అనంత్ అంబానీ, రాధి మర్చెంట్ వివాహ వేడుకలు ఇప్పటికే మొదలైపోయాయి. ఇటీవలే మామేరు సెలబ్రేషన్స్ పూర్తయ్యాయి. ఈ రోజు (శుక్రవారం) సాయంత్రం సంగీత్ ప్రారంభం కానుంది. ఈ కార్యక్రమంలో యుఎస్ సింగర్ జస్టిన్ బీబర్ ప్రదర్శన ఉంటుంది. సంగీత్‌లో పాటలు పాడేందుకు బీబర్‌ రూ.83 కోట్లు తీసుకుంటున్నట్లు సమాచారం.ఈ రోజు సాయంత్రం జరగనున్న సంగీత్ కార్యక్రమంలో పాటలు పాడటానికి బీబర్‌ ముంబై చేరుకున్నారు. దీనికి సంబందించిన వీడియో కూడా సోషల్ మీడియాలో వైరల్ అవుతోంది. ఇందులో బీబర్ గులాబీ రంగు స్వెట్‌షర్ట్, ఎరుపు రంగు బకెట్ టోపీని ధరించి ఉండటం చూడవచ్చు.అనంత్ అంబానీ-రాధిక మర్చంట్ పెళ్లిఅనంత్ అంబానీ, రాధిక మర్చంట్ పెళ్లి ఈ నెల 12న పెళ్లి చేసుకోబోతున్నారు. అయితే శుక్రవారం సాయంత్రం ముంబైలోని బీకేసీలోని నీతా ముఖేష్ అంబానీ కల్చరల్ సెంటర్‌లో సంగీత్ నిర్వహించనున్నారు. దీనికి కుటుంబం, బాలీవుడ్ ప్రముఖులతో పాటు ఇతర సెలబ్రిటీలు కూడా హాజరయ్యే అవకాశం ఉంది. View this post on Instagram A post shared by Manav Manglani (@manav.manglani)

ముంబై: వెస్పా స్కూటర్ల తయారీ సంస్థ పియాజియో వెహికల్స్‌ తాజాగా జస్టిన్‌ బీబర్‌ ఎక్స్‌ ఎడిషన్‌ను ఆవిష్కరించింది. ఈ స్కూటర్‌ ధర రూ. 6.45 లక్షల నుంచి (ఎక్స్‌ షోరూమ్‌). కెనడాకు చెందిన పాప్‌ స్టార్‌ జస్టిన్‌ బీబర్‌ పేరిట ప్రత్యేకంగా తీర్చిదిద్దిన ఈ లిమిటెడ్‌ ఎడిషన్‌ మోడల్స్‌ను (పది లోపే) ప్రీ–ఆర్డర్‌ చేయాల్సి ఉంటుంది.  ఇవి పూర్తిగా అసెంబుల్‌ చేసిన యూనిట్‌గా దిగుమతి అవుతాయి. 150 సీసీ ఇంజిన్‌తో ఈ లిమిటెడ్‌ ఎడిషన్‌ ఉంటుందని పియాజియో వెహికల్స్‌ సీఎండీ డీగో గ్రాఫీ తెలిపారు.  జస్టిన్ బీబర్ రూపొందించిన కొత్త వెస్పా వైట్ కలర్ ఆప్షన్‌లో మోనోక్రోమ్ స్టైల్ ఫీచర్‌తో వస్తుంది. ఇందులోని శాడిల్, గ్రిప్స్, రిమ్స్ స్పోక్స్ వంటి ఎలిమెంట్స్ అన్నీ వైట్‌లోనే ఉన్నాయి. బ్రాండ్ లోగో, వెహికల్‌ బాడీపై ఫ్లేమ్స్ కూడా టోన్-ఆన్-టోన్ తెలుపు రంగులో ఉంటాయి.

Justin Bieber Reveals He Suffer With Face Paralysis: కెనడియన్‌ సింగర్‌  జస్టిన్‌ బీబర్‌ క్రేజ్‌ గురించి ప్రత్యేకంగా చెప్పనక్కర్లేదు. అతడికి ప్రపంచవ్యాప్తంగా ఫ్యాన్‌ ఫాలోయింగ్‌ ఉంది. జస్టిన్‌ పాటలంలే చెవి కొసుకునేవారు ఇండియాలో సైతం ఉన్నారు. చిన్న వయసులోనే బేబీ.. బేబీ అంటూ పాడి ఎంతో మంది సంగీత ప్రియుల హృదయాలను గెలుచుకున్నాడు. అంతగా తన గాత్రంతో ఆకట్టుకున్న జస్టీన్‌ తాజాగా ఓ షాకింగ్‌ న్యూస్‌ చెప్పాడు. తాను పాక్షిక పక్షవాతానికి గురైనట్టు ప్రకటించాడు. ఈ మేరకు జస్టీన్‌ తన ఇన్‌స్టాగ్రామ్‌లో ఓ వీడియో షేర్‌ చేశాడు. చదవండి: నయనతార దంపతులపై టీటీడీ ఫైర్‌, నోటీసులు జారీ ‘చాలా ముఖ్యమైనది దయచేసి చూడండి.. నా కోసం ప్రార్థించండి’ అంటూ పోస్ట్‌ చేసిన ఈ వీడియోలో జస్టీన్‌ తాను అరుదైన వ్యాధితో భాధపడుతున్నట్లు వెల్లడించాడు. ‘నేను రామ్‌ సే హంట్‌ సిండ్రోమ్‌ భారిన పడ్డాను. ఈ వ్యాధి వల్ల నా ముఖ భాగంలోని నాడీ వ్యవస్థ దెబ్బతిన్నది. దీంతో ముఖం పక్షపాతానికి గురైంది. కదలికలు సరిగా లేవు. కుడి కన్ను ఆర్పలేకపోతున్నా’ అని చెప్పుకొచ్చాడు. దీని శరీరం కూడా మెల్లిగా శక్తి లేకుండా పోతుంది. తనలో ఈ వ్యాధి లక్షణాలో కాస్తా ఎక్కువగా కనిపిస్తున్నాయని ఆవేదన వ్యక్తం చేశాడు. అందుకే తాను వరల్డ్‌ టూర్‌ క్యాన్సల్‌ చేసుకున్నానని చెప్పాడు. ‘టొరంటో, వాషింగ్టన్ డీసీ, ఇండియా టూర్‌ రద్దు చేసుకున్నాను. పూర్తిగా కోలుకునే వరకు ఎటువంటి సంగీత ప్రదర్శనలు చేయాలేను’ అని తెలిపాడు.  చదవండి: Vignesh Shivan-Nayanthara: ‘ఆ కంగారులో చూసుకోలేదు క్షమించండి’ కాగా ఈ రామ్‌సే హంట్ సిండ్రోమ్ అనేది ఒక అరుదైన నాడీ సంబంధిత వ్యాధి. సాధారణంగా చెవి, నోటి భాగంలోని నరాలపై ప్రభావం చూపుతుంది. ఈ కారణంగా ముఖ భాగం పక్షవాతాని గురవుతుంది. ముఖ పక్షవాతం బారినపడినవారిలో ఒకవైపు ముఖ కదళికలు మెల్లిమెల్లిగా తగ్గిపోతుంది. ప్రస్తుతం బీబర్ ఇదే సమస్యతో బాధపడుతున్నాడు. ఈ వ్యాధి కారణంగా కొన్నిసార్లు వినికిడి లోపం కూడా రావొచ్చు. పిల్లలు, పెద్దల్లో చికెన్‌పాక్స్ వ్యాధికి కారణమయ్యే వైరసే ఈ రామ్‌సే హంట్ సిండ్రోమ్‌. ప్రతీ 1 లక్ష మందిలో ఐదు నుంచి 10 మంది మాత్రమే రామ్‌సే సిండ్రోమ్ బారినపడుతారు. ఈ సిండ్రోమ్ బారినపడితే.. చెవి వద్ద ఎర్రని దద్దురు ఏర్పడుతుంద న్యూయార్క్ టైమ్స్ తమ కథనంలో పేర్కొంది.  View this post on Instagram A post shared by Justin Bieber (@justinbieber)

అమెరికన్ పాప్ స్టార్ జస్టిన్ బీబర్‌కు ఇటాలియన్‌ సూపర్‌ కార్‌ మ్యానిఫ్యాక్చరర్‌ ఫెరారీ సంస్థ భారీ షాకిచ్చింది. ఈ పాప్‌ స్టార్‌ ఫెరారీ కారును వినియోగించేందుకు వీలు లేదని హెచ్చరించింది.  ఇటలీకి చెందిన ప్రముఖ మీడియా సంస్థ ఇల్ జియోర్నాలే నివేదిక ప్రకారం..ఫెరారీ సంస్థ జస్టిన్‌ బీబర్‌పై ఆగ్రహం వ్యక్తం చేసినట్లు తెలుస్తోంది.ఫెరారీ కార్ల పట్ల జస్టిన్‌ బీబర్‌కు నైతిక విలువలు లేవని, వాటిని మెయింటెన్స్‌ చేయడంలో విఫలం అయ్యాడని,అందుకే ఫెరారీ సంస్థ ఈ నిర్ణయం తీసుకున్నట్లు మీడియా సంస్థ తెలిపింది.   ఫెరారీ సంస్థ తన కార్లను సరైన రీతిలో వినియోగించని సెలబ్రిటీలపై ఆంక్షలు విధించడం సర్వసాధారణం. గతంలో హాట్‌ మోడలింగ్‌తో గ్లోబల్‌ వైడ్‌గా ఫ్యాన్‌ ఫాలోయింగ్‌ సంపాదించుకున్న కిమ్‌ కర్దాషియన్‌తో పాటు, నికోలస్ కేజ్, ర్యాపర్ 50సెంట్ వంటి ప్రముఖులు ఫెరారీ కార్లను వినియోగించకుండా నిషేధించింది. తాజాగా ర్యాపర్‌ జస‍్టిన్‌ బీబర్‌పై అదే తరహాలో చర్యలు తీసుకుంది. జస‍్టిన్‌ బీబర్‌కు చెందిన ఎఫ్ 458ను నిర్వహణలో అలసత్వం వహించడం వల్లే ఈ కఠిన నిర్ణయం తీసుకుంది. జస్టిన్ బీబర్ ఫెరారీ రంగును మార్చడం, వేలం వేయడం వంటి అంశాలే ఫెరారీ సంస్థ జస్టిన్‌ బీబర్‌పై నిషేదం విధించే కారణాల్లో ఇవి కూడా ఉన్నాయి. గతంలో జస్టిన్ బీబర్ తన ఎఫ్ 458ని కొనుగోలు చేసిన కొన్ని నెలల తరువాత బెవర్లీ హిల్స్ నైట్ క్లబ్ వెలుపల పార్కింగ్‌ చేశాడు. నాటి నుంచి బీబర్‌కు ఫెరారీ కార్ల విషయంలో ఏదో ఒక వివాదంలో ఇరుక్కుంటుంన్నాడు. బెవర్లీ హిల్స్ నైట్ క్లబ్‌లో పార్కింగ్‌ చేసిన తర్వాత ఆ కారు మిస్‌ అవ్వడం కలకలం రేగింది. దీంతో బీబర్‌ సహాయకుడు ఆ సూపర్ కార్‌ను గుర్తించాడు. కారు అదృశ్యంపై అసంతృప్తి వ్యక్తం చేసిన ఈ కెనడియన్‌ ర్యాపర్‌ తన ఫెరారీ కారును తెలుపు రంగును బ్లూకి మార్చాడు. అంతేకాదు కారు స్టీరింగ్ వీల్ మీద గుర్రం సింబల్‌ రంగును, అల్లాయ్ వీల్స్, రిమ్స్ మీద బోల్ట్ లను మార్చాడు. దీంతో ఫెరారీ సంస్థ బీబర్‌పై గుర్రుగా ఉంది. దీనికితోడు రంగును మార్చి వేలం వేయడంతో మరింత ఆగ్రహం వ్యక్తం చేసిన ఫెరారీ సంస్థ.. ఇకపై బీబర్‌ తమ సంస్థకు చెందిన కారును వినియోగించే ప్రసక‍్తి లేదని వార్నింగ్‌ ఇచ్చినట్లు నివేదికలు హైలెట్‌ చేస్తున్నాయి. చదవండి👉టాటా ఎలక్ట్రిక్‌ వెహికల్‌,లాంచ్‌ చేసిందో లేదో.. హాట్‌ కేకుల్లా బుకింగ్స్‌

అమెరికా పాప్‌ సింగర్‌ జస్టిన్‌ బీబర్‌ క్రేజ్‌ గురించి ప్రత్యేకంగా చెప్పనక్కర్లేదు. ప్రపంచవ్యాప్తంగా అతడికి ఎంతో ఫ్యాన్‌ ఫాలోయింగ్‌ ఉంది. ఇండియాలోనే అతడి ఫ్యాన్స్‌ సంఖ్య ఎక్కువే. ఇక అతడి మ్యూజిక్‌ కన్‌సర్ట్‌ అంటే వేలల్లో, లక్షల్లో అభిమానులు హజరవుతారు. ఈ నేపథ్యంలో అమెరికాలో రీసెంట్‌గా నిర్వహించిన జస్టిన్‌ బీబర్‌ కన్‌సర్ట్‌లో అపశృతి చోటు చేసుకుంది. ఈ మ్యూజిక్‌ కన్‌సర్ట్‌ నిర్వహించిన రెస్టారెంట్‌ బయట కాల్పులు కలకలం సృష్టించింది. అక్కడి వచ్చిన పలువురి మధ్య ఘర్షణ జరగడంతో ఈ ఘటన చోటు చేసుకున్నట్లు స్థానికి మీడియా సమాచారం. చదవండి: నేను ఆ టైప్‌ కాదు, నటినని నా బాయ్‌ఫ్రెండ్‌ వదిలేశాడు: హీరోయిన్‌ ది నైస్ గై రెస్టారెంట్ వెలుపల జరిగిన కాల్పుల్లో నలుగురు గాయపడ్డారని లాస్ ఏంజిల్స్ పోలీస్ డిపార్ట్‌మెంట్ అధికారి లిజెత్ లోమెలి తెలిపారు. ఘటనా స్థలానికి చేరుకున్న అధికారులు అక్కడ ఇద్దరు బాధితులను గుర్తించారని, వెంటనే క్షతగాత్రులను ఆసుపత్రికి తరలించారని పోలీసులు తెలిపారు.  గాయపడిన వారిలో రాపర్ కోడాక్ బ్లాక్‌ ఉన్నట్లు సమాచారం. ఈ ప్రమాదంలో ఎలాంటి ప్రాణ నష్టం జరగలేదని అధికారులు వెల్లడించారు. అయితే ఈ ఘటనకు పాల్పడిన వారి గురించి ఎటువంటి సమాచారం లేదని, ప్రస్తుతం కేసు నమోదు చేసి విచారణ జరుపుతున్నట్లు పోలీసులు పేర్కొన్నారు. చదవండి: Krithi Shetty: మాటిస్తున్నానంటూ ఎమోషనల్‌ పోస్ట్‌ షేర్‌ చేసిన ‘బేబమ్మ’ కానీ జస్టిన్‌ బీబర్‌ మ్యూజిక్‌ కన్‌సర్ట్‌లో ఇలాంటి ఘటన చోటు చేసుకోవడంతో అతడి ఫ్యాన్స్‌ ఆందోళన చెందుతున్నారు. అంతేకాదు ఈ ఘటనపై పలు అనుమానులు కూడా తలెత్తున్నట్లు పలువురు అభిప్రాయం వ్యక్తం చేస్తున్నారు. నివేదికల ప్రకారం.. డ్రేక్, లియో డికాప్రియో, కెండల్ జెన్నర్, కోల్ కర్దాషియాన్ వంటి పలువురు ప్రముఖులు ఈ పార్టీలో పాల్గొన్నారు. సంగీత కచేరీ అనంతరం కొడాక్ బ్లాక్, గున్నా , లిల్ బేబీ బయటికి వచ్చారని, అప్పుడే గొడవ జరిగిందని ప్రత్యక్ష సాక్షుల నుంచి సమాచారం. కొందరు వ్యక్తులు కారుపైకి ఎక్కడంతో గొడవ మొదలైందని.. కొంతసేపటికి బుల్లెట్ల శబ్ధం రావడంతో అక్కడ తొక్కిసలాట జరిగింది.

పాప్‌ సింగర్‌ జస్టిన్‌ బీబర్‌ కీలక నిర్ణయం తీసుకున్నారు. ఇటీవల సోషల్‌ మీడియా వేదికగా తనపై లైంగిక వేధింపుల ఆరోపణలు  చేసిన ఇద్దరు మహిళలపై న్యాయ పోరాటానికి సిద్ధమయ్యారు. తనపై ఆరోపణలు చేసిన ఒక్కో మహిళపై 10 యూఎస్‌ మిలియన్‌ డాలర్ల(దాదాపు రూ. 75.6 కోట్లు) పరువు నష్టం దావా వేశారు. తనపై వచ్చిన ఆరోపణలు పూర్తిగా కల్పితమైనవని బీబర్‌ స్పష్టం చేశారు. ఆ ఆరోపణలు నిరాధరమైనవని నిరూపించడానిని తన వద్ద అన్ని రకాల ఆధారాలు ఉన్నట్టు తెలిపారు. ఈ విషయాలను ఓ ప్రముఖ మీడియా వెబ్‌సైట్‌ వెల్లడించింది.(చదవండి : స్వీయ నిర్బంధంలో ‘ముద్దు’ ముచ్చట) ఈ ఆరోపణలు చేసినవారిలో ఒకరు.. 2014లో అస్టిన్‌లో జరిగిన సౌత్‌వెస్ట్‌ ఫెస్టివల్‌ చూసేందుకు వచ్చిన సమయంలో బీబర్‌ తనపై దాడి చేసినట్టుగా చెప్పారు. మరో మహిళ 2015 న్యూయార్క్‌లో జరిగిన ఓ కార్యక్రమానికి హాజరైన బీబర్‌ తనపై దాడికి పాల్పడినట్టు ఆరోపించారు. అయితే ఇవి రెండు కూడా పూర్తిగా కల్పితమైనవని.. ఇటువంటి ఆరోపణలు చేయడం ద్వారా ఇతరుల దృష్టిని ఆకర్షించాలనే కుట్ర దాగి ఉందని బీబర్‌ పేర్కొన్నారు. ఇటువంటి తప్పుడు చర్యల వల్ల ఇతరుల పరువుకు భంగం వాటిల్లడమే కాకుండా.. కొత్త సమస్యలు పుట్టుకొచ్చే అవకాశం ఉందన్నారు. కాగా, ఇదివరకే తనపై వచ్చిన ఆరోపణలపై న్యాయ పోరాటం చేయనున్నట్టు బీబర్‌.. ట్విటర్‌ వేదికగా ప్రకటించిన సంగతి తెలిసిందే.

