సొంతగడ్డపై ఇంగ్లండ్‌ను టి20ల్లో చిత్తు చేసిన తర్వాత వన్డే సిరీస్‌ కూడా గెలుచుకొని భారత జట్టు ఒక లాంఛనం ముగించింది. ఇప్పుడు ప్రతిష్టాత్మక చాంపియన్స్‌ ట్రోఫీకి ముందు ఒకే ఒక వన్డే అందుబాటులో ఉంది. ఇప్పటికే సిరీస్‌ గెలుచుకుంది కాబట్టి బెంచీపై ఉన్న ఆటగాళ్లకు మేనేజ్‌మెంట్‌ ఒక అవకాశం ఇస్తుందా లేక విజయాల బాటలో ఉన్న జట్టును కొనసాగించి సిరీస్‌ను క్లీన్‌స్వీప్‌ చేస్తుందా అనేది చూడాలి. మరోవైపు ఇంగ్లండ్‌ కోణంలో ఇది కాస్త పరువు దక్కించుకునే ప్రయత్నం. ఇక్కడ ఆడిన 7 మ్యాచ్‌లలో 6 ఓడి నిరాశలో మునిగిన టీమ్‌ కనీసం చివరి పోరులోనైనా గెలిచి పర్యటనను ముగించాలని కోరుకుంటోంది. ఈ నేపథ్యంలో ప్రపంచంలో అతి పెద్ద స్టేడియం ఆఖరి పోరుకు వేదిక కానుంది. అహ్మదాబాద్‌: భారత గడ్డపై ఇంగ్లండ్‌ జట్టు పరిమిత ఓవర్ల పర్యటన చివరి అంకానికి చేరింది. సిరీస్‌ ఫలితం తేలిపోయిన తర్వాత నేడు మొతేరా లోని నరేంద్ర మోదీ స్టేడియం వేదికగా జరిగే నామమాత్రపు చివరి వన్డేలో భారత్, ఇంగ్లండ్‌ తలపడనున్నాయి. తాజా ప్రదర్శనను బట్టి చూస్తే అన్ని రంగాల్లో పటిష్టంగా ఉన్న టీమిండియాకు మరో విజయం కూడా కష్టం కాకపోవచ్చు. ఇక్కడా గెలిచి సిరీస్‌ను 3–0తో సాధించాలని రోహిత్‌ శర్మ బృందం భావిస్తోంది. మరోవైపు కొంత కాలం క్రితం వరకు అభేద్యమైన టీమ్‌గా కనిపించిన ఇంగ్లండ్‌ అటు బ్యాటింగ్, ఇటు బౌలింగ్‌లో పూర్తిగా విఫలమై చేతులెత్తేసింది. ఈ పోరు తర్వాత ఇరు జట్లు చాంపియన్స్‌ ట్రోఫీ బాట పడతాయి. కోహ్లి కొడతాడా! చాంపియన్స్‌ ట్రోఫీకి ముందు రోహిత్‌ భారత్‌ బెంగ తీర్చాడు. చక్కటి సెంచరీతో సత్తా చాటుతూ అతను ఫామ్‌లోకి వచ్చాడు. శుబ్‌మన్‌ గిల్‌ వరుసగా రెండు అర్ధసెంచరీలతో ఆకట్టుకోగా, శ్రేయస్‌ అయ్యర్‌ కూడా నిలకడగా రాణిస్తున్నాడు. ఆల్‌రౌండర్లు రవీంద్ర జడేజా, అక్షర్‌ పటేల్, హార్దిక్‌ పాండ్యా తమ విలువను చూపించారు. పదే పదే బ్యాటింగ్‌ ఆర్డర్‌ స్థానం మారడం వల్ల ఇబ్బంది పడుతున్న కేఎల్‌ రాహుల్‌ కూడా చెప్పుకోదగ్గ ఇన్నింగ్స్‌ ఆడాల్సి ఉంది. పంత్‌కు కాకుండా రాహుల్‌కే మరో అవకాశం దక్కవచ్చు. అయితే అన్నింటికి మించి ప్రధాన బ్యాటర్లలో విరాట్‌ కోహ్లి ప్రదర్శన కోసమే అంతా ఎదురు చూస్తున్నారు. ఆసీస్‌ గడ్డపై తొలి టెస్టు తర్వాత మొదలైన వైఫల్యం రంజీ మ్యాచ్‌ మీదుగా ఇక్కడ రెండో వన్డే వరకు సాగింది. అతని స్థాయిని బట్టి చూస్తే ఎప్పుడైనా చెలరేగిపోగలడు. కానీ అలాంటి ఇన్నింగ్సే ఇంకా రావడం లేదు. 14 వేల మైలురాయికి మరో 89 పరుగుల దూరంలో ఉన్న కోహ్లి ఈ మ్యాచ్‌లోనే దానిని పూర్తి చేసుకుంటాడా చూడాలి. బౌలింగ్‌ విభాగంలో షమీ ఇంకా పూర్తిగా తన లయను అందుకోలేదని గత మ్యాచ్‌లో అర్థమైంది. యువ బౌలర్‌ హర్షిత్‌ రాణా కూడా తడబడుతున్నాడు. అతని స్థానంలో అర్‌‡్షదీప్‌ను ఆడించే విషయంపై మేనేజ్‌మెంట్‌ చర్చిస్తోంది. స్పిన్నర్లలో వరుణ్‌ చక్రవర్తి చక్కటి బౌలింగ్‌ ప్రదర్శన కనబర్చడం మరో సానుకూలాంశం. ఓవరాల్‌గా అన్ని రంగాల్లో జట్టు పటిష్టంగా ఉంది. బాంటన్‌కు చాన్స్‌... ప్రత్యర్థితో పోలిస్తే ఇంగ్లండ్‌ పరిస్థితి ఏమాత్రం బాగాలేదు. ఒక్క ఆటగాడు కూడా తనదైన స్థాయి ప్రదర్శనను కనబర్చి జట్టును గెలిపించేలా కనిపించడం లేదు. రెండు వన్డేల్లో ప్రధాన బ్యాటర్లంతా తలా ఓ చేయి వేసినా విజయానికి అది సరిపోలేదు. గతంలో చూపించి విధ్వంసకర బ్యాటింగ్‌ ఇంగ్లండ్‌ నుంచి రావడం లేదు. ఓపెనర్లు సాల్ట్, డకెట్‌ శుభారంభాలు ఇస్తున్నారు కానీ ఆ తర్వాత దానిని ఇతర బ్యాటర్లు కొనసాగించలేకపోతున్నారు. కెపె్టన్‌ బట్లర్, జో రూట్‌ మాత్రమే నమ్మకమైన ఆటగాళ్లుగా కనిపిస్తుండగా, రెండో వన్డేలో హ్యారీ బ్రూక్‌ మరీ నెమ్మదిగా ఆడాడు. ఒవర్టన్‌ స్థానంలో బాంటన్‌ను తుది జట్టులోకి తీసుకోవచ్చు. మరోవైపు బౌలింగ్‌ పూర్తిగా బలహీనంగా కనిపిస్తోంది. భారత బ్యాటర్ల ముందు ఈ బౌలర్లంతా అనామకుల్లా కనిపిస్తున్నారు. ఏ ఒక్కరిలో కూడా ప్రత్యర్థిని నిలువరించే సత్తా కనిపించడం లేదు. సాఖిబ్‌ స్థానంలో ఆర్చర్‌ బరిలోకి దిగవచ్చు. అట్కిన్సన్, వుడ్, రషీద్‌ ఏమాత్రం రాణిస్తారో చూడాలి. తుది జట్ల వివరాలు (అంచనా) భారత్‌: రోహిత్‌ శర్మ (కెప్టెన్ ), గిల్, కోహ్లి, శ్రేయస్, రాహుల్, పాండ్యా, అక్షర్, జడేజా, రాణా, షమీ, వరుణ్‌. ఇంగ్లండ్‌: బట్లర్‌ (కెప్టెన్ ), సాల్ట్, డకెట్, బాంటన్, రూట్, బ్రూక్, లివింగ్‌స్టోన్, కార్స్, ఆర్చర్, రషీద్, వుడ్‌.పిచ్, వాతావరణం సాధారణ బ్యాటింగ్‌ పిచ్‌. చక్కగా పరుగులు సాధించవచ్చు. వర్షసూచన ఏమాత్రం లేదు. వేడి వాతావరణం. టాస్‌ గెలిచిన జట్టు ఫీల్డింగ్‌ ఎంచుకునే అవకాశం ఉంది.13 మరో 13 పరుగులు చేస్తే రోహిత్‌ వన్డేల్లో 11 వేల మైలురాయిని అందుకుంటాడు.

అహ్మదాబాద్‌: ‘భారత జట్టు విజయం సాధించేందుకు కనీస ప్రయత్నం కూడా చేయలేదు. ఇది సిగ్గు పడాల్సిన విషయం’... ఆదివారం జరిగిన రెండో వన్డేపై న్యూజిలాండ్‌ మహిళల జట్టు కెపె్టన్‌ సోఫీ డివైన్‌ చేసిన వ్యాఖ్య ఇది. ప్రత్యర్థి సారథి కాస్త ఘాటుగానే చెప్పినా మన జట్టు బ్యాటింగ్‌ బలహీనతను అది చూపించింది. గత మ్యాచ్‌లో 260 పరుగుల లక్ష్య ఛేదనలో 18వ ఓవర్లోనే 77 పరుగులకు భారత టాప్‌–5 వెనుదిరగడంతోనే ఓటమి దాదాపుగా ఖాయమైంది. 9వ నంబర్‌ బ్యాటర్‌ రాధా యాదవ్‌ ఆదుకోకపోతే పరిస్థితి ఇంకా ఘోరంగా ఉండేది. కీలకమైన చివరి పోరులోనైనా బ్యాటింగ్‌లో రాణిస్తే సొంతగడ్డపై సిరీస్‌ గెలుచుకునేందుకు మనకు అవకాశం ఉంటుంది. ఈ నేపథ్యంలో నేడు జరిగే చివరిదైన మూడో వన్డేలో భారత్, కివీస్‌ టీమ్‌లు తలపడనున్నాయి. తొలి వన్డేలో కూడా భారత్‌ మెరుగైన బౌలింగ్‌ ప్రదర్శనతోనే నెగ్గింది. రెండు వన్డేల్లో కలిపి మన బ్యాటర్లు ఎవరూ కనీసం అర్ధ సెంచరీ కూడా నమోదు చేయలేకపోయారు. చివరి మ్యాచ్‌లో నెగ్గాలంటే ముగ్గురు ప్రధాన బ్యాటర్లు స్మృతి మంధాన, షఫాలీ వర్మ, కెపె్టన్‌ హర్మన్‌ప్రీత్‌ కౌర్‌ చెలరేగాల్సి ఉంది. ముఖ్యంగా స్మృతి సుదీర్ఘ కాలంగా వరుసగా విఫలమవుతూ తీవ్రంగా నిరాశపరుస్తోంది. ఈ సిరీస్‌లో ఆమె 5, 0 స్కోర్లకే పరిమితమైంది. ఇదే సిరీస్‌తో అరంగేట్రం చేసిన తేజల్‌ను తప్పు పట్టలేం కానీ జెమీమా కూడా మిడిలార్డర్‌లో ఆశించిన స్థాయిలో రాణించడం లేదు. అందరూ సమష్టిగా చెలరేగితేనే కివీస్‌పై ఆధిపత్యం ప్రదర్శించవచ్చు. మరోవైపు న్యూజిలాండ్‌ గత విజయం తర్వాత ఉత్సాహంగా బరిలోకి దిగుతోంది. రెండో వన్డేలో బ్యాటర్లు మూడు అర్ధ సెంచరీలు నమోదు చేయడం విశేషం. ఓపెనర్లు సుజీ బేట్స్, జార్జియా ప్లిమ్మర్, హ్యాలిడే, మ్యాడీ గ్రీన్‌లతో జట్టు బ్యాటింగ్‌ పటిష్టంగా ఉంది. ఇక కెపె్టన్‌ సోఫీ డివైన్‌ గురించి ప్రత్యేకంగా చెప్పనవసరం లేదు. అటు ఆల్‌రౌండ్‌ ప్రదర్శనతో పాటు ఇటు సారథిగా కూడా ఆమె జట్టును సమర్థంగా నడిపిస్తోంది. సీనియర్‌ పేసర్‌ తహుహు ఆఫ్‌స్పిన్నర్‌ ఈడెన్‌ కార్సన్‌లు ఎలాంటి బ్యాటర్లనైనా ఇబ్బంది పెట్టగల సమర్థులు. లాంటి స్థితిలో స్వదేశంలో సిరీస్‌ కోల్పోరాదంటే హర్మన్‌ బృందం రెట్టింపు శ్రమించాల్సి ఉంది. తుది జట్ల వివరాలు (అంచనా) భారత్‌: హర్మన్‌ కౌర్‌ (కెపె్టన్‌), షఫాలీ, స్మృతి, యస్తిక, జెమీమా, తేజల్, దీప్తి శర్మ, అరుంధతి రెడ్డి, రాధా యాదవ్, సైమా ఠాకూర్, ప్రియా మిశ్రా/శ్రేయాంక పాటిల్‌. న్యూజిలాండ్‌: సోఫీ డివైన్‌ (కెప్టెన్‌), సుజీ బేట్స్, ప్లిమ్మర్, లారెన్‌ డౌన్, హ్యాలిడే, గ్రీన్, ఇసబెల్లా, జెస్‌ కెర్, తహుహు, కార్సన్, జొనాస్‌.

కొలంబో: ఆతిథ్య స్పిన్‌ను ఎదుర్కోలేక బ్యాటర్లంతా చేతులెత్తేయడంతో భారత జట్టు సిరీస్‌ను సమం చేసుకోలేకపోయింది. దీంతో మూడు వన్డేల సిరీస్‌లో ఒక్క మ్యాచ్‌ కూడా నెగ్గలేకపోయిన టీమిండియా సిరీస్‌ను 0–2తో శ్రీలంకకు సమరి్పంచుకుంది. బుధవారం జరిగిన చివరిదైన మూడో వన్డేలో శ్రీలంక 110 పరుగుల తేడాతో గెలిచింది. తద్వారా టీమిండియాపై 27 ఏళ్ల తర్వాత వన్డే సిరీస్‌ను సొంతం చేసుకుంది. మొదట బ్యాటింగ్‌కు దిగిన శ్రీలంక నిర్ణీత 50 ఓవర్లలో 7 వికెట్ల నష్టానికి 248 పరుగులు చేసింది. ఓపెనర్‌ ‘ప్లేయర్‌ ఆఫ్‌ ద మ్యాచ్‌’ అవిష్క ఫెర్నాండో (102 బంతుల్లో 96; 9 ఫోర్లు, 2 సిక్స్‌లు), కుశాల్‌ మెండిస్‌ (82 బంతుల్లో 59; 4 ఫోర్లు) రాణించారు. రియాన్‌ పరాగ్‌ 3 వికెట్లు తీశాడు. అనంతరం భారత్‌ 26.1 ఓవర్లలో 138 పరుగుల వద్దే కుప్పకూలింది. రోహిత్‌ శర్మ (20 బంతుల్లో 35; 6 ఫోర్లు, 1 సిక్స్‌) చేసిన పరుగులే ఇన్నింగ్స్‌ టాప్‌ స్కోర్‌! తర్వాత టెయిలెండర్‌ వాషింగ్టన్‌ సుందర్‌ (25 బంతుల్లో 30; 2 ఫోర్లు, 3 సిక్స్‌లు) మెరుగ్గా ఆడాడు. ‘ప్లేయర్‌ ఆఫ్‌ ద సిరీస్‌’ దునిత్‌ వెలలగే (5/27) చావుదెబ్బ తీయగా, వాండెర్సే, తీక్షణ చెరో 2 వికెట్లు పడగొట్టారు. తమకు కలిసొచి్చన స్పిన్‌ ట్రాక్‌పై పది వికెట్లలో స్పిన్నర్లే 9 వికెట్లు పడగొట్టేశారు. టాపార్డర్‌ రాణింపుతో... టాస్‌ నెగ్గగానే బ్యాటింగ్‌ ఎంచుకున్న శ్రీలంకకు ఓపెనర్లు నిసాంక, అవిష్క ఫెర్నాండో శుభారంభమిచ్చారు. ఓపెనర్లిద్దరు భారత బౌలర్లపై ఆధిపత్యాన్ని కొనసాగించారు. స్పిన్నర్లను దించినా యథేచ్ఛగా పరుగులు రాబట్టారు. ఎట్టకేలకు ఓపెనింగ్‌ వికెట్‌కు 89 పరుగులు జతయ్యాక నిసాంకను అక్షర్‌ అవుట్‌ చేశాడు. కానీ తర్వాత వచి్చన కుశాల్‌తో అవిష్క మరో భాగస్వామ్యానికి శ్రీకారం చుట్టాడు. 65 బంతుల్లో ఫిఫ్టీ పూర్తిచేసుకొని సెంచరీ దిశగా సాగుతున్న అవిష్కను జట్టు స్కోరు 171 వద్ద పరాగ్‌ పెవిలియన్‌ చేర్చడంతో రెండో వికెట్‌కు 82 పరుగుల భాగస్వామ్యం ముగిసింది. తర్వాత అసలంక (10), సమరవిక్రమ (0), జనిత్‌ (8), వెలలగే (2)లపై భారత బౌలర్లు ప్రభావం చూపారు. 77 బంతుల్లో ఫిఫ్టీ చేసిన కుశాల్‌ను కుల్దీప్‌ బోల్తా కొట్టించడంతో లంకను 250 పరుగుల్లోపే కట్టడి చేశారు. ఈసారి వెలలగే వలలో... ఓపెనర్, కెపె్టన్‌ రోహిత్‌ ఎప్పట్లాగే తనశైలి దూకుడుతో ఆరంభం నుంచే ధాటిగా పరుగులు రాబట్టే పనిలో పడ్డాడు. కానీ శుబ్‌మన్‌ గిల్‌ (6) సీమర్‌ అసిత ఫెర్నాండో వేసిన ఐదో ఓవర్లోనే క్లీన్‌»ౌల్డయ్యాడు. కోహ్లి (18 బంతుల్లో 20; 4 ఫోర్లు)తో కలిసి ‘హిట్‌మ్యాన్‌’ జట్టు స్కోరును 50 పరుగులు దాటించాడు. కానీ కాసేపటికే వెలలగే స్పిన్‌ మ్యాజిక్‌కు రోహిత్‌ వికెట్‌ సమరి్పంచుకోవడంతో గత రెండు మ్యాచ్‌ల వైనమే ఇందులోనూ కొనసాగింది. కెప్టెన్‌ వికెట్‌ పడగానే షరామామూలుగా రిషభ్‌ పంత్‌ (9), కోహ్లి, అక్షర్‌ పటేల్‌ (2), శ్రేయస్‌ అయ్యర్‌ (8) పెవిలియన్‌కు క్యూకట్టడంతో 82 పరుగులకే భారత్‌ 6 వికెట్లను కోల్పోయి పరాజయానికి సిద్ధమైంది. జట్టుస్కోరు 100 పరుగులకు చేరగానే వాండెర్సే... పరాగ్‌ (15)ను, తదుపరి ఓవర్లో శివమ్‌ దూబే (9)ను పెవిలియన్‌ చేర్చాడు. ఈ దశలో వాషింగ్టన్‌ సుందర్‌ కొట్టిన ఆ కొద్దిపాటి మెరుపులతో వంద పైచిలుకు స్కోరు చేసిందే తప్ప కనీసం 150 దగ్గరకు వెళ్లలేకపోయింది. సుందర్‌ను తీక్షణ, కుల్దీప్‌ (6)ను వెలలగే అవుట్‌ చేయడంతో భారత్‌ ఆలౌటైంది. స్కోరు వివరాలు శ్రీలంక ఇన్నింగ్స్‌: నిసాంక (సి) పంత్‌ (బి) అక్షర్‌ 45; అవిష్క (ఎల్బీడబ్ల్యూ) (బి) పరాగ్‌ 96; కుశాల్‌ (సి) గిల్‌ (బి) కుల్దీప్‌ 59; అసలంక (ఎల్బీడబ్ల్యూ) (బి) పరాగ్‌ 10; సమరవిక్రమ (ఎల్బీడబ్ల్యూ) (బి) సిరాజ్‌ 0; జనిత్‌ (బి) సుందర్‌ 8; వెలలగే (బి) పరాగ్‌ 2; కమిండు (నాటౌట్‌) 23; తీక్షణ (నాటౌట్‌) 3; ఎక్స్‌ట్రాలు 2; మొత్తం (50 ఓవర్లలో 7 వికెట్లకు) 248. వికెట్ల పతనం: 1–89, 2–171, 3–183, 4–184, 5–196, 6–199, 7–235. బౌలింగ్‌: సిరాజ్‌ 9–0–78–1, శివమ్‌ దూబే 4–0–9–0, అక్షర్‌ 10–1–41–1, సుందర్‌ 8–1–29–1, కుల్దీప్‌ 10–0–36–1, రియాన్‌ పరాగ్‌ 9–0–54–3. భారత్‌ ఇన్నింగ్స్‌: రోహిత్‌ (సి) కుశాల్‌ (బి) వెలలగే 35; గిల్‌ (బి) అసిత ఫెర్నాండో 6; కోహ్లి (ఎల్బీడబ్ల్యూ) (బి) వెలలగే 20; పంత్‌ (స్టంప్డ్‌) కుశాల్‌ (బి) తీక్షణ 6; అయ్యర్‌ (ఎల్బీడబ్ల్యూ) (బి) వెలలగే 8; అక్షర్‌ (బి) వెలలగే 2; పరాగ్‌ (బి) వాండెర్సే 15; దూబే (ఎల్బీడబ్ల్యూ) (బి) వాండెర్సే 9; సుందర్‌ (సి) వాండెర్సే (బి) తీక్షణ 30; కుల్దీప్‌ (ఎల్బీడబ్ల్యూ) (బి) వెలలగే 6; సిరాజ్‌ (నాటౌట్‌) 0; ఎక్స్‌ట్రాలు 1; మొత్తం (26.1 ఓవర్లలో ఆలౌట్‌) 138. వికెట్ల పతనం: 1–37, 2–53, 3–63, 4–71, 5–73, 6–82, 7–100, 8–101, 9–138, 10–138. బౌలింగ్‌: అసిత ఫెర్నాండో 5–0–29–1, తీక్షణ 8–0–45–2, వెలలగే 5.1–0–27–5, వాండెర్సే 5–0–34–2, అసలంక 3–1–2–0.

కొలొంబో వేదికగా శ్రీలంకతో జరుగుతున్న మూడో వన్డేలో భారత బౌలర్లు కట్టుదిట్టంగా బౌలింగ్‌ చేశారు. ఫలితంగా శ్రీలంక నామమాత్రపు స్కోర్‌కే (248/7) పరిమితమైంది. కెరీర్‌లో తొలి వన్డే ఆడుతున్న రియాన్‌ పరాగ్‌ బంతితో రాణించాడు. రియాన్‌ 9 ఓవర్లలో 54 పరుగులిచ్చి మూడు వికెట్లు పడగొట్టాడు. కుల్దీప్‌ యాదవ్‌, వాషింగ్టన్‌ సుందర్‌, అక్షర్‌ పటేల్‌ కట్టుదిట్టంగా బౌలింగ్‌ చేసి తలో వికెట్‌ పడగొట్టారు. శివమ్‌ దూబే నాలుగు ఓవర్లు వేసి కేవలం తొమ్మిది పరుగులు మాత్రమే ఇచ్చాడు. మహ్మద్‌ సిరాజ్‌ ధారళంగా పరుగులు సమర్పించుకుని ఓ వికెట్‌ తీశాడు. సిరాజ్‌ 9 ఓవర్లలో ఏకంగా 78 పరుగులు సమర్పించుకున్నాడు.తృటిలో సెంచరీ చేజార్చుకున్న అవిష్కటాస్‌ గెలిచి తొలుత బ్యాటింగ్‌ చేసిన శ్రీలంకకు ఓపెనర్లు పథుమ్‌ నిస్సంక (45), అవిష్క ఫెర్నాండో (96) శుభారంభాన్ని అందించారు. వీరిద్దరు తొలి వికెట్‌కు 89 పరుగులు జోడించారు. అవిష్క నాలుగు పరుగుల తేడాతో సెంచరీని చేజార్చుకున్నాడు.రాణించిన కుసాల్‌ మెండిస్‌అవిష్క ఫెర్నాండో ఔటైన తర్వాత క్రీజ్‌లోకి వచ్చిన కుసాల్‌ మెండిస్‌ (59) అర్ద సెంచరీతో రాణించాడు. వన్‌డౌన్‌లో బ్యాటింగ్‌కు దిగిన కుసాల్‌ ఏడో వికెట్‌గా వెనుదిరిగాడు. ఆఖర్లో కమిందు మెండిస్‌ (23 నాటౌట్‌) వేగంగా పరుగులు సాధించడంతో శ్రీలంక ఈ మాత్రం స్కోరైనా చేయగలిగింది. లంక ఇన్నింగ్స్‌లో అసలంక 10, సధీర సమరవిక్రమ 0, లియనాగే 8, వెల్లలగే 2 పరుగులు చేసి ఔటయ్యారు.

కొలొంబో వేదికగా శ్రీలంకతో ఇవాళ (ఆగస్ట్‌ 7) జరుగనున్న మూడో వన్డేలో టీమిండియా టాస్‌ ఓడి తొలుత బౌలింగ్‌ చేయనుంది. మూడు మ్యాచ్‌ల ఈ సిరీస్‌లో టీమిండియా టాస్‌ ఓడటం ఇది వరుసగా మూడోసారి. ఈ మ్యాచ్‌లో భారత్‌ రెండు మార్పులతో బరిలోకి దిగనుంది. కేఎల్‌ రాహుల్‌, అర్ష్‌దీప్‌ సింగ్‌ స్థానాల్లో రిషబ్‌ పంత్‌, రియాన్‌ పరాగ్‌ తుది జట్టులోకి వచ్చారు. మరోవైపు లంక సైతం ఓ మార్పు చేసింది. అఖిల ధనంజయ స్థానంలో మహేశ్‌ తీక్షణ తుది జట్టులోకి వచ్చాడు. కాగా, ఈ సిరీస్‌లో శ్రీలంక 1-0 ఆధిక్యంలో ఉన్న విషయం తెలిసిందే. తొలి వన్డే టైగా ముగియగా.. రెండో వన్డేలో లంక విజయం సాధించింది.తుది జట్లు..భారత్: రోహిత్ శర్మ(కెప్టెన్‌), శుభ్‌మన్ గిల్, విరాట్ కోహ్లీ, రిషబ్ పంత్(వికెట్‌కీపర్‌), శ్రేయస్ అయ్యర్, రియాన్ పరాగ్, శివమ్ దూబే, అక్షర్ పటేల్, వాషింగ్టన్ సుందర్, కుల్దీప్ యాదవ్, మహ్మద్ సిరాజ్శ్రీలంక: పథుమ్ నిస్సంక, అవిష్క ఫెర్నాండో, కుసల్ మెండిస్(వికెట్‌కీపర్‌), సదీర సమరవిక్రమ, చరిత్ అసలంక(కెప్టెన్‌), జనిత్ లియనాగే, కమిందు మెండిస్, దునిత్ వెల్లలాగే, మహేశ్ తీక్షణ, జెఫ్రీ వాండర్సే, అసిత ఫెర్నాండో

కొలంబో: టి20 సిరీస్‌ను సులువుగా గెలుచుకున్న టీమిండియాకు వన్డే సిరీస్‌ గెలుపు కూడా లాంఛనమే అనిపించింది. కానీ రోహిత్‌ శర్మ, విరాట్‌ కోహ్లితో ఉన్న పూర్తిస్థాయి టీమిండియాకు వన్డేల్లో ఎవరూ ఊహించని సవాళ్లు ఎదురయ్యాయి. తొలి వన్డేను గెలుపు మెట్టుపై ‘టై’ చేసుకున్న రోహిత్‌ బృందం రెండో మ్యాచ్‌లో లక్ష్యాన్ని ఛేదించే క్రమంలో 97/0తో పటిష్టస్థితిలో ఉండి కూడా... లంక స్పిన్‌ మాయాజాలానికి అనూహ్యంగా కుప్పకూలింది. ఈ రెండు మ్యాచ్‌ల్లోనూ భారత్‌ ఆలౌటైంది. బంతులు మాత్రం మిగిలిపోయాయి. అంటే మన బ్యాటర్లు క్రీజులో నిలువడమే కష్టమైపోతోంది. కోహ్లి, రాహుల్‌లాంటి సీనియర్లపై కూడా ఆతిథ్య స్పిన్‌ బౌలింగ్‌ ఆధిపత్యం చలాయిస్తోంది. ఇది జట్టును కలవరపెడుతోంది. మరోవైపు 1–0తో సిరీస్‌లో ఆధిక్యంలో ఉన్న శ్రీలంక ఇప్పుడు ఇదే ఉత్సాహంతో ఆఖరి పోరులో గెలిచి సిరీస్‌ను కైవసం చేసుకోవాలని పట్టుదలతో ఉంది. మన బ్యాట్‌లకు పని చెప్పాల్సిందే! ఈ పర్యటనలో భారత్‌ ఇప్పటి వరకు ఐదు మ్యాచ్‌లాడింది. మూడు టి20లు సహా, గత రెండు వన్డేల్లోనూ బౌలర్లు ప్రతాపం చూపారు. కానీ బ్యాటర్లే ఆ రేంజ్‌లో రాణించలేకపోతున్నారు. ముఖ్యంగా వన్డేల్లో చక్కని శుభారంభాలు వచి్చనా... కెపె్టన్‌ రోహిత్‌ శర్మ ధాటైన బ్యాటింగ్‌తో లక్ష్యాన్ని సులువుగా మారుస్తున్నా... తర్వాత వచి్చ న బ్యాటర్లు మిగిలిన లక్ష్యాన్ని ఛేదించలేకపోవడమే పెద్ద సమస్యగా మారింది.దీనిపై ప్రత్యేకంగా దృష్టి సారించిన టీమ్‌ మేనేజ్‌మెంట్‌ ఆఖరి పోరులో తమ బ్యాటింగ్‌ దళాన్ని సన్నద్ధం చేస్తోంది. రోహిత్‌ ఆడినట్లే టాపార్డర్‌లో కోహ్లి, మిడిలార్డర్‌లో కేఎల్‌ రాహుల్, శ్రేయస్‌ అయ్యర్‌ ఏ కాస్తోకూస్తో ఆడినా... కొన్ని ఓవర్లు క్రీజులో పాతుకుపోయినా ఎంతటి స్పిన్నయినా తుత్తునీయలు చేయొచ్చు. జోరు మీదున్న లంక టి20 సిరీస్‌లో క్లీన్‌స్వీప్‌తో పల్లెకెలెలో పోగొట్టుకున్న పరువును కొలంబోలో కొల్లగొట్టాలని ఆతిథ్య శ్రీలంక పట్టుదలతో ఉంది. చక్కగా స్పిన్‌కు అనుకూలించే పిచ్‌పై బౌలర్లు మాయాజాలం ప్రదర్శిస్తున్నారు. పటిష్టమైన ప్రత్యర్థి బ్యాటింగ్‌ లైనప్‌ను తేలిగ్గా కూల్చేస్తున్నారు. పైగా 1–0తో ఉన్న శ్రీలంక ఇప్పుడు సిరీస్‌ కోల్పోలేని స్థితిలో ఉంది. ఒత్తిడేమో భారత్‌పై ఉంది. దీన్ని సది్వనియోగం చేసుకొని తమ స్పిన్‌తో తిప్పేయాలని వాండెర్సే, అసలంక పిడికిలి బిగిస్తున్నారు. కొలంబో వేదికపై లక్ష్యఛేదన మ్యాచ్‌ సాగేకొద్దీ కష్టతరమవుతోంది కాబట్టి టాస్‌ గెలిస్తే మాత్రం మరో మాటకు తావులేకుండా ఏ జట్టయినా బ్యాటింగే ఎంచుకోవడం ఖాయం. పిచ్, వాతావరణం కొలంబో పిచ్‌ స్పిన్‌కు స్వర్గధామం. దీనివల్లే ఆతిథ్య స్పిన్నర్లు చెలరేగుతున్నారు. బ్యాటర్లు జాగ్రత్త పడాల్సిందే! వర్ష సూచన ఉన్నా... మ్యాచ్‌కైతే ఇబ్బంది ఉండకపోవచ్చు.

వాంఖడే వేదికగా టీమిండియాతో ఇవాళ (జనవరి 2) జరిగిన మూడో వన్డేలో ఆస్ట్రేలియా 190 పరుగుల భారీ తేడాతో గెలుపొందింది. ఫలితంగా మూడు మ్యాచ్‌ల సిరీస్‌ను ఆసీస్‌ 3-0 తేడాతో క్లీన్‌ స్వీప్‌ చేసింది. నామమాత్రంగా జరిగిన ఈ మ్యాచ్‌లో ఆస్ట్రేలియా టాస్‌ గెలిచి తొలుత బ్యాటింగ్‌ చేసింది.  ఓపెనర్‌ ఫోబ్‌ లిచ్‌ఫీల్డ్‌ (119) సెంచరీతో కదంతొక్కడంతో ఆసీస్‌ నిర్ణీత 50 ఓవర్లలో 7 వికెట్ల నష్టాని​కి 338 పరుగుల భారీ స్కోర్‌ చేసింది. లిచ్‌ఫీల్డ్‌కు మరో ఓపెనర్‌ అలైసా హీలీ (82) కూడా సత్తా చాటింది. ఆఖర్లో ఆష్లే గార్డ్‌నర్‌ (30), అన్నాబెల్‌ సదర్‌ల్యాండ్‌ (23), అలానా కింగ్‌ (26 నాటౌట్‌), జార్జియా వేర్హమ్‌ (11 నాటౌట్‌) మెరుపు ఇన్నింగ్స్‌లతో విరుచుకుపడ్డారు. భారత బౌలర్లలో శ్రేయాంక పాటిల్‌ 3 వికెట్లతో రాణించగా.. అమన్‌జోత్‌ కౌర్‌ 2, పూజా వస్త్రాకర్‌, దీప్తి శర్మ తలో వికెట్‌ వికెట్‌ పడగొట్టారు.  అనంతరం భారీ లక్ష్య ఛేదనకు దిగిన టీమిండియా.. జార్జియా వేర్హమ్‌ (3/23), మెగాన్‌ షట్‌ (2/23), అలానా కింగ్‌ (2/21), అన్నాబెల్‌ సదర్‌ల్యాండ్‌  (2/9) ధాటికి 32.4 ఓవర్లలో 148 పరుగులకే కుప్పకూలింది. భారత ఇన్నింగ్స్‌లో స్మృతి మంధన (29), రిచా ఘోష్‌ (19), జెమీమా రోడ్రిగెజ్‌ (25), దీప్తి శర్మ (25 నాటౌట్‌), పూజా వస్త్రాకర్‌ (14) మాత్రమే రెండంకెల స్కోర్లు చేయగలిగారు.  కాగా, ప్రస్తుత భారత పర్యటనలో ఆసీస్‌ తదుపరి టీ20 సిరీస్‌ ఆడనుంది. జనవరి 5, 7, 9 తేదీల్లో ఇరు జట్ల మధ్య మూడు మ్యాచ్‌ల సిరీస్‌ జరుగనుంది. ఈ మ్యాచ్‌లన్నీ నవీ ముంబై వేదికగా జరుగనున్నాయి. వన్డే సిరీస్‌కు ముందు ఇరు జట్ల మధ్య జరిగిన ఏకైక టెస్ట్‌ మ్యాచ్‌లో భారత్‌.. ఆస్ట్రేలియాను 8 వికెట్ల తేడాతో చిత్తు చేసింది.

మూడు మ్యాచ్‌ల సిరీస్‌లో భాగంగా టీమిండియాతో ఇవాళ (జనవరి 2) జరుగుతున్న నామమాత్రపు మూడో వన్డేలో ఆస్ట్రేలియా మహిళల జట్టు భారీ స్కోర్‌ చేసింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆసీస్‌.. ఓపెనర్‌ ఫోబ్‌ లిచ్‌ఫీల్డ్‌ (119) సెంచరీతో కదంతొక్కడంతో నిర్ణీత 50 ఓవర్లలో 7 వికెట్ల నష్టాని​కి 338 పరుగులు చేసింది. లిచ్‌ఫీల్డ్‌కు మరో ఓపెనర్‌ అలైసా హీలీ (82) కూడా తోడవ్వడంతో ఆసీస్‌ భారీ స్కోర్‌ చేసింది. ఆఖర్లో ఆష్లే గార్డ్‌నర్‌ (30), అన్నాబెల్‌ సదర్‌ల్యాండ్‌ (23), అలానా కింగ్‌ (26 నాటౌట్‌), జార్జియా వేర్హమ్‌ (11 నాటౌట్‌) మెరుపు ఇన్నింగ్స్‌లతో విరుచుకుపడ్డారు. భారత బౌలర్లలో శ్రేయాంక పాటిల్‌ 3 వికెట్లతో రాణించగా.. అమన్‌జోత్‌ కౌర్‌ 2, పూజా వస్త్రాకర్‌, దీప్తి శర్మ తలో వికెట్‌ వికెట్‌ పడగొట్టారు. కాగా, తొలి రెండు వన్డేల్లో గెలుపొందిన ఆసీస్‌ ఇదివరకే సిరీస్‌ను 2-0 తేడాతో కైవసం చేసుకుంది. ఈ సిరీస్‌కు ముందు జరిగిన ఏకైక టెస్ట్‌లో మాత్రం టీమిండియా ఆసీస్‌ను 8 వికెట్ల తేడాతో చిత్తు చేసింది. వన్డే సిరీస్‌ ఆనంతరం​ జనవరి 5, 7, 9 తేదీల్లో ఇరు జట్ల మధ్య మూడు మ్యాచ్‌ల టీ20 సిరీస్‌ జరుగనుంది. ఈ మ్యాచ్‌లన్నీ నవీ ముంబై వేదికగా జరుగనున్నాయి.

ముంబై: కొత్త ఏడాదిని విజయంతో ప్రారంభించాలనే లక్ష్యంతో... నేడు ఆస్ట్రేలియా మహిళల జట్టుతో జరిగే చివరిదైన మూడో వన్డేలో భారత జట్టు బరిలోకి దిగనుంది. హర్మన్‌ప్రీత్‌ కౌర్‌ సారథ్యంలోని టీమిండియా ఇప్పటికే తొలి రెండు వన్డేల్లో ఓటమి పాలై సిరీస్‌ను కోల్పోయింది. ఫలితంగా ఆ్రస్టేలియాపై తొలిసారి ద్వైపాక్షిక వన్డే సిరీస్‌ను సొంతం చేసుకోవాలని ఆశించిన భారత జట్టుకు మరోసారి నిరాశే ఎదురైంది. ఇక చివరి మ్యాచ్‌లోనైనా గెలిచి ఊరట చెందాలని భారత బృందం భావిస్తోంది. ఇంగ్లండ్, ఆస్ట్రేలియాతో జరిగిన టెస్టుల్లో విశేషంగా రాణించి అద్భుత విజయాలు అందుకున్న భారత జట్టు వన్డే ఫార్మాట్‌కు వచ్చేసరికి తడబడింది. సమష్టి ప్రదర్శన కొరవడటంతో ఈ ప్రభావం మ్యాచ్‌ తుది ఫలితంపై పడింది. భారత్‌ తరఫున బ్యాటింగ్, బౌలింగ్‌ విభాగాలలో ఒకరిద్దరే రాణిస్తుండటం ప్రతికూలంగా మారింది. తొలి వన్డేలో భారత జట్టు భారీ స్కోరు చేసినా బౌలర్ల వైఫల్యం దెబ్బతీసింది. రెండో వన్డేలో రిచా ఘోష్‌ ఒంటరి పోరాటంతో విజయానికి చేరువైన భారత్‌ చివర్లో వరుస విరామాల్లో వికెట్లు కోల్పోయి ఆఖరికి మూడు పరుగుల తేడాతో ఓడిపోయింది. అంతేకాకుండా రెండో మ్యాచ్‌లో భారత ఫీల్డర్లు ఏకంగా ఏడు క్యాచ్‌లు జారవిడిచారు. కెపె్టన్‌గా హర్మన్‌ప్రీత్‌ కౌర్‌ రెండు మ్యాచ్‌ల్లోనూ విఫలమైంది. తొలి మ్యాచ్‌లో 9 పరుగులు చేసిన హర్మన్‌ రెండో మ్యాచ్‌లో 5 పరుగులతో సరిపెట్టుకుంది. చివరిసారి 2007లో స్వదేశంలో ఆ్రస్టేలియాపై వన్డే మ్యాచ్‌లో గెలిచిన భారత్‌ ఆ తర్వాత వరుసగా తొమ్మిది వన్డేల్లో ఓటమి చవిచూసింది. స్వదేశంలో ఆసీస్‌ చేతిలో పరాజయపరంపరకు తెర దించాలంటే చివరి వన్డేలో భారత జట్టు విశేషంగా రాణించాల్సి ఉంటుంది. స్మృతి మంధాన, జెమీమా రోడ్రిగ్స్, యసిక్త భాటియాలతోపాటు కెపె్టన్‌ హర్మ న్‌ప్రీత్‌ కూడా బ్యాటింగ్‌లో మెరిపిస్తే భారత్‌ భారీ స్కోరు చేసే అవకాశముంటుంది. బౌలింగ్‌లో రేణుక సింగ్‌తోపాటు స్పిన్నర్లు కూడా తమ బాధ్యతను నిర్వర్తించడంతో టీమిండియా విజయావకాశాలు ఆధారపడి ఉంటాయి. చివరి బంతి వరకు ఓటమిని అంగీకరించని తత్వం ఆ్రస్టేలియా క్రికెటర్ల సొంతం. అందుకే రెండు వన్డేల్లోనూ ఆ జట్టు ఒత్తిడికిలోనైన సందర్భాల్లో తడబడకుండా సంయమనంతో ఆడి కోలుకున్నారు. ఫోబి లిచ్‌ఫీల్డ్, తాలియా మెక్‌గ్రాత్, యాష్లే గార్డ్‌నర్, ఎలీస్‌ పెరీ, కెపె్టన్‌ అలీసా హీలీ, అనాబెల్‌ సదర్లాండ్‌ మరోసారి రాణిస్తే ఆ్రస్టేలియా వన్డే సిరీస్‌ను క్లీన్‌స్వీప్‌ చేయడం సాధ్యమే.

సౌతాఫ్రికాతో జరుగుతున్న నిర్ణయాత్మక మూడో వన్డేలో టీమిండియా ఓపెనర్‌ సాయి సుదర్శన్‌ కళ్లు చెదిరే క్యాచ్‌ పట్టుకున్నాడు. ఆవేశ్‌ ఖాన్‌ బౌలింగ్‌లో (32.2వ ఓవర్‌) మిడాఫ్‌ దిశలో ఫీల్డింగ్‌ చేస్తున్న సాయి.. పక్షిలా ముందుకు డైవ్‌ చేస్తూ అద్భుతమైన క్యాచ్‌ అందుకున్నాడు. బ్యాటర్‌ క్లాసెన్‌ (21) సహా ఈ క్యాచ్‌ను చూసిన వారంతా ఒక్కసారిగా అవాక్కయ్యారు. కామెంటేటర్లు ఈ క్యాచ్‌ను క్యాచ్‌ ఆఫ్‌ ద సిరీస్‌గా అభివర్ణించారు. క్యాచ్‌కు సంబంధించిన వీడియో నెట్టింట వైరలవుతుంది. Catch of the series - Sai Sudharsan 🫡🔥pic.twitter.com/tKr2Vrj3tq — Johns. (@CricCrazyJohns) December 21, 2023 కాగా, భారత్‌ నిర్ధేశించిన 297 పరుగుల లక్ష్యాన్ని ఛేదించేందుకు బరిలోకి దిగిన సౌతాఫ్రికా ఓటమి దిశగా సాగుతుంది. 38 ఓవర్ల తర్వాత ఆ జట్టు స్కోర్‌ 192/7గా ఉంది. సౌతాఫ్రికా గెలవాలంటే 72 బంతుల్లో 105 పరుగులు చేయాల్సి ఉంది. చేతిలో మరో 3 వికెట్లు మాత్రమే ఉన్నాయి. రీజా హెండ్రిక్స్‌ (19), జార్జీ (81), డస్సెన్‌ (2), మార్క్రమ్‌ (36), క్లాసెన్‌ (21), మిల్లర్‌ (10), ముల్దర్‌ (1) ఔట్‌ కాగా.. కేశవ్‌ మహారాజ్‌ (9), హెండ్రిక్స్‌ (0) క్రీజ్‌లో ఉన్నారు. భారత బౌలర్లలో సుందర్‌, అర్ష్‌దీప్‌ చెరో 2 వికెట్లు పడగొట్టగా.. ముకేశ్‌ కుమార్‌, ఆవేశ్‌ ఖాన్‌, అక్షర్‌  తలో వికెట్‌ ద​క్కించుకున్నారు.  అంతకుముందు టాస్‌ ఓడి తొలుత బ్యాటింగ్‌ చేసిన భారత్‌.. సంజూ శాంసన్‌ (108) శతక్కొట్టడంతో నిర్ణీత 50 ఓవర్లలో 8 వికెట్ల నష్టానికి 296 పరుగులు చేసింది. సంజూతో పాటు తిలక్‌ వర్మ (52) కూడా బాధ్యతాయుతమైన ఇన్నింగ్స్‌ ఆడాడు. ఆఖర్లో రింకూ సింగ్‌ (38) తనదైన స్టయిల్‌లో మెరుపులు మెరిపించాడు.  

ఇంగ్లండ్‌ పరిమత ఓవర్ల జట్టు కెప్టెన్‌ జోస్‌ బట్లర్‌ తన ఐపీఎల్‌ జట్టు (రాజస్థాన్‌ రాయల్స్‌) సారధి సంజూ శాంసన్‌పై ఉన్న ప్రేమను ప్రత్యేకంగా చాటుకున్నాడు. సౌతాఫ్రికాతో ఇవాళ (డిసెంబర్‌ 21) జరుగుతున్న మూడో వన్డేలో సంజూ సెంచరీ (108) సాధించగా.. బట్లర్‌ తన కెప్టెన్‌ సాధించిన ఘనతను, అలాగే మరో రాయల్‌ (చహల్‌) కెప్టెన్‌ను అభినందిస్తున్న దృశ్యాన్ని తన ఇన్‌స్టా స్టోరీగా పోస్ట్‌ చేశాడు. బట్లర్‌ ఈ పోస్ట్‌ చేసిన నిమిషాల వ్యవధిలోనే వైరల్‌గా మారింది. Jos Buttler's Instagram story for Sanju Samson. pic.twitter.com/uSBAcKKCTZ — Mufaddal Vohra (@mufaddal_vohra) December 21, 2023 బట్లర్‌.. తన ఐపీఎల్‌ సహచరుడు సాధించిన ఘనతను సెలబ్రేట్‌ చేసుకోవడంపై భారత క్రికెట్‌ అభిమానులు హర్షం వ్యక్తం చేస్తున్నారు. సంజూతో సమానంగా బట్లర్‌ను కూడా అభినందనలతో ముంచెత్తుతున్నారు. రాయల్స్‌కు తమ కెప్టెన్‌పై ఉన్న ప్రత్యేకమైన అభిమానానికి ఫిదా అవుతున్నారు. The hundred moment of Sanju Samson. 🔥pic.twitter.com/WjWODyjF3p — Johns. (@CricCrazyJohns) December 21, 2023 మ్యాచ్‌ విషయానికొస్తే.. సిరీస్‌ డిసైడర్‌లో క్లిష్టమైన పిచ్‌పై జట్టు కషాల్లో (49/2) ఉన్నప్పుడు క్రీజ్‌లోకి వచ్చిన సంజూ.. తన కెరీర్‌లో అత్యుత్తమ ఇన్నింగ్స్‌ ఆడి టీమిండియాకు భారీ స్కోర్‌ను అందించాడు. టాస్‌ ఓడి తొలుత బ్యాటింగ్‌కు దిగిన టీమిండియా సంజూ శతక్కొట్టడంతో నిర్ణీత 50 ఓవర్లలో 8 వికెట్ల నష్టానికి 296 పరుగులు చేసింది. సంజూతో పాటు తిలక్‌ వర్మ (52) కూడా బాధ్యతాయుతమైన ఇన్నింగ్స్‌ ఆడాడు. ఆఖర్లో రింకూ సింగ్‌ (38) తనదైన స్టయిల్‌లో మెరుపులు మెరిపించాడు. Celebration by Sanju Samson after completing his maiden International hundred. 💪🫡 pic.twitter.com/fuHEwz0RPw — Johns. (@CricCrazyJohns) December 21, 2023 The way Yuzi Chahal celebrated the hundred of Sanju Samson. 👏 pic.twitter.com/XrC4hNxgXK — Johns. (@CricCrazyJohns) December 21, 2023

అంతర్జాతీయ క్రికెట్‌లోకి అడుపెట్టి ఎనిమిది ఏళ్లు పూర్తయిన అనంతరం సంజూ శాంసన్‌ తన తొలి సెంచరీ సాధించాడు. 2015లో తొలిసారి టీమిండియాకు ఆడిన సంజూ (టీ20ల్లో) సుదీర్ఘ విరామం తర్వాత మూడంకెల మార్కును తాకాడు. సౌతాఫ్రికాతో ఇవాళ (డిసెంబర్‌ 21) జరుగుతున్న నిర్ణయాత్మక మూడో వన్డేలో సంజూ తన తొలి అంతర్జాతీయ సెంచరీని బాది టీమిండియా అభిమానులకు క్రిస్మస్‌ కానుకను అందించాడు.  సిరీస్‌ డిసైడర్‌లో క్లిష్టమైన పిచ్‌పై జట్టు కష్ట సమయంలో (49/2) ఉన్నప్పుడు క్రీజ్‌లోకి వచ్చిన సంజూ.. చాలా ఓపిగ్గా ఇన్నింగ్స్‌ను నిర్మించి సెంచరీ మార్కును చేరాడు. 110 బంతుల్లో 6 ఫోర్లు, 2 సిక్సర్ల సాయంతో సెంచరీ పూర్తి చేసుకున్న సంజూ 108 పరుగులు చేసి ఔటయ్యాడు. సెంచరీ అనంతరం సంజూ చేసుకున్న సంబురాలు ప్రస్తుతం నెట్టింట వైరలవుతున్నాయి.  The hundred moment of Sanju Samson. 🔥pic.twitter.com/WjWODyjF3p — Johns. (@CricCrazyJohns) December 21, 2023 సంజూ తన హెల్మెట్‌ను కింద పడేసి కండలు చూపిస్తూ సంబురాలు చేసుకున్న వైనం అందరినీ ఆకట్టుకుంది. సంజూతో పాటు స్టాండ్స్‌లో ఉన్న చహల్‌ సైతం అదే రేంజ్‌లో సంబురాలు చేసుకున్నాడు. సంజూ, చహల్‌ ఇద్దరూ ఐపీఎల్‌లో రాజస్థాన్‌ రాయల్స్‌కు ఆడతారన్న విషయం తెలిసిందే. The way Yuzi Chahal celebrated the hundred of Sanju Samson. 👏 pic.twitter.com/XrC4hNxgXK — Johns. (@CricCrazyJohns) December 21, 2023 సిరీస్‌ డిసైడర్‌లో సంజూ ఆడిన ఇన్నింగ్స్‌ భారత క్రికెట్‌ అభిమానులకు చిరకాలం గుర్తుండిపోతుంది. దక్షిణాఫ్రికా గడ్డపై భారత బ్యాటర్లు ఆడిన అత్యుత్తమ ఇన్నింగ్స్‌లలో ఒకటిగా మిగిలిపోతుంది. అంతర్జాతీయ క్రికెట్‌లో సెంచరీ చేసిన తొలి కేరళ​ క్రికెటర్‌గా సంజూ చరిత్రలో నిలిచిపోతాడు.  Rinku Singh, the finisher - 38 runs from just 27 balls, giving a perfect finish for 🇮🇳 pic.twitter.com/CuL1YRK2XP — Johns. (@CricCrazyJohns) December 21, 2023 మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌కు దిగిన టీమిండియా నిర్ణీత 50 ఓవర్లలో 8 వికెట్ల నష్టానికి 296 పరుగులు చేసింది. సంజూ శాంసన్‌ (108) తన కెరీర్‌లో తొలి శతకంతో టీమిండియా ఈ స్థాయి స్కోర్‌ చేయడానికి పునాది వేయగా.. ఆఖర్లో రింకూ సింగ్‌ (38) మెరుపు ఇన్నింగ్స్‌ ఆడాడు. తిలక్‌ వర్మ (52) సైతం బాధ్యతాయుతమైన హాఫ్‌ సెంచరీ సాధించాడు. సౌతాఫ్రికా ఛేజింగ్‌ చేయాల్సి ఉంది.

టీమిండియా తాత్కాలిక సారధి కేఎల్‌ రాహుల్‌ ఓ అరుదైన ఘనత సాధించాడు. సౌతాఫ్రికాతో ఇవాళ (డిసెంబర్‌ 21) జరుగుతున్న నిర్ణయాత్మకమైన మూడో వన్డేలో 21 పరుగులు చేసిన రాహుల్‌ 14 ఏళ్ల సుదీర్ఘ విరామం తర్వాత ఓ క్యాలెండర్ ఇయర్‌లో (వన్డేల్లో) 1000 పరుగులు చేసిన తొలి భారత వికెట్ కీపర్ బ్యాటర్‌గా రికార్డుల్లోకెక్కాడు. 14 ఏళ్ల క్రితం ఈ ఫీట్‌ను టీమిండియా మాజీ వికెట్‌కీపర్‌ బ్యాటర్‌ ఎంఎస్‌ ధోని సాధించాడు.  కాగా, సౌతాఫ్రికాతో మూడో వన్డేలో టాస్‌ ఓడి తొలుత బ్యాటింగ్‌కు దిగిన టీమిండియా ఆచితూచి ఇన్నింగ్స్‌ను కొనసాగిస్తుంది. ఓపెనర్లు రజత్‌ పాటిదార్‌ (22), సాయి సుదర్శన్‌లతో (10) పాటు కెప్టెన్‌ కేఎల్‌ రాహుల్‌ (21) ఔట్‌ కాగా.. సంజూ శాంసన్‌ (44), తిలక్‌ వర్మ (6) క్రీజ్‌లో ఉన్నారు. 25 ఓవర్ల తర్వాత జట్టు స్కోర్‌ 113/3గా ఉంది. సౌతాఫ్రికా బౌలర్లలో నండ్రే బర్గర్‌, హెండ్రిక్స్‌, ముల్దర్‌లకు తలో వికెట్‌ దక్కింది. మూడు మ్యాచ్‌ల ఈ సిరీస్‌లో తొలి వన్డేలో భారత్‌ నెగ్గగా.. రెండో మ్యాచ్‌లో సౌతాఫ్రికా గెలుపొందింది. ఈ మ్యాచ్‌లో గెలిచిన జట్టు సిరీస్‌ను కైవసం చేసుకుంది. ఈ సిరీస్‌కు ముందు ఇరు జట్ల మధ్య మూడు మ్యాచ్‌ల టీ20 సిరీస్‌ జరగ్గా, తొలి మ్యాచ్‌ వర్షం కారణంగా రద్దు కావడంతో 1-1తో సమంగా ముగిసింది. వన్డే సిరీస్‌ అనంతరం ఇరు జట్ల మధ్య రెండు మ్యాచ్‌ల టెస్ట్‌ సిరీస్‌ జరుగనుంది. డిసెంబర్‌ 26న తొలి టెస్ట్‌.. వచ్చే ఏడాది జనవరి 3న రెండో టెస్ట్‌ ప్రారంభమవుతాయి. 

సౌతాఫ్రికాను చిత్తు చేసిన టీమిండియా.. సిరీస్‌ కైవసం​ నిర్ణయాత్మక మూడో వన్డేలో టీమిండియా సౌతాఫ్రికాను చిత్తు చేసి 2-1 తేడాతో సిరీస్‌ను కైవసం చేసుకుంది. తొలుత బ్యాటింగ్‌ చేసిన భారత్‌.. సంజూ శాంసన్‌ సెంచరీతో (108) చెలరేగడంతో 50 ఓవర్లలో 8 వికెట్ల నష్టానికి 296 పరుగులు చేయగా.. ఛేదనలో సౌతాఫ్రికా 45.5 ఓవర్లలో 218 పరుగులకు ఆలౌటై 78 పరుగుల తేడాతో ఓటమిపాలైంది. అర్ష్‌దీప్‌ సింగ్‌ 4 వికెట్లతో చెలరేగగా.. సుందర్‌, ఆవేశ్‌ ఖాన్‌ చెరో 2 వికెట్లు, అక్షర్‌ పటేల్‌, ముకేశ్‌ కుమార్‌ తలో వికెట్‌ దక్కించుకున్నారు.  ఆరో వికెట్‌ కోల్పోయిన సౌతాఫ్రికా 177 పరుగుల వద్ద (33.2వ ఓవర్‌) సౌతాఫ్రికా ఆరో వికెట్‌ కోల్పోయింది. సుందర్‌ బౌలింగ్‌లో రాహుల్‌కు క్యాచ్‌ ఇచ్చి ముల్దర్‌ (1) ఔటయ్యాడు.  ఐదో వికెట్‌ కోల్పోయిన సౌతాఫ్రికా 174 పరుగుల వద్ద సౌతాఫ్రికా ఐదో వికెట్‌ కోల్పోయింది. ఆవేశ్‌ ఖాన్‌ బౌలింగ్‌లో సాయి సుదర్శన్‌కు క్యాచ్‌ ఇచ్చి క్లాసెన్‌ (21) ఔటయ్యాడు. నాలుగో వికెట్‌ కోల్పోయిన సౌతాఫ్రికా 161 పరుగుల వద్ద (29.4వ ఓవర్‌) సౌతాఫ్రికా నాలుగో వికెట్‌ కోల్పోయింది. అర్షదీప్‌ బౌలింగ్‌లో జార్జీ (81) ఔటయ్యాడు.  మూడో వికెట్‌ కోల్పోయిన సౌతాఫ్రికా 141 పరుగుల వద్ద (25.5వ ఓవర్‌) సౌతాఫ్రికా మూడో వికెట్‌ కోల్పోయింది. సుందర్‌ బౌలింగ్‌లో మార్క్రమ్‌ (36) ఔటయ్యాడు.  22 ఓవర్ల తర్వాత సౌతాఫ్రికా స్కోర్‌ 112/2 ఇన్నింగ్స్‌ ఆరంభంలో కాస్త తడబడిన సౌతాఫ్రికా ఆ తర్వాత నెమ్మదిగా లక్ష్యం దిశగా సాగుతుంది. జార్జీ (64) అర్ధసెంచరీ చేసి ఉత్సాహంగా కనిపిస్తున్నాడు. జార్జీకు జతగా మార్క్రమ్‌ (19) క్రీజ్‌లో ఉన్నాడు. 22 ఓవర్ల తర్వాత సౌతాఫ్రికా స్కోర్‌ 112/2గా ఉంది.   రెండో వికెట్‌ కోల్పోయిన సౌతాఫ్రికా 76 పరుగుల వద్ద (14.4 ఓవర్‌లో) సౌతాఫ్రికా రెండో వికెట్‌ కోల్పోయింది. అక్షర్‌ బౌలింగ్‌లో డస్సెన్‌ (2) క్లీన్‌ బౌల్డ్‌ అయ్యాడు. టార్గెట్‌ 297.. తొలి వికెట్‌ కోల్పోయిన సౌతాఫ్రికా 297 పరుగుల లక్ష్య ఛేదనలో సౌతాఫ్రికా 59 పరుగుల వద్ద (8.2వ ఓవర్‌) తొలి వికెట్‌ కోల్పోయింది. అర్ష్‌దీప్‌ బౌలింగ్‌లో రీజా హెండ్రిక్స్‌ (19) ఔటయ్యాడు.   టార్గెట్‌ 297.. ధాటిగా ఆడుతున్న సౌతాఫ్రికా ఓపెనర్లు 297 పరుగుల లక్ష్య ఛేదనలో సౌతాఫ్రికా ఓపెనర్లు ధాటిగా ఆడుతున్నారు. 6 ఓవర్ల తర్వాత జట్టు స్కోర్‌ 46/0గా ఉంది. జార్జీ (29), రీజా హెండ్రిక్స్‌ (11) క్రీజ్‌లో ఉన్నారు. సంజూ శతకం.. ఆఖర్లో మెరిసిన రింకూ.. సౌతాఫ్రికా టార్గెట్‌ 297 నిర్ణయాత్మక మూడో వన్డేలో తొలుత బ్యాటింగ్‌ చేసిన టీమిండియా నిర్ణీత ఓవర్లలో 8 వికెట్ల నష్టానికి 296 పరుగులు చేసింది. సంజూ శాంసన్‌ (108) తన కెరీర్‌లో తొలి శతకంతో టీమిండియా ఈ స్థాయి స్కోర్‌ చేయడానికి పునాది వేయగా.. ఆఖర్లో రింకూ సింగ్‌ (38) మెరుపు ఇన్నింగ్స్‌ ఆడాడు. తిలక్‌ వర్మ (52) సైతం బాధ్యతాయుతమైన హాఫ్‌ సెంచరీ సాధించాడు.  అక్షర్‌ ఔట్‌ కేవలం ఒక్క పరుగు చేసి అక్షర్‌ పటేల్‌ ఔటయ్యాడు. హెండ్రిక్స్‌ బౌలింగ్‌లో అక్షర్‌ వెనుదిరిగాడు. 47 ఓవర్ల తర్వాత టీమిండియా స్కోర్‌ 259/6గా ఉంది. రింకూ (24), సుందర్‌ (2) క్రీజ్‌లో ఉన్నారు. ఐదో వికెట్‌ కోల్పోయిన టీమిండియా 108 పరుగుల వ్యక్తిగత స్కోర్‌ వద్ద సంజూ శాంసన్‌ ఔటయ్యాడు. విలియమ్స్‌ బౌలింగ్‌లో భారీ షాట్‌కు ప్రయత్నించి సంజూ పెవిలియన్‌కు చేరాడు. 46 ఓవర్ల తర్వాత టీమిండియా స్కోర్‌ 249/5గా ఉంది. రింకూ (18), అక్షర్‌ పటేల్‌ (1) క్రీజ్లో ఉన్నారు. శతక్కొట్టిన సంజూ టీమిండియా వికెట్‌కీపర్‌ బ్యాటర్‌ సంజూ శాంసన్‌ తన అంతర్జాతీయ కెరీర్‌లో ఎట్టకేలకు మూడంకెల స్కోర్‌ను సాధించాడు. సౌతాఫ్రికాతో ఇవాళ జరుగుతున్న మూడో వన్డేలో సంజూ 110 బంతుల్లో సెంచరీ మార్కును చేరుకున్నాడు. అంతర్జాతీయ స్థాయిలో సంజూకు ఇది తొలి సెంచరీ. సంజూ శతకంలో 6 ఫోర్లు, 2 సిక్సర్లు ఉన్నాయి. కఠినమైన పిచ్‌పై జట్టు కష్టాల్లో ఉన్నప్పుడు సంజూ అత్యంత కీలకమై ఇన్నింగ్స్‌ ఆడాడు. 44 ఓవర్ల తర్వాత టీమిండియా స్కోర్‌ 235/4గా ఉంది. సంజూకు జతగా రింకూ (14) క్రీజ్‌లో ఉన్నాడు.  నాలుగో వికెట్‌ కోల్పోయిన టీమిండియా తిలక్‌ వర్మ (52) హాఫ్‌ సెంచరీ పూర్తయిన వెంటనే ఔటయ్యాడు. ఆది కేశవ్‌ మహారాజ్‌ బౌలింగ్‌లో ఇబ్బంది పడ్డ తిలక్‌ ఆఖరికి తిలక్‌ హాఫ్‌ సెంచరీ పూర్తయ్యాక అతని బౌలింగ్‌లోనే ఔటయ్యాడు. 41.2 ఓవర్ల తర్వాత టీమిండియా స్కోర్‌ 217/4గా ఉంది. సంజూ (96) జతగా రింకూ సింగ్‌ బరిలోకి దిగాడు. హాఫ్‌ సెంచరీ పూర్తి చేసుకున్న తిలక్‌ ఆరంభంలో చాలా నిదానంగా ఆడిన తిలక్‌ వర్మ ఇన్నింగ్స్‌ కొనసాగే కొద్ది వేగం పెంచాడు. తిలక్‌ వన్డేల్లో తన తొలి హాఫ్‌ సెంచరీని 75 బంతుల్లో పూర్తి చేశాడు. మరో ఎండ్‌లో సంజూ శాంసన్‌ (95) శతకానికి చేరువయ్యాడు. 41 ఓవర్ల తర్వాత టీమిండియా స్కోర్‌ 216/3గా ఉంది.  37 ఓవర్ల తర్వాత టీమిండియా స్కోర్‌ 178/3 37 ఓవర్ల తర్వాత టీమిండియా స్కోర్‌ 178/3గా ఉంది. సంజూ శాంసన్‌ (71), తిలక్‌ వర్మ (39) క్రీజ్‌లో ఉన్నారు. హాఫ్‌ సెంచరీ పూర్తి చేసుకున్న సంజూ చాలా రోజుల తర్వాత సంజూ శాంసన్‌ అంతర్జాతీయ వన్డేల్లో హాఫ్‌ సెంచరీ చేశాడు. ఈ మ్యాచ్‌లో అతను 66 బంతుల్లో 4 ఫోర్ల సాయంతో ఈ ఫీట్‌ను సాధించాడు. సంజూకు జతగా తిలక్‌ వర్మ (8) క్రీజ్‌లో ఉన్నాడు. 28 ఓవర్ల తర్వాత టీమిండియా స్కోర్‌ 121/3గా ఉంది. మూడో వికెట్‌ కోల్పోయిన టీమిండియా 101 పరుగుల వద్ద (18.5వ ఓవర్‌) టీమిండియా మూడో వికెట్‌ కోల్పోయింది. ముల్దర్‌ బౌలింగ్‌లో క్లాసెన్‌కు క్యాచ్‌ ఇచ్చి రాహుల్‌ (21) ఔటయ్యాడు. శాంసన్‌ (38), తిలక్‌ క్రీజ్‌లో ఉన్నారు.  ఆచితూచి ఆడుతున్న శాంసన్‌, రాహుల్‌ 49 పరుగులకే 2 వికెట్లు కోల్పోవడంతో టీమిండియా ఆటగాళ్లు సంజూ శాంసన్‌ (33), కేఎల్‌ రాహుల్‌ (20) ఆచితూచి ఆడుతున్నారు. 18 ఓవర్ల తర్వాత జట్టు స్కోర్‌ 95/2గా ఉంది.  12 ఓవర్ల తర్వాత టీమిండియా స్కోర్‌ 68/2 12 ఓవర్ల తర్వాత టీమిండియా స్కోర్‌ 68/2గా ఉంది. సంజూ శాంసన్‌ (19), కేఎల్‌ రాహుల్‌ (7) క్రీజ్‌లో ఉన్నారు.  రెండో వికెట్‌ కోల్పోయిన టీమిండియా 49 పరుగుల వద్ద టీమిండియా రెండో వికెట్‌ కోల్పోయింది. 10 పరుగులు చేసి సాయి సుదర్శన్‌ ఔటయ్యాడు. హెండ్రిక్స్‌ బౌలింగ్‌లో సుదర్శన్‌ ఎల్బీడబ్ల్యూగా వెనుదిరిగాడు. 8 ఓవర్ల తర్వాత టీమిండియా స్కోర్‌ 50/2గా ఉంది. సంజూ శాంసన్‌ (9), కేఎల్‌ రాహుల్‌ (1) క్రీజ్‌లో ఉన్నారు. తొలి వికెట్‌ కోల్పోయిన టీమిండియా ఇన్నింగ్స్‌ ఐదవ ఓవర్‌లో సిక్సర​్‌, బౌండరీ బాదిన అనంతరం నండ్రే బర్గర్‌ బౌలింగ్‌లో రజత్‌ పాటిదార్‌ (22) క్లీన్‌ బౌల్డ్‌ అయ్యాడు. 4.4 ఓవర్ల తర్వాత టీమిండియా స్కోర్‌ 34/1గా ఉంది. సాయి సుదర్శన్‌ (9), సంజూ శాంసన్‌ క్రీజ్‌లో ఉన్నారు.  3 ఓవర్ల తర్వాత టీమిండియా స్కోర్‌ 20/0 తొలుత బ్యాటింగ్‌కు దిగిన టీమిండియా ఆచితూచి ఆడుతుంది. ఓపెనర్ల సాయి సుదర్శన్‌ (5), రజత్‌ పాటిదార్‌ (12) నెమ్మదిగా ఆడుతున్నారు. 3 ఓవర్ల తర్వాత టీమిండియా స్కోర్‌ 20/0గా ఉంది.  బ్యాటింగ్‌​కు దిగిన టీమిండియా పార్ల్‌ వేదికగా జరుగుతున్న నిర్ణయాత్మక మూడో వన్డేలో టీమిండియా టాస్‌ ఓడి సౌతాఫ్రికా ఆహ్వానం మేరకు తొలుత బ్యాటింగ్‌కు దిగింది. ఈ మ్యాచ్‌లో సౌతాఫ్రికా రెండో వన్డేలో బరిలోకి దిగిన జట్టునే కొనసాగిస్తుండగా.. టీమిండియా రెండు మార్పులు చేసింది. గాయం కారణంగా రుతురాజ్‌ ఈ మ్యాచ్‌ నుంచి తప్పుకోగా.. కుల్దీప్‌ యాదవ్‌కు విశ్రాంతినిచ్చారు. వీరి స్థానాల్లో రజత్‌ పాటిదార్‌, వాషింగ్టన్‌ సుం‍దర్‌ బరిలోకి దిగనున్నారు.  తుది జట్లు: భారత్‌: సాయి సుదర్శన్, రజత్‌ పాటిదార్‌, తిలక్ వర్మ, కేఎల్‌ రాహుల్ (కెప్టెన్‌), రింకూ సింగ్‌, సంజు శాంసన్, అక్షర్ పటేల్, వాషింగ్టన్‌ సుం‍దర్‌, అర్ష్‌దీప్ సింగ్, అవేష్ ఖాన్, ముఖేష్ కుమార్ దక్షిణాఫ్రికా: టోనీ డి జోర్జి, రీజా హెండ్రిక్స్, రాస్సీ వాన్ డెర్ డస్సెన్, ఎయిడెన్ మార్క్రమ్ (కెప్టెన్‌), హెన్రిచ్ క్లాసెన్ (వికెట్ కీపర్‌), డేవిడ్ మిల్లర్, వియాన్ ముల్డర్, కేశవ్ మహరాజ్, నండ్రే బర్గర్, బ్యూరాన్‌ హెండ్రిక్స్‌, లిజాడ్‌ విలియమ్స్‌

టీమిండియా సారథి రోహిత్‌ శర్మ తన వన్డే కెరీర్‌లో తొలిసారి ఓ రేర్‌ ఫీట్‌ను సాధించాడు. రాజ్‌కోట్‌ వేదికగా ఆస్ట్రేలియాతో జరుగుతున్న మూడో వన్డేలో హాఫ్‌ సెంచరీ పూర్తి చేసుకున్న హిట్‌మ్యాన్‌.. తన వన్డే కెరీర్‌లో మొట్టమొదటి సారి హాఫ్‌ సెంచరీ మార్క్‌ను పవర్‌ప్లేలో టచ్‌ చేశాడు. హిట్‌మ్యాన్‌ 251 మ్యాచ్‌ల వన్డే కెరీర్‌లో తొలిసారి ఇంత వేగంగా (పవర్‌ ప్లేలో) హాఫ్‌ సెంచరీ మార్కును (31 బంతుల్లో) చేరుకోవడంతో అభిమానులు హర్షం వ్యక్తం చేస్తున్నారు. హిట్‌మ్యాన్‌ ఇదే జోరును కొనసాగిస్తే రానున్న వరల్డ్‌కప్‌ పవర్‌ప్లేల్లో ప్రత్యర్ధి బౌలర్లకు చుక్కలే అని కామెంట్లు చేస్తున్నారు. ఈ మ్యాచ్‌లో 5 ఫోర్లు, 6 సిక్సర్ల సాయంతో 57 బంతుల్లో 81 పరుగులు చేసిన రోహిత్‌ మ్యాక్స్‌వెల్‌ బౌలింగ్‌లో అతనికే క్యాచ్‌ ఇచ్చి పెవిలియన్‌కు చేరాడు. ఇదే మ్యాచ్‌లో హిట్‌ మ్యాన్‌ మరో రికార్డును కూడా సాధించాడు. స్వదేశంలో అన్ని ఫార్మాట్లలో అత్యధిక సిక్సర్లు (260) బాదిన క్రికెటర్‌గా చరిత్ర సృష్టించాడు.  న్యూజిలాండ్‌ ఆటగాడు మార్టిన్‌ గప్తిల్‌ (256) పేరిట ఉన్న ప్రపంచ రికార్డును బద్దలు కొట్టిన రోహిత్‌.. స్వదేశంలో సిక్సర్ల కింగ్‌గా అవతరించాడు. మరోవైపు అన్ని ఫార్మాట్లలో అత్యధిక సిక్సర్ల రికార్డుకు కూడా రోహిత్‌ చేరువవుతున్నాడు. అన్ని ఫార్మాట్లలో అత్యధిక సిక్సర్ల రికార్డు విండీస్‌ దిగ్గజం​, యూనివర్సల్‌ బాస్‌ క్రిస్‌ గేల్‌ (553) పేరిట ఉండగా.. అతని రికార్డు బద్దలు కొట్టేందుకు రోహిత్‌ కేవలం 3 సిక్సర్ల దూరంలో (551) ఉన్నాడు. ఈ విభాగంలో ప్రస్తుత క్రికెటర్లలో ఎవరూ రోహిత్‌కు దరిదాపుల్లో కూడా లేరు. మార్టిన్‌ గప్తిల్‌ 383 సిక్సర్లతో ఐదో స్థానంలో ఉండగా.. ఇంగ్లండ్‌ పరిమిత ఓవర్ల కెప్టెన్‌ జోస్‌ బట్లర్‌ 312 సిక్సర్లతో 10వ స్థానంలో, విరాట్‌ కోహ్లి 282 సిక్సర్లతో 11వ స్థానంలో ఉన్నారు.  ఇదిలా ఉంటే, ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆసీస్‌.. నిర్ణీత 50 ఓవర్లలో 7 వికెట్ల నష్టానికి 352 పరుగుల భారీ స్కోర్‌ చేసింది. వార్నర్‌ (56), మార్ష్‌ (96), స్టీవ్‌ స్మిత్‌ (74), లబూషేన్‌ (72) మెరుపు అర్ధసెంచరీలతో చెలరేగడంతో ఆసీస్‌ టీమిండియా ముందు భారీ లక్ష్యాన్ని ఉంచింది. భారత బౌలర్లలో బుమ్రా 3, కుల్దీప్‌ 2, సిరాజ్‌, ప్రసిద్ద్‌ కృష్ణ తలో వికెట్‌ పడగొట్టారు.  అనంతరం భారీ లక్ష్య ఛేదనకు దిగిన భారత్‌కు శుభారంభం లభించింది. ఓపెనర్లు రోహిత్‌ శర్మ, వాషింగ్టన్‌ సుందర్‌ (18) తొలి వికెట్‌కు 74 పరుగులు జోడించారు. అనంతరం సుందర్‌ ఔటయ్యాడు. 144 పరుగుల వద్ద టీమిండియా రెండో వికెట్‌ కోల్పోయింది. మ్యాక్స్‌వెల్‌ బౌలింగ్‌లో హిట్‌మ్యాన్‌ 81 పరుగులు చేసి ఔటయ్యాడు. 23 ఓవర్ల తర్వాత టీమిండియా స్కోర్‌ 153/2గా ఉంది. విరాట్‌ కోహ్లి (46), శ్రేయస్‌ అయ్యర్‌ (6) క్రీజ్‌లో ఉన్నారు. భారత్‌ లక్ష్యానికి మరో 200 పరుగుల దూరంలో ఉంది. చేతిలో 8 వికెట్లు ఉన్నాయి. 

