white ration card
-
డెంగీకి రూ. 2 లక్షలు!
సాక్షి, హైదరాబాద్: కొన్నాళ్ల క్రితం వరకు కరోనా బాధితులను పీల్చిపిప్పి చేసిన అనేక ప్రైవేట్ ఆసుపత్రులు... ఇప్పుడు డెంగీ రోగులను దోచుకుంటున్నాయి. ప్లేట్లెట్లు అవసరం లేకపోయినా ఎక్కిస్తూ డబ్బులు గుంజుతున్నాయి. ప్లేట్లెట్ సంఖ్యను కూడా తప్పుగా చూపిస్తూ బాధితులను ఏమార్చుతున్నాయి. దీంతో బాధితులు అప్పుసప్పూ చేసి అడిగినంత ఫీజులు చెల్లిస్తున్నారు. ఇంత జరుగుతున్నా వైద్య ఆరోగ్యశాఖ మాత్రం ఎలాంటి చర్యలు చేపట్టడంలేదు. ప్రైవేట్ ఆసుపత్రులు అధిక ఫీజులు వసూలు చేస్తే తమకు ఫిర్యాదు చేయాలని గతంలో వాట్సాప్ నంబర్ ఇచ్చారు. కానీ ఇప్పుడు అలాంటి చర్యలేమీ చేపట్టకపోవడంపై విమర్శలు వస్తున్నాయి. రాష్ట్రంలో ఆయుష్మాన్ భారత్, ఆరోగ్యశ్రీ కింద డెంగీ, చికున్గున్యా వంటి వాటికి తెల్ల రేషన్కార్డుదారులకు, ఆరోగ్యశ్రీ కార్డుదారులకు ఉచిత వైద్యం అందించాలి. కానీ ప్రభుత్వం దాన్ని కేవలం సర్కారు ఆసుపత్రులకే పరిమితం చేసింది. దీనివల్ల బాధితులకు ఎలాంటి ప్రయోజనం ఉండట్లేదు. ప్రైవేట్ ఆసుపత్రుల్లోని డెంగీ, చికున్గున్యా కేసులకు ఆరోగ్యశ్రీని వర్తింపచేయకపోవడం వల్ల బాధితులు ఆర్థికంగా నష్టపోతున్నారు. ప్రభుత్వం నిర్ణయం తీసుకుంటే ప్రైవేట్ ఆసుపత్రుల్లోనూ డెంగీకి ఆరోగ్యశ్రీని వర్తింప చేయొచ్చని, అది తమ చేతుల్లో లేదని ఆరోగ్యశ్రీ వర్గాలు చెప్పాయి. హడలిపోతున్న జనం రాష్ట్రంలో సాధారణ జ్వరం వస్తేనే ప్రజలు హడలి పోతున్నారు. ప్రభుత్వ, ప్రైవేటు ఆసుపత్రులు రోగులతో కిటకిటలాడుతున్నాయి. జ్వరం రాగానే డెంగీ, మలేరియా, చికున్గున్యా, టైఫాయిడ్ పరీక్షలన్నీ చేయించుకుంటున్నారు. ఈసారి అత్యధికంగా కేసులు నమోదవుతాయని ప్రపంచ ఆరోగ్య సంస్థ కూడా హెచ్చరించిన సంగతి తెలిసిందే. వైద్య ఆరోగ్యశాఖ విడుదల చేసిన తాజా నివేదిక ప్రకారం రాష్ట్రంలో ఈ ఏడాది ఇప్పటి వరకు 3,357 డెంగీ కేసులు నమోదయ్యాయి. అత్యధికంగా హైదరాబాద్ జిల్లాలో 1,276 కేసులు నమోదయ్యాయి. ఆ తర్వాత అధికంగా మేడ్చల్ జిల్లాలో 312, ఖమ్మం జిల్లాలో 305 డెంగీ కేసులు రికార్డు అయ్యాయి. అనేక ప్రైవేటు ఆసుపత్రులు 50 వేలకు పైగా ప్లేట్లెట్లు ఉన్నా ఐసీయూలో ఉంచి అదనంగా ప్లేట్లెట్లు ఎక్కిస్తున్నాయన్న ఆరోపణలున్నాయి. నాలు గైదు రోజులు ఉంచుకొని రూ.50 వేల నుంచి రూ.2 లక్షల వరకు కూడా ఫీజులు వసూలు చేసిన ఉదంతాలున్నాయి. ఈ ఏడాది ఇప్పటివరకు రాష్ట్రవ్యాప్తంగా చికున్గున్యా కేసులు 75, మలేరియా కేసులు 175 నమోదయ్యాయి. ఆయా జిల్లాల్లో ప్రైవేట్ ఆసుపత్రుల్లో నమోదయ్యే డెంగీ, చికున్ గున్యా కేసుల వివరాలను సంబంధిత యాజమాన్యాలు జిల్లా వైద్య ఆరోగ్యశాఖకు పంపడం లేదు. మరోవైపు మహారాష్ట్ర సరిహద్దుల్లో ఉన్న ఆదిలాబాద్ ప్రాంతంలో జికా వైరస్ ఉందన్న ప్రచారం జరుగుతోంది. వివిధ జిల్లాల్లో పరిస్థితి ఇలా... ⇒ హైదరాబాద్ పరిధిలోని ఆసుపత్రులపై పేషెంట్ల లోడ్ పెరిగింది. ఇన్పేòట్లలోనూ 20 శాతం పెరిగారని డాక్టర్లు చెబుతున్నారు. గాం«దీ, ఉస్మానియా, నిలోఫర్, ఫీవర్ ఆసుపత్రులకు రద్దీ ఎక్కువైంది. ⇒ ఉమ్మడి ఆదిలాబాద్ జిల్లాలో ఏజెన్సీ ప్రాంతంలో వైద్యుల కొరత పట్టిపీడిస్తోంది. ఆదిలాబాద్, ఉట్నూరు, ఆసిఫాబాద్ ప్రాంతాల్లో వైద్యులు పని చేసేందుకు విముఖత చూపుతున్నారు. ఆసిఫాబాద్ జిల్లా ప్రభుత్వాసుపత్రుల్లో 44 మంది వైద్యులకుగాను 24 మందే ఉన్నారు. కొమురంభీం ఆసిఫాబాద్ జిల్లా జైనూర్ ప్రాథమిక ఆరోగ్యం కేంద్రంలో పది మంది వైద్యులు ఉండాల్సిన చోట ఒక్కరే విధులు నిర్వహిస్తున్నారు. ఆ వైద్యుడు సైతం డిప్యూటేషన్పై ఉన్నారు. ⇒ కరీంనగర్ జిల్లాలో జూలై మొదటి వారం నుంచే ఇంటింటి జ్వర సర్వే చేస్తున్నారు. 7,24,135 మందిని సర్వే చేశారు. ఇందులో 3,711 మంది జ్వరాలతో బాధపడుతున్నట్లు గుర్తించారు. ⇒ ఉమ్మడి మహబూబ్నగర్ జిల్లాలో ఈ ఏడాది 115 డెంగీ కేసులు నమోదయ్యాయి. 25 చికున్గున్యా కేసులు నమోదయ్యాయి. ⇒ ఖమ్మం జిల్లాలో ప్రభుత్వ, ప్రైవేట్ ఆస్పత్రుల్లో బెడ్లు కూడా సరిపోని పరిస్థితి. డెంగీ, మలేరియా, చికున్గున్యా కేసులతో ప్రైవేట్ ఆసుపత్రులకు వచ్చే బాధితులను యాజమాన్యాలు దోపిడీ చేస్తున్నాయి. చిన్న పిల్లలైతే రోజుకు రూ.5 వేల నుంచి 10 వేల వరకు, పెద్దలకు రోజుకు రూ.10 వేలకు పైగా వసూలు చేస్తున్నారు. ⇒ సిరిసిల్ల జిల్లాలో ప్రైవేట్ ఆసుపత్రుల్లో డెంగీ చికిత్సకు రూ.50 వేల నుంచి రూ.లక్ష వరకు వసూలు చేస్తున్నారు. సీరియస్ కేసుల్లోనే అధిక ఫీజుగతేడాది కంటే డెంగీ, చికున్గున్యా వంటి వైరల్ జ్వరాలు పెరిగాయి. దీంతో ఆసుపత్రులకు వచ్చే వారి సంఖ్య కూడా ఆ స్థాయిలోనే ఉంటోంది. డెంగీలో ప్లేట్లెట్లు పడిపోయినప్పుడు వాటిని ఎక్కించాల్సి ఉంటుంది. అలాగే డెంగీ సీరియస్గా మారి ఇతర అవయవాలపై ప్రభావం చూపినప్పుడు వైద్యం చేయాల్సి ఉంటుంది. అలాంటి సందర్భాల్లో మాత్రమే అధిక ఫీజు చెల్లించాల్సి ఉంటుంది.. అంతే తప్ప సాధారణ డెంగీకి సాధారణ ఫీజే చెల్లిస్తే సరిపోతుంది. ప్లేట్లెట్ కౌంట్ 30 వేల కంటే తక్కువైతేనే వాటిని ఎక్కించాల్సి ఉంటుంది. – డాక్టర్ కృష్ణ ప్రభాకర్, టీఎక్స్ ఆసుపత్రి, హైదరాబాద్ -
దరఖాస్తులు 66.30 లక్షలు.. కట్టేవి 4.16 లక్షలు
సాక్షి, హైదరాబాద్: ఇందిరమ్మ ఇళ్ల లబ్ధిదారుల ఎంపిక ప్రభుత్వానికి పెద్ద సవాల్గా మారనుంది. ఈ పథకం కింద ప్రస్తుత సంవత్సరం ప్రతి నియోజకవర్గానికి 3,500 ఇళ్ల చొప్పున మంజూరు చేయాలని ప్రభుత్వం నిర్ణయించింది. అదే జరిగితే రాష్ట్రవ్యాప్తంగా 4.16 లక్షల ఇళ్లను నిర్మిస్తారు. కానీ ఇళ్ల కోసం ప్రజలు సమర్పించిన దరఖాస్తులు పేరుకుపోయి ఉన్నాయి. ఏకంగా 66.30 లక్షల మంది ఇందిరమ్మ ఇళ్ల కోసం దరఖాస్తు చేసుకోవడం గమనార్హం. భారీ కోత ఎలా? రాష్ట్ర ప్రభుత్వం ఇటీవల పేదల నుంచి దరఖాస్తులు స్వీకరించింది. ప్రజా పాలన కార్యక్రమంలో భాగంగా వివిధ సంక్షేమ పథకాల కింద లబ్ధి కోసం కుప్పలుతెప్పలుగా దరఖాస్తులు వచ్చిపడ్డాయి. రకరకాల పథకాలకు దరఖాస్తు చేసిన ప్రజలు ఇందిరమ్మ ఇళ్ల పథకంపై కూడా టిక్ చేశారు. ఈ విధంగా ఇందిరమ్మ ఇళ్ల కోసం వచ్చిన మొత్తం దరఖాస్తులు ఏకంగా 80 లక్షలు దాటాయి. వాటిని ప్రాథమికంగా పరిశీలించిన అధికారులు, గతంలో ఇందిరమ్మ ఇళ్లు పొందిన 14.75 లక్షల మంది కూడా మళ్లీ దరఖాస్తు చేసినట్టు గుర్తించారు. దీంతో మొదటి వడపోతలో భాగంగా ఆ దరఖాస్తులను పక్కన పెట్టేశారు. దీంతో 66.30 లక్షల దరఖాస్తులు మిగిలాయి. వాటి నుంచి లబ్ధిదారుల ఎంపిక ఎలా అన్న ఆందోళన అధికారుల్లో నెలకొంది. మొదటి ఏడాదిలో 4.16 లక్షల ఇళ్లను మంజూరు చేయాలని ప్రభుత్వం నిర్ణయించింది. ప్రతి సంవత్సరం ఎలాంటి ఆటంకాలు లేకుండా మంజూరు చేస్తూ వెళ్లినా, వచ్చే ఐదేళ్లలో అటుఇటుగా 20 లక్షల ఇళ్లను మాత్రమే ఇచ్చే అవకాశం ఉంటుంది. ఇవి ఏమూలకూ చాలవు. దీంతో ప్రజల్లో వ్యతిరేకత వచ్చే ప్రమాదముందని భావిస్తున్నారు. ఈ నేపథ్యంలో దరఖాస్తులను రకరకాల అంశాల ఆధారంగా వడపోసి వీలైనంత మేర తగ్గించే కసరత్తు ప్రారంభించారు. రాష్ట్ర వ్యాప్తంగా సొంత ఇల్లు లేని నిరుపేదలు 30 – 35 లక్షల మంది ఉంటారన్న అంచనా ఉంది. ఒకవేళ దీన్ని పరిగణనలోకి తీసుకుని తగ్గించినా.. దరఖాస్తుల్లో ఆ సంఖ్య మేరకు పోను మిగిలినవారు అంటే సుమారు 30 లక్షల మంది తప్పకుండా అనర్హులే అవుతారన్న అభిప్రాయం వ్యక్తమవుతోంది. ఆర్సీసీ కప్పు ఉంటే ఔటే.. ప్రాథమికంగా రూపొందించుకున్న నిబంధనల ప్రకారం.. ఆర్సీసీ పైకప్పు ఉన్న సొంత ఇల్లు ఉంటే ఇందిరమ్మ పథకానికి అర్హత ఉండదు. చుట్టూ కాంక్రీట్ గోడలు ఉండి, కప్పు భాగంలో రేకులు, తడకలు, పెంకులు లాంటివి ఉంటే అర్హత వస్తుంది. దీంతో ఇప్పుడు గుట్టలాగా పేరుకుపోయి ఉన్న దరఖాస్తుల్లో.. అలా ఆర్సీసీ పైకప్పుతో ఉన్న సొంతింటిదారులు ఎవరున్నారని వెతికి పట్టుకునే పనిలో అధికారులున్నారు. తెల్ల రేషన్కార్డు ఉంటేనే.. ఇందిరమ్మ ఇల్లు పొందాలంటే కచ్చితంగా నిరుపేదలై ఉండాలి. తెల్ల రేషన్కార్డు ఉన్నవారినే ప్రభుత్వం పరిగణనలోకి తీసుకుంటుంది. దీంతో ఈ దరఖాస్తుదారుల్లో ఎంతమందికి తెల్ల రేషన్ కార్డు ఉందో, ఎంతమంది తప్పుడు రేషన్కార్డు నంబర్లు నమోదు చేశారో అన్న వివరాలను కూడా వాకబు చేస్తున్నారు. ఈ సంవత్సరం సొంత జాగా ఉన్నవారికే! సొంత జాగా ఉన్నవారికే ఈ సంవత్సరం ఇందిరమ్మ ఇళ్లను మంజూరు చేయాలని ప్రభుత్వం నిర్ణయించినట్టు తెలిసింది. సొంత జాగా లేని అర్హులైన నిరుపేదలకు ప్రభుత్వం స్థలం కేటాయించి మరీ ఇందిరమ్మ ఇళ్లను మంజూరు చేయాలని నిర్ణయించిన విషయం తెలిసిందే. కాగా మొదటి సంవత్సరం మాత్రం సొంత జాగా లేని వారిని పరిగణనలోకి తీసుకోకూడదని నిర్ణయించినట్లు సమాచారం. -
200 యూనిట్ల ఫ్రీ విద్యుత్, రూ.500కు సిలిండర్ షురూ.. 'పథకాలు ఆగవు'
సాక్షి, హైదరాబాద్: రాష్ట్రం ఆర్థిక సంక్షోభాన్ని ఎదుర్కొంటున్నా ఎన్నికల సమయంలో అభయహస్తం కింద ఇచ్చిన హామీలు అమలు చేస్తామని సీఎం రేవంత్రెడ్డి చెప్పారు. ఈ విషయంలో తమ చిత్తశుద్ధిని శంకించవద్దని అన్నారు. ఆర్థిక నియంత్రణ పాటిస్తూ, దుబారా ఖర్చులు తగ్గించుకుని సంక్షేమ పథకాలను ఆర్థిక వెసులు బాటు మేరకు అమలు చేస్తున్నట్లు తెలిపారు. మంగళవారం సచివాలయంలో 200 యూనిట్ల వరకు ఉచిత విద్యుత్, రూ.500కే గ్యాస్ సిలిండర్ పథకాలను శాసనసభ స్పీకర్ గడ్డం ప్రసాద్కుమార్, డిప్యూటీ సీఎం మల్లు భట్టి విక్రమార్క, మంత్రులు తదితరులతో కలిసి సీఎం ప్రారంభించిన అనంతరం రేవంత్ మాట్లాడారు. సంక్షేమ పథకాలు ఆపం ‘డిసెంబర్ 7న ప్రమాణ స్వీకారం చేసిన 48 గంటల్లోనే మహిళలకు బస్సుల్లో ఉచిత ప్రయాణ సౌకర్యం కల్పించాం. ఆరోగ్యశ్రీ పరిమితిని రూ.5 లక్షల నుంచి రూ.10 లక్షలకు పెంచాం. ఇప్పుడు మరో రెండు గ్యారంటీలను అమలు చేస్తున్నాం. తెలంగాణ ఇచ్చిన విధంగానే, 2023 సెపె్టంబర్ 17న సోనియాగాంధీ ఆరు గ్యారంటీలను అమలు చేస్తామని ప్రకటించారు. ఈ ఆరు గ్యారంటీల వల్లే అత్యధిక మెజారిటీతో కాంగ్రెస్ ప్రభుత్వాన్ని ప్రజలు ఎన్నుకున్నారు. అందువల్ల ఆర్థికంగా ఎన్ని సవాళ్లు ఎదుర్కొంటున్నా ప్రజలకు ఇచ్చిన హామీలను నెరవేరుస్తాం. కట్టెల పొయ్యి నుంచి వచ్చే పొగతో మహిళల జీవితాలు దుర్భరంగా ఉన్నప్పుడు యూపీఏ ప్రభుత్వం దీపం పథకం తెచ్చింది. అప్పుడు రూ.400 ఉన్న సిలిండర్ను మోదీ ప్రధాని అయ్యాక రూ.1200కు పెంచారు. అలా ధర పెరిగిన సిలిండర్పై రాయితీ ఇవ్వాలన్న ఆలోచన కేసీఆర్ ప్రభుత్వం చేయలేదు. కానీ ఎన్నికల సందర్భంగా మేం ఈ హామీ ఇచ్చాం. ఆ మేరకు లక్ష మంది మహిళల సమక్షంలో ఈ పథకాన్ని ప్రారంభించాలనుకున్నాం. కానీ ఎమ్మెల్సీ ఎన్నికల నియమావళి అడ్డు రావడంతో సచివాలయంలోనే ప్రారంభిస్తున్నాం. ఇతర సంక్షేమ పథకాలు కూడా అపం. అభివృద్ధి, సంక్షేమ పథకాల్లో దేశానికే రోల్మోడల్గా ఉండేలా తెలంగాణను తీర్చిదిద్దుతాం..’అని ముఖ్యమంత్రి చెప్పారు. ఇప్పుడు కూడా దరఖాస్తు చేసుకోవచ్చు: భట్టి ‘గత ప్రభుత్వానికి అధికారం అప్పగించే సమయానికి తెలంగాణ ధనిక రాష్ట్రంగా ఉంది. కానీ గత పదేళ్లలో అప్పుల కుప్పగా మార్చారు. ఉద్యోగులకు వేతనాలు కూడా అప్పులు తెచ్చి చెల్లించేవారు. ప్రస్తుతం ఆరు గ్యారంటీలు ఎలా అమలు చేస్తారని దేశం మొత్తం తెలంగాణ వైపు చూస్తోంది. కాంగ్రెస్ హమీలు అమలు సాధ్యం కానివంటూ బీఆర్ఎస్ దుష్ప్రచారం చేస్తోంది. కానీ మేం హామీలన్నీ కచ్చితంగా అమలు చేసి చూపిస్తాం. అర్హత ఉన్న వారందరికీ మార్చిలో వచ్చే విద్యుత్ బిల్లు జీరో (200 యూనిట్లలోపు వినియోగిస్తే) బిల్లుగా వస్తుంది. ఇందులో ఎలాంటి ఆంక్షలూ లేవు. అయితే వారు ప్రజాపాలనలో దరఖాస్తు చేసుకుని ఉండాలి. అర్హత ఉండి దరఖాస్తు చేసుకోని వారు ఇప్పుడు కూడా దరఖాస్తు చేసుకోవచ్చు. వారికి కూడా ఈ పథకాన్ని వర్తింపజేస్తాం..’అని డిప్యూటీ సీఎం భట్టి విక్రమార్క తెలిపారు. తెల్ల రేషన్కార్డు ఉన్నవారందరికీ రూ.500 కే సిలిండర్: ఉత్తమ్ ‘ప్రజాపాలనలో దరఖాస్తు చేసుకుని, తెల్లరేషన్ కార్డు ఉన్నవారందరికీ రూ.500 సిలిండర్ అందిస్తామని పౌరసరఫరాల శాఖ మంత్రి ఉత్తమ్కుమార్రెడ్డి చెప్పారు. ఆయిల్ కంపెనీలకు ముందస్తుగా డబ్బు చెల్లిస్తామని, వారు ఆ తర్వాత లబ్ధిదారుల అకౌంట్లలో వేస్తారని తెలిపారు. మూడేళ్ల సగటు వినియోగం ఆధారంగా ఒక్కో సిలిండర్ను రూ.500కు ఇస్తామని వివరించారు. త్వరలోనే కేవలం రూ.500 చెల్లిస్తే.. గ్యాస్ సిలిండర్ అందించేందుకు యత్నిస్తున్నామని చెప్పారు. మంత్రులు కోమటిరెడ్డి వెంకట్రెడ్డి, పొంగులేటి శ్రీనివాస్రెడ్డి, పొన్నం ప్రభాకర్, జూపల్లి కృష్ణారావు, శ్రీధర్బాబు, కొండా సురేఖ, సీతక్క, ఎమ్మెల్యేలు, ప్రభుత్వ సలహాదారులు పాల్గొన్నారు. ఎల్పీజీ కనెక్షన్ యాక్టివ్గా ఉండాలి రూ.500కే సిలిండర్ పొందాలంటే ప్రజాపాలనలో దరఖాస్తు చేసుకుని ఉండాలి. తెల్ల రేషన్కార్డు ఉండాలి. మూడేళ్ల సగటు వినియోగం ఆధారంగా రూ.500కు సిలిండర్లు అందజేస్తారు. దరఖాస్తు చేసుకున్న వారి పేరిట ఎల్పీజీ కనెక్షన్ యాక్టివ్గా (కనెక్షన్ వినియోగంలో ఉండాలి) ఉండాలి. ఈ మేరకు పౌరసరఫరాల శాఖ మార్గదర్శకాలు జారీ చేసింది. ఒక సర్వీస్ కనెక్షన్కే వర్తింపు 200 యూనిట్ల ఉచిత విద్యుత్ పొందడానికి ప్రజాపాలనలో దరఖాస్తు చేసుకుని ఉండాలి. తెల్ల రేషన్కార్డు కలిగి, ఆధార్కార్డు విద్యుత్ సర్వీసు కనెక్షన్తో అనుసంధానమై ఉండాలి. 200 యూనిట్లలోపు విద్యుత్ వినియోగించిన వారికి జీరో బిల్లు వస్తుంది. రేషన్కార్డులోని యజమాని పేరు ఉన్న విధంగా ఈ పథకం కోసం విద్యుత్ సర్వీసు కనెక్షన్ పేరును డిస్కమ్లు మార్చవు. అలాంటి సర్వీసు ఉన్న వారికి యథావిధిగా బిల్లులు వస్తాయి. ఈ పథకం కింద విద్యుత్ను వాణిజ్య అవసరాలకు వాడితే చట్టపరంగా కఠిన చర్యలు తీసుకుంటారు. గృహజ్యోతి పథకం పొందడానికి అన్ని అర్హతలున్నా.. ప్రస్తుత పద్ధతిలోనే విద్యుత్ బిల్లు వస్తే..ఎంపీడీవో/మునిసిపల్ కార్యాలయాన్ని సందర్శించి తెల్ల రేషన్కార్డు, విద్యుత్ కనెక్షన్ సర్వీసు నంబర్ (యూనిక్ సర్వీస్ కనెక్షన్)తో అనుసంధానమైన ఆధార్ కార్డును జోడించి దరఖాస్తు ఇవ్వాలి. వినియోగదారులు ఎంపీడీవో/మునిసిపల్ కార్యాలయం లేదా ప్రజాపాలనలో ఇచ్చిన దరఖాస్తు అక్నాలెడ్జ్మెంట్ను చూపిస్తే చాలు..వారి దగ్గర నుంచి బిల్లును బలవంతంగా వసూలు చేయడం జరగదు. ఈ మేరకు ఇంధన శాఖ ఉత్తర్వులు జారీ చేసింది. -
గృహలక్ష్మీ: సిలిండర్కు పూర్తి డబ్బులు చెల్లించాల్సిందే!
సాక్షి, హైదరాబాద్: కేంద్ర ప్రభుత్వం సబ్సిడీ ఇచ్చినప్పుడు ఆ మొత్తాన్ని వినియోగదారుల ఖాతాల్లో జమ చేసిన విధంగానే గృహలక్ష్మి పథకం(రూ.500కే గ్యాస్ సిలిండర్) కింద ఎంపికైన లబ్ధిదారులకు కూడా రాష్ట్ర ప్రభుత్వం ప్రత్యక్ష నగదు బదిలీ (డీబీటీ) పద్ధతిలో రీయింబర్స్ చేయనుంది. లబ్ధిదారులకు ఇచ్చే సబ్సిడీని లెక్క కట్టి రాష్ట్ర ప్రభుత్వం ఆయిల్ మార్కెటింగ్ కంపెనీ (ఓఎంసీ)లకు అందజేస్తే, సిలిండర్ రీఫిల్ సమయంలో లబ్ధిదారులు డబ్బులు మొత్తం చెల్లించిన తర్వాత.. ఆయిల్ కంపెనీలు ప్రత్యక్ష నగదు బదిలీ ద్వారా డేటాబేస్ ప్రకారం రూ.500 పోను మిగిలిన మొత్తాన్ని నేరుగా లబ్ధిదారుల బ్యాంకు ఖాతాల్లో జమ చేస్తాయి. అలాగే తెల్ల రేషన్కార్డు ఉండి, ప్రజాపాలనలో దరఖాస్తు చేసుకున్నవారికి మాత్రమే ఈ పథకం వర్తిస్తుందని పౌర సరఫరాల శాఖ స్పష్టం చేసింది. దీనికి నిబంధనలతో కూడిన మార్గదర్శకాలను ఖరారు చేసింది. దీని ఆధారంగా లబ్ధిదారు లను గుర్తిస్తారు. అర్హత గల కుటుంబం గత మూడేళ్లలో వినియోగించిన సిలిండర్ల సంఖ్యను పరిగణనలోకి తీసుకుంటారు. దాని ఆధారంగానే లెక్క కట్టి ఆ మేరకు సబ్సిడీ ఇస్తారు. ప్రజాపాలనలో వచ్చిన దరఖాస్తులు, తెల్లరేషన్కార్డుల ఆధారంగా ప్రభుత్వం 40 లక్షల మంది లబ్ధిదారులను గుర్తించింది. వీరు మూడేళ్లలో వినియోగించిన సిలిండర్ల సగటు ఆధారంగా ఏటా మూడు నుంచి ఐదు సిలిండర్లకు ఈ పథకం వర్తించనుంది. కాగా రాష్ట్రంలో కోటి 20 లక్షల గ్యాస్ కనెక్షన్లు ఉండగా, 90 లక్షల రేషన్ కార్డులు ఉన్నాయి. రాష్ట్రంలో ఉజ్వల పథకం కింద ఇప్పటికే సుమారు 10 లక్షల కుటుంబాలకి కేంద్ర ప్రభుత్వం నెలకు సుమారు రూ.300లకు పైగా సబ్సిడీ అందిస్తోంది. ఇప్పుడు వీరిని కూడా మహాలక్ష్మి పథకం కిందికి తీసుకురానున్నట్టు సమాచారం. -
Telangana: ఉచిత కరెంట్లో మెలిక?!
సాక్షి, హైదరాబాద్: కాంగ్రెస్ పార్టీ ఎన్నికల మేనిఫెస్టోలో హామీ ఇచ్చిన మేరకు ‘గృహజ్యోతి’ పథకం కింద ప్రతి కుటుంబానికి కచ్చితంగా 200 యూనిట్ల ఉచిత విద్యుత్ సరఫరా జరగదా? అర్హత గల ప్రతి కుటుంబం నిర్దిష్ట యూనిట్ల మేరకే ఉచిత విద్యుత్ను పొందుతుందా? గత ఏడాది విద్యుత్ వినియోగాన్ని ఇందుకోసం పరిగణనలోకి తీసుకుంటున్నారా? పథకం అమలుకు ఇంధన శాఖ సిద్ధం చేసిన మార్గదర్శకాలు ఇదే విషయాన్ని స్పష్టం చేస్తున్నాయా? అంటే.. అవుననే సమాధానమే లభిస్తోంది. నెలవారీ ఉచితంగా అనుమతించే వినియోగం (ఫ్రీ మంత్లీ ఎలిజిబుల్ కన్జంప్షన్ (ఎంఈసీ) పేరిట ఉచిత విద్యుత్ పథకాన్ని అమలు చేయనున్నట్టు తెలుస్తోంది. మార్చి 1 నుంచి గృహజ్యోతి పథకం అమల్లోకి రానుంది. దీంతో ఈ పథకానికి సంబంధించిన మార్గదర్శకాలు రెడీ అయ్యాయి. అధికంగా వాడితే వాతలే!: ఈ మార్గదర్శకాల ప్రకారం..200 యూనిట్ల వరకు ఉచిత విద్యుత్ సరఫరాకు షరతులు వర్తించనున్నాయి. కొత్తగా అధికారంలోకి వచ్చిన కాంగ్రెస్ ప్రభుత్వం 200 యూనిట్ల వరకు ఉచిత కరెంట్ ఇస్తుందని భావించి గతానికి భిన్నంగా ఇష్టారాజ్యంగా వినియోగాన్ని పెంచేసుకుంటే, ఆ మేరకు అదనపు వాడకానికి బిల్లులు చెల్లించక తప్పదు. గత ఆర్థిక సంవత్సరం అంటే 2022–23లో నెలకు సగటున వాడిన విద్యుత్కు అదనంగా 10 శాతం విద్యుత్ను మాత్రమే గృహ జ్యోతి పథకం కింద ప్రభుత్వం ఉచితంగా సరఫరా చేయనుంది. నెలకు 200 యూనిట్ల గరిష్ట పరిమితికి లోబడి ఈ పథకం అమలు కానుంది. ఉదాహరణకు 2022–23లో ఒక కుటుంబ వార్షిక విద్యుత్ వినియోగం 960 యూనిట్లు అయితే, సగటున నెలకు 80 యూనిట్లు వాడినట్టు నిర్ధారిస్తారు. అదనంగా మరో 10 శాతం అంటే 8 యూనిట్లను కలిపి నెలకు గరిష్టంగా 88 యూనిట్ల విద్యుత్ను మాత్రమే ఆ కుటుంబానికి ఉచితంగా సరఫరా చేయనున్నారు. 88 యూనిట్లకు మించి వాడిన విద్యుత్కు సంబంధిత టారిఫ్ శ్లాబులోని రేట్ల ప్రకారం బిల్లులు జారీ చేయనున్నారు. గతేడాది 2,400 యూనిట్లు మించితే అనర్హులే ఒక వేళ 2022–23లో సగటున నెలకు 200 యూనిట్లకు మించి విద్యుత్ వాడినట్టైతే ఈ పథకం వర్తించదు. వార్షిక విద్యుత్ వినియోగం 2,400 యూనిట్లు మించిన వినియోగదారులు ఈ పథకానికి అర్హులు కారు. ఇక నెలకు అనుమతించిన పరిమితి (ఎంఈసీ) మేరకు ఉచిత విద్యుత్ను వాడిన వినియోగదారులకు ‘జీరో’ బిల్లును జారీ చేయనున్నారు. అంటే వీరు ఎలాంటి చెల్లింపులూ చేయాల్సిన అవసరం ఉండదు. 200 యూనిట్లు దాటితే ఉచితం వర్తించదు ఒక వేళ వినియోగం అనుమతించిన పరిమితికి మించినా, గరిష్ట పరిమితి 200 యూనిట్లలోపే వాడకం ఉండాలి. ఇప్పుడు కూడా అదనంగా వాడిన విద్యుత్కు సంబంధించిన బిల్లును సంబంధిత టారిఫ్ శ్లాబు ప్రకారం జారీ చేస్తారు. ఒక వేళ నెల వినియోగం 200 యూనిట్లకు మించితే మాత్రం వాడిన మొత్తం కరెంట్కు బిల్లును యథాతథంగా జారీ చేస్తారు. ఎలాంటి ఉచితం వర్తించదు. బిల్లులు బకాయిపడినా నో విద్యుత్ బిల్లుల బకాయిలు చెల్లించాల్సిన వినియోగదారులకు గృహజ్యోతి పథకం వర్తించదు. బకాయిలన్నీ చెల్లించిన తర్వాతే పథకాన్ని వర్తింపజేస్తారు. గృహజ్యోతి పథకం అమల్లోకి వచ్చిన తర్వాత బిల్లులను చెల్లించకుండా బకాయి పడిన వారికి సైతం పథకాన్ని నిలుపుదల చేస్తారు. బిల్లులు చెల్లించాకే మళ్లీ పథకాన్ని పునరుద్ధరిస్తారు. తెల్లకార్డు ఉంటేనే అర్హులు ఈ పథకం కింద తెల్లరేషన్కార్డు కలిగిన ప్రతి కుటుంబం గృహ అవసరాలకు 200 యూనిట్ల వరకు ఉచిత విద్యుత్ వాడుకోవడానికి అర్హత కలిగి ఉంటుంది. రేషన్కార్డు ఆధార్తో అనుసంధానమై ఉండాలి. లబ్ధిదారులు దరఖాస్తులో పొందుపరిచిన గృహ విద్యుత్ సర్వీస్ కనెక్షన్ నంబర్ను రేషన్కార్డుతో అనుసంధానం చేస్తారు. రేషన్కార్డుతో విద్యుత్ కనెక్షన్ను అనుసంధానం చేసినా, విద్యుత్ కనెక్షన్ ఎవరి పేరు మీద ఉందో వారి పేరు మీదే బిల్లింగ్ జరుగుతుంది. ఇప్పటికే నెలకు 101 యూనిట్ల వరకు ఉచిత విద్యుత్ లబ్ధి పొందుతున్న ఎస్సీ, ఎస్టీ వినియోగదారులకు కూడా గృహజ్యోతి వర్తించనుంది. గృహజ్యోతి పథకం కింద ఒక నెలకు సంబంధించిన సబ్సిడీలను తదుపరి నెలలోని 20వ తేదీలోగా రాష్ట్ర ప్రభుత్వం డిస్కంలకు చెల్లించాల్సి ఉంటుంది. తొలి విడతలో 34 లక్షల గృహాలకు.. ప్రజాపాలన కార్యక్రమం కింద గృహజ్యోతి పథకం అమలు కోసం 1,09,01,255 దరఖాస్తులు రాగా, అందులో 64,57,891 దరఖాస్తుదారులు ఆధార్తో అనుసంధానమై ఉన్న తెల్ల రేషన్కార్డును కలిగి ఉన్నారని రాష్ట్ర ఐటీ శాఖ నిర్ధారించింది. వీరిలో 34,59,585 మంది దరఖాస్తుదారులు మాత్రమే గృహ విద్యుత్ కనెక్షన్ కలిగి ఉండడంతో తొలి విడత కింద వీరికే గృహజ్యోతి వర్తింపజేయనున్నారు. ప్రస్తుత విద్యుత్ టారిఫ్ ప్రకారం..గృహజ్యోతి పథకం అమలుకు ఏటా రూ.4,164.29 కోట్ల వ్యయం కానుందని రాష్ట్ర ఇంధన శాఖ అంచనా వేసింది. -
అలిగిన కోడళ్లకు గెలవగానే శుభవార్త: కేటీఆర్
వికారాబాద్, మొయినాబాద్: ‘అందరికీ ఏదో ఒకటి ఇచ్చిండ్రు.. మాకే ఏమీ ఇవ్వలేదని కోడళ్లు కొంచం మా మీద అలిగిండ్రు.. గెలవగానే కోడళ్లకు శుభ వార్త చెప్తాం. తెల్ల రేషన్కార్డు ఉన్న కోడళ్లందరికీ నెలకు రూ.3 వేల పెన్షన్ ఇస్తాం. కోడళ్లకు, అత్తలకు అంతేనా అని అలగొద్దు.. అత్తలకు ఇస్తున్న పింఛన్ను రూ.5 వేలకు పెంచుతాం..’అని మంత్రి కేటీఆర్ హామీ ఇచ్చారు. ప్రచారంలో భాగంగా గురువారం ఆయన వికారాబాద్, మర్పల్లి, మొయినాబాద్లో రోడ్ షోలు నిర్వహించారు. కారు గుర్తుకు ఓటేసి కాలె యాదయ్య(చేవెళ్ల)ను, ఆనంద్ (వికారా బాద్)ను మరోసారి గెలిపించాలని కోరారు. ‘మన జుట్టు ఢిల్లీ వాని చేతికివ్వొద్దు.. ఇన్నాళ్లు పాలించింది వారే.. మళ్లీ ఒక్క చాన్స్ అని వస్తున్నరు. స్వాతంత్య్రం వచ్చాక కాంగ్రెస్కు 11 చాన్స్లు ఇచ్చిండ్రు.. అప్పుడేమీ చేయని పార్టీ ఇప్పుడేం చేస్తుంది..?’అని కేటీఆర్ ప్రశ్నించారు. 52కిలోల బక్క కేసీఆర్ను కొట్టనీకి ఢిల్లీతో పాటు పక్క రాష్ట్రాల నుంచి గుంపులుగా వస్తున్నా రని ధ్వజమెత్తారు. బీజేపీ నుంచి మోదీ, అమిత్షాతో పాటు 15 మంది సీఎంలు, 15 మంది కేంద్ర మంత్రులు, కాంగ్రెస్ నుంచి పక్క రా ష్ట్రాల పెద్ద మనుషులు బయలుదేరానని తెలిపారు. అయినా ఏమీ చేయలేరని, తెలంగాణ బిడ్డ కేసీఆర్ సింహం లాంటోడని, సింహం సింగిల్గానే వస్తద ని, గుంపులు గుంపులుగా వచ్చేటోళ్లను ఏమంటా రో మీకే తెలుసంటూ వ్యంగ్యాస్త్రాలు సంధించారు. భూములు లేని పేదలకు కేసీఆర్ బీమా.. ‘స్వతంత్ర భారత చరిత్రలో కేసీఆర్ను మించిన నేత లేడు. 75 ఏళ్ల చర్రితలో రైతుబంధు, రైతు బీమా ఇచ్చిన సీఎం, పీఎం ఎవరైనా ఉన్నారా..? రాష్ట్రంలో 46 లక్షల మందికి పింఛన్లు, 75 లక్షల మంది రైతులకు రైతుబంధు, 13.5 లక్షల మందికి కల్యాణలక్ష్మి, 15 లక్షల మందికి కేసీఆర్ కిట్లు ఇచ్చిన ఘనత కేసీఆర్ది కాదా?..’అని కేటీఆర్ ప్రశ్నించారు. ‘ఎన్నికలు రాగానే ఆగమాగం కావద్దు.. ఆనంద్ మళ్లీ సీఎం అవుతారు..’(వెంటనే సవరించు కుని మళ్లీ కేసీఆర్ సీఎం అవుతారు) అని అన్నారు. మళ్లీ ప్రభుత్వం ఏర్పాటు కాగానే భూములు లేని పేదలకు కేసీఆర్ బీమా అమలు చేస్తామన్నారు. తెల్లకార్డున్న వారందరికీ సన్న బియ్యం ఇస్తామని తెలిపారు. రూ.400కే గ్యాస్ సిలిండర్ ఇస్తామని ప్రకటించారు. మైనార్టీ సంక్షేమానికి కేసీఆర్ ప్రభుత్వం కట్టుబడి ఉందంటూ.. బీఆర్ఎస్ పాలనలో హైదరాబాద్లో ఒక్కసారి కూడా గొడ వలు కాలేదన్నారు. గత ఎన్నికల్లో ఇచ్చిన హామీ మేరకు 111 జీఓను ఎత్తేశామని కేటీఆర్ చెప్పారు. గంగిగోవు లాంటి ఎమ్మెల్యే కాలె యాదయ్య కావాలా.. ఆయుధాలు సరఫరా చేసే కాంగ్రెస్ అభ్యర్థి కావాలా..? ప్రజలు తేల్చుకోవా లని సూచించారు. కార్యక్రమంలో మంత్రి పట్నం మహేందర్రెడ్డి, ఎంపీ రంజిత్రెడ్డి పాల్గొన్నారు. కరెంటు కావాలా.. కాంగ్రెస్ కావాలా..? ఇక్కడి కాంగ్రెస్ నాయకులకు చేవ లేదు, సత్తాలేదని మంత్రి విమర్శించారు. అందుకే ఢిల్లీతో పాటు పక్క రాష్ట్రాల నుంచి నాయకులను తెచ్చుకుంటున్నారని ఎద్దేవా చేశారు. ఊర్లల్ల ఎవరైనా చచ్చిపోతే స్నానాలు చేయడానికి ఓ అరగంట కరెంటు వదలండని కరెంటోళ్ల కాళ్లు మొక్కిన రోజులు ఇంకా మనం మ ర్చిపోలేదన్నారు. కరెంటు కావాలా.. కాంగ్రెస్ కావాలా..? ప్రజలు తేల్చుకోవాలని పిలుపునిచ్చారు. గులిగితే మామీద గులగండి.. ఓట్లు కూడా మాకే గుద్దండి అని కోరారు. -
కేంద్రం కీలక నిర్ణయం.. రేషన్ కార్డు ఉన్నవారికి గుడ్ న్యూస్!
