హైదరాబాద్: సన్నవడ్లకు బోనస్ ఇవ్వడం లేదన్న బీఆర్ఎస్ ఎమ్మెల్యే పాడి కౌశిక్ రెడ్డి వ్యాఖ్యలకు మంత్రి సీతక్క కౌంటిరిచ్చారు. అసెంబ్లీ సమావేశాల్లో భాగంగా కౌశిక్ రెడ్డి చేసిన వ్యాఖ్యలను సీతక్క ఖండించారు. ‘ త‌మ్ముడూ నీ లైఫ్ స్టైల్ వేరు..నా లైఫ్ స్టైల్ వేరు. నియోజ‌క‌వర్గంలో నేను తిరిగిన‌ట్లు నువ్వు తిర‌గ‌లేవు. ప్ర‌జ‌ల‌కు ఎవ‌రు ఎక్కువ అందుబాటులో ఉంటారో తేల్చుకుందాం. హైద‌రాబాద్ లో తిరిగే వాల్ల‌కు రైతులకు బోన‌స్ వ‌స్తుందో లేదో తెలుస్తుందా?,రైతుల‌తో సంబందం లేకుండా హైద‌రాబాద్ లో తిరుగుతున్న‌ట్లు ఉంది. బోన‌స్ ఇస్తామ‌ని చెప్పి బోగ‌స్ చేసింది మీరు. వ‌రి వేస్తే ఉరి అన్న‌ది మీరు. ప్ర‌జా ప్ర‌భుత్వం సన్న వ‌డ్ల‌కు రూ. 1200 కోట్లు బోనస్ ఇచ్చింది. ఇంకా ఎవ‌రిక‌న్నా రాక‌పోతే అవి కూడా ఇస్తాం. రైతు కూలీల‌కు ఇందిర‌మ్మ ఆత్మీయ భ‌రోసా ఇస్తున్నాం. భూమి లేని వాల్ల‌కే కూలీ భ‌రోసా ఇస్తున్నాం. కొంత భూమి ఉన్న కూలీల‌కు ఇవ్వాల‌నే అంశం పరిశీల‌న‌లో ఉంది’అని సీతక్క పేర్కొన్నారు.బీఆర్ఎస్ ఎమ్మెల్యేలు మా ఇంటికి వచ్చి చూడండి..‘బీఆర్ఎస్ ఎమ్మెల్యేలు మా ఇంటికి వచ్చి చూడండి. మీరు మా ఇంటికి రావాలని ఆహ్వానం పలుకుతున్న. ప్రభుత్వం వసతి కల్పించిన క్వార్టర్స్ లోనే నేను నివసిస్తున్నాను. వైఎస్ భవనంలో ఉండటం అదృష్టంగా భావిస్తున్నారు. అది మా ప్రభుత్వం హయాంలో నిర్మించిన భవనమే. ఆ భనంలోనే ఉంటున్నాను. మీలాగా ఎకరాల విస్తీర్ణంలో నిర్మించిన కోటల్లో నివసించడం లేదు. మా ఇంటికి వస్తే అన్ని విషయాలు తెలుస్తాయి. మీ అందరిని భోజనానికి ఆహ్వానిస్తున్న... మీరు అధికారంలో ఉన్నప్పుడు ఎప్పుడూ ఆహ్వానించలేదు. నాది నిరాడంబర జీవితం. నా కుమారుడు కూడా హన్మకొండ లోనే ఉంటాడు’ అని మంత్రి సీతక్క స్పష్టం చేశారు.

సాక్షి,హైదరాబాద్‌:బీఆర్‌ఎస్‌ ఎమ్మెల్యే పాడి కౌశిక్ రెడ్డి రాజకీయ ప్రవర్తనపై మంత్రి ఉత్తమ్ కుమార్‌రెడ్డి స్పందించారు. ఉత్తమ్‌కుమార్‌రెడ్డి శుక్రవారం(జనవరి24) మీడియా చిట్‌చాట్‌లో ఈ విషయాన్ని ప్రస్తావించారు. ఇటీవల ఉమ్మడి కరీంనగర్ జిల్లా అభివృద్ధి కార్యక్రమ సమావేశంలో కౌశిక్ రెడ్డి తీరుపై ఉత్తమ్‌ అసహనం వ్యక్తం చేశారు. మంత్రిని తాను స్టేజ్‌పై ఉండగానే అల్లరి చేయడం లీడర్ లక్షణం కాదన్నారు.యువ రాజకీయ నాయకుడికి అంత ఆవేశం పనికిరాదు.కౌశిక్‌రెడ్డి తన తీరు మార్చుకోకపోతే రాజకీయ భవిష్యత్తులో ఇబ్బందులు పడతాడు.తనకు కౌశిక్‌రెడ్డికి రాజకీయంగా ఎలాంటి సంబంధాలు లేవని ఉత్తమ్‌కుమార్‌రెడ్డి క్లారిటీ ఇచ్చారు. కాగా, ఇటీవల కరీంనగర్‌ డీఆర్సీ సమావేశంలో ఇంఛార్జ్‌ మంత్రిగా ఉత్తమ్‌కుమార్‌రెడ్డి వేదికపై ఉండగానే కౌశిక్‌రెడ్డి జగిత్యాల ఎమ్మెల్యే సంజయ్‌తో గొడవ పెట్టుకోవడమే కాకుండా ఆయనను నెట్టివేశారు. ఇది పెద్ద వివాదానికి దారి తీసింది. ఈ గొడవలో కౌశిక్‌రెడ్డిని పోలీసులు అరెస్టు చేయగా అనంతరం కోర్టు ఆయనకు బెయిల్‌ ఇచ్చింది. అంతకు ముందు కూడా బీఆర్‌ఎస్‌ ఫిరాయింపు ఎమ్మెల్యే అరికెపూడి గాంధీకి వివాదాస్పద సవాల్‌ విసిరి గొడవకు కారణమయ్యారు.బీఆర్‌ఎస్‌ వల్లే కృష్ణాజలాల్లో తెలంగాణకు అన్యాయం...ఉత్తమ్‌కుమార్‌కృష్ణానది జలాల వాటల్లో తెలంగాణకు అన్యాయం బీఆర్‌ఎస్‌ (BRS) వల్లే జరిగిందినీళ్ల విషయంలో ప్రభుత్వం పై హరీష్ రావు తప్పుడు ప్రచారం చేస్తున్నారునీళ్ల కోసం బీఆర్‌ఎస​ కొట్లాడినట్లు హరీష్ రావు వ్యాఖ్యలు ఉన్నాయి.హరీష్ రావు-కేసీఆర్ నిర్ణయాల వల్ల ఇరిగేషన్ శాఖ కోలుకోలేని విధంగా తయారు అయింది.బనకచర్ల ప్రాజెక్టులో హరీష్ రావు అన్నట్లు 200 టీఎంసీలు తరలిపోతున్నాయి అనేది అవాస్తవం.ఏపీ ఒక లేఖ మాత్రమే రాసింది...దానికి వెంటనే కౌంటర్ లేఖ రాశాముకేసీఆర్ చేసిన తప్పిదాలను మేము సరిదిద్దే ప్రయత్నం చేస్తున్నాం.నీటి వాటాల్లో తెలంగాణ 299 టీఎంసీ-512టీఎంసీకి కేసీఆర్ ఒప్పుకున్నారు.ఇప్పుడు మేము మొత్తం 811 టీఎంసీలో 70శాతం తెలంగాణాకు, 30శాతం ఏపీకి ఇవ్వాలని కోరుతున్నాం.నీళ్లను ఏపీకి అప్పగించి...ఇవ్వాళ దగుల్బాజీ మాటలు మాట్లాడుతున్నారుఘైఐఏఎస్‌ అధికారిని తప్పుపట్టడం కరెక్ట్ కాదు...బీఆర్‌ఎస్‌ వ్యాఖ్యలు చిల్లర రాజకీయాలే

సాక్షి,హైదరాబాద్‌:బీఆర్‌ఎస్‌ ఎమ్మెల్యే పాడి కౌశిక్‌రెడ్డి(Kaushik Reddy)ని పోలీసులు అరెస్ట్‌ చేశారు. సోమవారం సాయంత్రం (జనవరి13) కౌశిక్‌రెడ్డిని జూబ్లీహిల్స్‌ చెక్‌పోస్టు వద్ద పోలీసులు అదుపులోకి తీసుకున్నారు. జగిత్యాల ఎమ్మెల్యే సంజయ్‌కుమార్‌(Sanjaykumar)ను నెట్టివేసిన కేసులో కౌశిక్‌రెడ్డిని కరీంనగర్‌ వన్‌టౌన్‌ పోలీసులు(Karimnagar police) అరెస్టు చేశారు. అరెస్టు చేసిన అనంతరం కౌశిక్‌రెడ్డిని పోలీసులు కరీంనగర్‌కు తరలించారు. కరీంనగర్‌ కలెక్టరేట్‌లో జరిగిన సమావేశంలో ఆదివారం తనను కౌశిక్‌రెడ్డి దుర్భాషలాడుతూ నెట్టివేసిన వ్యవహారంలో పోలీసులకు ఎమ్మెల్యే సంజయ్‌కుమార్‌ ఫిర్యాదు చేశారు. ఈ ఫిర్యాదుపై కేసు నమోదు చేసిన పోలీసులు దర్యాప్తులో భాగంగా కౌశిక్‌రెడ్డిని అరెస్టు చేశారు. కాగా, కరీంనగర్‌ కలెక్టరేట్‌లో ఆదివారం జరిగిన ఉమ్మడి జిల్లా ప్రజాప్రతినిధుల సమావేశంలో ఎమ్మెల్యేలు కౌశిక్‌రెడ్డి, సంజయ్‌కుమార్‌ మధ్య వాగ్వాదం జరిగింది. సంజయ్‌కుమార్‌ మాట్లాడుతుండగా కౌశిక్‌రెడ్డి కల్పించుకుని ఏ పార్టీలో గెలిచి ఏ పార్టీ తరపున మాట్లాడుతున్నావని ప్రశ్నించడంతో గొడవ పెద్దదైంది. ఈ క్రమంలోనే కౌశిక్‌రెడ్డి సంజయ్‌కుమార్‌పై చేయి వేసి ఆయను నెట్టివేశారు. అనంతరం సమావేశ మందిరం నుంచి కౌశిక్‌రెడ్డిని పోలీసులు లాక్కెల్లారు. ఈ సమావేశంలో మంత్రులు శ్రీధర్‌బాబు, పొన్నం ప్రభాకర్‌, ఉత్తమ్‌కుమార్‌రెడ్డి కూడా ఉండడం గమనార్హం. ఈ ఘటనపై ఎమ్మెల్యే సంజయ్‌కుమార్‌ కౌశిక్‌రెడ్డిపై కరీంనగర్‌ పోలీసులతో పాటు తన హక్కులకు భంగం కలిగించారని స్పీకర్‌కు కూడా రాత పూర్వకంగా ఫిర్యాదు చేశారు. ఈ కేసులోనే కౌశిక్‌రెడ్డిని కరీంనగర్‌ పోలీసులు ప్రస్తుతం కౌశిక్‌రెడ్డిని అరెస్టు చేశారు. కౌశిక్‌ రెడ్డి అరెస్టు దారుణం:కేటీఆర్హుజూరాబాద్ ఎమ్మెల్యే పాడి కౌశిక్ రెడ్డిని అక్రమంగా అరెస్టుచేయడం అత్యంత దుర్మార్గమైన చర్యపూటకో అక్రమ కేసు పెట్టడం.. రోజుకో బీఆర్ఎస్ నేతను అన్యాయంగా అరెస్టుచేయడం రేవంత్ సర్కారుకు అలవాటుగా మారిందిముఖ్యమంత్రిగా రేవంత్ రెడ్డి తన చేతకానితనాన్ని కప్పిపుచ్చుకోవడానికే ఇలాంటి దిగజారుడు పనులకు దిగుతున్నారుపార్టీ ఫిరాయించిన ఎమ్మెల్యేను వెనకేసుకొచ్చి, బీఆర్ఎస్ ఎమ్మెల్యే పాడి కౌశిక్ రెడ్డిని ఏకపక్షంగా అరెస్టుచేయడం పూర్తిగా అప్రజాస్వామికం

కరీంనగర్ జిల్లా: బీఆర్‌ఎస్‌ ఎమ్మెల్యే పాడి కౌశిక్‌రెడ్డి(kaushik reddy) తనతో అసభ్యకరంగా ప్రవర్తించాడన్నారు జగిత్యాల ఎమ్మెల్యే సంజయ్‌ కుమార్‌. నిన్న (ఆదివారం) ఉమ్మడి కరీంనగర్‌ జిల్లా సమీక్షా సమావేశం(Joint Karimnagar District Review Conference) లో కౌశిక్‌రెడ్డి తనను నెట్టివేశాడని సంజయ్‌ కుమార్‌(Sanjay Kumar)ఆరోపించారు. ‘ నిన్న జరిగింది అధికారిక సమావేశం. నన్ను కౌశిక్‌రెడ్డి నెట్టేశాడు. కౌశిక్‌రెడ్డి ఇలా చేయడం ఎంతవరకూ కరెక్ట్‌.నేను ఎప్పుడూ కూడా ఏ వ్యక్తిని దూషించలేదు. కౌశిక్‌రెడ్డి రాజకీయాల్లోకి రాకముందే ఆయనపై కేసులున్నాయి. కౌశిక్‌రెడ్డికి బెదిరించడం అలవాటు,. వరంగల్‌లో బెదిరించి సెటిల్మెంట్‌ చేశాడు. స్పీకర్‌ను కలిసి ఫిర్యాదు చేశాను. స్పీకర్‌ దీనిపై చర్యలు తీసుకోవాలి. కౌశిక్‌రెడ్డి వ్యాఖ్యలను ఎవరూ హర్షించరు. నేను ‍ప్రజా సమస్యలపై మాట్లాడుతామనుకుంటే నాకు ఆటంక కల్గించాడు. జగిత్యాల అభివృద్ధి కొరకే ప్రజలు నన్ను గెలిపించారు.. అభివృద్ధి చేయడం నా ధర్మం . కాంగ్రెస్‌ పార్టీతో కలిసి పని చేస్తే ఇంత అక్కసు ఎందుకు? అని ప్రశ్నించారు సంజయ్‌.సమీక్షా సమావేశంలో తోపులాటఆదివారం జరిగిన ఉమ్మడి కరీంనగర్‌ జిల్లా సమీక్షా సమావేశం(Joint Karimnagar District Review Conference) రసాభాసగా మారింది. జగిత్యాల ఎమ్మెల్యే సంజయ్‌, కౌశిక్‌రెడ్డి(kaushik reddy)ల మధ్య తీవ్ర వాగ్వాదం చోటు చేసుకుంది. ‘నువ్వు ఎంత అంటే నువ్వు ఎంత’ అనేంత స్థాయిలో వాగ్వాదం జరిగింది. జిల్లా సమీక్షా సమావేశంలో భాగంగా ఎమ్మెల్యే సంజయ్‌(MLA Sanjay) మాట్లాడుతుండగా పాడి కౌశిక్‌రెడ్డి అడ్డుకున్నారు. ఇంతకీ మీ పార్టీ ఎంటంటూ సంజయ్‌ను కౌశిక్‌రెడ్డి ప్రశ్నించారు. దాంతో ఇద్దరి మధ్య వాగ్వాదం జరిగింది. ఇది తీవ్రస్థాయికి చేరి ఇద్దరు తోసుకునేంతవరకూ వెళ్లింది. దాంతో కౌశిక్‌రెడ్డిని పోలీసులు బలవంతంగా బయటకు తీసుకెళ్లారు. ఇదంతా ముగ్గురు తెలంగాణ మంత్రులు ఉత్తమ్‌కుమార్‌రెడ్డి, పొన్నం ప్రభాకర్‌, శ్రీధర్‌బాబుల సమక్షంలో జరగడం శోచనీయం.కౌశిక్‌రెడ్డి బయటకొచ్చిన తర్వాత మీడియాతో మాట్లాడుతూఊ. ‘ ఎమ్మెల్యే సంజయ్‌ అమ్ముడుపోయారు. సంజయ్‌కు ఎమ్మెల్యే పదవి కేసీఆర్‌ పెట్టిన భిక్ష. దమ్ముంటే సంజయ్‌ రాజీనామా చేయాలి. ఏ పార్టీ అని అడిగితే దాడి చేసినట్లా అంటూ కౌశిక్‌రెడ్డి ప్రశ్నించారు.

సాక్షి,కరీంనగర్ జిల్లా: ఎమ్మెల్యేలు కౌశిక్ రెడ్డి,సంజయ్ కుమార్ వ్యవహారంలో కౌశిక్‌రెడ్డిని పోలీసులు లాక్కెళ్లడం విచారకరమని మాజీ మంత్రి,బీఆర్‌ఎస్‌ ఎమ్మెల్యే గంగుల కమలాకర్‌ అన్నారు. కరీంనగర్‌ కలెక్టరేట్ ఆడిటోరియంలో జరిగిన సమావేశానికి ఉమ్మడి జిల్లాకు చెందిన ముగ్గురు మంత్రులు వచ్చారని, అక్కడికి మమ్మల్ని ఆహ్వానిస్తేనే వెళ్లామని తెలిపారు. ఎమ్మెల్యేల బాహాబాహీపై గంగుల సోమవారం(జనవరి13) మీడియాతో మాట్లాడారు. ‘సమావేశం ఎజెండా క్లియర్‌గా ఉంది. ప్రభుత్వం దృష్టికి ప్రజల సమస్యల్ని తీసుకెళ్లాలనుకున్నాం. మా డిమాండ్స్ సభ ముందు పెట్టాం. ఇందిరమ్మ ఇళ్లు వస్తాయని వాటి కోసం ఫొటోలు దిగినవారంతా భ్రమలో ఉన్నారు. ఇళ్లపై క్లారిటీ ఇవ్వాలని కోరాం. దీనిపై సమాధానం రాలేదు.ఎమ్మెల్యేను లాక్కెల్లడం నేనెప్పుడూ చూడలేదు. ముగ్గురు మంత్రులు అనుమతిస్తేనే లాక్కెళ్లారా..? అనుమతిస్తే మీరు సభ నడపడంలో విఫలమైనట్టే. మీ ఆదేశాలు లేకుండా పోలీసులు స్టేజ్ ఎక్కారంటే మీరు క్షమాపణ చెప్పాలి. సంజయ్ రెచ్చగొట్టడం వల్లే కౌశిక్ ఇరిటేట్ అయ్యాడు. కోపతాపాలు సర్వసాధారణమే అయితే వాటిని కంట్రోల్ చేయాలి.ఒక ఎమ్మెల్యేను గుంజుకెళ్లడాన్ని తీవ్రంగా ఖండిస్తున్నాం. ఎంతమందిపై మీరు కేసులు పెడతారు?అదేమైనా బలప్రదర్శన వేదికనా..? పోలీసు కేసులు వెంటనే ఎత్తివేయాలని డిమాండ్ చేస్తున్నాం. కౌశిక్,సంజయ్ మధ్య ఏం జరిగిందనేది డిఫరెంట్, అది వ్యక్తిగతం. కానీ, ఎందుకు కంట్రోల్ చేయలేకపోయారనేది మా ప్రశ్న’అని గంగుల అన్నారు.

కరీంనగర్‌: ఉమ్మడి కరీంనగర్‌ జిల్లా సమీక్షా సమావేశం(Joint Karimnagar District Review Conference) రసాభాసగా మారింది. జగిత్యాల ఎమ్మెల్యే సంజయ్‌, కౌశిక్‌రెడ్డి(kaushik reddy)ల మధ్య తీవ్ర వాగ్వాదం చోటు చేసుకుంది. ‘నువ్వు ఎంత అంటే నువ్వు ఎంత’ అనేంత స్థాయిలో వాగ్వాదం జరిగింది.జిల్లా సమీక్షా సమావేశంలో భాగంగా ఎమ్మెల్యే సంజయ్‌(MLA Sanjay) మాట్లాడుతుండగా పాడి కౌశిక్‌రెడ్డి అడ్డుకున్నారు. ఇంతకీ మీ పార్టీ ఎంటంటూ సంజయ్‌ను కౌశిక్‌రెడ్డి ప్రశ్నించారు. దాంతో ఇద్దరి మధ్య వాగ్వాదం జరిగింది. ఇది తీవ్రస్థాయికి చేరి ఇద్దరు తోసుకునేంతవరకూ వెళ్లింది. దాంతో కౌశిక్‌రెడ్డిని పోలీసులు బలవంతంగా బయటకు తీసుకెళ్లారు. ఇదంతా ముగ్గురు తెలంగాణ మంత్రులు ఉత్తమ్‌కుమార్‌రెడ్డి, పొన్నం ప్రభాకర్‌, శ్రీధర్‌బాబుల సమక్షంలో జరగడం శోచనీయం.కౌశిక్‌రెడ్డి బయటకొచ్చిన తర్వాత మీడియాతో మాట్లాడుతూఊ. ‘ ఎమ్మెల్యే సంజయ్‌ అమ్ముడుపోయారు. సంజయ్‌కు ఎమ్మెల్యే పదవి కేసీఆర్‌ పెట్టిన భిక్ష. దమ్ముంటే సంజయ్‌ రాజీనామా చేయాలి. ఏ పార్టీ అని అడిగితే దాడి చేసినట్లా అంటూ కౌశిక్‌రెడ్డి ప్రశ్నించారు.

సాక్షి,హైదరాబాద్‌:బంజారాహిల్స్‌ పోలీస్‌స్టేషన్‌ సీఐని దుర్భాషలాడిన కేసులో బీఆర్‌ఎస్‌ ఎమ్మెల్యే పాడి కౌశిక్‌రెడ్డికి కోర్టు బెయిల్‌ మంజూరు చేసింది. గురువారం(డిసెంబర్‌5)అర్ధరాత్రి ఒంటిగంటకు కొత్తపేటలోని జడ్జి నివాసంలో పాడి కౌశిక్ రెడ్డిని పోలీసులు ప్రవేశపెట్టగా జడ్జి బెయిల్‌ మంజూరు చేశారు.రూ.5వేల పూచీకత్తుతో కౌశిక్‌రెడ్డికి బెయిల్‌ ఇచ్చారు.కౌశిక్‌రెడ్డికి బెయిల్‌ ఇచ్చిన సందర్భంగా జడ్జి నివాసం వద్దకు బీఆర్‌ఎస్‌ ఎమ్మెల్యే వివేకానంద గౌడ్, నాయకులు ఎర్రోళ్ల శ్రీనివాస్,రాగిడి లక్ష్మారెడ్డి, శ్రీధర్‌రెడ్డి తదితరులతో భారీగా బీఆర్‌ఎస్‌ కార్యకర్తలు వచ్చారు. కౌశిక్‌రెడ్డిని గురువారం ఉదయం ఆయన ఇంటివద్ద బంజారాహిల్స్‌ పోలీసులు అరెస్టు చేసినప్పుడు హైడ్రామా జరిగింది. బీఆర్‌ఎస్‌ నేతలు హరీశ్‌రావు తదితరులు పోలీసులతో వాగ్వాదానికి దిగి అడ్డుకోవడంతో వారిని కూడా పోలీసులు అదుపులోకి తీసుకుని సాయంత్రం విడుదల చేశారు. ఇదీ చదవండి: కౌశిక్‌రెడ్డి ఇంటి వద్ద ఉద్రిక్తత

హైదరాబాద్‌, సాక్షి: తనను హత్య చేయడానికి అనుచరులను పంపించానని ముఖ్యమంత్రి రేవంత్‌రెడ్డి పరోక్షంగా మాట్లాడారని బీఆర్‌ఎస్‌ ఎమ్మెల్యే పాడి కౌశిక్‌ రెడ్డి అన్నారు. సహచ ఎమ్మెల్యేను హత్య చేయడానికి పంపించారంటే ఇంతకంటే సిగ్గుమాలిన చర్య ఉండదని తీవ్రంగా మండిపడ్డారు. ఆయన తెలంగాణ భవన్‌లో సోమవారం మీడియాతో మాట్లాడారు. ‘మంత్రి శ్రీధర్ బాబు ఇద్దరు పార్టీ నాయకులు కొట్లాడుకున్నారని అన్నారు. భట్టి విక్రమార్క మాట్లాడుతూ.. ఇద్దరు ఎమ్మెల్యేలు కొట్టుకొని హైదరాబాద్ బ్రాండ్ డ్యామేజ్ చేస్తున్నారని అన్నారు. సీఎం రేవంత్ రెడ్డి ఏమో నేనే అనుచరులను పంపిన అంటున్నారు. అసలు రాష్ట్రంలో ఏం జరుగుతోంది. ప్రతిపక్షంలో ఉండి ప్రభుత్వాని ప్రశ్నించినదుకు సీఎం రేవంత్ నన్ను హత్య చేయాలని అనుకున్నారా?. సీఎం రేవంత్ చేసిన వ్యాఖ్యలపై డీజీపీ, హోమ్స్ సెక్రెటరీ స్పదించాలి. .. డీజీపీ, హోం శాఖ స్పదించక పోతే రేపు(మంగళవారం) గవర్నర్‌ను కలుస్తా. పోలీసులు సీఎం రేవంత్‌పైన 307 సెక్షన్ కింద కేసు నమోదు చేయాలి. సైబరాబాద్ పోలీస్ కమిషన్‌కు మంచి పేరు ఉంది. అవినాష్ మహంతి కరీంనగర్ సీపీగా డైనమిక్‌గా పని చేస్తున్నారు. డైనమిక్ లాగా అవినాష్ మహంతి పని చేయాలి. ఎమ్మెల్యే ఇంటి మీద ఎటాక్ జరిగితే ఎం జరిగిందో పోలీసులు చెప్పరా? ..ఒకన్నీ అరెస్ట్ చేసి ఇంకొకనికి ఎస్కార్ట్ ఇచ్చి చింతపండు చేసినం అని సీఎం రేవంత్‌ మాట్లాడుతున్నారు. మరీ ఓటుకు నోటు కేసులో చింతపండు అయిన విషయం మర్చిపోయినవా? నేను తెలంగాణ జనం కోసం ప్రాణాలు ఇవ్వడానికి సిద్ధం. సీఎం రేవంత్ స్థాయి.. వీధి రౌడీ స్థాయికి దిగజారిపోయింది. సీఎం రేవంత్ మనుషులు హత్య చేస్తామని బెదిరింపు కాల్స్ చేస్తున్నారు. ఇంటలిజెన్స్ ఐజీ శివధర్ రెడ్డికి ఫోన్ కాల్స్ వివరాలు ఇచ్చాను. నా ప్రాణానికి హాని జరిగితే రేవంత్ రెడ్డిదే బాధ్యత. రాష్ట్రంలో మల్లా బీఆర్‌ఎస్‌ జెండా ఎగరబోతుంది.. ఇది పక్కా. అధికారంలోకి వచ్చాక ఎవరినీ వదలం’ అని అన్నారు.

సాక్షి,హైదరాబాద్‌:హుజురాబాద్‌ ఎమ్మెల్యే పాడి కౌశిక్‌రెడ్డిపై గచ్చిబౌలి పోలీస్‌స్టేషన్‌లో శనివారం(సెప్టెంబర్‌14) కేసు నమోదైంది. అడిషనల్‌ డీసీపీ హరిచందద్రారెడ్డి ఫిర్యాదుతో బీఎన్ఎస్‌ఎస్‌ 132 కింద కౌశిక్‌రెడ్డిపై కేసు నమోదు చేశారు.గురువారం తన ఇంటిపై ఎమ్మెల్యే గాంధీ దాడి తర్వాత కౌశిక్‌రెడ్డి బీఆర్‌ఎస్‌ నేతలతో కలిసి సైబరాబాద్‌ కమిషనరేట్‌ వద్ద ధర్నా చేశారు. ఈ సందర్భంగా కౌశిక్‌రెడ్డి తనను బెదిరించారని డీసీపీ ఫిర్యాదు చేశారు. కాగా, కౌశిక్‌రెడ్డి ఇంటిపై దాడి చేసిన కేసులో ఎమ్మెల్యే అరికెపూడి గాంధీపై గచ్చిబౌలి పోలీసులు ఇప్పటికే హత్యాయత్నం కేసు నమోదు చేశారు. పార్టీ ఫిరాయింపులపై ఎమ్మెల్యేలు కౌశిక్‌రెడ్డి, గాంధీ మధ్య వాగ్యుద్ధం ముదిరి దాడులు, కేసుల వరకు వెళ్లిన విషయం తెలిసిందే. ఇదీ చదవండి.. ఎమ్మెల్యే గాంధీపై హత్యాయత్నం కేసు

సాక్షి,హైదరాబాద్‌: బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌కు రవాణా శాఖ, హైదరాబాద్‌ ఇంఛార్జ్‌ మంత్రి పొన్నం ప్రభాకర్ కౌంటర్ ఇచ్చారు. శనివారం(సెప్టెంబర్‌14) కౌశిక్‌రెడ్డి ఇంట్లో మీడియాతో కేటీఆర్‌ చేసిన వ్యాఖ్యలపై పొన్నం స్పందించారు.‘ప్రాంతీయ విద్వేషాలు రెచ్చగొట్టింది బీఆర్ఎస్ సభ్యులు కాదా.హైదరాబాద్ లో నివసించే వారిని ఏనాడూ కాంగ్రెస్ విమర్శించలేదు. అత్యంత దారుణంగా ఆంధ్రా ప్రజలను విమర్శించింది కేసీఆర్‌ కాదా.బీఆర్ఎస్ పని అయిపోయిందని ఆ పార్టీ నేత గాంధీనే చెప్తున్నారు.ప్రాంతీయతను రాజకీయంగా వాడుకోవాలని బీఆర్ఎస్ ప్రయత్నం చేస్తోంది.బీఆర్ఎస్ ప్రభుత్వంలా నియంతృత్వ పోకడలకు మేం పోవడం లేదు.గాంధీ,కౌశిక్ చేసింది తప్పే.కౌశిక్ రెడ్డి రెచ్చగొట్టడం కరెక్టా.భౌతిక దాడులు మంచివి కావు’అని పొన్నం అన్నారు. ఇదీ చదవండి.. కౌశిక్‌రెడ్డిపై దాడి వెనుక పోలీసులు: కేటీఆర్‌

సాక్షి,హైదరాబాద్‌: అరికెపూడి గాంధీ ఏ పార్టీలో ఉన్నాడో చెప్పాలని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ప్రశ్నించారు.శనివారం కౌశిక్‌రెడ్డి ఇంటికి వెళ్లిన కేటీఆర్‌ ఆయనను పరామర్శించారు. అనంతరం అక్కడే మీడియాతో మాట్లాడారు. పోలీస్‌ ఎస్కార్ట్‌తో వచ్చి కౌశిక్‌రెడ్డి ఇంటిపై గాంధీ దాడి చేశారని మండిపడ్డారు. హైదరాబాద్‌లో శాంతి భద్రతలను రేవంత్‌ కాపాడలేకపోయారన్నారు. హైదరాబాద్‌లో కాంగ్రెస్‌కు ఒక్క సీటు కూడా రాలేదని, ఇక్కడి ప్రజలను రేవంత్‌ పగబట్టారని విమర్శించారు. ఇందుకే హైడ్రా తీసుకు వచ్చారన్నారు. నగరంలోప్రాంతీయ విభేదాలను రెచ్చగొట్టాలని చూస్తున్నారన్నారు. తమ పదేళ్ల పాలనలో హైదరాబాద్‌ ప్రజలు ప్రశాంతంగా ఉన్నారని చెప్పారు.‘మా పార్టీ ఎమ్మెల్యేల చుట్టూ తిరిగి రేవంత్‌రెడ్డి కండువా కప్పారు. రేవంత్‌రెడ్డి ఆయన తొత్తులు దారుణంగా ప్రవర్తిస్తున్నారు. 10 మంది ఎమ్మెల్యేలకు రేవంత్‌ స్వయంగా కండువా కప్పారు. కోర్టు తీర్పుతో పార్టీ మారిన ఎమ్మెల్యేలు గడగడ వణికి పోతున్నారు.పార్టీ మారిన ఎమ్మెల్యేలను ఉరి తీయాలని గతంలో రేవంత్‌ అన్నారు.మరి ఇప్పుడెందుకు మా పార్టీ ఎమ్మెల్యేలను చేర్చుకున్నారు. ప్రతిపక్షంలో ఉన్నపుడు ఒక మాట అధికారంలోకి వచ్చిన తర్వాత ఒక మాటనా. పోలీసు ఎస్కార్ట్‌ ఇచ్చి మరీ కౌశిక్‌రెడ్డి ఇంటిపై దాడి చేయించిన చరిత్ర రేవంత్‌రెడ్డిది. దాడికి సహకరించిన పోలీసులపై చర్య తీసుకోవాలి. రాజకీయాలను కాంగ్రెస్‌ దిగజార్చుతోంది’అని కేటీఆర్‌ మండిపడ్డారు. విదేశీ పర్యటన ముగించుకుని శనివారం ఉదయమే కేటీఆర్‌ హైదరాబాద్‌ చేరుకున్నారు. అనంతరం తొలుత కొండాపూర్‌లోని కౌశిక్ రెడ్డి ఇంటికి వెళ్లారు. కౌశిక్‌ ఇంటిపై దాడి జరిగిన తీరును అడిగి తెలుసుకున్నారు. కౌశిక్ రెడ్డిని వారి కుటుంబసభ్యులను పరామర్శించారు. కేటీఆర్‌ వెంట పలువురు బీఆర్‌ఎస్‌ నేతలున్నారు. కాగా, పార్టీ ఫిరాయింపుల విషయమై రెండు రోజుల పాటు బీఆర్‌ఎస్‌ ఎమ్మెల్యేలు కౌశిక్‌రెడ్డి, అరికెపూడి గాంధీల మధ్య సవాళ్లు, ప్రతి సవాళ్లు నడిచాయి. ఇవి కాస్తా ముదిరి ఎమ్మెల్యే గాంధీ తన అనుచరుతో​ కలిసి కౌశిక్‌రెడ్డి ఇంటి మీద దాడికి యత్నించడంతో ఉద్రిక్త పరిస్థితులు ఏర్పడ్డాయి.దీంతో పోలీసులు హైదరాబాద్‌ నగరంలోని బీఆర్‌స్‌ ఎమ్మెల్యేలను హౌస్‌ అరెస్ట్‌ చేశారు. దీంతో శుక్రవారం పరిస్థితులు కాస్త సద్దుమణిగాయి.ఇదీ చదవండి.. ఎమ్మెల్యే గాంధీపై హత్యాయత్నం కేసు

సాక్షి,హైదరాబాద్‌:శేరిలింగంపల్లి ఎమ్మెల్యే అరికెపూడి గాంధీ మీద హత్యాయత్నం కేసు నమోదైంది.హుజురాబాద్‌ ఎమ్మెల్యే పాడి కౌశిక్ రెడ్డి ఇచ్చిన ఫిర్యాదుతో ఎమ్మెల్యే గాంధీతో పాటు ఆయన కుమారుడు సోదరుడి మీద గచ్చిబౌలి పోలీసులు హత్యాయత్నం కేసు నమోదు చేశారు.కౌశిక్‌రెడ్డి ఇంటి మీద దాడి చేసిన ఘటనపై ఎస్ఐ మహేష్ ఇచ్చిన ఫిర్యాదుతో రెండు రోజుల క్రితమే ఒక కేసు నమోదవగా ఆ కేసులో గాంధీ ఇప్పటికే బెయిల్‌ తీసుకున్నారు. తాజాగా కౌశిక్ రెడ్డి ఫిర్యాదుతో హత్యాయత్నం కేసు పెట్టారు.కాగా, పార్టీ ఫిరాయింపుల వ్యవహారంలో బీఆర్‌ఎస్‌ ఎమ్మెల్యేలు కౌశిక్‌రెడ్డి, గాంధీలు సవాళ్లు, ప్రతిసవాళ్లు విసురుకున్నారు. ఇవి కాస్తా హద్దు మీరి కౌశిక్‌రెడ్డి ఇంటి మీద గాంధీ దాడి చేసే దాకా వెళ్లింది. ఈ దాడిపై బీఆర్‌ఎస్‌ నేతలు సైబరాబాద్‌ పోలీస్‌ కమిషనరేట్‌ ముందు నిరసన తెలిపారు. ఈ నిరసన ఉద్రిక్తంగా మారడంతో హరీశ్‌రావు సహా ముఖ్యనేతలను పోలీసులు అరెస్టు చేసి తర్వాత విడిచిపెట్టారు. ఇదీ చదవండి.. ఎమర్జెన్సీ కన్నా దారుణం: హరీశ్‌రావు

సాక్షి, హైదరాబాద్‌: అసెంబ్లీ, పార్లమెంటు ఎన్నికల్లో ఘోరంగా దెబ్బతిన్న బీఆర్‌ఎస్‌ పార్టీ ఇప్పుడు హరీశ్‌రావు చేస్తున్న నీచ రాజకీయాలతో ఖతం అవుతుందని మహబూబ్‌నగర్‌ కాంగ్రెస్‌ ఎమ్మెల్యే యెన్నం శ్రీనివాస్‌రెడ్డి అన్నారు. హరీశ్‌రావు.. కౌశిక్‌రెడ్డిని అడ్డం పెట్టుకుని శిఖండి రాజకీయాలకు తెరలేపారని తీవ్రస్థాయిలో ధ్వజమెత్తారు. రాష్ట్రంలో బీఆర్‌ఎస్‌ ఎమ్మెల్యేలు చేస్తున్న చిల్లర వ్యవహారాలను ప్రజలు గమనిస్తున్నారని ఆయన వ్యాఖ్యానించారు. శుక్రవారం సీఎల్‌పీ కార్యాలయంలో అచ్చంపేట ఎమ్మెల్యే చిక్కుడు వంశీకృష్ణ, చొప్పదండి ఎమ్మెల్యే మేడిపల్లి సత్యంతో కలసి ఆయన మీడియాతో మాట్లాడుతూ, రాష్ట్రంలో ఇటీవల కురిసిన భారీ వర్షాలతో ఖమ్మం, సూర్యాపేట, మహబూబాబాద్‌ జిల్లాలు దారుణంగా దెబ్బతిన్నాయని, ఇలాంటి పరిస్థితుల్లో ప్రతిపక్ష నేత పత్తా లేకుండా పోయారని విమర్శించారు. ఢిల్లీ మద్యం విధానం కేసులో తన సోదరి కవితకు బెయిల్‌ రాగానే కేటీఆర్‌ అమెరికాకు చెక్కేశారని, ఇక్కడ వరదలతో ప్రజలు కష్టాల్లో ఉంటే ఏమాత్రం సోయి లేకుండా అమెరికాలో ఎంజాయ్‌ చేయడానికి వెళ్లడం సిగ్గుచేటని మండిపడ్డారు.తెలంగాణ ఉద్యమంలో ఆ కుటుంబం చేసిన క్షుద్ర ఆలోచనలతో ఎంతో మంది యువకులు బలి అయ్యారన్నారు. బీఆర్‌ఎస్‌ ఎమ్మెల్యే కౌశిక్‌రెడ్డి ఉన్మాదిలా తయారయ్యారని అన్నారు. మహిళల ఆత్మగౌరావన్ని దెబ్బతీసేలా బీఆర్‌ఎస్‌ ఎమ్మెల్యేల వైఖరి ఉందని విమర్శించారు. ఆ పారీ్టలో ప్రజాస్వామ్య స్ఫూర్తి ఉంటే కౌశిక్‌రెడ్డిని వెంటనే సస్పెండ్‌ చేయాలని డిమాండ్‌ చేశారు. అరికెçపూడి గాంధీ బీఆర్‌ఎస్‌ సభ్యుడే అని పేర్కొన్నారు. ఎమ్మెల్యే చిక్కుడు వంశీకృష్ణ మా­ట్లా­డుతూ కేసీఆర్‌ పదేళ్ల పాలన అంతా కమీషన్ల కోసమే సాగిందని, కానీ రేవంత్‌రెడ్డి ప్రభుత్వంలో హైదరాబాద్‌ మరింత అభివృద్ధి చెందుతోందని అన్నారు. రాష్ట్ర ప్రభుత్వం ఏర్పాటు చేసిన హైడ్రాతో కేసీఆర్‌ కుటుంబం ఆందోళన చెందుతోందని పేర్కొన్నారు.ప్రజా ప్రభుత్వం చేస్తున్న అభివృద్ధి, సంక్షేమ కార్యక్రమాలను చూసి బీఆర్‌ఎస్‌ నేతలు ఓర్వలేక రాజకీయ డ్రామాలు చేస్తున్నారని ఎమ్మెల్యే మేడిపల్లి సత్యం విమర్శించారు. కౌశిక్‌రెడ్డివి పిల్ల చేష్టలని, ఆయన బీఆర్‌ఎస్‌ పార్టీ పరువు తీస్తుంటే హరీశ్‌రావు ప్రోత్సహిస్తున్నట్లు ఉందని అన్నారు. గతంలో గవర్నర్‌ తమిళిసై మీద ఇష్టానుసారంగా మాట్లాడి కౌశిక్‌రెడ్డి మహిళలను అగౌరవపర్చాడన్నారు. కౌశిక్‌రెడ్డి తన ప్రవర్తన మార్చుకోకపోతే బడిత పూజ ఖాయమని హెచ్చరించారు.

సాక్షి, హైదరాబాద్‌: రాష్ట్రంలో ఎమర్జెన్సీ కన్నా దా­రు­ణ పరిస్థితులు నెలకొన్నాయని.. సీఎం రేవంత్‌ చేస్తున్న రాజకీయ డ్రామాలతో రాష్ట్ర ప్రతిష్ట దెబ్బతింటోందని బీఆర్‌ఎస్‌ ఎమ్మెల్యే, మాజీ మంత్రి హరీశ్‌రావు మండిపడ్డారు. ఆదిలాబాద్‌ నుంచి అలంపూర్‌ వరకు బీఆర్‌ఎస్‌ నేతల అరెస్టులు దుర్మార్గమని విమర్శించారు. బీఆర్‌ఎస్‌పై, కేసీఆర్‌పై ఉన్న కక్షను తెలంగాణ మీద చూపుతున్నారని.. నంబర్‌ వన్‌గా ఉన్న రాష్ట్రాన్ని నియంతృత్వ పోకడలతో నిరీ్వర్యం చేస్తున్నారని ఆరోపించారు. రేవంత్‌ వైఖరి వల్ల రాష్ట్రంలో శాంతిభద్రతలు పూర్తిగా దెబ్బతిన్నాయన్నారు.గురువారం కోకాపేటలోని తన నివాసంలో ఎమ్మెల్యే సంజయ్, ఎమ్మెల్సీ దేశపతి శ్రీనివాస్, మాజీ ఎమ్మెల్యే పెద్ది సుదర్శన్‌రెడ్డి, పార్టీ నేతలు దేవీప్రసాద్, ఎర్రోళ్ల శ్రీనివాస్‌ తదితరులతో కలిసి హరీశ్‌రావు మీడియాతో మాట్లాడారు. ‘‘శాంతి భద్రతలను అదుపు చేయకుండా హైదరాబాద్, తెలంగాణ బ్రాండ్‌ ఇమేజ్‌ గురించి రేవంత్‌ మాట్లాడటం సిగ్గుచేటు. రేవంత్, డీజీపీ ఎమ్మెల్యే గాం«దీకి బందోబస్తు ఇచ్చి ఎమ్మెల్యే కౌశిక్‌ నివాసంపై దాడులు చేయించారు. కౌశిక్‌ నివాసంపై దాడి చేసింది గాంధీ కాదు సీఎం రేవంత్‌. బీఆర్‌ఎస్‌ నేతలను గృహ నిర్బంధం చేసిన పోలీసులు గాం«దీని ఎందుకు నిర్బంధించలేదు?’’అని ప్రశ్నించారు. హత్యాయత్నం చేసిన అరికెపూడి, ఆయన అనుచరులను బందోబస్తు మధ్య ఇంటికి పంపి.. తమను మాత్రం అరెస్టు చేసి అర్ధర్రాతి అటవీ ప్రాంతాల్లో తిప్పారని విమర్శించారు. భాషను మార్చుకోకుండా నీతులా? సీఎం రేవంత్‌ తన అసభ్య, సంస్కారహీనమైన భాషను మార్చుకోకుండా యూట్యూబ్‌ చానళ్లకు నీతులు చెబుతున్నారని.. తొమ్మిది నెలలుగా పాలనపై కాకుండా పైసలపై దృష్టి పెట్టడంతో శాంతి భద్రతలు పాతాళానికి పడిపోయాయని హరీశ్‌రావు ఆరోపించారు. ‘‘మీడియాకు లీకులు, చిట్‌చాట్‌లతో శాంతి భద్రతలు అదుపులోకి రావు. సీఎం వాడుతున్న బజారు భాషతో రాష్ట్రంలో విద్వేషాలు చెలరేగి ప్రశాంతత మంటగలుస్తోంది. పార్టీ ఫిరాయింపులపై సీఎం ఢిల్లీలో ఒకలా, గల్లీలో మరోలా మాట్లాడుతున్నారు. పీఏసీ చైర్మన్‌ నియామకంలో రేవంత్‌ వ్యాఖ్యలు దుర్మార్గం. డీజీపీ రాజకీయ కుట్రలో భాగమై ప్రతిపక్షాల గొంతును నొక్కాలని చూడటం దారుణం’’అని విమర్శించారు. ఎమ్మెల్యేల ఫిరాయింపు, పీఏసీ చైర్మన్‌ నియామకాన్ని వ్యక్తుల మధ్య కొట్లాటగా చిత్రీకరించి పక్కదారి పట్టించే ప్రయత్నాలు జరుగుతున్నాయన్నారు.