టీమిండియా కెప్టెన్‌ రోహిత్‌ శర్మ ప్రపంచ రికార్డు నెలకొల్పాడు. రాజ్‌కోట్‌ వేదికగా ఆస్ట్రేలియాతో జరుగుతున్న నామమాత్రపు మూడో వన్డేలో వరుస సిక్సర్లతో విరుచుకుపడిన హిట్‌మ్యాన్‌ స్వదేశంలో అన్ని ఫార్మాట్లలో అత్యధిక సిక్సర్లు (259) బాదిన క్రికెటర్‌గా చరిత్ర సృష్టించాడు. ఈ మ్యాచ్‌లో అర్ధసెంచరీ అయ్యేలోపు 5 సిక్సర్లు బాదిన హిట్‌మ్యాన్‌ న్యూజిలాండ్‌ ఆటగాడు మార్టిన్‌ గప్తిల్‌ (256) ప్రపంచ రికార్డును బద్దలు కొట్టి స్వదేశంలో సిక్సర్ల కింగ్‌గా అవతరించాడు. మరోవైపు అన్ని ఫార్మాట్లలో అత్యధిక సిక్సర్ల రికార్డుకు కూడా రోహిత్‌ చేరువవుతున్నాడు. అన్ని ఫార్మాట్లలో అత్యధిక సిక్సర్ల రికార్డు విండీస్‌ దిగ్గజం​, యూనివర్సల్‌ బాస్‌ క్రిస్‌ గేల్‌ (553) పేరిట ఉండగా.. అతని రికార్డు బద్దలు కొట్టేందుకు రోహిత్‌ కేవలం 4 సిక్సర్ల దూరంలో (550) ఉన్నాడు. ఈ విభాగంలో ప్రస్తుత క్రికెటర్లలో ఎవరూ రోహిత్‌కు దరిదాపుల్లో కూడా లేరు. మార్టిన్‌ గప్తిల్‌ 383 సిక్సర్లతో ఐదో స్థానంలో ఉండగా.. ఇంగ్లండ్‌ పరిమిత ఓవర్ల కెప్టెన్‌ జోస్‌ బట్లర్‌ 312 సిక్సర్లతో 10వ స్థానంలో, విరాట్‌ కోహ్లి 282 సిక్సర్లతో 11వ స్థానంలో ఉన్నారు.  ఇదిలా ఉంటే, టీమిండియాతో జరుగుతున్న మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆసీస్‌.. నిర్ణీత 50 ఓవర్లలో 7 వికెట్ల నష్టానికి 352 పరుగుల భారీ స్కోర్‌ చేసింది. టాప్‌ 4 బ్యాటర్లు వార్నర్‌ (56), మార్ష్‌ (96), స్టీవ్‌ స్మిత్‌ (74), లబూషేన్‌ (72) మెరుపు అర్ధసెంచరీలతో చెలరేగడంతో ఆసీస్‌ టీమిండియా ముందు భారీ లక్ష్యాన్ని ఉంచింది. భారత బౌలర్లలో బుమ్రా 3, కుల్దీప్‌ 2, సిరాజ్‌, ప్రసిద్ద్‌ కృష్ణ తలో వికెట్‌ పడగొట్టారు.  అనంతరం భారీ లక్ష్య ఛేదనకు దిగిన భారత్‌కు శుభారంభం లభించింది. ఓపెనర్లు రోహిత్‌ శర్మ (38 బంతుల్లో 57 నాటౌట్‌; 4 ఫోర్లు, 5 సిక్సర్లు), వాషింగ్టన్‌ సుందర్‌ (18) తొలి వికెట్‌కు 74 పరుగులు జోడించారు. అనంతరం సుందర్‌ ఔట్‌ కాగా.. విరాట్‌ క్రీజ్‌లోకి వచ్చాడు. 12 ఓవర్ల తర్వాత టీమిండియా స్కోర్‌ 78/1గా ఉంది. భారత్‌ లక్ష్యానికి మరో 275 పరుగుల దూరంలో ఉంది. చేతిలో 9 వికెట్లు ఉన్నాయి. 

రాజ్‌కోట్‌ వేదికగా టీమిండియాతో జరుగుతున్న నామమాత్రపు మూడో  వన్డేలో ఆస్ట్రేలియా భారీ స్కోర్‌ సాధించింది. టాస్‌ గెలిచి తొలుత బ్యాటింగ్‌ చేసిన ఆ జట్టు.. నిర్ణీత 50 ఓవర్లలో 7 వికెట్ల నష్టానికి 352 పరుగుల భారీ స్కోర్‌ చేసింది. టాప్‌ 4 బ్యాటర్లు వార్నర్‌ (56), మార్ష్‌ (96), స్టీవ్‌ స్మిత్‌ (74), లబూషేన్‌ (72) మెరుపు అర్ధసెంచరీలతో చెలరేగడంతో ఆసీస్‌ టీమిండియా ముందు భారీ లక్ష్యాన్ని ఉంచింది. భారత బౌలర్లలో బుమ్రా 3, కుల్దీప్‌ 2, సిరాజ్‌, ప్రసిద్ద్‌ కృష్ణ తలో వికెట్‌ పడగొట్టారు. కాగా, ఈ మ్యాచ్‌లో టీమిండియా పేసు గుర్రం అత్యంత చెత్త గణాంకాలు నమోదు చేశాడు. బుమ్రా తన వన్డే కెరీర్‌లో చెత్త గణాంకాల రికార్డును సమం చేశాడు. ఈ మ్యాచ్‌లో 10 ఓవర్లు వేసిన బుమ్రా 3 వికెట్లు పడగొట్టినప్పటికీ ధారాళంగా పరుగులు (81) సమర్పించుకుని, ఈ మ్యాచ్‌లో మోస్ట్‌ ఎక్స్‌పెన్సివ్‌గా ఇండియన్ బౌలర్‌ అయ్యాడు. 2017లో కటక్‌తో ఇంగ్లండ్‌తో జరిగిన మ్యాచ్‌లోనూ బుమ్రా ఇలాగే 81 పరుగులు సమర్పించుకున్నాడు. వవ్డేల్లో బుమ్రా చెత్త ప్రదర్శనల్లో ఇవి టాప్‌ 2లో ఉండగా.. 2017లో ఇంగ్లండ్‌పై సమర్పించుకున్న 79 పరుగులు, 2020లో ఆసీస్‌పై సమర్పించుకున్న 79 పరుగులు ఆ తర్వాతి చెత్త ప్రదర్శనలుగా రికార్డయ్యాయి. ఇవాల్టి మ్యాచ్‌లో బుమ్రా ధారాళంగా పరుగులు సమర్పించుకున్నప్పటికీ మంచి కమ్‌ బ్యాక్‌ ఇచ్చాడనే చెప్పాలి. ఈ మ్యాచ్‌లో తొలి 5 ఓవర్లలో వికెట్లేమీ తీసుకోకుండా 51 పరుగులు ఇచ్చిన అతను.. ఆతర్వాతి 5 ఓవర్లలో 30 పరుగులిచ్చి 3 వికెట్లు పడగొట్టాడు. బుమ్రా తీసిన 3 వికెట్లలో మ్యాక్స్‌వెల్‌ను క్లీన్‌బౌల్డ్‌ చేసిన యార్కర్‌ డెలివరీ హైలైట్‌ అని చెప్పాలి. 

ఆస్ట్రేలియా స్టార్‌ బ్యాటర్‌ స్టీవ్‌ స్మిత్‌ అరుదైన క్లబ్‌లో చేరాడు. రాజ్‌కోట్‌ వేదికగా టీమిండియాతో ఇవాళ (సెప్టెంబర్‌ 27) జరుగుతున్న మూడో వన్డేలో 5000 పరుగుల మార్కును అందుకున్నాడు. తద్వారా ఆసీస్‌ తరఫున వన్డేల్లో ఈ మార్కును అందుకున్న 17వ క్రికెటర్‌గా రికార్డుల్లోకెక్కాడు. కెరీర్‌లో 145 వన్డేలు ఆడిన స్మిత్‌.. 12 సెంచరీలు, 30 అర్ధసెంచరీల సాయంతో 5049 పరుగులు చేశాడు. ప్రస్తుతం స్మిత్‌ 70 పరుగుల వద్ద ఇన్నింగ్స్‌ను కొనసాగిస్తున్నాడు. కాగా, వన్డేల్లో అత్యధిక పరుగుల రికార్డు క్రికెట్‌ గాడ్‌ సచిన్‌ టెండూల్కర్‌ (463 మ్యాచ్‌ల్లో 18426 పరుగులు) పేరిట ఉంది. ఆసీస్‌ విషయానికొస్తే.. ఈ రికార్డు రికీ పాంటింగ్‌ సొంతం చేసుకున్నాడు. పాంటింగ్‌ 374 వన్డేల్లో 13589 పరుగులు చేశాడు. ఆసీస్‌ తరఫున వన్డేల్లో 10000 పరుగుల మార్కును దాటిన ఏకైక ఆటగాడు కూడా పాంటింగే కావడం విశేషం.  ఇదిలా ఉంటే, టీమిండియాతో మూడో వన్డేలో ఆసీస్‌ ధాటిగా ఆడుతుంది. టాస్‌ గెలిచి తొలుత బ్యాటింగ్‌ ఎంచుకున్న ఆసీస్‌.. 31 ఓవర్ల తర్వాత 2 వికెట్లు కోల్పోయి 237 పరుగులు చేసింది. మిచెల్‌ మార్ష్‌ 4 పరుగుల తేడాతో సెంచరీ చేజార్చుకోగా.. డేవిడ్‌ వార్నర్‌ మెరుపు హాఫ్‌ సెంచరీ చేసి ఔటయ్యాడు. స్మిత్‌ (70), లబూషేన్‌ (13) క్రీజ్‌లో ఉన్నారు. 3 మ్యాచ్‌ల ఈ సిరీస్‌ను భారత్‌ 2-0 తేడాతో ఇదివరకే కైవసం చేసుకున్న విషయం తెలిసిందే. 

భారత్‌ అలౌట్‌ 286 పరుగుల వద్ద (49.4 ఓవర్లు) టీమిండియా ఆఖరి వికెట్‌ కోల్పోయింది. దీంతో ఆస్ట్రేలియా 66 పరుగుల తేడాతో విజయం సాధించింది. తొమ్మిదో వికెట్‌ కోల్పోయిన టీమిండియా 286 పరుగుల వద్ద (48.3 ఓవర్లు) టీమిండియా తొమ్మిదో వికెట్‌ కోల్పోయింది. సంగా బౌలింగ్‌లో జడేజా(35) ఔటయ్యాడు. ఎనిమిదో వికెట్‌ కోల్పోయిన భారత్‌ 270 పరుగుల వద్ద (45.3 ఓవర్లు) టీమిండియా ఎనిమిదో వికెట్‌ కోల్పోయింది. కమిన్స్‌ బౌలింగ్‌లో లబూషేన్‌కు క్యాచ్‌ ఇచ్చి బుమ్రా (5) ఔటయ్యాడు. ఓటమి దిశగా పయనిస్తున్న టీమిండియా టీమిండియా ఓటమి దిశగా పయనిస్తుంది. 257 పరుగుల వద్ద (41.5 ఓవర్లు) భారత్‌ ఏడో వికెట్‌ కోల్పోయింది. హాజిల్‌వుడ్‌ బౌలింగ్‌లో కుల్దీప్‌ యాదవ్‌ (2) క్లీన్‌ బౌల్డయ్యాడు. ఆరో వికెట్‌ కోల్పోయిన టీమిండియా 249 పరుగుల వద్ద (38.3 ఓవర్లు) టీమిండియా ఆరో వికెట్‌ కోల్పోయింది. మ్యాక్స్‌వెల్‌ బౌలింగ్‌లో శ్రేయస్‌ అయ్యర్‌ (48) క్లీన్‌ బౌలయ్యాడు. రవీంద్ర జడేజా (9), కుల్దీప్‌ యాదవ్‌ క్రీజ్‌లో ఉన్నారు.  ఐదో వికెట్‌ కోల్పోయిన టీమిండియా 233 పరుగుల వద్ద టీమిండియా ఐదో వికెట్‌ కోల్పోయింది. హాజిల్‌వుడ్‌ బౌలింగ్‌లో మ్యాక్స్‌వెల్‌కు క్యాచ్‌ ఇచ్చి సూర్యకుమార్‌ యాదవ్‌ (8) ఔటయ్యాడు. భారత్‌ గెలవాలంటే 76 బంతుల్లో 120 పరుగులు చేయాలి. చేతిలో మరో 5 వికెట్లు మాత్రమే ఉన్నాయి. నాలుగో వికెట్‌ కోల్పోయిన టీమిండియా 223 పరుగుల వద్ద టీమిండియా నాలుగో వికెట్‌ కోల్పోయింది. స్టార్క్‌ బౌలింగ్‌లో క్యారీకి క్యాచ్‌ ఇచ్చి కేఎల్‌ రాహుల్‌ (26) ఔటయ్యాడు. 35.5 ఓవర్ల తర్వాత జట్టు స్కోర్‌ 223/4గా ఉంది. భారత గెలుపుకు 85 బంతుల్లో 130 పరుగులు చేయాల్సి ఉంది. చేతిలో 6 వికెట్లు ఉన్నాయి. కోహ్లి ఔట్‌.. మూడో వికెట్‌ కోల్పోయిన భారత్‌ విరాట్‌ కోహ్లి 56 పరుగుల వద్ద మ్యాక్స్‌వెల్‌ బౌలింగ్‌లో స్టీవ్‌ స్మిత్‌కు క్యాచ్‌ ఇచ్చి ఔటయ్యాడు. 26.5 ఓవర్ల తర్వాత టీమిండియా స్కోర్‌ 171/3గా ఉంది. శ్రేయస్‌ (14), కేఎల్‌ రాహుల్‌ క్రీజ్‌లో ఉన్నారు. హాఫ్‌ సెంచరీ పూర్తి చేసుకున్న కోహ్లి విరాట్‌ కోహ్లి 55 బంతుల్లో 5 ఫోర్లు, సిక్స్‌ సాయంతో హాఫ్‌ సెంచరీ పూర్తి చేసుకున్నాడు. 26 ఓవర్ల తర్వాత టీమిండియా స్కోర్‌ 168/2గా ఉంది. విరాట్‌ (54), శ్రేయస్‌ (13) క్రీజ్‌లో ఉన్నారు.భారత్‌ లక్ష్యానికి మరో 185 పరుగుల దూరంలో ఉంది.  రెండో వికెట్‌ కోల్పోయిన టీమిండియా 144 పరుగుల వద్ద టీమిండియా రెండో వికెట్‌ కోల్పోయింది. మ్యాక్స్‌వెల్‌ బౌలింగ్‌లో హిట్‌మ్యాన్‌ 81 పరుగులు చేసి ఔటయ్యాడు. 23 ఓవర్ల తర్వాత టీమిండియా స్కోర్‌ 153/2గా ఉంది. విరాట్‌ కోహ్లి (46), శ్రేయస్‌ అయ్యర్‌ (6) క్రీజ్‌లో ఉన్నారు. భారత్‌ లక్ష్యానికి మరో 200 పరుగుల దూరంలో ఉంది. చేతిలో 8 వికెట్లు ఉన్నాయి.  తొలి వికెట్‌ కోల్పోయిన టీమిండియా 74 పరుగుల వద్ద టీమిండియా తొలి వికెట్‌ కోల్పోయింది. మ్యాక్స్‌వెల్‌ బౌలింగ్‌లో లబూషేన్‌కు క్యాచ్‌ ఇచ్చి వాషింగ్టన్‌ సుందర్‌ (18) ఔటయ్యాడు. రోహిత్‌ శర్మ (55), విరాట్‌ కోహ్లి క్రీజ్‌లో ఉన్నారు. టార్గెట్‌ 353.. సిక్సర్ల వర్షం కురిపిస్తున్న రోహిత్‌ శర్మ 353 పరుగుల భారీ లక్ష్య ఛేదనలో టీమిండియా ఓపెనర్లు ధాటిగా ఆడుతున్నారు. ముఖ్యంగా రోహిత్‌ శర్మ ఆకాశమే హద్దుగా చెలరేగి ఆడుతున్నారు. 24 బంతుల్లో 3 ఫోర్లు, 5 సిక్సర్ల సాయంతో 46 పరుగులతో అజేయంగా నిలిచాడు. మరో ఎండ్‌లో సుందర్‌ నిదానంగా ఆడుతున్నాడు. సుందర్‌ 18 బంతుల్లో 10 పరుగులతో అజేయంగా ఉన్నాడు. 7 ఓవర్ల తర్వాత టీమిండియా స్కోర్‌ 56/0గా ఉంది. రెచ్చిపోయిన ఆసీస్‌ బ్యాటర్లు.. టీమిండియా ముందు భారీ లక్ష్యం టాపార్డర్‌ బ్యాటర్లు రెచ్చిపోవడంతో టీమిండియాతో జరుగుతున్న మూడో వన్డేలో ఆసీస్‌ భారీ స్కోర్‌ చేసింది. వార్నర్‌ (56), మార్ష్‌ (96), స్టీవ్‌ స్మిత్‌ (74), లబూషేన్‌ (72) అర్ధసెంచరీలతో రాణించడంతో ఆసీస్‌ నిర్ణీత 50 ఓవర్లలో 7 వికెట్ల నష్టానికి 352 పరుగులు చేసింది. భారత బౌలర్లలో బుమ్రా 3, కుల్దీప్‌ 2, సిరాజ్‌, ప్రసిద్ద్‌ కృష్ణ తలో వికెట్‌ పడగొట్టారు. ఏడో వికెట్‌ కోల్పోయిన ఆసీస్‌ బుమ్రా బౌలింగ్‌లో శ్రేయస్‌ అయ్యర్‌కు క్యాచ్‌ ఇచ్చి లబూషేన్‌ (72) ఔటయ్యాడు. 49 ఓవర్ల తర్వాత ఆసీస్‌ స్కోర్‌ 345/7.  ఆరో వికెట్‌ కోల్పోయిన అసీస్‌ 299 పరుగుల వద్ద ఆసీస్‌ ఆరో వికెట్‌ కోల్పోయింది. కుల్దీప్‌ యాదవ్‌ బౌలింగ్‌లో శ్రేయస్‌ అయ్యర్‌కు క్యాచ్‌ ఇ​చ్చి గ్రీన్‌ (9) ఔటయ్యాడు. లబూషేన్‌ (42), కమిన్స్‌ క్రీజ్‌లో ఉన్నారు. మ్యాక్స్‌వెల్‌ క్లీన్‌ బౌల్డ్‌ జస్ప్రీత్‌ బుమ్రా బౌలింగ్‌లో మ్యాక్స్‌వెల్‌ (5) క్లీన్‌ బౌల్డయ్యాడు. 39 ఓవర్ల తర్వాత ఆసీస్‌ స్కోర్‌ 281/5. లబూషేన్‌ (33), గ్రీన్‌ క్రీజ్‌లో ఉన్నారు. నాలుగో వికెట్‌ కోల్పోయిన ఆసీస్‌ 267 పరుగుల వద్ద ఆసీస్‌ నాలుగో వికెట్‌ కోల్పోయింది. బుమ్రా బౌలింగ్‌లో కోహ్లికి క్యాచ్‌ ఇచ్చి అలెక్స్‌ క్యారీ (11) ఔటయ్యాడు. లబూషేన్‌ (26), మ్యాక్స్‌వెల్‌ క్రీజ్‌లో ఉన్నారు. మూడో వికెట్‌ కోల్పోయిన ఆసీస్‌ 242 పరుగుల వద్ద ఆసీస్‌ మూడో వికెట్‌ కోల్పోయింది. 74 పరుగులు చేసి స్మిత్‌ (74) ఔటయ్యాడు. సిరాజ్‌ బౌలింగ్‌లో స్మిత్‌ ఎల్బీడబ్ల్యూగా వెనుదిరిగాడు. 32 ఓవర్ల తర్వాత ఆసీస్‌ స్కోర్‌ 242/3గా ఉంది. లబూషేన్‌ (13), అలెక్స్‌ క్యారీ (0) క్రీజ్లో ఉన్నారు. తృటిలో సెంచరీ చేజార్చుకున్న మార్ష్‌ మిచెల్‌ మార్ష్‌ 4 పరుగుల తేడాతో సెంచరీ చేసే అవకాశాన్ని చేజార్చుకున్నాడు. మార్ష్‌ 84 బంతుల్లో 13 ఫోర్లు, 3 సిక్సర్ల సాయంతో 96 పరుగులు చేసి కుల్దీప్‌ బౌలింగ్‌లో ప్రసిద్ద్‌ కృష్ణకు క్యాచ్‌ ఇ​చ్చి ఔటయ్యాడు. 28 ఓవర్ల తర్వాత ఆసీస్‌ స్కోర్‌ 215/2. స్మిత్‌ (61), లబూషేన్‌ క్రీజ్లో ఉన్నారు. స్మిత్‌ హాఫ్‌ సెంచరీ.. సెంచరీ దిశగా మార్ష్‌ 26.2 ఓవర్లలోనే ఆస్ట్రేలియా 200 పరుగుల మార్కును అందుకుంది. మార్ష్‌ (89) సెంచరీ దిశగా పరుగులు పెడుతుండగా.. స్మిత్‌ (55) అర్దసెంచరీ పూర్తి చేసుకున్నాడు. 27 ఓవర్ల తర్వాత ఆసీస్‌ స్కోర్‌ 202/1.  15 ఓవర్ల తర్వాత ఆసీస్‌ స్కోర్‌ ఎంతంటే..? 15 ఓవర్ల తర్వాత ఆసీస్‌ స్కోర్‌ 120/1గా ఉంది. మిచెల్‌ మార్ష్‌ (43), స్టీవ్‌ స్మిత్‌ (21) క్రీజ్‌లో ఉన్నారు.  విధ్వంసకర హాఫ్‌ సెంచరీ అనంతరం ఔటైన వార్నర్‌ డేవిడ్‌ వార్నర్‌ (34 బంతుల్లో 56; 6 ఫోర్లు, 4 సిక్సర్లు)మెరుపు ఇన్నింగ్స్‌ ఆడిన అనంతరం ప్రసిద్ద్‌ కృష్ణ బౌలింగ్‌లో అనవసర షాట్‌ ఆడి ఔటయ్యాడు. 9 ఓవర్ల తర్వాత ఆసీస్‌ స్కోర్‌ 84/1. మిచెల్‌ మార్ష్‌ (22), స్టీవ్‌ స్మిత్‌ (6) క్రీజ్‌లో ఉన్నారు.  వార్నర్‌ విధ్వంసకర హాఫ్‌ సెంచరీ చాలా రోజుల తర్వాత వార్నర్‌ మునుపటి ఫామ్‌ను కనబరుస్తున్నాడు. టీమిండియాతో ఇవాళ జరుగుతున్న మ్యాచ్‌లో అతను 32 బంతుల్లోనే హాఫ్‌ సెంచరీ పూర్తి చేశాడు. సిరాజ్‌ బౌలింగ్‌లో సిక్సర్‌ కొట్టి వార్నర్‌ హాఫ్‌ సెంచరీ మార్క్‌ను చేరుకున్నాడు.  ధాటిగా ఆడుతున్న వార్నర్‌.. 7 ఓవర్ల తర్వాత స్కోర్‌ ఎంతంటే..? రాజ్‌కోట్‌ వేదికగా టీమిండియాతో జరుగుతున్న నామమాత్రపు మూడో వన్డేలో ఆస్ట్రేలియా ధాటిగా ఇన్నింగ్స్‌ను ప్రారంభించింది. టాస్‌ గెలిచి బ్యాటింగ్‌ ఎంచుకున్న ఆసీస్‌కు ఓపెనర్లు వార్నర్‌ (27 బంతుల్లో 43), మిచెల్‌ మార్ష్‌ (15 బంతుల్లో 22) శుభారంభాన్ని అందించారు. 7 ఓవర్ల తర్వాత ఆసీస్‌ స్కోర్‌ 65/0గా ఉంది.  టీమిండియా: రోహిత్ శర్మ(కెప్టెన్), విరాట్ కోహ్లి, శ్రేయస్ అయ్యర్, కేఎల్ రాహుల్, సూర్యకుమార్ యాదవ్, రవీంద్ర జడేజా, వాషింగ్టన్ సుందర్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్, ప్రసిద్ధ్ కృష్ణ ఆస్ట్రేలియా: మిచెల్ మార్ష్, డేవిడ్ వార్నర్, స్టీవ్ స్మిత్, మార్నస్ లబుషేన్, అలెక్స్ క్యారీ, గ్లెన్ మ్యాక్స్‌వెల్‌, కామెరూన్ గ్రీన్, ప్యాట్ కమిన్స్(కెప్టెన్), మిచెల్ స్టార్క్, తన్వీర్ సింగ్, జోష్ హేజిల్‌వుడ్‌.

సొంతగడ్డపై బంగ్లాదేశ్‌కు చుక్కెదురైంది. 3 మ్యాచ్‌ల వన్డే సిరీస్‌ను న్యూజిలాండ్‌ 2-0 తేడాతో కైవసం చేసుకుంది. ఢాకా వేదికగా ఇవాళ (సెప్టెంబర్‌ 26) జరిగిన మూడో వన్డేలో పర్యాటక జట్టు 7 వికెట్ల తేడాతో గెలుపొందింది.  ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన బంగ్లాదేశ్‌ కేవలం 34.3 ఓవర్లలోనే 171 పరుగులకు ఆలౌటైంది. ఆడమ్‌ మిల్నే (4/34), ట్రెంట్‌ బౌల్ట్‌ (2/33), మెక్‌కొంచి (2/18) బంగ్లా పతనాన్ని శాశించగా.. లోకి ఫెర్గూసన్‌, రచిన్‌ రవీంద్ర తలో వికెట్‌ పడగొట్టారు. బంగ్లా ఇన్నింగ్స్‌లో కెప్టెన్‌ నజ్ముల్‌ హొసేన్‌ షాంటో (76) ఒక్కడే అర్ధసెంచరీతో రాణించాడు. తౌహిద్‌ హ్రిదోయ్‌ (18), ముష్ఫికర్‌ రహీమ్‌ (18), మహ్మదుల్లా (21), మెహిది హసన్‌ (13) రెండంకెల స్కోర్లు చేయగా, మిగతావారంతా సింగిల్‌ డిజిట్‌ స్కోర్లరే పరిమితమయ్యారు.  అనంతరం స్వల్ప లక్ష్యాన్ని ఛేదించేందుకు బరిలోకి దిగిన న్యూజిలాండ్‌ కేవలం 34.5 ఓవర్లలో 3 వికెట్లు కోల్పోయి విజయతీరాలకు చేరింది. విల్‌ యంగ్‌ (70), హెన్రీ నికోల్స్‌ (50 నాటౌట్‌) అర్ధసెంచరీలతో రాణించగా.. ఫిన్‌ అలెన్‌ (28), టామ్‌ బ్లండెల్‌ (23 నాటౌట్‌) ఓ మోస్తరు స్కోర్లు చేశారు. న్యూజిలాండ్‌ అరంగేట్రం​ ఆటగాడు డీన్‌ ఫాక్స్‌క్రాఫ్ట్‌ గోల్డెన్‌ డకౌట్‌గా వెనుదిరిగాడు. బంగ్లా బౌలర్లలో షొరీఫుల్‌ ఇస్లాం 2 వికెట్లు పడగొట్టగా.. నసుమ్‌ అహ్మద్‌ ఓ వికెట్‌ దక్కించుకున్నాడు. కాగా, 3 మ్యాచ్‌ల ఈ సిరీస్‌లో తొలి వన్డే వర్షం కారణంగా రద్దు కాగా.. రెండో వన్డేలో న్యూజిలాండ్‌ 86 పరుగుల తేడాతో గెలుపొందింది.   

పసికూన ఐర్లాండ్‌పై వరల్డ్‌ ఛాంపియన్‌ ఇంగ్లండ్‌ ప్రతాపం చూపింది. 3 మ్యాచ్‌ల వన్డే సిరీస్‌లో భాగంగా జరుగుతున్న ఆఖరి మ్యాచ్‌లో ఇంగ్లండ్‌ ఆటగాళ్లు చెలరేగిపోయారు. ఫలితంగా ఇంగ్లండ్‌ టీమ్‌ పవర్‌ ప్లేలో తమ అత్యధిక స్కోర్‌ నమోదు చేయడంతో పాటు పలు రికార్డులు కొల్లగొట్టింది. ఓపెనర్‌గా వచ్చిన ఫిలిప్‌ సాల్ట్‌ కేవలం 22 బంతుల్లోనే అర్ధసెంచరీ చేసి, ఐర్లాండ్‌ బౌలర్లకు ముచ్చమటలు పట్టించాడు. ఈ ఇన్నింగ్స్‌లో మొత్తంగా 28 బంతులు ఎదుర్కొన్న సాల్ట్‌ 7 ఫోర్లు, 4 సిక్సర్ల సాయంతో 61 పరుగులు చేసి ఔటయ్యాడు. సాల్ట్‌కు విల్‌ జాక్స్‌ (21 బంతుల్లో 39; 3 ఫోర్లు, 3 సిక్సర్లు), కెప్టెన్‌ జాక్‌ క్రాలే (42 బంతుల్లో 51; 4 ఫోర్లు, 2 సిక్సర్లు), బెన్‌ డకెట్‌ (54 బంతుల్లో 68 నాటౌట్‌; 7 ఫోర్లు, సిక్స్‌) కూడా తోడవ్వడంతో ఇంగ్లండ్‌ 25 ఓవర్లలో 3 వికెట్ల నష్టానికి 227 పరుగులు చేసి ఇన్నింగ్స్‌ను కొనసాగిస్తుంది. డకెట్‌తో పాటు సామ్‌ హెయిన్‌ (4) క్రీజ్లో ఉన్నాడు. ఐర్లాండ్‌ బౌలర్లలో క్రెయిగ్‌ యంగ్‌ 2, వాన్‌ వొయెర్కోమ్‌ ఓ వికెట్‌ పడగొట్టారు. మరో 25 ఓవర్లు మిగిలి ఉండటంతో ఈ మ్యాచ్‌లో రికార్డు స్కోర్‌ నమోదవ్వడం ఖాయంగా తెలుస్తుంది.  ఈ మ్యాచ్‌లో ఇప్పటికే నమోదైన పలు రికార్డులు..  వన్డే పవర్‌ ప్లేలో ఇంగ్లండ్‌ అత్యధిక స్కోర్‌: 107/2 8 ఓవర్లలోనే ఇంగ్లండ్‌ 100 పరుగుల మార్కును తాకింది వన్డేల్లో ఇంగ్లండ్‌ తరఫున ఐదో వేగవంతమైన హాఫ్‌ సెంచరీ: ఫిలిప్‌ సాల్ట్‌ (22 బంతుల్లో) కాగా, ఈ మ్యాచ్‌లో ఐర్లాండ్‌ టాస్‌ గెలిచి ఇంగ్లండ్‌ను బ్యాటింగ్‌కు ఆహ్వానించింది. ఈ సిరీస్లో తొలి వన్డే వర్షం కారణంగా రద్దు కాగా.. రెండో వన్డేలో ఇంగ్లండ్‌ 48 పరుగుల తేడాతో గెలుపొందింది. ఈ సిరీస్‌లో ఇంగ్లండ్‌ ద్వితియ శ్రేణి జట్టుతో బరిలోకి దిగింది. ఇంగ్లండ్‌ రెగ్యులర్‌ టీమ్‌ సభ్యులంతా వరల్డ్‌కప్‌ సన్నాహకాల్లో బిజీగా ఉన్నారు. ఈ సిరీస్‌లో ఇంగ్లండ్‌ టీమ్‌కు జాక్‌ క్రాలే నాయకత్వం వహిస్తున్నాడు.

బంగ్లాదేశ్‌ ఆల్‌రౌండర్‌ మహ్మదుల్లా అరుదైన ఘనత సాధించాడు. స్వదేశంలో న్యూజిలాండ్‌తో జరుగుతున్న మూడో వన్డేలో 21 పరుగులు చేసిన అతను.. తన వ్యక్తిగత స్కోర్‌ 1 వద్ద వన్డేల్లో 5000 పరుగుల మార్కును అందుకున్నాడు. తద్వారా వన్డేల్లో బంగ్లాదేశ్‌ తరఫున ఈ ఘనత సాధించిన నాలుగో బ్యాటర్‌గా రికార్డుల్లోకెక్కాడు. మహ్మదుల్లాకు ముందు తమీమ్‌ ఇక్బాల్‌ (243 మ్యా​చ్‌ల్లో 8357 పరుగులు), ముష్ఫికర్‌ రహీమ్‌ (256 మ్యాచ్‌ల్లో 7406), షకీబ్‌ అల్‌ హసన్‌ (240 మ్యాచ్‌ల్లో 7384 పరుగులు) వన్డేల్లో 5000 పరుగుల మార్కును అందుకున్నారు.  కెరీర్‌లో మొత్తంగా 221 వన్డేలు ఆడిన మహ్మదుల్లా 3 సెంచరీలు, 27 హాఫ్‌ సెంచరీల సాయంతో 5020 పరుగులు చేశాడు. అలాగే వన్డేల్లో అతను 82 వికెట్లు పడగొట్టాడు.   ఇదిలా ఉంటే, 3 మ్యాచ్‌ల వన్డే సిరీస్లో భాగంగా న్యూజిలాండ్‌తో ఇవాళ (సెప్టెంబర్‌ 26) జరుగుతున్న చివరి వన్డేలో బంగ్లాదేశ్‌ టాస్‌ గెలిచి బ్యాటింగ్‌ ఎంచుకుంది. ఆ జట్టు 34.3 ఓవర్లలో 171 పరుగులకు ఆలౌటైంది. న్యూజిలాండ్‌ పేసర్లు ట్రెంట్‌ బౌల్ట్‌ (2/33), ఆడమ్‌ మిల్నే (4/34), ఫెర్గూసన్‌ (1/26), రచిన్‌ రవీంద్ర (1/20), కోల్‌ మెక్‌కొంచి (2/18) బంగ్లాదేశ్‌ను దెబ్బతీశారు. బంగ్లా ఇన్నింగ్స్‌లో కెప్టెన్‌ నజ్ముల్‌ హసన్‌ షాంటో (76) ఒక్కడే రాణించగా, మిగతా వారంతా విఫలమయ్యారు. కాగా, ఈ సిరీస్‌లో తొలి మ్యాచ్‌ వర్షం కారణంగా రద్దు కాగా.. రెండో మ్యాచ్‌లో న్యూజిలాండ్‌ 86 పరుగుల తేడాతో గెలుపొందింది.

స్వదేశంలో ఆస్ట్రేలియాతో జరుగుతున్న 3 మ్యాచ్‌ల వన్డే సిరీస్‌ను భారత్‌ మరో మ్యాచ్‌ మిగిలుండగానే 2-0 తేడాతో కైవసం చేసుకుంది. మొహాలీలో వేదికగా జరిగిన తొలి వన్డేను 5 వికెట్ల తేడాతో నెగ్గిన టీమిండియా.. ఇండోర్‌లో నిన్న (సెప్టెంబర్‌ 24) జరిగిన రెండో వన్డేలో 99 పరుగుల తేడాతో (డక్‌వర్త్‌ లూయిస్‌ పద్దతిలో) గెలుపొందింది. ఇరు జట్ల మధ్య నామమాత్రపు చివరి వన్డే ఈనెల 27న రాజ్‌కోట్‌లో జరుగనుంది.  రోహిత్‌ రీఎంట్రీ.. ఆసీస్‌తో తొలి రెండు వన్డేలకు విశ్రాంతి తీసుకున్న రోహిత్‌ శర్మ మూడో వన్డే బరిలోకి దిగడం దాదాపుగా ఖరారైంది. ఈ వన్డేకు శుభ్‌మన్‌ గిల్‌కు రెస్ట్‌ ఇవ్వడంతో యువ బ్యాటర్‌ ఇషాన్‌ కిషన్‌తో కలిసి హిట్‌మ్యాన్‌ ఇన్నింగ్స్‌ను ప్రారంభిస్తాడు.  విరాట్‌, హార్దిక్‌ కూడా.. తొలి రెండు వన్డేలకు రోహిత్‌తో పాటు రెస్ట్‌ తీసుకున్న విరాట్‌ కోహ్లి, హార్దిక్‌ పాండ్యా, కుల్దీప్‌ యాదవ్‌లు సైతం మూడో వన్డే బరిలోకి దిగే అవకాశం ఉంది. వీరితో పాటు రెండో వన్డేకు దూరంగా ఉన్న బుమ్రా సైతం ఆఖరి వన్డే బరిలోకి దిగే ఛాన్స్‌ ఉంది. జట్టు మేనేజ్‌మెంట్‌ జడేజాకు రెస్ట్‌ ఇవ్వాలని భావిస్తేనే కుల్దీప్‌ బరిలో ఉంటాడు. అశ్విన్‌ను యధాతథంగా కొనసాగించే అవకాశం ఉంది. తొలి రెండు మ్యాచ్‌లకు బెంచ్‌కే పరిమితమైన సిరాజ్‌ ఈ మ్యాచ్‌లో కూడా నిరీక్షించాల్సి ఉంటుంది. గిల్‌తో పాటు తొలి రెండు వన్డేలు ఆడిన శార్దూల్‌ ఠాకూర్‌ కూడా రెస్ట్‌ ఇచ్చిన సంగతి తెలిసిందే. ఇదివరకే ప్రకటించిన వరల్డ్‌కప్‌ జట్టులో నుంచి సైతం శార్దూల్‌ను తప్పించే అవకాశం ఉందని తెలుస్తుంది. అతని స్థానంలో అశ్విన్‌ జట్టులోకి రావడం ఖాయమని సమాచారం​. ఆసీస్‌తో మూడో వన్డేకు భారత తుది జట్టు (అంచనా): రోహిత్‌ శర్మ (కెప్టెన్‌), ఇషాన్‌ కిషన్‌, శ్రేయస్‌ అయ్యర్‌, విరాట్‌ కోహ్లి, కేఎల్‌ రాహుల్‌, సూర్యకుమార్‌ యాదవ్‌, హార్ధిక్‌ పాండ్యా (వైస్‌ కెప్టెన్‌), అశ్విన్‌,  కుల్దీప్‌ యాదవ్‌, షమీ, బుమ్రా

ఈనెల 27న రాజ్‌కోట్‌ వేదికగా ఆస్ట్రేలియాతో జరుగనున్న నామమాత్రపు చివరి వన్డేకు ముందు టీమిండియాకు బ్యాడ్‌ న్యూస్‌ అందింది. ఆసియా కప్‌-2023 సందర్భంగా గాయపడి, ఆసీస్‌తో జరిగిన తొలి రెండు వన్డేలకు దూరంగా ఉన్న స్టార్‌ ఆల్‌రౌండర్‌ అక్షర్‌ పటేల్‌.. గాయం నుంచి పూర్తిగా కోలుకోలేక ఆసీస్‌తో జరిగే మూడో వన్డేకు కూడా దూరమయ్యాడు. ఈ విషయాన్ని ప్రముఖ క్రికెట్‌ వెబ్‌సైట్‌ క్రిక్‌బజ్‌ ప్రకటించింది.  ప్రస్తుతం ఎన్‌సీఏలోని రిహాబ్‌లో ఉన్న అక్షర్‌ గాయం నుంచి కోలుకునేందు​కు ముమ్మర ప్రయత్నాలు చేస్తున్నాడు. భారత సెలక్టర్లు ఆసీస్‌తో మూడో వన్డేకు అక్షర్‌కు ప్రత్యామ్నాయ ఆటగాడిని కూడా ప్రకటించలేదు. తాజా పరిస్థితుల నేపథ్యంలో అక్షర్‌ వరల్డ్‌కప్‌కు ​కూడా దూరమయ్యే ప్రమాదముందని తెలుస్తుంది. అయితే ఈ విషయాన్ని బీసీసీఐ వర్గాలు కొట్టిపారేస్తున్నాయి. అక్షర్‌ వరల్డ్‌కప్‌ సన్నాహక మ్యాచ్‌ల సమయానికంతా కోలుకుంటాడని చెబుతున్నాయి.  మరోవైపు వరల్డ్‌కప్‌లో అక్షర్‌కు ప్రత్యామ్నాయంగా భావిస్తున్న వెటరన్‌ స్పిన్నర్‌ రవిచంద్రన్‌ అశ్విన్‌ ఆసీస్‌తో సిరీస్‌లో జోరును ప్రదర్శిస్తూ సెలెక్టర్లకు సవాలు విసిరాడు. యాష్‌ ఆసీస్‌తో తొలి రెండు వన్డేల్లో 4 వికెట్లు తీసి సత్తా చాటాడు. దీంతో వరల్డ్‌కప్‌లో స్పిన్‌ ఆల్‌రౌండర్‌గా ఎవరిని ఎంపిక చేయాలన్న విషయంపై సెలెక్టర్లు తలలు పట్టుకుంటున్నారు. ఒకవేళ వరల్డ్‌కప్‌ సమయానికి అక్షర్‌ పూర్తి​ ఫిట్‌నెస్‌ సాధిస్తే.. అక్షర్‌, అశ్విన్‌లలో ఎవరిని ఎంపిక చేస్తారో వేచి చూడాలి. వీరిద్దరిలోనే ఎవరిని ఎంపిక చేయాలో అర్ధం కాక సెలెక్టర్లు సతమతమవుతుంటే, వాషింగ్టన్‌ సుందర్‌ నేను కూడా లైన్‌లో ఉన్నానంటూ సవాలు విసురుతున్నాడు. మరి ఉన్న ఒక్క స్పిన్‌ ఆల్‌రౌండర్‌ పోజిషన్‌ కోసం ఎవరిని ఎంపిక చేస్తారో అని అభిమానులు ఆసక్తిగా ఎదురుచూస్తున్నాడు. కాగా, వరల్డ్‌కప్‌లో పాల్గొనబోయే 15 మంది సభ్యుల బృంధాన్ని అన్ని జట్లు సెప్టెంబర్‌ 28వ తేదీలోపు ప్రకటించాల్సి ఉంది. ఇదిలా ఉంటే, ఆసీస్‌తో జరుగుతున్న మూడు మ్యాచ్‌ల వన్డే సిరీస్‌లో మరో మ్యాచ్‌ ఉండగానే టీమిండియా 2-0 తేడాతో సిరీస్‌ను కైవసం చేసుకుంది. తొలి వన్డేలో 5 వికెట్ల తేడాతో గెలుపొందిన భారత్‌.. నిన్న జరిగిన రెండో వన్డేలో 99 పరుగుల తేడాతో విజయం సాధించింది. 

వరల్డ్‌కప్‌ కోసం రిటైర్మెంట్‌ నిర్ణయాన్ని వెనక్కు తీసుకుని జట్టులో చేరిన ఇంగ్లండ్‌ స్టార్‌ ఆటగాడు బెన్‌ స్టోక్స్‌ వన్డేల్లో తన పునరాగమనాన్ని ఘనంగా చాటాడు. 2022 జులైలో వన్డేలకు గుడ్‌బై చెప్పిన స్టోక్సీ.. ప్రస్తుతం స్వదేశంలో న్యూజిలాండ్‌తో జరుతున్న సిరీస్‌తోనే వన్డే క్రికెట్‌లోకి రీఎంట్రీ ఇచ్చాడు. వచ్చీ రాగానే తొలి మ్యాచ్‌లో హాఫ్‌ సెంచరీతో చెలరేగిన స్టోక్స్‌.. రెండో వన్డేలో ఒక్క పరుగు మాత్రమే చేసి నిరాశపరిచాడు.  The highest individual ODI score for England 🙌 1⃣8⃣2⃣ runs 1⃣2⃣4⃣ balls Sixes 9⃣ Fours 1⃣5⃣ See them all here 👇 — England Cricket (@englandcricket) September 13, 2023 లండన్‌లోని కెన్నింగ్‌స్టన్‌ ఓవల్‌ వేదికగా ఇవాళ (సెప్టెంబర్‌ 14) జరుగుతున్న మూడో వన్డేలో తొలి బంతి నుంచి పూనకం వచ్చినట్లు ఊగిపోయిన స్టోక్స్‌ పట్టపగ్గాల్లేకుండా పేట్రేగిపోయాడు. కేవలం 124 బంతుల్లోనే 15 ఫోర్లు, 9 సిక్సర్ల సాయంతో 182 పరుగులు చేశాడు. వన్డే క్రికెట్‌లో ఇంగ్లండ్‌ తరఫున ఇదే అత్యుత్తమ వ్యక్తిగత స్కోర్‌ కావడం విశేషం. 1⃣8⃣2⃣ reasons to catch up on that simply incredible innings 😱 We put 3⃣6⃣8⃣ on the board 🏏💥 See the best of the action here 👇 — England Cricket (@englandcricket) September 13, 2023 తొలుత డేవిడ్‌ మలాన్‌ (95 బంతుల్లో 96; 12 ఫోర్లు, సిక్స్‌) రెచ్చిపోతున్న సమయంలో ఆచితూచి ఆడిన స్టోక్స్‌.. అర్ధసెంచరీ పూర్తి చేశాక ఆకాశమే హద్దుగా చెలరేగిపోయాడు. మలాన్‌ 4 పరుగుల తేడాతో సెంచరీ మిస్‌ చేసుకున్నప్పటికీ ఏమాత్రం తగ్గని స్టోక్స్‌, రెట్టింపు ఉత్సాహంతో బౌండరీలు, సిక్సర్లు బాది సెంచరీ, ఆతర్వాత 150 పరుగులు పూర్తి చేశాడు. మధ్యలో కాసేపు కెప్టెన్‌ బట్లర్‌ (38; 6 ఫోర్లు, సిక్స్‌) అతనికి జత కలిశాడు. Ridiculous. Scorecard/clips: https://t.co/Pd380O21mn@IGCom | #EnglandCricket pic.twitter.com/6FGco9sV24 — England Cricket (@englandcricket) September 13, 2023 182 పరుగుల వద్ద మరో భారీ సిక్సర్‌కు ప్రయత్నించి స్టోక్స్‌ ఔటయ్యాడు. స్టోక్స్‌ ఔటయ్యాక ఆఖర్లో వికెట్లు వెనువెంటనే పడిపోవడంతో ఇంగ్లండ్‌ ఇన్నింగ్స్‌ 368 పరుగుల వద్ద ముగిసింది. 11 బంతులు వేస్ట్‌ అయ్యాయి. ఒకవేళ స్టోక్స్‌ ఔట్‌ కాకుండా ఉండివుంటే, అతను డబుల్‌ సెంచరీ, ఇంగ్లండ్‌ 450కిపైగా పరుగులు తప్పక చేసుండేది. స్టోక్స్‌, మలాన్‌, బట్లర్‌ మినహా ఇంగ్లండ్‌ ఇన్నింగ్స్‌లో అందరూ తేలిపోయారు. ODI 💯 #4 🙌 Just 76 balls! 😅@IGCom | @benstokes38 pic.twitter.com/FaVlwikMbB — England Cricket (@englandcricket) September 13, 2023 ఓ పక్క స్టోక్స్‌ తాండవం చేస్తున్నా కివీస్‌ పేసర్‌ ట్రెంట్‌ బౌల్ట్‌ ఏమాత్రం తగ్గకుండా 5 వికెట్లతో చెలరేగాడు. స్టోక్స్‌ అందరు బౌలర్లకు చుక్కలు చూపించినప్పటికీ బౌల్ట్‌ తప్పించుకున్నాడు. స్టోక్స్‌ను ఔట్‌ చేసిన బెన్‌ లిస్టర్‌ ఆఖర్లో 3 వికెట్లు పడగొట్టగా.. ఫెర్గూసన్‌, గ్లెన్‌ ఫిలిప్స్‌ తలో వికెట్‌ దక్కించుకన్నారు. కాగా, 4 మ్యాచ్‌ల ఈ సిరీస్‌లో తొలి వన్డేలో న్యూజిలాండ్‌, రెండో వన్డేలో ఇంగ్లండ్‌ గెలుపొందాయి. అంతకుముందు జరిగిన 4 మ్యాచ్‌ల టీ20 సిరీస్‌ 2-2తో సమంగా ముగిసింది. Reaching 50 in style! 😍 Scorecard/clips: https://t.co/Pd380O21mn@IGCom | @benstokes38 pic.twitter.com/QKo94vqknl — England Cricket (@englandcricket) September 13, 2023

అఫ్గనిస్తాన్‌తో జరిగిన మూడు వన్డేల సిరీస్‌ను పాకిస్తాన్‌ 3–0తో క్లీన్‌స్వీప్‌ చేసింది. శనివారం కొలంబోలో జరిగిన చివరి మ్యాచ్‌లో పాక్‌ 59 పరుగుల తేడాతో అఫ్గనిస్తాన్‌ను ఓడించింది. ముందుగా పాకిస్తాన్‌ 50 ఓవర్లలో 8 వికెట్ల నష్టానికి 268 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ మొహమ్మద్‌ రిజ్వాన్‌ (67), కెప్టెన్‌ బాబర్‌ ఆజమ్‌ (60) అర్ధ సెంచరీలు సాధించగా, ఆగా సల్మాన్‌ (38 నాటౌట్‌), నవాజ్‌ (30) రాణించారు. నైబ్, ఫరీద్‌ చెరో 2 వికెట్లు పడగొట్టారు. అనంతరం అఫ్గన్‌ జట్టు 48.4 ఓవర్లలో 209 పరుగులకు ఆలౌటైంది. ముజీబ్‌ ఉర్‌ రహమాన్‌ (64) హాఫ్‌ సెంచరీ చేయగా, షాహిదుల్లా (37), రియాజ్‌ హసన్‌ (34) మాత్రమే కొద్దిగా పోరాడారు. పాక్‌ బౌలర్లలో షాదాబ్‌ ఖాన్‌ 3 వికెట్లు పడగొట్టాడు.

విండీస్‌ పర్యటనలో టీమిండియా వరుసగా రెండో సిరీస్‌ నెగ్గింది. తొలుత 2 మ్యాచ్‌ల టెస్ట్‌ సిరీస్‌ను 1-0 తేడాతో గెలుచుకున్న భారత్‌.. నిన్న జరిగిన నిర్ణయాత్మక మూడో వన్డేలో 200 పరుగుల భారీ తేడాతో గెలుపొంది, 3 మ్యాచ్‌ల సిరీస్‌ను 2-1 తేడాతో కైవసం చేసుకుంది. వన్డే సిరీస్‌లో తొలి మ్యాచ్‌లో గెలిచి, రెండో వన్డేలో ఓటమిపాలైన భారత్‌.. మూడో మ్యాచ్‌లో ఆకాశమే హద్దుగా చెలరేగి విండీస్‌పై తమ రికార్డును మరింత మెరుగుపర్చుకుంది.  ఈ మ్యాచ్‌లో తొలుత బ్యాటింగ్‌ చేసిన భారత్‌.. ఇషాన్‌ కిషన్‌ (64 బంతుల్లో 77; 8 ఫోర్లు, 3 సిక్సర్లు), శుభ్‌మన్‌ గిల్‌ (92 బంతుల్లో 85; 11 ఫోర్లు), సంజూ శాంసన్‌ (41 బంతుల్లో 51;  2 ఫోర్లు, 4 సిక్సర్లు), హార్ధిక్‌ పాండ్యా (52 బంతుల్లో 70 నాటౌట్‌; 4 ఫోర్లు, 5 సిక్సర్లు) అర్ధసెంచరీతో చెలరేగడంతో నిర్ణీత 50 ఓవర్లలో 5 వికెట్ల నష్టానికి 351 పరుగుల భారీ స్కోర్‌ చేసింది. విండీస్‌ బౌలర్లలో రొమారియో షెపర్డ్‌ 2, అల్జరీ జోసఫ్‌, గుడకేశ్‌ మోటీ, కారియా తలో వికెట్‌ పడగొట్టారు. అనంతరం భారీ  లక్ష్యాన్ని ఛేదించేందుకు బరిలోకి దిగిన విండీస్‌ను భారత బౌలర్లు మూకుమ్మడిగా రాణించి 151 పరుగులకే కుప్పకూల్చారు. శార్దూల్‌ ఠాకూర్‌ (4/37), ముకేశ్‌ కుమార్‌ (3/30),  కుల్దీప్‌ యాదవ్‌ (2/25), ఉనద్కత్‌ (1/16)  అద్భుతంగా బౌలింగ్‌ చేసి విండీస్‌ ఆటగాళ్ల పనిపట్టారు.  భారత బౌలర్ల ధాటికి విండీస్‌ 35.3 ఓవర్లలోనే చాపచుట్టేసింది. విండీస్‌ ఇన్నింగ్స్‌లో అలిక్‌ అథనాజ్‌ (32), కారియా  (19), అల్జరీ జోసఫ్‌ (26), గడకేశ్‌ మోటీ (39 నాటౌట్‌) మాత్రమే రెండంకెల స్కోర్లు చేశారు. 

వెస్టిండీస్‌తో రెండో వన్డేలో ఓటమి తర్వాత ‘మేం భవిష్యత్తుపై దృష్టి పెట్టాం. ప్రస్తుత ఫలితాలు ముఖ్యం కాదు. అందుకే భిన్నమైన కూర్పుతో తుది జట్టు కోసం ప్రయోగాలు చేస్తున్నాం’ అని భారత కోచ్‌ రాహుల్‌ ద్రవిడ్‌ వ్యాఖ్యానించారు. నిజంగానే ద్రవిడ్‌ మాటలను చేతలకు అన్వయిస్తే మరోసారి రోహిత్‌ శర్మ, విరాట్‌ కోహ్లి మ్యాచ్‌ ఆడకుండా విశ్రాంతి తీసుకోవడం ఖాయం. ఇలాంటి స్థితిలో భారత్‌ చివరి వన్డేలో నెగ్గి సిరీస్‌ గెలుచుకుంటుందా లేక గత మ్యాచ్‌లాగే తలవంచుతుందా చూడాలి.    తరూబా (ట్రినిడాడ్‌): వన్డే వరల్డ్‌కప్‌ ఆతిథ్య జట్టు హోదాలో సిద్ధమవుతున్న భారత్‌ జట్టు వరల్డ్‌ కప్‌కు అర్హత సాధించని టీమ్‌తో సిరీస్‌ విజయం కోసం బరిలోకి దిగుతోంది. ఇరు జట్ల మధ్య సిరీస్‌ ఫలితాన్ని తేల్చే చివరిదైన మూడో వన్డేకు రంగం సిద్ధమైంది. తొలి వన్డేలోనే కష్టంగా నెగ్గిన టీమిండియా... రెండో వన్డేలో ఓటమిపాలు కావడంతో సిరీస్‌ 1–1గా సమంగా నిలిచింది. ఈ నేపథ్యంలో మూడో వన్డే ఏకపక్షంగా మారకుండా హోరాహోరీగా సాగే అవకాశం ఉంది.   ఆ ఇద్దరికీ... రోహిత్, కోహ్లి గత మ్యాచ్‌లాగే ఆడకపోతే భారత జట్టుకు సంబంధించి ఇద్దరు బ్యాటర్లపై ప్రధానంగా చర్చ సాగనుంది. తమను తాము నిరూపించుకోవాల్సిన స్థితిలో సూర్యకుమార్‌ యాదవ్, సంజూ సామ్సన్‌లు బరిలోకి దిగుతున్నారు. కోచ్‌ చెప్పిన దాన్ని బట్టి వీరిద్దరికి మరో అవకాశం ఖాయం. సూర్య వన్డేల్లో ఇంకా తడబడుతుండగా... చాలా కాలం తర్వాత దక్కిన అవకాశాన్ని సామ్సన్‌ ఉపయోగించుకోలేకపోయాడు. మూడు, నాలుగు స్థానాల్లో వీరు రాణిస్తే జట్టుకు మేలు కలుగుతుంది. ఇషాన్‌ కిషన్‌ ఆకట్టుకోగా, గిల్‌ ఇంకా ప్రభావం చూపలేదు. హార్దిక్‌ కూడా అంచనాలకు తగిన విధంగా రెండు విభాగాల్లోనూ రాణించలేకపోతున్నాడు. బౌలింగ్‌లో ఉమ్రాన్, ముకేశ్, కుల్దీప్‌లు తమ సత్తా మేరకు ఆడితే విండీస్‌ను కట్టడి చేయగలరు. జడేజా, అక్షర్‌ కూడా రాణిస్తే భారత్‌ విజయావకాశాలు మెరుగవుతాయి.   ఆత్మవిశ్వాసంతో... తొలి వన్డేలో కుప్పకూలినా... రెండో మ్యాచ్‌లో గెలుపు విండీస్‌ ఆత్మవిశ్వాసాన్ని పెంచింది. ముఖ్యంగా కెపె్టన్‌ షై హోప్‌ చక్కటి ఫామ్‌తో ముందుండి జట్టును నడిపిస్తున్నాడు. మేయర్స్‌ గత మ్యాచ్‌లో తనదైన శైలిలో దూకుడు ప్రదర్శించాడు. కింగ్, అతనజ్‌ కూడా రాణించడంతో పాటు కార్టీ కూడా నిలబడితే జట్టు మంచి స్కోరు సాధించేందుకు అవకాశం ఉంటుంది. విండీస్‌ బౌలింగ్‌ గత మ్యాచ్‌లో ఆకట్టుకుంది. పేసర్లలో అల్జారి జోసెఫ్‌ పదునైన పేస్‌తో భారత్‌ను ఇబ్బంది పెట్టగా రొమారియో షెఫర్డ్‌ కూడా చాలా తెలివిగా బౌలింగ్‌ చేశాడు. లెఫ్టార్మ్‌ స్పిన్నర్‌ గుడకేశ్‌ మోతీ కూడా జట్టు విజయంలో కీలక పాత్ర పోషించాడు. మరోసారి సమష్టిగా రాణించి సొంతగడ్డపై సిరీస్‌ సాధించాలని ఆ జట్టు పట్టుదలగా ఉంది.  పిచ్, వాతావరణం   బ్రియాన్‌ లారా స్టేడియం ఇప్పటి వరకు ఒకే ఒక అంతర్జాతీయ టి20 మ్యాచ్‌కు ఆతిథ్యం ఇచి్చంది. ఈ మైదానంలో ఇదే తొలి అంతర్జాతీయ వన్డే. అయితే ఈ వేదికపై జరిగిన దేశవాళీ వన్డేల్లో స్వల్ప స్కోర్లే నమోదు కావడం పిచ్‌ పరిస్థితికి ఒక సూచిక. మ్యాచ్‌ రోజు వాన ముప్పు లేదు.

విండీస్‌తో రెండో వన్డేలో ప్రయోగాలకు పోయి చేతులు కాల్చుకున్న టీమిండియా.. మూడో వన్డేలో కూడా అదే బాట పట్టనున్నట్లు తెలుస్తుంది. రెండో మ్యాచ్‌లో కెప్టెన్‌ రోహిత్‌తో పాటు స్టార్‌ బ్యాటర్‌ విరాట్‌కు విశ్రాంతినిచ్చిన మేనేజ్‌మెంట్‌.. మూడో వన్డేలో రోహిత్‌ను జట్టులోకి తెచ్చి, విరాట్‌కు విశ్రాంతిని పొడిగించాలని భావిస్తున్నట్లు సమాచారం. ట్రినిడాడ్‌ వేదికగా జరుగనున్న మూడో మ్యాచ్‌కు ముందు జట్టుతో పాటు విరాట్‌ కనిపించకపోవడం ఈ ప్రచారానికి బలం చేకూరుస్తుంది. ఈ విషయంపై బీసీసీఐ నుంచి కానీ, మేనేజ్‌మెంట్‌ నుంచి కానీ ఎలాంటి అధికారిక ప్రకటన లేనప్పటికీ, సోషల్‌మీడియాలో మాత్రం విస్తృతంగా ప్రచారం జరుగుతుంది. కోహ్లికి రెస్ట్‌ ఇచ్చి సూర్యకుమార్‌ యాదవ్‌కు మరో అవకాశం ఇవ్వాలన్నది టీమిండియా యోచనగా తెలుస్తుంది.   Will Virat Kohli be rested tomorrow? He didn't travel with team to Trinidad yesterday? No confirmation if he will join the team today. In all fairness Surya and Sanju should get 1 more game and Virat gains nothing playing this series. #IndvWI — Kushan Sarkar (@kushansarkar) July 31, 2023 ఇదిలా ఉంటే రోహిత్‌, కోహ్లి లేని టీమిండియా ప్రయోగం రెండో వన్డేలో మిస్‌ ఫైర్‌ అయిన విషయం తెలిసిందే. ఆ మ్యాచ్‌లో టీమిండియా వరల్డ్‌కప్‌కు కూడా అర్హత సాధించలేని విండీస్‌ చేతిలో 6 వికెట్ల తేడాతో ఘోర పరాజయాన్ని ఎదుర్కొంది. ఫలితంగా విండీస్‌ 3 మ్యాచ్‌ల సిరీస్‌ను 1-1తో సమం చేసుకుంది. తొలుత బ్యాటింగ్‌ చేసిన టీమిండియా.. విండీస్‌ బౌలర్ల ధాటికి 40.5 ఓర్లలో 181 పరుగులకే కుప్పకూలింది. భారత ఇన్నింగ్స్‌లో ఇషాన్‌ కిషన్‌ (55), శుభ్‌మన్‌ గిల్‌(34) మాత్రమే రాణించారు. విండీస్‌ బౌలర్లలో రొమారియో షెఫర్డ్‌, గుడకేశ్‌ మోటీ తలో 3 వికెట్లు పడగొట్టారు.  అనంతరం 182 పరుగుల లక్ష్యంతో బ్యాటింగ్‌కు దిగిన వెస్టిండీస్‌.. 36.4 ఓవర్లలో 4 వికెట్లు కోల్పోయి సునాయాసంగా  లక్ష్యాన్ని ఛేదించింది. కెప్టెన్‌ హోప్‌ (63 నాటౌట్‌), కార్టీ (48 నాటౌట్‌) విండీస్‌ను విజయతీరాలకు చేర్చారు. విండీస్‌ 2019 తర్వాత ఓ వన్డేలో టీమిండియాపై గెలవడంతో ఈ మ్యాచ్‌ ఫలితానికి ప్రాధాన్యత సంతరించుకుంది. ఆగస్ట్‌ 1న భారత్‌-విండీస్‌ల మధ్య నిర్ణయాత్మక మూడో వన్డే జరుగనున్న విషయం తెలిసిందే. ఈ సిరీస్‌ అనంతరం భారత్‌.. విండీస్‌తో 5 మ్యాచ్‌ల టీ20 సిరీస్‌ ఆడనుంది.

ఆఫ్ఘనిస్తాన్‌తో స్వదేశంలో జరుగుతున్న మూడు మ్యాచ్‌ల వన్డే సిరీస్‌ను శ్రీలంక 2-1 తేడాతో కైవసం చేసుకుంది. ఈ సిరీస్‌లో తొలి మ్యాచ్‌ కోల్పోయిన లంకేయులు, ఆతర్వాత అనూహ్య రీతిలో పుంజుకుని సిరీస్‌ను చేజిక్కించుకున్నారు. హంబన్‌తోట వేదికగా ఇవాళ (జూన్‌ 7) జరిగిన నిర్ణయాత్మక మూడో వన్డేలో లంక బౌలర్ల ధాటికి ఆఫ్ఘన్‌ బ్యాటర్లు తలవంచారు. టాస్‌ గెలిచి తొలుత బ్యాటింగ్‌ చేసిన ఆఫ్ఘనిస్తాన్‌.. చమీర (4/63), హసరంగ (3/7), లహీరు కుమార (2/29), తీక్షణ (1/16) చెలరేగడంతో 22.2 ఓవర్లలోనే 116 పరుగులకు ఆలౌటైంది. ఆఫ్ఘన్‌ ఇన్నింగ్స్‌లో నబీ (23) టాప్‌ స్కోరర్‌గా నిలిచాడు. అనంతరం బరిలోకి దిగిన శ్రీలంక.. ఓపెనర్లు పథుమ్‌ నిస్సంక (51), దిముత్‌ కరుణరత్నే (56 నాటౌట్‌) అర్ధసెంచరీలతో రాణించడంతో కేవలం 16 ఓవర్లలోనే వికెట్‌ కోల్పోయి లక్ష్యాన్ని ఛేదించింది. ఈ మ్యాచ్‌లో ఆఫ్ఘన్‌ తరుపు ముక్క రషీద్ ఖాన్‌ ఎంట్రీ ఇచ్చినప్పటికీ ఎలాంటి ప్రయోజనం లేకుండా పోయింది. బ్యాటింగ్‌లో 8 బంతులు ఆడి కేవలం 2 పరుగులు మాత్రమే చేసిన రషీద్‌.. 4 ఓవర్లు బౌల్‌ చేసి వికెట్‌ లేకుండా 21 పరుగులు సమర్పించుకున్నాడు. కాగా, ఈ సిరీస్‌ అనంతరం ఆఫ్ఘనిస్తాన్‌.. బంగ్లాదేశ్‌లో పర్యటించనుంది. అక్కడ వీరు ఓ టెస్ట్‌, 3 వన్డేలు, 2 టీ20లు ఆడనున్నారు.  చదవండి: WTC Final: ఏం ప్రాక్టీస్‌ చేశారని గెలవడానికి .. గెలుపు ఆస్ట్రేలియాదే..!