టెక్నాలజీ పెరడగడంతో ప్రతిదీ డిజిటలైజేషేన్ అవుతున్నాయి. ఇలా చేయడం ద్వారా అవినీతితో పాటు అక్రమాలకు చెక్ పెట్టవచ్చని ప్రభుత్వాలు భావిస్తున్నాయి. అందుకే సర్కారు అందించే సేవలను ఆన్లైన్ వైపు తీసుకెళ్లడంతో పాటు అనుసంధానం ప్రక్రియను మొదలుపెట్టారు. ప్రస్తుత రోజుల్లో ఆధార్ కార్డ్, పాన్ కార్డ్, రేషన్ కార్డ్ వంటి ఎంతో ముఖ్యమో చెప్పక్కర్లేదు. అందుకే వీటిని అనుసంధానం ప్రక్రియకు శ్రీకారం చుట్టింది కేంద్రం ప్రభుత్వం. తాజాగా రేషన్ కార్డును ఆధార్ కార్డుతో లింక్ చేయడానికి ఉన్న గుడువును పెంచుతూ కీలక నిర్ణయం తీసుకుంది. గుడ్ న్యూస్ చెప్పిన కేంద్రం రేషన్ కార్డుదారులకు ఊరటనిస్తూ ఆధార్ కార్డుతో లింక్ చేయడానికి గతంలో ఉన్న జూన్ 30 గడువును పెంచుతూ కేంద్ర సర్కార్ నిర్ణయం తీసుకుంది. అయితే తాజాగా ఈ గడువును సెప్టెంబర్ 30 వరకు పొడిగిస్తున్నట్లు తెలిపింది. అంతోదయ అన్న యోజన, ప్రాధాన్య గృహ పథకం కింద లబ్ధిదారులకు రేషన్ కార్డుతో ఆధార్ కార్డును అనుసంధానించడం తప్పనిసరి. తెల్లకార్డు ఉన్నవారు ముందుగా తమ రేషన్కార్డును డిజిటలైజ్ చేసి, ఆ తర్వాతే ఆధార్ కార్డుకు అనుసంధానం చేయాల్సి ఉంటుంది. ప్రభుత్వం “వన్ నేషన్ వన్ రేషన్ కార్డ్” విధానాన్ని తీసుకొచ్చినప్పటి నుంచి రేషన్ కార్డును ఆధార్తో లింక్ చేయడంపై దృష్టి సారిస్తోంది. రేషన్ కార్డుకు సంబంధించి జరుగుతున్న అక్రమాలను అరికట్టడమే దీని ముఖ్య ఉద్దేశం. ఈ కార్డును దుర్వినియోగం చేసి వివిధ చోట్ల 2-3 రేషన్కార్డులు పొందిన వారు చాలా మంది ఉన్నారు. రేషన్ కార్డుకు ఆధార్ కార్డును లింక్ చేయడానికి సమీపంలోని ప్రభుత్వ కార్యాలయానికి వెళ్లాలి. లేదా ఆన్లైన్లో కూడా రేషన్ కార్డుకి ఆధార్ కార్డును లింక్ చేయడానికి ఈ కింది పాటిస్తే సరిపోతుంది. ►మీ రాష్ట్రానికి చెందిన పబ్లిక్ డిస్ట్రిబ్యూషన్ సిస్టమ్ పోర్టల్ వెబ్సైట్ను ఓపెన్ చేయాలి. ►రేషన్ కార్డ్, ఆధార్ కార్డ్ లింక్ చేయాలని ఉన్న లింక్ పైన క్లిక్ చేయాలి. ►ఆ తర్వాత మీ రేషన్ కార్డ్ నెంబర్, ఆధార్ నెంబర్, నమోదిత మొబైల్ నెంబర్ ఎంటర్ చేయాలి. ►అనంతరం మీ మొబైల్ నెంబర్కు ఓటీపీ వస్తుంది. ►ఓటీపీ ఎంటర్ చేయగానే మీ రేషన్ కార్డుకు ఆధార్ కార్డ్ లింక్ ప్రక్రియ పూర్తవుతుంది. చదవండి: ఈ వీడియో చూస్తే.. రెస్టారెంట్లో చికెన్ కర్రీ ఆర్డర్ చేయరు! -
మహిళలకే గృహలక్ష్మి అవకాశం... రూ. 3 లక్షల వరకు సాయం
మోర్తాడ్(బాల్కొండ) : సొంతంగా జాగా ఉండి ఇంటి నిర్మాణం చేపట్టాలనుకునే వారికి వందశాతం రాయితీపై రూ. 3 లక్షల సాయం అందించడానికి ప్రభుత్వం మార్గదర్శకాలను జారీ చేసింది. ‘గృహలక్ష్మి’ పథకం కింద మహిళా లబ్ధిదారులకే అవకాశం కల్పించడానికి ప్రభుత్వం నిర్ణయించింది. డబుల్ బెడ్రూం ఇళ్ల నిర్మాణం కేటాయింపులను తక్కువ సంఖ్యలో కొనసాగిస్తుంది. ఉమ్మడి రాష్ట్రంలో గృహ నిర్మాణ సంస్థ ఆధ్వర్యంలో ఇళ్లను నిర్మించుకునే పేద, మధ్య తరగతి కుటుంబాల వారికి రూ. 1.50 లక్షల వరకు సాయం అందించారు. తెలంగాణ ఆవిర్భావం తర్వాత గృహ నిర్మాణ సంస్థను ప్రభుత్వం ఎత్తివేసింది. హౌసింగ్ కార్పొరేషన్లో పనిచేసిన ఉద్యోగులను వివిధ శాఖల్లో విలీనం చేశారు. ఆర్అండ్బీ ఆధ్వర్యంలోనే డబుల్ బెడ్రూం ఇళ్ల నిర్మాణంను కొనసాగించారు. తాజాగా ఇంటి నిర్మాణానికి ఆర్థికసాయం అందించే పథకం తొమ్మిదేళ్ల తర్వాత పునరుద్ధరణకు నోచుకుంది. ప్రతి నియోజకవర్గం పరిధిలో మొదటి విడతలో 3 వేల చొప్పున ఇళ్ల నిర్మాణానికి ఆర్థికసాయం అందించనున్నారు. అంటే ఒక్కో నియోజకవర్గానికి రూ. 30 కోట్ల నిధులు అవసరం కానున్నాయి. జిల్లాలో ఐదు నియోజకవర్గాలతో పాటు బాన్సువాడ నియోజకవర్గం పరిధిలోని ఐదు మండలాలు ఉన్నాయి. అంటే జిల్లాకు గృహలక్ష్మి పథకం కింద రూ.165 కోట్ల వరకు నిధులు కేటాయించే అవకాశం ఉంది. ఇదిలా ఉండగా ఇంటి నిర్మాణానికి సాయం కోసం దరఖాస్తు చేసుకునేవారు స్థానికులై ఉండటమే కాకుండా తెల్ల రేషన్కార్డును కలిగి ఉండటంతో పాటు ఓటరై ఉండాలనే నిబంధన విధించారు. ఓటరు కార్డును దరఖాస్తు ఫారంతో జత చేయాల్సి ఉంది. ఓటరు కాని వారికి గృహలక్ష్మి పథకం వర్తించే అవకాశం లేదని తెలుస్తోంది. వరం కాదు భారమే.. గృహలక్ష్మి పథకం కింద అందే సాయం తక్కువగానే ఉందనే అభిప్రాయం వ్యక్తమవుతోంది. ఇంటి నిర్మాణానికి అవసరమైన సిమెంట్, ఇనుము, ఇటుకలు, ఇసుక ఇతరత్రా సామగ్రి ధరలు విపరీతంగా పెరిగాయి. ఇలాంటి పరిస్థితుల్లో ఇంటి నిర్మాణం పేదలకు భారం అవుతుంది. రూ. మూడు లక్షలతో ఇంటిని నిర్మించుకోవడం కష్టమని అందువల్ల సాయం విలువను పెంచాలనే డిమాండ్ వినిపిస్తోంది. రెండు గదులు, బాత్రూం, టాయ్లెట్లను నిర్మించాలంటే కనీసం రూ. 8 లక్షల వరకు ఖర్చవుతుందని నిపుణులు చెబుతున్నారు. -
బతుకమ్మ చీరలు @ రూ.330 కోట్లు
సిరిసిల్ల: రాష్ట్రంలోని తెల్లరేషన్ కార్డుదారులకు ప్రభుత్వం ఏటా అందించే బతుకమ్మ పండుగ కానుక చీరల రంగులను, డిజైన్లను తెలంగాణ పవర్లూమ్ టెక్స్టైల్ డెవలప్మెంట్ కార్పొరేషన్ లిమిటెడ్ (టీపీటీడీసీఎల్) ఖరారు చేసింది. 21 రంగుల్లో 25 డిజైన్లలో బతుక మ్మ చీరలను ఆర్డర్ చేసింది. రాష్ట్రంలోని కోటి మందికి బతుకమ్మ పండగ కానుకగా ప్రభుత్వం చీరలను అందిస్తున్న సంగతి తెలిసిందే. సిరిసిల్ల నేత కార్మికులకు ఉపాధి కల్పించే లక్ష్యంతో 2017 నుంచి బతుకమ్మ పండుగకు చీరలను సారెగా అందిస్తున్నారు. గతంలో రాష్ట్ర చేనేత సహకార సంస్థ (టెక్సో) ద్వారా ఈ చీరల ఆర్డర్లు ఇవ్వగా.. ఈసారి తెలంగాణ పవర్లూమ్, టెక్స్టైల్ డెవలప్మెంట్ కార్పొరేషన్ లిమిటెడ్ (టీపీటీడీసీఎల్) ద్వారా ఆర్డర్లు ఇచ్చారు. సిరిసిల్లలోని 139 మ్యూచువల్ ఎయిడెడ్ కోఆపరేటివ్ సొసైటీ (మ్యాక్స్)లకు 3.70 కోట్ల మీటర్ల బట్టను (64.03 లక్షల చీరలు), 126 చిన్న తరహా పరిశ్రమల (ఎస్ఎస్ఐ)కు 1.84 కోట్ల మీటర్ల బట్టను (31.87 లక్షల చీరలు) ఆర్డర్లు ఇచ్చారు. జాకెట్ పీసుల కోసం మరో 68 లక్షల మీటర్ల బట్టను సిరిసిల్ల శివారు టెక్స్టైల్ పార్క్లోని ఆధునిక మగ్గాలకు ఇచ్చారు. మొత్తంగా 6.22 కోట్ల మీటర్ల బట్టను బతుకమ్మ చీరల ఉత్పత్తి లక్ష్యంగా ఈ ఏడాది నిర్ణయించారు. చీరలకు ఉత్పత్తి రవాణా, ప్రాసెసింగ్ ఇతర ఖర్చులకు మొత్తం రూ.330 కోట్లు కేటాయించారు. సెపె్టంబరు నెలాఖరులోగా ఈ చీరలను సిరిసిల్ల నేతన్నలు అందించాలని లక్ష్యంగా నిర్ణయించారు. మగ్గాల సంఖ్య ఆధారంగా ఆర్డర్లు ఇస్తాం సిరిసిల్ల నేతన్నలకు బతుకమ్మ చీరల ఆర్డర్లు ఇచ్చాము. 21 రంగుల్లో 25 డిజైన్లలో చీరలను ఉత్పత్తి చేయాలని స్పష్టం చేశాము. మ్యాక్స్ సంఘాలు, ఎస్ఎస్ఐ యూనిట్లలోని మరమగ్గాల సంఖ్య ఆధారంగా వస్త్రోత్పత్తిదారులకు బతుకమ్మ చీరల ఆర్డర్లు ఇస్తాం. గడువులోగా చీరలను ఉత్పత్తి చేసి అందించాల్సి ఉంటుంది. – సాగర్, జౌళిశాఖ, ఏడీ -
"తెల్ల" దొరలపై కొరడా
సాక్షి,కడప: పేదల పేరుతో తెల్ల రేషన్ కార్డులు పొంది చౌక దుకాణాలలో బియ్యం, ఇతర నిత్యావసరాలు తీసుకుంటున్న అక్రమార్కులపై ప్రభుత్వం దృష్టి సారించింది. నిబంధనలను కాదని పేదలకు దక్కాల్సిన సౌకర్యాలను పొందుతున్న ఉద్యోగుల నుంచి కార్డులను స్వాదీనం చేసుకునే చర్యలను ముమ్మరం చేసింది. కార్డును అడ్డం పెట్టుకుని సరుకులతో పాటు సంక్షేమ పథకాలను పొందుతున్న వేతనదారులపై కొరడా ఝుళిపించేందుకు యంత్రాంగం సన్నద్ధమవుతోంది. గతంలో కొంతమంది చిరుద్యోగులు రేషన్ కార్డు పొంది ఉన్నా.. వారు పదోన్నతి పొందిన తరువాత కూడా కార్డును ప్రభుత్వానికి అప్పజెప్పకుండా అలాగే కొనసాగిస్తున్నారు. ప్రభుత్వ ఉద్యోగులుగా ఉండి రేషన్ కార్డులు పొందిన వైనంపై ఉన్నతాధికారులు సీరియస్గా ఉన్నారు. ఇందుకు సంబంధించి ఇప్పటికే పౌరసరఫరాల శాఖ అధికారులు వివరాలు సేకరించారు. నిబంధనలకు విరుద్ధం జమ్మలమడుగు, కడప, రాజంపేట రెవెన్యూ డివిజన్ల పరిధిలో వందల సంఖ్యలో కార్డులను గుర్తించి స్వాదీనం చేసుకుంటున్నారు. ఉద్యోగులకు సంబంధించిన కార్డులను వీఆర్ఓలు తనిఖీ చేయాల్సి ఉంది. జిల్లాలోని అనేక మండలాల్లో పలువురు ఉద్యోగులు రైస్ కార్డులు పొందారు. జిల్లా వ్యాప్తంగా 7600 మందికి పైగా ఉద్యోగుల వద్ద తెల్లరేషన్ కార్డులు ఉన్నట్లు గుర్తించారు. నిబంధనల ప్రకారం ప్రభుత్వ ఉద్యోగులు రైస్ కార్డులు పొందడానికి అనర్హులు. కానీ పలువురు వీటిని తమ పలుకుబడితో సొంతం చేసుకున్నారు. బయోమెట్రిక్, ఆధార్ నంబర్ లాంటివి కార్డులకు జత చేసినా వారి వివరాలు బయటపడలేదు. ఆదాయపు పన్ను, పాన్ కార్డుల అనుసంధానంతో ఇటీవల ఈ అక్రమాలు వెలుగు చూశాయి. ప్రభుత్వ ఉద్యోగులు రేషన్ కార్డులు కలిగి ఉండకూడదంటూ ప్రభుత్వం ప్రత్యేక జీవో విడుదల చేసింది. కార్డులు మాత్రమే జిల్లా వ్యాప్తంగా వీఆర్ఓలు, సచివాలయ ఉద్యోగులు, ఇతర శాఖలకు చెందిన ఉద్యోగుల వద్ద తెల్లరేషన్ కార్డులు ఉన్నాయి. మరోవైపు ప్రభుత్వ ఉద్యోగులుగా ఉంటూనే వీరు అమ్మఒడి, రైతు భరోసా, ఆరోగ్యశ్రీ పథకాలను పొందుతున్నారు. ప్రస్తుతానికి కార్డులను మాత్రమే స్వాధీనం చేసుకోనున్నారు. వీరి వివరాలను పూర్తిస్థాయిలో వారం రోజుల్లో ఇవ్వాలనే ఆదేశాలు మండలస్థాయి అధికారులకు జారీ అయ్యాయి. ఆ మేరకు నివేదికలు తయారు అవుతున్నాయి. విచారణ జరుపుతున్నాం ప్రభుత్వ ఆదేశాల మేరకు ఉద్యోగుల నుంచి తెల్లరేషన్ కార్డులు స్వా«దీనం చేసుకునేందుకు అవసరమైన విచారణ చేస్తున్నాం. ఇప్పటికే కార్డులున్న ఉద్యోగులను గుర్తించాం. గ్రామ, పట్టణ స్థాయిలో కచ్చితంగా ఉద్యోగుల వద్ద ఉన్న రేషన్కార్డులను స్వాధీనం చేసుకుంటాం. త్వరలోనే ఈ ప్రక్రియ పూర్తి చేస్తాం. – సౌభాగ్యలక్షి, డీఎస్ఓ, కడప చదవండి: CM KCR Review On Heavy Rains: భారీ వర్షాలు, వరదలపై సీఎం కేసీఆర్ సమీక్ష -
27న దుర్గమ్మ సన్నిధిలో సామూహిక వరలక్ష్మీ వ్రతాలు
ఇంద్రకీలాద్రి (విజయవాడ పశ్చిమ): శ్రీ దుర్గా మల్లేశ్వర స్వామివార్ల దేవస్థానం ఇంద్రకీలాద్రిపై ఈ నెల 27వ తేదీన సామూహిక వరలక్ష్మీ వ్రతాలను నిర్వహించేందుకు దేవస్థాన వైదిక కమిటీ నిర్ణయించింది. 27వ తేదీ ఉదయం 7 గంటల నుంచి 9 గంటల వరకు మహామండపం ఆరో అంతస్తులో వరలక్ష్మీ వ్రతాన్ని నిర్వహిస్తారు. టికెట్ ధరను రూ.1,500గా దేవస్థానం నిర్ణయించింది. టికెట్ కొనుగోలు చేసిన భక్తులకు దేవస్థానమే పూజా సామాగ్రిని సమకూర్చుతుంది. భక్తులు టికెట్లను దేవదాయ ధర్మాదాయ శాఖ వెబ్సైట్ https://tms.ap.gov.in ద్వారా, దేవస్థాన ఆర్జిత సేవా టికెట్ల కౌంటర్లలో కొనుగోలు చేయవచ్చునని ఆలయ అధికారులు పేర్కొన్నారు. అలాగే, 27వ తేదీ ఉదయం 10 నుంచి 12 గంటల వరకు జరిగే ఉచిత సామూహిక వరలక్ష్మీ వ్రతంలో పాల్గొనే అవకాశాన్ని భక్తులకు దేవస్థానం కల్పించింది. ఇందుకోసం తెల్లరేషన్ కార్డు ఉన్న భక్తులు ముందుగా దరఖాస్తు చేసుకోవాల్సి ఉంటుంది. 23వ తేదీ నుంచి దేవస్థానం దరఖాస్తులను పంపిణీ చేస్తుంది. దరఖాస్తులను మహా మండపం గ్రౌండ్ ఫ్లోర్లోని టోల్ ఫ్రీ కౌంటర్లో ఉచితంగా పొందవచ్చు. పూర్తి చేసిన దరఖాస్తులతో పాటు తెల్లరేషన్ కార్డు జిరాక్స్ కాపీని జత చేసి 25వ తేదీ సాయంత్రం 4 గంటల లోపుగా అందజేయాలి. సామూహిక వరలక్ష్మీ వ్రతాల్లో పాల్గొనే భక్తులు తప్పని సరిగా మాస్కులు ధరించాలని దేవస్థానం సూచించింది. పవిత్రోత్సవాల సందర్భంగా దర్శన వేళల్లో మార్పు దుర్గ గుడిలో ఈ నెల 21వ తేదీ నుంచి పవిత్రోత్సవాల నేపథ్యంలో అమ్మవారి దర్శన వేళల్లో మార్పు చేశారు. 21 నుంచి పవిత్రోత్సవాలు ముగిసే 23వ తేదీ వరకు ఉదయం 9 గంటల తర్వాతే భక్తులను దర్శనానికి అనుమతిస్తారు. అలాగే, ఆ మూడు రోజులపాటు అన్ని ఆర్జిత సేవలను రద్దు చేశారు. -
బియ్యం కార్డులకే సరుకులు
సాక్షి, అమరావతి: ప్రజాపంపిణీ వ్యవస్థలో సబ్సిడీ బియ్యం పొందడానికి మరింత మెరుగైన విధానం అమల్లోకి రానుంది. డిసెంబర్ నుంచి బియ్యం కార్డులున్నవారికి మాత్రమే సబ్సిడీపై సరుకులు పంపిణీ చేయనున్నారు. ప్రస్తుతం పంపిణీ చేస్తున్న బియ్యాన్ని కొందరు తీసుకోవడం లేదు. తీసుకున్న మరికొందరు పక్కదారి పట్టిస్తున్నారు. బియ్యం నాణ్యత తక్కువగా ఉండడంతో తినలేక అమ్ముకుంటున్న పరిస్థితి ఇక ఉండకూడదనే ఉద్దేశంతో జనవరి నుంచి నాణ్యమైన బియ్యం ఇవ్వాలని ప్రభుత్వం నిర్ణయించింది. ఇందుకోసం తెల్ల రేషన్ కార్డుల స్థానంలో ప్రభుత్వం బియ్యం కార్డులు తీసుకొచ్చింది. రాష్ట్రంలో ప్రస్తుతం తెల్ల కార్డులు, బియ్యం కార్డులు కలిపి 1.52 కోట్లకుపైగా ఉన్నాయి. రాష్ట్రంలో ఎనిమిది లక్షలకు పైగా తెల్ల కార్డులు అనర్హుల చేతుల్లో ఉన్నట్లు గ్రామ, వార్డు వలంటీర్ల తనిఖీలో వెల్లడైంది. వలంటీర్లు ప్రతి ఇంటికీ వెళ్లి అర్హతల పత్రాన్ని వారికి అందించి, వారి నుంచి వివరాలు తీసుకున్నారు. అనర్హతకు సంబంధించి ఆయా కుటుంబాలు అంగీకారం కూడా తెలిపాయి. ఈమేరకు సిద్ధం చేసిన అర్హులు, అనర్హుల జాబితాను గ్రామ సచివాలయాల్లో ప్రదర్శించి సోషల్ ఆడిట్ జరిపారు. ఒకవేళ అర్హత ఉండి జాబితాలో పేరు లేకపోయినా ఎవరికి దరఖాస్తు చేయాలన్న వివరాలు కూడా గ్రామ, వార్డు సచివాలయాల్లో ప్రదర్శించారు. సచివాలయాల్లో ప్రదర్శించిన జాబితాలపై దాదాపు రెండులక్షల మంది నుంచి అభ్యంతరాలు, విజ్ఞాపనలు వచ్చాయి. వాటిని పరిశీలించి అర్హత ఉన్న వారికి బియ్యం కార్డులు మంజూరు చేశారు. బియ్యం కార్డుకు అర్హత ఉన్నప్పటికీ తెల్ల కార్డులున్న మరో ఆరులక్షల కుటుంబాలకు సంబంధించి చిరునామాలు ఇప్పటికీ లభించలేదు. (చదవండి: 1.52 కోట్లు దాటిన బియ్యం కార్డులు) బియ్యం కార్డుతో ఇతర పథకాలకు సంబంధం లేదు... బియ్యం కార్డులతో పెన్షన్లు, ఆరోగ్యశ్రీ పథకం, ఫీజు రీయింబర్స్మెంట్ వంటి పథకాలకు ముడిపెట్టలేదు. రాష్ట్రవ్యాప్తంగా నాణ్యమైన, తినగలిగే బియ్యాన్ని జనవరి నుంచి ఇంటింటికీ పంపిణీ చేసేందుకు అవసరమైన చర్యలు తీసుకుంటున్నారు. గత ప్రభుత్వంతో పోలిస్తే బియ్యం కార్డు పొందేందుకు ప్రస్తుతం అర్హతలను సడలించి మరింతమందికి ప్రయోజనం కలిగించేలా చర్యలు తీసుకున్నారు. ఇన్ని బియ్యం కార్డుల సంఖ్యకు పరిమితి విధించలేదు. అర్హులందరికీ కార్డులు మంజూరు చేయాలని ముఖ్యమంత్రి వైఎస్ జగన్మోహన్రెడ్డి పలుమార్లు అధికారులకు స్పష్టం చేసిన విషయం తెలిసిందే. బియ్యం కార్డుల జారీ ప్రక్రియ నిరంతరం కొనసాగుతుంది. ప్రస్తుతం తెల్ల కార్డులు, బియ్యం కార్డులు కలిపి 1,52,70,217 ఉన్నాయి. రాష్ట్రంలో ప్రస్తుతం ఉన్న తెల్ల రేషన్ కార్డులు, బియ్యం కార్డుల మొత్తం జిల్లాల వారీగా.. --------------------------------------------------------- జిల్లా రేషన్ కార్డులు --------------------------------------------------------- తూర్పు గోదావరి 17,03,597 గుంటూరు 15,47,127 కృష్ణా 13,47,292 విశాఖపట్నం 13,20,321 పశ్చిమ గోదావరి 12,93,075 అనంతపురం 12,73,601 కర్నూలు 12,43,324 చిత్తూరు 11,88,779 ప్రకాశం 10,25,455 నెల్లూరు 9,33,193 శ్రీకాకుళం 8,41,047 వైఎస్సార్ కడప 8,37,057 విజయనగరం 7,16,349 --------------------------------------------------------- మొత్తం 1,52,70,217 --------------------------------------------------------- అర్హులు దరఖాస్తు చేసుకుంటే పరిశీలిస్తాం డిసెంబర్ కోటా నుంచి బియ్యం కార్డులున్న వారికే సబ్సిడీ సరుకులు పంపిణీ చేస్తాం. గతంలో తెల్ల రేషన్ కార్డులు తీసుకున్న వారిలో చాలామంది అనర్హులున్నారు. కరోనా కారణంగా ఉపాధి పనులు దొరకడం లేదనే ఉద్దేశంతో అందరికీ ఉచితంగా సరుకులు పంపిణీ చేశాం. అర్హత ఉండి బియ్యం కార్డు లేనివారు దరఖాస్తు చేసుకుంటే పరిశీలించి చర్యలు తీసుకుంటాం.- కోన శశిధర్, ఎక్స్ అఫిషియో కార్యదర్శి, పౌరసరఫరాలశాఖ -
1.52 కోట్లు దాటిన బియ్యం కార్డులు
సాక్షి, అమరావతి: పదెకరాలున్నా వారు కూడా బియ్యం కార్డు పొందేందుకు ప్రభుత్వం వెసులుబాటు కల్పించడంతో ప్రతినెలా కొత్తగా లక్షలాది మందికి లబ్ధి చేకూరుతోంది. గతంలో 2.5 ఎకరాల మాగాణి లేదా ఐదు ఎకరాల్లోపు మెట్ట భూమి ఉన్నవారే బియ్యం కార్డు పొందేందుకు అర్హులుగా ఉండేవారు. ప్రస్తుతం మూడు ఎకరాల మాగాణి లేదా పది ఎకరాల్లోపు మెట్ట భూమి ఉన్నవారు లేదా రెండూ కలిపి పది ఎకరాలున్నా కార్డు తీసుకునేందుకు అర్హులే. దీంతో నానాటికీ బియ్యం కార్డుల సంఖ్య పెరుగుతూనే ఉంది. సంక్షేమ పథకాలు పేదల హక్కుగా భావిస్తున్న ప్రభుత్వం.. వారికి బియ్యం కార్డులు కూడా ఎప్పటికప్పుడు మంజూరు చేస్తోంది. రాష్ట్రంలో ప్రస్తుతం 1,52,70,217 బియ్యం కార్డులున్నాయి. ఇందులో 4,47,45,668 కుటుంబ సభ్యుల (యూనిట్లు) పేర్లు నమోదై ఉన్నాయి. జూన్లో 1,47,25,348 కార్డులు ఉండగా, జూలైలో 1,49,38,211, ఆగస్టులో 1,50,15,765, సెప్టెంబర్లో 1,50,80,690 కార్డులు ఉండగా.. ఆ సంఖ్య ప్రస్తుతం 1,52,70,217కి చేరింది. దీనివల్ల ప్రభుత్వంపై అదనపు భారం పడుతున్నప్పటికీ వారిని ఆదుకోవాలనే ఉద్దేశంతో దరఖాస్తు చేసిన తర్వాత అర్హత ఉంటే చాలు గడువులోగా కార్డులను మంజూరు చేస్తున్నారు. త్వరలో ఇంటి వద్దకే నాణ్యమైన బియ్యం పేదల ఇళ్లకే వెళ్లి నాణ్యమైన బియ్యం అందించేలా ప్రభుత్వం చర్యలు తీసుకుంటోంది. జనవరి నుంచి ఈ విధానాన్ని అమలు చేసేలా చర్యలు తీసుకుంటున్నారు. ఇందుకోసం ప్రభుత్వం బడ్జెట్లో రూ. 3,100 కోట్లు కేటాయించింది. అవసరమైతే మరిన్ని నిధులు కేటాయించేందుకు సిద్ధంగా ఉన్నట్టు ఇప్పటికే స్పష్టం చేసింది. ఇందులో భాగంగానే అవసరమైన మినీ ట్రక్కులను కొనుగోలు చేసేందుకు టెండర్ల ప్రక్రియ కూడా పూర్తయింది. ప్రభుత్వం భారంగా భావించడం లేదు అర్హులందరికీ బియ్యం కార్డులు ఇవ్వాలన్నదే ప్రభుత్వ లక్ష్యం. అందుకే దరఖాస్తు చేసుకున్న 10 రోజుల్లోపే సంబంధిత కుటుంబ సభ్యుల చేతికి కార్డు ఇస్తున్నాం. దీనిని ప్రభుత్వం భారంగా భావించడం లేదు. ఎంత ఖర్చయినా పేదలకు సంక్షేమ పథకాలు అందాలన్నదే ముఖ్యమంత్రి వైఎస్ జగన్మోహన్రెడ్డి ధ్యేయం. కార్డులు మంజూరు చేయడం నిరంతర ప్రక్రియగా కొనసాగుతుంది. - కోన శశిధర్, ఎక్స్-అఫీషియో కార్యదర్శి, పౌర సరఫరాల శాఖ జిల్లాలవారీగా ఇప్పటివరకు జారీ చేసిన బియ్యం కార్డులు, వాటిలోని కుటుంబ సభ్యుల వివరాలిలా.. జిల్లా కార్డులు కుటుంబ సభ్యులు (యూనిట్లు) అనంతపురం 12,73,601 39,34,160 చిత్తూరు 11,88,779 37,04,862 తూర్పు గోదావరి 17,03,597 48,21,556 గుంటూరు 15,47,127 43,39,371 వైఎస్సార్ 8,37,057 25,29,877 కృష్ణా 13,47,292 38,28,203 కర్నూలు 12,43,324 39,25,629 నెల్లూరు 9,33,193 25,54,168 ప్రకాశం 10,25,455 30,17,497 శ్రీకాకుళం 8,41,047 24,93,119 విశాఖపట్నం 13,20,321 38,73,231 విజయనగరం 7,16,349 21,10,628 పశ్చిమ గోదావరి 12,93,075 36,13,367 మొత్తం 1,52,70,217 4,47,45,668 -
పకడ్బందీగా ‘పంపిణీ’ వ్యవస్థను అమలు చేయాలి
సాక్షి, హైదరాబాద్: విపత్కర పరిస్థితుల్లో పేదలను ఆదుకోవడం ప్రభుత్వాల బాధ్యతని, ఇలాంటి పరిస్థితుల్లో ప్రజాపంపిణీ వ్యవస్థను పకడ్బందీగా అమలు చేయడం ప్రభుత్వ ప్రథమ ప్రాధాన్యం కావాలని భువనగిరి ఎంపీ కోమటిరెడ్డి వెంకట్రెడ్డి సూచించారు. తెల్లరేషన్ కార్డు ఉన్న కుటుంబంలో ప్రతీ మనిషికి 12 కిలోల బియ్యం ఇవ్వాలనే నిర్ణయం అభినంద నీయమని, అయితే పంపిణీలో సమస్యలు ఎదురుకావడం సరి కాదని శనివారం ఓ ప్రకటనలో పేర్కొన్నారు. షాపుల ఎదుట భారీ క్యూలు ఉండటం, భౌతిక దూరం పాటించకపోవడం దుష్పరిణామాలకు దారితీయకూడదని అభిప్రాయపడ్డారు. -
రేపటి నుంచి రేషన్ బియ్యం
సాక్షి, హైదరాబాద్ : రాష్ట్రవ్యాప్తంగా ప్రభుత్వం ప్రకటించిన 12 కిలోల రేషన్ బియ్యాన్ని గురువారం నుంచి లబ్ధిదారులకు అందించనున్నారు. ఈ మేరకు ప్రభుత్వం అన్ని ఏర్పాట్లు చేసింది. ఇప్పటికే 1.57 లక్షల మెట్రిక్ టన్నుల బియ్యాన్ని చౌక ధరల దుకాణాలకు సరఫరా చేయగా, మరో 1.60 లక్షల మెట్రిక్ టన్నుల బియ్యాన్ని ఇప్పటికే సరఫరా మొదలుపెట్టారు. ఈ ప్రక్రియ బుధ, గురువారం సైతం కొనసాగనుంది. గురువారం నుంచి గ్రామాల్లో సరఫరా చేసిన బియ్యాన్ని పంపిణీ చేయనున్నారు. అయితే చౌక ధరల దుకాణాల వద్ద ఇబ్బంది రాకుండా, జనాలు ఎగబడకుండా చర్యలు తీసుకోనున్నారు. గ్రామాల్లో, మున్సిపాలిటీల్లో వార్డుల వారీగా టోకెన్లు జారీ చేసి రేషన్ సరఫరా చేయనున్నారు. టోకెన్లో పేర్కొన్న తేదీనే లబ్ధిదారులు రేషన్ తీసుకోవాల్సి ఉంటుంది. ఈ బాధ్యతను గ్రామాల కార్యదర్శులు, మున్సిపల్ శాఖ అధికారులు తీసుకోనున్నారు. ఇక రాష్ట్రంలోని 87.59 లక్షల రేషన్ కుటుంబాల వారికి నిత్యావసర సరుకుల కొనుగోళ్లకై రూ.1,500 లబ్ధిదారుల ఖాతాల్లోనే వేయనున్నారు. దీనికి సంబంధించి లబ్ధిదారుల గుర్తింపు ప్రక్రియను ఇప్పటికే పౌర సరఫరాల శాఖ ఆరంభించింది. నా లుగైదు రోజుల్లో ఈ ప్రక్రియ పూర్తికానుంది. ఆధార్ అధికారులతో సమన్వయం చేసుకుం టూ బ్యాంకు ఖాతాల్లో డబ్బు జమ చేయనున్నారు. ఈ–కుబేర్ యాప్ను వాడనున్నారు. -
అమరావతిలో పరిటాల బంధువుల పాగా
సాక్షి, కనగానపల్లి: రాజధాని ప్రాంతంగా గుర్తించిన అమరావతి సీఆర్డీఏ పరిధిలోని భూముల కొనుగోలుపై సీఐడీ కన్నేసింది. రూ.కోట్ల విలువైన భూములను తెల్లరేషన్కార్డు కలిగిన వారు కొనుగోలు చేసినట్లు తెలుసుకున్న అధికారులు తీగ లాగుతున్నారు. కనగానపల్లికి చెందిన నిర్మలాదేవి, బద్దలాపురం గ్రామానికి చెందిన జయరాంచౌదరిలు అమరావతి పరిధిలోని తాడికొండ వద్ద ఒక్కొక్కరు అర ఎకరం చొప్పున భూమి కొనుగోలు చేసినట్లు సీఐడీ అధికారులు గుర్తించారు. ఆర్థిక పరిస్థితి అంతంతమాత్రంగానే ఉన్న వీరు రాజధాని ప్రాంతంలో భూములు కొనే పరిస్థితి లేదని, ఈ ప్రాంతంలోని ప్రజాప్రతినిధికి బినామీలుగా వీరు ఉన్నట్లు సీఐడీ అధికారులు భావిస్తున్నారు. చదవండి: పరిటాల కుటుంబ దోపిడీకి అడ్డుకట్ట.. ఇద్దరూ తెల్లరేషన్కార్డుదారులే... సీఐడీ సీఐ ఎస్ఎం గౌస్, ఎస్ఐ సుధాకర్ మంగళవారం కనగానపల్లి తహసీల్దార్ కార్యాలయానికి వచ్చి నిర్మలాదేవి, జయరాంచౌదరిల వివరాలను సేకరించారు. నిర్మలాదేవి(రేషన్ కార్డు నంబర్: డబ్ల్యూఏపీ1233001200252) స్థానికంగానే ఉండటంతో ఆమెతో పాటు ఆమె కుటుంబ సభ్యులను కార్యాలయానికి పిలిపించి విచారణ చేశారు. చిల్లర దుకాణం నడుపుకొంటూ జీవిస్తూ రూ.కోట్ల విలువ చేసే భూమి ఎలా కొన్నారు..? అని సీఐడీ అధికారులు వారిని ప్రశ్నించినట్లు తెలుస్తోంది. నిర్మలాదేవి మాత్రం తమ సమీప బంధువులు, వ్యక్తుల సహకారంతో భూమి కొన్నట్లు చెప్పారు. వీరు మాజీ మంత్రి పరిటాల సునీతకు దూరపు బంధువులుగా తెలుస్తోంది. తాడిపత్రి తహసీల్దార్ కార్యాలయంలో విచారణ చేస్తున్న సీఐడీ అధికారులు ఇక బద్దలాపురం గ్రామానికి చెందిన జయరాం చౌదరి(రేషన్ కార్డు నంబర్: ఆర్ఏపీ123300300110) అమరాపురంలోని సొసైటీ బ్యాంకులో సీఈఓగా పనిచేస్తూ అక్కడే నివాసం ఉంటున్నారు. దీంతో సీఐడీ అధికారులు ఆయన్ను నేరుగా విచారించలేకపోయారు. అయితే ఆయన వ్యక్తిగత ఆదాయ వివరాలు, కుటుంబ వివరాలను తహసీల్దార్ కార్యాలయ అధికారుల ద్వారా తెలుసుకున్నారు. జయరాంచౌదరి కూడా పరిటాల కుటుంబంతో ఉన్న సన్నిహిత సంబంధాలతోనే భూమి కొనుగోలు చేశాడా? లేక అతని సమీప బంధువుల్లోని ప్రభుత్వ ఉద్యోగులు బినామీగా భూములు కొన్నాడా? అనే దానిపై సీఐడీ అధికారులు విచారణ చేసినట్లు తెలుస్తోంది. మొత్తంగా అమరావతి ప్రాంతంలోని భూముల కొనుగోలు వ్యవహారంలో బినామీల బాగోతం ఒక్కొక్కటిగా వెలికితీసేందుకు అధికారులు విచారణ వేగవంతం చేశారు. తాడిపత్రిలోనూ విచారణ... తాడిపత్రి రూరల్: సీఐడీ అధికారులు తాడిపత్రి విజయలక్ష్మి థియేటర్ ఎదురుగా ఉన్న శ్రీ చైతన్యపాఠశాల నిర్వాహకుడు కె.చంద్రశేఖర్రెడ్డిని కూడా విచారించారు. 2014లో ఆయన కృష్ణా జిల్లా కంచికచర్ల మండలంలోని ఘని ఆత్మకూరులో కొనుగోలు చేసిన 4 ఎకరాలపై ఆరా తీశారు. ముందుగా తహసీల్దార్ కార్యాలయానికి వెళ్లిన సీఐడీ సీఐ ఎస్సీ గౌస్ తహసీల్దార్ నయాజ్అహ్మద్తో మాట్లాడారు. చంద్రశేఖర్రెడ్డి పేరున ఉన్న తెల్లరేషన్ కార్డుపై ఆరా తీశారు. అనంతరం ఈ నెల 20న కర్నూలులోని తమ కార్యాలయంలో విచారణ నిమిత్తం హాజరు కావాల్సిందిగా చంద్రశేఖర్రెడ్డికి నోటీస్ అందజేశారు. చదవండి: పరిటాల హత్య కేసులో సంచలన విషయాలు -
ఈవేయింగ్ మెషీన్లు ఉన్నా.. లేనట్టే!
సాక్షి, బొబ్బిలి: జిల్లా వ్యాప్తంగా ఉన్న ఏడు లక్షలకు పైగా ఉన్న తెలుపు రంగు రేషన్ కార్డు లబ్ధిదారులకు పంపిణీ చేసే సరుకులను ఈ వెయింగ్లో ఇచ్చి జిల్లాలోని 1428 రేషన్ షాపులకు తరలిస్తున్నామని చెబుతున్నా క్షేత్రస్థాయిలో మాత్రం జరగడం లేదు. అలాగే వాహనాలకు జీపీఎస్ సిస్టమ్ను అమర్చామ ని చెబుతున్నా ఆ విధానం ఎక్కడా అమలు కాలేదు. మొత్తంగా అంతా సాదా సీదాగా పాత పద్ధతిలోనే నడుస్తున్నది. ప్రజాపంపిణీ రవాణాను జీపీఎస్లో పెట్టాక ఇక రూట్ ఆఫీసర్లతో పనేముందని వారిని కూడా తొలగించారు. జిల్లా వ్యాప్తంగా టన్నుల కొద్దీ బియ్యం, పంచదార, కందిపప్పుతో పాటు అంగన్వాడీ కేంద్రాలకివ్వాల్సిన సరుకులను కూడా ఇలానే తరలిస్తున్నారు. ఈవెయింగ్ అన్న ఊసే లేదు. రేషన్ దుకాణాల విధానమే రేషన్ దుకాణాలకు ఇచ్చే సరుకులు తూకం తక్కువ వస్తున్నాయని డీలర్లు పలుమార్లు ఫిర్యాదు చేశారు. వారు కూడా ఈ వేయింగ్ విధానాన్ని కేవలం ఒకే సరకును పెట్టి అన్ని కార్డులకూ దానినే సరుకుగా చూపిస్తున్నారు. పదే పదే డీలర్లు గోదాముల్లో ఈ వెయింగ్ కోరుతున్నారని ప్రవేశ పెట్టినా అమలు మాత్రం జరగడం లేదు. దీంతో రేషన్ షాపుల్లో ఏ విధంగా అమలు చేస్తున్నారో గోదాముల్లోనూ ఇదే పద్ధతిని అమలు చేస్తున్నారు. డమ్మీ ఈ వేయింగ్ చేపట్టినా ఆ విధానం కూడా డీలర్లతోనే చేయించడం విశేషం. ఆ రోజుకు లారీల్లో ఎంత మంది డీలర్లకు సరుకులు వెళితే వారే ఈ వేయింగ్ బిల్లు తీసుకుని సరుకులు పట్టుకుపోతున్నారు. కానరాని వివరాలు ఎంఎల్ఎస్ గోదాముల్లో సరుకుల వివరాలను పట్టికల్లో నమోదు చేయడం లేదు. ఎక్కడి బోర్డులక్కడే ఖాళీగా దర్శనమిస్తున్నాయి. కానీ పట్టించుకునే నాథుడే లేడు. దీనిపై అధికారులు కూడా చూసీ చూడనట్టు వ్యవహరిస్తున్నారు. దీనిపై సాక్షి వారిని ప్రశ్నించగా వారినుంచి మౌనమే సమాధానమవుతోంది. -
తెల్ల రేషన్కార్డుదారులకు ఓ పథకం
సాక్షి, హైదరాబాద్: తెల్లరేషన్కార్డు ఉన్న ప్రతి ఒక్కరికీ వర్తించేలా ఓ కొత్త పథకాన్ని టీఆర్ఎస్ ఎన్నికల మేనిఫెస్టోలో చేర్చబోతున్నామని ఆ పార్టీ మేనిఫెస్టో కమిటీ చైర్మన్ కె.కేశవరావు (కేకే) వెల్లడించారు. ఆలేరు నియోజకవర్గానికి చెందిన పలువురు కాంగ్రెస్, టీడీపీ, బీజేపీ నేతలు కేకే సమక్షంలో తెలంగాణభవన్లో బుధవారం టీఆర్ఎస్లో చేరారు. ఈ సందర్భంగా ఆయన మాట్లాడుతూ..ఒకప్పుడు ఇందిరాగాంధీని అమ్మ అని పిలిచేవారని ఇప్పుడు కేసీఆర్ అందరికీ పెద్దకొడుకయ్యారని చెప్పారు. శిశువు గర్భంలో ఉన్నప్పటి నుంచి మనిషి మరణించేదాకా అందరికీ సంక్షేమ పథకాలను ఆపద్ధర్మ ముఖ్యమంత్రి కేసీఆర్ అమలు చేస్తున్నారన్నారు. పేదల డబ్బు పేదలకే పథకాల రూపంలో చేరాలన్నది సీఎం కేసీఆర్ తపనని, ప్రజల ఆకాంక్షలకు అనుగుణంగా టీఆర్ఎస్ మేనిఫెస్టో ఉంటుందని భరోసా ఇచ్చారు. కొన్ని కారణాలతో జనగామలో చేరిన గుండాల మండలాన్ని తిరిగి యాదాద్రిలో చేరుస్తామని హామీ ఇచ్చారు. ఆలేరు టీఆర్ఎస్ అభ్యర్థి గొంగడి సునీత మాట్లాడుతూ... యాదాద్రి భువనగిరి జిల్లా నుంచి గుండాల మండలాన్ని వేరు చేసి జనగామలో కలపడం బాధగానే ఉందన్నారు. గుండాల మండలాన్ని. -
ఇదేమి పెళ్లి కానుక!
సాక్షి, అమరావతి: ఎస్సీ, ఎస్టీ, బీసీ, మైనార్టీలకు చెందిన పేద కుటుంబాల్లో పుట్టిన ఆడపిల్లల పెళ్లిళ్లు ఆయా కుటుంబాల వారికి భారం కాకుండా ‘చంద్రన్న పెళ్లి కానుక’ పథకం కింద ఆదుకుంటామంటూ ఆర్భాటం చేస్తున్న ప్రభుత్వం.. ఆచరణకు వచ్చేసరికి పలు షరతులు, పరిమితులు విధిస్తూ ఈ పథకాన్ని నీరుగారుస్తోంది. ఇంతకుముందు పెళ్లికుమార్తెకు తెల్లరేషన్ కార్డు ఉంటే పెళ్లికానుక వర్తింపజేసేవారు కాగా.. ఇప్పుడు వధూవరులిద్దరికీ తెల్ల రేషన్కార్డు ఉంటేనే పెళ్లి కానుక వర్తిస్తుందని నిబంధన పెట్టడం ఇందుకు నిదర్శనం. దీంతో వధూవరుల్లో ఏ ఒక్కరికి తెల్ల కార్డు లేకపోయినా కానుక రాదన్నమాట. పెళ్లికానుకను పెళ్లికుమార్తె అకౌంట్కు జమ చేస్తామని చెబుతున్న ప్రభుత్వం.. ఇందుకోసం పెళ్లికి 15 రోజులు ముందుగా ఆన్లైన్ ద్వారా దరఖాస్తు చేసుకోవాలని నిబంధన పెట్టింది. దీన్నిబట్టి పెళ్లయ్యాక పెళ్లికానుక కోసం దరఖాస్తు చేసుకుంటే ఉపయోగం ఉండబోదు. అంతేకాదు.. పది రోజుల్లో పెళ్లి కుదుర్చుకుని లగ్నాలు పెట్టుకున్నా ఉపయోగం ఉండదు. నిబంధనల ప్రకారం 15రోజుల ముందు మాత్రమే పెళ్లి ఏర్పాట్లు పూర్తి కావాలి. దరఖాస్తు చేసుకునే సమయానికి పెళ్లి పత్రిక కూడా రెడీగా ఉండాలి. అప్పుడే ఈ కానుక వర్తిస్తుంది. దీనినిబట్టి పేద కుటుంబాలలోని వారికి ఆడపిల్లల పెళ్లి పట్ల ఈ ప్రభుత్వానికి ఎంత చిత్తశుద్ధి ఉందనేది స్పష్టమవుతోంది. గతంలో ఎలా ఉండేది... గతంలో దుల్హన్ పథకం కింద ముస్లిం మైనార్టీలకు, గిరిపుత్రిక కళ్యాణ పథకం కింద గిరిజనులకు ఆర్థిక సాయం అందేది. వీరి పెళ్లికార్యానికి రూ.50 వేలు చొప్పున ప్రభుత్వం అందించేది. ఆ మేరకు గిరిజన వధువు, ముస్లిం వధువు అకౌంట్కు డబ్బులు జమయ్యేవి. పెళ్లికుమార్తెకు తెల్ల రేషన్కార్డు ఉంటే సరిపోయేది. పైగా పెళ్లికి నెలరోజుల ముందు నుంచి పెళ్లిరోజు వరకు కానీ, పెళ్లయిన రెండు నెలల వరకు ఎప్పుడైనా పెళ్లి కానుకకోసం దరఖాస్తు చేసుకునేందుకు వీలుండేది. ఇప్పుడిది రద్దయ్యింది. మూడు నెలలుగా ‘కానుక’ లేదు ఇదిలా ఉంటే.. పెళ్లి కానుక కోసం దరఖాస్తు చేసుకునేందుకు జ్ఞానభూమి వెబ్సైట్లో లింక్ ఇవ్వగా.. ఇది మూడు నెలలుగా పనిచేయట్లేదు. దీంతో మూడునెలలుగా పెళ్లి కానుకకు దరఖాస్తు చేసుకునే వీల్లేకపోయింది. ఫలితంగా ఐదువేల మంది ముస్లింలు పెళ్లి కానుకకు దరఖాస్తు చేసుకునే అర్హత కోల్పోయారు. ఇక గిరిజనుల్లో దాదాపు పదివేల మంది ఈ అవకాశాన్ని కోల్పోయారు. ఇక ఎస్సీ, బీసీల్లో సుమారు 25వేల మంది ఈ అవకాశాన్ని కోల్పోయినట్లు అధికారులే చెబుతుండడం గమనార్హం. మరోవైపు వెబ్సైట్ లోపాల వల్ల దరఖాస్తు చేసుకున్న వారిలో ఇప్పటికీ సుమారు 25వేల మంది ఎస్సీ, ఎస్టీ, బీసీలకు పెళ్లి కానుక అందలేదని సమాచారం. ఈ విధంగా పేదరికంలో ఉన్న ఆడపిల్లల పెళ్లికోసం ఆదుకునేందుకు ఉద్దేశించిన ఈ పెళ్లి కానుక పథకం ప్రభుత్వం పెట్టిన తిరకాసులతో వారికి ఏమాత్రం అందకుండా పోతోంది. -
పప్పన్నం కొందరికేనా..?
జిల్లాలో ప్రజాపంపిణీ వ్యవస్థ అస్తవ్యస్తంగా మారింది. చౌక దుకాణాల్లో అందజేస్తున్న కందిపప్పును అరకొరగా ఇస్తూ.. ప్రభుత్వం లబ్ధిదారులకు చుక్కలు చూపిస్తోంది. జిల్లాకు దాదాపు 2వేల టన్నుల కంది అవసరం కాగా.. అందులో నాలుగోవంతు మాత్రమే పంపిణీ చేశారు. ఫలితంగా పప్పన్నం కొందరికేనా అనే విమర్శలు వినిపిస్తున్నాయి. చిత్తూరు కలెక్టరేట్: ప్రతి తెల్ల రేషన్కార్డుకు కందిపప్పు అందించి, ఇంటింటా పప్పన్నం తినిపిస్తామని చెప్పిన ప్రభుత్వ పెద్దల మాటలు ప్రకటనలకే పరిమితమయ్యాయి. జూలైకు అందించాల్సిన కందిపప్పు చౌక దుకాణాల్లో కానరాకపోవడమే ఇందుకు నిదర్శనం. జిల్లాలో మొత్తం 2,880 చౌకదుకాణలు ఉన్నాయి. వీటిలో 11,07,810 తెల్ల రేషన్ కార్డులు ఉన్నాయి. ప్రతినెలా ఈ కార్డుదారులకు ప్రభుత్వం ప్రజా పంపిణీ పేరుతో బియ్యం, చక్కెర, రాగులు అందిస్తోంది. వీటితో పాటు జూలై నుంచి ప్రతికార్డుకు 2 కిలోల చొప్పున కందిపప్పు అందిస్తామని ప్రభుత్వం ప్రకటించింది. దీంతో జిల్లావ్యాప్తంగా అన్ని కార్డులకు పంపిణీ చేయాలంటే 2,215 టన్నుల మేరకు కందిపప్పు అవసరం ఉంది. అయితే పౌరసరఫరాల శాఖ అధికారులు కేవలం 502 టన్నుల మేరకు మాత్రమే ఎంఎల్ పాయింట్లకు చేరవేశారు. అక్కడి నుంచి ఎంపిక చేసిన కొన్ని దుకాణాలకు మాత్రమే పంపిణీ చేసి చేతులు దులుపుకున్నారు. వీటిలోనూ అధికశాతం కందిపప్పును చంద్రన్న మాల్స్కే తరలించడం గమనార్హం. దీంతో చౌక దుకాణాలకు వచ్చే కార్డుదారులందరికీ కంది పప్పు అందడం లేదు. ఆదేశాలు తూచ్.. కందిపప్పును సరఫరా చేసుకునేందుకు డీలర్లు కేజీకి రూ. 39.50 చొప్పున చెల్లించాల్సి ఉంది. ఇంత మొత్తంలో డీలర్లు చెల్లించడం కష్టం అని భావించిన ప్రభుత్వం అప్పుగా ఇవ్వాలని ఆదేశాలిచ్చింది. ఆయితే ఆ ఆదేశాలను జిల్లా అధికారులు బేఖాతర్ చేశారు. డీలర్లకు పూర్తిస్థాయిలో కందిపప్పు సరఫరా చేయలేకపోయారు. జిల్లాకు వచ్చిన 502 టన్నుల కందిపప్పు కేవలం 2.50 లక్షల కార్డుదారులకు మాత్రమే సరిపోతుంది. మిగిలిన 8.50 లక్షల కార్డుదారులు రిక్తహస్తాలు తప్పడం లేదు. బకాయిల సాకుగా చూపి.. జిల్లాకు వచ్చిన 502 టన్నుల కందిపప్పును కూడా అధికారులు పూర్తిస్థాయిలో పంపిణీ చేయలేదు. డీలర్లు గతంలో తీసుకున్న నిత్యావసర సరుకులకు చెల్లించాల్సిన మొత్తాలు పెండింగ్లో ఉండడంతో కందిపంపిణీని నిలిపి వేస్తున్నట్లు అధికారులు తెలిపారు. పాత బకాయిలు చెల్లిస్తేనే.. కంది పప్పు అందిస్తామని తేల్చి చెబుతున్నారు. విమర్శల వెల్లువ.. గత ప్రభుత్వ హయాంలో ప్రజాపంపిణీ ద్వారా 12 రకాల నిత్యావసర సరుకులను అందించేవారు. అయితే టీడీపీ ప్రభుత్వం అధికారంలోకి వచ్చాక నిత్యావసర సరుకులకు క్రమేణా కోత విధిస్తూ వచ్చింది. ఆఖరుకు చౌకదుకాణాల ద్వారా కార్డుదారులకు బియ్యం మాత్రమే పంపిణీ చేశారు. దీనిపై ప్రజలు, ప్రతిపక్షాల నుంచి నిరసన వ్యక్తం కావడంతో ప్రభుత్వం అరకిలో చక్కెర, ఆతర్వాత రాగులు పంపిణీ చేస్తూ వస్తోంది. ఇక ఈ నెల నుంచి కందిపప్పు పంపిణీ చేస్తున్నామని ప్రభుత్వం గట్టిగా ప్రచారం చేసింది. అయితే షాపులకు పూర్తిస్థాయిలో పప్పు సరఫరా చేయలేకపోయింది. దీంతో జిల్లా ప్రజల్లో తీవ్ర అసహనం వ్యక్తమవుతోంది. బకాయిలు ఉన్న డీలర్లకు అందించలేదు.. జిల్లాలో ఇప్పటి వరకు 502 టన్నుల మేరకు కందిపప్పును ఎంఎల్ పాయింట్లకు అందించాం. అందులో బకాయిలు ఉన్న డీలర్లను మినహాయించి మిగిలిన వారికి మాత్రమే అందజేశాం. ఎన్ని చౌకదుకాణాలకు ఇవ్వలేదనే పక్కా సమాచారం మా వద్దలేదు.– మంజుభార్గవి,పౌరసరఫరాల శాఖ జిల్లా మేనేజర్ -
ఇచట నిరుద్యోగులు...ఉద్యోగులుగా..
