సాక్షి, హైదరాబాద్‌: స్థానిక సంస్థల ఎన్నికలపై మళ్లీ రాజకీయ చర్చ మొదలైంది. త్వరలోనే ఎన్నికలు ఉంటాయంటూ కాంగ్రెస్‌ పీఏసీ భేటీలో సీఎం రేవంత్‌రెడ్డి తాజాగా కామెంట్‌ చేసిన విషయం తెలిసిందే. మరోవైపు రాష్ట్ర ఎన్నికల సంఘం (ఎస్‌ఈసీ) ఇప్పటికే స్థానిక ఎన్నికల నిర్వహణకు సంబంధించి అన్ని ఏర్పాట్లు పూర్తి చేసి రాష్ట్ర ప్రభుత్వ గ్రీన్‌సిగ్నల్‌ కోసం ఎదురుచూస్తోంది. వాస్తవానికి సంక్రాంతి పండుగ నాటికి ఎన్నికల నోటిఫికేషన్‌ విడుదల చేసి, 15, 20 రోజుల్లోనే మొదట జీపీ, ఆ తర్వాత మండల ఎన్నికలు నిర్వహిస్తారనే ఊహాగానాలు గతంలోనే వచ్చాయి. తాజాగా ఈ నెలాఖరులోగా రైతు భరోసా, ఇందిరమ్మ రైతు కూలీ భరోసా చెల్లింపు మొదలుపెట్టాక, ఎన్నికల షెడ్యూల్‌ ఇస్తే మంచిదనే సూచనలు అధికారపార్టీకి అందినట్టు తెలుస్తోంది.ఫిబ్రవరి మొదటివారంలోగా నోటిఫికేషన్‌ ఇచ్చి రెండువారాల్లో ఒక ఎన్నిక, మరో వారం, పదిరోజుల గడువు ఇచ్చి మరో ఎన్నిక పూర్తి చేస్తే అన్నివిధాలా బావుంటుందనే అభిప్రాయం అధికారవర్గాల్లో వినిపిస్తోంది. మార్చి నెలలో ఇంటర్, టెన్త్‌ పరీక్షలు ఉన్నందున అంతకు ముందే ఎన్నికలు జరిపితే మంచిదనే అభిప్రాయం కూడా వ్యక్తమవుతోంది. ఫిబ్రవరిలోనే మూడు ఎమ్మెల్సీ స్థానాలకు ఎన్నికలు కూడా జరగాల్సి ఉన్నందున, పనిలో పనిగా స్థానిక ఎన్నికలు కూడా నిర్వహిస్తే మంచిదని భావిస్తున్నారు. ముందుగా పంచాయతీల ఎన్నికలు, ఆ తర్వాత మండల, జిల్లా పరిషత్‌ ఎన్నికలు నిర్వహించే అవకాశాలున్నాయి. ఫిబ్రవరిలో అసెంబ్లీ బడ్జెట్‌ సమావేశాలు, ఆయా శాఖలకు సంబంధించి బడ్జెట్‌ నిధుల వ్యయం పూర్తిచేయాల్సి ఉన్నందున, వేసవి ముగిశాక లేదా మేలో ఈ ఎన్నికలు నిర్వహించే అవకాశం కూడా లేకపోలేదని కాంగ్రెస్‌ నేతలు అభిప్రాయపడుతున్నారు. స్థానిక ఎన్నికల్లో బీసీ రిజర్వేషన్ల పెంపుపై.... కాంగ్రెస్‌ మేనిఫెస్టోలో ఇచి్చన హామీ మేరకు స్థానిక సంస్థల్లో బీసీ రిజర్వేషన్లు 42 శాతం పెంపుదలపై ఇంకా ఎలాంటి స్పష్టత రాలేదు. అయితే రాష్ట్రవ్యాప్తంగా కులగణన సర్వే పూర్తయ్యింది. దీనికి సంబంధించిన నివేదికను ఇంకా ప్రభుత్వం విడుదల చేయలేదు. ఆయా అంశాలపై పరిశీలన చేపట్టిన డెడికేటెడ్‌ కమిషన్‌ బీసీలకు ఎంత శాతం రిజర్వేషన్‌ ఇవ్వాలనే దానిపై ఇంకా నివేదికను సమర్పించలేదు. దీనిని పరిశీలించాక ఎంతశాతం బీసీ రిజర్వేషన్లు ఇవ్వాలనేది రాష్ట్ర ప్రభుత్వం ఖరారు చేసి ఎన్నికల నిర్వహణకు ఎస్‌ఈసీకి పంపించనుంది. ఈ ఉత్తర్వులు అందిన వెంటనే రాష్ట్ర ఎన్నికల సంఘం నోటిఫికేషన్‌ జారీచేసి ఎన్నికల ప్రక్రియను ప్రారంభిస్తుంది.