సాక్షి, హైదరాబాద్‌: రాష్ట్రంలో ఇందిరమ్మ రాజ్యం పేరిట కాంగ్రెస్‌ ప్రభుత్వం ఎమర్జెన్సీ రోజులను గుర్తు చేస్తోందని బీఆర్‌ఎస్‌ వర్కింగ్‌ ప్రెసిడెంట్‌ కేటీ రామారావు విమర్శించారు. ప్రజాపాలనలో ప్రతిపక్షాలు సమావేశం పెట్టుకునేందుకు కూడా అనుమతులు లేవా అనిప్రశ్నించారు. రాష్ట్రవ్యాప్తంగా బీఆర్‌ఎస్‌ నేతలను పోలీసులు గృహ నిర్బంధం చేయడం దారుణమని మండిపడ్డారు. ఈ మేరకు శుక్రవారం కేటీఆర్‌ ఒక ప్రకటన విడుదల చేశారు. బీఆర్‌ఎస్‌ పార్టీ సమావేశం పెట్టుకుంటే ముఖ్యమంత్రి వెన్నులో వణుకు వస్తోందని పేర్కొన్నారు. బీఆర్‌ఎస్‌ ఎమ్మెల్యే పాడి కౌశిక్‌రెడ్డి నివాసంపై దాడి చేసిన అరికెపూడి గాంధీ అనుచరులు, గూండాలను వెంటనే అరెస్టు చేయాలని డిమాండ్‌ చేశారు.కౌశిక్‌రెడ్డిపై దాడి చేసిన వారిని వదిలేసి బీఆర్‌ఎస్‌ నేతలను అరెస్టు చేయడం ప్రభుత్వ దిగజారుడుతనానికి నిదర్శనమని విమర్శించారు. బీఆర్‌ఎస్‌ నేతలపై ప్రభుత్వ జులుంను సహించేది లేదని హెచ్చరించారు. కాంగ్రెస్‌ అప్రజాస్వామిక విధానాలను ప్రజలు గమనిస్తున్నారని.. ప్రశి్నస్తున్న ప్రజాప్రతినిధులపై సీఎం కనుసన్నల్లోనే గూండాలు దాడులకు తెగబడుతున్నారని మండిపడ్డారు. తెలంగాణలో గతంలో ఎప్పుడూ లేని రీతిలో ప్రతిపక్ష ఎమ్మెల్యేలపై దాడులకు దిగే సంస్కృతిని రేవంత్‌ తీసుకొచ్చారని ఆరోపించారు. కాంగ్రెస్‌ పారీ్టకి ప్రజలు బుద్ధి చెప్పడం ఖాయమని వ్యాఖ్యానించారు.

సాక్షి, హైదరాబాద్‌/ దుండిగల్‌/ గచ్చిబౌలి: ఎమ్మెల్యే పాడి కౌశిక్‌రెడ్డి నివాసంపై దాడి, తదనంతర పరిణామాల నేపథ్యంలో.. శుక్రవారం రాష్ట్ర­వ్యాప్తంగా బీఆర్‌ఎస్‌ ఎమ్మెల్యేలు, ముఖ్య నేతలను పోలీసులు గృహ నిర్బంధం చేశారు. గురువారం అర్ధరాత్రి నుంచే రాష్ట్రవ్యాప్తంగా బీఆర్‌ఎస్‌ నేతలను ముందస్తు అరెస్టులు చేసి పోలీస్‌స్టేషన్లకు తరలించారు. మాజీ మంత్రి హరీశ్‌రావును, ఎమ్మెల్యేలను హౌజ్‌ అరెస్టు చేసి, నివాసం నుంచి బయటికి రాకుండా అడ్డుకున్నారు. నేతలతోపాటు క్షేత్రస్థాయి క్రియాశీల నాయకులు, కార్యకర్తలను కూడా పోలీస్‌స్టేషన్లకు రావాలంటూ ఆదేశించడం గమనార్హం. ఎక్కడికక్కడ బలగాల మోహరింపుతో.. ఫిరాయింపుల అంశంపై వివాదం, ఎమ్మెల్యే పాడి కౌశిక్‌రెడ్డి నివాసంపై దాడి నేపథ్యంలో.. శేరిలింగంపల్లి ఎమ్మెల్యే అరికెపూడి గాంధీ నివాసంలో పార్టీ విస్తృత స్థాయి సమావేశం ఏర్పాటు చేస్తామని బీఆర్‌ఎస్‌ గురువారం రాత్రి ప్రకటించింది. దీనితో అప్రమత్తమైన పోలీసులు గ్రేటర్‌ హైదరాబాద్‌ పరిధిలోని మాజీ మంత్రులు తలసాని శ్రీనివాస్‌ యాద­వ్, పద్మారావు గౌడ్, సబితా ఇంద్రారెడ్డి, మల్లా­­రెడ్డి, ఇతర ఎమ్మెల్యేల ఇళ్ల వద్ద శుక్రవారం తెల్లవారుజాము నుంచే భారీగా మోహరించారు. జిల్లాల్లోనూ బీఆర్‌ఎస్‌ పార్టీ మాజీ మంత్రులు, ఎమ్మెల్యేలు, మాజీ ఎమ్మెల్యేలు, ముఖ్య నేతలను హౌస్‌ అరెస్టు చేశారు. పోలీసులు, రాష్ట్ర ప్రభుత్వం తీరును నిరసిస్తూ బీఆర్‌ఎస్‌ శ్రేణులు ఆందోళనలు చేసేందుకు ప్రయతి్నంచగా.. అడ్డుకుని అరెస్టులు చేశారు. ఆస్పత్రికి వెళ్లకుండా అడ్డుకుని.. మంత్రి హరీశ్‌రావు కేశంపేట పోలీసు స్టేషన్‌ నుంచి విడుదలయ్యాక శుక్రవారం తెల్లవారుజామున కోకాపేటలోని తన నివాసానికి చేరుకున్నారు. అప్పట్నుంచే అక్కడ పోలీసులు మోహరించారు. పార్టీ నేతలెవరూ హరీశ్‌రావు ఇంట్లోకి వెళ్లకుండా అడ్డుకున్నారు. గురువారం నాటి తోపులాటలో భుజానికి గాయమై నొప్పితో బాధపడుతున్న హరీశ్‌రావు.. ఆస్పత్రికి వెళ్లేందుకు ప్రయత్నించగా అడ్డుకున్నారు. దీంతో హరీశ్‌రావు ఆగ్రహం వ్యక్తం చేశారు. మరోవైపు భుజానికి గాయమైన హరీశ్‌రావును పరామర్శించేందుకు ఎమ్మెల్యే సునీతా లక్ష్మారెడ్డి,, మాజీ ఎంపీ మాలోత్‌ కవిత, మాజీ ఎమ్మెల్యే చంటి క్రాంతికిరణ్, పార్టీ నేతలు జైపాల్‌రెడ్డి తదితరులు ఆయన ఇంటి వద్దకు రాగా పోలీసులు అడ్డుకున్నారు.దీంతో వారు పోలీసుల తీరును నిరసిస్తూ అక్కడే బైఠాయించి ఆందోళన వ్యక్తం చేశారు. పోలీసులు వారిని అదుపులోకి తీసుకుని అక్కడి నుంచి తరలించారు. అయితే శుక్రవారం మధ్యాహ్నం తర్వాత పోలీసులు హరీశ్‌రావును ఆస్పత్రికి వెళ్లేందుకు అనుమతించారు. దీంతో ఆయన గచ్చిబౌలి ఏఐజీ ఆస్పత్రికి వెళ్లి వైద్యపరీక్షలు చేయించుకున్నారు. ఎడమ భుజానికి స్కానింగ్‌తోపాటు ఇతర వైద్య పరీక్షలు చేశారు. పదిహేను రోజుల పాటు ఫిజియోథెరపీ తీసుకోవాలని హరీశ్‌కు వైద్యులు సూచించారు.శంభీపూర్‌ రాజు నివాసం వద్ద ఉద్రిక్తత మేడ్చల్‌ జిల్లా అధ్యక్షుడు శంభీపూర్‌ రాజు నివాసం నుంచి అరికెపూడి ఇంటికి వెళతామని బీఆర్‌ఎస్‌ నేతలు ప్రకటించిన నేపథ్యంలో.. శుక్రవారం తెల్లవారుజాము నుంచే అక్కడ పోలీసులు భారీగా మోహరించారు. ఎమ్మెల్యే పాడి కౌశిక్‌రెడ్డి అప్పటికే శంభీపూర్‌ రాజు ఇంటికి చేరుకున్నారు. ఈ ఇద్దరినీ పోలీసులు హౌజ్‌ అరెస్ట్‌ చేశారు. ఆ ఇంటి పరిసరాల్లో 144 సెక్షన్‌ విధించారు. అక్కడికి చేరుకున్న బీఆర్‌ఎస్‌ నేతలు, కార్యకర్తలను అదుపులోకి తీసుకుని మేడ్చల్‌ పోలీస్‌స్టేషన్‌కు తరలించారు. ఈ క్రమంలో శంభీపూర్‌ రాజు నివాసం వద్ద పాడి కౌశిక్‌రెడ్డి మీడియాతో మాట్లాడారు. సీఎం రేవంత్‌రెడ్డి తనను హత్య చేయించేందుకు ప్రయతి్నంచారని, తన ఇంటిపై దాడికి ఉసిగొల్పాడని ఆరోపించారు.హైడ్రా పేరిట ఇష్టానుసారం బిల్డింగులను కూల్చివేస్తూ.. ప్రజలను భయభ్రాంతులకు గురి చేస్తున్నారని, హైదరాబాద్‌ బ్రాండ్‌ ఇమేజ్‌ను దెబ్బతీస్తున్నారని ఆరోపించారు. ఏపీ సీఎం చంద్రబాబు డైరెక్షన్‌లో హైదరాబాద్‌ అభివృద్ధిని అమరావతికి తరలించే కుట్ర చేస్తున్నారని విమర్శించారు. తనకు దూకుడు ఎక్కువని అంటున్న దానం నాగేందర్‌కు గోకుడు ఎక్కువని వ్యాఖ్యానించారు. అరికెపూడి గాం«దీకి నీతి, నిజాయతీ ఉంటే వెంటనే ఎమ్మెల్యే పదవికి రాజీనామా చేయాలని ఎమ్మెల్సీ శంభీపూర్‌ రాజు డిమాండ్‌ చేశారు.ఎమ్మెల్యే కౌశిక్‌రెడ్డిపై కేసు నమోదు పోలీసుల విధులకు ఆటంకం కలిగించారని, బెదిరింపులకు పాల్పడ్డారని ఎమ్మెల్యే కౌశిక్‌రెడ్డిపై రాయదుర్గం పోలీస్‌ స్టేషన్‌లో కేసు నమోదైంది. గచ్చిబౌలిలోని సైబరాబాద్‌ పోలీస్‌ కమిషనరేట్‌ వద్ద గురువారం బీఆర్‌ఎస్‌ నాయకులు ఆందోళన చేసిన విషయం తెలిసిందే. ఆ సమయంలో తన విధులకు కౌశిక్‌రెడ్డి ఆటంకం కలిగించారని, బెదిరింపులకు పాల్పడ్డారని సైబరాబాద్‌ అడ్మిన్‌ ఏడీసీపీ రవి చందన్‌రెడ్డి రాయదుర్గం పోలీసులకు ఫిర్యాదు చేశారు. దీనితో కౌశిక్‌రెడ్డిపై బీఎన్‌ఎస్‌ 132, 351(3) సెక్షన్ల కింద కేసు నమోదు చేశారు.

సాక్షి,హైదరాబాద్‌: హుజురాబాద్‌ ఎమ్మెల్యే పాడి కౌశిక్ రెడ్డిపై మహిళా కాంగ్రెస్‌ నేతలు శుక్రవారం (సెప్టెంబర్‌13) స్పీకర్‌కు ఫిర్యాదు చేశారు. ఎన్నికల్లో కౌశిక్‌రెడ్డి ఓటర్లను బెదిరించి గెలిచారని ,గెలిచాక మహిళలను కించపరుస్తూ మాట్లాడినందున కౌశిక్‌రెడ్డి శాసనసభ సభ్యత్వాన్ని రద్దు చేయాలని కోరారు. స్పీకర్‌ను కలిసి ఫిర్యాదు చేసిన వారిలో మహిళా కాంగ్రెస్‌ నేతలు బండ్రు శోభారాణి, కాల్వ సుజాత తదితరులున్నారు. ఫిర్యాదు అనంతరం వీరు మీడియాతో మాట్లాడుతూ కౌశిక్‌రెడ్డితో బీఆర్‌ఎస్‌ అధినేత కేసీఆరే ఇలాంటి మాటలు మాట్లాడిస్తున్నాడా అని ప్రశ్నించారు. పార్టీ ఫిరాయింపుల విషయంలో ఎమ్మెల్యే కౌశిక్‌రెడ్డి, ఎమ్మెల్యే అరికెపూడి గాంధీల మధ్య సవాళ్లు, ప్రతిసవాళ్లు ఉద్రిక్తతలకు దారి తీసిన విషయం తెలిసిందే. అంతకుముందు కౌశిక్‌రెడ్డి మీడియా సమావేశంలో ఫిరాయింపు ఎమ్మెల్యేలను ఉద్దేశించి మాట్లాడుతూ వారికి చీర,గాజులను పంపిస్తానని వివాదాస్పద వ్యాఖ్యలు చేశారు. ఈ విషయం పట్ల మహిళా కాంగ్రెస్‌ నేతలు అభ్యంతరం వ్యక్తం చేస్తూ గురువారం బీఆర్‌ఎస్‌ పార్టీ ‍ ప్రధాన కార్యాలయం తెలంగాణభవన్‌లో ఆందోళన చేశారు. ఇదీ చదవండి.. మళ్లీ ఉద్రిక్తత.. ఎమ్మెల్యే అరికెపూడి ఇంటి వద్ద బందోబస్తు

సాక్షి, న్యూఢిల్లీ: ప్రజా పద్దుల సంఘం (పీఏసీ) చైర్మన్‌గా ఎన్నికైన శేరిలింగంపల్లి ఎమ్మెల్యే అరికెపూడి గాంధీ ముమ్మాటికీ బీఆర్‌ఎస్‌ ఎమ్మెల్యేనని ముఖ్యమంత్రి రేవంత్‌రెడ్డి స్పష్టం చేశారు. నిబంధనలకు అనుగుణంగానే ప్రతిపక్షానికి పీఏసీ పదవి కట్టబెట్టామని తేల్చిచెప్పారు. గతంలో నిబంధనలకు విరుద్ధంగా వ్యవహరించి అడ్డగోలు నియామకాలు చేసింది బీఆర్‌ఎస్‌ కాదా అని విరుచుకుపడ్డారు. ‘అసెంబ్లీ చివరి రోజు పార్టీ బలాబలాలను స్పీకర్‌ ప్రకటించారు. బీఆర్‌ఎస్‌కు 38 మంది ఎమ్మెల్యేలు ఉన్నారని చెబితే ఆరోజు బీఆర్‌ఎస్‌ ఎలాంటి అభ్యంతరం చెప్పలేదు. మా సంఖ్య 38 కాదు.. 28 మాత్రమే అని వాళ్లు అనలేదు. అలాంటప్పుడు అనర్హత అనే అంశమే ఇక్కడ తలెత్తదు’ అని స్పష్టం చేశారు. పార్టీ పరిస్థితులపై ఏఐసీసీ ప్రధాన కార్యదర్శి కేసీ వేణుగోపాల్‌తో చర్చించేందుకు ఢిల్లీకి వచ్చిన రేవంత్‌.. తన అధికార నివాసంలో మీడియాతో చిట్‌చాట్‌ చేశారు. ఈ సందర్భంగా అరికెపూడి గాందీ, బీఆర్‌ఎస్‌ ఎమ్మెల్యే కౌశిక్‌రెడ్డి వివాదంతోపాటు పలు అంశాలపై స్పందించారు. ఈ సందర్భంగా బీఆర్‌ఎస్‌ హయాంలో పీఏసీ ఎంపిక తీరును తప్పుపట్టారు. ‘కాంగ్రెస్‌ ప్రతిపక్షంలో ఉన్నప్పుడు 2018 నుంచి 2023 వరకు అక్బరుద్దీన్‌ ఒవైసీ పీఏసీ చైర్మన్‌ ఎలా ఉన్నారు. అప్పుడు సంఖ్యాబలం ఎక్కువగా ఉన్న కాంగ్రెస్‌కు పీఏసీ చైర్మన్‌ పదవి ఇవ్వాలని అంటే... అది స్పీకర్‌ విచక్షణాధికారమని బీఆర్‌ఎస్‌ నేతలన్నారు. 2014లో టీడీపీకి 15 మంది ఎమ్మెల్యేలు ఉన్నప్పుడు బీఏసీ సభ్యులుగా ఎర్రబెల్లి దయాకర్‌ రావు, రేవంత్‌రెడ్డి పేర్లు ఇస్తే... రేవంత్‌రెడ్డి పేరుకు ప్రత్యామ్నాయం సూచించాలని స్పీకర్‌ ఎందుకు అన్నారు? ఎర్రబెల్లి పార్టీ మారినప్పుడు నన్ను ఫ్లోర్‌ లీడర్‌గా గుర్తించాలని చెబితే ఎందుకు గుర్తించలేదు? 2014, 2018లో ఈ విధానాన్ని ప్రారంభించింది మీరే కదా’ అని అన్నారు. పీఏసీలో 13 మంది సభ్యులుంటే బీఆర్‌ఎస్‌ నుంచి ఆరుగురికి, సీపీఐ, ఎంఐఎం, బీజేపీ నుంచి ఒక్కక్కరికి అవకాశం ఇచ్చి కాంగ్రెస్‌ నుంచి నలుగురికి మాత్రమే అవకాశం ఇచ్చామని గుర్తు చేశారు. బీఆర్‌ఎస్‌ సభ్యులు ఎన్నిక కోరలేదు కాబట్టే స్పీకర్‌ నామినేషన్‌లను పరిశీలించి గాందీకి అవకాశం కల్పించారని తెలిపారు. కౌశిక్‌ వ్యాఖ్యలపై వారంతా క్షమాపణ కోరాలి కౌశిక్‌ వ్యాఖ్యలపై స్పందించిన రేవంత్‌రెడ్డి, ‘బతకడానికి వచ్చినోళ్లు అంటూ గాం«దీని ఉద్దేశించి కౌశిక్‌రెడ్డి వాళ్ల బాస్‌ చెప్పిందే మాట్లాడారు. కౌశిక్‌ అలా మాట్లాడొచ్చా లేదా అనేది కేసీఆరే చెప్పాలి. కౌశిక్‌ వ్యాఖ్యలపై కేసీఆర్, కేటీఆర్, హరీశ్‌రావు సమాధానం చెప్పాలి’ అని అన్నారు. బతకడానికి వచ్చిన వాళ్ల ఓట్లు కావాలి కానీ వాళ్లు వద్దా? అని నిలదీసిన ముఖ్యమంత్రి.. వాళ్లు ఓట్లేస్తేనే కదా గ్రేటర్‌లో గెలిచిందని గుర్తుచేశారు. ‘బీఆర్‌ఎస్‌ పెద్దలు మాట్లాడమంటే కౌశిక్‌ మాట్లాడాడా, లేక ఆయన వ్యక్తిగత వ్యాఖ్యలా అనేది స్పష్టం చేయాలి. వీళ్లు మాట్లాడమంటే బహిరంగంగా క్షమాపణ చెప్పాలి. కౌశిక్‌ వ్యక్తిగతంగా మాట్లాడితే పార్టీ నుంచి సస్పెండ్‌ చేయాలి’ అని పేర్కొన్నారు. బీఆర్‌ఎస్‌ది సైకలాజికల్‌ గేమ్‌ ఎమ్మెల్యేల అనర్హతకు సంబంధించి హైకోర్టు తీర్పును ప్రస్తావించగా, ‘తీర్పును నేను అధ్యయనం చేయలేదు. అది చూస్తేనే దీనిపై మాట్లాడగలను’ అని అన్నారు. ఉప ఎన్నికలు వస్తాయని బీఆర్‌ఎస్‌ నేతలు అంటున్నారనగా.. ‘బీఆర్‌ఎస్‌ నేతలు సైకలాజికల్‌ గేమ్‌ ఆడుతున్నారు. మా పార్టీకి 66 మంది ఎమ్మెల్యేలున్నారు. ఈ 66 మంది ఎమ్మెల్యేలు ఒళ్లు దగ్గర పెట్టుకుంటే ప్రభుత్వానికి ఇబ్బందులేం ఉండవు. ప్రభుత్వాన్ని పడగొడతామన్నందుకే ఈ సమస్యలన్నీ వచ్చాయి. ఈ చర్చలన్నీ బీజేపీ, బీఆర్‌ఎస్‌ కలిసి ప్రభుత్వాన్ని పడగొడతామని అన్నందుకే చర్చ జరుగుతోంది. ఆ రెండు పార్టీలు కలిసి ఈ ప్రభుత్వాన్ని కూలగొట్టడానికి లేదని కోర్టు నుంచి ఆర్డర్‌ తీసుకొస్తే ప్రస్తుత ప్రభుత్వం మరింత పటిష్టంగా ఉన్నట్లే కదా. ఏ ఎమ్మెల్యే అయినా అటూఇటూ దిక్కులు చూస్తే అనర్హత వేటు పడుతుందంటే ఇక ప్రభుత్వానికి ఢోకా ఎక్కడుంది’ అని అన్నారు. ఇదే అంశంపై మరింత స్పష్టతనిస్తూ ‘కోర్టుకెళ్లి అనర్హతలపై ఆర్డర్‌ తెచ్చామంటున్నారు. బీఆర్‌ఎస్‌ నేతలు ఏ ఆర్డర్‌ తెచ్చినా.. ప్రభుత్వంలోని పార్టీకి అడ్వాంటేజ్‌ అవుతుంది. ప్రభుత్వంలో ఉన్న పార్టీ నుంచి ఎమ్మెల్యేలను లాక్కునే అవకాశమే లేదని చట్ట ప్రకారం నిర్ణయం వస్తే, ప్రతిపక్ష పార్టీలకన్నా, మా పార్టీ వాళ్లమే ఎక్కువ సంతోషిస్తాం. ఎమ్మెల్యేలు ఎక్కడివారక్కడే ఉండాలని బీఆర్‌ఎస్‌ వాళ్లంటున్నారు. మేమూ అదే కోరుకుంటున్నాం. ఎక్కడివారు అక్కడే ఉంటే నా 66 మంది నాతో ఉంటారు. కేసీఆర్‌ లక్కీ నంబర్‌ నా వద్దే ఉంది కదా’ అని అన్నారు. ప్రతిపక్షాలు ప్రభుత్వాన్ని పడగొడతామని తిరిగేకంటే పథకాల అమలు గురించి ప్రశ్నిస్తే బాగుంటుందని సూచించారు. మంత్రివర్గం విస్తరించాలని పార్టీ అధిష్టానం నిర్ణయించిన తర్వాతే ఎవరిని తీసుకోవాలనే విషయంలో సీఎం పాత్ర వస్తుందని ఓ ప్రశ్నకు సమాధానంగా చెప్పారు. రాష్ట్రంలో అడ్డగోలుగా 14 వేల మంది జర్నలిస్టులకు అక్రిడిటేషన్‌ కార్డులిచ్చారని, వీటిని ఫిల్టర్‌ చేసేలా జర్నలిస్టు సంఘాలే ముందుకు రావాలని పిలుపునిచ్చారు.

సాక్షి, హైదరాబాద్‌: బీఆర్‌ఎస్‌ ఎమ్మెల్యే కౌశిక్‌రెడ్డిని గృహ నిర్బంధం చేసి.. పోలీసుల సాయంతో అరికెపూడి గాంధీ గుండాలు రెచ్చిపోయి దాడులకు పాల్పడటం దారుణమని బీఆర్‌ఎస్‌ వర్కింగ్‌ ప్రెసిడెంట్, మాజీ మంత్రి కేటీఆర్‌ మండిపడ్డారు. అధికారం ఎవరికీ శాశ్వతం కాదని, ఇంతకు మించి ప్రతిఘటన తప్పదని హెచ్చరించారు. ‘‘పట్టపగలే ఒక ఎమ్మెల్యే ఇంటికి వెళ్లి హత్యాయత్నానికి ప్రయత్నిస్తున్నారంటే రాష్ట్రంలో అసలు లా అండ్‌ ఆర్డర్‌ ఉందా? ప్రతిపక్ష ఎమ్మెల్యేపై ప్రభుత్వం దాడి చేయించటమే ఇందిరమ్మ పాలన, ప్రజా పాలనా?’’అని ప్రశ్నించారు. కాంగ్రెస్‌ చేస్తున్న అరాచకాలను కచి్చతంగా రాసి పెట్టుకుంటామని వ్యాఖ్యానించారు. అరికెపూడి ఇంటికి వెళ్తానన్న కౌశిక్‌రెడ్డిని గృహ నిర్బంధం చేసిన పోలీసులు.. అరికెపూడిని మాత్రం కౌశిక్‌రెడ్డి ఇంటికి వచ్చేందుకు ఎలా అనుమతించారని ప్రశ్నించారు.వందల మంది కోడిగుడ్లు, రాళ్లతో దాడులు చేశారంటే పక్కాగా ముందస్తు ప్లాన్‌ ప్రకారమే దాడి చేశారని స్పష్టం చేశారు. రాష్ట్రాన్ని ఫ్యాక్షనిజానికి, రౌడీయిజానికి అడ్డాగా మార్చేస్తుండటం చూస్తుంటే బాధగా ఉందని పేర్కొన్నారు. ఇది కచ్చితంగా సీఎం రేవంత్‌రెడ్డి చేయించిన దాడేనని.. ప్రభుత్వ వైఫల్యాలను ఎండగడుతూ, ఫిరాయింపు ఎమ్మెల్యేలపై న్యాయ పోరాటం చేస్తున్న కౌశిక్‌రెడ్డిని ప్రభు త్వం టార్గెట్‌ చేసిందని ఆరోపించారు. కావాలనే అక్రమ కేసులు, హత్యాయత్నాలకు పాల్పడి బెదిరించే ప్రయత్నం చేస్తోందని విమర్శించారు. బీఆర్‌ఎస్‌ స్థైర్యాన్ని దెబ్బతీయలేరు.. ‘‘సీఎం రేవంత్‌రెడ్డీ.. మా పార్టీ సైనికుల పోరాటాని కి నీకు నచ్చిన పేరు పెట్టుకో. కాంగ్రెస్‌ గూండాల దౌర్జన్యాలు, దాడులు బీఆర్‌ఎస్‌ సైనికుల స్థైర్యాన్ని ఇసుమంత కూడా దెబ్బ తీయలేవు. తెలంగాణలోని ప్రతి అంగుళాన్ని మీ అవినీతి, దుర్మార్గ పాలన నుంచి కాపాడుకుంటాం. కౌశిక్‌రెడ్డితో తెలంగాణ ప్రజలు ఉన్నారు. ఏ మాత్రం భయపడాల్సిన అవసరం లేదు..’’అని కేటీఆర్‌ ట్వీట్‌ చేశారు.

సాక్షి, హైదరాబాద్‌/మణికొండ: మహిళలను కించపరిచిన బీఆర్‌ఎస్‌ ఎమ్మెల్యే కౌశిక్‌రెడ్డి బేషరతుగా క్షమాపణ చెప్పాలని డిమాండ్‌ చేస్తూ కాంగ్రెస్‌ పార్టీ మహిళా నేతలు బీఆర్‌ఎస్‌ కార్యాలయం తెలంగాణ భవన్‌ను ముట్టడించారు. ఖబడ్దార్‌ కౌశిక్‌రెడ్డి అంటూ కల్వ సుజాతతోపాటు పలువురు మహిళా నేతలు ప్లకార్డులను ప్రదర్శించారు. ముట్టడి సమాచారం తెలుసుకున్న పోలీసులు ముందస్తుగా భవన్‌ ఎదుట బందోబస్తు ఏర్పాటు చేశారు. వారిని లోనికి రాకుండా అడ్డుకున్నారు. దీంతో కాంగ్రెస్‌ నేతలు రోడ్డుపైనే బైఠాయించి నిరసన తెలిపారు. లోనికి చొచ్చుకెళ్లే ప్రయత్నం చేయడంతో పోలీసులు అడ్డుకోగా కొంతసేపు ఉద్రిక్తత నెలకొంది. అనంతరం ఆందోళనకు దిగిన మహిళా నేతలను పోలీసులు అదుపులోకి తీసుకున్నారు. ఈ సందర్భంగా మహిళా నేతలు మాట్లాడుతూ కౌశిక్‌ రెడ్డి మహిళలను కించపరిచేలా చీర, గాజులను చూపారని ధ్వజమెత్తారు. మహిళలకు బేషరతుగా క్షమాపణ చెప్పాలని, లేకుంటే కౌశిక్‌ ఇంటిని ముట్టడిస్తామని హెచ్చరించారు. కౌశిక్‌ క్షమాపణ చెప్పకపోతే గవర్నర్‌ను, స్పీకర్‌ను కలిసి చర్యలు తీసుకోవాలని కోరతామన్నారు.కౌశిక్‌రెడ్డి.. ఖబడ్దార్‌ కాంగ్రెస్‌ నాయకుల జోలికి వస్తే కౌశిక్‌రెడ్డి హైదరాబాద్‌లో తిరిగే పరిస్థితి ఉండదని ఎంపీ అనిల్‌కుమార్‌ యాదవ్, ఎమ్మెల్యేలు దానం నాగేందర్, టి.ప్రకాశ్‌గౌడ్‌ హెచ్చరించారు. నార్సింగి పోలీస్‌స్టేషన్‌లో పోలీసుల అదుపులో ఉన్న ఎమ్మెల్యే అరికెపూడి గాం«దీకి సంఘీభావం తెలిపేందుకు వారు తమ అనుచరులతో కలిసి అక్కడికి వెళ్లారు. ఈ సందర్భంగా వారు మీడియాతో మాట్లాడుతూ కౌశిక్‌రెడ్డి పిల్ల బచ్చా అని, తన స్థాయి మరచి మాట్లాడుతున్నారని మండిపడ్డారు. హరీశ్‌రావు సీజనల్‌ పొలిటీషియన్‌ అని, వారు మళ్లీ అధికారంలోకి వస్తామనే భ్రమ నుంచి బయటకు రావాలన్నారు. గతంలో కాంగ్రెస్‌ ఎమ్మెల్యేలను బీఆర్‌ఎస్‌ కొనుగోలు చేయలేదా అని ప్రశ్నించారు. ప్రాంతాల మధ్య చిచ్చు పెట్టేందుకు కౌశిక్‌ యత్నిస్తున్నారని, దానిని ప్రతి ఒక్కరు ఖండించాలన్నారు. రాష్టం విడిపోయినా అన్నదమ్ములుగా కలిసి ఉన్న వారి మధ్య చిచ్చు పెట్టాలని చూస్తే ప్రజలే బుద్ధి చెబుతారన్నారు. ఈ కార్యక్రమంలో ఎమ్మెల్యే కాలె యాదయ్య, ఎమ్మెల్సీ యెగ్గె మల్లేçశం, మాజీ ఎంపీ గడ్డం రంజిత్‌రెడ్డి, మైనార్టీ కార్పొరేషన్‌ చైర్మన్‌ ఫయూమ్‌ పాల్గొన్నారు. కేసీఆర్‌ స్పందించాలి: అద్దంకి దయాకర్‌ పీఏసీ చైర్మన్‌ అరికెపూడి గాంధీని ఆంధ్రోడు అన్న కౌశిక్‌ మాట లు హాస్యాస్పదమని, ఈ మాటలపై కేసీఆర్‌ స్పందించాలని కాంగ్రెస్‌ నేత అద్దంకి దయాకర్‌ డిమాండ్‌ చేశారు. పదేళ్లు అరికెపూడి గాంధీ బీఆర్‌ఎస్‌లోనే ఉన్నాడని, అప్పుడు ఆంధ్రోడని ఎందుకు అనలేదో చెప్పాలన్నారు. సెంటిమెంట్‌ను వాడుకొని పబ్బం గడుపుకుంటున్న వాళ్లను పార్టీ నుంచి సస్పెండ్‌ చేయాల ని డిమాండ్‌ చేశారు. కౌశిక్‌ లాంటి కమెడియన్‌ను ఎందుకు ఎన్నుకున్నామా అని హుజూరాబాద్‌ ఓటర్లు ఫీలవుతున్నారని పీసీసీ కార్యదర్శి గజ్జి భాస్కర్‌ ఎద్దేవా చేశారు. బీఆర్‌ఎస్‌ నాయకులకు మహిళలంటే చిన్న చూపని ఫిషరీష్‌ కార్పొరేషన్‌ చైర్మన్‌ మెట్టు సాయి విమర్శించారు. అధికారం పోగానే మళ్లీ ఆంధ్ర.. తెలంగాణ లొల్లి గుర్తుకొచ్చిందని ఎద్దేవా చేశారు. కౌశిక్‌ ఆంధ్రోళ్ల పేరుతో మళ్లీ తెలంగాణ సెంటిమెంటును రెచ్చగొట్టడానికి ప్రయత్నం చేస్తున్నాడని ప్రభుత్వ విప్‌ ఆది శ్రీనివాస్‌ విమర్శించారు. కౌశిక్‌ వ్యాఖ్యలను సమర్థించకపోతే కేసీఆర్‌ ఆయనను బీఆర్‌ఎస్‌ నుంచి బహిష్కరించాలని డిమాండ్‌ చేశారు.

హైదరాబాద్‌, సాక్షి: ఎమ్మెల్యే అరికెపూడి గాంధీని ఆహ్వానిస్తే.. ఆయన తన గూండాలను తనపైకి పంపించారని బీఆర్‌ఎస్‌ ఎమ్మెల్యే పాడి కౌశిక్‌ రెడ్డి మండిపడ్డారు. ఇది తన హత్యాయత్నం కుట్రలో భాగంగా జరిగిన దాడేనని ఆరోపించారాయన. ‘‘గూండాలు వచ్చి దాడి చేయడం కరెక్టేనా?. కట్టెలు, కర్రలతో వచ్చి హత్యాయత్నానికి పాల్పడ్డారు. ప్రీ ప్లాన్డ్‌గా దాడి చేశారు. తెలంగాణలో లా అండ్‌ ఆర్డ్‌ ఉందా?. ఒక ఎమ్మెల్యేకే సెక్యూరిటీ లేకపోతే సామాన్యుల పరిస్థితేంటి? కచ్చితంగా దాడికి ప్రతిదాడి ఉంటుంది. రేపు వాళ్ల సంగతి తేలుస్తా’ అని అన్నారు.కౌశిక్‌రెడ్డి నివాసం వద్ద తీవ్ర ఉద్రిక్తత నెలకొంది. గాంధీ అనుచరులు కౌశిక్‌ ఇంట్లోకి దూసుకెళ్లారు. కౌశి​క్‌ ఇంటిపై గాంధీ అనుచరులు రాళ్లు విసిరారు. ఈక్రమంలో ఇరు వర్గాలు కుర్చీలతో కొట్టుకున్నారు. ఒక దశలో ఇరు వర్గాలను పోలీసులు అదుపు చేయలేకపోయారు.చదవండి: కౌశిక్‌రెడ్డి ఇంటిపై దాడి.. బలవంతంగా అరికెపూడి తరలింపు

హైదరాబాద్, సాక్షి: బీఆర్‌ఎస్‌ ఎమ్మెల్యే పాడి కౌశిక్ రెడ్డి చేసిన వ్యాఖ్యలపై మహిళ కార్పొరేషన్ చైర్మన్ బండ్రు శోభారాణి తీవ్ర ఆగ్రహం వ్యక్తం చేశారు. తెలంగాణ మహిళలకు పోరాట స్ఫూర్తి ఉందని అన్నారు. ఆమె బుధవారం మీడియాతో మాట్లాడారు.‘‘మహిళలను అడ్డుపెట్టుకొని పాడి కౌశిక్ రెడ్డి ఎమ్మెల్యేగా గెలిచారు. పాడి కౌశిక్ రెడ్డి చీర, గాజులు పంపాలనుకుంటే మొదట కేసీఆర్‌కే పంపాలి. ఇతర పార్టీ నాయకుల చేరికతో టీఆర్ఎస్ పుట్టింది. కేసిఆర్ రాజకీయ పుట్టుక ఎక్కడ ఉందో చూసుకో. పాడి కౌశిక్ రెడ్డి మీద చర్యలు తీసుకోవాలి. ఆయన మీద పోలీసులకు ఫిర్యాదు చేస్తాం. మహిళ కమిషన్ పాడి కౌశిక్ రెడ్డి వాఖ్యలు సుమోటోగా తీసుకొని విచారణకి పిలవాలి. ఆయన్ను అసెంబ్లీ నుంచి సస్పెండ్ చేయాలని స్పీకర్‌ను కోరుతున్నాం. ప్రభుత్వాన్ని పడగోడతాం అంటేనే నిలబెడుతామని ఎమ్మేల్యేలు కాంగ్రెస్‌లో చేరారు’’అని అన్నారు. ఆమె మాట్లాడుతూ ఒక దశలో.. మహిళలను చులకన చేసి మాట్లాడే ముందు ఒళ్లు దగ్గర పెట్టుకోవాలని చెప్పు చూపించి మరీ హెచ్చరించారు. కౌశిక్‌ రెడ్డిది ఉద్యమకారుల మీద రాళ్లు రువ్విన చరిత్ర:బీఆర్‌ఎస్‌ ఎమ్మెల్యే పాడి కౌశిక్ రెడ్డికి పాడే ఎక్కే సమయం వచ్చిందని ఆర్యవైశ్య కార్పొరేషన్ చైర్మన్ సుజాత అన్నారు.‘ తెలంగాణ ఉద్యమకారుల మీద రాళ్లు రువ్విన చరిత్ర పాడి కౌశిక్‌ రెడ్డిది. బిడ్డ, భార్యను అడ్డుపెట్టుకొని చనిపోతామని ప్రచారం చేసి మరీ గెలుపొందావు. పాడి కౌశిక్ రెడ్డి నిజాయితీ గల లీడర్‌ అన్నట్లు మాట్లాడుతున్నాడు. మహిళలను అగౌరవ పరిస్తే చెప్పుదెబ్బల పాలు అవుతారు. వెంటనే మహిళలకు క్షమాపణలు చెప్పకపోతే బయట తిరగనివ్వం’ అని తీవ్రంగా హెచ్చరించారు.చదవండి: పది నియోజకవర్గాల్లో ఉప ఎన్నికలు ఖాయం: కౌశిక్‌ రెడ్డి

హైదరాబాద్‌, సాక్షి: శాసన సభా సంప్రదాయాన్ని కాపాడే వ్యక్తి కోర్టును అగౌర పరిచేలా మాట్లాడటం సరికాదని బీఆర్‌ఎష్‌ ఎమ్మెల్యే కె.పి వివేకానంద అన్నారు. మంత్రి శ్రీధర్ బాబు క్రెడిబిలిటీ కోల్పోతున్నారని వ్యాఖ్యానించారు. పార్టీ మారిన ఎమ్మెల్యేల విషయంలో తెలంగాణ హైకోర్టు ఇటీవల ఇచ్చిన ఆదేశాలు అమలు చేయాలని కోరేందుకు బీఆర్‌ఎస్ ఎమ్మెల్యేలు బుధవారం(సెప్టెంబర్‌11) అసెంబ్లీ స్పీకర్‌కు బీఆర్‌ఎస్‌ ఎమ్మెల్యేలు పాడి కౌశిక్‌రెడ్డి, కె.పి. వివేకానంద అసెంబ్లీ సెక్రటరీకి వినతి పత్రాన్ని అందజేశారు. అనంతరం బీఆర్‌ఎస్‌ ఎమ్మెల్యే కె.పి వివేకానంద తెలంగాణ భవన్‌లో మీడియాతో మాట్లాడారు.‘‘ పార్టీ ఎమ్మెల్యేలు దానం నాగేందర్, కడియం శ్రీహరి , తెల్లం వెంకట్‌రావ్‌ల అనర్హతపై నాలుగు వారాల్లో నివేదిక ప్రకటించాలని ఆ సెంబ్లీ కార్యదర్శిని హైకోర్టు కోరింది. నాలుగు వారాల్లో నివేదిక ఇవ్వక పొతే సుమోటోగా హైకోర్టు కేసును నమోదు చేస్తామని చెప్పడం జరిగింది. తీర్పు కాపీ రాలేదని.. టై పాస్ చేయొద్దని, తక్షణం యాక్షన్ తీసుకోవాలని అసెంబ్లీ సెక్రటరీని కలిశాం. మిగతా ఎడుగురి ఎమ్మెల్యే అనర్హత స్పీకర్ కార్యాలయంలో వుంది. వారిపైన కూడా యాక్షన్ తీసుకోవాలి.. అప్పుడే ప్రజలకు నమ్మకం కలుగుతుంది. మంత్రి శ్రీధర్‌బాబు చేస్తున్న వ్యాఖ్యలు ఆశ్చర్యాన్ని కలిగించాయి.సభా సంప్రదాయాన్ని కాపాడే వ్యక్తి కోర్టును అగౌరపరిచేలా మాట్లాడటం సరికాదు. శ్రీధర్ బాబు క్రెడిబిలిటీ కోల్పోతున్నారు. 10 ఎమ్మెల్యేలను చేర్చుకున్నారు. పార్టీ పిరాయించిన రాహుల్ గాంధీ ఏమో వారిపై చర్యలు తీసుకోవాలని అంటున్నారు. చట్టం తీసుకొస్తా అని చెప్పింది రాహుల్ గాంధే కదా.. ఒక్కో రాష్ట్రంలో ఒక్కోలా కాంగ్రెస్ పార్టీ వ్యవహరిస్తోంది. సీఏసీ చైర్మన్ నియామకం సభ నియమావళికి విరుద్దంగా జరిగింది. 14 నామినేషన్ వేస్తే ఎన్నికలు పెట్టాలి.. కానీ పెట్టలేదు. దీనికి మంత్రి శ్రీధర్ బాబు సమాధానం చెప్పాలి. హరీశ్‌ రావ్ నామినేషన్ ఎక్కడికి పోయింది. పార్టీ తరుపున 3 పేర్లు ఇచ్చారు. నాలుగో పేరు ఎవరు ఇచ్చారు. శ్రీధర్ బాబు దిగజారి మాట్లాడుతున్నారు. తీర్పు వచ్చాక పార్టీ మరీనా ఎమ్మెల్యేలు ఒక్కోరు ఒక్కో మాట మాట్లాడుతున్నారు. 10 ఎమ్మెల్యేలను మోసం చేశారు రేవంత్ రెడ్డి. ముందు నోయీ వెనక గొయ్యిలాగా వుంది వారి పరిస్థితి.పది నియోజకవర్గాల్లో ఉప ఎన్నికలు ఖాయంతెలంగాణలో పది నియోజకవర్గాల్లో ఉప ఎన్నికలు రావడం ఖాయమని బీఆర్ఎస్ ఎమ్మెల్యే పాడి కౌశిక్ రెడ్డి అన్నారు. ‘ దానం నాగేందర్ బిచ్చగాడు అని సీఎం రేవంత్ రెడ్డి అన్నారు, దానం నాగేందర్ బిగ్ చీటర్, మాజీ ఎమ్మెల్యేగా దానం నాగేందర్ మిలిగిపోతారు. కడియం శ్రీహరి పచ్చి మోసగాడు. కడియం రాజీనామా చేయాలి. డిపాజిట్ కూడా కడియంకు రాదు. చీరలు , గాజులు 10 మంది ఎమ్మెల్యేలకు కొరియర్ చేస్తా వేసుకొని తిరగండి. స్పీకర్ నిర్ణయం కంటే ముందే మీరు రాజీనామా చేయాలి. గత 10 ఏళ్లలో ఒక్క ఎమ్మెల్యేకు అయినా వ్యక్తి గతంగా పార్టీ కండువా కేసీఆర్ కప్పినట్టుగా చూపితే ఎమ్మెల్యే పదవికి రాజీనామా చేస్తా’అని అన్నారు. ప్రస్తుతం కౌశిక్‌ వ్యాఖ్యలు వివాదాస్పదంగా మారాయి.చదవండి: పార్టీ ఫిరాయింపుల కేసు: అసెంబ్లీ సెక్రటరీని కలిసిన బీఆర్‌ఎస్‌ ఎమ్మెల్యేలుచదవండి: నిబంధనల ప్రకారం ముందుకెళ్తాం: స్పీకర్‌ గడ్డం​ ప్రసాద్‌

కరీంనగర్‌క్రైం: బీఆర్‌ఎస్‌ ఎమ్మెల్యే పాడి కౌశిక్‌రెడ్డిపై పోలీసు కేసు నమోదైంది. కరీంనగర్‌ జిల్లా పరిషత్‌ చివరి సర్వసభ్య సమావేశంలో హుజూరాబాద్‌ ఎమ్మెల్యే కౌశిక్‌రెడ్డి అధికారులపై దురుసుగా ప్రవర్తించడంతో పాటు విధులకు ఆటంకం కలిగించారని జెడ్పీ సీఈవో ఎం.శ్రీనివాస్‌ ఇ చ్చిన ఫిర్యాదు మేరకు కరీంనగర్‌ వన్‌టౌన్‌ పోలీసులు మంగళవారం రాత్రి కేసు నమోదు చేశారు. కొత్తగా అమలులోకి వచి్చన భారతీయ న్యాయ సంహిత (బీఎన్‌ఎస్‌) 221, 126(2) సెక్షన్ల కింద కేసు నమోదైంది. జెడ్పీ సీఈవోపై ఎమ్మెల్యే ఫిర్యాదు హుజూరాబాద్‌ నియోజకవర్గంలో సమస్యలపై తాను జెడ్పీ సమావేశంలో ప్రశ్నించేందుకు ప్రయత్నించగా జెడ్పీ సీఈవో తన విధులకు ఆటంకం కలిగించారంటూ ఎమ్మెల్యే పాడి కౌశిక్‌రెడ్డి, కరీంనగర్‌ ఎమ్మెల్యే గంగుల కమలాకర్, బీఆర్‌ఎస్‌ నాయకులతో కలిసి బుధవారం కరీంనగర్‌ సీపీకి ఫిర్యాదు చేశారు. నియోజకవర్గంలో దళితుల కోసం దళితబంధు, నిరుపేద విద్యార్థులకు నాణ్యమైన విద్య, ప్రభుత్వ పాఠశాలల్లో సౌకర్యాల కోసం ప్రజాప్రతినిధిగా ప్రశి్నస్తున్న సమయంలో తన విధులకు ఆటంకం కలిగించడమే కాకుండా జెడ్పీ సీఈవో ప్రొటోకాల్‌ ఉల్లంఘించారని కౌశిక్‌రెడ్డి తన ఫిర్యాదులో పేర్కొన్నారు. తక్షణమే విచారణ చేసి సీఈవోపై చట్టరీత్యా చర్యలు తీసుకోవాలని కోరారు.