కెనడా : కరోనా వైరస్‌ వేగంగా వ్యాప్తి చెందుతుండటంతో ముందు జాగ్రత్త చర్యగా ప్రపంచవ్యాప్తంగా ఉన్న సినీ, రాజకీయ, ఇతర ప్రముఖులు స్వీయ నిర్బంధంలోకి వెళ్లిపోయారు. ప్రజలు కూడా బయట తిరగకుండా ఇంటికి పరిమితమవ్వాలని వారు సూచిస్తున్నారు. అంతేకాకుండా స్వీయ నిర్బంధంలోని తమ అనుభవాలను సోషల్‌ మీడియా ద్వారా పంచుకుంటున్నారు. ఈ నేపథ్యంలో ఓ స్టార్‌ కపుల్‌కు చెందిన ‘ముద్దు’ ముచ్చట వైరల్‌గా మారింది. పాప్‌ సింగర్‌ జస్టిన్‌ బీబర్‌ తన భార్య, మోడల్‌ హేలే బాల్డ్‌విన్‌ను ముద్దు పెట్టుకున్న ఫొటోను తన ఇన్‌స్టాగ్రామ్‌ ఖాతాలో షేర్‌ చేశారు. ‘నా స్వీయ నిర్బంధ భాగస్వామి’ అంటూ స్పందించారు. ( అవును.. ఎమోషనల్‌ బ్లాక్‌మెయిల్‌కు గురయ్యా: సింగర్‌ ) కాగా, గత కొద్దిరోజులుగా స్వీయ నిర్బంధంలో ఉన్న ఈ జంట తమకు సంబంధించిన విషయాలను ఎప్పటికప్పుడు సోషల్‌మీడియా ద్వారా పంచుకుంటోంది. రీసెంట్‌గా ఇన్‌స్టాగ్రామ్‌ లైవ్‌లోకి వచ్చిన జస్టిన్‌ బీబర్‌ కరోనా వైరస్‌ సోకకుండా ఉండేందుకు తీసుకోవల్సిన జాగ్రత్తలను వివరించారు. అయితే కొంతకాలంగా లాస్‌ ఏంజిల్స్‌లో ఉన్న ఆయన ఈనెల 16న భార్యతో కలిసి కెనడా వచ్చేశారు. View this post on Instagram My quarantine partner A post shared by Justin Bieber (@justinbieber) on Mar 18, 2020 at 3:06pm PDT

తన మాజీ ప్రియుడు జస్టిన్‌ బీబర్‌తో సహజీవనం సమయంలో ‘ఎమోషనల్‌ బ్లాక్‌మెయిల్‌’కు గురయ్యానని అన్నారు అమెరికా పాప్‌ సింగర్‌ సెలెనా గోమేజ్‌. తాజాగా సెలెనా ఓ ఛానెల్‌కు  ఇచ్చిన ఇంటర్వ్యూలో జస్టీన్‌ బీబర్‌తో బ్రేకప్‌ తర్వాత తనకు ఎదురైన చేదు అనుభవాలను పంచుకున్నారు. బీబర్‌తో విడిపోయిన తర్వాత జీవితంలో ముందుకు సాగడం మీకు కష్టం అనిపించిందా అని అడిగిన ప్రశ్నకు.. ‘అవును.. అనిపించింది. ఇష్టమైన వారితో విడిపోవడం అనేది చాలా బాధకరం. మానసికంగా బాధించే  ఆ బాధను మాటల్లో చెప్పలేం. దాని నుంచి బయటపడటం అంత సులువు కాదు. అయితే నేను దీని నుంచి మరింత బలవంతురాలినయ్యాను. అంతే తప్పా దీన్ని నేను తప్పుపట్టడం లేదు. కానీ నేను కూడా కొన్ని భావోద్వేగ దూషణలకు బాధితురాలిననే అనుకుంటున్నాను’ అంటూ సమాధానం ఇచ్చారు.  అదేవిధంగా ‘పరిణతి చెందిన అమ్మాయిగా నేను ఈ విషయం నుంచి బయటపడాలి అనుకున్నాను. జీవితంలో ఎప్పటికీ దీని గురించి బాధపడనంతగా మారాలి అనుకున్నాను. మారాను కూడా. అప్పుడప్పుడు నాకంటే బలవంతులు లేరని గర్వపడుతుంటాను’ అన్నారు.  కాగా సెలినా, జస్టిన్‌ బీబర్‌లు 2011లో ప్రేమలో ఉన్నట్లు రూమర్లు వచ్చాయి. కొంత కాలం హాలీవుడ్‌లో చెట్టాపట్టాలేసుకొని తిరిగిన వీరిద్దరూ 2018లో విడిపోయారు. ఆ తర్వాత సెలినాకు బ్రేకప్‌ చేప్పినా కొద్ది రోజులకే బీబర్‌ టాప్‌ మోడల్‌ హేలీ బోల్డ్‌విన్‌ను వివాహమాడిన సంగతి తెలిసిందే.

తన పాటలతో ప్రపంచ వ్యాప్తంగా పేరు తెచ్చుకున్న హాలీవుడ్‌ సింగర్‌ జస్టిన్‌ బీబర్‌. కెనడాకు చెందిన ఈ పాప్‌ సింగర్‌ ప్రస్తుతం ఓ వ్యాధితో బాధపడుతున్నాడు. ఈ విషయాన్ని స్వయంగా అతనే బుధవారం తన ఇన్‌స్టాగ్రామ్‌ ద్వారా వెల్లడించారు. ఇటీవల తనకు లైమ్‌ వ్యాధి సోకిందని, అయితే దీనికి చికిత్స తీసుకుంటున్నానని ఆయన తెలిపారు. పాతికేళ్లు వయసున్న జస్టిన్‌ బీబర్‌ ఇన్‌స్టాలో ఇలా రాసుకొచ్చారు. ‘చాలా మందికి తెలియదు. జస్టిన్‌ బీబర్‌ ఎందుకు ఇలా తయారయ్యాడని అందరూ అనుకుంటున్నారు. నేను లైమ్‌ వ్యాధితో బాధపడుతున్నానని వారికి తెలీదు. ఇది నాపై దీర్ఘకాలంగా ప్రభావం చూపింది. ఈ వ్యాధి వల్ల నా చర్మం పూర్తిగా పాడైపోయింది. మెదడు పనితీరు మారింది. ఒంట్లో శక్తి తగ్గి, ఆరోగ్యం క్షీణించిపోయింది’ అని పేర్కొన్నారు.  అయితే చాలా కాలం ఈ జబ్బుతో పోరాడం చేశానని ప్రస్తుతం దీనిని పూర్తిగా అధిగమించడానికి సరైన చికిత్స తీసుకుంటున్నానని తెలిపారు. కాగా లైమ్‌‌ వ్యాధి బొర్రెలియా బర్గ్ డార్ఫరి బ్యాక్టీరియా వల్ల వస్తుంది. ఇక్సోడ్స్‌‌ అనే పేను లాంటి పురుగుల (టిక్స్‌‌) ద్వారా వ్యాపిస్తుంది. అమెరికా వంటి దేశాల్లో ఎండకాలంలో బాగా వచ్చే ఈ వ్యాధి సోకడం వల్ల చర్మం ఎర్రగా మారి.. దద్దుర్లు ఏర్పడతాయి. అలాగే కీళ్ల నొప్పులు కూడా వస్తాయి. ఇక ఓ నివేదిక ప్రకారం సుమారు మూడు లక్షల మంది అమెరికన్లు లైమ్‌ వ్యాధితో బాధపడుతున్నట్లు తేలింది.

హుషారెత్తించే పాటలతో పాటు, ప్రేమ వ్యవహారాలతోనూ ప్రపంచ వ్యాప్తంగా తిరుగులేని క్రేజ్‌ సంపాదించుకున్నాడు జస్టిన్‌ బీబర్‌. కెనడాకు చెందిన ఈ పాప్‌ సింగర్‌ తన గర్ల్‌ఫ్రెండ్‌, టాప్‌ మోడల్‌ హేలీ బోల్డ్‌విన్‌ను వివాహమాడిన సంగతి తెలిసిందే. అయితే తాజాగా మరోసారి పెళ్లి చేసుకునేందుకు సిద్ధమయ్యాడు బీబర్‌. ఈ సందర్భంగా పెళ్లిలో ఏ డ్రెస్‌ వేసుకోవాలో చెప్పాలంటూ అభిమానుల అభిప్రాయం కోరాడు. ఈ మేరకు... ‘పెళ్లి డ్రెస్‌ ఎంపికలో నాకు సహాయం చేయండి. ఈ ఐదింటిలో ఏ సూట్‌ బాగుందో చెప్పండి’ అంటూ ఇన్‌స్టాగ్రామ్‌లో ఐదు ఫొటోలను షేర్‌ చేశాడు. ఈ క్రమంలో బీబర్‌ ఇన్‌స్టా అకౌంట్‌కు ఉన్న 119 మిలియన్ల ఫాలోవర్లలో ఎక్కువ మంది ఇంధ్రధనుస్సు రంగులతో కూడిన సూట్‌కే ఓటు వేశారు. మరికొంత మంది మాత్రం బేబీ పింక్‌ కలర్‌లో ఉన్న సూటైతే మీకు అదిరిపోతుంది బాస్‌ అని కామెంట్లు పెడుతుండగా.. ఇంకొంత మంది.. ‘ఈ డ్రెస్సులన్నీ భలేగా ఉన్నాయి. ఈ కలెక్షన్‌ ఎక్కడ దొరికింది’ అంటూ ఫన్నీగా బీబర్‌కు బదులిస్తున్నారు. అయ్యో అసలు విషయం చెప్పలేదు కదూ.. బీబర్‌ మరోసారి పెళ్లి చేసుకోబోయేది ఎవరినో కాదు.. అతడి భార్యనే. అవును కొన్ని నెలల కిందట హేలీని రహస్యంగా పెళ్లి చేసుకున్న బీబర్‌ ప్రస్తుతం అట్టహాసంగా వివాహ వేడుక చేసుకునేందుకు సిద్ధమవుతున్నాడు. కాగా గతంలో పాప్‌ సింగర్‌ సెలీనా గోమెజ్‌తో పీకల్లోతు ప్రేమలో మునిగిన బీబర్‌.. ఆమెకు పలుమార్లు బ్రేకప్‌ చెప్పినప్పటికీ ఆమెతో బంధాన్ని కొనసాగించాడు. ఈ క్రమంలో జలీనా జంట(సెలీనా గోమెజ్‌, జస్టిన్‌ బీబర్‌ జంటకు ఫ్యాన్స్‌ పెట్టుకున్న పేరు) మధ్య అభిప్రాయ భేదాలు తీవ్రమవడంతో తాము విడిపోతున్నట్లు ఇద్దరూ ప్రకటించారు. ఈ నేపథ్యంలో తల్లిదండ్రుల అంగీకారంతో తన మరో గర్ల్‌ఫ్రెండ్‌ హేలీతో నిశ్చితార్థం చేసుకున్న బీబర్‌.. ఆమెను పెళ్లాడిన విషయం తెలిసిందే. ఇక దక్షిణ కరోలినాలోని ఓ అందమైన ప్రదేశంలో ఈ జంట మరోసారి పెళ్లి చేసుకోబోతున్నట్లు తెలుస్తోంది. View this post on Instagram Help me choose a tux for my wedding. It’s between these three A post shared by Justin Bieber (@justinbieber) on Sep 26, 2019 at 12:36pm PDT View this post on Instagram Help me choose my tuxedo for the wedding here are two more options A post shared by Justin Bieber (@justinbieber) on Sep 26, 2019 at 12:47pm PDT

పాప్‌ మ్యూజిక్‌ రాక్‌స్టార్‌ పాప్‌ను ప్లే చేయకుండా పెళ్ళి బజంత్రీలు మోగించేందుకు సిద్ధం అయ్యాడట. తన లేటెస్ట్‌ గాళ్‌ ఫ్రెండ్‌ హెయిలీ బాల్డ్‌విన్‌ను పెళ్లి చేసుకోవడానికి రెడీ అయ్యాడు జస్టిన్‌ బీబర్‌. దానికోసం మ్యారేజ్‌ లైసెన్స్‌ తీసుకున్నారు ఇద్దరూ. డ్రైవింగ్‌ లైసెన్స్‌లా ఈ మ్యారేజ్‌ లైసెన్స్‌ ఏంటీ అనుకుంటున్నారా?.. ఈ ఇద్దరూ పెళ్ళి చేసుకోవడానికి సిద్ధంగా ఉన్నారంటూ చర్చ్‌ లేదా ఆ దేశానికి సంబంధించిన స్టేట్‌ అథారిటీ ఇచ్చే సర్టిఫికేట్‌. జూలై నెలలో ఈ జోడీ రింగులు మార్చుకున్న సంగతి తెలిసిందే. దాంతో ఈ యువ జంట ఎప్పుడు పెళ్లి చేసుకుంటారో అని బీబర్‌ అభిమానులంతా ఆసక్తిగా ఎదురుచూస్తున్నారు. ఈ ప్రేమికుల సన్నిహితులు మాత్రం వచ్చే వారంలోనే పెళ్లి ఉండొచ్చంటూ హింట్స్‌ ఇస్తున్నారు. ఆ సంగతలా ఉంచితే.. మ్యారేజ్‌ లైసెన్స్‌ కేవలం 60 రోజులే వర్తిస్తుంది కాబట్టి ఈ రెండు నెలల్లో కచ్చితంగా పెళ్ళి భాజాలు వినొచ్చన్నమాట. ∙జస్టిన్, హెయిలీ

ప్రపంచ వ్యాప్తంగా తిరుగులేని క్రేజ్‌ సంపాదించుకున్న పాప్‌ సింగర్‌ జస్టిన్‌ బీబర్‌.. తన కొత్త గర్ల్‌ఫ్రెండ్‌, మోడల్‌ హేలీ బోల్డ్‌విన్‌తో ఇటీవల ఆయన ఎంగేజ్‌మెంట్‌ చేసుకున్న విషయం తెలిసిందే. గత నెల(జూలై)8న వీరి నిశ్చితార్థం జరిగినట్లుగా బీబర్‌, హేలీ తల్లిదండ్రులు ధ్రువీకరించారు. తాజాగా ఈ విషయంపై బీబర్‌ మాజీ గర్ల్‌ఫ్రెండ్‌, పాప్‌ సింగర్‌ సెలీనా గోమెజ్‌ స్పందించారు. బీబర్‌, హేలీలకు శుభాకాంక్షలు తెలుపుతూ భావోద్వేగపూరిత లేఖ రాయడంతోపాటు ‘బాక్‌ టు యు’ అనే కొత్త ఆల్బమ్‌ను రిలీజ్‌ చేసింది. సుమారు ఎనిమిదేళ్ల పాటు కొనసాగిన తమ ప్రేమ బంధానికి ముగింపునిస్తూ, బీబర్‌ కొత్త జీవితానికి నాంది పలకడంతో సెలీనా ఉద్వేగానికి లోనైందని ఆమె సన్నిహితులు తెలిపారు. కానీ తనకెంతో విశాల హృదయం ఉందని, బీబర్‌ ఎక్కడున్నా సంతోషంగా ఉంటే చాలని కోరుకునే స్వభావం ఆమెదని పేర్కొన్నారు. ఎనిమిదేళ్ల బంధానికి ముగింపు.. జలీనా.. సెలీనా గోమెజ్‌, జస్టిన్‌ బీబర్‌ జంటకు ఫ్యాన్స్‌ పెట్టుకున్న పేరు ఇది. సెలీనా- బీబర్‌ జంట 2010లో తమ ప్రేమ ప్రయాణాన్ని మొదలుపెట్టారు. ఎన్నోసార్లు లవ్‌, బ్రేకప్‌లతో వార్తల్లో నిలిచిన ఈ జంట 2017 అక్టోబర్‌లో మళ్లీ ప్రేమలో పడినట్లు ప్రకటించారు. దీంతో వీరి అభిమానులు పండుగ చేసుకున్నారు. కానీ బీబర్‌ తన కొత్త గర్ల్‌ఫ్రెండ్‌ హేలీ బోల్డ్‌విన్‌తో ఎంగేజ్‌మెంట్‌ చేసుకోవడంతో అభిమానులతోపాటు సెలీనా కూడా షాక్‌కి గురయ్యారు. కాగా బీబర్‌, హేలీలు త్వరలోనే వివాహ బంధంతో ఒక్కటయ్యేందుకు డెస్టినేషన్‌ వెడ్డింగ్‌ను ప్లాన్‌ చేస్తున్నట్లు తెలుస్తోంది.

హుషారెత్తించే పాటలతో పాటు, ప్రేమ వ్యవహారాలతోనూ ప్రపంచ వ్యాప్తంగా తిరుగులేని క్రేజ్‌ సంపాదించుకున్న స్టార్‌ సింగర్‌ జస్టిన్‌ బీబర్‌ వివాహ బంధంలో అడుగుపెట్టడానికి నిశ్చయించుకున్నట్లు తెలుస్తోంది. కొత్త గర్ల్‌ఫ్రెండ్‌ మోడల్‌ హేలీ బోల్డ్‌విన్‌తో బీబర్‌ ఎంగేజ్‌మెంట్‌ జరిగినట్లుగా అతడి సన్నిహితులు మీడియాకు తెలిపారు. ‘బీబర్‌ జీవితంలో మొదలుకాబోతున్న కొత్త అధ్యాయం గురించి ఎంతో ఆసక్తిగా ఎదురుచూస్తున్నా’  అంటూ బీబర్‌ తండ్రి సోషల్‌ మీడియాలో చేసిన పోస్ట్‌ ఈ వార్తలకు మరింత బలాన్ని చేకూరుస్తోంది. హేలీ తండ్రి కూడా.. ‘జేబీ, హెచ్‌బీ హృదయపూర్వకంగా కోరుకున్నదే జరుగుతుంది’ అంటూ ట్వీట్‌ చేసి, శుభాకాంక్షలు అంటూ బీబర్‌ తల్లిదండ్రులను ట్యాగ్‌ చేయడంతో ఇరు కుటుంబాల పరస్పర అంగీకారంతోనే ఎంగేజ్‌మెంట్‌ జరిగినట్లుగా తెలుస్తోంది. జస్టిన్‌ బీబర్‌ ఎంగేజ్‌మెంట్‌ విషయం తెలియగానే ‘జలీనా’ (సెలీనా గోమెజ్‌, జస్టిన్‌ బీబర్‌ జంటకు ఫ్యాన్స్‌ పెట్టుకున్న పేరు) అభిమానులు షాక్‌కు గురయ్యారు. గత కొన్నేళ్లుగా స్టార్‌ సింగర్‌ సెలీనా గోమెజ్‌తో లవ్‌, బ్రేకప్‌లతో వార్తల్లో నిలిచిన జస్టిన్‌ 2017 అక్టోబర్‌లో మళ్లీ ఆమెతో ప్రేమలో పడినట్లు ప్రకటించారు. దీంతో జలీనా అభిమానులు పండుగ చేసుకున్నారు. అయితే 2016లో హేలీతో విడిపోయిన బీబర్‌ ప్రస్తుతం ఆమెతో ఎంగేజ్‌మెంట్‌ చేసుకొని అభిమానులకు స్వీట్‌ షాక్‌ ఇచ్చాడు. ప్రస్తుతం బీబర్‌, హేలీ జంట బహమాస్‌ టూర్‌లో ఉన్నట్లు వాళ్ల సోషల్‌ మీడియా అప్‌డేట్స్‌ చూస్తే తెలుస్తోంది.

