సాక్షి, హైదరాబాద్‌ : కేంద్రంలోని బీజేపీ ప్రభుత్వం అనుసరిస్తున్న ప్రజా వ్యతిరేక విధానాలపై దేశవ్యాప్త ఉద్యమానికి టీఆర్‌ఎస్‌ చొరవ చూపుతుందని కేసీఆర్‌ ప్రకటించారు. బీజేపీపై పోరులో ప్రాంతీయ పార్టీలన్నింటినీ ఏకతాటిపైకి తెచ్చేందుకు ప్రయత్నిస్తున్నామన్నారు. హైదరాబాద్‌ వేదికగా డిసెంబర్‌ రెండోవారంలో సమరశంఖం పూరించనున్నట్లు తెలిపారు. ‘కేంద్రంలోని మోదీ ప్రభుత్వం ప్రజల కోసం ఏమీ చేయదు. కొత్త వ్యవసాయ బిల్లుల ద్వారా రైతాంగానికి, పెట్టుబడుల ఉపసంహరణ ద్వారా ప్రభుత్వరంగ సంస్థల ఉద్యోగులకు అన్యాయం చేస్తున్నది. మతవిద్వేషాలను రెచ్చగొట్టి... ప్రజలను విభజిస్తూ, భావోద్వేగాలతో రాజకీయ లబ్దిపొందుతోంది. దేశానికి నష్టం చేసే ఈ విధానాలకు వ్యతిరేకంగా పోరాడాల్సిన కాంగ్రెస్‌ చతికిలపడింది. బడేభాయ్‌ వెంటే చోటేభాయ్‌ అన్నట్లు కాంగ్రెస్, బీజేపీలు రెండూ దేశానికి సరైన మార్గం చూపడంలో విఫలమయ్యాయి. దేశం మీద, ప్రజల మీద ఉన్న బాధ్యతతో టిఆర్‌ఎస్‌ చొరవ చూపుతుంది. బీజేపీ విధానాలపై పోరాటానికి దేశంలోని ఇతర ప్రతిపక్షాలన్నింటినీ ఒక్కతాటిపై నిలిపేందుకు టీఆర్‌ఎస్‌ ప్రయత్నాలు చేస్తోంది’అని రాష్ట్ర ముఖ్యమంత్రి, టీఆర్‌ఎస్‌ పార్టీ అధ్యక్షుడు కల్వకుంట్ల చంద్రశేఖర్‌రావు ప్రకటించారు. గ్రేటర్‌ హైదరాబాద్‌ మున్సిపల్‌ కార్పోరేషన్‌ ఎన్నికల నేపథ్యంలో తెలంగాణ భవన్‌లో బుధవారం నిర్వహించిన ఎంపీలు, ఎమ్మేల్యేలు, ఎమ్మెల్సీలు, ఇతర ప్రజాప్రతినిధుల సంయుక్త సమావేశంలో కేసీఆర్‌ మాట్లాడారు. గ్రేటర్‌ ఎన్నికల్లో పార్టీ వ్యూహాన్ని వివరించడంతో పాటు కేంద్రంలో బీజేపీ ప్రభుత్వ విధానాలు, దానికి వ్యతిరేకంగా పోరాడాల్సిన అవసరాన్ని వివరించారు. ‘ఇప్పటికే పశ్చిమబెంగాల్‌ ముఖ్యమంత్రి మమతా బెనర్జీ, కేరళ సీం విజయన్, ఢిల్లీ సీఎం కేజ్రీవాల్, ఒడిషా సీఎం నవీన్‌ పట్నాయక్, డీఎంకే నేత స్టాలిన్, ఉత్తరప్రదేశ్, మహారాష్ట్ర, పంజాబ్, కర్ణాటక మాజీ ముఖ్యమంత్రులు అఖిలేష్‌ యాదవ్, శరద్‌ పవార్, ప్రకాశ్‌సింగ్‌ బాదల్, కుమారస్వామి, సీపీఐ, సీపీఎం నాయకులతో మాట్లాడాను. బీజేపీ అనుసరిస్తున్న విధానాలకు వ్యతిరేకంగా పోరాడే విషయంలో కలిసి పనిచేయాలని నిర్ణయించాం. ఈ నాయకులందరితో డిసెంబర్‌ రెండోవారంలో హైదరాబాద్‌ నగరంలో సదస్సు నిర్వహించబోతున్నాం. అందులో దేశవ్యాప్త ఉద్యమం గురించి చర్చిస్తాం. దేశానికి ఓ దిశ, దశ నిర్ణయించే విషయంపై మాట్లాడతాం. కేంద్రం అనుసరిస్తున్న విధానాల వల్ల నష్టపోతున్న రైతులు, కార్మికులు, పేదల పక్షాన నిలుస్తాం’అని కేసీఆర్‌ స్పష్టం చేశారు. తప్పుడు ప్రచారంలో దిట్ట మోదీ ప్రభుత్వం ఆరున్నరేళ్లలో తప్పుడు విధానాలు, ప్రచారాలతో దేశాన్ని తిరోగమనం వైపు నెట్టిందన్నారు. కాంగ్రెస్‌ నిష్క్రియాపరత్వ రాజకీయాల నేపథ్యంలో బీజేపీ ప్రజా వ్యతిరేక విధానాలను తిప్పికొట్టాల్సిన బాధ్యత ఇతరపక్షాలపై పడిందన్నారు. ‘దేశ రాజకీయాల్లో ఇప్పుడు భిన్నమైన ట్రెండ్‌ నడుస్తున్నది. ఒక అబద్ధాన్ని వందసార్లు చెప్పి నిజమని నమ్మించే ప్రయత్నం బీజేపీ చేస్తున్నది. ప్రజల కోసం పనిచేస్తున్న వారిపై నిందలు మోపుతూ సోషల్‌ మీడియాను యాంటీ సోషల్‌ మీడియాగా మార్చింది. ఎన్నికలప్పుడు రాజకీయ లబ్ధి పొందడానికి పాకిస్తాన్, కశ్మీర్, పుల్వామా అంటూ ప్రచారానికి దిగుతున్నది. సరిహద్దుల్లో ఏదో యుద్ధం చేసినట్లు ప్రచారం చేసుకుంటారు. అదే చైనాకు వ్యతిరేకంగా కోట్లాడలేక చతికిలపడతారు. ఏదో చేసినట్లు తప్పుడు ప్రచారం మాత్రం జోరుగా చేసుకుంటారు’అని కేసీఆర్‌ ఎద్దేవా చేశారు. బంగారుబాతులను అమ్మేస్తున్నారు ప్రభుత్వరంగ సంస్థల్లో పెట్టుబడుల ఉపసంహరణ పేరిట మోదీ సర్కారు వాటిని ప్రైవేటు కార్పోరేట్‌ కంపెనీలకు దారాదత్తం చేస్తోంది. వాజ్‌పేయి, మన్మోహన్‌ హయాంలో ప్రారంభమైన పెట్టుబడుల ఉపసంహరణ ప్రక్రియను కొనసాగిస్తూ మోదీ ప్రభుత్వం ఏకంగా 23 ప్రభుత్వరంగ సంస్థల్లో పెట్టుబడులను ఉపసంహరించింది. దీంతో లక్షలాది మంది ఉద్యోగులకు తీరని అన్యాయం జరుగుతోంది’అని కేసీఆర్‌ విమర్శించారు. ‘లాభాల్లో నడుస్తూ ప్రజలకు సేవ, ప్రభుత్వాలకు నిధులు అందిస్తున్న ప్రభుత్వరంగ సంస్థలను మూసి వేస్తున్నారు. రైల్వేస్టేషన్‌లో ఛాయ్‌ అమ్మిన అని చెప్పిన మోదీ ఇప్పుడు రైల్వేస్టేషన్లనే తెగనమ్ముతున్నాడు. దీన్ని ఎలా అర్థం చేసుకోవాలి’’అని కేసీఆర్‌ ప్రశ్నించారు. బంగారుబాతు లాంటి ఎల్‌ఐసీతో పాటు రైల్వేలు, ఎన్టీపీసీ, బీహెచ్‌ఈఎల్, బీఎస్‌ఎన్‌ఎల్, బీపీసీఎల్‌ లాంటి నవరత్న కంపెనీల్లో పెట్టుబడుల ఉపసంహరణ ద్వారా వాటిని ప్రైవేటు, కార్పోరేట్‌ సంస్థలకు కేంద్రం అప్పగిస్తోంది. ఈ సంస్థల్లో పనిచేసే లక్షలాది మంది ఉద్యోగులు ఆందోళనలో ఉన్నారు. అవి ప్రైవేటుపరం కాకుండా చూడాలని వేడుకుంటున్నారు. వారికి అండగా నిలవాలని టిఆర్‌ఎస్‌ పార్టీ నిర్ణయించిందిని తెలిపారు. ‘1980 వరకు భారతదేశం కన్నా తక్కువ జీడీపీ ఉన్న చైనా నేడు ప్రపంచంలోనే రెండవ అతిపెద్ద ఆర్థిక వ్యవస్థగా ఎదిగింది. కానీ కేంద్ర ప్రభుత్వ చేతగానితనం వల్ల భారతదేశం వెనక్కిపోతున్నది’అని విమర్శించారు. 

సాక్షి, హైదరాబాద్ ‌: జీహెచ్‌ఎంసీలో వంద డివిజన్లలో గెలుపే లక్ష్యంగా ముందుకు సాగాలని బీజేపీ నిర్ణయించింది. మేయర్‌ పీఠాన్ని కైవసం చేసుకునే లక్ష్యంతో.. జీహెచ్‌ఎంసీ ఎన్నికల మేనేజ్‌మెంట్‌ కమిటీని 23 మంది పార్టీ ముఖ్యులతో పార్టీ రాష్ట్ర అధ్యక్షుడు బండి సంజయ్‌కుమార్‌ ఏర్పాటుచేశారు. అనంతరం ఆయన అధ్యక్షతన జరిగిన కమిటీ సమావేశంలో ఎన్నికల్లో అనుసరించాల్సిన వ్యూహంపై చర్చించారు. ప్రత్యేక మేనిఫెస్టోను రూపొందించి విస్తృత ప్రచారం చేయాలని, సోమవారం నుంచే రంగంలోకి దిగాలని నిర్ణయించారు. ఇంకా మీడియా, పబ్లిసిటీ, కార్యక్రమాల కోఆర్డినేషన్‌ తదితర పది రకాల కమిటీలను ఏర్పాటుచేశారు. మోసం చేసి ఓట్లు వేయించుకున్నారు: లక్ష్మణ్‌ గ్రేటర్‌ ఎన్నికలు రాష్ట్రంలో బీజేపీ భవిష్యత్తును నిర్ణయించేవని, అందుకే ప్రతిష్టాత్మకంగా తీసుకొని ముందుకు సాగుతున్నట్టు బీజేపీ ఓబీసీ మోర్చా జాతీయ అధ్యక్షుడు డాక్టర్‌ కె.లక్ష్మణ్‌ పేర్కొన్నారు. మేనేజ్‌మెంట్‌ కమిటీ సమావేశం అనంతరం ఎమ్మెల్సీ రాంచందర్‌రావుతో కలిసి ఆయన మీడియాతో మాట్లాడారు. సీఎం కేసీఆర్, ఆయన తనయుడు కేటీఆర్‌ ప్రజలను పట్టించుకోవట్లేదని, గత ఎన్నికల్లో ప్రజలను మోసం చేసి ఓట్లు వేయించుకున్నారన్నారు. గత ఎన్నికల్లో జీహెచ్‌ఎంసీలో లక్షల ఇళ్లు కట్టిస్తామని చెప్పి 450 ఇళ్లు కట్టించారన్నారు. అంతకంటే ఎక్కువగా నిర్మిస్తే ఏ సవాల్‌కైనా సిద్ధంగా ఉన్నామన్నారు. ‘అప్పుడు హరీశ్‌.. ఇప్పుడు కేటీఆర్‌’ బీజేపీ ఐటీ సెల్‌ ఆధ్వర్యంలో జీహెచ్‌ఎంసీ సోషల్‌ మీడియా విభాగాన్ని ఆదివారం ఏర్పాటు చేశారు. ఈ సందర్భంగా పార్టీ అధ్య క్షుడు బండి సంజయ్‌ మాట్లాడుతూ దుబ్బాక లో హరీశ్‌రావును ఎదుర్కొన్నామని, ఇపుడు కేటీఆర్‌ను ఎదుర్కోవాలని పిలుపునిచ్చారు. ఎన్నికల మేనేజ్‌మెంట్‌ కమిటీ ఇదే.. బీజేపీ జీహెచ్‌ఎంసీ ఎన్నికల మేనేజ్‌మెంట్‌ కమిటీ చైర్మన్‌గా కేంద్ర హోంశాఖ సహాయ మంత్రి జి.కిషన్‌రెడ్డి, కన్వీనర్‌గా జాతీయ పార్టీ ఓబీసీ మోర్చా అధ్యక్షుడు డాక్టర్‌ కె.లక్ష్మ ణ్, జాయింట్‌ కన్వీనర్లుగా డాక్టర్‌ వివేక్‌ వెంకటస్వామి, గరికపాటి మోహన్‌రావు, చింతల రాంచంద్రారెడ్డిని నియమించారు. సభ్యులుగా బీజేపీ జాతీయ ఉపాధ్యక్షురాలు డీకే అరుణ, పి.ము రళీధర్‌రావు, రాజాసింగ్, ఎన్‌.రాంచంద ర్‌రావు, ధర్మపురి అరవింద్, సోయం బాపురావు, ఇంద్రసేనారెడ్డి, ఏపీ జితేందర్‌రెడ్డి, ఎన్‌వీఎస్‌ఎస్‌ ప్రభాకర్, మో త్కుపల్లి నర్సింహులు, డి.రవీంద్రనాయక్, పొంగులేటి సుధాకర్‌రెడ్డి, కె.రాములు, రాపో లు ఆనందభాస్కర్, ఎం.రఘునందన్‌రావు, జి.ప్రేమేందర్‌రెడ్డి, దుగ్యాల ప్రదీప్‌కుమార్, బంగారు శృతిని నియమించారు.  

సాక్షి, హైదరాబాద్ ‌: దుబ్బాక అసెంబ్లీ ఉపఎన్నికలో ఎదురైన చేదు అనుభవాన్ని దృష్టిలో పెట్టుకుని త్వరలో జరిగే గ్రేటర్‌ హైదరాబాద్‌ మున్సిపల్‌ కార్పొరేషన్‌ ఎన్నికల్లో ఎట్టి పరిస్థితిల్లోనూ భారీ విజయం సాధించాలని టీఆర్‌ఎస్‌ భావిస్తోంది. ఇందుకోసం సర్వశక్తులూ ఒడ్డడానికి సిద్ధపడుతోంది. ఈ మేరకు ఈ నెల 12న రాష్ట్ర మంత్రులు, పార్టీ ప్రధాన కార్యదర్శులతో జరిగిన సమావేశంలో సీఎం కేసీఆర్‌ వ్యూహం ఖరారు చేశారు. పార్టీ వర్కింగ్‌ ప్రెసిడెంట్, మున్సిపల్‌ శాఖ మంత్రి కె.తారక రామారావుకు గ్రేటర్‌ ఎన్నికలకు సంబంధించి పూర్తి బాధ్యత అప్పగించారు. పార్టీ అధినేత, సీఎం కేసీఆర్‌ పర్యవేక్షణలో గ్రేటర్‌ ఎన్నికల్లో పార్టీ అభ్యర్థుల ఎంపిక, ప్రచార వ్యూహం, అన్ని స్థాయిల్లో పార్టీ యంత్రాంగం నడుమ సమన్వయ బాధ్యతలను కేటీఆర్‌ నిర్వర్తిస్తారు. నోటిఫికేషన్‌కు, ఎన్నికల తేదీకి నడుమ ఎక్కువ వ్యవధి ఇవ్వకుండా వేగంగా ఎన్నికల ప్రక్రియ పూర్తయ్యే చాన్స్‌ ఉండటంతో గ్రేటర్‌ ఎన్నికల్లో మెరుపు వేగంతో కదలాలని టీఆర్‌ఎస్‌ భావిస్తోంది.  హైదరాబాద్‌కు గులాబీ దండు  జీహెచ్‌ఎంసీ పరిధిలోని 150 డివిజన్లకు పార్టీపరంగా ఇన్‌చార్జిల నియామకంపై కసరత్తు జరుగుతోంది. ఇప్పటికే ఇన్‌చార్జిల జాబితాపై స్పష్టత రాగా... ఒకటి రెండు రోజుల్లో ఏయే డివిజన్‌లో ఎవరు పనిచేస్తారనే అంశంపై స్పష్టత రానుంది. మంత్రులు, ఎమ్మెల్యేలు, పార్టీ వ్యూహాన్ని సమర్థవంతంగా అమలు చేసే సత్తా ఉన్న ఎమ్మెల్సీలు, పార్టీ ప్రధాన కార్యదర్శులతో పాటు ఒకరిద్దరు కార్పొరేషన్‌ ఛైర్మన్ల్లకు డివిజన్‌ ఇన్‌చార్జిలుగా బాధ్యతలు అప్పగిస్తారు. మంత్రులు కూడా కేవలం ఒక్కో డివిజన్‌కు మాత్రమే ఇన్‌చార్జిలుగా వ్యవహరిస్తారు. ఎన్నికల నోటిఫికేషన్‌ వెలువడిన నాటి నుంచి జడ్పీ చైర్మన్లు, డీసీసీబీ చైర్మన్లు, ఎంపీపీలు, జడ్పీటీసీలు వంటి జిల్లా స్థాయి ప్రజాప్రతినిధులతో పాటు పార్టీ రాష్ట్ర యంత్రాంగమంతా జీహెచ్‌ఎంసీలో మకాం వేసి ప్రచారం నిర్వహిస్తారు.  ఇప్పటికే మూడు విడతలుగా సర్వే  జీహెచ్‌ఎంసీ పరిధిలో ఇప్పటికే మూడు విడతలుగా పార్టీ పరిస్థితి, కార్పొరేటర్ల పనితీరు... తదితరాలపై టీఆర్‌ఎస్‌ సర్వే నిర్వహించింది. గతంలోనే నియోజకవర్గాల వారీగా నియమితులైన పార్టీ ప్రధాన కార్యదర్శులు ఈ సర్వేలో కీలకపాత్ర పోషించినట్లు సమాచారం. ఈ నివేదికల ఆధారంగా ఇప్పటికే పార్టీ పరిస్థితిపై డివిజన్ల వారీగా పార్టీ అధినేత ఓ అంచనాకు వచ్చినట్లు తెలిసింది. పనితీరు సరిగా లేని కార్పొరేటర్లను పక్కన పెట్టి అవసరమైతే కొత్త వారికి అవకాశం ఇవ్వాలని పార్టీ నిర్ణయించింది. విపక్షంలో బలమైన నాయకులు ఎవరైనా ఉంటే వారిని పార్టీలోకి రప్పించడంపైనా దృష్టి పెట్టాలని భావిస్తోంది. సుమారు 15 మంది పార్టీ కార్పొరేటర్ల పనితీరు ఆశించిన స్థాయిలో లేదని గతంలోనే కేటీఆర్‌ వెల్లడించిన నేపథ్యంలో చాలా చోట్ల ఔత్సాహికుల నుంచి టికెట్ల కోసం ఒత్తిళ్లు ప్రారంభమయ్యాయి. ఇన్‌చార్జిల నుంచి మరోమారు నివేదికలు తీసుకుని, షెడ్యూలు వెలువడిన తర్వాత సీఎం, కేటీఆర్‌ వారితో మరోమారు సమావేశమవుతారు. 

సాక్షి, హైదరాబాద్‌ : కరోనా మహమ్మారి నేపథ్యంలో జీహెచ్‌ఎంసీ సహా ఎన్నికలు జరగని పట్టణ స్థానిక సంస్థలకు బ్యాలెట్‌ బాక్స్‌లు, బ్యాలెట్‌ పేపర్లతో పోలింగ్‌ నిర్వహించనున్నట్లు రాష్ట్ర ఎన్నికల కమిషన్‌ (ఎస్‌ఈసీ) ప్రకటించింది. ఎన్నికల నిర్వహణకు అందుబాటులో ఉన్న సమయం, వివిధ అంశాలపై రాజకీయ పార్టీలు వెలిబుచ్చిన అభిప్రాయాలు, ఇతరత్రా విషయాలపై సవివరంగా చర్చించాక ఈ నిర్ణయం తీసుకున్నట్లు సోమవారం ఒక ప్రకటనలో వెల్లడిం చింది. జీహెచ్‌ఎంసీ ఎన్నికలను బ్యాలెట్‌ బాక్స్‌లు, పత్రాలు లేదా ఈవీఎంలతో నిర్వహించాలన్న దానిపై రాష్ట్రంలో గుర్తింపు పొందిన 11 రాజకీయ పార్టీలు, ఎస్‌ఈసీ వద్ద రిజిస్టర్‌ అయి రిజర్వ్‌ సింబల్స్‌ పొందిన 39 రాజకీయ పార్టీల అభిప్రాయాలను కోరినట్లు ఎస్‌ఈసీ తెలిపింది. దీనిపై స్పందించిన 8 గుర్తింపు పొందిన పార్టీల్లో ఐదు బ్యాలెట్‌ బాక్స్‌ వైపే మొగ్గుచూపగా ఒక పార్టీ ఈవీఎం ద్వారా ఎన్నికలకు మొగ్గుచూపింది. అలాగే 18 రిజిస్టర్డ్‌ పార్టీల్లో 11 బ్యాలెట్‌ బాక్స్‌ల ద్వారానే ఎన్నికలు జరపాలని కోరగా, రెండు పార్టీలు ఈవీఎంల వైపు మొగ్గుచూపాయని తెలి పింది. మిగతా 7 పార్టీలు ఎలాంటి అభిప్రాయాన్ని వెల్లడించలేదని ఎస్‌ఈసీ పేర్కొంది. బ్యాలెట్‌తో పోల్చితే ఈవీఎంలతో ఎన్నికల వల్ల కరోనా వ్యాప్తికి ఎక్కువ అవకాశం ఉంటుందని అభిప్రాయపడింది. అందుబాటులో లేని వీవీప్యాట్‌లు... ఈవీఎంలకు వీవీప్యాట్‌ మెషీన్లను అనుసంధానించాలన్న సుప్రీం తీర్పు నేపథ్యంలో తమ వద్ద వీవీప్యాట్‌లు అందుబాటులో లేకపోవడంతో వాటి కోసం హైదరాబాద్‌ ఈసీఐఎల్, బెంగళూరు బీఈఎల్‌ల నుంచి కొటేషన్లు కోరామని ఎస్‌ఈసీ వివరించింది. అయితే దీనిపై వీవీప్యాట్‌ల తయారీకి ఢిల్లీలోని ఈసీ అనుమతి కోరుతూ ఆయా సంస్థలు లేఖలు రాశాయని, ఈసీ నుంచి ఇంకా జవాబు రావాల్సి ఉందని తెలిపింది. వీవీప్యాట్‌లు అందుబాటులో లేని కారణంగానే 2019లో గ్రామ పంచాయతీ, మండల, జిల్లా పరిషత్‌ ఎన్నికలు, 2020 మొదట్లో పట్టణ స్థానిక సంస్థల ఎన్నికలను బ్యాలెట్‌ బాక్స్‌లతో నిర్వహించిన విషయాన్ని ఎస్‌ఈసీ ఈ సందర్భంగా గుర్తుచేసింది. ఈవీఎం, వీవీప్యాట్‌లతో హైరిస్క్‌ వల్లే.. ఎన్నికల్లో ఈవీఎంలు, వీవీప్యాట్‌ల వినియోగానికి ముందు వివిధ ప్రక్రియలు పూర్తిచేయాల్సి ఉందని, అన్ని దశల్లోనూ తయారీదారుల పక్షాన పెద్ద సంఖ్యలో ఇంజనీర్లు, రాజకీయ పార్టీల ప్రతినిధులు, ఎన్నికల సిబ్బంది ప్రమేయం ఉంటుందని ఎస్‌ఈసీ పేర్కొంది. అంతేకాకుండా మూసి ఉంచిన గదుల్లో ఈవీఎంలు, వీవీప్యాట్‌లను శుభ్రం చేయడం, కట్టి ఉంచిన మిషన్లను తెరవడం, మళ్లీ ప్యాక్‌ చేయడం వంటి పనుల్లో భారీగా సిబ్బందిని నియమించాల్సి వస్తుందని తెలియజేసింది. ఈ విధంగా ‘హైరిస్క్‌ కమ్యూనిటీ’గా ఉన్న వారిని భాగస్వాములను చేయడం ద్వారా  ప్రస్తుత కోవిడ్‌ పరిస్థితుల్లో వైరస్‌ వ్యాప్తికి అధిక అవకాశాలున్నాయని భావిస్తున్నట్లు ఎస్‌ఈసీ తెలిపింది. బ్యాలెట్‌ బాక్స్‌లు, ఈవీఎంలకు సంబంధించి... 1989లో ప్రజాప్రాతినిధ్య చట్టాన్ని పార్లమెంట్‌ సవరించాక ఎన్నికల్లో ఈవీఎంల వినియోగానికి వీలు ఏర్పడింది. 2001లో తమిళనాడు, కేరళ, పుదుచ్చేరి, పశ్చిమ బెంగాల్‌ అసెంబ్లీ ఎన్నికల్లో వాటిని పూర్తిస్థాయిలో వినియోగించారు. ఆ తర్వాత జరిగిన ప్రతి అసెంబ్లీ ఎన్నికలతోపాటు 2004లో జరిగిన లోక్‌సభ ఎన్నికలను ఈవీఎంలతో నిర్వహించారు. 1995 నుంచి 2019 వరకు జరిగిన అన్ని గ్రామీణ స్థానిక సంస్థల ఎన్నికలు బ్యాలెట్‌ బాక్స్‌లతోనే జరిగాయి. పట్టణ స్థానిక సంస్థల ఎన్నికలు 1995, 2000లో బ్యాలెట్‌ బాక్స్‌లతో... 2005, 2014లలో జరిగిన ఎన్నికలను ఎస్‌ఈసీ ఈవీఎంలతో(వీవీప్యాట్‌లు లేకుండా) నిర్వహించింది. జీహెచ్‌ఎంసీ ఎన్నికలకు సంబంధించి మొదటి సాధారణ ఎన్నికలను 2002లో బ్యాలెట్‌ బాక్స్‌లతో, 2009, 2016 ఎన్నికలు ఈవీఎంలతో(వీవీప్యాట్‌లు లేకుండా) జరిగాయి. 


 ♦ సరిదిద్దేందుకు నడుం బిగించండి
 ♦ ప్రజాప్రతినిధులు, అధికారులతో ముఖ్యమంత్రి
 ♦ 11 నుంచి కార్పొరేటర్లకు శిక్షణ
 ♦ జీహెచ్‌ఎంసీ, పురపాలక శాఖపై సమీక్ష
  
  సాక్షి, హైదరాబాద్: ‘‘హైదరాబాద్ నగరం ఓ విష వలయంగా మారింది. దీన్నించి నగర ప్రజలను బయట పడేయాలి. నగరం ఎట్లుండేది, ఎట్లుండాలనే అంశాలను బేరీజు వేసుకుని కార్యాచరణ రూపొందించుకోవాలి’’ అని ముఖ్యమంత్రి కె.చంద్రశేఖర్‌రావు అభిప్రాయపడ్డారు. ‘‘కాంట్రాక్టర్లు ముఠాలుగా ఏర్పడి చేసే దోపిడీకి అడ్డుకట్ట వేయాలి. నగరంలో కాపిటల్ అసెట్స్ పెరగడానికి, రోడ్లు బాగుపడడానికి జీహెచ్‌ఎంసీ నిధులు కేటాయించాలి. చెత్త, శిథిలాల తొలగింపు, నిధుల వినియోగం, పచ్చదనం, పారిశుద్ధ్యం, భూగర్భ డ్రైనేజీ తదితరాల్లో చేపట్టాల్సిన కార్యక్రమాలపై చర్చ జరగాలి.
 
 నగరంతో పాటు అందులో విలీనమైన మున్సిపాలిటీల అభివద్ధికి ప్రణాళికలు సిద్ధం కావాలి. మంజూరైన మల్టీ లెవల్ ఫ్లై ఓవర్లు, బస్ బేస్, మార్కెట్లు, పబ్లిక్ టాయిలెట్లు, శ్మశానవాటికల నిర్మాణ పనుల పురోగతిపై దృష్టి పెట్టండి. హైదరాబాద్‌ను మురికివాడల రహిత నగరంగా మార్చే ప్రణాళికను అమలు చేయండి. ప్రతి ఐదు వేల మందికి ఒక ప్రజా కమిటీ పనిచేసేలా చర్యలు తీసుకోవాలన్నారు. జీహెచ్‌ఎంసీలో భాగంగానే కంటోన్మెంట్‌నూ అభివద్ధి చేయండి’’ అని అధికారులను ఆదేశించారు. జీహెచ్‌ఎంసీతో పాటు పురపాలక శాఖపై కేసీఆర్ సోమవారం క్యాంపు కార్యాలయంలో సమీక్షనిర్వహించారు. ఉప ముఖ్యమంత్రి కడియ శ్రీహరి, పురపాలక మంత్రి కె.తారక రామారావు, మంత్రులు నాయిని నర్సింహరెడ్డి, తలసాని శ్రీనివాస యాదవ్, పద్మారావు గౌడ్, ఉన్నతాధికారులు పాల్గొన్నారు.
 
 జీహెచ్‌ఎంసీ ఎన్నికల్లో ప్రజలు ఓ సునామీలా ఓట్లేసి టీఆర్‌ఎస్ పార్టీని గెలిపించారని, వారందరి నమ్మకాన్ని నిలబెట్టేల పని చేయాలని ఈ సందర్భంగా సీఎం సూచించారు. ప్రజాప్రతినిధులు తమ బాధ్యతలు గుర్తెరిగి ప్రజల కోసం పనిచేయాలన్నారు. గత ప్రభుత్వాల విధానాల వల్ల జీహెచ్‌ఎంసీ ఆర్థిక పరిస్థితి దిగజారిందని ఈ సందర్భంగా సీఎం అన్నారు. వ్యయ ప్రయాసలకోర్చి కరెంటు ఇస్తున్నామని, ఈ విషయాన్ని పారిశ్రామికవేత్తలకు విడమరిచి వారి లో విశ్వాసం నింపాలని చెప్పారు. ‘‘జీహెచ్‌ఎంసీలో ప్రతి నియోజకవర్గంలో 4,700 డబుల్ బెడ్రూం ఇళ్లు కట్టిస్తామని చెప్పాం. ఇది ఫలించాలంటే ఎమ్మెల్యేలు, కార్పొరేటర్లు కలిసి పనిచేయాలి. అలాగని ప్రతిజ్ఞ చేయాలి. టీం వర్క్ చేయాలి. బృందాలుగా ఏర్పడి హైదరాబాద్‌లో జరగాల్సిన, జరుగుతున్న పనులను పర్యవేక్షించాలి. అందరం కలిస్తే ఏదైనా చేయవచ్చు’’ అని పిలుపునిచ్చారు.
  
  కార్పొరేటర్లకు శిక్షణ
  భావి అవసరాలకు తగ్గట్లు హైదరాబాద్‌ను తీర్చిదిద్దాల్సిన తక్షణ కర్తవ్యం నగర కార్పొరేటర్లు, ప్రజాప్రతినిధులపై ఉం దని సీఎం అన్నారు. చిత్తశుద్ధి, అంకితభావంతో పనిచేయాలని  కార్పొరేటర్లకు సూచించారు. ఈ నెల 11, 12 తేదీల్లో హైదరాబాద్ కార్పొరేటర్లకు, 13న వరంగల్, కరీంనగర్, ఖమ్మం, నిజామాబాద్, రామగుండం కార్పొరేటర్లకు ‘ఆడ్మినిస్ట్రేటీవ్ స్టాఫ్ కాలేజీ ఆఫ్ ఇండియా’(ఆస్కీ) ఆధ్వర్యంలో ప్రగతి రిసార్ట్స్‌లో శిక్షణ ఇవ్వాలని నిర్ణయించారు. శిక్షణ తరగతుల్లో కార్పొరేటర్లను ఏ విధంగా కార్యోన్ముఖులు చేయాలనే అంశంపై ఎజెండా రూపొందించాలని అధికారులను కోరారు. ఎమ్మెల్యేలు, ఎంపీలు, ఎమ్మెల్సీలు వీటిలో పాల్గొనాలన్నారు. ‘‘నాగపూర్, ముంబై, ఢిల్లీ తదితర నగరాల్లో జరుగుతున్న అభివృద్ధి కార్యక్రమాలను అధ్యయనం చేయండి. ఆయా కార్పొరేషన్ల మేయర్లు, కమిషనర్లను శిక్షణ తరగతులకు పిలిచి వారి అనుభవాలు పంచుకోండి’’ అని సూచించారు.


 ♦ టీడీపీ పొత్తుతో ఎదగలేమన్న కమలనాథులు
 ♦ 2019 ఎన్నికల్లో రాష్ట్రంలో ఒంటరిగా పోటీ చేస్తామన్న దత్తాత్రేయ
 ♦ రాష్ట్ర కార్యవర్గ సమావేశానికి సగం మంది డుమ్మా
  
  సాక్షి, హైదరాబాద్: రాష్ట్రంలో అవసానదశకు చేరుకున్న తెలుగుదేశంపార్టీతో పొత్తు కొనసాగిస్తే భారతీయ జనతా పార్టీకి నూకలు చెల్లినట్టేనని కమలనాథులు అభిప్రాయపడ్డారు. జీహెచ్‌ఎంసీ ఎన్నికల్లో టీడీపీ బలాన్ని ఎక్కువ ఊహించుకొని బోల్తాపడ్డామని, సైద్ధాంతికంగా బీజేపీకి అండగా నిలిచేవారు కూడా తెలుగుదేశం కారణంగా దూరమవుతున్నారని ఆ పార్టీ నాయకులు కుండ బద్దలు కొట్టారు. బీజేపీ రాష్ట్ర కార్యవర్గ సమావేశం పార్టీ అధ్యక్షుడు జి. కిషన్‌రెడ్డి అధ్యక్షతన ఆదివారం నగర శివార్లలోని కొంపల్లిలో జరిగింది. సమావేశానికి కేంద్ర మంత్రి బండారు దత్తాత్రేయతో పాటు పలువురు నేతలు హాజరయినప్పటికీ, సగానికిపైగా కార్యవర్గం డుమ్మా కొట్టింది.
 
 కాగా ఈ సమావేశంలో పాల్గొన్న నేతలు టీడీపీతో పొత్తును తెగదెంపులు చేసుకుంటేనే బీజేపీ రాష్ట్రంలో ఎదుగుతుందని ఏకాభిప్రాయం వ్యక్తం చేసినట్లు తెలిసింది. రాష్ట్రంలో అధికార పార్టీపై ప్రజల్లో ఉన్న వ్యతిరేకతను అనుకూలంగా మలుచుకుంటే  2019 ఎన్నికల నాటికి బీజేపీ బలమైన శక్తిగా మారుతుందని పలువురు పేర్కొన్నారు. ‘దేశంలో మోదీ ప్రభంజనం ఉన్నా, రాష్ట్రంలో బీజేపీ పరిస్థితి దిగ జారడానికి టీడీపీతో పొత్తే కారణం’ అని పేర్కొన్నట్లు తెలిసింది.
 
 సమావేశానికి ముందు, అనంతరం కేంద్రమంత్రి బండారు దత్తాత్రేయ మీడియాతో మాట్లాడుతూ 2019 ఎన్నికల్లో బీజేపీ ఒంటరిగానే పోటీ చేస్తుందని స్పష్టం చేశారు. ప్రతిపక్షాల విశ్వాసాన్ని చూరగొంటేనే ప్రజాస్వామ్య స్ఫూర్తిని సంపాదించినట్లు అవుతుందని, ఏకపక్ష ధోరణిలో వెళితే మాత్రం అభివృద్ధి కుంటుపడుతుందని పేర్కొన్నారు.  రాష్ట్ర ప్రభుత్వ కరువు వైఫల్యాలు, అనేక అంశాలపై నిలదీస్తూనే ఉంటామని, రాష్ట్రంలో పైకి ఆదర్శప్రాయ వాతావరణం కనిపిస్తున్నా ప్రత్యక్షంగా ప్రజలు ఎదుర్కొనే సమస్యలపై పోరాడతామన్నారు.
 
  సగానికి పైగా డుమ్మా!
  బీజేపీ రాష్ట్ర కార్యవర్గ సమావేశానికి పలువురు ముఖ్యమైన నాయకులతోపాటు సగం మంది కార్యవర్గ సభ్యులు డుమ్మా కొట్టారు. పార్టీ అంతర్గతపోరులో భాగంగా కొంతకాలంగా అంటీముట్టనట్లుగా ఉం టున్న మాజీ మంత్రి నాగం జనార్దన్‌రెడ్డి, గోషామహల్ ఎమ్మెల్యే రాజాసింగ్‌తోపాటు పార్టీ ఆఫీసు బేరర్లు రామకృష్ణారెడ్డి, వెంకటరమణి, కుమార్ వంటి నాయకులు గైర్హాజరయ్యారు. సుమారు 330 మందితో గల రాష్ట్ర కార్యవర్గ సమావేశానికి 153 మంది మాత్రమే హాజరయ్యారు.  
  
  ఇక ప్రజాక్షేత్రంలో పోరుబాటే!
  తెలంగాణలో బలమైనశక్తిగా మారిన టీఆర్‌ఎస్‌ను ఎదుర్కోవాలంటే పోరుబాట ఒక్కటే శరణ్యమని బీజేపీ నేతలు గుర్తించారు. డాక్టర్ బీఆర్ అంబేడ్కర్ జయంతి రోజైన ఏప్రిల్ 14 నుంచి 24న జరిగే పంచాయతీ దివస్ వరకు కార్యాచరణ ప్రణాళికను సిద్ధం చేసుకున్నారు. సామాజిక సామరస్యత పేరుతో నాలుగు రోజులపాటు అంబేడ్కర్ విగ్రహాలను శుభ్రపరచడం, స్వచ్ఛంద సేవా కార్యక్రమాల్లో పాల్గొనడం, గ్రామ రైతుసభల పేరుతో 17 నుంచి 20వ తేదీ వరకు పర్యటించడం వంటి కార్యక్రమాలు చేపట్టాలని నిర్ణయించారు.


 విద్య, వైద్య, ఐటీ రంగాల్లో స్త్రీలే టాప్
 నేడు మహిళా దినోత్సవం
  
 ‘ఆకాశంలో సగం... అవకాశాల్లో సగం’ అనే మాట మహిళల విషయంలో పాతబడి         పోయింది. అవకాశాల్లోనూ అధికులమని     నిరూపిస్తున్నారు. అవని నుంచి అంతరిక్షం వరకూ ప్రతిచోటా తమ ముద్ర వేస్తున్నారు. కార్పొరేట్ కంపెనీల పగ్గాలు చేపట్టి.. వ్యాపార సామ్రాజ్యంలో మహరాణులుగా ఎద గడమే కాదు... పాలనలో సైతం పురుషులకు    తీసిపోమని నిరూపిస్తున్నారు. కార్పొరేటర్లుగా వచ్చిన అవకాశాన్ని సద్వినియోగం      చేసుకొని... భాగ్యనగరిని ‘విశ్వ’నగరిగా    తీర్చిదిద్దే క్రతువులో భాగస్వాములయ్యేందుకు తమదైన శైలిలో ముందుకు సాగుతున్నారు.
  
 సిటీబ్యూరో: ‘విశ్వ’మంత ఆశయంతో... వినూత్న వేగంతో... మహా నగరి మహిళలు దూసుకుపోతున్నారు. అవాంతరాలను... అడ్డంకులను... ఎదుగుదలకు మెట్లుగా మలచుకొని మునుముందుకు సాగుతున్నారు. రాజకీయాలు... సేవ.. క్రీడలు... ఉద్యోగ... పారిశ్రామిక రంగాల్లో ప్రత్యేక ముద్ర వేస్తున్నారు. దేశంలోని మెట్రో నగరాల స్త్రీలకు ఆదర్శంగా నిలుస్తున్నారు. రాజకీయాలనే తీసుకుంటే ఇటీవలి జీహెచ్‌ఎంసీ ఎన్నికల్లో ఏకంగా 79 మంది (మొత్తం 150 స్థానాలు) కార్పొరేటర్లుగా ఎన్నికై... స్థానిక పరిపాలనలో కొత్త చరిత్ర సృష్టించారు. గతంలో ఉన్న కోటాను 33 నుంచి 50 శాతానికి పెంచాక... నిర్వహించిన ఎన్నికల్లో తమకు కేటాయించిన 75 స్థానాలతో పాటు అదనంగా బంజారాహిల్స్, వెంకటాపురం, ఫలక్‌నూమా, బీఎన్‌రెడ్డి నగర్ డివిజన్లలో మహిళలే ఎన్నికయ్యారు.ఈ ప్రభావం వచ్చే సాధారణ ఎన్నికలపై పడే అవకాశం స్పష్టంగా కనిపిస్తోంది. మహిళా ఎంపీలు... ఎమ్మెల్యేలు నవ చరిత్రను లిఖించే రోజులు  సమీప భవిష్యత్తులోనే సాకారం కాబోతున్నాయనడంలో సందేహం లేదు.
  
 సేవల్లో టాప్
 నగరంలో స్త్రీ-పురుష నిష్పత్తిలో ఆందోళనకర గణాంకాలు (954-1000) ఉన్నా... విద్య.. ఐటీ.. వైద్య రంగాల్లోసేవలందిస్తున్న మహిళల సంఖ్య తారస్థాయికి చేరుకుంది. వైద్య రంగంలో మహిళల సంఖ్య 60 శాతం దాటగా... ప్రైవేటు పాఠశాలల నిర్వహణ, విద్యా బోధనలోనగర మహిళలు 50 శాతాన్ని మించిపోయారు. హైదరాబాద్ ఖ్యాతిని విశ్వవ్యాప్తం చేసిన ఐటీ సర్వీసుల్లోనూ మహిళా ఉద్యోగుల సంఖ్య మగాళ్లను దాటే స్థాయికి చేరిందని ఇటీవల ఒక ప్రముఖ సంస్థ అంచనా వేసింది. ఇవి కాకుండా బీపీఓ, ఆతిథ్య, ఎంటర్‌టైన్‌మెంట్ విభాగాల్లోనూ మహిళల శాతం గణనీయంగా పెరిగింది. పురుషులతో పోలిస్తే మహిళల్లో అంకితభావం... సమయ పాలన... క్రమశిక్షణ అధికంగా ఉంటోందని... ఈ నేపథ్యంలోనే వివిధ యాజమాన్యాలు మహిళా ఉద్యోగినుల ఎంపికకే ప్రాధాన్యమిస్తున్నాయని హెచ్‌ఆర్ కన్సల్టెంట్లు స్పష్టం చేస్తున్నారు. ఇటీవల పోలీస్ ఉద్యోగాల్లో మహిళలకు 33 శాతం కేటాయించడంతో వారి సంఖ్య పోలీస్ విభాగంలోనూ భారీగా పెరగనుంది. ప్రస్తుతం పోలీస్ శాఖలో మహిళా ఉద్యోగుల సంఖ్య ఐదు శాతం లోపే. ఇటీవలే పోలీస్ కానిస్టేబుల్, ఎస్‌ఐ ఉద్యోగాలకు నోటిఫికేషన్లు వెలువడటంతో నగర మహిళలు ఆ అవకాశాన్ని అందుకునేందుకు సన్నద్ధమవుతున్నారు.
  
 చదువులోనూ పైచేయి
 గ్రేటర్‌లోనూ... జంట జిల్లాల పరిధిలోనూ అబ్బాయిలతో పోలిస్తే అమ్మాయిలే చదువులో పైచేయి సాధిస్తుండడం గమనార్హం. హైదరాబాద్‌లో గత ఏడాది ఇంటర్మీడియట్ పరీక్షల్లో అబ్బాయిలు కేవలం 56 శాతం పాసైతే.... అమ్మాయిలు 73 శాతం.... రంగారెడ్డి జిల్లాలో అబ్బాయిలు 71 శాతం... అమ్మాయిలు 78.89 శాతం ఉత్తీర్ణులు కావడం... వారి ప్రతిభను చాటి చెబుతోంది. టెన్త్‌లోనూ అమ్మాయిల ఉత్తీర్ణత అబ్బాయిల కంటే పది శాతం అధికంగా నమోదు కావడం విశేషం.
  
 ‘ఎక్స్‌పో’జర్ అతివలకే  ఆమెదే ఆధిపత్యం
 లైఫ్‌స్టైల్‌ప్రతినిధి: నగర మహిళలు అడుగు పెట్టని రంగం దాదాపు లేదనే చెప్పాలి. కొన్ని రంగాల్లో మగవారిని తోసిరాజని మరీ దూసుకుపోతున్నారు. అదే స్థాయిలో విజయాలు సాధిస్తున్నారు. నగరంలో మహిళల ఆధిక్యానికి అద్దం పట్టే రంగాలు, అంశాల్లో కొన్ని...
  నగరంలో ఈవెంట్ మేనేజ్‌మెంట్ రంగంలో మహిళల ఆధిపత్యం సుస్పష్టం. రాష్ట్ర స్థాయిలో పెద్ద ఈవెంట్ మేనేజ్‌మెంట్ కంపెనీని నిర్వహిస్తున్న రాఖీ కంకారియా ఈ రంగంలో రాణించాలనుకునే వారి కోసం అకాడమీని నెలకొల్పారు. ఈవెంట్ మేనేజర్లుగా రాణిస్తున్న మగవారు ఉన్నప్పటికీ కొన్ని ఈవెంట్లు పూర్తిగా మహిళాధిక్యాన్ని కనబరుస్తున్నాయి. స్టార్ హోటళ్లు, క్లబ్బులలో విభిన్న రకాల ఉత్పత్తులు విక్రయించే ఎక్స్‌పోల నిర్వహణలో మహిళలదే పైచేయిగా చెప్పాలి.
  
 వహ్వా... పీఆర్వో...
 మీడియాకు, ప్రజలకు మధ్య వారథిగా.. చెరగని చిరునవ్వుతో... ఆకట్టుకునే సంభాషణా చాతుర్యంతో విధులు నిర్వర్తించే పీఆర్వో విభాగంలో మహిళల హవా నడుస్తోంది. నగరంలో పదుల సంఖ్యలో ఉన్న పీఆర్ ఏజెన్సీలలో అమ్మాయిలే అధిక సంఖ్యలో కనిపిస్తారు. మీడియా సంబంధాలు నెరపేందుకు సంస్థాగతంగానూ, వ్యక్తిగత పీఆర్వోలుగానూ మహిళలనే నియమించుకోవడానికి పలువురు ప్రముఖులు ఆసక్తి చూపుతున్నారు.
  
 ఫ్యాషన్‌లో ఓషన్‌లా...
  సిటీలో ఫ్యాషన్ అనుబంధ రంగాలు పుంజుకోవడంతో పాటు వాటిలో మహిళల ఆధిపత్యమూ పెరుగుతోంది. స్త్రీ, పురుష డిజైనర్లు పెద్ద సంఖ్యలో ఉన్నారు. అంతర్జాతీయ స్థాయిలో పేరొందిన డిజైనర్లలో వర్ష, శిల్పారెడ్డి, అనుశ్రీరెడ్డి తదితర మహిళలే ముందున్నారు. సిటీలో పేరొందిన డిజైనింగ్ స్కూల్స్ అన్నీ దాదాపు మహిళలు నిర్వహిస్తున్నవే.
  
 గాలిలో తేలిపోతూ...
 గాలిలో ఎగిరే ఎయిర్ హోస్టెస్ జాబ్ గురించి ప్రత్యేకంగా చెప్పక్కర్లేదు. మన నగరానికి ఇంటర్నేషనల్ ఎయిర్‌పోర్ట్ రాకతో... ఇక్కడి అమ్మాయిల్లోనూ అనేక మందిలో ఎయిర్ హోస్టెస్ ఉద్యోగంపై ఆసక్తి పెరిగింది. దీనికి అనుగుణంగానే వారికి అవకాశాలు  వెల్లువెత్తుతున్నాయి.
  
 ఆర్జే.. జేజే
 ‘గుడ్‌మార్నింగ్ హైదరాబాద్’ అంటూ పలకరింపులు మొదలుపెట్టి ‘ఇది చాలా హాట్ గురూ’ వంటి చమత్కారాలతో శ్రోతలను అలరించే రేడియో జాకీల హవా మొదలై దాదాపు దశాబ్దం కావస్తోంది. ఈ రంగంలో మగవాళ్లు ఉన్నప్పటికీ సిటీలో అత్యధిక ఆదాయం ఆర్జించే ఆర్జేల్లో మహిళలేఎక్కువని చెప్పాలి. భార్గవి, ప్రతీక వంటి కొందరు సినిమా స్టార్లతో సమానంగా ఆదరణ పొందుతున్నారు.
  
 ప్రమోటర్‌గా సూపర్
  వివిధ ఈవెంట్లలో, పెద్ద పెద్ద సమావేశాల్లో అతిథులను పలుకరిస్తూ, వారికి అవసరమైన సరంజామాను అందిస్తూ చిరునవ్వుతో సందడి చేస్తారు ప్రమోటర్స్. నగరంలో వేల సంఖ్యలో ప్రమోటర్స్ ఉన్నారు. ఈ రంగంలోనూ అమ్మాయిలకే డిమాండ్ ఎక్కువని ఈవెంట్ మేనేజర్ రాజ్‌కిషోర్ చెప్పారు.  
  
  


 జాతీయ పార్టీ, కొన్ని దశాబ్దాల పాటు దేశాన్ని ఏలిన తమ పార్టీ నాయకత్వం తీరే చిత్రవిచిత్రంగా ఉంటుందని కాంగ్రెస్‌పార్టీ నాయకులే గొణుక్కుంటున్నారట. రాష్ర్టంలో ప్రధాన ప్రతిపక్షంగా ఉంటూ జీహేచ్‌ఎంసీ ఎన్నికల్లో కేవలం రెండు సీట్లకే పరిమితమైన తీరు పట్ల జాతీయనాయకులు సైతం విస్మయం వ్యక్తంచేశారు. ప్రత్యేక రాష్ర్టంగా తెలంగాణను ఇచ్చిన పార్టీగా కాంగ్రెస్‌కు ఇదేమి గతి అంటూ కూడా రాష్ట్రనాయకుల తీరుపై ఒకింత అసహనం కూడా వెలిబుచ్చుతున్నారట. గ్రేటర్ హైదరాబాద్ ఎన్నికల ఫలితాలు వెలువడిన తర్వాత టీపీసీసీ ముఖ్యనేత ఒకరు ఢిల్లీ వెళ్లి పార్టీ అధినేత్రి సోనియాగాంధీ అపాయింట్‌మెంట్‌ను కోరారట. 
 
 అపాయింట్‌మెంట్ అయితే దొరకలేదు కాని అసలు ఎందుకు కలవాలని అనుకుంటున్నారో చెప్పాలని గట్టిగా అడిగారట. ఆ విషయాన్ని సోనియాగాంధీకే చెబుతానని సదరు నేత చెప్పినా అదేం కుదరదు కారణం చెప్పాల్సిందేనంటూ ఢిల్లీనేతలు రెట్టించారట. జీహేచ్‌ఎంసీ ఎన్నికల్లో ఘోర పరాజయానికి బాధ్యత వహిస్తూ తన పదవికి రాజీనామా చేస్తానని చెప్పేందుకే అపాయింట్‌మెంట్ కోరానని ఆ ముఖ్యనేత అసలు విషయం బయటపెట్టారట. దీనికి ప్రతిగా రాజీనామా చేయాల్సిన అవసరం లేదు. ఆ పరిస్థితి వచ్చినపుడు తామే పిలిపిస్తామని అధిష్టానం దూతలు ఆ నేతకు చెప్పి పంపించేశారట. కాంగ్రెస్‌లో పార్టీ అధ్యక్షులు రాజీనామాలు చేయడమంటూ ఉండదని, తొలగింపులే ఉంటాయనేది దీనివెనక అసలు రహస్యమని రాష్ర్టపార్టీ నేతలు చెవులు కొరుక్కోవడం కొసమెరుపు.


 సాక్షి, హైదరాబాద్: అక్రమ పద్ధతుల ద్వారా రాజకీయాలు చేయడమే టీఆర్‌ఎస్ పార్టీకి తెలిసిన విద్య అని తెలుగుదేశం పార్టీ విమర్శించింది. అధికారంలో రావడానికి సెంటిమెంట్‌ను అడ్డుపెట్టుకున్న టీఆర్‌ఎస్, ఫోన్ ట్యాపింగ్ ద్వారా ఎమ్మెల్సీ ఎన్నికల్లో గెలిచిందని ఆ పార్టీ కార్యనిర్వాహక కార్యదర్శి కర్నాటి విద్యాసాగర్ ఒక ప్రకటనలో విమర్శించారు. జీహెచ్‌ఎంసీ ఎన్నికల్లో ఏకంగా ఈవీఎంలనే ట్యాంపరింగ్ చేసిందని ఆయన ఆరోపించారు. ఏ ఎన్నికలు వచ్చినా ప్రలోభాలకు దిగి బెదిరించడం, దౌర్జన్యం చేయడం ద్వారా పైచేయి సాధించిందని, ఎన్నికల కోడ్ ఉల్లంఘన కేసులు దక్షిణ భారతదేశంలో తెలంగాణలో అత్యధికంగా నమోదు కావడమే అందుకు నిదర్శనమని పేర్కొన్నారు.


 సాక్షి, హైదరాబాద్: జీహెచ్‌ఎంసీ ఎన్నికల్లో ఓటమికి నైతిక బాధ్యత వహిస్తూ రంగారెడ్డి డీసీసీ అధ్యక్షుడు క్యామ మల్లేశం తన పదవికి రాజీనామా చేస్తున్నట్లు ప్రకటించారు. రాజీ నామా లేఖను టీపీసీసీ అధ్యక్షుడు ఎన్.ఉత్తమ్‌కుమార్ రెడ్డికి సోమవారం పంపించారు. కాంగ్రెస్ పార్టీ ఓడిపోవడం బాధాకరమని, ఈ ఓటమికి నైతిక బాధ్యత వహిస్తూ చేస్తున్న రాజీనామాను ఆమోదించాలని ఆ లేఖలో మల్లేశం కోరారు. ఇదిలా ఉండగా బల్దియా ఎన్నికల్లో ఓటమి కాంగ్రెస్‌లో చిచ్చు రేపుతోంది. పార్టీ పరాజయం నేపథ్యంలో ఇన్నాళ్లూ పార్టీలో ఉన్న విభేదాలు ఒక్కసారిగా బహిర్గతమయ్యాయి. పలువురు పార్టీ నేతలు డీసీసీ అధ్యకుడు క్యామపై మాటల దాడికి దిగడంతో ఆయన మనస్తాపం చెంది అధ్యక్ష పదవికి రాజీనామా చేసినట్లు తెలిసింది. అలాగే పార్టీ అధిష్టానం నుంచి రాజీనామా చేయాలని ఒత్తిడి రావడంతో ఆయనీ నిర్ణయం తీసుకున్నట్టు తెలిసింది.
 
  దానం రాజీనామా ఆమోదం: జీహెచ్‌ఎంసీ ఎన్నికల్లో కాంగ్రెస్ ఘోర పరాజయానికి బాధ్యత వహిస్తూ పార్టీ గ్రేటర్ అధ్యక్షుడు దానం నాగేందర్ చేసిన రాజీనామా ఆమోదానికి అధిష్టానం గ్రీన్‌సిగ్నల్ ఇచ్చింది. దానం రాజీనామాను ఆమోదించాలని టీపీసీసీ అధ్యక్షుడు ఎన్.ఉత్తమ్‌కుమార్ రెడ్డికి పార్టీ రాష్ట్ర వ్యవహారాల ఇన్‌చార్జి దిగ్విజయ్‌సింగ్ నుంచి సూచనలు అందినట్లుగా తెలిసింది. దీంతో నేడో, రేపో దానం రాజీనామాకు ఆమోదముద్ర వేయనున్నట్లు టీపీసీసీ వర్గాలు వెల్లడించాయి.


 హైదరాబాద్: జీహెచ్ ఎంసీ ఎన్నికల్లో ప్రజల తీర్పును గౌరవిస్తున్నామని కాంగ్రెస్ నాయకుడు, తెలంగాణ శాసనమండలిలో విపక్ష నేత షబ్బీర్ అలీ తెలిపారు. తెలంగాణలో ప్రధాన ప్రతిపక్షంగా ప్రభుత్వానికి నిర్మాణాత్మక సూచనలు ఇస్తామని చెప్పారు. టీఆర్ఎస్ గెలుపు రోల్డు గోల్డ్ బంగారం తీరుగా ఉందని పేర్కొన్నారు.
 
 టీఆర్ఎస్ ఇచ్చిన హామీలపై జనం చాలా ఆశలు పెట్టుకున్నారని, లక్ష ఇళ్ల నిర్మాణం సాధ్యమైనంత త్వరగా చేపట్టాలని కోరారు. ఇళ్ల నిర్మాణంపై ఇచ్చిన హామీని టీఆర్ఎస్ ప్రభుత్వం నిలబెట్టుకుంటుందనే నమ్మకం తనకు లేదన్నారు. గతంలో ఇళ్ల నిర్మాణంపై ఇచ్చిన హామీకి, బడ్జెట్ లో నిధులు కేటాయింపుకు పొంతన లేదని గుర్తు చేశారు. నాడు సాధ్యం కానిది ఇప్పుడు ఎలా సాధ్యమవు తుందని ఆయన ప్రశ్నించారు. జీహెచ్ ఎంసీ ఎన్నికల్లో తమ పార్టీ ఓటమికి నాయకులందరూ సమిష్టి బాధ్యత వహించాలని అన్నారు. ఈవిఎంల ట్యాంపరింగ్ పై పీసీసీ ఐటీ సెల్ ఆధారాలు సేకరిస్తోందని చెప్పారు.


 కాంగ్రెస్ నేత దాసోజు శ్రావణ్
 రాష్ట్ర ఎన్నికల ప్రధానాధికారి
 సీఎం కేసీఆర్‌తో కుమ్మక్కయ్యారు
 నోటా బటన్, ఈవీఎంలకు ప్రింటింగ్
 మిషన్‌లు ఎందుకు ఏర్పాటు చేయలేదు  
 ఎన్నికల అవకతవకలపై ఈసీ దృష్టికి తీసుకెళ్తాం
  
 సాక్షి, హైదరాబాద్: గ్రేటర్ హైదరాబద్ మున్సిపల్ ఎన్నికల్లో ఓటింగ్ కోసం ఉపయోగించిన ఈవీఎంలను ట్యాంపరింగ్ చేశారన్న అనుమానాలు రోజురోజుకు బలపడుతున్నాయని కాంగ్రెస్ ముఖ్య అధికారప్రతినిధి దాసోజు శ్రావణ్‌కుమార్ వ్యాఖ్యానించారు. ఓటింగ్ యంత్రాల్లో అవకతవకలు జరిగినట్లు తమ వద్ద ఆధారాలున్నాయని, వాటిని కేంద్ర ఎన్నికల కమిషన్ దృష్టి తీసుకెళ్లడంతో పాటు న్యాయస్థానాల్లోనూ ఫిర్యాదు చేస్తామన్నారు.
 గాంధీభవన్‌లో మాజీ మేయర్ బండ కార్తీకరెడ్డితో కలసి ఆదివారం ఆయన విలేకరుల సమావేశంలో మాట్లాడారు. ‘ఈవీఎంలను ట్యాంపరింగ్ చేయొచ్చని ఎన్నికల నిఘా సంస్థ నేత వీవీ రావ్ రుజువు చేస్తూ సుప్రీంకోర్టులో పిటిషన్ వేశారు. దీనిపై స్పందించిన న్యాయస్థానం ఓటింగ్ యంత్రాలకు ప్రింటింగ్ మిషన్‌లను ఏర్పాటు చేయాలని స్పష్టం చేసింది. అందుకు అనుగుణంగానే బిహార్, ఢిల్లీ శాసనసభ ఎన్నికల్లో ఈవీఎంలకు ప్రింటింగ్ మిషన్‌లను అమర్చారు’ అని చెప్పారు.
 జీహెచ్‌ఎంసీ ఎన్నికల్లో ఈవీఎంలకు ప్రిటింగ్ మిషన్‌లను ఎందుకు అమర్చలేదని, అలాగే ఈవీఎంలలో నోటా బటన్ ఎందుకు పెట్టలేదని ప్రశ్నించారు. దీన్నిబట్టి చూస్తే రాష్ట్రంలో ఎన్నికల ప్రధానాధికారి, సీఎం కేసీఆర్‌తో కుమ్మక్కైనట్లు తెలుస్తోందని ఆరోపించారు. 2010 ఉప ఎన్నికల్లో బ్యాలెట్ పేపర్ పెట్టాలంటూ టీఆర్‌ఎస్ నేత ఎస్.నిరంజన్‌రెడ్డి సుప్రీంకోర్టులో పిటిషన్ దాఖలు చేశారని, అప్పట్లో ఈసీ సమర్థించకపోతే ఒక్కో నియోజకవర్గంలో 100 మంది చేత నామినేషన్ దాఖలు చేయించారని శ్రావణ్ చెప్పారు.
 జాంబాగ్‌లో తమ పార్టీ అభ్యర్థి విక్రమ్‌గౌడ్ కుటుంబ సభ్యుల ఓట్లు ఒక పోలింగ్‌బూత్ పరిధిలో 125 ఓట్లు ఉంటే కేవలం 20 ఓట్లు మాత్రమే పోలయ్యాయన్నారు. 142వ డివిజన్ అడ్డగుట్టలో ఒక పోలింగ్ కేంద్రంలో 556 ఓట్లు పోలైతే... లెక్కింపులో 992 ఓట్లు ఎలా వచ్చాయని ప్రశ్నించారు. ట్యాంపరింగ్ జరిగిందనడానికి ఇంత కంటే నిదర్శనం ఏం కావాలన్నారు.
 ఎన్నికలకు ముందే టీఆర్‌ఎస్‌కు వంద సీట్లు, తమ మిత్రపక్షం ఎంఐఎంకు 45 సీట్లు వస్తాయని కచ్చితంగా ఎలా చెప్పగలిగారని ఆయన ప్రశ్నించారు. ఈ నేపథ్యంలో జీహెచ్‌ఎంసీ ఎన్నికల్లో కాంగ్రెస్ తరఫున పోటీ చేసిన అభ్యర్థులందరూ సోమవారం గాంధీభవన్‌కు రావాలని కోరారు. డివిజన్ వారీగా పోలైన ఓట్లపై సమీక్ష జరిపి తర్వాత న్యాయస్థానాన్ని ఆశ్రయిస్తామని శ్రావణ్ చెప్పారు.


 కొండంత దేవునికి కొండంత పత్రితో పూజ చేయలేకపోయినా, పరిపూర్ణ మనసుతో మదిలో తలచుకుంటే చాలునని నాయకులందరూ చదువుకున్నవారే. ఎన్నికల్లో పోటీచేసిన అభ్యర్థులకు, నాయకులకు సహజంగా ఓటరే దేవుడు. ఓటరు దేవుడ్ని ఎలా ప్రసన్నం చేసుకోవాలనే విషయంలో ఒక్కొక్క నాయకుడు ఒక్కొక్క పద్ధతిని అనుసరించడమూ ప్రజాస్వామ్య ప్రక్రియలో ఆనవాయితీగా వస్తోంది. గ్రామాల్లో అయితే ఒక ఓటరుపై ఒక అంచనా ఉంటుంది.
 గ్రేటర్ ఎన్నికల్లో ఓటరు మనసును గెలుచుకోవడానికి మార్గం తెలియక చాలామంది అభ్యర్థులు అవస్థలు పడగా, కొందరైతే ఎదురుదెబ్బలు తిన్నారట. శివారుప్రాంతంలోని ఒక డివిజనులో రిటైర్డు మిలిటరీ ఆఫీసరును మచ్చిక చేసుకోవడానికి పోటీచేసిన అభ్యర్థి ఒకరు సాయంత్రం పూట వస్తానని టైం తీసుకుని కలిశారట.
 ఎన్నికల్లో మద్దతుకోసం వట్టి చేతులతో పోవడం ఎట్లా అని ఒక మోస్తరు మందుబాటిల్ తీసుకుని వెళ్లాడట. పది నిమిషాలు మంచిచెడూ మాట్లాడిన తర్వాత ఈ అభ్యర్థి తీసుకుపోయిన బాటిల్‌ను టేబుల్ మీద పెట్టాడట. ఆ బాటిల్‌ను కింద నుంచి మీదకు చూసిన ఆ మిలిటరీ ఆఫీసరు తన పనిమనిషిని పిలిచి ఇంటిలో ఉన్న బాటిల్‌ను తెమ్మన్నాడట.
 మిలిటరీ ఆఫీసరు తెచ్చిన చాలా ఖరీదైన మందుసీసాను పనిమనిషితో మూత తెరిపించి, పోటీచేస్తున్న అభ్యర్థి తెచ్చిన బాటిల్‌ను తాగుపో అని పనిమనిషికి ఇచ్చాడట. మద్దతు అడగడానికి వచ్చిన ఆ అభ్యర్థి మారుమాట్లాడకుండా మిలిటరీ అధికారి చెప్పిన మాటలు విని, పోసిన మందు తాగి బయటపడ్డాడట.


 మలక్‌పేట...
  
 దిల్‌సుఖ్‌నగర్: మలక్‌పేట్ నియోజకవర్గంలో ఎంఐఎం మరోసారి పట్టు నిలుపుకొంది. మొత్తం 6 డివిజన్లకుగాను నాలుగు డివిజన్లలో  ఆ పార్టీ అభ్యర్థులు ఘన విజయం సాధించారు. గత బల్దియా ఎన్నికల్లో ఎంఐఎం మూడు డివిజన్లు సాధించగా ఈ సారి మరో సీటును అదనంగా గెలుపొందడం విశేషం. కాగా ఇదే నియోజకవర్గ పరిధిలోని ఆజంపురా డివిజన్‌లోనే డిప్యూటీ సీఎం మహమూద్ అలీ నివాసం ఉంది. ఆయన తన సొంత ఇలాకాలో పార్టీ అభ్యర్థులను గెలిపించుకోవడంలో విఫలమయ్యారు. గత బల్దియా ఎన్నికల్లో మూడు డివిజన్లలో ఎంఐఎం, మూడు డివిజన్లలో టీడీపీ, ఒక స్థానంలో ఎంబీటీ గెలుపొందింది. ఈసారి పునర్విభజనతో డివిజన్ల సంఖ్య ఆరుకు తగ్గినా ఎంఐఎం తన ప్రాబల్యాన్ని మరింత పెంచుకుంది.
 
 కాగా గత ఎన్నికల్లో టీఆర్‌ఎస్ అనూహ్యంగా పుంజుకుంది. మూసారాంబాగ్‌లో తీగల సునారితారెడ్డి, సైదాబాద్ నుంచి సింగిరెడ్డి స్వర్ణలతారెడ్డి టీఆర్‌ఎస్ తరఫున ఘన విజయం సాధించడం విశేషం. 2014 సార్వత్రిక ఎన్నికల్లో టీఆర్‌ఎస్ 11378 ఓట్లు సాధించగా, తాజా ఎన్నికల్లో 26 వేల పైచిలుకు ఓట్లు సాధించి ఓటు  బ్యాంక్‌ను గణనీయంగా పెంచుకోగలిగింది. గతంలో నియోజకవర్గంలో తిరుగులేని తెలుగుదేశం పార్టీ ఈ సారి తుడుచుపెట్టుకుపోవడం గమనార్హం. పార్టీ తరఫున హేమాహేమీలు బరిలోకి దిగినా పరాజయం పాలయ్యారు. గత ఎన్నికల్లో అజాంపురా నుంచి కార్పొరేటర్‌గా ఎన్నికైన ఎంబీటీ నాయకుడు అమ్జదుల్లాఖాన్ ఈ సారి అక్భర్‌భాగ్ డివిజన్ నుంచి పోటీ చేసి ఓటమిపాలయ్యారు.
  
  


 బహదూర్‌పురా, చాంద్రాయణగుట్ట స్వీప్
 యాకుత్‌పురా, చార్మినార్‌లో నాలుగేసి డివిజన్లు కైవసం
  
 చార్మినార్: పాతబస్తీలో మజ్లీస్ హవా కొనసాగింది. చార్మినార్, బహదూర్‌పురా, చాంద్రాయణగుట్ట, యాకుత్‌పురా నియోజకవర్గాల్లోని 25 డివిజన్లలో 22 డివిజన్లు తన ఖాతాలో వేసుకొని పాతబస్తీలో జయుకేతనం ఎగురవేసింది . సిట్టింగ్ సీట్లన్నీ తిరిగి కైవసం చేసుకుంది. బహదూర్‌పురా నియోజకవర్గంలోని ఫలక్‌నుమా, నవాబ్‌సాబ్‌కుంట, జహనుమా, కిషన్‌బాగ్, రామ్నాస్‌పురా, దూద్‌బౌలి తదితర డివిజన్లన్నీ మజ్లీస్ ఖాతాలోకి చేరాయి.
 
 చార్మినార్ నియోజకవర్గంలోని మొత్తం ఐదు డివిజన్లలో మొఘల్‌ఫురా, పత్తర్‌గట్టి, శాలిబండ, పురానాపూల్‌లలో మజ్లీస్  అభ్యర్థులు విజయం సాధించగా...ఘాన్సీబజార్ డివిజన్‌లో మాత్రం బీజేపీ అభ్యర్థి విజయం సాధించారు. చాంద్రాయణగుట్ట నియోజకవర్గంలో చాంద్రాయణగుట్ట, బార్కాస్, రియాసత్‌నగర్, కంచన్‌బాగ్, ఉప్పుగూడ, జంగమ్మెట్, లలితాబాగ్ డివిజన్లను మజ్లీస్ కైవసం చేసుకుంది. గతంలో ఈ డివిజన్లన్నీ మజ్లీస్‌వే. యాకుత్‌పురా నియోజకవర్గంలో ఏడు డివిజన్లు ఉండగా... డబీర్‌ఫురా, తలాబ్‌చంచలం, సంతోష్‌నగర్, రెయిన్‌బజార్, కుర్మగూడ తదితర ఐదు డివిజన్లను మజ్లీస్ పార్టీ తన ఖాతాలో వేసుకోగా... మిలిగిన గౌలిపురాలో బీజేపీ, ఐ.ఎస్.సదన్‌లో టీఆర్‌ఎస్ అభ్యర్థులు విజయం సాధించారు.


 ఖైరతాబాద్
  
 కారుకు స్పీడెక్కువ
 ఖైరతాబాద్ అసెంబ్లీ నియోజకవర్గ ప్రజలు మాత్రం టీఆర్‌ఎస్‌కు బహ్మ్రారథం పట్టారు. ఈ స్థానంలో టీడీపీ బలపరిచిన బీజేపీ నేత  చింతల రామచంద్రారెడ్డి ఎమ్మెల్యేగా ప్రాతినిథ్యం వహిస్తున్నా, జీహెచ్‌ఎంసీ ఎన్నికల్లో ఈ కూటమి ఒక్క సీటును కూడా గెలువ లేకపోయింది.  నియోజకవర్గ పరిధిలోని ఆరు డివిజన్లలో టీఆర్‌ఎస్ అభ్యర్థులు విజయం సాధించి , తిరుగులేని అధిక్యతను చాటారు. 2014లో జరిగిన అసెంబ్లీ ఎన్నికల్లో టీఆర్‌ఎస్‌కు 19,768 ఓట్లు రాగా, జీహెచ్‌ఎంసీ ఎన్నికల్లో 69,886 ఓట్లు సాధించి, గతం కంటె 50,118 ఓట్ల అధిక్యత సాధించింది. బీజేపీ-టీడీపీ కూటమికి గతంలో 53,102 ఓట్లు రాగా, ఈ ఎన్నికల్లో మాత్రం 35,793 ఓట్లతో సరిపెట్టుకోవాల్సివచ్చింది. కాంగ్రెస్ గత ఎన్నికల్లో 32,256 ఓట్లు రాగా, జీహెచ్‌ఎంసీ ఎన్నికల్లో మాత్రం 17,834 ఓట్లు వ చ్చాయి.  
  
 జూబ్లీహిల్స్‌లో...
 సిటీబ్యూరో: జీహెచ్‌ఎంసీ ఎన్నికల్లో కారు జోరుతో సైకిల్ పంక్చర్ కాగా, కమలం వాడిపోయింది. జూబ్లీహిల్స్   నియోజకవర్గంలో టీడీపీ-బీజేపీ కూటమికి ప్రజలు కోలుకోలేని షాక్ ఇచ్చారు. ఈ నియోజకవర్గాల్లో ఆయా పార్టీల ఎమ్మెల్యేలు ప్రాతినిథ్యం వహిస్తున్నా ఒక్క సీటును గెలిపించుకోలేక పోయారు. గ్రేటర్ హైదరాబాద్ టీడీపీ అధ్యక్షుడు మాగంటి గోపినాథ్ ప్రాతినిథ్యం వహిస్తున్న జూబ్లీహిల్స్ నియోజకవర్గంలో 2014 అసెంబ్లీ ఎన్నికల్లో ఆయకు 50,898 ఓట్లు రాగా, టీఆర్‌ఎస్ 18,436 ఓట్లతో మూడవ స్థానంలో నిలిచింది. ఎంఐఎం 41,656 ఓట్లు సాధించి రెండవ స్థానంలో నిలిచింది. ప్రస్తుత జీహెచ్‌ఎంసీ ఎన్నికల్లో  ఎంఐఎం 33,634 ఓట్లు సాధించి  రెండవ స్థానాన్ని నిలుబెట్టుకున్నా,  టీడీపీ-బీజేపి కూటమి 21,329 ఓట్ల చావుదెబ్బతింది. కాంగ్రెస్‌కు అసెంబ్లీ ఎన్నికల్లో 33,642 ఓట్లు రాగా, ఈ ఎన్నికల్లో మాత్రం 20,135 ఓట్లతో సరిపెట్టుకున్నా గ తంలో కంటే 13,507 ఓట్లు తగ్గాయి. ఈ నియోజకవర్గంలోని ఆరు డివిజన్లలో టీఆర్‌ఎస్ నాలుగు, ఎంఐఎం రెండు స్థానాల్లో విజయం సాధించాయి.
  
 సికింద్రాబాద్ ఏకపక్ష తీర్పు
 సికింద్రాబాద్: సికింద్రాబాద్ నియోజకవర్గ ప్రజలు ఏకపక్ష తీర్పు ఇచ్చారు. తార్నాక మినహా మిగతా నాలుగు డివిజన్లలో కాంగ్రెస్, టీడీపీ, బీజేపీ అభ్యర్థులకు కనీసం డిపాజిట్లు కూడా దక్కలేదు. గత అసెంబ్లీ ఎన్నికల్లో పద్మారావుగౌడ్‌కు 36, 600 మెజార్టీ కట్టబెట్టిన లష్కర్ ఓటర్లు ప్రస్తుత జీహెచ్‌ఎంసీ ఎన్నికల్లో 59,987ఓట్ల భారీ మెజారిటీ ఇచ్చారు.
  
 నగరంలోనే రికార్డు
  సీతాఫల్‌మండి టీఆర్‌ఎస్ అభ్యర్థి సామలహేమ భారీ మెజారిటీ సాధించారు. టీడీపీ అభ్యర్థి మేకల కీర్తికి 4208ఓట్లు, కాంగ్రెస్ అభ్యర్థి ఆర్.వాణికి 1899ఓట్లు రాగా. సామలహేమ 19,279ఓట్లు సాధించి రికార్డు సృష్టించారు.
  
 డిపాజిట్ దక్కించుకున్న మాజీ మేయర్
 నియోజకవర్గ పరిధిలోని తార్నాక డివిజన్ నుంచి పోటీచేసిన గ్రేటర్ మాజీ మేయర్ బండ కార్తీకారెడ్డి మాత్రమే డిపాజిట్ దక్కించుకున్నారు. తార్నాక డివిజన్‌లో 29,367 ఓట్లు పోలవగా అధికార టీఆర్‌ఎస్ అభ్యర్థి ఆలకుంట సరస్వతికి 18,051 ఓట్లు పడగా, మాజీ మేయర్ బండ కార్తీకారెడ్డి కేవలం 5110 ఓట్లతో సరిపెట్టుకుని డిపాజిట్ దక్కించుకున్నారు.
  
 మట్టికరిచిన మాజీలు
  నియోజకవర్గంలోని రెండు డివిజన్ల నుంచి ముగ్గురు మాజీ కార్పొరేటర్లు పోటీచేసినా అందరూ పరాజయం పాలయ్యారు. తార్నాక డివిజన్ నుంచి పోటీచేసిన మాజీ మేయర్, కాంగ్రెస్ అభ్యర్థి బండ కార్తీకారెడ్డి, బౌద్దనగర్ డివిజన్ నుంచి ఇద్దరు మాజీ కార్పోటర్లు ఆదం ఉమాదేవి (కాంగ్రెస్), పీ.స్వరూపాగౌడ్ (బీజేపీ)లు పరాజయం పాలయ్యారు. ఐదు డివిజన్లలో విజయదుంధుభి మోగించిన ఐదుగురు మహిళలు రాజకీయాలకు కొత్త కావడం గమనార్హం.
  
 ఎల్‌బీ నగర్...  ఎల్‌బీనగ ర్‌లో కారు జోరు
 ఎల్‌బీనగర్: ఎల్‌బీనగర్ నియోజకవర్గంలో కారు దూసుకెళ్లింది. ప్రత్యర్థి పార్టీలు కాంగ్రెస్, టీడీపీ, బీజేపీ కారు స్పీడును ఎక్క డా అందుకోలేకపోయాయి. 11 డివిజన్లకు గాను అన్ని డివిజన్లలో టీఆర్‌ఎస్ అభ్యర్థులు ఘన విజయం సాధించారు. కొన్ని డివిజన్లలో టీడీపీ అభ్యర్థులు అధికార టీఆర్‌ఎస్ పార్టీకి చెప్పుకోదగ్గ రీతిలో పోటీ ఇవ్వగలిగారు. సెటిలర్లు అధికంగా ఉన్న ఈ నియోజకవర్గంలో  డబుల్ బెడ్ రూమ్ ఇళ్లు, ఇళ్ల పట్టాల పంపిణీ, ఇంటి స్థలాల క్రమబద్దీకరణ తదితర హామీలు టీఆర్‌ఎస్ విజయం చేకూర్చాయని భావిస్తున్నారు. నియోజకవర్గంలో పార్టీ గెలుపు బాధ్యతలు తీసుకున్న మంత్రి జగదీష్‌రెడ్డి తమ అభ్యర్థులను గెలిపించుకోవడంలో సఫలీకృతులయ్యారు. కాగా 2014 సార్వత్రిక ఎన్నికల్లో  టీఆర్‌ఎస్‌కు 71791 ఓట్లు రాగా ఈసారి పార్టీ రెట్టింపు స్థాయిలో ఓట్లు దక్కించుకోవడం విశేషం. కాంగ్రెస్‌కు 56489 ఓట్లు, టీడీపీ, బీజేపీ కూటమికి 84,316 ఓట్లు దక్కాయి. తమ ఓటు బ్యాంకును కాపాడుకోవడంలో ఆయా పార్టీలు విఫలమయ్యాయని విశ్లేషకులు భావిస్తున్నారు.
  
 హస్తానికి షాక్..
 ఇదిలా ఉండగా అన్ని డివిజన్లలోనూ కాంగ్రెస్‌పార్టీ మూడో స్థానానికి పరిమితం కావడం విశేషం. బీఎన్‌రెడ్డి నగర్‌లో ఆ పార్టీ వెయ్యి ఓట్లతోనే సరిపెట్టుకోవాల్సి వచ్చింది.
  
 ఒక్క కార్పొరేటర్‌ను గెలిపించుకోని సిట్టింగ్ ఎమ్మెల్యే
 ఎల్భీనగర్ టీడీపీ సిట్టింగ్ ఎమ్మెల్యే ఆర్.కృష్ణయ్య నియోజకవర్గంలో ఒక్క డివిజన్‌లోనూ తమ పార్టీ అభ్యర్థులను గెలిపించుకోకపోవడం గమనార్హం.
  
 పరువు నిలబెట్టుకున్న రామ్మోహన్
 గత సార్వత్రిక ఎన్నికల్లో 71791 ఓట్లు సాధించి ఓటమి పాలయినప్పటికీ బల్దియా ఎన్నికల్లో గణనీయంగా పుంజుకుంది. ఈ సారి 11 డివిజన్లలో పాగా వేయడంతో పరువును నిలబె ట్టుకున్నట్లైంది.
  
 అంబర్‌పేట తారుమారు
 అంబర్‌పేట: అంబర్‌పేట నియోజకవర్గంలో అనుహ్య పరిణామాలు చోటు చేసుకున్నాయి. రాజకీయ పార్టీల బలాబలాలు పూర్తిగా మారిపోయాయి. గత అసెంబ్లీ ఎన్నికల్లో బీజేపీ రాష్ట్ర అధ్యక్షుడు కిషన్‌రెడ్డి అత్యధిక మెజార్టీతో గెలుపొందగా, టీఆర్‌ఎస్, కాంగ్రెస్ పార్టీ అభ్యర్థులు ఆయన దరిదాపుల్లోకి కూడా రాలేకపోయారు. అయితే ప్రస్తుత జీహెచ్‌ఎంసీ ఎన్నికల్లో పరిస్థితి పూర్తిగా తారుమారైంది. నియోజకవర్గంలో 48 శాతం పోలింగ్ నమోదు కాగా, ఐదు డివిజన్లను టీఆర్‌ఎస్ కైవసం చేసుకోవడం గమనార్హం. 2009 బల్దియా ఎన్నికల్లో నియోజకవర్గ పరిధిలోని ఏడు డివిజన్లో మూడింటిలో కాంగ్రెస్, ఒకటి బీజేపీ, ఒకటి టీడీపీ, ఒకటి ఎంఐఎం, ఒకదానిలో స్వతంత్య్ర అభ్యర్థి గెలుపొందారు. ప్రస్తుత ఎన్నికల్లో అందుకు భిన్నంగా ఒకే పార్టీకి ఓటర్లు పట్టం కట్టడం విశేషం.
  
 ముషీరాబాద్
  
 అయ్యో... లక్ష్మణా..!
 సిటీబ్యూరో; బీజేపీ శాసనసభ పక్షనేత లక్ష్మణ్ ప్రాతినిథ్యం వహిస్తున్న ముషీరాబాద్ నియోజకవర్గంలో కారు జోరందుకుంది. నియోజకవర్గ పరిధిలోని ఆరు డివిజన్లలో బీజేపీ ఒక్క సీటును కూడా గెలువలేకపోయింది. ఇందులో ఐదు డివిజన్లలో టీఆర్‌ఎస్ హవా కొనసాగగా, మిగిలిన మరో స్థానాన్ని ఎంఐఎం కైవసం చేసుకుంది. గత అసెంబ్లీ ఎన్నికల్లో వచ్చిన ఓట్ల శాతాన్ని పరిశీలిస్తే..బీజేపీ-టీడీపీ కూటమి హోరంగా దెబ్బతినగా, టీఆర్‌ఎస్ మాత్రం రెట్టింపు బలాన్ని పుంజుకుంది. కాంగ్రెస్ పార్టీ చతికిలపడింది. ఎంఐఎం ఒక స్థానాన్ని గెలుచుకొని, నియోజకవర్గంలో పాగాకు ప్రయత్నిస్తున్నట్లు జీహెచ్‌ఎంసీ ఫలితాలు వెల్లడిస్తున్నాయి. గత అసెంబ్లీ ఎన్నికల్లో బీజేపీ-టీడీపీ కూటమికి 65,209 ఓట్లు రాగా, ఈ ఎన్నికల్లో 28,762 ఓట్లతోనే సరి పెట్టుకోవాల్సివచ్చింది. ఎంఐఎం 12,122 ఓట్లు సాధించి ఉనికిని చాటుకుంది.
  
 మల్కాజిగిరి కారుకు బ్రహ్మరథం
 సిటీబ్యూరో : మల్కాజిగిరి నియోజకవర్గంలోని   9 డివిజన్లలోనూ టీఆర్‌ఎస్ భారీ విజయాన్ని నమోదు చేసుకుంది. మచ్చబొల్లారం, అల్వాల్, వెంకటాపురం, నేరేడ్‌మెట్, ఈస్ట్‌ఆనంద్‌బాగ్, మల్కాజిగిరి, వినాయక్‌నగర్, మౌలాలీ, గౌతమ్‌నగర్‌లలో  టీఆర్‌ఎస్ ఘన విజయం సాధించింది. అల్వాల్‌లో  పోటీ చేసిన  టీఆర్‌ఎస్ అభ్యర్ధి, ఎమ్మెల్యే చింతల కనకారెడ్డి కోడలు చింతల విజయశాంతి  10,616 ఓట్లతో సమీప ప్రత్యర్ధి బీజేపీ అభ్యర్ధిపైన విజయం సాధించారు. అల్వాల్‌లో బీజేపీ అభ్యర్ధికి 3,072 ఓట్లు  మాత్రమే లభించడం  గమనార్హం. మచ్చబొల్లారం డివిజన్ నుంచి పోటీ చేసిన టీఆర్‌ఎస్ అభ్యర్ధి జితేందర్‌నాగ్‌ను   రెండవ సారి కూడా  ప్రజలు భారీ మెజారిటీతో గెలిపించారు. ఆయన ఏకంగా 13,557 ఓట్ల  మెజారిటీతో గెలుపొందారు. మొత్తంగా  గత మెజారిటీని అధిగమించి  ఈ ఎన్నికల్లో టీఆర్‌ఎస్ విజయం సాధించింది.  .2014 అసెంబ్లీ ఎన్నికల్లో టీఆర్‌ఎస్‌కు 77,132 ఓట్లు లభించగా, ప్రస్తుత గ్రేటర్ ఎన్నికల్లో   90 వేలకు పైగా  ఓట్లు లభించాయి.