సాక్షి, నంద్యాల(ఎడ్యుకేషన్) : ఇనుప కండలు, ఉక్కు నరాలు కలిగిన పది మంది యువకులు చాలు నాకు. దేశాన్ని పునర్నిర్మించటానికి, అభివృద్ధి పథం వైపు తీసుకెళ్లటానికి. తన మాటలతో యువతను ఉత్తేజ పరిచారు స్వామి వివేకానంద. కొంత మంది యువకులు వారిని ఆదర్శంగా తీసుకొని తమ సేవా కార్యక్రమాలను కొనసాగిస్తున్నారు. వివిధ పోటీపరీక్షల కోసం యువకులకు ఉచితంగా శిక్షణనిస్తున్నారు. స్వచ్ఛంద సంస్థ నిర్వాహకులు కూడా తోడు కావడంతో వివేకానందుల వారి ఆలోచనలకు ప్రాణం పోశారు. కేవలం ఒక్క రూపాయి మాత్రమే తీసుకొని వివిధ రకాల పోటీ పరీక్షలకు ఉచిత శిక్షణ అందిస్తుంది. ఆ శిక్షణలో రాటుదేలిన పలువురు నేడు అత్యున్నత స్థాయిలో పదవులను అలంకరించారు. నంద్యాలలోని నాగకృష్ణమ్మ ఎడ్యుకేషనల్ సొసైటీ వారి ఆద్వర్యంలో ఏపీపిఎస్సీ నిర్వహించే గ్రూప్-2, గ్రూప్-3, గ్రూప్-4, వీఆర్ఓ ఉద్యోగాలకు నాలుగు నెలల పాటు ఉచిత శిక్షణ తరగతులు నిర్వహించబడును. కేవలం 100 మంది విద్యార్థులకు మాత్రమే ఈ అవకాశం కల్పించబడునని స్వచ్ఛంద సంస్థ నిర్వాహకులు తెలిపారు. అలాగే రైల్వే బోర్డ్ నిర్వహించే గ్రూప్-సి, గ్రూప్-డి, రైల్వే పోలీసు ఉద్యోగాలకు జూలై 16న తరగతులు ప్రారంభం. ఉపాధ్యాయ పరీక్షల కోసం డీఎస్సీ తరగతులను జూలై 18న తరగతులు ప్రారంభిస్తామని, ఈ అవకాశాన్ని ప్రతి పేద విద్యార్థి సద్వినియోగం చేసుకోవాలని సంస్థ నిర్వాహకులు గిరీష్ బాబు తెలిపారు. అభ్యర్థులకు తెల్లరేషన్ కార్డు కలిగి ఉంటే వారికి నెలకు 1000 స్టయిఫండ్(శిక్షణ భృతి) కల్పించబడును. అలాగే గ్రామీణ ప్రాంత విద్యార్థులకు వసతితో పాటు బోజన సౌకర్యం కల్పించబడునని తెలిపారు. తరగతులు ఉదయం 9 గం. నుంచి సాయంత్రం 6గం. వరకు నిర్వహించబడును. శిక్షణా కాలంలో ఉచిత స్టడీ మెటీరియల్ అందించబడునని సంస్థ ప్రధాన కార్యదర్శి తెలిపారు. అప్లికేషన్లు లభించు స్థలం..శ్రీ క్రిష్ణమ్మ స్టడీ సర్కిల్, నంద్యాల. మరింత సమాచారం కోసం 99850 41168 నెంబర్ను సంప్రదించగలరు. -
వారే ఒక సైన్యం
సాక్షి, నంద్యాల(ఎడ్యుకేషన్) : ఇనుప కండలు, ఉక్కు నరాలు కలిగిన పది మంది యువకులు చాలు నాకు. దేశాన్ని పునర్నిర్మించటానికి, అభివృద్ధి పథం వైపు తీసుకెళ్లటానికి. తన మాటలతో యువతను ఉత్తేజ పరిచారు స్వామి వివేకానంద. కొంత మంది యువకులు వారిని ఆదర్శంగా తీసుకొని తమ సేవా కార్యక్రమాలను కొనసాగిస్తున్నారు. వివిధ పోటీపరీక్షల కోసం యువకులకు ఉచితంగా శిక్షణనిస్తున్నారు. స్వచ్ఛంద సంస్థ నిర్వాహకులు కూడా తోడు కావడంతో వివేకానందుల వారి ఆలోచనలకు ప్రాణం పోశారు. కేవలం ఒక్క రూపాయి మాత్రమే తీసుకొని వివిధ రకాల పోటీ పరీక్షలకు ఉచిత శిక్షణ అందిస్తుంది. ఆ శిక్షణలో రాటుదేలిన పలువురు నేడు అత్యున్నత స్థాయిలో పదవులను అలంకరించారు. నంద్యాలలోని నాగకృష్ణమ్మ ఎడ్యుకేషనల్ సొసైటీ వారి ఆద్వర్యంలో ఏపీపిఎస్సీ నిర్వహించే గ్రూప్-2, గ్రూప్-3, గ్రూప్-4, వీఆర్ఓ ఉద్యోగాలకు నాలుగు నెలల పాటు ఉచిత శిక్షణ తరగతులు నిర్వహించబడును. కేవలం 100 మంది విద్యార్థులకు మాత్రమే ఈ అవకాశం కల్పించబడునని స్వచ్ఛంద సంస్థ నిర్వాహకులు తెలిపారు. అలాగే రైల్వే బోర్డ్ నిర్వహించే గ్రూప్-సి, గ్రూప్-డి, రైల్వే పోలీసు ఉద్యోగాలకు జూలై 16న తరగతులు ప్రారంభం. ఉపాధ్యాయ పరీక్షల కోసం డీఎస్సీ తరగతులను జూలై 18న తరగతులు ప్రారంభిస్తామని, ఈ అవకాశాన్ని ప్రతి పేద విద్యార్థి సద్వినియోగం చేసుకోవాలని సంస్థ నిర్వాహకులు గిరీష్ బాబు తెలిపారు. అభ్యర్థులకు తెల్లరేషన్ కార్డు కలిగి ఉంటే వారికి నెలకు 1000 స్టయిఫండ్(శిక్షణ భృతి) కల్పించబడును. అలాగే గ్రామీణ ప్రాంత విద్యార్థులకు వసతితో పాటు బోజన సౌకర్యం కల్పించబడునని తెలిపారు. తరగతులు ఉదయం 9 గం. నుంచి సాయంత్రం 6గం. వరకు నిర్వహించబడును. శిక్షణా కాలంలో ఉచిత స్టడీ మెటీరియల్ అందించబడునని సంస్థ ప్రధాన కార్యదర్శి తెలిపారు. అప్లికేషన్లు లభించు స్థలం..శ్రీ క్రిష్ణమ్మ స్టడీ సర్కిల్, నంద్యాల. మరింత సమాచారం కోసం 99850 41168 నెంబర్ను సంప్రదించగలరు. -
ఉచిత వైద్యం..ఇలా పొందుదాం!
తెల్ల రేషన్ కార్డు, ఎంప్లాయిమెంట్ హెల్త్ స్కీం (ఈహెచ్ఎస్), వర్కింగ్ జర్నలిస్ట్ హెల్త్ కార్డులు కలిగినవారు జిల్లా వ్యాప్తంగా ఉన్న ప్రధానమైన ప్రభుత్వ, ప్రముఖ కార్పొరేట్ హస్పిటల్స్లలో ఉచితంగావైద్య సేవలు పొందవచ్చు.అందుకు తగిన సమాచారం తెలియక చాలా మంది ఇబ్బందులు పడుతున్నారు. ఏ హాస్పిటల్లో ఏ వైద్యం లభిస్తుందో తెలియక అయోమయానికి గురి అవుతున్నారు. అనుకోకుండా సంభవించే ఆపదలు,అనారోగ్య సమయాల్లో ఈ ఉచిత వైద్య సేవలు ఎంతగానో ఉపయోగపడుతాయి. మనిషి ప్రాణాలను కాపాడుతాయి. అందుకు ‘సాక్షి’ అందిస్తున్న సమాచారు. కడప రూరల్: మనిషి అనారోగ్యం పాలైతే వైద్య సేవలకు అధిక ఖర్చులు చేయాల్సి వస్తోంది.. ఇలాంటి తరుణంలో నిరుపేదలకు వర్తించే నాటి రాజీవ్ ఆరోగ్య శ్రీ. నేటి డాక్టర్ ఎన్టీఆర్ వైద్య సేవ, ప్రభుత్వ ఉద్యోగులకు ఈహెచ్ఎస్, వర్కింగ్ జర్నలిస్ట్లకు హెల్త్ కార్డులు ఎంతగానో ఉపయోగపడుతాయి. కాగా తెల్ల రేషన్ కార్డు కలిగిన వారికి వర్తించే ఎన్టీఆర్ వైద్య సేవలో 1044 వ్యాధులు, ఈహెచ్ఎస్, వర్కింగ్ జర్నలిస్ట్ హెల్త్ కార్డులు కలిగిన వారికి 1885 రకాల జబ్బులకు ఉచితంగా వైద్య సేవలను పొందవచ్చు. ఏ కార్డు లేని వారికి ‘ఆరోగ్య రక్ష’ దిక్కు... మొన్నటి వరకు తెల్లరేషన్ కార్డు ఉంటేనే ఎన్టీఆర్ వైద్య సేవలు వర్తించేవి.కార్డు లేకపోతే సీఎం పేషీకి వెళ్లి ప్రత్యేకంగా అనుమతి తీసుకొని రావాల్సిన పరిస్ధితి ఏర్పడేది. ఇదంతా వ్యయ ప్రయాసాలతో కూడింది. తాజాగా ఆ విధానానికి ప్రభుత్వం స్వస్తి పలికింది. ఇప్పుడు ఏ వర్గమైనా సరే.. ఏ కార్డు లేనివారు ‘ఆరోగ్య రక్ష’ పథకంలో చేరాలి.ఇందులో చేరాలంటే ఒక వ్యక్తి ఏడాదికి రూ. 1244 లను మీ సేవా కేంద్రాలు లేదా కడప పాత కలెక్టరేట్లోని డాక్టర్ ఎన్టీఆర్ వైద్య సేవా జిల్లా కార్యాలయంలో చెల్లించాలి. ఇందులో చే రిన వారికి ఎన్టీఆర్ వైద్య సేవ తరహలోనే 1044 రకాల వ్యాధులకు సంబంధించి జిల్లా వ్యాప్తంగా ఉన్న 22 హాస్పిటల్స్లలో ఉచితంగా వైద్య సేవలను పొందవచ్చు. ఆపరేషన్ లేని వ్యాధులకు కూడా వైద్యం... పెరాల్సిస్ తదితర ఆపరేషన్తో సంబంధంలేని వ్యాధులకు కూడా ఉచితంగా వైద్య సేవలను పొందవచ్చు. రాష్ట్రంలోని ఇతర ప్రాంతాల్లో కూడా వైద్య సేవలను పొందవచ్చు. ఇందుకు సంబంధించిన పూర్తి వివరాలను డాక్టర్ ఎన్టీఆర్ వైద్య సేవ వెబ్సైట్, ఆయా హాస్పిటల్స్లోని ఆరోగ్య మిత్ర లేదా కడప పాత కలెక్టరేట్లో గల డాక్టర్ ఎన్టీఆర్ వైద్య సేవ జిల్లా కో ఆర్డినేటర్ కార్యాలయంలో తెలుసుకోవచ్చు. వైద్య సేవలను సద్వినియోగం చేసుకోవాలి... ఉచిత వైద్య సేవలకు సంబంధించి ఆయా హాస్పిటల్స్లో ఉన్న ఆరోగ్య మిత్రలను లేదా కడప పాత కలెక్టరేట్లోని ఎన్టీఆర్ వైద్యసేవ జిల్లా కో ఆర్డినేటర్ కార్యాలయాన్ని సంప్రదింవచ్చు. అలాగే ఏ కార్డు లేనివారు ‘ఆరోగ్య రక్ష’ పథకంలో చేరి లబ్దిపొందాలి. ఉచిత వైద్య సేవలను ప్రజలు సద్వినియోగం చేసుకోవాలి– డాక్టర్ శివనారాయణ,జిల్లా కో ఆర్డినేటర్, ఎన్టీఆర్ వైద్య సేవ -
ఏమాయ చేశారో..!
అనంతపురంలోని మూడో డివిజన్ పరిధిలో భాస్కర్రెడ్డి అనే వ్యక్తికి భార్య, ఇద్దరు పిల్లలు ఉన్నారు. తెల్లరేషన్ కార్డు కోసం దరఖాస్తు చేసుకోగా ఇటీవల రెండు కార్డులు మంజూరయ్యాయి. అతను, అతని భార్యకు కలిపి ఒక కార్డు ఇచ్చారు. ఇద్దరు పిల్లలకు మాత్రమే మరో కార్డు జారీ చేశారు. రెండింటిలోనూ కుటుంబ పెద్ద భాస్కర్రెడ్డిని చూపించారు. ఉంటున్నది 3వ డివిజన్ అయితే 16వ డివిజన్ కమలానగర్లోని 51 నెంబరు రేషన్ షాపును నమోదు చేశారు. ఒక్క భాస్కర్రెడ్డి విషయంలో మాత్రమే జరిగిన తప్పదం కాదు.. జిల్లాలోని వేల సంఖ్యలోని కార్డుల్లో ఇలాంటి తప్పిదాలు చోటు చేసుకున్నాయి. అనంతపురం అర్బన్ : నాల్గో విడత జన్మభూమి సందర్భంగా దారిద్య్రరేఖకు దిగువన ఉన్న పేదలకు జారీ చేసిన తెల్లకార్డుల్లో వివరాలు ఇష్టానుసారంగా నమోదయ్యాయి. కంప్యూటర్ ఆపరేటర్ల నిర్వాకంతో తప్పిదాలు చోటు చేసుకున్నాయి. ఒక కుటుంబాన్ని రెండుగా విభజించి వేర్వేరుగా రెండు కార్డులు జారీ అయ్యాయి. కొన్ని కార్డుల్లో కుటుంబ యజమానిని మాత్రమే చూపిస్తూ, మిగతా కుటుంబ సభ్యుల ఫొటోలను, పేర్లను చేర్చలేదు. కొన్ని కార్డుల్లో పేర్లు చేర్చారు తప్ప సభ్యుల ఫొటోలు ముద్రించలేదు. వేలాది కార్డుల్లో ఇలాంటి తప్పిదాలు దొర్లాయి. 99,954 కార్డుల మంజూరు జన్మభూమి కార్యక్రమం సందర్భంగా జిల్లాకు 99,954 కార్డులను ప్రభుత్వం మంజూరు చేయగా జన్మభూమి గ్రామ సభల్లో 72,531 కార్డులను లబ్ధిదారులకు జారీ చేశారు. మిగతా కార్డులను తహసీల్దారు కార్యాలయాలకు లబ్ధిదారులు స్వయంగా వెళ్లి తీసుకున్నారు. జారీ అయిన కార్డుల్లో వివరాలు తప్పుగా నమోదయ్యాయి. దీంతో లబ్ధిదారులు చేర్పులు, మార్పుల కోసం తహసీల్దారు కార్యాలయాలకు పరుగులు పెడుతున్నారు. కంప్యూటర్ ఆపరేటర్ల నిర్వాకం కార్డుల్లో లబ్ధిదారుని వివరాల నమోదు విషయంలో కంప్యూటర్ ఆపరేటర్ల నిర్వాకం కనిపిస్తోంది. కార్డుకోసం దరఖాస్తు చేసుకునే సమయంలో తమ కుటుంబం గ్రూప్ ఫొటోను జతచేసి ఇచ్చారు. దీన్ని స్కాన్ చేసి కార్డులో పొందుపర్చకుండా ఇష్టానుసారంగా వివరాలు, ఫొటోలను నమోదు చేశారు. చాలా కార్డుల్లో కేవలం కుటుంబ యజమాని ఫొటో ఒక్కటే ముద్రించారు. కుటుంబ సభ్యల ఫొటోలు లేవు. కొన్ని కార్డుల్లో కుటుంబ సభ్యుల ఫొటోలు, పేర్లు కూడా నమోదు చేయలేదు. మరికొన్ని కార్డుల్లో ఆధార్లోని ఫొటోలను రేషన్ కార్డుల్లో ఉంచారు. ఇవి ఒక రకం తప్పదాలైతే...లబ్ధిదారుల నివాస ప్రాంతానికి సంబంధం లేని డివిజన్లలోని రేషన్ దుకాణం కేటాయించారు. చంద్రబాబు కొట్టాల్లో నివాసముంటున్న ఒకరికి పాపంపేట పంచాయతీలోని చౌక దుకాణం కేటాయించారు. తమకు కేటాయించిన చౌక దుకాణం ఎక్కడ వస్తుందో అంతుపట్టక లబ్ధిదారులు కాలనీలు పట్టుకుని తిరగాల్సి వస్తోంది. ఇలాంటి తప్పిదాలు కేవలం కంప్యూటర్ ఆపరేటర్ల నిర్లక్ష్యంగా కారణంగానే చోటు చేసుకున్నాయి. కొరవడిన పర్యవేక్షణ కార్డుల్లో లబ్ధిదారులు వివరాలు నమోదు ప్రక్రియ చేపట్టినప్పటి నుంచి అధికారుల పర్యవేక్షణ కొరవడింది. కంప్యూటర్ ఆపరేటర్లు కార్డుల్లో వివరాలో ఏ విధంగా నమోదు చేస్తున్నారు. ఫొటోలను ఎలా ఉంచుతున్నారు. అనేవాటిని అధికారులు కనీసంగా కూడా పట్టించుకోలేదని తెలిసింది. దరఖాస్తులను కంప్యూటర్ ఆపరేటర్లకు అందజేసి వివరాలను నమోదు చేయాలని చెప్పి వదిలేశారు. దీంతో కంప్యూటర్ ఆపరేటర్లు ఇష్టానుసారంగా వివరాలను నమోదు చేశారు. త్వరలో మార్పులు, చేర్పులు రేషన్ కార్డుల్లో చోటు చేసుకున్న తప్పిదాలను సరిచేసేందుకు ఒక నెల రోజుల్లో ప్రభుత్వం నుంచి అనుమతి వస్తుంది. కుటుంబ సభ్యుల చేర్పులు, ఫొటో అప్లోడ్ ప్రక్రియను మీ సేవ ద్వారా చేస్తారు. చేర్పులకు, మార్పులకు ప్రభుత్వం అనుమతించిన వెంటనే ప్రకటిస్తాం. అప్పుడు లబ్ధిదారులు మీ సేవలో దరఖాస్తు చేసుకోవాల్సి ఉంటుంది. – శివశంకర్రెడ్డి, ఇన్చార్జ్ డీఎస్ఓ -
‘ఆరోగ్యశ్రీ’లో మళ్లీ కోత
సాక్షి, అమరావతి: తెల్ల రేషన్ కార్డు కలిగిన పేదలకు ఉచితంగా వైద్య సదుపాయం అందించే ఆరోగ్యశ్రీ పథకానికి రోజు రోజుకూ గడ్డుకాలం ఎదురవుతోంది. ఇప్పటికే సుమారు 10 లక్షల పైన కార్డులను ఆన్లైన్ జాబితా నుంచి తొలగించిన ప్రభుత్వం తాజాగా మరో లక్షన్నర కార్డులకు కోత వేసినట్టు ఆరోగ్యశ్రీ ట్రస్ట్ (ఎన్టీఆర్ వైద్య సేవా ట్రస్ట్) అధికార వర్గాలు తెలిపాయి. దీంతో పేద బాధితులు లబోదిబోమంటున్నారు. వైద్యం కోసం ఆస్పత్రులకు వెళ్లిన రోగుల కార్డులను ఆరోగ్య మిత్రలు ఆన్లైన్లో పరిశీలించి.. మీ కార్డులు జాబితాలో లేవని చెబుతున్నారు. దీంతో ఇక చేసేదేమి లేక బాధితులు డబ్బులు చెల్లించి ప్రైవేట్ ఆస్పత్రులకు వెళ్లక తప్పని దుస్థితి. రకరకాల జబ్బులతో ప్రైవేట్, ప్రభుత్వ ఆస్పత్రులకు వస్తున్న వీరి గోడు సర్కారు చెవి కెక్కడం లేదు. 3 నెలలు రేషన్ తీసుకోలేదని... ఆరోగ్యశ్రీని భారమైన పథకంగా భావిస్తున్న సర్కారు ఏదోవిధంగా కోత పెట్టి తగ్గించుకోవాలని చూస్తున్నట్టు బాధితులు వాపోతున్నారు. ఇందులో భాగంగానే రేషన్కూ ఆరోగ్యశ్రీకి లింకు పెట్టారు. మూడు మాసాలు వరుసగా రేషన్షాపులో రేషన్ తీసుకోకపోతే అలాంటి వారిని ఆరోగ్యశ్రీ జాబితా నుంచి తొలగిస్తున్నారు. ఈ విషయం ఆరోగ్యశ్రీ కార్డుదారులకు ఏమాత్రం తెలియకుండానే జరుగుతోంది. ఆరోగ్యశ్రీ కార్డు నంబర్ను ఆన్లైన్లో తొలగిస్తే చాలు ఏ ఆస్పత్రికి వెళ్లినా ఆ కార్డు పని చేయదు. ఆ విషయం తెలియని పలువురు వ్యయ ప్రయాసలకు ఓర్చి ఆస్పత్రులకు రావడం, కార్డు పని చేయదని తెలుసుకుని వెనుదిరగడం పరిపాటిగా మారింది. గడిచిన ఏడు మాసాల్లో కోత విధించిన కార్డుల సంఖ్య పదకొండున్నర లక్షలకు చేరినట్టు తేలింది. ప్రతి 3 మాసాలకు పౌర సరఫరాల శాఖ రేషన్ తీసుకోని కుటుంబాల వివరాలను ఆరోగ్యశ్రీ ట్రస్ట్కు ఇవ్వడం, ఆరోగ్యశ్రీ ట్రస్ట్ ఆ కుటుంబాలను జాబితా నుంచి తొలగించడం జరుగుతోంది. ఆది నుంచి చిన్నచూపే చంద్రబాబు ప్రభుత్వం అధికారంలోకి వచ్చినప్పటి నుంచి ఈ పథనాన్ని ఎలాగైనా వదిలించుకోవడానికే మొగ్గు చూపుతోంది. ఏదో ఒక సాకుతో లబ్ధిదారుల సంఖ్యను తగ్గించడమే ధ్యేయంగా పెట్టుకుంది. ఒక్కోసారి ఒక అంశానికి లింకు పెడుతూ లక్షలాది కుటుంబాలను తప్పించడం దారుణం అని వైద్య వర్గాలు ఆవేదన వ్యక్తం చేస్తున్నాయి. భవిష్యత్లో ఆధార్ లేదనో, పింఛన్ తీసుకోలేదనో లింకులు పెడుతూ మరిన్ని కుటుంబాలను ఈ పథకానికి దూరం చేయడం ఖాయమని ఓ అధికారి ‘సాక్షి’తో వ్యాఖ్యానించారు. ఎలాగైనా సరే ఈ పథకాన్ని ఎత్తివేయడమే ధ్యేయంగా ప్రభుత్వం చర్యలు ఉంటున్నాయన్నారు. ఆరోగ్యశ్రీలో ఇక్కట్లు ఇవీ.. - మూడు మాసాలు రేషన్ సరుకులు తీసుకోకపోతే ఆరోగ్యశ్రీ జాబితా నుంచి తొలగింపు - రాష్ట్రంలో పలు జబ్బులకు వైద్యం అందకపోయినా హైదరాబాద్లో వైద్యం పొందేందుకు నిరాకరణ - కొత్తగా ఇచ్చిన లక్షలాది తెల్లరేషన్ కార్డులకు ఇప్పటికీ మంజూరు కాని ఆరోగ్యశ్రీ కార్డులు - 133 జబ్బులకు ప్రభుత్వ ఆస్పత్రుల్లోనే వైద్యం.. ఇప్పటికీ సరిగా అందని వైనం - రోగులు ఆస్పత్రులకు వచ్చి వెళ్లడానికి ఇస్తున్న రవాణా చార్జీల నిలిపివేత - జబ్బు నిర్ధరణ పరీక్షలు చేయించుకుని వస్తేగానీ ఆరోగ్యశ్రీలో చేర్చుకోవడం లేదు - జబ్బు నిర్ధారణకే వేలాది రూపాయలు ఖర్చు చేయలేక పేదలు సతమతం - సకాలంలో నిధులు చెల్లించకపోవడంతో ప్రైవేటు ఆస్పత్రుల్లో వైద్య సేవల్లో జాప్యం - ప్రభుత్వాసుపత్రుల్లో తగినంత మంది వైద్యులు లేక సత్వరం అందని సేవలు వలస కుటుంబాలకు తీరని నష్టం ఆరోగ్యశ్రీ కార్డుల కోతతో 90 శాతం మంది వలస జీవులకే నష్టం జరుగుతోంది. బతుకుదెరువు కోసం వివిధ ప్రాంతాలకు వెళుతున్న వలస కూలీలు నాలుగైదు మాసాలు సొంత ఊరికి వెళ్లలేని పరిస్థితి. ఈ నేపథ్యంలో రేషన్ సరుకులు తీసుకోలేరు. ఈ కారణంగా ఆరోగ్యశ్రీ కార్డులు కోల్పోతున్నారు. తాజాగా తూర్పుగోదావరి జిల్లా కిర్లంపూడికి చెందిన కుమారి అనే మహిళ కుటుంబం ఆరు మాసాలుగా విజయవాడలో ఉంటోంది. భర్త సెక్యూరిటీ గార్డుగా పని చేస్తుండగా, కుమారి అపార్టుమెంట్లో పని మనిషిగా ఉంటోంది. ఒక రోజు తీవ్ర కడుపునొప్పితో బాధ పడుతున్న తన భర్తను విజయవాడలోని ప్రభుత్వాసుపత్రికి తీసుకొచ్చిం ది. ఆరోగ్యశ్రీ కార్డును పరిశీలించి జాబితా నుంచి తొలగించారని అక్కడి సిబ్బంది చెప్పారు. దీంతో భర్తను ప్రైవేట్ అస్పత్రిలో చేర్పించి.. డబ్బులు అప్పు తెచ్చుకుని వైద్యం చేయించింది. ఇలాంటి కుటుంబాలు లక్షల్లో ఉండటం కలచి వేస్తున్న అంశం. హైదరాబాద్లోని ఆసుపత్రుల్లో ఆరోగ్యశ్రీ కార్డుదారులకు వైద్యం అందడంలేదు. ప్రభుత్వం ఆ అవకాశాన్ని లేకుండా చేసింది. పరిమితంగా కొన్ని వర్గాలను మాత్రమే అనుమతించింది. సర్కారు తీరు చూస్తుంటే.. స్థానికంగా బతికేందుకు పనులున్నా లేకపోయినా అర్ధాకలితో అలమటించాలన్నట్లు ఉందనే విమర్శలు వెల్లువెత్తుతున్నాయి. పొట్ట చేత పట్టుకుని నగరాలకు వలస వెళ్తే అరోగ్య శ్రీ కార్డును తొలగిస్తారనే భయంతో ఇకపై చాలా మంది పేదలు ఉన్న ఊళ్లోనే బతుకీడ్చాల్సిన దుస్థితి దాపురించింది. -
తెల్లకార్డే ఆదాయ ధ్రువీకరణ పత్రం
►ఇక అన్నింటికీ ఆధారం అదే ►ఆదాయ ధ్రువీకరణ పత్రంతో పనిలేదు ►విద్యార్థులు, రైతులకు తప్పిన ఇబ్బందులు ►ఉత్తర్వులు జారీ చేసిన ప్రభుత్వం కోవూరు: సంక్షేమ పథకాలకు సంబంధించి రైతులకు, విద్యార్థులకు ఇక నుంచి ఆదాయ ధ్రువీకరణ పత్రం అవసరం లేదు. ఇందుకు సంబంధించి ప్రభుత్వం జీఓ 229 జారీ చేరసింది. లబ్ధిదారులు దారిద్య్ర రేఖకు దిగువన ఉన్నవారు అని చెప్పడానికి తెల్లరేషన్ కార్డే ఆధారమని ప్రభుత్వం పేర్కొంది. ప్రస్తుతం పాఠశాలలు, కళాశాలల్లో చేరే విద్యార్థులు ఉపకార వేతనాలు, ఫీజు రీయింబర్స్మెంట్, బీసీ, ఎస్సీ, ఎస్టీ మైనార్టీ కార్పొరేషన్ రుణాలు, ఇతర ప్రభుత్వ పథకాలకు దరఖాస్తు చేసుకుంటే.. వారి నుంచి తెల్లరేషన్ కార్డును ఆధారంగా తీసుకోవాలని ఆదేశాల్చింది. తహసీల్దారు లేదా డిప్యూటీ తహసీల్దారు జారీ చేసే ఆదాయ ధ్రువీకరణ పత్రం కూడా నాలుగేళ్ల పాటు చెల్లుబాటు అవుతుంది. బీపీఎల్కు దిగువన ఉన్నవారు తెల్లరేషన్ కార్డు కలిగి ఉంటే వారికి ఆ కార్డే ఆదాయ ధ్రువీకరణ పత్రం అవుతుంది. ఒకవేళ తెల్లరేషన్ కార్డు లేకపోతే అలాంటి వారికి ఆదాయ ధ్రువీకరణ పత్రం మంజూరు చేస్తారు. స్కాలర్షిప్ లేదా ఇతర అవసరాలకు సంబంధించి బీపీఎల్ పరిమితికి మించి ఉంటే ధ్రువీకరణ పత్రం అడగవచ్చు. ఉద్యోగాలకు సంబం«ధించిన విషయాల్లో ప్రభుత్వ, ప్రైవేటు సంబంధించిన వారు ఆదాయ ధ్రువీకరణ పత్రం అడగరాదు. రైతులకు రుణాల పొడిగింపు విషయంలో బ్యాంకులు ఆదాయ ధ్రువీకరణ పత్రం అడగరాదు. ఏ శాఖకు చెందిన అధికారులైనా ఆదాయ ధ్రువీకరణ పత్రం పరిశీలన జరిగిన తరువాత ఒరిజనల్ వారి వద్ద ఉంచుకోకుండా తిరిగి ఇచ్చేయాలి. -
తెల్లకార్డు.. తీసింది ప్రాణం!
► మృత్యువుతో పోరాడి ఓడిన మాబుబాషా ► ఆదుకోలేకపోయిన జన్మభూమి రేషన్ కార్డు ► ఆపరేషన్ ఆలస్యం కావడంతో ఇన్ఫెక్షన్ బండిఆత్మకూరు: జన్మభూమిలో పంపిణీ చేసిన తెల్ల రేషన్ కార్డు ప్రాణం నిలుపలేకపోయింది. ఒకప్పుడు ఎంతో మందికి ఊపిరి పోసిన ఈ కార్డు ఇప్పుడు ప్రాణాలతో చెలగాటం ఆడుతోంది. పేగు క్యాన్సర్తో బాధపడుతున్న మాబుబాషా (32) మృత్యువుతో పోరాడి ఓడిపోయాడు. వివరాల్లోకి వెళితే.. చిన్నదేవళాపురం గ్రామానికి చెందిన మాబుబాషా, హుసేన్బీ దంపతులకు ఇద్దరు కుమారులు మస్తాన్, కరీముల్లా, కుమార్తె మోబినా సంతానం. వీరికి ప్రభుత్వం గత జనవరిలో నిర్వహించిన జన్మభూమి కార్యక్రమంలో రేషన్కార్డు(జేఏపీ 133301100064) మంజూరు చేసింది. కూలీ పనులకు వెళ్తే కానీ కుటుంబం గడవని పరిస్థితి. నివాసం ఉంటున్న పూరి గుడిసె గత ఏడాది అగ్ని ప్రమాదంలో దగ్ధమైంది. వారం రోజుల క్రితం కడుపునొప్పి రావడంతో కుటుంబ సభ్యులు నంద్యాల ప్రభుత్వాసుపత్రిలో చేర్పించారు. క్యాన్సర్ లక్షణాలు ఉండటంతో కర్నూలు శివారులోని విశ్వభారతి ఆసుపత్రిలో చేర్పించారు. పేగు క్యాన్సర్ ఉన్నట్లు అక్కడి వైద్యులు నిర్ధారించారు. తెల్లరేషన్ కార్డుతో ఆపరేషన్ చేయించేందుకు అవకాశం ఉండటంతో ఆ నిరుపేద కుటుంబం కాస్త ఊరట చెందింది. అయితే రేషన్ కార్డు ఆన్లైన్తో అనుసంధానం కాకపోవడంతో ఆసుపత్రిలో ఆపరేషన్కు నిరాకరించారు. స్నేహితులు రూ.1.50 లక్షల వరకు సహాయం చేయడంతో ఎట్టకేలకు ఈనెల 18న ఆపరేషన్ పూర్తయింది. అయితే ఆపరేషన్ ఆలస్యం కావడంతో ఇన్ఫెక్షన్ సోకి గురువారం మృతి చెందినట్లు కుటుంబ సభ్యులు తెలిపారు. -
'ఎమ్మెల్యే కనుసన్నల్లో నడుస్తున్న అధికార యంత్రాంగం'
నెల్లూరు : టీడీపీ నేతల అక్రమాలపై విచారణ జరిపించాలని వైఎస్ఆర్ కాంగ్రెస్ పార్టీ నాయకుడు నల్లపురెడ్డి ప్రసన్నకుమార్రెడ్డి డిమాండ్ చేశారు. శుక్రవారం నెల్లూరులో నల్లపురెడ్డి ప్రసన్నకుమార్ రెడ్డి విలేకర్లతో మాట్లాడుతూ... ఎమ్మెల్యే పోలంరెడ్డి శ్రీనివాసులురెడ్డి సోదరుడికి తెల్లరేషన్ కార్డు మంజూరు చేశారని ఆరోపించారు. నియోజకవర్గంలోని అధికార యంత్రాంగమంతా ఎమ్మెల్యే కనుసన్నల్లో నడుస్తోందని విమర్శించారు. ఎమ్మెల్యే అవినీతిపై పోరాటం చేస్తామని నల్లపురెడ్డి ప్రసన్నకుమార్రెడ్డి స్పష్టం చేశారు. -
తెల్లకార్డు లేకపోయినా వైద్య సేవలు
దివంగత వైఎస్ రూపొందించిన ఆరోగ్యశ్రీ పథకాన్ని టీడీపీ ప్రభుత్వం డాక్టర్ ఎన్టీఆర్ వైద్య సేవ పథకంగా పేరు మార్చింది. ఈ పథకం ద్వారా తెల్లరేషన్కార్డుదారులు, ఉద్యోగుల హెల్త్కార్డుల ద్వారా మొత్తం 1,885 జబ్బులకు ఉచితంగా వైద్యం పొందవచ్చు. తెల్లరేషన్ కార్డుదారులకు 1,044 వ్యాధులకు చికిత్సలు అందుబాటులో ఉన్నాయి. ఎన్టీఆర్ వైద్య సేవ కింద వైద్య సేవలను ఇలా పొందవచ్చు. - ఆకివీడు ఎన్టీఆర్ వైద్య సేవ పథకంలో సేవలు ఇలా.. ఎన్టీఆర్ వైద్య సేవ పథకంలో తెల్లరేషన్ కార్డు లేని నిరుపేదలు సేవలు పొందాలంటే ముందుగా మండలంలోని తహసీల్దార్ కార్యాలయం నుంచి ధ్రువపత్రాన్ని పొందాలి. ఈ ధ్రువపత్రాన్ని జిల్లా కలెక్టర్కు పంపుతారు. కలెక్టర్ అనుమతితో ఎన్టీఆర్ వైద్య పథకానికి అనుమతి కార్డు లభిస్తుంది. అప్పుడు వైద్య సేవలు పొందేందుకు వీలు ఉంటుంది. ఏయే జబ్బులకు చికిత్సలంటే.. ఈ పథకం ద్వారా మెదడు, క్యాన్సర్, నరాలు, జనర ల్ సర్జరీ, ఎముకలు, వెన్నుముక, చెవి, ముక్కు, గొంతుక, చిన్న పిల్లల వ్యాధులు, పుట్టుకతో వచ్చే వ్యాధులు తదితర 1,044 రకాల జబ్బులకు ఎన్టీఆర్ వైద్య సేవలో వైద్య సదుపాయం ఉంది. జిల్లాలో 20 ఆసుపత్రుల్లో సేవలు.. ముందుగా దగ్గర్లోని ఆరోగ్య మిత్రలను కలవాలి. అన్ని ప్రధాన ప్రభుత్వాసుపత్రుల్లో ఆరోగ్యమిత్రలు ఉన్నారు. వారు ఆయా జబ్బులకు స్పెషలిస్ట్ వైద్యులున్న ఆసుపత్రులకు రోగుల్ని పంపిస్తారు. అందుబాటులో ఉన్న స్పెషలిస్టులతో ఉచితంగా వైద్యం చేయిస్తారు. రాష్ట్రంలోని అన్ని సూపర్ స్పెషాలిటీస్ ఆసుపత్రులు, ప్రభుత్వాసుపత్రులు, ఇతర స్పెషలిస్టు ఆసుపత్రుల్లో వైద్యం పొందవచ్చు. మన జిల్లాలో 9 ప్రైవేట్, 8 ప్రభుత్వ, 3 డెంటల్ ఆసుపత్రుల్లో ఎన్టీఆర్ వైద్యసేవలు అందుతున్నాయి. రోగులు ఆయా ఆసుపత్రుల్లోని సిబ్బందిని సంప్రదించవచ్చు. ఏమైనా సందేహాలుంటే నేరుగా వైద్యులను సంప్రదించవచ్చు. తెలంగాణలో కూడా వర్తింపు తెలంగాణ రాష్ట్రంలో కూడా డాక్టర్ ఎన్టీఆర్ వైద్య సేవా పథకం కార్డు ద్వారా వైద్య సేవలు పొందవచ్చు. ముఖ్యంగా హైదరాబాద్లో ప్రముఖ ఆసుపత్రులు ఉండడంతో ఈ సౌకర్యాన్ని అక్కడ కూడా వర్తింప చేశారు. ఇతర పట్టణాల్లోని సూపర్ స్పెషల్ ఆసుపత్రుల్లో కూడా వైద్యం పొందవచ్చు. -
రేషన్కు కొత్త మెలిక
ఈ-పోస్ మెషీన్లో వేలిముద్రలు నిక్షిప్తం 40 లక్షల మంది ముందుగా నమోదుచేస్తేనే ఏప్రిల్ సరుకులు అందజేత ఆందోళనలో కార్డుదారులు, డీలర్లు మచిలీపట్నం : జిల్లాలో తెల్లకార్డుపై రేషన్ సరుకులు తీసుకోవాలంటే ప్రభుత్వం కొత్త నిబంధన పెట్టింది. కార్డులో పేర్లున్నవారంతా ఈ నెలలో రేషన్ తీసుకునే డిపో వద్దకు వెళ్లి అక్కడి ఈ-పోస్ మెషీన్లో తమ వేలిముద్రలను నమోదుచేయాలి. వచ్చే నెల నుంచి కుటుంబంలో ఎవరైనా వెళ్లి సరుకు లు తెచ్చుకోవచ్చు. ఈ ప్రక్రియను మంగళవారం ప్రారంభించినట్లు జిల్లా పౌర సరఫరాల శాఖ అధికారి వేమూరి రవికిరణ్ ‘సాక్షి’కి తెలిపారు. గ్రామీణ, పట్టణ ప్రాంతాల్లో ఉన్న రేషన్ షాపుల్లోని ఈ-పోస్ మెషీన్లకు సక్రమంగా సిగ్నల్స్ అందకపోవడం, కొందరి వేలిముద్రలు సరిగా నమోదు కాకపోవడం వంటి ఇబ్బందులు ప్రతినెలా ఎదురవుతున్నాయి. దీంతో కార్డుదారులకు సరుకుల పంపిణీలో ఆలస్యమవుతోంది. ఒక కార్డులో నలుగురు సభ్యుల పేర్లుంటే వారంతా కచ్చితంగా రేషన్ షాపు వద్దకు వెళ్లి తమ వేలిముద్రలను ఈ-పోస్ మెషీన్లో ఇస్తేనే ఏప్రిల్ నెలకు సంబంధించిన సరుకులు అందుతాయని రెవెన్యూ, పౌరసరఫరాల శాఖ అధికారులు చెబుతున్నారు. కార్డులో పేర్లు ఉన్న వారి నుంచి వేలిముద్రలను సేకరించాలని అధికారులు ఇప్పటికే రేషన్ డీలర్లకు ఆదేశాలు జారీ చేశారు. ఎప్పటికి పూర్తయ్యేను! జిల్లాలో తెల్ల కార్డులు 10,62,444, అంత్యోదయ అన్న యోజన (ఏఏవై) కార్డులు 67,359, అన్నపూర్ణ కార్డులు 494.. మొత్తం 11,30,297 కార్డులున్నాయి. 2,160 రేషన్ షాపుల ద్వారా ప్రతినెలా సరుకులు అందజేస్తున్నారు. ఇవికాక గులాబీ కార్డులు 1,63,691 ఉన్నాయి. తెల్ల కార్డులు ఇచ్చే సమయంలో సంబంధిత కార్డులోని సభ్యుల వేలిముద్రలు సేకరించలేదు. ఆధార్ కార్డులు మంజూరు చేసినప్పుడు ఆయా కుటుంబాల్లోని సభ్యుల వేలిముద్రలను సేకరించి రేషన్ కార్డులకు వీటిని అనుసంధానం చేశారు. ఇప్పటివరకు రేషన్ షాపునకు కుటుంబసభ్యుల్లో ఒకరు వెళ్లి వేలిముద్ర వేస్తే సరుకులు ఇస్తున్నారు. ఈ విధానాన్ని ప్రస్తుతం మార్పుచేశారు. తెల్ల కార్డులు 11 లక్షలకు పైగా ఉండగా దాదాపు 40 లక్ష ల మంది ఈ-పోస్ మెషీన్లో వేలిముద్రలు నమోదు చేయించుకోవాల్సి ఉంది. వీరంతా ఎప్పటికి రేషన్ షాపులకు వస్తారు, ఎప్పటికి ఈ ప్రకియ పూర్తవుతుందో అధికారులకే తెలియాల్సిఉంది. వేలిముద్రల సేకరణ ప్రక్రియ పూర్తయిన తర్వాత సరుకులు ఇస్తామనే నిబంధన విధిస్తే పేదలు ఇబ్బందులు పడ తారనే వాదన వినిపిస్తోంది. వృథా అయిన డీడీలు జిల్లాలోని 2,160 రేషన్పాపుల ద్వారా ప్రతినెలా 10, 15 తేదీల్లోగా సరుకులు పంపిణీ చేస్తున్నారు. ఇది పూర్తయ్యాక మరుసటి నెలకు సంబంధించి సరుకుల కోసం డీలర్లు 15లోగా డీడీలు తీయాల్సి ఉంది. పాత పద్ధతిలోనే డీలర్లు ఈ నెలలో డీడీలు తీశారు. అయితే అవి చెల్లుబాటు కావని, పౌరసరఫరాల శాఖ జిల్లా మేనేజరు బ్యాంకు ఖాతాకు నగదును జమ చేయాలని పౌర సరఫరాలశాఖ అధికారులు చెప్పారు. ఈ విషయం ముందుగానే చెబితే తాము జాగ్రత్తపడేవారమని డీలర్లు అంటున్నారు. ఏప్రిల్ నెలకు సంబంధించి సరుకుల కోసం డీడీలు తీసి అధికారులకు అందజేశామని, వాటినలా ఉంచి మళ్లీ సరుకుల కోసం నగదు చెల్లించాలని అధికారులు చెబుతుండడంతో తమపై ఆర్థికభారం పడుతోందని డీలర్లు వాపోతున్నారు. -
ఎన్టీఆర్ కార్డు పంపిణీలో వసూళ్ల దందా!