సాక్షి, హైదరాబాద్‌: కాంగ్రెస్‌ పార్టీ ఇచ్చిన హామీ మేరకు బీసీ రిజర్వేషన్లను 42 శాతానికి పెంచని పక్షంలో స్థానిక సంస్థల ఎన్నికలను జరగనివ్వబోమని తెలంగాణ జాగృతి అధ్యక్షురాలు, బీఆర్‌ఎస్‌ ఎమ్మెల్సీ కల్వకుంట్ల కవిత హెచ్చరించారు. అసెంబ్లీ ఎన్నికల సమయంలో కామారెడ్డి డిక్లరేషన్‌ పేరిట ఇచ్చిన హామీని అమలు చేయకుంటే ఉద్యమిస్తామన్నారు. బీసీలకు కాంగ్రెస్‌ పార్టీ ఇచ్చిన హామీలను నెరవేర్చాలనే డిమాండ్‌తో జనవరి 3న ఇందిరాపార్కు వద్ద భారీ బహిరంగ సభ నిర్వహిస్తామని కవిత ప్రకటించారు. 40కి పైగా బీసీ సంఘాల నాయకులతో శుక్రవారం కవిత తన నివాసంలో భేటీ అయ్యారు.బీసీలు ఎదుర్కొంటున్న సమస్యలు, కాంగ్రెస్‌ ఇచ్చిన హామీల అమలుకు ప్రభుత్వంపై ఒత్తిడి తెచ్చేందుకు అనుసరించాల్సిన కార్యాచరణపై ఆమె బీసీ సంఘాల నాయకులతో చర్చించారు. అనంతరం సమావేశంలో చర్చించిన అంశాలను మీడియాతో పంచుకున్నారు. ‘స్థానిక సంస్థల ఎన్నికల నిర్వహణకు ప్రభుత్వం సన్నాహాలు చేస్తున్నట్లు వార్తలు వస్తున్నాయి. కానీ ఎన్నికల్లో బీసీల రిజర్వేషన్ల పెంపు అంశంపై స్పష్టత ఇవ్వడం లేదు’అని కవిత పేర్కొన్నారు.జనవరి 3న సినిమా చూపిస్తాం ‘స్థానిక సంస్థల ఎన్నికల్లో బీసీలకు 42 శాతం రిజర్వేషన్లు పెంచాలనే డిమాండ్‌తో మండల, జిల్లా కేంద్రాల్లో నిరసన ప్రదర్శనలు జరుపుతాం. బీసీ డెడికేషన్‌ కమిషన్‌ నివేదిక సమర్పణ, బీసీల జనాభా సంఖ్యను వెల్లడించిన తర్వాతే స్థానిక సంస్థల ఎన్నికల నిర్వహణ దిశగా ప్రభుత్వం ఆలోచించాలి. బీసీల సంక్షేమానికి బీఆర్‌ఎస్‌ ప్రభుత్వం ప్రవేశ పెట్టిన అనేక పథకాల అమలును కాంగ్రెస్‌ ప్రభుత్వం నిలిపివేసింది. మొత్తంగా బీసీల పట్ల రాష్ట్ర ప్రభుత్వం అనుసరిస్తున్న వైఖరిని ప్రశ్నిస్తూ, స్థానిక సంస్థల్లో బీసీ రిజర్వేషన్లు పెంచాలనే డిమాండ్‌తో జనవరి 3న జరిపే సభ ద్వారా ప్రభుత్వానికి సినిమా చూపిస్తాం’అని కవిత ప్రకటించారు.

సాక్షి, హైదరాబాద్‌: త్వరలో జరగబోయే గ్రామపంచాయతీ ఎన్నికల్లో రిజర్వేషన్లు మారుతాయని రాష్ట్ర ఎన్నికల కమిషన్‌ రాజకీయ పార్టీలకు స్పష్టం చేసింది. వాస్తవానికి రెండు టర్మ్‌ల వరకు రిజర్వేషన్లు మారకుండా గత ప్రభుత్వం చట్టం చేసిన విష యం తెలిసిందే. అయితే కొత్త ఓటర్ల జాబితాలకు అనుగుణంగా మళ్లీ రిజర్వేషన్లు మారుతాయని, సామాజికవర్గాల రిజర్వేషన్లు మాత్రం సుప్రీంకోర్టు తీర్పు ప్రకారం.. 50 శాతం మించరాదనే విషయంలో స్పష్టత ఉందని చెప్పింది. అయితే స్థానిక ఎన్నికల్లో రిజర్వేషన్ల ఖరారు అంశం రాష్ట్ర ప్రభుత్వ పరిధిలోనిది అని, ప్రభుత్వపరంగా ఇచ్చే రిజర్వేషన్లను తాము అమలు చేయాల్సి ఉంటుందని తెలిపింది. క్షేత్రస్థాయిలో ఎస్సీ, ఎస్టీ, బీసీ జనాభా దామాషాకు అనుగుణంగా రిజర్వేషన్లు ఖరారు చేయాలన్న ట్రిపుల్‌ టెస్ట్‌ పేరిట సుప్రీంకోర్టు మార్గదర్శకాలకు అనుగుణంగా రిజర్వేషన్ల మార్పులు చోటు చేసుకుంటాయని చెప్పింది. శనివారం రాష్ట్ర ఎన్నికల కమిషన్‌ కార్యాల యంలో పంచాయతీ ఎన్నికలకు సంబంధించి గుర్తింపు పొందిన రాజకీయ పార్టీల ప్రతినిధు లతో రాష్ట్ర ఎన్నికల కమిషనర్‌ పార్థసారథి సమావేశ మయ్యారు. ఈ సందర్భంగా పార్థ సారథి మాట్లాడుతూ రాష్ట్రంలోని 12,966 గ్రామ పంచాయతీలు, వాటి పరిధిలోని 1,14,620 వార్డుల్లో ఎన్నికలకు ఏర్పాట్లు చేస్తున్నట్టు చెప్పారు. అసెంబ్లీ ఎన్నికల ఓటర్ల జాబితా ఆధారంగా ఎలాంటి మార్పులు లేకుండా గ్రామ పంచాయతీ ఓటర్ల జాబితాను వార్డుల వారీగా తయారు చేసి సెప్టెంబర్‌ 6న ముసాయిదా జాబితాను గ్రామపంచాయతీల్లో ప్రకటిస్తారని వెల్లడించారు. 7వ తేదీ నుంచి 13 వరకు ముసా యిదా ఓటర్ల జాబితాపై అభ్యంతరాలు స్వీకరించి, 19వతేదీ లోగా జిల్లా పంచాయతీ అధికారి పరిష్కరించి.. 21న గ్రామ పంచాయతీ తుది ఓటర్ల జాబితాను వార్డుల వారీగా ప్రకటిస్తారని తెలిపారు. ఓటర్ల జాబితా ప్రచురణకు ఇచ్చిన ప్రకటనలో పేర్కొన్న విధంగా 9న జిల్లా స్థాయిలో, 10న మండల స్థాయిలో రాజకీయ పార్టీల ప్రతినిధులతో సమావేశం నిర్వహించనున్నట్టు తెలిపారు. ఓటరు ముసాయిదాలో లోపాలు ఉంటే అధికారుల దృష్టికి తీసుకొస్తే పరిష్కరిస్తారని చెప్పారు.కిలోమీటర్‌ పరిధిలోనే పోలింగ్‌ కేంద్రాలు ఉండాలి : పార్టీల ప్రతినిధులు పోలింగ్‌స్టేషన్లు ఒక కిలోమీటర్‌ పరిధిలో ఉండేలా చూడాలని, ఓటర్ల జాబితాను గ్రామపంచాయతీలోని వార్డులుగా విభజించేటప్పుడు ఒకే కుటుంబానికి చెందిన వ్యక్తులు ఒకే వార్డులో ఉండేలా జాగ్రత్తలు తీసుకోవాలని రాజకీయ పార్టీల ప్రతినిధులు సూచించారు. అనుబంధ ఓటర్ల జాబితాలోని ఓటర్లను సంబంధిత వార్డుకు మాత్రమే అనుసంధానిస్తామని, కానీ చివరివార్డుకు కాదని కమిషనర్‌ తెలిపారు. గ్రామ, మండల స్థాయిలోని ప్రజాప్రతినిధులు ఓటర్లకు తగిన సూచనలు, సలహాలు చేసి వారితో అభ్యంతరాలు క్లెయిమ్‌ చేయించి.. వారిని ఓటు హక్కు వినియోగించుకోవాల్సిందిగా అవగాహన కల్పించాలని కోరారు.రాష్ట్ర ఎన్నికల సంఘం కార్యదర్శి అశోక్‌కుమార్‌ రాజకీయపార్టీ ప్రతినిధుల సందేహాలపై వివరణ ఇచ్చారు. ఈ సమావేశంలో గోపిశెట్టి నిరంజన్, పి.రాజేశ్‌కుమార్‌(కాంగ్రెస్‌), భరత్‌కుమార్‌ గుప్తా, పి.శశిధర్‌రెడ్డి, దుదిమెట్ల బాలరాజ్‌యాదవ్‌ (బీఆర్‌ఎస్‌) చింతల రామచంద్రారెడ్డి, రామారావు (బీజేపీ), పల్లా వెంకటరెడ్డి, ఎన్‌.బాలమల్లేష్‌ (సీపీఐ), ఎన్‌.నర్సింహారెడ్డి, నర్సింగరావు (సీపీఎం) బండ సురేందర్‌రెడ్డి (ఏఐఎఫ్‌బీ), ఇతర పార్టీల ప్రతినిధులు పాల్గొన్నారు.