ప్రేమంటేనే కలవడం, విడిపోవడం; కలవడం విడిపోవడం. కొన్నిసార్లు ప్రేమలో ఉన్నప్పుడే కలిసి విడిపోతుంటారు. కొన్నిసార్లు ఇంకఈ ప్రేమలేం వద్దంటూ విడిపోయి, మళ్లీ కలుస్తుంటారు. వీళ్లూ వాళ్లుఅనేం లేదు అందరూ ఇలాంటి ప్రేమల్లో చిక్కుకున్నవారే! తమ పాటలతో ప్రపంచవ్యాప్తంగా తిరుగులేని అభిమానులను సంపాదించుకున్న స్టార్‌ సింగర్స్‌ జస్టిన్‌ బీబర్, సెలీనా గోమెజ్‌ కూడా ఓ మంచి ప్రేమకథ నడిపించారు. నడిపించారు అనేకంటే నడిపిస్తూనే ఉన్నారు అనాలి. కాకపోతే అది వింత ప్రేమకథ! ఒక బ్రేకప్‌ ప్రేమకథ!! 2010 డిసెంబర్‌.. అçప్పటికే తమ తమ కెరీర్లలో మంచి ఫాలోయింగ్‌ సంపాదించుకున్నారిద్దరూ. ఏదో మ్యాజిక్‌ పనిచేసింది ఇద్దరి మధ్య. ఇక అంతే.. ప్రేమలో పడిపోయారు. అప్పటికి జస్టీన్‌ బీబర్‌ వయసు 16 ఏళ్లు. సెలీనా గోమెజ్‌కు 18 ఏళ్లు. లేలేత ప్రాయం. టీనేజ్‌ ప్రేమల్లో ఉండే ఉత్సాహం అంతా వాళ్లలో కనిపించేది. ఇక్కడా, అక్కడా అని లేదు.. ఎక్కడ చూసినా ఈ జంటే కనిపించేది. ఫంక్షన్లు, అవార్డ్‌ వేడుకలు, పార్టీలు, హాలీడేలు.. జస్టిన్, గోమెజ్‌ కలిసి ఉన్నారంటే ఫోటోలు దిగాల్సిందే, ఆ ఫోటోలు సోషల్‌ మీడియాలో పడాల్సిందే! ఇక ఫ్యాన్స్‌ హంగామా ఎలాగూ ఉండేదే! రెండేళ్లు ఇలా సూపర్‌ కూల్‌ అన్నట్టు సాగిపోయింది జస్టిన్, గోమెజ్‌ల ప్రేమ జీవితం. ఫ్యాన్స్‌ వీరిద్దరి ప్రేమకు ‘జలీనా’ అన్న పేరు కూడా పెట్టుకున్నారు. రెండేళ్లు గడిచాయి. 2012 వచ్చింది.. ఇద్దరికీ గొడవలు. ఒకరిని ఒకరు నమ్మలేని పరిస్థితులు కూడా వచ్చాయి. ‘జస్టిన్‌ను నమ్మలేం!’ అంది సెలీనా. ‘సెలీనాతో ఉండలేం!’ అన్నాడు జస్టిన్‌. ఇద్దరూ విడిపోయారు. ‘జలీనా’ ఫ్యాన్స్‌ తెగ బాధపడ్డారు. ఇద్దరూ ట్విట్టర్‌లో, ఇన్‌స్టాగ్రామ్‌లో ఒకరిపై ఒకరు విమర్శలు గుప్పించుకున్నారు. కోపమొస్తే ఇన్‌స్టాగ్రామ్‌ ఎకౌంట్స్‌ డిలీట్‌ చేసేసుకుంటారు. ఇదో రెగ్యులర్‌ గేమ్‌లా సాగిపోతూనే వచ్చింది. ఎన్ని మలుపులో! 2013, 2014, 2015.. ఇలా సంవత్సరాలు గడుస్తున్నాయి. జస్టిన్‌ జీవితంలోకి కొత్త గర్ల్‌ఫ్రెండ్స్‌ వస్తున్నారు, వెళుతున్నారు. సెలీనా జీవితంలోకీ కొత్త బాయ్‌ఫ్రెండ్స్‌ వస్తున్నారు, వెళుతున్నారు. మధ్యలో ఎప్పుడో ఒకసారి, ఏ ఆరు నెలలకో మాత్రం కలిసి కనిపిస్తారిద్దరూ. ‘వీళ్లు మళ్లీ కలిశారు’ అని అభిమానులు సంబరపడిపోయేంతలో, ‘అబ్బే అలాంటిదేం లేదే!’ అన్నట్టు విడిపోతారు. ఎప్పుడు కలుస్తారో, ఎందుకు విడిపోతారో ఎవ్వరికీ అర్థం కాదు. సెలీనాకు తగిలేలా తన పాటల్లో లిరిక్స్‌ ఉండేలా చూసుకుంటాడు జస్టిన్‌. దానికి మళ్లీ పాటతోనే సమాధానమిస్తుంది సెలీనా. ఈ బ్రేకప్‌ ప్రేమకథ అలాంటి ట్విస్టులతోనే 2017వరకూ నడిచి, 2017లో క్లైమాక్స్‌కు దగ్గరైనట్టు కనిపిస్తోంది. లవర్స్‌కి గుడ్‌బై చెప్పిన జస్టిన్, సెలీనా 2017లో ఈ ఇద్దరి లవ్‌స్టోరీలో ఎన్నో మలుపులు. డ్రగ్‌ అడిక్ట్‌ అని, పిచ్చోడిలా మారిపోయాడని జస్టిన్‌ బీబర్‌ను అభిమానులే విమర్శించడం మొదలై అప్పటికే రెండేళ్లు. జస్టిన్‌ అందులోనుంచి బయటకు రావాలనుకొని ప్రయత్నాలు మొదలుపెట్టాడు. సూపర్‌హిట్‌ పాటలను అందించాడు. ఆ పాటల్లో సెలీనా రిఫరెన్స్‌ కనిపించింది. అభిమానులు మళ్లీ వీళ్ల మధ్య ఏదో జరుగుతుందనుకున్నారు. కాకపోతే సెలీనా.. సింగర్‌ ది వీకెండ్‌తో కొత్తగా ప్రేమలో పడిపోయింది. దానిపై జస్టిన్‌ కొన్ని సెటైర్లు కూడా వేశాడు. సడెన్‌గా ఈ కథకు ఇంకో మలుపు, సెలీనా కిడ్నీ పాడవ్వడం. ఫ్రాన్సియా రైజా సెలీనాకు తన కిడ్నీ దానం చేసింది. వాళ్లిద్దరూ బెస్ట్‌ ఫ్రెండ్స్‌. సెలీనాకు ఇలా ఆపరేషన్‌ జరిగిందన్న విషయం జస్టిన్‌కు తెలియలేదంటారు. సెప్టెంబర్‌లో ఇది జరిగితే, అక్టోబర్‌ నెలాఖరుకు బాయ్‌ఫ్రెండ్‌ వీకెండ్‌కు బ్రేకప్‌ చెప్పేసింది సెలీనా. కారణాలు ఎవ్వరికీ తెలీదు. అలాగే జస్టిన్‌ కూడా తన గర్ల్‌ఫ్రెండ్‌కు బ్రేకప్‌ చెప్పేశాడు.  ఆ తర్వాత ఇద్దరూ సింగిల్‌. మళ్లీ ప్రేమలో.. 2017 నవంబర్‌ వచ్చింది. జస్టిన్‌ బీబర్, సెలీనా గోమెజ్‌ మళ్లీ దగ్గరయ్యారు. ఇది సెలీనా తల్లి మ్యాండీ టిఫీకి ఏమాత్రం నచ్చలేదు. జస్టిన్‌కు దూరంగా ఉండమని చెప్పింది. ఇద్దరి మధ్య గొడవ కూడా జరిగింది. కానీ సెలీనా, జస్టిన్‌కు దూరం కావాలనుకోలేదు. తల్లితో గొడవ పెట్టుకొని మరీ జస్టిన్‌తో మళ్లీ ప్రేమలో పడిపోయింది. ఏడేళ్ల ప్రేమకథలో ఎన్నిసార్లు విడిపోయారో అన్నిసార్లూ కలిసిపోయారు వీళ్లిద్దరూ. ఈసారి ఇంక విడిపోయేదే లేదు అంటున్నారు. ఇద్దరూ కలిసి సిడ్నీలోని హిల్‌సంగ్‌ చర్చిలో కపుల్‌ థెరపీకి కూడా హాజరయ్యారు. ఇప్పుడింక ఇద్దరి మధ్య అన్నీ సర్దుకున్నాయి అంటున్నారు. మరి ఇది క్లైమాక్సే అనుకోవచ్చా? ఏమో!! స్టార్‌వార్స్‌ జస్ట్‌ ఓకే హాలీవుడ్‌లో ‘స్టార్‌వార్స్‌’కు ఉన్న క్రేజ్‌ మరే ఇతర సిరీస్‌కు లేదన్నది ఒప్పుకోవాల్సిన సత్యం. మెయిన్‌ స్ట్రీమ్‌ కమర్షియల్‌ మూవీస్‌లో బాక్సాఫీస్‌ వద్ద ‘స్టార్‌ వార్స్‌’ సినిమాలు కొన్నేళ్లుగా సృష్టిస్తూ వచ్చిన అద్భుతాలు అన్నీ ఇన్నీ కావు. ఇక ఈ ఏడాది ‘స్టార్‌ వార్స్‌’ సీక్వెల్‌ ట్రయాలజీలో రెండో సినిమా అయిన ‘స్టార్‌ వార్స్‌ : ది లాస్ట్‌ జేడి’ వచ్చింది. భారీ అంచనాల మధ్య డిసెంబర్‌ 15న విడుదలైన ఈ సినిమా అనుకున్నంతగా బాక్సాఫీస్‌ వద్ద నిలబడడం లేదు. నిజానికి ఈ ఏడాది బిగ్గెస్ట్‌ గ్రాసర్స్‌లో టాప్‌లో ఈ సినిమా నిలుస్తుందనుకున్నా అంత సీన్‌ అయితే కనపడడంలేదు. ఇక క్రిస్మస్‌ వారానికి కూడా లెక్కలేనన్ని సినిమాలు వచ్చేయడంతో ‘స్టార్‌వార్స్‌’ కథ ఈసారికి ముగిసినట్టే అని చెప్పుకోవచ్చు. ఇప్పటివరకూ ఈ సినిమా 650 మిలియన్‌ డాలర్లు (4,161 కోట్ల రూపాయలు) వసూలు చేసింది. ఇది హాలీవుడ్‌ బాక్సాఫీస్‌ వద్ద మంచి నంబరే కానీ, ‘స్టార్‌వార్స్‌’ రేంజ్‌ కాదన్నది ట్రేడ్‌ వర్గాల అభిప్రాయం. ఈ ఏడాది చివర్లో వచ్చినా టాప్‌లో నిలబడుతుందనుకున్న సినిమా మొత్తానికి అంతంత మాత్రమే అనిపించుకుంది.                                                                    సెలీనా గోమెజ్‌


 న్యూయార్క్‌ : పాప్‌ సింగర్‌ జస్టిన్‌ బీబర్‌ ఆదివారం సరికొత్త రికార్డు నమోదు చేశారు. సంగీత ప్రియులను తన గాత్రంతో అలరించే  బీబర్‌.. తాజాగా ట్విటర్‌లో 100 మిలియన్‌ ఫాలోవర్ల మైలురాయిని అందుకున్నారు. ట్విటర్‌ చరిత్రలో ఈ ఘనత సాధించిన రెండో వ్యక్తిగా బీబర్‌ నిలిచారు. బీబర్‌ కంటే ముందుగా క్యాటీ పెర్రీ ఈ అంకెను చేరుకున్నారు. వీరి తరువాత స్థానంలో టేలర్‌ స్విఫ్ట్‌ 85.5, రిహానా 76.9, లేడీగాగ 69.9 మిలియన్ పాలోవర్లతో ఉన్నారు. తన ట్విటర్‌ అకౌంట్‌కు 100 మిలియన్‌ ఫాలోవర్లు రావడంపై బీబర్‌ ఆనందం వ్యక్తం చేశారు. బీబర్‌ సాధించిన ఘనతను ట్విటర్‌ కూడా #100Mbeliebers emoji  పేరుతో సెలబ్రేట్‌ చేసింది.
 
  


 ముంబయి: క్రికెట్‌ దిగ్గజం సచిన్‌ టెండూల్కర్ కుమారుడు అర్జున్‌ టెందూల్కర్‌కు ఏమైంది అని అభిమానులు ఆందోళన చెందుతున్నారు. అందుకు కారణం.. ముంబైలో పాప్ సంచలనం జస్టిస్ బీబర్‌ షోకు అర్జున్ ఊతకర్రలతో నడస్తూ రావడమే. గాయాలు వేధిస్తున్నా అర్జున్ బీబర్ ఈవెంట్‌కు హాజరవడానికి కారణం లేకపోలేదు. భారతీయులు అర్జున్‌ను ముద్దుగా ఇండియన్ జస్టిన్ బీబర్‌గా పిలుచుకుంటారు. అర్జున్ ఎడమకాలుకు బ్యాండేజీతో కనిపించాడు. దీంతో బీబర్‌కు ఏమైందా అని కంగారుపడ్డారు.
 
 స్టేజీపై బీబర్‌ను చూసి ఇతడు అర్జున్ అని గుర్తించాక వారి ఆందోళన మరి ఎక్కువైంది. బయటకు రాకుండా ఇంట్లో విశ్రాంతి తీసుకుంటే బాగుండేదని అభిప్రాయపడ్డారు. ఇండియన్ బీబర్ అంటూ సోషల్ మీడియాలో విపరీతంగా అర్జున్ ఫొటోలు వైరల్ అయ్యాయి. ఈ క్రమంలో నేవీ ముంబైలోని డీవై పాటిల్ స్డేడియంలో ఏర్పాటుచేసిన బీబర్ ఈవెంట్‌కు అర్జున్ రావడంతో సచిన్ అభిమానులతో పాటు బీబర్ ఫ్యాన్స్ కూడా ఇద్దరు బీబర్స్‌ను ఒకేసారి చూసే అవకాశం దొరికింది. ఆపై ట్విట్టర్లో తమ కామెంట్ల వర్షం కురిపించారు. లిప్ సింక్ సరిగాకాలేదని నిరాశ చెందిన బీబర్ ఫ్యాన్స్.. అర్జున్ టెండూల్కర్ స్టేజీపై ఉన్నాడేమోనని కొందరు ట్వీట్ చేయగా.. అర్జున్ అయితే ఇంకా బాగా లిప్ సింగ్ చేసేవాడని ట్వీట్లు చేశారు.
 
  
 
 Arjun Tendulkar, #SachinTendulkar's son might just be India's craziest Belieber! He went for the concert on crutches pic.twitter.com/QygFLLyHUX
 — Jinnions (@jinnions) 11 May 2017 
  
 
 Desi Justin Bieber (Arjun Tendulkar) at Justin Bieber's #PurposeTourIndia concert. Apne pass Justin Tendulkar hai.


 ముంబై : పాప్‌ గాయకుడు జస్టిన్‌ బీబర్‌ మేనియా ఇండియాను ఏ స్థాయిలో ఊపేస్తుందో తెలిపే మరో ఘటన ఇది. ఇక్కడి డీవై పాటిల్‌ స్టేడియంలో బీబర్‌ ప్రదర్శనను చూసేందుకు పన్నెండేళ్ల చిన్నారి విమానమెక్కి ఢిల్లీ నుంచి ముంబైకి వచ్చేసింది. ఢిల్లీకి చెందిన అక్షితా రాజ్‌పాల్‌ అమిటీ ఇంటర్నేషనల్‌ స్కూల్‌లో 8వ తరగతి చదువుతోంది. బీబర్‌కు వీరభిమాని అయిన ఆమె, బీబర్‌ షోను అమ్మానాన్నలతో కలిసి చూడడానికి మూడు ప్లాటినం టికెట్లను బుక్‌ చేసింది. కాని చివరి నిమిషంలో ఆమె తల్లిదండ్రులు రాలేకపోయారు. కానీ అక్షిత మాత్రం చక్కగా విమానంలో నవీ ముంబైకు చేరుకుంది. తన దగ్గరున్న రెండు టికెట్లను ఫ్యామిలీ ఫ్రెండ్స్‌కు ఇచ్చేసింది.
 
 చదువులోనే కాకుండా సంగీతం, మార్షల్‌ ఆర్ట్స్, మోడలింగ్, నటనలో అక్షిత చురుగ్గా ఉంటుందని ఆమె మామయ్య సుమిత్‌ కౌశిక్‌ మీడియాకు తెలిపారు. అక్షిత ఇంతకుముందు బాలీవుడ్‌ చిత్రం ‘ఫిలౌరీ’లో చిన్న పాత్రలో నటించింది. అంతేకాకుండా ఎస్బీఐ జనరల్‌ ఇన్సూరెన్స్, కొడక్, బిర్లా సన్‌ లైఫ్స్, ఫోర్టిస్, తదితర కంపెనీల ప్రకటనల్లోనూ కనిపించింది. అక్షిత తండ్రి అజయ్‌ రాజ్‌పాల్‌ ఢిల్లీలోని లజ్‌పత్‌ నగర్‌ మార్కెట్‌లో ఓ ఫ్యాషన్‌ రిటైల్‌ స్టోర్‌ను నిర్వహిస్తుండగా, తల్లి భావన ఓ ప్రైవేటు కంపెనీలో పనిచేస్తోంది.


 ముంబై: తన పాటలతో పాప్ ప్రపంచాన్ని మైమరపించే కెనడా పాప్ సంచలనం జస్టిన్ బీబర్ తొలిసారిగా భారత పర్యటనకు విచ్చేశాడు. మంగళవారం అర్ధారత్రి ముంబైకి వచ్చిన బీబర్‌ను చూసేందుకు అభిమానులు తరలివచ్చారు. ఐదు రోజులపాటు భారత్‌లో గడపనున్న బీబర్‌.. ముంబైతోపాటు ఢిల్లీ, ఆగ్రా, జైపూర్‌లను సందర్శించనున్నాడు. నేడు ముంబైలోని డీవై పాటిల్ స్డేడియంలో బీబర్ ప్రదర్శన ఇవ్వనున్నాడు. బాహుబలి సమర్పకుడు, బాలీవుడ్ దర్శకనిర్మాత కరణ్ జోహర్ హోస్ట్‌గా వ్యవహరించే 'కాఫీ విత్ కరణ్'షోలో బీబర్ పాల్గొనున్నాడు.
 
 బుధవారం ఈ పాప్ సంచలనం కరణ్ షో కోసం షూటింగ్‌లో పాల్గొంటాడని బాలీవుడ్ వర్గాల సమాచారం. కరణ్ రెగ్యూలర్‌గా బాలీవుడ్ ప్రముఖులను తన షోలో ఇంటర్వ్యూ చేసేవారు. అయితే తొలిసారిగా ఓ అంతర్జాతీయ సెలబ్రిటీని కరణ్ ఇంటర్వ్యూ చేయనున్నారు. ప్రైవేట్ విమానంలో ముంబైకి చేరుకున్న బీబర్ 120 మంది సభ్యుల బృందంతో కలిసి ప్రదర్శనలు ఇవ్వనున్నాడు. అంతర్జాతీయ సెలబ్రిటీ కావడంతో షో నిర్వాహకులు భారీ ఏర్పాట్లు చేశారు. ఇప్పటికే ముంబై, ఢిల్లీల్లోని రెండు ఫైవ్‌ స్టార్‌ హోటళ్లలో బీబర్‌ కోసం ప్రత్యేక సూట్లను సిద్ధం చేశారు. సల్మాన్‌ఖాన్ బాడీగార్డు మూడు రోజుల పాటు బీబర్ వద్ద విధులు నిర్వహించనున్న విషయం తెలిసిందే.


