సంక్రాంతికి ‘కుర్చీని మడతపెటి...’ అంటూ ‘గుంటూరు కారం’లో మహేశ్‌బాబు చేసిన సందడి ఇంకా వినబడుతోంది. పండగ వెళ్లి మూడు నెలలు కూడా కాకముందే వచ్చే సంక్రాంతి కోసం కర్చీఫ్‌ మడతపెట్టి, పండగ బరిలో సీట్‌ రిజర్వ్‌ చేసుకున్నారు కొందరు స్టార్స్‌. అయితే సంక్రాంతి రిలీజ్‌ అంటూ ప్రకటనలు రావడం, చివరి నిమిషంలో కొన్ని సినిమాలు తప్పుకోవడం మామూలే. ఇక 2025 సంక్రాంతి రేసులో ఇప్పటివరకూ షురూ అయిన స్టార్స్‌ గురించి తెలుసుకుందాం. విశ్వంభర వస్తున్నాడు సంక్రాంతికి పండక్కి చాలా హిట్స్‌ సాధించారు చిరంజీవి. 2023లో ‘వాల్తేరు వీరయ్య’తో సంక్రాంతికి వచ్చి మరో హిట్‌ను ఖాతాలో వేసుకున్నారు. మళ్లీ 2025లో ‘విశ్వంభర’ సినిమాతో సంక్రాంతి బరిలోకి దిగుతున్నారు. జనవరి 10న రిలీజ్‌  డేట్‌ కూడా ఫిక్స్‌ చేశారు. వశిష్ఠ దర్శకత్వం వహిస్తున్న  ఈ సోషియో ఫ్యాంటసీ అడ్వెంచరస్‌ ఫిల్మ్‌లో చిరంజీవి సరసన త్రిష హీరోయిన్‌గా నటిస్తున్నారు. ఈ సినిమా గోదావరి బ్యాక్‌డ్రాప్‌లో ఉంటుందని, భీమవరం దొరబాబు పాత్రలో చిరంజీవి కనిపిస్తారనీ టాక్‌. అలాగే ఈ చిత్రంలో చిరంజీవిది హనుమంతుడి భక్తుడి పాత్ర అట. భార్య.. మాజీ ప్రేయసి.. మధ్యలో మాజీ పోలీసాఫీసర్‌ ఈ ఏడాది సంక్రాంతికి వెంకటేశ్‌ ‘సైంధవ్‌’ రిలీజైంది. వచ్చే సంక్రాంతికి కూడా రానున్నారు. ‘ఎఫ్‌ 2’, ‘ఎఫ్‌ 3’ చిత్రాల దర్శకుడు అనిల్‌ రావిపూడి కథకు గ్రీన్‌ సిగ్నల్‌ ఇచ్చారు వెంకటేశ్‌. ఈ చిత్రాన్ని 2025 సంక్రాంతికి రిలీజ్‌ చేస్తామని ప్రకటించారు. ఓ మాజీ పోలీసాఫీసర్, అతని భార్య, అతని మాజీ ప్రేయసి.. ఇలా ఈ మూడు పాత్రల చుట్టూ సాగే క్రైమ్‌ కామెడీ మూవీ ఇది. ‘ఎఫ్‌ 2, ఎఫ్‌ 3’ చిత్రాల నిర్మాత ‘దిల్‌’ రాజు సమర్పణలో శిరీష్‌ ఈ సినిమాను నిర్మిస్తున్నారు. ఇదిలా ఉంటే.. 2017లో శర్వానంద్‌ హీరోగా నటించిన ‘శతమానం భవతి’ సినిమా సూపర్‌ హిట్‌గా నిలిచింది. ఈ సినిమాకు సీక్వెల్‌గా ‘శతమానం భవతి పేజీ 2’ ఉందని, 2025 సంక్రాంతికి ఈ సినిమాను రిలీజ్‌ చేస్తామని ఆల్రెడీ ‘దిల్‌’ రాజు ప్రకటించారు. ఇప్పుడు వెంకటేశ్‌–అనిల్‌ రావిపూడిల కాంబినేషన్‌లోని సినిమాను కూడా సంక్రాంతికి విడుదల చేయాలనుకుంటున్నారు. మళ్లీ బంగార్రాజు వస్తాడా? ‘నా సామిరంగ’ అంటూ ఈ ఏడాది సంక్రాంతికి హిట్‌ సాధించారు నాగార్జున. ఈ సినిమా సక్సెస్‌మీట్‌లో ‘సంక్రాంతికి కలుద్దాం’ అన్నారు నాగార్జున. సో.. 2025 సంక్రాంతికి కూడా నాగార్జున ఓ సినిమాను రిలీజ్‌ చేయడానికి రెడీ అవుతున్నారని ఊహించవచ్చు. 2016 సంక్రాంతికి ‘సోగ్గాడే చిన్ని నాయనా’, 2022 సంక్రాంతికి ‘బంగార్రాజు’ (‘సోగ్గాడే చిన్ని నాయనా’కు సీక్వెల్‌) సినిమాలతో హిట్స్‌ అందుకున్నారు నాగార్జున. సో.. 2025 సంక్రాంతికి ‘బంగార్రాజు 3’ని రిలీజ్‌ చేస్తే ఎలా ఉంటుందా? అనే ఆలోచనలో ఉన్నారట. మరి.. నాగార్జున ఏ సినిమాను రిలీజ్‌ చేస్తారు? అనేది తెలియాలంటే మరికొన్ని రోజులు వెయిట్‌ చేయక తప్పదు. లక్మణ్‌ భేరి రెడీ రవితేజ హీరోగా నటించిన ‘ఈగల్‌’ ఈ ఏడాది సంక్రాంతి బరిలో నిలిచి, చివరి నిమిషంలో ఇండస్ట్రీ మేలు కోసం అంటూ వాయిదా పడింది. ఈ చిత్రం ఫిబ్రవరిలో రిలీజైంది. ఈసారి పక్కాగా సంక్రాంతికి రావాలనుకుంటున్నారు రవితేజ. అందుకే తన కెరీర్‌లోని 75వ చిత్రాన్ని 2025 సంక్రాంతికి రిలీజ్‌ చేస్తున్నట్లు ప్రకటించారు. రచయిత భాను భోగవరపు ఈ సినిమాతో దర్శకుడిగా మారుతున్నారు. ఈ సినిమాలో లక్మణ్‌ భేరి పాత్రలో కనిపిస్తారు రవితేజ. తెలంగాణ బ్యాక్‌డ్రాప్‌లో ఈ సినిమా సాగుతుందని టాక్‌. మరోవైపు 2021 సంక్రాంతికి ‘క్రాక్‌’ సినిమాతో వచ్చి రవితేజ హిట్‌ సాధించిన సంగతి గుర్తుండే ఉంటుంది. ఇంకా... ప్రభాస్‌ హీరోగా నటిస్తున్న‘రాజా సాబ్‌’ 2025 సంక్రాంతికి వచ్చే చాన్స్‌ ఉందని ఇటీవల పేర్కొన్నారు ఈ చిత్రనిర్మాత టీజీ విశ్వప్రసాద్‌. మారుతి దర్శకత్వంలో రూపొందుతున్న ఈ చిత్రం రిలీజ్‌పై మరోసారి స్పష్టత రావాల్సి ఉంది. మరోవైపు ఈ ఏడాది సంక్రాంతికి తేజ సజ్జా హీరోగా ప్రశాంత్‌ వర్మ దర్శకత్వంలో వచ్చిన ‘హనుమాన్‌’ మంచి వసూళ్లు రాబట్టిన విషయం తెలిసిందే. తన సినిమాటిక్‌ యూనివర్స్‌ నుంచి ఇకపై ప్రతి సంక్రాంతికి ఓ సినిమా వస్తుందని పేర్కొన్నారు ప్రశాంత్‌ వర్మ. మరి.. వచ్చే సంక్రాంతికి ప్రశాంత్‌ నుంచి వచ్చే సినిమాపై ఇంకా ప్రకటన రాలేదు. ఇలా సంక్రాంతి బరిలో నిలిచే చిత్రాలు మరికొన్ని ఉన్నాయని తెలిసింది. సంక్రాంతి బాక్సాఫీస్‌ బరిలో డబ్బింగ్‌ చిత్రాలు ఉంటుంటాయి. ఇలా అజిత్‌ హీరోగా నటించనున్న ‘గుడ్‌ బ్యాడ్‌ అగ్లీ’ సంక్రాంతి విడుదలకు ఖరారైంది. మైత్రీ మూవీ మేకర్స్‌ నిర్మించనున్న ఈ సినిమాకు అధిక్‌ రవిచంద్రన్‌ దర్శకుడు. అలాగే సూర్య హీరోగా కార్తీక్‌ సుబ్బరాజు దర్శకత్వంలో రూపొందనున్న సినిమా కూడా 2025 సంక్రాంతికి విడుదల కానుందనే టాక్‌ వినిపిస్తోంది. ఇంకా కన్నడ ఫిల్మ్‌ ‘కాంతార’కు ప్రీక్వెల్‌గా రూపొందుతున్న ‘కాంతార: ది లెజెండ్‌ చాప్టర్‌ 1’ చిత్రం కూడా సంక్రాంతికి రిలీజ్‌ అవుతుందనే వార్త వచ్చిన సంగతి తెలిసిందే.

హీరోయిన్‌ ధక్ష నగర్కర్‌  హోరాహోరి,హుషారు,రావణాసుర, జాంబీ రెడ్డి వంటి సినిమాల్లో నటించినా ఈ అమ్మడికి అంతగా గుర్తింపు రాలేదు. కానీ నాగా చైతన్య బంగార్రాజు సినిమాలో ఓ స్పెషల్‌ సాంగ్‌లో మెరిసింది ఈ ముద్దుగుమ్మ. ఇక ఆ సినిమా ప్రీ రిలీజ్‌ ఈవెంట్‌లో నాగచైతన్య-దక్ష మధ్య జరిగిన క్యూట్‌ వీడియో ఎంతగా వైరల్‌ అయ్యిందో ప్రత్యేకంగా చెప్పక్కర్లేదు. ఇద్దరూ సైగలతో మాట్లాడుకోవడంతో ఇద్దరి మధ్య సంథింగ్ సంథింగ్ అంటూ అప్పట్లో వార్తలు పుట్టుకుచ్చాయి. అలా ఈ బ్యూటీ పాపులర్‌ అయింది. అమ్మాయిలందరి క్రష్‌ నాగ చైతన్య అంటూ ఓ ఇంటర్వ్యూలో చెప్పి మరింత వైరల్‌ అయింది ఈ బ్యూటీ. దక్ష నాగర్కర్ సోషల్‌ మీడియాలో ఎప్పుడూ తన అభిమానులతో టచ్‌లోనే ఉంటుంది. అప్పుడప్పుడు తన అభిమానులతో వీడియో కాల్‌ ద్వారా ముచ్చటిస్తుంది కూడా.. ఆ సమయంలో అభిమానులు అడిగే ప్రశ్నలకు సమాధానాలు చెబుతూ అందరినీ ఫిదా చేస్తుంది. నిత్యం హాట్ హాట్ ఫొటోలతో కుర్రకారుకు దగ్గరైన దక్ష తాజాగా ఫ్యాన్స్‌తో తన ఇన్‌స్టాగ్రామ్‌లో క్వశ్చన్ ఆన్సర్ సెషన్ నిర్వహించింది. అందులో భాగంగా ఒక తుంటరి అభిమాని మీ 'థైస్‌'కు పెద్ద అభిమానిని అంటూనే.. ఆ సీక్రెట్‌ ఏంటో చెప్పాలని కోరుతాడు. దీంతో నెటిజన్‌కు దిమ్మతిరిగే సమాధానం ఇచ్చింది ఈ బ్యూటీ. తానూ ఎప్పుడూ మసాలా వడలు తింటానని అందుకే తన 'థైస్‌' అలా ఉంటాయని ఆమె చెప్పుకొచ్చింది. అలాంటి ప్రశ్ననను కూడా ధక్ష సీరియస్‌గా తీసుకోకుండా ఎంతో స్పోర్టివ్‌గా తీసుకుందని నెటిజన్లు కామెంట్లు చేస్తున్నారు. ఆ వీడియో ఇప్పుడు నెట్టింట వైరల్‌ అవుతుంది. 😹 pic.twitter.com/m3N4UeuYCY — Attipanduthatha (@attipanduthatha) February 5, 2024 View this post on Instagram A post shared by Daksha Nagarkar (@dakshanagarkar)

దాదాపు 275  (స్ట్రెయిట్, డబ్బింగ్‌) చిత్రాలు... 20 శాతం హిట్స్‌తో 2022 ముగియనుంది. గత ఏడాది కరోనా లాక్‌డౌన్‌ ఎఫెక్ట్‌ పడింది. ఈ ఏడాది థియేటర్స్‌కి లాక్‌ పడలేదు. అయితే కరోనా తర్వాత ప్రేక్షకులు థియేటర్లకు వస్తారా? అనే సందేహం నడుమ సినిమాలు విడుదల అయ్యాయి. కానీ ప్రేక్షకులు సినిమా పట్ల తమకు ఉన్న ప్రేమను నిరూపించుకున్నారు. కానీ విజయాల శాతం మాత్రం ఇరవైకి అటూ ఇటూగానే ఉంది. కాగా స్ట్రెయిట్‌ చిత్రాలే కాదు..  అనువాద చిత్రాలూ మంచి వసూళ్లు రాబట్టాయి. భారీ అంచనాల నడుమ రిలీజైన కొన్ని చిత్రాలు ప్రేక్షకులను మెప్పించలేకపోయాయి. 2022 ‘హిట్‌ బొమ్మ’ (చిత్రాలు)లను చూద్దాం. బంగార్రాజుల సందడి వాసివాడి తస్సాదియ్యా... అంటూ సంక్రాంతికి పెద్ద బంగార్రాజు (నాగార్జున), చిన్న బంగార్రాజు (నాగచైతన్య) జనవరి 14న ఫెస్టివల్‌ ట్రీట్‌ ఇచ్చారు. కల్యాణŠ  కృష్ణ దర్శకత్వంలో దాదాపు రూ. 25 కోట్ల బడ్జెట్‌తో నాగార్జున నిర్మించిన ఈ చిత్రం 100 కోట్లకు పైగా వసూళ్లు రాబట్టింది. ఇక ఈ నెల దాదాపు 17 చిత్రాలు వచ్చాయి. టిల్లుగాడు.. దంచి కొట్టాడు ఫిబ్రవరిలో ఇరవై చిత్రాలు విడుదలైతే విజయం శాతం రెండు అనే చెప్పాలి. దాదాపు రూ. 5 కోట్లతో రూపొంది, 30 కోట్ల వరకూ వసూళ్లను దంచి కొట్టాడు ‘డీజే టిల్లు’. సిద్ధు జొన్నలగడ్డ హీరోగా విమల్‌కృష్ణ దర్శకత్వంలో సూర్యదేవర నాగవంశీ నిర్మించారు. ఇదే నిర్మాత దాదాపు రూ. 80 కోట్లతో పవన్‌ కల్యాణ్, రానా హీరోలుగా సాగర్‌ Mð.. చంద్ర దర్శకత్వంలో నిర్మించిన  ‘భీమ్లా నాయక్‌’ 150 కోట్లకు పైగా రాబట్టింది. ఇంకా రవితేజ ‘కిలాడి’, మోహన్‌బాబు ‘సన్‌ ఆఫ్‌ ఇండియా’తో పాటు మరికొన్ని చిత్రాలొచ్చాయి. ఆర్‌ఆర్‌ఆర్‌... రికార్డ్‌ ఎన్టీఆర్, రామ్‌చరణ్‌ హీరోలుగా రాజమౌళి దర్శకత్వంలో రూపొందిన ‘ఆర్‌ఆర్‌ఆర్‌’ మార్చి 25న వచ్చింది. దాదాపు రూ. 550 కోట్లతో డీవీవీ దానయ్య నిర్మించిన ఈ సినిమా సుమారు 1150 కోట్ల వసూళ్ల రికార్డుని సాధించింది. ఇదే నెలలో ప్రభాస్‌ హీరోగా నటించిన ‘రాధేశ్యామ్‌’తో పాటు మరో పది చిత్రాల వరకూ రిలీజయ్యాయి. నిరాశతో ఆరంభమైన వేసవి ఏప్రిల్‌లో దాదాపు 15 సినిమాలు విడుదలైతే  ప్రేక్షకుల మెప్పు పొందిన చిత్రాలు పెద్దగా లేవు. అలా వేసవి నిరాశతో ఆరంభమైంది. వరుణ్‌ తేజ్‌ ‘గని’, తండ్రీకొడుకులు చిరంజీవి– రామ్‌చరణ్‌ కలిసి నటించిన ‘ఆచార్య’ చిత్రాలు భారీ అంచనాల మధ్య విడుదలయ్యాయి. సర్కారుకీ.. ఫన్‌కీ విజయం మహేశ్‌బాబు హీరోగా పరశురామ్‌ దర్శకత్వంలో రూపొందిన సర్కారువారి పాట’ మే 12న విడుదలైంది. దాదాపు రూ. 60 కోట్లతో మహేశ్‌బాబు, అనిల్‌ సుంకర, నవీన్‌ ఎర్నేని, వై. రవిశంకర్‌ నిర్మించిన ఈ చిత్రం సుమారు 200 కోట్లు వసూ లు చేసింది. ఇక వినోద ప్రధానంగా వెంకటేశ్, వరుణ్‌ తేజ్‌ హీరోలుగా రూపొందిన ‘ఎఫ్‌ 3’ మే 27న రిలీజైంది. అనిల్‌ రావిపూడి దర్శకత్వంలో దాదాపు రూ. 70 కోట్లతో ‘దిల్‌’ రాజు నిర్మించిన ఈ సినిమా సుమారు 130 కోట్లు రాబట్టింది. మేలో మరో 7 చిత్రాలు రిలీజయ్యాయి. ‘మేజర్‌’  హిట్‌తో.. ఒక్క ‘మేజర్‌’ హిట్‌తో జూన్‌ సరిపెట్టుకుంది.  హీరో అడివి శేష్‌ టైటిల్‌ రోల్‌లో శశికిరణ్‌ తిక్క దర్శకత్వంలో తెలుగు, హిందీ భాషల్లో మహేశ్‌బాబు ఓ నిర్మాతగా వ్యవహరించిన ఈ చిత్రం జూన్‌ 3న విడుదలైంది. దాదాపు రూ. 30 కోట్లతో రూపొంది, 65 కోట్ల వసూళ్లు రాబట్టింది. జూన్‌లో దాదాపు 20 చిత్రాలు రిలీజయ్యాయి. హిట్‌ లేని నెల జూలైలో గోపీచంద్‌ ‘పక్కా కమర్షియల్‌’, నాగచైతన్య ‘థ్యాంక్యూ’, రామ్‌ ‘వారియర్‌’, రవితేజ ‘రామారావు: ఆన్‌ డ్యూటీ’... ఇలా దాదాపు 20 సినిమాలు విడుదలైనా ప్రేక్షకులు హిట్‌ చేసిన సినిమాలు ఏవీ లేకుండా పోయాయి. . అదిరింది ఆగస్ట్‌ ఆగస్టులో వచ్చిన ‘బింబిసార’, ‘సీతారామం’, ‘కార్తికేయ 2’ బంపర్‌హిట్స్‌గా నిలిచాయి. కల్యాణ్‌రామ్‌ హీరోగా నటించగా, ‘బింబిసార’తో వశిష్ఠ దర్శకుడిగా పరిచయమయ్యారు. దాదాపు రూ. 40 కోట్ల బడ్జెట్‌తో నందమూరి కల్యాణ్‌రామ్, కె. హరికృష్ణ నిర్మించిన ఈ చిత్రం 70 కోట్ల వరకూ వసూళ్లను రాబట్టింది. దాదాపు రూ. 30 కోట్లతో రూపొందిన పీరియాడికల్‌ ప్రేమకథా చిత్రం ‘సీతారామం’ 100 కోట్ల వసూళ్లకు చేరువలో నిలిచింది. దుల్కర్‌ సల్మాన్, మృణాళ్‌ ఠాకూర్‌ హీరో హీరోయిన్లుగా హను రాఘవపూడి దర్శకత్వంలో సి. అశ్వనీదత్‌ ఈ చిత్రాన్ని నిర్మించారు. ఇక నిఖిల్‌ హీరోగా, చందు మొండేటి దర్శకత్వంలో దాదాపు  రూ. 20 కోట్ల బడ్జెట్‌తో అభిషేక్‌ అగర్వాల్, టీజీ విశ్వప్రసాద్‌ నిర్మించిన ‘కార్తికేయ 2’ 120 కోట్లు  రాబట్టింది. ఒక్క హిందీ భాషలోనే ఈ చిత్రం సుమారు 50 కోట్ల వసూళ్లు రాబట్టడం విశేషం. ఇదే నెలలో విడుదలైన నితిన్‌ ‘మాచర్ల నియోజకగర్గం’, విజయ్‌ దేవరకొండ ‘లైగర్‌’ చిత్రాల వసూళ్లు తడబడ్డాయి. ఒకే ఒక్క విజయం... ఇక సెప్టెంబరులో విడుదలై ప్రేక్షకుల మనసు గెలుచుకున్న చిత్రం ‘ఒకే ఒక జీవితం’. శర్వానంద్‌ హీరోగా శ్రీ కార్తీక్‌ దర్శకత్వంలో దాదాపు రూ. 15 కోట్ల బడ్జెట్‌తో ఎస్‌ఆర్‌. ప్రభు, ఎస్‌ఆర్‌ ప్రకాష్‌బాబు నిర్మించిన ఈ చిత్రం 25 కోట్లకు పైగా వసూళ్లను రాబట్టిందన్నది ట్రేడ్‌ వర్గాల మాట. ఇంకా ఈ నెలలో దాదాపు పాతిక  చిత్రాలు రిలీజయ్యాయి. స్వాతిముత్యానికి విజయం అక్టోబర్‌ నెలలో వచ్చిన ‘స్వాతిముత్యం’ హిట్‌గా నిలిచింది. దాదాపు రూ. 8 కోట్లతో సూర్యదేవర నాగవంశీ నిర్మించిన ఈ సినిమా 25 కోట్లకు పైగా వసూళ్లు రాబట్టింది. బెల్లంకొండ గణేష్‌ హీరోగా, లక్ష్మణ్‌ కె కృష్ణ దర్శకత్వంలో ఈ చిత్రం అక్టోబరు 5న విడుదలైంది. ఇదే నెలలో రిలీజైన చిరంజీవి ‘గాడ్‌ ఫాదర్‌’ ఫర్వాలేదనిపించింది. నాగార్జున ‘ది ఘోస్ట్‌’ కూడా ఇదే నెల వచ్చింది. ఇదే నెల 21న విడుదలైన మంచు విష్ణు ‘జిన్నా’, విశ్వక్‌సేన్‌ ‘ఓరి..దేవుడా..’ మంచి టాక్‌ తెచ్చుకున్నప్పటికీ బాక్సాఫీస్‌ లెక్కల్లో తడబడ్డాయి. చిన్న సినిమాకి పెద్ద విజయం సమంత టైటిల్‌ రోల్‌ చేసిన ‘యశోద’ నవంబరు 11న విడుదలైంది. హరి–హరీష్‌ దర్శకత్వంలో దాదాపు రూ. 30 కోట్ల బడ్జెట్‌తో శివలెంక కృష్ణప్రసాద్‌ నిర్మించిన ఈ సినిమా 35 కోట్ల వసూళ్లను రాబట్టింది. ఇక చిన్న సినిమా ‘మసూద’ రూ. 10 కోట్ల బడ్జెట్‌లోపు రూపొంది, 20 కోట్లకు పైగా వసూళ్లను రాబట్టింది. సంగీత, తిరువీర్‌ ముఖ్య తారలుగా సాయికిరణ్‌ దర్శకత్వంలో రాహుల్‌ యాదవ్‌ నక్కా ఈ చిత్రాన్ని నిర్మించారు. నవంబరులో విడుదలైన దాదాపు 20 సినిమాల్లో అల్లు శిరీష్‌ ‘ఊర్వశివో రాక్షసివో..’, అల్లరి నరేశ్‌ చేసిన ‘ఇట్లు మారేడుమిల్లి ప్రజానీ కం’లకు ప్రేక్షకులు పాస్‌ మార్కులు వేశారు. ‘హిట్‌’కి హిట్‌ జూన్‌లో ‘మేజర్‌’ హిట్‌ అందుకున్న అడివి శేష్‌కు డిసెంబరులో ‘హిట్‌ 2’ రూపంలో మరో హిట్‌ లభించింది. శైలేష్‌ కొలను దర్శకత్వంలో దాదాపు రూ. 12 కోట్లతో నాని నిర్మించిన ఈ చిత్రం 30 కోట్లకు పైగా వసూళ్లను రాబట్టింది. ఇక ‘రామారావు: ఆన్‌ డ్యూటీ’, ‘ఖిలాడి’ చిత్రాల తర్వాత ఈ ఏడాది రవితేజ హీరోగా నటించిన ‘ధమాకా’ ఈ నెల 23న విడుదలైంది. నక్కిన త్రినాథరావు దర్శకత్వంలో టీజీ విశ్వప్రసాద్, అభిషేక్‌ అగర్వాల్‌ నిర్మించిన ఈ చిత్రం భారీ ఓపెనింగ్స్‌ రాబట్టింది. అలాగే ‘కార్తికేయ 2’తో హిట్‌ అందుకున్న నిఖిల్‌ హీరోగా నటించిన మరో చిత్రం ‘18 పేజెస్‌’ డిసెంబరు 23నే విడుదలైంది. అల్లు అరవింద్‌ సమర్పణలో బన్నీ వాసు నిర్మించిన ఈ చిత్రం వసూళ్ల లెక్క రానున్న రోజుల్లో తెలుస్తుంది. ఇంకా నెలాఖరున ఆది సాయికుమార్‌ ‘టాప్‌ గేర్‌’తో పాటు మరికొన్ని చిత్రాలు విడుదలకు సిద్ధమవుతున్నాయి. అనువాదం అదిరింది ఈ ఏడాది డబ్బింగ్‌ చిత్రాల జోరు కనిపించింది. ప్రపంచవ్యాప్తంగా రికార్డు స్థాయి వసూళ్లు సాధించిన ఆ చిత్రాల విశేషాల్లోకి వెళితే... వివేక్‌ అగ్నిహోత్రి దర్శకత్వంలో అనుపమ్‌ ఖేర్, దర్శన్‌ కుమార్, మిథున్‌ చక్రవర్తి, పల్లవి జోషి ముఖ్య తారలుగా సుమారు రూ. 20 కోట్లతో రూపొందిన ‘ది కశ్మీరీ ఫైల్స్‌’ అన్ని భాషల్లో దాదాపు 350 కోట్లకుపైగా వసూళ్లు రాబట్టిందని టాక్‌. యశ్‌ హీరోగా ప్రశాంత్‌ నీల్‌ దర్శకత్వంలో దాదాపు రూ. 100 కోట్ల బడ్జెట్‌తో రూపొందిన ‘కేజీఎఫ్‌ 2’ ప్రపంచ వ్యాప్తంగా సుమారు 1000 కోట్లు సాధించిందని టాక్‌. లోకేశ్‌ కనగరాజ్‌ దర్శకత్వంలో సీనియర్‌ నటుడు కమల్‌హాసన్‌ నటించిన ‘విక్రమ్‌’ సుమారు 100 కోట్లతో రూపొంది, దాదాపు 450 కోట్లు వసూలు చేసిందని భోగట్టా. అలాగే కె. కిరణ్‌ రాజ్‌ దర్శకత్వంలో రూ. 20 కోట్లతో రూపొంది, 100 కోట్లకుౖ పెగా వసూళ్లు సాధించింది ‘777 చార్లి’. రిషబ్‌ శెట్టి హీరోగా నటించి, దర్శకత్వం వహించిన ‘కాంతార’ రూ. 16 కోట్లతో రూపొంది, 450 కోట్లకుపైగా వసూళ్లు సాధించింది. ఇవన్నీ ప్రపంచవ్యాప్త లెక్కలు కాగా తెలుగులో లాభాలిచ్చిన చిత్రాలుగా నిలిచాయి. (వసూళ్ల వివరాలన్నీ విశ్వసనీయ వర్గాల సమాచారం ప్రకారం)