 జాంబాగ్‌లో టీఆర్‌ఎస్ అభ్యర్థి ఎం. ఆనంద్ కుమార్ గౌడ్‌పై మజ్లిస్ అభ్యర్థి డి. మోహన్ స్వల్ప తేడాతో విజయం సాధించారు. మోహన్‌కు 8,583 ఓట్లు రాగా, టీఆర్‌ఎస్ అభ్యర్థి ఆనంద్ కుమార్ గౌడ్‌కు 8,578 ఓట్లు పోలయ్యాయి. కేవలం 5 ఓట్ల తేడాతో మజ్లిస్ అభ్యర్థి మోహన్ విజయం సాధించారు.
 
 టీడీపీ అభ్యర్థి భజరంగ్ శర్మకు 5,235 ఓట్లు రాగా, కాంగ్రెస్ మేయర్ అభ్యర్థిగా బరిలో దిగిన మాజీ మంత్రి ఎం. ముఖేష్‌గౌడ్ తనయుడు విక్రమ్ గౌడ్ 3,382 ఓట్లతో నాలుగో స్థానంతో సరిపెట్టుకున్నారు.                             - అబిడ్స్
  


 
 
 
 
 నెం
 
 
 
 అసెంబ్లీ సెగ్మెంట్
 
 
 
 మొత్తం స్థానాలు
 
 
 
 టీఆర్ఎస్
 
 
 
 ఎంఐఎం
 
 
 
 టీడీపీ- బీజేపీ
 
 
 
 కాంగ్రెస్
 
 
 
 
 
 
  1
 
 ఉప్పల్
 
 
 10
 
 
 
 09
 
 
 
 --
 
 
 
 --
 
 
 
 01
 
 
 
 
  2
 
 ఎల్ బీ నగర్
 
 
 10
 
 
 
 10
 
 
 
 --
 
 
 
 --
 
 
 
 --
 
 
 
 
  3
 
 మహేశ్వరం
 
 
 03
 
 
 
 02
 
 
 
 --
 
 
 
 01
 
 
 
 --
 
 
 
 
  4
 
 మలక్ పేట్
 
 
 06
 
 
 
 02
 
 
 
 04
 
 
 
 --
 
 
 
 --
 
 
 
 
  5
 
 చార్మినార్
 
 
 06
 
 
 
 --
 
 
 
 05
 
 
 
 01
 
 
 
 --
 
 
 
 
  6
 
 యాకుత్ పూరా
 
 
 06
 
 
 
 01
 
 
 
 04
 
 
 
 01
 
 
 
 --
 
 
 
 
  7
 
 చాంద్రాయణగుట్ట
 
 
 07
 
 
 
 --
 
 
 
 07
 
 
 
 --
 
 
 
 --
 
 
 
 
  8
 
 బహుదూర్ పూరా
 
 
 06
 
 
 
 --
 
 
 
 06
 
 
 
 --
 
 
 
 --
 
 
 
 
  9
 
 గోషామహల్
 
 
 06
 
 
 
 03
 
 
 
 02
 
 
 
 01
 
 
 
  
 
 
 
 
  10
 
 రాజేంద్రనగర్
 
 
 05
 
 
 
 03
 
 
 
 02
 
 
 
 --
 
 
 
 --
 
 
 
 
  11
 
 కార్వాన్
 
 
 06
 
 
 
 01
 
 
 
 05
 
 
 
  
 
 
 
  
 
 
 
 
  12
 
 నాంపల్లి
 
 
 07
 
 
 
 01
 
 
 
 06
 
 
 
 --
 
 
 
 --
 
 
 
 
  13
 
 ఖైరతాబాద్
 
 
 05
 
 
 
 05
 
 
 
 --
 
 
 
 --
 
 
 
 --
 
 
 
 
  14
 
 జూబ్లీహిల్స్
 
 
 07
 
 
 
 05
 
 
 
 02
 
 
 
 --
 
 
 
 --
 
 
 
 
  15
 
 ముషీరాబాద్
 
 
 06
 
 
 
 05
 
 
 
 01
 
 
 
 --
 
 
 
 --
 
 
 
 
  16
 
 సనత్ నగర్
 
 
 06
 
 
 
 06
 
 
 
 --
 
 
 
 --
 
 
 
 --
 
 
 
 
  17
 
 అంబర్ పేట్
 
 
 05
 
 
 
 05
 
 
 
 --
 
 
 
 --
 
 
 
 --
 
 
 
 
  18
 
 శేరిలింగంపల్లి
 
 
 10
 
 
 
 10
 
 
 
 --
 
 
 
 --
 
 
 
 --
 
 
 
 
  19
 
 పటాన్ చెరు
 
 
 03
 
 
 
 02
 
 
 
 --
 
 
 
 --
 
 
 
 01
 
 
 
 
  20
 
 కూకట్ పల్లి
 
 
 08
 
 
 
 07
 
 
 
 --
 
 
 
 01
 
 
 
 --
 
 
 
 
  21
 
 కుత్బుల్లా పూర్
 
 
 08
 
 
 
 08
 
 
 
 --
 
 
 
 --
 
 
 
 --
 
 
 
 
  22
 
 మల్కాజ్ గిరి
 
 
 09
 
 
 
 09
 
 
 
 --
 
 
 
 --
 
 
 
 --
 
 
 
 
  23
 
 సికింద్రాబాద్
 
 
 05
 
 
 
 05
 
 
 
 --
 
 
 
 --
 
 
 
 --
 
 
 
 
 మొత్తం
 
  
 
 
 150
 
 
 
 99
 
 
 
 44
 
 
 
 05
 
 
 
 02
 
 
 
 
 
 
  


 ► ప్రతిసారీ మారుతున్న రిజర్వేషన్లు
 ► మజ్లిస్ పార్టీకి కంచుకోటగా పురానాపూల్
 ► కాంగ్రెస్‌లో చేరిన మహ్మద్ గౌస్ మారిన సమీకరణలు
  
 చార్మినార్: పురానాపూల్... పోలింగ్ నాటి సంఘటనలు...రీ పోలింగ్‌తో ఈ ప్రాంతం ఒక్కసారి వార్తల్లోకి వచ్చింది. గ్రేటర్ ఎన్నికల ప్రకటన వెలువడినప్పటి నుంచే కాంగ్రెస్, మజ్లిస్ పార్టీల నడుమ ఘర్షణ వాతావరణం నెలకొంది. పోలింగ్ మొదలైనప్పటినుంచి రెండు పార్టీల నాయకులు, అభ్యర్థులు, కార్యకర్తలకు అక్కడక్కడ వాగ్వాదాలు, ఆందోళనలతో పాటు అరెస్ట్‌లూ చోటుచేసుకున్నాయి. పరిస్థితులను సమీక్షించిన ఉన్నతాధికారులు పురానాపూల్ డివిజన్‌లో శుక్రవారం రీ-పోలింగ్‌కు ఆదేశాలు జారీ చేశారు.
 
 మారుతున్న రిజర్వేషన్లు
 1986 నాటి బల్దియా ఎన్నికల్లో ఎస్సీ రిజర్వేషన్‌గా ఉన్న పురానాపూల్ డివిజన్ 2002లో బీసీలకు కేటాయించారు. 2009లో మహిళలకు రిజర్వ్ చేశారు. ఇలా 1986 నుంచీ మారుతూ వస్తోంది. పునర్విభజన అనంతరం తాజాగా బీసీ జనరల్‌గా మారింది. 2009లో 23,863 మంది ఓటర్లు ఉండగా... ప్రస్తుతం ఈ సంఖ్య 34,407.
  
 రాజకీయ నేపథ్యం
 1986లో పురానాపూల్ డివిజన్ ఎస్సీలకు రిజర్వు కావడం తో అప్పట్లో బీజేపీ అభ్యర్థి విజయ్ కుమారి కార్పొరేటర్‌గా ఎన్నికయ్యారు. 2002లో మజ్లిస్ పార్టీ అభ్యర్థి సున్నం రాజ్‌మోహన్ విజయం సాధించారు. అనంతరం మహిళా రిజర్వేషన్ కావడంతో మజ్లిస్ అభ్యర్థి సున్నం శ్రీలత గెలుపొందా రు. అప్పటి నుంచీ మజ్లిస్‌కు కంచుకోటగా మారింది. ప్రస్తుతం పునర్విభజన అనంతరం రాజకీయ సమీకరణలు మారాయి.  
 
 మహ్మద్ గౌస్ కాంగ్రెస్‌లో చేరడంతో....
 పురానాపూల్ డివిజన్ నుంచి కాంగ్రెస్ పార్టీ తరఫున మాజీ కార్పొరేటర్ మహ్మద్ గౌస్ పోటీ చేస్తున్నారు. ఆయనతో పాటు కుమారుడు, భార్య కూడా రంగంలోకి దిగారు. దీంతో ఒవైసీ సోదరులకు, మహ్మద్ గౌస్‌కు నడుమ పచ్చగడ్డి వేస్తే భగ్గుమంటోంది. దశాబ్దాలుగా మజ్లిస్ పార్టీ కార్యకర్తగా కొనసాగిన గౌస్... 2002లో చార్మినార్ డివిజన్ నుం చి, 2009లో శాలిబండ నుంచి మజ్లిస్ పార్టీ అభ్యర్థిగా భారీ మెజార్టీతో విజయం సాధిం చారు. ఉన్నట్టుండి ఆ పార్టీకి గుడ్‌బై చెప్పి కాంగ్రెస్ పార్టీలో చేరడంతో పాతబస్తీలో రాజకీయాలు వేడెక్కాయి. అంతేకాకుండా తన కుటుంబ సభ్యు లు పోటీ చేస్తున్న మూ డు డివి జన్ల నుంచి విజయం సాధిం చాలనే బాధ్యతలను కాంగ్రెస్ పార్టీ అధిష్టానం మహ్మద్ గౌస్‌కు అప్పగిం చింది. ఎన్నికల ప్రచారంలో కాంగ్రెస్ అధిష్ఠానం దృష్టినంతా పురానాపూల్, ఘాన్సీబజార్, శాలిబండ డివి జన్లపై పెట్టింది. మజ్లిస్ పార్టీ తప్పొప్పులను స్థానిక ప్రజ లకు చెబుతూ ప్రజల్లోకి దూసుకెళ్లే ప్రయత్నం చేసిన మహ్మ ద్ గౌస్ బహిరంగ సభల ద్వారా ఒవైసీ సోదరులకు సవాళ్లు విసిరారు. ఖిల్వత్ మైదానంలో బహిరంగ సభ ఏర్పాటు చేసి ఏఐసీసీ ప్రధాన కార్యదర్శి దిగ్విజయ్ సింగ్, టీపీసీసీ అధ్యక్షుడు ఉత్తమ్ కుమార్ రెడ్డి, ఎమ్మెల్సీ మహ్మద్ అలీ షబ్బీర్‌లను రప్పిం చారు. రోడ్ షోలతో ప్రజలను ఆకట్టుకునేప్రయత్నం చేశారు.
 
 మజ్లిస్ వ్యూహాత్మకంగా...
 కాంగ్రెస్ పార్టీ అగ్రనాయకులతో పాటు మహ్మద్ గౌస్‌కు చెక్ పెట్టాలని ఒవైసీ సోదరు లు భావించారు. దీనికి అనుగుణంగానే బహిరంగ సభను నిర్వహించిన మజ్లిస్...కాంగ్రెస్‌కు దీటుగా జవాబిచ్చింది. తమ పార్టీకి కంచుకోటగా ఉన్న పాతబస్తీలో కాంగ్రెస్ పార్టీ ఉనికి కనుమరుగవుతుందని... ‘పతంగ్’ను ఎవరూ ఏమీ చేయలేరని ధీమా వ్యక్తం చేసింది.
  
 పోలింగ్ రోజు ఏం జరిగిందంటే...
 చార్మినార్ ఎమ్మెల్యే సయ్యద్ అహ్మద్ పాషా ఖాద్రీ (మజ్లిస్), పురానాపూల్ కాంగ్రెస్ అభ్యర్థి మహ్మద్ గౌస్ మంగళవారం ఉదయం నుంచీ పోలింగ్ సరళిని పరిశీలిస్తున్నారు. పోలింగ్ స్టేషన్లను సందర్శిస్తూ.. పరిస్థితిని సమీక్షిస్తున్నారు. ఈ నేపథ్యం లో మధ్యాహ్నం 1.30 గంటలకు జలాల్‌కుంచా ప్రాంతంలో ఎమ్మె ల్యే, కాంగ్రెస్ అభ్యర్థి ఒకరికొకరు ఎదురు పడ్డారు. దీం తో ఇరువర్గాల్లో ఆగ్రహం కట్టలు తెం చుకుంది. వాగ్వాదాలతో ప్రారంభమై దాడులకు దారి తీసింది. విష యం తెలుసుకున్న దక్షిణ మండల డీసీ పీ వి.సత్యనారాయణ సంఘటన స్థలానికి చేరుకొని ఇరువురినీ అదుపులోకి తీసుకున్నారు. ఎమ్మెల్యేను చార్మినార్ పోలీ స్ స్టేషన్‌కు... మహ్మద్ గౌస్‌ను మీర్‌చౌక్ పోలీస్‌స్టేషన్ కు తరలించారు. విషయం తెలుసుకుని టీపీసీసీ అధ్యక్షుడు ఉత్తమ్ కుమార్ రెడ్డి, ఎమ్మెల్సీ షబ్బీర్ అలీ, పరిగి ఎమ్మెల్యే రాంమోహన్‌రెడ్డి ... ఎంపీ అసదుద్దీన్ ఒవైసీ తమ అనుచరులతో వేర్వేరుగా పోలీస్ స్టేషన్‌కు చేరుకోవడంతో పరిస్థితి ఉద్రిక్తతకు దారితీసి దాడులకు పాల్పడిన విషయం తెలిసిందే.
  
 ప్రేమకు వంతెన...
 ప్రేమకు వారధిగా నిర్మించిన పురానాపూల్ బ్రిడ్జి పేరుతో ఈ డివిజన్ ఏర్పడింది. ప్రిన్స్ మహ్మద్ కులీ కుతుబ్‌షా మూసీ నది ఇవతల ఉన్న భాగమతిని ప్రేమించారు. ఆమెను కలవడానికి మూసీ నదిని దాటుతూ వచ్చేవారు. దీనిని గమనించిన ఆయన తండ్రి సుల్తాన్ ఇబ్రహీం కులీకుతుబ్‌షా 1578లో నదిపై ప్యారానాపూల్ బ్రిడ్జిని నిర్మించారు. ప్యార్ అంటే ప్రేమ. పూల్ అంటే బ్రిడ్జి. ప్రేమకు గుర్తుగా నిర్మించిన ఈ ‘ప్యారానాపూల్’ కాలక్రమంలో పురానాపూల్‌గా మారిం ది. పురానా అంటే పురాతన అని అర్థం. దక్షిణ భారతదేశంలోనే అతి పురాతనమైనదిగా పేరొందిన ఈ వంతెన హైదరాబాద్ నగరంలో మొట్టమొదటిది.


 ⇒ నేడే జీహెచ్‌ఎంసీ ఎన్నికల ఫలితాలు
 ⇒ మధ్యాహ్నం 3 గంటల నుంచి  లెక్కింపు ప్రారంభం
 ⇒ సాయంత్రం 5 గంటల తర్వాతే ప్రకటన
 ⇒ మొదటి రెండు గంటల్లో 26 వార్డుల ఫలితాలు
 ⇒ 4 గంటల్లో పూర్తి చేయాలని యత్నం
 ⇒ జీహెచ్‌ఎంసీ కమిషనర్,  ఎన్నికల అధికారి జనార్దన్‌రెడ్డి వెల్లడి
  
 సిటీబ్యూరో: జీహెచ్‌ఎంసీ ఎన్నికల్లో పోటీ చేసిన అభ్యర్థుల జాతకాలు శుక్రవారం తేలనున్నాయి. గెలిచేదెవరో.. ఓడేదెవరో మరికొన్ని గంటల్లో వెల్లడి కానుంది. శుక్రవారం మధ్యాహ్నం 3 గంటల నుంచి కౌంటింగ్ ప్రారంభమవుతుంది. పురానాపూల్ వార్డుకు రీపోలింగ్ జరుగుతున్న దృష్ట్యా నిర్ణీత సమయం ముగిసే వరకు (సాయంత్రం 5 గంటలు) ఫలితాలను వెల్లడించరు. సాయంత్రం 5 గంటల తర్వాతే వార్డుల ఫలితాలు ప్రకటిస్తారు. కౌంటింగ్ ఏర్పాట్లు, ఇతర వివరాలను జీహెచ్‌ంఎసీ కమిషనర్, ఎన్నికల అధికారి డా.బి.జనార్దన్‌రెడ్డి గురువారం మీడియా సమావేశంలో  వివరించారు. ఈవీఎంలను స్ట్రాంగ్‌రూమ్‌ల నుంచి లెక్కింపు కౌంటర్లకు చేర్చేటప్పటి నుంచి పూర్తయ్యే వరకు మొత్తం కౌం టింగ్ ప్రక్రియను వీడియో రికార్డింగ్ చేస్తామన్నారు. కౌం టింగ్ ఏర్పాట్లు చేసిన దాదాపు 25 ప్రాంతాల్లో కట్టుదిట్టమైన భద్రతా ఏర్పాట్లు చేశామని చెప్పారు. ప్రతి టేబుల్‌కు ఒక కౌంటింగ్ సూపర్‌వైజర్, అడిషనల్ సూపర్‌వైజర్, కౌంటింగ్ అసిస్టెంట్‌లు ఉంటారు. వీరిని ఎన్నికల పరిశీలకులు, రిట ర్నింగ్ అధికారులు ర్యాండమ్‌గా నియమిస్తారు. ఓట్ల లెక్కిం పు మొత్తం ఎన్నికల పరిశీలకుల పర్యవేక్షణలో జరుగుతుంది.
  
 ఇంకా..
 ⇒తొలుత మాక్ కౌంటింగ్ నిర్వహిస్తారు.
 ⇒మొదటి అరగంట పోస్టల్ బ్యాలెట్లు లెక్కిస్తారు.
 ⇒దీని కోసం రిటర్నింగ్ ఆఫీసర్ వద్ద ప్రత్యేక టేబుల్ ఉంటుంది.
 ⇒నిరంతరం విద్యుత్ సరఫరా చేస్తారు. జనరేటర్లు అందుబాటులో ఉంచుతారు.
 ⇒కౌంటింగ్ హాళ్లలోకి సెల్‌ఫోన్లు నిషిద్ధం.  
 ⇒ఫలితాల వివరాలు తెలియజేసేందుకు మీడియా కేంద్రా లు ఉంటాయి.
  
 మధ్యాహ్నం 3 గంటల నుంచి లెక్కింపు ప్రారంభిస్తారు. ఫలితాలు తెలిసినప్పటికీ సాయంత్రం 5 గంటల వరకు వెల్లడించరు. కౌంటింగ్ మొదలైన రెండు గంటలకు తొలి ఫలితం వెలువడే అవకాశం ఉంది.
 ⇒ మొత్తం ఫలితాల వెల్లడికి నాలుగు గంటల సమయం పడుతుందని అంచనా.
 ⇒ మొత్తం 1,674 టేబుళ్లు ఏర్పాటు చేస్తున్నారు.
 ⇒ కౌంటింగ్ సిబ్బంది 5,626 మంది.
 ⇒827 రౌండ్లలో మొత్తం లెక్కింపు పూర్తవుతుంది.
 ⇒ లెక్కింపు కేంద్రంలోకి ఎలక్ట్రానిక్ మీడియాను అనుమతించరు.
 ⇒ తొలి రెండు గంటల్లో 26 వార్డుల ఫలితాలు వెల్లడయ్యే అవకాశం ఉంది.
 ⇒ నాలుగు గంటల్లో అన్ని వార్డుల ఫలితాలు వెలువడే అవకాశం ఉంది.
 ⇒ కౌంటింగ్ కేంద్రాల వద్ద 144 సెక్షన్ అమలులో ఉంటుంది. పాసులు ఉన్న వారికే అనుమతి.
 ⇒ పాసులు లేకుండా ఎవరూ రావద్దని రాజకీయ పార్టీలకు విజ్ఞప్తి.
 ⇒ పోలీసుల అనుమతి ఉంటేనే విజేతలు ర్యాలీలు   నిర్వహించాలి.
 
 3 నుంచి 10 రౌండ్లు
 కౌంటింగ్ కేంద్రాల్లోని సదుపాయాలు.. పోలింగ్ కేంద్రాలను బట్టి మూడు నుంచి పది రౌండ్లలో లెక్కింపు పూర్తవుతుంది. మొత్తం వార్డుల సంఖ్య 150. వీటిలో 99 వార్డుల లె క్కింపు ఒకేసారి (మధ్యాహ్నం 3 గంటలనుంచి) ప్రారంభమవుతుంది. అవి పూర్తయ్యాక మరో రెండు, మూడు దఫాల్లో లెక్కింపు జరుగుతుంది.
 
 తొలి దశలో ఫలితాలు వెలువడే వార్డులు: తొలి రెండు గంటల్లో ఫలితాలు వెలువడనున్న వార్డుల్లో కాప్రా, మీర్‌పేట హెచ్‌బీ కాలనీ, చిలుకానగర్, రామంతాపూర్, అక్బర్‌బాగ్, రెయిన్‌బజార్, లలితాబాగ్, సంతోష్‌నగర్, ఫలక్‌నుమా, నవాబ్‌సాహెబ్‌కుంట, శాలిబండ, జియాగూడ, దత్తాత్రేయనగర్, లంగర్‌హౌస్, టోలిచౌకి, మెహదీపట్నం, హిమాయత్‌నగర్, కాచిగూడ, అడిక్‌మెట్,ముషీరాబాద్, షేక్‌పేట, గచ్చిబౌలి, మాదాపూర్, చింతల్, నేరేడ్‌మెట్ ఉన్నాయి.  మూడు గంటల్లో ఫలితాలు వెలువడనున్న వార్డుల్లో సైదాబాద్, సులేమాన్‌నగర్, శాస్త్రిపురం, మైలార్‌దేవ్‌పల్లి, గుడిమల్కాపూర్, ఆసిఫ్‌నగర్, విజయనగర్ కాలనీ, అహ్మద్‌నగర్, రెడ్‌హిల్స్, జాంబాగ్, గన్‌ఫౌండ్రి, గోల్నాక, బాగ్‌అంబర్‌పేట, రామ్‌నగర్, ఖైరతాబాద్, మియాపూర్, భారతీనగర్, ఆర్‌సీపురం, ఓల్డ్‌బోయిన్‌పల్లి, గాజులరామారం, రంగారెడ్డినగర్, వెంకటాపురం, అడ్డగుట్ట, మెట్టుగూడ, బౌద్ధనగర్, రామ్‌గోపాల్‌పేట ఉన్నాయి.
  


 హైదరాబాద్: తమ పార్టీ నేతలపై దాడి చేసిన ఎంఐఎం ఎమ్మెల్యే అక్బరుద్దీన్ ఒవైసీపై కాంగ్రెస్ సీనియర్ నాయకుడు వి. హనుమంతరావు తీవ్రస్థాయిలో ధ్వజమెత్తారు. అక్బరుద్దీన్ బిన్ లాడెన్ లా వ్యవహరిస్తున్నారని మండిపడ్డారు. కాంగ్రెస్ ను ఖతం చేసేందుకు మోదీ కూడా కలుస్తామని అక్బరుద్దీన్ అనడం మజ్లిస్ అవకాశవాద రాజకీయలకు పరాకాష్ట అన్నారు.
 
 ఒవైసీ సోదరులను తమ పార్టీ నేతలే నెత్తికి ఎక్కించుకున్నారని గుర్తు చేశారు. ఒవైసీ సోదరులను కట్టడి చేయాలని సీఎం కేసీఆర్ కు సూచించారు. కాంగ్రెస్ ను వాడుకుని వదిలేసినట్టే రేపు టీఆర్ఎస్ పార్టీని కూడా వాడుకుని వదిలేస్తారని హెచ్చరించారు.
 
 పీసీసీ అధ్యక్షుడిపైనే దాడి జరిగితే తమ పార్టీ ఏమీ చేయలేకపోయిందని, దీనికి ఉత్తమ్ కుమార్, జానారెడ్డి, షబ్బీర్ అలీ నాయకత్వమే కారణమన్నారు. ఇక నుంచి హైదరాబాద్ కాంగ్రెస్ ను తామే నడుపుకుంటామని హనుమంతరావు పేర్కొన్నారు.


 లెక్క తేల్చిన అధికారులు  
 గత ఎన్నికలతో పోలిస్తే స్వల్ప పెరుగుదల
  
  సాక్షి, హైదరాబాద్: జీహెచ్‌ఎంసీ ఎన్నికల్లో 45.27 శాతం పోలింగ్ నమోదైనట్లు అధికారులు లెక్క తేల్చారు. బుధవారం ఈ వివరాలు వెల్లడించారు. పోలింగ్ జరిగిన మంగళవారం సాయంత్రం వరకు పూర్తి సమాచారం అందకపోవడంతో సాయంత్రం 4.30 గంటల వరకు తమవద్ద ఉన్న సమాచారం మాత్రమే వెల్లడించారు. జీహెచ్‌ఎంసీ కమిషనర్ దాదాపు 45 శాతం పోలింగ్  జరిగినట్లు మీడియా సమావేశంలో వెల్లడించడం తెలిసిందే.
 
 దాదాపుగా అంతే పోలింగ్ నమోదైంది. వివిధ వర్గాల ద్వారా, సామాజిక వేదికల ద్వారా, వీఐపీల ద్వారా విస్తృత ప్రచారం నిర్వహించడంతో ఈసారి కనీసం 50 నుంచి 60 శాతం వరకు పోలింగ్ నమోదు కాగలదని అంచనా వేశారు. అయితే నగర ప్రజల్లో పోలింగ్‌పై ఇంకా చైతన్యం పెరగాల్సి ఉందని తేలింది. గత జీహెచ్‌ఎంసీ ఎన్నికలతో పోలిస్తే ఈసారి దాదాపు 3 శాతం పోలింగ్ పెరిగింది. గత ఎన్నికల్లో, ఈ ఎన్నికల్లో తక్కువ శాతం పోలింగ్ నమోదైన వార్డు విజయనగర్ కాలనీయే కావడం విశేషం.
  
  ఇవీ వివరాలు..
  2002లో ఎంసీహెచ్‌గా ఉన్నప్పుడు..
  మొత్తం ఓటర్లు : 26,78,009
  పోలైన ఓట్లు: 11,58,913
  పోలింగ్ శాతం: 43.27
  
  2009లో జీహెచ్‌ఎంసీ తొలి ఎన్నికల్లో..
  మొత్తం ఓట్లు: 56,99,639
  పోలైన ఓట్లు: 23,98,105
  పోలింగ్ శాతం: 42.07
  
  2016.. ప్రస్తుత ఎన్నికల్లో
  మొత్తం ఓట్లు: 74,23,980
  పోలైన ఓట్లు: 33,60,543
  పోలింగ్ శాతం: 45.27


 ఉత్తమ్, షబ్బీర్‌లపై దాడి కేసులో ముగ్గురు అరెస్టు
 ఎంపీ అసదుద్దీన్ సమక్షంలోనే వారిపై దాడి: డీసీపీ
  
  హైదరాబాద్: జీహెచ్‌ఎంసీ ఎన్నికల పోలింగ్ సందర్భంగా మంగళవారం హైదరాబాద్‌లో చోటుచేసుకున్న పలు ఉదంతాలకు సంబంధించి పోలీసులు 14 కేసులు నమోదు చేశారు. వీటిలో అత్యధికం మజ్లిస్‌పై నమోదయ్యాయి. పశ్చిమ మండలంలో నాలుగు, తూర్పు మండలంలో మూడు, మధ్య మండలంలో ఒకటి, దక్షిణ మండలంలో ఆరు కేసులతో పాటు ముందస్తు అరెస్టుకు సంబంధించి దక్షిణ మండల పోలీసులు మరో రెండు కేసులు నమోదు చేశారు. వీటి దర్యాప్తు తీరుతెన్నులను నగర పోలీస్ కమిషనర్ ఎం.మహేందర్‌రెడ్డి బుధవారం ఉన్నతాధికారులతో సమీక్షించారు.
 
 మంగళవారం పీసీసీ అధ్యక్షుడు ఉత్తమ్‌కుమార్‌రెడ్డి, కాంగ్రెస్ ఎమ్మెల్సీ మహ్మద్ షబ్బీర్ అలీ, ఎమ్మెల్యే రామ్మోహన్‌రెడ్డి కార్ల అద్దాలు ధ్వంసం, షబ్బీర్ పై దాడి ఘటనల్లో ముగ్గురు నిందితులను బుధవారం అరెస్టు చేసినట్లు సౌత్‌జోన్ డీసీపీ సత్యనారాయణ వెల్లడించా రు. ఈ ఘటనలో హైదరాబాద్ ఎంపీ, మజ్లిస్ అధినేత అసదుద్దీన్ ఒవైసీపైనా కేసు నమోదు చేశామని, వీడియో ఫుటేజీలను పరిశీలించి ఆయనపై చర్యలు తీసుకుంటామన్నారు. ‘‘ఈ కేసులో ఓల్డ్ మలక్‌పేట్‌కు చెందిన సయ్యద్ అబ్దాహు ఖాద్రీ అలియాస్ కషఫ్(21), కాలాపత్తర్‌కు చెందిన షేక్ ఆబేద్(38), డబీర్‌పురాకు చెందిన మహ్మద్ మసీవుద్దీన్ అలియాస్ మసీ (34)లను అరెస్ట్ చేశాం.
 
 అసద్ సమక్షంలోనే దాడి జరిగినట్లు ఆధారాలున్నాయి. జంగంమెట్ బీజేపీ అభ్యర్థి కౌడి మహేందర్‌పై మజ్లిస్ ఎమ్మెల్యే అక్బరుద్దీన్ ఒవైసీ దాడి చేసిన సంఘటనలో ఎస్సీ, ఎస్టీ అత్యాచార నిరోధక చట్ట కింద కేసు నమోదు చేశాం. రెయిన్‌బజార్, సంతోష్‌నగర్ పోలీస్‌స్టేషన్లలో కూడా పోలింగ్ కేసులు నమోదయ్యా యి. మజ్లిస్ పార్టీ వెబ్ మీడియా నిర్వహిస్తున్న సయ్యద్ అబ్దాహు ఖాద్రీ ఇంజనీరింగ్ చేశాడు. షబ్బీర్ అలీపై మీర్ చౌక్ పోలీస్‌స్టేషన్ వద్ద పిడిగుద్దులతో దాడి చేశారు. ఇది ఉద్దేశపూర్వకంగా జరిగిందా లేదా అని తేల్చేందుకు నిందితుల సెల్‌ఫోన్‌లోని కాల్ డేటాలను పరిశీలించనున్నాం’’ అన్నారు.
 
 మరోవైపు మలక్‌పేట మజ్లిస్ ఎమ్మెల్యే అహ్మద్ బలాలపై స్థానిక ఠాణాలో కేసు నమోదైంది. అసద్, అక్బర్ ప్రోద్బలంతోనే బలాల తన అనుచరులతో కలసి హత్యాయత్నం చేశారని అక్బర్‌బాగ్ డివిజన్ ఎంబీటీ అభ్యర్థి అంజదు ల్లా ఖాన్ చేసిన ఫిర్యాదు ఆధారంగా ఆయనపై, అనుచరులపై కేసు నమోదు చేశారు. ఐపీసీ 147,148,149,188,109, 120బి, 307 సెక్షన్ల కింద ఎమ్మెల్యే బలాల, ఆయన గన్‌మెన్ జానీ, అలీ(కాలా డేరా), అక్బర్‌బాగ్ మజ్లిస్ అభ్యర్ధి మినాజుద్దీన్‌లపై కేసు నమోదు చేసినట్లు ఇన్‌స్పెక్టర్ గంగారెడ్డి తెలిపారు. అసద్, అక్బర్‌లపై 109, 120బి సెక్షన్ల కింద కేసు నమోదు చేశామన్నారు.


 జగదేవ్‌పూర్: ముఖ్యమంత్రి కేసీఆర్ ఐదు రోజులుగా తన వ్యవసాయ క్షేత్రంలోనే ఉంటున్నారు. శనివారం రాత్రి మెదక్ జిల్లా జగదేవ్‌పూర్ మండలం ఎర్రవల్లిలోని తన వ్యవసాయ క్షేత్రానికి వచ్చిన విషయం తెలిసిందే. నాలుగు రోజులుగా ఫాంహౌస్‌లో ఉంటూ పంటలను పరిశీలిస్తున్నారు. మంగళవారం జీహెచ్‌ఎంసీ ఎన్నికల సరళిపై ఆరా తీశారు.
 
 అలాగే నారాయణఖేడ్ ఉప ఎన్నిక స్థితిగతులపై మంత్రి హరీశ్‌రావుతో ఫోన్‌లో మాట్లాడి సమాచారం సేకరించినట్లు తెలిసింది. బుధవారం హైదరాబాద్ వెళ్లేందుకు అంతా సిద్ధం కాగా, చివరి క్షణంలో విరమించుకున్నట్లు తెలిసింది. అనంతరం వ్యవసాయ క్షేత్రంలో తిరుగుతూ పంటలను పరిశీలించినట్లు సమాచారం. 


 సిటీబ్యూరో: జీహెచ్‌ఎంసీ ఎన్నికల్లో పోటీ చేసిన 1,333 మంది అభ్యర్థుల భవితవ్యం ఈవీఎంలలో... స్ట్రాంగ్‌రూమ్‌లలో భద్రంగా ఉంది. రేపు (శుక్రవారం) ఉదయం 8 గంటల నుంచి ఓట్ల లెక్కింపు మొదలవుతుంది. కౌంటింగ్ ప్రారంభమైన రెండు గంటల్లో తొలి ఫలితం వెలువడే అవకాశం ఉంది. మధ్యాహ్నం 2 గంటలకు మొత్తం కౌంటింగ్ పూర్తి కాగలదని అధికారులు అంచనా వేస్తున్నారు. ఎన్నికల సంఘం ఆదేశాల మేరకు సాయంత్రం 4 గంటల్లోగా ఓట్ల లెక్కింపు పూర్తి చేయాల్సి ఉంది. అంతకన్నా ముందే ఇది పూర్తికానుంది. వివిధ వార్డుల్లో పోలైన ఓట్లు ... లెక్కింపు కోసం అందుబాటులో ఉన్న హాళ్లు, టేబుళ్ల సంఖ్యపై ఆధారపడి తొలి, చివరి వార్డుల ఫలితాలు వెల్లడికానున్నాయి.
    
 ఓట్ల లెక్కింపు సందర్భంగా ప్రతి టేబుల్‌కు ఒక కౌంటింగ్ సూపర్‌వైజర్, ఒక అడిషనల్ సూపర్‌వైజర్,  ఒక కౌంటింగ్ అసిస్టెంట్ ఉంటారు.వీరిని ఎన్నికల పరిశీ లకులు, రిటర్నింగ్ అధికారులు రాండమ్‌గా నియమిస్తారు. ఉదయం 6 గంటల లోపునే సిబ్బంది రాండమైజేషన్‌ను పూర్తి చేస్తారు. వారు 6 గంటలకల్లా తమకు కేటాయించిన కేంద్రానికి చేరుకుంటారు.ఎన్నికల పరిశీలకుల పర్యవేక్షణలో కౌంటింగ్ జరుగుతుంది.కౌంటింగ్ మొత్తాన్ని వీడియో ద్వారా చిత్రీకరిస్తారు.ఉదయం 8 గంటలకు ఓట్ల లెక్కింపు ప్రారంభమవుతుంది. తొలి అర్ధగంటలో పోస్టల్ బ్యాలెట్‌లను లెక్కిస్తారు. వీటికి ప్రత్యేక టేబుల్ ఏర్పాటు చేస్తారు.ఈ కేంద్రాల్లోని సదుపాయాలను బట్టి కొన్ని వార్డుల తర్వాత మరికొన్ని వార్డుల లెక్కింపు చేపడతారు. మొత్తం మూడు విడతలుగా ఇది పూర్తి కానున్నట్లు సమాచారం.


 ‘గ్రేటర్’ ఎన్నికల నేపథ్యంలో పెరిగిన వ్యవహారాలు
 నగర వ్యాప్తంగా స్పెషల్ టీమ్స్ నిఘా
 ఆన్‌లైన్ వ్యవహారాల పైనా దృష్టి
  
 సిటీబ్యూరో:  జీహెచ్‌ఎంసీ ఎన్నికల్లో పోలింగ్ ఘట్టం పూర్తయింది. పందెం రాయుళ్లకు పని పెరిగింది. దీంతో పోలీసులు బెట్టింగ్ వ్యవహారాలపై దృష్టి కేంద్రీకరించారు. ఈసారి పోలింగ్ ఆశించిన స్థాయిలో లేకపోవడం.. ఎగ్జిట్ పోల్స్ ఫలితాల నేపథ్యంలో పందాలు జోరందుకుంటాయని పోలీసులు అనుమానిస్తున్నారు. మరోపక్క ఆన్‌లైన్ బెట్టింగుల పైనా నిఘా ఉంచాలని నిర్ణయించారు. వీటి నిర్వాహకులకు చెక్ చెప్పడానికి హైదరాబాద్ టాస్క్‌ఫోర్స్, సైబరాబాద్ స్పెషల్ ఆపరేషన్ టీమ్ (ఎస్‌ఓటీ) పోలీసులు ప్రత్యేక బృందాలను రంగంలోకి దింపారు. ‘గ్రేటర్’ పరిధిలోని 150 డివిజన్లకు పోలింగ్ పూర్తయి... అభ్యర్థుల భవిత ఈవీఎంలలోకి చేరింది. దీంతో నాయకులంతా ఎక్కడిక్కడ గెలుపోటముల లెక్కల్లో బిజీ అయిపోయారు. మంగళవారం వెలువడిన ఎగ్జిట్ పోల్స్‌తో పందెంరాయుళ్ల పల్స్ మారింది. దీంతో బుకీలు బెట్టింగులకు తెరలేపారు. కౌంటింగ్‌కు మరో రెండు రోజుల గడువు ఉండటంతో బెట్టింగ్స్ పెరిగే అవకాశం ఉందని పోలీసులు అనుమానిస్తున్నారు. వివిధ పార్టీల చోటా నేతలతో సహా అనేక మంది రూ.లక్షల్లో బెట్టింగులకు పాల్పడతారని అంచనా వేస్తున్నారు. ఇప్పటికే కొన్ని ప్రాంతాల్లో ఈ వ్యవహారం జోరుగా సాగుతోందనే సమాచారం ఉన్నట్లు పోలీసులు చెబుతున్నారు. అభ్యర్థుల ఖర్చు కంటే ఎక్కువగానే బెట్టింగులు పెడుతున్నట్టు పోలీసులు అంచనా.
 
 డివిజన్ నుంచి మెజారిటీ వరకు...
 ఈసారి బెట్టింగుల్లో కొన్ని ప్రత్యేకతలు కనిపిస్తున్నాయి. అభ్యర్థుల గెలుపోటముల పైనే కాకుండా... వారికి లభించే మెజారిటీ ఎంత? రెండో స్థానంలో ఎవరుంటారు? మొత్తమ్మీద గ్రేటర్‌లో ఏఏ పార్టీలు ఎలా ఉంటాయి? ఫలానా పార్టీకి ఎంత శాతం ఓట్లు వస్తాయి? అనే అంశాలపైనా జోరుగా పందా లు కడుతున్నారు. మరోపక్క రాష్ట్రంలోని వివిధ ప్రాంతాల్లో ఉన్న పందాలరాయుళ్లతో ఫోన్‌లో టచ్‌లో ఉంటున్న బుకీలు గ్రేటర్ ఎన్నికలపై ఆన్‌లైన్ బెట్టింగ్స్ నిర్వహిస్తున్నారు. వీ టిపై దృష్టి పెట్టిన జంట కమిషనరేట్ల పోలీ సులు నిఘా ముమ్మరం చేశారు. బుకీల ఆట కట్టించడానికి చర్యలు తీసుకుంటున్నారు. స్థా నిక పోలీసులతో పాటు టాస్క్‌ఫోర్స్, ఎస్‌ఓటీ అధికారులూ వేగులను అప్రమత్తం చేశారు.
  
 ఈ  ప్రాంతాల్లోనే అధికం...
 శివార్లలోని అత్తాపూర్, శంషాబాద్, సరూర్‌నగర్, దిల్‌సుఖ్‌నగర్‌లతో పాటు నగరంలోని బేగంబజార్, కాచిగూడ, సికిం ద్రాబాద్, అబిడ్స్, మోతీనగర్, ఎస్సార్ నగర్, దిల్‌సుఖ్‌నగర్ తదితర ప్రాంతాలు బెట్టింగ్ వ్యవహారాలకు కేంద్రాలుగా ఉన్నాయి. వీటికి తోడు నగరం బయట ఉన్న అనేక గెస్ట్‌హౌస్‌లు, ఫామ్ హౌస్‌లు బుకీలకు వేదికలుగా మారుతున్నాయని పోలీసుల అనుమానం. పార్టీ, అభ్యర్థి, డివిజన్‌లను బట్టి ఈ పందాల్లో 1:1 నుంచి 1:10 వరకు ఇచ్చేలా బుకీలు ఆకర్షిస్తున్నారు. ముంబయికి చెందిన కొందరు బుకీలు సైతం రంగంలోకి దిగారని తెలుస్తోంది. దీంతో ఇప్పటికే ఈ తరహా కేసుల్లో అరెస్టయి... బెయిల్‌పై విడుదలైన వారిపై డేగకన్ను వేసి ఉంచారు. బెట్టింగ్ పరిభాషలో పందాలు కాసే వారిని పంటర్లని, వీటిని నిర్వహించే వారిని బుకీలని సంబోధిస్తారు. అత్యంత గుట్టుగా వ్యవహారాలు సాగించే ‘కాయ్ రాజా’ల ఆట కట్టించడానికి ప్రజల సహకారం ఎంతో కీలకమని పోలీసులు చెబుతున్నారు. బెట్టింగ్ ముఠా లు, బుకీలకు సంబంధించిన సమాచారం తెలిస్తే తమకు అందించాలని కోరుతున్నారు. ఇలా సమాచారం ఇచ్చిన వారి పేర్లు, వివరాలు గోప్యంగా ఉంచుతామని హామీ ఇస్తున్నారు. ‘100’తో పాటు పోలీసు వెబ్‌సైట్లలోని నెంబర్లకు ఫోన్ చేసి, అధికారిక వాట్సాప్‌ల్లో పోస్ట్ చేయడం ద్వారా బెట్టింగ్ వ్యవహారాలను తమకు తెలియజేయవచ్చని కోరుతున్నారు. బెట్టింగ్ దందా చట్ట విరుద్ధమే కాకుండా పరోక్షంగా అనేక కుటుంబాలను రోడ్డున పడేస్తుందన్నారు.


 ఎవరి ధీమా వారిదే
  
 అభ్యర్థుల తరఫున భారీగా బెట్టింగులు
 కౌంటింగ్ సన్నాహాల్లో యంత్రాంగం
 తొలుత మెహిదీపట్నం, ఆఖరున సుభాష్ నగర్ ఫలితం
  
 సిటీబ్యూరో:  జీహెచ్‌ఎంసీ ఎన్నికల్లో గెలుపు మాదంటే.. మాదేనంటూ ప్రధాన రాజకీయ పక్షాలు బుధవారం రోజంతా లెక్కలు వేసే పనిలో పడ్డాయి. వివిధ సంస్థలు ఇచ్చిన ఎగ్జిట్‌పోల్ ఫలితాలను సమీక్షిస్తూ... ఎవరికి వారు విజయంపై ధీమా వ్యక్తం చేశారు. దీంతో అభ్యర్థుల అనుయాయులు బెట్టింగులకు తెరలేపారు. ఏకపక్షంగా పోలింగ్ జరిగిన ప్రాంతాలు మినహాయిస్తే.. శేరిలింగంపల్లి, కూకట్‌పల్లి, ఎల్‌బీనగర్, ఉప్పల్ తదితర నియోజకవర్గాల్లో వివిధ సీట్లపై భారీగా బెట్టింగులు సాగుతున్నట్టు సమాచారం. తెలంగాణ రాష్ట్ర సమితి 80కి పైగా స్థానాల్లో తప్పక విజయం సాధిస్తామని ధీమా వ్యక్తం చేస్తుంటే... ఎంఐఎం వ్యూహకర్తలు తాము 45 స్థానాల్లో గెలిచి తీరుతామని తేల్చారు. ఇక బీజేపీ సొంతంగా 28 డివిజన్లలో గెలుస్తామని చెబుతోంది. టీడీపీ నేతలు సైతం అంతే సంఖ్యలో సీట్లు సొంతం చేసుకుంటామని ధీమా వ్యక్తం చేస్తున్నారు. కాంగ్రెస్ పార్టీ తార్నాక, జాంభాగ్, వెంకటేశ్వర కాలనీ, ఏఎస్‌రావు నగర్, కొత్తపేట, గోషా మహల్, రెడ్‌హిల్స్, భాగ్‌అంబర్‌పేట, వెంగళరావు     నగర్, నేరెడ్‌మెట్, పురానాపూల్, శాలిబండ, ఘాన్సీబజార్ తదితర స్థానాలతో పాటు మొత్తం 25 సీట్లకుపైగా  గెలుచుకుంటామన్న ధీమా వ్యక్తం చేసింది.
 
 తొలి ఫలితం మెహిదీపట్నం
 ఎన్నికల యంత్రాంగం బుధవారం రోజంతా ఓట్ల లెక్కింపు ఏర్పాట్లలో తలమునకలైంది. గ్రేటర్‌లోని 26 ప్రాంతాల్లో ఏర్పాటు చేసిన కేంద్రాల్లో ప్రతి డివిజన్‌లోనూ 7 నుంచి 14 టేబుళ్లపై లెక్కించనున్నారు. మొత్తం ఓట్లలోనే అతి చిన్న డివిజన్‌గా గుర్తింపు పొందిన మెహిదీపట్నంలో 10,233 (34.28శాతం) ఓట్లు మాత్రమే పోల్ కావటంతో తొలుత అక్కడి ఫలితం వచ్చే అవకాశం ఉంది. ఆపై 13,327 ఓట్లు పోలైన బార్కాస్, 13,797 ఓట్లు పోలైన రెయిన్‌బజార్, 13,078 ఓట్లు పోలైన టోలిచౌకీ డివిజన్ల ఫలితాలు వెలువడనున్నాయి. మొత్తం ఓట్లతో పాటు పోలైనవి కూడా అధికంగా ఉన్న కుత్బుల్లాపూర్ నియోజకవర్గంలోని సూరారం(29,458 పోలైన ఓట్లు), సుభాష్‌నగర్ (38,963 పోలైన ఓట్లు)తో పాటు 27వేలకు పైగా ఓట్లు పోలైన సనత్‌నగర్, ఎర్రగడ్డ, రహమత్‌నగర్, కొండాపూర్, శేరిలింగంపల్లి, బాలాజీనగర్, ఫతేనగర్,గోల్నాక తదితర డివిజన్ల ఫలితాలను ఆలస్యంగా ప్రక టించే అవకాశం ఉంది. మొత్తంగా ఓట్ల లెక్కింపు ప్రక్రియ మూడు నుంచినాలుగు గంటల్లో పూర్తయ్యేలా ఏర్పాట్లు చేశారు.
  


 హైదరాబాద్: కాంగ్రెస్ నాయకులపై ఎంఐఎం నేతలు దాడి చేయడాన్ని విశ్వ హిందూ పరిషత్(వీహెచ్ పీ) నేత రామరాజు ఖండించారు. ఎంఐఎం ఒక ఉగ్రవాద పార్టీ లాంటిదని తీవ్రస్థాయిలో ధ్వజమెత్తారు. చిన్న పదవుల కోసం మజ్లిస్.. టీఆర్ఎస్ తో జత కడుతోందని ఆరోపించారు. అసదుద్దీన్ ఒవైసీ, అక్బరుద్దీన్ ఒవైసీలపై కేసు నమోదు చేయాలని డిమాండ్ చేశారు.
 
 గ్రేటర్ హైదరాబాద్ మున్సిపల్ కార్పొరేషన్ (జీహెచ్‌ఎంసీ) ఎన్నికల సందర్భంగా మంగళవారం పాతబస్తీలో పలు చోట్ల మజ్లిస్ నేతలు దౌర్జన్యాలు, దాడులకు దిగారు. అధికార, విపక్ష అభ్యర్థులను భయపెట్టారు.  పీసీసీ చీఫ్ ఉత్తమ్ కుమార్ రెడ్డి, శాసనమండలిలో కాంగ్రెస్ నేత షబ్బీర్‌ అలీపై దాడి చేశారు. ఆజంపుర ప్రాంతంలో డిప్యూటీ సీఎం మహమూద్ అలీ ఇంటిపై మలక్‌పేట ఎమ్మెల్యే బలాల తన అనుచరులతో కలిసి దాడికి పాల్పడ్డారు.


 సాక్షి, హైదరాబాద్: జీహెచ్‌ఎంసీ ఎన్నికల్లో ఓటమి భయంతోనే కాంగ్రెస్, టీఆర్‌ఎస్, సీపీఐ, బీజేపీ నాయకులపై ఎంఐఎం కార్యకర్తలు దాడులు చేసి హింసకు పాల్పడి, భయభ్రాంతులకు గురిచేశారని మంగళవారం సీపీఐ రాష్ట్ర కార్యదర్శి చాడ వెంకటరెడ్డి ధ్వజమెత్తారు. కాంగ్రెస్ కౌన్సిల్ నేత షబ్బీర్ అలీని ఎంఐఎం నేత అసదుద్దీన్ ఒవైసీ నెట్టేయడం, పీసీసీ అధ్యక్షుడు ఉత్తమ్‌కుమార్ రెడ్డి వాహనాన్ని ధ్వంసం చేయడం వంటి అరాచకాలకు పాల్పడటం దారుణమని దుయ్యబట్టారు. ఎంఐఎం దౌర్జన్యాలపై ఎన్నికల సంఘం పూర్తిస్థాయి విచారణ జరపాలని డిమాండ్ చేశారు.


 ♦ కలర్ ఎపిక్ కార్డులను అధికారులు పక్కన పడేశారా?
 ♦ పోలింగ్ శాతం తగ్గటంపై ఈసీ విస్మయం
 
  సాక్షి, హైదరాబాద్: జీహెచ్‌ఎంసీ ఎన్నికల్లో ఓటింగ్ శాతం తక్కువగా నమోదు కావటంపై ఎన్నికల కమిషన్ వర్గాలు సైతం విస్మయం వ్యక్తం చేస్తున్నాయి. మంగళవారం జరిగిన పోలింగ్‌కు సగానికిపైగా ఓటర్లు దూరంగా ఉన్నారు. ప్రభుత్వ, ప్రైవేటు, వ్యాపార వాణిజ్య సంస్థలకు సెలవిచ్చినా పోలింగ్ కేంద్రాలకు వెళ్లేందుకు నిరాసక్తత కనబరిచారు. ప్రధానంగా జీహెచ్‌ఎంసీ అధికారుల నిర్లక్ష్యం, ఓటరు స్లిప్పుల పంపిణీలో వైఫల్యం కొట్టొచ్చినట్లు కనబడ్డాయి. కొత్తగా నమోదైన 7 లక్షల మంది ఓటర్లలో ఎక్కువ మంది తమ ఓటు హక్కును వినియోగించుకోలేదు. ఇందుకు ఈసీ జారీ చేసిన కొత్త ఎపిక్ కార్డులు వారికి అందకపోవటమే ప్రధాన కారణమని తెలుస్తోంది. 
 
 జీహెచ్‌ఎంసీ పరిధిలో ఇటీవల కొత్తగా ఓటు హక్కు నమోదు చేసుకున్న వారికి ఎన్నికల కమిషన్ కలర్ ఫొటోలున్న ఎపిక్ కార్డులను జారీ చేసింది. ఆగమేఘాలపై వీటిని ముద్రించే చర్యలు చేపట్టిన ఈసీ... వారం రోజుల కిందటే జీహెచ్‌ఎంసీకి అప్పగించింది. కానీ ఓటర్లకు వీటిని అందజేయాల్సిన జీహెచ్‌ఎంసీ యంత్రాంగం అంతగా పట్టించుకోలేదు. వీటిని జీహెచ్‌ఎంసీ కార్యాలయంలోనే పక్కన పడేశారన్న విమర్శలున్నాయి. దీంతో ఈ ఏడు లక్షల మందిలో అత్యధిక ఓటర్లు ఓటు వేయలేకపోయినట్లు ఈసీ భావిస్తోంది. వీటికి తోడు ఓటర్ స్లిప్పుల పంపిణీ కూడా సరిగా జరగలేదు. ఓటు హక్కుపై చైతన్యం పెంపొందించేందుకు ఈసీ ఎన్ని కార్యక్రమాలు చేపట్టినా.. ఓటరు స్లిప్పుల పంపిణీ సవ్యంగా జరగకపోవటం పోలింగ్ శాతంపై ప్రభావం చూపిందనే అభిప్రాయాలున్నాయి.


 ఓటు హక్కు ముఖ్యమైనది..
  ప్రజాస్వామ్యంలో ఓటు హక్కు అత్యంత ప్రధానమైనది. నానక్‌రాంగూడలోని ప్రభుత్వ పాఠశాలలో విజయనిర్మలతో కలిసి నేను ఓటు వేశాను. ఏ ఎన్నికలు జరిగినా విధిగా ఓటు వేస్తా. ఇది నా బాధ్యతగా భావిస్తాను. మన నాయకుడిని ఎన్నుకునే అవకాశం మన చేతుల్లోనే ఉంది. మన భవిష్యత్తును మనమే నిర్ణయించుకునేందుకు ఓటేయాలి. ఓటు హక్కు కలిగి ఉన్న ప్రతి ఒక్కరూ వినియోగించుకోవాలి. - సినీనటుడు, కృష్ణ
  
 ఓటేసేవారికే ప్రశ్నించే హక్కు..
 ఓటు వేయడం ప్రతి ఒక్కరి సామాజిక బాధ్యతగా నేను భావిస్తా. దీని ద్వారా ప్రశ్నించే హక్కు వస్తుంది. జూబ్లీహిల్స్ ఓబుల్‌రెడ్డి స్కూల్‌లో ఓటు వేశాను. గతంతో పోలిస్తే ఇప్పుడు ఓటింగ్‌పై అవగాహన బాగా పెరిగింది. హైదరాబాద్ క్లీన్ అండ్ గ్రీన్‌గా ఉండాలన్నదే నా అభిమతం. లేటైనా పర్వాలేదు.. కానీ ఓటు వేయడం మాత్రం మరిచిపోవద్దు. ప్రాథమిక హక్కును ప్రతి ఒక్కరూ వినియోగించుకోవాలి.
  - జూనియర్ ఎన్టీఆర్
  
  ఇది అందరి బాధ్యత..
 నాకున్న ఓటు హక్కును వినియోగించుకోవడం నా బాధ్యత. ఇది తప్పనిసరిగా చేయాల్సిన అవసరం. నానక్‌రాంగూడలోని ప్రభుత్వ పాఠశాలలో ఓటు వేశాను. అవగాహన ఉన్నవారు.. చదువుకున్నవారు కూడా తమ ఓటు హక్కును వినియోగించుకోవడానికి ముందుకు రాకపోవడం బాధాకరం. మాజీ రాష్ట్రపతి అబ్దుల్ కలామ్‌ను స్ఫూర్తిగా తీసుకుని అందరూ తమ ఓటు హక్కును వినియోగించుకోవాలి. - సినీనటుడు నరేష్
  


 పోలింగ్ కేంద్రాల వద్ద రెచ్చిపోయిన మజ్లిస్
  
 జీహెచ్‌ఎంసీ ఎన్నికల పోలింగ్ సందర్భంగా పలు చోట్ల ఉద్రిక్తత చోటు చేసుకుంది.  రెడ్‌హిల్స్ డివిజన్ కాంగ్రెస్ అభ్యర్థిని మజ్లిస్ పార్టీ కార్యకర్తలు పోలింగ్ కేంద్రం వద్దకు వెళ్లకుండా అడ్డగించి.. చంపేస్తామని కత్తితో బెదిరించారు. ఇదే డివిజన్ నుంచి పోటీ చేస్తున్న టీఆర్‌ఎస్ అభ్యర్థిపై ప్రొహిబెల్స్ స్కూల్ పోలింగ్ కేంద్రం వద్ద మజ్లిస్ కార్యకర్తలు రాళ్లతో దాడి చేశారు. అలాగే, చావణీ డివిజన్ టీఆర్‌ఎస్ అభ్యర్థిపైన, అక్బర్‌బాగ్ డివిజన్ ఎంబీటీ అభ్యర్థిపైన మజ్లిస్ కార్యకర్తలు దాడి కి పాల్పడటంతో ఆయా ప్రాంతాల్లో ఉద్రిక్తత నెలకొంది. వెంకటేశ్వరకాలనీ డివిజన్ కాంగ్రెస్ పార్టీ అభ్యర్థిపై బంజారాహిల్స్‌లోని ఆల్ఫోన్సస్ హైస్కూల్ కేంద్రం వద్ద టీఆర్‌ఎస్ కార్యకర్తలు దాడి చేశారు.
  
 బయట తిరిగితే చంపేస్తాం
 నాంపల్లి: రెడ్‌హిల్స్ డివిజన్‌లో కాంగ్రెస్ అభ్యర్థి అయేషా ఫర్హీన్‌ను మజ్లిస్ పార్టీ కార్యకర్తలు చంపేస్తామని బెదిరించారు. పోలింగ్ సరళి తెలుసుకొనేందుకు మంగళవారం ఉదయాన్నే ఇంటి నుంచి బయలుదేరారు. ఏసీగార్డ్స్‌లో ఉన్న నిలోఫర్ హెల్త్ స్కూల్  వద్దకు చేరుకున్న ఆమెకు పార్టీ అభ్యర్థి అయేషా ఫాతిమా, ఆమె భర్త సుభాన్ తదితరులు తారసపడ్డారు. మజ్లిస్ కార్యకర్తలు అయేషా షర్హీన్‌ను తక్షణం ఇక్కడి నుంచి వెళ్లిపోవాలని హుకుం జారీ చేశారు. వారిలో షకీల్ అనే కార్యకర్త   ‘‘ఎంఐఎం అంటే ఏమిటో తెలుసు కదా...బయట తిరగొద్దని చెప్పినా తిరుగుతున్నావ్.. బతకాలనిలేదా.. కారెక్కి ఇంటికిపో’’ అని కత్తి చూపించి బెదిరించాడు. మజ్లిస్‌కు భయపడి వెళ్లేదిలేదని, చావో రేవో ఇక్కడే తేల్చుకుంటానని అయేషా ఫర్హీన్ తేల్చి చెప్పారు.  తనకు ప్రాణహాని ఉందని పోలీసులకు ఫిర్యాదు చేశారు. వెంటనే పోలీసులు ఘటనా స్థలానికి వచ్చి అక్కడ గుమిగూడిన వారిని చెదరగొట్టారు. అయితే, అప్పటికే ఆమెను బెదిరించిన షకీల్ తదితరులు వెళ్లిపోగా.. మజ్లిస్ అభ్యర్థి అయేషా ఫాతిమా, ఆమె భర్త సుభాన్ మాత్రమే ఉన్నారు.  కాగా, బాధితురాలు అయేషా ఫర్హీన్‌కు నగర పోలీసు కమిషనర్ మహేందర్‌రెడ్డి ఫోన్ చేసి విషయం తెలుసుకున్నారు.  
 
 ప్రొహిబెల్స్ స్కూల్ వద్ద రాళ్లు రువ్విన మజ్లిస్...
 ప్రొహిబెల్స్ స్కూల్‌లో పోలింగ్ ముగుస్తున్న సమయంలో మజ్లిస్ పార్టీ కార్యకర్తలు రిగ్గింగ్‌కు పాల్పడుతున్నారని తెలిసి టీఆర్‌ఎస్ అభ్యర్థి మార్గం సరిత అక్కడికి వెళ్లారు. దీంతో మజ్లిస్ పార్టీ అభ్యర్థి సుభాన్ తన అనుచరులతో కలిసి పోలింగ్ కేంద్రంపై రాళ్లు రువ్వడంతో పలువురు టీఆర్‌ఎస్ కార్యకర్తలకు గాయాలయ్యాయి.  పోలీసులు అదనపు బలగాలను రప్పించి అల్లరిమూకలను తరిమిగొట్టారు.  ఈవీఎం బాక్స్‌లను సురక్షితంగా బయటకు తరలించారు. దాడికి పాల్పడ్డ మజ్లిస్ కార్యకర్తలను అదుపులోకి తీసుకుని పోలీసుస్టేషన్‌కు తరలించారు.
  
 టీఆర్‌ఎస్‌కు అనుకూలంగా  పని చేస్తున్నాడని దాడి
  జవహర్‌నగర్: జీహెచ్‌ఎంసీ ఎన్నికల్లో టీఆర్‌ఎస్‌కు అనుకూలంగా పని చేస్తున్నాడని కౌకూర్‌లో ఓ వ్యక్తిపై కొందరు దాడికి పాల్పడ్డారు.  జవహర్‌నగర్ సీఐ నర్సింహరావు కథనం ప్రకారం.. యాప్రాల్ పరిధిలోని కౌకూర్ హరిజన బస్తీకి చెందిన పేరుపల్లి శ్యాంరావు (52) మంగళవారం జరిగిన జీహెచ్‌ఎంసీ ఎన్నికల్లో టీఆర్‌ఎస్‌కు అనుకూలంగా పని చేస్తున్నాడనే నెపంతో బైక్‌లపై వచ్చి కొందరు కులం పేరుతో దూషించి దాడికి పాల్పడ్డారు. బాధితుడి ఫిర్యాదు మేరకు పోలీసులు రాజుయాదవ్, రాజారెడ్డి, చిట్టి, ఎల్లారెడ్డిలపై కేసు నమోదు చేసి దర్యాప్తు చేస్తున్నారు.
  
 కాంగ్రెస్ అభ్యర్థిపై టీఆర్‌ఎస్ ...
 బంజారాహిల్స్: వెంకటేశ్వరకాలనీ కాంగ్రెస్ అభ్యర్థి బి.భారతిపై దాడి జరిగింది. బంజారాహిల్స్ రోడ్ నెం. 9లోని సెయింట్ ఆల్ఫోన్సస్ హైస్కూల్ పోలింగ్ కేంద్రంలో ఎవరో రిగ్గింగ్‌కు యత్నిస్తున్నారని తెలిసి వెళ్లిన ఆమెను కొందరు దుర్భాషలాడి, కులం పేరుతో దూషించారు. భుజంపై చెయ్యి వేసి నెట్టేశారు. దీంతో ఆమె కిందపడిపోవడంతో తీవ్ర ఉద్రిక్తత నెలకొంది. పోలీసులు లాఠీ చార్జి చేసి అల్లరిమూకలను చెదరగొట్టారు. కాంగ్రెస్‌కు బాగా ఓట్లు పడుతున్నాయని ఓర్వలేక  టీఆర్‌ఎస్ కార్యకర్తలు రిగ్గింగ్‌కు యత్నించారని, అడ్డుకోబోతే దాడి చేశారని భారతి రోదిస్తూ తెలిపారు.  పోలింగ్ బూత్ ముందు బైఠాయించి తనకు న్యాయంచేయాలని నినాదాలుచేశారు. టీఆర్‌ఎస్ అభ్యర్థి మన్నె కవిత కూడా పోలింగ్ బూత్ ఎదుట బైఠాయించి కాంగ్రెస్ అక్రమాలకు పాల్పడుతోందని ఆరోపించారు. దీంతో రెండు పార్టీల కార్యకర్తలు ఆవేశంతో కుర్చీలు ధ్వంసం చేసి.. రోడ్డుపై బైఠాయించారు. ఒకరికి వ్యతిరేకంగా మరొకరు నినాదాలు చేశారు. దీంతో అరగంటపాటు అక్కడ ఉద్రిక్త వాతావరణం నెలకొంది. కాగా,  తనను కులం పేరుతో దూషించిన టీఆర్‌ఎస్ కార్యకర్తలు మజిద్‌అలీ, జావెద్ అలీ, నిస్సార్‌అలీ, ఖదీర్‌లపై ఎస్సీ, ఎస్టీ అట్రాసిటీ కేసు నమోదు చేయాలని భారతి బంజారాహిల్స్ పోలీసులకు ఫిర్యాదు చేశారు.  
  
 చావణీలో టీఆర్‌ఎస్ అభ్యర్థిపై దాడి...
 చంచల్‌గూడ: చావణీ డివిజన్ టీఆర్‌ఎస్ అభ్యర్థి మహ్మద్ ఖలీమ్‌పై బాగేజారా ప్రాంతంలో ఎంఐఎం అభ్యర్థి ముర్తుజా అలీ అతని అనుచరులు దాడి చేసినట్లు రెయిన్‌బజార్ పీఎస్‌లో ఫిర్యాదు చేశారు.
  
 ఎంబీటీ అభ్యర్థిపై ఎంఐఎం నాయకుల దాడి
 మలక్‌పేట: అక్బర్‌బాగ్ డివిజన్ ఎంబీటీ అభ్యర్థి అంజదుల్లాఖాన్‌పై ఎంఐఎం నాయకులు మంగళవారం దాడి చేశారు.  మలక్‌పేట పోలీసులు, బాధితుడి కథనం ప్రకారం... మలక్‌పేట ప్రభుత్వ జూనియర్ కళాశాలలోని పోలింగ్ కేంద్రానికి వెళ్తున్న అంజదుల్లాఖాన్‌పై స్థానిక ఎమ్మెల్యే అహ్మద్ బలాల తన అనుచరులతో కలిసి దాడి  చేశారు. దీంతో స్థానికంగా ఉద్రిక్తత చోటు చేసుకోగా... మలక్‌పేట సీఐ గంగారెడ్డి తన సిబ్బందితో వెళ్లి పరిస్థితిని అదుపులోకి తెచ్చారు. గాయపడిన అంజదుల్లాఖాన్‌ను యశో ద ఆసుపత్రికి తరలించారు. బాధితుడి ఫిర్యాదు మేరకు  కేసు నమోదు చేసి దర్యాప్తు చేస్తున్నారు.  
 
 యశోద ఆసుపత్రి వద్ద ఉద్రిక్తత..
 చాదర్‌ఘాట్:  గాయపడ్డ అంజదుల్లాఖాన్‌ను పరామర్శించేందుకు మలక్‌పేటలోని యశోద ఆసుపత్రికి ఎంబీటీ కార్యకర్తలు పెద్ద సంఖ్యలో చేరుకొని ఎంఐఎంకు వ్యతిరేకంగా నినాదాలు చేశారు. సుల్తాన్‌బజార్ ఏసీపీ గిరిధర్ అక్కడకు వెళ్లి వారిని చెదరగొట్టారు. ప్రస్తుతం అంజదుల్లాఖాన్ ఆరోగ్య పరిస్థితి మెరుగ్గానే ఉందని వైద్యులు తెలిపారు.
  


 ♦ గ్రేటర్ హైదరాబాద్‌లో జనాభా-ఓటర్ల గందరగోళం
 ♦ ఓటర్ల లెక్కలే నిజమైతే.. కోటిని మించే నగర జనాభా
 ♦ జనాభా లెక్కలే సరైతే.. సుమారు పదిహేను లక్షల ఓటర్లు అధికం
  
  సాక్షి, హైదరాబాద్:  గ్రేటర్ హైదరాబాద్ జనాభా-ఓటరు లెక్కలు మరోసారి చిక్కుముడిగా మారాయి. మంగళవారం జరిగిన జీహెచ్‌ఎంసీ ఎన్నికల్లో మొత్తం నమోదైన 74.30 లక్షల ఓటర్లలో 37.7 శాతం మాత్రమే ఓటు వేయడంతో... లోపం ఎక్కడుందన్న అంశం మరోసారి చర్చనీయాంశంగా మారింది. స్థానిక రాజకీయాలపై ఆసక్తి లేక జనం పోలింగ్‌లో పాల్గొన లేదా, లేక నగరంలో ఓటర్ల లెక్కల్లోనే తప్పులున్నాయా... అన్న దానిపై ఉన్నతస్థాయి యంత్రాంగం తల పట్టుకుంటోంది. హైదరాబాద్‌లో ఓటర్ల జాబితా తయారీ విధానం, తీసివేత వివాదం, తాజా పోలింగ్ శాతం తదితర అంశాలను పరిగణనలోకి తీసుకుంటే పలు ఆసక్తికరమైన అంశాలు చర్చకు వస్తున్నాయి.
 
  పొంతనలేని జాబితాలు..
  వాస్తవానికి 2011, 2014ల్లో కేంద్ర, రాష్ట్ర ప్రభుత్వాలు ప్రకటించిన ‘గ్రేటర్’ జనాభాతో పోలిస్తే తాజాగా నమోదైన ఓటర్ల లెక్కలకు ఎక్కడా పొంతన కుదరడం లేదు. ఓటర్ల జాబితాలో పేరును నమోదు చేసుకునే విషయంలో చూపిస్తున్న చొరవ.. ఇళ్లు మారినప్పుడో, నగరాన్ని వదిలి వెళ్లినప్పుడో, చనిపోయినప్పుడో ఓటర్ల జాబితాల్లోంచి పేర్లను తొలగించే విషయంలో చూపడం లేదు. దీంతో హైదరాబాద్ ఓటర్ల జాబితాలో కొందరి పేర్లు రెండు, మూడు ప్రాంతాల్లో ఉన్నాయి. ఆరు నెలల కింద అప్పటి జీహెచ్‌ఎంసీ కమిషనర్ సోమేష్‌కుమార్ 6.4 లక్షల ఓట్లను తొలగించడంతోపాటు పేర్లు రెండు-మూడు చోట్ల ఉండడం, చనిపోవడం వంటి కారణాలతో మరో తొమ్మిది లక్షల మందికి నోటీసులు జారీ చేశారు. దీనిపై వివాదం చెలరేగడంతో ఈ తొమ్మిది లక్షల ఓట్లను తొలగించకుండానే ఈసారి తుది జాబితాలు సిద్ధం చేశారు. తొలగించిన ఆరు లక్షల ఓట్లను కూడా చేరిస్తే దాదాపుగా ఓటర్లు-జనాభా సంఖ్య సమానమయ్యేది. ఈ విషయమై సోమేష్‌కుమార్‌ను ప్రశ్నించగా... ఈ అంశం కోర్టు పరిధిలో ఉన్నందున తానేమీ వ్యాఖ్యానించలేనని చెప్పారు. అయితే మొత్తం మీద జనాభా-ఓటర్ల సంఖ్యపై పొంతన కుదరాల్సిన ఆవశ్యకత ఉందన్నారు.
  
  ఏ లెక్క వాస్తవం?
  జనాభా-ఓటరు లెక్కలకు సంబంధించి శాస్త్రీయ అంచనాల మేరకు 100 మంది జనాభా ఉంటే... 67 మంది ఓటర్లు ఉండాలి. మహానగరాల్లో అయితే అది 100ః70 వరకు ఉండొచ్చు. గ్రేటర్ హైదరాబాద్‌లో 2011 జనాభా లెక్కల మేరకు సుమారు 68 లక్షలు, 2014లో చేసిన సామాజిక సర్వే మేరకు 77-78 లక్షలు లెక్కించినా, ప్రస్తుతం నగర జనాభా 80 లక్షలుగా అనుకున్నా... జనాభా-ఓటరు నిష్పత్తి మేరకు సుమారు 56 నుండి 58 లక్షల వరకు ఓటర్లు ఉండాలి. కానీ నగరంలో నమోదైన ఓటర్ల సంఖ్య 74.30 లక్షలు. ఒకవేళ ఈ ఓటర్ల లెక్కలే నిజమైతే నగర జనాభా సుమారు కోటీ పది లక్షల వరకు ఉండాలి. అంటే ఏ లెక్క వాస్తవమో ఎవరికీ తెలియదు.
  
  లెక్కలన్నీ చిత్రమే..
  ‘‘హైదరాబాద్‌లో జనాభా-ఓటరు నిష్పత్తి లెక్కలన్నీ చిత్రమే. నగరంలో ఓటర్ల జాబితాలను సరిదిద్దే పనిలో ఓటర్లతో పాటు జవాబుదారీతనంతో పనిచేసే సంస్థలు పాలుపంచుకునేలా చేయాలి. అప్పుడే ఈ పరిస్థితి చక్కబడుతుంది. ఇక ఈసారి పెద్దగా పోలింగ్ నమోదు కాలేదు. ఈ ఎన్నికలతో తమ సమస్యలేవీ తీరవన్న భావనే ఓటర్లు ఆసక్తి చూపకపోవడానికి కారణం కావచ్చు.’’           - పద్మనాభరెడ్డి,ఫోరం ఫర్ గుడ్  గవర్నెన్స్


 సిటీబ్యూరో: ప్రముఖ సినీ నటుడు, జనసేన పార్టీ అధినేత పవన్ కళ్యాణ్ జీహెచ్‌ఎంసీ ఎన్నికల్లో ఓటు హక్కు వినియోగించుకోలేదు. జూబ్లీహిల్స్ పరిధిలో ఓటు హక్కు ఉన్న ఆయన సార్వత్రిక ఎన్నికల్లో జూబ్లీహిల్స్ పబ్లిక్ స్కూల్‌లోని పోలింగ్ బూత్‌లో ఓటు వేశారు. ఈసారి ఆయన కేరళలో సినిమా షూటింగ్‌లో ఉన్నారు. ఆదివారం తూర్పు గోదావరి జిల్లా తుని సమీపంలో కాపు ఐక్యగర్జన సభ నేపథ్యంలో ఉద్రిక్తత, విధ్వంసాలు చోటు చేసుకున్నాయి.
 
 ఈ నేపథ్యంలో హుటాహుటిన హైదరాబాద్ చేరుకున్న పవన్ కళ్యాణ్ సోమవారం విలేకరుల సమావేశం నిర్వహించారు. ఇది పూర్తయిన వెంటనే మళ్లీ కేరళ షూటింగ్‌కు వెళ్లిపోవడంతో మంగళవారం ఓటు హక్కు వినియోగించుకోలేకపోయారు.
  


 సాయంత్రం 4.30 గంటల వరకు నమోదు
  
  సాక్షి, హైదరాబాద్: ఎన్నికల సంఘం ఎన్ని చర్యలు చేపట్టినా జీహెచ్‌ఎంసీ ఎన్నికల్లో ఓటింగ్ శాతం పెరగలేదు. 2009 ఎన్నికల తో పోలిస్తే ఈసారి కొంత తగ్గింది. 2009లో 42.92 శాతం పోలింగ్ నమోదు కాగా.. మంగళవారం జరిగిన ఎన్నికల్లో సాయంత్రం 4.30 గంటల వరకు 37.70 శాతం మాత్రమే నమోదైంది. సర్కిళ్ల నుంచి పూర్తి సమాచారం అందకపోవడంతో బుధవారం తుది ఓటింగ్ శాతాన్ని వెల్లడించనున్నట్లు జీహెచ్‌ఎంసీ వర్గాలు ప్రకటించాయి. అంతకుముందు జీహెచ్‌ఎంసీ ఎన్నికల అధికారి జనార్దన్‌రెడ్డి మాట్లాడుతూ సుమారు 45 శాతం పోలింగ్ నమోదైనట్లు వెల్లడించినా.. ఆ తర్వాత 37.70 శాతమే అని అధికారులు తెలిపారు.
 
  ఆదిలో ప్రశాంతం.. చివర్లో ఘర్షణలు
  ఉదయం నుంచి మధ్యాహ్నం వరకు పోలింగ్ ప్రశాంతంగానే జరిగినప్పటికీ చివరల్లో ఘర్షణలు చోటుచేసుకున్నారు. మొత్తం 7,802 పోలింగ్ కేంద్రాలకుగాను తొమ్మిది కేంద్రాల్లో ఈవీఎంలలో సాంకేతిక సమస్యలు తలెత్తాయి. దాంతో ఆయా చోట్ల కొద్దిసేపు పోలింగ్ ప్రక్రియ నిలిచిపోయింది. 15 నిమిషాల్లోనే కొత్త పరికరాలు అందుబాటులోకి తేవడంతో పోలింగ్ సజావుగా సాగింది. ఎనిమిది కేంద్రాల్లో లో బ్యాటరీతో ఈవీఎంలు మొరాయించడంతో ప్రత్యామ్నాయ ఏర్పాట్లు చేశారు. మరోవైపు వెబ్‌సైట్, మొబైల్  యాప్స్ ద్వారా ఓటరుస్లిప్‌లు డౌన్‌లోడ్ చేసుకోవడంలో కనిపించిన స్పందన పోలింగ్‌లో కనిపించలేదు. పోల్‌స్లిప్‌ల డౌన్‌లోడ్‌లు, జీహెచ్‌ఎంసీ పంపిణీ చేసిన పోల్‌స్లిప్‌లను పరిగణనలోకి తీసుకుంటే ఈసారి 60 శాతానికి పైగా పోలింగ్ నమోద వుతుందని అధికారులు అంచనా వేశారు. కానీ ఆశించిన స్థాయిలో ఓటర్ల నుంచి స్పందన కనిపించలేదు.
 
  వెబ్‌కాస్టింగ్‌తో అంతా సజావుగా..
  వెబ్ కాస్టింగ్ ద్వారా పోలింగ్ తీరును ఎన్నికల సంఘం, నగర పోలీస్ కమిషనర్ కార్యాలయం, జీహెచ్ ఎంసీ కార్యాలయాల నుంచి పర్యవేక్షించారు. దీంతో ఎప్పటికప్పుడు అవసరమైన చర్యలు తీసుకోవడంతో పోలింగ్ జరగడమే కాక, అక్కడక్కడ తలెత్తిన సమస్యలను వెంటనే పరిష్కరించారు. ఎన్నికలు ప్రశాంతంగా జరిగాయని ఎన్నికల అధికారి జనార్దన్‌రెడ్డి తెలిపారు. కొన్నిచోట్ల చెలరేగిన ఘర్షణలు పోలింగ్ కేంద్రాల్లోకానీ, కేంద్రాలకు వంద మీటర్ల లోపు కానీ జరిగినవి కావని ఆయన పేర్కొన్నారు. అయినా.. ఆ ఘర్షణలతో ప్రజలు భయభ్రాంతులకు గురైనట్లు ,రిగ్గింగ్ జరిగినట్లు, ప్రిసైడింగ్, రిటర్నింగ్ అధికారులు నివేదిస్తే ఎన్నికల సంఘానికి తెలియజేసి, తగిన చర్యలు తీసుకుంటామని చెప్పారు. గ్రేటర్‌లోని ఐదు జోన్లలో సౌత్ జోన్లో ఎక్కువ పోలింగ్ జరిగినట్లు తమకు సమాచారం ఉందన్నారు. పాతబస్తీ సౌత్‌జోన్ పరిధిలో ఉంది.
  
  5వ తేదీన ఫలితాలు
   జీహెచ్‌ఎంసీ ఎన్నికల ఓట్ల లెక్కింపు 5వ తేదీన ఉదయం 8 గంటల నుంచి ప్రారంభం కానుందని జీహెచ్‌ఎంసీ ఎన్నికల అధికారి జనార్దన్‌రెడ్డి తెలిపారు. ఉదయం 10 గంటల కే తొలి ఫలితం వచ్చే అవకాశం ఉందన్నారు. మధ్యాహ్నం 3 గంటలకు పూర్తి ఫలితాలు వెల్లడవుతాయని చెప్పారు. ఓట్ల లెక్కింపు సందర్భంగా అభ్యర్థులు, వారి ఏజెంట్లు కౌంటింగ్ కేంద్రాల్లో ఉండవచ్చని తెలిపారు.


 ♦ జీహెచ్‌ఎంసీ ఎన్నికలపై మంత్రి కేటీఆర్
 ♦ హైదరాబాదీలు ఇంకా ఎక్కువగా ఓటింగ్‌లో పాల్గొని ఉంటే బాగుండేది
 ♦ పోలింగ్ శాతం ఎక్కువగా ఉంటే మెజారిటీ మరింతగా పెరిగేది
 ♦ ఏడు స్వతంత్ర సర్వేలు టీఆర్‌ఎస్ గెలుస్తుందని చెబుతున్నాయని వెల్లడి
  
  సాక్షి, హైదరాబాద్: ‘‘గ్రేటర్ హైదరాబాద్ మున్సిపల్ కార్పొరేషన్ (జీహెచ్‌ఎంసీ) ఎన్నికల్లో మా గెలుపు ఖరారైంది. ఈ ఎన్నికలు అత్యంత పారదర్శకంగా జరిగాయి. తమ ఓటమికి సాకులు వెతుక్కునే పనిలో కాంగ్రెస్, టీడీపీ-బీజేపీ కూటమి ఉన్నాయి. అందుకే అధికార దుర్వినియోగం జరిగిందంటూ ఉత్తమ్, కిషన్‌రెడ్డి కొత్త పాట ఎత్తుకున్నారు. స్వతంత్రంగా జరిగిన ఏడు సర్వేలు టీఆర్‌ఎస్ గెలుస్తుందని చెబుతున్నాయి..’’ అని రాష్ట్ర పంచాయతీరాజ్, ఐటీ శాఖల మంత్రి కె.తారక రామారావు పేర్కొన్నారు. హైదరాబాదీలు ఇంకా పెద్ద ఎత్తున ఓటింగ్‌లో పాల్గొని ఉంటే టీఆర్‌ఎస్ మెజారిటీ మరింతగా పెరిగేదన్నారు.
 
 మంగళవారం సాయంత్రం హైదరాబాద్‌లోని తెలంగాణ భవన్‌లో ఏర్పాటు చేసిన విలేకరుల సమావేశంలో కేటీఆర్ మాట్లాడారు. జీహెచ్‌ఎంసీ ఎన్నికల్లో పోలింగ్ శాతం మరింతగా పెరగాల్సిందని, ఓటింగ్‌కు దూరంగా ఉండడం వల్ల సాధించేదేమీ ఉండదని ఆయన పేర్కొన్నారు. మొత్తంగా పోలింగ్ ప్రశాంతంగా జరిగిందని... చివరలో ఎంఐఎం-టీఆర్‌ఎస్ మధ్య, ఎంఐఎం-కాంగ్రెస్ మధ్య జరిగిన ఘటనలు దురదృష్టకరమని వ్యాఖ్యానించారు. పోలింగ్ కేంద్రాల్లో ఎక్కడా గొడవల్లేవు కాబట్టి, రీపోలింగ్‌కు అవకాశం ఉండకపోవచ్చని భావిస్తున్నామన్నారు. ఎన్నికలు పారదర్శకంగా జరిగాయనడానికి రెండు రోజులుగా టీఆర్‌ఎస్ నేతలపై కూడా కేసులు నమోదు కావడమే ఉదాహరణ అని కేటీఆర్ చెప్పారు.
 
  కేసీఆర్ పట్ల విశ్వాసమే గెలుపు బాట..
  ‘‘మా గెలుపు ఖరారైంది. అధికారికంగా 5వ తేదీన వెలువడే ఫలితాల కోసం ఎదురు చూస్తున్నాం. ఈ ఎన్నికల్లో ‘కారు-సారు’ నినాదంతో ప్రజల వద్దకు వెళ్లాం. మా నాయకుడి దీక్షాదక్షత, సమర్థత, ఆయన పట్ల ప్రజలకు ఉన్న విశ్వాసమే మా గెలుపునకు బాటలు వేస్తున్నాయి..’’ అని చెప్పారు. ఇక సీపీఐ నేత నారాయణ అంటే తమకు గౌరవం ఉందని, రాయలసీమ నేత అయి ఉండి కూడా తెలంగాణకు మద్దతుగా నిలిచారని కేటీఆర్ పేర్కొన్నారు. కానీ నారాయణ వాస్తవాలు అంచనా వేయకుండా మాట్లాడడం సరికాదన్నారు. ఎన్నికల వేడిలో సంఘటనలు జరుగుతాయని, కోపతాపాల ప్రదర్శనలు వద్దని, సంయమనం కోల్పోవద్దని చెప్పారు.
 
 టీఆర్‌ఎస్ అంటే సుముఖంగా లేని వారు కూడా సర్వేలు చేసి, డెబ్బైకి పైగా స్థానాల్లో టీఆర్‌ఎస్ గెలుస్తున్నట్లు తేల్చారని ప్రభుత్వ ప్రత్యేక సలహాదారు డి.శ్రీనివాస్ పేర్కొన్నారు. సీఎం కేసీఆర్ గత 18 నెలల కాలంలో చేపట్టిన అభివృద్ధి, సంక్షేమ కార్యక్రమాలతో ప్రజల నమ్మకాన్ని గెలుచుకున్నారని చెప్పారు. సర్వేలన్నీ తమకు అనుకూలంగా ఉన్నాయని, టీఆర్‌ఎస్ ఘన విజయం సాధిస్తుందని మంత్రి లక్ష్మారెడ్డి పేర్కొన్నారు. ఈ సమావేశంలో ఎంపీలు బూర నర్సయ్యగౌడ్, బాల్క సుమన్, సీతారాం నాయక్, ఎమ్మెల్యే వినయ్ భాస్కర్ పాల్గొన్నారు.