పసికూన ఐర్లాండ్‌పై బంగ్లాదేశ్‌ టైగర్స్‌ ప్రతాపం చూపించారు. సిల్హెట్‌ వేదికగా ఇవాళ (మార్చి 23) జరిగిన మూడో వన్డేలో బంగ్లా టైగర్స్‌ 10 వికెట్ల తేడాతో భారీ విజయం సాధించారు. తద్వారా 3 మ్యాచ్‌ల సిరీస్‌ను బంగ్లాదేశ్‌ 2-0 తేడాతో కైవసం చేసుకుంది. ఈ విజయం బంగ్లాదేశ్‌ ఊహించిందే అయినప్పటికీ ఈ స్థాయి విజయం మాత్రం ఊహించి ఉండదు. వన్డే క్రికెట్‌ చరిత్రలో తొలిసారి బంగ్లాదేశ్‌ 10 వికెట్ల తేడాతో విజయం సాధించింది.  ఈ మ్యాచ్‌లో తొలుత బ్యాటింగ్‌ చేసిన ఐర్లాండ్‌.. బంగ్లా పేసర్లు హసన్‌ మహమూద్‌ (8.1-1-32-5), తస్కిన్‌ అహ్మద్‌ (10-1-26-3), ఎబాదత్‌ హొస్సేన్‌ (6-0-29-2) ధాటికి 28.1 ఓవర్లలో 101 పరుగులకే కుప్పకూలగా, అనంతరం బరిలోకి దిగిన బంగ్లాదేశ్‌ వికెట్‌ నష్టపోకుండా లక్ష్యాన్ని ఛేదించింది. లిటన్‌ దాస్‌ (38 బంతుల్లో 50; 10 ఫోర్లు) అజేయమైన అర్ధసెంచరీతో రాణించగా.. కెప్టెన్‌ తమీమ్‌ ఇక్బాల్‌ (41 నాటౌట్‌; 5 ఫోర్లు, 2 సిక్సర్లు) మెరుపు ఇన్నింగ్స్‌తో విరుచుకుపడ్డాడు. అంతకుముందు ఐర్లాండ్‌ ఇన్నింగ్స్‌లో 10కి 10 వికెట్లు బంగ్లా పేసర్ల ఖాతాలోకే వెళ్లగా.. ఇలా జరగడం బంగ్లా వన్డే హిస్టరీలో ఇదే తొలిసారి. 

టీమిండియా విధ్వంసకర ఆటగాడు, టీ20 స్టార్‌ ప్లేయర్‌ అయిన సూర్యకుమార్‌ యాదవ్‌కు బ్యాడ్‌ టైమ్‌ నడుస్తుంది. స్వదేశంలో ఆస్ట్రేలియాతో జరుగుతున్న మూడు మ్యాచ్‌ల వన్డే సిరీస్‌లో స్కై.. వరుసగా మూడు మ్యాచ్‌ల్లో గోల్డన్‌ డకౌటయ్యాడు (తొలి బంతికే ఔట్‌). దీంతో టీమిండియా అభిమానులు సోషల్‌మీడియా వేదికగా అతనిపై దుమ్మెత్తిపోస్తున్నారు. ముంబై వేదికగా జరిగిన తొలి వన్డేలో స్టార్క్‌ బౌలింగ్‌లో తొలి బంతికే ఎల్బీడబ్యూ అయిన సూర్యకుమార్‌.. ఆతర్వాత విశాఖలో జరిగిన రెండో వన్డేలోనూ స్టార్క్‌ బౌలింగ్‌లోనే తొలి బంతికే ఎల్బీడబ్యూ ఔట్‌ అయ్యాడు. తొలి రెండు వన్డేల్లో ఒకే బౌలర్‌ చేతిలో ఒకేలా ఔటైన సూర్యకుమార్‌.. చెన్నై వేదికగా ఇవాళ (మార్చి 22) జరుగుతున్న మూడో వన్డేలో ఆస్టన్‌ అగర్‌ బౌలింగ్‌లో తొలి బంతికే క్లీన్‌ బౌల్డై అభిమానుల ఆగ్రహానికి గురవుతున్నాడు. సూర్యకుమార్‌ను తక్షణమే వన్డే జట్టు నుంచి తొలగించాలని ఫ్యాన్స్‌ పెద్ద ఎత్తున డిమాండ్‌ చేస్తున్నారు. కొందరేమో ఇంత నిర్లక్ష్యంగా ఆడే వ్యక్తిని టీ20 జట్టు నుంచి కూడా తప్పించాలని కోరుతున్నారు.  ఇదిలా ఉంటే, ఆసీస్‌తో జరుగుతున్న నిర్ణయాత్మకమైన మూడో వన్డేలో టాస్‌ గెలిచి తొలుత బ్యాటింగ్‌ చేసిన ఆస్ట్రేలియా.. మహ్మద్‌ సిరాజ్‌ (7-1-37-2), అక్షర్‌ పటేల్‌ (8-0-57-2), హార్ధిక్‌ పాండ్యా (8-0-44-3), కుల్దీప్‌ యాదవ్‌ (10-1-56-3) ధాటికి 49 ఓవర్లలో 269 పరుగులు చేసి ఆలౌటైంది. అనంతరం 270 పరుగుల లక్ష్యాన్ని ఛేదించేందుకు బరిలోకి దిగిన భారత్‌ 42 ఓవర్లు ముగిసే సమయానికి 6 వికెట్ల నష్టానికి 213 పరుగుల వద్ద ఇన్నింగ్స్‌ను కొనసాగిస్తుంది. రోహిత్‌ శర్మ (30), శుభ్‌మన్‌ గిల్‌ (37), కేఎల్‌ రాహుల్‌ (32), అక్షర్‌ పటేల్‌ (2), విరాట్‌ కోహ్లి (54), సూర్యకుమార్‌ యాదవ్‌ (0) ఔట్‌ కాగా.. హార్ధిక్‌ (39), జడేజా (14) క్రీజ్‌లో ఉన్నారు. భారత్‌ గెలవాలంటే 48 బంతుల్లో 57 పరుగులు చేయాల్సి ఉంది. చేతిలో 4 వికెట్లు మాత్రమే ఉన్నాయి.

టీమిండియా యువ పేసర్‌, హైదరాబాద్‌ ఎక్స్‌ప్రెస్‌ మహ్మద్‌ సిరాజ్‌ 100 వికెట్ల క్లబ్‌లో చేరాడు.  చెన్నై వేదికగా ఆస్ట్రేలియాతో జరుగుతున్న నిర్ణయాత్మక మూడో వన్డేలో 2 వికెట్లు పడగొట్టడం ద్వారా అంతర్జాతీయ క్రికెట్‌లో 100 వికెట్ల మైలురాయిని అధిగమించాడు. 18 టెస్ట్‌ల్లో 47 వికెట్లు, 8 టీ20ల్లో 11 వికెట్లు పడగొట్టిన సిరాజ్‌ మియా 24 వన్డేల్లో 47 వికెట్లు తీశాడు. అంతర్జాతీయ క్రికెట్‌లో అన్ని ఫార్మాట్లలో కలిపి 50 మ్యాచ్‌లు ఆడిన సిరాజ్‌ 101 వికెట్లు పడగొట్టాడు. ఐసీసీ వన్డే ర్యాంకింగ్స్‌లో అగ్రపీఠాన్ని కోల్పోయిన రోజే సిరాజ్‌ 100 వికెట్ల మైలురాయిని అధిగమించడం విశేషం. ప్రస్తుత వన్డే  ర్యాంకింగ్స్‌లో సిరాజ్‌ తొలిస్థానం నుంచి మూడో స్థానానికి పడిపోయాడు. రెండో స్థానంలో ఉన్న జోష్‌ హాజిల్‌వుడ్‌ అగ్రస్థానానికి ఎగబాకగా.. మూడో స్థానంలో ఉన్న ట్రెంట్‌ బౌల్ట్‌ సెకెండ్‌ ప్లేస్‌కు చేరుకున్నాడు.  ఇదిలా ఉంటే, ఆసీస్‌తో జరుగుతున్న నిర్ణయాత్మకమైన మూడో వన్డేలో టాస్‌ గెలిచి తొలుత బ్యాటింగ్‌ చేసిన ఆస్ట్రేలియా.. మహ్మద్‌ సిరాజ్‌ (7-1-37-2), అక్షర్‌ పటేల్‌ (8-0-57-2), హార్ధిక్‌ పాండ్యా (8-0-44-3), కుల్దీప్‌ యాదవ్‌ (10-1-56-3) ధాటికి 49 ఓవర్లలో 269 పరుగులు చేసి ఆలౌటైంది. అనంతరం 270 పరుగుల లక్ష్యాన్ని ఛేదించేందుకు బరిలోకి దిగిన భారత్‌ 37 ఓవర్లు ముగిసే సమయానికి 6 వికెట్ల నష్టానికి 196 పరుగుల వద్ద ఇన్నింగ్స్‌ను కొనసాగిస్తుంది. రోహిత్‌ శర్మ (30), శుభ్‌మన్‌ గిల్‌ (37), కేఎల్‌ రాహుల్‌ (32), అక్షర్‌ పటేల్‌ (2), విరాట్‌ కోహ్లి (54), సూర్యకుమార్‌ యాదవ్‌ (0) ఔట్‌ కాగా.. హార్ధిక్‌ (29), జడేజా (7) క్రీజ్‌లో ఉన్నారు. భారత్‌ గెలవాలంటే 78 బంతుల్లో 74 పరుగులు చేయాల్సి ఉంది. చేతిలో 4 వికెట్లు మాత్రమే ఉన్నాయి.  

చెన్నై వేదికగా భారత్‌-ఆస్ట్రేలియా జట్ల మధ్య జరుగుతున్న నిర్ణయాత్మక మూడో వన్డే సందర్భంగా ఓ ఆసక్తికర ఘటన చోటు చేసుకుంది. మ్యాచ్‌ జరుగుతుండగా మధ్యలో ఓ అనుకోని అతిధి వచ్చి గ్రౌండ్‌ స్టాఫ్‌ను ముప్పుతిప్పలు పెట్టింది. ఆస్ట్రేలియా బ్యాటింగ్‌ చేస్తుండగా 43వ ఓవర్‌లో ఓ శునకం మైదానంలో చొరబడి, గ్రౌండ్‌ సిబ్బందికి పట్టుకోండి చూద్దాం అన్న ఛాలెంజ్‌ విసిరింది. ఇద్దరు సిబ్బంది శునకాన్ని బయటకు తరమాలని విశ్వప్రయత్నాలు చేశారు. ఈ క్రమంలో సిబ్బంది కింద కూడా పడ్డారు. ఈ మొత్తం తంతును చూస్తూ టీమిండియా కెప్టెన్‌ రోహిత్‌ శర్మ తల గోక్కుంటూ నవ్వుకున్నాడు. దీనికి సంబంధించిన వీడియో వైరలవుతోంది. New fielder in the fields 😂#INDvsAUS pic.twitter.com/lR48zIOASs — YASIR SHEIKH🇮🇳 (@yasir__aadeez) March 22, 2023 ఇదిలా ఉంటే, ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆస్ట్రేలియా భారత బౌలర్లు మహ్మద్‌ సిరాజ్‌ (7-1-37-2), అక్షర్‌ పటేల్‌ (8-0-57-2), హార్ధిక్‌ పాండ్యా (8-0-44-3), కుల్దీప్‌ యాదవ్‌ (10-1-56-3) ధాటికి 49 ఓవర్లలో 269 పరుగులు చేసి ఆలౌటైంది. ఆసీస్‌ ఇన్నింగ్స్‌లో ఒక్క హాఫ్‌ సెంచరీ కూడా నమోదు కానప్పటికీ టీమిండియా ముందు రీజనబుల్‌ టార్గెట్‌ను ఉంచింది. కెప్టెన్‌ స్టీవ్‌ స్మిత్‌ మినహా (0) జట్టులో ప్రతి ఒక్కరు రెండంకెల స్కోర్‌ చేశారు. ట్రవిస్‌ హెడ్‌ (33), మిచెల్‌ మార్ష్‌ (47), డేవిడ్‌ వార్నర్‌ (23), లబూషేన్‌ (28), అలెక్స్‌ క్యారీ (38), స్టోయినిస్‌ (25), సీన్‌ అబాట్‌ (26), అస్టన్‌ అగర్‌ (17), స్టార్క్‌ (10), జంపా (10 నాటౌట్‌) తమకు లభించిన శుభారంభాలను సద్వినియోగం చేసుకోలేక భారీ స్కోర్లు చేయలేకపోయారు.  అనంతరం బరిలోకి దిగిన భారత్‌ 30 ఓవర్లు పూర్తియ్యే సమయానికి 4 వికెట్లు కోల్పోయి 152 పరుగులు చేసింది. రోహిత్‌ శర్మ (30), శుభ్‌మన్‌ గిల్‌ (37), కేఎల్‌ రాహుల్‌ (32), అక్షర్‌ పటేల్‌ (2) ఔట్‌ కాగా.. కోహ్లి (49), హార్ధిక్‌ (0) క్రీజ్‌లో ఉన్నారు. 

చెన్నై వేదికగా టీమిండియాతో జరుగుతున్న నిర్ణయాత్మక మూడో వన్డేలో టాస్‌ గెలిచి తొలుత బ్యాటింగ్‌ చేసిన ఆస్ట్రేలియా.. మహ్మద్‌ సిరాజ్‌ (7-1-37-2), అక్షర్‌ పటేల్‌ (8-0-57-2), హార్ధిక్‌ పాండ్యా (8-0-44-3), కుల్దీప్‌ యాదవ్‌ (10-1-56-3) ధాటికి 49 ఓవర్లలో 269 పరుగులు చేసి ఆలౌటైంది. ఆసీస్‌ ఇన్నింగ్స్‌లో ఒక్క హాఫ్‌ సెంచరీ కూడా నమోదు కానప్పటికీ టీమిండియా ముందు రీజనబుల్‌ టార్గెట్‌ను ఉంచింది. కెప్టెన్‌ స్టీవ్‌ స్మిత్‌ మినహా (0) జట్టులో ప్రతి ఒక్కరు రెండంకెల స్కోర్‌ చేశారు. ట్రవిస్‌ హెడ్‌ (33), మిచెల్‌ మార్ష్‌ (47), డేవిడ్‌ వార్నర్‌ (23), లబూషేన్‌ (28), అలెక్స్‌ క్యారీ (38), స్టోయినిస్‌ (25), సీన్‌ అబాట్‌ (26), అస్టన్‌ అగర్‌ (17), స్టార్క్‌ (10), జంపా (10 నాటౌట్‌) తమకు లభించిన శుభారంభాలను సద్వినియోగం చేసుకోలేక భారీ స్కోర్లు చేయలేకపోయారు.  Peach of a Delivery by Kuldeep Yadav to dismiss Alex Carey 🔥pic.twitter.com/9vxNV4fJ81 — Kriti Singh (@kritiitweets) March 22, 2023 ఇదిలా ఉంటే, ఈ మ్యాచ్‌లో కుల్దీప్‌ యాదవ్‌.. అలెక్స్‌ క్యారీని క్లీన్‌బౌల్డ్‌ చేసిన విధానం మ్యాచ్‌ మొత్తానికే హైలైట్‌గా నిలిచింది. తొలి బంతి నుంచే గింగిరాలు తిరిగే బంతులతో ఆసీస్ బ్యాటర్లను ముప్పతిప్పలు పెట్టిన కుల్దీప్‌.. 39వ ఓవర్‌ తొలి బంతికి స్పిన్‌ మాంత్రికుడు షేన్‌ వార్న్‌ పునాడా అని డౌట్‌ వచ్చేలా బంతిని మెలికలు తిప్పి క్యారీని క్లీన్‌ బౌల్డ్‌ చేశాడు. బంతి అంతలా టర్న్‌ అవుతుందని ఊహించని క్యారీ, బౌల్డ్‌ అయ్యాక పెట్టిన ఎక్స్‌ప్రెషన్‌ ప్రస్తుతం వైరలవతోంది. 10 years ago today !!! This is one of my favourite deliveries.... Thanks boys.... pic.twitter.com/MXGlDNVHTV — Shane Warne (@ShaneWarne) July 6, 2015 వాస్తవానికి కుల్దీప్‌ ​కూడా ఆ బంతి అంతలా టర్న్‌ అవుతుందని ఊహించి ఉండడు. లెగ్‌ స్టంప్‌ అవల పడ్డ బంతి ఏకంగా హాఫ్‌ స్టంప్‌ను గిరాటు వేయడంతో బ్యాటర్‌తో పాటు మ్యాచ్‌ చూస్తున్న ప్రేక్షకులంతా అవాక్కయ్యారు. ఈ తరహా బంతులు ఎక్కువగా లెజెండరీ షేన్‌ వార్న్‌ వేయడం చూశాం. తాజాగా కుల్దీప్‌ అలాంటి బంతి వేయడంతో ఇతనికి షేన్‌ వార్న్‌ ఏమైనా పూనాడా అని నెటిజన్లు అనుకుంటున్నారు. కుల్దీప్‌ కూడా మంచి టర్నరే అయినప్పటికీ, బంతి ఇంతలా టర్న్‌ అయిన దాఖలాలు లేవు. కుల్దీప్‌ మ్యాజిక్‌ డెలివరీకి సంబంధించిన వీడియో ప్రస్తుతం నెట్టింట హల్‌చల్‌ చేస్తుంది.    

39/4, 49/5.. ఆస్ట్రేలియాతో తొలి రెండు వన్డేల్లో 10 ఓవర్ల తర్వాత టీమిండియా స్కోర్లు ఇవి. సొంతగడ్డపై కొదమసింహాల్లా రెచ్చిపోయే టీమిండియా టాపార్డర్‌ బ్యాటర్లు ప్రస్తుత వన్డే సిరీస్‌లో ఆసీస్‌ స్పీడ్‌స్టర్‌ మిచెల్‌ స్టార్క్‌ పేస్‌ ధాటికి గజగజ వణికిపోతున్నారు. ఫలితంగా భారత్‌ పవర్‌ ప్లేల్లో చెత్త గణాంకాలు నమోదు చేసింది. తొలి వన్డేలో కేఎల్‌ రాహుల్‌ (75 నాటౌట్‌), రవీంద్ర జడేజా (45 నాటౌట్‌) పుణ్యమా అని గట్టెక్కిన భారత్‌.. రెండో వన్డేలో పూర్తిగా చేతులెత్తేసింది. నిప్పులు చెరిగే వేగం, కచ్చితమైన లైన్‌ అండ్‌ లెంగ్త్‌, ఇరువైపుల బంతిని అద్భుతంగా స్వింగ్‌ చేసిన స్టార్క్‌ రెండో వన్డేలో భారత టాపార్డర్‌ బ్యాటర్ల భరతం పట్టాడు. స్టార్క్‌ ధాటికి టీమిండియా 117 పరుగులకే కుప్పకూలింది.  ఇక్కడ ఓ ఆసక్తికరమైన విషయం ఏంటంటే, రెండు వన్డేల్లో స్టార్క్‌ ఇద్దరు భారత బ్యాటర్లను ఒకేలా ఔట్‌ చేశాడు. శుభ్‌మన్‌ గిల్‌ను ఆఫ్‌ స్టంప్‌ అవతల టెంప్టింగ్‌ డెలివరీ వేసి బట్టలో వేసుకున్న స్టార్క్‌.. సూర్యకుమార్‌ యాదవ్‌ను రెండు మ్యాచ్‌ల్లో ఒకేలా వికెట్ల ముందు దొరకబుచ్చుకున్నాడు.  బోర్డర్‌ గవాస్కర్‌ ట్రోఫీ-2023లో (టెస్ట్‌ సిరీస్‌) ఏమంత ప్రభావం చూపించని స్టార్క్‌.. వన్డే సిరీస్‌ ప్రారంభంకాగానే జూలు విదిల్చిన సింహంలా గర్జిస్తున్నాడు. తొలి వన్డేలో 3, రెండో వన్డేలో 5 వికెట్లు పడగొట్టిన స్టార్క్‌ దెబ్బకు భారత ఆటగాళ్లు క్రీజ్‌లోకి రావాలంటేనే భయపడిపోతున్నారు. ముఖ్యంగా కచ్చితమైన లైన్‌ అండ్‌ లెంగ్త్‌తో స్టార్క్‌ సంధిస్తున్న స్వింగింగ్‌ యార్కర్లను ఎదుర్కోవాలంటే భారత బ్యాటర్లకు ప్యాంట్‌ తడిసిపోతుంది. ఇలాంటి బంతులకు నిస్సహాయులుగా వికెట్‌ సమర్పించుకోవడం తప్ప భారత బ్యాటర్లు ఏమీ చేయలేకపోతున్నారు. ఇదే పరిస్థితి చెన్నై వేదికగా జరిగే ఆఖరి వన్డేలోనూ కొనసాగితే, టీమిండియా సిరీస్‌ కోల్పోవాల్సి ఉంటుంది.  స్టార్క్‌ విషయంలో భారత ఆటగాళ్ల మైండ్‌సెట్‌ మారకపోతే.. చెన్నై వన్డేలో టీమిండియాకు ఘోర పరాభవం తప్పకపోవచ్చు. ఆసీస్‌ స్పీడ్‌స్టర్‌ విషయంలో భారత బ్యాటర్లు, ముఖ్యంగా టాపార్డర్‌ ఆటగాళ్లు ప్రత్యేక ప్రణాళిక, ప్రాక్టీస్‌ లేకపోతే.. త్వరలో భారత్‌లోనే జరుగనున్న వన్డే వరల్డ్‌కప్‌లో స్టార్క్‌ రూపంలో టీమిండియాకు పెను ప్రమాదం పొంచి ఉన్నట్టేనని విశ్లేషకులు అభిప్రాయపడుతున్నారు. ఉపఖండపు పిచ్‌లపై మహామహులైన ఫాస్ట్‌ బౌలర్లను ఎదుర్కొన్న భారత బ్యాటర్లకు స్టార్క్‌ పెద్ద విషయమేమి కాకపోయినప్పటికీ, నిర్లక్ష్యం చేస్తే మాత్రం తగిన మూల్యం చెల్లించుకోక తప్పదు. ఇదిలా ఉంటే, ఆసీస్‌తో మూడో వన్డేలో ఎలాగైనా నెగ్గి సిరీస్‌ కైవసం చేసుకోవాలని టీమిండియా ఆటగాళ్లు పట్టుదలగా ఉన్నారు. రెండో వన్డేలో జరిగిన పొరపాట్ల విషయంలో అంతర్మధనం చేసుకున్న భారత ఆటగాళ్లు, ఆ తప్పిదాలు పునరావృతం కాకుండా జాగ్రత్త పడాలని భావిస్తున్నారు. బ్యాటింగ్‌ విషయంలో, ముఖ్యంగా టాపార్డర్‌ వైఫల్యం విషయంలో టీమిండియా భారీ కసరత్తే చేస్తుంది. చెన్నై పిచ్‌ బ్యాటింగ్‌కు సహకరించే అవకాశం ఉంది కాబట్టి, రెండో వన్డే ఆడిన జట్టునే భారత మేనేజ్‌మెంట్‌ యధాతథంగా కొనసాగించే అవకాశం ఉంది. 

వైట్‌ బాల్‌ క్రికెట్‌లో ప్రపంచ నంబర్‌ వన్‌ ఆల్‌రౌండర్‌గా చలామణి అవుతున్న బంగ్లాదేశ్‌ దిగ్గజ ఆటగాడు షకీబ్‌ అల్‌ హసన్‌ మరో అరుదైన రికార్డు సాధించాడు. చట్టోగ్రామ్‌ వేదికగా నిన్న (మార్చి 6) వరల్డ్‌ ఛాంపియన్స్‌ ఇంగ్లండ్‌తో జరిగిన మూడో వన్డేలో ఆల్‌రౌండ్‌ ప్రదర్శన ((71 బంతుల్లో 75; 7 ఫోర్లు), (10-0-35-4))తో అదరగొట్టిన షకీబ్‌.. రెహాన్‌ అహ్మద్‌ వికెట్‌ పడగొట్టడం ద్వారా వన్డేల్లో 300 వికెట్ల మైలురాయిని చేరుకున్నాడు. తద్వారా ఈ ఘనత సాధించిన తొలి బంగ్లాదేశ్‌ బౌలర్‌గా, ఓవరాల్‌గా 14వ బౌలర్‌గా రికార్డుల్లోకెక్కాడు. బంగ్లాదేశ్‌ క్రికెట్‌ చరిత్రలో షకీబ్‌కు ముందు కేవలం ఇద్దరు మాత్రమే 200 వన్డే వికెట్ల మైలురాయిని అధిగమించారు. ముష్రఫే మోర్తజా 218 వన్డేల్లో 269 వికెట్లు, అబ్దుర్‌ రజాక్‌ 153 వన్డేల్లో 207 వికెట్లు పడగొట్టగా.. షకీబ్‌ 227 వన్డేల్లో 4.45 ఎకానమీ రేట్‌తో 300 వికెట్లు పడగొట్టాడు.  ప్రపంచ క్రికెట్‌లో అత్యధిక వన్డే వికెట్లు పడగొట్టిన ఆటగాళ్ల జాబితాలో స్పిన్‌ దిగ్గజం, శ్రీలంక బౌలర్‌ ముత్తయ్య మురళీథరన్‌ (534) అగ్రస్థానంలో ఉండగా.. ఆ తర్వాత వసీం అక్రమ్‌ (502), వకార్‌ యూనిస్‌ (416), చమిందా వాస్‌ (400), షాహిద్‌ అఫ్రిది (395), షాన్‌ పొలాక్‌ (393), గ్లెన్‌ మెక్‌గ్రాత్‌ (381), బ్రెట్‌ లీ (380), లసిత్‌ మలింగ (338), అనిల్‌ కుంబ్లే (337), సనత్‌ జయసూర్య (323), జవగల్‌ శ్రీనాథ్‌ (315), డేనియల్‌ వెటోరీ (305), షకీబ్‌ అల్‌ హసన్‌ (300), షేన్‌ వార్న్‌ (293) వరుసగా 2 నుంచి 15 స్థానాల్లో ఉన్నారు. బంగ్లా-ఇంగ్లండ్‌ మ్యాచ్‌ విషయానికొస్తే.. ఇంగ్లండ్‌ తొలి రెండు వన్డేల్లో గెలుపొందడంతో నామమాత్రంగా సాగిన ఈ మ్యాచ్‌లో తొలుత బ్యాటింగ్‌ చేసిన ఆతిధ్య బంగ్లా జట్టు 48.5 ఓవర్లలో 246 పరుగులు చేసి ఆలౌటైంది. షాంటో (50), ముష్ఫికర్‌ రహీమ్‌ (70), షకీబ్‌ (75) అర్ధసెంచరీలతో రాణించారు. జోప్రా ఆర్చర్‌ 3, సామ్‌ కర్రన్‌, ఆదిల్‌ రషీద్‌ తలో 2 వికెట్లు, క్రిస్‌ వోక్స్‌, రెహాన్‌ అహ్మద్‌ చెరో వికెట్‌ దక్కించుకున్నారు. 247 పరుగుల లక్ష్యాన్ని ఛేదించేందుకు బరిలోకి ఇంగ్లండ్‌.. షకీబ్‌ (4/35) విజృంబించడంతో 43.1 ఓవర్లలో 196 పరగులకు ఆలౌటై 50 పరుగుల తేడాతో ఓటమిపాలైంది. ఇంగ్లండ్‌ ఇన్నింగ్స్‌లో జేమ్స్‌ విన్స్‌ (38) టాప్‌ స్కోరర్‌గా నిలిచాడు. బంగ్లా పర్యటనలో ఇంగ్లండ్‌ తదుపరి 3 మ్యాచ్‌ల టీ20 సిరీస్‌ ఆడనుంది. మార్చి 9, 12, 14 తేదీల్లో 3 టీ20లు జరుగనున్నాయి. 

ఇండోర్‌ వేదికగా న్యూజిలాండ్‌తో నిన్న (జనవరి 24) జరిగిన మూడో వన్డేలో టీమిండియా కెప్టెన్‌ రోహిత్‌ శర్మ (85 బంతుల్లో 101; 9 ఫోర్లు, 6 సిక్సర్లు) సూపర్‌ సెంచరీతో మెరిసిన విషయం తెలిసిందే. అతనితో పాటు  శుభ్‌మన్‌ గిల్‌ (78 బంతుల్లో 112; 13 ఫోర్లు, 5 సిక్సర్లు) మెరుపు శతకం, ఆఖర్లో హార్ధిక్‌ పాండ్యా (38 బంతుల్లో 54; 3 ఫోర్లు, 3 సిక్సర్లు) సునామీ ఇన్నింగ్స్‌తో విరుచుకుపడటంతో టీమిండియా నిర్ణీత ఓవర్లలో 9 వికెట్ల నష్టానికి 385 పరుగులు చేసింది. అనంతరం ఛేదనలో డెవాన్‌ కాన్వే (100 బంతుల్లో 138; 12 ఫోర్లు, 8 సిక్సర్లు) సుడిగాలి శతకంతో చెలరేగినప్పటికీ.. న్యూజిలాండ్‌ 41.2 ఓవర్లలో 295 పరుగులకే ఆలౌటై, 90 పరుగుల తేడాతో ఓటమిపాలైంది. తద్వారా టీమిండియా 3 మ్యాచ్‌ల ఈ సిరీస్‌ను 3-0 తేడాతో క్లీన్‌స్వీప్‌ చేసింది.  కాగా, ఈ మ్యాచ్‌ అనంతరం టీమిండియా కెప్టెన్‌ రోహిత్‌ శర్మ మీడియాతో మాట్లాడుతూ బ్రాడ్‌కాస్టర్లపై మండిపడిన ఘటన ప్రస్తుతం సోషల్‌మీడియాలో వైరలవుతోంది. ఈ మ్యాచ్‌లో హిట్‌మ్యాన్‌ సెంచరీ చేసిన వెంటనే బ్రాడ్‌కాస్టర్లు టీవీల్లో.. "రోహిత్‌ శర్మ మూడేళ్ల తర్వాత చేసిన సెంచరీ" అంటూ ఊదరగొట్టాయి. ఇదే హిట్‌మ్యాన్‌కు కోపం తెప్పించింది. మూడేళ్ల తర్వాత సెంచరీ ఏంటీ..? ఇది నిజమే అయ్యుండొచ్చు. నేను వన్డేల్లో చివరిసారిగా సెంచరీ చేసింది 2020 జనవరిలో. ఆతర్వాత టెస్ట్‌ల్లో 2021 సెప్టెంబర్‌ 2న సెంచరీ చేశాను. ఈ విషయం పక్కన పెడితే.. 2020-23 మధ్యకాలంలో నేను ఎన్ని వన్డేలు ఆడానన్న విషయాన్ని బ్రాడ్‌కాస్టర్లు గ్రహించాలి (ఈ మధ్యకాలంలో రోహిత్‌ కేవలం 12 వన్డేలు, 2 టెస్ట్‌లు మాత్రమే ఆడాడు).. ఇది చూపించకుండా రోహిత్‌ శర్మ 1100 రోజుల తర్వాత సెంచరీ చేశాడు, మూడేళ్ల తర్వాత సెంచరీ చేశాడు అంటూ గణాంకాలతో ఊదరగొట్టడం​ సరికాదని హిట్‌మ్యాన్‌ మీడియా సమక్షంలో బ్రాడ్‌కాస్టర్లపై ఉగ్రరూపం ప్రదర్శించాడు.  మూడేళ్లు అంటే వినడానికి చాలా లాంగ్‌ గ్యాప్‌గా అనిపిస్తుంది, కొన్ని సందర్భాల్లో బ్రాడ్‌కాస్టర్లు విచక్షణతో ప్రవర్తించాలి, ప్రజలకు తామేమీ మెసేజ్‌ ఇస్తున్నామో అర్ధం చేసుకోవాలి, ఇలా చేయడం వల్ల నాకొచ్చే నష్టమేమీ లేదు, వాస్తవాలను వక్రీకరించినట్లవతుందంటూ చురకలంటించాడు. ఈ విషయంపై నెటిజన్లు రకరకాలుగా స్పందిస్తున్నారు. 

ఇండోర్‌: మళ్లీ భారత బ్యాట్లు గర్జించాయి. న్యూజిలాండ్‌ బంతులు డీలా పడ్డాయి. దీంతో పరుగుల తుఫాన్‌లో కివీస్‌ క్లీన్‌స్వీప్‌ అయ్యింది. ఫలితంగా మంగళవారం న్యూజిలాండ్‌తో జరిగిన చివరిదైన మూడో వన్డేలో భారత్‌ 90 పరుగుల తేడాతో గెలిచి సిరీస్‌ను 3–0తో దక్కించుకుంది. అంతేకాకుండా వన్డే ర్యాంకింగ్స్‌లో నంబర్‌వన్‌గా ఉన్న ఇంగ్లండ్‌ను వెనక్కి నెట్టి రోహిత్‌ శర్మ బృందం మూడో స్థానం నుంచి మళ్లీ అగ్రస్థానానికి ఎగబాకింది. మొదట భారత్‌ 50 ఓవర్లలో 9 వికెట్లకు 385 పరుగుల భారీ స్కోరు చేసింది. ఓపెనర్లు రోహిత్‌ శర్మ (85 బంతుల్లో 101; 9 ఫోర్లు, 6 సిక్సర్లు), శుబ్‌మన్‌ గిల్‌ (78 బంతుల్లో 112; 13 ఫోర్లు, 5 సిక్స్‌లు) సెంచరీలతో కదంతొక్కారు. తర్వాత న్యూజిలాండ్‌ 41.2 ఓవర్లలో 295 పరుగుల వద్ద ఆలౌటైంది. ఓపెనర్‌ కాన్వే (100 బంతుల్లో 138; 12 ఫోర్లు, 8 సిక్సర్లు) ఒంటరి పోరాటం చేశాడు. ‘ప్లేయర్‌ ఆఫ్‌ ద మ్యాచ్‌’ అవార్డు శార్దుల్‌కు దక్కగా... శుబ్‌మన్‌ గిల్‌ ‘ప్లేయర్‌ ఆఫ్‌ ద సిరీస్‌’ పురస్కారం అందుకున్నాడు.    ఓపెనర్ల ధనాధన్‌ ఫామ్‌లో ఉన్న భారత ఓపెనర్లు రోహిత్, గిల్‌ కష్టమైన బంతిని, ఓవర్‌ను గౌరవిస్తూ... అదుపు తప్పిన బంతులకు బౌండరీనే శిక్షగా విధించారు. డఫీ ఐదో ఓవర్లో గిల్, రోహిత్‌ చెరో సిక్సర్‌ బాదారు. ఫెర్గూసన్‌ 8వ ఓవర్‌ను గిల్‌ 4, 0, 4, 4, 6, 4లతో చితగ్గొట్టాడు. ఏకంగా 22 పరుగుల్ని పిండుకున్నాడు. డఫీ పదో ఓవర్లో రోహిత్‌ ఒక బౌండరీ రెండు సిక్స్‌లు బాదాడు. ఓపెనర్ల ధాటికి భారత్‌ స్కోరు 12.4 ఓవర్లలో వంద దాటింది. గిల్‌ 33 బంతుల్లో (8 ఫోర్లు, 2 సిక్స్‌లు), రోహిత్‌ 41 బంతుల్లో (4 ఫోర్లు, 4 సిక్సర్లు) ఫిఫ్టీలు పూర్తి చేసుకున్నారు. కానీ కివీస్‌ బౌలర్లే జోడీని విడగొట్టలేకపోయారు. ఓవర్‌కు 8 పైచిలుకు పరుగుల రన్‌రేట్‌తో భారత్‌ 24.1 ఓవర్లోనే 200 పరుగుల మైలురాయి చేరుకుంది. ఆ వెంటనే రోహిత్‌ 83 బంతుల్లో, గిల్‌ 72 బంతుల్లో శతకాలు పూర్తిచేసుకున్నారు. రోహిత్‌ను బౌల్డ్‌ చేసి బ్రేస్‌వెల్‌ 212 పరుగుల ఓపెనింగ్‌ వికెట్‌ కు తెరదించాడు. కాసేపటికే గిల్‌ జోరుకు టిక్నెర్‌ చెక్‌ పెట్టాడు. తర్వాత కోహ్లి (36; 3 ఫోర్లు, 1 సిక్స్‌), ఇషాన్‌ (17; 1 ఫోర్, 1 సిక్స్‌), సూర్య (14; 2 సిక్సర్లు) విఫలమయ్యారు. పాండ్యా (38 బంతుల్లో 54; 3 ఫోర్లు, 3 సిక్స్‌లు), శార్దుల్‌ (17 బంతుల్లో 25; 3 ఫోర్లు, 1 సిక్స్‌) అండతో చెలరేగాడు.   కాన్వే సెంచరీ వృథా న్యూజిలాండ్‌ ఖాతా తెరువక ముందే అలెన్‌ (0)ను పాండ్యా డకౌట్‌ చేశాడు. మరో ఓపెనర్‌ కాన్వే ఇన్నింగ్స్‌కు వెన్నెముకగా నిలిచాడు. నికోల్స్‌ (42; 3 ఫోర్లు, 2 సిక్స్‌లు) అండతో సిక్సర్లతో మెరిపించాడు. నికోల్స్‌ ఆటను కుల్దీప్‌ ముగించగా.. ఆ తర్వాత మిచెల్‌ (24; 2 ఫోర్లు), లాథమ్‌ (0), ఫిలిప్స్‌ (5)లు శార్దుల్‌ పేస్‌కు తలవంచారు. కాన్వే 71 బంతుల్లో సెంచరీ సాధించాడు. అతన్ని ఉమ్రా న్‌ అవుట్‌ చేశాడు. బ్రేస్‌వెల్‌ (26; 3 ఫోర్లు, 1 సిక్స్‌), సాన్‌ట్నర్‌ (34; 3 ఫోర్లు, 2 సిక్స్‌లు) కాసేపు క్రీజులో నిలిచారు. 30: వన్డేల్లో రోహిత్‌ శర్మ సెంచరీలు. అత్యధిక శతకాలు చేసిన క్రికెటర్ల జాబితాలో పాంటింగ్‌తో కలిసి రోహిత్‌ సంయుక్తంగా మూడో స్థానంలో ఉన్నాడు. సచిన్‌ (49), కోహ్లి (46) టాప్‌–2లో ఉన్నారు. 360: న్యూజిలాండ్‌తో సిరీస్‌లో గిల్‌ చేసిన రన్స్‌. మూడు మ్యాచ్‌ల సిరీస్‌లో అత్యధిక పరుగులు చేసిన క్రికెటర్‌గా బాబర్‌ ఆజమ్‌ (పాక్‌; 2016లో విండీస్‌పై) పేరిట ఉన్న రికార్డును గిల్‌ సమం చేశాడు. 19: న్యూజిలాండ్‌తో మూడో వన్డేలో భారత బ్యాటర్ల సిక్స్‌ల సంఖ్య. 2013లో ఆస్ట్రేలియాపై కూడా భారత్‌ 19 సిక్స్‌లు కొట్టింది.   స్కోరు వివరాలు భారత్‌ ఇన్నింగ్స్‌: రోహిత్‌ (బి) బ్రేస్‌వెల్‌ 101; గిల్‌ (సి) కాన్వే (బి) టిక్నెర్‌ 112; కోహ్లి (సి) అలెన్‌ (బి) డఫీ 36; ఇషాన్‌ (రనౌట్‌) 17; సూర్యకుమార్‌ (సి) కాన్వే (బి) డఫీ 14; పాండ్యా (సి) కాన్వే (బి) డఫీ 54; సుందర్‌ (సి) మిచెల్‌ (బి) టిక్నెర్‌ 9; శార్దుల్‌ (సి) లాథమ్‌ (బి) టిక్నెర్‌ 25; కుల్దీప్‌ (రనౌట్‌) 3; ఉమ్రాన్‌ (నాటౌట్‌) 2; ఎక్స్‌ట్రాలు 12; మొత్తం (50 ఓవర్లలో 9 వికెట్లకు) 385. వికెట్ల పతనం: 1–212, 2–230, 3–268, 4–284, 5–293, 6–313, 7–367, 8–379, 9–385. బౌలింగ్‌: డఫీ 10–0–100–3, ఫెర్గూసన్‌ 10–1–53–0, టిక్నెర్‌ 10–0–76–3, సాన్‌ట్నర్‌ 10–0–58–0, మిచెల్‌ 4–0–41–0, బ్రేస్‌వెల్‌ 6–0–51–1. న్యూజిలాండ్‌ ఇన్నింగ్స్‌: అలెన్‌ (బి) పాండ్యా 0; కాన్వే (సి) రోహిత్‌ (బి) ఉమ్రాన్‌ 138; నికోల్స్‌ (ఎల్బీడబ్ల్యూ) (బి) కుల్దీప్‌ 42; మిచెల్‌ (సి) ఇషాన్‌ (బి) శార్దుల్‌ 24; లాథమ్‌ (సి) పాండ్యా (బి) శార్దుల్‌ 0; ఫిలిప్స్‌ (సి) కోహ్లి (బి) శార్దుల్‌ 5; బ్రేస్‌వెల్‌ (స్టంప్డ్‌) ఇషాన్‌ (బి) కుల్దీప్‌ 26; సాన్‌ట్నర్‌ (సి) కోహ్లి (బి) చహల్‌ 34; ఫెర్గూసన్‌ (సి) రోహిత్‌ (బి) కుల్దీప్‌ 7; డఫీ (ఎల్బీడబ్ల్యూ) (బి) చహల్‌ 0; టిక్నెర్‌ (నా టౌట్‌) 0; ఎక్స్‌ట్రాలు 19; మొత్తం (41.2 ఓవర్లలో ఆలౌట్‌) 295. వికెట్ల పతనం: 1–0, 2–106, 3–184, 4–184, 5–200, 6–230, 7–269, 8–279, 9–280, 10–295. బౌలింగ్‌: పాండ్యా 6–0–37–1, సుందర్‌ 6–0–49–0, శార్దుల్‌ 6–0–45–3, ఉమ్రాన్‌ 7–0–52–1, కుల్దీప్‌ 9–0–62–3, చహల్‌ 7.2–0–43–2.   

న్యూజిలాండ్‌పై మూడో వన్డేలో గెలుపు అనంతరం.. స్వదేశంలో జరిగిన 3 మ్యాచ్‌ల సిరీస్‌ను టీమిండియా 3-0 తేడాతో క్లీన్‌ స్వీప్‌ చేసింది. ఈ సిరీస్‌లో కివీస్‌ను ఒక్క మ్యాచ్‌ కూడా గెలవనీయకుండా ఊడ్చేసిన రోహిత్‌ సేన మరో అరుదైన గౌరవం కూడా దక్కించుకుంది. టీమిండియా.. తాజా ఐసీసీ వన్డే టీమ్‌ ర్యాంకింగ్స్‌లో అగ్రస్థానానికి ఎగబాకింది. ఈ మ్యాచ్‌కు ముందు మూడో స్థానంలో ఉండిన టీమిండియా.. టాప్‌ ప్లేస్‌లో ఉండిన ఇంగ్లండ్‌ను వెనక్కు నెట్టి అగ్రపీఠానికి చేరుకుంది. The new No.1 team in the @MRFWorldwide ICC Men's ODI Team Rankings 🤩 More 👉 https://t.co/sye7IF4Y6f pic.twitter.com/hZq89ZPO31 — ICC (@ICC) January 24, 2023 3 వన్డేల ఈ సిరీస్‌లో తొలి మ్యాచ్‌లో 12 పరుగుల తేడాతో గెలుపొందిన భారత్‌.. రెండో మ్యాచ్‌లో 8 వికెట్ల తేడాతో, తాజాగా ముగిసిన ఆఖరి మ్యాచ్‌లో 90 పరుగుల తేడాతో విజయం సాధించింది. ఇప్పటికే టీ20 ర్యాంకింగ్స్‌లో టాప్‌లో ఉన్న భారత్‌.. వన్డేల్లోనూ ఈ ఘనత సాధించి అరుదైన రికార్డు నెలకొల్పింది. టెస్ట్‌ ర్యాంకింగ్స్‌లో ప్రస్తుతం ఆస్ట్రేలియా (126 రేటింగ్‌ పాయింట్లు) తర్వాత రెండో స్థానంలో ఉన్న భారత్‌.. త్వరలో స్వదేశంలో జరిగే 4 మ్యాచ్‌ల సిరీస్‌ను 3-1 తేడాతో కైవసం చేసుకోగలిగితే, ఈ విభాగంలోనూ అగ్రపీఠానికి చేరుకుంటుంది. మొత్తంగా క్రికెట్‌లోని అన్ని ఫార్మాట్లలో టీమిండియా టాప్‌ ర్యాంక్‌కు చేరుకునేందుకు మరో 4 మ్యాచ్‌ల దూరంలో (4 టెస్ట్‌లు) ఉంది. ఇదిలా ఉంటే, న్యూజిలాండ్‌తో మూడో వన్డేలో టాస్‌ ఓడి తొలుత బ్యాటింగ్‌ చేసిన టీమిండియా.. ఓపెనర్లు రోహిత్‌ శర్మ (85 బంతుల్లో 101; 9 ఫోర్లు, 6 సిక్సర్లు), శుభ్‌మన్‌ గిల్‌ (78 బంతుల్లో 112; 13 ఫోర్లు, 5 సిక్సర్లు) మెరుపు శతకాలతో విరుచుకుపడటంతో నిర్ణీత ఓవర్లలో 9 వికెట్ల నష్టానికి 385 పరుగులు చేసింది. ఆఖర్లో హార్ధిక్‌ పాండ్యా (38 బంతుల్లో 54; 3 ఫోర్లు, 3 సిక్సర్లు) సైతం మెరుపు ఇన్నింగ్స్‌ ఆడటంతో భారత్‌ ప్రత్యర్ధి ముందు భారీ లక్ష్యాన్ని ఉంచింది. ✅ A dominant win in a series decider✅ A record win at home✅ Strong comeback after multiple setbacksIndia's journey to the top of the @MRFWorldwide ICC Men's ODI Team Rankings had a bit of everything 👀https://t.co/f9qr0P1xIb— ICC (@ICC) January 24, 2023 అనంతరం కష్టసాధ్యమైన లక్ష్యాన్ని ఛేదించేందుకు బరిలోకి దిగిన న్యూజిలాండ్‌ను ఓపెనర్‌ డెవాన్‌ కాన్వే (100 బంతుల్లో 138; 12 ఫోర్లు, 8 సిక్సర్లు) సుడిగాలి శతకం సైతం ఆదుకోలేకపోయింది. కాన్వే మినహా మిగతా వారెవ్వరూ భారీ స్కోర్లు చేయకపోవడంతో కివీస్‌ లక్ష్యానికి 91 పరుగుల దూరంలో నిలిచిపోయింది (41.2 ఓవర్లలో 295 పరుగులకు ఆలౌట్‌). హెన్రీ నికోల్స్‌ (42), మిచెల్‌ సాంట్నర్‌ (34) ఓ మోస్తరుగా రాణించారు. భారత బౌలర్లలో శార్ధూల్‌ ఠాకూర్‌, కుల్దీప్‌ యాదవ్‌ తలో 3 వికెట్లు పడగొట్టగా.. చహల్‌ 2, హార్ధిక్‌, ఉమ్రాన్‌ మాలిక్‌ చెరో వికెట్‌ దక్కించుకున్నారు.       

స్వదేశంలో న్యూజిలాండ్‌తో జరుగుతున్న 3 మ్యాచ్‌ల వన్డే సిరీస్‌ను టీమిండియా 3-0 తేడాతో క్లీన్‌ స్వీప్‌ చేసింది. ఇండోర్‌ వేదికగా ఇవాళ (జనవరి 24) జరిగిన ఆఖరి మ్యాచ్‌లో భారత్‌ 90 పరుగుల తేడాతో ఘన విజయం సాధించి, పర్యాటక జట్టును ఒక్క మ్యాచ్‌ కూడా గెలవనీయకుండా ఊడ్చేసింది. ఈ విజయంతో భారత్‌.. ఐసీసీ వన్డే టీమ్‌ ర్యాంకింగ్స్‌లోనూ అగ్రస్థానానికి ఎగబాకింది. ఇప్పటికే టీ20 ర్యాంకింగ్స్‌లో టాప్‌లో ఉన్న భారత్‌.. వన్డేల్లోనూ ఈ ఘనత సాధించి అరుదైన రికార్డు నెలకొల్పింది.  Another comprehensive performance from #TeamIndia as they outclass New Zealand by 90 runs in Indore to complete a 3-0 whitewash. 🙌🏽 Scorecard ▶️ https://t.co/ojTz5RqWZf…#INDvNZ | @mastercardindia pic.twitter.com/7IQZ3J2xfI — BCCI (@BCCI) January 24, 2023 ఈ మ్యాచ్‌లో టాస్‌ ఓడి ప్రత్యర్ధి ఆహ్వానం మేరకు తొలుత బ్యాటింగ్‌ చేసిన టీమిండియా.. ఓపెనర్లు రోహిత్‌ శర్మ (85 బంతుల్లో 101; 9 ఫోర్లు, 6 సిక్సర్లు), శుభ్‌మన్‌ గిల్‌ (78 బంతుల్లో 112; 13 ఫోర్లు, 5 సిక్సర్లు) మెరుపు శతకాలతో విరుచుకుపడటంతో నిర్ణీత ఓవర్లలో 9 వికెట్ల నష్టానికి 385 పరుగులు చేసింది. ఆఖర్లో హార్ధిక్‌ పాండ్యా (38 బంతుల్లో 54; 3 ఫోర్లు, 3 సిక్సర్లు) సైతం మెరుపు ఇన్నింగ్స్‌ ఆడటంతో భారత్‌ ప్రత్యర్ధి ముందు భారీ లక్ష్యాన్ని ఉంచింది. .@imShard scalped 3️⃣ crucial wickets with the ball when the going got tough and bagged the Player of the Match award as #TeamIndia registered a 90-run victory in the final #INDvNZ ODI 👏🏻👏🏻 Scorecard ▶️ https://t.co/ojTz5RqWZf…@mastercardindia pic.twitter.com/cpKbBMOTll — BCCI (@BCCI) January 24, 2023 అనంతరం కష్టసాధ్యమైన లక్ష్యాన్ని ఛేదించేందుకు బరిలోకి దిగిన న్యూజిలాండ్‌ను ఓపెనర్‌ డెవాన్‌ కాన్వే (100 బంతుల్లో 138; 12 ఫోర్లు, 8 సిక్సర్లు) సుడిగాలి శతకం సైతం ఆదుకోలేకపోయింది. కాన్వే మినహా మిగతా వారెవ్వరూ భారీ స్కోర్లు చేయకపోవడంతో కివీస్‌ లక్ష్యానికి 91 పరుగుల దూరంలో నిలిచిపోయింది (41.2 ఓవర్లలో 295 పరుగులకు ఆలౌట్‌). హెన్రీ నికోల్స్‌ (42), మిచెల్‌ సాంట్నర్‌ (34) ఓ మోస్తరుగా రాణించారు. భారత బౌలర్లలో శార్ధూల్‌ ఠాకూర్‌, కుల్దీప్‌ యాదవ్‌ తలో 3 వికెట్లు పడగొట్టగా.. చహల్‌ 2, హార్ధిక్‌, ఉమ్రాన్‌ మాలిక్‌ చెరో వికెట్‌ దక్కించుకున్నారు.   3⃣6⃣0⃣ runs in three matches 🙌@ShubmanGill becomes the Player of the Series for his sensational performance with the bat, including a double-hundred in the #INDvNZ ODI series👏👏 Scorecard ▶️ https://t.co/ojTz5RqWZf…@mastercardindia pic.twitter.com/77HJHLgJoL— BCCI (@BCCI) January 24, 2023 Captain @ImRo45 collects the trophy as #TeamIndia clinch the #INDvNZ ODI series 3⃣-0️⃣ 👏🏻👏🏻Scorecard ▶️ https://t.co/ojTz5RqWZf…@mastercardindia pic.twitter.com/5D5lO6AryG— BCCI (@BCCI) January 24, 2023

ఇండోర్‌ వేదికగా న్యూజిలాండ్‌తో జరుగుతున్న మూడో వన్డేలో ఓ ఆసక్తికర ఘటన చోటు చేసుకుంది. పరుగు కోసం టీమిండియా బ్యాటర్లు విరాట్‌ కోహ్లి, ఇషాన్‌ కిషన్‌ ఒకేవైపు పరిగెత్తారు. ఫలితంగా ఇషాన్‌ కిషన్‌ రనౌటయ్యాడు. ఇంతకీ ఏం జరిగిందంటే.. ఈ మ్యాచ్‌లో టీమిండియా తొలుత బ్యాటింగ్‌ చేసింది. ఓపెనర్లు రోహిత్‌ శర్మ (85 బంతుల్లో 101; 9 ఫోర్లు, 6 సిక్సర్లు), శుభ్‌మన్‌ గిల్‌ (78 బంతుల్లో 112; 13 ఫోర్లు, 5 సిక్సర్లు) మెరుపు సెంచరీలు చేసి వరుస ఓవర్లలో పెవిలియన్‌కు చేరారు. ఆతర్వాత క్రీజ్‌లోకి వచ్చిన విరాట్‌ కోహ్లి (27 బంతుల్లో 36; 3 ఫోర్లు, సిక్స్‌), ఇషాన్‌ కిషన్‌ (24 బంతుల్లో 17; ఫోర్‌, సిక్స్‌) సైతం బ్యాట్‌ ఝులిపిస్తున్నారు. ఇన్నింగ్స్‌ 35వ ఓవర్‌ మూడో బంతికి ఇషాన్‌ కవర్స్‌ దిశగా బంతిని ఆడి పరుగు కోసం కోహ్లికి పిలుపునిచ్చాడు. ఇందుకు కోహ్లి వెంటనే రియాక్ట్‌ అయ్యాడు. అయితే ఇషాన్‌ క్రీజ్‌ సగం మధ్యకు వచ్చాక మనసు మార్చుకుని, తిరిగి స్ట్రయికింగ్‌ ఎండ్‌కు వెళ్లాడు. అప్పటికే కోహ్లి క్రీజ్‌లోకి చేరుకోగా.. ఇషాన్‌ అతన్ని ఫాలో అయ్యాడు. pic.twitter.com/KZpVEBKwt7 — Saddam Ali (@SaddamAli7786) January 24, 2023 పరుగుకు వెళ్లాలా వద్దా అన్న సందిగ్దంలో ఉండిన ఇషాన్‌ చివరికి వికెట్‌ను సమర్పించుకున్నాడు. ఈ మొత్తం తంతుకు సంబంధించిన వీడియో ప్రస్తుతం సోషల్‌మీడియాలో చక్కర్లు కొడుతోంది. ఇది చూసిన నెటిజన్లు ఇషాన్‌కు ఇంకా పిల్ల చేష్టలు పోలేదని, ప్రొఫెషనల్‌ ఆటగాడిగా ప్రవర్తించట్లేదని మండిపడుతున్నారు. రన్‌కు పిలిచి మనసు మార్చుకోవడం ఆటలో సహజమే అయినప్పటికీ.. ఇషాన్‌లో ఎక్కడా సిరీయస్‌నెస్‌ కనిపించలేదని దుమ్మెత్తిపోస్తున్నారు. మరోసారి భారీ ఇన్నింగ్స్‌ ఆడే అవకాశాన్ని చేజేతులా నాశనం చేసుకున్నాడని కామెంట్లు చేస్తున్నారు. కాగా, ఇషాన్‌ ఇదే సిరీస్‌లో రెండో వన్డేలోనూ ఇలాగే ఇమెచ్యూర్డ్‌గా బిహేవ్‌ చేశాడు. అనవసరంగా స్టంపింగ్‌కు అప్పీల్‌ చేసి పరువు పోగొట్టుకున్నాడు. అప్పుడు కూడా నెటిజన్లు ఇషాన్‌ను ఇలాగే ఆటాడుకున్నారు. ఇషాన్‌కు పిల్ల చేష్టలు ఇంకా పోలేదని పరుష పదజాలం ఉపయోగించి కామెంట్లు చేశారు.  ఇదిలా ఉం‍టే, ఈ మ్యాచ్‌లో టాస్‌ ఓడి ప్రత్యర్ధి ఆహ్వానం మేరకు తొలుత బ్యాటింగ్‌ చేసిన టీమిండియా.. రోహిత్‌, గిల్‌ మెరుపు శతకాలతో విరుచుకుపడటంతో నిర్ణీత ఓవర్లలో 9 వికెట్ల నష్టానికి 385 పరుగులు చేసింది. ఆఖర్లో హార్ధిక్‌ పాండ్యా (38 బంతుల్లో 54; 3 ఫోర్లు, 3 సిక్సర్లు) సైతం మెరుపు ఇన్నింగ్స్‌ ఆడటంతో భారత్‌ భారీ స్కోర్‌ చేసింది. 

ఇండోర్‌ వేదికగా న్యూజిలాండ్‌తో జరుగుతున్న మూడో వన్డేలో టాస్‌ ఓడి ప్రత్యర్ధి ఆహ్వానం మేరకు తొలుత బ్యాటింగ్‌ చేసిన టీమిండియా భారీ స్కోర్‌ సాధించింది. ఓపెనర్లు రోహిత్‌ శర్మ (85 బంతుల్లో 101; 9 ఫోర్లు, 6 సిక్సర్లు), శుభ్‌మన్‌ గిల్‌ (78 బంతుల్లో 112; 13 ఫోర్లు, 5 సిక్సర్లు) మెరుపు శతకాలతో విరుచుకుపడటంతో టీమిండియా నిర్ణీత ఓవర్లలో 9 వికెట్ల నష్టానికి 385 పరుగులు చేసింది. రోహిత్‌, గిల్‌ ఔటయ్యాక వడవడిగా వికెట్లు కోల్పోయిన భారత్‌.. ఆఖర్లో హార్ధిక్‌ పాండ్యా (38 బంతుల్లో 54; 3 ఫోర్లు, 3 సిక్సర్లు), శార్ధూల్‌ ఠాకూర్‌ (17 బంతుల్లో 25; 3 ఫోర్లు, సిక్స్‌) బ్యాట్‌ ఝులిపించడంతో 375 పరుగుల మార్కు దాటింది. రోహిత్‌-గిల్‌ క్రీజ్‌లో ఉండగా.. ఓ దశలో టీమిండియా 400 పరుగుల మైలురాయిని సునాయాసంగా దాటుతుందని అంతా భావించారు. అయితే వరుస ఓవర్లలో వీరిద్దరు ఔట్‌ కావడం టీమిండియాకు మైనస్‌ అయ్యింది. ఆతర్వాత వచ్చిన కోహ్లి (27 బంతుల్లో 36; 3 ఫోర్లు, సిక్స్‌) కొద్ది సేపు మెరుపులు మెరిపించినప్పటికీ భారీ స్కోర్‌ చేయలేకపోయాడు. ఇషాన్‌ కిషన్‌ (24 బంతుల్లో 17; ఫోర్‌, సిక్స్‌), సూర్యకుమార్‌ యాదవ్‌ (9 బంతుల్లో 14; 2 సిక్సర్లు), వాషింగ్టన్‌ సుం‍దర్‌ (14 బంతుల్లో 9; ఫోర్‌) నిరాశపరిచారు. కివీస్‌ బౌలర్లలో టిక్నర్‌, డఫ్ఫీ తలో 3 వికెట్లు పడగొట్టగా..  బ్రేస్‌వెల్‌ ఓ వికెట్‌ దక్కించుకున్నాడు. ఆఖరి ఓవర్‌లో భారత్‌ కేవలం 3 పరుగులు మాత్రమే చేసి నిరాశపరిచింది.   కాగా, 3 మ్యాచ్‌ల ఈ వన్డే సిరీస్‌ను భారత్‌ ఇదివరకే 2-0 తేడాతో కైవసం చేసుకున్న విషయం తెలిసిందే. నామమాత్రంగా సాగుతున్న ఈ మ్యాచ్‌లోనూ భారత్‌ గెలిస్తే..  సిరీస్‌ను క్లీన్‌ స్వీప్‌ చేయడంతో పాటు ఐసీసీ వన్డే ర్యాంకింగ్స్‌లో అగ్రస్థానానికి చేరుకుంటుంది.   

అరివీర భయంకర ఫామ్‌లో ఉన్న టీమిండియా యువ ఓపెనర్‌ శుభ్‌మన్‌ గిల్‌.. ఇవాళ (జనవరి 24) న్యూజిలాండ్‌పై మూడో వన్డేలో సెంచరీ బాదడం ద్వారా పలు రికార్డులు తన ఖాతాలో వేసుకున్నాడు. ఈ మ్యాచ్‌లో 78 బంతులు ఎదుర్కొన్న గిల్‌ 13 ఫోర్లు, 5 సిక్సర్ల సాయంతో 112 చేశాడు. తద్వారా వన్డేల్లో 4వ సెంచరీని, గత 4 వన్డేల్లో 3వ సెంచరీని నమోదు చేశాడు. ఇందులో ఓ డబుల్‌ సెంచరీ (న్యూజిలాండ్‌పై తొలి వన్డేలో 208) కూడా ఉంది. ఇవాల్టి మ్యాచ్‌లో గిల్‌ సెంచరీ సాధించాక పలు ప్రపంచ రికార్డుల్లో భాగమయ్యాడు.  అతి తక్కువ ఇన్నింగ్స్‌ల్లో 4 వన్డే సెంచరీలు (21) పూర్తి చేసిన ఆటగాళ్ల జాబితాలో 4వ స్థానంలో నిలిచాడు. ఈ జాబితాలో పాకిస్తాన్‌కు చెందిన ఇమామ్‌ ఉల్‌ హాక్‌ (9) అగ్రస్థానంలో ఉండగా.. క్వింటన్‌ డికాక్‌ (16), డెన్నిస్‌ అమిస్‌ (18), షిమ్రోన్‌ హెట్మేయర్‌ (22) 2, 3, 5 స్థానాల్లో నిలిచారు.  భారత్‌ తరఫున అతి తక్కువ వన్డేల్లో 4 సెంచరీలు పూర్తి చేసిన ఆటగాడిగా రికార్డు. గతంలో ఈ రికార్డు శిఖర్‌ ధవన్‌ పేరిట ఉండేది. ధవన్‌ 24 మ్యాచ్‌ల్లో ఈ ఫీట్‌ సాధించగా.. గిల్‌ 21 మ్యాచ్‌ల్లోనే ఈ మైలురాయిని చేరుకున్నాడు.  ఇదే మ్యాచ్‌లో గిల్‌ మరో ప్రపంచ రికార్డును సమం చేశాడు. 3 వన్డేల ద్వైపాక్షిక సిరీస్‌ల్లో అత్యధిక పరుగులు చేసిన ఆటగాడిగా పాక్‌ కెప్టెన్‌ బాబర్‌ ఆజమ్‌ సరసన నిలిచాడు. బాబర్‌ 2016 విండీస్‌ సిరీస్‌లో 360 పరుగులు చేయగా.. గిల్‌ ప్రస్తుత న్యూజిలాండ్‌ సిరీస్‌లో అన్నే పరుగులు చేశాడు. వీరిద్దరి తర్వాత ఇమ్రుల్‌ కయేస్‌ (349), డికాక్‌ (342), గప్తిల్‌ (330) ఉన్నారు.  ఇదిలా ఉంటే, ఈ మ్యాచ్‌లో తొలుత బ్యాటింగ్‌ చేస్తున్న టీమిండియా 38.4 ఓవర్ల పూర్తయ్యే సరికి 5 వికెట్ల నష్టానికి 293 పరుగుల చేసింది. రోహిత్‌ (101), గిల్‌ (112)తో పాటు కోహ్లి (36), ఇషాన్‌ కిషన్‌ (17), సూర్యకుమార్‌ యాదవ్‌ (14) కూడా ఔటయ్యారు.   

టీమిండియా యువ ఓపెనర్‌ శుభ్‌మన్‌ గిల్‌ అంతర్జాతీయ క్రికెట్‌లో అరివీర భయంకర ఫామ్‌ను కొనసాగిస్తున్నాడు. ఈ ఏడాది ఆరంభం నుంచే పరుగుల వరద పారిస్తున్న గిల్‌.. శ్రీలంకతో జరిగిన తొలి వన్డేలో నుంచి ధనాధన్‌ ఇన్నింగ్స్‌లకు శ్రీకారం చుట్టాడు. అప్పటివరకు స్లోగా ఆడతాడు అన్న ముద్రను గిల్‌ ఈ మ్యాచ్‌తో చెరిపేశాడు. లంకతో తొలి వన్డేలో మెరుపు హాఫ్‌ సెంచరీ (60 బంతుల్లో 70; 11 ఫోర్లు) చేసిన గిల్‌.. ఆతర్వాతి మ్యాచ్‌లో 21 పరుగులకే ఔటైనప్పటికీ, మూడో వన్డేలో విశ్వరూపం ప్రదర్శించాడు. ఆ మ్యాచ్‌లో 97 బంతులు ఎదుర్కొన్న గిల్‌.. 14 ఫోర్లు, 2 సిక్సర్ల సాయంతో 116 పరుగులు చేశాడు. ఇంతటితో ఆగని గిల్‌ మేనియా.. న్యూజిలాండ్‌తో వన్డే సిరీస్‌లో మరింత తీవ్రరూపం దాల్చింది. ఈ సిరీస్‌లో తొలి వన్డేలో గిల్‌ ఏకంగా డబుల్‌ సెంచరీతో (149 బంతుల్లో 209; 19 ఫోర్లు, 9 సిక్సర్లు) విధ్వంసం సృష్టించాడు. ఇంతటితో సంతృప్తి చెందని ఈ పంజాబ్‌ యువకెరటం.. రెండో వన్డేలో అజేయమైన 40 పరుగులు చేసి జట్టు విజయంలో కీలకపాత్ర పోషించాడు. ఇంత చేశాక కూడా గిల్‌ పరుగుల దాహం తీరలేదు. ఇవాళ (జనవరి 24) ఇండోర్‌ వేదికగా జరుగుతున్న మూడో వన్డేలో మరో విధ్వంసకర శతకం బాదాడు. ఈ మ్యాచ్‌లో గిల్‌.. 72 బంతుల్లో 13 ఫోర్లు, 4 సిక్సర్ల సాయంతో సెంచరీ (103 పరుగులు) పూర్తి చేశాడు. ఈ మ్యాచ్‌లో గిల్‌ షాట్లు ఆడే విధానం, అతని ఫామ్‌ చూసి ఈ మ్యాచ్‌లో కూడా డబుల్‌ సెంచరీ బాదడం ఖాయమని అంతా ఊహించారు. అయితే గిల్‌ మరో భారీ షాట్‌కు ప్రయత్నించి టిక్నర్‌ బౌలింగ్‌లో కాన్వేకు క్యాచ్‌ ఇచ్చి 112 (78; 13 ఫోర్లు, 5 సిక్సర్లు) పరుగుల వద్ద ఔటయ్యాడు. వన్డే కెరీర్‌లో 4వ సెంచరీ పూర్తి చేసుకున్న గిల్‌ కెరీర్‌లోనే అత్యుత్తమ ఫామ్‌లో ఉన్నాడు. ఇదే మ్యాచ్‌లో రోహిత్‌ సైతం విధ్వంసకర శతకంతో చెలరేగాడు. దాదాపు 17 నెలల సుదీర్ఘ విరామం తర్వాత రోహిత్‌ అంతర్జాతీయ క్రికెట్‌లో సెం‍చరీ చేశాడు. ఈ మ్యాచ్‌లో 85 బంతులను ఎదుర్కొన్న హిట్‌మ్యాన్‌.. 9 ఫోర్లు, 6 సిక్సర్ల సాయంతో 101 పరుగులు చేశాడు. హిట్‌మ్యాన్‌కు వన్డేల్లో ఇది 30వ సెంచరీ కాగా, అన్ని ఫార్మట్లలో కలిపితే 42వది. రోహిత్‌, గిల్‌ ఔటయ్యాక క్రీజ్‌లోకి వచ్చిన కోహ్లి (25), ఇషాన్‌ కిషన్‌ (12) కూడా ధాటిగా ఆడుతుండటంతో టీమిండియా స్కోర్‌ 33 ఓవర్ల తర్వాత 260/2గా ఉంది.  

అప్‌డేట్‌: కివీస్‌తో మ్యాచ్‌లో టీమిండియా ఓపెనర్లు రోహిత్‌ శర్మ, శుబ్‌మన్‌ గిల్‌ సెంచరీ పూర్తి చేసుకున్నారు. ఇండోర్‌ వేదికగా న్యూజిలాండ్‌తో జరుగుతున్న చివరి మ్యాచ్‌లో టాస్‌ ఓడి తొలుత బ్యాటింగ్‌ చేస్తున్న భారత్‌ రికార్డు స్కోర్‌ దిశగా పయనిస్తుంది. ఓపెనర్లు రోహిత్‌ శర్మ (64 బంతుల్లో 80; 8 ఫోర్లు, 5 సిక్సర్లు), శుభ్‌మన్‌ గిల్‌ (56 బంతుల్లో 77; 10 ఫోర్లు, 3 సిక్సర్లు) మెరుపు వేగంతో అర్ధశతకాలు పూర్తి చేసి సెంచరీల దిశగా సాగుతున్నారు. వీరిద్దరి ధాటికి టీమిండియా 20 ఓవర్లలో వికెట్‌ నష్టపోకుండా 165 పరుగులు చేసింది. కాగా, 3 మ్యాచ్‌ల ఈ వన్డే సిరీస్‌ను భారత్‌ ఇదివరకే 2-0 తేడాతో కైవసం చేసుకున్న విషయం తెలిసిందే. నామమాత్రంగా సాగుతున్న ఈ మ్యాచ్‌లోనూ భారత్‌ గెలిస్తే..  ఐసీసీ వన్డే ర్యాంకింగ్స్‌లో అగ్రస్థానానికి చేరుకుంటుంది.   న్యూజిలాండ్‌పై అత్యధిక ఓపెనింగ్‌ భాగస్వామ్యం.. ఈ మ్యాచ్‌లో శతకాల దిశగా దూసుకెళ్తున్న రోహిత్‌-గిల్‌లు ఈ ఫీట్‌లు సాధించకముందే మరో రికార్డును తమ ఖాతాలో వేసుకున్నారు. న్యూజిలాండ్‌పై అత్యధిక ఓపెనింగ్‌ భాగస్వామ్యం నమోదు చేసిన జోడీగా రోహిత్‌-గిల్‌ జోడీ రికార్డుల్లోరకెక్కింది. వీరిద్దరు తొలి వికెట్‌కు అజేయమైన 204 పరుగులు జోడించారు. ప్రస్తుతం రోహిత్‌ (99), గిల్‌ (98) క్రీజ్‌లో ఉన్నారు. గతంలో (2009లో) సెహ్వాగ్‌-గంభీర్‌ జోడీ పేరిట ఈ రికార్డు ఉండేది. వీరిద్దరు న్యూజిలాండ్‌పై తొలి వికెట్‌కు అజేయమైన 201 పరుగులు జోడించారు. వీరి తర్వాత లంక జోడీ జయసూర్య-ఉపుల్‌ తరంగ (201) మూడో స్థానంలో ఉంది. 