2022లో అప్పుడే ఫస్టాఫ్ పూర్తయింది. సినిమాటిక్ లాంగ్వేజ్ లో చెప్పుకోవాలంటే ఇంటర్వెల్ కార్ట్ పడింది. మరి ఇప్పటి వరకు వచ్చిన సినిమలెన్ని? వాటిల్లో హిట్ అయినవి ఎన్ని? బాక్సాఫీస్‌ వద్ద బోల్తా పడ్డవి ఎన్నో  గత రెండేళ్లు కరోనా రీజన్‌తో ఇండియన్ ఫిల్మ్ ఇండస్ట్రీ చాలా ట్రబుల్స్ ఫేస్ చేసింది. ఈ ఏడాది ప్రారంభంలో కూడా థర్డ్ వేవ్ రీజన్ తో మూవీస్ పోస్ట్ పోన్ అయ్యాయి.ఈ సిచ్యువేషన్ లో కూడా ధైర్యంగా థియేటర్స్ లోకి అడుగు పెట్టాడు ‘బంగ్రారాజు’. అక్కినేని నాగార్జున, నాగచైతన్య కలిసి నటించిన ఈ చిత్రం టాలీవుడ్ కు ఫస్ట్ హిట్ అందించింది.  ఫిబ్రవరి రెండో వారానికి థర్డ్ వేవ్ కాస్త కంట్రోల్ కావడంతో కాస్త ధైర్యంగా పూర్తిస్థాయిలో ఇండియా వైడ్ గా సినిమా స్క్రీన్స్ తెరుచుకున్నాయి. ‘డీజే టీల్లు’ పెట్టిన డీజేతో ఫిబ్రవరి మొత్తం మార్మోగింది. ఆ తర్వాత నుంచి వరుస పెట్టి తెలుగు సినీ పరిశ్రమ భారీ చిత్రాలను విడుదల చేస్తూ వెళ్లింది. మార్చిలో వచ్చిన రెండు పాన్ ఇండియా చిత్రాల్లో రాధేశ్యామ్ పూర్తిగా నిరాశపరచగా, ఆర్ ఆర్ ఆర్ మాత్రం ఎన్నో రికార్డులు తిరగరాసింది.టాలీవుడ్ సరికొత్త ఇండస్ట్రీ హిట్ గా నిలిచింది.ఏప్రిల్లో టాలీవుడ్ కు హిట్ లేదు.మిషన్ ఇంపాజిబుల్ , గని, ఆచార్య ఇండస్ట్రీని దారుణంగా డిజప్పాయింట్ చేసాయి. మేలో సర్కారు వారి పాటతో సూపర్ స్టార్ జోరు చూపించాడు. ఫన్ అండ్ ఫ్రస్ట్రేషన్ 3(ఎఫ్‌3) కూడా బాగానే ఎంటర్ టైన్ చేసింది. జూన్‌లో వచ్చిన ‘మేజర్‌’ పాన్ ఇండియా లెవల్లో  ఇంప్రెస్ చేశాడు.  అదే నెలలో వచ్చిన అంటే సుందరానికి, విరాటపర్వం చిత్రాలు మంచి రివ్యూస్ తెచ్చుకున్నప్పటికీ కలెక్షన్స్ రాబట్టలేకపోయాయి. ఇక బాలీవుడ్‌ సిసిచ్యువేషన్ మాత్రం చాలా బ్యాడ్ గా ఉంది. మొత్తంగా 25 చిత్రాలు విడుదలైతే అందులో గంగూబాయి, కశ్మీర్ పైల్స్, భూల్ భులయ్యా 2 మాత్రమే విజయాన్ని అందుకున్నాయి. మిగితావన్ని డిజాస్టర్స్ లిస్ట్ లోకి వెళ్లిపోయాయి.

Nagarjuna-Naga Chaitanya: కింగ్ అక్కినేని నాగార్జున, యువ సామ్రాట్ నాగచైతన్య, రమ్యకృష్ణ, కృతి శెట్టి ప్రధాన పాత్రల్లో నటించిన చిత్రం `బంగార్రాజు`. 'సోగ్గాడు మళ్ళీ వచ్చాడు' అనేది ఉపశీర్షిక. క‌ళ్యాణ్ కృష్ణ కురసాల డైరెక్టర్‌. అన్నపూర్ణ స్టూడియోస్, జీ స్టూడియోస్ సంయుక్తంగా నిర్మించిన ఈ చిత్రానికి నాగార్జున నిర్మాతగా వ్యవహరించాడు. సంక్రాంతికి థియేటర్లలో విడుదలై సూపర్‌ హిట్టయిన ఈ మూవీ ఫిబ్రవరి 18 నుంచి ''జీ 5' లో స్ట్రీమింగ్‌ అవుతున్న విషయం అందరికీ తెలిసిందే. జీ5 లో ప్రసారమవుతున్న ఈ సినిమా ప్రేక్షకులను విపరీతంగా ఆకట్టుకుంటూ విడుదలైన 7 రోజుల్లోనే 500 మిలియన్ స్ట్రీమింగ్ నిమిషాలతో సక్సెస్ ఫుల్‌గా దూసుకుతోంది. ఈ సందర్భంగా నాగార్జున మాట్లాడుతూ.. 'కోవిడ్ టైంలో ఈ సినిమా రిలీజ్ చేస్తే ఇబ్బంది పడతారని నా శ్రేయోభిలాషులు సలహా ఇచ్చారు. అయితే మా "సోగ్గాడే చిన్నినాయన" సినిమాను గతంలో కూడా సంక్రాంతికి రిలీజ్ చేశాం. ఆ సెంటిమెంట్‌తో కోవిడ్ ఉన్నా కూడా మేము ఎంతో ధైర్యం చేసి సంక్రాంతికి మా సినిమాను ప్రేక్షకుల ముందుకు తీసుకువచ్చాం. మేము ఊహించిన దానికన్నా ఎక్కువ రెస్పాన్స్‌తో బ్లాక్ బస్టర్ గా నిలిచింది. ఆ తర్వాత జీ5లో రిలీజ్‌ చేయగా.. అక్కడ స్ట్రీమింగ్ మొదలైన కేవలం 7 రోజుల్లోనే 500 మిలియన్ మినిట్స్ స్ట్రీమింగ్ అవ్వడం ఓటీటీ ప్లాట్‌ఫామ్‌లోనే సరికొత్త రికార్డ్. ఈ సందర్భంగా బంగార్రాజును ఆదరించిన, ఆదరిస్తున్న, ఆదరించబోతున్న ప్రేక్షకులందరికీ మా టీం తరుపున కృతజ్ఞతలు తెలుపుతున్నాం' అన్నాడు.

అక్కినేని హీరోలు నాగార్జున-నాగ చైతన్యలు నటించిన తాజా చిత్రం 'బంగార్రాజు'. ఇటీవల సంక్రాంతి కానుకగా జనవరి 14న ప్రేక్షకుల ముందుకు వచ్చిన ఈ సినిమా మంచి విజయం సాధించింది. . కల్యాణ్ కృష్ణ దర్శకత్వం వహించిన ఈ సినిమా తెలుగు రాష్ట్రాలతో పాటు ఓవర్సీస్ నుంచి కూడా మంచి వసూళ్లు రాబట్టింది. ‘సోగ్గాడే చిన్ని నాయనా’ సినిమాకు సీక్వెల్‌గా వచ్చిన బంగార్రాజు ప్రపంచవ్యాప్తంగా రూ. 38.15 కోట్ల ప్రీ రిలీజ్ బిజినెస్ చేసింది. ఇప్పటికే థియేటర్ రన్ పూర్తిచేసుకున్న‘బంగార్రాజు’చిత్రం ఇప్పుడు ఓటీటీలోకి ఎంట్రీ ఇచ్చేస్తుంది. ప్రముఖ ఓటీటీ సంస్థ జీ5లో ఈరోజు(శుక్రవారం)నుంచి స్ట్రీమింగ్‌ కానుంది. జీ-అన్నపూర్ణ స్టూడియోస్‌ సంయుక్తంగా నిర్మించిన ఈ సినిమాలో రమ్యకృష్ణ, కృతిశెట్టి నటించిన సంగతి తెలిసిందే.  #Bangarraju will be streaming from 18th Feb exclusively on @ZEE5Telugu. Watch new #ZEE5 trailer ▶️ https://t.co/MWocTlWr0e#BangarrajuOnZEE5 #BangarrajuFromFeb18th#VaasivaadiTassadiyya pic.twitter.com/KDELs4kZeb — chaitanya akkineni (@chay_akkineni) February 17, 2022

అక్కినేని హీరోలు నాగార్జున-నాగ చైతన్యలు నటించిన తాజా చిత్రం బంగార్రాజు. ఇటీవల సంక్రాంతి కానుకగా జనవరి 14న ప్రేక్షకులు ముందుకు వచ్చిన చిత్రం మంచి విజయం సాధించింది. కల్యాణ్ కృష్ణ దర్శకత్వం వహించిన ఈ సినిమా తెలుగు రాష్ట్రాలతో పాటు ఓవర్సీస్ నుంచి కూడా మంచి వసూళ్లు రాబట్టింది. ఈ మూవీ విడుదలైన 25 రోజులను పూర్తిచేసుకుంది. దీంతో మరోసారి డిజిటల్‌ రిలీజ్‌కు బంగార్రాజు సిద్దమువుతున్నట్లు వార్తలు వినిపిస్తున్నాయి. చదవండి: ఈ వారం ఓటీటీ, థియేటర్లో సందడి చేసే కొత్త చిత్రాలివే.. ఈ నెల14వ లేదా 18వ తేదీ నుంచి ప్రముఖ ఓటీటీ సంస్థ జీ5లో మూవీని విడుదల చేసేందుకు సన్నాహాలు జరుగుతున్నాయట. కాగా జీ-అన్నపూర్ణ స్టూడియోస్‌ సంయుక్తంగా ఈ చిత్రాన్ని నిర్మించడంతో జీ5లోనే బంగర్రాజును మూవీని విడుదల చేయాలనుకుంటున్నారట మేకర్స్‌. ఈ మూవీ విడుదలైన 30 రోజుల తర్వాత ఓటీటీలో స్ట్రీమింగ్‌ చేస్తామని ఇది వరకే చిత్ర బృందం ప్రకటించిన సంగతి తెలిసిందే. చెప్పినట్టుగానే త్వరలోనే బంగార్రాజును ఓటీటీలో విడుదల చేసేందుకు ప్ర‍స్తుతం ఏర్పాట్లు జరుగుతున్నట్లు సమాచారం.   చదవండి: 2022 ఆగస్ట్‌ 7వ తేదీ ఉదయం 7గంటలకు బిడ్డకు జన్మనిస్తా: సామ్‌ కామెంట్స్‌ వైరల్‌

‘‘హీరో, విలన్, కామెడీ.. ఎలాంటి పాత్రైనా చేయడానికి సిద్ధంగా ఉన్నాను. విభిన్న పాత్రలు పోషిస్తూ మంచి నటుడిగా పేరు తెచ్చుకోవాలన్నదే నా ఆశ’’ అన్నారు గోవింద్‌ పద్మసూర్య. మలయాళ చిత్రం ‘అడియాలంగళ్‌’లో హీరోగా నటించిన గోవింద్‌ తెలుగులో అల్లు అర్జున్‌ ‘అల.. వైకుంఠపురములో..’, ఇటీవల నాగార్జున ‘బంగార్రాజు’లో విలన్‌ పాత్రలు చేశారు. ఈ సందర్భంగా శుక్రవారం విలేకర్ల సమావేశంలో గోవింద్‌ మాట్లాడుతూ – ‘‘మాది కేరళ. హీరోగా నా తొలి సినిమా ‘అడియాలంగళ్‌’కే బెస్ట్‌ యాక్టర్‌తో పాటు ఐదు స్టేట్‌ అవార్డ్స్‌ వచ్చాయి. ఆ తర్వాత మమ్ముట్టి, సురేష్‌ గోపీగార్లతో కూడా కలిసి నటించాను. తమిళంలో ‘కీ’ సినిమాలో నేను చేసిన విలన్‌ పాత్ర చూసి ‘అల.. వైకుంఠపురములో..’కి నన్ను త్రివిక్రమ్‌గారు తీసుకున్నారు.  ‘బంగార్రాజు’లో ఆది పాత్ర పోషించాను. నాగార్జునగారి వంటి గొప్ప నటుడితో నటించడం అంటే ఓ పాఠం వంటిది. నాగచైతన్య నాకు మంచి మిత్రుడైపోయాడు. ఈ చిత్రదర్శకుడు కల్యాణ్‌ కృష్ణగారి వల్లే ఆది పాత్రను బాగా చేయగలిగాను. ప్రస్తుతం హీరో నాని సోదరి దీప్తి దర్శకత్వం వహిస్తున్న వెబ్‌ ఆంథాలజీ ‘మీట్‌క్యూట్‌’లో ఓ కీలక పాత్ర, మేర్లపాక గాంధీ దర్శకత్వంలో రూపొందుతోన్న చిత్రంలో పోలీసాఫీసర్‌గా చేస్తున్నాను’’ అన్నారు.

ఇటీవలి కాలంలో హీరో నాగ చైతన్య పేరు సోషల్‌ మీడియాలో తెగ ట్రెండ్‌ అవుతుంది. సమంతతో విడాకుల అనంతరం సినిమాల పరంగా యమ స్పీడుతో దూసుకెళ్తున్నాడు. తాజాగా ఆయన నటించిన బంగార్రాజు చిత్రం విడుదలై మంచి విజయం సాధించింది. అయితే సినిమాల కంటే కూడా వైరల్‌ వీడియోలతోనే చై పేరు ఈ మధ్యకాలంలో తెగ ట్రెండింగ్‌లో నిలుస్తుంది. ఇంతకుముందు బంగార్రాజు ప్రమోషన్స్‌లో హీరోయిన్‌ దక్ష కొంటె చూపులకు చైతూ సిగ్గుపడిపోయిన వీడియో నెట్టింట వైరల్‌ అయిన సంగతి తెలిసిందే. తాజాగా రాజమండ్రిలో నిర్వహించిన బంగార్రాజు సక్సెస్‌ మీట్‌లో నాగార్జున స్టేజ్‌పై మాట్లాడుతుండగానే కృతిశెట్టితో చై మాటలు కలిపాడు. ఈ నేపథ్యంలో ఇద్దరూ ఒకరినొకరు చూసుకుంటూ చిలిపిగా నవ్వుకోవడం ప్రేక్షకుల కంట పడింది. ఇంకేముందు ఆ వీడియోను సోషల్‌ మీడియాలో షేర్‌ చేసి తెగ వైరల్‌ చేస్తున్నారు. (ఫొటో గ్యాలరీ కోసం ఇక్కడ క్లిక్ చేయండి)  ☺️ pic.twitter.com/X7IvaHS7bx — ₳ ₭ 🦋 (@itsmeGAK) January 18, 2022

రాజమహేంద్రవరం రూరల్‌: ముఖ్యమంత్రి వైఎస్‌ జగన్‌మోహన్‌రెడ్డిని కలిసి ఏం మాట్లాడారని చిరంజీవిని అడగ్గా.. తెలుగు సినిమా ఇండస్ట్రీకి మంచి జరుగుతుందని తెలిపారని అక్కినేని నాగార్జున చెప్పారు. తూర్పు గోదావరి జిల్లా రాజమహేంద్రవరంలో మంగళవారం జరిగిన బంగార్రాజు సినిమా బ్లాక్‌బస్టర్‌ మీట్‌లో నాగార్జున మాట్లాడుతూ.. కోవిడ్‌ నేపథ్యంలో నార్త్‌ ఇండియాలో సినిమాలను ఆపేస్తే కేవలం తెలుగు ప్రేక్షకుల మీద నమ్మకంతోనే బంగార్రాజు సినిమాను రిలీజ్‌ చేసినట్లు చెప్పారు. కోవిడ్‌ ఆంక్షలను వాయిదా వేసిన సీఎం జగన్‌మోహన్‌రెడ్డికి థాంక్యూ వెరీమచ్‌ అన్నారు. బంగార్రాజు అచ్చమైన పంచెకట్టు తెలుగు సినిమా అని చెప్పారు. హీరో నాగచైతన్య మాట్లాడుతూ సంక్రాంతి పండుగకు తన తండ్రి మంచి హిట్‌ ఇచ్చారన్నారు. దర్శకుడు కళ్యాణకృష్ణ మాట్లాడుతూ బంగార్రాజు ప్రీరిలీజ్‌ ఈవెంట్‌ను రాజమహేంద్రవరంలో చేయాల్సి ఉందని, కానీ బ్లాక్‌బస్టర్‌ మీట్‌ ఏర్పాటు చేశామని చెప్పారు. హీరోయిన్‌ కృతిశెట్టి మాట్లాడుతూ సర్పంచ్‌ నాగలక్ష్మి పాత్ర బాగా నచ్చిందా అని అభిమానుల్ని అడిగారు. నటుడు ఆర్‌.నారాయణమూర్తి మాట్లాడుతూ ముఖ్యమంత్రి జగన్‌మోహన్‌రెడ్డి ఈ నెల 11వ తేదీ నుంచి అమలు చేయాల్సిన కోవిడ్‌ ఆంక్షలను సంక్రాంతి పండుగ సందర్భంగా 18వ తేదీ నుంచి అమలు చేయడం వల్ల బంగార్రాజు సూపర్‌హిట్‌ అయిందన్నారు. వ్యవసాయ శాఖమంత్రి కె.కన్నబాబు మాట్లాడుతూ.. తెలుగు సంస్కృతికి అసలైన్‌ కలర్‌ను బంగార్రాజు చిత్రం ద్వారా తీసుకువచ్చారన్నారు. ఎంపీ మార్గాని భరత్‌రామ్‌ మాట్లాడుతూ తాను నాగార్జున స్టైల్స్‌ ఫాలో అయ్యేవాడినని చెప్పారు.  

తెలుగు సినీ పరిశ్రమలో టాప్‌ హీరోలను వదిలేస్తే.. వాళ్ళ తర్వాత మిడ్‌ రేంజ్‌ హీరోలున్నారు. అంటే వాళ్లతో మీడియం బడ్జెట్ సినిమాలు హాయిగా చేసుకోవచ్చు అన్నమాట. వారిలో రవితేజ, నాగ చైతన్య, విజయ్ దేవరకొండ, నాని, రామ్‌ లాంటి హీరోలుంటారు. వాళ్ల సినిమాలు హిట్టైతే 50 కోట్ల షేర్ వచ్చే అవకాశం ఉంటుంది.అయితే వీళ్ల సినిమాలు ఎప్పుడూ మినిమమ్ 30 నుంచి 40 కోట్ల షేర్ మధ్య వసూలు చేస్తుంటాయి. నాగ చైతన్యకు కూడా 30 కోట్ల మార్కెట్ ఉంది. హిట్ అయితే కచ్చితంగా 30 కోట్లు వసూలు చేయడం ఖాయం. అయితే ప్రస్తుతం చైతన్య సరికొత్త రికార్డు సృష్టించాడు. మీడియం రేంజ్ హీరోలలో వరసగా నాలుగు 50 కోట్ల గ్రాస్ అందుకున్న సినిమాలున్న హీరోగా నిలిచాడు. మీడియం రేంజ్ హీరోలలో ఈ రికార్డు ఎవరికీ సాధ్యం కాలేదనే చెప్పాలి.  చైతన్య నటించిన గత నాలుగు చిత్రాలు మంచి విజయాలు సాధించడం తెలిసిందే. అందులో రెండు మల్టీస్టారర్స్ (వెంకీ మామ, బంగార్రాజు) కాగా రెండు సోలో విజయాలు. వాటిలో సమంతతో కలిసి నటించిన మజిలీ సినిమా 40 కోట్ల షేర్ వసూలు చేసింది. ఆ సినిమా 70 కోట్ల వరకు గ్రాస్ వసూలు చేసి నాగ చైతన్య కెరీర్‌లో బిగ్గెస్ట్ సోలో హిట్‌గా నిలిచింది. అలాగే వెంకటేష్‌తో కలిసి నటించిన వెంకీ మామ కూడా 58 కోట్ల చేసింది. ఇక శేఖర్ కమ్ముల దర్శకత్వంలో వచ్చిన లవ్ స్టోరితో 60 కోట్ల గ్రాస్ వసూలు చేసి ఔరా అనిపించాడు. సంక్రాంతికి రిలీజైన బంగార్రాజులో తన తండ్రి నాగార్జునతో పాటు నటించి చిన బంగార్రాజుగా అదరగొట్టాడు నాగ చైతన్య. ఈ సినిమా విడుదలైన మూడు రోజుల్లోనే 50 కోట్ల గ్రాస్ వసూలు చేసినట్టు తెలుస్తుంది. అయితే ఇలా మీడియం రేంజ్ హీరోలలో వరసగా నాలుగు సార్లు 50 కోట్లు గ్రాస్ అందుకున్న సినిమాలు ఒక్క నాగ చైతన్య కెరీర్‌లో మాత్రమే ఉన్నాయి.

నాగార్జున, నాగ చైతన్య మల్టీస్టారర్లుగా నటిస్తున్న చిత్రం​ ‘బంగార్రాజు’ ఈవెంట్‌లో నాగచైతన్య, నటి దక్ష వీడయో నెట్టింట చర్చనీయాంశమైంది. స్టేజ్‌పై నాగార్జున మాట్లాడుతుంటే చై, హీరోయిన్‌ దక్ష వైపు చూడగా.. ఆమె కొట్టెగా కనుబొమ్మలు ఎగిరేయడంతో చై సిగ్గుపడిపోయాడు. ఈ వీడియోపై నెటిజన్లు రకరకాలుగా కామెంట్స్‌ చేస్తూ వైరల్‌ చేశారు. దీంతో ఈ వీడియో నెట్టింట హాట్‌టాపిక్‌గా మారింది. బంగార్రాజు మూవీ విడుదలై మంచి విజయం సాధించింది. ఈ క్రమంలో మూవీ సెక్సెస్‌ మీట్‌లో దర్శకడు కల్యాణ్‌ కృష్ణ ఈ వీడియోపై స్పందించాడు. చదవండి: ఆహాతో నాకు సంబంధం లేదు, గమనించగలరు: అల్లు శిరీష్‌ ట్వీట్‌ వైరల్‌ సెట్‌లో నాగచైతన్య ఎలా ఉండేవాడు, స్వభావం గురించి వివరిస్తూ ఈ వైరల్‌ వీడియోపై ఆసక్తికర వ్యాఖ్యలు చేశాడు. ఇదంతా దక్ష వల్లనే జరిగిందంటూ నటివైపు చూస్తూ అన్నాడు దర్శకుడు కల్యాణ్‌ కృష్ణ. ‘బెసిగ్గా నాగచైతన్య చాలా సిగ్గు, మోహమటస్తుడు. అతడికి ఎంతటి సిగ్గు అంటే దానికి ఉదహరణ ఇటీవల వైరల్‌ అయిన వీడియోను ఉదాహరణ. నాగ్‌ సార్‌ మాట్లాడుతుంటే ఏదో సౌండ్‌ వినిపంచడంతో వెనక్కి తిరిగాడు. దీంతో దక్ష అతడి చూసి కళ్లు ఎగిరేసింది. దానికే చై సిగ్గుపడ్డాడు. ఆయన స్వభావమే అంతా. దేనికైన సిగ్గు పడతాడు. ఇదంతా దక్ష వల్లే జరిగింది. చైతన్యది ఏం లేదు, అంతా నువ్వే చేశావు’ అంటూ హీరోయిన్‌ వైపు చూస్తూ అన్నాడు. చదవండి: జూనియర్‌ ఎన్టీఆర్‌ సరసన చాన్స్‌ కొట్టేసిన రష్మిక! ఇలా చై, దక్షల వైరల్‌ వీడియోపై దర్శకడు కల్యాణ్‌ కృష్ణ క్లారిటీ ఇచ్చాడు. అలాగే ఈ సందర్భంగ కల్యాణ్‌ కృష్ణ, నాగ చైతన్యపై ప్రశంసలు కురిపించాడు. ‘చై బంగారం. చైతూని అందరూ బంగారం ఎందుకు అని అంటారో ఆయనతో పని చేశాక తెలుస్తుంది. రారండోయ్ వేడుక చూద్దాం సినిమాను చేశాను. ఇప్పుడు బంగార్రాజు చేశాను. 24 కారెట్స్ కాస్త 48 కారెట్స్ అయింది. ఈ నాలుగేళ్లలో అతనిలో చాలా మార్పులు వచ్చాయి. మాట్లాడే పద్దతి, నటన, మెచ్యూరిటీలో మార్పులు వచ్చాయి. చైలో ఉన్న క్లారిటీ మనకు పది శాతం ఉంటే.. హ్యాపీగా బతికేయోచ్చు. ఈ సినిమా వల్ల ప్రతీ రోజు సెట్‌లో కలిశాం. చై సైలెంట్ అని అనిపిస్తుంది. కానీ అంత సైలెంట్ కాదు. ఓపెన్ అప్ ఎంజాయ్ చేస్తే నవ్వు ఎంతో ప్లెజెంట్‌గా ఉంటుంది. ఇంత వరకు రాముడి పాత్రలు చేస్తే ఇప్పుడు చేసింది కృష్ణుడు కారెక్టర్. • Men Will Be Men 😜#NagaChaitanya || #Bangarraju #BangarrajuOnJan14th pic.twitter.com/J6xaQf9GZT — ChayAkkineni ™ 🏹 (@massChayCults) January 10, 2022 చదవండి: నా జిమ్‌ ట్రైనర్‌ టార్చర్‌ చేస్తుంటాడు, నేను ఆ చాన్స్‌ మిస్సయ్యా: రష్మిక