 హైదరాబాద్: ఓటు వేయమనే భావన మంచిది కాదని మాజీ ముఖ్యమంత్రి నాదెండ్ల భాస్కరరావు అన్నారు. జీహెచ్ ఎంసీ ఎన్నికల పోలింగ్ లో భాగంగా ఆయన మంగళవారం జూబ్లీహిల్స్ లో ఓటు హక్కు వినియోగించుకున్నారు.  ప్రతి ఒక్కరు ఓటు వినియోగించుకోవాలని కోరారు.
 
 కాపు ఐక్య గర్జన సందర్భంగా తూర్పుగోదావరి జిల్లా తునిలో చోటుచేసుకున్న ఘటనలపై ప్రస్తుతం స్పందిచలేనని మరో ప్రశ్నకు సమాధానంగా చెప్పారు. సమయం వచ్చినప్పుడు మీడియాను పిలిచి మాట్లాడతానని అన్నారు.


 హైదరాబాద్: ఓటు హక్కు వినియోగించుకుని సరైన నాయకున్ని ఎన్నుకోవాలని జీహెచ్ ఎంసీ ఓటర్లకు జూనియర్ ఎన్టీఆర్ విజ్ఞప్తి చేశారు. తన కుటుంబ సభ్యులతో కలిసి జూబ్లీహిల్స్ లోని ఓబుల్ రెడ్డి స్కూల్ లో ఓటు హక్కు వినియోగించారు. ఈ సందర్భంగా మాట్లాడుతూ... తనకు ఒంట్లో నలతగా ఉన్నా వచ్చి ఓటేశానని వెల్లడించారు. అందరూ తప్పనిసరిగా ఓటు హక్కు వినియోగించుకోవాలని కోరారు.
 
 పలువురు సినీ ప్రముఖులు కూడా ఓటు వేశారు. అక్కినేని నాగార్జున అమల, అల్లు అర్జున్ జూబ్లీహిల్స్ లో ఓటు హక్కు వినియోగించుకున్నారు. మూవీ ఆర్ట్ అసోసియేషన్ అధ్యక్షుడు రాజేంద్రప్రసాద్ కూకట్ పల్లి డివిజన్ లో ఓటు వేశారు.


 హైదరాబాద్: జీహెచ్ ఎంసీ ఎన్నికల్లో బంజారాహిల్స్ నుంచి పోటీ చేస్తున్న టీఆర్ఎస్ పొలిట్ బ్యూరో సభ్యుడు కె. కేశవరావు కుమార్తె విజయలక్ష్మి మంగళవారం ఎన్ బీటీ నగర్ లో ఆందోళన చేపట్టారు. పోలీసులతో వాగ్వాదానికి దిగారు. ఓటరు కార్డులున్నా అడ్డుకుంటున్నారని నిరసన వ్యక్తం చేశారు.
 
 మాసబ్ ట్యాంక్ లోని 36, 37 పోలింగ్ కేంద్రం వద్ద స్వల్ప ఉద్రిక్తత పరిస్థితులు తలెత్తాయి. ఎంఐఎం రిగ్గింగ్ కు పాల్పడుతోందని ఆరోపిస్తూ కాంగ్రెస్ కార్యకర్తలు ఆందోళనకు దిగారు. పోలీసులు ఇరువర్గాలను చెదరగొట్టారు. తార్నాకా డివిజన్ మాణికేశ్వర్ నగర్ లోనూ ఓటర్లు ఆందోళనకు దిగారు. గుర్తింపు కార్డు ఉన్నా ఓటు వేయనీయడం లేదని తెలిపారు.


 గ్రేటర్ సమరానికి అంతా సిద్ధమైంది. నగరంలోని 150 డివిజన్లకు నేడు ఎన్నికలు జరగనున్నాయి. అందుకు తగ్గ ఏర్పాట్లను అధికారులు సోమవారం పూర్తి చేశారు. పోలింగ్ స్టేషన్లను ఒక్కరోజు ముందుగానే ఎన్నికల అధికారులు తమ ఆధీనంలోకి తీసుకున్నారు. పోలింగ్ సిబ్బందికి ఈవీఎంలతో పాటు, ఇతర సామగ్రిని అందజేశారు. గ్రేటర్ కమిషనర్ జనార్దన్‌రెడ్డి ఏర్పాట్లపై   ఆరా తీశారు. దూరప్రాంతాల నుంచి వచ్చిన సిబ్బందికి సరైన వసతులు కల్పించకపోవడంతో ఇబ్బంది పడ్డారు. మహిళా సిబ్బంది తమ పిల్లలతో సహా విధులకు రావడంతో ఇబ్బంది పడ్డారు. పలు ఇంజినీరింగ్ కళాశాలలకు చెందిన విద్యార్థులు  వెబ్ కాస్టింగ్ విధుల్లో పాల్గొంటున్నారు. - సాక్షి, సిటీబ్యూరో
  
 మేయర్ పీఠం మాదే: కేటీఆర్
 బల్దియా ఎన్నికల్లో టీఆర్‌ఎస్ పార్టీ పూర్తి మెజార్టీ సాధిస్తుంది. 80కి పైగా సీట్లు సాధించి మేయర్ పీఠం కైవసం చేసుకుంటాం. టీడీపీ-బీజేపీ, కాంగ్రెస్ పార్టీలకు ఎందుకు ఓటేయాలో ప్రజలకు ఒక్క సరైన కారణం చూపడంలో ఆ పార్టీలు విఫలమయ్యాయి. నగరంలో కరెంట్ పోకుండా చూశాం. శామీర్‌పేట్, రాచకొండ ప్రాంతాల్లో భారీ స్టోరేజీ రిజర్వాయర్లను నిర్మించి రాబోయే రోజుల్లో మహానగరానికి తాగునీటి ఇక్కట్లు రాకుండా చర్యలు తీసుకుంటాం. విజన్ ఉన్న సీఎం  కేసీఆర్ నాయకత్వంలోనే నగర సమగ్రాభివృద్ధి సాధ్యం.      - కేటీఆర్, రాష్ట్రమంత్రి, గ్రేటర్ ఎన్నికల ప్రచార సారధి
  
 హైదరాబాద్ హమారా..
 గ్రేటర్ పోరులో గెలిచేది మేమే. హైదరాబాద్ హమారా.. మెజార్టీ స్థానాల్లో విజయం సాధిస్తాం. మా పనితీరుపై ప్రజలకు నమ్మకం ఉంది. గత మూడేళ్ల పాటు సమర్థవంతమైన పరిపాలన అందించాం. వచ్చే ఐదేళ్లలో చేపట్టే పనులపై పక్కా కార్యాచరణ రూపొందించాం. అధికారంలోకి వస్తే.. ప్రజలకు స్వచ్ఛమైన తాగునీరు అందిస్తాం. ఐదేళ్ల వరకు ఆస్తిపన్ను, ట్రేడ్ లెసైన్స్ ఫీజులు పెంచబోం. పూర్తి స్థాయి మెజార్టీ లేకున్నా పాలనా పగ్గాలు చేపట్టిన చరిత్ర మజ్లిస్‌కు ఉంది.       - అసదుద్దీన్ ఒవైసీ, మజ్లిస్ పార్టీ అధినేత
  
 పరిణతితో ఓటేయండి..
 నేడు జరిగే జీహెచ్‌ఎంసీ ఎన్నికల్లో నగర ఓటరు గొప్ప పరిణతితో ఓటెయ్యాలని విజ్ఞప్తి చేస్తున్నా. హైదరాబాద్‌ను విధ్వంస కేంద్రంగా చూడాలనుకుంటున్న పార్టీలకు, వంత పాడుతున్న ప్రభుత్వానికి వ్యతిరేకంగా స్పందించాలని విజ్ఞప్తి చేస్తున్నా. 19 నెలల్లో గాలి మేడలు తప్ప, వాస్తవ పనులేమీ చేయని ప్రభుత్వాన్ని ప్రశ్నించే అధికారం మా కూటమికి ఇవ్వాలని విజ్ఞప్తి చేస్తున్నా.
      - జి.కిషన్‌రెడ్డి ,బీజేపీ రాష్ట్ర అధ్యక్షుడు
  
 ప్రజాస్వామ్య రక్షణకు ఓటే కీలకం
 స్వేచ్ఛాయుత వాతావరణంలో ఎలాంటి అవాంతరాలు లేకుండా ప్రతి ఒక్కరూ తమ ఓటు హక్కు వినియోగించుకునేలా ఏర్పాట్లు చేశాం. నగరంలో ఓటు హక్కు ఉన్న వారంతా విధిగా దాన్ని వినియోగించుకోవాలి. ప్రజాస్వామ్య పరిరక్షణకు ఓటు ఎంతో కీలకమని గుర్తుంచుకోవాలి. మంగళవారం ఉదయం 8 గంటలకు కుందన్‌బాగ్‌లోని చిన్మయ విద్యాలయంలో నా ఓటు హక్కును వినియోగించుకుంటున్నా. ఇలాగే ప్రతి ఒక్కరూ తమతమ పరిధిలోని పోలింగ్ కేంద్రాలకు వెళ్లి ఓటు వేయాలి.  - ఎం.మహేందర్‌రెడ్డి, హైదరాబాద్ కొత్వాల్
  
  నేను వేశా.. మీరూ వేయండి
  ఓటు అనేది రాజ్యాంగం మనకు ప్రసాదించిన అమూల్యమైన హక్కు. ప్రపంచంలో చాలా దేశాల ప్రజలకు లేని వరం మనకు లభించింది. మన పాలకులను మనమే ఎన్నుకునే అవకాశం ఈ హక్కు కల్పిస్తోంది. ఈ అంశాలను దృష్టిలో పెట్టుకుని ప్రతి ఒక్కరూ కచ్చితంగా ఓటు వేయాలి. అందుకు అవసరమైన, అనువైన వాతావరణాన్ని మేం కల్పిస్తున్నాం. పోస్టల్ బ్యాలెట్ ద్వారా ఓటు హక్కును వినియోగించుకున్నా. మీరూ ఓటు అవకాశాన్ని స్వేచ్ఛగా సద్వినియోగం చేసుకోవాలని కోరుతున్నా.     - సీవీ ఆనంద్, సైబరాబాద్ పోలీసు కమిషనర్
  
 మీరు సిద్ధమా..
 నేను బేగంపేట చిన్మయి స్కూల్‌లో ఉదయం 7 గంటలకే ఓటేస్తున్నా. మరి మీరూ ఓటుహక్కును వినియోగించుకునేందుకు రెడీ అవ్వండి. అన్ని వర్గాలవారూ ఓటేసి పోలింగ్ శాతాన్ని పెంచండి. ఉదయం 7 నుంచి సాయంత్రం 5 గంటలలోపు మీకు కేటాయించిన పోలింగ్‌బూత్‌కు వెళ్లి ఓటెయ్యండి. -  జనార్దన్ రెడ్డి, జీహెచ్‌ఎంసీ కమిషనర్
  
 నేను జూబ్లీహిల్స్‌లో ఓటేస్తున్నా..
 ఓటు ఉన్న ప్రతి ఒక్కరూ ఆ హక్కును వినియోగించుకోవాలి. ఓటు కోసం కచ్చితంగా సమయం కేటాయించండి. ఎన్నిక ఏదైనా ఓటు ఒక్కటే. అది అసెంబ్లీనా.. లోక్‌సభనా.. జీహెచ్‌ఎంసీనా అనేది కాదు. ఓటు హక్కు వినియోగించుకుని తీరాలి. మీరు ఓటు వేయకుంటే ఎవరో ఒకరు దానిని దుర్వినియోగం చేసే అవకాశం ఉంది. నేను జూబ్లీహిల్స్‌లో ఓటేస్తున్నా. మీరూ కదలిరండి ప్రజాస్వామాన్ని కాపాడుదాం.     - బ్రహ్మాజీ, సినీనటుడు
  
 సెంటిమెంట్ పాలనకు తెరదించండి
 ఏడాదిన్నర పాలన అంతా సెంటిమెంట్‌పైనే సాగింది. హైదరాబాద్ అభివృద్ధి కాగితాలకే పరిమితమైంది. కాంగ్రెస్ హయాంలో చేపట్టిన పనులను తాము చేసినట్టుగా చూపెట్టి, నగర ప్రజలను తప్పుదోవ పట్టించే ప్రయత్నం టీఆర్‌ఎస్ చేస్తోంది. తన కుటుంబాన్ని ప్రమోట్ చేసుకునేందుకు కేసీఆర్ ఈ ఎన్నికలను ఉపయోగించుకుంటున్నారు. విజ్ఞులైన నగర ప్రజలు.. చేతల మనుషులు ఎవరు, మాటల మనుషులు ఎవరన్న అంశాన్ని గమనించి, కాంగ్రెస్ పార్టీ అభ్యర్థులను గెలిపించాలని విజ్ఞప్తి చేస్తున్నా.- ఉత్తమ్ కుమార్ రెడ్డి, టీపీపీసీ అధ్యక్షుడు
  
 గ్రేటర్‌లో గట్టి పోటీ..
 గ్రేటర్ మున్సిపల్ కార్పొరేషన్‌కు జరుగుతున్న ఈ ఎన్నికల్లో వన్ హైదరాబాద్ కూటమి గట్టి పోటీనివ్వడం ఖాయం. ప్రచార కార్యక్రమాన్ని సాధారణ ప్రజలకు చేరాలా చేశాం. పేదలకు ఏ కష్టమొచ్చినా వారి పక్షాన నిలిచి పోరాడేది మేమే. నగర ఓటర్లు రాజకీయ విలువలు పెంపొందించే  పార్టీలకే పట్టం కట్టాలని కోరుతున్నా. పన్నెండు నియోజకవర్గాల పరిధిలోని 50-60 సీట్లలో ఇతర పార్టీల గెలుపు, ఓటమిని వన్ హైదరాబాద్ కూటమి నిర్ణయిస్తుంది. - తమ్మినేని వీరభద్రం, సీపీఎం రాష్ట్ర కార్యదర్శి
  
 ప్రశ్నించే బలాన్నివ్వండి..
 గ్రేటర్ ఎన్నికల్లో టీడీపీ-బీజేపీ కూటమి అభ్యర్థులను బలపరిచి, కేసీఆర్ పాలనలో తప్పులను ప్రశ్నించే అవకాశాన్ని ఇవ్వాలని నగర ప్రజలను కోరుతున్నా. ఇష్టం వచ్చిన రీతిలో పాలన సాగించాలని భావిస్తున్న కేసీఆర్ కుటుంబాన్ని అదుపులో పెట్టాలంటే హైదరాబాద్ ఓటరు ఆలోచించి ఓటు వేయాల్సిన అవసరం కనిపిస్తోంది. మాటలు తప్ప, చేతలు చేయని ఈ సర్కారుకు సరైన గుణపాఠం చెప్పే అవకాశం ఇదే.       - ఎ. రేవంత్‌రెడ్డి, టీటీడీపీ వర్కింగ్ అధ్యక్షుడు


  సిటీబ్యూరో: జీహెచ్‌ఎంసీలోని 150 వార్డులకు మంగళవారం పోలింగ్ జరుగనుంది. అత్యధికంగా జంగమ్మెట్ వార్డులో 28 మంది అభ్యర్థులు బరిలో ఉన్నారు. అత్యల్పంగా నలుగురు మాత్రమే పోటీ చేస్తున్న వార్డుల్లో చావ్‌ని, నవాబ్ సాహెబ్‌కుంట, సులేమాన్‌నగర్, దత్తాత్రేయ నగర్, గోల్కొండ, నానల్‌నగర్, అహ్మద్‌నగర్, చందానగర్‌లు ఉన్నాయి.
 
 సూరారంలో 21 మంది, ఈస్ట్ ఆనంద్‌బాగ్‌లో 18 మంది, రామంతాపూర్‌లో 17 మంది, బాలానగర్‌లో 17 మంది బరిలో ఉన్నారు.15 మంది పోటీ చేస్తున్న వార్డులు: లింగోజిగూడ, సుభాష్‌నగర్, మల్కాజిగిరి.13 మంది పోటీ చేస్తున్న వార్డులు: వెంగళ్రావునగర్, మూసాపేట, నేరేడ్‌మెట్, రామ్‌నగర్ 11 వార్డుల్లో 12 మంది అభ్యర్థులు, 15 వార్డుల్లో 11 మంది వంతున, 18 వార్డుల్లో పదిమంది చొప్పున రంగంలో ఉన్నారు.
  
 మొత్తం పోలింగ్ కేంద్రాలు: 7,802
  పోలింగ్ పార్టీలు: 9,352 (ఒక్కో పోలింగ్ పార్టీలో ఒక ప్రిసైడింగ్ అధికారి, ఒక సహాయ ప్రిసైడింగ్ అధికారి, ముగ్గురు పోలింగ్ ఆపీసర్లు ఉన్నారు. ఓటర్లు 1200 కన్నామించిన పోలింగ్ కేంద్రాల్లో మరో అధికారిని అదనంగా నియమించారు.) అవాంఛనీయ ఘటనలకు తావు లేకుండా 1500 మంది మైక్రోఅబ్జర్వర్లు.
 
  3000 పోలింగ్ కేంద్రాల్లో వెబ్ కెమెరాలు. వాటి ద్వారా పరిస్థితిని ఆన్‌లైన్‌లో వీక్షించేలా పోలీస్ కంట్రోల్ రూమ్, ఎన్నికల సంఘం, జీహెచ్‌ఎంసీ ప్రధాన కార్యాలయంలో ఏర్పాట్లు. ఎన్నికల విధులకు హాజరవుతున్న పొరుగు జిల్లాల ఉపాధ్యాయులకు 3వ తేదీన వేతనంతో కూడిన సెలవు. అన్ని పోలింగ్ కేంద్రాల్లో తాగునీరు.
  
 ఎన్నికలు..   లెక్కలు
  పార్టీ           పోటీ చేస్తున్న  వార్డులు
 టీఆర్‌ఎస్         150
 టీడీపీ             95
 కాంగ్రెస్          149
 బీజేపీ            66
 ఎంఐఎం         60
 బీఎస్పీ          55
 సీపీఐ           21
 సీపీఎం          22
 లోక్‌సత్తా        26
 రిజస్టర్డు పార్టీలు    49
 ఇండిపెండెంట్లు    640
  
  సంక్షిప్తంగా..
 జీహెచ్‌ఎంసీ విస్తీర్ణం    :    625 చ.కి.మీ.
 మొత్తం ఓటర్లు    :    74,23,980
 పురుషులు    :    39,69, 007
 మహిళు     :    34,53,910
 ఇతరులు    :    1163
 మొత్తం అభ్యర్థులు: 1333
 
 రిజర్వేషన్లకు అనుగుణంగా సీట్ల కేటాయింపు ఇలా..
 ఎస్టీ జనరల్    : 1
 ఎస్టీ మహిళ    :1
 ఎస్సీ జనరల్    :5
 ఎస్సీ మహిళ    :5
 బీసీ జనరల్    :25
 బీసీ మహిళ    :25
 మహిళ జనరల్    : 44
 అన్ రిజర్వుడు (ఓపెన్): 44
  
  


 ఎక్స్‌అఫీషియో సభ్యుల ఓటు హక్కుపై న్యాయ సందేహం
 
  సాక్షి, హైదరాబాద్: జీహెచ్‌ఎంసీ మేయర్ ఎన్నికల్లో ఎక్స్‌అఫీషియో సభ్యులుగా నలుగురు రాజ్యసభ సభ్యులకు ఓటు హక్కు కల్పించడం పై సందేహం నెలకొంది. గ్రేటర్ హైదరాబాద్ పరిధిలో నివాసంతో పాటు ఓటు హక్కున్న ఎంపీలు కె.కేశవరావు, చిరంజీవి, జైరామ్మ్రేశ్, మహమ్మద్ అలీఖాన్‌లకు మేయర్ ఎన్నికలో ఓటు హక్కు కల్పించాలా, వద్దా అన్నది తేల్చుకోలేక ఉన్నధికారులు తల పట్టుకుంటున్నారు. దీనిపై న్యాయశాఖ కూడా ఎటూ తేల్చలేక.. ఏజీ సలహా తీసుకోవాలని ప్రభుత్వానికి సూచించింది. ఉమ్మడి రాష్ట్రంలో ప్రాతినిధ్యమున్న 18మంది రాజ్యసభ సభ్యులను విభజన అనంతరం ఏపీ, తెలంగాణలకు డ్రా పద్ధతిలో కేటాయించారు.
 
 అందులో తెలంగాణకు కేవీపీ రామచందర్‌రావు, పాల్వాయి గోవర్ధన్‌రెడ్డి, రాపోలు ఆనంద్ భాస్కర్, జి.సుధారాణి, జి.మోహన్‌రావు, వీహెచ్ రాగా... ఏపీకి రేణుకాచౌదరి, సుబ్బరామిరెడ్డి, జేడీ శీలం, సుజనాచౌదరి, దేవేందర్‌గౌడ్, తోట సీతారామలక్ష్మి, కేకే, చిరంజీవి, జైరాంరమేశ్, అలీఖాన్ వచ్చారు. కేకే, చిరంజీవి, జైరాం రమేశ్, అలీఖాన్‌లకు హైదరాబాద్‌లో ఓటుహక్కుంది. దీంతో ఎక్స్‌అఫీషియో సభ్యుల హోదాపై గందరగోళం తలెత్తింది. ఏజీ సూచనల కోసం అధికారులు ఎదురు చూస్తున్నారు.


 సిటీబ్యూరో: ‘స్థానిక సంస్థకు ప్రజాప్రతినిధుల ను ఎన్నుకునే కీలక సమయం వచ్చింది. సెల విచ్చారు కదా అని బద్ధకించకండి. మీ చేతిలోని వజ్రాయుధాన్ని వినియోగించండి’ అని చెబుతున్నారు ఎన్నికల సంఘం, జీహెచ్‌ఎంసీ అధికారులు.  స్వచ్ఛంద సంస్థ లూ ఇదే మాట చెబుతున్నాయి. గతంలో పోలింగ్ కేం ద్రం ఎక్కడో తెలియదనే బాధ ఉండేది. ఇప్పుడా దుస్థితి లేదు. వెబ్, మొబైల్ ద్వారా వివరాలు తెలుసుకునే సదుపాయం ఉంది. వాటి ద్వారా వివరాలు పొంది.. కాగితం మీద రాసుకొని వెళ్లినా సరిపోతుంది. అదీ కుదరకుంటే పోలింగ్ కేంద్రం వద్ద ఓటరు వివరాలు తెలిపే సహాయక కేంద్రాలు ఏర్పాటు చేస్తున్నట్లు అధికారులు ప్రకటించారు. ఇంకెందుకు ఆలస్యం? కదలండి.  
 
  వెబ్‌సైట్ ద్వారా ఇలా ఓటరు స్లిప్ పొందవచ్చు
 ఎపిక్ కార్డు లేని పక్షంలో సర్కిల్, వార్డులను సం బంధిత కాలమ్‌లలో భర్తీ చేశాక  డోర్ నెంబరు, పే రు వివరాల్లో ఏ ఆప్షన్‌ను తీసుకున్నా సరిపోతుం ది. ఒకటి కంటే ఎక్కువ ఆప్షన్లు తెలిస్తే ఇంకా మంచిది.ఓటరు జాబితాలో కచ్చితంగా ఏపేరు ఉందో తెలిస్తే... ఆ ఆప్షన్‌పై టిక్ చేసి స్లిప్ వస్తుంది. దాన్ని ప్రింట్ తీసుకోవాలి.లేని పక్షంలో పేరులోని తొలి అక్షరాలు కొన్ని నమోదు చేసినా వాటితో ప్రారంభమయ్యే ఓటర్ల వివరాలన్నీ వస్తాయి. వాటిలో కావాల్సిన వారి పేరు, వివరాలు చూసుకోవాలి.ఎవరి ఓటరు స్లిప్ కావాలో ఆ పేరు వరుసలో ఉన్న ‘ప్రింట్ ఓటరు స్లిప్’పై క్లిక్ చేస్తే వార్డు నెంబరు, పోలింగ్ స్టేషన్ నెంబరు, లొకేషన్, ఓటరు జాబితాలో సీరియల్ నెంబర్, పేరు, తండ్రి/ భర్త పేరు, వయసు, లింగం, ఎపిక్ నెంబరు వివరాలతో స్లిప్ వస్తుంది. దాన్ని ప్రింట్ తీసుకోవచ్చు. లేదా సేవ్ చేసుకొని తర్వాత ప్రింట్ తీసుకోవచ్చు. వివరాలు రాసుకున్నా చాలు. పోలింగ్ కేంద్రంలో చెబితే త్వరితంగా ఓటు వేయవ చ్చు  నగర ప్రజలు, ముఖ్యంగా విద్యావంతులు ఈ స దుపాయాన్ని వినియోగించుకోవాల్సిందిగా జీహెచ్‌ఎంసీ కమిషనర్ డా.బి.జనార్దన్‌రెడ్డి కోరారు.
 
 యాప్ ద్వారా ఇలా..
  ఆండ్రాయిడ్ సదుపాయం కలిగిన స్మార్ట్‌ఫోన్ల ద్వారా దిగువ పేర్కొన్న విధంగా డౌన్‌లోడ్ చేసుకోవచ్చు.స్మార్ట్‌ఫోన్‌లో గూగుల్ ప్లే స్టోర్‌కు వెళ్లాలి.సెర్చ్‌లో టీఎస్‌ఈ సీ ఓటర్ అని టైపు చేస్తే ‘టీఎస్ ఎలెక్షన్‌ఓటరు స్లిప్’ అనే యాప్ వస్తుంది. దాన్ని ఇన్‌స్టాల్ చేసుకోవాలి.యాప్‌ను ఓపెన్ చేస్తే ఎపిక్ / ఓటరు ఐడీ స్క్రీన్ వస్తుంది. దాన్లో ఎపిక్ నెంబరు ఎంట్రీ చేస్తే ఓటరు స్లిప్ వస్తుంది. ఈ వివరాలను సేవ్ చేసుకోవచ్చు.
  


 మొత్తం డివిజన్లు    :     150
 పోలింగ్ కేంద్రాలు     :     7,802
 {పధాన పోలింగ్ కేంద్రాలు    :     7,757
 అనుబంధ పోలింగ్ కేంద్రాలు    :     45
  పోలింగ్ లొకేషన్లు    :     3,117
  
 ఓటు... వజ్రాయుధం-సకల సమస్యలకు పరిష్కార మార్గం  సమష్టిగా కదులుదాం - జన చైతన్యమై నినదిద్దాం
 అందరం ఓటేసి తీరుదాం...
  
 సిటీబ్యూరో: గ్రేటర్ ఎన్నికల్లో అత్యంత కీలక ఘట్టమైన పోలింగ్ ప్రక్రియ మరికొన్ని గంటల్లో ప్రారంభమవుతుంది. ఇన్నాళ్లూ నిద్రాహారాలు మాని ప్రచారం చేసిన నేతల భవితవ్యం ఈవీఎంలలోకి చేర బోతోంది. అయిదేళ్ల కాలానికి తమను పాలించేదెవరో ఓటరు దేవుడు నిర్ణయించబోతున్నాడు. జీహెచ్‌ఎంసీ ఎన్నికలు రాజకీయ పక్షాలతో పాటు ఎన్నికల యంత్రాంగానికీ ప్రతిష్టాత్మకంగా మారాయి. గెలుపే ధ్యేయంగా రాజకీయ పార్టీలు పావులు కదిపితే... పోలింగ్ ప్రక్రియలో ప్రజల భాగస్వామ్యాన్ని పెంచే దిశగా యంత్రాంగం సర్వం సిద్ధం చేసింది. గ్రేటర్ ఫలితాలు రాజకీయ పక్షాల భవిష్యత్‌ను నిర్దేశించే అవకాశం ఉండటంతో అన్ని పార్టీలూ సవాల్‌గా తీసుకున్నాయి. అభివృద్ధిని కొనసాగించాలంటే తమను బలపరచాలని టీఆర్‌ఎస్ జనానికి విజ్ఞప్తి చేస్తే... తమ అభ్యర్థులకే మద్దతిచ్చి... కేసీఆర్ పాలనను తిరస్కరించాలంటూ కాంగ్రెస్, బీజేపీ, టీడీపీలు పిలుపునిచ్చాయి. అన్నిటికీమించి ఈ ఎన్నికల్లో ఎంపీ కేశవరావు కూతురు విజయలక్ష్మి...  మాజీ మంత్రి పీజేఆర్ కూతురు విజయారెడ్డి, మాజీ మంత్రులు ఎ.నరేంద్ర సతీమణి, మేచినేని కిషన్‌రావు కుమారుడు శ్రీనివాసరావు, మహేశ్వరం, మల్కాజిగిరి, కంటోన్మెంట్ ఎమ్మెల్యేలు తీగల కృష్ణారెడ్డి, కనకారెడ్డి, సాయన్నల కోడళ్లు, కూతుళ్లతో పాటు మాజీ మేయర్లు బండ కార్తీకరెడ్డి, మాజిద్‌హుస్సేన్ బరిలో ఉండటంతో సంబంధిత  డివిజన్లలో పోటీ ఆసక్తికరంగా మారింది.
  
 పోలింగ్ పెంచేందుకు ప్రత్యేక కసరత్తు
  నగరంలో పోలింగ్ శాతాన్ని పెంచేందుకు ఎన్నికల కమిషన్ ప్రత్యేక చర్యలు చేపట్టింది. 2002 జీహెచ్‌ఎంసీ ఎన్నికల్లో 41 శాతం, 2009లో 42 శాతం మాత్రమే పోలింగ్ జరిగింది. ఈసారి 50 శాతాన్ని దాటించే దిశగా ఎన్నికల కమిషన్ ఏర్పాట్లు చేసింది. ముఖ్యంగా ఓటరు స్లిప్పులను ఇంటింటికీ పంచడంతో పాటు వెబ్, యాప్ ద్వారా డౌన్‌లోడ్ చేసుకునే అవకాశాన్ని కల్పించింది. స్వచ్ఛంద సంస్థలతో ‘లెట్స్ ద ఓట్’ అంటూ ముమ్మరంగా ప్రచారం చేసింది. భారీగా పోలింగ్ నమోదయ్యే కాలనీలు, బస్తీలకు ప్రత్యేక ప్రోత్సాహకాలకు సిఫారసు చేయాలని భావిస్తోంది. గడిచిన ఎన్నికల్లో పోలింగ్ శాతం తక్కువగా ఉన్న కాలనీలను గుర్తించి ఆ ప్రాంతాల్లో ప్రత్యేక ప్రచారం నిర్వహించింది.
  
 వెబ్‌సైట్ ద్వారా ఇలా ఓటరు స్లిప్ పొందవచ్చు
 ‘డౌన్‌లోడ్ ఓటర్ స్లిప్’ పై క్లిక్ చేయాలి.   డౌన్‌లోడ్ జీహెచ్‌ఎంసీ ఓటరు స్లిప్ అని వస్తుంది.సర్కిల్, వార్డు, డోర్ నెంబరు, పేరు, ఎపిక్ నెంబరు తెలపాల్సిందిగా సూచిస్తుంది. ఎపిక్ నెంబరు (ఓటరు గుర్తింపు కార్డు నెంబరు) నమోదు చేయగానే ఓటరు వివరాలతో కూడిన స్లిప్ వస్తుంది. దాన్ని సేవ్      చేసుకొని ప్రింట్ తీసుకోవచ్చు.
  


 ♦ కిషన్‌రెడ్డి, లక్ష్మణ్ ధ్వజం
 ♦ జిల్లాల టీఆర్‌ఎస్ నేతలు ఇక్కడే తిష్ట వేశారు
 ♦ అధికార పార్టీకి తొత్తుల్లా పోలీసులు, అధికారులు
 ♦ అడ్డుకోవాలని గవర్నర్‌కు వినతి
  
  సాక్షి, హైదరాబాద్: జీహెచ్‌ఎంసీ ఎన్నికల్లో ఎలాగైనా గెలవాలని డబ్బులు, మద్యం పంచుతూ టీఆర్‌ఎస్ నేతలు ఇష్టారాజ్యంగా వ్యవహరిస్తున్నారని బీజేపీ తీవ్రస్థాయిలో విమర్శించింది. ఇతర పార్టీల నేతలను బెదిరిస్తూ, దాడులు చేస్తూ అధికార పార్టీ అరాచకంగా వ్యవహరిస్తోందని దుయ్యబట్టింది. బీజేపీ రాష్ట్ర అధ్యక్షుడు జి.కిషన్‌రెడ్డి, శాసనసభా పక్షనేత కె.లక్ష్మణ్, ఎమ్మెల్యే ఎన్‌వీఎస్ ప్రభాకర్, ఎమ్మెల్సీ ఎన్.రామచందర్‌రావు సోమవారమిక్కడ పార్టీ కార్యాలయంలో విలేకరులతో మాట్లాడారు.
 
 జిల్లాల నుంచి వచ్చిన టీఆర్‌ఎస్ నేతల అరాచకాలను అడ్డుకోవడానికి ప్రయత్నించిన తమ ఎమ్మెల్యే ప్రభాకర్‌పై, కార్యకర్తలపై దాడికి దిగడమే కాకుండా ఎదురుకేసులు పెట్టారని ఆరోపించారు. టీఆర్‌ఎస్ నేతల అక్రమాలను పోలీసులు, అధికారుల దృష్టికి తీసుకుపోయినా ధృతరాష్ట్రుల్లాగా వ్యవహరిస్తున్నారని ఎద్దేవాచేశారు. ప్రచారం గడువు ముగిసినా జిల్లాల నుంచి వచ్చిన ఎంపీలు, ఎమ్మెల్యేలు, ఇతర నేతలను హైదరాబాద్ నుంచి తిరిగి ఎందుకు పంపలేదని కిషన్‌రెడ్డి ప్రశ్నించారు. కె.లక్ష్మణ్ మాట్లాడుతూ, ఎన్నికల కోడ్‌ను టీఆర్‌ఎస్ ఇష్టారాజ్యంగా ఉల్లంఘిస్తోందని, అధికారులు కూడా టీఆర్‌ఎస్‌కే వంతపాడుతున్నారని ఆరోపించారు.
 
 హైదరాబాద్‌కు వస్తున్న సింగూరు నీటిని సిద్దిపేటకు తరలించిన కేసీఆర్‌కు, టీఆర్‌ఎస్‌కు ఎందుకు ఓటేయాలని ప్రశ్నించారు. పాతబస్తీలో ఎంఐఎంకు అనుకూలంగా బీజేపీ నేతలపై పోలీసులు కేసులు పెడుతూ, భయపెడుతున్నారని ఆరోపించారు. ఎంఐఎం కబంధహస్తాల నుంచి హైదరాబాద్‌ను కాపాడాలంటే బీజేపీని గెలిపించడం ఒక్కటే మార్గమన్నారు. ప్రభాకర్ మాట్లాడుతూ, డబ్బులు పంచుతున్న టీఆర్‌ఎస్ నేతలను పట్టిస్తే తనపైనే అక్రమకేసులు పెట్టారని, ఎన్నికలను స్వేచ్ఛగా నిర్వహించడానికి ప్రత్యేక పరిశీలకులను నియమించాలని ఎన్నికల సంఘాన్ని కోరారు. టీఆర్‌ఎస్ నేతలు డబ్బులు పంచుతున్నారంటూ ఆ వీడియోలను రామచందర్‌రావు మీడియాకు ప్రదర్శించారు.
 
  గవర్నర్ ఫిర్యాదు
  ఎన్నికల్లో అధికారపార్టీ చేస్తున్న అక్రమాలపై చర్యలు తీసుకోవాలని కోరుతూ గవర్నర్ నరసింహన్‌కు బీజేపీ నేతలు వినతిపత్రాన్ని సమర్పించారు. కిషన్‌రెడ్డి, కె.లక్ష్మణ్, ఎన్.రామచందర్‌రావు, ఎన్‌వీఎస్ ప్రభాకర్, జి.ప్రేమేందర్ రెడ్డి, చింతా సాంబమూర్తి తదితరులు సోమవారం గవర్నర్‌ను కలిశారు. ఇతర జిల్లాలకు చెందిన టీఆర్‌ఎస్ ఎంపీలు, ఎమ్మెల్యేలు హైదరాబాద్‌లో తిష్టవేసి, ఓటర్లను ప్రలోభపెట్టే ప్రయత్నాలు చేస్తున్నారని ఫిర్యాదు చేశారు. ఓటర్ల స్లిప్పులను అందించడానికి ప్రత్యేక కౌంటర్లను ఏర్పాటుచేయాలని కోరారు.


 సాక్షి, సిటీబ్యూరో : జీహెచ్‌ఎంసీ ఎన్నికల పోలింగ్ మంగళవారం జరుగనుంది. ఇప్పటికే చాలామంది ఇళ్లకు పోలింగ్ సిబ్బంది వెళ్లి వారి పోలింగ్‌కేంద్రం, ఓటరు క్రమసంఖ్య వివరాలు తెలిపే ఓటరుస్లిప్‌లు అందజేశారు. నాలుగు లక్షలమందికి పైగా వెబ్‌సైట్ ద్వారా డౌన్‌లోడ్ చేసుకున్నారు. దాదాపు రెండు లక్షల మంది మొబైల్ యాప్ ద్వారా డౌన్‌లోడ్ చేసుకున్నారు. ఇంకా ఇవి పొందని వారు పలు విధాలుగా డౌన్‌లోడ్ చేసుకోవచ్చు.
 
  జీహెచ్‌ఎంసీ ఎన్నికల్లో పోలింగ్ శాతం పెంచేందుకు అటు ఎన్నికల సంఘం, ఇటు జీహెచ్‌ఎంసీ విస్తృత ఏర్పాట్లు చేశాయి.  ఇందులో భాగంగా  వెబ్‌సైట్ నుంచి, మొబైల్ యాప్ ద్వారా కూడా ఓటరు స్లిప్‌లను డౌన్‌లోడ్ చేసుకునే విధానాన్ని అందుబాటులోకి తెచ్చాయి.  వెబ్‌సైట్ ద్వారా డౌన్‌లోడ్ చేసుకోవాలనుకుంటే తెలంగాణ రాష్ట్ర ఎన్నికల సంఘం వెబ్‌సైట్ (్టట్ఛఛి.జౌఠి.జీ)లోకి వెళ్లాలి.
 
  అందులో ...
 ► ‘డౌన్‌లోడ్ ఓటర్ స్లిప్’పై క్లిక్ చేయాలి.
 ► డౌన్‌లోడ్ జీహెచ్‌ఎంసీ ఓటరుస్లిప్ అని వస్తుంది.
 ► సర్కిల్, వార్డు, డోర్‌నెంబరు, పేరు, ఎపిక్ నెంబరు తెలపాల్సిందిగా  సూచిస్తుంది.  ఎపిక్‌నెంబరు(ఓటరు గుర్తింపుకార్డునెంబరు) నమోదు చేయగానే ఓటరు వివరాలతో కూడిన స్లిప్‌వస్తుంది. దాన్ని సేవ్ చేసుకొని ప్రింట్ తీసుకోవచ్చు.
 ► ఎపిక్ కార్డులేని పక్షంలో సర్కిల్, వార్డులను ఆయా కాలమ్‌లలో భర్తీచేశాక డోర్ నెంబరు, పేరు వివరాల్లో ఏ ఆప్షన్‌ను పేర్కొన్నా సరిపోతుంది. ఒకటి కంటే ఎక్కువ ఆప్షన్లు తెలిస్తే ఇంకా మంచిది.
 ► ఓటరు జాబితాలో కచ్చితంగా ఏపేరు ఉందో తెలిస్తే సదరు ఆప్షన్‌పై టిక్ చేసినా ఓటర్లు స్లిప్ వస్తుంది. దాన్ని ప్రింట్ తీసుకోవాలి. లేని పక్షంలో పేరులోని తొలి అక్షరాలు కొన్ని టైప్ చేసినా సదరు అక్షరాలతో ప్రారంభమయ్యే ఓటర్ల వివరాలన్నీ వస్తాయి. వాటిల్లో కావాల్సిన వారి పేరు, వివరాలు చూసుకోవాలి.
 ► ఎవరి ఓటరు స్లిప్ కావాలో ఆపేరు వరుసలో ఉన్న ‘ప్రింట్ ఓటరు స్లిప్’పై క్లిక్ చేస్తే వార్డునెంబరు, పోలింగ్‌స్టేషన్ నెంబరు, లొకేషన్, ఓటరు జాబితాలో సీరియల్ నెంబరు, పేరు, తండ్రి/ భర్త పేరు, వయసు, లింగం, ఎపిక్ నెంబరు వివరాలతో కూడిన స్లిప్ వస్తుంది. దాన్ని ప్రింట్ తీసుకోవచ్చు.  
 ► మొబైల్ యాప్ ద్వారా ఆండ్రాయిడ్ సదుపాయం ఉన్నవారు గూగుల్ ప్లేస్టోర్‌నుంచి టీఎస్‌ఎలక్షన్ కమిషన్ యాప్‌ను డౌన్‌లోడ్ చేసుకొని, అందులో ఎపిక్ నెంబరును ఎంట్రీ చేస్తే వివరాలు వస్తాయి.
 ► నగర ప్రజలు, ముఖ్యంగా విద్యావంతులు ఈసదుపాయాన్ని వినియోగించుకోవాల్సిందిగా జీహెచ్‌ఎంసీ కమిషనర్ డా.బి.జనార్దన్‌రెడ్డి తెలిపారు.
 
  యాప్ ద్వారా ఇలా..
  ఆండ్రాయిడ్ సదుపాయం కలిగిన స్మార్ట్‌ఫోన్ల ద్వారా దిగువ పేర్కొన్న విధంగా డౌన్‌లోడ్ చేసుకోవచ్చు.
 ► స్మార్ట్‌ఫోన్‌లో గూగుల్ ప్లే స్టోర్‌కు వెళ్లాలి.
 ► సెర్చ్‌లో టీఎస్‌ఈ సీ  ఓటర్ అని టైపు చేస్తే  ‘ టీఎస్ ఎలెక్షన్ ఓటరు స్లిప్’ అనే యాప్ వస్తుంది. దాన్ని ఇన్‌స్టల్ చేసుకోవాలి
 ► సదరు యాప్‌ను ఓపెన్ చేస్తే ఎపిక్ / ఓటరు ఐడీ స్క్రీన్ వస్తుంది. దాన్లో ఎపిక్ నెంబరు ఎంట్రీ చేస్తే  ఓటరుస్లిప్ వస్తుంది.
 ► సదరు వివరాలను సేవ్ చేసుకోవచ్చు.
 ► ఎన్నికల సిబ్బంది ఇంటింటికీ వెళ్లి ఇప్పటికే దాదాపు 45 లక్షల మందికి ఓటరుస్లిప్‌లు పంపిణీ చేశారని అధికారులు తెలిపారు.
  
  అంకెల్లో ఓటరు స్లిప్పులు
   వెబ్‌సైట్ ద్వారా ఆదివారం ఒక్క రోజు ఓటరు స్లిప్పులు డౌన్‌లోడ్ చేసుకున్న వారి సంఖ్య 54,701
   ఇప్పటి వరకు వెబ్ ద్వారా ఓటరు స్లిప్పులు డౌన్‌లోడ్ చేసుకున్న మొత్తం ఓటర్లు 4,63,127
   మొబైల్ యాప్ ద్వారా ఆదివారం ఒక్క రోజు ఓటరు స్లిప్పులు డౌన్‌లోడ్ చేసుకున్న వారి సంఖ్య 89,813
  ఇప్పటి వరకు మొబైల్ యాప్ ద్వారా ఓటరు స్లిప్పులు డౌన్‌లోడ్ చేసుకున్న మొత్తం ఓటర్లు 2,75,163


 సాక్షి,సిటీబ్యూరో: జీహెచ్‌ఎంసీ ఎన్నికల నేపథ్యంలో గ్రేటర్ పరిధిలోని బార్లు, మద్యం దుకాణాలను ఆదివారం సాయంత్రం 5 గంటల నుంచి మూసివేశారు. పోలింగ్ రోజు (ఫిబ్రవరి 2)న సాయంత్రం 5 గంటల వరకు మద్యం దుకాణాలను మూసివేయాలని ఆబ్కారీశాఖ ఆదేశాలిచ్చింది. దీంతో నగరంలోని బార్లు, మద్యం దుకాణాలు బంద్ చేశారు. అదే విధంగా ఓట్ల కౌంటింగ్ రోజు (ఫిబ్రవరి 5)న కూడా సాయంత్రం వరకు మద్యం దుకాణాలు మూసేయాలని అధికారులు ఆదేశాలు జారీ చేశారు.
  
  2న సినీ కార్మికులకు సెలవు
  బంజారాహిల్స్: గ్రేటర్ ఎన్నికల సందర్భంగా ఫిబ్రవరి 2న సినీ కార్మికులకు సెలవు ప్రకటించినట్లు తెలుగు చలనచిత్ర పరిశ్రమ సమాఖ్య, చిత్రపురి కాలనీ అధ్యక్షుడు కొమర వెంకటేష్ ఆదివారం తెలిపారు. సమాఖ్య 24 అనుబంధ సంఘాల కార్మికులంతా ఈ ఎన్నికల్లో పాల్గొని తప్పనిసరిగా ఓటు హక్కు వినియోగించుకోవాలని ఆయన కోరారు. పోలింగ్ రోజు సినిమా షూటింగ్‌లు కూడా బంద్ చేశామని పేర్కొన్నారు.


 కామన్ మ్యాన్ Voice
  
 నగరంలో ప్రతి కాలనీలోను ప్రతి అపార్ట్‌మెంట్‌కు వీరే బాస్‌లు. బతుకులు మాత్రం అంతంతే. పెద్ద భవంతుల కింద ఉన్న చిన్న గదిలో బతుకు బండి లాగించడం ప్రతిచోటా క నిపించే దృశ్యాలు. ఏళ్ల తరబడి అపార్ట్‌మెంట్‌లో వాచ్‌మెన్‌గా పనిచేస్తున్న తమ లాంటివారి సంక్షేమం కోసం నేతలు ఇప్పటి వరకు దృష్టి పెట్టలేదని అవేదన వ్యక్తం చేస్తున్నాడు రాంనగర్‌లోని ఓ అపార్ట్‌మెంట్‌లో పనిచేసే వాచ్‌మెన్ బి.రమేష్. ‘కనీసం మ్మలను అసంఘటిత రంగ కార్మికులుగా కూడా గుర్తించడం లేదు.
 
 నిత్యం అపార్ట్‌మెంట్‌లో నివసించే వారు భద్రంగా ఉండాలని పనిచేసే మా లాంటివారి బతుకులకు భరోసా కల్పించే ందుకు నేతలు ఆలోచించాలి. కనీస వేతనాలు లేకుండా ఈ పనిచేస్తూ భార్యాబిడ్డలతో బతుకుతున్నాం. మా ఇంట్లో మహిళలు ఇళ్లల్లో పనులు చేస్తూ కాలం వెళ్లదీస్తున్నారే తప్ప మాకు మాత్రం ఎలాంటి సంక్షేమ పథకాలు లేకుండా పోయాయి’ అని పేర్కొన్నాడు.
  - అంబర్‌పేట


 పంజగుట్ట:  ప్రజాస్వామ్యంలో ప్రతీ ఒక్కరూ ఓటు వేయాలని, లేనిపక్షంలో సమాజంలో ఉండే హక్కును కోల్పోతారని యువ వారధి ఆర్గనైజేషన్ ప్రతినిధి మయూర్ పట్నాల  పేర్కొన్నారు. యువ వారధి ఆర్గనైజేషన్, ఆకెళ్ల రాఘవేంద్ర ఫౌండేషన్ సంయుక్త ఆధ్వర్యంలో గ్రేటర్‌లో ప్రజాప్రతినిధుల తీరుపై మూడు డివిజన్లలో సర్వే నిర్వహించామని ఆయన తెలిపారు. సర్వే రిపోర్టును ఆదివారం సోమాజిగూడ ప్రెస్‌క్లబ్‌లో వివరించారు. మయూర్ మాట్లాడుతూ.. రామకృష్ణాపురం, గడ్డిఅన్నారం, హస్తినాపురం డివిజన్లలో సుమారు 230 కుటుంబాలను ప్రత్యక్షంగా కలిశామన్నారు.
 
 పోటీలో ఉన్న నాలుగు ప్రధాన పార్టీల అభ్యర్థుల పనితీరుపై వివరాలు సేకరించినట్టు చెప్పారు. అయితే, తమ సర్వేలో కేవలం 18 శాతం మంది మాత్రమే ప్రజాప్రతినిధుల పనితీరు బాగుందని చెప్పారన్నారు. చాలా మంది మధ్యతరగతి వారికి స్థానిక ప్రభుత్వ ఆసుపత్రులు ఎక్కడున్నాయో తెలియదని, దిగువ మధ్యతరగతి వారు ప్రభుత్వం నాణ్యమైన విద్య, వైద్యం అందిస్తే తప్పకుండా వినియోగించుకుంటామని తెలిపినట్లు వెల్లడించారు. పోలీస్ పెట్రోలింగ్ ఒక్కటే కాస్త మెరుగ్గా ఉందని పలువురు వెల్లడించినట్టు వివరించారు. ఐదేళ్లు పాలించే స్థానిక ప్రజా ప్రతినిధిని ఎన్నుకునే విషయంలో జాగ్రత్తగా ఓటు వేయాలని, డబ్బులకు, ఇతర ప్రలోభాలకు లోనైతే సమస్యలు అలానే ఉంటాయని హెచ్చరించారు. కార్యక్రమంలో ఆకెళ్ల రాఘవేంద్ర ఫౌండేషన్ ప్రతినిధులు మహేష్, నాగార్జున, యువ వారధి ప్రతినిధులు రుక్ మంగాధర్ తదితరులు పాల్గొన్నారు.
  


 అభివృద్ధి పేరుతో లాభపడింది ఆయనే..
 ‘స్పిరిట్ ఆఫ్ హైదరాబాద్’ సదస్సులో మంత్రి కేటీఆర్
  
 సిటీబ్యూరో: ‘హైదరాబాద్ నగరం ఎవరో ఒక్కరు నిర్మించింది కాదు. విశిష్ట భౌగోళిక స్వరూపం కారణంగా అంచెలంచెలుగా అభివృద్ధి చెందింది. ఈ నగరానికి 400 ఏళ్ల చరిత్ర ఉంది. చంద్రబాబు నాయుడు ఈ సిటీకి మంచి మార్కెట్ తీసుకొచ్చారు. ఆశించిన స్థాయిలో అభివృద్ధి చేయలేదు. కానీ ఆయన ఎంతో లాభపడ్డారు. నగర సమస్యలపై ముఖ్యమంత్రి కేసీఆర్‌కు పూర్తి అవగాహన ఉంది. ఆయన నాయకత్వంలో వచ్చే మూడేళ్లలో నగరాన్ని విశ్వనగరంగా తీర్చిదిద్దుతాం’.. అని ఐటీ, పంచాయతీరాజ్ శాఖ మంత్రి కేటీఆర్ అన్నారు. ఆదివారం ‘సెలబ్రేటింగ్ ది స్పిరిట్ ఆఫ్ హైదరాబాద్’ పేరుతో ఓ హోటల్‌లో నిర్వహించిన సదస్సులో ఆయన మాట్లాడారు. ఈ సందర్భంగా వివిధ రంగాల నిపుణులతో స్పిరిట్ ఆఫ్ హైదరాబాద్ ప్రతిజ్ఙ చేయించారు. వివిధ రంగాల నిపుణులు అడిగిన ప్రశ్నలకు ఆయన సమాధానమిచ్చారు.
 సుస్థిరాభివృద్ధి దిశగా..
 ముఖ్యమంత్రి కేసీఆర్ సుస్థిరాభివృద్ధి దిశగా నగరాన్ని ప్రణాళిక బద్ధంగా అభివృద్ధి చేసేందుకు ప్రణాళికలు రూపొందిస్తున్నారని, నగరాన్ని సేఫ్, స్మార్ట్, క్లీన్, గ్రీన్ సిటీగా మార్చేందుకు చర్యలు తీసుకుంటున్నామని మంత్రి కేటీఆర్ పేర్కొన్నారు. ప్రభుత్వానికి అన్ని మతాలు, వర్గాలు సమానమేనని, రంజాన్, క్రిస్మస్ పండుగలను జరిపిన తీరే ఇందుకు నిదర్శనమన్నారు. మిషన్ భగీరథ పథకం ద్వారా ఇంటింటికి నల్లా నీరు అందిస్తామని శాంతి భద్రతల పరిరక్షణ విషయంలో ఎక్కడా రాజీపడేది లేదన్నారు. అధికారంలోకి రాగానే పేకాట క్లబ్బులను మూసివేయడం ఖాయమని పేర్కొన్నారు.
 
 భవిష్యత్‌ను నిర్ణయించేది రాజకీయాలే..
 మన భవిష్యత్‌ను రాజకీయాలే నిర్ణయిస్తాయని, బల్దియా ఎన్నికల్లో ప్రతి ఒక్కరూ తమ ఓటు హక్కును వినియోగించుకోవాలన్నారు. మీ అమూల్యమైన ఓటును టీఆర్‌ఎస్ పార్టీకి వేస్తే మీ సమస్యల పరిష్కారాన్ని మేము బాధ్యతగా స్వీకరిస్తామని భరోసానిచ్చారు. కేంద్ర ప్రభుత్వం స్మార్ట్ సిటీల ఎంపికను శాస్త్రీయంగా చేపట్టలేదని, వివిధ భౌగోళిక స్వరూపాలున్న పలు నగరాలను ఒకే గాటన కట్టడం సరికాదన్నారు. గ్రేటర్ హైదరాబాద్ వార్షిక బడ్జెట్ ఆరు వేల కోట్లుంటే.. స్మార్ట్‌సిటీ పథకం కింద రూ.100 కోట్లు ఇస్తామనడం సబబు కాదని ఆయన అన్నారు.
 
 నైబర్‌హుడ్ కమిటీల ఏర్పాటు
 అపార్ట్‌మెంట్లు, కాలనీల సంక్షేమ సంఘాల సభ్యులు, మున్సిపల్ విభాగంలో డిప్యూటీ కమిషనర్ స్థాయి అధికారులతో నైబర్‌హుడ్ కమిటీలను ఏర్పాటు చేసి ఆయా ప్రాంతాల సమస్యలను పరిష్కరించేందుకు చర్యలు తీసుకుంటామని మంత్రి తెలిపారు. సీఎం ఆదేశాల మేరకు మున్సిపల్ పరిపాలన శాఖ బాధ్యతలు తాజాగా తాను స్వీకరించిన నేపథ్యంలో నగరంలో అన్ని ప్రాంతాల సమస్యలను దశలవారీగా పరిష్కరిస్తానని హామీ ఇచ్చారు. నగరంలో ప్రైవేటు రంగానికి దీటుగా ప్రభుత్వ రంగంలో మెరుగైన విద్యాసంస్థల ఏర్పాటు చేసేందుకు కృషి చేస్తానని వివరించారు.
 
 ఇంకా ఏమన్నారంటే..
 మెట్రో స్టేషన్లు నగర సంస్కృతిని ప్రతిబింబిస్తాయి. మెట్రో స్టేషన్ల నుంచి సమీప కాలనీలకు చేరుకునేందుకు వీలుగా ఎలక్ట్రికల్ ఫీడర్ బస్సులను ఏర్పాటు చేస్తాం. వీటితో కాలుష్యం, వ్యక్తిగత వాహనాల వినియోగం బాగా తగ్గుతుంది. చిన్న సినిమాల నిర్మాతలకు సబ్సిడీ ఇచ్చే అంశాన్ని పరిశీలిస్తాం. మల్టీప్లెక్స్ థియేటర్లల్లో చిన్న సినిమాల ప్రదర్శనకు చర్యలు తీసుకుంటాం.పన్నుల భారంతో సతమతమవుతున్న చిన్న ఆస్పత్రుల పరిరక్షణపై ఆస్పత్రి సంఘాలు ముందుకొస్తే వారి డిమాండ్లను పరిష్కరిస్తాం. చిన్నస్థాయి ఆఫ్ సెట్ ప్రింటింగ్ రంగానికి విద్యుత్
  


 నాకాబందీలు మరింత ముమ్మరం
 కీలక ప్రాంతాల మ్యాపుల అధ్యయనం
 ఉన్నతాధికారులతో కమిషనర్ల సమీక్ష
 ఓటరు స్లిప్పుల పంపిణీపై నిఘా
 అనుమానితుల కదలికపై   డేగ కన్ను
  
 సిటీబ్యూరో: గ్రేటర్ ఎన్నికల ప్రచార పర్వం ముగియడం... కీలక ఘట్టమైన పోలింగ్ దగ్గర పడటంతో జంట కమిషనరేట్ల పోలీసులు మరింత అప్రమత్తమయ్యారు. అవాంఛనీయ సంఘటనలకూ తావు లేకుండా ఎన్నికల ప్రక్రియను శాంతియుతంగా నిర్వహించడానికితీసుకోవాల్సిన చర్యలపై కసరత్తు పూర్తి చేశారు. హైదరాబాద్, సైబరాబాద్ పోలీసు కమిషనర్లు ఎం.మహేందర్‌రెడ్డి, సీవీ ఆనంద్ అన్ని విభాగాల ఉన్నతాధికారులతో విసృ్తత స్థాయి సమీక్షలు నిర్వహించారు. ఇప్పటి వరకు రహదారులు, లాడ్జిలు, పబ్లిక్ ప్రదేశాలకు మా త్రమే పరిమితమైన తనిఖీలను రానున్న రెండు రోజు ల్లో అనుమానాస్పద ఇళ్లకూ విస్తరింపజేయాలని నిర్ణయించారు. దాదాపు 15 రోజులుగా పోలీసులు చేసిన తనిఖీల్లో భారీ మొత్తాలే దొరికాయి. అవి పార్టీలకు సంబంధించిన వని చెప్పడానికి పోలీసులకు ఎలాంటి ఆధారాలు లభించలేదు. ఈ నేపథ్యంలోనే ఆది, సోమవారాల్లో నిఘా, తనిఖీలు మరింత విస్తరించాలని నిర్ణయించారు.
 
 మంగళవారం పోలింగ్
  ఉండటంతో ఈ రెండు రోజులూ ఓటర్లను ప్రలోభ పెట్టడానికి నగదు, మద్యం పంపిణీలు జోరుగా సాగుతాయని పోలీసులు అనుమానిస్తున్నారు. మరోపక్క కొన్ని రాజకీయ పార్టీలు ద్విచక్ర వాహనాలతో పాటు ఎలక్ట్రానిక్ వస్తువులనూ పంపిణీకి సిద్ధం చేస్తున్నాయనే సమాచారం అందుకున్న పోలీసులు ఈ విషయాలనూ సీరియస్‌గా తీసుకున్నారు. దీన్ని దృష్టిలో పెట్టుకున్న జంట కమిషనర్లు పక్కా ఏర్పాట్లు చేయాల్సిందిగా అధికారులను ఆదేశిం చారు. అనుమానాస్పదంగా ఉన్నా, ఏదైనా సమాచారం అందినా ఇళ్లలోనూ సోదాలు చేయాలని స్పష్టం చేశారు.  వీటి వల్ల సామాన్యులు ఇబ్బంది పడకుండా జాగ్రత్తలు తీసుకోవాలని సూచించారు.
  
 మ్యాపుల అధ్యయనం... మఫ్టీ సిబ్బంది
  ఎన్నికల నేపథ్యంలో నగరంలోని వివిధ ప్రాంతాలను అక్కడి పరిస్థితుల ఆధారంగా సున్నిత, అతి సున్నిత, సమస్యాత్మక, అత్యంత సమస్యాత్మక విభాగాలుగా విభజించారు. వీటికి సంబంధించిన మ్యాపులను అధ్యయనం చేస్తున్నారు. ఏయే ప్రాంతాల్లో సమస్యలు సృష్టించే ఆస్కారం ఉంది? ఎటు నుంచి అల్లరి మూకలు విరుచుకుపడే ప్రమాదం ఉంది? తదితర అంశాలను దృష్టిలో పెట్టుకుని మ్యాపుల్లో మార్కింగ్ చేస్తున్నారు. వీటికి అనుగుణంగా ఆ ప్రాంతాల్లో సిబ్బందిని నియమిస్తారు. పోలింగ్ రోజు కొన్ని కీలక ప్రాంతాల్లో భారీగా సాయుధ బలగాలను రంగంలోకి దింపనున్నారు. మహి ళా పోలీసులనూ ఎక్కువ సంఖ్యలోనే నియమిస్తున్నారు. సమస్యాత్మక ప్రాంతాల్లో అణువణువూ చిత్రీకరించేలా వీడి యో, డిజిటల్ కెమెరాలు వినియోగిస్తున్నారు. భారీ స్థాయిలో మఫ్టీ దళాలను రంగంలోకి దింపుతున్నారు. నగర వ్యాప్తంగా ఉండే ఈ పోలీసులు సమస్యాత్మక ప్రాంతాలతో పాటు అనుమానాస్పద వ్యక్తులను అనునిత్యం వెంటాడుతూ ఉంటారు. సాధారణంగా స్పెషల్ బ్రాంచ్ సిబ్బంది మాత్రమే మఫ్టీల్లో సంచరిస్తుంటారు. ఈసారి మాత్రం వీరితో పాటు ఇతర విభాగాల అధికారులనూ మఫ్టీల్లో మోహరిస్తున్నారు.
  
 ‘స్లిప్పర్ల’పై డేగకన్ను...
 నగర వ్యాప్తంగా నాకాబందీలతో పాటు ప్రత్యేకంగా అనుమానాస్పద ప్రాంతాల్లో సోదాలు నిర్వహిస్తున్నారు. ఓటరు స్లిప్పులను సరఫరా చేయడం రాజ కీయ పార్టీలకు పరిపాటి. ఈసారి ఎన్నికల సంఘం అనేక ఏర్పాట్లు చేసినప్పటికీ నిరక్షరాస్యులు తదితరులకు స్లిప్పులు పంచడానికి కొందరు సంచరిస్తున్నారని పోలీసులకు సమాచారం అందింది. ఈ ‘స్లిప్పర్ల’ ద్వారా నగదు, మద్యం పంపిణీ చేయిస్తారనే అనుమానాల నేపథ్యంలో వీరి కదలికలను క్షుణ్ణంగా పర్యవేక్షించాలని నిర్ణయించారు. దీనికోసం ప్రత్యేకంగా మొబైల్, షాడో పార్టీలను రంగంలోకి దింపారు.
  


 గ్రేటర్ ఎన్నికలకు పక్కా బందోబస్తు భద్రతకు   పెద్దపీట
  సమస్యాత్మక ప్రాంతాలపై  {పత్యేక దృష్టి
 పోలింగ్ విధుల్లో 25 వేల మంది సిబ్బంది
 చెక్‌పోస్ట్‌లు, స్ట్రైకింగ్-షాడో పార్టీలు
 కొత్వాల్ మహేందర్‌రెడ్డి వెల్లడి
  
 సిటీబ్యూరో: గ్రేటర్ ఎన్నికలను అవాంఛనీయ సంఘటనలకు తావులేకుండా నిర్వహించడానికి అన్ని ఏర్పాట్లు పూర్తి చేసినట్లు నగర పోలీసు కమిషనర్ ఎం.మహేందర్‌రెడ్డి పేర్కొన్నారు. ఎన్నికల కమిషన్ ఆదేశాలు, మార్గదర్శకాలను తూచా తప్పకుండా అమలు చేస్తామని వెల్లడిం చారు. మొత్తం 25 వేల మంది సిబ్బందిని బందోబస్తుకు వినియోగిస్తున్నామని తెలిపారు. నగర పోలీసులు, ప్రత్యే క విభాగాలతో పాటు ఇతర ప్రాంతాల నుంచి వచ్చిన వారూ ఇందులో ఉన్నారు. అత్యంత సమస్యాత్మ క ప్రాంతాలపై ప్రత్యేక దృష్టి పెట్టామని కమిషనర్ చెప్పా రు. అదనపు కమిషనర్లు స్వాతి లక్రా, అంజనీకుమార్, జితేందర్, వై.నాగిరెడ్డిలతో కలిసి ఏర్పాటు చేసిన సమావేశంలో కమిషనర్ మహేందర్‌రెడ్డి తెలిపిన వివరాలివీ...
 
 పోలింగ్ నేపథ్యంలో ప్రతి ఘట్టాన్నీ కెమెరాల్లో రికార్డు చేస్తారు. సమస్యాత్మకంగా భావించిన 3,200 పోలింగ్ స్టేషన్లలో ఎన్నికల సంఘం వెబ్ కాస్టింగ్ చేస్తోంది. ఈ కెమెరాలను కమిషనరేట్‌లోని కమాండ్ అండ్ కంట్రో ల్ సెంటర్‌తో అనుసంధానించారు. కమ్యూనిటీ సీసీ కెమెరాల ద్వారానూ పర్యవేక్షిస్తారు. {పతి పోలింగ్ బూత్‌లోనూ కనీసం ఇద్దరు చొప్పున యూనిఫాంలో  పోలీసు సిబ్బంది ఉంటారు. నామినేషన్ దాఖలు చేసిన వారిలో నేరచరితుల కట్టడికి, సమస్యాత్మకంగా భావించే వారి కదలికలు కనిపెట్టడానికి ప్రత్యేక షాడో పార్టీలు ఏర్పాటు చేశారు.
 
 ఎన్నికల ఘట్టం ప్రారంభమైన తర్వాత ఇప్పటి వరకు నగరంలో 17 కేసులు నమోదు చేసిన పోలీసులు రూ.80 లక్షల నగదు స్వాధీ నం చేసుకున్నారు. పోలిం గ్ మంగళవారం ఉదయం 7 నుంచి సాయంత్రం 5 గంటల వరకు జరుగుతుంది. ఆ తరువాత కూడా అవాంఛనీయ సంఘటనలు చోటు చేసుకోకుండా సిబ్బంది విధుల్లో ఉంటారు.
      
 బ్యాలెట్ బాక్సులను భద్రపరిచే స్ట్రాంగ్ రూమ్‌లకు గార్డ్‌లను ఏర్పాటు చేస్తున్నారు. నగర వ్యాప్తంగా పికె ట్లు కొనసాగుతాయి. 2-3 పోలింగ్ స్టేషన్లకు ఓ రూట్ గా విభజించారు. రూట్ పార్టీలకు ఎస్‌ఐ నేతృత్వం వహిస్తారు. 2-3 రూట్లకు కలిపి ఏసీపీ నేతృత్వం లో స్ట్రైకింగ్ ఫోర్స్ ఉంటుంది. డీసీపీలకు స్పెషల్ పార్టీ లు కేటాయించారు. ఇవి కాకుండా కమిషనర్, డీసీపీ, ఏసీ పీ, ఎస్‌హెచ్‌ఓల ఆధీనంలో రిజర్వ్ ఫోర్స్ ఉంటుంది. 
  
 పోలింగ్ కేంద్రాల వద్ద 144వ సెక్షన్
  పోలింగ్ కేంద్రాల వద్ద 144వ సెక్షన్ విధించా రు. వీటికి 200 మీటర్ల పరిధిలో నలుగురి కంటే ఎక్కువ మంది గుమిగూడటం నిషిద్ధం. మం గళవారం ఉదయం 6 నుంచి సాయంత్రం 6 గంటల వరకు ఇవి అమలులో ఉంటాయి. వీటిని అతిక్రమిం చిన వారిపై చట్ట ప్రకారం కఠిన చర్యలు తీసుకుంటా రు. పోలింగ్ కేంద్రానికి 100 మీటర్ల దూరం లో నిషేధాజ్ఞలు అమలులో ఉంటాయి. ఈ ప్రాంతాల్లో ప్రచారం, గుర్తు లు, బ్యానర్లు ప్రదర్శించడం, సైగలు చేయడం నిషిద్ధం.
 
 నాలుగు కేటగిరీలకే అనుమతి
 పోలింగ్ కేంద్రాలకు 100 మీటర్ల పరిధిలోకి విధుల్లో ఉండే వారితో పాటు కేవలం నాలుగు కేటగిరీల వారినే అనుమతిస్తారు. ఓటర్లు, ఆ డివిజన్‌లో పోటీ చేస్తున్న అభ్యర్థి, ఎలక్షన్ ఏజెంట్, పోలింగ్ ఏజెంట్లకు మాత్రమే
  అనుమతి ఉంటుంది. వీరు మినహా ప్రజాప్రతినిధులను
  సైతం అనుమతించరు. సోమవారం రాత్రి నుంచి సిబ్బంది విధుల్లో ఉంటారు.
  
 బందోబస్తు ఏర్పాట్లివే...
 డిస్ట్రిబ్యూషన్ సెంటర్లు: 14
 పోలింగ్ సెంటర్లు: 1397
 పోలింగ్ స్టేషన్లు:  4163
 అత్యంత సమస్యాత్మక
 ప్రాంతాలు: 232
 సమస్యాత్మక ప్రాంతాలు: 545
 మొబైల్ పార్టీలు: 418
 ట్రాఫిక్ వింగ్ చెక్‌పోస్టులు: 29
 పికెట్స్: అవసరానికి
 అనుగుణంగా
 షాడో టీమ్స్: 80
 స్ట్రైకింగ్ ఫోర్స్: 12 బృందాలు
 ప్రత్యేక స్ట్రైకింగ్ ఫోర్స్: 12
 
 అందుబాటులో ఉండే మొత్తం
 సిబ్బంది: 25,624
  సివిల్: 16,364
  ఆర్మ్‌డ్ రిజర్వ్: 4860
  ఎన్‌ఎస్‌ఎస్ క్యాడెట్లు: 3000
  ఎన్‌సీసీ క్యాడెట్లు: 1400
  
  


 ముగిసిన ఎన్నికల ప్రచారం
 చివరి రోజూ అగ్రనేతల విస్తృత పర్యటనలు
 మొదలైన ప్రలోభాలు
 మాణికేశ్వరీ నగర్‌లో కాంగ్రెస్ -టీఆర్‌ఎస్‌ల ఘర్షణ
  
 ఎన్నికల రణరంగంలో ప్రచార సంగ్రామం ముగిసింది. ప్రలోభాలకు తెర లేచింది. ఇంతవరకూ అభివృద్ధి... హామీల మంత్రాలు పఠించిన నాయకులు.. ఆదివారం సాయంత్రం నుంచి ఓటర్లను ఆక ట్టుకునేందుకు నజరానాల పంపకాల్లో మునిగారు.
  
 సిటీబ్యూరో: జీహెచ్‌ఎంసీ ఎన్నికల సంగ్రామంలో కీలక ఘట్టానికి తెరపడింది. ఆదివారం సాయంత్రంతో ఎన్నికల ప్రచారం ముగిసింది. చివరి రోజు భారీ ర్యాలీలు, బహిరంగ సభలతో నగరం హోరె త్తింది. వివిధ పార్టీల అగ్రనేతలంతా నగరంలో సుడిగాలి పర్యటనలతో ప్రచారాన్ని హోరెత్తించారు. ఉదయం నుంచీ సాయంత్రం వరకు ప్రధాన పార్టీల అభ్యర్థులు భారీ ర్యాలీలతో బల ప్రదర్శనలు చేశారు. ప్రచారం ముగిసిన  వెంటనే వివిధ పార్టీల నేతలు పోలింగ్ బూత్‌ల వారీగా తమ బలాబలాలను అంచనా వేసుకుంటూ... బస్తీలు, స్వయం శక్తి మహిళా సంఘాల వారిగా పోల్ మేనేజ్‌మెంట్‌లో నిమగ్నమయ్యారు. తార్నాకలో మాజీ మేయర్ బండ కార్తీకరెడ్డి అనుచరులపై టీఆర్‌ఎస్ అభ్యర్థి ఆలకుంట హరి అనుచరులు దాడి చేయటంతో ఉద్రిక్తత పరిస్థితులు నెలకొన్నాయి. కార్తీకరెడ్డి  ఓయూ పోలీస్ స్టేషన్ ఎదుట బైఠాయించి నిరసన వ్యక్తం చేశారు. జూబ్లీహిల్స్ నియోజకవర్గంలోనూ కాంగ్రెస్-ఎంఐఎం పార్టీల మధ్య స్వల్ప వివాదం చోటు చేసుకుంది. ఖైరతాబాద్ నియోజకవర్గంలో టీఆర్‌ఎస్-కాంగ్రెస్ కార్యకర్తల మధ్య స్వల్ప ఘర్షణ జరిగింది. ఇదిలా ఉంటే బహిరంగ ప్రచారం ముగిసినా సోషల్‌సైట్లు, వాట్సాప్‌గ్రూపుల ద్వారా అభ్యర్థులు తమను బలపర్చాల్సిందిగా ఓటర్లను వేడుకున్నారు.
  
 చివరి రోజు అగ్రనేతల హంగామా
 ప్రచారం చివరి రోజున వివిధ పార్టీల అగ్రనేతలు విస్తృత ప్రచారం చేశారు. 150 డివిజన్లలో మొత్తం 1,333 మంది అభ్యర్థులు బరిలో ఉండటంతో వారి తర ఫున ముఖ్య నేతలు ప్రచార భారాన్ని మీద వేసుకున్నారు. రాష్ట్ర మంత్రి కేటీఆర్ కూకట్‌పల్లి, సికింద్రాబాద్ నియోజకవర్గాల్లో ఆదివారం సుడిగాలి పర్యటన చేయగా... బీజేపీ కేంద్ర మంత్రులు ప్రకాష్ జవదేకర్, వెంకయ్యనాయుడు, దత్తాత్రేయ, కిషన్‌రెడ్డిలు నగరంలో సుమారు 8 సభలు, ర్యాలీల్లో పాల్గొన్నారు. తెలుగుదేశం పార్టీ పక్షాన నారా లోకేష్, రేవంత్‌రెడ్డి శేరిలింగంపల్లి, కూకట్‌పల్లి, మల్కాజిగిరి నియోజకవర్గాల్లో పర్యటించారు. కాంగ్రెస్ పక్షాన షబ్బీర్ అలీ, రేణుకా చౌదరి, మధుయాష్కి తదితరు లు ప్రచారంలో పాల్గొన్నారు. జీహెచ్‌ఎంసీ ఎన్నికల ప్రచారం ముగి యటంతో అన్ని పార్టీలూ ఓటర్లను ప్రసన్నం చేసుకునే పనుల్లో నిమగ్నమయ్యాయి. పోటీ తీవ్రంగా ఉన్న ప్రాంతాల్లో ఒకరి పంపకాలను మరొకరు అడ్డుకునే దిశగా షాడో టీంలు ఏర్పాటు చేసుకున్నారు.
  


 మొబైల్ (సెల్‌ఫోన్) యాప్ ద్వారా లక్షకు పైగా ఓటర్లు తమ ఓటరు స్లిప్‌ను సెల్‌ఫోన్‌లో సేవ్ చేసుకున్నారు. ఇక వేరే స్లిప్ అవసరం లేదు.. ఫోన్‌లోని వివరాలే పోలింగ్ కేంద్రంలో చూపిస్తే సరిపోతుందని భావిస్తున్నారు. కానీ..అది కుదరదు. పోలింగ్ కేంద్రంలోకి సెల్‌ఫోన్లను అనుమతించరు. పోలింగ్‌స్టేషన్ వివరాలు తెలుసు కనుక ఎలాగూ పోలింగ్ కేంద్రం వరకు వెళతారు. అక్కడ త్వరితంగా మీ వివరాల్ని పోలింగ్ అధికారులు గుర్తించాలంటే పోలింగ్‌స్టేషన్‌లో ఓటరుజాబితాలో  మీ వరుస నెంబరు ఎంతో రాసుకొని వెళ్లి చెప్పినా ఫరవాలేదు. గుర్తుంచుకొని చెప్పినా ఫరవాలేదు. అంతే కానీ.. సెల్‌ఫోన్‌లోనే చూపిస్తామనుకుంటే మాత్రం కుదరదని జీహెచ్‌ఎంసీ అడిషనల్ కమిషనర్(ఎన్నికలు) సురేంద్రమోహన్ తెలిపారు.                                   
 - సాక్షి, సిటీబ్యూరో     
  
  ఓటరు స్లిప్ ఉంది కదా అని దానిని మాత్రమే తీసుకువెళ్లినా ఓటు వేసేందుకు అనుమతించరు. ఓటరు గుర్తింపుకార్డు(ఎపిక్ కార్డు) తీసుకువెళ్లాలి. అది లేని పక్షంలో  దిగువ పేర్కొన్న పత్రాల్లో దేన్నయినా వెంట తీసుకువెళ్లాలి.
  
  1. ఆధార్ కార్డు,  2. పాస్‌పోర్టు,  3.డ్రైవింగ్ లెసైన్స్, 4.పాన్ కార్డు,  
  5. ఉద్యోగుల గుర్తింపుకార్డు(రాష్ట్ర/కేంద్ర/ప్రభుత్వరంగ/స్థానికసంస్థ/పబ్లిక్ లిమిటెడ్ కంపెనీ), 6. బ్యాంక్/పోస్టాఫీసు/కిసాన్ పాస్‌బుక్‌లు.
  7.పట్టా , రిజిస్టర్డ్ డీడ్స్, 8. రేషన్‌కార్డు,  9. ఎస్సీ/ ఎస్టీ /బీసీ సర్టిఫికెట్లు
  10.పెన్షన్‌పత్రాలు(ఎక్స్‌సర్వీస్‌మెన్ పెన్షన్ బుక్ /పెన్షన్ పేమెంట్ ఆర్డర్ / ఎక్స్ సర్వీస్‌మన్ల  వితంతు / ఆధారపడ్డ వారి సర్టిఫికెట్స్/ వృద్ధాప్య , వితంతు పెన్షన్  ఉత్తర్వులు, 11.స్వాతంత్య్ర సమరయోధుల గుర్తింపుకార్డు
  12.ఆయుధ లెసైన్సు, 13. వికలాంగుల సర్టిఫికెట్, 14. ఏటీఎం కార్డులు
  15. బార్ కౌన్సిల్ గుర్తింపు కార్డు, 16. పార్లమెంటు సభ్యుల గుర్తింపు కార్డు.
  17.శాసనసభ, శాసనమండలి సభ్యుల గుర్తింపుకార్డు.
  18.ఎన్‌ఆర్‌ఈజీఏ జాబ్ కార్డు, 19.కార్మిక మంత్రిత్వ శాఖ స్కీమ్ ద్వారా జారీ చేసిన హెల్త్ ఇన్సూరెన్స్ స్కీమ్ కార్డు, 20. నేషనల్ పాపులేషన్ స్కీమ్ ద్వారా ఆర్‌జీఐ జారీ చేసిన స్మార్ట్‌కార్డు, 21. పట్టాదారు పాసు పుస్తకాలు.
  
  ( పైన పేర్కొన్నవాటిపై ఓటరు ఫొటో కలిగి ఉండాలి. ఎన్నికల నోటిఫికేషన్‌కన్నా ముందు తెరచిన ఖాతాలు / జారీ అయిన కార్డులు అయి ఉండాలి)


 ♦ 46 వేల మంది సిబ్బంది నియామకం
 ♦ జీహెచ్‌ఎంసీ కమిషనర్ జనార్దన్‌రెడ్డి
  
  లింగోజిగూడ: ఫిబ్రవరి 2న నిర్వహించనున్న జీహెచ్‌ఎంసీ ఎన్నికలకు అన్ని ఏర్పాట్లు పూర్తి చేసినట్లు కమిషనర్, ఎన్నికల అధికారి జనార్దన్‌రెడ్డి తెలిపారు. ఎన్నికల నిర్వహణకు గాను 46 వేల మంది సిబ్బందిని నియమించినట్లు పేర్కొన్నారు. సరూర్‌నగర్ ఇండోర్ స్టేడియంలో ఏర్పాటు చేసిన ఎల్‌బీనగర్ జంట సర్కిళ్ల(3ఎ, 3బి) కౌంటింగ్ కేంద్రాన్ని ఆయన శుక్రవారం సందర్శించారు. ఈ సందర్భంగా కమిషనర్ విలేకర్లతో మాట్లాడారు. ఇప్పటికే అన్ని విభాగాల అధికారులకు శిక్షణ పూర్తి చేశామని, ఈవీఎం యంత్రాలను ఆయా కేంద్రాలలోని స్ట్రాంగ్ రూమ్‌లలో భద్రపరిచామని చెప్పారు.
 
 ఈవీఎంలు మొరాయిస్తే ముందు జాగ్రత్తగా అదనంగా 27 శాతం మిషిన్‌లను అందుబాటులో ఉంచామన్నారు. సిబ్బంది ఇంటింటికీ వెళ్లి 50 లక్షల ఓటర్ స్లిప్పులు పంపిణీ చేశారన్నారు. మరో రెండు రోజుల్లో అందరికీ ఓటర్ స్లిప్పులు పంపిణీ చేసేందుకు తగు చర్యలు తీసుకుంటున్నట్లు వివరించారు. ఓటర్లలో చైతన్యం తీసుకువచ్చేందుకు అవగాహన శిబిరాలు నిర్వహించామని పేర్కొన్నారు. విద్యార్థులకు సంకల్ప పత్రాలు అందజేసి వారి తల్లిదండ్రులు ఓటేసే విధంగా కృషి చే స్తున్నామన్నారు. అభ్యర్థుల ఖర్చుపై ప్రత్యేక టీమ్‌లు ఎప్పటికప్పుడు నిఘా పెడుతున్నాయని చెప్పారు.
 
  అందరూ సమన్వయంతో పనిచేయాలి...
  ఎన్నికలు సజావుగా నిర్వహించేందుకు అన్ని విభాగాల అధికారులు, సిబ్బంది సమన్వయంతో పనిచేయాలని కమిషనర్ కోరారు. పోలింగ్, కౌంటింగ్ సందర్భంగా సిబ్బందికి మౌలిక వసతులు కల్పించాలని అధికారులను ఆదేశించారు. కౌంటింగ్ హాల్, స్ట్రాంగ్ రూమ్‌ను పరిశీలించి అధికారుల నియామకానికి సంబంధించిన వివరాలు తెలుసుకున్నారు. జోనల్ అధికారులు, ఆర్‌ఓలతో నిర్వహించిన సమీక్షా సమావేశంలో పాల్గొన్నారు. ఎన్నికల క్రతువును విజయవంతంగా పూర్తి చేసేందుకు అందరూ నిబద్ధతతో పనిచేయాలని కోరారు. ఓటింగ్ శాతాన్ని పెంచేందుకు అధికారులు చర్యలు తీసుకోవాలని సూచించారు. పోలింగ్ కేంద్రాల్లో ఎలాంటి ఇబ్బందులు లేకుండా పకడ్బందీగా ఏర్పాట్లు చేయాలన్నారు. జోనల్ అధికారులకు వాహనాలు అందుబాటులో ఉంటాయని, పోలింగ్ సందర్భంగా గంటకు ఒకసారి డేటాను పంపించాలని చెప్పారు. ఈ కార్యక్రమంలో జంట సర్కిళ్ల ఎన్నికల పరిశీలకులు దినకర్‌బాబు, ఒమర్ జలీల్, జోనల్ కమిషనర్ రఘుప్రసాద్, డీసీలు పంకజ, శ్రీనివాస్‌రెడ్డి తదితరులు పాల్గొన్నారు.


 ఎవరెన్ని చెప్పినా...మాదే గెలుపు
 ప్రజలు మా వైపే ఉన్నారు
 టీఆర్‌ఎస్ పాలనపై విసిగిపోయారు
 కేసీఆర్ నిరంకుశ వైఖరి మారాలి
 టీడీపీ కూటమికి 70-80 స్థానాలు ఖాయం
 ఎమ్మెల్యే ఆర్.కృష్ణయ్య
  
  ఆర్.కృష్ణయ్య అంటే...బీసీ సంఘాల ఉద్యమ నాయకుడిగా ప్రజలకు సుపరిచితుడు. ఫీజు రీయింబర్స్‌మెంట్, స్కాలర్‌షిప్‌లు, ఉద్యోగ నియామకాల కోసం ఆందోళనలు, ధర్నాలు చేసే వ్యక్తిగా విద్యార్థులకు, నిరుద్యోగ యువతకు గుర్తుండే నాయకుడు. రెండు దశాబ్దాలకు పైగా అణగారిన వర్గాలు, వెనుబడిన కులాల హక్కుల కోసం సమరశీల ఉద్యమాలు నెరపిన వ్యక్తిగా కృష్ణయ్యకు పేరుంది. యూనివ ర్శిటీ స్థాయి నుంచే పోరాటాలకు కేరాఫ్‌గా పని చేశారు. బీసీలకు ముఖ్యమంత్రి పదవిని కట్టబెడతానన్న చంద్రబాబు నాయుడు నినాదంతో టీడీపీలో చేరిన ఆయన ఎల్బీనగర్ నుంచి ఎమ్మెల్యేగా గెలుపొందారు. రాజకీయాల పట్ల భిన్నాభిప్రాయాలున్నప్పటికీ... జీహెచ్‌ఎంసీ ఎన్నికల్లో టీడీపీ కూటమి గెలుపు తథ్యమని పేర్కొంటున్నారు. ఎందరు నేతలు పార్టీలు మారినా...ప్రజలు మాత్రం మా వైపే ఉన్నారని చెబుతున్నారు.  ప్రస్తుతం ఎన్నికల ప్రచారంలో పూర్తిగా నిమగ్నమైన ఆర్.కృష్ణయ్యతో ‘సాక్షి’  ఇంటర్వ్యూ..
  - సాక్షి, సిటీబ్యూరో
  
 జీహెచ్‌ఎంసీ ఎన్నికల్లో మీ కూటమి ఎన్ని స్థానాల్లో గెలువబోతోంది?
  గ్రేటర్‌లో టీడీపీ-బీజేపీ కూటమి 70-80 స్థానాల్లో గెలుస్తుంది. ప్రజల నుంచి మంచి స్పందన ఉంది. టీఆర్‌ఎస్ హామీలను ప్రజలు నమ్మరు. జీహెచ్‌ఎంసీ అటానమస్ బాడీ. ప్రజల నుంచి వసూలయ్యే పన్నులు, ఇతరత్రా వనరుల ద్వారా వచ్చే ఆదాయం కలిపి రూ.8 వేల కోట్ల బడ్జెట్ ఉంది. ఈ నిధులతో నగరాభివృద్ధితోపాటు, ప్రజలకు కావలసిన  కనీస సౌకర్యాలను కల్పించవచ్చు. రాష్ట్ర ప్రభుత్వ నిధులు అవసరమే లేదు. ఎంతో మంది నేతలు పార్టీలు మారుతున్నారు. రాత్రికి రాత్రే ప్లేటు ఫిరాయిస్తున్నారు. కానీ ప్రజలు అంత సులువుగా మారరు. వారు మా వైపే ఉన్నారు.
 