 - పాప్‌ స్టార్‌ జస్టిన్‌ బీబర్‌తో ‘కాఫీ విత్‌ కరణ్‌’
 - ముంబై, ఢిల్లీల్లో బీబర్‌ ఫీవర్‌..
 
 ముంబై: తన మెస్మరైజింగ్‌ పాటలతో ప్రపంచాన్ని ఉర్రూతలూగిస్తోన్న కెనడియన్‌ సంగీత సంచలనం జస్టిన్‌ బీబర్‌ భారత పర్యటనలో మరో అద్భుతం చోటుచేసుకోనుంది. బాహుబలి సమర్పకుడు కరణ్‌ జోహార్‌ హోస్ట్‌గా వ్యవహరించే ‘కాఫీ విత్‌ కరణ్‌’ షోలో బీబర్‌ పాల్గొంటాడని నిర్వాహకులు వెల్లడించారు. విశ్వసనీయ సమాచారం మేరకు.. బుధవారం ఈ షోకు సంబంధించిన షూటింగ్‌ జరగనుంది.
 
 అయితే అదే రోజు(మే 10) ముంబైలోని డీవై పాటిట్‌ స్టేడియంలో జస్టిన్‌ ప్రదర్శన ఉండటంతో ఆలస్యంగానైనా టాక్‌ షో షూట్‌ చేస్తారని తెలిసింది. ఇప్పటికే ఐదు సీజన్లు పూర్తి చేసుకున్న ’కాఫీ విత్‌ కరణ్‌’లో ఎంతో మంది బాలీవుడ్‌ స్టార్లను ఇంటర్వ్యూ చేసిన కరణ్‌.. ఆరో సీజన్‌లో భాగంగా తొలిసారి తన షోలో ఓ అంతర్జాతీయ సెలబ్రిటీకి ఆతిథ్యం ఇవ్వనుండటం విశేషం. ఐదు రోజులపాటు భారత్‌లో గడపనున్న బీబర్‌.. ముంబైతోపాటు ఢిల్లీ, ఆగ్రా, జైపూర్‌లను సందర్శించనున్నాడు.
 
 బీబర్‌ కోసం సల్మాన్‌ త్యాగం..
 ఇటీవలి కాలంలో ప్రపంచ వ్యాప్తంగా విపరీతమైన క్రేజ్‌ను సొంతం చేసుకున్న సింగర్‌ జస్టిన్‌ బీబర్‌ తొలిసారి ఇండియాకు వస్తుండటంతో నిర్వాహకులు భారీ ఏర్పాటు చేశారు. ప్రవైవేట్‌ జెట్‌ విమానంలో ఇండియాకు చేరుకోనున్న బీబర్‌..120 మంది సభ్యుల బృందంతో కలిసి ప్రదర్శనలు ఇవ్వనున్నాడు. ఇప్పటికే ముంబై, ఢిల్లీల్లోని రెండు ఫైవ్‌ స్టార్‌ హోటళ్లలో బీబర్‌ కోసం ప్రత్యేక సూట్లను సిద్ధం చేశారు. పాప్‌ సింగర్‌ అభిరుచి మేరకు ఆయా గదులను లావిష్‌గా ముస్తాబు చేశారు. బీబర్‌ వెంట 120 కార్లతో భారీ కాన్వాయ్‌ వెళుతుంది.
 
 ఇకపోతే బీబర్‌ సెక్యూరిటీ కోసం బాలీవుడ్‌ స్టార్‌ సల్మాన్‌ ఖాన్‌ త్యాగం చేయాల్సివచ్చింది. కొన్నేళ్లుగా సల్మాన్‌కు బాడీగార్డ్‌ గా వ్యవహరిస్తోన్న షెరా.. ఈ మూడు రోజులూ జస్టిన్‌ బీబర్‌ వద్ద విధులు నిర్వహించనున్నాడు. సల్మాన్‌ అంగీకారం మేరకే షెరాను బీబర్‌కు బాడీగార్డ్‌గా నియమించినట్లు నిర్వాహకులు పేర్కొన్నారు. తమ ధర్మా ప్రొడక్షన్స్‌ ద్వారా బాహుబలి-1, 2 హిందీ వెర్షన్‌లను కరణ్‌ జోహార్‌ సమర్పించిన సంగతి తెలిసిందే.


 లాస్‌ ఎంజెల్స్‌: నిత్యం వార్తల్లో ఉండే ప్రముఖ హాలీవుడ్‌ యువ పాప్‌ కెరటం జస్టిన్‌ బీబర్‌ మరోసారి గాసిప్‌ వార్తల్లో దర్శనం ఇచ్చాడు. బ్రెజిల్‌లో ప్రదర్శన ఇచ్చిన అతగాడు అనంతరం కొత్తగా ఓ మిస్టరీ గర్ల్‌ఫ్రెండ్‌తో కనిపించాడు. వారితో ఆ గర్ల్‌ఫ్రెండ్‌ స్నేహితురాలు కూడా కనిపించింది. ఆమె ఫొటో తీసేందుకు విలేకరులు ఎంత ప్రయత్నించినప్పటికీ అవకాశం లేకుండా పోయింది. బ్రెజిల్‌ రాజధాని రియోడిజనిరోలో బీబర్‌ తన పాప్‌ గీతాలతో హోరెత్తించాడు.
 
 అనంతరం అతడితో గతంలో ఎప్పుడూ చూడని ఓ అమ్మాయి భుజాలపై చేయి వేసి ఏం చక్కా హోటల్‌ ఫోసానోలో పార్టీకి హాజరైనట్లు హాలీవుడ్‌ లైఫ్‌ అనే వెబ్‌ సంస్థ తెలిపింది. ఆ యువతి ల్యూసియానా చామోన్‌ అయ్యుంటుందని పేర్కొంది. ఆమెకు మారినా పుమార్‌ అనే స్నేహితురాలు ఉందని, ఆమెను కూడా పార్టీకి ఆహ్వానించారని, హోటల్‌లో ముగిసిన తర్వాత తిరిగి బీబర్‌ ప్రైవేట్‌ ఇంటికి వెళ్లి అక్కడ సెలబ్రేషన్స్‌ చేసుకున్నారని కూడా ఆ సంస్థ వెల్లడించింది.


 కెనడియన్ పాప్ సింగర్ జస్టిన్ బీబర్ భారత్ పర్యటన కన్ఫామ్ అయ్యింది. మే 10న ముంబైలోని డీవై పాటిల్ స్టేడియంలో బీబర్ ప్రదర్శన ఇవ్వనున్నాడు. ఈ షోలో బీబర్ దాదాపు పది పాటలను ప్రదర్శించే అవకాశం ఉంది. భారీ హైప్ క్రియేట్ చేస్తున్న ఈ షో టికెట్స్ కోసం ఫిబ్రవరి 22 నుంచి అడ్వాన్స్ బుకింగ్స్ ఓపెన్ చేశారు. గతంలో ఎన్నడూ లేని విధంగా భారీ ధరతో ఈ టికెట్స్ను అమ్ముతున్నారు.
 
 అంతర్జాతీయ స్థాయి వీవీఐపిలు ఈ షోకు హాజరవుతున్న నేపథ్యంలో వారి కోసం ఏర్పాటు చేసిన ప్రత్యేక గ్యాలరీ టికెట్ ధర రూ.76000 వేలుగా నిర్ణయించారు. ఆ తరువాత వివిధ క్యాటగిరీల్లో రూ.4000 వేల వరకు టికెట్ ధరలను నిర్ణయించారు. ఇప్పటికే వీవీఐపిల కోసం కేటాయించిన టికెట్లు అమ్ముడవ్వగా మిగిలిన కేటగిరిల టికెట్లు కూడా మరికొద్ది గంటల్లోనే అమ్ముడవుతాయని భావిస్తున్నారు. బాలీవుడ్ టాప్ స్టార్ ఈ షోకు హారవ్వనున్నారు. పర్పస్ వరల్డ్ టూర్ పేరుతో చేపట్టిన జస్టిన్ బీబర్ ఇండియా టూర్కు వైట్ ఫాక్స్ ఇండియా టీం ప్రమోటర్గా వ్యవహరిస్తోంది.


 న్యూఢిల్లీ: ఎట్టకేలకు ఓ నిరీక్షణకు తెరపడింది. ప్రముఖ హాలీవుడ్‌ యువ పాప్‌ సెన్సేషన్‌ సింగర్‌, గ్రామీ అవార్డు విజేత జస్టిన్‌ బీబర్‌ భారత్‌లో అడుగుపెట్టనున్నాడు. ఈ వేసవిలోనే అతడు ఇండియాకు వస్తున్నాడు. అధికారిక కార్యక్రమంలోనే భాగంగా ఈ ఏడాది(2017) మే 10న ముంబయికి వస్తున్నాడు. ప్రపంచ టూర్‌లో భాగంగా ఈ కెనడియన్‌ పాప్‌ స్టార్‌ భారత్‌కు వచ్చి ముంబయిలోని డీవై పాటిల్‌ స్టేడియంలో ప్రదర్శన ఇవ్వనున్నాడు.
 
 ఈ విషయాన్ని వైట్‌ ఫాక్స్‌ ఇండియా ఒక ప్రకటనలో స్పష్టం చేసింది. అతడు ఇజ్రాయెల్‌లోని టెల్‌ అవీవ్‌, దుబాయ్‌, యునైడెట్‌ అరబ్‌ ఎమిరేట్స్‌లో కూడా ప్రదర్శన ఇవ్వనున్నాడు. ముంబయిలో నిర్వహించనున్న పాప్‌ మ్యూజికల్‌ షోకు ముందస్తుగా ప్రముఖ ఆన్‌లైన్‌ బుకింగ్‌ యాప్‌ బుక్‌ మై షో ద్వారా బుక్‌ చేసుకోవచ్చని నిర్వాహకులు తెలిపారు. ఫిబ్రవరి 22 నుంచి టిక్కెట్లు అందుబాటులో ఉండనున్నాయి. ఒక్కో టికెట్‌ ధర రూ.4000 నుంచి ప్రారంభం కానున్నట్లు వివరించారు.


 జస్టిన్ బీబర్ యువతను ఉర్రూతలూగించే పాప్ స్టార్. గత కొద్ది కాలంగా పలు వివాదాలకు కేంద్ర బిందువుగా మారిన బీబర్ తాజాగా మరో వివాదంలో చిక్కుకున్నారు. బార్సిలోనాలో షో చేయడానికి వెళ్లిన బీబర్ తనను తాకడానికి యత్నించిన అభిమాని ముఖం పగులగొట్టాడు. కారులో షో కోసం బయల్దేరి వెళ్తున్న బీబర్ ను చూసిన ఓ అభిమాని దాన్ని వెంబడించి ఆయన్ను తాకబోయాడు.
  
 చిర్రెత్తుకొచ్చిన బీబర్ సదరు అభిమాని ముఖంపై పిడిగుద్దు విసిరాడు. దీంతో ఆ అభిమానితో పాటు రోడ్డు పక్కనే బీబర్ కోసం నిల్చున్నవారు షాక్ కు గురయ్యారు. బీబర్ విసిరిన పంచ్ అభిమాని పెదాలకు బలంగా తాకడంతో అతని నోటి నుంచి రక్తం కారింది. కాగా ఈ సంఘటన మొత్తాన్ని అక్కడ ఉన్న మీడియా చిత్రించింది. 2014లో నటుడు ఓర్లాండోతో కూడా బీబర్ కొట్లాటకు దిగాడు.
  
 ఘటనపై బీబర్ ప్రతినిధిని సంప్రదించగా.. షోకు వెళ్లే ముందు అభిమానులతో బీబర్ మాట్లాడినట్లు చెప్పారు. ఫోటో, ఆటోగ్రాఫ్ ల కోసం అభిమానులు కోరగా.. అవి తనకు నచ్చవని బీబర్ చెప్పినట్లు పేర్కొన్నారు. అభిమానులు బీబర్ మాటలు వినకపోవడంతో అక్కడినుంచి బయల్దేరగా ఓ అభిమాని కారును వెంబడించినట్లు చెప్పారు.


 లండన్:  లండన్ లోని మేడమ్‌ టుస్సాడ్‌ మ్యూజియంలో ప్రముఖ పాప్‌ సింగర్‌ జస్టిన్ బీబర్‌ కొత్త మైనపు విగ్రహాన్ని ఆవిష్కరించారు. ఈ వారంలో లండన్ లోని ఓ2 అరేనా స్టేడియంలో అంతర్జాతీయ ప్రదర్శన ఇవ్వబోతున్న సందర్భంగా దీన్ని ఆవిష్కరించారు. బీబర్‌ చొక్కాలేకుండా ఉండే మైనపు ప్రతిమను ఆవిష్కంచారు.
 
 ‘రెయిన్ షవర్‌ ఫినాలే’ ప్రదర్శనలోని బీబర్‌ గెటప్‌ ఆధారంగా ఈ విగ్రహాన్ని రూపొందించారు. బీబర్‌ 22వ పుట్టిన రోజుని పురస్కరించుకుని ఈ మ్యూజియం తొలిసారిగా మైనపు విగ్రహాన్ని ఆవిష్కరించింది. ప్రస్తుతం కొత్తగా ఆవిష్కరించిన మైనపు ప్రతిమ రెండోది. 2017 జనవరి మూడో తేదీవరకు మాత్రమే ఈ విగ్రహాన్ని ప్రదర్శనకు ఉంచుతామని టుస్సాడ్‌ మ్యూజియం నిర్వాకులు తెలిపారు.


 జస్టిన్ బీబర్‌ ముంబై ఎందుకొచ్చాడు? అతను సచిన్‌ను ఎందుకలా పట్టుకున్నాడు? ఈ ఫొటోను చూసి ఓ నెటిజన్‌ వ్యక్తం చేసిన సందేహం ఇది. నిజానికి ఆ నెటిజనే కాదు చాలామంది లెటెస్ట్‌ లుక్‌లో ఉన్న అర్జున్‌ టెండూల్కర్‌ను చూసి అతను జస్టిన్‌ బీబరేమోనని పొరపడ్డారు. అందుకు కారణం లేకపోలేదు. కెనడియన్‌ పాప్‌ మ్యూజిక్‌ సెన్సేషన్‌ జస్టిన్‌ బీబర్‌ పోలికలు అర్జున్‌లో కొన్ని ఉండటమే.
 
 క్రికెట్‌ లెంజడ్‌ సచిన్‌ టెండూల్కర్‌ కొడుకైన అర్జున్‌ టెండుల్కర్‌ ఇటీవలే 17వ వసంతంలో అడుగుపెట్టాడు. సెప్టెంబర్‌ 24న తన ఇంట్లో జన్మదిన వేడుకలు ఘనంగా జరుపుకున్నాడు. ఈ సందర్భంగా తండ్రితో అర్జున్‌ దిగిన ఫొటో సోషల్‌ మీడియాలో వైరల్‌ అయింది. తండ్రి బాటలోనే క్రికెట్‌ వైపు వడివడిగా అడుగులు వేస్తున్న అర్జున్‌ ఫొటోను చూసిన చాలామంది నెటిజన్లు థ్రిల్‌ అయ్యారు. ఈ ఫొటో చూసిన చాలామంది మొదట బీబర్‌ అనుకున్నారంటే ఎంత అచ్చుగుద్దినట్టు పోలికలు ఉన్నాయో అర్థం చేసుకోవచ్చు. ఇంకొంతమంది నెటిజన్లైతే.. బీబర్‌, అర్జున్‌ చిన్నప్పుడే తప్పిపోయిన సోదరులు అయి ఉంటారని, సినిమాలోలాగా వాళ్లు మళ్లీ కలుసుకోవచ్చంటూ చమత్కరించారు. ఇంకొందరు సురేశ్‌-రమేశ్‌ అంటూ ఫన్నీ కామెంట్లు చేశారు.


 కొంతకాలం ప్రేమించుకొని.. ఆ తర్వాత బ్రేకప్ చెప్పేసుకున్న యువ పాప్ సింగర్స్ జస్టిన్ బీబర్- సెలెనా గోమెజ్ ఇప్పుడు బద్ధ శత్రువులుగా మారినట్టు కనిపిస్తోంది. ఈ మాజీ ప్రేమికులు తాజాగా ట్విట్టరెక్కి రచ్చచేశారు. ఒకరినొకరు పబ్లిగ్గా తిట్టిపోసుకున్నారు.
 
 తన కొత్త గర్ల్ ఫ్రెండ్ సోఫియా రీచి గురించి అభ్యంతరకరమైన వ్యాఖ్యలు ఆపకుంటే.. తన అఫీషియల్ పేజీని మూసివేస్తానని ఈ నెల 14న బీబర్ అభిమానులను హెచ్చరించాడు. ఈ పోస్టుపై సెలెనా ఘాటుగా స్పందించింది. 'నువ్వు అభిమానుల నెగిటివ్ వ్యాఖ్యలను భరించలేకపోతే.. నీ గర్ల్ ఫ్రెండ్ ఫొటోలను పోస్టు చేయడం మానేయ్. అది మీ ఇద్దరి పర్సనల్ విషయం. అంతేకానీ అభిమానుల మీద వీరంగం వేయకు. వాళ్లు నిన్ను ప్రేమిస్తున్నారు' అని సెలెనా కామెంట్ చేసింది. అనంతరం ఈ కామెంట్ ను తొలగించినప్పటికీ బీబర్ మాత్రం సెలెనా మీద కారాలు మిరియాలు నూరాడు. 'ఒకప్పుడు నన్ను ఉపయోగించుకొని ప్రజల దృష్టిని ఆకర్షించిన వ్యక్తులు ఇప్పుడు నన్నే వేలెత్తి చూపిస్తున్నారు. ఇది నిజంగా ఫన్నీగా ఉంది' అంటూ సెలెనాను విమర్శించాడు.
 
 దీంతో 'హ్యాండ్స్ టు మై సెల్ఫ్' సింగర్ సెలెనా మళ్లీ కామెంట్ చేసింది. బీబర్ తో డేటింగ్ చేస్తున్నప్పుడు అతను తనను ఎన్నోసార్లు మోసం చేశాడని పేర్కొంది. అతడి మోసాలను క్షమించి.. మద్దతుగా నిలిచిన తన మీదనే బీబర్ విమర్శలు చేస్తున్నాడని వాపోయింది. అయినా, అభిమానులు అనేవాళ్లు పిచ్చివాళ్లని, ఏం చేసినా అభిమానిస్తూనే ఉంటారని పేర్కొంది. కొంతకాలంపాటు ప్రేమలో మునిగిపోయి.. చాలా సన్నిహితంగా మెలిగిన బీబర్-సెలెనా 2014లో వేరయిన సంగతి తెలిసిందే.


 లాస్ ఎంజెల్స్: ప్రముఖ హాలీవుడ్ పాప్ సింగర్ జస్టిన్ బీబర్ సోషల్ మీడియాలో లేడీ పాప్ సింగర్ టేలర్ స్విఫ్ట్ను దెప్పిపొడిచాడు. ఓ వీడియోలో అతడి ఫొటోను, ఆమె మాజీ బాయ్ ఫ్రెండ్ కాల్విన్ హ్యారిస్, ర్యాపర్ కెన్యె వెస్ట్ ది, టేలర్ ఫొటోను ఇన్ స్టాగ్రమ్ లో పెట్టి ఇప్పుడేం జరిగింది అని ప్రశ్నిస్తున్నట్లు ఓ ట్యాగ్ లైన్ తో పోస్ట్ చేశాడు.
 
