‌లో ‘సర్రే’ టీమ్‌కు ప్రాతినిధ్యం వహించడం కూడా అతనికి మరో అదనపు అర్హతగా మారనుంది. భారత్‌ తరఫున టెస్టు ఆడే అవకాశం కోసం ఎదురు చూస్తున్నట్లు ఇటీవల వెల్లడించిన సుదర్శన్‌ కోరిక త్వరలోనే తీరవచ్చు. ఇదే జోరును అతను కొనసాగిస్తే స్థానం సుస్థిరం కూడా కావచ్చు.

ఐపీఎల్‌-2025లో గుజరాత్ టైటాన్స్ యువ సంచలనం సాయి సుదర్శన్ తన సూపర్ ఫామ్‌ను కొనసాగిస్తున్నాడు. ఆదివారం అరుణ్ జైట్లీ స్టేడియం వేదికగా ఢిల్లీ క్యాపిటల్స్‌తో జరిగిన మ్యాచ్‌లో సుదర్శన్ అద్బుతమైన సెంచరీతో చెలరేగాడు. కేవలం 61 బంతుల్లో 12 ఫోర్లు, నాలుగు సిక్సర్లతో అజేయంగా 108 పరుగులు చేశాడు.అతడి విధ్వంసర ఇన్నింగ్స్ ఫలితంగా 200 పరుగుల లక్ష్యాన్ని గుజరాత్ వికెట్ నష్టపోకుండా ఛేదించింది. అతడితో పాటు గుజరాత్ కెప్టెన్ శుబ్‌మన్ గిల్ కూడా 93 పరుగులతో నాటౌట్‌గా నిలిచాడు. ఈ క్రమంలో సాయి సుదర్శన్‌పై భారత మాజీ క్రికెటర్ అజయ్ జడేజా ప్రశంసల వర్షం కురిపించాడు.సుదర్శన్ తన ప్రదర్శనలతో టీమిండియా ఫ్యూచర్ కెప్టెన్ శుబ్‌మన్ గిల్‌ను మించిపోయాడని జడేజా కొనియాడాడు. ఈ ఏడాది ఐపీఎల్ సీజన్‌లో సుదర్శన్ 12 మ్యాచ్‌లు ఆడి 56.10 సగటుతో 617 పరుగులు సాధించాడు. ప్రస్తుతం ఆరెంజ్ క్యాప్ సాయిసుదర్శన్ వద్దే ఉంది."సాయి సుదర్శన్ అద్బుతమైన బ్యాటర్‌. అతడి బ్యాటింగ్ టెక్నిక్ చాలా బాగుంది. ఈ ఏడాది సీజన్‌లో సుదర్శన్ తన ప్రదర్శనలతో శుబ్‌మన్ గిల్‌ను మించిపోయాడు. ఢిల్లీ క్యాపిటల్స్‌తో జరిగిన ఒక్క మ్యాచ్‌లోనే కాదు, అంతకుముందు మ్యాచ్‌లలో కూడా గిల్ కం‍టే మెరుగ్గా రాణించాడు.శుబ్‌మన్‌తో పోలిస్తే సుదర్శన్ ఎటువంటి రిస్క్ తీసుకోకుండా బ్యాటింగ్ చేస్తున్నాడు. నిన్నటి మ్యాచ్‌లో తొలుత గిల్ బంతిని టైమ్ చేయడానికి కాస్త కష్టపడ్డాడు. గిల్ బంతిని స్టాండ్స్‌కు తరలించేందుకు తన బలాన్ని మొత్తాన్ని ఉపయోగించాడు. కానీ సాయి విష‌యంలో మాత్రం అలా జ‌ర‌గ‌లేదు. అతడు చాలా సులువుగా షాట్లు ఆడాడు" అని స్టార్ స్పోర్ట్స్‌కు ఇచ్చిన ఇంట‌ర్వ్యూలో జ‌డేజా పేర్కొన్నాడు.చదవండి: ఐపీఎల్‌-2025లో దారుణ ప్ర‌ద‌ర్శ‌న.. కేకేఆర్ హెడ్ కోచ్‌పై వేటు?

200 పరుగుల లక్ష్యం. ఛేదించే జట్టుకు ఏమాత్రం సులువు కానేకాదు. కానీ ఇద్దరే ఇద్దరు... గుజరాత్‌ ఓపెనర్లు దంచేశారు. అంతపెద్ద లక్ష్యాన్ని సులువుగా కరిగించేశారు. సాయి సుదర్శన్, శుబ్‌మన్‌ గిల్‌ పోటీపడ్డారు. పరుగు పెట్టేందుకు... ఫోర్లు బాదేందుకు... సిక్సర్లు కొట్టేందుకు ఇలా ప్రతిదానికి ఆఖరుదాకా పోటీపడి మరీ సాధించడంతో కఠిన లక్ష్యం కూడా ఓ ఓవర్‌కు ముందే కరిగిపోయింది. అంత చేసి కూడా ఢిల్లీ క్యాపిటల్స్‌ ఓటమితో కుంగిపోయింది. అంతేకాదు గుజరాత్‌ దర్జాగా సాధించిన విజయంతో తమతోపాటే రాయల్‌ చాలెంజర్స్‌ బెంగళూరు (ఆర్‌సీబీ), పంజాబ్‌ కింగ్స్‌ జట్లను కూడా ‘ప్లే ఆఫ్స్‌’కు తీసుకెళ్లింది. ఇక మిగిలింది ఒకే ఒక్క బెర్త్‌. దీని కోసం ముంబై ఇండియన్స్, ఢిల్లీ క్యాపిటల్స్‌ కాచుకున్నాయి. మరి ఆఖరి బెర్త్‌ ఎవరిని వరిస్తుందో చూడాలి. న్యూఢిల్లీ: ఓపెనర్ల గర్జనతో గుజరాత్‌ టైటిల్స్‌ దర్జాగా ఐపీఎల్‌ 18వ సీజన్‌లో ప్లే ఆఫ్స్‌ దశకు అర్హత సంపాదించింది. ‘ప్లేయర్‌ ఆఫ్‌ ద మ్యాచ్‌’ సాయి సుదర్శన్‌ (61 బంతుల్లో 108 నాటౌట్‌; 12 ఫోర్లు, 4 సిక్స్‌లు), శుబ్‌మన్‌ గిల్‌ (53 బంతుల్లో 93 నాటౌట్‌; 3 ఫోర్లు, 7 సిక్స్‌లు) ఢిల్లీ బౌలింగ్‌ను దంచికొట్టారు. దీంతో టైటాన్స్‌ 10 వికెట్ల తేడాతో ఢిల్లీ క్యాపిటల్స్‌పై ఘన విజయం సాధించింది. తొలుత బ్యాటింగ్‌ చేపట్టిన ఢిల్లీ క్యాపిటల్స్‌ నిర్ణీత 20 ఓవర్లలో 3 వికెట్ల నష్టానికి 199 పరుగులు చేసింది. కేఎల్‌ రాహుల్‌ (65 బంతుల్లో 112 నాటౌట్‌; 14 ఫోర్లు, 4 సిక్స్‌లు) అజేయ సెంచరీతో కదంతొక్కాడు. అర్షద్, ప్రసిధ్‌కృష్ణ, సాయికిషోర్‌ తలా ఒక వికెట్‌ తీశారు. అనంతరం గుజరాత్‌ టైటాన్స్‌ 19 ఓవర్లలో వికెట్‌ నష్టపోకుండా 205 పరుగులు చేసి గెలిచింది. ఓపెనర్లు సాయి సుదర్శన్, శుబ్‌మన్‌ గిల్‌ అజేయంగా, ఆకాశమే హద్దుగా చెలరేగారు. నెల నిషేధం ముగియడంతో గుజరాత్‌ తరఫున రబడ ఈ మ్యాచ్‌ బరిలోకి దిగాడు. రాహుల్‌ 112 నాటౌట్‌ క్యాపిటల్స్‌ ఇన్నింగ్స్‌ను ఆరంభం నుంచి ఆఖరుదాకా నడిపించింది... పరుగులు రాబట్టింది ఒకే ఒక్కడు రాహుల్‌. డుప్లెసిస్‌ (5)తో ఓపెనింగ్‌ వికెట్‌ ఎంతోసేపు నిలబడలేదు. ఆరంభంలో స్కోరులో ఏమాత్రం జోరు లేదు. 5 ఓవర్లలో ఢిల్లీ స్కోరు 28/1. పవర్‌ప్లేలో కనీసం బంతికో పరుగైనా చేయలేదు. అయితే ఆరో ఓవర్లో రాహుల్‌ రెండు సిక్స్‌లు, ఓ బౌండరీ బాదడంతో క్యాపిటల్స్‌ 45/1 స్కోరుతో కోలుకుంది. అభిషేక్‌ పొరెల్‌ (19 బంతుల్లో 30; 1 ఫోర్, 3 సిక్స్‌లు) అడపాదడపా భారీషాట్లు బాదాడు. రాహుల్‌ 35 బంతుల్లో ఫిఫ్టీ పూర్తిచేసుకున్నాడు. రబడ 11వ ఓవర్లో పొరెల్, రాహుల్‌ చెరో సిక్సర్‌ బాదడంతో 17 పరుగులు వచ్చాయి. దీంతో మరుసటి ఓవర్లోనే క్యాపిటల్స్‌ 100 మార్క్‌ను దాటింది. కానీ ఆఖరి బంతికి పొరెల్‌ వికెట్‌ను కోల్పోయింది. దీంతో రెండో వికెట్‌కు 90 పరుగుల భాగస్వామ్యానికి తెరపడింది. క్రీజులోకి కెపె్టన్‌ అక్షర్‌ పటేల్‌ (16 బంతుల్లో 25; 2 ఫోర్లు, 1 సిక్స్‌) రాగా... రాహుల్‌ ధాటిని పెంచాడు. 14వ ఓవర్లో వరుసగా 3 బౌండరీలు కొట్టాడు. అక్షర్‌ కూడా 4, 6తో దంచేపనిలో పడ్డాడు కానీ మరుసటి ఓవర్లోనే ప్రసి«ద్‌కృష్ణకు వికెట్‌ సమరి్పంచుకున్నాడు. 19వ ఓవర్లో 6, 4 బాదిన రాహుల్‌ 60 బంతుల్లో శతకాన్ని పూర్తి చేసుకున్నాడు. స్టబ్స్‌ (10 బంతుల్లో 21 నాటౌట్‌; 2 సిక్స్‌లు) వేగంగా ఆడే ప్రయత్నం చేశాడు. ఆరంభం నుంచే ధనాధన్‌ తొలి ఓవర్లో సాయి సుదర్శన్‌ బౌండరీతో శుబ్‌మన్‌ సిక్స్‌తో తమ ఖాతా తెరవడం ద్వారా లక్ష్యానికి దీటైన ఆరంభమిచ్చారు. నటరాజన్‌ వేసిన రెండో ఓవర్‌ను సుదర్శన్‌ 6, 4, 4, 0, 2, 4లతో చితగ్గొట్టాడు. దీంతో 20 పరుగులు వచ్చాయి. అక్షర్‌ మూడో ఓవర్లో మరో రెండు బౌండరీలు బాదాడు. టైటాన్స్‌ 6 ఓవర్లలో 59/0 స్కోరు చేసింది. ఆ తర్వాత కూడా ఇద్దరు చక్కని సమన్వయంతో ఆడటంతో పరుగులకు పెద్దగా ఇబ్బంది లేకుండా పోయింది. ఈ క్రమంలో మొదట సుదర్శన్‌ 30 బంతుల్లో ఫిఫ్టీ పూర్తి చేసుకోగా... 10 ఓవర్లు ముగిసేసరికి గుజరాత్‌ 93/0 స్కోరు చేసింది. ఇక మిగిలిన 10 ఓవర్లలో 107 పరుగులు చేయాల్సిన దశలోనూ ఓపెనింగ్‌ జోడీ పరుగుల పయనం సాఫీగా సాగిపోయింది. దీంతో ఓవర్లు గడిచేకొద్దీ ఢిల్లీ బౌలర్లు కాస్తా డీలా బౌలర్లుగా మారిపోయారు. 33 బంతుల్లో గిల్‌ అర్ధసెంచరీ పూర్తవగా జట్టు స్కోరు 15వ ఓవర్లో 150 దాటింది. ఇక 30 బంతుల్లో 46 పరుగుల సమీకరణంతోనే... చేతిలో పది వికెట్లున్న టైటాన్స్‌ చేతుల్లోకే మ్యాచ్‌ వచ్చేసింది. ఈ లాంఛనాన్ని మరో బ్యాటర్‌కు ఇవ్వకుండా ఓపెనర్లే పూర్తి చేశారు. భారీ సిక్సర్‌తో సాయి సుదర్శన్‌ 56 బంతుల్లో సెంచరీ సాధించగా, చూడచక్కని బౌండరీలతో గిల్‌ కూడా శతకానికి చేరువయ్యాడు. కానీ ఈ లోపే 200 పరుగుల పెద్ద లక్ష్యం 19వ ఓవర్లోనే దిగిరావడంతో అతని సెంచరీకి అవకాశం లేకుండాపోయింది. స్కోరు వివరాలు ఢిల్లీ క్యాపిటల్స్‌ ఇన్నింగ్స్‌: కేఎల్‌ రాహుల్‌ (నాటౌట్‌) 112; డుప్లెసిస్‌ (సి) సిరాజ్‌ (బి) అర్షద్‌ 5; పోరెల్‌ (సి) బట్లర్‌ (బి) సాయికిషోర్‌ 30; అక్షర్‌ (సి) సాయికిషోర్‌ (బి) ప్రసిధ్‌ కృష్ణ 25; స్టబ్స్‌ (నాటౌట్‌) 21; ఎక్స్‌ట్రాలు 6; మొత్తం (20 ఓవర్లలో 3 వికెట్లకు) 199. వికెట్ల పతనం: 1–16, 2–106, 3–151. బౌలింగ్‌: సిరాజ్‌ 4–0–37–0, అర్షద్‌ ఖాన్‌ 2–0–7–1, రబడా 2–0–34–0, ప్రసిద్‌కృష్ణ 4–0–40–1, రషీద్‌ ఖాన్‌ 4–0–32–0, సాయికిషోర్‌ 4–0–47–1. గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (నాటౌట్‌) 108; శుబ్‌మన్‌ గిల్‌ (నాటౌట్‌) 93; ఎక్స్‌ట్రాలు 4; మొత్తం (19 ఓవర్లలో వికెట్‌ నష్టపోకుండా) 205. బౌలింగ్‌: అక్షర్‌ పటేల్‌ 3–0–35–0, నటరాజన్‌ 3–0–49–0, ముస్తాఫిజుర్‌ 3–0–24–0, చమీర 2–0–22–0, విప్రాజ్‌ 4–0–37–0, కుల్దీప్‌ 4–0–37–0.

ఐపీఎల్‌-2025లో ప్లే ఆఫ్స్‌లో గుజరాత్‌ టైటాన్స్‌ అడుగుపెట్టింది. ఈ మెగా టోర్నీలో భాగంగా ఆదివారం అరుణ్‌జైట్లీ స్టేడియం వేదిక‌గా ఢిల్లీ క్యాపిట‌ల్స్‌తో జ‌రిగిన మ్యాచ్‌లో 10 వికెట్ల తేడాతో గుజరాత్ ఘ‌న విజ‌యం సాధించింది. దీంతో తమ ఫ్లే ఆఫ్స్ బెర్త్‌ను గుజ‌రాత్ టీమ్ ఖారారు చేసుకుంది. ప్ర‌స్తుతం పాయింట్ల ప‌ట్టిక‌లో గుజ‌రాత్‌(18 పాయింట్లు) అగ్ర‌స్ధానంలో కొనసాగుతోంది. గుజరాత్‌ విజయంతో ఆర్సీబీ(17 పాయింట్లు), పంజాబ్‌ కింగ్స్‌(17 పాయింట్లు) సైతం ప్లే ఆఫ్స్‌కు ఆర్హత సాధించాయి. మరో స్ధానం కోసం ముంబై ఇండియన్స్‌, ఢిల్లీ క్యాపిటల్స్‌, లక్నో సూపర్‌ జెయింట్స్‌ జట్లు పోటీపడుతున్నాయి.ఓపెన‌ర్ల విధ్వంసం..ఇక ఈ మ్యాచ్‌ విషయానికి వస్తే.. ఢిల్లీ క్యాపిట‌ల్స్‌ నిర్ధేశించిన 200 ప‌రుగుల ల‌క్ష్యాన్ని గుజ‌రాత్ టైటాన్స్ వికెట్ న‌ష్ట‌పోకుండా 19 ఓవర్లలోనే ఊదిప‌డేసింది. గుజరాత్‌ ఓపెనర్లే మ్యాచ్‌ను ఫినిష్‌ చేశారు. సాయిసుదర్శన్‌(58 బంతుల్లో 12 ఫోర్లు, 4 సిక్స్‌లతో 108 నాటౌట్‌) అద్బుతమైన సెంచరీతో చెలరేగగా.. శుబ్‌మన్‌ గిల్‌(53 బంతుల్లో 3 ఫోర్లు, 7 సిక్స్‌లతో 93 నాటౌట్‌) కెప్టెన్‌ ఇన్నింగ్స్‌ ఆడాడు. ఢిల్లీ బౌలర్లలో ఒక్కరూ కనీసం వికెట్‌ సాధించలేకపోయారు.రాహుల్‌ సెంచరీ వృథా..ఇక తొలుత బ్యాటింగ్ చేసిన ఢిల్లీ క్యాపిట‌ల్స్‌ నిర్ణీత 20 ఓవర్లలో 3 వికెట్ల నష్టానికి 199 పరుగులు చేసింది. ఢిల్లీ బ్యాటర్లలో కేఎల్ రాహుల్ సూపర్ సెంచరీతో చెలరేగాడు. రాహుల్ 65 బంతుల్లో 14 ఫోర్లు, 4 సిక్స్‌లతో 112 పరుగులు చేశాడు.రాహుల్‌కు ఇది ఐదో ఐపీఎల్ సెంచరీ. ఇక రాహుల్‌తో పాటు అభిషేక్ పోరెల్‌(30), అక్షర్ పటేల్‌(25), స్టబ్స్‌(21) కీలక ఇన్నింగ్స్‌లు ఆడారు. గుజరాత్ బౌలర్లలో అర్షద్ ఖాన్‌, సాయికిషోర్‌, ప్రసిద్ద్ కష్ణ తలా వికెట్ సాధించారు.

ఇంగ్లండ్‌తో టెస్టు సిరీస్‌కు ముందు భార‌త క్రికెట్ జ‌ట్టు ఒడిదుడుకులను ఎదుర్కొంటోంది. ఇప్ప‌టికే రోహిత్ శ‌ర్మ టెస్టు క్రికెట్‌కు రిటైర్మెంట్ ప్ర‌క‌టించి అంద‌రికి షాకివ్వ‌గా.. హిట్‌మ్యాన్ బాట‌లోనే స్టార్ బ్యాట‌ర్ విరాట్ కోహ్లి న‌డుస్తున్న‌ట్లు తెలుస్తోంది. టెస్టుల‌కు రిటైర్మెంట్ ప్ర‌క‌టించాల‌ని కోహ్లి నిర్ణ‌యించుకున్న‌ట్లు స‌మాచారం.విరాట్ త‌న నిర్ణ‌యాన్ని ఇప్ప‌టికే బీసీసీఐకి తెలియ‌జేసిన‌ట్లు ప‌లు రిపోర్ట్‌లు పేర్కొంటున్నాయి. అయితే ఇంగ్లండ్ సిరీస్ వ‌ర‌కు అయినా కొన‌సాగాల‌ని కోహ్లిని ఒప్పించేందుకు బీసీసీఐ పెద్ద‌లు ప్ర‌య‌త్నాలు చేస్తున్న‌ట్లు వినికిడి. కోహ్లి టెస్టుల్లో కొన‌సాగుతాడా లేదా రోహిత్ బాట‌లోనే న‌డుస్తాడా? అన్న‌ది మే 23న తేలిపోనుంది. ఆ రోజున ఇంగ్లండ్ టూర్‌కు భార‌త జ‌ట్టుతో పాటు కొత్త కెప్టెన్‌ను కూడా బీసీసీఐ ప్ర‌క‌టించ‌నుంది. కెప్టెన్‌గా శుబ్‌మ‌న్ గిల్ ఎంపిక దాదాపు ఖాయం కాగా.. ప్లేయ‌ర్‌గా రోహిత్ శ‌ర్మ స్దానాన్నిమాత్రం త‌మిళ‌నాడు యువ సంచ‌ల‌నం సాయిసుద‌ర్శ‌న్‌తో భ‌ర్తీ చేయాల‌ని బీసీసీఐ భావిస్తున్న‌ట్లు స‌మాచారం. సాయిసుద‌ర్శ‌న్ ప్ర‌స్తుతం అద్బుత‌మైన ఫామ్‌లో ఉన్నాడు. ఫార్మాట్‌తో సంబంధం లేకుండా దుమ్ములేపుతున్నాడు. ఐపీఎల్‌-2025లో గుజ‌రాత్ టైటాన్స్ త‌ర‌పున ఆడుతున్న సుద‌ర్శ‌న్ ప‌రుగులు వ‌ర‌ద పారిస్తున్నాడు. ఇప్పటివరకు 11 మ్యాచ్‌ల్లో 5 హాఫ్ సెంచరీలతో 509 పరుగులు చేశాడు. అత‌డి ఆట‌ను చూసి మాజీలు ఫిదా అయిపోయారు. ర‌విశాస్రి వంటి దిగ్గ‌జ క్రికెట‌ర్లు సుద‌ర్శ‌న్‌ను ఇంగ్లండ్ టూర్‌కు ఎంపిక చేయాల‌ని సెల‌క్ట‌ర్ల‌ను సూచించారు.దీంతో భార‌త త‌ర‌పున వ‌న్డే, టీ20ల్లో అరంగేట్రం చేసిన సుద‌ర్శ‌న్‌.. ఇప్పుడు టెస్టుల్లో ఆడేందుకు సిద్ద‌మ‌య్యాడు. సుద‌ర్శ‌న్‌కు ఫ‌స్ట్ క్లాస్ క్రికెట్‌లో మంచి రికార్డు ఉంది. రంజీ ట్రోఫీ సీజ‌న్ల‌లో త‌మిళ‌నాడు త‌ర‌పున ఎన్నో మ్యాచ్ విన్నింగ్ నాక్స్ ఆడాడు. 29 ఫస్ట్ క్లాస్ మ్యాచ్‌ల్లో 7 సెంచరీలతో 1957 పరుగులు చేశాడు. సుద‌ర్శ‌న్ అత్య‌ధిక వ్య‌క్తిగ‌త స్కోర్ 213గా ఉంది. భారత్ తరుపున ఆడిన 3 వన్డేలలో 2 అర్ధ సెంచరీలతో 127 పరుగులు చేశాడు. అదేవిధంగా ఇంగ్లండ్ కౌంటీల్లో ఆడిన అనుభ‌వం కూడా అత‌డికి ఉంది. ఈ క్ర‌మంలో రోహిత్ శర్మ స్థాన్నాన్ని సుదర్శన్‌తో భర్తీ చేసే అవకాశాలు ఎక్కువగా ఉన్నాయి. జూన్ 20 నుంచి భార‌త జ‌ట్టు ఇంగ్లండ్ ప‌ర్య‌ట‌న ప్రారంభం కానుంది.చ‌ద‌వండి: IND vs ENG: ఇంగ్లండ్ టూర్‌కు ముందు టీమిండియాకు భారీ షాక్‌..!

ఐపీఎల్‌-2025లో గుజ‌రాత్ టైటాన్స్ యువ ఓపెనర్ సాయిసుదర్శన్ తన సూపర్ ఫామ్‌ను కొనసాగిస్తున్నాడు. ఈ మెగా ఈవెంట్‌లో భాగం‍గా అహ్మదాబాద్ వేదికగా సన్‌రైజర్స్ హైదరాబాద్‌తో జరుగుతున్న మ్యాచ్‌లో సుదర్శన్ విధ్వం‍సం సృష్టించాడు. ఇన్నింగ్స్ ఆరంభం నుంచే ఎస్‌ఆర్‌హెచ్ బౌలర్లను ఊతికారేశాడు. ముఖ్యంగా గుజరాత్ ఇన్నింగ్స్ మూడో ఓవర్ వేసిన స్టార్ పేసర్ మహ్మద్ షమీకి సుదర్శన్‌ చుక్కలు చూపించాడు. ఆ ఓవర్‌లో ఐదు ఫోర్ల సాయంతో ఏకంగా 20 పరుగులు పిండుకున్నాడు. ఓవరాల్‌గా 23 బంతులు ఎదుర్కొన్న 9 ఫోర్ల సాయంతో 48 పరుగులు చేసి ఔటయ్యాడు. ఈ క్రమంలో సుదర్శన్ ఓ అరుదైన రికార్డును తన ఖాతాలో వేసుకున్నాడు. టీ20ల్లో అత్యంతవేగంగా 2000 పరుగుల మైలు రాయిని అందుకున్న భార‌త క్రికెట‌ర్‌గా సాయి సుదర్శన్ రి​కార్డు సృష్టించాడు. సుదర్శన్ కేవలం 54 ఇన్నింగ్స్‌లలో అందుకున్నాడు. ఇంత‌కుముందు ఈ రికార్డు భార‌త క్రికెట్ దిగ్గ‌జం స‌చిన్ టెండూల్క‌ర్ పేరిట ఉండేది. సచిన్ ఈ ఘ‌న‌త‌ను 59 ఇన్నింగ్స్‌ల‌లో అందుకున్నాడు. తాజా మ్యాచ్‌తో స‌చిన్ రికార్డును ఈ త‌మిళ‌నాడు బ్యాట‌ర్ బ్రేక్ చేశాడు. ఓవ‌రాల్‌గా ఈ రేర్ ఫీట్ సాధించిన జాబితాలో ఆస్ట్రేలియా మాజీ ఓపెనర్ షాన్ మార్ష్‌(53) అగ్రస్దానంలో ఉండ‌గా.. రెండో స్దానంలో సుద‌ర్శ‌న్ కొన‌సాగుతున్నాడు. ఇప్పటివరకు ఈ రికార్డు బ్రాడ్ హాడ్జ్ , మార్కస్ ట్రెస్కోథిక్, ముహమ్మద్ వసీం పేరిట సంయుక్తంగా ఉండేది. తాజా మ్యాచ్‌తో వీరిని సుదర్శన్ అధిగమించాడు. చ‌ద‌వండి: బాబర్‌ ఆజం, మహ్మద్‌ రిజ్వాన్‌లకు షాక్‌.. అకౌంట్లు బ్లాక్‌

ఐపీఎల్‌-2025 (IPL 2025) ముగిసిన తర్వాత టీమిండియా ఆటగాళ్లు మళ్లీ అంతర్జాతీయ షెడ్యూల్‌తో బిజీ కానున్నారు. ఇందులో భాగంగా తొలుత ఇంగ్లండ్‌ పర్యటనకు వెళ్లనున్నారు. కాగా ప్రపంచ టెస్టు చాంపియన్‌షిప్‌ 2025-27 (WTC)లో భాగంగా టీమిండియా తమ తొలి సిరీస్‌లో ఇంగ్లండ్‌తో తలపడనుంది.ఇరుజట్ల మధ్య జూన్‌ 20 నుంచి ఐదు మ్యాచ్‌ల టెస్టు సిరీస్‌ ఆరంభం కానుంది. ఈ నేపథ్యంలో టీమిండియా మాజీ కోచ్‌, కామెంటేటర్‌ రవిశాస్త్రి జట్టు ఎంపికపై కీలక వ్యాఖ్యలు చేశాడు. ఐపీఎల్‌లో అదరగొడుతున్న సాయి సుదర్శన్‌ను ఈ టూర్‌కు తప్పక సెలక్ట్‌ చేయాలని భారత క్రికెట్‌ నియంత్రణ మండలి (BCCI)కి విజ్ఞప్తి చేశాడు.ఇంగ్లండ్‌తో టెస్టుల్లో అతడిని ఆడించండి..మూడు ఫార్మాట్లలోనూ రాణించగల సత్తా సాయి సుదర్శన్‌కు ఉందన్న రవిశాస్త్రి.. అతడికి ఒక్క అవకాశం ఇవ్వాలని సెలక్టర్లకు సూచించాడు. ఈ మేరకు ఐసీసీ రివ్యూ షోలో మాట్లాడుతూ.. ‘‘సాయి సుదర్శన్‌.. అతడొక క్లాస్‌ ప్లేయర్‌. తను బ్యాటింగ్‌ చేస్తుంటే నేనైతే కళ్లు తిప్పుకోలేను.అన్ని ఫార్మాట్లలోనూ అదరగొట్టగలడు. ఇంగ్లండ్‌ పరిస్థితులకు తగ్గట్లుగా ఎడమచేతి వాటం బ్యాటర్‌ అయిన సాయి తప్పక రాణించగలడు. అతడి టెక్నిక్‌ అక్కడి పరిస్థితులకు అనుగుణంగా ఉంటుంది.ఇంగ్లండ్‌ పర్యటనకు వెళ్లే జట్టులోని కొత్త ఆటగాళ్లలో నేనైతే సాయి సుదర్శన్‌కు మొదటి ప్రాధాన్యం ఇస్తాను’’ అని రవిశాస్త్రి పేర్కొన్నాడు. అదే విధంగా ఐసీసీ చాంపియన్‌స​ ట్రోఫీ-2025లో, ఐపీఎల్‌లో దుమ్ములేపుతున్న శ్రేయస్‌ అయ్యర్‌ కూడా ఈ సిరీస్‌ ద్వారా టెస్టుల్లో పునరాగమనం చేస్తాడని అంచనా వేశాడు.అర్ష్‌దీప్‌ సింగ్‌ను కూడా ఆడిస్తేఅదే విధంగా పేస్‌ దళంలో రైటార్మ్‌ బౌలర్లు జస్‌ప్రీత్‌ బుమ్రా, మహ్మద్‌ షమీ తరచూ గాయాల బారిన పడుతున్న వేళ.. ఓ లెఫ్టార్మ్‌ సీమర్‌ను కూడా తీసుకోవాలని రవిశాస్త్రి సూచించాడు. వైట్‌బాల్‌ స్పెషలిస్టు అర్ష్‌దీప్‌ సింగ్‌ను టెస్టుల్లోనూ ఆడిస్తే బాగుంటుందని సూచించాడు.కాగా ఐపీఎల్‌లో గుజరాత్‌ టైటాన్స్‌కు ప్రాతినిథ్యం వహిస్తున్న తమిళనాడు ఆటగాడు సాయి సుదర్శన్‌ ఓపెనర్‌గా దుమ్ములేపుతున్నాడు. ఇప్పటి వరకు తొమ్మిది మ్యాచ్‌లలో కలిపి 456 పరుగులు చేసి.. అత్యధిక పరుగుల వీరుల జాబితాలో రెండో స్థానంలో కొనసాగుతున్నాడు.రోహిత్‌ సిద్ధమేమరోవైపు.. టీమిండియా టాప్‌ బ్యాటర్, కెప్టెన్‌ రోహిత్‌ శర్మ ఇంగ్లండ్‌ పర్యటనకు వెళ్లడంపై సందిగ్ధత వీడింది. అతడు ఇంగ్లండ్‌కు వెళ్లడం దాదాపు ఖాయమైనట్లే. ఇంగ్లండ్‌తో టెస్టు సిరీస్‌లో పాల్గొనే సీనియర్‌ టీమ్, భారత ‘ఎ’ జట్టు కోసం కలిపి సెలక్టర్లు ప్రాథమికంగా 35 మంది ప్రాబబుల్స్‌ను ఎంపిక చేశారు. ఇందులో రోహిత్‌ శర్మకు చోటు లభించింది. ఆస్ట్రేలియాతో జరిగిన టెస్టు సిరీస్‌లో భారత్‌ 1–3తో ఓడిన తర్వాత రోహిత్‌ శర్మ టెస్టు భవితవ్యంపై సందేహాలు రేగాయి. ఈ సిరీస్‌లో భాగంగా సిడ్నీలో జరిగిన చివరి టెస్టులో ఫామ్‌ బాగా లేదంటూ రోహిత్‌ స్వచ్ఛందంగా తానే తుది జట్టు నుంచి తప్పుకున్నాడు. దాంతో అతని టెస్టు కెరీర్‌ ముగిసినట్లే అనిపించింది. ఈ ఫార్మాట్‌లో వరుసగా విఫలమవుతున్న అతను ఇంగ్లండ్‌కు వెళ్లక ముందే రిటైర్‌ కావచ్చని ఊహాగానాలు వచ్చాయి. అయితే ఇప్పుడు బీసీసీఐ సెలక్టర్లు ప్రాబబుల్స్‌ను ఎంపిక చేయడంతో వాటికి తెర పడినట్లే. అయితే రోహిత్‌కు నాయకత్వ బాధ్యతలు అప్పగించే విషయంలో మాత్రం బీసీసీఐ తేల్చుకోలేకపోతోంది.ఇంగ్లండ్‌లాంటి బలమైన జట్టుతో ఇంగ్లండ్‌లో టెస్టు సిరీస్‌ అంటే పూర్తి ఫామ్, ఫిట్‌నెస్‌ ఉన్న ఆటగాడిని ఎంపిక చేయడం సరైందిగా బోర్డు భావిస్తోంది. ఈ కోణంలో రోహిత్‌ తగిన వ్యక్తిగా కనిపించడం లేదు. అయితే ఇప్పటికిప్పుడు మరో సరైన ప్రత్యామ్నాయం లేకుండా రోహిత్‌ను కెప్టెన్సీ నుంచి తప్పించే సాహసం బోర్డు చేయకపోవచ్చు. పైగా ఇంగ్లండ్‌లాంటి టీమ్‌పై బలమైన నాయకుడు ఉంటే బాగుంటుందనే ఆలోచన కూడా బోర్డులో ఉంది కాబట్టి రోహిత్‌నే ఎంపిక చేసే అవకాశం ఉంది. చదవండి: సంజూ శాంసన్‌కు మద్దతు!.. శ్రీశాంత్‌పై మూడేళ్ల పాటు సస్పెన్షన్‌

ఐపీఎల్‌ 2025 ముగిశాక భారత క్రికెట్‌ జట్టు జూన్‌ మధ్యలో ఇంగ్లండ్‌ పర్యటనకు బయల్దేరుతుంది. ఈ పర్యటనలో టీమిండియా 5 టెస్ట్‌ మ్యాచ్‌లు ఆడుతుంది. ఈ సిరీస్‌ కోసం బీసీసీఐ 35 మంది ఆటగాళ్లను షార్ట్‌ లిస్ట్‌ చేసినట్లు తెలుస్తుంది.బోర్డర్‌ గవాస్కర్‌ ట్రోఫీ 2024-25, అంతకుముందు స్వదేశంలో న్యూజిలాండ్‌తో జరిగిన టెస్ట్‌ సిరీస్‌లో ఘోరంగా విఫలమైన భారత కెప్టెన్‌ రోహిత్‌ శర్మకు సెలెక్టర్లు మరో అవకాశం ఇస్తారని తెలుస్తుంది. ఇన్‌ ఫామ్‌ బ్యాటర్‌ ‍కరుణ్‌ నాయర్‌, ఆర్సీబీ కెప్టెన్‌ రజత్‌ పాటిదార్‌ జట్టులో చోటు దక్కించుకోనున్నారని సమాచారం. ఐపీఎల్‌ 2025లో లీడింగ్‌ రన్‌ స్కోరర్‌గా కొనసాగుతున్న గుజరాత్‌ ఓపెనర్‌ సాయి సుదర్శన్‌ను ప్రత్యామ్నాయ ఓపెనర్‌గా ఎంపిక చేయనున్నారని తెలుస్తుంది. ప్రత్యామ్నాయ ఓపెనర్‌గా సీఎస్‌కే యువ సంచలనం ఆయుశ్‌ మాత్రే పేరును కూడా పరిశీలిస్తున్నట్లు తెలుస్తుంది.అశ్విన్‌ రిటైర్‌ కావడంతో అతని​ స్థానాన్ని కుల్దీప్‌ యాదవ్‌తో భర్తీ చేయనున్నారని సమాచారం. ఈ సిరీస్‌ కోసం అక్షర్‌ పటేల్‌ పేరు పరిగణలోకి తీసుకోలేదని తెలుస్తుంది. అలాగే మిడిలార్డర్‌ బ్యాటర్‌ సర్ఫరాజ్‌ ఖాన్‌ పేరును కూడా సెలెక్టర్లు పక్కన పెట్టారని తెలుస్తుంది. పరిమిత ఓవర్ల ఫార్మాట్‌లో సత్తా చాటుతున్న శ్రేయస్‌ అయ్యర్‌ను ఎంపిక చేయాలా వద్దా అన్న అంశంపై చర్చలు సాగుతున్నట్లు సమాచారం​. ప్రధాన పేసర్లుగా బుమ్రా, షమీ ఎంపిక దాదాపుగా ఖరారైనప్పటికీ.. సేఫ్టీగా వీలైనంత ఎక్కువ మంది రిజర్వ్‌ పేసర్లను ఎంపిక చేయనున్నారని తెలుస్తుంది. ఇంగ్లండ్‌ పర్యటన కోసం భారత సీనియర్‌ జట్టుతో పాటు భారత-ఏ జట్టును ‍కూడా మే రెండో వారంలో ప్రకటించే అవకాశం ఉంది.ఇదిలా ఉంటే, భారత ఆటగాళ్లంతా ప్రస్తుతం ఐపీఎల్‌ 2025లో బిజీగా ఉన్నారు. ఈ లీగ్‌లో ప్రదర్శనల ఆధారంగా ఇంగ్లండ్‌ పర్యటనకు ఎంపికలు జరుగుతాయి. ఈ సీజన్‌లో అత్యుత్తమ ప్రదర్శన కనబర్చే ఆటగాళ్లను భారత సెలెక్టర్లు పరిగణలోకి తీసుకోవచ్చు. ఫార్మాట్‌ వేరైనా ఆటగాళ్లలో కన్సిస్టెన్సీని గమనిస్తారు.ప్రస్తుతం ఐపీఎల్‌ 2025 రసవత్తరంగా సాగుతుంది. మొత్తం ఏడు జట్లు నాలుగు ప్లే ఆఫ్స్‌ బెర్త్‌ల కోసం ప్రధానంగా పోటీపడుతున్నాయి. ఏ జట్టుకు ఇప్పటివరకు ప్లే ఆఫ్స్‌ బెర్త్‌ ఖరారు కాలేదు. సీఎస్‌కే మినహా అన్ని జట్లకు ప్లే ఆఫ్స్‌ అవకాశాలు ఉన్నాయి. ప్లే ఆఫ్స్‌ రేసులో ఆర్సీబీ ముందుంది. ఆ జట్టు 10 మ్యాచ్‌ల్లో 7 విజయాలతో పాయింట్ల పట్టికలో అగ్రస్థానంలో కొనసాగుతుంది. ఆతర్వాత ముంబై, గుజరాత్‌, ఢిల్లీ తలో 12 పాయింట్లతో వరుసగా 2, 3, 4 స్థానాల్లో ఉన్నాయి. పంజాబ్‌ (11), లక్నో (10), కేకేఆర్‌ (9) ఆతర్వాతి స్థానాల్లో కొనసాగుతున్నాయి. రాజస్థాన్‌ (6), సన్‌రైజర్స్‌ (6), సీఎస్‌కే (4) 8, 9, 10 స్థానాల్లో ఉన్నాయి.