IND VS NZ 3rd ODI: స్వదేశంలో న్యూజిలాండ్‌తో జరుగుతున్న 3 మ్యాచ్‌ల వన్డే సిరీస్‌ను మరో మ్యాచ్‌ మిగిలి ఉండగానే 2-0 తేడాతో కైవసం చేసుకున్న టీమిండియా.. జనవరి 24న నామమాత్రంగా జరిగే మూడో వన్డేలో ప్రయోగాల బాట పట్టనుందా..? అంటే అవుననే సమాధానమే వినిపిస్తుంది. ఇండోర్‌ వేదికగా జరిగే ఈ మ్యాచ్‌లో షాబాజ్‌ అహ్మద్‌, చహల్‌, ఉమ్రాన్‌ మాలిక్‌ తుది జట్టులో ఉండే అవకాశం ఉం‍ది. తొలి రెండు వన్డేలు ఆడిన కుల్దీప్‌ యాదవ్‌, వాషింగ్టన్‌ సుందర్‌, శార్దూల్‌ ఠాకూర్‌లకు విశ్రాంతినివ్వాలని మేనేజ్‌మెంట్‌ యోచిస్తున్నట్లు తెలుస్తోంది. ఈనెల 27 నుంచే ప్రారంభంకానున్న టీ20 సిరీస్‌ (న్యూజిలాండ్‌తో) నేపథ్యంలో చహల్‌, ఉమ్రాన్‌ మాలిక్‌లకు ఓ అవకాశం ఇవ్వాలన్నది మేనేజ్‌మెంట్‌ అభిప్రాయమని సమాచారం. చహల్‌, ఉమ్రాన్‌ మాలిక్‌ ఇద్దరూ టీ20 జట్టులో కూడా ఉండటంతో ఈ మార్పులు చేసే అవకాశం ఉందని విశ్లేషకులు సైతం అభిప్రాయపడుతున్నారు. పైన పేర్కొన్న మూడు మార్పులు మినహాయించి, రెండో వన్డే ఆడిన జట్టునే యధాతథంగా కొనసాగించవచ్చు. ఓపెనర్లుగా రోహిత్‌, గిల్‌, వన్‌డౌన్‌లో విరాట్‌ కోహ్లి, ఆతర్వాత ఇషాన్‌ కిషన్‌, సూర్యకుమార్‌, హార్ధిక్‌, షాబాజ్‌ అహ్మద్‌, షమీ, సిరాజ్‌, ఉమ్రాన్‌, చహల్‌ తుది జట్టులో ఉండే అవకాశం ఉంది. ఇదిలా ఉంటే, ఈ సిరీస్‌లో భారత్‌ తొలి వన్డేలో 12 పరుగుల తేడాతో, రెండో వన్డేలో 8 వికెట్ల తేడాతో గెలుపొందిన విషయం తెలిసిందే. 

తిరువనంతపురం వేదికగా శ్రీలంకతో జరిగిన మూడో వన్డేలో విధ్వంసకర శతకం‍తో చెలరేగిన టీమిండియా మాజీ కెప్టెన్ విరాట్ కోహ్లి (110 బంతుల్లో 166 నాటౌట్‌; 13 ఫోర్లు, 8 సిక్సర్లు) జట్టు విజయంలో కీలకపాత్ర పోషించడంతో పాటు పలు అరుదైన రికార్డులు బద్దలు కొట్టిన విషయం తెలిసిందే. కింగ్‌ బద్దలు కొట్టిన అరుదైన రికార్డుల జాబితాలో ఓ అసాధారణ రికార్డు దాగి ఉందన్న విషయం మనలో చాలామంది గమనించి ఉండరు. Virat Kohli on 15th January:- In 2017 - 122(102) vs ENG in ODIs. In 2018 - 153(217) vs SA in Tests. In 2019 - 104(112) vs AUS in ODIs. In 2023 - 166*(110) vs SL in ODIs. pic.twitter.com/1e9qG6KoYW — CricketMAN2 (@ImTanujSingh) January 15, 2023 అదేంటంటే.. కింగ్‌ కోహ్లికి సంక్రాంతి పండుగ వచ్చిందంటే పూనకం వస్తుంది. ఈ పర్వదినాన (జనవరి 15) కోహ్లి ఏకంగా 4 సెంచరీలు బాదాడు. 2017 సంక్రాంతి రోజున ఇంగ్లండ్‌తో జరిగిన వన్డేలో 102 బంతుల్లో 122 పరుగులు చేసిన కోహ్లి.. 2018 సంక్రాంతికి సౌతాఫ్రికాతో టెస్ట్ మ్యాచ్‌లో 217 బంతుల్లో 153 పరుగులు చేశాడు. Declare 15th January as "Virat Kohli Day"@imVkohli pic.twitter.com/DVHA476m5E — Pratham. (@75thHundredWhen) January 15, 2023 2019 సంక్రాంతికి ఆస్ట్రేలియాతో జరిగిన వన్డేలో 112 బంతుల్లో 104 పరుగులు చేసిన కింగ్‌.. మూడేళ్ల గ్యాప్‌ తర్వాత మళ్లీ 2023 సంక్రాంతికి సెంచరీ బాది సంక్రాంతి తనకెంత అచ్చొచ్చిన పండగో మరోసారి చాటాడు. యాదృచ్చికంగా చోటు చేసుకున్న ఈ పరిమాణాలను ఓ అభిమాని సోషల్‌మీడియాలో పోస్ట్‌ చేయగా ప్రస్తుతం వైరలవుతోంది.   A good day on the field and it was wonderful to watch @ShubmanGill & @imVkohli bhai bat today. Congratulations on your 100s and thanks to the almighty for giving me this opportunity to contribute in team’s biggest win. Shukar 🙏🇮🇳 @BCCI pic.twitter.com/ZDAVMRL250 — Mohammed Siraj (@mdsirajofficial) January 15, 2023 సంక్రాంతి రోజు కోహ్లి శతక్కొట్టుడు గణాంకాలను చూసిన అభిమానులు జనవరి 15ను 'విరాట్‌ కోహ్లి డే' గా ప్రకటించాలని డిమాండ్‌ చేస్తున్నారు. వేదిక ఏదైనా.. ప్రత్యర్ధి ఎవరైనా.. సంక్రాంతి రోజు మ్యాచ్‌ ఉందంటే కింగ్‌కు పూనకం వస్తుంది.. ఈ రోజు ప్రత్యర్ధులు ఎంతటి వారైనా జాగ్రత్తగా ఉండాలని కోహ్లి ఫ్యాన్స్‌ హెచ్చరిస్తున్నారు.  Milestone of Virat Kohli today: 46th ODI Hundreds. 74th International Hundred. Most Hundreds in 2023. His 2nd highest score in ODIs. 10th ODI Hundred vs SL, first ever. Highest ever score in Greenfield. Most Sixes in an innings in his ODI career. 2nd Hundred in this series. pic.twitter.com/mES2axrI9N — CricketMAN2 (@ImTanujSingh) January 15, 2023 కాగా, లంకపై సూపర్‌ సెంచరీతో పలు రికార్డులను బద్దలు కొట్టిన కోహ్లి.. కెరీర్‌లో 46వ వన్డే శతకాన్ని, ఓవరాల్‌గా 74వ అంతర్జాతీయ శతకాన్ని పూర్తి చేసుకున్నాడు. అలాగే ఈ సెంచరీతో శ్రీలంకపై 10వ వన్డే సెంచరీ పూర్తి చేసుకున్న కోహ్లి.. ఓ ప్రత్యర్ధిపై అత్యధిక సెంచరీలు సాధించిన ఆటగాడిగా రికార్డుల్లోకెక్కాడు. కోహ్లి ఈ సెంచరీ సాధించే క్రమంలో వన్డేల్లో అత్యధిక పరుగులు సాధించిన ఆటగాళ్ల జాబితాలో శ్రీలంక దిగ్గజం మహేళ జయవర్దనే(12,650)ను వెనక్కు నెట్టి ఐదో స్థానానికి ఎగబాకాడు.  ఇదిలా ఉంటే, లంకతో మూడో వన్డేలో కోహ్లి విధ్వంసకర శతకంతో పాటు శుభ్‌మన్‌ గిల్‌ సెంచరీ సాధించడంతో తొలుత బ్యాటింగ్‌ చేసిన భారత్ నిర్ణీత ఓవర్లలో 5 వికెట్లకు 390 పరుగులు చేసింది. అనంతరం భారీ లక్ష్యచేధనకు దిగిన శ్రీలంక.. సిరాజ్ (4/32), షమీ (2/20), కుల్దీప్‌ (2/16) ధాటికి 73 పరుగులకే ఆలౌటై, 317 పరుగుల భారీ తేడాతో ఓటమిపాలైంది. వన్డే క్రికెట్‌ చరిత్రలో పరుగుల పరంగా ఇదే భారీ విజయం.

తిరువనంతపురం వేదికగా శ్రీలంకతో జరుగుతున్న నామమాత్రపు మూడో వన్డేలో టీమిండియా టాస్‌ గెలిచి, తొలుత బ్యాటింగ్‌ ఎంచుకుంది. ఈ మ్యాచ్‌ కోసం భారత్‌ రెండు మార్పులు చేసింది. హార్ధిక్‌ పాం‍డ్యా, ఉమ్రాన్‌ మాలిక్‌లకు రెస్ట్‌ ఇచ్చిన టీమ్‌ మేనేజ్‌మెంట్‌.. సూర్యకుమార్‌ యాదవ్‌, వాషింగ్టన్‌ సుందర్‌లకు అవకాశం ‍కల్పించిం‍ది. మరోవైపు శ్రీలంక  సైతం రెండు మార్పులతో బరిలోకి దిగింది. ఆషేన్‌ బండార, జెఫ్రీ వాండర్సే తుది జట్టులోకి వచ్చారు. కాగా, 3 మ్యాచ్‌ల ఈ సిరీస్‌ను భారత్‌ 2-0 తేడాతో ఇదివరకే కైవసం చేసుకున్న విషయం తెలిసిందే.  తుది జట్లు.. భారత్‌: రోహిత్ శర్మ, శుభ్‌మన్ గిల్, విరాట్ కోహ్లి, శ్రేయస్ అయ్యర్, కేఎల్ రాహుల్, సూర్యకుమార్‌ యాదవ్‌, వాషింగ్టన్‌ సుందర్‌, అక్షర్ పటేల్, మహ్మద్ షమీ, మహ్మద్ సిరాజ్, కుల్దీప్ యాదవ్ శ్రీలంక: కుశాల్ మెండిస్, అవిష్క ఫెర్నాండో, చరిత్ అసలంక, ఆషేన్‌ బండార, జెఫ్రీ వాండర్సే, నువనిదు ఫెర్నాండో, దసున శనక, వనిందు హసరంగ, చమిక కరుణరత్నే, లహిరు కుమార, కసున్ రజిత   

తిరువనంతపురం: భారత్, శ్రీలంక మధ్య టి20 సిరీస్‌లోనైనా ఫలితం చివరి మ్యాచ్‌ వరకు ఆగాల్సి వచ్చింది. ఇప్పుడు వన్డే సిరీస్‌లో మాత్రం రెండో మ్యాచ్‌కే ఫలితం తేలిపోయింది. టీమిండియా 2–0తో సిరీస్‌ గెలుచుకోగా, చివరి పోరుకు ప్రాధాన్యత తగ్గిపోయింది. ఈ నేపథ్యంలో నేడు జరిగే మూడో వన్డేలో భారత్, శ్రీలంక తలపడనున్నాయి. మరో విజయంతో సిరీస్‌ను క్లీన్‌స్వీప్‌ చేయాలని భారత్‌ భావిస్తుండగా, టి20ల తరహాలో కనీసం ఒక విజయంతోనైనా ముగించి పరువు నిలబెట్టుకోవాలని లంక కోరుకుంటోంది.   మార్పు ఉంటుందా...  ‘అవసరమైతే తర్వాతి మ్యాచ్‌లో మార్పులు చేస్తాం’... రెండో వన్డే ముగిసిన తర్వాత భారత కెప్టెన్‌ రోహిత్‌ శర్మ చేసిన వ్యాఖ్య ఇది. సిరీస్‌ ఇప్పటికే చేతికందడంతో స్వల్ప మార్పులతో రిజర్వ్‌ ఆటగాళ్లను పరీక్షించాలనేది ఆలోచన. గత రెండు మ్యాచ్‌లలోనూ అవకాశం దక్కకుండా అర్షదీప్, ఇషాన్‌ కిషన్, వాషింగ్టన్‌ సుందర్‌ బెంచీపై వేచి చూస్తున్నారు. వీరిలో ఎవరిని ఆడిస్తారనేది చూడాలి. ముగ్గురికీ అవకాశం ఇవ్వాలనుకుంటే ఉమ్రాన్, రాహుల్, అక్షర్‌లను పక్కన పెట్టవచ్చు. మరోవైపు భుజం నొప్పితో గత మ్యాచ్‌కు దూరమైన చహల్‌ పూర్తిగా కోలుకున్నాడు. అతడిని ఆడిస్తారా లేక రెండో వన్డే ‘ప్లేయర్‌ ఆఫ్‌ ద మ్యాచ్‌’ కుల్దీప్‌ యాదవ్‌ను కొనసాగిస్తారా అనేది ఆసక్తికరం. ఇతరత్రా భారత జట్టుకు ఎలాంటి సమస్యలు లేవు. అటు బ్యాటర్లు, ఇటు బౌలర్లంతా ఫామ్‌లో ఉన్నారు. కాబట్టి ప్రధాన బృందంలో మార్పులు చేయాల్సిన అవసరం లేదు. వీరంతా తమ స్థాయికి తగినట్లు ఆడితే నిలువరించడం లంకకు చాలా కష్టమవుతుంది.   నిసాంక పునరాగమనం...  గత మ్యాచ్‌లో భారత బ్యాటింగ్‌ను కాస్త ఇబ్బంది పెట్టి మ్యాచ్‌ను హోరాహోరీగా మార్చగలిగినా... శ్రీలంక అసలు సమస్య బ్యాటింగ్‌లోనే ఉంది. ఆశించిన స్థాయిలో కీలక ఆటగాళ్లు ప్రదర్శన ఇవ్వకపోవడంతో పేలవ స్కోరుకే పరిమితమైన జట్టు ఏమీ చేయలేకపోయింది. అందరికంటే సీనియర్‌ కుశాల్‌ మెండిస్‌ మరింత బాధ్యతాయుతంగా ఆడి భారీ స్కోరు చేయాల్సి ఉంది. గాయంతో రెండో వన్డేకు దూరమైన నిసాంక తిరిగి జట్టులోకి వస్తున్నాడు. అతని స్థానంలో ఆడిన నువనిదు ఫెర్నాండో అరంగేట్ర మ్యాచ్‌లోనే అర్ధసెంచరీ సాధించడంతో పక్కన పెట్టలేని పరిస్థితి. దాంతో అసలంకను తప్పించవచ్చు. బౌలింగ్‌లో అంతంత మాత్రంగానే ఉన్న లంక భారత బ్యాటింగ్‌ను ఎంత వరకు నిలువరించగలదో చూడాలి. 

AFG VS SL 3rd ODI: 3 మ్యాచ్‌ల వన్డే సిరీస్‌ కోసం శ్రీలం‍కలో పర్యటించిన ఆఫ్ఘనస్తాన్‌ జట్టు 1-1తో సిరీస్‌ను సమం చేసుకుంది. సిరీస్‌లోని తొలి మ్యాచ్‌లో పర్యాటక జట్టు 60 పరుగుల తేడాతో గెలుపొందగా.. వర్షం కారణంగా రెండో మ్యాచ్‌ ఫలితం తేలకుండా రద్దైంది. నిన్న (నవంబర్‌ 30) జరిగిన నిర్ణయాత్మక మూడో వన్డేలో ఆతిధ్య జట్టు 4 వికెట్ల తేడాతో ఆఫ్ఘన్‌ ఓడించడంతో సిరీస్‌ సమంగా ముగిసింది.   మూడో వన్డేలో టాస్‌ గెలిచి బ్యాటింగ్‌ చేసిన ఆఫ్ఘనిస్తాన్‌.. నిర్ణీత 50 ఓవర్లలో 8 వికెట్ల నష్టానికి 313 పరుగుల భారీ స్కోర్‌ చేయగా.. శ్రీలంక జట్టు అద్భుతమైన పోరాటపటిమ కనబర్చి 49.4 ఓవర్లలో 6 వికెట్లు కోల్పోయి లక్ష్యాన్ని ఛేదించిం‍ది. సిరీస్‌ తొలి మ్యాచ్‌లో సెంచరీ బాది సూపర్‌ ఫామ్‌లో ఉన్న ఇబ్రహీమ్‌ జద్రాన్‌ ఈ మ్యాచ్‌లోనూ భారీ శతకం (138 బంతుల్లో 162; 15 ఫోర్లు, 4 సిక్సర్లు) బాది ఆఫ్ఘనిస్తాన్‌ భారీ స్కోర్‌ చేయడంలో కీలకపాత్ర పోషించాడు. ఈ సెంచరీ సాధించడం ద్వారా జద్రాన్‌ మరో రికార్డును కూడా తన ఖాతాలో వేసుకన్నాడు. కేవలం 8 వన్డేల్లోనే 3 శతకాలు బాది జోరుమీదున్న 20 ఏళ్ల జద్రాన్‌.. ఆఫ్ఘన్‌ తరఫున అత్యధిక వ్యక్తిగత స్కోరర్‌గా రికార్డుల్లోకెక్కాడు. గతం‍లో వన్డేల్లో ఆఫ్ఘన్‌ తరఫున అత్యధిక వ్యక్తిగత స్కోర్‌ రికార్డు మహ్మద్‌ షెహజాద్‌ (131) పేరిట ఉండేది. కాగా, ఈ మ్యాచ్‌లో జద్రాన్‌కు జతగా నజీబుల్లా (77) రాణించినప్పటికీ.. ఆఫ్ఘన్‌ బౌలర్లు భారీ టార్గెట్‌ను డిఫెండ్‌ చేసుకోవడంలో విఫలమ్యారు. కుశాల్‌ మెండిస్‌ (67), చరిత్‌ అసలంక (83 నాటౌట్‌), చండీమాల్‌ (33), దసున్‌ షనక (43), దునిత్‌ వెల్లలగే (31 నాటౌట్‌) సంయుక్తంగా రాణించి మ్యాచ్‌ను గెలిపించడంతో పాటు శ్రీలంక సిరీస్‌ కోల్పోకుండా కాపాడుకోగలిగారు. సిరీస్‌లో రెండు శతకాలతో చెలరేగిన ఇబ్రహీమ్‌ జద్రాన్‌కు ప్లేయర్‌ ఆఫ్‌ ద సిరీస్‌ అవార్డు దక్కగా.. చరిత్‌ అసలంకకు మ్యాన్‌ ఆఫ్‌ ద మ్యాచ్‌ అవార్డు లభించింది.     

పరిమిత ఓవర్ల క్రికెట్‌లో టీమిండియా వికెట్‌కీపర్‌ కమ్‌ బ్యాటర్‌ రిషబ్‌ పంత్‌ ఇటీవలి కాలంలో దారుణంగా విఫలమవుతున్న విషయం అందరికీ తెలిసిందే. లిమిటెడ్‌ ఓవర్స్‌ ఫార్మాట్‌లో జట్టులో అతని స్థానాన్ని ప్రశ్నిస్తూ.. సోషల్‌మీడియాలో ఓ మినీ సైజ్‌ ఉద్యమమే నడుస్తుంది. పంత్‌ వరుసగా విఫలమవుతున్నా వరుస అవకాశాలు కల్పిస్తూ అతన్ని వెనకేసుకొస్తున్న బీసీసీఐపై సైతం ఫ్యాన్స్‌ ఓ రేంజ్‌లో మండిపడుతున్నారు. టీమిండియాలో చోటుకు అన్ని విధాల అర్హుడైన సంజూ శాం‍సన్‌కు అవకాశాలు ఇవ్వకుండా పక్కకు పెట్టి, పంత్‌కు వరుస ఛాన్స్‌లు కల్పించడాన్ని తీవ్రస్థాయిలో వ్యతిరేకిస్తున్నారు. ఈ విషయంపై బీసీసీఐతో పాటు జట్టు యాజమాన్యాన్ని, కోచ్‌, కెప్టెన్లను గట్టిగా నిలదీస్తున్నారు.  ఇదే అంశంపై ప్రముఖ వ్యాఖ్యాత హర్షా భోగ్లే.. రిషబ్‌ పంత్‌నే డైరెక్ట్‌గా క్వశ్చన్‌ చేశాడు. న్యూజిలాండ్‌తో మూడో వన్డేకి ముందు పంత్‌తో మాట్లాడుతూ.. పేలవ ఫామ్‌పై ఇబ్బందికర ప్రశ్నలు సంధించాడు.  Rishabh Pant interview with Harsha Bhogle before 3rd ODI against NZ talking about rain, batting position, stats and scrutiny over T20i performance & WK drills. #NZvINDonPrime pic.twitter.com/TjOUdnPTCz — S H I V A M 🇧🇷 (@shivammalik_) November 30, 2022 హర్షా భోగ్లే: గతంలో వీరేంద్ర సెహ్వాగ్‌ను కూడా ఇదే ప్రశ్న ఆడిగాను. ఇప్పుడు మిమ్మల్ని అడుగుతున్నాను. పరిమిత ఓవర్ల ఫార్మాట్‌తో పోలిస్తే మీ టెస్ట్‌ మ్యాచ్‌ల రికార్డు బాగా ఉంది. దీనిపై మీరేమంటారు..? పంత్‌: సర్‌.. రికార్డులనేవి కేవలం నంబర్లు మాత్రమే. అయినా నా వైట్‌ బాల్‌ గణాంకాలు కూడా ఏమంత చెత్తగా లేవని నేననుకుంటాను. హర్షా భోగ్లే: నా ఉద్దేశం మీ వైట్‌ బాల్‌ గణాంకాలు బాగాలేవని కాదు.. టెస్ట్‌ రికార్డులతో పోలిస్తే.. అవి కాస్త నార్మల్‌గా ఉన్నాయన్నదే నా ఉద్దేశం. పంత్‌: సర్‌.. కంపారిజన్‌ అనేది నా లైఫ్‌లో పార్ట్‌ కాదు.. ఇప్పుడు నాకు 25, 30-32 ఏళ్లు వచ్చాక మీరు ఇలా చేస్తే ఓ అర్ధం ఉంటుందంటూ అసహనంగా సమాధానం చెప్పాడు.  దీనికి సంబంధించిన వీడియో ప్రస్తుతం సోషల్‌మీడియాలో వైరలవుతుంది. పంత్‌ మూడో వన్డేలోనూ విఫలం కావడంతో నెటిజన్లు అతన్ని ఓ రేంజ్‌లో ఆడుకుంటున్నారు. ఏదైనా ఉంటే బ్యాట్‌తో సమాధానం చెప్పాలి.. కరెక్ట్‌గా ప్రశ్నించినప్పుడు అంత అసహనం ఎందుకని నిలదీస్తున్నారు.    

క్రైస్ట్‌చర్చ్‌లోని హాగ్లే పార్క్‌ వేదికగా న్యూజిలాండ్‌తో జరుగుతున్న మూడో వన్డేలో టీమిండియా టాస్‌ ఓడి తొలుత బ్యాటింగ్‌ చేస్తుంది. న్యూజిలాండ్‌ బౌలర్లు ఆడమ్‌ మిల్నే (3 వికెట్లు), ఫెర్గూసన్‌ (1), డారిల్‌ మిచెల్‌ (1) ధాటికి టీమిండియా 121 పరుగులకే సగం వికెట్లు కోల్పోయి కష్టాల్లో చిక్కుకుంది. గిల్‌ (13), ధవన్‌ (28), పంత్‌ (10), సూర్యకుమార్‌ యాదవ్‌ (6) దారుణంగా విఫలం కాగా, శ్రేయస్‌ అయ్యర్‌ (49) పర్వాలేదనిపించాడు. దీపక్‌ హుడా (3), వాషింగ్టన్‌ సుందర్‌ (8) క్రీజ్‌లో ఉన్నారు. 28 ఓవర్ల తర్వాత జట్టు స్కోర్‌ 131/5గా ఉంది.  కాగా, ఈ మ్యాచ్‌లోనూ వికెట్‌కీపర్‌ రిషబ్‌ పంత్‌ వైఫల్యాల పరంపర కొనసాగడం టీమిండియా అభిమానులను తీవ్ర ఆగ్రహానికి గురి చేస్తుంది. ఎన్ని అవకాశాలు ఇచ్చినా పంత్‌ మారేది లేదు.. తక్షణమే అతన్ని జట్టు నుంచి తప్పించాలని ఫ్యాన్స్‌ పెద్ద ఎత్తున డిమాండ్‌ చేస్తున్నారు. పనిలోపనిగా పంత్‌ను వెనకేసుకొస్తున్న జట్టు మేనేజ్‌మెంట్‌ను దుయ్యబట్టారు. ఇకనైనా మీ ఒంటెత్తు పోకడలు ఆపుతారా లేక పంత్‌ను జట్టులో శాశ్వత సభ్యుడిగా కొనసాగిస్తారా అని ప్రశ్నిస్తున్నారు. అడిగే వారు లేరని వరుసగా విఫలమవుతున్నా పంత్‌కు వరుస ఛాన్స్‌లు ఇస్తున్నారు.. ఫామ్‌లో ఉన్న సంజూ శాంసన్‌కు మాత్రం ప్రతి మ్యాచ్‌లోనూ అన్యాయం చేస్తున్నారు అంటూ మండిపడుతున్నారు. మూడో వన్డేలో పంత్‌ వైఫల్యం చెందడంతో అతనిపై విమర్శనాస్త్రాలతో సోషల్‌మీడియా హోరెత్తుతుంది. పంత్‌కు వ్యతిరేకంగా, సంజూ శాంసన్‌కు మద్దతుగా అభిమానులు పెద్ద ఎత్తున నినదిస్తున్నారు. ఈ విషయంలో బీసీసీఐ, జట్టు మేనేజ్‌మెంట్‌, కెప్టెన్‌, కోచ్‌ల వైఖరిని ఎండగడుతున్నారు.    

New Zealand vs India, 3rd ODI: న్యూజిలాండ్‌- టీమిండియా మధ్య మూడో వన్డేకు కూడా వర్షం అడ్డంకిగా నిలిచింది. దీంతో ఫలితం తేలకుండానే ఈ మ్యాచ్‌ కూడా ముగిసిపోయింది. ఈ క్రమంలో మొదటి వన్డేలో గెలిచిన ఆతిథ్య కివీస్‌ సిరీస్‌ను 1-0తో సొంతం చేసుకుంది. ఇక రెండో వన్డేలో కూడా వరణుడి ఆటంకం కారణంగా మ్యాచ్‌ రద్దైన విషయం తెలిసిందే. వరుణుడి ఆటంకం.. కివీస్‌ గెలవాలంటే..! ఇన్నింగ్స్‌ 18 ఓవర్ల తర్వాత వరుణుడు ఆటంకం కలిగించాడు. ఈ సమయానికి న్యూజిలాండ్‌ వికెట్‌ నష్టానికి 104 పరుగులు చేసింది. న్యూజిలాండ్‌ గెలవాలంటే మరో 32 ఓవర్లలో 116 పరుగులు చేయాల్సి ఉంటుంది. కాన్వే (38), విలియమ్సన్‌ క్రీజ్‌లో ఉన్నారు.   తొలి వికెట్‌ కోల్పోయిన న్యూజిలాండ్‌ తొలి వికెట్‌కు 97 పరుగులు జోడించాక న్యూజిలాండ్‌ తొలి వికెట్‌ కోల్పోయింది. ఉమ్రాన్‌ మాలిక్‌ బౌలింగ్‌లో సూర్యకుమార్‌ యాదవ్‌కు క్యాచ్‌ ఇచ్చి ఫిన్‌ అలెన్‌ (57) ఔటయ్యాడు. గేర్‌ మార్చిన ఓపెనర్లు.. లక్ష్యం దిశగా సాగుతున్న కివీస్‌ ఆరంభంలో ఆచితూచి ఆడిన కివీస్‌ ఓపెనర్లు ఆతర్వాత క్రమంగా వేగం పెంచారు. ఫిన్‌ అలెన్‌ (53) హాఫ్‌ సెంచరీతో చెలరేగి ఆడుతుండగా.. డెవాన్‌ కాన్వే (31) నిదానంగా ఆడుతున్నాడు. 16 ఓవర్ల తర్వాత న్యూజిలాండ్‌ స్కోర్‌ 93/0. ఆ జట్టు గెలవాలంటే 34 ఓవర్లలో మరో 127 పరుగులు చేయాల్సి ఉంది.  టార్గెట్‌ 220.. ఆచితూచి ఆడుతున్న కివీస్‌ ఓపెనర్లు 220 పరుగుల నామమాత్రపు లక్ష్యాన్ని ఛేదించేందకు బరిలోకి దిగిన కివీస్‌ ఆచితూచి ఆడుతుంది. 7 ఓవర్ల తర్వాత ఆ జట్టు స్కోర్‌ 28/0. డెవాన్‌ కాన్వే (7), ఫిన్‌ అలెన్‌ (16) క్రీజ్‌లో ఉన్నారు.  రాణించిన సుందర్‌, శ్రేయస్‌.. నామమాత్రపు స్కోర్‌కే పరిమితమైన టీమిండియా టాస్‌ ఓడి తొలుత బ్యాటింగ్‌ చేసిన టీమిండియా పేలవ బ్యాటింగ్‌ ప్రదర్శనతో నామమాత్రపు స్కోర్‌కే పరిమితమైంది. శ్రేయస్‌ అయ్యర్‌ (49), వాషింగ్టన్‌ సుందర్‌ (51) ఓ మోస్తరుగా రాణించడంతో టీమిండియా 47.3 ఓవర్లలో 219 పరుగులకే ఆలౌటైంది. కివీస్‌ బౌలర్లలో ఆడమ్‌ మిల్నే, డారిల్‌ మిచెల్‌ చెరో 3 వికెట్లు పడగొట్టగా, సౌథీ 2, ఫెర్గూసన్‌, సాంట్నర్‌ తలో వికెట్‌ దక్కించుకున్నారు.   తొమ్మిదో వికెట్‌ డౌన్‌.. పోరాడుతున్న సుందర్‌ 47వ ఓవర్‌ రెండో బంతికి అర్షదీప్‌ సింగ్‌ ఔటయ్యాడు. ఫలితంగా టీమిండియా తొమ్మిదో వికెట్‌ కోల్పోయింది. 46.1 ఓవర్ల తర్వాత జట్టు స్కోర్‌ 213/9. సుందర్‌ (45) ఒక్కడు పోరాడుతున్నాడు.  ఎనిమిదో వికెట్‌ కోల్పోయిన టీమిండియా 44.3వ ఓవర్‌లో టీమిండియా 8వ వికెట్‌ కోల్పోయింది. సాంట్నర్‌ బౌలింగ్‌లో సౌథీకి క్యాచ్‌ ఇచ్చి చహల్‌ (8) ఔటయ్యాడు. 45 ఓవర్ల తర్వాత టీమిండియా స్కోర్‌ 206/8. సుందర్‌ (44), అర్షదీప్‌ సింగ్‌ (3) క్రీజ్లో ఉన్నారు.  ఏడో వికెట్‌ కోల్పోయిన భారత్‌ 170 పరుగుల వద్ద భారత్‌ ఏడో వికెట్‌ ​​కోల్పోయింది. 12 పరుగులు చేసిన దీపక్‌ చహర్‌.. మిచెల్‌ బౌలింగ్‌లో సౌథీకి క్యాచ్‌ ఇచ్చి పెవిలియన్‌కు చేరాడు. ఆరో వికెట్‌ డౌన్‌ 149 పరుగుల వద్ద ఆరో వికెట్‌ కోల్పోయిన టీమిండియా కష్టాల్లో కూరుకుపోయింది. సౌథీ బౌలింగ్‌లో వికెట్‌కీపర్‌ టామ్‌ లాథమ్‌కు క్యాచ్‌ ఇచ్చి దీపక్‌ హుడా (12) ఔటయ్యాడు. సుం‍దర్‌, చాహర్‌ క్రీజ్‌లో ఉన్నారు.    కష్టాల్లో టీమిండియా.. 121 పరుగులకే సగం వికెట్లు డౌన్‌ 121 పరుగులకే సగం వికెట్లు కోల్పోయిన టీమిండియా కష్టాల్లో చిక్కుకుంది. మంచి టచ్‌లో ఉన్నట్లు కనిపించిన శ్రేయస్‌ అయ్యర్‌ 49 పరుగుల వద్ద ఔటయ్యాడు. వాషింగ్టన్‌ సుందర్‌, దీపక్‌ హుడా క్రీజ్‌లో ఉన్నారు.   డేంజరెస్‌ సూర్యకుమార్‌ యాదవ్‌ ఔట్‌ 25వ ఓవర్‌ తొలి బంతికి డేంజరెస్‌ సూర్యకుమార్‌ యాదవ్‌ (6) ఔటయ్యాడు. ఆడమ్‌ మిల్నే బౌలింగ్‌లో సౌథీకి క్యాచ్‌ ఇచ్చి స్కై పెవిలియన్‌ బాటపట్టాడు. 25 ఓవర్ల తర్వాత టీమిండియా స్కోర్‌ 116/4. శ్రేయస్‌ అయ్యర్‌ (49), దీపక్‌ హుడా (1) క్రీజ్‌లో ఉన్నారు.   మళ్లీ నిరాశపర్చిన పంత్‌.. మూడో వికెట్‌ కోల్పోయిన టీమిండియా ఇటీవలి కాలంలో వరుసగా విఫలమవుతున్న పంత్‌, మరోసారి నిరాశపరిచాడు. 16 బంతుల్లో కేవలం 10 పరుగులు మాత్రమే చేసి  మిచెల్‌ బౌలింగ్‌లో ఫిలిప్స్‌కు క్యాచ్‌ ఇచ్చి ఔటయ్యాడు. 21 ఓవర్ల తర్వాత టీమిండియా స్కోర్‌ 87/3. శ్రేయస్‌ అయ్యర్‌ (28), సూర్యకుమార్‌ యాదవ్‌ క్రీజ్‌లో ఉన్నారు.   రెండో వికెట్‌ కోల్పోయిన టీమిండియా 13వ ఓవర్‌ ఆఖరి బంతికి టీమిండియా రెండో వికెట్‌ కోల్పోయింది. ఆడమ్‌ మిల్నే బౌలింగ్‌లో కెప్టెన్‌ శిఖర్‌ ధవన్‌ (28) క్లీన్‌ బౌల్డ్‌ అయ్యాడు. 13 ఓవర్ల తర్వాత టీమిండియా స్కోర్‌ 55/2. శ్రేయస్‌ అయ్యర్‌ (12), రిషబ్‌ పంత్‌ క్రీజ్‌లో ఉన్నారు.  తొలి వికెట్‌ కోల్పోయిన టీమిండియా.. గిల్‌ ఔట్‌ 8వ ఓవర్‌ నాలుగో బంతికి టీమిండియా తొలి వికెట్‌ కోల్పోయింది. పరుగులు చేసేందుకు బాగా ఇబ్బంది పడిన శుభ్‌మన్‌ గిల్‌ (22 బంతుల్లో 13) ఆడమ్‌ మిల్నే బౌలింగ్‌లో సాంట్నర్‌కు క్యాచ్‌ ఇచ్చి ఔటయ్యాడు. 9 ఓవర్ల తర్వాత టీమిండియా స్కోర్‌ 43/1. నత్త నడకన సాగుతున్న టీమిండియా బ్యాటింగ్‌ టాస్‌ ఓడి తొలుత బ్యాటింగ్‌ చేస్తున్న టీమిండియా.. ఆచితూచి బ్యాటింగ్‌ చేస్తుంది. ఓపెనర్లలో శిఖర్‌ ధవన్‌ (25) ఓ మోస్తరుగా ఆడుతుండగా.. గిల్‌ (5) నిదానంగా ఆడుతున్నాడు. 8 ఓవర్ల తర్వాత టీమిండియా స్కోర్‌ 31/0.  భారత్‌-న్యూజిలాండ్‌ జట్ల మధ్య  క్రైస్ట్‌చర్చ్‌లోని హాగ్లే పార్క్‌ వేదికగా ఇవాళ (నవంబర్‌ 30) జరుగనున్న నిర్ణయాత్మక మూడో వన్డేలో న్యూజిలాండ్‌ టాస్‌ గెలిచి ఫీల్డింగ్‌ ఎంచుకుంది. వెట్‌ ఔట్‌ ఫీల్డ్‌ కారణంగా టాస్‌ ఆలస్యంగా వేశారు. ఈ మ్యాచ్‌ భారతకాలమానం ప్రకారం ఉదయం 7 గంటకు ప్రారంభమవుతుంది. భారత తుది జట్టు.. శిఖర్‌ ధవన్‌ (కెప్టెన్‌), శుభ్‌మన్‌ గిల్‌, సూర్యకుమార్‌ యాదవ్‌, శ్రేయస్‌ అయ్యర్‌, రిషబ్‌ పంత్‌, దీపక్‌ హూడా, వాషిం‍గ్టన్‌ సుందర్‌, దీపక్‌ చాహర్‌, ఉమ్రాన్‌ మాలిక్‌, అర్షదీప్‌ సింగ్‌, చహల్‌ న్యూజిలాండ్‌ తుది జట్టు..  ఫిన్‌ అలెన్‌, డెవాన్‌ కాన్వే, కేన్‌ విలియమ్సన్‌ (కెప్టెన్‌), డారిల్‌ మిచెల్‌, టామ్‌ లాథమ్‌, గ్లెన్‌ ఫిలిప్స్‌, మిచెల్‌ సాంట్నర్‌, ఆడమ్‌ మిల్నే, మ్యాట్‌ హెన్రీ, టిమ్‌ సౌథీ, లోకీ ఫెర్గూసన్‌

న్యూజిలాండ్‌తో మూడో వన్డేకు ముందు టీమిండియా అభిమానులకు షాకింగ్‌ న్యూస్‌ తెలిసింది. క్రైస్ట్‌చర్చ్‌లోని హాగ్లే పార్క్‌ వేదికగా రేపు (నవంబర్‌ 30) జరుగబోయే మ్యాచ్‌ వర్షం కారణంగా పూర్తిగా తుడిచిపెట్టుకుపోయే అవకాశం ఉందని స్థానిక వాతావరణ శాఖ వెదర్‌ ఫోర్‌కాస్ట్‌లో పేర్కొంది. క్రైస్ట్‌చర్చ్‌లో రేపు ఉదయం నుంచే అకాశం మేఘావృతమై ఉంటుందని, మ్యాచ్‌ సమయానికి (భారతకాలమానం ప్రకారం ఉదయం 7 గంటకు) భారీ నుంచి అతి భారీ వర్షం కురిసే అవకాశం ఉందని వెదర్‌ ప్రెడిక్షన్‌లో వెల్లడించింది. ఈ వార్త తెలిసి భారత క్రికెటర్లు, అభిమానులు తీవ్ర నిరాశకు లోనవుతున్నారు. ఈ మ్యాచ్‌ సాధ్యపడకపోతే సిరీస్‌ కోల్పోవాల్సి వస్తుందని బాధ పడుతున్నారు. కనీసం 10 ఓవర్ల పాటైన మ్యాచ్‌ జరిగితే, సిరీస్‌ సమం చేసుకునే అవకాశం అయినా ఉంటుందని అనుకుంటున్నారు. కాగా, 3 మ్యాచ్‌ల వన్డే సిరీస్‌లో న్యూజిలాండ్‌ తొలి వన్డేలో విజయం సాధించగా (7 వికెట్ల తేడాతో).. రెండో వన్డే వర్షం కారణంగా రద్దైన విషయం తెలిసిందే. ఇక మూడో వన్డే కూడా రద్దైతే న్యూజిలాండ్‌ 1-0 తేడాతో సిరీస్‌ను కైవసం చేసుకుంటుంది.  ఇదిలా ఉంటే, వన్డే సిరీస్‌కు ముందు జరిగిన టీ20 సిరీస్‌లో టీమిండియా గెలుపొందిన విషయం తెలిసిం‍దే. ఈ సిరీస్‌లో తొలి మ్యాచ్‌ వర్షం కారణంగా పూర్తిగా తుడిచిపెట్టుకుపోగా, డక్‌వర్త్‌ లూయిస్‌ పద్దతి ప్రకారం మూడో మ్యాచ్‌ టైగా ముగిసింది. ఈ మధ్యలో జరిగిన రెండో మ్యాచ్‌లో గెలిచిన హార్ధిక్‌ సేన.. 3 మ్యాచ్‌ల సిరీస్‌ను 1-0 తేడాతో కైవసం చేసుకుంది. 

భారత తుది జట్టు కూర్పులో ఇటీవలి కాలంలో యువ ఆటగాడు సంజూ శాం‍సన్‌కు తీవ్ర అన్యాయం జరుగుతుం‍దని దేశ విదేశాల్లో ఉన్న క్రికెట్‌ అభిమానులు ముక్త కంఠంతో చెబుతున్నారు. అసామనమైన ప్రతిభ, టెక్నిక్‌, ధాటిగా ఆడగల సామర్థ్యం పెట్టుకుని కూడా శాంసన్‌.. టీమిండియా ఆడిన చాలా మ్యాచ్‌ల్లో బెంచ్‌కే పరిమితమవుతున్నాడు. అతని ఏడేళ్ల అంతర్జాతీయ కెరీర్‌లో కేవలం 27 మ్యాచ్‌లు (11 వన్డేలు, 16 టీ20లు) మాత్రమే అడాడంటే, బీసీసీఐ అతనిపై ఏ రేంజ్‌లో చిన్న చూపు చూస్తుందోనన్న విషయాన్ని అర్ధం చేసుకోవచ్చు. అడపాదడపా అవకాశాలు వస్తే, అందులో రాణించినా ఆ మరుసటి మ్యాచ్‌లోనే రకరకాల కారణాలు చెప్పి సంజూని తుది జట్టు నుంచి తప్పించడం మేనేజ్‌మెంట్‌కు పరిపాటిగా మారింది. ప్రస్తుతం న్యూజిలాండ్‌తో జరుగుతున్న వన్డే సిరీస్‌ ఇందుకు తాజా ఉదాహరణ. సంజూకు అన్యాయం జరుగుతుందన్న విషయం.. బీసీసీఐ సహా యావత్‌ ప్రపంచానికి కళ్లకు కట్టినట్లు కనిపిస్తున్నప్పటికీ, ఈ విషయంపై ప్రశ్నించే నాధుడే కరువయ్యాడు. ఈ విషయంపై జర్నలిస్ట్‌లు భారత టీ20 జట్టు కెప్టెన్‌ హార్ధిక్‌ పాండ్యాను ప్రశ్నిస్తే.. నా జట్టు నా ఇష్టమన్నది అతని నుంచి వచ్చిన సమాధానం. ఇదే విషయంపై వన్డే సారధి ధవన్‌ను ప్రశ్నించగా.. జట్టు సమతూకం, ఆరో బౌలర్‌ అవసరం అని పొంతన లేని సమాధానాలు చెప్పి తప్పించుకున్నాడు. ఒకవేళ నిజంగా ఆరో బౌలర్‌ అవసరం అయితే, పేలవ ఫామ్‌లో ఉన్న రిషబ్‌  పంత్‌ను తప్పించాలి కాని, శాంసన్‌ను తప్పించడమేంటని అని అభిమానులు అడిగితే స్పందించేవాడే కరువయ్యాడు. తాజాగా ఇదే విషయాన్ని టీమిండియా మాజీ ఓపెనర్‌ వసీం జాఫర్‌ కూడా ప్రస్తావించాడు. భారత తుది జట్టు నుంచి ఎవరినైనా తప్పించాల్సి వస్తే.. మొదటగా వచ్చే పేరు శాంసన్‌దేనని అన్నాడు. ఇది చాలా బాధాకరం. తనను జట్టు నుంచి ఎందుకు తప్పిస్తున్నారో కూడా తెలుసుకోలేని దుస్థితిలో శాంసన్‌ ఉన్నాడంటూ సానుభూతిని వ్యక్తం చేశాడు. శాంసన్‌ అద్భుతమైన ప్లేయర్‌ అని మేనేజ్‌మెంట్‌ కూడా తెలుసు, అయినా సరైన అవకాశాలు ఇవ్వకుండా అతని కెరీర్‌ను నాశనం చేస్తుందంటూ జాఫర్‌ ధ్వజమెత్తాడు. శాంసన్‌పై ఇంత చిన్నచూపు చూసే యాజమాన్యం పంత్‌ను మాత్రం ఎందుకు ప్రోత్సహిస్తుందో అర్ధం కావట్లేదని అన్నాడు. రేపు (నవంబర్‌ 30) జరుగబోయే మూడో వన్డేలోనైనా మేనేజ్‌మెంట్‌ శాంసన్‌కు అవకాశం కల్పిస్తుందో లేదో వేచి చూడాలని తెలిపాడు.  

మాంచి వర్షాకాలంలో న్యూజిలాండ్‌లో అడుగుపెట్టిన టీమిండియా.. వరుణుడి పుణ్యమా అని టీ20 సిరీస్‌ను గెలుచుకోగలిగింది. ఈ సిరీస్‌లో తొలి మ్యాచ్‌ వర్షం కారణంగా పూర్తిగా తుడిచిపెట్టుకుపోగా, డక్‌వర్త్‌ లూయిస్‌ పద్దతి ప్రకారం మూడో మ్యాచ్‌ టైగా ముగిసింది. ఈ మధ్యలో జరిగిన రెండో మ్యాచ్‌లో గెలిచిన హార్ధిక్‌ సేన.. వరుణుడు సహకారంతో 3 మ్యాచ్‌ల సిరీస్‌ను 1-0 తేడాతో కైవసం చేసుకుంది. ప్రస్తుతం జరుగుతున్న వన్డే సిరీస్‌లోనూ టీ20 సిరీస్‌ తరహాలోనే సమీకరణాలు మారిపోయాయి. అయితే టీ20 సిరీస్‌లో వరుణుడు టీమిండియా పక్షాన నిలబడగా.. వన్డే సిరీస్‌లో ఆతిధ్య జట్టుకు అనుకూలంగా నిలిచాడు. 3 మ్యాచ్‌ల వన్డే సిరీస్‌లో తొలి మ్యాచ్‌ గెలుపుతో న్యూజిలాండ్‌ 1-0 ఆధిక్యంలో దూసుకెళ్లగా, ఇవాళ (నవంబర్‌ 27) జరగాల్సిన రెండో వన్డే వర్షార్పణమైంది. ఈ మ్యాచ్‌ రద్దుతో టీమిండియా సిరీస్‌ గెలుచుకునే అవకాశం కోల్పోయింది. వరుణుడు కరుణించి, ఆట సాధ్యపడి, ఈనెల 30న (బుధవారం) జరిగే మూడో వన్డేలో గెలిస్తే, సిరీస్‌ డ్రా చేసుకునే అవకాశం మాత్రమే టీమిండియా ముందు ఉంది. అయితే, మూడో వన్డేకు వేదిక అయిన క్రైస్ట్‌చర్చ్‌లో బుధవారం వర్షం పడే అవకాశం ఉందని వాతావరణ శాఖ హెచ్చరించడంతో టీమిండియా సిరీస్‌పై ఆశలు వదులుకోవాల్సిన పరిస్థితి ఏర్పడింది. ఒకవేళ వరుణుడు కటాక్షించక, మూడో వన్డే రద్దైతే.. తొలి మ్యాచ్‌లో గెలిచిన న్యూజిలాండ్‌ సిరీస్‌ విజేతగా నిలుస్తుంది. ఈ నేపథ్యంలో టీ20 సిరీస్‌లో హార్ధిక్‌ను ఆదుకున్న వరుణుడు.. ధవన్‌కు వన్డే సిరీస్‌ను కనీసం డ్రా చేసుకునే అవకాశాన్నైనా కల్పిస్తాడా లేదా అన్నది సందేహంగా మారింది. 

Mitchell Marsh Massive 115 Metre Six: 3 మ్యాచ్‌ల వన్డే సిరీస్‌లో భాగంగా ఇంగ్లండ్‌తో ఇవాళ (నవంబర్‌ 22) జరిగిన ఆఖరి వన్డేలో ఆతిధ్య ఆస్ట్రేలియా 221 పరుగుల భారీ తేడాతో విజయం సాధించింది. తొలి రెండు వన్డేల్లోనూ విజయం సాధించిన ఆసీస్‌.. ఈ గెలుపుతో 3-0 తేడాతో సిరీస్‌ను క్లీన్‌స్వీప్‌ చేసింది.  Clobbered 115 metres! 💥 Mitch Marsh middled this one! #AUSvENG #Dettol | #PlayOfTheDay pic.twitter.com/QzToL1irbC — cricket.com.au (@cricketcomau) November 22, 2022 తొలుత బ్యాటింగ్‌ చేసిన ఆసీస్‌.. ఓపెనర్లు ట్రావిస్‌ హెడ్‌ (130 బంతుల్లో 152; 16 ఫోర్లు, 4 సిక్సర్లు), డేవిడ్‌ వార్నర్‌ (102 బంతుల్లో 106; 8 ఫోర్లు, 2 సిక్సర్లు) సెంచరీలతో కదం తొక్కడంతో 48 ఓవర్లలో (వర్షం కారణంగా 50 ఓవర్ల మ్యాచ్‌ను 48 ఓవర్లకు కుదించారు) 5 వికెట్ల నష్టానికి 355 పరుగులు చేసింది.  అనంతరం డక్‌వర్త్‌ లూయిస్‌ పద్ధతి ప్రకారం ఇంగ్లండ్‌కు 48 ఓవర్లలో 364 పరుగుల లక్ష్యాన్ని నిర్ధేశించగా.. ఆ జట్టు 31.4 ఓవర్లలో 142 పరుగులకే ఆలౌటై, భారీ తేడాతో ఓటమిపాలైంది.  మిచెల్‌ మార్ష్‌ 115 మీటర్ల భారీ సిక్సర్‌.. ఆసీస్‌ ఇన్నింగ్స్‌ 48వ ఓవర్‌లో ఆ జట్టు ఆల్‌రౌండర్‌ మిచెల్‌ మార్ష్‌ ఓ కళ్లు చెదిరే షాట్‌ ఆడి మైదానంలోని ప్రేక్షకులదరినీ నోరెళ్ల పెట్టేలా చేశాడు. ఓల్లీ స్టోన్‌ వేసిన ఆ ఓవర్‌ తొలి బంతిని మార్ష్‌ 115 మీటర్ల భారీ సిక్సర్‌గా మలిచాడు. మార్ష్‌ కొట్టిన ఈ షాట్‌ నేరుగా స్టాండ్స్‌లోకి వెళ్లి ల్యాండైంది. ప్రపంచంలోనే అత్యంత పెద్ద క్రికెట్‌ స్టేడియం అయిన మెల్‌బోర్న్‌ మైదానంలో బంతికి స్టాండ్స్‌లోకి వెళ్లిందంటే.. ఇండియాలోని గ్రౌండ్స్‌లో బంతి మైదానం దాటుతుందని నెటిజన్లు కామెంట్లు చేస్తున్నారు. ఈ భారీ సిక్సర్‌కు సంబంధించిన వీడియో ప్రస్తుతం నెట్టింట వైరలవుతోంది. కాగా, క్రికెట్‌ చరిత్రలో అత్యంత భారీ సిక్సర్‌ రికార్డు పాక్‌ మాజీ ఆటగాడు షాహిద్‌ అఫ్రిది పేరిట ఉంది. అఫ్రిది 2013లో సౌతాఫ్రికాలోని జోహన్నెస్‌బర్గ్‌ స్టేడియంలో ఏకంగా 153 మీటర్ల అత్యంత భారీ సిక్సర్‌ బాదాడు.   

3 మ్యాచ్‌ల సిరీస్‌లో భాగంగా మెల్‌బోర్న్‌ వేదికగా ఇంగ్లండ్‌తో జరుగుతున్న చివరిదైన మూడో వన్డేలో.. ఆస్ట్రేలియా ఓపెనర్లు ట్రావిస్‌ హెడ్‌ (130 బంతుల్లో 152; 16 ఫోర్లు, 4 సిక్సర్లు), డేవిడ్‌ వార్నర్‌ (102 బంతుల్లో 106; 8 ఫోర్లు, 2 సిక్సర్లు) విధ్వంసం సృష్టించారు. వీరిద్దరి శతక్కొట్టుడు ధాటికి ఇంగ్లండ్‌ బౌలర్లకు ఫ్యూజ్‌లు ఎగిరిపోయాయి. హెడ్‌, వార్నర్‌లు బౌండరీలు, సిక్సర్లతో విరుచుకుపడి.. ఇంగ్లీష్‌ ఫీల్డర్లను మైదానం నలుమూలలా పరుగులు పెట్టించారు.  ముఖ్యంగా హెడ్‌ ఆకాశమే హద్దుగా చెలరేగిపోయి. పరుగుల వరద పారించాడు. వార్నర్‌, హెడ్‌ తొలి వికెట్‌కు రికార్డు స్థాయిలో 269 పరుగులు జోడించారు. అయితే 39 ఓవర్లో పరుగు వ్యవధిలో వీరిద్దరూ ఔటవ్వడంతో ఆతిధ్య జట్టు 400 పరుగుల మైలురాయిని చేరుకునే సువర్ణావకాశాన్ని చేజార్చకుంది. ఆసీస్‌ ఇన్నింగ్స్‌ చివర్లో వర్షం పడటంతో మ్యాచ్‌ను చెరి 48 ఓవర్లకు కుదించగా.. ఆసీస్‌ తమ కోటా ఓవర్లలో  5 వికెట్ల నష్టానికి 355 పరుగులు చేసింది. ఇంగ్లండ్‌ బౌలర్లలో ఓల్లీ స్టోన్‌ ఒక్కడే 4 వికెట్లు పడగొట్టగా, లియామ్‌ డాసన్‌కు ఓ వికెట్‌ దక్కింది. అనంతరం డక్‌వర్త్‌ లూయిస్‌ పద్ధతి ప్రకారం ఇంగ్లండ్‌కు 48 ఓవర్లలో 364 పరుగుల లక్ష్యాన్ని నిర్ధేశించగా.. ఆ జట్టు 31.4 ఓవర్లలో 142 పరుగులకే ఆలౌటై 221 పరుగుల భారీ తేడాతో ఓటమిపాలైంది. ఫలితంగా 3 మ్యాచ్‌ల సిరీస్‌ను ఆసీస్‌ 3-0 తేడాతో క్లీన్‌ స్వీప్‌ చేసింది. కాగా, ఈ సిరీస్‌లో తొలి రెండు వన్డేలు ఆస్ట్రేలియా జట్టే విజయం సాధించిన విషయం తెలిసిందే. 

న్యూఢిల్లీ వేదికగా దక్షిణాఫ్రికాతో ఇవాళ (అక్టోబర్‌ 11) జరిగిన మూడో వన్డేలో టీమిండియా 7 వికెట్ల తేడాతో ఘన విజయం సాధించింది. ఈ మ్యాచ్‌లో భారత స్పిన్నర్లు చెలరేగడంతో తొలుత బ్యాటింగ్‌ చేసిన సఫారీ జట్టు 27.1 ఓవర్లలో 99 పరుగులకే కుప్పకూలగా.. ఛేదనలో భారత్‌ 3 వికెట్లు కోల్పోయి ఆడుతూ పాడుతూ లక్ష్యాన్ని చేరుకుంది. ఓపెనర్‌ శుభమన్‌ గిల్‌ (49) బాధ్యతాయుతమైన ఇన్నింగ్స్‌ ఆడి జట్టు విజయంలో కీలకపాత్ర పోషించగా.. శ్రేయస్‌ అయ్యర్‌ (28) సిక్సర్‌తో మ్యాచ్‌ను ముగించాడు. ఫలితంగా భారత్‌ 3 మ్యాచ్‌ల సిరీస్‌ను 2-1 తేడాతో కైవసం చేసుకుంది. కాగా, ఈ విజయంతో భారత్‌.. ఆస్ట్రేలియా పేరిట ఉన్న ఓ ప్రపంచ రికార్డును సమం చేసింది. క్యాలెండర్‌ ఇయర్‌లో అత్యధిక విజయాలు (అన్ని ఫార్మాట్లలో) సాధించిన జట్టుగా టీమిండియా.. ఆస్ట్రేలియా సరసన నిలిచింది. 2003లో ఆసీస్‌ అన్ని ఫార్మాట్లలో కలిపి 38 విజయాలు (రికీ పాంటింగ్‌ సారధ్యంలో 30 వన్డేలు, 8 టెస్ట్‌లు) నమోదు చేయగా.. ఈ ఏడాది భారత్‌ ఇప్పటికే (ఈ క్యాలెండర్‌ ఇయర్‌లో భారత్‌ ఇంకా 11 మ్యాచ్‌లు ఆడాల్సి ఉంది) 38 విజయాలు (56 మ్యాచ్‌ల్లో 23 టీ20లు, 2 టెస్ట్‌లు, 13 వన్డేలు) సాధించి ఆసీస్‌ రికార్డుకు ఎసరు పెట్టే దిశగా సాగుతుంది. 5 వరుస పరాజయాలతో ఈ క్యాలెండర్‌ ఇయర్‌ను ప్రారంభించిన భారత్‌ ఆ తర్వాత వెనుదిరిగి చూసుకోకుండా వరుస విజయాల బాట పట్టింది. ఆరంభంలో దక్షిణాఫ్రికా గడ్డపై భంగపడ్డా.. ఆతర్వాత వరుసగా వెస్టిండీస్‌, శ్రీలంక, జింబాబ్వే, ఇంగ్లండ్‌, తాజాగా దక్షిణాఫ్రికాపై వరుస విజయాలు సాధించింది. ఇక, మ్యాచ్‌ విషయానికొస్తే.. టీమిండియా స్పిన్నర్లు కుల్దీప్‌ యాదవ్‌ (4/18), వాషింగ్టన్‌ సుందర్‌ (2/15), షాబాజ్‌ అహ్మద్‌ (2/32), సిరాజ్‌ (2/17) ధాటికి సఫారీ బ్యాటింగ్‌ లైనప్‌ కకావికలమైంది. సఫారీ ఇన్నింగ్స్‌లో కేవలం ముగ్గురు మాత్రమే రెండంకెల స్కోర్‌ చేశారు. వీరిలో క్లాసెన్‌ (34) టాప్‌ స్కోరర్‌ కాగా.. జన్నెమాన్‌ మలాన్‌ 15, జన్సెన్‌ 14 పరుగులు సాధించారు.

టీమిండియాతో ఇవాళ (అక్టోబర్‌ 11) జరుగుతున్న నిర్ణయాత్మక మూడో వన్డేలో దక్షిణాఫ్రికా జట్టు ఓ చెత్త రికార్డును మూటగట్టుకుంది. ఆ జట్టు వన్డేల్లో నాలుగో అత్యల్ప స్కోర్‌ను నమోదు చేసింది. నేటి మ్యాచ్‌లో టాస్‌ ఓడి తొలుత బ్యాటింగ్‌ చేసిన సఫారీ టీమ్‌.. 27.1 ఓవర్లలో కేవలం 99 పరుగులు మాత్రమే చేసి ఆలౌటైంది. టీమిండియా స్పిన్నర్లు కుల్దీప్‌ యాదవ్‌ (4/18), వాషింగ్టన్‌ సుందర్‌ (2/15), షాబాజ్‌ అహ్మద్‌ (2/32) ధాటికి సఫారీ బ్యాటింగ్‌ లైనప్‌ పేకమేడలా కూలింది. వీరికి సిరాజ్‌ (2/17) సహకరించాడు. సఫారీ ఇన్నింగ్స్‌లో కేవలం ముగ్గురు మాత్రమే రెండంకెల స్కోర్‌ చేశారు. వీరిలో క్లాసెన్‌ (34) టాప్‌ స్కోరర్‌ కాగా.. జన్నెమాన్‌ మలాన్‌ 15, జన్సెన్‌ 14 పరుగులు సాధించారు. వన్డేల్లో నాలుగో అత్యల్ప స్కోర్‌.. ఈ మ్యాచ్‌లో 99 పరుగులకే చాపచుట్టేసిన దక్షిణాఫ్రికా వన్డేల్లో తమ నాలుగో అత్యల్ప స్కోర్‌ను నమోదు చేసింది. 1993 ఆసీస్‌పై చేసిన 63 పరుగులు ఆ జట్టు వన్డే చరిత్రలో అత్యల్ప స్కోర్‌ కాగా.. 2008లో ఇంగ్లండ్‌పై 83 పరుగులు, ఈ ఏడాది అదే ఇంగ్లండ్‌పై మరోసారి 83 పరుగులకే ఆలౌటై వన్డేల్లో తమ రెండు, మూడు అత్యల్ప స్కోర్లను నమోదు చేసింది. తాజాగా టీమిండియాపై 99 పరుగులకే ఆలౌటై వన్డేల్లో తమ నాలుగో అత్యల్ప స్కోర్‌ను రికార్డు చేసింది. 1999లో నైరోబీలో చేసిన 117 పరుగులు భారత్‌పై దక్షిణాఫ్రికాకు ఇప్పటివరకు అత్యల్ప స్కోర్‌గా ఉండేది. ఈ మ్యాచ్‌లో సఫారీ టీమ్‌ ఆ రికార్డును కూడా చెరిపేసింది.  

న్యూఢిల్లీ: భారత గడ్డపై దక్షిణాఫ్రికా పర్యటన చివరి అంకానికి చేరింది. టి20 సిరీస్‌ కోల్పోయిన ఆ జట్టు ఇప్పుడు వన్డే సిరీస్‌ను చేజార్చుకోరాదని పట్టుదలగా ఉండగా... స్టార్లు లేకపోయినా సిరీస్‌ గెలవగల సత్తా తమలో ఉందని భారత బృందం నిరూపించే ప్రయత్నంలో ఉంది. ఈ నేపథ్యంలో ఫలితాన్ని తేల్చే చివరి పోరుకు రంగం సిద్ధమైంది. నేడు జరిగే మూడో వన్డేలో సఫారీ టీమ్‌తో టీమిండియా తలపడనుంది. రెండు మ్యాచ్‌లలో ఇరు జట్ల ప్రదర్శనను బట్టి చూస్తే మరో మ్యాచ్‌ కూడా హోరాహోరీగా సాగడం ఖాయంగా అనిపిస్తోంది. అయితే వాన కారణంగా పూర్తి స్థాయి మ్యాచ్‌ జరుగుతుందా లేదా అనే సందేహాలు ఉన్నాయి.   మార్పుల్లేకుండానే...  రెండో వన్డేలో భారత జట్టు ఆటను చూస్తే ఈ సిరీస్‌ ద్వారా జట్టుకు ఆశించిన ఫలితం దక్కినట్లే అనిపిస్తోంది. భారత్‌ కోణంలో యువ ఆటగాళ్ల ప్రదర్శనను పరిశీలించడమే ఈ సిరీస్‌లో కీలకం కాగా అందరూ ఆశించిన స్థాయిలో రాణించారు. బ్యాటింగ్‌లో శ్రేయస్, సామ్సన్, ఇషాన్‌ కిషన్‌ సత్తా చాటగా, ఆల్‌రౌండర్‌గా శార్దుల్, బౌలింగ్‌లో కుల్దీప్‌ ఆకట్టుకున్నాడు. షహబాజ్‌ కూడా అరంగేట్రంలో చెప్పుకోదగ్గ ప్రదర్శనే కనబర్చాడు. పేసర్లలో సిరాజ్‌ పదునైన బౌలింగ్‌ హైలైట్‌గా నిలిచింది. తన తాజా ప్రదర్శనతో అతను టి20 వరల్డ్‌ కప్‌ జట్టులో బుమ్రా స్థానంలో చోటు దక్కించుకునే అవకాశాలు మెరుగుపర్చుకున్నాడు. మరోవైపు రెండు మ్యాచ్‌లలోనూ విఫలమైన శిఖర్‌ ధావన్, శుబ్‌మన్‌ గిల్‌ ఈ మ్యాచ్‌లో రాణించాల్సిన అవసరం ఉంది. వీరిద్దరు జట్టుకు శుభారంభం అందిస్తే తిరుగుండదు. ముఖ్యంగా వచ్చే వన్డే వరల్డ్‌కప్‌ వరకు ఆడాలని లక్ష్యంగా పెట్టుకున్న శిఖర్‌ సొంతగడ్డపై గుర్తుండిపోయే ఇన్నింగ్స్‌ ఆడటం అవసరం. మొత్తంగా రెండో వన్డే విజయం అందించిన ఆత్మవిశ్వాసంతో భారత యువ జట్టు మరో గెలుపుపై దృష్టి పెట్టింది.   బవుమా రాణించేనా!  భారత్‌లో అడుగు పెట్టిన నాటినుంచి దక్షిణాఫ్రికాకు అతి పెద్ద సమస్య కెప్టెన్‌ బవుమా బ్యాటింగ్‌. నాలుగు మ్యాచ్‌లలో వరుసగా 0, 0, 3, 8 పరుగులు చేసిన బవుమా వరల్డ్‌కప్‌కు ముందు ఆఖరి పోరులోనైనా రాణించాలని జట్టు కోరుకుంటోంది. అనారోగ్యంతో గత మ్యాచ్‌కు దూరమైన అతను ఇక్కడ బరిలోకి దిగే అవకాశాలు ఉన్నాయి. డికాక్‌ శుభారంభం అందించాల్సి ఉండగా, ఎట్టకేలకు ఫామ్‌లోకి వచ్చిన మార్క్‌రమ్‌ కూడా మరో కీలక ఇన్నింగ్స్‌పై గురి పెట్టాడు. బవుమా తిరిగొస్తే మలాన్‌ను తుది జట్టు నుంచి తప్పించడం ఖాయం కాబట్టి హెన్‌డ్రిక్స్‌పై అదనపు భారం ఉంది. టూర్‌ మొత్తం మంచి ప్రదర్శన ఇచ్చిన మిల్లర్‌ అదే జోరు కొనసాగిస్తే సఫారీ టీమ్‌ సిరీస్‌ గెలిచే అవకాశాలు పెరుగుతాయి. అయితే రబడ, నోర్జే తమ స్థాయిలో గొప్ప బౌలింగ్‌ చేయలేకపోతున్నారు. ఆల్‌రౌండర్‌గా పార్నెల్‌ కూడా తమ పాత్రకు న్యాయం చేయలేకపోయాడు. కేశవ్‌ మహరాజ్‌ ఆకట్టుకోవడంతో మరోసారి రెండో స్పిన్నర్‌ లేకుండానే జట్టు బరిలోకి దిగనుంది. ఇలాంటి స్థితిలో పర్యటనను దక్షిణాఫ్రికా గెలుపుతో ముగించగలదా చూడాలి.  

కోల్‌కతా: మూడో వన్డేలో ఇంగ్లండ్‌ చివరి బ్యాటర్‌ చార్లీ డీన్‌ను భారత బౌలర్‌ దీప్తి శర్మ రనౌట్‌ చేసిన తీరు వివాదంపై మ్యాచ్‌ ముగిసిన తర్వాత తీవ్ర చర్చ జరిగింది. దీప్తి బంతి వేయకముందే డీన్‌ క్రీజ్‌ దాటడంతో నిబంధనల ప్రకారం దీప్తి ఆమెను రనౌట్‌ చేసినా... మరోసారి క్రీడాస్ఫూర్తి అంశం ముందుకు వచ్చింది. దీనిపై కెప్టెన్‌ హర్మన్‌ప్రీత్‌ కౌర్‌ ఇప్పటికే వివరణ ఇచ్చినా దీప్తి శర్మ కూడా స్పందించింది. రిటైర్‌ అయిన పేసర్‌ జులన్‌ గోస్వామితో పాటు దీప్తికి స్వదేశం తిరిగొచ్చిన అనంతరం కోల్‌కతా విమానాశ్రయంలో ఘనస్వాగతం లభించింది. ‘రనౌట్‌ విషయంలో మేం వ్యూహంతో సిద్ధమయ్యాం. మేం ఎన్నిసార్లు హెచ్చరించినా ఆమె మళ్లీ మళ్లీ క్రీజ్‌ దాటి ముందుకు వెళ్లింది. ఆ విషయాన్ని అంపైర్లకు కూడా చెప్పాం. అయినా ఆమె తీరు మార్చుకోలేదు. దాంతో నిబంధనల ప్రకారమే అవుట్‌ చేశాం. మేం ఇంకేం చేయగలం’ అని దీప్తి వివరణ ఇచ్చింది. దీప్తి వ్యాఖ్యలపై ఇంగ్లండ్‌ కెప్టెన్‌ హీతర్‌ నైట్‌ మళ్లీ స్పందించింది. ‘మ్యాచ్‌ ముగిసిపోయింది. నిబంధనల ప్రకారమే చార్లీ అవుటైంది. మ్యాచ్‌తోపాటు సిరీస్‌ గెలిచేందుకు భారత్‌కు అన్ని విధాలా అర్హత ఉంది. అయితే రనౌట్‌ గురించి మమ్మల్ని హెచ్చరించారనడంలో వాస్తవం లేదు. నిజానికి వారు చేసింది తప్పు కాదు కాబట్టి హెచ్చరించాల్సిన అవసరం లేదు. కానీ తాము చేసిన దానిని సమర్థించుకోవాలని, అందుకు హెచ్చరిక అనే ఒక అబద్ధాన్ని వాడుకోవాలని కూడా భారత్‌ భావించరాదు’ అని నైట్‌ వ్యాఖ్యానించింది.     తానియా గదిలో చోరీ... వన్డే సిరీస్‌లో భారత జట్టు సభ్యురాలిగా ఉన్న తానియా భాటియాకు అనూహ్య పరిణామం ఎదురైంది. లండన్‌లో ఆమె బస చేసిన మారియట్‌ హోటల్‌లోని తన గదిలో    దొంగతనం జరిగినట్లు ఆమె వెల్లడించింది. ‘నన్ను చాలా నిరాశకు గురి చేసిన, నిర్ఘాంతపోయే ఘటన ఇది. ఎవరో అపరిచితులు నా గదిలోకి వచ్చి బ్యాగ్‌ చోరీ చేశారు. ఇందులో నగదు, కార్డులు, గడియారాలతో పాటు నగలు కూడా ఉన్నాయి. ఇంగ్లండ్‌ బోర్డుతో భాగస్వామ్యం ఉన్న  హోటల్‌లోనే ఇలా జరిగింది. భద్రతా ఏర్పాట్ల వైఫల్యం ఇది. వీలైనంత తొందరగా విచారణ జరిపి తగిన చర్య తీసుకుంటారని భావిస్తున్నా’ అని తానియా ట్వీట్‌ చేసింది.  

లండన్‌: అంతర్జాతీయ మహిళల క్రికెట్‌లో అత్యధిక వికెట్లు తీసిన బౌలర్, భారత సీనియర్‌ పేసర్‌ జులన్‌ గోస్వామి కెరీర్‌ విజయంతో ముగిసింది. ఇంగ్లండ్‌ జట్టుతో శనివారం జరిగిన చివరిదైన మూడో వన్డేలో హర్మన్‌ప్రీత్‌ కౌర్‌ నాయకత్వంలోని టీమిండియా 16 పరుగుల ఆధిక్యంతో గెలిచింది. ఈ విజయంతో భారత్‌ సిరీస్‌ను 3–0తో నెగ్గి కెరీర్‌లో చివరి మ్యాచ్‌ ఆడిన 39 ఏళ్ల జులన్‌ గోస్వామికి క్లీన్‌స్వీప్‌ కానుకగా ఇచ్చింది. మొదట బ్యాటింగ్‌కు దిగిన భారత్‌ 45.4 ఓవర్లలో 169 పరుగులకు ఆలౌటైంది. స్మృతి మంధాన (50; 5 ఫోర్లు), దీప్తి శర్మ (68 నాటౌట్‌; 7 ఫోర్లు) అర్ధ సెంచరీలు చేశారు. 29 పరుగులకే నాలుగు వికెట్లు కోల్పోయి కష్టాల్లో పడిన భారత్‌ను స్మృతి, దీప్తి శర్మ ఆదుకున్నారు. ఐదో వికెట్‌కు వీరిద్దరు 58 పరుగులు జత చేశారు. స్మృతి అవుటయ్యాక ఒకవైపు వికెట్లు పడుతుంటే మరోవైపు దీప్తి పట్టుదలతో ఆడి అర్ధ సెంచరీ పూర్తి చేసుకుంది. ఇంగ్లండ్‌ బౌలర్లలో కేటీ క్రాస్‌ (4/26), ఫ్రేయా కెంప్‌ (2/24), ఎకిల్‌స్టోన్‌ (2/27) రాణించారు. అనంతరం 170 పరుగుల లక్ష్యంతో బరిలోకి దిగిన ఇంగ్లండ్‌ 43.3 ఓవర్లలో 153 పరుగులకు ఆలౌటై ఓడిపోయింది. కెరీర్‌లో చివరి మ్యాచ్‌ ఆడిన జులన్‌ గోస్వామి బ్యాటింగ్‌లో ‘డకౌట్‌’కాగా... బౌలింగ్‌లో 10 ఓవర్లలో మూడు మెయిడెన్లు వేసి 30 పరుగులిచ్చి 2 వికెట్లు తీసింది. ‘ప్లేయర్‌ ఆఫ్‌ ద మ్యాచ్‌’ రేణుక సింగ్‌ (4/29), స్పిన్నర్‌ రాజేశ్వరి గైక్వాడ్‌ (2/38) కూడా ఇంగ్లండ్‌ను దెబ్బ తీశారు. మొత్తం 340 పరుగులు చేసి రెండు వికెట్లు తీసిన హర్మన్‌ప్రీత్‌కు ‘ప్లేయర్‌ ఆఫ్‌ ద సిరీస్‌’ అవార్డు లభించింది.   355: జులన్‌ గోస్వామి మూడు ఫార్మాట్‌లలో కలిపి తీసిన వికెట్ల సంఖ్య. జులన్‌ 12 టెస్టుల్లో 44 వికెట్లు... 204 వన్డేల్లో 255 వికెట్లు... 68 టి20ల్లో 56 వికెట్లు పడగొట్టింది. 7: మూడు మ్యాచ్‌ల వన్డే సిరీస్‌ను క్లీన్‌స్వీప్‌ చేయడం భారత జట్టుకిది ఏడోసారి (బంగ్లాదేశ్, వెస్టిండీస్, దక్షిణాఫ్రికా జట్లపై ఒకసారి... శ్రీలంకపై మూడుసార్లు). ఇంగ్లండ్‌పై  తొలిసారి. 