► కార్డుకు రూ.10 నుంచి రూ.20 వసూలు ► ఆందోళన చెందుతున్న లబ్ధిదారులు డబ్బు కొట్టు.. ఎన్టీఆర్ ఆరోగ్య సేవ కార్డు పట్టు అన్నట్లు రేషన్ డీలర్ల వ్యవహారం తయారైంది. ఇదేంటని ఎవరైనా ప్రశ్నిస్తే ఇందుకు ఇంత ఖర్చయింది.. వీరికి అంత ఇస్తున్నాం.. అంటూ దబాయిస్తున్నారు. దీంతో లబ్ధిదారులు ఆందోళన చెందుతున్నారు. ఈ కార్డులు ఉచితంగా పంపిణీ జరగాల్సిఉండగా ప్రజల నుంచి ముక్కుపిండి నగదు వసూలు చేయడంపై విమర్శలు వినిపిస్తున్నాయి. తెనాలి అర్బన్ : జిల్లా పరిధిలో సుమారు 13,58,883 తెల్ల, అన్నపూర్ణ, అంత్యోదయ రేషన్ కార్డులున్నాయి. వీరందరికీ ఉచితంగా కార్పొరేట్ వైద్యం అందించాలనే ఉద్దేశంతో దివంగత ముఖ్యమంత్రి డాక్టర్ వైఎస్ రాజశేఖరరెడ్డి తన హయాంలో ఆరోగ్యశ్రీ పథకాన్ని ప్రారంభించారు. రాజీవ్ ఆర్యోగశ్రీ కార్డులను ఉచితంగా అందజేశారు. పేదల జీవితాల్లో వెలుగులు నింపారు. అయితే టీడీపీ అధికారంలోకి వచ్చిన తర్వాత రాజీవ్ ఆరోగ్యశ్రీని ఎన్టీఆర్ వైద్య సేవగా పేరు మార్పు చేసింది. అంతటితో ఆగకుండా ఎన్టీఆర్, చంద్రబాబు నాయుడు ఫొటోలతో ఉన్న కొత్త కార్డులను జారీ చేసింది. వాటిని రెవెన్యూ అధికారులు తెల్లకార్డుదారులందరికీ అందజేయాల్సి ఉండగా ఆ బాధ్యతను రేషన్ డీలర్లకు అప్పగించారు. ఇది రేషన్ షాపుల నిర్వాహకులకు వరంగా మారింది. కాసులు కురిపిస్తున్నఆరోగ్యసేవ కార్డుల పంపిణీ.. జిల్లా పరిధిలో ఉన్న రేషన్ డీలర్లు తమ పరిధిలో ఉన్న లబ్ధిదారులకు కార్డులను అందజేసినందుకు గాను రూ.10 నుంచి రూ.20 వరకు వసూలు చేస్తున్నారు. అదేమని అడిగితే కార్డు లామినేషన్ చేయించామని, కార్డులు రెవెన్యూ కార్యాలయం నుంచి తెచ్చామని ఇలా రకరకాల కారణాలు చెప్పి వసూళ్లకు పాల్పడుతున్నారు. ఎవరైనా గట్టిగా నిలదీస్తే కార్డు ఇవ్వకుండా సాకులు చెప్పటం.. రేషన్ ఇవ్వమని బెదిరించటం వంటివి చేసి తిప్పి పంపుతున్నారు. చేసేది లేక లబ్ధిదారులు వారడిగిన నగదును ముట్టజెప్పి కార్డు తీసుకెళుతున్నారు. ఎన్టీఆర్ వైద్య సేవ కార్డు కోసం ఇచ్చే నగదుతో ఒక నెల 5 కేజీల రేషన్ బియ్యం తెచ్చుకోవచ్చని లబ్ధిదారులు ఆవేదన వ్యక్తం చేస్తున్నారు. పట్టించుకోని అధికారులు.. జిల్లా పరిధిలో ఉన్న 13,58,883 కార్డులకు సంబంధించి లబ్ధిదారులు సగటున రూ.10 ఇచ్చినా సుమారు రూ.1.37 కోట్ల నగదు డీలర్లకు అదనంగా వచ్చే ఆదాయంగా చెప్పవచ్చు. ఈ వసూలు నగదులో కొంత మొత్తం కొందరు రెవెన్యూ అధికారులకు ముట్టచెబుతున్నట్లు ఆరోపణ ఉంది. అందువల్లే దీనిపై లబ్ధిదారులు ఫిర్యాదు చేస్తున్నా రెవెన్యూ అధికారులు మాత్రం పట్టీపట్టనట్లు వ్యవహరిస్తున్నారనే విమర్శలు వినిపిస్తున్నాయి. ఇదిఇలా ఉంటే కొద్ది నెలల క్రితం తెల్లరేషన్ కార్డు దారులందరికీ కూపన్ల బదులు ఒక చార్టును ఇచ్చారు. వాటి పంపిణీ సమయంలో కూడా ఒక్కొక్కరి నుంచి రూ.15 వసూలు చేశారని లబ్ధిదారులు ఆరోపిస్తున్నారు. ఇప్పటికైనా రెవెన్యూ అధికారులు స్పందించి ఈ దందాను అరికట్టాలని ప్రజలు కోరుతున్నారు. దీనిపై తెనాలి తహశీల్దార్ జీవీ సుబ్బారెడ్డిని వివరణ కోరగా ఎన్టీఆర్ వైద్య సేవ కార్డును లబ్ధిదారులకు ఉచితంగా అందజేయాల్సి ఉందని తెలిపారు. నగదు వసూలు చేస్తున్నారనే విషయం తన దృష్టికి రాలేదన్నారు. వెంటనే దీనిపై విచారణ జరుపుతానని చెప్పారు. -
తెల్ల రేషన్ కార్డు ఉన్న ప్రతివారీకీ కల్యాణలక్ష్మి
తెల్లరేషన్కార్డు ఉన్న ప్రతి ఒక్కరికీ కళ్యాణలక్ష్మి పథకాన్ని మార్చి 31 నుంచి అందుబాటులోకి తెచ్చేందుకు ప్రభుత్వం అన్ని ఏర్పాట్లు పూర్తి చేసిందని తెలంగాణ రాష్ట్ర దేవాదాయశాఖ మంత్రి అల్లోల ఇంద్రకరణ్రెడ్డి వెల్లడించారు. ఆదివారం నల్లగొండ జిల్లా చింతపల్లి మండల పరిధిలోని పీకేమల్లేపల్లి గ్రామంలో విలేకరుల సమావేశంలో మాట్లాడారు. ప్రభుత్వం పేద, బడుగు, బలహీన వర్గాల అభివృద్ధే ధ్యేయంగా పని చేస్తోందన్నారు. ఆగస్టులో జరగనున్న కృష్ణా పుష్కరాల కోసం ఘాట్ల ఏర్పాటుకు రూ. 8 కోట్లు మంజూరు చేసినట్లు తెలిపారు. హైదరాబాద్ - నాగార్జునసాగర్ రాష్ట్ర రహదారి వెడల్పునకు రూ. 107 కోట్లు మంజూరు చేశామన్నారు. ఈ సమావేశంలో నల్లగొండ జెడ్పీ చైర్మన్ బాలునాయక్ పాల్గొన్నారు. -
మళ్లీ మొదటికి!
విజయనగరం కంటోన్మెంట్: రేషన్ సరుకుల పంపిణీకి నిర్ణీత గడువు విధించినా క్షేత్రస్థాయిలో అమలుకు నోచుకోవడం లేదు. ప్రతి నెలా పదో తేదీనాటికి సరుకుల పంపిణీ పూర్తి చేయాలని జిల్లా స్థాయిలో ఆదేశాలున్నాయి. అయితే సాంకేతిక సమస్యలతో ఇబ్బందులు ఎదురవుతున్నాయి. దీని వల్ల జిల్లాలో రేషన్ సరుకుల పంపిణీ దాదాపు 40 శాతం నిలిచిపోయింది. కొత్త సర్వర్ ఏర్పాటు, మెషీన్ల మరమ్మతులు, నెట్వర్క్ అందుబాటులో లేకపోవడం, ఇంటర్నెట్ పనిచేయకపోవడం తదితర కారణాలతో పంపిణీలో జాప్యం చోటుచేసుకుంటోంది. జిల్లా వ్యాప్తంగా దాదాపు ఏడు లక్షల తెల్ల కార్డులున్నాయి. మొత్తం 1,388 రేషన్ డిపోలకు 15 ఎంఎల్ఎస్ పాయింట్ల ద్వారా రేషన్ సరుకులను ఈవెయింగ్ ద్వారా అందజేస్తున్నారు. అక్కడి నుంచి ఈ-పాస్ మెషీన్ల ద్వారా గ్రామాలు, వార్డుల్లోని రేషన్ షాపుల నుంచి లబ్ధిదారులకు పంపిణీ చేస్తున్నారు. జిల్లాలో ఈ నెల నుంచి ఎన్ఐసీకి సంబంధించిన నెట్వర్క్లో సర్వర్ను అనుసంధానం చేశారు. సరుకుల పంపిణీకి గడువు విధించిన అధికారులు.. అవాంతరాలను ఎలా ఎదుర్కోవాలో స్పష్టంగా చెప్పలేకపోవడంతో ఇబ్బందులు ఎదురవుతున్నాయి. కొత్త సర్వర్కు ఇంకా అలవాటు పడని మెషీన్లతో సమస్యలు ఏర్పడుతున్నాయి. అన్ని రేషన్ షాపుల్లో ఈ నెల 10 నాటికి రేషన్ సరుకులు పంపిణీని పూర్తి చేయాలని జాయింట్ కలెక్టర్ ఆదేశాలు ఇచ్చారు. మరో పక్క ఈ నెల 15తో సర్వర్ను కూడా నిలిపివేసేందుకు సివిల్సప్లయ్ ఉన్నతాధికారులు నిర్ణయించారు. ఈలోగా జిల్లాలో పూర్తిస్థాయిలో రేషన్ సరుకులు వినియోగదారులకు అందే పరిస్థితి లేనట్టుగా కనిపిస్తోంది. ఉన్నతాధికారులతో చర్చించాలిగా.. జిల్లా అధికారులకు లక్ష్యాలిచ్చి వదిలేయడంతో ఈ పరిస్థితి ఎక్కడ వేసిన గొంగళి అక్కడే అన్నట్లు కనపడుతోంది. కలెక్టర్, జేసీ స్థాయిలోని వారే సంబంధిత కమిషన ర్ తదితరులతో మాట్లాడి మెషీన్ల మరమ్మతులు, నెట్వర్క్ సమస్యలను పరిష్కరిస్తే ఇబ్బందులు తొలగే పరిస్థితి ఉంది. లేకుంటే ఎన్నాళ్లయినా ఈ-పాస్తో సమస్యలు తప్పేలా లేవు. శనివారం ఉదయం డీఎస్ఓ నాగేశ్వరరావు, ఏఎస్ఓ శంకరపట్నాయక్ తదితరులు.. పాత, కొత్త ఏజెన్సీల సాంకేతిక సిబ్బందితో సహా ఏయే రేషన్ షాపుల్లో పంపిణీ నిలిచిపోయిందో వారికి అదనపు మెషీన్లు ఇవ్వడం, మరమ్మతులు చేయించడం, లాగిన్ అయ్యాయా లేదానన్న విషయాలపై సమీక్షించారు. కానీ ఈ పరిస్థితిలో పెద్దగా మార్పు లేదు. మళ్లీ సర్వర్ నిలిచిపోయేనాటికి ఇవ్వాల్సిన సరుకులు ఓపెనింగ్ బ్యాలెన్స్లోకి వెళ్లిపోవడం ఖాయం! ఇకనయినా ఉన్నతాధికారులు చొరవ చూపిస్తేనే సమస్యకు శాశ్వత పరిష్కారం కలిగే అవకాశం ఉంది. -
తమ్ముళ్లతో ప‘రేషన్’!
జన్మభూమి కమిటీల చేతుల్లో రేషన్కార్డులు ‘జన్మభూమి-మా ఊరు’లో అరకొర పంపిణీ కొత్తకార్డుల్లోనూ తప్పుల తడకగా వివరాలు సరిదిద్దుకోవడానికి లబ్ధిదారుల అగచాట్లు సాక్షి ప్రతినిధి, కాకినాడ : ‘తెల్ల రేషన్కార్డు కావాలా? అయితే నా చేయి తడపాల్సిందే’నని కరాఖండిగా చెబుతున్నాడు రాజమండ్రి రూరల్ నియోజకవర్గం బొమ్మూరులో జన్మభూమి కమిటీ సభ్యుడొకరు. అంతేనా.. అభివృద్ధి పనుల్లో ఐదు శాతం కమీషన్ కోసం డిమాండు చేస్తున్నాడు. తెలుగుదేశం వారితో కూడిన జన్మభూమి కమిటీల సభ్యులు పలు గ్రామాల్లో చేతి ఖర్చులకు సొమ్ము ఇవ్వాలని, లేదంటే ఎమ్మెల్యేకి చెప్పి సంగతి తేల్చుతామని పంచాయతీ కార్యదర్శులనే బెదిరిస్తున్నారు. రేషన్కార్డు లేదా పింఛను దరఖాస్తు ఏదైనా సరే ముందుకు కదలాలంటే రూ.వెయ్యి వరకూ ముక్కుపిండి మరీ వసూలు చేస్తున్నారు అమలాపురంలో ఓ వార్డు కౌన్సిలర్. ఇక పలు గ్రామాల్తో ఐఏవై గృహరుణాలకు సైతం రూ.10 వేల వరకూ వసూలు చేస్తున్నట్లు ఆరోపణలు వెల్లువెత్తుతున్నాయి. రేషన్కార్డులే కాదు పింఛన్లు, ఇళ్లే కాదు.. మరే సంక్షేమ పథకమైనా సరే తుని నియోజకవర్గంలో జన్మభూమి కమిటీల జోక్యం మితిమీరింది. ఎన్టీఆర్ విగ్రహాల పేరుతో పింఛన్దారుల్లో ఒక్కొక్కరి నుంచి రూ.500 వసూలు చేసిన నైచ్యానికి దిగజారారుు. ఈ మూడు చోట్లే కాదు జిల్లాలో చాలాచోట్ల జన్మభూమి కమిటీల తీరు జనం జేబులకు చిల్లు పెట్టేలా, వారు చీదరించుకునేలా ఉంది. తమ పని తాము చేసుకోలేని పరిస్థితి తలెత్తుతోందని అధికారులూ వాపోతున్నారు. వాస్తవానికి తెల్ల రేషన్కార్డు పొందాలంటే గతంలో తొలుత గ్రామ కార్యదర్శులు సిఫారసు చేస్తే తర్వాత మండలస్థాయిలో తహశీల్దార్లు వాటిని ఆమోదించేవారు. తర్వాత చౌక డిపోల డీలర్లకు జాబితాలు వెళ్లేవి. ఆ ప్రకారం సరుకులు విడుదల చేసేవారు. టీడీపీ ప్రభుత్వం ఇప్పుడు జన్మభూమి కమిటీల పేరుతో సరికొత్త వ్యవస్థను ప్రవేశపెట్టింది. దీనివల్ల అర్హులకు న్యాయం మా టెలా ఉన్నా అనర్హులకు సైతం లబ్ధిదారుల జాబితాలో చోటు దక్కుతోంది. దీని కోసం రూ.500 నుంచి రూ.వెయ్యి వరకూ వసూలు చేస్తున్నారనే ఆరోపణ లు వెల్లువెత్తుతున్నాయి. వీరి ఆగడాలను సొంత పార్టీ వారే అసహ్యించుకుంటున్నారంటే పరిస్థితిని అర్థం చేసుకోవచ్చు. గాడి తప్పుతున్న వ్యవస్థ.. జన్మభూమి కమిటీల ఆధిపత్యం ఫలితం ఇప్పుడు రేషన్కార్డుల జారీలో స్పష్టంగా కనిపిస్తోందనే ఆరోపణలు వస్తున్నాయి. ఈనెల 2 నుంచి 11 వరకూ జరిగిన మూడో విడత జన్మభూమి-మన ఊరు కార్యక్రమంలో ప్రధానంగా రేషన్కార్డుల పంపిణీపై దృష్టి పెట్టాలని ప్రభుత్వం అధికారులకు ఆదేశాలిచ్చింది. మరోవైపు క్రిస్మస్, సంక్రాంతి పండుగలకు చంద్ర న్న కానుక పేరుతో ఆరు దినుసులను అందజేస్తామని ఘనంగా ప్రకటించింది. దీంతో కొత్త తెల్ల కార్డుల కోసం జిల్లాలో పోటీ ఎక్కువైంది. ఒకవైపు రేషన్కార్డుల కోసం మొదటి రెండు విడతల్లో వచ్చిన విజ్ఞాపనలను ఆన్లైన్లో అప్లోడ్ చే యాలని జిల్లా పౌరసరఫరాల కార్యాల యం నుంచి తహశీల్దార్లకు ఆదేశాలు వె ళ్లాయి. ఉన్న అరకొర సిబ్బందితోనే ఆ వి వరాలన్నీ కంప్యూటర్లలో నమోదు చేశా రు. అయితే ఆ జాబితాలను పక్కనబెట్టి జన్మభూమి కమిటీల సభ్యులు కొత్త జాబితాలను తెరపైకి తెచ్చారు. అంతేకాక అంతకు ముందు జాబితాల్లో తమ కు ఇష్టంలేని, ప్రతిపక్షాలకు చెందినవారి పేర్లను వెతికి మరీ తొలగించారు. ఒకే కు టుంబానికి రెండు మూడు కార్డులు మం జూరైన ఉదంతాలూ జిల్లాలో ఉన్నాయి. పేర్లే లేకుండా కార్డుల పంపిణీ.. కొత్త రేషన్కార్డుల ఆన్లైన్ ప్రక్రియలో గందరగోళం ఫలితంగా అసలు వివరాలే తప్పుగా నమోదయ్యూరుు. జిల్లాకు 1.34 లక్షల కొత్త రేషన్కార్డులు మంజూరైతే దాదాపు సగం వరకూ తప్పుల తడకలే. కొన్ని కార్డులు అసలు పేర్లే లేకుండా వ చ్చాయి. కొన్ని కార్డుల్లో పేర్లున్నా బయ టి వ్యక్తుల పేర్లు కలిసిపోయాయి. గత జ న్మభూమి కార్యక్రమాల్లో ఈ కార్డులు వ ద్దంటూ లబ్ధిదారులు గగ్గోలు పెట్టడంతో పదికి మించి ఎక్కడా కార్డులను పంపిణీ చేయకపోరుునా దాదాపు 95 శాతం పంపిణీ చేశామని అధికారులు ప్రకటించేశారు. మరోవైపు తమకు కార్డులందలేదని సగం మంది దరఖాస్తుదారులు ఆందోళన చెందుతున్నారు. తమకు రేషన్కార్డు ఇప్పించాలంటూ ప్రతిరోజూ వీఆర్వో, తహశీల్దారు కార్యాలయాలకు, జన్మభూమి కమిటీ సభ్యుల ఇళ్లకు తిరుగుతున్నారు. ఆ కార్డులు ఏమయ్యాయి? అన్ని కార్డులూ పంపిణీ చేశామని అధికారులంటుంటే తమకందలేదని దరఖాస్తుదారులు ఆందోళన చెందుతున్నారు. మ రి అవెక్కడున్నాయంటే.. తెలుగు త మ్ముళ్లకు పదవుల కోసం ప్రభుత్వం సృష్టిం చిన జన్మభూమి కమిటీల చేతుల్లోకి వెళ్లాయని తెలుస్తోంది. తమ వారికి, తమకు రూ.వెయ్యి ముట్టజెప్పే వారికే వాటిని ఇస్తున్నారని విమర్శలు వస్తున్నాయి. తీరా అలా ఇచ్చినా ఆ కార్డుల్లో తప్పులు సరిచేయించుకోవడానికి లబ్ధిదారుల తలప్రాణం తోకకు వస్తోంది. ఈ గందరగోళంతో జనవరి సరుకులు ఎలాగూ రాలేదు. వచ్చే నెలలో సరుకులు అందుతాయో లేదోనని ఆందోళన చెందుతున్నారు. జన్మభూమి కమిటీల మితిమీరిన జోక్యం వల్లే తమకు రేషన్ సరుకులు అందని పరిస్థితి ఏర్పడిందని లబ్ధిదారులు వాపోతున్నారు. -
నిరు పేదల ఆశలపై నీళ్లు చల్లిన ఏపీ సర్కార్
విజయవాడ : నిరు పేదల ఆశలపై ఆంధ్రప్రదేశ్ సర్కార్ నీళ్లు చల్లింది. నూతన సంవత్సర కానుక అంటూ... తెల్లకార్డు లేకున్నా అత్యవసర చికిత్స పొందే రోగులకు సీఎంసీఓ రెఫరల్ కార్డులు అని ఆర్భాటంగా ప్రకటన చేసిన ప్రభుత్వం కొద్ది గంట్లలోనే వెనక్కి తగ్గింది. ఉచిత వైద్యం అంటూ ప్రభుత్వం జారీ చేసిన ప్రకటనను ఉపసంహరించుకుంది. ఈ అంశంపై మరింత వివరణతో శుక్రవారం మరో ప్రకటన విడుదల చేస్తామని తెలిపింది. కాగా అంతకు ముందు ' తెల్లకార్డు లేకున్నా రోగులకు ప్రభుత్వం సూచించిన స్పెషాలిటీ నెట్వర్క్ ఆస్పత్రుల్లో ‘డాక్టర్ నందమూరి తారక రామారావు వైద్య సేవ’ కింద ఉచితంగా చికిత్స అందించాలని ఏపీ సర్కార్ నిర్ణయించిన విషయం తెలిసిందే. అయితే కొన్ని గంటల తర్వాత ప్రకటనను సవరించాల్సి ఉందంటూ ప్రభుత్వం మరో ప్రకటన చేయటం విశేషం. -
'తెల్ల రేషన్ కార్డుల స్థానంలో కొత్త కార్డులు'
గుంటూరు: ఆర్థిక భారం ఉన్నా రాష్ట్రంలో సంక్రాంతి కానుక, సంక్షేమ పథకాలు కొనసాగిస్తామని ఆర్థికమంత్రి యనమల రామకృష్ణుడు అన్నారు. నూతంనంగా 50 వేల పెన్షన్లకు, కొత్త రేషన్ కార్డులకు రూ.250 కోట్ల ఆర్థిక భారం పడుతుందని ఆయన తెలిపారు. తెల్ల రేషన్ కార్డుల స్థానంలో కొత్త రేషన్ కార్డులు మంజూరు చేస్తామని పేర్కొన్నారు. -
ఆదాయపత్రం నాలుగేళ్లు చెల్లుబాటు
- తెల్లకార్డు ఉంటే ఆదాయధ్రువీకరణ పత్రం అక్కరలేదు సాక్షి, హైదరాబాద్: వివిధ అవసరాల కోసం విద్యార్థులు, ఇతరులు ఇక నుంచి రెవెన్యూ అధికారుల నుంచి ఆదాయ ధ్రువీకరణ పత్రం ప్రతియేటా తీసుకోవాల్సిన అవసరం ఉండదు. ఒక పర్యాయం తీసుకున్న పత్రాన్ని నాలుగేళ్లపాటు వినియోగించుకోవచ్చు. ఇక నుంచి తీసుకునే ఆదాయ ధ్రువీకరణ పత్రం నాలుగేళ్లు చెల్లుబాటవుతుంది. ఈమేరకు మంగళవారం రెవెన్యూ శాఖ ప్రత్యేక ప్రధాన కార్యదర్శి అజేయ కల్లం ఉత్తర్వులు జారీ చేశారు. ఫీజు రీయింబర్స్మెంట్, ఉపకార వేతనాలు, ఎస్సీ, ఎస్టీ, బీసీ, మైనారిటీ కార్పొరేషన్ల నుంచి రుణాలు తదితరాల కోసం తహసీల్దార్లు/ డిప్యూటీ తహసీల్దార్ల నుంచి తీసుకునే ఆదాయ ధ్రువీకరణ పత్రాలు ప్రస్తుతం ఏడాది పాటే చెల్లుబాటవుతున్నాయి. రెవెన్యూ అధికారుల నుంచి ఇలా ప్రతిదానికీ పత్రాలు తీసుకోవడం ప్రజలకు చాలా ఇబ్బందిగా ఉందని ప్రభుత్వానికి పలు ఫిర్యాదులు వచ్చాయి. ఈ నేపథ్యంలో ప్రభుత్వం ఆదాయ ధ్రువీకరణ పత్రాలకు సంబంధించి మార్గదర్శకాలను సవరించింది. ఇందుకు సంబంధించిన వివరాలిలా ఉన్నాయి. - దారిద్య్రరేఖకు దిగువనున్న కుటుంబాలు తెల్లరేషన్ కార్డును సమర్పించినంతకాలం ఏ ప్రభుత్వ విభాగమూ ఆదాయ ధ్రువీకరణ పత్రాన్ని అడగరాదు. తెల్లరేషన్ కార్డును కలిగి ఉన్నారంటే దారిద్య్ర రేఖకు దిగువనున్నట్లు (బీపీఎల్)గా పరిగణించాల్సిందే. బీపీఎల్కు తెల్లరేషన్ కార్డే ఆధారం. ఇలాంటి వారు ప్రత్యేకంగా ఆదాయ ధ్రువీకరణ పత్రం సమర్పించాల్సిన అవసరం లేదు. - బీపీఎల్ కంటే ఎక్కువ ఆదాయ పరిమితి గల స్కాలర్షిప్పులు, ఇతర ప్రయోజనాల కోసం మాత్రం ఆదాయ ధ్రువీకరణ పత్రం సమర్పించాల్సి ఉంటుంది. అది కూడా మొదటిసారి మంజూరు కోసం మాత్రమే. రెన్యువల్స్కు అవసరంలేదు. - ఏ విభాగం కూడా ఆదాయ ధ్రువీకరణ పత్రం ఒరిజనల్ తీసుకోరాదు. పరిశీలించిన తర్వాత ఒరిజనల్ పత్రాన్ని అభ్యర్థులకు వెనక్కు ఇచ్చేయాల్సిందే. - ప్రభుత్వ, ప్రయివేటు సంస్థల వారెవరూ ఉద్యోగాలిచ్చే సమయంలో ఆదాయ ధ్రువీకరణ పత్రాలు అడగరాదు. పంట రుణాలు, భూమిపై రుణాలకు బ్యాంకులు కూడా ఆదాయ పత్రాలు కోరరాదు. ఈమేరకు ఆదాయ ధ్రువీకరణ పత్రాల జారీకి సంబంధించి ఫార్మట్ను కూడా జీవోలో పొందుపరిచారు. తహసీల్దార్లు ఈ పత్రాల జారీ రిజిష్టర్లను పక్కాగా నిర్వహించాలని, తనిఖీల సమయంలో రెవెన్యూ డివిజనల్ అధికారులు, కలెక్టర్లు వీటిని పరిశీలించాలని ప్రభుత్వం జీవోలో పేర్కొంది. -
‘తీపి’కబురు
ఉగాదికి అదనపు చెక్కర కోటా ఒక్కో కార్డుకు అదనంగా అర కిలో ఈ నెల కోటాలోనే పంపిణీ హన్మకొండ అర్బన్ : తెల్ల రేషన్కార్డు (ఎఫ్ఎస్సీ) దారులకు రాష్ట్ర ప్రభుత్వం తీపికబురు పంపింది. ఈ నెల 21న తెలుగు సంవత్సరాది (ఉగాది) పర్వదినాన్ని పురస్కరించుకుని ఆహారభద్రత కార్డుదారులకు ఒక్కో కార్డుకు అదనంగా అర కిలో చెక్కెర కోటా విడుదల చేసింది. మార్చి నెల కోటాలోనే కార్డుదారులకు అందజేయాలని పేర్కొంది. మేరకు జిల్లాలోని రేషన్డీలర్లు వెంటనే సంబంధిత చెక్కర కోసం తమకు ఉన్న అలాట్మెంట్ ఆధారంగా డీడీలు తీయాలని జేసీ ప్రశాంత్ జీవన్పాటిల్ ఆదేశాలు జారీ చేశారు. ఉగాదిలోపే పంపిణీ కార్యక్రమం పూర్తి చేయాలని ఆదేశించారు. 9.81 లక్షల మంది కుటుంబాలకు లబ్ధి ప్రస్తుతం ఉగాదికి ప్రభుత్వం ఇస్తున్న అదనపు కోటా అరకిలో చెక్కరతో జిల్లాలో 9.81 లక్షల మంది కుటుంబాలు లబ్ధిపొందనున్నాయి. జిల్లాలోని 9,81,639 ఆహారభద్రత కారుల్లో 29,42,070 యూనిట్లు ఉన్నాయి. వీరికోసం ప్రతి నెల పౌరసరఫరాల శాఖద్వారా సుమారు 4.908 మెట్రిక్ టన్నుల చెక్కర సరఫరా చేస్తున్నారు. ప్రస్తుతం అంతే మొత్తంలో ఆదనపు కోటాగా జిల్లాకు వచ్చింది. డీడీలు తీసిన వెంటనే రేషన్షాపులకు పంపిణీ చేసేందుకు అధికారులు సిద్ధంగా ఉన్నారు. అదనపు కోటాకు డీడీలు అందజేస్తే సోమ, మంగళవారాల్లో పంపిణీ ప్రారంభమయ్యే అవకాశం ఉంది. -
కానుకలో చేతివాటం!
అనంతపురం సెంట్రల్ : ‘చంద్రన్న సంక్రాంతి కానుక’ పంపిణీ కార్యక్రమం గందరగోళంగా తయారైంది. ప్రభుత్వం ముందు చూపులేకుండా ఎవరికో లబ్ధి చేకూర్చేందుకు హడావిడిగా తీసుకున్న నిర్ణయం విమర్శలపాలవుతోంది. చౌక ధాన్యపు కేంద్రాల ద్వారా తెల్లరేషన్ కార్డుదారులందరికీ రూ.241 విలువైన ఆరు రకాల సరుకులు పండుగను పురస్కరించుకుని అందించాలని నిర్ణయించింది. ఇందులో కేజీ శనగలు, కేజీ గోధుమ పిండి, అరకిలో కంది పప్పు, అరకిలో పామాయిల్, అరకిలో బెల్లం, 100 గ్రాముల నెయ్యి అందిస్తున్నారు. జిల్లాలో 10.22 లక్షల మంది తెల్లరేషన్కార్డు దారులు ఉన్నారు. వీరికి 2286 చౌకదాన్యపు డిపో కేంద్రాల ద్వారా ఈ ఆరు రకాల వస్తువులు అందజేయాల్సి ఉంది. అయితే పండుగకు కేవలం రెండు రోజులే సమయం ఉన్నా పూర్తి స్థాయిలో సరుకులు చేర్చడంలో రాష్ట్ర వ్యాప్తంగా టెండరు దక్కించుకున్న కాంట్రాక్టరు చేర్చలేకపోతున్నారు. గోదుమ పిండి 825 మెట్రిక్ టన్నులు(80.74 శాతం), కంది పప్పు 511 మెట్రిక్ టన్నులు (100శాతం), పామాయిల్ 1013 మెట్రిక్ టన్నులు (99 శాతం), శనగలు 1022 మెట్రిక్ టన్నులు (99 శాతం), బెల్లం 516 మెట్రిక్ టన్నులు(100శాతం), నెయ్యి 100 మిల్లీలీటర్ల ప్యాకెట్లు 8.42 లక్షలు (ఇంకా 1.79 లక్షల ప్యాకెట్లు రావాలి) జిల్లా కేంద్రానికి చేరారుు. అరుుతే ఇక్కడే అసలు సమస్య మొదలైంది. వీటిలో సగం కూడా మండల కేంద్రాలు.. అట్నుంచి గ్రామాలకు వెళ్లలేదు. దీంతో ఏం చేయూలో తోచక అధికారులు ఆందోళనపడుతున్నారు. సరుకులను తెప్పించుకునేందుకు వారం రోజుల నుంచి సివిల్సప్లై డీఎం కార్యాలయ అధికారులు అర్ధరాత్రి వరకై సమీక్షలు జరుపుతున్నా పురోగతి కనిపించడం లేదు. ప్రజాప్రతినిధులు మాత్రం అక్కడక్కడ సరుకులను పంపిణీ చేస్తూ.. అంతా సవ్యంగా పంపిణీ సాగుతోందంటూ ఆర్భాటంగా ప్రకటనలిస్తున్నారు. అర్ధరాత్రి వరకూ తిప్పలు తప్పవా..? జిల్లా వ్యాప్తంగా తెల్లరేషన్ కార్డు కలిగిన ప్రతి కుటుంబానికి మంగళవారంలోగా నిత్యవసర సరుకులు అందించాలని ఉత్తర్వులు వచ్చాయి. అవసరమైతే రాత్రివేళల్లో కూడా పంపిణీ చేయాలని మంత్రులు ఆదేశిస్తున్నారు. ప్రభుత్వం ఇస్తున్న రూ. 241 వస్తువుల కోసం ప్రజలు అర్ధరాత్రి వరకూ ఎదురు చూడాల్సిన దుస్థితి నెలకొంది. గ్రామీణ ప్రాంతాల్లో రెండు, మూడు గ్రామాలకు కలిపి ఒక కేంద్రం నడుస్తోంది. దీంతో సరుకులు తీసుకోవడానికి కొన్ని గ్రామాల ప్రజలు తీవ్ర ఇబ్బందులు పడాల్సి వస్తోంది. తూకాల్లో మోసం పేదలకు ఉచితంగా అందిస్తున్న సరుకులను డీలర్లు పక్కదారి పట్టిస్తున్నారనే అరోపణలు బలంగా వినిపిస్తున్నాయి. మండల స్టాకు పాయింట్ల నుంచి బస్తాల్లో వచ్చిన సరుకులను కేజీ, అర కేజీల్లోకి డీలర్లు మారుస్తున్నారు. ఈ సమయంలో ఒక్కో ప్యాకెట్లో 100, 200 గ్రాముల వరకు నొక్కేస్తున్నట్లు తెలుస్తోంది. కళ్యాణదుర్గంలో సోమవారం పంపిణీ చేసిన సరుకుల్లో కొన్నింటిని ‘సాక్షి’ తనిఖీ చేయగా ఈ విషయం బయటపడింది. బెల్లం అర కిలో ఇవ్వాల్సి ఉండగా రూ. 350 గ్రాములున్న ఒకే అచ్చు ఇచ్చారు. కొన్ని ప్రాంతాల్లో మరో 50, 100 గ్రాముల వరకూ జోడిస్తున్నారు. జిల్లాలోని చాలా ప్రాంతాలకు గోధుమ పిండి, పామాయిల్ చేరలేదు. తాడిపత్రి రూరల్, యాడికి మండలాలకు ఒక కిలో కూడా చేరలేదు. దీంతో మంగళవారం పంపిణీ ప్రక్రియ ఏ విధంగా చేపడతారో తేలాల్సి ఉంది. కొన్ని సరుకులు మళ్లీ ఇస్తాం అని చెప్పి పంపిణీ చేసే అవకాశాలున్నాయని తెలిసింది. సరుకులను కిట్స్ రూపంలో అందించడానికి ప్రత్యేకంగా బ్యాగులను ముద్రించారు. అయితే ఈ బ్యాగులు ఇప్పటి వరకూ కేవలం 2 లక్షలు మాత్రమే జిల్లాకు వచ్చాయి. మరో 3 లక్షల వర కు పసుపు కలర్ కవర్లు అందించారు. మిగిలిన వారు ఇళ్ల నుంచే బ్యాగులు తెచ్చుకోవాల్సి ఉంది. అయితే పండుగ తర్వాత ప్రతి ఇంటికీ బ్యాగులు అందిస్తామని స్వయాన పౌరసరఫరాల శాఖ మంత్రి పరిటాల సునీత ప్రకటించడం విమర్శలకు తావిస్తోంది. సరుకులు ఇచ్చేటప్పుడు కాకుండా మళ్లీ ప్రత్యేకంగా బ్యాగుల పంపిణీ అవసరమా అని ప్రజలు ప్రశ్నిస్తున్నారు. కాంట్రాక్టరు ముసుగులో ఉన్న తెలుగు తమ్ముళ్లకు లబ్ధి చేకూర్చేందుకే ఈ నిర్ణయమనే భావన వ్యక్తమవుతోంది. పండుగకు ప్రతి ఒక్కరికీ సరుకులు అందిస్తాం : చంద్రన్న సంక్రాంతి కానుక పేరుతో ప్రభుత్వం ఇస్తున్న ఆరు రకాల నిత్యవసర సరుకులను అర్హులైన ప్రతి ఒక్కరికీ అందిస్తాం. సోమవారం నాటికి 75 శాతం సరుకులు అన్ని కేంద్రాలకు చేరాయి. మిగిలిన వస్తువులు మంగళవారం ఉదయమే వెళతాయి. జిల్లాకు కేవలం గోధుమ పిండి మాత్రం 120 మెట్రిక్ టన్నులు రావాల్సి ఉంది. ఇది కూడా మంగళవారం వస్తుంది. కావున ప్రతి ఒక్కరికీ సరుకులు అందజేస్తాం. - వెంకటేశం, జిల్లా మేనేజర్, సివిల్సప్లై -
నెయ్యితో పప్పన్నం డౌటే!
ఏలూరు (టూటౌన్) :జిల్లాలోని తెల్లరేషన్ కార్డుల వారందరికి ఉచితంగా ఇవ్వనున్న చంద్రన్న కానుకలో భాగంగా కందిపప్పు అరకేజీ, పామాయిల్ అరకేజీ, బెల్లం అరకేజీ, నెయ్యి 100 గ్రాములు, గోధుమపిండి కేజీ, శనగలు కేజీతో కూడిన సంచి ఇవ్వాలని, ఈనెల 12వ తేదీ నాటికి పంపిణీ చేయాలని ప్రభుత్వం ఆదేశించింది. జిల్లావ్యాప్తంగా 14 మార్కెట్ యార్డులలో రెండురోజుల పాటు ప్యాకింగ్ నిర్వహించినప్పటికీ పూర్తికాలేదు. బెల్లం ప్యాకింగ్కు ఇచ్చే చార్జి తమకు గిట్టుబాటు కాదని మహిళలు ప్యాకింగ్ మధ్యలో ఆపేశారు. కందిపప్పు అరకేజీ ప్యాక్ చేసేందుకు 25 పైసలు, అరకేజీ బెల్లం ప్యాకింగ్కు 50 పైసలు చొప్పున ఇస్తామని అధికారులు చెప్పటంతో తమకు చాలదంటూ మహిళలు ప్యాకింగ్కు రావడానికి ఇష్ట పడటం లేదు. బెల్లం గడ్డలు పగులకొట్టి ప్యాకింగ్ చేయాలి కాబట్టి అరకేజీ ప్యాకింగ్కు రెండు రూపాయలు ఇవ్వాలని అడ గటంతో అధికారులు ఆ బాధ్యతలను డీలర్లకు అప్పగించారు. స్థానిక డ్వాక్రా మహిళలతో పాటు జన్మభూమి కమిటీలతో ప్యాకింగ్ చేయించుకుని ప్రజలకు అందించాలని అధికారులు డీలర్లను ఆదేశించారు. కానీ అధికారులు అనుకున్న స్థాయిలో ప్యాకింగ్ ముందుకు సాగటం లేదు. మంచినూనె మాత్రం అరకేజీ ప్యాకింగ్తో రావటంతో అధికారులకు కొంత ఊరట కలిగించింది. మిగిలిన ఐదు సరుకులు ప్యాకింగ్ చేయటమే అధికారులకు పెద్ద సమస్యగా మారింది. అరకొరగా సరుకులు జిల్లావ్యాప్తంగా 48 మండలాలలో 11లక్షల 27వేల 551 మందికి 2వేల 122 రేషన్ షాపుల ద్వారా చంద్రన్న కానుక అందించాల్సి ఉంది. దీనికి 570 టన్నుల బెల్లం అవసరం ఉండగా 370 టన్నులే అందుబాటులో ఉంది. మరో 200 టన్నుల బెల్లాన్ని రప్పించినా నాసిరకంగా ఉండటంతో అధికారులు శుక్రవారం ఏలూరు మార్కెట్ యార్డు నుంచి తిప్పి పంపేశారు. దాని స్థానంలో మంచి బెల్లాన్ని అర కేజీ ప్యాకింగ్ ద్వారా అందించాలని పంపిణీదారుడికి అధికారులు సూచించారు. శనగలు 1127 టన్నులు అవసరం కాగా 700 టన్నులు మాత్రమే వచ్చారుు. నెయ్యి 112 టన్నులకు 45 టన్నులు, కందిపప్పు 570 టన్నులకు 300 టన్నులు, గోధుమపిండి 1127 టన్నులకు 450 టన్నులు మాత్రమే వచ్చింది. అధికారులకు తిప్పలు సరుకుల పంపిణీలో ఇబ్బందులు తలెత్తితే ప్రజలు తెలిపేందుకు టోల్ ఫ్రీ నంబర్ 9963479152ను కేటాయించారు. ప్రభుత్వం మరో రెండు రోజులు గడువు పెంచితే తమకు ఈ తిప్పలు తప్పేవని జిల్లాకు చెందిన ఒక అధికారి తన సిబ్బంది వ్యాఖ్యానించటం వెనుక అధికారులు ఎంత ఒత్తిడికి గురవుతున్నారో అర్థమవుతుంది. ఆదివారం జిల్లాలో కొన్నిచోట్ల చంద్రన్న సంక్రాంతి కానుక పంపిణీ లాంఛనంగా ప్రారంభించినా ఆరు సరుకులను మాత్రం అందించలేదు. కొన్నిచోట్ల మూడింటిని ఇచ్చి మిగిలినవి వచ్చాక ఇస్తాం అని డీలర్లు చెప్పారు. పూర్తిస్థాయిలో సరుకులు సోమవారం వస్తాయి చంద్రన్న కానుక కు ఇచ్చే సరుకులలో పామాయిల్ పూర్తి స్థారుులో వచ్చింది. మిగిలిన సరుకులు 70 శాతం వచ్చాయి. 30 శాతం సోమవారం ఉదయానికి వచ్చే ఏర్పాట్లు చేశాం. వచ్చిన వెంటనే ఆయా రేషన్షాపులకు పంపిస్తాం. కొంత ఆలస్యం అయినా పూర్తిస్థాయిలో తెల్లరేషన్కార్డు దారులందరికీ చంద్రన్న కానుక అందేలా చర్యలు తీసుకుంటున్నాం. పెద్ద మొత్తంలో సరుకులు తీసుకువచ్చి ప్యాకింగ్ చేయూల్సి రావడం వల్ల ఇబ్బంది పడుతున్నాం. జిల్లాకు ప్రస్తుతం వచ్చిన సరుకులన్నీ ప్యాకింగ్ నిమిత్తం డీలర్లకు పంపించి వేశాం. వారు డ్వాక్రా మహిళలు, జన్మభూమి కమిటీలతో ప్యాకింగ్ చేరుుస్తున్నారు. - డి.శివశంకర్రెడ్డి, జిల్లా పౌరసరఫరాల అధికారి -
రూ. 25 కోట్లతో సరుకుల పంపిణీ
చింతలపూడి : ఇంటింటా సంక్రాంతి పండగ జరుపుకోవడానికి ప్రభుత్వం చంద్రన్న సంక్రాంతి కానుక కిట్లను ఉచితంగా పంపిణీ చేస్తున్నట్టు స్త్రీ, శిశు సంక్షేమ శాఖ మంత్రి పీతల సుజాత తెలిపారు. చింతలపూడి తాలూకాఆఫీస్ కార్యాలయం ఆవరణలో పౌరసరఫరాల శాఖ ఆధ్వర్యంలో ఆదివారం కిట్ల పంపిణీ కార్యక్రమం నిర్వహించారు. ఏలూరు ఆర్డీవో తేజ్భరత్ అధ్యక్షతన జరిగిన సభలో మంత్రి సుజాత, జెడ్పీ చైర్మన్ ముళ్లపూడి బాపిరాజు, కలెక్టర్ కె.భాస్కర్ పాల్గొన్నారు. మంత్రి సుజాత మాట్లాడుతూ జిల్లాలో రూ. 25 కోట్లతో తెల్లరేషన్ కార్డుదారులకు ఆరు రకాల సరుకులను ఉచితంగా అందిస్తున్నట్టు చెప్పారు. జిల్లాలో 39 లక్షల మంది జనాభా ఉంటే 33 లక్షల మందికి నిత్యావసర సరుకులను అందిస్తున్నట్టు తెలిపారు. పండగలోపు కిట్లను లబ్ధిదారులకు అందజేయాలని మంత్రి అధికారులను ఆదేశించారు. కలెక్టర్ కె.భాస్కర్ మాట్లాడుతూ ప్రభుత్వం ప్రవేశపెట్టే పథకాలను పటిష్టంగా అమలు చేయడానికి అధికారులు సిద్ధంగా ఉండాలన్నారు. చంద్రన్న సంక్రాంతి కిట్లు ఎవరికైనా అందకపోతే ఆయా మండలాల తహసిల్దార్ల దృష్టికి తీసుకురావాలని కార్డుదారులకు విజ్ఞప్తి చేశారు. జెడ్పీ చైర్మన్ బాపిరాజు మాట్లాడుతూ పేదల సంక్షేమం కోసం టీడీపీ కట్టుబడి ఉందన్నారు. కార్యక్రమంలో జెడ్పీటీసీ తాళ్లూరి రాధారాణి, ఎంపీపీ దాసరి రామక్క, సర్పంచ్ మారిశెట్టి జగదీశ్వరరావు పాల్గొన్నారు. -
పండగ కొందరికేనా...
మంగళగిరి/ తెనాలి అర్బన్ : చంద్రన్న సంక్రాంతి కానుక ఆచరణలో అభాసుపాలైంది. రేషన్ దుకాణాల్లో నిత్యావసరాల పంపిణీ కార్యక్రమం అస్తవ్యస్తంగా మారింది. సంక్రాంతికి తెల్లరేషన్ కార్డుదారులకు ‘చంద్రన్న సంక్రాంతి కానుక’ పేరిట ఆరు రకాల సరకులు అందించేందుకు రాష్ట్ర ప్రభుత్వం ప్రతిపాదించింది. పేద ప్రజలు పండుగను సంతోషంగా జరుపుకోవాలంటూ ముఖ్యమంత్రి చంద్రబాబు తలపెట్టిన పథకం లబ్ధిదారులకు నిరాశే మిగిల్చింది. పథకంలో భాగంగా బెల్లం, కందిపప్పు, పామాయిల్ అరకేజీ చొప్పున, గోధుమపిండి, శనగలు కిలో చొప్పున, వంద గ్రాముల నెయ్యి చంద్రబాబు ఫొటోలతో ముద్రించిన బ్యాగ్ ల్లో సిద్ధం చేశారు. ఈ సరుకుల కోసం లబ్ధిదారులు ఆదివారం ఉదయం 7 గంటల నుంచే రేషన్షాపుల వద్ద ఎండలోనే నిలబడి ఇబ్బందులు పడ్డారు. పథకాన్ని ప్రారంభించేందుకు వచ్చే ప్రజాప్రతినిధుల కోసం గంటల తరబడి నిరీక్షించారు. జిల్లాలో కొన్ని చోట్ల మధ్యాహ్నం 12 గంటల వరకు కార్యక్రమం ప్రారంభించకపోవడంపై పేదలు అసహనం వ్యక్తం చేశారు. చంద్రన్న కానుక పంపిణీ చేస్తామని ఆర్బాటంగా అధికారులు ప్రచారం చేసినా కొందరు డీలర్లు అసలు దుకాణాలే తెరవలేదు. కొన్ని చోట్ల ఈ పంపిణీ వ్యవహారం తెలుగుదేశం పార్టీ కార్యక్రమంలా సాగింది. పలు గ్రామాల్లో ప్రధానంగా మంగళగిరిలో రేషన్షాపుల వద్ద పార్టీ నాయకులు, కార్యకర్తలు అధికారులపై పెత్తనం చెలాయించారు. నాయకులు వచ్చేవరకు సరుకులు ఇవ్వకుండా గంటల కొద్దీ మహిళలను నిలబెట్టారు. నాణ్యత లేని సరుకులు.. ఉచితంగా అందజేసిన నిత్యావసర సరకులు లబ్ధిదారులందరికీ అందలేదు. సరుకులు పూర్తి స్థాయిలో జిల్లాకు చేరనే లేదు. కందిపప్పు, శనగలు మినహా మిగిలిన సరకులు అరకొరగానే వచ్చాయి. కానుకలోని ఆరు వస్తువులు తయారీ సంస్థల నుంచే పాకెట్ల రూపంలో పంపిణీ చేసి అవకతవకలకు తావులేకుండా చేస్తామని ప్రకటించింది. కానీ రేషన్ షాపులకు చేరే సమయానికే వాటిలో అనేక లోపాలు బయట పడ్డాయి. గోధమ పిండి 20 శాతం మేర మాత్రమే దిగుమతి అయింది. అది కూడా లూజుగానే సరఫరా చేస్తున్నారు. నెయ్యి, పామాయిల్ పాకెట్లలో పది శాతం వరకు దెబ్బతిన్నాయి. నెయ్యి ప్యాకింగ్లో 90 గ్రాములే ఉంది. తెనాలి మండలంలో పామాయిల్, బెల్లం, గోధుమపిండి, నెయ్యి 25 శాతం అందాల్సి ఉందని సీఎస్డీటీ మెహర్కుమార్ వెల్లడించారు. ఇక సరకుల నాణ్యత విషయానికి వస్తే బెల్లం సరిలేదని విమర్శలు వచ్చాయి. నాదెండ్లలోనూ, రెంటచింతల తదితర ప్రాంతాల్లో నీరు కారిపోయిన బెల్లం పంపిణీ చేయడంపై లబ్ధిదారులు ఆగ్రహం వ్యక్తంచేశారు. -
13 మధ్యాహ్నంలోగా సంక్రాంతి కానుక
కడప సెవెన్రోడ్స్: సంక్రాంతి పండుగ సందర్భంగా తెల్లరేషన్ కార్డుదారులకు ఉచితంగా అందిస్తున్న ఆరు రకాల సరుకులను ఈనెల 13వ తేదీ మధ్యాహ్నంలోగా పంపిణీ చేయాలని తహశీల్దార్లను జిల్లా కలెక్టర్ కేవీ రమణ ఆదేశించారు. శనివారం స్థానిక కలెక్టరేట్ నుంచి మండల అధికారులతో ఆయన వీడియో కాన్ఫరెన్స్ నిర్వహించారు. ఈ సందర్భంగా కలెక్టర్ మాట్లాడుతూ జిల్లాలో 7,03,114 మంది తెల్లరేషన్కార్డుదారులున్నారన్నారు. వీరికి 1735 చౌక దుకాణాల ద్వారా చంద్రన్న సంక్రాంతి కానుక కింద అర కిలో కందిపప్పు, అర లీటరు పామోలిన్, కిలో శనగపప్పు, అరకిలో బెల్లం, కిలో గోధుమపిండి, నూరు గ్రాముల నెయ్యి ఉచితంగా పంపిణీ చేసేందుకు చర్యలు తీసుకోవాలన్నారు. జాయింట్ కలెక్టర్ రామారావు మాట్లాడుతూ ప్రభుత్వం ఉచితంగా పేదలకు అందిస్తున్న ఆరు వస్తువులను సక్రమంగా పంపిణీ చేయాలన్నారు. పంపిణీ కేంద్రాల వద్ద బ్యారికేడ్లను ఏర్పాటు చేసి అవసరమైన పక్షంలో స్థానిక పోలీసుల సహకారం తీసుకోవాలన్నారు. అలాగే వివరాలతో కూడిన ఫ్లెక్సీలను పంపిణీ కేంద్రాల వద్ద ప్రజలకు కనబడే విధంగా ఏర్పాట్లు చేయాలన్నారు. ఈ కార్యక్రమంలో జిల్లా పౌరసరఫరాల అధికారి ప్రభాకర్రావు, సివిల్ సప్లయ్స్ కార్పొరేషన్ జిల్లా మేనేజర్ బొల్లయ్య, ఇతర జిల్లా అధికారులు పాల్గొన్నారు. -
చంద్రన్న కానుకలో మూడే సరుకులు!