ఐపీఎల్-2025లో గుజ‌రాత్ టైటాన్స్ యువ ఓపెన‌ర్ సాయి సుద‌ర్శ‌న్ దుమ్ములేపుతున్నాడు. ప్ర‌తీ మ్యాచ్‌లోనూ ప‌రుగులు సాధించి గుజ‌రాత్ జైత్ర యాత్ర‌లో కీల‌క పాత్ర పోషిస్తున్నాడు. సోమ‌వారం కోల్‌క‌తా నైట్‌రైడ‌ర్స్‌తో జ‌రిగిన మ్యాచ్‌లోనూ సుద‌ర్శ‌న్ హాఫ్ సెంచ‌రీతో మెరిశాడు.ఇప్ప‌టివ‌ర‌కు 8 మ్యాచ్‌లు ఆడిన సుద‌ర్శ‌న్‌.. 50 కంటే ఎక్కువ సగటుతో 417 పరుగులు చేసి ఆరెంజ్ క్యాప్ హోల్డ‌ర్‌గా కొన‌సాగుతున్నాడు. ఈ క్ర‌మంలో సుద‌ర్శ‌న్‌పై టీమిండియా మాజీ క్రికెట‌ర్ అంబ‌టి రాయుడు ప్ర‌శంస‌ల వ‌ర్షం కురిపించాడు. టీ 20 క్రికెట్‌ను ట్రేడిష‌న‌ల్‌గా ఎలా ఆడాలో సుద‌ర్శ‌న్ చూపిస్తున్నాడ‌ని అత‌డు కొనియాడాడు."సాయిసుద‌ర్శ‌న్ అద్బుతంగా ఆడుతున్నాడు. అత‌డి బ్యాటింగ్ చూసేందుకు రెండు క‌ళ్లు స‌రిపోవ‌డం లేదు. చాలా సంతోషంగా ఉంది. అత‌డు క్లాసిక‌ల్ బ్యాట‌ర్‌గా ఆడుతున్నాడు. క్రికెట్‌ను సాంప్రదాయ పద్ధతిలో ఎలా ఆడవచ్చో త‌న బ్యాటింగ్‌తో చూపిస్తున్నాడు. సుద‌ర్శ‌న్‌ బంతి వేగాన్ని సరిగ్గా ఉపయోగించుకుని స్మార్ట్ క్రికెట్ ఆడుతున్నాడు.ప్ర‌తీ మ్యాచ్‌లో ప‌రుగులు సాధించ‌డం అతడి ఆత్మ‌విశ్వాస్వాన్ని మ‌రింత రెట్టింపు చేస్తోంది. సుద‌ర్శ‌న్ అద్భుత ఫామ్ జ‌ట్టు మొత్తాన్ని ప్ర‌భావితం చేస్తోంది. అందరు ఆటగాళ్లు ఒకే లయలో ఆడతారు. ప్ర‌స్తుతం గుజ‌రాత్ టీమ్‌లో అదే మ‌నం చూస్తున్నాము" అని జియో స్టార్‌కు ఇచ్చిన ఇంట‌ర్వ్యూలో రాయుడు పేర్కొన్నాడు.చ‌ద‌వండి: IPL 2025: టీమిండియా క్రికెట‌ర్ మంచి మ‌న‌సు.. రూ.7 ల‌క్ష‌ల‌ ఆర్ధిక సాయం

ఐపీఎల్‌-2025 ముగిసిన త‌ర్వాత భార‌త క్రికెట్ జ‌ట్టు ఇంగ్లండ్ ప‌ర్య‌ట‌న‌కు వెళ్ల‌నంది. ఈ టూర్‌లో భాగంగా ఆతిథ్య ఇంగ్లండ్‌తో ఐదు టెస్టుల సిరీస్‌లో టీమిండియా త‌ల‌ప‌డ‌నుంది. ఈ సిరీస్‌కు భార‌త జట్టును ఎంపిక చేసిన ప‌నిలో బీసీసీఐ సెల‌క్ష‌న్ క‌మిటీ ప‌డింది. మే రెండో వారంలో భార‌త జ‌ట్టును బీసీసీఐ ప్రక‌టించే అవ‌కాశ‌ముంది.అయితే ఇంగ్లండ్ టూర్‌కు త‌మిళనాడు యువ సంచ‌ల‌నం సాయిసుద‌ర్శ‌న్‌ను ఎంపిక చేసే ఆలోచ‌న‌లో సెల‌క్ట‌ర్లు ఉన్న‌ట్లు తెలుస్తోంది. సుద‌ర్శ‌న్ ప్ర‌స్తుతం అద్భుత‌మైన ఫామ్‌లో ఉన్నాడు. దేశ‌వాళీ క్రికెట్‌తో పాటు ఐపీఎల్‌లోనూ దుమ్ములేపుతున్నాడు. సుద‌ర్శ‌న్ ఇప్ప‌టికే టీ20, వ‌న్డేల్లో భార‌త్ త‌ర‌పున అరంగేట్రం చేశాడు. ఇప్పుడు టెస్టుల్లో డెబ్యూ చసే సూచ‌న‌లు క‌న్పిస్తున్నాయి. అత‌డికి ఇంగ్లండ్ రెడ్-బాల్ క్రికెట్ ఆడిన అనుభ‌వం ఉంది. సుద‌ర్శ‌న్ కౌంటీ క్రికెట్‌లో సర్రే తరపున ఆడాడు. అదేవిధంగా మిడిలార్డ‌ర్ బ్యాట‌ర్లు శ్రేయ‌స్ అయ్య‌ర్‌, ర‌జిత్ పాటిదార్‌ల‌కు తిరిగి పిలుపునివ్వాల‌ని అజిత్ అగార్కర్ అండ్ కో భావిస్తున్న‌ట్లు ప‌లు రిపోర్ట్‌లు పేర్కొంటున్నాయి. అయ్య‌ర్, పాటిదార్ ఇద్ద‌రూ గ‌తేడాది భార‌త టెస్టు జ‌ట్టుకు దూరంగా ఉన్నారు. అయితే ప్ర‌స్తుతం అద్భుత‌మైన ఫామ్‌లో ఉండ‌డంతో ఎంపిక చేయ‌నున్న‌ట్లు వినికిడి. మిడిలార్డ‌ర్‌లో అప్ష‌న్స్ కోసం సెల‌క్ట‌ర్లు వెతుకుతున్నారు. సుద‌ర్శ‌న్‌, పాటిదార్‌, అయ్య‌ర్‌లను ముందే ఇంగ్లండ్‌కు పంపించే అవ‌కాశ‌మున్న‌ట్లు వార్త‌లు వినిపిస్తున్నాయి. వీరు ముగ్గురు భార‌త-ఎ జ‌ట్టు త‌ర‌పున ఇంగ్లండ్ ల‌య‌న్స్‌తో అధికారిక టెస్టు సిరీస్ ఆడ‌నున్నారు.

ఐపీఎల్‌లో గుజరాత్‌ టైటాన్స్‌ ఓపెనింగ్‌ జోడీ శుభ్‌మన్‌ గిల్‌, సాయి సుదర్శన్‌ రికార్డు నెలకొల్పింది. నిన్న (ఏప్రిల్‌ 21) కేకేఆర్‌తో జరిగిన మ్యాచ్‌లో సెంచరీ భాగస్వామ్యం (114 పరుగులు) నమోదు చేసిన ఈ జోడీ.. క్యాష్‌ రిచ్‌ లీగ్‌లో అత్యధిక ఓపెనింగ్‌ శతక భాగస్వామ్యాలు (6) నెలకొల్పిన భారత జోడీగా చరిత్ర సృష్టించింది. ఈ మ్యాచ్‌కు ముందు ఈ రికార్డు గిల్‌-సాయి సుదర్శన్‌.. కేఎల్‌ రాహుల్‌-మయాంక్‌ అగర్వాల్‌.. గౌతమ్‌ గంభీర్‌-రాబిన్‌ ఉతప్ప జోడీల పేరిట సంయుక్తంగా ఉండేది. ఓవరాల్‌గా ఐపీఎల్‌లో అత్యధిక ఓపెనింగ్‌ శతక భాగస్వామ్యాలు నమోదు చేసిన జోడీగా విరాట్‌ కోహ్లి-ఏబీ డివిలియర్స్‌ ద్వయం ఉంది. ఈ జోడీ ఐపీఎల్‌లో 10 సెంచరీ పార్ట్‌నర్‌షిప్స్‌ నమోదు చేసింది. విరాట్‌-ఏబీడీ జోడీ తర్వాత అత్యధిక ఓపెనింగ్‌ శతక భాగస్వామ్యాలు నమోదు చేసిన జోడీగా క్రిస్‌ గేల్‌-విరాట్‌ ద్వయం ఉంది. ఈ జోడీ 9 సెంచరీ పార్ట్‌నర్‌షిప్స్‌ నమోదు చేసింది. వీరి తర్వాత గిల్‌-సాయి సుదర్శన్‌, శిఖర్‌ ధవన్‌-డేవిడ్‌ వార్నర్‌, డుప్లెసిస్‌-విరాట్‌ ద్వయాలు తలో 6 ఓపెనింగ్‌ శతక భాగస్వామ్యాలు నమోదు చేసి ఈ జాబితాలో సంయుక్తంగా మూడో స్థానంలో ఉన్నాయి. ప్రస్తుత ఐపీఎల్‌ సీజన్‌లోనే గిల్‌-సాయి సుదర్శన్‌ జోడీ రెండు శతక భాగస్వామ్యాలు నమోదు చేయడం విశేషం.ఐపీఎల్‌లో తొలి వికెట్‌కు అత్యధిక సెంచరీ భాగస్వామ్యాలు నమోదు చేసిన భారత జోడీలుసాయి సుదర్శన్‌-శుభ్‌మన్‌ గిల్‌ (గుజరాత్‌)- 6కేఎల్‌ రాహుల్‌-మయాంక్‌ అగర్వాల్‌ (పంజాబ్‌)-5గౌతమ్‌ గంభీర్‌-రాబిన్‌ ఉతప్ప (కేకేఆర్‌)-5ఓవరాల్‌గా ఐపీఎల్‌లో తొలి వికెట్‌కు అత్యధిక సెంచరీ భాగస్వామ్యాలు నమోదు చేసిన జోడీలువిరాట్‌ కోహ్లి-ఏబీ డివిలియర్స్‌ (ఆర్సీబీ)- 10విరాట్‌ కోహ్లి-క్రిస్‌ గేల్‌ (ఆర్సీబీ)- 9విరాట్‌ కోహ్లి- ఫాఫ్‌ డుప్లెసిస్‌ (ఆర్సీబీ)-6శుభ్‌మన్‌ గిల్‌- సాయి సుదర్శన్‌ (గుజరాత్‌)- 6శిఖర్‌ ధవన్‌- డేవిడ్‌ వార్నర్‌ (సన్‌రైజర్స్‌)- 6మ్యాచ్‌ విషయానికొస్తే.. ఈ మ్యాచ్‌లో గుజరాత్‌ కేకేఆర్‌ను 39 పరుగుల తేడాతో చిత్తు చేసింది. తద్వారా గుజరాత్‌ పాయింట్ల పట్టికలో అగ్రస్థానాన్ని పదిలం​ చేసుకుంది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన గుజరాత్‌.. గిల్‌ (90), సాయి సుదర్శన్‌ (52), బట్లర్‌ (41 నాటౌట్‌) సత్తా చాటడంతో నిర్ణీత ఓవర్లలో 3 వికెట్ల నష్టానికి 198 పరుగులు చేసింది. అనంతరం ఛేదనలో గుజరాత్‌ బౌలర్లు కలిసికట్టుగా రాణించి కేకేఆర్‌ను 158 పరుగులకే పరిమితం చేశారు. ప్రసిద్ద్‌, రషీద్‌ ఖాన్‌ చెరో 2, సిరాజ్‌, ఇషాంత్‌, సుందర్‌, సాయికిషోర్‌ తలో వికెట్‌ తీశారు. కేకేఆర్‌ ఇన్నింగ్స్‌లో రహానే ఒక్కడే హాఫ్‌ సెంచరీతో (50) రాణించాడు. గుజరాత్‌ ఏప్రిల్‌ 28న జరిగే తమ తదుపరి మ్యాచ్‌లో రాజస్థాన్‌ రాయల్స్‌తో తలపడుతుంది.

ప్రస్తుత ఐపీఎల్‌ సీజన్‌లో గుజరాత్‌ టైటాన్స్‌ అంచనాలకు తలకిందులు చేస్తూ వరుస విజయాలతో దూసుకుపోతుంది. ఇప్పటివరకు ఆడిన 8 మ్యాచ్‌ల్లో 6 విజయాలతో టేబుల్‌ టాపర్‌గా కొనసాగుతుంది. మరో ఆరు మ్యాచ్‌లు ఆడాల్సి ఉన్నా ప్లే ఆఫ్స్‌ బెర్త్‌ను దాదాపుగా ఖరారు చేసుకుంది.ప్రస్తుతం ఆరెంజ్‌, పర్పుల్‌ క్యాప్‌లు కూడా గుజరాత్‌ ఆటగాళ్ల చేతుల్లోనే ఉన్నాయి. సాయి సుదర్శన్‌ 8 మ్యాచ్‌ల్లో 417 పరుగులు చేసి అత్యధిక పరుగులు చేసిన ఆటగాడిగా కొనసాగుతున్నాడు. 8 మ్యాచ్‌ల్లో 16 వికెట్లు తీసిన ప్రసిద్ద్‌ కృష్ణ అత్యధిక వికెట్లు తీసిన బౌలర్‌గా చలామణి అవుతున్నాడు. బ్యాటింగ్‌లో అత్యధిక పరుగులు చేసిన ఆటగాళ్ల టాప్‌-10 జాబితాలో సాయి సుదర్శన్‌తో పాటు జోస్‌ బట్లర్‌, కెప్టెన్‌ శుభ్‌మన్‌ గిల్‌ ఉన్నారు. ఈ ముగ్గురు గుజరాత్‌ టాపార్డర్‌లో అంచనాలకు మించి రాణిస్తున్నారు. ప్రతి మ్యాచ్‌లో ఈ ముగ్గురిలో ఒకరిద్దరు సత్తా చాటుతున్నారు. బౌలింగ్‌లోనూ అత్యధిక వికెట్లు తీసిన టాప్‌-10 బౌలర్ల జాబితాలో ప్రసిద్ద్‌ సహా ముగ్గురు గుజరాత్‌ బౌలర్లు ఉన్నారు. ఈ సీజన్‌లో రవిశ్రీనివాస్‌ సాయికిషోర్‌ ఊహలకందని విధంగా సత్తా చాటుతూ అత్యధిక వికెట్లు తీసిన బౌలర్ల జాబితాలో నాలుగో స్థానంలో ఉన్నాడు. ఈ ఏడాదే కొత్తగా గుజరాత్‌లో చేరిన సిరాజ్‌ సైతం ఈ సీజన్‌లో అదరగొడుతున్నాడు. అత్యధిక వికెట్లు తీసిన బౌలర్ల జాబితాలో ఆరో స్థానంలో ఉన్నాడు. గుజరాత్‌ విజయాల్లో మిడిలార్డర్‌ బ్యాటర్లు షెర్ఫాన్‌ రూథర్‌ఫోర్డ్‌, రాహుల్‌ తెవాతియా, షారుఖ్‌ ఖాన్‌, వాషింగ్టన్‌ సుందర్‌ కీలకపాత్ర పోషిస్తున్నారు. వెటరన్‌ బౌలర్‌ ఇషాంత్‌ శర్మ కూడా ఈ సీజన్‌లో అదరగొడుతున్నాడు. స్టార్‌ స్పిన్నర్‌ రషీద్‌ ఖాన్‌ ఫామ్‌ ఒక్కటే ఈ సీజన్‌లో గుజరాత్‌ను కలవరపెడుతుంది. అతను కూడా నిన్న (ఏప్రిల్‌ 21) కేకేఆర్‌తో జరిగిన మ్యాచ్‌లో ఫామ్‌లోకి వచ్చాడు. నిన్నటి మ్యాచ్‌లో రషీద్‌ 4 ఓవర్లలో కేవలం 25 పరుగులకే ఇచ్చి 2 కీలక వికెట్లు (నరైన్‌, రసెల్‌) తీశాడు. ఈ సీజన్‌లో గుజరాత్‌కు ప్రతి ఒక్కరు మ్యాచ్‌ విన్నర్లుగా నిలిచారు. ప్రతి మ్యాచ్‌లో ఎవరో ఒకరు సత్తా చాటుతూ విజయాన్నందిస్తున్నారు. బ్యాటింగ్‌లో సాయి సుదర్శన్‌ నిలకడకు మారు పేరు అన్నట్లుగా మారిపోయాడు. గిల్‌ సామర్థ్యం మేరకు రాణిస్తుండగా.. బట్లర్‌ అంచనాలకు మించి సత్తా చాటుతున్నాడు. ఈ సీజన్‌ ప్రారంభానికి ముందు పేస్‌ త్రయం ప్రసిద్ద్‌, సిరాజ్‌, ఇషాంత్‌పై ఎవరికీ అంచనాలు లేవు. సాయికిషోర్‌ నుంచి అయితే ఈ స్థాయి అత్యుత్తమ ప్రదర్శన అస్సలు ఊహించలేదు. సాయికిషోర్‌ ఎప్పుడు బంతిని పట్టుకున్నా వికెట్లు తీయడమే కాకుండా అత్యంత పొదుపుగా బౌలింగ్‌ చేస్తున్నాడు. ఇతను ప్రత్యర్థి బ్యాటర్ల పాలిట కొరకరాని కొయ్యగా మారాడు. ఈ సీజన్‌లో గుజరాత్‌ ఇదే జోరును కొనసాగిస్తే రెండో టైటిల్‌ ఖాతాలో వేసుకోవడం గ్యారెంటీ​. అందరూ ఈ సీజన్‌లో ఆర్సీబీ, ఢిల్లీ, పంజాబ్‌, లక్నో జట్లలో ఏదో ఒకటి టైటిల్‌ గెలుస్తుందని అనుకుంటున్నారు. అయితే గుజరాత్‌ అందరి అంచనాలకు తలకిందులు చేస్తూ టైటిల్‌ దిశగా దూసుకుపోతుంది.కాగా, కేకేఆర్‌తో నిన్న జరిగిన మ్యాచ్‌లో గుజరాత్‌ 39 పరుగుల తేడాతో ఘన విజయం సాధించింది. ఈ మ్యాచ్‌లో గుజరాత్‌ ఎప్పటిలాగే టీమ్‌ ఎఫర్ట్‌ను చూపించి మరో విజయాన్ని సొంతం చేసుకుంది. తొలుత బ్యాటింగ్‌ చేసిన గుజరాత్‌.. గిల్‌ (90), సాయి సుదర్శన్‌ (52), బట్లర్‌ (41 నాటౌట్‌) సత్తా చాటడంతో నిర్ణీత ఓవర్లలో 3 వికెట్ల నష్టానికి 198 పరుగులు చేసింది. అనంతరం ఛేదనలో గుజరాత్‌ బౌలర్లు కలిసికట్టుగా రాణించి కేకేఆర్‌ను 158 పరుగులకే పరిమితం చేశారు. ప్రసిద్ద్‌, రషీద్‌ ఖాన్‌ చెరో 2, సిరాజ్‌, ఇషాంత్‌, సుందర్‌, సాయికిషోర్‌ తలో వికెట్‌ తీశారు. కేకేఆర్‌ ఇన్నింగ్స్‌లో రహానే ఒక్కడే హాఫ్‌ సెంచరీతో (50) రాణించాడు. గుజరాత్‌ ఏప్రిల్‌ 28న జరిగే తమ తదుపరి మ్యాచ్‌లో రాజస్థాన్‌ రాయల్స్‌తో తలపడుతుంది.

కోల్‌కతా: గుజరాత్‌ టైటాన్స్‌ ఆల్‌రౌండ్‌ ప్రదర్శనకు డిఫెండింగ్‌ చాంపియన్‌ కోల్‌కతా నైట్‌రైడర్స్‌ చేతులెత్తేసింది. దీంతో సోమవారం జరిగిన ఐపీఎల్‌ మ్యాచ్‌లో టైటాన్స్‌ 39 పరుగుల తేడాతో జయభేరి మోగించింది. మొదట బ్యాటింగ్‌కు దిగిన గుజరాత్‌ నిరీ్ణత 20 ఓవర్లలో 3 వికెట్ల నష్టానికి 198 పరుగులు చేసింది. కెప్టెన్‌ శుబ్‌మన్‌ గిల్‌ (55 బంతుల్లో 90; 10 ఫోర్లు, 3 సిక్స్‌లు), సాయి సుదర్శన్‌ (36 బంతుల్లో 52; 6 ఫోర్లు, 1 సిక్స్‌) మెరిపించారు. బట్లర్‌ (23 బంతుల్లో 41 నాటౌట్‌; 8 ఫోర్లు) ధాటిగా ఆడాడు. కోల్‌కతా బౌలర్లలో రసెల్, వైభవ్, హర్షిత్‌ తలా ఒక వికెట్‌ తీశారు. అనంతరం లక్ష్యఛేదనకు దిగిన కోల్‌కతా 20 ఓవర్లలో 8 వికెట్లకు 159 పరుగులు చేసి ఓడింది. కెప్టెన్‌ అజింక్య రహానే (36 బంతుల్లో 50; 5 ఫోర్లు, 1 సిక్స్‌) ఒక్కడే రాణించాడు. గుజరాత్‌ బౌలర్లలో ప్రసిధ్‌ కృష్ణ, రషీద్‌ ఖాన్‌ చెరో 2 వికెట్లు తీశారు. ఆ ఇద్దరు బాదేశారిలా... గుజరాత్‌ ఇన్నింగ్స్‌ రెండో ఓవర్‌లో ముందుగా సాయి సుదర్శన్‌ బౌండరీతో బాదుడు మొదలు పెట్టాడు. మూడో ఓవర్లో మరో రెండు ఫోర్లు కొట్టాడు. కాస్త ఆలస్యమైనా... గిల్‌ ఐదో ఓవర్లో రెండు వరుస బౌండరీలతో దూకుడు షురూ చేశాడు. టైటాన్స్‌ పవర్‌ప్లే స్కోరు 45/0. అలీ వేసిన ఏడో ఓవర్లో గిల్‌ 6, 4, 4లతో ఒక్కసారిగా విరుచుకుపడ్డాడు. క్రమం తప్పకుండా ఫోర్లు బాదేయడంతో సగం ఓవర్లు ముగిసేసరికి గుజరాత్‌ 89/0 స్కోరు చేసింది. తర్వాతి ఓవర్లోనే గిల్‌ 34 బంతుల్లో, సుదర్శన్‌ 33 బంతుల్లో ఫిఫ్టీలు పూర్తి చేసుకున్నారు. జట్టు స్కోరు 100 దాటింది. ఎట్టకేలకు సుదర్శన్‌ను అవుట్‌ చేసిన రసెల్‌ కోల్‌కతాకు ఊరటనిచ్చాడు. అయితే బట్లర్‌ రాకతో దంచుడులో ఏ మార్పులేకపోయింది. ఆఖర్లో గిల్, రాహుల్‌ తెవాటియా (0) వికెట్లు పడినా కూడా భారీస్కోరు సాధ్యమైంది. కెప్టెన్‌ ఒంటరి పోరాటం పెద్ద లక్ష్యాన్ని ఛేదించేందుకు దిగిన నైట్‌రైడర్స్‌ పవర్‌ప్లేలోనే ఓపెనర్లను కోల్పోయింది. సిరాజ్‌ తొలి ఓవర్లోనే రహా్మనుల్లా గుర్బాజ్‌ (1) పెవిలియన్‌ చేరగా, కెప్టెన్‌ రహానేతో అడపాదడపా షాట్లతో స్కోరును నడిపిస్తున్న సునీల్‌ నరైన్‌ (17)ను రషీద్‌ ఖాన్‌ బోల్తా కొట్టించాడు. వెంకటేశ్‌ అయ్యర్‌ (14) మెప్పించలేకపోయాడు. బాధ్యతగా ఆడిన రహానే 36 బంతుల్లో అర్ధసెంచరీ సాధించగా, అదేస్కోరు వద్ద వాషింగ్టన్‌ సుందర్‌ అతన్ని అవుట్‌ చేశాడు. ధాటిగా ఆడే ప్రయత్నం చేసిన రసెల్‌ (15 బంతుత్లో 21; 3 ఫోర్లు, 1 సిక్స్‌) స్టంపౌట్‌ కావడంతో కోల్‌కతా లక్ష్యానికి దూరమైంది. రఘువంశీ (13 బంతుల్లో 27 నాటౌట్‌; 3 ఫోర్లు, 1 సిక్స్‌) కాసేపు అలరించాడు. స్కోరు వివరాలు గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (సి) గుర్బాజ్‌ (బి) రసెల్‌ 52; శుబ్‌మన్‌ గిల్‌ (సి) రింకూ సింగ్‌ (బి) వైభవ్‌ 90; బట్లర్‌ (నాటౌట్‌) 41; తెవాటియా (సి) రమణ్‌దీప్‌ (బి) హర్షిత్‌ రాణా 0; షారుఖ్‌ ఖాన్‌ (నాటౌట్‌) 11; ఎక్స్‌ట్రాలు 4; మొత్తం (20 ఓవర్లలో 3 వికెట్లకు) 198. వికెట్ల పతనం: 1–114, 2–172, 3–177. బౌలింగ్‌: వైభవ్‌ అరోరా 4–0–44–1, మొయిన్‌ అలీ 3–0–27–0, హర్షిత్‌ రాణా 4–0–45–1, వరుణ్‌ చక్రవర్తి 4–0–33–0, నరైన్‌ 4–0–36–0, రసెల్‌ 1–0–13–1. కోల్‌కతా నైట్‌రైడర్స్‌ ఇన్నింగ్స్‌: గుర్బాజ్‌ (ఎల్బీడబ్ల్యూ) (బి) సిరాజ్‌ 1; నరైన్‌ (సి) తెవాటియా (బి) రషీద్‌ 17; రహానే (స్టంప్డ్‌) బట్లర్‌ (బి) సుందర్‌ 50; వెంకటేశ్‌ (సి) సుందర్‌ (బి) సాయి కిషోర్‌ 14; రింకూ సింగ్‌ (సి) గిల్‌ (బి) ఇషాంత్‌ 17; రసెల్‌ (స్టంప్డ్‌) బట్లర్‌ (బి) రషీద్‌ 21; రమణ్‌దీప్‌ (సి అండ్‌ బి) ప్రసిధ్‌ కృష్ణ 1; మొయిన్‌ అలీ (సి) షారుఖ్‌ (బి) ప్రసిధ్‌ కృష్ణ 0; రఘువంశీ (నాటౌట్‌) 27; హర్షిత్‌ (నాటౌట్‌) 1; ఎక్స్‌ట్రాలు 10; మొత్తం (20 ఓవర్లలో 8 వికెట్లకు) 159. వికెట్ల పతనం: 1–2, 2–43, 3–84, 4–91, 5–118, 6–119, 7–119, 8–151. బౌలింగ్‌: సిరాజ్‌ 4–0–32–1, ఇషాంత్‌ 2–0–18–1, ప్రసిధ్‌ కృష్ణ 4–0–25–2, రషీద్‌ ఖాన్‌ 4–0–25–2, సుందర్‌ 3–0–36–1, సాయి కిషోర్‌ 3–0–19–1.

రాయల్‌ చాలెంజర్స్‌ బెంగళూరు (RCB) జట్టు కెప్టెన్‌ రజత్‌ పాటిదార్‌ (Rajat Patidar) టీమిండియా దిగ్గజ క్రికెటర్‌ సచిన్‌ టెండుల్కర్‌ రికార్డు బద్దలు కొట్టాడు. ఐపీఎల్‌లో అతి తక్కువ ఇన్నింగ్స్‌లో అత్యధిక స్ట్రైక్‌రేటుతో వెయ్యి పరుగుల మైలురాయిని అందుకున్న భారత తొలి క్రికెటర్‌గా నిలిచాడు. వర్షం వల్ల 14 ఓవర్ల ఆటఐపీఎల్‌-2025 (IPL 2025)లో భాగంగా పంజాబ్‌ కింగ్స్‌తో మ్యాచ్‌ సందర్భంగా పాటిదార్‌ ఈ ఘనత సాధించాడు. బెంగళూరు వేదికగా శుక్రవారం జరిగిన ఈ మ్యాచ్‌కు వర్షం అంతరాయం కలిగించింది. ఈ నేపథ్యంలో పద్నాలుగు ఓవర్లకు మ్యాచ్‌ను కుదించగా.. టాస్‌ గెలిచిన పంజాబ్‌ కింగ్స్‌.. ఆర్సీబీని తొలుత బ్యాటింగ్‌కు ఆహ్వానించింది. ఓపెనర్లు ఫిల్‌ సాల్ట్‌ (4), విరాట్‌ కోహ్లి (1) పూర్తిగా విఫలం కాగా.. రజత్‌ పాటిదార్‌ (18 బంతుల్లో 23) ఫర్వాలేదనిపించాడు.95 పరుగులుఆఖర్లో టిమ్‌ డేవిడ్‌ మెరుపు ఇన్నింగ్స్‌ (26 బంతుల్లో 50 నాటౌట్‌) ఆడటంతో ఆర్సీబీ తొమ్మిది వికెట్ల నష్టానికి 95 పరుగులు చేసింది. పంజాబ్‌ బౌలర్లలో అర్ష్‌దీప్‌ సింగ్‌, మార్కో యాన్సెన్‌, యజువేంద్ర చహల్‌, హర్‌‍ప్రీత్‌బ్రార్‌ రెండేసి వికెట్లు కూల్చగా.. జేవియర్‌ బార్ట్‌లెట్‌ ఒక వికెట్‌ దక్కించుకున్నాడు.పంజాబ్‌ ఫటాఫట్‌ఇక పంజాబ్‌ 12.1 ఓవర్లలో ఐదు వికెట్లు నష్టపోయి ఆర్సీబీ విధించిన లక్ష్యాన్ని ఛేదించింది. నేహాల్‌ వధేరా (19 బంతుల్లో 33) ధనాధన్‌ ఇన్నింగ్స్‌తో పంజాబ్‌ను విజయతీరాలకు చేర్చాడు.ఇదిలా ఉంటే.. పంజాబ్‌తో మ్యాచ్‌లో 23 పరుగులు చేసిన ఆర్సీబీ కెప్టెన్‌ రజత్‌ పాటిదార్‌.. ఐపీఎల్‌లో వెయ్యి పరుగులు పూర్తి చేసుకున్నాడు. కేవలం 30 ఇన్నింగ్స్‌లోనే పాటిదార్‌ ఈ మైలురాయిని చేరుకున్నాడు.సచిన్‌ రికార్డు బ్రేక్‌ఈ క్రమంలో సచిన్‌ టెండుల్కర్‌, రుతురాజ్‌ గైక్వాడ్‌ పేరిట ఉన్న రికార్డును పాటిదార్‌ బద్దలు కొట్టాడు. వీరిద్దరు 31 ఇన్నింగ్స్‌లో వెయ్యి పరుగుల మార్కును అందుకున్నారు. ఇక.. గుజరాత్‌ టైటాన్స్‌ ఓపెనర్‌ సాయి సుదర్శన్‌ కేవలం 25 ఇన్నింగ్స్‌లోనే ఈ మైలురాయిని చేరుకుని.. ఐపీఎల్‌లో భారత్‌ తరఫున అత్యంత వేగంగా వెయ్యి పరుగులు సాధించిన బ్యాటర్‌గా కొనసాగుతున్నాడు.ఐపీఎల్‌లో భారత తొలి బ్యాటర్‌గా రికార్డుఅయితే, రజత్‌ ఇన్నింగ్స్‌ పరంగా సుదర్శన్‌ కంటే వెనుకబడి ఉన్నా... సగటు, స్ట్రైక్‌రేటు పరంగా మెరుగ్గా ఉన్నాడు. తద్వారా ఐపీఎల్‌లో 35కు పైగా సగటుతో 150కి పైగా స్ట్రైక్‌రేటుతో 1000 పరుగులు చేసిన భారత బ్యాటర్‌గా పాటిదార్‌ చరిత్రకెక్కాడు. టీ20 ఫార్మాట్లో అతడి నిలకడైన ఆటకు ఇది నిదర్శనం.ఐపీఎల్‌-2025: బెంగళూరు వర్సెస్‌ పంజాబ్‌👉వర్షం వల్ల మ్యాచ్‌ 14 ఓవర్లకు కుదింపు👉వేదిక: ఎం.చిన్నస్వామి స్టేడియం, బెంగళూరు👉టాస్‌: పంజాబ్‌.. తొలుత బౌలింగ్‌👉బెంగళూరు స్కోరు: 95/9 (14)👉పంజాబ్‌ స్కోరు: 98/5 (12.1)👉ఫలితం: ఐదు వికెట్ల తేడాతో బెంగళూరుపై పంజాబ్‌ గెలుపు👉ప్లేయర్‌ ఆఫ్‌ ది మ్యాచ్‌: టిమ్‌ డేవిడ్‌ (26 బంతుల్లో 50 నాటౌట్‌). .@PunjabKingsIPL's red is shining bright in Bengaluru ❤️They continue their winning streak with an all-round show over #RCB 👏Scorecard ▶ https://t.co/7fIn60rqKZ #TATAIPL | #RCBvPBKS pic.twitter.com/NOASW2XRMD— IndianPremierLeague (@IPL) April 18, 2025చదవండి: RCB VS PBKS: చరిత్ర సృష్టించిన అర్షదీప్‌ సింగ్‌

ప్రస్తుత ఐపీఎల్‌ సీజన్‌లో గుజరాత్‌ టైటాన్స్‌ వరుస విజయాలతో దూసుకుపోతూ పాయింట్ల పట్టికలో అగ్ర స్థానంలో ఉంది. ఆ జట్టు విజయాల్లో ఓపెనర్లు సాయి సుదర్శన్‌, శుభ్‌మన్‌ గిల్‌ పాత్ర చాలా కీలకం​. ఈ ఇద్దరు దాదాపుగా ప్రతి మ్యాచ్‌లో నిలకడైన ఆటతీరు ప్రదర్శిస్తూ జట్టు విజయానికి పటిష్టమైన పునాది వేస్తున్నారు.ఈ సీజన్‌లో సాయి ఆడిన ఆరు మ్యాచ్‌ల్లో నాలుగు హాఫ్‌ సెంచరీలు చేసి లీడింగ్‌ రన్‌ స్కోరర్‌గా కొనసాగుతుండగా.. గిల్‌ చివరి మూడు మ్యాచ్‌ల్లో రెండు హాఫ్‌ సెంచరీలు చేసి లీడింగ్‌ రన్‌ స్కోరర్ల జాబితాలో ఆరో స్థానంలో నిలిచాడు.ఈ సీజన్‌లో అత్యుత్తమ ఓపెనింగ్‌ జోడీగా పేరు తెచ్చుకున్న సాయి-గిల్‌ ద్వయం.. ఇవాళ (ఏప్రిల్‌ 12) లక్నోతో జరుగుతున్న మ్యాచ్‌లో రెండు రికార్డులు నెలకొల్పింది. ఈ మ్యాచ్‌లో 120 పరుగులు జోడించిన సాయి-గిల్‌ జోడీ.. ప్రస్తుత ఐపీఎల్‌ సీజన్‌లో తొలి వికెట్‌కు 100కు పైగా పరుగులు జోడించిన తొలి జోడీగా రికార్డు నెలకొల్పింది. అలాగే ఈ సీజన్‌లో ఏ వికెట్‌కైనా అత్యధిక పరుగులు జోడించిన జోడీగానూ రికార్డుల్లోకెక్కింది.ప్రస్తుత ఐపీఎల్‌ సీజన్‌లో అత్యధిక భాగస్వామ్యాలుగిల్‌-సాయి సుదర్శన్‌- 120 (తొలి వికెట్‌కు)పూరన్‌-మార్ష్‌- 116 (రెండో వికెట్‌కు)స్టబ్స్‌-కేఎల్‌ రాహుల్‌- 111* (ఐదో వికెట్‌కు)శాంసన్‌-జురెల్‌- 111 (నాలుగో వికెట్‌కు)రహానే-నరైన్‌- 103 (రెండో వికెట్‌కు)ఈ మ్యాచ్‌లో గిల్‌ 60, సాయి సుదర్శన్‌ 56 పరుగులు చేసి ఔటయ్యారు. వీరిద్దరు క్రీజ్‌లో ఉన్నంతవరకు గుజరాత్‌ జట్టు భారీ స్కోర్‌ దిశగా సాగింది. అయితే 2 పరుగుల వ్యవధిలో ఈ ఇద్దరు ఔట్‌ కావడంతో గుజరాత్‌ స్కోర్‌ ఒక్కసారిగా నెమ్మదించింది.13వ ఓవర్‌ తొలి బంతికి సాయి ఔటయ్యే సమయానికి గుజరాత్‌ స్కోర్‌ 120 పరుగులుగా ఉండగా.. 17వ ఓవర్‌ ముగిసే సమయానికి ఆ జట్టు నాలుగు వికెట్లు కోల్పోయి కేవలం 147 పరుగులు మాత్రమే చేయగలిగింది. రూథర్‌ఫోర్డ్‌ (6), షారుక్‌ ఖాన్‌ (1) గుజరాత్‌కు గౌరవప్రదమైన స్కోర్‌ అందించేందుకు ప్రయత్నిస్తున్నారు. గుజరాత్‌ ఇన్నింగ్స్‌లో బట్లర్‌ 16, సుందర్‌ 2 పరుగులకు ఔటయ్యారు. లక్నో బౌలర్లలో బిష్ణోయ్‌ 2, దిగ్వేశ్‌ రాఠీ, ఆవేశ్‌ ఖాన్‌ తలో వికెట్‌ పడగొట్టారు. ఈ మ్యాచ్‌లో గుజరాత్‌ టాస్‌ ఓడి లక్నో ఆహ్వానం మేరకు తొలుత బ్యాటింగ్‌ చేస్తుంది.తుది జట్లు..లక్నో: ఎయిడెన్ మార్క్రమ్, నికోలస్ పూరన్, రిషబ్ పంత్(కెప్టెన్‌/వికెట్‌కీపర్‌), హిమ్మత్ సింగ్, డేవిడ్ మిల్లర్, అబ్దుల్ సమద్, శార్దూల్ ఠాకూర్, ఆకాష్ దీప్, దిగ్వేష్ సింగ్ రాఠీ, అవేష్ ఖాన్, రవి బిష్ణోయ్గుజరాత్‌ టైటాన్స్‌: సాయి సుదర్శన్, శుభమన్ గిల్(కెప్టెన్‌), జోస్ బట్లర్(వికెట్‌కీపర్‌), వాషింగ్టన్ సుందర్, షెర్ఫానే రూథర్‌ఫోర్డ్, షారుక్ ఖాన్, రాహుల్ తెవాటియా, అర్షద్ ఖాన్, రషీద్ ఖాన్, రవిశ్రీనివాసన్ సాయి కిషోర్, మహ్మద్ సిరాజ్