  అభ్యర్థుల ఎంపిక ఎలా జరిగింది. కొందరు సీట్లు అమ్ముకున్నారన్న ఆరోపణలు ఉన్నాయి. దీనిపై మీరేమంటారు?
  మా పార్టీలో గెలుపు ప్రాతిపదికన అభ్యర్థులను ఎంపిక చేసినా.. కొన్ని లోటుపాట్లు జరిగి ఉంటాయి. బీసీలకు ఎక్కువ సీట్లు ఇప్పించగలిగాం. ఒక్కో సీటుకు 6-7గురు పోటీ పడినప్పుడు ఇలాంటి ప్రచారం జరగటం సహజమే. కానీ సీట్లు అమ్ముకున్న పరిస్థితులు లేవు. అలాంటివేమీ జరగలేదు.
 
  ఏం హామీలిచ్చి ప్రజలను ఓటు అడుగుతున్నారు.. గెలిస్తే ఏం చేస్తారు?
  కూటమి గెలిస్తే జీహెచ్‌ఎంసీ నిధులతో నగర సమగ్రాభివృద్ధికి పక్కా ప్రణాళిక రూపొందిస్తాం. కేంద్రం నుంచి నిధులు తీసుకువచ్చి 90 శాతం ప్రజలు ఎదుర్కొంటున్న మౌలిక సమస్యలన్నీ తీరుస్తాం. ఇక టీఆర్‌ఎస్ ఎన్నికల్లో ఇచ్చిన వాగ్దానాలకు భంగం కలిగించింది. ముఖ్యమంత్రి కేసీఆర్ ఫామ్‌హౌస్ పరిపాలన సాగిస్తున్నారు. సచివాలయానికి రావటం లేదు. 20 నెలల కాలంలో  ఒక్కరినీ కలువలేదు. ఇంటర్వ్యూలు ఇవ్వటం లేదు. చివరికి ప్రజా సంఘాలు, రాజకీయ పార్టీల నాయకులనూ కలవడం లేదు. లంచాలిచ్చే కాంట్రాక్టర్లు, పారిశ్రామిక వేత్తలు, వ్యాపారులను మాత్రమే కలుస్తున్నారు. ఇదేనా పాలన? ప్రజలు కావాలో...కాంట్రాక్టర్లు కావాలో  కేసీఆర్ తేల్చుకోవాలి. 2 లక్షల ఉద్యోగాలు ఖాళీగా ఉంటే..15 వేల ఉద్యోగాలు మాత్రమే ఇస్తున్నారు. డబుల్ బెడ్ రూమ్ ఇళ్లు కట్టిస్తామని చెప్పినా..ఒక్కటి కట్టలేదు. ఫీజు రీయింబర్స్‌మెంట్ బకాయిలు చెల్లించడం లేదు. రైతులకు రుణ మాఫీ లేదు. దీంతో ఆయా వర్గాలు ఆగ్రహంతో ఉన్నారు. ప్రభుత్వ వైఫల్యాలను ఎండగట్టి ప్రజలను ఓట్లు అడుగుతున్నాం.
 
  కేసీఆర్ విజయం మాదే అంటున్నారు. అవసరమైతే ఎంఐఎం మిత్ర పక్షంగా ఉంటుందంటున్నారు. దీనిపై మీరేమంటారు?
  అధికార పార్టీపై తీవ్ర అసంతృప్తితో ఉన్న  ప్రజలు ఈ ఎన్నికల్లో వ్యతిరేక ఓటుద్వారా కసి తీర్చుకోవాలని భావిస్తున్నారు. హైదరాబాద్ ప్రజలు చాలా తెలివైనవారు. నాయకులను కొంటున్న టీఆర్‌ఎస్... ప్రజలను అంతసులువుగా తన వైపు తిప్పుకోలేదు. నాయకులు పార్టీలు మారినంత మాత్రాన విజయం తథ్యమనుకోవడం వారి భ్రమ. ఎంఐఎం కలిసినా జీహెచ్‌ఎంసీలో టీఆర్‌ఎస్ అధికారంలోకి రావటం కష్టం. ప్రజలను వంచించటానికి అధికార పార్టీ నేతలు ఎత్తుగడలు, వ్యూహాలు పన్నుతున్నారు.
 
  హెచ్‌సీయూలో రోహిత్ వేముల ఆత్మహత్య సంఘటనపై మీ వైఖరి ఏమిటి?
  రోహిత్ ఆత్మహత్యపై ఇద్దరు ముఖ్యమంత్రులు కేసీఆర్, చంద్ర బాబు నాయుడు కూడా స్పందించాల్సిన స్థాయిలో స్పందించ లేదు. కేంద్రంతో ఉన్న సత్ సంబంధాల రీత్యా చంద్రబాబు విషయ పరంగానే స్పందించినట్లు తెలుస్తున్నది. రోహిత్ ఆత్మహత్యకు కారకులైన వారిపై చర్యలు తీసుకోవాలని మేము కోరాం.
 
  రాష్ట్రంలో కేసీఆర్, కేంద్రంలో మోదీ పాలన ఎలా ఉంది. మీరెన్ని మార్కులు వేస్తారు?
  దేశంలో మోదీ పరిపాలన బాగా ఉంది. నిజాయితీగా, అంకిత భావంతో పని చేస్తున్నారు. ప్రపంచ దేశాలు మెచ్చుకునే స్థాయికి దేశాన్ని తీసుకెళ్తున్నారు. అవినీతికి తావులేకుంగా దేశం బాగు కోసం పని చేస్తున్నారు. ఇలాంటి ప్రధాని దొరకడం అదృష్టంగా భావిస్తున్నాం. కేసీఆర్‌కు కొత్త ఆలోచనలు ఉన్నాయి. చేయాలనే తపన ఉంది. కానీ ఆచరణ సాధ్యం కాని హామీలు ఇస్తున్నారు. పేదలు, నిరుద్యోగులను పట్టించుకోవడం లేదు. నిరంకుశంగా వ్యవహరిస్తున్నారు. ఈ పద్ధతి మార్చుకుంటే కేసీఆర్‌కు మంచిది.  
  
  ఓటుకు నోటు కేసులో ఆరోపణలు ఎదుర్కొంటున్న చంద్రబాబు ఎన్నికల ప్రచారంలో కేసీఆర్‌ను పల్లెత్తు మాట కూడా అనటం లేదన్న అభిప్రాయాలపై మీ కామెంట్....
  ‘ఓటుకు నోటు’ ఆరోపణలతో ఏపీ సీఎం చంద్రబాబు, ఫోన్ ట్యాపింగ్ ఆరోపణలతో తెలంగాణ సీఎం కేసీఆర్‌పై కోర్టుల్లో కేసులు నడుస్తున్నాయి. జడ్జిమెంట్ వచ్చిన తర్వాతే ఇద్దరి సీఎంలపై నా అభిప్రాయం చెబుతాను. ఇరు రాష్ట్రాల ప్రజలకు మాత్రం ఈ విషయంపై  స్పష్టత ఉంది. ఇప్పటికి ఇంతకు మించి ఏమీ మాట్లాడలేను.


 హైదరాబాద్ : టీడీపీ హయాంలోనే హైదరాబాద్ నగరం అభివృద్ధి జరిగిందని ఆంధ్రప్రదేశ్ పౌరసరఫరాల శాఖ మంత్రి పరిటాల సునీత స్పష్టం చేశారు. జీహెచ్ఎంసీ ఎన్నికల నేపథ్యంలో పరిటాల సునీత శుక్రవారం హైదరాబాద్ నగరంలోని పలు ప్రాంతాల్లో ఎన్నికల ప్రచారం నిర్వహించారు.
 
 హైదరాబాద్ లో  తాము గెస్ట్లమని వ్యాఖ్యానించిన తెలంగాణ ఐటీ, పంచాయతీరాజ్ శాఖ మంత్రి కేటీఆర్ వ్యాఖ్యలు సరికాదని ఆమె అభిప్రాయపడ్డారు. టీఆర్ఎస్ బెదిరింపులకు ఎవరూ భయపడరని తెలిపారు. కాంగ్రెస్, టీఆర్ఎస్ పార్టీలు రాష్ట్రాన్ని అదోగతిపాలు చేశాయని ఈ సందర్భంగా సునీత నిప్పులు చెరిగారు.


 ఎన్నికల ఖర్చును  చూపని అభ్యర్థులు
 కొందరి సమాచారంలో తేడా  అన్ని పార్టీలదీ అదే తీరు
  
 సిటీబ్యూరో: ఓ అభ్యర్థి... ఆయన వెనుక బస్తీ నిండా కార్యకర్తలు... వాహనాల బారులు... ఇది అందరికీ కనిపించే వాస్తవం. రెండే వాహనాలు... 20 మందే కార్యకర్తలు...ఇదీ కాగితాల్లోని ‘లెక్క’. వీరికి వెచ్చించే మొత్తంలోనూ ఆ తేడా ‘చూపిస్తున్నారు’. ఇదీ జీహెచ్‌ఎంసీ ఎన్నికల్లో పోటీ చేస్తున్న అభ్యర్థుల తీరు. ఎన్నికల సంఘం నిబంధనల మేరకు తాము చేసే ఖర్చుకు సంబంధించి ఏ రోజుకారోజు లెక్కలను రిటర్నింగ్ అధికారులకు అందజేయాలి. ప్రతి రోజూ కాకపోయినా.. మూడు రోజులకోమారు తమ ఖర్చులను చూపించాలి. ప్రచారంలో భాగంగా చేసే ఖర్చులన్నీ పొందుపరచాలి. అభ్యర్థితో పాటు ప్రచారంలో పాల్గొనే వారు వినియోగించే వాహనాలు.. వారికి అందజేసే టీలు, టిఫిన్ల నుంచి సమస్త సమాచారం పొందుపరచాలి. బహిరంగ సభల వేదికలు.. టెంట్లు, కుర్చీలకు సైతం లెక్కలు చూపాలి. గతంలో ఎన్నికలు ముగిశాక 45 రోజుల్లోగా ఖర్చులన్నీ చూపే అవకాశం ఉండేది.తాజాగా మూడు రోజులకోమారు ‘లెక్క’ చెప్పాల్సిందిగా నిబంధనలు మార్చారు. అయినప్పటికీ అభ్యర్థులెవరూ పెద్దగా పట్టించుకుంటున్న దాఖలాలు లేవు. ఎన్నికల్లో పోటీ చేస్తున్న అభ్యర్థులు మొత్తం 1,333 మంది. వీరిలో దాదాపు 650 మంది ఇండిపెండెంట్ అభ్యర్థులు ఉన్నారు. మిగతా వారు గుర్తింపు పొందిన రాజకీయ పార్టీలకు చెందిన వారు. అంతో ఇంతో ఇండిపెండెంట్ అభ్యర్థులే లెక్కలు చూపుతున్నారు. గుర్తింపు పొందిన పార్టీల అభ్యర్థులు మాత్రం రిటర్నింగ్ అధికారుల హెచ్చరికలు ఖాతరు చేయడం లేదు. ప్రచారానికి, లోపాయికారీ బేరాలకే తమకు సమయం సరిపోవడం లేదని... ఇప్పుడు లెక్కలు ఎలా  చెప్పేదని కొందరు అభ్యర్థులు సన్నిహితుల వద్ద వ్యాఖ్యానిస్తున్నారు.
  
 ఖర్చు భారీ... లెక్క స్వల్పం
 ఇప్పటికే అనేక వార్డుల్లో ఇబ్బడిముబ్బడిగా ఓటర్లకు తాయిలాల ఎర వేశారు. వివిధ వస్తువులతో కూడిన గిఫ్ట్‌ప్యాక్‌లు ముట్టజెబుతున్నారు. ఇంకొందరికి ఏం కావాలో తెలుసుకొని వాటిని సరఫరా చేస్తున్నారు. మహిళలు, యువకులు.. ఇలా ఎవరి ఆకాంక్షలకు అనుగుణంగా వారికి చీరలు, గాజులు, ప్లేట్ల నుంచి క్రికెట్ కిట్లు, జిమ్ పరికరాలు... గుట్టుచప్పుడు కాకుండా సరఫరా చే స్తున్నా రు. ఇంకొందరు నేరుగా ఓటర్లకే ఫోన్ చేసి ‘అన్నా.. మీ ఇంట్లో ఐదు ఓట్లున్నాయి.. మూడు ఫుల్‌బాటిళ్లు పంపిస్తానన్నా... జర చూడు’ అంటున్నారు. ఈ బహుమతులు, నజరానాలు ఒక ఎత్తయితే... ప్రచారం చేసే కార్యకర్తలు.. వారి విందులకు చెల్లిస్తున్నవి మరో ఎత్తు. చాలామంది అభ్యర్థులు అడ్డా మీది కూలీలనే ప్రచారాలకు తీసుకు వెళ్తున్నారు. ఒక్కొక్కరు దాదాపు 200 మందిని వెంట  తీసుకువెళ్తున్నారు. వారికి భోజనంతో పాటు ఒక పూట ప్రచారమైతే రూ.150 నుంచి రూ.200 వరకు... రెండు పూట లైతే రూ.300 నుంచి రూ. 500 వరకు చెల్లిస్తున్నారు. ఇవన్నీ లెక్కల్లో చూపడం లేదు. సాధారణ భోజన ఖర్చు మాత్ర మే   చూపించే ఎత్తుగడలు వేస్తున్నారు. అంతేకాదు.. 200 మందితో ప్రచారం చేసినా... లెక్కల్లో 40 నుంచి 50 మందినే చూపుతున్నట్లు తెలుస్తోంది. ఇలాంటి వారికి నోటీసులు పంపుతున్నట్లు సంబంధిత అధికారులు చెబుతున్నారు. మరోవైపు అక్రమంగా తరలిస్తున్న దాదాపు రూ. 2.08 కోట్లను సర్వెలెన్స్ టీమ్‌లు స్వాధీనం చేసుకున్నాయి. దీనిని కూడా పరిగణనలోకి తీసుకోవాల్సి ఉంది.  
  
 సమాచారం కరువు
  అభ్యర్థుల ఖర్చుల వివరాలను ఏరోజుకారోజు వెబ్‌సైట్‌లో పొందుపరుస్తామని అధికారులు సెలవిచ్చినప్పటికీ... అమలు కావడం లేదు. సర్కిళ్ల స్థాయిలో లెక్కలను తాము వెల్లడించబోమని.. ప్రధాన కార్యాలయానికే పంపుతామని అక్కడ చెబుతుండగా... జీహెచ్‌ఎంసీ ప్రధాన కార్యాలయంలోనూ అధికారిక సమాచారం లేదు. ఈ సమాచారం తమ వద్ద లేదని చెప్పలేక... సర్కిళ్ల నుంచి పంపించలేదని చెప్పుకోలేక సంబంధిత అధికారులు సతమ తమవుతున్నారు.
  


 గ్రేటర్ ఎన్నికల నేపథ్యంలో పోలీసులు విస్తృత తనిఖీలు నిర్వహిస్తున్నారు. అల్వాల్ లయోల కళాశాల వద్ద గురువారం తునిఖీలు నిర్వహిస్తున్న పోలీసులు కారులో తరలిస్తున్న రూ. మూడున్నర లక్షల నగదును గుర్తించారు. వాటికి సంబంధించి సరైన పత్రాలు చూపకపోవడంతో.. పోలీసులు నగదును స్వాధీనం చేసుకున్నారు.
 
  


 ► వడివడిగా ఎన్నికల నిర్వహణకు చురుగ్గా సన్నాహాలు
 ► కౌంటింగ్‌కు ఏర్పాట్లు
 ► జీహెచ్‌ఎంసీ కమిషనర్ జనార్దన్ రెడ్డి
  
 సిటీబ్యూరో: జీహెచ్‌ఎంసీ ఎన్నికల పోలింగ్‌కు సమయం దగ్గర పడుతోంది. దీని కోసం అధికారులు వడివడిగా ఏర్పాట్లు పూర్తి చేస్తున్నారు. పోలింగ్ కేంద్రాల్లో సదుపాయాల కల్పన.. అవసరమైన సిబ్బందిని నియమించడం వంటివి చేస్తున్నారు. మరోవైపు పోలింగ్ పూర్తయ్యాక కౌంటింగ్‌కు అవసరమైన కేంద్రా లు.. టేబుళ్ల ఏర్పాటు.. సిబ్బంది నియామకంలోనూ మునిగారు. ఈవీఎంలలో పొందు పరిచేందుకు బ్యాలెట్ పేపర్లను సిద్ధం చేశారు. వీటి ప్రింటింగ్ పూర్తయిందని... గురువారం ఈవీఎంలలో నిక్షిప్తం చేస్తామని జీహెచ్‌ఎంసీ కమిషనర్, ఎన్నికల అధికారి డా.బి.జనార్దన్‌రెడ్డి తెలిపారు. బుధవారం సాయంత్రం అడిషనల్ కమిషనర్ సురేంద్ర మోహన్ (ఎన్నికలు)తో కలిసి ఆయన మీడియా సమావేశంలో మాట్లాడారు. సమావేశంలో అదనపు కమిషనర్ (రె వెన్యూ) శంకరయ్య, సీసీపీ ఎస్.దేవేందర్‌రెడ్డి తదితరులు  పాల్గొన్నారు. ఎన్నికల ఏర్పాట్లకు సంబంధించిన వివరాలివీ...
 
 24 కేంద్రాలు.. 893 టేబుళ్లు
 ఫిబ్రవరి 2న పోలింగ్ జరుగనుంది. ఎక్కడైనా రీపోలింగ్ అవసరమైతే 4న నిర్వహిస్తారు. 5వ తేదీ ఉదయం లెక్కింపుమొదలవుతుంది. దీనికి 24 కేంద్రాల్లో ఏర్పాట్లు చేస్తున్నారు. కౌంటింగ్‌కు అన్ని కేంద్రాల్లో కలిపి మొత్తం 893 టేబుళ్లు ఏర్పాటు చేస్తున్నారు. ఓట్ల లెక్కింపునకు 3,200 మంది సిబ్బందిని నియమించారు.
      
 ఎన్నికల విధులు నిర్వహిస్తున్న వివిధ శాఖల ఉద్యోగుల కోసం పోస్టల్ బ్యాలె ట్లు పంపిణీ చేస్తున్నారు. జీహెచ్‌ఎంసీలోనే దాదాపు 6,500 మంది రెగ్యులర్ ఉ ద్యోగులు ఉండగా... పోస్టల్ బ్యాలెట్లకు ఇప్పటి వరకు కేవలం 2,281 మంది మాత్రమేదరఖాస్తుచేసుకున్నారు. 2,677 మంది సర్వీస్ ఓటర్లకు పోస్టు ద్వారా బ్యాలెట్ పత్రాలు పంపిణీ చేశారు.పోలింగ్ కేంద్రాలకు వచ్చే ఓటర్లకు ఇబ్బందులు ఎదురవకుండా తాగునీరు, మరుగుదొడ్లు, ఎండ తగలకుండా టెం ట్లు, వికలాంగుల కోసం ర్యాంపులు, విద్యుత్ సౌకర్యాలు సమకూరుస్తున్నా రు. ఈ పనులు ఇప్పటి వరకు 70 శాతం పూర్తయ్యాయని... మిగతావి మరో రెండు మూడు రోజుల్లో పూర్తికానున్నట్లు కమిషనర్ చెప్పారు.
    
 మొత్తం 7,802 పోలింగ్ కేంద్రాలు ఏర్పా టు చేస్తుండగా... 20 శాతం అదనంగా మొత్తం 9,352 పోలింగ్ పార్టీలను నియమించారు. (ఒక్కో పోలింగ్ పార్టీలో ఒక ప్రిసైడింగ్ అధికారి, అసిస్టెంట్ ప్రిసైడింగ్ అధికారి, ముగ్గురు సిబ్బంది ఉంటారు.)పోలింగ్ సందర్భంగా అవాంఛనీయ ఘటనలకు తావులేకుండా డేగకళ్లతో నిఘా పెడుతున్నారు. సున్నిత, అతి సున్నిత, సమస్యాత్మక పోలింగ్ కేంద్రా ల్లో పరిస్థితులను ఎప్పటికప్పుడు పసిగట్టేందుకు రెప్పవాల్చని నిఘా కోసం 1,600 మంది మైక్రో అబ్జర్వర్లను నియమించారు. వీరికి శిక్షణ ఇచ్చారు. వీరు లేని ప్రాంతాల్లో వెబ్ కెమెరాలను విని యోగిస్తారు. దీని కోసం 2,500 మంది ఇంజినీరింగ్ విద్యార్థులకు శిక్షణనిచ్చా రు. మెక్రో అబ్జర్వర్లలో కేంద్ర ప్రభుత్వోద్యోగులు, ప్రభుత్వరంగ సంస్థలు, బ్యాంకుల ఉద్యోగులు ఉన్నారని తెలిపారు.
      
 పోలింగ్ శాతం పెంచేందుకు ఇప్పటికే 40,60,133 మందికి ఓటరు స్లిప్పులు పంపిణీ చేశారు.ఇందులో 33.30 లక్షల మందికి తమ సిబ్బంది ఇళ్లకు వెళ్లి వ్యక్తిగతంగా అందజే యగా... వెబ్‌సైట్ నుంచి 3,38,377 మంది, ప్రత్యేక యాప్ ద్వారా 92,047 మంది పోలింగ్ కేంద్రాల వివరాలను డౌన్‌లోడ్ చేసుకున్నారని కమిషనర్ తెలిపారు. మొత్తం ఓటర్లలో 55 శాతం మంది తమ పోలింగ్ కేంద్రాల వివరాలు తెలుసుకున్నారని చెప్పారు. ‘సంకల్పం’ పేరిట తప్పకుండా ఓటేయాల్సిందిగా ఐదు లక్షల మందికి పైగా విద్యార్థుల ద్వారా వారి తల్లిదండ్రులకు కరపత్రాలు పంపిణీ చేశామన్నారు.
  
 ఉల్లంఘనులపై చర్యలు
 ఎన్నికల నిబంధనల ఉల్లంఘనులపై ఎప్పటికప్పుడు చర్యలు తీసుకుంటున్నామని కమిషనర్ చెప్పారు. ఇప్పటి వరకు 1,81,794 అనధికార కటౌట్లు, ఫ్లెక్సీలు, బ్యానర్లు, పోస్టర్లు తొలగించామన్నారు. వాహనాల్లో తరలిస్తుండగా ఇంతవరకు రూ.2,08,28,200 నగదు స్వాధీనం చేసుకున్నట్టు చెప్పారు. ఎల్‌బీనగర్ పోలీస్ స్టేషన్ పరిధిలో బుధవారం రూ.1.80 లక్షల నగదు స్వాధీనం చేసుకున్నట్లు తెలిపారు.
  
 1,059 మంది బైండోవర్
 ఇప్పటి వరకు 1,059 మందిని పోలీసులు బైండోవర్  చేశారు. 2,318 లెసైన్సు కలిగిన ఆయుధాలను స్వాధీనం చేసుకున్నారు. 511 మందిపై నాన్‌బెయిలబుల్ కేసులు నమోదు చేశారు.
  
  


 ► ‘తిరుగుబాటుదారులదే’ హవా
 ► అధికారిక అభ్యర్థులకు అవస్థలు
 ► గ్రేటర్ పోరులో అనూహ్య మలుపులు
 ► ప్రధాన పార్టీల్లో గుబులు
  
 సిటీబ్యూరో:  గ్రేటర్ పోరులో ప్రధాన పార్టీల అభ్యర్థుల గుండెల్లో రె‘బెల్స్’ మోగుతున్నాయి. అధికారిక అభ్యర్థులను ‘తిరుగుబాటుదారులు’ ముచ్చెమటలు పట్టిస్తూ ముందుకు వెళుతున్నారు. వీరి దూకుడుతో నగరంలో సుమారు 15 డివిజన్లలో పరిస్థితి తారుమారయ్యేలా కనిపిస్తోంది. సొంత పార్టీలు టికెట్లు నిరాకరించిన నేపథ్యంలో ఆయా పార్టీల జెండాలు, నినాదాలతో వారు ప్రచారంలో దూసుకు వెళుతున్నారు. దీంతో సంబంధిత డివిజన్లలో అధికారిక అభ్యర్థులు అయోమయానికి గురవుతున్నారు. తెలంగాణ రాష్ట్ర సమితిలో బీఎన్‌రెడ్డి నగర్, అల్వాల్, నల్లకుంట, మచ్చబొల్లారం, సూరారం, మల్కాజిగిరి, ఫతేనగర్, అడ్డగుట్ట, తార్నాక, ఈస్ట్ ఆనంద్‌బాగ్ లతో రెబల్స్ అధికారిక అభ్యర్థులతో ఢీ అంటే ఢీ అంటున్నారు. ముఖ్యంగా బీఎన్‌రెడ్డి నగర్‌లో టీఆర్‌ఎస్ అభ్యర్థి లక్ష్మీప్రసన్నతో పోలిస్తే రెబల్ అభ్యర్థి మాధవరం నర్సింహారావు భిన్నరీతిలో ప్రచారాన్ని కొనసాగిస్తున్నారు. అక్కడ మొదటి నుంచీఉద్యమంలో ఉన్న వ్యక్తి కావటంతో టీఆర్‌ఎస్ శ్రేణులు సైతం మాధవరాన్ని  బలపరుస్తున్నారు. మల్కాజిగిరి ఎమ్మెల్యే చింతల కనకారెడ్డి కోడలు విజయశాంతి పోటీ పడుతున్న అల్వాల్ డివిజన్‌లో తోట సుజాతరెడ్డి సైతం భారీగానే ఓట్లు చీల్చే పరిస్థితి కనిపిస్తోంది. ఈస్ట్ ఆనంద్‌భాగ్‌లో అధికారిక అభ్యర్థి నర్సింగ్‌రావుకు ఆయన సోదరుని కుమారుడు, మొన్నటి వరకు టీఆర్‌ఎస్ నేతగా కొనసాగిన ఆకుల రాజేందర్ కుమారుడు ఆకుల శ్రవణ్ బీఎస్పీ అభ్యర్థిగా గట్టి పోటీగా మారారు. మిగి లిన ప్రాంతాల్లోనూ అధికారిక అభ్యర్థులను ఇబ్బంది పెట్టే రీతిలో రెబల్స్‌వ్యూహరచన చేస్తున్నారు.
 
 ‘దేశం’-బీజేపీల్లోనూ.. వారిదే జోరు
  తెలుగుదేశం-బీజేపీల్లోనూ రెబల్స్ మోత మోగి స్తున్నారు. సూరారంలో అధికారిక అభ్యర్థుల కంటే తిరుగుబాటుఅభ్యర్థుల హవా ఎక్కువగా కనిపిస్తోంది. టీడీపీ రెబల్, మాజీ కార్పోరేటర్ పాల కృష్ణ, బీజేపీ రెబల్ శంకర్‌రెడ్డిలు అధికారిక టీడీపీ అభ్యర్థి విజయావకాశాలకు గండికొట్టే దిశ గా పయనిస్తున్నారు. కాంగ్రెస్ పార్టీ విషయానికి వస్తే ఉప్పల్‌లో అధికారిక అభ్యర్థి కంటే తిరుగుబాటు అభ్యర్థి రజిత ప్రచారాన్ని జోరెక్కించారు.


 ♦ స్వచ్ఛ, అవినీతి రహిత రాజకీయాలే లక్ష్యం  
 ♦ నిర్దిష్ట ఎజెండాతోనే కూటమి ఏర్పాటు
 ♦ గ్రేటర్‌లోనూ డబ్బు రాజకీయమే...  
 ♦ గూండాలు, కబ్జాదారులు పోటీలో ఉన్నారు.
 ♦ ఓటర్లు ఆలోచించి ఓటేయాలి
 ♦ లోక్‌సత్తా అధినేత జయప్రకాష్ నారాయణ
  
  ‘మార్పు’ కోసం అంటూ రాజకీయ రంగప్రవేశం చేసిన జయప్రకాష్ నారాయణ  జేపీగా అందరికీ సుపరిచితులు. 1996లో ఐఏఎస్‌కు రాజీనామా చేసిన ఆయన సుపరిపాలన కోసం లోక్‌సత్తా ఉద్యమం ప్రారంభించారు. 2006లో లోక్‌సత్తాను రాజకీయ పార్టీగా విస్తరించారు. ప్రస్తుతం ఆ పార్టీకి వ్యవస్థాపక జాతీయ అధ్యక్షుడిగా కొనసాగుతున్నారు. గ్రేటర్ పరిధిలో అవినీతిని అంతం చేయాలని, ప్రజలకు మౌలిక వసతులు పూర్తిగా కల్పించాలని ఆయన అభిప్రాయపడుతున్నారు. డబ్బు రాజకీయాలకు ఓటర్లు చెక్‌పెట్టాలని విజ్ఞప్తి చేస్తున్నారు. జీహెచ్‌ఎంసీ ఎన్నికల్లో అవినీతికి వ్యతిరేకంగా, స్వచ్ఛ రాజకీయాల కోసమే మొదటిసారిగా వామపక్షాలతో కలిసి ‘వన్ హైదరాబాద్’ కూటమిని ఏర్పాటు చేశామంటున్న జేపీతో....
                 - సాక్షి, సిటీబ్యూరో
  
  జీహెచ్‌ఎంసీ ఎన్నికల్లో వన్ హైదరాబాద్ కూటమి ఎన్ని స్థానాల్లో గెలవబోతోంది?
  రాజకీయాలను మార్చటానికి ‘వన్ హైదరాబాద్ కూటమి’ని ఏర్పాటు చేశాం. నిర్ధిష్టమైన ఎజెండాతో జీహెచ్‌ఎంసీ ఎన్నికల్లో పోటీ చేస్తున్నాం. ఇక్కడ గెలుపోటముల అంచనాలకు వెళ్లదలుచుకోలేదు. గెలవాలన్న ఆశతో..  సంప్రదాయ పార్టీలు కోట్లు ఖర్చు పెట్టి పోటీలో నిలుస్తున్నాయి. కానీ మేము అలా కాదు. నిజమైన ప్రత్యామ్నాయ విధానాలతో, ఎజెండాతో ప్రతి బస్తీలో జనాభాకు తగ్గట్టుగా అధికారాలు ప్రజల చేతిలో ఉండాలని కోరుకుంటున్నాం. స్థానికంగా మౌలిక వసతుల కల్పనకు ప్రాధాన్యం ఇస్తాం.
 
  ఎన్నికల్లో అభ్యర్థుల ఎంపిక ఎలా సాగింది. కొన్ని పార్టీల్లో కొందరు నాయకులు సీట్లు అమ్ముకున్నారన్న ఆరోపణలు వచ్చాయి. దీనిపై మీరేమంటారు?
  రాజకీయం అంటే అధికారం అనుకుంటున్నారు. అధికారం అంటే...దోచుకోవటం, పైరవీలు చేసుకోవటంగా మారింది. ఎన్నికలు ఓటు వేసే వారి గురించి కాదు, పోటీ చేసే వారి కోసమనేలా మారింది వ్యవస్థ. ఎన్నికలు జాక్‌పాట్‌గా, వ్యాపారంగా మారాయి. అందుకే ...కార్పొరేటర్ అభ్యర్థి రూ.2 కోట్లు ఖర్చు చేస్తున్నారు. ఈ డబ్బు రాజకీయాలను ప్రజలే అంతం చేయాలి.
 
  వామపక్షాలతో కలిసి కూటమిగా లోక్‌సత్తా పోటీ చేయటానికి కారణమేమిటి? ఈ పార్టీల మధ్య భావ సారూప్యత ఉందంటారా?
  ఇది నిజమైన, నిజాయితీ కలిగిన కూటమి. అధికారం ప్రజల చేతిలో ఉండాలని వామపక్షాలు కోరుకుంటున్నాయి. అవినీతికి వ్యతిరేకంగా, స్వచ్ఛ రాజకీయాలను ఆహ్వానిస్తున్నాయి. అభిప్రాయభేదాలు ఏ మాత్రం లేవు. అందువల్లనే  సీపీఐ, సీపీఎం, ఎంసీపీఐతో కలిసి జీహెచ్‌ఎంసీ ఎన్నికల్లో పోటీ చేస్తున్నాం. ఈ ఎన్నికల్లో ఏ పార్టీకి ఎజెండా లేదు. నిర్ధిష్టమైన ఎజెండా, జనం సమస్యలపై పక్కా ప్రణాళికతో ముందుకు వెళ్లుతున్నది మా కూటమే. నగర ప్రజలు గౌరవించాలని విజ్ఞప్తి చేస్తున్నాను.
 
  ఎన్నికల్లో పార్టీల ఎన్నికల ప్రచార సరళి, అభ్యర్థుల ఎంపిక ఎలా ఉందనుకుంటున్నారు?
  ఎన్నికల్లో అధికార, ప్రధాన ప్రతిపక్ష పార్టీలు కోట్ల రూపాయలు ఖర్చు చేస్తున్నాయి. ఒక్కో డివిజన్‌లో రూ. 8 కోట్ల చొప్పున జీహెచ్‌ఎంసీ పరిధిలో రూ.1200 కోట్లు ఎన్నికల ప్రచారం కోసం ఖర్చు చేస్తున్నట్లుగా తెలుస్తున్నది. పైగా టికెట్లు కూడా గూండాలు, భూ కబ్జాదారులకు ఇచ్చారు. అలాంటి వారు ప్రజలకు మంచి పనులు ఏమి చేస్తారు? గెలిచిన తర్వాత  దోచుకోవటమే పరమాధిగా పైరవీలు చేసుకుంటారు. వన్ హైదరాబాద్ కూటమి దీనికి పూర్తి భిన్నంగా అవినీతికి వ్యతిరేకంగా, స్వచ్ఛ రాజకీయాల కోసం పని చేస్తుంది. ప్రజలకు కనీస సౌకర్యాల కల్పించేందుకు కృషి చేస్తుంది. మంచినీరు, రోడ్లు, డ్రైనేజీ, వీధి దీపాలు, పార్కులు...ఒక్కటేమిటి 90 శాతం ప్రజలు ఎదుర్కొంటున్న సమస్యలపై పోరాడుతుంది. సామాన్యుడి చేతిలో అధికారముండాలి. పన్నుకట్టే వాడే ప్రభువు కావాలని కోరుకుంటున్నాం.
 
  మీ హయాంలో హైదరాబాద్‌కు ఏం చేశారు. ఇంకా ఎం చేయబోతున్నారు?
  హైదరాబాద్  నగరానికి కృష్ణా మూడవ దశ ద్వారా మంచినీరు రావటానికి కృషి చేశాను. దీనిపై అసెంబ్లీలో పోరాడి సాధించాను. కూకట్‌పల్లికి 8 ఎంజీడీల మంచి నీరు మాత్రమే సరఫరా అయ్యేది. ఈ నీటి సరఫరాను రెట్టింపు చేశాను. కూకట్‌పల్లి నియోజకవర్గంలో రూ.2400 కోట్లతో అభివృద్ధి కార్యక్రమాలు చేపట్టాం. పైప్‌లైన్ల కోసమే రూ. 700 కోట్లు ఖర్చు చేశాం. మెట్రో రైలు రాక సందర్భంగా అదనంగా ఏడు రహదారులకు ప్రణాళిక రూపొందించి  ట్రాఫిక్ సమస్యకు పరిష్కారం చూపించగలిగాను.  ప్రతి పాఠశాలలో మాత్రశాలలు, మరుగుదొడ్లు, అదనపు గదులను ఏర్పాటు చేయాల్సిన అవసరం ఉంది. అర్బన్ హెల్త్ సెంటర్లకు భవనాలతో పాటు, ప్రసూతి వసతులు కల్పించాలని కోరాం. నగరాభివృద్ధికి మేం ప్రత్యేకంగా దీర్ఘకాలిక ప్రణాళికను రూపొందించాం.
  
  రాష్ట్రంలో కేసీఆర్, కేంద్రంలో మోదీ పాలన ఎలా ఉంది? మీరెన్ని మార్కులు వేస్తారు?
  ఇద్దరూ అధికార కేంద్రీకరణ చేస్తున్నారు. ఇద్దరికీ మార్కులు ఏమి వేయను. కానీ పరిపాలనలో ప్రజలను భాగస్వామ్యం చేయాలి. మోదీ ఆర్థిక వ్యవస్థ గట్టిపడేందుకు ప్రయత్నిస్తున్నారు. అవినీతి లేకుండా పారదర్శకంగా పనిచేస్తున్నారు. స్వచ్ఛ భారత్ మంచి నినాదం. ఇది ఊరు,వాడ,పట్టణం, నగర స్థాయికి చేర్చాలి. నల్లగొండలో ఒక అమ్మాయి మరుగుదొడ్డి లేదని ఆత్మహత్య చేసుకోవటం తీవ్రంగా బాధించింది. కేసీఆర్ పూర్తిగా అధికార కేంద్రీకరణతో పనిచేస్తున్నారు. మంత్రులు, అధికారుల భాగస్వామ్యం ఏమీ ఉండడం లేదు. పనులు జనం దగ్గరికి వెళ్లటం లేదు. ప్రజల భాగస్వామ్యం గురించి మాట్లాడే పరిస్థితి కనిపించటం లేదు. ఈ పద్ధతి మారితే మంచిదని నా అభిప్రాయం.
  
  మెరుగైన సమాజం కోసం...ఓటేద్దాం
  ‘గ్రేటర్ ఎన్నికల్లో ఓటర్లంతా తప్పకుండా ఓటు హక్కు వినియోగించుకోవాలి. కుల, మత, వర్గ విభేదాలు మరిచిపోయి మంచితనం, నిజాయితీ కలిగిన అభ్యర్థులకే ఓటు వేయాలి..’ అని జీహెచ్‌ఎంసీ కమిషనర్ జనార్దన్‌రెడ్డి అన్నారు. బుధవారం కమిషనర్ కార్యాలయంలో సొసైటీ ఫర్ స్మాల్ చేంజ్ సంస్థ ఆధ్వర్యంలో ఓటర్ల చైతన్యం కోసం రూపొందించిన కరపత్రాలు, డోర్ స్టిక్లర్లను ఆయన ఆవిష్కరించారు. అనంతరం మాట్లాడుతూ గతంలోకంటే ఈసారి ఓటింగ్ శాతం తప్పనిసరిగా పెరగాలన్నారు. మెరుగైన సమాజం కోసం ప్రతి ఒక్కరూ ఓటేయాలన్నారు. మచ్చలేని వ్యక్తులకే ఓటేయాలని లేకుంటే..ఐదేళ్లు నష్టపోవాల్సి ఉంటుందని పేర్కొన్నారు. కార్యక్రమంలో సంస్థ అధ్యక్షుడు వినేష్‌రాజ్, ప్రధానకార్యదర్శి నటరాజ్ తదితరులు పాల్గొన్నారు.
  - కవాడిగూడ


 చైతన్యపురి: వాహనాల తనిఖీలలో చైతన్యపురి పోలీసులు రూ.6 లక్షలు స్వాధీనం చేసుకున్నారు. ఎస్‌ఐ కోటయ్య తెలిపిన వివరాల ప్రకారం... బుధవారం అష్టలక్ష్మీ దేవాలయం రోడ్డులో వాహనాలు తనిఖీ చేస్తుండగా కారులో వచ్చిన వాసవికాలనీకి చెందిన వ్యాపారి పాపిశెట్టి వెంకటేశ్వరరావును ఆపి సోదా చేశారు.
 
 కారులో రూ.6 లక్షలు నగదు ఉండడంతో డబ్బుకు సంబంధించిన వివరాలను అడిగారు. ఆయన ఎటువంటి పత్రాలు చూపించకపోవడంతో స్వాధీనం చేసుకుని ఎన్నికల అధికారులకు, ఐటీ అధికారులకు సమాచారం అందించారు. జీహెచ్ఎంసీ ఎన్నికలు కావడంతో  తనిఖీలు ముమ్మరం  చేసినట్లు ఎస్ఐ కోటయ్య  తేలిపారు.


 హైదరాబాద్: మతాన్ని అడ్డుపెట్టుకుని ఓట్లు అడిగే రాజకీయ పార్టీలను ప్రజలు బహిష్కరించాలని టీఆర్ఎస్ ఎంపీ కల్వకుంట్ల కవిత పిలుపునిచ్చారు. బీజేపీ, టీడీపీ మత రాజకీయాలకు పాల్పడుతున్నాయని ఆమె ఆరోపించారు.
 
 బుధవారం ఆమె 'మీట్ ది ప్రెస్' కార్యక్రమంలో మాట్లాడుతూ... హైదరాబాద్ లో నివసిస్తున్నవారందరూ తమవాళ్లేనని అన్నారు. ముఖ్యమంత్రి కేసీఆర్ అందరినీ సమదృష్టితో చూస్తున్నారని, ఎటువంటి వివక్ష చూపించడం లేదని తెలిపారు. 'మన నగరం.. మన పార్టీ' తమ నినాదం అన్నారు. టీఆర్‌ఎస్ ఎప్పటికీ ప్రజల పార్టీయేనని స్పష్టం చేశారు.
 
 లోకం తెలియని నారా లోకేశ్ ఏదేదో మాట్లాడుతున్నారని ఎద్దేవా చేశారు. 'కారు'లో ప్లేస్ ఉన్న కారణంగానే చాలా మంది నాయకులు 'సైకిల్' వదిలి తమ పార్టీలోకి వస్తున్నారని చెప్పారు. జీహెచ్ ఎంసీ ఎన్నికల్లో తమ పార్టీ విజయకేతనం ఎగురవేస్తుందని కవిత దీమా వ్యక్తం చేశారు.


 హైదరాబాద్ : టీఆర్ఎస్ పార్టీపై తెలంగాణ కాంగ్రెస్ పార్టీ వర్కింగ్ ప్రెసిడెంట్ మల్లు భట్టివిక్రమార్క నిప్పులు చెరిగారు.  జీహెచ్ఎంసీ ఎన్నికల  నేపథ్యంలో భట్టి విక్రమార్క బుధవారం హైదరాబాద్లో ప్రచారం నిర్వహించారు.  ఈ సందర్భంగా భట్టి విక్రమార్క మాట్లాడుతూ.... టీఆర్ఎస్ పార్టీ రాజకీయ ఉగ్రవాదానికి తెర తీసిందని ఆరోపించారు. ఆ ధీమాతోనే ఈ ఎన్నికల్లో 100 సీట్లు గెలుస్తామని మంత్రి కేటీఆర్ అంటున్నారని  విమర్శించారు. టీఆర్ఎస్ పార్టీ సెటిలర్లకు వ్యతిరేకంగా రాజకీయాలు చేస్తుందని ఆందోళన వ్యక్తం చేశారు.  
 
 టీఆర్ఎస్ పేరు మారుస్తామని చెప్పి... అంతలోనే ఓ జోకర్లా మారారని తెలంగాణ ఐటీ, పంచయతీ రాజ్ శాఖ మంత్రి కేటీఆర్ను ఎద్దేవా చేశారు. హెచ్సీయూ విద్యార్థి రోహిత్ ఆత్మహత్య అంశం దేశాన్ని కుదిపేస్తున్నా తెలంగాణ సీఎం కేసీఆర్ మాత్రం స్పందించలేదని గుర్తు చేశారు. కేంద్రంలోని బీజేపీకి కోపం వస్తుందనే... సీఎం కేసీఆర్ హెచ్సీయూకు వెళ్లలేదన్నారు.  ఇతర పార్టీ నేతలను తన అధికారంతో టీఆర్ఎస్ లోబర్చుకునే ప్రయత్నం చేసిందన్నారు.  అధికార టీఆర్ఎస్ పార్టీ హైదరాబాద్ నగరానికి చేసిందేమీ లేదని ఆరోపించారు.
 
 గతంలో కాంగ్రెస్ ప్రభుత్వ హయాంలో జరిగిన అభివృద్ధిని సైతం టీఆర్ఎస్ అడ్డుకుందని విమర్శించారు. ఎంఐఎం, బీజేపీలు మతతత్వ పార్టీలని భట్టి ఈ సందర్భంగా స్పష్టం చేశారు. ఈ మూడు పార్టీల వల్ల హైదరాబాద్ ఇమేజ్ ప్రమాదంలో పడిందని అన్నారు. జీహెచ్ఎంసీ ఎన్నికల అనంతరం ఈ మూడు పార్టీలు తమ ద్వేషపూరిత విధానాన్ని తీవ్రతరం చేస్తాయన్నారు. టీడీపీ, బీజేపీ, టీఆర్ఎస్, ఎంఐఎంలు పరస్పరం అవగాహనతో ఉన్నాయని భట్టి విక్రమార్క తెలిపారు.


 సెంటిమెంట్
  
 ♦ గ్రేటర్ లో మెజారిటీ స్థానాలు మావే...
 ♦ కాంగ్రెస్ మాటల పార్టీ కాదు.. చేతల్లో చూపిస్తాం...
 ♦ పండగలు, సెలవులతో కేసీఆర్.. విదేశాల్లో మోదీ టైంపాస్
 ♦ టీపీసీసీ అధ్యక్షుడు ఉత్తమ్‌కుమార్ రెడ్డి
  
  ఉత్తమ్‌కుమార్‌రెడ్డి పక్కా హైదరాబాదీ. నగరంలోనే పుట్టి పెరిగారు. క్రమశిక్షణ కలిగిన ‘సైనికుడు’. ప్రాథమిక విద్యాభ్యాసాన్ని నగరంలో పూర్తిచేసి.. ఆపై నేషనల్ డిఫెన్స్ అకాడమీలో చేరారు. భారత వైమానిక దళంలో పనిచేసి 1992లో రాజకీయాల్లో చేరేందుకు కెప్టెన్ హోదాలో స్వచ్ఛంద పదవీ విరమణ చేశారు. ప్రస్తుతం టీపీసీసీ అధ్యక్ష హోదాలో జీహెచ్‌ఎంసీ ఎన్నికల్లో టికెట్ల పంపకం.. మొదలుకుని ప్రచార వ్యూహాలన్నింటిలో అన్నీ తానై వ్యవహరిస్తున్న ఉత్తమ్ సెంటిమెంట్ మాటలు చెప్పే పార్టీల ప్రచారానికి మోసపోవద్దని నగర ప్రజలకు విజ్ఞప్తి చేస్తున్నారు. సెంటిమెంట్‌ను నమ్ముకున్న టీఆర్‌ఎస్‌కు ఈ ఎన్నికల్లో భంగపాటు తప్పదంటున్నారు. తమ అభ్యర్థుల విజయానికి విస్తృత స్థాయిలో పాదయాత్రలు, రోడ్డు షోల్లో నిమగ్నమైన ఉత్తమ్‌కుమార్‌రెడ్డి ‘సాక్షి ప్రతినిధి’కి ఇచ్చిన ప్రత్యేక ఇంటర్వ్యూలో పలు విషయాలు వెల్లడించారు. - సాక్షి ప్రతినిధి, హైదరాబాద్
  
  ఇంటర్వ్యూ
  
  జీహెచ్‌ఎంసీ ఎన్నికల్లో మీ పార్టీ ఎన్ని స్థానాల్లో గెలవబోతోంది?
  ఫిబ్రవరి 2న జరిగే ఎన్నికల్లో కాంగ్రెస్ పార్టీ అభ్యర్థులు మెజారిటీ స్థానాల్లో తప్పకుండా విజయం సాధించబోతున్నారు. స్థానికంగా ఉన్న పరిస్థితుల మేరకు ప్రజలకు అందుబాటులో ఉండే వారిని ఈ మారు పోటీకి పెట్టాం. మాటలు చెప్పే వారిని కాకుండా చేతలు చేసే వారిని పోటీలో నిలిపాం. ఇప్పటికే ప్రచారం జోరుగా సాగుతోంది. ఆడంబ రాలు, హడావుడి లేకుండా సెలైంట్‌గా ముందుకు పోవాలని నిర్ణయించాం. ఖచ్చితంగా 150 స్థానాల్లో మెజారిటీ స్థానాల్లో మా అభ్యర్థులు విజయం సాధించి తీరుతారన్న విశ్వాసం ఉంది. 29,30 తేదీల్లో ఏఐసీసీ నేతలు దిగ్విజయ్‌సింగ్, గులాంనబీ  ఆజాద్‌లు ప్రచారంలో పాలుపంచుకోబోతున్నారు.
 
  అభ్యర్థుల ఎంపిక ఎలా సాగింది.. కొందరు సీట్లు అమ్మారన్న ఆరోపణలు వచ్చాయి కదా..
  అదంతా పచ్చి అబద్దం. అన్ని సామాజిక వర్గాల సమతూకం పాటిస్తూ సెలక్ట్ ఆండ్ ఎలక్ట్ పద్ధతిని పాటించాం. ఏ పార్టీ జాబితాలో లేని సామాజిక వర్గాలన్నీంటికి మా జాబితాలో స్థానం కల్పించాం. కొన్ని చోట్ల ఆరోపణలు రాగా..వాటిపై విచారణ జరిపించాం. ఎక్కడా వాస్తవం లేదు. పార్టీలో అందరి నిర్ణయం మేరకు ఎంపిక చేసిన అభ్యర్థులు వారు.  పార్టీలో ఉన్న కొందరికి అవకాశం రాకపోవవచ్చు. వారందరికీ పార్టీ పదవుల్లో ప్రాధాన్యం కల్పిస్తాం. అసంతృప్తులను ఇళ్లకు వెళ్లి కలుస్తున్నాం.
 
  కాంగ్రెస్ నగరానికి ఏమీ చేయలేదని.. అందుకే ఓడించాలంటున్న టీఆర్‌ఎస్ పిలుపుపై ఎలా స్పందిస్తారు?
  కాంగ్రెస్ పార్టీ ప్రభుత్వాలు హైదరాబాద్‌కు ఏం చేశాయని ప్రశ్నిస్తే అది వారి అమాయకత్వం తప్ప మరేమీ కాదు. అసలు ఏం చేయలేదో చెప్పమనండి. కేటీఆర్ ఇటీవలే కుత్బుల్లాపూర్ వెళ్లి గోదావరి జలాలను నెత్తిన చిలకరించుకుని తానే అపర భగీరథునిగా ప్రకటించుకున్నారు. అది నిజమేనా..ఒక్క సారి గుండెపై చేయి వేసుకుని చెప్పమనండి. వైఎస్ ముఖ్యమంత్రిగా ఉన్న సమయంలో గోదావరి జలాల తరలింపు పనులను 2008లో ప్రారంభించారు. కాంగ్రెస్ హయాంలోనే 99 శాతం పనులు పూర్తయ్యాయి. కృష్ణా 2,3 దశ పనులను ప్రారంభించింది కూడా మేమే. ఇక మెట్రో రైలు, ఔటర్‌రింగ్ రోడ్డు, రాజీవ్ గాంధీ ఎయిర్‌పోర్ట్, పాతబస్తీకి రూ.2000 కోట్ల ప్రాజెక్ట్, మురికివాడల్లో నిరుపేదలకు ఉచితంగా నల్లా కనెక్షన్, ఫైనాన్షియల్ డిస్ట్రిక్ట్‌లో మౌళిక వసతుల కల్పన లాంటి గొప్ప పనులు చేసింది మా హాయాంలోనే కాదా..?
 
  సంప్రదాయానికి భిన్నంగా మేయర్ అభ్యర్థిని ముందే ప్రకటించారు.. ఎందుకు?
  కొత్త రాష్ట్రం ఏర్పడిన అనంతరం మేం కొత్త సంప్రదాయానికి తెరలేపాం. స్థానిక ఎన్నికల్లో స్థానిక అంశాలు, అభ్యర్థుల ప్రభావం కూడా భారీగానే ఉంటుంది. అందుకే మేయర్ అభ్యర్థిగా ముందుగానే యువకుడు, విద్యావంతుడైన విక్రంగౌడ్‌ని ఎంపిక చేసి ప్రకటించాం. మా పార్టీ మాదిరిగానే మిగతా పార్టీలు కూడా మేయర్ అభ్యర్థిని ప్రకటించాలని డిమాండ్ చేస్తున్నా.
  
  రాష్ట్రంలో కేసీఆర్, కేంద్రంలో మోదీ పాలన ఎలా ఉంది.. మీరెన్ని మార్కులు వేస్తారు?
  పందొమ్మిది నెలల కాలంలో వారి చేసిన గొప్ప పనులు ఏమున్నాయి? మార్కులు వేయడానికి.. ఎక్కువ సమయాన్ని మోదీ విదేశాల్లో గడిపితే.. కేసీఆర్ ఎర్రవల్లి ఫాంహౌజ్‌కు పరిమితమయ్యారు. అంతర్జాతీయ క్రూడ్ ఆయిల్ ధరలు భారీగా తగ్గిపోయినా తమ కక్కుర్తి కోసం డీజీల్, పెట్రోల్, వంట గ్యాస్ ధరలను తగ్గించలేకపోయారు.‘మోదీ అయేతో..అచ్చే దిన్ ఆయేగా’అన్నారు..ఎక్కడ అచ్చేదిన్ వచ్చాయి చెప్పండి. వారి విధానాలతో రైతులు, విద్యార్థులు ‘చచ్చేదిన్’ మాత్రం వచ్చాయి. హైదరాబాద్‌కు  రొటీన్‌గా వచ్చిన నిధులు తప్పితే ఒక్క రూపాయి అయినా అదనంగా రాలేదు. ఇక కేసీఆర్ విషయానికి వస్తే..సెంటిమెంట్లతో పాలన కొనసాగిస్తున్నారు. పండగలు, సెలవులు, యాగాలతో కాలం గడిపేశారు. కేసీఆర్ చెప్పేది చేయడు..చేసేది చెప్పడు అని ఇప్పటికే అందరికీ అర్థమైంది. ఒక్క 350 డబుల్ బెడ్‌రూం ఇళ్లు కట్టి హైదరాబాద్‌లో 3 లక్షల మంది వద్ద దరఖాస్తులు తీసుకున్నారు. సీమాంధ్రులను భాగోజాగో అని నేడు ఆయన కొడుకుతో క్షమాపణలు చెప్పిస్తున్నారు. ఇక ఎంఐఎం అవకాశవాద పార్టీగా తేలిపోయింది. నగర ప్రజలు తెలివైనవారు..చేతలు చేసేది ఎవరు, మాటలు చెప్పేది ఎవరో వారే నిర్ణయిస్తారు.
  
  అబ్బో.. ఆరోజులే వేరు!
  ప్రచారం శైలిలో ఎన్నిమార్పులో...అప్పట్లో గోడలపై రాతలు, వాల్‌పోస్టర్లే మాకు ప్రచారం కల్పించేవి. మైకులు లేవు, వాహనాలు లేవు. నడిచి వెళ్తూ ప్రజలను కలిసే వాళ్లం. ఉదయం, సాయంత్రం వేళల్లో మాత్రమే ప్రచారం చేసేవాళ్లం..’ అంటూ తన ఎన్నికల జ్ఞాపకాలను వివరించారు మాజీ ఎంపీ వర్రి తులసీరామ్. గ్రేటర్ ఎన్నికల హంగామా గురించి ఆయన స్పందిస్తూ తాను 1971, 77, 1984 సంవత్సరాల్లో ఎన్నికలను ఎదుర్కొన్నానని, పెద్దపల్లి, నాగర్‌కర్నూలు నుంచి ఎంపీగా మూడుసార్లు గెలిచానని చెప్పారు. ‘అప్పట్లో ఎక్కడో ఒక ప్రాంతంలో బట్టతో తయారైన బ్యానర్‌ను ఏర్పాటు చేసే వాళ్లం. అదే పెద్ద గొప్పగా భావించేవాళ్లం’ అని తెలిపారు. ఇప్పుడు ఫ్లెక్సీ లు, జెండాలు, బ్యానర్లు, టోపీలు, భారీగా వాహనాలను చూస్తుంటే..ఎన్నికల హంగామా ఇంత అవసరమా అన్పిస్తుంది. ఎవరెన్ని జిమ్మిక్కులు చేసినా ఓటర్లు అప్పుడైనా..ఇప్పుడైనా చైతన్యవంతులే అనిఅన్నారు.      - రాజేంద్రనగర్


 నగర వాసులు రోజూ ఎన్నో ఏరియాలుచుట్టేస్తుంటారు. సంవత్సరాలుగా ఆ ప్రాంతాల్లో ఉంటున్నా.. దానికి ఆ పేరెలా వచ్చిందో తెలియదు. తెలుసుకోవాలనిపించినా చరిత్ర తిరగేసే అవకాశం, ఓపిక ఉండదు. జీహెచ్‌ఎంసీ ఎన్నికల వేళ నగరంలోని కొన్ని ముఖ్య ప్రాంతాల ‘పేరు వెనుక కథ’  తెలుసుకుందాం. - సాక్షి, సిటీబ్యూరో
  
 ఖైరతాబాద్
 రాకుమారి ‘ఖైరియాటున్నిసా’ పేరు మీదుగా ఖైరతాబాద్ వచ్చింది. ఆమె ఇబ్రహీం కులీ కుతుబ్ షా (1518-80) కుమార్తె. ఖైరియా తరచూ అనారోగ్యంతో ఇబ్బంది పడేది. దీంతో ఆహ్లాదకర వాతావరణంలో ఉంచితే నయమవుతుందని వైద్యులు సూచించారట. దీంతో కుతుబ్‌షా అల్లుడు, ఇంజినీర్ అయిన హజ్రత్ హుస్సేన్ షా వలిని రాకుమారి కోసం ప్యాలెస్, మసీదు, గార్డెన్, చెరువు నిర్మించమని సూచించాడు. సుల్తాన్ ఆజ్ఞ మేరకు ‘హుస్సేన్‌సాగర్’ తవ్వించాడు వలి. రాజకుమారి పేరుమీదుగా కాలక్రమంలో ‘ఖైరతాబాద్’గా ఈ ప్రాంతానికి పేరు స్థిరపడింది.
 
 సుల్తాన్‌బజార్
 నిజాం హయాంలో ఇది ప్రముఖ వాణిజ్య కేంద్రం. 1933 వరకూ ఈ ప్రాంతం బ్రిటిష్ రెసిడెన్సీ పరిధిలో ఉండేది. జూన్ 14, 1933లో దీన్ని నిజాంకు అప్పగించారు. మొదట్లో రెసిడెన్సీ బజారని పిలిచినా.. నిజాం ఆదేశాల మేరకు సుల్తాన్ బజార్‌గా మార్చారు. అప్పట్లో ఇక్కడ ఎక్కువశాతం మరాఠీలు ఉండేవారు.
  
 సోమాజిగూడ
 ‘సోనాజీ’ అనే పండిట్ పేరు నుంచి సోమాజిగూడ పేరు వచ్చింది. 1853 ప్రాంతంలో సోనాజీ.. నిజాం రెవిన్యూ విభాగంలో పనిచేసేవాడు. ఆయన నివసించిన భవంతి ఆ కాలంలో ఎంతో పేరుపొందింది. ఆయన మరణం తర్వాత ఆ ప్రాంతాన్ని సోనాజీగా పిలిచేశారు. కాలక్రమంలో సోమాజీగా మారింది.
  
 బషీర్‌బాగ్..
 పాయిగా నవాబు అస్మన్‌జా బషీరుద్దౌలా బహదూర్. ఈ ప్రాంతంలో కళ్లుచెదిరే ప్యాలెస్, పార్కును కట్టించాడు. ఈ రాజభవనం చరిత్రలో కనుమరుగైనా.. పాయిగా ప్రభువు ‘బషీరుద్దౌలా’ పేరు మాత్రం ‘బషీర్‌బాగ్’గా నిలిచిపోయింది.
  
 తార్నాక..
 నిజాంల హయాంలో ఈ ప్రాంతం మామిడి తోటలతో ఉండేది. వీటి రక్షణకు ముళ్లకంచె వేసి కాపలా కోసం, పహారా కాసేందుకు నిజాంలు కొందరిని నియమించారు. భద్రతా సిబ్బంది కోసం అవుట్‌హౌస్ సైతం కట్టించారు. ఉర్దూలో ‘తార్’ అంటే ‘వైరు’ అని, ‘నాకా’ అంటే ‘రక్షకభటుడి గది’ అని అర్థం. అలా తార్నాక పేరు స్థిరపడింది.
  


 సిటీబ్యూరో: చారిత్రక మహానగరం ఎన్నో అద్భుత కట్టడాలకు పెట్టింది పేరు. ఎంతో ఘన చరిత్ర, సంస్కృతి, వారసత్వం, ఇస్లామిక్ వాస్తురీతులు దీని సొంతం. సాఫ్ట్‌వేర్, వ్యాపార, వాణిజ్యానికి పుట్టినిల్లు. ఓపక్క తన వారసత్వాన్ని కాపాడుకుంటూనే విశ్వనగరి వైపు అడుగులు వేస్తోంది. బల్దియా ఎన్నికల వేళ.. అందరి దృష్టి చారిత్రక కట్టడాల పరిరక్షణ మీదకు మళ్లింది. సిటీలో వారసత్వ కట్టడాలను పరిరక్షిస్తూనే.. విశ్వనగరం వైపు అడుగులేయాలని సిటీజన్లు కోరుతున్నారు. ఈ క్రమంలో చరిత్ర, కట్టడాలు, వారసత్వం అంశాల్లో మన గ్రేటర్‌కు టర్కీ దేశంలో ఇస్తాంబుల్ ఆదర్శంగా నిలుస్తోంది. ఈ రెండు నగరాల చారిత్రక బంధంపై ప్రత్యేక కథనం.
  
 చారిత్రక బంధం ఇదీ..
 టర్కీలోని ఇస్తాంబుల్‌కు హైదరాబాద్‌కు మధ్య శతాబ్దాలుగా సాంస్కృతిక బంధాలు ఉండడం విశేషం. హైదరాబాద్ నగర నిర్మాతలు, గోల్కొండను ఏలిన కుతుబ్‌షాహీల పూర్వీకులు టర్కీకి చెందినవారే. నిజాం ప్రభువు మేనకోడళ్లు నీలోఫర్, దుర్రేషహర్‌లు కూడా టర్కీకి చెందినవారే. అంటే వందల ఏళ్లుగా ఇస్తాంబుల్‌కు, మన హైదరాబాద్‌తో వైవాహిక బంధాలు కూడా ఉన్నాయి.
  
 ఇస్తాంబుల్ తరహా అభివృద్ధి అంటే...?
 ఇస్తాంబుల్‌లో ప్రధానంగా రహదారుల విస్తరణ, అభివృద్ధి ప్రాజెక్టులు చేపట్టినపుడు అక్కడి చారిత్రక, వారసత్వ కట్టడాలకు నష్టం వాటిల్లకుండా ప్రభుత్వం జాగ్రత్తలు తీసుకుంది. ఇదే తరహాలో నగరంలో చేపడుతున్న మెట్రో రైలు ప్రాజెక్టు, మల్టీలెవల్ ఫ్లై ఓవర్ల నిర్మాణం సమయంలో చారిత్రక కట్టడాలను పరిరక్షించాలని సిటీజన్లు కోరుతున్నారు. ఇస్తాంబుల్‌లో అవలంబించిన విధానాలతో ఆయా చారిత్రక ప్రదేశాల సందర్శనకు వచ్చే విదేశీ పర్యాటకుల సంఖ్య ఏటేటా పెరుగుతోంది. ఇక చారిత్రక మార్కెట్‌లలో ప్రత్యేకంగా లభించే దుస్తులు, ఆభరణాలను కొనుగోలు చేసే పర్యాటకుల సంఖ్య కూడా అనూహ్యంగా పెరుగుతోంది. చారిత్రక కట్టడాలలో హోటళ్లు,రెస్టారెంట్లు ఏర్పాటుచేయడంతో వాణిజ్య కార్యకలాపాలు సైతం పెరిగాయి. అంటే ఓ నగరం కీర్తి విదేశీ పర్యాటకుల రాకతో విశ్వవ్యాప్తమవుతుండడంతో చారిత్రక ప్రాధాన్యత గల కట్టడాలను అక్కడి ప్రభుత్వం కాపాడుతోంది.
  
 ఇక్కడి ప్రముఖ కట్టడాలివే..
 హగియా సోఫియా మసీదు, బాసిలికా సిస్టర్న్ కళాత్మక కట్టడం, తోప్‌కాపీ ప్యాలెస్, బ్లూమాస్క్, ఇస్తాంబుల్ ఆర్కియాలజీ మ్యూజియం, టర్కిష్ అండ్ ఇస్లామిక్ ఆర్ట్స్ మ్యూజియం, సులేమానీ మాస్క్, కోరా చర్చ్, గలాటా టవర్ విదేశీ పర్యాటకులను విశేషంగా ఆకర్షిస్తున్నాయి.
  
 ఇదీ మన హైదరాబాద్ షాన్..
 ఘనమైన సాంస్కృతిక వారసత్వానికి ఇస్తాంబుల్‌తో అచ్చు గుద్దినట్టు పోలికుండే నగరం హైదరాబాద్. మన గ్రేటర్ నగరం 625 చదరపు కిలోమీటర్ల పరిధిలో విస్తరించి ఉంది. జనాభా కోటికి చేరువవుతోంది. సమతుల వాతావరణంతో ప్రపంచవ్యాప్తంగా పెట్టుబడిదారులను ఆకర్షిస్తోంది. గోల్కొండ కోట, చార్మినార్, ఉస్మానియా విశ్వవిద్యాలయం, మక్కామసీదు, కుతుబ్‌షాహీ సమాధులు, ఫలక్‌నుమా ప్యాలెస్, అసెంబ్లీ భవనం, మొజంజాహీ మార్కెట్, హుస్సేన్‌సాగర్ ఇలా 200కు పైగా చారిత్రక కట్టడాలకు మన నగరం నెలవు. అయితే ఇటీవల రహదారుల విస్తరణ,మెట్రో ప్రాజెక్టు,మాస్టర్‌ప్లాన్ పనుల కారణంగా పలు చారిత్రక కట్టడాల మనుగడ ప్రశ్నార్థకంగా మారుతోంది. పాతనగరంలో ఇప్పటికే ప్రతిపాదించిన మెట్రో అలైన్‌మెంట్ కారణంగా సుమారు 69 వరకు ఉన్న అషుర్‌ఖానాలు, మసీదులు, చిల్లాలకు నష్టం వాటిల్లుతుందన్న అనుమానాలున్నాయి.
 
 ఇక డ్రైనేజి నెట్‌వర్క్ విస్తరణ, రహదారుల విస్తరణ జరిగిన ప్రతిసారీ చారిత్రక కట్టడాలకు ఇబ్బందికరంగా మారుతోంది. ఈనేపథ్యంలో నగర మాస్టర్‌ప్లాన్‌లో పాత నగరంలోని చారిత్రక కట్టడాల మనుగడకు నష్టం వాటిల్లకుండా ప్రణాళికలు సిద్ధంచేయాలని రాష్ట్ర ప్రభుత్వం అధికార యంత్రాగానికి దిశానిర్దేశం చేస్తోంది. మన నగరంలోనూ ఇస్తాంబుల్ తరహాలో మూసీకి ఆవల, ఈవల రెండు ప్రాంతాల్లోనూ భిన్నమైన సంస్కృతి ఉంది. ఇక హైటెక్‌సిటీ, శివార్ల విషయానికి వస్తే ఆకాశమే హద్దుగా సేవా, వ్యాపార, వాణిజ్య, రియల్టీ రంగాలు విస్తరిస్తున్నాయి.
  
 చారిత్రక కట్టడాల నగరి..
 ఇస్తాంబుల్ నగరంలో 17 రాజసౌధాలు, 64 మసీదులు, 49 చర్చిలను చారిత్రక వారసత్వ కట్టడాలుగా గుర్తించారు. వీటి పరిరక్షణకు మాస్టర్‌ప్లాన్‌లో అధిక ప్రాధాన్యమిచ్చారు. టర్కీలో అతిపురాతన చారిత్రక మ్యూజియం ఈ నగరంలోనే ఉంది. టర్కిష్, యురోపియన్, మధ్యప్రాచ్య వాస్తురీతులు ఇక్కడి కట్టడాలలో కనిస్తాయి. ఎన్నో అద్భుత కళాఖండాలకు ఈ నగరం ముఖ్య కేంద్రం. ఆర్ట్ మ్యూజియాలు, ఇస్తాంబుల్ మోడ్రన్, పేరా మ్యూజియం, సకిబ్ సబానిక్ మ్యూజియం, సంత్రాల్ స్టాంబుల్ కేంద్రాల్లో తీరైన శిల్ప సంపద కొలువుదీరింది. ఈ నగరం పాతకొత్తల సంగమంగా కనిపిస్తుంది. ఈ నగరం మధ్య నుంచి ప్రవహించే బోస్పరస్ నది ఒడ్డున రెండు భిన్న సంస్కృతులు అభివృద్ధి చెందాయి.


 మల్లు భట్టి విక్రమార్క
  
 ముషీరాబాద్: ‘తుపాకి రాముడు పది పిట్టలను కొట్టె ను.. నాలుగు సింహాలను వేటాడెను’ అని చెప్పుకున్నట్టు మంత్రి కేటీఆర్ చేయని పనులను చెబుతూ తుపాకీ రాముణ్ణి మరిపిస్తున్నారని కాంగ్రెస్ నేత మల్లు భట్టి విక్రమార్క వ్యాఖ్యానించారు. సోమవారం ముషీరాబాద్ నియోజకవర్గంలోని కవాడిగూడ, అడిక్‌మెట్ డివి జన్‌లలో ఎన్నికల ప్రచారం నిర్వహించారు. అడిక్‌మెట్ కాంగ్రెస్ అభ్యర్థి ఎం.సావిత్రిని గెలిపించాలని ఇం టింటికీ వెళ్లి ఓటర్లను అభ్యర్థించారు.
 
 ఈ సందర్భంగా ఆయన మాట్లాడుతూ కాంగ్రెస్ పార్టీ హైదరాబాద్‌ను విశ్వనగరంగా తయారు చేస్తే... నగరాన్ని విధ్వంసం చేసే కార్యక్రమం టీఆర్‌ఎస్ ప్రభత్వం చేపట్టిందన్నారు. కాం గ్రెస్ పార్టీ మెట్రో రైలును ప్రారంభిస్తే... అక్కడికి వెళ్లి కేటీఆర్ ఫొటో లు దిగుతున్నారని... గోదావరి జలాలు నగరానికి తీసుకువస్తే, ఆ జలాలను నెత్తిన చల్లుకుంటూ తామే తీసుకొచ్చినట్లు అసత్య ప్రచారాలు చేస్తున్నారని ఆరోపించారు. హైదరాబాద్ నగరానికి బ్రాండ్ ఇమేజ్‌ను తెచ్చింది కాంగ్రెస్ పార్టీ అని అన్నారు. ఈ కార్యక్రమంలో ముషీరాబాద్ కాం గ్రెస్ ఇన్‌చార్జి డాక్టర్ వినయ్, పరిశీలకులు ఆకుల లలిత, రమాదేవి, ఇందిర, కీర్తి, జగన్‌మోహనరావు తదితరులు పాల్గొన్నారు.
  
  


 టీడీపీ వర్కింగ్ ప్రెసిడెంట్ రేవంత్ రెడ్డి
  
 బన్సీలాల్‌పేట్: హైదరాబాద్ నగరం తెలుగుదేశం హయాం లోనే అన్ని రంగాల్లో అభివృద్ధి చెందిందని... జీహెచ్‌ఎంసీ ఎన్నికల్లో ప్రజలు టీడీపీ, బీజేపీ మిత్రపక్షాల అభ్యర్థులకు పట్టం కట్టాలని టీడీపీ వర్కింగ్ ప్రెసిడెంట్ రేవంత్ రెడ్డి ప్రజలకు పిలుపునిచ్చారు. సోమవారం బన్సీలాల్‌పేట్ టీడీపీ అభ్యర్థి ఎం.శ్రావణి, టీడీపీ ఇన్‌చార్జి కూన వెంకటేష్ గౌడ్‌లతో కలిసి ఎన్నికల ప్రచారం నిర్వహించారు. చాచానెహ్రూ నగర్‌లో జరిగిన ఎన్నికల ప్రచార సభలో ఆయన మాట్లాడారు.
 
 హైటెక్ సిటీ, 18 ఫ్లైఓవర్లు, నెక్లెస్ రోడ్డు అభివృద్ధి...హుసేన్‌సాగర్‌లో బుద్ధ విగ్రహం ఏర్పాటుతో పర్యాటక అభివృద్ధి వంటి అనేక కార్యక్రమాలు టీడీపీ ప్రభుత్వ హయాంలో జరిగాయన్నారు. జీహెచ్‌ఎంసీ ఎన్నికల్లో టీడీపీకి ఓటు వేస్తే సెటప్‌బాక్స్‌లు, మం చినీటి నల్లా కనెక్షన్లతో పాటు నగరంలోని పేదలకు ఏటా2 లక్షల డబుల్‌బెడ్ రూమ్ ఇళ్లను నిర్మిస్తామన్నా రు. టీడీపీ సనత్‌నగర్ ఇన్‌చార్జి కూన వెంకటేష్ గౌడ్, అభ్యర్థి శ్రావణి, బీజేపీ నాయకులతో కలిసి బన్సీలాల్‌పేట్‌లో రేవంత్‌రెడ్డి ఎన్నికల ప్రచారం చేశారు. ఈ కార్యక్రమంలో టీడీపీ నాయకులు రవికుమార్, కుమా ర్ యాదవ్, కందికంటి విజయ్, హేమలత, సదానంద్, జహంగీర్, దశరథ్, బీజేపీ నాయకులు ఆనంద్ యాదవ్, హరినాథ్, వై.సురేష్‌కుమార్, ఎ. శ్రీనివాస్, ఎస్.వై.గిరి, పాండు, శ్రీనివాస్, సరస్వతి తదితరులు పాల్గొన్నారు.
  


 ♦ వివిధ సంస్థలకు నామమాత్రపు ధరకు కేటాయింపు
 ♦ రూ.2 వేల కోట్లతో చంద్రన్న దళితబాట
 ♦ 23 వేల స్కూళ్లలో ప్రయివేటు ఏజెన్సీలకు పారిశుధ్యపనులు
 ♦ ఏపీ మంత్రివర్గ నిర్ణయాలు
  
  సాక్షి, విజయవాడ బ్యూరో :  రాష్ట్రంలోని వివిధ జిల్లాల్లో పలు సంస్థలకు 2,538.96 ఎకరాల భూమి కేటాయించాలన్న ప్రతిపాదనలకు మంత్రివర్గం ఆమోదం తెలిపింది. పలు ప్రైవేటు సంస్థలకు నామమాత్రపు ధరకు భూములను కేటాయించాలని నిర్ణయించింది. విజయవాడలోని సీఎం క్యాంపు కార్యాలయం లో సోమవారం మధ్యాహ్నం 3 గంటల నుంచి రాత్రి 9 గంటల వరకూ సీఎం చంద్రబాబు అధ్యక్షతన జరిగిన మంత్రివర్గ సమావేశంలో పలు నిర్ణయాలు తీసుకున్నారు. వాటిని మంత్రులు పల్లె రఘునాథ్‌రెడ్డి, దేవినేని ఉమామహేశ్వరరావు, రావెల కిషోర్‌బాబు విలేకరులకు తెలిపారు.అవి ఇలా ఉన్నాయి.
 
  పలు సంస్థలకు భూముల కేటాయింపు ఇలా
 ► విశాఖ జిల్లా వాకపాడులో నావల్ అల్టర్నేట్ ఆపరేషన్ బేస్ ప్రాజెక్టు (ఎన్‌ఈఓబీ)కి ఎకరం ఐదు లక్షల చొప్పున 1070.78 ఎకరాలు.
 ► అనంతపురం జిల్లా ఎన్‌పీ కోటలో అల్ట్రా మెగా సోలార్ పవర్ ప్రాజెక్టు నిర్మాణం కోసం నెడ్‌క్యాప్‌కు 25 సంవత్సరాల లీజుకు ఎకరం రెండు లక్షల చొప్పున 873.23 ఎకరాలు .
 ► కడప జిల్లా ఓబులవారిపల్లె మండలంలోని గోవిందపల్లెపురం, బొమ్మవారిపల్లెపురంలో ఎకరం మూడు లక్షలు చొప్పున, కర్లకుంటలో రూ. రెండు లక్షల చొప్పున 508.070 ఎకరాలు.. ఏపీఎన్‌బీసీకి మైనింగ్ తదితరాలకు.
 ► నెల్లూరు జిల్లా కొత్తపట్నంలో ‘కృష్ణపట్నం ఇంటర్నేషనల్ లెదర్ కాంప్లెక్స్ లిమిటెడ్’కు ఎకరం రూ.5 లక్షల చొప్పున 46.81 ఎకరాలు.
 ► విజయనగరం జిల్లా పూసపాటిరేగ మండలం కొవ్వాడ అగ్రహారంలో డెరైక్టర్, ఎస్‌వీఎల్ లైఫ్ సెన్సైస్ ప్రైవేటు లిమిటెడ్‌కు ఫార్మాస్యూటికల్, నానో కార్బన్స్ యూనిట్ ఏర్పాటుకు ఎకరం ఆరు లక్షల చొప్పున 17.65 ఎకరాలు.
 ► చిత్తూరు జిల్లా కేవీబీ పురం మండలం పెరిందేశం గ్రామంలో ఆదిత్య స్పిన్నర్స్ లిమిటెడ్ కంపెనీకి పవర్ ప్లాంట్ నిర్మాణం కోసం రూ.5 లక్షల చొప్పున 5.84 ఎకరాలు.
 ► విశాఖ రూరల్ మండలం బక్కన్నపాలెంలో శృంగేరి మఠానికి చెందిన దేవాలయ నిర్మాణానికి 3.71 ఎకరాలు.. ఎకరం రూ.30 వేల చొప్పున కేటాయింపు.
 ► అనంతపురం జిల్లా కదిరి మండలం కుటాగుల్లలో బ్లూమూన్ విద్యా సంస్థ స్కూల్ భవనం నిర్మాణానికి ఎకరం రూ.4.5 లక్షల చొప్పున రెండెకరాలు.
 ► నెల్లూరు జిల్లా తమ్మిరిపట్నంలో ‘మీనాక్షి ఎనర్జీ ప్రైవేట్ లిమిటెడ్’కి ఎకరం రూ.3 లక్షల చొప్పున 7.31 ఎకరాలు, 30 ఏళ్ల లీజుకు.
 ► విశాఖ జిల్లా అనకాపల్లి మండలం రాజుపాలెంలో కమిషనర్ ఆఫ్ సెంట్రల్ ఎక్సైజ్ అండ్ కస్టమ్స్, సర్వీస్ ట్యాక్స్ భవన నిర్మాణానికి ఎకరం రూ.20 లక్షల చొప్పున రెండెకరాలు.
 ► విశాఖ రూరల్ మండలంలో సీఐడీ రీజినల్ కార్యాలయం కోసం ఉచితంగా రెండెకరాలు .
 
  త్వరలో చంద్రన్న దళితబాట..
  కేబినెట్ తీసుకొన్న మరికొన్ని నిర్ణయాలు ఇలా ఉన్నాయి.... ‘‘డ్వాక్రా మహిళలు ఉత్పత్తి చేసే వస్తువులను ఒకే గొడుకు కిందకు తెచ్చి మార్కెటింగ్ అవకాశాలను పెంచాలి. రాష్ట్రంలోని 90 లక్షల మంది పెన్షనర్లు, ఇతర లబ్దిదారుల ఆదాయం పెంపునకు ప్రణాళిక. నిర్ణీత గడువులోపు పూర్తికాని పనులకు తిరిగి టెండర్లు పిలవాలి. అవి చేయడంలో విఫలైమైన కాంట్రాక్టర్ తిరిగి అదే ప్యాకేజీ చేపట్టకుండా చర్యలు తీసుకోవాలి. పోలవరం ప్రాజెక్టు ఆర్ అండ్ ఆర్ ప్యాకేజీని తూర్పుగోదావరి జిల్లాలోని లబ్దిదారులకు ఇచ్చేందుకు రూ.55 కోట్లు మంజూరు. రాష్ట్రంలోని ప్రతి ఎస్‌సీ, ఎస్‌టీ కాలనీలోనూ అంతర్గత, అప్రోచ్ రోడ్ల నిర్మాణానికి రూ.  2 వేల కోట్ల కేటాయింపు.దీన్ని ‘చంద్రన్న దళితబాట’ పేరుతో ప్రారంభించాలని నిర్ణయం.
 
 రిపబ్లిక్‌డే సందర్భంగా సత్ప్రవర్తన కలిగిన 400 మంది ఖైదీలను విడుదలకు నిర్ణయం. జన్మభూమిని విస్తృత పరిచి డ్వాక్రా సభ్యులకు జాబ్ కార్డులివ్వాలి. శానిటేషన్, జంగిల్ క్లియరెన్స్ పనులు వారికి కేటాయించాలి. 23 వేల స్కూళ్లలో పారిశుధ్య పనులను ప్రైవేటు ఏజెన్సీలకు అప్పగించి పర్యవేక్షణ బాధ్యతను ప్రధానోపాధ్యాయులకు ఇవ్వాలి.’’ ఈ నెల 31వ తేదీన రిటైర్ అవుతున్న సీఎస్ ఐవైఆర్ కృష్ణారావు సమర్థతను కొనియాడిన మంత్రివర్గం ఆయన సేవలను మున్ముందు వినియోగించుకోవాలని నిర్ణయించింది.
  
  మంత్రులపై బాబు ఆగ్రహం
  సాక్షి, హైదరాబాద్: ‘అచ్చెన్నా.. అన్ని శాఖల గురించి ఫిర్యాదు చేయడం నీకు అలవాటైపోయింది... ముందు నీ శాఖ గురించి నువ్వు చూసుకో’ అని సీఎం చంద్రబాబు కార్మికశాఖ మంత్రి అచ్చెన్నాయుడును హెచ్చరించారు. విజయవాడలో జరిగిన మంత్రివర్గ సమావేశంలో శాఖలపై సమీక్ష సందర్భంగా రహదారులు, భవనాల పనితీరు పట్ల సీఎం సంతృప్తి వ్యక్తం చేశారు. అచ్చెన్నాయుడు మాత్రం రోడ్లు సక్రమంగా లేవని అన్నారు. తనతో పాటు మిగిలిన వారు రోడ్లు బాగున్నాయని చెప్తుంటే అచ్చెన్నాయుడు బాగా లేవని చెప్పటంతో... ఈ మేరకు సీఎం అన్న ట్లు తెలిసింది. తనపేరుతో ప్రకటించిన ‘చంద్రన్న సంక్రాంతి కానుక’ పథకాన్ని అభాసుపాల్జేశారంటూ బాబు వాపోయారు. ఆ శాఖమంత్రి పరిటాల సునీత పనితీరుపై అసంతృప్తి వ్యక్తం చేశారు.
 
 రాజధాని ప్రాంతంలోని గ్రామాల్లో రైతుల నుంచి నిరసన వ్యక్తమౌతున్నా పసిగట్టడంలో విఫలమై న మంత్రులు పి. పుల్లారావు, పి. నారాయ ణ, దేవినేని ఉమాలపై తీవ్ర అసంతృప్తి, ఆగ్రహం వ్యక్తం చేశారు. కాగా, ఆంధ్రప్రదేశ్ శాసనసభ బడ్జెట్ సమావేశాలు హైదరాబాద్‌లో నే నిర్వహించాలని సమావేశం నిర్ణయించిం ది. మార్చి తొలివారంలో బడ్జెట్ సమావేశాలు ప్రారంభం కానున్నాయి. మరోవైపు జీహెచ్‌ఎంసీ ఎన్నికల్లో ఆంధ్రా ప్రాంతానికి చెందిన ప్రజలు ఎక్కువగా ఉన్న ప్రాంతాల్లో మంత్రులు ప్రచారం చేయాలని చంద్రబాబు చెప్పారు. తాను కూడా మూడు రోజుల పాటు అక్కడ ప్రచారం చేస్తానని చెప్పారు.


 జీహెచ్‌ఎంసీ ఎన్నికల కోసం ఏర్పాటు చేసిన 7802 పోలింగ్ కేంద్రాలకు వచ్చే ఓటర్లకు కనీస మౌలికసదుపాయాల కోసం ప్రత్యేకచర్యలు చేపట్టినట్లు జీహెచ్‌ఎంసీ ఎన్నికల అధికారి డా.బి.జనార్దన్‌రెడ్డి తెలిపారు. అన్ని పోలింగ్ కేంద్రాల్లో తాగునీటి సదుపాయం, టెంట్లు, వికలాంగుల కోసం ర్యాంపులు, టాయ్‌లెట్లు తదితర సదుపాయాలు సమకూరుస్తున్నట్లు పేర్కొన్నారు. అన్ని పోలింగ్ కేంద్రాల్లో మంచినీటి ప్యాకెట్లు అందుబాటులో ఉంచుతామన్నారు. ఇప్పటికి దాదాపు 2వేల పోలింగ్ కేంద్రాల్లో మౌలిక సదుపాయాల ఏర్పాట్లు పూర్తయ్యాయని, మిగతా కేంద్రాల్లోనూ మరో రెండు మూడు రోజుల్లో పూర్తిచేస్తామన్నారు.
  