ఈ ఏడాది ఆరంభంలోనే ‘బంగార్రాజు’ మూవీతో భారీ హిట్‌ కొట్టాడు దర్శకుడు కల్యాణ్‌ కృష్ణ.  ఆయన దర్శకత్వంలో తెరకెక్కిన 'బంగార్రాజు' మూవీ సంక్రాంతి సందర్భంగా జనవరి 14న విడుదలైన సంగతి తెలిసిందే. గ్రామీణ నేపథ్యంలో సాగే కథతో పాటు సంక్రాంతి పండగ వాతావరణాన్ని ప్రతిబింబించే సినిమా కావడంతో ‘బంగార్రాజు’ పక్కా పండగ సినిమా అనిపించింది. చదవండి: ఐదేళ్ల తర్వాత మళ్లీ బుల్లి తెరపైకి హాట్‌ బ్యూటీ.. న్యాయ నిర్ణేతగా అందుకే సంక్రాంతి సెలబ్రెషన్స్‌ను రెట్టింపు చేసుకునేందుకు ప్రేక్షకులంతా సినిమా చూసేందుకు థియేటర్లకు క్యూ కడుతున్నారు. బాక్సాఫీసు వద్ద ఘన విజయం సాధించిన ఈ మూవీ కలెక్షన్ల పరంగా దూసుకుపోతోంది. చాలాకాలం తర్వాత నాగార్జున ఈ మూవీతో భారీ హిట్‌ అందుకున్నాడు. ఇదిలా ఉంటే ఈ సంక్రాంతికి మంచి సినిమాను అందించిన  డైరెక్టర్‌ సి కల్యాణ్‌ కృష్ణ  నెక్స్ట్ మూవీ ఎవరితో,  ఏ బ్యానర్లో ఉండనుందనేది ఆసక్తికగా మారింది. ఈ క్రమంలో ఆయన తదుపరి ప్రాజెక్ట్‌పై అప్‌డేట్‌ బయటకు వచ్చంది. చదవండి: నా బెస్ట్‌ ఆన్‌స్క్రీన్‌ పెయిర్‌ సమంతనే: నాగ చైతన్య ఆయన నెక్ట్‌ సినిమా తమిళ అగ్ర నిర్మాతతో ఉండనుందని ఖరారైంది. కోలీవుడ్ స్టార్ ప్రొడ్యూసర్‌ జ్ఞానవేల్‌  రాజాతో కల్యాణ్‌ కృష్ణ ఓ సినిమా చేయబోతున్నాడు. ఇందుకు సంబంధించిన అధికారిక ప్రకటన కూడా వచ్చేసింది. ఈ సినిమాలో కథానాయకుడు ఎవరు? ఎప్పుడు ఈ ప్రాజెక్టు మొదలవుతుంది? అనేది త్వరలోనే వెల్లడించనున్నారు. అయితే జ్ఞానవేల్ రాజా తన స్టూడియో గ్రీన్ బ్యానర్‌లో  ఎక్కువగా హీరో సూర్య, కార్తిలతోనే తీశాడు. దీంతో ఈ సినిమాలో కూడా వాళ్లిద్దరిలో ఒకరు ఉండే అవకాశం ఉందని ఊహగాహనాలు వస్తున్నాయి.  Happy to Announce, we have collaborated with Telugu Sankranti BLOCK BUSTER #Bangarraju Director @kalyankrishna_k for his next Big venture👍💐💐👍 Other details Soon..@kegvraja #Sankranti #Bangarraju #BlockbusterBangarraju pic.twitter.com/Q45kO6Prm4 — Studio Green (@StudioGreen2) January 16, 2022

అక్కినేని నాగార్జున, నాగచైతన్య హీరోలుగా నటించిన తాజా చిత్రం బంగార్రాజు. సంక్రాంతి సందర్భంగా జనవరి 14న విడుదలైన ఈ చిత్రం.. బాక్సాఫీస్‌ వద్ద దూసుకెళ్తోంది. తొలి రోజు రికార్డు వసూళ్లు సాధించిన బంగార్రాజు.. రెండో రోజు కూడా అదే దూకుడు చూపించింది. కోవిడ్‌ నిబంధనలు అదిగమించి.. రెండు రోజుల్లో రూ.36 కోట్లు వసూళ్లు చేసి మరోసారి బాక్సాఫీస్‌పై అక్కినేని ఫ్యామిలీ సత్తా చూపించారు. రూ.40 కోట్ల లక్ష్యంతో బరిలోకి దిగిన బంగార్రాజు.. రెండో రోజు   నైజాంలో రూ.4.47 కోట్లు, సీడెడ్ రూ. 3.46 కోట్లు, ఉత్తరాంద్రలో రూ.2.20 కోట్లు, ఈస్ట్: 1.75 కోట్లు, గుంటూరు: 1.78 కోట్లు, కృష్ణా: 0.96 కోట్లు, నెల్లూరు: 0.85 కోట్లు రాబట్టింది. మొత్తంగా రెండు రోజుల్లో రూ. 36 కోట్లు వసూళ్లు చేసినట్లు చిత్ర యూనిట్‌ పేర్కొంది. దీనికి సంబంధించిన స్పెషల్‌ పోస్టర్‌ని కూడా విడుదల చేసింది.  సంక్రాంతికి విడుదలైన ఏకైక పెద్ద సినిమా, అలాగే గ్రామీణ నేపథ్యానికి సంబంధించిన స్టోరీ కావడం ‘బంగర్రాజు’కు బాగా కలిసొచ్చింది. ఈ మూవీని అన్నపూర్ణ స్టూడియోస్ ప్రై.లి., జీ స్టూడియోస్ సంయుక్తంగా నిర్మించగా నాగార్జున నిర్మాతగా వ్యవహరించారు. నాగార్జున సరసన రమ్యకృష్ణ, నాగచైతన్య సరసన కృతిశెట్టి నటించారు. (చదవండి: బంగార్రాజు మూవీ రివ్యూ)

Bangarraju Movie Success Meet At Annapurna Studios In Hyderabad: బంగార్రాజు సినిమా చూశాక అమల ఇంటికి రాగానే అమె అత్త, మామ గారి ఫొటోలకు దండం పెట్టుకుని ఏడ్చేసిందని కింగ్‌ నాగార్జున తెలిపారు. అక్కినేని తండ్రి కొడుకులు నాగార్జున, నాగ చైతన్య కలిసి నటించిన తాజా చిత్రం 'బంగార్రాజు'. ఈ సినిమా సంక్రాంతి కానుకగా జనవరి 14న విడుదలై మంచి విజయంతో దూసుకుపోతుంది. ఈ సందర్భంగా శనివారం (జనవరి 15)న బంగార్రాజు చిత్రబృందం అన్నపూర్ణ స్టూడియోలో విలేకరుల సమావేశం ఏర్పా​​టు చేసింది. ఈ కార్యక్రమంలో నాగార్జున, నాగ చైతన్య, కల్యాణ్‌ కృష్ణ, అనూప్‌  రూబెన్స్‌, మలయాళ నటుడు సూర్య, టెక్నికల్‌ డిపార్ట్‌మెంట్‌ జునైద్‌ తదితరులు పాల్గొన్నారు. సంక్రాంతికి బంగార్రాజు సినిమాను బ్లాక్‌ బస్టర్ హిట్‌ చేసిన ప్రేక్షకులకు కృతజ్ఞతలు తెలిపారు. 'జనవరి 14 అనేది మాకు చాలా ప్రత్యేకమైన రోజు. అన్నపూర్ణ స్టూడియోస్‌ పుట్టినరోజు. ప్రతి సంక్రాంతికి సినిమా విడుదల చేయాలని నాన్నాగారు అంటుండేవారు. అలాగే ప్రయత్నిస్తున్నాం. బంగార్రాజుకు ఆంధ్ర, తెలంగాణ, ఓవర్‌సీస్‌ నుంచి కలిపి ఒక్క రోజులోనే రూ. 17.5 కోట్ల గ్రాస్‌ వచ్చింది. ఈ సినిమా చూశాకా పెద్ద బంగార్రాజు పాత్ర ఎక్కువగా ఉందని అంటున్నారు. అది పాత్రపరంగా డైరెక్టర్‌ డిజైన్‌ చేసిందే. సినిమా చూశాక అమ‌ల ఇంటికి రాగానే ఆమె అత్త‌, మామ గారి ఫొటోల‌కు దండం పెట్టుకుని ఏడ్చేసింది. అవి ఆనందంతో కూడిన క‌న్నీళ్లు. వారు మ‌న‌ల్ని చూసుకుంటున్నారు క‌దా అని చెప్పింది. వారు మా వెనక ఉన్నార‌నే ఫీలింగ్‌ను వ్య‌క్తం చేసింది. ఇదే అభిప్రాయాన్ని చాలామంది వారి అమ్మ‌మ్మ‌లు, నాన‌మ్మ‌లు, తాత‌లు, నాన్న‌ల‌ను గుర్తుచేసుకున్నామ‌ని చెప్పారు. ఈ సినిమాకు మరో సీక్వెల్‌ను ఇ‍ప్పుడే ప్లాన్‌ చేయలేం.' అని నాగార్జున వెల్లడించారు.   నాగ చైతన్య మాట్లాడుతూ బంగార్రాజు సినిమాలో చేయడం నాకు సవాల్‌గా అనిపించింది. గ్రామీణ నేపథ్యం, ఎనర్జిటిక్‌ పాత్ర ఇంతవరకూ చేయలేదు. ఇందుకు డైరెక్టర్‌ కల్యాణ్‌ కృష్ణ చాలా సపోర్ట్‌ చేశాడు. ఆయనకు ఆడియెన్స్‌ పల్స్‌ బాగా తెలుసు. కథ విన్నాక ఆయన చెప్పినట్లు చేయడమే. షూటింగ్‌లో నాన్నగారు నన్ను డామినేట్‌ చేశారనే ఫీలింగ్ ఒకసారి కలిగింది. అది ప్రేరణగా తీసుకుని ముందుకు సాగాను. అని పేర్కొన్నాడు. 'పండుగ సందర్భంగా రాత్రిపూట కర్ఫ్యూ ఎత్తివేయడం మాకు బగా కలిసివచ్చింది. నాగార్జునతోపాటు టెక్నీషియన్స్‌ అందరూ బాగా కష్టపడి పనిచేశారు. సంగీతం దర్శకుడు అనూప్‌ రూబెన్స్‌ పాటలకు తగిన ట్యూన్స్‌ ఇచ్చి ఆడియోకు మరింత క్రేజ్‌ వచ్చేలా చేశాడు.' అని డైరెక్టర్‌ కల్యాణ్‌ కృష్ణ తెలిపారు. కథ ప్రకారం వీఎఫ్‌ఎక్స్‌ చేశానన్నారు జునైద్‌. కథకు కావాల్సిన అన్ని అంశాలను డైరెక్టర్‌తో చర్చించి చేయడం వల్లే గ్రాఫిక్‌ విజువల్స్‌కు మంచి పేరు వచ్చిందన్నారు.  ఇదీ చదవండి: బంగార్రాజు మూవీ ఎలా ఉందంటే..

అక్కినేని నాగచైతన్య తన మాజీ భార్య, స్టార్‌ హీరోయిన్‌ సమంతపై ఆసక్తికర వ్యాఖ్యలు చేశాడు. గతేడాది అక్టోబర్‌ 2న విడాకులు తీసుకుంటున్నట్లు ప్రకటించిన సంగతి తెలిసిందే. అప్పటి నుంచి కామ్‌గా ఉన్న చై ఇటీవల తొలిసారిగా వారి విడాకులపై స్పందించాడు. నాగచైతన్య తాజా చిత్రం బంగార్రాజు మూవీ ప్రమోషన్‌లో భాగంగా ఇటీవల ఇచ్చిన ఓ ఇంటర్య్వూలో చై తామిద్దరం పరస్పర అంగీకారంతోనే విడిపోయామని, ఇది ఇద్దరి సంతోషం కోసం తీసుకున్న నిర్ణయమని స్పష్టం చేశాడు. చదవండి: బ్రేకప్‌ చెప్పుకున్న లవ్‌బర్డ్స్‌!, క్లారిటీ ఇచ్చిన హీరో ఇదిలా ఉంటే తాజాగా ఇచ్చిన మరో ఇంటర్య్వూలో చై, సమంత గురించి మరోసారి ప్రస్తావించాడు. తన బెస్ట్‌ ఆన్‌స్క్రీన్‌ పెయిర్‌, కెమిస్ట్రీ సమంతతోనే అంటూ ఆసక్తిగా స్పందించాడు. కాగా ఇంటర్య్వూలో యాంకర్‌ నాగ చైతన్యతో మీరు న‌టించిన హీరోయిన్స్‌లలో బెస్ట్ ఆన్ స్క్రీన్ కెమిస్ట్రీ ఎవ‌రితో కుదిరిందని ప్రశ్నించింది. దీనికి వెంటనే చై.. ‘బెస్ట్‌ ఆన్ స్క్రీన్ కెమిస్ట్రీ అంటే సమంతతోనే కుదిరింది’ అంటూ త‌డుముకోకుండా స‌మాధానం చెప్పాడు. దీంతో చై కామెంట్స్‌ ప్రస్తుతం నెట్టింట హాట్‌టాపిక్‌గా మారాయి. కాగా నాగచైతన్య-సమంత తొలిసారిగా ‘ఏం మాయ చేసావే’ సినిమాతో కలుసుకున్నారు. ఈ సినిమా సమయంలో వారిద్దరి కెమిస్ట్రీ చాలా బాగా కుదరిందని టాక్‌ కూడా వచ్చింది.  చదవండి: తొలి రోజు ‘బంగార్రాజు’ మూవీ కలెక్షన్స్‌ ఎలా ఉన్నాయంటే.. ఆ తర్వాత వీరిద్దరూ కలిసి ‘ఆటోనగర్‌ సూర్య’, ‘మజిలి’, ‘మనం’ చిత్రాల్లో జంటగా నటించారు. కాగా చై సమంత విడిపోయిన తర్వాత సామ్‌ చాలా సార్లు విడాకుల గురించి ఇండైరెక్ట్ గా స్పందింస్తూ సోషల్ మీడియాలో పోస్టులు పెట్టింది. కానీ నాగ చైతన్య మాత్రం విడాకుల తర్వాత ఒక్కసారి కూడా ఈ విషయంపై మాట్లాడలేదు. వరుస సినిమాలతో తన పని తాను చేసుకుంటూ వెళ్తున్నాడు. సంక్రాంతి కానుకగా నాగార్జున, నాగ చైతన్య కలిసి నటించిన ‘బంగార్రాజు’ సినిమా రిలీజ్ అయింది. ఈ సినిమా ప్రమోషన్స్‌లో భాగంగా చైతన్య తొలిసారి సమంత గురించి ప్రస్తావించడం ఆసక్తి సంతరించుకుంది. కాగా నాగచైతన్య-సమంత 2017 అక్టోబర్‌ 6న గోవాలో డెస్టినేషన్‌ వెడ్డింగ్‌ చేసుకున్న సంగతి తెలిసిందే.

గత సంక్రాంతి బరిలో ‘సోగ్గాడే చిన్నినాయనా' సినిమాను దింపేసి అత్యధిక వసూళ్లను రాబట్టాడు కింగ్‌ నాగార్జున. ఈ మూవీకి సీక్వెల్‌గా తెరకెక్కిన ‘బంగార్రాజు’ చిత్రం కూడా ఈ సంక్రాంతి సందర్భంగా విడుదలైంది. అనుకున్నట్టుగానే నిన్న(జనవరి 14) ఈ సినిమాను థియేటర్తోకి తీసుకు వచ్చింది చిత్ర బృందం. గ్రామీణ నేపథ్యంలో సాగే కథతో పాటు సంక్రాంతి పండగ వాతావరణాన్ని ప్రతిబింబించే సినిమా కావడం వలన 'బంగార్రాజు'కి అన్ని ప్రాంతాల్లో మంచి రెస్పాన్స్ వస్తోంది. చదవండి: బాలయ్య మూవీ ఆఫర్‌ వదులకున్న నటి రాశి, ఆ సీన్‌పై అభ్యంతరంతోనేనట.. ఈ క్రమంలో తొలి రోజే బంగార్రాజు అన్ని ప్రాంతాలతో పాటు నైజాం, సీడెడ్‌లో మంచి కలెక్షన్స్‌ రాబ్టటినట్టు ట్రెడ్‌ వర్గాల చెబుతున్నాయి. నైజామ్‌లో తొలి రోజున 3.1 కోట్ల గ్రాస్‌ను.. 1.73 కోట్ల షేర్‌ను రాబట్టినట్టుగా చెబుతున్నారు. ప్రస్తుతం ఉన్న కరోనా కాలం, 60 శాతం సీట్ల ఆక్యూపెన్సీ పరిస్థితుల్లో ఇవి బంగార్రాజుకు మంచి ఓపెనింగ్స్ అనే అంటున్నారు సినీ వెశ్లేషకులు. అలాగే ప్రపంచవ్యాప్తంగా 1200 స్క్రీన్లలో విడుదలైన ఈ మూవీ తొలి షో నుంచి పాజిటివ్‌ టాక్ తెచ్చుకుంంది. చదవండి: ఆర్‌ఆర్‌ఆర్‌' ఫ్యాన్స్‌కు స్పెషల్‌ సర్‌ప్రైజ్‌.. సంక్రాంతి కానుకగా తొలి రోజున ఓవర్సీస్‌లో ఈ సినిమాకి మోస్తారు వసూళ్లు కనిపించాయి. ప్రీమియర్ల ద్వారా 40 వేల డాలర్లు వసూలు చేయగా, తెలుగు రాష్ట్రాల్లో 8 కోట్ల రూపాయలు కొల్లగోట్టినట్టుగా ట్రేడ్ వర్గాలు చెబుతున్నాయి. మున్ముందు కూడా కలెక్షన్లు ఇంకా పెరిగే అవకాశం ఉందని అంటున్నారు సినీ విశ్లేషకులు. అయితే రిలీజ్‌కు ముందే బంగార్రాజు చిత్రం 39 కోట్ల రూపాయల ప్రీ-రిలీజ్ బిజినెస్ జరుపుకుంది. కాగా బంగార్రాజులో నాగార్జున, నాగ చైతన్యలు కాగా వారికి జోడిగా రమ్యకృష్ణ, కృతిశెట్టిలు నటించారు. 

హైదరాబాద్‌: ప్రముఖ ఆభరణాల బ్రాండ్‌ కల్యాణ్‌ జువెల్లర్స్‌ ’బంగార్రాజు’ పేరుతో పురుషుల జ్యువెలరీ ప్రత్యేక కలెక్షన్‌ను ప్రారంభించేందుకు అన్నపూర్ణ స్టూడియోస్‌తో ఒక భాగస్వామ్యం కుదుర్చుకుంది. అక్కినేని నాగార్జున,  నాగచైతన్యలు నటించిన బంగార్రాజు సినిమా సంక్రాంతి విడుదల నేపథ్యంలో కల్యాణ్‌ జువెల్లర్స్‌ ఈ ప్రత్యేక కలెక్షను ఆవిష్కరించింది. ఇందులో భాగంగా చిత్ర కథానాయకుడు బంగార్రాజు ధరించిన నవరత్న, పులిగోరు తరహా నెక్లేస్‌ డిజైన్‌ ఆభరణాలకు కల్యాణ్‌ జువెల్లర్స్‌ షోరూమ్‌లలో ఆర్డర్‌ ఇవ్వవచ్చని తెలిపింది.  

టైటిల్‌ : బంగార్రాజు నటీనటులు : నాగార్జున, నాగచైతన్య, రమ్యకృష్ణ, కృతిశెట్టి, నాగబాబు రావు రమేశ్‌, వెన్నెల కిశోర్‌, సంపత్‌ రాజ్‌, గోవింద్‌ పద్మసూర్య తదితరులు నిర్మాణ సంస్థలు :  అన్నపూర్ణ స్టూడియోస్ ప్రై.లి., జీ స్టూడియోస్  నిర్మాత : అక్కినేని నాగార్జున దర్శకత్వం : కల్యాణ్‌ కృష్ణ కురసాల సంగీతం : అనూప్ రూబెన్స్ సినిమాటోగ్రఫీ : జె. యువరాజ్‌ ఎడిటర్‌ : విజయ్‌ వర్థన్‌ విడుదల తేది : జనవరి 14, 2022 Bangarraju Movie Review: అక్కినేని నాగార్జున డ్యూయల్ రోల్ లో చేసిన ‘సోగ్గాడే చిన్ని నాయనా’చిత్రం 2016 సంక్రాంతి సీజన్‌లో విడుదలై సూపర్‌ హిట్టైంది. ఏకంగా కింగ్ కెరీర్ లోనే బిగ్ హిట్ గా నిలిచింది. ఆ మూవీ భారీ విజయం సాధించడంతో అందులోని బంగార్రాజు పాత్రతో కథని అల్లుకొని ‘సోగ్గాడే చిన్ని నాయనా’కి సీక్వెల్‌గా ‘బంగార్రాజు’ సినిమా తెరకెక్కింది. ‘మనం’ తర్వాత నాగార్జున, నాగచైతన్య కలిసి నటించిన ఈ చిత్రం శుక్రవారం(జనవరి 14)ప్రేక్షకుల ముందుకు వచ్చింది. ఇప్పటికే విడుదలైన పాటలు, టీజర్‌కి మంచి స్పందన రావడం.. దానికి తోడు ప్రమోషన్స్‌ని గ్రాండ్‌ చేయడంలో ‘బంగార్రాజు’పై హైప్‌ క్రియేట్‌ అయింది. భారీ అంచనాల మధ్య ఈ సంక్రాంతి బరిలోకి దిగిన ఏకైన పెద్ద సినిమా  ‘బంగార్రాజు’ ప్రేక్షకులను ఏ మేరకు మెప్పించాడు? రివ్యూలో చూద్దాం.   ‘బంగార్రాజు’కథేంటంటే ‘సోగ్గాడే చిన్ని నాయన’చిత్రం ఎక్కడ ముగిసిందో.. అక్కడి నుంచి ‘బంగార్రాజు’కథ స్టార్ట్‌ అవుతుంది. ఆత్మగా వచ్చిన బంగార్రాజు(నాగార్జున)..తన ఫ్యామిలీ సమస్యలన్నీ చక్కదిద్ది స్వర్గానికి తిరిగి వెళ్తాడు. కొన్నాళ్లకు డాక్టర్‌ రాము(నాగార్జున), సీత దంపతులకు కొడుకు పుట్టడం..భార్య చిన్నప్పుడే చనిపోవడంతో..అతని బాధ్యలను నాన్నమ్మ సత్య అలియాస్‌ సత్తెమ్మ(రమ్యకృష్ణ) చూసుకుంటుంది. మనవడు పెద్దయ్యేసరికి.. సత్తెమ్మ కూడా చనిపోయి..స్వర్గంలో ఉన్న బంగార్రాజు దగ్గరకు వెళ్లుంది. చిన్నబంగార్రాజు(నాగచైతన్య) కూడా తాత మాదిరే ఊర్లో ఆవారాగా తిరుతూ..  అమ్మాయిల వెంటపడుతుంటాడు. మరోపక్క చిన్న బంగార్రాజు మరదలు.. నాగలక్ష్మీ(కృతిశెట్టి) ఆ ఊరికి సర్పంచ్‌ అవుతుంది. వీరిద్దరికి ఒకరంటే ఒకరుపడరు. కానీ వీరిద్దరికి పెళ్లి చేస్తే బాగుంటందని భావిస్తుంది సత్తెమ్మ. తన మనవడి ప్రేమకి సహాయం చేయడానికి బంగార్రాజుని భూమ్మీదకి పంపిస్తుంది. చిన్న బంగార్రాజు శరీరంలోకి పెద్ద బంగార్రాజు చేరి.. సర్పంచ్‌ నాగలక్ష్మీని ప్రేమించేలా చేస్తాడు. మరోవైపు చిన్న బంగార్రాజు హత్య చేయడానికి కొంతమంది ప్లాన్‌ చేస్తారు. అసలు చిన్న బంగార్రాజుని ఎందుకు హత్య చేయాలనుకున్నారు? హత్యకు కుట్ర చేసిందెవరు? ఆపదలో ఉన్న మనవడిని బంగార్రాజు ఎలా కాపాడుకున్నాడు? ఊరి గుడి కింద ఉన్న నిధులపై కన్నేసిన దుష్టశక్తుల పన్నాగాలను బంగార్రాజు ఎలా తిప్పికొట్టారు? అనేదే మిగతా కథ.  ఎవరెలా చేశారంటే..  ఈ సినిమాకు ప్రధాన బలం నాగార్జున, నాగచైతన్యల నటననే. చిన్నబంగార్రాజు, పెద్ద బంగార్రాజు పాత్రల్లో వీరిద్దరు ఒదిగిపోయారు. సినిమాలో వీరిద్దరి మధ్య వచ్చే సన్నివేశాలు ప్రేక్షకులను ఎంటర్ టైన్ చేస్తాయి. బంగార్రాజు ఆత్మ దూరిన ప్రతిసారి నాగచైనత్య చేసే సందడి ఆకట్టుకుంటుంది. అయితే సాధారణ సమయంలో చిన్నబంగార్రాజు కామ్‌గా ఉండడం.. ఆత్మ దూరిన తర్వాత రెచ్చిపోవడంతో.. చై కంటే నాగార్జుననే హైలెట్‌ అయ్యాడని చెప్పాలి. క్లైమాక్స్‌లో వీరిద్దకు కలిసే చేసే ఫైట్‌ సీన్‌ కూడా ఆకట్టుకుంటుంది. ఇక సర్పంచ్‌ నాగలక్ష్మీగా కృతిశెట్టి తనదైన నటనతో మెప్పించింది. అమాయకపు మాటలతో నవ్వించింది. బంగార్రాజు భార‍్య సత్య అలియాస్‌ సత్తెమ్మగా రమ్యకృష్ణ మరోసారి తెరపై తన అనుభవాన్ని చూపించింది. సంపత్‌ రాజ్‌, రావు రమేశ్‌, వెన్నెల కిశోర్‌, బ్రహ్మాజీలతో పాటు మిగిలిన నటీనటులు తమ పాత్రల పరిధిమేర నటించారు.  ఎలా ఉందంటే..  2016లో సంకాంత్రికి విడుదలైన‘సోగ్గాడే చిన్ని నాయనా’ఎంతటి ఘటన విజయం సాధించిందో అందరికి తెలిసిందే. ఆ సినిమాకు సీక్వెల్‌ అనగానే ‘బంగర్రాజు’కథ ఎలా ఉండబోతుందో అంతా ఊహించుకున్నారు. అనుకున్నట్లుగానే.. పల్లెటూరి వాతావరణం, కలర్‌ఫుల్‌ సాంగ్స్‌తో ఫన్‌ అండ్‌ ఎమోషనల్‌గా ‘బంగార్రాజు’కథ సాగుతుంది. సోగ్గాడే.. సినిమా మాదిరినే.. ఈ చిత్రానికి కూడా గుడికి, బంగార్రాజు కుటుంబానికి ముడిపెట్టి కథను అల్లుకున్నాడు దర్శకుడు కల్యాణ్‌ కృష్ణ. అందులో కొడుకు,కోడళ్లను కలిపేందుకు బంగ్రారాజు ఆత్మ భూమ్మీదకు వస్తే.. ఇందులో మనవడిని జీవితాన్ని చక్కబెట్టేందుకు కిందకు వస్తాడు. ఇక ఈ సీక్వెల్‌లో సత్తెమ్మ ఆత్మ అదనం. అయితే సోగ్గాడే.. ఆకట్టుకున్నంతగా.. బంగార్రాజు ఆకట్టుకోలేకపోయాడు. ఫస్టాఫ్‌ అంతా రోటీన్‌ సీన్లతో నెమ్మదిగా సాగుతుంది. బంగార్రాజు, సత్యల ఆత్మలు భూమ్మీదకు వచ్చాక కథలో వేగం పెరుగుతుంది. అయినప్పటికీ.. సాదాసీదాగానే సాగిపోతుంది. సర్పంచ్‌ నాగలక్ష్మీ, చిన్నబంగార్రాజుల మధ్య జరిగే టామ్‌ అండ్‌ జెర్రీ వార్‌ అంతగా ఆకట్టుకోలేకపోయింది. పెద్ద బంగార్రాజు చేసే సందడి మాత్రం ప్రేక్షకులను నవ్విస్తుంది. ఇక సెకండాఫ్‌లో కూడా కథ ప్రేక్షకుడి ఊహకి అందేలా సాగుతుంది. కామెడీ కూడా అంతగా వర్కౌట్‌ కాలేదనే చెప్పాలి. ‘వీరి వీరి గుమ్మడి పండు’గేమ్‌ సీన్‌ అలరిస్తుంది. ఇక సినిమాను ప్రధాన బలం ప్రీక్లైమాక్స్‌, క్లైమాక్స్‌ అనే చెప్పాలి. చివరి 30 నిమిషాలు సినిమాపై అభిప్రాయాన్ని మారుస్తుంది. క్లైమాక్స్‌ ట్విస్ట్‌ కూడా ఆకట్టుకుంటుంది. ఇక సాంకెతిక నిపుణుల పనితీరు విషయానికొస్తే.. అనూప్‌ రూబెన్స్‌ సంగీతం సినిమాకి ప్లస్‌. పాటలతో పాటు నేపథ్య సంగీతం కూడా చక్కగా అందించాడు. అయితే సినిమాల్లో వచ్చే పాటలు.. కథకు అడ్డంకిగా అనిపిస్తాయి. యువరాజ్‌ సినిమాటోగ్రఫీ బాగుంది. విజయ్‌ వర్థన్‌ తన కత్తెర ఇంకాస్త పనిచెప్పాల్సింది. నిర్మాణ విలువలు సినిమా స్థాయికి తగ్గట్టుగా ఉన్నాయి.  - అంజి శెట్టె, సాక్షి వెబ్‌డెస్క్‌