ప్రపంచంలో అతిపెద్ద ప్రజాస్వామ్య దేశాల్లో ఒకటైన ఇండోనేసియాలో పార్లమెంట్, స్థానిక ఎన్నికలకు రంగం సిద్ధమైంది. దేశ జనాభా 27 కోట్లు కాగా, 20 కోట్ల మంది ఓటర్లు ఉన్నారు. 17 ఏళ్లు నిండినవారంతా ఓటు వేయడానికి అర్హులే. ఈ నెల 14వ తేదీన జరిగే ఎన్నికల్లో విజయం కోసం ప్రధానంగా మూడు పారీ్టలు హోరీహోరీగా తలపడుతున్నాయి. ఈ ఎన్నికల్లో అధ్యక్షుడు, ఉపాధ్యక్షుడితోపాటు నేషనల్, ప్రావిన్షియల్, రీజినల్, రిజెన్సీ, సిటీ స్థాయిల్లో ప్రజాప్రతినిధులను ఎన్నుకుంటారు. మొత్తం ఐదు బ్యాలెట్‌ పేపర్లపై ఓటు వేయాల్సి ఉంటుంది. జాతీయ, స్థానిక ఎన్నికలు ఒకే రోజు జరగడం ఇండోనేసియా ప్రత్యేకత. అయితే, ఈ ఎన్నికల్లో ఓటు వేయడం తప్పనిసరి కాదు. అయినా ప్రజలు ఉత్సాహంగా ఓటింగ్‌ ప్రక్రియలో పాల్గొంటారు. 2019లో జరిగిన ఎన్నికల్లో 81 శాతానికిపైగా పోలింగ్‌ నమోదైంది. దేశంలో 575 పార్లమెంట్‌ స్థానాలు ఉండగా, 18 జాతీయ పారీ్టలు ఎన్నికల బరిలో నిలిచాయి. వివిధ స్థాయిలో మొత్తం 20,616 పదవులకు 2,58,602 మంది అభ్యర్థులు పోటీ పడుతున్నారు. అధ్యక్షుడి పదవీ కాలం ఐదేళ్లు. అమెరికా అధ్యక్షుడి తరహాలో రెండుసార్లు మాత్రమే పదవిలో కొనసాగడానికి అర్హత ఉంటుంది. ప్రస్తుత అధ్యక్షుడు జొకో విడొడో(జొకోవి) వరుసగా రెండుసార్లు గెలిచారు. పదేళ్లపాటు పదవిలో కొనసాగారు. ఆయన రెండు టర్మ్‌లు పూర్తయ్యాయి. కాబట్టి పది సంవత్సరాల తర్వాత ఈసారి మార్పు తప్పనిసరి కాబోతోంది. మొత్తం జనాభాలో 90 శాతం మంది ముస్లింలే ఉన్న ఇండోనేíÙయాలో పోలీసులకు, సైనికులకు ఎన్నికల్లో ఓటు వేసే హక్కు లేదు.     40 కొత్త నగరాలు నిర్మిస్తాం  అనీస్‌ బాస్వెదాన్‌ జకార్తా మాజీ గవర్నర్, విద్యావేత్తగా పేరుగాంచిన అనీస్‌ బాస్వెదాన్‌(54) స్వతంత్ర, ప్రతిపక్ష            అభ్యరి్థగా అధ్యక్ష పదవికి పోటీ పడుతున్నారు. ఆయన అమెరికాలో విద్యాభ్యాసం చేశారు. స్వదేశంలో తొలుత విద్యారంగంలోకి, తర్వాత రాజకీయాల్లోకి అడుగుపెట్టారు. విద్యాశాఖ మంత్రిగానూ వ్యవహరించారు. ఇక అనీస్‌ సహచరుడిగా ఉపాధ్యక్ష పదవికి నేషనల్‌ అవేకెనింగ్‌ పార్టీ నేత, పీపుల్స్‌ రిప్రిజెంటేటివ్‌ కౌన్సిల్‌ డిప్యూటీ స్పీకర్‌ ముహైమిన్‌ ఇస్కాందర్‌(57) బరిలో ఉన్నారు. వీరికి మరో రెండు పార్టీలు మద్దతిస్తున్నాయి. ఎన్నికల్లో తమను గెలిపిస్తే దేశవ్యాప్తంగా 40 కొత్త నగరాలు నిర్మిస్తామని అనీస్‌ బాస్వెదాన్, ఇస్కాందర్‌ హామీ ఇస్తున్నారు. యువత కోసం కొత్త ఉద్యోగాలు సృష్టిస్తామని చెబుతున్నారు.   సుబియాంటోకు విజయావకాశాలు!   ఇండోనేసియా ఎన్నికల్లో అధ్యక్ష పదవిపై ప్రధానంగా ముగ్గురు నేతలు కన్నేశారు. ఇండోనేషియా జాతీయవాద పార్టీ అయిన గెరిండ్రా పార్టీ నుంచి మాజీ సైనికాధికారి ప్ర»ొవో సుబియాంటో(72) పోటీలో ఉన్నారు. ఇదే పార్టీ నుంచి ఉపాధ్యక్ష పదవికి జొకో విడొడో తనయుడైన 36 ఏళ్ల గిబ్రాన్‌ రాకాబుమింగ్‌ రాకా బరిలో నిలిచారు. 2014, 2019 ఎన్నికల్లో అధ్యక్ష పదవికి సుబియాంటో పోటీపడ్డారు. రెండుసార్లు ఓటమి పాలయ్యారు. మూడోసారి అదృష్టం పరీక్షించుకుంటున్నారు. జొకోవి ప్రభుత్వంలో రక్షణ మంత్రిగా పనిచేసిన సుబియాంటోపై పలు తీవ్ర అభియోగాలు ఉన్నాయి. 