కరీంనగర్: హుజురాబాద్ బీఆర్‌ఎస్‌ ఎమ్మెల్యే పాడి కౌశిక్ రెడ్డి వార‍్తల్లో నిలిచారు. నిన్న(మంగళవారం) జడ్పీ సమావేశంలో ఎమ్మెల్యే వ్యవహారించిన తీరుపై జడ్పీ సీఈవో ఫిర్యాదు మేరకు పోలీసులు క్రిమినల్‌ కేసు నమోదు చేశారు. కలెక్టర్ పమేలా సత్పతి బయటికి వెళ్లే సమయంలో అడ్డుకునేందుకు ఎమ్మెల్యే కౌశిక్ రెడ్డి బైఠాయించారు. జడ్పీ సీఈవో ఫిర్యాదు మేరకు.. భారత్ న్యాయ్ సంహిత యాక్ట్ ప్రకారం 221, 126 (2) సెక్షన్ల కింద కేసు నమోదు చేశారు పోలీసులు. బీఎన్ఎస్ చట్టం అమల్లోకి వచ్చిన రెండవ రోజే కౌశిక్ రెడ్డిపై నమోదు అయంది. బీఎన్ఎస్ యాక్టు కింద కేసు నమోదైన మొట్టమొదటి ఎమ్మెల్యే కౌశిక్‌ రెడ్డి కావడం గమనార్హం. కౌశిక్‌ రెడ్డి కేసుపై కేటీఆర్‌ ఆగ్రహంహుజురాబాద్‌ ఎమ్మెల్యే పాడి కౌశిక్ రెడ్డిపై కేసు నమోదు చేయటంపై బీఆర్ఎస్ వర్కింగ్‌ ప్రెసిడెంట్‌ కేటీఆర్ ఆగ్రహం వ్యక్తం చేశారు. ప్రభుత్వ అవినీతిపై పోరాటం చేస్తున్నందుకే కౌశిక్ రెడ్డిపై అక్రమ కేసు నమోదు చేసినట్లు మండిపడ్డారు. ఇలాంటి బెదిరింపులకు బీఆర్ఎస్ పార్టీ నాయకులు భయపడేది లేదన్న కేటీఆర్‌ తేల్చిచెప్పారు.

సాక్షి, హైదరాబాద్‌: రాష్ట్రంలోని అన్ని వ్యవస్థలను ముఖ్యమంత్రి రేవంత్‌రెడ్డి తన గుప్పిట్లో పెట్టుకున్నారని బీఆర్‌ఎస్‌ విమర్శించింది. ప్రజాస్వామిక తెలంగాణ పేరిట అధికారంలోకి వచ్చిన రేవంత్‌ అందుకు విరుద్ధంగా వ్యవహరిస్తున్నా రని ఆగ్రహం వ్యక్తం చేసింది. ఈ మేరకు పార్టీ ఎమ్మెల్యేలు కేపీ.వివేకానంద, పాడి కౌశిక్‌రెడ్డి, కోవాలక్ష్మి, నేతలు జీవన్‌రెడ్డి, పి.శశిధర్‌రెడ్డి గురువారం తెలంగాణభవన్‌లో మీడియాతో మాట్లాడారు.   ► ఎమ్మెల్యే దానం నాగేందర్‌ను అనర్హుడిగా ప్రకటించడంలో స్పీకర్‌ చేస్తున్న జాప్యంపై తాము హైకోర్టులో వేసిన పిటిషన్‌ సోమవారం విచారణకు వస్తుందని ఎమ్మెల్యే పాడి కౌశిక్‌రెడ్డి వెల్లడించారు. పార్టీ మారిన ముగ్గురు ఎమ్మెల్యేలపై అనర్హత వేటు వేయాలని పిటిషన్‌ ఇచ్చేందుకు వెళితే అసెంబ్లీ కార్యదర్శి బాత్‌రూంలో దాక్కున్నారని మండిపడ్డారు. పార్టీ మారిన ఎమ్మెల్యేల ఇళ్ల ముందు చావు డప్పు కొడతామని, ఎమ్మెల్యేలు పార్టీ మారిన చోట ఉపఎన్నికలు వస్తాయని వెల్లడించారు.  ► బీఆర్‌ఎస్‌ తరపున ఎన్నికై పార్టీ మారిన ఎమ్మెల్యేలపై అనర్హత వేటు వేయాలని తాము కోరుతున్నా స్పీకర్‌ కార్యాలయాన్ని సీఎం రేవంత్‌ ప్రభావితం చేస్తున్నారని ఎమ్మెల్యే కేపీ.వివేకానంద విమర్శించారు. నిష్పక్షపాతంగా వ్యవహరించాల్సిన స్పీకర్‌ తాము అపాయింట్‌మెంట్‌ కోరినా ఇవ్వడం లేదన్నారు. పార్టీ మారిన ఎమ్మెల్యేలు దానం నాగేందర్, కడియం శ్రీహరి, తెల్లం వెంకట్రావుపై అనర్హత వేటు వేయాలని కోరుతూ పిటిషన్‌ ఇవ్వడానికి ప్రయత్నిస్తున్నా అందుబాటులోకి రావడం లేదని చెప్పారు. అసెంబ్లీ స్పీకర్‌ తమకు సమయం ఇవ్వక పోవడంతో రిజిస్టర్‌ పోస్టులో పిటిషన్లు పంపినట్టు వెల్లడించారు. ‘హిమాచల్‌ప్రదేశ్‌లో కాంగ్రెస్‌ ప్రభుత్వమే ఉన్నా అక్కడ పార్టీ ఫిరాయించిన ఎమ్మెల్యేలపై స్పీకర్‌ వెంటనే అనర్హత వేటు వేశారు. దీనిని తెలంగాణ స్పీకర్‌ కూడా ఆదర్శంగా తీసుకోవాలి. పార్టీ మారితే రాళ్లతో కొట్టాలని చెప్పిన రేవంత్‌ ఎవరిని కొట్టాలో చెప్పాలి. అభద్రతాభావంతో ఉన్న రేవంత్‌ కొడంగల్‌ ఓటర్లను బ్లాక్‌మెయిల్‌ చేస్తున్నాడు’ అని ఎమ్మెల్యే వివేకానంద ఆగ్రహం వ్యక్తం చేశారు.  ► 26 మంది బీఆర్‌ఎస్‌ ఎమ్మెల్యేలు కాంగ్రెస్‌ పార్టీలో చేరుతారని మంత్రి ఉత్తమ్‌ అసత్య ప్రచారం చేస్తున్నారని ఎమ్మెల్యే కోవా లక్ష్మి ఆరోపించారు. ప్రజాపాలన చేతకాని కాంగ్రెస్‌ పార్టీ ఫిరాయింపులను ప్రోత్సహిస్తోందన్నారు.

సాక్షి, హైదరాబాద్‌: విద్యుత్‌ రంగంపై ప్రభుత్వం విడుదల చేసిన శ్వేతపత్రంపై చర్చ గురువారం దారి తప్పింది. ‘ఖబడ్దార్‌’అంటూ కాంగ్రెస్‌ సభ్యుడు కోమటిరెడ్డి రాజగోపాల్‌ రెడ్డి చేసిన వ్యాఖ్య సభలో కలకలం సృష్టించింది. విపక్ష బీఆర్‌ఎస్‌ సభ్యులు అంతే దూకుడుతో రాజగోపాల్‌ రెడ్డి వ్యాఖ్యలపై విరుచుకుపడ్డారు. ఆ పార్టీ సభ్యుడు పాడి కౌశిక్‌రెడ్డి ఆవేశంతో ప్రతి సవాళ్ళు విసరడం సభలో వేడిని మరింత పెంచింది. మాజీ మంత్రి జగదీశ్‌రెడ్డి ప్రసంగాన్నే లక్ష్యంగా చేసుకున్న కాంగ్రెస్‌ సభ్యుడు రాజగోపాల్‌ రెడ్డి వ్యంగా్రస్తాలు సంధించారు. ‘కిరోసిన్‌ దీపం కింద చదువుకున్న... కిరాయి ఇంట్లో ఉన్న మాజీ మంత్రి వేల కోట్లు ఎలా సంపాదించారు?’అని ప్రశ్నించారు. ప్రజల కోసమే తాను పార్టీ మారిన విషయాన్ని గుర్తు పెట్టుకోవాలన్నారు. కేసీఆర్‌కు జోకడం తప్ప, ఎదురు చెప్పలేని స్థితి మాజీ మంత్రిది అంటూ ఎద్దేవా చేశారు. ఈ వ్యాఖ్యలతో విపక్ష సభ్యులు మూకుమ్మడిగా లేచి అభ్యంతరం చెప్పా రు. ప్రతిగా అధికార పక్ష సభ్యులూ లేవడంతో సభలో గందరగోళ పరిస్థితి నెలకొంది. బీఆర్‌ఎస్‌ సభ్యుడు పాడి కౌశిక్‌ రెడ్డి అధికార పక్షం వైపు వేలెత్తి చూపారు. పరస్పర వాగ్వాదం కొనసాగుతున్న తరుణంలోనే రాజగోపాల్‌రెడ్డి ‘పదేళ్ళు భరించాం.. ఇంకా నోటికొచ్చినట్టు మాట్లాడితే ఊరుకోం. ఖబడ్దార్‌’అంటూ చేసిన హెచ్చరిక సభా వాతావరణాన్ని మరింత వేడెక్కించింది.  కొత్త వాళ్ళున్నారు... కాస్త జాగ్రత్త  వాగ్వాదాల మధ్య మాజీ స్పీకర్‌ పోచారం శ్రీనివాస రెడ్డి జోక్యం చేసకుని ‘ఈ సభ లో కొత్త వాళ్ళున్నారు. సభా మర్యాద కాపాడాలి. వాళ్ళకు ఆదర్శంగా ఉండాలి. వ్యక్తిగత దూషణలు, తిట్టుకోవడం మంచిది కాదు’అంటూ సలహా ఇచ్చారు. ఉప ముఖ్యమంత్రి భట్టి విక్రమా ర్క కూడా ఈ అభిప్రాయంతో ఏకీభవించారు. సభ లో ‘ఖబడ్దార్‌’అనే పదం వాడొచ్చా? అని బీఆర్‌ఎస్‌ సభ్యుడు జగదీశ్‌రెడ్డి ప్రశ్నించారు. దీనిపై రూలింగ్‌ ఇవ్వాలని స్పీకర్‌ను కోరారు. ఏం జరిగిందో పరిశీలిస్తానని, ఖబడ్డార్‌ అనే పదాన్ని రికార్డుల నుంచి తొలగిస్తానని స్పీకర్‌ గడ్డం ప్రసాద్‌కుమార్‌ తెలిపారు. ఆ తర్వాత సభ సర్దుమణిగింది. చర్చ కొనసాగుతుండగానే బీఆర్‌ఎస్‌ సభ్యులు సభలో లేకపోవడాన్ని గమనించిన మంత్రి జూపల్లి కృష్ణారావు ఈ అంశాన్ని ప్రస్తావించారు. అనంతరం కొద్ది సేపటికే బీఆర్‌ఎస్‌ సభ్యులు సభలోకి ప్రవేశించారు. 

హుజూరాబాద్‌: రాష్ట్రంలోని అన్నివర్గాల సంక్షేమానికి కృషి చేస్తున్న బీఆర్‌ఎస్‌ ప్రభుత్వం కావాలో.. సంక్షోభం సృష్టించే పార్టీలు కావాలో ప్రజలే ఆలోచించాలని మంత్రి హరీశ్‌రావు అన్నారు. శుక్రవారం కరీంనగర్‌ జిల్లా జమ్మికుంట గాందీచౌక్‌ వద్ద జరిగిన ప్రజా ఆశీర్వాద సభకు ఆయన ముఖ్యఅతిథిగా హాజరయ్యారు. ఈ సందర్భంగా మంత్రి మాట్లాడుతూ, సర్వేలన్నీ బీఆర్‌ఎస్‌ అభ్యర్థి కౌశిక్‌రెడ్డి గెలుస్తారని చెబుతున్నాయని అన్నారు. ఇక హుజూరాబాద్‌లో జీ హుజూర్‌ రాజకీయాలు నడవయని పేర్కొన్నారు. గత ఉప ఎన్నికల్లో గట్టెక్కేందుకు ఈటల రాజేందర్‌ ఎన్నో మాయమాటలు చెప్పారని, దళితబంధు రాదని ఒక అపనమ్మకాన్ని సృష్టించారని ధ్వజమెత్తారు. హుజూరాబాద్‌లో 100 శాతం దళితబంధు అమలుచేసి చరిత్ర సృష్టించామని తెలిపారు. కాంగ్రెస్, బీజేపీలతో రాష్ట్రానికి ఒరిగేదేంలేదన్నారు. సౌభాగ్యలక్ష్మి పథకం కింద ప్రతీ మహిళకు నెలకు రూ.3 వేలు, అలాగే ఆరోగ్యశ్రీ పరిమితిని రూ.15 లక్షలకు పెంచుతామని చెప్పారు. గ్యాస్‌ సిలిండర్‌ను రూ.400కు అందిస్తామని వివరించారు. కౌశిక్‌ రెడ్డిని అత్యధిక మెజారిటీతో గెలిపిస్తే హుజూరాబాద్‌ అభివృద్ధి బాధ్యత తనదే అని మంత్రి హామీ ఇచ్చారు.  ఈటల మాటలు వింటే పదేళ్లు వెనక్కి  హుజూరాబాద్‌ ప్రజలు ఈటల మాటలు వింటే అభివృద్ధిలో పదేళ్లు వెనకబడిపోతారని మంత్రి హరీశ్‌ పేర్కొన్నారు. గెలిచాక హుజూరాబాద్‌ను విడిచిపెట్టి వెళ్లారని విమర్శించారు. ఈసారి హుజూరాబాద్, గజ్వేల్‌లో ఈటల ఓటమి ఖాయమని జోస్యం చెప్పారు. ఢిల్లీ నాయకులను హుజూరాబాద్‌కు తీసుకొస్తున్న ఈటల.. వారితో ఈ నియోజకవర్గానికి ఒరిగే ప్రయోజనం ఏంటో చెప్పాలని ప్రశ్నించారు. దమ్ముంటే ఉప్పల్‌ రైల్వే ఓవర్‌బ్రిడ్జిని వెంటనే పూర్తి చేయించాలని డిమాండ్‌ చేశారు. ఈ కార్యక్రమంలో పార్టీ అభ్యర్థి పాడి కౌశిక్‌రెడ్డి, మాజీ మంత్రి ఇనుగాల పెద్దిరెడ్డి, టూరిజం డెవలప్‌మెంట్‌ సంస్థ చైర్మన్‌ గెల్లు శ్రీనివాస్‌ యాదవ్‌ తదితరులు పాల్గొన్నారు.

అభినవ్‌ మదిశెట్టి, స్నేహా సింగ్‌ జంటగా నటించిన చిత్రం ‘దిల్‌ సే’. మంకల్‌ వీరేంద్ర, రవికుమార్‌ సబ్బాని స్వీయ దర్శకత్వంలో నిర్మించారు. ఈ నెల 4న రిలీజ్‌ కానున్న ఈ సినిమా ప్రీ రిలీజ్‌ వేడుకకు తెలంగాణ రాష్ట్ర విద్యాశాఖ మంత్రి సబితా ఇంద్రారెడ్డి కుమారుడు పి. కౌశిక్‌ రెడ్డి, నిర్మాత బెక్కం వేణుగోపాల్‌ అతిథులుగా హాజరయ్యారు.‘‘ముక్కోణపు ప్రేమకథా చిత్రమిది’’అని మంకల్‌ వీరేంద్ర, రవికుమార్‌ సబ్బాని అన్నారు.  

గులాబీ బాస్‌కు కొరుకుడు పడని సీటుగా హుజూరాబాద్‌ పేరు తెచ్చుకుంది. తనను ధిక్కరించి కమలం గుర్తు మీద మళ్ళీ గెలిచిన ఈటల రాజేందర్‌ను ఈసారి ఎలాగైనా ఓడించాలనే పట్టుదలతో కేసీఆర్ ఉన్నారు. ఈటలకు సరిజోడు అనుకున్న కౌశిక్‌రెడ్డి దుందుడుకు స్వభావం సీఎం కేసీఆర్‌ను చికాకు పెడుతోందట. రాబోయే ఎన్నికల్లో హుజూరాబాద్‌ కారు అభ్యర్థి ఎవరనే ప్రశ్నకు అనేక పేర్లు వినిపిస్తున్నాయి. హుజూరాబాద్‌లో గులాబీ పార్టీ పరిస్థితి ఇప్పుడెలా ఉందంటే..  హుజూరాబాద్‌ ఉప ఎన్నికలో ఓటమి పాలు కావడంతో గులాబీ దళపతి కేసీఆర్‌ మరింత కసిగా వచ్చే ఎన్నికల్లో ధీటైన అభ్యర్థి కోసం వెతుకుతున్నారు. అక్కడి ప్రజల్ని ఆకర్షించడానికి ఉప ఎన్నికల సమయంలోనే దళితబంధు సహా పలు పథకాలు హుజూరాబాద్‌ నుంచే ప్రకటించారు. పార్టీ నియమించిన అభ్యర్థి గెల్లు శ్రీనివాసయాదవ్‌ ఓటమితో.. కాంగ్రెస్ నుంచి కౌశిక్‌రెడ్డిని తీసుకువచ్చి ఎమ్మెల్సీని చేసి, ప్రభుత్వ విప్‌ పదవి ఇచ్చి కేబినెట్ ర్యాంక్ కల్పించారు. హుజూరాబాద్‌ ఇన్‌చార్జ్‌గా నియమించి వచ్చే ఎన్నికల కోసం రెడీ అవ్వమని కౌశిక్‌రెడ్డిని ఆదేశించారు. అయితే, కౌశిక్‌రెడ్డి దూకుడు స్వభావి అనుకుంటే.. ఆయన దుందుడుకు పోకడలతో అందరికీ దూరం అవుతున్నారు. వివాదాస్పద వ్యవహారాలతో పార్టీ పరువును తీస్తున్నారని కేసీఆర్‌కు నివేదికలందాయి.  తెరపైకి ప్రశాంత్‌ రెడ్డి..  కౌశిక్‌రెడ్డిని తీసుకువచ్చి అత్యంత ప్రాధాన్యమిచ్చి, పదవి ఇచ్చి, ఇన్‌చార్జ్‌ బాధ్యతలు అప్పగిస్తే ఇప్పుడు మొత్తం రివర్స్ కావడంతో కేసీఆర్‌కు ఆలోచన మొదలైంది. కౌశిక్‌రెడ్డి ప్రత్యామ్నాయంగా మరొకరిని చూడాలని నిర్ణయించుకున్నారు. కొత్త ముఖాన్ని తీసుకువచ్చి హుజూరాబాద్‌లో నిలపాలని భావిస్తున్నారు. ఆ ఆలోచనతోనే సర్వేలు నిర్వహించగా.. కౌశిక్‌రెడ్డి, ఉప ఎన్నికల అభ్యర్థి గెల్లు శ్రీనివాసయాదవ్‌ను కాదని.. ఓ పోలీస్ ఆఫీసర్‌ను నియోజకవర్గ ప్రజలు ఆదరించడం హాట్‌ టాపిక్‌గా మారింది. బీఆర్ఎస్ అంతర్గత సర్వేల్లో డీఎస్‌పీగా ఉన్న పింగళి ప్రశాంత్‌రెడ్డి పేరు బాగా వినిపించిందట. అయితే, అంతకుముందే మాజీ మంత్రి పెద్దిరెడ్డిని హుజూరాబాద్‌లో ఉండమని కేసీఆర్‌ ఆదేశించారట. హుస్నాబాద్‌ ఎమ్మెల్యే సతీష్‌బాబును హుజూరాబాద్‌ బరిలో దించితే ఎలా ఉంటుందనే చర్చ కూడా జరుగుతోందట. ఈటలకు దూరపు బంధువు.. హుజూరాబాద్‌లో ఈటలకు ధీటుగా డీఎస్పీ పింగళి ప్రశాంత్ రెడ్డి పేరు వినిపించడంపై గులాబీ బాస్ కూడా ఒకింత ఆశ్చర్యపోయారట. కుల, మతాల మధ్య సమైక్యతతో పాటు జాతీయ భావాన్ని, దేశభక్తిని పెంచే క్రమంలో ప్రశాంత్ రెడ్డి.. జమ్మికుంట చౌరస్తాలో ఏర్పాటు చేసిన నిత్య జనగణమన కార్యక్రమం ఆయనకు మంచి పేరు తీసుకువచ్చింది. నిత్య జనగణమన కార్యక్రమాన్ని ఇప్పుడు రాష్ట్రవ్యాప్తంగా అనేక చోట్ల అమలుచేస్తున్నారు. ఆ కార్యక్రమంతో ప్రజలకు చేరువైన ప్రశాంత్ రెడ్డి అయితే ఈటలకు ధీటైన వ్యక్తిగా ప్రచారం సాగుతోంది. ఆయనకు ప్రజల ఆదరణ కూడా ఉండటంతో.. ప్రశాంత్‌పై ఇప్పుడు గులాబీ బాస్ గుడ్ లుక్స్ ఉన్నట్టుగా తెలుస్తోంది. అంతేకాదు, ఈటలకు దూరపు బంధువు కూడా అయిన ప్రశాంత్‌నే బరిలో దింపితే ఎలా ఉంటుందనే ఆలోచన కూడా జరుగుతోందని సమాచారం. తన ప్రమేయమేమీ లేకుండానే ప్రజల్లో ఆదరణ కనిపిస్తున్నప్పుడు సహజంగానే ప్రశాంత్ రెడ్డి లాంటి అధికారుల్లో ఆ అనుభూతి వేరుగా ఉంటుంది. అదీ తనను ఓ పొలిటీషియన్‌గా ప్రజలు చూడాలనుకోవడం పట్ల ఆయన కూడా ఆశ్చర్యపోతున్నారు. ఈ క్రమంలో పింగళి ప్రశాంత్ రెడ్డి అనే డీఎస్పీ.. రాబోయే అసెంబ్లీ ఎన్నికలో హుజూరాబాద్ బీఆర్ఎస్ అభ్యర్థి అవుతారా..? లేక ఆ మూడో కృష్ణుడు పెద్దిరెడ్డా.. సతీష్ అనే చర్చ ఇప్పుడు పొలిటికల్ సర్కిల్స్‌లో మొదలైంది.  ఇది కూడా చదవండి: బీజేపీ ‘పరివార’ చర్చలు

సాక్షి, హైదరాబాద్‌: బీజేపీ నేత, హుజూరాబాద్‌ ఎమ్మెల్యే ఈటల రాజేందర్‌ హత్యకు కుట్ర జరుగుతోందంటూ ఆయన భార్య జమున సంచలన ఆరోపణలు చేసిన విషయం తెలిసిందే. ఈ మేరకు జమున.. ఈటలను హత్య చేసేందుకు రూ. 20 కోట్లు ఖర్చు చేస్తానని ఎమ్మెల్యే పాడి కౌశిక్‌రెడ్డి అన్నాడని ఆమె తెలిపారు. కేసీఆర్‌ ప్రోత్సాహంతోనే కౌశిక్‌రెడ్డి చెలరేగిపోతున్నాడు. మహిళలపై ఇష్టమొచ్చినట్లు మాట్లాడితే చెప్పుల దండ వేస్తారని కౌశిక్‌పై ఈటల జమున మండిపడ్డారు.  మరోవైపు ఈ వ్యవహారంపై మంత్రి కేటీఆర్‌ రియాక్ట్‌ అయ్యారు. దీంతో, ఈటల రాజేందర్‌ భద్రతపై మంత్రి కేటీఆర్‌ ఆరా తీశారు. తనను చంపేందుకు కుట్ర జరుగుతోందన్న ఈటల వ్యాఖ్యల నేపథ్యంలో కేటీఆర్‌.. తెలంగాణ డీజీపీ అంజనీ కుమార్‌కు ఫోన్‌ చేశారు. ఈటల భద్రతపై సీనియర్‌ ఐపీఎస్‌తో వెరిఫై చేయాలని సూచించినట్టు తెలుస్తోంది. కేంద్ర ప్రభుత్వం సెక్యూరిటీ పెంపు వార్తల నేపథ్యంలో రాష్ట్ర ప్రభుత్వం తరఫునే సెక్యూరిటీ ఇవ్వాలని కేటీఆర్‌ చెప్పినట్టు సమాచారం. ఈ క్రమంలో ఈటల రాజేందర్‌కు భద్రత పెంపుపై డీజీపీ అంజనీ కుమార్‌ సమీక్ష చేయనున్నారు. దీంతో, సీనియర్‌ ఐపీఎస్‌ కాసేపట్లో ఈటల ఇంటికి వెళ్లనున్నారు.  ఇదిలా ఉండగా.. ఈటల జమున కామెంట్స్‌పై ఎమ్మెల్సీ కౌశిక్‌రెడ్డి స్పందించారు. ఈటల రాజేందర్ దంపతులు చేసిన వ్యాఖ్యలు నిజాలు కావని తెలిపారు. రూ. 20 కోట్లు ఇచ్చి తాను ఈటలను హత్య చేయిస్తాననేది పచ్చి అబద్దమని పేర్కొన్నారు. ఈటల రాజేందర్ చేసే అన్ని ఆరోపణలపై తాను బహిరంగ చర్చకు నేను సిద్ధమని సవాల్‌ విసిరారు. హత్యా రాజకీయాలను ఈటల కంటే గొప్పగా ఎవరూ చేయలేరని విమర్శించారు. ఎక్కడ  హుజురాబాద్‌లో ఒడిపోతాడనే భయంతో తనను హత్య చేస్తాడేమోననిపిస్తుందని పేర్కొన్నారు. ఈ క్రమంలోనే తాను రాజకీయాల్లోకి వచ్చిందే ఈటల రాజేందర్‌ను ఓడించేందుకని స్పష్టం చేశారు. ఆయన్ను ఓడిస్తేనే నాకు సంతృత్తి ఉంటుందంటూ హాట్‌ కామెంట్స్‌ చేశారు.  ఇది కూడా చదవండి: ఎమ్మెల్యే రాజయ్యపై సర్పంచ్‌ నవ్య ఆరోపణలు.. కడియం కీలక వ్యాఖ్యలు

హైదరాబాద్: ముదిరాజ్ లపై అనుచిత వాఖ్యలు చేసిన ఎమ్మెల్సీ కౌషిక్ రెడ్డిపై తగిన చర్యలు తీసుకోవాలని ఖైరతాబాద్ ముదిరాజ్ సంఘం సభ్యులు ఫిర్యాదు  చేశారు. సందర్భంగా సభ్యులు మాట్లాడుతూ.. ముదిరాజ్ కులస్తులపై కౌషిక్ రెడ్డి అనుచిత వాఖ్యలు దారుణమన్నారు.  కౌషిక్ రెడ్డిపై తగిన చర్యలు తీసుకోవాలని ఇన్ స్పెక్టర్ పి.నిరంజన్ రెడ్డి కోరినట్టు తెలిపారు.

మానకొండూర్‌: ఎమ్మెల్సీ పాడి కౌశిక్‌రెడ్డికి ప్రమాదం తప్పింది. అతడు ప్రయాణిస్తున్న ఫార్చునర్‌ కారు ద్విచక్రవాహనదారుడిని ఢీ కొని, అదుపుతప్పి రోడ్డు కిందకు దూసుకెళ్లింది. బెలూన్స్‌ ఓపెన్‌కావడంతో కౌశిక్‌రెడ్డి, గన్‌మెన్లు, డ్రైవర్‌ స్వల్పగాయాలతో బయటపడ్డారు. ఈ ఘటన మానకొండూర్‌ మండలం శంషాబాద్‌ వద్ద చోటుచేసుకుంది. స్థానికులు, పోలీసుల వివరాల ప్రకారం.. ఎమ్మెల్సీ పాడి కౌశిక్‌రెడ్డి తనకారులో సోమవారం ఉదయం కరీంనగర్‌ నుంచి హుజూరాబాద్‌ బయల్దేరా డు. మానకొండూర్‌ మండలం శంషాబాద్‌ చేరుకోగానే అదే గ్రామానికి చెందిన బూస సంపత్‌ ద్విచక్రవాహనంతో రోడ్డు దాటుతుండగా కౌశిక్‌రెడ్డి ప్రయాణిస్తున్న ఫార్చునర్‌ కారు అతడిని ఢీకొట్టింది. కారు డ్రైవర్‌ అప్రమత్తమై కుడివైపు తిప్పగా.. రోడ్డు కిందకు దిగింది. రెండు చెట్లను ఢీకొట్టబోతుండగా డ్రైవర్‌ తప్పించడంతో చిన్నపాటి కందకంలో దిగింది. కారు ముందుభాగం దెబ్బతింది. ప్రమాదసమయంలో కౌశిక్‌రెడ్డి ముందుసీట్లో కూర్చుకున్నాడు. బెలూన్స్‌ ఓపెన్‌కావడంతో కారులోని వారికి ప్రమాదం తప్పింది. ద్విచక్రవాహనదారుడికి గాయాలు కాగా.. కరీంనగర్‌ ఆస్పత్రికి తరలించారు. కౌశిక్‌రెడ్డి మరోకారులో హుజూరాబాద్‌ వెళ్లిపోయారు. కాగా.. కౌశిక్‌రెడ్డి డ్రైవర్‌ అతివేగంగా, అజాగ్రత్తగా కా రు నడపడంతో తనతండ్రి ప్రమాదానికి గురయ్యాడని సంపత్‌ కొడుకు మహేందర్‌ ఇచ్చిన ఫిర్యాదు మేరకు కేసు నమోదుచేసి దర్యాప్తు చేస్తున్నట్లు సీఐ రాజ్‌కుమార్‌ వివరించారు.

సాక్షి, న్యూఢిల్లీ: ‘తప్పైంది.. నన్ను క్షమించండి’ అని జాతీయ మహిళా కమిషన్‌కు బీఆర్‌ఎస్‌ ఎమ్మెల్సీ పాడి కౌశిక్‌రెడ్డి క్షమాపణ చెప్పారు. తెలంగాణ గవర్నర్‌ తమిళిసై సౌందరరాజన్‌పై చేసిన వ్యాఖ్యలపై నోటీసులు అందుకున్న కౌశిక్‌రెడ్డి.. మంగళవారం ఢిల్లీలోని జాతీయ మహిళా కమిషన్‌ ముందు వ్యక్తిగతంగా హాజరయ్యారు. జాతీయ మహిళా కమిషన్‌ చైర్‌పర్సన్‌ రేఖాశర్మ సుమారు 40 నిమిషాల పాటు ఆయన్ను గతంలో చేసిన వ్యాఖ్యలపై విచారించారు. ఈ సందర్భంగా కమిషన్‌కు కౌశిక్‌రెడ్డి వివరణ ఇచ్చుకున్నారు. అంతేగాక ఈ అంశంలో కమిషన్‌కు క్షమాపణలు చెప్పారని.. త్వరలో గవర్నర్‌ తమిళిసై సౌందరరాజన్‌కు లిఖితపూర్వక క్షమాపణ చెప్తానని కౌశిక్‌రెడ్డి హామీ ఇచ్చినట్లు జాతీయ మహిళా కమిషన్‌ ట్వీట్‌ చేసింది. 

సాక్షి, హైదరాబాద్: తెలంగాణలో గవర్నర్‌ తమిళిసై సౌందరరాజన్‌, కేసీఆర్‌ ప్రభుత్వం మధ్య మాటల యుద్ధం నడిచిన విషయం తెలిసిందే. ఈ నేపథ్యంలో గవర్నర్‌ను టార్గెట్‌ చేసిన బీఆర్‌ఎస్‌ పార్టీ నేతలు తీవ్ర విమర్శలు చేశారు. దీంతో, గవర్నర్‌ కూడా వారికి కౌంటర్‌ ఇచ్చారు.  ఇదిలా ఉండగా.. గవర్నర్‌ తమిళిసై బీఆర్‌ఎస్‌ ఎమ్మెల్సీ పాడి కౌశిక్‌ తీవ్ర పదజాలంతో వ్యాఖ్యలు చేశారు. అసెంబ్లీలో తీర్మానం చేసిన ఫైళ్లను గవర్నర్ తన దగ్గర పెట్టుకున్నారని, ఒక్క ఫైల్‌ను కూడా కదలనివ్వడం లేదని ఆరోపణలు చేశారు. దీంతో, కౌశిక్‌ రెడ్డి వ్యాఖ్యలను జాతీయ మహిళా కమిషన్‌ సీరియస్‌గా తీసుకుంది. కౌశిక్‌రెడ్డి వ్యాఖ్యలను కమిషన్‌ సుమోటోగా తీసుకుని ఎమ్మెల్సీకి నోటీసులు ఇచ్చింది. ఈనెల 21న కమిషన్ ఎదుట విచారణకు హాజరుకావాలని నోటీసుల్లో పేర్కొంది. ఇదిలా ఉండగా.. గవర్నర్‌పై కౌశిక్‌ రెడ్డి వ్యాఖ్యలపై బీజేపీ నేతలు తీవ్ర ఆగ్రహం వ్యక్తం చేశారు. పలుచోట్ల నిరసనలు తెలిపారు.   

సాక్షి ప్రతినిధి, కరీంనగర్‌: ఉమ్మడి కరీంనగర్‌ జిల్లాలో జగిత్యాల మున్సిపల్‌ చైర్‌పర్సన్‌ రాజీనామా వ్యవహారం చల్లబడిందో లేదో మళ్లీ హుజూరాబాద్‌ మున్సిపల్‌ పాలకవర్గం పంచాయితీ తెరపైకి వచ్చింది. హుజూరాబాద్‌ మున్సిపల్‌ చైర్‌ పర్సన్‌ గందె రాధికపై బీఆర్‌ఎస్, బీజేపీ కౌన్సిలర్లు గురువారం ఏకంగా కలెక్టరేట్‌ ఏవో నారాయణకు ఫిర్యాదు ప్రతులను అందజేశారు.  హుజూరాబాద్‌ నుంచి నేరుగా బీఆర్‌ఎస్‌కు చెందిన 22 మంది, బీజేపీకి చెందిన ముగ్గురు కౌన్సిలర్లు కొత్తకొండ వీరభద్రస్వామి దేవస్థానం వద్దకు చేరుకొని చైర్‌పర్సన్‌పై అవిశ్వాసం విషయంలో ఏకతాటిపై ఉండాలని ప్రతిజ్ఞ చేసిన అనంతరం కరీంనగర్‌కు చేరుకొని ఫిర్యాదు చేసినట్లు సమాచారం. దీంతో హుజూరాబాద్‌ అవిశ్వాస వ్యవహారం అధికార బీఆర్‌ఎస్‌ పార్టీలో చర్చనీయాంశమైంది. ఇదే బాటలో జమ్మికుంట పాలకవర్గంలో కూడా అవిశ్వాస ముసలం పుట్టినట్లు సమాచారం. గతనెల 31వ తేదీన జమ్మికుంటలో భారీ బహిరంగ సభలో బీఆర్‌ఎస్‌ అగ్రనేతలంతా బీజేపీ విధానాలపై దుమ్మెత్తిపోసిన రెండురోజులకే అదే పార్టీ నేతలతో కలిసి అవిశ్వాసానికి వెళ్లడం గమనార్హం. ఏకపక్ష నిర్ణయాల వల్లే... హుజూరాబాద్‌ మున్సిపల్‌ చైర్‌ పర్సన్‌ గందె రాధిక భర్త గందె శ్రీనివాస్‌ వ్యవహార శైలి వల్లే అవిశ్వాసం వరకు అసమ్మతి రగడ రాజుకుందనే ప్రచారం మెండుగా ఉంది. గతంలో శ్రీనివాస్‌ వ్యవహారంపై అప్పటి మంత్రి ఈటల రాజేందర్, ప్రస్తుత మంత్రి గంగుల కమలాకర్‌కు, మరికొంత మంది పార్టీ ముఖ్యనేతలకు ఫిర్యాదు చేశారు. అయినా ఆయన వ్యవహార శైలిలో మార్పులేకపోవడం వల్లే అసమ్మతి గళాన్ని వినిపిస్తున్నట్లు సమాచారం. అభివృద్ధి పనుల విషయంలో తోటి కౌన్సిలర్లకు సమాచారం ఇవ్వకుండా, బినావీులతో కాంట్రాక్టు పనులు చేయిస్తూ మెజార్టీ కౌన్సిలర్ల మనోభావాలను పరిగణనలోకి తీసుకోకుండా, అధికారులను భయబ్రాంతులకు గురి చేయడం వల్లే ఈ నిర్ణయానికి మెజార్టీ సభ్యులు తోడైనట్లు తెలిసింది. పాలకవర్గంలో 30 మంది సభ్యులుండగా ఒకరు మృతి చెందారు. 25 మంది కౌన్సిలర్లు కలెక్టర్‌కు ఫిర్యాదు చేశారు. చైర్‌పర్సన్‌కు ముగ్గురు కౌన్సిలర్లు మాత్రమే మద్దతుగా మిగిలారు.  ఎమ్మెల్సీ వద్దకు పంచాయితీ.. 25 మంది కౌన్సిలర్లు గురువారం సాయంత్రం హుజూరాబాద్‌లో ఉన్న ఎమ్మెల్సీ కౌశిక్‌రెడ్డిని కలిసి విషయాన్ని వివరించినట్లు సమాచారం. పార్టీ అధిష్టానం నిర్ణయించిన మేరకు నడుచుకోవాలని, సమస్యను పార్టీ దృష్టికి తీసుకెళ్లి పరిష్కరిస్తానని, ఎలాంటి తొందరపాటు నిర్ణయాలకు తావివ్వద్దని ఎమ్మెల్సీ వారికి సూచించినట్లు సమాచారం. అయినప్పటికీ మెజార్టీ కౌన్సిలర్లు పార్టీ నిర్ణయమే శిరోధార్యమని, తమ ఫిర్యాదును పరిగణలోకి తీసుకోవాలని, పార్టీకి చెడ్డ పేరు వచ్చే విధంగా తాము వ్యవహరించమని, మెజార్టీ సభ్యుల మనోభావాలను గుర్తించి నిర్ణయం తీసుకోవాల్సిందేనని మొరపెట్టుకున్నట్లు వినికిడి. దీంతో ఈ విషయాన్ని ఆయన ప్రణాళికా సంఘం ఉపాధ్యక్షుడు బి.వినోద్‌కుమార్‌ దృష్టికి తీసుకెళ్లారని తెలిసింది. హుజూరాబాద్‌ తరహాలోనే జమ్మికుంట మున్సిపల్‌ పాలకవర్గంలో కూడా ముసలం పుట్టినట్లు సమాచారం. వరుస పరిణామాలతో అధికార పార్టీలో గందరగోళం నెలకొంది.  - గత పాలకవర్గంలోనూ ఇదే తరహాలో అర్ధంతరంగా అవిశ్వాసం ఎదుర్కోవాల్సి వచ్చింది. ఈటల రాజేందర్‌ మంత్రిగా ఉన్న సమయంలో 2018 ఆగస్టులో అప్పుడు చైర్మన్‌గా ఉన్న విజయ్‌కుమార్‌తో రాజీనామా చేయించారు. అనంతరం ఆ స్థానంలో మందా ఉమాదేవి చైర్‌పర్సన్‌గా బాధ్యతలు చేపట్టగా.. ఆమె 10 నెలలపాటు పదవిలో కొనసాగారు. ఆ తరువాత ప్రత్యేకాధికారుల పాలన సాగింది. అనంతరం 2020 జనవరిలో మున్సిపల్‌ ఎన్నికలు జరగ్గా.. జనవరి 27న గందె రాధిక నేతృత్వంలో నూతన పాలకవర్గం కొలువుదీరింది. మూడేళ్లు పూర్తి చేసుకున్న క్రమంలో రాష్ట్రాల అవిశ్వాసాలకు తెరలేవగా.. ఆ మంటలు ఇక్కడ కూడా అంటుకున్నాయి.  చైర్‌పర్సన్‌ రేసులో ముగ్గురు..! బీఆర్‌ఎస్‌–బీజేపీ కౌన్సెలర్లు అవిశ్వాస తీర్మానం ఇవ్వగా.. అన్నీ అనుకూలిస్తే అవిశ్వాసం విజయవంతమైతే చైర్‌పర్సన్‌ స్థానానికి ముగ్గురు పోటీలో ఉన్నారు. మందా ఉమాదేవి, దండ శోభ, వైస్‌ చైర్‌పర్సన్‌ కొల్లిపాక నిర్మల రేసులో ఉన్నట్లు తెలిసింది. ఈ విషయంలో అధిష్టానం నిర్ణయమే ఫైనల్‌ కానుంది.