గుజరాత్‌ టైటాన్స్‌ ఓపెనర్‌ సాయి సుదర్శన్‌ ఐపీఎల్‌-2025 (IPL 2025)లోనూ అదరగొడుతున్నాడు. గతేడాది పన్నెండు ఇన్నింగ్స్‌లోనే 527 పరుగులు సాధించి సత్తా చాటిన ఈ ఎడమచేతి వాటం బ్యాటర్‌.. ఈసారి అదే జోరును కనబరుస్తున్నాడు. ఇప్పటి వరకు ఐదు మ్యాచ్‌లలో కలిపి 273 పరుగులు సాధించాడు.ధనాధన్‌ దంచికొడుతూసీజన్‌ ఆరంభ మ్యాచ్‌లో పంజాబ్‌ కింగ్స్‌పై 41 బంతుల్లో 74.. అనంతరం ముంబై ఇండియన్స్‌పై 41 బంతుల్లో 63 పరుగులు చేశాడు. ఆ తర్వాత ఆర్సీబీపై 36 బంతుల్లో 49 రన్స్‌ చేసిన సాయి సుదర్శన్‌ (Sai Sudharshn).. సన్‌రైజర్స్‌ హైదరాబాద్‌తో మ్యాచ్‌లో మాత్రం కేవలం ఐదు పరుగులే చేసి నిరాశ పరిచాడు. అయితే, తాజాగా రాజస్తాన్‌ రాయల్స్‌తో మ్యాచ్‌ సందర్భంగా మరోసారి బ్యాట్‌ ఝులిపించి.. సాయి ఫామ్‌లోకి వచ్చేశాడు.అహ్మదాబాద్‌ వేదికగా బుధవారం జరిగిన మ్యాచ్‌లో సాయి సుదర్శన్‌ ధనాధన్‌ బ్యాటింగ్‌తో అలరించాడు. కేవలం 53 బంతుల్లోనే ఎనిమిది ఫోర్లు, మూడు సిక్సర్ల సాయంతో 82 పరుగులు సాధించాడు. ఆరంభంలోనే కీలక వికెట్లు కోల్పోయి కష్టాల్లో ఉన్న వేళ మంచి స్కోరు సాధించి జట్టు విజయానికి పునాది వేశాడు.సరికొత్త చరిత్రఇక రాయల్స్‌తో మ్యాచ్‌ సందర్భంగా సాయి సుదర్శన్‌ ఐపీఎల్‌లో 1300 పరుగుల మార్కును దాటాడు. అంతేకాదు కేవలం 30 ఇన్నింగ్స్‌లోనే అతడు ఈ మైలురాయిని చేరుకోవడం గమనార్హం. ఈ నేపథ్యంలో సాయి సుదర్శన్‌ సరికొత్త చరిత్ర సృష్టించాడు. ఐపీఎల్‌ చరిత్రలో తక్కువ ఇన్నింగ్స్‌లోనే 1300కు పైగా పరుగులు చేసిన భారత తొలి క్రికెటర్‌గా రికార్డు సాధించాడు.కాగా 2022లో ఐపీఎల్‌లో అరంగేట్రం చేసిన చెన్నై ఆటగాడు సాయి సుదర్శన్‌.. ఇప్పటి వరకు 30 మ్యాచ్‌లు పూర్తి చేసుకుని 1307 పరుగులు సాధించాడు. ఇక ఆది నుంచి టైటాన్స్‌కే ప్రాతినిథ్యం వహిస్తున్న సాయి సుదర్శన్‌ను ఐపీఎల్‌-2025 మెగా వేలానికి ముందు గుజరాత్‌ ఫ్రాంఛైజీ రూ. రూ. 8.50 కోట్లకు రిటైన్‌ చేసుకుంది.ఐపీఎల్‌ చరిత్రలో 30 ఇన్నింగ్స్‌లోనే వెయ్యికి పైగా పరుగులు సాధించిన క్రికెటర్లు👉షాన్‌ మార్ష్‌- 1338👉సాయి సుదర్శన్‌- 1307*👉క్రిస్‌ గేల్‌- 1141👉కేన్‌ విలియమ్సన్‌- 1096👉మాథ్యూ హెడెన్‌- 1082.తొలి ప్లేయర్‌గా మరో ఘనతరాయల్స్‌తో మ్యాచ్‌ సందర్భంగా ఈ రికార్డుతో పాటు మరో ఘనతను కూడా సాయి సుదర్శన్‌ సాధించాడు. ఒకే వేదికపై వరుసగా ఐదు హాఫ్‌ సెంచరీలు బాదిన తొలి భారత బ్యాటర్‌గా నిలిచాడు. అహ్మదాబాద్‌లో ఆర్సీబీపై 84, సీఎస్‌కేపై 103, పంజాబ్‌ కింగ్స్‌పై 74, ముంబై ఇండియన్స్‌పై 63 పరుగులు సాధించిన సాయి.. తాజాగా అదే వేదికపై రాయల్స్‌పై 82 పరుగులు స్కోరు చేశాడు.చదవండి: పృథ్వీ షాను చూడు.. మనకూ అదే గతి పట్టవచ్చు.. జాగ్రత్త!Elegance 👌Power 💪🎥 Display of complete range from Sai Sudharsan and Shahrukh Khan 🔥Updates ▶ https://t.co/raxxjzY9g7#TATAIPL | #GTvRR | @gujarat_titans pic.twitter.com/LXSXbgL5Rp— IndianPremierLeague (@IPL) April 9, 2025

ఐపీఎల్‌లో మాజీ చాంపియన్‌ గుజరాత్‌ టైటాన్స్‌ జోరు కొనసాగుతోంది. సీజన్‌ తొలి మ్యాచ్‌లో ఓటమి తర్వాతి నుంచి చెలరేగుతున్న జట్టు వరుసగా నాలుగో విజయంతో అగ్ర స్థానానికి దూసుకెళ్లింది. రాజస్తాన్‌ రాయల్స్‌తో పోరులో సాయి సుదర్శన్‌ అండ్‌ టీమ్‌ మెరుపు బ్యాటింగ్‌తో ముందుగా భారీ స్కోరు నమోదు చేసి... ఆ తర్వాత సొంత మైదానంలో దానిని విజయవంతంగా నిలబెట్టుకోగలిగింది. పేలవ బౌలింగ్‌ తర్వాత బ్యాటింగ్‌లోనూ బలహీనంగా కనిపించిన రాయల్స్‌ ఓటముల ‘హ్యాట్రిక్‌’ నమోదు చేసింది. ఛేదనలో హెట్‌మైర్, సామ్సన్‌ పోరాటం సరిపోక జట్టు చేతులెత్తేసింది. అహ్మదాబాద్‌: శుబ్‌మన్‌ గిల్‌ సారథ్యంలోని గుజరాత్‌ టైటాన్స్‌ మరోసారి సమష్టి ప్రదర్శనతో ప్రత్యర్థిపై పైచేయి సాధించింది. బుధవారం జరిగిన ఐపీఎల్‌ 18వ సీజన్‌ మ్యాచ్‌లో అన్ని రంగాల్లో ఆధిక్యం కనబర్చిన టైటాన్స్‌ 58 పరుగుల తేడాతో రాజస్తాన్‌ రాయల్స్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన గుజరాత్‌ 20 ఓవర్లలో 6 వికెట్ల నష్టానికి 217 పరుగులు చేసింది.‘ప్లేయర్‌ ఆఫ్‌ ద మ్యాచ్‌’ సాయి సుదర్శన్‌ (53 బంతుల్లో 82; 8 ఫోర్లు, 3 సిక్స్‌లు) మెరుపు బ్యాటింగ్‌తో చెలరేగగా... జోస్‌ బట్లర్‌ (25 బంతుల్లో 36; 5 ఫోర్లు), షారుఖ్‌ ఖాన్‌ (20 బంతుల్లో 36; 4 ఫోర్లు, 2 సిక్స్‌లు) అండగా నిలిచారు. అనంతరం రాజస్తాన్‌ 19.2 ఓవర్లలో 159 పరుగులకు ఆలౌటైంది. హెట్‌మైర్‌ (32 బంతుల్లో 52; 4 ఫోర్లు, 3 సిక్స్‌లు), సంజూ సామ్సన్‌ (28 బంతుల్లో 41; 4 ఫోర్లు, 2 సిక్స్‌లు) రాణించగా, ప్రసిధ్‌ కృష్ణకు 3 వికెట్లు దక్కాయి. కీలక భాగస్వామ్యాలు... ఆర్చర్‌ బౌలింగ్‌లో శుబ్‌మన్‌ గిల్‌ (2) ఆరంభంలోనే వెనుదిరిగినా... సుదర్శన్, బట్లర్‌ భాగస్వామ్యంలో జట్టు కోలుకుంది. వీరిద్దరు చక్కటి షాట్లతో స్కోరుబోర్డును నడిపించారు. తుషార్‌ దేశ్‌పాండే ఓవర్లో సుదర్శన్‌ 2 ఫోర్లు, సిక్స్‌ కొట్టడంతో పవర్‌ప్లే ముగిసేసరికి స్కోరు 56 పరుగులకు చేరింది. రెండో వికెట్‌కు 47 బంతుల్లో 80 పరుగులు జోడించిన తర్వాత బట్లర్‌ వెనుదిరిగాడు. మరోవైపు సుదర్శన్‌ 32 బంతుల్లో హాఫ్‌ సెంచరీని అందుకున్నాడు.తీక్షణ ఓవర్లో వరుసగా 6, 4, 4 కొట్టి షారుఖ్‌ కూడా జోరు ప్రదర్శించాడు. అయితే తీక్షణ తర్వాతి ఓవర్లో అతను అవుట్‌ కావడంతో 62 పరుగుల (34 బంతుల్లో) మూడో వికెట్‌ భాగస్వామ్యం ముగిసింది. రూథర్‌ఫర్డ్‌ (7) విఫలం కాగా, దూకుడుగా ఆడే ప్రయత్నంలో సుదర్శన్‌ సెంచరీ అవకాశం చేజార్చుకున్నాడు. చివర్లో తెవాటియా (12 బంతుల్లో 24 నాటౌట్‌; 2 ఫోర్లు, 2 సిక్స్‌లు), రషీద్‌ ఖాన్‌ (4 బంతుల్లో 12; 1 ఫోర్, 1 సిక్స్‌) ధాటిగా ఆడటంతో టైటాన్స్‌ భారీ స్కోరు నమోదు చేసింది. హైదరా బాద్‌తో జరిగిన గత మ్యాచ్‌లో బ్యాటింగ్‌లో రాణించిన సుందర్‌ను గుజరాత్‌ ఈసారి ఆడించకపోగా... వ్యక్తిగత కారణాలతో హసరంగ మ్యాచ్‌కు దూరం కావడం రాజస్తాన్‌ బౌలింగ్‌ను బలహీనపర్చింది. టపటపా... ఛేదనలో ఏ దశలోనూ రాజస్తాన్‌ ఇన్నింగ్స్‌ గొప్పగా సాగలేదు. ఆరంభం నుంచి చివరి వరకు బ్యాటర్లలో తడబాటు కనిపించింది. గుజరాత్‌ బౌలర్లంతా సమష్టి ప్రదర్శనతో రాయల్స్‌ను కట్టడి చేశారు. రెండు పరుగుల వ్యవధిలో జైస్వాల్‌ (6), నితీశ్‌ రాణా (1) వెనుదిరగ్గా... సామ్సన్, రియాన్‌ పరాగ్‌ (14 బంతుల్లో 26; 1 ఫోర్, 3 సిక్స్‌లు) ఆదుకునే ప్రయత్నం చేశారు. తాను ఆడిన తొలి 8 బంతుల్లోనే 3 సిక్స్‌లు కొట్టిన పరాగ్‌ ఎక్కువసేపు నిలవలేకపోగా, ధ్రువ్‌ జురేల్‌ (5) విఫలమయ్యాడు. 47 బంతుల్లో 102 పరుగులు చేయాల్సిన స్థితిలో సామ్సన్‌ను ప్రసిధ్‌ అవుట్‌ చేయడంతో రాయల్స్‌ ఆశలు గల్లంతయ్యాయి. చివర్లో హెట్‌మైర్‌ చేసిన ప్రయత్నం ఏమాత్రం సరిపోలేదు. స్కోరు వివరాలు గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (సి) సామ్సన్‌ (బి) దేశ్‌పాండే 82; గిల్‌ (బి) ఆర్చర్‌ 2; బట్లర్‌ (ఎల్బీ) (బి) తీక్షణ 36; షారుఖ్‌ (స్టంప్డ్‌) సామ్సన్‌ (బి) తీక్షణ 36; రూథర్‌ఫర్డ్‌ (సి) సామ్సన్‌ (బి) సందీప్‌ 7; తెవాటియా (నాటౌట్‌) 24; రషీద్‌ (సి) జైస్వాల్‌ (బి) దేశ్‌పాండే 12; అర్షద్‌ (నాటౌట్‌) 0; ఎక్స్‌ట్రాలు 18; మొత్తం (20 ఓవర్లలో 6 వికెట్లకు) 217. వికెట్ల పతనం: 1–14, 2–94, 3–156, 4–163, 5–187, 6–201. బౌలింగ్‌: ఆర్చర్‌ 4–0–30–1, ఫారుఖీ 4–0–38–0, దేశ్‌పాండే 4–0–53–2, సందీప్‌ 4–0–41–1, తీక్షణ 4–0–54–2. రాజస్తాన్‌ రాయల్స్‌ ఇన్నింగ్స్‌: యశస్వి జైస్వాల్‌ (సి) రషీద్‌ (బి) అర్షద్‌ 6; సామ్సన్‌ (సి) సాయికిషోర్‌ (బి) ప్రసిధ్‌ 41; నితీశ్‌ రాణా (సి) ఖెజ్రోలియా (బి) సిరాజ్‌ 1; పరాగ్‌ (సి) బట్లర్‌ (బి) ఖెజ్రోలియా 26; జురేల్‌ (సి) సుదర్శన్‌ (బి) రషీద్‌ 5; హెట్‌మైర్‌ (సి) సాయికిషోర్‌ (బి) ప్రసిధ్‌ 52; శుభమ్‌ దూబే (ఎల్బీ) (బి) రషీద్‌ 1; ఆర్చర్‌ (సి) గిల్‌ (బి) ప్రసిధ్‌ 4; తీక్షణ (సి) సుదర్శన్‌ (బి) సాయికిషోర్‌ 5; దేశ్‌పాండే (సి) రషీద్‌ (బి) సాయికిషోర్‌ 3; సందీప్‌ (నాటౌట్‌) 6; ఎక్స్‌ట్రాలు 9; మొత్తం (19.2 ఓవర్లలో ఆలౌట్‌) 159. వికెట్ల పతనం: 1–10, 2–12, 3–60, 4–68, 5–116, 6–119, 7–144, 8–145, 9–150, 10–159. బౌలింగ్‌: సిరాజ్‌ 4–0–30–1, అర్షద్‌ 2–0–19–1, ప్రసిధ్‌ కృష్ణ 4–0–24–3, ఖెజ్రోలియా 3–0–29–1, రషీద్‌ 4–0–37–2, సాయికిషోర్‌ 2.2–0–20–2.ఐపీఎల్‌లో నేడుబెంగళూరు X ఢిల్లీ వేదిక: బెంగళూరురాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌ 2025లో భాగంగా ఇవాళ (ఏప్రిల్‌ 9) జరిగిన మ్యాచ్‌లో రాజస్థాన్‌ రాయల్స్‌పై గుజరాత్‌ టైటాన్స్‌ 58 పరుగుల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన గుజరాత్‌.. సాయి సుదర్శన్‌ (53 బంతుల్లో 82; 8 ఫోర్లు, 3 సిక్సర్లు) చెలరేగడంతో నిర్ణీత ఓవర్లలో 6 వికెట్ల నష్టానికి 217 పరుగుల భారీ స్కోర్‌ చేసింది. గుజరాత్‌ ఇన్నింగ్స్‌లో జోస్‌ బట్లర్‌ (25 బంతుల్లో 36; 5 ఫోర్లు), షారుక్‌ ఖాన్‌ (20 బంతుల్లో 36; 4 ఫోర్లు, 2 సిక్సర్లు), రాహుల్‌ తెవాతియా (12 బంతుల్లో 24 నాటౌట్‌; 2 ఫోర్లు, 2 సిక్సర్లు) కూడా రాణించారు. రషీద్‌ ఖాన్‌ 4 బంతుల్లో ఫోర్‌, సిక్స్‌ సాయంతో 12 పరుగులు, రూథర్‌ఫోర్డ్‌ 3 బంతుల్లో సిక్స్‌ సాయంతో 7 పరుగులు, శుభ్‌మన్‌ గిల్‌ 3 బంతుల్లో 2 పరుగులు చేశారు. రాయల్స్‌ బౌలర్లలో తుషార్‌ దేశ్‌పాండే, తీక్షణ తలో రెండు వికెట్లు తీయగా.. ఆర్చర్‌, సందీప్‌ శర్మ చెరో వికెట్‌ తీశారు.అనంతరం భారీ లక్ష్య ఛేదనకు దిగిన రాయల్స్‌ గుజరాత్‌ బౌలర్లు కలిసికట్టుగా రాణించడంతో 19.2 ఓవర్లలో 159 ఆలౌటైంది. ప్రసిద్ద్‌ కృష్ణ 3, రషీద్‌ ఖాన్‌, సాయి కిషోర్‌ చెరో 2, సిరాజ్‌, అర్షద్‌ ఖాన్‌, కేజ్రోలియా తలో వికెట్‌ పడగొట్టారు. రాజస్థాన్‌ ఇన్నింగ్స్‌లో షిమ్రోన్‌ హెట్‌మైర్‌ (32 బంతుల్లో 52; 4 ఫోర్లు, 3 సిక్సర్లు) టాప్‌ స్కోరర్‌గా నిలువగా.. సంజూ శాంసన్‌ (28 బంతుల్లో 41; 4 ఫోర్లు, 2 సిక్సర్లు), రియాన్‌ పరాగ్‌ (14 బంతుల్లో 26; ఫోర్‌, 3 సిక్సర్లు) ఓ మోస్తరు స్కోర్లు చేశారు.యశస్వి జైస్వాల్‌ (7 బంతుల్లో 6; ఫోర్‌), నితీశ్‌ రాణా (3 బంతుల్లో 1), ధృవ్‌ జురెల్‌ (4 బంతుల్లో 5; ఫోర్‌), శుభమ్‌ దూబే (3 బంతుల్లో 1), తుషార్‌ దేశ్‌పాండే (3 బంతుల్లో 3), జోఫ్రా ఆర్చర్‌ (4 బంతుల్లో 4), తీక్షణ (13 బంతుల్లో 5) విఫలమయ్యారు.

తమిళనాడు యువ బ్యాటర్‌ సాయి సుదర్శన్‌ గత కొంతకాలంగా గుజరాత్‌ టైటాన్స్‌ విజయాల్లో కీలకపాత్ర పోషిస్తున్నాడు. 2022లో ఐపీఎల్‌ అరంగేట్రం చేసిన ఈ చెన్నై చిన్నోడు.. ఇప్పటివరకు 28 ఇన్నింగ్స్‌లు ఆడి 48.80 సగటున, 127.19 స్ట్రయిక్‌రేట్‌తో 1220 పరుగులు చేశాడు. ఇందులో సెంచరీ, 8 హాఫ్‌ సెంచరీలు ఉన్నాయి. ఐపీఎల్‌-2025లో భాగంగా నిన్న (ఏప్రిల్‌ 2) ఆర్సీబీతో జరిగిన మ్యాచ్‌లో మరో కీలకమైన ఇన్నింగ్స్‌ ఆడిన సాయి.. ఓ ఘనమైన ఐపీఎల్‌ రికార్డును తన ఖాతాలో వేసుకున్నాడు. 28 ఇన్నింగ్స్‌ల తర్వాత అత్యధిక పరుగులు చేసిన భారత ఆటగాడిగా రికార్డు నెలకొల్పాడు. ఓవరాల్‌గా చూసినా 28 ఐపీఎల్‌ ఇన్నింగ్స్‌ల తర్వాత అత్యధిక పరుగులు చేసిన ఆటగాళ్ల జాబితాలో రెండో స్థానంలో నిలిచాడు. 28 ఇన్నింగ్స్‌ల తర్వాత అత్యధిక పరుగులు చేసిన ఘనత షాన్‌ మార్ష్‌కు దక్కుతుంది. మార్ష్‌ 28 ఇన్నింగ్స్‌ల తర్వాత 1267 పరుగులు చేశాడు.ఐపీఎల్‌లో 28 ఇన్నింగ్స్‌ల తర్వాత అత్యధిక పరుగులు చేసిన టాప్‌-5 బ్యాటర్లుషాన్‌ మార్ష్‌- 1267సాయి సుదర్శన్‌- 1220లెండిల్‌ సిమన్స్‌- 1076మాథ్యూ హేడెన్‌- 1076క్రిస్‌ గేల్‌- 1071భీకర ఫామ్‌లో సాయిప్రస్తుత ఐపీఎల్‌లో సాయి భీకర ఫామ్‌లో ఉన్నాడు. ఈ సీజన్‌లో ఆడిన మూడు మ్యాచ్‌ల్లో రెండు హాఫ్‌ సెంచరీలు చేసి, మరో హాఫ్‌ సెంచరీని తృటిలో కోల్పోయాడు. గత ఏడు ఇన్నింగ్స్‌లో సాయి ప్రదర్శనలు పతాక స్థాయిలో ఉన్నాయి. ఇందులో సాయి ఓ సెంచరీ, 4 హాఫ్‌ సెంచరీలు చేశాడు.గత ఏడు ఇన్నింగ్స్‌ల్లో సాయి స్కోర్లు..49 (36) vs RCB63 (41) vs MI74 (41) vs PBKS103 (51) vs CSK 6 (14) vs RCB84* (49) vs RCB65 (39) vs DCఐపీఎల్‌ అరంగేట్రం నుంచి సీజన్ల వారీగా సాయి స్కోర్లు..2022- 5 మ్యాచ్‌ల్లో 145 పరుగులు (ఓ హాఫ్‌ సెంచరీ)2023- 8 మ్యాచ్‌ల్లో 362 (3 హాఫ్‌ సెంచరీలు)2024- 12 మ్యాచ్‌ల్లో 527 (సెంచరీ, 2 హాఫ్‌ సెంచరీలు)2025- 3 మ్యాచ్‌ల్లో 186* (2 హాఫ్‌ సెంచరీలు)సాయి అరంగేట్రం నుంచి గుజరాత్‌ టైటాన్స్‌కే ఆడుతున్నాడు. ఈ సీజన్‌ మెగా వేలానికి ముందు సాయిని గుజరాత్‌ రూ.8.50 కోట్లకు రీటైన్‌ చేసుకుంది.కాగా, నిన్న జరిగిన మ్యాచ్‌లో సాయి కీలక ఇన్నింగ్స్‌ ఆడటంతో ఆర్సీబీపై గుజరాత్‌ 8 వికెట్ల తేడాతో ఘన విజయం సాధించింది. ఈ మ్యాచ్‌లో ఆర్సీబీ నిర్దేశించిన 170 పరుగుల లక్ష్యాన్ని ఛేదిస్తూ.. సాయి 36 బంతుల్లో 7 ఫోర్లు, సిక్సర్‌ సాయంతో 49 పరుగులు చేశాడు. సాయికి బట్లర్‌ (39 బంతుల్లో 73 నాటౌట్‌; 5 ఫోర్లు, 6 సిక్సర్లు), రూథర్‌ఫోర్డ్‌ (18 బంతుల్లో 30 నాటౌట్‌; ఫోర్‌, 3 సిక్సర్లు) తోడవ్వడంతో గుజరాత్‌ 17.5 ఓవర్లలో కేవలం 2 వికెట్లు మాత్రమే కోల్పోయి లక్ష్యాన్ని ఛేదించింది. ఈ సీజన్‌లో ఇప్పటివరకు 3 మ్యాచ్‌లు ఆడిన గుజరాత్‌.. రెండు విజయాలతో (ఈ మ్యాచ్‌తో కలుపుకుని) పాయింట్ల పట్టికలో నాలుగో స్థానంలో ఉంది.ప్రస్తుత సీజన్‌లో అత్యధిక పరుగులు చేసిన ఆటగాళ్ల జాబితాలో సాయి (186 పరుగులు) రెండో స్థానంలో ఉన్నాడు. టాప్‌లో నికోలస్‌ పూరన్‌ (189) ఉన్నాడు. సాయి సహచరుడు బట్లర్‌ (166) మూడో స్థానంలో నిలిచాడు.

చిన్నస్వామి స్టేడియం (బెంగళూరు) వేదికగా ఆర్సీబీతో ఇవాళ (ఏప్రిల్‌ 2) జరిగిన మ్యాచ్‌లో గుజరాత్‌ 8 వికెట్ల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి గుజరాత్‌ ఆహ్వానం మేరకు తొలుత బ్యాటింగ్‌ చేసిన ఆర్సీబీ.. లివింగ్‌స్టోన్‌ (40 బంతుల్లో 54; ఫోర్‌, 5 సిక్సర్లు), టిమ్‌ డేవిడ్‌ (18 బంతుల్లో 32; 3 ఫోర్లు, 2 సిక్సర్లు) పోరాడటంతో నిర్ణీత ఓవర్లలో 8 వికెట్ల నష్టానికి 169 పరుగులు చేసింది. మధ్యలో జితేశ్‌ శర్మ (21 బంతుల్లో 33; 5 ఫోర్లు, సిక్స్‌) కూడా ఓ మోస్తరుగా బ్యాట్‌ ఝులిపించాడు. ఆర్సీబీ ఇన్నింగ్స్‌లో వీరు మినహా ఎవరూ రాణించలేదు. సాల్ట్‌ 14, విరాట్‌ కోహ్లి 7, పడిక్కల్‌ 4, పాటిదార్‌ 12, కృనాల్‌ పాండ్యా 5 పరుగులు చేసి ఔటయ్యారు. గుజరాత్‌ బౌలర్లలో సిరాజ్‌ 3 వికెట్లు తీయగా.. సాయికిషోర్‌ 2, అర్షద్‌ ఖాన్‌, ప్రసిద్ద్‌ కృష్ణ, ఇషాంత్‌ శర్మ తలో వికెట్‌ పడగొట్టారు.170 పరుగుల నామ మాత్రపు లక్ష్యాన్ని ఛేదించేందుకు బరిలోకి దిగిన గుజరాత్‌ 17.5 ఓవర్లలో కేవలం 2 వికెట్లు మాత్రమే కోల్పోయి విజయతీరాలకు చేరింది. జోస్‌ బట్లర్‌ (39 బంతుల్లో 73 నాటౌట్‌; 5 ఫోర్లు, 6 సిక్సర్లు), సాయి సుదర్శన్‌ (36 బంతుల్లో 49; 7 ఫోర్లు, సిక్స్‌), షెర్ఫాన్‌ రూథర్‌ఫోర్డ్‌ (18 బంతుల్లో 30 నాటౌట్‌; ఫోర్‌, 3 సిక్సర్లు) గుజరాత్‌ను గెలిపించారు. తొలుత నిదానంగా ఆడిన బట్లర్‌.. ఆతర్వాత గేర్‌ మార్చి ఆర్సీబీ బౌలర్లపై విరుచుకుపడ్డాడు. ఆఖర్లో రూథర్‌ఫోర్డ్‌ (ఇంపాక్ట్‌ ప్లేయర్‌) తనదైన శైలితో చెలరేగిపోయాడు. ఆర్సీబీ బౌలర్లలో హాజిల్‌వుడ్‌, భువనేశ్వర్‌ కుమార్‌ తలో వికెట్‌ తీశారు. ఈ గెలుపుతో గుజరాత్‌ పాయింట్ల పట్టికలో నాలుగో స్థానానికి ఎగబాకి​ంది. టాప్‌ ప్లేస్‌లో ఉండిన ఆర్సీబీ మూడో స్థానానికి పడిపోయింది.

మాజీ చాంపియన్‌ గుజరాత్‌ టైటాన్స్‌ ఐపీఎల్‌ తాజా సీజన్‌లో తొలి విజయాన్ని అందుకుంది. మొదటి మ్యాచ్‌లో పంజాబ్‌ చేతిలో ఓడిన టీమ్‌ సొంతగడ్డపై పాయింట్ల ఖాతా తెరిచింది. బ్యాటింగ్‌లో సాయిసుదర్శన్, బౌలింగ్‌లో ప్రసిధ్, సిరాజ్‌ గెలుపులో కీలక పాత్ర పోషించారు. మరో వైపు గత మ్యాచ్‌లాగే అన్ని రంగాల్లో విఫలమైన ముంబై వరుసగా రెండో పరాజయాన్ని మూటగట్టుకుంది. బ్యాటింగ్‌లో ఆ జట్టు కనీస ప్రదర్శన కూడా ఇవ్వలేకపోయింది. అహ్మదాబాద్‌: సమష్టి ప్రదర్శనతో సత్తా చాటిన గుజరాత్‌ టైటాన్స్‌ గెలుపు బోణీ చేసింది. శనివారం జరిగిన మ్యాచ్‌లో టైటాన్స్‌ 36 పరుగుల తేడాతో ముంబై ఇండియన్స్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన టైటాన్స్‌ 20 ఓవర్లలో 8 వికెట్ల నష్టానికి 196 పరుగులు చేసింది. సాయి సుదర్శన్‌ (41 బంతుల్లో 63; 4 ఫోర్లు, 2 సిక్స్‌లు) అర్ధ సెంచరీ చేయగా...జోస్‌ బట్లర్‌ (24 బంతుల్లో 39; 5 ఫోర్లు, 1 సిక్స్‌), శుబ్‌మన్‌ గిల్‌ (27 బంతుల్లో 38; 4 ఫోర్లు, 1 సిక్స్‌) రాణించారు. అనంతరం ముంబై 20 ఓవర్లలో 6 వికెట్లకు 160 పరుగులే చేయగలిగింది. సూర్యకుమార్‌ యాదవ్‌ (28 బంతుల్లో 48; 1 ఫోర్, 4 సిక్స్‌లు), తిలక్‌వర్మ (36 బంతుల్లో 39; 3 ఫోర్లు, 1 సిక్స్‌) ఫర్వాలేదనిపించారు. ‘ప్లేయర్‌ ఆఫ్‌ ద మ్యాచ్‌’ ప్రసిధ్‌ కృష్ణ (2/18), సిరాజ్‌ (2/34) ప్రత్యర్థిని దెబ్బ తీశారు. కీలక భాగస్వామ్యాలు... గుజరాత్‌ ఇన్నింగ్స్‌లో టాప్‌–3 నెలకొల్పిన రెండు అర్ధ సెంచరీ భాగస్వామ్యాలు జట్టు స్కోరులో కీలకంగా నిలిచాయి. తొలి వికెట్‌తో గిల్‌తో 78 పరుగులు (51 బంతుల్లో) జోడించిన సుదర్శన్, రెండో వికెట్‌కు బట్లర్‌తో 51 పరుగులు (32 బంతుల్లో) జత చేశాడు. సుదర్శన్, గిల్‌ ధాటిగా ఆడుతూ 7 ఫోర్లు, 2 సిక్స్‌లు కొట్టడంతో పవర్‌ప్లే ముగిసే సరికి స్కోరు 66 పరుగులకు చేరింది. గిల్‌ వెనుదిరిగిన తర్వాత వచ్చిన బట్లర్‌ కూడా కొద్ది సేపు ధాటిని ప్రదర్శించాడు. 33 బంతుల్లో వరుసగా రెండో మ్యాచ్‌లో సుదర్శన్‌ అర్ధ సెంచరీ పూర్తయింది. షారుఖ్‌ ఖాన్‌ (9)ను ముందుగా పంపిన ప్రయత్నం ఫలితం ఇవ్వకపోగా, రూథర్‌ఫోర్డ్‌ (18) రాజు ఓవర్లో రెండు సిక్సర్లు బాదాడు. 18వ ఓవర్‌ చివరి బంతికి సుదర్శన్‌ను బౌల్ట్‌ అవుట్‌ చేయడంతో గుజరాత్‌ జోరుక బ్రేక్‌ పడింది. చివరి 2 ఓవర్లలో ఆ జట్టు 17 పరుగులు మాత్రమే సాధించి 4 వికెట్లు చేజార్చుకుంది. దాంతో స్కోరు 200 పరుగులు దాటలేకపోయింది. ముంబై తరఫున రెండో మ్యాచ్‌ ఆడిన ఆంధ్ర పేస్‌ బౌలర్‌ పెన్మత్స సత్యనారాయణ రాజు ఐపీఎల్‌లో తన తొలి వికెట్‌ సాధించడం విశేషం. రాణించిన తిలక్‌... ఛేదనలో ముంబై పూర్తిగా తడబడింది. తిలక్‌వర్మ, సూర్యకుమార్‌ క్రీజ్‌లో ఉన్న సమయంలోనే జట్టు గెలుపుపై ఆశలు ఉండగా...ఇది మినహా మిగతా ఇన్నింగ్స్‌ పేలవంగా సాగింది. సిరాజ్‌ వేసిన తొలి ఓవర్లో వరుసగా రెండు ఫోర్లు కొట్టిన రోహిత్‌ శర్మ (8) తర్వాతి బంతికి వెనుదిరగ్గా, రికెల్టన్‌ (6)ను కూడా సిరాజ్‌ బౌల్డ్‌ చేశాడు. తిలక్‌ మాత్రం కొన్ని చక్కటి షాట్లతో అలరించాడు. రబాడ ఓవర్లో అతను వరుసగా 4, 4, 6 కొట్టాడు. మరో ఎండ్‌లో సూర్య కూడా తనదైన శైలిలో ధాటిగా ఆడాడు. మూడో వికెట్‌కు 42 బంతుల్లో 62 పరుగులు జత చేసిన తర్వాత తిలక్‌ను ప్రసిధ్‌ వెనక్కి పంపాడు. 51 బంతుల్లో 100 పరుగులు చేయాల్సిన ఈ స్థితినుంచి ముంబై కోలుకోలేకపోయింది. 27 పరుగుల వ్యవధిలో తర్వాతి 4 వికెట్లు కోల్పోయిన జట్టు ఓటమిని ఆహ్వానించింది. స్కోరు వివరాలు గుజరాత్‌ టైటాన్స్‌ ఇన్నింగ్స్‌: సాయి సుదర్శన్‌ (ఎల్బీ) (బి) బౌల్ట్‌ 63; శుబ్‌మన్‌ గిల్‌ (సి) నమన్‌ (బి) పాండ్యా 38; బట్లర్‌ (సి) రికెల్టన్‌ (బి) ముజీబ్‌ 39; షారుఖ్‌ (సి) తిలక్‌ (బి) పాండ్యా 9; రూథర్‌ఫోర్డ్‌ (సి) సాంట్నర్‌ (బి) చహర్‌ 18; తెవాటియా (రనౌట్‌) 0; రషీద్‌ (సి) పాండ్యా (బి) రాజు 6; రబాడ (నాటౌట్‌) 7; సాయికిషోర్‌ (రనౌట్‌) 1; ఎక్స్‌ట్రాలు 15; మొత్తం (20 ఓవర్లలో 8 వికెట్లకు) 196. వికెట్ల పతనం: 1–78, 2–129, 3–146, 4–179, 5–179, 6–179, 7–194, 8–196. బౌలింగ్‌: ట్రెంట్‌ బౌల్ట్‌ 4–0–34–1, దీపక్‌ చహర్‌ 4–0–39–1, ముజీబ్‌ 2–0–28–1, హార్దిక్‌ పాండ్యా 4–0–29–2, సాంట్నర్‌ 3–0–25–0, సత్యనారాయణ రాజు 3–0–40–1. ముంబై ఇండియన్స్‌ ఇన్నింగ్స్‌: రోహిత్‌ (బి) సిరాజ్‌ 8; రికెల్టన్‌ (బి) సిరాజ్‌ 6; తిలక్‌వర్మ (సి) తెవాటియా (బి) ప్రసిధ్‌ 39; సూర్యకుమార్‌ (సి) గిల్‌ (బి) ప్రసిధ్‌ 48; మిన్జ్‌ (సి) ఇషాంత్‌ (బి) సాయికిషోర్‌ 3; పాండ్యా (సి) సిరాజ్‌ (బి) రబాడ 11; నమన్‌ (నాటౌట్‌) 18; సాంట్నర్‌ (నాటౌట్‌) 18; ఎక్స్‌ట్రాలు 9; మొత్తం (20 ఓవర్లలో 6 వికెట్లకు) 160. వికెట్ల పతనం: 1–8, 2–35, 3–97, 4–108, 5–120, 6–124. బౌలింగ్‌: సిరాజ్‌ 4–0–34–2, రబాడ 4–0–42–1, ఇషాంత్‌ 2–0–17–0, రషీద్‌ 2–0–10–0, సాయికిషోర్‌ 4–0–37–1, ప్రసిధ్‌ 4–0–18–2. ఐపీఎల్‌లో నేడుఢిల్లీ X హైదరాబాద్‌వేదిక: విశాఖపట్నంమధ్యాహ్నం 3: 30 గంటల నుంచి రాజస్తాన్‌ X చెన్నై వేదిక: గువాహటిరాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