5 వేలకు పైగా రేషన్కార్డులు గల్లంతు వాకాడు :రాష్ట్ర ప్రభుత్వం పేదలకు సంక్రాంతి పురస్కరించుకుని చంద్రన్న కానుకగా ఉచితంగా అందిస్తామన్న ఆరు సరుకులకు గాను మూడే సరుకులే అందాయి. నిరుపేద తెల్లరేషన్ కార్డుదారులందరికీ అరకేజీ బెల్లం, అర లీటరు పామాయిల్, 100గ్రా. నెయ్యి, అరకిలో కందిపప్పు, కిలో ముడి శనగలు, కిలో గోధుమ పిండి ఉచితంగా ఈ నెల 12 తేదీ లోపల పంపిణీ చేస్తామని ప్రభుత్వం ప్రకటించింది. అయితే రేషన్షాపులకు కేజీ గోధుమపిండి, అర కేజీ పామాయిల్, కేజీ ముడిశనగలు మాత్రమే వచ్చాయి. వాకాడు, కోట, చిట్టమూరు మండలాలకు సంబంధించి వాకాడులో ఉన్న ఎంఎల్ఎస్ పాయింట్కి మూడు సరుకులు మాత్రమే రావడం, పండగ దగ్గరకు రావడంతో వాటిని మూడు మండలాల్లోని 96 రేషన్ షాపులకు తరలిస్తున్నారు. వాస్తవానికి ఎంఎల్ఎస్ పాయింట్ పరిధిలో సుమారు 45 వేలకు పైగా తెల్లరేషన్ కార్డుదారులు ఉండగా చంద్రన్న సంక్రాంతి కానుక కోసం రూపొం దించిన నూతన జాబితాలో 39,929 మంది పేర్లు మాత్రమే ఉన్నాయి. సుమారు 5 వేలకు పైగా తెల్ల రేషన్కార్డు దారుల పేర్లు గల్లంతయ్యాయి. ఈ విషయమై సంబంధిత డిప్యూటీ తహశీల్దార్ను సంప్రదించగా మళ్లీ ఆధార్, రేషన్కార్డు జెరాక్స్లు అందజేస్తే ఆన్లైన్ చేస్తామని తెలిపారు. అయితే తిరిగి జాబితాలో వస్తే రావచ్చు, రాకపోవచ్చునని అంటున్నారు. -
తెల్లకార్డుంటేనే సీఎం రిలీఫ్ఫండ్
కఠిన నిబంధనలతో మార్గదర్శకాలు జారీచేసిన ప్రభుత్వం ఆధార్ కార్డు తప్పనిసరి చేస్తూ షరతు ‘ఆరోగ్యశ్రీ’లో పేర్కొనని రోగాలకే సీఎంఆర్ఎఫ్ సాక్షి, హైదరాబాద్: తెల్లరేషన్ కార్డు ఉండడంతోపాటు, ఆరోగ్యశ్రీలో పేర్కొనని రోగాలకే ఇక మీదట ముఖ్యమంత్రి సహాయనిధి(సీఎంఆర్ఎఫ్) నుంచి సాయం అందుతుంది. ఈ మేరకు సోమవారం మార్గదర్శకాలు జారీ అయ్యాయి. ముఖ్యమంత్రి సహాయనిధి నుంచి పొందే సాయం చాలావరకు దుర్వినియోగం అవుతోందనే ఆరోపణలు వెల్లువెత్తిన నేపథ్యంలో తెలంగాణ సర్కారు కట్టుదిట్టమైన చర్యలకు ఉపక్రమించింది. ప్రస్తుతం ఆరోగ్యశ్రీ పరిధిలో ఉన్నవారు రూ.2 లక్షల వరకూ ఉచితంగా వైద్యం చేయించుకుంటున్నారు. ఈ రెండు లక్షల రూపాయలకు మించితే అదనపు సాయానికి ముఖ్యమంత్రి సహాయనిధి కోసం దరఖాస్తు చేసుకుంటున్నారు. తాజాగా వచ్చిన మార్గదర్శకాల ప్రకారం అలాంటి సాయం ఇకపై అందదు. దీనికి సంబంధించి అత్యంత కఠిన నిబంధనలకు ప్రభుత్వం రూపొందించింది. సీఎంఆర్ఎఫ్ నుంచి అర్హులకే సాయం అందేలా ప్రభుత్వం వివిధ రకాలుగా విచారణ జరిపించింది. థర్డ్పార్టీ ద్వారా తటస్థ విచారణ నిర్వహించింది. వీటన్నింటి అనంతరం సీఎం రిలీఫ్ ఫండ్పై ఒక ఉన్నతస్థాయి కమిటీని ఏర్పాటు చేసి నివేదిక కోరింది. ఆ నివేదిక ప్రకారం మార్గదర్శకాలు విడుదల చేసింది. వైద్య చికిత్సకు ముందుగా అనుమతి తీసుకోవడం, చికిత్స అనంతరం బిల్లులు సమర్పించడం, ఆర్థిక సాయం కోరడం వంటివి వాటిపై స్పష్టమైన మార్గదర్శకాలు జారీచేసింది. మార్గదర్శకాలు ఇవీ... తెల్ల రేషన్కార్డు తప్పనిసరిగా ఉండాలి. ఇందులో ఎలాంటి మినహాయింపు లేదు. లబ్ధిదారుడికి ఆధార్ కార్డు ఉండాలి. సీఎం రిలీఫ్ ఫండ్ దరఖాస్తు ఫారంతోపాటు తాజా ఫొటో, ఫోన్ నంబర్, రోగి సంతకం ఉండాలి. దాంతోపాటు దరఖాస్తులో అన్ని వివరాలు నింపాలి. మంత్రి, ఎంపీలు, ఎమ్మెల్సీలు, ఎమ్మెల్యేలు, చైర్మన్లు, జిల్లా కలెక్టర్లలో ఎవరైనా ఒకరి సిఫారసు లెటర్ ఉండాలి. రోగి ఒరిజినల్ తుది బిల్లు వివరాలు సమగ్రంగా ఉండాలి. ముందస్తు, తుది నగదు చెల్లింపు ఒరిజినల్ రశీదు ఉండాలి. ఒరిజినల్ మందుల బిల్లులు ఉండాలి. ఆసుపత్రి నుంచి డిశ్చార్జ్ చేసినట్లు ఉండే ఒరిజినల్ కాపీ, చికిత్స వివరాలు, పొడిగింపు వివరాలు ఉండాలి. చికిత్సకు ముందు, తర్వాత నిర్వహించిన వైద్య పరీక్షల నివేదికలు, రికార్డులు సమర్పించాలి. ఒరిజినల్ బిల్లులపై మెడికల్ సూపరింటెండెంట్, డెరైక్టర్, సంబంధిత డాక్టర్ స్టాంప్, సంతకం, రిజిస్ట్రేషన్లలో ఏదో ఒకటి సమర్పించాలి. గరిష్టంగా ఆరు నెలల కాలపరిమితి ఉన్న బిల్లులనే అనుమతిస్తారు. ప్రభుత్వ గుర్తింపు పొందిన ఆస్పత్రుల బిల్లులనే పరిగణలోకి తీసుకుంటారు. ఔట్పేషెంట్ బిల్లులను పరిగణించరు. చనిపోయిన రోగికి సంబంధించి పూర్తి వివరాలు, మరణ ధ్రువీకరణ పత్రం ఉండాలి. మెడికల్ సూపరింటెండెంట్ లేదా సంబం ధిత అధికారి సంతకంతో పత్రం ఇవ్వాలి. ఏదైనా పథకం కింద ఆర్థిక సాయం పొందినట్లయితే దాన్ని పరిగణలోకి తీసుకోరు. -
ప్రభుత్వం సంక్రాంతికిచ్చే కానుకలివే!
-
సంక్రాంతి కానుకను ప్రకటించిన చంద్రబాబు
హైదరాబాద్ : తెల్ల రేషన్ కార్డుదారులకు ఆంధ్రప్రదేశ్ ప్రభుత్వం సంక్రాంతి కానుకను ప్రకటించింది. సంక్రాంతి నాడు ప్రతి ఇంట్లో ఆనందం వెల్లివిరియాలని ... ప్రతి పేదవాడి జీవితంలో వెలుగులు నిండాలని...అందుకు పండుగ సందర్భంగా ఉచితంగా సరకులు పంపిణీ చేస్తున్నట్లు ముఖ్యమంత్రి చంద్రబాబు నాయుడు అన్నారు. తెల్ల రేషన్ కార్డు లబ్దిదారులకు ...అరకిలో కందిపప్పు, బెల్లం, పామాయిల్ (1/2 కేజీ) నెయ్యి (100 గ్రాములు) బెల్లం అరకిలో, కేజీ శనగలు, గోధుమ పిండి ఉచితంగా పంపిణీ చేస్తామని చంద్రబాబు వెల్లడించారు. దీనిపై రాష్ట్ర ప్రభుత్వంపై రూ. 280 కోట్ల భారం పడనుంది. ప్రభుత్వ నజరానాతో 1.30 కోట్ల తెల్లకార్డు దారులకు ప్రయోజనం పొందనున్నారు. అంతకు ముందు కాంగ్రెస్ సీనియర్ నేత జి.వెంకటస్వామి మృతికి ఏపీ అసెంబ్లీ రెండు నిమిషాలు మౌనం పాటించింది. -
ప‘రేషన్’
గ్రాస్ డొమెస్టిక్ ప్రోగ్రెస్ (జీడీపీ)లో దూసుకుపోతున్న విశాఖ జిల్లాలో కిలో రూపాయి బియ్యంతో కడుపు నింపుకునే నిరుపేదలు కూడా ఉన్నారు. ప్రతి నెలా చౌక దుకాణం వద్ద క్యూలో నిలబడి రేషన్ తెచ్చుకుంటేనే వారికి రోజులు గడిచేది. అలాంటి వారికి అందాల్సిన బియ్యం, పంచదార, గోధుమలను పక్కదారి పట్టిస్తూ కొందరు డీలర్లు సొమ్ము చేసుకుంటున్నారు. మరోవైపు అనేక నిబంధనలతో ప్రభుత్వం రేషన్ కార్డులను తొలగించి పేదలను పస్తులుంచుతోంది. అంతేకాకుండా నెల నెలా రావాల్సిన కోటాను తగ్గించేస్తూ ఆ మేరకు రేషన్లో కోత విధిస్తోంది. సాక్షి, విశాఖపట్నం: జిల్లాలో 5,30,700 తెల్ల రేషన్ కార్డులున్నాయి. వాటిలో విశాఖలో 15 లక్షల 44 మందికి 3,75,011 కార్డులుండగా. 14,75,443 మంది ఆధార్ సీడింగ్ చేయించుకున్నారు. సరైన వివరాలు లేకపోవడంతో 9,714 మందికి ఆధార్ కార్డులు మంజూరు చేయలేదు. 14,877 మంది ఆధార్ కార్డులు తీయించుకోలేదు. రూరల్ పరిధిలో 1,55,689 కార్డులుండగా 1,47,904 కార్డులకు ఆధార్ను అనుసంధానించినట్లు అధికారుల లెక్కలు చెబుతున్నాయి. అంటే 7,785 కార్డులకు ఆధార్ సీడింగ్ జరగలేదు. ఈ లెక్కన జిల్లా వ్యాప్తంగా 32,376 మందికి ఆధార్ లేని కారణంగా రేషన్ ఇవ్వడం లేదు. ఆధార్ కార్డు ఉంటేనే సరకులు ఇస్తామని ప్రభుత్వం నిబంధన విధించడంతో పేదలకు కోటా బియ్యం కూడా అందడం లేదు. ఆధార్ ఉన్నా కోటా తక్కువగా ఉండటంతో పంచదార, గోధుమలు ఇవ్వడం లేదు. విశాఖ పరిధిలో రేషన్ తెల్లకార్డులకు 5603.906 మెట్రిక్ టన్నులు, అంత్యోదయ కార్డులకు 281.601 మెట్రిక్ టన్నులు, అన్నపూర్ణ కార్డులకు 4.750 మెట్రిక్ టన్నులు బియ్యం ఇస్తున్నారు. 5890.257 మెట్రిక్ టన్నులు ఇస్తున్నారు. నిజానికి దాదాపు 6200 మెట్రిక్ టన్నులు అవసరం. 1,87,541 కిలోల పంచదార అవసరం కాగా 1,83,377 కిలోలు ఇస్తున్నారు. 4,164 కిలోల కొరత ఉంది. గోధుమలు 11,21,009 కిలోలు అవసరం కాగా 11,18,619కిలోలు ఇస్తున్నారు. 2,390 కిలోలు కొరత ఉంది. - రూరల్ పరిధిలో 6వేల మెట్రిక్ టన్నులు బియ్యం ఇస్తున్నారు. కానీ ఇక్కడ కార్డుదారులందనికీ ఇవ్వాలంటే మరో 400 మెట్రిక్ టన్నులు అవసరం. - 3,72,963.5 కిలోల పంచదార అవసరం కాగా 3,72,201 కిలోలు సరఫరా చేస్తున్నారు. 762.5 కిలోలు కొరత ఉంది. గోధుమలు 7,45,927 కిలోలు అవసరం కాగా 7,45,386 కిలోలు ఇస్తున్నారు. 541 కిలోల కొరత ఉంది.అంటే ఆ మేరకు పేదలకు ఇవ్వాల్సిన కోటాలో కోత పెడుతున్నారు. -
ఊరిస్తున్న సాయం
సాక్షి, మంచిర్యాల : ఆపద్బంధు పథకం జిల్లా ప్రజలను ఆదుకోలేకపోతోంది. నెల క్రితమే పథకంలో భాగంగా ప్ర భుత్వం రూ.21 లక్షలు విడుదల చేసినా.. పంపిణీకి ఆదేశాలు మాత్రం అందలేదు. దీంతో అధికారులు ట్రెజరీలో భద్రపరిచారు. మరోపక్క ఆలస్యంగా వచ్చిన ఆర్థికసాయమైన తమకెప్పుడు అందుతుందా అని లబ్ధిదారులు వెయ్యి కళ్లతో ఎదురుచూస్తున్నారు. ప్రమాదవశాత్తు.. నక్సల్స్ చేతిలో చనిపోయిన నిరుపేద మృతుడి కుటుంబాన్ని ఆదుకోవాలనే ఉద్దేశంతో ప్రభుత్వం ఆపద్బంధు పథకాన్ని ప్రవేశపెట్టింది. 18 నుంచి 59 ఏళ్ల వయసు ఉన్న వారికే ఈ పథకం వర్తిస్తుంది. దీని కింద మృతుడి కుటుంబానికి రూ.50 వేల ఆర్థిక సాయం అందుతుంది. దరఖాస్తుదారులు మరణధ్రువీకరణ పత్రం, తెల్ల రేషన్కార్డు, పోలీసు ఎఫ్ఐఆర్ కాపీ, పంచనామా రిపోర్టుతోపాటు దరఖాస్తు ఫారం భర్తీ చేసి సంబంధిత తహశీల్దార్ కార్యాలయంలో సమర్పించాలి. అక్కడి నుంచి ఆర్డీవో, డీఆర్వో కార్యాలయాలకు దరఖాస్తు చే రుతుంది. జిల్లా అధికారులు రిపోర్టులను ప్రభుత్వానికి పంపితే.. వారిలో అర్హులకు ఆర్థికసాయం అందుతుంది. అయితే.. ఇప్పటి వరకు ప్రభుత్వం ఇన్సురెన్స్ కంపెనీతో ఒప్పందం కుదుర్చుకుని లబ్ధిదారులకు ఆర్థిక సాయం అందజేస్తూ వచ్చింది. కానీ.. పలు జిల్లాల్లో బీమా కంపెనీలు డబ్బుల చెల్లింపునకు సహకరించకపోవడంతో లబ్ధిదారులకు ఆర్థికసాయం అందడంలో ఆలస్యం అయ్యింది. దీంతో కొత్తగా కొలువుదీరిన ప్రభుత్వం ఇన్సురెన్స్ కంపెనీలతో సంబంధం లేకుండా ఆర్థికసాయం తానే భరించాలని నిర్ణయించింది. ఈ క్రమంలో ప్రతి జిల్లాకు రెండొందల మంది చొప్పున రూ.కోటి విడుదల చేసేందుకు సిద్ధమైంది. ఇప్పటికే జిల్లాకు రూ.21 లక్షలు విడుదల చేసింది. 42 మంది లబ్ధిదారులు..! రోడ్డు, అగ్ని ప్రమాదం, పిడుగుపడి, చెట్టుపై నుంచి పడి, పాము కాటు, కరెంట్ షాక్ వంటి ప్రమాదాల్లో చనిపోయిన వారు ఇప్పటి వరకు జిల్లాలో 42 మంది ఉన్నట్లు అధికారులు నిర్ధారించారు. వీరికి ఆర్థికసాయం అందించొచ్చని ప్రభుత్వానికి నివేదించారు. ప్రభుత్వం నుంచి నిధులూ విడుదలవడంతో త్వరలోనే ఆర్థికసాయం అందుతుందని లబ్ధిదారుల్లో ఆశలు చిగురించాయి. ప్రభుత్వం దాదాపు అన్ని జిల్లాలకు గత నెల నిధులు కూడా విడుదల చేసింది. అవి జిల్లా ట్రెజరీలకు చేరాయి. అక్కడి నుంచి నేరుగా లబ్ధిదారులకు డీడీల రూపంలో ఆర్థికసాయం అందాల్సి ఉంది. కానీ ట్రెజరీ డెరైక్టర్ కార్యాలయం నుంచి ఆదేశాలు రాకపోవడంతో జిల్లాస్థాయిలో ఆర్థికసాయం నిలిచిపోయిందని కలెక్టరేట్లోని ఆపద్బంధు సెక్షన్ ఇన్చార్జి రాజేంద్రప్రసాద్ తెలిపారు. ఆదేశాలు అందిన వెంటనే అర్హులందరికీ ఆర్థికసాయం అందుతుందని.. ఈ విషయంలో ఆందోళన చెందవద్దని లబ్ధిదారులను కోరారు. -
పేద కంచాలకు కొత్త గండం
సాక్షి, రాజమండ్రి :ఇప్పటి వరకూ బినామీ కార్డుల పేరుతో అర్హుల అన్నపు కంచాలకు ఎసరు పెట్టిన ప్రభుత్వం ఇంకా భారం తగ్గించుకునేందుకు మరో కొత్త దారిని వెతుకుతోంది.రేషన్ కార్డుల సంఖ్యకు భారీగా కోత్త పెట్టయినా పేదలకు ఇస్తున్న బియ్యం ఆదా చేయాలని సర్కారు ఆలోచిస్తోంది. తెల్లరేషన్ కార్డుదారులు ఆరు నెలలుగా రేషన్ తీసుకోకుండా ఉంటే వారి కార్డులు ఇకపై రద్దయిపోనున్నాయి. ఈ మేరకు జిల్లాలో పౌరసరఫరాల శాఖ అధికారులు కసరత్తు ప్రారంభించారు. జిల్లాలో మొత్తం 15.26 లక్షల రేషన్ కార్డులు ఉండగా వాటిలో 14.40 లక్షల తెల్ల రేషన్ కార్డులు, 91,000 అంత్యోదయ కార్డులు, 1632 అన్నపూర్ణ కార్డులు ఉన్నాయి. గత మూడు నెలల్లో చేపట్టిన ఆధార్ ఆధారిత వడబోతల్లో 60,232 కార్డులు తొలగించారు. అంతే కాకుండా 1.86 లక్షల కార్డులకు సంబంధించి సుమారు ఆరు లక్షల యూనిట్లు (ఆ కార్డుల ద్వారా లబ్ధిపొందే వారు) ఆదా చే శామని చెప్పుకుంటున్నారు. వీటి ద్వారా రూ.7.63 కోట్ల విలువైన సరుకులు మిగులుతుండడంతో పాటు సగటున సంవత్సరానికి 91.73 కోట్ల సబ్సిడీ ఆదా అవుతోందని అధికారులు ప్రభుత్వానికి నివేదికలు ఇచ్చారు. అంతటితో ఆగకుండా నెల నెలా రేషన్ సరుకులు తీసుకోని వారి ద్వారా కూడా భారీ మొత్తంలో ఆదా అవుతోందని విన్నవించారు. గత ఏడాది 2.15 లక్షల మంది కార్డులపై బియ్యం, ఇతర వస్తువులు తీసుకోలేదని పౌరసరఫరాల శాఖ అధికారులు కమిషనర్ బి.రాజశేఖర్కు తాజాగా పంపిన నివేదికలో పేర్కొన్నారు. ఈ కార్డుల ద్వారా ప్రభుత్వానికి ఆదా అవుతున్న సబ్సిడీ విలువ బోగస్ కార్డుల వల్ల వాటిల్లే నష్టం కన్నా ఎక్కువ ఉంటోందని చెపుతున్నారు. నెలకు రూ. 8.90 కోట్ల వంతున ఏడాదికి రూ. 106.8 కోట్లు ఆదా అవుతోందని లెక్కలు చూపుతున్నారు. దీంతో అర్హులైన కార్డుదారులై ఉన్నా ఆరు నెలలు వరుసగా సరుకులు తీసుకోని వారిని గుర్తించి కార్డులు రద్దు చేయాలని కమిషనర్ చెప్పడంతో జిల్లాలో అధికారులు గణాంకాలు సేకరిస్తున్నారు. వలస కూలీల లబ్ధికి ఎసరు.. స్థానికంగా పనుల్లేక చాలా మంది వ్యవసాయ కూలీలు ఇతర జిల్లాలకు వలస పోతుంటారు. వ్యవసాయ సీజన్లో ఆరు నెలలు అక్కడ ఉండి మిగిలిన రోజులు తమ గ్రామాల్లో పొట్ట పోసుకుంటారు. వారి పిల్లలు, ముసలి తల్లిదండ్రులు ఇళ్లల్లోనే ఉన్నా ఆధార్ కార్డు ప్రకారం యజమాని లేని కారణంగా ఇప్పుడు వారి కార్డులు రద్దయ్యే అవకాశాలు కనిపిస్తున్నాయి. వీరే కాకుండా వయోవృద్ధులు కొందరు ఇళ్లు కదిలి బయటికి రాలేక రేషన్ సరుకులు తెచ్చుకోలేక పోతున్నారు. వీరు కూడా తాజా నిర్ణయానికి బాధితులు అయ్యే అవకాశాలు ఉన్నాయి. జిల్లాలో ఇలాంటి వారి కార్డులు మరొక 60 వేల వరకూ ఉంటాయని అంచనా. వారందరి కార్డులు కూడా రద్దు చేసేందుకు రంగం సిద్ధం అవుతోంది. ఈ కుటుంబాలకు కార్డులు కేవలం నిత్యావసరాలు తెచ్చేవే కాకుండా ఆరోగ్యశ్రీ పథకం అమలుకు కూడా ఉపయోగ పడుతున్నాయి. అధికారులు కచ్చితమైన సర్వే లేకుండా తొలగింపు ప్రారంభిస్తే వేలాది కుటుంబాలు ఆరోగ్యశ్రీకి అనర్హులయ్యే ప్రమాదం ఉందని ఆందోళన చెందుతున్నారు. ‘ఈ-పాస్’ అనంతరం ఈ గణాంకాలు జిల్లాలో 2,641 రేషన్ దుకాణాలు ఉన్నాయి. వీటిలో వంద దుకాణాల్లో ఈ-పాస్ విధానం ద్వారా ఆన్లైన్ మానిటరింగ్ పద్ధతిలో రేషన్ పంపిణీ చేస్తున్నారు. ఈ దుకాణాల్లో ఆన్లైన్ గణాంకాల ఆధారంగా ముందుగా వంద దుకాణాల లెక్కలు అధికారులు తేల్చారు. తర్వాత మిగిలిన దుకాణాల్లో సేవింగ్స్ను అధికారులు అంచనా వేశారు. వీటిని గంపగుత్త లెక్కల ద్వారా భూతద్దంలో కాగితాలకు ఎక్కించిన అధికారులు ఆదాను కోట్లలో చూపిండంతో ప్రభుత్వం ‘సరుకు తీసుకోని కార్డులు’ పేరుతో’ మరోసారి కోత పెట్టేందుకు ఒడిగడుతోంది. -
కేసీఆర్ మాటల మాంత్రికుడు
ఖమ్మం: ఎన్నికల ముందు, ఆ తర్వాత రాష్ట్ర ముఖ్యమంత్రి ప్రజలకు మాయమాటలు చెప్పి కాలం వెళ్లబుచ్చుతున్నాడని భారతీయ జనతా పార్టీ జాతీయ కార్యవర్గ సభ్యులు నల్లు ఇంద్రసేనారెడ్డి విమర్శించారు. బీజేపీ జిల్లా కార్యాలయంలో శనివారం విలేకరుల సమావేశంలో ఆయన మాట్లాడారు. దళితున్ని ముఖ్యమంత్రి చేస్తానని మాట మార్చి తానే సీఎం పీఠంపై కూర్చున్నారన్నారు. వ్యవసాయ రుణాల మాఫీలోనూ ఆంక్షలు పెడుతున్నారని తెలిపారు. విద్యుత్ లేక, పంటలు ఎండిపోయి, అప్పుల భారం మోయలేక రైతులు ఆత్మహత్యలు చేసుకుంటుంటే ఆదుకోవాల్సిన ప్రభుత్వం అవహేళన చేస్తూ మాట్లాడటం దారుణమన్నారు. చివరకు తెలంగాణ అమరుల విషయంలోనూ పూటకో మాట మార్చుతున్నారని, ఉద్యమాన్ని కించపరుస్తున్నారని పేర్కొన్నారు. రాష్ట్రంలో విద్యుత్ సమస్యపై ఇతర రాష్ట్రాల ప్రభుత్వాలు, కేంద్రంపై ఆరోపణలు చేయడమే తప్ప కరెంట్ సమస్యను అధిగమించేందుకు చేసిన ప్రయత్నమేమీ లేదన్నారు. కృష్ణా నీటి వినియోగంపై సుప్రీం కోర్టుకు ఎందుకు వెళ్ళడం లేదని ప్రశ్నించారు. పెన్షన్లు, తెల్లరేషన్కార్డుల్లో కోత పెడుతున్నారని తెలిపారు. గ్రేటర్ హైదరాబాద్ ఎన్నికల్లో లబ్ధి కోసం సీఎం కేసీఆర్ అరచేతిలో వైకుంఠం చూపిస్తున్నారని విమర్శించారు. ఈ సమావేశంలో రాష్ట్ర నాయకులు ధర్మారావు, నాగపూరి రాజలింగం, బీజేపీ జిల్లా అధ్యక్షులు శ్రీధర్రెడ్డి తదితరులు పాల్గొన్నారు. -
ఇక తెల్లకార్డులకు కత్తెర ...?
* ఏరివేతకు రంగం సిద్ధం * జనవరిలో కొత్త కార్డులు * రాజకీయ జోక్యం ఉంటే అర్హులకు అన్యాయం... విజయనగరం కంటోన్మెంట్: ఇక రేషన్కార్డుల కోత ప్రారంభం కానుంది. ఇటీవల ఆధార్, సమగ్ర విచారణ వంటి వంకతో వేలాది మంది నిరుపేద పింఛనర్లను ఇబ్బందులకు గురిచేసిన ప్రభుత్వం ఇప్పుడు రేషన్ కార్డులపై దృష్టి సారించింది. అర్హత లేని వారికి కూడా తెల్ల రేషన్ కార్డులున్నాయనే నెపంతో భారీగా తెల్ల రేషన్కార్డులను తగ్గించుకోనుంది. పింఛన్ల ఏరివేతకు అనుసరించిన విధానంలాగే సర్వే చేపట్టనున్నారు. ప్రస్తుతం అధికారుల బదిలీల పర్వం నడుస్తుండడంతో అది పూర్తయ్యాక అనర్హుల ఏరివేత కార్యక్రమాన్ని నిర్వహించి, జనవరిలో కొత్త కార్డులను ఇవ్వనున్నారనీ విశ్వసనీయ వర్గాల సమాచారం. డిసెంబర్లో సర్వే నిర్వహించి కొత్తగా దరఖాస్తు చేసుకున్న వారికి జనవరిలో పంపిణీ చేసేందుకు రంగం సిద్ధం చేస్తున్నారు. జిల్లాలో 7,05,592 రేషన్ కార్డులున్నాయి. ఇందులో 44,296 పింక్ రేషన్ కార్డులు కాగా, మిగతా 6,61,296 తెల్ల రేషన్ కార్డులు. ప్రస్తుతం జిల్లాలో ఉన్న తెల్ల రేషన్ కార్డుదారుల్లో చాలా మంది అనర్హులున్నారని ప్రభుత్వం భావిస్తోంది. 10 నుంచి 30 ఎకరాల సాగు భూములున్నవారు, నెలకు రూ.20 లక్షల నుంచి రూ. 30 లక్షల వరకూ లావాదేవీలు నిర్వహిస్తున్న వ్యాపారులు, వేలాది రూపాయల జీతాలు పొందుతున్న ప్రైవేటు ఉద్యోగులతో పాటు వేలాది మంది ధనిక వర్గీయులు తెల్ల రేషన్ కార్డులు పొందారని, వారందరికీ కార్డులు రద్దు చేయాలని నిర్ణయం తీసుకున్నట్టు తెలిసింది. త్వరలో దీనికి సంబంధించిన ప్రకటన వెలువడనుందని భోగట్టా! ఇప్పటికే గతంలో నిర్వహించిన రచ్చబండలోనూ, ప్రస్తుతం నిర్వహించిన జన్మభూమిలోనూ వేలాది మంది రేషన్ కార్డుల కోసం దరఖాస్తు చేసుకున్నారు. కొత్తగా పెళ్లయిన వారు, త ల్లిదండ్రుల నుంచి విడిపోయిన వారు దరఖాస్తు చేసుకున్నవారిలో ఉన్నారు. అసలు జిల్లాలో ఉన్న జనాభాకు, రేషన్ కార్డులకూ పొంతన లేకుండా ఉంది. జనాభాకూ, రేషన్ కార్డుల్లోని యూనిట్లతో(రేషన్ కార్డుల్లోని కుటుంబ సభ్యుల సంఖ్య) పోలిస్తే ఎక్కువగా ఉండడంతో అప్పట్లో యంత్రాంగం కలవరపడిన విషయం తెలిసిందే. ఇప్పటికే ఆధార్ అనుసంధానంతో దాదాపు 17వేల కార్డులు రద్దయ్యాయి. ఇంకా డీలర్ల వద్ద, ఇతర వ్యాపారుల వద్ద వేలాది కార్డులు బోగస్వి, తనఖా కార్డులు కూడా ఉన్నాయని అంటున్నారు. రాజకీయ ప్రమేయం లేకుండా సాధ్యమా? జిల్లాలో కొత్త రేషన్ కార్డులకు తెర లేచినా, పాత కార్డులను రద్దు చేసినా రాజకీయ నాయకుల పైరవీలు, పెత్తనాలు తప్పవు. రాజకీయ నాయకులు తమకు అనుకూలంగా ఉన్నవారి కార్డులను ఉంచేసి అనుకూలం కాని వారి కార్డులను రద్దు చేసే పరిస్థితులున్నాయి. ఇటీవల పింఛన్ల విషయంలో ఇటువంటి సంఘటనలు చోటుచేసుకున్నాయి. అదే జరిగే మళ్లీ పేదలకు అన్యాయం జరిగే ప్రమాదం ఉంది. -
సక్సెస్ఫుల్గా కోత
జిల్లాలో 5.36లక్షల మందికి బియ్యం కట్ ఆధార్ సీడింగ్ పేరుతో పేదలకు అన్యాయం 12వేల మందికి గ్యాస్ నిలిపివేత! మచిలీపట్నం : ఆధార్ను అడ్డుపెట్టుకుని ప్రభుత్వం సక్సెస్ ‘ఫుల్గా రేషన్ కోత’ విధిస్తోంది. అధార్ నంబరు ఇవ్వలేదని జిల్లావ్యాప్తంగా 5.36 లక్షల మందికి అక్టోబరు నెలలో బియ్యం మంజూరు కాలేదు. అసలు వారికి సంబంధించిన 2,140 టన్నుల బియ్యాన్ని రేషన్ షాపులకు పంపిణీ చేయలేదు. దీంతో పేదలు తీవ్ర ఇబ్బందులు ఎదుర్కొంటున్నారు. కొందరు తమకు బియ్యం ఇవ్వడం లేదని తహశీల్దార్ కార్యాలయాల చుట్టూ ప్రదిక్షణలు చేస్తున్నారు. జిల్లాలో 11,23,944 తెల్లకార్డులు ఉన్నాయి. వీటిలో 37,10,501 మంది సభ్యులు ఉన్నారు. వీరిలో ఆదార్ కార్డు నంబరు సమర్పించని 5,36,102మందిని అనర్హులుగా గుర్తించారు. ఆధార్ సీడింగ్ నూరు శాతం పూర్తయితే అనర్హుల సంఖ్య మరింత పెరిగే అవకాశం ఉందని పౌరసరఫరాల శాఖ అధికారులు చెబుతున్నారు. రేషన్కార్డుకు ఆధార్ నెంబరును జత చేయాలని పలువురు ఇప్పటికీ తహశీల్దార్ కార్యాలయాల చుట్టూ తిరుగుతున్నారు. సమయం అయిపోయిందని కొన్ని మండలాల్లో, నాలుగు రోజుల తర్వాత రావాలని మరికొన్ని ప్రాంతాల్లో రెవెన్యూ అధికారులు తిప్పుతున్నారు. దీంతో కొందరికి ఆధార్ కార్డులు ఉన్నప్పటికీ రేషన్కార్డుకు అనుసంధానం చేయించలేని దుస్థితి ఉంది. రేషన్ డీలర్ల అక్రమాలకు చెక్ పడేనా! జిల్లాలో 2,300 రేషన్ షాపులు ఉన్నాయి. బోగస్ రేషన్కార్డులు అధికంగా డీలర్లు తమ వద్దనే పెట్టుకుని ఇన్నాళ్లుగా బియ్యాన్ని దిగమింగారు. ఈ క్రమంలోనే తహశీల్దార్ కార్యాలయాల్లోని పౌరసరఫరాల విభాగంలో పనిచేసే సిబ్బంది కొన్ని బోగస్కార్డులకు ఆధార్ సీడింగ్ చేసే సమయంలో తమ నైపుణ్యాన్ని చూపి డీలర్ల వద్ద ఉన్న కార్డులు రద్దు కాకుండా జాగ్రత్తలు తీసుకున్నారనే ఆరోపణలు వినిపిస్తున్నాయి. గ్యాస్ సరఫరా పైనా ప్రభావం జిల్లాలో 67 గ్యాస్ ఏజెన్సీలు ఉన్నాయి. వీటిలో సింగిల్ సిలిండర్ గ్యాస్ కనెక్షన్లు 6,30,927, డబుల్ సిలెండర్ కనెక్షన్లు 4,17,393, కమర్షియల్ కనెక్షన్లు 12,034 ఉన్నాయి. కొంత మందికి ఆధార్ కార్డులు అందకపోవటంతో గ్యాస్ కనెక్షన్కు ఆధార్ సీడింగ్ జరగలేదు. వారందరికీ గ్యాస్ సరఫరాను నిలిపివేశారు. జిల్లా వ్యాప్తంగా సుమారు 12 వేల గ్యాస్ కనెక్షన్లను నిలిపివేసినట్లు సమాచారం. పునరుద్ధరిస్తాం రేషన్ కార్డు సక్రమంగా ఉండి ఆధార్ నంబరు ఇప్పటి వరకు సమర్పించని వారికి ఆధార్ సీడింగ్ జరగకపోవటంతో రేషన్ నిలిపివేయటం జరిగింది. ఆధార్ నంబరును రేషన్కార్డుకు అనుసంధానం చేస్తే వారికి రేషన్ వచ్చే అవకాశం ఉంది. ఇప్పటికీ ఎవరి పేరునైనా ఆధార్ సీడింగ్ జరగకపోతే త్వరగా రెవెన్యూ అధికారులను సంప్రదించాలి. ఇలా వచ్చిన ప్రతిపాదనలపై విచారణ చేసి అర్హులైన వారందరికీ రేషన్ ఇచ్చేందుకు చర్యలు తీసుకుంటాం. రేషన్కార్డు, గ్యాస్ కనెక్షన్లకు ఆధార్ సీడింగ్ తప్పనిసరి. ఆధార్ సీడింగ్ లేదనే పేరుతో గ్యాస్ సరఫరాలో ఏమైనా పొరపాట్లు జరిగితే వాటిని సరిదిద్దుతాం. - సంధ్యారాణి, డీఎస్వో -
‘ఆధారం’లేకపోతే ఆగమే
సాక్షి ప్రతినిధి, సంగారెడ్డి: ఉన్న ఊరిని, వలస జీవిని కలిపేది తెల్లకార్డు. సార్లొచ్చినప్పుడు ఊర్లో లేకపోతే కార్డు తీసేస్తారని అని చెబితే చాలు.. ఇతర రాష్ట్రాల్లో ఉన్నా సరే, వలసజీవులు పరుగు పరుగున సొంతూళ్లకు వచ్చేస్తారు. ఇంతకష్టం ఎందుకంటే తాము ఈ గ్రామానికే చెందినవాళ్లం అని చెప్పేందుకు ఇదో ఆధారమంటారు. కానీ ఇపుడు అలాంటి ఆధారమే వలసజీవికి లేకుండా పోతోంది. సంక్షేమ పథకాలన్నీ అర్హులైన వారికే దక్కాలన్న సంకల్పంతో సీఎం కేసీఆర్ తీసుకుంటున్న నిర్ణయాలు వలస జీవులకు, నిరుపేదలకు ఇబ్బందిగా మారుతున్నాయి. వ్యక్తి సమగ్ర వివరాలను గుర్తించేందుకు రాష్ట్ర ప్రభుత్వం అన్ని సంక్షేమ పథకాలకు ఆధార్ కార్డును తప్పని సరి చేసింది. ఈ నిర్ణయంతో జిల్లాలో దాదాపు 5 లక్షల మందికి సంక్షేమ పథకాలు అందకుండా పోతున్నాయి. పైగా జిల్లాలో ఆధార్ సెంటర్లను మూసి వేయడంతో ప్రజలు ఇప్పటికిప్పుడు ఆధార్ కార్డు తెచ్చుకునే అవకాశం కూడా లేకుండా పోయింది. ఆధార్ లేని వాళ్లు 8 లక్షలు 2010- 11 జనాభా లెక్కల ప్రకారం జిల్లాలో 6,68,628 కుటుంబాల్లో 30,33,288 మంది జనాభా ఉన్నారు. ఇటీవల జరిపిన సమగ్ర సర్వే ప్రకారం జిల్లాలో 8,50,834 కుటుంబాలు ఉన్నట్లు తేలింది. ఈ లెక్కన చూస్తే జిల్లా జనాభా కనీసం 5 నుంచి 6 లక్షల పెరిగే అవకాశం ఉంది. సమగ్ర సర్వేలో 27,15,857 మంది మాత్రమే ఆధార్ కార్డును నమోదు చేయించుకున్నట్లు తేలింది. మిగిలిన వారు ఆధార్ కార్డును ఇవ్వలేకపోయారు. సర్వే నివేదిక ప్రకారం కనీసం 8 లక్షల మందికి ఆధార్కార్డులు లేవు. ప్రతి సంక్షేమ పథకానికీ ఆధార్ కార్డు తప్పనిసరి కావడంతో ఆధార్ లేని వారంతా ప్రభుత్వ సంక్షేమ పథకాలకు దూరమయ్యే ప్రమాదం ఉంది. తాజాగా రాష్ట్ర ప్రభుత్వ ఆహార భద్రత కార్డు, పెన్షన్ కోసం అర్హులైన వారి నుంచి దరఖాస్తులు ఆహ్వానించింది. దీంతో సుదూర ప్రాంతాల్లో ఉన్న వారు కూడా మళ్లీ సొంతూళ్లకు చేరుకుంటున్నారు. అయితే అధికారులు వారిని ఆధార్ కార్డులివ్వాలని కోరుతుండడంతో వారంతా ఇబ్బందిపడుతున్నారు. పోనీ ఇప్పుడైనా ఆధార్ కోసం నమోదు చేసుకుందామంటే జిల్లాలో అన్ని సెంటర్లనూ మూసివేశారు. మీ సేవా కేంద్రం ద్వారా ఆధార్ కార్డును పొందే అవకాశం ఉన్నా, పేరు నమోదు చేసుకున్న తర్వాత ఎన్రోల్మెంటు నంబర్ ఎప్పుడొస్తుందో తెలియని పరిస్థితి ఏర్పడింది. పెన్షన్ లాంటి సంక్షేమ పథకాల్లో లబ్ధిపొందుతూ, ఆధార్ కార్డులేని వారు, కనీసం ఇంకా నమోదు చేయించుకోని వారు సుమారుగా 3,12,007 మంది ఉన్నట్లు సర్వేలో తేలింది. ప్రస్తుతం వీరి పరిస్థితి సందిగ్ధంలో పడింది. దళితుల్లోనే ఎక్కువ ఆధార్కార్డు లేని వారిలో ఎక్కువగా దళితులే ఉన్నట్లు తెలుస్తోంది. ఇప్పటి వరకు గుంట జాగ కూడా లేని దళితులు శ్రమనే నమ్ముకొని బతికారు. ఎక్కడ పని దొరికితే అక్కడకు వెళ్లి జీవనం కొనసాగిస్తున్నారు. వలసలు కూడా దళిత కుటుంబాల్లోనే ఎక్కువగా ఉన్నాయి. వలసలు వెళ్లిన చాలా మంది దళితులకు ఆధార్కార్డులు లేవు. వీళ్ల పరిస్థితి ఇప్పుడు అగమ్యగోచరంగా మారింది. జిల్లా నుంచి ఎంత మంది వలసలు వెళ్లారు, వాళ్ల వివరాలు డీఆర్డీఏ, డ్వామా, రెవిన్యూ, కార్మిక శాఖ అధికారుల వద్ద లేరు. వలస జీవుల వివరాలు ఇవ్వండని అడితిగే ఏ ఒక్కరి దగ్గర కూడా వివరాలు లేవు. ప్రతి శాఖ అధికారులు కూడా అది తమ పరిధిలోకి రాదంటే తమ పరిధిలోకి రాదని చెప్పి చేతలు దులుపుకుంటున్నారు. ప్రభుత్వం దళితులకు ఇస్తామన్న మూడు ఎకరాల భూమికి కూడా అర్హుల జాబితాను ఆధార్ కార్డు ఆధారంగానే రూపొందిస్తున్నారు. దీంతో చాలా మంది దళితులకు అన్యాయం జరిగే ప్రమాదం ఉంది. ఆధార్ సెంటర్లు తెరవాలి సర్కార్ ప్రవేశపెడుతున్న సంక్షేమ పథకాలన్నింటికీ ఆధార్ కార్డు తప్పని పరిస్థితి అయిన నేపథ్యంలో ఇప్పటికీ ఆధార్కార్డు పొందని వారికోసం వీలుగా ఆధార్ సెంటర్లను ఏర్పాటు చేయాలని ప్రజలు డిమాండ్ చేస్తున్నారు. ప్రభుత్వం ముందుగా ప్రతి వ్యక్తికీ ఆధార్ కార్డు అందేవిధంగా చర్యలు తీసుకున్న తర్వాతే ఆధార్ కార్డును సంక్షేమ పథకాలతో లింక్ చేయాలని ప్రజలు డిమాండ్ చేస్తున్నారు. -
కార్డు మారుతోంది...