 అయితే, అసలు అతడి ఉద్దేశం ఏమిటనేది మాత్రం స్పష్టంగా చెప్పలేదు. కాగా, గత కొన్నాళ్లుగా స్విప్ట్ కు బీబర్ కు వివాదాలు ఉన్నాయి. టేలర్ సలహాలు విన్నతర్వాతే బీబర్ మాజీ ప్రియురాలు సెలెనా గోమెజ్ అతడిని పక్కకు పెట్టిందట. ఈ నేపథ్యంలో ఆమెను అవమానించేందుకే టేలర్ మాజీ బాయ్ ఫ్రెండ్ ఫొటోను పోస్ట్ చేశాడని పలువురు చెవులుకొరుక్కుంటున్నారు.


 లాస్ ఏంజెలిస్: పాప్ సింగర్ జస్టిన్ బీబర్ మరోసారి వార్తల్లో వ్యక్తిగా నిలిచాడు. బుధవారం ఎన్బీఏ ఫైనల్ మ్యాచ్ నిర్వహించారు. ఈ ఫైనల్ మ్యాచ్ గోల్డెన్ వారియర్స్, క్లీవ్ లాండ్ కవాలీర్స్ జట్ల మధ్య జరిగింది. మ్యాచ్ చూడటానికి స్టేడియానికి హీరో తరహాలో వెళ్లిన పాప్ స్టార్ చివరికి జీరో అవ్వాల్సి వచ్చింది. క్లీవ్ లాండ్ కవాలీర్స్ జెర్సీ ధరించి మ్యాచ్ చూసిన బీబర్ ఆ తర్వాత బయటకు వచ్చి స్మోక్ చేశాడు. ఎందుకో తెలియదు కానీ, బాస్కెట్ బాల్ మ్యాచ్ ముగిసిన తర్వాత అసహనంగా కనిపించిన బీబర్ ఓ వివాదంలో తలదూర్చాడు.
 
 స్డేడియం లోపల ఉన్న ఓ కాంప్లెక్స్ లోకి తిరిగొచ్చిన బీబర్ ఓ వ్యక్తితో అనవసరంగా తగాదా పెట్టుకున్నాడు. అంతటితో ఆగకుండా తన బలాన్ని ప్రదర్శించాలని చూసి భంగపడ్డాడు. తొలుత అవతలి వ్యక్తిపై మూడు, నాలుగు పంచ్ లు విసిరాడు. అయితే దెబ్బతిన్న ఆ వ్యక్తి వెంటనే తేరుకుని డిఫెన్స్ చేశాడు. బీబర్ కు కూడా నాలుగు పంచ్ లు ఇచ్చాడు. అతడి పంచ్ దాటికి బీబర్ వెంటనే కింద పడిపోగా, అక్కడే ఉండి ఈ విషయాన్ని గమినిస్తున్న కొందరు ఆ ఇద్దరిని విడదీశారు. పక్కకు తీసుకెళ్లడంతో గొడవ సద్దుమణిగింది.
  


 లండన్: తన మాజీ ప్రేయసిని ప్రముఖ హాలీవుడ్ యువ పాప్ సింగర్ జస్టిన్ బీబర్ మరోసారి ఫాలో అవుతున్నాడు. ప్రముఖ సామాజిక అనుసంధాన వేధిక ఇన్స్టాగ్రమ్లో మరోసారి ఆమె వెంటపడుతున్నాడు. జస్టిన్ బీబర్కు సెలెనా గోమెజ్ అనే ప్రేయసి ఉన్న విషయం తెలిసిందే. ఆమెతో అతడు 2014 డిసెంబర్లో తెగదెంపులు చేసుకున్నాడు.
 
 దాంతో అప్పుటి నుంచి ఎవరికి వారే మాజీ ప్రేమికులుగా ఉండిపోయారు. ఈ రెండేళ్ల కాలంలో కనీసం వారు ఒకసారి కలుసుకున్నట్లు, కమ్యూనికేషన్ కోసం ప్రయత్నించినట్లుగాని లేదు. ఈ నేపథ్యంలో ఈ మాజీ ప్రేమికులను ఎప్పటి నుంచో తీక్షణగా చూస్తున్న అభిమానులకు ఒకేసారి బీబర్ షాకిచ్చాడు. ఈ నెల 5 నుంచి తన మాజీ ప్రేమికురాలు సెలెనాను ఫాలో అవడం మొదలుపెట్టాడు. దీంతో ఆ 23 ఏళ్ల అందాల్ పాప్ సింగర్పై బీబర్ కు ఇంకా ప్రేమ తగ్గలేనట్లుందని అతడి అభిమానులు చెవులు కొరుక్కుంటున్నారు.


 లాస్ ఏంజెలిస్: పాప్ స్టార్ జస్టిన్ బీబర్ ఈ ఏడాది మరోసారి మాటతప్పాడు. స్మోకింగ్ కు దూరంగా ఉంటానని బహిరంగంగానే ప్రకటించిన పాప్ సంచలనం బీబర్.. కొన్ని రోజులకే పొగతాగుతూ కెమెరాకు చిక్కి తొలిసారి మాట తప్పాడు. ఈ న్యూ ఇయర్ నుంచి స్మోక్ చేయనని నిర్ణయించుకున్నానని చెప్పిన కొద్ది రోజులకే.. జనవరి 9న సాయంకాలం ఓ హోటల్ బయట సిగరెట్ కాలుస్తూ కెమెరాకు చిక్కిన విషయం తెలిసిందే. మరోసారి తాను పదేపదే చెప్పిన మాట తప్పాడు బీబర్.
 
 అభిమానులతో సెల్ఫీలు, ఫొటోలు దిగనని చెప్పిన బీబర్.. మే 10న ఓ హోటల్ మేనేజర్ తో సెల్ఫీలు దిగాడు. దీంతో రెండోసారి మాట తప్పినట్లయింది. బోస్టన్, మసాచుసెట్స్ లో హాయిగా పర్యటిస్తున్న బీబర్ గతంలో తానిచ్చిన నో సెల్ఫీ ప్రామిస్ కు ఫుల్ స్టాప్ పెట్టేశాడు. మేనేజర్ తో సెల్ఫీ దిగడం, అది సోషల్ మీడియాలో హల్ చల్ చేసింది. ఫ్యాన్స్ తనను కలిసినప్పుడు కనీసం పలకరించరని, కేవలం ఫొటోలకు మాత్రమే ఫోజులిస్తారని కాస్త అప్ సెట్ అయ్యాడు. అయినా సరే అభిమానులు కోరడంతో సెల్ఫీలకు సై అంటున్న పాప్ స్టార్ తన మనసు మార్చుకున్నట్లు తెలుస్తోంది.


 లాస్ ఎంజెల్స్: ప్రముఖ హాలీవుడ్ సింగర్ జస్టిన్ బీబర్ తన ఫ్యాన్స్ పై మరోసారి మండిపడ్డాడు. ఇక వారితో ఏ మాత్రం ఫొటోలకు ఫోజు ఇవ్వకూడదని నిర్ణయించుకున్నాడు. 22 ఏళ్ల ఈ పాటల దిగ్గజం ఇన్ స్టాగ్రమ్ ద్వారా తన అభిప్రాయాలను పంచుకున్నాడు. తన అభిమానులు వచ్చి అలా ఫొటోలు దిగుతుంటే తనకు తాను జూలో జంతువులా కనిపిస్తున్నానని చెప్పారు.
 
 ఎక్కడికి వెళ్లినా భారీ సంఖ్యలో ఫ్యాన్స్ అంటూ ఎగబడటం.. వెంటనే ఫొటోల కోసం ఎగబడటం తనకు నచ్చలేదని చెప్పారు. తనను చూసిన వారు కనీసం గుర్తించరని హాయ్ కూడా చెప్పరని.. కేవలం ఫొటోలు మాత్రమే దిగుతారని.. దాంతో తాను జూలో జంతువుగా భావిస్తున్నాని చెప్పారు. అయితే, తన నిర్ణయం అభిమానులకు ఇబ్బంది పెడుతుందని తనకు తెలుసని అయినా తప్పదని చెప్పాడు.


 లాస్ ఏంజిల్స్: పాప్ సూపర్ స్టార్ జస్టిన్ బీబర్ మరోసారి గొడవల్లో తలదూర్చాడు. ఓ క్లబ్బులో నైటౌట్ సందర్భంగా యువ ర్యాపర్ 'డిజినర్'తోతగువుకు దిగాడు. ఈ గొడవ క్లబ్బులో రచ్చరచ్చ చేసింది. బ్రూక్లిన్ లో తన కన్సర్ట్ ముగిసిన అనంతరం న్యూయార్క్ లోని వన్ ఓక్ క్లబ్బుకు 22 ఏళ్ల బీబర్ వెళ్లాడు. అక్కడ హిప్ హాప్ సింగర్ డిజినర్ ప్రదర్శన ఇస్తున్నాడు. అతను పాడుతూ.. చిందులు వేస్తూ వేదిక మీద నుంచి దిగి.. జనంలో కలియదిరిగాడు. ఈ క్రమంలో వీఐపీ ఏరియాలో ఉన్న బీబర్ వద్దకు అతను దూసుకెళ్లాడు. అతని వద్ద చిందులు తొక్కుతూ.. అతని కాళ్లను పలుసార్లు తొక్కాడు.
 
 దీంతో చిరాకుపడ్డ బీబర్ అతన్ని గట్టిగా తోసేశాడు. ఇది చిన్నపాటి గొడవకు దారితీసి..క్లబ్బులో రభస చేసింది. బాగా జనంతో నిండిన క్లబ్బులో జరిగిన ఈ ఘటనకు సంబంధించిన వీడియోను తాజాగా హాలీవుడ్ గాసిప్ వెబ్ సైట్ టీఎంజెడ్ పబ్లిష్ చేసింది. ప్రస్తుతం ర్యాపర్ కేన్ వెస్ట్ బృందంలో పనిచేస్తున్న 19 ఏళ్ల డిజినర్ ను వెంటనే అక్కడి నుంచి భద్రత మధ్య తరలించారు.డిజినర్ ప్రదర్శనను మధ్యలోనే నిలిపివేయడంపై క్లబ్బులోని ఫ్యాన్స్ ఆగ్రహం వ్యక్తం చేస్తుండగా.. ఈ గొడవపై బీబర్ ఇంతవరకు స్పందించలేదు.


 లాస్ ఏంజెల్స్: పాప్ సెన్సేషనల్ జస్టిన్ బీబర్కు అవార్డుల పంట పండింది. బీబర్ అందుకున్న అవార్డుల్లో ఒకటి మేల్ ఆర్టిస్ట్ ఆఫ్ ది ఇయర్ అయితే ఇంకొటి బెస్ట్ ఫ్యాన్ ఆర్మీ ప్రైజ్.. దీంతో గత కొంత కాలంగా గడ్డు పరిస్థితులను ఎదుర్కొంటున్న బీబర్కు ఊరట లభించింది. కాలిఫోర్నియాలో జరిగిన ఐ హార్ట్ రేడియో అవార్డుల ప్రధానోత్సవంలో బెస్ట్ మేల్ ఆర్టిస్ట్ ఆఫ్ ది ఇయర్ అవార్డును గత ఏడాది చేసిన  స్పిరుచ్యువల్ ఆల్బమ్ కి అందుకున్నాడు బీబర్.
 
 అవార్డును అందుకునేందుకు వేదిక పైకి వెళుతూనే.. 'థ్యాంక్స్ గాడ్! ఇప్పటివరకు చాలా కఠిన సమయాలను చూశాను. అవన్నీ ఎదుగుదలలో నేర్చుకునేందుకేనని తెలుసు' అని భగవంతుడికి ధన్యవాదాలు తెలిపాడు. ఆల్బమ్ల మీద ఎక్కువగా శ్రద్ధ పెడుతుండటంతో కుటుంబసభ్యులతో గడపడానికి వీలు చిక్కడం లేదని, తన చెల్లెలు, తమ్ముడు త్వరగా ఎదుగుతున్నారని బీబర్ అన్నాడు.
  


 మాజీ ప్రియురాలిని ముద్దాడుతున్న ఫొటోను ఎవరైనా సోషల్‌ మీడియాలో పెడితే.. సహజంగా అది విమర్శలకు దారితీస్తుంది. ఆ మాజీ ప్రియురాలు కూడా సదరు వ్యక్తిపై కోప్పడే అవకాశముంటుంది. కానీ పాప్‌ సంచలనం జస్టిన్ బీబర్‌ కు ఇలాంటి ఫొటోనే బాగా కలిసొచ్చింది.
 
 కొద్దికాలం కిందటే పాప్ చిన్నది సెలెనా గోమెజ్‌తో బీబర్‌కు బ్రేకప్‌ అయింది. ప్రణయబంధంలో చాలాకాలం పీకల్లోతు కూరుకుపోయిన ఈ జంట ఉన్నట్టుండి వేరయింది. దీంతో బీబర్‌ కొత్త గర్ల్‌ఫ్రెండ్‌తో ఎంజాయ్‌ చేస్తుండగా, సెలెనా తన మ్యూజిక్ కెరీర్‌పై దృష్టి పెట్టింది. ఇటీవల బీబర్‌ ఓ చిలిపి పని చేశాడు.
 
 సెలెనాను తమకంగా పెదవులపై ముద్దాడుతున్న ఓ పాత ఫొటోను ఇన్‌స్టాగ్రామ్‌లో పోస్టు చేశాడు. ఈ ఫొటో సెలెనాకు కోపం తెప్పించకపోగా.. అతనిపై తనకున్న ప్రేమను గుర్తుచేసినట్టుంది. అందుకే వెతుక్కుంటూ మరీ సెలెనా బీబర్‌ కన్సర్ట్‌కు వెళ్లింది. బుధవారం రాత్రి లాస్‌ ఏంజిల్స్‌లోని స్టాప్లెస్ సెంటర్‌లో జరిగిన బీబర్ కాన్సర్ట్‌లో సెలెనా దర్శనమివ్వడం ఆశ్చర్యం కలిగింది. ప్రేక్షకుల మాదిరిగా ఓ మూలకు నిలబడి సెలెనా బీబర్‌ కాన్సర్ట్‌ను వీక్షించింది. బీబర్‌ సెలెనాను గుర్తించినప్పటికీ పెద్దగా ఉద్వేగపడలేదు. ఆమె గురించే రాసిన పలు పాటలను బీబర్‌ ఆలకించాడు. అన్నట్టు 2014లో దిగినట్టు భావిస్తున్న ఈ కిస్సింగ్ ఫొటోకు ఇన్‌స్టాగ్రామ్‌లో 30 లక్షల లైకులు వచ్చాయి.  
  


 యువ పాప్ సంచలనం జస్టిన్ బీబర్ సంగతి ఏమో గానీ.. అతడి తండ్రికి మాత్రం ఇప్పుడు మళ్లీ పెళ్లవుతోంది. ఎంతోకాలంగా తాను ప్రేమిస్తున్న చెల్సీ రెబెలో (28) అనే అమ్మాయితో బీబర్ తండ్రి జెరెమీ ఎంగేజిమెంట్ అయ్యింది. గత వారం సెయింట్ బార్ట్స్ అనే ప్రాంతానికి వెళ్లినప్పుడు జెరెమీ ఆమెకు ప్రపోజ్ చేశారు. తామిద్దరికీ ఎంగేజిమెంట్ అయ్యిందన్న విషయాన్ని ఆయన నిర్ధారించారు. ఈ మేరకు ఓ వీడియోను ట్విట్టర్‌లో పోస్ట్ చేశారు.
 
 మోకాళ్ల మీద కూర్చుని రెబెలోకు వెడ్డింగ్ రింగ్ అందిస్తున్న ఫొటో కూడా పెట్టారు. చెల్సీ రెబెలోతో కొత్త జీవితాన్ని ప్రారంభిస్తున్నానని రాశారు. జస్టిన్ బీబర్ పుట్టిన పది నెలలకే అతడి తల్లి పేటీ మాలెట్‌తో తనకున్న ఐదేళ్ల బంధాన్ని జెరెమీ తెంచుకున్నారు. ఆయనకు తన మాజీ గర్ల్‌ఫ్రెండ్ ఎరిన్ వాగ్నర్‌తో మరో ఇద్దరు పిల్లలు కూడా ఉన్నారు.


 లండన్: పాప్ సింగర్స్ను ఏ ఒక్కరూ ఆదర్శంగా తీసుకోరాదని హాలీవుడ్ యువ పాప్ సింగర్ జస్టీన్ బీబర్ అన్నాడు. ముఖ్యంగా తనను ఎవరూ ఆదర్శంగా తీసుకోవద్దని, అది ఏ ఒక్కరికి మంచిది కాదని చెప్పారు. తాజాగా ఓ మీడియా సంస్థ నిర్వహించిన ఇంటర్వ్యూలో తనకు స్టార్ డమ్ అస్సలు ఇష్టం లేదని చెప్పాడు. తనను మరొకరు అనుసరించడం నచ్చదని అన్నాడు.
 
 'నేను నిజంగా జనాలకు ఓ సలహా ఇవ్వాలనుకుంటున్నాను. మీరు నాపై ఏ మాత్రం నమ్మకం పెట్టుకోకండి. ఎందుకంటే ప్రతిసారి నేను మిమ్మల్ని నిరుత్సాహపరుస్తాను. ఇది కొంత ఆందోళనగా అనిపించినా ఈ విషయం చెప్పక తప్పదు. నాకు ఎలాంటి శక్తి లేదు. నేను ఎవరి సమస్యలను తీర్చగల సమర్థుడిని కాదు. నేను పర్ ఫెక్ట్ కాదు. చాలా తప్పులు చేశాను. నా ఉద్దేశం ప్రకారం మనుషులను పూజించడం అనేది మంచి పద్దతి కాదు' అని బీబర్ అన్నాడు.


 లాస్‌ఏంజిల్స్: గ్రామీ అవార్డు విన్నర్, యువ పాప్ సంచలనం జస్టీన్ బీబర్‌వన్నీ విచిత్రమైన కోరికలు. 'సారీ' హిట్‌మేకర్ ఇప్పటికే ఓ కోతిని పెంచుకున్నాడు. కాపుచిన్ జాతికి చెందిన కోతికి 'ఓజీ మ్యాలీ' అని పేరు పెట్టి..  ఎంతో ఇష్టంగా చూసుకునేవాడు. తాను ఎక్కడికి వెళితే అక్కడికి తీసుకెళ్లేవాడు. అలా 2013 మార్చిలో జర్మనీకి 'మ్యాలీ'తో కలిసి వెళ్తుండగా.. అటవీ అధికారులు అడ్డుకున్నారు. ఆ కోతిని అతడి నుంచి వేరుచేసి జూకు తరలించారు. అప్పటినుంచి పెట్‌ లేకుండా కాలం వెళ్లబుచ్చుతున్న ఈ 21 ఏళ్ల సింగర్ తాజాగా మరో కోతిని పెంచుకోవాలని భావిస్తున్నట్టు చెప్పాడు. అతని ప్రకటనపై జంతు హక్కుల సంఘాలు మండిపడుతున్నాయి. కోతిని పెంచుకోవాలన్న ఆలోచనను మానుకోవాలని సూచిస్తున్నాయి. కోతిని అతడు సరిగ్గా సంరక్షించలేడని, అందుకు బదులు ఏదైనా పెంపుడు జంతువును అతడు ఎంచుకోవచ్చునని చెప్తున్నాయి.
 