సాక్షి ప్రతినిధి, కరీంనగర్‌:  ‘‘అమలుకాని వాగ్దానాలతో గద్దెనెక్కిన మోదీ పాలనలో ధరాఘాతంతో దేశ ప్రజలు ఇబ్బందులు పడుతున్నారు. ద్రవ్యోల్బణం పెరిగింది. అప్పులు ఆకాశాన్ని తాకుతుంటే.. రూపాయి పాతాళంలోకి జారిపోయింది. మతం పేరిట చిచ్చురేపడం మినహా బీజేపీ చేసేదేం లేదు. ఆ పార్టీ రాష్ట్ర అధ్యక్షుడు బండి సంజయ్‌ మసీదులు, సమాధులు తవ్వుదామంటూ రెచ్చగొడతారు. తవ్వాల్సింది మసీదులు, సమాధులు కాదు.. హుజూరాబాద్‌లో కాలువలు, డబుల్‌ బెడ్రూం ఇళ్లకు పునాదులు తవ్వుదాం రా..’’మంత్రి కె.తారకరామారావు సవాల్‌ విసిరారు. మంగళవారం మధ్యాహ్నం కరీంనగర్‌ జిల్లాలో ‘కరీంనగర్‌ సర్క్యూట్‌ రెస్ట్‌హౌజ్, ఎమ్మెల్యే కార్యాలయాన్ని ప్రారంభించిన కేటీఆర్‌.. సాయంత్రం జమ్మికుంట డిగ్రీ కాలేజీ మైదానంలో ఎమ్మెల్సీ పాడి కౌశిక్‌రెడ్డి ఆధ్వర్యంలో జరిగిన బహిరంగ సభలో పాల్గొని ప్రసంగించారు. తమ పార్టీ పేరు మాత్రమే మారిందని.. డీఎన్‌ఏ, జెండా, ఎజెండా మారలేదని.. ప్రజల కోసం అవసరమైతే దేవుడితోనైనా కొట్లాడుతామని పేర్కొన్నారు.  సమాధులు కాదు.. పునాదులు తవ్వుదాం!  ప్రధాని మోదీ ఒక్క హామీ కూడా నెరవేర్చలేకపోయారని.. దేశ ప్రజలందరి ఖాతాలో రూ.15 లక్షలు, రైతుల ఆదాయం రెట్టింపు, ఏడాదికి రెండుకోట్ల ఉద్యోగాలు, సొంతిళ్లు అంటూ పలికినవన్నీ ప్రగల్భాలేనని మంత్రి కేటీఆర్‌ విమర్శించారు. ఎంపీ బండి సంజయ్‌ మోదీని దేవుడనడంపై విస్మయం వ్యక్తం చేశారు. ‘‘రూ.400 ఉన్న సిలిండర్‌ను రూ.1,200 చేసినందుకా..? నిత్యావసరాల ధరలు పెంచినందుకా? రూ.70 ఉన్న పెట్రోల్‌ను రూ.110 చేసినందుకా? పెట్రో ఉత్పత్తుల ధరల పెంపుతో జనాల నుంచి రూ.30 లక్షల కోట్లు వసూలు చేసినందుకా? దేనికి మోదీ దేవుడు అయ్యాడు. దేశానికి స్వాతంత్య్రం వచ్చాక 14 మంది ప్రధానులు రూ.56 లక్షల కోట్లు అప్పు చేస్తే.. కేవలం 8 ఏళ్లలో మోదీ ఒక్కడే 100 లక్షల కోట్ల అప్పు చేసినందుకా? చేనేతలపై 5 శాతం జీఎస్టీ విధించినందుకా? గిరిజన రిజర్వేషన్లు కల్పించనందుకా? 30 ఏళ్లలో ఎన్నడూ చూడని నిరుద్యోగం, ద్రవ్యోల్బణం వచ్చినందుకు మోదీ దేవుడు అయ్యాడా?’’అని ప్రశ్నించారు.  ఎవరి పాలనతో అరిష్టం?  ‘రైతుబంధుతో 66 లక్షల మంది రైతులకు రూ.65 వేల కోట్లు ఇచ్చిన కేసీఆర్‌ పాలన అరిష్టమా? లేక 700 మంది రైతుల ప్రాణాలు పోయేందుకు కారణమైన మోదీ పాలన అరిష్టమా? అని మంత్రి కేటీఆర్‌ ప్రశ్నించారు. ‘‘ప్రజలు ఆగం కావొద్దు. మళ్లీ పొరపాటు చేయవద్దు. సానుభూతి మాటలకు మోసపోవద్దు. హుజూరాబాద్‌లో గెలిచిన వ్యక్తి ఇక్కడ లేకుండా పోయారు. కానీ గెల్లు శ్రీనివాస్‌యాదవ్, పాడి కౌశిక్‌రెడ్డి ప్రజల్లోనే ఉంటున్నారన్న సంగతి గుర్తించాలి. వారి వినతి మేరకు రూ.100 కోట్లను మహిళా సంఘాలకు, రూ.10 కోట్ల చొప్పున జమ్మికుంట, హుజూరాబాద్‌ క్రీడామైదానాలను మినీస్టేడియాలుగా మార్చేందుకు నిధులు ఇస్తున్నాం. త్వరలోనే డబుల్‌ బెడ్రూం ఇళ్లు ఇస్తాం’’అని చెప్పారు. ఈసారి పాడి కౌశిక్‌రెడ్డికి తప్పకుండా ప్రజల ఆశీర్వాదం ఉంటుందని వ్యాఖ్యానించారు. పరోక్షంగా ఆయనను ఎమ్మెల్యేగా అభ్యర్థిగా ప్రకటించడంతో అనుచరులు, నేతలు సంతోషం వ్యక్తం చేశారు. ఈ సభలో మంత్రులు గంగుల కమలాకర్, ఎర్రబెల్లి దయాకర్‌రావు, ప్రణాళికా సంఘం ఉపాధ్యక్షుడు బోయినపల్లి వినోద్, ఎమ్మెల్యేలు తదితరులు పాల్గొన్నారు.   ఈటలకు రాజకీయ భిక్ష పెట్టింది కేసీఆరే..  హుజూరాబాద్‌ ఉప ఎన్నికలో ఇది చేస్తాం అది చేస్తామంటూ ఈటల రాజేందర్‌ ప్రగల్భాలు పలికారని, గెలిచాక ఒక్క పైసా పని చేశాడా? అని కేటీఆర్‌ ప్రశ్నించారు. కేసీఆర్‌ పాలన రాష్ట్రానికి అరిష్టమని అంటున్న ఈటల తీరు తల్లిపాలు తాగి రొమ్ము గుద్దినట్టేనని మండిపడ్డారు. 33 మంది సీనియర్లను కాదని 2004లో ఈటలకు ఎమ్మెల్యే టికెట్‌ ఇచ్చి రాజకీయ భిక్ష పెట్టింది కేసీఆర్‌ కాదా అని ప్రశ్నించారు.

హుజూరాబాద్‌ నియోజకవర్గం మరోసారి సంచలనాలకు వేదికగా మారబోతోంది. అదీ గులాబీ పార్టీలోనే పోటీ తీవ్రమయ్యే పరిస్థితి కనిపిస్తోంది. ప్రస్తుతానికి ఆ సీటును గులాబీ పార్టీలో ముగ్గురు ఆశిస్తున్నట్లు చెబుతున్నారు. నియోజకవర్గంలో బలమైన నేతగా ఉన్న సిటింగ్‌ బీజేపీ ఎమ్మెల్యే ఈటల రాజేందర్‌కు పోటీ ఏ స్థాయిలో ఉండబోతోంది? ఈటల మారారు, సీన్‌ మారింది కరీంనగర్ జిల్లా హుజూరాబాద్ నియోజకవర్గంలోని అధికార పార్టీలో మూడు ముక్కలాట నడుస్తుందనే కామెంట్స్‌ వినిపిస్తున్నాయి. మాజీ మంత్రి ఈటల రాజేందర్ బీజేపీలో చేరడంతో హుజూరాబాద్ లో గులాబీ కోట బీటలు వారింది. టీఆర్ఎస్‌లో అక్కడ ఈటలకు ప్రత్యామ్నాయ నేత ఇంకా తయారు కాలేదనే అనిపిస్తోంది. టీఆర్ఎస్ నుంచి బయటకు వచ్చిన ఈటల బీజేపీలో చేరి తిరిగి అసెంబ్లీకి ఎన్నికై తన బలాన్ని చూపించుకున్నారు. ఈ ఎఫెక్ట్ కూడా అక్కడ ఎక్కువే ఉంది. అయితే నియోజకవర్గంలో జరుగుతున్న రాజకీయ పరిణామాలు గులాబీ పార్టీ కేడర్‌లో ఒకింత గందరగోళానికి దారితీస్తున్నాయి. ఇద్దరు ముగ్గురు నేతలు హుజూరాబాద్  టికెట్ కోసం పోటీ పడే అవకాశాలు కనిపిస్తున్నాయి. పెద్దల సభ వద్దు.. శాసనసభ ముద్దు..! 2018లో కాంగ్రెస్ పార్టీ తరపున పోటీ చేసి ఓటమి పాలైన కౌశిక్ రెడ్డి ఆ తరవాత జరిగిన ఉప ఎన్నికల్లో టీఆర్ఎస్ నుంచి పోటీ చేసేందుకు ఆసక్తి చూపారు. కాంగ్రెస్‌ నుంచి వెళ్ళిపోతున్నారని ఊహాగానాలు వచ్చినా.. తానే టీఆర్‌ఎస్ నుంచి పోటీలో ఉండబోతున్నట్టు ఆడియోలు బయటకు వచ్చినా.. మారిన సమీకరణాలు వ్యూహ ప్రతి వ్యూహాల నేపథ్యంలో ఉప ఎన్నికలకు ముందు కారెక్కారు. కానీ టిక్కెట్ దక్కలేదు. గులాబీ దళపతి ఆయనకు ఎమ్మెల్సీ పదవి కట్టబెట్టారు. ఎమ్మెల్సీ ఇచ్చినా కౌశిక్‌రెడ్డి మాత్రం సంతృప్తి చెందలేదు. ఇటీవల ఒక కార్యక్రమంలో ఆయన చేసిన వ్యాఖ్యలు ఇందుకు నిదర్శనంగా ఉన్నాయంటున్నారు. ఎమ్మెల్సీ పదవి తృప్తిగా లేదు తనను ఎమ్మెల్యేగా గెలిపించండి అని కౌశిక్ వ్యాఖ్యానించారు. అందరూ తనను ఆశీర్వదించాలని కోరారు. ముచ్చటగా ముగ్గురి పోటీ మరోవైపు ఉప ఎన్నికలో టీఆర్ఎస్ నుంచి పోటీ చేసి ఈటల మీద ఓడిపోయిన గెల్లు శ్రీనివాస్ యాదవ్ కూడా తానేం తగ్గేదెలే అంటున్నారు. వచ్చే ఎన్నికల్లో హుజూరాబాద్‌ నుంచి  పోటీ చేసేది తానే అని ప్రెస్ మీట్ పెట్టి మరీ ప్రకటించారు. ఇక మునుగోడుతో రాష్ట్రంలో పొడిచిన కొత్త పొత్తుల్లో హుస్నాబాద్‌ నియోజకవర్గంలో కూడా పరిణామాలు మారే అవకాశాలున్నాయి. పొత్తు కుదిరితే కనుక ఆ సీటు సీపీఐకి వెళ్తుంది. అప్పుడు సిట్టింగ్ టీఆర్‌ఎస్ ఎమ్మెల్యే సతీష్ బాబు సొంత నియోజకవర్గం అయిన హుజూరాబాద్‌కి వచ్చే అవకాశాలు కనిపిస్తున్నాయి. సతీష్‌బాబు కూడా సొంత నియోజకవర్గానికి వస్తే హుజూరాబాద్‌ కోరుకునే వారి సంఖ్య మూడుకు చేరుతుంది. ఈ నేపథ్యంలో వచ్చే ఎన్నికల్లో హుజూరాబాద్ టిక్కెట్ ఎవరికి అన్న ప్రశ్న తలెత్తుతోంది. కొత్త వారు కూడా ఈ సెగ్మెంట్‌ను  కోరుకునే ఛాన్స్ ఉందనే టాక్ కూడా వినిపిస్తోంది. హుజూరాబాద్ నియోజకవర్గంలో ఈటల రాజేందర్ సీనియర్ ఎమ్మెల్యే, మాజీ మంత్రి. ఆయన్ను తట్టుకుని నిలబడే వారు అక్కడ గానీ చుట్టుపక్కల గానీ గులాబీ పార్టీలో కనిపించరనే టాక్ నడుస్తోంది. టీఆర్ఎస్ నుంచి ముగ్గురు పోటీ పడే పరిస్తితి వస్తే అది ఈటలకే ప్లస్ అవుతుందని భావిస్తున్నారు. టీఆర్ఎస్ టిక్కెట్‌ను కేసీఆర్ ఎవరికి ఇస్తారో చూడాలి. - పొలిటికల్‌ ఎడిటర్‌, సాక్షి డిజిటల్‌ feedback@sakshi.com

సాక్షి, హైదరాబాద్‌: మునుగోడు ఉప ఎన్నిక ఫలితాలు వెలువడటంతో నాయకుల పరస్పర విమర్శలు రాజకీయ వేడిని తగ్గనీయడం లేదు. తాజాగా టీఆర్‌ఎస్‌ గెలుపును తక్కువ చేసి మాట్లాడతున్న నాయకులపై ఆ పార్టీ ఎమ్మెల్సీ పాడి కౌశిక్‌ రెడ్డి తీవ్ర స్థాయిలో ధ్వజమెత్తారు. మందికి నీతులు వల్లించే ఈటల రాజేందర్‌ సొంత నియోజకవర్గం హుజురాబాద్‌లో ఏం చేశారని ప్రశ్నించారు. ఎమ్మెల్యేగా గెలిచి ఏడాది అవుతున్న సొంత నియోజకవర్గానికి ఏం చేశారో చెప్పాలని డిమాండ్‌చేశారు. ఆయన హత్యా రాజకీయాలు చేసే వ్యక్తి అని కౌశిక్‌రెడ్డి ఆరోపించారు. టీఆర్‌ఎస్‌ ఎమ్మెల్సీ మీడియాతో సోమవారం మాట్లాడుతూ.. ఈటల రాజేందర్ ఈ వందల కోట్లు ఎక్కడి నుండి తెచ్చారో చెప్పాలి. చొప్పరి వేణు నీతో ఉంటాడా లేదా? ఈటల హత్య రాజకీయాలు చేసే వ్యక్తి. ప్రవీణ్ యాదవ్‌ను పోలీసుల టార్చర్ తో చంపింది నిజం కాదా? నన్ను కూడా చంపే ప్రయత్నం చేయలేదా? ఇన్ని గ్రామాల్లో ప్రచారం చేస్తే కానీ గొడవలు.. మీ భార్య సొంత ఊరిలో ఎలా గొడవలు చేశారు. పలివెల గ్రామంలో పల్లా రాజేశ్వర్ రెడ్డినీ చంపే కుట్ర చేశారు’ అని విమర్శలు చేశారు. (చదవండి: తెలంగాణ సర్కార్‌కి గవర్నర్‌ లేఖ.. అందులో ఏముంది?) ఇష్టానుసారంగా మాట్లాడితే కబర్ధార్! ‘వివేక్ నీ మొహానికి మళ్ళీ ఎంపీ గా గెలవగలవా? నువ్వు కనీసం వార్డ్ మెంబర్ గా గెలిచే స్థితి లేదు. కేటీఆర్ పైన ఇష్టానుసారంగా మాట్లాడితే బిడ్డ కబర్దార్‌. కేసిఆర్, కేటీఆర్ పైన ఇక నుండి ఏం మాట్లాడిన ఉర్కించి కొడతాం. బిడ్డ బీజేపీ నాయకుల్లారా ఇక నుండి మీ ఆటలు సాగవు. ఈటల రాజేందర్ నువ్వు గెలిచి ఏడాది దాటింది. హుజూరాబాద్ లో చేసిందేమిటి. రూ. 3000 పెన్షన్ అన్నవ్ ఇప్పటి వరకు ఇచ్చావా? రోడ్లు, డ్రైనేజ్ లైన అభివృద్ధి చేసినవా?’అని కౌశిక్‌రెడ్డి ప్రశ్నించారు. కాగా, వామపక్షాల భిక్షతో టీఆర్‌ఎస్‌ గెలిచిందని ఈటల రాజేందర్‌ విమర్శించిన సంగతి తెలిసిందే. విచ్చలవిడిగా మద్యం, డబ్బు పంపిణీ చేసి టీఆర్‌ఎస్‌ నేతలు ఓటర్లను ప్రలోభపెట్టారని, అధికార పార్టీకి పోలీసులు కూడా సహాకరించారని ఆరోపించారు. (చదవండి: బీజేపీ ఓటమిపై ఈటల హాట్‌ కామెంట్స్‌.. వారి భిక్షతోనే టీఆర్‌ఎస్‌ గెలిచింది!)

తెలంగాణ రాజ్‌భవన్‌, ప్రగతిభవన్ మధ్య దూరం మరింతగా పెరుగుతోందా? గవర్నర్, ముఖ్యమంత్రి మధ్య మాటలు ఎందుకు లేవు? రాజ్‌భవన్‌కు సీఎం ఎందుకు వెళ్ళడంలేదు. అసెంబ్లీకి గవర్నర్‌ను ఎందుకు ఆహ్వానించడంలేదు? గవర్నర్‌కు ఇవ్వాల్సిన ప్రోటోకాల్‌ను తెలంగాణ సర్కార్ ఎందుకు పాటించడంలేదు?  తెలంగాణ గవర్నర్ తమిళిసై రాజ్‌భవన్‌లో బాధ్యతలు తీసుకుని మూడు సంవత్సరాలు పూర్తైన సందర్భంగా చేసిన వ్యాఖ్యలు చర్చనీయాంశమయ్యాయి. గవర్నర్ తమిళిసై.. తెలంగాణ ప్రభుత్వం మీద విమర్శలు గుప్పించారు. తాను పరిధి అతిక్రమించానంటూ కొందరు విమర్శలు చేస్తున్నారని, గవర్నర్‌గా తన పరిధి, బాధ్యతలు ఏంటో తనకు తెలుసని ఆమె స్పష్టం చేశారు. గవర్నర్‌ రాజకీయాలు చేస్తున్నారంటూ ఆరోపణలు చేస్తున్నవారు.. సీఎం చేస్తున్న రాజకీయాల గురించి ఎందుకు మాట్లాడరని ప్రశ్నించారు. రాజ్‌భవన్‌ పట్ల ముఖ్యమంత్రి వివక్ష ఎందుకు చూపిస్తున్నారని అడిగారు గవర్నర్ తమిళిసై. గవర్నర్‌కు ఇవ్వాల్సిన కనీస ప్రోటోకాల్‌ను తెలంగాణ ప్రభుత్వం పాటించడంలేదని, ప్రభుత్వం తనను అనేకసార్లు ఇబ్బంది పెట్టిందని కూడా ఆమె కామెంట్‌ చేశారు. సమక్క, సారలమ్మ జాతరకు వెళ్ళేందుకు హెలికాప్టర్‌ అడిగితే ఇవ్వలేదని, తాను నాలుగు గంటల పాటు కారులో ప్రయాణం చేసి అక్కడకు వెళ్ళినట్లు చెప్పారు. తన పర్యటనకు కనీస ఏర్పాట్లు కూడా చేయలేదని చెప్పారు. అసెంబ్లీ సమావేశాల సంయుక్త సెషన్‌కు ఆహ్వానించలేదని, రిపబ్లిక్‌ డే సందర్భంగా పతాకావిష్కరణకు అవకాశం ఇవ్వలేదని, రాజ్‌భవన్‌లో ఎట్ హోం కార్యక్రమానికి వస్తానని సమాచారం ఇచ్చి హాజరు కాలేదని గవర్నర్‌ తమిళిసై మీడియాకు వివరించారు. తాను గవర్నర్‌గా ఉన్న మూడేళ్ళ వ్యవధిలో రాజ్‌భవన్‌ను ప్రజా భవన్‌గా మార్చానని గవర్నర్‌ చెప్పారు. దాదాపు ఏడాది కాలంగా ప్రగతిభవన్, రాజ్‌భవన్‌  మధ్య దూరం పెరుగుతూ వస్తోంది. హుజూరాబాద్‌లో పాడి కౌశిక్‌రెడ్డిని గవర్నర్ కోటాలో మండలికి పంపాలని సిఫార్సు చేస్తే.. గవర్నర్ ఆ ఫైల్‌ను పక్కన పెట్టారు. ఇక అప్పటి నుంచే ముఖ్యమంత్రికి, గవర్నర్‌ మధ్య గ్యాప్‌ పెరగడం మొదలైందనే ప్రచారం సాగుతోంది. ఆ తర్వాత జరిగిన అనేక పరిణామాలు, సంఘటనలు సామాన్యులకు సైతం అర్థం కాలేదు. ఈ సందర్భంగా గవర్నర్ పలుసార్లు తన అసహనాన్ని, అసంతృప్తిని బహిరంగంగానే వెలిబుచ్చారు. అయినా తెలంగాణ సర్కార్‌ తన ధోరణిలోనే తాను ముందుకు సాగుతోంది. అయితే జులై మాసంలో హైకోర్టు చీఫ్ జస్టిస్ ప్రమాణస్వీకారం జరిగితే రాజ్‌భవన్‌కు ముఖ్యమంత్రి కేసీఆర్ హాజరయ్యారు. గవర్నర్ తమిళిసైతో మామూలుగానే మాట్లాడారు. దీంతో ఇద్దరి మధ్యా మళ్ళీ సయోధ్య కుదిరిందని అందరూ భావించారు. ఆగస్ట్ 15న రాజ్‌భవన్‌లో నిర్వహించిన ఎట్ హోం కార్యక్రమానికి వస్తానని సమాచారం ఇచ్చిన కేసీఆర్ డుమ్మా కొట్టారు. ఈ ఘటనతో రాజ్‌భవన్‌, ప్రగతి భవన్‌ ఇప్పట్లో దగ్గర కావనే విషయం నిర్ధారణ అయింది.  ప్రభుత్వం తనకు ఇవ్వాల్సిన కనీస గౌరవాన్ని ఇవ్వడంలేదని గవర్నర్‌ భావిస్తున్నారు. అందుకే తాను ఎక్కడకు వెళ్ళినా కేంద్ర ప్రభుత్వానికి చెందిన కార్యక్రమాల్లో పాల్గొంటున్నారు. ప్రభుత్వం ప్రోటోకాల్‌ పాటించకపోయినా తాను ప్రజలకు చేయాల్సిన పనులు చేస్తూనే ఉంటానని.. రాజ్‌భవన్‌ను ఈ మూడేళ్ళ కాలంలో ప్రజాభవన్‌గా మార్చానని తమిళిసై చెబుతున్నారు.

సాక్షి ప్రతినిధి, కరీంనగర్‌/హుజూరాబాద్‌: ‘ఎమ్మెల్యే ఈటల రాజేందర్‌ ఓ బ్రోకర్‌. నియోజ­కవర్గం అభివృద్ధిపై చర్చకు రమ్మంటే రాకుండా పారిపోయిన దద్దమ్మ’అని ఎమ్మెల్సీ పాడి కౌశిక్‌రెడ్డి అన్నారు. ‘ఈటల హుజూరాబాద్‌లో ఓట్ల కోసం యాక్టర్, హైదరాబాద్‌లో జోకర్, ఢిల్లీలో బ్రోకర్‌’అని ఎద్దేవా చేశారు. రాజేందర్‌ పెద్ద బ్రోకర్‌ అన్న సంగతిని బీజేపీ జాతీయ నేతలు గుర్తించి దేశంలో ఎక్కడా లేనివిధంగా రాష్ట్రంలో చేరికల కమిటీకి ఆయన్ను చైర్మన్‌గా చేశారన్నారు. శుక్రవారం కరీంనగర్‌ జిల్లా హుజూరాబాద్‌లోని అంబేద్కర్‌ చౌరస్తాలో నియోజకవర్గం అభివృద్ధిపై ఈటల చర్చకు రావాలని ఏర్పాటు చేసిన వేదికపైనుంచి కౌశిక్‌ మాట్లాడారు. 18 ఏళ్లు ఎమ్మెల్యే, ఏడున్నరేళ్లు మంత్రిగా పనిచేసిన ఈటల తన సొంతూరు కమలాపూర్‌కు కనీసం బస్టాండ్, శ్మశానవాటిక కట్టించలేకపోయారని విమర్శించారు. కేసీఆర్‌ను బీజేపీ నేతలు తూలనాడితే సహించబోమని, వారిని బట్టలూడదీసి తరిమికొడ­తామని హెచ్చరించారు. తనది కౌశిక్‌రెడ్డి స్థాయి కాదన్న రాజేందర్‌.. తాను ఎమ్మెల్సీనన్న సంగతి మర్చిపోయారని, ప్రొటోకాల్‌ ప్రకారం తన కంటే ఈటల చిన్న అని ఎద్దేవా చేశారు. అనంతరం రాజేందర్‌ కోసం వేదికపై ఏర్పాటు చేసిన కుర్చీకి కౌశిక్‌రెడ్డి దండ వేసి నిరసన తెలిపారు. కాగా, కౌశిక్‌రెడ్డి వేదిక మీదకు రాగానే మహిళా మోర్చానేతలు బీజేపీ అనుకూల నినాదాలు చేయడంతో పోలీసులు కలగజేసుకుని అక్కడ నుంచి పంపించేశారు. సభ అనంతరం బీజేపీ నేతలు అక్కడికి రావడంతో కాసేపు తోపులాట, ఉద్రిక్త పరిస్థితులు నెలకొన్నాయి.

హుజూరాబాద్‌: ఉప ఎన్నికల్లో గెలిచిన తర్వాత ప్రజలకు ఏం అభివృద్ధి చేశారో చెప్పాలని కోరితే సమాధానం చెప్ప కుండా ఎమ్మెల్యే ఈటల రాజేందర్‌ ముఖం చాటేస్తున్నా రని ఎమ్మెల్సీ పాడి కౌశిక్‌ రెడ్డి విమర్శించారు. బుధవారం హుజూరాబాద్‌లోని టీఆర్‌ఎస్‌ కార్యాలయంలో ఆయన విలేకరులతో మాట్లాడుతూ.. హుజూరాబాద్‌ అభివృద్ధికి కేంద్ర ప్రభుత్వం నుంచి నిధులు తీసుకురావాలని సవాల్‌ విసిరినా ఈటల స్పందించకపోవడం తన తప్పును అంగీకరించినట్లేనని స్పష్టం చేశారు. 5న హుజూ రాబాద్‌ అంబేడ్కర్‌ చౌరస్తా వద్ద నియోజకవర్గ ప్రజల మధ్యే అభివృద్ధిపై చర్చ పెట్టుకుందామన్నారు. సమావేశంలో ఎస్సీ కార్పొరేషన్‌ చైర్మన్‌ బండ శ్రీనివాస్, జెడ్పీ చైర్‌పర్సన్‌ కనుమల్ల విజయ, మున్సిపల్‌ చైర్‌పర్సన్‌ రాధిక పాల్గొన్నారు. 

సాక్షి, హైదరాబాద్‌: హుజూరాబాద్‌ నియోజకవర్గంలో సీఎం కేసీఆర్‌ చేసిన అభివృద్ధిని చూపించేందుకు తాను సిద్ధమని.. ఎమ్మెల్యేగా ఈటల రాజేందర్‌ చేసిందేమిటో చూపించాలని ఎమ్మెల్సీ పాడి కౌశిక్‌రెడ్డి సవాల్‌ చేశారు. హుజూరాబాద్‌లోని అంబేడ్కర్‌ చౌరస్తాలో ఈ నెల 5న బహిరంగ చర్చకు వేచి చూస్తానని ఆయన ప్రకటించారు. టీఆర్‌ఎస్‌ పార్టీ శాసనసభా పక్ష కార్యాలయంలో మంగళవారం ఎమ్మెల్సీ కౌశిక్‌రెడ్డి విలేకరులతో మాట్లాడారు. హుజూరాబాద్‌లో ఏమీ సాధించని ఈటల రాజేందర్‌ గజ్వేల్‌లో సీఎం కేసీఆర్‌పై పోటీ చేస్తానని ఉత్తర కుమార ప్రగల్భాలు పలుకుతున్నారని ఎద్దేవా చేశారు. స్వగ్రామం కమలాపూర్‌లో కనీసం బస్టాండ్‌ కూడా ఈటల నిర్మించలేకపోయారని, సిద్దిపేట, సిరిసిల్ల తరహాలో హుజూరాబాద్‌లో అభివృద్ధి ఎందుకు సాధించలేక పోయారో ఈటల రాజేందర్‌ వివరణ ఇవ్వాలని డిమాండ్‌ చేశారు. బీజేపీ రాష్ట్ర అధ్యక్షుడు బండి సంజయ్‌ కూడా ఈటల రాజేందర్‌ను జోకర్‌లా చూస్తున్నారని, బీజేపీలో చేరిన తర్వాత ఆయన పరిస్థితి దిగజారిపోయిందని ఎద్దేవా చేశారు. అధికారిక కార్యక్రమాలకు ఈటల రాజేందర్‌ను నియోజకవర్గ అధికారులు ఆహ్వానిస్తున్నా రావడం లేదని, శిలాఫలకాలపై తనతో పాటు ఈటల పేరు లేకుంటే ముక్కు నేలకు రాస్తానని ఎమ్మెల్సీ పాడి కౌశిక్‌రెడ్డి పేర్కొన్నారు. చదవండి: టీఆర్‌ఎస్‌కు షాక్‌.. బీజేపీలోకి మంత్రి సోదరుడు!

సాక్షి, హైదరాబాద్‌/నెట్‌వర్క్‌: శాసనమండలి ఎమ్మెల్యే కోటా ఎమ్మెల్సీలుగా టీఆర్‌ఎస్‌ పార్టీ తరపున నామినేషన్లు దాఖలు చేసిన ఆరుగురు అభ్యర్థులు ఏకగ్రీవంగా ఎన్నికయ్యారు. వారికి అసెంబ్లీ ఎన్నికల రిటర్నింగ్‌ అధికారి సోమవారం సాయం త్రం ధ్రువీకరణ పత్రాలు అందజేశారు. ఏకగ్రీవంగా ఎన్నికైన వారిలో గుత్తా సుఖేందర్‌రెడ్డి, కడి యం శ్రీహరి, తక్కల్లపల్లి రవీందర్‌రావు, బండా ప్రకాశ్‌ ముదిరాజ్, పాడి కౌశిక్‌రెడ్డి, పి.వెంకట్రామిరెడ్డి ఉన్నారు. శాసనమండలి ఎమ్మెల్యే కోటాలో ఖాళీగా ఉన్న ఆరు స్థానాలకు ఈ నెల 9 నుంచి 16 వరకు నామినేషన్లు స్వీకరించగా, టీఆర్‌ఎస్‌ నుంచి ఆరుగురు అభ్యర్థులతోపాటు మరో ఇద్దరు స్వతంత్రులుగా నామినేషన్లు వేశారు. అయితే స్వతంత్ర అభ్యర్థుల నామినేషన్లు పరిశీలనలో తిరస్కరణకు గురవడంతో బరిలో టీఆర్‌ఎస్‌ నుంచి నామినేషన్‌ వేసిన ఆరుగురు మాత్రమే మిగిలారు. సోమవారం మధ్యాహ్నం 3 గంటలకు నామినేషన్ల ఉపసంహరణ గడువు ముగియడంతో ఆరుగురు టీఆర్‌ఎస్‌ అభ్యర్థులు ఏకగ్రీవంగా ఎన్నికైనట్లు రిటర్నింగ్‌ అధికారి ప్రకటించారు. ఎమ్మెల్సీలుగా ఎన్నికైన అభ్యర్థులు సాయంత్రం శాసనసభ వ్యవహారాల శాఖ మంత్రి వేముల ప్రశాంత్‌రెడ్డి, ఎమ్మెల్సీ శేరి సుభాష్‌రెడ్డితో కలిసి అసెంబ్లీ ప్రాంగణానికి వచ్చి రిటర్నింగ్‌ అధికారి నుంచి ధ్రువీకరణ పత్రాలు తీసుకున్నారు. అనంతరం వారు మీడియాతో మాట్లాడుతూ తమకు చట్టసభలో అవకాశమిచ్చిన పార్టీ అధినేత కేసీఆర్, వర్కింగ్‌ ప్రెసిడెంట్‌ కేటీఆర్‌కు కృతజ్ఞతలు తెలిపారు. తెలంగాణను చూసి ఓర్వలేకనే..: కడియం శ్రీహరి  ‘అభివృద్ధిలో తెలంగాణ రాష్ట్రం దేశంలోనే ముందంజలో ఉంది. సీఎం కేసీఆర్‌ నాయకత్వంలో చిత్తశుద్ధితో పనిచేస్తాం. అభివృద్ధిలో నూతన ఒరవడికి శ్రీకారం చుట్టిన కేసీఆర్‌ అన్ని ప్రాంతాలు, వర్గాలకు న్యాయం చేసేందుకు కృషి చేస్తున్నారు. దేశంలో వేగంగా అభివృద్ధి చెందుతున్న తెలంగాణను చూసి ఓర్వలేక కేంద్రంలోని బీజేపీ ప్రభుత్వం అనేక ఇబ్బందులకు గురి చేస్తోంది. కేంద్రంలో మోదీ అధికారంలోకి వచ్చి ఏడేళ్లు కావస్తుండగా, జీడీపీ భారీగా తగ్గి కరోనా సమయంలో అట్టడుగుకు పడిపోయింది. మోదీ పాలనాదక్షుడైతే దేశ జీడీపీ ఎలా తగ్గిందో రాష్ట్ర బీజేపీ నేతలు వివరించాలి. ధాన్యం సేకరణ అంశం కేంద్రం పరిధిలోనిదే అయినప్పటికీ కొనుగోలు చేయకుండా సమస్యలు సృష్టిస్తోంది’ అని శ్రీహరి అన్నారు.

సాక్షి ప్రతినిధి, కరీంనగర్‌: జిల్లాలో ఎమ్మెల్సీ ఎన్నికల వేడి పెరిగింది. ఎమ్మెల్యే కోటాలో అభ్యర్థుల జాబితా ఖరారైన నేపథ్యంలో పలువురికి ప్రగతిభవన్‌ నుంచి సీఎం నేరుగా ఫోన్‌చేసినట్లు సమాచారం. స్థానిక సంస్థల కోటాలో పన్నెండు, ఎమ్మెల్యే కోటాలో ఆరు సీట్లను దక్కించుకునేందుకు గులాబీ పార్టీ ఇప్పటికే అన్ని ఏర్పాట్లు చేసుకుంది. ఉమ్మడి జిల్లా నుంచి మొత్తం నాలుగు సీట్లు దక్కనున్నాయి. వాస్తవానికి ఆరుగురు అభ్యర్థుల్లో బీసీ సామాజికవర్గం నుంచి ఎల్‌.రమణ, రెడ్డి సామాజిక వర్గం నుంచి పాడి కౌశిక్‌రెడ్డికి స్థానాలు ఖరారయ్యాయని సమాచారం. ఇటీవల గవర్నర్‌ కోటాలో పాడి కౌశిక్‌రెడ్డిని ఎమ్మెల్సీ అభ్యర్థిగా నామినేట్‌చేసినా.. ఆయనపై ఉన్న కేసుల కారణంగా అది వాస్తవరూపం దాల్చలేదు. దీంతో ఎమ్మెల్యే కోటాలో అధిష్టానం కౌశిక్‌కు బెర్త్‌ కన్‌ఫర్మ్‌  చేసిందని ప్రచారం జరుగుతోంది.  చదవండి: సిద్దిపేట కలెక్టర్‌ వెంకట్రామిరెడ్డి రాజీనామా.. వెంటనే ఆమోదం స్థానిక సంస్థల కోటాలో తెరపైకి ముగ్గురు! త్వరలో స్థానిక సంస్థల కోటాలో ఉమ్మడి జిల్లా నుంచి రెండు స్థానాలు ఖాళీ అవనున్నాయి. ఈనెల 16వ తేదీన నోటిఫికేషన్‌ వెలువడనున్న నేపథ్యంలో రెండుస్థానాల ఆశావహుల జాబితా కూడా రెడీ అయిందని సమాచారం. ప్రస్తుతం ఓసీ (వెలమ సామాజికవర్గం) భానుప్రసాదరావు, బీసీ (ఎల్లాపు) నుంచి నారదాసు లక్ష్మణరావు ఎమ్మెల్సీలుగా ఉన్నారు. ఈసారి వెలమసామాజికవర్గానికి చెందిన చెన్నాడి సుధాకర్‌రావు, బీసీ (యాదవ) నుంచి గెల్లు శ్రీనివాస్‌యాదవ్‌తోపాటు, మాజీ జెడ్పీటీసీ వీర్ల వెంకటేశ్వరరావు పేర్లు పరిశీలనలో ఉన్నాయని సమాచారం.  భాను ప్రసాద్‌కు ఎమ్మెల్యే టికెట్‌హామీ దక్కడంతో ఆయన పోటీ చేయడం లేదని ప్రచారం జరుగుతోంది. మరోవైపు నారదాసు లక్ష్మ ణరావుకు ఇప్పటికే రెండుసార్లు అవకాశం కల్పించిన నేపథ్యంలో మూడోసారి ఎమ్మెల్సీ టికెట్‌ దక్కే చాన్స్‌లు దాదాపుగా లేవనే చెబుతున్నారు. పార్టీ మొత్తంగా భర్తీ చేయనున్న 18 సీట్లలో నాలుగు సీట్లు ఉమ్మడి జిల్లా నుంచి భర్తీ కానుండటం గమనార్హం.  హుజూరాబాద్‌ ఓటమిని మరిచిపోయేలా..  మరోవైపు పార్టీలో హుజూరాబాద్‌ ఉప ఎన్నిక ఓ టమి తీరని నైరాశ్యాన్ని నింపింది. నాలుగైదు నెలలపాటు భారీ మెజారిటీతో గెలుస్తామన్న ధీమాగా ఉన్న పార్టీకి ఈటల విజయం సాధించడంతో ఊ హించని భంగపాటు ఎదురైంది. దీంతో గులాబీ శ్రేణులు ఒక్కసారిగా ఢీలా పడ్డాయి. అందుకే, ఆ నష్టాన్ని పూడ్చాలంటే.. రాబోయే ఎమ్మెల్యే, ఎమ్మెల్సీ కోటాలో సీట్లు కైవసం చేసుకుని తిరిగి పార్టీ శ్రేణుల్లో ఉత్తేజాన్ని నింపాలి. అందుకే, పకడ్బందీగా ప్లాన్‌ చేసి ప్రతిపక్షాలను తిరిగి ఆత్మరక్షణ ధోరణిలో పడేసేలా పావులు కదుపుతోంది. తెలంగాణ ఉద్యమకాలం నుంచి ఆది నుంచి టీఆర్‌ఎస్‌కు కంచుకోటగా ఉన్న కరీంనగర్‌ జిల్లాపై ఎట్టి పరిస్థితుల్లోనూ పట్టు సడలనీయవద్దన్న పట్టుదలతో పకడ్బందీగా ముందుకు సాగుతోంది. 

సాక్షి , కరీంనగర్‌: కరీంనగర్‌లో టీఆర్‌ఎస్‌ పార్టీకి తొలిసారిగా ఎదురుదెబ్బ తగిలింది. గతంలో రెండుసార్లు ఎంపీ పదవికి కేసీఆర్, ఎమ్మెల్యేల పదవికి కేటీఆర్, ఈటల రాజేందర్‌ రాజీనామా చేసినా ప్రజలు గెలిపించారు. అలాంటి బలమైన పునాదులు ఉన్న జిల్లాలో.. అందులోనూ పార్టీలో సీనియర్‌ నేత ఎంపీ, కెప్టెన్‌ లక్ష్మీకాంతరావు సొంత ప్రాంతమైన హుజూరాబాద్‌లో ప్రతికూల ఫలితం రావడాన్ని పార్టీ వర్గాలు జీర్ణించుకోలేకపోతున్నాయి. దాదాపు రెండు దశాబ్దాలుగా హుజూరాబాద్‌ అసెంబ్లీ సెగ్మెంట్‌ టీఆర్‌ఎస్‌ పార్టీకి కంచుకోటగా నిలుస్తూ వస్తోంది. ఆ కంచుకోటపై నేడు కాషాయజెండా ఎగరడంపై టీఆర్‌ఎస్‌ పార్టీ సమీక్ష ప్రారంభించింది. 23,855 ఓట్ల తేడాతో తమ సిట్టింగ్‌ స్థానంలో ప్రత్యర్థి విజయం సాధించడంతో.. ఎక్కడ తేడా కొట్టిందో తెలుసుకునే పనిలో మునిగింది. పార్టీ జిల్లా నాయకత్వాన్ని అధిష్టానం నివేదిక అడగనున్నట్లు తెలిసింది. పట్టున్న ప్రాంతాల్లోనూ ప్రత్యర్థిదే పైచేయి హుజూరాబాద్‌ నియోజకవర్గంలో మొత్తం ఐదు మండలాలు ఉన్నాయి. ఇందులో కమలాపూర్‌ ఈటల రాజేందర్‌ సొంతప్రాంతం. ఇక్కడ బీజేపీకి ఆధిక్యంరావడంలో వింతేంలేదు. మిగిలినవి హుజూరాబాద్, జమ్మికుంట, ఇల్లందకుంట, వీణవంక. ఈ ప్రాంతాల్లోని మెజారిటీ గ్రామాల్లో టీఆర్‌ఎస్‌ అనుకూల సర్పంచులే. జమ్మికుంట, హుజూరాబాద్‌ మున్సిపాలిటీల్లోనూ టీఆర్‌ఎస్‌ పార్టీనే అధికారంలో ఉంది. హుజూరాబాద్‌ మున్సి పాలిటీ, హుజూరాబాద్‌ రూరల్, వీణవంక మండలాల్లో భారీ మెజారిటీ వస్తుందనుకున్న గులాబీఆశలపై ఓటర్లు నీళ్లు చల్లారు. దీంతో జిల్లా గులాబీ నాయకత్వం గ్రామాలవారీగా పోస్టుమార్టం ప్రారంభించింది. ఎక్కడు ఏ కారణం చేత ఓట్లు తగ్గిపోయాయే తెలుసుకునే పనిలో పడింది. చదవండి: (హుజూరాబాద్‌ నిశ్శబ్ద తీర్పు.. చక్రం తిప్పిన బండి సంజయ్‌) గట్టి నేతలు ఉన్నా..  పాడి కౌశిక్‌రెడ్డి సొంతమండలం వీణవంకలో టీఆర్‌ఎస్‌కు 162 ఓట్ల మెజారిటీ వచ్చింది. జెడ్పీ చైర్మన్‌ కనుమల్ల విజయ ప్రచారం చేసిన ఇల్లందకుంట ప్రాంతంలో బీజేపీ మెజారిటీ 1,423 ఓట్లు. గెల్లు శ్రీనివాస్‌ సొంత గ్రామం హిమ్మత్‌నగర్‌లో బీజేపీకి 549ఓట్లు అధికంగా రావడం గమనార్హం. ఎంపీ కెప్టెన్‌ లక్ష్మీకాంత రావు, హుస్నాబాద్‌ ఎమ్మెల్యే సతీశ్‌బాబుల సొంతగ్రామం సింగాపూర్‌లో టీఆర్‌ఎస్‌ కేవలం 133ఓట్ల మెజారిటీ సాధించింది. ఎస్సీ కార్పొరేషన్‌ బండ శ్రీనివాస్, బీసీ కమిషన్‌ చైర్మన్‌ వకుళాభరణం కృష్ణమోహన్‌ల స్వస్థలమైన హుజూరాబాద్‌ పట్టణంలోనూ బీజేపీకి మెజారిటీ వచ్చింది. సీఎం కేసీఆర్‌ ప్రతిష్టాత్మకంగా దళితబంధు ప్రకటించిన హుజూరాబాద్‌ మండలం శాలపల్లిలో బీజేపీకి 137మెజారిటీ రావడంపై అధిష్టానం తీవ్ర అసంతృప్తిలో ఉందని సమాచారం. త్వరలోనే నివేదిక ఓటమి విషయంలో అధిష్టానం త్వరలోనే ఓ నివేదిక కోరే అవకాశముందని సమాచారం. నాలుగున్నర నెలలుగా హుజూరాబాద్‌లోనే మకాం వేసి ప్రచారం చేసినా.. సానుకూల ఫలితం రాకపోయేసరికి జిల్లా నేతలు ఆత్మావలోకనం ప్రారంభించారు. పార్టీలో భారీగా చేరికలు జరిగినా, దళితబంధులాంటి సంక్షేమ పథకం ప్రవేశపెట్టినా, పెండింగ్‌ పనులు పూర్తి చేసినా, రూ.కోట్లాది నిధులు విడుదల చేసినా ఎందుకు ప్రజలు తమను తిరస్కరించారు? అన్న విషయంలో బుర్రలు బద్ధలు కొంటుకుంటున్నారు. హుజూరాబాద్‌ ఉపఎన్నికలో రాజేందర్‌ విజయానికి సానుభూతే కారణమని.. పార్టీ అ డిగిందే తడవుగా.. వివరణ ఇచ్చేందుకు సిద్ధపడ్డారని సమాచారం. 