రేషన్ కార్డుల స్థానంలో ఆహారభద్రత కార్డులు నేటి నుంచి రేషన్షాపుల్లో దరఖాస్తుల స్వీకరణ కార్డుదారులు సైతం దరఖాస్తుచేసుకోవాల్సిందే విచారణ ఆధారంగానే కొత్త కార్డుల జారీ సాక్షి, సిటీబ్యూరో: పేద ప్రజలకు ఎంతగానో ఉపయోగపడుతున్న తెల్ల రేషన్ కార్డు రూపు మారుతోంది. ఎన్నో ఏళ్లుగా అమలులో ఉన్న ఈ కార్డుల స్థానంలో కొత్తగా ఆహార భద్రత కార్డులు ప్రవేశపెడుతున్నారు. ఈమేరకు నగరంలో తెల్లరేషన్ కార్డుల స్థానంలో ఆహార భద్రత కార్డుల జారీ కోసం సోమవారం నుంచి దరఖాస్తులు స్వీకరించనున్నారు. ప్రస్తుతం రేషన్కార్డులు కలిగి ఉన్నవారితోపాటు కొత్త వారుసైతం ఆహారభద్రత కార్డుల కోసం నివాసాలకు సమీపంలోని రేషన్ షాపుల్లో ధరఖాస్తులు ఇవ్వాల్సి ఉంటుంది. దారిద్య్రరేఖకు దిగువనగల నిరుపేదకుటుంబాలు తెల్లకాగితంపై సమగ్ర వివరాలు తెలియజేస్తూ దరఖాస్తు అందజేయాల్సి ఉంటుంది. వీటి పరిశీలన, సమగ్ర విచారణ అనంతరం అర్హులైన కుటుంబాలకు మాత్రమే ఆహార భద్రత కార్డులు జారీ కానున్నాయి. నిత్యవసర సరుకులకు మాత్రమే ఈ కార్డులు ఉపయోగపనున్నాయి. సివిల్ సప్లై అధికారుల పర్యవేక్షణలో డీలర్ షాపుల్లో ఈ నెల 20 వరకు ఈ దరఖాస్తులు స్వీకరిస్తారు. 8 లక్షల వరకు దరఖాస్తులు హైదరాబాద్ నగరంలో ఆహార భద్రత కార్డుల కోసం సుమారు 8 లక్షల వరకు దరఖాస్తులు అందవచ్చని పౌరసరఫరాల శాఖ అధికారులలు అంచనా వేస్తున్నారు. నగరానికి పెరుగుతున్న వలసలతో అధికారుల అంచనాలకు మించి మరో లక్ష వరకు దరఖాస్తులు పెరిగే అవకాశాలూ లేకపోలేదు. ప్రస్తుతం బోగస్కార్డుల ఏరివేత అనంతరం అర్హులైన 6.23 లక్షల తెల్లరేషన్ కార్డులు ఉండగా, రచ్చబండ సందర్భంగా సుమారు 77 వేల కుటుంబాలు కొత్త రేషన్ కార్డుల కోసం దరఖాస్తు చేసుకున్నాయి. ఇన్స్పెక్టర్లదే పర్యవేక్షణ బాధ్యత... ఆహార భద్రత కార్డుల కోసం దరఖాస్తుల స్వీకరణ తదితర అంశాలపై పర్యవేక్షణ బాధ్యత సివిల్సప్లై ఇన్స్పెక్టర్లకు అప్పగించారు. రేషన్ షాపులో దరఖాస్తులు స్వీకరించనున్నప్పటికీ సివిల్సప్లై ఇన్స్పెక్టర్ పర్యవేక్షణలోనే ప్రక్రియ కొనసాగనుంది. ప్రభుత్వ చౌకధర దుకాణాల పనివేళల్లో మాత్రమే దరఖాస్తులు స్వీకరించడం జరుగుతుందని పౌరసరఫరాల అధికారి రాజశేఖర్ తెలిపారు. -
పండుగకు పరేషాన్
విశాఖ రూరల్ : జిల్లాలో 12.3 లక్షల తెల్లరే షన్కార్డుదారులు ఉన్నారు. చౌక దుకాణాల నుంచి వీరు ప్రతీ నెలా ఏ వస్తువు తీసుకోకపోయినా పామాయిల్ను మాత్రం కచ్చితంగా కొనుగోలు చేస్తున్నారు. ప్రతీ కుటుంబానికి అవసరమైన ఈ వంటనూనె సరఫరాలో ప్రభుత్వ నిర్లక్ష్యం కారణంగా నిలిచిపోయింది. గత మార్చి నుంచి ఉత్పత్తి కొరత పేరుతో పామాయిల్ పంపిణీ పూర్తిగా ఆపేశారు. రాష్ట్రవ్యాప్తంగా రేషన్డిపోల్లో సరఫరా చేసే పామోలిన్కు రాష్ట్ర ప్రభుత్వం రాయితీ విడుదల చేయాల్సి ఉంటుంది. గత ఏడు నెలలుగా రాయితీ నిధులు జమ చేయడం లేదు. దీంతో సరఫరా నిలిచిపోయింది. పామోలిన్ లీటర్ ధర రూ.63.50 ఉంటుంది. దీనికి కేంద్ర ప్రభుత్వ రాయితీ రూ.15, రాష్ట్ర ప్రభుత్వం రాయితీ రూ.8.50 చెల్లించి.. కార్డుదారులకు రూ.40కే చౌక దుకాణాల ద్వారా పంపిణీ చేసేది. మలేషియా నుంచి క్రూడ్ను కొనుగోలు చేయగా కాకి నాడ పోర్టుకు తీసుకువచ్చి అక్కడ పామాయిల్ను ప్యాకింగ్ చేసి జిల్లాలకు కేటాయింపులు చేసేవారు. కానీ గత ఏడు నెలలుగా పామాయిల్ను కొనుగోలు చేయలేదు. దీంతో 12.3 లక్షల మంది కార్డుదారులు బహిరంగ మార్కెట్లో లీటర్ పామోలిన్ను రూ.63 నుంచి రూ.68కు కొనుగోలు చేయాల్సి వస్తోంది. సాధారణంగా కార్డుదారులకు ప్రతీ నెలా అరకిలో పంచదార ఇస్తున్నారు. పండుగ మాసాల్లో మాత్రం అదనంగా మరో అరకిలో ఇచ్చేవారు. వినాయక చవితి పండుగకు అదనపు చక్కెర ఇస్తారని భావించినప్పటి ప్రభుత్వం ఎటువంటి కేటాయింపులు చేయలేదు. కనీసం దసరాకైనా అరకిలో అదనంగా ఇస్తారనుకున్నా ప్రభుత్వం కనీసం ఆ విషయంపైనే దృష్టి సారించలేదు. ఇందుకు సంబంధించి ఎటువంటి ఉత్తర్వులు గాని, అదనపు కేటాయింపులు గానీ జరగకపోవడంతో దసరాకు కూడా పంచదార అదనంగా ఇచ్చే అవకాశం లేదని అధికారులు చెబుతున్నారు. కేవలం బియ్యం, పంచదార మినహా మిగిలిన సరుకులు ఇవ్వడం లేదు. దీంతో పండుగ మాసంలో కూడా పేదలు పస్తులుండాల్సిన పరిస్థితి నెలకొంది. -
‘అమ్మ హస్తా’నికి ‘చంద్ర’ గ్రహణం
సాక్షి, ఒంగోలు: పేదలపై ప్రభుత్వ బాదుడు మొదలైంది. ఆహార భద్రతపై కేంద్రప్రభుత్వం అనేక చర్యలు చేపడుతుండగా, ఇక్కడ రాష్ట్ర ప్రభుత్వం మాత్రం కొనసాగే పథకాలను రద్దు చేస్తూ పేదలకు మొండిచేయి చూపుతోంది. తెల్లరేషన్ కార్డులున్న పేదలకు నిత్యావసరాలను అతితక్కువ ధరకు అందించాలనే ఉద్దేశంతో గత ప్రభుత్వం ‘అమ్మహస్తం’ పథకాన్ని ప్రవేశపెట్టింది. కిరణ్కుమార్రెడ్డి ముఖ్యమంత్రిగా ఉన్నప్పుడు ఈ పథకాన్ని ఆర్భాటంగా ప్రకటించగా, ప్రజాపంపిణీ వ్యవస్థ ద్వారా పేదలకు అందించే బియ్యం, కిరోసిన్తోపాటు మరో తొమ్మిది రకాల సరుకులను రూ.185కే ప్రత్యేక ప్యాకెట్లలో పంపిణీ చేయాలని నిర్ణయించారు. కిందటేడాది ఏప్రిల్ 24 నుంచి అమలవుతున్న ఈ పథకం ప్రస్తుత టీడీపీ పాలనలో క్రమేపీ కనుమరుగవుతోంది. దీంతో పేదలకు ఉప్పు, పప్పు, చింతపండు, నూనె మార్కెట్లో మరింత ప్రియం కానున్నాయి. ఆర్థిక పొదుపు పేరిట తెల్లరంగు రేషన్కార్డుదారులకు అందించే నిత్యావసర సరుకులను సెప్టెంబర్ నెల నుంచి నిలిపివేయాలని ప్రభుత్వం నుంచి జిల్లా పౌరసరఫరాల శాఖ అధికారులకు ఆదేశాలొచ్చాయి. నిండుకున్న నిత్యావసరాల నిల్వలు కేంద్రప్రభుత్వం రాయితీని నిలుపుదల చేసిందనే సాకుతో పామోలిన్ పంపిణీని మే నెల నుంచి పూర్తిగా నిలిపివేశారు. మూడు నెలలుగా అమ్మహస్తం సరుకులు కార్డుదారులకు పూర్తిస్థాయిలో పంపిణీ జరగడం లేదు. రానున్న రోజుల్లో పథకం కనుమరుగయ్యే పరిస్థితి కనిపిస్తోంది. వచ్చేనెలలో బియ్యం, చక్కెరతో సరిపెట్టుకోవాల్సిందే. ఇప్పటిదాకా అమలైన అమ్మహస్తం పథకంలో కిలో కందిపప్పు రూ.50కు, లీటర్ పామోలిన్ ఆయిల్ రూ.40, గోధుమపిండి కిలో రూ.16.50, కిలో గోధుమలు రూ.7, అరకిలో చక్కెర రూ.6.75, కిలోఉప్పు రూ.5, పావుకిలో కారం రూ.20, అరకిలో చింతపండు రూ.30, పసుపు (100 గ్రాములు) రూ.10కు పంపిణీ చేశారు. జిల్లాలో మొత్తం 8.90 లక్షల మంది తెల్లరంగు కార్డుదారులున్నారు. వీరందరికీ జిల్లావ్యాప్తంగా 2,085 ప్రజాపంపిణీ దుకాణాల ద్వారా నెలవారీ బియ్యం ఇతర వస్తువులు అందిస్తున్నారు. కార్డుదారులకు రూ.292 విలువ చేసే తొమ్మిది రకాల నిత్యావసర సరుకులను రూ.185కే చౌకధరల దుకాణాల్లో పంపిణీ చేస్తున్నారు. లబ్ధిదారులకు రూ.107లు లబ్ధికలిగేది. పథకం ప్రారంభంలో కొన్ని మండలాల్లో నాసిరకం సరుకులు పంపిణీ చేసినట్లు విమర్శలు వెల్లువెత్తినప్పటికీ, ప్రభుత్వం సక్రమంగా దృష్టిసారిస్తే పేదలకు ప్రయోజనకరమైన పథకమిది. సెప్టెంబర్ నెలకు సరుకుల్లేవ్.. జిల్లాలో 8 లక్షల 90 వేల మంది కార్డుదారులున్నారు. ప్రజాపంపిణీ వ్యవస్థలో భాగంగా జిల్లాపౌరసరఫరాల సంస్థ అధికారులు 2085 చౌకధరల దుకాణాల ద్వారా ప్రతినెలా బియ్యంతోపాటు అమ్మహస్తం సరుకులను పంపిణీ చేస్తున్నారు. ప్రస్తుతం జిల్లాలోని 19 ఎంఎల్ఎస్ గోడౌన్లలో గోధుమపిండి 26 టన్నులు, ఉప్పు 77 టన్నులు, కందిపప్పు 121 టన్నులు, పంచదార 429 టన్నులు మాత్రమే నిల్వలున్నాయి. ఈలెక్కన సెప్టెంబర్ నెలలో కార్డుదారులు బియ్యం, చక్కెరతోనే సరిపెట్టుకోవాల్సి వస్తుంది. పేదలపై రూ.25.98 కోట్ల భారం: అమ్మహస్తం సరుకుల పంపిణీ నిలిచిపోతే పేదలపై రూ.25,98,80,000 భారం పడనుంది. ఇదే తరుణంలో నిత్యావసర వస్తువుల ధరలు అదుపుతప్పే ప్రమాదముంది. సామాన్యులు నిత్యావసరాలను కొనుగోలు చేయలేని పరిస్థితికి ధరలు చేరుకున్నాయి. ప్రస్తుతం పామోలిన్, కందిపప్పు ధరలు ఆకాశాన్నంటాయి. ‘అమ్మహస్తం’ కనుమరుగు కావడంతో కార్డుదారులు నిత్యావసర సరుకులను బహిరంగ మార్కెట్లో కొనుగోలు చేయాల్సిందే. దీంతో కరువు జిల్లాప్రజలపై నిత్యావసర సరుకుల భారం మరింత పెరగనుంది. నూతన ప్రభుత్వం అమ్మహస్తం సరుకులు పంపిణీ చేసి పేదలను ఆదుకోవాల్సిన అవసరం ఎంతైనా ఉంది. -
ఆధార్ నంబర్లు ఇస్తేనే రేషన్
చిత్తూరు (సెంట్రల్): జిల్లాలోని తెల్లరేషన్ కార్డు కలిగిన ల బ్ధిదారులు వారి కార్డులను ఆధార్ కార్డుతో అనుసంధా నం చేస్తేనే సెప్టెంబర్ నెల నుంచి నిత్యావసర సరుకుల స రఫరా జరుగుతుందని, లేదంటే కట్ చేస్తామని జిల్లా పౌరసరఫరాల శాఖ అధికారి విజయరాణి అన్నారు. కలెక్టరేట్లోని సమావేశమందిరంలో జిల్లాలోని సీఎస్ డీటీలు, గ్యా స్ డీలర్లతో గురువారం ఆమె సమావేశం నిర్వహించారు. ఈ సందర్భంగా ఆమె మాట్లాడుతూ ప్రభుత్వ పథకాల న్నింటినీ ఆధార్ కార్డుతో అనుసంధానం చేయాలనే కృతనిశ్చయంతో ప్రభుత్వం ఉందని, ఈ నేపథ్యంలో ప్రజాపంపిణీ విధానంలో చౌకదుకాణాల ద్వారా పంపిణీ అవుతున్న నిత్యావసర సరుకులను పకడ్బందీగా పేదలకు అం దజేసేందుకు ఆధార్కార్డు అనుసంధానం తప్పని సరన్నా రు. జిల్లాలో ఇప్పటికే 90 శాతానికి పైగా రేషన్ కార్డుదారులు వారి కార్డులను ఆధార్తో అనుసంధానం పూర్తి చే శారన్నారు. మిగిలిన కార్డుదారులు కూడా ఈనెల 31వ తే దీ లోపు ఆధార్కార్డులతో రేషన్ కార్డులను అనుసంధానం పూర్తి చేయాల్సిన బాధ్యత సీఎస్ డీటీలదేనన్నారు. అలాగే గ్యాస్ వినియోగదారులు వారి గ్యాస్ సర్వీసు నెంబర్లతో ఆధార్కార్డులను అనుసంధానం చేయించుకోవాల్సిన అవసరముందని ఆమె తెలిపారు. డీలర్లు, సీఎస్డీటీలు సం యుక్తంగా ఆధార్ అనుసంధానం పూర్తి చేయించాలన్నా రు. ప్రధానంగా దీపం పథకం ద్వారా సిలిండర్ పొందిన గ్యాస్ వినియోగదారులు వారి కనెక్షన్లను ఆధార్తో అ నుంధానం చేయించుకుంటేనే గ్యాస్ సరఫరా చేస్తామన్నా రు. లేదంటే గ్యాస్ రాయితీ నిలిపి వేస్తామని చెప్పారు. ఈ సమావేశంలో గ్యాస్డీలర్లు , ఏఎస్వో, సివిల్ సప్లరుుస్ ఉప తహశీల్దార్లు పాల్గొన్నారు. -
‘అమ్మహస్తం’.. అస్తవ్యస్తం!
ఘట్కేసర్ టౌన్: అమ్మహస్తం పథకం ప్రజలకు మొండిచెర్య చూపుతోంది. తెల్లరేషన్ కార్డు కలిగి ఉన్న లబ్ధిదారులకు రూ. 185కే ఉప్పు, కారం, చింతపండు, గోధుమలు, గోధుమపిండి, పామాయిల్, పంచదార, కందిపప్పు, పసుపు సరుకులను అందించాలని గత ప్రభుత్వం అమ్మహస్తం పథకాన్ని ప్రవేశపెట్టింది. గత ఉగాది పండుగకు ప్రారంభమైన ఈ పథకం ఏడాదిలోపే నీరుగారిపోరుుంది. తొమ్మిది సరుకులు అందించాల్సి ఉన్నా కేవలం పంచదార మాత్రమే పంపిణీ చేస్తున్నారు. పామాయిల్, కందిపప్పు, గోధుమలు అందడం లేదు. ఆరు నెలలుగా పామాయిల్ సరఫరాను పూర్తిగా నిలిపివేశారు. నాణ్యత లేని సరుకులు.. అవ్ము హస్తం పథకం కింద ప్రభుత్వం సరఫరా చేస్తున్న సరుకుల్లో నాణ్యత కరువైంది. దీంతో లబ్ధిదారులు ఈ సరుకులను తీసుకెళ్లడం లేదు. కాలం చెల్లిన చింతపండు, పురుగులు తిరుగుతున్న గోధుమపిండి, వినియోగించలేని విధంగా ఉన్న కారం పొడి, పసుపు, ఉప్పు సరుకులు సరఫరా అవుతుండటంతో వినియోగదారులు రేషన్ దుకాణాలకు బదులు బయుట సరుకులు కొనుగోలు చేయుడంతో పేదలకు ఆర్థికభారం తప్పడం లేదు. రేషన్ దుకాణాల్లో కిలో గోధుమలు రూ.7కు లభిస్తుండగా మార్కెట్లో రూ. 15, పామాయిల్ రూ.40కిగాను రూ. 65-70లు, కందిపప్పురేషన్ దుకాణంలో రూ. 50లు ఉండగా మార్కెట్లో రూ. 70- 75లకు లభిస్తోంది. వూర్కెట్లో సరుకులు కొనుగోలు చేస్తుండటంతో జిల్లా లో ఉన్న 10.8 లక్షల తెల్ల రేషన్ కార్డు వినియోగదారులపై రూ. కోట్లాడి భా రం పడుతోంది. ఇప్పటికైనా ప్రభుత్వం స్పందించి నాణ్యమైన సరుకులను సరఫరా చేయాలని పేదలు కోరుతున్నారు. -
సర్వేతో అక్రమ కనెక్షన్ ‘కట్’
ఖమ్మం కార్పొరేషన్ పరిధిలో ప్రస్తుతం 58,496 ఇళ్లు, 86,344 కుటుంబాలు ఉన్నాయి. అధికారికంగా కార్పొరేషన్ రికార్డుల్లో మాత్రం 24,500 మంచినీటి కనెక్షన్లు ఇచ్చినట్లు ఉంది. వీటిల్లో బీపీఎల్ కోటాలో 5వేలు, జనరల్ కేటగిరీ కింద 19,500 కనెక్షన్లు ఉన్నాయి. తెల్ల రేషన్ కార్డు ఉన్న నిరుపేదలు కనెక్షన్ తీసుకోవడానికి రూ.200, జనరల్ కేటగిరి కింద రూ.8 వేలు చెల్లించాలి. ఈ మొత్తం చెల్లించడం కంటే కార్పొరేషన్ సిబ్బంది చేయి తడిపితే వెంటనే కనెక్షన్లు ఇస్తున్నారనే ఆరోపణలు ఉన్నాయి. మరోపక్క ప్రతీ కనెక్షన్కు నెలకు రూ. 110 చెల్లించాలి. ఈ కనెక్షన్ల ద్వారా కార్పొరేషన్కు నెలకు సుమారు రూ. 27లక్షల ఆదాయం రావాలి. కానీ కొంత మంది ఇళ్లలో పన్ను వసూళ్ల గురించి అధికారులపై రాజకీయ నాయకులు ఒత్తిడి చేస్తున్నట్లు సమాచారం. అలాగే మరికొన్ని మొండి బకాయిలు, ప్రభుత్వ కార్యాలయాలు, ప్రజా ప్రతినిధుల బకాయిలు పోను నెలకు రూ.15 లక్షలు కూడా కార్పొరేషన్కు ఆదాయం రావడం లేదు. నిరుపేదలను ముక్కుపిండి పన్ను వసూలు చేస్తున్న సిబ్బంది, బడా బాబుల పన్ను వసూళ్లపై కినుక వహించడం పట్ల విమర్శలు వెల్లువెత్తుతున్నాయి. అక్రమ కనెక్షన్లతో ఆదాయానికి గండి.. ప్రస్తుతం కార్పొరేషన్ పరిధిలో సుమారు 5 వేల అక్రమ మంచినీటి కనెక్షన్లు ఉన్నాయి. ఒక ఇంటికి ఒక కనెక్షన్ ఉంటే కార్పొరేషన్ సిబ్బందితో తమకున్న పరిచయాలను ఉపయోగించుకుని మరో కనెక్షన్ను అక్రమంగా ఏర్పాటు చేయించకుంటున్నారనే విమర్శలు ఉన్నాయి. దీంతో ఏటా ఈ అక్రమ కనెక్షన్ల సంఖ్య పెరుగుతోంది. వీటికి తోడు చిన్నచిన్న మోటార్లను ఈ కనెక్షన్లకు ఏర్పాటు చేసిన నీటిని తోడుతుండడంతో శివారు కాలనీలకు మంచినీరు సరఫరా కావడం లేదు. పట్టణంలోని శ్రీనివాస్నగర్, ముస్తఫానగర్, జహిర్పుర, చెరువుబజార్, పార్శీ బంధం, కాల్వొడ్డు ప్రాంతాల్లో ఎక్కువగా అక్రమ కనెక్షన్లు ఉన్నాయి. ప్రతి వీధిలో ఇష్టారీతిలో మున్సిపల్ అధికారులు, సిబ్బంది సహకారంతోనే అక్రమ కనెక్షన్లు పుట్టకొస్తున్నట్లు ఆరోపణలు వెలువడుతున్నాయి. అధికారులు తమకేమీ పట్టనట్లుగా వ్యవహరిస్తుండడంతో ఈ కనెక్షన్ల ద్వారానే నెలకు రూ.5.50 లక్షల కార్పొరేషన్ ఆదాయానికి గండి పడుతోంది. అక్రమ కనెక్షన్లపై కొరఢా ఝుళిపించాల్సిన మున్సిపల్ ఉన్నతాధికారులు వాటిని ముట్టుకుంటే తమ సీట్లకు ఎసరు వస్తుందన్న ఉద్దేశంతో వెనకడుగు వేస్తున్నారు. పక్కాగా సమాచారం సేకరిస్తేనే.. ఈనెల 19న రాష్ట్ర ప్రభుత్వం ప్రతిష్టాత్మకంగా సమగ్ర సర్వే నిర్వహించేందుకు ఏర్పాట్లు చేసింది. ఈ సర్వేతో ఇళ్లు, కుటుంబం పొందుతున్న సంక్షేమ పథకాలు అన్నీ రికార్డు కానున్నాయి. అయితే సర్వే ఫామ్లో మంచినీటి సౌకర్యం కూడా నమోదు చేశారు. తొలిసారిగా ఇంటింటికి వెళ్లి ఈ సర్వే చేస్తుండడంతో అక్రమ కనెక్షన్లు బయట పడే అవకాశం ఉంది. ఇతర శాఖల సిబ్బందిని కూడా సర్వేకు వినియోగిస్తుండడంతో కార్పొరేషన్ పరిధిలో అక్రమ కనెక్షన్ల సంఖ్య తేలనుంది. ప్రతి ఇంటికి ఎన్ని కనెక్షన్లు ఉన్నాయో ‘మంచి నీటి సౌకర్యం’కాలంలో విధిగా ఎన్యుమరేటర్ పేర్కొనాలి. ఇలా వచ్చిన సమాచారాన్ని కార్పొరేషన్ అధికారులు ప్రభుత్వానికి నివేదిక పంపిస్తారు. ఈ నివేదికలో అక్రమ కనెక్షన్ల సంఖ్య కూడా పేర్కొననున్నారు. దీంతో సర్వే అనంతరం ప్రభుత్వ ఆదేశాల మేరకు ఈ కనెక్షన్లను కట్ చేయనున్నారు. ఇదంతా మున్సిపల్ అధికారులు పారదర్శకంగా చేస్తేనే జరుగుతుంది... లేకపోతే ప్రభుత్వం బృహత్తరంగా తీసుకున్న సమగ్ర సర్వే బూడిదలో పోసిన పన్నీరు చందంగా మారనుంది. -
తెల్ల కార్డులు, ఆరోగ్య శ్రీ కార్డులు కాదు.....
హైదరాబాద్ : దేశానికి కావల్సింది విజ్ఞానం, విద్యే కానీ ...తెల్ల కార్డులు, ఆరోగ్యశ్రీ కార్డులు కాదని తెలంగాణ మంత్రి ఈటెల రాజేందర్ అన్నారు. ఆయన సోమవారం టీఆర్టీయూ ఆధ్వర్యంలో నిర్వహించిన విద్యా సదస్సులో ఆయన పైవిధంగా వ్యాఖ్యానించారు. కేజీ టూ పీజీ పథకానికి ప్రభుత్వం కట్టుబడి ఉందని ఈటెల మరోసారి స్పష్టం చేశారు. ప్రభుత్వ పాఠశాలలను దశల వారీగా బలోపేతం చేస్తామని తెలిపారు. -
కార్డులకు కోతా?.. బియ్యం మోతా?
* ఎటూ తేల్చుకోలేకపోతున్న రాష్ట్ర సర్కారు * ఆహార భద్రత చట్టం కింద కేంద్రం ఇచ్చే కోటా చాలదు * తెల్లకార్డుదారులకందరికీ ఇవ్వాలంటే మిల్లర్ల నుంచి కొనాల్సిందే * రూపాయికి ఇచ్చే బియ్యాన్ని మిల్లర్ల నుంచి రూ.26కి కొనాలి * ‘ఆధార్’తో తెల్లరేషన్ కార్డుల కుదింపునకు రాష్ట్ర సర్కారు యోచన * గ్రామాల్లో 60 శాతం, పట్టణాల్లో 40 శాతం జనాభాకే కేంద్ర బియ్యం సాక్షి, హైదరాబాద్: ఆహార భద్రతా చట్టం త్వరలో అమల్లోకి రానున్న నేపథ్యంలో తెల్ల రేషన్ కార్డులను కుదించడమా...? లేక మిల్లర్ల నుంచి కిలో బియ్యం రూ.26 చొప్పున కొనుగోలు చేసి సరఫరా చేయడమా? అనే అంశంపై రాష్ట్ర ప్రభుత్వం ఎటూ తేల్చుకోలేకపోతోంది. ఆహార భద్రతా చట్టం అమలైతే కేంద్రం ఇస్తున్న బియ్యం కోటా తెల్ల రేషన్కార్డుదారులకు సరిపోదని అధికారులు చెబుతున్నారు. ఏపీఎల్ బియ్యం.. తెల్లకార్డుదారులకు రాష్ట్రంలో సుమారు 5.50 కోట్ల జనాభా ఉండగా ప్రభుత్వం ప్రజాపంపిణీ వ్యవస్థ ద్వారా 4.50 కోట్ల మందికి సబ్సిడీపై బియ్యం సరఫరా చేస్తోంది. కేంద్ర ప్రభుత్వం అన్నపూర్ణ, అంత్యోదయ అన్న యోజన, దారిద్య్రరేఖకకు దిగువనున్న( బీపీఎల్), దారిద్య్రరేఖకు ఎగువనున్న ( ఎపీఎల్), అదనపు ఏపీఎల్ తదితర రంగాల కింద కేటాయిస్తున్న బియ్యంతో రాష్ట్ర ప్రభుత్వం ఇప్పటివరకూ పెద్దగా భారం లేకుండానే తెల్ల రేషన్ కార్డులకు కిలో రూపాయి చొప్పున సబ్సిడీ బియ్యం సరఫరా చేస్తోంది. కేంద్రం ఏపీఎల్ కింద ఇస్తున్న బియ్యాన్ని పింక్ రేషన్ కార్డులకు సరఫరా చేయాల్సి ఉంది. అయితే రాష్ట్ర ప్రభుత్వం పింక్ రేషన్ కార్డులకు బియ్యం సరఫరా చేయకుండా ఆ మొత్తాన్ని తెల్ల రేషన్ కార్డులకు సబ్సిడీపై ఇస్తోంది. పింక్ రేషన్ కార్డుల కోసం కేంద్రం ఇచ్చే బియ్యానికి కిలో రూ.7 చొప్పున చెల్లించాల్సి వస్తోంది. అవే బియ్యాన్ని తెల్ల రేషన్ కార్డులను కిలో రూపాయి చొప్పున సరఫరా చేస్తున్నారు. ఒకే కోటా కింద కేంద్రం బియ్యం అయితే ఆహార భద్రత చట్టం అమలు కాగానే కేంద్ర ప్రభుత్వం ఒకే విభాగం కింద బియ్యం కేటాయింపులను చేస్తుంది. బీపీఎల్ రంగాలకు మాత్రమే కిలో బియ్యం రూ.3 చొప్పున కేంద్రం ఇస్తుంది. రాష్ట్రంలో ప్రస్తుతం 90 శాతం మందికి సబ్సిడీ బియ్యం సరఫరా చేస్తున్నారు. ఆహార భద్రతా చట్టం అమలు కాగానే కేంద్రం కేటాయించే బియ్యం కోటా భారీగా తగ్గిపోనుంది. గ్రామీణ ప్రాంతాల్లో 60 శాతం జనాభాకు, పట్టణాల్లో 40 శాతం జనాభాకు మాత్రమే కేంద్రం ఆహార భద్రతా చట్టం కింద బియ్యం కోటా కేటాయిస్తుంది. అంతకు మించి ఒక్క బియ్యం గింజను కూడా కేంద్రం కేటాయించదు. అదనపు భారం పడితే రాష్ట్ర ప్రభుత్వాలే భరించుకోవాలని కేంద్రం స్పష్టం చేస్తోంది. కేంద్రం కేటాయించే బియ్యం ప్రస్తుతం రాష్ట్రంలో ఉన్న 1.40 కోట్ల మంది తెల్ల రేషన్ కార్డుదారులకు పంపిణీ చేసేందుకు సరిపోవు. అదనంగా రూ.1500 కోట్ల భారం తెల్ల రేషన్ కార్డుదారులందరికీ కిలో రూ. 1 చొప్పున బియ్యం సరఫరా చేయాలంటే రాష్ట్ర ప్రభుత్వం మిల్లర్ల నుంచి కిలో రూ.26 చొప్పున బియ్యం కొనాల్సి ఉంటుంది. దీని వల్ల ప్రభుత్వంపై అదనంగా ఏటా రూ.1500 కోట్ల భారం పడుతుందని అంచనా. రేషన్ కార్డులకు ఆధార్ను అనుసంధానం చేయడం ద్వారా దారిద్య్ర రేఖకు దిగువనున్న కుటుంబాల సంఖ్యను కుదించి భారం తప్పించుకోవచ్చని అధికారులు పేర్కొంటున్నారు. దీని వల్ల తెల్లరేషన్ కార్డుల సంఖ్య గణనీయంగా తగ్గి ప్రభుత్వంపై భారం పడదని తెలిపారు. దీనిపై రాజకీయంగా ఒక నిర్ణయం తీసుకోవాల్సి ఉందని ఓ సీనియర్ మంత్రి పేర్కొన్నారు. రాష్ట్రంలో ప్రస్తుతం కిలో రూపాయికి ఇస్తున్న బియ్యం ధరను పెంచటం వల్ల నిధులు పెద్దగా ఆదా కావని ఉన్నతాధికారి ఒకరు తెలిపారు. దారిద్య్రరేఖకు దిగువనున్న కుటుంబాల సంఖ్యను తగ్గించడం వల్లే అదనపు భారం నుంచి తప్పించుకోవచ్చునని, లేదంటే అదనపు భారం భరించాల్సిందేనని చెబుతున్నారు. -
30,156 తేలిన బోగస్ తెల్ల రేషన్కార్డుల సంఖ్య తక్కువే
నల్లగొండ : రేషన్కార్డుల్లో బోగస్ కార్డులను ఏరివేసే ప్రక్రియకు జూలై 31వ తేదీ వరకు గడువు విధించినా, పూర్తిస్థాయిలో గుర్తించలేకపోయారు. దీంతో గ్రామీణ ప్రాంతాలతో పాటు పట్టణ ప్రాంతాల్లో వీఆర్ఓ, వీఆర్ఏలతో ఇంటింటి సర్వే చేపట్టి, మిగతా బోగస్కార్డులు ఏరివేసేం దుకు అధికారులు సిద్ధమయ్యారు. జిల్లాలో 8.38 లక్షల కుటుంబాలకు గాను, బోగస్కార్డులు తొలగించిన తర్వాత కూడా 9.71 లక్షల తెల్లకార్డులు, 60 వేల గులాబీకార్డులు ఉన్నాయి. కుటుంబాల కంటే కార్డులే ఎక్కువగా కనిపిస్తున్నాయి. జూలై 31వ తేదీ వరకు జిల్లా వ్యాప్తంగా 30,156 బోగస్ రేషన్కార్డులు తొలగించారు. తొలగించిన రేషన్కార్డులకు సంబంధించి 2.32 లక్షల యూనిట్లు రద్దయ్యాయి. జిల్లాలో 10.02 లక్షల రేషన్ కార్డులకు గాను 30,156 కార్డులు బోగస్గా తేలడంతో, ప్రస్తుతం 9,71,844 కార్డులు ఉన్నాయి. అదేవిధంగా 32,49,226 యూనిట్లకు గాను 2,32,000 యూనిట్లు (బోగస్ కార్డులలో ఉన్నవి) తొలగించగా 30,17,226 ప్రస్తుతం యూనిట్లు ఉన్నాయి. ఈ యూనిట్లకే ఆగస్టులో పీడీఎస్ సరుకులు అందజేస్తారు. అయినా జిల్లాలో కుటుంబాలకంటే రేషన్కార్డులు ఇంకా 1,93,844 ఎక్కువున్నాయి. తగ్గనున్న రేషన్ కోటా బోగస్ తెల్ల రేషన్కార్డులు ఏరివేయడంతో జిల్లాకు కేటాయించే పీడీఎస్ కోటా తగ్గనుంది. దీంతో ప్రభుత్వానికి ఖర్చు తగ్గే అవకాశం ఉంది. ప్రస్తుతం జిల్లాకు 14,500 మెట్రిక్ టన్నుల బియ్యం, 1542 లీటర్ల కిరోసిన్, 500 టన్నుల చక్కర అందజేస్తున్నారు. కాగా ప్రస్తుతం బోగస్ రేషన్ కార్డుల తొలగింపు వల్ల బియ్యంలో 928 మెట్రిక్ టన్నులు, కిరోసిన్లో 60.31 లీటర్లు, 15.07 టన్నుల చక్కర కోటా తగ్గనుంది. తెల్లకార్డులు ఉన్న 25 మంది ఉద్యోగుల గుర్తింపు బీపీఎల్ కోటాలో ప్రభుత్వ ఉద్యోగులు సైతం తెల్లరేషన్ కార్డులు పొందారు. ఇలా కార్డులు పొందిన 25 ప్రభుత్వ ఉద్యోగులను గుర్తించారు. తెల్లకార్డుకు ఆరోగ్యశ్రీ పథకం అమలు చేస్తుండడం వల్ల ఉద్యోగులు సైతం ఈ కార్డులు పొందారు. వీరి నుంచి తెల్ల రేషన్కార్డులు స్వాధీనం చేసుకున్న రెవెన్యూ అధికారులు చర్యలు తీసుకోవడానికి కసరత్తు నిర్వహిస్తున్నారు. -
బోగస్ కార్డుల మాయాజాలం
- ఏరివేత సాధ్యమేనా! - జిల్లాలో 6.70 లక్షల కార్డులు జారీ - డీలర్ల వద్దే 5 వేల తెల్లకార్డులు, 10 వేల కూపన్లు - అధికారులు గుర్తించనివి ఎన్నో.. - షాపుల బైఫర్కేషన్ను అడ్డుకుంటున్న సిండికేట్ కలెక్టరేట్ : బోగస్ రేషన్ కార్డుల ఏరివేతపై రాష్ట్ర ప్రభుత్వం దృష్టి సారించింది. ఈ మేరకు శనివారం సీఎం కేసీఆర్ ఆధికారులతో సమీక్ష నిర్వహించారు.అయితే జిల్లాలో బోగస్ కార్డుల ఏరివేత సాధ్యమేనా అన్న సంశయం తలెత్తుతోంది. జిల్లాలో దాదాపు 25 లక్షలకు పైగా జనాభా ఉండగా 6.70 లక్షల వరకు కార్డులు ఉంటాయి. నిజామాబాద్ నగరంలోని 87 రేషన్ షాపుల పరిధిలో 78,236 కార్డులు ఉన్నాయి. కాగా నిబంధనలకు విరుద్ధంగా రేషన్షాపులకు కార్డులను కేటాయించారు. ఒక షాపులో 300 కార్డులు ఉంటే మరో షాపుకు 3వేలకు పైగా రేషన్కార్డులను జారీ చేశారు. ఒక్కోషాపుకు కార్డుల కేటాయింపులో ఇంత వ్యత్యాసం ఉండడం బోగర్ కార్డులను నిర్ధారిస్తోందని పలువురు పేర్కొంటున్నారు. అయితే రేషన్ షాపుల విభజన (బైఫరికేషన్)ను 2008 సంవత్సరంలోనే చేపట్టాల్సి ఉండగా అధికారులు, పాలక వర్గాలు మీనమేషాలు లెక్కించాయి. ఇప్పటి వరకు బైఫరికేషన్ జరగలేదు. వాస్తవానికి నగరంలో ఒక్కో షాపునకు 650 కార్డులకంటే ఎక్కువ కార్డులు ఉండరాదన్నా నిబంధనలు ఉన్నాయి. 2009 సంవత్సరంలో నగరంలోని రేషన్ దుకాణాల బైఫర్కేషన్కు సంబంధించి నోటిపికేషన్ను జారీ చేశారు. అనంతరం యూనియన్ నాయకుల ఒత్తిడి మేరకు బైఫరికేషన్ ప్రక్రియను నిలిపివేశారు. అప్పటి నుంచి బైఫరికేషన్ను పట్టించుకున్నవారే లేరు. దుకాణాల్లో కార్డుల విభజన విషయం తెరమీదికి వచ్చేసరికి యూనియన్ నాయకులు రంగ ప్రవేశం చేసి అధికారులు, పాలక వర్గాలపై ఒత్తిడి తీసుకువచ్చేవారని ఆరోపణలు ఉన్నాయి. ఇటీవల 26 రేషన్ షాపుల్లో 5 వేల బోగస్ తెల్ల కార్డులను అధికారులు గుర్తించారు. ఇంతే కాకుండా 10వేల రేషాన్ కూపన్ల వరకు డీలర్ల వద్దే పెట్టుకున్నట్లు ప్రాథమిక విచారణలో తేలింది. దీంతో నెలకు 20 వేల క్వింటాళ్ల రుపాయి కిలో బియ్యం పక్కదాని పడుతున్నట్లు తెలుస్తోంది. దాదాపు వీటి విలువ బహిరంగ మార్కెట్లో రూ. 40 లక్షల వరకు ఉంటుందని అధికారిక వర్గాలే చెబుతున్నాయి. డీలర్లు ఇంత పెద్ద ఎత్తున రుపాయి కిలో బియ్యాన్ని మింగేస్తున్నారు. ఎక్కువ రేషాన్ కార్డులు డీలర్లే రుపాయి బియ్యాన్ని అధికారులతో కుమ్మక్కై రీసైక్లింగ్ కోసం రైస్ మిల్లులకు తరలిస్తున్నట్లు సమాచారం. ఇటీవల అర్సపల్లిలో దొరికిన పీడీఎస్ బియ్యం బస్తాలు నగరానికి సంబంధించిన రేషన్ షాపులవేనని అధికారులు పేర్కొన్నారు. బియ్యం కూడా ఎఫ్సీఐ నుంచి ఎంఎల్ఎస్ పాయింట్కు వెళ్లకుండా నేరుగా గోదాంకు తరలడంపై పలు అనుమానాలు వ్యక్తం అవుతున్నాయి. బోగస్ లబ్ధిదారులను సృష్టించి వేలిముద్రలు రిజిష్టర్లో నమోదు చేసి బియ్యాన్ని అక్రమంగా తరలిస్తున్నారు. అయితే అధికారులు గుర్తించిన వాటిలో కూడ నగరంలో 26 షాపులను బైఫరికేషన్ చే యాల్సి ఉందని వారి విచారణలో తేలింది. ఈ విషయాన్ని నిజామాబాద్ తహశీల్దార్తో పాటు,ఆర్డీవో జిల్లా సివిల్ సప్లై అధికారులకు నివేదిక సమర్పించారు. వారు కమిషనర్కు నగరంలోని 26 రేషన్ షాపుల బైఫరికేషన్పై నివేదిక ఇచ్చారు. ఈ షాపులను బైఫరికేషన్ చేస్తే కొంతైన బోగస్ కార్డులకు చెక్ పడుతుందని సంబంధిత వర్గాలు పేర్కొంటున్నాయి. -
షరా మామూళ్లే..
నెల్లూరు(పొగతోట): పేదలకు పట్టెడన్నం పెట్టేందుకు ఏర్పాటు చేసిన ప్రజాపంపిణీ పథకం అస్తవ్యస్తంగా మారిం ది. అధికారులు మామూళ్లకు కక్కుర్తి పడుతుండటంతో పేదల బియ్యం హద్దులు దాటుతున్నాయి. ప్రజాపంపిణీ వ్యవస్థలో కమీషన్ల కహానీ పర్వం నడుస్తోంది. నెలనెలా లక్షల రూపాయలు లంచాల రూపంలో అధికారుల జేబుల్లోకి చేరుతున్నట్టు ఆరోపణలు ఉన్నాయి. జిల్లాలో 8,55,271 రేషన్ కార్డులున్నాయి. తెలుపు కార్డులు 7,13,241, ఏఏపీ 1052, వైఏపీ 65,953, ర్యాప్టాప్ కూపన్లు 75,025 ఉన్నాయి. 3,773 రేషన్ షాపులు ఉన్నాయి. 12,101.249 మెట్రిక్ టన్నుల బియ్యం, 8,55,271 ప్యాకెట్ల పామాయిల్, చక్కెర, కంది పప్పు సర ఫరా చేస్తున్నారు. రెండు నెలల నుంచి పామాయిల్ పంపిణీ చేయడం లేదు. ఎంఎల్ఎస్ పాయింట్ల నుంచి రేషన్ షాపులకు బియ్యం, కందిపప్పు సరఫరా చేస్తారు. సరఫరా చేసిన బియ్యం రేషన్ కార్డుదారులకు పంపిణీ చేస్తున్నారు. ప్రజాపంపిణీ వ్యవస్థను తహశీల్దారు, డీటీ, సీఎస్డీటీలు పర్యవేక్షించాల్సి ఉంది. సీఎస్డీటీలు మాత్ర మే షాపులను పరిశీలిస్తున్నారు. సీఎస్డీటీలు రేషన్ షాపుల వద్దకు వెళ్లి పరిశీలించి ప్రజాపంపిణీ వ్యవస్థను మెరుగు పరచాలి. అవకతవకలు కప్పిపుచ్చి రికార్డులు సక్రమంగా ఉన్నాయని నమోదు చేసినందుకు రేషన్ షాపు డీలర్లు సీఎస్డీటీలకు ప్రతి నెలా మామూళ్లు సమర్పించుకుంటున్నారు. రికార్డులు సక్రమంగా నిర్వహించేవారు సైతం వారికి మామూళ్లు సమర్పించాల్సి వస్తోందని వారు ఆవేదన వ్యక్తం చేస్తున్నారు. ఒక్కో డీలర్ నుంచి కార్డులను బట్టి రూ.500 నుంచి రూ.1000 వరకు వసూలు చేస్తున్నారనే ఆరోపణలు వినిపిస్తున్నాయి. ప్రతి నెలా సుమారు రూ.20 లక్షలకు పైగా చేతులు మారుతున్నట్టు విమర్శలు ఉన్నాయి. మామూళ్ల వ్యవస్థ చాపకింద నీరులా సాగుతోంది. అధికారులు శ్రీరంగనీతులు బాగా చెబుతారని, చివరికి తమ మందలేదని అందినకాడికి దండుకుంటున్నారని డీలర్లు వాపోతున్నారు. గ్రామీణ ప్రాంతాల్లో అధికారులు పరిశీలనకు వచ్చిన సమయంలో వారికి డీలర్లు భోజనాలు ఏర్పాటు చేస్తున్నారు.అధికారులకు లంచాలు ఇవ్వడానికి డీలర్లు అక్రమాలకు పాల్పడుతున్నారు. బియ్యాన్ని దొడ్డి దారిన హద్దులు దాటిస్తున్నారు. రేషన్ బియ్యం దొంగచాటుగా రైస్ మిల్లర్లకు విక్రయిస్తున్నారు. మిల్లర్లు డీలర్ల వద్ద కొనుగోలు చేసిన బియ్యాన్ని రిసైకిలింగ్ చేసి అధిక ధరలకు విక్రయిస్తున్నారు. ఇప్పటికైనా ప్రజాపంపిణీ వ్యవస్థను మెరుగు పరచాల్సి ఉంది. మామూళ్లు వసూలు చేసే వారిపై కఠిన చర్యలు : ప్రజాపంపిణీ వ్యవస్థను మెరుగు పరిచేందుకు ప్రత్యేక చర్యలు చేపడుతున్నాం. మామూళ్లు వసూలు చేసే వారిపై కఠిన చర్యలు తీసుకుంటాం. క్రమం తప్పకుండా రేషన్ షాపుల తనిణీలు నిర్వహించాలి. ప్రజాపంపిణీ వ్యవస్థలో అక్రమాలను నివారించేందుకు కాల్ సెంటర్ను ఏర్పాటు చేశాం. రేషన్ షాపుల్లో అక్రమాలు జరిగితే ఫిర్యాదు చేయవచ్చు. దానిపై విచారణ జరింపించి బాధ్యులపై చర్యలు తీసుకుంటాం. - శాంతకుమారి, డీఎస్ఓ -
బియ్యం ధరలు పైపైకి...
సరిపోని రేషన్ బియ్యం - జాడలేని ప్రభుత్వ సన్నరకం విక్రయ కేంద్రాలు - ప్రైవేటు దుకాణాల్లో ఇష్టారాజ్యంగా ధరలు - సామాన్యులకు తప్పని కష్టాలు లక్సెట్టిపేట : బియ్యం ధరలు ఆకాశాన్నంటాయి. జిల్లాలో ప్రధాన పంటగా వరి పండిస్తున్నా బియ్యం ధరలు మాత్రం రోజురోజుకు పైపైకి ఎగబాకుతున్నాయి. వాటి ధర వింటేనే.. పేద, మధ్యతరగతి ప్రజలు బెంబేలెత్తిపోతున్నారు. ధరల పుణ్యమా అని వారు మూడు పూటలా అన్నం తినే పరిస్థితి లేకుండాపోయింది. అన్నం తప్పనిసరి.. జిల్లా ప్రజల్లో మూడు పూటలా అన్నం తినేవారి సంఖ్యే ఎక్కువ. జొన్న రొట్టె, చపాతితోపాటు అన్నం కచ్చితంగా ఉండాల్సిందే. అన్నంకు ఇక్కడి ప్రజలు అంతగా ప్రాధాన్యమిస్తారు. ఇంట్లో కూరలేమి లేకపోయినా వేడి అన్నంలో కాస్త ఊరగాయ వేసుకుని పెరుగుతో భోజనం ముగించి, తమతమ పనులకు వెళ్తుంటారు. అయితే పెరిగిన బియ్యం ధరలతో కడుపునిండా అన్నం తినే పరిస్థితి పేద, మధ్యతరగతి ప్రజలకు లేకుండా పోయింది. రోజూ దొడ్డు బియ్యం తింటూనే బంధువులు వస్తే సన్నబియ్యం వండిపెట్టేవారు ప్రస్తుత ధరలతో బెంబేలెత్తుతున్నారు. అయితే వీరి అవసరం.. బియ్యం వ్యాపారులకు వరంగా మారింది. కొందరు ఇష్టారాజ్యంగా దొడ్డు, సన్నరకం బియ్యం ధరలు పెంచేసి అందినంత దండుకుంటున్నారనే విమర్శలున్నాయి. సరిపోని రేషన్ బియ్యం.. ప్రభుత్వం తెల్ల రేషన్కార్డు ద్వారా నెలకు ఒక వ్యక్తికి నాలుగు కిలోల చొప్పున అందించే బియ్యం పక్షం రోజులకే సరిపోతున్నాయి. దీంతో మిగతా రోజుల గాసానికి తప్పనిసరి పరిస్థితుల్లో ప్రైవేటు దుకాణాలు, రైస్డిపోల నుంచి బియ్యం కొనాల్సిన పరిస్థితి. మార్కెట్లో కిలో దొడ్డు రకం బియ్యం ధర రూ.16 ఉండగా.. సన్నరకాల ధర రూ.40 పైనే ఉంది. అటు అధిక ధరలకు బియ్యం కొనలేక.. ఇటు రేషన్ బియ్యం సరిపోక పేద, మధ్యతరగతి ప్రజలు అష్టకష్టాలు పడుతున్నారు. గత్యంతరం లేక ఉన్నవాటిలో కాస్త తక్కువ ధరకు లభించే బియ్యాన్ని కొంటూ ఇబ్బందులు ఎదుర్కొంటున్నారు. సన్నరకం బియ్యం కేంద్రాలేవీ..? సామాన్యులు సైతం సన్నరకం బియ్యం తినాలనే లక్ష్యంతో ప్రభుతం కొన్ని నెలల క్రితం సన్నరకం బియ్యం విక్రయ కేంద్రాలు ప్రారంభించింది. అధికారులు ఎంపిక చేసిన పట్టణాల్లో ఈ కేంద్రాలను ఏర్పాటు చేశారు. వీటిలో తెల్లరేషన్ కార్డుదారులకు రూ.29లకు కిలో బియ్యం చొప్పున విక్రయించింది. ఈ కేంద్రాల ఏర్పాటుతో సన్నరకం బియ్యం తినగలమనే ధీమా పేద, మధ్యతరగతి ప్రజల్లో కలిగింది. అయితే ఈ కేంద్రాలను ప్రారంభించిన నెల రోజులకే ఎత్తివేయడంతో పేదలకు నిరాశే మిగిలింది. రేషన్ బియ్యం సరిపోక.. బహిరంగ మార్కెట్లో సన్నరకం బియ్యం కొనుగోలు చేయలేక నానా అవస్థలు పడుతున్నారు. పుట్టగొడుగుల్లా బియ్యం దుకాణాలు మండల కేంద్రంలో బియ్యం దుకాణాలు పుట్టగొడుగుల్లా వెలిశాయి. రోజురోజుకు బియ్యం దుకాణాల సంఖ్య పెరుగుతోంది. కొందరు వ్యాపారులు సన్నబియ్యం పేరుతో దొడ్డు బియ్యం అమ్ముతూ పేదలను దోచుకుంటున్నారు. మరికొందరు నాసిరకం, పురుగులు ఉన్నవి అంటగడుతూ సొమ్ము చేసుకుంటున్నారు. బియ్యం ధరలను నియంత్రించాల్సిన అధికారులు చూసీచూడనట్లుగా వ్యవహరిస్తున్నారు. ఇకనైనా అధికారులు స్పందించాల్సిన అవసరం ఉంది. -
ఆధార్ నంబర్ ఇస్తేనే రేషన్!