బంగార్రాజు సినిమాలో నాగ చైతన్యను చూసి అంతా సర్ ప్రైజ్ అవుతారు. ఇందులో ఉన్నది నాగ చైతన్యనేనా? అని ఆశ్చర్యపోతారు. ఈ సినిమా విషయంలో ముందు నుంచి కూడా చై అనుమానంగానే ఉన్నాడు. నన్ను నమ్ము అని చెప్పాను. ఇప్పుడు అదొక బాధ్యతగా మారింది. చైతూ రూరల్ బ్యాక్ డ్రాప్‌లో చేసిన మొదటి సినిమా  ఇదే’అన్నారు టాలీవుడ్‌ మన్మథుడు అక్కినేని నాగార్జున. ఆయన, నాగచైతన్య  రమ్యకృష్ణ, కృతి శెట్టి కాంబినేషన్‌లో తెరకెక్కిన చిత్రం బంగార్రాజు. అన్నపూర్ణ స్టూడియోస్ ప్రై.లి., జీ స్టూడియోస్ సంయుక్తంగా నిర్మిస్తున్న ఈ చిత్రానికి నాగార్జున నిర్మాతగా వ్యవహరించారు. ఈ చిత్రం సంక్రాంతి సందర్భంగా జనవరి 14న థియేటర్లలో సందడి చేయనుంది. సినిమా ప్రమోషన్లలో భాగంగా అక్కినేని నాగార్జున మీడియాతో ముచ్చటించారు. ఆ విశేషాలు.. ► చిన్న బంగార్రాజుతో ఈ సంక్రాంతికి వస్తున్నాం. ‘సోగ్గాడే చిన్ని నాయన’లొ యూత్ బంగార్రాజుని మిస్ అయ్యాం. కానీ ఈ మూవీలో నాగచైతన్య ఎంట్రీతో యూత్‌ఫుల్ ఎనర్జీ ఎంట్రీ కూడా వచ్చినట్టు అయింది. ► ‘సోగ్గాడే..’ చాలా బాగా ఆడింది. అందరూ సినిమాను అంగీకరించారు. అది మకు అడ్వాంటేజ్ అవుతుంది. ఆ సినిమా నచ్చిన వాళ్లు బంగార్రాజును చూడాలని అనుకుంటారు. అయితే ఆ సినిమా కంటే బాగుండాలి. అన్నింటి కంటే ఎక్కువగా నాగ చైతన్య రావడంతో మరింత బాధ్యత పెరిగింది. సంక్రాంతికి పండుగలాంటి సినిమా ఇస్తున్నామని ప్రేక్షకులకు మాటిచ్చాం. అది ఇంకా పెద్ద బాధ్యత. ►మన తెలుగు సినిమాల్లో బ్లడ్ రిలేషన్ సినిమాలు ఎక్కువగా వర్కవుట్ అవుతుంటాయి. నేను, నాన్నగారితో చేసిన సినిమాలు వర్కవుట్ అయ్యాయి. అది కమర్షియల్ ఫార్మూలా. ఆ ఫార్మాట్‌లోనే సినిమా చేద్దామని కళ్యాణ్ కృష్ణ అన్నాడు. కథ తీసుకురా చేద్దామని అన్నాను. అక్కడే లేట్ అయింది. ఆ తరువాత కరోనా వచ్చింది.  ► పంచెకట్టు ధరించినప్పుడల్లా నాన్న గారు గుర్తుకు వచ్చేవారు. ‘మనం’ సినిమాను వేరే ఆర్టిస్ట్‌లను పెట్టి తీస్తే వర్కవుట్ అయ్యేది కాదు. నాన్న గారు లేకపోయినా, నేను లేకపోయినా, చై లేకపోయినా వర్కవుట్ అవ్వకపోయేది. హిందీలో చాలా మంది ఈ సినిమాను తీద్దామని అనుకున్నారు. కానీ మా కాంబినేషన్ వల్లే సినిమా వర్కవుట్ అయిందని తెలుసుకున్నారు. విక్రమ్ కూడా ట్రై చేశాడు. కానీ వర్కవుట్ అవ్వలేదు. బంగార్రాజు కూడా అంతే. ► ఇష్క్ సినిమాలో అనూప్‌ రూబెన్స్‌ మ్యూజిక్ నచ్చి మనం సినిమాకు ఓకే చేశాం. మాకు అనూప్ ఎంతో స్పెషల్. టైం ఇస్తాడు. టైం తీసుకుంటాడు. అన్నపూర్ణలో ఫ్యామిలీలా ఉంటాడు. ఇది బాగా లేదంటే ఫీల్ అవ్వడు. కళ్యాణ్‌కి అతనికి బాగా సెట్ అయింది. నేను చెప్పకముందే అనూప్ పేరుని కళ్యాణ్ చెప్పాడు. సోగ్గాడే కంటే మంచి మ్యూజిక్‌ను ఇచ్చాడు. మనం సినిమా మ్యూజిక్ నచ్చి అప్పుడు కూడా మ్యూజికల్ నైట్ చేశాం. ► నా బాడీ లాంగ్వేజ్ కోసం సోగ్గాడే చిన్నినాయనా సినిమాను చూడమని చైకి సలహా ఇచ్చాను. సీనియర్ బంగార్రాజు ఆత్మ లోపలకి ఎంట్రీ అయ్యాక బాడీ లాంగ్వేజ్, మాడ్యులేషన్ మారుతుంది. దాని కోసం చై డైలాగ్స్ అన్నీ కూడా నేను రికార్డ్ చేసి ఇచ్చేవాడిని. వాటిని చూసుకుంటూ చై ఫాలో అయ్యాడు. అయితే నాకంటే ఆ యాస మీద కళ్యాణ్‌కు ఎక్కువ పట్టుంది. అంతా ఆయనే చూసుకున్నాడు. ► ప్రెసిడెంట్ గారి పెళ్లాం, అల్లరి అల్లుడు వంటి సినిమాలతో ఊరి వాతావరణంలో సినిమాలు బాగా నచ్చాయి. మొత్తం ఓపెన్ అయి నటించొచ్చు. ఆ పాత్రల్లో ఓ పొగరబోతుదనం ఉంటుంది. ఆ భాష నాకు చాలా ఇష్టం.  ► రమ్యకృష్ణది నాది గోల్డెన్ కాంబినేషన్. మాకు ఒకరి గురించి ఇంకొకరికి తెలుసు. మా కెమీస్ట్రీ బాగుంటుంది. రమ్యతో పని చేయడం ఎంతో సరదాగా ఉంటుంది. సెట్‌లో అంతా నవ్వుతూనే ఉంటాం. ► కృతి శెట్టి చక్కగా తెలుగు నేర్చుకుంది. తెలుగులో మాట్లాడుతుంది. ఆమెలో నాకు నచ్చింది అదే విషయం. సెట్‌లో తెలుగులోనే మాట్లాడుతుంది. హిందీ, ఇంగ్లీష్, తులు అన్ని భాషలు వచ్చినా కూడా తెలుగులోనే మాట్లాడుంది. ఎప్పుడు ఎలాంటి కంప్లైంట్స్ రాలేదు. సెట్‌కి టైంకి వస్తుంది. సర్పంచ్ నాగలక్ష్మీ పాత్రలా ఉండదు. బయట ఆమె క్లాస్‌గా ఉంటుంది. కృతి శెట్టి ఈ సినిమాలో నటించినందుకు సంతోషంగా ఉంది.  ► ఆగస్ట్ 25న ఈ మూవీ షూటింగ్ ప్రారంభించాం. ఆ రోజు యూనిట్ అందరికీ చెప్పాను. సంక్రాంతికి మనం సినిమాను విడుదల చేయాలి. లేదంటే వచ్చే సంక్రాంతికి రావాల్సి ఉంటుంది. కావాలంటే సినిమాను ఇప్పుడు ఆపేద్దామని అన్నాను. మేం అంతా ఉన్నాం చేద్దామని యూనిట్ అంతా కూడా కష్టపడింది.ఈ సంక్రాంతికి పట్టుపట్టి వచ్చాం. ఈ చిత్రం బాగా ఆడుతుందని, మంచి నంబర్స్ వస్తాయని నమ్మకంగా ఉంది. ► కళ్యాణ్ కృష్ణ రైటింగ్ అద్బుతంగా ఉంటుంది. ఆయన రాసిన పాట కూడా ఇంకా ట్రెండింగ్‌లోనే ఉంది. ఆయనతో పని చేయడం నాకు ఇష్టం. ఏదైనా బాగా లేదంటే మళ్లీ రాసుకొస్తాడు. సోగ్గాడే తరువాత ఈ కారెక్టర్‌ల మీద మంచి పట్టు వచ్చింది. బంగార్రాజు సినిమా అంటే ఆయనకు చాలా ఇష్టం. అతనితో పని చేయడం ఎంతో కంఫర్ట్‌గా ఉంటుంది. ► ప్రొడక్షన్ పరంగా ఈ సినిమా సక్సెస్ క్రెడిట్‌ను నేను తీసుకుంటాను. యాక్టింగ్ పరంగా నాగ చైతన్యకు వస్తుంది. నాగ చైతన్య ట్రాన్స్‌ఫర్మేషన్ అందరూ చూస్తారు. అద్భుతంగా నటించాడు. లవ్ స్టోరీలో మొన్నే చూశారు కదా? మాస్ కమర్షియల్ సినిమాను నాగ చైతన్య ఇంత బాగా చేయగలడా? అని అందరూ అనుకుంటారు.

‘సోగ్గాడే చిన్నినాయనా’ వంటి హిట్‌ తర్వాత నాగార్జున హీరోగా కల్యాణ్‌ కృష్ణ దర్శకత్వంలో తెరకెక్కుతోన్న చిత్రం ‘బంగార్రాజు’.‘సోగ్గాడు మళ్ళీ వచ్చాడు’ అన్నది క్యాప్షన్‌. ఈ మూవీలో నాగచైతన్య మరో హీరోగా నటిస్తున్నారు. నాగార్జున సరసన రమ్యకృష్ణ, నాగ చైతన్యకి జోడీగా కృతీశెట్టి నటిస్తున్నారు. సంక్రాంతి కానుకగా జనవరి 14న ఈ చిత్రం విడుదల కానుంది. ఈ నేపథ్యంలో బంగార్రాజు టీం ప్రమోషన్‌ కార్యక్రమాలతో బిజీగా ఉంది. కేవలం మూవీ యూనిట్, నటీనటుల మధ్య నిరాండంబరంగా మ్యూజికల్‌ హిట్‌ ఈవెంట్‌ను జరుపుకున్న ఈ మూవీ ప్రీరిలీజ్‌ ఈవెంట్‌ కరోనా నేపథ్యంలో సందిగ్ధంలో పడింది. ఈ వేడుకను ఫ్యాన్స్‌ మధ్య గ్రాండ్‌గా జరపాలని ప్లాన్‌ చేశారు మేకర్స్‌. అయితే కోవిడ్‌ ప్రొటోకాల్‌ నిబంధనల నేపథ్యంలో ఈ ప్రీరిలీజ్‌ ఈవెంట్‌ జరుగుతుందా లేదా అనేది అనుమానం నెలకొంది. ఈ నేపథ్యంలో ఈవెంట్‌ జరగనుందంటూ అన్నపూర్ణ స్టూడియోస్‌, శ్రెయాస్‌ మీడియా తాజాగా స్పష్టం చేసింది. ఈ రోజు(గురువారం) సాయంత్రం బంగార్రాజు ప్రీరిలీజ్‌ ఈవెంట్‌కు ముహుర్తం ఖరారైందని పేర్కొంది. హైటెక్ సిటీలోని హోటల్ ట్రైడెంట్‌లో సాయంత్రం 6 గంటల నుంచి ఈ కార్యక్రమాన్ని నిర్వహించనున్నట్లు కొద్దిసేపటి క్రితమే అధికారిక ప్రకటన ఇచ్చారు. కాగా సంక్రాంతి బరి నుంచి ‘ఆర్ ఆర్ ఆర్’, ‘రాధేశ్యామ్’ వంటి పాన్‌ ఇండియా చిత్రాలు తప్పుకోవడంతో, 'బంగార్రాజు' పెద్ద సినిమాగా నిలిచింది. గ్రామీణ నేపథ్యంలో సాగే ఈ సినిమా సంక్రాంతి పండగతో కూడిన కథ కావడం.. ఇందుకు సంబంధించిన అంశాలు కలిగి ఉండటంతో ఈ సినిమాకి కలిసొస్తుందని చెప్పుకుంటున్నారు. ఈ సినిమాతో చైతూలోని రొమాంటిక్ యాంగిల్‌ను దర్శకుడు పరిచయం చేయబోతున్నాడు.

‘‘మనం’ సినిమా టైమ్‌లో నాన్న (నాగార్జున)గారితో కలిసి యాక్ట్‌ చేయాలన్నప్పుడు భయపడ్డాను. కానీ ‘బంగార్రాజు’కు ఆ ఇబ్బంది లేదు. ‘మనం’ అనుభవం ఉపయోగపడింది. నాన్నగారితో కంఫర్ట్‌గా యాక్ట్‌ చేశాను. ఈ సంక్రాంతికి వస్తున్న సినిమాలన్నీ హిట్టవ్వాలి. ‘బంగార్రాజు’ వాటిలో ముందుండాలి (నవ్వుతూ)’’ అని నాగచైతన్య అన్నారు. నాగార్జున, నాగచైతన్య హీరోలుగా కల్యాణ్‌ కృష్ణ దర్శకత్వంలో రూపొందిన చిత్రం ‘బంగార్రాజు: సోగ్గాడు మళ్లీ వచ్చాడు’. ఇందులో నాగార్జున సరసన రమ్యకృష్ణ, నాగచైతన్య సరసన కృతీ శెట్టి నటించారు. జీ స్టూడియోస్‌తో కలిసి నాగార్జున నిర్మించిన ఈ చిత్రం ఈ నెల 14న విడుదల కానుంది. ఈ సందర్భంగా నాగచైతన్య చెప్పిన విశేషాలు. ⇔ ‘బంగార్రాజు’లో చిన్న బంగార్రాజు పాత్రలో కనిపిస్తాను. అల్లరి చేసే క్యారెక్టర్‌ అన్న మాట. నా చిలిపి చేష్టలను అదుపులో పెట్టేందుకు మా తాతగారు (బంగార్రాజు) వస్తారు. ఇక నా తండ్రి రాము పాత్ర కూడా సినిమాలో ఉంటుంది. కథ రీత్యా రాము అమెరికాలో ఉండటం వల్ల ఫోన్లో మాట్లాడుకుంటున్నట్లుగానే చూపిస్తాం.  ⇔ ‘బంగార్రాజు’ క్యారెక్టర్‌ సవాల్‌గా అనిపించింది. ఈ పాత్ర కోసం ‘సోగ్గాడే చిన్ని నాయనా’ చిత్రాన్ని చాలాసార్లు చూశాను. బంగార్రాజు పాత్రలో నాన్నగారు ఎలాగైతే డైలాగ్స్‌ చెబుతారో అలానే ఆయన చేత ముందుగా చెప్పించుకుని ఆ వాయిస్‌ల ద్వారా నేను యాక్ట్‌ చేశాను. అలాగే ఈ చిత్రం కోసం కర్రసాము నేర్చుకున్నాను.  ⇔ నా కెరీర్‌లో సంక్రాంతికి వస్తున్న తొలి చిత్రం ఇది. పైగా ‘బంగార్రాజు’ వంటి సినిమాతో వస్తున్నప్పుడు ప్రేక్షకుల్లో అంచనాలు ఉంటాయి. వారి అంచనాలకు తగ్గట్లుగా, పండగ సినిమాలానే ‘బంగార్రాజు’ ఉంటుంది. ప్రతి పది నిమిషాలకో తమాషా ఉంటుంది. సర్పంచ్‌ నాగలక్ష్మీ పాత్రలో కృతీ శెట్టి బాగా చేసింది. మా అల్లరి, ఈగో క్లాషెస్‌లతో ఫస్టాప్‌ సాగితే.. సెకండాఫ్‌లో మా ఇద్దరి మధ్య ఉన్న హానెస్ట్‌ లవ్‌స్టోరీ కనిపిస్తుంది. ఈ చిత్రంలో కొంత గ్రాఫిక్స్‌ వర్క్‌ కూడా ఉంటుంది. సినిమా స్టార్టింగ్‌లోనే దేవుడి గుడిలోని ఓ సన్నివేశం ఆసక్తికరంగా ఉంటుంది. ⇔ విక్రమ్‌ కుమార్‌ దర్శకత్వంలో చేస్తున్న ‘థ్యాంక్యూ’లో నా క్యారెక్టర్‌లో త్రీ షేడ్స్‌ ఉన్నాయి. ఆయన దర్శకత్వంలోనే ఓ హారర్‌ బేస్డ్‌ వెబ్‌ సిరీస్‌ చేస్తున్నాను. నాకు హారర్‌ అంటే భయం. కానీ ప్రేక్షకులు కొత్తదనం కోరుకుంటున్నప్పుడు ఒక యాక్టర్‌గా ప్రయత్నించాల్సిందే. ⇔ పరశురామ్‌ దర్శకత్వంలో నేను హీరోగా చేయాల్సిన సినిమా ఉంటుంది. అలాగే దర్శకుడు విజయ్‌ కనక మేడల (‘నాంది’ సినిమా ఫేమ్‌) కథ చెప్పారు. స్క్రిప్ట్‌ డిస్కషన్స్‌ జరుగుతున్నాయి. సినిమా టికెట్‌ ధరల గురించి నాన్నతో చాలాసార్లు చర్చలు జరిగాయి. టికెట్‌ ధరల విషయంలో గత ఏడాది ఏప్రిల్‌ 8న ఏపీలో జీవో వచ్చిందనుకుంటున్నాను. మేం ‘బంగార్రాజు’ షూటింగ్‌ను ఆగస్టులో ఆరంభించాం. అప్పట్లో ఉన్న టికెట్‌ ధరలను దృష్టిలో పెట్టుకుని, దానికి తగ్గ బడ్జెట్‌లో ఈ సినిమా చేశాం. భవిష్యత్‌లో సినిమా టికెట్‌ ధరలు పెరిగితే మనకు బోనస్‌ అవుతుందని నాన్న అన్నారు. ‘థ్యాంక్యూ’ సినిమా అంటే నిర్మాత ‘దిల్‌’ రాజుగారు చూసుకుంటారు. నేను సినిమా చేసేముందు నిర్మాతతో మాట్లాడతాను. ఆయనకు కంఫర్ట్‌ అయితే నాకూ కంఫర్ట్‌. ఇక రాజకీయపరమైన నిర్ణయాలకు విభిన్నమైన కారణాలు ఉండొచ్చు. నేను దేనికీ వ్యతిరేకం కాదు. ఉన్న పరిస్థితులను బట్టి మనం ముందుకు వెళ్లాలి. విడాకులు ఇద్దరి మంచికే.. సమంతతో తన విడాకుల గురించి నాగచైతన్య మాట్లాడుతూ.. ‘‘ఫ్యామిలీ అంతా సపోర్ట్‌ చేశారు. అది ఇద్దరి (నాగచైతన్య, సమంత) మంచి కోసం తీసుకున్న నిర్ణయం. ఆమె హ్యాపీ.. నేనూ హ్యాపీ. ఈ పరిస్థితుల్లో ఇద్దరికీ ఇదే బెస్ట్‌ డెసిషన్‌ అనుకున్నాం’’ అన్నారు.

Krithi Shetty: ‘‘బంగార్రాజు’ కథని 2020లో విన్నాను. ఆ తర్వాతే ‘సోగ్గాడే చిన్ని నాయనా’ సినిమాను చూశాను. అందులోని కామెడీ టైమింగ్‌ నాకు బాగా నచ్చింది. ఆ రెఫరెన్స్‌తో ‘బంగార్రాజు’ చేసేటప్పుడు ఒత్తిడి అనిపించలేదు. సంక్రాంతి లాంటి చక్కని సినిమా ‘బంగార్రాజు’. ఇందులో తొలిసారి ఫోక్‌ సాంగ్‌ చేశాను’’ అని హీరోయిన్‌ కృతీశెట్టి అన్నారు. అక్కినేని నాగార్జున, రమ్యకృష్ణ, నాగచైతన్య, కృతీ శెట్టి కాంబినేషన్‌లో తెరకెక్కిన చిత్రం ‘బంగార్రాజు’. కల్యాణ్‌ కృష్ణ దర్శకత్వంలో అక్కినేని నాగార్జున నిర్మించిన ఈ చిత్రం ఈ నెల 14న  విడుదలవుతోంది. ఈ సందర్భంగా ‘బంగార్రాజు’లో నాగచైతన్యకి జోడీగా నటించిన కృతీశెట్టి విలేకరులతో మాట్లాడుతూ... ► ‘బంగార్రాజు’ లో నా పాత్ర నాగలక్ష్మి గురించి కల్యాణ్‌ కృష్ణగారు చెప్పినప్పుడు నవ్వేశాను. ఇలాంటివారు కూడా ఉంటారా? అనిపించింది. అందుకే ఈ పాత్ర చేయడానికి ఒప్పుకున్నా. సినిమా చూశాక ప్రేక్షకులు కూడా అలాగే ఫీలవుతారనుకుంటున్నా. బీటెక్‌ చదివిన గ్రామ సర్పంచ్‌గా చేశాను. నా పాత్ర ఫన్‌గా ఉంటుంది.  నాగార్జున సార్‌తో సినిమా అన్నప్పుడు ఎలా రిసీవ్‌ చేసుకుంటారో? అనిపించింది. కానీ ఆయన తోటి నటులపై చూపించిన గౌరవం, హుందాతనం చూసి ఆశ్చర్యపోయాను. నేను జూనియర్‌ అని కాకుండా తోటి టీమ్‌మేట్‌లా చూశారు. నాగచైతన్యగారు కూడా చాలా కూల్‌గా, సరదాగా ఉంటారు. ► నేను చదివిన సైకాలజీ సినిమా రంగానికి బాగా ఉపయోగపడింది. సైకాలజీ స్టూడెంట్‌గా అందర్నీ గమనిస్తుంటాను. నాగార్జున సార్‌ షాట్‌ లేనప్పుడు చాలా క్లాసీగా మాట్లాడతారు. షాట్‌ రెడీ అనగానే వెంటనే పాత్రలో లీనమవుతారు.. అది చాలా గ్రేట్‌. రమ్యకృష్ణగారి నుంచి కూడా చాలా నేర్చుకున్నాను. ► నేను గ్లిజరిన్‌ లేకుండా ఏడుపు సీన్స్‌ చేస్తాను. నటిగా ఎదగడానికి ఉపయోగపడే, నాకు నచ్చిన పాత్రలనే ఎంపిక చేసుకుంటాను. నాకు సంక్రాంతి గురించి పెద్దగా తెలీదు.. కానీ ‘బంగార్రాజు’ చేస్తున్నప్పుడు తెలిసింది. సంక్రాంతికి ఏ సినిమా విడుదలయినా చూస్తామని నాకు తెలిసిన తెలుగువారు చెప్పడంతో ఇక్కడివారు సినిమాని ఎంతగా ప్రేమిస్తారో అర్థమయింది. ► ‘ఆ అమ్మాయి గురించి మీకు చెప్పాలి’ సినిమా పూర్తి చేశాను. ప్రస్తుతం ‘మాచర్ల నియోజకవర్గం’, రామ్‌తో మరో సినిమా చేస్తున్నాను. లేడీ ఓరియంటెడ్‌ కథ ఇంకా ఫైనల్‌ కాలేదు. 