Australia A vs India A, 1st unofficial Test Day 3: ఆస్ట్రేలియా ‘ఎ’తో మొదటి అనధికారిక టెస్టులో భారత్‌- ‘ఎ’ మెరుగైన స్థితిలో నిలిచింది. మెక్‌కే వేదికగా సాగుతున్న ఈ మ్యాచ్‌లో తొలి ఇన్నింగ్స్‌లో కుప్పకూలిన రుతురాజ్‌ సేన.. రెండో ఇన్నింగ్స్‌లో మాత్రం పట్టుదలగా నిలబడింది. సాయి సుదర్శన్‌, దేవ్‌దత్‌ పడిక్కల్‌ బాధ్యతాయుత ఇన్నింగ్స్‌ కారణంగా 312 పరుగులు చేయగలిగింది.సాయి సుదర్శన్‌ 200 బంతుల్లో 9 ఫోర్ల సాయంతో శతకం సాధించగా.. దేవ్‌దత్‌ పడిక్కల్‌ సూపర్‌ హాఫ్‌ సెంచరీతో దుమ్ములేపాడు. 199 బంతులు ఎదుర్కొని 8 ఫోర్ల సాయంతో 88 పరుగులు రాబట్టాడు. వీరితో పాటు వికెట్‌ కీపర్‌ ఇషాన్‌ కిషన్‌ (32) రాణించగా.. మిగతా వాళ్లంతా విఫలమయ్యారు.💯 for Sai Sudharsan Stream the India A match live and free globally: https://t.co/XcQLyyTDJ5#AUSvIND pic.twitter.com/xIWxfavDFh— cricket.com.au (@cricketcomau) November 2, 2024ఆసీస్‌ టార్గెట్‌?ఇక శనివారం నాటి మూడో రోజు ఆటలో భాగంగా రెండో ఇన్నింగ్స్‌లో 312 పరుగులు చేసిన భారత్‌-ఎ ఓవరాల్‌గా 224 పరుగుల ఆధిక్యం సాధించింది. తద్వారా ఆసీస్‌కు 225 పరుగుల లక్ష్యాన్ని విధించింది. ఈ క్రమంలో టీ సమయానికి ఆసీస్‌ జట్టు 21 ఓవర్లు ఆడి ఒక వికెట్‌ నష్టానికి 60 పరుగులు చేసింది. తన బ్యాటింగ్‌ తీరుతో జూనియర్‌ రికీ పాంటింగ్‌గా పేరొందిన ఓపెనర్‌ స్యామ్‌ కొన్‌స్టాస్‌(16) మరోసారి విఫలమయ్యాడు. మార్కస్‌ హ్యారిస్‌ 29, కామెరాన్‌ బాన్‌క్రాఫ్ట్‌ 16 పరుగులతో క్రీజులో ఉన్నారు.First runs for Australia A from Sam Konstas 👀Stream the India A match live and free globally: https://t.co/XcQLyyTDJ5#AUSAvINDA pic.twitter.com/an2oO9LPH9— cricket.com.au (@cricketcomau) November 2, 2024తొలి ఇన్నింగ్స్‌లో మూకుమ్మడిగా విఫలంకాగా శుక్రవారం నాటి రెండో రోజు ఆటముగిసే సమయానికి భారత్‌ 64 ఓవర్లలో 2 వికెట్ల నష్టానికి 208 పరుగులు చేసింది. గురువారం మొదటి రోజు ముందుగా బ్యాటింగ్‌కు దిగిన భారత్‌ ‘ఎ’ 47.4 ఓవర్లలో 107 పరుగులకే ఆలౌటైంది. దేవ్‌దత్‌ పడిక్కల్‌ (36; 2 ఫోర్లు) టాప్‌ స్కోరర్‌ కాగా, ఆసీస్‌ ‘ఎ’ బౌలర్‌ బ్రెండన్‌ డగెట్‌ 6 వికెట్లు తీశాడు.అనంతరం తొలి ఇన్నింగ్స్‌లో ఆస్ట్రేలియా ‘ఎ’ 62.4 ఓవర్లలో 195 పరుగుల వద్ద ఆలౌటైంది. ముకేశ్‌ కుమార్‌ (6/46), ప్రసిధ్‌ కృష్ణ (3/59) ఆసీస్‌ను 136/7 స్కోరు వద్ద కట్టడి చేసినప్పటికీ మర్ఫీ (33), ఓనీల్‌ (13) ఎనిమిదో వికెట్‌కు 41 పరుగులు జోడించడంతో ఆతిథ్య జట్టు 88 పరుగుల ఆధిక్యం సంపాదించింది. శుక్రవారం రెండో రోజు ఆటలో భారత్‌ రెండో ఇన్నింగ్స్‌ మొదలు పెట్టగానే ఓపెనర్లు రుతురాజ్‌ గైక్వాడ్‌ (5), అభిమన్యు ఈశ్వరన్‌ (12) వికెట్లను కోల్పోయింది. ఆ దశలో సుదర్శన్, పడిక్కల్‌ జట్టును ఒడ్డున పడేసే ఆట ఆడారు. ఇద్దరు కలిసి అబేధ్యమైన మూడో వికెట్‌కు 178 పరుగులు జోడించారు. తుదిజట్లుభారత్‌- ఎరుతురాజ్ గైక్వాడ్ (కెప్టెన్), అభిమన్యు ఈశ్వరన్, సాయి సుదర్శన్, దేవ్‌దత్ పడిక్కల్, బాబా ఇంద్రజిత్, ఇషాన్ కిషన్ (వికెట్ కీపర్), నితీశ్‌ కుమార్‌ రెడ్డి, మానవ్ సుతార్, నవదీప్ సైనీ, ప్రసిద్‌ కృష్ణ, ముకేశ్‌ కుమార్.ఆస్ట్రేలియా-ఎస్యామ్‌ కన్‌స్టాస్‌, మార్కస్ హ్యారిస్, కామెరాన్ బాన్‌క్రాఫ్ట్‌, నాథన్ మెక్స్వీనీ (కెప్టెన్), బ్యూ వెబ్‌స్టర్‌, కూపర్ కానొలీ, జోష్ ఫిలిప్ (వికెట్ కీపర్), ఫెర్గూస్ ఓ నీల్, టాడ్ మర్ఫీ, బ్రెండన్ డగెట్, జోర్డాన్ బకింగ్హామ్.చదవండి: Ind vs Pak: భారత బ్యాటర్ల విధ్వంసం.. అయినా పాక్‌ చేతిలో తప్పని ఓటమి

ఆస్ట్రేలియా-ఏతో జరుగుతున్న తొలి అనధికారిక టెస్ట్‌ మ్యాచ్‌లో టీమిండియా అద్భుతమైన పోరాటపటిమ కనబర్చింది. ఈ మ్యాచ్‌ తొలి ఇన్నింగ్స్‌లో 107 పరుగులకే ఆలౌటైన భారత్‌.. సెకెండ్‌ ఇన్నింగ్స్‌లో భారీ స్కోర్‌ దిశగా దూసుకెళ్తుంది. రెండో రోజు ఆట ముగిసే సమయానికి టీమిండియా స్కోర్‌ 208/2గా ఉంది. సాయి సుదర్శన్‌ (96), దేవ్‌దత్‌ పడిక్కల్‌ (80) క్రీజ్‌లో ఉన్నారు. అభిమన్యు ఈశ్వరన్‌ (12), రుతురాజ్‌ గైక్వాడ్‌ (5) ఔటయ్యారు. రుతురాజ్‌ వికెట్‌ ఫెర్గస్‌ ఓ నీల్‌కు దక్కగా.. అభిమన్యు ఈశ్వరన్‌ రనౌటయ్యాడు. ప్రస్తుతం భారత్‌ 120 ఆధిక్యంలో కొనసాగుతుంది.అంతకుముందు ఆస్ట్రేలియా తొలి ఇన్నింగ్స్‌లో 195 పరుగులకు ఆలౌటైంది. ముకేశ్‌ కుమార్‌ ఆరు వికెట్ల ప్రదర్శనతో చెలరేగాడు. భారత బౌలర్లలో ప్రసిద్ద్‌ కృష్ణ మూడు, నితీశ్‌ కుమార్‌ రెడ్డి ఓ వికెట్‌ పడగొట్టారు. ఆస్ట్రేలియా ఇన్నింగ్స్‌లో మెక్‌స్వీని (39) టాప్‌ స్కోరర్‌గా నిలువగా.. కూపర్‌ కన్నోలీ 37, వెబ్‌స్టర్‌ 33, టాడ్‌ మర్ఫీ 33, మార్కస్‌ హ్యారిస్‌ 17, ఫెర్గస్‌ ఓనీల్ 13, సామ్‌ కోన్‌స్టాస్‌ 0, బాన్‌క్రాఫ్ట్‌ 0, ఫిలిప్‌ 4, బ్రెండన్‌ డాగ్గెట్‌ 8 పరుగులు చేశారు.ఈ మ్యాచ్‌లో తొలుత బ్యాటింగ్‌ చేసిన భారత్‌ 107 పరుగులకు ఆలౌటైంది. బ్రెండన్‌ డాగ్గెట్‌ ఆరు వికెట్లు తీసి టీమిండియా పతనాన్ని శాశించాడు. జోర్డాన్‌ బకింగ్హమ్‌ రెండు, ఫెర్గస్‌ ఓనీల్‌, టాడ్‌ మర్ఫీ తలో వికెట్‌ పడగొట్టారు. భారత ఇన్నింగ్స్‌లో దేవ్‌దత్‌ పడిక్కల్‌ (36), నవ్‌దీప్‌ సైనీ (23), సాయి సుదర్శన్‌ (21) మాత్రమే రెండంకెల స్కోర్‌ చేశారు. అభిమన్యు ఈశ్వరన్‌ 7, రుతురాజ్‌ గైక్వాడ్‌ 0, బాబా ఇంద్రజిత్‌ 9, ఇషాన్‌ కిషన్‌ 4, నితీశ్‌ రెడ్డి 0, మానవ్‌ సుతార్‌ 1, ప్రసిద్ద్‌ కృష్ణ 0 పరుగులకు ఔటయ్యారు. కాగా, రెండు మ్యాచ్‌ల అనధికారిక టెస్ట్‌ సిరీస్‌ కోసం భారత-ఏ జట్టు ఆస్ట్రేలియాలో పర్యటిస్తుంది.

రంజీ ట్రోఫీ-2024 ఎలైట్‌ గ్రూప్‌-డి పోటీల్లో భాగంగా ఢిల్లీతో జరుగుతున్న మ్యాచ్‌లో తమిళనాడు ఆటగాళ్లు చెలరేగిపోయారు. ఓపెనర్‌ సాయి సుదర్శన్‌ అజేయ డబుల్‌ సెంచరీతో (202) విరుచుకుపడగా.. వన్‌డౌన్‌లో బ్యాటింగ్‌కు దిగిన వాషింగ్టన్‌ సుందర్‌ సెంచరీకి (96 నాటౌట్‌) చేరువయ్యాడు. ఈ మ్యాచ్‌లో తొలుత బ్యాటింగ్‌కు దిగిన తమిళనాడు తొలి రోజు ఆట ముగిసే సమయానికి వికెట్‌ నష్టానికి 379 పరుగులు చేసింది. ఎన్‌ జగదీశన్‌ 65 పరుగులు చేసి ఔట్‌ అయ్యాడు. నవ్‌దీప్‌ సైనీకి జగదశన్‌ వికెట్‌ దక్కింది.కాగా, ఈ మ్యాచ్‌లో డబుల్‌ సెంచరీతో చెలరేగిన సాయి సుదర్శన్‌ ఇటీవలికాలంలో ఫార్మాట్లకతీతంగా భీకర ఫామ్‌లో ఉన్నాడు. సాయి 2023 నుంచి పాకిస్తాన్‌-ఏపై, ఇంగ్లండ్‌-ఏపై, ఐపీఎల్‌లో, తమిళనాడు ప్రీమియర్‌ లీగ్‌ నాకౌట్స్‌లో, కౌంటీ క్రికెట్‌లో, దులీప్‌ ట్రోఫీలో, రంజీ ట్రోఫీలో సెంచరీలు చేశాడు. 23 ఏళ్ల సాయి సుదర్శన్‌ ఫస్ట్‌ క్లాస్‌ క్రికెట్‌లో ఇప్పటివరకు 25 మ్యాచ్‌లు ఆడి ఆరు సెంచరీలు చేశాడు. అలాగే లిస్ట్‌-ఏ క్రికెట్‌లో 28 మ్యాచ్‌లు ఆడి ఆరు సెంచరీలు బాదాడు.

2024 దులీప్‌ ట్రోఫీని ఇండియా-ఏ జట్టు కైవసం చేసుకుంది. ఇవాళ (సెప్టెంబర్‌ 22) ముగిసిన మూడో రౌండ్‌ మ్యాచ్‌లో ఇండియా-ఏ.. ఇండియా-సిపై 132 పరుగుల తేడాతో గెలుపొంది, టైటిల్‌ చేజిక్కించుకుంది.350 పరుగుల భారీ లక్ష్యాన్ని ఛేదించేందుకు బరిలోకి దిగిన ఇండియా-సి.. ప్రసిద్ద్‌ కృష్ణ (3/50), తనుశ్‌ కోటియన్‌ (3/47), ఆకిబ్‌ ఖాన్‌ (2/26), షమ్స్‌ ములానీ (1/46) ధాటికి 217 పరుగులకే కుప్పకూలింది. సాయి సుదర్శన్‌ సెంచరీతో (111) వీరోచితంగా పోరాడినప్పటికీ ఫలితం​ లేకుండా పోయింది. అతనికి జట్టులో ఎవ్వరి నుంచి సహకారం లభించలేదు. కెప్టెన్‌ రుతురాజ్‌ ఒక్కడు (44) కాస్త పర్వాలేదనించాడు. గుర్తింపు ఉన్న ఆటగాళ్లు రజత్‌ పాటిదార్‌ (7), ఇషాన్‌ కిషన్‌ (17), అభిషేక్‌ పోరెల్‌ (0) నిరాశపరిచారు.శాశ్వత్‌ సెంచరీఈ మ్యాచ్‌లో తొలుత తొలుత బ్యాటింగ్‌ చేసిన ఇండియా-ఏ.. 297 పరుగులకు ఆలౌటైంది. శాశ్వత్‌‌ రావత్‌ సెంచరీతో (124) కదంతొక్కగా.. ఆవేశ్‌ ఖాన్‌ అజేయ అర్ద సెంచరీతో (51) రాణించాడు. ఇండియా-సి బౌలర్లలో విజయ్‌కుమార్‌ వైశాక్‌ 4, అన్షుల్‌ కంబోజ్‌ 3, గౌరవ్‌ యాదవ్‌ 2 వికెట్లు తీశారు.నిరాశపరిచిన రుతురాజ్‌, ఇషాన్‌అనంతరం తొలి ఇన్నింగ్స్‌ ప్రారంభించిన ఇండియా-సి.. 234 పరుగులకే ఆలౌటైంది. స్టార్‌ బ్యాటర్లు రుతురాజ్‌ గైక్వాడ్‌ (17), సాయి సుదర్శన్‌ (17), రజత్‌ పాటిదార్‌ (0), ఇషాన్‌ కిషన్‌ (5) నిరాశపరచగా.. అభిషేక్‌ పోరెల్‌ ఒక్కడే అర్ద సెంచరీతో (82) రాణించాడు. ఇండియా-ఏ బౌలర్లలో ఆవేశ్‌ ఖాన్‌, ఆకిబ్‌ ఖాన్‌ తలో 3, షమ్స్‌ ములానీ 2, తనుశ్‌ కోటియన్‌ ఓ వికెట్‌ పడగొట్టారు.రాణించిన రియాన్‌63 పరుగుల ఆధిక్యంతో సెకెండ్‌ ఇన్నింగ్స్‌ ప్రారంభించిన ఇండియా-ఏ..రియాన్‌ పరాగ్‌ (73), శాశ్వత్‌ రావత్‌ (53) అర్ద సెంచరీలతో రాణంచడంతో 8 వికెట్ల నష్టానికి 286 పరుగులు చేసి ఇన్నింగ్స్‌ను డిక్లేర్‌ చేసింది. కుషాగ్రా (42), మయాంక్‌ అగర్వాల్‌ (34), తనుశ్‌ కోటియన్‌ (26 నాటౌట్‌) ఓ మోస్తరు పరుగులు చేశారు. ఇండియా-సి బౌలర్లలో గౌరవ్‌ యాదవ్‌ 4, అన్షుల్‌ కంబోజ్‌, మానవ్‌ సుతార్‌ తలో రెండు వికెట్లు పడగొట్టారు.That Winning Feeling! 🤗 India A captain Mayank Agarwal receives the coveted #DuleepTrophy 🏆 The celebrations begin 🎉@IDFCFIRSTBank Scorecard ▶️: https://t.co/QkxvrUmPs1 pic.twitter.com/BH9H6lJa8w— BCCI Domestic (@BCCIdomestic) September 22, 2024సాయి సుదర్శన్‌ పోరాటం వృధా350 పరుగుల లక్ష్య ఛేదనలో ఇండియా-సి 217 పరుగులకే ఆలౌటై, 132 పరుగుల తేడాతో ఓటమిపాలైంది. సాయి సుదర్శన్‌ (111) ఒంటరి పోరాటం చేసి ఇండియా-సిని గెలిపించేందుకు విఫలయత్నం చేశాడు.రన్నరప్‌గా నిలిచిన ఇండియా-సిమూడు రౌండ్ల మ్యాచ్‌లు ముగిశాక 12 పాయింట్లతో అగ్రస్థానంలో నిలిచిన ఇండియా-ఏ టైటిల్‌ గెలుచుకోగా.. 9 పాయింట్లు సాధించిన ఇండియా-సి రన్నరప్‌తో సరిపెట్టుకుంది. చదవండి: Duleep Trophy 2024: ఆరేసిన అర్షదీప్‌.. ఇండియా-డి ఘన విజయం

టీమిండియా యువ సంచ‌ల‌నం సాయిసుద‌ర్శ‌న్ ఇంగ్లండ్ కౌంటీల్లో తొలి సెంచ‌రీని న‌మోదు చేశాడు. కౌంటీ ఛాంపియ‌న్ షిప్-2024లో స‌ర్రే క్రికెట్ క్ల‌బ్‌కు ప్రాతినిథ్యం వ‌హిస్తున్నాడు. ఈ క్ర‌మంలో ట్రెంట్‌బ్రిడ్జ్ వేదిక‌గా నాటింగ్‌హామ్‌షైర్‌తో జ‌రుగుతున్న మ్యాచ్‌లో సాయిసుద‌ర్శ‌న్ అద్బుతమైన‌ సెంచ‌రీతో చెల‌రేగాడు.సిక్స్‌తో త‌న తొలి కౌంటీ సెంచ‌రీ మార్క్‌ను ఈ త‌మిళ‌నాడు బ్యాట‌ర్ అందుకున్నాడు. ఆరో స్ధానంలో బ్యాటింగ్‌కు వ‌చ్చిన సుద‌ర్శ‌న్‌.. తొలి ఇన్నింగ్స్‌లో స‌ర్రే 525 ప‌రుగుల భారీ స్కోర్ చేయ‌డంలో కీలక పాత్ర పోషించాడు. ఓవ‌రాల్‌గా 178 బంతులు ఎదుర్కొన్న సుద‌ర్శ‌న్‌.. 10 ఫోర్లు, ఒక సిక్స‌ర్‌తో 105 ప‌రుగులు చేసి ఔట‌య్యాడు. అత‌డితో పాటు కెప్టెన్ రోరీ బ‌ర్న్స్‌(161) కూడా సెంచ‌రీతో రాణించాడు. కాగా కౌంటీల్లో సుద‌ర్శ‌న్ ఆడ‌టం ఇదే రెండో సారి. గ‌తేడాది కౌంటీ ఛాంపియ‌న్ షిప్‌లో ఆఖ‌రి మూడు మ్యాచ్‌ల్లో స‌ర్రే త‌ర‌పున ఆడాడు.అయితే ఈ ఏడాది సీజన్ మొత్తానికి అత‌డు అందుబాటులో ఉండ‌డం లేదు. సెప్టెంబ‌ర్ 5న ప్రారంభం కానున్న‌ దులీప్ ట్రోఫీలో ఆడేందుకు అత‌డు తిరిగి స్వ‌దేశానికి రానున్నాడు.భార‌త యువ ఓపెన‌ర్ రుతురాజ్ గైక్వాడ్ సారథ్యం వహించే సి టీమ్‌లో సాయికి చోటు దక్కింది. అయితే ఇప్పటికే వన్డేల్లో అరంగేట్రం చేసిన సుదర్శన్‌.. దులీప్‌ ట్రోఫీలో రాణిస్తే టెస్టుల్లో కూడా ఎంట్రీ ఇచ్చే అవకాశముంది.చదవండి: నరాలు తెగే ఉత్కంఠ.. చివరి బంతికి సిక్స్‌ కొట్టి గెలిపించిన స‌ఫారీ క్రికెట‌ర్‌

తమిళనాడు ప్రీమియర్‌ లీగ్‌ 2024లో లైకా కోవై కింగ్స్‌ ఫైనల్స్‌కు చేరింది. నిన్న (జులై 30) జరిగిన క్వాలిఫయర్‌-1లో ఆ జట్టు ఐ డ్రీమ్‌ తిరుప్పూర్‌ తమిఝాన్స్‌పై 7 వికెట్ల తేడాతో ఘన విజయం సాధించింది. సాయి సుదర్శన్‌ సుడిగాలి శతకంతో (56 బంతుల్లో 123 నాటౌట్‌; 9 ఫోర్లు, 9 సిక్సర్లు) కోవై కింగ్స్‌ను విజయతీరాలకు చేర్చాడు. సాయి సుదర్శన కేవలం 48 బంతుల్లో శతక్కొట్టాడు. తమిళనాడు ప్రీమియర్‌ లీగ్‌లో ఇది రెండో వేగవంతమైన శతకం.ఈ మ్యాచ్‌లో తొలుత బ్యాటింగ్‌ చేసిన తిరుప్పూర్‌.. అమిత్‌ సాత్విక్‌ (67), తుషార్‌ రహేజా (55), మొహమ్మద్‌ అలీ (45 నాటౌట్‌) రాణించడంతో నిర్ణీత 20 ఓవర్లలో 3 వికెట్ల నష్టానికి 200 పరుగులు చేసింది. ఛేదనలో కోవై కింగ్స్‌ తొలి బంతికే వికెట్‌ కోల్పోయినప్పటికీ సాయి సుదర్శన్‌ చెలరేగడంతో 18.5 ఓవర్లలో 3 వికెట్లు కోల్పోయి లక్ష్యాన్ని చేరుకుంది. సాయి సుదర్శన్‌తో పాటు ముకిలేశ్‌ (48 నాటౌట్‌) బ్యాట్‌ ఝులిపించాడు. కాగా, ఇవాళ (జులై 31) జరిగే ఎలిమినేటర్‌ మ్యాచ్‌లో చెపాక్‌ సూపర్‌ గిల్లీస్‌, దిండిగుల్‌ డ్రాగన్స్‌ తలపడనున్నాయి. ఈ మ్యాచ్‌లో గెలిచిన జట్టుతో తిరుప్పూర్‌ క్వాలిఫయర్‌-2లో తలపడుతుంది. క్వాలిఫయర్‌-2లో గెలిచిన జట్టు ఆగస్ట్‌ 4న జరిగే ఫైనల్లో కోవై కింగ్స్‌ను ఢీకొంటుంది.

జింబాబ్వేతో తొలి టీ20లో ఓట‌మి పాలైన టీమిండియా.. ఇప్పుడు రెండో టీ20కు సిద్ద‌మైంది. హ‌రారే వేదిక‌గా భార‌త్‌-జింబాబ్వే జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన టీమిండియా తొలుత బ్యాటింగ్ ఎంచుకుంది. ఈ మ్యాచ్‌లో భార‌త్ ఒక మార్పుతో బ‌రిలోకి దిగింది. ఎక్స్‌ట్రా బ్యాట‌ర్‌తో ఆడుతోంది. పేస‌ర్ ఖాలీల్ అహ్మ‌ద్ స్ధానంలో యువ బ్యాట‌ర్ సాయిసుద‌ర్శ‌న్ తుది జ‌ట్టులోకి వ‌చ్చాడు. సాయిసుద‌ర్శ‌న్‌కు భార‌త్ త‌ర‌పున ఇదే తొలి టీ20 మ్యాచ్ కావ‌డం గ‌మ‌నార్హం. సాయిసుద‌ర్శ‌న్ ఐపీఎల్‌లో అద్బుతంగా రాణించాడు. ఈ క్ర‌మంలోనే సెల‌క్ట‌ర్లు అత‌డికి పిలుపునిచ్చారు. కాగా సుద‌ర్శ‌న్ ఇప్ప‌టికే భార‌త త‌ర‌పున వ‌న్డేల్లో అరంగేట్రం చేశాడు. ఇక ఈ మ్యాచ్‌లో ఆతిథ్య జింబాబ్వే మాత్రం ఎటువంటి మార్పులు లేకుండా బ‌రిలోకి దిగింది.తుది జట్లుజింబాబ్వే: వెస్లీ మాధేవెరే, ఇన్నోసెంట్ కైయా, బ్రియాన్ బెన్నెట్, సికందర్ రజా(కెప్టెన్‌), డియోన్ మైయర్స్, జోనాథన్ కాంప్‌బెల్, క్లైవ్ మదాండే(వికెట్ కీపర్‌), వెల్లింగ్టన్ మసకద్జా, ల్యూక్ జోంగ్వే, బ్లెస్సింగ్ ముజరబానీ, టెండై చతారాభారత్‌భారత్‌శుబ్‌మన్ గిల్(కెప్టెన్‌), అభిషేక్ శర్మ, రుతురాజ్ గైక్వాడ్, సాయి సుదర్శన్, రియాన్ పరాగ్, రింకూ సింగ్, ధ్రువ్ జురెల్(వికెట్ కీపర్‌), వాషింగ్టన్ సుందర్, రవి బిష్ణోయ్, అవేష్ ఖాన్, ముఖేష్ కుమార్

ఐపీఎల్‌-2024లో గుజ‌రాత్ టైటాన్స్ త‌మ ప్లే ఆఫ్ ఆశ‌లను స‌జీవంగా ఉంచుకుంది. ప్లే ఆఫ్ ఆశలు నిలవాలంటే తప్పక గెలవాల్సిన మ్యాచ్‌లో గుజ‌రాత్ అద్భుత విజ‌యం సాధించింది. అహ్మ‌దాబాద్ వేదిక‌గా చెన్నై సూప‌ర్ కింగ్స్‌తో జ‌రిగిన మ్యాచ్‌లో 35 ప‌రుగుల తేడాతో గుజ‌రాత్ విజ‌య భేరి మ్రోగించింది. 232 ప‌రుగుల భారీ ల‌క్ష్యంతో బ‌రిలోకి దిగిన సీఎస్‌కే నిర్ణీత 20 ఓవ‌ర్ల‌లో 8 వికెట్లు కోల్పోయి 196 ప‌రుగులు మాత్ర‌మే చేసింది. సీఎస్‌కే బ్యాట‌ర్ల‌లో డారిల్ మిచెల్‌(63), మొయిన్ అలీ(56) ప‌రుగుల‌తో రాణించిన‌ప్ప‌టికి మిగితా బ్యాట‌ర్ల నుంచి పెద్ద‌గా స‌హ‌కారం ల‌భించ‌క‌పోవ‌డంతో సీఎస్‌కే ఓట‌మి పాలైంది. గుజ‌రాత్ బౌల‌ర్ల‌లో మొహిత్ శ‌ర్మ మూడు వికెట్లు, ర‌షీద్ ఖాన్ రెండు, సందీప్ వారియ‌ర్‌, ఉమేశ్ యాద‌వ్ త‌లా వికెట్ సాధించారు.సాయి, గిల్ విధ్వంసం..అంత‌క‌ముందు బ్యాటింగ్ చేసిన గుజ‌రాత్ టైటాన్స్ నిర్ణీత 20 ఓవ‌ర్ల‌లో 3 వికెట్ల నష్టానికి 231 పరుగుల భారీ స్కోర్‌ చేసింది. గుజరాత్‌ ఓపెనర్లు శుబ్‌మన్‌ గిల్‌, సాయిసుదర్శన్ విధ్వంస‌క‌ర సెంచ‌రీల‌తో చెల‌రేగారు. 51 బంతుల్లో సాయి సుదర్శన్‌ 5 ఫోర్లు, 7 సిక్స్‌లతో 103 పరుగులు చేయగా.. గిల్‌ 55 బంతుల్లో 9 ఫోర్లు, 6 సిక్స్‌లతో 104 పరుగులు చేశాడు. సీఎస్‌కే బౌలర్లలో ఒక్క తుషార్‌ దేశ్‌పాండే మినహా మిగితా బౌలర్లంతా దారుణంగా విఫలమయ్యారు. దేశ్‌ పాండే రెండు వికెట్లు పడగొట్టాడు.

ఐపీఎల్‌-2024లో అహ్మ‌దాబాద్ వేదిక‌గా చెన్నై సూప‌ర్ కింగ్స్‌తో మ్యాచ్‌లో గుజ‌రాత్ టైటాన్స్ ఓపెన‌ర్లు శుబ్‌మ‌న్ గిల్‌, సాయిసుద‌ర్శ‌న్‌ సెంచ‌రీల మోత మోగించారు. ఈ మ్యాచ్‌లో సుద‌ర్శ‌న్ ,గిల్ ఆకాశ‌మే హ‌ద్దుగా చెల‌రేగిపోయారు. సీఎస్‌కే బౌల‌ర్ల‌ను ఉతికారేశారు. 51 బంతుల్లో సాయి సుదర్శన్‌ 5 ఫోర్లు, 7 సిక్స్‌లతో 103 పరుగులు చేయగా.. గిల్‌ 55 బంతుల్లో 9 ఫోర్లు, 6 సిక్స్‌లతో 104 పరుగులు చేశాడు. కాగా తొలి వికెట్‌కు వీరిద్దరూ 210 పరుగుల భారీ భాగస్వామ్యాన్ని నెలకొల్పారు. త‌ద్వారా ఐపీఎల్‌లో ల‌క్నో ఆట‌గాళ్లు డికాక్, కేఎల్ రాహుల్ పేరిట ఉన్న 210 పరుగుల ఓపెనింగ్ భాగ‌స్వామ్య రికార్డును గిల్, సుదర్శన్ జోడీ సమం చేసింది.ఐపీఎల్‌-2022 సీజ‌న్‌లో కేకేఆర్‌పై డికాక్, కేఎల్ రాహుల్ తొలి వికెట్ స‌రిగ్గా 210 ప‌రుగుల పార్టనర్ షిష్ న‌మోదు చేశారు. అదే విధంగా ఈ క్యాష్‌రిచ్ లీగ్ చ‌రిత్ర‌లో ఏ వికెట్‌కైనా అత్య‌ధిక భాగ‌స్వామ్యం నెల‌కొల్పిన నాలుగో జోడీ వీరిద్ద‌రూ నిలిచారు.ఈ జాబితాలో ఏబీ డివిలియ‌ర్స్‌, విరాట్ కోహ్లి జోడి ఉంది. వీరిద్ద‌రూ 2016 ఐపీఎల్ సీజ‌న్‌లో విరాట్‌, ఏబీడీ జోడీ రెండో వికెట్‌కు 229 ప‌రుగుల భాగ‌స్వామ్యాన్ని నెల‌కొల్పారు.

గుజ‌రాత్ టైట‌న్స్ యువ సంచ‌ల‌నం సాయి సుద‌ర్శ‌న్ తొలి ఐపీఎల్ సెంచ‌రీ న‌మోదు చేశాడు. ఐపీఎల్‌-2024లో భాగంగా అహ్మ‌దాబాద్ వేదిక‌గా చెన్నై సూప‌ర్ కింగ్స్‌తో మ్యాచ్‌లో సాయిసుద‌ర్శ‌న్ సెంచ‌రీతో చెల‌రేగాడు. ఈ మ్యాచ్‌లో ఓపెన‌ర్‌గా వ‌చ్చిన సుద‌ర్శ‌న్ సీఎస్‌కే బౌల‌ర్ల‌ను ఊచ‌కోత కోశాడు. కేవలం 51 బంతుల్లోనే 7 సిక్స్ లు, ఆరు ఫోర్లతో 103 ప‌రుగులు చేసి ఔట‌య్యాడు. కెప్టెన్ శుబ్‌మ‌న్ గిల్‌తో క‌లిసి స్కోర్‌ను బోర్డును ప‌రుగులు పెట్టించాడు. గిల్‌, సుదర్శన్ కలిసి తొలి వికెట్ కు 210 పరుగుల రికార్డు ఓపెనింగ్ భాగస్వామ్యం నెలకొల్పారు. గిల్‌(104) కూడా సెంచరీ చేశాడు.సచిన్ రికార్డు బద్దలు..ఇక మ్యాచ్‌లో సుద‌ర్శ‌న్ సెంచ‌రీతో పాటు.. ఐపీఎల్లో 1000 పరుగుల మైలురాయిని కూడా అందుకున్నాడు. త‌ద్వారా ఓ అరుదైన ఘ‌న‌త‌ను త‌న పేరిట లిఖించుకున్నాడు. ఐపీఎల్‌లో అత్యంత వేగంగా 1000 పరుగులు చేసిన భార‌త ఆట‌గాడిగా సుదర్శన్ నిలిచాడు.సాయి సుదర్శన్ మాత్రం కేవలం 25 ఇన్నింగ్స్ లోనే ఈ రికార్డును చేరుకున్నాడు. ఇంత‌కుముందు ఈ రికార్డు భార‌త క్రికెట్ దిగ్గ‌జం స‌చిన్ టెండూల్క‌ర్‌, రుతురాజ్ గైక్వాడ్ పేరిట సంయుక్తంగా ఉండేది.స‌చిన్‌, గైక్వాడ్ ఇద్ద‌రూ 1000 ప‌రుగుల మైలు రాయిని 31 ఇన్నింగ్స్‌లలో అందుకున్నాడు. అయితే తాజా మ్యాచ్‌తో వీరిద్దరి ఆల్‌టైమ్ రికార్డును సుదర్శన్ బద్దలు కొట్టాడు.ఓవరాల్‌గా ఐపీఎల్‌లో అత్యంత వేగంగా 1000 పరుగుల మైల్‌స్టోన్‌ను అందుకున్న మూడో క్రికెటర్‌గా సుదర్శన్ నిలిచాడు. ఈ జాబితాలో ఆసీస్ మాజీ క్రికెటర్‌ షాన్ మార్ష్ (21) తొలి స్ధానంలో ఉండగా.. ఆ తర్వాత విండీస్ ఆటగాడు లెండిల్ సిమన్స్(23) సిమ్మన్స్ ఉన్నాడు.

ఐపీఎల్‌-2024లో భాగంగా అహ్మ‌దాబాద్ వేదిక‌గా చెన్నై సూప‌ర్ కింగ్స్‌తో మ్యాచ్‌లో గుజరాత్‌ ఓపెనర్లు శుబ్‌మన్‌ గిల్‌, సాయిసుదర్శన్‌ విధ్వంసం సృష్టించారు. కీలక మ్యాచ్‌లో గిల్‌, సాయి సుదర్శన్‌ అద్బుతమైన సెంచరీలతో చెలరేగారు. సీఎస్‌కే బౌలర్లను వీరిద్దరూ ఓ ఆట ఆడుకున్నారు.51 బంతుల్లో సాయి సుదర్శన్‌ 5 ఫోర్లు, 7 సిక్స్‌లతో 103 పరుగులు చేయగా.. గిల్‌ 55 బంతుల్లో 9 ఫోర్లు, 6 సిక్స్‌లతో 104 పరుగులు చేశాడు. తొలి వికెట్‌కు వీరిద్దరూ 210 పరుగుల భారీ భాగస్వామ్యాన్ని నెలకొల్పారు. దీంతో తొలుత బ్యాటింగ్‌ చేసిన గుజరాత్‌ నిర్ణీత 20 ఓవర్లలో 3 వికెట్ల నష్టానికి 231 పరుగుల భారీ స్కోర్‌ చేసింది. సీఎస్‌కే బౌలర్లలో ఒక్క తుషార్‌ దేశ్‌పాండే మినహా మిగితా బౌలర్లంతా దారుణంగా విఫలమయ్యారు. దేశ్‌ పాండే రెండు వికెట్లు పడగొట్టాడు. కాగా సా​‍యిసుదర్శన్‌కు ఇదే తొలి ఐపీఎల్ సెంచరీ కావడం విశేషం. Shubman Gill is one of the most aesthetic batsman in the world right now, what a hundred by Gujarat Titans captain ⭐❤️pic.twitter.com/iJZRy0VPDC— Shubman Gang (@ShubmanGang) May 10, 2024

ఐపీఎల్‌ 2024 సీజన్‌లో భాగంగా ఆర్సీబీతో ఇవాళ (ఏప్రిల్‌ 28) జరుగుతున్న మ్యాచ్‌లో గుజరాత్‌ టైటాన్స్‌ భారీ స్కోర్‌ చేసింది. టాస్‌ ఓడి ఆర్సీబీ ఆహ్వానం మేరకు తొలుత బ్యాటింగ్‌కు దిగిన గుజరాత్‌.. సాయి సుదర్శన్‌ (49 బంతుల్లో 84 నాటౌట్‌; 8 ఫోర్లు, 4 సిక్సర్లు), షారుక్‌ ఖాన్‌ (30 బంతుల్లో 58; 3 ఫోర్లు, 5 సిక్సర్లు) విజృంభించడంతో నిర్ణీత ఓవర్లలో 3 వికెట్ల నష్టానికి 200 పరుగులు చేసింది. గుజరాత్‌ ఇన్నింగ్స్‌లో వృద్దిమాన్‌ సాహా (5), శుభ్‌మన్‌ గిల్‌ (16) నిరాశపర్చగా.. డేవిడ్‌ మిల్లర్‌ (19 బంతుల్లో 26; 2 ఫోర్లు, సిక్స్‌) పర్వాలేదనిపించాడు. ఆర్సీబీ బౌలర్లలో సిరాజ్‌, మ్యాక్స్‌వెల్‌, స్వప్నిల్‌ సింగ్‌ తలో వికెట్‌ పడగొట్టారు.గుజరాత్‌ ఇన్నింగ్స్‌ విశేషాలు..7.4 ఓవర్లలో 49 పరుగులు మాత్రమే చేసిన గుజరాత్‌ చివరి 12.2 ఓవర్లలో ఏకంగా 151 పరుగులు చేసింది.ఈ సీజన్‌లో సాయి సుదర్శన్‌ 400 పరుగులు పూర్తి చేశాడు. తద్వారా కోహ్లి తర్వాత ఈ ఘనత సాధించిన ఆటగాడిగా రికార్డుల్లోకెక్కాడు.షారుక్‌ ఖాన్‌ తన తొలి ఐపీఎల్‌ హాఫ్‌ సెంచరీ నమోదు చేశాడు. ఈ మైలురాయిని షారుక్‌ కేవలం 24 బంతుల్లోనే సాధించాడు.