స్వదేశంలో కివీస్‌తో జరిగిన 3 మ్యాచ్‌ల వన్డే సిరీస్‌ను ఆస్ట్రేలియా 3-0 తేడాతో క్లీన్‌ స్వీప్‌ చేసింది. ఆదివారం (సెప్టెంబర్‌ 11) జరిగిన మూడో వన్డేలో స్టీవ్‌ స్మిత్‌ (105)  సూపర్‌ సెంచరీతో చెలరేగడంతో ఆసీస్‌ 25 పరుగుల తేడాతో జయకేతనం ఎగురవేసింది. టాస్‌ ఓడి తొలుత బ్యాటింగ్‌ చేసిన ఆసీస్‌.. స్మిత్‌ సెంచరీ, మార్నస్‌ లబూషేన్‌ (52), అలెక్స్‌ క్యారీ (42 నాటౌట్‌) రాణించడంతో నిర్ణీత ఓవర్లలో 5 వికెట్ల నష్టానికి 267 పరుగుల చేసింది. ఆఖర్లో కెమరూన్‌ గ్రీన్‌ (12 బంతుల్లో 25 నాటౌట్‌; 2 ఫోర్లు, 2 సిక్సర్లు) వేగంగా పరుగులు సాధించాడు. కివీస్‌ బౌలర్లలో బౌల్ట్‌ 2, సౌథీ, ఫెర్గూసన్‌, సాంట్నర్‌ తలో వికెట్‌ పడగొట్టారు. అనంతరం 268 పరుగుల లక్ష్యాన్ని ఛేదించేందుకు బరిలోకి దిగిన కివీస్‌.. ఆరంభం నుంచే క్రమం తప్పకుండా వికెట్లు కోల్పోయి లక్ష్యానికి 26 పరుగుల దూరంలో నిలిచిపోయింది. కివీస్‌ మరో బంతి మిగిలుండగానే 242 పరుగల వద్ద ఆలౌటైంది. ఫిన్‌ అలెన్‌ (35), గ్లెన్‌ ఫిలిప్‌ (47), జేమ్స్‌ నీషమ్‌ (36), మిచెల్‌ సాంట్నర్‌ (30) ఓ మోస్తరుగా రాణించినప్పటికీ ఫలితం లేకుండా పోయింది.   ఆసీస్‌ బౌలర్ల ఏ ఓక్క బ్యాటర్‌ను కుదురుకోనివ్వలేదు. సీన్‌ అబాట్‌ (2/31), కెమరూన్‌ గ్రీన్‌ (2/25) పొదుపుగా బౌలింగ్‌ చేయడంతో పాటు కివీస్‌పై ఒత్తిడి పెంచారు. ఆఖర్లో స్టార్క్‌ (3/60) చెలరేగి మ్యాచ్‌ను లాంఛనంగా ముగించాడు. హేజిల్‌వుడ్‌, జంపా తలో వికెట్‌ పడగొట్టారు. ఈ సిరీస్‌లో హాఫ్‌ సెంచరీ, సెంచరీతో రాణించిన స్టీవ్‌ స్మిత్‌కు ప్లేయర్‌ ఆఫ్‌ ద మ్యాచ్‌, సిరీస్‌ అవార్డులు దక్కాయి. కాగా, సిరీస్‌లో భాగంగా జరిగిన తొలి రెండు వన్డేల్లోనూ ఆసీస్‌ గెలుపొందిన విషయం తెలిసిందే. ఆసీస్‌ తదుపరి టీమిండియాతో మూడు మ్యాచ్‌ల టీ20 సిరీస్‌ ఆడనుంది.     చదవండి: స్మిత్‌.. మరీ ఇంత స్వార్థపరుడివనుకోలేదు!

ఆస్ట్రేలియాపై చారిత్రక విజయం సాధించిన అనంతరం జింబాబ్వే ఆటగాళ్ల సంబురాలు అంబరాన్నంటాయి. మ్యాచ్‌ అనంతరం మైదానంలో తెగ హడావుడి చేసిన ఆ జట్టు ప్లేయర్స్‌.. తిరుగు ప్రయాణంలో బస్సులో అంతకుమించిన సెలబ్రేషన్స్‌ చేసుకున్నారు. బస్సులో ఆటగాళ్లంతా డ్యాన్స్‌లు చేస్తూ, పాటలు పాడుతూ ఆనందంలో మునిగితేలారు. దీనికి సంబంధించిన వీడియోను ఆ దేశ క్రికెట్‌ బోర్డు ట్విటర్‌లో షేర్‌ చేయగా, ప్రస్తుతం నెట్టింట వైరలవుతుంది. ఏమాత్రం అంచనాలు లేని జట్టు ప్రపంచ మేటి జట్టుకు షాకిస్తే ఇలాగే ఉంటదంటూ నెటిజన్లు కామెంట్లు చేస్తున్నారు.  కాగా, ఇవాళ ఆస్ట్రేలియాతో జరిగిన మూడో వన్డేలో పసికూన జింబాబ్వే 3 వికెట్ల తేడాతో సంచలన విజయం సాధించింది. ఆస్ట్రేలియాను వారి స్వదేశంలో మట్టికరిపించడంతో జింబాబ్వే ఆటగాళ్ల ఆనందానికి అవధుల్లేకుండా పోయాయి. ఆసీస్‌ గడ్డపై తొలి గెలుపు సాధించిన జింబాబ్వే సభ్యులు వినూత్న రీతిలో సంబురాలు చేసుకుంటూ నానా హంగామా చేశారు. 3 మ్యాచ్‌ల సిరీస్‌లో తొలి రెండు వన్డేల్లో గెలుపొందిన ఆసీస్‌ నామమాత్రంగా సాగిన ఆఖరి వన్డేలో టాస్‌ ఓడి ప్రత్యర్ధి ఆహ్వానం మేరకు తొలుత బ్యాటింగ్‌ చేసింది.  #3rdODI | Castle Corner, see what you’ve done? But who can blame us! Thanks for the support and inspiration, home or away! @CastleCornerZW #AUSvZIM | #VisitZimbabwe pic.twitter.com/Vp6VYRWSXU — Zimbabwe Cricket (@ZimCricketv) September 3, 2022 జింబాబ్వే లెగ్‌ స్పిన్నర్‌ ర్యాన్‌ బర్ల్‌ సంచలన స్పెల్‌తో (3 ఓవర్లలో 5/10) చెలరేగడంతో ఆసీస్‌ 31 ఓవర్లలో 141 పరుగులకే చాపచుట్టేసింది. డేవిడ్ వార్నర్ (96 బంతుల్లో 94; 14 ఫోర్లు, 2 సిక్సర్లు) ఒంటరి పోరాటం చేయడంతో ఆసీస్‌ ఈ మాత్రం స్కోరైనా చేయగలిగింది. ఆసీస్‌ ఇన్నింగ్స్‌లో వార్నర్‌, మ్యాక్స్‌వెల్‌ (19) మాత్రమే రెండంకెల స్కోర్‌ చేశారు. జింబాబ్వే బౌలర్లలో బర్ల్‌తో పాటు బ్రాడ్‌ ఇవాన్స్‌ (2/35), న్యాయుచి (1/15), నగర్వా (1/27), సీన్‌ విలియమ్స్‌ (1/36) కూడా రాణించారు. స్వల్ప లక్ష్య ఛేదనలో జింబాబ్వే సైతం మధ్యలో తడబడింది.  ఓపెనర్లు కైటానో (19; 4 ఫోర్లు), మరుమణి (35; 4 ఫోర్లు) పర్వాలేదనిపించినప్పటికీ.. మిడిలార్డర్‌ బ్యాటర్లు మెదెవెరె (2), సీన్‌ విలియమ్స్‌ (0), సికందర్‌ రజా (8) దారుణంగా విఫలమయ్యారు.  అయితే కెప్టెన్‌ రెగిస్‌ చకబ్వా (72 బంతుల్లో 37; 3 ఫోర్లు).. టోనీ మున్యోంగో (17), ర్యాన్‌ బర్ల్‌ (11)ల సహకారంతో జట్టును విజయతీరాలకు చేర్చాడు. 39 ఓవర్ల పాటు బ్యాటింగ్‌ చేసిన జింబాబ్వే 7 వికెట్లు కోల్పోయి అతి కష్టం మీద విజయం సాధించింది. ఆసీస్‌ బౌలర్లలో హేజిల్‌వుడ్‌ 3, స్టార్క్‌, గ్రీన్‌, స్టోయినిస్‌, అగర్‌ తలో వికెట్‌ పడగొట్టారు. 

హరారే: ఇప్పటికే 2–0తో సిరీస్‌ సొంతం చేసుకున్న భారత క్రికెట్‌ జట్టు క్లీన్‌స్వీప్‌ లక్ష్యంగా నేడు జరిగే చివరిదైన మూడో వన్డేలో జింబాబ్వేతో తలపడనుంది. ప్రధాన బౌలర్ల గైర్హాజరీలో దీపక్‌ చహర్, సిరాజ్, శార్దుల్‌ ఠాకూర్, ప్రసిధ్‌ కృష్ణ, అక్షర్‌ పటేల్‌ రాణించి జింబాబ్వేను కట్టడి చేశారు. బ్యాటింగ్‌లో శుబ్‌మన్‌ గిల్, శిఖర్‌ ధావన్‌ ఆకట్టుకోగా... తాత్కాలిక కెప్టెన్‌ కేఎల్‌ రాహుల్, ఇషాన్‌ కిషన్‌ ఈ మ్యాచ్‌లో రాణించి ఫామ్‌లోకి రావాలని భావిస్తున్నారు. రెండు వన్డేల్లో టాస్‌ గెలిచి జింబాబ్వేను బ్యాటింగ్‌కు ఆహ్వానించిన కెప్టెన్‌ రాహుల్‌ ఈసారి టాస్‌ గెలిస్తే భారత బ్యాటర్లకు బ్యాటింగ్‌ ప్రాక్టీస్‌ కోసం తొలుత బ్యాటింగ్‌ ఎంచుకునే అవకాశముంది. ఇప్పటికే సిరీస్‌ ఫలితం తేలిపోవడంతో ఆఖరి వన్డేలో భారత టీమ్‌ మేనేజ్‌మెంట్‌ ఆల్‌రౌండర్‌ షహబాజ్‌ అహ్మద్‌కు తొలిసారి అవకాశం ఇస్తుందో లేదో చూడాలి. మరోవైపు జింబాబ్వే జట్టు అన్ని విభాగాల్లో నిరాశాజనక ప్రదర్శన కనబరుస్తోంది. సొంతగడ్డపై భారత జట్టుపై 2010లో చివరిసారి వన్డేలో గెలిచిన జింబాబ్వే మళ్లీ గెలుపు రుచి చూడాలంటే అద్భుతమే చేయాల్సి ఉంటుంది. 

పోర్ట్‌ ఆఫ్‌స్పెయిన్‌: విండీస్‌తో జరిగిన మూడు వన్డేల సిరీస్‌ను టీమిండియా క్లీన్‌స్వీప్‌ చేసింది. డక్‌వర్త్‌ లూయీస్‌ పద్ధతిలో భారత జట్టు నిర్దేశించిన 257 పరుగుల లక్ష్యాన్ని చేధించే క్రమంలో 137 పరుగులకే విండీస్‌ జట్టు కుప్పకూలింది. దీంతో టీమిండియా 119 పరుగుల తేడాతో భారత్‌ ఘన విజయం సాధించింది. విండీస్‌ లక్ష్యం 35 ఓవర్లలో 257 పరుగులు వర్షం అంతరాయం కారణంగా వెస్టిండీస్‌- ఇండియా మూడో వన్డేలో 36 ఓవర్లలో 225/3 వికెట్ల వద్ద భారత ఇన్నింగ్స్‌కు తెరపడింది. డక్‌వర్త లూయిస్‌ పద్ధతిలో వెస్టిండీస్‌ లక్ష్యాన్ని 35 ఓవర్లలో 257 పరుగులుగా నిర్దేశించారు. టీమిండియా బ్యాట్స్‌మన్‌లలో శుభమన్‌ గిల్‌ 98 బంతుల్లో 98 పరుగులతో నాటౌట్‌ నిలిచాడు. వర్షం కారణంగా భారత ఇన్నింగ్స్‌ను ముగించడంతో గిల్‌ తృటిలో సెంచరీని కోల్పోయాడు. అనుకున్నదే అయ్యింది.. వర్షం మొదలైంది వాతావరణ శాఖ హెచ్చరికలే నిజమయ్యాయి. వారు చెప్పినట్లుగానే మ్యాచ్‌కు వరుణుడు ఆటంకం కలిగించాడు. 24 ఓవర్లు పూర్తయ్యాక వర్షం మొదలుకావడంతో మ్యాచ్‌ను నిలిపివేశారు. ఈ సమయానికి టీమిండియా స్కోర్‌ 115/1. క్రీజ్‌లో గిల్‌ (51), శ్రేయస్‌ (2) ఉన్నారు.  తొలి వికెట్‌ కోల్పోయిన టీమిండియా  23వ ఓవర్‌లో టీమిండియా తొలి వికెట్‌ కోల్పోయింది. హేడెన్‌ వాల్ష్‌ బౌలింగ్‌లో పూరన్‌కు క్యాచ్‌ ఇచ్చి ధవన్‌ (74 బంతుల్లో 58; 7 ఫోర్లు) ఔటయ్యాడు. 23 ఓవర్ల తర్వాత జట్టు స్కోర్‌ 113/1. గిల్‌కు (51) జతగా శ్రేయస్‌ క్రీజ్‌లోకి వచ్చాడు.  గిల్‌ హాఫ్‌ సెంచరీ మరో ఓపెనర్‌ శుభ్‌మన్‌ గిల్‌ కూడా హాఫ్‌ సెంచరీ పూర్తి చేసుకున్నాడు. 60 బంతుల్లో 3 ఫోర్లు, సిక్స్‌ సాయంతో గిల్‌ వన్డేల్లో ఈ ఫీట్‌ను రెండోసారి చేశాడు. 22 ఓవర్ల తర్వాత టీమిండియా స్కోర్‌ 112/0. ధవన్‌ 73 బంతుల్లో 58 పరుగలతో క్రీజ్‌లో ఉన్నాడు. ధవన్‌ ఫిఫ్టి.. 100 దాటిన టీమిండియా స్కోర్‌ ఓపెనర్లు ధవన్‌ (54), గిల్‌ (44)లు టీమిండియాకు శుభారంభాన్ని అందించారు. వీరిద్దరు తొలి వికెట్‌కు 20 ఓవర్లలో అజేయమైన 101 పరుగులు జోడించారు. ఈ క్రమంలో ధవన్‌ వన్డేల్లో 37వ ఫిఫ్టి సాధించాడు. ఈ సిరీస్‌లో ధవన్‌కు ఇది రెండో హాఫ్‌ సెంచరీ.  డ్రింక్స్‌ విరామం సమయానికి టీమిండియా స్కోర్‌ 87/0 తొలి 10 ఓవర్లు నిదానంగా ఆడిన భారత్‌.. ఆతర్వాత కాస్త వేగం పెంచింది. ఓపెనర్లు ధవన్‌ 57 బంతుల్లో 7 ఫోర్ల సాయంతో 48 పరుగులు, గిల్‌ 46 బంతుల్లో 2 ఫోర్లు, సిక్స్‌ సాయంతో 36 రన్స్‌తో క్రీజ్‌లో ఉన్నారు. డ్రింక్స్‌ విరామం సమయానికి (17 ఓవర్లు) భారత్‌ వికెట్‌ నష్టపోకుండా 87 పరుగులు చేసింది.  గేర్‌ మార్చని ఓపెనర్లు ఇన్నింగ్స్‌ ఆరంభం నుంచి నిదానంగా ఆడుతున్న టీమిండియా ఓపెనర్లు 11 ఓవర్లు దాటినా గేర్‌ మార్చడం లేదు. ధవన్‌ 34 బంతులు ఆడి 23 పరుగులు చేయగా.. గిల్‌ 32 బంతులను ఎదుర్కొని అన్నే పరుగులు సాధించాడు. 11 ఓవర్లు దాటినా  టీమిండియా 50 పరుగుల మార్కును (47/0) చేరుకోలేదు.  ఆచితూచి ఆడుతున్న ఓపెనర్లు.. 5 ఓవర్ల తర్వాత టీమిండియా స్కోర్‌ 17/0 టాస్‌ గెలిచి బ్యాటింగ్‌కు దిగిన భారత్‌ నిదానంగా బ్యాటింగ్‌ చేస్తుంది. ఓపెనర్లు శుభ్‌మన్‌ గిల్‌ (8), శిఖర్‌ ధవన్‌ (9) ఆచితూచి ఆడుతున్నారు. 5 ఓవర్లు ముగిసే సమయాని​కి టీమిండయా స్కోర్‌ 17/0.  టాస్‌ గెలిచి బ్యాటింగ్‌ ఎంచుకున్న భారత్‌ పోర్ట్‌ ఆఫ్‌ స్పెయిన్‌ వేదికగా వెస్టిండీస్‌తో జరుగుతున్న చివరిదైన మూడో వన్డేలో టీమిండియా టాస్‌ గెలిచి బ్యాటింగ్‌ ఎంచుకుంది. 3 మ్యాచ్‌ల ఈ సిరీస్‌ను టీమిండియా ఇదివరకే 2-0 తేడాతో కైవసం చేసుకున్న విషయం తెలిసిందే. ఈ మ్యాచ్‌ కోసం టీమిండియా ఓ మార్పు చేసింది. ఆవేశ్‌ ఖాన్‌ స్థానంలో ప్రసిధ్‌ కృష్ణ తుది జట్టులోకి వచ్చాడు. మరోవైపు విండీస్‌ మూడు మార్పులతో బరిలోకి దిగింది. రోవ్‌మన్‌ పావెల్‌, రొమారియో షెపర్డ్, అల్జారీ జోసెఫ్ స్థానాల్లో  జేసన్‌ హోల్డర్‌, కీమో పాల్‌, కీచీ క్యార్టీ జట్టులో చేరారు.  భారత్: శిఖర్ ధవన్(కెప్టెన్‌), శుభమన్ గిల్, శ్రేయాస్ అయ్యర్, సూర్యకుమార్ యాదవ్, సంజు శాంసన్(వికెట్‌ కీపర్‌), దీపక్ హుడా, అక్షర్ పటేల్, శార్దూల్ ఠాకూర్, మహ్మద్ సిరాజ్, యుజ్వేంద్ర చాహల్, ప్రసిధ్‌ కృష్ణ  వెస్టిండీస్: షెయ్ హోప్(వికెట్‌ కీపర్‌), బ్రాండన్ కింగ్, కీచీ క్యార్టీ, షమ్రా బ్రూక్స్, కైల్ మేయర్స్, నికోలస్ పూరన్(కెప్టెన్‌), జేసన్‌ హోల్డర్‌, కీమో పాల్‌, అకేల్ హోసేన్, జేడెన్ సీల్స్, హేడెన్ వాల్ష్

విండీస్‌తో 3 వన్డేల సిరీస్‌ను 2-0తో కైవసం చేసుకుని జోరుమీదున్న టీమిండియాకు వరుణుడు అడ్డుకట్ట వేసేలా ఉన్నాడు. ఇవాళ (జులై 27) ట్రినిడాడ్‌ వేదికగా జరుగబోయే మూడో వన్డేకు వాన గండం పొంచి ఉందని అక్కడి వాతావరణ శాఖ హెచ్చరికలు జారీ చేసింది. నిన్నటి నుంచే మ్యాచ్‌కు వేదిక అయిన పోర్ట్‌ ఆఫ్‌ స్పెయిన్‌లో ఆకాశం మేఘావృతమైందని, మ్యాచ్‌ సమయానికి ఓ మోస్తరు నుంచి భారీ వర్షం కురిసే అవకాశం ఉందని వెదర్‌ రిపోర్ట్‌లో పేర్కొంది. దీంతో మ్యాచ్‌ సాధ్యాసాధ్యాలపై నీలిమేఘాలు కమ్ముకున్నాయి. ఒకవేళ మ్యాచ్‌ మొదలైనా మధ్యమధ్యలో వరుణ ఆటంకాలు తప్పవని, 50 ఓవర్ల ఆట సాధ్యమయ్యే అవకాశాలు చాలా తక్కువని విశ్లేషకులు అంచనా వేస్తున్నారు.  ఇదిలా ఉంటే, ఈ మ్యాచ్‌కు వర్షం ముప్పు తప్పి, 50 ఓవర్ల పాటు సజావుగా సాగాలని టీమిండియా కోరుకుంటుంది. ఇప్పటికే రెండు వన్డేలు గెలిచి కాన్ఫిడెంట్‌గా ఉన్న ధవన్‌ సేన ఈ మ్యాచ్‌లోనూ గెలిచి విండీస్‌ను వైట్‌వాష్‌ చేయాలని భావిస్తుంది. మరోవైపు గత రెండు మ్యాచ్‌ల్లో చివరి వరకు పోరాడి ఓడిన విండీస్‌ సైతం ఈ మ్యాచ్‌ను ఛాలెంజింగ్‌గా తీసుకుంటుంది. ఈ మ్యాచ్‌లోనైనా గెలిచి పరువు నిలుపుకోవాలని పట్టుదలగా ఉంది. ఇక జట్ల విషయానికొస్తే.. టీమిండియా ఈ మ్యాచ్‌లో రిజర్వ్‌ ఆటగాళ్లకు అవకాశం కల్పించే ఛాన్స్‌ ఉంది. ఇషాన్‌ కిషన్‌, రుతురాజ్‌ గైక్వాడ్‌, అర్ష్‌దీప్‌ సింగ్‌, రవీంద్ర జడేజా తుది జట్టులోకి రావచ్చు. మరోవైపు విండీస్‌ రెండో వన్డేలో కొనసాగించిన జట్టునే కొనసాగించే అవకాశం ఉంది. ఒకవేళ తప్పించాల్సి వస్తే గత మ్యాచ్‌లో ధారాళంగా పరుగులు సమర్పించుకున్న అకీల్‌ హొసెన్‌పై వేటు​ వేసే ఆస్కారం ఉంది.   చదవండి: Ind Vs WI: విండీస్‌తో టీ20 సిరీస్‌.. టీమిండియాకు భారీ షాక్‌!  

పోర్ట్‌ ఆఫ్‌ స్పెయిన్‌: ఓటమి ఖాయమైన మ్యాచ్‌లో అనూహ్య విజయంతో సిరీస్‌నే గెలుచుకున్న టీమిండియా ఇప్పుడు క్లీన్‌స్వీప్‌పై కన్నేసింది. నేడు జరిగే ఆఖరి వన్డేలోనూ నెగ్గి ఆతిథ్య కరీబియన్‌ను వైట్‌వాష్‌ చేయాలని భారత జట్టు భావిస్తోంది. మరోవైపు సొంతగడ్డపై సిరీస్‌ కోల్పోయిన వెస్టిండీస్‌ జట్టు ఈ మ్యాచ్‌ గెలిచి కనీసం పరువు నిలబెట్టుకోవాలని ఆశిస్తోంది. ఈ నేపథ్యంలో బుధవారం జరిగే మూడో వన్డే ఆసక్తికరంగా జరగనుంది. ఈ వేదికపై గత రెండు మ్యాచ్‌ల్లోనూ ఇరు జట్లు భారీస్కోర్లు నమోదు చేశాయి. చివరి పోరు కూడా ఇక్కడే జరగనుండటంతో మరోసారి ప్రేక్షకులకు పరుగుల విందు ఖాయంగా కనిపిస్తోంది.   జోరుమీదున్న భారత్‌ ఇక్కడ వరుస విజయాలతోనే కాదు... ఇటీవల వరుస సిరీస్‌ విజయాలతో భారత్‌ జోరు మీదుంది. ఆటగాళ్లు మారినా... సీనియర్లు లేకపోయినా... ఫలితంలో మాత్రం ఏ తేడా లేదు. అదే ఉత్సాహం. అదే పట్టుదల. నిర్లక్ష్యం దరిచేరనీయకుండా కుర్రాళ్లు రాణిస్తున్నారు. టీమిండియా గత రెండు వన్డేల్లోనూ 300 పైచిలుకు స్కోర్లు చేసింది. కెప్టెన్‌ ధావన్‌ సహా టాపార్డర్‌ బ్యాటర్స్‌ శుబ్‌మన్‌ గిల్, శ్రేయస్‌ అయ్యర్‌ సూపర్‌ఫామ్‌లో ఉన్నారు. అయ్యర్‌ అర్ధసెంచరీలతో భారత విజయంలో కీలకపాత్ర పోషిస్తున్నాడు. సంజూ సామ్సన్‌ కూడా గత మ్యాచ్‌లో ఫామ్‌లోకి వచ్చాడు. ఆరో వరుసలో బ్యాటింగ్‌కు దిగుతున్న దీపక్‌ హుడా సత్తా చాటుతున్నాడు. అక్షర్‌ పటేల్‌ ‘షో’ గురించి చెప్పాల్సిన పనిలేదు. ఇలా ఏ రకంగా చూసిన భారత బ్యాటింగ్‌ ఆర్డర్‌ పటిష్టంగా ఉంది. బెంగ ఏమైనా ఉంటే అది సూర్యకుమార్‌పైనే! తను కూడా చివరి పోరులో బ్యాట్‌ ఝుళిపిస్తే మరో భారీస్కోరుకు తిరుగుండదు. ఇక బౌలింగ్‌లోనే కాస్త మెరుగుపడాలి. వెస్టిండీస్‌కు మరో 300 ప్లస్‌ అవకాశం ఇవ్వకుండా కట్టడి చేయాలి. ఓదార్పు విజయంపై... మరోవైపు వెస్టిండీస్‌ పరిస్థితి భారత్‌కు పూర్తి భిన్నంగా ఉంది. ప్రత్యర్థి జట్టుకు దీటుగా 300 పైచిలుకు పరుగులైతే చేస్తోంది. కానీ అంత చేసినా... తొలి వన్డేలో ఛేదనలో ఆఖరుకొచ్చేసరికి వెనుకబడింది. రెండో మ్యాచ్‌లో చేసింది కాపాడుకోలేకపోయింది. ఓపెనర్లు షై హోప్, కైల్‌ మేయర్స్, బ్రూక్స్, కింగ్‌ చెప్పుకోదగ్గ స్కోర్లే చేస్తున్నారు. కానీ బౌలింగ్‌ వైఫల్యాలతో మూల్యం చెల్లించుకుంటున్నారు. ఈసారి బౌలింగ్‌ లోపాలపై దృష్టి పెట్టిన కరీబియన్‌ జట్టు ఆఖరి పోరులో గెలిచి తీరాలనే కసితో ఉంది. సమష్టి విజయంతో భారత్‌ క్లీన్‌స్వీప్‌ను అడ్డుకోవాలనే లక్ష్యంతో బరిలోకి దిగుతోంది. పిచ్, వాతావరణం రెండు వన్డేల్లో పరుగుల వరద పారింది. కానీ... రెండే రోజుల వ్యవధిలో జరుగుతున్న ఈ మ్యాచ్‌ కోసం మరో పిచ్‌ను వినియోగిస్తున్నారు. ఇక్కడ సీమర్లకు అనుకూలం. ఈ రోజు చినుకులు కురిసే అవకాశం కూడా ఉంది. జట్లు (అంచనా) భారత్‌: ధావన్‌ (కెప్టెన్‌), శుబ్‌మన్‌ గిల్, శ్రేయస్‌ అయ్యర్, సూర్యకుమార్, సంజూ సామ్సన్, దీపక్‌ హుడా, అక్షర్‌ పటేల్, శార్దుల్, సిరాజ్, చహల్, అవేశ్‌ ఖాన్‌/ప్రసిధ్‌ కృష్ణ. వెస్టిండీస్‌: పూరన్‌ (కెప్టెన్‌), షై హోప్, కైల్‌ మేయర్స్, బ్రూక్స్‌/కార్టీ, బ్రాండన్‌ కింగ్, పావెల్, హోసీన్, షెఫర్డ్‌/కీమో పాల్, జోసెఫ్, సీల్స్, హేడెన్‌ వాల్‌‡్ష.

భారత్‌ టాస్‌ గెలిచి ఫీల్డింగ్‌ ఎంచుకుంటే... సిరాజ్‌ టాప్‌ లేపాడు. హార్దిక్‌ పాండ్యా మిడిలార్డర్‌ను కట్టడి చేశాడు. బ్యాటింగ్‌ పిచ్‌పై ఆతిథ్య జట్టు 259 పరుగులకే ఆలౌట్‌! ఇక్కడిదాకా బాగానే ఉంది. కానీ ఛేదన మొదలవగానే బ్యాటింగ్‌ కష్టాలు ఎదురయ్యాయి. భారత టాపార్డర్‌ (రోహిత్‌ 17, ధావన్‌ 1, కోహ్లి 17) చేసిన పరుగులు 35. విజయంపై ఆశల్లేని ఈ దశలో రిషభ్‌ పంత్, హార్దిక్‌ పాండ్యా భాగస్వామ్యం భారత్‌ను గెలుపు మలుపు తిప్పింది. పంత్‌ అజేయ శతకం సిరీస్‌ విజయాన్నిచ్చింది. మాంచెస్టర్‌: వన్డే సిరీస్‌ కూడా 2–1తో భారత్‌ చేతికే చిక్కింది. మూడో వన్డేలో రోహిత్‌ శర్మ బృందం ఐదు వికెట్లతో ఇంగ్లండ్‌పై నెగ్గింది. ఆదివారం జరిగిన ఈ మ్యాచ్‌లో మొదట ఇంగ్లండ్‌ 45.5 ఓవర్లలో 259 పరుగుల వద్ద ఆలౌటైంది. బట్లర్‌ (80 బంతుల్లో 60; 3 ఫోర్లు, 2 సిక్స్‌లు), జేసన్‌ రాయ్‌ (31 బంతుల్లో 41; 7 ఫోర్లు) రాణించారు. హార్దిక్‌ పాండ్యా (4/24) వన్డే కెరీర్‌లో అత్యుత్తమ బౌలింగ్‌ గణాంకాలు నమోదు చేయగా... చహల్‌ మూడు, సిరాజ్‌ రెండు వికెట్లు తీశారు. అనంతరం భారత్‌ 42.1 ఓవర్లలో 5 వికెట్లు కోల్పోయి 261 పరుగులు చేసి గెలిచింది. రిషభ్‌ పంత్‌ (113 బంతుల్లో 125 నాటౌట్‌; 16 ఫోర్లు, 2 సిక్స్‌లు) గెలిపించేదాకా క్రీజులోనే నిలిచాడు. హార్దిక్‌ పాండ్యా (55 బంతుల్లో 71; 10 ఫోర్లు) ధాటిగా ఆడాడు. పంత్‌కు ‘ప్లేయర్‌ ఆఫ్‌ ద మ్యాచ్‌’ ... హార్దిక్‌కు ‘ప్లేయర్‌ ఆఫ్‌ ద సిరీస్‌’ అవార్డులు లభించాయి.   రాణించిన బట్లర్, రాయ్‌ వరుస బౌండరీలతో మొదలైన ఇంగ్లండ్‌ ఇన్నింగ్స్‌కు ఆదిలోనే సిరాజ్‌ అడ్డుకట్ట వేశాడు. షమీ తొలి ఓవర్లోనే రాయ్‌ 3 ఫోర్లు బాదాడు. రెండో ఓవర్‌ వేసిన సిరాజ్‌ పరుగైన ఇవ్వకుండా బెయిర్‌స్టో (0), రూట్‌ (0)లను డకౌట్‌ చేశాడు. దీంతో రాయ్, స్టోక్స్‌ (29 బంతుల్లో 27; 4 ఫోర్లు) అడపాదడపా బౌండరీలతో స్కోరు పెంచారు. అయితే హార్దిక్‌ వీరిద్దరిని స్వల్ప వ్యవధిలో పెవిలియన్‌ పంపాడు. మొయిన్‌ అలీ (44 బంతుల్లో 34; 2 ఫోర్లు, 2 సిక్సర్లు) అండతో కెప్టెన్‌ బట్లర్‌ అర్ధసెంచరీ పూర్తి చేసుకున్నాడు. అనంతరం లివింగ్‌స్టోన్‌ (31 బంతుల్లో 27; 2 ఫోర్లు, 2 సిక్స్‌లు), ఓవర్టన్‌ (33 బంతుల్లో 33; 1 ఫోర్, 1 సిక్స్‌) మెరుగ్గా ఆడటంతో ఇంగ్లండ్‌ పోరాడే లక్ష్యాన్ని ప్రత్యర్థి ముందుంచింది. పంత్‌ వీరోచితం ఓపెనర్లు ధావన్‌ (1), రోహిత్‌ (17) సహా కోహ్లి (17)లను రీస్‌ టాప్లీ పడగొట్టేశాడు. భారత్‌ స్కోరు 38/3. సూర్యకుమార్‌ (16) కూడా తక్కువ స్కోరుకే అవుటయ్యాడు. 16.2 ఓవర్లలో 72 పరుగులకే కీలకమైన 4 వికెట్లు కూలాయి. ఇంకా బోలెడు ఓవర్లున్నా... పెద్ద లక్ష్యం... కానీ చేతిలో ఉన్న 6 వికెట్లలో బ్యాటర్స్‌ ముగ్గురే! ఇక గెలుపే కష్టమనుకున్న దశలో నింపాదిగా ఆడుతున్న పంత్‌కు జతయిన హార్దిక్‌ ధాటిగా ఆడాడు. ఈ క్రమంలోనే పాండ్యా 43 బంతుల్లో, పంత్‌ 71 బంతుల్లో ఫిఫ్టీలు పూర్తి చేసుకున్నారు. ఐదో వికెట్‌కు 133 పరుగుల భాగస్వామ్యం జోడించడంతో స్కోరు 200 దాటింది. కాసేపటికే పాండ్యా అవుటైనా... జడేజా (7 నాటౌట్‌) అండతో 106 బంతుల్లో (10 ఫోర్లు, 2 సిక్స్‌లు) సెంచరీ సాధించిన పంత్‌... విల్లే వేసిన 42వ ఓవర్లో వరుసగా 5 ఫోర్లు బాదాడు. ఆ తర్వాతి ఓవర్‌ తొలి బంతికే పంత్‌ మరో బౌండరీ కొట్టి భారత్‌ను విజయతీరానికి చేర్చాడు. (ఫొటో గ్యాలరీ కోసం ఇక్కడ క్లిక్ చేయండి) స్కోరు వివరాలు ఇంగ్లండ్‌ ఇన్నింగ్స్‌: రాయ్‌ (సి) పంత్‌ (బి) పాండ్యా 41; బెయిర్‌స్టో (సి) అయ్యర్‌ (సబ్‌) (బి) సిరాజ్‌ 0; రూట్‌ (సి) రోహిత్‌ (బి) సిరాజ్‌ 0; స్టోక్స్‌ (సి అండ్‌ బి) పాండ్యా 27; బట్లర్‌ (సి) జడేజా (బి) పాండ్యా 60; అలీ (సి) పంత్‌ (బి) జడేజా 34; లివింగ్‌స్టోన్‌ (సి) జడేజా (బి) పాండ్యా 27; విల్లే (సి) సూర్యకుమార్‌ (బి) చహల్‌ 18; ఓవర్టన్‌ (సి) కోహ్లి (బి) చహల్‌ 32; కార్స్‌ (నాటౌట్‌) 3; టాప్లీ (బి) చహల్‌ 0; ఎక్స్‌ట్రాలు 17; మొత్తం (45.5 ఓవర్లలో ఆలౌట్‌) 259. వికెట్ల పతనం: 1–12, 2–12, 3–66, 4–74, 5–149, 6–198, 7–199, 8–247, 9–257, 10–259. బౌలింగ్‌: షమీ 7–0–38–0, సిరాజ్‌ 9–1–66–2, ప్రసిధ్‌కృష్ణ 9–0–48–0, హార్దిక్‌ పాండ్యా 7–3–24–4, చహల్‌ 9.5–0–60–3, జడేజా 4–0–21–1. భారత్‌ ఇన్నింగ్స్‌: రోహిత్‌ (సి) రూట్‌ (బి) టాప్లీ 17; ధావన్‌ (సి) రాయ్‌ (బి) టాప్లీ 1; కోహ్లి (సి) బట్లర్‌ (బి) టాప్లీ 17; పంత్‌ (నాటౌట్‌) 125; సూర్యకుమార్‌ (సి)బట్లర్‌ (బి) ఓవర్టన్‌ 16; పాండ్యా (సి) స్టోక్స్‌ (బి) కార్స్‌ 71; జడేజా (నాటౌట్‌) 7; ఎక్స్‌ట్రాలు 7; మొత్తం (42.1 ఓవర్లలో 5 వికెట్లకు) 261. వికెట్ల పతనం: 1–13, 2–21, 3–38, 4–72, 5–205. బౌలింగ్‌: టాప్లీ 7–1–35–3, విల్లే 7–0–58–0, కార్స్‌ 8–0–45–1, అలీ 8–0–33–0, ఓవర్టన్‌ 8–0–54–1, స్టోక్స్‌ 2–0–14–0, లివింగ్‌స్టోన్‌ 2–0–14–0, రూట్‌ 0.1–0–4–0.

మాంచెస్టర్‌: ఇంగ్లండ్‌ గడ్డపై భారత జట్టు పర్యటన చివరి అంకానికి చేరింది. గత ఏడాది అర్ధాంతరంగా ఆగిన టెస్టు సిరీస్‌ను ఈ నెలారంభంలో ఓటమితో ముగించిన టీమిండియా ఆపై టి20 సిరీస్‌ను తమ ఖాతాలో వేసుకుంది. వన్డే సిరీస్‌లో రెండు మ్యాచ్‌లు ముగిసేసరికి ఇరు జట్ల సమంగా నిలిచిన స్థితిలో ఆఖరి పోరు నిర్ణయాత్మకంగా మారింది. ఈ నేపథ్యంలో నేడు జరిగే మూడో వన్డేలో సత్తా చాటేందుకు భారత్, ఇంగ్లండ్‌ సన్నద్ధమయ్యాయి. తొలి మ్యాచ్‌ను 10 వికెట్ల తేడాతో గెలిచి రెండో మ్యాచ్‌లో 100 పరుగులతో ఓడిన రోహిత్‌ సేన చివరి సమరంలో సత్తా చాటుతుందా చూడాలి.   ధావన్‌పై దృష్టి... గత మ్యాచ్‌లో ఓడినా భారత బ్యాటింగ్‌ ఆర్డర్‌ విషయంలో ఎలాంటి మార్పులు ఉండకపోవచ్చు. రోహిత్‌ శర్మ బ్యాటింగ్‌ మరో సారి కీలకం కానుండగా, అన్ని వైపులనుంచి విమర్శలు ఎదుర్కొంటున్న విరాట్‌ కోహ్లి తన ఫేవరెట్‌ ఫార్మాట్‌లో ఎలా ఆడతాడనేది ఆసక్తికరం. రాబోయే వెస్టిండీస్‌ టూర్‌నుంచి కూడా దూరంగా ఉండనున్న కోహ్లి తన అసలు స్థాయి చూపేందుకు ఈ మ్యాచ్‌ సరైన అవకాశం కల్పిస్తోంది. అతను ఇక్కడ చెలరేగితే తిరుగుండదు. అయితే శిఖర్‌ ధావన్‌ ఆట కూడా ఆందోళన కలిగిస్తోంది. వచ్చే టూర్‌కు కెప్టెన్‌గా కూడా వ్యవహరించనున్న ధావన్‌ తన పాత శైలిలో దూకుడుగా ఆడలేకపోతున్నాడు. తొలి వన్డేలో 54 బంతుల్లో 31 పరుగులు చేసిన అతను తర్వాతి మ్యాచ్‌లో 9 పరుగులు చేసేందుకు 26 బంతులు తీసుకున్నాడు. రోహిత్, ధావన్‌ సమష్టిగా చెలరేగితే భారత్‌కు శుభారంభం లభిస్తుంది. మిడిలార్డర్‌లో పంత్‌ తన దూకుడును ప్రదర్శించాల్సి ఉంది. సూర్యకుమార్, హార్దిక్, జడేజా మరోసారి బ్యాటింగ్‌లో కీలకం కానున్నారు. అయితే గత కొంత కాలంగా బౌలర్‌గా పూర్తిగా విఫలమవుతున్న జడేజా ఏమాత్రం ప్రభావం చూపిస్తాడో చూడాలి. బౌలింగ్‌లో బుమ్రా, షమీ ఖాయం కాగా గత మ్యాచ్‌లో 4 వికెట్లు తీసిన చహల్‌ మరోసారి ఇంగ్లండ్‌ బౌలర్లపై ఆధిపత్యం ప్రదర్శించగలడు. ప్రసిధ్‌ ఆకట్టుకున్నా...బ్యాటింగ్‌ను మరింత బలంగా మార్చేందుకు అతని స్థానంలో శార్దుల్‌ను ప్రయత్నించే అవకాశం ఉంది.   అందరూ అంతంతే... పేసర్‌ రీస్‌ టాప్లీ ఆరు వికెట్ల అద్భుత ప్రదర్శన ఇంగ్లండ్‌కు రెండో మ్యాచ్‌లో విజయాన్ని అందించింది కానీ లేకపోతే మరో పరాభవం మిగిలేది. ఘనత వహించిన బ్యాటింగ్‌ లైనప్‌ వరుసగా రెండో మ్యాచ్‌లోనూ విఫలమైంది. ఒక్క బ్యాటర్‌ కూడా రెండు మ్యాచ్‌లలోనూ చెప్పుకోదగ్గ ప్రదర్శన ఇవ్వలేకపోయాడు. స్వయంగా కెప్టెన్‌ బట్లర్‌ ఇబ్బందిపడుతుండగా, ఓపెనర్లు రాయ్, బెయిర్‌స్టో ప్రభావం చూపలేకపోతున్నారు. రూట్, స్టోక్స్‌ జట్టులోకి రావడంతో అదనంగా వచ్చిన ప్రయోజనం ఏమీ కనపడలేదు. లివింగ్‌స్టోన్‌ కూడా పెద్ద స్కోరు చేయాల్సి ఉంది. ఆల్‌రౌండర్లు విల్లీ, అలీ రెండో మ్యాచ్‌లో ఆదుకున్నారు. వీరిద్దరు ఈ సారి కూడా కీలక పాత్ర పోషించనున్నారు. బౌలింగ్‌లో టాప్లీతో పాటు ఇతర పేసర్లు రాణించాల్సి ఉంది. ఇంగ్లండ్‌ కూడా మార్పుల్లేకుండా అదే జట్టులో బరిలోకి దిగవచ్చు. పిచ్, వాతావరణం సాధారణ వికెట్‌. బ్యాటింగ్‌కు అనుకూలం. వర్షం సమస్య లేదు. ఓల్డ్‌ట్రఫోర్డ్‌ మైదానంలో గత 9 వన్డేల్లో ఎనిమిది సార్లు ముందుగా బ్యాటింగ్‌ చేసిన జట్లే గెలిచాయి.

కెరీర్‌లో దుర్భర దశను ఎదుర్కొంటున్న టీమిండియా మాజీ కెప్టెన్‌ విరాట్‌ కోహ్లి.. తన ఫామ్‌పై వస్తున్న విమర్శలకు అదిరిపోయే రేంజ్‌లో కౌంటరిచ్చాడు. తనపై అవాక్కులు చవాక్కులు పేలే వాళ్లకి రన్‌ మెషీన్‌ తనదైన స్టైల్లో  సమాధానం చెప్పాడు. ​డార్లింగ్‌.. నేను కింద పడితే ఏంటి.. నువ్వు పైకి ఎగిరితే ఏంటి..? అంటూ తనను టార్గెట్‌ చేసిన వారికి చురకత్తిలాంటి సూక్తితో బదులిచ్చాడు. ఈ కోట్‌ను కోహ్లి తన ట్విటర్‌ ఖాతాలో షేర్‌ చేయగా, ప్రస్తుతం ట్రెండింగ్‌లో ఉంది.  Perspective pic.twitter.com/yrNZ9NVePf — Virat Kohli (@imVkohli) July 16, 2022 కాగా, విరాట్‌ కోహ్లి 2019 నవంబర్‌ 22 తర్వాత అంతర్జాతీయ క్రికెట్‌లో మూడంకెల స్కోర్‌ చేసింది లేదు. అంతకుముందు కెరీర్‌లో 70 శతకాలు బాదిన రన్‌ మెషీన్‌.. ఈ మధ్యకాలంలో ఒక్క శతకం కూడా చేయలేకపోయాడు. దీంతో అతనిపై ముప్పేట దాడి మొదలైంది. చాలామంది వ్యతిరేకులు కోహ్లిని టీమిండియా నుంచి తప్పించాలని డిమాండ్‌ చేస్తున్నారు. ఈ నేపథ్యంలో కోహ్లి ఇన్‌స్టా వేదికగా విమర్శకుల నోళ్లు మూయించే ప్రయత్నం చేశాడు. తన ఫామ్‌పై ఎవ్వరూ నోటికి వచ్చినట్లు మాట్లాడవద్దని పరోక్ష సందేశాన్ని పంపాడు. ఇదిలా ఉంటే, కోహ్లి ఫామ్‌పై ఎవరికి ఇష్టం వచ్చినట్లు వారు విమర్శలు గుప్పిస్తుంటే.. టీమిండియా కెప్టెన్‌ రోహిత్‌శర్మ మాత్రం కింగ్‌ కోహ్లికి మద్దతుగా నిలిచాడు. కోహ్లిని కార్నర్‌ చేస్తున్న వారికి హిట్‌మ్యాన్‌ తనదైన శైలిలో బదులిస్తున్నాడు. తాజాగా పాక్‌ కెప్టెన్‌ బాబర్‌ ఆజమ్‌ కూడా కోహ్లికి అండగా నిలబడాలని నిర్ణయించుకున్నాడు. కోహ్లి తన ఫామ్‌ గురించి ఆందోళన చెందాల్సిన అవసరం లేదని హార్ట్ టచింగ్ ట్వీట్‌ను పోస్టు చేశాడు. చదవండి: Kohli poor form: విరాట్‌ కోహ్లికి ఏమైంది..?

కెప్టెన్‌ బాబర్‌ ఆజమ్‌ (105 నాటౌట్‌; 12 ఫోర్లు), ఇమామ్‌ (89 నాటౌట్‌; 6 ఫోర్లు, 1 సిక్స్‌) రాణించడంతో... ఆస్ట్రేలియాతో జరిగిన మూడో వన్డేలో పాకిస్తాన్‌ 9 వికెట్ల తేడాతో నెగ్గింది. మూడు మ్యాచ్‌ల సిరీస్‌ను పాక్‌ 2–1తో సొంతం చేసుకుంది. 2002 తర్వాత ఆస్ట్రేలియాపై పాక్‌ తొలిసారి వన్డే సిరీస్‌ దక్కించుకుంది. ముందుగా ఆసీస్‌ 41.5 ఓవర్లలో 210 పరుగులకు ఆలౌట్‌కాగా... పాక్‌ 37.5 ఓవర్లలో వికెట్‌ నష్టపోయి లక్ష్యాన్ని అందుకుంది.

కేప్‌టౌన్‌: రెండో వన్డేతో సిరీస్‌ పోయింది. ఇప్పుడు ఆఖరి ఓటమితో పరువు పోయింది. ఆదివారం జరిగిన చివరిదైన మూడో వన్డేలో భారత్‌ నాలుగు పరుగుల తేడాతో దక్షిణాఫ్రికా చేతిలో పరాజయం పాలై సిరీస్‌ను 0–3తో చేజార్చుకుంది. మొదట దక్షిణాఫ్రికా 49.5 ఓవర్లలో 287 పరుగుల వద్ద ఆలౌటైంది. ఓపెనర్‌ డికాక్‌ (124; 12 ఫోర్లు, 2 సిక్స్‌లు) సెంచరీ సాధించాడు. డసెన్‌ (52; 4 ఫోర్లు, 1 సిక్స్‌) రాణించాడు. తర్వాత లక్ష్యఛేదనకు దిగిన భారత్‌ 49.2 ఓవర్లలో 283 పరుగుల వద్ద ఆలౌటైంది. ఓపెనర్‌ ధావన్‌ (61; 5 ఫోర్లు, 1 సిక్స్‌), కోహ్లి (65; 5 ఫోర్లు) అర్ధసెంచరీలతో రాణించారు. 32వ ఓవర్లో జట్టు స్కోరు 156 పరుగుల వద్ద కోహ్లి అవుట్‌ కావడంతోనే క్లీన్‌స్వీప్‌ ఖాయమైనప్పటికీ... దీపక్‌ చహర్‌ (34 బంతుల్లో 54; 5 ఫోర్లు, 2 సిక్సర్లు) మెరుపు బ్యాటింగ్‌తో గెలుపుబాట పట్టింది. 18 బంతుల్లో భారత్‌ విజయానికి 10 పరుగులు అవసరమైన దశలో 48వ ఓవర్‌ తొలి బంతికి చహర్‌ను ఎన్‌గిడి బోల్తా కొట్టించడంతో టీమిండియా ఓడిపోయేందుకు ఎక్కువసేపు పట్టలేదు. స్కోరు వివరాలు దక్షిణాఫ్రికా ఇన్నింగ్స్‌: డికాక్‌ (సి) ధావన్‌ (బి) బుమ్రా 124; మలాన్‌ (సి) పంత్‌ (బి) చహర్‌ 1; బవుమా (రనౌట్‌) 8; మార్క్‌రమ్‌ (సి) సబ్‌–రుతురాజ్‌ (బి) చహర్‌ 15; డసెన్‌ (సి) శ్రేయస్‌ (బి) చహల్‌ 52; మిల్లర్‌ (సి) కోహ్లి (బి) ప్రసిధ్‌ కృష్ణ 39; ఫెలుక్‌వాయో (రనౌట్‌) 4; ప్రిటోరియస్‌ (సి) సూర్యకుమార్‌ (బి) ప్రసిధ్‌ కృష్ణ 20, కేశవ్‌ (సి) కోహ్లి (బి) బుమ్రా 6; మగాలా (సి) రాహుల్‌ (బి) ప్రసిధ్‌ కృష్ణ 0; ఎన్‌గిడి (నాటౌట్‌) 0; ఎక్స్‌ట్రాలు 18; మొత్తం (49.5 ఓవర్లలో ఆలౌట్‌) 287. వికెట్ల పతనం: 1–8, 2–34, 3–70, 4–214, 5–218, 6–228, 7–272, 8–282, 9–287, 10–287. బౌలింగ్‌: దీపక్‌ చహర్‌ 8–0–53–2, బుమ్రా 10–0–52–2, ప్రసిధ్‌ కృష్ణ 9.5–0–59–3, జయంత్‌ యాదవ్‌ 10–0–53–0, చహల్‌ 9–0–47–1, శ్రేయస్‌ అయ్యర్‌ 3–0–21–0. భారత్‌ ఇన్నింగ్స్‌: రాహుల్‌ (సి) మలాన్‌ (బి) ఎన్‌గిడి 9; ధావన్‌ (సి) డికాక్‌ (బి) ఫెలుక్‌వాయో 61; కోహ్లి (సి) బవుమా (బి) కేశవ్‌ 65; పంత్‌ (సి) మగాలా (బి) ఫెలుక్‌వాయో 0; శ్రేయస్‌ అయ్యర్‌ (సి) ఫెలుక్‌వాయో (బి) మగాలా 26; సూర్యకుమార్‌ (సి) బవుమా (బి) ప్రిటోరియస్‌ 39; దీపక్‌ చహర్‌ (సి) ప్రిటోరియస్‌ (బి) ఎన్‌గిడి 54; జయంత్‌ (సి) బవుమా (బి) ఎన్‌గిడి 2; బుమ్రా (సి) బవుమా (బి) ఫెలుక్‌వాయో 12; చహల్‌ (సి) మిల్లర్‌ (బి) ప్రిటోరియస్‌ 2; ప్రసిధ్‌ కృష్ణ (నాటౌట్‌) 2; ఎక్స్‌ట్రాలు 11; మొత్తం ( 49.2 ఓవర్లలో ఆలౌట్‌) 283. వికెట్ల పతనం: 1–18, 2–116, 3–118, 4–156, 5–195, 6–210, 7–223, 8–278, 9–281, 10–283. బౌలింగ్‌: ఎన్‌గిడి 10–0–58–3, ప్రిటోరియస్‌ 9.2–0– 54–2, మగాలా 10–0–69–1, కేశవ్‌ మహరాజ్‌ 10–0–39–1, ఫెలుక్‌వాయో 7–0–40–3, మార్క్‌రమ్‌ 3–0–21–0.

Vamika First Photo Goes Viral: దక్షిణాఫ్రికాతో మూడో వన్డే సందర్భంగా టీమిండియా మాజీ కెప్టెన్ విరాట్ కోహ్లి కుమార్తె వామికా లైవ్‌లో దర్శనమిచ్చింది. స్టాండ్స్‌లో తల్లి అనుష్క శర్మ చేతుల్లో ఉండగా కెమెరా కంటికి చిక్కింది. ఈ ఫోటోలు, వీడియోలు ప్రస్తుతం సోషల్‌మీడియాలో వైరలవుతున్నాయి. ఇందులో వామిక ముఖం స్పష్టంగా కనిపించకపోవడంతో అభిమానులు నిరాశ పడుతున్నారు. కాగా, కోహ్లి దంపతులు మొదటి నుంచి చిన్నారి వామిక ముఖాన్ని  మీడియా కంట పడకుండా జాగ్రత్త పడుతున్న సంగతి తెలిసిందే. కోహ్లి-అనుష్క దంపతులకు వామిక.. గతేడాది జనవరి 11న జన్మించింది.  She is soo soo cute🥺❤️This one is for the baby❤️#ViratKohli #vamika #INDvsSAF pic.twitter.com/IyEvvSicqd— Ananya Sharma (@Theananyasharma) January 23, 2022 చదవండి: "కోహ్లిని బలవంతంగా తప్పుకునేలా చేశారు.." పాక్‌ మాజీ బౌలర్‌ సంచలన వ్యాఖ్యలు

Virat Kohli Slammed For Chewing Gum During National Anthem: దక్షిణాఫ్రికాతో మూడో వన్డేకి ముందు భారత జాతీయ గీతాలాపన సందర్భంగా టీమిండియా మాజీ కెప్టెన్‌ విరాట్‌ కోహ్లి చేసిన పనికి భారత అభిమానులు తీవ్రంగా హర్ట్‌ అవుతున్నారు. ఆన్‌ ఫీల్డ్‌ ప్రవర్తన ఎలా ఉన్నా, దేశం పట్ల అమితమైన గౌరవం కలిగిన కోహ్లి.. మ్యాచ్‌ ఆరంభానికి ముందు జరిగిన జాతీయ గీతాలాపన సమయంలో చూయింగ్‌ గమ్‌ నములుతూ ఉదాసీనంగా కనిపించాడు. గతంలో ఎన్నడూ లేని విధంగా కోహ్లి వింతగా ప్రవర్తించడంతో భారతీయులు ఆశ్చర్యానికి గురవుతున్నారు.  Virat Kohli busy chewing something while National Anthem is playing. Ambassador of the nation.@BCCI pic.twitter.com/FiOA9roEkv — Vaayumaindan (@bystanderever) January 23, 2022 ఆన్‌ ఫీల్డ్‌(బ్యాటింగ్‌ ఫామ్‌), ఆఫ్‌ ద ఫీల్డ్‌(కెప్టెన్సీ విషయంలో బీసీసీఐతో గొడవ) విషయాలు పక్కకు పెట్టి మరీ అతనిపై విరుచుకుపడుతున్నారు. జాతీయ గీతం ఆలపించేప్పుడు ఒళ్లు దగ్గర పెట్టుకుని ప్రవర్తించాలని ఫైరవుతున్నారు. కోహ్లి నుంచి ఇలాంటి అనుచిత ప్రవర్తన ఊహించలేదని కామెంట్లు చేస్తున్నారు. జాతీయ జట్టుకు ఆడడం ఇష్టం లేకపోతే తప్పుకోవాలని ధ్వజమెత్తుతున్నారు. ఈ విషయంపై ప్రస్తుతం సోషల్‌మీడియాలో జోరుగా చర్చ సాగుతుంది.  కాగా, టీమిండియా కెప్టెన్సీకి గుడ్‌బై చెప్పాక కోహ్లి ప్రవర్తనలో చాలా మార్పు కనిపిస్తుంది. ఎప్పుడూ కసిగా కనిపించే కోహ్లిలో ఆ ఫైర్‌ మిస్‌ అవుతున్నట్లు స్పష్టంగా తెలుస్తోంది. మైదానంలో, డ్రెసింగ్‌ రూమ్‌లో పట్టీపట్టనట్లుగా వ్యవహరిస్తున్నాడు. కోహ్లి ఇలా మారడానికి బీసీసీఐ అతని పట్ల వ్యవహరిస్తున్న తీరే కారణమని అతని అభిమానులు బహిరంగంగానే చర్చించుకుంటున్నారు. గంగూలీ, జై షాలు జట్టు నుంచి సైతం తప్పిస్తామని వార్నింగ్‌లు ఇచ్చారని, అందుకే కోహ్లి ఇలా ఉదాసీనంగా వ్యవహరిస్తున్నాడని గుసగుసలాడుకుంటున్నారు.  ఇదిలా ఉంటే, టీ20 వరల్డ్ కప్ 2021 అనంతరం పొట్టి ఫార్మాట్‌ సారధ్య బాధ్యతల నుంచి తప్పుకుంటున్నట్లు ప్రకటించిన కోహ్లికి.. దక్షిణాఫ్రికా పర్యటనకు బయల్దేరే ముందు బీసీసీఐ ఊహించని షాకిచ్చింది. పరిమిత ఓవర్ల ఫార్మాట్‌లో ఇద్దరు కెప్టెన్లు ఉండకూడదనే కారణంగా అతని వన్డే కెప్టెన్సీని కూడా లాక్కుంది. తాజాగా దక్షిణాఫ్రికా చేతిలో టెస్ట్‌ సిరీస్‌ ఓటమి అనంతరం అతనే స్వయంగా టెస్ట్‌ సారధ్య బాధ్యతల నుంచి తప్పుకున్నాడు.  చదవండి: ఇన్ని రోజులు కెప్టెన్‌గా ఉన్నావు కాబట్టి నడిచింది.. ఇకపై కుదరదు..!

Harbhajan Singh Warns Virat Kohli Over Batting Form: గత రెండేళ్లుగా ఫామ్‌ లేమితో సతమతమవుతున్న టీమిండియా మాజీ కెప్టెన్‌ విరాట్‌ కోహ్లిని భారత మాజీ స్పిన్నర్‌ హర్బజన్‌ సింగ్‌ గట్టిగా హెచ్చరించాడు. ఇన్ని రోజులు కెప్టెన్‌ హోదాలో ఉన్నావు కాబట్టి నడిచిందని, ఇకపై రాణించకపోతే జట్టులో స్థానం కూడా గల్లంతవుతుందని అలర్ట్‌ చేశాడు. ప్రస్తుత పరిస్థితుల్లో జట్టులో స్థానం కోసం విపరీతమైన పోటీ నెలకొందని, ఇది దృష్టిలో పెట్టుకుని బ్యాటింగ్‌ చేయాలని సూచించాడు.  త్వరలో ఐపీఎల్‌ 2022 ప్రారంభంకానుండగా, క్యాష్‌ రిచ్‌ లీగ్‌లో రాణించే దేశీయ ఆటగాళ్లు సైతం టీమిండియాలో స్థానం కోసం పోటీపడతారని, వీరి నుంచి కూడా కోహ్లి స్థానానికి ముప్పు పొంచి ఉందని వార్నింగ్‌ ఇచ్చాడు. ఎంతటి ఘన చరిత్ర కలిగిన ఆటగాడికైనా మంచి ప్రదర్శనలే జట్టులో స్థానం కల్పిస్తాయని, కోహ్లి అందుకు అతీతుడేమీ కాదని అభిప్రాయపడ్డాడు. గతంలో దిగ్గజ క్రికెటర్లు సైతం జట్టులో స్థానం కోల్పోయిన విషయాన్ని ప్రస్తావించాడు.  ఐదు నెలల క్రితం వరకు కోహ్లి అన్ని ఫార్మాట్లలో జట్టు కెప్టెన్‌గా ఉన్నాడని, జట్టు ఎంపికలో కెప్టెన్‌కే మొదటి ప్రాధాన్యత ఉంటుంది కాబట్టి ఫామ్‌తో సంబంధం లేకుండా తుది జట్టులో ఉన్నాడని, ప్రస్తుతం ఆ పరిస్థితి లేదన్న విషయాన్ని కోహ్లి గ్రహించాలని సూచించాడు. ప్రస్తుత పరిస్థితుల దృష్ట్యా కోహ్లిపై ఒత్తిడి సహజమేనని, అయితే ఇలాంటి విపత్కర పరిస్థితులను అధిగమించడం అతనికి వెన్నతో పెట్టిన విద్య అని పేర్కొన్నాడు. కాగా, విరాట్‌ కోహ్లి.. గత రెండేళ్లుగా బ్యాటింగ్‌లో గడ్డు పరిస్థితులను ఎదుర్కొంటున్న సంగతి తెలిసిందే. ఈ మధ్యకాలంలో అతను ఒక్క సెంచరీ కూడా సాధించలేకపోయాడు.  ఇదిలా ఉంటే, టీ20 వరల్డ్ కప్ 2021 అనంతరం పొట్టి ఫార్మాట్‌ సారధ్య బాధ్యతల నుంచి తప్పుకుంటున్నట్లు ప్రకటించిన కోహ్లికి.. దక్షిణాఫ్రికా పర్యటనకు బయల్దేరే ముందు బీసీసీఐ ఊహించని షాకిచ్చింది. పరిమిత ఓవర్ల ఫార్మాట్‌లో ఇద్దరు కెప్టెన్లు ఉండకూడదనే కారణంగా అతని వన్డే కెప్టెన్సీని లాక్కుంది. తాజాగా దక్షిణాఫ్రికా చేతిలో టెస్ట్‌ సిరీస్‌ ఓటమి అనంతరం అతను టెస్ట్‌ సారధ్య బాధ్యతల నుంచి కూడా తప్పుకోవడంతో జట్టులో సాధారణ ఆటగాడిగా కొనసాగుతున్నాడు.  చదవండి: IPL 2022: అందుకే స్టొయినిస్‌ను ఎంపిక చేశారు: గంభీర్‌

29 అక్టోబర్, 2017... ఆస్ట్రేలియా మహిళల జట్టు చివరిసారి వన్డేల్లో ఓడిన రోజు. ఆ మ్యాచ్‌ తర్వాత ఆ్రస్టేలియా జైత్రయాత్ర మొదలైంది. ఒకటి కాదు.. రెండు కాదు... మూడు కాదు... వరుసగా 26 వన్డేల్లో ఆ జట్టు గెలుస్తూ వచి్చంది. పురుషుల, మహిళల క్రికెట్‌లో ఏ జట్టుకూ సాధ్యంకాని ఘనతను సాధించింది. ఎట్టకేలకు 3 సంవత్సరాల 11 నెలల తొమ్మిది రోజుల తర్వాత మళ్లీ ఆస్ట్రేలియా మహిళల జట్టు వన్డేల్లో ఓటమి చవిచూసింది. రెండో వన్డేలో చివరి బంతికి ఓడిపోయిన బాధను అధిగమిస్తూ... సిరీస్‌ను కోల్పోయిన విషయాన్ని విస్మరిస్తూ... మిథాలీ రాజ్‌ నాయకత్వంలోని భారత జట్టు చివరిదైన మూడో వన్డేలో పోరాడితే పోయేదేమీ లేదన్నట్లుగా దూకుడుగా ఆడింది. మూడు బంతులు మిగిలి ఉండగా 265 పరుగుల భారీ లక్ష్యాన్ని ఛేదించి విజయాన్ని అందుకుంది. ఈ క్రమంలో టీమిండియా తమ వన్డే చరిత్రలోనే అత్యధిక లక్ష్యాన్ని ఛేదించిన రికార్డును సృష్టించింది. దాదాపు నాలుగేళ్లుగా ఓటమి ఎరుగని ఆస్ట్రేలియాకు పరాజయం రుచి చూపించింది. చివరి వన్డేలో ఓడినా ఆస్ట్రేలియా 2–1తో సిరీస్‌ను సొంతం చేసుకుంది. మెకాయ్‌ (క్వీన్స్‌లాండ్‌): తొలి రెండు మ్యాచ్‌ల్లో ఓడి డీలాపడ్డ భారత మహిళల జట్టు చివరి వన్డేలో మాత్రం రికార్డు ఛేదనతో అదరగొట్టింది. 265 పరుగుల లక్ష్యంతో బ్యాటింగ్‌కు దిగిన భారత్‌ 49.3 ఓవర్లలో 8 వికెట్లు నష్టపోయి 266 పరుగులు చేసి రెండు వికెట్ల తేడాతో నెగ్గింది. వన్డేల్లో భారత్‌కిదే అత్యధిక ఛేదన కావడం విశేషం. మరోవైపు వరుసగా 26 వన్డేల్లో నెగ్గిన ఆ్రస్టేలియాకు ఇదే తొలి పరాజయం. తొలి రెండు వన్డేల్లో నెగ్గిన ఆ్రస్టేలియా సిరీస్‌ను 2–1తో కైవసం చేసుకుంది. రెండు జట్ల మధ్య ఈనెల 30న ఏకైక టెస్టు (డే/నైట్‌) మొదలవుతుంది.   శుభారంభం... టాస్‌ గెలిచిన ఆ్రస్టేలియా తొలుత బ్యాటింగ్‌ ఎంచుకుంది. నిరీ్ణత 50 ఓవర్లలో 9 వికెట్లకు 264 పరుగులు చేసింది. యాష్లే గార్డ్‌నర్‌ (62 బంతుల్లో 62; 8 ఫోర్లు, 2 సిక్స్‌లు), బెత్‌ మూనీ (64 బంతుల్లో 52; 6 ఫోర్లు), తహిలా మెక్‌గ్రాత్‌ (32 బంతుల్లో 47; 7 ఫోర్లు) రాణించారు. ‘ప్లేయర్‌ ఆఫ్‌ ద మ్యాచ్‌’ జులన్‌ గోస్వామి, పూజా వస్త్రాకర్‌ చెరో మూడు వికెట్లు తీశారు. భారీ లక్ష్యంతో బరిలోకి దిగిన భారత్‌కు ఓపెనర్లు షఫాలీ వర్మ (91 బంతుల్లో 56; 7 ఫోర్లు), స్మృతి మంధాన (25 బంతుల్లో 22; 3 ఫోర్లు) తొలి వికెట్‌కు 59 పరుగులు జోడించి శుభారంభం ఇచ్చారు. అనంతరం యస్తిక భాటియా (69 బంతుల్లో 64; 9 ఫోర్లు) కీలక ఇన్నింగ్స్‌ ఆడింది. షఫాలీ, యస్తిక రెండో వికెట్‌కు 101 పరుగుల భాగస్వామ్యం జత చేశారు. ఈ క్రమంలో షఫాలీ, యస్తిక వన్డేల్లో తమ తొలి అర్ధ సెంచరీలను సాధించారు. షఫాలీ అవుటయ్యాక రిచా ఘోష్‌ (0), యస్తిక, పూజా వ్రస్తాకర్‌ (3), కెపె్టన్‌ మిథాలీ రాజ్‌ (16) వెంట వెంటనే అవుటవ్వడంతో భారత శిబిరంలో ఆందోళన నెలకొంది. అయితే దీప్తి శర్మ (30 బంతుల్లో 31; 3 ఫోర్లు), స్నేహ్‌ రాణా (27 బంతుల్లో 30; 5 ఫోర్లు) నిలబడి భారత్‌ను విజయం దిశగా నడిపించారు. అయితే ఓవర్‌ తేడాలో వీరిద్దరూ పెవిలియన్‌కు చేరడంతో మళ్లీ ఉత్కంఠ పెరిగింది. ఈ దశలో జులన్‌ గోస్వామి (7 బంతుల్లో 8 నాటౌట్‌; 1 ఫోర్‌), మేఘన సింగ్‌ (3 బంతుల్లో 2 నాటౌట్‌) ఒత్తిడికి లోనుకాకుండా ఆడి మూడు బంతులు మిగిలి ఉండగానే భారత్‌కు విజయాన్ని అందించారు. చివరి ఓవర్లో భారత్‌ విజయానికి 4 పరుగులు అవసరమయ్యాయి. ఆసీస్‌ స్పిన్నర్‌ మోలినెక్స్‌ వేసిన ఈ ఓవర్‌ తొలి బంతికి మేఘన పరుగు తీయలేదు. రెండో బంతికి సింగిల్‌ తీసి జులన్‌ గోస్వామికి స్ట్రయిక్‌ ఇచి్చంది. మూడో బంతిని జులన్‌ గోస్వామి ముందుకు వచ్చి స్ట్రయిట్‌ లాఫ్టెడ్‌ షాట్‌ కొట్టింది. బంతి బౌండరీ దాటింది. భారత్‌కు విజ యం ఖాయమైంది. రెండో వన్డేలో జులన్‌ గోస్వామి వేసిన చివరి ఓవర్లోనే భారత్‌ ఓటమి చవిచూడగా... మూడో వన్డేలో జులన్‌ గోస్వామియే భారత్‌కు విజయాన్ని కట్టబెట్టింది. తాజా గెలుపుతో భారత్‌ 2019లో వదోదరాలో దక్షిణాఫ్రికాపై ఛేదించిన 248 పరుగుల లక్ష్యం రికార్డును సవరించింది. సంక్షిప్త స్కోర్లు ఆ్రస్టేలియా ఇన్నింగ్స్‌: 264/9 (అలీసా హీలీ 35, ఎలీస్‌ పెర్రీ 26, బెత్‌ మూనీ 52, యాష్లే గార్డ్‌నర్‌ 67, తహిలా మెక్‌గ్రాత్‌ 47, జులన్‌ గోస్వామి 3/37, పూజా వస్త్రాకర్‌ 3/46); భారత్‌ ఇన్నింగ్స్‌: 266/8 (49.3 ఓవర్లలో) (షఫాలీ వర్మ 56, స్మృతి మంధాన 22, యస్తిక భాటియా 64, దీప్తి శర్మ 31, స్నేహ్‌ రాణా 30, అనాబెల్‌ సదర్లాండ్‌ 3/30). ఈ విజయంతో చాలా ఆనందంగా ఉన్నాం. భారత్‌లో భారత్‌పైనే ఆస్ట్రేలియా వరుస విజయాల పరంపర మొదలైంది. ఆసీస్‌ విజయాలకు మనమే అడ్డకట్ట వేయగలమని జట్టు సభ్యులకు చెబుతూ వచ్చాను. చివరికి అమ్మాయిలు నిజం చేసి చూపించారు. షఫాలీ, యస్తిక, స్నేహ్‌ రాణా అద్భుతంగా ఆడారు.  – మిథాలీ రాజ్‌  