నాగార్జున, నాగ చైతన్య మల్టీస్టారర్లుగా నటిస్తున్న చిత్రం​ ‘బంగార్రాజు’. 'సోగ్గాడే చిన్నినాయనా' కి సీక్వెల్‌గా ఈ సినిమా రూపొందుతుంది. సంక్రాంతి కానుకగా జనవరి 14న ఈ చిత్రం రిలీజ్‌ అవుతున్న సంగతి తెలిసిందే. ఈ నేపథ్యంలో బంగార్రాజు మూవీ టీం ప్రమోషన్స్‌తో బిజీగా ఉంది. అంతేకాదు నాగార్జున్‌, నాగ చైతన్యలు వినూత్నం మూవీని ప్రమోట్‌ చేస్తున్నారు. ఈ క్రమంలో తాజాగా బంగార్రాజు మూవీ ట్రైలర్‌ విడుదల చేశారు మేకర్స్‌.  చదవండి: సల్మాన్‌ ఖాన్‌తో సీక్రెట్‌ డేటింగ్‌, క్లారిటీ ఇచ్చిన నటి సమంత.. ఇక ట్రైలర్‌ విషయానికి వస్తే.. ఈ బంగార్రాజులుగా తండ్రికోడులు ఇద్దరూ ఒకే ఫ్రేంలో ఫిదా చేస్తున్నారని చెప్పొచ్చు. ఎన్నడూ చూడని విధంగా ఈ మూవీతో చై బాగా ఆకట్టుకొనున్నాడని ట్రైలర్‌ చూస్తుంటే అర్థమవుతోంది. బుల్లెట్‌ బండిపై చై ఇచ్చి ఎంట్రీ ఫిదా చేస్తోంది. పల్లెటూరి నేపథ్యంలో సాగే ఈ చిత్రంలో నాగ్‌, చైలు తమ యాస, మ్యానరిజంతో అందరిని ఆకట్టుకుంటున్నారు. ఇక కృతీశెట్టి పాత్ర ఈ సినిమాలో బాగా అలరించనున్నట్లు తెలుస్తోంది. సర్పంచ్‌గా పోటీ చేస్తూ స్టేజ్‌పై కృతీ ఇచ్చే ప్రసంగం మంచి కామెడీ టచ్‌ ఇవ్వనున్నట్లు కనిపిస్తోంది. చదవండి: స్టార్‌ హీరోకు బాబాయ్‌గా హీరో రాజశేఖర్‌!, ఏ సినిమాలో అంటే.. ఇలా మొత్తానికి అన్ని కమర్షియల్‌ హంగులతో, కామెడీ, రొమాంటిక్‌, యాక్షన్‌ సీన్స్‌తో బంగార్రాజు ట్రైలర్‌ను మేకర్స్‌ ఆసక్తిగా మలిచారు. ట్రైలర్‌ చూస్తుంటే సినిమాపై మరింత హైప్‌ క్రియేట్‌ చేసేలా ఉంది. ఈ సంక్రాంతి అక్కినేని బంగార్రాజులు హిట్‌ కొట్టడం ఖాయం అనిపిస్తోంది.  కాగా గతంలో వచ్చిన సోగ్గాడే చిన్నినాయనా చిత్రానికి సీక్వెల్‌ బంగర్రాజు మూవీ తెరకెక్కింది. అన్నపూర్ణ స్టూడియోస్‌, జీ స్టూడియోస్‌ సంస్థలు సంయుక్తంగా ఈ చిత్రాన్ని నిర్మించాయి. ఈ సినిమాకు అనూప్‌ రూబెన్స్‌ సింగీతం అందించాడు

Naga Chaitanya And Daksha Cute Expressions Video In Bangarraju Event: నాగార్జున, నాగ చైతన్య మల్టీస్టారర్లుగా నటిస్తున్న చిత్రం​ ‘బంగార్రాజు’. 'సోగ్గాడే చిన్నినాయనా' కి సీక్వెల్‌గా ఈ సినిమా రూపొందుతుంది. సంక్రాంతి కానుకగా జనవరి 14న ఈ చిత్రం రిలీజ్‌ అవుతున్న సంగతి తెలిసిందే. ఈ నేపథ్యంలో ప్రమోషన్స్‌ జోరు పెంచిన చిత్ర బృందం గత రాత్రి(సోమవారం) మ్యూజికల్‌ నైట్స్‌ అనే ఈవెంట్‌ని నిర్వహించింది. ఈ సందర్భంగా స్టేజ్‌పై నాగార్జున మాట్లాడుతుండగా ఓ ఫన్నీ ఇన్సిడెంట్‌ చోటుచేసుకుంది. మ్యూజిక్‌ గురించి అనూప్‌ రూబెన్స్‌ని నాగార్జున ప్రశంసిస్తుంటే.. సడెన్‌గా నాగ చైతన్య వెనక్కి తిరిగి హీరోయిన్‌ దక్ష నాగర్కర్‌ వైపు చూశాడు. దీంతో ఆమె కూడా కనుబొమ్మలు ఎగరేస్తూ కొంటెగా నవ్వింది. దీంతో చైతూ కూడా సిగ్గుపడిపోయాడు. దీనికి సంబంధించిన క్యూట్‌ వీడియో ప్రస్తుతం నెట్టింట తెగ వైరల్‌ అవుతుంది. ఒక్కోసారి సడెన్‌ ఇన్సిడెంట్స్‌ కూడా క్యూట్‌గా ఉంటాయి అంటూ నెటిజన్లు కామెంట్లు చేస్తున్నారు. కాగా ఈ సినిమాలో రమ్యకృష్ణ, కృతిశెట్టిలతో పాటు 8మంది హీరోయిన్లు సందడి చేయనున్న విషయం తెలిసిందే.  • Men Will Be Men 😜#NagaChaitanya || #Bangarraju #BangarrajuOnJan14th pic.twitter.com/J6xaQf9GZT — ChayAkkineni ™ 🏹 (@massChayCults) January 10, 2022

‘‘బంగార్రాజు’ చిత్రంలో ప్రతి పాట ఓ వజ్రంలా ఉంటుంది. ఇది సూపర్‌ హిట్‌ ఆల్బమ్‌. లిరిక్‌ రైటర్స్‌ మంచి సాహిత్యాన్ని ఇచ్చారు. తెలుగు భాష ఉన్నంత వరకు సాహిత్యం ఉంటుంది’’ అని నాగార్జున అన్నారు. కల్యాణ్‌ కృష్ణ దర్శకత్వంలో నాగార్జున, నాగచైతన్య, రమ్యకృష్ణ, కృతీ శెట్టి నటించిన చిత్రం ‘బంగార్రాజు’. నాగార్జున నిర్మించిన ఈ సినిమా ఈ నెల 14న విడుదలవుతోంది. ఈ సందర్భంగా హైదరాబాద్‌లో నిర్వహించిన ‘బంగార్రాజు మ్యూజికల్‌ నైట్‌’ లో నాగార్జున మాట్లాడుతూ– ‘‘అభిమానులందర్నీ ఇక్కడకు పిలవలేకపోయినందుకు క్షమించాలి. జనవరి 14 అన్నపూర్ణ స్టూడియోకు చాలా ముఖ్యమైన తేది. అదే రోజున అన్నపూర్ణ పుట్టింది. యాభై ఏళ్ల క్రితం ‘దసరా బుల్లోడు’తో నాన్నగారు(అక్కినేని నాగేశ్వరరావు) సంక్రాంతికి దుమ్ములేపారు.. ఆ చిత్రం కూడా మ్యూజికల్‌ హిట్‌. సినిమా సక్సెస్‌లో సగ భాగం మ్యూజిక్‌దే. ఆ సగం సక్సెస్‌ను అనూప్‌కు ఇస్తున్నాం. జనవరి 11న ‘బంగార్రాజు’ ట్రైలర్‌ రాబోతోంది. జనవరి 14 పండుగ రోజున పండుగలాంటి ‘బంగార్రాజు’ ను తీసుకొస్తున్నాం’’ అన్నారు. నాగ చైతన్య మాట్లాడుతూ– ‘‘బంగార్రాజు’ ఆడియోను పెద్ద సక్సెస్‌ చేసిన ప్రేక్షకులకు థ్యాంక్స్‌. అనూప్‌ అద్భుతమైన ఆల్బమ్‌ ఇచ్చారు. మా లిరిక్‌ రైటర్స్‌కి థ్యాంక్స్‌. ఇది పండుగ లాంటి సినిమా. అందరూ చూసి ఎంజాయ్‌ చేసేలా ఉంటుంది’’ అన్నారు. (మరిన్ని ఫొటోల కోసం ఇక్కడ క్లిక్ చేయండి) కల్యాణ్‌ కృష్ణ మాట్లాడుతూ–‘‘సినిమా సక్సెన్‌ స్థాయిని నిర్ణయించేది సంగీతమే. ‘బంగార్రాజు’ కు ఇంత మంచి సంగీతం ఇచ్చిన అనూప్‌ రూబెన్స్‌కి థ్యాంక్స్‌. నాగ్‌ సర్‌ ప్రతి సినిమా మ్యూజికల్‌గా బ్లాక్‌బస్టరే. ‘బంగార్రాజు’  పాటలు కూడా అలాగే ఉంటాయి. ఇండస్ట్రీలో బంగార్రాజు అంటే నాగ్‌ సారే.. ఇప్పుడు ఆయ నకు పోటీగా చిన్న బంగార్రాజు(నాగచైతన్య) ఎక్కడా తగ్గలేదు’’ అన్నారు. ‘‘ఈ మ్యూజికల్‌ నైట్‌తోనే సంక్రాంతి ప్రారంభమైనట్టుంది’ అని నిర్మాత జీ స్టూడియోస్‌ ప్రసాద్‌ అన్నారు. హీరోలు సుమంత్, సుశాంత్, నిర్మాత నాగ సుశీల, కెమెరామేన్‌ యువరాజ్, హీరోయిన్లు ఫరియా అబ్దుల్లా, దక్ష నగార్కర్‌ మాట్లాడారు.

Bigg Boss Fame Lahari Interview With Bangarraju Team: బిగ్‌బాస్‌ సీజన్‌-5లో లేడీ అర్జున్‌రెడ్డిగా సుపరిచితం అయిన బ్యూటీ లహరి షారి. అప్పటివరకు పెద్దగా గుర్తింపు లేని ఈ అమ్మడికి బిగ్‌బాస్‌ షోతో బోలెడంత ఫాలోయింగ్‌ పెరిగిపోయింది. బిగ్‌బాస్‌ అనంతరం వస్తున్న ఆఫర్లను అందిపుచ్చుకుంటూ బిజీగా మారిన ఈ బ్యూటీ తాజాగా కింగ్‌ నాగార్జున, నాగా చైతన్యలతో కలిసి ప్రైవేట్‌ జెట్‌లో ప్రయాణించింది. బంగార్రాజు సినిమా సంక్రాంతి కానుకగా విడుదల కానున్న నేపథ్యంలో మూవీ టీం ప్రమోషన్స్‌ జోరు పెంచింది. ఇందులో భాగంగా తమను ప్రైవేట్‌ జెట్‌లో ఇంటర్వ్యూ చేసే అద్భుత అవకాశం లహరి చేతికందింది. దీంతో యమ హుషారుతో బంగార్రాజులతో సరదాగా ముచ్చటించింది. ఈ సందర్భంగా చై, నాగార్జునలతో కలిసి దిగిన ఫోటోలను షేర్‌ చేస్తూ.. 'కలలు నిజమవుతాయి. నా కల నెరవేరింది. మీలాంటి గొప్ప వ్యక్తులతో ఒక రోజంతా గడిపేందుకు అవకాశం ఇచ్చిన నాగార్జున సర్‌, చై సార్‌లకు ధన్యవాదాలు. లవ్‌ అక్కినేనిస్‌' అంటూ ఇన్‌స్టాగ్రామ్‌లో రాసుకొచ్చింది.  View this post on Instagram A post shared by Lahari Shari (@lahari_shari)

Krithi Shetty And Other 8 Heroines Adds Bangarraju Glamour : 'సోగ్గాడే చిన్నినాయనా' వంటి హిట్‌ తర్వాత నాగార్జున హీరోగా కల్యాణ్‌ కృష్ణ దర్శకత్వంలో తెరకెక్కుతోన్న చిత్రం ‘బంగార్రాజు’.‘సోగ్గాడు మళ్ళీ వచ్చాడు’ అన్నది క్యాప్షన్‌. ఈ మూవీలో నాగచైతన్య మరో హీరోగా నటిస్తున్నారు. నాగార్జున సరసన రమ్యకృష్ణ, నాగ చైతన్యకి జోడీగా కృతీశెట్టి నటిస్తున్నారు. సంక్రాంతి కానుకగా జనవరి 14న ఈ చిత్రం విడుదల కానుంది. ఇప్పటికే సెన్సార్‌ పూర్తి చేసుకున్న ఈ సినిమాపై భారీ అంచనాలున్నాయి. ఇదిలా ఉండగా ఈ చిత్రంలో ఒకరు కాదు.. ఏకంగా 8మంది హీరోయిన్లు సందడి చేయనున్నారట. ఇందులో రమ్యకృష్ణ, కృతిశెట్టి మెయిన్‌ లీడ్స్‌ కాగా ఫరియా అబ్దుల్లా స్పెషల్‌ సాంగ్‌లో కనిపించింది. వీళ్లతో పాటు మీనాక్షి దీక్షిత్‌, దర్శన బానిక్‌, వేదిక, దక్ష నాగార్కర్‌, సిమ్రత్‌ కౌర్‌ వంటి హీరోయిన్లు కూడా కనిపించనున్నట్లు తెలుస్తుంది. గతంలో నాగార్జున నటించిన కింగ్‌ సినిమాలోని ఒక పాటలో ఏకంగా ఇండస్ట్రీలోని టాప్‌ హీరోయిన్స్‌ సందడి చేసిన సంగతి తెలిసిందే.   

టాలీవుడ్‌ మన్మథుడు అక్కినేని నాగార్జున 'బంగార్రాజు'గా మరోసారి సందడి చేయనున్నారు. 'సోగ్గాడే చిన్ని నాయనా' చిత్రానికి సీక్వెల్‌గా రాబోతున్న ఈ సినిమాకు 'సోగ్గాడు మళ్లీ వచ్చాడు' అనేది క్యాప్షన్‌. ఇందులో నాగార్జున తనయుడు అక్కినేని నాగ చైతన్య మరో హీరోగా నటిస్తున్న సంగతి తెలిసిందే. అలాగే నాగార్జున సరనస రమ్యకృష్ణ నటించగా.. చైకు జంటగా కృతి శెట్టి అలరించనుంది. అన్నపూర్ణ స్టూడియోస్, జీ స్టూడియోస్ సంయుక్తంగా నిర్మిస్తున్న ఈ చిత్రానికి నాగార్జున నిర్మాతగా వ్యవహరించారు. కళ్యాణ్‌ కృష్ణ దర్శకత్వంలో తెరకెక్కుతున్న ఈ చిత్రం సంక్రాంతి కానుకగా జనవరి 14న ప్రేక్షకుల ముందుకు రానుంది. ఈ సందర్భంగా శనివారం డైరెక్టర్‌ తన అనుభవాలను పంచుకున్నారు.  మా మధ్య మంచి ర్యాపో ఉంది.. 2014లో మొదటగా నాగార్జునకు సోగ్గాడే కథను నెరేట్ చేశాను. 2016లో 'సోగ్గాడే చిన్ని నాయనా' సినిమా రిలీజ్ అయింది. ఆ రోజే బంగార్రాజు సినిమా చేయాలని ఫిక్స్ అయ్యాం. మధ్యలో చైతన్యతో ఓ సినిమాను తీస్తే నాగార్జున గారే నిర్మించారు. మొదటి నుంచి కూడా మా మధ్య మంచి ర్యాపో ఉంది. ప్రతీ విషయంలో ఆయన నాకు సపోర్ట్ చేస్తూనే వచ్చారు. మా ఇద్దరి మధ్య అండర్ స్టాండింగ్ ఉంది. నేను ఏం చెప్పాలని అనుకుంటున్నానో ఆయనకు అర్థమవుతుంది. ఆయన ఏం చెప్పాలని అనుకుంటున్నారో నాకు అర్థమవుతుంది. మా మధ్య కమ్యూనికేషన్ గ్యాప్ లేదు. ఆ లైన్‌ నాది కాదు.. సోగ్గాడే చిన్న నాయనా లైన్ నాది కాదు. రామ్ మోహన్ గారి పాయింట్ అది. వేరే దర్శకుడిని ముందుగా అనుకున్నారు. నేను వేరే సినిమా కోసం నాగార్జున గారికి ఓ కథ వినిపించాను. అయితే ఆ కథ నా వద్దకు వచ్చింది. ఓ పదిహేను రోజులు ఆ కథ మీద కూర్చున్నాను. ఆ తరువాత కథను నాగార్జున గారికి వినిపించాను. ఫస్ట్ నెరేషన్‌లోనే ఒకే అయింది. అప్పుడే చేయాలనుకున్నాం.. సోగ్గాడే చిన్ని నాయన సినిమా విడుదలైన రోజే బంగార్రాజు సినిమా చేయాలని అనుకున్నాం. కానీ చైతన్యతో ముందు ఓ సినిమా చేయమని నాగార్జున గారు అన్నారు. కానీ అప్పటికే నాగ చైతన్య గారు సవ్యసాచి, శైలజా రెడ్డి అల్లుడు సినిమాలకు కమిట్‌ అయ్యారు. ఆ గ్యాప్‌లో నేను 'నేల టికెట్' సినిమాను చేశాను. కరోనా వల్ల ఈ సినిమా ఇంకా లేట్ అయింది. ఇది ప్రీక్వెల్ కాదు సోగ్గాడే సినిమాకు సీక్వెల్‌గా బంగార్రాజు రాబోతోంది. ప్రీక్వెల్ కాదు. రెండు సినిమాలను కలిపి చూస్తే ఐదు గంటలు అవుతుంది. సోగ్గాడే ఎక్కడ ఎండ్ అయిందో.. బంగార్రాజు అక్కడ మొదలవుతుంది.  పాత్రల్లో తేడా ఉండదు.. జనరేషన్ తేడా ఉంటుంది తప్పా బంగార్రాజు పాత్రలో తేడా ఉండదు. బంగార్రాజు మనవడిగా చైతూ కనిపిస్తారు. పెద్ద బంగార్రాజు పాత్ర ఎలా ఉండేదో.. చిన్న బంగార్రాజు పాత్ర కూడా అలానే ఉంటుంది.  మూడు దశల్లో ఉండే ప్రేమ కథ జీవితంలో మూడు దశల్లో ఉండే ప్రేమ కథతో ఓ సినిమా అనుకున్నాను. అందులో యంగ్ పాత్రలో నాగ చైతన్య, మిగిలిన పాత్రలో నాగార్జున అని అనుకున్నాను. ఆ కథ అయితే ఉంది. ఎప్పుడు చేస్తానో తెలీదు. అదే పెద్ద సవాల్‌ అనుకున్న సమయానికి ఈ సినిమాను రెడీ చేయడమే పెద్ద సవాల్‌గా అనిపించింది. వేరే సినిమాలతో కాకుండా సోగ్గాడే చిన్ని నాయనా సినిమాతో అందరూ పోల్చుతారు. వీఎఫ్ఎక్స్‌ కూడా చాలా ఎక్కువే ఉంటుంది. అలా కాలంతో పాటుగా పరిగెత్తాల్సి వచ్చింది. పండుగల ఉందన్నారు సినిమాను ప్రారంభించడమే సంక్రాంతి టార్గెట్‌తో స్టార్ట్ చేశాం. ముందు నుంచి సంక్రాంతికి అనుకున్నాం. కానీ డేట్ మాత్రం ఫిక్స్ చేయలేదు. టీం అంతా కలిసి పని చేశాం. అందరూ ఒకే సింక్‌లో ఉండేవాళ్లం. అందుకే ఈజీగా చేశాం. ఎక్కడా కూడా మిస్ అండర్‌స్టాండిగ్ రాలేదు. మొన్నే సెన్సార్ అయింది. జీరో కట్స్‌తో  యూఏ సర్టిఫికేట్ వచ్చింది. సినిమా పండుగలా ఉందని అన్నారు.  ఇద్దరి పాత్రలు సమానంగా ఉంటాయి ఇద్దరిలో ఎవ్వరూ తగ్గకూడదు. అందుకే స్క్రిప్ట్‌కు ఇంత సమయం పట్టింది. మొదట్లో కొంత మంది నాగ చైతన్యది గెస్ట్ కారెక్టర్ అని రాశారు. రెండు పాత్రలు సమానంగా ఉంటాయి. ఇద్దరూ హీరోలకు ప్రతీ ఎమోషన్ సమానంగా ఉంటుంది. సెంటిమెంట్‌ కోసం కాదు పాటలో ఫన్ ఉంటే నాగార్జున గారు ఫుల్ ఎంజాయ్ చేస్తారు. అందులో కళ్లు మీద పాట పాడారు. ఇందులో కబడ్డీ మీద పాట పాడారు. ఈ పాట ఎవరు పాడినా ఎంజాయ్ చేస్తారు. కానీ ఆయన పాడితే ఇంకాస్త ఎక్కువ ఎంజాయ్ చేస్తారు. అందుకే నాగార్జున గారితో పాడించాం. సెంటిమెంట్ కోసం కాదు. అఖిల్‌తో కష్టం.. అఖిల్‌తో బంగార్రాజుకు సీక్వెల్ అంటే కష్టం. ముందు కథ రాసిన నేను సంతృప్తి చెందాలి. ఆ తరువాత వారిని మెప్పించాలి.  ఎగ్జైట్ చేసే పాయింట్ దొరికితే ఉండొచ్చు. కానీ ఇప్పటి వరకు అలాంటి ఆలోచన అయితే లేదు.  జనవరి 9న మ్యూజికల్ ఈవెంట్ ఈ సినిమాకు సంగీతమే ప్రధాన బలం. ఇప్పటి వరకు మూడు పాటలు వచ్చాయి. ఇంకా మూడు పాటలు రానున్నాయి. దేనికదే ప్రత్యేకంగా ఉంటుంది. ఆడియో ఎంత బాగుంటుందో.. మేకింగ్ పరంగా కూడా అంతే బాగుంటుంది. ఆర్ఆర్ అద్బుతంగా ఉంటుంది. మాకే కంట్లో నీళ్లు తిరిగాయి. జనవరి 9న మ్యూజికల్ ఈవెంట్ ఉంది. అందులోనే పాటలు విడుదల చేస్తాం. పంచెకట్టు పెట్టడానికి కారణం అదే నేటివిటీ ఉండాలి.. దర్జాగా ఉండాలి అనే ఆలోచనల నుంచే బంగార్రాజు గెటప్‌ను అనుకున్నాం. సూట్, బూట్ వేసుకుంటే బయట అందరూ ఫాలో అవ్వలేరు. అందుకే అందరికీ సింపుల్‌గా అనిపించాలనే పంచెకట్టుని పెట్టాం. రమ్యకృష్ణ పాత్ర కంటిన్యూ అవుతుంది సినిమాలో ఐదు యాక్షన్ సీక్వెన్స్‌లుంటాయి. అందులో నాలుగు రామ్ లక్ష్మణ్ మాస్టర్స్ కంపోజ్ చేశారు. ఇంకోటి ఆర్కే చేశారు. యాక్షన్ సీక్వెన్స్‌లు ఇద్దరు హీరోలకు సమానంగా ఉంటాయి. చాలా తెలివైనదాన్ని అని అనుకునే అమాయకురాలి పాత్రలో కృతి శెట్టి కనిపిస్తుంది. విలేజ్‌లో ఉండి, బీటెక్ చదివి తనలాంటి తెలివైన అమ్మాయిలు ఊర్లో లేరని అనుకునే పాత్రలో నటించింది. సోగ్గాడే చిన్ని నాయనా సినిమాలో ఉన్నట్టుగా రమ్యకృష్ణ గారి పాత్ర కంటిన్యూ అవుతుంది. ఎమోషన్‌ ఉంటేనే.. ప్రతీ దర్శకుడి అన్ని రకాల సినిమాలను చేయాలని ఉంటుంది. నేను తర్వాత చేసే సినిమా మాత్రం ఈ జానర్‌లో ఉండదు. ఏ సినిమా చేసినా కూడా ఎమోషన్ మాత్రం ఉండాలి. ఎమోషన్ కనెక్ట్ అయితేనే సినిమా హిట్ అవుతుంది. కామెడీ సినిమా అయినా కూడా ఎమోషనల్‌గా టచ్ అవ్వాల్సిందే. ఈవీవీ గారి సినిమాల్లో కామెడీ ఉన్నా కూడా ఎమోషన్ ఉంటుంది. ఆ ఆలోచనలు లేవు జ్ఞానవేల్ రాజా గారితో ఓ సినిమా ఉంటుంది. కథ, హీరో అనేది ఇంకా నిర్ణయించలేదు. హీరోను బట్టి ద్విభాష చిత్రంగా ఉండొచ్చు. కానీ నేను మాత్రం తెలుగు ప్రేక్షకులను దృష్టిలో పెట్టుకునే సినిమాను తీస్తాను. నాకు పాన్ ఇండియన్ ఆలోచనలు లేవు. ప్రస్తుతం సినిమాల మీదే ఫోకస్ పెట్టాను. వెబ్ సిరీస్‌ల గురించి ఆలోచించడం లేదు. 

‘‘బంగార్రాజు’ లాంటి పెద్ద సినిమాకి చాలా సమయం పడుతుంది. అయితే నాలుగు నెలల్లోనే షూటింగ్‌ పూర్తయింది. ఈ చిత్రాన్ని అనుకున్న సమయానికి విడుదల చేయాలని నాతోపాటు సాంకేతిక నిపుణులందరూ పని చేశారు. రీ రికార్డింగ్‌ కోసం రోజుకు 20 గంటలు పని చేశాం’’ అని సంగీత దర్శకుడు అనూప్‌ రూబెన్స్‌ అన్నారు. అక్కినేని నాగార్జున, రమ్యకృష్ణ, నాగచైతన్య, కృతీ శెట్టి కాంబినేషన్‌లో కల్యాణ్‌ కృష్ణ దర్శకత్వంలో తెరకెక్కిన చిత్రం ‘బంగార్రాజు’. అన్నపూర్ణ స్టూడియోస్, జీ స్టూడియోస్‌ పతాకాలపై నాగార్జున నిర్మించిన ఈ చిత్రం ఈ నెల 14న విడుదలవుతోంది. ఈ సందర్భంగా అనూప్‌ రూబెన్స్‌ విలేకరులతో చెప్పిన విశేషాలు.. ‘సోగ్గాడే చిన్నినాయనా’ సినిమా మ్యూజికల్‌గా బ్లాక్‌ బస్టర్‌ అయింది. ఆ సినిమాకి ప్రీక్వెల్‌గా వస్తున్న ‘బంగార్రాజు’ పాటలతో ఆ సినిమా పాటలకు పోలికలు పెడతారు. ‘‘సోగ్గాడే చిన్నినాయనా’తో మనకు ఓ బెంచ్‌ మార్క్‌ ఉంది.. దాన్ని ‘బంగార్రాజు’తో రీచ్‌ అవ్వాలి’’ అని నాగ్‌ సార్‌ అన్నారు. ప్రేక్షకుల అంచనాలు అందుకునేందుకు ఒకటికి పదిసార్లు ఆలోచించి సంగీతం ఇచ్చాను. ∙‘బంగార్రాజు’ పూర్తిగా గ్రామీణ నేపథ్యంలో ఉంటుంది. ఒక్క పాట కూడా వెస్ట్రన్‌ టైప్‌లో ఉండదు. అన్నీ కూడా ట్రెడిషనల్‌గా, పల్లెటూరి వాతావరణంలోనే ఉంటాయి. ఈ సినిమా కోసం కల్యాణ్‌ కృష్ణ చాలా కష్టపడ్డారు. ఎక్కడా టెన్షన్‌ పడకుండా ఓ టార్గెట్‌ పెట్టుకుని ఇంత పెద్ద సినిమాను పూర్తి చేయడం చాలా కష్టమైన పని. క్వాలిటీ, మ్యూజిక్, ఎడిటింగ్, సీజీ వర్క్‌.. ఇలా ఎక్కడ కూడా రాజీ పడలేదు. ∙‘బంగార్రాజు’లో ఇప్పటి వరకు విడుదలైన ‘లడ్డుందా, నా కోసం, వాసివాడి తస్సాదియ్యా..’ పాటలకు మంచి స్పందన వచ్చింది. మరో మూడు పాటలను రిలీజ్‌ చేస్తాం. నాగార్జున సార్‌ సాంకేతిక నిపుణులకు మంచి ఫ్రీడమ్‌ ఇస్తారు. ఆయనతో పని చేయడం ప్రోత్సాహకంగా ఉంటుంది. నేను సంగీతం అందించిన ‘శేఖర్‌’ సినిమా రిలీజ్‌కి రెడీగా ఉంది. విక్రమ్‌ కె.కుమార్‌తో చేస్తోన్న సినిమా ఫిబ్రవరిలో రిలీజ్‌ అవుతుంది.