1990వ దశకంలో సైనికాధికారిగా పని చేస్తున్న సమయంలో 20 మందికిపైగా ప్రజాస్వామ్య ఉద్యమ కార్యకర్తలను కిడ్నాప్‌ చేయించినట్లు ప్రచారం జరి­గింది. వారిలో 10 మందికిపైగా ఆచూకీ ఇప్పటికీ లభించలేదు. సుబియాంటో ఈస్ట్‌ తిమోర్, పపువా న్యూ గినియా దేశాల్లో మానవ హక్కుల ఉల్లంఘనకు పాల్పడ్డారు. 1998లో సైన్యం నుంచి తప్పుకున్నారు. 2020 వరకు తమ దేశంలో ప్రవేశించకుండా ఆయనపై అమెరికా నిషేధం విధించింది. గిబ్రాన్‌ రాకాబుమింగ్‌ కూడా వివాదాస్పదుడే. ప్రస్తుతం సురకర్తా సిటీ మేయర్‌గా పనిచేస్తున్నాడు. తమను గెలిపిస్తే దేశాన్ని మరింత ముందుకు తీసుకెళ్తామని, ప్రజల జీవనాన్ని మెరుగుపరుస్తామని సుబియాంటో, గిబ్రాన్‌ హామీ ఇస్తున్నారు. గెరిండ్రా పారీ్టకి ఇతర చిన్నాచితక పారీ్టలు మద్దతిస్తున్నాయి. ఇప్పుడు అంచనాలను బట్టి చూస్తే ప్ర»ొవో సుబియాంటో తదుపరి అధ్యక్షుడయ్యే అవకాశాలు అధికంగా ఉన్నాయి.   అధ్యక్ష బరిలో విద్యావేత్త ప్రనొవో   మెగావతి సుకర్నోపుత్రి సారథ్యంలోని ఇండోనేషియన్‌ డెమొక్రటిక్‌ పార్టీ ఆఫ్‌ స్ట్రగుల్‌ నుంచి అధ్యక్ష పదవికి గాంజార్‌ ప్రనొవో(55), ఉపాధ్యక్ష పదవికి మహ్‌ఫుద్‌ ఎండీ(66) పోటీలో ఉన్నారు. ప్రనొవో గతంలో సెంట్రల్‌ జావా గవర్నర్‌గా సేవలందించారు. మహ్‌ఫుద్‌ ఎండీకి గతంలో మంత్రిగా పనిచేసిన అనుభవం ఉంది. డెమొక్రటిక్‌ పార్టీ ఆఫ్‌ స్ట్రగుల్‌తో మరో మూడు పార్టీలు జట్టుకట్టాయి. ఇద్దరు అభ్యర్థులపై ఎలాంటి అరోపణలు, వివాదాలు లేకపోవడం కలిసివచ్చే అంశంగా భావిస్తున్నారు. సామాన్య ప్రజల సమస్యలు తమకు తెలుసని, అధికారం అప్పగిస్తే వారి సంక్షేమం, అభివృద్ధే ధ్యేయంగా పని చేస్తామని ప్రనొబో, మహ్‌ఫుద్‌            విస్తృతంగా ప్రచారం సాగిస్తున్నారు. ప్రజలకు సామాజిక సాయం పంపిణీ చేస్తామని, ఉద్యోగుల వేతనాలు పెంచుతామని         అంటున్నారు.    కీలక ప్రచారాంశాలు? ► ప్రపంచవ్యాప్తంగా ఇతర దేశాల్లో ఉన్నట్లుగానే ఇండోనేíÙయాలోనూ ఎన్నో సమస్యలు ప్రజలను పట్టి పీడిస్తున్నాయి. ఆర్థిక వృద్ధి 2022లో 5.3 శాతం కాగా, 2023లో అది 5.05 శాతానికి పడిపోయింది.   ► దేశంలో ప్రజల జీవన వ్యయం విపరీతంగా పెరిగిపోయింది. కుటుంబాలను పోషించుకోవడం కష్టతరంగా మారింది.   ► నిరుద్యోగ సమస్య వేధిస్తోంది. యువతకు ఉద్యోగ, ఉపాధి అవకాశాలు కరువైపోయాయి. ఉద్యోగులు, కారి్మకులకు వేతనాలు తగ్గిపోయాయి. మొత్తం ఓటర్లలో సగానికి పైగా ఓటర్లు 40 ఏళ్లలోపు యువతే ఉన్నారు. వారే నిర్ణయాత్మక శక్తిగా తీర్పు ఇవ్వబోతున్నారు. ► దేశంలో మానవ హక్కుల హననం, ప్రజాస్వామ్య వ్యవస్థ పతనమవుతుండడంపై యువత పెద్ద ఎత్తున ఉద్యమిస్తున్నారు. ఎన్నికలు పారదర్శకంగా జరుగుతాయన్న నమ్మకం తమకు లేదని చెబుతున్నారు. అక్రమాలకు తావు లేకుండా ఎన్నికలు సజావుగా నిర్వహించాలని డిమాండ్‌ చేస్తున్నారు. – సాక్షి, నేషనల్‌ డెస్క్‌   