 'మరోసారి ఇలాంటి పిచ్చి ప్రయత్నం చేయకు. నీ ప్రైవేటు నివాసంలో కోతిని పెంచుతూ దాని అవసరాల్నీ తీర్చడం అంతగా సాధ్యం కాదు. ఇది కోతికి, నీకు ప్రమాదకరం. నీ అభిమానులను కూడా ఇబ్బందిపెట్టే అంశం.' అని నార్త్ అమెరికా ప్రిమేట్ సాంచ్యురీ అలయెన్స్ (ఎన్ఏపీఎస్‌ఏ) ఓ ప్రకటనలో బీబర్‌కు సలహా ఇచ్చింది. బీబర్ మాత్రం తన ఓజీ మ్యాలీ దూరమవ్వడంపై బాధ వ్యక్తంచేస్తూ.. మళ్లీ దానిని ఎలాగైన తెచ్చుకునే ప్రయత్నం చేస్తానని అంటున్నాడు. లేకపోతే మరో కోతిని తెచ్చుకొని ఇంట్లో పెట్టుకుంటానని చెప్తున్నాడు.


 లండన్‌: ఆయన ఒంటిపై ఒకటి కాదు రెండు కాదు ఏకంగా 50కిపైగా పచ్చబోట్లు ఉన్నాయి. దేహం నిండా ఉన్న ఆ పచ్చబోట్లతో ఎలాంటి ఇబ్బంది లేకున్నా.. ఓ టాటూను చూసి మాత్రం పాప్‌ స్టార్ జస్టిన్ బీబర్ తెగ ఇదయిపోతున్నాడు. ఆ టాటూ ఎవరికంట పడకుండా దాచాలనుకుంటున్నాడు. ఇంకుతో కవర్ చేసి.. ఆ పచ్చబొట్టు కనిపించకుండా చేయాలని ప్రయత్నిస్తున్నాడు. ఇంతకూ ఆ బొమ్మ ఎవరిదంటే సింగర్ సెలెనా గోమెజ్‌ది. ఈ ఇద్దరు ఒకప్పుడు గాఢమైన ప్రేమికులు. చెట్టాపట్టాలేసుకొని తిరిగారు. ఇప్పుడు బ్రేకప్‌ అయింది. అప్పట్లో ప్రేమగా తన చేతిపై పచ్చపొడుచుకున్న ఆ ముద్దుగుమ్మ బొమ్మను ఇప్పుడు చెరిపేయాలని బీబర్ భావిస్తున్నాడు.
 
 మాజీ ప్రియురాలి టాటూను కనిపించకుండా కవర్ చేయడానికి ప్రయత్నిస్తున్నట్టు 21 ఏళ్ల బీబర్ చెప్పాడు. ఈ బొమ్మను ఇంకుతో కప్పివేయడానికి ప్రయత్నించానని, అయినా ప్రజలు ఈ పచ్చబొట్టు ఎవరిదో గుర్తుపడుతున్నారని అతను చెప్పాడు. 'వాట్‌ డూ యూ మీన్‌' ఆల్బంతో తాజాగా హిట్ కొట్టిన ఈ యువ సంచలనం ఇప్పుడు హేలీ బల్ద్విన్‌తో డేటింగ్ చేస్తున్నాడు. ఈ ఇద్దరు ప్రణయ సల్లాపాల్లో మునిగి తేలుతున్నట్టు పుకార్లు షికారు చేస్తున్నాయి. మరోవైపు  సింగర్ సెలెనా గోమెజ్ మాత్రం ఒంటరిగా గడుపుతూ.. తన స్నేహితురాళ్లతో వాలెంటైన్స్ డే జరుపుకున్నదట.
 
  


 లాస్ ఎంజిలిస్: యువ సంచలనం జస్టీస్ బీబర్ తాజాగా మరోసారి వార్తల్లోకెక్కాడు.  జస్టీస్ బీబర్ తన బాయ్ ఫ్రెండ్ కాదంటూ అతని ప్రియురాలు, మోడల్ అయిన 19 ఏళ్ల హెయిలీ బాల్డ్విన్ స్పష్టం చేసింది. దాంతో పాటు రిలేషన్ షిప్స్ చాలా కఠినంగా ఉంటాయంటూ వేదాంతం చెప్పుకొచ్చింది. ప్రతి ఒక్కరూ ఏదో ఓ సందర్భంలో తమకు నచ్చినవాళ్లతో గడుపతారని, అయితే అందరూ అనుకున్నట్లుగా మేం లవర్స్ కాదని వివరించింది. యువ పాప్ సింగర్ జస్టిన్ బీబర్ ఇటీవల తన కొత్త ప్రియురాలితో చెట్టాపట్టాలేసుకుని తిరుగుతూ చాలా సందర్భాల్లో కనిపించిన మాట వాస్తవమే. 21 ఏళ్ల యువ సంచలనం బీబర్.. మోడల్ అయిన హెయిలీ బాల్డ్విన్ ను ఘాటుగా ముద్దాడుతున్న ఫొటోను బ్లర్ చేసి గత నెలలో తన ఇన్స్టాగ్రామ్లో పోస్ట్ చేసిన విషయం తెలిసిందే. దీంతో ఓ క్లారిటీ ఇచ్చారని అభిమానులు సంబరపడ్డారు.
 
 బీబర్ కొత్త ఆల్బమ్ కంటే ఆ సింగర్ అభిమానులు ఎక్కువగా మోడల్ కు ముద్దిస్తూ దిగిన ఫొటో పోస్ట పైనే తమ దృష్టిసారించారు.  సెయింట్ బార్ట్స్ గేట్ వే లో జరిగిన నూతన సంవత్సర వేడుకల్లో ఈ జంట పాల్గొంది. ఈ ముద్దు, ముచ్చట్లు, రొమాన్స్ అన్నీ ఆ వేడుకల్లో భాగంగా వారిద్దరి మధ్య నడిచాయి. తన ప్రియురాలితో సన్నిహితంగా ఉన్న మరిన్ని ఫొటోలు నెట్లో చక్కర్లు కొడుతున్న తరుణంలో బీబర్ తన బాయ్ ఫ్రెండ్ కాదని మోడల్ హెయిలీ బాల్డ్విన్ అంటోంది.


 లాస్‌ఏంజిల్స్‌: యువ పాప్ సంచలనం జస్టిన్ బీబర్ ప్రపంచంలో పెద్ద స్టార్ సింగర్‌ కావొచ్చు కానీ, అతనితో తాను చేసిన ఇంటర్వ్యూ మాత్రం ఓ పీడకల అంటోంది చెల్సియా హండ్లర్. టీవీ ప్రజెంటర్ అయిన ఆమె 2015లో బీబర్‌ను ఇంటర్వ్యూ చేసింది. అప్పట్లో అతని వయస్సు 15 ఏండ్లే.
 
 కానీ అతను తనను ఫ్లర్ట్‌ (సరసమాడటానికి) చేయడానికి ప్రయత్నించాడని, దీంతో తాను చాలా అసౌకర్యానికి గురయ్యానని ఆమె తెలిపింది. 'చెల్సియా లేట్‌లీ' షోలో భాగంగా అతన్ని చేసిన ఇంటర్వ్యూనే తన జీవితంలో చేసిన అత్యంత చెత్త ఇంటర్వ్యూ అని పేర్కొంది. 'అతను తనదైనశైలిలో గిమ్మిక్కులు చేశాడు. అతను మీతో సరసమాడటానికి ప్రయత్నిస్తే ఓ పిల్ల ఆకతాయి అని మీరు తోసిపుచ్చవచ్చు. కానీ నాకు అతను అలా అనిపించలేదు. చాలా అసౌకర్యంగా తోచింది' అని ఆమె చెప్పింది.


 లాస్ ఏంజెలెస్: పాప్ సంగీత సంచలనం జస్టిన్ బీబర్ పొగతాగుతూ కెమెరాకు చిక్కాడు. జనవరి 9న సాయంకాలం ఓ హోటల్ బయట సిగరెట్ కాలుస్తూ దొరికి పోయాడు. కొత్త సంవత్సరంలో స్మోకింగ్ మానేయాలని నిర్ణయించుకున్నానని చెప్పిన కొద్ది రోజులకే అతడు పొగతాగుతూ కనబడడంతో మరోసారి వార్తల్లో నిలిచాడు.
 
 ధూమపానం మానేస్తున్నట్టు 'ది బెర్త్ షో' సందర్భంగా బీబర్ చెప్పాడు. 'ఇక నుంచి స్మోకింగ్ వదిలేస్తున్నా. ధూమపానం ఆరోగ్యానికి మంచిది కాదు. పొగ తాగే అలవాటున్న వారిని చెడ్డవారంటారు. అలా అనిపించుకోవాలనుకోవడం నాకు ఇష్టం లేద'ని బీబర్ పేర్కొన్నాడు.
 
 ఇలా ప్రకటించిన వారం రోజులకే మళ్లీ చేతిలో సిగరెట్ తో కలిపించాడీ హిట్ మేకర్. తాను నివసిస్తున్న హోటల్ బయటే పొగతాగుతూ కనిపించాడు. అయితే బీబర్ స్మోక్ చేయలేదని హోటల్ సిబ్బందిలో ఒకరు తెలిపారు.


 యువ పాప్ సింగర్ జస్టిన్ బీబర్ మరో సంచలనానికి తెరతీశాడు. తన కొత్త ప్రియురాలితో ఘాటు ముద్దుల్లో మునిగి తేలుతున్న ఫొటోను స్వయంగా బయటపెట్టాడు. ప్రస్తుతం ఆ ఫొటో బీబర్ కొత్త ఆల్బమ్ కంటే ఎక్కువ కిక్కిస్తుంది అభిమానులకి!. 21 ఏళ్ల యువ సంచలనం బీబర్..మోడల్ అయిన 19 ఏళ్ల హెయిలీ బాల్డ్విన్ ను ముద్దాడుతున్న ఫొటోను బ్లర్ చేసి ఇన్స్టాగ్రామ్లో పోస్ట్ చేశాడు.
 
 సెయింట్ బార్ట్స్ గేట్ వే లో జరిగిన నూతన సంవత్సర వేడుకల్లో ఈ జంట పాల్గొంది. ఈ ముద్దు, ముచ్చట్లన్నీ ఆ వేడుకల్లోనివే. తన ప్రియురాలితో సన్నిహితంగా ఉన్న మరిన్ని ఫొటోలు నెట్లో చక్కర్లు కొడుతున్నాయి. ఇన్నాళ్లు మేం కేవలం స్నేహితులం మాత్రమే అని చెప్పుకుంటున్న ఈ జంట ఇప్పుడు కొంత క్లారిటీ ఇచ్చినట్టే !
 


 వాషింగ్టన్: 'మినీ బియాన్స్'గా పేరొందిన నాలుగేళ్ల  చిచ్చరపిడుగు ఈ ఏడాది యూట్యూబ్‌ కిరీటాన్ని ఎగరేసుకుపోయింది. అదరిపోయే తన స్టెప్పులతో ఈ చిన్నారి పెట్టిన డ్యాన్స్ వీడియో 2015 సంవత్సరంలో అత్యధిక వ్యూస్‌ సాధించింది. ర్యాపర్ సైలెంటో పాడిన 'వాచ్‌ మి' పాటకు న్యూయార్క్ వీధుల్లో ఈ బుజ్జాయి వేసిన స్టెప్పులకు వీక్షకుల నుంచి అదరహో అనే రెస్పాన్స్ వచ్చింది. 'హేవన్‌ కింగ్‌'గా పేరొందిన ఈ చిన్నారి డ్యాన్స్ వీడియోను ఇప్పటివరకు 116 మిలియన్ల (16.6 కోట్ల) మంది చూశారని, ఈ ఏడాది అత్యధికంగా వీక్షించిన వీడియో ఇదేనని గూగుల్ నేతృత్వంలోని యూట్యూబ్‌ ప్రకటించింది.
 
 ఇక రెండోస్థానంలో నటుడు లియాన్ నీసన్ నటించిన 'క్లాష్ ఆఫ్ క్లాన్స్' వీడియో గేమ్‌ నిలిచింది. దీనిని 83 మిలియన్ల (8.3 కోట్ల) మంది చూశారు. 'హేవన్ కింగ్' చిన్నారి వీడియో పోల్చుకుంటే రెండోస్థానంలో ఉన్న వీడియోకు సగం వ్యూస్‌ కూడా రాకపోవడం గమనార్హం. యూట్యూబ్ ప్రముఖుడిగా పేరొందిన ప్రంక్‌స్టర్ రోమన్ అట్వూడ్ తీసిన 'క్రేజీ ప్లాస్టిక్ బాల్' వీడియో మూడోస్థానంలో నిలించింది. దీనిని 56 మిలియన్ల (5.6 కోట్ల) మంది వీక్షించారు. యాడ్ కౌన్సిల్ జారీచేసిన 'లవ్ హజ్ నో లేబుల్', జస్టిన్ బీబర్ వీడియో, డెలవేర్ పోలీసులు పెట్టిన 'కన్ఫెషనల్' వీడియో టాప్‌ వీడియోల్లో చోటుసంపాదించాయి. పదో పుట్టినరోజు జరుపుకుంటున్న యూట్యూబ్‌కు 2015 ఎంతో అద్భుతమైన సంవత్సరమని, యూట్యూబ్‌ అభిమానులు ఈ ఏడాది ఎన్నో వినూత్నమైన డ్యాన్సులు ప్రవేశపెట్టారని, జీవవైవిధ్యం, సమ్మిళిత అభివృద్ధి, ఆధునిక కార్లు వంటి ఎన్నో అంశాలపై యూట్యూబ్ వేదికగా చర్చించారని ఆ సంస్థ ఓ ప్రకటనలో తెలిపింది.


 యువ పాప్ సంచలనం జస్టిన్ బీబర్ దృష్టిని ఆకర్షించిన ఇన్స్టాగ్రామ్ మిస్టీరియస్ గర్ల్ ఎట్టకేలకు స్పందించింది. ప్రపంచవ్యాప్తంగా తన కోసం ఆరాతీస్తుండటం, ఒక్కసారిగా అందరి దృష్టి తనవైపు మళ్లడంతో మనస్సును ఉద్వేగ పరుస్తున్నది అని ఆమె తెలిపింది. ఇన్స్టాగ్రామ్ లో 'వోల్ఫీసిండీ' పేరిట కనిపించిన ఆమె ఫొటో చూసి జస్టిన్ బీబర్ ఫిదా అయిపోయాడు.  చూడచక్కని సొగసైన కళ్లతో అచ్చం రష్యా మోడల్ ఇరినా ష్యెక్ లా ఉన్న ఈ అమ్మాయిని చూసి 'ఓమై గాడ్! ఎవరు ఈమె? ఎక్కడ ఉంటుంది?' అంటూ ఆయన తన అకౌంట్ లో ఆరా తీశారు. ఆమె గురించి వివరాలు ఏమైనా తెలిస్తే తనకు తెలియజేయాలని అభిమానులను కోరారు.
 
 దీంతో అందరి కళ్లు ఈ సుందరిపైనే పడ్డాయి. ప్రపంచవ్యాప్తంగా ఆమె గురించి ఆరా తీయడం మొదలైంది. దీంతో చాలామంది బీబర్ మహిళ అభిమానులు 'మేమే ఆ అమ్మాయి' అంటూ ఆయనకు నకిలీ మెసెజ్ లు పెట్టారు. దీంతో బీబర్ కొంత కలత కూడా చెందాడు. ఈ నేపథ్యంలో సిండీ కింబర్లీ పేరుతో ట్విట్టర్ లో ఓ అమ్మాయి ఉంటుందని, ఆమె తన ఇన్స్టాగ్రామ్ అకౌంట్ లో సెల్ఫీలు పెడుతుందని అభిమానులు ఆరా తీసి కనుకొన్నారు. చివరకు 'వోల్ఫీ సిండీ' పేరుతో ఇన్స్టాగ్రామ్ అకౌంట్ లో ఆమె స్పందించింది.
 
 తన ఆచూకీ గురించి అందరూ ఆరాతీయడం భావోద్వేగానికి గురిచేస్తున్నదని, దీని గురించి ఎలా స్పందించాలో అర్థం కావడం లేదని పేర్కొంది. తనకు ఇన్స్టాగ్రామ్, టంబ్లర్ లో మాత్రమే అకౌంట్లు ఉన్నాయని,  ట్విట్టర్ లో గతంలో ఉన్న అకౌంట్ ను డియాక్టివేట్ చేశావని, మిగతా సోషల్ వెబ్ సైట్లలో తన గురించి ఉన్న అకౌంట్లన్నీ నకిలీవని ఆమె స్పష్టం చేసింది. 'వోల్ఫీ సిండీ'  పేరుతో టంబ్లర్ లో ఉన్న అకౌంట్ లో ఆమె వయసు 17 ఏళ్లు అని ఉంది. ఇన్ స్టాగ్రామ్ లో ఇదేపేరుతో ఉన్న అకౌంట్ కు 2.50 లక్షలమంది ఫాలోవర్లు ఉన్నారు.


 పాప్ యువ సంచలనం జస్టిన్ బీబర్ మరోసారి వింతగా ప్రవర్తించాడు. తాను పాడుతున్నప్పుడు.. ఆ బీట్‌కు అనుగుణంగా ప్రేక్షకులు చప్పట్లు కొట్టలేదనే వింత కారణంతో ఈ సింగర్ మధ్యలోనే మ్యూజిక్ కన్సర్ట్‌ను మధ్యలోనే ఆపేసి వెళ్లిపోయాడు. దీంతో నివ్వెరపోవడం ప్రేక్షకుల వంతయింది. గత నెల 28న స్పెయిన్‌లో జస్టిన్ బీబర్ సంగీత కార్యక్రమం సందర్భంగా ఈ ఘటన జరిగింది. గతంలోనూ ఓసారి ఇదేవిధంగా పెద్దగా కారణాలు లేకుండానే జస్టిన్ బీబర్‌ మధ్యలోనే కన్సర్ట్ ఆపేశాడు.
 
 స్పెయిన్‌లో మ్యూజిక్ కన్సర్ట్‌లో జస్టిన్ 'వాట్ డూ యూ మీన్' పాటపాడుతూ.. పాట బీట్‌కు అనుగుణంగా చప్పట్లు కొట్టమని ప్రేక్షకులను ఉత్సాహపరిచాడు. అతను ఇలా రెండు, మూడుసార్లు చెప్పి.. కనీసం మీరు బీట్‌కు అనుగుణంగా చప్పట్లు కొట్టడం లేదు.. ఆపండి అంటూ ప్రేక్షకులపై అరిచాడు. ఇంకా నేనెందుకు పాడాలి అనుకున్నాడేమో పాట మధ్యలోనే అతను వేదిక దిగిపోయాడు.
 
  


 లాస్ ఎంజిల్స్: హాలీవుడ్ ప్రముఖ యువ పాప్ గాయకుడు జస్టిన్ బీబర్ ఓ కొత్త టాటూతో ముందుకొచ్చాడు. ఈసారి తాను కొత్తగా విడుదల చేయనున్న ఆల్బం పేరుతో పచ్చబొట్టుపొడిపించుకున్నాడు. 'పర్పోజ్' పేరిట బీబర్ కొత్త ఆల్బం రూపొందించాడు. అయితే, ఇలా, టాటూలు వేయించుకోవడం జస్టిన్ బీబర్కు కొత్తేం కాదు. తాను ఆల్బం విడుదల చేసిన ప్రతిసారి దాని పేరిట తన ఒంటిపై టాటూ వేయించుకోవడం అతడికి ఓ సరదా.
 