కొలంబో: ఇప్పటికే సిరీస్‌ను చేజార్చుకున్న శ్రీలంక జట్టుకు ఓదార్పు విజయం దక్కింది. సొంతగడ్డపై భారత్‌ చేతిలో 10 మ్యాచ్‌ల పరాజయాల పరంపరకు తెరదించుతూ ఎట్టకేలకు శ్రీలంక విజయాన్ని అందుకుంది. శుక్రవారం జరిగిన చివరిదైన మూడో వన్డేలో శ్రీలంక మూడు వికెట్ల తేడాతో టీమిండియాను ఓడించింది. తొలి రెండు మ్యాచ్‌ల్లో నెగ్గిన భారత్‌ సిరీస్‌ను 2–1తో సొంతం చేసుకుంది. తొలుత భారత్‌ 43.1 ఓవర్లలో 225 పరుగులకు ఆలౌటైంది. ఓపెనర్‌ పృథ్వీ షా (49 బంతుల్లో 49; 8 ఫోర్లు), అరంగేట్రం చేసిన సంజూ సామ్సన్‌ (46 బంతుల్లో 46; 5 ఫోర్లు, 1 సిక్స్‌), సూర్యకుమార్‌ యాదవ్‌ (37 బంతుల్లో 40; 7 ఫోర్లు) రాణించారు. అకిల ధనంజయ, ప్రవీణ్‌ జయవిక్రమ చెరో మూడు వికెట్లు సాధించి భారత్‌ను తక్కువ స్కోరుకే కట్డడి చేశారు. ఛేజింగ్‌లో శ్రీలంక 39 ఓవర్లలో 7 వికెట్లు నష్టపోయి 227 పరుగులు చేసి నెగ్గింది. ‘మ్యాన్‌ ఆఫ్‌ ద మ్యాచ్‌’ అవిష్క ఫెర్నాండో (98 బంతుల్లో 76; 4 ఫోర్లు, 1 సిక్స్‌), భానుక రాజపక్స (56 బంతుల్లో 65; 12 ఫోర్లు) అర్ధ సెంచరీలతో జట్టుకు గెలుపు బాటలు వేశారు. సూర్యకుమార్‌కు ‘మ్యాన్‌ ఆఫ్‌ ద సిరీస్‌’ అవార్డు దక్కింది. రెండు జట్ల మధ్య మూడు మ్యాచ్‌ల టి20 సిరీస్‌ ఆదివారం మొదలవుతుంది.   ఆ ముగ్గురు మినహా... టాస్‌ గెలిచిన భారత్‌ బ్యాటింగ్‌ను ఎంచుకుంది. పృథ్వీ షా, సామ్సన్, సూర్యకుమార్‌ మినహా మిగిలిన బ్యాట్స్‌మెన్‌ విఫలమయ్యారు. మనీశ్‌ పాండే (11), హార్దిక్‌ (19; 3 ఫోర్లు) నిరాశ పరిచారు. సూర్యకుమార్‌ మరోసారి నిలకడగా బ్యాటింగ్‌ చేశాడు. అతడు ధాటిగా ఆడటంతో  భారత్‌ భారీ స్కోరు చేసేలా కనిపించింది. 31వ ఓవర్‌లో అకిల ధనంజయ వేసిన బంతి సూర్యకుమార్‌ ప్యాడ్‌లను తాకగా... అతడు ఎల్బీ కోసం అప్పీల్‌ చేశాడు. అంపైర్‌ ధర్మసేన ఆ అప్పీల్‌ను తిరస్కరించడంతో శ్రీలంక రివ్యూకి వెళ్లింది. అక్కడ అవుట్‌గా తేలడంతో సూర్యకుమార్‌ పెవిలియన్‌ బాట పట్టాడు. ఆ తర్వాత టీమిండియా ఇన్నింగ్స్‌ ముగియడానికి ఎంతోసేపు పట్టలేదు. భారత్‌ 68 పరుగుల వ్యవధిలో చివరి 7 వికెట్లను చేజార్చుకుంది. కీలక భాగస్వామ్యం శ్రీలంక విజయం సాధించాలంటే ఒక పెద్ద భాగస్వామ్యం అవసరం కాగా... ఆ జట్టు బ్యాట్స్‌మెన్‌ అవిష్క, రాజపక్స అదే చేశారు. మినోద్‌ భానుక (7; 1 ఫోర్‌) త్వరగా అవుటైనా సూపర్‌ ఫామ్‌లో ఉన్న అవిష్క మరోసారి కీలక ఇన్నింగ్స్‌ ఆడాడు. వీరు రెండో వికెట్‌కు 109 పరుగులు జోడించారు. ధావన్‌ మళ్లీ సకారియాను బౌలింగ్‌కు తీసుకురాగా... అతడు తన వరుస ఓవర్లలో రాజపక్స, ధనంజయ డిసిల్వా (2)లను అవుట్‌ చేసి ప్రత్యర్థిని ఒత్తిడిలోకి నెట్టాడు. ఆ తర్వాత రాహుల్‌ చహర్‌ షనక (0), అవిష్క, కరుణరత్నే (3)లను వెంటవెంటనే అవుట్‌ చేయడంతో మ్యాచ్‌పై ఉత్కంఠ నెలకొంది. అయితే క్రీజులో ఉన్న రమేశ్‌ మెండిస్‌ (15 నాటౌట్‌; 1 ఫోర్‌) విన్నింగ్‌ షాట్‌ కొట్టాడు. ఐదుగురు అరంగేట్రం ఈ మ్యాచ్‌లో భారత్‌ ఏకంగా ఆరు మార్పులు  చేసింది. ఇందులో ఐదుగురు (సామ్సన్, నితీశ్‌ రాణా, రాహుల్‌ చహర్, సకారియా, కృష్ణప్ప గౌతమ్‌) వన్డేల్లో అరంగేట్రం చేశారు. 1980 డిసెం బర్‌లో ఆస్ట్రేలియాతో జరిగిన వన్డేలో భారత్‌ దిలీప్‌ దోషి, కీర్తి ఆజాద్, రోజర్‌ బిన్నీ, సందీప్‌ పాటిల్, తిరుమలై శ్రీనివాసన్‌లను బరిలోకి దింపింది.   వానతో ఆటకు ఆటంకం భారత్‌ ఇన్నింగ్స్‌లో మ్యాచ్‌కు వరుణుడు అడ్డు తగిలాడు. ఇన్నింగ్స్‌ 22వ ఓవర్‌ ముగిసిన తర్వాత స్టేడియాన్ని వర్షం ముంచెత్తింది. దాదాపు మ్యాచ్‌ గంటా 40 నిమిషాల సేపు ఆగిపోయింది. దాంతో అంపైర్లు మ్యాచ్‌ను ఇన్నింగ్స్‌కు 47 ఓవర్ల చొప్పున కుదించారు. డక్‌వర్త్‌ పద్ధతిని అనుసరించిన అంపై ర్లు భారత్‌కు ఒక పరుగును అదనంగా చేర్చారు. దాంతో లంక టార్గెట్‌ 227 పరుగులుగా మారింది. స్కోరు వివరాలు భారత ఇన్నింగ్స్‌: పృథ్వీ షా (ఎల్బీ) (బి) షనక 49; ధావన్‌ (సి) మినోద్‌ (బి) చమీర 13; సామ్సన్‌ (సి) అవిష్క (బి) జయవిక్రమ 46; మనీశ్‌ (సి) మినోద్‌ (బి) జయవిక్రమ 11; సూర్యకుమార్‌ (ఎల్బీ) (బి) అకిల ధనంజయ 40; హార్దిక్‌ (ఎల్బీ) (బి) జయవిక్రమ 19; నితీశ్‌ రాణా (సి) మినోద్‌ (బి) అకిల ధనంజయ 7; కృష్ణప్ప గౌతమ్‌ (ఎల్బీ) (బి) అకిల ధనంజయ 2; రాహుల్‌ చహర్‌ (సి అండ్‌ బి) కరుణరత్నే 13; సైనీ (సి) అవిష్క (బి) చమీర 15; సకారియా (నాటౌట్‌) 0; ఎక్స్‌ట్రాలు: 10; మొత్తం (43.1 ఓవర్లలో ఆలౌట్‌) 225   వికెట్ల పతనం: 1–28, 2–102, 3–118, 4–157, 5–179, 6–190, 7–194, 8–195, 9–224, 10–225. బౌలింగ్‌: చమీర 8.1–0–55–2, అకిల ధనంజయ 10–0–44–3, కరుణరత్నే 6–0–25–1, జయవిక్రమ 10–0–59–3, షనక 8–0–33–1, రమేశ్‌ మెండిస్‌ 1–0–8–0.   శ్రీలంక ఇన్నింగ్స్‌: అవిష్క (సి) పృథ్వీ షా (బి) రాహుల్‌ చహర్‌ 76; మినోద్‌ (సి) సకారియా (బి) గౌతమ్‌ 7; రాజపక్స (సి) గౌతమ్‌ (బి) సకారియా 65; ధనంజయ డిసిల్వా (సి అండ్‌ బి) సకారియా 2; అసలంక (ఎల్బీ) (బి) హార్దిక్‌ 24; షనక (సి) మనీశ్‌ (బి) రాహుల్‌ చహర్‌ 0; రమేశ్‌ మెండిస్‌ (నాటౌట్‌) 15; కరుణరత్నే (స్టంప్డ్‌) (బి) రాహుల్‌ చహర్‌ 3; అకిల ధనంజయ (నాటౌట్‌) 5; ఎక్స్‌ట్రాలు: 30; మొత్తం (39 ఓవర్లలో 7 వికెట్లకు) 227 వికెట్ల పతనం: 1–35, 2–144, 3–151, 4–194, 5–195, 6–214, 7–220. బౌలింగ్‌: సైనీ 5–0–27–0, సకారియా 8–0–34–2, రాహుల్‌ చహర్‌ 10–0–54–3, కృష్ణప్ప గౌతమ్‌ 8–0–49–1, హార్దిక్‌ పాండ్యా 5–0–43–1, నితీశ్‌ రాణా 3–0–10–0.   అవిష్క, రాజపక్స 

కొలంబో: భారత్-శ్రీలంక మధ్య జరుగుతున్న మూడో వన్డేలో టాస్ సందర్భంగా ఓ ఆసక్తికర సన్నివేశం చోటు చేసుకుంది. సిరీస్‌లో వరుసగా రెండు సార్లు టాస్ ఓడిన టీమిండియా కెప్టెన్ శిఖర్ ధవన్ ఆఖరి మ్యాచ్‌లో టాస్ గెలవడంతో ఆనందం పట్టలేక తొడ కొట్టి తన ట్రేడ్ మార్క్ సెలెబ్రేషన్స్‌ చేసుకున్నాడు. ధవన్ సెలెబ్రేషన్స్‌కు లంక కెప్టెన్ డసన్ షనకతో పాటు మ్యాచ్ రిఫరి, కామెంటేటర్లు పగలబడి నవ్వారు. ప్రస్తుతం దీనికి సంబంధించిన వీడియో నెట్టింట హల్‌చల్ చేస్తోంది. టాస్ గెలిచినందుకే ఇంత హడావిడా అంటూ నెటిజన్లు కామెంట్ చేస్తున్నారు. ఇదేందయ్యా ఇది.. టాస్‌ గెలిస్తేనే ఇంత పని చేస్తావా..? అంటూ అభిమానులు సరదా వ్యాఖ్యలు చేశారు. #TeamIndia have won the toss and they will bat first #SLvIND pic.twitter.com/51qWQOtePK — Doordarshan Sports (@ddsportschannel) July 23, 2021 కాగా, ఈ మ్యాచ్‌లో టాస్ గెలిచిన గబ్బర్ బ్యాటింగ్ ఎంచుకున్నాడు. ఇప్పటికే మూడు వన్డేల సిరీస్‌ను 2-0తో కైవసం చేసుకోవడంతో ఈ మ్యాచ్‌లో బెంచ్ బలగానికి అవకాశం ఇస్తున్నామని తెలిపాడు. దాంతో జట్టులో ఆరు మార్పులు చోటు చేసుకున్నాయని.. మొత్తం ఐదుగురు క్రికెటర్లు అరంగేట్రం చేస్తున్నారని చెప్పుకొచ్చాడు. నవదీప్ సైనీతో పాటు అరంగేట్ర ఆటగాళ్లు సంజూ శాంసన్, నితీష్ రానా, కృష్ణప్ప గౌతమ్ చేతన్ సకారియా, రాహుల్ చాహర్ అవకాశం దక్కించుకున్నారన్నారు.  ఇదిలా ఉంటే, తొలుత బ్యాటింగ్‌ చేసిన భారత్‌కు ఆదిలోనే ఎదురుదెబ్బ తగిలింది. కెప్టెన్‌ ధవన్‌(13) తక్కువ స్కోర్‌కే అవుటయ్యాడు. అనంతరం పృథ్వీ షా(49), సంజూ సామ్సన్‌(46) కాసేపు నిలకడగా ఆడి జట్టు స్కోర్‌ను 100 పరుగుల మార్కు దాటించారు. అయితే 16 పరుగుల వ్యవధిలో ఈ ఇద్దరూ ఔట్‌ కావడంతో టీమిండియా కష్టాల్లో పడింది. అయితే మిడిలార్డర్‌ బ్యాట్స్‌మెన్లు మనీశ్‌ పాండే(15 బంతుల్లో 10), సూర్యకుమార్‌ యాదవ్‌(17 బంతుల్లో 22; 4 ఫోర్లు) నిలకడగా ఆడుతూ స్కోర్‌ బోర్డును ముందుకు తీసుకెళ్తున్న సమయంలో మ్యాచ్‌కు వర్షం అంతరాయం కలిగించింది. మ్యాచ్‌ ఆగిపోయే సమయానికి టీమిండియా 23 ఓవర్లలో 3 వికెట్ల నష్టానికి 147 పరుగులు చేసింది. లంక బౌలర్లలో శనక, జయవిక్రమ, చమీరా తలో వికెట్‌ పడగొట్టారు. 

శ్రీలంక విజయం కొలంబో వేదికగా జరిగిన మూడో వన్డేలో టీమిండియాపై శ్రీలంక జట్టు విజయం సాధించింది. 227 పరుగుల లక్ష్యంతో బరిలోకి దిగిన ఆతిథ్య జట్టు 7 వికెట్లు కోల్పోయి లక్ష్యాన్ని చేధించింది. దీంతో 3 వన్డేల సిరీస్‌ను భారత్‌ 2-1 తేడాతో కైవసం చేసుకుంది. శ్రీలంక జట్టులో అవిష్క ఫెర్నాండో 98 బంతుల్లో 76 పరుగులు సాధించి జట్టు విజయంలో కీలక పాత్ర పోషించాడు.  35 ఓవర్లు 211/5 35 ఓవర్లు ముగిసే సమయానికి శ్రీలంక 5 వికెట్లు కోల్పోయి 211 పరుగులు చేసింది. ఆతిథ్య జట్టు విజయం 72 బంతుల్లో 16 పరుగులు చేయాల్సి ఉంది.  మూడో వికెట్‌ కోల్పోయిన శ్రీలంక.. ధనంజయ డిసిల్వా(2) ఔట్‌ అరంగేట్రం బౌలర్‌ చేతన్‌ సకారియా వరుస ఓవర్లలో రెండు వికెట్లు పడగొట్టాడు. అప్పుడే క్రీజ్లోకి వచ్చిన ధనంజయ డిసిల్వా(9 బంతుల్లో 2)ను కాట్‌ అండ్‌ బౌల్డ్‌గా ఔట్‌ చేశాడు. 25 ఓవర్ల తర్వాత లంక స్కోర్‌ 151/3. లంక గెలవాలంటే 22 ఓవర్లలో 76 పరుగులు చేయాల్సి ఉంది. క్రీజ్లో ఫెర్నాండో(60), అసలంక(0) ఉన్నారు.  రెండో వికెట్‌ కోల్పోయిన శ్రీలంక.. రాజపక్సే(65) ఔట్‌ చేతన్‌ సకారియా బౌలింగ్‌లో కృష్ణప్ప గౌతమ్‌ క్యాచ్‌ అందుకోవడంతో రాజపక్సే(56 బంతుల్లో 65; 12 ఫోర్లు) వెనుదిరిగాడు. అంతకుముందు బంతికే నితీశ్‌ రాణా క్యాచ్‌ డ్రాప్‌ చేయడంతో లైఫ్‌ వచ్చినప్పటికీ.. రాజపక్సే దాన్ని సద్వినియోగం చేసుకోలేకపోయాడు. 23 ఓవర్ల తర్వాత లంక స్కోర్‌ 144/2. క్రీజ్‌లో ఫెర్నాండో(57), ధనంజయ డిసిల్వా(0) ఉన్నారు. లంక గెలవాలంటే 24 ఓవర్లలో 83 పరగులు చేయాల్సి ఉంది. చేతిలో ఇంకా 8 వికెట్లు ఉండటంతో లంక గెలుపు నల్లేరుపై నడకే. రాజపక్సే ఫిఫ్టి.. గెలుపు దిశగా లంకేయులు వన్‌ డౌన్‌ బ్యాట్స్‌మెన్‌ భానుక రాజపక్సే కెరీర్‌లో తొలి అర్ధశతకం సాధించాడు. అతను 42 బంతుల్లో ఈ మైలురాయిని చేరుకున్నాడు. 20 ఓవర్ల తర్వాత లంక స్కోర్‌127/1. లంక గెలుపునకు మరో 99 పరుగులు చేయాల్సి ఉంది. క్రీజ్‌లో రాజపక్సేకు తోడుగా ఫెర్నాండో(55) ఉన్నాడు. నిలకడగా ఆడుతున్న లంక ప్లేయర్లు.. హాఫ్‌ సెంచరీ చేసిన ఫెర్నాండో ఆదిలోనే తొలి వికెట్‌ కోల్పోయిన శ్రీలంక.. మరో వికెట్‌ పడకుండా జాగ్రత్తగా ఆడుతూ 6 రన్‌రేట్‌ తగ్గకుండా లక్ష్యం దిశగా సాగుతుంది. ఈ క్రమంలో లంక ఓపెనర్‌ అవిష్క ఫెర్నాండో(53 బంతుల్లో 50; 4 ఫోర్లు, సిక్స్‌) కెరీర్‌లో ఐదో అర్ధశతకాన్ని నమోదు చేశాడు. వన్‌డౌన్‌లో వచ్చిన రాజపక్సే(32 బంతుల్లో 33; 6 ఫోర్లు) సైతం బంతికో పరుగు చొప్పున రాబడుతూ నిలకడగా ఆడుతున్నాడు. దీంతో 17 ఓవర్లు ముగిసే సరికి లంక స్కోర్‌ 104/1గా ఉంది.  లంక తొలి వికెట్‌ డౌన్‌.. భానుక(7) ఔట్‌ 226 పరుగుల లక్ష్యాన్ని ఛేదించే క్రమంలో లంక జట్టు 35 పరుగుల వద్ద తొలి వికెట్‌ కోల్పోయింది. ఆ జట్టు ఓపెనర్‌ భానుక(17 బంతుల్లో 7; ఫోర్‌)ను కృష్ణప్ప గౌతమ్‌ బోల్తా కొట్టించాడు. స్వీప్‌ షాట్‌ ఆడే క్రమంలో స్క్వేర్‌ లెగ్‌లో ఉన్న సకారియాకు క్యాచ్‌ అందించి భానుక వెనుదిరిగాడు. 6 ఓవర్ల తర్వాత లంక స్కోర్‌ 35/1. క్రీజ్‌లో రాజపక్సే(0), అవిష్క ఫెర్నాండో(17 బంతుల్లో 21) ఉన్నారు.  225 పరుగులకు టీమిండియా ఆలౌట్‌.. లంక టార్గెట్‌ 226 చమీరా బౌలింగ్‌లో అవిష్క ఫెర్నాండో క్యాచ్‌ అందుకోవడంతో నవ్‌దీప్‌ సైనీ(36 బంతుల్లో 15)  ఔటయ్యాడు. దీంతో టీమిండియా 43.1 ఓవర్‌లో 225 పరగులకు ఆలౌటైంది. సకారియా(0) నాటౌట్‌గా మిగిలాడు. లంక బౌలర్లలో అఖిల ధనంజయ, జయవిక్రమ తలో మూడు వికెట్లు.. చమీరా రెండు వికెట్లు.. షనక, కరుణరత్నే చెరో వికెట్‌ పడగొట్టారు. రాహుల్‌ చాహర్‌ ఔట్‌(13).. తొమ్మిదో వికెట్‌ కోల్పోయిన టీమిండియా కరుణరత్నే బౌలింగ్‌లో అతనికే క్యాచ్‌ ఇచ్చి రాహుల్‌ చాహర్‌(25 బంతుల్లో 13) వెనుదిరిగాడు. దీంతో టీమిండియా తొమ్మిదో వికెట్‌ కోల్పోయింది. 43 ఓవర్ల తర్వాత జట్టు స్కోర్‌ 225/9. క్రీజ్‌లో సైనీ(15), సకారియా(0) ఉన్నారు. కష్టాల్లో టీమిండియా.. ఐదు పరుగుల వ్యవధిలో మూడు వికెట్లు డౌన్‌ 33వ ఓవర్‌లో స్పిన్నర్‌ అఖిల ధనంజయ టీమిండియాను దారుణంగా దెబ్బకొట్టాడు. ఈ ఓవర్లో కేవలం మూడు పరుగులిచ్చిన అతను.. కీలకమైన నితీశ్‌ రాణా(14 బంతుల్లో 7), కృష్ణప్ప గౌతమ్‌(3 బంతుల్లో 2) వికెట్లు పడగొట్టాడు. తొలుత కృష్ణప్ప గౌతమ్‌ను వికెట్ల ముందు దొరకబుచ్చుకున్న అతను.. ఆతరువాత నితీశ రాణాను ఔట్‌ చేశాడు. వికెట్‌ కీపర్‌ భానుక క్యాచ్‌ అందుకోవడంతో రాణా వెనుదిరగక తప్పలేదు. దీంతో 33 ఓవర్లకే టీమిండియా ఎనిమిది వికెట్లు కోల్పోయి 195 పరుగులు చేసింది. క్రీజ్‌లో రాహుల్‌ చాహర్‌(1) నవ్‌దీప్‌ సైనీ(0) ఉన్నారు. ఆరో వికెట్‌ కోల్పోయిన టీమిండియా.. సూర్యకుమార్‌(40) ఔట్‌ నిలకడగా ఆడుతున్న సూర్యకుమార్‌ యాదవ్‌(37 బంతుల్లో 40; 7 ఫోర్లు) ధనంజయ బౌలింగ్‌లో ఎల్బీడబ్ల్యూగా వెనుదిరిగాడు. తొలుత ధనంజయ అపీల్‌కు ఫీల్డ్‌ అంపైర్‌ నాటౌట్‌గా ప్రకటించగా, శ్రీలంక జట్టు రివ్యూ కోరింది. ఇందులో సూర్యకుమార్‌ ఔటైనట్లు రుజువు కావడంతో అతను వెనుదిరగాల్సి వచ్చింది. 31 ఓవర్ల తర్వాత భారత స్కోర్‌ 190/6. క్రీజ్‌లో నితీశ్‌ రాణా(5), కృష్ణప్ప గౌతమ్‌(0) ఉన్నారు.  మరోసారి నిరాశపరిచిన హార్ధిక్‌ టీమిండియా స్టార్‌ ఆల్‌రౌండర్‌ హార్ధిక్‌ పాండ్యా(11 బంతుల్లో 19; 3 ఫోర్లు) మరోసారి నిరాశపరిచాడు. కీలక సమయంలో భారీ స్కోర్‌ సాధిస్తాడని ఆశించిన అభిమానుల ఆశలపై నీళ్లు చల్లాడు. జయవిక్రమ బౌలింగ్‌లో ఎల్బీడబ్ల్యూగా ఔటై ఐదో వికెట్‌గా వెనుదిరిగాడు. 29 ఓవర్ల తర్వాత టీమిండియా స్కోర్‌ 184/5. క్రీజ్‌లో సూర్యకుమార్‌ (38), నితీశ్‌ రాణా(1) ఉన్నారు.  నాలుగో వికెట్‌ కోల్పోయిన టీమిండియా.. మనీశ్‌ పాండే(11) ఔట్‌ వరుణుడు శాంతించడంతో మ్యాచ్‌ తిరిగి ఫ్రారంభంమైంది. రెయిన్‌ బ్రేక్‌ తర్వాత రెండో ఓవర్‌లోనే మనీశ్‌ పాండే(19 బంతుల్లో 11) పెవిలియన్‌ బాట పట్టాడు. జయవిక్రమ బౌలింగ్‌లో భానుకకు క్యాచ్‌ ఇచ్చి వెనుదిరిగాడు. 25 ఓవర్ల తర్వాత టీమిండియా స్కోర్‌ 158/4. క్రీజ్‌లో సూర్యకుమార్‌(24 బంతుల్లో 31; 6 ఫోర్లు), హార్ధిక్‌ పాండ్యా(1) ఉన్నారు. శాంతించిన వరుణుడి.. మ్యాచ్‌ పునఃప్రారంభం, 47 ఓవర్లకు కుదింపు వర్షం నిలిచిపోవడంతో మ్యాచ్‌ పునఃప్రారంభం కానుంది. భారత కాలమానం ప్రకారం 6:30PMకు మ్యాచ్‌ మొదలుకానుంది. అయితే మ్యాచ్‌ను 47 ఓవర్లకు కుదించినట్లు అంపైర్లు ప్రకటించారు. మ్యాచ్‌ నిలిచిపోయే సమయానికి టీమిండియా స్కోర్‌ 23 ఓవర్లలో 147/3గా ఉంది. క్రీజ్‌లో మనీశ్‌ పాండే(15 బంతుల్లో 10), సూర్యకుమార్‌ యాదవ్‌(17 బంతుల్లో 22; 4 ఫోర్లు) ఉన్నారు. వరుణుడి ఆటంకం, 23 ఓవర్ల తర్వాత టీమిండియా స్కోర్‌ 147/3 టీమిండియా మిడిలార్డర్‌ బ్యాట్స్‌మెన్లు మనీశ్‌ పాండే(15 బంతుల్లో 10), సూర్యకుమార్‌ యాదవ్‌(17 బంతుల్లో 22; 4 ఫోర్లు) నిలకడగా ఆడుతున్న సందర్భంలో వరుణుడు మ్యాచ్‌కు ఆటంకం కలిగించాడు. చినుకులతో మొదలై క్రమంగా పెద్ద వర్షంగా మారడంతో రిఫరి మ్యాచ్‌ను నిలిపివేశాడు. మ్యాచ్‌ ఆగిపోయే సమయానికి టీమిండియా 23 ఓవర్లలో 3 వికెట్ల నష్టానికి 147 పరుగులు చేసింది. లంక బౌలర్లలో శనక, జయవిక్రమ, చమీర తలో వికెట్‌ పడగొట్టారు.  సామ్సన్‌(46) ఔట్‌, 19 ఓవర్ల తర్వాత 120/3 16 పరుగుల వ్యవధిలో టీమిండియా రెండు కీలక వికెట్లు కోల్పోయింది. 102 పరుగుల వద్ద పృథ్వీ షా(49) వికెట్‌ను కోల్పోయిన భారత్‌.. 118 పరుగుల వద్ద అరంగేట్రం ఆటగాడు సామ్సన్‌(46 బంతుల్లో 46; 5 ఫోర్లు, సిక్స్‌) వికెట్‌ను కోల్పోయింది. ఇద్దరు సెట్‌ బ్యాట్స్‌మెన్‌ ఇంత తక్కువ పరుగలు వ్యవధిలో ఔట్‌ కావడంతో టీమిండియా కష్టాల్లో పడినట్లైంది. జయవిక్రమ బౌలింగ్‌లో అవిష్క ఫెర్నాండోకు సునాయాసమైన క్యాచ్‌ ఇచ్చి సామ్సన్‌ పెవిలియన్‌కు చేరాడు. 19 ఓవర్ల తర్వాత టీమిండియా స్కోర్‌ 120/3. క్రీజ్‌లో మనీశ్‌ పాండే(4), సూర్యకుమార్‌ యాదవ్‌(1) ఉన్నారు.  తృటిలో హాఫ్‌ సెంచరీ చేజార్చుకున్న పృథీ​ షా టీమిండియా ఓపెనర్‌ పృథీ​ షా(49 బంతుల్లో 49; 8 ఫోర్లు).. తన తొలి వన్డే హాఫ్‌ సెంచరీ కోసం మరి కొంతకాలం వేచి చూడాల్సి ఉంది. సిరీస్‌లోని తొలి రెండు మ్యాచ్‌ల్లో మంచి స్టార్ట్‌ లభించినా సద్వినియోగం చేసుకోలేకపోయిన షా.. ఈ మ్యాచ్‌లో జాగ్రత్తగానే ఆడినా కేవలం ఒక్క పరుగు తేడాతో హాఫ్‌ సెంచరీని మిస్‌ అయ్యాడు. లంక కెప్టెన్‌ శనక బౌలింగ్‌లో ఎల్బీడబ్ల్యూగా వెనుదిరిగాడు. 16 ఓవర్ల తర్వాత టీమిండియా స్కోర్‌ 102/2. క్రీజ్‌లో సామ్సన్‌(35 బంతుల్లో 33, 3 ఫోర్లు, సిక్స్‌), మనీశ్‌ పాండే ఉన్నారు.  తొలి వికెట్‌ కోల్పోయిన టీమిండియా.. ధవన్‌(13) ఔట్‌  రెండో ఓవర్‌లో ధనంజయ బౌలింగ్‌లో హ్యాట్రిక్‌ ఫోర్లు బాది జోరును కనబర్చిన టీమిండియా కెప్టెన్‌ ధవన్‌(11 బంతుల్లో 13; 3 ఫోర్లు).. ఆ జోరును ఎంతో సేపు కొనసాగించలేకపోయాడు. మూడో ఓవర్‌లో చమీరా బౌలింగ్‌లో భానుకకు క్యాచ్‌ ఇచ్చి తొలి వికెట్‌గా వెనుదిరిగాడు. కాగా మరో ఓపెనర్‌ పృథ్వీషా(4 బంతుల్లో 10; 2 ఫోర్లు) సైతం దూకుడుగానే ఆడుతున్నాడు. దీంతో 3 ఓవర్లు ముగిసే సరికి టీమిండియా స్కోర్‌ 29/1గా ఉంది. ధవన్‌ స్థానంలో క్రీజ్‌లోకి సంజూ సామ్సన్‌ వచ్చాడు.  కొలంబో: శ్రీలంకతో జరుగుతున్న మూడో వన్డేలో టీమిండియా ఎట్టకేలకు టాస్‌ గెలిచింది. ఈ మ్యాచ్‌లో ఏకంగా ఐదు మార్పులతో బరిలోకి దిగుతున్న ధవన్‌ సేన తొలుత బ్యాటింగ్‌ ఎంచుకుంది. మరోవైపు లంక కూడా నామమాత్రపు మ్యాచ్‌ కావడంతో మూడు మార్పులతో బరిలోకి దిగింది.  భారత తుది జట్టు: పృథ్వీ షా, శిఖర్‌ ధావన్‌(కెప్టెన్‌), సంజూ శాంసన్‌(వికెట్‌ కీపర్‌), మనీశ్‌ పాండే, సూర్యకుమార్‌ యాదవ్‌, నితీశ్‌ రాణా, హార్దిక్‌ పాండ్యా, క్రిష్ణప్ప గౌతం, రాహుల్‌ చహర్‌, నవదీప్‌ సైనీ, చేతన్‌ సకారియా శ్రీలంక తుది జట్టు: అవిష్క ఫెర్నాండో, మినోద్‌ భనుక, భనుక రాజపక్స, ధనంజయ డి సిల్వా, చరిత్‌ అసలంక, దసున్‌ శనక(కెప్టెన్‌), రమేశ్‌ మెండిస్‌, చమిక కరుణరత్నే, అకిల ధనుంజయ, దుష్మంత చమీరా, ప్రవీన్‌ జయవిక్రమ 

కొలొంబో: శ్రీలంకతో జరుగుతున్న మూడు వన్డేల సిరీస్‌ను ఇదివరకే 2-0తో కైవసం చేసుకున్న టీమిండియా నామమాత్రమైన మూడో వన్డేకు సిద్ధమవుతోంది. రేపు(జులై 23) జరుగబోయే మ్యాచ్‌లో ఎలాగైనా విజయం సాధించి క్లీన్‌ స్వీప్‌ చేయాలనే పట్టుదలతో టీమిండియా ఉండగా, ఒక్క మ్యాచ్‌లోనైనా నెగ్గి పరువు నిలుపుకోవాలని ఆతిధ్య లంక జట్టు భావిస్తోంది. అయితే రేపటి మ్యాచ్‌లో టీమిండియాలో మార్పులేమైనా ఉంటాయా.. లేక పాత జట్టునే యధావిధిగా కొనసాగిస్తారా అన్నది సందిగ్ధంగా మారింది. టీమిండియా తుది జట్టులో ఎవరెవరికి అవకాశాలు ఉంటాయన్న అంశంపై విశ్లేషిస్తే.. ఓపెనర్‌ మార్పు స్పష్టంగా కనిపిస్తుంది. కెప్టెన్‌ గబ్బర్‌కు తోడుగా మరో కొత్త ఓపెనర్‌ బరిలోకి దిగే అవకాశం ఉంది. పృథ్వీ షా (43, 13) స్థానంలో దేవదత్‌ పడిక్కల్‌, రుత్‌రాజ్‌ గైక్వాడ్‌లో ఒకరికి ఛాన్స్‌ దక్కవచ్చు. ఒకవేళ జట్టు యాజమాన్యం టీ20 ప్రపంచకప్‌ను దృష్టిలో పెట్టుకుంటే మాత్రం షాను తప్పించడం కష్టం. దీంతో ధవన్‌ పార్ట్‌నర్‌ ప్లేస్‌ కోసం త్రిముఖ పోరు నెలకొంది. వన్‌డౌన్‌ విషయానికొస్తే.. ఇషాన్‌ కిషన్‌ బదులు సంజు సామ్సన్‌కు అవకాశం దక్కినా ఆశ్చర్యపోనక్కర్లేదు. పైగా ద్రవిడ్‌కు సామ్సన్‌పై మంచి అభిప్రాయమే ఉంది. ఇక మిడిలార్డర్‌లో మనీశ్‌ పాండే, సూర్యకుమార్‌ యాదవ్‌ స్థానాలకు ఎటువంటి ఢోకా ఉండకపోవచ్చు. వారిద్దరూ తమతమ స్థానాలకు న్యాయం చేస్తున్నారని ద్రవిడ్‌ భావిస్తున్నారు.  ఫిట్‌నెస్‌ ఇబ్బందులేమీ లేవు కాబట్టి హార్దిక్‌ పాండ్యకు చోటు కూడా దాదాపుగా ఖాయమే. అయితే టీ20 సిరీస్‌ను దృష్టిలో పెట్టుకుంటే మాత్రం అతనికి విశ్రాంతినివ్వొచ్చు. కృనాల్‌ పాండ్యను జట్టులో నుంచి తప్పించలేని పరిస్థితి. స్పిన్నర్ల కోటాలో చహల్‌ (2/52, 3/50) ప్లేస్‌ పదిలం కాగా, కుల్‌దీప్‌ (2/48, 0/55) స్థానంలో రాహుల్‌ చాహర్‌కు అవకాశం దక్కవచ్చు. ఒకవేళ చహల్‌కు కూడా విశ్రాంతినివ్వాలని జట్టు యాజమాన్యం భావిస్తే..  కృష్ణప్ప గౌతమ్‌ను అవకాశం దక్కవచ్చు. ఇక పేస్‌ బౌలర్ల విషయానికొస్తే.. ఈ విభాగానికి నాయకుడైన భువీకి ఎటువంటి ఇబ్బంది లేకపోగా, టీ20 సిరీస్‌ను దృష్టిలో పెట్టుకుని దీపక్‌ చాహర్‌కు విశ్రాంతినివ్వడం ఖాయంగా కనిపిస్తోంది. అతని స్థానంలో ఎడమచేతి వాటం పేసర్‌ చేతన్‌ సకారియా అరంగేట్రం చేసే అవకాశం ఉంది. ఇదిలా ఉంటే గత మ్యాచ్‌లో టీమిండియాకు గట్టి పోటీనిచ్చిన లంక జట్టును యధాతధంగా కొనసాగించే అవకాశం ఉంది. 

దుబాయ్‌: దక్షిణాఫ్రికాతో జరిగిన మూడో వన్డేలో 94 పరుగులు చేసి ‘ప్లేయర్‌ ఆఫ్‌ ద మ్యాచ్‌’గా నిలిచిన పాకిస్తాన్‌ కెప్టెన్‌ బాబర్‌ ఆజమ్‌కు తగిన ప్రతిఫలం లభించింది. అంతర్జాతీయ క్రికెట్‌ కౌన్సిల్‌ (ఐసీసీ) బుధవారం విడుదల చేసిన వన్డే ర్యాంకింగ్స్‌లో తొలిసారి బాబర్‌ ఆజమ్‌ నంబర్‌వన్‌ ర్యాంక్‌ను అందుకున్నాడు. 2015 నుంచి అంతర్జాతీయ వన్డేలు ఆడుతున్న 26 ఏళ్ల ఆజమ్‌ ఖాతాలో ప్రస్తుతం 865 రేటింగ్‌ పాయింట్లు ఉన్నాయి. ఆజమ్‌ టాప్‌ ర్యాంక్‌లోకి రావడంతో 1,258 రోజుల నుంచి అగ్రస్థానంలో కొనసాగుతున్న భారత కెప్టెన్‌ విరాట్‌ కోహ్లి 857 రేటింగ్‌ పాయింట్లతో రెండో ర్యాంక్‌కు పడిపోయాడు. 2017 అక్టోబర్‌ నుంచి కోహ్లి వన్డేల్లో నంబర్‌వన్‌ ర్యాంక్‌లో ఉన్నాడు. భారత వైస్‌ కెప్టెన్‌ రోహిత్‌ శర్మ 825 పాయింట్లతో మూడో ర్యాంక్‌లో, రాస్‌ టేలర్‌ (న్యూజిలాండ్‌–801 పాయింట్లు) నాలుగో స్థానంలో, ఫించ్‌ (ఆస్ట్రేలియా–791 పాయింట్లు) ఐదో స్థానంలో కొనసాగుతున్నాడు.  ఇప్పటివరకు 80 వన్డేలు ఆడిన బాబర్‌ ఆజమ్‌ 56.83 సగటుతో 3,808 పరుగులు సాధించాడు. ఇందులో 13 సెంచరీలు, 17 అర్ధ సెంచరీలు ఉన్నాయి. టెస్టుల్లో బాబర్‌ ఆజమ్‌ కెరీర్‌ బెస్ట్‌ ర్యాంక్‌ ఐదు కాగా ప్రస్తుతం ఆరో ర్యాంక్‌లో ఉన్నాడు. టి20ల్లో గతంలో నంబర్‌వన్‌ ర్యాంక్‌లో నిలిచిన ఆజమ్‌ ఇప్పుడు మూడో స్థానంలో ఉన్నాడు.

సెంచూరియన్‌: ఫఖర్‌ జమాన్‌ (104 బంతుల్లో 101; 9 ఫోర్లు, 3 సిక్స్‌లు) సెంచరీ.. కెప్టెన్‌ బాబర్‌ ఆజమ్‌ (82 బంతుల్లో 94; 7 ఫోర్లు, 3 సిక్స్‌లు), ఇమామ్‌ ఉల్‌ హఖ్‌ (57; 3 ఫోర్లు) అర్ధ సెంచరీలు సాధించడంతో... దక్షిణాఫ్రికాతో బుధవారం జరిగిన చివరిదైన మూడో వన్డేలో పాకిస్తాన్‌ 28 పరుగుల తేడాతో గెలిచింది. సిరీస్‌ను 2–1తో సొంతం చేసుకుంది. 2013 తర్వాత దక్షిణాఫ్రికా గడ్డపై పాక్‌ వన్డే సిరీస్‌ నెగ్గడం గమనార్హం. మొదట బ్యాటింగ్‌ చేసిన పాకిస్తాన్‌ 50 ఓవర్లలో 7 వికెట్లకు 320 పరుగులు సాధించింది.  చివర్లో హసన్‌ అలీ (11 బంతుల్లో 32 నాటౌట్‌; ఫోర్, 4 సిక్స్‌లు) మెరుపు ఇన్నింగ్స్‌ ఆడాడు. అనంతరం దక్షిణాఫ్రికా 49.3 ఓవర్లలో 292 పరుగులకు ఆలౌటైంది. వెరీన్‌ (62; 3 ఫోర్లు, 3 సిక్స్‌లు), ఫెలుక్వాయో (54; 3 ఫోర్లు, 2 సిక్స్‌లు) అర్ధ సెంచరీలు సాధించారు. షాహీన్‌ అఫ్రిది, నవాజ్‌లకు మూడేసి వికెట్లు లభించాయి.

లక్నో: ఓపెనర్‌ లిజెల్‌ లీ (131 బంతుల్లో 132 నాటౌట్‌; 16 ఫోర్లు, 2 సిక్స్‌లు) అజేయ సెంచరీ చేయడంతో... భారత మహిళల జట్టుతో జరిగిన మూడో వన్డేలో దక్షిణాఫ్రికా మహిళల జట్టు ఆరు పరుగుల తేడాతో విజయం సాధించింది. ఐదు మ్యాచ్‌ల సిరీస్‌లో 2–1తో ఆధిక్యంలోకి వెళ్లింది. 249 పరుగుల లక్ష్యంతో బరిలోకి దిగిన దక్షిణాఫ్రికా 46.3 ఓవర్లలో నాలుగు వికెట్లకు 223 పరుగులు చేసిన దశలో వర్షం రావడంతో ఆట నిలిచిపోయింది. డక్‌వర్త్‌ లూయిస్‌ పద్ధతి ప్రకారం దక్షిణాఫ్రికా విజయం ఖాయం కావాలంటే అప్పటికి ఆ జట్టు స్కోరు 217 పరుగులుగా ఉండాలి. డక్‌వర్త్‌ లూయిస్‌ పద్ధతి అంచనా స్కోరుకంటే దక్షిణాఫ్రికా ఎక్కువే చేయడంతో ఆ జట్టును విజేతగా ప్రకటించారు. లిజెల్‌ లీ మూడో వికెట్‌కు మెగ్నాన్‌ డు ప్రీజ్‌ (37; 2 ఫోర్లు, సిక్స్‌)తో కలిసి 97 పరుగులు... ఐదో వికెట్‌కు ఆనీ బాష్‌ (16 నాటౌట్‌)తో కలిసి అజేయంగా 45 పరుగులు జోడించింది. అంతకుముందు భారత జట్టు 50 ఓవర్లలో 5 వికెట్లకు 248 పరుగులు సాధించింది. పూనమ్‌ రౌత్‌ (77; 11 ఫోర్లు) టాప్‌ స్కోరర్‌గా నిలిచింది. మిథాలీ రాజ్‌ (36; 5 ఫోర్లు), హర్మన్‌ప్రీత్‌ కౌర్‌ (36; 4 ఫోర్లు, సిక్స్‌), దీప్తి శర్మ (36 నాటౌట్‌; 2 ఫోర్లు) రాణించారు.   మిథాలీ @ 10,000 భారత జట్టు కెప్టెన్‌ మిథాలీ రాజ్‌ ఈ మ్యాచ్‌ ఇన్నింగ్స్‌తో అంతర్జాతీయ మహిళల క్రికెట్‌లో (మూడు ఫార్మాట్‌లు కలిపి) 10 వేల పరుగులు పూర్తి చేసిన రెండో క్రికెటర్‌గా, భారత్‌ నుంచి తొలి క్రికెటర్‌గా గుర్తింపు పొందింది. ఆనీ బాష్‌ బౌలింగ్‌లో బౌండరీ సాధించడంతో మిథాలీ రాజ్‌ ఈ మైలురాయిని చేరుకుంది. తర్వాతి బంతికే మిథాలీ అవు టైంది. 22 ఏళ్ల అంతర్జాతీయ క్రికెట్‌లో మిథాలీ 10 టెస్టుల్లో 663 పరుగులు... 212 వన్డేల్లో 6,974 పరుగులు... 89 టి20ల్లో 2,364 పరుగులు సాధించింది. ఈ జాబితాలో ఇంగ్లండ్‌ రిటైర్డ్‌ క్రికెటర్‌ చార్లోటి ఎడ్వర్డ్స్‌ (10,273 పరుగులు) టాప్‌ ర్యాంక్‌లో ఉంది.

ఎప్పుడో ఐదున్నరేళ్ల క్రితం వన్డే వరల్డ్‌ కప్‌లో భాగంగా జరిగిన మ్యాచ్‌లో వెస్టిండీస్‌పై ఐర్లాండ్‌ విజయం సాధించింది. ఆ తర్వాత పెద్ద జట్లతో తలపడిన 26 మ్యాచ్‌లలో 24 సార్లు పరాజయమే ఎదురవగా, రెండింటిలో ఫలితం తేలలేదు. మళ్లీ ఇన్నాళ్ల తర్వాత ఐర్లాండ్‌కు చెప్పుకోదగ్గ గెలుపు దక్కింది. అదీ ప్రపంచ చాంపియన్‌పై! ఇంగ్లండ్‌ చేతిలో తొలి రెండు మ్యాచ్‌లలో ఓడి సిరీస్‌ కోల్పోయిన అనంతరం ఐర్లాండ్‌ మూడో వన్డేలో తమ ప్రతాపం చూపించింది. అసాధ్యమనుకున్న భారీ లక్ష్యాన్ని ఛేదించి సత్తా చాటింది. అయితే ప్రపంచకప్‌ కోసం జరుగుతున్న ఈ సూపర్‌ లీగ్‌లో 2–1తో నెగ్గిన ఇంగ్లండ్‌ ఖాతా తెరిచింది. సౌతాంప్టన్‌: భారత కాలమానం ప్రకారం మంగళవారం అర్ధరాత్రి ముగిసిన మూడో వన్డేలో ఐర్లాండ్‌ 7 వికెట్ల తేడాతో ఇంగ్లండ్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన ఇంగ్లండ్‌ 49.5 ఓవర్లలో 328 పరుగులకు ఆలౌటైంది. కెప్టెన్‌ ఇయాన్‌ మోర్గాన్‌ (84 బంతుల్లో 106; 15 ఫోర్లు, 4 సిక్సర్లు) సెంచరీ సాధించగా, టామ్‌ బాంటన్‌ (51 బంతుల్లో 58; 6 ఫోర్లు, 1 సిక్స్‌), డేవిడ్‌ విల్లీ (42 బంతుల్లో 51; 3 ఫోర్లు, 3 సిక్సర్లు) అర్ధ శతకాలతో రాణించారు. అనంతరం ఐర్లాండ్‌ 49.5 ఓవర్లలో 3 వికెట్లకు 329 పరుగులు చేసి విజయాన్నందుకుంది. ‘ప్లేయర్‌ ఆఫ్‌ ద మ్యాచ్‌’ పాల్‌ స్టిర్లింగ్‌ (128 బంతుల్లో 142; 9 ఫోర్లు, 6 సిక్సర్లు), కెప్టెన్‌ ఆండీ బల్‌బర్నీ (112 బంతుల్లో 113; 12 ఫోర్లు) శతకాలతో చెలరేగారు. వీరిద్దరు రెండో వికెట్‌కు 214 పరుగులు జోడించారు. ఇంగ్లండ్‌పై ఐర్లాండ్‌కు వన్డేల్లో ఇది రెండో విజయం కాగా... నాడు 2011 ప్రపంచకప్‌లో కూడా దాదాపు ఇదే తరహా స్కోర్లు నమోదు (327, 329) కావడం విశేషం.

లక్నో: అఫ్గానిస్తాన్‌తోజరిగిన మూడు వన్డేల సిరీస్‌ను వెస్టిండీస్‌ 3–0తో క్లీన్‌స్వీప్‌ చేసింది. సోమవారం ఇక్కడ జరిగిన చివరి మ్యాచ్‌లో విండీస్‌ 5 వికెట్ల తేడాతో విజయం సాధించింది. ముందుగా అఫ్గాన్‌ 50 ఓవర్లలో 7 వికెట్ల నష్టానికి 249 పరుగులు చేసింది. అస్గర్‌ అఫ్గాన్‌ (85 బంతుల్లో 86; 3 ఫోర్లు, 6 సిక్సర్లు), హజ్రతుల్లా జజాయ్‌ (59 బంతుల్లో 50; 7 ఫోర్లు, 2 సిక్సర్లు), మొహమ్మద్‌ నబీ (66 బంతుల్లో 50 నాటౌట్‌; 3 ఫోర్లు, 1 సిక్స్‌) అర్ధ సెంచరీలు చేశారు. కీమో పాల్‌కు 3 వికెట్లు దక్కాయి. అనంతరం విండీస్‌ 48.4 ఓవర్లలో 5 వికెట్లకు 253 పరుగులు చేసి విజయాన్నందుకుంది. ‘మ్యాన్‌ ఆఫ్‌ ద మ్యాచ్‌’ షై హోప్‌ (145 బంతుల్లో 109 నాటౌట్‌; 8 ఫోర్లు, 3 సిక్సర్లు) సెంచరీతో చెలరేగగా... రోస్టన్‌ ఛేజ్‌ (42 నాటౌట్‌), కింగ్‌ (39), పొలార్డ్‌ (32) రాణించారు. ఛేజ్‌కు ‘మ్యాన్‌ ఆఫ్‌ ద సిరీస్‌’ అవార్డు దక్కింది. ఇరు జట్ల మధ్య ఇదే మైదానంలో గురువారం నుంచి మూడు మ్యాచ్‌ల టి20 సిరీస్‌ ప్రారంభమవుతుంది.

వడోదర: టెస్టుల్లో పురుషుల జట్టు దక్షిణాఫ్రికాను కంగుతినిపిస్తుంటే... వన్డేల్లో భారత మహిళల జట్టు కూడా సఫారీని చిత్తు చిత్తు చేస్తోంది. దీంతో మూడు వన్డేల సిరీస్‌ను మిథాలీ బృందం 3–0తో క్లీన్‌స్వీప్‌ చేసింది. భారత్‌ చేతిలో దక్షిణాఫ్రికా వైట్‌వాష్‌ కావడం ఇదే మొదటిసారి. సోమవారం జరిగిన ఆఖరి వన్డేలో భారత్‌ తక్కువ స్కోరునే కాపాడుకొని 6 పరుగుల తేడాతో గెలిచింది. మొదట బ్యాటింగ్‌కు దిగిన భారత మహిళల జట్టు 45.5 ఓవర్లలో 146 పరుగులకే ఆలౌటైంది. టాపార్డర్‌ నుంచి టెయిలెండర్ల వరకు ఇద్దరు మినహా మిగతా బ్యాటర్లు చేతులెత్తేశారు. హర్మన్‌ప్రీత్‌ కౌర్‌ (76 బంతుల్లో 38; 5 ఫోర్లు), శిఖా పాండే (40 బంతుల్లో 35; 6 ఫోర్లు) కాస్త మెరుగ్గా ఆడారు. సఫారీ బౌలర్లలో మరిజన్నె కప్‌ 3, షబ్నమ్, అయబొంగ చెరో 2 వికెట్లు తీశారు. తర్వాత కష్టసాధ్యంకాని లక్ష్యాన్ని ఛేదించేందుకు బరిలోకి దిగిన దక్షిణాఫ్రికా 48 ఓవర్లలో 140 పరుగుల వద్ద ఆలౌటైంది. భారత స్పిన్నర్లు ఏక్తా బిష్త్‌ 3, దీప్తి శర్మ, రాజేశ్వరి గైక్వాడ్‌ చెరో 2 వికెట్లు తీశారు. మిథాలీకి ‘వంద’నం... తాజా గెలుపుతో హైదరాబాద్‌ క్రికెటర్, భారత మహిళల వన్డే జట్టు కెప్టెన్‌ మిథాలీ రాజ్‌ మరో ఘనత సాధించింది. మహిళల అంతర్జాతీయ క్రికెట్‌లో 100 విజయాలు సాధించిన రెండో కెప్టెన్‌గా గుర్తింపు పొందింది. 20 ఏళ్ల క్రికెట్‌ కెరీర్‌లో మిథాలీ రాజ్‌ తన సారథ్యంలో భారత్‌కు వందో విజయాన్ని (వన్డేల్లో 80+టి20ల్లో 17+టెస్టుల్లో 3) అందించింది. చార్లోట్‌ ఎడ్వర్డ్స్‌ (142; ఇంగ్లండ్‌) మాత్రమే మిథాలీ కంటే ముందుంది.

పోర్ట్‌ ఆఫ్‌ స్పెయిన్‌:  కరీబియన్‌ పర్యటనలో పరిమిత ఓవర్ల ఫార్మాట్‌ను టీమిండియా అజేయంగా ముగించింది.     కెప్టెన్‌ కోహ్లి (99 బంతుల్లో 114 నాటౌట్‌; 14 ఫోర్లు) అజేయ సెంచరీకి తోడు అయ్యర్‌ (41 బంతుల్లో 65; 3 ఫోర్లు, 5 సిక్స్‌లు) అర్ధ సెంచరీ కదంతొక్కడంతో బుధవారం వెస్టిండీస్‌తో ఇక్కడ జరిగిన మూడో వన్డేలో 6 వికెట్ల తేడాతో జయభేరి మోగించింది. వర్షం అంతరాయం కలిగించిన ఈ మ్యాచ్‌ లో భారత లక్ష్యాన్ని డక్‌వర్త్‌ లూయీస్‌ పద్ధతి ప్రకారం 35 ఓవర్లలో 255గా నిర్దేశించారు. దీనిని కోహ్లి సేన 32.3 ఓవర్లలో 4 వికెట్లు మాత్రమే కోల్పోయి అందుకుంది. అంతకు ముందు విం డీస్‌ 35 ఓవర్లలో ఏడు వికెట్ల నష్టానికి 240 పరుగులు చేసింది. ఓపెనర్లు క్రిస్‌ గేల్‌ (41 బంతుల్లో 72; 8 ఫోర్లు, 5 సిక్స్‌లు), ఎవిన్‌ లూయిస్‌ (29 బంతుల్లో 43; 5 ఫోర్లు, 3 సిక్స్‌లు) ధాటైన ఇన్నింగ్స్‌కు చివర్లో నికొలస్‌ పూరన్‌ (16 బంతుల్లో 30; ఫోర్, 3 సిక్స్‌లు) బ్యాట్‌ ఝళిపించడంతో ప్రత్యర్థి మంచి స్కోరు చేసింది. అనంతరం డ/లూ ప్రకారం టీమిండియా లక్ష్యాన్ని సవరించారు. రెండు వరుస సెంచరీలతో చెలరేగిన కోహ్లికి ‘మ్యాన్‌ ఆఫ్‌ ద మ్యాచ్‌’, ‘మ్యాన్‌ ఆఫ్‌ ద సిరీస్‌’ పురస్కారాలు దక్కాయి. ఈ నెల 22 నుంచి నార్త్‌సౌండ్‌లో తొలి టెస్టు జరుగుతుంది.   ధావన్‌ ఆడాడోచ్‌... ఓవర్‌కు దాదాపు 7 పరుగుల రన్‌రేట్, పైగా మధ్యలో వర్షం అడ్డుతగిలితే సమీకరణం క్లిష్టమయ్యే పరిస్థితులను దృష్టిలో ఉంచుకుని ఓపెనర్‌ రోహిత్‌ శర్మ (10) భారత ఛేదనను ధాటిగా ప్రారంభించాడు. రోచ్‌ వేసిన ఇన్నింగ్‌ తొలి రెండు బంతులను బౌండరీలు బాదాడు. మరుసటి ఓవర్లో హోల్డర్‌ బౌలింగ్‌లో శిఖర్‌ ధావన్‌ (36 బంతుల్లో 36; 5 ఫోర్లు) సైతం రెండు వరుస ఫోర్లు కొట్టాడు. మూడో ఓవర్లో పరుగుకు యత్నించిన రోహిత్‌ రనౌట్‌గా వెనుదిరిగాడు. ధావన్‌–కోహ్లి మూడో వికెట్‌కు 58 బంతుల్లోనే 76 పరుగులు జోడించి చక్కదిద్దారు. ఈ స్థితిలో స్పిన్నర్‌ ఫాబియాన్‌ అలెన్‌ మూడు బంతుల వ్యవధిలో రెండు వికెట్లు తీసి కలవరపెట్టాడు. తొలుత ధావన్‌ షాట్‌కు యత్నించి మిడాఫ్‌లో కీమో పాల్‌కు క్యాచ్‌ ఇవ్వగా, అదే రీతిలో ఆడబోయిన పంత్‌ (0) ఎదుర్కొన్న తొలి బంతికే ఔటయ్యాడు.   ‘అయ్యారె’ కోహ్లి భారత ఛేదనలో చక్కటి స్ట్రయిక్‌ రొటేషన్, అవసరానికి తగ్గట్లు పరుగులు తీస్తూ, వీలు చూసుకుని భారీ షాట్లు కొడుతూ సాగిన కోహ్లి, అయ్యర్‌ ఇన్నింగ్స్‌లే హైలైట్‌. ధావన్‌ పెవిలియన్‌ చేరినప్పటికి జట్టు స్కోరు 92/3. మరో 134 బంతుల్లో 163 పరుగులు చేయాలి. సాధించాల్సిన రన్‌ రేట్‌ 7.4. అటు పిచ్‌ నెమ్మదిస్తోంది. కానీ, కోహ్లి–అయ్యర్‌కు ఇవేవీ ప్రతిబంధకం కాలేదు. తమ భాగస్వామ్యంలో మూడు ఓవర్ల పాటు వీరు సంయమనం చూపారు. ఎదుర్కొన్న తొలి 11 బంతుల్లో 5 పరుగులే చేసిన అయ్యర్‌... అలెన్‌ బౌలింగ్‌లో ఫోర్‌తో ధాటిని పెంచాడు. చేజ్‌ ఓవర్లో ఫోర్‌ కొట్టిన కోహ్లి 48 బంతుల్లో అర్ధ సెంచరీని అందుకున్నాడు. అయితే, అలెన్, చేజ్‌ ఓవర్లలో 5 బంతుల వ్యవధిలో 3 సిక్స్‌లు బాది అయ్యర్‌ పరిస్థితిని పూర్తిగా మార్చేశాడు. అప్పటినుంచి ఓవర్‌కు కనీసం ఒక బౌండరీ లేదంటే సిక్స్‌తో సాగిన వీరి జోరుకు అడ్డే లేకుండా పోయింది. కోహ్లిని మించిన వేగం చూపిన అయ్యర్‌... పాల్‌ ఓవర్లో ఫోర్‌తో వరుసగా రెండో అర్ధ సెంచరీ (33 బంతుల్లో) సాధించాడు. 8 వన్డేల కెరీర్‌లో అతడికిది నాలుగో అర్ధసెంచరీ కావడం విశేషం. చేజ్‌ ఓవర్లో మరో సిక్స్‌ బాది చెలరేగిపోతున్న అయ్యర్‌... రోచ్‌ బౌలింగ్‌లో భారీ షాట్‌ కొట్టబోయి లాంగాఫ్‌లో హోల్డర్‌కు చిక్కాడు. కానీ, అప్పటికే లక్ష్యం 41 బంతుల్లో 43గా మారి భారత్‌ విజయం తేలికైపోయింది. కోహ్లి–అయ్యర్‌ నాలుగో వికెట్‌కు 94 బంతుల్లోనే 120 పరుగుల జోడించారు. రోచ్‌ ఓవర్లో సింగిల్‌తో కోహ్లి 43వ వన్డే సెంచరీ (94 బంతుల్లో) సాధించాడు. సమయోచితంగా ఆడిన జాదవ్‌ (12 బంతుల్లో 19 నాటౌట్‌; ఫోర్, సిక్స్‌)తో కలిసి లాంఛనాన్ని పూర్తి చేశాడు. 12 పరుగుల వద్ద హోప్‌ క్లిష్టమైన క్యాచ్‌ వదిలేయడంతో కోహ్లికి లైఫ్‌ లభించింది. 

పోర్ట్‌ ఆఫ్‌ స్పెయిన్‌: కరీబియన్‌ పర్యటనలో టి20 సిరీస్‌ నుంచి వెంటాడుతున్న వరుణుడు ఆఖరి వన్డేకూ అడ్డు తగిలాడు. బుధవారం ఇక్కడ ప్రారంభమైన మూడో వన్డేలో భారత్, వెస్టిండీస్‌ పరస్పరం పై చేయికి ప్రయత్నిస్తున్న సమయంలో నేనున్నానంటూ వర్షం పలుకరించింది. మొత్తంమీద మూడు గంటలకుపైగా అంతరాయం కలిగించింది. దాంతో మ్యాచ్‌ను 35 ఓవర్లకు కుదించారు. టాస్‌ గెలిచి బ్యాటింగ్‌కు దిగిన వెస్టిండీస్‌ 22 ఓవర్లలో 2 వికెట్ల నష్టానికి 158/2తో ఉండగా వాన ఆటను నిలిపివేసింది. విధ్వంసక ఓపెనర్‌ క్రిస్‌ గేల్‌ (41 బంతుల్లో 72; 8 ఫోర్లు, 5 సిక్స్‌లు)కు తోడు మరో ఓపెనర్‌ లూయిస్‌ (29 బంతుల్లో 43; 5 ఫోర్లు, 3 సిక్స్‌లు) చెలరేగి ఆతిథ్య జట్టు భారీ స్కోరుకు బాటలు వేశారు. వీరిద్దరు స్వల్ప వ్యవధిలో ఔటైనప్పటికీ తర్వాత వచ్చిన బ్యాట్స్‌మెన్‌ కూడా దూకుడుగా ఆడారు. దాంతో విండీస్‌ 35 ఓవర్లలో ఏడు వికెట్ల నష్టానికి 240 పరుగులు చేసింది. డక్‌వర్త్‌ లూయిస్‌ పద్ధతి ప్రకారం భారత లక్ష్యాన్ని 35 ఓవర్లలో 255 పరుగులుగా నిర్ణయించారు.   వాన... పరుగుల ఉప్పెన భువనేశ్వర్‌ మెయిడిన్‌తో ప్రారంభమైంది విండీస్‌ ఇన్నింగ్స్‌. రెండో ఓవర్‌లో నోబాల్‌ సహా నాలుగు బంతులు పడ్డాయో లేదో వర్షం ప్రారంభమైంది. దాదాపు పది నిమిషాల అనంతరం తెరపినివ్వడంతో ఆటగాళ్లు మళ్లీ మైదానంలోకి వచ్చారు. మూడో ఓవర్లో భువీ ఒక్క పరుగే ఇవ్వడం, తర్వాత షమీ మెయిడిన్‌తో మ్యాచ్‌ నిస్సారంగా సాగేలా కనిపించింది. కానీ, వానను మించిన పరుగుల ఉప్పెన ఐదో ఓవర్‌ నుంచి మొదలైంది. భువీ బౌలింగ్‌లో లూయిస్‌ రెండు ఫోర్లు, సిక్స్‌ కొట్టడంతో ఏకంగా 16 పరుగులు వచ్చాయి. అవతలి ఎండ్‌లో గేల్‌... షమీని ఆరేశాడు. మధ్యలో ఖలీల్‌పై లూయిస్‌  ప్రతాపం చూపాడు. 5 నుంచి 10వ ఓవర్‌ మధ్య విండీస్‌ ఓపెనర్లు ఏకంగా 101 పరుగులు పిండుకున్నారు. వరద గేట్లెత్తిన తరహాలో వరుసగా 16, 20, 14, 16, 18, 17 చొప్పున పరుగులు వచ్చాయి. నాలుగో ఓవర్‌ ముగిసే సరికి 3.25తో ఉన్న కరీబియన్ల రన్‌రేట్‌ పదో ఓవర్‌ తర్వాత 11.40గా మారడం గమనార్హం. ఈ క్రమంలో 114/0తో 2015 ప్రపంచ కప్‌ తర్వాత పవర్‌ ప్లేలో అత్యధిక పరుగులు చేసిన జట్టుగా విండీస్‌ నిలిచింది. అయితే, చహల్‌ వస్తూనే లూయిస్‌ను ఔట్‌ చేయడం, గేల్‌ ఔటవడంతో ప్రత్యర్థికి కళ్లెం పడింది. భారత బౌలర్లు కట్టుదిట్టంగా బంతులేయడంతో హోప్, హెట్‌మైర్‌ 11 నుంచి 22వ ఓవర్‌ మధ్య 44 పరుగులే చేయగలిగారు. విండీస్‌ 158/2 వద్ద ఉండగా వర్షం 2 గంటలపైగా అడ్డంకిగా నిలిచింది. పలుసార్లు తగ్గినట్టే తగ్గినా తిరిగి ప్రారంభమైంది. గేల్‌ వీడ్కోలు... ఘనంగా... ఉద్వేగంగా: ఆటలో, ఆహార్యంలో, ప్రవర్తనలో దేనిలో చూసినా క్రిస్‌ గేల్‌ అంటేనే ప్రత్యేకత. అందుకే అతడు యూనివర్సల్‌ బాస్‌గా ప్రసిద్ధుడయ్యాడు. అలాంటి గేల్‌ చివరి వన్డే ఆడేశాడు. అది కూడా కాస్త ఘనంగానే...! కొంతకాలంగా పరుగులకు ఇబ్బందిపడుతున్న అతడు ఓ చక్కటి ఇన్నింగ్స్‌తో కెరీర్‌కు ముగింపు పలికాడు. బుధవారం 301వ వన్డే ఆడిన గేల్‌... ప్రతీకాత్మకంగా అదే నంబరు జెర్సీతో మైదానంలో దిగాడు.  ఇక మూడో వన్డేలో ఇన్నింగ్స్‌ 8వ బంతికి వచ్చిన నోబాల్‌ ఫ్రీ హిట్‌ను డీప్‌ మిడ్‌ వికెట్‌లోకి సిక్స్‌ కొట్టడంతో గేల్‌ ప్రతాపం మొదలైంది. షమీ వేసిన ఆరో ఓవర్లో సిక్స్, మూడు ఫోర్లు సహా 20 పరుగులు పిండుకుని పూర్వపు విశ్వరూపాన్ని చూపాడు. మధ్యలో భువీని ఫోర్, సిక్స్‌తో సత్కరించిన గేల్‌ అనంతరం కుర్ర ఖలీల్‌ అహ్మద్‌కు రెండు సిక్స్‌లు, ఫోర్‌తో దడ పుట్టించాడు. సిక్స్‌తోనే అర్ధసెంచరీ (30 బంతుల్లో) అందుకున్నాడు. ఖలీల్‌ బౌలింగ్‌లో ఫోర్‌తో 70ల్లోకి వెళ్లిన గేల్‌ దూకుడు చూస్తే సెంచరీ చేయడం ఖాయంగా కనిపించింది. అయితే, ఆ వెంటనే భారీ షాట్‌ ఆడబోయి కోహ్లికి మిడాఫ్‌లో క్యాచ్‌ ఇచ్చి వెనుదిగిరాడు. భారత ఆటగాళ్ల నుంచి వీడ్కోలు అభినందనలు అందుకుంటూ, ప్రేక్షకుల కరతాళ ధ్వనులకు ప్రతిగా అభివాదం చేస్తూ, తనదైన శైలిలో హెల్మెట్‌ను బ్యాట్‌ హ్యాండిల్‌కు తగిలించి పైకెత్తి చూపుతూ మైదానాన్ని వీడాడు. ఈ సందర్భంగా గేల్‌–కోహ్లి ప్రత్యేక రీతిలో అభివాదం చేసుకోవడం విశేషం. 20 ఏళ్ల సుదీర్ఘ కెరీర్‌లో ప్రపంచవ్యాప్తంగా 23 జట్లకు ప్రాతినిధ్యం వహించిన ఘనత గేల్‌ సొంతం. వీటిలో ఎక్కువగా టి20 జట్లు ఉన్నప్పటికీ మరే క్రికెటర్‌కూ ఇది సాధ్యం కానిదే. భారత్‌తో తలపడే విండీస్‌ టెస్టు జట్టులో గేల్‌కు చోటు దక్కలేదు. టి20ల నుంచి తప్పుకోవడంపై అతడు స్పష్టమైన ప్రకటన చేయాల్సి ఉంది. స్కోరు వివరాలు వెస్టిండీస్‌ ఇన్నింగ్స్‌: గేల్‌ (సి) కోహ్లి (బి) ఖలీల్‌ అహ్మద్‌ 72; లూయిస్‌ (సి) ధావన్‌ (బి) చహల్‌ 43; షై హోప్‌ (బి) జడేజా 24; హెట్‌మైర్‌ (బి) షమీ 25; పూరన్‌ (సి) మనీశ్‌ పాండే (సబ్‌) (బి) షమీ 30; హోల్డర్‌ (సి) కోహ్లి (బి) ఖలీల్‌ అహ్మద్‌ 14; బ్రాత్‌వైట్‌ (సి) పంత్‌ (బి) ఖలీల్‌ అహ్మద్‌ 16; అలెన్‌ (నాటౌట్‌) 6; కీమో పాల్‌ (నాటౌట్‌) 0; ఎక్స్‌ట్రాలు 10; మొత్తం (35 ఓవర్లలో ఏడు వికెట్లకు) 240 వికెట్ల పతనం: 1–115, 2–121, 3–171, 4–171, 5–211, 6–221, 7–236. బౌలింగ్‌: భువనేశ్వర్‌ 5–1–48–0, షమీ 7–1–50–2, ఖలీల్‌ 7–0–68–3, చహల్‌ 7–0–32–1, కేదార్‌ జాదవ్‌ 4–0–13–0, జడేజా 5–0–26–1.