సాక్షి, అమరావతి: రాష్ట్రంలోని పట్టణ, స్థానిక సంస్థల్లో గురువారం జరిగిన పలు ఉప ఎన్నికల్లో వైఎస్సార్‌సీపీ జయకేతనం ఎగురవేసింది. ఒక మండలాధ్యక్ష పదవికి, మూడు మండల ఉపాధ్యక్ష పదవులకు ఎన్నికలు వాయిదా పడ్డాయి. ఈ వివరాలను రాష్ట్ర ఎన్నికల కమిషన్‌ అధికారులు వెల్లడించారు. మచిలీపట్నం నగరపాలక సంస్థలో రెండు డిప్యూటీ మేయర్‌ పదవులకు ఎన్నికలు జరిగాయి. అధికార వైఎస్సార్‌సీపీకి చెందిన మాడపాటి విజయలక్ష్మి (26వ వార్డు కార్పొరేటర్‌), సీలం భారతీనాగకుసుమ (మూడో­వార్డు) ఈ పదవుల్ని గెల్చుకున్నారు. పెడన మున్సిపాలిటీ చైర్‌పర్సన్‌గా వైఎస్సార్‌సీపీకి చెందిన కటకం నాగకుమారి (ఏడోవార్డు కౌన్సిలర్‌) గెలుపొందారు. మాచర్ల మున్సిపాలిటీలో వైస్‌ చైర్మన్‌గా మాచర్ల ఏసోబు (18వ వార్డు) ఎన్నికయ్యారు. ధర్మవరం మున్సిపాలిటీ వైస్‌ చైర్మన్లుగా వేముల జయరామిరెడ్డి (రెండోవార్డు), షేక్‌ షంసద్‌ బేగం (38వ వార్డు)  గెలుపొందారు.   13 మండలాల్లో నాలుగు ఎంపీపీ, ఏడు మండల ఉపాధ్యక్ష, మూడు కో–ఆప్షన్‌ సభ్యుల పదవులకు ఎన్నికలు నిర్వహించేందుకు అధికారులు ఏర్పాట్లు చేశారు. వీటిలో రామకుప్పం (చిత్తూరు జిల్లా) మండలాధ్యక్ష, ఉపాధ్యక్ష పద­వులకు, విజయాపురం (చిత్తూరు), రాయ­దుర్గం (అనంతపురం) మండలాల ఉపాధ్యక్ష పదవులకు ఎన్నికలు వాయిదాపడ్డాయి. తొండంగి (కాకి­నాడ), వత్సవాయి (ఎన్టీఆర్‌), చేజర్ల (నెల్లూరు) మండలాధ్యక్షులుగా, పెదకడబూరు (కర్నూలు), గాలివీడు (అన్నమయ్య), రాపూరు (నెల్లూరు), పార్వతీపురం (పార్వతీపురం మన్యం) మండల ఉపాధ్యక్షులుగా వైఎస్సార్‌సీపీ అభ్యర్థులు గెలుపొందారు. చిత్తూరు (చిత్తూరు), రాజంపేట (అన్నమయ్య), బి.­మఠం (వైఎస్సార్‌) మండలాల్లో కో–ఆప్షన్‌ సభ్యుల ఎన్నిక పూర్తయింది.

కోల్‌కతా:  పశ్చిమ బెంగాల్‌ స్థానిక ఎన్నికల్లో అధికార తృణమూల్‌ కాంగ్రెస్‌ పార్టీ(టీఎంసీ) ఘన విజయం దిశగా దూసుకెళ్తోంది. మంగళవారం రాత్రి 11:30కి  ప్రకటించిన ఫలితాల్లో 30,391 సీట్లను కైవసం చేసుకుంది. ఓట్ల లెక్కింపులో మరో 1,767 పంచాయతీ స్థానాల్లో ముందంజలో కొనసాగు తోంది. టీఎంసీ ప్రధాన ప్రత్యర్థి అయిన బీజేపీ 8,239 పంచాయతీ సీట్లను తన ఖాతాలో వేసుకుంది. మరో 447 సీట్లలో ముందంజలో ఉంది. లెఫ్ట్‌ ఫ్రంట్‌ 2,534 స్థానాల్లో విజయ బావుటా  ఎగురవేసింది. కాంగ్రెస్‌ పార్టీ 2,158 సీట్లను సొంతం చేసుకుంది. సీపీఎంకు 2,409 సీట్లు  లభించాయి. ఇతర పార్టీలు 725 సీట్లు  దక్కించుకున్నాయి. స్వతంత్ర అభ్యర్థులు 1,656 స్థానాలు సాధించడం విశేషం. రాష్ట్రంలో మొత్తం 63,229 గ్రామ పంచాయతీ స్థానాలకు ఎన్నికలు జరిగాయి. ఇక 9,728 పంచాయతీ సమితి స్థానాలకు ఎన్నికలు జరగ్గా, టీఎంసీ 2,155 స్థానాలను  గెలుచుకుంది. 493 సీట్లలో లీడింగ్‌లో ఉంది. బీజేపీ 214 స్థానాలను గెలిచింది. 113 చోట్ల లీడింగ్‌లో ఉంది.  928 జిల్లా పరిషత్‌  సీట్లకు టీఎంసీ ఇప్పటివరకు 77 స్థానాల్లో విజయం సొంతం చేసుకుంది. ఓట్ల  లెక్కింపు ఇంకా కొనసాగుతోంది.  బెంగాల్‌లో శనివారం జరిగిన పంచాయతీ ఎన్నికల్లో భారీగా హింస చోటుచేసుకున్న  సంగతి తెలిసిందే. ఈ హింసాకాండలో కనీసం 15 మంది ప్రాణాలు కోల్పోయారు. వీరిలో 11 మంది అధికార టీఎంసీకి  చెందినవారే ఉన్నారు.   