సాక్షి, కరీంనగర్‌: వేషం మార్చినంత మాత్రాన ఈటల రాజేందర్‌ ఇవాళ ఉత్తముడు కాదని టీపీసీసీ అధ్యక్షుడు రేవంత్‌రెడ్డి ఎద్దేవా చేశారు. అక్రమ సంపాదన వాటాల్లో గొడవ వల్లే హుజూరాబాద్‌ ఉపఎన్నిక వచ్చిందన్నారు. హుజూరాబాద్‌ ఉపఎన్నిక ప్రచారంలో భాగంగా రెండో రోజు రేవంత్ రెడ్డి ఇల్లందకుంట, కమలాపూర్ మండలాల్లో నిర్వహించిన సభల్లో పాల్గొన్నారు.‌ వరి వేస్తే ఉరి వేసుకున్నట్టే అంటున్న కేసీఆర్‌కు ఎందుకు ఓటు వేయాలని ప్రశ్నించారు. రైతులు పండించిన పంటను కొనలేని పరిస్థితిలో ఉన్న ముఖ్యమంత్రి రాష్ట్రానికి అవసరమా? అన్నారు. బీజేపీ అభ్యర్థి ఈటల రాజేందర్‌, మంత్రి హరీశ్‌రావు ఇద్దరు ఒక్కటేనని విమర్శించారు. చదవండి: (పొమ్మనలేక పొగపెట్టారు: ఈటల) లీటర్ పెట్రోల్‌పై రూ.65 పన్నుల రూపంలో కేంద్ర రాష్ట్ర ప్రభుత్వాలు వసూలు చేస్తున్నాయని తెలిపారు.‌ మోదీ, కేసీఆర్ కలిసి ప్రజలను పన్నుల రూపంలో ముక్కుపిండి వసూలు చేస్తున్న వారికి ఓటుతో బుద్ది చెప్పాలని కోరారు. పింఛన్లు ఇస్తున్నామని చెప్పుకుంటున్న సీఎం కేసీఆర్.. నిరుద్యోగులకు ఉద్యోగాలు ఎందుకు ఇవ్వటం లేదో చెప్పాలన్నారు. కౌశిక్ రెడ్డి కసబ్‌గా మారి పారిపోయాడని, అందుకే అభ్యర్థి ఎంపికలో ఆలస్యమైందన్నారు.‌ ప్రజాసమస్యలు నిరుద్యోగ సమస్యలపై ఏడేళ్లుగా పోరాడుతున్న బల్మూరి వెంకట్‌ను అభ్యర్థిగా తీసుకువచ్చామని ఓటు వేసి బల్మూరి వెంకట్‌ను ఎమ్మెల్యేగా గెలిపించాలని కోరారు.

ఆ గీత దాట లేదు.. సీఎంతో ఆప్యాయతలు లేవు.. విభేదాలూ లేవు. గవర్నర్, సీఎం మధ్య సంబంధాల్లో ఉండాల్సిన గీత ఇది. రాజకీయాలు వేరు.. రాజ్యాంగబద్ధ పదవి వేరు. ఈ రెండింటి మధ్య గీతను నేనే స్పష్టంగా గీసుకున్నా. దాన్ని ఎన్నడూ దాటలేదు.  సోదరిలా కలిసిపోయా.. గవర్నర్‌లా కాకుండా తెలంగాణ సోదరిగా ఇక్కడి సంస్కృతి అయిన కట్టు బొట్టును అనుసరిస్తూ ఇక్కడి ప్రజల్లో కలిసిపోయా. రాష్ట్ర ప్రజలు అపార ప్రేమ, ఆప్యాయతలను చూపారు. ఈ రాష్ట్ర గవర్నర్‌గా పని చేయడం అదృష్టంగా భావిస్తున్నా. క్లిష్టమైన పని.. టీఆర్‌ఎస్‌.. ప్రాంతీయ పార్టీ. గవర్నర్‌ కాకముందు నేను వేరే పార్టీలో ఉన్నా. వేరే పార్టీ అధికారంలో ఉన్న రాష్ట్రానికి గవర్నర్‌గా వ్యవహరించడం క్లిష్టమైన పని. ఈ విషయంలో సమన్వయంతో వ్యవహరిస్తున్నా.  సామాన్య ప్రజలను పక్షం రోజులకో, నెల రోజులకో ఒకసారి కలుసుకుని వారి సమస్యలను తెలుసుకోవడానికి ప్రజాదర్బార్‌ నిర్వహించాలని గతంలో నిర్ణయించాం. వెబ్‌ పోర్టల్‌కు సైతం రూపకల్పన చేశాం. అయితే కోవిడ్‌ మహమ్మారి కారణంగా ఇది మొదలుకాలేదు. సాధారణ పరిస్థితులు ఏర్పడితే ప్రజాదర్బార్‌ నిర్వహించి ప్రజల సమస్యలను ప్రభుత్వానికి తెలియజేస్తా. గతంలో చెప్పినట్టు గిరిజన గ్రామాలను సైతం సందర్శిస్తా.  – తమిళిసై సాక్షి, హైదరాబాద్‌: గవర్నర్‌ కోటా ఎమ్మెల్సీగా పాడి కౌశిక్‌ రెడ్డి పేరును రాష్ట్ర మంత్రివర్గం ప్రతిపాదించినా తాను ఇంకా ఆమోదించలేదని గవర్నర్‌ తమిళిసై వెల్లడించారు. ముఖ్యమంత్రి కేసీఆర్‌తో సత్సంబంధాలే ఉన్నాయని, వివాదాలు, విభేదాలు లేవని స్పష్టం చేశారు. గవర్నర్‌గా రెండేళ్లు పూర్తి చేసుకున్న సందర్భంగా.. ఇప్పటివరకు ఆమె పాల్గొన్న కార్యక్రమాల ఫొటోలు, వివరాలతో ‘వన్‌ ఎమాంగ్‌ అండ్‌ ఎమాంగెస్ట్‌ ద పీపుల్‌’ పేరిట రూపొందించిన చిత్రమాలికను బుధవారం రాజ్‌భవన్‌లో ఆవిష్కరించారు. ఈ కార్యక్రమంలో పాల్గొన్న పలువురు సీనియర్‌ జర్నలిస్టులు గవర్నర్‌ సేవా కార్యక్రమాలను ప్రశంసించారు. ఈ సందర్భంగా తమిళిసై మీడియాతో మాట్లాడారు.  స్నేహపూర్వకంగా సూచనలు.. ‘డెంగ్యూ జ్వరాలు, వరదలు, కోవిడ్‌ మహమ్మారి వంటి సమయాల్లో ప్రభుత్వ ప్రయత్నాలను అభినందిస్తూనే నా ఆందోళనలను తెలియజేశా. కోవిడ్‌ సమయంలో కేవలం ఒకే ఆస్పత్రి (గాంధీ ఆస్పత్రి)లో కరోనా చికిత్స ఇస్తుంటే జిల్లా ఆస్పత్రుల్లో సైతం చికిత్స అందించాలని ఓ వైద్యురాలిగా సూచించా. ప్రభుత్వ ఆస్పత్రుల్లో మౌలిక సదుపాయాలు పెంచాలని ప్రభుత్వాన్ని, సీఎంను పలుమార్లు కోరా. కొంతమేరకు ఆస్పత్రుల పరిస్థితులు మెరుగు అవుతున్నాయి. గవర్నర్‌లా కాకుండా తెలంగాణ సోదరిలా స్నేహపూర్వకంగా నా సూచనలు తెలియజేశా. విమర్శకు పోలేదు..’ అని పేర్కొన్నారు. సీఎం సానుకూల స్పందన ‘నేను ముఖ్యమంత్రికి ఏం చెప్పాలనుకున్నానో స్పష్టంగా తెలియజేశా. ప్రజల మేలుకు నేను చేసిన సూచనల్లో చాలా వాటికి సీఎం సానుకూలంగా స్పందించారు. ఆయుష్మాన్‌ భారత్‌ పథకాన్ని రాష్ట్రంలో అమలు చేయాలని నేను పలుమార్లు కోరితే, తొలుత విభేధించిన సీఎం చివరకు అంగీకరించారు. ప్రతి విషయంలో సానుకూలంగా ముందుకు పోయా. ప్రభుత్వం సైతం అలాగే స్పందించింది. మా మధ్య సత్సంబంధాలున్నాయి. తెలంగాణ గవర్నర్‌గా, పుదుచ్చేరి లెఫ్టినెంట్‌ గవర్నర్‌గా సమ న్యాయం చేసినట్టు భావిస్తున్నా. గతంలో మద్రాస్‌ రాష్ట్రంగా తమిళనాడు, తెలుగు ప్రజలు కలిసి ఉన్నాం. అందుకే ఇక్కడి ప్రజలు సొంత ప్రజలుగా అనిపిస్తారు. రాష్ట్ర గవర్నర్‌గా నా విజయాలను ఇటీవల మరణించిన నా మాతృమూర్తికి అంకితం చేస్తున్నా.’ అని గవర్నర్‌ తెలిపారు.  గతంలో మూడు పేర్లు వెంటనే ఆమోదించా ‘కౌశిక్‌ రెడ్డిని సామాజిక సేవ కేటగిరీ కింద ఎమ్మెల్సీ పదవిలో నామినేట్‌ చేయాల్సి ఉంది. దీనిపైనే అధ్యయనం చేస్తున్నా. ఆయన బయోడేటా క్లియర్‌గా ఉంది. ఈ విషయంలో ప్రభుత్వంతో ఎలాంటి అభిప్రాయ భేదాలు, అభ్యంతరాలు లేవు. అయితే ఆయన చేసిన కార్యక్రమాలు సామాజిక సేవ కేటగిరీలో ఫిట్‌ అవుతాయా? అని పరిశీలించి చూడాల్సి ఉంది. అందువల్ల నాకు మరికొంత సమయం కావాలి. గతంలో మరో ముగ్గురి పేర్లను ఎమ్మెల్సీగా నామినేట్‌ చేయాలని ప్రభుత్వం ప్రతిపాదిస్తే తక్షణమే ఆమోదించా. వారికి సంబంధించిన ప్రతిపాదనల్లో స్పష్టత ఉండడంతో వెంటనే నిర్ణయం తీసుకున్నా..’ అని గవర్నర్‌ తెలిపారు.  

సాక్షి, హైదరాబాద్‌: తెలంగాణ గవర్నర్‌గా తమిళిసై సౌందరరాజన్‌ రెండేళ్లు పూర్తి చేసుకున్నారు. ఈ సందర్భంగా బుధవారం ఆమె రాజ్‌భవన్‌లో మీడియా సమావేశంలో మాట్లాడారు. గవర్నర్‌గా రెండేళ్లు పూర్తి చేసుకోవడం చాలా సంతోషంగా ఉందన్నారు. రెండేళ్లు గవర్నర్‌గా పూర్తి చేసుకున్న ఈ విజయాన్ని ఇటీవల చనిపోయిన తన తల్లికి అంకితమిస్తున్నట్లు ప్రకటించారు. ఆరు నెలలుగా లెఫ్టినెంట్ గవర్నర్‌గా కూడా బాధ్యతలు నిర్వహిస్తున్నట్లు తెలిపారు.  తన విధులు సక్రమంగా నిర్వహిస్తున్నానని, ఇందుకు రాజ్ భవన్ సిబ్బంది సహకారం ఉందని తెలిపారు. రాష్ట్రపతి రామ్‌నాథ్‌ కోవింద్‌, ప్రధాని మోదీ, ఉప రాష్ట్రపతి వెంకయ్య నాయుడికి కృతజ్ఞతలు తెలిపారు. గవర్నర్‌గా చేపట్టిన ప్రతి కార్యక్రమానికి మీడియా ఎంతగానో సహకరించిందని, అందుకే తాము ప్రజలకు మరింత చేరువ కాగలినట్లు వెల్లడించారు. కాగా హుజురాబాద్‌కు చెందిన పాడి కౌశిక్‌రెడ్డికి ఎమ్మెల్సీ పదవి ఇవ్వడంపై గవర్నర్‌ తమిళిసై ఆసక్తికర వ్యాఖ్యలు చేశారు. సామాజిక సేవ చేసే వాళ్లకే ఎమ్మెల్సీ ఇవ్వాలని సూచించారు. కౌశిక్‌రెడ్డి విషయంలో ఆలోచించి నిర్ణయం ప్రకటిస్తానని తెలిపారు. తెలంగాణ ప్రభుత్వం పంపిన ప్రతిపాదనలపై ఆలోచించాలని పేర్కొన్నారు. హుజురాబాద్‌ ఉప ఎన్నిక నేపథ్యంలో కాంగ్రెస్‌ను వీడి  టీఆర్‌ఎస్‌లో చేరిన పాడి కౌశిక్‌రెడ్డికి గవర్నర్‌ కోటాలో శాసనమండలికి మంత్రివర్గం నామినేట్‌ చేసిన విషయం తెలిసిందే. చదవండి: Huzurabad: గవర్నర్‌ కోటా ఎమ్మెల్సీగా కౌశిక్‌రెడ్డి

కరీంనగర్‌: దళిత బంధు రాదంటూ ఈటల తప్పుడు ప్రచారం చేస్తున్నారని తెలంగాణ రాష్ట్ర ఆర్థిక శాఖ మంత్రి హరీశ్‌రావు అన్నారు. ఈటల రాజేందర్‌ చెప్పే మోసపూరిత మాటలు నమ్మొద్దని హరీశ్‌రావు సూచించారు.  ప్రతి దళిత కుటుంబానికి 9లక్షల 90వేలు వస్తున్నట్లు మేసేజ్‌లు వస్తున్నాయన్నారు. హుజురాబాద్ దళిత బంధు విజయం రాష్ట్రానికి, దేశానికి ఆదర్శం కావాలన్నారు. దళిత బంధుకు పైసలు ఎక్కడివి అని ఈటల అన్నారని, కానీ ఇప్పుడు అందరికీ దళిత బంధు వస్తుందని తెలిపారు. దీనికి ఈటల ఏం చెబుతారని ప్రశ్నించారు. కాగా హుజురాబాద్‌లో పోటాపోటీ ప్రచారాలు మొదలయ్యాయి. టీఆర్‌ఎస్‌ పార్టీ జమ్మికుంటలో సభను ఏర్పాటు చేసింది. బీజేపీ గోడ గడియారాలను, గొడుగులను సభలో ఓ యువకుడు ధ్వంసం చేశాడు. గోడ గడియారాలు భరోసానిస్తాయా అంటూ ప్రశ్నించారు. మంత్రులు హరీశ్‌ రావు, కొప్పుల వేదికపై ఉండగానే ఈ ఘటన చోటుచేసుకుంది. ఈ కార్యక్రమంలో సంక్షేమ శాఖ మంత్రి కొప్పుల ఈశ్వర్, ఎమ్మెల్యే కొరుకంటి చందర్, టీఆర్‌ఎస్‌ అభ్యర్థి గెల్లు శ్రీనివాస్, కౌశిక్ రెడ్డిలు పాల్గొన్నారు. చదవండి: Huzurabad Bypoll: ఉప ఎన్నికపై ఈసీకి నివేదిక పంపాలి

హుజురాబాద్‌: టీఆర్‌ఎస్‌ నేత కౌశిక్‌ రెడ్డి కీలక వ్యాఖ్యలు చేశారు. ఈటల రాజేందర్‌కు రేవంత్‌ ప్యాకేజీ ఇచ్చారని కౌశిక్‌ విమర్షించారు. ఎన్నికల తర్వాత ఈటల కాంగ్రెస్‌ గూటికి వెళ్తారంటూ కౌశిక్‌ రెడ్డి జోస్యం చెప్పారు. సీఎంకు ఈటల అంటే ఏంటో అర్థమైంది: ఈటల హుజూరాబాద్‌ నియోజకవర్గంలోని ప్రజలకు కేసీఆర్‌ ఎన్ని ఇస్తున్నా.. వారు తన వెంట ఉన్నారని దీంతో సీఎంకు ఈటల అంటే ఏంటో అర్థమైందని మాజీ మంత్రి, బీజేపీ నేత ఈటల రాజేందర్‌ అన్నారు. శుక్రవారం హుజూరాబాద్‌ మండలం రాంపూర్‌లోని వడ్డెర కాలనీ వాసులతో ఆయన సమావేశమయ్యారు. ఈ సందర్భంగా ఈటల మాట్లాడుతూ రాష్ట్రంలో పేదిరకం, కన్నీళ్లు ఇంకా పోలేదని ఆవేదన వ్యక్తంచేశారు. 18ఏళ్లు కేసీఆర్‌ అడుగు జాడల్లో నడిచినప్పుడు తమ్ముడు అని చెప్పి.. ఇప్పుడు దెయ్యం ఎలా అయ్యాడని ప్రశ్నించారు. అనంతరం పలువురు యువకులు బీజేపీలో చేరగా పార్టీ కండువా కప్పి ఈటల ఆహ్వానించారు.  చదవండి: వరంగల్‌ కుటుంబం హత్య: చావాలనుకున్నాడు.. చంపాడు!  

జమ్మికుంట (హుజూరాబాద్‌): కాషాయ జెండా చేతిలో పట్టుకొని ఎర్ర జెండా డైలాగులు కొడుతున్న మాజీ మంత్రి ఈటల రాజేందర్‌ను ప్రజలు నమ్మరని మంత్రి హరీశ్‌రావు అన్నారు. జమ్మికుంట పట్టణంలోని వ్యవసాయ పత్తి మార్కెట్‌లో బుధవారం ఏర్పాటు చేసిన సమావేశంలో ఏఐటీయూసీ కార్మిక సంఘాలు, టీడీపీ నాయకులు మంత్రి సమక్షంలో టీఆర్‌ఎస్‌లో చేరారు. ఈసందర్భంగా మంత్రి మాట్లాడుతూ, హుజూరాబాద్‌ నియోజకవర్గంలో ఏ అభివృద్ధి జరగాలన్నా టీఆర్‌ఎస్‌ ప్రభుత్వంతోనే సాధ్యమన్నారు. చదవండి: కాటేసిన అప్పులు.. ఇద్దరు రైతులు బలవన్మరణం ప్రజల బాధను తన బాధగా భావించే వ్యక్తి సీఎం కేసీఆర్‌ అని, అందుకే వారి బాధలు దూరం చేసే అనేక పథకాలను తీసుకువచ్చారని, కానీ ఈటల రాజేందర్‌ మాత్రం తన బాధను ప్రజల బాధగా చూపించే ప్రయత్నం చేస్తున్నారని మంత్రి హరీశ్‌ ఆరోపించారు. ఈటల మంత్రిగా ఉన్నప్పుడు నియోజకవర్గ పరిధిలో ఒక్కరికైనా డబుల్‌ బెడ్‌రూం ఇచ్చారా అని ప్రశ్నించారు. జమ్మికుంట, హుజూరాబాద్, ఇల్లందకుంట, వీణవంక, కమలాపూర్‌ మండలాల్లో కార్మికులు, ఇల్లు లేని పేదకుటుంబాలకు డబుల్‌బెడ్‌రూం మంజూరు చేస్తామని, సొంత స్థలాలు ఉండి ఇల్లు కట్టుకునేలా సాయం చేస్తానని హామీ ఇచ్చారు. ఉప ఎన్నికలో టీఆర్‌ఎస్‌ అభ్యర్థి గెల్లు శ్రీనివాస్‌ గెలుపు బాటలో ఉన్నారని, బీజేపీని చిత్తుగా ఓడించాలని కార్మికులకు పిలుపునిచ్చారు. కార్మిక, రైతు వ్యతిరేకత, వ్యవసాయ మార్కెట్‌ యార్డు బంద్‌ అనే పాలన చేస్తున్న బీజేపీకి కార్మికులు, రైతులు గుణపాఠం చెప్పాలని సూచించారు. సమావేశంలో మంత్రి కొప్పుల ఈశ్వర్, పాడి కౌశిక్‌రెడ్డి, పురపాలక సంఘం చైర్మన్‌ తక్కళ్లపల్లి రాజేశ్వర్‌రావు తదితరులు పాల్గొన్నారు. చదవండి: హుజురాబాద్‌ కాంగ్రెస్‌ ఎమ్మెల్యే టికెట్‌కు దరఖాస్తులు ఆహ్వానం

సాక్షి, హైదరాబాద్‌: నాటకీయ పరిణామాల మధ్య కాంగ్రెస్‌ నుంచి బయటకొచ్చి టీఆర్‌ఎస్‌లో చేరిన పాడి కౌశిక్‌రెడ్డికి ఎమ్మెల్సీ పదవిపై గందరగోళం ముసురుకుంది. ఆయనను గవర్నర్‌ కోటాలో ఎమ్మెల్సీగా నామినేట్‌ చేస్తే రాష్ట్ర మంత్రి మండలి ఈ నెల 2వ తేదీనే తీర్మానం చేసి పంపినా.. ఇప్పటివరకు గవర్నర్‌ ఆమోదించినట్టుగా ప్రకటనేదీ రాలేదు. వాస్తవానికి కేబినెట్‌ తీర్మానానికి సంబంధించిన ఫైలు సీఎం కార్యాలయంలోనే ఉందని.. కౌశిక్‌రెడ్డిపై పలు పోలీసుస్టేషన్లలో కేసులు పెండింగ్‌లో ఉండటమే దీనికి కారణమని విశ్వసనీయ సమాచారం. ఆయా కేసుల వివరాలను పూర్తిగా సేకరించాకే.. ఫైలును గవర్నర్‌ ఆమోదం కోసం పంపే అవకాశం ఉందని తెలిసింది.  చాలా పోలీస్‌స్టేషన్లలో..: 2018 అసెంబ్లీ ఎన్నికల్లో హుజూరాబాద్‌ కాంగ్రెస్‌ అభ్యర్థిగా పోటీ చేసిన పాడి కౌశిక్‌రెడ్డిపై ఇల్లందకుంట, సుబేదారి పోలీస్‌స్టేషన్లలో కేసులు పెట్టారు. ఆ తర్వాత కూడా వీణవంక, హుజూరాబాద్‌ టౌన్, కరీంనగర్, జమ్మికుంట, సిరిసిల్ల తదితర పోలీస్‌స్టేషన్ల పరిధిలో వివిధ ఐపీసీ సెక్షన్ల కింద కేసులు నమోదయ్యాయి. వాహనం పార్కింగ్‌ విషయంలో తమ బంధువుపై కౌశిక్‌రెడ్డి దాడి చేశారని 2019 ఫిబ్రవరిలో సినీనటులు జీవిత, రాజశేఖర్‌ జూబ్లీహిల్స్‌ పోలీస్‌స్టేషన్‌లో ఫిర్యాదు చేశారు కూడా. మొత్తంగా ఆయా కేసులేమిటి, వాటి వెనుక ఉన్న కారణాలేమిటన్న దానిపై అధికారులు నివేదిక సిద్ధం చేస్తున్నట్లు సమాచారం. ఆ నివేదికను పూర్తిగా పరిశీలించాకే.. కేబినెట్‌ తీర్మానాన్ని గవర్నర్‌కు పంపాలని ప్రభుత్వం భావిస్తున్నట్టు తెలిసింది.  హడావుడి సిఫారసు నేపథ్యంలో..  టీఆర్‌ఎస్‌ నుంచి ఈటల రాజేందర్‌ నిష్క్రమణ నేపథ్యంలో.. అప్పటికి కాంగ్రెస్‌లోనే ఉన్న కౌశిక్‌రెడ్డి హుజూరాబాద్‌ ఉప ఎన్నికలో టీఆర్‌ఎస్‌ అభ్యర్థి తానేనంటూ చేసిన ప్రకటన వివాదాస్పమైంది. కౌశిక్‌రెడ్డిని పార్టీలో చేర్చుకుని టికెట్‌ ఇవ్వాలని టీఆర్‌ఎస్‌ అధినేత, సీఎం కేసీఆర్‌ మొదట్లో భావించినా.. తర్వాత పునరాలోచనలో పడినట్టు సమాచారం. అయితే హుజూరాబాద్‌లో రాజకీయ పరిస్థితులను దృష్టిలో పెట్టుకుని కౌశిక్‌రెడ్డిని హడావుడిగా గవర్నర్‌ కోటాలో ఎమ్మెల్సీగా నామినేట్‌ చేస్తూ తీర్మానించారు. సాహిత్యం, సైన్స్, కళలు, సహకార ఉద్యమం, సామాజిక సేవ తదితర రంగాల్లో అనుభవమున్న వారిని గవర్నర్‌ కోటాలో ఎమ్మెల్సీగా నామినేట్‌ చేసే అధికారం రాష్ట్ర మంత్రిమండలికి ఉంటుంది. దేశవాళీ క్రికెట్‌లో రాణించిన కౌశిక్‌రెడ్డి.. తన తల్లి పేరిట కరీంనగర్‌ జిల్లాలో ‘పుష్పమాల దేవి మెమోరియల్‌ ట్రస్టు’ పెట్టి 2009 నుంచి సేవా కార్యక్రమాలు చేస్తున్నారు. ఈ మేరకు క్రీడా, సేవా రంగాల్లో చేసిన కృషి మేరకు ఎమ్మెల్సీగా నామినేట్‌ చేస్తున్నట్టు కేబినెట్‌ తీర్మానంలో పేర్కొంది. అయితే కౌశిక్‌రెడ్డికి పదవి ఇవ్వడంపై హుజూరాబాద్‌ టీఆర్‌ఎస్‌ శ్రేణులతోపాటు రాష్ట్ర నాయకుల్లోనూ అంతర్గతంగా అసంతృప్తి వ్యక్తమైనట్టు తెలిసింది. ఇదే సమయంలో కౌశిక్‌రెడ్డిపై నమోదైన కేసుల విషయంగా సీఎంకు ఫిర్యాదులు అందాయని, దానితో నివేదిక కోరారని సమాచారం.  ఆచితూచి నిర్ణయంపై..  మహారాష్ట్రలో గవర్నర్‌ కోటాలో ఎమ్మెల్సీలను నామినేట్‌ చేయడంపై దాఖలైన పిటిషన్‌ హైకోర్టులో నెలల తరబడి నలుగుతోంది. మన రాష్ట్రంలోనూ గవర్నర్‌ కోటాలో గోరటి వెంకన్న, బస్వరాజు సారయ్య, దయానంద్‌లను నామినేట్‌ చేయడంపై ధన్‌గోపాల్‌రావు అనే వ్యక్తి కోర్టును ఆశ్రయించారు. ఈ నేపథ్యంలో కౌశిక్‌రెడ్డి్డ విషయంగా ఆచితూచి అడుగులు వేయాలని ప్రభుత్వం భావిస్తున్నట్టు తెలిసింది.  కాంగ్రెస్‌ వీడటంలోనూ వివాదం  పాడి కౌశిక్‌రెడ్డి కాంగ్రెస్‌ను వీడుతూ చేసిన వ్యాఖ్యలు వివాదాస్పదమయ్యాయి. రేవంత్‌రెడ్డి పీసీసీ చీఫ్‌ పదవి కోసం కాంగ్రెస్‌ తెలంగాణ వ్యవహారాల ఇన్‌చార్జి మాణిక్యం ఠాగూర్‌కు లంచం ఇచ్చారని కౌశిక్‌రెడ్డి ఆరోపించారు. దీనిపై మాణిక్యం ఠాగూర్‌ పరువు నష్టం దావా వేశారు.   

సాక్షి, హైదరాబాద్‌: హుజూరాబాద్‌ ఉపఎన్నిక షెడ్యూల్‌ శుక్ర లేదా శనివారం వెలువడనుందా? ఈ మేరకు ప్రధాన రాజకీయ పార్టీలకు సంకేతాలందాయా? వారం రోజులుగా ముమ్మరంగా సాగుతున్న ఆయా పార్టీల కార్యకలాపాలు దీన్ని బలపరుస్తున్నాయి. ఈనెల 16న సీఎం కేసీఆర్‌ హుజూరాబాద్‌లో దళితబంధు పథకం ప్రారంభిస్తారని తొలుత ప్రకటించారు. అయితే బుధవారం వాసాలమర్రి దళితవాడను సీఎం సందర్శించిన నేపథ్యలో దళితబంధు లబ్దిదారుల ఎంపిక, గురువారం చెక్కులు పంపిణీ చేయాలని నిర్ణయించడానికి హుజూరాబాద్‌ ఉపఎన్నిక షెడ్యూలు విడుదల సంకేతాలందడమే కారణమనే ప్రచారం సాగుతోంది. టీఆర్‌ఎస్‌లో పాడి కౌశిక్‌రెడ్డి, మాజీ మంత్రి పెద్దిరెడ్డి చేరికలకు సీఎం కేసీఆర్‌ స్వయంగా హాజరవడం, కౌశిక్‌రెడ్డిని మూడ్రోజుల క్రితం గవర్నర్‌ కోటాలో శాసనమండలికి నామినేట్‌ చేయడం వంటి పరిణామాలు వేగంగా చోటుచేసుకున్నాయి. మంత్రి హరీశ్‌రావు.. హుజూరాబాద్‌లో పార్టీ సమన్వయంపై పూర్తిస్థాయిలో దృష్టిపెట్టారు. మరో మంత్రి గంగుల కమలాకర్, ఇతర ఎమ్మెల్యేలు హుజూరాబాద్‌లోనే మకాం వేశారు. దీనికంతటికీ ఉపఎన్నిక షెడ్యూలుపై సంకేతాలు రావడమే కారణమని రాజకీయ వర్గాలు చర్చించుకుంటున్నాయి.  నేడు ఈటల డిశ్చార్జి.. అట్నుంచి హుజూరాబాద్‌కు  పాదయాత్రలో అస్వస్థతకు గురైన మాజీ మంత్రి ఈటల రాజేందర్‌కు ఇటీవల శస్త్రచికిత్స జరిగింది. ఆయన కోలుకునేందుకు 15 రోజులు పడుతుందని సన్నిహితులు అంటున్నారు. అయితే, ఆయన గురువారం ఆసుపత్రి నుంచి డిశ్చార్జి కాగానే, ఉదయం 10.30కి ఆసుపత్రి ఆవరణలోనే మీడియాతో మాట్లాడి నేరుగా హుజూరాబాద్‌ వెళ్తారు. ఆరోగ్యం పూర్తిగా కుదుటపడకుండానే ఈటల హుటాహుటీన నియోజకవర్గానికి వెళ్లడం వెనుక ‘ఉపఎన్నిక షెడ్యూలు’వార్తలే కారణమని పార్టీ శ్రేణులు చెబుతున్నాయి. మరోవైపు కాంగ్రెస్‌ పార్టీ కూడా టీపీసీసీ అధ్యక్షుడు రేవంత్‌రెడ్డి అధ్యక్షతన బుధవారం సమావేశమై హుజూరాబాద్‌ ఉపఎన్నికపై చర్చించింది. మూడు ప్రధాన పార్టీల్లో చోటుచేసుకుంటున్న పరిణామాల నేపథ్యంలో హుజూరాబాద్‌ ఉపఎన్నిక షెడ్యూలు వారాంతంలోగా వెలువడుతుందనే ఊహాగానాలు సాగుతున్నాయి.   

సాక్షి, న్యూఢిల్లీ: రాయలసీమ లిఫ్ట్‌ స్కీం, పోతిరెడ్డిపాడు విస్తరణపై కృష్ణా రివర్‌ మేనేజ్‌మెంట్‌ బోర్డు(కేఆర్‌ఎంబీ) సమావేశాలకు గైర్హాజరై, టెండర్లు పిలిచి ఒప్పందాలు చేసినప్పుడు నిమ్మకు నీరెత్తినట్లు వ్యవహరించిన సీఎం కేసీఆర్, తాజాగా నాగార్జునసాగర్‌ పర్యటనలో కేంద్రం తెలంగాణ హక్కులకు భంగం కలిగిస్తోందని పేర్కొనడం విస్మయం కలిగిస్తోందని టీపీసీసీ అధ్యక్షుడు రేవంత్‌రెడ్డి విమర్శించారు. మంగళవారం ఢిల్లీలోని తెలంగాణ భవన్‌లో టీపీసీసీ ప్రచార కమిటీ అధ్యక్షుడు మధుయాష్కీగౌడ్‌తో కలసి ఆయన మీడియా భేటీలో మాట్లాడారు. ప్రాజెక్టుల రీడిజైనింగ్‌ పేరుతో కేసీఆర్‌ రూ.వేల కోట్ల అవినీతికి పాల్పడుతున్నారని రేవంత్‌ ఆరోపించారు. ఏడేళ్లలో కల్వకుర్తి, భీమా, నెట్టెంపాడు, కోయల్‌సాగర్, సీతారామసాగర్, ఇందిరాసాగర్, రాజీవ్‌సాగర్‌ ప్రాజెక్ట్‌లను పూర్తిచేసి ఉంటే, ఏపీ సీఎం వైఎస్‌ జగన్‌మోహన్‌రెడ్డి కేంద్రానికి ఫిర్యాదు చేసే అవకాశమే వచ్చేది కాదని రేవంత్‌ అన్నారు.   రహస్య భేటీ ఎజెండా బహిర్గతపరచాలి..  పార్లమెంట్‌ వర్షాకాల సమావేశాల తొలిరోజు టీఆర్‌ఎస్‌ ఎంపీ సంతోష్‌.. ప్రధాని మోదీతో ప్రత్యేకంగా భేటీ అయ్యారని రేవంత్‌ ఆరోపించారు. టీఆర్‌ఎస్‌ ఇతర ఎంపీలు కూడా మోదీని కలిశారని, రాష్ట్రానికి సంబంధించిన అంశాలపై కలిస్తే ఫొటోలను ఎందుకు బహిర్గతపరచలేదని ప్రశ్నించారు. అసలు బీజేపీ, టీఆర్‌ఎస్‌ మధ్య ఉన్న రహస్య ఒప్పందం ఏంటో ప్రజలకు చెప్పాలని డిమాండ్‌ చేశారు. కేసీఆర్‌ హయాంలో కోవర్ట్‌ ఆపరేషన్‌లో నిష్ణాతులైన కౌశిక్‌రెడ్డి లాంటి వారికే ఎమ్మెల్సీ ఇస్తున్నారని ఎద్దేవా చేశారు. కేసీఆర్‌ ఒత్తిడితోనే బీజేపీ రాష్ట్ర అధ్యక్షుడు సంజయ్‌ ఈనెల 9 నుంచి ప్రారంభం కావాల్సిన పాదయాత్రను రద్దు చేసుకున్నారని ఆరోపించారు. ఢిల్లీ, ప్రగతి భవన్‌లో జరుగుతున్న రాజకీయ ఒప్పందాలు బహిర్గతమయ్యాయని, టీఆర్‌ఎస్‌లో బీజేపీకి సంబంధించిన నిర్ణయాలు జరుగుతున్నాయో లేదో కేంద్రమంత్రి కిషన్‌రెడ్డి, సంజయ్‌ వెల్లడించాలని ఆయన డిమాండ్‌ చేశారు.  ఎన్నికల వేళ కొట్లాట... ఢిల్లీలో సఖ్యత..  తెలంగాణలో ఉద్యోగాల రాక 3 నెలల్లో 14 మంది యువకులు మరణించారని మధుయాష్కీ గౌడ్‌ ఆందోళన వ్యక్తం చేశారు. ఎన్నికల వేళ ఉద్యోగాల నోటిఫికేషన్‌ ప్రస్తావనతో యువకుల్ని కేసీఆర్‌ మోసం చేస్తున్నారని, రాష్ట్రంలో ఇప్పటికే ప్రజా వ్యతిరేకత మొదలైందని ఆయన అన్నారు. ప్రాణత్యాగాలతో తెచ్చుకొన్న తెలంగాణలో అణిచివేత, ప్రశ్నించే గొంతులను అణగదొక్కే ప్రయత్నం జరుగుతోందని ఆరోపించారు. ఎన్నికల సమయంలోనే మాటల యుద్ధం చేసే టీఆర్‌ఎస్, బీజేపీ.. తర్వాత ఢిల్లీలో ఎంతో సఖ్యతతో ఉంటాయని పేర్కొన్నారు. గతంలో కేటీఆర్, కవిత, హరీశ్‌లకు ఈడీ నోటీసులు వచ్చిన విషయం వాస్తవం కాదా? అని ఆయన ప్రశ్నించారు.   

సాక్షి, హైదరాబాద్‌: పది రోజుల క్రితం టీఆర్‌ఎస్‌లో చేరిన హుజూరాబాద్‌ నియోజకవర్గ నేత పాడి కౌశిక్‌రెడ్డి గవర్నర్‌ కోటాలో శాసన మండలికి నామినేట్‌ అయ్యారు. ఈ మేరకు ఆదివారం సీఎం కేసీఆర్‌ అధ్యక్షతన సమావేశమైన రాష్ట్ర కేబినెట్‌ కౌశిక్‌రెడ్డి పేరును గవర్నర్‌ తమిళిసైకి సిఫారసు చేసింది. గవర్నర్‌ కోటాలో ఎమ్మెల్సీగా ఎన్నికైన ప్రొఫెసర్‌ శ్రీనివాస్‌రెడ్డి పదవీకాలం పూర్తి కాగా, ఈ స్థానానికి కౌశిక్‌రెడ్డి పేరును సిఫారసు చేశారు. టీఆర్‌ఎస్‌లో చేరిక సందర్భంగా కౌశిక్‌రెడ్డిని హుజూరాబాద్‌కే పరిమితం చేయకుండా రాష్ట్రస్థాయి గుర్తింపును ఇస్తామని కేసీఆర్‌ ప్రకటించారు. ఈ నేపథ్యంలో రాష్ట్ర స్పోర్ట్స్‌ అథారిటీ చైర్మన్‌గా ఆయనకు అవకాశం వస్తుందని భావించగా, ఏకంగా మండలికి నామినేట్‌ కావడం టీఆర్‌ఎస్‌ వర్గాలను ఆశ్చర్యానికి గురిచేసింది.   హుజూరాబాద్‌ ఉప ఎన్నిక లక్ష్యంగానే..  హుజూరాబాద్‌ ఉప ఎన్నిక లక్ష్యంగా పావులు కదుపుతున్న కేసీఆర్‌ ఇప్పటికే నియోజకవర్గానికి చెందిన బండా శ్రీనివాస్‌ను ఎస్సీ కార్పొరేషన్‌ చైర్మన్‌గా గత నెల 23న నియమించారు. కౌశిక్‌రెడ్డిని ఎమ్మెల్సీ పదవికి నామినేట్‌ చేశారు. హుజూరాబాద్‌ ఉప ఎన్నికలో బీసీ సామాజిక వర్గానికి చెందిన వారికి పార్టీ టికెట్‌ ఇచ్చే ఉద్దేశంతోనే కౌశిక్‌ను ఎమ్మెల్సీగా నామినేట్‌ చేసినట్లు ప్రచారం జరుగుతోంది. ఇటీవలే టీటీడీపీ రాష్ట్ర అధ్యక్ష పదవికి రాజీనామా చేసిన ఎల్‌.రమణ లేదా టీఆర్‌ఎస్‌వీ రాష్ట్ర అధ్యక్షుడు గెల్లు శ్రీనివాస్‌ యాదవ్‌లో ఒకరు హుజూరాబాద్‌ అభ్యర్థిగా ఉప ఎన్నికలో పోటీ చేసే అవకాశముందని తెలుస్తోంది. 

సాక్షి, హైదరాబాద్‌: హుజూరాబాద్‌ ఉప ఎన్నిక లక్ష్యంగా ప్రత్యర్థి పార్టీలకు ఏ ఒక్క అవకాశాన్ని వదలకుండా జాగ్రత్తగా టీఆర్‌ఎస్‌ పార్టీ పావులు కదుపుతోంది. ఆ పార్టీలకు చెందిన బలమైన నేతలను చేర్చుకోవడంతో పాటు, హుజూరాబాద్‌ కేంద్రంగా పలు పథకాలకు శ్రీకారం చుడుతోంది. కొత్తగా పార్టీలోకి వచ్చే నేతలకు కూడా ఉజ్వల భవిష్యత్తు ఉంటుందటూ హామీలు ఇస్తోంది. హుజూరాబాద్‌ ఉప ఎన్నికలో గెలిచి తీరాలనే లక్ష్యంతో మంత్రులు, పార్టీ నేతలు సర్వశక్తులూ ఒడ్డుతున్నారు. కాగా, ఇన్నాళ్లూ నియోజకవర్గానికే పరిమితమైన నాయకులకు రాష్ట్ర స్థాయి పదవులు కట్టబెట్టడం ద్వారా పార్టీ వెంట నడిస్తే గుర్తింపు వస్తుందనే సంకేతాలు టీఆర్‌ఎస్‌ ఇస్తోంది. కాంగ్రెస్‌ నుంచి ఇటీవలే టీఆర్‌ఎస్‌లో చేరిన పాడి కౌశిక్‌రెడ్డిని రాష్ట్రస్థాయిలో గుర్తింపు ఇస్తామని పార్టీ అధినేత, సీఎం కేసీఆర్‌ ప్రకటించారు. కౌశిక్‌రెడ్డికి టీఆర్‌ఎస్‌ టికెట్‌ దక్కని పక్షంలో రాష్ట్ర స్పోర్ట్స్‌’ అథారిటీ (సాట్స్‌) చైర్మన్‌గా నియమించే సూచనలు కన్పిస్తున్నాయి. ఈటల వెంట నడిచి ఆ తర్వాత పార్టీ గూటికి చేరిన జమ్మికుంట మార్కెట్‌ కమిటీ మాజీ చైర్మన్‌ సమ్మిరెడ్డితో పాటు ఒకరిద్దరు స్థానిక నేతలు రాష్ట్ర స్థాయి పదవులకు నామినేట్‌ అయ్యే అవకాశముందని పార్టీ వర్గాలు చెబుతున్నాయి.  కొత్త వారికి భవిష్యత్తు  పార్టీలో దీర్ఘకాలంగా పనిచేస్తున్న నేతలకు ప్రాధాన్యత ఇస్తూనే, కొత్తగా చేరే వారికి ఉజ్వల భవిష్యత్తు ఉంటుందని టీఆర్‌ఎస్‌ హామీ ఇస్తోంది. కాంగ్రెస్‌ నుంచి పాడి కౌశిక్‌రెడ్డి, కష్యప్‌రెడ్డి తదితరులను చేర్చుకున్న టీఆర్‌ఎస్‌ మరికొందరు నేతలను కూడా చేర్చుకునేందుకు మంతనాలు చేస్తోంది. మాజీ మంత్రి పెద్దిరెడ్డి రెండు రోజుల కింద బీజేపీకి రాజీనామా చేయగా, ఈ నెల 30న టీఆర్‌ఎస్‌లో చేరేందుకు సన్నాహాలు చేసుకుంటున్నారు. నియోజకవర్గంలో ప్రత్యర్థి పార్టీలకు చెందిన స్థానిక సంస్థల ప్రజాప్రతినిధులు ఒకరిద్దరు మినహా మిగతా అందరూ ఈటల రాజీనామా తర్వాత టీఆర్‌ఎస్‌ తీర్థం పుచ్చుకున్నారు. బీసీ కమిషన్‌ మాజీ సభ్యుడు వకుళాభరణం కష్ణమోహన్‌రావు, టీఆర్‌ఎస్‌వీ రాష్ట్ర అధ్యక్షుడు గెల్లు శ్రీనివాస్‌యాదవ్‌తో పాటు మరికొందరు హూజూరాబాద్‌ టికెట్‌ ఆశిస్తున్నారు. పార్టీ మాత్రం అభ్యర్థి విషయంలో అత్యంత గోప్యత పాటిస్తోంది.  దళితవాడల స్థితిగతులపై సర్వే  దళితవాడల్లో మౌలిక సదుపాయాల కల్పనపై బుధవారం కరీంనగర్‌ కలెక్టరేట్‌లో జిల్లా కలెక్టర్‌ ఆర్వీ.కర్ణన్‌ సమావేశం ఏర్పాటు చేశారు. హుజూరాబాద్‌ నియోజకవర్గంలోని ప్రతి గ్రామపంచాయతీలో సర్పంచ్, పంచాయతీ కార్యదర్శులు, పంచాయతీరాజ్‌ ఏఈ, ట్రాన్స్‌కో ఏఈ, స్థానిక యువకులు, రిటైర్డ్‌ ఉద్యోగులు, రిసోర్స్‌ పర్సన్లతో కలసి దళితవాడలను సందర్శించి నివేదిక తయారు చేయనున్నారు. రెండు రోజుల్లో ఈ ప్రక్రియ పూర్తికానుంది. కాగా, దళితవాడల్లో అభివృద్ధి పనులు, కనీస సదుపాయాల కల్పనను పర్యవేక్షించేందుకు ఇంజనీర్లను నియమించినట్లు పంచాయతీరాజ్‌ ఈఎన్‌సీ సంజీవరావు తెలిపారు.  దళితవాడల మోడల్‌ హుజూరాబాద్‌  సాక్షి ప్రతినిధి, కరీంనగర్‌: దళితబంధుకు తోడు దళితవాడల్లో మౌలిక వసతుల కల్పనను కూడా ప్రభుత్వం ప్రాధాన్యం ఇస్తోంది. హుజూరాబాద్‌ నియోజకవర్గంలోని 5 మండలాల్లో ఉన్న 139 దళితవాడల్లో సీసీ రోడ్లు, డ్రైనేజీలు, వీధిదీపాలు, కమ్యూనిటీ హాళ్ల నిర్మాణం, హెచ్‌టీ లైన్ల క్రమబద్ధీకరణ, వైద్య తదితర సదుపాయాలన్నింటినీ ఏకకాలంలో కల్పించేందుకు రంగం సిద్ధమైంది. ఒక్కోవాడలో రూ.10 కోట్ల నుంచి రూ.12 కోట్ల వరకు వెచ్చించే అవకాశం ఉంది. తద్వారా ఈ మౌలిక సదుపాయాల కల్పనకు రూ.1,500 కోట్ల వరకు ఖర్చు కానున్నట్లు అంచనా. దళితబంధుకు హుజూరాబాద్‌ నియోజకవర్గంలో రూ.2 వేల కోట్లు, దళితవాడల్లో సౌకర్యాల కల్పనకు రూ.1,500 కోట్లు మొత్తం రూ.3,500 కోట్లు వెచ్చించాలని నిర్ణయించినట్లు తెలిసింది. 