మౌంట్‌ మాంగనీ: భారత మాజీ కెప్టెన్, వికెట్‌ కీపర్‌ ధోని గాయం కారణంగా న్యూజిలాండ్‌తో జరిగిన మూడో వన్డేలో బరిలోకి దిగలేదు. సోమవారం తొడ కండరాల గాయంతో అతను ఆటకు దూరంగా ఉన్నాడు. తన 14 ఏళ్ల సుదీర్ఘ కెరీర్‌లో ఫిట్‌నెస్‌ను కాపాడుకుంటూ వచ్చిన ధోని ఇప్పటి వరకు గాయంతో కేవలం ఐదు మ్యాచ్‌ల్లోనే గైర్హాజరీ అయ్యాడు. వెస్టిండీస్‌లో ఆరేళ్ల క్రితం (2013) చివరిసారిగా ఇలా గాయంతో ఆటకు దూరమయ్యాడు. అప్పుడు మూడు వన్డేలు ఆడలేకపోయాడు. అంతకుముందు 2007లో వైరల్‌ జ్వరం వల్ల ఐర్లాండ్, దక్షిణాఫ్రికాలతో జరిగిన మ్యాచ్‌లకు దూరంగా ఉన్నాడు. ఆస్ట్రేలియాతో జరిగిన వన్డే సిరీస్‌లో మూడు అర్ధసెంచరీలతో ‘మ్యాన్‌ ఆఫ్‌ ద సిరీస్‌’ అందుకున్న ఈ భారత మాజీ కెప్టెన్‌... కివీస్‌ పర్యటనలోనూ అదే జోరు కొనసాగిస్తున్నాడు. రెండో వన్డేలో 33 బంతుల్లో 48 పరుగులు చేసి భారత్‌ భారీ స్కోరులో భాగమయ్యాడు.  కివీస్‌ జట్టులో రెండు మార్పులు భారత్‌తో సిరీస్‌ కోల్పోయిన కివీస్‌ చివరి రెండు వన్డేలకు జట్టులో రెండు మార్పులు చేసింది. ఆల్‌రౌండర్‌ నీషమ్, లెగ్‌ స్పిన్నర్‌ టాడ్‌ ఆస్టల్‌లను జట్టులోకి తీసుకుంది. బ్రేస్‌వెల్‌ స్థానంలో నీషమ్, స్పిన్నర్‌ ఇష్‌ సోధి స్థానంలో ఆస్టల్‌ వచ్చారు.  

ఆసియా కప్‌లో అయిన గాయంతో కొన్నాళ్లు ఆటకు దూరమై... వివాదాస్పద వ్యాఖ్యలతో ఏకంగా ఆస్ట్రేలియా సిరీస్‌ మధ్యలో సస్పెన్షన్‌కు గురై... ప్రపంచ కప్‌ ముందు తీవ్ర మానసిక ఒత్తిడికి లోనైన హార్దిక్‌ పాండ్యా ఇప్పుడిక ఊరట పొందొచ్చు. న్యూజిలాండ్‌తో మూడో వన్డేలో అవసరమైన సమయంలో అతడి ప్రదర్శనే ఇందుకు కారణం. విలియమ్సన్‌ వంటి ఆటగాడి క్యాచ్‌ను అద్భుతం అనదగ్గ రీతిలో అందుకుని తొలుత ఫీల్డింగ్‌లో మెరిసిన పాండ్యా... బౌలింగ్‌లోనూ తన విలువ చాటాడు. ఓ వైపు పరుగులు నిరోధిస్తూనే, ఇన్నింగ్స్‌ కీలక దశలో నికోల్స్‌ వికెట్‌ పడగొట్టి కివీస్‌ స్కోరు మరీ పెరగకుండా చూశాడు. ఆ వెంటనే సాన్‌ట్నర్‌ను ఔట్‌ చేసి మ్యాచ్‌ను ఓ విధంగా మలుపుతిప్పాడు. ఓ ఎండ్‌లో పాండ్యా ఇలా పరోక్షంగా ఒత్తిడి తేవడంతో... రాస్‌ టేలర్‌ ఆత్మరక్షణలో పడ్డాడు. మ్యాచ్‌ అనంతరం కోహ్లి సైతం ఈ ప్రదర్శనను పొగడటం కచ్చితంగా పాండ్యాను స్థిమిత పరిచి ఉంటుంది.    

వన్డే సిరీస్‌లో వెస్టిండీస్‌ జట్టు భారత్‌ను ఆశ్చర్యపరిచింది. మూడో వన్డేలో గెలిచి సిరీస్‌ను రసవత్తరంగా మార్చింది. కెప్టెన్‌ విరాట్‌ కోహ్లి వరుసగా మూడో సెంచరీతో అదరగొట్టినా... టీమిండియా లక్ష్యానికి చాలా దూరంలోనే నిలిచిపోయింది. ఐసీసీ ర్యాంకింగ్స్‌లో కోహ్లి అగ్రస్థానంలో ఎందుకు ఉన్నా డో ఈ ఇన్నింగ్స్‌ చూస్తే అర్థమవుతుంది. ఓ వైపు వికెట్లు పడుతున్నా... బెదురులేకుండా బ్యాటింగ్‌ చేయడమే అతన్ని ఇతర బ్యాట్స్‌మెన్‌ నుంచి వేరు చేస్తోంది. భారీ లక్ష్య ఛేదనలో బ్యాటింగ్‌ చేయడం అంత సులువు కాదు. కావాల్సిన రన్‌రేట్‌ను దృష్టిలో పెట్టుకొని ఇన్నింగ్స్‌ను నడిపించాల్సి ఉంటుంది. అవతలి ఎండ్‌లో వికెట్లు పడుతుంటే ఇది మరింత కష్టమవుతుంది. అలాంటి సమయంలో ఓ బ్యాట్స్‌మన్‌లోని అత్యుత్తమ ఆట బయటకు వస్తుంది. చాలా మంది బ్యాట్స్‌మెన్‌లను గమనిస్తే  మొదట బ్యాటింగ్‌ చేస్తున్నప్పుడు వారు చాలా బాగా ఆడతారు. అదే లక్ష్య ఛేదనకు వచ్చేసరికి అంతా మారిపోతుంది. కానీ కోహ్లి తీరు వీరందరికి భి న్నం. ఛేదనలో అతని షాట్ల ఎంపిక చక్కగా ఉంటుంది. మూడో వన్డేలో  షై హోప్‌ చెలరేగడంతో మధ్య ఓవర్లలో విండీస్‌ పుంజుకుంది. అతనికి కెప్టెన్‌ హోల్డర్‌ చక్కటి సహకారం అందించాడు. ఇక చివర్లో నర్స్‌ చెలరేగిపోయి జట్టుకు మంచి స్కోరు సాధించిపెట్టాడు. ఈ పర్యటనలో విండీస్‌ కెప్టెన్‌ రోజు రోజుకూ మెరుగవుతున్నాడు. ఆటగాడిగానే కాక సారథిగానూ ఆకట్టుకుంటున్నాడు.

మొదటి మ్యాచ్‌లో ఓడి... రెండో దానిని ‘టై’గా ముగించి... సిరీస్‌లో పుంజుకున్న వెస్టిండీస్‌ మూడో వన్డేలో ఏకంగా గెలుపునే సొంతం చేసుకుంది. బౌలింగ్‌ బలాన్ని కూడదీసుకుని మరీ బరిలో దిగిన భారత్‌... బ్యాటింగ్‌లో బలహీనతలను మాత్రం అధిగమించలేకపోయింది. టాపార్డర్‌పై అతిగా ఆధారపడి బోల్తా కొట్టింది. ఛేదనలో మొనగాడైన కెప్టెన్‌ విరాట్‌ కోహ్లి 38వ శతకం బాదినా... మిగతా అందరూ బ్యాట్లెత్తేయడంతో టీమిండియా ఓటమి మూటగట్టుకుంది. ప్రత్యర్థి లోయరార్డర్‌ పోరాడి జోడించిన పరుగులే మ్యాచ్‌లో తేడాను చూపాయి.    పుణే: ఎట్టకేలకు వెస్టిండీస్‌కో విజయం. భారత పర్యటనలో గెలుపునకు మొహం వాచిన ఆ జట్టు మూడో వన్డేలో ఆల్‌రౌండ్‌ ప్రదర్శనతో దానిని అందుకుంది. మరోవైపు బ్యాట్స్‌మెన్‌ వైఫల్యంతో టీమిండియాకు పరాజయం ఎదురైంది. శనివారం ఇక్కడ జరిగిన మ్యాచ్‌లో పర్యాటక జట్టు 43 పరుగులతో కోహ్లి సేనను ఓడించింది. టాస్‌ ఓడి తొలుత బ్యాటింగ్‌కు దిగిన వెస్టిండీస్‌ నిర్ణీత 50 ఓవర్లలో 9 వికెట్ల నష్టానికి 283 పరుగులు చేసింది. శతకం చేజారినా, వన్‌డౌన్‌ బ్యాట్స్‌మన్‌ షై హోప్‌ (113 బంతుల్లో 95; 6 ఫోర్లు, 3 సిక్స్‌లు) మరోసారి కీలక ఇన్నింగ్స్‌ ఆడాడు. యువ హెట్‌మైర్‌ (21 బంతుల్లో 37; 2 ఫోర్లు, 3 సిక్స్‌లు), ‘మ్యాన్‌ ఆఫ్‌ ద మ్యాచ్‌’ ఆష్లే నర్స్‌ (22 బంతుల్లో 40; 4 ఫోర్లు, 2 సిక్స్‌లు), కెప్టెన్‌ జాసన్‌ హోల్డర్‌ (39 బంతుల్లో 32; 2 ఫోర్లు, 1 సిక్స్‌) తలో చేయి వేశారు. బుమ్రా (4/35) ప్రత్యర్థిని కట్టడి చేయడంతో పాటు కీలక వికెట్లు పడగొట్టాడు. 284 పరుగుల లక్ష్య ఛేదనలో కెప్టెన్‌ విరాట్‌ కోహ్లి (119 బంతుల్లో 107; 10 ఫోర్లు, 1 సిక్స్‌) శతకంతో చెలరేగినా... ఓపెనర్‌ శిఖర్‌ ధావన్‌ (45 బంతుల్లో 35; 5 ఫోర్లు) మినహా ఇంకెవరూ రాణించకపోవడంతో భారత్‌ 47.4 ఓవర్లలో 240 పరుగులకే ఆలౌటైంది. విండీస్‌ బౌలర్లలో శామ్యూల్స్‌ (3/12) మూడు వికెట్లు తీయగా, హోల్డర్, మెకాయ్, నర్స్‌లకు రెండేసి వికెట్లు దక్కాయి. నాలుగో వన్డే సోమవారం ముంబైలో జరుగుతుంది.  ఇటు ‘హోప్‌’... అటు నర్స్‌   ఓపెనర్లు కీరన్‌ పావెల్‌ (21), హేమరాజ్‌ (15)లను బుమ్రా తక్కువ స్కోర్లకే ఔట్‌ చేయడం, శామ్యూల్స్‌ (9) వైఫల్యంతో విండీస్‌ ప్రారంభంలో ఇబ్బందులు ఎదుర్కొంది. కానీ, హోప్, హెట్‌మైర్‌ జోడీ మరోసారి నిలిచింది. ముఖ్యంగా హెట్‌మైర్‌... స్పిన్నర్లు చహల్, కుల్దీప్‌లను లక్ష్యంగా చేసుకున్నాడు. అయితే, కుల్దీప్‌ బౌలింగ్‌లో ధోని మెరుపు స్టంపింగ్‌ అతడి దూకుడుకు తెరదించింది. బుమ్రా, భువీ రెండో స్పెల్‌లో పరుగులు రావడం కష్టంగా మారినా హోప్‌ మాత్రం పట్టువదలకుండా ఆడాడు. 72 బంతుల్లో అర్ధ శతకం పూర్తిచేసుకున్నాక ధాటిగా ఆడే ప్రయత్నం చేశాడు. ఖలీల్‌ ఓవర్లలో రెండు సిక్స్‌లు కొట్టాడు. హోల్డర్‌ అండగా నిలిచాడు. అతడితో పాటు, ఫాబియాన్‌ అలెన్‌ (5) నిష్క్రమించడం, హోప్‌ను బుమ్రా యార్కర్‌తో బౌల్డ్‌ చేయడంతో విండీస్‌ 227/8కు పడిపోయింది. ఇన్నింగ్స్‌ ఎంతోసేపు సాగదనుకుంటుండగా నర్స్‌ అడ్డుపడ్డాడు. గత మ్యాచ్‌లో చివరి ఓవర్లో విజయానికి అవసరమైన పరుగులు చేయడంలో విఫలమైన అతడు... ఈసారి పూర్తి భిన్నంగా కనిపించాడు. చహల్‌ ఓవర్లో వరుస బంతుల్లో సిక్స్, ఫోర్‌ బాదాడు. 49వ ఓవర్లో భువీకి మూడు బౌండరీలు, సిక్స్‌తో చుక్కలు చూపాడు. దీంతో భువీ ఏకంగా 21 పరుగులు ఇచ్చుకున్నాడు. 9వ వికెట్‌ రోచ్‌ (15 నాటౌట్‌)తో కలిసి 35 బంతుల్లోనే 50 పరుగులు జోడించాడు.   కోహ్లి ఒక్కడే...  తక్కువ ఎత్తులో వచ్చిన హోల్డర్‌ బంతిని ఆడలేకపోయిన రోహిత్‌ శర్మ (8) మరోసారి త్వరగానే ఔటవ్వడంతో ఛేదనలో భారత్‌కు శుభారంభం దక్కలేదు. రెండో వికెట్‌కు కోహ్లితో 79 పరుగులు జోడించి కుదురుకున్నట్లే కనిపించిన ధావన్‌... నర్స్‌ బౌలింగ్‌లో స్వీప్‌ షాట్‌కు యత్నించి ఎల్బీ అయ్యాడు. ఎప్పటిలానే పరుగులు రాబట్టిన కోహ్లి 63 బంతుల్లో అర్ధ శతకం పూర్తి చేసుకున్నాడు. కెప్టెన్‌కు అంబటి రాయుడు (22) సహకారమందించడంతో స్కోరు బోర్డులో కదలిక వచ్చింది. అయితే, మెకాయ్‌ బంతిని వికెట్ల మీదకు ఆడుకుని రాయుడు పెవిలియన్‌ చేరాడు. వస్తూనే లైఫ్‌ దక్కిన రిషభ్‌ పంత్‌ (18 బంతుల్లో 24; 3 ఫోర్లు, 1 సిక్స్‌) కొన్ని మెరుపు షాట్లు కొట్టినా దానిని సద్వినియోగం చేసుకోలేకపోయాడు. సాధికారికంగా ఆడుతూ, 90ల్లో ఉన్న కోహ్లికి తోడ్పాటునివ్వడంతో పాటు జట్టును గెలుపు తీరానికి చేర్చాల్సిన దశలో వచ్చిన ధోని (7) వైఫల్యాల పరంపర కొనసాగించాడు. వికెట్‌కు దూరంగా హోల్డర్‌ వేసిన బంతిని బ్యాట్‌కు తగిలించుకుని కీపర్‌కు క్యాచ్‌ ఇచ్చాడు. అయితే, హోల్డర్‌ మరుసటి ఓవర్లో సింగిల్‌తో కోహ్లి శతకం (110 బంతుల్లో) అందుకున్నాడు. బ్యాటింగ్‌ చేయగలిగిన భువనేశ్వర్‌ (10)తో కలిసి కెప్టెన్‌ గెలిపిస్తాడని అభిమానులు భావిం చారు. కానీ, కోహ్లిని శామ్యూల్స్‌ బౌల్డ్‌ చేయడంతో ఆశలు నీరుగారాయి.   ►మూడు వరుస సెంచరీలు చేసిన తొలి కెప్టెన్‌ విరాట్‌ కోహ్లినే. 

పల్లెకెలె: శ్రీలంకతో జరిగిన మూడో వన్డేలో ఇంగ్లండ్‌ ఏడు వికెట్ల తేడాతో గెలిచింది. వర్షం అంతరాయం కలిగించడంతో ఈ మ్యాచ్‌ను 21 ఓవర్లకు కుదించారు. తొలుత బ్యాటింగ్‌ చేసిన శ్రీలంక 9 వికెట్లకు 150 పరుగులు చేసింది. డిక్‌వెలా (36; 8 ఫోర్లు) టాప్‌ స్కోరర్‌గా నిలిచాడు. ఇంగ్లండ్‌ బౌలర్లలో స్యామ్‌ కరన్‌ (3/17), ఆదిల్‌ రషీద్‌ (4/36) రాణించారు. ఇంగ్లండ్‌ 18.3 ఓవర్లలో 3 వికెట్లకు 153 పరుగులు చేసి గెలిచింది. మోర్గాన్‌ (49 బంతుల్లో 58 నాటౌట్‌; 7 ఫోర్లు), స్టోక్స్‌ (24 బంతుల్లో 35 నాటౌట్‌; ఫోర్, 2 సిక్స్‌లు) ధాటిగా ఆడారు. సిరీస్‌లో నాలుగో వన్డే శనివారం జరుగుతుంది.  

గాలె: కెప్టెన్‌ మిథాలీ రాజ్‌ (143 బంతుల్లో 125 నాటౌట్‌; 14 ఫోర్లు, 1 సిక్స్‌) కెరీర్‌ అత్యుత్తమ వ్యక్తిగత స్కోరుతో అజేయ శతకం సాధించినా... బౌలర్ల వైఫల్యంతో ఐసీసీ చాంపియన్‌షిప్‌లో భాగంగా ఆదివారం శ్రీలంకతో జరిగిన మూడో వన్డేలో భారత మహిళల జట్టుకు ఓటమి ఎదురైంది. దాంతో మూడు మ్యాచ్‌ల సిరీస్‌ను భారత్‌ క్లీన్‌స్వీప్‌ చేయలేకపోయినా 2–1తో దక్కించుకుంది. తొలుత భారత్‌ నిర్ణీత 50 ఓవర్లలో 5 వికెట్ల నష్టానికి 253 పరుగులు చేసింది. ఖాతా తెరవకుండానే యువ ఓపెనర్‌ జెమీమా రోడ్రిగ్స్‌ (0) పెవిలియన్‌ చేరడంతో తొలి ఓవర్‌లోనే క్రీజులోకొచ్చిన మిథాలీ చివరి వరకు అజేయంగా నిలిచి జట్టుకు మంచి స్కోరు అందించింది. స్మృతి మంధాన (51; 6 ఫోర్లు)తో కలిసి రెండో వికెట్‌కు 102 పరుగులు... హర్మన్‌ ప్రీత్‌ కౌర్‌ (17)తో మూడో వికెట్‌కు 45 పరుగులు... దీప్తి శర్మతో ఐదో వికెట్‌కు 92 పరుగులు జత చేసింది. ఈ క్రమంలో మిథాలీ 126 బంతుల్లో ఏడో వన్డే సెంచరీ పూర్తి చేసుకుంది. అనంతరం బ్యాటింగ్‌ చేసిన శ్రీలంక 49.5 ఓవర్లలో 7 వికెట్లకు 257 పరుగులు చేసి మూడు వికెట్ల తేడాతో విజయం సాధించింది. ఇప్పటికే 0–2తో సిరీస్‌ కోల్పోయిన లంక జట్టుకు చివరి మ్యాచ్‌లో గెలుపు కాస్త ఊరటనిచ్చింది. కెప్టెన్‌ జయాంగని ఆటపట్టు (133 బంతుల్లో 115; 13 ఫోర్లు, 4 సిక్స్‌లు) సెంచరీ సాధించగా... హాసిని పెరీరా (45; 4 పోర్లు, 2 సిక్స్‌లు) ఆకట్టుకుంది. భారత బౌలర్లలో జులన్‌ గోస్వామి, మాన్సి జోషి చెరో రెండు వికెట్లు పడగొట్టారు. ఇరు జట్ల మధ్య ఐదు మ్యాచ్‌ల టి20 సిరీస్‌ బుధవారం నుంచి ప్రారంభం కానుంది. 

టి20 సిరీస్‌ విజయం తెచ్చిన ఊపులో వన్డే సిరీస్‌ కూడా గెలుచుకోవాలనుకున్న భారత్‌ ఆశలు నెరవేరలేదు. ముందుగా బ్యాటింగ్‌ వైఫల్యం, ఆపై నిస్సారమైన బౌలింగ్‌ కలగలిసి చివరి వన్డే ప్రత్యర్థిపరం కావడంతో సుదీర్ఘ విరామం తర్వాత భారత్‌ ద్వైపాక్షిక సిరీస్‌ కోల్పోయింది. సొంతగడ్డపై సాధికార ప్రదర్శన చేసిన ఇంగ్లండ్‌ పరువు నిలబెట్టుకుంది. టి20 వైఫల్యం తర్వాత వన్డే సిరీస్‌ గెలుచుకొని మోర్గాన్‌ సేన సత్తా చాటింది. గత పర్యటనలో వన్డే సిరీస్‌ గెలుచుకున్న భారత్‌కు ఇది నిరాశాజనక ప్రదర్శన కాగా... ఆగస్టు 1 నుంచి జరిగే ఐదు టెస్టుల సిరీస్‌తో మరో భారీ పోరుకు తెర లేవనుంది.   లీడ్స్‌: వన్డేల్లో నంబర్‌వన్‌ ర్యాంక్‌కు న్యాయం చేస్తూ ఇంగ్లండ్‌ మరో సిరీస్‌ను తమ ఖాతాలో వేసుకుంది. మంగళవారం ఇక్కడ జరిగిన మూడో వన్డేలో ఇంగ్లండ్‌ 8 వికెట్ల తేడాతో భారత్‌పై ఘన విజయం సాధించింది. ఫలితంగా మూడు మ్యాచ్‌ల సిరీస్‌ను 2–1తో గెలుచుకుంది. టాస్‌ ఓడి ముందుగా బ్యాటింగ్‌కు దిగిన భారత్‌ 50 ఓవర్లలో 8 వికెట్ల నష్టానికి 256 పరుగులు చేసింది. విరాట్‌ కోహ్లి (72 బంతుల్లో 71; 8 ఫోర్లు) అర్ధ సెంచరీ సాధించగా... శిఖర్‌ ధావన్‌ (49 బంతుల్లో 44; 7 ఫోర్లు), ధోని (66 బంతుల్లో 42; 4 ఫోర్లు) రాణించారు. అనంతరం ఇంగ్లండ్‌  44.3 ఓవర్లలో 2 వికెట్లకు 260 పరుగులు చేసి విజయాన్నందుకుంది. జో రూట్‌ (120 బంతుల్లో 100 నాటౌట్‌; 10 ఫోర్లు) వరుసగా రెండో సెంచరీ సాధించగా, ఇయాన్‌ మోర్గాన్‌ (108 బంతుల్లో 88 నాటౌట్‌; 9 ఫోర్లు, 1 సిక్స్‌) కూడా చెలరేగాడు. వీరిద్దరు మూడో వికెట్‌కు 35.2 ఓవర్లలో అభేద్యంగా 186 పరుగులు జోడించారు.  ఆదిల్‌ రషీద్‌కు ‘మ్యాన్‌ ఆఫ్‌ ద మ్యాచ్‌’... రూట్‌కు ‘మ్యాన్‌ ఆఫ్‌ ద సిరీస్‌’ అవార్డులు లభించాయి.  కోహ్లి అర్ధ సెంచరీ...  సిరీస్‌ ఫలితాన్ని తేల్చే మ్యాచ్‌లో భారత్‌కు మరోసారి సరైన ఆరంభం లభించలేదు. రోహిత్‌ శర్మ (2) ఈ మ్యాచ్‌లో పూర్తిగా తడబడ్డాడు. విల్లీ వేసిన తొలి ఓవర్‌ను మెయిడిన్‌గా ఆడిన అతను... ఒక దశలో వరుసగా ఏడు డాట్‌ బంతులు ఆడి తర్వాతి బంతికి వికెట్‌ అప్పగించేశాడు. అనంతరం ధావన్, కోహ్లి కలిసి బాధ్యతగా ఆడుతూ ఇన్నింగ్స్‌ను నడిపించారు. తొలి పవర్‌ప్లే ముగిసేసరికి భారత్‌ 32 పరుగులు మాత్రమే చేయగలిగింది. ప్లంకెట్‌ ఓవర్లో వరుసగా మూడు ఫోర్లు కొట్టి ధావన్‌ జోరు ప్రదర్శించగా, అలీ బౌలింగ్‌లో 23 పరుగుల వద్ద బట్లర్‌ క్యాచ్‌ వదిలేయడంతో కోహ్లి బతికిపోయాడు. వీరిద్దరు రెండో వికెట్‌కు 12 ఓవర్లలో 71 పరుగులు జోడించిన అనంతరం ధావన్‌ రనౌట్‌ ఈ జోడీని విడదీసింది. మిడ్‌ వికెట్‌ దిశగా ఆడి ముందుగా పరుగు కోసం ప్రయత్నించిన కోహ్లి ఆపై నిరాకరించాడు. అయితే అవతలి ఎండ్‌ నుంచి అప్పటికే ముందుకొచ్చిన ధావన్‌ వెనుదిరిగే ప్రయత్నం చేసినా... స్టోక్స్‌ డైరెక్ట్‌ హిట్‌ అప్పటికే వికెట్లను తాకింది. రాహుల్‌ స్థానంలో మ్యాచ్‌ బరిలోకి దిగిన దినేశ్‌ కార్తీక్‌ (21) కొద్దిసేపు కెప్టెన్‌కు అండగా నిలి చినా... తనకు వచ్చిన మంచి అవకాశాన్ని వృథా చేసుకున్నాడు. 55 బంతుల్లో కోహ్లి అర్ధ సెంచరీ పూర్తి కాగా, 24 ఓవర్లు ముగిసేసరికి స్కోరు 124 పరుగులకు చేరింది. ఈ దశలో ఆదిల్‌ రషీద్‌ స్పెల్‌ టీమిండియాను దెబ్బ తీసింది. ముందుగా కార్తీక్‌ను బౌల్డ్‌ చేసిన రషీద్‌ ఇన్నింగ్స్‌ 31వ ఓవర్లో చెలరేగాడు. అతను వేసిన అద్భుతమైన లెగ్‌ బ్రేక్‌ కోహ్లి బ్యాట్‌ను ఛేదించి వికెట్లను కూల్చింది. అనూహ్యమైన ఈ బంతికి బిత్తరపోయిన కోహ్లి కొద్దిసేపు పిచ్‌ను, బౌలర్‌ను చూస్తూ షాక్‌లో నిలిచిపోయాడు! అదే ఓవర్‌ చివరి బంతికి రైనా (1) కూడా ఔట్‌ కావడంతో భారత్‌ కష్టాలు పెరిగాయి. ఈ దశలో ధోని జట్టును ఆదుకునే ప్రయత్నం చేశాడు. గత మ్యాచ్‌లాగే అతని ఆటలో వేగం లేకపోయినా... పరిస్థితిని చక్కబెట్టేందుకు క్రీజ్‌లో గట్టిగా నిలబడ్డాడు. ఈ క్రమంలో ధోనికి తోడుగా హార్దిక్‌ పాండ్యా (21), భువనేశ్వర్‌ (21), శార్దూల్‌ ఠాకూర్‌ (22 నాటౌట్‌) చేసిన పరుగులు స్కోరును 250 పరుగులు దాటించాయి. 48వ ఓవర్‌ వరకు భారత్‌ ఇన్నింగ్స్‌లో ఒక్క సిక్స్‌ కూడా లేకపోగా... స్టోక్స్‌ వేసిన తర్వాతి ఓవర్లో శార్దుల్‌ రెండు భారీ సిక్సర్లు బాదడం విశేషం. చివరి 10 ఓవర్లలో భారత్‌ సరిగ్గా 60 పరుగులు సాధించింది.   భారీ భాగస్వామ్యం...  సాధారణ లక్ష్య ఛేదనలో ఇంగ్లండ్‌కు బెయిర్‌స్టో అదిరే ఆరంభం అందించాడు. భువనేశ్వర్‌ ఓవర్లో నాలుగు ఫోర్లతో చెలరేగిన అతడు, పాండ్యా వేసిన తర్వాతి ఓవర్లో మరో మూడు ఫోర్లు బాదాడు. ఇదే ఊపులో శార్దుల్‌ బౌలింగ్‌లో మరో షాట్‌కు ప్రయత్నించి మిడ్‌వికెట్‌లో రైనాకు క్యాచ్‌ ఇవ్వడంతో ఇంగ్లండ్‌ తొలి వికెట్‌ కోల్పోయింది. ఆ తర్వాత మరో ఎండ్‌లో విన్స్‌ (27 బంతుల్లో 27; 5 ఫోర్లు) కొన్ని చక్కటి షాట్లు ఆడటంతో స్కోరు దూసుకుపోయింది. అయితే పాండ్యా చక్కటి ఫీల్డింగ్‌కు ధోని చురుకుదనం కలగలిసి విన్స్‌ రనౌట్‌గా వెనుదిరగాల్సి వచ్చింది. తొలి పవర్‌ప్లే ముగిసేసరికి ఇంగ్లండ్‌ స్కోరు 78 పరుగులకు చేరింది. ఈ దశలో రూట్, మోర్గాన్‌ కలిసి ప్రశాంతంగా ఆడుకున్నారు. చక్కటి సమన్వయంతో ఆడిన వీరిద్దరు భారత బౌలర్లకు ఎలాంటి అవకాశం ఇవ్వకుండా స్కోరుబోర్డును నడిపించారు. మధ్య ఓవర్లలో  తడబాటు లేకుండా భారత స్పిన్‌ ద్వయం చహల్, కుల్దీప్‌ యాదవ్‌లను ఎదుర్కొన్న ఇంగ్లండ్‌ బ్యాట్స్‌మెన్‌ వికెట్‌ ఇవ్వకుండా జాగ్రత్త పడ్డారు. ఈ క్రమంలో రూట్‌ 69 బంతుల్లో, మోర్గాన్‌ 58 బంతుల్లో అర్ధ సెంచరీలు పూర్తి చేసుకున్నారు. రూట్‌ 52 పరుగుల వద్ద ఉన్నప్పుడు శార్దుల్‌ బౌలింగ్‌లో ధోని క్యాచ్‌ వదిలేయడం కూడా ప్రత్యర్థికి కలిసొచ్చింది. ఇంగ్లండ్‌ స్కోరు 200 దాటిన తర్వాత రూట్‌ను ధోని స్టంపౌట్‌ చేసినా... చహల్‌ వేసింది నోబాల్‌గా తేలింది. ఆ తర్వాత మరో చాన్స్‌ ఇవ్వకుండా ఇద్దరు బ్యాట్స్‌మెన్‌ మరో 5.3 ఓవర్లు మిగిలి ఉండగానే జట్టును గెలిపించారు.  

ఇంగ్లండ్‌తో టి20 సిరీస్‌ను గెలుచుకున్న భారత్‌... రెండో మ్యాచ్‌లో ఓడినా చివరి వరకు పోరాడగలిగింది. జట్టులో లోపాలేమీ కనిపించకుండా చివరి మ్యాచ్‌లో చెలరేగింది. అయితే వన్డే సిరీస్‌లో రెండో మ్యాచ్‌లో పరాజయం మాత్రం భారత్‌ బలహీనతలను బయట పెట్టింది. ముఖ్యంగా మిడిలార్డర్‌ను తీర్చిదిద్దుకోవాల్సిన అవసరం చూపించింది. ఇప్పుడు వాటిని అధిగమించి చివరి వన్డేలో విజయంతో ఈ పర్యటనలో మరో సిరీస్‌ను తమ ఖాతాలో వేసుకుంటుందా? ఐదు మ్యాచ్‌ల సుదీర్ఘ టెస్టు సిరీస్‌కు ముందు కావాల్సిన ఆత్మవిశ్వాసాన్ని పెంచుకుంటుందా అనేది ఆసక్తికరం.    లీడ్స్‌: టి20లాగే వన్డే సిరీస్‌ను కూడా గెలుచుకోవాలని పట్టుదలగా ఉన్న భారత్‌ చివరి సమరానికి సిద్ధమైంది. నేడు ఇక్కడి హెడింగ్లీ మైదానంలో ఇంగ్లండ్‌తో జరిగే మూడో వన్డేలో టీమిండియా తలపడనుంది. వన్డేల్లో కొంత కాలంగా తిరుగులేని ప్రదర్శన కనబరస్తున్న ఇంగ్లండ్‌ తొలి మ్యాచ్‌ పరాజయం నుంచి వెంటనే కోలుకొని సత్తా చాటింది. ఈ సిరీస్‌నైనా గెలుచుకుంటే సొంతగడ్డపై తమ పరువు నిలబడుతుందని ఆ జట్టు భావిస్తోంది. మ్యాచ్‌ ఫలితం ఎలా ఉన్నా ఇంగ్లండ్, భారత్‌ తమ మొదటి, రెండు ర్యాంక్‌లు నిలబెట్టుకుంటాయి. పూర్తిగా బ్యాటింగ్‌కు అనుకూలమైన ఈ పిచ్‌పై భారీ స్కోరు ఖాయం.   రైనా స్థానంలో కార్తీక్‌!  ఇంగ్లండ్‌తో ఈ పర్యటనలో ఆడిన ఐదు అంతర్జాతీయ మ్యాచ్‌లలో భారత్‌ మూడు గెలిచింది. వీటిలో టాపార్డర్‌లో రోహిత్‌ రెండు, రాహుల్‌ ఒక సెంచరీ చేశారు. కోహ్లి, ధావన్‌ కూడా రాణించారు. కాబట్టి టాప్‌–3 విషయంలో ఎలాంటి సమస్యా లేదు. మిడిలార్డర్‌ వైఫల్యంతోనే లార్డ్స్‌ వన్డేను టీమిండియా కోల్పోయింది. ఈ విషయంలో రాహుల్, ధోని, రైనా, పాండ్యా మరింత మెరుగవ్వాల్సి ఉంది. నెమ్మదైన ఆటతో అనూహ్యంగా ధోని కూడా ప్రేక్షకుల హేళనలకు గురయ్యాడంటే గత మ్యాచ్‌ పరిస్థితి అర్థమవుతుంది. యోయో టెస్టులో రాయుడు వైఫల్యంతో మూడేళ్ల తర్వాత వన్డే ఆడే అవకాశం దక్కించుకున్న రైనా ఫర్వాలేదనిపించినా అతను చాలా ఇబ్బంది పడుతూ ఆడటం కనిపించింది. ఎడమ చేతివాటం, బౌలింగ్‌ చేయడం అదనపు అర్హతగా రైనాకు చోటు లభిస్తున్నా... తాజా ఫామ్, షాట్ల వైవిధ్యాన్ని బట్టి చూస్తే దినేశ్‌ కార్తీక్‌ను ఆడించే అవకాశం కూడా కనిపిస్తోంది. టెస్టుల్లో ప్రధాన అస్త్రం కాగలడని భావిస్తున్న కుల్దీప్‌ యాదవ్‌ను ఈ మ్యాచ్‌కు దూరంగా ఉంచుతారేమో చూడాలి. మ్యాచ్‌కు ముందు ఫిట్‌నెస్‌ పరీక్ష పాసైతేనే భువనేశ్వర్‌ ఆడతాడని అసిస్టెంట్‌ కోచ్‌ బంగర్‌ ప్రకటించాడు.   జేసన్‌ రాయ్‌కు గాయం!   రెండో వన్డేలో విజయం తర్వాత ఇంగ్లండ్‌ జట్టులో ఆత్మవిశ్వాసం పెరిగింది. ముఖ్యంగా కుల్దీప్‌ బౌలింగ్‌ను సమర్థంగా ఎదుర్కొంటూ ఆ జట్టు 10 ఓవర్లలో 68 పరుగులు రాబట్టడం శిబిరంలో ఆనందం నింపింది. ఇదే జోరులో మరో మ్యాచ్‌ కూడా గెలిచి సిరీస్‌ విజయంతో టి20 లెక్క సరి చేయాలని కెప్టెన్‌ మోర్గాన్‌ భావిస్తున్నాడు. ఓపెనర్‌ జేసన్‌ రాయ్‌ గాయపడటంతో అతని స్థానంలో జేమ్స్‌ విన్స్‌ వచ్చే అవకాశం ఉంది. అయితే దూకుడులో రాయ్‌కు సరిపోయే బిల్లింగ్స్‌ కూడా తుది జట్టులో స్థానాన్ని ఆశిస్తున్నాడు. లార్డ్స్‌ మ్యాచ్‌లో ఇంగ్లండ్‌ అన్ని రంగాల్లో సమష్టిగా రాణించి విజయాన్నందుకుంది. హెడింగ్లీలో గత నాలుగు మ్యాచ్‌లు కూడా గెలిచిన ఇంగ్లండ్‌ అదే జోరు సాగిస్తే భారత్‌కు కష్టాలు తప్పవు.  - సాయంత్రం గం. 5 నుంచి సోనీ సిక్స్, సోనీ–టెన్‌ 3లలో ప్రత్యక్ష ప్రసారం

పోచెఫ్‌స్ట్రూమ్‌: ఐసీసీ మహిళల చాంపియన్‌షిప్‌లో భాగంగా శనివారం దక్షిణాఫ్రికా జట్టుతో జరిగిన మూడో వన్డేలో భారత్‌ పరాజయం పాలైంది. ఈ మ్యాచ్‌లోనూ గెలిచి సిరీస్‌ను క్లీన్‌స్వీప్‌ చేయాలని భావించిన మిథాలీ సేనకు నిరాశ ఎదురైంది. చివరిదైన మూడో వన్డేలో సఫారీలు ఏడు వికెట్లతో భారత్‌ను ఓడించారు. మొదట భారత్‌ 50 ఓవర్లలో 240 పరుగులకు ఆలౌట్‌ కాగా... దక్షిణాఫ్రికా 49.2 ఓవర్లలో 3 వికెట్లు కోల్పోయి లక్ష్యాన్ని ఛేదించింది. టాస్‌ గెలిచి బ్యాటింగ్‌కు దిగిన మిథాలీ సేనకు ఇన్నింగ్స్‌ ప్రారంభంలోనే గట్టి ఎదురుదెబ్బ తగిలింది. గత రెండు మ్యాచ్‌ల్లో విజృంభించిన స్మృతి మంధాన... ఈసారి దక్షిణాఫ్రికా పేసర్‌ షబ్నమ్‌ ఇస్మాయిల్‌ (4/30) వేసిన తొలి బంతికే వెనుదిరిగింది. ఆ తర్వాత మరో ఓపెనర్‌ దీప్తి శర్మ (112 బంతుల్లో 79; 8 ఫోర్లు), వేద కృష్ణమూర్తి (64 బంతుల్లో 56; 8 ఫోర్లు) రాణించడంతో జట్టు ఓ మోస్తరు స్కోరు చేసింది. హర్మన్‌ప్రీత్‌ కౌర్‌ (35 బంతుల్లో 25; 4 ఫోర్లు), శిఖా పాండే (16 బంతుల్లో 31 నాటౌట్‌; 6 ఫోర్లు) ఫర్వాలేదనిపించారు. కెప్టెన్‌ మిథాలీరాజ్‌ (4) విఫలమైంది. అనంతరం దక్షిణాఫ్రికా డు ప్రీజ్‌ (111 బంతుల్లో 90 నాటౌట్‌; 7 ఫోర్లు), లారా వోల్వార్ట్‌ (88 బంతుల్లో 59; 4 ఫోర్లు), కెప్టెన్‌ నికెర్క్‌ (30 బంతుల్లో 41 నాటౌట్‌; 5 ఫోర్లు) రాణించడంతో నాలుగు బంతులు మిగిలుండగానే 241 పరుగులు చేసి గెలిచింది. ఈ మ్యాచ్‌లో భారత బౌలర్‌ జులన్‌ గోస్వామి బరిలోకి దిగలేదు. తొలి రెండు వన్డేలు గెలిచిన భారత్‌ 2–1తో సిరీస్‌ను కైవసం చేసుకుంది. ఇరు జట్ల మధ్య 5 మ్యాచ్‌ల టి20 సిరీస్‌ ఈ నెల 13 నుంచి ప్రారంభం కానుంది.   

బలాబలాల్లో ఎంత మార్పు...? టెస్టు సిరీస్‌కు ముందు దుర్భేద్యంగా దక్షిణాఫ్రికా! తొలి టెస్టు ముగియకుండానే స్టెయిన్‌ అవుట్‌! వన్డే సిరీస్‌ మొదటి మూడు మ్యాచ్‌లకు డివిలియర్స్‌ దూరం! రెండో మ్యాచ్‌ వచ్చేసరికి కెప్టెన్‌ డు ప్లెసిస్‌ అందుబాటులో లేడు! మూడో మ్యాచ్‌ సమయానికి కీపర్‌ డికాక్‌ సేవలూ కరవు! ఇప్పుడిక మొగ్గంతా భారత్‌ వైపే! చర్చంతా చహల్, కుల్దీప్‌ మణికట్టు మాయాజాలంపైనే! గతంలో దక్షిణాఫ్రికా గడ్డపై ఆడిన నాలుగు ద్వైపాక్షిక సిరీస్‌లలో భారత్‌ ఏనాడూ వరుసగా మూడు మ్యాచ్‌ల్లో గెలుపొందలేదు. సిరీస్‌నూ సొంతం చేసుకోలేదు. ఈసారి మాత్రం టీమిండియా ‘హ్యాట్రిక్‌’ విజయంపై దృష్టి పెట్టింది. మూడో మ్యాచ్‌లోనూ భారత్‌ గెలిస్తే తొలిసారి సిరీస్‌ కోల్పోకుండా ఉంటుంది. దాంతోపాటు సఫారీలను వారి సొంతగడ్డపై వరుసగా మూడు మ్యాచ్‌ల్లోనూ ఓడించిన ఘనత సాధిస్తుంది. కేప్‌టౌన్‌: ప్రత్యర్థిని స్పిన్నర్లు ఉక్కిరిబిక్కిరి చేస్తున్నారు. టాపార్డర్‌ నిలకడగా ఆడుతోంది. మిగతా బ్యాట్స్‌మెన్‌ తమ వంతుకు ఎదురుచూస్తున్నారు. 2–0 ఆధిక్యంతో సిరీస్‌లో ముందంజ వేసిన ఆత్మవిశ్వాసంతో ఉన్న టీమిండియా బుధవారం కేప్‌టౌన్‌లో సఫారీలతో మూడో వన్డేకు సిద్ధమైంది. మరోవైపు మ్యాచ్‌కొకరు చొప్పున కీలక ఆటగాళ్లు దూరమవుతున్న పరిస్థితుల్లో, మిగిలిన వారి వైఫల్యాలతో దక్షిణాఫ్రికా సతమతమవుతోంది. ఓటములతో పాటు గాయాలతో కుదేలైన జట్టును అనుభవం లేని మార్క్‌రమ్‌ నడిపించాల్సి వస్తోంది. ఈ నేపథ్యంలో సొంత గడ్డపై భారత్‌కు తొలిసారి వన్డే సిరీస్‌ను కోల్పోకుండా ఉండాలంటే కేప్‌టౌన్‌లో ఆతిథ్య జట్టు అసాధారణంగా ఆడాల్సిందే.  దూకుడు మీద టీమిండియా...  టెస్టు సిరీస్‌లోలా వన్డేల్లో టీమిండియాకు తుది జట్టు ఎంపిక సమస్యల్లేవు. రెండు మ్యాచ్‌ల్లోనూ ముగ్గురు, నలుగురు ఆటగాళ్లే అంతా చూసుకున్నారు. దీంతో మార్పులకు ఏమాత్రం అవకాశం లేనట్లే. సెంచూరియన్‌లో ఆడిన 11 మందితోనే బరిలో దిగడం ఖాయం. ఈ ఒక్కటీ గెలిస్తే 3–0తో నిలిచి ఆరు వన్డేల సిరీస్‌ను చేజారకుండా చూసుకోవచ్చు. కాబట్టి కోహ్లి సేన కోణంలోనూ మూడో వన్డే కీలకమే. స్పిన్నర్లు చహల్, కుల్దీప్‌లను ఎదుర్కోవడం ప్రత్యర్థికి తలకుమించిన భారం అవుతోంది. పేసర్లు బుమ్రా, భువనేశ్వర్‌ పరిమిత ఓవర్ల క్రికెట్‌లో స్పెషలిస్టులు. టాపార్డర్‌ బ్యాటింగ్‌లో ధావన్, కెప్టెన్‌ కోహ్లి, రహానే ఫామ్‌ చాటుకున్నారు. మిగిలింది రోహిత్‌ శర్మ ఒక్కడే. తనదైన రోజున అతడిని ఆపడం ఎవరి తరం కాదు. జాదవ్, ధోని, పాండ్యా క్రీజులో దిగాల్సిన అవసరమే రాలేదు. ఏ విధంగా చూసినా మన జట్టులో లోపాలు కనిపించడం లేదు. అయితే... 1992–93, 2010–11 సీజన్లలోనూ ఇదే విధంగా ఆధిక్యంలో ఉండీ భారత్‌ సిరీస్‌లు కోల్పోయింది. ఈసారి అలాంటి నిర్లిప్తతకు తావివ్వకుండా ఆడితే వరుసగా మూడో విజయం ఖాయం. తర్వాతి మూడింటిలో ఒక్కదాంట్లో గెలిచినా సఫారీ గడ్డపై తొలి వన్డే సిరీస్‌ను చేజిక్కించుకున్న జట్టుగా చరిత్ర సృష్టిస్తుంది.  సఫారీలకు సవాలే!  ‘డి’ త్రయం డివిలియర్స్, డు ప్లెసిస్, డికాక్‌ దూరం కావడంతో దక్షిణాఫ్రికా ఎన్నడూ లేనంత బలహీనంగా కనిపిస్తోంది. సీనియర్ల గాయాలతో మిడిలార్డర్‌ లయ దెబ్బతిన్నదని భావిస్తుండగా డి కాక్‌ గైర్హాజరీలో ముఖ్యమైన ఓపెనింగ్‌ స్థానంలోనూ లోటు కనిపిస్తోంది. ఆమ్లాతో కలిసి కెప్టెన్‌ మార్క్‌రమ్‌ గాని, వన్డే అరంగేట్రం చేయనున్న కీపర్‌ హెన్రిచ్‌ క్లాసెన్‌ గాని ఇన్నింగ్స్‌ ఆరంభిస్తారు. గత మ్యాచ్‌లో ఆడిన జొండొ స్థానంలో సీనియర్‌ బెహర్దీన్‌ను తీసుకోవచ్చని భావిస్తున్నారు. వీరిద్దరినీ కొనసాగించాలనుకుంటే  మాత్రం డేవిడ్‌ మిల్లర్‌ను పక్కన పెట్టాల్సిందే. తమ జట్టులో ఇద్దరు స్పిన్నర్లకు చోటు కష్టమని తొలి వన్డే సందర్భంగా డు ప్లెసిస్‌ చెప్పినా... మార్క్‌రమ్‌ మాత్రం రెండో వన్డేకు తాహిర్, షమ్సీలను తీసుకున్నాడు. ఈసారీ వారికి అవకాశం ఉండొచ్చు. కానీ, భారత స్పిన్నర్లలా ఈ ఇద్దరు పిచ్‌ను అర్థం చేసుకుని బంతులు వేయలేకపోతున్నారు. పేసర్లు మోర్కెల్, రబడ తమ పదును చూపకపోవడంతో బ్యాట్స్‌మెన్‌ తేలిగ్గా ఆడేస్తున్నారు. ఏదేమైనా జట్టు సమష్టిగా ఆడితేనే గెలుపును ఊహించుకునే అవకాశం ఉంటుంది. పిచ్, వాతావరణం  కేప్‌టౌన్‌లోని న్యూలాండ్స్‌ బ్యాటింగ్‌కు స్వర్గధామం. గత ఆరు వన్డేల మొదటి ఇన్నింగ్స్‌ సగటు స్కోరు 311 కావడమే దీనికి నిదర్శనం. ఇక్కడి వాతావరణం 30 డిగ్రీలుగా ఉంది. బుధవారం కూడా ఇదే తీరుగా ఉండనుంది.     జట్లు (అంచనా)  భారత్‌: కోహ్లి (కెప్టెన్‌), ధావన్, రోహిత్, రహానే, జాదవ్, ధోనీ, పాండ్యా, భువనేశ్వర్, కుల్దీప్, చహల్, బుమ్రా.  దక్షిణాఫ్రికా: మార్క్‌రమ్‌ (కెప్టెన్‌), ఆమ్లా, డుమిని, బెహర్దీన్, మిల్లర్‌/జొండొ, క్లాసెన్, మోరిస్, మోర్కెల్, రబడ, తాహీర్, షమ్సీ. ►ఐసీసీ వన్డే ర్యాంకింగ్స్‌లో ప్రస్తుతం నంబర్‌వన్‌గా ఉన్న టీమిండియా ఈ మ్యాచ్‌లో ఓడితే రెండో స్థానానికి పడిపోతుంది. దక్షిణాఫ్రికా మొదటి స్థానానికి ఎగబాకుతుంది. భారత్‌ గెలిస్తే టాప్‌ ర్యాంక్‌ మరింత పదిలం అవుతుంది. ► సాయంత్రం 4.30 నుంచి సోనీ టెన్‌–1లో ప్రత్యక్ష ప్రసారం 

సాక్షి, విశాఖపట్నం: శ్రీలంకతో జరగనున్న చివరిదైన మూడో వన్డేలో టాస్ నెగ్గిన టీమిండియా కెప్టెన్ రోహిత్ శర్మ ఛేజింగ్ వైపు మొగ్గు చూపాడు. టాస్ నెగ్గిన వెంటనే ఫీల్డింగ్ చేయాలనుకుంటున్నట్లు చెప్పాడు. ఇదివరకే సిరీస్ లో లంక, భారత్‌లు 1-1తో సమ ఉజ్జీలుగా ఉన్నాయి. సిరీస్ ఫలితాన్ని నిర్ణయించే మూడో వన్డేలో నెగ్గి మరో సిరీస్‌ను తన ఖాతాలో వేసుకోవాలని రోహిత్ సేన ఎదురుచూస్తోంది. మరోవైపు భారతగడ్డమీద టీమిండియాపై ఎలాగైనా తొలి వన్డే సిరీస్ కైవసం చేసుకోవాలని లంకేయులు ఉవ్విళ్లూరుతున్నారు. సుందర్ ఔట్.. కుల్దీప్ ఇన్! భారత జట్టులో ఓ మార్పు చేశారు. కొత్త కుర్రాడు వాషింగ్టన్ సుందర్‌కు నిరాశ ఎదురైంది. కీలకమైన మూడో వన్డేలో బౌలింగ్ దాడిని పెంచాలని అతడి స్థానంలో కుల్దీప్ యాదవ్ ను జట్టులోకి తీసుకున్నారు. జట్లు భారత్‌: రోహిత్‌ శర్మ (కెప్టెన్‌), ధావన్, శ్రేయస్‌ అయ్యర్, దినేశ్‌ కార్తీక్, మనీశ్‌ పాండే, ధోని, హార్దిక్‌ పాండ్యా, భువనేశ్వర్, బుమ్రా, చహల్, కుల్దీప్ యాదవ్. శ్రీలంక: తిసారా పెరీరా (కెప్టెన్‌), గుణతిలక, తరంగా, సమరవిక్రమ, మాథ్యూస్, డిక్‌వెలా, గుణరత్నే, సచిత్, లక్మల్, అకిల ధనంజయ, నువాన్‌ ప్రదీప్‌.

కొన్ని సందర్భాల్లో గెలుపు తప్ప ఇంకేది సరిపోదు. అలాంటి సందర్భమే ఇప్పుడు వైజాగ్‌లో వచ్చింది. ఇక్కడ వ్యూహంపై రెండాకులు ఎక్కువ చదవాలి. ఒక్కో అడుగు జాగ్రత్తగా వేయాలి. ఏదేమైనా గెలవాల్సిందే... ఎందుకంటే ఇక్కడ మ్యాచ్‌ పోతే సిరీసే పోతుంది. గెలిస్తేనే సిరీస్‌ అందుతుంది. ఈ నేపథ్యంలో భారత్, శ్రీలంకలకు ఇది ఆఖరి పోరు అనే బదులు సిరీస్‌ అందుకునే పోరు అంటే బాగుంటుంది.  సాక్షి, విశాఖపట్నం: ఇక్కడ ఓ మ్యాచ్‌లోనే తేల్చుకోవడానికి వచ్చినా... ఒక సిరీస్‌ను గెల్చుకునేందుకు సిద్ధమయ్యాయి ఇరు జట్లు. మూడు వన్డేల సిరీస్‌లో భారత్, శ్రీలంక చెరోటి గెలిచాయి. ఇపుడు ఇక్కడ మరోటి గెలిస్తే... ఓ జట్టు విజేత అవుతుంది. 2–1తో సిరీస్‌ ముగుస్తుంది. అయితే ఎవరు ముగిస్తారు విజయవంతంగా? ఎవరు నిలుస్తారు విజేతగా? అంటే మాత్రం ఇంకొన్ని గంటలు వేచి చూడాలి. ఉక్కు నగరంలో ఉక్కు పిడికిలితో బరిలోకి దిగేందుకు రోహిత్‌ సేన, పెరీరా బృందం ‘సై అంటే సై’ అంటున్నాయి. ఇరు జట్ల బ్యాట్స్‌మెన్‌ ఫామ్‌లో ఉన్నారు. ఈ నేపథ్యంలో డాక్టర్‌ వైఎస్‌ రాజశేఖర రెడ్డి ఏసీఏ–వీడీసీఏ స్టేడియంలో జరిగే ఈ డేనైట్‌ మ్యాచ్‌ హోరాహోరీగా సాగే అవకాశముంది.  వైజాగ్‌ ఫేవరెట్‌ భారత్‌...  విశాఖపట్నంలో క్రికెట్‌ మ్యాచ్‌ అంటే ఠక్కున గుర్తొచ్చేది ధోనినే. ఇక్కడికి ఓ అనామకుడిగా వచ్చి అసాధారణ కెప్టెన్‌గా ఎదిగిన వైనం మనకందరికీ తెలుసు. ‘ఈ చరిత్ర ఏ సిరాతో’ అన్నట్లు ‘అతని భవిత ఈ వేదికతో’ మారిపోయింది. అంతేకాదు అతనితో పాటు చాలా మంది ఆటగాళ్లకు అచ్చొచ్చిన స్టేడియం ఇది. పైగా టీమిండియాకు ఫేవరెట్‌ వేదిక కూడా. ఇక్కడ ఏడు మ్యాచ్‌లాడిన భారత్‌ ఐదింట గెలిచి, ఒక్కసారే ఓడింది. మరో మ్యాచ్‌ రద్దయింది. దీంతో ఇక్కడ జరిగే నిర్ణాయక మూడో మ్యాచ్‌లో తమ ‘ఫేవరెట్‌ ఇజం’తో లంకను ఓడించి సిరీస్‌ను గెలవాలని భావిస్తోంది టీమిండియా. రెండేళ్లుగా సొంతగడ్డపై భారత్‌ రికార్డు అజేయంగా ఉంది. 2015 అక్టోబర్‌ తర్వాత భారత్‌ ఒక్క సిరీస్‌ను కోల్పోలేదు. అన్నీ  చేజిక్కించుకుంది.  ఫామ్‌లోకి వచ్చిన బ్యాట్స్‌మెన్‌...  తొలి మ్యాచ్‌లో ఒక్క ధోని మినహా మూకుమ్మడిగా విఫలమైన టీమిండియా బ్యాట్స్‌మెన్‌ మొహలీలో కదంతొక్కారు. కెప్టెన్, ఓపెనర్‌ రోహిత్, మరో ఓపెనింగ్‌ బ్యాట్స్‌మన్‌ ధావన్, కొత్త కుర్రాడు శ్రేయస్‌ అయ్యర్‌ పిచ్‌ పరిస్థితుల్ని చక్కగా ఆకలింపు చేసుకొని చెలరేగారు. టాపార్డర్‌ అంతా ఫామ్‌లోకి రావడంతో భారత్‌ ఇక్కడ కూడా మరో భారీ స్కోరును ఆశిస్తోంది. రెండో వన్డేలో ధోని, పాండ్యా ఇన్నింగ్స్‌ చివర్లో తక్కువ పరుగులకే నిష్క్రమించినా... అదేమంతా కలవరపెట్టే అంశం కాదు. ఇన్నింగ్స్‌ను నడిపించాల్సిన సమయంలో ధోని ఎంత చురుగ్గా వ్యవహరిస్తాడో అందరికీ తెలుసు. ఇక బౌలింగ్‌లో భువీ, బుమ్రా తమ సత్తాను పూర్తిస్థాయిలో బయటపెట్టలేదు. ఒకట్రెండు వికెట్లు తీసినప్పటికీ కీలకమైన నిర్ణాయక పోరులో ఇదే మాత్రం సరిపోదు. ఆరంభంలో, డెత్‌ ఓవర్లలో తమ జోరు చాటితే మిగతా పనిని చహల్, హార్దిక్‌ పాండ్యాలు చూసుకుంటారు.   పరంపరకు బ్రేక్‌ వేయాలని లంక...  స్వదేశంలో భారత్‌ ఎదురులేని సిరీస్‌ విజయాలతో సాగుతుంటే... మరోవైపు లంక మాత్రం తమ సుదీర్ఘ పరాజయాల పరంపరకు బ్రేక్‌ వేయాలనే పట్టుదలతో ఉంది. వరుసగా ఎనిమిది సిరీస్‌లను కోల్పోయిన లంక ఒకదాన్ని మాత్రంగా ‘డ్రా’ చేసుకోగలిగింది. అయితే ఇక్కడ ధర్మశాల ఇచ్చిన కిక్‌ సిరీస్‌పై ఆశల్ని పెంచింది. మొహాలీలో ఓడినా... మరీ భారత్‌ (తొలి వన్డేలో) అంత చిత్తుగా మాత్రం కంగుతినలేదు. టాపార్డర్‌ పడుతూ లేస్తూ సాగుతున్నప్పటికీ... ఆల్‌రౌండర్‌ మాథ్యూస్‌ అండతో మిడిలార్డర్‌ పటిష్టంగా ఉంది. గత మ్యాచ్‌లో అజేయ సెంచరీ సాధించిన అతను తొడ కండరాల గాయం నుంచి పూర్తిగా కోలుకోవడం శ్రీలంకకు శుభపరిణామం. అనుభవజ్ఞుడైన తరంగ భారీ ఇన్నింగ్స్‌ను రుచిచూపించలేదు. తిరిమన్నె, గుణతిలక, డిక్‌వెలాలు ఇంకా మెరుగైన ఆటతీరును కనబర్చలేదు. కీలకమైన ఈ మ్యాచ్‌లో వీరంతా సమష్టిగా రాణిస్తే పోరాడే స్కోరును ప్రత్యర్థి ముందు ఉంచవచ్చు. బౌలింగ్‌లో లంక బాగున్నప్పటికీ రో‘హిట్స్‌’తో మొహాలీలో గతి తప్పింది. దీంతో ఒక్క మాథ్యూస్‌ మినహా లక్మల్, ప్రదీప్, ధనంజయ, సచిత్‌లంతా బాధితులయ్యారు. కెప్టెన్‌ పెరీరా పరుగులిచ్చినా 3 వికెట్లు తీశాడు. మొత్తానికి ధర్మశాల స్ఫూర్తితో బరిలోకి దిగాలని లంక టీమ్‌ భావిస్తోంది.  పిచ్, వాతావరణం  ఎపుడైనా సరే విశాఖ పిచ్‌ బ్యాట్స్‌మెన్, బౌలర్లకు సమాన అవకాశాలిస్తుంది. బౌలింగ్‌లో పేసర్లు, స్పిన్నర్లకు ఇది మంచి వికెట్‌. ధర్మశాల, మొహాలీలతో పోల్చుకుంటే ఇది కోస్తా ప్రాంతం కాబట్టి శ్రీలంకకు కొలంబోను తలపించవచ్చు. వర్షం ముప్పు లేదు. జట్లు (అంచనా) భారత్‌: రోహిత్‌ శర్మ (కెప్టెన్‌), ధావన్, శ్రేయస్‌ అయ్యర్, దినేశ్‌ కార్తీక్, మనీశ్‌ పాండే, ధోని, హార్దిక్‌ పాండ్యా, భువనేశ్వర్, బుమ్రా, చహల్, కుల్దీప్‌/సుందర్‌.  శ్రీలంక: తిసారా పెరీరా (కెప్టెన్‌), గుణతిలక, తరంగా, సమరవిక్రమ, మాథ్యూస్, డిక్‌వెలా, గుణరత్నే, సచిత్, లక్మల్, అకిల ధనంజయ, నువాన్‌ ప్రదీప్‌.  ► మధ్యాహ్నం 1.30 గంటల నుంచి  స్టార్‌ స్పోర్ట్స్‌–1లో ప్రత్యక్ష ప్రసారం   


 నార్త్‌ సౌండ్‌: పిచ్‌ నుంచి అందివచ్చిన అవకాశాన్ని సద్వినియోగం చేసుకున్న భారత స్పిన్నర్లు అశ్విన్‌ (3/28), కుల్దీప్‌ యాదవ్‌ (3/41)  వెస్టిండీస్‌ బ్యాటింగ్‌ ఆర్డర్‌ను కుప్పకూల్చారు. వీరికి హార్దిక్‌ పాండ్యా (2/32) కూడా జత కలవడంతో శుక్రవారం జరిగిన మూడో వన్డేలో భారత్‌ 93 పరుగులతో నెగ్గింది. దీంతో ఐదు వన్డేల సిరీస్‌లో 2–0తో ఆధిక్యంలో ఉంది. తొలి వన్డే వర్షంతో రద్దయిన విషయం తెలిసిందే.
 
 2014లో కూడా భారత స్పిన్నర్లు ఒకే వన్డేలో మూడు అంతకన్నా ఎక్కువ వికెట్లు తీశారు. భారత్‌ విసిరిన 252 పరుగుల లక్ష్యం కోసం బరిలోకి దిగిన విండీస్‌ 38.1 ఓవర్లలో 158 పరుగులకు ఆలౌట్‌ అయ్యింది. రెండో ఓవర్‌లో ప్రారంభమైన వికెట్ల పతనం తుదికంటా కొనసాగింది. జేసన్‌ మొహమ్మద్‌ (61 బంతుల్లో 40; 4 ఫోర్లు), రోవ్‌మన్‌ పావెల్‌ (43 బంతుల్లో 30; 5 ఫోర్లు) భారత బౌలర్లను కొద్దిసేపు ఎదుర్కొని ఆరో వికెట్‌కు 54 పరుగుల భాగస్వామ్యాన్ని అందించారు.
 
 స్కోరు వివరాలు
 భారత్‌ ఇన్నింగ్స్‌: 251/4; విండీస్‌ ఇన్నింగ్స్‌: లూయిస్‌ (బి) ఉమేశ్‌ 2; కైల్‌ హోప్‌ (సి) జాదవ్‌ (బి) పాండ్యా 19; షాయ్‌ హోప్‌ (సి అండ్‌ బి) పాండ్యా 24; చేజ్‌ (బి) కుల్దీప్‌ 2; జేసన్‌ మొహమ్మద్‌ ఎల్బీడబ్లు్య (బి) కుల్దీప్‌ 40; హోల్డర్‌ (స్టంప్డ్‌) ధోని (బి) అశ్విన్‌ 6; పావెల్‌ (సి) పాండ్యా (బి) కుల్దీప్‌ 30; నర్స్‌ (సి) ఉమేశ్‌ (బి) అశ్విన్‌ 6; బిషూ నాటౌట్‌ 4; కమిన్స్‌ ఎల్బీడబ్లు్య (బి) అశ్విన్‌ 1; విలియమ్స్‌ (బి) జాదవ్‌ 1; ఎక్స్‌ట్రాలు 23; మొత్తం (38.1 ఓవర్లలో ఆలౌట్‌) 158.  వికెట్ల పతనం: 1–9, 2–54, 3–58, 4–69, 5–87, 6–141, 7–148, 8–156, 9–157, 10–158. బౌలింగ్‌: భువనేశ్వర్‌ 5–0–19–0; ఉమేశ్‌ 7–0–32–1; పాండ్యా 6–0–32–2; కుల్దీప్‌ 10–1–41–3; అశ్విన్‌ 10–1–28–3; జాదవ్‌ 0.1–0–0–1.
 
  1భారత్‌ తరఫున వన్డేల్లో అత్యధిక సిక్సర్లు (208) బాదిన ఆటగాడిగా ధోని.
 13 భారత్‌ తరఫున వన్డేల్లో 150 వికెట్లు పూర్తి చేసిన 13వ బౌలర్‌గా అశ్విన్‌.
 
 నేను వైన్‌లాంటివాడిని
 వయస్సు పెరిగిన కొద్దీ నా ఆటతీరు మరింత మెరుగవుతోంది కాబట్టి నేను వైన్‌ లాంటివాడిని. గత ఏడాదిన్నర కాలం నుంచి మా టాప్‌ ఆర్డర్‌ అద్భుతంగా ఆడుతోంది దీంతో నాకు అవకాశం దొరికినప్పుడల్లా ఒత్తిడి లేకుండా పరుగులు సాధించగలుగుతున్నాను. ఇక మూడో వన్డేలో పిచ్‌ను బట్టి బ్యాటింగ్‌ చేశాను. పరుగులు కష్టమైన తరుణంలో మాకు భాగస్వామ్యం ముఖ్యంగా అనిపించింది. నాకైతే 250 పరుగులు చేయగలం అనిపించింది... అలాగే చేశాం కూడా. చివర్లో నాకు కేదార్‌ చక్కగా సహకరించాడు కాబట్టి ఈ స్కోరు సాధించగలిగాం. ఐపీఎల్‌లో చాలా మ్యాచ్‌లు ఆడిన కుల్దీప్‌ అంతర్జాతీయ స్థాయిలోనూ పరిస్థితిని అర్థం చేసుకుని రాణిస్తున్నాడు.     –ఎంఎస్‌ ధోని
 
 మార్పులకు అవకాశం ఉంది
 మా జట్టులో అవకాశం దొరకని ఆటగాళ్లు ఉన్నారు. అందుకే నాలుగో వన్డేలో మార్పుల కోసం చూస్తాం. మరోసారి మ్యాచ్‌లో అద్భుతంగా ఆడగలిగాం. ఉదయం పిచ్‌పై కాస్త తేమ ఉండటంతో టాస్‌ గెలవాలనుకున్నాం. విండీస్‌ అద్భుతంగా బౌలింగ్‌ చేసింది. అయినా 250 పరుగులు సాధించగలిగాం. రెండో ఇన్నింగ్స్‌లో వికెట్‌ కీలకంగా మారింది. మా బౌలర్లు వికెట్లు తీస్తూ ఒత్తిడి పెంచగలిగారు.
 –కెప్టెన్‌ విరాట్‌ కోహ్లి


 ♦ వెస్టిండీస్‌తో నేడు మూడో వన్డే
 ♦ సోనీ సిక్స్‌లో సాయంత్రం 6.30 గంటల నుంచి ప్రత్యక్ష ప్రసారం  
 
 నార్త్‌ సౌండ్‌ (అంటిగ్వా): బలహీన వెస్టిండీస్‌పై స్పష్టమైన ఆధిక్యం కోసం భారత జట్టు మూడో వన్డే బరిలోకి దిగుతోంది. నేడు (శుక్రవారం) ఇరు జట్ల మధ్య అంటిగ్వాలోని వివ్‌ రిచర్డ్స్‌ మైదానంలో ఈ మ్యాచ్‌ జరగనుంది. తొలి వన్డే వర్షం కారణంగా ఫలితం తేలకపోయినా రెండో వన్డేలో భారత్‌ భారీ విజయాన్ని సొంతం చేసుకుని ప్రస్తుతం 1–0 ఆధిక్యంలో ఉంది. ఆ మ్యాచ్‌లో ప్రపంచ మూడో ర్యాంకర్‌ భారత్‌ 105 పరుగుల తేడాతో నెగ్గి విండీస్‌కన్నా తాము ఎంత మెరుగైన స్థాయిలో ఉన్నామో చాటి చెప్పింది.
 
 టాప్‌ ఆర్డర్‌ అద్భుత బ్యా టింగ్‌కు తోడు బౌలర్లు పిచ్‌ను సద్వినియో గం చేసుకుని చెలరేగడంతో విండీస్‌ గడ్డపై తొలిసారిగా భారీ తేడాతో నెగ్గి రికార్డు సృష్టించింది. ఇక ఈ మ్యాచ్‌ కోసం కూడా జట్టు ఆటగాళ్లు ఎలాంటి నిర్లక్ష్యానికి తావీ యకుండా నెట్స్‌లో చెమటోడ్చారు. ప్రత్యర్థి పరిస్థితి ఎలా ఉన్నా సిరీస్‌ విజయంతో సత్తా చాటుకోవాలని భారత్‌ భావిస్తోంది.
 
 అన్నింట్లోనూ టాప్‌
 భారత బ్యాటింగ్‌ బలం ఎలా ఉందంటే మ్యాచ్‌ దాదాపు టాప్‌ ఆర్డర్‌ సూపర్‌ షోతోనే ముగుస్తోంది. దీంతో మిడిలార్డర్‌కు ఎక్కువ సేపు క్రీజులో నిలిచే అవకాశం దక్కడం లేదు. వరుసగా ఆరు మ్యాచ్‌ల్లో ఈ విభాగం కేవలం రెండుసార్లు మాత్రమే 40 బంతుల వరకు ఎదుర్కోగలిగింది. రోహిత్‌ స్థానంలో బరిలోకి దిగిన ఓపెనర్‌ రహానే విండీస్‌ పర్యటనను చక్కగా వినియోగించుకుంటున్నాడు. వరుసగా 62, 103 స్కోర్లతో దూసుకెళుతున్నాడు. అటు ధావన్‌ కూడా తన బ్యాటింగ్‌తో జట్టుకు భారీ శుభారంభాన్ని అందివ్వగలుగుతున్నాడు.
 
 ధోని, పాండ్యా, జాదవ్‌ బ్యాట్లు ఝుళిపించాల్సి ఉంది. ఆందోళనంతా యువరాజ్‌ సింగ్‌ బ్యాటింగ్‌ ఫామ్‌పైనే ఉంది. ఒకవేళ అతన్ని తప్పిస్తే అదనపు స్లో బౌలర్‌గా రవీంద్ర జడేజాను తీసుకునే అవకాశాలను తీసిపారేయలేం. లేకుంటే యువ బ్యాట్స్‌మన్‌ రిషభ్‌ పంత్‌కు చోటు కల్పిస్తారా అనేది వేచిచూడాల్సిందే. బౌలింగ్‌లో పేసర్‌ భువనేశ్వర్‌ ఫుల్‌ ఫామ్‌లో ఉండగా ఉమేశ్‌ మెరవాల్సి ఉంది.
 
 విండీస్‌లో రెండు మార్పులు
 భారత్‌కు ఏమాత్రం సరితూగే స్థితిలో లేని విండీస్‌ మిగిలిన మూడు వన్డేల కోసం జట్టులో రెండు మార్పులతో బరిలోకి దిగుతోంది. కార్టర్, విలియమ్స్‌లను తప్పించి బ్యాట్స్‌మెన్‌ కైల్‌ హోప్, సునీల్‌ అంబ్రిస్‌లను జట్టులోకి తీసుకుంది. దీంతో వీరు తొలిసారిగా జట్టు తరఫున ఆడనున్నారు. ఈ మార్పులతోనైనా విజయం దక్కించుకోవాలని జట్టు ఆశిస్తోంది. తద్వారా వన్డే ప్రపంచకప్‌ అవకాశాలను సజీవంగా ఉంచుకోవాలని భావిస్తోంది. బ్యాటింగ్‌లో షాయ్‌ హోప్, చేజ్, పావెల్‌లపై ఆధారపడుతున్న ఈ జట్టు బౌలింగ్‌లో మాత్రం పూర్తిగా చేతులెత్తేస్తోంది.
 