సాక్షి, అమరావతి: రాష్ట్రంలో స్థానిక సంస్థలకు జరిగే ఎన్నికలకు మొత్తం 19 రాజకీయ పార్టీలకు గుర్తులు కేటాయిస్తూ రాష్ట్ర ఎన్నికల కమిషన్‌ (ఎస్‌ఈసీ) శుక్రవారం నోటిఫికేషన్‌ జారీచేసింది. కేంద్ర ఎన్నికల సంఘం ఇటీవల కొన్ని రాజకీయ పార్టీలను గుర్తింపు కలిగిన జాతీయ పార్టీల జాబితాల నుంచి తొలగించి, మరికొన్నింటిని చేర్చడంతోపాటు రాష్ట్రాల్లో గుర్తింపు కలిగిన జాబితాలో మార్పులు చేస్తూ నోటిఫికేషన్‌ జారీచేసిన విషయం తెలిసిందే. ఆ నోటిఫికేషన్‌కు అనుగుణంగా రాష్ట్ర ఎన్నికల కమిషన్‌.. గుర్తింపు కలిగిన జాతీయ, రాష్ట్ర పార్టీల వివరాలతో ఈ కొత్త నోటిఫికేషన్‌ను జారీచేసింది. రాష్ట్రంలో అధికార వైఎస్సార్‌సీపీ, ప్రతిపక్ష తెలుగుదేశం పార్టీతో సహా కేంద్ర ఎన్నికల సంఘం వద్ద జాతీయ పార్టీల  గుర్తింపు ఉన్న ఆమ్‌ ఆద్మీ, బీఎస్సీ, బీజేపీ, సీపీఎం, కాంగ్రెస్‌ పార్టీలు ఆయా పార్టీల ఎన్నికల గుర్తులు కలిగి ఉంటాయని ఆ నోటిఫికేషన్‌లో రాష్ట్ర ఎన్నికల కమిషన్‌ కార్యదర్శి కె.ఆర్‌.బి.హెచ్‌.ఎన్‌.చక్రవర్తి పేర్కొన్నారు. తెలంగాణలో అధికార బీఆర్‌ఎస్‌ పార్టీ సహా వివిధ రాష్ట్రాల్లో గుర్తింపు పొందిన మరో 11 రాజకీయ పార్టీలను రాష్ట్ర ఎన్నికల కమిషన్‌ గుర్తింపు కలిగిన రాజకీయ పార్టీలుగా గుర్తిస్తూ, కేంద్ర ఎన్నికల సంఘం వద్ద ఆయా రాజకీయ పార్టీల గుర్తులనే అవి కలిగి ఉంటాయని వివరించారు. నిబంధనల ప్రకారం.. గత అసెంబ్లీ ఎన్నికల్లో నిర్ణీత ఓట్ల శాతం గానీ, అసెంబ్లీలో సీట్ల సంఖ్యను గానీ పొందలేక, కేంద్ర ఎన్నికల సంఘం వద్ద ప్రత్యేక గుర్తును కలిగి ఉండే రిజిస్టర్డ్‌ పార్టీ జాబితాలో స్థానాన్ని కూడా కోల్పోయిన జనసేన పార్టీకి రాష్ట్ర ఎన్నికల కమిషన్‌ మాత్రం రిజిస్టర్డ్‌ పొలిటికల్‌ పార్టీ విత్‌ రిజర్వుడ్‌ సింబల్‌ (ప్రత్యేక గుర్తింపు కలిగి ఉండే రిజిస్టర్డ్‌ పార్టీగా) గుర్తిస్తున్నట్టు ఆ నోటిఫికేషన్‌లో పేర్కొన్నారు. కేంద్ర ఎన్నికల సంఘం వద్ద ప్రత్యేక గుర్తును కలిగి ఉండే రిజిస్టర్డ్‌ పార్టీ జాబితాలో లేని పార్టీలకు సైతం రాష్ట్ర ఎన్నికల కమిషన్‌ గుర్తుల కేటాయింపు నిబంధనలు 5 (ఏ) (బీ) ప్రకారం.. రాష్ట్ర స్థానిక సంస్థల ఎన్నికల్లో రాష్ట్రంలో ఎక్కడైనా 15 ఎంపీటీసీ స్థానాలు లేదా మూడు జెడ్పీటీసీ స్థానాలు లేదా 15 మున్సిపల్‌ వార్డు స్థానాలు లేదా 15 నగర కార్పొరేషన్‌ వార్డులు గెల్చుకున్న పార్టీలకు ప్రత్యేక ఎన్నికల గుర్తు కలిగి ఉండే రిజిస్టర్డ్‌ పార్టీగా రాష్ట్ర ఎన్నికల కమిషన్‌ గుర్తిస్తుందని తెలిపారు. దీనికి తోడు రాష్ట్ర ఎన్నికల కమిషన్‌ గుర్తుల కేటాయింపు నిబంధనలు 5 (ఏ) (బీ–1)ప్రకారం.. రాష్ట్ర అసెంబ్లీలో కనీస ఒక సభ్యుడు ఉన్న ప్రతి పార్టీ రాష్ట్ర ఎన్నికల కమిషన్‌ వద్ద ప్రత్యేక రిజర్వు సింబల్‌ను పొందే అర్హత ఉంటుందని పేర్కొన్నారు. ఇంకొక 94 రాజకీయ పార్టీలను కూడ రాష్ట్ర ఎన్నికల కమిషన్‌ రిజిస్టర్డ్‌ పార్టీలుగా గుర్తించినప్పటికీ, వాటికి మాత్రం ఎటువంటి రిజర్వు సింబల్‌ కేటాయించని పార్టీల జాబితాల్లో పేర్కొంది.  

లండన్‌: యూకే స్థానిక ఎన్నికల్లో అధికార కన్జర్వేటివ్‌ పార్టీకి గట్టి ఎదురుదెబ్బ తగిలింది. ప్రధానిగా భారత సంతతికి చెందిన రిషి సునాక్‌ బాధ్యతలు చేపట్టాక జరిగిన మొదటి ఎన్నికలివి. ఇంగ్లండ్‌లోని 317 కౌన్నిళ్లకుగాను 230 కౌన్సిళ్లలోని 8 వేల సీట్లకు గురువారం ఎన్నికలు జరిగాయి. ఇప్పటి వరకు ప్రకటించిన ఫలితాల్లో అధికార పార్టీ 20కిపై కౌన్సిళ్లను కోల్పోయింది. ఎన్నికలు జరిగిన 8 వేల సీట్లలో లేబర్‌ పార్టీ 1,384, కన్జర్వేటివ్‌ పార్టీ 1,041, లిబరల్‌ డెమోక్రాట్లు 768 సీట్లను సాధించాయి. 20 ఏళ్లుగా అధికారపక్షానికి కంచుకోటగా ఉన్న మెడ్‌వే లాంటి కౌన్సిళ్లను సైతం లేబర్‌ పార్టీ, లిబరల్‌ డెమోక్రాట్లు కైవసం చేసుకున్నారు. మరికొద్ది నెలల్లో సాధారణ ఎన్నికలు జరగనుండగా వెలువడిన ఈ ఫలితాలపై ప్రధాని రిషి సునాక్‌ తీవ్ర అసంతృప్తి వ్యక్తం చేశారు. 