సాక్షి, సిటీబ్యూరో: కాంగ్రెస్‌ నుంచి టీఆర్‌ఎస్‌లో చేరుతున్న సందర్భంగా పాడి కౌశిక్‌రెడ్డి పేరిట ఐటీ కారిడార్‌తోపాటు నగరంలోని వివిధ ప్రాంతాల్లో ఏర్పాటు చేసిన ఫ్లెక్సీలు, జెండాలపై పలువురు రాజకీయ నాయకులు, ప్రజలు జీహెచ్‌ఎంసీ అధికారులకు ఫిర్యాదు చేశారు. ఈ మేరకు బాధ్యులకు జరిమానా విధించాలని పదుల సంఖ్యలో ట్వీట్‌ చేశారు. దీనిపై ఈవీడీఎం స్పందించింది. ఫ్లెక్సీలు, జెండాలు, బ్యానర్లు, హోర్డింగులను తొలగించడమే కాకుండా జరిమానాలు విధిస్తున్నట్లు పేర్కొంది. ఈ విషయంలో ఎవరిపైనా ఎలాంటి పక్షపాతం లేదని, చట్టం మేరకు పారదర్శకంగా పనిచేస్తున్నామని ఈవీడీఎం డైరెక్టర్‌ విశ్వజిత్‌ వారికి సమాధానమిచ్చారు.  ఆయా ప్రాంతాల్లోని ఫ్లెక్సీలకు కౌశిక్‌రెడ్డికి పెనాల్టీలు విధిస్తూ ఈవీడీఎంలోని సెంట్రల్‌ ఎన్‌ఫోర్స్‌మెంట్‌ విభాగం ఈ–చలానాలు జారీ చేసింది. ఒక్కో ఫ్లెక్సీకి రూ.5 వేల నుంచి మొదలుకొని లక్ష రూపాయల వరకు పెనాల్టీలు విధించింది. మొత్తం 4.56 లక్షల జరిమానా విధించినట్లు సమాచారం. మీ ఫిర్యాదు పరిశీలించామని, త్వరలోనే పెనాల్టీ విధిస్తామని ట్విట్టర్‌ ద్వారా పోస్ట్‌ చేసిన వారందరికీ సమాధానాలు పంపింది. ఫ్లెక్సీలపై సీఎం కేసీఆర్‌తోపాటు కేటీఆర్, హరీష్‌రావు, సంతోష్‌కుమార్, కవిత తదితరుల ఫొటోలుండటంతో చట్టం అమలులో జీహెచ్‌ఎంసీ కళ్లు మూసుకుందని కాంగ్రెస్‌ నేతలు దాసోజు శ్రవణ్, అంజన్‌కుమార్‌యాదవ్‌ విమర్శించారు.  కారెక్కిన కౌశిక్‌ రెడ్డి.. హుజూరాబాద్​ కాంగ్రెస్‌ మాజీ నేత పాడి కౌశిక్‌ రెడ్డి టీఆర్‌ఎస్‌లో చేరిన సంగతి తెలిసిందే. హైదరాబాద్​ తెలంగాణ భవన్​లో కేసీఆర్​ సమక్షంలో టీఆర్‌ఎస్‌లో చేరారు. కౌశిక్​ రెడ్డికి సీఎం కేసీఆర్​ కండువా కప్పి పార్టీలోకి ఆహ్వానించారు. కౌశిక్​తో పాటు అతని అనుచరులు కూడా కారెక్కారు.  

సాక్షి, కరీంనగర్‌: హుజూరాబాద్‌ ఉప ఎన్నికలో టీఆర్‌ఎస్‌ అభ్యర్థి ఎవరనే విషయంలో పార్టీ అధినేత ఇంకా కేసీఆర్‌ స్పష్టత ఇవ్వలేదు. పీసీసీ మాజీ కార్యదర్శి పాడి కౌశిక్‌రెడ్డిని బుధవారం తెలంగాణ భవన్‌లో టీఆర్‌ఎస్‌లోకి ఆహ్వానించిన కేసీఆర్‌ ఆయనకు ఉజ్వల భవిష్యత్తు ఉంటుందని స్పష్టమైన మాత్రం హామీ ఇచ్చారు. ఆయనకు హుజూరా బాద్‌కు, కరీంనగర్‌ జిల్లాకు, రాష్ట్రానికి ప్రాతినిథ్యం వహించే పదవి దక్కుతుందని నొక్కి చెప్పారు. ‘కౌశిక్‌రెడ్డి ఏదో ఒక చిన్న పదవితోనే ఆగిపోడు. ఉజ్వల భవిష్యత్తు ఉంటది. ఎదుగుతున్న యువకులే భవిష్యత్‌ నిర్మాతలు. ఎవరు ఏమన్నా ప్రయాణం కొనసాగుతుంది’ అని సీఎం కేసీఆర్‌ చేసిన వ్యాఖ్యలు ప్రాధాన్యత సంతరించుకున్నాయి. కౌశిక్‌రెడ్డి మంచి క్రికెటర్‌ అని చెపుతూ రాష్ట్ర స్థాయి పదవి ఇస్తాననడంతో తెలంగాణ స్పోర్ట్స్‌ అథారిటీ (శాట్స్‌)కి  చైర్మన్‌గా నియమిస్తారన్న ప్రచారం నిజం కానున్నట్లు తెలుస్తోంది. హుజూరాబాద్‌ చుట్టూనే కేసీఆర్‌ ప్రసంగం సాగినా.. అసెంబ్లీ టికెట్టు ఎవరికి అనే విషయంలో మాట దొర్లలేదు. దీనిని బట్టి కౌశిక్‌రెడ్డిని హుజూరాబాద్‌ టికెట్టు రేసు నుంచి తప్పించినట్టేనని రాజకీయ పరిశీలకులు చెపుతున్నారు.  హుజూరాబాద్‌లో దళితబంధు 100 శాతం పెట్టుడే ‘దళితబంధును హుజూరాబాద్‌ నుంచే పైలట్‌ ప్రాజెక్టుగా ఎందుకు పెడుతున్నారు. రాజకీయంగా లబ్ధి పొందేందుకే అని అంటున్నారని నిన్న ఒకతను చెప్పాడు.. పెట్టమా మరి.. టీఆర్‌ఎస్‌ ఏమన్నా సన్నాసుల మఠమా..? రాజకీయ పార్టీనే కదా.  ముఖ్యమంత్రిగా ఉన్న కాబట్టే ఈ పథకాన్ని పెడుతున్నప్పుడు.. రాజకీయంగా లాభం జరగాలని ఎందుకు కోరుకోం’ అని సీఎం కేసీఆర్‌ విమర్శుకుల మాటలను కొట్టివేశారు. హుజూరాబాద్‌ నుంచే దళితబంధు పథకాన్ని 100 శాతం పెడుతున్నట్లు స్పష్టం చేశారు. ‘నాకు కరీంనగర్‌ అంటె సెంటిమెంట్‌. టీఆర్‌ఎస్‌ పుట్టినంక సింహగర్జన అక్కడనే పెట్టినం. దాంతోనే తెలంగాణ ఉద్యమం స్టార్టయి రాష్ట్రం వచ్చింది. హుజూరాబాద్‌ నుంచే రైతుబంధు స్టార్ట్‌ చేసినం. కరీంనగర్‌ కేంద్రంగా రైతుబీమా ప్రకటించిన. ఇప్పుడు దళితబంధు కూడా అక్కడి నుంచే స్టార్ట్‌ చేస్తున్న’ అని పేర్కొన్నారు.   దళితబంధు అమలులో పాలు పంచుకోవాలి హుజూరాబాద్‌లో పైలట్‌ ప్రాజెక్టుగా ప్రారంభమయ్యే దళితబంధు పథకం అమలులో యువకులు, పార్టీ కార్యకర్తలు పాలుపంచుకోవాలని సీఎం కేసీఆర్‌ సూచించారు. కౌశిక్‌రెడ్డి వెంట పార్టీలో చేరేందుకు వచ్చిన వారిని ఉద్దేశించి మాట్లాడుతూ పథకం అమలుకు ప్రతి ఒక్కరూ సముచిత పాత్ర పోషించాలని సూచించారు. కౌశిక్‌రెడ్డి రాజకీయ కుటుంబం నుంచి వచ్చారని, ఆయన తండ్రి సాయినాథ్‌ రెడ్డి తనతోపాటు మలివిడత ఉద్యమంలో పాల్గొన్నారని చెప్పారు. కౌశిక్‌రెడ్డి తాత సుధాకర్‌రెడ్డి ఇతర కుటుంబసభ్యులు కూడా తనకు చాలా తెలుసని చెపుతూ మంచి భవిష్యత్తు ఉంటుందని పలుమార్లు స్పష్టం చేశారు. కార్యక్రమంలో జిల్లాకు చెందిన మంత్రులు, ఇతర ముఖ్య నాయకులు పాల్గొన్నారు. 

‘దళిత బంధు’తో రాజకీయ లాభం కోరుకోవడం తప్పా?  దళితబంధు తమాషా పథకం కాదు. ఎన్నికలున్నాయని హుజూరాబాద్‌లో ఈ పథకాన్ని పెడుతున్నారని కొందరంటున్నరు. మా పార్టీ సన్నాసుల మఠమా? మాదీ రాజకీయ పార్టీయే. టీఆర్‌ఎస్‌ అధికారంలో ఉండి, సీఎం ఉంటేనే ఇలాంటి పథకం సాధ్యం. ఏ పని చేయనోడే లాభం కోరుకుంటే.. చేసిన రాజకీయ పార్టీగా లాభం కోరుకోవడం తప్పా. ఎన్నికలకు మరో రెండున్నరేళ్లు సమయమున్నా.. ‘దళిత బంధు’ను హుజూరాబాద్‌లో పైలట్‌ ప్రాజెక్టుగా చేపట్టడం అక్కడి ప్రజల అదృష్టం.  ►రాష్ట్ర సాధన కోసం చాలా మంది మహనీయులు పనిచేశారు. 1969 నాటి ఉద్యమం తెలంగాణ సమాజానికి చాలా నేర్పించింది. మర్రి చెన్నారెడ్డి ఉద్యమాన్ని తారస్థాయికి తీసుకెళ్లారు. 14 సీట్లలో 11 మంది ఎంపీలను గెలిపించుకున్నారు. తెలంగాణ కష్టపడి సాధించిన రాష్ట్రం, ఎవరూ అప్పనంగా ఇవ్వలేదు.  ►ఏ పూటకు ఆ పూట రాజకీయాలు చేయొద్దు. శాశ్వతంగా అధికారం ఎవరికీ ఉండదు. ఇది రాచరిక వ్యవస్థ కాదు. ఎన్టీఆర్‌ అవకాశం ఇస్తే నేను ఎమ్మెల్యే అయిన. నేను ప్రతిపక్షంలో ఉన్నా కూడా నా ప్రసంగం విని స్పీకర్‌ కౌగిలించుకున్నారు.  తెలంగాణ తెచ్చుడు.. చచ్చుడు ప్రతీదానికి కేసీఆర్‌దే బాధ్యత.  సాక్షి, హైదరాబాద్‌: ‘‘కొందరు బ్రోకర్‌ గాండ్లు అడ్డంపొడుగు మాట్లాడుతున్నరు. దేవుడు నోరిచ్చిండని కుక్కలు మొరిగినట్లు మొరుగుతమంటే.. ప్రజలు ఏది వాస్తవమో అవాస్తవమో గమనిస్తరు. కాకరకాయ, గీకరకాయలు అనకుంట ఎన్నికలతో లింకు లేకుంటనే.. ప్రజలకు అవసరమైన వాటితో ముందుకు వెళ్తున్నం. ప్రజలు ఆశీర్వదిస్తున్నరు. మాకు కొంతలో కొంత మంచి జరుగుతూ వరుసగా ఎన్నికల్లో గెలుస్తూ వస్తున్నం. మేమేమన్నా ఓట్లు గుంజుకుంటున్నమా? జనం ఓట్లు వేస్తేనే గెలుస్తున్నాం..’’ అని టీఆర్‌ఎస్‌ అధినేత, ముఖ్యమంత్రి కె.చంద్రశేఖర్‌రావు మండిపడ్డారు. ప్రజల అనుభవాలు, ఆకాంక్షల మేరకే తమ ప్రభుత్వం ముందుకు పోతోందని చెప్పారు. ఇటీవల కాంగ్రెస్‌ పార్టీకి రాజీనామా చేసిన హుజూరాబాద్‌ నాయకుడు పాడి కౌశిక్‌రెడ్డి బుధవారం తెలంగాణభవన్‌ వేదికగా టీఆర్‌ఎస్‌లో చేరారు. కౌశిక్‌రెడ్డికి సీఎం కేసీఆర్‌ గులాబీ కండువా కప్పి పార్టీలోకి ఆహ్వానించారు. ఈ సందర్భంగా ప్రభుత్వ కార్యక్రమాలు, విపక్ష నేతలు చేస్తున్న విమర్శలపై కేసీఆర్‌ ఘాటుగా స్పందించారు. కేసీఆర్‌ చెప్పిన అంశాలు, చేసిన విమర్శలు ఆయన మాటల్లోనే..   నన్ను తిట్టినట్టు ఎవరినీ తిట్టలే..  ‘‘వంకర టింకర చెప్పేటోడు అక్కడొకడు ఇక్కడొకడు ఉంటడు. తెలంగాణ కోసం జెండా ఎత్తింది మొదలు నన్ను తిట్టినట్టు ప్రపంచంలో ఎవరినీ తిట్టలేదనుకుంటా. ఎవరేమన్నా భయపడకుండా తెలంగాణ సాధించిన. ఎన్నికల రాజకీయాలు చిల్లర ముచ్చట.. ఓసారి గెలుస్తం.. మరోసారి ఓడిపోతం. కొందరు అధికారంలోకి రావడం గొప్ప విషయం అనుకుంటరు. దానికోసం ఒకడు బాగా ఒర్రుతడు. మనకు తిట్లురావా, నీ ఒక్కడికే తిట్లు వచ్చా. సంస్కర వంతులు, సంయమనం పాటించే వారు తిట్టరు. చెడు జరిగితే విమర్శిస్తారు. కానీ ప్రతిదానిని అడ్డగోలుగా వక్రీకరించి కోడిగుడ్డు మీద ఈకలు పీకేవాళ్లు కొందరు ఉంటారు. ఇలాంటి ప్రతీప శక్తులు (నెగెటివ్‌ ఫోర్సెస్‌) ఎప్పుడూ ఉంటయి. అలాంటి వారి కోసం నిర్మాణాత్మకంగా పనిచేసేవారు తమ ప్రయాణం ఆపబోరు.  హరీశ్‌రావుతో సీఎం కేసీఆర్‌ మాటామంతీ  వరుసలో ఉన్నవారికి పదవులు వస్తాయి  కష్టపడి సాధించిన తెలంగాణను బాగుచేసే బాధ్యత కౌశిక్‌రెడ్డి లాంటి యువకులపై ఉంది. కౌశిక్‌రెడ్డికి హామీ ఇస్తున్నా ఆయనను కేవలం హూజురాబాద్, కరీంనగర్‌కే పరిమితం చేయకుండా రాష్ట్రవ్యాప్తంగా పనిచేసే అవకాశాలు వస్తాయి. ముందు నాగలి తర్వాత వెనుక నాగలి అన్నట్టుగా వరుసలో ఉన్న వారికి పదవులు ఆటోమేటిగ్గా వస్తాయి. కార్యకర్తలు కూడా ఆయన వెంట గట్టిగా ఉండాలె. పార్టీలో ఎదిగే యువతకు భవిష్యత్తు అవకాశాలు ఉంటాయి. నాయకులు ఇక్కడ నుంచే వస్తరు..’’ అని సీఎం కేసీఆర్‌ పేర్కొన్నారు. ఈ కార్యక్రమంలో మంత్రులు హరీశ్‌రావు, కొప్పుల ఈశ్వర్, ప్రభుత్వ విప్‌ బాల్క సుమన్, కౌశిక్‌రెడ్డి తండ్రి సాయినాథ్‌రెడ్డి, మాజీ ఎమ్మెల్సీ కర్నె ప్రభాకర్, శ్రీనివాస్‌రెడ్డి పాల్గొన్నారు. కౌశిక్‌రెడ్డి వెంట వచ్చిన హుజూరాబాద్‌ నియోజకవర్గ కాంగ్రెస్‌ నేతలకు కూడా కేసీఆర్‌ గులాబీ కండువాలు కప్పి పార్టీలోకి ఆహ్వానించారు.   

సాక్షి, హైదరాబాద్‌: కాంగ్రెస్‌ పార్టీకి రాజీనామా చేసిన పాడి కౌశిక్‌ రెడ్డి తెలంగాణ రాష్ట్ర సమితి (టీఆర్‌ఎస్‌)లో చేరారు. పార్టీ అధినేత, ముఖ్యమంత్రి కల్వకుంట్ల చంద్రశేఖర్‌ రావు ఆయనకు గులాబీ కండువా కప్పి పార్టీలోకి ఆహ్వానించారు. కౌశిక్‌ రెడ్డితో పాటు పెద్ద ఎత్తున ఆయన అనుచరులు కూడా టీఆర్‌ఎస్‌ తీర్థం పుచ్చుకున్నారు. కాంగ్రెస్‌ హుజురాబాద్‌ నియోజకవర్గ ఇన్‌చార్జిగా ఉన్న కౌశిక్‌ రెడ్డి  ఉప ఎన్నిక నేపథ్యంలో పార్టీ తీరుపై అసంతృప్తి వ్యక్తం చేస్తూ రాజీనామా చేసిన సంగతి తెలిసిందే. ఈ సందర్భంగా ముఖ్యమంత్రి కేసీఆర్‌ ఇలా మాట్లాడారు.. ‘కౌశిక్‌ రెడ్డి తండ్రి సాయినాథ్‌రెడ్డి నాకు చిరకాల మిత్రుడు. తెలంగాణ ఉద్యమంలో సాయినాథ్‌రెడ్డి నాతో కలిసి పని చేశారు. రాష్ట్రాభివృద్ధిలో భాగస్వామ్యం కావాలని కౌశిక్‌రెడ్డి పార్టీలో చేరారు. ప్రొఫెసర్‌ జయశంకర్‌ సలహాతో ఉద్యమాన్ని నడిపాం. ఎన్నో అవమానాలు ఎదుర్కొని ఉద్యమం కొనసాగించాం. ప్రజాస్వామ్యంలో పార్టీలు ఓడడం.. గెలవడం నిరంతర ప్రక్రియ. శాశ్వతంగా ఎవరూ అధికారంలో ఉండరు.. ఇది రాచరిక వ్యవస్థ కాదు’ అని తెలిపారు.

సాక్షి, హైదరాబాద్‌: హుజూరాబాద్‌ అసెంబ్లీ నియోజకవర్గ కాంగ్రెస్‌ పార్టీ మాజీ నేత పాడి కౌశిక్‌రెడ్డి టీఆర్‌ఎస్‌ పార్టీలో చేరేందుకు రంగం సిద్ధమైంది. తన అనుచరులతో కలిసి బుధవారం మధ్యాహ్నం ఒంటి గంటకు టీఆర్‌ఎస్‌ అధినేత, ముఖ్యమంత్రి కె.చంద్రశేఖర్‌రావు సమక్షంలో తెలంగాణ భవన్‌ వేదికగా టీఆర్‌ఎస్‌ పార్టీలో చేరనున్నారు. నియోజకవర్గానికి చెందిన అనుచరులతో భారీ ర్యాలీగా తెలంగాణ భవన్‌కు చేరుకునేలా కౌశిక్‌రెడ్డి ఏర్పాట్లు చేసుకుంటున్నారు. 2018 అసెంబ్లీ ఎన్నికల్లో హుజూరాబాద్‌ నుంచి కాంగ్రెస్‌ అభ్యర్థిగా మాజీ మంత్రి ఈటల రాజేందర్‌పై పోటీ చేసిన కౌశిక్‌ 60వేల పైచిలుకు ఓట్లను సాధించారు. టీఆర్‌ఎస్‌ నుంచి ఈటల నిష్క్రమణ, హుజూరాబాద్‌ అసెంబ్లీ ఉప ఎన్నిక తదితర పరిణామాల నేపథ్యంలో కౌశిక్‌ టీఆర్‌ఎస్‌లో చేరతారనే ప్రచారం జరిగింది. తాను టీఆర్‌ఎస్‌లో చేరుతున్నట్లు కొందరితో ఫోన్‌లో చేసిన వ్యాఖ్యలు వివాదాస్పదంగా మారిన నేపథ్యంలో వారం క్రితం కాంగ్రెస్‌ పార్టీకి రాజీనామా చేశారు. కౌశిక్‌ ఈ నెల 16న టీఆర్‌ఎస్‌లో చేరతారని ప్రచారం జరిగినా అదే రోజు టీటీడీపీ మాజీ అధ్యక్షుడు ఎల్‌.రమణ టీఆర్‌ఎస్‌లో చేరడంతో కౌశిక్‌ చేరిక వాయిదా పడింది. టీఆర్‌ఎస్‌ నుంచి గ్రీన్‌ సిగ్నల్‌ లభించడంతో బుధవారం ఆయన గులాబీ తీర్థం పుచ్చుకోనున్నారు.  ఈటలవి హత్యా రాజకీయాలు: కౌశిక్‌రెడ్డి  ‘ఈటల గెలుపు ఆయన వ్యక్తిగత ప్రయోజనాల కోసమే ఉపయోగపడుతుంది. టీఆర్‌ఎస్‌తోనే హుజూరాబాద్‌ అభివృద్ధి సాధ్యమవుతుంది. 18 ఏళ్లపాటు ఈటలను గెలిపించిన ఓటర్లు వచ్చే రెండేళ్ల కోసం టీఆర్‌ఎస్‌కు అవకాశం ఇవ్వండి. అభివృద్ధి చేయకపోతే 2023లో టీఆర్‌ఎస్‌కు ఓటు వేయకండి. ఈ ప్రాంత అభివృద్ధి బాధ్యత నాదే’అని కౌశిక్‌రెడ్డి చెప్పారు. టీఆర్‌ఎస్‌లో చేరుతున్న సందర్భంగా మంగళవారం తన నివాసంలో మీడియాతో మాట్లాడారు. ‘హత్యా రాజకీయాలు చేయడంలో ఈటల రాజేందర్‌ది అందె వేసిన చేయి. 2018 ఎన్నికల సందర్భంగా కమలాపూర్‌ మండలం మర్రిపల్లి వద్ద నన్ను చంపేందుకు కుట్ర పన్నాడు. మాజీ ఎంపీటీసీ బాలరాజును 2014 ఎన్నికల సందర్భంగా హత్య చేయించారు’అని కౌశిక్‌రెడ్డి తీవ్ర ఆరోపణలు చేశారు. ‘హుజూరాబాద్‌లో టీఆర్‌ఎస్‌ టికెట్‌ నాకే వస్తుందని భావిస్తున్నా. ఒకవేళ రాకున్నా ఈటల ఓటమి లక్ష్యంగా టీఆర్‌ఎస్‌ అధినేత కేసీఆర్‌ నిర్ణయం మేరకు పనిచేస్తా’అని కౌశిక్‌రెడ్డి వెల్లడించారు. 

సాక్షి, హైదరాబాద్‌: హుజూరాబాద్‌ నేత పాడి కౌశిక్‌రెడ్డి రేపు(బుధవారం) టీఆర్‌ఎస్‌ పార్టీలో చేరటం దాదాపు ఖాయమైంది. మంగళవారం ఏర్పాటు చేసిన మీడియా సమావేశంలో ఆయన మాట్లాడుతూ.. రేపు మధ్యాహ్నం ఒంటిగంటకు సీఎం కేసీఆర్ సమక్షంలో టీఆర్ఎస్‌ పార్టీలో చేరుతున్నట్లు తెలిపారు. ప్రభుత్వం చేపడుతున్న అభివృద్ధి, సంక్షేమ కార్యక్రమాలకు ఆకర్షితులై టీఆర్ఎస్‌లో చేరుతున్నట్లు చెప్పారు. సీఎం కేసీఆర్.. ఈటలకు అనేక అవకాశాలు ఇచ్చారని, ఏడేళ్లలో ఈటల రాజేందర్ హుజురాబాద్‌లో ఏం చేయలేదని మండిపడ్డారు. వ్యక్తిగత అభివృద్ధికే ఈటల ప్రాధాన్యత ఇచ్చారన్నారు. ఈటలది ఆత్మగౌరవం కాదని, హుజూరాబాద్ ప్రజలది ఆత్మగౌరవమని గుర్తుచేశారు. దళిత బంధు అద్భుతమైన పథకమని అన్నారు.  ఈటలకు డిపాజిట్ సైతం దక్కదన్నారు. ఈటల రాజేందర్‌ హత్య రాజకీయాలు చేస్తారని, 2018లో కమలాపూర్ మండలం మర్రిపల్లిగూడెంలో తనను హత్య చేసేందుకు యత్నించారని మండిపడ్డారు. హత్య రాజకీయాల చరిత్ర ఈటలదేనని దుయ్యబట్టారు. రేవంత్‌రెడ్డి తనతో అన్ని పనులు చేయించుకుని మోసం చేశాడన్నారు. స్వంత తమ్ముడని చెప్పావు కదా రెవంత్ అన్నా.. ఆ మాట గుండే మీద చేయి వేసుకుని చెప్పాలన్నారు. రేవంత్రెడ్డిది తొందరపాటు చర్యలని, తెలంగాణలో కాంగ్రెస్ ఖతం అవుతుందని కౌశిక్‌రెడ్డి అన్నారు. ఇటీవల ఫోన్‌ సంభాషణ లీక్‌ అయిన నేపథ్యంలో కౌశిక్‌రెడ్డి కాంగ్రెస్‌ పార్టీకి రాజీనామా చేసిన విషయం తెలిసిందే. దీంతో ఆయన టీఆర్‌ఎస్‌లో చేరుతారని, ఎమ్మెల్యే అభ్యర్థి ఆయనేనని వార్తలు వచ్చాయి.  అయితే ఎల్‌.రమణతోపాటు టీఆర్‌ఎస్‌లో చేరుదామని భావించిన కౌశిక్‌ రెడ్డి కొన్ని కారణాలతో ఆగిపో​యినట్లు తెలుస్తోంది. మరోవైపు హుజూరాబాద్‌ టీఆర్‌ఎస్‌ అభ్యర్థిపై నెలకొన్న ఉత్కంఠ వీడడం లేదు. కౌశిక్‌రెడ్డి టీఆర్‌ఎస్‌లో చేరినప్పటికీ ఆయనకు టీఆర్‌ఎస్‌ టికెట్‌ ఇస్తుందా అనే సందేహాలు వ్యక్తమవుతున్నాయి. ఎందుకంటే హుజూరాబాద్‌ ఉప ఎన్నికను ప్రతిష్టాత్మకంగా తీసుకున్న అధికార టీఆర్‌ఎస్‌ పార్టీ గెలుపే ధ్యేయంగా వ్యూహాలు రచిస్తోంది. బలమైన అభ్యర్థి కోసం వేచిచూస్తోంది. ఈ క్రమంలోనే అభ్యర్థి ఎవరనేదానిపై స్పష్టత ఇవ్వలేదు. మరోవైపు మాజీ మంత్రి ఈటల రాజేందర్‌ పాదయాత్రతో ఎన్నికల సమరానికి సై అంటున్నారు. ఇదిలా ఉండగా సీనియర్‌ ఐపీఎస్‌ అధికారి ఆర్‌ఎస్‌. ప్రవీణ్‌కుమార్‌ పదవికి రాజీనామా చేసిన నేపథ్యంలో ఆయన్ని టీఆర్‌ఎస్‌ హుజూరాబాద్‌ ఉప ఎన్నిక అభ్యర్థిగా బరిలోకి దించుతుందని ఊహాగానాలు జోరందుకున్నాయి.

సాక్షి ప్రతినిధి, కరీంనగర్‌: హుజూరాబాద్‌ టీఆర్‌ఎస్‌ అభ్యర్థిపై నెలకొన్న ఉత్కంఠ వీడడం లేదు. కాంగ్రెస్‌ పార్టీలో కొనసాగుతూనే చివరి నిమిషంలో టీఆర్‌ఎస్‌ అభ్యర్థిగా పోటీ చేయాలని భావించిన పాడి కౌశిక్‌రెడ్డి వ్యవహారం ఫోన్‌ సంభాషణల రూపంలో బహిర్గతం కావడం అధికార పార్టీని ఇరకాటంలో పెట్టింది. ఫోన్‌ సంభాషణ లీక్‌ అనంతర పరిణామాలతో కాంగ్రెస్‌కు రాజీనామా చేసిన పాడి కౌశిక్‌రెడ్డి శుక్రవారం టీఆర్‌ఎస్‌లో చేరుతారని భావించినప్పటికీ, ఏవో కారణాల వల్ల వీలు కాలేదు. ఈనెల 21న భారీ ర్యాలీగా హైదరాబాద్‌ వెళ్లి పార్టీలో చేరాలని ఆయన భావిస్తున్నారు. శుక్రవారం ఎల్‌.రమణతోపాటు టీఆర్‌ఎస్‌లో చేరితే తనకు ప్రాధాన్యత ఉండదని భావించిన కౌశిక్‌ రెడ్డి.. 21వ తేదీని ఎంచుకున్నట్లు సమాచారం. అయితే.. ముఖ్యమంత్రి కేసీఆర్‌ స్వయంగా కౌశిక్‌రెడ్డిని పార్టీలోకి ఆహ్వానిస్తారా? అనే అంశం చర్చనీయాంశమైంది. కౌశిక్‌ రెడ్డికి హుజూరాబాద్‌ టికెట్టు ఇవ్వాలని కేసీఆర్‌ భావిస్తేనే స్వయంగా తానే పార్టీ కండువా కప్పి పార్టీలోకి తీసుకునే అవకాశం ఉంది. లేదంటే ఈ సస్పెన్స్‌ మరికొంత కాలం కొనసాగుతుందని పార్టీ వర్గాల అంచనా. కౌశిక్‌ అభ్యర్థిత్వంపై తర్జనభర్జన కాంగ్రెస్‌ పార్టీ నియోజకవర్గ ఇన్‌చార్జిగా కొనసాగుతూ ‘హుజూరాబాద్‌ టీఆర్‌ఎస్‌ టికెట్‌ నాకే’ అని పాడి కౌశిక్‌ రెడ్డి మాజీ టీఆర్‌ఎస్‌ నాయకుడితో జరిపిన ఫోన్‌ సంభాషణ రచ్చకెక్కడంతో గులాబీ నేతలు విస్తుపోయారు. దీంతో కౌశిక్‌రెడ్డికి టీఆర్‌ఎస్‌ అధిష్టానం పార్టీ టికెట్టుపై కచ్చితమైన హామీ ఇచ్చిందనే సంకేతాలు జనంలోకి వెళ్లాయి. అదే సమయంలో కౌశిక్‌ కాంగ్రెస్‌ పార్టీలో ఉంటూ టీఆర్‌ఎస్‌కు కోవర్టుగా వ్యవహరించారనే అపవాదు కూడా వచ్చింది. టీఆర్‌ఎస్‌లో చేరిన వెంటనే కాంగ్రెస్‌ నాయకులను, కార్యకర్తలను ఒక్కొక్కరికి రూ.3 వేల నుంచి రూ.5 వేల వరకు ఇచ్చి లాగాలని, మద్యం, ఇతర ఖర్చులకు డబ్బులు ఇవ్వాలని లీకైన ఫోన్‌ సంభాషణల్లో ఉండడంతో టీఆర్‌ఎస్‌ నేతలు నోరు మెదపలేదు. ఈ వ్యవహారం వెలుగులోకి వచ్చిన తరువాత మంత్రులు, ముఖ్య నాయకులు ప్రచారానికి కూడా హుజూరాబాద్‌ వైపు వెళ్లకపోవడం గమనార్హం. ఈ నేపథ్యంలో కౌశిక్‌రెడ్డి టీఆర్‌ఎస్‌లో చేరినా, పార్టీ టికెట్టు ఇస్తారా అనే విషయంలో అనుమానాలు వ్యక్తమవుతున్నాయి. కౌశిక్‌ పార్టీలో చేరితే ఎలాంటి ఫలితం ఉంటుందనే విషయంలో టీఆర్‌ఎస్‌ ఇంటలిజెన్స్‌ విభాగం నుంచి నివేదిక తెప్పించుకున్నట్లు సమాచారం. కౌశిక్‌రెడ్డి ఫోన్‌ సంభాషణల లీక్‌తో పార్టీ ప్రతిష్టకు ఇబ్బంది కలిగిందా? ప్రజలు పార్టీని చూసి ఓటేస్తారా.. అభ్యర్థిని చూశా? అనే విషయమై అధిష్టానం దృష్టి పెట్టింది. కౌశిక్‌రెడ్డి కాకపోతే ఈటలను ఢీకొట్టే గట్టి అభ్యర్థిగా ఎవరిని ఎంపిక చేయాలనే అంశంపై కూడా అధిష్టానానికి స్పష్టత ఉన్నట్లు తెలుస్తోంది. ఫోన్‌ సంభాషణతో టీఆర్‌ఎస్‌ అభ్యర్థి కాగల అవకాశాలకు కౌశిక్‌రెడ్డి స్వయంగా గండి కొట్టుకున్నట్లు పార్టీ నేతలు వ్యాఖ్యానిస్తుండడం గమనార్హం.  ఎల్‌.రమణపై కేసీఆర్‌ వ్యాఖ్యల్లో అంతరార్థం..? ‘రమణ టీఆర్‌ఎస్‌లో చేరడం వల్ల పార్టీకి చేనేత వర్గానికి చెందిన నాయకుడు లేడనే లోటు భర్తీ అయింది. గతంలో ఈ వర్గం నుంచి ఒక నాయకుడు ఎమ్మెల్యేగా ఉండేవారు. గత ఎన్నికల్లో ఓడిపోయారు. దాంతో ప్రాతినిధ్యం లేకుండా పోయింది. రమణ విషయంలో త్వరలోనే గుడ్‌ న్యూస్‌ వింటారు. ఆయనకు తగిన పదవి ఇస్తా’ అని శుక్రవారం టీటీడీపీ మాజీ అధ్యక్షుడు ఎల్‌.రమణ పార్టీలో చేరిన సందర్భంగా ముఖ్యమంత్రి కేసీఆర్‌ వ్యాఖ్యానించారు. సంగారెడ్డి నుంచి ఎమ్మెల్యేగా ప్రాతినిధ్యం వహించిన చింత ప్రభాకర్‌ 2018 ఎన్నికల్లో కాంగ్రెస్‌ నేత జగ్గారెడ్డి చేతిలో ఓడిపోయిన తరువాత అసెంబ్లీలో ఈ వర్గానికి ప్రాతినిధ్యం లేకుండాపోయింది. ఈ నేపథ్యంలో కేసీఆర్‌ వ్యాఖ్యలు ప్రాధాన్యతను సంతరించుకున్నాయి. ఎల్‌.రమణకు హుజూరాబాద్‌ నుంచి పోటీ చేసే అవకాశం ఇస్తారా! అనే చర్చ మొదలైంది. అయితే.. జగిత్యాలకు చెందిన ఎల్‌.రమణ స్థానికేతర అభ్యర్థి కావడం మైనస్‌ అవుతుందని, ఆయన ద్వారా చేనేత, బీసీ వర్గం ఓటర్లను ఆకర్షించాలని పార్టీ భావిస్తోందని టీఆర్‌ఎస్‌ నేతలు విశ్లేషిస్తున్నారు.  ఇతర నాయకుల ప్రయత్నాలు కౌశిక్‌రెడ్డి వ్యవహారం రచ్చకెక్కిన నేపథ్యంలో టీఆర్‌ఎస్‌ పార్టీ అభ్యర్థిత్వం కోసం పలువురు నాయకులు ప్రయత్నిస్తున్నారు. 2009, 2010లో కాంగ్రెస్‌ నుంచి పోటీ చేసి ఓడిపోయి, ప్రస్తుతం టీఆర్‌ఎస్‌లో ఉన్న బీసీ కమిషన్‌ మాజీ సభ్యుడు వకుళాభరణం కృష్ణ మోహన్‌ రావు తన అవకాశాలు సజీవంగా ఉన్నాయని భావిస్తున్నారు. బీసీ నాయకుడిగా, గతంలో రాజేందర్‌కు గట్టి పోటీ ఇచ్చిన వ్యక్తిగా తనకు అవకాశం ఉంటుందని ఆయన భావిస్తున్నారు. టీఆర్‌ఎస్‌వీ రాష్ట్ర అధ్యక్షుడు గెల్లు శ్రీనివాస్‌ కూడా పార్టీ అభ్యర్థిత్వంపై ఆశతో ఉన్నారు. మాజీ మంత్రి, బీజేపీ నేత ఇనుగాల పెద్దిరెడ్డి టీఆర్‌ఎస్‌ టికెట్టు ఇస్తే పోటీ చేయాలని భావిస్తున్నప్పటికీ, ఆయనతో సంప్రదింపులు జరగలేదు. మాజీ మంత్రి ముద్దసాని దామోదర్‌ రెడ్డి కుటుంబాన్ని ఎంత మేర పరిగణలోకి తీసుకుంటారో తెలియదు. ఏదేమైనా.. హుజూరాబాద్‌ టీఆర్‌ఎస్‌ అభ్యర్థిత్వం విషయంలో పార్టీ అధిష్టానం ఆచితూచి వ్యవహరిస్తోంది. పార్టీ నియోజకవర్గం ఇన్‌చార్జిగా ఉన్న మాజీ మంత్రి టి.హరీశ్‌రావు, జిల్లాకు చెందిన మంత్రులు గంగుల కమలాకర్, కొప్పుల ఈశ్వర్‌ కూడా ఈ విషయంలో ఏమీ మాట్లాడకుండా ‘పార్టీ చీఫ్‌ కేసీఆర్‌ నిర్ణయమే శిరోధార్యమని’ అంటున్నారు.  

కరీంనగర్‌టౌన్‌: కాంగ్రెస్‌ పార్టీని వీడిన కౌశిక్‌రెడ్డికి మాణికం ఠాకూర్, రేవంత్‌రెడ్డి, పొన్నం ప్రభాకర్‌ను విమర్శించేస్థాయి లేదని డీసీసీ అధ్యక్షుడు కవ్వంపల్లి సత్యనారాయణ అన్నారు. మంగళవారం డీసీసీ కార్యాలయంలో మాట్లాడారు. ప్రగతిభవన్‌ నుంచి వచ్చే స్కిప్ట్‌ను చదివి, కాంగ్రెస్‌ నాయకులను విమర్శిస్తే బచ్చాగాళ్లు పెద్దనాయకులు కాలేరని ఎద్దేవా చేశారు. ఉత్తమ్‌కుమార్‌రెడ్డి పేరు వాడుకుని ఎమ్మెల్యే టిక్కెట్లు, జీహెచ్‌ఎంసీ టిక్కెట్లు, పీసీసీ పదవులు ఇప్పిస్తానని, హుజూరాబాద్‌లో ప్రభుత్వ ఉద్యోగాలు ఇప్పిస్తానని అనేక మంది దగ్గర డబ్బులు తీసుకొని మోసం చేసిన చరిత్ర కౌశిక్‌ది అని అన్నారు. దమ్ముంటే రాబోయే ఉప ఎన్నికల్లో స్వతంత్రగా పోటీ చేసి డిపాజిట్‌ తెచ్చుకోవాలని సవాల్‌ విసిరారు. నగర కాంగ్రెస్‌ అధ్యక్షుడు కోమటిరెడ్డి నరేందర్‌రెడ్డి, హుస్నాబాద్‌ నియోజకవర్గ ఇన్‌చార్జి బొమ్మ శ్రీరాం చక్రవర్తి, తదితరులు ఉన్నారు.రాజకీయ జన్మనిచ్చిన కాంగ్రెస్‌ పార్టీపై స్వలాభం కోసమే కౌశిక్‌ రెడ్డి ఆరోపణలు చేస్తున్నాడని టీపీసీసీ అధికార ప్రతినిధి, చొప్పదండి నియోజకవర్గ కాంగ్రెస్‌ పార్టీ ఇన్‌చార్జ్‌ మేడిపల్లి సత్యం ఒక ప్రకటనలో తెలిపారు. రేవంత్‌ రెడ్డి, పొన్నంలకు క్షమాపణ చెప్పాలని, లేని పక్షంలో తగిన బుద్ధి చెబుతారని హెచ్చరించారు. 