టీమిండియా స్టాండింగ్‌ కెప్టెన్‌ కేఎల్‌ రాహుల్‌ క్రీడా స్పూర్తిని ప్రదర్శించాడు. దక్షిణాఫ్రికాతో మూడో వన్డే అనంతరం తనకు వచ్చిన 'ఇంపాక్ట్‌ ఫీల్డర్‌' అవార్డును యువ ఆటగాడు సాయి సుదర్శన్‌కు త్యాగం చేశాడు. వన్డే వరల్డ్‌కప్‌-2023 నుంచి మ్యాచ్‌లో అద్బుతమైన ఫీల్డింగ్‌ ప్రదర్శన కనబరిచిన ఆటగాళ్లకు కోచ్‌ దిలీప్‌ అవార్డులను అందజేస్తున్నాడు. ఈ క్రమంలో దక్షిణాఫ్రికాతో  వన్డే సిరీస్‌లో బెస్ట్‌ ఫీల్డర్‌గా కేఎల్‌ రాహుల్‌ను దిలీప్‌ ఎంపిక చేశాడు. తొలి రెం‍డు మ్యాచ్‌లతో పాటు సిరీస్‌ డిసైడర్‌ మూడో వన్డేలో సైతం రాహుల్‌ అద్భుతమైన మూడు క్యాచ్‌లను అందుకున్నాడు. దీంతో రాహుల్‌కు ఇంపాక్ట్‌ ఫీల్డర్‌ అవార్డు వరించింది. అయితే రాహుల్‌ ఇక్కడే తన మంచిమనుసును చాటుకున్నాడు. ఇదే మ్యాచ్‌లో సంచలన క్యాచ్‌ను అందుకున్న సాయిసుదర్శన్‌కు తన వచ్చిన మెడల్‌ను రాహుల్‌ ఇచ్చేశాడు. దీంతో డ్రెస్సింగ్‌​ రూమ్‌లో సహచర ఆటగాళ్లు, కోచింగ్‌ స్టాప్‌ చప్పట్లు కొడుతూ రాహుల్‌ను అభినందించారు. సాయి సుదర్శన్‌ సంచలన క్యాచ్‌.. కాగా ఈ మ్యాచ్‌లో సాయి సుదర్శన్‌ మెరుపు క్యాచ్‌ను అందుకున్నాడు. అవేష్‌ ఖాన్‌ బౌలింగ్‌లో దక్షిణాఫ్రికా విధ్వంసకర ఆటగాడు హెన్రిచ్‌ క్లాసెన్‌ మిడ్‌వికెట్‌ దిశగా షాట్‌ ఆడటానికి ప్రయత్నించాడు. అయితే షాట్‌ సరిగ్గా కనక్ట్‌ కాకపోవడంతో బంతి కాస్త గాల్లోకి లేచింది. ఈ క్రమంలో మిడ్‌ వికెట్‌లో ఫీల్డింగ్‌ చేస్తున్న సుదర్శన్‌.. డైవ్‌ చేస్తూ అద్బుతమైన క్యాచ్‌ను అందుకున్నాడు. ఇదే మ్యాచ్‌ టర్నింగ్‌ పాయింట్‌గా చెప్పవచ్చు. సుదర్శన్‌ క్యాచ్‌కు సంబంధించిన వీడియో ప్రస్తుతం సోషల్‌ మీడియాలో వైరలవుతోంది. కాగా దక్షిణాఫ్రికాతో మూడు వన్డేల సిరీస్‌ను 2-1తో టీమిండియా సొంతం చేసుకుంది. India go on top with this great take by Sai Sudarshan 👌 Tune in to the 3rd #SAvIND ODI LIVE NOW | @StarSportsIndia #Cricket pic.twitter.com/115D7P6TS6 — ESPNcricinfo (@ESPNcricinfo) December 21, 2023

సౌతాఫ్రికాతో జరుగుతున్న నిర్ణయాత్మక మూడో వన్డేలో టీమిండియా ఓపెనర్‌ సాయి సుదర్శన్‌ కళ్లు చెదిరే క్యాచ్‌ పట్టుకున్నాడు. ఆవేశ్‌ ఖాన్‌ బౌలింగ్‌లో (32.2వ ఓవర్‌) మిడాఫ్‌ దిశలో ఫీల్డింగ్‌ చేస్తున్న సాయి.. పక్షిలా ముందుకు డైవ్‌ చేస్తూ అద్భుతమైన క్యాచ్‌ అందుకున్నాడు. బ్యాటర్‌ క్లాసెన్‌ (21) సహా ఈ క్యాచ్‌ను చూసిన వారంతా ఒక్కసారిగా అవాక్కయ్యారు. కామెంటేటర్లు ఈ క్యాచ్‌ను క్యాచ్‌ ఆఫ్‌ ద సిరీస్‌గా అభివర్ణించారు. క్యాచ్‌కు సంబంధించిన వీడియో నెట్టింట వైరలవుతుంది. Catch of the series - Sai Sudharsan 🫡🔥pic.twitter.com/tKr2Vrj3tq — Johns. (@CricCrazyJohns) December 21, 2023 కాగా, భారత్‌ నిర్ధేశించిన 297 పరుగుల లక్ష్యాన్ని ఛేదించేందుకు బరిలోకి దిగిన సౌతాఫ్రికా ఓటమి దిశగా సాగుతుంది. 38 ఓవర్ల తర్వాత ఆ జట్టు స్కోర్‌ 192/7గా ఉంది. సౌతాఫ్రికా గెలవాలంటే 72 బంతుల్లో 105 పరుగులు చేయాల్సి ఉంది. చేతిలో మరో 3 వికెట్లు మాత్రమే ఉన్నాయి. రీజా హెండ్రిక్స్‌ (19), జార్జీ (81), డస్సెన్‌ (2), మార్క్రమ్‌ (36), క్లాసెన్‌ (21), మిల్లర్‌ (10), ముల్దర్‌ (1) ఔట్‌ కాగా.. కేశవ్‌ మహారాజ్‌ (9), హెండ్రిక్స్‌ (0) క్రీజ్‌లో ఉన్నారు. భారత బౌలర్లలో సుందర్‌, అర్ష్‌దీప్‌ చెరో 2 వికెట్లు పడగొట్టగా.. ముకేశ్‌ కుమార్‌, ఆవేశ్‌ ఖాన్‌, అక్షర్‌  తలో వికెట్‌ ద​క్కించుకున్నారు.  అంతకుముందు టాస్‌ ఓడి తొలుత బ్యాటింగ్‌ చేసిన భారత్‌.. సంజూ శాంసన్‌ (108) శతక్కొట్టడంతో నిర్ణీత 50 ఓవర్లలో 8 వికెట్ల నష్టానికి 296 పరుగులు చేసింది. సంజూతో పాటు తిలక్‌ వర్మ (52) కూడా బాధ్యతాయుతమైన ఇన్నింగ్స్‌ ఆడాడు. ఆఖర్లో రింకూ సింగ్‌ (38) తనదైన స్టయిల్‌లో మెరుపులు మెరిపించాడు.  

దక్షిణాఫ్రికాతో వన్డే సిరీస్‌ను టీమిండియా ఘనంగా ఆరంభించింది. వాండరర్స్‌ వేదికగా ప్రోటీస్‌తో జరిగిన తొలి వన్డేలో 8 వికెట్ల తేడాతో భారత్‌ అద్భుత విజయం సాధించింది. తొలుత బ్యాటింగ్‌ చేసిన దక్షిణాఫ్రికా.. భారత పేసర్ల దాటికి 27.3 ఓవర్లలో కేవలం 116 పరుగులకే కుప్పకూలింది. భారత బౌలర్లలో యువ పేసర్‌ అర్ష్‌దీప్‌ సింగ్‌ 5 వికెట్లతో చెలరేగగా.. అవేష్‌ ఖాన్‌ నాలుగు వికెట్లు పడగొట్టాడు. సౌతాఫ్రికా బ్యాటర్లలో ఫెహ్లుక్వాయో(33) పరుగులతో టాప్‌ స్కోరర్‌గా నిలిచాడు. అనంతరం 117 పరుగుల స్వల్ప లక్ష్యంతో బరిలోకి దిగిన భారత్‌.. 16.4 ఓవర్లలో రెండు వికెట్లు కోల్పోయి ఛేదించింది. అరంగేట్ర ఆటగాడు సాయిసుదర్శన్‌(55 నాటౌట్‌), శ్రేయస్‌ అయ్యర్‌ హాఫ్‌ సెంచరీలతో మ్యాచ్‌ను ఫినిష్‌ చేశారు. ఇక  విజయంపై భారత స్టాండింగ్‌ కెప్టెన్‌ కేఎల్‌ రాహుల్‌ స్పందించాడు. అద్భుతమైన ప్రదర్శన కనబరిచిన పేసర్లపై రాహుల్‌ ప్రశంసల వర్షం కురిపించాడు. "ఈ మ్యాచ్‌లో విజయం సాధించడం చాలా సంతోషంగా ఉంది. జూనియర్‌ టీమ్‌తో దక్షిణాఫ్రికా వంటి జట్టుపై గెలవడం అంత ఈజీ కాదు. కానీ మా బాయ్స్‌ అందరి అంచనాలను తారుమారు చేశారు. ఈ మ్యాచ్‌లో అన్నీ మా ప్రణాళికలకు భిన్నంగా జరిగాయి. ఈ వికెట్‌పై తొందరగా స్పిన్నర్లను ఉపయోగించి ప్రత్యర్ధి బ్యాటర్లను కట్టడి చేయాలనుకున్నాము. కానీ పిచ్‌ పూర్తిగా పేసర్లకు అనుకూలించింది.  దీంతో మా పేసర్లు అదరగొట్టారు.  బంతి కూడా టర్న్‌ అ​యింది. ఇటీవల కాలంలో ప్రతీఒక్కరూ చాలా క్రికెట్ ఆడుతున్న నేపథ్యంలో ఏదో ఒక ఫార్మాట్‌కు ప్రాధ్యన్యత ఇస్తున్నారు. ప్రస్తుతానికి టెస్టులు, టీ20లకే ఆదరణ ఎక్కువగా ఉంది. అయితే ప్రతీ ఒక్కరూ దేశమే కోసం అద్భుతంగా ఆడుతున్నారు. ఈ సిరీస్‌ యువ ఆటగాళ్లకు అంతర్జాతీయ అనుభవం పొందేందుకు మంచి అవకాశమని పోస్ట్‌మ్యాచ్‌ ప్రేజేంటేషన్‌లో రాహుల్‌ పేర్కొన్నాడు.

మూడు మ్యాచ్‌ల వన్డే సిరీస్‌లో భాగంగా జొహనెస్‌బర్గ్‌ వేదికగా సౌతాఫ్రికాతో జరిగిన తొలి మ్యాచ్‌ ద్వారా అంతర్జాతీయ క్రికెట్‌లోకి అడుగుపెట్టిన తమిళనాడు యువ ఆటగాడు సాయి సుదర్శన్‌.. అరంగేట్రం మ్యాచ్‌లోనే అదరగొట్టాడు. ఈ మ్యాచ్‌లో రుతురాజ్‌ గైక్వాడ్‌తో కలిసి ఓపెనర్‌గా బరిలోకి దిగిన సుదర్శన్‌.. 43 బంతుల్లో 9 ఫోర్ల సాయంతో అజేయమైన 55 పరుగులు చేసి టీమిండియాను విజయతీరాలకు చేర్చాడు. తొలి వన్డేలోనే హాఫ్‌ సెంచరీతో రాణించిన సాయి.. రాబిన్‌ ఉతప్ప (2006లో ఇంగ్లండ్‌పై 86 పరుగులు), కేఎల్‌ రాహుల్‌ (2016లో జింబాబ్వేపై 100 నాటౌట్‌), ఫయాజ్‌ ఫజల్‌ (2016లో జింబాబ్వేపై 55 నాటౌట్‌) తర్వాత అరంగేట్రంలో హాఫ్‌ సెంచరీ సాధించిన నాలుగో భారత ఓపెనర్‌గా.. వన్డే డెబ్యూలో 50 ప్లస్‌ స్కోర్‌ సాధించిన 17వ భారత ఆటగాడిగా రి​కార్డుల్లోకెక్కాడు. 22 ఏళ్ల సాయి సుదర్శన్‌ 2022 సీజన్‌తో గుజరాత్‌ టైటాన్స్‌ తరఫున ఐపీఎల్‌ అరంగేట్రం చేసి అద్భుతంగా రాణించాడు. రెండు సీజన్లలో 13 మ్యాచ్‌లు ఆడిన సాయి.. 4 అర్దసెంచరీల సాయంతో 46.09 సగటున 507 పరుగులు సాధించాడు.  ఇదిలా ఉంటే, సౌతాఫ్రికాతో జరిగిన తొలి వన్డేలో టీమిండియా 8 వికెట్ల తేడాతో గెలుపొందింది. అర్ష్‌దీప్‌ (10-0-37-5), ఆవేశ్‌ ఖాన్‌ (8-3-27-4) విజృంభించడంతో తొలుత బ్యాటింగ్‌ చేసిన సౌతాఫ్రికా 116 పరుగులకే కుప్పకూలింది. అనంతరం భారత్‌ 16.4 ఓవర్లలో కేవలం 2 వికెట్లు మాత్రమే కోల్పోయి ఆడుతూ పాడుతూ లక్ష్యాన్ని ఛేదించింది. సాయి సుదర్శన్‌ (55 నాటౌట్‌), శ్రేయస్‌ అయ్యర్‌ (52) భారత్‌ను గెలిపించారు. ఈ గెలుపుతో భారత్‌ 3 మ్యాచ్‌ల సిరీస్‌లో 1-0 ఆధిక్యంలోకి దూసుకుపోయింది. రెండో వన్డే డిసెంబర్‌ 19న జరుగనుంది.  

నిప్పులు చెరిగిన టీమిండియా పేసర్లు.. తొలి వన్డేలో దక్షిణాఫ్రికా చిత్తు మూడు మ్యాచ్‌ల సిరీస్‌లో భాగంగా జొహనెస్‌బర్గ్‌ వేదికగా సౌతాఫ్రికాతో జరిగిన తొలి వన్డేలో టీమిండియా 8 వికెట్ల తేడాతో ఘన విజయం సాధించింది. ఈ మ్యాచ్‌లో భారత ఆటగాళ్లు అన్ని విభాగాల్లో అద్భుతంగా రాణించి, ఆతిథ్య జట్టును చిత్తు చేశారు. తొలుత పేసర్లు అర్ష్‌దీప్‌ సింగ్‌ (10-0-37-5), ఆవేశ్‌ ఖాన్‌ (8-3-27-4).. ఆతర్వాత బ్యాటింగ్‌లో ఆటగాడు సాయి సుదర్శన్‌ (55 నాటౌట్‌), శ్రేయస్‌ అయ్యర్‌ (52) సత్తా చాటారు.  టాస్‌ గెలిచి తొలుత బ్యాటింగ్‌ చేసిన సౌతాఫ్రికా.. భారత పేసర్ల ధాటి​కి 116 పరుగులకు కుప్పకూలగా.. టీమిండియా 16.4 ఓవర్లలోనే 2 వికెట్లు కోల్పోయి ఆడుతూపాడుతూ లక్ష్యాన్ని ఛేదించింది. టార్గెట్‌ 117.. తొలి వికెట్‌ కోల్పోయిన టీమిండియా 23 పరుగుల వద్ద (3.4వ ఓవర​్‌) టీమిండియా తొలి వికెట్‌ కోల్పోయింది. వియాన్‌ ముల్దర్‌ బౌలింగ్‌లో రుతురాజ్‌ గైక్వాడ్‌ (5) ఎల్బీడబ్ల్యూగా వెనుదిరిగాడు.  నిప్పులు చెరిగిన అర్ష్‌దీప్‌.. 116 పరుగులకే కుప్పకూలిన సౌతాఫ్రికా సౌతాఫ్రికా ఇన్నింగ్స్‌ 116 పరుగుల వద్ద (27.3 ఓవర్లలో) కుప్పకూలింది. అర్ష్‌దీప్‌ సింగ్‌ 5 వికెట్లతో చెలరేగగా.. ఆవేశ్‌ ఖాన్‌ 4 వికెట్లతో సత్తా చాటాడు. కుల్దీప్‌ యాదవ్‌కు ఆఖరి వికెట్‌ దక్కింది. సౌతాఫ్రికా ఇన్నింగ్స్‌లో​ జోర్జి (28), ఫెహ్లుక్వాయో (33), మార్క్రమ్‌ (12), తబ్రేజ్‌ షంషి (11 నాటౌట్‌) మాత్రమే రెండంకెల స్కోర్లు చేశారు.  తొమ్మిదో వికెట్‌ కోల్పోయిన ఆస్ట్రేలియా అతి కష్టం మీద 100 పరుగుల మార్కును చేరిన సౌతాఫ్రికా 101 పరుగుల వద్ద తొమ్మిదో వికెట్‌ కోల్పోయింది. అర్ష్‌దీప్‌ బౌలింగ్‌లో ఫెహ్లుక్వాయో (33) ఎల్బీడబ్ల్యూగా వెనుదిరిగాడు. అర్షదీప్‌కు ఈ ఇన్నింగ్స్‌లో ఇది ఐదో వికెట్‌. మిగిలిన 4 వికెట్లను ఆవేశ్‌ ఖాన్‌ దక్కించుకున్నాడు. ఎనిమిదో వికెట్‌ కోల్పోయిన సౌతాఫ్రికా 73 పరుగుల వద్ద (16.1 ఓవర్‌లో) సౌతాఫ్రికా ఎనిమిదో వికెట్‌ కోల్పోయింది. ఆవేశ్‌ ఖాన్‌ బౌలింగ్‌లో గైక్వాడ్‌కు క్యాచ్‌ ఇచ్చి కేశవ్‌ మహారాజ్‌ (4) ఔటయ్యాడు.  ఏడో వికెట్‌ కోల్పోయిన సౌతాఫ్రికా.. 58 పరుగుల వద్ద సౌతాఫ్రికా ఏడో వికెట్‌ కోల్పోయింది. ఆవేశ్‌ ఖాన్‌ బౌలింగ్‌లో కేఎల్‌ రాహుల్‌కు క్యాచ్‌ ఇచ్చి డేవిడ్‌ మిల్లర్‌ (2) ఔటయ్యాడు. 13 ఓవర్ల తర్వాత సౌతాఫ్రికా స్కోర్‌ 58/7గా ఉంది. ఫెహ్లుక్వాయో (3), కేశవ్‌ మహారాజ్‌ క్రీజ్‌లో ఉన్నారు. అర్ష్‌దీప్‌ సిం‍గ్‌ 4, ఆవేశ్‌ ఖాన్‌ 3 వికెట్లు పడగొట్టారు.  ►  దక్షిణాఫ్రికా 6 వికెట్లు కోల్పోయి కష్టాల్లో పడింది. పది ఒవర్లు ముగిసే సమయానికి 52 పరుగులు చేసింది  ► దక్షిణాఫ్రికా మూడో వికెట్‌ను కోల్పోయింది. డిజోర్జీ 28 పరుగుల వ్యక్తిగత స్కొర్‌ వద్ద అవుట్‌ అయ్యాడు. అనుదీప్‌ సింగ్ బౌలింగ్‌లో డిజోర్జీ రాహుల్‌కు క్యాచ్‌ ఇచ్చాడు. తర్వాత హెన్రిచ్ క్లాసెన్ బ్యాటింగ్‌కు దిగారు.  ►6 ఓవర్లు ముగిసే సరికి దక్షిణాఫ్రికా రెండు వికెట్ల నష్టానికి 24 పరుగులు చేసింది. క్రీజులో డిజోర్జీ(17),మార్‌క్రమ్‌(4) పరుగులతో ఉన్నారు. సింగ్‌ ఈజ్‌ కింగ్‌..  ఒకే ఓవర్‌లో రెండు వికెట్లు టాస్‌ గెలిచి బ్యాటింగ్‌కు దిగిన దక్షిణాఫ్రికాకు టీమిండియా పేసర్‌ అర్ష్‌దీప్‌ సింగ్‌ ఆరంభంలోనే బిగ్‌ షాకిచ్చాడు.  ఇన్నింగ్స్‌ రెండో ఓవర్‌ వేసిన అర్ష్‌దీప్‌ వరుసగా రీజా హెండ్రిక్స్‌, వాన్‌డెర్‌ డుసెన్‌లను పెవిలియన్‌కు పంపాడు. 2 ఓవర్లకు దక్షిణాఫ్రికా స్కోర్‌: 3/2 జోహన్నెస్‌బర్గ్‌ వేదికగా తొలి వన్డేలో భారత్‌-దక్షిణాఫ్రికా జట్లు తలపడతున్నాయి. ఈ మ్యాచ్‌లో టాస్‌ గెలిచిన దక్షిణాఫ్రికా తొలుత బ్యాటింగ్‌ ఎంచుకుంది. ఈ మ్యాచ్‌తో యువ సంచలనం సాయిసుదర్శన్‌ టీమిండియా తరపున అంతర్జాతీయ అరంగేట్రం చేశాడు. కెప్టెన్‌ కేఎల్‌ రాహుల్‌ చేతులు మీదగా సాయిసుదర్శన్‌ క్యాప్‌ అందుకున్నాడు. అదే విధంగా దక్షిణాఫ్రికా పేసర్‌ బర్గర్‌ కూడా డెబ్యూ చేశాడు. తుది జట్లు భారత్‌: సాయి సుదర్శన్, రుతురాజ్ గైక్వాడ్, తిలక్ వర్మ, లోకేష్ రాహుల్ (కెప్టెన్‌), శ్రేయాస్ అయ్యర్, సంజు శాంసన్, అక్షర్ పటేల్, కుల్దీప్ యాదవ్, అర్ష్‌దీప్ సింగ్, అవేష్ ఖాన్, ముఖేష్ కుమార్ దక్షిణాఫ్రికా : టోనీ డి జోర్జి, రీజా హెండ్రిక్స్, రాస్సీ వాన్ డెర్ డుసెన్, ఐడెన్ మార్క్‌రామ్ (కెప్టెన్‌), హెన్రిచ్ క్లాసెన్ (వికెట్ కీపర్‌), డేవిడ్ మిల్లర్, వియాన్ ముల్డర్, ఆండిలే ఫెహ్లుక్వాయో, కేశవ్ మహరాజ్, నాండ్రే బర్గర్, తబ్రైజ్ షమ్సీ  

South Africa A vs India A, 1st unofficial Test: భారత్‌ ‘ఎ’- దక్షిణాఫ్రికా ‘ఎ’ జట్ల మధ్య జరగాల్సిన తొలి అనధికారిక టెస్టుకూ వర్షం అడ్డుపడింది. ఎడతెరిపిలేని వాన కారణంగా సోమవారం నాటి తొలి రోజు ఆట రద్దయింది. కాగా సౌతాఫ్రికా పర్యటనలో భాగంగా టీమిండియా ఇప్పటికే అక్కడికి చేరుకున్న విషయం తెలిసిందే. సఫారీ గడ్డపై మూడు టీ20, మూడు వన్డే, రెండు టెస్టులు ఆడేందుకు భారత ప్రధాన జట్టు అక్కడ అడుగుపెట్టింది. ఈ క్రమంలో డిసెంబరు 10 నాటి తొలి టీ20 వర్షం కారణంగా టాస్‌ పడకుండానే రద్దైపోయింది. ఇదిలా ఉంటే.. టీమిండియాతో పాటు భారత- ‘ఎ’ జట్టు కూడా సౌతాఫ్రికా టూర్‌కి వెళ్లింది. ఇందులో భాగంగా.. ఆంధ్ర క్రికెటర్‌, టీమిండియా వికెట్‌ కీపర్‌ కోన శ్రీకర్‌ భరత్‌ సారథ్యంలో మూడు అనధికారిక టెస్టులు ఆడనుంది. నాలుగు రోజుల పాటు సాగే ఈ టెస్టు మ్యాచ్‌లలో మొదటిది డిసెంబరు 11న బ్లూమ్‌ఫౌంటేన్‌ వేదికగా మొదలైంది. తొలి టెస్టులో టాస్‌ గెలిచిన భారత-ఎ జట్టు కెప్టెన్‌ శ్రీకర్‌ భరత్‌ తొలుత బౌలింగ్‌ ఎంచుకున్నాడు. ఈ క్రమంలో భారత్‌- సౌతాఫ్రికా జట్లు మైదానంలో దిగేందుకు సిద్ధమవుతున్న తరుణంలో వరుణ దేవుడు స్వాగతం పలికాడు. ఈ క్రమంలో వర్షం ఎంతసేపటికీ తగ్గకపోవడంతో తొలి రోజు ఆటను రద్దు చేశారు. ఇక మంగళవారం నాటి రెండో రోజు ఆటకైనా వర్షం అడ్డుపడకుంటే బాగుండునని ఆటగాళ్లతో సహా అభిమానులు ఎదురుచూస్తున్నారు. ఆశించినట్లుగానే వాన జాడ లేకపోవడంతో మధ్యాహ్నం 1.30 నిమిషాలకు రెండో రోజు ఆట మొదలైంది. మరోవైపు.. ఈరోజే సూర్యకుమార్‌ యాదవ్‌ కెప్టెన్సీలోని టీమిండియా పోర్ట్‌ ఎలిజబెత్‌ వేదికగా రెండో టీ20 ఆడాల్సి ఉంది. అయితే, ఈ మ్యాచ్‌కు కూడా వర్షం ముప్పు పొంచి ఉంది. సౌతాఫ్రికా-ఎ జట్టుతో భారత- ఎ జట్టు తొలి అనధికారిక టెస్టు.. తుది జట్లు ఇవే భారత్‌: సాయి సుదర్శన్, దేవదత్ పడిక్కల్, శ్రీకర్ భరత్ (కెప్టెన్, వికెట్ కీపర్), ప్రదోష్ పాల్, సర్ఫరాజ్ ఖాన్, ధ్రువ్ జురెల్, శార్దూల్ ఠాకూర్, సౌరభ్ కుమార్, తుషార్ దేశ్‌పాండే, ప్రసిధ్ కృష్ణ, విద్వత్ కావేరప్ప. సౌతాఫ్రికా: కామెరాన్ షెక్లెటన్, యాసీన్ వల్లి, రూబిన్ హెర్మన్, జీన్ డుప్లెసిస్, బ్రైస్ పార్సన్స్ (కెప్టెన్), కానర్ ఎస్టెర్హుయిసెన్ (వికెట్ కీపర్), ఇవాన్ జోన్స్, ఎథాన్ బాష్, కర్ట్లిన్ మానికమ్, సియా ప్లాట్జీ, ఒడిరిల్ మోడిమోకోనే.

దక్షిణాఫ్రికాతో టీ20, వన్డే, టెస్టు సిరీస్‌లకు మూడు వేర్వేరు భారత జట్లను బీసీసీఐ ప్రకటించిన సంగతి తెలిసిందే. అయితే ఈ సిరీస్‌లకు జట్ల ఎంపికలో కొన్ని అనూహ్య మార్పులు చోటు చేసుకున్నాయి. ప్రోటీస్‌తో వన్డే,టీ20లకు రోహిత్‌ శర్మ, విరాట్‌ కోహ్లికి సెలక్టర్లు విశ్రాంతి ఇచ్చారు. అదే విధంగా టీ20ల్లో అదరగొడుతున్న రింకూ సింగ్‌, దేశవాళీ క్రికెట్‌లో దుమ్మురేపుతున్న తమిళనాడు యవ సంచలనం సాయిసుదర్శన్‌కు సెలక్లర్లు తొలిసారి భారత వన్డే జట్టుకు ఎంపిక చేశారు. వీరిద్దరితో పాటు రజిత్ పాటిదార్‌కు కూడా సెలక్టర్లు చోటు కల్పించారు. అదేవిధంగా పేసర్‌ దీపక్‌ చాహర్‌ కూడా ఛాన్నాళ్ల తర్వాత తిరిగి వన్డే జట్టులోకి వచ్చాడు. కాగా టెస్టుల్లో మరోసారి వెటరన్‌ ఆటగాళ్లు అజింక్యా రహానే, పుజారాకు సెలక్టర్లు మొండి చేయిచూపించారు. ఇక టీ20ల్లో భారత జట్టుకు సూర్యకుమార్‌ యాదవ్‌ సారథ్యం వహించనుండగా.. వన్డేల్లో కేఎల్‌ రాహుల్‌, టెస్టుల్లో రోహిత్‌ శర్మ జట్టును నడిపించనున్నారు. సుదర్శన్‌పై ప్రశంసల వర్షం..  కాగా తొలిసారి భారత జట్టుకు ఎంపికైన సాయిసుదర్శన్‌ను టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ అభినందించాడు. "వావ్ సాయి సుదర్శన్! అసాధ్యాలను సైతం సుసాధ్యం చేస్తూ తొలిసారి భారత జట్టులో చోటుదక్కించకున్నందుకు చాలా సంతోషంగా ఉంది. కష్టానికి తగ్గ ఫలితం దక్కింది అంటూ" ట్విటర్‌లో అశ్విన్‌ రాసుకొచ్చాడు. అశ్విన్‌, సుదర్శన్‌ ఇద్దరూ దేశీవాళీ క్రికెట్‌లో తమిళనాడుకు ప్రాతినిథ్యం వహిస్తున్నారు. కాగా గత కొంత కాలంగా దేశీవాళీ క్రికెట్‌లో సుదర్శన్‌ అద్భుతమైన ప్రదర్శన కనబరుస్తున్నాడు. గత రెండు సీజన్ల ఐపీఎల్‌లో కూడా సాయి అదరగొట్టాడు. ఇప్పటివరకు తన లిస్ట్‌-ఏ కెరీర్‌లో 22 మ్యాచ్‌లు ఆడిన సుదర్శన్‌.. 65.05 సగటుతో 1236 పరుగులు చేశాడు. అతడి ఇన్నింగ్స్‌లో 6 సెంచరీలు, 4 హాఫ్‌ సెంచరీలు ఉన్నాయి.  దక్షిణాఫ్రికాతో వన్డేలకు భారత జట్టు: రుతురాజ్ గైక్వాడ్, సాయి సుదర్శన్, తిలక్ వర్మ, రజత్ పాటిదార్, రింకూ సింగ్, శ్రేయాస్ అయ్యర్‌, కేఎల్ రాహుల్ (కెప్టెన్‌), సంజు శాంసన్ (వికెట్ కీపర్‌), అక్షర్ పటేల్, వాషింగ్టన్ సుందర్, కుల్దీప్ యాదవ్, యుజ్వేంద్ర చాహల్ , ముఖేష్ కుమార్, అవేష్ ఖాన్, అర్ష్దీప్ సింగ్, దీపక్ చాహర్ చదవండి: IND vs SA: దక్షిణాఫ్రికాతో వన్డే సిరీస్‌.. భారత జట్టు ఇదే! యువ సంచలనం ఎంట్రీ Wow Sai sudarshan wow! Genuinely happy for a kid who has been chasing excellence and not left any stone unturned. 👏👏👏 Totally thrilled . Well done #TeamIndia — Ashwin 🇮🇳 (@ashwinravi99) November 30, 2023

ఆస్ట్రేలియాతో టీ20 సిరీస్‌ అనంతరం టీమిండియా దక్షిణాఫ్రికా పర్యటనకు వెళ్లనుంది. ఈ టూర్‌లో భాగంగా సౌతాఫ్రికాతో మూడు మ్యాచ్‌ల టీ20, వన్డే, రెండు మ్యాచ్‌ల టెస్టు సిరీస్‌లో భారత్‌ తలపడనుంది. ఈ క్రమంలో ఈ సిరీస్‌ల​కు భారత జట్లను అజిత్‌ అగర్కార్‌ నేతృత్వంలోని బీసీసీఐ సెలక్షన్‌ కమిటీ గురువారం ప్రకటించింది. దక్షిణాఫ్రికాతో టీ20, వన్డే సిరీస్‌లకు రోహిత్‌ శర్మ, విరాట్‌ కోహ్లి, జస్ప్రీత్‌ బుమ్రా, మహ్మద్‌ షమీ దూరమయ్యారు. వీరి నలుగురు తిరిగి టెస్టు జట్టులోకి వచ్చారు. ఇక సౌతాఫ్రికాతో టీ20ల్లో సూర్యకుమార్‌ యాదవ్‌ భారత జట్టు సారథిగా ఎంపిక కాగా.. వన్డేల్లో కేఎల్‌ రాహుల్‌కు భారత జట్టు పగ్గాలు అప్పగించారు. సాయిసుదర్శన్‌ ఎంట్రీ.. దేశీవాళీ క్రికెట్‌లో అద్బుతంగా రాణిస్తున్న తమిళనాడు యువ సంచలనం సాయిసుదర్శన్‌కు సెలక్టర్లు తొలిసారి పిలుపునిచ్చారు. సుదర్శన్‌కు తొలిసారి భారత వన్డే జట్టులో చోటు దక్కింది. ఈ ఏడాది ఐపీఎల్‌తో పాటు ఎమర్జింగ్‌ ఆసియా కప్‌ టోర్నీలో కూడా సాయి దుమ్మురేపాడు. ఐపీఎల్‌-2023 సీజన్‌లో కేవలం 8 మ్యాచ్‌లు మాత్రమే ఆడిన సాయి 50 పైగా సగటుతో 362 పరుగులు సాధించాడు. లిస్ట్‌-ఏ క్రికెట్లో కూడా సుదర్శన్‌కు మంచి రికార్డు ఉంది.  ఇప్పటివరకు తన లిస్ట్‌-ఏ కెరీర్‌లో 22 మ్యాచ్‌లు ఆడిన సుదర్శన్‌.. 65.05 సగటుతో 1236 పరుగులు చేశాడు. ఈ క్రమంలోనే అతడిని సెలక్టర్లు జాతీయ జట్టుకు ఎంపిక చేశారు. ఇక అతడితో పాటు సంజూ శాంసన్‌, యుజ్వేంద్ర చాహల్‌, రజిత్‌ పాటిదర్‌కు కూడా భారత వన్డే జట్టులోకి చోటు దక్కింది. ఇప్పటివరకు 8 ఫస్ట్‌క్లాస్‌ మ్యాచ్‌లు ఆడిన సుదర్శన్‌.. 42.71 సగటుతో 598 పరుగులు చేశాడు. దక్షిణాఫ్రికాతో వన్డేలకు భారత జట్టు: రుతురాజ్ గైక్వాడ్, సాయి సుదర్శన్, తిలక్ వర్మ, రజత్ పాటిదార్, రింకూ సింగ్, శ్రేయాస్ లియర్, కేఎల్ రాహుల్ (కెప్టెన్‌) (వారం), సంజు శాంసన్ (వికెట్ కీపర్‌), అక్షర్ పటేల్, వాషింగ్టన్ సుందర్, కుల్దీప్ యాదవ్, యుజ్వేంద్ర చాహల్ , ముఖేష్ కుమార్, అవేష్ ఖాన్, అర్ష్దీప్ సింగ్, దీపక్ చాహర్

Syed Mushtaq Ali Trophy 2023-24: టీమిండియా ఆల్‌రౌండర్‌ వాషింగ్టన్‌ సుందర్‌ దేశవాళీ టీ20 క్రికెట్‌ జట్టుకు సారథ్యం వహించనున్నాడు. సయ్యద్‌ ముస్తాక్‌ అలీ ట్రోఫీ 2023-24 సీజన్‌కు గానూ తమిళనాడు జట్టుకు కెప్టెన్‌గా వ్యవహరించనున్నాడు.  ఇందుకు సంబంధించి తమిళనాడు క్రికెట్‌ అసోసియేషన్‌ ప్రకటన చేసింది. వాషీకి సాయి సుదర్శన్‌ డిప్యూటీగా వ్యవహరిస్తాడని పేర్కొంది. ఈ మేరకు సయ్యద్‌ ముస్తాక్‌ అలీ ట్రోఫీలో భాగమయ్యే 15 మంది ఆటగాళ్ల పేర్లను బుధవారం వెల్లడించింది.  కాగా అక్టోబరు 16 నుంచి ఈ దేశవాళీ టీ20 టోర్నమెంట్‌ ఆరంభం కానుంది. ఈ పొట్టి ఫార్మాట్‌లో  ఈవెంట్‌ చరిత్రలో తమిళనాడుకు మంచి ట్రాక్‌ రికార్డు ఉంది. ఇప్పటి వరకు మూడుసార్లు ట్రోఫీ గెలిచిన ఘనత తమిళనాడు సొంతం. తాజా సీజన్‌లో వాషింగ్టన్‌ సుందర్‌ సారథ్యంలో సాయి సుదర్శన్‌, వరుణ్‌ చక్రవర్తి, కుల్దీప్‌ సేన్‌, నారాయణ్‌ జగదీశన్‌, విజయ్‌ శంకర్‌, షారుఖ్‌ ఖాన్‌, టి.నటరాజన్‌ తదితర ఐపీఎల్‌ స్టార్లు ఆడనున్నారు. కాగా వన్డే వరల్డ్‌కప్‌-2023 జట్టులో సుందర్‌కు స్థానం దక్కలేదన్న విషయం తెలిసిందే. స్పిన్‌ ఆల్‌రౌండర్‌ అక్షర్‌ పటేల్‌ గాయం కారణంగా అతడి స్థానంలో చెన్నై వెటరన్‌ స్పిన్నర్‌ రవిచంద్రన్‌ అశ్విన్‌తో పోటీ పడ్డ వాషీకి మొండిచేయి ఎదురైంది. అనుభవానికి పెద్దపీట వేసిన బీసీసీఐ సెలక్టర్లు అశూ వైపే మొగ్గుచూపారు.  సయ్యద్‌ ముస్తాక్‌ అలీ ట్రోఫీ 2023 తమిళనాడు జట్టు: వాషింగ్టన్ సుందర్ (కెప్టెన్), సాయి సుదర్శన్ (వైస్ కెప్టెన్), నారాయణ్ జగదీశన్, విజయ్ శంకర్, సి హరి నిశాంత్, జి.అజితేష్, బాబా అపరాజిత్, ఆర్. సంజయ్ యాదవ్, ఎం. మహ్మద్, ఆర్.సాయి కిషోర్, వరుణ్ చక్రవర్తి, టి. నటరాజన్, కుల్దీప్ సేన్, సందీప్ వారియర్.