  27న బ్యాలెట్ పేపర్ల తనిఖీ
  జీహెచ్‌ఎంసీ ఎన్నికల్లో పోటీచేస్తున్న అభ్యర్థుల జాబితాతో కూడిన బ్యాలెట్‌పత్రాల ముద్రణ పూర్తయిందని కమిషనర్ తెలిపారు. ఈనెల 27న వాటిని తనిఖీ చేయాల్సిందిగా రిటర్నింగ్ అధికారులకు ఆదేశాలు జారీ చేశారు. ఎన్నికల సాధారణ పరిశీలకులు, పోటీ చేస్తున్న అభ్యర్థులు/ వారు ప్రతిపాదించే  ఏజెంట్ల సమక్షంలో ఈ తనిఖీలు నిర్వహించాల్సిందిగా డిప్యూటీ కమిషనర్లకు సూచించారు. ఈనెల 28వ తేదీన ఎలక్ట్రానిక్ ఓటింగ్ మెషిన్ల పనితీరు, నిర్వహణపై కూడా తనిఖీ నిర్వహించాల్సిందిగా సూచించారు.
  
  యాప్ డౌన్‌లోడ్ చేసుకున్న 70 వేల మంది
  ఓటర్లు తమ పోలింగ్ కేంద్రాన్ని తెలుసుకునేందుకు జీహెచ్‌ఎంసీ రూపొందించిన ప్రత్యేక యాప్‌ను ఇప్పటి వరకు 70 వేల మంది డౌన్‌లోడ్ చేసుకున్నారన్నారు. ఈ యాప్‌ద్వారా 69 వేలమంది తమ ఓటరుస్లిప్‌లు డౌన్‌లోడ్ చేసుకున్నారని తెలిపారు. ఎన్నికల కమిషన్ వెబ్‌సైట్ ద్వారా 3.12 లక్షల మంది ఓటరుస్లిప్‌లో డౌన్‌లోడ్ చేసుకున్నారని, తమ సిబ్బంది ఇంటింటికీ వెళ్లి వ్యక్తిగతంగా 40 శాతం మంది ఓటర్లకు ఓటరు స్లిప్‌లు పంపిణీ చేశారన్నారు.
  
   ఎన్నికల సిబ్బంది ఫిబ్రవరి 1నే చేరుకోవాలి
  ఎన్నికల విధుల్లో పాల్గొంటున్న ప్రిసైడింగ్ అధికారులు, అసిస్టెంట్ ప్రిసైడింగ్ అధికారులు ఫిబ్రవరి ఒకటో తేదీ ఉదయం 7 గంటలకు సంబంధిత డిస్ట్రిబ్యూషన్ కేంద్రాల్లో రిపోర్ట్ చేయాల్సిందిగా జనార్దన్‌రెడ్డి స్పష్టం చేశారు. హైదరాబాద్, రంగారెడ్డి జిల్లాలతోపాటు నల్లగొండ, మహబూబ్‌నగర్, మెదక్, వరంగల్,కరీంనగర్ జిల్లాలకు చెందిన ఉద్యోగులను ఎన్నికల విధులకు నియమించామన్నారు.


 తార్నాకలో ఆసక్తికర పోరు
 ♦ రెండోసారి బరిలో నిలిచిన మాజీ మేయర్ కార్తీకరెడ్డి
 ♦ టీఆర్‌ఎస్, బీజేపీ-టీడీపీ కూటమిలతో పోటాపోటీ
  
  సాక్షి, సిటీబ్యూరో
  తార్నాక..విద్యావంతులు, శాస్త్రవేత్తలు, ఉన్నతాదాయవర్గాలు, చిరుద్యోగులు, రోజువారి కూలీలతో సమ్మిళితమైన ప్రాంతం. జీహెచ్‌ఎంసీ ఎన్నికల వేడితో ఇప్పుడది విస్తృతమైన పాదయాత్రలు, ఇంటింటి ప్రచారాలతో హోరెత్తుతోంది. ఈ స్థానం నుండి కాంగ్రెస్ అభ్యర్థిగా మాజీ మేయర్ బండ కార్తీకరెడ్డి బరిలో ఉండటంతో అందరూ ఈ డివిజన్‌పై దృష్టి సారిస్తున్నారు. టీఆర్‌ఎస్ అభ్యర్థిగా ఆలకుంట సర్వసతి, బీజేపీ అభ్యర్థిగా సూదగాని లక్ష్మీగౌడ్, టీడీపీ తిరుగుబాటు అభ్యర్థిగా కోళ్ల భవానీ యాదవ్‌తో పాటు సీపీఐ అభ్యర్థిగా రాపోలు శోభారాణి, బీఎస్పీ అభ్యర్థి సుభద్రలతో పాటు మరో నలుగురు అభ్యర్థులు పోటీలో ఉన్నారు. అయితే ప్రధాన పోటీ కాంగ్రెస్ - టీఆర్‌ఎస్ - బీజేపీ మధ్యే నెలకొనే అవకాశం స్పష్టంగా కనిపిస్తోంది.
  
  డివిజన్‌లోని ప్రధాన సమస్యలివే...
  తార్నాకలో పద్నాలుగు వీధులతో పాటు లాలాపేట, మాణికేశ్వరీనగర్, రవీంద్రనగర్, ఓయూ క్యాంపులు, లక్ష్మీనగర్, శ్రీపురికాలనీ, సాయినగర్, అంబేద్కర్‌నగర్, ఇందిరానగర్, శాంతినగర్, ఆర్యనగర్, ఓల్డ్‌లాలాపేట, విజయడైరీ కాలనీలు అతి ముఖ్యమైనవి. ఇక్కడ పదేళ్లుగా నిలిచిపోయిన తార్నాక -లాలాపేట రోడ్డు విస్తరణ, కాలనీల మధ్య నుండి వెళ్లే ఓపెన్ నాలా, పురాతన మంచినీటి పైపులైన్లు, వినోభానగర్, సత్యనగర్‌లో నిత్యం కలుషితమయ్యే మంచినీరు, అర్హులకు పింఛన్లు రాకపోవటం, ట్రాఫిక్ రద్దీతో తార్నాకా జంక్షన్ మూత అంశాలు ప్రధాన సమస్యలు. ఇక్కడి జనాన్ని వేధిస్తున్న అంశాలు ఇవే.
  
  డివిజన్ ముఖచిత్రం
  మొత్తం ఓట్లు 59,735
  పురుషులు 31,123
  మహిళలు 28,607
  ఇతరులు 5
  
  పోటీలో ఉన్న అభ్యర్థులు
  బండ కార్తీకరెడ్డి - కాంగ్రెస్
  ఆలకుంట సరస్వతి - టీఆర్‌ఎస్
  సూదగాని లక్షీగౌడ్ - బీజేపీ
  భవానియాదవ్ - టీడీపీ రెబల్
  రాపోలు శోభారాణి - సీపీఐ
  బొల్లం సుభద్ర - బీఎస్పీ
  
  బండ కార్తీకరెడ్డి  - కాంగ్రెస్
   ప్రచార సరళి: అతి పిన్న వయసులోనే నగర మేయర్ పదవి పొందిన కార్తీకరెడ్డి తార్నాక డివిజన్ నుండే రెండవ మారు పోటీ చేస్తూ.. తన అదృష్టాన్ని పరీక్షించుకుంటున్నారు. గత ఐదేళ్లలో తాను మేయర్‌గా అందరికీ అందుబాటులో ఉన్నానని, రూ.46 కోట్లతో చేసిన అభివృద్ధి పనులే గెలిపిస్తాయని ఆమె భరోసాతో ఉన్నారు.   ఇప్పటికే డివిజన్ మొత్తాన్ని చుట్టేశారు. అందరికంటే ముందుగానే ప్రచారాన్ని ప్రారంభించి ఇంటింటికీ వెళుతున్నారు. మరోసారి బలపర్చాల్సిందిగా ఓటర్లకు విజ్ఞప్తి చేస్తున్నారు.
  బలాలు(+): మేయర్‌గా పనిచే సిన సమయంలో వివిధ పథకాలను అమలు చేయటం, డివిజన్‌లో విస్తృత పరిచయాలుండటం, డివిజన్ పునర్విభజనలో 80 శాతం పాత ప్రాంతాలే ఉండటం, ఆర్థికంగా వనరులు పుష్కలంగా ఉండటం కార్తీకరెడ్డికి అనుకూలాంశాలుగా చెప్పవచ్చు.
  బలహీనతలు(-): మేయర్‌గా ఉన్న సమయంలో వ్యక్తిగత సహాయాలు చేయకపోవటం, తార్నాక మెయిన్ రోడ్డు విస్తరణ, ఓపెన్ నాలా అంశాలను పరిష్కరించలేకపోవటం, మాణికేశ్వరినగర్‌కు పూర్తి కొత్త కావటం ఒకింత మైనస్‌గా చెప్పొచ్చు.
  
  ఆలకుంట సరస్వతి-టీఆర్‌ఎస్
   ప్రచార సరళి:  మాణికేశ్వరినగర్‌కు చెందిన టీఆర్‌ఎస్ యువజన విభాగం నగర అధ్యక్షులు ఆలకుంట హరి సతీమణి సరస్వతి. ఈమె గ్రేటర్ ఎన్నికల్లో పూర్తిగా టీఆర్‌ఎస్ పార్టీ ఇమేజ్‌పైనే ఆశలు పెట్టుకున్నారు. ఇంటింటి ప్రచారాన్ని ముమ్మరం చేశారు. మంత్రి పద్మారావు సల హాలు సూచనలతో అసంతృప్తులకు సర్ధిచెబుతున్నారు. ప్రభుత్వ పథకాలే గెలిపిస్తాయని ఆశిస్తున్నారు.
  బలాలు(+): అధికార పార్టీ అభ్యర్థి కావడంతోపాటు మంత్రి పద్మారావు నియోజకవర్గానికి చెందిన ఏరియా కావటం, రాష్ట్రంలో అధికారం ఉండడం, ఉద్యమ ప్రభావం ఉన్న ఏరియా కావడం, పింఛన్‌దారులు, డుబల్ బెడ్‌రూం ఇళ్లు కావాల్సిన ఆశావహులు ఎక్కువగా ఉండటం  అనుకూలాంశాలుగా చెప్పొచ్చు.
  బలహీనతలు(-): ఇటీవలి వరకు సీతాఫల్‌మండి డివిజన్‌లో ఉన్న ఏరియా వ్యక్తి కావటంతో తార్నాక ఏరియా జనాలకు పెద్దగా పరిచయం లేకపోవటం. ఓటు రాజకీయాలకు పూర్తి కొత్త. సొంతపార్టీలో అసంతృప్తి.
  
  సూదగాని లక్ష్మీగౌడ్ - బీజేపీ
  ప్రచార సరళి: టీడీపీ-బీజేపీ అవగాహనలో భాగంగా బీజేపీ అభ్యర్థిగా పోటీ చేసిన లక్ష్మీ ఇప్పటికే విస్తృత ప్రచారాన్ని నిర్వహిస్తున్నారు. త్వరలో కేంద్రమంత్రులు, కిషన్‌రెడ్డిల ఆధ్వర్యంలో రోడ్డుషోలు నిర్వహించే పనిలో ఉన్నారు. ఎమ్మెల్సీ రాంచందర్‌రావు ఆశీస్సులతో సీటు సంపాదించిన లక్ష్మీ ఆయన సలహాలు,సూచనలతో ముందుకు సాగుతున్నారు.
  బలాలు(+):  కేంద్రంలో అధికారంతో పాటు కేంద్రమంత్రి దత్తాత్రేయ, ఎమ్మెల్సీ రాంచందర్‌రావుల సంపూర్ణ మద్దతు ఉండటం. వ్యాపారులు, ఉన్నత విద్యావంతులు తమతో కలిసివస్తారన్న విశ్వాసం. స్థానికంగా పరిచయాలు ఉండటం. ఆర్థికంగా బలంగా ఉండటం కలిసొచ్చే అంశాలుగా చెప్పొచ్చు.
  బలహీనతలు(-): టీడీపీ తిరుగుబాటు అభ్యర్థి పోటీలో ఉండటం, టీడీపీ శ్రేణులు పూర్తి స్థాయిలో ప్రచారంలో పాల్గొనకపోవటం, బలమైన ప్రత్యర్థులు ఉండటం, సొంత పార్టీలోనూ ఒకింత అసంతృప్తి ఉండటం మైనస్ అనొచ్చు.


 ♦ మోదీపై రాజకీయ లబ్ది కోసమే టీఆర్‌ఎస్ ఆరోపణలు
 ♦ కేసీఆర్ మెచ్చుకుంటే.. కేటీఆర్ విమర్శించడమేంటి?
 ♦ గ్రేటర్ ఎన్నికల్లో సాధారణ ఎన్నికల ఫలితాలే పునరావృతం
 ♦ రోహిత్ వేముల వివాదంపై విచారణ ముగిసే వరకు మాట్లాడను
 ♦ కేసీఆర్ ప్రభుత్వం ఇంకా ప్రకటనలతోనే సరిపెడుతోంది..
 ♦ కేంద్రమంత్రి బండారు దత్తాత్రేయ
  
  బండారు దత్తాత్రేయ.. నగర రాజకీయాల్లో అత్యంత సుపరిచితమైన పేరు. అంతకంటే ఎక్కువగా ఇటీవలి హెచ్‌సీయూ వివాదంతో దేశవ్యాప్తంగా చర్చనీయాంశం అయిన వ్యక్తి. సికింద్రాబాద్ లోక్‌సభ నుండి అత్యధికంగా నాలుగుమార్లు విజయం సాధించిన రికార్డు సొంతం చేసుకుని ప్రస్తుతం కేంద్ర కార్మిక శాఖ మంత్రిగా పనిచేస్తున్న దత్తాత్రేయ జీహెచ్‌ఎంసీ ఎన్నికల్లో క్షణం తీరిక లేకుండా ప్రచారసభల్లో పాల్గొంటున్నారు. టీఆర్‌ఎస్ -ఎంఐఎం పార్టీలపై తీవ్ర స్థాయిలో విమర్శలు  గుప్పిస్తున్నారు. మోదీని గొప్ప నాయకుడంటూ  కేసీఆర్ ఆకాశానికెత్తితే.. ఆయన కుమారుడు కేటీఆర్ మోదీ వృథా నాయకుడంటూ విమర్శలు చేస్తుండటాన్ని తప్పుబడుతున్నారు. బీజేపీ కూటమి అభ్యర్థులను గెలిపిస్తే హైదరాబాద్‌ను అన్నింటా అగ్రస్థానంలో నిలబెడతామంటున్న దత్తాత్రేయతో...ఇంటర్వ్యూ
  
  జీహెచ్‌ఎంసీ ఎన్నికల్లో విజయం ఎవరిది..?
  ఫిబ్రవరి 2న జరిగే ఎన్నికల్లో మెజారిటీ స్థానాల్లో  బీజేపీ- టీడీపీ కూటమి అభ్యర్థులు విజయం సాధించబోతున్నారు. అన్ని సామాజిక వర్గాలతో కూడిన కూటమి అభ్యర్థులు రంగంలో ఉన్నారు. హైదరాబాద్‌కు వాజ్‌పేయ్ హయాంలో అనేక పథకాలు తెచ్చాం. మూసీ ఆధునీకరణ, ఔటర్ రింగు రోడ్డు, మెట్రోరైలు  తదితర పథకాలకు వాజ్‌పేయ్ హయాంలోనే బీజం పడింది. ప్రస్తుతం మోదీ ప్రభుత్వం సైతం హైదరాబాద్‌ను అన్నింటా అగ్రగామిగా తీర్చిదిద్దే లక్ష్యంతో ముందుకు వెళుతుంది. అభివృద్ధిని, మోదీ విధానాలను మెచ్చే నగరవాసులంతా గత సాధారణ ఎన్నికల్లో ఇచ్చిన తీర్పునే మళ్లీ రిపీట్ చేయబోతున్నారు..
 
  ప్రధాని నగరాన్ని పట్టించుకోవటం లేదన్న  కేటీఆర్ ఆరోపణలపై ఏమంటారు...
  మొన్నటి కి మొన్న సీఎం కేసీఆర్ మోదీ ఆదర్శవంతమైన(బెస్ట్) ప్రధాని అంటూ ఆకాశానికి ఎత్తారు. ఇప్పుడు ఆయన కుమారుడు కేటీఆర్ మోదీని వృథా(వేస్ట్) నాయకుడంటూ విమర్శలు చేస్తున్నారు. మోదీ నగరానికి ఏం చేయలేదంటున్నారు. శుద్ధ అబద్దం..స్వచ్ఛ హైదరాబాద్ కోసం రూ.100 కోట్లను కేటాయించారు. 58 వేల ఇళ్ల నిర్మాణం కోసం రూ.480 కోట్లను, రామగుండం విద్యుత్ ప్లాంట్ కోసం రూ.9954 కోట్లు, స్మార్ట్ సిటీ పథకం కోసంర రూ.488 కోట్లు కేటాయించారు. మెట్రో రైలు ప్రగతిని ఎప్పటికప్పుడు సమీక్షిస్తూ త్వరలో ప్రారంభోత్సవానికి హాజరు కాబోతున్నారు. హైదరాబాద్‌లో నిరంతర విద్యుత్ కోసం ఉత్తర-దక్షిణ గ్రిడ్‌ల అనుసంధానం, మల్లేపల్లి ఐటీఐని ఆదర్శవంతమైన కేంద్రంగా మార్చడం, ఆటో కార్మికులందరికీ ఈఎస్‌ఐ సౌకర్యం, భవననిర్మాణ కార్మికులను ఈపీఎఫ్ పరిధిలోకి తెచ్చిన ఘనత మోదీకే దక్కింది.
 
  మీ హయాంలో హైదరాబాద్‌కు ఏం చేశారు.. ఇంకా ఏం చేయబోతున్నారు?
  హైదరాబాద్‌ను అన్నింటా అగ్రస్థానంలో నిలబెట్టే కృషి చేస్తున్నాం. కేంద్ర ప్రభుత్వసేవలను ఉపయోగించుకోవటంలో రాష్ట్రం పూర్తిగా విఫలం అవుతోంది. తెలంగాణలో ప్రధాన రహదారుల విస్తరణ, ఎంఎంటీఎస్ పొడిగింపు, గడువులోగా మెట్రో పనుల పూర్తి, మూసీ ఆధునీకరణ, ఇంటింటికీ పైప్‌లైన్ గ్యాస్, హైదరాబాద్-వరంగల్ రహదారి విస్తరణ పనులు గడువులోగా పూర్తి చేసే దిశగా ముందుకు వెళతాం.
 
  టీడీపీ-బీజేపీలు పరస్పరం తిరుగుబాటు అభ్యర్థులను రంగంలో దింపారు.. ఎందుకిలా?
  అవును, నిజమే..బీజేపీకి కేటాయించిన 63 సీట్ల కంటే 7 సీట్లలో, టీడీపీకి కేటాయించిన 93 సీట్ల కేంటే 7 సీట్లలో అధికంగా బీ ఫారాలు ఇచ్చారు.. ఇరుపక్షాల కార్యకర్తల ఒత్తిడి ఉండటం వల్లే అలా జరిగింది.
  
  అభ్యర్థుల నుంచి మీరు, కిషన్‌రెడ్డి డబ్బులు తీసుకున్నా రన్న మీ ఎమ్మెల్యే ఆరోపణలపై ఏం చెబుతారు..
  దురదృష్టకరం. బీజేపీ అనేది వ్యక్తి కేంద్రంగా నడిచే పార్టీ కాదు. ఎన్నికల కమిటీయే ఎవరు ఎక్కడ పోటీ చేయాలనేది నిర్ణయిస్తుంది. రాజాసింగ్ నిరాధార ఆరోపణలు చేశారు. బీజేపీలో డబ్బులకు ప్రాధాన్యం ఇస్తే..అసలు రాజాసింగ్ నేడు ఎమ్మెల్యే అయ్యేవాడే కాదు. రాజాసింగ్ వద్ద ఏం డబ్బులుఉన్నాయని అప్పుడు టికెట్ ఇచ్చారు. అసంతృప్తితో ఇష్టం వచ్చిన ఆరోపణలు చేశారు. పార్టీ కోసం కష్టపడ్డ వారికే టికెట్లు ఇచ్చాం.
 
  రోహిత్ వేముల అంశం మీ పార్టీకి ఇబ్బందిగా మారిందా.. ఈ వివాదం నుంచి ఎలా బయటపడతారు?
  ఈ అంశంపై ఇప్పుడు నేనేం చెప్పలేను. కోర్టు పరిధిలో ఉంది. ఉన్నత స్థాయి విచారణ కొనసాగుతోంది.
  
  కేంద్రంలో మోదీ - రాష్ట్రంలో కేసీఆర్ పాలన ఎలా ఉంది..?ఎవరికి ఎన్ని మార్కులు వేస్తారు..
  కేంద్రంలో గడిచిన పదేళ్లలో కాంగ్రెస్ పార్టీ చేసిన తప్పిదాలను సవరించే విషయంలో మోదీ ముం దున్నారు. దేశాన్ని ప్రపంచంలో అగ్రరాజ్యంగా నిలబెట్టే క్రమంలో ఎంతో కృషి చేశారు. అవినీతి, దాపరికం లేని పాలనతో ముందుకు వెళుతున్నారు. అనేక ఫలితాలు దేశ ప్రజలను ప్రభావితం చేస్తున్నాయి. మోదీకి నేనిచ్చే మార్కులు నూటికి నూరుశాతం. రాష్ట్రంలో కేసీఆర్ ప్రభుత్వం ఇంకా ప్రకటనల స్థాయిలోనే ఉంది.. ఫలితాలేవీ ప్రజలకు చేరలేదు.. ఆర్థిక క్రమశిక్షణ లోపంతో సర్‌ప్లస్ బడ్జెట్ నుండి మైనస్ బడ్జెట్‌లోకి రాష్ట్రం వెళ్లింది. వేచి చూడాలి.. ఇప్పుడే ఏం మార్కులు ఇవ్వలేం.


 మూసాపేట: విభజనతోనే ఆంధ్ర, తెలంగాణ రాష్ట్రాలు అభివృద్ధి పథం వైపు అడుగులు వేస్తున్నాయని రాష్ట్ర ఐటీశాఖ మం త్రి కె.తారకరామారావు అన్నారు. ఆది వారం కూకట్‌పల్లి నియోజకవర్గం పరిధి లో ఆయన రోడ్ షో నిర్వహించారు.  ఈ సందర్భంగా మూసాపేట చౌరస్తా, బా లాజీనగర్, మోతీనగర్, అల్లాపూర్, కేపీహెచ్‌బీ చివరి బస్టాప్, కూకట్‌పల్లి, బా లానగర్, ఫతేనగర్ ప్రాంతాల్లో ఏర్పాటు చేసిన సభల్లో మాట్లాడుతూ విభజనతోనే గన్నవరం ఎయిర్‌పోర్టు, అమరావ తి, ఓడరేవులు అభివృద్ధి చెందుతున్నాయన్నారు. కలిసి ఉంటే మరో 25 ఏళ్లైనా గన్నవరానికి ఎయిర్‌పోర్టు వచ్చేదా అని ప్రశ్నించారు. రాష్ట్రం విడిపోక ముందు తెలంగాణలో కేసీఆర్ ఆంద్రోళ్లను వెళ్లగొడుతారంటూ ప్రచారం చేశారని, అలాం టి ఘటనలు ఎక్కడైనా జరిగాయా అని అడిగారు. గ్రేటర్ ఎన్నికల్లో గెలిపిస్తే ఐదేళ్లలో హైదరాబాద్‌ను విశ్వనగరంగా తీర్చిదిద్దుతామన్నారు.
 
 టీఆర్‌ఎస్ అభ్యర్థులు తూము శ్రావణ్‌కుమార్, పన్నాల కావ్యాహరీష్‌రెడ్డి, జూపల్లి సత్యనారాయ ణ, పండాలసతీష్‌గౌడ్, కాండూరి నరేం ద్రచారిలను అధిక మెజార్టీతో గెలిపించాలని, డివిజన్, నగర అభివృద్ధికి తోడ్పాటు అందించాలని కోరారు. కార్యక్రమంలో మంత్రి పట్నం మహేందర్, కూకట్‌పల్లి ఎమ్మెల్యే కృష్ణారావు తదితరులు పాల్గొన్నారు.


 ►గ్రేటర్‌లో ఇవే కీలకం
 ►ఓటు బ్యాంకులుగా వినియోగం
 ►మౌలిక సదుపాయాలకు దూరం
 
 సిటీబ్యూరో: వాళ్లు ఉన్న ఇళ్లు... కిల్లీ కొట్ల కన్న సిన్నగున్నయీ... గల్లీ సిన్నది...’ అంటూ సాగిపోయే గోరటి ఎంకన్న పాట సంగతి ఎలాగున్నా... ఇప్పుడు ఈ గల్లీలే గ్రేటర్ దశను, దిశను మలుపు తిప్పబోతున్నాయి. కోటికి చేరువైన గ్రేటర్ జనాభాలో ఎంతోమంది ఈ ఇరుకు గల్లీల్లోనే జీవనం సాగిస్తున్నారు. రాజకీయ పార్టీల హామీలకు, వాగ్దానాలకు, మేనిఫెస్టోలకు మధ్య తరగతి, ఆ పై వర్గాల కంటే ఎక్కువగా ప్రభావితమయ్యేది... ఆకర్షితులయ్యేదీ ఇక్కడి జనాభాయే. ఏ పార్టీ నేత తమ ప్రాంతానికి వచ్చినా సాదరంగా ఆహ్వానించి... ముందు వరుసలో నిలుచొని జెండాలు మోసేదీ... నినాదాలు చే సేదీ ఈ గల్లీలే. అందుకే అన్ని రాజకీయ పార్టీల దృష్టి వీటిపై పడింది. కాలనీలు, అపార్ట్‌మెంట్ల కంటే గల్లీలను నమ్ముకుంటేనే కాసిన్ని ఎక్కువ ఓట్లు రాలుతాయనే ఆశ కావచ్చు. తమ హమీలను నమ్మేసి... ఓట్లేసేదీ గల్లీలే అనే ధీమా కావచ్చు.కానీ మొత్తంగా అటు వామపక్షాల నుంచి ఇటు పాలక పక్షాల వరకు అన్ని పార్టీలూ గల్లీల కే జైకొడుతున్నాయి. ఈ నేపథ్యంలో గల్లీల సమస్యలపై ‘సాక్షి’ ప్రత్యేక కథనం ఇది....
 
 అమలుకు నోచని హామీలు
 స్వచ్చంద సంస్థలు, హక్కుల సంఘాల సర్వేల ప్రకారం నగరంలో మొత్తం 2,200 మురికివాడలు ఉన్నాయి. వీటిలో 1,492 బస్తీలను ప్రభుత్వం గుర్తించింది. 30 లక్షల మందికి పైగా ప్రజలు ఈ ఇరుకు గల్లీల్లో, బస్తీల్లో అనేక సమస్యల మధ్య జీవిస్తున్నారు. దినసరి కూలీలుగా, చిరు వ్యాపారులుగా, ఇళ్లలో పనులు చేస్తూ, ఆటోలు, ట్రాలీలు నడుపుతూ బతుకుతున్నారు. అప్పటి ఉమ్మడి రాష్ర్టం మొదలుకొని ఇప్పటి ప్రత్యేక రాష్ర్టం వరకు.. కేంద్ర, రాష్ట్ర ప్రభుత్వాలు హైదరాబాద్‌ను మురికివాడల రహితంగా అభివృద్ధి చేయనున్నట్లు ప్రకటించినవే. ఏళ్లు గడుస్తున్నాయి... ఎన్నికల పైన ఎన్నికలు వస్తూనేఉన్నాయి. కానీ రాజకీయ పార్టీలకు ఓటు బ్యాంకులైన గల్లీల బతుకులు మాత్రం మారడం లేదు.  
 
 కనీస సదుపాయాలు కరువు
 మురికివాడల ప్రజల ప్రధాన సమస్య పారిశుద్ధ్య లోపం. స్వచ్ఛ హైదరాబాద్, స్వచ్ఛ భారత్ వంటి పథకాలు ఎన్ని వచ్చినా గల్లీల్లో పారిశుద్ధ్యం మెరుగుపడడం లేదు. మంచినీటి కొరత, విద్య, వైద్యం వంటి మౌలిక సదుపాయాలకు నోచుకోవడం లేదు. వందలకొద్దీ ప్రభుత్వ పాఠశాలలు ఉన్నప్పటికీ మరుగుదొడ్లు, తగినన్ని తరగతి గ దులు, ఉపాధ్యాయులు లేక వెలవెలబోతున్నాయి. నగరంలో ఒకవైపు పెద్ద ఎత్తున కార్పొరేట్ విద్యా సంస్థలు విస్తరిస్తున్నాయి. మరోవైపు పేదల బస్తీల్లోని పాఠశాలలు విచ్ఛిన్నమవుతున్నాయి. గ్రేటర్ ఎన్నికల వేళ అనేక హామీలతో మేనిఫెస్టోలను ముద్రించుకొని గల్లీల్లోకి  ప్రవేశిస్తున్న రాజకీయ పార్టీలు, నేతలు బస్తీ వాసుల కనీస సదుపాయాలపై దృష్టి సారించవలసి ఉంది. సమస్యల పరిష్కారానికి స్పష్టమైన కార్యాచరణ ప్రకటించవలసి ఉంది. గ్రేటర్ హైదరాబాద్‌లో మొత్తం 95 ప్రాథమిక ఆరోగ్య కేంద్రాలు ఉన్నాయి. వీటిలో వైద్యులు, నర్సులు లేరు. మందులు లేవు. అత్యవసర పరిస్థితుల్లో గర్భిణులను పెద్దాస్పత్రులకు తరలించేందుకు అంబులెన్సులు కూడా లేవు. మొత్తంగా గల్లీల్లో సర్కారీ వైద్యం శిథిలమైపోతోంది. దీంతో ఏ చిన్న అనారోగ్య సమస్యకైనా జనం ఉస్మానియా, గాంధీ వంటి ప్రధాన ఆస్పత్రులకు వెళ్లవలసి వస్తోంది. జ్వరం, దగ్గు, జలుబు,తలనొప్పి వంటి చిన్న సమస్యలకు కూడా పెద్దాస్పత్రికి వెళ్లాల్సి వస్తోంది. మరోవైపు గర్భిణులు రక్తహీనతకు గురికాకుండా అందజేయవలసిన ఐరన్ మాత్ర లూ అందుబాటులో ఉండడం లేదు. చిన్నారుల్లో పోషకాహార లోపాన్ని నిరోధించి, స్కూల్‌కు పంపించే దిశగా కృషి చేయవలసిన అంగన్‌వాడీ కేంద్రాల నిర్వహణ అస్తవ్యస్తంగా మారింది. పక్కా భవనాలు లేకపోవడంతో అంగన్‌వాడీ కేంద్రాలూ సక్రమంగా పని చేయడం లేదు.
  
 కార్యరూపం దాల్చని హాకర్స్ పాలసీ...
 నగరంలోని అనేక బస్తీలు ఏళ్ల క్రితమే తమ ఉపాధికి అనుగుణంగా ఏర్పాటయ్యాయి. మార్కెట్‌లను, ప్రధాన కూడళ్లను ఆశ్రయించుకొని మూసీకి అటూ.. ఇటూ ఇవి ఆవిర్భవించాయి. బస్తీల జనాభాలో ఎక్కువ శాతం వీధి వ్యాపారులే. మలక్‌పేట్, దిల్‌సుఖ్‌నగర్, కోఠి, సుల్తాన్‌బజార్, అబిడ్స్, మొజాంజాహీ మార్కెట్, ఉస్మాన్‌గంజ్, సికింద్రాబాద్, ఆర్టీసీ క్రాస్‌రోడ్స్, మెహదీపట్నం, తదితర ప్రధాన ప్రాంతాల్లో పెద్ద సంఖ్యలో వీధి వ్యాపారులు ఉపాధి పొందుతున్నారు. వీరితో పాటు నాలుగు చక్రాల బండ్లతో వీధుల్లో తిరుగుతూ వ్యాపారం చేసుకునే వాళ్లు కూడా ఉన్నారు. ఇలాంటి చిరు వ్యాపారులకు ‘స్ట్రీట్ వెండర్స్’గా గుర్తింపు కార్డులు అందజేయడంతో పాటు, సామాజిక భద్రత కల్పించే దిశగా అప్పటి ఉమ్మడి ప్రభుత్వం హాకర్స్ పాలసీని రూపొందించింది. వీధి వ్యాపారుల సంఖ్యపై అప్పట్లో మెప్మా అనే సంస్థ సర్వే చేపట్టింది. నగరంలోని వివిధ ప్రాంతాలను ‘రెడ్, గ్రీన్, అంబర్’ రంగులతో   హాకర్స్ జోన్‌గా విభజించారు. రెడ్‌జోన్‌లలో హాకర్స్ వ్యాపారం చేయడానికి వీల్లేదు. గ్రీన్ జోన్‌లో ఎప్పుడైనా అనుమతినిస్తారు. అంబర్ జోన్‌లలో నిర్ణీత వేళల్లో మాత్రమే అనుమతి ఉంటుంది. హాకర్స్ పాలసీ రూపొందించి ఏళ్లు గడుస్తున్నప్పటికీ అమలుకు నోచుకోవడం లేదు. ఇప్పటి వరకూ వారికి లెసైన్సులు ఇవ్వలేదు. దీంతో నిత్యం అభద్రతా భావంతో  వారు వ్యాపారం కొనసాగిస్తున్నారు. మురికివాడలను ఓటు బ్యాంకులుగా పరిగణించే దృష్టితో కాకుండా వారి సమస్యల పరిష్కారం దిశగా రాజకీయ పార్టీలు దృష్టి సారించాలి.
  


 సాక్షి, సిటీబ్యూరో: జీహెచ్‌ఎంసీ ఎన్నికల్లో వెబ్ కాస్టింగ్ చేయడానికి ఆసక్తి గల ఇంజినీరింగ్ విద్యార్థులు పేర్లు నమోదు చేసుకోవాలని కమిషనర్ డాక్టర్ బి.జనార్దన్ రెడ్డి తెలిపారు. సొంత ల్యాప్‌టాప్ ఉన్న విద్యార్థులు   www.ghmc.gov.in వెబ్‌సైట్‌లో తమ పేర్లు నమోదు చేసుకోవాలని సూచించారు. వీరికి వెబ్ కాస్టింగ్‌పై గంటసేపు శిక్షణనిస్తామని పేర్కొన్నారు.
 
 పోలింగ్ రోజు(ఫిబ్రవరి 2) ఉదయం 7గంటల నుంచి  సాయంత్రం 5గంటల వరకు వెబ్ కాస్టింగ్ చేయాల్సి ఉంటుందన్నారు. ఇందులో పాల్గొన్న విద్యార్థులకు నగదు పారితోషకంతో పాటు ధ్రువీకరణ పత్రం కూడా ఇస్తామన్నారు. పేర్లు నమోదు చేసుకున్న విద్యార్థులు ఫిబ్రవరి ఒకటిన రిపోర్టు చేయాల్సి ఉంటుందని పేర్కొన్నారు.


 ► జోరెక్కిన గ్రేటర్ ప్రచారం
 ► 30న పోటాపోటీ సభలకు సన్నాహాలు
 ► తరలి వస్తున్న అగ్రనేతలు
  
 సిటీబ్యూరో:  గ్రేటర్ ఎన్నికల ప్రచార హోరు పెరిగింది. వివిధ పార్టీల అభ్యర్థులంతా క్షణం తీరిక లేకుండా ఇంటింటి ప్రచారాలు చేస్తుండగా... అగ్ర నాయకులంతా రోడ్ షోలతో బిజీగా ఉన్నారు. ప్రచారానికి ఇంకా ఆరు రోజులే గడువు ఉండటంతో ముఖ్య నాయకులంతా నగరాన్ని చుట్టేసేందుకు ప్రణాళిక రూపొందించారు. తెలంగాణ రాష్ట్ర సమితి ప్రచారానికి సారథ్యం వహిస్తున్న కేటీఆర్ ఆదివారం కూకట్‌పల్లి నియోజకవర్గంలో విస్తృతంగా పర్యటించారు. సీమాంధ్ర ఓటర్లను ఆకట్టుకునే ప్రయత్నం చేశారు. తాము అధికారంలోకి వచ్చాక సీమాంధ్రుల భద్రతకు ఎక్కడా ఇబ్బంది కలగలేదని గుర్తు చేశారు. మున్ముందూ ఇదే తీరు కొనసాగుతుందని ప్రకటించారు. ఇక తెలుగుదేశం-బీజేపీల తరఫున నారా లోకేష్ ఉప్పల్, ఎల్‌బీనగర్ నియోజకవర్గాల్లో రోడ్ షోలు నిర్వహించారు. సీఎం కేసీఆర్‌పై విమర్శలు చేశారు. బీజేపీ అధ్యక్షుడు కిషన్ రెడ్డి తన నియోజకవర్గంలోని అంబర్‌పేట, కాచిగూడ, భాగ్‌అంబర్‌పేట ప్రచారాల్లో పాల్గొన్నారు. కాంగ్రెస్ పార్టీ ఎన్నికల అజెండాను విడుదల చేసింది.
 
 పోటాపోటీ సభలు
 ఈ నెల 29వ తేదీ వరకు రోడ్ షోలతో ప్రచారాన్ని నిర్వహించనున్న ప్రధాన పార్టీలు 30నభారీ సభలకు సన్నాహాలు చేస్తున్నాయి. అధికార టీఆర్‌ఎస్ నిజాం కళాశాలలో నిర్వహించే సభకు సీఎం కేసీఆర్ హాజరవుతారు. తెలుగుదేశం-బీజేపీ సభలకు కేంద్ర మంత్రులతో పాటు ఏపీ సీఎం చంద్రబాబు హాజరు కానున్నారు. కాంగ్రెస్ పార్టీ 29న దిగ్విజయ్‌సింగ్, 30న గులాంనబీ ఆజాద్‌లతో భారీ సభలకు సన్నాహాలు చేస్తోంది. ఈలోగా సినీ నటులు చిరంజీవి, అజహరుద్దీన్‌లనునగరంలో ప్రచారానికి వినియోగించే అంశాలను పరిశీలిస్తోంది.


 ► గ్రేటర్‌పై ఆశల జల్లు
 ► ప్రతి ఇంటికి  ఉచిత నల్లా,  గ్యాస్‌పైప్‌లైన్
 ► ప్రపంచస్థాయి ప్రమాణాలతో డ్రైనేజీ వ్యవస్థ
 ► టీపీసీసీ అధ్యక్షుడు  ఉత్తమ్‌కుమార్ రెడ్డి
  
 గ్రేటర్ పీఠంపై జెండా ఎగరేసేందుకు విపక్షాలు కంకణం కట్టుకున్నాయి. గెలుపు తమదేనంటూ ధీమా వ్యక్తం చేస్తున్నాయి. మహానగర ఓటర్లను ఆకట్టుకునేందుకు కాంగ్రెస్, బీజేపీ-టీడీపీ కూటమి ఆదివారం గ్రేటర్ ఎన్నికల మేనిఫెస్టోలను ఆవిష్కరించాయి. వాటిలో పేదలకు వరాల జల్లు కురిపించాయి. హైదరాబాద్ నగరంలోని ప్రతి గృహానికి ఉచిత వంట గ్యాస్ పైప్‌లైన్ వేస్తామని, వచ్చే 25 ఏళ్ల అవసరాలను దృష్టిలో  పెట్టుకొని ప్రపంచ స్థాయి ప్రమాణాలతో డ్రైనేజీ వ్యవస్థలో మార్పు తెస్తామని కాంగ్రెస్ ప్రకటించింది. పేదలకు పక్కా ఇళ్లు, మొబైల్ ఆస్పత్రులు, ప్రతి ఇంటికి ఉచిత రక్షిత మంచి నీరు అందిస్తామని  బీజేపీ-టీడీపీ కూటమి ప్రకటించింది.
  
 హైదరాబాద్: ‘అప్నా షహర్, సబ్‌కా షహర్, హమ్ సబ్‌కా షహర్’.. గ్రేటర్ పోరులో కాంగ్రెస్ నినాదమిది. ఆదివారం గాంధీభవన్‌లో టీపీసీసీ అధ్యక్షుడు ఉత్తమ్ కుమార్‌రెడ్డి జీహెచ్‌ఎంసీ ఎన్నికల మేనిఫెస్టోను విడుదల చేశారు. మొత్తం 28 ప్రాధాన్య అంశాలతో కార్యచరణను ప్రకటించారు. ఈ మేనిఫెస్టో పూర్తిగా ఇంగ్లిషులో వూత్రమే ఉండటం కొసమెరుపు. కాంగ్రెస్ ప్రభుత్వ హయాంలో నిధుల కేటాయింపు, అభివృద్ధిపై ‘ద గోల్డెన్ డికేడ్ ఆఫ్ హైదరాబాద్’ పేరిట కరపత్రాన్ని ఆవిష్కరించారు. తమ హయాంలోనే నగరాభివృద్ధి జరిగిందనే అంశాన్ని ప్రజల్లోకి తీసుకెళ్తామన్నారు. అభివృద్ధి తామే చేశామంటూ టీఆర్‌ఎస్ తప్పుడు ప్రచారం సిగ్గుచేటన్నారు. నగరానికి గోదావరి నీటి తరలింపు పనులు 95 శాతం కాంగ్రెస్ హయాంలో పూర్తయ్యాయన్నారు. సీఎం కేసీఆర్ తుగ్లక్ నిర్ణయాలతో హైదరాబాద్ బ్రాండ్ ఇమేజ్ దెబ్బతింటోందని విమర్శించారు. మెట్రోరైల్ ప్రాజెక్టు ఆలస్యానికి టీఆర్‌ఎస్ ప్రధాన కారణమని, అలైన్‌మెంట్ మారుస్తామని ప్రకటించి.. మళ్లీ పాతదే అంటూ గందరగోళం సృష్టించారని మండిపడ్డారు. ఫ్లై ఓవర్లు, స్కైవేలంటూ మభ్యపెడుతున్నారని, నగరంలోని మురికివాడల్ని పట్టించుకున్న పాపాన పోలేదన్నారు. బిల్డర్ అసోసియేషన్ వెంచర్లలలో 5 శాతం బలహీనవర్గాల కోటాను కేసీఆర్ ఎత్తేశారని, అలాంటి వ్యక్తి మూడు లక్షల ఇళ్లు కట్టిస్తారంటే ఎలా నమ్ముతామని ప్రశ్నించారు. జాగో, బాగో అంటూ సెటిలర్స్ ఇళ్లు కూల్చి గందరగోళం సృష్టించారని దుయ్యబట్టారు. కాంగ్రెస్ సీమాంధ్రులకు పూర్తి అండగా ఉంటుందని చెప్పారు. గ్రేటర్ హైదరాబాద్ ఆదాయం రూ.600 కోట్ల నుంచి 5 వేల కోట్లకు పెంచిన ఘనత తమదేనన్నారు. ఈ కార్యక్రమంలో శాసనమండలి విపక్షనేత షబ్బీర్ అలీ, ఉపాధ్యక్షుడు నాగయ్య, మేనిఫెస్టో కమిటీ సభ్యులు పాల్గొన్నారు.
  
 తండ్రిని మించిన తనయుడు  కేటీఆర్: షబ్బీర్
 వాగ్దానాలను మరిచిపోవడంలో కేటీఆర్ తండ్రిని మించిపోయాడని శాసనమండలి విపక్షనేత షబ్బీర్ అలీ విమర్శించారు. వంద సీట్లు గెలవకపోతే రాజీనామా చేస్తానని చాలెంజ్ చేసి అంతలోనే మాట మార్చారన్నారు. టీఆర్‌ఎస్ 100 సీట్లు సాధిస్తే రాజకీయాల నుంచి తప్పుకోవడానికి సిద్ధమన్నారు. టీఆర్‌ఎస్ విడుదల చేసిన మేనిఫెస్టో 2014 సాధారణ ఎన్నికలప్పుడు కేసీఆర్ ప్రకటించినట్టే ఉందన్నారు. దళితుడిని సీఎం చేస్తానని చెప్పిన కేసీఆర్ మాట మార్చారని, ముస్లింలకు 12 శాతం రిజర్వేషన్లు హామీని ప్రస్తావించడమే లేదన్నారు. కేసీఆర్ మేనిఫెస్టోకే దిక్కులేనప్పుడు కేటీఆర్‌ది ఎలా అమలవుతుందని ప్రశ్నించారు.
  
 మేనిఫెస్టో ముఖ్యాంశాలు
 ►  ప్రతీ ఇంటికి ఉచిత రక్షిత మంచినీరు, ఉచిత వంట గ్యాస్ పైప్‌లైన్
 ► వచ్చే 25 ఏళ్లకు అనుగుణంగా ప్రపంచ స్థాయి ప్రమాణాలతో డ్రైనేజ్ వ్యవస్థ
 ► హుస్సేన్‌సాగర్, మూసిని కాలుష్య రహితంగా మార్పు
 ► విదేశీ చదువుల కోసం వెళ్లే విద్యార్థులకు ఎన్‌ఆర్‌ఐ సెల్ ఏర్పాటు  
 ► హైదరాబాద్ హెరిటేజ్‌ను కాపాడడానికి ప్లాస్టిక్‌పై నిషేధం
 ► పచ్చదనం పెంచేందుకు ప్రత్యేక కార్యచరణ
 ► యువతకు అన్ని రంగాల్లో నైపుణ్యం పెంచేందుకు శిక్షణ తరగతులు
 ► యుద్ధప్రాతిపదికన వేస్ట్ మేనేజ్‌మెంట్ పవర్‌ప్లాంట్ల నిర్మాణం
 ► క్రీడా ప్రోత్సాహంపై ప్రత్యేక దృష్టి
 ► శ్మశానవాటికలను పెంచడంతో పాటు అధునాతన సౌకర్యాల కల్పన
 ► ప్రతి డివిజన్‌లోనూ మొబైల్ హెల్త్ ట్రాన్స్‌పోర్ట్ సేవలు. ఇందులో ఉచిత వైద్య పరీక్షలతో పాటు అత్యవసర, పీడియాట్రిక్, గైనిక్ నిపుణుల సేవలు
 ► ప్రతి డివిజన్‌లోనూ ఓపెన్ స్కూల్ ఏర్పాటుతో పాటు పౌష్ఠికాహారం, ఉచిత పుస్తకాల పంపిణీ. విద్య, యూనిఫాం, షూస్, స్కూలు బ్యాగులు అందజేత
 ► ప్రతి స్లమ్‌లోనూ ఒక బేబీ కేర్ సెంటర్ ఏర్పాటు
 ► 24 గంటలు విద్యుత్ సరఫరా, సోలార్ సిటీగా తీర్చిదిద్దేందుకు చర్యలు
 ► ఇళ్లులేని వారందరికీ రెండు పడకల ఇళ్లు నిర్మించి ఇవ్వడం.
 ► ఇంటి నిర్మాణ అనుమతులు మరింత సరళతరం.
 ► దరఖాస్తు చేసుకున్న 72 గంటల్లోగా అనుమతులు మంజూరు
 ► చార్మినార్, ఉస్మానియా జనరల్ ఆస్పత్రి, హైకోర్టు వంటి చారిత్రక కట్టడాల ఆధునికీకరణ. పర్యాటక ప్రాంతాలకు మరింత ప్రోత్సాహం
 ► భూగర్భ జలాల పెంపునకు మరింత ప్రోత్సాహం
 ► యువతకు అన్ని రంగాల్లో నైపుణ్య శిక్షణ తరగతులు నిర్వహణ
 ► క్రీడల ప్రోత్సాహంపై ప్రత్యేక దృష్టి
  
  


 ► గ్రేటర్‌పై ఆశల జల్లు
 ► టీఆర్‌ఎస్ చేసిందేమీ  లేదు
 ► మేయర్ పీఠం కోసం ఎంఐఎంతో కుమ్మక్కు
 ► టీడీపీ-బీజేపీ కూటమి విమర్శ
 
 గ్రేటర్ పీఠంపై జెండా ఎగరేసేందుకు విపక్షాలు కంకణం కట్టుకున్నాయి. గెలుపు తమదేనంటూ ధీమా వ్యక్తం చేస్తున్నాయి. మహానగర ఓటర్లను ఆకట్టుకునేందుకు కాంగ్రెస్, బీజేపీ-టీడీపీ కూటమి ఆదివారం గ్రేటర్ ఎన్నికల మేనిఫెస్టోలను ఆవిష్కరించాయి. వాటిలో పేదలకు వరాల జల్లు కురిపించాయి. హైదరాబాద్ నగరంలోని ప్రతి గృహానికి ఉచిత వంట గ్యాస్ పైప్‌లైన్ వేస్తామని, వచ్చే 25 ఏళ్ల అవసరాలను దృష్టిలో పెట్టుకొని ప్రపంచ స్థాయి ప్రమాణాలతో డ్రైనేజీ వ్యవస్థలో మార్పు తెస్తామని కాంగ్రెస్ ప్రకటించింది. పేదలకు పక్కా ఇళ్లు, మొబైల్ ఆస్పత్రులు, ప్రతి ఇంటికి ఉచిత రక్షిత మంచి నీరు అందిస్తామని  బీజేపీ-టీడీపీ కూటమి ప్రకటించింది.
  
 హైదరాబాద్: గ్రేటర్ హైదరాబాద్ ఎన్నికల్లో తమ కూటమిని గెలిపిస్తే కేంద్ర ప్రభుత్వ సహకారంతో ప్రజలకు నాణ్యమైన సేవలు అందిస్తామని టీడీపీ-బీజేపీ కూటమి తెలిపింది. కేంద్ర ప్రభుత్వం విడుదల చేసే నిధులతోనే గ్రేటర్ హైదరాబాద్ అభివృద్ధి చెందుతుంది తప్ప టీఆర్‌ఎస్ ప్రభుత్వం వల్ల కాదని ఆ పార్టీల నేతలు స్పష్టం చేశారు. నగరంలోని ఓ హోటల్‌లో టీడీపీ, బీజేపీ కూటమి ఎన్నికల మేనిఫెస్టో ‘విజన్ డాక్యుమెంట్ ఫర్ హ్యాపీ హైదరాబాద్’ను ఆదివారం ఆవిష్కరించారు. కేంద్ర కార్మిక శాఖ మంత్రి బండారు దత్తాత్రేయ, బీజేపీ రాష్ట్ర అధ్యక్షుడు కిషన్‌రెడ్డి, టీటీడీపీ అధ్యక్షుడు ఎల్. రమణ, ఆపార్టీ ఫ్లోర్ లీడర్ ఎర్రబెల్లి దయాకర్ రావు, ఇతర నాయకులు ఈ కార్యక్రమంలో పాల్గొన్నారు. దత్తాత్రేయ మాట్లాడుతూ.. గ్రేటర్ హైదరాబాద్ సమగ్ర అభివృద్ధికి ఎన్‌డీఏ కూటమి కట్టుబడి ఉందన్నారు. హైదరాబాద్ కీర్తి ప్రపంచానికి చాటి చెప్పింది బీజేపీ-టీడీపీలేనన్నారు. టీఆర్‌ఎస్ అధికారంలోకి వచ్చాక హైదరాబాద్ అభివృద్ధి శూన్యమని విమర్శించారు. స్వచ్ఛ హైదరాబాద్ కోసం కేంద్రం రూ. 100 కోట్లు విడుదల చేసిందని, వందల కోట్ల ప్రాజెక్టులకు కేంద్ర ప్రభుత్వం సహకారం ఇస్తుందని పేర్కొన్నారు. టీఆర్‌ఎస్ అమలు చేస్తున్న సంక్షేమ, అభివృద్ధి కార్యక్రమాలన్నీ కేంద్ర ప్రభుత్వ నిధులతోనే అన్న విషయాన్ని ప్రజలు గుర్తించాలన్నారు. ఎంఐఎంతో లోపాయికారి ఒప్పందం కుదుర్చుకున్న టీఆర్‌ఎస్.. విజయం కోసం జిమ్మిక్కులు చేస్తోందన్నారు. షేక్‌పేట, మాదాపూర్, ఒవైసీనగర్‌లో ఉగ్ర జాడలు అధికమయ్యాయని, ఎంఐఎం అండతోనే అసాంఘిక శక్తులు పెరుగుతున్నాయని ఆరోపించారు.
 
 ఆస్తిపన్ను పెంచేశారు: కిషన్‌రెడ్డి
 టీఆర్‌ఎస్ అధికారంలోకి వచ్చాక ఆస్తిపన్ను పెంచారని, కట్టని వాళ్ల ఇళ్ల ముందు గుంతలు తవ్వించారని కిషన్‌రెడ్డి విమర్శించారు. కరెంటు నిలిపేయడం, నల్లా కనెక్షన్, డ్రైనేజీ లైన్‌ను తొలగించి ఇబ్బందులకు గురిచేసిన సంఘటనల్ని ప్రజలు మరిచిపోలేదన్నారు. టీడీ పీ, బీజేపీని గెలిపిస్తే జవాబుదారీగా ఉంటామని చెప్పారు. టీఆర్‌ఎస్‌కు గెలిచే బలం లేక ఇతర పార్టీల నాయకులను పోటీలో నిలిపిందని రమణ, ఎర్రబెల్లి అన్నారు. హైదరాబాద్‌ను అన్ని రంగాల్లో నిర్వీర్యం చేసేందుకు టీఆర్‌ఎస్, ఎంఐఎంలు కుమ్మక్కయ్యాయని మండిపడ్డారు. అభివృద్ధి కోసం టీడీపీ, బీజేపీని గెలిపించాలని, అన్ని వర్గాల ప్రజలు సామరస్యంగా కలిసి ఉండేందుకు తాము అండగా ఉంటామని అన్నారు. సమావేశంలో ఎమ్మెల్సీ రామచందర్ రావు, టీడీపీ పొలిట్‌బ్యూరో సభ్యుడు రావుల చంద్రశేఖర్ రెడ్డి, బీజేపీ నేత మల్లారెడ్డి తదితరులు పాల్గొన్నారు.
  
 మేనిఫెస్టో ప్రధానాంశాలు
 ► ప్రతి ఇంటికి మంచినీరు, పేదలకు ఉచిత నల్లా కనెక్షన్
 ► వైఫై నగరంగా ైెహ దరాబాద్
 ► ప్రతి ఇంటికి పైపులైన్ ద్వారా గ్యాస్ సరఫరా
 ► ప్రతి పేదవాడికి పక్కా ఇల్లు, పూర్తిస్థాయిలో డ్రైనేజీ వ్యవస్థ అభివృద్ధి
 ► ప్రతి డివిజన్‌లో మొబైల్ హాస్పిటల్స్, ఉచితంగా మందుల పంపిణీ
 ►ప్రతి ఇంటికి ఉచితంగా సెట్‌టాప్ బాక్స్ పంపిణీ
 ► 50 జంక్షన్లలో ఫ్లై ఓవర్ల నిర్మాణం
 ► మెట్రో రైలు విస్తరణ, ఎంఎంటీఎస్ రెండోదశ పూర్తి, మూడోదశకు కృషి
 ► 200 వాటర్ ట్రీట్‌మెంట్ ప్లాంట్ల ఏర్పాటు
 ► మినీ ట్యాంకుబండ్లుగా 50 చెరువుల అభివృద్ధి
 ► 50 కోట్లతో జాతీయ వ్యాధి నియంత్రణ కేంద్రం ఏర్పాటు
 ► 350 కోట్లతో జీవ వైవిధ్య పరిశోధన కేంద్రం ఏర్పాటు
 ► రూ. 500 కోట్లతో ఎన్‌ఐపీఈఆర్‌కు శాశ్వత భవనం
 ► రూ. 1200 కోట్లతో ఈఎస్‌ఐ మెడికల్ కాలేజీ,
 ► రూ. 250 కోట్లతో నాచారంలో ఈఎస్‌ఐ ఆస్పత్రి
 ► స్వచ్ఛ భారత్ పథకంలో భాగంగా స్వచ్ఛ హైదరాబాద్‌కు రూ.498 కోట్లు కేటాయింపు
 ► అంబర్‌పేట చే నంబర్ చౌరస్తా నుంచి రామాంతపూర్ వరకు రూ.160 కోట్లతో ఫ్లైఓవర్ నిర్మాణం
 ► కేంద్రం సహకారంతో హైదరాబాద్‌కు అవసరయమ్యే 600 మెగావాట్ల విద్యుత్ కేంద్రం నిర్మాణం
 ► రూ. 50వేల కోట్ల పెట్టుబడులతో 10 లక్షల మందికి  ఉపాధి లభించే జాతీయ పెట్టుబడులు, ఉత్పాదక మండలి ఏర్పాటు
  


 {పధాన పక్షాల్లో ముస్లింలకు కనిపించని ప్రాధాన్యం
 అధికార పార్టీలోనూ అంతే    
  
 సిటీబ్యూరో: జీహెచ్‌ఎంసీ ఎన్నికల్లో ‘జై భీమ్.. జై మీమ్’ అనే నినాదంలో బరిలో దిగిన ఆల్ ఇండియా -మజ్లిస్ -ఎ -ఇత్తేహదుల్- ముస్లిమీన్ (ఎఐఎంఐఎం) పార్టీలో ముస్లిమేతర అభ్యర్థుల సంఖ్య గణనీయంగా తగ్గింది. 2009 ఎన్నికల్లో సుమారు 20 మంది ముస్లిమేతర అభ్యర్థులను రంగంలో దించిన మజ్లిస్ పార్టీ ఈసారి ఆ సంఖ్యను సగానికి కుదించింది. గతంలో మొత్తం 70 చోట్ల అభ్యర్థులను పోటీకి దింపిన పార్టీ... ప్రస్తుత ఎన్నికల్లో మాత్రం 60 డివిజన్లకే పరిమితమైంది. ముస్లింలు, బడుగు, బలహీన, దళిత వర్గాలు ఏకమైతే అధికారం హస్తగతం అవుతుందని బహిరంగ సభల్లో పార్టీ అధినేత అసదుద్దీన్ పదే పదే చేసే వాఖ్యలకు.. ప్రస్తుత జీెహ చ్‌ఎంసీ ఎన్నికల్లో పోటీకి నిలిపిన అభ్యర్థుల సామాజిక వర్గాల సంఖ్యకు పొంతన లేకుండా పోయిందని రాజకీయ విశ్లేషకులు వ్యాఖ్యానిస్తున్నారు.
  
 ప్రధాన పక్షాల్లో చోటేదీ?
 ప్రధాన రాజకీయ పార్టీల్లో ముస్లిం అభ్యర్థులకు ప్రాధాన్యం లేదు. జీహెచ్‌ఎంసీ పరిధిలో 34 శాతం పైగా డివిజన్లలో ముస్లింల ప్రాబల్యం ఉంది. ఈ దామాషా ప్రకారం కూడా వారికి సీట్లు లభించలేదు. ముస్లింల పక్షపాతిగా చెప్పుకునే అధికార టీఆర్‌ఎస్ పార్టీ మొత్తం సీట్లలో 15 శాతమే వారికి కేటాయించింది. మొత్తం 150 డివిజన్లలో పోటీకి దిగగా... కేవలం 23 స్థానాలనే ముస్లింలకు కేటాయించింది. సెక్యుల ర్ పార్టీగా ప్రకటించుకునే కాంగ్రెస్ పార్టీ మొత్తం 149 స్థానా ల్లో అభ్యర్థులను బరిలోకి దింపింది. అందులో 28 స్థానాల్లోనే ముస్లిం అభ్యర్థులు ఉన్నారు. ఇక తెలుగుదేశం-బీజేపీ కూటమి కూడా ముస్లింలకు ప్రాధాన్యమీయలేదు. తెలుగుదేశం 14, బీజేపీ 5 స్థానాల్లో ముస్లిం అభ్యర్థులకు అవకాశం ఇచ్చింది. వామపక్షాలలో సీపీఎం పోటీ చేసిన 22 డివి జన్ల కు గాను మూడు చోట్ల, సీపీఐ 21 డివిజన్లకు గాను 5 చోట్ల ముస్లిం అభ్యర్థులను రంగంలోకి దించింది. బీఎస్‌పీ 55 డివిజన్లకు గాను ఆరు, బీఎస్‌పీ  55కు ఆరు, లోక్‌సత్తా 26 స్థానాలకు ఒక చోట ముస్లిం అభ్యర్థిని పోటీలో నిలిపాయి.
 
 బరిలో 241 మంది...
 జీహెచ్‌ఎంసీ పరిధిలోని మొత్తం 150 డివిజన్లకు గాను వివిధ పార్టీల తరఫున 1,333 మంది అభ్యర్థులు తలపడుతుండగా... అందులో ముస్లిం అభ్యర్థులు 241 మంది ఉన్నారు. ప్రధాన రాజకీయ పక్షాల తరఫున 162 మంది, స్వతంత్ర అభ్యర్థులుగా 79 మంది బరిలో ఉన్నారు.
  
 మజ్లిస్‌లో ఇతరులకు కనిపించని ప్రాముఖ్యం
 ముస్లింల పక్షాన గళం విప్పే మజ్లిస్ పార్టీ మొత్తం 60 స్థానాలలోనే పోటీకి పరిమితమైంది. వీటిలో ముస్లిం అభ్యర్థుల ను 50 డివిజన్లలో, ఇతరులను10 స్థానాల్లో బరిలో దింపింది.  ఎంబీటీ 20 స్థానాల్లో పోటీ చేస్తుం డగా... 15 డివి జన్ల లో ముస్లింలను రంగంలోకి దిం చింది. ఇతర గుర్తింపు పొందిన పార్టీలు 12 డివిజన్లలో ముస్లిం అభ్యర్థులను పోటీలో నిలిపాయి.
  


 పాదయాత్రలతో ముమ్మర ప్రచారం
  
 సిటీబ్యూరో: గ్రేటర్ పీఠమే లక్ష్యంగా ఎన్నికల ప్రచారానికి ‘కమల’ దండు కదిలింది. అయితే... మిత్రపక్షమైన టీడీపీ సహకారం అంతంత మాత్రమే ఉండటం కమలనాథులకు మింగుడు పడడం లేదు. ప్రచారానికి దూరంగా ఉన్న పచ్చ నేతలను దారిలోకి తెచ్చుకునేందుకు కసరత్తు చేస్తున్నారు. జీహెచ్‌ఎంసీలో ఎలాగైనా అత్యధిక స్థానా లు చేజిక్కించుకొని 2002నాటి పరిస్థితులను పునరావృతం చేయాలని కమలనాథులు పట్టుదలతో ఉన్నారు. తాము పోటీ చేస్తున్న 65 డివిజన్లలో ప్రచారాన్ని ముమ్మ రం చేశారు. తమకు బలమున్న ప్రాంతాలపై కాకుండా ప్రత్యర్థులకు పట్టున్ను ప్రాంతాలపైనే దృష్టి పెట్టి తొలిదశ ప్రచారానికి శ్రీకారం చుట్టారు. స్థానిక పరి స్థితులను పరిగణనలోకి తీసుకొని ఎక్కడికక్కడ వ్యూహా త్మకంగా ఎత్తులు వేస్తూ ఓటర్లను ఆకట్టుకునే పనిలో పడ్డారు. స్థానిక సమస్యలను పరిష్కరించడంలో ప్రభు త్వ  వైఫల్యాన్ని ఎత్తి చూపుతూ... తమకు అవకాశం ఇస్తే నిర్దిష్ట గడువులోగా వాటిని పరిష్కరిస్తామని హామీలు గుప్పిస్తున్నారు. శివారు ప్రాంతాల్లోని అభ్యర్థులు మందీమార్బలంతో పాటు డ ప్పు నృత్యాలతో ఓటర్లను ఆకట్టుకునేం దుకు విశ్వ ప్రయత్నం చేస్తున్నారు. ప్రధాని మోదీ నామస్మరణతో నినాదాలు చేయడం తప్ప తమను గెలిపిస్తే నగరంలో ఏం చేస్తామన్న దానిపై హామీలు ఇవ్వడం లేదు. టీడీపీ డివిజన్లలో బీజేపీ నాయకులు, కార్యకర్తలు తూతూ మంత్రంగా ప్రచారం నిర్వహిస్తుండగా... బీజేపీ డివిజన్‌లో టీడీపీ నాయకులు ఇలా మొహం చూపి అలా మాయమై పోతున్నారు. తప్పనిసరి పరిస్థితుల్లో అగ్రనాయకులు ప్రచారం చేయాల్సి వస్తే ఎడ మొహం... పెడ మొహంగానే వ్యవహరిస్తున్నారు.
  
 ఉదయాన్నే మొదలు..
 ఉదయం 5 గ ంటలకే  వివిధ డివిజన్ల పరిధిలోని పార్కు ల వద్ద అభ్యర్థులు కాపు కాస్తూ వాకింగ్‌కు వచ్చే వారిని కలిసి ఓట్లు అడుగుతున్నారు. ఆ తర్వాత 10 గంటల నుంచి కాలనీలు, బస్తీల్లో పాదయాత్రలు, మహిళలతో ‘ఇంటింటికీబొట్టు’ కార్యక్రమాన్ని నిర్వహిస్తున్నారు. శివారులోని మీర్‌పేట్, చర్లపల్లి, నాచారం, చిలకానగర్, ఉప్పల్, హబ్సిగూడ, రామాంతాపూర్, పటాన్‌చెరు, ఫతేనగర్ ప్రాంతాల్లో అభ్యర్థులు ప్రచార జోరును మరింత పెంచారు. రోజూవారీ ప్రచారానికి ఏర్పాటు చేసుకున్న కార్యకర్తలను ఒక డివిజన్‌లో ప్రచారం ముగియగానే వాహనాల్లో మరో డివిజన్‌కు తరలిస్తున్నారు. ఈ వ్యయాన్ని అభ్యర్థులంతా కలిసి భరించేలా ఏర్పాట్లు చేసుకున్నారు. కిరాయి కార్యకర్తలను తరలించే వాహనాల్లోనే పార్టీల జెండాలను తీసుకె ళుతూ ఫలానా పార్టీ అభ్యర్థి ప్రచారం అని మేస్త్రీ ఆదేశించగానే ఆ జెండాలతో కిందికి దిగుతున్నారు. ఇలా ఒక్కో డివిజన్‌లో ఉదయం ఓసారి, సాయంత్రం ఓసారి ప్రచారం చేస్తున్నారు.


 మంత్రి కేటీఆర్ వెల్లడి
 టీఆర్‌ఎస్ గ్రేటర్ మేనిఫెస్టో ఆవిష్కరణ
  
  సాక్షి, హైదరాబాద్: ప్రజల భాగస్వామ్యంతో హైదరాబాద్‌ను విశ్వనగరంగా తీర్చిదిద్దే లక్ష్యంతో టీఆర్‌ఎస్ ప్రణాళికలు తయారుచేసిందని పంచాయితీరాజ్ శాఖ మంత్రి కె. తారకరామారావు చెప్పారు. ప్రజలకు మెరుగైన సేవలు అందించేందుకు అవసరమైతే చట్టాలను మార్చేందుకూ వెనుకాడబోమని స్పష్టం చేశారు. గ్రేటర్ సమగ్ర అభివృద్ధి, ప్రజల సంక్షేమం లక్ష్యంగా జీహెచ్‌ఎంసీ ఎన్నికల  మేనిఫెస్టోను రూపొందించినట్లు పేర్కొన్నారు. శనివారమిక్కడ తెలంగాణ భవన్‌లో ఆయన రాజ్యసభ సభ్యుడు కె. కేశవరావు, సలహాదారు డి. శ్రీనివాస్, ఎంపీ బాల్కసుమన్, మంత్రి ఇంద్రకరణ్ రెడ్డి తదితరులతో కలసి టీఆర్‌ఎస్ మేనిఫెస్టోను ఆవిష్కరించారు.
 
 ఈ సందర్భంగా కేటీఆర్ మాట్లాడుతూ నేలవిడిచి సాము చేయకుండా టీఆర్‌ఎస్ అభ్యర్థి మేయర్‌గా ఎన్నికైన తరువాత చేసే పనులనే మేనిఫెస్టోలో పొందుపరిచామన్నారు. ఎంఐఎం, టీడీపీ- బీజేపీ, కాంగ్రెస్‌ల పాలనలో హైదరాబాద్ అభివృద్ధి తిరోగమనం చెందిందని, ఐదేళ్లు టీఆర్‌ఎస్‌కు అవకాశం ఇవ్వాలని కోరారు. విశ్వనగరంగా ఎదుగుతున్న హైదరాబాద్‌లో గత పాలకులు మౌలిక సదుపాయాలను కల్పించలేదని మండిపడ్డారు. మౌలిక అవసరాలపై దృష్టి పెట్టకపోతే అభివృద్ధి అసాధ్యమని గుర్తించిన టీఆర్‌ఎస్ ప్రభుత్వం.. ఇప్పటికే ఆ దిశగా అడుగులు వేసిందన్నారు. ప్రజలను భాగస్వామ్యులను చేస్తూ పారదర్శకంగా పాలన సాగించాలని టీఆర్‌ఎస్ నిర్ణయించిందని, అందుకే చేయనున్న పనులను అంకెలతో సహా మేనిఫెస్టోలో పొందుపరిచినట్లు చెప్పారు.
 
  అన్నింటా ముందున్నది టీఆర్‌ఎస్సే!
  గ్రేటర్ ఎన్నికల్లో అభ్యర్థుల ఎంపిక మొదలు, టికెట్ల ప్రకటన, ఎన్నికల ప్రచారం వరకు అన్ని పార్టీల కన్నా టీఆర్‌ఎస్ ముందుందని కేటీఆర్ వ్యాఖ్యానించారు. అదే ఒరవడిని కొనసాగిస్తూ మేనిఫెస్టోను కూడా టీఆర్‌ఎస్ ముందుగానే విడుదల చేసిందన్నారు. గ్రేటర్ ఎన్నికల్లో ముస్లింలకు 23 మందికి టికెట్లు ఇచ్చామని, ఎంఐఎంతో ములాఖత్, రహస్య ఒప్పందం చేసుకున్నారని బీజేపీ, ఇతర పార్టీలు చేసిన విమర్శలకు తామిచ్చిన టికెట్లే సమాధానమని చెప్పారు. ‘గాంధీభవన్‌కు తాళాలేశారు. టీడీపీ, బీజేపీ ఆఫీసుల్లో అర్ధనగ్న ప్రదర్శనలు జరుగుతున్నాయి. టికెట్లు అమ్ముకున్నారనే ఆరోపణలు వీటికి అదనం. ఇవేమీ లేకుండా మా పార్టీలో టికెట్ల పంపిణీ నుంచి ప్రచారం వరకు అన్నీ స్వేచ్ఛగా, పారదర్శకంగా నడుస్తున్నాయి’ అని పేర్కొన్నారు. ‘చంద్రబాబు, జానారెడ్డిలు పార్టీలు మారి పదవులు పొందితే తప్పులేదు. కిందిస్థాయి నాయకులు టీఆర్‌ఎస్‌పై నమ్మకంతో పార్టీ మారి ఎన్నికల్లో పోటీ చేస్తే తప్పా?’ అని ప్రశ్నించారు.
 
  సవాల్ కు కట్టుబడ్డా...
  ‘జీహెచ్‌ఎంసీ ఎన్నికల్లో మేయర్ పీఠంపై గులాబీ జెండా ఎగరకుంటే మంత్రి పదవికి రాజీనామా చేస్తానన్న సవాల్‌కు కట్టుబడి ఉన్నా. దాన్ని షబ్బీర్ అలీ వంటి కొందరు నాయకులు వక్రీకరించి, వంద సీట్లు గెలవకపోతే రాజీనామా చేస్తారా ? అని ప్రశ్నిస్తున్నారు. అంటే మేయర్ పదవి టీఆర్‌ఎస్‌కు ఖాయమని వారు ఒప్పుకుంట్నుట్లే కదా. ఇప్పటికీ నేను ఆ సవాల్‌కు కట్టుబడే ఉన్నా. మేయర్ సీటును టీఆర్‌ఎస్ గెలుచుకోకపోతే రాజీనామా చేస్తా. మీరు సిద్ధమా?’ అని కేటీఆర్ ప్రతిపక్షాలను మరోసారి ప్రశ్నించారు.
 
  ప్రజల ఎజెండా: కేకే
  గ్రేటర్‌లో ప్రజల ఎజెండాను ప్రతిబింబించేలా ఎన్నికల మేనిఫెస్టోను రూపొందించినట్లు రాజ్యసభ సభ్యుడు కె. కేశవరావు చెప్పారు. సామాజిక న్యాయం పాటిస్తూ నూతన శకానికి నాంది పలుకుతూ టీఆర్‌ఎస్ సీట్లు కేటాయించిందన్నారు. 150 మందిలో 68 మంది బీసీలకు సీట్లు ఇవ్వడమే గాక, బీసీల్లోని 21 కులాలకు ప్రాతినిధ్యం కల్పించినట్లు చెప్పారు. ప్రభుత్వ సలహాదారు డి. శ్రీనివాస్ మాట్లాడుతూ, మేనిఫెస్టోలో చెప్పిన పనులన్నీ ఐదేళ్లలో చేస్తామని, ఇందులో పొందుపరచని అంశాలు కూడా రాబోయే ఐదేళ్లలో చేపడతామని పేర్కొన్నారు.
  
  30న కేసీఆర్ సభ
  జీహెచ్‌ఎంసీ ఎన్నికలకు సంబంధించి సీఎం కేసీఆర్ పాల్గొనే భారీ బహిరంగసభను ఈనెల 30న నిర్వహించనున్నట్లు మంత్రి కేటీఆర్ వెల్లడించారు. సికింద్రాబాద్ జింఖానా గ్రౌండ్స్‌లో ఈ సభ నిర్వహించాలని నిర్ణయించామని, రక్షణ శాఖ నుంచి తుది అనుమతి రావాల్సి ఉందన్నారు. ఒకవేళ జింఖానా గ్రౌండ్స్‌లో అనుమతి రాకపోతే వేరేచోట జరుపుతామని, 30న మాత్రం బహిరంగసభ జరుగుతుందని స్పష్టం చేశారు. ముఖ్యమంత్రిగా రెండు మూడు రోజుల పాటు కేసీఆర్ రోడ్‌షోలు నిర్వహించడం వల్ల ప్రజలు ఇబ్బంది పడతారనే కారణంతో ఒకరోజు బహిరంగసభనే నిర్వహిస్తున్నట్లు చెప్పారు.చంద్రబాబు మూడు రోజుల రోడ్‌షో నిర్వహణను ఆయన విజ్ఞతకే వదిలేస్తున్నామన్నారు. అయినా చంద్రబాబు రోడ్‌షోల్లో ఎవరికి ఓట్లేయాలని అడుగుతారో తెలియడం లేదని, టీడీపీ-బీజేపీ పొత్తు కలహాల కాపురంగా మారిందని ఎద్దేవా చేశారు. చంద్రబాబు ఎంత ప్రచారం చేస్తే టీఆర్‌ఎస్‌కే అంత లాభమని వ్యాఖ్యానించారు.
  
  మేనిఫెస్టోలోని ముఖ్యాంశాలు
 ► హైదరాబాద్‌ను సురక్షిత, సుందరమైన, ప్రేమపూర్వక నగరంగా తీర్చిదిద్దడమే లక్ష్యం. ఇందులో భాగంగానే గ్రేటర్‌లో లక్ష సీసీ కెమెరాల ఏర్పాటు ప్రారంభించాం. -గ్రేటర్‌లోని 1,500 మురికివాడలను అన్ని విధాలుగా అభివృద్ధి చేసి, మురికివాడరహిత నగరంగా తీర్చిదిద్దేందుకు ముఖ్యమంత్రి కేసీఆర్ నేతృత్వంలో ప్రణాళికబద్ధంగా పనిచేస్తున్నాం.
 ► ప్రతి వ్యక్తికి రోజు 150 లీటర్ల మంచినీరు, నిరంతర విద్యుత్ సరఫరా అందిస్తాం. భూగర్భ డ్రైనేజీ ఆధునీకరణ చేపడతాం.
  -హిమాయత్‌సాగర్, ఉస్మాన్‌సాగర్‌ల వద్ద ఆహ్లాదకర వాతావరణం తెస్తాం. మూసీ వెంట 42 కి.మీ. ఎక్స్‌ప్రెస్ హైవే నిర్మిస్తాం.
 ► హుసేన్‌సాగర్‌తోపాటు చెరువుల సంరక్షణ, ప్రజా రవాణా వ్యవస్థను మెరుగుపరచడం వంటి మౌలిక సదుపాయాలకు పెద్దపీట వేస్తాం.
 ► శ్మశానవాటికలను ఆధునీకరిస్తాం.
 ► దేశంలో ఒలింపిక్స్ నిర్వహించే నాటికి హైదరాబాద్‌ను వేదికగా మారుస్తాం.
 ► నగరంలో ప్రత్యేకంగా సైకిల్ ట్రాక్‌లు, వెయ్యి బ యో టాయిలెట్స్ నిర్మిస్తాం.


 సాక్షి, సిటీబ్యూరో: ఫిబ్రవరి 2న నిర్వహించనున్న జీహెచ్‌ఎంసీ ఎన్నికల్లో పోలింగ్ ఏజెంట్లుగా ఉండాలనుకునేవారు సంబంధిత పోలింగ్ కేంద్రంలో ఓటరై ఉండాలని జీహెచ్‌ఎంసీ ఎన్నికల అధికారి బి.జనార్దన్‌రెడ్డి స్పష్టం చేశారు. ఓటరు గుర్తింపు కార్డు, ఆధార్ కార్డు లేదా రాష్ట్ర ఎన్నికల సంఘం పేర్కొన్న డాక్యుమెంట్లలో ఏదైనా ఒకటి తప్పనిసరిగా ఉండాలని పేర్కొన్నారు. మంత్రులు, ఎంపీలు, ఎమ్మెల్యేలు, ఎమ్మెల్సీలు లేదా సెక్యూరిటీ ఉన్న వ్యక్తులు పోలింగ్ ఏజెంట్లుగా ఉండేందుకు అనర్హులని పేర్కొన్నారు.పోలింగ్ ఏజెంట్ల నియామకానికి సంబంధిత రిటర్నింగ్ అధికారి వద్ద తగిన వివరాలతో దరఖాస్తు చేసుకోవాలని తెలిపారు.


 ఎన్నికల అఫిడవిట్లపై ఆరా
 ♦ వీటిలోనే అభ్యర్థుల ఆస్తులు, కేసుల వివరాలు వెల్లడి
 ♦ వారి ‘నేరచరిత్ర’ను పరిశీలిస్తున్న పోలీసు విభాగాలు
 ♦ ఆదాయ, వ్యయాలపై ఐటీ శాఖ దృష్టి
  
  సాక్షి, సిటీబ్యూరో: గ్రేటర్ ఎన్నికల నేపథ్యంలో పార్టీలు, అభ్యర్థులు, ప్రభుత్వ విభాగాల వ్యవహారం ‘ఎవడి గోల వాడిది’ అన్నట్లు ఉంది. సీట్ల కోసం పార్టీలు, ఓట్ల కోసం అభ్యర్థులు ‘అన్వేషిస్తుండగా’... పోలీసులు, ఆదాయపుపన్ను శాఖ అధికారులు ‘ఆధారాల’ కోసం అధ్యయనం చేస్తున్నారు. దీంతో ఈ విభాగాలు నామినేషన్లు దాఖలు చేసిన అభ్యర్థుల అఫిడవిట్లపై కన్నేశారు. ఏ మాత్రం ‘అవకాశం’ చిక్కినా నివేదికలు తయారు, తాఖీదులు జారీ చేసేందుకు సిద్ధంగా ఉన్నారు.
 
  అఫిడవిట్లలో అనేకాంశాలు...
  జీహెచ్‌ఎంసీ డివిజన్ కార్పొరేటర్‌గా పోటీ చేసే అభ్యర్థులు ఇప్పటికే తమ నామినేషన్లు దాఖలు చేశారు. ఉపసంహరణలు సైతం పూర్తి కావడంతో వీటికి తుదిరూపు కూడా వచ్చింది. నామినేషన్ దాఖలు చేసే సమయంలో ఆయా అభ్యర్థులు అఫిడవిట్లనూ కచ్చితంగా ఇవ్వాల్సి ఉంటుంది. వీటిలో కుటుంబం, పిల్లలు వంటి వ్యక్తిగత వివరాలతో పాటు తమకు ఉన్న ఆస్తులు, తమపై ఉన్న కేసుల వివరాలనూ సమగ్రంగా పొందుపరుస్తారు. వీటిలో ఏమాత్రం తేడా వచ్చినా మొదటికే మోసం వచ్చే ప్రమాదం ఉండటంతో సాధారణంగా దాపరికాలకు దూరంగా ఉంటారు. ఇప్పుడు ఆయా విభాగాల కన్ను అభ్యర్థులు తమ నామినేషన్‌తో పాటు దాఖలు చేసి అఫిడవిట్లపై పడింది.
 
  కేసుల వివరాలపై పోలీసులు...
  ఈ నామినేషన్ అఫిడవిట్లలో అభ్యర్థులు అందించిన కేసు వివరాలను పోలీసు విభాగాలు సేకరిస్తున్నాయి. ఇప్పటికే రెండు కమిషనరేట్ల వద్దా గడిచిన కొన్నేళ్లుగా వివిధ కేసుల్లో ఆరోపణలు ఎదుర్కొన్న, నిందితులుగా ఉన్న వారి చిట్టాలు సిద్ధంగా ఉన్నాయి. ఇటీవలే వీటిని అప్‌డేట్ సైతం చేశారు. అఫిడవిట్లలోని అంశాలను ఈ డేటాబేస్‌లో సరిచూస్తున్నారు. దీని ఆధారంగా ఆయా అభ్యర్థులు ‘తమ కేసులకు’ సంబంధించిన పూర్తి వివరాలు, వాస్తవాలు సమర్పించారా? లేదా? అనేది సరిచూస్తున్నారు. ఈ వ్యవహారంలో ఏమాత్రం తేడా వచ్చినా అందుకు సంబంధించిన నివేదికలు తయారు చేసి ఎన్నికల సంఘానికి పంపడానికి అనువుగా ఈ వివరాలు లోతుగా ఆరా తీస్తున్నారు.
 
  ‘ఆదాయం’ కోసం ఐటీ శాఖ...
  కేంద్రం ఆధీనంలోని ఆదాయపు పన్ను, సేవా పన్ను శాఖలు అఫిడవిట్లలోని ఆస్తుల వివరాలపై దృష్టిపెడుతున్నారు. ఆయా అభ్యర్థుల్లో అనేక మంది నిత్యం ఐటీ, సర్వీస్ ట్యాక్స్ రిటర్న్స్ సైతం దాఖలు చేస్తుంటారు. అయితే ‘పన్నుపోటు’ నుంచి తప్పించుకోవడానికి కొందరు వాస్తవాలను దాస్తారనేది ఆదాయపు పన్ను, సేవా పన్ను శాఖల అనుమానం. ఈ రిటర్న్స్ అనేవి రహస్య సమాచారం కావడంతో అందరికీ తెలిసే అవకాశం ఉండదని అభ్యర్థులు ‘గోప్యత’ పాటించినా... అఫిడవిట్ల విషయంలో అలా కుదరదు. ఇవి అందరికీ ముఖ్యంగా ప్రత్యర్థి పార్టీ, పోటీదారులకు అందుబాటులో ఉండేవి. వీటిలో ఏమాత్రం తేడా ప్రస్తావనలు చేసినా... వారికి అవకాశం ఇచ్చినట్లు అవుతుంది. ఈ నేపథ్యంలోనే ఇందులో అభ్యర్థులు సరైన వివరాలు అందిస్తారనేది ఆయా శాఖల అభిప్రాయం.
 
  తేడా కనిపిస్తే తాఖీదులే...
  దీంతో ఐటీ, ఎస్‌టీ శాఖలు అఫిడవిట్లను అధ్యయనం చేయడం ద్వారా తమ దృష్టికి రాని ఆస్తుల్ని గుర్తించడానికి ప్రయత్నాలు చేస్తున్నారు. తొలుత వీటిని గుర్తిస్తే వాటిని ఏరకంగా వినియోగిస్తున్నారు? తద్వారా ఎలాంటి ఆదాయం వస్తోంది? ఎప్పటి నుంచి ఈ వ్యవహారం కొనసాగుతోంది? అనే అంశాలను రిజిస్ట్రేషన్ శాఖ ద్వారా సేకరించే వీలుంటుంది. ఈ వివరాలన్నింటినీ క్రోడీకరించి సమగ్ర నివేదికలు తయారు చేయనున్నారు. వీటిని ఐటీ రిటర్న్స్‌లో సరిచూసి ‘తేడాగాళ్ల’కు పన్ను బకాయిలు చెల్లించమంటూ తాఖీదులు జారీ చేయాలన్నది ఈ రెండు శాఖల ప్రధాన ఉద్దేశం. ఎన్నికల్లో గెలిచిన, ఓడిన వారిలో ఈ తరహాకు చెందిన వారుంటే..ఈ అంశం వాళ్ల గుండెల్లో రైళ్లు పరిగెత్తించేదిగా మారనుంది.