ఒక సామాన్యురాలు అసామాన్య విజయం సాధిస్తే.. అది చరిత్ర సృష్టించినట్లే కదా!. పారిశుద్ధ్య కార్మికురాలు చింతాదేవి Chinta Devi  ఆ జాబితాలోకి చేరిపోయారు. స్థానిక సంస్థ ఎన్నికల్లో ప్రజల ఆశీర్వాదంతో ఘన విజయం సాధించిన ఆమె.. ఇప్పుడు డిప్యూటీ మేయర్‌గా బాధ్యతలు స్వీకరించారు. బీహార్‌ గయలో తాజాగా ఈ పరిణామం చోటు చేసుకుంది.  నలభై ఏళ్ల చరిత్ర ఉన్న గయ మున్సిపాలిటీలో చింతాదేవి విజయం ప్రత్యేక ఆక‌ర్షణగా నిలిచింది. పబ్లిక్‌ టాయిలెట్లు తక్కువగా ఉండే ఆ ప్రాంతంలో ఒకప్పుడు బహిరంగ మలవిసర్జన అధికంగా ఉండేది. చింతాదేవి అదంతా ఊడ్చి శుభ్రం చేసి, ఎత్తి దూరంగా తీసుకెళ్లి పారబోసే పనిని చేశారు. ఆ తర్వాత రోడ్లు ఊడవడం, డ్రైనేజీలు, మ్యాన్‌హోల్స్‌కు శుభ్రం చేస్తూ వస్తున్నారు. అలాంటి చింతాదేవి ఎన్నికల్లో పోటీ చేసి.. ఘన విజయం సాధించారు. ప్రజలకు నిత్యం చేరువగా ఉండడంతోనే తనకు ఈ విజయం దక్కి ఉంటుందని ఆమె భావిస్తున్నారు.  బహుశా ప్రపంచంలో ఇలాంటి విజయం ఎవరూ సాధించి ఉండబోరని, ఇది చారిత్రక ఘట్టమని గయ నూతన మేయర్‌ గణేష్‌ పాశ్వాన్‌ ఆమెను ఆశీర్వదించారు. అంతేకాదు.. మాజీ డిప్యూటీ మేయర్‌ మోహన్‌ శ్రీవాస్తవ సైతం ఆమె అభ్యర్థిత్వాన్ని బలపర్చడం గమనార్హం. పారిశుద్ధ్య కార్మికురాలిగానే కాదు.. మిగతా టైంలో ఆమె కూరగాయలు అమ్ముకుని జీవనం కొనసాగిస్తున్నారు.  బుద్ధుడి జ‍్క్షానోదయ ప్రాంతంగా పేరున్న గయలో.. ఇలాంటి గెలుపు కొత్తేం కాదు. 1996 సార్వత్రిక ఎన్నికల్లో రాళ్లు కొట్టి జీవనం కొనసాగించే భగవతి దేవి ఏకంగా పార్లమెంట్‌కు ఎన్నికై చరిత్ర నెలకొల్పారు. అంటరాని కులంగా పేరున్న ముసహార్‌ కమ్యూనిటీకి చెందిన వ్యక్తి కావడం గమనార్హం. జేడీయూ పార్టీ తరపున పోటీ చేసి ఆమె నెగ్గారు.

తైపేయి: తైవాన్‌లో శనివారం నాటకీయ పరిణామాలు చోటు చేసుకున్నాయి. అధికార పార్టీకి ఘోర పరాభవం ఎదురైంది. చైనా వ్యతిరేక నినాదం.. ప్రజల నుంచి ఓట్లు విదిలించలేకపోయింది. విశేషం ఏంటంటే.. చైనా నుంచి మద్ధతు ఉన్న ప్రతిపక్ష పార్టీ స్థానిక ఎన్నికల్లో సత్తా చాటింది. దీంతో తైవాన్‌ అధ్యక్షురాలు  సాయ్ ఇంగ్-వెన్ డెమోక్రటిక్‌ ప్రోగ్రెసివ్‌ పార్టీ(DPP)ప్రెసిడెంట్‌ పదవికి రాజీనామా చేశారు.  ఎన్నికల్లో  అధికార పార్టీ దారుణ ఓటమికి నైతిక బాధ్యత వహిస్తూ రాజీనామా చేస్తున్నట్లు ప్రకటించారామె. అయితే..  ఈ ఎన్నికల్లో చైనా అనుకూల పార్టీ ఘన విజయం సాధించింది. ‘‘ఎన్నికల ఫలితాలు మేం ఆశించినట్లు రాలేదు. తైవాన్‌ ప్రజల తీర్పును శిరసావహిస్తున్నాం.  ఓటమికి అంతా నాదే బాధ్యత. డీపీపీ చైర్‌ఉమెన్‌ బాధ్యతల నుంచి ఇప్పటికిప్పుడే తప్పుకుంటున్నా’’ అని సాయ్ ఇంగ్-వెన్ మీడియాకు తెలియజేశారు. పార్టీ చీఫ్‌ బాధ్యతల నుంచి తప్పుకునప్పటికీ 2024 వరకు ఆమె తైవాన్‌ అధ్యక్ష పదవిలో కొనసాగుతారు.  మేయర్లు, కౌంటీ చీఫ్‌లు, లోకల్‌ కౌన్సిలర్లు.. ఇలా జరిగింది స్థానిక సంస్థల ఎన్నికలే అయినా ఈ ఎలక్షన్స్‌ను ఎంతో ప్రతిష్టాత్మకంగా తీసుకున్నారామె. చైనా విధానాలకు, మిలిటరీ ఉద్రిక్తతల పట్ల తైవాన్‌ ప్రజల నుంచి ఏమేర వ్యతిరేకత ఉందో ప్రపంచానికి తెలియజేసేందుకు.. ఈ ఎన్నికలను ఉపయోగించుకోవాలని సాయ్ ఇంగ్-వెన్ భావించారు. కానీ, ఆ ప్రయత్నం బెడిసి కొట్టింది. చైనా వ్యతిరేకత ప్రచారం వర్కవుట్‌ కాలేదు.  ఇక చైనా నుంచి పరోక్ష మద్దతు ఉన్న కోమింటాంగ్ (KMT)పార్టీ ఎన్నికల్లో ఘన విజయం సాధించింది. ప్రచార సమయంలో డీపీపీ చైనా వ్యతిరేక గళం వినిపించగా.. కేఎంటీ మాత్రం చైనాతో డీపీపీ ప్రభుత్వ వైరం శ్రుతి మించుతోందని, అది దేశానికి ప్రమాదకరమని ప్రచారం చేసింది. అయినప్పటికీ తాము చైనాకు కొమ్ము కాయబోమని.. తైవాన్‌ స్వేచ్ఛ, ప్రజాస్వామ్యాల కోసం సంప్రదింపులు జరుపుతామన్న ప్రచారంతో జనాల్లోకి దూసుకెళ్లింది.   