ఇరానీ ట్రోఫీ 2023లో తొలి రోజు బౌలర్ల ఆధిపత్యం నడిచింది. రెస్ట్‌ ఆఫ్‌ ఇండియాతో జరుగుతున్న మ్యాచ్‌లో సౌరాష్ట్ర బౌలర్లు హవా కొనసాగించారు. పార్థ్‌ భట్‌ (4/85), ధరేంద్ర సింగ్‌ జడేజా (2/89), యువరాజ్‌ సింగ్‌ దోడియా (2/74) రాణించారు. వీరి ధాటికి ఈ మ్యాచ్‌లో టాస్‌ గెలిచి తొలుత బ్యాటింగ్‌ ఎంచుకున్న రెస్ట్‌ ఆఫ్‌ ఇండియా తొలి రోజే 8 వికెట్లు కోల్పోయింది. తొలి రోజు ఆట ముగిసే సమయానికి ఆ జట్టు 90 ఓవర్లలో 8 వికెట్ల నష్టానికి 298 పరుగులు చేసింది.  రాణించిన సాయి సుదర్శన్‌.. టాస్‌ గెలిచి బ్యాటింగ్‌ ఎంచుకున్న రెస్ట్‌ ఆఫ్‌ ఇండియాకు ఓపెనర్లు సాయి సుదర్శన్‌ (72), మయాంక్‌ అగర్వాల్‌ (32) శుభారంభాన్ని అందించారు. వీరిద్దరు తొలి వికెట్‌కు 69 పరుగులు జోడించారు. అనంతరం మాయంక్‌ ఔటయ్యాడు. ఆతర్వాత వచ్చిన హనుమ విహారి (33) సైతం ఓ మోస్తరు స్కోర్‌ చేసి ఔటయ్యాడు. సర్ఫరాజ్‌ ఖాన్‌ (17), యశ్‌ ధుల్‌ (10), పుల్కిత్‌ నారంగ్‌ (12) తక్కువ స్కోర్లకే ఔట్‌ కాగా.. శ్రీకర్‌ భరత్‌ (36), షమ్స్‌ ములానీ (32) ఓ మోస్తరు స్కోర్లు చేశారు. సౌరభ్‌ కుమార్‌ (30), నవదీప్‌ సైనీ (8) క్రీజ్‌లో ఉన్నారు. కాగా, ఇరానీ ట్రోఫీ రంజీ ఛాంపియన్‌ టీమ్‌, రెస్ట్‌ ఆఫ్‌ ఇండియా జట్ల మధ్య జరుతుందన్న విషయం తెలిసిందే.

తమిళనాడు సూపర్‌ స్టార్‌, గుజరాత్‌ టైటాన్స్‌ యువ సంచలనం సాయి సుదర్శన్‌ తొలి సారి ఇంగ్లండ్‌ కౌంటీల్లో అడనున్నాడు. 21 ఏళ్ల సుదర్శన్‌ ఇంగ్లీష్‌ క్రికెట్‌ క్లబ్‌ సర్రేతో ఒప్పందం కుదుర్చుకున్నాడు. అతడు కౌంటీ ఛాంపియన్‌షిప్-2023లో ఆఖరి మూడు మ్యాచ్‌ల్లో సర్రే తరపున ఆడనున్నాయి. అయితే టామ్ లాథమ్, విల్ జాక్స్ , సామ్‌ కర్రాన్‌ వంటి సర్రే ఆటగాళ్లు తమ జాతీయ జట్టు విధుల కారణంగా ఆఖరి కౌంటీ మ్యాచ్‌లకు అందుబాటులో లేరు. ఈ నేపథ్యంలో సాయి సుదర్శన్‌ సర్రే తరపున ఇంగ్లండ్‌ కౌంటీల్లో అరంగేట్రం చేసే ఛాన్స్‌ ఉంది. సాయి సుదర్శన్‌ ప్రస్తుతం అధ్బుతమైన ఫామ్‌లో ఉన్నాడు. ఈ ఏడాది జరిగిన ఐపీఎల్‌తో పాటు తమిళనాడు ప్రీమియర్‌ లీగ్‌లో దుమ్మురేపాడు. అదే విధంగా ఎమర్జింగ్‌ ఆసియాకప్‌లో కూడా సాయి అదరగొట్టాడు. వైట్‌బాల్‌ క్రికెట్‌లో అదరగొడుతున్న సుదర్శన్‌.. రెడ్‌బాల్‌ క్రికెట్‌లో కూడా తన టాలెంట్‌ను నిరూపించుకోవడానికి సిద్దమయ్యాడు. ఈ క్రమంలో సర్రే క్రికెట్‌ క్లబ్‌తో ఒప్పందం కుదుర్చుకున్నాడు. ఇప్పటివరకు 8 ఫస్ట్‌క్లాస్‌ మ్యాచ్‌లు ఆడిన సుదర్శన్‌.. 42.71 సగటుతో 598 పరుగులు చేశాడు. చదవండి: Asia Cup 2023: పాకిస్తాన్‌తో అంత ఈజీ కాదు.. విధ్వంసకర ఆటగాళ్లు వీరే! అయినా టీమిండియాదే

దియోదర్‌ ట్రోఫీ-2023లో సౌత్‌ జోన్‌ కెప్టెన్‌ మయాంక్‌ అగర్వాల్‌ భీకర ఫామ్‌ను కొనసాగిస్తున్నాడు. ఈ టోర్నీలో 3 మ్యాచ్‌ల్లో 2 హాఫ్‌ సెంచరీలు  సహా 194 పరుగులు (64, 98, 32) చేసిన మయాంక్‌.. ఇవాళ (జులై 30)  ఈస్ట్‌ జోన్‌తో జరిగిన మ్యాచ్‌లో మరో మ్యాచ్‌ విన్నింగ్‌ హాఫ్‌సెంచరీతో (88 బంతుల్లో 84; 6 ఫోర్లు, సిక్స్‌) ఇరగదీశాడు. మయాంక్‌కు ఐపీఎల్‌ హీరో సాయి సుదర్శన్‌ (53) తోడవ్వడంతో ఈస్ట్‌ జోన్‌పై సౌత్‌ జోన్‌ 5 వికెట్ల తేడాతో గెలుపొంది, ఫైనల్‌కు అర్హత సాధించింది.  ఈ మ్యాచ్‌లో తొలుత బ్యాటింగ్‌ చేసిన ఈస్ట్‌ జోన్‌.. కౌశిక్‌ (8-1-37-3), సాయి కిషోర్‌ (10-0-45-3), విధ్వత్‌ కావేరప్ప (9-2-40-2), విజయ్‌కుమార్‌ వైశాఖ్‌ (1/62), వాషింగ్టన్‌ సుందర్‌ (1/41) ధాటికి 46 ఓవర్లలో 229 పరుగులకు కుప్పకూలింది. ఓపెనర్‌ విరాట్‌ సింగ్‌ (49) టాప్‌ స్కోరర్‌గా నిలువగా.. సుభ్రాంషు సేనాపతి (44), 9, 10వ నంబర్‌ ఆటగాళ్లు ఆకాశదీప్‌ సింగ్‌ (44), ముక్తర్‌ హుస్సేన్‌ (33) రాణించారు. గుర్తింపు కలిగిన ఆటగాళ్లు అభిమన్యు ఈశ్వరన్‌ (12), రియాన్‌ పరాగ్‌ (13) చేతులెత్తేశారు. అనంతరం​ బరిలోకి దిగిన సౌత్‌ జోన్‌.. 44.2 ఓవర్లలో 5 వికెట్లు కోల్పోయి 230 పరుగుల లక్ష్యాన్ని ఛేదించింది. మయాంక్‌ అగర్వాల్‌, సాయి సుదర్శన్‌ అర్ధసెంచరీలతో రాణించగా.. జగదీశన్‌ (32) పర్వాలేదనిపించాడు. ఓపెనర్‌ రోహన్‌ కున్నుమ్మల్‌ (18), అరుణ్‌ కార్తీక్‌ (1) తక్కువ స్కోర్లకే వెనుదిరగగా.. రోహిత్‌ రాయుడు (24 నాటౌట్‌).. వాషింగ్టన్‌ సుందర్‌ (8 నాటౌట్‌) సాయంతో సౌత్‌ జోన్‌ను విజయతీరాలకు చేర్చాడు. ఈస్ట్‌ జోన్‌ బౌలర్లలో అవినోవ్‌ చౌదరీ 2 వికెట్లు పడగొట్టగా.. ఆకాశ్‌ దీప్‌, రియాన్‌ పరాగ్‌, షాబాజ్‌ అహ్మద్‌ తలో వికెట్‌ దక్కించుకున్నారు. ఇవాళే జరిగిన మరో మ్యాచ్‌లో నార్త్‌ ఈస్ట్‌ జోన్‌పై సెంట్రల్‌ జోన్‌ 8 వికెట్ల తేడాతో గెలుపొందింది. తొలుత బ్యాటింగ్‌ చేసిన నార్త్‌ ఈస్ట్‌ జోన్‌.. సర్వటే (10-2-19-3), యశ్‌ కొఠారీ (2-1-4-2), సరాన్ష్‌ జైన్‌ (10-0-39-2) ధాటికి 49 ఓవర్లలో 164 పరుగులకు ఆలౌట్‌ కాగా.. శివమ్‌ చౌదరీ (85 నాటౌట్‌; 7 ఫోర్లు, 2 సిక్సర్లు), యశ్‌ దూబే (72; 7 ఫోర్లు, సిక్స్‌) అర్ధసెంచరీలతో రాణించడంతో సెంట్రల్‌ జోన్‌ 33 ఓవర్లలో కేవలం 2 వికెట్లు మాత్రమే కోల్పోయి విజయతీరాలకు చేరింది. 

ఇటీవలికాలంలో అదిరిపోయే ప్రదర్శనలతో భారత క్రికెట్‌ సర్కిల్స్‌లో హాట్‌ టాపిక్‌గా మారిన కొందరు క్రికెటర్లలో 21 ఏళ్ల చెన్నై కుర్రాడు సాయి సుదర్శన్‌ ప్రథముడు. గత ఐపీఎల్‌ సీజన్‌తో వెలుగులోకి వచ్చిన సాయి.. ఆ సీజన్‌లో వరుసగా 22, 62, 53, 19, 20, 41, 43, 96 స్కోర్లు (8 మ్యాచ్‌ల్లో 141.41 స్ట్రయిక్‌ రేట్‌తో 51.71 సగటున 3 అర్ధసెంచరీల సాయంతో 362 పరుగులు) చేసి సత్తా చాటాడు. ఐపీఎల్‌-2023లో సాయి మెరిసినప్పటికీ, రింకూ సింగ్‌ లాంటి ఆటగాళ్ల ఆసాధారణ ప్రదర్శన అతనిని డామినేట్‌ చేసింది. అయితే అంతటితో ఆగని సాయి.. ఆ తర్వాత జరిగిన తమిళనాడు ప్రీమియర్‌ లీగ్‌లోనూ రెచ్చిపోయాడు. ఈ దేశవాలీ లీగ్‌లో 90, 14, 7, 83, 41 స్కోర్లు చేసిన సాయి.. ఈ లీగ్‌లో ఆడిన 6 మ్యాచ్‌ల్లో 172.5 స్ట్రయిక్‌రేట్‌తో 64.20 సగటున 2 అర్ధసెంచరీ సాయంతో 321 పరుగులు చేశాడు. ఈ వరుస సక్సెస్‌లతో సాయికి టీమిండియా నుంచి పిలుపు అందుతుందని అంతా అనుకున్నారు. అయితే అప్పటికే శుభ్‌మన్‌ గిల్‌, రుతురాజ్‌ గైక్వాడ్‌, యశస్వి జైస్వాల్‌, ఇషాన్‌ కిషన్‌లతో టీమిండియా యంగ్‌ ఓపెనర్ల బెంచ్‌ బలంగా ఉండటంతో సాయికి అవకాశం దక్కలేదు. అయితే, ఈ సీజన్‌లోనే ఎలాగైనా టీమిండియా సెలెక్టర్ల నుంచి పిలుపు అందుకోవాలని పట్టుదలగా ఉండిన సాయి.. ప్రస్తుతం జరుగుతున్న ఏసీసీ మెన్స్‌ ఎమర్జింగ్‌ టీమ్స్‌ ఆసియా కప్‌ 2023లో చెలరేగిపోతున్నాడు. ఈ టోర్నీలో ఇప్పటివరకు ఆడిన 3 మ్యాచ్‌ల్లో 100 స్ట్రయిక్‌రేట్‌తో 170 సగటున సెంచరీ, హాఫ్‌ సెంచరీ సాయంతో 170 పరుగులు చేశాడు. నిన్న పాకిస్తాన్‌తో జరిగిన మ్యాచ్‌లో అజేయ సెంచరీతో చెలరేగిన సాయి, ఈ సారి మాత్రం​ భారత సెలెక్టర్లకు గట్టి ఛాలెంజ్‌ విసిరాడు. టీమిండియాలో చోటు కోసం తనను తప్పక పరిగణలోకి తీసుకోవాలని బ్యాట్‌తో సవాల్‌ చేశాడు. సాయి ఆడిన ఈ ఇన్నింగ్స్‌ చూసి భారత సెలెక్టర్లు తలలు పట్టుకుంటున్నారు. అసలే ఉన్నవాళ్లకు అవకాశాలు లేక సతమతమవుతుంటే కొత్తగా సాయి తయారయ్యాడేంట్రా అని అనుకుంటున్నారు. ఎమర్జింగ్‌ టీమ్స్‌ ఆసియా కప్‌ అయ్యే లోగా సాయి మరో సెన్సేషనల్‌ ఇన్నింగ్స్‌ ఆడితే ఏం చేయాలో తెలియక వారు లోలోన మధన పడుతున్నారు. మొత్తానికి యువ ఓపెనర్ల విషయం భారత సెలెక్టర్లను విషమ పరీక్షలా మారింది.

ఏసీసీ మెన్స్‌ ఎమర్జింగ్‌ టీమ్స్‌ ఆసియా కప్‌ 2023 టోర్నీలో నిన్న (జులై 19) భారత్‌-ఏ, పాక్‌-ఏ జట్ల మధ్య గ్రూప్‌ దశ మ్యాచ్‌ జరిగిన విషయం తెలిసిందే. ఈ మ్యాచ్‌లో యువ భారత్‌ 8 వికెట్ల తేడాతో పాక్‌ సేనను మట్టికరిపించింది. ఏకపక్షంగా సాగిన ఈ మ్యాచ్‌లో టీమిండియా అన్ని విభాగాల్లో రాణించి, అద్భుత విజయాన్ని అందుకుంది. తొలుత హంగార్గేకర్‌ (5/42), మానవ్‌ సుతార్‌ (3/36) బంతితో విజృంభించగా.. ఆతర్వాత ఐపీఎల్‌ హీరో సాయి సుదర్శన్‌ (110 బంతుల్లో 104 నాటౌట్‌; 10 ఫోర్లు, 3 సిక్సర్లు) సూపర్‌ సెంచరీతో టీమిండియాను విజయతీరాలకు చేర్చాడు. అతనికి  నికిన్‌ జోస్‌ (53), కెప్టెన్‌ యశ్‌ ధుల్‌ (21 నాటౌట్‌), అభిషేక్‌ శర్మ (20) సహకరించారు. ఈ మ్యాచ్‌ ఫలితంతో సంబంధం లేకుండానే భారత్‌, పాక్‌లు ఇదివరకే సెమీస్‌కు చేరాయి. కాగా, ఇదే టోర్నీలో భారత్‌, పాక్‌లు మరోసారి తలపడే అవకాశం ఉంది. ఇదివరకే సెమీస్‌కు చేరిన భారత్‌, పాక్‌లు ఈ గండాన్ని అధిగమిస్తే ఫైనల్లో మరోసారి ఎదురెదురుపడే ఛాన్స్‌ ఉంది. రేపు (జులై 21) తొలి సెమీఫైనల్లో శ్రీలంక-పాకిస్తాన్‌ జట్లు.. రెండో సెమీఫైనల్లో భారత్‌-బంగ్లాదేశ్‌ జట్లు తలపడనున్నాయి. ఈ రెండు మ్యాచ్‌ల్లో విజేతలు జులై 23న కొలొంబో వేదికగా జరిగే ఫైనల్లో అమీతుమీ తేల్చుకుంటాయి. ఈ టోర్నీలో ఆటగాళ్ల ఫామ్‌ దృష్ట్యా శ్రీలంక, బంగ్లాదేశ్‌లతో పోలిస్తే భారత్‌, పాక్‌లకే ఫైనల్‌కు చేరే అవకాశాలు అధికంగా ఉన్నాయి. సో.. ఇదే ఆసియా కప్‌లో భారత్‌-పాక్‌లు మరోసారి తలపడటం ఖాయం. సెమీఫైనల్‌ (తొలి సెమీస్‌ ఉదయం 10 గంటలకు), ఫైనల్‌ మ్యాచ్‌లు ఆయా తేదీల్లో స్టార్‌ స్పోర్ట్స్‌ ఛానల్‌లో మధ్యాహ్నం 2 గంటల నుంచి ప్రారంభమవుతాయి.

ACC Mens Emerging Teams Asia Cup 2023- Pakistan A vs India A:  ఏసీసీ మెన్స్‌ ఎమర్జింగ్‌ టీమ్స్‌ ఆసియా కప్‌-2023లో భాగంగా భారత యువ జట్టు పాకిస్తాన్‌పై ఘన విజయం సాధించింది. ఎనిమిది వికెట్ల తేడాతో పాక్‌ను చిత్తు చేసింది. శ్రీలంకలోని కొలంబో వేదికగా భారత్‌-ఏ- పాకిస్తాన్‌- ఏ జట్లు బుధవారం తలపడ్డాయి. ఈ మ్యాచ్‌లో టాస్‌ గెలిచిన పాకిస్తాన్‌ తొలుత  బ్యాటింగ్‌ ఎంచుకుంది. అయితే, పాక్‌కు ఆదిలోనే షాకిచ్చాడు భారత యువ పేసర్‌ రాజ్‌వర్ధన్‌ హంగర్గేకర్‌. ఓపెనర్‌ సయీమ్‌ ఆయుబ్‌ను డకౌట్‌ చేశాడు. ఐదు వికెట్లతో చెలరేగిన హంగర్గేకర్‌ అంతేకాదు.. వన్‌డౌన్‌ బ్యాటర్‌ ఒమైర్‌ యూసఫ్‌తో కూడా సున్నా చుట్టించాడు. దీంతో ఆరంభంలోనే రెండు వికెట్లు కోల్పోయి కష్టాల్లో కూరుకుపోయిన పాక్‌ను ఓపెనర్‌ షాహిజాదా ఫర్హాన్‌(35), హసీబుల్లా ఖాన్‌(27) ఆదుకున్నారు. అయితే, భారత స్పిన్నర్‌ మానవ్‌ సుతార్‌, ఫాస్ట్‌బౌలర్‌ హంగేర్గకర్‌ వారిని ఎక్కువసేపు నిలవనీయలేదు. వీరిద్దరి విజృంభణతో పాక్‌ వరుసగా వికెట్లు కోల్పోయింది. ఈ క్రమంలో ఏడో స్థానంలో బ్యాటింగ్‌కు వచ్చిన కాసిం అక్రమ్‌(48) కాసేపు పోరాడాడు. అతడికి తోడుగా.. ముబాసిర్‌ ఖాన్‌(28) రాణించాడు. ఆఖర్లో మెహ్రాన్‌ మంతాజ్‌ 25 పరుగులతో అజేయంగా నిలవడంతో 48 ఓవర్లలో పాకిస్తాన్‌ 205 పరుగులు చేయగలిగింది. భారత బౌలర్లలో హంగేర్గకర్‌ అత్యధికంగా ఐదు వికెట్లు పడగొట్టగా.. మానవ్‌కు మూడు, రియాన్‌ పరాగ్‌, నిషాంత్‌ సింధు ఒక్కో వికెట్‌ తీశారు. సెంచరీతో చెలరేగిన సాయి సుదర్శన్‌ స్వల్ప లక్ష్యంతో బరిలోకి దిగిన భారత్‌కు ఓపెనర్‌ సాయి సుదర్శన్‌ అదిరిపోయే ఆరంభం అందించాడు. సెంచరీ(104)తో చెలరేగి జట్టును గెలుపుతీరాలకు చేర్చాడు. వరుసగా రెండు సిక్సర్లు బాది శతకం పూర్తి చేసుకుని వారెవ్వా అనిపించాడు. ఇక మరో ఓపెనర్‌ అభిషేక్‌ శర్మ(20) నిరాశ పరచగా.. వన్‌డౌన్‌లో వచ్చిన నికిన్‌ జోస్‌ అర్ధ శతకం(53)తో రాణించి సాయితో కలిపి మెరుగైన భాగస్వామ్యం నమోదు చేశాడు. మెహ్రాన్‌ బౌలింగ్‌లో నికిన్‌ అవుట్‌ అయ్యాడు. హ్యాట్రిక్‌ విజయం అతడి స్థానంలో క్రీజులోకి వచ్చిన కెప్టెన్‌ యశ్‌ ధుల్‌ 19 బంతుల్లో 21 పరుగులతో అజేయంగా నిలిచాడు. ‘ప్లేయర్‌ ఆఫ్‌ ది మ్యాచ్‌’ సాయి సుదర్శన్‌ అజేయ శతకం, నికిన్‌ జోస్‌ హాఫ్‌ సెంచరీ కారణంగా భారత్‌ 36.4 ఓవర్లలోనే లక్ష్యాన్ని ఛేదించింది. కేవలం రెండు వికెట్లు కోల్పోయి 210 పరుగులు చేసింది. కాగా ఈ టోర్నీలో భారత-ఏ జట్టుకు ఇది హ్యాట్రిక్‌ విజయం. అంతకు ముందు యూఏఈ, నేపాల్‌లపై భారీ విజయాలు నమోదు చేసింది.  చదవండి: దీనస్థితిలో ధోని సొంత అన్న? బయోపిక్‌లో ఎందుకు లేడు? అయినా అతడితో.. 

భారత్‌-పాకిస్తాన్‌ల మధ్య ఏ క్రీడలో అయినా, ఏ స్థాయి మ్యాచ్‌ అయినా భారీ అంచనాలు కలిగి ఉంటుందన్న విషయం తెలిసిందే. దాయాదుల మధ్య క్రికెట్‌ మ్యాచ్‌ అయితే, దాని గురించి ప్రత్యేకించి చెప్పనక్కర్లేదు. క్రికెటర్లతో పాటు అభిమానులు తీవ్ర భావోద్వేగాలకు లోనవుతారు. ప్రస్తుతం జరుగుతున్న ఆసియా క్రికెట్‌ కౌన్సిల్‌ ఎమర్జింగ్‌ టీమ్స్‌ ఆసియా కప్‌ 2023 ద్వారా ఇరు దేశాల క్రికెటర్లు, అభిమానులకు మరోసారి ఆ భావోద్వేగానుభూతికి లోనయ్యే అవకాశం దొరికింది. టోర్నీలో భాగంగా రేపు (జులై 19) భారత్‌-ఏ, పాకిస్తాన్‌-ఏ జట్లు తలపడనున్నాయి. ​కొలొంబో వేదికగా జరిగే ఈ మ్యాచ్‌ రేపు మధ్యాహ్నం 2 గంటల నుంచి స్టార్‌ స్పోర్ట్స్‌ ఛానల్‌లో ప్రత్యక్ష ప్రసారం అవుతుంది. వన్డే ఫార్మాట్‌లో జరిగే ఈ మ్యాచ్‌ కోసం యువ భారత క్రికెటర్లు, పాకిస్తాన్‌ ఆటగాళ్లు ఎంతో ఆతృతగా ఎదురుచూస్తున్నారు. ఈ మ్యాచ్‌లో ఎలాగైనా రాణించి, అభిమానుల మనసుల్లో చిరకాలం కొలువుండిపోవాలని ఉవ్విళ్లూరుతున్నారు. భారత-ఏ క్రికెటర్లయితే తమ ఆరాధ్య క్రికెటర్‌ విరాట్‌ కోహ్లి చివరిసారి పాకిస్తాన్‌పై ఆడిన ఇన్నింగ్స్‌ను గుర్తుచేసుకుంటూ తాము ​కూడా అదే స్థాయి ఇన్నింగ్స్‌ ఆడాలని కలలు కంటున్నారు. నేపాల్‌తో నిన్న జరిగిన మ్యాచ్‌లో సెన్సేషనల్‌ ఇన్నింగ్స్‌ ఆడిన అభిషేక్‌ శర్మ (87) స్టార్‌ స్పోర్ట్స్‌తో మాట్లాడుతూ.. తన దృష్టిలో ఆసియా కప్‌-2022లో పాక్‌తో జరిగిన మ్యాచ్లో కోహ్లి ఆడిన ఇన్నింగ్స్‌ అత్యుత్తమ టీ20 ఇన్నింగ్స్‌ అని అన్నాడు. మరో భారత-ఏ జట్టు సభ్యుడు రియాన్‌ పరాగ్‌ మాట్లాడుతూ.. ఆసియా కప్‌లో పాక్‌తో మ్యాచ్‌ సందర్భంగా కోహ్లి ముఖంలో, కళ్లలో కనిపించిన కసి అత్యద్భుతమని కొనియాడాడు. నేపాల్‌తో మ్యాచ్‌లో రాణించిన సాయి సుదర్శన్‌ మాట్లాడుతూ.. ఆసియా కప్‌లో పాక్‌తో జరిగిన మ్యాచ్‌లో హరీస్‌ రౌఫ్‌ బౌలింగ్‌ కోహ్లి కొట్టిన ఓ షాట్‌ సూపర్‌ హ్యూమన్‌ షాట్‌ అని అభిప్రాయపడ్డాడు. ఈ ముగ్గురు యువ క్రికెటర్లు రేపు పాక్‌తో జరిగే మ్యాచ్‌లో కోహ్లిలా చెలరేగాలని అనుకుంటున్నట్లు తెలిపారు. 

ACC Men’s Emerging Teams Asia Cup 2023: ఏసీసీ మెన్స్‌ ఎమర్జింగ్‌ టీమ్స్‌ ఆసియా కప్‌-2023కి భారత్‌ జట్టును ప్రకటించింది. వన్డే ఫార్మాట్లో నిర్వహించనున్న ఈ టోర్నీకి జూనియర్‌ క్రికెట్‌ కమిటీ 15 మంది సభ్యులతో కూడిన ఇండియా- ఏ జట్టును ఎంపిక చేసింది. మరో నలుగురికి స్టాండ్‌ బై ప్లేయర్లుగా అవకాశమిచ్చింది.  ఎనిమిది ఆసియా దేశాల మధ్య  ఇండియా- ఏ జట్టుకు యశ్‌ ధుల్‌ ఈ జట్టుకు కెప్టెన్‌గా వ్యవహరించనుండగా.. అభిషేక్‌ శర్మ అతడి డిప్యూటీగా ఎంపికయ్యాడు. తెలుగు క్రికెటర్‌ నితీశ్‌ కుమార్‌రెడ్డి సైతం జట్టులో చోటు దక్కించుకున్నాడు. ఈ టీమ్‌కి సితాంషు కొటక్‌ హెడ్‌కోచ్‌గా వ్యవహరించనున్నాడు. శ్రీలంకలో.. జూలై 13 నుంచి జూలై 23 వరకు శ్రీలంకలోని కొలంబోలో ఎమర్జింగ్‌ ఆసియా కప్‌-2023 నిర్వహించేందుకు షెడ్యూల్‌ ఖరారైంది. ఇందులో గ్రూప్‌-బిలో భారత్‌తో పాటు.. నేపాల్‌, యూఏఈ, పాకిస్తాన్‌- ఏ జట్లు.. శ్రీలంక, బంగ్లాదేశ్‌, అఫ్గనిస్తాన్‌, ఒమన్‌- ఏ జట్లు గ్రూప్‌-ఏలో ఉన్నాయి. ఇరు గ్రూపులలో తొలి రెండు స్థానాల్లో నిలిచిన రెండు జట్లు సెమీ ఫైనల్‌కు అర్హత సాధిస్తాయి.  ఆరోజు ఫైనల్‌ ఇందులో గ్రూప్‌-ఏ టాపర్‌తో గ్రూప్‌-బిలో రెండో స్థానంలో నిలిచిన జట్టు తొలి సెమీ ఫైనల్లో.. గ్రూప్‌-బి టాపర్‌తో గ్రూప్‌-ఏలో రెండో స్థానంలో ఉన్న జట్టు రెండో సెమీ ఫైనల్లో తలపడతాయి.  జూలై 23న ఈ టోర్నీ ఫైనల్‌ జరుగనుంది. ఇదిలా ఉంటే తొలిసారి నిర్వహించిన మహిళల ఎమర్జింగ్‌ ఆసియా కప్‌ విజేతగా భారత జట్టు అవతరించిన విషయం తెలిసిందే. ఫైనల్లో బంగ్లాదేశ్‌-ఏ జట్టును చిత్తు చేసి భారత మహిళల- ఏ జట్టు చాంపియన్‌గా నిలిచింది. ఎమర్జింగ్‌ ఏసియా కప్‌-2023 భారత- ఏ జట్టు సాయి సుదర్శన్‌, అభిషేక్‌ శర్మ(వైస్‌ కెప్టెన్‌), నికిన్‌ జోస్‌, ప్రదోష్‌ రంజన్‌ పాల్‌, యశ్‌ ధుల్‌(కెప్టెన్‌), రియాన్‌ పరాగ్‌, నిశాంత్‌ సంధు, ప్రభ్‌షిమ్రన్‌ సింగ్‌ (వికెట్‌ కీపర్‌), ధ్రువ్‌ జురెల్‌(వికెట్‌ కీపర్‌), మానవ్‌ సుతార్‌, యువరాజ్‌సిన్హ్‌ దోడియా, హర్షిత్‌ రానా, ఆకాశ్‌ సింగ్‌, నితీశ్‌ కుమార్‌రెడ్డి, రాజ్‌వర్దన్‌ హంగ్రేకర్‌. స్టాండ్‌ బై ప్లేయర్లు: హర్ష్‌ దూబే, నేహాల్‌ వధేరా, స్నెల్‌ పటేల్‌, మోహిత్‌ రేద్కార్‌. కోచింగ్‌ స్టాఫ్‌: సితాంశు కొటక్‌(హెడ్‌కోచ్‌), సాయిరాజ్‌ బహూతులే (బౌలింగ్‌ కోచ్‌), మునిష్‌ బాలి(ఫీల్డింగ్‌ కోచ్‌). చదవండి: Ashes: ‘బజ్‌బాల్‌’తో బొక్కబోర్లా.. ఇంగ్లండ్‌కు భారీ షాక్‌.. సిరీస్‌ మొత్తానికి..

KL Rahul Replacemnet?: టీమిండియా బ్యాటర్‌ కేఎల్‌ రాహుల్‌ గత కొంతకాలంగా జట్టుకు దూరమయ్యాడు. ఐపీఎల్‌-2023లో ఆర్సీబీతో మ్యాచ్‌ సందర్భంగా ఈ లక్నో సూపర్‌ జెయింట్స్‌ సారథి గాయపడిన విషయం తెలిసిందే. గాయం తీవ్రత ఎక్కువ కావడంతో క్యాష్‌ రిచ్‌ లీగ్‌ పదహారో ఎడిషన్‌కు దూరం కావడంతో పాటు.. ప్రపంచ టెస్టు చాంపియన్‌షిప్‌ ఫైనల్‌ కూడా ఆడలేకపోయాడు. గాయం నుంచి ఇప్పుడిప్పుడే కోలుకుంటున్న క్రమంలో ఈ కర్ణాటక బ్యాటర్‌ వెస్టిండీస్‌ పర్యటనకు కూడా అందుబాటులో లేకుండా పోయాడు. ఈ నేపథ్యంలో రాహుల్‌ త్వరలోనే పూర్తిస్థాయి ఫిట్‌నెస్‌ సాధించి.. మరోవారం రోజుల్లో ప్రాక్టీసు మొదలుపెడతాడనే వార్తలు వినిపిస్తున్నాయి. టీమిండియాకు శుభవార్త అంటూ ట్వీట్‌ ఆగష్టు 31 నుంచి ఆరంభం కానున్న ఆసియాకప్‌-2023 ఈవెంట్‌కి అతడు అందుబాటులోకి వస్తాడని జాతీయ మీడియా వర్గాలు వెల్లడించాయి. ఈ క్రమంలో రాహుల్‌ పునరాగమనానికి సంబంధించిన వార్త నెట్టింట చర్చనీయాంశంగా మారింది. క్రికెట్‌ అప్‌డేట్లు పంచుకునే ఓ ట్విటర్‌ యూజర్‌.. ‘‘టీమిండియాకు శుభవార్త. కేఎల్‌ రాహుల్‌ మరో రెండు వారాల్లో బ్యాటింగ్‌ ప్రాక్టీస్‌కు సిద్ధమవుతున్నాడు’’ అంటూ కేఎల్‌ ఫొటో షేర్‌ చేశాడు. ఇందుకు స్పందించిన మాజీ క్రికెటర్‌ లక్ష్మణ్‌ శివరామకృష్ణన్‌.. జాతీయ జట్టు తరఫున రీఎంట్రీ అంత సులభం కాదంటూ కౌంటర్‌ వేశాడు. అంత ఈజీ కాదు ‘‘బ్యాటింగ్‌లో తిరిగి ఫామ్‌లోకి రావడానికి, మ్యాచ్‌ ఫిట్‌నెస్‌ నిరూపించుకోవాలంటే కచ్చితంగా దేశవాళీ క్రికెట్‌ ఆడాలి. జాతీయ జట్టులో పునరాగమనం మరీ అంత సులువుగా ఉండదు. ఉండకూడదు!  నెట్స్‌లో ప్రాక్టీస్‌ చేసి అంతర్జాతీయ స్థాయిలో పోటీకి సై అనడం ఎంతవరకు కరెక్ట్‌. కాబట్టి ముందుగా రాహుల్‌కు ప్రత్యామ్నాయం వెదకాలి. సాయి సుదర్శన్‌ వంటి లెఫ్ట్‌హ్యాండ్‌ బ్యాటర్‌ను మిడిలార్డర్‌లో ఆడించే ప్రయత్నం చేయాలి’’ అని తమిళనాడుకు చెందిన ఈ మాజీ స్పిన్నర్‌ అభిప్రాయపడ్డాడు. బ్యాటర్లు పరుగులు తీయాలి.. బౌలర్లు వికెట్లు పడగొట్టాలి ఇందుకు బదులుగా ఓ నెటిజన్‌.. ‘‘సాయి బంతితో కూడా జట్టుకు ఉపయోగపడగలడు’’ అని వ్యాఖ్యానించగా.. శివరామకృష్ణన్‌.. ‘‘బ్యాటర్లు పరుగులు సాధించడానికి, బౌలర్లు వికెట్లు తీయడానికి ఉంటారు. జట్టు కష్టాల్లో కూరుకుపోయినపుడు మాత్రమే పార్ట్‌టైమ్‌ బౌలింగ్‌ గురించి ఆలోచించాలి’’ అని సమాధానమిచ్చాడు. కాగా మద్రాస్‌లో జన్మించిన శివరామకృష్ణన్‌ టీమిండియా తరఫున 9 టెస్టులు, 16 వన్డేలు ఆడి ఆయా ఫార్మాట్లలో.. 26, 15 వికెట్లు పడగొట్టాడు. కొన్నాళ్లపాటు కామెంటేటర్‌గా వ్యవహరించిన అతడు.. ప్రస్తుతం తమిళనాడు ప్రీమియర్‌ లీగ్‌ ఆటగాడు జథావేదఘ్‌ సుబ్రమణియన్‌ కోచ్‌గా ఉన్నాడు. ఇదిలా ఉంటే.. కేఎల్‌ రాహుల్‌ సహా జస్‌ప్రీత్‌ బుమ్రా, శ్రేయస్‌ అయ్యర్‌, రిషభ్‌ పంత్‌ తదితర కీలక ఆటగాళ్లు గాయాల కారణంగా గత కొంతకాలంగా జట్టుకు దూరమైన విషయం విదితమే. చదవండి: 18 నెలలు జట్టుకు దూరం.. వచ్చి ఒక్క మ్యాచ్‌ ఆడగానే! జడ్డూ..: గంగూలీ Good news for India. KL Rahul is expected to start the batting practice in a couple of weeks. pic.twitter.com/huZXTN8VLV — Johns. (@CricCrazyJohns) June 28, 2023 People like Sai Sudarshan need to be looked at, Left handed middle order batsman — Laxman Sivaramakrishnan (@LaxmanSivarama1) June 28, 2023

ఐపీఎల్‌ 2023లో మొదలైన సాయి సుదర్శన్‌ (గుజరాత్‌ టైటాన్స్‌) పరుగుల ప్రవాహం, ప్రస్తుతం జరుగుతున్న తమిళనాడు ప్రీమియర్‌ లీగ్‌లో కూడా కొనసాగుతోంది. గడిచిన 10 ఇన్నింగ్స్‌ల్లో 53, 19, 20, 47, 43, 96 (ఐపీఎల్‌ ఫైనల్‌), 86, 90, 64 నాటౌట్‌, 7 పరుగులు చేసిన సాయి.. ఇవాళ (జూన్‌ 25) దిండిగుల్‌ డ్రాగన్స్‌తో జరిగిన మ్యాచ్‌లో సైతం తన భీకర ఫామ్‌ను కొనసాగిస్తూ 41 బంతుల్లో 8 ఫోర్లు, 4 సిక్సర్ల సాయంతో 83 పరుగులు చేశాడు. తద్వారా ఈ మ్యాచ్‌లో తొలుత బ్యాటింగ్‌ చేసిన అతని జట్టు లైకా కోవై కింగ్స్‌ భారీ స్కోర్‌ చేసింది.  ఈ మ్యాచ్‌లో సాయి సుడిగాలి ఇన్నింగ్స్‌ చూశాక కొందరు నెటిజన్లు ఆసక్తికర పోస్ట్‌లు చేస్తున్నారు. త్వరలో జరుగనున్న విండీస్‌ సిరీస్‌లో భారత టీ20 జట్టుకు సాయిని ఎంపిక చేయాలని డిమాండ్‌ చేస్తున్నారు. భారత టీ20 జట్టుకు ఎంపిక కావడానికి ఓ ఆటగాడు ఇంతకంటే ఏం నిరూపించుకోవాలని తమిళ తంబిలు ప్రశ్నిస్తున్నారు. టీ20 జట్టులో చోటు కోసం తీవ్రమైన పోటీ ఉన్నప్పటికీ సాయి ఆల్‌రౌండర్‌ అన్న విషయాన్ని గుర్తు పెట్టుకోవాలని, ఇతని ప్లేయింగ్‌ స్టయిల్‌, కంసిస్టెన్సీ, భారీ షాట్లు ఆడగల సామర్థ్యాన్ని పరిగణలోకి తీసుకొని టీమిండియాకు ఎంపిక చేయాలని కోరుతున్నారు. యశస్వి, రుతురాజ్‌ లాంటి వారికి అవకాశం ఇచ్చారు, వారికంటే సాయి ఏమాత్రం తీసిపోడని కామెంట్స్‌ చేస్తున్నారు.  ఇదిలా ఉంటే, సాయి సుదర్శన్‌కు టీ20లతో పాటు లిస్ట్‌-ఏ, ఫస్ట్‌ క్లాస్‌ క్రికెట్‌లోనూ మెరుగైన రికార్డు ఉంది. 21 ఏళ్ల సాయి సుదర్శన ఇప్పటివరకు 26 టీ20ల్లో 129.75 స్ట్రయిక్‌ రేట్‌లో 859 పరుగులు (5 హాఫ్‌ సెంచరీలు).. 11 లిస్ట్‌-ఏ మ్యాచ్‌ల్లో 60.36 సగటున 664 పరుగులు (3 సెంచరీలు, 2 హాఫ్‌ సెంచరీలు).. 7 ఫస్ట్‌ క్లాస్‌ మ్యాచ్‌లో 47.66 సగటున 572 పరుగులు (2 సెంచరీలు, ఓ హాఫ్‌ సెంచరీ) చేశాడు. 