 పిచ్‌
 ఈ మైదానంలో జరిగిన 15 మ్యాచ్‌ల్లో ముందుగా బ్యాటింగ్‌ చేసిన జట్టు సగటున ఓవర్‌కు చేసిన పరుగులు 5.05 మాత్రమే. పెద్దగా భారీ స్కోర్లకు అవకాశం లేదు. తేలికపాటి జల్లు కురిసే అవకాశం ఉన్నా మ్యాచ్‌కు ఇబ్బంది లేదు.
 
 జట్లు (అంచనా)
 భారత్‌: కోహ్లి (కెప్టెన్‌), రహానే, ధావన్, యువరాజ్, ధోని, పాండ్యా, జాదవ్, కుల్దీప్, అశ్విన్, భువనేశ్వర్, ఉమేశ్‌ యాదవ్‌.
 విండీస్‌: హోల్డర్‌ (కెప్టెన్‌), లూయిస్, హోప్, షాయ్‌ హోప్, మొహమ్మద్, చేజ్, పావెల్‌ / అంబ్రిస్, నర్స్, జోసెఫ్, బిషూ, కమిన్స్‌.


 మూడో వన్డేలోనూ నెగ్గిన దక్షిణాఫ్రికా
 
 జొహన్నెస్‌బర్గ్‌: దక్షిణాఫ్రికా జోరుకు శ్రీలంక మళ్లీ తలవంచింది. వరుసగా మూడో వన్డేలోనూ పరాజయం చవిచూసింది. దీంతో మరో రెండు వన్డేలు మిగిలుండగానే సఫారీ జట్టు 3–0తో సిరీస్‌ను కైవసం చేసుకుంది. శనివారం జరిగిన ఈ మ్యాచ్‌లో తొలుత బ్యాటింగ్‌ చేపట్టిన శ్రీలంక 39.2 ఓవర్లలో 163 పరుగుల వద్ద ఆలౌటైంది. ఓపెనర్‌ డిక్‌వెలా (80 బంతుల్లో 74; 7 ఫోర్లు) ఒంటరి పోరాటం చేశాడు. సఫారీ బౌలర్లలో ప్రిటోరియస్‌ 3, రబడా, ఇమ్రాన్‌ తాహిర్, ఫెలుక్వయో తలా 2 వికెట్లు పడగొట్టారు.
 
 తర్వాత 164 పరుగుల సునాయాస లక్ష్యాన్ని దక్షిణాఫ్రికా జట్టు 32 ఓవర్లలో 3 వికెట్లు కోల్పోయి ఛేదించింది. కెప్టెన్‌ డివిలియర్స్‌ (61 బంతుల్లో 60 నాటౌట్‌; 5 ఫోర్లు) రాణించాడు. ఆమ్లా 34, డుమినీ 28, డు ప్లెసిస్‌ 24 పరుగులు చేశారు. నాలుగో వన్డే మంగళవారం కేప్‌టౌన్‌లో జరుగుతుంది.


 కోల్‌కతా: మూడు వన్డేల సిరీస్‌లో భాగంగా ఈడెన్  గార్డెన్స్ లో ఇంగ్లండ్‌తో జరగనున్న చివరి వన్డేలో భారత కెప్టెన్ విరాట్ కోహ్లీ ఫీల్డింగ్ ఎంచుకున్నాడు. ఇప్పటికే వరుసగా రెండు విజయాలతో సిరీస్‌ను కైవసం చేసుకున్న కోహ్లి సేన  ఈ మ్యాచ్‌లోనూ విజయాన్ని సాధించి సిరీస్‌ను 3-0తో క్లీన్ స్వీప్‌ చేయాలని భావిస్తోంది. ఇరుజట్ల లోనూ స్వల్ప మార్పులు చోటుచేసుకున్నాయి. గాయపడిన టీమిండియా ఓపెనర్ శిఖర్ ధావన్ కు విశ్రాంతి ఇచ్చి అతడి స్థానంలో అజింక్యా రహానేకు అవకాశం ఇచ్చారు.
 టీమిండియాలో ఛాన్స్ పై ఎన్నో ఆశలు పెట్టుకున్న మనీష్‌ పాండేకు మరోసారి నిరాశే ఎదురైంది. ఇంగ్లండ్ జట్టులో గాయపడిన ఓపెనర్‌ హేల్స్‌ స్థానంలో సామ్‌ బిల్లింగ్స్‌ ఆడనున్నాడు. భారత పర్యటన ఆరంభించినప్పటి నుంచి గెలుపనేది లేకుండా ఉన్న ఇంగ్లండ్‌ జట్టుకు కష్టాలు తప్పడంలేదు. ఇటీవల ఐదు టెస్టుల సిరీస్‌ను 0–4తో కోల్పోయిన ఇంగ్లండ్‌, ఇప్పుడు వన్డే సిరీస్‌లో వైట్‌వాష్‌ ముంగిట నిలిచింది. కనీసం ఈ ఒక్క మ్యాచ్‌లోనైనా నెగ్గి పరువు కాపాడుకోవాలని ఇంగ్లండ్ టీమ్ బరిలోకి దిగుతుంది.


 మూడో వన్డేలో ఆసీస్‌ విజయం
 పెర్త్‌: కెప్టెన్  స్టీవెన్  స్మిత్‌ (104 బంతుల్లో 108 నాటౌట్‌; 11 ఫోర్లు, 1 సిక్స్‌) అజేయ సెంచరీ సహాయంతో పాకిస్తాన్ తో జరిగిన మూడో వన్డేలో ఆస్ట్రేలియా ఏడు వికెట్ల తేడాతో ఘనవిజయం సాధించింది. అలాగే కెరీర్‌లో తొలి వన్డే ఆడిన పీటర్‌ హ్యాండ్స్ కోంబ్‌ (84 బంతుల్లో 82; 6 ఫోర్లు) అర్ధ సెంచరీతో ఆకట్టుకున్నాడు. ఐదు వన్డేల ఈ సిరీస్‌లో ఆసీస్‌ 2–1తో ఆధిక్యంలోకి వెళ్లింది. 22న నాలుగో వన్డే సిడ్నీలో జరుగుతుంది. తొలుత పాక్‌ 50 ఓవర్లలో ఏడు వికెట్లకు 263 పరుగులు చేసింది.
 బాబర్‌ ఆజమ్‌ (100 బంతుల్లో 84; 4 ఫోర్లు, 1 సిక్స్‌) టాప్‌ స్కోరర్‌గా నిలిచాడు.  హాజెల్‌వుడ్‌కు మూడు, హెడ్‌కు రెండు వికెట్లు దక్కాయి. అనంతరం ఆసీస్‌ 45 ఓవర్లలో మూడు వికెట్లకు 265 పరుగులు చేసి నెగ్గింది. 45 పరుగులకు రెండు వికెట్లు పడిన దశలో స్మిత్, హ్యాండ్స్ కోంబ్‌ జోడి అదరగొట్టింది. మూడో వికెట్‌కు ఏకంగా 183 పరుగులు జోడించారు. ఆమిర్, జునైద్, హసన్ లకు ఒక్కో వికెట్‌ దక్కింది.


 బ్యాట్స్మెన్ను అవుట్ చేసే ఏ చిన్న అవకాశాన్ని చేజార్చుకున్నా భారీ మూల్యం చెల్లించుకోకతప్పదు. ముఖ్యంగా క్యాచ్లు వదిలిస్తే ఒక్కోసారి మ్యాచ్ ఫలితమే మారిపోతోంది. భారత్-న్యూజిలాండ్ మూడో వన్డేలో ఇదే జరిగింది. ఈ మ్యాచ్లో భారత ఓపెనర్ రహానె 5 పరుగులకే అవుటయ్యాడు. టాపార్డర్ బ్యాట్స్మన్ విరాట్ కోహ్లీ వన్ డౌన్లో బ్యాటింగ్కు దిగాడు. కోహ్లీ కూడా తక్కువ పరుగులకే అవుటయ్యేవాడే..! హెన్రీ బౌలింగ్‌లో విరాట్ ఇచ్చిన క్యాచ్‌ను వైడ్ స్లిప్‌లో టేలర్ నేలపాలుజేయడంతో ఊపిరి పీల్చుకున్నాడు. నేరుగా చేతుల్లో పడిన బంతిని అందుకోవడంలో టేలర్ విఫలమయ్యాడు. అప్పుడు జట్టు స్కోరు 23/1 కాగా, కోహ్లీ 6 పరుగుల వద్ద ఉన్నాడు. ఈ క్యాచ్ మిస్ చేయడం న్యూజిలాండ్కు కోలుకోలేని దెబ్బతగలగా, టీమిండియాకు వరమైంది. విరాట్ అవుటయ్యింటే మ్యాచ్ ఫలితం ఎలా ఉండేదో? ఎందుకంటే మరో భారత ఓపెనర్ రోహిత్ (13) కూడా తక్కువ పరుగులకే వెనుదిరిగాడు. బ్యాటింగ్ ఆర్డర్లో కెప్టెన్ ధోనీ తర్వాత సీనియర్లు లేరు. న్యూజిలాండ్ గెలిచేదని చెప్పలేం కానీ విరాట్ను అవుట్ చేసుంటే ఆ జట్టుకు ప్లస్ అయ్యేది.
 
 ప్రపంచ క్రికెట్‌లో టాప్ బ్యాట్స్‌మన్, ఒక్కసారిగా నిలదొక్కుకుంటే ఎదురులేని ఆటతో మ్యాచ్ లాగేసుకోగలడు. మొహాలీ వన్డేలో విరాట్ కూడా అదే చేశాడు. కోహ్లీ (134 బంతుల్లో 16 ఫోర్లు, సిక్సర్తో 154 నాటౌట్) సూపర్ సెంచరీ చేసి కివీస్ బౌలర్లకు చుక్కలు చూపించాడు. కెప్టెన్ ధోనీ (80)తో కీలక భాగస్వామ్యం నెలకొల్పిన విరాట్.. మనీశ్ పాండే (28 నాటౌట్)తో కలసి జట్టును విజయతీరాలకు చేర్చాడు. విరాట్ పరుగులు పెరుగుతున్న కొద్దీ టీవీ కెమెరాలు తననే చూపిస్తుండటంతో పాపం టేలర్ మొహం చిన్నబోయింది!


 ► మూడో వన్డేలో ఘన విజయం
 ►  7 వికెట్లతో న్యూజిలాండ్ చిత్తు
 ► కోహ్లి భారీ సెంచరీ, రాణించిన ధోని
 ►  నాలుగో మ్యాచ్ బుధవారం   
  
  ఛేదనలో తనకు అలవాటైన రీతిలో కోహ్లి మరో అలవోక సెంచరీ... ఈ రోజు చెలరేగాల్సిందే అన్నట్లుగా బ్యాటింగ్ ఆర్డర్‌లో ముందుకు వచ్చి పట్టుదలగా చక్కటి ఇన్నింగ్స్ ఆడిన ధోని... ఇద్దరు అగ్రశ్రేణి ఆటగాళ్ల క్లాసిక్ బ్యాటింగ్ భారత్‌కు న్యూజిలాండ్‌పై కీలక విజయాన్ని అందించింది. గత మ్యాచ్‌లో ఎదురైన ఓటమి నుంచి వెంటనే కోలుకుంటూ సిరీస్‌లో మన జట్టు మళ్లీ ఆధిక్యంలో నిలిచింది. రికార్డుల విరాట్ చివరి వరకూ నిలిచి తనకే సాధ్యమైన రీతిలో మరో ఘన విజయాన్ని జట్టు ఖాతాలో చేర్చాడు. అంతకుముందు ఒక దశలో 46 పరుగుల వ్యవధిలో 6 వికెట్లు కోల్పోయినా... నీషమ్, హెన్రీ ఆదుకోవడంతో మెరుగైన స్కోరు సాధించగలిగిన న్యూజిలాండ్ చివరకు దానిని కాపాడుకోవడంలో మాత్రం విఫలం అయింది.  
  
  మొహాలి (పంజాబ్): స్టార్ బ్యాట్స్‌మన్ విరాట్ కోహ్లి (134 బంతుల్లో 154 నాటౌట్; 16 ఫోర్లు, 1 సిక్స్) భారీ సెంచరీకి తోడు కెప్టెన్ ధోని (91 బంతుల్లో 80; 6 ఫోర్లు, 3 సిక్సర్లు) అద్భుత బ్యాటింగ్‌తో న్యూజిలాండ్‌తో జరిగిన మూడో వన్డే భారత్ వశమైంది. ఆదివారం ఇక్కడ జరిగిన మ్యాచ్‌లో ధోని సేన 7 వికెట్లతో కివీస్‌ను చిత్తు చేసింది. ముందుగా బ్యాటింగ్‌కు దిగిన న్యూజిలాండ్ 49.4 ఓవర్లలో 285 పరుగులకు ఆలౌటైంది. లాథమ్ (72 బంతుల్లో 61; 3 ఫోర్లు, 1 సిక్స్) టాప్ స్కోరర్‌గా నిలవగా... నీషమ్ (47 బంతుల్లో 57; 7 ఫోర్లు), హెన్రీ (37 బంతుల్లో 39 నాటౌట్; 4 ఫోర్లు, 1 సిక్స్) తొమ్మిదో వికెట్‌కు 67 బంతుల్లోనే 84 పరుగులు జోడించారు. అనంతరం భారత్ 48.2 ఓవర్లలో 3 వికెట్లకు 289 పరుగులు చేసింది. కోహ్లి, ధోని మూడో వికెట్‌కు 151 పరుగులు జత చేశారు. ఈ ఫలితంతో ఐదు వన్డేల సిరీస్‌లో భారత్ 2-1 ఆధిక్యంలో నిలిచింది. నాలుగో వన్డే బుధవారం రాంచీలో జరుగుతుంది.
  
  రాణించిన లాథమ్...
  టాస్ గెలిచి ఫీల్డింగ్ ఎంచుకున్న భారత్ మార్పులు లేకుండా బరిలోకి దిగింది. కివీస్ జట్టులో డెవ్‌సిక్ స్థానంలో నీషమ్ వచ్చాడు. కివీస్ ఓపెనర్లు గప్టిల్ (27), లాథమ్ జాగ్రత్తగా ఆడటంతో తొలి మూడు ఓవర్లలో 12 పరుగులే వచ్చాయి. కానీ పాండ్యా వేసిన తర్వాతి ఓవర్ తొలి బంతిని భారీ సిక్సర్ కొట్టిన గప్టిల్, అతని తర్వాతి ఓవర్లోనూ మరో ఫోర్, సిక్స్ బాదాడు. అయితే అతడిని ఎల్బీగా అవుట్ చేసి ఉమేశ్ భారత్‌కు తొలి వికెట్ అందించాడు. గత మ్యాచ్‌లో సెంచరీ కొట్టిన విలియమ్సన్ (22) ఈసారి భారీ ఇన్నింగ్‌‌స ఆడలేకపోయాడు.
  
   అరుుతే వరుసగా మూడో మ్యాచ్‌లోనూ పార్ట్‌టైమర్ కేదార్ జాదవ్ భారత్‌కు బ్రేక్ ఇచ్చాడు. తన రెండో ఓవర్లోనే అతను కివీస్ కెప్టెన్‌ను వికెట్ల ముందు దొరకబుచ్చుకున్నాడు. ఘోరమైన ఫామ్‌తో ఇబ్బందుల్లో ఉన్న రాస్ టేలర్ (57 బంతుల్లో 44; 4 ఫోర్లు, 1 సిక్స్) ఈ మ్యాచ్‌లోనూ ఆరంభంలో తడబడ్డాడు. పటేల్, మిశ్రా బౌలింగ్‌ను ఎదుర్కోలేక తొలి 28 బంతుల్లో 14 పరుగులే చేసిన అతను ఆ తర్వాత వేగంగా పరుగులు సాధించగలిగాడు. మరోవైపు చక్కటి షాట్లతో దూసుకుపోయిన లాథమ్ అర్ధ సెంచరీ 59 బంతుల్లో పూర్తయింది.
  
  అరుుతే ఈ దశలో వరుసగా నాలుగు ఓవర్లలో కివీస్ నాలుగు వికెట్లు కోల్పోయింది. మిశ్రా, జాదవ్ చెరో 2 వికెట్లతో ప్రత్యర్థిని దెబ్బ తీశారు. అండర్సన్ (6)తో పాటు క్రీజ్‌లో పాతుకుపోయిన లాథమ్‌ను జాదవ్ అవుట్ చేశాడు. ఆ తర్వాత తక్కువ వ్యవధిలోనే సాన్‌ట్నర్ (7), సౌతీ (13) కూడా వెనుదిరిగారు. ఒక దశలో 153/3తో మెరుగ్గా కనిపించిన న్యూజిలాండ్ 9.2 ఓవర్ల వ్యవధిలో 46 పరుగులు మాత్రమే జోడించి 6 వికెట్లు కోల్పోయింది.
  
  ఆదుకున్న జోడి...
  ఈదశలో నీషమ్, హెన్రీ కీలక భాగస్వామ్యం నెలకొల్పారు. ఎలాంటి ఇబ్బంది లేకుండా చకచకా పరుగులు సాధించారు. ముఖ్యంగా ఉమేశ్ యాదవ్ బౌలింగ్‌లో ఇద్దరూ చెలరేగారు.ముందుగా నీషమ్ రెండు ఫోర్లు కొట్టగా, తర్వాతి ఓవర్లో వరుస బంతుల్లో హెన్రీ 6,4,4 బాదాడు. 44 బంతుల్లోనే అర్ధసెంచరీ పూర్తి చేసుకున్న నీషమ్ చివరకు ఉమేశ్ బౌలింగ్‌లోనే వెనుదిరగ్గా, మరో నాలుగు బంతుల తర్వాత కివీస్ ఇన్నింగ్‌‌స ముగిసింది.
  
  భారీ భాగస్వామ్యం...
  లక్ష్య ఛేదనలో భారత్ ఆరంభంలోనే రహానే (5) వికెట్ కోల్పోగా,  రోహిత్ (13) కూడా ఎక్కువసేపు నిలవలేకపోయాడు. ఈ దశలో నాలుగో స్థానంలో బ్యాటింగ్‌కు వచ్చిన ధోని, కోహ్లి కలిసి ఇన్నింగ్‌‌సను నడిపించారు. తనకు లభించిన లైఫ్‌ను కోహ్లి చక్కగా ఉపయోగించుకున్నాడు. చూడచక్కటి షాట్లతో కనువిందు చేశాడు. ధోని కూడా చాలా కాలం తర్వాత చెప్పుకోదగ్గ ఇన్నింగ్‌‌స ఆడాడు. వీరిద్దరు పోటీ పడి పరుగులు సాధించడంతో భారత్ స్కోరు చకచకా ముందుకు సాగింది.
  
   కివీస్ జట్టు వీరిద్దరిని నిరోధించడంలో విఫలమైంది. తీవ్రమైన మంచు కారణంగా కూడా ఆ జట్టు బౌలర్లకు బంతిపై పట్టు చిక్కలేదు. 49 బంతుల్లో కోహ్లి, 59 బంతుల్లో ధోని అర్ధ సెంచరీ మార్క్‌ను అందుకున్నారు. చూస్తుండగానే వీరి భాగస్వామ్యం సెంచరీ దాటి 150 పరుగులకు చేరుకుంది. ఎట్టకేలకు 27 ఓవర్లు శ్రమించిన తర్వాత ఈ జోడీని విడదీయడంలో కివీస్ సఫలమైంది. హెన్రీ బౌలింగ్‌లో షార్ట్ కవర్స్‌లో టేలర్‌కు క్యాచ్ ఇచ్చి ధోని వెనుదిరిగాడు. అయితే మరోవైపు కోహ్లి జోరు మాత్రం ఆగలేదు.
  
   నీషమ్ బౌలింగ్‌లో థర్డ్‌మ్యాన్ దిశగా సింగిల్ తీసి 104 బంతుల్లో అతను సెంచరీ పూర్తి చేసుకున్నాడు. మనీశ్ పాండే (34 బంతుల్లో 28 నాటౌట్; 3 ఫోర్లు) చక్కటి సహకారం అందించడంతో భారత్‌కు  లక్ష్యం దిశగా ఎలాంటి ఇబ్బందీ ఎదురుకాలేదు.  బౌల్ట్ వేసిన 48వ ఓవర్లో కోహ్లి ఏకంగా మూడు ఫోర్లు, ఒక సిక్సర్ సహా 22 పరుగులు రాబట్టడంతో స్కోర్లు సమం కాగా, తర్వాతి ఓవర్ రెండో బంతికి బౌండరీ కొట్టి పాండే మ్యాచ్‌ను ముగించాడు.
  
  స్కోరు వివరాలు
  న్యూజిలాండ్ ఇన్నింగ్స్ : గప్టిల్ (ఎల్బీ) (బి) ఉమేశ్ 27; లాథమ్ (సి) పాండ్యా (బి) జాదవ్ 61; విలియమ్సన్ (ఎల్బీ) (బి) జాదవ్ 22; టేలర్ (స్టంప్డ్) ధోని (బి) మిశ్రా 44; అండర్సన్ (సి) రహానే (బి) జాదవ్ 6; రోంచీ (స్టంప్డ్) ధోని (బి) మిశ్రా 1; నీషమ్ (సి) జాదవ్ (బి) ఉమేశ్ 57; సాన్‌ట్నర్ (సి) కోహ్లి (బి) బుమ్రా 7; సౌతీ (బి) ఉమేశ్ 13; హెన్రీ (నాటౌట్) 39; బౌల్ట్ (బి) బుమ్రా 1; ఎక్స్‌ట్రాలు 7; మొత్తం (49.4 ఓవర్లలో ఆలౌట్) 285.
  
  వికెట్ల పతనం: 1-46; 2-80; 3-153; 4-160; 5-161; 6-169; 7-180; 8-199; 9-283; 10-285
  
  బౌలింగ్: ఉమేశ్ 10-0-75-3; పాండ్యా 5-0-34-0; బుమ్రా 9.4-0-52-2; జాదవ్ 5-0-29-3; పటేల్ 10-0-49-0; మిశ్రా 10-0-46-2.
  
  భారత్ ఇన్నింగ్స్: రోహిత్ (ఎల్బీ) సౌతీ 13; రహానే (సి) సాన్‌ట్నర్ (బి) హెన్రీ 5; కోహ్లి (నాటౌట్) 154; ధోని (సి) టేలర్ (బి) హెన్రీ 80; పాండే (నాటౌట్) 28; ఎక్స్‌ట్రాలు 9; మొత్తం (48.2 ఓవర్లలో 3 వికెట్లకు) 289.
  
  వికెట్ల పతనం: 1-13; 2-41, 3-192.
  
  బౌలింగ్: హెన్రీ 9.2-0-56-2; బౌల్ట్ 10-0-73-0; సౌతీ 10-0-55-1; సాన్‌ట్నర్ 10-0-43-0; నీషమ్ 9-0-60-0.
  
  కోహ్లి క్యాచ్ వదిలేస్తే...
  ప్రపంచ క్రికెట్‌లో టాప్ బ్యాట్స్‌మన్, ఒక్కసారిగా నిలదొక్కుకుంటే ఎదురులేని ఆటతో మ్యాచ్ లాగేసుకోగలడు. గత మ్యాచ్‌లో కోహ్లి వైఫల్యంతోనే కివీస్‌కు పట్టు చిక్కింది. అలాంటి విరాట్ కోహ్లిని అవుట్ చేసే అవకాశాన్ని కివీస్ చేజేతులా కోల్పయింది. అతను 6 పరుగుల వద్ద ఉన్నప్పుడు హెన్రీ బౌలింగ్‌లో ఇచ్చిన క్యాచ్‌ను వైడ్ స్లిప్‌లో టేలర్ నేలపాలు చేశాడు. నేరుగా చేతుల్లో పడిన బంతిని అతను అందుకోవడంలో విఫలమయ్యాడు. అంతే... ఆ తర్వాత దూసుకుపోయిన విరాట్, భారీ సెంచరీతో జట్టును విజయతీరం చేర్చాడు. కోహ్లి పరుగులు పెరుగుతున్న కొద్దీ టీవీ కెమెరాలు తననే చూపిస్తుండటంతో పాపం టేలర్ మొహం చిన్నబోయింది!
  
  ధోని @ :  9000
  భారత్ కెప్టెన్ ఎమ్మెస్ ధోని వన్డేల్లో 9 వేల పరుగులు పూర్తి చేసుకున్నాడు. సాన్‌ట్నర్ బౌలింగ్‌లో తనదైన శైలిలో భారీ సిక్సర్ కొట్టి అతను ఈ మైలురాయిని అందుకోవడం విశేషం. ఓవరాల్‌గా ఈ ఘనత సాధించిన 17వ ఆటగాడు కాగా, భారత్ తరఫున సచిన్, గంగూలీ, ద్రవిడ్, అజహర్ తర్వాత ధోని ఐదో బ్యాట్స్‌మన్‌గా నిలిచాడు. ఈ జాబితాలో 50కి పైగా సగటు ఉన్న ఏకై క క్రికెటర్ అతనే. మరోవైపు వన్డేల్లో భారత్ తరఫున అత్యధిక సిక్సర్లు కొట్టిన ఆటగాడిగా కూడా సచిన్ (195) రికార్డును ధోని దాటాడు. మొత్తం కెరీర్‌లో ధోని 196 సిక్సర్లు బాదాడు.
  
  26
  కోహ్లి కెరీర్‌లో ఇది 26వ సెంచరీ. ఓవరాల్ జాబితాలో అతను సంగక్కర (25)ను దాటి నాలుగో స్థానంలో నిలిచాడు. అతనికంటే సచిన్ (49), పాంటింగ్ (30), జయసూర్య (28) మాత్రమే ముందున్నారు.
  
  నాకు కాస్త అదృష్టం కూడా కలిసొచ్చింది. టేలర్‌ను చూస్తే బాధేసింది. మనం క్యాచ్ వదిలేశాక ఆ బ్యాట్స్‌మన్ భారీ స్కోరు చేస్తే ఎలా ఉంటుందో నాకు బాగా తెలుసు. నేను క్యాచ్ వదిలేస్తే మెకల్లమ్ 300 చేశాడు. కివీస్‌ను ఎక్కువ పరుగులు చేయనిచ్చాం. ఛేదనలో మాది మంచి జట్టు కాబట్టి దీనిని ఒక అవకాశంగా భావించాం. ధోని ముందుగా బ్యాటింగ్‌కు దిగడం మేలు చేసింది. - విరాట్  కోహ్లి  
  


 కివీస్ తో మూడో వన్డేలో టీమిండియా జయభేరి మోగించింది. ఐదు వన్డేల సిరీస్ లో 2-1 ఆధిక్యంతో ముందుకు దూసుకెళ్లింది. అంతకుముందు టాస్ గెలిచి బ్యాటింగ్ ఎంచుకున్న న్యూజిలాండ్ 283 పరుగుల విజయలక్ష్యాన్ని భారత్ ముందు ఉంచింది. భారత బ్యాట్స్ మన్లలో వైస్ కెప్టెన్ విరాట్ కోహ్లీ, కెప్టెన్ మహేంద్ర సింగ్ ధోనిలు సమయోచిత ఇన్నింగ్స్ తో జట్టును విజయతీరాలకు చేర్చారు.  
 
 భారీ లక్ష్యంతో బరిలోకి దిగిన ఓపెనర్లు అజింక్యా రహానే(8), రోహిత్ శర్మ(13) స్వల్ప వ్యవధిలో పెవిలియన్ కు చేరడంతో లక్ష్య చేధనలో భారత్ కు కష్టాలు తప్పవని అనిపించింది. ఈ దశలో కెప్టెన్ ధోని ముందువరుసలో బ్యాటింగ్ వచ్చాడు. మరో ఎండ్ లో కోహ్లీకి కుదురుకోవడానికి ధోని చక్కగా సహకరించాడు. ఆరు పరుగుల వ్యక్తిగత స్కోరు న్యూజిలాండ్ ప్లేయర్ టేలర్ వదిలేయడంతో బతికిపోయిన కోహ్లీ తర్వాత వెనుదిరిగి చూసుకోలేదు. దీంతో ఇద్దరూ ఆచితూచి ఆడుతూ మరో వికెట్ పడకుండా జాగ్రత్త పడ్డారు. హాప్ సెంచరీలు పూర్తి చేసుకున్న ఇద్దరూ పరుగుల వేగాన్ని పెంచారు.
 
 దీంతో న్యూజిలాండ్ బౌలర్లు పరుగులు సమర్పించుకోవడానికే పరిమితమయ్యారు. 192 పరుగుల వద్ద హెన్రీ బౌలింగ్ లో చెత్త షాట్ ఆడిన ధోని(80)  టేలర్ కు క్యాచ్ ఇచ్చి మూడో వికెట్ గా వెనుదిరిగాడు.  జట్టుకు విజయానికి ఇంకా 80పై చిలుకూ అవసరమయ్యాయి. ధోని తర్వాత క్రీజులోకి వచ్చిన మనీశ్ పాండే తో జత కలిసిన కోహ్లీ కెరీర్ లో 26వ శతకం సాధించాడు.  చెత్త బంతులను బౌండరీలుగా మలిచిన కోహ్లీ(154), మనీశ్(28)లు మరికొన్ని బంతులు మిగిలివుండగానే లక్ష్యాన్ని చేధించారు.
 న్యూజిలాండ్ బౌలర్లలో మ్యాట్ హెన్రీ రెండు వికెట్లు పడగొట్టగా, సౌథీ కు ఒక వికెట్ దక్కింది. న్యూజిలాండ్ బ్యాట్స్ మన్లలో టామ్ లాథమ్(61) జట్టు తరఫున టాప్ స్కోరర్ గా నిలిచాడు. భారత బౌలర్లలో ఉమేశ్ యాదవ్, కేదార్ జాదవ్ లకు చెరో మూడు వికెట్లు, అమిత్ మిశ్రా, బుమ్రాలకు చెరో రెండు వికెట్లు దక్కాయి.


 • భారత్, న్యూజిలాండ్ మూడో వన్డే నేడు
 • గెలిచిన జట్టుకు సిరీస్‌పై పట్టు 
 • బ్యాటింగ్ పిచ్ సిద్ధమంటున్న క్యురేటర్ 
 ఏకపక్షంగా సాగుతుందనుకున్న సిరీస్‌ను న్యూజిలాండ్ జట్టు రసవత్తరంగా మార్చేసింది. రెండో వన్డేలో విజయం సాధించడం ద్వారా తమ సత్తా చాటి భారత్‌ను ఒత్తిడిలోకి నెట్టింది. ఐదు వన్డేల సిరీస్‌లో చెరో మ్యాచ్ గెలిచినందున... మూడో వన్డేలో విజయం ఇరు జట్లకూ కీలకం. ఇందులో గెలిచిన జట్టుకు సిరీస్‌పై పట్టు దొరుకుతుంది. తొలి రెండు వన్డేలకు భిన్నంగా ఈసారి భారీగా పరుగులు వస్తాయని క్యురేటర్ చెబుతున్నారు. మరి మొహాలీ ఎవరి వైపు మొగ్గుతుందో..!
 మొహాలీ: భారత్‌ను సొంతగడ్డపై 13 సంవత్సరాల తర్వాత ఓడించిన ఉత్సాహంలో న్యూజిలాండ్... స్వల్ప లక్ష్యాన్ని ఛేదించే క్రమంలో తడబాటు ద్వారా షాక్ తిన్న భారత్... మరో వన్డే పోరుకు సిద్ధమయ్యారుు. పంజాబ్ క్రికెట్ సంఘం (పీసీఏ) స్టేడియంలో ఆదివారం జరిగే మూడో వన్డేలో రెండు జట్లూ తలపడనున్నారుు. ఈ మ్యాచ్‌లో ఏ జట్టు ఓడినా సిరీస్ గెలవాలంటే తర్వాతి రెండు మ్యాచ్‌ల్లోనూ గెలిచి తీరాల్సి ఉంటుంది. అలాంటి చావోరేవో పరిస్థితిలోకి వెళ్లకుండా ఉండాలంటే ఈ మ్యాచ్‌లో గెలవాలి. ఇదే లక్ష్యంతో ఇరు జట్లు బరిలోకి దిగుతున్నారుు.
 మార్పుల్లేకుండానే ధోనిసేన
 తొలి రెండు వన్డేలు ఆడిన జట్టుతోనే భారత్ ఈ మ్యాచ్‌లోనూ ఆడే అవకాశం ఉంది. రెండో వన్డే సందర్భంగా రోహిత్‌కు గాయమైనా... శనివారం సుదీర్ఘ సమయం ప్రాక్టీస్‌లో పాల్గొన్నాడు. కాబట్టి తను అందుబాటులో ఉన్నాడని జట్టు తెలిపింది. అటు రైనా జ్వరం నుంచి ఇంకా కోలుకోలేదు. కాబట్టి జాదవ్ స్థానం కూడా పదిలం. బౌలింగ్ విభాగం రెండు వన్డేల్లోనూ తమ బాధ్యతలను సమర్ధంగా నిర్వర్తించింది. కానీ రెండో వన్డేలో బ్యాటింగ్ వైఫల్యం భారత్‌ను విజయానికి దూరం చేసింది. రోహిత్, మనీశ్ పాండే ఇద్దరూ ఇప్పటి వరకూ తమ స్థారుుకి తగ్గ ఆట చూపెట్టలేదు. కోహ్లి, రహానే, పాండ్యా ఫామ్‌లో ఉన్నారు. జాదవ్, ధోని ఇద్దరూ మరింత బాధ్యతగా ఆడాల్సి ఉంది. మూడేళ్ల క్రితం చివరిసారిగా మొహాలీలో జరిగిన వన్డేలో ధోని సెంచరీ చేశాడు. మళ్లీ ఆ తరహా ఇన్నింగ్‌‌స కెప్టెన్ నుంచి రావలసి ఉంది. ఏమైనా రెండో వన్డేలో ఓటమితో భారత జట్టు నేలకు దిగింది. ఇక అందరూ బాధ్యతగా ఆడాల్సిన సమయం వచ్చేసింది.
 జోరు మీద కివీస్
 వరుస పరాజయాలతో చప్పగా సాగిపోతున్న పర్యటనలో ఢిల్లీ విజయం న్యూజిలాండ్ జట్టులో ఉత్సాహం పెంచింది. కెప్టెన్ విలియమ్సన్ ఒంటరి పోరాటంతో సెంచరీ చేసి సహచరుల్లో స్ఫూర్తిని పెంచాడు. ఓపెనర్ లాథమ్, రోంచీ మినహా మిగిలిన బ్యాట్స్‌మెన్ అంతా ఇప్పటివరకూ చెప్పుకోదగ్గ ఇన్నింగ్‌‌స ఆడలేదు. ముఖ్యంగా సీనియర్లు గప్టిల్, రాస్ టేలర్ జట్టుకు భారంగా మారారు. అరుునా కానీ ఈ ఇద్దరి అనుభవం వల్ల తుది జట్టులో కొనసాగుతారు. ఇక బౌలింగ్ విభాగంలో ఢిల్లీలో ఆ జట్టు ఒక్క స్పెషలిస్ట్ స్పిన్నర్‌నే ఆడించింది. పేస్ బౌలర్లంతా అద్భుతంగా బౌలింగ్ చేసి ఓ మాదిరి లక్ష్యాన్ని కూడా కాపాడుకున్నారు. ముఖ్యంగా బౌల్ట్ అత్యద్భుతంగా బౌలింగ్ చేశాడు. సౌతీ కూడా తన అనుభవన్నంతా చూపించాడు. కాబట్టి మూడో వన్డేకు న్యూజిలాండ్ కూడా మార్పులు లేకుండానే బరిలోకి దిగొచ్చు. ఒకవేళ అదనంగా స్పిన్నర్ కావాలనుకుంటే డెవిచ్ స్థానంలో సోధి జట్టులోకి రావచ్చు.
  జట్లు (అంచనా)
 భారత్: ధోని (కెప్టెన్), రోహిత్, రహానే, కోహ్లి, మనీశ్, జాదవ్, పాండ్యా, మిశ్రా, అక్షర్, ఉమేశ్, బుమ్రా.
 న్యూజిలాండ్: విలియమ్సన్ (కెప్టెన్), గప్టిల్, లాథమ్, టేలర్, అండర్సన్, రోంచీ, శాన్‌ట్నర్, డెవిచ్, సౌతీ, హెన్రీ, బౌల్ట్.
 పిచ్, వాతావరణం
 పిచ్ మీద కొంత పచ్చిక కనిపిస్తున్నా మ్యాచ్ సమయానికి అది ఉండదని, భారీ స్కోర్లు ఆశించవచ్చని క్యురేటర్ దల్జీత్ సింగ్ చెప్పారు. వర్షం ప్రమాదం లేదు. కాకపోతే రెండో ఇన్నింగ్‌‌స సమయంలో మంచు ప్రభావం ఉంటుంది. కాబట్టి టాస్ గెలిచిన జట్టు ఫీల్డింగ్ ఎంచుకునే అవకాశం ఉంది.
 గత మ్యాచ్‌లో పాండ్యాకు మద్దతుగా ఒక్కరు నిలబడి ఉంటే ఫలితం మరోలా ఉండేది. ప్రతి మ్యాచ్‌లోనూ గెలవగల సత్తా మాకు ఉంది. దురదృష్టవశాత్తు గత మ్యాచ్‌లో మా సామర్థ్యానికి తగ్గట్లుగా ఆడలేదు. రెండో వన్డేలో చేసిన తప్పులు మళ్లీ జరగకుండా చూసుకుంటాం. -అమిత్ మిశ్రా (భారత స్పిన్నర్)
 ఫలితం ఎలా ఉన్నా మా సన్నాహాలు ఒకేలా ఉంటారుు. విజయాలు రాని సమయంలో కుంగిపోలేదు. విజయాలు వస్తే గర్వపడేదీ లేదు. ఢిల్లీతో పోలిస్తే మొహాలీలో పరిస్థితులు మాకు అనుకూలంగా ఉన్నారుు. జట్టులో ఎవరి ఫామ్ గురించీ ఆందోళన లేదు.
 -సౌతీ (న్యూజిలాండ్ పేసర్)
 8 మొహాలీలో భారత్ ఇప్పటివరకూ
 13 వన్డేలు ఆడితే ఎనిమిది గెలిచి,  ఐదు ఓడిపోరుుంది.
 3 చివరిసారిగా మొహాలీలో ఆడిన వన్డేలో భారత్ ఓడినా...
 అంతకుముందు వరుసగా మూడు మ్యాచ్‌ల్లో ధోనిసేన గెలిచింది.
 
 మ. గం. 1.30 నుంచి  స్టార్‌స్పోర్‌‌ట్స-1లో ప్రత్యక్ష ప్రసారం
  


 నేడు జింబాబ్వేతో భారత్ మూడో వన్డే
 * ప్రయోగాలపై ధోని దృష్టి  
 * ఒత్తిడిలో ఆతిథ్య జట్టు
 హరారే: ఏకపక్ష విజయాలతో జింబాబ్వేపై 2-0తో సిరీస్‌ను కైవసం చేసుకున్న భారత జట్టు ఇప్పుడు క్లీన్‌స్వీప్‌పై దృష్టి పెట్టింది. నేడు (బుధవారం) హరారే స్పోర్ట్స్ క్లబ్‌లో జరగనున్న చివరిదైన మూడో వన్డేలో ఇరుజట్లు అమీతుమీ తేల్చుకోనున్నాయి. ఈ మ్యాచ్‌లో టీమిండియా మరోసారి ఫేవరెట్‌గా దిగుతుండగా...
 
 కనీసం ఒక్క విజయంతోనైనా పోయిన పరువును కాస్త అయినా కాపాడుకోవాలని జింబాబ్వే భావిస్తోంది. అయితే నామమాత్రమైన ఈ మ్యాచ్‌కు తుది జట్టులో మార్పులు చేయాలనే ఉద్దేశంతో కెప్టెన్ ధోని ఉన్నాడు. ఈ మ్యాచ్ తర్వాత టి20 సిరీస్ ఉండటంతో రిజర్వ్ బెంచ్‌లో ఉన్న మిగతా ఆటగాళ్లనూ పరీక్షించాలని అతను యోచిస్తున్నాడు. తొలి వన్డేలో సెంచరీతో అదరగొట్టిన ఓపెనర్ లోకేశ్ రాహుల్, వన్‌డౌన్ బ్యాట్స్‌మన్ అంబటి తిరుపతి రాయుడులకు ఈ మ్యాచ్‌లో విశ్రాంతి ఇచ్చే అవకాశాలున్నాయి.
 
 ఇదే జరిగితే కరుణ్ నాయర్‌తో కలిసి ఫయజ్ ఫైజల్‌ను ఓపెనర్‌గా బరిలోకి దింపొచ్చు. రాయుడు స్థానంలో మన్‌దీప్‌కు అవకాశం దక్కొచ్చు. టాప్-3పైనే ఎక్కువగా దృష్టి పెట్టిన మహీ.. మిగతా బ్యాటింగ్ ఆర్డర్‌లో మార్పులు చేయకపోవచ్చు. ఇక బౌలింగ్ విషయానికొస్తే పేస్ త్రయం బరీందర్ శరణ్, ధవల్ కులకర్ణీ, జస్‌ప్రీత్ బుమ్రాలలో ఒకరికి రెస్ట్ ఇచ్చే అవకాశాలున్నాయి. అప్పుడు జైదేవ్ ఉనాద్కట్, రిషీ ధావన్‌లలో ఒకర్ని తీసుకోవచ్చు.
 
 అవకాశం వచ్చిన రెండు మ్యాచ్‌ల్లోనూ అదరగొట్టిన లెగ్ స్పిన్నర్ యజువేంద్ర చహల్, అక్షర్ పటేల్‌లలో ఒకరు బెంచ్‌కు పరిమితం కానున్నారు. దీంతో ఆఫ్ స్పిన్నర్ జయంత్ యాదవ్ అరంగేట్రం చేసే అవకాశం కనిపిస్తోంది. ఓవరాల్‌గా ఈ మ్యాచ్‌లో భారత్ గెలిస్తే... జింబాబ్వేలో వరుసగా మూడో సిరీస్‌ను క్లీన్‌స్వీప్ చేసినట్టవుతుంది. గతంలో 2013, 2015లోనూ టీమిండియా సిరీస్‌లను చేజిక్కించుకుంది.
  
 మరోవైపు సొంతగడ్డపై రెండు మ్యాచ్‌ల్లోనూ ఓడిన జింబాబ్వే పూర్తి ఒత్తిడిలో ఉంది. అంతర్జాతీయ అనుభవం ఉన్న స్టార్ ఆటగాళ్లెవరూ స్థాయికి తగ్గటుగా ఆడలేకపోతున్నారు. కనీసం భారత కుర్ర పేసర్లు విసిరే బంతులకు క్రీజ్‌లో నిలవడానికి కూడా సాహసం చేయలేకపోతున్నారు. సిబండా, చిబాబా, రజా మాత్రమే ఓ మాదిరిగా ఆడుతున్నారు.
 
 వీళ్లు కూడా భారీ భాగస్వామ్యాలు నెలకొల్పడంలో విఫలం కావడంతో జట్టుకు పరాజయాలు తప్పడం లేదు. బ్యాటింగ్ ఆర్డర్ వైఫల్యానికి కెప్టెన్ క్రీమర్ టాస్ ఓడటం సాకుగా చూపుతున్నా... జట్టులో సమష్టితత్వం లోపించిందని మాత్రం చెప్పడం లేదు. బౌలర్లు కొత్త బంతితో ఆకట్టుకున్నా వికెట్లు తీయడంలో విఫలమవుతున్నారు. అయితే ఈసారి భారీ లక్ష్యాన్ని నిర్దేశించి మ్యాచ్‌ను నెగ్గుతామని క్రీమర్ ధీమా వ్యక్తం చేస్తున్నాడు.
 మధ్యాహ్నం గం. 12.30 నుంచి  టెన్-2లో ప్రత్యక్ష ప్రసారం


 ఆక్లాండ్: భారీ లక్ష్యాన్ని ఛేదించే క్రమంలో విలియమ్సన్ (86 బంతుల్లో 84; 9 ఫోర్లు, 3 సిక్సర్లు), గప్టిల్ (81 బంతుల్లో 82; 8 ఫోర్లు, 3 సిక్సర్లు) సమయోచితంగా ఆడటంతో... ఆదివారం జరిగిన మూడో వన్డేలో న్యూజిలాండ్ 3 వికెట్ల తేడాతో (డక్‌వర్త్ లూయిస్ పద్ధతి) పాకిస్తాన్‌పై విజయం సాధించింది. దీంతో మూడు మ్యాచ్‌ల సిరీస్‌ను 2-0తో కైవసం చేసుకుంది. రెండో వన్డే వర్షం కారణంగా రద్దయింది. టాస్ గెలిచిన పాక్ 47.3 ఓవర్లలో 290 పరుగులకు ఆలౌటైంది. తర్వాత బ్యాటింగ్‌కు దిగిన న్యూజిలాండ్ డక్‌వర్త్ లూయిస్ ప్రకారం 265 పరుగుల లక్ష్యాన్ని 42.4 ఓవర్లలో 7 వికెట్లు కోల్పోయి సాధించింది.


 మెల్ బోర్న్: ముచ్చటగా మూడోసారి భారత్ ఓడింది. మూడో వన్డేలో ఆస్ట్రేలియా మూడు వికెట్ల తేడాతో విజయం సాధించి 3-0 తేడాతో సిరీస్ కైవసం చేసుకుంది. రెండో వన్డే లో ఓటమి పాలైన అనంతరం కనీసం 330 పరుగులు చేస్తామని చెప్పిన కెప్టెన్ ధోనీ 295 పరుగుల చేసి 296 పరుగుల లక్ష్యాన్ని ఆస్ట్రేలియా ముందుంచగా ఆచితూడి ఆడిన ఆస్ట్రేలియా మూడో వన్డేలో కూడా విజయాన్ని సాధించి సిరీస్ కైవసం చేసుకుంది.
 
 ఆస్ట్రేలియా ఇండియాల మధ్య ఐదు వన్డేల సిరీస్ జరుగుతున్న విషయం తెలిసిందే. ఇందులో భాగంగా ఆదివారం మూడో వన్డే ప్రారంభం కాగా టాస్ ఓడి ముందుగా బ్యాటింగ్ చేసిన భారత్ 50 ఓవర్లలో 6 వికెట్లు కోల్పోయి 295 పరుగులు చేసింది. ఆసీస్ ముందు 296 పరుగుల టార్గెట్ ఉంచింది. విరాట్ కోహ్లి సెంచరీకి తోడు ధావన్(68) రహానే(50) అర్థసెంచరీలతో రాణించారు.
 
 ఇక, అనంతరం బ్యాటింగ్ కు దిగిన ఆస్ట్రేలియా48.5 ఓవర్లలో296 పరుగులు చేసి 3 వికెట్ల తేడాతో విజయం సాధించింది. ఆస్ట్రేలియా బ్యాట్స్ మెన్ లలో మ్యాక్స్ వెల్ 96, ఎస్ఈ మార్ష్ 62, స్మిత్ 41, బైలీ 23 పరుగులతో రాణించారు. ఇక, ఇషాంత్ శర్మ, రవీంద్ర జడేజా, ఉమేశ్ యాదవ్ కు తలా రెండు వికెట్లు దక్కాయి.


 మెల్ బోర్న్: ఆస్ట్రేలియాతో మెల్ బోర్న్లో జరుగుతున్న మూడో వన్డేలో భారత్ 27 ఓవర్లలో 2 వికెట్ల నష్టానికి 134 పరుగులు చేసింది. విరాట్ కోహ్లీ, శిఖర్ ధావన్ ఇద్దరూ హాఫ్ సెంచరీలు చేశారు. మాక్స్ వెల్ వేసిన భారత ఇన్నింగ్స్ 23వ ఓవర్లో ఐదో బంతికి సింగిల్ తీసి కోహ్లీ, ఆరో బంతికి సింగిల్ తీసి శిఖర్ ధావన్ అర్ధ సెంచరీలు నమోదు చేశారు. 4 ఫోర్ల సాయంతో 51 బంతుల్లో కోహ్లీ, 6 ఫోర్ల సాయంతో 76 బంతుల్లో ధావన్ అర్ధ శతకాలు కొట్టారు. అంతకుముందు  టాస్ గెలిచిన ఆసీస్ కెప్టెన్ స్టీవ్ స్మిత్ ఫీల్డింగ్ ఎంచుకున్నాడు.
 భారత స్కోరు 15 పరుగుల వద్ద గత రెండు మ్యాచ్ల్లో సెంచరీలతో జట్టును ఆదుకున్న రోహిత్ శర్మ 6 పరుగులు చేసి తొలి వికెట్ గా వెనుదిరిగాడు. అయితే, ధావన్(91 బంతుల్లో 68; 9 ఫోర్లు), కోహ్లీలు జట్టును ముందుకు నడిపించారు. జట్టు స్కోర్ 134 వద్ద రెండో వికెట్ రూపంలో ధావన్ వెనుదిరిగాడు.  ప్రస్తుతం కోహ్లీ(59 బంతుల్లో 55; 4 ఫోర్లు), రహానే(1) పరుగులతో క్రీజులో ఉన్నారు. ఆసీస్ బౌలర్లలో హాస్టింగ్స్, రిచర్డ్ సన్ చెరో వికెట్ పడగొట్టారు.


 హరారే: జింబాబ్వేతో జరుగుతున్న మూడో వన్డేలో ముందుగా బ్యాటింగ్ చేస్తున్న భారత్ 82 పరుగులకు 4 వికెట్లు నష్టపోయింది. రహానే 15, విజయ్ 13, ఊతప్ప 31, మనోజ్ తివారి 10 పరుగులు చేసి అవుటయ్యారు.
 
 టీమిండియా 33 ఓవర్లలో 123/4 స్కోరుతో ఆట కొనసాగిస్తోంది. మనీశ్ పాండే 28, జాదవ్ 19 పరుగులతో  ఆడుతున్నారు. టాస్ గెలిచిన జింబాబ్వే ఫీల్డింగ్ ఎంచుకుంది. మూడు వన్డేల ఈ సిరీస్ లో భారత్ ఇప్పటికే 2-0 ఆధిక్యంలో ఉంది.


 సీనియర్లంతా విశ్రాంతి తీసుకోవడంతో కొత్త ఆటగాళ్లకు జింబాబ్వే వెళ్లే అవకాశం వచ్చింది. తొలి రెండు వన్డేల్లో రహానే, రాయుడు, బిన్నీ లాంటి రెగ్యులర్ క్రికెటర్లు రాణించారు గానీ... అవకాశాలు వచ్చినా ఉతప్ప, జాదవ్, తివారీ వినియోగించుకోలేకపోయారు. ఇక తమ సత్తా చూపడానికి వాళ్లకిది చివరి అవకాశం. నేడు జరిగే మూడో వన్డేలో రాణించకపోతే వీళ్లకి భారత జట్టు తలుపులు మూసుకుపోయే ప్రమాదం కూడా ఉంది.
  
 * రిజర్వ్ క్రికెటర్లపై ఒత్తిడి  
 * జింబాబ్వేతో భారత్ చివరి వన్డే నేడు
 హరారే: తొలి రెండు వన్డేల్లో కలిపి ఉతప్ప, జాదవ్, మనోజ్ తివారీ చేసిన పరుగులు 58. ప్రత్యర్థి స్థాయిని బట్టి చూసినా, వీళ్లకు లభించిన అవకాశాన్ని దృష్టిలో పెట్టుకున్నా ఇది చాలా పేలవం. జట్టు రెండు మ్యాచ్‌ల్లోనూ గెలిచింది కాబట్టి పెద్దగా పట్టించుకోలేదుగానీ... ఒకవేళ ఓడిపోయి ఉంటే ఈ ప్రదర్శనకు వీళ్లని ఈ పాటికే మీడియా ఉతికి ఆరేసేది. ఎంతో కాలంగా అవకాశం కోసం ఎదురు చూస్తూ... ఇక వయసు అయిపోతుందనుకునే దశలో అవకాశం లభించినా దీనిని వినియోగించుకోలేకపోయారు.
 
 ఇక నేడు జరిగే ఆఖరి వన్డేలోనూ విఫలమైతే ప్రస్తుతం ఉన్న పోటీలో మళ్లీ భారత జట్టు దుస్తుల్లో వీళ్లని చూడటం కూడా కష్టం. ఇలాంటి ఒత్తిడిలో రిజర్వ్‌లు ఉన్న నేపథ్యంలో జింబాబ్వేతో మూడో వన్డే మంగళవారం  జరగనుంది. ఈ మ్యాచ్‌లోనూ గెలిచి సిరీస్‌ను క్లీన్‌స్వీప్ చేయాలనేది రహానే సేన లక్ష్యం.
  
 సందీప్‌కు అవకాశం ఇస్తారా?
 భారత జట్టు బ్యాటింగ్ లైనప్‌లో ఒక్క మార్పు జరిగే అవకాశం ఉంది. రాయుడు గాయం కారణంగా అందుబాటులో లేకపోవడం వల్ల బెంచ్ మీద ఉన్న మనీష్ పాండే తుది జట్టులోకి వస్తాడు. ఓపెనర్లు రహానే, విజయ్ ఫామ్‌లోనే ఉన్నారు. సిరీస్‌లో టాప్ స్కోరర్ రాయుడు అందుబాటులో లేకపోవడం లోటే. మిడిలార్డర్‌లో ఉతప్ప, పాండే, తివారీ, జాదవ్‌లలో కనీసం ఇద్దరైనా నిలదొక్కుకుంటేనే భారీ స్కోరు వస్తుంది. ఆల్‌రౌండర్‌గా బిన్నీ తన సత్తా ఇప్పటికే చూపించాడు. అక్షర్ పటేల్ బౌలింగ్‌లో ఆకట్టుకున్నా బ్యాట్‌తో పెద్దగా చేసిందేమీ లేదు.
 
 రెండు వన్డేల్లోనూ హర్భజన్ తన పాత్ర సమర్థంగానే పోషించాడు. పేసర్లలో భువనేశ్వర్ రెండు మ్యాచ్‌ల్లోనూ ఆకట్టుకున్నాడు. ధావల్ కులకర్ణి నుంచి ఆశించిన స్థాయిలో ప్రదర్శన లేదు. బెంచ్ మీద ఇద్దరు పేసర్లు అవకాశం కోసం ఎదురుచూస్తున్నారు. ధావల్ స్థానంలో ఈ ఇద్దరిలో ఒకరికి అవకాశం ఇవ్వొచ్చు. మోహిత్ ఇప్పటికే అనేక మ్యాచ్‌లు ఆడినందున... సందీప్ శర్మతో అరంగేట్రం చేయిస్తే బాగుంటుంది. మరి రహానే ఎలాంటి నిర్ణయం తీసుకుంటాడో చూడాలి.
  
 జింబాబ్వే ప్రతిష్ట కోసం...
 ఓవైపు బంగ్లాదేశ్ జట్టు అనూహ్యమైన ఆటతీరుతో అన్ని పెద్ద దేశాలపై విజయాలు సాధిస్తూ ప్రకంపనలు సృష్టిస్తోంది. మొన్నటిదాకా బంగ్లాదేశ్‌తో సమాన స్థాయిలో ఉన్న జింబాబ్వే మాత్రం ఎలాంటి ఎదుగుదల చూపించలేదు. భారత్‌లాంటి జట్టుపై ఒక్క మ్యాచ్ గెలిచినా జట్టులో కొత్త ఉత్సాహం వస్తుంది. కాబట్టి ఆఖరి మ్యాచ్‌లో అయినా గెలవాలని ఆ జట్టు ఆశిస్తోంది. తొలి వన్డేలో జట్టును విజయం అంచులదాకా తీసుకొచ్చిన కెప్టెన్ చిగుం బుర, రెండో వన్డేలో రాణించిన చిబాబా మినహా ఆ జట్టు బ్యాట్స్‌మెన్ ఎవరూ చెప్పుకోదగ్గ స్థాయిలో ఆడలేదు.
 
 భారత్‌పై గెలవాలంటే జట్టులో కనీసం నలుగురు బ్యాట్స్‌మెన్ అయినా నిలదొక్కుకుని ఆడాలి. బౌలింగ్‌లో మాత్రం జింబాబ్వే నిలకడ చూపిస్తోంది. భారత్ 300 మార్కు గురించి కనీసం ఆలోచించలేకపోతోంది. కాబట్టి మరోసారి తమ బౌ లర్ల నుంచి జింబాబ్వే అలాంటి ప్రదర్శన ఆశిస్తోంది.
 
 రాయుడు స్థానంలో సంజూ
 జింబాబ్వే పర్యటనలో మిగిలిన వన్డే, రెండు టి20లకు రాయుడు దూరమయ్యాడు. రెండో వన్డేలో తొడ వెనకభాగంలో కండరాలు పట్టేయడంతో రాయుడును పరీక్షించిన వైద్యులు మూడు వారాలు విశ్రాంతి అవసరమని తేల్చారు. దీంతో తన స్థానంలో సంజు శామ్సన్‌ను సెలక్టర్లు ఎంపిక చేశారు.
  
 జట్లు (అంచనా):
 భారత్: రహానే (కెప్టెన్), విజయ్, తివారీ, మనీష్ పాండే, జాదవ్, ఉతప్ప, అక్షర్ పటేల్, బిన్నీ, హర్భజన్, భువనేశ్వర్, ధావల్/సందీప్.
 జింబాబ్వే: చిగుంబురా (కెప్టెన్), సిబందా, చిబాబా, మసకద్జ, విలియమ్స్, రజా, ముతుంబమి, క్రీమర్, మద్జివా, టిరిపానో, విటోరి.
  
 మ. గం. 12.30 నుంచి టెన్ క్రికెట్‌లో ప్రత్యక్ష ప్రసారం


 ఆక్లాండ్: శ్రీలంక, న్యూజిలాండ్ జట్ల మధ్య శనివారం జరిగిన మూడో వన్డేకు వర్షం పదే పదే అంతరాయం కలిగించడంతో రద్దయ్యింది. టాస్ ఓడి ముందుగా బ్యాటింగ్‌కు దిగిన కివీస్ మ్యాచ్ ఆగిన సమయానికి 28.5 ఓవర్లలో మూడు వికెట్లు కోల్పోయి 145 పరుగులు చేసింది. ఆ తర్వాత మూడు గంటలపాటు వేచి చూసినప్పటికీ మ్యాచ్‌ను కొనసాగించే పరిస్థితి లేకపోవడంతో అంపైర్లు రద్దు చేశారు.
 
 అంతకుముందు 25 ఓవర్ల దగ్గర రెండో సారి వర్షం కురిసినప్పుడు మ్యాచ్‌ను 43 ఓవర్లకు కుదించారు. మార్టిన్ గుప్టిల్ (78 బంతుల్లో 66 నాటౌట్; 4 ఫోర్లు; 3 సిక్సర్లు), అజేయ అర్ధ సెంచరీ సాధించగా లాథమ్ (65 బంతుల్లో 42; 4 ఫోర్లు) ఆకట్టుకున్నాడు. ఏంజెలో మాథ్యూస్‌కు మూడు వికెట్లు దక్కాయి. ఏడు వన్డేల ఈ సిరీస్‌లో ఇరు జట్లు చెరో విజయంతో సమానంగా ఉన్నాయి.
  


 హైదరాబాద్ :  భారత్ క్రికెట్ జట్టు శనివారం ఉప్పల్ స్టేడియంలో ప్రాక్టీస్ మొదలుపెట్టింది.  ఉప్పల్ స్టేడియంలో ఆదివారం జరిగే మూడో వన్డేలో భారత్, శ్రీలంక తలపడనున్న విషయం తెలిసిందే. దాంతో టీమిండియా ఆటగాళ్లు ప్రాక్టీస్కు దిగారు.  కాగా ఉప్పల్ స్టేడియంలో మరోసారి ప్రేక్షకులకు పరుగుల వినోదం దక్కనుంది. వన్డే సిరీస్‌లో తొలి రెండు మ్యాచ్‌లలాగే ఈ మ్యాచ్‌లోనూ భారీ స్కోరు నమోదయ్యే అవకాశం ఉంది. నగరంలో మూడేళ్ల తర్వాత రాజీవ్‌గాంధీ స్టేడియంలో జరగనున్న వన్డే కోసం బ్యాటింగ్ పిచ్ సిద్ధం చేశారు. కాగా గతంలో ఉప్పల్‌ స్టేడియంలో నాలుగు వన్డే మ్యాచ్‌లు జరిగాయి. వాటిలో భారత్ 1 గెలిచి, 3 మ్యాచ్లు ఓడింది.
 
  


  సాక్షి, హైదరాబాద్: ఉప్పల్ స్టేడియంలో మరోసారి ప్రేక్షకులకు పరుగుల వినోదం దక్కనుంది. వన్డే సిరీస్‌లో తొలి రెండు మ్యాచ్‌లలాగే ఈ మ్యాచ్‌లోనూ భారీ స్కోరు నమోదయ్యే అవకాశం ఉంది. నగరంలో మూడేళ్ల తర్వాత రాజీవ్‌గాంధీ స్టేడియంలో జరగనున్న వన్డే కోసం బ్యాటింగ్ పిచ్ సిద్ధం చేశారు. ఆదివారం జరిగే మూడో వన్డేలో భారత్, శ్రీలంక తలపడనున్న నేపథ్యంలో మైదానంలో అన్ని ఏర్పాట్లు పూర్తయ్యాయి.
 
 మ్యాచ్ కోసం గత రెండు రోజులుగా పిచ్‌ను సిద్ధం చేశారు. అందుబాటులో ఉన్న ఆరు వికెట్‌లలో మూడో వికెట్‌పై ఈ మ్యాచ్ జరగనుంది. చాంపియన్స్ లీగ్‌లో భాగంగా ఇటీవల ఈ పిచ్‌పైనే ఆఖరి లీగ్ మ్యాచ్ జరిగింది. ఆ మ్యాచ్‌లో కోల్‌కతా 20 ఓవర్లలో 187 పరుగులు చేసింది. సాధారణ మరమ్మతుల తర్వాత ఈ స్టేడియంలో కొత్త సీజన్‌లో ఇప్పటివరకు ఇంకా ఒక్క మ్యాచ్ కూడా నిర్వహించలేదు. అవుట్‌ఫీల్డ్ కూడా వేగంగా ఉండవచ్చు.
  
  ఒక విజయం... మూడు ఓటములు
  గతంలో ఉప్పల్‌లోని రాజీవ్‌గాంధీ అంతర్జాతీయ స్టేడియంలో నాలుగు వన్డే మ్యాచ్‌లు జరిగాయి. వాటిలో భారత్ 1 గెలిచి, 3 ఓడింది. ఆ మ్యాచ్‌లను ఒక సారి గుర్తు చేసుకుంటే...
 
  1. భారత్-దక్షిణాఫ్రికా (16 నవంబర్, 2005): దక్షిణాఫ్రికా 5 వికెట్ల తేడాతో భారత్‌ను ఓడించింది. ముందుగా ‘మ్యాన్ ఆఫ్ ద మ్యాచ్’ యువరాజ్ (103) సెంచరీ సహాయంతో భారత్ 249 పరుగులు చేసింది. అనంతరం దక్షిణాఫ్రికా 48.5 ఓవర్లలో లక్ష్యం అందుకుంది. కలిస్ (68 నాటౌట్) టాప్‌స్కోరర్.
 
  2. భారత్-ఆస్ట్రేలియా (5 అక్టోబర్, 2007): 47 పరుగులతో ఆసీస్ విజయం. ‘మ్యాన్ ఆఫ్ ద మ్యాచ్’ సైమండ్స్ (89)తో పాటు హేడెన్, క్లార్క్ అర్ధ సెంచరీతో ఆస్ట్రేలియా 290 పరుగులు చేసింది. ఆ తర్వాత భారత్ 243 పరుగులకే ఆలౌటైంది. ఈసారి కూడా యువరాజ్ (121) సెంచరీ వృథా అయింది.
 
  3. భారత్-ఆస్ట్రేలియా (5 నవంబర్, 2009): ఈ సారీ ఆసీస్‌దే గెలుపు. షాన్ మార్ష్ (112) సెంచరీ, వాట్సన్ (93) దూకుడుతో ఆస్ట్రేలియా 350 పరుగుల భారీ స్కోరు చేసింది. ‘మ్యాన్ ఆఫ్ ద మ్యాచ్’ సచిన్ (175) తన అత్యుత్తమ వన్డే ఇన్నింగ్స్‌లో ఒకటి ఆడటంతో విజయానికి చేరువగా వచ్చినా...3 పరుగులతో భారత్ పరాజయం పాలైంది.
 
  4. భారత్-ఇంగ్లండ్ (14 అక్టోబర్, 2011): ఉప్పల్‌లో భారత జట్టు బోణీ చేసింది. 126 పరుగుల భారీ తేడాతో ఇంగ్లండ్‌ను చిత్తు చేసింది. ‘మ్యాన్ ఆఫ్ ద మ్యాచ్’ ధోని (87 నాటౌట్) జోరుతో భారత్ 300 పరుగులు సాధించింది. అనంతరం ఇంగ్లండ్ 174 పరుగులకే పరిమితమైంది. కుక్ (60)దే అత్యధిక స్కోరు.
  
  ‘మేం విండీస్‌తో టెస్టు మ్యాచ్ నిర్వహణ కోసం సిద్ధమవుతున్న సమయంలో సిరీస్ రద్దయింది. సాధారణంగా టెస్టు మ్యాచ్ నిర్వహణ అంటే ఆదాయం కోల్పోవడమే. అదే వన్డే అయితే మంచి ఆదాయం వస్తుంది. కాబట్టి మాకు మంచే జరిగింది. అన్ని విధాలా చక్కటి సౌకర్యాలతో మ్యాచ్‌ను విజయవంతం చేసేందుకు ప్రయత్నిస్తున్నాం. పిచ్ కూడా బ్యాటింగ్‌కు బాగా అనుకూలిస్తుందని చెప్పగలను’
  - అర్షద్ అయూబ్, హెచ్‌సీఏఅధ్యక్షుడు


 అబుదాబి: ఆస్ట్రేలియాతో మూడో వన్డే... చివరి ఓవర్లో విజయానికి పాకిస్థాన్ కేవలం 2 పరుగులు చేయాలి. చేతిలో మరో 2 వికెట్లు ఉన్నాయి. ఈ దశలో ‘మ్యాన్ ఆఫ్ ద మ్యాచ్’ మ్యాక్స్‌వెల్ బౌలింగ్‌కు దిగాడు. తొలి బంతిని ఆడలేకపోయిన తన్వీర్, రెండో బంతికి బౌల్డ్ అయ్యాడు. అనంతరం బ్యాటింగ్‌కు వచ్చిన ఇర్ఫాన్‌కు వరుసగా మూడు బంతుల్లో ఒక్క పరుగు తీయడం కూడా సాధ్యం కాలేదు. చివరి బంతిని మాత్రం భారీ షాట్ ఆడబోయి అతను కవర్స్‌లో చిక్కాడు. అంతే ... ఆఖరి ఓవర్ మెయిడిన్ సహా 2 వికెట్లు... ఒక పరుగు తేడాతో ఆస్ట్రేలియాకు విజయం. 3-0 తేడాతో వన్డే సిరీస్ క్లీన్‌స్వీప్.
 
  అనిశ్చితికి మారుపేరైన, లక్ష్య ఛేదనలో పేలవ రికార్డు ఉన్న పాకిస్థాన్ మరోసారి దానిని నిరూపించుకుంది. 231 పరుగుల సాధారణ లక్ష్యంతో బరిలోకి దిగిన ఆ జట్టు 50 ఓవర్లలో 230 పరుగులకు ఆలౌటైంది. అసద్ షఫీఖ్ (73 బంతుల్లో 50; 5 ఫోర్లు) అర్ధ సెంచరీ సాధించగా, మఖ్సూద్ (46 బంతుల్లో 34; 2 ఫోర్లు, 1 సిక్స్), సర్ఫరాజ్ (39 బంతుల్లో 32; 2 ఫోర్లు) రాణించారు. స్టీవెన్ స్మిత్‌కు ‘మ్యాన్ ఆఫ్ ద సిరీస్’ అవార్డు దక్కింది. ఈ నెల 22 నుంచి ఇరు జట్ల మధ్య రెండు టెస్టుల సిరీస్ జరుగుతుంది.
  
  స్మిత్ క్యాచ్‌పై వివాదం...
  మరోవైపు ఈ మ్యాచ్‌లో ఫవాద్ ఆలం క్యాచ్‌ను లెగ్‌స్లిప్‌లో స్టీవెన్ స్మిత్ అందుకున్న తీరు వివాదాస్పదంగా మారింది. లెఫ్టార్మ్ స్పిన్నర్ డోహర్తి వేసిన మ్యాచ్ 18వ ఓవర్లో ఈ ఘటన చోటు చేసుకుంది. ఫవాద్ బంతిని ఎదుర్కొనే ముందు స్మిత్ స్లిప్‌లో ఉన్నాడు. అయితే ఫవాద్ స్వీప్ షాట్‌కు ప్రయత్నిస్తున్న విషయాన్ని పసిగట్టిన అతను లెగ్‌స్లిప్ వైపు వేగంగా దూసుకొచ్చి అనూహ్యంగా క్యాచ్ అందుకున్నాడు. థర్డ్ అంపైర్‌తో చర్చల అనంతరం ఫీల్డ్ అంపైర్లు ఫవాద్‌ను అవుట్‌గా ప్రకటించారు.
 
 ‘బౌలర్ బంతిని విసిరాక అది బ్యాట్స్‌మన్ వద్దకు చేరేలోపు ఫీల్డర్ చెప్పుకోదగ్గ కదలికలు చేయరాదు. అలా చేస్తే అంపైర్లు దానిని డెడ్‌బాల్‌గా పరిగణించాలి’ అని ఎంసీసీ 41.7 నిబంధన చెబుతోంది. దీని ప్రకారం చూస్తే స్మిత్ క్యాచ్ న్యాయబద్ధమైంది కాదు. ఈ అంశంపైనే వివాదం రేగింది. అయితే ‘చెప్పుకోదగ్గ కదలికలు’ అనేదానిపైనే స్పష్టత లేదు. దాంతో ఐసీసీ మ్యాచ్ తర్వాతి రోజు దీనిపై వివరణ ఇచ్చింది.
 
 ఈ నెల 1నుంచి అమల్లోకి వచ్చిన కొత్త నిబంధనల ప్రకారం స్మిత్ క్యాచ్ సరైందేనని వెల్లడించింది. ‘41.8 నిబంధన ప్రకారం బ్యాట్స్‌మన్ కదలికలను బట్టి క్లోజ్ ఫీల్డర్ తన స్థానం కొద్దిగా మార్చుకుంటే తప్పు లేదు. అయితే బ్యాట్స్‌మన్ ఏకాగ్రతకు భంగం కలిగితే దానిపై నిర్ణయం తీసుకునే అధికారం అంపైర్లకు ఉంటుంది’ అని పేర్కొంది.