 తాను రూపొందించిన ఆల్బంను ఎంత ప్రేమిస్తానో అనే విషయం ఈ టాటూ ద్వారా చెప్తాడని అంటుంటారు. తొలిసారి విడుదల చేసిన బిలీవ్ అనే ఆల్బం పేరిట టాటూను 2012లో కుడిచేతిపై వేయించుకున్న విషయం తెలిసిందే. ఆ తర్వాత వచ్చిన ఆల్బంలకు సంబంధించి హిప్స్ పై వేయించుకొని విమర్శలపాలయ్యాడు. కానీ నెలలు తిరగకుండానే మరో నెలలో నవంబర్ 13న పర్పోజ్ ఆల్బం విడుదల కానుండగా దానిని తన బొడ్డుపై భాగంలో రివర్స్లో ఆంగ్ల అక్షరాలను టాటూగా వేయించుకొని చర్చల్లో నిలిచాడు.  


 లాస్ ఎంజెల్స్: ప్రముఖ హాలీవుడ్ యువ పాప్ సింగర్ జస్టిన్ బీబర్కు ఓ అమ్మాయి షాక్ ఇచ్చింది. ఓ కార్యక్రమానికి హాజరైన అతడి పెదాలపై ఓ అమ్మాయి బలవంతంగా ముద్దుపెట్టుకోబోయింది. దీంతో తొలుత అవాక్కయిన అతడు తర్వాత తేరుకుని ఆమెను తన చెంపలపై ముద్దు పెట్టేందుకు అనుమతించి అక్కడి నుంచి అర్థాంతరంగా వెళ్లిపోయాడు. ఇప్పటికే తన పాప్ గీతాలతో హాలీవుడ్ ప్రపంచంలో యువకులను హుషారెత్తించే బీబర్ అంటే అక్కడి యువతకు మహా పిచ్చి.
 
 ఇతడు మంచి అందగాడు కావడంతో అమ్మాయిలు తెగ ఇష్టపడిపోతుంటారు. లాస్ ఎంజెల్స్లో తన ఫ్యాన్స్తో చిన్న కార్యక్రమంలో పాల్గొన్నాడు. అందులో ఒకమ్మాయి బీబర్ ను ముద్దు పెట్టేందుకు ప్రయత్నించింది. దీంతో దూరం జరిగిన ఆయన నువ్వు నన్ను ముద్దు పెట్టుకోవాలనుకుంటున్నావా? అయితే లిప్ టు లిప్ కుదరదు.. చెంపపై మాత్రం పెట్టవచ్చు అని చెప్పాడు. దీంతోపాటు తన అభిరుచులను ఫ్యాన్స్కు చెబుతూ తనకు కాటన్ క్యాండీ, తుల్సా ఐస్ క్రీంలు అంటే ఇష్టమని, ఓక్లామా తనకు ఇష్టమైన టూరింగ్ స్పాట్ అని తెలిపారు.


 లాస్ ఏంజెలెస్: సోషల్ నెట్ వర్కింగ్ సైట్ ఇన్ స్టాగ్రామ్ లో పెట్టిన తన నగ్న ఫోటోను పాప్ సంగీత సంచలనం జస్టిన్ బీబర్ తొలగించాడు. తన చర్యను ఎవరైనా అపరాధంగా భావిస్తే క్షమాపణ చెబుతున్నానని ప్రకటించాడు. 21 ఏళ్ల ఈ పాప్ సింగర్ జూలై  7న ఇన్ స్టా గ్రామ్ లో న్యూడ్ ఫోటో పోస్ట్ చేశాడు. వీటికి 17 లక్షల లైక్స్ వచ్చాయి. అయితే ఈ ఫోటో తన ఫ్రెండ్స్ కూతురుకు చికాకు కలిగించడంతో దీన్ని తీసేశాడు.
 
 'ఇన్ స్టాగ్రామ్ నుంచి న్యూడ్ ఫోటో తొలగించా. నాకు సన్నిహితులైన వారి కుమార్తె ఈ ఫోటో చూసి ఇబ్బంది పడింది. దీంతో నేను ఆలోచన పడ్డా. సరదా కోసమే ఇలా చేశా. నేను తప్పు చేశానని భావిస్తే అందుకు క్షమాపణ చెబుతున్నా'నని బీబర్ పేర్కొన్నాడు. కాగా, బీబర్ న్యూడ్ ఫోటో పోస్ట్ చేయడాన్ని పాప్ గాయని మిలీ సైరస్ వెక్కిరించింది.


 లండన్:టీనేజ్ పాప్ సంచలనం జస్టిన్ బీబర్(21) మరొ కొత్త గర్ల్ ఫ్రెండ్ అన్వేషణలో పడ్డాడు. ఇప్పటికే గోమెజ్, మోడల్ హేలీ బాల్ద్ విన్, టీవీ స్టార్ కెండల్ జెన్నర్ తో ప్రేమాయణం సాగించి తెగతెంపులు చేసుకున్న బీబర్.. ఇక తన జీవితంలోకి వచ్చే గర్ల్ ఫ్రెండ్ నమ్మదగిన వ్యక్తిగా ఉండాలంటున్నాడు. ఈ మేరకు  తన తదుపరి ప్రేయసికి ఉండే లక్షణాల జాబితాను  బీబర్ ప్రకటించాడు.
  
 'నా గర్ల్ ఫ్రెండ్ నమ్మదగిన వ్యక్తిగా ఉండాలి. నీతి నిజాయితీగా ఉండాలి. అందంగా కూడా ఉండాలి'అని పేర్కొన్నాడు. కాగా, తనను శాసించే భాగస్వామి అయితే తనకు అక్కర్లేదని పేర్కొన్నాడు. తాను ప్రజలతో సత్సంబంధాలనే కోరుకుంటున్నట్లు బీబర్ తెలిపాడు.


 లాస్ ఏంజెలెస్: గత జీవనయానంలో తన జీవితం అంత సులువుగా సాగలేదని పాప్ సంగీత సంచలనం జస్టిన్ బీబర్(21) పేర్కొన్నాడు. ఉర్రూతలూగించే పాప్ మ్యూజిక్ తో చిన్నవయసులోనే మల్టీమినియనీర్ గా ఎదిగిన అతగాడు కొన్నేళ్లుగా వివాదాలతో సావాసం చేస్తున్నాడు.
 
 అయితే ఇప్పుడిప్పుడే వివాదాల నుంచి బయటపడుతున్నానని యూఎస్ఏ టుడేకు ఇచ్చిన ఇంటర్వ్యూలో బీబర్ చెప్పాడు. ఇప్పుడు తనచుట్టూ మంచి మనుషులు ఉన్నారని, వారందరూ తనకు అండగా ఉంటారని తెలిపాడు. దీంతో ఇప్పుడు తన జీవితం సాఫీగా సాగుతోందన్నాడు. తన జీవనయానంలోకి ఎంతో మంది వచ్చి వెళ్లారని వెల్లడించాడు. 'బేబీ' హిట్ మేకర్ ఇప్పుడు తన నాలుగో ఆల్బం విడుదల చేసే పనిలో నిమగ్నమయ్యాడు.


 యువ పాప్ సంచలనం జస్టిన్ బీబర్ మద్యపానం, డ్రగ్స్ సేవనం మానేశాడట. 'బేబీ' ఆల్బంతో ఒక్కసారిగా తారాపథానికి వెళ్లిపోయి, చిన్న వయసులోనే భారీగా సంపాదించేసిన ఈ కుర్రోడు.. తర్వాత చాలాసార్లు వివాదాల్లో మునిగిపోయాడు. పుట్టినరోజు వేడుకల్లో పూటుగా తాగి రోడ్డుమీద గొడవ చేయడం, స్నేహితురాళ్లతో పదే పదే బ్రేకప్ అవ్వడం.. ఇలాంటివి అతగాడికి సర్వసాధారణంగా మారిపోయాయి.
 
 అయితే, అతడి వ్యక్తిగత జీవితాన్ని, కెరీర్ను కూడా మళ్లీ గాడిలో పెట్టడానికి బీబర్కు అన్నీ తానే అయిన కార్ల్ నడుంకట్టారు. చివరకు తొలి అడుగుగా మద్యపానం, డ్రగ్స్ సేవనం మానేయాలని నిర్ణయించుకున్నారు. ఇంతకుముందు కూడా బీబర్ మద్యం మానేస్తానని చెప్పినా, ఈసారి మాత్రం నిజంగానే మానేశాడని అంటున్నారు. జస్టిన్ బీబర్ తనకు తాను దారిలో పెట్టుకుంటే తప్ప.. అతడి కెరీర్ బాగుపడే లక్షణాలు లేవని బీబర్ మేనేజర్ స్కూటర్ బ్రాన్ కూడా అన్నారు.  ఆ తర్వాత.. బీబర్ తన ఫేస్బుక్ పేజీలో ఓ వీడియో పోస్ట్ చేశాడు. గతంలో తాను పొగరుగా ప్రవర్తించినందుకు క్షమించాలని కూడ అందులో కోరాడు.


 టొరొంటో: వివాస్పద పాప్ సింగర్ జస్టిన్ బీబర్ ను ఇటీవల కెనెడాలోని టోరంటోలో పోలీసులు అరెస్ట్ చేశారు. తన గర్ల ఫ్రెండ్, పాప్ స్టార్ సెలెనా గోమెజ్ తో డేటింగ్ లో ఉండగా బీబర్ అరెస్ట్ జరిగింది. బీబర్ అరెస్ట్ కావడానికి ఓ వ్యాన్ డ్రైవర్ తో గొడవ పడటమే కారణమైంది. 
  
 ఆగస్టు 29 తేదిన స్టాట్ ఫోర్డ్ లో ఓ మినీ వ్యాన్ ను ఢికొట్టడమే కాకుండా డ్రైవర్ చేయి చేసుకోవడంతో పోలీసులు అరెస్ట్ చేశారు. ఆతర్వాత సెప్టెంబర్ 29 తేదిన కోర్టుకు హాజరవుతానని అంగీకరించడంతో స్వంత పూచికత్తుపై విడుదల చేశారు. యాక్సిడెంట్ అంత సీరియస్ గా తీసుకోవాల్సిన విషయమేమి కాదని, ఎవరూ గాయపడలేదని బీబర్ తెలిపారు. 
  


 లాస్ ఎంజెలెస్: పాప్ సింగర్ జస్టిన్ బీబర్ ఎప్పుడు ఏదో వివాదంలోనో, మరో రకమైన వార్తల్లో గమనిస్తునే ఉంటాం. తాజాగా తన పెంపుడు కోతి మ్యాలీకి 10 వేల డాలర్లు (ఆరు లక్షల రూపాయలు) చెల్లించి వార్తల్లో నిలిచాడు. గత సంవత్సరం జర్మనీ పర్యటనలో అనుమతి పత్రాలు సమర్పించకుండా, వ్యాక్సిన్ వేయకుండా తీసుకువచ్చారనే కారణంతో అధికారులు పెంపుడు కోతిని అదుపులోకి తీసుకున్నారు. 
  
 బీబర్ పత్రాలను సమర్పించే అవకాశం లేకని కారణంగా.. చేసేదేమి లేక కోతిని జర్మనీలో వదిలివేయాల్సిన పరిస్థితి అప్పట్లో ఏర్పడింది. అప్పట్లో బీబర్ ను ఈ అంశం వివాదంలోకి నెట్టింది. తాజాగా బీబర్ 10 వేల డాలర్లు చెల్లించి పెంపుడు కోతిని తీసుకెళ్లారని జర్మన్ ఫెడరల్ నేచర్ కన్సర్వేషన్ ఏజెన్సీ ఓ ప్రకటనలో తెలిపింది. బీబర్ చెల్లించిన బీబర్ మొత్తంలో 17 నెలలపాటు ఖర్చు చేసిన మొత్తం కూడా ఉందని వివారాల్ని ఆ సంస్థ తెలిపింది. 


 లాస్ ఎంజెలెస్: తాలిబాన్ కాల్పుల్లో గాయపడిన మలాలా యూసఫ్ జాయ్ ని కలుసుకునేందుకు పాప్ సెన్సేషన్ జస్టిన్ బీబర్ తహతహలాడుతున్నారు. మలాలా స్థాపించిన ఫౌండేషన్ కు సహాయం అందించాలనుకుంటున్నానని బీబర్ వెల్లడించారు. పాకిస్థాన్ లో బాలికలకు విద్యాహక్కు కల్పించాలని ప్రచారం చేసిన మలాలాపై తాలిబాన్ ఉగ్రవాదులు కాల్పులు జరిపిన సంగతి తెలిసిందే. కాల్పుల గాయపడిన మలాలా ప్రపంచ దృష్టిని ఆకర్షించిన సంగతి తెలిసిందే. 
  
 కాల్పుల గాయాల నుంచి కోలుకున్న మలాలా... మహిళలకు విద్యహక్కును కల్పించాలనే ఆశయంతో మలాలా ఫౌండేషన్ ఏర్పాటు చేసింది. ఇటీవల మలాలాతో బీబర్ వీడియో చాటింగ్ చేశాడు. వీడియో చాటింగ్ వివరాలను యూఎస్ లోని ప్రముఖ వెబ్ సైట్ కు అందించాడు. మలాలా ఫౌండేషన్ కు సహాయం చేయాలని ఉంది. మలాలా జీవితం స్పూర్తిదాయకమైంది. మలాలాను కలుసుకోవడానికి అతృతగా ఉంది అని ఓ సందేశాన్ని పోస్ట్ చేశాడు. 


 పాప్‌సింగర్ బీబర్‌పై ఫిర్యాదు
 పాప్ స్టార్ 20 ఏళ్ల జస్టిన్ బీబర్‌పై పొరిగింటి వాళ్లు లాస్‌ఏంజెలిస్ పోలీసులకు ఫిర్యాదు చేశారు. ఎందుకనుకుంటున్నారు? ఈయన గారి వల్ల చెవులు బద్దలయ్యే శబ్ద కాలుష్యంతో పాటు, ఇంటి చుట్టుపక్కలంతా గంజారుు వాసన ఘువూరుుస్తుండటంతో భరించలేకపోతున్నామని పక్కింటి వాళ్లు గగ్గోలు పెడుతున్నారు.
 
  ఇండస్ట్రీని ఊపేస్తుందట
  బాలీవుడ్ నటి అదితి రావ్ బడాయిలకు పోతోంది. గేమ్స్ ప్లే చే సి చాన్సులు కొట్టేయడం తనకు తెలియదని వగలు పోతోంది ఈ ముద్దుగుమ్మ. ఇప్పటి వరకు ఇండస్ట్రీలో తనకెలాంటి బ్యాడ్ ఎక్స్‌పీరియన్స్ లేదని చెప్పుకొచ్చింది.      అలాగని తన జర్నీలో కష్టాలు లేవనుకుంటే పొరపాటేనని తెలిపింది. తనకొచ్చిన నటనతోనే ఇండస్ట్రీని ఒక ఊపు ఊపేస్తానని గొప్పలు చెబుతోంది.
  
  మనీష్‌కు లక్కీ చాన్స్
  బాలీవుడ్ హాట్ అండ్ వెటరన్ బ్యూటీ రేఖ కొత్త లుక్కులో అదిరిపోనుంది. రేఖ అప్‌కమింగ్ మూవీ ‘ఫితుర్’లో ఈ భామ కాస్ట్యూమ్స్ డిజైన్ చేసే చాన్స్ మనీష్ మల్హోత్రా కొట్టేశాడు. తానెంతగానో ఆరాధించే నటికి చీరలు డిజైన్ చేసే చాన్స్ రావడం సంతోషంగా ఉందంటున్నాడు మల్హోత్రా.


 ఫోటో జర్నలిస్టులను తప్పించుకోవాలనే ప్రయత్నంలో సంచలన పాప్ స్టార్ జస్టిన్ బీబర్ స్వల్ప కారు ప్రమాదానికి కారణమయ్యాడు. ఈ ఘటన బేవెర్లీ హిల్స్ లో చోటు చేసుకుంది. 
  
 ఫోటో జర్నలిస్టులను తప్పించుకోవాలనే తొందరలో డ్రైవర్ కారును వెనక్కి తీయగా మరో బీఎండబ్ల్యూ కారును ఢీ కోట్టినట్టు తెలుస్తోంది. ప్రమాదం జరిగినపుడు బీబర్ కారు వెనుక సీటులో ఉన్నట్టు సమాచారం. 
  
 బెవెర్లీ హిల్స్ లో లోని బౌచోన్ రెస్టారెంట్ వద్ద జరిగినట్టు మీడియాలో కథనం వెల్లడైంది. ఈ ఘటనలో ఎవరూ గాయపడలేదని.. కేసు కూడా నమోద చేయలేదని బెవెర్లీ హిల్స్ పోలీస్ డిపార్ట్ మెంట్ వెల్లడించింది. గతంలో వెంటాడుతున్న ఫోటో జర్నలిస్టులను తప్పించుకునే క్రమంలోనే ప్రిన్సెస్ డయానా కారు ప్రమాదంలో మరణించిన సంగతి తెలిసిందే. 
 Follow @sakshinews


 యువ పాప్ సంచలనం జస్టిన్ బీబర్ ఇంట్లోంచి భారీగా మారిజువానా కంపు వస్తుండటంతో ఇరుగుపొరుగులు బాగా ఇబ్బంది పడుతున్నారు. దాంతోపాటు బీబర్ ఇంటి నుంచి శబ్దం కూడా బాగా ఎక్కువగా వస్తోందని అంటున్నారు. బీబర్ తన ఇంట్లో ఓ పార్టీ ఇవ్వడంతో దాన్నుంచి చాలా ఎక్కువగా దుర్వాసన వచ్చిందని చుట్టుపక్కల వాళ్లు ఫిర్యాదు చేశారు.
 
 తన ఇంటి హాల్లోకి కూడా చాలా ఎక్కువగా మారిజువానా వాసన వచ్చిందని ఇదంతా బీబర్ ఇంటి నుంచేనని పక్కింటి వ్యక్తి ఒకరు ఫిర్యాదు చేశారు. లాస్ ఏంజెలిస్లో తన పర్యటన ఉండటంతో బీబర్ ఓ భవనాన్ని అద్దెకు తీసుకున్నాడు. ఈ నెల మొదట్లోనే ఆ ఇంట్లోకి వెళ్లాడు. అప్పటి నుంచి రెండు సార్లు బీబర్ గురించి ఫిర్యాదులు వచ్చినట్లు పోలీసులు తెలిపారు.
 Follow @sakshinews


 లాస్ ఏంజిల్స్: టీనేజి పాప్ సంచలనం జస్టిస్ బీబర్ చేసిన స్వీయ తప్పిదాలనుంచి ఇకనైనా గుణపాఠం నేర్చుకోవాలని అమెరికన్ సింగర్ ఉషర్ అభిప్రాయపడ్డాడు. ప్రస్తుతం పలు వివాదాల్లో చిక్కుకున్న బీబర్  జరిగిన పరిణామాలపై అవగాహన పెంచుకుని, వాటిని చక్కదిద్దుకునేందుకు యత్నించాలని  సూచించాడు. పదమూడేళ్లకే పాప్ సింగర్ గా కెరీర్ ను ఆరంభించిన బీబర్ సమస్యలకు అతనే కారణమన్నాడు.
  