అనంతపురం కలెక్టరేట్ : జిల్లాలో ప్రతి నెలా తెల్లరేషన్ కార్డు వినియోగదారులకు రేషన్తోపాటు కిరోసిన్, అమ్మహస్తం పథకం కింద 9 రకాల నిత్యావసర సరుకులు అందజేస్తున్నారు. ఆగస్టు నుంచి ఆధార్కార్డు నంబర్ ఉన్నవారికి మాత్రమే రేషన్ అందుతుంది. ఇందులో భాగంగా జనవరి నుంచే అధికారులు వినియోగదారుల ఆధార్ నంబర్లు సేకరించి రేషన్కార్డు నంబర్తో అనుసంధానం చేస్తున్నారు. జిల్లాలో మొత్తం 11,35,270 కార్డులున్నాయి. జిల్లాలో ఇప్పటిదాకా 26 లక్షల మందికి ఆధార్ అనుసంధానం పూర్తి చేశారు. మొత్తం జిల్లాలో 35లక్షల మంది పేద ప్రజలు ఉన్నారు. రేషన్కార్డు నంబర్ ప్రాతిపదికనే కాకుండా అందులో ఉన్న ప్రతి వ్యక్తికి సంబంధించిన ఆధార్ నంబర్ను అధికారులు సేకరిస్తున్నారు. జిల్లాలో 41 లక్షల మంది జనాభా ఉండగా దాదాపు 6 లక్షల మందికి కార్డులు అందాల్సి ఉంది. ఇందులో అధికశాతం పేదలు ఉన్నట్లు తెలుస్తోంది. ఇప్పటికీ 65 శాతం మంది లబ్ధిదారుల నుంచి ఆధార్ నంబర్లు సేకరించి వారి ఆధార్ నంబర్తో అనుసంధానం చేశారు. కార్డులో ఉన్న వారందరికీ ఆధార్ నంబర్ ఉంటేనే రేషన్ అందుతుంది. పాక్షికంగా జూలై నుంచి పూర్తి స్థాయిలో ఆగస్టు నుంచి అమలు చేయనున్నారు. ఈ-పీడీఎస్ అమలులో భాగంగా ఇప్పటికే డీలర్లకు పౌరసరఫరాల శాఖ అధికారులు స్పష్టమైన ఆదేశాలు జారీ చేశారు. ఆధార్ నంబర్ లేకపోతే రేషన్ లేదు.. ఆధార్ నంబర్ ఇచ్చిన వారికి మాత్రమే జూలై నెల రేషన్ పంపిణీ చేస్తాం. రేషన్డీలర్లను ఆధార్ నంబర్లు తీసుకోవాలని ఆదేశించాం. కార్డులో ఉన్న ప్రతి వ్యక్తికి సంబంధించిన నంబర్ ఇవ్వాల్సి ఉంటుంది. ఆధార్ నంబర్ లేనివారికి రేషన్ అందదు. - ఉమామహేశ్వర్రావు, డీఎస్ఓ -
పథకాలకు తెల్లకార్డుకు లింకు తీసేద్దాం!
-
పథకాలకు తెల్లకార్డుకు లింకు తీసేద్దాం!
సాక్షి, హైదరాబాద్: సంక్షేమ పథకాలకు తెల్ల రేషన్కార్డు లింకును తొలగించాలని రాష్ట్ర ప్రభుత్వం నిర్ణయించింది. ఈ మేరకు ఫైలు సిద్ధమైంది. తెలంగాణ రాష్ట్రంలో కుటుంబాల సంఖ్య కంటే తెల్ల రేషన్కార్డులు అధికంగా ఉన్న నేపథ్యంలో ప్రభుత్వం ఈ దిశగా అడుగులు వేస్తోంది. ప్రభుత్వ పథకాలు నిజమైన లబ్ధిదారులకు అందించాలన్న ఉద్దేశంతోనే ఈ చర్యలు తీసుకుంటున్నట్లు ప్రభుత్వ వర్గాలు చెబుతున్నాయి. దీనిద్వారా తెల్లకార్డు ఉన్న వారందరికీ ప్రభుత్వ పథకాలన్నీ వర్తిస్తాయన్న అభిప్రాయాన్ని తొలగించడంతో పాటు ఖజానాపై ఆర్థిక భారం తగ్గే అవకాశం ఉందని పేర్కొంటున్నాయి. ప్రస్తుతం గృహ నిర్మాణం, ఆరోగ్యశ్రీ. ఫీజు రీయింబర్స్మెంట్, పింఛన్లు.. ఇలా అనేక సంక్షేమ పథకాలకు తెల్ల రేషన్కార్డే ఆధారం. అయితే ఈ కార్డులు అవసరం కంటే ఎక్కువ ఇచ్చారన్న అభిప్రాయంతో ప్రభుత్వం ఉంది. పథకాలన్నింటినీ తెల్లకార్డుతో అనుసంధానం చేయడంతో అవసరం ఉన్నా.. లేకపోయినా ప్రజలు వీటికోసం ప్రయత్నిస్తున్నారు. తెల్లరేషన్కార్డు వల్ల పౌర సరఫరాల సంస్థ సైతం పెద్దఎత్తున బియ్యం, చక్కెర కోసం నిధులు వ్యయం చేస్తోంది. ప్రస్తుతం తెల్లకార్డు ఉన్న వారికి రూపాయికే కిలో బియ్యం పథకం అమలు అవుతోంది. అయితే ఈ కార్డు ఉన్నవారు బియ్యం తీసుకోకపోయినా.. సబ్సిడీని మాత్రం ప్రభుత్వం చెల్లిస్తూనే ఉంది. ప్రజాప్రతినిధులు ఎక్కడకు వెళ్లినా.. తెల్లరేషన్కార్డుల కోసం ప్రజలు దరఖాస్తు చేసుకోవడం పరిపాటిగా మారింది. పథకాల కోసం ఆర్థికంగా ఉన్న కుటుంబాలు సైతం దొడ్డిదారిన తెల్లకార్డులను పొందుతున్నాయి. వీటన్నింటినీ దృష్టిలో ఉంచుకొని అసలు పథకాలకు తెల్లరేషన్కార్డు అనుసంధాన విధానాన్నే తొలగించాలని ప్రభుత్వం నిర్ణయించింది. అందులో భాగంగానే ఆర్థిక శాఖ ఫైలు సిద్ధం చేసింది. తెల్లరేషన్ కార్డు లేకున్నా అర్హులందరికీ పథకాలు వర్తింప చేస్తామనే సంకేతం ఇస్తూనే.. కార్డుల సంఖ్యను తగ్గించాలన్నది ప్రభుత్వ ఉద్దేశంగా భావిస్తున్నారు. తెలంగాణలో 2011 జనాభా లెక్కల ప్రకారం కుటుంబాల సంఖ్య 84 లక్షల మేరకు ఉంటే.. రేషన్కార్డులు మాత్రం 91 లక్షలకు పైగా ఉన్నట్లు ముఖ్యమంత్రి కేసీఆర్ ఇటీవల స్వయంగా అసెంబ్లీలో వెల్లడించారు. ఇలా తెల్లకార్డుల రూపంలో.. ప్రజాధనం దుర్వినియోగం అవుతుంటే అరికట్టాల్సిన బాధ్యత ప్రభుత్వంపై ఉందన్న అభిప్రాయాన్ని అంతర్లీనంగా ఆయన వెల్లడించారు. తెల్లకార్డుల లింకును తొలగిస్తే ఏ ప్రాతిపదికన లబ్ధిదారులను గుర్తించాలన్న అంశంపైనా ప్రభుత్వం కసరత్తు చేస్తోంది. -
పామో‘నిల్లు’
రేషన్ దుకాణాలకు నిలిచిపోయిన పామోలిన్ ఆరునెలలుగా ఇదే సమస్య సందిట్లో సడేమియలా ప్రైవేటు ఆయిల్ విక్రయిస్తున్న డీలర్లు పట్టింపేలేని పౌరసరఫరాలశాఖ సాక్షి,సిటీబ్యూరో: తెల్లరేషన్కార్డుదారులకు ప్రభుత్వం సబ్సిడీపై తక్కువ ధరకు సరఫరా చేస్తున్న పామోలిన్ కొద్దినెలలుగా పత్తా లేకుండా పోయింది. కార్డుకు ఒక ప్యాకెట్ చొప్పున ఇస్తుండగా సరఫరా లేదన్న సాకుతో ప్రభుత్వం కొద్దిరోజులుగా పంపిణీ చేయడం లేదు. ఫలితంగా కార్డుదారులు బహిరంగమార్కెట్లో అధికధరలకు కొనుగోలు చేయాల్సిన దుస్థితి దాపురించింది. ఒక్కటికాదు..రెండుకాదు..ఆరునెలలుగా ఇదే పరిస్థితి ఉన్నా పౌరసరఫరాలశాఖ నిమ్మకు నీరెత్తినట్లు వ్యవహరిస్తోంది. గతంలో సీమాంధ్ర ఉద్యమ సెగతో పామోలిన్ సరఫరాకు అడ్డంకులు ఏర్పడగా తాజాగా నెల్లూరు,విశాఖ ప్రాంతాల నుంచి సరఫరా నత్తనడకగా సాసగుతోంది. సరఫరా లేదన్న సాకుతో రేషన్డీలర్లు సందిట్లో సడేమియాలా ప్రైవేటు కంపెనీ పామోలిన్ ప్యాకెట్లను విక్రయిస్తూ సొమ్ము చేసుకుంటున్నారు. గట్టిగా అడిగిన వారికి ప్రభుత్వం సరఫరా చేయకుంటే మేమేం చేయాలని..బదులిస్తుండగా, అడగని వారికి మాత్రం మెల్లగా అంటగడుతున్నారు. ప్రైవేటు బ్రాండ్ల పామోలిన్ను చౌకధర దుకాణాల ద్వారా విక్రయిస్తున్నా అధికారులు పట్టనట్లు వ్యవహరిస్తుండడంతో కార్డుదారులు తీవ్ర ఆగ్రహం వ్యక్తం చేస్తున్నారు. డీడీలు కట్టినా..: హైదరాబాద్-రంగారెడ్డి జిల్లా అర్బన్ పరిధిలో 12 పౌరసరఫరాల సర్కిళ్లు ఉన్నాయి. వీటిల్లో సుమారు 15 లక్షలపైచిలుకు వరకు తెల్లరేషన్ కార్డుదారులున్నారు. వీరికోసం ప్రతినెలా కనీసం 15 లక్షల లీటర్ల వరకు పామోలిన్ సరఫరా చేయాల్సి ఉంది. కానీ, ఆరునెలలు నుంచి కనీసం 30శాతం కూడా పామోలిన్ సరఫరా జరగడం లేదు. అనేకమార్లు డీలర్లు ఆయిల్ కోసం డీడీలు కట్టినా పెండింగ్లో పడిపోయాయి. దీంతో ఈ మధ్యకాలంలో పామోలిన్ కోసం డీడీలు కట్టడం మానేశారు. దీని రవాణా చాలా ఆలస్యంగా జరుగుతుండడంతో పౌరసరఫరా అధికారులు కూడా డీలర్లపై డీడీల కోసం ఒత్తిడి తేవడం తగ్గించారు. భగ్గుమంటున్న ధరలు : ప్రస్తుతం బహిరంగమార్కెట్లో వంటనూనె ధరలు భగ్గుమంటున్నాయి. కనీసం లీటర్ ధర రూ.85 నుంచి రూ.100కు తగ్గకుండా విక్రయిస్తున్నారు. ఇంకా కొన్ని బ్రాండ్ల ధరలు ఎక్కువే ఉన్నాయి. అంతర్జాతీయ మార్కెట్లో పామోలిన్ ధరకు రెక్కలు రావడంతో మార్కెట్లో ఆయా కంపెనీలు రూ.58 నుంచి 65 వరకు అమ్ముతున్నారు. కొన్ని కంపెనీలు గిమ్మిక్కులు చేసి ప్యాకెట్ తూకం తగ్గించి ఎక్కువ ధరకు విక్రయిస్తున్నారు. చౌకధర దుకాణాల ద్వారా లీటరు రూ.40కే లభిస్తుండగా..బహిరంగమార్కెట్లో దీని ధరలు మండిపోతుండడంతో కార్డుదారులు పా మోలిన్ కోసం రేషన్ దుకాణాల చుట్టూ తిరుగుతున్నా రు. ఇప్పటికైనా ప్రభుత్వం స్పందించి పామోలిన్ను సరఫరా చేయాలని కార్డుదారులు కోరుతున్నారు. -
పామా..యిల్లే
నిలిచిపోయిన సరఫరా ప్రజా పంపిణీ అస్తవ్యస్తం నెలకో నిత్యావసర వస్తువుకు మంగళం తెల్లకార్డుదారుల అవస్థలు విశాఖ రూరల్, న్యూస్లైన్ : ప్రజాపంపిణీ వ్యవస్థ అస్తవ్యస్తంగా మారింది. తెల్లరేషన్ కార్డుదారులకు చుక్కలు చూపిస్తోంది. ఏ వస్తువు ఎప్పుడొస్తుందో తెలియని దుస్థితి. మహానేత వైఎస్ రాజశేఖర్రెడ్డి మరణం తరువాత కాంగ్రెస్ ప్రభుత్వ హయాంలోను.. ప్రస్తుత రాష్ట్రపతి పాలనలోనూ దీనిని పట్టించుకున్న నాథులే లేకుండా పోయారు. నెలాకో నిత్యావసర వస్తువు సరఫరా నిలిచిపో తోంది. తాజాగా పామాయిల్ సరఫరా ఆగిపోయింది. బహిరంగ మార్కెట్లో అధిక ధరకు వంటనూనెను కొనుగోలు చేయలేక కార్డుదారులు ఇబ్బందులు పడుతున్నారు. జిల్లాలో దాదాపుగా 12.5 లక్షల మంది తెల్లరేషన్కార్డుదారులు ఉన్నారు. వైఎస్ హయాంలో ప్రతినెలా నిత్యావసర సరుకులు సక్రమంగా సరఫరా అయ్యేవి. ఆయన మరణానంతరం ఈ పంపిణీ వ్యవస్థను రాజకీయ లబ్ధికి వినియోగించుకునే ప్రయత్నం చేశారు. ఇందులో భాగంగా అమ్మహస్తం పథకం పేరుతో కాంగ్రెస్ ప్రభుత్వం రూ.185కే తొమ్మిది సరుకులంటూ ఊదరగొట్టింది. గతేడాది ఏప్రిల్లో ప్రారంభమైన ఈ పథకం ద్వారా ఇప్పటి వరకు ఒక్క నెల కూడా సక్రమంగా నిత్యావసర వస్తువులను కార్డుదారులకు అందించ లేదు. ప్రతి నెలా జిల్లాకు కేటాయింపులు తగ్గిస్తూ వచ్చింది. ఇప్పటికే కారం, పసుపు, చింతపండు కేటాయింపులను నిలిపి వేసింది. సరఫరా చేసే వస్తువుల్లో కూడా నాణ్యత లోపించడంతో కార్డుదారులు కొన్ని సరుకులపై అయిష్టత వ్యక్తం చేస్తున్నారు. ప్రధానంగా ఉప్పు, గోధుమ పిండి అధ్వానంగా ఉండడంతో వాటిపై ప్రజలు ఆసక్తి చూపించడం లేదు. ఒక్కోసారి కందిపప్పు కూడా బాగోవడం లేదని కార్డుదారులు ఆరోపిస్తున్నారు. ఫలితంగా జిల్లాకు నెల నెలా కేటాయింపులు తగ్గిపోతూ వచ్చాయి. ప్రస్తుతం రాష్ట్రపతి పాలనలో పరిస్థితి మరింత దారుణంగా మారింది. ఇప్పటివరకు చౌక దుకాణాల ద్వారా కార్డుదారులు బియ్యం, పామాయిల్లనే అధికంగా తీసుకుంటున్నారు. తాజాగా పామాయిల్ సరఫరా నిలిచిపోయింది. సాధారణంగా పామాయిల్ను మలేషియా నుంచి ప్రభుత్వం దిగుమతి చేసుకుంటుంది. ఒక షిప్ పామ్క్రూడ్కు సుమారు రూ. 80 కోట్లు ఖర్చు చేస్తోంది. మలేషియా నుంచి ఆ షిప్ కాకినాడకు వస్తుంది. అక్కడ రిఫైన్ చేసిన తరువాత ప్యాకింగ్లు చేసి జిల్లాలకు సరఫరా చేస్తుంది. గత నెలలో పామాయిల్ను కొనుగోలు చేసే విషయాన్ని పట్టించుకోలేదు. దీంతో పామాయిల్ సరఫరా నిలిచిపోయింది. ఫలితంగా చౌక దుకాణాల్లో రూ.40జుజ లభించే ఈ వంటనూనెను కార్డుదారులు బహిరంగ మార్కెట్లో రూ.70 వరకు చెల్లించి కొనుగోలు చేయాల్సిన పరిస్థితి ఏర్పడింది. పేద, బలహీనవర్గాల వారు అంత ధరకు నూనెను కొనుగోలు చేయలేక అవస్థలు పడుతున్నారు. వచ్చే నెలలో కూడా పామాయిల్ వచ్చే అవకాశాలు కనిపించడం లేదు. దీనిపై అధికారుల వద్ద ఎటువంటి సమాచారం లేదు. ఎలా బతకగలం రేషన్ డిపోలో ఆరునెలలుగా నూనె ఇవ్వడంలేదు. రూ. 40లకు ఇచ్చే దానిని బయట మార్కెట్లో రూ.70 లకు కొనుగోలు చేస్తున్నాం. అంచెలంచెలుగా సరుకులన్నీ ఇలాగే ఇవ్వడం మానేస్తే మాలాంటి పేదోళ్ళం ఎలా బతకగలం. ప్రభుత్వం రేషన్ గురించి పట్టించుకోవడంలేదు. - అట్ట ఈశ్వరమ్మ, ఖాజీపాలెం ఎప్పుడేమిస్తారో తెలియదు రేషన్డిపోలో ఏ నెలలో ఎన్ని సరుకులు ఇస్తారో తెలి యడంలేదు. నూనె ఇవ్వడం మానేశారు. బియ్యం మాత్రమే ఇస్తున్నారు. అధికారులు ఇవ్వడంలేదో డీలర్లు అమ్మేసుకుంటున్నారో అర్థం కాలేదు. పలానా సరుకులు ఇస్తామని అధికారుల చెప్పడంలేదు. డీలర్ల ఇష్టారాజ్యమైపోతోంది. - సీరపు లక్ష్మి, మార్టూరు -
కోటాకు కన్నం!
రేషన్ షాపుల ద్వారా ప్రభుత్వం సరఫరా చేస్తున్న సబ్సిడీ బియ్యంలో భారీ తరుగు వస్తోంది. దీనికి పౌరసరఫరా అధికారులు, రేషన్ డీలర్లు పలు కారణాలు చెబుతూ.. తప్పు తమది కాదంటే తమదని తప్పించుకోజూస్తున్నా.. తరుగు వల్ల అం తిమంగా నష్టపోతున్నది మాత్రం కార్డుదారులేనన్నది సుస్పష్టం. తెల్లకార్డుదారులకు సరఫరా చేస్తున్న సబ్సిడీ బియ్యం తూకంలో తేడాలుంటున్నాయన్న ఆరోపణలు ఎప్పటినుంచో ఉన్నాయి. కార్డుదారులు గగ్గోలు పెడుతున్నా.. ఈ లోపాన్ని సరిదిద్దడానికి ప్రభుత్వం చర్యలు తీసుకోవడం లేదు. ఆ తప్పు తమది కాదని డీలర్లు వాదిస్తున్నారు. తాము సరుకు విడిపించుకునే స్టాక్ పాయింట్లోనే ఈ విధంగా జరుగుతోందని అంటున్నారు. ప్రతి 50 కేజీల ప్యాకెట్లో కనీసం ఒకటిన్నర నుంచి రెండు కేజీల తరుగు వస్తోందని అంటున్నారు. అయితే ఈ విషయం అధికారులకు చెప్పుకోలేకపోతున్నామని అంటున్నారు. మండలస్థాయి స్టాక్ పాయింట్ నుంచి సరుకు విడిపించుకునేటప్పుడు అక్కడ ఉన్న కాటాలో తూయించే అవకాశం ఉన్నా.. అందుకు సాహసించలేకపోతున్నామని అంటున్నారు. అన్ని ప్యాకెట్లనూ తూయించే, జాగ్రత్తగా పరిశీలించే సానుకూల పరిస్థితీ ఉండటం లేదన్నది డీలర్ల వాదన. కొందరు మాత్రం ఏదైనా ప్యాకెట్ లీకేజీ కనపడితే కలాసీల ద్వారా పక్కన పెట్టించి, మంచి ప్యాకెట్లు తీసుకుంటున్నారు. దీంతో ఎంఎల్ఎస్ పాయింట్లలోనూ ఇటువంటివి భారీగానే నిల్వ ఉండిపోతున్నాయి. కాగా తరుగుతోనే ఎంఎల్ఎస్ పాయింట్కు బియ్యం ప్యాకెట్లు వస్తున్నాయని పాయింట్ల నిర్వాహకులు చెబుతున్నారు. ఇక్కడ లోడింగ్ అన్లోడింగ్ సమయాల్లో కొన్ని ప్యాకెట్లు చిరిగిపోయి, బియ్యం కారిపోతున్నాయని వివరిస్తున్నారు. కార్డుదారుల కోటాకే కన్నం ప్యాకెట్లలో తరుగులు, లీకేజీల కారణంగా ఎదురవుతున్న షార్టేజీని కార్డుదారుల కోటాకు కన్నం వేయడం ద్వారా డీలర్లు పూడ్చుకుంటున్నారు. కార్డుదారులకు రిటైల్గా బియ్యం అమ్ముతారు కనుక.. తూకంలో తగ్గించి లబ్ధిదారులకు అందజేస్తున్నారు. దాదాపు జిల్లా అంతటా ఇదే పరిస్థితి ఉంది. నరసన్నపేటలోని ఎంఎల్ఎస్ పాయింట్ నుంచి నరసన్నపేట మండలానికి నెలకు 2,579 క్వింటాళ్లు, పోలాకి మండలానికి 2,490 క్వింటాళ్ల బియ్యం కేటాయిస్తున్నారు. క్వింటాలుకు 2 నుంచి 3 కేజీల తరుగు లెక్క వేసినా ఈ రెండు మండలాల్లోనే 15 నుంచి 20 క్వింటాళ్ల తరుగు తేలుతుంది. దీని విలువ మార్కెట్ ధర ప్రకారం*60 వేల నుంచి *80వేల వరకు ఉంటుంది. ఈ విధంగా జిల్లాలోని 19 ఎంఎల్ఎస్ పాయింట్లలో ఏర్పడే తరుగును లెక్కిస్తే ప్రతి నెలా *15 లక్షల నుంచి *18 లక్షల విలువైన సబ్సిడీ బియ్యానికి కన్నం పడుతోంది. అయితే ఇదంతా ఒక ప్రణాళిక ప్రకారం జరుగుతున్న తంతన్న ఆరోపణలు ఉన్నాయి. కొన్ని సమయాల్లో తప్పదు గిడ్డంగుల్లోనూ, ఎంఎల్ఎస్ పాయింట్కు సరుకులు చేరినప్పుడు లోడింగ్, అన్లోడింగ్ చేసేటప్పుడు ప్యాకెట్లు కన్నాలు పడి కారడం వల్ల ఈ సమస్య అప్పడప్పుడు ఏర్పడుతోంది. సగటున 5శాతం వరకు వ్యత్యాసం ఉండడానికి ప్రభుత్వ అనుమతి కూడా ఉంది. ఒకేసారి ఎక్కువ లోడ్లు వచ్చి, భారీగా నిల్వ చేయాల్సిన సందర్భాల్లో కింద ఉన్న బస్తాలు చిరగడం, కారడం వంటివి జరుగుతున్నాయి. -బి.శ్రీహరి, సీఎస్డీటీ, నరసన్నపేట తూకం వేసుకునేందుకు వీలుగా కాటా డీలర్లు తమకు కేటాయించిన సరుకులు తూకం వేసుకునేందుకు వీలుగా ఎంఎల్ఎస్ పాయింట్లో కాటా ఏర్పాటు చేశాం. తూకంలో తేడా ఉన్న ప్యాకెట్లను తిరిగి పౌరసరఫరాల గిడ్డంగికి పంపేస్తున్నాం. ఎక్కువ తేడా ఉన్న ప్యాకెట్లను డీలర్లు ఇక్కడే వదిలేస్తున్నారు. ఎంఎల్ఎస్ పాయింట్లో షార్టేజ్ సమస్య తలెత్తదు. -బి.శ్రీరామమూర్తి, గోదాం ఇన్చార్జి -
అమ్మహస్తం ... అస్తవ్యస్తం
మార్కాపురం, న్యూస్లైన్: రాష్ట్ర ప్రభుత్వం ప్రతిష్టాత్మకంగా భావించి ప్రవేశపెట్టిన అమ్మ హస్తం పథకం పశ్చిమ ప్రకాశంలో అస్తవ్యస్తంగా తయారైంది. ఈ పథకం ద్వారా 9 రకాల నిత్యావసర వస్తువులను అస్తవ్యస్తం తెల్లరేషన్ కార్డుదారులకు అందించాలని ప్రభుత్వం భావించింది. 185 లకే అరకిలో పంచదార, ఆయిల్ ప్యాకెట్, కంది పప్పు కిలో, గోధుమలు కిలో, గోధుమపిండి కిలో, 250 గ్రాముల కారంపొడి, అరకిలో చింతపండు, 100గ్రా పసుపు, కిలో అయోడైజ్డ్ ఉప్పు ప్యాకెట్ను దారిద్య్రరేఖకు దిగువన ఉన్న లబ్ధిదారులకు పంపిణీ చేయాలని నిర్ణయించారు. జిల్లాలో గత ఏడాది ఏప్రిల్ 17న దీన్ని ప్రారంభించారు. పథకం ఆచరణలో విఫలం కావడంతో లబ్ధిదారులు బయట కొనుగోలు చేయాల్సి వస్తోంది. 2 నెలల నుంచి పూర్తి స్థాయిలో పథకం అమలు కావడం లేదు. జిల్లా వ్యాప్తంగా 9,10,385 రేషన్కార్డులుండగా, ఇందులో ఫొటో లేని రేషన్కార్డులు 20,970 ఉన్నాయి. 6,151 రేషన్కార్డులు పౌరసరఫరాల జాబితా నుంచి గల్లంతయ్యాయి. మొత్తం మీద 8,83,264 మంది కార్డుదారులకు పథకాన్ని వర్తింపజేయాలని నిర్ణయించారు. జిల్లా వ్యాప్తంగా ఒంగోలు డివిజన్లో 924, కందుకూరు డివిజన్లో 751, మార్కాపురం డివిజన్లో 432 చౌకధరల దుకాణాలున్నాయి. వీటి ద్వారా అమ్మహస్తం వస్తువులతో పాటు కిరోసిన్, బియ్యం అందజేస్తారు. ఫిబ్రవరి 22వ తేదీ నాటికి సైతం జిల్లాలోని మార్కాపురం, గిద్దలూరు, కనిగిరి, యర్రగొండపాలెం తదితర నియోజకవర్గాల్లోని మండలాల్లో కారంపొడి, పసుపు, చింతపండు, అయోడైజ్డ్ఉప్పు, గోధుమలు, గోధుమపిండి పంపిణీ కాలేదు. పౌరసరఫరాల శాఖాధికారులు డీలర్ల వద్ద నుంచి అమ్మహస్తం పథకంలోని అన్ని వస్తువులకు డీడీలు కట్టించుకుని సరఫరా చేయకపోవడంతో అటు డీలర్లు, సకాలంలో వసూలు కాక లబ్ధిదారులు ఆందోళన చెందుతున్నారు. పౌరసరఫరాల శాఖ నివేదికల ప్రకారం మార్కాపురం పట్టణంలో 15,108 రేషన్ కార్డుదారులకు, రూరల్ పరిధిలో 11,614 కార్డుదారులకు, పెద్దారవీడులో 11,866, కంభంలో 10,728, గిద్దలూరులో 19,586, యర్రగొండపాలెంలో 16,899, బేస్తవారిపేటలో 13,011, కొండపిలో 11,998, కందుకూరు పట్టణంలో 11,837, అద్దంకిలో 24,094, పర్చూరులో 14,593, చీమకుర్తిలో 21,478, మద్దిపాడులో 13,967, సంతనూతలపాడులో 18,187 మంది రేషన్కార్డుదారులకు రేషన్ పంపిణీ చే యాల్సి ఉంది. నిత్యావసర వస్తువుల ధరలు పెరిగిపోతుండటంతో లబ్ధిదారులు తక్కువ ధరకు వస్తాయని ఎదురు చూసి చౌకధరల దుకాణాలకు వెళ్లి నిరాశతో వెనుదిరిగిపోతున్నారు. ప్రభుత్వం ఇప్పటికైనా స్పందించి సకాలంలో రేషన్షాపులకు వస్తువులను సరఫరా చేయాలని లబ్ధిదారులు కోరుతున్నారు. ఈ విషయంపై జిల్లా పౌరసరఫరాల శాఖాధికారిణి వివరణ కోరేందుకు ప్రయత్నించగా అందుబాటులో లేరు. -
పేదలకు వరం
తెల్లకార్డ్డులకు స్విమ్స్లో ఉచిత వైద్యం టీటీడీ పాలకమండలి తీర్మానం తిరుపతి, న్యూస్లైన్: రాయలసీమకు వరప్రసాదంగా ఉన్న శ్రీవేంకటేశ్వర వైద్య విజ్ఞాన సంస్థ (స్విమ్స్)లో ఇక నుంచి తెల్లరేషన్ కార్డు ఉంటే చాలు ఉచితంగా సూపర్ స్పెషాలిటీ వైద్య సేవలు అందనున్నాయి. ఆరోగ్యశ్రీ కార్డుతో పనిలేకుండా తెల్లరేషన్ కార్డు ఉన్నవారందరికీ ఉచితంగా వైద్యం అందించేందుకు వీలుగా ఈ తీర్మానం చేశారు. ఇందుకు అవసరమైన ఖర్చును టీటీడీ భరిస్తుంది. శనివారం తిరుమలలో జరిగిన పాలకమండలి సమావేశంలో ఈమేరకు తీర్మానించారు. ప్రస్తుతం స్విమ్స్లో ఆరోగ్యశ్రీ కార్డు ఉన్నవారికి ఆ పథకం పరిధిలో ఉన్న జబ్బులకు ఉచితంగా చికిత్స అందిస్తున్నారు. తెల్లరేషన్ కార్డు ఉన్నవారికి చికిత్సలకు ఆయిన ఖర్చులో రోగి ఆర్థిక స్తోమత బట్టి 30 నుంచి 50 శాతం వరకు రాయితీ ఇస్తున్నారు. ఇదిగాక టీటీడీ ప్రాణదానం పథకం కింద శస్త్ర చికిత్సలకు ఎంపికైన రోగులకు(తెల్లరేషన్ కార్డు ఉంటే)ఉచితంగా చికిత్సలు చేస్తున్నారు. గుండె, మెదడు, వెన్నెముక, కి డ్నీ, లివర్, క్యాన్సర్ జబ్బులకు మెరుగైన వైద్య సేవలు అందుతుండడంతో స్విమ్స్కు రాయలసీమ జిల్లాల నుంచే కాక పొరుగు జిల్లాలనుంచి వచ్చే రోగుల సంఖ్య రోజురోజుకూ పెరుగుతోంది. 1993లో వైద ్య సేవలను ప్రారంభించిన స్విమ్స్లో 2,500 నుంచి 3 వేల మంది ఇన్ పేషెంట్లకు వైద్యసేవలు ఆందించే స్థాయి నుంచి ప్రస్తుతం ఏడాదికి 25 వేల మంది ఇన్-పేషెంట్లకు చికిత్సలు అందించే స్థాయికి ఎదిగింది. ఆరోగ్యశ్రీ పథకం స్విమ్స్కు మంచి పేరు తె చ్చిపెట్టింది. ప్రస్తుతం స్విమ్స్కు ఆరోగ్యశ్రీ ట్రస్ట్నుంచి, టీటీడీ,కేంద్ర ప్రభుత్వాల నుంచి నిధులు అందుతున్నాయి. సౌకర్యాల తోనే ఇబ్బంది నిధుల మాట ఎలా ఉన్నా స్విమ్స్లో సౌకర్యాలు మాత్రం పెరిగిన రోగుల సంఖ్యకు అనుగుణంగా లేవు. క్యాజువాలిటీ, మెడికల్ అంకాలజీ, సర్జికల్ అంకాలజీ, రేడియేషన్ అంకాలజీ తదితర విభాగాల్లో చాలినన్ని పడకలు లేవు. పడకలు ఖాళీ అయితేనే కొత్త రోగులను చేర్చుకునే పరిస్థితి ఉంది. అధునాతన వైద్య పరికరాలున్నా డాక్టర్లు, పారామెడికల్ సిబ్బంది కొరత ఆస్పత్రిని పట్టిపీడిస్తోంది. డాక ్టర్లు లేక మెడికల్ గ్యాస్ట్రో ఎంటరాలటీ, ప్లాస్టిక్ సర్జరీ విభాగాలు మూత పడ్డాయి. నెఫ్రాలజీ విభాగంలో డయాలసిస్ యంత్రాలు చాలడంలేదు. రోగులను వెయిటింగ్ లిస్ట్లో ఉంచి ఖాళీ ఉన్నపుడు ఫోన్ చేసి పిలిపించి డయాలసిస్ చేస్తున్నారు. మెడికల్ రికార్డ్స్ తదితర విభాగాల్లో సిబ్బంది సంఖ్య తక్కువగా ఉండడంతో విపరీతమైన పనిభారంతో సతమతమవుతున్నారు. ఇలాంటి పరిస్థితుల్లో తెల్లరేషన్ కార్డులున్న వారికి ఉచిత వైద్యసేవలు అందించాలన్న నిర్ణయం కారణంగా సమస్యలు తలెత్తనున్నాయి .పక్కనే ఉన్న రుయాను కాదని తెల్ల రేషన్ కార్డులున్న రోగులంద రూ స్విమ్స్ను ఆశ్రయించే అవకాశం ఉంది. ఫలితంగా స్విమ్స్పై మోయలేని భారం పడనుంది. పడకలు, డాక్టర్లు, సిబ్బంది సంఖ్యను పెంచితే తప్ప లక్ష్యం నెరవేరే పరిస్థితి లేదు. -
పొయ్యిలు సరే.. సిలెండర్లేవి?
మంత్రి పర్యటనలో భాగంగా ‘దీపం’ మంజూరు వెంటనే కనెక్షన్లు స్వాధీనం గిరిజనుల ఆందోళనతో స్టౌలు పంపిణీ ఇప్పటికీ అందని గ్యాస్ సిలిండర్లు చింతపల్లి, న్యూస్లైన్ : దీపం పథకంలో భాగంగా గ్యాస్ పొయ్యిలు పంపిణీ చేసిన అధికారులు సిలిండర్లు ఇవ్వడం మరిచిపోయారు. దీనిపై గిరిజనులు తీవ్ర ఆగ్రహం వ్యక్తం చేస్తున్నారు. ఈ నెల 11న మంత్రి బాలరాజు చింతపల్లి, జీకే వీధి మండలాల్లో పర్యటనలో భాగంగా గిరిజన సహకార సంస్థ అధికారులు సబ్సిడీతో దీపం పథకం కింద గ్యాస్ కనెక్షన్లు పంపిణీ చేసేందుకు చర్యలు చేపట్టారు. ఇందులో భాగంగా జీకే వీధి, చింతపల్లి మండలాల్లో సుమారు 200 మంది తెల్ల రేషన్ కార్డుదారులకు గ్యాస్ కనెక్షన్లు పంపిణీ చేయనున్నామని ప్రకటించారు. మంత్రి బాలరాజు చేతుల మీదుగా చాలా మంది గిరిజనులకు గ్యాస్ కనెక్షన్లు మంజూరు చేశారు. మంత్రి పర్యటన ముగిసిన మరుక్షణమే లబ్ధిదారుల నుంచి అధికారులు గ్యాస్లను స్వాధీనం చేసుకున్నారు. ఇదేమని అడిగితే తెల్ల రేషన్కార్డుతో పాటు ఆధార్ కార్డు, దరఖాస్తు ఫారాలు, రూ.2,700 చెల్లిస్తే వివరాలు ఆన్లైన్లో పొందుపరుస్తామని, కనెక్షన్ మంజూరైన తర్వాత ఈ పథకం కింద గ్యాస్ పంపిణీ చేస్తామని అధికారులు చావు కబురు చల్లగా చెప్పారు. దీంతో ఈ నెల 14న పలువురు మహిళలు చింతపల్లి జీసీసీ బ్రాంచి కార్యాలయం వద్ద ఆందోళన చేపట్టారు. ఇదంతా ‘మంత్రి మెప్పు కోసమేనా’ శీర్షికతో ఈ నెల 15న సాక్షి దినపత్రికలో కథనం కూడా ప్రచురితమైంది. ఈ మేరకు దిగివచ్చిన అధికారులు గ్యాస్ పొయ్యిలను హుటాహుటిన అందజేసి చేతులు దులుపేసుకున్నారు. గ్యాస్ సిలిండర్లను పంపిణీ చేయకపోవడంతో గిరిజనులు మరోసారి ఆందోళన చేయడానికి సిద్ధమవుతున్నారు. సిలిండర్లు లేకుండా పొయ్యిలు పంపిణీ చేయడం వల్ల ప్రయోజనమేమిటని పలువురు ప్రశ్నిస్తున్నారు. ఇప్పటికైనా అధికారులు స్పందించి పథకాన్ని పూర్తి స్థాయిలో వర్తింపజేయాలని కోరుతున్నారు. -
రేషన్ దోపిడీ
చౌకదుకాణాల్లో అక్రమాల జోరు కనిపించని ఎలక్ట్రానిక్ తూకాలు సమయపాలన సంగతి సరేసరి పురుగుల బియ్యం, గింజల చింతపండు, నాశిరకం కారప్పొడి సరఫరా సీఎం నియోజకవర్గంలో నాశిరకం ప్రయివేట్ వస్తువుల అమ్మకం తెల్ల రేషన్కార్డుదారుల నిలువుదోపిడీ జిల్లాలోని చౌక దుకాణాల్లో అక్రమాలకు అడ్డులేకుండా పోతోంది. సరుకులు సివిల్ సప్లయిస్ గోడౌన్ల ద్వారా పంపడం నుంచి రేషన్కార్డుదారుల సంచుల్లో నింపే వరకు ప్రతి చోటా దోపిడీ సాగుతోంది. చాలా దుకాణాల్లో నిబంధనలు అమలు కావడం లేదు. బోర్డుల్లో సరుకుల ధరలు, స్టాక్ వివరాలు, ఇచ్చే సమయం ప్రదర్శించాలి. కొన్ని వందల చౌకదుకాణాల్లో ఈ తరహా బోర్డులు లేవు. ఇస్తున్న సరుకులూ నాశిరకంగా ఉంటున్నాయి. డీలర్లు, రెవెన్యూ సిబ్బంది చాలా చోట్ల కుమ్మక్కై అక్రమాలకు పాల్పడి జేబులు నింపుకుంటున్నారనే ఆరోపణలు ఉన్నాయి. సాక్షి, చిత్తూరు: జిల్లాలో 10.32 లక్షల తెల్లరేషన్కార్డుదారులు ఉన్నా రు. చౌకదుకాణాల ద్వారా వీరికి సరుకులు సక్రమంగా అందడంలేదు. కొందరు డీలర్లు, రెవెన్యూ సిబ్బంది అక్రమాలకు తెగబడుతున్నారు. తిరుపతి, మదనపల్లె, చిత్తూరు రెవెన్యూ డివిజన్లలో చాలా చోట్ల అమ్మహస్తం పథకంలో తొమ్మిది రకాల సరుకులు ఇవ్వడం లేదు. చింతపండు బయటమార్కెట్ కన్నా చౌకదుకాణంలో ఎక్కువ ధరకు విక్రయిస్తున్నారు. బియ్యం, పామాయిల్, చక్కెర, కందిపప్పు, గోధుమపిండి, గోధుమలకు ఎక్కువ డిమాండ్ ఉంటోంది. ఈ నెలలో 2,04,585 మందికి ఉప్పు పంపిణీ చేసేందుకు డీలర్లు డీడీలు కట్టారు. కారప్పొడి నాణ్యత సరిగ్గా ఉండదన్న భావనతో చౌకదుకాణ డీలర్లే డబ్బులు కట్టేందుకు ముందుకు రావడం లేదు. కేవలం 36,976 పసుపు ప్యాకెట్లకే ఇండెంట్ ఇచ్చారు. చింతపండుకు 1478 ప్యాకెట్లకు మాత్రమే డిమాండ్ ఉంది. పామాయిల్కు డిమాండ్ ఉన్నా 7,55,695 లీటర్లకే డీడీలు కట్టారు. తూకాల్లో మోసాలు ప్రతి నెలా 1 నుంచి 18వ తేదీ వరకు చౌకదుకాణాల్లో సరుకులను వినియోగదారులకు ఇవ్వాలి. ఉదయం 7 నుంచి 11 గంటల వరకు, సాయంత్రం 4 నుంచి 8 గంటల వరకు సరుకులు పంపిణీ చేయాలి. సరుకుల పంపిణీ చివరి తేదీ వరకు తెరిచే ఉంచాలి. అయితే డీలర్లు దుకాణాలు ఎప్పుడు తెరుస్తారో, మూస్తారో తెలియని పరిస్థితి చాలా పల్లెల్లో, పట్టణాల్లో నెలకొంది. సుమారు 80 శాతం దుకాణాల్లో ఎలక్ట్రానిక్ తూకాలు లేవు. సరైన ప్రమాణాలు లేని తూకపురాళ్లను వినియోగిస్తున్నారు. ఈ క్రమంలో సరుకులు పక్కదారి పడుతున్నాయి. దీనికి సంబంధించి మండల సివిల్ సప్లయిస్, రెవెన్యూ అధికారుల పర్యవేక్షణ ఎక్కడా లేదు. డీలర్లతో సత్సంబంధాలు ఉండడమే ఈ పరిస్థితికి కారణమనే విమర్శలు వినిపిస్తున్నాయి. క్షేత్రస్థాయిలో ఇలా.. పలమనేరు నియోజకవర్గంలో ఐదు మండలాలకు 177 చౌకదుకాణాలు ఉన్నాయి. ఎక్కడా సమయపాలన పాటించడం లేదు. ఎలక్ట్రానిక్ తూకం యంత్రాలు వాడడం లేదు. రేకు డబ్బాలు పెట్టి ఐదు కేజీలు, మూడు కేజీలు అని రాళ్లను ప్రామాణికంగా తీసుకుంటున్నారు. ధరలు, సమయవేళల పట్టిక బోర్డుల మాటే లేదు. కిలో చింతపండును చౌకదుకాణంలో 29.75 రూపాయలకు విక్రయిస్తున్నారు. బయట మార్కెట్లో 20 రూపాయలకే అమ్ముతున్నారు. చౌక దుకాణాల్లోని చింతపండు స్టాక్కు పురుగులు ఉంటున్నాయి. దీంతో జనం ఇక్కడ చింతపండు కొనడం లేదు. జగమర్ల యానాది కాలనీ వాసులు 15 కిలోమీటర్ల దూరంలోని పలమనేరుకు వచ్చి సరుకులు తీసుకెళుతున్నారు. ఆరు రూపాయలు విలువ చేసే ఆరు కిలోల బియ్యం కోసం ఆటోలకు రూ.50 ఖర్చు పెడుతున్నారు. పుంగనూరు నియోజకవర్గంలోని పుంగనూరు మండలంలో చౌకదుకాణాల్లో సరుకులు సరిగ్గా ఇవ్వడం లేదు. ప్రతి నెలా వారం రోజులు ఇస్తున్నారు. తర్వాత వెళితే వచ్చే నెలలో తీసుకోమంటారు. ఇతర వస్తువులూ తీసుకోవాలని ఇబ్బంది పెడుతున్నారు. సమయపాలన లేదు. మదనపల్లె నియోజకవర్గంలో అమ్మహస్తం కింద 9రకాల సరుకులు రూ.185 ఇవ్వాలి. అయితే బి య్యం, చక్కెర, గోధుమపిండి, పామాయిల్ మా త్రమే ఇస్తున్నారు. డీల్లర్లు సమయపాలన పాటిం చడం లేదు. తూకాలు తక్కువ ఉంటున్నాయి. తిరుపతిలోని జీవకోన, మంగళం, తిమ్మినాయుడుపాళెం తదితర చోట్ల చౌకదుకాణాల్లో ఒక నెలలో పామాయిల్ ఇస్తే మరుసటి నెలలో ఇవ్వడం లేదు. బియ్యం చాలా నాశిరకంగా ఉన్నాయి. అన్నం వండితే ముద్ద కడుతోంది. ఎక్కువగా మట్టిపెళ్లలు ఉంటున్నాయి. తంబళ్లపల్లె నియోజకవర్గంలోని చౌకదుకాణాల్లో చింతపండు, కారం, పసుపు సరాఫరా కావడం లేదు. ప్రజలు వీటిని అడగడం లేదని డీలర్లు చెబుతున్నారు. జీడీ నెల్లూరు నియోజకవర్గంలో పెనుమూరు, వెదురుకుప్పం, ఎస్.ఆర్.పురం, పాలసముద్రం, జీడీ నెల్లూరు మండలాల్లోని అన్ని చౌకదుకాణాల్లో తొమ్మిది రకాల సరుకులు ఇవ్వడం లేదు. చింతపండులో గింజలు ఉంటున్నాయి. పసుపుపొడిలో నాణ్యత లేదు. మిరపపొడి తెల్లగా ఉందని వినియోగదారులు అడగడం లేదు. పెనుమూరు, కొత్తపల్లిమిట్ట, పచ్చికాపల్లం గ్రామాల్లో ఉదయం పూట చౌకదుకాణాలు తెరవడం లేదు. ముఖ్యమంత్రి కిరణ్కుమార్ రెడ్డి సొంత నియోజకవర్గం పీలేరులోని ఒక దుకాణంలోనూ ఎలక్ట్రానిక్ తూకాలు లేవు. ఎక్కడా సమయ పాల న పాటిండచం లేదు. దీనిని రెవెన్యూ అధికారులూ పట్టించుకోవడం లేదు. పీలేరు టౌన్లోని కొన్ని చౌకదుకాణాల్లో అనధికారికంగా నాశిరకం ప్రయివేటు వస్తువులు తెచ్చి వినియోగదారుల నెత్తిన బలవంతంగా రుద్దుతున్నారు. నగరి నియోజకవర్గంలో 194 దుకాణాలు ఉన్నాయి. పుత్తూరు మండలంలో ఏడు రకాల సరుకులే ఇస్తున్నారు. నగిరి పట్టణంలోనూ ఇదే పరిస్థితి. నిండ్రలో బియ్యం, చక్కెర, కిరోసిన్ మాత్రమే ఇస్తున్నారు. }M>-âహస్తి నియోజకవర్గంలో 219 చౌకదుకాణాలు ఉన్నాయి. చింతపండు నాణ్యత ఉండడం లేదు. కిరోసిన్ నెల మార్చి నెల ఇస్తున్నారు. మగ్గిన బియ్యం అంటగడుతున్నారు. సమయ పాలన సంగతి సరేసరి. ఎలక్ట్రానిక్ తూకాల మాటేలేదు. గ్రామాల్లో పాత రాయిలను తూకాలుగా వినియోగిస్తున్నారు. -
రచ్చబండ కార్డులకు కిరోసిన్ ఏదీ ?