 మొత్తం పోలింగ్‌కేంద్రాలు 7,802
 మొత్తం అభ్యర్థులు 1,333
  
 ► త్వరలో జరుగనున్న జీహెచ్‌ఎంసీ ఎన్నికల్లో ‘నోటా’ ఆప్షన్ లేదు.
 ► పెరిగిన ఓటర్ల కనుగుణంగా అదనంగా 45 ఉప పోలింగ్ కేంద్రాలు ఏర్పాటు చేస్తున్నారు.
 ► ఐదు వార్డుల్లో అత్యధికంగా 16 మందికి పైగా అభ్యర్థులు రంగంలో ఉన్నారు.
 ► నాలుగు వార్డుల్లో అతి తక్కువగా నలుగురు మాత్రమే పోటీ చేస్తున్నారు.
  ఈ వివరాలను శనివారం ఎన్నికల అధికారులతో నిర్వహించిన సమీక్ష సమావేశంలో గ్రేటర్ కమిషనర్, ఎన్నికల అధికారి డాక్టర్ జనార్దన్‌రెడ్డి వెల్లడించారు.
  
  13.87 లక్షల ఓటరు స్లిప్‌లు పంపిణీ
  జీహెచ్‌ఎంసీలో మొత్తం ఓటర్లు 74,23,980 మంది కాగా వీరిలో 13,87,000 మందికి వ్యక్తిగతంగా ఓటరుస్లిప్‌ల పంపిణీ జరిగింది.  ఎన్నికల ప్రవర్తనా నియమావళి అమలులో భాగంగా 1,67,000 అనధికార బ్యానర్లు, ఫ్లెక్సీలు, కటౌట్లు, పోస్టర్లు తొలగించారు. వీటిల్లో 66,570 పోస్టర్లు, 46,941 ఫ్లెక్సీలు, 46,627 బ్యానర్లు, 7066 కటౌట్‌లు ఉన్నాయి.
 ► 16 మందికంటే ఎక్కువమంది అభ్యర్థులు పోటీలో ఉన్న వార్డులు: జంగమ్మెట్- 28 మంది, సూరారం-21, ఈస్ట్ ఆనంద్‌బాగ్- 18 , రామంతాపూర్-17 , బాలానగర్-17 మంది.
 ► 16 మంది రంగంలో ఉన్న వార్డులు: చైతన్యపురి, ఓల్డ్‌బోయిన్‌పల్లి
 ► 15 మంది ఉన్న వార్డులు: లింగోజిగూడ, సుభాష్‌నగర్,మల్కాజిగిరి.
 ► 13 మంది పోటీ చేస్తున్న వార్డులు: వెంగళ్రావునగర్, మూసాపేట్, నేరేడ్‌మెట్, రామ్‌నగర్.
 ► 11 వార్డుల్లో 12 మంది చొప్పున, 15 వార్డుల్లో 11 మంది, 18 వార్డుల్లో పదిమంది చొప్పున పోటీలో ఉన్నారు.
 ► నలుగురు మాత్రమే బరిలో ఉన్న వార్డులు:  చావుని, నవాబ్‌సాహెబ్‌కుంట, సులేమాన్‌నగర్, దత్తాత్రేయనగర్, గోల్కొండ, నానల్‌నగర్, అహ్మద్‌నగర్, చందానగర్
 
  కనీస సదుపాయాలు..
  పోలింగ్ స్టేషన్ల వద్ద తాగునీరు, విద్యుత్, టాయ్‌లెట్స్, ర్యాంపులు, ఎండ త గలకుండా పైకప్పులు, అవసరమైన ర్యాంపులు తదితరమైనవి ఏర్పాటు చేయాల్సిందిగా సంబంధిత ఎగ్జిక్యూటివ్ ఇంజినీర్లకు కమిషనర్ జనార్దన్‌రెడ్డి సూచించారు. వీటికోసం రూ. 3.33 కోట్లు ఖర్చు చేస్తున్నట్లు వెల్లడించారు.


 హైదరాబాద్ :  తెలంగాణ ముఖ్యమంత్రి కేసీఆర్ ఆధ్వర్యంలో జనవరి 30వ తేదీన హైదరాబాద్ నగరంలో భారీ బహిరంగ సభ జరగనుందని రాష్ట్ర ఐటీ, పంచయతీరాజ్ శాఖ మంత్రి కేటీఆర్ తెలిపారు. శనివారం హైదరాబాద్ లో కేటీఆర్ మాట్లాడుతూ... మేయర్పై తాను చేసిన సవాల్ కాంగ్రెస్, బీజేపీ, టీడీపీ స్వీకరించడం లేదని ఆరోపించారు.
 100 సీట్లు గెలిస్తే రాజకీయాల నుంచి తప్పుకుంటానన్న శాసనమండలిలో కాంగ్రెస్ నేత షబ్బీర్ అలీకి ప్రజలే తగిన బుద్ధి చెబుతారన్నారు. చంద్రబాబు, జానారెడ్డి పార్టీలు మారలేదా ? మిగతావారు పార్టీలు మారితే తప్పేంటని కేటీఆర్ ఈ సందర్బంగా ప్రతిపక్షాలను ప్రశ్నించారు. హెచ్సీయూ విద్యార్థి రోహిత్ కుటుంబాన్ని తమ ప్రభుత్వం ఆదుకుంటుందని కేటీఆర్ చెప్పారు.


 టీడీపీ నేత మల్లారెడ్డి...దేశంలోనే అతిపెద్ద పార్లమెంట్ నియోజకవర్గానికి (మల్కాజ్‌గిరి) ప్రాతినిధ్యం వహిస్తున్న ఎంపీ.  32 లక్షల మంది ఓటర్లకు ప్రతినిధి. గ్రేటర్ పరిధిలోని ఆరు అసెంబ్లీ నియోజకవర్గాలూ ఆయన పార్లమెంట్ పరిధిలోనివే. ప్రధాన ప్రతిపక్షం టీడీపీకి నగరంలోనే పెద్ద దిక్కు. అయినా ఆయన జీహెచ్‌ఎంసీ ఎన్నికల్లో ఓటేయలేరు...ఎందుకంటే సికింద్రాబాద్ కంటోన్మెంట్ పరిధిలో నివాసం ఉండడమే కారణం. కేంద్ర రక్షణ శాఖ పరిధిలోని పాలన సాగే ఈ ప్రాంతం భౌగోళికంగా గ్రేటర్‌లో భాగమే అయినప్పటికీ, పాలన పరంగా జీహెచ్‌ఎంసీ పరిధిలోకి రాదు.
 
 కంటోన్మెంట్ వాసులు గ్రేటర్ ఓటర్లు కారు. ఈ నేపథ్యంలో బోయిన్‌పల్లిలో నివాసముండే ఎంపీ మల్లారెడ్డి ప్రస్తుత గ్రేటర్ ఎన్నికల్లో ఓటేయలేరు.
  - కంటోన్మెంట్


 కొత్త డ్రెస్ కోడ్‌లో అభ్యర్థులు
  
 ఎన్నికలు వచ్చాయంటే నేతల డ్రెస్ కోడ్ మారిపోతుంది. ఖద్దరు ఒంటిమీద పడిందంటే ‘పెద్దరికం’ వచ్చినట్టు భావిస్తారు. తెల్లని దుస్తుల్లో మెరిసిపోతూ హుందాగా తయారై.. ఓటర్లను ఆక ట్టుకునేందుకు ఉత్సాహంతో ఉరకలేస్తారు. అదే సందడి ఇప్పుడు నగరంలోని ఖద్దరు దుకాణాల వద్ద కనిపిస్తోంది. అదును చూసుకుని షాపుల యజమానులు ‘స్పెషల్’ అంటూ అమ్మకాల జోరు పెంచారు.     
  
 రాజకీయాలకు.. ఖద్దరుకు విడదీయరాని అనుబంధం. ఢిల్లీ నుంచి గల్లీ దాకా.. ఈ బంధం తరతరాలుగా కొనసాగుతోంది. అందుకే నాయకులు, నాయకులమని భావించేవారు.. నేతలు కావాలనుకునేవారు ఖద్దరుకే ఓటేస్తున్నారు. గ్రేటర్ ఎన్నికల సీజన్ కావడంతో గిరాకీ పెరిగింది. నిన్నటివరకు టీ షర్ట్స్, జీన్స్‌లో కన్పించినవారు డివిజన్ అభ్యర్థిగా ఖరారవడంతో నిమిషాల్లో డ్రెస్ మార్చేసి ఖాదీకి షిఫ్టవుతున్నారు. అడుగు బయటపెట్టగానే వారి వెంట తిరిగే చోటా నాయకులు, కార్యకర్తలు కూడా అభ్యర్థి రూట్లోనే ఖద్దరులో కనిపిస్తున్నారు. రోజంతా ఎండలో తిరిగినా ఈ దుస్తుల వల్ల ఇబ్బంది ఉండడం లేదని, ఎక్కువ మందిని కలిసేందుకు వీలవుతుందనేది నేతల అభిప్రాయం. ఖద్దరు టోపీలు, కండువాలకు సైతం డిమాండ్ బాగానే పెరిగింది.
  
 సీజన్‌లో లుక్ మారాల్సిందే..
 ఎప్పుడూ టోర్న్ జీన్స్, టైట్ ఫిట్స్.. టీషర్ట్స్‌లో ఉండేవారు కూడా ఇప్పుడు ఖాదీకే ఓటేస్తున్నారు. ఇటీవల రాజకీయ నేతలు కొత్త ఫ్యాషన్‌కు షిఫ్ట్ అయ్యారు. సీనియర్ నేతలతో పాటు వారి వారసులు సైతం ఎన్నికలు రాగానే లుక్ మార్చేశారు. వీరు ఫ్యాషన్‌గా కనబడేందుకు ఖద్దరునే నచ్చిన డిజైన్‌లో కుట్టించుకుంటున్నారు. ఈ దుస్తుల్లో పొలిటికల్ స్టేటస్ వస్తుందనే భావనతో యంగ్ జనరేషన్ కూడా ఆ రూట్లోనే నడుస్తోంది. వారి అభిరుచుల మేరకు కొత్త డిజైన్లను షాపు యజమానులు అందుబాటులో ఉంచుతున్నారు.
  
 ఎన్నికలొస్తే పండగే..
 హైదరాబాద్‌లో దాదాపు 150కి పైగా ఖద్దరు షాపులున్నాయి. వేసవిలో వ్యాపారం ఫుల్ జోష్‌గా సాగుతోంది. సీజన్‌లో రోజుకు సుమారు రూ. 50 లక్షల వ్యాపారం జరుగుతుందని అంచనా. ముఖ్యమైన పండగలప్పుడు కొంత పర్వాలేదు. తర్వాత ఎన్నికలు వచ్చాయంటే నేతలు, వారి వెంట ఉండేవారు ఈ షాపుల వైపే చూస్తున్నారు. దీంతో సీజన్‌ను మించి వ్యాపారం సాగుతుంది.
  
 ఆ రకాలకే ఓటు..
 పొందూరు (ఆంధ్రప్రదేశ్), సేలం, తిరువూర్ (తమిళనాడు), భాగల్‌పూర్ (బీహార్), మస్లిన్ (బెంగాల్) ఖద్దరుకు ఎక్కువ డిమాండ్ ఉంటుందని భాగ్యనగర్ ఖాదీ బండార్ యజమాని బొప్పన నర్సింహారావు తెలిపారు. మాజీ ముఖ్యమంత్రి వై.ఎస్.రాజశేఖర్‌రెడ్డి తమ దుకాణం నుంచే పొందూరు పంచెలు కొనేవారని గుర్తుచేసుకున్నారు. తమిళనాడు గవర్నర్ రోశయ్య, ఏపీ శాసన మండలి చైర్మన్ చక్రపాణి, రాయపాటి సాంబశివరావు, నిర్మాత డి.సురేష్‌బాబు తమవద్దే ఖద్దరు కొంటారని చెప్పారు. ఈ దుస్తులు కట్టుకుని మండే ఎండలో తిరిగినా ఏ ఇబ్బందులు ఉండవని స్వరాజ్ ఖాదీ వీవర్స్ అధినేత కె. వెంకట్రావు తెలిపారు.
  
 యువతరంగం ‘ఓటె’త్తాలి
 ⇒ఓటు ప్రజాస్వామ్యంలో అత్యంత శక్తివంతమైన ఆయుధం.
 ⇒ఒక్క క్షణం ఆలోచిస్తే దేశ భవిష్యత్‌ను, ప్రజల మనుగడను నిర్ణయించేది.
 ⇒ఓటు ఉండటం కాదు.. ఓటు వేయడం ప్రతి ఒక్కరి బాధ్యత.
 ⇒ఐదేళ్లకోసారి మీకు దక్కే ఈ అవకాశాన్ని  వినియోగించుకొని సరైన నాయకుడ్ని ఎంచుకోండి.
 ⇒నగర భవితను మార్చేది మీ ఓటే. ఓటు వేయడం నిర్బంధ బాధ్యతని గుర్తుంచుకోండి.
 ⇒ప్రజాస్వామ్యంలో మీ గొంతు వినిపించేది ఈ ఓటే.
 ⇒అందరూ వినియోగించుకుంటేనే మంచి ప్రభుత్వానికి పట్టం కట్టగలరు.
 ⇒యువత కదలివస్తే నగర భవిత మారుతుంది. యువతరంగం ఓటు కోసం తరలిరావాలి.
  
 సీవీ ఆనంద్,    సైబరాబాద్ పోలీస్ కమిషనర్
  
  


 ►మేము ప్రవేశపెట్టిన సంక్షేమ కార్యక్రమాలే గెలిపిస్తాయి
 ►ఒక్క అవకాశం ఇచ్చి చూడండి
 ►గ్రేటర్ ను సుందరీకరణగా తీర్చిదిద్దుతాం
 ►రాంనగర్, ముషీరాబాద్‌లలో
 ►కవిత ఎన్నికల ప్రచారం మహిళల నుంచి విశేష స్పందన
  
 ముషీరాబాద్:  ముఖ్యమంత్రి కేసీఆర్ 19నెలల పాలనపై ప్రజ లకు నమ్మకం ఉందని, ఆ నమ్మకమే తమను గ్రేటర్ ఎన్నికల్లో గెలిపిస్తుందని నిజమాబాద్ ఎంపి.కల్వకుంట్ల కవిత ధీమా వ్యక్తం చేశారు. టిఆర్‌ఎస్ పార్టీ ప్రవేశపెట్టిన సంక్షేమ కార్యక్రమాలు అన్ని వర్గాల ప్రజలకు అందుతున్నాయని, ఇప్పుడు ప్రజల్లోకి వెళుతుంటే వారే సంక్షేమ కార్యక్రమాలను గురించి మాకు చెప్తుంటే ఎంతో ఆనందంగా ఉందని ఆమె ఆనందాన్ని వెలిబుచ్చారు. శుక్రవారం రాంనగర్ డివిజన్ టిఆర్‌ఎస్ అభ్యర్థి వి.శ్రీనివాస్ రెడ్డి ఎన్నికల ప్రచారాన్ని ఆమె గొల్కోండ క్రాస్‌రోడ్స్ వద్ద ప్రారంభించారు. ప్రచార వేదిక వద్దకు కవిత చేరుకోగానే మహిళలు పెద్ద ఎత్తున విచ్చేసి హారతులు ఇచ్చి, శాలువాలతో సత్కరించారు. అనంతరం గోల్కొండ క్రాస్‌రోడ్ వద్ద నుండి రిసాలగడ్డ వరకు ఆమె ప్రచారంలో పాల్గొన్నారు. రిసాల గడ్డ వద్దకు రాగానే మైనార్టీ మహిళలు పెద్ద ఎత్తున ఆహ్వానం పలికారు.
 
 అన్నాచెల్లెళ్లు సుమయ్, యాసర్‌లు కవిత ప్రచారం వాహనం పైకి ఎక్కి మెడలో పూలు వేసి, తమ ఓటు కారు గుర్తుకే ప్రకటించారు. రిసాలగడ్డ జమిస్తాన్‌పూర్‌లోని బస్తీలో లంబాడిలు(బంజారాలు)లతో కలసి ఆమె నృత్యం చేసి అలరించారు. ప్రతి మైనార్టీ మహిళతో ఆమె చిరునవ్వులతో పలకరించి కారు గుర్తుకు ఓటు వేయాలని కోరారు. అనంతరం ఆమె విలేకరులతో మాట్లాడుతూ తెలంగాణ రాష్ట్రం ఏర్పడిన తరువాత రాష్ట్రం సమస్యలతో కొట్టుమిట్టాడుతున్న ప్రజానికానికి ముఖ్యమంత్రి కేసీఆర్ పలు సంక్షేమ కార్యక్రమాలను ప్రవేశపెట్టారన్నారు. అవి పూర్తిస్థాయిలో ప్రజల్లోకి వెళ్లేం దుకు చర్యలు కూడా తీసుకున్నారన్నారు. కేవలం 19నెలల్లో ఏ ముఖ్యమంత్రి చేయని అభివృద్ధి కార్యక్రమాలను కేసీఆర్ చేశారన్నారు. ఆ సంక్షేమ కార్యక్రమాలు ప్రజల్లోకి చేరినందునే నేడు మా ప్రచారానికి అన్ని వర్గాల ప్రజలు బ్రహ్మరధం పడుతున్నారని ఆనందాన్ని వ్యక్తం చేశారు. ఇప్పుడు వరకు మేయ ర్ పీఠాన్ని అన్ని పార్టీలకు ఇచ్చారు. ఒకే ఒక్క సారి తమ పార్టీకి ఇచ్చి చూడండి, ముఖ్యమంత్రి కేసీఆర్ హైదరాబాద్‌ను విశ్వనగరంగా తీర్చిదిద్దుతారని హామీ ఇచ్చారు. ఈ కార్యక్రమంలో ఎమ్మెల్యే వెంకటేశ్వరరెడ్డి, టిఆర్‌ఎస్ పార్టీ సీనియర్ నాయకులు రాజారావు ప్రతాప్, డివిజన్ అధ్యక్షులు రేషం మల్లేష్, ఎజాజ్ హుస్సేన్, గజ్జల సూర్యనారాయణ, సిరిగిరి శ్యామ్, గజపతిరాజు, సువర్ణ, సంపూర్ణనంద, ఎల్జెబెత్, పెంటారెడ్డి,
  
 ముషీరాబాద్ డివిజన్‌లో...
 ముషీరాబాద్ డివిజన్ అభ్యర్థి ఎడ్ల భాగ్యలక్ష్మి యాదవ్‌తో కలసి ఎంపి కవిత డివిజన్‌లోని రామాలయం, ఈస్ట్ ఎంసీహెచ్ కాలనీ, వైఎస్సార్ పార్క్, గణేష్ నగర్ తదితర ప్రాంతాలలో పర్యటించారు. ప్రతి ఇంటికి వెళ్లి కారు గుర్తుకు ఓటేయాలన్నారు. ప్రతి ఇంటికి వెళ్లి మహిళలతో ప్రత్యేకంగా పలకించారు. ఓ పసిపాపను ఎత్తుకుని ముద్దాడి అందరినీ అలరించారు. ఎడ్ల హరిబాబు యాదవ్, వరుణ్‌యాదవ్, బిక్షపతి, భరత్‌నగర్ రాజు, గోపాలరావు, బి.ఎం.శ్రీను తదితరులు పాల్గొన్నారు.
  
  


 సిటీబ్యూరో: జీహెచ్‌ఎంసీ ఎన్నికల్లో మొత్తం 150 డివిజన్లకు గాను 60 చోట్ల ఆల్ ఇండియా మజ్లిస్- ఎ -ఇత్తేహదుల్- ముస్లిమీన్ (ఎఐఎంఐఎం) పార్టీ తమ అభ్యర్థులను బరిలో దింపింది. 2009 ఎన్నికల్లో 70 డివిజన్లలో పోటీ చేసిన మజ్లిస్ పార్టీ ఈసారి 60 డివిజన్లకే పరిమితమైంది.
 
 ప్రస్తుతం ఎన్నికల బరిలో తలపడుతున్న అభ్యర్ధులు వివరాలివీ... ఓల్డ్‌మలక్‌పేట్ -జూవేరియా ఫాతిమా, అక్బర్ బాగ్-సయ్యద్ మీనాజుద్దీన్, ఆజాంపురా-అయేషా జహాన్ నసిమ్, చావ్నీ-మహ్మద్ ముర్తుజా అలీ, డబీర్‌పురా- మీర్జా రియాజ్ ఉల్ హసన్ ఇఫెందీ, రెయిన్ బజార్-మీర్ వాజీద్ అలీఖాన్, పత్తార్‌ఘట్టి-సయ్యద్ సోహెల్ ఖాద్రీ, మొఘల్‌పురా-అమతుల్ అలీమ్, తలాబ్‌చంచలం-నస్రీన్ సుల్తానా, లలిత్‌భాగ్-మహ్మద్ అలీ షరీఫ్, కుర్మగూడ-సలీమా బేగం, సంతోష్ నగర్-మహ్మద్ ముజఫర్ హుస్సేన్, రియాసత్ నగర్-మీర్జా ముస్తాఫా బేగ్, కాంచన్ భాగ్-రే ష్మా ఫాతిమా, బార్కాస్-షబనా బేగం, చాంద్రాయణగుట్ట-అబ్దుల్ వాహెబ్, ఉప్పుగూడ-ఫహద్ బిన్ అబ్దుల్ సమద్ బిన్ అబ్దద్, జంగంమెట్-మహ్మద్ అబ్దుల్ రహమాన్, ఫలక్‌నుమా-కె.తారాబాయి, నవాబ్ సాబ్‌కుంట-షిరీన్ ఖాతూన్, శాలిబండ-మహ్మద్ ముస్తాఫా అలీ, ఘన్సీబజార్- సబీనా బేగం, పురానాపూల్-సున్నం రాజమోహన్, దూద్‌బౌలి-ఎంఏ గఫార్, జహనూమా-ఖాజా ముబ్షరుద్దీన్, రామ్నాస్‌పురా-మహ్మద్ ముబీన్, కిషన్‌బాగ్-మహ్మద్ సలీం, సులేమాన్ నగర్-అబిదా సుల్తానా, శాస్త్రిపురం-ఎండీ మిస్బాద్దీన్, మైలార్‌దేవ్‌పల్లి-సయ్యద్ హైదర్ అలీ, అత్తాపూర్-బి.రజని, దత్తాత్రేయ నగర్-ఎమ్‌డీ యూసుఫ్, కార్వాన్-ఎం.రాజేందర్ యాదవ్, లంగర్‌హౌస్-అమీనాబేగం, గోల్కొండ-హఫ్సియా హన్సీఫ్, టోలిచౌకి- డాక్టర్ అయేషా హుమేరా, నానల్‌నగర్-మహ్మద్ నసీరుద్దీన్, మెహిదీపట్నం-మహ్మద్ మాజీద్ హుస్సేన్, ఆసిఫ్‌నగర్-ఫహీమినా అంజుమ్, విజయనగర్ కాలనీ-సల్మాన్ అమీన్, అహ్మద్ నగర్-అయేషా రుబీనా, రెడ్‌హిల్స్-అమేషా ఫాతిమా, మల్లేపల్లి-తరాన్నుమ్ నాజ్, జాంబాగ్-డి. మోహన్, గోల్నాక-సకీనా బేగం, అంబర్‌పేట-మహ్మద్, బోలక్‌పూర్-మహ్మద్ అఖిల్ హైమద్, షేక్‌పేట-మహ్మద్ రషీద్ ఫరాజుద్దీన్,సోమాజిగూడ-జి.దేవి, వెంగళరావు నగర్-ఎం.శ్యామ్ రావు, ఎర్రగడ్డ-షాహిన్ బేగం, రహమత్ నగర్- నవీన్ యాదవ్, బోరబండ-నర్సింగ్‌రావు, శేరిలింగంపల్లి-షేక్ ఖాజా హుస్సేన్, అల్లాపూర్-ఖుర్షీద్ బేగం, ఓల్డ్ బోయిన్‌పల్లి-మహ్మద్ ఓమెరా, గాజులరామారం-ఎండీ సమీర్ అహ్మద్, రంగారెడ్డినగర్-కె.చెన్నయ్య, మౌలాలి-రహమతున్సీసా బేగం, బౌద్ధనగర్-షబానాబేగం
  


 అధిష్టానం నిర్ణయంపై శ్రేణుల భగ్గు
 చిలుకానగర్‌లో టీడీపీ దిష్టిబొమ్మకు శవయాత్ర
 చౌరస్తాలో దహనం మూకుమ్మడి గా రాజీనామా
  
 ఉప్పల్: తెలుగుదేశం పార్టీలో జీహెచ్‌ఎంసీ ఎన్నికల టికెట్ల చిచ్చు భగ్గుమంది. ఆశావహులకు హామీ ఇచ్చి టికెట్ ఇవ్వకుండా మొండిచేయి చూపిన పార్టీ అధిష్టానం తీరుపై శ్రేణులు భగ్గుమంటున్నారు. పార్టీకి మూకుమ్మడిగా రాజీనామాలు చేసి... తమ నిరసన, ఆగ్రహాన్ని వ్యక్తం చేశారు. వివరాలివీ... చిలుకానగర్ డివిజన్ నుంచి టీడీపీ టికెట్ ఆశించిన ఆ పార్టీ నాయకులు టికెట్ రాక పోవడంతో పాటు ఒక్క సారిగా రగిలిపోయారు. నిన్నటి వరకు బి ఫాం అందిస్తామని హామీ ఇచ్చిన నాయకులు చివరకు మొండి చేయి చూపించడంతో నేత బొమ్మగాని దాస్‌గౌడ్ అనుచరగణం ఆగ్రహం ఒక్కసారిగా కట్టలు తెంచుకుంది. ఈ సందర్భంగా చిలుకానగర్‌లో ఏర్పాటు చేసిన సమావేశంలో నేతలు దాస్‌గౌడ్, చైతన్యగౌడ్ తదితరులు మాట్లాడుతూ... సమాజమే దేవాలయం, ప్రజలే దేవుళ్లు అనే నినాదంతో ఎన్‌టీఆర్ పిలుపు మేరకు పార్టీలో చేరామన్నారు. పార్టీని తిరుగులేని శక్తిగా రూపొందించి 33 సంవత్సరాల కాలంలో ఎలాంటి  పదవులను ఆశించకుండా పనిచేస్తూ వచ్చామన్నారు.
 
 ప్రస్తుతం టికెట్ కోసం డబ్బులను ఆశిస్తున్న టీడీపీ హోల్ సెల్ దుకాణంగా మారిందని ఆరోపించారు. బ్రోకర్స్‌తో టికెట్ల దందా నడిపిస్తున్నారని తీవ్రంగా దుయ్యబట్టారు. పార్టీ అధిష్టానం తీరు బాధాకరమని, తెలంగాణలో పార్టీ భూస్థాపితం కావడం తథ్యమన్నారు. తెలుగుదేశం పార్టీ దుకాణాన్ని మూసుకోకపోతే తెలంగాణ ప్రజలే తగిన గుణపాఠం చెబుతారన్నారు. పార్టీ అధిష్టానం అవలంభిస్తున్న కార్యకర్తలు, నేతల వ్యతిరేక విధానాలకు నిరసనగా చిలుకానగర్‌లో నాయకులు కార్యకర్తలు మూకుమ్మడిగా రాజీనామాలు చేస్తున్నట్లు ప్రకటించారు. అనంతరం టీడీపీ దిష్టి బొమ్మను చిలుకానగర్ చౌరస్తా వరకు శవయాత్ర చేసి చౌరస్తాలో దహనం చేశారు. దారి పొడవునా టీడీపీ, దేవేందర్‌గౌడ్, వీరేందర్ గౌడ్‌లకు వ్యతిరేకంగా నినాదాలు చేశారు. కార్యక్రమంలో నేతలు ఈరెల్లి రవీందర్, ఇమామ్, గోనె శ్రీశైలం, మక్కాల రామకృష్ణ పాల్గొన్నారు.
  


 ► గాంధీభవన్‌లో రెబల్స్ ఆందోళన
 ► ఉత్తమ్ కుమార్‌రెడ్డి కనిపించడం లేదని పోలీసులకు ఫిర్యాదు
 ► గాంధీభవన్‌కు తాళాలు నేతల తీరుపై అభ్యర్థుల నిరసన
  
 జీహెచ్‌ఎంసీ ఎన్నికల్లో పోటీ చేయాలని ఆశించి.. భంగపడిన నేతలు అగ్ర నాయకులపై తీవ్ర ఆగ్రహం వ్యక్తం చేస్తున్నారు. కాంగ్రెస్ కార్యకర్తలు కొందరు శుక్రవారం గాంధీభవన్‌కు ఏకంగా తాళాలు వేశారు. టీ పీసీసీ చీఫ్ ఉత్తమ్ కుమార్ రెడ్డి కనిపించడం లేదంటూ పోలీసులకు ఫిర్యాదు చేశారు. టీడీ పీలోనూ నిరసన మంటలు రేగాయి. చిలుకానగర్‌లో నాయకులు పెద్ద ఎత్తున ఆందోళనకు దిగారు. పార్టీ దిష్టిబొమ్మలను దహనం చేశారు. టీడీపీకి రాజీనామా చేస్తున్నట్టు నాయకులు, కార్యకర్తలు ప్రకటించారు.
  
 నాంపల్లి:సుదీర్ఘ చరిత్ర కలిగిన కాంగ్రెస్ దగా కోరు పార్టీగా మారిపోయిందని ఆ పార్టీ రెబల్ అభ్యర్థులు ఆరోపించారు. శుక్రవారం నాంపల్లి గాంధీభవన్‌లో బి- ఫారం అందని అభ్యర్థులు ఆందోళనకు దిగారు. ‘ఉయ్ వాంట్ జస్టిస్ ...ఉత్తమ్ కుమార్ డౌన్ డౌన్’ అంటూ నినదించారు. పీసీసీ అధ్యక్షుడు గాంధీభవన్‌కు వచ్చే వరకు అక్కడి నుంచి కదిలే ప్రసక్తే లేదని భీష్మించుకుని కూర్చున్నారు. వీరిని నిరోధించేందుకు తొలుత కాంగ్రెస్ నాయకులు గాంధీభవన్‌కు తాళాలు వేయగా..ఆ తరువాత నేతల తీరుకు నిరసనగా రెబల్స్ తాళాలు వేశారు. టీ పీసీసీ చీఫ్ ఉత్తమ్ కుమార్ రెడ్డి  కోసం పడిగాపులు కాశారు. విసుగు చెందిన వీరంతా చివరకు ఉత్తమ్ కుమార్ రెడ్డి కనిపించడం లేదంటూ బేగంబజార్ పోలీసు స్టేషన్‌లో ఫిర్యాదు చేశారు. కాంగ్రెస్ పార్టీ కార్యకర్తలకు ఎన్నికల్లో అవకాశం ఇవ్వకుండా ముక్కూ మొహం తెలియని వారిని పోటీలో నిలిపారని ఆరోపించారు.
 
 30 ఏళ్లుగా కాంగ్రెస్‌లో పని చేస్తున్నాను: శోభారాణి
 గత 30 ఏళ్లుగా కాంగ్రెస్ పార్టీలో క్రియాశీల మహిళా కార్యకర్తగా పని చేస్తున్నాను. కార్యకర్తలు చిన్న చిన్న పదవులను ఆశిస్తారు. ఎమ్మెల్యే, ఎంపీ పదవులను ఇవ్వమన్నా ఇవ్వరు. డివిజన్ స్థాయిలో జరిగే ఎన్నికల్లో కూడా కష్టపడి పనిచేసే వారికి అవకాశం ఇవ్వకుంటే ఎలా? లంగర్‌హౌస్ డివిజన్ పార్టీ టికెట్ అడిగితే కార్వాన్ ఇన్‌చార్జి రూప్‌సింగ్ రూ.25 లక్షలు డిమాండ్ చేశారు. ఎందుకని అడిగితే ఈ డబ్బులు దానం నాగేందర్‌కు ఇవ్వాల్సి ఉంటుందని అంటున్నారు. ఎన్నికల్లో ప్రచారం కోసం డబ్బు అడిగితే ఖర్చు చేసుకోగలం కానీ... జేబులు నింపడానికిఎక్కడ తెచ్చి ఇవ్వాలి? డబ్బులు ఇవ్వనందుకు టికెట్ కేటాయించలేదు. బి-ఫారం ఇవ్వలేదని ఉత్తమ్ కుమార్ రెడ్డి ఇంటి వద్ద ఆందోళన చేస్తే నకిలీది ఇచ్చారు. ఇదెక్కడి న్యాయం? తప్పుడు బి-ఫారం ఇచ్చిన పీసీసీ అధ్యక్షుడు ఉత్తమ్ కుమార్‌రెడ్డిపై బేగంబజార్ పీఎస్‌లో ఫిర్యాదు చే శాను.
 
 మాయ మాటలతో ఉపసంహరింపజేశారు: రేణు కేస్వాని
 కాంగ్రెస్ పార్టీ టికెట్ ఇస్తుందనే భరోసాతో ఘాన్సీ బజార్‌లో నామినేషన్ వేశాను. ఉపసంహరణ నాటికి బీ ఫారాన్ని ఇతరులకు ఇచ్చేశారు. గాంధీభవన్‌లో ఇదేమని ప్రశ్నిస్తే మాజీ మంత్రి షబ్బీర్ అలీ దూతగా నావద్దకు వచ్చారు. ‘మీరు నామినేషన్‌ను ఉపసంహరించుకోవాల’ంటూ ప్రాధేయపడ్డారు. ఆ తరువాత పత్తాలేకుండా పోయారు.
  
 దగా కోరు పార్టీగా మారింది:పార్వతి శర్మ
 కాంగ్రెస్ పార్టీలో పనిచేసే వారికి పదవులు ఇవ్వడం లేదు. ఇన్నేళ్లుగా పార్టీలో కొనసాగుతుండటమే మేం చేసిన పెద్ద తప్పు. ఇతర పార్టీల్లో చేరిన వారు పెద్ద పదవుల్లో ఉన్నారు. సీనియర్ కార్యకర్తలను కాదని ఇతరులకు బి-ఫారమ్ ఎలా ఇచ్చారని ఉత్తమ్‌కుమార్ రెడ్డిని అడిగేందుకు గాంధీభవన్‌కు వస్తే పత్తా లేకుండాపోయారు. ఉదయం నుంచీ వేచి ఉన్నాం. మాకు న్యాయం జరిగే వరకు ఇక్కడే ఉంటాం.
  


 హైదరాబాద్: హెచ్ సీయూ పరిశోధక విద్యార్థి రోహిత్ ఆత్మహత్యపై అధికార టీఆర్ఎస్ పార్టీ మౌనం రాజకీయ వర్గాల్లో చర్చ రేకిస్తోంది. దేశవ్యాప్తంగా సంచలనం రేపిన ఈ ఘటనపై 'గులాబీ' నేతలు గళం విప్పకపోవడం విస్మయం కలిగిస్తోంది. తెలంగాణ ఉద్యమంలో టీఆర్ఎస్ కు విద్యార్థులు దన్నుగా నిలిచారు. అలాంటి ఉద్యమ పార్టీ విద్యార్థి ఆత్మహత్యపై తగిన రీతిలో స్పందికపోవడం పట్ల స్టూడెంట్ యూనియన్లు ఆశ్చర్యం వ్యక్తం చేస్తున్నాయి.
 
 రోహిత్ ఆత్మహత్య నేపథ్యంలో హెచ్ సీయూలో జరుగుతున్న విద్యార్థుల పోరాటానికి పలు రాజకీయ పార్టీలు మద్దతు ప్రకటించాయి. కాంగ్రెస్, వామపక్షాలు, వైఎస్సార్ కాంగ్రెస్, ఆమ్ ఆద్మీ, బీఎస్పీ, తృణమూల్ కాంగ్రెస్, జేడీ(యూ) నేతలు విద్యార్థులలతో పాటు పలు ప్రజా సంఘాలు సంఘీభావం ప్రకటించారు. ఢిల్లీ నుంచి రాహుల్ గాంధీ, కేజ్రీవాల్, వామపక్షాల అగ్రనేతలు స్వయంగా విచ్చేసి హెచ్ సీయూను సందర్శించారు. విద్యార్థులకు మద్దతు తెలిపారు. కేంద్ర మంత్రులు స్మృతి ఇరానీ, బండారు దత్తాత్రేయ రాజీనామాలకు పట్టుబట్టారు. రోహిత్ ఆత్మహత్యకు మోదీ సర్కారే బాధ్యత వహించాలని డిమాండ్ చేశారు.
 
 నిజామాబాద్ ఎంపీ కల్వకుంట్ల కవిత దీనిపై స్పందించారు. ఆమె నేతృత్వంలో నడుస్తున్న తెలంగాణ జాగృతికి చెందిన కార్యకర్తలు దత్తాత్రేయ ఇంటి వద్ద ఆందోళన నిర్వహించారు. అయితే టీఆర్ఎస్ అగ్రనేతలెవరూ గట్టిగా మాట్లాడలేదు. దళిత కమ్యునిటీ సెంటిమెంట్స్ తో ముడిపడిన ఈ ఉదంతాన్ని తాము రాజకీయం చేయాలనుకోవడం లేదని సీనియర్ నేత, తెలంగాణ హోంమంత్రి నాయిని నర్సింహారెడ్డి తెలిపారు. రోహిత్ ఆత్మహత్యకు బాధ్యులైన దత్తాత్రేయ, ఎమ్మెల్సీ రామచంద్రరావులపై చర్యలు తీసుకోవాలని తమ పార్టీ ఎంపీ కవిత డిమాండ్ చేసిన విషయాన్ని ఆయన గుర్తుచేశారు.
 
 ఈ ఘటనపై ముఖ్యమంత్రి కేసీఆర్ వ్యూహాత్మకంగానే మౌనం దాల్చారని తెలుస్తోంది. దీనిపై తాము స్పందిస్తే మాటల యుద్ధానికి తెర లేచే అవకాశముందని, కీలకమైన జీహెచ్ ఎంసీ ఎన్నికల తరుణంలో కేసీఆర్ వివాదాలను కొని తెచ్చుకోవడానికి సుముఖంగా లేని కారణంగానే ఆయన మౌనంగా ఉన్నట్టు విశ్వనీయ వర్గాల సమాచారం. సీఎం సైలెంట్ గా ఉండడంతో మంత్రులు కూడా నోరు మెదపడం లేదు.  
 
 టీఆర్ఎస్ స్పందిచక పోవడాన్ని విపక్షాలు తప్పుబడుతున్నాయి. దళితుడిని ముఖ్యమంత్రిని చేస్తానని కేసీఆర్ మాట తప్పిన విషయాన్ని మళ్లీ తిరగదోడుతున్నాయి. దేశవ్యాప్తంగా సంచలనం సృష్టించిన ఘటనపై అధికార టీఆర్ఎస్ నేతలు మౌనం దాల్చడం శోచనీయమని విమర్శనాస్త్రాలు ఎక్కుపెడుతున్నాయి. జీహెచ్ ఎంసీ ఎన్నికల్లో ఓడిపోతామన్న భయంతోనే గులాబీ నేతలు సైలెంట్ గా ఉన్నారని ఆరోపిస్తున్నాయి.


 ముంపు ముంగిట నగరం.. మేల్కోవాలి నాయక గణం
  
  కుంభవృష్టి కురవకపోయినా.. 24 గంటల్లో 24 సెంటీమీటర్ల వర్షం కురిసినా నగరం మునిగిపోయే ప్రమాదముందని నిపుణులు హెచ్చరిస్తున్నారు. ఇక విపత్తు వస్తే పరిస్థితేంటని ఆందోళన వ్యక్తం చేస్తున్నారు. నాలాలు ఓవైపు ఆక్రమణలకు గురై.. మరోవైపు చెత్తాచెదారం నిండిపోవడంతో వరద నీరు వెళ్లలేని దుస్థితి నగరానిది. సిటీలో సుమారు వంద నీట మునిగే(వాటర్ లాగింగ్) ప్రాంతాలున్నట్లు బల్దియా గుర్తించినా.. నివారణ చర్యలు తీసుకోవడంలో విఫలమవుతోంది. రాష్ట్ర గవర్నర్ నివాసముండే రాజ్‌భవన్, అసెంబ్లీ, అమీర్‌పేట్ మైత్రీవనం, ఖైరతాబాద్ తదితర ప్రధాన ప్రాంతాలు ఈ జాబితాలో ఉన్నాయంటే పరిస్థితి తీవ్రతను అర్థం చేసుకోవచ్చు. వరదనీరు సాఫీగా వెళ్లేందుకు తగిన ప్రణాళికలు గానీ, చేసిన పనులు గానీ లేవంటే అతిశయోక్తి కాదు.
  
  కాగితాలపైనే నివేదికలు...
  2000 ఆగస్టులో కురిసిన వర్షాలకు నగరం జలమయమైంది. నీరు వెళ్లే మార్గం లేకపోవడం, వరదనీటి కాలువల్లో పేరుకుపోయిన భవన నిర్మాణ వ్యర్థాలు, ఇంకుడు గుంతలు లేకపోవడం, నాలాలు, చెరువులు ఆక్రమణలకు గురవ్వడమే దీనికి కారణమని నిపుణులు గుర్తించారు. సమస్య పరిష్కారానికి ప్రణాళికలు రూపొందించే బాధ్యత కిర్లోస్కర్ కన్సల్టెంట్‌కు అప్పగించారు. 2003లో నివేదిక సమర్పించిన కిర్లోస్కర్ కమిటీ వరదనీరు సాఫీగా వెళ్లేందుకు నాలాలను అభివద్ధి చేయాలని సూచించింది. దీనికి దాదాపు రూ.264 కోట్లు ఖర్చవుతుందని అంచనా వేశారు. భూసేకరణ, పునరావాసాలకు అదనపు నిధులు అవసరమవుతాయని భావించారు.
 
 మేజర్ నాలాల అభివద్ధికి కిర్లోస్కర్ కమిటీ ఈ నివేదిక రూపొందించగా, మైక్రోలెవల్ వరకు వరదనీటి నిర్వహణకు మాస్టర్‌ప్లాన్ రూపొందించాల్సిందిగా అధికారులు 2006లో కమిటీ కి సూచించారు. 2007లో నగరం గ్రేటర్‌గా ఏర్పటయ్యాక ‘సమగ్ర మాస్టర్‌ప్లాన్, సూక్ష్మస్థాయి వరదనీటి పారుదల నెట్‌వర్క్ ప్లాన్, మేజర్, మైనర్ వరద కాలువల ఆధునీకరణకు సమగ్ర ప్రాజెక్టు రిపోర్టు(డీపీఆర్) బాధ్యతను ఓయంట్స్ సొల్యూషన్స్ ప్రైవేట్ లిమిటెడ్‌కు అప్పగించారు. దీని ప్రాథమిక అంచనా మేరకు గ్రేటర్‌లో వరద నీటి సమస్య పరిష్కారానికి రూ.6,247 కోట్లు అవసరమవుతాయి.
 
 ఈ నిధులతో బల్కాపూర్, కూకట్‌పల్లి, పికెట్, ఎర్రమంజిల్, బంజారాహిల్స్, ఎల్లారెడ్డిగూడ, పంజగుట్ట, యూసుఫ్‌గూడ, నాగమయ్యకుంట, కళాసిగూడ, ఇందిరాపార్కు, ముర్కినాలాలను ప్రక్షాళన చేసి, ఆక్రమణలు నిరోధించాలి. వీటితో పాటు దండు మాన్షన్, గాంధీనగర్, మోడల్‌హౌస్, జలగం వెంగళరావు పార్కు ప్రాంతాల్లో  టన్నెలింగ్ పనులు చేపట్టాల్సి ఉంది. కానీ ఈ నివేదికలు కాగితాలకే పరిమితమయ్యాయి. ఇప్పటి వరకు పనులు ప్రారంభం కాలేదు.
  
  చతుర్విద ప్రక్రియతో జలసిరి..
  నగరంలోని పార్కులు, లోతట్టు ప్రాంతాలు, బహిరంగ ప్రదేశాల్లో సుమారు పది ఎకరాల విస్తీర్ణంలో ఒక్కటి చొప్పున భారీ ఇంకుడు గుంతలు ఏర్పాటు చేయాలి.
  ఇవి 22 మీటర్ల పొడవు, 16 మీటర్ల వెడల్పు, 6 మీటర్ల లోతులో ఉండాలి. వీటిపై రంధ్రాలున్న సిమెంట్ జాలి, చెత్తాచెదారం చేరకుండా సిల్టు ట్రాపు మూతలు ఏర్పాటు చేయాలి. దీంతో సమీప బోరుబావులు రీఛార్జ్ అయి జలసిరి సంతరించుకుంటాయి. ఇలా చేస్తే 80 శాతం వర్షపు నీటిని ఒడిసి పట్టుకోవచ్చు. ముంపు సమస్యలనూ అధిగమించొచ్చు. వీటి ఏర్పాటుపై జలమండలి, జీహెచ్‌ఎంసీ, స్వచ్ఛంద సంస్థలు, కాలనీ సంక్షేమ సంఘాలు దృష్టి సారించాలి.
  - హనుమంతరావు, ఇంజినీర్ ఇన్ చీఫ్, రిటైర్డ్
  
  ఆధునీకరించాలి..  
   లక్ష్మి, వివేకానందనగర్
  నాలాల విస్తరణ చేపట్టాలి. ఇప్పటికే అనేక ప్రాంతాల్లో నాలాలు కబ్జాలకు గురయ్యాయి. వర్షపు నీరు వెళ్లేందుకు నిర్మించిన నాలాల్లో ప్రస్తుతం రసాయన జలాలు, డ్రైనేజీ పారుతోంది. చెత్తాచెదారాలు నిండిపోయాయి. దీంతో వర్షపు నీరు వెళ్లే దారి లేక వరద ఇళ్లలోకి వస్తోంది. ఇళ్లలోకి నీరు చేరి విష సర్పాలు కూడా వచ్చిన సందర్భాలున్నాయి. నాలాలు ఆధునీకరించి అభివృద్ధి చేసే వారికే నా ఓటు.
  
  అక్రమార్కులపై చర్యలేవీ?
   లావణ్య, కుత్బుల్లాపూర్
  కుత్బుల్లాపూర్‌లో 6 కిలో మీటర్ల మేర నాలా విస్తరించి ఉంది. సుమారు 30 ఫీట్ల నాలా 15 ఫీట్లకు కుంచించుకుపోయింది. దీనికి అధికారుల నిర్లక్ష్యమే కారణం. ఆక్రమణలు జరుగుతున్నా అడ్డుకోకపోవడంతో నాలాలను ఆనుకొని బహుళ అంతస్తుల భవనాలు వెలిశాయి. గతంలో అధికారులు పలు నిర్మాణాలు అక్రమమని తేల్చారు. కానీ చర్యలు తీసుకోలేదు. ఆక్రమణలకు అడ్డుకట్ట వేసే నాయకులకే పట్టం కడతాం.  
  
  నాలాల నిర్వహణేదీ..?
   ఈఎస్ ధనుంజయ, అంబర్‌పేట
  అధికారులు నాలాల నిర్వహణ మరిచారు. ‘నామ్‌కే వాస్త్’గా నాలాల పూడికతీత తీసి, నిధులు దండుకుంటున్నారు. మరోవైపు నాలాలు ఆక్రమణలకు గురై కుంచించుకుపోయి ప్రజలు ఇబ్బందులు పడుతున్నా పట్టించుకోవడం లేదు. నాలాల చుట్టూ ప్రహరీ నిర్మిస్తామని ఎన్నికల వేళ నాయకులు హామీలిస్తున్నారే తప్ప నెరవేర్చడం లేదు. హామీలు నెరవేర్చే వారినే గెలిపించాలి.
  
  చినుకొస్తే నగరం చిగురుటాకే.. కుంభవృష్టి కురిస్తే క‘న్నీటి’ సంద్రమే.. రహదారులు జలమయమే. రాకపోకలు రణరంగమే.. నిలువ నీడ లేక బస్తీలకు నిత్య కష్టమే.. ‘కబ్జా’ సర్పం పడగవిప్పి.. నీరు వెళ్లే దారి లేకుండా నాలాలను ఆక్రమించిన నరకమిది. నివేదికలు కాగితాలకే పరిమితమై.. వరద నీరు నగరాన్ని వణికిస్తున్న చిత్రమిది. పాలకుల నిర్లక్ష్యం, అధికారుల వైఫల్యం, అక్రమార్కుల ఆగడాల ఫలితమే ఈ దుస్థితి. ఈ నేపథ్యంలో గ్రేటర్‌ను ముంపు ముప్పు నుంచి గట్టెక్కించే పార్టీకే పట్టం కడతామంటున్నారు నగరవాసులు.  
  ..: సాక్షి, సిటీబ్యూరో , కుత్బుల్లాపూర్
  
  ‘మెట్రో’ల్లో భేష్
  ముంబై, బెంగళూర్, ఢిల్లీ, కోల్‌కతా లాంటి మెట్రో నగరాల్లో విపత్తును సమర్థంగా ఎదుర్కొనేందుకు ఆయా ప్రభుత్వ విభాగాల సమన్వయంతో ఏర్పాటు చేసిన విపత్తు స్పందనా దళం(ఎన్‌డీఆర్‌ఎఫ్) అందుబాటులో ఉంది. ఇందులో ఆయా నగరపాలక సంస్థలు, జలబోర్డులు, అగ్నిమాపక, రెవెన్యూ శాఖల ప్రతినిధులు సభ్యులుగా ఉంటారు. విపత్తు నిర్వహణ విభాగానికి ప్రత్యేక కార్యాలయం, ప్రత్యేక బడ్జెట్ కేటాయిస్తారు. విపత్తు సంభవించినప్పుడు సంస్థ సభ్యులు ఆయా విభాగాలను అప్రమత్తం చేసి, సుశిక్షితులైన సిబ్బంది సహకారంతో సహాయక చర్యలు చేపడతారు. కానీ నగరంలో ఇలాంటి ప్రత్యేక విభాగం లేదు.
  
  సిటీలోనూ ఇవి అవసరం
  
 ► నగరంలోనూ విపత్తు స్పందనా దళం(ఎన్‌డీఆర్‌ఎఫ్) ఏర్పాటు చేయాలి.
 ► సిటీలోని పురాతన భవనాల నాణ్యత, మన్నికను గుర్తించేందుకు రేడియోధార్మిక టెక్నాలజీని వినియోగించాలి.
 ► నాలాలు, లోతట్టు ప్రాంతాలను జీఐఎస్ పరిజ్జానం ద్వారా గుర్తించి మ్యాపులు సిద్ధం చేయాలి.
 ► లోతట్టు ప్రాంతాల్లో ఆటోమేటిక్ రెయిన్‌గేజ్ యంత్రాల ఏర్పాటు
 ► ముప్పు ప్రాంతాల్లో ఇళ్లలోకి నీరు ప్రవేశించకుండా అత్యవసర మోటార్లు ఏర్పాటు చేయాలి.
 ►  ప్రతి నాలా చుట్టూ వలయం నిర్మించాలి.
  
  ప్రతిపాదనలకే పరిమితం...
  నాలాల ఆధునీకరణకు రూ.10 వేల కోట్లు ఖర్చవుతాయని జీహెచ్‌ఎంసీ అధికారులు ప్రతిపాదించారు. తొలిదశలో 390 కి.మీ.ల మేర నాలాలను అభివద్ధి చేయాలని గతేడాది నవంబర్‌లో భావించారు. దశల వారీగా పనులు పూర్తి చేయాలని, ఇద్దరు స్పెషల్ డిప్యూటీ కలెక్టర్లు, ఇంజినీర్లు, సర్వేయర్లతో ప్రత్యేక బృందాలను నియమిస్తామని ప్రకటించారు. నేటికీ ఆచరణలోకి రాలేదు.
  
  ఇవిగో పరిష్కార మార్గాలు..
 ► ప్రధాన నాలాలపై ఉన్న ఆక్రమణలను తొలగించాలి.
 ► బీపీఎల్, ఏపీఎల్ కుటుంబాలకు నష్టపరిహారం చెల్లించాలి.
 ► నిర్ణీత వ్యవధిలో పనుల పూర్తికి ప్రత్యేక విభాగం ఏర్పాటు
 ► నాలాల ఆధునీకరణ ఆవశ్యకతను ప్రజలకు వివరించాలి. దీనికి పార్టీలు, ఎన్జీఓల సహకారం తీసుకోవాలి.
 ► వరద నీటి కాలువల్లో మురుగునీరు పారకుండా జలమండలికి స్పష్టమైన
 ► ఆదేశాలివ్వాలి. మురుగునీటి పారుదలకు ప్రత్యేక లైన్లు ఏర్పాటు చేయాలి.
 ► అక్రమ నిర్మాణాల కూల్చివేతలపై ప్రజలకు అవగాహన కల్పించాలి.
 ► చెరువులు పునరుద్ధరించాలి.


 ♦ సైబరాబాద్‌లో మొత్తం 3486 పోలింగ్ స్టేషన్లు
 ♦ 1422 సమస్యాత్మకంగా గుర్తింపు
 ♦ పటిష్ట ఏర్పాట్లు చేస్తున్న కమిషనరేట్ అధికారులు
 ♦ బందోబస్తు విధులకు 17 వేల మంది సిబ్బంది
  
  సాక్షి, సిటీబ్యూరో:
  నగరంలో కంటే శివార్లలోనే ఎన్నికల నిర్వహణ సవాల్‌గా మారింది. సిటీ చుట్టూ విస్తరించి ఉన్న సైబరాబాద్ కమిషనరేట్ పరిధిలో మొత్తం 3486 పోలింగ్ స్టేషన్లు ఉండగా... వీటిలో దాదాపు సగం సమస్యాత్మక జాబితాలోనే ఉన్నాయి. ఆయా ప్రాంతాల్లో ఉన్న వ్యాపార, స్థిరాస్తి వ్యవహారాల నేపథ్యంలో పోటీలో ఉన్న ప్రతి ఒక్కరికీ అర్ధ, అంగబలాలు ఎక్కువే. పైగా రియల్ ఎస్టేట్ వ్యాపారానికి కీలకమైన ఈ ప్రాంతాల్లో పట్టుకోసం ‘సీటు’ సాధించాలనే పట్టుదల ప్రతి ఒక్కరిలోనూ ఉంటోంది. ఈ పరిణామాలను సవాల్‌గా తీసుకున్న సైబరాబాద్ పోలీసులు ఎన్నికల బందోబస్తు కోసం 17 వేల మంది సిబ్బందిని వినియోగించేలా ప్రణాళికలు సిద్ధం చేశారు. పరిస్థితుల్ని ఎప్పటికప్పుడు సమీక్షిస్తున్న కమిషనర్ సీవీ ఆనంద్ అవసరమైన మార్పుచేర్పులు సూచిస్తున్నారు.
 
  నగరానికి పూర్తి భిన్నంగా...
  కోర్ సిటీలో చేసే బందోబస్తు, భద్రతా ఏర్పాట్లకు... చుట్టూ విస్తరించి ఉన్న సైబరాబాద్(శివారు ప్రాంతాలు)లో తీసుకునే చర్యలకు చాలా వ్యత్యాసం ఉంటుంది. సువిశాలమైన పరిధి, విసిరేసినట్లు ఉండే కాలనీలు, నిర్మానుష్య ప్రాంతాలు ఎక్కువగా ఉన్న నేపథ్యంలో ఎన్నికల ప్రవర్తనా నియమావళిని పక్కాగా అమలు చేయడం, పోటీలో ఉన్న వాళ్లు ఎరవేసే ప్రలోభాలను అడ్డుకోవడం పెనుసవాల్ లాంటిదే. మూడు వేల చదరపు కిలోమీటర్ల పరిధిలో విస్తరించి ఉన్న సైబరాబాద్ కమిషనరేట్‌లో 12 జీహెచ్‌ఎంసీ సర్కిళ్లు ఉన్నాయి. వీటిలో 64 డివిజన్ల పరిధిలో ఎన్నికలు జరుగనున్నాయి. వీటికి సంబంధించి 1077 పోలింగ్ సెంటర్లలో 3486 పోలింగ్‌స్టేషన్లు ఏర్పాటవుతున్నాయి.
 
 
  కమిషనరేట్ పరిధిలో ఉన్న పోలింగ్‌స్టేషన్లను అధ్యయనం చేసిన పోలీసు విభాగం వీటిలో 1422 సమస్యాత్మకంగా ఉన్నట్లు తేల్చారు. గత చరిత్ర, పోటీలో ఉండే ప్రధాన పార్టీల అభ్యర్థులు, వారి బలాబలాలను పరిగణనలోకి తీసుకుంటూ ఈ జాబితా రూపొందించారు. సాధారణ పరిస్థితులు ఉండే పోలింగ్ స్టేషన్, సెన్సిటివ్, హైపర్ సెన్సిటివ్, క్రిటికల్ పోలింగ్‌స్టేషన్... ఇలా నాలుగు రకాలుగా విభజించుకుని బందోబస్తు ఏర్పాటు చేస్తున్నారు. సైబరాబాద్ కమిషనరేట్ పరిధిలో మొత్తం ఐదు జోన్లు ఉండగా... క్రిటికల్ కేటగిరీ కిందికి వచ్చే పోలింగ్‌స్టేషన్లు కేవలం శంషాబాద్ జోన్‌లోనే ఉన్నాయి. సెన్సిటివ్ పోలింగ్‌స్టేషన్లు ఎల్బీనగర్ జోన్‌లో, హైపర్ సెన్సిటివ్ మల్కాజ్‌గిరిలో ఎక్కువగా ఉన్నట్లు నిర్ధారించారు.
 
  అదనపు బలగాలు 11 వేలు...
  సైబరాబాద్ కమిషనరేట్ పరిధిలో ఉన్న 7619 మంది సిబ్బందిలో రొటీన్ విధుల కోసం 30 శాతం మందికి ఎన్నికల విధుల నుంచి మినహాయింపు ఇస్తున్నారు. మిగిలిన 5334 మందికి అదనంగా మరో 11 వేల మందిని ఇతర విభాగాలు, జిల్లాల నుంచి కోరుతూ డీజీపీ కార్యాలయానికి ప్రతిపాదనలు పంపారు. కమిషనరేట్ వ్యాప్తంగా 253 రూట్ మొబైల్స్, 65 స్ట్రైకింగ్ ఫోర్స్ పనిచేస్తాయి.
  
  బందోబస్తు ఏర్పాట్లు ఇవీ...
  
 ►{పతి పోలింగ్ స్టేషన్‌లో క్యూ నిర్వహణకు కానిస్టేబుల్, ఓ అధికారి
 ► ఒకే బిల్డింగ్‌లో ఉన్న సాధారణ కేటగిరీ కిందికి వచ్చే ఒక పోలింగ్‌స్టేషన్‌కు ఇద్దరు కానిస్టేబుళ్లు, ఇద్దరు అధికారులు
 ► ఒకే బిల్డింగ్‌లో రెండు పోలింగ్‌స్టేషన్లు ఉంటే ఇద్దరు కానిస్టేబుళ్లు, ఇద్దరు అధికారులు
 ► ఒకే బిల్డింగ్‌లో మూడు పోలింగ్‌స్టేషన్లు ఉంటే ముగ్గురు కానిస్టేబుళ్లు, ముగ్గురు అధికారులు
 ► క్రిటికల్ పోలింగ్‌స్టేషన్ల వద్ద ఒక ఎస్సై, పదిమంది సాయుధ పోలీసులు
 ► హైపర్ సెన్సిటివ్ పోలింగ్‌స్టేషన్ వద్ద ఎస్సై,  ఐదుగురు సాయుధులు
 ► సెన్సిటివ్ పోలింగ్‌స్టేషన్ వద్ద హెడ్-కానిస్టేబుల్,ఇద్దరు కానిస్టేబుళ్లు
 ► స్ట్రైకింగ్ ఫోర్స్‌లో ఐదుగురు సిబ్బంది
 ► స్పెషల్ స్ట్రైకింగ్ ఫోర్స్‌లో ఏడుగురు
 ► బోర్డర్ చెక్‌పోస్టుల్లో ఎస్సై, ఆరుగురు సిబ్బంది
 ► ఫ్లయింగ్ స్క్వాడ్‌లో ఏఎస్సై, హెడ్-కానిస్టేబుల్,ఇద్దరు కానిస్టేబుళ్లు
 ► స్టాటిక్ సర్వైలెన్స్ టీమ్‌లో ఏఎస్సై, హెడ్-కానిస్టేబుల్, ఇద్దరు కానిస్టేబుళ్లు


 అడుగుజాడ
  
 మహానగరం అభివద్ధికి బాటలు వేసిన ప్రముఖులు ఎందరో. హైదరాబాద్ చరిత్రలో వారి ప్రస్థానం మరువరానిది. ఆ పుర ప్రముఖుల గురించి ఈతరం తెలుసుకోవాలి. వారిలో ఒకరు ‘కొత్తూరు సీతయ్య గుప్తా’. అందరికీ ఆప్తుడిగా, సామాజిక సేవకుడిగా తనదైన ముద్ర వేశారు.
  
 సిటీబ్యూరో: రాజకీయ ఉద్యమం ఉధృతంగా సాగుతున్న రోజుల్లో సామాన్యుడిగా జీవితాన్ని ప్రారంభించిన సీతయ్య గుప్తా హైదరాబాద్ అభివృద్ధికి కృషి చేశారు. రాజకీయ, సేవా రంగాల్లో సేవలు విస్తరించారు. ఆంధ్రమహాసభ, స్టేట్ కాంగ్రెస్ చేపట్టిన స్వాతంత్రోద్యమాల్లో క్రియాశీలకంగా పనిచేశారు. హైదరాబాద్ సంస్థాన విముక్తి ఉద్యమాల్లో పాల్గొన్నారు. ఎమ్మెల్యేగా, కాంగ్రెస్‌లో ముఖ్య నేతగా ఎంతో పేరు తెచ్చుకున్నారు.
 
 ఇదీ నేపథ్యం..
 రంగారెడ్డి జిల్లా బహదూర్‌గూడలో 1911 ఆగస్టు 10న సీతయ్య గుప్తా జన్మించారు. తల్లిదండ్రులు అన్నమ్మ, శ్రీరామన్న. చిన్నప్పుడే తండ్రి చనిపోవడంతో కుటుంబ భారమంతా ఆయన పైనే పడింది. ఆముదం మిల్లులో, బట్టల దుకాణంలో పనిచేశారు. 16వ ఏట హైదరాబాద్‌కు వచ్చి వ్యాపారంపై పట్టు సాధించారు. మాడపాటి హనుమంతరావుతో కలిసి ఉస్మాన్‌గంజ్ ధర్మశాల నిర్మాణానికి కృషి చేశారు. 1938 ఏప్రిల్ 16న ధూల్‌పేటలో మత ఘర్షణలు చోటుచేసుకున్నాయి. దీనికి వ్యతిరేకంగా చేపట్టిన ‘ఆర్య సమాజ్ సత్యాగ్రహ’ ఉద్యమంలో ఆయన పాల్గొన్నారు. గుప్తా క్రియాశీల కార్యకర్తగా పనిచేస్తున్న రోజుల్లో ప్రభుత్వం ఆర్యసమాజ్‌పై ఆంక్షలు, కార్యకర్తలపై నిర్బంధం విధించింది. దత్తాత్రేయ పహాడ్ పైన తలదాచుకున్న కార్యకర్తలకు భోజనం, ఇతర సదుపాయాలు సమకూర్చే బాధ్యతను గుప్తా స్వీకరించారు.  
  
 రాజకీయ ప్రస్థానం
  హైదరాబాద్ స్టేట్ కాంగ్రెస్‌లో మొదటి నుంచి అతివాద, మితవాద గ్రూపులుండేవి. ప్రగతిశీల అతివాద వర్గానికి నేతృత్వం వహించిన స్వామి రామానందతీర్థ బాటలోనే గుప్తా నడిచారు. ఆంధ్రప్రదేశ్ అవతరించిన తర్వాత సీఎం ఎన్నిక సమయంలో నాయకత్వ సమస్య వచ్చినప్పుడు గుప్తా నీలం సంజీవరెడ్డి వైపు నిలిచి ప్రభుత్వ ఏర్పాటుకు సహకరించారు. బేగంబజార్ నియోజకవర్గంలో బలమైన స్థానం ఉన్నప్పటికీ పార్టీ ఆదేశాల మేరకు 1957 సాధారణ ఎన్నికల్లో ముషీరాబాద్ నుంచి పోటీ చేసి గెలిచారు. రెండోసారి 1962 ఎన్నిక ల్లో బేగంబజార్ నుంచి విజయం సాధించారు.
  
 విద్యారంగ సేవలు
  గుప్తా జీవితంలో విద్యారంగ అభివృద్ధికి ఇతోధిక సేవలు అందించారు. మహిళల కోసం 1943లో సావిత్రి కన్య పాఠశాలను ప్రారంభించారు. కేశవ స్మారక హిందీ విద్యాలయం పేరుతో వినాయకరావు విద్యాలంకార్ స్థాపించిన విద్యాసంస్థలో ఆయన వ్యవస్థాపక సభ్యులు. ఇండియన్ ఇన్‌స్టిట్యూట్ ఆఫ్ మేనేజ్‌మెంట్ అండ్ కామర్స్, ఆంధ్ర విద్యాలయం కళాశాల, వాసవీ ఫౌండేషన్, భారతీయ విద్యాభవన్ తదితర విద్యాసంస్థల ఏర్పాటులో సీతయ్య చొరవ ఉంది. ఆర్య వైశ్యుల అభ్యున్నతికి వాసవి సహకార సంఘాలు ఏర్పాటు చేశారు. ఇప్పటికీ ఇవి సేవలందిస్తున్నాయి. 1939 జులై 5న కేవలం ఏడుగురు విద్యార్థులతో పీల్‌ఖానాలో వైశ్య హాస్టల్  ప్రారంభించారు. 1950లో కాచిగూడలో 250 మంది విద్యార్థులకు వసతి భవనం కట్టించారు. 1963లో వైశ్య హాస్టల్ ట్రస్టును స్థాపించారు. నగరంలో ఎనలేని సేవలందించిన సీతయ్య గుప్తా 1997లో కన్నుమూశారు.


 జీహెచ్‌ఎంసీ ఎన్నికల నేపథ్యంలో వాయిదా
 
  సాక్షి, హైదరాబాద్: రాష్ట్రంలో వచ్చే నెల 3 నుంచి ప్రారంభం కావాల్సిన ఇంటర్మీడియెట్ ప్రాక్టికల్ పరీక్షలను స్వల్ప వాయిదా వేయనున్నారు. వీటిని 5వ తేదీ నుంచి నిర్వహించాలన్న నిర్ణయానికి ఇంటర్మీడియెట్ బోర్డు వచ్చింది. జీఎహెచ్‌ఎంసీ ఎన్నికల నేపథ్యంలో ఈ మార్పులు చేసేందుకు చర్యలు చేపట్టింది. వచ్చే నెల 2న ఎన్నికలు ఉండటం, ఎన్నికల విధుల్లో పాల్గొనే ఇంటర్మీడియెట్ అధికారులు, సిబ్బంది ఆ రోజు రాత్రి వరకు అక్కడే ఉండాల్సి ఉంటుంది. దీంతో 3న సెలవు ప్రకటించే అవకాశం ఉంది. పైగా ప్రాక్టికల్ పరీక్షలకు హాజరయ్యే సిబ్బంది రెండు రోజుల ముందుగా రిపోర్టు చేయాల్సి ఉంటుంది.
 
 ఈ  నేపథ్యంలో 3 నుంచి ప్రాక్టికల్స్ నిర్వహణ సాధ్యం కాదని బోర్డు అధికారులు భావిస్తున్నారు. హైదరాబాద్, రంగారెడ్డి నుంచే కాకుండా నల్లగొండ, మహబూబ్‌నగర్, మెదక్ జిల్లాల నుంచి కూడా ఇంటర్మీడియెట్ విభాగం సిబ్బందికి ఎన్నికల విధులు వేశారు. అయినా 4 వేల మంది సిబ్బంది కొరత ఉన్నందున కరీంనగర్, వరంగల్ నుంచి కూడా ఇంటర్ సిబ్బందిని తీసుకున్నారు. ఈ నేపథ్యంలో ప్రాక్టికల్ పరీక్షల వాయిదా తప్పడం లేదని బోర్డు వర్గాలు పేర్కొన్నాయి. 1,300 కేంద్రాల్లో పరీక్షలు ఉంటాయి. 2.42 లక్షల మంది విద్యార్థులు హాజరుకానున్నారు. మరోవైపు ఈనెల 28న ఎన్విరాన్‌మెంటల్ సైన్స్, 30న మోరల్ సైన్స్ పరీక్షలు యథావిధిగా జరిగే అవకాశం ఉంది.


 కొనసాగుతున్న నైషధం నిరసన
  
 సిటీబ్యూరో: కొందరు నాయకులు పార్టీని సర్వనాశనం చేస్తున్నారని, వారిపై తగుచర్యలు తీసుకోవడంతోపాటు నిజమైన కార్యకర్తలు, నాయకులకు తగిన న్యాయం చేయాలని కోరు తూ హైదరాబాద్ జిల్లా టీడీపీ నాయకుడు నైషధం సత్యనారాయణమూర్తి పార్టీ అధ్యక్షుడు నారా చంద్రబాబునాయుడికి మరో లేఖ రాశారు.  బుధవారం ఆ లేఖను ఎన్టీఆర్ విగ్రహాని కి అందజేసి వినూత్నంగా నిరసన తెల పారు. కార్పొరేటర్ టిక్కెట్ దక్కకపోవడంతో మస్థాపానికి లోనైన నైషధం గత మూడు రోజులుగా వివిధ మార్గాల్లో నిరసన తెలియజేస్తున్నారు.
 
 టీ-టీడీపీ వర్కింగ్ ప్రెసిడెంట్ రేవంత్‌రెడ్డి, జిల్లా అధ్యక్షుడు మాగంటి గోపీనాథ్ మరో ఇద్దరితో కలిసి టిక్కెట్లు అమ్ముకున్నారని, విచారణ జరిపిస్తే సాక్ష్యాధారాలను అందజేస్తానని తాజా లేఖలో పేర్కొన్నారు.  చంద్రబాబు అందుబాటులో లేనందున స్వర్గీయ ఎన్టీఆర్ విగ్రహానికి లేఖను అందజేస్తున్నానన్నారు. ప్రస్తుత పరిస్థితుల్లో తెలంగాణలో టీడీపీని కాపాడాలంటే జూని యర్ ఎన్టీఆర్‌కు టీ-టీడీపీ బాధ్యతలు అప్పగించాలని విజ్ఞప్తి చేశారు. పరిస్థితి ఇలాగే కొనసాగితే పార్టీ అప్రదిష్టపాలవుతుందని హెచ్చరించారు.
  


 సనత్‌నగర్: టీఆర్‌ఎస్ పార్టీ 100 సీట్లలో విజయం సాధించి మేయర్ పీఠా న్ని కైవసం చేసుకోబోతోందని రాష్ట్ర ఐటీ, పంచాయతీరాజ్ శాఖామాత్యులు కేటీ రామారావు అన్నారు. ప్రతిపక్ష టీడీపీ, బీజేపీ, కాంగ్రెస్‌లు అభ్యర్థులను ప్రకటించుకోలేని దుస్థితిలో ఉన్నాయని ఎద్దేవా చేశారు. సనత్‌నగర్ నియోజకవర్గ పరిధిలోని ఐదు డివిజన్ల టీఆర్‌ఎస్ పార్టీ కార్పొరేటర్ అభ్యర్థులు, ఎన్నికల ఇన్‌చార్జిలు, ముఖ్య కార్యకర్తల సమావేశం బుధవారం అమీర్‌పేట్ సితార హోటల్‌లో జరిగింది. రాష్ట్ర మంత్రి తలసాని శ్రీనివాస్ యాదవ్ అధ్యక్షతన జరిగిన ఈ సమావేశానికి మంత్రులు ఇంద్రకరణ్‌రెడ్డి, జోగు రామన్న, ఎమ్మెల్యేలు దివాకర్‌రావు, రేఖానాయక్, చిన్నయ్య, జీవన్‌రెడ్డి హాజరయ్యారు. ఈ సందర్భంగా కేటీఆర్ మాట్లాడుతూ ఏ సర్వే రిపోర్టు చూసినా టీఆర్‌ఎస్‌కే అనుకూలంగా ఉందన్నారు.
 
 టికెట్లు రానివారికి పార్టీ తప్పక గుర్తించి న్యాయం చేస్తుందన్నారు. అభ్యర్థుల గెలుపునకు మనస్ఫూర్తిగా పని చేయాలని కోరారు. కార్యక్రమంలో  సనత్‌నగర్ నియోజకవర్గ ఇన్‌చార్జి దండె విఠల్, కార్పొరేటర్ అభ్యర్థులు కొలన్ లక్ష్మీబాల్‌రెడ్డి, శేషుకుమారి, ఉప్పల తరుణి, అత్తెల్లి అరుణశ్రీనివాస్‌గౌడ్, కురుమ హేమలత, నాయకులు బాల్‌రెడ్డి, సురేష్‌గౌడ్, సంతోష్‌సరాఫ్, ఝాన్సీరాణి, సత్యనారాయణ యాదవ్, అశోక్‌గౌడ్, నరేందర్‌రావు, కరుణాకర్‌రెడ్డి, ఎల్లావుల చక్రధర్ యాదవ్ తదితరులు పాల్గొన్నారు.
  


 చాంద్రాయణగుట్ట:  బీజేపీ అధికారంలోకి వచ్చిన తర్వాత దేశంలో దళితులకు రక్షణ లేకుండా పోతుం దని హైదరాబాద్ ఎంపీ అసదుద్దీన్ ఒవైసీ అన్నారు. ఉప్పుగూడ డివిజన్ ఎంఐఎం అభ్యర్థి ఫహద్ అబ్దుల్ సమద్ ఆధ్వర్యంలో పూల్‌బాగ్‌లో మంగళవారం రాత్రి ఏర్పాటు చేసిన జల్సా (బహిరంగ సభ)లో ఎంపీ అసదుద్దీన్ పాల్గొన్నారు. హెచ్‌సీయూలో దళిత విద్యార్థి రోహిత్ అవమాన భారం భరించలేక మృతి చెందాడన్నారు. యూనివర్సిటీనుంచి సస్పెండ్ చేసేలా వ్యవహరించిన బీజేపీ పెద్దలపై కేసులు నమోదు చేయాలన్నారు. కాంగ్రెస్ నాయకులు శక్తికి మించిన మాటలు మాట్లాడుతున్నారని, నోట్లో దంతాలు లేని వారు మజ్లీస్ పార్టీపై పంజా విసురుతామనడం హాస్యాస్పద మన్నా రు.
 
 అసదుద్దీన్ దేశంలోనే అన్ని రాష్ట్రా ల్లో తిరుగుతాడని....ఆపే దమ్ము ఎవరికీ లేదన్నారు. ఉప్పుగూడ డివిజన్‌లో జరిగిన అభివృద్ధిని గుర్తించి తమ పార్టీ అభ్యర్థి ఫహద్ అబ్దుల్ సమద్‌ను గెలిపించాలన్నారు. ఈ సందర్భంగా టీవీల్లో వస్తున్న ‘ఆజ్ కల్ క్యా చల్‌రా....క్యా చల్‌రా...’ అడ్వర్‌టైజ్‌ను గుర్తు చేస్తూ ‘ఆజ్ కల్ మజ్లీస్ చల్‌రా...’ అంటూ అందరిని నవ్విం చారు. కార్యక్రమంలో మాజీ కార్పొరేటర్ సమద్ బిన్ అబ్దాద్, మజ్లీస్ నాయకులు మోతిలాల్ నాయక్, రహెమాన్ తదితరులు పాల్గొన్నారు.
  


 ►నేటితో నామినేషన్ల ఉపసంహరణకు తెర
 ►మధ్యాహ్నం 3 గంటలతో ముగియనున్న గడువు
 ► ఆలోగా బీ ఫారాలిచ్చిన వారే పార్టీల అభ్యర్థులు
 ► మిగతా వారు ఇండిపెండెంట్లుగా పరిగణన
  
 సిటీబ్యూరో: జీహెచ్‌ఎంసీ ఎన్నికల      నామినేషన్ల ఉప సంహరణ పర్వానికి గురువారం తెరపడనుంది. మధ్యాహ్నం 3 గంటల వరకు ఉప సంహరణలకు గడువు ఉంది. మొత్తం 4,039 నామినేషన్లు దాఖలైన సంగతి తెలిసిందే. బరిలో మిగిలే అభ్యర్థులెవరనేది గురువారం తేలనుంది. వివిధ రాజకీయ పార్టీలు అభ్యర్థులను ప్రకటించేశాయి. రెబల్స్ భయం... ఇతర పార్టీల్లోకి దూకవచ్చుననే సందేహం...ప్రలోభాలకు గురవుతారేమోననే అనుమానంతో అధిక శాతం అభ్యర్థులకు బుధవారం రాత్రి వరకు బి-ఫారాలివ్వలేదు. పార్టీల తరఫున బీ ఫారాల దాఖలుకు మరికొన్ని  గంటల సమయమే మిగిలింది. అన్ని పార్టీలూ మధ్యాహ్నం ఒంటిగంట తర్వా తే బీ ఫారాలిచ్చే యోచనలో ఉన్నట్లు తెలుస్తోంది. ఆ తరువాతనే పార్టీల అసలు అభ్యర్థులెవరో తేలుతుంది. మిగి లిన వారిని ఇండిపెండెంట్లుగా పరిగ ణించనున్నట్టు సంబంధిత అధి కారులు తెలిపారు. మరి ఎందరు రెబల్స్ బరిలో ఉంటారో వేచి చూడాలి.
  
 విశ్వ ప్రయత్నాలు
 ఇప్పటికే కొన్ని పార్టీలు సామ,దాన, భేద దండోపాయాలతో రెబల్స్‌ను దారిలోకి తెచ్చే ప్రయత్నాలు ముమ్మరం చేశాయి. మరికొన్ని పార్టీలు ఏమీ చేయలేక చేతులెత్తేశాయి. అధిక శాతం ఉపసంహరణలు గురువారమే ఉంటాయి. ఈ పరిస్థితిని అంచనా వేసిన ఎన్నికల సంఘం బుధవారం సాయంత్రం 5 గంటల వరకు దీనికి అనుమతించింది. సమాచారం సకాలంలో అందకపోవడంతో ఎక్కువమంది ఉపసంహరించుకోలేకపోయారు. కేవలం 71 మంది మాత్రమే ఉపసంహరించుకున్నారు. దీంతో మొత్తం ఉపసంహరణలు 94కు చేరాయి. బుధవారం వరకు నామినేషన్లు సక్రమంగా ఉండి... బరిలో మిగిలిన వారు 2,543 మంది. గడువు ముగిసేలోగా ఈ సంఖ్య దాదాపు సగానికి తగ్గవచ్చని అంచనా. బుధవారం వరకు రంగంలో ఉన్న వారిలో అత్యధికంగా లింగోజిగూడ, బేగంబజార్ వార్డుల్లో 39 మంది వంతున ఉన్నారు. 30 మందికన్నా ఎక్కువ అభ్యర్థులు ఉన్న వార్డుల్లో సూరారం (37), ఆల్విన్ కాలనీ (33), బాలానగర్(33), ఈస్ట్‌ఆనంద్‌బాగ్(32), రామ్‌నగర్(31) ఉన్నాయి.
  
 బుధవారం రాత్రి అధికారిక సమాచారం మేరకు..
 మొత్తం నామినేషన్లు    :     4,039
 సక్రమంగా ఉన్నవి    :    2,637
 ఉపసంహరణలు    :    94
 రంగంలో ఉన్నవారు    :    2,543
  


 మూసాపేట: జీహెచ్ ఎంసీ ఎన్నికల ప్రచారంలో కొత్త పుంతలు.. గెలుపే లక్ష్యంగా అభ్యర్థుల అగచాట్లు. ప్రచార పర్వానికి దొరికిన ఏ అవకాశాన్ని వదలట్లేదు అభ్యర్థులు. టీనేజ్ కుర్రోడి నుంచి 60 ఏళ్ల వృద్ధుల వరకు అకౌంట్ ఉన్న ఫేస్‌బుక్‌ను తమ ప్రచారానికి వేదికగా వాడుకుంటున్నారు.
 
 ఇప్పటివరకు ఫేస్‌బుక్ అకౌంట్ లేని అభ్యర్థులు అర్జంట్‌గా అకౌంట్ ఓపెన్ చేసేస్తున్నారు. టెక్నాలజీని ఉపయోగించుకుంటూ హైటెక్ ప్రచారం చేస్తున్నారు. దీంతో డివిజన్ల ప్రజలకు అభ్యర్థుల నుంచి ఫ్రెండ్ రిక్వెస్ట్‌లు వెల్లువలా వస్తున్నాయి. పార్టీ కరపత్రాలు, ఇప్పటి వరకు చేసిన అభివృద్ధి, భవిష్యత్‌లో చేపట్టబోయే అభివృద్ధి కార్యక్రమాల గురించి ఎప్పటికప్పుడు ఫేస్‌బుక్‌లో అప్‌లోడ్ చేస్తున్నారు.
 
 'ఫేస్‌బుక్ ద్వారా ప్రజలకు అందుబాటులో ఉంటూ అభివృద్ధి కార్యక్రమాల గురించి వివరించడమే కాకుండా వారి నుంచి సలహాలు, సూచనలు కూడా స్వీకరించొచ్చ'ని అంటున్నారు నేతలు. కొంత మంది అభ్యర్థులైతే సోషల్ నెట్‌వర్కింగ్ వెబ్‌సైట్ల నిర్వహణ కోసమే ప్రత్యేకంగా ఆపరేటర్లను నియమించుకుంటున్నారంటే ఆశ్చర్యంగా ఉంది కదూ..!


 చార్మినార్: భాగ్యనగరం ఎందరో వలస జీవులకు పుట్టిల్లు. భారతదేశంలోని అన్ని జాతులను, భిన్న సంప్రదాయాలను తనలో ఇముడ్చుకున్న మహా సంగమం. సిటీలో ఏ మూలకు వెళ్లినా కొంగొత్త పరిమళాలు సుతారంగా తాకుతునే ఉంటాయి. వందల ఏళ్ల కాలగమనంలో.. హైదరాబాద్ నగర జీవనంలో పార్ధీలు తమ ప్రత్యేకతను చాటుతునే ఉన్నారు. పితృస్వామిక సమాజంలో మాతృ ప్రాధాన్యం గల కుటుంబ వ్యవస్థను ఏర్పాటు చేసుకున్నారు.
   
 నిజాం కాలంలో వలస
 రాజస్థాన్ ప్రాంతానికి చెందిన కొండజాతి ప్రజలను పార్ధీలనేవారు. అప్పట్లో వీరు కొండలు, గుట్టల్లో ఉంటూ వేట జీవనాధారంగా సంచార జీవనం సాగించేవారు. పిట్టల వేట వీరి ప్రధాన వృత్తిగా ఉండేది. జనసామాన్యంలో పిట్టలోళ్లుగా స్థిరపడ్డారు. మహిళలను ప్రత్యేకంగా పార్ధన్ అని పిలుస్తారు. చిత్తోడ్‌ఘర్ నుంచి వలసవచ్చిన మీరాబాయిపై గోల్కొండ నవాబు మనసు పారేసుకున్నాడట. ఆమెకు నవాబు 17 గ్రామాల్ని బహుమతిగా ఇచ్చినట్టు పార్ధీల కథనం. 400 ఏళ్ల క్రితమే నగరానికి వలస వచ్చిన వీరు ఇప్పటికీ తమ సంస్కృతి, సంప్రదాయాల్ని కాపాడుకుంటూ వస్తున్నారు.
 
 సిటీలో ప్రత్యేక బస్తీలు..
 తొలినాళ్లలో పిట్టల వేట ప్రధాన వృత్తిగా ఉండేది. ప్రస్తుతం పళ్లు, కూరగాయల వ్యాపారం చేసుకుంటున్నారు. పార్ధీలకు ప్రత్యేక భాష ఉన్నా.. లిపి లేదు. వీరి కుటుంబాల్లో స్త్రీలదే ముఖ్య భూమిక. పూర్తిగా మాతృస్వామిక వ్యవస్థ. వ్యాపారాలు వారి కనుసన్నల్లోనే జరుగుతుంటాయి. భార్యలు చెప్పినట్టు భర్తలు నడుచుకోవాల్సిందే. ప్రస్తుతం నగరంలో పార్ధీలు సుమారు 2.5 లక్షల మంది ఉన్నారు. కానీ వీరి సంక్షేమానికి ఎలాంటి అసోసియేషన్లు లేవు. బస్తీల వారీగా పంచాయతీ కమిటీలే కీలక నిర్ణయాలు చేస్తాయి.
   
 హోలీ సంబరాలు స్పెషల్..
 వీరు వినాయక చవితి, హోలీ పండగల్ని ఎంతో ఘనంగా నిర్వహిస్తారు. కుటుంబంలోని అంద రూ డాన్సులు చేస్తూ వినాయక నిమజ్జనానికి తరలివస్తారు. హోలీని మూడు రోజులు జరుపుకుంటారు. దేశ వ్యాప్తంగా ఉన్న పార్ధీలంతా శివారులోని జల్‌పల్లిలో గుడారాలు వేసుకుని హోలీని అట్టహాసంగా చేస్తారు.
   
 వీరికి ప్రత్యేక బస్తీలు..
 నగరంలో పార్ధీలకు ప్రత్యేక బస్తీలు ఉన్నాయి. పురానాపూల్, ఎస్.వి.నగర్, లక్ష్మీనగర్, విష్ణునగర్, జాలీ హనుమాన్, లాల్‌దర్వాజా, రాజన్నబౌలి, ఎల్‌బీనగర్, చిక్కడపల్లి, మురళీధర్ బాగ్, బషీర్‌బాగ్, ఖైరతాబాద్, ఫతేనగర్, ఎర్రగడ్డ, సీతాఫల్‌మండి, చిలకలగూడ, బాలానగర్, కాచిగూడ చౌరస్తా, ఉప్పర్‌గూడ, రాణిగంజ్  ప్రాంతాల్లో పార్ధీవాడలు ఉన్నాయి.
   