సాక్షి ప్రతినిధి, కరీంనగర్‌: ఒక్కరోజులో చోటుచేసుకున్న నాటకీయ పరిణామాలతో గులాబీదళం మౌనం దాల్చింది. మాజీమంత్రి ఈటల రాజేందర్‌ రాజీనామాతో ఖాళీ అయిన హుజూరాబాద్‌లో కారుదే జోరు అని తిరిగిన టీఆర్‌ఎస్‌ నేతల కాళ్లకు బ్రేక్‌ పడింది. గత ఎన్నికల్లో టీఆర్‌ఎస్‌ అభ్యర్థిగా పోటీ చేసిన ఈటలపై కాంగ్రెస్‌ నుంచి పోటీ చేసి ఓడిపోయిన పాడి కౌశిక్‌ రెడ్డి ‘టీఆర్‌ఎస్‌ టికెట్టు నాకే కన్ఫర్మ్‌ అయింది’ అని మాట్లాడిన కాల్‌ రికా ర్డులు వైరల్‌ కావడమే ఇందుకు కారణం. రెండు నెలలుగా టీఆర్‌ఎస్‌ అభ్యర్థి ఎవరనే విషయంలో గోప్యత పాటిస్తూ వచ్చిన ఆ పార్టీ నాయకులు కౌశిక్‌రెడ్డి కమలాపూర్‌ మండలం మాదన్నపేట యువకుడు విజేందర్‌కు స్వయంగా ఫోన్‌చేసి చెప్పుకున్న ఆడియో లీక్‌ కావడంతో కంగుతి న్నారు. కౌశిక్‌ మాటల్లో  మాదన్నపేట గ్రామ సర్పంచ్, కాంగ్రెస్‌ నాయకుడు చరణ్‌ దగ్గరున్న యూత్‌ ను లాగాలని, అందుకోసం రూ.3వేల నుంచి రూ.5వేల వరకు ఇవ్వాలని చెప్పడం తెలిసిందే. రిఫరెన్స్‌గా చెప్పిన మండల కాంగ్రెస్‌ అధ్యక్షుడు రాజిరెడ్డి కూడా అదే యువకుడికి ఫోన్‌ చేసి ‘చరణ్‌ పటేల్‌ దగ్గరున్న ఒక్కొక్కరికి రూ.5వేలు, మందు, ఖర్చులకు పైసలు ఇస్తాం. అందరినీ గుంజుకు రావాలె..’ అనడం వివాదాస్పదమైంది. డబ్బులతో కాంగ్రెస్‌ కార్యకర్తలను కొనుగోలు చేసుకుని కౌశిక్‌రెడ్డి టీఆర్‌ఎస్‌లోకి వెళుతున్నారనే ప్రచారం సోషల్‌మీడియా వేదికగా సాగింది. ఈ పరిణా మంతో గులాబీ నేతల్లో అంతర్మథనం మొదలైనట్లు సమాచారం. ఈ క్రమంలో 16న కేసీఆర్‌ సమక్షంలోఎల్‌.రమణతో కలిసి టీఆర్‌ఎస్‌లో చేరుతారని భావించిన కౌశిక్‌ రెడ్డి కూడా తన అంతరంగీకులతో భవిష్యత్‌ కార్యాచరణపై చర్చిస్తున్నారు. తాను 16న టీఆర్‌ఎస్‌లో చేరడం లేదని, నియోజకవర్గంలోని సన్నిహితులతో మాట్లాడిన తరువాతే నిర్ణయం తీసుకుంటానని ‘సాక్షి’కి తెలిపారు.  నేటి కార్యనిర్వాహక సమావేశంలో స్పష్టత? రాష్ట్రంలో చోటు చేసుకున్న రాజకీయ పరిణామాలు, పార్టీ సంస్థాగత అంశాలపై చర్చించేందుకు బుధవారం హైదరాబాద్‌లోని తెలంగాణ భవన్‌లో సమావేశం జరగనుంది. పార్టీ వర్కింగ్‌ ప్రెసిడెంట్‌ కె.తారక రామారావు అధ్యక్షతన జరిగే ఈ సమావేశంలో ఆరు అంశాలపై చర్చిస్తారని పార్టీ ప్రధాన కార్యదర్శి పల్లా రాజేశ్వర్‌రెడ్డి ఒక ప్రకటనలో తెలిపారు. ఇదే సమావేశంలో పార్టీ వర్కింగ్‌ ప్రెసిడెంట్‌ అనుమతితో ‘ఇతర వ్యవహారాలపై’ కూడా చర్చించనున్నారు. ఆ వ్యవహారాల్లో పీసీసీ అధ్యక్షుడు రేవంత్‌రెడ్డి వ్యవహారంతోపాటు కౌశిక్‌రెడ్డి ఎపిసోడ్, హుజూరాబాద్‌ ఉప ఎన్నిక గురించి కూడా చర్చించే అవకాశం ఉందని సమాచారం. కౌశిక్‌రెడ్డి పార్టీలో చేరుతారా..? పార్టీలో చేరినా టికెట్టు ఆయనకే ఇస్తారా..? ప్రత్యామ్నా య ఆలోచనలు ఏమిటనే విషయాలపై స్పష్టత వచ్చే అవకాశం ఉంది. కాగా.. 16న కేసీఆర్‌ సమక్షంలో టీడీపీ మాజీ నేత ఎల్‌.రమణ టీఆర్‌ఎస్‌ కండువా కప్పుకోనున్నారు. ఇతర పార్టీల్లోని మరికొందరు ముఖ్య నేతలు కూడా జిల్లా నుంచి వెళ్లి టీఆర్‌ఎస్‌లో చేరేలా ప్రయత్నాలు సాగుతున్నాయి.  కౌశిక్‌ వ్యవహారంపై నోరెత్తని అధికార పార్టీ ఏం చేద్దాం..? కాంగ్రెస్‌లో కొనసాగుతూనే తనకే టీఆర్‌ఎస్‌ టికెట్‌ ఖరారైందని పాడి కౌశిక్‌రెడ్డి చేసిన ఫోన్‌ సంభాషణ రాష్ట్ర వ్యాప్తంగా వైరల్‌ కావడం.. ఆ వెంటనే ఆయన కాంగ్రెస్‌ పార్టీకి రాజీనామా చేయడం.. కాంగ్రెస్‌ ఆయనను బహిష్కరించడం వంటి పరిణామాలను టీఆర్‌ఎస్‌ నాయకత్వం క్షుణ్ణంగా పరిశీలించింది. కౌశిక్‌రెడ్డి, ఆ యన అనుచరుడు రాజిరెడ్డి ఫోన్‌ సంభాషణలతో పార్టీ ఇమేజ్‌కు ఏమైనా నష్టం కలిగిందా..? అనే కోణంలో కూడా పార్టీ నేతలు ఆరా తీస్తున్నారు. కౌశిక్‌ను టీఆర్‌ఎస్‌లోకి తీసుకుని టికె ట్టు ఇస్తే హుజూరాబాద్‌లో కాంగ్రెస్‌ నామరూపాల్లేకుండా పోతుందని, కాంగ్రెస్‌ ఓటు బ్యాంకు కూడా తమకే అనుకూలంగా మారుతుందని టీఆర్‌ఎస్‌ అధిష్టానం భావించింది. ఉప ఎన్నిక కోసం చేయించిన ఇంటలిజెన్స్, వ్యక్తిగత సర్వేల్లో కూడా ఈటలకు పోటీగా కౌశిక్‌రెడ్డి బలమై న నాయకుడిగా నివేదికలు వచ్చాయి. ఈ మే రకు సాక్షాత్తు ముఖ్యమంత్రే ఆదివారం నాటి హుజూరాబాద్‌ సమావేశంలో ‘కౌశిక్‌ రెడ్డి వస్తానంటున్నాడు.. ఎలా ఉంటది’ అని ప్రశ్నించినట్లు తెలుస్తోంది. హుజూరాబాద్‌ నియోజకవర్గంలో మంత్రులు గంగుల కమలాకర్, కొప్పు ల ఈశ్వర్, ఎర్రబెల్లి దయాకర్‌రావు వంటి నేతలు చేస్తున్న ప్రచారానికి కూడా పార్టీ యంత్రాంగం నుంచి పాజిటివ్‌ స్పందనే కనిపించింది. ఈ పరిణామాల క్రమంలో కౌశిక్‌రెడ్డి ఫోన్‌ సంభాషణ టీఆర్‌ఎస్‌ నేతల ఉత్సాహాన్ని నీరుగార్చినట్లయింది.మంగళవారం హుస్నాబాద్‌ ఎమ్మెల్యే సతీష్‌ మినహా మంత్రులు, ఎమ్మెల్యేలు, ఇతర పెద్ద నాయకులెవరూ నియోజకవర్గంలో కనిపించకపోవడం  గమనార్హం.   

సాక్షి ప్రతినిధి, కరీంనగర్‌: ఫోన్‌ సంభాషణ లీక్‌ నేపథ్యంలో కాంగ్రెస్‌ పార్టీకి రాజీనామా చేసిన హుజూరాబాద్‌ నేత పాడి కౌశిక్‌రెడ్డికి సంబంధించిన మరో ఆడియో టేప్‌ మంగళవారం వెలుగులోకి వచ్చింది. ‘టీఆర్‌ఎస్‌ టికెట్టు నాకే.. ’అంటూ ఆయన జరిపిన ఫోన్‌ సంభాషణ సోమవారం లీకై సంచలనం సృష్టించిన సంగతి తెలిసిందే. తాజాగా హుజూరాబాద్‌ మున్సిపాలిటీ పరిధిలోని కొత్తపల్లికి చెందిన కాంగ్రెస్‌ కార్యకర్త మేకల తిరుపతితో కౌశిక్‌ జరిపిన మరో ఫోన్‌ సంభాషణ లీకైంది. అయితే ఈ ఆడియోలో టీఆర్‌ఎస్‌ గురించిన ఎలాంటి ప్రస్తావన లేదు. పీసీసీ అధ్యక్షుడు రేవంత్‌రెడ్డి, మాజీ ఎంపీ పొన్నం ప్రభాకర్‌ తీరును తప్పుపట్టడంతో పాటు, ‘మనం సుఖపడే టైమొచ్చింది..’అంటూ చేసిన కొన్ని వ్యాఖ్యలు ఉన్నాయి. ఆ సంభాషణ ఇదీ..  అధ్యక్షుడే అలా అంటే ఎలక్షన్‌ ఉంటదా? ‘తిరుపతన్న ఒక్కసారి నేను నిన్ను కలవాలి పర్సనల్‌గా. ఒక్కసారి ఆలోచన చెయ్‌. నేను చేసిన తప్పేమీ లేదు. రేవంతన్నకు నేను కొట్లాడుతా అనే ఆలోచన ఉన్నప్పుడు, మనం ఓడిపోతామనే స్టేట్‌మెంట్‌ ఎలా ఇస్తడు. రాజేందర్‌ గెలుస్తడని ఎట్ల చెప్తడు. నేను ఎట్ల పోరాటం చేయాలె చెప్పు. గెలుస్తం .. ఓడిపోతం తరువాత ముచ్చట. రాష్ట్ర అధ్యక్షుడే అట్ల అన్న తర్వాత ఎలక్షన్‌ ఏమైనా ఉంటదా. రాజేందర్‌ మంచి క్యాండెట్‌ అని చెప్పిన తర్వాత ఎలక్షన్‌ ఏమైనా ఉంటదా. ఇక్కడ ప్రభాకర్‌ (పొన్నం ప్రభాకర్‌)ను కోవర్టు చేసి అందర్నీ రాజేందర్‌ వద్దకు పంపుతుండు. ఇది నీకు, నాకు కూడా తెలుసు. నేనేమి చేయాలె ఇప్పుడు. బీజేపీ ఇన్‌చార్జ్‌లను వేసింది. తిరుగుతుండ్రు. టీఆర్‌ఎస్‌ తిరుగుతంది. నేను రెన్నెల్ల నుంచి రోజూ బతిమిలాడుతన్న. వెయ్యరు, రారు. రాత్రికి వచ్చి నిన్ను కలుస్తా. మనం సుఖపడే టైం వచ్చింది. దాంట్లో మీరు కూడా పాలుపంచుకోవాల్ననేది నా కోరిక..’’అని కౌశిక్‌ అనగా.. ‘అన్న అన్న అన్న.. మీరు హైదరాబాద్‌లో ఉన్నరా? హుజురాబాద్‌లోనా’అనే మాటలు తప్ప తిరుపతి పెద్దగా ఏం మాట్లాడలేదు.  

సాక్షి, హైదరాబాద్: టీపీసీసీ ప్రెసిడెంట్‌ రేవంత్ రెడ్డి మంగళవారం మీడియాతో చిట్‌చాట్‌ నిర్వహించారు. హుజూరాబాద్‌లో తమ పార్టీ అభ్యర్థిని ఇప్పుడే ప్రకటించమన్నారు. ఈ సందర్భంగా పలు ఆసక్తికర వ్యాఖ్యలు చేశారు. రెండు మూడు రోజుల్లో కాంగ్రెస్ పార్టీ స్పోక్స్ పర్సన్‌లను నియమిస్తామని తెలిపారు. అన్ని సామజిక వర్గాలకు కాంగ్రెస్‌లో సమన్యాయం ఉంటుందని హామీ ఇచ్చారు. ఎల్ రమణ కు నాలుగు సార్లు భోజనం పెట్టి.. కేసీఆర్ టీఆర్‌ఎస్‌లోకి తీసుకున్నారుని ఎద్దేవా చేశారు. చాలా మంది ఇతర పార్టీల నేతలు టచ్‌లోకి వస్తున్నారని రేవంత్‌ రెడ్డి తెలిపారు. ధర్మపురి సంజయ్ (మున్నూరు కాపు), ఎర్ర శేఖర్ (ముదిరాజ్), గండ్ర సత్యనారాయణ రావు (వెలమ సామజిక వర్గాలకు చెందిన వ్యక్తి) వంటి ముగ్గురు కీలక నేతలు వచ్చారన్నారు. వీరిలో ధర్మపురి సంజయ్ మాములు మనిషి కాదు.. బీజేపీ సిట్టింగ్ ఎంపీ అరవింద్ సోదరుడు అని రేవంత్‌ రెడ్డి తెలిపారు. కౌశిక్ చిన్న పిల్లగాడు.. ఆ మాటలు తనవి కావు.. కేసీఆర్ మాట్లాడించిన మాటలన్నారు.  హుజురాబాద్‌లో తమ అభ్యర్థిని ఇప్పుడే చెప్పం అన్నారు రేవంత్‌ రెడ్డి. తనకు కౌశిక్ రెడ్డి వ్యవహారం ముందే తెలుసని.. ఆయన టీఆర్‌ఎస్‌తో టచ్‌లో ఉన్నాడని సమాచారం వుందన్నారు. హుజూరాబాద్‌లో కౌశిక్‌కు టీఆర్‌ఎస్‌ టికెట్ ఇస్తారని అనుకోవడం లేదన్నారు. టీఆర్‌ఎస్‌ ప్రచారం చేస్తున్నా.. వారికీ అభ్యర్థి కరువయ్యాడు.. అందుకే కాంగ్రెస్ పార్టీ నేతకు గాలం వేశారని విమర్శించారు. నిన్న పెట్రోల్, డీజిల్ పెంపుపై చేసిన ఆందోళన కు మంచి స్పందన వచ్చిందని రేవంత్‌ రెడ్డి తెలిపారు.   

హైదరాబాద్‌:  కాంగ్రెస్ పార్టీకి కౌశిక్ రెడ్డి రాజీనామా చేసిన సంగతి తెలిసిందే. అయితే తాజాగా  టీపీసీసీ అధ్యక్షుడు రేవంత్ రెడ్డిపై కౌషిక్‌ రెడ్డి చేసిన వ్యాఖ్యలను తీవ్రంగా ఖండిస్తున్నాని  సీఎల్పీ నాయకుడు మల్లు భట్టి విక్రమార్క అన్నారు. ఈ సందర్భంగా ఆయన మాట్లాడుతూ.. సోనియాగాంధీ నిర్ణయాన్ని పార్టీలోని అందరూ ఆమోదించాలని అన్నారు. క్రమశిక్షణ కలిగిన కాంగ్రెస్‌ పార్టీ కార్యకర్తలు, నాయకులెవరూ ఇలాంటి వ్యాఖ్యలు చేయరన్నారు. కాంగ్రెస్‌ పార్టీ భావజాలాన్ని, విధానాలను అమలు చేయడం కోసం పార్టీలోని ప్రతి ఒక్కరు ముందుకు నడవాలని సూచించారు. తెలంగాణ కాంగ్రెస్‌ పార్టీ వ్యవహారాల ఇన్‌చార్జి, ఆ పార్టీ జనరల్‌ సెక్రటరీ మాణిక్యం ఠాగూర్‌పై ఆరోపణలు చేయడాన్ని కూడా తీవ్రంగా ఖండిస్తున్నట్లు తెలిపారు. ఇలాంటి అభాండాలు పార్టీకి నష్టం కలిగిస్తాయని పేర్కొన్నారు. గత ఎన్నికల్లో హుజూరాబాద్‌ శాసనసభలో కౌషిక్‌ రెడ్డికి వచ్చిన 61,121 ఓట్లన్నీ కాంగ్రెస్‌ ఓట్లేనని గుర్తు పెట్టుకోవాలన్నారు. హుజూరాబాద్‌కు జరిగే ఉప ఎన్నికలో కూడా టీఆర్ఎస్-బీజేపీల మధ్య ఓట్లు చీలినా.. స్థిరమైన ఓట్ బ్యాంక్‌తో కాంగ్రెస్ పార్టీ ముందంజలో ఉంటుందనడంలో సందేహం లేదని ఆశాభావం వ్యక్తం చేశారు.  

హైదరాబాద్‌: కరీంనగర్‌ జిల్లాలోని హుజురాబాద్‌ నియోజకవర్గ ఉప ఎన్నిక అనివార్యమైన వేళ స్థానిక యువ నేత పాడి కౌశిక్‌రెడ్డి తీరు ప్రస్తుతం రాజకీయవర్గాల్లో చర్చనీయాంశమైంది. గత ఎన్నికల్లో ఇదే అసెంబ్లీ స్థానం నుంచి కాంగ్రెస్‌ పార్టీ తరఫున పోటీ చేసిన ఆయన అప్పటి టీఆర్‌ఎస్‌ అభ్యర్థి, మాజీ మంత్రి ఈటల రాజేందర్‌ చేతిలో ఓటమిపాలయ్యారు. అయినప్పటికీ, ఏమాత్రం కుంగిపోకుండా స్థానికంగా తన బలాన్ని పెంచుకుని, వచ్చే ఎన్నికలోనైనా గెలవాలనే పట్టుదలతో ముందుకుసాగారు. అయితే, అనూహ్య పరిణామాల నేపథ్యంలో ఈటల రాజీనామా, టీఆర్‌ఎస్‌ను వీడి బీజేపీలో చేరడం, ఉప ఎన్నిక జరుగనుండటం తెలిసిందే.  దీంతో ఒక రకంగా కౌశిక్‌రెడ్డికి మరో అవకాశం వచ్చినట్లయిందని ఆయన అనుచరులు భావించారు. కాంగ్రెస్‌ పార్టీ కచ్చితంగా టికెట్‌ ఆయనకే ఇస్తుందని, గతంలోని చిన్న చిన్న పొరబాట్లు సరిచేసుకుని ఈసారి ఎలాగైనా కౌశిక్‌రెడ్డి ఎమ్మెల్యే అవుతారని ధీమాగా ఉన్నారు. ఇదిలా ఉంటే... ఉప ఎన్నిక తేదీ ఖరారుకాకపోయినప్పటికీ టీఆర్‌ఎస్‌, బీజేపీ ప్రచార దూకుడు పెంచితే, కాంగ్రెస్‌లో మాత్రం అంతర్గత విభేదాలు భగ్గుమంటున్నాయి. ముఖ్యంగా రేవంత్‌రెడ్డికి టీపీసీసీ అధ్యక్ష పదవి ఇవ్వడం పట్ల సీనియర్‌ నేతలు ఇప్పటికి అన్యమస్కంగానే ఉండటం, అసంతృప్తిని వెళ్లగక్కడం తెలిసిందే. మరోవైపు.. బలమైన అభ్యర్థి కోసం టీఆర్‌ఎస్‌ వెదుకులాట, అదే సమయంలో పాడి కౌశిక్‌రెడ్డి కేటీఆర్‌ను కలవడం వంటి విషయాలు రాజకీయవర్గాలను ఆకర్షించాయి. ఒకవేళ కౌశిక్‌ పార్టీని వీడితే.. రేవంత్‌రెడ్డి ఎలా ముందుకు సాగుతారు, అధ్యక్ష బాధ్యతలు చేపట్టిన తర్వాత జరుగుతున్న తొలి ఉప ఎన్నికను ఎలా గట్టెక్కిస్తారన్న అంశం గురించి చర్చ నడుస్తోంది. ఈ క్రమంలో పాడి కౌశిక్‌రెడ్డికి సంబంధించిన ఆడియో క్లిప్‌ సోషల్‌ మీడియాలో వైరల్‌ కావడం.. ఇందుకు స్పందించిన అధిష్టానం షోకాజ్‌ నోటీసులు ఇవ్వడం.. దీంతో కౌశిక్‌రెడ్డి ఆ పార్టీకి రాజీనామా చేయడం చకచకా జరిగిపోయాయి. ఈ సందర్భంగా సోమవారం ప్రెస్‌మీట్‌ ఏర్పాటు చేసిన కౌశిక్‌రెడ్డి.. రేవంత్‌రెడ్డిపై తీవ్రమైన ఆరోపణలు చేశారు. ‘‘రేవంత్‌రెడ్డి వల్ల ఒక్కరు కూడా సంతోషంగా లేరు. అరె.. నేనే రాజా, నాదే సినిమా అంటే ఎలా? ఆయన నిజంగా మార్పు తీసుకువస్తారు అనుకుంటే.. జీహెచ్‌ఎంసీ ఎన్నికల్లో తన నియోజకవర్గంలోని ఒక్క డివిజన్‌లో కూడా డిపాజిట్‌ ఎందుకు రాలేదు. టికెట్లు నువ్వే ఇచ్చుకున్నావు. డబ్బులు నువ్వే ఇచ్చావు. మరి ఎందుకు ఇలా జరిగింది. సొంత నియోజకవర్గంలో డిపాజిట్లు తెచ్చుకోలేదు రేవంతన్న నువ్వు రాష్ట్రంలో ఏమి చేస్తావ్‌. యుద్ధానికి సై అనెటోడే ప్రెసిడెంట్‌గిరీ తీసుకోవాలి.  ఓడిపోతామని నువ్వే చెప్తే ఎట్లా. మస్తు ముచ్చట్లు జెప్తాం కానీ.. సినిమాల్లో ముమైత్‌ఖాన్‌ కనిపిస్తే మస్తు సీటీలు కొడుతరు. కాంగ్రెస్‌ పార్టీకి ఇంకో ముమైత్‌ ఖాన్‌ ఈ రేవంత్‌రెడ్డి. ఎమ్మెల్యేగా గెలిచే సత్తా లేనోడు సీఎం ఎలా అయితడు’’అంటూ తీవ్ర వ్యాఖ్యలు చేశారు. గతంలో కూడా తనకు టిక్కెట్టు రాకుండా చేసేందుకు రేవంత్‌రెడ్డి ప్రయత్నాలు చేశారని, ఆయన వల్లే ఆలస్యమైనప్పటికీ, 15 రోజుల్లో టికెట్‌ తెచ్చుకుని.. ఈటల రాజేందర్‌కు చుక్కలు చూపించానని పేర్కొన్నారు. ఒక కాంగ్రెస్‌వాదిగా బాధతోనే ఈ మాటలన్నీ మాట్లాడుతున్నానని ఆవేదన వ్యక్తం చేశారు. అదే విధంగా జిల్లాకు చెందిన సీనియర్‌ నేత, మాజీ కాంగ్రెస్‌ ఎంపీ పొన్నం ప్రభాకర్‌ కూడా తనను ఓడించే ప్రయత్నాలు చేశారని, రక్తం అమ్ముకుని కొట్లాడుతుంటే ఇలా చేయడం ఏమిటంటూ కౌశిక్‌రెడ్డి తీవ్ర ఆగ్రహం వ్యక్తం చేశారు. ఈ నేపథ్యంలో రాజీనామా చేసిన ఆయన ఇక త్వరలోనే ‘కారెక్కడం’ ఖాయమని, ఈటలకు గతంలో గట్టి పోటీనిచ్చిన కౌశిక్‌నే టీఆర్‌ఎస్‌ అభ్యర్థిగా ఎంచుకుంటుందని, ఆయన చేరిక ఇక లాంఛనమేననే ప్రచారం జోరందుకుంది. దీంతో.. కరీంనగర్‌ రాజకీయాలపై రాష్ట్రవ్యాప్తంగా ఆసక్తికర చర్చ నడుస్తోంది. ఉన్న ఒక్కగానొక్క బలమైన అభ్యర్థి చేజారిపోవడం, హుజురాబాద్‌ సమీప గ్రామాల్లోని స్థానిక నేతలు టీఆర్‌ఎస్‌, బీజేపీలో చేరుతుండటంతో కాంగ్రెస్‌కు ఈ ఉప ఎన్నిక కత్తిమీద సామేననే అభిప్రాయాలు వ్యక్తమవుతున్నాయి. ఆ పార్టీ ఎవరిని రంగంలోకి దింపుతుంది, అభ్యర్థి ఎవరన్న అంశంపై చర్చ సాగుతోంది.

సాక్షి, కరీంనగర్‌: హుజూరాబాద్‌ కేంద్రంగా కరీంనగర్‌ రాజకీయాలు ఒక్కసారిగా మారిపోయాయి. ఆది, సోమవారాల్లో చోటు చేసుకున్న పరిణామాలు ఊహించని మలుపులు తిరిగాయి. హుజూరాబాద్‌ కాంగ్రెస్‌ పార్టీ ఇన్‌చార్జి పాడి కౌశిక్‌ రెడ్డి ఫోన్‌ సంభాషణలు లీక్‌ అయిన వెంటనే వేగంగా పావులు కదిలాయి. కౌశిక్‌ రెడ్డి కాంగ్రెస్‌ పార్టీకి రాజీనామా చేయడం, టీఆర్‌ఎస్‌లోకి వెళ్లేందుకు ముహూర్తం నిర్ణయించుకోవడం జరిగిపోయింది. ఈ నెల 16న హైదరాబాద్‌లోని టీఆర్‌ఎస్‌ భవన్‌లో ముఖ్యమంత్రి కేసీఆర్‌ సమక్షంలో కౌశిక్‌రెడ్డి టీఆర్‌ఎస్‌ కండువా కప్పుకోబోతున్నట్టు విశ్వసనీయ వర్గాల సమాచారం. ఇక ఇటీవల టీడీపీ ప్రాథమిక సభ్యత్వానికి, తెలంగాణ అధ్యక్ష పదవికి రాజీనామా చేసిన ఎల్‌.రమణ సోమవారం టీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ చేతుల మీదుగా పార్టీ సభ్యత్వం తీసుకున్న విషయం తెలిసిందే. లక్ష్మికాంతారావుతో పెద్దిరెడ్డి భేటీ మాజీ మంత్రి, బీజేపీ నాయకుడు ఇనుగాల పెద్దిరెడ్డి రాజ్యసభ సభ్యుడు కెప్టెన్‌ లక్ష్మికాంతారావుతో భేటీ కావడం ప్రాధాన్యతను సంతరించుకుంది. పెద్దిరెడ్డి తండ్రి ఇటీవల మృతి చెందగా, వయో భారంతో కెప్టెన్‌ పరామర్శకు వెళ్లలేదు. ఆదివారం పెద్దకర్మ ముగిసిన నేపథ్యంలో సోమవారం పెద్దిరెడ్డి స్వయంగా కెప్టెన్‌ ఇంటికి వెళ్లి 2 గంటల పాటు సమావేశమయ్యారు. హుజూరాబాద్‌ నుంచి గతంలో ఎమ్మెల్యేగా ప్రాతినిథ్యం వహించిన పెద్దిరెడ్డి బీజేపీ తరఫున ఈసారి పోటీ చేయాలని భావించారు. ఈటల బీజేపీలో చేరడంతో ఆ అవకాశం కోల్పోయిన ఆయన బాహాటంగానే తన అసంతృప్తిని వ్యక్తం చేశారు. అప్పటి నుంచి అంటీ ముంటనట్టుగానే బీజేపీతో ఉన్న పెద్దిరెడ్డి త్వరలోనే టీఆర్‌ఎస్‌లో చేరే అవకాశం ఉన్నట్లు సమాచారం. కేసీఆర్‌తో గతంలో ఉన్న పరిచయాలు, తాజాగా సహచరుడు ఎల్‌.రమణ టీఆర్‌ఎస్‌లో చేరిన నేపథ్యంలో పెద్దిరెడ్డి కూడా కారెక్కడం ఖాయమైనట్లు తెలుస్తోంది. ఈ విషయమై ‘సాక్షి’ ఆయనను సంప్రదించగా.. ఇప్పటివరకు తనను టీఆర్‌ఎస్‌లోకి ఎవరూ ఆహ్వానించలేదని, పిలుపొస్తే ఆలోచిస్తానని అన్నారు.

సాక్షి, కరీంనగర్‌: హుజూరాబాద్‌ ఉప ఎన్నిక నేపథ్యంలో సోమవారం వైరల్‌ అయిన ఈ ఆడియో సంభాషణలు కాంగ్రెస్‌ పార్టీని ఇరకాటంలో పెట్టా యి. కమలాపూర్‌ మండలం మాదన్నపేటకు చెందిన విజయేందర్‌తో హుజూరాబాద్‌ కాంగ్రెస్‌ పార్టీ ఇన్‌చార్జి పాడి కౌశిక్‌ రెడ్డి, ఆ వెంటనే కౌశిక్‌ అనుచరుడు కమలాపూర్‌ మండల కాంగ్రెస్‌ అధ్యక్షుడు బొల్లం రాజిరెడ్డి మాట్లాడిన ఫోన్‌ సంభాషణ లీకై రాష్ట్ర స్థాయిలో చర్చనీయాంశంగా మారిన విషయం తెలిసిందే. ఈ పరిణామం ఇప్పటివరకు కాంగ్రెస్‌ అభ్యర్థిని తానేనని చెప్పుకుంటూ వస్తున్న కౌశిక్‌ రెడ్డి టీఆర్‌ఎస్‌ గుట్టును రట్టు చేసింది. ఈ వ్యవహారంతో జిల్లా, రాష్ట్ర స్థాయిలో కాంగ్రెస్‌ నాయకులు ఖంగుతిన్నారు. కౌశిక్‌రెడ్డి టీఆర్‌ఎస్‌లోకి వెళతారని, ఆ పార్టీ అభ్యర్థిగా పోటీ చేస్తారని ప్రచారం జరుగుతున్నప్పటికీ.. తాను కాంగ్రెస్‌ నుంచే పోటీ చేస్తానని పదేపదే చెప్పే కౌశిక్‌ రెడ్డి మాటలతో కాంగ్రెస్‌ నేతలకు ఎక్కడో చిన్న ఆశ ఉండేది. రేవంత్‌రెడ్డి పీసీసీ అధ్యక్షుడయ్యాక ఆయన నివాసానికి వెళ్లి పుష్పగుచ్చం ఇవ్వడం, కాంగ్రెస్‌ టికెట్టుపై పోటీ చేస్తానని, మరోసారి అవకాశం ఇవ్వాలని ఆయన్ను కోరడం వంటి చర్యలతో కౌశిక్‌ కాంగ్రెస్‌ నుంచే పోటీ చేస్తారని భావించారు. అయితే.. సోమవారం నాటి ఫోన్‌ సంభాషణతో కాంగ్రెస్‌ పార్టీ నాయకుల కళ్లు బైర్లు కమ్మాయి. టీఆర్‌ఎస్‌ నుంచి స్పష్టమైన హామీతోనే ‘టికెట్టు నాకే ఖరారైంది’ అని కౌశిక్‌రెడ్డి చెపుతున్నారని ఆ పార్టీ నాయకులు విశ్లేషిస్తున్నారు. కౌశిక్‌ రెడ్డి కాంగ్రెస్‌ పార్టీకి రాజీనామా చేయడంతో పీసీసీ అధ్యక్షుడు రేవంత్‌రెడ్డికి హుజూరాబాద్‌ కోసం కాంగ్రెస్‌ అభ్యర్థిని వెతుక్కోవలసిన పరిస్థితి ఏర్పడింది.  రెండు నెలల క్రితమే టీఆర్‌ఎస్‌ క్యాంప్‌లోకి కౌశిక్‌..? మాజీ మంత్రి ఈటల రాజేందర్‌పై భూకబ్జా ఆరోపణలు వెలుగు చూసిన మరుసటి రోజు నుంచే కౌశిక్‌ రెడ్డి హుజూరాబాద్‌ సీన్‌లోకి వచ్చారు. టీఆర్‌ఎస్‌ క్యాంప్‌ సూచనల మేరకు రెండు నెలల నుంచే కౌశిక్‌రెడ్డి హుజూరాబాద్‌పై ‘మైండ్‌గేమ్‌’ ఆడుతున్నారని తాజా ఫోన్‌ సంభాషణతో తేటతెల్లమైంది. మంత్రివర్గం నుంచి ఈటలను తొలగించడాన్ని తప్పుపడుతూ కాంగ్రెస్‌ సీనియర్‌ నేతలు జీవన్‌రెడ్డి మొదలుకొని వీహెచ్‌ వరకు ఆయనకు మద్దతుగా నిలవగా, కౌశిక్‌ రెడ్డి ఒక్కరే ఈటలపై ధ్వజమెత్తారు. అందులో భాగంగానే మేడ్చల్‌ మండలం రావల్‌కోల్‌లో ఈటల తనయుడు నితిన్‌రెడ్డి కొనుగోలు చేసిన 31 ఎకరాల భూమి దస్తావేజులో తండ్రి పేరును ఈటల రాజేందర్‌ రెడ్డిగా పేర్కొనడం వంటి అంశాలను సాక్షాలతో మీడియా ముందు పెట్టారు. అలాగే రూ.600 కోట్ల విలువైన 700 ఎకరాల భూములు ఈటల వద్ద ఉన్నాయని, వాటిపై విచారణ జరపాలని ముఖ్యమంత్రిని కోరుతూ మరోసారి మీడియా సమావేశం ఏర్పాటుచేశారు. టీఆర్‌ఎస్‌ క్యాంపు నుంచి వచ్చిన సూచనలు, ఆధారాల మేరకే మాజీ మంత్రి ఈటలపై కౌశిక్‌రెడ్డి సాక్ష్యాధారాలతో ఆరోపణలు చేశారని ఇప్పుడు తేటతెల్లమైంది.  మంత్రి కేటీఆర్‌తో భోజనం, రహస్య చర్చలు సరిగ్గా నెలరోజుల క్రితం హైదరాబాద్‌లో ఓ ప్రైవేటు కార్యక్రమానికి రాష్ట్ర పురపాలక శాఖ మంత్రి కె.తారకరామారావుతోపాటు కౌశిక్‌ రెడ్డి కూడా హాజరయ్యారు. భోజనాల అనంతరం మంత్రి కేటీఆర్, కౌశిక్‌ రహస్య సమావేశం జరిగినట్లు సమాచారం. మంత్రి కారెక్కుతుంటే కారు దగ్గరికి వెళ్లి రహస్యంగా మాట్లాడుకున్న ఫొటోలు కూడా వైరల్‌ అయ్యాయి. దీనిపై వివరణ ఇచ్చిన కౌశిక్‌ రెడ్డి స్నేహితుడి తండ్రి పెద్ద కర్మకు హాజరైన కేటీఆర్‌ను మర్యాదపూర్వకంగా కలిశానే తప్ప వేరే ఉద్దేశమేదీ లేదని స్పష్టం చేశారు. అనంతరం టీపీసీసీ అధ్యక్షుడిగా రేవంత్‌రెడ్డి బాధ్యతలు చేపట్టిన తరువాత స్వయంగా వెళ్లి ఆయనను కలిసిన కౌశిక్‌ రెడ్డి కాంగ్రెస్‌ అభ్యర్థిగా తాను పోటీ చేస్తే రేవంత్‌రెడ్డి నెలరోజుల పాటు హుజూరాబాద్‌లో ఉంటానని చెప్పినట్లు తెలిపారు. ఈ పరిణామాలతో కౌశిక్‌ రెడ్డి కాంగ్రెస్‌ వీడరని ఆ పార్టీ నేతలు భావించారు. కానీ.. తాజా సంభాషణ కలకలం రేపింది. రెండునెలల క్రితమే  చెప్పిన ‘సాక్షి’ ఈటల రాజేందర్‌ ఎపిసోడ్‌ వెలుగులోకి వచ్చిన మే నెలాఖరు నుంచే హుజూరాబాద్‌లో పోటీ చేసే అభ్యర్థిపై టీఆర్‌ఎస్‌ ఫోకస్‌ పెట్టింది. వివిధ సర్వేల ప్రకారం యువకుడైన కౌశిక్‌రెడ్డినే ప్రత్యామ్నాయంగా భావించింది. ఈ మేరకు ఆయనతో టీఆర్‌ఎస్‌ పెద్దలు టచ్‌లోకి వచ్చారు. ప్రగతి భవన్‌ నుంచి వచ్చే ఆదేశాలు జిల్లా మంత్రి గంగుల కమలాకర్‌ ద్వారా కౌశిక్‌ రెడ్డికి చేరేవని సమాచారం. ఈ విషయాన్ని ‘సాక్షి’ సరిగ్గా రెండు నెలల క్రితమే వెలుగులోకి తెచ్చింది. మే 11వ తేదీన కరీంనగర్‌ జిల్లా (7వ పేజీ)లో ‘యుద్ధం మొదలైంది’ శీర్షికన ప్రచురితమైన కథనంలో ‘కౌశిక్‌ రెడ్డి ద్వారా సరికొత్త రాజకీయం’ తెరపైకి వస్తున్న విషయాన్ని వెల్లడించింది. ప్రగతి భవన్‌ నుంచి వచ్చిన ఆదేశాల మేరకు మరుసటి రోజు కరీంనగర్‌లో కౌశిక్‌ మీడియా సమావేశం ఏర్పాటు చేయనున్నారనే విషయాన్ని ‘సాక్షి’ పసిగట్టి కథనంలో పేర్కొన్నట్లుగానే జరిగింది. ఆర్‌అండ్‌బీ అతిథిగృహంలో మీడియా సమావేశం ఏర్పాటు చేసి రూ.600 కోట్ల విలువైన 700 ఎకరాల భూముల గురించి కొన్ని పత్రాలను విడుదల చేశారు. ‘టీఆర్‌ఎస్‌ టికెట్‌ నాకు కన్‌ఫం అయింది. అందరిని సెట్‌ చెయ్యాలె. ఖర్చుల మందం యూత్‌ను చూసుకుంట.. యూత్‌కు 3 వేల నుంచి 5 వేల వరకు ఇచ్చుకుంట ఎళ్లిపో.. నిన్ను నేను చూసుకుంట, బొల్లం రాజిరెడ్డితో టచ్‌లో ఉండు’’ – కాంగ్రెస్‌ నేత పాడి కౌశిక్‌ రెడ్డి ‘చరణ్‌ పటేల్‌ దగ్గరున్న యూత్‌ను లాగాలె.. అన్న జాయినింగ్‌ రోజు అందరు వచ్చెటట్టు చూడాలె.. ఒక్కొక్కరికి 5 వేలు, మందుకు, ఖర్చులకు వేరే ఇత్తం’’    – కౌశిక్‌ రెడ్డి అనుచరుడు, బొల్లం రాజిరెడ్డి

సాక్షి, న్యూఢిల్లీ: తెలంగాణలో పరువు నష్టం దావాల పరంపర కొనసాగుతోంది. ఇటీవల టీఆర్‌ఎస్‌ ఎమ్మెల్యే సుధీర్‌రెడ్డికి కాంగ్రెస్‌ రాష్ట్ర వ్యవహారాల ఇన్‌చార్జ్‌ మాణిక్యం ఠాగూర్‌ లీగల్‌ నోటీస్‌ పంపించిన విషయం తెలిసిందే. మాణిక్యం రూ.25 కోట్లు తీసుకొని రేవంత్‌కు పీసీసీ అధ్యక్ష పదవి ఇచ్చారని సుధీర్‌రెడ్డి ఆరోపించారు. అయితే తాజాగా సోమవారం కాం గ్రెస్‌ పార్టీకి రాజీనామా చేసిన కౌశిక్‌రెడ్డి కూడా రేవంత్‌కి పదవి ఇప్పించేందుకు మాణిక్యం ఠాగూర్‌ రూ.50 కోట్లు తీసుకున్నారని వ్యాఖ్యానించారు. ఈ వ్యాఖ్యలపై ఠాగూర్‌ ఘాటుగా స్పందించారు. తెలంగాణలో టీఆర్‌ఎస్‌ను ఓడించి, కాంగ్రెస్‌ను గెలిపించడం తన ప్రాథమిక కర్తవ్యం కాబట్టే సీఎం చంద్రశేఖర్‌రావుకు విధేయులైన వారు ఎప్పుడూ తనపై తప్పుడు ఆరోపణలు చేస్తారని ఠాగూర్‌ విమర్శించారు. ఈ వ్యవహారంలో తన న్యాయవాదులు కౌశిక్‌రెడ్డికి పరువు నష్టం నోటీసు జారీ చేస్తారని, మదురైలో ఫిర్యాదు నమోదు అవుతుందన్నారు. వారికి మదురై కోర్టుకు స్వాగతమని మాణిక్యం ఠాగూర్‌ వ్యాఖ్యానించారు.

సాక్షి, హైదరాబాద్‌: హుజూరాబాద్‌ ఉపఎన్నిక ఎప్పుడు జరుగుతుందో ఇంకా తేలకపోయినా, ఆ నియోజకవర్గం రాష్ట్రంలో మరోమారు హాట్‌టాపిక్‌గా మారింది. ఇప్పటివరకు టీఆర్‌ఎస్‌ వర్సెస్‌ ఈటలగా సాగుతున్న రాజకీయం, తాజాగా కౌశిక్‌రెడ్డి వర్సెస్‌ కాంగ్రెస్‌ పార్టీగా మారింది. తనకు టీఆర్‌ఎస్‌ టికెట్‌ ఖాయమని, యువకులందరినీ సమీకరించాలని కోరుతూ స్థానిక యువ నాయకుడు ఒకరితో.. కాంగ్రెస్‌ హుజూరాబాద్‌ నియోజకవర్గ ఇన్‌చార్జి పాడి కౌశిక్‌రెడ్డి జరిపిన ఫోన్‌ సంభాషణ లీకవడం, తదనంతర వరుస పరిణామాలు ఇందుకు కారణమయ్యాయి.   హెచ్చరించినా మార్పు రాలేదు  ఆడియో సంభాషణలపై సోమవారం టీపీసీసీ అధ్యక్షుడు రేవంత్‌రెడ్డితో మాట్లాడిన ఆ పార్టీ క్రమశిక్షణా సంఘం చైర్మన్‌ ఎం.కోదండరెడ్డి వెంటనే కౌశిక్‌కు షోకాజ్‌ నోటీసు జారీ చేశారు. గతంలో కూడా పార్టీ వ్యతిరేక కార్యకలాపాలకు పాల్పడి, మంత్రి కేటీఆర్‌ను కలిసినందుకు షోకాజ్‌ నోటీసు ఇచ్చామని, అదే నెల 12వ తేదీన హెచ్చరించినా ప్రవర్తనలో మార్పు రాలేదని ఆ నోటీసులో పేర్కొన్నారు. తాజా ఆడియో సంభాషణ కూడా క్రమశిక్షణా రాహిత్యం కిందకే వస్తుందని తెలిపారు. 24 గంటల్లో తగిన వివరణ ఇవ్వకపోతే క్రమశిక్షణా చర్యలు తీసుకుంటామని హెచ్చరించారు.   తెలంగాణ అభివృద్ధిలో భాగస్వామినవుతా..  అయితే, సాయంత్రం విలేకరుల సమావేశం ఏర్పాటు చేసిన కౌశిక్‌రెడ్డి.. ఏఐసీసీ అధ్యక్షురాలు సోనియాగాంధీకి రాసిన రాజీనామా లేఖను మీడియాకు విడుదల చేశారు. తాను పార్టీలో ఉండగానే ఈటల కాంగ్రెస్‌లోకి వస్తే గెలిచేవారని టీపీసీసీ అధ్యక్షుడి హోదాలో ఎలా ఉంటారని ప్రశ్నించారు. టీపీసీసీ పదవి కోసం మాణిక్యం ఠాగూర్‌కు రేవంత్‌రెడ్డి రూ.50 కోట్లు ఇచ్చారని ఆరోపించారు. తాను పార్టీని వీడతానని, తెలంగాణ అభివృద్ధిలో భాగస్వామిని అవుతానని కౌశిక్‌ వెల్లడించారు.   కేసీఆర్, కేటీఆర్‌లే మాట్లాడిస్తున్నారు  ఈ నేపథ్యంలో కౌశిక్‌ను పార్టీ నుంచి బహిష్కరిస్తున్నట్టు కోదండరెడ్డితో పాటు టీపీసీసీ వర్కింగ్‌ ప్రెసిడెంట్‌ మహేశ్‌కుమార్‌గౌడ్‌ మీడియాకు తెలిపారు. ఆ తర్వాత మహేశ్‌కుమార్‌ గౌడ్‌ గాంధీభవన్‌లో విలేకరులతో మాట్లాడుతూ కౌశిక్‌రెడ్డి బొమ్మ మాత్రమేనని, ఆయనతో చిలుక పలుకులు పలికిస్తున్నది కేసీఆర్, కేటీఆర్‌లేనని విమర్శించారు. ఈటల ఎపిసోడ్‌ మొదలైన నాటి నుంచి కౌశిక్‌ చదువుతున్న స్క్రిప్ట్‌ కేటీఆర్‌ ఇచ్చిందేనన్నారు. కౌశిక్‌రెడ్డి వ్యాఖ్యలను ఆయన బంధువు, టీపీసీసీ మాజీ అధ్యక్షుడు ఉత్తమ్‌కుమార్‌రెడ్డి ఖండించారు. రేవంత్, మాణిక్యం ఠాగూర్‌లనుద్దేశించి కౌశిక్‌ చేసిన వ్యాఖ్యలు సరైనవి కావని బెంగళూరు జిందాల్‌ ఆశ్రమం నుంచి విడుదల చేసిన ఒక ప్రకటనలో పేర్కొన్నారు.  ప్రత్యామ్నాయం ఎవరు?  హుజూరాబాద్‌ ఇన్‌చార్జిగా ఉన్న కౌశిక్‌రెడ్డిని బహిష్కరించడంతో అక్కడ పార్టీ తరఫున ఎవరు పోటీ చేయాలన్న దానిపై కాంగ్రెస్‌ అప్పుడే ప్రత్యామ్నాయాలను పరిశీలిస్తోంది. వీణవంక మండల కేంద్రానికి చెందిన ఓ మీడియా అధిపతి, కౌశిక్‌ సమీప బంధువు పాడి రాకేశ్‌రెడ్డి, కిసాన్‌సెల్‌ జిల్లా అధ్యక్షుడు కృష్ణారెడ్డి, పార్టీ జిల్లా వర్కింగ్‌ ప్రెసిడెంట్‌ సత్యనారాయణరావులతో పాటు మరో బీసీ నేత పేరును కాంగ్రెస్‌ నేతలు చెబుతున్నారు.  