 కనీసం వాటినుంచి బయటకు రావడానికి బీబర్ యత్నించడం లేదన్నాడు. ఇకనైనా వాటిని అధిగమించాలని ఉషర్ హితవు చేశాడు. 'బీబర్ చేసిన స్వీయ తప్పల నుంచి గుణపాఠం నేర్చుకోవాలి.  అతను ఇంకా చిన్నవాడే.  నా నుంచి బీబర్ ఏమైనా సలహాలు అడిగితే తప్పక సహాయం అందిస్తానని' 35 ఏళ్ల ఉషర్ తెలిపాడు.


 ఓ బేబీ.. బేబీ అంటూ చిన్న వయసులోనే తారాపథానికి ఎదిగిన పాప్ సింగర్ జస్టిన్ బీబర్ ఇప్పుడు కెండల్ జెన్నర్ అనే అమ్మడితో డేటింగ్ చేస్తున్నాడట. వీళ్లిద్దరూ కలిసి ఓ డిన్నర్కు వెళ్లి హాయిగా ఆస్వాదిస్తూ తింటూ అందరికీ కనిపించడంతో ఈ కథనాలు ఒక్కసారిగా గుప్పుమన్నాయి. ఏప్రిల్ 28వ తేదీన మన్హట్టన్లో కెండల్ స్నేహితుడు హైలీ బాల్డ్విన్తో పాటు వీళ్లిద్దరూ కలిసి డిన్నర్ చేశారు. దాదాపు రెండు గంటల పాటు వీరి డిన్నర్ పార్టీ సాగిందని యూఎస్మాగజైన్.కామ్ తెలిపింది.
 
 భోజనం ముగిసిన తర్వాత ముందుగా బీబర్ అక్కడినుంచి వెళ్లిపోతే.. కాసేపటి తర్వాత మిగిలిన ఇద్దరూ వెళ్లారట. బీబర్ అప్పుడప్పుడు తిరిగే సెలెనా గోమెజ్తో అతడికి ఇప్పుడు చెడిపోయిందని చెబుతున్నారు. జెన్నర్, ఆమె చెల్లెలు కైలీ జెన్నర్ ఇద్దరూ కలిసి జస్టిన్ బీబర్, అతడి బృందంతో రాసుకుపూసుకు తిరుగుతున్నారని, తెగ వాగుతున్నారని ఇటీవల సెలెనా చెప్పింది. దీన్ని బట్టి కూడా జస్టిన్ బీబర్ ఇప్పుడు కొత్త స్నేహితురాలిని వెతుక్కుని ఆమెతో డేటింగ్కు వెళ్తున్నాడని అంటున్నారు.


 టీనేజి పాప్ సంచలనం జస్టిస్ బీబర్ను అమెరికాలోని లాస్ ఏంజిల్స్ విమానాశ్రయంలో పోలీసులు అదుపులోకి తీసుకున్నారు. జపాన్ పర్యటన ముగించుకుని తిరిగి అమెరికా వస్తున్న జస్టిన్ బీబర్ లాస్ ఏంజిల్స్ అంతర్జాతీయ విమానాశ్రయానికి మధ్యాహ్నం ఒంటిగంట సమయానికి చేరుకున్నాడు. అయితే, అతడి అంగరక్షకులు మాత్రం కస్టమ్స్ గేటు బయట అతడికోసం సాయంత్రం నాలుగు గంటల వరకు వేచిచూస్తూనే ఉన్నారు.
 
 అయితే, ఈ కెనడియన్ పాప్ సింగర్ను ఎందుకు అదుపులోకి తీసుకున్నారన్న విషయం మాత్రం ఇంకా తెలియలేదు. అసభ్య ప్రవర్తనకు గాను బీబర్ను డిపోర్ట్ చేయాలని వైట్హౌస్లో వారం క్రితం ఓ పిటిషన్ దాఖలైంది. ఆ తర్వాత ఇప్పుడు ఈ గొడవ వచ్చింది. జనవరిలో మియామీలో బీబర్ను అరెస్టు చేసిన తర్వాత ఈ పిటిషన్ దాఖలైంది.


 వివాదస్పద పాప్ సింగర్ జస్టిన్ బీబర్ మరోసారి వార్తల్లోకి ఎక్కాడు. బీబర్ ప్రయాణించిన ప్రైవేట్ విమానంలో డ్రగ్స్ ఉన్నాయనే అనుమానంతో కస్టమ్స్ అధికారులు సోదాలు జరిపారు. సుమారు ఐదుగంటలకు పైగానే బీబర్ పోలీసుల అదుపులో ఉన్నట్టు తెలిసింది. ఇప్పటికే బీబర్ పై క్రిమినల్ కేసులు పెండింగ్ లో ఉన్నాయి. పోలీసుల విచారణ అనంతరం మాక్సిమ్ బిగ్ గేమ్ వీకెంట్ పార్టీలో పాల్గొన్నట్టు న్యూయార్క్ డెయిలీ న్యూస్ తన కథనంలో వెల్లడించింది. 
  
 21 సంవత్సరాలు నిండని కారణంగా గతంలో జరిగిన మాక్సీమ్ బిగ్ గేమ్ వీకెండ్ పార్టీకి దూరంగా ఉన్నాడు. ఈసారి ఐదు గంటలకు పైగా ఆలస్యంగా అర్ధరాత్రి 1 గంట తర్వాత 15 మంది స్నేహితులతో ఈ పార్టీకి బీబర్ హాజరైనట్టు న్యూయార్క్ డెయిలీ న్యూస్ తెలిపింది. ఉదయం 4 గంటలకు వరకు సాగిన ఈ పార్టీలో పసుపు రంగు జుట్టున్న ఓ అమ్మాయితో పార్టీని ఎంజాయ్ చేయడం చర్చనీయాంశమైంది. ఈ పార్టీలో బీబర్ మద్యం సేవించలేదని స్నేహితులు వెల్లడించారు. ఈ పార్టీలో అభిమానులు ఆయన్ను కెమెరాలు, ఫోన్లతో తీయడానికి పోటీపడ్డారని.. అయితే బీబర్ ప్రశాంతంగా పోజులిచ్చినట్టు తెలిసింది. 


 లాస్ఏంజిల్స్: కెనడియన్ పాప్ సింగర్ జస్టిన్ బీబర్కు స్వదేశంలో షాక్ తగిలింది. జస్టిన్ సంగీతాన్ని ప్రసారం చేయకుండా ఓ రేడియో స్టేషన్ నిషేధం విధించింది. 'ఒటావా హాట్ 89.9' రేడియో ఈ మేరకు శ్రోతలకు తెలియజేసింది. జస్టిన్ తన పద్ధతి మార్చుకునేంతవరకు అతని పాటలను ప్రసారం చేసేదిలేదని ప్రకటించింది.
 
 19 ఏళ్ల జస్టిన్ లైసెన్స్ లేకుండా డైవింగ్ చేసినందుకు పోలీసులు గురువారం  అరెస్ట్ చేశారు. అనంతరం కొన్ని గంటల్లోనే బెయిల్పై విడుదలయ్యారు. అరెస్ట్ చేసిన సమయంలో జస్టిన్ కోపోద్రిక్తుడై తీవ్ర పదజాలం వాడినట్టు సమాచారం.


 మ్యూజిక్ కు గుడ్ బై చెప్పాలనుకుంటున్నాను అని టీనేజ్ పాప్ సంచలనం జస్టిన్ బీబెర్ వెల్లడించాడు. త్వరలో జర్నల్స్ అనే కొత్త ఆల్బమ్ విడుదల తర్వాత మ్యూజిక్ రంగం నుంచి తప్పుకోవాలని అనుకుంటున్నాను అని తెలిపారు.
 'కొత్త ఆల్బమ్ పూర్తయిన తర్వాత రిటైర్ కావాలనుకుంటున్నాను. ఆర్టిస్ట్ గా స్థిరపడాలనుకుంటున్నాను. మ్యూజిక్ రంగంలో ఇంకా పరిణతి సాధించాల్సి ఉంది' అని ఓ రేడియో కార్యక్రమంలో బీబెర్ వెల్లడించారు.
 ఇదే కార్యక్రమంలో తలబిరుసుతనం ఉంది అంటూ తనపై విమర్శలు చేస్తున్న వారికి బీబెర్ చురకలంటించారు. కాని తాను అలాంటి వ్యక్తిని కాదు అని తెలిపారు.


 ఎప్పుడు ఏ వైపు నుంచి అభిమానులు దూసుకు వచ్చి హోటల్ లో రచ్చ చేస్తారేమోనని భయానికి గురవుతున్నాడు. అభిమానుల బెడదకు ఒంటరిగా నిద్రించాలంటే భయమేస్తోంది అంటున్నాడు జస్టిన్ బీబర్. అభిమానులెవరూ రాకుండా 24 గంటలు సెక్యూరిటీ ఉండేలా చూడాలని బాడీగార్డ్ కు బీబర్ సూచించారు. అభిమానుల బెడదకు ఒంటరిగా కూడా ఉండేందుకు భయపడుతున్నాను. చిన్న శబ్దమైనా ఉలిక్కి పడుతున్నాను అని టీనేజ్ సంచలనం తెలిపాడు. 
  
 తనకు ఇద్దరు బాడీగార్డులు కాపలా ఉన్నా.. ఎదో తెలియని ఆందోళన అని అన్నాడు. వచ్చే వారం ఆస్ట్రేలియాలోని పెర్త్ లో వరల్డ్ టూర్ ముగియనుంది. అయితే ప్రదర్శన జరిగే రోజుల్లో అమ్మను తనకు తోడుగా ఉండాలని కోరాను అని బీబర్ తెలిపాడు. కొద్ది రోజుల క్రితం వేశ్యగృహంలో బీబర్ మీడియా కంటపడటం అభిమానుల ఆగ్రహానికి కారణమైంది. ప్రదర్శన జరిగిన రోజున అభిమానులు వాటర్ బాటిల్ విసిరిన సంగతి తెలిసిందే. 
  


 టీనేజ్ పాప్ సంచలనం జస్టిన్ బీబర్ కు కష్టాలు వెంటాడుతున్నట్టు కనిపిస్తున్నాయి. న్యూజిలాండ్ లోని అక్లాండ్ పట్టణంలో పాప్ సంచలనానికి చేదు అనుభవం ఎదురైంది. ఎలాంటి ఇబ్బందులకు గురిచేయనని కాంట్రాక్టుపై సంతకం చేసిన తర్వాతనే హోటల్ లో ఉండటానికి మేనేజ్ మెంట్ అనుమతి ఇచ్చింది. అంతేకాకుండా తన సూట్ లోనికి అమ్మాయిలను తీసుకురాకూడదు, విలాసవంతమైన సమావేశం మందిరంలో తినకూడదు అనే షరతులను కూడా విధించిందని బ్రిటన్ వార్త పత్రిక కథనాన్ని వెల్లడించింది. 
  
 హోటల్ లో విడిది చేసే అతిధులకు, యాజమాన్యానికి ఎలాంటి సమస్యలు కలిగించకూడదని ఒప్పంద పత్రంపై సంతకం చేశారు. తమ హోటల్ లో బస చేసే వారికి ఎలాంటి హోదాలో ఉన్నా పట్టింపులేదని.. తమ నిబంధనలకు అనుగుణంగా ప్రవర్తించాలని పాప్ స్టార్ బీబర్ కు హోటల్ యాజమాన్యం స్పష్టం చేసిందని కథనంలో తెలిపింది. 
  
 అంతర్జాతీయంగా గొప్ప పేరు, ఫాలోయింగ్ ఉన్న పాప్ సింగర్ జస్టిన్ బీబర్ బ్రెజిల్ లోని రియో డి జెనిరోలో ఓ వేశ్యాగృహంలోని ఓ వేశ్య గృహంలో మీడియా కంటపడటం అక్కడి అభిమానుల ఆగ్రహానికి గురి చేసింది.


 టీనేజ్ పాప్ స్టార్ జస్టిన్ బీబెర్ దక్షిణ అమెరికా పర్యటన వివాదాలతో ముందుకు సాగుతోంది. తాజాగా ఫోటో జర్నలిస్టులతో దురుసుగా ప్రవర్తించడం వివాదంగా మారింది. అర్జెంటినాలో కెమెరాలతో క్లిక్ మనిపిస్తున్న ఫోటో జర్నలిస్ట్ ను కారు డోర్ తో దురుసుగా తోయడం పతాక శీర్షికల్లోకి ఎక్కింది. 
  
 ఇటీవల బ్రెజిల్ లోని రియో డి జెనిరోలో వేశ్యగృహంలో బీబర్ పట్టుబడిన సంఘటన దక్షిణ అమెరికా అభిమానుల ఆగ్రహానికి గురైంది. ఆ సంఘటన తర్వాత రియో డి జెనిరోలోని ఓ ప్రదర్శనలో వాటర్ బాటిల్ తో బీబెర్ ను అభిమాని కొట్టిన సంగతి తెలిసిందే. అంతేకాకుండా ఓ అమ్మాయితో ఒంటిపై షర్ట్ లేకుండా ఓ రాత్రి గడుపుతూ ఉన్నట్టుగా కనిపించిన ఓ వీడియో క్లిప్ సోషల్ మీడియాలో వీరవిహారం చేస్తోంది. 


 సినీ నటులు, పాప్ స్టార్స్ చాటుమాటుగా తమ ప్రేయసిలతో కనిపించడం సాధారణమే. అయితే అంతర్జాతీయంగా గొప్ప పేరు, ఫాలోయింగ్ ఉన్న పాప్ సింగర్ ఓ వేశ్య గృహంలో కనిపించడం సంచలనం రేపింది. తాజాగా టీనేజ్ పాప్ స్టార్ జస్టిన్ బీబర్ బ్రెజిల్ లోని రియో డి జెనిరోలో ఓ వేశ్యాగృహంలో కనిపించడం అక్కడి అభిమానుల ఆగ్రహానికి గురి చేసింది. బ్రెజిల్ పర్యటనలో ఉన్న జస్టిన్ బీబర్ వేశ్య గృహంలో  మీడియా కంటపడటం అనేక విమర్శలకు దారి తీసింది. 
  
 పందొమ్మిదేళ్ల బీబర్, తన స్నేహితుడితో కలిసి మూడు గంటలపాటు రియో డి జెనిరోలోని సెంటారోస్ బ్రోతల్ (వేశ్యా వాటిక) గడిపారని న్యూయార్క్ పోస్ట్ ఆరో పేజిలో కథనాన్ని వెల్లడించింది. వేశ్యగృహం నుంచి వెళ్లే సమయంలో అతని బాడీ గార్డ్స్ బెడ్ షీట్ ను బీబర్ ముఖంపై కప్పి తీసుకువెళ్లినట్టు కథనంలో పేర్కోంది. 
  
 అంతేకాకుండా వేశ్యలను కూడా తన హోటల్ రూంకు తీసుకువెళ్లారని ఫోటోగ్రాఫర్లు కూడా ధృవీకరించారు. ఈ వ్యవహరంతో ఆగ్రహించిన బ్రెజిల్ ఫ్యాన్స్..  ఓ కార్యక్రమంలో ఓ వేదికపైన ఉన్న బీబర్ ను వాటర్ బాటిల్ తో కొట్టారు. 
  


 పూర్వీకుల ఆస్తులు కలిసిరాలేదు. పెద్ద పెద్ద పెట్టుబడులు పెట్టలేదు... ఇవేమీ లేకపోయినా టీనేజ్‌లోనే కోటీశ్వరులయ్యారు. డ బ్బుతో అనుభవించగల అన్ని సౌఖ్యాలు సొంతం చేసుకున్నారు. భారీ స్థాయిలో ఆస్తులు కూడబెడుతున్నారు. కొందరిలో అసూయను, మరికొందరిలో స్ఫూర్తిని నింపుతున్నారు. వీళ్లు డబ్బున్న వాళ్ల పిల్లలు కాదు... డబ్బున్న పిల్లలు! ప్రతిభనే పెట్టుబడిగా చేసుకుని కోట్ల డాలర్లకు అధిపతులయ్యారు. అలాంటి వారిలో మొదటి స్థానాల్లో ఉన్నవారితో కూడిన ‘రిచెస్ట్ టీనేజర్స్ ఆన్ ది ప్లానెట్’ జాబితా ఇది...
  
 ఎమ్మావాట్సన్: మోడలింగ్ ద్వారా ప్రతి యేటా కోట్ల రూపాయలు సంపాదిస్తోంది ఈ ఇంగ్లిష్ నటి. ప్రసిద్ధ ఫ్యాషన్ డిజైనర్లు కూడా ఫ్యాషన్ పరేడ్‌లలో ఎమ్మా ద్వారా తాము రూపొందించిన డ్రస్సులను ప్రదర్శించాలని కోరుకుంటున్నారు. దీంతో ఎమ్మా బ్యాంక్ బ్యాలెన్స్‌లో ఏడాదికి 12 మిలియన్ డాలర్ల సొమ్ము జమ అవుతోందని అంచనా. ఇది రూపాయల్లో 72 కోట్లు.
  
 జడెన్‌స్మిత్: ఈ కరాటే కిడ్‌ను చాలా సులువుగా గుర్తించవచ్చు. ప్రఖ్యాత హాలీవుడ్ నటుడు విల్‌స్మిత్ కుమారుడు అయిన జడెన్ స్మిత్ ‘కరాటే కిడ్’ అనే సినిమాతో బాగా ఫేమస్‌అయ్యాడు. 13 ఏళ్ల వయసులోనే ఆ సినిమాలో నటించాడు ఈ జూనియర్ స్మిత్. అది సూపర్ హిట్ అవ్వడంతో ఒక్కో సినిమాకు పారితోషి కంగా ఐదు మిలియన్ డాలర్లు అంటే దాదాపు ముప్పై కోట్లు డిమాండ్ చేస్తున్నాడని భోగట్టా.
  
 సెలీనా గొమెజ్: హాలీవుడ్ సినిమాల ద్వారా భారతీయ యువతకు పరిచయమున్న అమెరికన్ యువతి. 19 ఏళ్ల వయసులోసెలీనా ఒక ఏడాదికి పొందుతున్న పారితోషికాన్ని లెక్కగడితే అది దాదాపు ఆరు మిలియన్ డాలర్లుగా తేలింది. అంటే దాదాపు 36 కోట్ల రూపాయలు.
  
 మిల్లీ సైరస్: 18 ఏళ్ల వయసులో ఒక ఏడాదిలోనే 48 మిలియన్ డాలర్ల డబ్బును సంపాదించి రికార్డు స్థాపించింది. రిచెస్ట్ టీనేజ్ గర్ల్‌గా నిలిచింది ఈ యాక్టర్ కమ్ సింగర్.
  
 జస్టిన్ బీబెర్ : 17 యేళ్ల వయసులో ఒకే ఏడాదికి  50 మిలియన్ డాలర్ల సొమ్మును సంపాదించాడు బీబెర్. దీన్ని రూపాయిల్లోకి మారిస్తే దాదాపు 300 కోట్లు! ఇదంతా ఒక ఏడాది సంపాదనే. బీబెర్ ఈ స్థాయిలో సంపాదన మొదలుపెట్టి మూడేళ్లు గడిచిపోయాయి!
  
 నిక్‌జొనస్: ఇతడూ పాప్ గాయకుడే. బహిరంగ ప్రదర్శనలు ఇవ్వడం కోసం భారీ స్థాయి పారితోషికాన్ని పొందుతున్నాడు. ఈ కుర్రాడి ఏడాది సంపాదన 20 మిలియన్ డాలర్ల పైమాటే! అంటే దాదాపు 120 కోట్ల రూపాయలు.