‘‘ఏపీలోని సినిమా టికెట్‌ ధరల విషయంలో నాకు ఏ ఇబ్బంది లేదు.. నా సినిమాకు ఇబ్బంది లేదు. టికెట్ల ధరలు తక్కువ ఉంటే తక్కువ డబ్బులు వస్తాయి. ఎక్కువ ఉంటే కాస్త ఎక్కువగా వస్తాయి. టికెట్ల ధరలు పెరుగుతాయని సినిమాని జేబులో పెట్టుకుని కూర్చోలేం. నెంబర్స్‌ ప్రతి ఏడాది మారుతూనే ఉంటాయి. ఈ నెంబర్‌ గేమ్స్‌ నుంచి నేనెప్పుడో బయటకు వచ్చాను’’ అని నాగార్జున అన్నారు. నాగార్జున, నాగచైతన్య హీరోలుగా కల్యాణ్‌ కృష్ణ కురసాల దర్శకత్వంలో రూపొందిన చిత్రం ‘బంగార్రాజు: సోగ్గాడు మళ్లీ వచ్చాడు’. అన్నపూర్ణ స్టూడియోస్, జీ స్టూడియోస్‌ పతాకాలపై నాగార్జున నిర్మించారు. బుధవారం జరిగిన ఈ సినిమా ప్రెస్‌మీట్‌లో నాగార్జున మాట్లాడుతూ – ‘‘ఇంత పెద్ద సినిమాను టైమ్‌కు రిలీజ్‌ చేయగలమా అనుకున్నాం. కానీ మా సినిమా రిలీజ్‌ డేట్‌ను నిన్ననే (మంగళ వారం) ఫిక్సయ్యాం. జనవరి 14న ‘బంగార్రాజు’ని విడుదల చేస్తున్నాం. సినిమా ఇంత తొందరగా ఎలా పూర్తయిందో నాక్కూడా తెలియడం లేదు. ఇందులో ఏదో సూపర్‌ పవర్‌ ఉంది. నా టీమ్‌ కృషి వల్లే ఈ సినిమా రిలీజ్‌ డేట్‌ను ప్రకటించగలిగాం. ఈ సినిమాకు సంబంధించిన డబ్బింగ్‌ వర్క్స్‌తో బిజీగా ఉండటం వల్లే నాగచైతన్య ఈ కార్యక్రమానికి రాలేకపోయాడు. ఇక ఈ సినిమా విడుదల గురించి నెగటివ్‌ ఆలోచనలు లేవు. నేనెప్పుడూ పాజిటివ్‌ ఆలోచనలతోనే ముందుకు వెళతాను. ముందుగా రిలీజ్‌ డేట్‌ను ప్రకటిద్దాం. ఆ తర్వాత ఏం జరుగుతుందో ఆ దేవుడే చూసుకుంటాడు’’ అని అన్నారు. ఇంకా మాట్లాడుతూ – ‘‘ఆర్‌ఆర్‌ ఆర్‌’, ‘రాధేశ్యామ్‌’ విడుదల వాయిదా పడటం బాధగా ఉంది. వాళ్లెంత కష్టపడ్డారో నాకు తెలుసు. అయినా ‘ఆర్‌ఆర్‌ఆర్‌’, ‘రాధేశ్యామ్‌’ ఉన్నా కూడా ‘బంగార్రాజు’ను విడుదల చేసేవాళ్లం. సంక్రాంతికి కనీసం మూడు సినిమాలు రావాలి. 2016 సంక్రాంతికి ‘సోగ్గాడే చిన్ని నాయనా’ సినిమా వచ్చినప్పుడు కూడా 4 సినిమాలు విడుదలయ్యాయి. నా కెరీర్‌కు ‘ప్రెసిడెంట్‌గారి పెళ్లాం, జానకిరాముడు’లా నాగచైతన్యకు ‘బంగార్రాజు’ ప్లస్‌ అవుతుందని నమ్ముతున్నాను’’ అన్నారు నాగార్జున. ‘‘ఈ సినిమాలో నాగార్జునగారికి, నాగచైతన్యలకు సమానమైన సన్నివేశాలు ఉంటాయి. ప్రసాద్‌గారు నాకు సోదరుడు వంటివారు. బాగా సహకరించారు. అనూప్‌ రూబెన్స్‌ అద్భుతమైన పాటలు అందించారు’’ అని కల్యాణ్‌ కృష్ణ అన్నారు. ‘‘నాగార్జునగారి ఎనర్జీని ఎవ్వరితోనూ మ్యాచ్‌ చేయలేం. చైతన్యతో పని చేయడం ఈజీ. సర్పంచ్‌ నాగలక్ష్మి (సినిమాలో కృతీ పాత్ర పేరు) పటాకాలా అనిపిస్తుంది. ఈ పాత్రను ఎంజాయ్‌ చేస్తూ చేశాను’’ అని కృతీ శెట్టి అన్నారు. ‘‘బంగార్రాజు’ సినిమా ఆఫర్‌ మాకు రావడంతో ఇది నిజంగానే బంగారం లాంటి సినిమా అనుకున్నాం. నాగార్జునగారు, నాగచైతన్య కలిసి నటించడంతో సినిమా ఇంకా ప్రతిష్టాత్మకంగా మారింది’’ అని జీ అధినేత ప్రసాద్‌ అన్నారు. ‘‘లడ్డుందా, వాసివాడి తస్సాదియ్యా’ పాటలకు మంచి స్పందన వచ్చింది. ‘సోగ్గాడే..’లో ‘డిక్క డిక్క డుం డుం..’ పాటను నాగ్‌ సార్‌తో పాడించాం. ఇందులో కూడా పాడించాలని అనుకున్నాం. ‘లడ్డుందా...’ పాట విన్నాక మొత్తం పాడేస్తా అన్నారు నాగార్జునగారు’’ అని సంగీతదర్శకుడు అనూప్‌ రూబెన్స్‌ అన్నారు.   

'సోగ్గాడే చిన్నినాయనా' వంటి హిట్‌ తర్వాత నాగార్జున హీరోగా కల్యాణ్‌ కృష్ణ దర్శకత్వంలో తెరకెక్కుతోన్న చిత్రం ‘బంగార్రాజు’. ‘సోగ్గాడు మళ్ళీ వచ్చాడు’ అన్నది ఉపశీర్షిక. ఈ మూవీలో నాగచైతన్య మరో హీరోగా నటిస్తున్నారు. నాగార్జున సరసన రమ్యకృష్ణ, నాగ చైతన్యకి జోడీగా కృతీశెట్టి నటిస్తున్నారు. శనివారం ఈ సినిమా టీజర్‌ రిలీజైంది. ఇందులో కృతీశెట్టిని పడగొట్టేందుకు నాగచైతన్య రకరకాలుగా ప్రయత్నిస్తున్నట్లు కనిపిస్తోంది. టీజర్‌ చూస్తుంటే తండ్రిని మించిన సోగ్గాడిగా మారినట్లు తెలుస్తోంది. 'నువ్వు ఈ ఊరికే సర్పంచ్‌వి కాదు, మన రాష్ట్రానికి సర్పంచ్‌ కావాలి, దేశానికి సర్పంచ్‌వి కావాలి' అంటున్న డైలాగులు నవ్వులు పూయిస్తున్నాయి. మొత్తానికి ఈ సినిమాలో చై కూడా సోగ్గాడిగా మారినట్లు కనిపిస్తోంది. ఇక ఈ సినిమాలోని ప్రత్యేక పాటలో ఫరియా అబ్దుల్లా స్టెప్పులేసిన విషయం తెలిసిందే. జీ స్టూడియోస్‌ సమర్పణలో అన్నపూర్ణ స్టూడియోస్‌ పతాకంపై అక్కినేని నాగార్జున నిర్మిస్తున్నాడు.

Bangarraju Movie Wrap The Shooting: అక్కినేని నాగార్జున ప్రధాన పాత్రలో డైరెక్టర్ కళ్యాణ్ కృష్ణ తెరకెక్కిస్తున్న చిత్రం ‘బంగార్రాజు’.  'సోగ్గాడు మళ్లీ వచ్చాడు' అనేది సినిమా క్యాప‍్షన్‌. గతంలో వచ్చిన 'సోగ్గాడే చిన్ని నాయనా' సినిమాకు సీక్వెల్‌గా ఈ మూవీ తెరకెక్కుతోంది. ఇందులో నాగార్జున తనయుడు అక్కినేని నాగచైతన్య మరో హీరోగా నటిస్తున్నాడు. బంగార్రాజులో చైకి జోడిగా ఉప్పెన బ్యూటీ కృతి శెట్టి నటిస్తుండగా.. నాగ్‌తో రమ్య కృష్ణ మరోసారి జతకడుతోంది. ఈ సినిమా నుంచి విడుదలైన పాటలు, టీజర్‌ ఆకట్టుకుంటున్నాయి. ఇటీవలే రిలీజ్‌ అయిన ‘వాసివాడి తస్సాదియ్యా’ ఫుల్‌ లిరికల్‌ సాంగ్‌ విశేషంగా అలరిస్తోంది. ఇందులో జాతి రత్నాలు ఫేమ్‌ 'ఫరియా అబ్దుల్లా' కనువిందు చేసింది.  తాజాగా ఈ సినిమా నుంచి మరో అప్‌డేట్‌ వచ్చింది. బంగార్రాజు సినిమా షూటింగ్‌ గురువారంతో (డిసెంబర్‌ 23) పూర్తయింది. అన్నపూర్ణ స్టూడియోలో వేసిన భారీ సెట్‌లో నాగ చైతన్య, కృతీ శెట్టిలపై తీసిన పెప్పీ మాస్‌ సాంగ్‌తో చిత్రీకరణ ముగిసింది. ఈ సందర్భంగా ‘‘మరో పెప్పీ డ్యాన్స్‌ నంబర్‌ రెడీ అవుతోంది. షూటింగ్‌ చివరి రోజు ఇది. పండగలాంటి సినిమా. ‘బంగార్రాజు’ కమింగ్‌ సూన్‌’’ అని గురువారం నాగార్జున ట్వీట్‌ చేశారు. చైతన్య, కృతీల ఫొటోలను కూడా సోషల్ మీడియా వేదికగా పంచుకున్నారు. ఈ సినిమా సంక్రాంతి కానుగా వచ్చే ఏడాది జనవరి 14న ప్రేక్షకుల ముందుకు రానుంది.    Last day of the shoot!! Another peppy dance number loading.!! పండగ లాంటి సినిమా!! 💥బంగార్రాజు coming soon💥#Bangarraju#BangarrajuComing@chay_akkineni@kalyankrishna_k @iamkrithishetty@anuprubens@AnnapurnaStdios @ZeeStudios_ pic.twitter.com/zq1R2pHjKM — Nagarjuna Akkineni (@iamnagarjuna) December 23, 2021 ఇదీ చదవండి: బంగార్రాజు చిత్రం నుంచి మరో లిరికల్‌.. 'నా కోసం నువ్వు' అంటూ

అక్కినేని హీరోలు నాగార్జున, నాగ చైతన్య ప్రధాన పాత్రలో తెరకెక్కుతున్న మూవీ బంగార్రాజు. సోగ్గాడు మళ్లీ వచ్చాడు అనేది క్యాప్షన్‌.  డైరెక్టర్ కళ్యాణ్ కృష్ణ తెరకెక్కిస్తున్న ఈ చిత్రం గతంలో వచ్చిన సోగ్గాడే చిన్ని నాయనా సినిమాకు సీక్వెల్‏గా రూపొందుతుంది. ఇప్పటికే ఈ మూవీ నుంచి వచ్చిన ఫస్ట్‌లుక్‌, పాటలు ప్రేక్షకులను విశేషంగా ఆకట్టుకున్నాయి. ఈ నేపథ్యంలో ఈ మూవీ మరో అప్‌డేట్‌ ఇచ్చారు మేకర్స్‌. నాగ చైతన్య, నాగార్జునలకు సంబంధించిన ఓ స్పెషల్‌ సాంగ్‌ ప్రొమోను ఆదివారం విడుదల చేశారు.  చదవండి: షాకిస్తున్న అనసూయ లేటెస్ట్‌ లుక్‌, ఈ రేంజ్‌లో గ్లామర్ ఇచ్చిందా! ‘వాసివాడి తస్సాదియ్యా’ అంటూ సాగే ఫుల్‌ లిరికల్‌ సాంగ్‌ను ఆదివారం విడుదల చేశారు మేకర్స్. ఇటీవల ఈ సాంగ్‌ ప్రొమోను విడుదల చేస్తూ ఫుల్‌ సాంగ్‌ డిసెంబర్‌ 19న రిలీజ్‌ చేయనున్నట్లు ప్రకటించిన సంగతి తెలిసిందే. ఈ స్పెషల్‌ సాంగ్‌లో జాతిరత్నాలు బ్యూటీ ఫరియా అబద్దుల్లా కనువిందు చేయగా.. ఆమెతో కలిసి నాగ్‌, చై స్టెప్పులు వేశారు. జీ స్టూడియోస్ సమర్పణలో అన్నపూర్ణ స్టూడియోస్ ప్రైవేట్ లిమిటెడ్ బ్యానర్‌పై అక్కినేని నాగార్జున నిర్మిస్తున్న ఈ మూవీ సీనియర్‌ నటి రమ్యకృష్ణ, కృతిశెట్టిలు నటిస్తున్నారు. అలాగే చలపతి రావు, రావు రమేష్, బ్రహ్మాజీ, వెన్నెల కిషోర్, ఝాన్సీ తదితరులు కీలక పాత్రలు పోషిస్తున్నారు.

2022 టాలీవుడ్ సీక్వెల్స్ కు అడ్డాగా మారనుంది. అన్ని కుదిరితే సంక్రాంతి నుంచే సీక్వెల్ సినిమాల హంగామా మొదలు కానుంది. సంక్రాంతికి వచ్చేందుకు నాగార్జున సీరియస్ గా ట్రై చేస్తున్నాడు. 2016 సంక్రాంతి సూపర్ హిట్ సోగ్గాడే చిన్ని నాయనా చిత్రానికి కొనసాగింపుగా వస్తోంది బంగార్రాజు. చాలా ఏళ్లుగా దర్శకుడు కళ్యాణ కృష్ణ సిద్దం చేసిన కథ ఇది. సీక్వెల్లో నాగార్జునతో పాటు నాగ చైతన్య కూడా నటిస్తున్నాడు. ఉప్పెన బ్యూటీ కృతి శెట్టి హీరోయిన్. 2019 సంక్రాంతి బ్లాక్ బస్టర్ ఎఫ్ 2కు, 2022 ఫిబ్రవరిలో సీక్వెల్ రానుంది. నిజానికి ఈ సీక్వెల్ ను సంక్రాంతి రిలీజ్ చేయాలనుకున్నారు. కాని ఆర్‌ఆర్‌ఆర్, రాధే శ్యామ్ లాంటి భారీ చిత్రాల మధ్య విడుదల అంత మంచిది కాదని, ఫిబ్రవరి 25న ఎఫ్ 3 సోలోగా రిలీజ్ చేస్తున్నారు. 2020 స్లీపర్ హిట్ హిట్ కు ఇప్పుడు సీక్వెల్ వస్తోంది. నాని నిర్మాతగా వ్యవహరిస్తున్న హిట్ 2లో హీరో మారిపోయాడు.ఫస్ట్ పార్ట్ లో విశ్వక్ సేన్ ఒక కేస్ ను సాల్వ్ చేసాడు. ఇప్పుడు సీక్వెల్లో ఆ డ్యూటీని అడివి శేష్ తీసుకున్నాడు. సెకండ్ పార్ట్ ను కూడా మొదటి భాగాన్ని తెరకెక్కించిన శైలేష్ కొలను డీల్ చేస్తున్నాడు. కేడీ అనే కూల్ కాప్ క్యారెక్టర్ లో నటిస్తున్నాడు శేష్. ఈ లిస్ట్ లో ఇంకా చాలా చిత్రాలు ఉన్నాయి. కార్తికేయ 2 ఆల్రెడీ సెట్స్ పై ఉంది. మంచు విష్ణు మరోసారి ఢీ సీక్వెల్ తో ప్రేక్షకుల ముందుకు రానున్నాడు. శ్రీనువైట్ల మేకింగ్ లో డి అండ్ డి అనే సినిమా చేయనున్నాడు.ఇయర్ ఎండ్ కు మరోసారి పుష్ప తిరిగిరానున్నాడు. అలాగే గూఢచారి 2 కూడా త్వరలోనే సెట్స్ పైకి వెళ్లనుంది. ఈ సినిమాలన్ని వచ్చే ఏడాది ప్రేత్రక్షకుల ముందుకు వచ్చే అవకాశాలు ఉన్నాయి.  

‘సోగ్గాడే చిన్నినాయనా’ వంటి హిట్‌ తర్వాత నాగార్జున హీరోగా కల్యాణ్‌ కృష్ణ దర్శకత్వంలో తెరకెక్కుతోన్న చిత్రం ‘బంగార్రాజు’. ‘సోగ్గాడు మళ్ళీ వచ్చాడు’ అన్నది ఉపశీర్షిక. ఈ మూవీలో నాగచైతన్య మరో హీరోగా నటిస్తున్నారు. నాగార్జున సరసన రమ్యకృష్ణ, నాగ చైతన్యకి జోడీగా కృతీశెట్టి నటిస్తున్నారు. ఈ చిత్రంలోని ‘నాకోసం మారావా నువ్వూ, లేక నన్నే మార్చేశావా నువ్వూ..’ అంటూ సాగే పాట లిరికల్‌ వీడియోను ఆదివారం విడుదల చేశారు. ప్రేయసి కృతీశెట్టి కోసం నాగచైతన్య ఎంతలా తనని తాను మార్చుకున్నాడో ఈ పాటలో చెప్పారు. బాలాజీ రచించిన ఈ పాటను సిద్‌ శ్రీరామ్‌ పాడగా, అనూప్‌ రూబెన్స్‌ మంచి మెలోడీ ట్యూన్‌ను అందించారు. ‘నా కోసం..’ పాటకి  మంచి స్పందన వస్తోంది’ అని చిత్రయూనిట్‌ తెలిపింది. జీ స్టూడియోస్‌ సమర్పణలో అన్నపూర్ణ స్టూడియోస్‌ పతాకంపై అక్కినేని నాగార్జున నిర్మిస్తున్న ఈ చిత్రానికి కెమెరా: యువరాజ్‌. 

Bangarraju Movie Another Lyrical Song Released: టాలీవుడ్‌ మన్మథుడు, కింగ్ నాగార్జున సినీ కెరీర్‌లో మంచి విజయాన్ని సాధించిన సినిమాల్లో ఒకటి 'సోగ్గాడే చిన్ని నాయనా'. ఈ చిత్రానికి కల్యాణ్ కృష్ణ దర్శకత్వం వహించారు. ఈ సినిమాలో నాగార్జున రెండు పాత్రల్లో కనిపించి అలరించారు. ఈ సినిమాకు 'బంగార్రాజు' పేరుతో ప్రీక్వేల్‌ రాబోతున్న సంగతి తెలిసిందే. ఈ సినిమాను కూడా కల్యాణ్‌ కృష్ణ డెరెక్ట్‌ చేస్తున్నారు. అయితే తాజాగా ఈ చిత్రం నుంచి ఒక అందమైన మెలోడీ పాటను విడుదల చేశారు మేకర్స్‌. 'నా కోసం నువ్వు' అంటూ సాగే ఈ పాటకు బాలాజీ సాహిత్యం అందించగా, ప్రముఖ సింగర్‌ సిద్‌ శ్రీరామ్‌ ఆలపించారు. పాటలో అనూప్  రూబెన్స్‌ సంగీతం అద్భుతంగా ఉంది.  ఈ లిరికల్‌ వీడియో చివరిలో నాగర్జున, నాగ చైతన్య, రమ్యకృష్ణ, కృతిశెట్టి ఒకే ఫ్రేమ్‌లో కనిపించారు. ఈ పాట టీజర్‌ను డిసెంబర్‌ 2న విడుదల చేయగా పూర్తి సాంగ్‌ను ఇవాళ (డిసెంబర్‌ 5) న రీలీజ్‌ చేశారు. ఇంతకుముందు 'నాగలక్ష్మీ' పాత్రలో కనిపించిన కృతి శెట్టి లుక్‌కు మంచి ఆదరణ లభించింది. అలాగే నాగార్జున పాడిన 'లడ్డుండా' లిరికల్‌ పాటకు కూడా మంచి రెస్పాన్స్‌ వచ్చింది. 'బంగర్రాజు' సినిమాలో నాగార్జునకు జోడీగా రమ్యకృష్ణ నటిస్తుండగా, చై సరసన కృతి శెట్టి కనిపించనుంది. ఈ చిత్రాన్ని జీ స్డూడియోస్‌, అన్నపూర్ణ స్డూడియోస్‌ సంయుక్తంగా నిర‍్మిస్తున్నారు. ఫ్యామిలీ ఎంటర్‌టైనర్‌గా వస్తున్న ఈ చిత్రంపై అక్కినేని అభిమానులు భారీ అంచనాలు పెట్టుకున్నారు.  Here’s #NaaKosam https://t.co/XaBO3LUx24 from #Bangarraju another beautiful melody from @anuprubens with @sidsriram magic .. happy listening !! @iamnagarjuna@IamKrithiShetty @kalyankrishna_k @AnnapurnaStdios @ZeeStudios_ @zeemusiccompany@zeemusicsouth — chaitanya akkineni (@chay_akkineni) December 5, 2021 ఇదీ చదవండి:  నీ ఎనర్జీని ఎవ్వరూ మ్యాచ్‌ చేయలేరు నాన్నా.. చైతూ ట్వీట్‌ వైరల్‌

అక్కినేని నాగార్జున ప్రధాన పాత్రలో డైరెక్టర్ కళ్యాణ్ కృష్ణ తెరకెక్కిస్తున్న చిత్రం ‘బంగార్రాజు’. గతంలో వచ్చిన సోగ్గాడే చిన్ని నాయనా సినిమాకు సీక్వెల్‏గా ఈ మూవీ తెరకెక్కుతోంది. ఇందులో నాగార్జున తనయుడు అక్కినేని నాగచైతన్య మరో హీరోగా నటిస్తున్నాడు. బంగార్రాజులో చైకి జోడిగా ఉప్పెన బ్యూటీ కృతి శెట్టి నటిస్తుండగా.. నాగ్‌తో రమ్య కృష్ణ మరోసారి జతకడుతోంది.   చదవండి: బిగ్‌బాస్‌ 5: బిగ్‌బాస్‌ హోస్ట్‌గా శ్రుతి హాసన్‌! ఇక ఇప్పటికే ఈ సినిమాలో నాగలక్ష్మిగా విడుదలై కృతిశెట్టి ఫస్ట్‌లుక్‌కు అదిరిపోయే రెస్పాన్స్‌ వచ్చింది. ఇక ఈ రోజు నాగచైతన్య పుట్టిన రోజు సందర్భంగా నిన్న చై ఫస్ట్‌లుక్‌ విడుదల కాగా, తాజాగా ‘బంగార్రాజు’ టీజర్ విడుదల చేశాడు నాగార్జున. దీనిని ‘చిన్న బంగార్రాజు’ అంటూ నాగ్‌ విడుదల చేశాడు. తాజాగా విడుదలైన టీజర్ ప్రేక్షకులను ఆకట్టుకుంటోంది. ఈ టీజర్‏లో బంగార్రాజు పాత్రలో నాగచైతన్య లుక్ అదిరిపోయింది. జీ స్టూడియోస్, అన్నపూర్ణ స్టూడియోస్ బ్యానర్స్‌పై ఈ చిత్రాన్ని నిర్మిస్తున్నారు. Presenting our🔥చిన బంగార్రాజ🔥on his birthday ❤️Love you ra❤️ 👉 https://t.co/GCRd9s1GbX @chay_akkineni @IamKrithiShetty @kalyankrishna_k @AnnapurnaStdios @anuprubens @ZeeStudios_ @lemonsprasad#Bangarraju #BangarrajuFirstLook #HBDChay — Nagarjuna Akkineni (@iamnagarjuna) November 23, 2021

Naga Chaitanya First Look Release From Bangarraju Movie: ‘సోగ్గాడే చిన్నినాయనా’ వంటి హిట్‌ చిత్రం తర్వాత హీరో నాగార్జున-దర్శకుడు కల్యాణ్‌ కృష్ణ కాంబినేషన్‌లో తెరకెక్కుతోన్న చిత్రం ‘బంగార్రాజు’. ‘సోగ్గాడు మళ్లీ వచ్చాడు’ అనేది ఉప శిర్షీక. ఈ సినిమాలో మరో అక్కినేని వారసుడు నాగచైతన్య కూడా హీరోగా నటిస్తున్నాడు. ఇప్పటికే సెట్స్‌పైకి వచ్చిన ఈ సినిమా శరవేగంగా షూటింగ్‌ను జరుపుకుంటోంది. అంతేగాక ప్రమోషన్‌లో భాగంగా ఈ మూవీ నుంచి ఒక్కొక్కటిగ అప్‌డేట్స్‌ బయటకు వస్తున్నాయి. ఇప్పటికే ఈ మూవీలో ఓ ఫస్ట్‌సాంగ్‌ విడుదల కాగా.. కృతి శెట్టి లుక్‌ను విడుదల చేశారు మేకర్స్‌. చదవండి: విడాకుల తర్వాత సమంత తొలి ఇంటర్వ్యూ, ఆసక్తికర విషయాలు వెల్లడి వీటికి మంచి స్పందన వస్తోంది. ఇక రేపు నాగ చైతన్య బర్త్‌డే సందర్భంగా ‘బంగార్రాజు’ నుంచి చై లుక్‌ను విడుదల చేసింది చిత్ర బృందంగా. బంగార్రాజు ఫస్ట్‌లుక్‌ అవుట్‌ అంటూ ఈ సందర్భంగా చై పాత్రను వెల్లడించారు. ఇక రేపు(నవంబర్‌ 23) చై పుట్టిన రోజు సందర్భంగా టీజర్‌ రిలీజ్‌ చేయనున్నట్లు మూవీ యూనిట్‌ ప్రకటించింది. ఇదిలా ఉంటే నాగచైతన్య ‘బంగార్రాజు’ అయితే మరీ నాగార్జున పాత్ర ఏంటనేది ఆసక్తిగా మారింది.  చదవండి: కృతిశెట్టి లుక్‌ షేర్‌ చేసిన చై, కొడుకును ఇలా ప్రశ్నించిన నాగ్‌ Here is the First Look of 🔥బంగార్రాజు🔥@chay_akkineni @IamKrithiShetty @kalyankrishna_k @AnnapurnaStdios @anuprubens @ZeeStudios_ @lemonsprasad#Bangarraju #BangarrajuComing#HBDChay pic.twitter.com/iYDDy1qzUp — Nagarjuna Akkineni (@iamnagarjuna) November 22, 2021

Jathi Ratnalu Heroine Faria Abdullah Gets A Special Chance In Bangarraju: చిట్టి.. నా బుల్‌బుల్‌ చిట్టి.. అంటూ కుర్రకారు మనసు దోచుకున్న నటి, సొగసైన పొడగరి ఫరియా అబ్దుల్లా. తొలి సినిమా జాతిరత్నాలుతో ఇటు గ్లామర్‌ పరంగా అటు నటనాపరంగా వందశాతం మార్కులు కొట్టేసింది. తాజాగా ఈ భామ మరో క్రేజీ ఛాన్స్‌ దక్కించుకున్నట్లు ఫిల్మీ దునియాలో ఓ వార్త చక్కర్లు కొడుతుంది. నాగార్జున, నాగచైతన్య కలిసి మల్టీస్టారర్‌గా నటిస్తున్న బంగార్రాజు చిత్రంలో చిట్టీ సందడి చేయనుందట. డ్యాన్సర్‌గా మంచి గుర్తింపు తెచ్చుకున్న ఫరియా ఈ చిత్రంలో స్పెషల్‌ సాంగ్‌లో చిందేయనున్నట్లు సమాచారం. త్వరలోనే దీనికి సంబంధించి అధికారిక ప్రకటన రానుంది. 'సోగ్గాడే చిన్ని నాయనా' హిట్ చిత్రానికి సీక్వెల్ గా వస్తున్న 'బంగార్రాజు' సినిమాకు కల్యాణ్ కృష్ణ దర్శకత్వం వహిస్తున్న సంగతి తెలిసిందే. ఈ చిత్రంలో కృతిశెట్టి కథానాయికగా నటిస్తోంది. 