ఐపీఎల్‌-2023లో దుమ్మురేపిన గుజరాత్‌ టైటాన్స్‌ యువ ఆటగాడు సాయి సుదర్శన్‌.. తమిళనాడు ప్రీమియర్‌ లీగ్‌లో అదే దూకుడును కనబరుస్తున్నాడు. ఈ లీగ్‌లో లైకా కోవై కింగ్స్‌కు ప్రాతినిధ్యం వహిస్తున్న సాయిసుదర్శన్‌ ఆకాశమే హద్దుగా చెలరేగిపోతున్నాడు. తాజాగా దిండిగల్ డ్రాగన్స్‌తో మ్యాచ్‌లో సుదర్శన్‌ మరో అద్భుత హాఫ్‌ సెంచరీతో చెలరేగాడు. ఇది ఈ లీగ్‌లో సాయికి నాలుగో హాఫ్‌ సెంచరీ కావడం గమనార్హం. ఓవరాల్‌గా ఈ మ్యాచ్‌లో 41 బంతులు ఎదుర్కొన్న సుదర్శన్‌ 8 ఫోర్లు, 4 సిక్స్‌లతో 83 పరుగులు చేశాడు. అతడు అద్భుత ఇన్నింగ్స్‌ ఫలితం‍గా లైకా కోవై కింగ్స్‌ నిర్ణీత 20 ఓవర్లలో 5 వికెట్ల నష్టానికి 206 పరుగులు చేసింది. ఓవరాల్‌గా ఈ టోర్నీలో ఇప్పటి వరకు 5 మ్యాచ్‌లు ఆడిన సుదర్శన్‌ 110 సగటుతో 323  పరుగులు చేశాడు. అదే విధంగా ఈ ఏడాది ఐపీఎల్‌లో కూడా సాయి సుదర్శన్‌ కీలక ఇన్నింగ్స్‌లు ఆడాడు.  ఫైనల్‌లో 47 బంతుల్లో 96 పరుగులు చేసి, గుజరాత్ టైటాన్స్‌కి భారీ స్కోరు అందించాడు. ఈ ఏడాది సీజన్‌లో కేవలం 8 మ్యాచ్‌లు మాత్రమే ఆడిన సాయి 50 పైగా సగటుతో 362 పరుగులు సాధించాడు.  ఇక సూపర్‌ ఫామ్‌లో ఉన్న సాయి సుదర్శన్‌ త్వరలో వెస్టిండీస్‌తో జరగనున్న టీ20 సిరీస్‌తో అంతర్జాతీయ అరంగేట్రం చేసే ఛాన్స్‌ ఉంది. చదవండి: World Cup 2023: వన్డే ప్రపంచకప్‌కు సంబంధించి ఐసీసీ కీలక అప్‌డేట్‌

ఈ ఏడాది చివర్లో జరుగనున్న వన్డే వరల్డ్‌కప్‌లో టీమిండియా ఎలా ఉండాలనే దానిపై మాజీ కోచ్‌ రవిశాస్త్రి ఆసక్తికర వ్యాఖ్యలు చేశాడు. టాప్‌-6లో కనీసం ఇద్దరు లెఫ్ట్‌ హ్యాండ్‌ బ్యాటర్లను చూడాలనుకుంటున్నానని అన్నాడు. టీమిండియాలో సీనియర్లను (రైట్‌ హ్యాండ్‌) రీప్లేస్‌ చేసేంత లెఫ్ట్‌ హ్యాండ్‌ టాలెంట్‌ మన వద్ద ఉందని, ఇప్పటి నుంచే వారిలో కొందరిని సాన పెడితే ప్రపంచకప్‌ సమయానికంతా మెరికల్లా తయారవుతారని తెలిపాడు. లెఫ్ట్‌ అండ్‌ రైట్‌ కాంబినేషన్‌తో జట్టు సమతూకంగా మారుతుందని, వరల్డ్‌కప్‌ లాంటి మెగా టోర్నీలో ఈ ఈక్వేషన్‌ ఫాలో అవ్వకపోతే టీమిండియాకు చాలా నష్టం జరుగుతుందని అభిప్రాయపడ్డాడు.  ఓపెనర్లే కానక్కర్లేదు.. వన్డే వరల్డ్‌కప్‌లో భారత జట్టు బ్యాటింగ్‌ టాపార్డర్‌లో కనీసం ఇద్దరు లెఫ్ట్‌ బ్యాటర్లను చూడాలనుకుంటానన్న రవిశాస్త్రి.. ఆ ఇద్దరూ ఓపెనర్లే కానక్కర్లేదని తెలిపాడు. టాప్‌-4లో ఒకరు, టాప్‌-6లో ఇద్దరు అయితే జట్టు సమతూకంగా మారి, ప్రత్యర్ధి బౌలర్లకు ఇబ్బంది అవుతుందని అభిప్రాయపడ్డాడు.  యశస్వి జైస్వాల్‌, తిలక్‌ వర్మ, సాయి సుదర్శన్‌.. యువ లెఫ్ట్‌ హ్యాండ్‌ బ్యాటర్లలో యశస్వి జైస్వాల్‌, తిలక్‌ వర్మ, సాయి సుదర్శన్‌ మంచి టాలెంట్‌ ఉన్న ఆటగాళ్లని.. ఐపీఎల్‌లో వారిదివరకే ప్రూవ్‌ చేసుకున్నారని, వీరికి సీనియర్ల స్థానాలను భర్తీ చేసే సామర్థ్యం ఉందని రవిశాస్త్రి అభిప్రాయపడ్డాడు. వీరే కాక నేహల్‌ వధేరా, రింకూ సింగ్‌ లాంటి ఆటగాళ్లు కూడా లైన్‌లో ఉన్నారని, భవిష్యత్తును దృష్టిలో పెట్టుకుని వీరిని ఇప్పటి నుంచే ప్రిపేర్‌ చేస్తే టీమిండియా బెంచ్‌ స్ట్రెంగ్త్‌ పటిష్టంగా ఉంటుందని అన్నాడు. 

గుజరాత్‌ టైటాన్స్‌ స్టార్‌ ఆటగాడు, చెన్నైకు చెందిన యువ క్రికెటర్‌ సాయి సుదర్శన్‌ తన అద్భుత ఫామ్‌ను కొనసాగిస్తున్నాడు. ప్రస్తుతం తమిళనాడు ప్రీమియర్ లీగ్‌లో లైకా కోవై కింగ్స్‌కు ప్రాతినిధ్యం వహిస్తున్న సాయిసుదర్శన్‌ దుమ్మురేపుతున్నాడు. వరుసగా మూడో హాఫ్‌ సెంచరీ సెంచరీ సాధించాడు. ఈ టోర్నీలో భాగంగా సోమవారం చెపాక్ సూపర్ గిల్లీస్‌తో జరిగిన అర్ధ శతకంతో చెలరేగాడు. ఈ మ్యాచ్‌లో 43 బంతులు ఎదుర్కొన్న సుదర్శన్‌ 9 ఫోర్లు, ఒక సిక్సర్‌తో 64 పరుగులు చేసి ఆజేయంగా నిలిచింది. అతడి అద్భుత ఇన్నింగ్స్‌ ఫలితంగా 127 పరుగుల లక్ష్యాన్ని 16.3 ఓవర్లలోనే కోవై కింగ్స్‌ ఛేదించింది.                           ఓవరాల్‌గా ఈ టోర్నీలో ఇప్పటి వరకు 3 మ్యాచ్‌లు ఆడిన సుదర్శన్‌ 120 సగటుతో 240 పరుగులు చేశాడు. అదే విధంగా ఐపీఎల్‌లో కూడా సుదర్శన్‌ అదరగొట్టాడు. ఐపీఎల్ 2023 సీజన్ ఫైనల్‌లో 47 బంతుల్లో 96 పరుగులు చేసి, గుజరాత్ టైటాన్స్‌కి భారీ స్కోరు అందించాడు. ఈ ఏడాది సీజన్‌లో కేవలం 8 మ్యాచ్‌లు మాత్రమే ఆడిన సాయి 50 పైగా సగటుతో 362 పరుగులు సాధించాడు. టీమిండియాలోకి ఎంట్రీ.. ఇక భీకర ఫామ్‌లో ఉన్న సాయిసుదర్శన్‌ త్వరలోనే టీమిండియాలోకి ఎంట్రీ ఇవ్వనున్నట్లు తెలుస్తోంది. వచ్చే నెలలో వెస్టిండీస్‌తో జరగనున్న టీ20 సిరీస్‌కు సాయిసుదర్శన్‌ను ఎంపిక చేయాలని భారత సెలక్టర్లు భావిస్తున్నట్లు సమాచారం. మరోవైపు విండీస్‌తో టీ20 సిరీస్‌కు భారత కెప్టెన్‌ రోహిత్‌ శర్మకు విశ్రాంతి ఇవ్వనున్నట్లు వార్తలు వినిపిస్తున్నాయి. ఈ క్రమంలో హార్దిక్‌ పాండ్యా మరోసారి జట్టు పగ్గాలు చేపట్టే ఛాన్స్‌ ఉంది. కాబట్టి హార్దిక్‌ కూడా సుదర్శన్‌ వైపు మొగ్గు చూపే ఛాన్స్‌ ఉంది. ఇక సుదర్శన్‌తో పాటు జైశ్వాల్‌, రింకూ సింగ్‌కు కూడా చోటు దక్కనున్నట్లు తెలుస్తోంది. చదవండి: #MSKPrasad: 'ఐపీఎల్‌ వల్ల బీసీసీఐకే నష్టం.. ఆంధ్రా టీమ్‌ లేకపోవడమే నయం'

ఐపీఎల్‌ ముగిసిన కొద్ది రోజులకే ప్రారంభమైన తమిళనాడు ప్రీమియర్‌ లీగ్‌(TNPL2023) అభిమానులను అలరిస్తోంది. లో స్కోరింగ్‌ మ్యాచ్‌లు నమోదైనప్పటికి విజయం కోసం ఆఖరి బంతి వరకు ఎదురుచూడాల్సి వస్తోంది. తాజాగా శుక్రవారం లైకా కోవై కింగ్స్‌, నెల్లయ్‌ రాయల్‌ కింగ్స్‌ మధ్య మ్యాచ్‌ భారీ స్కోర్లు నమోదయ్యాయి. నెల్లయ్‌ రాయల్‌ కింగ్స్‌ బ్యాటర్‌ అజితేశ్‌ గురుస్వామి ఈ సీజన్‌లో తొలి సెంచరీ నమోదు చేశాడు. 60 బంతుల్లోనే ఏడు ఫోర్లు, 8 సిక్సర్లతో 112 పరుగులు చేశాడు. మరోవైపు గుజరాత్‌ టైటాన్స్‌ సంచలనం.. లైకా కోవై కింగ్స్‌ బ్యాటర్‌ సాయి సుదర్శన్‌ 52 బంతుల్లో 90 పరుగులు మెరుపు ఇన్నింగ్స్‌తో ఆకట్టుకున్నాడు. అయితే 10 పరుగుల తేడాతో మరోసారి సెంచరీ చేసే అవకాశాన్ని చేజార్చుకున్నాడు. ఇక మ్యాచ్‌ విషయానికి వస్తే నెల్లయ్‌ రాయల్‌ కింగ్స్‌ నాలుగు వికెట్ల తేడాతో విజయాన్ని అందుకుంది. తొలుత బ్యాటింగ్‌ చేసిన లైకా కోవై కింగ్స్‌ నిర్ణీత 20 ఓవర్లలో ఆరు వికెట్ల నష్టానికి 181 పరుగులు చేసింది. సాయి సుదర్శన్‌ 90, సురేశ్‌ కుమార్‌ 33 పరుగులతో రాణించారు. అనంతరం బ్యాటింగ్‌ చేసిన నెల్లయ్‌ రాయల్‌ కింగ్స్‌ నిర్ణీత 20 ఓవర్లలో ఆరు వికెట్లు కోల్పోయి టార్గెట్‌ను అందుకుంది. అజితేశ్‌ గురుస్వామి (112 పరుగులు) ఒక్కడే జట్టును గెలిపించడం విశేషం. G Ajitesh cracks 1st hundred of #TNPL2023 👏 P.S. Full innings will be up soon on our Youtube channel.#TNPLonFanCode pic.twitter.com/PAB1BjewTc — FanCode (@FanCode) June 16, 2023 చదవండి: బజ్‌బాల్‌ దూకుడు; రూట్‌ సెంచరీ.. తొలి రోజే ఇన్నింగ్స్‌ డిక్లేర్‌

ఐపీఎల్‌ 16వ సీజన్‌లో గుజరాత్‌ టైటాన్స్‌ ప్లేయర్‌ సాయి సుదర్శన్‌ ఒక సంచలనం. ముఖ్యంగా సీఎస్‌కేతో జరిగిన ఐపీఎల్‌ ఫైనల్లో సాయి సుదర్శన్‌ 47 బంతుల్లోనే 96 పరుగుల మెరుపు ఇన్నింగ్స్‌ ఆడాడు. అంతకముందు ముంబై ఇండినయ్స్‌తో జరిగిన క్వాలిఫయర్-2లోనూ 43 పరుగులతో కీలక ఇన్నింగ్స్‌ ఆడాడు. ఈ సీజన్‌లో ఆడే అవకాశం తక్కువగా వచ్చినప్పటికి అందివచ్చిన అవకాశాలను చక్కగా వినియోగించుకున్నాడు సాయి సుదర్శన్‌. ఓవరాల్‌గా ఈ సీజన్‌లో సాయి సుదర్శన్‌ 8 ఇన్నింగ్స్‌లు ఆడి 362 పరుగులు సాధించాడు. ఈ నేపథ్యంలో ప్రస్తుతం తమిళనాడు ప్రీమియర్‌ లీగ్‌(టీఎన్‌ఎపీల్‌ 2023)లో బిజీగా ఉన్న సాయి సుదర్శన్‌ పీటీఐకి ఇంటర్య్వూ ఇచ్చాడు. తన సక్సెస్‌లో సగం క్రెడిట్‌ న్యూజిలాండ్‌ కెప్టెన్‌ కేన్‌ విలియమ్సన్‌దే అని తెలిపాడు. ఇక కేన్‌ విలియమ్సన్‌ ఈ సీజన్‌లో గుజరాత్‌ టైటాన్స్‌కు ప్రాతినిధ్యం వహించాడు. అయితే సీజన్‌లో తొలి మ్యాచ్‌లోనే గాయపడిన కేన్‌ విలియమ్సన్‌ స్వదేశానికి వెళ్లిపోయాడు. ''నా షాట్ల ఎంపికలో కొత్తదనం కనిపిస్తుంటే అది కేన్‌ విలియమ్స్‌న్‌ వల్లే. గాయంతో కేవలం ఒక్క మ్యాచ్‌కు మాత్రమే పరిమితమయి స్వదేశానికి వెళ్లినప్పటికి కేన్‌ మామతో నిత్యం టచ్‌లో ఉన్నా. బ్యాటింగ్‌లో టిప్స్‌తో పాటు కొంత ఫీడ్‌బ్యాక్‌ ఇచ్చేవాడు. అంతేకాదు ఒక గేమ్‌లో ఇన్నింగ్స్‌ డీప్‌గా ఎలా ఆడాలనేదానిపై.. లిమిటేషన్స్‌ లేకుండా ఆటపై పట్టు ఎలా సాధించాలనే దానిపై సూచనలు ఇచ్చాడు. ఐపీఎల్‌ 2023 సీజన్‌ ప్రారంభానికి ముందు ప్రాక్టీస్‌ సమయంలో అతను ఎంపిక చేసుకున్న షాట్స్‌ను గమనించేవాడిని. అతను మూడు ఫార్మాట్లలోనూ ఆడగల సమర్థుడు. అలాంటి ప్లేయర్‌ నుంచి బ్యాటింగ్‌లో బెటర్‌గా ఆడడం ఎలా అని నేర్చుకోవడం నాకు పెద్ద విషయం. ఇక మాథ్యూ వేడ్‌ పాడిల్‌, స్కూప్‌ షాట్స్‌ ఎలా ఆడాలో నేర్పించాడు.'' అంటూ తెలిపాడు. Sai Sudharsan said, "even when Kane Williamson left Gujarat Titans after injury, he was in regular touch with me, providing valuable feedback. He was telling me how to take the game deeper and how to maximise our abilities with our limitations". (To Indian Express). pic.twitter.com/1TjCD0pGqf — Mufaddal Vohra (@mufaddal_vohra) June 14, 2023 చదవండి: కౌంటీల్లో సరికొత్త చరిత్ర.. 501 పరుగుల టార్గెట్‌ను ఊదేశారు 'బూడిద' కోసం 141 ఏళ్లుగా.. 'యాషెస్‌' పదం ఎలా వచ్చిందంటే?

తమిళనాడు ప్రీమియర్‌ లీగ్‌-2023 సీజన్‌ను కోవై కింగ్స్ ఘనంగా ప్రారంభించింది. శ్రీరామకృష్ణ కళాశాల మైదానం వేదికగా ఐడ్రీమ్ తిరుప్పూర్ తమిజన్స్‌తో జరిగిన మ్యాచ్‌లో 70 పరుగుల తేడాతో కోవై కింగ్స్ విజయం సాధించింది. తొలుత బ్యాటింగ్‌ చేసిన కోవై కింగ్స్‌.. 14 పరుగులకే మూడు కీలక వికెట్లు కోల్పోయి కష్టాల్లో పడింది. ఈ క్రమంలో సాయిసుదర్శన్‌ మరో బ్యాటర్‌ ముకిలేష్‌తో కలిసి కింగ్స్‌ ఇన్నింగ్స్‌ను చక్కదిద్దాడు. వీరిద్దరూ నాలుగో వికెట్‌కు 82 పరుగుల భాగస్వామ్యాన్ని నెలకొల్పారు. ముకిలేష్‌ ఔటైనప్పటికీ సాయిసుదర్శన్‌ మాత్రం స్కోర్‌ బోర్డును పరుగులు పెట్టించాడు. బౌండరీలు, సిక్సర్లతో ప్రత్యర్ధి బౌలర్లపై విరుచుకుపడ్డాడు. 45 బంతులు ఎదుర్కొన్న సుదర్శన్‌.. 8 ఫోర్లు, 4 సిక్స్‌లతో 86 పరుగులు చేశాడు. ఇక సుదర్శన్‌ సంచలన ఇన్నింగ్స్‌ ఫలితంగా నిర్ణీత 20 ఓవర్లలో 7 వికెట్ల నష్టానికి 179 పరుగులు చేసింది. అనంతరం 180 పరుగుల లక్ష్యంతో బరిలోకి దిగిన తిరుప్పూర్ తమిజన్స్‌ 109 పరుగులకే కుప్పకూలింది.  కోవై కింగ్స్‌ బౌలర్లలో కెప్టెన్‌ షారుఖ్ ఖాన్ మూడు వికెట్లు పడగొట్టగా.. మహ్మద్‌ రెండు, ముకిలేష్‌, జాతవేద్ సుబ్రమణ్యన్‌ తలా వికెట్‌ సాధించారు. ఇక ఈ ఏడాది ఐపీఎల్‌లో గుజరాత్‌ టైటాన్స్‌ తరపున ఆడిన సాయిసుదర్శన్‌ అద్భుతమైన ప్రదర్శన కనబరిచిన సంగతి తెలిసిందే. సీఎస్‌కేతో జరిగిన ఫైనల్లో 96 పరుగులతో కీలక ఇన్నింగ్స్‌ ఆడాడు. చదవండి: LPL 2023: లంక ప్రీమియర్‌ లీగ్‌ ఆడనున్న సురేష్‌ రైనా.. ధర ఎంతంటే? Fifty for Sai!🤩#TNPL2023🏏#TNPLonstarsports#TNPLonfancode#NammaAatamAarambam💥#NammaOoruNammaGethu💪🏼 pic.twitter.com/Zrh1IrHk1f — TNPL (@TNPremierLeague) June 12, 2023  

IPL 2023 Final CSK Vs GT-  Who Is Sai Sudharsan- His Best Innings: ‘సాయి సుదర్శన్‌ ప్రత్యేకమైన ఆటగాడు. టి20 ఫార్మాట్‌కైతే సరిగ్గా సరిపోతాడు. సాధ్యమైనంత తొందరగా అతడిని తమిళనాడు జట్టులోకి తీసుకు రండి’... భారత స్పిన్నర్‌ రవిచంద్రన్‌ అశ్విన్‌ జూలై, 2021లో చెప్పిన ప్రశంసాపూర్వక మాట ఇది. ఆ ఏడాది తమిళనాడు ప్రీమియర్‌ లీగ్‌లో అతను అద్భుత బ్యాటింగ్‌తో అత్యధిక పరుగుల జాబితాలో రెండో స్థానంలో నిలిచాడు. అశ్విన్‌ మాట విన్నట్లుగా తమిళనాడు సెలక్టర్లు అతడిని జట్టులోకి ఎంపిక చేయగా... నవంబర్, 2021లోనే అతను తన తొలి దేశవాళీ మ్యాచ్‌ ఆడాడు. ఆ తర్వాత గత రెండేళ్లలో అతని ఆట మరింత మెరుగైంది. 21 ఏళ్ల సుదర్శన్‌ మూడు ఫార్మాట్‌లలోనూ సత్తా చాటి ప్రస్తుతం ఆ జట్టులో కీలక ఆటగాడిగా మారాడు.   Photo Credit : AFP చెన్నై తీసుకోలేదు..  తన ప్రదర్శన, గుర్తింపు కారణంగా 2022 ఐపీఎల్‌ వేలంలో తనను చెన్నై జట్టు తీసుకుంటుందని సుదర్శన్‌ ఆశించాడు. కానీ అది జరగలేదు. చివరకు అతని కనీస విలువ రూ. 20 లక్షలకు గుజరాత్‌ టైటాన్స్‌ తీసుకుంది. విజయ్‌శంకర్‌కు గాయం కావడంతో తొలి మ్యాచ్‌ ఆడే అవకాశం రాగా, మొత్తం సీజన్‌లో 5 మ్యాచ్‌లకే పరిమితమయ్యాడు. అయితే అతని మెరుపులు ఆకట్టుకున్నాయి. Photo Credit : AFP విలియమ్సన్‌ తప్పుకోవడంతో ముఖ్యంగా రబడ బౌలింగ్‌లో కొట్టిన హుక్‌షాట్‌ బౌండరీ అతని ఆత్మవిశ్వాసాన్ని చూపించింది. సాయి బ్యాటింగ్‌ను నమ్మిన టీమ్‌ యాజమాన్యం ఈసారి కూడా కొనసాగించింది. ఈ ఏడాది కూడా విలియమ్సన్‌ గాయంతో తప్పుకోవడంతో తనకు అందివచ్చిన అవకాశాన్ని అతను సమర్థంగా వినియోగించుకున్నాడు. ఢిల్లీపై అర్ధసెంచరీ చేసిన మ్యాచ్‌లో నోర్జే వేసిన 144 కిలోమీటర్ల బంతిని వికెట్ల వెనుకవైపు సిక్సర్‌గా మలచడం హైలైట్‌గా నిలిచింది. Photo Credit : AFP సెంచరీ చేజారినా.. కోల్‌కతాపై కూడా మరో అర్ధ సెంచరీ సాధించిన అతను ఈ సీజన్‌లో 51.71 సగటు, 141.41 స్ట్రయిక్‌రేట్‌తో 362 పరుగులు సాధించడం విశేషం. ముంబైతో రెండో క్వాలిఫయర్‌లో చివర్లో వేగంగా పరుగులు చేయలేక ‘రిటైర్డ్‌ అవుట్‌’గా వెళ్లడంతో అతని దూకుడుపై సందేహాలు తలెత్తాయి. అయితే సోమవారం అతను దానిని పటాపంచలు చేశాడు. సెంచరీ చేజారినా...ఐపీఎల్‌లో ఎప్పటికీ గుర్తుంచుకోదగ్గ ఇన్నింగ్స్‌లలో ఒకటి ఆడాడు.   ​​​​​​​Photo Credit : AFP తల్లిదండ్రులు కూడా సుదర్శన్‌ ఇంట్లోనే క్రీడలు ఉన్నాయి. అథ్లెట్‌ అయిన తండ్రి భరద్వాజ్‌ భారత్‌ తరఫున దక్షిణాసియా క్రీడల్లో పాల్గొనగా, తల్లి ఉష జాతీయ వాలీబాల్‌లో తమిళనాడు జట్టుకు ప్రాతినిధ్యం వహించింది. ప్రస్తుతం స్ట్రెంత్‌ అండ్‌ కండిషనింగ్‌ కోచ్‌గా పని చేస్తోంది. వివిధ వయో విభాగాల్లో అద్భుత ప్రదర్శనతో అతను దూసుకొచ్చాడు. ​​​​​​​Photo Credit : AFP తల్లి పర్యవేక్షణలో 2019–20 అండర్‌–19 చాలెంజర్‌ ట్రోఫీలో యశస్వి జైస్వాల్, తిలక్‌వర్మ, రవి బిష్ణోయ్, ప్రియమ్‌ గార్గ్‌ అతని ఇండియా ‘ఎ’ జట్టు సహచరులు. ఆరంభంలోనే ఫిట్‌నెస్‌పై అంతగా దృష్టి పెట్టని సాయి తల్లి పర్యవేక్షణలో పూర్తి ఫిట్‌గా మారడం కూడా అతని కెరీర్‌కు మేలు చేసింది. ​​​​​​​​​​​​​​Photo Credit : AFP చెన్నైపై తన మెరుపు బ్యాటింగ్‌తో 2022లో టైటాన్స్‌ రూ.20 లక్షలకు తీసుకున్న తర్వాత జరిగిన 2023 తమిళనాడు ప్రీమియర్‌ లీగ్‌ వేలంలో సుదర్శన్‌కు రూ. 21.60 లక్షలు దక్కడం విశేషం. సీఎస్‌కేకే చెందిన జూనియర్‌ సూపర్‌ కింగ్స్‌ టీమ్‌ సభ్యుడిగా 2018లో సుదర్శన్‌ ఇంగ్లండ్‌ పర్యటనకు వెళ్లగా, ఆ టీమ్‌కు అంబటి రాయుడు మెంటార్‌గా వ్యవహరించాడు. ఇప్పుడు అదే చెన్నైపై తన మెరుపు బ్యాటింగ్‌తో చెలరేగడం కొసమెరుపు!  ఈ సందర్భంగా రికార్డుల మోత మోగించాడు సాయి సుదర్శన్‌.  –సాక్షి క్రీడా విభాగం    చదవండి: రిటైర్మెంట్‌ ప్రకటనకు ఇదే సరైన సమయం.. కానీ! నా కళ్లల్లో నీళ్లు తిరిగాయి: ధోని చాంపియన్‌గా చెన్నై.. గిల్‌ సరికొత్త చరిత్ర! అవార్డులు, ప్రైజ్‌మనీ పూర్తి వివరాలు ఇవే..  High praise for our young Titan 👏🏻💙 https://t.co/Kep0fr6Pgl — Gujarat Titans (@gujarat_titans) May 29, 2023 Happy Tears 🥹#CHAMPION5 #WhistlePodu #Yellove 🦁pic.twitter.com/jf05fszEDA — Chennai Super Kings (@ChennaiIPL) May 30, 2023

ఐపీఎల్‌ 16వ సీజన్‌లో గుజరాత్‌ టైటాన్స్‌ యంగ్‌ ప్లేయర్‌ సాయి సుదర్శన్‌ సీఎస్‌కేతో జరిగిన ఫైనల్లో గుర్తుండిపోయే ఇన్నింగ్స్‌ ఆడాడు. 47 బంతుల్లోనే 8 ఫోర్లు, ఆరు సిక్సర్లతో 96 పరుగులు చేసి ఔటయ్యాడు. అయితే కేవలం నాలుగు పరుగుల దూరంలో సెంచరీ చేజార్చుకున్నప్పటికి తన మెరుపులతో ఆకట్టుకున్నాడు. Photo: IPL Twitter అయితే సాయి సుదర్శన్‌ తన  ఇన్నింగ్స్‌ను నిధానంగా ఆరంభించినప్పటికి  అసలు సమయంలో తనలోని డేంజరస్‌ బ్యాటర్‌ను వెలికి తీశాడు. సాహా ఔటైన తర్వాత గేర్‌ మార్చిన సాయి సుదర్శన్‌ ఇన్నింగ్స్‌ 17వ ఓవర్‌ వేసిన తుషార్‌ దేశ్‌పాండేకు చుక్కలు చూపించాడు. ఆ ఓవర్లో ఒక సిక్సర్‌ సహా మూడు ఫోర్లు కలిపి 20 పరుగులు పిండుకున్నాడు. 31 బంతుల్లో అర్థసెంచరీ సాధించిన సాయి సుదర్శన్‌.. తర్వాతి 16 బంతుల్లోనే 46 పరుగులు చేయడం విశేషం. ఈ క్రమంలో సాయి సుదర్శన్‌ ఐపీఎల్‌లో పలు రికార్డులు బద్దలు కొట్టాడు. Photo: IPL Twitter ► ఐపీఎల్‌ చరిత్రలో ఫైనల్‌ మ్యాచ్‌లో అత్యధిక స్కోరు నమోదు చేసిన అన్‌క్యాప్‌డ్‌ ప్లేయర్‌గా సాయి సుదర్శన్‌ చరిత్రకెక్కాడు. ఇంతకముందు మనీష్‌ పాండే 2014 ఐపీఎల్‌ ఫైనల్లో కేకేఆర్‌ తరపున పంజాబ్‌ కింగ్స్‌పై 94 పరుగులు చేశాడు. 2012 ఫైనల్లో సీఎస్‌కేపై కేకేఆర్‌ తరపున మన్విందర్‌ బిస్లా 89 పరుగులు చేశాడు. అయితే రజత్‌ పాటిదార్‌(ఆర్‌సీబీ తరపున 112 నాటౌట్‌ వర్సెస్‌ కేకేఆర్‌) సెంచరీ చేసినప్పటికి అది ఫైనల్‌ మ్యాచ్‌ కాదు.. ఎలిమినేటర్‌లో పాటిదార్‌ సెంచరీ చేసిన అన్‌క్యాప్‌డ్‌ ప్లేయర్‌గా నిలిచాడు. అయితే ఫైనల్లో అన్‌క్యాప్‌డ్‌ ప్లేయర్‌గా అత్యధిక పరుగులు చేసిన ఘనతను సాయి సుదర్శన్‌ దక్కించుకున్నాడు. Photo: IPL Twitter ► ఇక ఐపీఎల్‌ ఫైనల్లో అత్యధిక వ్యక్తిగత పరుగులు చేసిన బ్యాటర్‌గా సాయి సుదర్శన్‌ మూడో స్థానంలో నిలిచాడు. ఇంతకముందు షేన్‌ వాట్సన్‌ 117 పరుగులు నాటౌట్‌(2018లో ఎస్‌ఆర్‌హెచ్‌తో ఫైనల్లో) తొలి స్థానంలో, రెండో స్థానంలో సీఎస్‌కే తరపున వృద్ధిమాన్‌ సాహా 115 పరుగులు పంజాబ్‌ కింగ్స్‌ తరపున, 2014లో కేకేఆర్‌పై ఫైనల్లో, మురళీ విజయ్‌ 95 పరుగులు(సీఎస్‌కే), మనీష్‌ పాండే(94 పరుగులు, కేకేఆర్‌) నాలుగు, ఐదు స్థానాల్లో ఉన్నారు. ► ఐపీఎల్‌ ఫైనల్లో 50 ప్లస్‌ స్కోరు చేసిన రెండో యంగెస్ట్‌ బ్యాటర్‌గా సాయి సుదర్శన్‌ నిలిచాడు. ఇవాళ సీఎస్‌కేతో ఫైనల్లో (47 బంతుల్లో 96 పరుగులు) 21 ఏళ్ల 226 రోజుల వయసులో సుదర్శన్‌ ఈ ఫీట్‌ సాధించాడు. తొలి స్థానంలో మనన్‌ వోహ్రా 2014లో 20 ఏళ్ల 318 రోజుల వయసులో; శుబ్‌మన్‌ గిల్‌  22 ఏళ్ల 37 రోజుల వయసులో(2021లో సీఎస్‌కేతో జరిగిన ఫైనల్లో కేకేఆర్‌ తరపున) మూడో స్థానంలో, రిషబ్‌ పంత్‌ 23 ఏళ్ల 37 రోజుల వయసులో(2020లో ముంబై ఇండియన్స్‌తో ఫైనల్లో ఢిల్లీ క్యాపిటల్స్‌ తరపున) నాలుగో స్థానంలో ఉన్నాడు.   Sai Sudharsan masterclass in the IPL 2023 Final. pic.twitter.com/SiRywPhOqz — Mufaddal Vohra (@mufaddal_vohra) May 29, 2023 చదవండి:  శుబ్‌మన్‌ గిల్‌ చరిత్ర.. టీమిండియా తరపున రెండో బ్యాటర్‌గా

ఐపీఎల్‌ 16వ సీజన్‌లో ముంబై ఇండియన్స్‌తో జరిగిన క్వాలిఫయర్‌-2 మ్యాచ్‌లో గుజరాత్‌ టైటాన్స్‌ బ్యాటర్‌ సాయి సుదర్శన్‌ రిటైర్డ్‌ ఔట్‌గా వెనుదిరగడం ఆసక్తి కలిగించింది. గుజరాత్‌ ఇన్నింగ్స్‌ సమయంలో 31 బంతుల్లో 43 పరుగులు చేసిన సాయి సుదర్శన్‌ స్కోరును పెంచేందుకు వేరే బ్యాటర్‌కు అవకాశం ఇ‍వ్వాలని తనంతట తానే రిటౌర్డ్‌ ఔట్‌గా వెనుదిరిగాడు. కాగా ఐపీఎల్‌ చరిత్రలో రిటైర్డ్‌ ఔట్‌గా వెనుదిరిగిన మూడో ఆటగాడిగా.. ఐపీఎల్‌ ప్లేఆఫ్స్‌లో రిటైర్డ్‌ ఔట్‌గా వెనుదిరిగిన తొలి బ్యాటర్‌గా సాయి సుదర్శన్‌ చరిత్రకెక్కాడు. Photo: IPL Twitter రిటైర్డ్‌ ఔట్‌ అంటే ఏంటి?  రిటైర్డ్‌ ఔట్‌ అంటే అంపైర్‌ అనుమతి లేకుండానే పెవిలియన్‌కు వెళ్లిపోవచ్చు.. అయితే తిరిగి బ్యాటింగ్‌ చేసే అవకాశం మాత్రం ఉండదు. అదే రిటైర్డ్‌ హర్ట్‌(గాయపడిన సమయంలో) అయితే సదరు బ్యాట్స్‌మన్‌ మళ్లీ బ్యాటింగ్‌కు వచ్చే అవకాశం ఉంటుంది. అది కూడా చివరి బ్యాట్స్‌మన్‌గా క్రీజులోకి రావడానికి మాత్రమే అవకాశం ఉంటుంది. రిటైర్డ్‌ ఔట్‌ అయితే మాత్రం మళ్లీ బ్యాటింగ్‌ చేసే అవకాశం రాదు. ఈ రెండింటి మధ్య ఇదే ప్రధాన వ్యత్యాసం. Photo: IPL Twitter ఇంతకముందు ఇదే సీజన్‌లో ఢిల్లీ క్యాపిటల్స్‌తో మ్యాచ్‌లో పంజాబ్‌ కింగ్స్‌ బ్యాటర్‌ అథర్వ టైడే 42 బంతుల్లో 55 పరుగులు చేసి రిటైర్డ్‌ ఔట్‌గా వెనుదిరిగాడు. జితేశ్‌ శర్మ, షారుక్‌ ఖాన్‌, సామ్‌ కరన్‌ లాంటి హిట్టర్లకు బ్యాటింగ్‌ ఇవ్వాలనే ఉద్దేశంతో అథర్వ తనంతట తాను రిటైర్డ్‌ ఔట్‌ అయ్యాడు. కాగా ఐపీఎల్‌ చరిత్రలో రిటైర్డ్‌ ఔట్‌ అయిన తొలి ఆటగాడు రాజస్తాన్‌రాయల్స్‌ స్పిన్నర్‌ రవిచంద్రన్‌ అశ్విన్‌.  ఐపీఎల్‌ 2022లో భాగంగా లక్నో సూపర్‌ జెయింట్స్‌తో మ్యాచ్‌లో అశ్విన్‌ రిటైర్డ్‌ఔట్‌గా వెనుదిరిగాడు. 23 బంతుల్లో 28 పరుగుల వద్ద ఉన్నప్పుడు అశ్విన్‌ అనూహ్యంగా రిటైర్డ్‌ ఔట్‌ అయ్యాడు. రియాన్‌ పరాగ్‌కు అవకాశం ఇవ్వడం కోసం అశ్విన్‌ ఈ నిర్ణయం తీసుకున్నాడు. Photo: IPL Twitter కాగా టి20 క్రికెట్‌లో రిటైర్డ్‌ ఔట్‌ అయిన ఆరో బ్యాటర్‌గా సాయి సుదర్శన్‌ నిలిచాడు. ఇంతకముందు ఐపీఎల్‌లో అశ్విన్‌, అథఱ్వ టైడేలతో పాటు పాకిస్తాన్‌ మాజీ ఆటగాడు షాహిద్‌ అఫ్రిది, బుటాన్‌కు చెందిన ఎస్‌ తోగ్బే, కుమిల్లా వారియర్స్‌కు చెందిన సంజాముల్‌ ఇస్లామ్‌లు రిటైర్డ్‌ ఔట్‌గా వెనుదిరిగారు.