గుడివాడ, న్యూస్లైన్ : రచ్చబండలో రేషన్ కార్డులు పొందిన లబ్ధిదారులకు రెండు నెలలైనా నీలి కిరోసిన్ అందడం లేదు. తెల్ల కార్డులు ఇచ్చి తమను గాలికొదిలేశారని లబ్ధిదారులు ఆవేదన వ్యక్తం చేస్తున్నారు. సబ్సిడీ కిరోసిన్ సరఫరా చేయకపోవడంతో వంట చేసుకోవడానికి, ఇంట్లో దీపాలు వెలగించుకునేందుకు సైతం వారు ఇబ్బందులు పడుతున్నారు. 59,920 మంది లబ్ధిదారులు... గత ఏడాది నవంబర్లో ప్రభుత్వం నిర్వహించిన రచ్చబండ కార్యక్రమంలో రెండేళ్ల క్రితం తెల్ల రేషన్ కార్డు కోసం దరఖాస్తు చేసుకున్నవారికి కార్డులు అందజేశారు. జిల్లాలో 59 వేల 920 మందికి ఈ కార్డులు అందాయి. వీరందరికీ గత నెలలోనే రేషన్ సరకులు అందాల్సి ఉంది. అధికారుల నిర్లక్ష్యం, డీలర్ల అలసత్వం ఫలితంగా అనేకచోట్ల కొత్త కార్డులు పొందినవారికి డిసెంబర్ రేషన్ సరకులు అందలేదు. మరికొన్నిచోట్ల లబ్ధిదారులకు కార్డులు కూడా చేరలేదని సమాచారం. జనవరిలో అన్ని రేషన్ సరకులు ఇచ్చినా డిసెంబర్, జనవరి నెలల్లో ఇవ్వాల్సిన నీలి కిరోసిన్ ఇంతవరకు రాలేదని చెబుతున్నారు. ఈ కార్డులకు జిల్లావ్యాప్తంగా దాదాపు లక్ష లీటర్లకు పైగా కిరోసిన్ ఇవ్వాల్సి ఉంది. కిరోసిన్ సబ్సిడీ కేంద్ర ప్రభుత్వం నుంచి రావాల్సి ఉం దని, ఎక్కడా ఇంతవరకు సరఫరా కాలేదని జిల్లా పౌరసరఫరాల శాఖ అధికారులు చెబుతున్నారు. కేంద్ర ప్రభుత్వం నుంచి కొత్త కార్డులకు కిరోసిన్ సబ్సిడీ విడుదలైతేనే కోటా కేటాయింపులు జరుగుతాయని అధికారులు సమాధానం ఇస్తున్నారు. నిరుపేదల అవస్థలు... సబ్సిడీ కిరోసిన్ సరఫరా చేయకపోవడంతో నిరుపేదలు నానా అవస్థలు పడుతున్నారు. అసలే కరెంటు కోత తో దీపాలు వెలిగించటానికి, ఇంట్లో వంట చేసుకునేందుకు కావాల్సిన కిరోసిన్ను బహిరంగ మార్కెట్లో లీటరు రూ.40తో కొంటున్నామని చెబుతున్నారు. ఈ విషయమై ఉన్నతాధికారులు స్పందించి కొత్త కార్డుదారులకు నీలి కిరోసిన్ అందేలా చూడాలని కోరుతున్నారు. -
ఉపకారం లేదు!
జి.సిగడాం, న్యూస్లైన్:ఉపకార వేతనాల కోసం ఆన్లైన్లో దరఖాస్తు చేసుకోవాలని ప్రభుత్వ అధికారులు ఆదేశాలు జారీ చేశారు. దీంతో విద్యార్థులు అదే పనిలో పడ్డారు. ఇందుకు కావాల్సిన ఆదాయ, కుల ధ్రువీకరణ పత్రాల కోసం కార్యాలయాల చుట్టూ తిరుగుతున్నారు. అయితే వారి ఆశలపై నిబంధనలు నీళ్లు చల్లాయి. తెల్ల రేషన్ కార్డు ఉన్నవారంతా పేదల జాబితాలో చేరుతారు. స్కాలర్షిప్ పొందాలంటే తహశీల్దార్ కార్యలయం నుంచి ఆదాయ, కుల ధ్రువ పత్రాలు పొందాలి. అంతవరకూ బాగానే ఉన్నా నిబంధనలు మాత్రం విద్యార్థులను ఆందోళనకు గురి చేస్తున్నాయి. స్కాలర్షిప్ పొందడానికి సంవత్సర ఆదాయం 44,500 రూపాయలలోపు ఉండాలని విద్యాశాఖ స్పష్టం చేస్తుంది. అంతకంటే ఎక్కువ ఉంటే దరఖాస్తు చేసుకోవడానికి ఆన్లైన్ ఆమోదించడం లేదు. రెవెన్యూ అధికారులు మాత్రం 55,000 నుంచి 75,000 వరకు ఆదాయ ధ్రువపత్రాన్ని జారీ చేస్తున్నారు. దీంతో ఇటు రెవెన్యూ, అటు స్కాలర్షిప్ మంజూరు చేసే అధికారుల మధ్య విద్యార్థులు నలిగిపోతున్నారు. ఇప్పటికీ ఎక్కువ మంది దరఖాస్తు చేసుకోని పరిస్థితి ఏర్పడింది. సొమ్ము ఖర్చు! మీసేవా ద్వారా ఆదాయ, కులధ్రువపత్రాల కోసం వెళ్తున్న విద్యార్థుల నుంచి ఒకసారికి సుమారు 70 రూపాయలు నిర్వాహకులు వసూలు చేస్తున్నారు. ఒక్కో విద్యార్థి రెండు మూడుసార్లు దరఖాస్తు చేసుకోవాల్సి వస్తుండడంతో రవాణా ఖర్చులతో సహా వందలాది రూపాయలు ఖర్చు చేయాల్సిన పరిస్థితి వస్తుంది. ఇలా చేయడం వల్ల ప్రభుత్వానికి ఆదాయం పెరుగుతున్నప్పటికీ విద్యార్థులకు మాత్రం స్కాలర్షిప్ వచ్చే అవకాశాలు కానరాలేదు. రెవెన్యూ యంత్రాంగం మాత్రం సంవత్సర ఆదాయం 50 వేల రూపాయలకు పైగానే జారీ చేస్తామని వెల్లడిస్తున్నారు. జిల్లాలోని చాలా మండలాల్లో ఇదే పరిస్థితి నెలకొంది. దీంతో సుమారు 10 వేల మంది విద్యార్థులు స్కాలర్షిప్కు నోచుకోనే అవకాశాన్ని కోల్పోయినట్టు తెలిసింది. జిల్లాలో అన్ని పాఠశాలల్లో చదువుతున్న 9, 10, ఇంటర్ విద్యార్థులు ఉపకార వేతనాల కోసం మీసేవా, రెవెన్యూ కార్యాలయాల వద్ద పడిగాపులు పడాల్సిన పరిస్థితి నెలకొంది. చదువుకు దూరం! ఆదాయ ధ్రువపత్రాల కోసం 9, 10 తరగతుల విద్యార్థులు రోజుల తరబడి కార్యాలయాల వద్ద పడిగాపులు కాస్తున్నారు. అయితే ఒక పక్క మీ సేవా ఆన్లైన్ పనిచేయకపోవడం, ఆదాయం ధ్రువీకరణ సర్టిఫికెట్ 50 వేల రూపాయల కంటే తక్కువ ఇవ్వకపోవడంతో తరచూ దరఖాస్తు చేసుకోవడానికి విద్యార్థులు పాఠశాలకు డుమ్మా కొట్టి కార్యాలయాల చుట్టూ తిరుగుతున్నారు. గతంలో మూడు నెలలు సమైక్యాంధ్ర కోసం పాఠశాలలు మూతపడ్డాయి. ఇప్పుడు ధ్రువపత్రాల కోసం తిరుగుతుండడంతో చదువులు సాగని పరిస్థితి నెలకొంది. పదో తరగతి ఫీజుకు రాయితీ లేనట్టే! ఆదాయ ధ్రువీకరణ పత్రం ప్రభావం స్కాలర్షిప్తోపాటు పదో తరగతి పరీక్షలకు హాజరయ్యే విద్యార్థులపై తీవ్ర ప్రభావం చూపింది. పరీక్ష ఫీజుగా 125 రూపాయలు చెల్లించాలి. సంవత్సరాదాయం 23 వేల రూపాయలలోపు ఉంటే ఫీజులో రాయితీ ఉంటుంది. కానీ రెవెన్యూ అధికారులు రూ. 50 వేల రూపాయలకంటే ఎక్కువగానే ధ్రువీకరణ పత్రం జారీ చేస్తుండడంతో ఫీజులో రాయితీ వర్తించడం లేదు. దీంతో పూర్తిగా సొమ్ము చెల్లిస్తున్నట్టు పలువురు విద్యార్థులు వాపోతున్నారు. -
పామాయిల్ లేనట్టే!
కర్నూలు, న్యూస్లైన్: తెల్లరేషన్ కార్డుదారులకు ముఖ్యమంత్రి కిరణ్కుమార్రెడ్డి గత ఏడాది ఉగాది పర్వదినం నుంచి ప్రారంభించిన అమ్మహస్తం పథకం జిల్లాలో మసకబారింది. రూ.185కే తొమ్మిది రకాల సరుకులను ప్యాకెట్ రూపంలో అందిస్తామని ఆర్భాటంగా ప్రకటించినా ఆచరణలో విఫలమయ్యారు. జిల్లాలో సరుకుల కొరత ఏర్పడటంతో అధికారులు తల పట్టుకున్నారు. తూకాల్లో మోసాలను అరికట్టే లక్ష్యంతో అమ్మహస్తంలో ఇచ్చే సరుకులన్నీ ప్యాకెట్ల రూపంలో పంపిణీ చేసేందుకు నిర్ణయించినా అమలులో చిత్తశుద్ధి లోపించింది. కారం, పసుపు, చింతపండులో నాణ్యత కొరవడటంతో వెనక్కు పంపుతూ జాయింట్ కలెక్టర్ కన్నబాబు మూడు రోజుల క్రితం ప్రభుత్వానికి నివేదిక పంపారు. బియ్యం, కిరోసిన్ మినహా మిగిలిన సరుకులకు డీడీలు కట్టవద్దని పౌరసరఫరాల శాఖ అధికారులు డీలర్లకు చెప్పడంతో అమ్మహస్తం పథకం పట్ల డీలర్లు కూడా ఆసక్తి చూపని పరిస్థితి. డీడీలు కట్టాల్సిన మొత్తం పెరిగిపోవడం, నాణ్యత లేని సరుకులు సరఫరా చేస్తుండటంతో డీలర్లు డీడీలు తీసేందుకు వెనుకంజ వేస్తున్నారు. బహిరంగ మార్కెట్లో నాణ్యత కలిగిన చింతపండు అర కిలో రూ.28లకే లభిస్తుండటంతో చౌకడిపోల్లో రూ.30లకు సరఫరా చేస్తుండటం.. నాసిరకం కావడంతో కార్డుదారులు తిరస్కరిస్తున్నారు. అదేవిధంగా పసుపు 100 గ్రాములు చౌక డిపోలో రూ.10లకు విక్రయిస్తుండగా బహిరంగ మార్కెట్లో రూ.8లకే లభిస్తోంది. 250 గ్రాముల కారం చౌకడిపోలో రూ.20లకు సరఫరా చేస్తుండగా, బహిరంగ మార్కెట్లో రూ.18లకే లభిస్తుండటంతో కార్డుదారులు కొనుగోలుకు ఆసక్తి చూపడం లేదు. అలాగే కందిపప్పు, గోధుమ పిండి కూడా నాసిరకంగా ఉంటున్నాయి. నెలల తరబడి గోధుమ పిండి నిల్వ ఉండటంతో ప్యాకెట్లలో పురుగులు పట్టి ముగ్గిపోయిన వాసన వస్తోంది. సంక్రాంతికి సర్కార్ షాక్ సంక్రాంతి పండగకు రాష్ట్ర ప్రభుత్వం సామాన్యులకు షాక్ ఇచ్చింది. నాసిరకం సరుకుల పంపిణీతో విమర్శలు ఎదుర్కొంటున్న ప్రభుత్వం తాజాగా పామాయిల్ సరఫరా చేయలేక చేతులెత్తేసింది. దీంతో పండగవేళ సామాన్యులకు పిండి వంటలు దూరమయ్యే పరిస్థితి నెలకొంది. పెరిగిన ధరలతో నిత్యావసర సరుకులు కొనలేక పేద, మధ్యతరగతి ప్రజలు నానా ఇబ్బందులు పడుతున్నారు. ఈ క్రమంలో ప్రభుత్వం రేషన్ సరుకులలో కోత పెడుతుండటంపై కార్డుదారులు మండిపడుతున్నారు. రేషన్ దుకాణాల ద్వారా సరఫరా చేసే అన్ని సరుకులకు సంబంధించి ప్రతి నెల 15 నుంచి 20వ తేదీ లోపు డీడీలు చెల్లించాలి. జనవరి కోటాకు సంబంధించి పామాయిల్తో పాటు కారం, పసుపు, చింతపండు తదితర నిత్యావసర సరుకులకు డీడీలు తీయవద్దంటూ అధికారులే ఆదేశించారు. గత నెలలోనూ కోతే... జిల్లాలో ప్రభుత్వం ప్రతి నెల 2,411 రేషన్ దుకాణాల ద్వారా 11.50 లక్షల పామాయిల్ ప్యాకెట్లను పేదలకు అందజేస్తోంది. గత నెలలో పూర్తి కోటా ప్రకారం పామాయిల్ సరఫరా చేయలేదు. 20 శాతం కోత విధించి సరఫరా చేయడంతో కర్నూలు నగరంలోనే దాదాపు 40 దుకాణాలకు పామాయిల్ చేరలేదు. రేషన్ దుకాణాల ద్వారా సరఫరా చేస్తున్న 9 వస్తువులలో 5 రకాలు పూర్తిగా నాసిరకంగా ఉన్నాయి. అలాగే గోధుమలు కూడా పుచ్చుపట్టడంతో కొనుగోలు చేయడానికి కార్డుదారులు ఆసక్తి చూపడం లేదు. సరుకుల నాణ్యతలో డొల్ల, సరఫరాలో జాప్యం జరుగుతుండటంతో ‘అమ్మహస్తం’ నీరుగారుతోంది. -
పండగకు పామాయిల్ ఉన్నట్టా... లేనట్టా...!
=ఈ నెలలో సరఫరా చేసింది సగమే =జనవరికి ఇప్పటికీ కేటాయింపులు లేవు =అయోమయంలో పేద కుటుంబాలు =పండగకు తప్పని అదనపు భారం నర్సీపట్నం, న్యూస్లైన్ : పండక్కి పామాయి ల్ అదనపు కోటా మాట అటుంచి అసలుకే దిక్కులేని పరిస్థితి నెలకొంది. డిసెంబరులో అరకొరగా కేటాయించినప్పటికీ, జనవరికి సంబంధించి అధికారులు ఇప్పటికీ ఏ విషయమూ నిర్దుష్టంగా చెప్పలేకపోతున్నారు. రెండు మూడు రోజుల్లో ప్రభుత్వం నుంచి ఉత్తరువు వస్తాయంటున్నారు. ఆమేరకు కేటాయింపు, సరఫరా చేస్తామని చెబుతున్నారు. చౌక దుకాణాల ద్వారా ప్రతీ తెల్లరేషన్కార్డుదారునికి ప్రభుత్వం లీటరు పామాయిల్ను రూ.40కి పంపిణీ చేస్తోంది. బయట మార్కెట్లో ధీని ధర రూ.65 వరకు ఉంది. దీంతో చౌకదుకాణాల పామాయిల్కు మంచి డిమాండ్ ఏర్పడింది. తక్కువ ధర కు వస్తుండటంతో దాదాపుగా అందరూ పామాయిల్ను విడిపించుకుంటున్నారు. జిల్లాలో 12.34 లక్షల మంది కార్డుదారులు ఉంటే డిసెంబరులో కేవలం 6,08,445 లీటర్లు మాత్రమే సరఫరా చేసింది. దీంతో సగానికిపైగా కార్డుదారులకు వంటనూనె అందలేదు. ఇక జనవరిలో సంక్రాంతి పండగకు అదనంగా పంచదార, నూనెను సరఫరా చేయడం ఆనవాయితీగా వస్తోంది. ఈసారి మాత్రం అదనపు కోటా మాట అటుంచి, జనవరికి అవసరమైన కేటాయింపులు ఇప్పటి వరకు జిల్లాకు రాలేదు. విదేశాల నుంచి ప్రతి నెలా పామాయిల్ కాకినాడ పోర్టుకు చేరుకుంటుంది. అక్కడ ప్యాకింగ్లు చేసి వాటిని అవసరాల మేరకు జిల్లాలకు సరఫరా అవుతుంది. ప్రస్తుతం రెండు వేల కిలోలీటర్ల పామాయిల్ పోర్టుకు చేరిన ట్లు దిగుమతి కంపెనీ వర్గాల ద్వారా తెలిసిందని, దాన్ని కేటాయించిన వెంటనే సరఫరా చేస్తామని పౌరసరఫరాల శాఖ జిల్లా అధికారులు చెబుతున్నారు. సాధారణంగా ప్రతీ నెలా ఒకటో తేదీ నుంచి రేషన్ దాకాణాల ద్వారా నిత్యావసర సరుకులను పంపిణీ చేస్తుంటారు. కానీ జనవరి నెల పామాయిల్ ఇప్పటికీ రాకపోవడంతో పండుగ మాసం బహిరంగ మార్కెట్లో అధిక ధర రూ.65 వరకు చెల్లించి కొనుగోలు చేయాల్సిన పరిస్థితే కనిపిస్తోంది. ఒకవేళ ఆలస్యంగానైనా పామాయిల్ వస్తే వాటిని కార్డుదారులకు సరఫరా చేయడానికి సమయం పట్టనుంది. మొత్తం మీద ఈ పండుగకు ముందైనా ప్రభుత్వం పామాయిల్ను ఇస్తుందో లేదో వేచి చూడాలి మరి. -
పండగకు పామాయిల్ లేనట్టే
=రావాల్సింది 1200 టన్నులు =వచ్చింది 400 టన్నులు =మున్సిపాలిటీల్లోకి పంపిణీ చేసే అవకాశం =గ్రామాల్లో సంక్రాంతి నాటికి అనుమానమే విజయవాడ సిటీ/ నూజివీడు, న్యూస్లైన్ : జిల్లాలోని తెల్ల రేషన్ కార్డుదారులకు ఈ ఏడాది ముఖ్యమైన పండగలకు ప్రభుత్వం పామాయిల్ సరఫరాకు ఎగనామం పెట్టింది. పర్వదినాలకు అదనంగా సరఫరా చేయాల్సి ఉండగా, అసలుకే ఎసరుపెట్టి పూర్తిగా బంద్ చేసింది. జిల్లా వ్యాప్తంగా డిసెంబర్లో పామాయిల్ సరఫరాను పౌరసరఫరాల అధికారులు నిలిపివేశారు. జనవరి ఒకటో తేదీ నుంచి కనీసం మున్సిపాలిటీలకైనా సరఫరా చేయాలని ప్రణాళిక సిద్ధం చేస్తున్నట్లు సమాచారం. పై నుంచి సరకు రాకపోయినా జిల్లాలో నిల్వ ఉన్న సరకును పోగుచేసి పట్టణాలకు పంపిణీ చేయాలని భావిస్తున్నారు. ఈ నేపథ్యంలో గ్రామీణ ప్రాంతాల్లో కార్డుదారులకు సంక్రాంతి పండగకు కూడా పామాయిల్ అందే అవకాశం లేదని అంచనా వేస్తున్నారు. సింగపూర్ నుంచి షిప్పులో పామాయిల్ సరఫరాలో జాప్యం జరగటం వల్ల ఈ పరిస్థితి ఏర్పడిందని అధికారులు చెబుతున్నారు. క్రిస్మస్, కొత్త సంవత్సర వేడుకలకు పామాయిల్ అందుబాటులో లేకపోవడం జిల్లాలోని పదిన్నర లక్షల తెల్ల కార్డుదారుల కుటుంబాలను నిరాశకు గురిచేస్తోంది. ప్రభుత్వ యంత్రాంగానికి ముందస్తు వ్యూహం లేకపోవటం వల్లే పామాయిల్ సరఫరాకు ఆటంకం కలిగిందని ప్రజలు ధ్వజమెత్తుతున్నారు. డీడీలు కట్టిన డీలర్ల అగచాట్లు... జిల్లాలో డీలర్లు అందరూ పామాయిల్ కోసం ఈ నెల ఐదో తేదీలోగా డీడీలు చెల్లించారు. ప్రతి డీలరు తమ కోటాను బట్టి రూ.10 వేల నుంచి రూ.50 వేల వరకు కట్టారు. పదిన్నర లక్షల లీటర్ల పామాయిల్కు డబ్బు కట్టినా సరఫరా కాలేదని, తమ డీడీలు వేరే సరకుకు మార్చుకునేందుకు కూడా అధికారులు అనుమతించటం లేదని వారు చెబుతున్నారు. నగరంలో డీలర్ల వద్దకు చేరిన పామోలిన్ విజయవాడ నగరంలో మాత్రం 1,90,825 కార్డుదారుల కోసం పామాయిల్ సరఫరా చేశారు. జిల్లాలో కొన్ని కేంద్రాలలో నిల్వ ఉన్న సరకును ఇక్కడికి తరలించారు. నగరంలో 205 దుకాణాలకు సరకును డీలర్లకు పంపారు. వచ్చే నెల ఒకటో తేదీ వరకు పామాయిల్ సరఫరా చేయొద్దని డీలర్లకు ఆదేశాలందాయి. సరకు వచ్చిందని తెలుసుకున్న వినియోగదారులు డీలర్లపై ఒత్తిడి చేస్తున్నారు. 400 టన్నులే వచ్చింది... జిల్లాకు 1200 టన్నుల పామాయిల్ అవసరం ఉందని, డిసెంబర్కు 400 టన్నులు మాత్రమే వచ్చిందని పౌరసరఫరాల సంస్థ జిల్లా మేనేజర్ చిట్టిబాబు తెలిపారు. దీంతో పామాయిల్ను తుపాను ప్రభావం పడిన తీరప్రాంత మండలాలకు, విజయవాడ అర్బన్కు పంపిణీ చేశామని చెప్పారు. దాదాపు 32 మండలాలకు ఈ నెలకు పామాయిల్ లేనట్టేనని తెలిపారు. సరకు వస్తే ఇక సంక్రాంతి ముందు ఇస్తామని చెప్పారు. -
కూపన్లకు కోటా ఏది ?
= పత్తా లేని అదనపు రేషన్ కోటా = నిరుపయోగంగా మారుతున్న కొత్త కూపన్లు = దుకాణాల వద్ద లబ్ధిదారుల పడిగాపులు = పట్టింపులేని సివిల్సప్లై అధికారులు సాక్షి,సిటీబ్యూరో: అమ్మ అన్నం పెట్టదు..అడుక్క తిన్నివ్వదు అన్నట్లుంది నగరంలో తెల్లకార్డులదారుల పరిస్థితి. ఎంతో సబ్సిడీతో సరుకులు పంపిణీ చేస్తున్నామని గొప్పలు చెబుతున్న సర్కారు..రేషన్ పంపిణీలో ఎనలేని నిర్లక్ష్యం అవలంభిస్తోంది. ఫలితంగా ఇటీవల రచ్చబండ కార్యక్రమంలో రేషన్కూపన్లు పొందిన లబ్ధిదారులకు సరుకులు రాక తీవ్రఇబ్బంది పడుతున్నారు. సరుకుల కోసం రోజూ దుకాణాలు చుట్టూ చెప్పులు అరిగేలా తిరుగుతున్నా సర్కారు కనికరించడం లేదు. చౌకధర దుకాణాల ద్వారా లబ్ధిదారులకు సరుకులను పంపిణీ చేసే గడువు ముగస్తున్నప్పటికీ కొత్త రేషన్కార్డులకు కోటా కేటాయింపు జరగలేదు. వాటికి సంబంధించిన డైన మిక్ కీరిజిస్ట్రర్లు కూడా ఇప్పటివరకు డీలర్లకు అందలేదు. ఇప్పటికే చౌకధర దుకాణాలకు నెలసరి కోటా కేటాయింపులో మొదటివిడత కింద 65 శాతం సరుకులు మాత్రమే సరఫరా కాగా, మరో 35 శాతం సరఫరా చేయాల్సి ఉంది. మరోవైపు కొత్తకార్డుల కూపన్లు పొందిన లబ్ధిదారులు సరుకుల కోసం దుకాణాల వద్ద పడిగాపులు పడుతున్నారు. కొంతమంది డీలర్లు కోటా కేటాయింపు జరగలేదని పేర్కొంటుండగా, మరికొందరు వచ్చేనెల కేటాయింపు ఉంటుందని చేతులు దులిపేస్తున్నారు. ఊసేలేని కొత్త కార్డులకు సరుకులు : హైదరాబాద్-రంగారెడ్డి జిల్లాల్లో కొత్త రేషన్కార్డులకు సంబంధించిన సరుకుల కోటా ఊసేలేకుండాపోయింది. వాస్తవంగా నెలసరి కోటాకుతోడు కొత్త కార్డులకు సంబంధించిన కోటా విడుదల కావాల్సి ఉంది. నవంబర్,డిసెంబర్ నెలలోనైనా కొత్త కార్డులకు కోటాయింపు ఉంటుందని భావించగా ఇప్పటివరకు పత్తా లేకుండా పోయింది. 60 శాతమే కూపన్ల జారీ : హైదరాబాద్తోపాటు రంగారెడ్డి జిల్లాలోని అర్బన్ ప్రాంతంలో కనీసం 60శాతం మించి కూపన్లు పంపిణీకి నోచుకోలేదు. గత నెలలో జరిగిన మూడోవిడత రచ్చబండ సందర్భంగా హైదరాబాద్-రంగారెడ్డి జిల్లాల్లో సుమారు 1.11 లక్షల వరకు తెల్లకార్డులు మంజూరు కాగా, ఇందులో హైదరాబాద్లో 37 వేలు,రంగారెడ్డి జిల్లాలో 74వేలు ఉన్నాయి. ప్రధానంగా రంగారెడ్డి జిల్లాఅర్బన్లో బాలానగర్, ఉప్పల్, సరూర్నగర్ సివిల్సప్లై సర్కిల్స్ ఉండగా, రూరల్ ప్రాంతంలో 33 సర్కిళ్లు వేరుగా ఉన్నాయి. కొత్త తెల్లరేషన్కార్డులకు సంబంధించిన తాత్కాలికకార్డుతో కూడిన కూపన్ల జారీకి కుటుంబం సమేతంగా దిగి ఫొటో, వారి యూఐడీ, లేదా ఈఐడీల జీరాక్స్లను ముడిపెట్టడంతో పంపిణీ ప్రక్రియ నత్తనడకగా సాగుతోంది. తెల్లకార్డు లబ్ధిదారులకు కూపన్ల జారీ ప్రక్రియ పాత పరిస్థితులను మురిపిస్తోంది. పామోలిన్ ఎక్కడ..? : గత రెండునెలలుగా హైదరాబాద్ జిల్లా పరిధిలోని దుకాణాలకు పామోలిన్ సరఫరా కాకపోవడంతో కార్డుదారులు తీవ్ర ఇబ్బందులు పడుతున్నారు. బహిరంగమార్కెట్లో ఆయిల్ ధరలు భగ్గుమంటుండడంతో చాలామంది రేషన్ పామోలిన్ కోసం ఎదురుచూస్తుంటారు. రెండునెలలుగా పంపిణీ నిలిచిపోవడంతో నానాయాతన పడుతున్నారు. కాగా కొందరు డీలర్లు కావాలనే స్టాక్ లేదని చెబుతున్నారని, వస్తున్న కొద్దొగొప్పో స్టాక్ను బ్లాక్మార్కెట్కు తరలిస్తున్నట్లు ఆరోపణలు వినిపిస్తున్నాయి. సరుకులు అందిస్తాం.. కొత్త తెల్లరేషన్కార్డులకు సంబంధించిన కూపన్ల జారీప్రక్రియ కొనసాగుతోంది. కూపన్లు పొందిన వారందరికీ సరుకులు ఇస్తాం. డీలర్ల వద్ద అందుకు సరిపడా సరుకులు అందుబాటులో ఉన్నాయి. - రాజశేఖర్, డీఎస్వో, హైదరాబాద్ -
కోటా కోత
=క్రిస్మస్కు పామాయిల్ లేదు =సంక్రాంతికీ అనుమానమే.. =పది మండలాలకు ‘తుపాను’ నిల్వలు సరఫరా =ఇదేం పౌర పంపిణీ వ్యవస్థ! సాక్షి, మచిలీపట్నం : క్రిస్మస్ పండక్కి పిండివంటలు చేసుకుని తినాలన్న పేదోడి కోరిక ఈసారి నెరవేరే అవకాశం లేదు. సంక్రాంతికి అరిసెల సంగతి అటుంచి కనీసం గారెలు తినాలన్నా సామాన్యుడికి కష్టమే. ఎందుకంటే ఈసారి ప్రభుత్వ చౌకడిపోల ద్వారా జిల్లాలో పామాయిల్ పంపిణీ జరగడం లేదు. ఇతర దేశాల నుంచి దిగుమతి కాలేదు.. తుపానుల సమయంలో ఉంచిన నిల్వలను కొన్ని మండలాలకు పంపేందుకు చర్యలు తీసుకున్నట్టు అధికారులు చెబుతున్నారు. అస్తవ్యస్తంగా ఉన్న పౌర పంపిణీ వ్యవస్థ కారణంగానే పండుగ వేళ పేదలకు ఈ అవస్థలు. జిల్లాలో తెల్లకార్డులు, అంత్యోదయ అన్నయోజన, అన్నపూర్ణ కార్డులు మొత్తం 11,52,152 ఉన్నాయి. వీటికి తోడు తాజాగా ఇటీవల జరిగిన రచ్చబండలో 59,711 కొత్త కార్డులకు తాత్కాలికంగా కూపన్లు జారీ చేశారు. ఒక్కో కార్డుకు నెలకు కనీసం లీటర్ చొప్పున పామాయిల్ ఇవ్వాల్సి ఉంది. ఈ లెక్కన జిల్లాకు సుమారు 1150 మెట్రిక్ టన్నులు అవసరం. కాగా, సింగపూర్, మలేసియా నుంచి పామాయిల్ ఇప్పటివరకు రాలేదు. పండుగల నేపథ్యంలో ఆయా దేశాల్లో పామాయిల్కు డిమాండ్ పెరగడంతో మనకు కేటాయించిన కోటా ఎగుమతులు నిలిపివేశారు. పండుగల ముందు నుంచే ఆయా దేశాల్లో మనం ఒప్పందం కుదుర్చుకున్న సంస్థతో మాట్లాడాల్సిన మన యంత్రాంగం ఇప్పుడు ప్రయత్నాలు మొదలెట్టింది. అవి ఫలించి పామాయిల్ వచ్చినా క్రిస్మస్కు కోటా అందదు. ఆయా దేశాల నుంచి ఓడల్లో వచ్చే పామాయిల్ కాకినాడలో ప్యాకింగ్ కావాల్సి ఉంది. ఇప్పటికిప్పుడు వచ్చినా అందడంలో జాప్యం జరిగే అవకాశం ఉంది. దీంతో డిసెంబర్ కోటాపై ఆశ లేనట్టే. సంక్రాంతినాటికైనా జనవరి కోటా ఇచ్చేందుకు కసరత్తు సాగుతోంది. చౌకడిపోల్లో కిలో రూ.40కి ఇచ్చే పామాయిల్ బయట మార్కెట్లో రూ.65 పలుకుతోంది, మామూలు రిఫైన్డ్ ఆయిల్ కిలో రూ.100 పైమాటే. ఫలితంగా సామాన్యుడు ఇబ్బందిపడక తప్పదు. పది మండలాలకే సరి.. డిసెంబర్ పామాయిల్ కోటా రాకపోవడంతో ప్రత్యామ్నాయ అవకాశాలపై అధికారులు దృష్టి సారించారు. ఇటీవల వచ్చిన తుపానులను దృష్టిలో పెట్టుకుని ముందుజాగ్రత్తగా నిల్వ ఉంచిన పామాయిల్ను కొన్ని ప్రాంతాల్లో చౌక డిపోల ద్వారా అందించేందుకు చర్యలు చేపట్టినట్టు పౌరసరఫరాల జిల్లా మేనేజర్ చిట్టిబాబు సాక్షికి వివరణ ఇచ్చారు. తుపానులప్పుడు నిల్వ ఉంచిన 387మెట్రిక్ టన్నుల పామాయిల్ను జిల్లాలో పది మండలాలకు డిసెంబర్ కోటాగా అందించేందుకు చర్యలు తీసుకున్నారు. పెడన, గూడూరు, కోడూరు, నాగాయలంక, బంటుమిల్లి, కృత్తివెన్ను, ముదినేపల్లి, గుడ్లవల్లేరు, ముసునూరు మండలాలతోపాటు విజయవాడ రూరల్ మండలాల్లో పూర్తిస్థాయిలో పామాయిల్ కోటా ఇస్తారు. విజయవాడ నగరం, గుడివాడ, కైకలూరు, మండవల్లి ప్రాంతాల్లో 50 శాతం మంది తెల్లకార్డుదారులకు మాత్రమే పామాయిల్ కోటా కేటాయించారు. కాగా, జిల్లా అంతటా డిసెంబర్ నెలకు బియ్యం, పంచదార, కందిపప్పు, కిరోసిన్, ఇతర సరుకులు మాత్రం ఇస్తున్నారు. -
రికార్డు బ్రేక్!
= కుటుంబాలు 11 లక్షలు = తెల్ల కార్డులు 12.34 లక్షలు = జిల్లాలో ధనికులు లేనట్టే! = విస్మయం కలిగిస్తున్న లెక్కలు = ఇంకా వెల్లువలా దరఖాస్తులు = బ్లాక్ మార్కెట్కు సరకులు = రూ.కోట్లలో ప్రజా ధనం వృథా జిల్లాలో శత శాతం పేద కుటుంబాలే ఉన్నాయా?.. ధనికులు లేరా?.. ప్రతి కుటుంబానికీ తెల్లరేషన్ కార్డు ఉందా?.. కార్డులు లేని వారే లేరా?.. తెల్లరేషన్ కార్డుల సంఖ్యను బట్టి చూస్తే ఇదే నిజమనిపిస్తోంది. జిల్లాలో కుటుంబాల సంఖ్య కంటే రేషన్ కార్డుల సంఖ్యే ఎక్కువగా ఉండడం విస్మయాన్ని కలిగిస్తోంది. ఈ విషయం స్పష్టంగా తెలుస్తున్నా ప్రభుత్వం గానీ, అధికారులు గానీ ఆ దిశగా బోగస్ కార్డులపై ఎందుకు దృష్టి సారించడం లేదో అర్థం కాని ప్రశ్న. విశాఖ రూరల్, న్యూస్లైన్ : జిల్లాలో 2011 సంవత్సరంలోని గణాంకాల ప్రకారం 44 లక్షలకు పైగా జనాభా ఉంది. కుటుంబానికి సగటున నలుగురు చొప్పున లెక్కేసినా జిల్లాలో 11 లక్షల కుటుంబాలు మాత్రమే ఉన్నట్టు తెలుస్తోంది. కానీ అధికారుల లెక్కల ప్రకారం 2009లో 8.5 లక్షల కుటుంబాలు ఉన్నట్టు తెలుస్తోంది. ఈ కుటుంబాల సంఖ్య కంటే తెల్లరేషన్కార్డుల సంఖ్య అధికంగా ఉండడం విశేషం. జిల్లాలో గత రెండు దఫాలలో జరిగిన రచ్చబండ కార్యక్రమాలకు ముందు 9,85,126 తెల్లరేషన్కార్డుదారులు ఉన్నారు. కుటుంబాల సంఖ్య కంటే కార్డుల సంఖ్య అధికంగా ఉన్నట్టు గుర్తించిన ప్రభుత్వం రెండేళ్ల క్రితం బోగస్ కార్డులను గుర్తించాలని అధికారులను ఆదేశించింది. ఆ తర్వాత రెండు నెలల పాటు చేపట్టిన సర్వేలో కేవలం 50 వేల కార్డులను మాత్రం రద్దు చేశారు. ఇందులో సగానికి పైగా లబ్ధిదారుల కార్డులను రద్దు చేశారన్న ఆరోపణలు వెల్లువెత్తాయి. అనంతరం జరిగిన రచ్చబండ కార్యక్రమాల్లో మరోసారి 1,35,978 మందికి అదనంగా రేషన్కార్డులు మంజూరు చేశారు. దీంతో కార్డుల సంఖ్య 11,21,104కు చేరింది. మళ్లీ రెండోసారి బోగస్ కార్డుల ఏరివేత కార్యక్రమాన్ని చేపట్టారు. ఈసారి అర్హులు కాని వారి దగ్గర ఉన్న కార్డులను అప్పగించాలని పౌర సరఫరాల శాఖ అధికారులు చెప్పినా పెద్దగా స్పందన రాలేదు. కేవలం 22 వేల మంది మాత్రమే కార్డులను వెనక్కి ఇచ్చారు. రచ్చబండ-2లోనే కాకుండా కొద్ది రోజుల క్రితం వరకు 1.5 లక్షల మంది రేషన్కార్డుల కోసం దరఖాస్తులు చేసుకున్నారు. వీరిలో 1.13 లక్షల మందిని లబ్ధిదారులుగా గుర్తించి ప్రస్తుతం జరుగుతున్న రచ్చబండ-3లో పంపిణీ చేస్తున్నారు. దీని ప్రకారం ప్రస్తుతం కార్డు సంఖ్య 12,34,104కు చేరింది. కానీ ఎన్ని విధాలుగా లెక్కలు వేసుకున్నా కుటుంబాల సంఖ్య 11 లక్షలకు మించదు. దీన్ని బట్టి చూస్తే ప్రస్తుతం జిల్లాలో ఉన్న కుటుంబాల కంటే 1,34,104 కార్డులు అదనంగా ఉన్నట్టు స్పష్టంగా తెలుస్తోంది. ఇదెలా సాధ్యమన్న విషయం అధికారులకే తెలియాలి. జిల్లాలో ఇప్పుడు నిర్వహిస్తున్న రచ్చబండ-3లో మరో 60 వేల మంది వరకు రేషన్కార్డుల కోసం దరఖాస్తులు చేసుకున్నారు. ఇప్పటికీ వెల్లువలా కార్డుల కోసం దరఖాస్తులు వస్తూనే ఉన్నాయి. ధనికులే లేరా? : పేద, బడుగు, బలహీనవర్గాల ప్రజలకు మాత్రమే తెల్లరేషన్కార్డులను మంజూరు చేయాలి. కానీ ప్రస్తుతం కార్డుల సంఖ్య చూస్తే కుటుంబాల కంటే అధికంగా ఉంది. దీన్ని బట్టి జిల్లాలో ధనికులే లేనట్టుగా ఉంది. వాస్తవానికి జిల్లాలో 50 శాతానికి పైగా కుటుంబాలకు రేషన్కార్డులు లేవు. వీరిలో ధనికులు, తెల్లరేషన్కార్డులకు అర్హులు కానీ వారు ఉన్నారు. అలాగే కార్డులకు అర్హులైన వారు ఇంకా చాలా మంది ఉన్నారు. ఇప్పటికీ ప్రతి సోమవారం కలెక్టరేట్లో జరిగే ప్రజావాణి కార్యక్రమంలో రేషన్ కార్డుల కోసం దరఖాస్తులు చేసుకుంటూనే ఉన్నారు. దీన్ని బట్టి చూస్తే జిల్లాలో ఉన్న తెల్లరేషన్కార్డులు.. కుటుంబాల సంఖ్య కంటే 60 శాతానికిపైగా అదనంగా ఉన్నట్టు అర్థమవుతోంది. కార్డుల సంఖ్య ప్రకారం ప్రభుత్వం జిల్లాకు నిత్యావసరాల కేటాయింపులను చేస్తోంది. పేదలకు అందాల్సిన కోట్ల రూపాయల విలువ చేసే నిత్యావసర సరకులు 60 శాతానికి పైగా వృథా అవుతున్నట్టు తెలుస్తోంది. ఈ బోగస్ కార్డులకు సంబంధించిన సరకులు బ్లాక్ మార్కెట్కు తరలిపోతున్నాయి. అప్పుడప్పుడూ చేసే తనిఖీల్లోనే అనేక అక్రమాలు బయటపడుతుండడమే ఇందుకు నిదర్శనం. బోగస్ కార్డులపై ప్రభుత్వం నుంచి ఆదేశాలు వస్తేగానీ అధికారులు ఎటువంటి చర్యలు తీసుకొనే అవకాశం లేదు. లక్షల సంఖ్య లో బోగస్ కార్డులు ఉన్నా ప్రభుత్వం ఓట్ల కోసం ప్రజా ధనాన్ని వృథా చేస్తోందన్న ఆరోపణలు వినిపిస్తున్నాయి. ఇది ఇలాగే కొనసాగితే కార్డుల సంఖ్య కుటుంబాల సంఖ్యనే కాదు, జనాభా కంటే అధికమైనా ఆశ్చర్యపోనవసరం లేదు. -
ఆధార్తో పరేషన్..
సాక్షి,సిటీబ్యూరో/ మెహిదీపట్నం: ఆధార్.. గుర్తింపు, వివిధ ప్రయోజన పథకాలకు ఇదే ఆధారం. అయితే ఇదే కొన్నిసార్లు జీవనాధారాన్ని కూడా తెంచుతోంది. గ్రేటర్ హైదరాబాద్లో నిరుపేదల పాలిట ‘ఆధార్’ శాపంగా మారింది. ఆధార్తో తెల్లరేషన్ కార్డుల అనుసంధాన ప్రక్రియ పేదల్ని నాలుగు మెతుకులకు దూరం చేస్తోంది. గ్రేటర్ హైదరాబాద్లో ఒకవైపు 50 వేల లబ్ధిదారుల యూనిట్లు రద్దు కాగా, మరోవైపు దాదాపు లక్ష కుటుంబాలకుపైగా నిత్యావసర సరుకుల పంపిణీ నిలిచిపోయింది. రేషన్కార్డుకు ‘ఆధార్’ను అనుసంధానిస్తూ ముందస్తు ప్రయోగానికి సిద్ధపడిన హైదరాబాద్-రంగారెడ్డి జిల్లాల పౌరసరఫరాల శాఖ ఈపీడీఎస్ విధానంతో తెల్లకార్డుదారుల ఏరివేత పనిలో పడినట్లు కనిపిస్తోంది. ఒకవైపు ఆధార్ నంబర్లు సమర్పించని లబ్ధిదారులకు సరుకుల్ని ఇవ్వరాదని ఆదేశాలు జారీ చేసి ఈ నెల లక్షకు పైగా కుటుంబాలకు మొండిచేయి చూపారు. మరోవైపు ఆధార్ సమర్పించిన వారి రేషన్కార్డుల్లోని లబ్ధిదారుల యూఐడీ నంబర్ ఆధారంగా ‘డబుల్’ యూనిట్లను రద్దు చేస్తున్నారు. దీనిని సాకుగా తీసుకున్న కొందరు రేషన్ డీలర్లు చేతి వాటం చూపుతూ అసలు యూనిట్లకు సైతం ఎసరు పెడుతున్నారు. డబుల్ యూనిట్లంటే... రేషన్కార్డులో ఒక లబ్ధిదారుడిని ఒక యూనిట్గా పరిగణిస్తారు. కాగా, ఒక కార్డులోని లబ్ధిదారుల్లో కొందరు పెళ్లి, వేరుపడటం వంటి కారణాలతో కొత్త కార్డులు పొందుతున్నారు. వీరి పేర్లు పాత కార్డుల్లోనూ కొనసాగుతున్నాయి. ఆధార్ అనుసంధానం ద్వారా ఈ ‘డబుల్ యూనిట్ల’ను అధికారులు గుర్తించి ఏరివేస్తున్నారు. ఇదే ఇప్పుడు పేదల పొట్టకొడుతోంది. ఒక రేషన్ కార్డులో గల కుటుంబసభ్యుల పేర్లలో ఎవరో ఒకరు మరో తెల్లరేషన్ కార్డులో లబ్ధిదారుడై ఉంటే ఆధార్ యూఐడీ నంబర్ అనుసంధానం వల్ల రెండు కార్డులకు చిక్కువస్తోంది. ఈ ఏరివేతలో రెండుచోట్లా యూనిట్లు రద్దు కావడంతో లబోదిబోమంటున్నారు. హైదరాబాద్-రంగారెడ్డి జిల్లాలో 3 నెలలుగా రేషన్ కార్డులకు ఆధార్ అనుసంధానం ఈపీడీఎస్ విధానం ద్వారా కొత్త సాఫ్ట్వేర్లో కొనసాగుతోంది. దీంతో ఒకే ఆధార్ నంబరు రెండు కార్డుల్లో అనుసంధానమైతే దాని ఆధారంగా రెండు కార్డుల్లోని యూనిట్లు రద్దవుతున్నాయి. ఫలితంగా వారికి డీలర్లు సరుకులు ఇవ్వట్లేదు. అసలు విషయం తెలియక పేదలు రేషన్ సరుకుల కోసం తంటాలు పడుతున్నారు. ఆధార్ ఉంటేనే సరుకులు.. పౌరసరఫరా శాఖ ఈ నెల నుంచి సరుకుల పంపిణీ నమోదుకు ఆధార్ సీడింగ్తో పాటు ఆధార్ అన్ సీడింగ్ అనే రెండు కీ పుస్తకాలను డీలర్లకు అందించింది. దీని ఆధారంగా సరుకుల పంపిణీ జరుగుతోంది. వీటి ఆధారంగా- ఆధార్ అనుసంధానంతో రద్దయిన యూనిట్ల లబ్ధిదారులతో పాటు ఆధార్ నంబర్లు అనుసంధానం కాని వారికీ సరుకులు అందట్లేదు. ఒకవేళ కొత్తగా ఆధార్ కార్డు సమర్పిస్తే యూఐడీ నంబర్ నమోదు చేసి సంబంధిత లబ్ధిదారుడి యూనిట్లకు మాత్రమే పంపిణీ చేస్తున్నారు. దీంతో ఆధార్ లేని వారు సర్కిల్ కార్యాలయాల చుట్టూ ప్రదక్షిణలు చేస్తున్నారు. ఆధార్ తప్పనిసరి తెల్లరేషన్ కార్డు లబ్ధిదారులు ఆధార్ నంబర్ సమర్పించాల్సిందే. ప్రతి యూనిట్కు ఆధార్ అనుసంధానిస్తున్నాం. ఒకవేళ డబుల్ యూనిట్ బయటపడితే ఒకటి రద్దు చేస్తున్నాం. ఈపీడీఎస్లో ఆధార్ ఆనుసంధాన ప్రక్రియ కొనసాగుతుంది. లబ్ధిదారులు సహకరించాలి. - డాక్టర్ పద్మ, సీఆర్వో, హైదరాబాద్ రేషన్ నిలిపివేశారు ప్రతిసారీ ఆధార్ నెంబర్ అడుగుతున్నారు. అదిచ్చినా సరుకులు మాత్రం ఇవ్వట్లేదు. డీలర్లను అడిగినా సరిగా సమాధానం చెప్పటం లేదు. - ఉమర్, మల్లేపల్లి ఆధార్ ఇచ్చినా.. మాకు రేషన్ సరుకులు రావడం లేదు. అడిగితే డీలర్లు సమాధానం చెప్పటం లేదు. ఆధార్ కార్డు సమర్పించాం. అయినా సరుకులు మాత్రం ఇవ్వడం లేదు. - బిల్కిస్ బేగం, గోల్కొండ ఆన్లైనా.. ఆఫ్లైనా.. రేషన్ కార్డుకు ఆధార్ నంబర్ తప్పనిసరన్నారు.. ఇచ్చాం. అయినా రేషన్ సరుకులు మాత్రం రావట్లేదు. అధికారుల చుట్టూ తిరిగినా ఆన్లైన్లో చూడాలని తప్పించుకుంటున్నారు తప్ప సమస్య పరిష్కరించట్లేదు. - నూర్జహా, గోల్కొండ ఖిల్లా