Naga Chaitanya Funny Reply To Father Nagarjuna Over Krithi Shetty First Look: హీరో నాగార్జున అక్కినేని, నాగ‌చైత‌న్యలు లీడ్‌ రోల్‌లో నటిస్తున్న తాజా చిత్రం ‘బంగార్రాజు’. క‌ల్యాణ్‌కృష్ణ ద‌ర్శ‌క‌త్వంలో తెరకెక్కిన హిట్‌ చిత్రం సోగ్గాడే చిన్ని నాయ‌నకు సీక్వెల్‌గా బంగార్రాజు రూపొందుతోన్న సంగతి తెలిసిందే. ఇందులో నాగ్‌కు జోడిగా రమ్యకృష్ణ నటిస్తుండగా.. నాగ చైతన్య సరసన ఉప్పెన బ్యూటీ కృతి శెట్టి సందడి చేయనుంది. ఇటీవల సెట్స్‌పైకి వచ్చిన ఈ క్రేజీ మ‌ల్టీ స్టారర్ చిత్రం షూటింగ్‌ను శరవేగంగా జరుపుకుంటోంది. చదవండి: Preity Zinta: 46 ఏళ్లకు తల్లైన స్టార్‌ హీరోయిన్‌, కవలలకు జననం సంక్రాంతికి బంగార్రాజు విడుదల చేయాలని మేకర్స్‌ ప్లాన్‌ చేస్తున్నారు. ఈ నేపథ్యంలో మూవీ ప్ర‌మోష‌న్ కార్య‌క్ర‌మాలను వేగ‌వంతం చేశారు. ఇటీవల రిలీజ్ చేసిన నాగార్జున ఫస్ట్‌లుక్, అలాగే ఆయన పాడిన ‘లడ్డుండా’ పాటకు మంచి రెస్పాన్స్ వచ్చింది. ఈ క్రమంలో బంగార్రాజులో  కృతి శెట్టి లుక్‌ను ఈ రోజు విడుదల చేస్తూ ఆమె పాత్రను మేకర్స్‌ వెల్లడించిన సంగతి తెలిసిందే. ఇక కృతి లుక్‌ను చై తన ట్విటర్‌లో షేర్‌ చేశాడు. దీంతో చై ట్వీట్‌పై నాగార్జున స్పందిస్తూ..  ‘ఒకే బాగుంది రా.. మరి బంగార్రాజు విషయమేంటి’ అంటూ ప్రశ్నించాడు. చదవండి: Krithi Shetty: ‘బంగార్రాజు’లో కృతి పాత్ర, ఫస్ట్‌లుక్‌ విడుదల దీనికి నాగ చైతన్య ఆసక్తికర రీతిలో సమాధానం​ ఇచ్చాడు. ‘బంగార్రాజు త్వరలోనే వస్తున్నాడు నాన్న. లేడీస్‌ ఫస్ట్‌. అందుకే మా నాగలక్ష్మి ఫస్ట్‌లుక్ షేర్‌ చేస్తున్నాం’ తండ్రిని ట్యాగ్‌ చేస్తూ రీట్వీట్‌ చేశాడు. దీంతో ఇది సోషల్‌ మీడియాలో చర్చనీయాంశమైంది. తొలిసారిగా సోషల్‌ మీడియాలో తండ్రికొడుకులు సరదాగా మాట్లాడుకోవడం చూసి అక్కినేని అభిమానులంతా మురిసిపోతున్నారు. అలాగే చై కూడా సామాజిక మాధ్యమాల్లో చాలా అరుదుగా పోస్ట్‌లు షేర్‌ చేస్తుంటాడనే విషయం తెలిసిందే. కృతి లుక్‌ చై షేర్‌ చేయడంతో ఇది కూడా ఆసక్తిగా వార్తల్లో నిలిచింది.  #Bangarraju is coming soon …ladies first :-) introducing @IamKrithiShetty as our Nagalakshmi .. Here’s the first look @iamnagarjuna @IamKrithiShetty @kalyankrishna_k @AnnapurnaStdios @ZeeStudios_ pic.twitter.com/13hsyH0ff4 — chaitanya akkineni (@chay_akkineni) November 18, 2021

Krithi Shetty First Look From Bangarraju Movie: ‘సోగ్గాడే చిన్నినాయనా’ వంటి హిట్‌ చిత్రం తర్వాత హీరో నాగార్జున-దర్శకుడు కల్యాణ్‌ కృష్ణ కాంబినేషన్‌లో తెరకెక్కుతోన్న చిత్రం ‘బంగార్రాజు’. ఈ మూవీలో నాగచైతన్య మరో హీరోగా నటిస్తున్నారు. నాగార్జునకు జంటగా రమ్యకృష్ణ.. చైకు జోడీగా కృతి శెట్టి సందడి చేయనున్న సంగతి తెలిసిందే. ఈ నేపథ్యంలో బంగార్రాజు నుంచి కృతి లుక్‌ను విడుదల చేశారు మేకర్స్‌. చదవండి: 46 ఏళ్లకు తల్లైన స్టార్‌ హీరోయిన్‌, కవలలకు జననం ఈ సందర్భంగా ఈ సినిమాల్లో ఆమె నాగలక్ష్మి పాత్ర పోషిస్తున్నట్లు తెలిపారు. ఈ మెడలో దండతో ఉరేగింపులో జనాల మధ్య ఉన్న కృతి లుక్‌ ఆకట్టుకుంటోంది. చూస్తుంటే ‘బంగార్రాజు’లో నాగలక్ష్మి సందడి ఒక రేంజ్‌లో ఉండబోతుందని అర్థమవుతోంది. సంక్రాంతి కానుక‌గా ఈ చిత్రాన్ని విడుద‌ల చేయాల‌ని మేక‌ర్స్ ప్లాన్ చేస్తున్నారు. ఈ నేపథ్యంలో ఈ మూవీ ప్ర‌మోష‌న్ కార్య‌క్ర‌మాలు వేగ‌వంతం చేశారు. ఇటీవల రిలీజ్ చేసిన నాగార్జున ఫస్ట్‌లుక్, అలాగే ఆయన పాడిన ‘లడ్డుండా’ పాటకు మంచి రెస్పాన్స్ రాగా ఇప్పుడు విడుద‌లైన కృతి ఫ‌స్ట్ లుక్ కూడా అభిమానుల నుంచి విశేష స్పందన వస్తోంది. చదవండి: Shyam Singha Roy: శ్యామ్‌ సింగరాయ్‌ టీజర్‌ వచ్చేసింది ఈ చిత్రానికి అనూప్ సంగీతం అందిస్తున్నారు. కాగా ఉప్పెన సినిమాతో మంచి హిట్ కొట్టిన కృతి వ‌రుస సినిమాలు చేసుకుంటూ వెళుతుంది. ప్రస్తుతం నాని హీరోగా వస్తున్న ‘శ్యామ్‌ సింగరాయ్‌’, అలాగే హీరో రామ్‌-తమిళ దర్శకుడు లింగుస్వామి కాంబినేషన్‌లో రూపొందుతోన్న ఓ చిత్రంతో పాటు, సుధీర్ బాబు సరసన ‘ఆ అమ్మాయి గురించి మీకు చెప్పాలి’ సినిమాలో నటిస్తోంది. ఇక యంగ్‌ హీరో నితిన్‌తో ‘మాచర్ల నియోజకవర్గం’ అనే మూవీలో కూడా కృతి నటిస్తోంది.  Thank you for the introduction @chay_akkineni 😎 being Naga Lakshmi has given me so much joy!!! 💓 can’t wait to see #Bangarraju‘s look 🤩 https://t.co/lUmHIgEzUp — KrithiShetty (@IamKrithiShetty) November 18, 2021

మైసూర్‌లో బంగార్రాజు సందడి సరదాగా సాగుతోంది. నాగార్జున, రమ్యకృష్ణ, నాగచైతన్య, కృతీశెట్టి ప్రధాన పాత్రల్లో కల్యాణ్‌ కృష్ణ దర్శకత్వంలో తెరకెక్కుతోన్న చిత్రం ‘బంగార్రాజు’. ‘సోగ్గాడు మళ్లీ వచ్చా డు’ అనేది ట్యాగ్‌లైన్‌. ఈ సినిమా తాజా షెడ్యూల్‌ మైసూర్‌లో జరుగుతోంది. నాగచైతన్య, కృతీశెట్టి కాంబినేషన్‌లో వచ్చే లవ్‌ బ్యాక్‌డ్రాప్‌ సీన్స్‌ చిత్రీకరిస్తున్నారని తెలిసింది.‍ చదవండి: కేబీఆర్‌ పార్క్‌ వద్ద నటిపై దాడి.. ముఖంపై పిడిగుద్దులు, హత్యాయత్నం ‘బంగార్రాజు’ లొకేషన్‌లోని చైతూ, కృతి ఫొటో సోషల్‌ మీడియాలో వైరల్‌ అవుతోంది. మైసూర్‌ షెడ్యూల్‌ పూర్తికాగానే తర్వాతి షెడ్యూల్‌ను హైదరాబాద్‌లో స్టార్ట్‌ చేస్తారట ‘బంగార్రాజు’ అండ్‌ కో. ఈ చిత్రం సంక్రాంతికి రిలీజ్‌ కానుందనే టాక్‌ ఫిల్మ్‌నగర్‌లో వినిపిస్తోంది. కాగా 2016లో వచ్చిన హిట్‌ మూవీ ‘సోగ్గాడే చిన్నినాయానా’ చిత్రానికి ప్రీక్వెల్‌గా ‘బంగార్రాజు’ రూపొందుతోన్న సంగతి తెలిసిందే. చదవండి: ఆ బాధలో డిప్రెషన్‌కు వెళ్లిపోయా: శివాని రాజశేఖర్‌

‘సోగ్గాడే చిన్నినాయనా’ వంటి హిట్‌ చిత్రం తర్వాత హీరో నాగార్జున– దర్శకుడు కల్యాణ్‌ కృష్ణ కాంబినేషన్‌లో తెరకెక్కుతోన్న చిత్రం ‘బంగార్రాజు’. ఈ మూవీలో నాగచైతన్య మరో హీరోగా నటిస్తున్నారు. నాగార్జునకు జంటగా రమ్యకృష్ణ.. చైకు జోడీగా కృతిశెట్టి సందడి చేయనున్నారు. అనూప్‌ రూబెన్స్‌ సంగీతం అందిస్తున్నాడు. తాజాగా ఈ చిత్రానికి సంబంధించి ‘లడ్డుండా’అనే లిరికల్‌ సాంగ్‌ని మంగళవారం నాగార్జున విడుదల చేశాడు. (చదవండి: విడాకుల తర్వాత మరింత పెరిగిన సామ్‌ క్రేజ్‌.. దక్షిణాది తొలి భారత నటిగా గుర్తింపు) భాస్కరభట్ల రవికుమార్ లిరిక్స్‌ అందించిన ఈ పాటని  ధనుంజయ, మోహన బోగరాజు, హరిప్రియ, నూతన్‌ మోహన్‌ అద్భుతంగా ఆలపించారు. 'బాబూ.. తబలా.. అబ్బాయ్ ఆర్మనీ.. చెరుకు తోటలో చారెడు బియ్యం.. వంగ తోటలో మరదలి కయ్యం.. లగెత్తి కొడితే లడ్డుండా.. లడ్డుండా' అంటూ పాట‌కు ముందు వ‌చ్చే సాకీకి నాగార్జున గ‌ళం తోడు కావ‌డంతో పాట అదిరిపోయింది. ఇక ఈ పాటకు సంబంధించిన యూట్యూబ్‌ లింక్‌ని తన ట్విటర్‌ ఖాతలో పోస్ట్‌ చేసిన నాగచైతన్య.. ‘నాన్నా.. నీ ఎనర్జీని ఎవ్వరూ మ్యాచ్‌ చేయలేరు’కామెంట్‌ చేశాడు. శరవేగంగా చిత్రీకరణ జరుపుకొంటున్న ఈసినిమా సంక్రాంతి కానుకగా ప్రేక్షకుల ముందుకు వచ్చే అవకాశం ఉంది. Nana no one can match your swag ! Here’s the first lyrical #Laddunda from #Bangarraju https://t.co/xdqepkq4S9@iamnagarjuna @IamKrithiShetty @kalyankrishna_k @AnnapurnaStdios @anuprubens @ZeeStudios_@lemonsprasad @zeemusiccompany — chaitanya akkineni (@chay_akkineni) November 9, 2021

కింగ్‌ నాగార్జున నటించిన సోగ్గాడే చిన్ని నాయనా సినిమా ఎంత హిట్టో అందరికీ తెలిసిందే! ఈ సినిమాకు ప్రీక్వెల్‌ అయిన బంగార్రాజుతో హిట్‌ కొట్టడానికి రెడీ అవుతున్నాడు నాగ్‌. ఇందుకోసం రమ్యకృష్ణతో పాటు నాగచైతన్య, కృతీ శెట్టిలను కూడా రంగంలోకి దించాడు. ‘బంగార్రాజు’ సినిమాలో ఏయన్నార్‌ని గుర్తు తెచ్చేలా నాగార్జున గెటప్‌ను డిజైన్‌ చేశారు ఈ చిత్రదర్శకుడు కల్యాణ్‌కృష్ణ. తాజాగా ఈసినిమా నుంచి లడ్డుందా సాంగ్‌ టీజర్‌ రిలీజైంది.' బాబూ తబలా, అబ్బాయి హార్మోనీ.. తానన ననన.. డాంటకు డడనా..' అంటూ ఏదో రాగం అందుకున్నాడు. ఇదర్థం కాక ఓ వ్యక్తి రాజుగారు దీని మీనింగ్‌ ఏంటని అడిగాడు. దీనికి బంగార్రాజు ఎప్పటిలాగే ఓ నవ్వు విసిరేస్తూ.. 'ఇంతకాలం తెలుసుకోకుండా ఏం చేస్తున్నావు? అడగాలి కదా! నేర్పిస్తాను కదా!' అని చెప్పుకొచ్చాడు. ఫుల్‌ సాంగ్‌ను నవంబర్‌ 9 ఉదయం 9.09 గంటలకు విడుదల చేస్తున్నట్లు పేర్కొన్నారు. కాగా టీజర్‌ చూస్తుంటే నాగ్‌ స్వర్గంలోని దేవకన్యలతో డ్యాన్స్‌ చేస్తున్నట్లు కనిపిస్తోంది. ఈ చిత్రానికి అనూప్‌ రూబెన్స్‌ సంగీతం అందిస్తున్నాడు.

దివంగత ప్రముఖ నటులు అక్కినేని నాగేశ్వరరావు జయంతి సందర్భంగా (సోమవారం, సెప్టెంబరు 20) ‘ఏయన్నార్‌ లివ్స్‌’ అంటూ ఓ ప్రత్యేకమైన వీడియోను షేర్‌ చేశారు ఆయన తనయుడు, హీరో నాగార్జున. తన తాజా చిత్రం ‘బంగార్రాజు’లోని తన పాత్ర తాలూకు విశేషాలను ఈ వీడియో ద్వారా పంచుకున్నారు. ‘‘నా హీరో, నా స్ఫూర్తిప్రదాత మా నాన్నగారు. ఆయనకు పంచెకట్టు చాలా ఇష్టం. ముఖ్యంగా పొందూరు ఖద్దరంటే ఇంకా ఇష్టం. ఇప్పుడు నేను కట్టుకున్నది కూడా పొందూరు ఖద్దరే. అలాగే నవరత్నాల హారం, నవరత్నాల ఉంగరం. ఇక నేను పెట్టుకున్న ఈ వాచ్‌ నాకన్నా సీనియర్‌. నాన్నగారి ఫేవరెట్‌ వాచ్‌ ఇది. ఇప్పుడు నా ఫేవరెట్‌ వాచ్‌. ఇవన్నీ ధరిస్తే నాన్నగారు నాతోనే ఉన్నట్లు ఉంటుంది. ఏదో తృప్తి. నాన్నగారి పంచెకట్టు అందాన్ని మీ ముందుకు తీసుకురావడం కోసమే మా ఈ ప్రయత్నం’’ అంటూ ఆ వీడియోను నాగార్జున షేర్‌ చేశారు. ‘బంగార్రాజు’ సినిమాలో ఏయన్నార్‌ని గుర్తు తెచ్చేలా నాగార్జున గెటప్‌ను డిజైన్‌ చేశారు ఈ చిత్రదర్శకుడు కల్యాణ్‌కృష్ణ. ఈ చిత్రంలో నాగచైతన్య, కృతీ శెట్టి, రమ్యకృష్ణ ఇతర ప్రధాన పాత్రధారులు.

సాక్షి, హైదరాబాద్‌: టాలీవుడ్‌ సినీ వినీలాకాశంలో ధృవతారలా వెలిగిన నటుడు అక్కినేని నాగేశ్వరరావు. యావత్‌ప్రపంచం గర్వపడేలా అగ్రకథానాయకుడిగా విరాజిల్లిన కళామతల్లి ముద్దుబిడ్డ  ఏఎన్‌ఆర్‌.  దేవదాసు అయినా,  కాళిదాసు అయినా,  అమర ప్రేమికుడైనా ఆయనొక లెజెండ్‌.  అందుకే అనేక అవార్డులు ఆయనకు సలాం చేశాయి. 75 వసంతాలకు పైగా  వెండి తెరను  సుపంపన్నం చేసిన ఎఎన్‌ఆర్‌ జయంతి  ఈ రోజు. ఈ సందర్భంగా ఆయన నటవారడు టాలీవుడ్‌ హీరో అక్కినేని నాగార్జున తన తండ్రికి ట్విటర్‌ ద్వారానివాళులర్పించారు. ఆయనే తన హీరో, స్పూర్తి అంటూ ఒక వీడియోను ట్విటర్‌లో షేర్‌ చేశారు.  ఆయనకు పంచె అంటే ఎంతో ఇష్టమని, ముఖ్యంగా పొందూరు ఖద్దరుఅంటే ఎంతో ఇష్టమని  పేర్కొన్నారు. ఆయన పంచె కట్టు అందాన్ని ప్రేక్షకుల ముందుకు తీసుకొచ్చేందుకే అంటూ తన అప్‌కమింగ్‌ మూవీ బంగార్రాజు  లుక్‌ను జోడించారు. కాగా నాగార్జున 'సోగ్గాడే చిన్నినాయనా' సినిమాకు సీక్వల్‌గా 'బంగార్రాజు' సినిమా రాబోతున్న సంగతి తెలిసిందే. కళ్యాణ్ కృష్ణ కురసాల దర్శకత్వంలో రొమాంటిక్ ఎంటర్‌టైనర్‌గా రానున్న ఈ సినిమాలో నాగార్జునతో పాటు యంగ్ హీరో నాగ చైతన్య కూడా అలరించనున్నారు.  నాగ్‌కు జోడీగా రమ్యకృష్ణ, నాగ చైతన్య సరసన ఉప్పెన ఫేం బ్యూటీ కృతి శెట్టి నటిస్తోంది Remembering dear Nana! My hero!! My inspiration!! #ANRLivesOn pic.twitter.com/CgHKCLwObY — Nagarjuna Akkineni (@iamnagarjuna) September 20, 2021

‘సోగ్గాడే చిన్నినాయనా’ వంటి హిట్‌ చిత్రం తర్వాత హీరో నాగార్జున– దర్శకుడు కల్యాణ్‌ కృష్ణ కాంబినేషన్‌లో తెరకెక్కుతోన్న చిత్రం ‘బంగార్రాజు’. ఈ మూవీలో నాగచైతన్య మరో హీరోగా నటిస్తున్నారు. ‘సోగ్గాడే చిన్నినాయనా’ చిత్రానికి ‘బంగార్రాజు’ ప్రీక్వెల్‌గా రూపొందుతోన్న విషయం తెలిసిందే. ఇటీవల హైదరాబాద్‌ షెడ్యూల్‌ ముగించుకున్న ఈ సినిమా షూటింగ్‌ ప్రస్తుతం మైసూర్‌లో జరుగుతోంది. నాగార్జున–నాగచైతన్యలు పాల్గొంటున్న ఈ షెడ్యూల్‌లో కీలక సన్నివేశాలను చిత్రీకరిస్తున్నారని తెలిసింది. అవుట్‌ అండ్‌ అవుట్‌ ఎంటర్‌టైనర్‌గా ఈ సినిమాని తెరకెక్కిస్తున్నారట కల్యాణ్‌ కృష్ణ. ‘సోగ్గాడే చిన్నినాయనా’ మూవీలో నాగార్జున పక్కన గ్రేస్‌ఫుల్‌గా కనిపించిన రమ్యకృష్ణ ‘బంగార్రాజు’ లోనూ నటిస్తున్నారు. నాగచైతన్య సరసన ‘ఉప్పెన’ ఫేమ్‌ కృతీ శెట్టి నటిస్తున్నారు. జీ స్టూడియోస్, అన్నపూర్ణ స్టూడియోస్‌ పతాకాలపై అక్కినేని నాగార్జున నిర్మిస్తున్న ఈ చిత్రానికి అనూప్‌ రూబెన్స్‌ సంగీతం అందిస్తుండగా, సత్యానంద్‌ స్క్రీన్‌ప్లే సమకూర్చారు. యువరాజ్‌ సినిమాటోగ్రఫీ అందిస్తున్నారు.  

కింగ్‌ నాగార్జున ప్రస్తుతం క‌ల్యాణ్‌కృష్ణ ద‌ర్శ‌క‌త్వంలో ‘బంగార్రాజు’ చిత్రంలో నటిస్తున్న సంగతి తెలిసిందే. సోగ్గాడే చిన్ని నాయ‌నకు సీక్వెల్‌గా ‘బంగార్రాజు’ రూపొందుతుంది ఈ చిత్రం. ఆదివారం(ఆగస్టు29)న నాగార్జున బర్త్‌డే సందర్భంగా ఈ చిత్ర పోస్టర్‌ను నాగ చైతన్య రిలీజ్‌ చేశారు.ఇందులో డెవిల్‌ ఈజ్‌ బ్యాక్‌ అంటూ నాగార్జున  స్వర్గం నుంచి దిగుతున్నట్లుగా ఉంది. జీ స్టూడియోస్‌, అన్నపూర్ణ స్టూడియోస్‌ సంయుక్తంగా ఈ చిత్రాన్ని నిర్మిస్తున్నారు.  నాగ చైతన్య ఈ సినిమాలో కీలక పాత్ర పోషిస్తున్నారు. మొదటి పార్టులో నాగార్జున‌కు జోడీగా న‌టించిన ర‌మ్య‌కృష్ణ, బంగార్రాజులో కూడా జోడి కట్టింది. ‘ఉప్పెన’ బ్యూటీ కృతిశెట్టి నాగచైత‌న్య‌కు జోడీగా న‌టిస్తోంది.  Happy birthday to my King @iamnagarjuna .. so looking forward to sharing the screen with you again ! To great health and happiness always .. thank you for being you !! Lots of love pic.twitter.com/H7dg6RapHI — chaitanya akkineni (@chay_akkineni) August 29, 2021 చదవండి :  ఒక్క ట్వీట్‌తో రూమర్స్‌కు చెక్‌ పెట్టిన సమంత! 'ఘోస్ట్‌'గా కింగ్‌ నాగార్జున.. ఫస్ట్‌లుక్‌ అవుట్‌

హీరో నాగార్జున అక్కినేని, నాగ‌చైత‌న్యలు లీడ్‌ రోల్‌లో నటిస్తున్న తాజా చిత్రం ‘బంగార్రాజు’. క‌ల్యాణ్‌కృష్ణ ద‌ర్శ‌క‌త్వంలో తెరకెక్కిన హిట్‌ చిత్రం సోగ్గాడే చిన్ని నాయ‌నకు సీక్వెల్‌గా బంగార్రాజు రూపొందుతోన్న సంగతి తెలిసిందే. తాజాగా ఈ క్రేజీ మ‌ల్టీ స్టారర్ ప్రాజెక్ట్‌ సెట్స్పైకి వచ్చింది. హైద‌రాబాద్‌లో బంగార్రాజు రెగ్యుల‌ర్ షూటింగ్ మొద‌లైంది. సోగ్గాళ్ల షూటింగ్ ప్రారంభ‌మైంద‌ంటూ మేక‌ర్స్ విడుద‌ల చేసిన పోస్టర్‌లో రెండు వైపులా రెండు బుల్లెట్ బైక్స్ క‌నిపిస్తుండ‌గా.. బ్యాక్ డ్రాప్‌లో ప‌ల్లెటూరి వాతావ‌ర‌ణం క‌నిపిస్తోంది. ఈ సారి బంగార్రాజు ప్రేక్ష‌కుల‌కు మంచి వినోదం పంచ‌డం ఖాయ‌మ‌ని మేక‌ర్స్ రిలీజ్ చేసిన తాజాగా స్టిల్‌తో అర్థ‌మ‌వుతుంది. చదవండి: మహానటి సావిత్రి చేతిలో ఉన్న ఈ బుడ్డోడు.. ఇప్పటి స్టార్‌ హీరో తెలుసా! మొదటి పార్టులో నాగార్జున‌కు జోడీగా న‌టించిన ర‌మ్య‌కృష్ణ, బంగార్రాజులో కూడా జోడి కట్టింది. ‘ఉప్పెన’ బ్యూటీ కృతిశెట్టి నాగచైత‌న్య‌కు జోడీగా న‌టిస్తోంది. నాగార్జున మ‌రోవైపు ప్ర‌వీణ్ స‌త్తారు డైరెక్ష‌న్ లో ఓ సినిమా చేస్తున్నాడు. దీంతోపాటు బాలీవుడ్ క్రేజీ ప్రాజెక్టు బ్ర‌హ్మాస్త్ర‌లో కీల‌క పాత్ర పోషిస్తున్నాడు. నాగచైత‌న్య న‌టించిన ల‌వ్ స్టోరీ సెప్టెంబ‌ర్ 10న ప్రేక్ష‌కుల ముందుకు రాబోతుంది. దీంతోపాటు అమీర్‌ఖాన్‌ లాల్ సింగ్ చ‌ద్దాలో చై కీలక పాత్ర పోషిస్తున్న సంగతి తెలిసిందే.  The Most Awaited Multi Starrer #Bangarraju Shoot begins The Father-Son Duo are here to entertain you in style💥#SoggallaShootingBegins@iamnagarjuna @chay_akkineni @meramyakrishnan @IamKrithiShetty @kalyankrishna_k @anuprubens @AnnapurnaStdios @ZeeStudios_ @lemonsprasad pic.twitter.com/UqlB9rs78j — BA Raju's Team (@baraju_SuperHit) August 25, 2021

‘సోగ్గాడే చిన్నినాయనా’ ప్రీక్వెల్‌ ‘బంగార్రాజు’కు ముహూర్తం ఖరారైంది. ఈ సినిమా ప్రారంభోత్సవం ఈ నెల 20న హైదరాబాద్‌లో జరగనుంది. రెగ్యులర్‌ షూటింగ్‌ ఈ నెల 25 నుంచి మొదలవుతుంది. ‘సోగ్గాడే చిన్నినాయనా’ చిత్రంలో హీరోగా నటించిన నాగార్జున ‘బంగార్రాజు’ చిత్రంలో కూడా నటిస్తున్నారు. ఇందులో నాగచైతన్య మరో హీరో. ఈ చిత్రంలో చైతన్యకు జోడీగా కృతీ శెట్టి నటిస్తారు. ప్రస్తుతం ఈ సినిమాకు సంబంధించిన సెట్స్‌ వర్క్‌ జరుగుతోంది. (చదవండి: కేసీఆర్‌కు జీవితాంతం రుణపడి ఉంటాను: లేడీ కమెడియన్‌) హైదరాబాద్‌లోని రెండు ప్రముఖ స్టూడియోలలో సెట్‌ వర్క్‌ జరుగుతోందని తెలిసింది. స్వర్గం సెట్స్‌ వేస్తున్నారు. ‘సోగ్గాడే చిన్ని నాయనా’ చిత్రంలో రాము, బంగార్రాజు పాత్రల్లో నటించారు నాగార్జున. చనిపోయిన బంగార్రాజు ఆత్మ రాములో ప్రవేశించిన  నేపథ్యంలో ‘సోగ్గాడే చిన్ని నాయానా’ కథనం సాగుతుంది. ఇప్పుడు ‘బంగార్రాజు’ కోసం స్వర్గం సెట్స్‌ వేయిస్తున్నారంటే... బంగార్రాజు హెవెన్‌ నుంచి ల్యాండ్‌ అయితే ఎలా ఉంటుందనే కోణంలో సినిమా సాగు తుందేమో చూడాలి. (చదవండి: అధ్యక్ష భవనంలో తాలిబన్ల జల్సాలు.. ఆర్జీవీ షాకింగ్‌ కామెంట్‌)

బిగ్‌బాస్‌ షోకి వెళ్లొచ్చిన తర్వాత మోనాల్‌ గజ్జర్‌ దశ మారిపోయింది. అంతకు ముందు రెండు, మూడు సినిమాల్లో హీరోయిన్‌గా చేసినా రాని క్రేజ్‌.. ఒక్క బిగ్‌బాస్‌ షోతో సంపాదించేంది. ప్రస్తుతం ఈ గుజరాతీ భామ వరుస ఆఫర్లతో దూసుకెళ్తోంది. షో నుంచి బయటకు రాగానే.. ఓ డ్యాన్స్‌ షోకి జడ్జిగా వ్యవహరించింది. అంతేకాదు అల్లుడు అదుర్స్‌ సినిమాలో స్పెషల్‌ సాంగ్‌తో అదరగొట్టేసింది. ఇలా టీవీ షోలు, వెబ్ సిరీస్ లు, సినిమాలంటూ తీరిక లేకుండా గడుపుతున్న ఈ భామకు తాజాగా మరో భారీ ఆఫర్‌ వచ్చినట్లు వార్తలు వినిపిస్తున్నాయి.   నాగార్జున హీరోగా కల్యాణ్‌ కృష్ణ దర్శకత్వంలో వచ్చిన ‘సోగ్గాడే చిన్ని నాయనా’సినిమా ఎంత విషయం సాధించిందో అందరికి తెలిసిందే. 2016 సంక్రాంతి పండక్కి వచ్చిన సినిమాల్లో సూపర్‌ హిట్‌గా నిలిచిన మూవీ ఇది.  దీంతో ఈ సినిమాలో నాగార్జున పోషించిన ‘బంగార్రాజు’ పాత్ర పేరుతోనే ప్రీక్వెల్‌ను ప్లాన్‌ చేశారు కల్యాణ్‌ కృష్ణ. ఈ చిత్రంలో నాగార్జునతో పాటు నాగచైతన్య మరో హీరోగా నటిస్తారు. నాగ్ కి జోడీగా రమ్యకృష్ణ, చైతూకి జంటగా కృతిశెట్టిలను తీసుకున్నారు. ఇప్పుడు సినిమాలో ఓ స్పెషల్ సాంగ్ కోసం మోనాల్ గజ్జర్ ను సంప్రదించినట్లు తెలుస్తోంది. కథ ప్రకారం సినిమాలో స్వర్గం ఎపిసోడ్ ఒకటి ఉంటుందట. ఇందులో కొన్ని కామెడీ సన్నివేశాలతో పాటు ఓ పాట కూడా ఉండేలా డిజైన్ చేస్తున్నారట. ఈ ఎపిసోడ్ లో మోనాల్ ఎంట్రీ ఇస్తుందట. స్వర్గంలో రంభగా ఆమె కనిపించబోతుందని సమాచారం. నాగార్జునతో కలిసి మోనాల్ వేసే స్టెప్పులు హైలైట్ గా నిలుస్తాయని చెబుతున్నారు.  ఆగస్టు 20 నుండి ఈ సినిమా షూటింగ్ మొదలుపెట్టాలని ప్లాన్ చేస్తున్నారు. అన్నీ అనుకున్నట్లుగా జరిగితే ఈ సినిమా కూడా సంక్రాంతికి వచ్చే అవకాశం ఉంది.