IPL 2023- Impact Player- ముంబై: గత సీజన్లతో పోలిస్తే ఐపీఎల్‌–2023 మరింత ఆసక్తికరంగా సాగుతోందని భారత మాజీ క్రికెటర్, సెలక్షన్‌ కమిటీ మాజీ చైర్మన్‌ ఎమ్మెస్కే ప్రసాద్‌ అభిప్రాయపడ్డారు. అన్నింటికంటే ముఖ్యంగా లీగ్‌లో భారత యువ ఆటగాళ్లు సత్తా చాటడం మంచి పరిణామమని ఆయన అన్నారు. ఎమ్మెస్కే ఈ ఐపీఎల్‌ సీజన్‌లో స్టార్‌ స్పోర్ట్స్‌–తెలుగు చానల్‌లో వ్యాఖ్యాతగా వ్యవహరిస్తున్నారు. ‘స్టార్‌’ కార్యక్రమంలో ఆయన తాజా సీజన్‌ గురించి తన అభిప్రాయాలు వెల్లడించారు. ‘సగం టోర్నమెంట్‌ ముగిసేసరికే ఈ ఐపీఎల్‌ గత సీజన్‌ల రికార్డులను అధిగమించింది. 200కు పైగా స్కోర్లు పెద్ద సంఖ్యలో నమోదు కాగా, సిక్సర్ల సంఖ్య కూడా చాలా ఎక్కువ. ఇది లీగ్‌ ఎంతగా విజయవంతం అయిందో చూపిస్తోంది’ అని ప్రసాద్‌ అన్నారు. సానుకూలమే.. అందుకే ఇలా కొత్తగా తీసుకొచ్చిన ఇంపాక్ట్‌ ప్లేయర్‌ అంశం మంచి ప్రభావం చూపిస్తోందని ప్రసామద్‌ చెప్పారు. ‘ఇంపాక్ట్‌ ప్లేయర్‌ వల్ల ఈ సీజన్‌లో ఐపీఎల్‌ టీమ్‌ హోమ్‌ అడ్వాంటేజ్‌ పోయింది. ప్రత్యర్థి జట్టు వ్యూహాన్ని మార్చుకునే అవకాశం కలుగుతోంది. అందుకే చాలా మ్యాచ్‌లలో సొంత మైదానాల్లో జట్లు ఓడిపోతున్నాయి’ అని ఎమ్మెస్కే విశ్లేషించారు. యువ ఆటగాళ్లు అదుర్స్‌ ప్రధానంగా భారత యువ ఆటగాళ్లు మంచి ప్రదర్శనలు ఇవ్వడం చెప్పుకోదగ్గ అంశమని ఈ భారత మాజీ వికెట్‌ కీపర్‌ వ్యాఖ్యానించారు. ‘ఇది భారత క్రికెట్‌కు మేలు చేసే అంశం. తిలక్‌వర్మ, సాయిసుదర్శన్, రింకూ సింగ్, యశస్వి, ధ్రువ్‌ జురేల్‌ తమ ఆటతో జట్టు విజయాల్లో కీలక పాత్ర పోషించడం సానుకూలాంశం.’ అని ప్రసాద్‌ పేర్కొన్నారు.  ఇదిలా ఉంటే.. ఇప్పటికే చాలా జట్లు ఇంపాక్ట్‌ ప్లేయర్‌ రూల్‌ను సద్వినియోగం చేసుకున్న విషయం తెలిసిందే. లక్నో సూపర్‌ జెయింట్స్‌, ఆర్సీబీ మధ్య సోమవారం నాటి మ్యాచ్‌లో లక్నో ఆయుష్‌ బదోనిని, బెంగళూరు హర్షల్‌ పటేల్‌ను ఇంపాక్ట్‌ ప్లేయర్లుగా దింపాయి.  చదవండి: పో నేనేం సారీ చెప్పను.. కోహ్లిపై నవీన్‌ సీరియస్‌!? మరీ ఇంత తలపొగరా? వీడియో వైరల్‌

గుజరాత్‌ టైటాన్స్‌తో మ్యాచ్‌లో ఢిల్లీ క్యాపిటల్స్‌ ఆల్‌రౌండర్‌ అక్షర్‌ పటేల్‌ అద్భుతంగా రాణించాడు. టాపార్డర్‌లో కెప్టెన్‌ డేవిడ్‌ వార్నర్‌ (37), సర్ఫరాజ్‌ ఖాన్‌(30) మినహా మిగతా వాళ్లు విఫలమైన వేళ అక్షర్‌ బ్యాట్‌ ఝులిపించాడు. ఈ స్పిన్‌ ఆల్‌రౌండర్‌ 22 బంతుల్లో 2 ఫోర్లు, 3 సిక్సర్లతో 36 పరుగులు సాధించాడు. ఈ క్రమంలో టాస్‌ ఓడి తొలుత బ్యాటింగ్‌కు దిగిన ఢిల్లీ నిర్ణీత 20 ఓవర్లలో 8 వికెట్లు నష్టపోయి 162 పరుగులు చేయగలిగింది. కానీ లక్ష్య ఛేదనకు దిగిన గుజరాత్‌ టైటాన్స్‌ను సాయి సుదర్శన్‌(62), డేవిడ్‌ మిల్లర్‌ (31) ఆఖరి వరకు అజేయంగా నిలిచి విజయతీరాలకు చేర్చారు. దీంతో సొంతగడ్డపై ఆడిన తొలి మ్యాచ్లో ఢిల్లీ ఆరు వికెట్ల తేడాతో ఓటమి పాలైంది. ఐపీఎల్‌-2023లో వరుసగా రెండో పరాజయం నమోదు చేసింది. ఇదిలా ఉంటే.. గుజరాత్‌తో మ్యాచ్‌లో అక్షర్‌ చేతికి వార్నర్‌ బంతినివ్వకపోవడం చర్చనీయాంశమైంది.  అందుకే అక్షర్‌ చేతికి బంతినివ్వలేదు.. అతడు మ్యాచ్‌ లాగేసుకున్నాడు ఈ నేపథ్యంలో మ్యాచ్‌ అనంతరం మాట్లాడిన ఢిల్లీ కెప్టెన్‌ వార్నర్‌ భాయ్‌.. తన నిర్ణయానికి గల కారణాన్ని వెల్లడించాడు. ‘‘మ్యాచ్‌ ఆరంభంలోనే గుజరాత్‌ సీమర్లను చూసి నేను ఆశ్చర్యపోయాననుకోకండి. నిజానికి ఊహించిన దానికంటే బంతి మరింత ఎక్కువగా స్వింగ్‌ అయింది. పరిస్థితులకు అనుగుణంగా ఎలా బౌలింగ్‌ చేయాలో వాళ్లు(గుజరాత్‌) చూపించారు. ఇంకా ఇక్కడ మరో ఆరు మ్యాచ్‌లు ఆడాల్సి ఉంది. ఆరంభ ఓవర్లలో బంతి ఇలాగే స్వింగ్‌ అయ్యే అవకాశం ఉంది. నిజానికి ఆఖరి వరకు మేము గెలుస్తామనే నమ్మకం ఉండింది. అయితే, సాయి అద్బుత బ్యాటింగ్‌తో మ్యాచ్‌ను మా నుంచి లాగేసుకున్నాడు. ఇక మిల్లర్‌ గురించి చెప్పేదేముంది. అతడు ఏం చేయగలడో అదే చేశాడు. నిజానికి డ్యూ(తేమ) ఎక్కువగా ఉంది. ఇలాంటి చోట 180-190 వరకు స్కోర్‌ చేస్తేనే మ్యాచ్‌ను కాపాడుకోగలం. అంతేగానీ అతడికి(అక్షర్‌ను ఉద్దేశించి) బౌలింగ్‌ ఇవ్వకపోవడం వల్ల కాదు’’ అని వార్నర్‌ తెలిపాడు. సీమర్లకు అనుకూలించే వికెట్‌పై స్పిన్‌ ఆల్‌రౌండర్‌ అక్షర్‌ పటేల్‌ చేతికి బంతినివ్వలేదని పరోక్షంగా చెప్పుకొచ్చాడు. ఇక ఈ మ్యాచ్‌లో 3 ఓవర్లు బౌలింగ్‌ చేసిన ఢిల్లీ చైనామన్‌ స్పిన్నర్‌ కుల్దీప్‌ యాదవ్‌ 18 పరుగులు ఇచ్చాడు.  చదవండి: IPL 2023: చెత్తగా ఆడుతున్నాడు.. వాళ్లను చూసి నేర్చుకో! సెహ్వాగ్‌ ఘాటు విమర్శలు DC Vs GT: రానున్న రెండేళ్లలో ఫ్రాంఛైజ్‌ క్రికెట్‌తో పాటు టీమిండియాలో కూడా! Double delight for @gujarat_titans 🙌🙌 They win their second consecutive game of #TATAIPL 2023 and move to the top of the Points Table. Scorecard - https://t.co/tcVIlEJ3bC#DCvGT pic.twitter.com/WTZbIZTQmm — IndianPremierLeague (@IPL) April 4, 2023

IPL 2023- Hardik Pandya- Sai Sudharsan: ‘‘మ్యాచ్‌ ఆరంభంలో అసలేం జరుగుతుందో అర్థం కాలేదు. పవర్‌ప్లేలో అదనంగా 15 -20 పరుగులు ఎక్కువే ఇచ్చాం. అయితే, ఆ తర్వాత మా బౌలర్లు పుంజుకున్న తీరు అద్భుతం. నాయకుడిగా మైదానంలో నేను తీసుకునే నిర్ణయాలు సరైనవేనని నా మనసు చెబుతుంది.  ఎందుకంటే ఆత్మవిశ్వాసం ఉంటేనే ధైర్యంగా ముందడుగు వేయగలం. మా జట్టు సభ్యులకు ఆటను పూర్తిగా ఆస్వాదించమని మాత్రమే చెబుతా. స్వేచ్ఛగా ఆడినప్పుడే అనుకున్న ఫలితాలు రాబట్టగలం. ఈ రోజు సాయి సుదర్శన్‌ అత్యద్భుతంగా బ్యాటింగ్‌ చేశాడు. గత 15 రోజులుగా నెట్స్‌లో తీవ్రంగా శ్రమించిన అతడి అంకితభావానికి నేటి మ్యాచ్‌ రూపంలో మంచి ఫలితం దక్కింది. రానున్న రెండేళ్లకాలంలో ఫ్రాంఛైజీ క్రికెట్‌ ఇంకా టీమిండియాలో కూడా సాయి సుదర్శన్‌ తన ప్రతిభతో కీలక ప్లేయర్‌గా ఎదుగుతాడనే నమ్మకం ఉంది. నిజానికి ఈ గెలుపులో సాయితో పాటు మా సహాయక సిబ్బందికి కూడా క్రెడిట్‌ ఇవ్వాల్సి ఉంటుంది’’ అని గుజరాత్‌ టైటాన్స్‌ కెప్టెన్‌ హార్దిక్‌ పాండ్యా అన్నాడు. సాయిపై ప్రశంసల జల్లు ఢిల్లీ క్యాపిటల్స్‌తో మంగళవారం నాటి మ్యాచ్‌లో గుజరాత్‌ గెలుపులో కీలక పాత్ర పోషించిన సాయి సుదర్శన్‌పై ప్రశంసలు కురిపించాడు. కాగా చెన్నై సూపర్‌ కింగ్స్‌పై గెలుపుతో ఐపీఎల్‌-2023 సీజన్‌ను ఆరంభించిన హార్దిక్‌ సేన.. ఢిల్లీ వేదికగా రెండో విజయం నమోదు చేసింది. అరుణ్‌ జైట్లీ స్టేడియంలో వార్నర్‌ బృందంతో జరిగిన మ్యాచ్‌లో 6 వికెట్ల తేడాతో గెలుపొందింది. ప్లేయర్‌ ఆఫ్‌ ది మ్యాచ్‌ సాయి  ఈ మ్యాచ్‌లో తమిళనాడుకు చెందిన 21 ఏళ్ల సాయి సుదర్శన్‌ అద్భుత ప్రదర్శన కనబరిచాడు. ఈ వన్‌డౌన్‌ బ్యాటర్‌ మొత్తంగా 48 బంతులు ఎదుర్కొని 4 ఫోర్లు, రెండు సిక్సర్ల సాయంతో 62 పరుగులతో ఆఖరి వరకు అజేయంగా నిలిచాడు. ఛేజింగ్‌లో ఆరంభంలోనే తడబడిన గుజరాత్‌ టైటాన్స్‌ను మిల్లర్‌తో కలిసి గెలుపు తీరాలకు చేర్చి ప్లేయర్‌ ఆఫ్‌ ది మ్యాచ్‌గా నిలిచాడు. ఈ క్రమంలో మ్యాచ్‌ అనంతరం హార్దిక్‌ పాండ్యా మాట్లాడుతూ సాయి సుదర్శన్‌పై ఈ మేరకు ప్రశంసలు కురిపించాడు. ఐపీఎల్‌-2023: ఢిల్లీ క్యాపిటల్స్‌ వర్సెస్‌ గుజరాత్‌ టైటాన్స్‌ మ్యాచ్‌ స్కోర్లు: టాస్‌- గుజరాత్‌ టైటాన్స్‌- బౌలింగ్‌ ఢిల్లీ- 162/8 (20) గుజరాత్‌- 163/4 (18.1). చదవండి: ఐపీఎల్‌తో పాటు డబ్ల్యూటీసీ ఫైనల్‌కు దూరం! వరల్డ్‌కప్‌ టోర్నీకి కూడా   Chasing with conviction! 💙⚡️#DCvGT | #AavaDe | #TATAIPL 2023pic.twitter.com/kFgqRVFcu0 — Gujarat Titans (@gujarat_titans) April 4, 2023

TNPL 2023 Auction: ఐపీఎల్‌లో డిఫెండింగ్‌ ఛాంపియన్స్‌ గుజరాత్‌ టైటాన్స్‌కు ప్రాతినిధ్యం వహిస్తున్న తమిళనాడు ఆల్‌రౌండర్‌ సాయి సుదర్శన్‌ తమిళనాడు ప్రీమియర్‌ లీగ్‌ (TNPL 2023) వేలంలో జాక్‌పాట్‌ కొట్టాడు. మహాబలిపురంలో జరుగుతున్న లీగ్‌ తొలి వేలంలో సాయి సుదర్శన్‌ను లైకా కోవై కింగ్స్‌ 21.6 లక్షల రికార్డు ధరకు సొంతం చేసుకుంది. కోవై కింగ్స్‌ మొత్తం పర్స్‌ విలువ 70 లక్షలైతే.. ఒక్క సాయి సుదర్శన్‌పైనే ఆ జట్టు మూడో వంతు వెచ్చించడం చర్చనీయాంశంగా మారింది. ఇక్కడ మరో ఆసక్తికర విశేషమేమింటంటే.. TNPLలో సాయి సుదర్శన్‌కు లభించే మొత్తం, ఐపీఎల్‌లో అతనికి లభించే మొత్తం కంటే అధికంగా ఉండటం. సాయి సుదర్శన్‌ను 2022 ఐపీఎల్‌ వేలంలో గుజరాత్‌  టైటాన్స్‌ బేస్‌ ప్రైజ్‌ 20 లక్షలకు సొంతం చేసుకుంది. TNPL వేలంలో అత్యంత ఖరీదైన ఆటగాడిగా రికార్డు నెలకొల్పిన సాయి సుదర్శన్‌.. 2022 ఐపీఎల్‌లో ఆకట్టుకున్నాడు. ఈ ప్రదర్శన కారణంగానే అతని కొరకు ఫ్రాంచైజీలు ఎగబడ్డాయి. గత ఐపీఎల్‌ సీజన్‌లో 5 మ్యాచ్‌లు ఆడిన సాయి.. 36.25 సగటున, 127.19 స్ట్రయిక్‌ రేట్‌తో ఓ హాఫ్‌ సెంచరీ (పంజాబ్‌ కింగ్స్‌పై 65*) సాయంతో 145 పరుగులు చేశాడు. రైట్‌ ఆర్మ్‌ లెగ్‌ బ్రేక్‌ బౌలర్‌ కూడా అయిన సాయి.. దేశవాలీ సీజన్‌లోనూ అద్భుతంగా రాణిస్తున్నాడు.  ఇదిలా ఉంటే, ఇవాళ (ఫిబ్రవరి 23), రేపు జరిగే TNPL వేలంలో మొత్తం 942 మంది ఆటగాళ్లు (తమిళనాడుకు చెందిన వారు) తమ అదృష్టాన్ని పరీక్షించుకోనున్నారు. ఈ వేలంలో టీమిండియా స్టార్‌ క్రికెటర్లు దినేశ్‌ కార్తీక్‌, వాషింగ్టన్‌ సుందర్‌, టి నటరాజన్‌, వరుణ్‌ చక్రవర్తి, విజయ్‌ శంకర్‌ తదతరులు పాల్గొంటుండగా.. పెద్ద పేర్లలో రిటెన్షన్‌ చేసుకున్న ఏకైక ఆటగాడిగా రవిచంద్రన్‌ అశ్విన్‌ నిలిచాడు. దిండిగుల్‌ డ్రాగన్స్‌ ఫ్రాంచైజీ యాశ్‌ను 60 లక్షలకు రిటైన్‌ చేసుకుంది. వేలం ప్రారంభమైన కొద్ది నిమిషాల్లోనే ఐ డ్రీమ్‌ తిరుపూర్‌ తమిజాన్స్‌.. టీమిండియా ఆల్‌రౌండర్‌, త్రీడీ ప్లేయర్‌ విజయ్‌ శంకర్‌ను 10.25 లక్షల రికార్డు ధరకు సొంతం చేసుకోగా.. ప్రస్తుత భారత పరిమిత ఓవర్ల జట్టు సభ్యుడు వాషింగ్టన్‌ సుందర్‌ను మధురై పాంథర్స్‌ 6.75 లక్షలకు , మిస్టరీ స్పిన్నర్‌ వరుణ్‌ చక్రవర్తిని దిండిగుల్‌ డ్రాగన్స్‌ 6.75 లక్షలకు, సంజయ్‌ యాదవ్‌ను చెపాక్‌ సూపర్‌ గిల్లీస్‌ 17.6 లక్షలకు, ఆల్‌రౌండర్‌ సోనూ యాదవ్‌ను నెల్లై రాయల్‌ కింగ్స్‌ 15.2 లక్షలకు, గుజరాత్‌ టైటాన్స్‌ ప్లేయర్‌ సాయి కిషోర్‌ను తిరుపూర్‌ తమిజాన్స్‌ 13 లక్షలకు సొంతం చేసుకున్నాయి.  

Ranji Trophy 2022-23 - Tamil Nadu vs Andhra- కోయంబత్తూరు: రంజీ ట్రోఫీలో భాగంగా ఆంధ్రతో మ్యాచ్‌లో ఓపెనర్‌ సాయి సుదర్శన్‌ సెంచరీతో మెరిశాడు. 180 బంతుల్లో 10 ఫోర్ల సాయంతో 113 పరుగులు చేశాడు. ఇక వన్‌డౌన్‌ బ్యాటర్‌ బాబా అపరాజిత్‌ (88; 7 ఫోర్లు, 2 సిక్స్‌లు) కూడా మెరుగైన ప్రదర్శన కనబరిచాడు. వీరిద్దరి అద్భుత ఇన్నింగ్స్‌ కారణంగా పటిష్ట స్థితిలో నిలిచింది. గురువారం నాటి మూడో రోజు ఆట ఫస్ట్‌ సెషన్‌ సమయానికి 6 వికెట్లు కోల్పోయిన తమిళనాడు.. 336 పరుగులు చేసింది. ఆంధ్ర జట్టు కంటే 39 పరుగుల ఆధిక్యంలో నిలిచింది. కాగా రంజీ ట్రోఫీ ఎలైట్‌ గ్రూప్‌ ‘బి’ లీగ్‌ మ్యాచ్‌లో భాగంగా తమిళనాడు- ఆంధ్ర జట్ల మధ్య డిసెంబరు 20న టెస్టు ఆరంభమైంది. ఈ క్రమంలో టాస్‌ గెలిచి తొలుత బ్యాటింగ్‌ ఎంచుకున్న ఆంధ్ర.. 297 పరుగుల వద్ద తమ తొలి ఇన్నింగ్స్‌ ముగించింది. అభిషేక్‌ రెడ్డి 85 పరుగులతో టాప్‌ స్కోరర్‌గా నిలవగా.. రికీ భుయ్‌ 68, కరణ్‌ షిండే 55 పరుగులు చేశారు. వాషీ ప్రభావం చూపలేకపోయాడు తమిళనాడు బౌలర్లలో విఘ్నేశ్‌కు రెండు, వారియర్‌కు మూడు, సాయి కిషోర్‌కు మూడు, అజిత్‌ రామ్‌, విజయ్‌ శంకర్‌కు తలా ఒక వికెట్‌ దక్కాయి. ఆల్‌రౌండర్‌ వాషింగ్టన్‌ సుందర్‌ పెద్దగా ప్రభావం చూపలేకపోయాడు. ఒక్క వికెట్‌ కూడా తీయని వాషీ.. బ్యాటింగ్‌లోనూ నిరాశపరిచాడు. 13 పరుగులు చేసి రనౌట్‌గా వెనుదిరిగాడు. కాగా సాయి సుదర్శన్‌ ఐపీఎల్‌లో గుజరాత్‌ టైటాన్స్‌కు ప్రాతినిథ్యం వహిస్తున్న విషయం తెలిసిందే. ఈ నేపథ్యంలో సాయి ప్రదర్శనను కొనియాడుతూ టైటాన్స్‌ ట్వీట్‌ చేసింది. చదవండి: Tymal Mills: రెండున్నరేళ్ల కూతురికి స్ట్రోక్‌.. లీగ్‌ నుంచి వైదొలిగిన క్రికెటర్‌

Vijay Hazare Trophy 2022-  Narayan Jagadeesan: దేశవాళీ వన్డే టోర్నమెంట్‌ విజయ్‌ హజారే ట్రోఫీ-2022లో తమిళనాడు సంచలన విజయం సాధించింది. అరుణాచల్‌ ప్రదేశ్‌తో సోమవారం తలపడ్డ తమిళనాడు జట్టు ఏకంగా 435 పరుగుల తేడాతో గెలుపొందింది. తద్వారా లిస్ట్‌ ‘ఏ’ క్రికెట్‌(పరిమిత ఓవర్లు)లో అత్యంత భారీ తేడాతో గెలిచిన జట్టుగా చరిత్ర సృష్టించింది.  ఎలైట్‌ గ్రూప్‌- సీలో ఉన్న తమిళనాడు బెంగళూరులోని చిన్నస్వామి స్టేడియం వేదికగా అరుణాచల్‌ ప్రదేశ్‌తో మ్యాచ్‌ ఆడింది. టాస్‌ గెలిచి తొలుత బౌలింగ్‌ ఎంచుకున్న అరుణాచల్‌ జట్టుకు తమిళనాడు ఓపెనర్లు సాయి సుదర్శన్‌, నారయణ్‌ జగదీశన్‌ చుక్కలు చూపించారు. బౌండరీలు, సిక్సర్ల వర్షం సాయి 102 బంతుల్లో 19 ఫోర్లు, 2 సిక్స్‌లతో 154 పరుగులు సాధించగా.. వికెట్‌ కీపర్‌ బ్యాటర్‌ జగదీశన్‌ ఆకాశమే హద్దుగా చెలరేగాడు. 141 బంతుల్లో 25 ఫోర్లు, 15 సిక్సర్ల సాయంతో డబుల్‌ సెంచరీ చేశాడు. 277 పరుగులతో రాణించి జట్టు 506 పరుగుల భారీ స్కోరు చేయడంలో కీలక పాత్ర పోషించాడు. చెలరేగిన సిద్ధార్థ కొండంత లక్ష్యంతో బరిలోకి దిగిన అరుణాచల్‌ ప్రదేశ్‌కు ఆదిలోనే షాకిచ్చారు తమిళనాడు బౌలర్లు. ఓపెనర్లు నీలమ్‌ ఓబి(4), రోషన్‌ శర్మ(2)ను సిలంబరసన్‌ ఆరంభంలోనే పెవిలియన్‌కు పంపాడు. ఇక తర్వాత సాయి కిషోర్‌(ఒక వికెట్‌), సిద్దార్థ్‌(7.4 ఓవర్లలో 12 మాత్రమే పరుగులు ఇచ్చి 5 వికెట్లు), మహ్మద్‌(2 వికెట్లు) మిగతా బ్యాటర్ల పనిపట్టారు. 71 పరుగులకే కుప్పకూలిన అరుణాచల్‌ తమిళనాడు బౌలర్ల విజృంభణతో అరుణాచల్‌ ప్రదేశ్‌ ఆటగాళ్లు పెవిలియన్‌కు క్యూ కట్టారు. దారుణ వైఫల్యం మూటగట్టుకున్నారు. వరుసగా 4, 2, 11, 14, 17, 0, 6, 3(నాటౌట్‌), 0,0,0 స్కోర్లు నమోదు చేశారు. దీంతో 28. 4 ఓవర్లలో కేవలం 71 పరుగులు మాత్రమే చేసి అరుణాచల్‌ జట్టు ఆలౌట్‌ అయింది. 435 పరుగుల తేడాతో బాబా అపరాజిత్‌ బృందం జయభేరి మోగించింది. ఆల్‌రౌండ్‌ ప్రదర్శనతో.. సమిష్టి కృషితో సంచలన విజయం అందుకుంది. చదవండి: Narayan Jagadeesan: 38 బంతుల్లోనే సెంచరీ.. పలు ప్రపంచ రికార్డులు బద్ధలు క్రీడల చరిత్రలో క్రికెట్‌, ఫుట్‌బాల్‌ ప్రపంచ కప్‌లు ఆడిన ఆసీస్‌ ప్లేయర్‌ ఎవరో తెలుసా..? #Jagadeesan (277) misses out on triple hundred. Gets a big ovation from teammates after world record List A score. @sportstarweb #VijayHazareTrophy2022 pic.twitter.com/s8CKYgUXsc — Ashwin Achal (@AshwinAchal) November 21, 2022

ఐపీఎల్‌-2022లో భాగంగా శుక్రవారం ముంబై ఇండియన్స్‌తో జరిగిన మ్యాచ్‌లో గుజరాత్‌ టైటాన్స్‌ యువ ఆటగాడు సాయి సుదర్శన్‌ను దురదృష్టం వెంటాడింది. ఈ మ్యాచ్‌లో  సాయి సుదర్శన్ అనూహ్యంగా హిట్‌ వికెట్‌గా వెనుదిరిగాడు. గుజరాత్‌ ఇన్నింగ్స్‌ 16 ఓవర్‌లో కీరన్ పొలార్డ్ వేసిన అఖరి బంతిని పుల్ షాట్‌ ఆడటానికి సుదర్శన్ ప్రయత్నించాడు. అయితే పొలార్డ్‌ వేసిన షార్ట్‌ పిచ్‌ బాల్‌ను సరిగ్గా అంచనా వేయలేకపోయిన సుదర్శన్ .. బ్యాలన్స్‌ కోల్పోయి తన బ్యాట్‌తో వికెట్లను కొట్టాడు. దీంతో ఈ సీజన్‌లో హిట్‌ వికెట్‌గా వెనుదిరిగిన తొలి ఆటగాడిగా సాయి సుదర్శన్ చెత్త రికార్డు నెలకొల్పాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఇక చివర వరకు ఉత్కంఠ భరితంగా జరిగిన మ్యాచ్‌లో ముంబై ఇండియన్స్‌ 5 పరుగులు తేడాతో విజయం సాధించింది. అఖరి ఓవర్‌లో 9 పరుగులు కావల్సిన నేపథ్యంలో డానియల్‌ సామ్స్‌ అద్భుతంగా బౌలింగ్‌ చేసి ముంబైకు విజయాన్ని అందించాడు. స్కోర్లు ముంబై ఇండియన్స్‌: 177/6 గుజరాత్‌ టైటాన్స్‌: 172/5 చదవండి: IPL 2022: 'వార్నర్‌ను సెంచరీ గురించి అడిగాను.. నన్ను హిట్టింగ్‌ చేయమన్నాడు' pic.twitter.com/okekrCcskM — Diving Slip (@SlipDiving) May 6, 2022     var request = 'https://www.sakshi.com/knowwidget/kwstr_4381453179.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

ఐపీఎల్‌ 2022లో గుజరాత్‌ టైటాన్స్‌, పంజాబ్‌ కింగ్స్‌ మధ్య మ్యాచ్‌లో ఆసక్తికర ఘటన చోటుచేసుకుంది. రనౌట్‌ అయ్యే అవకాశం నుంచి తృటిలో తప్పించుకున్న రాహుల్‌ తెవాటియా తన సహనాన్ని కోల్పోయాడు. కోపంతో ఊగిపోయిన తెవాటియా నాన్‌స్ట్రైక్‌ ఎండ్‌లో ఉన్న సాయి సుదర్శన్‌పై ఆగ్రహం వ్యక్తం చేశాడు. ఇన్నింగ్స్‌ 12వ ఓవర్‌లో ఇది చోటుచేసుకుంది. ఆ ఓవర్‌లో ఒక బంతికి తెవాటియా సింగిల్‌ తీసేందుకు ప్రయత్నించాడు. సగం పిచ్‌ దాటి వచ్చిన తెవాటియాకు సుదర్శన్‌ నుంచి ఎలాంటి స్పందన రాలేదు. దాంతో వెనక్కి పరిగెట్టిన తెవాటియా కొద్దిలో రనౌట్‌ అయ్యే ప్రమాదం నుంచి తప్పించకున్నాడు. వెంటనే సాయి సుదర్శన్‌ వైపు తిరిగిన తెవాటియా.. సింగిల్‌ వద్దని నోటితో చెప్పొచ్చుగా అంటూ సీరియస్‌ లుక్‌ ఇస్తూ ఆగ్రహం వ్యక్తం చేశాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక పంజాబ్‌తో మ్యాచ్‌లో గుజరాత్‌కు మంచి ఆరంభం లభించలేదు. ఓపెనర్లు సాహా, గిల్‌లు తక్కువ స్కోరుకే వెనుదిరగ్గా..  కెప్టెన్‌ హార్దిక్‌ పాండ్యా ఒక్క పరుగు మాత్రమే చేసి ఔటయ్యాడు. Tewatia angry! pic.twitter.com/7okGTIC0S8 — Cricketupdates (@Cricupdates2022) May 3, 2022

IPL 2022 - Who Is Sai Sudharshan: ఎంతో మంది యువ ఆటగాళ్లు తమ ప్రతిభను నిరూపించుకునేందుకు ఐపీఎల్‌ ఒక వేదికగా మారింది. ఐపీఎల్‌లో అదరగొట్టిన భారత యువ ఆటగాళ్లు ఏకంగా జాతీయ జట్టులో చోటు దక్కించుకున్న సందర్భాలు చాలా ఉన్నాయి. విరాట్‌ కోహ్లి, జస్ప్రీత్‌ బుమ్రా, ఇషాన్‌ కిషన్‌, సూర్యకుమార్‌ యాదవ్‌ వంటి స్టార్‌ ఆటగాళ్లు ఐపీఎల్‌లో దుమ్మురేపిన వారే.  ఇక ప్రస్తుత ఐపీఎల్‌ సీజన్‌లోనూ యువ ఆటగాళ్లు అదరగొడుతుండటం శుభపరిణామం. ఇప్పటికే అయుష్‌ బదోని, వైభవ్‌ ఆరోరా, తిలక్‌ వర్మ వంటి ఆటగాళ్లు తమ సత్తా చాటుతుండగా.. తాజాగా మరో యువ సంచలనం సాయి సుదర్శన్‌ తన ఆటతీరుతో అందరిని మంత్రముగ్ధులను చేశాడు. ఐపీఎల్‌ అరంగేట్ర మ్యాచ్‌లోనే సాయి అద్భుత ఇన్నింగ్స్‌ ఆడాడు. ఆకట్టుకున్న సాయి సుదర్శన్‌ ఐపీఎల్‌-2022లో సాయిసుదర్శన్‌ గుజరాత్‌ టైటాన్స్‌కు ప్రాతినిధ్యం వహిస్తున్నాడు. శుక్రవారం పంజాబ్‌ కింగ్స్‌తో జరిగిన మ్యాచ్‌లో శుభ్‌మన్‌ గిల్‌తో కలిసి సాయిసుదర్శన్‌ కీలక ఇన్నింగ్స్‌ ఆడాడు. మూడో వికెట్‌కు వీరిద్దరూ కలిసి 100 పరుగుల భాగస్వామ్యాన్ని నెలకొల్పారు. ఈ మ్యాచ్‌లో 30 బంతుల్లో 35 పరుగులు సాధించిన సాయి గుజరాత్‌ విజయంలో తన వంతు పాత్ర పోషించాడు. అతడి ఇన్నింగ్స్‌లో 4 ఫోర్లు, ఒక సిక్స్‌ ఉన్నాయి. అయితే తొలి మ్యాచ్‌ ఆడుతున్నానన్న భయం సుదర్శన్‌లో అస్సలు కనిపించలేదు. రబడా లాంటి స్టార్‌ బౌలర్‌ బౌలింగ్‌లో సాయి అద్భుతమైన షాట్లు ఆడాడు. ఇక శుభ్‌మన్‌ గిల్‌, సాయి ప్రదర్శనకు తోడు ఆఖర్లో రాహుల్‌ తెవాటియా మెరుపులతో ఈ మ్యాచ్‌లో పంజాబ్‌ కింగ్స్‌పై గుజరాత్‌ టైటాన్స్‌ 6 వికెట్ల తేడాతో విజయం సాధించింది. మ్యాచ్‌ అనంతరం మాట్లాడిన గుజరాత్‌ కెప్టెన్‌ హార్ధిక్‌ పాండ్యా సాయిసుదర్శన్‌పై ప్రశంసల వర్షం కురిపించాడు. తమిళనాడుకు చెందిన ఈ యువ ఆటగాడు విజయ్‌ శంకర్‌ స్థానంలో గుజరాత్‌ తుది జట్టులోకి వచ్చాడు. ఈ క్రమంలో సాయిసుదర్శన్‌ గురించి కొన్ని ఆసక్తికర విషయాలు తెలుసుకుందాం. ఎవరీ సాయి సుదర్శన్‌? ►సాయి సుదర్శన్‌ ఆక్టోబర్‌ 15, 2001న చెన్నైలో జన్మించాడు. ► సాయి సుదర్శన్‌ దేశవాళీ టోర్నీల్లో తమిళనాడు తరపున ఆడుతున్నాడు. ► 2021లో ముంబైపై  ఫస్ట్-క్లాస్ క్రికెట్‌లో అరంగేట్రం చేశాడు. ► సుదర్శన్‌ టీ20ల్లో 2021లో మహారాష్ట్రపై అరంగేట్రం చేశాడు. ► లిస్ట్‌-ఏ కెరీర్‌లో ఇప్పటి వరకు 3 మ్యాచ్‌లు ఆడిన సుదర్శన్‌ 54 పరుగులు సాధించాడు. ► 7 టీ20 మ్యాచ్‌ల్లో 182 పరుగులు చేశాడు. ► తమిళనాడు ప్రీమియర్‌ లీగ్‌ అరంగేట్ర మ్యాచ్‌లోనే 87 పరుగులు సాధించి తన విలువ చాటుకున్నాడు. ► ఇక తమిళనాడు ప్రీమియర్‌ లీగ్-2021లో మొత్తం 8 మ్యాచ్‌లు ఆడిన సుదర్శన్‌ 358 పరుగులు సాధించాడు. ► ఈ క్రమంలో ఐపీఎల్‌-2022 మెగా వేలంలో రూ. 20 లక్షలకు గుజరాత్‌ సాయి సుదర్శన్‌ను కొనుగోలు చేసింది. A round of applause for Sai Sudharsan & Darshan Nalkande as they make their debut for @gujarat_titans 👍 👍#TATAIPL | #PBKSvGT pic.twitter.com/r695DVWhrm — IndianPremierLeague (@IPL) April 8, 2022