సాక్షి ప్రతినిధి, కరీంనగర్‌ / సాక్షి ప్రతినిధి, వరంగల్‌: హుజూరాబాద్‌ కాంగ్రెస్‌ పార్టీ ఇన్‌చార్జి పాడి కౌశిక్‌రెడ్డి, కమలాపూర్‌ మండలం మాదన్నపేటకి చెందిన విజయేందర్‌తో జరిపిన ఫోన్‌ సంభాషణ సోమవారం రాష్ట్రవ్యాప్తంగా వైరల్‌ అయ్యి సంచలనం సృష్టించింది. ఈటల రాజేందర్‌ రాజీనామాతో జరిగే ఉప ఎన్నికల్లో టీఆర్‌ఎస్‌ తరఫున ఎవరు పోటీ చేస్తారు అనే ప్రశ్నకు అనూహ్యంగా సమాధానం దొరికినట్లయింది. తనకు టీఆర్‌ఎస్‌ టికెట్‌ ఖాయమైనట్లు ఆ ఫోన్‌ సంభాషణలో కౌశిక్‌రెడ్డి స్పష్టం చేశారు. అంతేకాదు ‘ఎంత ఖర్చయినా పర్వాలేదు. యూత్‌ అందర్నీ పార్టీలోకి గుంజాలె..’అని కూడా అన్నారు.   టీఆర్‌ఎస్‌ అభ్యర్థిపై స్పష్టత!  హుజూరాబాద్‌ నియోజకవర్గం నుంచి వచ్చే ఎన్నికల్లో పోటీచేసే అభ్యర్థిని టీఆర్‌ఎస్‌ ప్రకటించలేదు. కానీ మంత్రులు గంగుల కమలాకర్, ఎర్రబెల్లి ద యాకర్‌రావు, కొప్పుల ఈశ్వర్‌తో పాటు ఎమ్మెల్యేలు, ఎమ్మెల్సీలు రెండు నెలలుగా నియోజకవర్గంలో ప్రచారం సాగిస్తున్నారు. ఈ నేపథ్యంలో రెండు ఫోన్‌ సంభాషణలు వెలుగులోకి రావడం, తదనంతర పరిణామాల నేపథ్యంలో కౌశిక్‌రెడ్డి కాంగ్రెస్‌ పార్టీకి రాజీనామా చేయడంతో.. ఆయన టీఆర్‌ఎస్‌లో చేరడంపై, ఆ పార్టీ హుజూరాబాద్‌ అభ్యర్థి విషయంలో స్పష్టత వచ్చినట్టేనని అంటున్నారు. సీఎం కేసీఆర్‌ కూడా.. ఆదివారం తనను కలిసిన కొందరు నేతలతో కౌశిక్‌రెడ్డి అభ్యర్థి అయితే ఎలా ఉంటుందని ఆరా తీశారని సమాచారం.   అప్పట్నుంచే టచ్‌లో..: పీసీసీ తాజా మాజీ అధ్యక్షుడు ఉత్తమ్‌కుమార్‌రెడ్డికి వరుసకు సోదరుడైన కౌశిక్‌రెడ్డి.. ఈటల వ్యవహారం వెలుగులోకి వచ్చిన నాటి నుంచే టీఆర్‌ఎస్‌తో టచ్‌లో ఉన్నట్టు సమాచారం. జిల్లా మంత్రి గంగుల కమలాకర్‌ ద్వారా ఆయన టీఆర్‌ఎస్‌ పెద్దలతో మాట్లాడినట్లు తెలిసింది. గత నెల 10న ఓ ప్రైవేటు కార్యక్రమంలో మంత్రి కేటీఆర్‌తో కౌశిక్‌రెడ్డి భేటీ కావడం, రహస్యంగా మాట్లాడుకున్న ఫొటోలు కూడా లీకయ్యాయి. అయితే ప్రైవేటు కార్యక్రమంలో అనుకోకుండా కలిసిందేనని అప్పట్లో కొట్టిపారేశారు. అంతేకాదు రేవంత్‌రెడ్డి పీసీసీ అధ్యక్షుడయ్యాక కౌశిక్‌రెడ్డి వెళ్లి ఆయన్ను కలిశారు. దీంతో కౌశిక్‌ కాంగ్రెస్‌లోనే కొనసాగుతారని అంతా భావించారు. అయితే ఆదివారం వాట్సాప్‌ గ్రూపుల్లో కౌశిక్‌రెడ్డి టీఆర్‌ఎస్‌లో చేరబోతున్నట్లు మెస్సేజ్‌లు వెల్లువెత్తాయి. దీనిపై కౌశిక్‌రెడ్డిని ఆదివారం రాత్రి ‘సాక్షి’ప్రశ్నించగా.. ఆ ప్రచారాన్ని ఖండించారు. కానీ తెల్లవారగానే కౌశిక్‌ జరిపిన ఫోన్‌ సంభాషణ లీకవడం రాజకీయ వర్గాల్లో సంచలనం సృష్టించింది. హుజూరాబాద్‌ టికెట్టు ఎవరికివ్వాలనేది సీఎం నిర్ణయమని, కౌశిక్‌రెడ్డి ఫోన్‌ సంభాషణపై ఏమీ వ్యాఖ్యానించలేమని ఓ ముఖ్య నాయకుడు ‘సాక్షి’తో అన్నారు.   16న టీఆర్‌ఎస్‌లోకి కౌశిక్‌రెడ్డి  సీఎం కేసీఆర్‌ సమక్షంలో చేరిక  సాక్షి, హైదరాబాద్‌: కౌశిక్‌రెడ్డి ఈ నెల 16న టీఆర్‌ఎస్‌లో చేరనున్నారు. ముఖ్యమంత్రి, టీఆర్‌ఎస్‌ అధ్యక్షుడు కేసీఆర్‌ సమక్షంలో తెలంగాణ భవన్‌లో తన అనుచరులతో కలసి టీఆర్‌ఎస్‌ కండు వా కప్పుకోనున్నారు. ఈ నెల 14న హుజూరాబా ద్‌కు చెందిన కాంగ్రెస్‌ నేతలు పెద్ద సంఖ్యలో రాజీనామా చేస్తారని కౌశిక్‌రెడ్డి ప్రకటించారు. నియోజకవర్గంలో వివిధ స్థాయిలకు చెందిన సుమారు 2 వేల మంది కార్యకర్తలు తన వెంట టీఆర్‌ఎస్‌లో చేరుతారని కౌశిక్‌రెడ్డి సంకేతాలు ఇచ్చారు. త్వరలో జరిగే ఉప ఎన్నికలో టీఆర్‌ఎస్‌ నుంచి పోటీ చేస్తారని కొంత కాలం నుంచి ప్రచారం జరుగుతోంది. ఈటల రాజేందర్‌ను ఓడించడమే లక్ష్యంగా టీఆర్‌ఎస్‌లో చేరుతున్నట్లు కౌశిక్‌రెడ్డి ప్రకటించారు.  

సాక్షి, హైదరాబాద్‌: హుజూరాబాద్‌ కాంగ్రెస్‌ నేత కౌశిక్‌ రెడ్డి పార్టీకి రాజీనామా చేసిన సంగతి తెలిసిందే. ఈ నేపథ్యంలో కాంగ్రెస్‌ పార్టీ కౌశిక్‌ రెడ్డిపై బహిష్కరణ వేటు వేసింది. ఆయనను పార్టీ నుంచి బహిష్కరిస్తున్నట్లు తెలిపింది. ఈ సందర్భంగా టీపీసీసీ కాంగ్రెస్‌ ప్రెసిడెంట్‌ రేవంత్‌ రెడ్డి, కౌశిక్‌ రెడ్డి రాజీనామాపై స్పందించారు. టీఆర్‌ఎస్‌తో కుమ్మక్కై కౌశిక్‌ రెడ్డి కోవర్ట్‌గా మారారని విమర్శించారు. కాంగ్రెస్‌లో ఇంటి దొంగలను విడిచిపెట్టేది లేదని హెచ్చరించారు. నెలాఖరు వరకు కాంగ్రెస్‌ ఇంటి దొంగలకు డెడ్‌లైన్‌ విధించారు రేవంత్‌ రెడ్డి.  ఇక కాంగ్రెస్‌ పార్టీ పెద్దలు తనకు సహకరించ లేదని.. పార్టీ కోసం కష్టపడిన వారికి కాకుండా ఇతరులకు పదవులిస్తున్నారని కౌశిక్‌ రెడ్డి ఆరోపించిన సంగతి తెలిసిందే. 50 కోట్ల రూపాయలు ఇచ్చి రేవంత్‌ రెడ్డి టీపీసీసీ ప్రెసిడెంట్‌ అయ్యారని కౌశిక్‌ రెడ్డి ఆరోపించారు. సీనియర్లను కాదని రేవంత్‌ రెడ్డికి టీపీసీసీ బాధ్యతలు అప్పగించడం తనను బాధించిందన్నారు. తెలంగాణలో కాంగ్రెస్‌ పార్టీ మనుగడ కష్టం అని.. అందుకే పార్టీని వీడుతున్నట్లు ప్రకటించిన సంగతి తెలిసిందే. 

సాక్షి, హైదరాబాద్‌: తెలంగాణ కాంగ్రెస్‌కు మరో షాక్‌ తగిలింది. హుజూరాబాద్‌ కాంగ్రెస్‌ నేత కౌశిక్‌రెడ్డి సోమవారం పార్టీకి రాజీనామా చేశారు. టీపీసీసీ క్రమశిక్షణ సంఘం షోకాజ్‌ నోటీసు అందుకున్న 24 గంటల్లోనే కౌశిక్‌ రెడ్డి రాజీనామా ప్రకటించడం రాజకీయ వర్గాల్లో కలకలం రేపుతుంది. రాజీనామా ప్రకటన అనంతరం కౌశిక్‌ రెడ్డి మాట్లాడుతూ.. ‘‘కాంగ్రెస్‌ పార్టీ పెద్దలు నాకు సహకరించడం లేదు. పార్టీ కోసం కష్టపడిన వారికి కాకుండా ఇతరులకు పదవులిస్తున్నారు. పార్టీ పదవుల విషయంలో నాకు ప్రాధాన్యత ఇవ్వలేదు. కొందరు సీనియర్‌ నేతలు పార్టీకి నష్టం కల్గిస్తున్నారు’’ అంటూ సంచలన వ్యాఖ్యలు చేశారు. ‘‘50 కోట్ల రూపాయలు ఇచ్చి రేవంత్‌ రెడ్డి టీపీసీసీ ప్రెసిడెంట్‌ అయ్యారు. సీనియర్లను కాదని రేవంత్‌ రెడ్డికి టీపీసీసీ బాధ్యతలు అప్పగించడం నన్ను బాధించింది. తెలంగాణలో కాంగ్రెస్‌ పార్టీ మనుగడ కష్టం’’ అన్నారు కౌశిక్‌ రెడ్డి. కొంతకాలంగా పార్టీ వ్యతిరేక కార్యకలాపాలకు పాల్పడుతూ, టీఆర్‌ఎస్‌ నాయకులతో సన్నిహితంగా ఉంటున్నట్లు ఫిర్యాదులు నేపథ్యంలో 24 గంటల్లో వివరణ ఇవ్వాలంటూ క్రమశిక్షణ సంఘం కౌశిక్‌రెడ్డికి ఇచ్చిన నోటీస్‌లో పేర్కొన్న సంగతి తెలిసిందే. దీని గురించి గతంలో కౌశిక్‌రెడ్డిని హెచ్చరించినా ఆయన తీరులో మార్పు రాలేదని క్రమశిక్షణ సంఘం తెలిపింది. ఈటల రాజీనామాతో ఉప ఎన్నిక తథ్యమైన హుజూరాబాద్‌లో.. టీఆర్‌ఎస్‌ తనకే టికెట్‌ ఇస్తుందని ఫోన్‌లో కౌశిక్‌ రెడ్డి స్థానిక నాయకులతో చెప్తున్నట్లు ఉన్న ఆడియో క్లిప్‌ వైరలైన సంగతి తెలిసిందే. ఈ క్రమంలో టీపీసీసీ క్రమశిక్షణ సంఘం షోకాజ్‌ నోటీసు జారీ చేసింది. 

సాక్షి, హుజురాబాద్‌: ఈటల రాజేందర్‌ ఎమ్మెల్యే పదవికి రాజీనామా చేయడంతో హుజురాబాద్‌ ఉప ఎన్నిక అనివార్యమైంది. ఆయన బీజేపీలో చేరడంతో బీజేపీ వర్సెస్‌ టీఆర్‌ఎస్‌ అన్నట్టుగా హుజురాబాద్‌ ఉప ఎన్నిక మారింది. అయితే, కాంగ్రెస్‌ నేత, గతంలో హుజురాబాద్‌ అసెంబ్లీ స్థానం నుంచి ఈటల చేతిలో ఓటమిపాలైన పాడి కౌశిక్‌ రెడ్డిని టీఆర్‌ఎస్‌ తనవైపునకు తిప్పుకుంటుందా అనే ఊహాగానాలు వెలువడ్డాయి.  తాజాగా బయటపడిన ఓ ఆడియో క్లిప్‌ వ్యవహారం కౌశిక్‌ రెడ్డి కారెక్కడం ఖాయమనే ప్రచారానికి ఊతం ఇస్తోంది. హుజూరాబాద్‌ కాంగ్రెస్‌ నేత కౌశిక్‌రెడ్డి వాయిస్‌ సోషల్‌ మీడియాలో హల్‌చల్‌ చేస్తోంది. తనకే టీఆర్‌ఎస్‌ టికెట్‌ ఇస్తుందని ఫోన్ల ద్వారా కౌశిక్‌రెడ్డి స్థానిక నాయకుల వద్ద చెప్తున్నట్టు వైరలైన ఆడియో క్లిప్‌ ద్వారా తెలుస్తోంది. రానున్న ఉపఎన్నికల్లో తానే టీఆర్‌ఎస్‌ అభ్యర్థినంటూ కౌశిక్‌రెడ్డి ప్రచారం చేసుకుంటున్నారు. మాదన్నపేట్‌కు చెందిన యువకుడితో కౌశిక్‌రెడ్డి ఫోన్‌లో మాట్లాడినట్లు ప్రచారం జరుగుతోంది.

సాక్షి, కరీంనగర్‌: ఏరోజూ ఈటల రాజేందర్‌ హుజూరాబాద్‌ ప్రజల సంక్షేమం కోసం పాటుబడలేదని, స్వార్థం కోసమే రాజీనామా చేశారని కాంగ్రెస్‌ నేత కౌశిక్‌రెడ్డి విమర్శించారు. ఇప్పుడు ఉద్యమకారుని పేరిట ప్రజలను మోసం చేయడానికి సిద్ధమయ్యారని ఆరోపించారు. ఆయన మీడియాతో మాట్లాడుతూ.. ప్రజలు ఈటల, టీఆర్‌ఎస్‌ను ఎప్పుడూ నమ్మొద్దని సూచించారు. ఈటల మంత్రిగా ఉన్నప్పుడు టీఆర్‌ఎస్‌ను ఎందుకు ప్రశ్నించలేదని మండిపడ్డారు. 2018 ఎన్నికల్లో నాకు కేసీఆర్ డబ్బులు పంపించారని ఈటల అంటున్నారు. అసలు ఎన్నికలు ముగిసి రెండున్నర సంవత్సరాలు కాగా అప్పటి నుంచి ఈ విషయం ఎందుకు అడగలేదని నిలదీశారు. వచ్చే ఎన్నికల్లో ఈటలకు ఓటమి ఖాయమని, హుజురాబాద్ నియోజకవర్గంలో కాంగ్రెస్ పార్టీ జెండా ఎగురవేయబోతుందని ఆయన జోస్యం చెప్పారు. ‘ఈటల రాజేందర్.. అమరవీరుల స్థూపానికి మొక్కి వచ్చావు.. ఈ ఏడు సంవత్సరాలో ఒక్క అమరవీరుని గురించి మాట్లాడారా...? ఒక్క కుటుంబంనైనా పరామర్శించారా..? దీనిపై అమరవీరుల కుటుంబాలకు సమాధానం చెప్పాలని’ సూటిగా ప్రశ్నించారు. చదవండి: నేడు ఈటల రాజీనామా.. బీజేపీలోకి రాథోడ్‌ 

సాక్షి ప్రతినిధి, కరీంనగర్‌: మాజీ మంత్రి ఈటల రాజేందర్‌ తన ఎమ్మెల్యే పదవికి రాజీనామా చేయనుండటంతో ఖాయం కానున్న హుజూరాబాద్‌ ఉప ఎన్నిక వేళ రాజకీయ సమీకరణాలు మారనున్నాయా? గత అసెంబ్లీ ఎన్నికల్లో హుజూరాబాద్‌ నియోజకవర్గం నుంచి కాంగ్రెస్‌ అభ్యర్థిగా పోటీ చేసి ఈటల చేతిలో ఓడిన పాడి కౌశిక్‌రెడ్డి టీఆర్‌ఎస్‌లో చేరేందుకు రంగం సిద్ధమవుతోందా? తాజాగా చోటుచేసుకు న్న పరిణామాలు ఈ దిశగా అనుమానాలు రేకెత్తిస్తున్నాయి.  కేటీఆర్‌తో ఫొటోలు వైరల్‌...  కౌశిక్‌రెడ్డి స్నేహితుడి తండ్రి పది రోజుల కిందట మరణించగా ఆయన దశ దినకర్మ కార్యక్రమానికి మంత్రి కేటీఆర్‌ విచ్చేశారు. ఈ సందర్భంగా కేటీఆర్‌ పక్కనే కూర్చున్న కౌశిక్‌రెడ్డి కాసేపు ఆయనతో మాట్లాడుతూ కనిపించారు. కేటీఆర్‌ తిరిగి వెళ్లే సమయంలోనూ ఆయన కారు వద్ద ఏకాంతంగా మాట్లాడారు. ఇందుకు సంబంధించిన ఫొటోలు శుక్రవారం సోషల్‌ మీడియాలో వైరల్‌ కావడంతో కౌశిక్‌రెడ్డి టీఆర్‌ఎస్‌లో చేరుతున్నారనే వార్తలు ప్రచారంలోకి వచ్చాయి. పీసీసీ చీఫ్‌ ఉత్తమ్‌కు వరుసకు సోదరుడయ్యే కౌశిక్‌రెడ్డి గులాబీ కండువా కప్పుకుంటున్నట్లు వార్తలు షికారు చేశాయి. అయితే ఈ ప్రచారాన్ని కౌశిక్‌రెడ్డి తోసిపుచ్చారు. కేటీఆర్‌ను మర్యాదపూర్వకంగానే కలిశానని ఓ వీడియాను విడుదల చేశారు.  టీఆర్‌ఎస్‌కు అభ్యర్థి కొరత...  ఈ నెల 14న బీజేపీలో చేరనున్న మాజీ మంత్రి ఈటల రాజేందర్‌ ఆ పార్టీ హుజూరాబాద్‌ అభ్యర్థిగా బరిలోకి దిగనుండటం ఖాయం కావడంతో టీఆర్‌ఎస్‌ నుంచి ఎవరిని పోటీలో నిలపాలనే చర్చ కొన్ని రోజులుగా గులాబీ దళంలో సాగుతోంది. అయితే ఈటలను ఢీకొనే స్థాయి గల నాయ కుడు టీఆర్‌ఎస్‌ నుంచి హుజూరాబాద్‌లో ఎవరూ ఎదగకపోవడం ఆ పార్టీలో గుబులు రేపుతోంది. ఈ నేపథ్యంలో గతంలో ఈటలపై పోటీ చేసి ఓడిన వకులాభరణం కృష్ణమోహన్‌ రావు, మాజీ మంత్రి, బీజేపీ నేత ఇనుగాల పెద్దిరెడ్డి, కెప్టెన్‌ లక్ష్మీకాంతరావు కుటుంబం నుంచి ఒక్కొక్కరి పేర్లు టీఆర్‌ఎస్‌ అభ్యర్థి రేసులో వినిపించగా తాజాగా పాడి కౌశిక్‌రెడ్డి అభ్యర్థిత్వంపైనా చర్చ జరుగుతోంది.  ఈటల వ్యతిరేకిగా ముద్ర...  2018 ఎన్నికల్లో ఈటలపై పోటీ చేసిన కౌశిక్‌ సుమారు 40 వేల ఓట్ల తేడాతో ఓడిపోయారు. అయినా హుజూరాబాద్‌లో సమస్యలపై గళం విప్పుతూనే ఉన్నారు. ఈటలను టార్గెట్‌ గా చేసుకొని విమర్శలు కురిపించేవారు. టీఆర్‌ఎస్‌లో ఈటలకు అన్యాయం జరిగిందని కాంగ్రెస్‌ అగ్రనేతలు సాను భూతి వ్యక్తం చేసినా కౌశిక్‌రెడ్డి మాత్రం ఈటల భూకబ్జాల పేరుతో మీడియా సమావేశాలు పెట్టి మరీ ధ్వజమెత్తారు. 

సాక్షి, కరీంనగర్‌: హాట్‌ టాపిక్‌గా మారిన హుజూరాబాద్‌ నియోజకవర్గంలో రాజకీయ వేడి పెరుగుతోంది. స్థానిక ఎమ్మెల్యే, మాజీ మంత్రి ఈటల రాజేందర్‌ బీజేపీలోకి వెళ్లడం ఖాయమైనట్టు తేలడంతో అన్ని రాజకీయ పార్టీలు అలర్ట్‌ అయ్యాయి. హుజూరాబాద్‌ నుంచి ఆరుసార్లు ఎమ్మెల్యేగా గెలిచిన ఈటల రాజేందర్‌ ఏకచత్రాధిపత్యం చలాయించారు. ఈ నియోజకవర్గంలో ఆయన స్థాయిలో పార్టీ నాయకులెవరూ ఎదిగే అవకాశం రాలేదు. ప్రస్తుత పరిస్థితుల్లో ఈటల బీజేపీలోకి వెళితే.. ఉప ఎన్నిక అనివార్యం కానుంది. ఒకవేళ ఉప ఎన్నిక జరిగితే ఈటల పోటీ చేయడం తథ్యం. ఆ పరిస్థితుల్లో టీఆర్‌ఎస్‌ కూడా ఆయనను ఢీకొనే స్థాయి నాయకుడిని బరిలో దింపాల్సిన ఉంటుంది. 2004లో కమలాపూర్‌ నుంచి, 2009 తరువాత హుజూరాబాద్‌ నుంచి వరుసగా గెలుస్తూ వస్తున్న ఈటలకు ప్రతి గ్రామంతో సంబంధాలున్నాయి. పార్టీ కేడర్‌తో సంబంధం లేకుండా వ్యక్తిగత పరిచయాలు ఎక్కువ. ఈ పరిస్థితుల్లో ఈటలను ఢీకొనే స్థాయి నాయకుడు ఎవరా అని హుజూరాబాద్‌తోపాటు కరీంనగర్‌ జిల్లాలోనూ చర్చ జరుగుతోంది. ఈ పరిస్థితుల్లో ప్రస్తుతం టీఆర్‌ఎస్‌లో ఉన్న నాయకుల కన్నా ఎక్కువగా.. కాంగ్రెస్, బీజేపీకి చెందిన వారి పేర్లు తెరపైకి వస్తున్నాయి. ఈటల స్థానంలో చాన్స్‌ కోసం.. 2004 నుంచి వరుసగా ఎమ్మెల్యేగా గెలుస్తూ, ప్రత్యర్థి పార్టీలకు అవకాశం ఇవ్వని ఈటల రాజేందర్‌ పార్టీ మారి బీజేపీలో చేరితే.. టీఆర్‌ఎస్‌ టిక్కెట్టు కోసం గట్టి పోటీ నెలకొనే అవకాశాలు న్నాయి. గతంలో హుజూరాబాద్‌ నుంచి పోటీ చేసిన నాయకులే.. పార్టీ మారి బరిలో నిలిచేందుకు ముందు వరుసలో ఉండడం గమనార్హం. ఈ క్రమంలో 2004, 2009, 2018లలో ఈ నియోజకవర్గం నుంచి పోటీ చేసి ఓటమి పాలైన నాయకులు ఈసారి టీఆర్‌ఎస్‌ నుంచి పోటీకి సిద్ధమవుతున్నట్లు ప్రచారం జరుగుతోంది. టీడీపీ మాజీ మంత్రి, ప్రస్తుత బీజేపీ నాయకుడు ఇనుగాల పెద్దిరెడ్డి, కాంగ్రెస్‌ ఇన్‌చార్జి పాడి కౌశిక్‌ రెడ్డి, బీసీ కమిషన్‌ మాజీ సభ్యుడు, టీఆర్‌ఎస్‌ నాయకుడు వకుళాభరణం కృష్ణమోహన్‌ రావు టీఆర్‌ఎస్‌ నుంచి అవకాశం వస్తే పోటీకి సిద్ధంగా ఉన్నా రు. వీరితోపాటు టీఆర్‌ఎస్‌వీ అధ్యక్షుడు గెల్లు శ్రీనివాస్, కెప్టెన్‌ లక్ష్మికాంతరావు కుటుంబ సభ్యుల్లో ఒకరు టికెట్టు ఆశిస్తున్న వారిలో ఉన్నట్లు ప్రచారం జరుగుతోంది.  చదవండి: టీఆర్‌ఎస్‌ ఫోకస్‌: ఈటల బాటలో నడిచేదెవరు? కాంగ్రెస్‌ నుంచి ఓడి.. టీఆర్‌ఎస్‌ ద్వారా వకుళాభరణం 2009 సాధారణ ఎన్నికల్లో టీఆర్‌ఎస్‌ అ భ్యర్థి ఈటల రాజేందర్‌పై కాంగ్రెస్‌ అభ్యర్థిగా వకులాభరణం కృష్ణమోహన్‌ రావు పోటీ చేసి ఓడిపోయారు. ఆ తరువా త 2010లో జరిగిన ఉప ఎన్నికల్లో సైతం కాంగ్రెస్‌ అభ్యర్థిగా బరిలోకి దిగి మరోసారి ఓడిపోయారు. 2014 వరకు కాంగ్రెస్‌లోనే బీసీ కమిషన్‌ సభ్యుడిగా కొనసాగారు. 2014లో ఆయనకు కాంగ్రెస్‌ టికెట్టు దక్కలేదు. కేసీఆర్‌ ప్రభుత్వం అధికారంలోకి వచ్చిన తరువాత 2014లో టీఆర్‌ఎస్‌లో చేరారు. అప్పటి నుంచి పార్టీ బీసీ నాయకుడిగా కొనసాగుతున్నారు. తా జా రాజకీయ పరిణామాల దృష్ట్యా టీఆర్‌ఎస్‌ టి క్కెట్టును ఆశిస్తున్నారు. బీసీ వర్గానికి చెందిన ఆ యన ఈటల ఎపిసోడ్‌ వెలుగు చూసిన నాటి నుంచి నియోజకవర్గంలో చురుగ్గా వ్యవహరిస్తున్నా రు. తనకు అవకాశం ఇవ్వాలని కోరుతున్నారు.  ఈటల బీజేపీ.. పెద్దిరెడ్డి టీఆర్‌ఎస్‌లోకి.. 1994, 1999లో హుజూరాబాద్‌ టీడీపీ ఎమ్మెల్యేగా గెలిచి మంత్రిగా కూడా పనిచేసిన పెద్దిరెడ్డి 2004లో కెప్టెన్‌ లక్ష్మికాంతరావు చేతిలో ఓడిపోయారు. 2009 ఎన్నికల నాటికి ప్రజారాజ్యంలో చేరి హుస్నాబాద్‌ నుంచి పోటీ చేసి పరాజయం చెందారు. 2014లో టీడీపీ అభ్యర్థిగా రామగుండం నుంచి పోటీ చేసినా ఫలితం దక్కలేదు. ఈ నేపథ్యంలో 2019లో ఆయన బీజేపీలో చేరారు. హుజూరాబాద్‌ నుంచి కమలం అభ్యర్థిగా పోటీ చేయాలని భావిస్తూ వచ్చారు. అయితే.. ఈటల బీజేపీలో చేరుతారనే ప్రచారంపై పెద్దిరెడ్డి తన అసంతృప్తిని వెళ్లగక్కారు. తనను సంప్రదించకుండా ఎలా చేర్చుకుంటారని ప్రశ్నించారు. ఈటల బీజేపీలో చేరిన పక్షంలో పెద్దిరెడ్డి టీఆర్‌ఎస్‌లోకి వెళ్లడం ఖాయమనే తెలుస్తోంది.హుజూరాబాద్‌కు చెందిన పెద్దిరెడ్డి అనుయాయుడు పోరెడ్డి శంతన్‌ రెడ్డితోపాటు ఇద్దరు కౌన్సిలర్లు శోభ, మంజుల శుక్రవారం టీఆర్‌ఎస్‌లో చేరడం ఈ అనుమానాల కు తావిస్తోంది. టీడీపీలో ఉన్నప్పుడు కేసీఆర్‌తో పెద్దిరెడ్డికి ఉన్న సంబంధాలు కూడా ఆయనకు కలిసి వస్తాయని భావిస్తున్నారు. ఈటల ఎపిసోడ్‌ వెలుగులోకి వచ్చిన నాటినుంచే టీఆర్‌ఎస్‌ నుంచి పోటీకి పెద్దిరెడ్డి సిద్ధంగా ఉన్నారని వస్తున్న వార్తలను నిజం చేసే పనిలో ఉన్నారు.  లైన్‌లో టీఆర్‌ఎస్‌వీ అధ్యక్షుడు..  టీఆర్‌ఎస్‌వీ రాష్ట్ర అధ్యక్షుడిగా కొనసాగుతున్న వీణవంక మండలానికి చెందిన గెల్లు శ్రీనివాస్‌ యాదవ్‌ సైతం టీఆర్‌ఎస్‌ టిక్కెట్టు ఆశిస్తున్నారు. తనకు అవకాశం ఇస్తే గెలుస్తానని ఇప్పటికే పార్టీ అధిష్టానానికి సంకేతాలు పంపినట్లు తెలిసింది. ఈయనతోపాటు మాజీ ఎమ్మెల్యే, ప్రస్తుత ఎంపీ కెప్టెన్‌ లక్ష్మికాంతరావు కుటుంబం నుంచి కూడా బరిలో నిలుస్తారనే ప్రచారం ఉంది. టీఆర్‌ఎస్‌లో ప్రకంపనలు సృష్టించిన ఈటల వ్య వహారం ఇప్పట్లో సద్దుమణిగేలా కనిపించడం లేదు. హాట్‌ టాపిక్‌గా కౌశిక్‌రెడ్డి  2018లో కాంగ్రెస్‌ అభ్యర్థిగా పోటీ చేసి ఓడిపోయిన పాడి కౌశిక్‌ రెడ్డి తాజా రాజకీయ పరిణామాల్లో కీలకంగా మారారు. టీఆర్‌ఎస్‌ హవాలో కూడా ఈటలకు గట్టి పోటీ ఇచ్చిన కౌశిక్‌ ఓడిపోయినప్పటి నుంచి ఈటలపై విమర్శలు గుప్పిస్తూనే ఉన్నారు. రాజేందర్‌ను మంత్రి వర్గం నుంచి తొలగించిన తరువాత కూడా దూకుడు ఆపలేదు. మాజీ మంత్రి భూకబ్జాల పేరుతో కరీంనగర్‌లో రెండుసార్లు మీడియా సమావేశాలు ఏర్పాటు చేసి ధ్వజమెత్తారు. కాంగ్రెస్‌ పార్టీ కి చెందిన ముఖ్యనేతలు ఈటలకు మద్దతుగా నిలిచిన సమయంలో కౌశిక్‌రెడ్డి మాత్రం ఈటలను టార్గెట్‌ చేయడం చర్చనీయాంశమమైంది. టీఆర్‌ఎస్‌ పార్టీ అగ్ర నాయకత్వ మే కౌశిక్‌రెడ్డి ద్వారా విమర్శలు చేయిస్తోందనే అనుమానాలు కూడా ఉన్నాయి. అంఅందుకే టీఆర్‌ఎస్‌ నుంచి కౌశిక్‌రెడ్డి పోటీ లో ఉంటారని ప్రచారం జరుగుతోంది. కా గా.. కౌశిక్‌ పీసీసీ అధ్యక్షుడు ఉత్తమ్‌కు సమీప బంధువు కావడం గమనార్హం. 

సాక్షి, కరీంనగర్‌ : ప్రజా సమస్యల గురించి పోరాడుతుంటే తనపై అక్రమ కేసులు నమోదు చేస్తున్నారని టీపీసీసీ సెక్రటరీ పాడి కౌశిక్‌రెడ్డి ఆరోపించారు. హుజురాబాద్ పోలీస్ స్టేషన్‌లో శుక్రవారం కౌశిక్‌ రెడ్డికి ముందస్తు బెయిల్‌ పొందారు. అనంతరం ఆయన మీడియాతో మాట్లాడుతూ.. అక్రమంగా బనాయించే కేసులకు తాను బయపడనని, ప్రజా సమస్యలపై పోరాడుతూనే ఉంటానని స్పష్టం చేశారు. 2023లో తప్పక ఈటల రాజేందర్‌ను ఓడిస్తానని, లేకుంటే తన పేరు కౌశిక్ కాదు అని సవాల్‌ విసిరారు. (ఏం డాక్టర్‌వయ్యా.. దిమాక్‌ ఉందా?) పదవి ఉంది కదా అని ప్రజలను ఇబ్బంది పెడితే అంతకు రెట్టింపు ప్రతీకారం తీర్చుకుంటారని పాడి కౌశిక్‌ రెడ్డి హెచ్చరించారు. 2004 లో మాజీ నక్సలైట్లు వారి సిద్ధాంతాలు కల్గిన వ్యక్తిగా ఎమ్మెల్యేగా గెలిపించారని, ఇప్పుడు ఆయన వెంట ఎవరూ లేరని పేర్కొన్నారు. ఆస్పత్రిలో పనిచేసే ప్రవీణ్ యాదవ్ చావుకు కారణమైన హాస్పిటల్ సూపరింటెండెంట్ రవి ప్రవీణ్ రెడ్డిని సస్పెండ్ చేయాలని, ప్రవీణ్ భార్యకు ప్రభుత్వ ఉద్యోగం ఇవ్వాలని డిమాండ్ చేశారు.

సాక్షి, కరీంనగర్ జిల్లా: కాంగ్రెస్‌ నేత తీరుతో హుజూరాబాద్ ప్రభుత్వాసుపత్రిలో కలకలం రేగింది. ఇటీవల గుండెపోటుతో మరణించిన ప్రవీణ్ అనే వ్యక్తి మృతికి ఆసుపత్రి సూపరింటెండెంట్‌ కారణమని ఆరోపిస్తూ పీసీసీ కార్యదర్శి పాడి కౌశిక్ రెడ్డి తీవ్రస్థాయిలో విరుచుకుపడ్డారు. సీఎల్పీ నేత భట్టి విక్రమార్క గురువారం జమ్మికుంట, హుజురాబాద్ ఆస్పత్రుల్లో వైద్య పరీక్షలు, సేవలను పరిశీలించారు. ఈ నేపథ్యంలో ఈ ఘటన చోటుచేసుకుంది. కౌశిక్ రెడ్డిని భట్టి విక్రమార్క వారించినా వినకుండా సూపరింటెండెంట్ వైపు వేలు చూపుతూ తీవ్రస్థాయిలో మండిపడ్డారు.‌ ఏం డాక్టర్‌వయ్యా...దిమాక్‌ ఉంటా అంటూ తీవ్రస్థాయిలో ధ్వజమెత్తారు. మర్డర్ కేసు నమోదు చేయించి, సస్పెండ్ చేసే వరకు ఊరుకోమంటూ సూపరిండెంట్‌పై కౌశిక్‌రెడ్డి మండిపడ్డారు. హుజురాబాద్ ఆసుపత్రిలో ఉద్యోగం చేస్తున్న ప్రవీణ్‌ను సూపరింటెండెంట్ విధుల నుంచి తొలగించడంతో మానసిక ఆందోళనతోనే అతడికి గుండెపోటు వచ్చిందని కౌశిక్‌రెడ్డి ధ్వజమెత్తారు. హుజూరాబాద్ నియోజకవర్గంలో ఈటల రాజేందర్, సూపరింటెండెంట్ కలిసి ఎంతమందిని చంపుతారని ప్రశ్నించారు. తమ కార్యకర్తలు ఆసుపత్రికి వస్తే కేసులు పెట్టి వేధిస్తారా.. నీ అంతు చూస్తామంటూ తీవ్ర స్థాయిలో విరుచుకుపడ్డారు. దీంతో ఆసుపత్రిలో కొద్దిసేపు ఉద్రిక్తత నెలకొంది.

సాక్షి, హైదరాబాద్‌ : అక్ర‌మంగా కారును షోరూమ్‌ ముందు పార్కింగ్ చేయ‌డ‌మే కాకుండా ఇదేమ‌ని ప్ర‌శ్నించినందుకు సినీన‌టుడు రాజ‌శేఖ‌ర్ సోద‌రుడు గుణ‌శేఖ‌ర్ వ‌ర‌ద‌రాజ‌న్‌పై గ‌త ఎన్నిక‌ల్లో హుజురాబాద్ నుంచి కాంగ్రెస్‌ ఎమ్మెల్యే పోటీ చేసిన కౌశిక్ రెడ్డి దాడి చేశాడంటూ దర్శకురాలు, సీనీనటి  జీవితారాజ‌శేఖ‌ర్‌లు బంజారాహిల్స్ ఏసీపీ కేఎస్ రావుకు ఫిర్యాదు చేశారు. కౌశిక్‌పై చర్యలు తీసుకోవాలని ఏసీపీని కోరారు. జూబ్లీహిల్స్‌లోని  రోడ్ నంబ‌రు 45లో ఉన్న గుణ డైమండ్స్ ముందు కౌశిక్‌రెడ్డి త‌న కారును నిలిపి వేరే ప్రాంతానికి వెళ్లాడ‌ని, ఇదేమ‌ని గుణ‌శేఖ‌ర్ ప్ర‌శ్నించినందుకు ప్రాంతం పేరుతో దూషిస్తూ ఆయ‌న‌ను తీవ్రంగా కొట్టాడని ఫిర్యాదులొ పేర్కొన్నారు. అనంతరం జీవితా రాజశేఖర్‌ మీడియాతో మాట్లాడుతూ..‘కౌశిక్‌ దాడి వల్ల గుణశేఖర్‌కు తీవ్రగాయాలయ్యాయి. శనివారం నుంచి ఆయన ఆస్పత్రిలో చికిత్స పొందుతున్నారు. పర్మిషన్‌ లేకుండా కారు ఎలా పార్క్‌ చేశారని అడిగితే..రెచ్చిపోయిన కౌశిక్‌ అసభ్య పదజాలంతో దూషిస్తూ గుణశేఖర్‌పై దాడి చేశారు. డైమాండ్‌ షోరూమ్‌ను లేపేస్తానంటూ బెదిరించారు. దాడికి సంబంధించి సీసీ ఫుటేజీలు కూడా ఉన్నాయి. వాటిని ప‌రిశీలించాల‌ని ఏసీపీని కోరాం. పరిశీలించిన ఏసీపీ  జూబ్లీహిల్స్ పోలీస్ స్టేష‌న్‌లో ఫిర్యాదు చేయాల‌ని సూచించారు. జూబ్లీహిల్స్ పోలీస్ స్టేష‌న్లో ఫిర్యాదు చేయ‌డానికి వెళ్తున్నాం’ అని చెప్పారు. కాగా దాడి ఆరోపణలు ఎదుర్కొంటున్న కౌశిక్‌ రెడ్డి టీపీసీసీ అధ్యక్షుడు ఉత్తమ్‌ కుమార్‌ రెడ్డికి దగ్గరి బంధువు కావడం గమనార్హం.


 ఆత్మకూర్ : ‘‘దిగువ జూరాల పవర్‌హౌజ్‌లో విధినిర్వహణలో భాగంగా నాతోపాటు వీఆర్క్స్ కంపెనీ డెరైక్టర్ కౌషిక్‌కుమార్‌రెడ్డి, మరో నలభైమంది సిబ్బంది ఉన్నాం. రాత్రి 10:30గంటల సమయంలో ఒక్కసారిగా పెద్దశబ్దం వచ్చింది. దీంతో ఒక్కసారి అందరం ఉరుకులు పరుగులు తీశారు. కేవలం ఐదు నిమిషాల వ్యవధిలోనే పవర్‌హౌజ్‌లోకి పెద్ద ఎత్తున వరదనీరు వచ్చిచేరింది. పూర్తిగా నీళ్లలో మునిగిపోయిన నేను ఈదుకుంటూ ఒకరాడ్‌ను పట్టుకుని అరుపులు కేరింతలు కొట్టడంతో కొంతమంది తాడ్ల సహాయంతో నన్ను పైకిలాగారు. ఇదినాకు పునర్జన్మగా భావిస్తున్నా..’’అని జెన్‌కో ఏడీ శ్రీనివాస్‌రెడ్డి పవర్‌హౌస్‌లోకి చేరిన వరద నుంచి బయటపడ్డ క్షణాలను ఆయన గుర్తుచేశారు. ఆత్మకూర్ మండలం జూరాల మూలమళ్ల గ్రామ శివారులో రూ.1400కోట్ల వ్యయంతో నిర్మిస్తున్న దిగువ జూరాల జల విద్యుత్ ఉత్పత్తికేంద్రంలోకి బుధవారం అర్ధరాత్రి భారీగా వరదనీరు చేరింది. ఎగువన ఉన్న ఆల్మట్టి, నారాయణపూర్ డ్యామ్‌ల నుంచి దిగువకు 1.50లక్షల క్యూసెక్కుల నీటిని విడుదల చేయడంతో జూరాలకు పెద్ద ఎత్తున వరదఉధృతి చేరింది.
  
  దీంతో జూరాల అధికారులు దిగువకు గురువారం రాత్రి 9గంటల సమయంలో 90వేల క్యూసెక్కుల నీటిని వదిలారు. జెన్‌కో అధికారులు ఏర్పాటుచేసిన ఇన్‌టెక్‌వెల్ గేట్‌వాల్వ్స్ వరదధాటికి కొట్టుకుపోవడంతో రాత్రి 10 గంటల సమమంలో వరదనీరు ఒక్కసారిగా పవర్‌హౌజ్‌లోకి చేరింది. అప్పటికే పవర్ హౌజ్‌లో విధుల్లో ఉన్న జెన్‌కో అధికారులు, సిబ్బంది ప్రాణాలను అరచేతిలో పెట్టుకొని ఇతర కార్మికుల సహాయంతో బయటపడ్డారు. ఈ సంఘటన విషయాన్ని ఉన్నతాధికారులకు తెలియపర్చడంతో తెలంగాణ జెన్‌కో సీఎండీ ప్రభాకర్‌రావు బృందం దిగువ జూరాల ప్రాజెక్టు సందర్శించింది. ప్రమాదానికి గల కారణాలు అడిగి తెలుసుకున్నారు.
  
  ఈ సందర్భంగా మాట్లాడుతూ.. గతంలో శ్రీశైలం ప్రాజెక్టులో ప్రమాదం జరిగిందనప్పుడు రూ.30కోట్ల నష్టం వాటిల్లినట్లు గుర్తుచేశారు. ఇక్కడ జరిగిన నష్టం అంతకంటే తక్కువగానే ఉండవచ్చని అభిప్రాయపడ్డారు. అధికారులు అప్రమత్తంగా వుండటంతోనే ఎలాంటి ప్రాననష్టం వాటిల్లలేదని అన్నారు. కాపర్‌డ్యాం ఏర్పాటుచేసి వారం రోజుల్లోపు పవర్‌హౌజ్‌లో చేరిన నీటిని తోడేస్తామన్నారు. సంఘటనకు గల కారణాలను పూర్తి స్థాయిలో తెలుసుకుంటామని, నెల రోజుల్లో పరిస్థితి మరింత మెరుగుపర్చుతామని పేర్కొన్నారు. ఈ విషయాన్ని ముఖ్యమంత్రి కేసీఆర్‌తో పాటు మంత్రి హరీష్‌రావు సమాచారమిచ్చినట్లు పేర్కొన్నారు. సీఎండీ వెంట జెన్‌కో ఎస్‌ఈలు శ్రీనివాస్, శ్రీనివాసా, ఈఈలు రమణమూర్తి, రాంభద్రరాజు, బీవీ వ్యాసరాజ్, ఏడీఈలు రమేష్, శ్రీనివాస్‌రెడ్డి, జయరాంరెడ్డి, నాగేశ్వర్‌రెడ్డి, భరత్‌కుమార్‌రెడ్డి తదితరులు ఉన్నారు.
  
  అధికారులు, కాంట్రాక్టర్ల నిర్లక్షమే: ఎమ్మెల్యేలు
  దిగువ జూరాల జలవిద్యుత్ ఉత్పత్తి నిర్మాణ కేంద్రంలో జరిగిన ఘటనకు అధికారులు, కాంట్రాక్టర్లే బాధ్యత వహించాలని ఎమ్మెల్యేలు జూపల్లి కృష్ణారావు, లక్ష్మారెడ్డి, శ్రీనివాస్‌గౌడ్, ఆల వెంకటేశ్వర్‌రెడ్డి, మాజీ ఎమ్మెల్యేలు నాగం జనార్దన్‌రెడ్డి, కె.దయాకర్‌రెడ్డి, ఎంపీపీ శ్రీధర్‌గౌ డ్, జెడ్పీటీసీ సభ్యుడు బాలకిష్టన్న అన్నా రు. గురువారం వారు వేర్వేరుగా జల విద్యుదుత్పత్తి కేంద్రాన్ని సందర్శించారు. ఈ సంఘటనపై సమగ్ర విచారణ జరి పించాలని బాధ్యులపై చర్యలు తీసుకోవాలని ఎమ్మెల్యేలు డిమాండ్‌చేశారు.