షూటింగ్‌లో పాల్గొనేందుకు బంగార్రాజు రెడీ అవుతున్నాడు. 2016లో నాగార్జున హీరోగా కల్యాణ్‌ కృష్ణ దర్శకత్వంలో వచ్చిన ‘సోగ్గాడే చిన్ని నాయనా’ ఆ సంక్రాంతి పండక్కి ఓ మంచి హిట్‌గా నిలిచింది. దీంతో ఈ సినిమాలో నాగార్జున పోషించిన ‘బంగార్రాజు’ పాత్ర పేరుతోనే ప్రీక్వెల్‌ను ప్లాన్‌ చేశారు కల్యాణ్‌ కృష్ణ. ఈ చిత్రంలో నాగార్జునతో పాటు నాగచైతన్య మరో హీరోగా నటిస్తారు. షూటింగ్‌ను ఈ నెల 20న మొదలు పెట్టడానికి సన్నాహాలు చేస్తున్నారని టాక్‌. సెట్స్‌ వర్క్‌ కూడా జరుగుతోందట. అంతేకాదు.. ‘సోగ్గాడే చిన్ని నాయనా..’ని సంక్రాంతికి విడుదల చేసినట్లే  ‘బంగార్రాజు’ని కూడా సంక్రాంతికి (2022) విడుదల చేయాలనే ప్లాన్‌లో ఉన్నారని సమాచారం.  

‘సోగ్గాడే చిన్ని నాయనా’లో బంగార్రాజుగా మంచి జోష్‌ ఉన్న పాత్రలో నాగార్జున చేసిన సందడి అంతా ఇంతా కాదు. ఇది తండ్రి పాత్ర. ఇందులో తనయుడి పాత్రనూ ఆయనే చేసిన విషయం తెలిసిందే. ఇప్పుడు ‘సోగ్గాడే...’కి ప్రీక్వెల్‌గా ‘బంగార్రాజు’ రూపొందనుంది. మొదటి భాగంలో కనిపించినట్లుగానే ఇందులోనూ పలువురు కలర్‌ఫుల్‌ తారలు కనిపిస్తారట. వాళ్లల్లో జయప్రద ఒకరనే ప్రచారం జరుగుతోంది. ఈ చిత్రంలో ఉన్న ఒక కీలక పాత్రకు జయప్రదను సంప్రదించారట చిత్రదర్శకుడు కల్యాణ్‌కృష్ణ. మరి.. బంగార్రాజుకు స్నేహితురాలిగా జయప్రద కనిపిస్తారా? లేక వేరే ఏదైనా పాత్రా అనేది తెలియాల్సి ఉంది. జయప్రద ఈ సినిమాకు గ్రీన్‌ సిగ్నల్‌ ఇచ్చి, డేట్స్‌ కూడా కేటాయించారని టాక్‌. ‘సోగ్గాడే..’లో నాగ్‌కి జోడీగా నటించిన రమ్యకృష్ణ ఈ చిత్రంలోనూ ఆ పాత్రను చేస్తారని తెలిసింది. నాగచైతన్య కూడా ఈ సినిమాలో నటించనున్నారు. ఈ సినిమాకి సంబంధించిన స్క్రిప్ట్‌ వర్క్‌ పూర్తయిందట. షూటింగ్‌ ఆరంభించడమే ఆలస్యం అని సమాచారం.

‘కింగ్‌’ నాగార్జున అక్కినేని-రమ్యకృష్ణ జంటగా డైరెక్టర్‌ కల్యాణ్‌ కృష్ణ తెరకెక్కించిన హిట్‌ మూవీ ‘సోగ్గాడే చిన్నినాయన’.  ఎలాంటి అంచనాలు లేకుండా 2016లో విడుదలైన ఈ చిత్రం సూపర్‌ హిట్‌గా నిలిచింది. బాక్సాఫీసు వద్ద కలెక్షన్ల వర్షం కురిపించింది. దీంతో డైరెక్టర్‌ కల్యాణ్‌ దీనికి సీక్వెల్‌గా ‘బంగార్రాజు’ తెరకెక్కిస్తున్న సంగతి తెలిసిందే. త్వరలోనే బంగార్రాజును సెట్స్‌పైకి తీసుకురానున్నట్లు డైరెక్టర్‌ ప్రకటించినప్పటి నుంచి దీనికి సంపాదించిన అప్‌డేట్స్‌ సోషల్‌ మీడియాలో హల్‌చల్‌ చేస్తుంది. అయితే ఇందులో అక్కినేని వారసులు నాగచైతన్య, అఖిల్‌ నటిస్తుండగా చైకి జోడిగా సమంత నటిస్తున్నట్లు ఇటీవల వార్తలు వినిపించాయి. ఆ తర్వాత సమంత కాదని తమిళ హీరోయిన్‌ ప్రియాంక అరుల్‌ మోహన్‌ను అనుకుంటున్నట్లు సమాచారం. ఇదిలా ఉండగా బంగార్రాజు నుంచి మరో అసక్తికిర అప్‌డేట్‌ ప్రస్తుతం సోషల్‌ మీడియాలో హాట్‌టాపిక్‌గా మారింది. తాజా సమచారం ప్రకారం ఈ మూవీలో ఓ కీలక పాత్ర కోసం ఒకప్పటి స్టార్‌ హీరోయిన్‌ జయప్రదను చిత్రం బృందం సంప్రదించినట్లు సమాచారం. డైరెక్టర్‌ కల్యాణ్‌ ఆమెను కలిసి పాత్రను వివరించగా అది నచ్చడంతో జయప్రద గ్రీన్‌ సిగ్నల్‌ ఇచ్చినట్లు తెలుస్తోంది. అంతేగాక ఈ మూవీ కోసం డెట్స్‌ కూడా ఇచ్చినట్లు టాలీవుడ్‌లో టాక్‌. కాగా కొంతకాలంగా జయప్రద తెలుగు తెరపై కనిపించడం లేదు. చాలా గ్యాప్‌ తర్వాత ‘బంగార్రాజు’ మూవీతో టాలీవుడ్‌కు రీఎంట్రీ ఇవ్వడం నిజంగా ఆమె అభిమానులకు పండగే. అలాగే దీనితో పాటు జయప్రద ఓ వెబ్‌ సిరీస్‌తో కూడా త్వరలో ఓటీటీ ఎంట్రీ ఇవ్వనున్నట్లు కొద్ది రోజులుగా వార్తలు వస్తున్న విషయం తెలిసిందే. అయితే ఇందులో కూడా నాగార్జునకు జోడిగా నటి రమ్యకృష్ణ నటించనుంది.  చదవండి:  నాగార్జున యాక్షన్‌ మూవీ: జూన్‌లో ప్రారంభం

కింగ్‌ నాగార్జున ద్విపాత్రాభినయం చేసిన 'సోగ్గాడే చిన్నినాయన' సినిమాకు సీక్వెల్‌గా వస్తోంది 'బంగార్రాజు'. 2015లో విడుదలైన ఈ చిత్రం సూపర్‌ డూపర్‌ హిట్‌గా నిలిచింది. ఇందులో నాగ్‌ బంగార్రాజు పాత్రకు అద్భుత స్పందన రావడంతో అదే పేరు మీద సీక్వెల్‌ చేస్తున్నట్లు ప్రకటించారు. అయితే ఇందులో పాయల్‌ రాజ్‌పుత్‌ ఓ స్పెషల్‌ సాంగ్‌ చేయనున్నట్లు కొంతకాలంగా ఊహాగానాలు వినిపిస్తున్నాయి. గతంలోనూ పాయల్‌.. 'సీత' సినిమాలో 'బుల్లెట్టు మీదొచ్చె బుల్‌రెడ్డి..' పాటలో ఆడి అలరించిన విషయం తెలిసిందే. దీంతో ఆమె మరోసారి ఐటమ్‌ సాంగ్‌కు రెడీ అయిందని సోషల్‌ మీడియాలో కథనాలు రాగానే నిజమేనని నమ్మేశారు అభిమానులు. కానీ ఈ ప్రచారానికి చెక్‌ పెడుతూ అవన్నీ వుట్టి పుకార్లేనని బదులిచ్చిందీ హీరోయిన్‌. తాను ఏ స్పెషల్‌ సాంగ్‌లో కనిపించడం లేదు అని క్లారిటీ ఇచ్చింది. అన్నపూర్ణ స్టూడియోస్‌ ప్రొడక్షన్స్‌లో నాగార్జున నిర్మిస్తున్న ఈ చిత్రాన్ని ‘సోగ్గాడే చిన్నినాయన’ డైరెక్టర్‌ కల్యాణ్‌ కృష్ణ తెరకెక్కిస్తున్నాడు. త్వరలోనే ఈ మూవీ షూటింగ్‌ ప్రారంభం కానుంది. ఇందులో అక్కినేని వారసులు నాగచైతన్య, అఖిల్‌లు కూడా నటిస్తున్నట్లు తెలుస్తోంది. చైతూ జోడిగా ఆయన భార్య, హీరోయిన్‌ సమంత కనిపించనున్నట్లు సమాచారం. Posting just to make clear I’m not going to be part of any song . Thanks 🙏🏻 pic.twitter.com/n2kysTV6J0 — paayal rajput (@starlingpayal) May 24, 2021 చదవండి: తెలుగు సినిమా చరిత్ర విశేషాలతో ఓ మ్యూజియమ్‌ ఏర్పాటు చేయాలి

నాగార్జున హీరోగా కల్యాణ్‌కృష్ణ కురసాల దర్శకత్వంలో రూపొందిన ‘సోగ్గాడే చిన్నినాయనా’ (2016) చిత్రం సూపర్‌హిట్‌ సాధించింది. ఈ సినిమాలో నాగార్జున పోషించిన బంగార్రాజు క్యారెక్టర్‌ ఆడియన్స్‌ను బాగా మెప్పించింది. దీంతో నాగ్, కల్యాణ్‌ కలిసి ‘సోగ్గాడే చిన్ని నాయనా’ సినిమాకు ప్రీక్వెల్‌గా ‘బంగార్రాజు’ సినిమా చేయనున్నారు. ఈ సినిమాలోని ఓ కీలక పాత్రను భూమిక చేయనున్నారట. ఈ పాత్రకు నెగటివ్‌ షేడ్స్‌ ఉంటాయని సమాచారం.  కాగా నాగార్జున హీరోగా, బాలీవుడ్‌ నటి దియా మీర్జా హీరోయిన్‌గా నటించిన చిత్రం ‘వైల్డ్‌ డాగ్‌’. ఈ చిత్రంతో అహిషోర్‌ సాల్మోన్‌ దర్శకుడిగా పరిచయమవుతున్నారు. సయామీ ఖేర్, అతుల్‌ కులకర్ణి, అలీ రెజా, రుద్ర ప్రదీప్‌ ఇతర పాత్రల్లో నటించారు. మ్యాట్నీ ఎంటర్‌టైన్‌మెంట్‌ పతాకంపై నిరంజన్‌ రెడ్డి, అన్వేష్‌ రెడ్డి నిర్మించిన ఈ సినిమా ఏప్రిల్‌ 2న విడుదలకానుంది. చదవండి: తెలంగాణ పోరిలా నటించి మెప్పిస్తోందీ హీరోయిన్‌

చక్రవర్తి, బంగార్రాజు, అక్షర, సంతోషిణి ముఖ్య తారలుగా వెల్లంకి దుర్గాప్రసాద్‌ దర్శకత్వంలో తెరకెక్కిన చిత్రం ‘రూపం యస్‌ 20 ప్లస్‌’. సాయి తులసి సమర్పణలో సి.రామాంజనేయ నిర్మించిన ఈ సినిమా ఈ నెల 28న విడుదలవుతోంది. వెల్లంకి దుర్గాప్రసాద్‌ మాట్లాడుతూ– ‘‘ఓ మధ్యతరగతి అమ్మాయి లైంగిక దాడి నుంచి ఎలా తప్పించుకుంది? మంచి మనిషికి దగ్గరై అతని ప్రేమను ఎలా పొందింది? అన్నది ఒక జంట కథ. మాఫియా వలలో చిక్కుకున్న తన భార్యను ఒక పోలీసాఫీసర్‌ ఎలా కాపాడుకున్నాడన్నది రెండో జంట కథ’’ అన్నారు. ‘‘అన్నివర్గాలకు నచ్చేలా మా సినిమా ఉంటుంది’’ అన్నారు సి. రామాంజ నేయ. ఈ చిత్రానికి కెమెరా: సాగర్, ఆనంద్, సంగీతం: మెలోడీ శ్రీనివాస్, ఆర్‌ ఆర్‌ అర్మాన్‌.  ∙చక్రవర్తి, అక్ష్రర

చక్రవర్తి, బంగార్రాజు, ఆంధ్ర అప్పాచీ, అక్షర, సంతోషిని, ఉమ ముఖ్య తారలుగా వెల్లంకి దుర్గాప్రసాద్‌ దర్శకత్వంలో తెరకెక్కిన చిత్రం ‘రూపం ఎస్, 20ప్లస్‌’. సాయిలోకేష్‌ ప్రొడక్షన్‌ పతాకంపై సి.రామాంజనేయ నిర్మించిన ఈ సినిమా పోస్టర్‌ని నిర్మాత సాయివెంకట్‌ రిలీజ్‌ చేసి, మాట్లాడుతూ– ‘‘పల్లెటూరి నేపథ్యంలో వినోదాత్మకంగా రూపొందిన చిత్రమిది. దుర్గాప్రసాద్‌ మంచి ప్రతిభ ఉన్న వ్యక్తి. తనకు ఈ సినిమాతో మంచి పేరొస్తుంది’’ అన్నారు. ‘‘దర్శకు డిగా అవకాశం ఇచ్చిన రామాంజనేయగారికి థ్యాంక్స్‌. వెల్లంకి విజయలక్ష్మి రాసిన పాటలు ఈ చిత్రానికి ప్రధాన ఆకర్షణ’’ అని వెల్లంకి దుర్గాప్రసాద్‌ అన్నారు. ‘‘ప్రేక్షకులకు మంచి వినోదం అందించబోతున్నాం. ఆరవన్, మెలోడి శ్రీనివాస్‌ కలిసి ఈ చిత్రానికి మంచి సంగీతం అందించారు’’ అని రామంజనేయ అన్నారు. ఈ చిత్రానికి కెమెరా: ఆనంద్, సాగర్‌.

టాలీవుడ్ సీనియర్‌ హీరో కింగ్ నాగార్జున వరుస సినిమాలకు రెడీ అవుతున్నాడు. ప్రస్తుతం హిందీలో భారీ బడ్జెట్‌ మూవీ బ్రహ్మాస్త్రలో నటిస్తున్నా నాగ్‌, త్వరలో మన్మథుడు 2లో నటించేందుకు రెడీ అవుతున్నాడు. ఈ సినిమాకు చిలసౌ ఫేం రాహుల్‌ రవీంద్రన్ దర్శకుడు. ఈ సినిమా తరువాత సోగ్గాడే చిన్ని నాయనా సినిమాకు సీక్వల్‌గా తెరకెక్కనున్న  బంగార్రాజు సినిమాను పట్టాలెక్కించేందుకు ఓకె చెప్పాడట. ఈ సినిమాలో బంగార్రాజు పాత్రలో నాగ్‌ నటించనుండగా ఆయన మనవడిగా నాగచైతన్య కనిపించనున్నాడన్న ప్రచారం జరుగుతోంది. తాజాగా రాజుగాది గది సీక్వెల్‌ కూడా తెర మీదకు వచ్చింది. రాజు గారి గది 2లో ఇంట్రస్టింగ్ రోల్‌లో కనిపించిన నాగ్, ఆ సినిమాకు సీక్వెల్‌గా తెరకెక్కుతున్న రాజుగారి గది 3లో నటించేందుకు ఓకె చెప్పినట్టుగా తెలుస్తోంది. ఇలా వరుసగా సీక్వెల్‌ సినిమాలతో సందడి చేసేందుకు రెడీ అవుతున్నాడు కింగ్‌ నాగార్జున.

నాగార్జున, నాగచైతన్య నిజజీవితంలో తండ్రీ కొడుకులు. కానీ చూడ్డానికి మాత్రం అన్నదమ్ముల్లా ఉంటారని అక్కినేని అభిమానులు సరదాగా చెప్పుకుంటుంటారు. ఇప్పుడు నాగార్జున, నాగచైతన్య తాతామనవళ్లుగా నటించబోతున్నారు. రెండేళ్ల క్రితం కల్యాణ్‌ కృష్ణ దర్శకత్వంలో నాగార్జున హీరోగా ‘సోగ్గాడే చిన్ని నాయనా’ అనే సినిమా రూపొందిన విషయం తెలిసిందే. ఇందులో నాగార్జున చేసిన బంగార్రాజు క్యారెక్టర్‌ ఆడియన్స్‌ను బాగా మెప్పించింది. ఇప్పుడు సేమ్‌ కాంబినేషన్‌లోనే ‘సోగ్గాడే చిన్ని నాయానా’ చిత్రానికి సీక్వెల్‌ తెరకెక్కనుంది. అయితే ఇందులో నాగచైతన్య కూడా నటిస్తారు. బంగార్రాజు మనవడి పాత్రలో నాగచైతన్య కనిపిస్తారు. ఈ సినిమా షూటింగ్‌ వేసవిలో ఆరంభం కానుందని సమాచారం. ఇంతకుముందు ‘మనం’ సినిమాలో నాగార్జునకు నాన్న పాత్రలో నాగచైతన్య కనిపించారు. ఇప్పుడు ఈ చిత్రం కోసం మనవడిగా మారారు. ఈ సంగతి ఇలా ఉంచితే... 2002లో నాగార్జున హీరోగా వచ్చిన ‘మన్మథుడు’ చిత్రానికి కూడా స్వీకెల్‌ చేస్తున్నారట నాగార్జున. ఈ సినిమాకు నటుడు, ‘చిలసౌ’ ఫేమ్‌ రాహుల్‌ రవీంద్రన్‌ దర్శకత్వం వహిస్తారు. మార్చిలో ఈ సినిమా షూటింగ్‌ పోర్చ్‌గల్‌లో స్టార్ట్‌ అవుతుందని ప్రచారం జరుగుతోంది.

2016 సంక్రాంతికి బంగార్రాజుగా ‘సోగ్గాడే చిన్ని నాయనా’ సినిమాలో నాగార్జున ఏ రేంజ్‌లో అల్లరి చేశారో తెలిసిందే. ఇందులోని బంగార్రాజు పాత్రకు ప్రీక్వెల్‌ ప్లాన్‌ చేస్తున్నాం అని పలు సందర్భాల్లో నాగార్జున పేర్కొన్నారు కూడా. బంగార్రాజు తిరిగి రావడానికి రంగం సిద్ధం అయింది.  మార్చిలో ఈ చిత్రం షూటింగ్‌ స్టార్ట్‌ కానుందని సమాచారం. ఈ ప్రీక్వెల్‌కు సంబంధించిన కథను దర్శకుడు కల్యాణ్‌ కృష్ణ పూర్తి చేశారట. స్క్రిప్ట్‌కు సంబంధించిన ప్రీ ప్రొడక్షన్‌ పనులు కూడా పూర్తి కావచ్చాయట. అన్నపూర్ణ స్టూడియోస్‌ బ్యానర్‌పై నాగార్జున ఈ చిత్రాన్ని నిర్మించనున్నారు. ఫస్ట్‌ పార్ట్‌లో నాగార్జున సరసన నటించిన రమ్యకృష్ణ, మిగతా తారాగణమంతా కనిపిస్తారో లేదో వేచి చూడాలి. సినిమాకు సంబంధించిన సాంకేతిక నిపుణుల వివరాలు తెలియాల్సి ఉంది. కేవలం బంగార్రాజు పాత్రతో పూర్తి కథంటే ‘సోగ్గాడే..’ కంటే రెండింతల ఎనర్జీతో నాగ్‌ కనిపిస్తారని ఊహించవచ్చు. ‘సోగ్గాడే చిన్ని నాయనా’ ద్వారా దర్శకుడిగా పరిచయమైన కల్యాణ్‌ కృష్ణ ప్రీక్వెల్‌ని మరింత ఎంటర్‌టైనింగ్‌గా ప్లాన్‌ చేస్తున్నారట.

కింగ్ నాగార్జున త్వరలో తాత కాబోతున్నారు. అయితే అది రియల్‌ లైఫ్‌లో మాత్రం కాదు.. రీల్ లైఫ్‌లోనే. అవును నాగార్జున తన తదుపరి చిత్రంలో తాత పాత్రలో కనిపించనున్నాడట. దేవదాసు సినిమా తరువాత తెలుగు సినిమాలకు గ్యాప్‌ ఇచ్చిన నాగ్‌, బాలీవుడ్ సినిమా బ్రహ్మాస్త్రతో పాటు మరో మలయాళం సినిమాలో నటిస్తున్నారు. తమిళ్‌లో ధనుష్‌ దర్శకత్వంలో ఓ సినిమా ప్రారంభమైనా ఇంకా పట్టాలెక్కలేదు. తాజాగా సోగ్గాడే చిన్ని నాయనా సినిమాకు ప్రీక్వల్‌ను మొదలు పెట్టేందుకు రెడీ అవుతున్నాడు నాగ్‌. కల్యాణ్ కృష్ణ చెప్పిన కథ నచ్చటంతో ఏప్రిల్‌ లోనే సినిమాను ప్రారంభించే ఆలోచనలో ఉన్నాడట. ఈ సినిమాలో నాగ్‌తో పాటు నాగచైతన్య కూడా నటించనున్నాడన్న టాక్‌ వినిపిస్తోంది. అంతేకాదు నాగార్జున, నాగచైతన్య కే తాతగా కనిపించనున్నాడట. బంగార్రాజు అనే టైటిల్‌తో తెరకెక్కనున్న ఈ సినిమాకు సంబంధించి పూర్తి వివరాలు తెలియాల్సి ఉంది.

బంగార్రాజు పేరు వినగానే నాగార్జున నటించిన ‘సోగ్గాడే చిన్ని నాయన’ గుర్తుకురాక మానదు. కల్యాణ్‌ కృష్ణ దర్శకత్వంలో వచ్చిన ఈ చిత్రంలో ‘వాసి వాడి తస్సాదియ్యా’ అంటూ బంగార్రాజు పాత్రలో నాగ్‌ పల్లెటూరి సోగ్గాడిగా అలరించారు. ‘సోగ్గాడే చిన్నినాయన’కు ప్రీక్వెల్‌గా నాగార్జునతో ‘బంగార్రాజు’ సినిమాకు ప్లాన్‌ చేశారు కల్యాణ్‌ కృష్ణ. కానీ, ఇప్పుడా సినిమా ప్రస్తావన లేకపోవడంతో నాగ్‌ ఆ సినిమా చేయడం లేదనీ, రవితేజతో ‘బంగార్రాజు’ తీసేందుకు కల్యాణ్‌ రెడీ అవుతున్నారనే వార్త షికారు చేస్తోంది. రవితేజకు కథ కూడా వినిపించారట. ‘‘అసలు ఆ రూమర్‌ ఎలా వచ్చిందో అర్థం కావడంలేదు. ‘బంగార్రాజు’ కథ ఒక వెర్షన్‌ రాశా. అది నాగ్‌సార్‌కి అంతగా నచ్చకపోవడంతో వేరేలా తయారు చేస్తున్నా. ఇప్పటికీ, ఎప్పటికీ ‘బంగార్రాజు’ నాగార్జున సారే. రవితేజకు నేను కథ చెప్పిన విషయం వాస్తవమే. కానీ, అది వేరే కథ. పూర్తి వినోదాత్మకంగా ఉంటుంది’’ అని క్లారిటీ ఇచ్చి, రూమర్లకు ఫుల్‌స్టాప్‌ పెట్టారు. ప్రస్తుతం వెంకటేశ్, నాగచైతన్య కాంబినేషన్లో ఓ మల్టీస్టారర్‌ సినిమా రూపొందించే పనిలో ఉన్నారు కల్యాణ్‌ కృష్ణ. మరి నాగార్జున, వెంకటేశ్‌–నాగచైతన్య, రవితేజ.. ఎవరి సినిమా ముందు సెట్స్‌పైకి వెళుతుందన్నది సస్పెన్స్‌. వారి డేట్స్‌ని బట్టి ఎవరితో సినిమా ముందు మొదలవుతుందో త్వరలో తెలుస్తుంది.