 రాజకీయ నిర్ణేతలుగా..
 నగరంలో వందల ఏళ్ల క్రితం స్థిరపడిన పార్ధీలు ఇక్కడి రాజకీయాల్లోనూ ప్రముఖ పాత్ర పోషిస్తున్నారు. పురానాపూల్ డివిజన్ నుంచి ఎన్నికైన కాశీరాం 1968-69లో డిప్యూటీ మేయర్‌గా కొనసాగారు. పార్ధీల తరఫున ఎన్నికైన మొదటి ప్రజాప్రతినిధి ఆయనే. 1986 ఎన్నికల్లో మున్సిపల్ ఎన్నికల్లో పురానాపూల్ డివిజన్ నుంచి ఎస్. విజయకుమారి కౌన్సిలర్‌గా ఎన్నికయ్యారు. ఇప్పుడు జరిగే ఎన్నికల్లో కొన్ని డివిజన్లలో అభ్యర్థుల భవితవ్యం వీరు తేల్చనున్నారు.
  


 టీఆర్‌ఎస్, టీడీపీ, రిజిస్టర్డ్ పార్టీల నుంచి ఒక్కొక్కరు
 నలుగురు ఇండిపెండెంట్లు
  
 సిటీబ్యూరో: జీహెచ్‌ఎంసీ ఎన్నికల నామినేషన్ల ఉపసంహరణ మంగళవారం ప్రారంభమైంది. తొలిరోజు ఏడుగురు అభ్యర్థులు నామినేషన్లు ఉపసంహరించుకున్నారు. వీరిలో అధికార పార్టీ టీఆర్‌ఎస్ నుంచి ఒకరు... ప్రతిపక్ష టీడీపీ నుంచి ఒకరు ఉన్నారు. ఎన్నికల సంఘం వద్ద పేరు నమోదు చేసుకున్న పార్టీ నుంచి మరొకరు... ఇండిపెండెంట్లు నలుగురు  ఉపసంహరించుకున్నారు. సరూర్‌నగర్ డివిజన్ టీఆర్‌ఎస్ అభ్యర్థిగా నామినేషన్ దాఖలు చేసిన కందాడి లత... అక్బర్‌బాగ్ డివిజన్‌కు టీడీపీ అభ్యర్థిగా నామినేషన్ వేసిన మహ్మద్ అఫ్జల్ షా ఖాన్ ఉపసంహరించుకున్నారు. దత్తాత్రేయ నగర్ నుంచి రిజిస్టర్డ్ పార్టీకి చెందిన అభ్యర్థి, గచ్చిబౌలి నుంచి ఇద్దరు, ఉప్పుగూడ, కొండాపూర్‌ల నుంచి ఒక్కొక్కరు చొప్పున ఇండిపెండెంట్లు నామినేషన్లు ఉపసంహరించుకున్నారని జీహెచ్‌ఎంసీ అదనపు కమిషనర్  సురేంద్ర మోహన్(ఎన్నికలు) తెలిపారు. మంగళవారం సాయంత్రం మీడియా సమావేశంలో ఆయన మాట్లాడుతూ....మొత్తం 150 వార్డుల స్క్రూటినీ మంగళవారం మధ్యాహ్నానికి పూర్తయిందని చెప్పారు. వివరాలిలా ఉన్నాయి... మొత్తం 4,039 నామినేషన్లకుగాను 189 తిరస్కరించారు. మిగతా 3,850 నామినేషన్లను అధికారులు ఆమోదించారు. పార్టీల వారీగా పరిశీలిస్తే టీఆర్‌ఎస్- 839, టీడీపీ-658, కాంగ్రెస్-659, బీజేపీ-426, ఎంఐఎం- 85, బీఎస్‌పీ-106, సీపీఐ-29,సీపీఎం-41, లోక్‌సత్తా-47, రిజిస్టర్డు పార్టీలు-74, ఇండిపెండెంట్లు-886 ఉన్నాయి.
 
 హోర్డింగుల తొలగింపు
 ఎన్నికల ప్రవర్తనా నియమావళిలో అమలులో భాగంగా ఇప్పటి వరకు 1,71,641 అనధికార ప్రచార హోర్డింగులు, ఫ్లెక్సీలు తొలగించామని సురేంద్రమోహన్ తెలిపారు. శాంతిభద్రతల అంశాల్లో  భాగంగా హైదరాబాద్ పోలీస్ కమిషనర్ 1,363 లెసైన్సుడు ఆయుధాలను స్వాధీనపరచుకున్నారని, 372 మందిని బైండోవర్ చేశారని తెలిపారు. ఇరవై మందికి నాన్‌బెయిలబుల్ వారెంట్లు జారీ చేసినట్లు చెప్పారు. సైబరాబాద్ కమిషనరేట్ పరిధిలో 182 మందిని బైండోవర్ చేసినట్లు తెలిపారు. సమావేశంలో జీహెచ్‌ఎంసీ అడిషనల్ కమిషనర్ శివకుమార్‌నాయుడు పాల్గొన్నారు.
  


 గంట ముందే బీ ఫారాలు
 అన్ని పార్టీలదీ ఇదే పరిస్థితి
 ‘దూకుడు’ను అడ్డుకునేందుకే... అభ్యర్థుల్లో ఆందోళన
  
 సిటీబ్యూరో: జీహెచ్‌ఎంసీ ఎన్నికల్లో తమ పార్టీ నేతలు... ఇతర పార్టీల అభ్యర్థులుగా మారకూడదనే తలంపుతో వివిధ పార్టీలు కార్పొరేటర్ అభ్యర్థులకు బీ ఫారాలు ఇవ్వడం లేదు. కాంగ్రెస్, టీడీపీ, బీజేపీలతో పాటు అధికార టీఆర్‌ఎస్‌లో సైతం ఇదే పరిస్థితి. అభ్యర్థులను ప్రకటించేందుకు తాత్సారం చేసిన పార్టీలు.. బీ ఫారాలు ఇచ్చేందుకూ వెనుకాడుతున్నాయి. అన్ని పార్టీల నుంచీ ఒకరికి మించి నామినేషన్లు వేసిన విషయం తెలిసిందే. వీరిలో సొంత పార్టీ బీఫారం అందని వారంతా గోడ దూకి వేరే పార్టీ అభ్యర్థులుగా పోటీ చేస్తారేమోనని అగ్రనేతలు ఆలోచిస్తున్నారు. దీంతో ఇప్పుడే బీ ఫారాలు ఇచ్చేందుకు సాహసించడం లేదు. నామినేషన్లు  వేసిన వారిలో కొందరు స్థానికంగా పట్టున్నవారు కావడం... ఎన్నికల్లో సొంత బలంతో గెలిచే పరిస్థితి ఉండటంతో అలాంటి వారి విషయమై పార్టీలు ఆందోళనలో ఉన్నాయి. దీంతోచివరి గంటలో మాత్రమే బీ ఫారాలు అందజేయాలని భావిస్తున్నట్లు తెలుస్తోంది. ఉప సంహరణకు తుది గడువైన 21వ తేదీ(గురువారం) మధ్యాహ్నం 3 గంటల్లోగా అభ్యర్థులు బీఫారాలు సమర్పించాల్సి ఉంది.
 
 ఆ వ్యవధి ముగిసేందుకు గంటో... గంటన్నర ముందు మాత్రమే బీ ఫారాలు ఇచ్చే యోచనలో ఉన్నట్లు తెలుస్తోంది. అలా చేస్తేనే ‘దూకుడు’కు అడ్డుకట్ట వేయవచ్చనేది వారి యోచన. మంగళవారం నియోజకవర్గాల ఇన్‌చార్జులతో సమావేశమైన టీడీపీ ప్రోగ్రామ్ కమిటీ నాయకులు తమ అభ్యర్థులకు బుధవారం బీ ఫారాలు ఇస్తామని చెప్పారు. అయితే గడువుకు కొద్దిసేపటి ముందు మాత్రమే ఇచ్చే యోచనలో పార్టీ ఉన్నట్లు హైదరాబాద్ జిల్లా నాయకుడొకరు చెప్పారు. కాంగ్రెస్ పార్టీ కూడా చివరి రోజు రిటర్నింగ్ అధికారుల కార్యాలయాల వద్దనే అభ్యర్థులకు      బీ ఫారాలు పంపిణీ చేయాలని నిర్ణయించినట్టు తెలిసింది.
  


 ⇒రేవంత్, మాగంటి తీరుపై ‘నైషధం’ ఆగ్రహం
 ⇒ఎన్టీఆర్  ఫొటోతో ధర్నా
  
 సిటీబ్యూరో: ఎన్ని ఆటుపోట్లు ఎదురైనా పార్టీనే నమ్ముకొని అంకిత భావంతో మూడు దశాబ్దాలకుపైగా పార్టీకి సేవ చేస్తున్నవారు... ప్రస్తుతం పార్టీలో అగ్రనేతలుగా చెలామణి అవుతున్న కొందరి తీరుతో తీవ్ర మనస్తాపానికి గురవుతున్నారని, వారికి తగిన న్యాయం చే యాలని డిమాండ్ చేస్తూ హైదరాబాద్ జిల్లా టీడీపీ నాయకుడు నైషధం సత్యనారాయణమూర్తి ఎన్టీఆర్ ఘాట్‌లో ధర్నా నిర్వహించారు. ఎన్టీఆర్ వర్దంతి సందర్భంగా సోమవారం ఉదయం ఎన్టీఆర్‌తో కలిసి గతంలో తాను దిగిన ఫొటోతో ఆయన నిరసన తెలిపారు.  తెలంగాణ టీడీపీ వర్కింగ్ ప్రెసిడెంట్ రేవంత్‌రెడ్డి, హైదరాబా ద్ జిల్లా అధ్యక్షుడు మాగంటి గోపీనాథ్ నియంతల్లా వ్యవహరిస్తూ పార్టీని భ్రష్టు పట్టిస్తున్నారని తీవ్ర విమర్శ లు చేశారు. ఇద్దరు ముగ్గురు తొత్తులతో హైదరాబాద్‌లో పెత్తనం చెలాయిస్తున్నారన్నారు. 2002 ఎంసీహెచ్ ఎన్నికల్లో బర్కత్‌పురా డివిజన్ నుంచి బీజేపీ తరపున కార్పొరేటర్ టికెట్ కూడా పొందలేకపోయిన రేవంత్‌రెడ్డి, ప్ర స్తుతం పార్టీలోని ఇద్దరు ముగ్గురితో కలిసి ఇష్టానుసారం వ్యవహరిస్తున్నారన్నారు. పార్టీ అంటే సర్వం తానే అనే అహంతో పార్టీ విధేయులను కాదని ఇష్టమొచ్చిన వారికి టికెట్లు అమ్ముకున్నారని ఆరోపించారు.  
 
 సెక్యులర్ పార్టీ అయిన టీడీపీలో మైనార్టీలను అవమానిస్తూ వారిని తీవ్ర మానసికక్షోభకు గురి చేస్తున్నారన్నారు. బీజేపీతో కుమ్మక్కై,అధికార టీఆర్‌ఎస్‌కు లాభం కలిగిం చేలా పార్టీ గెలిచే స్థానాల్లో పోటీ చేయకుండా తీరని ద్రోహం చేస్తున్నారని ఆరోపించారు. ఎన్టీఆర్ ఘాట్‌కు వచ్చిన నారా లోకేశ్ నైషధం నిరసనకు కారణాలు అడిగి తెలుసుకున్నారు. రామ్‌నగర్ లేదా ఆడిక్‌మెట్ వార్డుల నుంచి పోటీ చేసేందుకు ఏర్పాట్లు చేసుకున్న ‘నైషధం’కు  టికెట్ల కేటాయింపులో పార్టీ మొండి చేయి చూపింది.
  


 నాచారం: టీడీపీలో టిక్కెట్టు చిచ్చు రేపింది. పార్టీ నాయకుల మధ్య కొట్లాటకు దారి తీసింది. వివరాలివీ... మల్లాపూర్ డివిజన్ టీడీపీ అభ్యర్థిగా బోదాసు లక్ష్మీనారాయణ పేరును ఆదివారం అధికారికంగా ప్రకటించారు. లక్ష్మీనారాయణ నామినేషన్ వేసిన తరువాత సీనియర్ నాయకుల ఇంటికి వెళ్లి మర్యాదపూర్వకంగా కలిశారు. ఈ క్రమంలో మల్లాపూర్‌లోని మాజీ కౌన్సిలర్, టీడీపీ సీనియర్ నాయకుడు కేశవరపు ఆంజనేయులు ఇంటికి వెళ్లారు.అక్కడికి చేరుకోగానే ఆంజనేయులు, అతని కుమారులు, అనుచరులు కలసి తనపై దాడి చేశార ని లక్ష్మీనారాయణ ఆరోపించారు.
 
 మొదట ఆంజ నేయులు కుర్చీతో దాడి చేశాడని.. అనంతరం ఆయన అనుచరులు తనతో ఉన్న వారిపై దాడికి దిగారని  బాధితుడు తెలిపారు. ఇరువర్గాలు గొడవ పడుతూ మల్లాపూర్ ప్రధాన రోడ్డుపైకి చేరుకున్నారు. దీంతో అరగంట పాటు ట్రాఫిక్‌కు అంతరాయం ఏర్పడింది. విషయం తెలుసుకున్న పోలీసులు సంఘటన స్థలానికి చేరుకుని ఇరువర్గాలను చెదరగొట్టారు. ఈ విషయమై లక్ష్మీనారాయణ మాట్లాడుతూ అధిష్ఠానం దృష్టికి తీసుకెళతాన ని... నాచారం పోలీసులకు ఫిర్యాదు చేస్తానని తెలిపారు.
  


 సిటీబ్యూరో:  టీడీపీ-బీజేపీ పొత్తులో భాగంగా టీడీపీ వాటా 87 సీట్లకుగాను 81 సీట్లకు అభ్యర్థులను ప్రకటిం చారు. వివరాలిలా ఉన్నాయి. 1. కేవీఎల్‌ఎన్ రావు (కాప్రా), 2 డా.ఏఎస్ రావు నగర్(ప్రకటించలేదు), 5 బోదాసు లక్ష్మీనారాయణ(మల్లాపూర్), 8 -బొబ్బల రమాదేవి(హబ్సిగూడ) , 10 మంజుల గౌడ్(ఉప్పల్), 11చింతల అరుణ (నాగోల్), 12 కొప్పుల నరసింహారెడ్డి (మన్సూరాబాద్), 14 కటికరెడ్డి అరవింద్‌రెడ్డి(బీఎన్‌రెడ్డి నగర్), 15 సామ ప్రభాకర్‌రెడ్డి(వనస్థలిపురం), 18జి.ప్రవీణ్‌గౌడ్ (లింగోజిగూడ), 19  ఆకుల అఖిల(సరూర్‌నగర్), 21 బద్దం మహేందర్‌గౌడ్(కొత్తపేట), 22 యల మంచిలి వెంకట గాంధీ(చైతన్యపురి), 23 గండి కృష్ణయాదవ్(గడ్డిఅన్నారం), 25 బి.జమున(మూసారంబాగ్), 27 ఎస్. శ్రీనివాసచారి (అక్బర్‌బాగ్), 29  మహ్మ ద్ హమీద్(చావునీ), 32 షహ్రాన్ బిన్ అలీ( పత్తర్‌ఘట్టి), 34 సిరోజ్‌సుల్తానా ( తలాబ్ చంచలం), 39 మహ్మద్ సలీం అహ్మద్ ( సంతోష్‌నగర్), 40 వి.అప్పయ్య (రియాసత్‌నగర్), 41 షేక్ ఆషాబేగం (కంచ న్‌బాగ్ )42 గౌసియాబేగం (బార్కాస్) 43 గాజుల వెంకటరమణ (చాంద్రాయణగుట్ట ) 46. గ ణేశ్ రాథోడ్ (ఫలక్‌నుమా) 47 ఆయేషాబేగం (నవాబ్‌సాహెబ్‌కుంట) 52 మధుకర్ యాదవ్(పురానాపూల్)53 మహ్మద్ అబ్దుల్ వాహబ్ (దూద్‌బౌలి) 54 ఎం ఏ హమ్మద్ షరీఫ్ (జహనుమా)55 మహ్మద్ హాజి (రామ్నాస్‌పురా)56 ఎండి హమీద్ (కిషన్‌బాగ్) 58 తఫీజ్ భాయ్ (శాస్త్రిపురం)59 ప్రేందాస్‌గౌడ్ ( మైలార్‌దేవ్‌పల్లి)60 ఎ. మాధవి (రాజేంద్రనగర్ ) 61 స్వప్న గౌడ్ (అత్తాపూర్) 63 ఆర్. ఊర్మిలాదేవి (మంగళ్‌హాట్) 64 ఎం.ఆబిద్ (దత్తాత్రేయనగర్) 65 వేణుగౌడ్ (కార్వాన్) 67 సరోజినిదేవి (గోల్కొండ ) 68 పి.వాణి (టోలిచౌకి) 69 మహ్మద్‌ఖైరుద్దీన్ (నానల్‌నగర్) 73.జి. అరుంధతి గౌడ్(విజయనగర్‌కాలనీ) 77భజరంగ్‌శర్మ ( జాంబాగ్) 81 వనం మాలతి ( నల్లకుంట) 86 గూడబోయిన సరిత (ముషీరాబాద్) 90 రూప్ల రాజశ్రీ ( కవాడిగూడ) 91మాదిరెడ్డి అనిల్‌కుమార్ (ఖైరతాబాద్) 96 పాశం సాయినాథ్ యాదవ్ (యూసుఫ్‌గూడ) 97బి.పద్మయాదవ్ ( సోమాజిగూడ) 99 వి.ప్రదీప్ (వెంగళరావునగర్) 100కానూరి జయశ్రీ ( సనత్‌నగర్) 101 జయశ్రీయాదవ్ (ఎర్రగడ్డ) 102 సదానంద్ సిద్ధార్థ్ (రహ్మత్‌నగర్) 104రవీందర్ ముదిరాజ్ (కొండాపూర్) 106 రాజుయాదవ్ (శేరిలింగంపల్లి) 108 బండి రమేశ్ (మియాపూర్) 109మహ్మద్ షెహనాజ్‌బేగం( హఫీజ్‌పేట) 110 (ప్రకటించలేదు) (చందానగర్) 112 (ప్రకటించలేదు) (రామచంద్రాపురం) 113 మెట్టు కుమార్ యాదవ్( పటాన్‌చెరు) 114 మందడి శ్రీనివాసరావు( కేపీహెచ్‌బీకాలనీ) 115 గోనె రూప (బాలాజీనగర్) 116 వి.స్రవంతి( అల్లాపూర్) 117 బాబూరావు (మూసాపేట) 119చెన్నంగారి మహిపాల్‌రెడ్డి ( ఓల్డ్‌బోయిన్‌పల్లి) 120 చిలుకూరి హరిచందు (బాలానగర్) 122 మాధవరం రోజాదేవి(వివేకానందనగర్ కాలనీ) 123 (ప్రకటించలేదు)(హైదర్‌నగర్) 124 (ప్రకటించలేదు) (ఆల్విన్‌కాలనీ) 125 మీర్జా రషీద్ బేగ్ (గాజుల రామారం) 126 వి.కృష్ణాగౌడ్ (జగద్గిరిగుట్ట) 127 శ్రీనివాస్‌యాదవ్(రంగారెడ్డినగర్) 128 కొట్టె రాధిక (చింతల్) 129 మన్నె రాజు ( సూరారం) 131 బొడ్డు కామేశ్వరి (కుత్బుల్లాపూర్) 132 గోడం సాత్వికరెడ్డి (జీడిమెట్ల) 133 చిట్టిబాబు (మచ్చబొల్లారం) 134 టి.జి.సౌజన్య (అల్వాల్)137 పిట్టల రేణుకా శ్రీనివాస్(వినాయకనగర్) 140 మండల్ విజయ్‌కుమార్‌యాదవ్ (మల్కాజిగిరి)141మిర్యాల శ్యామల ( గౌతమ్‌నగర్ ) 142 శ్రీరాంశారద (అడ్డగుట్ట) 144 కె.గాయత్రి (మెట్టుగూడ)145 మేకల కీర్తి (సీతాఫల్‌మండి)147 ఎం.వీణాకుమారి (బన్సీలాల్‌పేట)149 కూన సత్యకళ గౌడ్ (బేగంపేట) 150 మోండామార్కెట్ (ప్రకటించలేదు)  


 ఆదివారం ఒక్కరోజే 2,616 నేడు పరిశీలన
  
 సిటీబ్యూరో:జీహెచ్‌ఎంసీ ఎన్నికల ప్రక్రియలో తొలి అంకమైన నామినేషన్ల స్వీకరణ పర్వం పూర్తయింది. చివరి రోజైన ఆదివారం 2,616 నామినేషన్లు దాఖలయ్యాయి. జీహెచ్‌ఎంసీ కమిషనర్, ఎన్నికల అధికారి డా.బి.జనార్దన్‌రెడ్డి ఆదివారం సాయంత్రం విలేకరుల సమావేశంలో ఈ వివరాలు వెల్లడించారు. మొత్తంగా 4,069 నామినేషన్లు దాఖలైనట్లు తెలిపారు. పార్టీల వారీగా టీఆర్‌ఎస్ నుంచి 888, కాంగ్రెస్ 698, బీజేపీ 456, టీడీపీ 688, సీపీఐ 35, బీఎస్‌పీ 108, ఎంఐఎం 89, లోక్‌సత్తా తరఫున 49 నామినేషన్లు దాఖలయ్యాయన్నారు. ఎన్నికల సంఘం వద్ద పేరు నమోదు చేయించుకున్న పార్టీల నుంచి 84, ఇండిపెండెంట్ అభ్యర్థుల నుంచి 939 నామినేషన్లు దాఖలైనట్లు తెలిపారు. సోమవారం వీటిని స్క్రూటినీ (పరిశీలన) చేస్తామన్నారు. ఇదిలా ఉండగా.. తమ పార్టీల టిక్కెట్లు రాకపోవడంతో బీ ఫారం సంగతి తర్వాత చూసుకోవచ్చునని భావిస్తూ హడావుడిగా నామినేషన్లు దాఖలు చేసిన వారు గణనీయంగా ఉన్నారు. స్క్రూటినీ అనంతరం ఎన్ని నామినేషన్లు  మిగులుతాయో... ఎన్ని తిరస్కరణకు గురవుతాయోనని వీరంతా ఆందోళన చెందుతున్నారు.
 
 ఇవీ వివరాలు..
 అత్యధికంగా లింగోజిగూడ వార్డుకు 74 నామినేషన్లు దాఖలయ్యాయి. దాని తర్వాత చిలుకా నగర్‌లో 69 నామినేషన్లు దాఖలయ్యాయి.50 నుంచి 65 నామినేషన్లు దాఖలైన వార్డులు తొమ్మిది ఉన్నాయి. అవి.. చైతన్యపురి(51), జాంభాగ్(54), గన్‌ఫౌండ్రి (52), రామ్ నగర్ (51), మియాపూర్ (55), బాలానగర్ (53), ఆల్విన్ కాలనీ (52), సూరారం (55), ఈస్ట్ ఆనంద్‌బాగ్(65). ఐదేసి నామినేషన్లు దాఖలైన వార్డులు: రియాసత్‌నగర్, అహ్మద్‌నగర్పది కంటే తక్కువ (సింగిల్ డిజిట్) నామినేషన్లు దాఖలైన వార్డులు మొత్తం 19.నామినేషన్ల తిరస్కరణకు పరిగణనలోకి
  
 తీసుకునే అంశాలు...
 అభ్యర్థిని ప్రతిపాదించిన వ్యక్తి స్థానిక వార్డులో ఓటరు కాకుంటే. నామినేషన్ పత్రం నిర్ణీత నమూనాలో లేనట్లయితే.నామినేషన్ పత్రంలో నిర్ణీత ప్రదేశంలో అభ్యర్థి/ ప్రతిపాదించే వారి సంతకం లేకపోతే.నిర్ణీత మొత్తం డిపాజిట్‌గా చెల్లించనట్లయితే (ఓసీలు రూ.5 వేలు, ఎస్సీ, ఎస్టీ, బీసీలు రూ. 2, 500).  అభ్యర్థి/ ప్రతిపాదించే వ్యక్తిది సరైన సంతకం కాకుంటే.  ఎస్సీ/ఎస్టీ/ బీసీలకు రిజర్వయిన వార్డుల్లో వారు కాకుండా... ఇతరులు నామినేషన్ వేస్తే.  ఎన్నికల సంఘం నిబంధనలకు అనుగుణంగా క్రిమినల్ కేసులు, ఆస్తులు, విద్యార్హతలు తదితర వివరాలతో అఫిడవిట్ సమర్పించకుంటే. స్క్రూటినీ సందర్భంగా అభ్యర్థులు దగ్గర
  
 ఉంచుకోవాల్సిన పత్రాలు..
 తాజా ఓటరు జాబితాలో అభ్యర్థి పేరు ఉన్నట్లు అధీకృత ప్రతి.వయసును నిర్ధారించే ఆధారాలుడిపాజిట్ జమ చేసినట్టు తెలిపే రశీదు.నామినేషన్ దాఖలు చేసినట్లు, స్క్రూటినీ వివరాలు తెలియజేస్తూ ఇచ్చిన రశీదు.రిజర్వుడు వార్డుల్లో పోటీ చేస్తున్నవారు - ఎస్సీ/ఎస్టీ/ బీసీలుగా ధ్రువీకరణ పత్రం.
  


 సిటీబ్యూరో: కొత్తగా పేర్లు నమోదు చేసుకున్న వారు.. తొలగించిన వారు.. మార్పులు, చేర్పులు అన్నీ పూర్తయ్యాక వచ్చేనెల 2న జీహెచ్‌ఎంసీ ఎన్నికల్లో మొత్తం 74,23, 980 ఓటర్లు తీర్పునివ్వబోతున్నట్టు అధికారులు లెక్కతేల్చారు. ఈ నెల 8వ తేదీ నాటికి వీరి పేర్లు జాబితాలో ఉన్నాయి. అంటే ఎన్నికల నోటిఫికేషన్ వెలువడటానికి వారం ముందుగా దరఖాస్తు చేసుకున్న వారందరితో ఈ జాబితాను రూపొందించారు. ఇక కొత్తగా ఓటరుగా నమోదైన వారికి పోలింగ్‌లో పాల్గొనే అవకాశం లేదు. వివరాలను జీహెచ్‌ఎంసీ ఎన్నికల అధికారి డా.బి.జనార్దన్‌రెడ్డి శనివారం విలేకరులకు  వెల్లడించారు.
  
 ఈ జాబితా మేరకు..
 89,159 మంది ఓటర్లతో సుభాష్ నగర్ టాప్. గత నవంబర్‌లో ఇక్కడ 80,098 మంది ఓటర్లు ఉం డగా.,.. రెండు నెలల్లో మరో 9 వేలకు పైగా పెరి గారు. ఇది జనరల్ మహిళకు రిజర్వ్ చేశారు.అత్యల్పంగా మెహదీపట్నం డివిజన్‌లో 29,854 మంది ఓటర్లు మాత్రమే ఉన్నారు. ఈ డివిజన్‌ను అడ్డగోలుగా డీలిమిటేషన్ చేశారని గత పాలక మండలిలో బీజేపీ పక్ష నాయకునిగా ఉన్న బంగారి ప్రకాశ్.. ఏకంగా పార్టీకి రాజీనామా చేయడమే కాక టీఆర్‌ఎస్‌లో చేరారు. పొరుగునే ఉన్న గుడి మల్కాపూర్ నుంచి నామినేషన్ దాఖలు చేశారు. గత పాలక మండలిలో మేయర్‌గా వ్యవహరించిన మహ్మ ద్ మాజిద్‌హుస్సేన్ ఈ డివి జన్ నుంచి ఎంఐఎం అభ్యర్థిగా నామినేషన్ దాఖలు చేశారు. గతంలో ఆయన పోటీ చేసిన అహ్మద్‌నగర్ డివిజన్ బీసీ మహిళకు రిజర్వయింది.
  
 కొత్త జాబితా మేరకు ఓటర్లు ఇలా..
 పురుషులు     :     39,69,007
 మహిళలు    :     34,53,910
 ఇతరులు     :     1,063
 మొత్తం    :     74,23,980
  
 60 వేలకు మించి ఓటర్లు ఉన్న డివిజన్లలో సరూర్ నగర్ (62,180), రామకృష్ణాపురం (64,604), మైలార్‌దేవ్‌పల్లి (76,038), కొండాపూర్ (72,911), శేరి లింగంపల్లి (62,455), హఫీజ్‌పేట (71,261), బా లాజీ నగర్ (63,548), సూరారం(67,151), కుత్బుల్లాపూర్ (65,653), జీడిమెట్ల (60,327)ఉన్నాయి. 40 వేలలోపు: చావుని (38,335), మెఘల్‌పురా (35,677), బార్కాస్ (35,929), నవాబ్‌సాహెబ్‌కుంట (37,767), పురానాపూల్(34,414), దూద్‌బౌలి (38,153), రామ్నాస్‌పురా (36,926), సులేమాన్ నగర్ (38,310), శాస్త్రిపురం (34,777), రాజేంద్రనగర్(39,091), దత్తాత్రేయ నగర్ (31,364), టోలిచౌకి (35,117), భారతీనగర్(35,057), రామచంద్రాపురం(34,847), వెంకటాపురం(39,041), మెట్టుగూడ (35, 919), రామ్‌గోపాల్‌పేట (35,758) ఉన్నాయి.
 
 థర్డ్ జెండర్లు (ఇతరులు)
 థర్డ్ జెండర్ ఓటర్లు మొత్తం 1,063 మంది. వీరు అత్యధికంగా సూరారం డివిజన్‌లో 25 మంది, నాగోల్‌లో 22 మంది ఉన్నారు.
  


 రోడ్డుపై బైఠాయింపు టిక్కెట్లు అమ్ముకున్నారని  ఆరోపణ
 మూకుమ్మడి రాజీనామాలకు సిద్ధం
 సొమ్మసిల్లిన శేర్ మణెమ్మ కంటతడి పెట్టిన కాసం
  
 ఏఎస్‌రావునగర్: తెలంగాణ ఉద్యమకారులు తిరగబడ్డారు. ఏఎస్‌రావు నగర్ జనరల్ మహిళ స్థానానికి ఇటీవల పార్టీలో చేరిన పజ్జూరి పావనీ రెడ్డికి టీఆర్‌ఎస్ టిక్కెట్ కేటాయించడాన్ని నిరసిస్తూ శుక్రవారం రాత్రి కాప్రా సర్కిల్ అధ్యక్షుడు భేతాళ బాలరాజు ఇంటి ఎదుట బైఠాయిం చారు. ఏఎస్‌రావునగర్ డివిజన్ కమలానగర్‌లోని బాలరాజు ఇంట్లో టీఆర్‌ఎస్ పార్టీ ఎన్నికల పరిశీలకుడు వేణుగోపాలాచారి ఉన్న విష యం తెలుసుకున్న ఆశావహులు అనుచరులతో కలసి ఇంటి ఎదుట బైఠాయించారు. రెండు గంటల పాటు ఉద్రిక్త వాతావరణం చోటు చేసుకుంది. అసలు పావనీరెడ్డి ఎవరంటూ ఆందోళనకారులు ఆయనను నిలదీశారు. పార్టీ సర్కిల్ అధ్యక్షుడు బాలరాజు, డివిజన్ అధ్యక్షుడు పులి చెరాల తీరుపై విరుచుకుపడ్డారు.
 
 ఉద్యమకారులను విస్మరించి టిక్కెట్లు అమ్ముకున్నారని ధ్వజమెత్తారు. ఉప్పల్ నియోజకవర్గ పార్టీ ఇన్‌చార్జి బేతి సుభాష్‌రెడ్డి అమ్ముడుపోయారని విమర్శించారు. మూకుమ్మడి రాజీనామాలు చేస్తామని హెచ్చరించారు. తీవ్ర వాదోపవాదాల నేపథ్యంలో పార్టీ సీనియర్ నాయకులు శేర్ మణెమ్మ సొమ్మసిల్లి పడిపోయారు. దీంతో కొద్దిసేపు బాలరాజు ఇంటి  ఎదుట రోడ్డుపై బైఠాయించారు. పార్టీ నాయకులకు వ్యతిరేకంగా పెద్ద ఎత్తున నినాదాలు చేశా రు. పావనీరెడ్డికి టిక్కెట్టును ఉపసంహరించుకోవాలని డిమాండ్ చేశారు. ఉద్యమకారుల్లో ఎవరికి టిక్కెట్ కేటాయించినా గెలిపించుకుంటామని హామీ ఇచ్చారు. దీంతో వేణుగోపాలాచారి ఫోన్‌లో ఐటీ శాఖ మంత్రి కె.తారకరామారావుకు గొడవ విషయా న్ని తెలియజేశారు. శనివారం ఉదయం తన వద్దకు రావాలని ఆదేశించినట్లు పార్టీ వర్గాలు తెలిపాయి. కార్యక్రమంలో టీఆర్‌ఎస్ నాయకులు కొత్త రామారావు, కాసం మహిపాల్‌రెడ్డి, శేర్ మణెమ్మ, తాడురి భాగ్య, ఏనుగు సీతారాంరెడ్డి, కందాడి సుదర్శన్‌రెడ్డి, అర్చన, రాజేశ్వరి  పాల్గొన్నారు.
 
 కాసం కంట తడి
 ఏఎస్‌రావునగర్ డివిజన్ జనరల్ మహిళ స్థానంలో తన సతీమణి కాసం పద్మను పోటీకి నిలపాలని ఆశించిన టీఆర్‌ఎస్ కాప్రా సర్కిల్ ప్రధాన కార్యదర్శి కాసం మహిపాల్‌రెడ్డి టికెట్‌ను పావనీరెడ్డికి కేటాయించిన విషయం తెలుసుకుని బోరున విలపించారు. గత 12 ఏళ్లుగా తెలంగాణ ఉద్యమంలో కీలక పాత్ర పోషించి అనేక కేసుల్లో ఇరుక్కున్న తనను అధిష్టానం గుర్తించలేదని వాపోయారు. పార్టీ నాయకులు, కార్యకర్తలు ఓదార్చినప్పటికీ లాభం లేకుండా పోయింది.


 ప్రచార వ్యూహాల తో ముందుకు
 55 స్థానాల్లో గెలుపుపై బీజేపీ గురి
  
 సిటీబ్యూరో : గ్రేటర్ పీఠమే లక్ష్యంగా కాషాయ దళం ఎన్నికల పోరుకు సిద్ధమైంది. టీడీపీ పొత్తుతో అగ్రనేతలు అభ్యర్థుల తరఫున ప్రచార వ్యూహాలతో ముందుకెళ్లేందుకు శ్రేణులను సన్నద్ధం చేశారు. కేంద్రం నుంచి పెద్ద మొత్తంలో నిధులు తెచ్చి హైదరాబాద్‌ను విశ్వనగరంగా అభివృద్ధి చేస్తామన్న హామీతో జీహెచ్‌ఎంసీ ఎన్నికల్లో బీజేపీ-టీడీపీ కూట మి బరి లోకి దిగుతోంది. గత సాధారణ ఎన్నికల్లో నగరంలో 5 ఎమ్మెల్యేలు, ఒక ఎంపీ స్థానాన్ని చేజిక్కించుకున్న బీజేపీ గ్రేటర్ ఎన్నికల్లో సైతం అదే ఊపును కొనసాగించాలని యోచి స్తోంది. గ్రేటర్‌లో 87 స్థానాల్లో టీడీపీ, 63 స్థానా ల్లో బీజేపీ సిద్ధమయ్యాయి. మజ్లిస్, టీఆర్ ఎస్‌లకు బల్దియా పీఠం దక్కకుండా చేస్తామని ఆ పార్టీల నేతలు చెబుతున్నారు.
 
 మేయర్ పీఠాన్ని చేజిక్కించుకొనేందుకు అవసరమైన వనరులను సమకూర్చుకునేందుకు గ్రేటర్ బీజేపీ నేతలు విశ్వప్రయత్నాలు చేస్తున్నారు. బస్తీల్లో ఇంటింటి ప్రచారం, పాదయాత్రలు, రోడ్ కార్నర్ మీటింగ్‌లతో ఓటర్లను ఆకర్షించవచ్చన్న ఉద్దేశంతో అస్త్రశస్త్రాలను సిద్ధం చేసుకున్నారు. పార్టీని విజయం దశగా నడిపే భారమంతా బీజేపీ తెలంగాణ రాష్ట్ర అధ్యక్షుడు జి.కిషన్‌రెడ్డి భుజానికి ఎత్తుకున్నారు. పార్టీలో సుదీర్ఘ రాజకీయ చరిత్ర ఉన్న ఆయన ఎన్నికల్లో కర్త, కర్మ, క్రియ అన్నట్లుగా ఉన్నారు. పెద్ద సంఖ్యలో బీజేపీ-టీడీపీ కార్పొరేటర్లను గెలిపించడం ద్వారా సత్తా చాటుకునేందుకు ప్రణాళికబద్ధం గా వ్యవహరిస్తున్నా రు. మజ్లిస్‌ను అడ్డుకోవడమే తమ ధ్యేయమని ప్రకటించడం ద్వారా పాతబస్తీలో మైనార్టీయేతరులను ఆకర్షించే  ప్రయత్నాలు ప్రారంభించారు. 2002 కార్పొరేషన్ ఎన్నికల్లో టీడీపీ పొత్తుతో గోదాలోకి దిగిన బీజేపీ మళ్లీ అదే పరిస్థితిని పునరావృతం చేయాలని ఆరాటపడుతోంది. పాత నగరంలో తమ పట్టును మ రింత పటిష్టం చేసుకునేందుకు గ్రేటర్ ఎన్నికలను సద్వినియోగం చేసుకోవాలని నేతలంతా కలసికట్టుగా ముందుకు కదులుతున్నారు.
 
 నేడు నామినేషన్లు
 నగరంలో తమకు కేటాయించిన 63 డివిజ న్ల లో అభ్యర్థులను ఖరారు చేసిన బీజేపీ... వారి కి ఫోన్ ద్వారా సమాచారం ఇచ్చింది. నామినేషన్లకు తుది గడువు ఆదివారంతో ముగియనున్నందున శనివారం అర్థరాత్రి నుంచి ఆదివా రం ఉదయం 10 గంటలలోపే అభ్యర్థులకు బి-ఫారాలు అందించేలా నగర బీజేపీ ఏర్పా ట్లు చేసింది. ఒక్కో డివిజన్‌కు ఇద్దరు అభ్యర్థులను ఎంపిక చేసిన ‘ఎన్నికల కమిటీ’ ఇద్దరికీ ఫోన్ చేసినట్లు సమాచారం. వారిని పిలిపిం చి... పార్టీ నిర్ణయాన్ని వెల్లడించి.. గెలిచిన తర్వాత పార్టీ మారనన్న హామీ ఇచ్చాకే వారి లో ఒకరికి బి-ఫారం ఇవ్వాలని నిర్ణయిం చినట్లు సమాచారం. బి-ఫారాలు అందకపోయినా శనివారం సుమారు 93 మంది బీజేపీ అభ్యర్థులుగా నామినేషన్ దాఖలు చేయడం గమనార్హం.


 జీహెచ్‌ఎంసీ ఎన్నికల్లో కీలక ఘట్టమైన నామినేషన్ల గడువు మరికొన్ని గంటల్లో ముగుస్తోంది. ప్రధాన పార్టీలు అనేక డివిజన్లకు శనివారం రాత్రి వరకూ అభ్యర్థులను ప్రకటించలేదు. ఆ ప్రాంతాలకు టిక్కెట్లు ఆశిస్తున్న వారిలో ఉత్కంఠ నెలకొంది. మరి కొందరు ఓ అడుగు ముందుకేసి... రెబెల్స్‌గా నామినేషన్లు వేశారు. అధికార టీఆర్‌ఎస్‌ను ఈ బెడద వెంటాడుతోంది. టీడీపీ-బీజేపీల మధ్య సీట్ల పంపకం వివాదానికి దారి తీసింది. శనివారం రాత్రికి సీట్ల సంఖ్యపై ఈ పార్టీల మధ్య ఒప్పందం కుదిరింది. అభ్యర్థులు ఖరారు కావలసి ఉంది.
  
 సిటీబ్యూరో: టిక్..టిక్..టిక్.. ఎడతెగని సంప్రదింపులు.. చర్చలు.. పొత్తు పొడుపులు... ఆశావహుల్లో క్షణక్షణం.. టెన్షన్.. టెన్షన్.. అన్ని పార్టీల క్యాడర్‌లో అయోమయం. అన్ని డివిజన్లకూ తమ పార్టీల అభ్యర్థులను ఎప్పుడు ప్రకటిస్తారోనన్న సస్పెన్స్. బల్దియా సమరాంగణంలో ప్రధాన పార్టీల అభ్యర్థుల ఖరారు ప్రక్రియ ఉత్కంఠగా మారింది. శనివారం ఇదే అంశంపై ప్రధాన రాజకీ య పక్షాల్లో హైడ్రామా నెలకొంది. గెలుపు గుర్రాల అన్వేషణలో ప్రధాన పార్టీలు పెద్ద కసరత్తే చేశాయి. తమ రాజకీయ అనుభవంతో ప్రత్యర్థి పార్టీల ఎత్తులను చిత్తు చేసేందుకు సరికొత్త వ్యూహాలను రూపొందించాయి. ప్రత్యర్థి పార్టీల అభ్యర్థులను ప్రకటించే వరకు తమ అభ్యర్థుల వివరాలు వెల్లడించలేదు. వారి బలాబలాలను పరిగణనలోకి తీసుకొని ముందడుగు వేయాలన్న ఎత్తుగడను అనుసరించాయి. రాజకీయ నేతలతో పాటు సాధారణ ప్రజానీకం సైతం ఇవే చర్చలతో గడపడం గమనార్హం. కొందరు టీవీలకు అతుక్కుపో యి తాజా రాజకీయ పరిణామాలను ఆసక్తిగా గమనించడం విశేషం. మరో వైపు అధికార టీఆర్‌ఎస్‌లో రె‘బెల్స్’ మోగాయి. టీడీపీ-బీజేపీల్లో సీట్ల పంపకం గొడవలకు దారి తీసింది.
 
 అధికార గులాబీ పార్టీలో...
 గ్రేటర్ పరిధిలో 150 డివిజన్లు ఉన్నాయి. అధికార టీఆర్‌ఎస్ సంక్రాంతి పర్వదినమైన శుక్రవారమే రెండు విడతలుగా 80 డివిజన్లకు అభ్యర్థులను ప్రకటించింది. మిగతా 70 డివిజన్లలో అభ్యర్థులకు నామినేషన్లు దాఖలు చేయాల్సిందిగా ఫోన్‌లో సమాచారం ఇచ్చింది. దీంతో  శనివారం రాత్రి పొద్దుపోయే వరకు ఉత్కంఠ నెలకొంది. ఈ సమాచారం తెలియక ఒక్కో డివిజన్‌కు ముగ్గురు నుంచి ఐదుగురేసి ఔత్సాహికులు శనివారమే నామినేషన్లు దాఖలు చేయడం విశేషం. టిక్కెట్లు దక్కని వారు రెబెల్స్‌గాబరిలో నిలుస్తామని స్పష్టం చేస్తుండడం గమనార్హం. వారంతా అగ్రనేతలను కలిసి తీవ్ర అసంతృప్తి వ్యక్తం చేసినట్లు తెలిసింది. ఉద్యమ సమయం నుంచి పార్టీని నమ్ముకొని పనిచేస్తున్న తమను కాదని ఇతర పార్టీల నుంచి వచ్చిన వలస నేతలు, డబ్బున్న వారికే టిక్కెట్లు ఇచ్చారని ఆగ్రహం వ్యక్తం చేశారు.
 
 టీడీపీ-బీజేపీల మధ్య హైడ్రామా
 బీజేపీ-టీడీపీల మధ్య పొత్తు పొడిచింది. టీడీపీ 87, బీజేపీ 63 స్థానాల్లో పోటీకి సీట్ల సర్దుబాటు పూర్తయింది. శివారు డివిజన్ల విషయంలో ఇరుపార్టీల నేతల మధ్య సయోధ్య కుదరలేదు. ప్రధాన నగరంలో మాత్రం ఎలాంటి అభ్యంతరాలు వ్యక్తం కాలేదు. శివారు ప్రాంతాల్లో ఎక్కువ స్థానాలు టీడీపీకి ఇవ్వడం వల్ల తమకునష్టం జరుగుతుందని.. కొన్ని డివిజన్లు కేటాయించాలని బీజేపీ పట్టుబట్టింది. తమకు బలమున్న డివిజన్లను బీజేపీకి ఇచ్చేందుకు టీడీపీ అభ్యంతరం చెప్పింది. దీంతో ఇరుపార్టీల మధ్య శనివారం ఉదయం నుంచి రాత్రి వరకు హైడ్రామా నడిచింది. సాయంత్రం 6 గంటలకు ఇరుపార్టీల నేతలు జూబ్లీహిల్స్‌లోని కేంద్ర మంత్రి, టీడీపీ ఎంపీ సుజనా చౌదరి కార్యాలయంలో సమావేశమై సుదీర్ఘంగా చర్చించారు.  గ్రేటర్‌లో ప్రస్తుతం అనుకూల పవనాలు వీస్తున్నాయని... సెటిలర్ల ఓట్లన్నీ తమకే పడతాయని... సుమారు 55 డివిజన్లలో విజయం తథ్యమని సర్వేలో తేలిందని నగర బీజేపీ నేతలు వాదించినట్లు సమాచారం. తమ వద్ద నుంచి టీఆర్‌ఎస్‌లోకి వెళ్లిన ఎమ్మెల్యేల నియోజక వర్గాల్లోని డివిజన్లను బీజేపీకి కేటాయించే ప్రశ్నే లేదని టీడీపీ భీష్మించుకు కూర్చున్నట్లు తెలిసింది. రాత్రి 8 గంటల తర్వాత వ్యవహారం కొలిక్కి వచ్చింది. బీజేపీ 63... టీడీపి 87 డివిజన్లలో పోటీకి నిర్ణయించాయి.  
 కాంగ్రెస్ పార్టీలో...
 కాంగ్రెస్ పార్టీలో అభ్యర్థుల ఎంపిక ప్రక్రియ సా..గుతోంది. ఇప్పటి వరకు 45 మందిని ప్రకటించారు. పీసీసీ చీఫ్ ఉత్తమ్‌కుమార్‌రెడ్డి, మల్లు
 భట్టివిక్రమార్క తదితర సీనియర్ నేతలు శనివారం నియోజకవర్గాల పార్టీ ఇన్‌చార్జులు, ముఖ్యనేతలు, ఔత్సాహికులతో చర్చిం చారు. రాత్రి పొద్దుపోయే వరకు ఇదే పరిస్థితి. జాంభాగ్ డివిజన్ నుంచి మాజీ మంత్రి ముఖేష్‌గౌడ్ తనయుడు విక్రంగౌడ్, తార్నాక నుంచి మాజీ మేయర్ బండ కార్తీకరెడ్డి నామినేషన్లు వేశారు.
  
 ఎంఐఎంలో..
 మజ్లిస్ పార్టీ అభ్యర్ధుల ఎంపికలో దారుస్సలాంలో హైడ్రామా చోటుచేసుకుంది. శనివారం రాత్రి వరకు అధికారికంగా జాబితాను ప్రకటించనప్పటికీ కొందరు సీనియర్ సిట్టింగ్ కార్పొరేటర్లు, మరి కొందరు కొత్త ముఖాలకు నామినేషన్ వేసుకునేందుకు వ్యక్తిగతంగా మజ్లిస్ అధినేత అసదుద్దీన్ ఒవైసీ ఆదేశాలు జారీ చేశారు. శనివారం సుమారు 27 మంది మజ్లిస్ పార్టీ తరఫున నామినేషన్లు దాఖలు చేశారు. ఒక రోజు మాత్రమే గడువు ఉండడంతో ఆశావహులు పెద్ద సంఖ్యలోదారుస్సలాంకు తరలి వచ్చారు. పార్టీ అధినేత అసదుద్దీన్ ఒవైసీ, అక్బరుద్దీన్ ఒవైసీ, పార్టీ ఎమ్మెల్యేలు దారుస్సలాంలోని ప్రత్యేక గదిలో కూర్చొని ఉదయం నుంచి రాత్రి వరకు ఎంపిక చేసిన అభ్యర్థుల్లో ఒక్కొక్కరిని పిలిపించుకొని సుదీర్ఘంగా చర్చించి.. బయటకు పంపించారు. వారిలో కొందరికి నామినేషన్ పత్రాలను సిద్ధం చేసుకోమని... మరికొందరికి పార్టీ కోసం పని చేయాలని చెప్పారు. అభ్యర్థిత్వాల ఖరారు సంకేతాలు లభించిన వారికి పార్టీ ఎన్నికల విభాగం సిబ్బంది అక్కడికక్కడే బాండ్ పేపర్‌తో సహా నామినే షన్ పత్రాలను సిధ్ధం చేసి అందించారు. ఆశావహులు పెద్ద ఎత్తున తరలి వచ్చినప్పటికీకొందరికి మాత్రమే ప్రత్యేక గదిలోకి ఆహ్వానం లభించింది. డివిజన్ల రిజర్వేషన్‌తో మైనార్టీయేతరులు కూడా అధిక సంఖ్యలో పార్టీ కార్యాలయానికి తరలిరావడంతో సందడి నెలకొంది.
  


 మొత్తం సంఖ్య 1,402    
  
 సిటీబ్యూరో: జీహెచ్‌ఎంసీ ఎన్నికలకు శనివారం భారీ ఎత్తున నామినేషన్లు దాఖలయ్యాయి. శనివారం మంచిరోజు కావడంతో 1301 మంది నామినేషన్లు దాఖలు చేసినట్లు ఎన్నికల అధికారి డా.బి.జనార్దన్‌రెడ్డి తెలిపారు. అడిషనల్ కమిషనర్ (ఎన్నికలు) సురేంద్ర మోహన్‌తో కలిసి విలేకరుల సమావేశంలో మాట్లాడారు. ఇప్పటి వరకు మొత్తం 1,402 నామినేషన్లు దాఖలయ్యాయి. వాటిలో బీఎస్‌పీ-24, బీజేపీ-120, సీపీఐ-17, సీపీఎం-15, కాంగ్రెస్-242, ఎంఐఎం-33, టీఆర్‌ఎస్-357, టీడీపీ-257, లోక్‌సత్తా-15, ఎన్నికల సంఘం వద్ద పేర్లు నమోదైన ఇతర పార్టీలు-20, ఇండిపెండెంట్లు-302 నామినేషన్లు దాఖలు చేసినట్లు తెలిపారు.
  
 21 లోగా బీ ఫారం..
 వివిధ పార్టీల తరఫున పోటీ చేసే అభ్యర్థులు నామినేషన్ల ఉపసంహరణ గడువు 21వ తేదీ మధ్యాహ్నం 3 గంటల్లోగా భీ ఫారాలు అందజేయవ చ్చని జనార్దన్‌రెడ్డి తెలిపారు. ఈసారి జీహెచ్‌ఎంసీ ఎన్నికల్లో నోటా ఆప్షన్ ఉండేదీ, లేనిదీ రెండు రోజుల్లో ఎన్నికల సంఘం నిర్ణయిస్తుందని  ఒక ప్రశ్నకు సమాధానంగా చెప్పారు.
  


 హైదరాబాద్: ముఖ్యమంత్రి కేసీఆర్ భోళాశంకరుడని... ప్రజలకు కావాల్సినవన్నీ చేస్తారని ఆయన తనయ, నిజామాబాద్ ఎంపీ కల్వకుంట్ల కవిత అన్నారు. తెలంగాణలో ఎలాంటి పథకాలు అమలవుతున్నాయో ప్రజలందరికీ తెలుసునని, కేంద్రంలో అమలయ్యే పథకాలు ఎవరికీ తెలియదని చెప్పారు. మోదీ ఏం పథకాలు ప్రవేశపెట్టారో తెలంగాణ బీజేపీ అధ్యక్షుడు కిషన్ రెడ్డికి కూడా తెలియదని ఎద్దేవా చేశారు. టీఆర్ఎస్ ప్రభుత్వం ప్రవేశపెట్టిన పథకాలను తమలో ఎవర్ని అడిగినా చెబుతామని అన్నారు.
 
 తెలంగాణ భవన్ లో వికలాంగుల జేఏసీతో శనివారం ఆమె భేటీ అయ్యారు. ఈ సందర్భంగా మాట్లాడుతూ... నిజామాబాద్ లో నిర్మిస్తున్న డబుల్ బెడ్ ఇళ్లలో వికలాంగులకు 3 శాతం ఇవ్వాలనుకుంటున్నట్టు కవిత చెప్పారు. జీహెచ్ ఎంసీ ఎన్నికల్లో టీఆర్ఎస్ విజయం కోసం కృషి చేయాలని వికలాంగుల జేఏసీని కోరారు.


 గుసగుసలు
  
 సిటీబ్యూరో : జీహెచ్‌ఎంసీ ఎన్నికల్లో పోటీచేసే అభ్యర్థులు రూ. 5 లక్షలు మించి ఖర్చు చేయకూడదు.  అయితే, అభ్యర్థులు ఒక్కరోజుకే రూ.5 లక్షలు ఖర్చుపెట్టేందుకు సిద్ధమవుతున్నారు. గతంలో ఖర్చు రూ. 2 లక్షలు ఉండగా రూ. 5 లక్షలకు పెంచారు. అలా పెంచినా ఒక్కరోజులోనే ఖర్చుపెట్టేస్తామంటున్నారు అభ్యర్థులు..
  
 టికెట్ కొనేందుకు రూ. కోటి
   ప్రధాన పార్టీల్లో కొన్ని చోట్ల టికెట్ ధర రూ. 50 లక్షల నుంచి కోటి రూపాయల వరకు ఉందట. ఇక జనంలోకి పోతే ఖర్చు తడిసి మోపెడవుతుంది. అంతా రూ. కోటి నుంచి రెండు కోట్లు ఖర్చవుతుందని లెక్కలు వేసుకుంటున్నారు. నామినేషన్ రోజున ర్యాలీల కోసం, ఆర్భాటాలు, ప్రచారానికి రూ. 10 లక్షలు ఖర్చు లెక్కరాశారు. ప్రచారం అన్ని రోజులు కార్యకర్తలు, అనుచరులు, మిగతా వారికి  భారీగా ఖర్చుపెట్టాల్సిందే. పెద్ద నేతలు, సినీ స్టార్లను ఆహ్వానిస్తే ఖర్చులు భారీగా పెరుగుతాయి.  ఖర్చు మాత్రం రూ. 5 లక్షలు మించకూడదని ఎన్నికల సంఘం నింబంధన. మరి మిగతా ఖర్చు ఏ ఖాతాలో చూపించాలనే సందిగ్ధంలో అభ్యర్ధులు పడ్డారు.
  
 అభ్యర్థికి అయ్యే ఖర్చు( అంచనా)
 నామినేషన్ రోజు ర్యాలీలు, ఆర్భాటానికి- దాదాపు రూ. 10 లక్షలు
 బ్యానర్లు, పోస్టర్లు.. ఇతర ప్రచారాలకు  -రూ. 25 లక్షలు
 అనుచరులు, కార్యకర్తల ఖర్చులకు -     రూ. 25 లక్షలు
 బస్తీలు, కాలనీల్లో ఖర్చు  -    రూ.35 లక్షలు
  


 లోక్‌సత్తా -35,సీపీఎం-33. సీపీఐ-22,ఎంసీపీఐ-2
  
 సిటీబ్యూరో: జీహెచ్‌ఎంసీఎన్నికల్లో వన్ హైదరాబాద్ కూటమి 92 స్థానాల్లో పోటీ చేయాలని నిర్ణయించింది. ఇందులో భాగంగా లోక్‌సత్తా 35,సీపీఎం 33,సీపీఐ 22.ఎంసీపీఐ 2 స్థానాల్లో పోటీ చేయనున్నట్లు కూటమి నేతలు ప్రకటించారు. గురువారం హైదరాబాద్ ఎంబీ భవన్‌లో ఏర్పాటు చేసిన మీడియా సమావేశంలో కూటమి నేతలు మాజీ ఎంపీ అజీజ్‌పాషా(సీపీఐ), డీజీ నర్సింహారావు(సీపీఎం), పాండురంగారావు(లోక్‌సత్తా), తాండ్రకుమార్(ఎంసీపీఐ) మాట్లాడుతూ స్వచ్ఛ రాజకీయాలు, వార్డు స్థాయిల్లో స్థానిక ప్రజలకే అధికారాలు అన్న ప్రాతిపదికన కనీస ఉమ్మడి కార్యక్రమంతో జీహెచ్‌ఎంసీ ఎన్నికల బరి లోకి దిగటానికి తాము ‘వన్ హైదరాబాద్ కూటమి’గా ఏర్పడినట్లు తెలిపారు. తమకు ఎంబీసీ-జేఏసీ, లౌకిక ప్రజాతంత్ర శక్తులు, కాలనీ కమిటీలు,వెల్ఫేర్ అసోసియేషన్లు  మద్దతు ప్రకటించాయన్నారు. కొన్ని సీట్లల్లో వారు కూడా పోటీ చేస్తారన్నారు. టీఆర్‌ఎస్-ఎంఐఎం , టీడీపీ-బీజేపీ, కాంగ్రెస్ పార్టీల కుళ్లు రాజకీయాల నుంచి బయటపడేందుకు నగర ప్రజ లకు ప్రత్యామ్నాయ ఫ్రంట్ వన్ హైదరాబాద్ కూటమి మాత్రమేనన్నారు. సమావేశంలో  నాయకులు ఎం.శ్రీనివాస్, సోమయ్య(సీపీఎం),డాక్టర్ సుధాకర్, నర్సింహా (సీపీఐ), తారకృష్ణ స్వామి, శ్రీనివాస్(లోక్‌సత్తా), మల్లేష్(ఎంసీపీఐ) పాల్గొన్నారు.
 
 పార్టీల వారీగా వివరాలు ఇవీ
 లోక్‌సత్తా 35 స్థానాలు: ఏస్‌రావు నగర్(డివిజన్-2), చర్లపల్లి(3),హయత్‌నగర్(13), బీన్‌రెడ్డినగర్(14), వనస్థలిపురం(15), కొత్తపేట(21), చైతన్యపురి(22),గడ్డిఅన్నారం(23), మూసారంగ్‌బాగ్(25), మెహిదీపట్నం(70), నల్లకుంట(81), రాంనగర్(87), గాంధీనగర్(89), బంజరాహిల్స్(93), జూబ్లీహిల్స్(95), యూసఫ్‌గూడ(96), సోమాజీగూడ(97), అమీర్‌పేట(98), సనత్‌నగర్(100), రహమత్‌నగర్(102), మాదాపూర్(107), హఫీజ్‌పేట(109), చందానగర్(110), కేపీహెచ్‌బీ కాలనీ(114),అల్లాపూర్(116),మూసాపేట(117),ఓల్డ్బోయినపల్లి(119),కూకట్‌పల్లి(121),వివేకానందనగర్(122),అల్విన్‌కాలనీ(124),అల్వాల్(134),వినాయక్‌నగర్(137),ఈస్ట్ ఆనంద్‌బాగ్(139),మల్కాజిగిరి(140),బేగంపేట(149). సీపీఎం-33 సీట్లు: కాప్రా(డివిజన్-1),మీర్‌పే హెచ్‌బీకాలనీ(4),హబ్సీగూడ(8),రామంతాపూర్ ఈస్ట్(9),ఉప్పల్(10),మన్సూరాబాద్(12),చంపాపేట (17),లింగోజీగూడ(18),సంతోష్‌నగర్(39),ఉప్పుగూడ(44),బేగంబజార్(50),గోషామహాల్(51),మైలారదేవపల్లి(59),జియాగూడ(62),లంగర్‌హౌజ్(66), గుడి మల్కాపూర్(71), గోల్నాక(82),బాగ్ అంబర్‌పేట     (84),ముషీరాబాద్(86),భోలక్‌పూర్(88),కవాడీగూడ   (90),వెంగళరావునగర్(99),ఎర్రగడ్డ(101),బోరబండ  (103),గచ్చిబౌలి(105),శేరిలింగంపల్లి(106),బాలాజీనగర్(115),సూరారం(129),మౌలాలి(138),అడ్డగుట్ట
 (142),మెట్టుగూడ(144),బౌద్ధనగర్(146), బన్సీలాల్‌పేట(147). సీపీఐ -22 స్థానాలు:  మల్లాపూర్(డివిజన్-5),నాగోల్    (11),సరూర్‌నగర్(19): అక్బర్‌బాగ్(27),పత్తర్‌పట్టి (32),గౌలీపుర(35),లలితాబాగ్(36),ఐఎస్‌సదన్(38),జంగంమెట్(45),రాజేంద్రనగర్(60),గోల్కొండ(67),అంబర్‌పేట(83), కోండాపూర్(104),రామచంద్రాపురం(112),బాలానగర్(120),జగద్గిరిగుట్ట(126),గాజుల రామారం(125),రంగారెడ్డి నగర్(127),వెంకటాపురం    (135),నేరేడ్‌మెట్(136), గౌతంనగర్(141),తార్నాక    (143). ఎంసీపీఐయూ-2 స్థానాలు: షేక్‌పేట, మియాపూర్ (108).
  


 ఆయన ముందు వాహనం కనబడితే చాలు చటుక్కున ఎక్కేసి ఓ రౌండ్ నడిపి చూస్తారు. గన్‌మెన్‌లు, కాన్వాయ్ గురించి పట్టించుకోరు. ఆయనే మన ఎక్సైజ్‌శాఖ మంత్రి పద్మారావు. ‘అన్నా బుల్లెట్ కొన్నాను. నీచేత పూజ చేయించుకుంటా..’ అని ఎవరైనా వస్తే చాలు. పూజ అయ్యాక జస్ట్ స్టార్ట్ చేసినట్టే చేసి రయ్‌న వెళ్లిపోతారు. ఆయనను అనుసరించడం కోసం గన్‌మెన్‌లు అందిన బండ్లను దొరకపుచ్చుకుని వెనకాలే ఉరుకులు పరుగులు పెడుతారు. ఇలా ద్విచక్రవాహనాలేకాదు కార్లు.. జీపులు ఏవైనా సరే ఓ రౌండ్ వేస్తారు మన మంత్రిగారు. ఇటీవల చెత్త తరలింపు కోసం వచ్చిన హైడ్రాలిక్ ట్రాలీ ఆటోలను కూడా ఆయన వదల్లేదు.
 
 కాలనీల్లో నడిపించి స్థానికులను అలరించారు. తాజాగా జీహెచ్‌ఎంసీ ఎన్నికలకు సంబంధించి ప్రత్యేకంగా రూపొందించిన ప్రచార రథాలు వచ్చాయి. వాటిని పరిశీలించడానికని నివాసం ముందుకు వచ్చి మినిస్టర్స్ క్వార్టర్స్ అంతటా సదరు వాహనాలను నడిపి సరదా తీర్చుకున్నారు.     -సికింద్రాబాద్


 గ్రేటర్ టిక్కెట్ కోసం ఆశావహులు బయోడేటాలు పుచ్చుకుని నేతల దయకోసం రోడ్లపై పడ్డారు. ఈ తాకిడి తట్టుకోలేక పార్టీ నాయకులు ఆఫీసులు, ఇళ్ల వద్ద భద్రతను పెంచుకుని తప్పించుకు తిరుగుతున్నారు. దీంతో ఎంతో ఆశగా వెళ్లిన ఆశావహులు ఉసూరుమంటున్నారు. ఇప్పుడు రూటుమార్చి మీడియా కార్యాలయాల వద్ద కాపు కాస్తున్నారు. న్యూస్ ఛానల్స్ లో ఎన్నికల ప్రత్యేక చర్చా కార్యక్రమాలు పాలో అవుతూ....అది పూర్తయ్యే లోపు అక్కడ వాలిపోతున్నారు.  ‘సార్’ బయటకు వచ్చే వరకు మీడియా ఆఫీసు వద్దే కాపుకాస్తూ...దరఖాస్తులు సమర్పిస్తున్నారు. ఆఫీసులు, ఇళ్ల చుట్టూ తిరగడం కంటే ఇదే బాగుందంటూ ఆశావహులు చెప్తున్నారు.
 
 ఈ దరఖాస్తుదారుల్ని అదుపుచేయడం నేతల గన్‌మెన్‌లకు తలనొప్పిగా మారింది. వాళ్ల చేతుల్లో తమ సార్ చిక్కకుండా తంటాలు పడుతున్నారు.
  - సాక్షి, సిటీబ్యూరో


 గ్రేటర్‌లో టీడీపీ, బీజేపీ కూటమి సీట్ల పంపకాలపై చర్చ
  సాక్షి, హైదరాబాద్: జీహెచ్‌ఎంసీ ఎన్నికల్లో కూటమిగా ఏర్పడిన టీడీపీ, బీజేపీ మధ్య పొత్తుల ఎత్తులు మొదలయ్యాయి. గురువారం సాయంత్రానికి ఏ పార్టీ ఎన్ని సీట్లలో పోటీ చేయాలనే అంశంలో స్పష్టత రానుంది. ఇప్పటికే బీజేపీ నేతలు తాము పోటీ చేసేందుకు అనుకూలంగా ఉన్న డివిజన్ల జాబితాను టీడీపీ నేతలకు అందజేశారు.
  
   బుధవారం రాత్రి రెం డో విడత చర్చలు ప్రారంభమయ్యాయి. ఇరు పార్టీల నేతలు సమావేశమై తొలుత సీట్ల లెక్క లు తేల్చుకొని తర్వాత  ఎవరెవరు ఎక్కడ పోటీ చేయాలనే అంశంపై చర్చించనున్నట్టు సమాచారం. టీడీపీ నేతలు ఎల్.రమణ, ఎర్రబెల్లి దయాకర్‌రావు, రేవంత్‌రెడ్డి, బీజేపీ నేతలు జి.కిషన్‌రెడ్డి, కె.లక్ష్మణ్, చింతల రామచంద్రారెడ్డి తదితరులు సీట్ల పంపకంపై చర్చించారు.
  
  
  2009లో గెలిచిన సీట్లు పోగా...
  2009 జీహెచ్‌ఎంసీ ఎన్నికల్లో టీడీపీ 150 సీట్ల లో ఒంటరిగా పోటీ చేసి 45 సీట్లు గెలిచింది. బీజేపీ ఆరింట నెగ్గింది. ఈ రెండు పార్టీలు.. 2009లో గెలిచిన సీట్లు పోగా మిగిలిన 99 సీట్లలో పొత్తులపై చర్చలుంటాయని రేవంత్ పేర్కొన్నారు. శివార్లలోని 50 డివిజన్లలోనే టీడీపీ గత ఎన్నికల్లో మెజారిటీ స్థానాలు సాధించింది. 2014 సార్వత్రిక ఎన్నికల్లోనూ గ్రేటర్ పరిధిలోని 24 నియోజకవర్గాల్లో టీడీపీ 10, బీజేపీ 5 స్థానాలు గెల్చుకున్నాయి. ఇది పొత్తుల్లో ముఖ్య పాత్ర పోషిస్తుందని టీడీపీ నేత ఒకరు పేర్కొన్నారు.
  
  ఏ సీటు ఎవరికి?  
  సార్వత్రిక ఎన్నికల్లో బీజేపీ గెలిచిన అంబర్‌పేట, ఖైరతాబాద్, గోషామహల్, ఉప్పల్, ముషీరాబాద్ నియోజకవర్గాల్లో మెజారిటీ  సీట్లు తీసుకోవాలని బీజేపీ యోచిస్తోంది. సనత్‌నగర్, జూబ్లీహిల్స్, కంటోన్మెంట్(ఒక్కసీటే)తో పాటు శివార్లలోని శేరిలింగంపల్లి, కూకట్‌పల్లి, కుత్బుల్లాపూర్, ఎల్బీనగర్, రాజేంద్రనగర్, మహేశ్వరంలో టీడీపీ అధిక సీట్లలో పోటీ చేసే అవకాశముంది. టీఆర్‌ఎస్ గెలిచిన సికింద్రాబాద్, మల్కాజిగిరిలో చెరి సగం పోటీ చేయవచ్చు.
  
   ఎంఐఎం ప్రాబల్యం ఉన్న పాతబస్తీలో 7 నియోజకవర్గాల్లో పోటీ నామమాత్రమే కావడంతో సమానంగా పంచుకునే అవకాశం ఉంది. ఈ నేపథ్యంలో టీడీపీ, బీజేపీ పొత్తు 3:1 ప్రాతిపదికన ఉంటుందని టీడీపీ నేతలు చెబుతున్నారు.


 ♦ గెలిచే అభ్యర్థుల కోసం అన్ని పార్టీల కసరత్తు
 ♦ జనంలోకి పది ప్రశ్నలు.. తుది రిపోర్ట్ వచ్చాకే సెలక్షన్
 ♦ క్యాస్ట్, క్యాష్, పాపులారిటీ,సొంత ఓటు బ్యాంక్‌లపై దృష్టి
 ♦ ఆచితూచి అడుగులేస్తున్న{పధాన రాజకీయ పార్టీలు
 ♦ ఒకరి జాబితా విడుదల కోసం..మరొకరు ఆలస్యం!
  
  సాక్షి ప్రతినిధి, హైదరాబాద్
  ‘ఆరడుగులుంటాడా.. ఏడడుగులేస్తాడా..
   ఏమడిగినా ఇచ్చేవాడా..ఆశ పెడుతుంటాడా..
  ఆట పడుతుంటాడా.. అందరికీ నచ్చేసేవాడా’
  ....ఇదేదో ఇటీవలి తెలుగు సినిమాలోని హిట్‌సాంగ్‌లా ఉంది కదూ.. అవును నిజమే!. కాస్త అటూ, ఇటూగా ఇదే పాట పల్లవినందుకుని ఇప్పుడు ప్రధాన రాజకీయ పక్షాల వేగులు నగరాన్ని జల్లెడ పట్టేస్తున్నారు. తమ పార్టీ తరపున కార్పొరేటర్ అభ్యర్థిగా నిలబెట్టేందుకు పందెం కోడిలా ఢీకొట్టే సత్తా ఉన్న నేతల కోసం అన్వేషిస్తున్నారు. అభ్యర్థుల గుణగణాలతో పాటు సామాజిక హోదా, ఆర్థిక పుష్టి, సొంత ఓటు బ్యాంక్, మొత్తంగా ప్రజల్లో ఉన్న పాపులారిటీని అంచనా వేస్తున్నారు. సంక్రాంతి రోజున కొన్ని, మరుసటి రోజున మరికొన్ని డివిజన్లకు  తాము విడుదల చేయబోయే జాబితాల్లో..ప్రత్యర్థిని హడలెత్తించే పందెం కోడి లాంటి అభ్యర్థులుండేలా రకరకాల జాగ్రత్తలు తీసుకుంటున్నారు. నోటిఫికేషన్ విడుదలై రెండు రోజులు గడిచినా ప్రధాన రాజకీయపక్షాలేవీ తమ జాబితాలను విడుదల చేయలేదు. అన్ని పక్షాలకు ఈ ఎన్నిక అత్యంత కీలకం కావటం, అభ్యర్థి అంశం గెలుపు ఓటములను అత్యంత ప్రభావితం చేయనుండటంతో ఆయా పార్టీల ముఖ్యులు ఒకటికి రెండు మార్గాల్లో సర్వేలు, సమీక్షలు నిర్వహిస్తున్నారు.
  
  టీఆర్‌ఎస్: గెలిచే అభ్యర్థుల వైపే మొగ్గు
   అన్ని విధాలుగా బాగుండి...సునాయాసంగా గెలిచే అభ్యర్థుల వైపే అధికార తెలంగాణ రాష్ట్ర సమితి మొగ్గు చూపే అవకాశం కనిపిస్తోంది. ఆ పార్టీ ప్రభుత్వ నిఘా విభాగాలతో పాటు ప్రైవేటు ఏజెన్సీలతోనూ వివిధ సర్వేల పేరుతో ప్రజాభిప్రాయాన్ని సేకరిస్తోంది. చాలా కాలంగా పార్టీ కోసం పనిచేస్తున్న అభ్యర్థులు గెలిచే పరిస్థితి లేని సందర్భాల్లో ఇతర పార్టీలు, ప్రజల్లో మంచి పేరు ఉండి రాజకీయాల్లో లేని వారిని తమ వైపు తిప్పుకునే మార్గాల్లో పావులు కదుపుతుంది. అయితే పార్టీ కోసం పనిచేసిన వారిని పక్కన పెడితే కంటోన్మెంట్ ఎన్నికల్లో మాదిరిగా తిరుగుబాట్లతో ఉత్పన్నమయ్యే పరిస్థితిని సైతం అంచనా వేస్తోంది. ఒక వేళ టికెట్ ఇవ్వక తప్పనిసరయ్యే బలహీన అభ్యర్థుల విషయంలో  ఉన్న గెలుపు బాధ్యతలను ఆయా నియోకజకవర్గాల ఇన్‌చార్జిలుగా వ్యవహరిస్తున్న మంత్రులు, ఎమ్మెల్యేలపై పెట్టే యోచనలో ఉంది.
  
  కాంగ్రెస్: నమ్మకస్తులకే సీట్లు
  కాంగ్రెస్ పార్టీలో ఆయా నియోకజవర్గాలకు ఇన్‌చార్జులుగా బాధ్యతలు వహిస్తున్న వారి మాటే చెల్లుబాటయ్యే పరిస్థితి కనిపిస్తోంది. అభ్యర్థుల ఎంపిక, ప్రచార వ్యూహంతో పాటు వీలైనన్ని ఎక్కువ స్థానాల్లో గెలిపించే బాధ్యతను వారికి అప్పగించారు. ఈ మేరకు కొందరు ఇన్‌చార్జిలు తమ జాబితాలను పీసీసీకి సమర్పించగా, మరికొందరు గురువారం అందజేస్తారు. అయితే కార్పోరేటర్ అభ్యర్థులు అధికార పార్టీ ప్రలోభాలకు లొంగకుండా నమ్మకస్తులకే టికెట్లు కట్టబెట్టే దిశగా వ్యూహం ఖరారు చేశారు.
  
  ఎంఐఎం: కొత్త మొహాల కోసం కసరత్తు
  ఎంఐఎం పార్టీ ఈ మారు హైదరాబాద్‌తో పాటు సికింద్రాబాద్, చేవెళ్ల లోక్‌సభ పరిధిలోని డివిజన్లలోనూ గణనీయమైన స్థానాలు సాధించే లక్ష్యంగా అభ్యర్థుల ఎంపికలో తగు జాగ్రత్తలు తీసుకుంటోంది. 2009లో ఎన్నికైన కార్పొరేటర్లకు మళ్లీ టికెట్లు ఇచ్చే అంశంపై సంశయిస్తోంది. ఈ మారు ఎక్కువ స్థానాల్లో కొత్త మొహాలకు అవకాశమిచ్చే దిశగా పార్టీ మద్దతుదారులు, మత పెద్దలతో అభిప్రాయసేకరణ చేస్తోంది.
  
  టీడీపీ కూటమి: అండగా నిలిచిన వారికే ఛాన్స్
  కష్ట కాలంలో పార్టీకి అండగా నిలబడ్డ వారికే మెజారిటీ స్థానాల్లో టికెట్లు ఇచ్చే దిశగా టీడీపీ, బీజేపీలు కసరత్తు చేస్తున్నాయి. ఇప్పటికే తమకు బలమున్న ప్రాంతాల్లో ఇద్దరు ముగ్గురి అభ్యర్థులను ఎంపిక చేసుకున్న ఈ కూటమి, తొలుత పార్టీల వారిగా డివిజన్ల పంపకం పూర్తయిన తర్వాత అభ్యర్థులను ప్రకటించే ఏర్పాట్లు చేస్తోంది.
  
  వామపక్ష కూటమి: సీనియర్లకు ప్రాధాన్యం
  గ్రేటర్‌లో సుమారు 79 డివిజన్లలో సీపీఐ, సీపీఐఎం, లోక్‌సత్తా, ఎంసీపీఐ కూటమి పోటీ చేసే అవకాశం కనిపిస్తోంది. సీట్ల కేటాయింపులో పార్టీకి పూర్తి సమయాన్ని ఇచ్చి పనిచేస్తున్న సీనియర్లకు ప్రాధాన్యతనిచ్చేలా కసరత్తు చేస్తున్నారు. 28 డివిజన్లలో సీపీఐఎం, 22 డివిజన్లలో సీపీఐ, 28 డివిజన్లలో లోక్‌సత్తా, ఒక చోట ఎంసీపీఐ పోటీ చేస్తాయి.
  
  పార్టీ ఏదైనా.. మంచి అభ్యర్థులనే ఎన్నుకోవాలి
  అన్ని పార్టీలు మంచి అభ్యర్థినే పోటీలో పెట్టాలని మేం కోరుతున్నాం. అందులో అత్యుత్తమున్ని కార్పొరేటర్‌గా ఎన్నుకునే బాధ్యత ఓటర్లది. ముఖ్యంగా అవినీతి, అక్రమాలు, రౌడీయిజం లేకుండా అందరికీ అందుబాటులో ఉండే అభ్యర్థులను నిలబెపెట్టే విషయంలో పార్టీలు పోటీ పడాలి. కులం, ఆర్థిక అంశాలు పరిగణనలోకి తీసుకోవటం సరికాదు.
  - ఎస్.శ్రీనివాసరెడ్డి, డెరైక్టర్ అప్సా
  
  మహిళలకు ప్రాధాన్యం ఇవ్వాలి
  జీహెచ్‌ఎంసీలో 50 శాతం స్థానాలు మహిళలకు రిజర్వు చేశారు సంతోషం. అవే కాకుండా మిగిలిన చోట్ల సరైన అభ్యర్థులుంటే అక్కడ కూడా మహిళల్ని పోటీకి పెట్టాలి. ఇతర అంశాలేవీ పరిగణనలోకి తీసుకోకుండా సమస్యలపై ముందుచూపు, తాను ప్రాతినిథ్యం వహిస్తున్న ప్రాంతంపై మమకారం ఉండే అభ్యర్థులను పోటీకి పెడితే మంచిది.
  - ఎం.శైలజ, సామాజిక కార్యకర్త
  
  నేనే నెంబర్ 1
  ఈ ఫొటోలోని మహిళ పేరు కొల్లిపాక మణెమ్మ. కాప్రా డివిజన్‌లోని సాయిబాబానగర్‌లో నివాసం ఉంటోంది. ఈమె ఎలాంటి సెలబ్రిటీ కాదు.. ఓ మామూలు మహిళే. అయితే ఏమిటి? అని అనుకుంటున్నారా.. ఇక్కడో ప్రత్యేకత ఉంది. గ్రేటర్ హైదరాబాద్‌లోనే తొలి  ఓటర్‌గా మణెమ్మకు నెంబర్. 1 అవకాశం దక్కింది. అది ఎలాగా అంటే...మొత్తం జీహెచ్‌ఎంసీ డివిజన్లలో వరుస క్రమంలో మొదటి డివిజన్ కాప్రా. కాప్రాలోని మొదటి పోలింగ్ కేంద్రం వల్వర్‌నగర్. ఈ పోలింగ్ కేంద్రానికి చెందిన ఓటరు లిస్టులో మొదటి క్రమ సంఖ్యలో ఉన్న ఓటరు మణెమ్మ. అందుకే ఈమె గ్రేటర్‌లోని దాదాపు 74 లక్షల మంది ఓటర్లలో నెంబర్ వన్ ఓటరు అయింది.
  - కాప్రా
  
  ఎన్నికల బిజినెస్!
  గ్రేటర్ ఎన్నికల వేళ...అన్ని పార్టీలకు ప్రచార సామగ్రి ఎంతో అవసరం. ఆయా పార్టీలు ఎన్నికల ప్రచారం కోసం  జెండాలు, బ్యాడ్జీలు, బ్యానర్లు, కటౌట్లు, టీ షర్టులు, కీచైన్‌లు.. కాదేదీ ప్రచారానికనర్హం అన్నట్లుగా విరివిగా ఉపయోగిస్తున్నాయి. దీంతో వీటిని తయారు చేసేవారికి మంచి ఉపాధి లభిస్తోంది. పోస్టర్లు ముద్రించే ప్రింటింగ్ ప్రెస్‌లకు, ఫ్లెక్సీ తయారీ దారులకూ మంచి డిమాండ్ ఉంది. అన్ని పార్టీల వారు ఇప్పుడు ప్రచార సామగ్రి కోసం  కాచిగూడలోని వీటి తయారీ కేంద్రాలు, గోడౌన్ల వైపు క్యూ కడుతున్నారు.
   -సాక్షి, సిటీబ్యూరో


 రెట్టింపైన ట్రా‘ఫికర్’..
 ♦ గత ఎన్నికల హామీలన్నీ గాలికి..
 ♦ నగర విస్తీర్ణానికి తగ్గట్టు లేని రోడ్లు
 ♦ రద్దీ వేళలో వాహనాల వేగం 12 కిలోమీటర్లే
  
  నగరానికి జీవనాడులు రోడ్లే. వాటిపై ప్రయాణం సాఫీగా సాగితేనే నగర జీవనం ప్రశాంతంగా ఉంటుంది. ఇప్పటి వరకూ హైదరాబాద్‌కు ఆ అదృష్టం లేదు. చిక్కుముడుల ట్రాఫిక్ పద్మవ్యూహంలో అభిమన్యుడిలా నగరవాసి బలవుతూనే ఉన్నాడు. నగరంలో ఏ వాహనదారుడిని పలకరించినా ట్రాఫిక్ ఇక్కట్లే సమాధానం అవుతున్నాయి. గత ఎన్నికల వేళ.. ‘ఈ సమస్య ఇకపై ఉండదు’ అన్న నేతలు ఆ తరువాత దీన్ని పక్కన పెట్టేశారు. ఈ ఎన్నికల్లో అదే పద్ధతి పాటిస్తే కుదరదని చెబుతున్నారు నగరవాసులు. భాగ్యనగరిలో ట్రాఫికర్‌కు కారణాలు.. పరిష్కరించే మార్గాలు..
  నేటి పబ్లిక్ డిమాండ్‌లో...    ..: సాక్షి సిటీబ్యూరో, కుత్బుల్లాపూర్
  
  ఏ నగరానికైనా విస్తీర్ణం, జనాభాకు అనుగుణంగా రోడ్లు ఉండాలి. అంతర్జాతీయ ప్రమాణాల ప్రకారం నగర విస్తీర్ణంలో 12 శాతం రోడ్లు ఉండాలి. హైదరాబాద్‌లో కేవలం 6 శాతం మాత్రమే ఉన్నాయి. నిజాం హయాంలో నాటి జనాభాకు అనుగుణంగా ప్రత్యేక నమూనాతో హైదరాబాద్‌ను నిర్మించారు. కాలక్రమంలో పెరిగిన జనాభాకు అనుగుణంగా ఎలాంటి మార్పులు చేయకపోవడంతో ట్రాఫిక్ పాట్లు, ఫీట్లు అన్నీఇన్నీ కావు. ఇక వీటికి మెట్రోరైల్ పనుల వల్ల ఏర్పడుతున్న జామ్‌లు అదనం. కొన్ని కీలక ప్రతిపాదనలు అమలు చేస్తే హైదరాబాద్ నగరంలో రోడ్ల విస్తీర్ణాన్ని  15.5 శాతానికి పెంచే అవకాశం ఉంది. అంటే అంతర్జాతీయ ప్రమాణాల కంటే 3.5 శాతం అదనం. అలాగే వాహనాల సరాసరి వేగం అనుకున్న స్థాయిలో లేదు. దీంతో విలువైన సమయం, వేల కోట్ల ఇంధనం వృథా అవుతోంది.
 
  ఏం చేస్తే మారుతుంది..
  నగరం ట్రాఫికర్ నుంచి బయటపడేందుకు కీలక మార్పులు చేయాలంటూ అనేకసార్లు ట్రాఫిక్ పోలీసులు జీహెచ్‌ఎంసీకి ప్రతిపాదనలు పంపారు. అవన్నీ పెండింగ్‌లోనే ఉండిపోయాయి. వాటిలో ప్రధానమైనవి..
 
  ట్రక్ టెర్మినల్స్ ఏర్పాటు
 ► సిటీలోకి వచ్చే పెద్ద ట్రక్‌లు, లారీలు ట్రాఫిక్ సమస్యకు కారణమవుతున్నాయి. అనేక ప్రమాదాలు సైతం జరుగుతున్నాయి. వీటి ప్రవేశంపై కొన్ని ఆంక్షలు ఉన్నా.. అవి సరిగా అమలు కావడం లేదు. దీనికి పరిష్కారంగా నగర శివార్లలో జాతీయ రహదారులపై ‘ట్రక్ టెర్మినల్స్’ ఏర్పాటు చేయాలని ప్రతిపాదించారు. ఇది ఏళ్లుగా పెండింగ్‌లోనే ఉంది.
  ప్రైవేట్ బస్సులకు స్టాండ్లు
 ► రోడ్లపై ఇష్టానుసారం పార్కింగ్ చేస్తోన్న ప్రైవే టు బస్సులు ట్రాఫిక్ సమస్యకు మరో ప్రధాన కారణం. ఈ సమస్య పరిష్కారానికి  ప్రైవేట్ బస్సుల కోసం స్టాండ్స్ ఏర్పాటు చేయాలి.
  ఇరుకు రోడ్ల విస్తరణ
 ► వేగంగా సాగే ట్రాఫిక్‌ను హఠాత్తుగా ఇరుకు రోడ్లు అడ్డుకుంటున్నాయి. వీటి వల్ల ట్రాఫిక్ జాంతో పాటు ప్రమాదాలు కూడా పెరుగుతున్నాయి. నగరంలో ఆక్రమణలు, బాటిల్ నెక్స్ (ఇరుకు) కారణంతో 106 ప్రాంతాల్లో రోడ్లను అత్యవసరంగా విస్తరించాలి.
  
  ఇంకెన్నాళ్లీ దుస్థితి..
  కృష్ణానగర్ నుంచి బంజారాహిల్స్‌లోని మా కార్యాలయానికి వెళ్లాలంటే ట్రాఫిక్ చుక్కలు చూడాల్సిందే. జూబ్లీహిల్స్ చెక్‌పోస్ట్ దాటితే పెద్ద గండం గట్టెక్కినట్టే.  ఈ దుస్థితి ఇంకెన్నాళ్లు. గ్రేటర్ బరిలో నిలిచే నాయకులు ట్రాఫిక్‌పై దృష్టి సారించాలి. దీన్నే ప్రధాన సమస్యగా గుర్తించి. పరిష్కారానికి కృషి చేయాలి.
  
  బాబోయ్ ట్రాఫిక్...
   ప్రతిరోజూ బోయిన్‌పల్లి నుంచి అమీర్‌పేట వరకు వెళ్తాను. బాలానగర్ మీదుగా ఫతేనగర్, బల్కంపేట ఫ్లైఓవర్ నుంచి అమీర్‌పేట్ వెళ్లాలంటే చుక్కలు చూడాల్సిందే. మొత్తం దూరం 14 కిలోమీటర్లు అయితే వెళ్లడానికి పట్టే సమయం గంట. ఇక ఉదయం, సాయంత్రం వేళల్లో రద్దీ చెప్పనక్కర్లేదు. ముఖ్యంగా బల్కంపేట ఫ్లైఓవర్‌పై ఏదైనా వాహనం ఆగిపోతే పరిస్థితి అధ్వానం. ట్రాఫిక్ విషయంలో కచ్చితమైన నిర్ణయాలు ప్రకటించి ముందుకు సాగే నాయకుడికే నా ఓటు.
  
  3.83 లక్షలు కొత్త ఓటర్లు
  సాక్షి,సిటీబ్యూరో: జీహెచ్‌ఎంసీ పరిధిలో కొత్తగా 3,83,530 మంది ఓటర్లుగా నమోదయ్యారని
  జీహెచ్‌ఎంసీ ఎన్నికల అధికారి, కమిషనర్ బి.జనార్దన్‌రెడ్డి తెలిపారు. ప్రస్తుతం 70,67,934 మంది ఓటర్లుండగా, కొత్త ఓటర్లతో కలిపి మొత్తం ఓటర్ల సంఖ్య 74,51,464కు చేరుకుందని చెప్పారు. పెయిడ్ న్యూస్ తదితర అంశాలపై మంగళవారం ఆయన మీడియా ప్రతినిధుల సమావేశంలో మాట్లాడుతూ అభ్యర్థుల ఖర్చులను సరిగ్గా లెక్కించేందుకు అవసరమైన చర్యలు తీసుకుంటున్నామన్నారు.
  
  అభ్యర్థి ఖర్చు గణనకీ ఓ లెక్క..
  జాబితా విడుదల చేసిన జీహెచ్‌ఎంసీ ఎన్నికల అధికారి జనార్దన్‌రెడ్డి
  సాక్షి, సిటీబ్యూరో : అభ్యర్థులు ఎన్నికల్లో ఎక్కువ ఖర్చు చేసి తక్కువగా చూపించడం పరిపాటే. అయితే దానికి అడ్డుకట్ట వేసేందుకు జీహెచ్‌ఎంసీ అధికారులు వినూత్న ప్రయోగం చేశారు. ఆయా వసతులు, పదార్థాలకు సంబంధించి ధరల జాబితాను జీహెచ్‌ఎంసీ కమిషనర్, ఎన్నికల అధికారి డా.బి.జనార్దన్‌రెడ్డి మంగళవారం విడుదల చేశారు. ఈ జాబితాలోని ధరల మేరకే అభ్యర్థుల ఖర్చులను నిర్ధరిస్తారు.
  
  ప్రత్యామ్నాయ మార్గాలెక్కడ..?
  తక్కువ రోడ్ల విస్తీర్ణం వల్ల కోల్‌కతా నగరం ట్రాఫిక్ జాంతో తీవ్ర అవస్థలు పడింది. ఆ సమస్యపై అధ్యయనం చేసి అవసరమైన చోట్ల ఫ్లై ఓవర్లు నిర్మించి రోడ్ల విస్తీర్ణం ఆరు శాతం పెంచారు. హైదరాబాద్ నగరంలో ప్రస్తుతం 21 ఫ్లైఓవర్లు ఉన్నాయి. మరో 23 అవసరమవుతాయని ట్రాఫిక్ అధికారుల అంచనా. 2007లోనే ఈ ప్రతిపాదనలు వచ్చినా అటకెక్కించారు. ప్రతి ఫ్లైఓవర్‌కు ప్రత్యామ్నాయ మార్గాన్ని ఏర్పాటు చేయాల్సి ఉన్నా వాటిని మరిచారు.
  
  హైదరాబాద్ ట్రాఫిక్ కమిషనరేట్ పరిధిలో..
  
 18 పోలీసుస్టేషన్ల పరిధిలో 53 చోట్ల జంక్షన్ల అభివృద్ధి 17 పోలీసుస్టేషన్ల పరిధిలో 62 చోట్ల పూర్తిస్థాయి డివైడర్లు 25 పోలీస్ స్టేషన్ల పరిధిలోని 259 చోట్ల రోడ్ మార్కింగ్స్ కనిపించకపోవడం ట్రాఫిక్ జాంకు మరింత కారణమవుతోంది
  
  ఇవీ అవసరం
  ప్రధాన ప్రాంతాల్లో  32 బస్‌బేలను తరలించాలి
  8 ట్రాఫిక్ పోలీసుస్టేషన్ల పరిధిలో స్కూల్ జోన్ ప్రాంతాలు ఎక్కువగా ఉన్న 21 చోట్ల స్పీడ్ బ్రేకర్లు నిర్మించాలి
  21 ప్రాంతాల్లో ప్రత్యామ్నాయమార్గాల అభివృద్ధి చేయాలి
 
   సైబరాబాద్ కమిషనరేట్ పరిధిలో..
  226 చోట్ల స్టాప్‌లైన్, జీబ్రా క్రాసింగ్, లైన్ మార్కింగ్, యారో మార్కింగ్, సెంట్రల్ లైన్ మార్కింగ్స్ జాడలేదు. కమిషనరేట్ పరిధిలోని 10 చోట్ల ఫ్లైఓవర్లు అత్యవసరం.
  
 70 ప్రాంతాల్లో బస్‌బేలు నిర్మిస్తే ట్రాఫిక్‌కు కొంత ఊరట.
  ఢిల్లీలోని ఎఫ్‌ఓబీ
  రోడ్లపై పాదచారులు నడిచేందుకు సదుపాయం లేకపోవడంతో ట్రాఫిక్ సమస్య మరింత జఠిలమవుతోంది. ఈ సమస్యకు పరిష్కారంగా ఢిల్లీలో మాదిరిగా హైదరాబాద్‌లో మరో 37 ఫుట్ ఓవర్ బ్రిడ్జిలు(ఎఫ్‌ఓబీ) నిర్మించాలని 2011లోనే ప్రతిపాదించారు. కొత్తవి కట్టకపోగా ‘మెట్రో’ పనుల పేరిట ఉన్న ఎఫ్‌ఓబీలను తొలగిస్తున్నారు.
  
  ఇరుకు రోడ్లతో ఇబ్బందులెన్నో
  సిటీ రోడ్లు చాలా ఇరుకుగా ఉన్నాయి. రోడ్లను తక్షణమే విస్తరించాల్సిన అవసరం ఎంతైనా ఉంది. ప్రతిరోజూ ప్రయాణంలో ట్రాఫిక్ చిక్కులతో చికాకు పడాల్సిందే. ఇక ఉదయం, సాయంత్రం వేళల్లో ట్రాఫిక్ రద్దీ సరేసరి. దీనికి తోడు ఆటోవాలాల ఆగడాలు. ముఖ్యంగా మాసబ్‌ట్యాంక్ లాంటి ప్రాంతాల్లో ఆటోవాలాల అడ్డగోలు డ్రైవింగ్‌తో ప్రమాదాలు ఎక్కువగా జరుగుతున్నాయి. ఈ సమస్యలపై దృష్టి సారించి, పరిష్కారం దిశగా ఆలోచించే నాయకులకే ఎన్నికల్లో ప్రాధాన్యం.
  
  ప్రత్యామ్నాయాలపై దృష్టి
  ట్రాఫిక్ ఇబ్బందుల తొలగింపు, రోడ్డు భద్రత పెంపునకు సంబంధించి అనేక ప్రతిపాదనలు ఏళ్లుగా పెండింగ్‌లో ఉన్నాయి. వీటిలో కొన్ని భారీ ఖర్చుతో కూడుకున్నవి కావడంతో ఆలస్యమవుతోంది. ఈ నేపథ్యంలోనే ప్రత్యామ్నాయాలపై దృష్టి సారించాం. పరిస్థితులకు అనుగుణంగా వీటిని అమలు చేస్తూ, ఎప్పటికప్పుడు మార్పులు చేర్పులు చేస్తున్నాం. జంక్షన్లలో ఫ్లైఓవర్లకు ప్రత్యామ్నాయంగా ‘క్లోజింగ్’ చేపట్టాం. ఉప్పల్, జేఎన్‌టీయూ వంటి కీలక చోట్ల జంక్షన్లను మూసేసి, కాస్త ముందుకు వెళ్లాక ‘యూ టర్న్స్’ ఇవ్వడం ద్వారా ఫలితాలు సాధించాం.
  - అవినాశ్ మహంతి, సైబరాబాద్ ట్రాఫిక్ చీఫ్
  
  15కి.మీ..100 నిమిషాలు
  అపర్ణ, సాఫ్ట్‌వేర్ డెవలపర్
  ఉదయం 10:00 గంటలకు ఆల్విన్ కాలనీ నుంచి బయలుదేరితే గచ్చిబౌలి ఇనార్బిట్ మాల్‌కు చేరుకునే సరికి 11:40 అవుతుంది.  హైటెక్ సిటీ ఫ్లైఓవర్‌పైనే చాలాసేపు ట్రాఫిక్‌లో చిక్కుకుంటా. రోజూ ఇదే పరిస్థితి. ట్రాఫిక్ సమస్య పరిష్కారమే పార్టీల ఎజెండాలో ప్రథమంగా ఉండాలి. దీని పరిష్కారానికి శాశ్వత ప్రణాళికలు రూపొందించాలి. ఆ దిశగా పనిచేసే పార్టీ నాయకుడికే నా ఓటు.
  
  సగటు ప్రయాణికుడి మాట
  పొద్దున్నే ఐదు గంటలకు లేచి.. పనులు ముగించి.. ఏడు గంటలకు బస్టాండ్‌కు వస్తే.. ఆ బస్సు ఎప్పుడు వస్తుందో తెలియదు.  ఒకవేళ వస్తే.. వేలాడుతున్న జనాల్ని నెట్టుకుంటూ తంటాలుపడి ఎక్కితే.. నిమిషానికోసారి ట్రాఫిక్ జాం. ఈ చివరి ఈసీఐఎల్ నుంచి ఆ చివర గచ్చిబౌలికి చేరేసరికి లేట్ ఎందుకయ్యిందంటూఆఫీసులో బాస్ చివాట్లు.. ఈ సమస్యను దాటుకొని రాత్రి పది గంటలకు ఇంటికి చేరితే భార్య చిటపటలు తప్పెవరిది..శిక్షెవరికి!?


 అడిక్‌మెట్ నుంచి కాంగ్రెస్ టిక్కెట్ ఆశిస్తున్న మహేందర్‌పై రిజర్వేషన్లు నీళ్లు చల్లాయి. డివిజన్‌ను జనరల్ మహిళకు కేటాయించడంతో కంగుతిన్నాడు. ఇంతలో కాబోయే భార్య రూపంలో అదృష్టం వెదుక్కుంటూ వచ్చింది. ... మహేందర్  గత నెల 20న ఆ డివిజన్‌కు చెందిన శాంతిప్రియతో నిశ్చితార్థం చేసుకుని... ఫిబ్రవరి 12న పెళ్లికి సిద్ధమయ్యాడు. రిజర్వేషన్లతో తన కలలు కల్లలైనందున.. కాబోయే భార్యనే పోటీకి దింపితే ఎలా ఉంటుందని ఆలోచించి... పార్టీ పరిశీలకులకు బయోడేటాను అందచేశాడు.
 
 అడిక్‌మెట్ డివిజన్ లలితానగర్ కమ్యూనిటీ హాలుకు వచ్చిన పరిశీలకులు ఇది తెలుసుకుని ఎదురొచ్చిన ఎన్నికలకు కలిసొచ్చే భార్య దొరికిందంటూ చమత్కరించారు.     
 - ముషీరాబాద్


 సాక్షి, సిటీబ్యూరో: జీహెచ్‌ఎంసీ ఎన్నికల్లో పోలింగ్ శాతం పెంచేందుకు అటు ఎన్నికల సంఘం, ఇటు జీహెచ్‌ఎంసీ విస్తృత ఏర్పాట్లు చేస్తున్నాయి. నగర ఓటర్లు పోలింగ్ కేంద్రాలకు వెళ్లకుండా నిరాసక్తత కనబరిచే కారణాల్లో వారి పోలింగ్ కేంద్రం ఎక్కడుందో తెలియకపోవడం ఒకటని భావించి వెబ్‌సైట్‌నుంచి, మొబైల్ యాప్ ద్వారా కూడా ఓటరు స్లిప్‌లను డౌన్‌లోడ్ చేసుకునే విధానాన్ని అందుబాటులోకి తెచ్చారు. వెబ్‌సైట్ ద్వారా డౌన్‌లోడ్ చేసుకోవాలనుకుంటే తెలంగాణ రాష్ట్ర ఎన్నికల సంఘం వెబ్‌సైట్ (http://tsec.gov.in)లోకి వెళ్లాలి.
 
  అందులో..
 ♦ ‘డౌన్‌లోడ్ ఓటర్ స్లిప్’ పై క్లిక్ చేయాలి.
 ♦ డౌన్‌లోడ్ జీహెచ్‌ఎంసీ ఓటరుస్లిప్ అని వస్తుంది.
 ♦ సర్కిల్, వార్డు, డోర్‌నెంబరు, పేరు, ఎపిక్ నెంబరు (ఓటరు గుర్తింపుకార్డు నెంబరు) ఎంటర్ చేయగానే ఓటరు వివరాలతో కూడిన స్లిప్‌వస్తుంది. దాన్ని సేవ్ చేసుకొని ప్రింట్ తీసుకోవచ్చు.
 ♦ ఎపిక్ కార్డులేని పక్షంలో సర్కిల్, వార్డులను ఆయా కాలమ్‌లలో భర్తీ చేశాక డోర్‌నెంబరు, పేరు వివరాల్లో ఏ ఆప్షన్‌ను పేర్కొన్నా సరిపోతుంది. ఒకటి కంటే ఎక్కువ ఆప్షన్లు తెలిస్తే ఇంకా మంచిది.
 ♦ ఓటరు జాబితాలో కచ్చితంగా ఏపేరు ఉందో తెలిస్తే సదరు ఆప్షన్‌పై టిక్ చేసినా  ఓటర్లు స్లిప్ వస్తుంది. దాన్ని ప్రింట్ తీసుకోవాలి. లేని పక్షంలో పేరులోని తొలి అక్షరాలు కొన్ని చేసినా సదరు అక్షరాలతో ప్రారంభమయ్యే ఓటర్ల వివరాలన్నీ వస్తాయి. వాటిల్లో కావాల్సిన వారి పేరు, వివరాలు చూసుకోవాలి.
  ఎవరి ఓటరు స్లిప్ కావాలో ఆపేరు వరుసలో ఉన్న ‘ప్రింట్ ఓటరు స్లిప్’పై క్లిక్ చేస్తే ఎపిక్ నెంబరు వివరాలతో కూడిన స్లిప్ వస్తుంది. దాన్ని ప్రింట్ తీసుకోవచ్చు.
 ♦ స్మార్‌‌ట ఫోన్ ఉన్నవారు గూగుల్ ప్లేస్టోర్‌నుంచి టీఎస్ ఎలక్షన్ కమిషనర్ యాప్‌ను డౌన్‌లోడ్ చేసుకొని, అందులో ఎపిక్ నెంబరును ఎంట్రీ చేస్తే వివరాలొస్తాయి.
 ♦ నగర ప్రజలు ఈ సదుపాయాన్ని వినియోగించుకోవాల్సిందిగా జీహెచ్‌ఎంసీ కమిషనర్ డా.బి.జనార్దన్‌రెడ్డి తెలిపారు.


 ♦ ఈ ఎన్నికలు  ప్రతిష్టాత్మకం...ఎక్కడా రాజీపడం
 ♦ ప్రశాంత ఎన్నికకు.. పకడ్బందీ ఏర్పాట్లు చేశాం...
 ♦ ఓటింగ్ శాతాన్ని పెంచేందుకు కార్యాచరణ
 ♦ ప్రతి 700 మంది ఓటర్లకు ఒక పోలింగ్ బూత్
 ♦ ఓటర్ స్లిప్‌లు ఆన్‌లైన్‌లో సిద్ధం
 ♦ ప్రతి బూత్‌లో తొలి ఓటరుకు పూలతో సత్కారం
 ♦ ఈ మారు..‘నోటా’ను అమలు చేయలేకపోతున్నాం
 ♦ అభ్యర్థుల వ్యయాలపై షోడో బృందాల పర్యవేక్షణ
 ♦ ‘సాక్షి’ తో రాష్ట్ర ఎన్నికల కమిషనర్ నాగిరెడ్డి
  
  ‘హైదరాబాద్ మహానగర పాలక ఎన్నికల నిర్వహణను అత్యంత ప్రతిష్టాత్మకంగా తీసుకున్నాం. ఎన్నికల్లో ప్రజల భాగస్వామ్యాన్ని మరింతగా పెంచి స్థానిక పరిపాలనలో సచ్ఛీలురు, నిజమైన ప్రజాసేవకులే ఎన్నికయ్యే విధంగా చూస్తాం. ఎలాంటి దాపరికం, అశాంతి లేకుండా పూర్తి స్వేచ్ఛాయుత వాతావరణంలో ఫిబ్రవరి 2న ఎన్నికలు నిర్వహించబోతున్నాం. ఎన్నికల నిబంధనల అమలులో ఎక్కడా
  రాజీపడబోం’ అని రాష్ట్ర ఎన్నికల కమిషనర్ వి.నాగిరెడ్డి స్పష్టం చేశారు. మంగళవారం ఉదయం స్థానిక ఎన్నికల నోటిఫికేషన్ విడుదల అనంతరం‘సాక్షి’ ప్రతినిధికి ఇచ్చిన ప్రత్యేక ఇంటర్వ్యూలో అయన అనేక విషయాలు వెల్లడించారు. ఆ వివరాలు ఇవి...
  - సాక్షి ప్రతినిధి, హైదరాబాద్
  
 ► మహానగర ఎన్నికను ప్రశాంతంగా, స్వేచ్ఛగా జరిగేందుకు ఏం చర్యలు చేపట్టారు?
  నాగిరెడ్డి: హైదరాబాద్ మహానగర పాలక సంస్థ ఎన్నికను అత్యంత ప్రతిష్టాత్మంగా తీసుకున్నాం. నోటిఫికేషన్ విడుదల మొదలుకుని, ప్రచారంలో నియమ నిబంధనల అమలు, ప్రశాంతంగా పోలింగ్ నిర్వహణ, పకడ్బందీగా ఓట్ల లె క్కింపు, ఫలితాల ప్రకటన కోసం విస్తృత ఏర్పాట్లు చేశాం. నగరంలో సుమారు 74 లక్షల మంది ఓటర్ల కోసం అవసరమైన సిబ్బంది, ఈవీఎంలు సిద్ధం చేశాం. స్థానికంగా ఉన్న కొరతను అధిగమించేందుకు మహారాష్ట్ర నుంచి రెండువేల ఈవీఎంలు తెప్పించాం.
 
 ► డబ్బు, అధికార దుర్వినియోగం, బెదిరింపులపై ఎలాంటి నిఘా పెట్టబోతున్నారు?
  ముందే చెప్పినట్లు..ఎన్నికల నిబంధనలను ఎవరు ఉల్లంఘించినా సహించేది లేదు. పూర్తి పారదర్శకత,స్చేచ్చాయుత ఎన్నికలే మా ఎజెండా. అభ్యర్థులు డబ్బుల పంపిణీ, బెదిరింపులు, ఎవరైనా అధికార దుర్వినియోగానికి పాల్పడినట్లు మాకు ఖచ్చితమైన సమాచారం అందితే ఎవరినీ ఉపేక్షించేది లేదు. ఇక అభ్యర్థుల నామినేషన్ల వివరాలు, కేసులు, ఆస్తుల అఫిడవిట్లను మా వెబ్‌సైట్‌లో ఉంచనున్నాం. వాటిపై అభ్యంతరాలుంటే సంబంధిత రిటర్నింగ్ అధికారులకు ఫిర్యాదు చేయొచ్చు. అభ్యర్థుల వ్యయాలతో పాటు, ప్రచార సరళిని పరిశీలించేందుకు ఎన్నికల కమిషనర్ ఆధ్వర్యంలో ప్రత్యేక మొబైల్ టీంలు, షాడో బృందాలు రంగంలోకి దిగనున్నాయి.పోలింగ్ రోజున ఏదైనా బూత్‌లో 2 శాతానికి మించి టెండర్ ఓట్లు నమోదు అయితే క్షుణ్ణంగా విచారించి, అవసరమైతే రీ పోలింగ్ నిర్వహించే ఏర్పాట్లు చేస్తాం.
 
 ► ఎన్నిక ఏదైనా..మహానగరంలో పోలింగ్ శాతం పెరగకపోవడానికి కారణాలు విశ్లేషించారా...
  నిజమే.. గ్రామీణ ప్రాంతాలతో పోలిస్తే మహానగరంలో పోలింగ్ శాతం అధ్వాన్నంగా ఉంది. చదువుకున్న వారు, ఇతర ప్రొఫెషనల్స్ ఓటింగ్‌కు దూరంగా ఉండటమే ఇందుకు కారణం. బస్తీల్లో పోలింగ్ ఆశించిన స్థాయిల్లో జరిగింది. కాలనీలు, అపార్ట్‌మెంట్‌లు, గేటెడ్ కాలనీల బూత్‌లకు వచ్చేసరికి అతి తక్కువగా నమోదు అయ్యింది. ఈ మారు ఆ పరిస్థితి నుంచి అధిగమించే ప్లాన్ చేస్తున్నాం. ఓటు వేయటం కనీస బాధ్యత అన్న అంశాన్ని ప్రచారంలో పెడుతున్నాం. వివిధ పౌర సంస్థలు, ఎన్జీఓలతో విస్తృత ప్రచారం చేయటంతో పాటు, ఓటింగ్ స్లిప్‌లను ఆన్‌లైన్‌లోనే అందుబాటులో ఉంచుతున్నాం.
 
 ఇప్పటికే 80 వేల ఓటరు స్లిప్‌లు డౌన్‌లోడ్ అయ్యాయి. పోలింగ్ రోజు రాష్ట్ర ప్రభుత్వం సెలవు ప్రకటించింది. ఇతర వాణిజ్య సముదాయాలన్నీ మూత పడనున్నాయి. ఐటీ కంపెనీలు సైతం తమ ఉద్యోగులకు ఓటు వేసుకునే వెసులుబాటు కల్పించేందుకు తగు చర్యలు చేపట్టబోతున్నాయి. ఈ మేరకు నాస్కాం ప్రతినిధులు ముందుకు వచ్చారు. సగటున 700 మంది ఓటర్లకు ఒక బూత్‌ను ఏర్పాటు చేస్తున్నాం. అన్ని బూత్‌లలో తొలి ఓటరును పూలతో సత్కరించే ఏర్పాట్లు చేయాలని భావిస్తున్నాం. తద్వారా ఓటర్లలో మార్పునకు ప్రయత్నిస్తున్నాం.
  
 ► నగరంలో ఓటర్ల పేర్లు తొలగించారన్న ఆరోపణలు వచ్చాయి..కదా ఎంత మందిని తొలగించారు.. మళ్లీ ఎంతమందిని యాడ్ చేశారు?
  అవును ..ఓటర్లను తొలగించినట్లు ఆరోపణలు వచ్చిన మాట వాస్తవమే. కానీ కావాలని తొలగించిన దాఖలాలు తక్కువే. కొత్తగా 4 లక్షల వరకు యాడ్ చేశారు. నగర పరిధిలో ఇప్పటికే 74 లక్షల మంది ఓటర్లు దాటిపోయారు. అయితే నగరంలో రెండు చోట్ల ఓట్లు ఉన్న వారి సంఖ్య 7.9 లక్షలుగా గుర్తించాం. పోలింగ్ బూత్‌ల వారిగా ఆ జాబితాను ప్రిసైడింగ్ అఫీసర్లకు అందజేశారు. రెండు చోట్ల ఓట్లు వేసేందుకు ప్రయత్నించే వారిపై చట్టపరమైన చర్యలు తీసుకుంటాం. రాజకీయ పార్టీలు ఈ విషయంలో జాగ్రత్తలు తీసుకోవాలి.


 కార్యకర్తల్లో ఉత్సాహం నింపే దిశగా కాంగ్రెస్ యాక్షన్‌ప్లాన్
  14న తొలి, 16న తుది జాబితాల విడుదలకు సన్నాహాలు
  
 సిటీబ్యూరో: జీహెచ్‌ఎంసీ ఎన్నికల ప్రచారాన్ని అగ్రనేతలతో తారస్థాయికి తీసుకువెళ్లే దిశగా కాంగ్రెస్ పార్టీ కార్యాచరణ ప్రారంభమైంది. మంగళవారం ఏఐసీసీ ప్రధాన కార్యదర్శి దిగ్విజయ్‌సింగ్(డిగ్గీ రాజా) తో ప్రారంభమైన ప్రచార పర్వంలో గులాంనబీ ఆజాద్, ఏకే ఆంటోనీలతో పాటు ఏపీసీసీ అధ్యక్షులు రఘువీరారెడ్డి, ఎంపీ చిరంజీవి తదితరులతో హీటెక్కించే దిశగా వ్యూహం రూపొందించింది. మంగళవారం దిగ్విజయ్‌సింగ్, టీ పీసీసీ అధ్యక్షులు ఉత్తమ్‌కుమార్‌రెడ్డి, సీఎల్పీ నేత జానారెడ్డిల ఆధ్వర్యంలోని అగ్రనేతలు రాజేంద్రనగర్, ఖైరతాబాద్, సనత్‌నగర్, ఎల్‌బీ నగర్ నియోకవర్గాల్లో నిర్వహించిన సభల్లో పాల్గొని ప్రభుత్వ వైఫల్యాలను ఎండగట్టే ప్రయత్నం చేశారు..హైదరాబాద్‌లో అభివృద్ధి తమ హాయాంలోనే చేశామని చెప్పుకునే ప్రయత్నం చేశారు. రాజేంద్రనగర్ సభ మాజీ హోంమంత్రి సబితా ఇంద్రారెడ్డి ఆధ్వర్యంలో జరగ్గా, మిగిలిన మూడు సభలు ఆయా నియోజకవర్గాల నుండి పోటీ చేసి ఓటమి పాలైన దానం నాగేందర్, మర్రి శశిధర్‌రెడ్డి, దేవిరెడ్డి సుధీర్‌రెడ్డి ఆధ్వర్యంలో నిర్వహించారు. ఇటీవల హైదరాబాద్- రంగారెడ్డి జిల్లా నేతల మధ్య నెలకొన్న సరిహద్దు వివాదం నేపథ్యంలో దానం నాగేందర్ తొలి రోజు ఖైరతాబాద్ సమావేశానికే పరిమితమయ్యారు. ఎల్‌బీనగర్‌లో నిర్వహించిన సభలో భారీ ఎత్తున కార్యకర్తలు, అభిమానులు తరలిరావటం ఉత్సాహం నింపింది.
 
 శివారు నియోజకవర్గాలకు సినీ అట్రాక్షన్ :  కాంగ్రెస్ పార్టీ కేంద్ర నాయకులతో పాటు నగర శివారు నియోజకవర్గాల్లో సినీనటుడు చిరంజీవితో ప్రచారం చేయించాలన్న నిర్ణయానికి వచ్చినట్లు సమాచారం. ఇదిలా ఉంటే హైదరాబాద్ మేయర్ పోస్ట్‌కు మాజీ క్రికెటర్ అజ హారుద్దీన్‌ను నిలిపేందుకు పీసీసీ నాయకులు చేసిన ప్రయత్నాలు విఫలం కావటంతో, కనీసం అజహారుద్దీన్‌ను పాతబస్తీలో ప్రచారమైనా చేసిపెట్టాలని విజ్ఞప్తి చేస్తున్నారు.  కాంగ్రెస్ పార్టీ నగరంలో అన్ని డివిజన్లకు పోటీ చేయటం ఖరారు కావటంతో ఏకాభిప్రాయం కుదిరిన చోట్ల అభ్యర్థులతో కూడిన తొలి జాబితాను 14వ తేదీన విడుదల చేయాలని భావిస్తున్నారు. అభ్యర్థి ఎంపిక క్లిష్టమైన డివిజన్ల అంశాన్ని పీసీసీ,సీఎల్పీ నేతల జోక్యంతో ఈనెల 16న విడుదల చేయనున్నారు.
  


 సప్తమి పూట మంచిదని...
 16నే ముహూర్తం బాగుంది
 ఆ రోజే మంచి తిథి.. నక్షత్రం
 నామినేషన్లకు సిద్ధమవుతున్న అభ్యర్థులు
 తొలి రోజు 14 దాఖలు
  
 సిటీబ్యూరో: జీహెచ్‌ఎంసీ ఎన్నికల నామినేషన్ల ఘట్టం మొదలైంది. తొలిరోజైన మంగళవారం కేవలం 14 నామినేషన్లు మాత్రమే దాఖలయ్యాయి. టికెట్లు ఖరారు కాకపోవడం.. అన్ని పార్టీలూ బలమైన అభ్యర్థుల కోసం భూతద్దం వేసి వెతుకుతుండటం.. మిత్రపక్షాలతో పొత్తులు తేలకపోవడం.. వార్డుల రిజర్వేషన్లలో కొందరి అంచనాలు తలకిందులవడం... పొరుగు వార్డుల్లో ఏది ఎంచుకోవాలో తేలకపోవడం.. వంటివి నామినేషన్ల జాప్యానికి ఓ కారణం. సరైన ముహూర్తం లేకపోవడం మరో కారణంగా  కనిపిస్తోంది. దీంతో అందరూ ముందుగా ముహూర్త ‘బలం’ చూసుకుంటున్నారు. ఈ నెల 12 నుంచి 17 వరకు నామినేషన్లకు గడువు. దీనిలో ఒక రోజు గడిచిపోయింది. 14, 15 తేదీల్లో సంక్రాంతి సందర్భంగా నామినేషన్లు స్వీకరించరు. మిగిలింది 13, 16, 17 తేదీలు. వీటిలో ఏ రోజైతే బాగుంటుందోనని కొందరు అభ్యర్థులు జ్యోతిష్యులను, సంఖ్యా శాస్త్ర నిపుణులను సంప్రదిస్తున్నారు. వారు చెబుతున్న దాన్ని బట్టి 16వ తేదీ మాత్రమే అత్యద్భుతంగా ఉంది. ఇస్లాం క్యాలెండర్ ప్రకారం చూసినా 16వ తేదీ శనివారమే మంచి రోజని చెబుతున్నారు. 13న చవితి కావడంతో హిందూ క్యాలెండర్ ప్రకారం మంచిరోజు కాదు. 14 పంచమి మంచిరోజైనప్పటికీసెలవు వల్ల నామి నేషన్ వేయలేని పరిస్థితి. 15 సెలవుతో పాటు షష్టి కూడా మంచి తిథి కాదు. 16నసప్తమి అన్ని విధాలా బ్రహ్మాండమైన రోజని ఇటు హిందూ, అటు ఇస్లాం క్యాలెండర్ల గురించి తెలిసిన నిపుణులు చెబుతున్నారు. 16న సప్తమి, రేవతీ నక్షత్రం కలిసి రావడంతో అన్ని విధాలా శ్రేయస్కరమని చెబుతున్నారు. దీంతో చాలామంది అభ్యర్థులు ఆ రోజే నామినేషన్ వేయాలని భావిస్తున్నారు. 17నఅష్టమి... మంచిరోజు కాదని...16నే నామినేషన్లకు చాలామంది మానసికంగా సిద్ధమైనట్లు తెలుస్తోంది.
 
 అభ్యర్థుల ఎంపికకు కసరత్తు
 ఈలోగా బలమైన అభ్యర్థుల ఎంపికకు కసరత్తు పూర్తి చేయవచ్చునని వివిధ పార్టీల అగ్రనేతలు భావిస్తున్నారు. మహిళల రిజర్వేషన్ కారణంగా అవకాశం కోల్పోయిన కొందరు ఆశావహులు తమ కుటుంబానికే టికెట్ కేటాయించాలని అగ్రనేతల చుట్టూ ప్రదక్షిణ చేస్తున్నారు. ఇంకొందరు తమకు అవకాశం ఇవ్వకపోతే ఆత్మహత్యలే శరణ్యమని బోరుమంటున్నారు. అవివాహితులు   పెళ్లి చేసుకొని తమ అర్ధాంగికి టిక్కెట్ కేటాయించాలని కోరుతున్నారు. ఇలా వివిధ కారణాలతో దాదాపు 90 శాతం మంది అభ్యర్థులు 16నే నామినేషన్లు దాఖలు చేసే అవకాశాలు కనిపిస్తున్నాయి. 2016వ సంవత్సరం ఎన్నికలకు 16వ తేదీ నామినేషన్ మంచి జ్ఞాపకంగా ఉంటుందని భావిస్తున్నవారూ ఉన్నారు. ఈ నేపథ్యంలో ఆరోజు నామినేషన్ కేంద్రాలు కిటకిటలాడనున్నాయి. గత జీహెచ్‌ఎంసీ ఎన్నికల్లో 1310 మంది పోటీ చేశారు. ఈ సంఖ్య ఈసారి మరింత పెరిగే అవకాశం ఉంది.
  
 శనివారమే మంచి రోజు
 ఇస్లామిక్ క్యాలెండర్ ప్రకారం నెలవంక            దర్శనంతో నెల ప్రారంభమవుతుంది. క్యాలెండర్ ప్రకారం రబ్బీసాని నెల మంగళవారం (జనవరి 12వ తేదీ) ప్రారంభమైంది. ప్రతి రోజూ మంచి రోజే. ఇస్లాం మతంలో బేసి సంఖ్యకు ప్రాధాన్యం ఉంటుంది. జీహెచ్‌ఎంసీ ఎన్నికల్లో నామినేషన్ల గడువును బట్టి... ర బ్బీసాని నెల 3వ తేదీ గురువారం (జనవరి 14) బలమైన ముహూర్తం. ఆ రోజు సెలవు కావడంతో రబ్బీసాని 5వ తేదీ శనివారం (జనవరి 16) నామినేషన్‌కు ముహూర్తం పెట్టుకోవచ్చు.
   - అబుల్ ఫతే సయ్యద్ బందగి బాషా ఖాద్రీ,జాయింట్ సెక్రటరీ,
  ఆల్ ఇండియా కుల్ హింద్ జమైతుల్ మాషాయిక్, హైదరాబాద్
  
  
 16న శుభ ముహూర్తం
 ఉత్తరాయణ పుణ్యకాలం 15వ తేదీ సాయంత్రం ప్రారంభమ వుతుంది. 16వ తేదీ సప్తమి, 17న అష్టమి. 17వ తేదీ కంటే 16న ముహూర్తబలం ఉంది. అందుకే నామినేషన్లు దాఖలు చేసుకోవచ్చు. వీలుపడని వారు 17న అష్టమి రోజు కూడా వేసుకోవచ్చు.
  - విఠల్ శర్మ


 ఇద్దరు రాజకీయ దిగ్గజాలే. పరిస్థితుల నేపథ్యంలో పార్టీలు మారారు. ఇక రిజర్వేషన్ల ప్రక్రియలో తామనుకున్న డివిజన్‌లను మహిళలకు కేటాయించడంతో ఆ ఇద్దరు అన్నదమ్ములు సతీమణులను నిలిపేందుకు సిద్ధమయ్యారు. తోటి కోడళ్లల్లో గెలుపెవరిదన్నదే ఇక్కడ ఆసక్తికరంగా మారింది. కుత్బుల్లాపూర్ సర్కిల్ పరిధిలోని జీడిమెట్ల డివిజన్ నుంచి టీఆర్‌ఎస్ నేత కె.ఎం ప్రతాప్ సతీమణి కేపీ పద్మ టికెట్ ఆశిస్తుండగా, కుత్బుల్లాపూర్ డివిజన్ నుంచి ప్రతాప్ సోదరుడు, మాజీ కార్పొరేటర్ కె.ఎం గౌరీస్ భార్య కేజీ పారిజాతను నిలిపేందుకు సిద్ధమయ్యారు.
 
 ఇప్పటికే టీఆర్‌ఎస్ అధిష్టానంతో సంప్రదింపులు జరిపి టికెట్ ఖరారు చేసుకున్నట్లు తెలిసింది. స్వయానా ఇద్దరు తోటి కోడళ్లు వేర్వేరు డివిజన్లలో రంగంలో ఉండడంతో ఇక్కడ పోటీ అందరి దృష్టిని ఆకర్షిస్తోంది.
  - కుత్బుల్లాపూర్


 మీకు రాజకీయాల్లోకి రావాలనుందా...గ్రేటర్ ఎన్నికల్లో కార్పొరేటర్‌గా పోటీ చేయాలని ఉందా...మీకు ఏ పార్టీ టికెట్ ఇవ్వలేదా...అయితే మీ ఆసక్తిని ప్రోత్సహిస్తాం..మీ ఆశయాలకు బాటలు వేస్తాం. పార్టీ టికెట్ ఇచ్చి..గెలుపునకు బాటలు వేస్తాం. మాకు ఓ ఫోన్ కొట్టండి మరి...అని తెలంగాణ యువశక్తి (టీవైఎస్) పార్టీ పిలుపునిస్తోంది. ఈ మేరకు సోమవారం ఆ పార్టీ అధ్యక్షుడు రామ్మోహన్‌రెడ్డి ప్రెస్‌మీట్ పెట్టి ఈ విషయం వెల్లడించారు. ముఖ్యంగా యువతీ యువకులు రాజకీయాల్లోకి రావాలని, ఆసక్తి ఉన్నవారు 9391005388లో సంప్రదించి తమ పార్టీ టికెట్‌పై గ్రేటర్ బరిలో నిలవచ్చని ఆయన పేర్కొన్నారు.
  - సుల్తాన్‌బజార్


 రాజకీయం.. దానిని మించిన ఉద్యోగం, ఉపాధి, పలుకుబడి ఇంకేముందీ ప్రపంచంలో. అందుకేనేమో కార్పొరేటర్ టికెట్ కోసం ఏకంగా ప్రభుత్వ ఉద్యోగాన్ని వదులుకుంటానంటోంది ఓ మహిళ. టికెట్ ఇస్తే ఉద్యోగానికి రాజీనామ చేస్తానంటూ ప్రచారం నిర్వహిస్తోంది. ఏకంగా రాజీనామా పత్రాన్ని తీసుకొని పార్టీ అధినాయకత్వం వద్దకు వెళ్లేందుకు సిద్ధమవుతోంది. ఉప్పల్‌కు చెందిన టీఆర్‌ఎస్ నాయకుడు తవిడబోయిన గిరిబాబు భార్య ఎం.స్నేహలక్ష్మి పాత బస్తీలోని ప్రభుత్వ పాఠశాలలో స్కూల్ అసిస్టెంట్‌గా పనిచేస్తోంది.
 
 జీహెచ్‌ఎంసీ ఎన్నికల రిజర్వేషన్లలో భాగంగా ఉప్పల్ డివిజన్‌ను జనరల్ మహిళకు కేటాయించడంతో చేసేది లేక గిరిబాబు తన భార్యను కదన రంగంలోకి దింపుతున్నారు. టికెట్ ఇస్తే తన భార్యచేత ఉద్యోగానికి రాజీనామా చేయిస్తానంటూ రాజీనామా పత్రాన్ని పట్టుకొని తిరుగుతున్నారు. గతంలో గిరిబాబు కూడా ఎల్‌ఐసీలో ఉద్యోగి. ఆయన కూడా తన ఉద్యోగానికి రాజీనామా చేసి రాజకీయాల్లోకి రావడం విశేషం.    
 - ఉప్పల్


 కుత్బుల్లాపూర్: టీడీపీ ఎమ్మెల్యే వివేకానంద్‌కు బాబాయ్ కె.ఎం.గౌరీష్ ఝలక్ ఇచ్చారు. రాత్రికి రాత్రే పార్టీ మార్చేశారు. మంత్రి మహేందర్‌రెడ్డి, ఎమ్మెల్సీ శంభీపూర్‌రాజు, టీఆర్‌ఎస్ గ్రేటర్ అధ్యక్షుడు మైనంపల్లితో మంతనాలు జరిపి టీఆర్‌ఎస్‌లోకి జంప్ అయ్యారు. కేటీఆర్ సమక్షంలో ఆ పార్టీలో చేరుతున్నట్లు ప్రకటించారు. దీంతో కుత్బుల్లాపూర్‌లో టీడీపీకి గట్టి దెబ్బ తగిలింది. గౌరీష్ రెండో అన్న ప్రతాప్ ఇప్పటికే టీఆర్‌ఎస్‌లో చేరగా... తమ్ముడు అదే బాట పట్టాడు.
 
 గౌరీష్ సతీమణి పారిజాతకు కుత్బుల్లాపూర్ టికెట్ ఇచ్చేందుకు అంగీకరించినట్లు సమాచారం. మరో ఇద్దరు టీడీపీ మాజీ కార్పొరేటర్లు, నియోజకవర్గ   నేతలు బుధవారం కేటీఆర్, మహేందర్‌రెడ్డి, తలసాని సమక్షంలో టీఆర్‌ఎస్‌లో చేరనున్నారు.


 ♦ నేటి నుంచి జీహెచ్‌ఎంసీలో నామినేషన్ల సందడి
 ♦ నిబంధనల ఉత్తర్వులు జారీ చేసిన ప్రభుత్వం
 ♦ అతిక్రమిస్తే నామినేషన్ల తిరస్కరణ ఖాయం
  
  సాక్షి, సిటీబ్యూరో
  జీహెచ్‌ఎంసీ ఎన్నికల్లో  నామినేషన్ల పర్వం మంగళవారం నుంచి ప్రారంభం కానుంది. నోటిఫికేషన్ జారీతోపాటు నామినేషన్ల స్వీకరణ కూడా మంగళవారమే ప్రారంభం కానుంది. జీహెచ్‌ఎంసీ చట్టం మేరకు రిటర్నింగ్ అధికారులు దీనికి సంబంధించి పబ్లిక్‌నోటీసు జారీ చేస్తారు. ఇక అధికారులు ఆయా పార్టీల అభ్యర్థులు నామినేషన్లు దాఖలు చేసే సమయంలో నిబంధనలు కచ్చితంగా పాటించాలని సూచిస్తున్నారు. ఏమాత్రం ఉల్లంఘనలు జరిగినా నామినేషన్ తిరస్కరణకు గురవుతుందని హెచ్చరిస్తున్నారు.
 
  
  ఇవీ నామినేషన్ల నిబంధనలు
  
 ► 150 డివిజన్లకుగాను 150 మంది రిటర్నింగ్ అధికారులను నియమించారు.
 ► నామినేషన్లు స్వీకరించే సమయం ఉ. 11 గం॥నుంచి మ. 3 వరకు
 ► ఒక డివిజన్‌కు ఒక అభ్యర్థి నాలుగు సెట్ల నామినేషన్లు దాఖలు
  చేయవచ్చు. ఒక నామినేషన్‌కే డిపాజిట్ చెల్లిస్తే సరిపోతుంది.
 ► జీహెచ్‌ఎంసీలోని ఏ వార్డులోనైనా ఓటరు జాబితాలో పేరున్న వారే పోటీకి అర్హులు. ఈ మేరకు సర్కిల్ కార్యాలయం నుంచి పొందిన
  ధ్రువీకరణ పత్రం సమర్పించాలి.
 ► అభ్యర్థిని ప్రతిపాదించే వారికి సైతం ఈ నిబంధన వర్తిస్తుంది. ప్రతిపాదించేవారు వార్డులో ‘స్థానికుడై’ ఉండాలి.
 ► ఎస్సీ, ఎస్టీ, బీసీలు కులధ్రువీకరణ పత్రాన్ని జతచేయాలి.
 ► నామినేషన్‌తో పాటు రూ. 20 స్టాంపు పేపర్‌పై తమ విద్యార్హతలు తదితర వివరాలతో అఫిడవిట్ సమర్పించాలి.
 ► ఏరోజుకారోజు అందిన నామినేషన్లు, అభ్యర్థుల అఫిడవిట్లను సాయంత్రం వేళ నోటీసుబోర్డులో ప్రదర్శిస్తారు. ఎన్నికల సంఘం వెబ్‌సైట్లోనూ పెట్టనున్నట్లు పేర్కొన్నారు.
 ► ఎన్నికల్లో  పోటీచేయనున్న అభ్యర్థులు నామినేషన్‌కు ఒక రోజు ముందే ఎన్నికల ఖర్చు నిర్వహణ కోసం ప్రత్యేక బ్యాంకు ఖాతాను తెరవాలి.  ఖాతా వివరాలను రిటర్నింగ్ అధికారికి రాతపూర్వకంగా తెలపాలి.
  
  వీరు అనర్హులు
 ► అవినీతి కేసుల్లో శిక్ష పడిన వారు, ఎన్నికల్లో నేరాలకు పాల్పడి శిక్షలు పడిన వారు ఆరేళ్ల వరకు ఎన్నికల్లో పాల్గొనేందుకు అనర్హులు.
 ► ఇద్దరు పిల్లల కంటే ఎక్కువ సంతానం ఉంటే పోటీకి అర్హులు కారు.
 ► జీహెచ్‌ఎంసీకి చెల్లించాల్సిన ఏదేని పన్నుకు సంబంధించిన నోటీసు అంది, నిర్ణీత గడువు ముగిసేలోగా పన్ను కట్టనివారు అర్హులు కారు.
  
 డిక్లరేషన్ తప్పనిసరి
 ► ఎస్సీ, ఎస్టీ, బీసీ రిజర్వేషన్ల వార్డుల్లో పోటీచేసే ఆయా కేటగిరీల అభ్యర్థులు నామినేషన్ ఫారంతోపాటు ఫారం-2తో డిక్లరేషన్ ఇవ్వాలి.
 ► అందుకు అనుగుణంగా అధీకృత అధికారి జారీ చేసిన కులధ్రువీకరణ పత్రం పొందుపర్చాలి.
 ► నామినేషన్‌తో పాటు రూ.5 వేలు డిపాజిట్‌గా చెల్లించాలి. ఎస్సీ, ఎస్టీలు, బీసీలు  అందులో సగం అంటే రూ. 2500 చెల్లిస్తే సరిపోతుంది. ఈ మొత్తాన్ని రిటర్నింగ్ అధికారికి నగదు రూపంలో గానీ, ఎస్‌బీహెచ్ శాఖల్లో చలానా రూపంలో గానీ, ట్రెజరీ ద్వారా కానీ చెల్లించవచ్చు.
 ► జీహెచ్‌ఎంసీ ఎన్నికల్లో తొలిసారిగా‘నోటా’ను అమలు చేయనున్నారు.
 ► గ్రేటర్ లోని 150 వార్డుల ఎన్నికలకు సంబంధించిన రిసెప్షన్, డిస్ట్రిబ్యూషన్ సెంటర్లు సంబంధిత సర్కిళ్లలో ఏర్పాటు చేశారు.


 ♦ ఓటరు జాబితాలో సగానికి పైగా యువజనమే
 ♦ హైదరాబాద్‌లో 60.91 శాతం, రంగారెడ్డిలో 49.70 శాతం
 ♦ రేపటి స్థానిక నేతల తలరాత రాసేది వీరే...
  
 ఇక గ్రేటర్ నేతలు ‘యువ’ జపం చేయాల్సిందే. యువతను ఆకట్టుకోవాల్సిందే. వారికోసం ప్రత్యేక ప్లాన్‌లు అమలు చేయాల్సిందే. మేనిఫెస్టోల్లో యువజన సంక్షేమ కార్యక్రమాలు ప్రస్తావించాల్సిందే. ఎందుకంటే...గ్రేటర్ పీఠాధిపతిని నిర్ణయించేది యువ ఓటర్లే. అవును...ఇది నిజం. గ్రేటర్ హైదరాబాద్ పరిధిలోని ఓటర్లలో 61 శాతం యువ ఓటర్లు ఉన్నట్లు తాజాగా ఎన్నికల సంఘం విడుదల చేసిన ఓటరు జాబితాలో వెల్లడైంది. గత ఎన్నికల్లో యువ ఓటర్లే ఎక్కువ సంఖ్యలో ఓటు హక్కు వినియోగించుకున్నట్లు తేలింది. ఈ వివరాలు తెలుసుకున్న మన నేతలు యువతను ఆకర్షించే పనిలో పడిపోయారు. ప్రత్యేక యాక్షన్ ప్లాన్‌లతో సిద్ధమవుతున్నారు.
      - సాక్షి ప్రతినిధి, హైదరాబాద్
  
  సేఫ్ సిటీ కావాలి
  హైదరాబాద్ మరింత సేఫ్ సిటీ కావాలి. ఆ దిశగా పనిచేసే నేతలకే మా మద్దతు. మారిన పరిస్థితుల్లో 24 గంటలు యువతులు పనిచేయాల్సి వస్తోంది. సోషల్ మీడియా అందుబాటులోకి వచ్చాక ఎవరికీ ‘ప్రైవేటు’ లేకుండా పోయింది. అందుకు సైబర్ చట్టాలకు మరింత పదును పెంచి, యువతులపై చోటు చేసుకునే ఆగడాల నియంత్రణకు మరింత పకడ్బందీ యాక్షన్‌ప్లాన్ అమలు చేయాలి. ఎన్నికయ్యే నేతలు ఈ దిశగా చర్యలు చేపట్టాలి.    -  శృతి శ్రీపాద, ఆర్టిస్ట్
  
 ఫిట్‌నెస్.. మస్ట్
  నగరంలో యూత్ 20 ఏళ్లలోనే పలు రోగాలతో సతమతమయ్యే పరిస్థితి. మారిన లైఫ్‌స్టైల్ నేపథ్యంలో ఫిట్‌నెస్ కోసం స్థానిక ప్రభుత్వం మరిన్ని చర్యలు చేపట్టాలి. ఇప్పటికే పాఠశాలలు, కళాశాలల్లో కనీసం చిన్న మైదానాలు కూడా లేని పరిస్థితి. శారీరక వ్యాయాయం లేక యువత ఇబ్బంది పడుతోంది. ప్రతి డివిజన్‌కు ఇక ఇంటర్నేషనల్ స్థాయి జిమ్‌లు ఏర్పాటు చేసి, హైదరాబాద్ యూత్ మనుసుల్ని గెలిచే వారికే గ్రేటర్ ఎన్నికల్లో మా మద్దతు.
  - రవి పర్యాద, ఇంటర్నేషనల్ ఫిట్‌నెస్ ట్రైనర్
  
  మహానగర ఎన్నికల్లో గెలుపు ఎవరిది..? వినటానికే ఉత్కంఠగా ఉంది కదూ ఈ ప్రశ్న. నిజమే బరిలో ఉన్నది ఎవరైనా..యూత్ మద్దతును కూడగట్టిన స్థానిక నేతలే విజేతలు కానున్నారు. ఎందుకంటే ఫలితాన్ని ఒంటిచేత్తో శాసించే స్థితిలో యువ ఓటర్లు ఉండటమే కారణం. తాజాగా ఎన్నికల సంఘం విడుదల చేసిన ఓటర్ల జాబితాలో హైదరాబాద్ జిల్లా పరిధిలోని ప్రాంతాల్లో మొత్తం ఓటర్లలో 60.91 శాతం మంది యువ ఓటర్లు (18 నుంచి 35 ఏళ్లు) ఉండగా, రంగారెడ్డి అర్బన్ పరిధిలోని ప్రాంతాల్లో 49.70 శాతం మంది ఉన్నారు. గత ఎన్నికల్లో పోలింగ్ శాతం చూస్తే, మిగతా వయసు వారి కంటే యువజనులే అత్యధికంగా ఓటు హక్కును వినియోగించుకున్నారు. దీంతో అన్ని పార్టీలు త్వరలో జరగబోయే ఎన్నికల్లో యువనామ స్మరణ చేయక తప్పని పరిస్థితి నెలకొంది.
 
  యూత్ కోసం.. స్పెషల్ యాక్షన్ ప్లాన్
  యువజనులు తమకు ఓటేస్తే తప్ప విజయం సాధించలేమన్న అంశాన్ని గమనిస్తున్న రాజకీయ పార్టీలు, అభ్యర్థులు వారి కోసం ప్రత్యేక మేనిఫెస్టోతో ముందుకు వెళ్లే యోచనలో ఉన్నారు. నగరంలోని యువజనులను మూడు కేటగిరీలుగా విభజించి వారికి చేరువయ్యే యాక్షన్‌ప్లాన్‌లు రూపొందిస్తున్నారు. ప్రాంతాల వారీగా యూత్ ఆకాంక్షలపై ‘క్విక్ సర్వే’లతో వారిని ప్రసన్నం చేసుకునే ఏర్పాట్లలో తలమునకలయ్యారు. వారిని స్థానిక నాయకులు ప్రత్యక్షంగా కలుసుకోవటంతో పాటు సోషల్ మీడియా ద్వారా కనెక్ట్ అయ్యే వ్యూహం అమలు చేయాలని భావిస్తున్నారు.
 
 ఒక అంచనా మేరకు నగరంలో ఫేస్‌బుక్, ట్విట్టర్, వాట్సాప్ తదితర అకౌంట్లున్న వారి సంఖ్య సుమారు 65 లక్షలుండగా అందులో 90 శాతం 40 ఏళ్ల లోపువారే కావటంతో వారితో నిత్యం టచ్‌లో ఉండే ందుకు పార్టీలు రెడీ అయ్యాయి. ఇప్పటికే నగరంలో టీఆర్‌ఎస్, బీజేపీ, కాంగ్రెస్, ఎంఐఎంలు సోషల్ మీడియా మేనేజ్‌మెంట్ కోసం ప్రత్యేక విభాగాలు ఏర్పాటు చేశారు. ఈ విషయమై టీఆర్‌ఎస్ తరపున సోషల్ మీడియా కోఆర్డినేషన్ హెడ్‌గా వ్యవహరిస్తున్న నేత ఒకరు ‘సాక్షి’తో మాట్లాడుతూ నాలుగు అంశాలపై దృష్టి సారించి ముందుకు వెళుతున్నామన్నారు. అందులో సేఫ్టీ సిటీ, గ్రీన్‌సిటీ, క్లీన్‌సిటీ, డెవలప్‌మెంట్ సిటీ అంశాలను యూత్ ముందుంచినట్లు చెప్పారు.


 అధికార దుర్వినియోగానికి పాల్పడుతోంది.. గవర్నర్‌కు టీటీడీపీ ఫిర్యాదు
 
  సాక్షి, హైదరాబాద్: జీహెచ్‌ఎంసీ ఎన్నికల్లో అధికార టీఆర్‌ఎస్ చేస్తున్న అప్రజాస్వామిక, రాజ్యాంగ ఉల్లంఘనలపై స్పందించి తగిన చర్యలు తీసుకోవాలని తెలంగాణ టీడీపీ గవర్నర్ ఈఎస్‌ఎల్ నరసింహన్‌ను కోరింది. అర్హులైన ఓటర్లను తొలగించడం మొదలుకొని ప్రచారం వరకు రాజ్యాంగ హక్కులను కాలరాస్తూ టీఆర్‌ఎస్ వ్యవహరిస్తోందని రాష్ట్ర టీడీపీ అధ్యక్షుడు ఎల్.రమణ, ఎంపీ సీహెచ్.మల్లారెడ్డి, ఎర్రబెల్లి దయాకర్ రావు, మోత్కుపల్లి నర్సింహులు, రావుల చంద్రశేఖర్ రెడ్డి, రమేష్ రాథోడ్, ఎం.అరవింద్ కుమార్ గౌడ్, ఎం.అమరనాథ్ బాబు తదితరులు సోమవారం గవర్నర్‌కు వినతిపత్రం సమర్పించారు. టీఆర్‌ఎస్ అధికార దుర్వినియోగానికి అడ్డుకట్ట వేసి, ఎన్నికలు ప్రజాస్వామ్యయుతంగా జరిగేలా చూడాలని కోరారు.
 
  ఎదురుతిరిగిన వారిపై దాడులు: ఆర్మూర్ నియోజకవర్గం నుంచి టీఆర్‌ఎస్ ఎమ్మెల్యేగా గెలిచిన జీవన్‌రెడ్డిపై పోటీ చేసిన రిపబ్లికన్ పార్టీ ఆఫ్ ఇండియా అభ్యర్థి తలారి సత్యం అనుమానాస్పద మరణంపై విచారణ జరిపించాలని గవర్నర్‌ను కోరారు.  అలాగే గతంలో స్పీకర్ మధుసూదనాచారి అనుచరులు కానిస్టేబుల్ శ్రీనివాస్‌ను బెదిరించారని, ఎమ్మెల్సీ సలీం శంషాబాద్ తహసీల్దార్‌ను బెదిరించడం, బెల్లంపల్లి ఎమ్మెల్యే చిన్నయ్య, వికారాబాద్ ఎమ్మెల్యే సంజీవరావు, మంత్రి జగదీశ్‌రెడ్డిలు కూడా అధికారులను, విలేకరులను వేధించారని ఆరోపించారు.


 ♦ గ్రేటర్ లో ఉదయం 11 నుంచి మధ్యాహ్నం 3 గంటల వరకు..
 ♦17వ తేదీ వరకు నామినేషన్ల స్వీకరణ.. 18న స్క్రూటినీ
 ♦ ఉపసంహరణకు 21వరకు గడువు.. అదే రోజు తుదిజాబితా
  
  సాక్షి, హైదరాబాద్: గ్రేటర్ హైదరాబాద్ ఎన్నికల్లో తొలి అంకమైన నామినేషన్ల పర్వం నేటి(మంగళవారం) నుంచి మొదలుకానుంది. మంగళవారం నోటిఫికేషన్ జారీతోపాటు నామినేషన్ల స్వీకరణ కూడా ప్రారంభం కానుంది. జీహెచ్‌ఎంసీ చట్టం మేరకు రిటర్నింగ్ అధికారులు దీనికి సంబంధించి పబ్లిక్ నోటీసు జారీ చేస్తారు. నామినేషన్ల స్వీకరణ కూడా ప్రారంభిస్తారు. మంగళవారం నుంచి 17వ తేదీ ఆదివారం వరకు నామినేషన్ల దాఖలుకు గడువుంది. అయితే ఇందులో భోగి, సంక్రాంతి పండుగను పురస్కరించుకుని 14, 15 తేదీల్లో నామినేషన్లు స్వీకరించరు. దీంతో నామినేషన్లు దాఖ లు చేసేందుకు నాలుగు రోజులే గడువుంది. 17వ  తేదీ ఆదివారం అయినా నామినేషన్లు స్వీకరిస్తారు.
 
 ఉదయం 11 గంటల నుంచి మధ్యాహ్నం 3 గంటల వరకు సంబంధిత రిటర్నింగ్ అధికారుల కార్యాలయాల్లో నామినేషన్లు స్వీకరిస్తారు. జీహెచ్‌ఎంసీలోని 24 సర్కిళ్లలో ఆయా రిట ర్నింగ్ అధికారుల కార్యాలయాలు ఏర్పాటు చేశారు. 18వ తేదీ సోమవారం నామినేషన్లను పరిశీలిస్తారు. ఉపసంహరణకు 21వ తేదీ మధ్యాహ్నం 3 గంటల వరకు గడువుంది. అభ్యర్థుల తుది జాబితాలను అదే రోజు సాయంత్రం ప్రకటిస్తారు. అభ్యర్థులు నామినేషన్ డిపాజిట్‌గా రూ. 5 వేలు చెల్లించాలి. ఎస్సీ, ఎస్టీలతో పాటు బీసీలకు నామినేషన్ డిపాజిట్ చెల్లింపులో రాయితీ ఇచ్చారు. వీరు రూ. 2,500 చెల్లిస్తే సరిపోతుంది.


 ‘బలమైన’ స్థానిక  నేతల కోసం వెతుకులాట
 ♦ సామాజిక, ఆర్థిక బలాలపై లెక్కలు
 ♦ 50 డివిజన్లలో బలవంతుల కోసం‘ కార్డన్ సెర్చ్’
  
  బహుబలి.. కండలు తిరిగిన వీరుడు.
  ఆ సినిమా ఓ సంచలనం. ఆ పాత్ర పెద్ద హిట్...
 
  ఇక్కడ సీన్ మారింది. మన నేతలు ఎన్నికల్లో అన్ని విధాలా నెగ్గుకొచ్చే బహుబలుల కోసం వెదుకుతున్నారు. బరిలో దింపే ప్రయత్నం చేస్తున్నారు. ‘కండ..అండ..ఆర్థిక..సామాజిక.. ఇలా బహుబలాలు ఉన్నవాడే ‘కార్పొరేటర్’కు క్వాలిఫైడ్. అతనే మన పార్టీకి గెలుపుసాధించే ‘బహుబలి’. వెదకండి...పార్టీ నుంచి టికెట్ ఇద్దాం. గెలుపునకు బాటలు వేద్దాం’ అంటూ  ప్రధాన రాజకీయ పక్షాలు బలమైన అభ్యర్థులను వెదుకుతున్నాయి. ‘బహుబలి’ని వెదికి  పట్టండంటూ  శ్రేణులకు దిశానిర్దేశం చేస్తున్నాయి. కనీసం 50 డివిజన్లలో అలాంటి వారినే నిలపాలని భావిస్తున్నాయి. తీవ్ర నేరారోపణలు ఎదుర్కొంటున వ్యక్తుల విషయంలోనూ పట్టింపులు వద్దంటున్నాయి. ‘కేసులు, గీసులు తర్వాత చూద్దాం..గెలిచే వారినే ఎంపిక చేద్దాం’ అంటూ ప్రధాన రాజకీయ పార్టీలు ముందుకు సాగుతున్నాయి.
  
  జీహెచ్‌ఎంసీ ఎన్నికల్లో కార్పొరేటర్ పోస్ట్‌కు తప్పనిసరిగా గెలిచే అభ్యర్థులనే నిలపాలని ప్రధాన పార్టీలు భావిస్తున్నాయి. ఇందుకోసం ఎంతవరకైనా వెళ్లాలని చూస్తున్నాయి. ‘కండ బలం ఉన్న నాయకులు కావాలి. వీరికి స్థానికంగా సామాజిక, ఆర్థిక బలాలుంటే మరీ మంచిది.. చదువు, నేర చరిత్రలను కాసేపు పక్కన పెట్టేయ్..మనం గెలవటమే ఏకైక లక్ష్యం..అందుకే  రాజకీయ శత్రువుని ఎలాగైనా ఓడించే బహుబలిని వెంటనే వెతకండి’ అంటూ ప్రధాన రాజకీయ పక్షాలన్నీ తమ శ్రేణులకు దిశానిర్దేశనం చేస్తున్నాయి. గ్రేటర్‌లో మొత్తం 150 డివిజన్లకు గానూ రిజర్వేషన్ల మూలంగా సుమారు 50 స్థానాల్లో తమ అంచనాలకు తూగే అభ్యర్థులు సొంత పార్టీలో కనిపించటం లేదు. దీంతో నియోజకవర్గ ఇన్‌చార్జి బాధ్యతలు నిర్వహిస్తున్న నేతలందరికీ పార్టీ ముఖ్యనేతలు గెలిచే అభ్యర్థిని ఎంపిక చేసి, గెలిపించుకు రావాలన్న ఆదేశాలు జారీ చేస్తున్నారు. తీవ్ర నేరారోపణలు ఎదుర్కొంటున్న వ్యక్తులను కూడా ఈ మారు బరిలోకి దింపే కసరత్తును ప్రధాన పార్టీలు చేస్తున్నాయి. మరో వైపు జంట పోలీస్ కమిషనరేట్లలో ఉన్న సుమారు 1500 మంది రౌడీషీటర్ల సేవలను సైతం వినియోగించుకునేందుకు ఆయా పార్టీలు పక్కా స్కెచ్‌లు వేస్తున్నట్లు తెలుస్తోంది.
  
  బలాలపై బేరీజు
   కండ పుష్టి, సంబంధిత డివిజన్‌లో వారి సామాజిక వర్గానికి సంబంధించిన ఓట్లు ఏ మేరకు ఉన్నాయి, అభ్యర్థి సొంతంగా ఏ మేరకు ఖర్చు చేయగలడన్న అంశాలను పరిగణనలోకి తీసుకుంటున్నారు. కార్పొరేటర్ అభ్యర్థిగా ఏ పార్టీ నుంచి పోటీ చేసినా సుమారు రూ.50 లక్షల నుంచి కోటి రూపాయలు వ్యయం చేయాల్సి ఉంటుం దని, ఆ మేరకు సంబంధిత అభ్యర్థి ఆదాయ వ్యయాలను అంచనా వేస్తున్నారు. పాతబస్తీలో ముప్పైకి పైగా కేసుల్లో ఆరోపణలు ఎదుర్కుంటున్న ముగ్గురు కార్పొరేటర్లకు తాజా రిజర్వేషన్ సైతం అనుకూలంగా రావటంతో ఈ మారు పోటీకి సిద్ధమవుతున్నారు.
  
  సచ్చీలురనే ఎంపిక చేయండి: ఎలక్షన్ వాచ్
  జీహెచ్‌ఎంసీ ఎన్నికల్లో ఆయా పార్టీలు సచ్చీలురైన అభ్యర్థులనే పోటీలో నిలపాలని ‘ఎలక్షన్ వాచ్’ అనే స్వచ్ఛంద సంస్థతో పాటు ఫోరం ఫర్ గుడ్ గవర్నెన్స్ సంస్థలు అన్ని రాజకీయపక్షాలకు లేఖలు రాశాయి. గడిచిన ఎన్నికల్లో ఎంఐఎం పార్టీ అత్యధిక కేసులున్న వారికి టికెట్లు ఇవ్వగా తర్వాత స్థానాల్లో టీడీపీ, కాంగ్రెస్, బీజేపీ, ఎంబీటీ పార్టీలున్నాయి. ఈ మారు మాత్రం నేర చరిత్ర లేని అభ్యర్థులతో పాటు స్థానికంగా నివాసం ఉండటం, విద్యార్హత, యాభై ఏళ్ల లోపు వయసు ఉన్న వారికే టికెట్లు ఇవ్వటం వల్ల స్థానిక పాలనలో ఆశించిన ప్రయోజనం నెరవేరుతుందని ఆయా సంస్థలు పేర్కొన్నాయి. కానీ ఈ లేఖలను ఎన్ని పార్టీలు పరిగణనలోకి తీసుకుంటాయనేది సందేహమే.
  
  నేరచరితులకు టికెట్లిస్తే... ఆఫీస్‌ల ముందు బైటాయిస్తాం
  అసెంబ్లీ, లోక్‌సభలకు వెళ్లే దిశగా తొలి మెట్టు స్థానిక సంస్థలు. స్థానిక సంస్థల్లో నేర చరితులకు టికెట్లు ఇవ్వకుండా చేయగలిగితే చట్ట సభల్లోనూ వారి ప్రాతినిధ్యం తగ్గుతుంది. అందుకే అన్ని పార్టీలు నేరస్తులకు టికెట్లు ఇవ్వొద్దు. పౌర సమాజం అభ్యర్థనకు భిన్నంగా వ్యవహరించే పార్టీల కార్యాలయాల ముందు మేం బైటాయించి నిరసన వ్యక్తం చేస్తాం. మంచి వ్యక్తులను పాలకులను చేసేందుకు ప్రజలూ చొరవ చూపాలి.
  - పద్మనాభరెడ్డి, ఫోరం ఫర్ గుడ్ గవర్నెన్స్
  
  2009లో గెలిచిన కార్పొరేటర్లలో కేసులున్న వారు
  పార్టీ    కార్పొరేటర్ల సంఖ్య
  ఎంఐఎం    16
  టీడీపీ       09
  కాంగ్రెస్     08
  బీజేపీ       02
  ఎంబీటీ     01


 గచ్చిబౌలి: జీహెచ్‌ఎంసీ ఎన్నికల నిర్వహణకు కట్టుదిట్టమైన ఏర్పాట్లు చేశామని, ఇందులో భాగంగా ఈవీఎంల పనితీరుపై అనుమానాలను నివృత్తి చేసేందుకు ఎన్నికలకు ముందు అన్ని పోలింగ్ స్టేషన్లలో మాక్ పోలింగ్ నిర్వహించనున్నట్లు జీహెచ్‌ఎంసీ కమిషనర్, స్పెషల్ ఆఫీసర్ జనార్దన్‌రెడ్డి తెలిపారు. ఎన్నికలను పకడ ్బందీగా నిర్వహించేందుకు ప్రతి డివిజన్‌కు ఒక రిటర్నింగ్ అధికారిని నియమిస్తున్నట్లు తెలిపారు. ఆదివారం రాత్రి శేరిలింగంపల్లి వెస్ట్ జోన్ కార్యాలయంలో ఎన్నికల ఏర్పాట్లను పరిశీలించి అధికారులతో సమావేశం నిర్వహించారు. ఈ సందర్భంగా ఆయన మాట్లాడుతూ.. పోలింగ్‌కు గంట ముందు అన్ని పోలింగ్ స్టేషన్లలో ఆయా పార్టీల ఏజెంట్ల సమక్షంలో మాక్ పోలింగ్ నిర్వహించి ఈవీఎంల పనితీరుపై అనుమానాలను నివృత్తి చేస్తామన్నారు. కేంద్ర ఎన్నికల సంఘం థర్డ్ సప్లిమెంట్ ఇచ్చిందని అందుకు అనుగుణంగా తొలగించిన ఓట్లు, కొత్తగా వచ్చిన ఓట్లను పరిగణలోకి తీసుకుని ఓటర్ లిస్ట్‌కు జత చేయనున్నట్టు తెలిపారు. ప్రస్తుతం జీహెచ్‌ంఎసీ పరిధిలో 7,751 పోలింగ్ స్టేషన్లు ఉన్నాయని, వాటి సంఖ్య 8 వేలకు పెరిగే అవకాశం ఉందన్నారు. గతంలో రెండు, మూడు డివిజన్లకు ఒక రిటర్నింగ్ అధికారి ఉండగా, ప్రస్తుతం ప్రతి డివిజన్‌కు ఒక రిటర్నింగ్ అధికారిని నియమిస్తున్నట్లు చెప్పారు. నామినేషన్ల దాఖలు, పరిశీలన, ఉపసంహరణ, పోలింగ్ నిర్వహణకు రిటర్నింగ్ అధికారులే పూర్తి బాధ్యత వహించాలన్నారు.
 
 సరైన కారణం లేకుండా ఏక పక్షంగా ఎన్నికల విధులకు గైర్హాజరైతే చట్టపరమైన చర్యలు తీసుకుంటామని ఆయన హెచ్చరించారు. 5 జిల్లాల నుంచి సిబ్బందిని రప్పిస్తున్నట్లు తెలిపారు. 28 మంది సాధారణ పరిశీలకులు, 24 మంది వ్యయ పరిశీలకులతో సహా 46 వేల మంది సిబ్బంది ఎన్నికల విధుల్లో పాల్గొంటారన్నారు. పోలింగ్ నిర్వహణపై అధికారులకు శిక్షణ ఇస్తామని, పోలింగ్‌కు కొద్ది గంటల ముందే పే స్కేల్, హోదాను బట్టి ఎవరు ఎక్కడ విధులు నిర్వహించాలో తెలియజేస్తామన్నారు. స్లిప్‌లను ఇంటింటికీ పంపిణీ చేస్తామని, వెబ్ సైట్‌లో ఎపిక్ నెంబర్ ఎంటర్ చేస్తే మూడు సెకన్లలో ఓటరు వివరాలు వస్తాయని, వారే స్లిప్ తయారు చేసుకునే వీలుందన్నారు.  
 
 12 వేల ఈవీఎంలు సిద్ధం..
  జీహెచ్‌ఎంసీ ఎన్నికలకు 12 వేల వీఎంలు సిద్ధం చేసినట్లు జీహెచ్‌ంఎసీ కమిషనర్ స్పెషల్ ఆఫీసర్ జనార్దన్‌రెడ్డి వివరించారు. ఇతర జిల్లాలు, మహరాష్ట్ర నుంచి ఈవీఎంలను తెప్పించామన్నారు. సమావేశంలో వెస్ట్ జోన్ కమిషనర్ బి.వి.గంగాధర్ రెడ్డి, సర్కిల్-11 డిప్యూటీ కమిషనర్ వి.వి.మనోహర్, ఏఎంసీ సురేందర్‌రెడ్డి, ఈఈ మోహన్‌రెడ్డి తదితరులు పాల్గొన్నారు.
  
 పొరపాట్లకు వారిదే బాధ్యత
 ఎన్నికలకు ముందు మాక్‌పోలింగ్
 విధులకు గైర్హాజరైతే కఠిన చర్యలు
 8 వేలకు పెరగనున్న పోలింగ్ స్టేషన్లు
 సిద్ధంగా 12 వేల ఈవీఎంలు
 జీహెచ్‌ఎంసీ కమిషనర్ జనార్దన్‌రెడ్డి
  


 పార్టీల గుర్తులను  ప్రకటించిన ఎన్నికల సంఘం
  
 సిటీబ్యూరో: జీహెచ్‌ఎంసీ ఎన్నికల్లో పోటీ చేసే అభ్యర్థుల కోసం రాష్ట్ర ఎన్నికల సంఘం గుర్తులను ప్రకటించిం ది. గుర్తింపు పొందిన జాతీయ, రాష్ట్ర పార్టీలకు తమ గుర్తులు వర్తిస్తాయి. అభ్యర్థులను గుర్తిస్తూ సంబంధిత నాయకులు బి ఫారం అందజేయాల్సి ఉంటుంది. నామినేషన్ల గడువు ముగిసేలోగా గుర్తింపు పొందిన పార్టీల అభ్యర్థులు వాటిని అందజేయాల్సి ఉంటుంది. అన్ని ప్రాంతాలకు చెం దిన పార్టీలూ ఎన్నికల సంఘం వద్ద పేర్లు నమోదు చేసుకున్నాయి. వాటిలో తెలంగాణ, ఆంధ్ర, రాయలసీ మ ప్రాంతాలకు చెందిన పార్టీలు కూడా ఉన్నాయి. ఇతరులకు (ఇండిపెండెంట్లకు) కేటాయించేందుకు ప్రకటించిన గుర్తుల్లో కాలిక్యులేటర్ నుంచి ఎయిర్ కండిషనర్ల వరకు... క్యారెట్ నుంచి క్యారమ్ బోర్డు దాకా ఉన్నాయి. మంచం, నెయిల్ కట్టర్ వంటివి సైతం ఉన్నాయి.
 
 ఇండిపెండెంట్ల కోసం
 బీరువా, ఎయిర్ కండిషనర్, గాలిబుడగ (బెలూన్) పండ్ల బుట్ట, బ్యాట్ వంటి 81 గుర్తులను ఇండిపెండెంట్లకు ఎన్నికల సంఘం కేటాయించింది. గుర్తు రిజర్వు కాకుండా రిజిస్టరైన పార్టీలు కొన్ని పార్టీలు రిజిస్టరైనప్పటికీ వాటికి గుర్తులు రిజర్వు కాలేదు. ఆలిండియా స్రీశక్తి పార్టీ, అంబేద్కర్ నేషనల్ కాంగ్రెస్ వంటి 71 పార్టీలు ఈ జాబితాలో ఉన్నాయి.
  


 ♦ అవినీతి అంతం..అభివృద్ధి మంత్రం.. అదే అందరి నినాదం
 ♦ పొలిటీషియన్లు మారాల్సిందే.. గళమెత్తిన యువత
 
 ఓపెన్ డిబేట్
  మన హైటెక్ సిటీ విశ్వనగరం వైపు వడివడిగా అడుగులు వేస్తోంది. అభివృద్ధి రాకెట్ స్పీడ్‌లో వెళ్తుందని.. ఆధునిక సాంకేతికత, అద్భుత నైపుణ్యతతో కలల నగరంగా మారబోతోందని పాలకులు చెబుతున్నారు. మరి ప్రజలేమంటున్నారు..!! జీహెచ్‌ఎంసీ ఎన్నికల వేళ భాగ్యనగరంపై సిటీ యువత అభిప్రాయాలు తెలుసుకునేందుకు ‘సాక్షి’ ఓపెన్ డిబేట్ నిర్వహించింది. నారాయణగూడలోని రెడ్డి మహిళా కళాశాలలో జరిగిన చర్చాగోష్టిలో యువత గళం విప్పారు. వ్యవస్థలో వేళ్లూనికొనిపోయిన అవినీతిని అంతం చేయనిదే అభివృద్ధిని సాధ్యం కాదన్నారు. పాలకుల్లో మార్పు వస్తేనే ‘డ్రీమ్ సిటీ’ సాధ్యమవుతుందన్నారు.
  - కాచిగూడ
  
  పారిశుధ్యానికి పెద్దపీట
  మన నగరం క్లీన్ అండ్ గ్రీన్ సిటీగా ఉండాలి. చెట్లను నరకొద్దు. మొక్కలు విరివిగా పెంచాలి. రోజురోజుకు వాతావరణ కాలుష్యం పెరిగిపోయి ప్రజలు రోగాల బారిన పడుతున్నారు. వైద్య సౌకర్యాలను పెంపొందించాలి. స్వచ్ఛ భారత్, స్వచ్ఛ హైదరాబాద్ అంటూ చీపురు పట్టుకుని నాయకులు, అధికారులు ఫొటోలకు ఫోజులిచ్చే బదులు ఆచరణలోకి దిగాలి.
  - పి.వైష్ణవి, అంబర్‌పేట
  
  మహిళలకు రక్షణ ముఖ్యం
  సమాజంలో మహిళలకు రక్షణ లేకుండా పోతోంది. ప్రభుత్వాలు మారుతున్నా, ఎన్ని చట్టాలు తెస్తున్నా మహిళలపై వేధింపులు తగ్గడం లేదు. సమాజంలో ముఖ్యంగా పురుషుల్లో మార్పు రానంతకాలం ఎన్ని చట్టాలు చేసినా ఉపయోగం ఉండదు. చట్టాలను సమర్థవంతంగా అమలు చేస్తే మహిళలకు న్యాయం జరిగే అవకాశం ఉంటుంది.
  - ఆర్.రచన, వారసిగూడ
  
  అవినీతి రహిత నగరం...
  ప్రభుత్వ కార్యాలయాల్లో విచ్చల విడిగా అవినీతి పెరిగిపోయింది. ఎక్కడ చూసినా డబ్బులు లేనిదే పనులు జరగడం లేదు. ప్రతి పనికి ఇంత రేటు నిర్ణయించుకుని, ఆ డబ్బు ముట్టజెప్పితే కానీ పనులు చేయడం లేదు. అవినీతి రహిత సమాజ నిర్మాణమే అసలైన డ్రీమ్‌సిటీ. ప్రతిరోజూ అనేక చోట్ల అవినీతి చేపలు పట్టుబడుతున్నా వారిలో మార్పు మాత్రం రావడం లేదు. ఇలాంటి అవినీతి పరులు ఉన్నంత కాలం నగరం ఎంత అభివృద్ధి చెందినా పేదప్రజలకు న్యాయం జరగదు.   
 - పి.ప్రసన్న, ఓల్డ్‌సిటీ
  
  మహిళా స్పెషల్ బస్సులు కావాలి
  ఆర్టీసీ బస్సుల్లో ప్రయాణించాలంటేనే మహిళలు భయాందోళనకు గురవుతున్నారు. కొందరు పోకిరీల వల్ల తీవ్ర ఇబ్బందులు ఎదుర్కొంటున్నారు. గత్యంతరం లేక ఆర్టీసీ బస్సుల్లో ప్రయాణించాల్సి వస్తోంది. మహిళలకు ప్రత్యేక ఆర్టీసీ బస్సు సర్వీసులు నడిపితే కొంతవరకు ప్రయోజనం ఉంటుంది. ఈ దిశగా ప్రభుత్వం సత్వరమే చర్యలు తీసుకోవాలి.
  - వి.స్వాతి, ఉప్పుగూడ
  
  ఉన్నత విద్యావకాశాలు కల్పించాలి
  నగర ప్రజలు ఉన్నత చదువులు, ఉద్యోగాల కోసం విదేశాలకు వెళ్లకుండా ఇక్కడే ఉన్నత విద్యాసంస్థలను స్థాపించాలి. సమాజంలో మారుతున్న పరిస్థితులకనుగుణంగా విద్యావిధానంలో మార్పులు తేవాలి. చదువుకున్న.. ప్రతిభ కలిగిన ప్రతి ఒక్కరికి ఉద్యోగం కల్పిస్తుందన్న నమ్మకం ప్రభుత్వం కల్పించాలి.
  - ఎ.స్వర్ణలత, బర్కత్‌పుర
  
  కోడ్ కూసినా..!
  నాయకులు తమ గొప్పలు చెప్పుకుంటూ ప్రచారం చేస్తుంటారు. ఇందుకు కూడళ్లలోను.. రోడ్డు వెంట బ్యానర్లు కడుతుంటారు. ఎన్నికల కోడ్ కూసిందంటే వీటన్నింటినీ తొలగించాలి. గ్రేటర్ ఎన్నికల షెడ్యూల్ విడుదల కావడంతో నగరంలోని చాలా ప్రాంతాల్లో ఉన్న ఫ్లెక్సీలను బల్దియా అధికారులు తొలగించారు. అయితే, కోడ్ అమల్లోకి వచ్చినా అధికారులు తిరిగిన ప్రాంతాల్లో ఒకటైన వెంగళరావునగర్ డివిజన్‌లో ఇంకా ప్రచార బ్యానర్లు, ఫ్లెక్సీలు అలాగే ఉన్నాయి.
  - వెంగళరావునగర్
  
  ‘కోడ్’ కొరడా..
  పావలా పనిచేస్తే పదిరూపాయల ప్రచారం చేసుకుంటారు నేతలు. పాలకుల చూపు తమ మీద పడాలని తాపత్రయ పడే వీరాభిమానులు పార్టీ జెండాలు, పోస్టర్లను భుజాన మోస్తుంటారు. జెండా కిందపడితే అవమానం జరిగిందని వీరంగం వేస్తారు. మరి ఎన్నికల కోడ్ కూసిందంటే ఎంతటి పెద్ద నేత పోస్టర్ అయినా చెత్త బండి ఎక్కాల్సిందే. శనివారం సికింద్రాబాద్‌లోని పీజీరోడ్‌లో వెలిసిన కటౌట్లను తొలగించి చెత్త రిక్షాలో ఇలా తరలించారు.
  - రాంగోపాల్‌పేట్
  
  ఫ్లాష్ బ్యాక్ 1934
  ఇరుకు సందుల్లో దుకాణాలు.. కాలు కదపలేని విధంగా ఫుట్‌పాత్‌ను సైతం ఆక్రమించేసిన వ్యాపారులు.. గృహోపకరణాల నుంచి చెవి రింగుల వరకు తక్కువ ధరకు లభించే మార్కెట్ నగరంలో ఏదన్నా ఉందంటే అది అబిడ్స్ ప్రాంతమే. నిత్యం అత్యంత రద్దీగా ఉండే ఈ ప్రాంతం ఒకప్పుడు ఎంతో విశాలంగా ప్రశాంతంగా ఉండేదనడానికి నిదర్శనం ఈ చిత్రం. ఈ చిత్రంలో కనిపిస్తున్నది 1934లో తీసిన అబిడ్స్ సర్కిల్ ప్రాంతం. అప్పటికి ఇప్పటికి అసలు పోలికే లేనట్టు మారిపోయింది.


 సాక్షి, హైదరాబాద్: తెలంగాణ ఉద్యమ సమయంలో ఆంధ్రా ప్రాంత ప్రజల పట్ల, హైదరాబాద్‌లో స్థిరపడిన వారి విషయంలో టీఆర్‌ఎస్ వ్యవహరించిన తీరును మంత్రి కేటీఆర్ గుర్తు చేసుకోవాలని రాజ్యసభ సభ్యుడు వి.హనుమంతరావు పేర్కొన్నారు. జీహెచ్‌ఎంసీ ఎన్నికల్లో ఓట్ల కోసం భీమవరం నుంచి పోటీ చేస్తా, కోడిపందేలను రెగ్యులరైజ్ చేయాలని మాట్లాడుతున్న కేటీఆర్‌కు ఇక్కడ స్థిరపడిన ఏపీవారిని తరిమికొడతామన్న మాటలు గుర్తులేవా అని ప్రశ్నించారు.
 
 గాంధీభవన్‌లో శుక్రవారం ఆయన మీడియాతో మాట్లాడుతూ ఉద్యమం ముసుగులో సినిమా వాళ్లను బెదిరించి, ఆంధ్రా ప్రజలను హీనంగా చూసిన టీఆర్‌ఎస్ నేతలు ఇప్పుడు నాటకాలాడుతున్నారన్నారు.