ఇక శనివారం వెలువడిన తైవాన్‌ స్థానిక ఎన్నికల ఫలితాల్లో.. 21 నగర మేయర్‌ స్థానాలకు గానూ పదమూడింటిని కైవసం చేసుకుంది కేఎంటీ. అందులో రాజధాని తైపేయి కూడా ఉంది. కౌంటీ చీఫ్‌ సీట్ల సంఖ్యను సైతం పెంచుకుంది. అయితే.. గత ఎన్నికల్లో మాదిరే ఈ దఫా ఎన్నికల్లోనూ సైతం డీపీపీ పెద్దగా ప్రభావం చూపించలేదు.  2018లో డీపీపీ కేవలం ఐదు స్థానాలే దక్కించుకోగా.. చైనాను ఎదుర్కొంటున్న పరిణామాలు జనాల నుంచి సానుకూల ఫలితాలు తెప్పిస్తాయని భావించింది. అయితే.. ఇప్పుడు ఈ ఎన్నికల్లోనూ ఐదు స్థానాలే కైవసం చేసుకుంది. అందులో పెద్దగా ప్రభావితం చూపని ప్రాంతాలే ఉన్నాయి. ఇదిలా ఉంటే ఈ ఫలితంపై చైనా ఇంకా స్పందించలేదు. కానీ, జిన్హువా వార్తా సంస్థ మాత్రం తైవాన్ స్థానిక ఎన్నికల్లో పార్టీ పనితీరుకు బాధ్యత వహిస్తూ సాయ్ రాజీనామా చేశారంటూ ఓ కథనం ప్రచురించింది.   ఇదిలాఉంటే.. కరోనా సమయంలో తైవాన్‌ పేరు ప్రపంచమంతా మారుమోగిపోయింది. అందరికంటే ముందే మేల్కొని లాక్‌డౌన్‌ విధించకుండా.. కేసుల ట్రేసింగ్‌పై దృష్టి సారించారు ఆమె. తద్వారా తైవాన్‌లో  కరోనాను సమర్థవంతంగా కట్టడి చేయగలిగారు. ఈ ఘనతకు గానూ 2020 ఫోర్బ్స్‌ శక్తివంతమైన మహిళల జాబితాలో సాయ్ ఇంగ్-వెన్‌కి చోటు దక్కింది. ఇప్పటికీ తైవాన్‌ ప్రయాణాలకు కరోనా నెగెటివ్‌ ఫలితం.. అదీ ప్రయాణానికి మూడు రోజుల ముందు తీసుకున్న సర్టిఫికెట్‌ను ఎయిర్‌పోర్ట్‌ అధికారులకు సమర్పించాల్సి ఉంటుంది. ఇదీ చదవండి: పుతిన్‌కి భంగపాటు.. అస్సలు ఊహించి ఉండడు!

భోపాల్‌: ఎంఐఎం పార్టీ తరపున ఓ హిందూ అభ్యర్థి మధ్యప్రదేశ్‌ స్థానిక సంస్థల ఎన్నికల్లో గెలుపొందడం అక్కడి రాజకీయాల్లో ఆసక్తికర చర్చకు దారి తీసింది. ఊహించని రీతిలో ఓ మహిళా అభ్యర్థిని బరిలోకి దింపి గెలుపు అందుకుంది ఆ పార్టీ. స్వయానా మంత్రే దగ్గరుండి అక్కడి ప్రచార బాధ్యతలను చూసుకున్నా.. ఆమె గెలుపును ఆపలేకపోయారు.  తన విజయానికి గానూ పార్టీ అధినేత అసదుద్దీన్‌ ఒవైసీకి కృతజ్ఞతలు తెలియజేస్తూ.. హామీలను నెరవేరుస్తానంటోంది అరుణ ఉపాధ్యాయ.  మొట్టమొదటిసారి మధ్యప్రదేశ్‌ స్థానిక సంస్థల ఎన్నికల్లో తన అదృష్టాన్ని పరీక్షించుకుంటోంది ఎంఐఎం. మొదటి ఫేజ్‌లో నాలుగు చోట్ల సంచలన విజయం సాధించింది. ఆయా చోట్ల బీజేపీ, కాంగ్రెస్‌ అభ్యర్థులను ఓడించారు ఎంఐఎం అభ్యర్థులు. ఇప్పుడు రెండో ఫేజ్‌లోనూ ఏడు స్థానాల్లో పోటీ చేస్తే.. మూడు స్థానాలు కైవసం చేసుకుంది. అందులో ఖార్‌గావ్‌ మున్సిపల్‌ స్థానం విజయం ప్రత్యేకంగా నిలిచింది.  ఈ మున్సిపాలిటీలో వార్డు నెంబర్‌ 2లో పోటీకి దిగింది గృహిణి అయిన అరుణ శ్యామ్‌ ఉపాధ్యాయ. ఆమె భర్త శ్యామ్‌ ఉపాధ్యాయ స్థానికంగా ఉద్యమవేత్త. రాజ్యాంగం, దళిత-వెనుకబడిన వర్గాల వాదనకు ఆకర్షితుడై ఎంఐఎంలో చేరాడు. తొలుత పార్టీ సీటును శ్యామ్‌కే కేటాయించాలనుకుంది. కానీ, అనూహ్యంగా స్థానికంగా మహిళలతో కలివిడిగా ఉండే అరుణకు బరిలోకి దించింది. కీలకమైన మున్సిపాలిటీ కావడంతో మధ్యప్రదేశ్‌ మంత్రి విశ్వాస్‌ సారంగ్‌ తన అనుచరులతో ప్రచారం చేయించినప్పటికీ.. అరుణనే గెలుపు అందుకుంది. #ArunaUpadhyaya Thanked #AIMIM President Barrister @asadowaisi after Winning Corporator Election on AIMIM Ticket from City of #Khargone for the First Time in #MadhyaPradesh, #AIMIM has Registered a Big Victory in Corporator Elections. pic.twitter.com/hRIjsP8eqk — Syed Mubeen (Tez Dhar) (@SyedZiya_Mubeen) July 21, 2022

సాక్షి, చెన్నై: రాష్ట్రంలో స్థానిక సంస్థల ఎన్నికల నిర్వహణ మళ్లీ జాప్యమయ్యే సూచనలు కనిపిస్తున్నాయి. ఆరు నెలలు గడువు కోరుతూ రాష్ట్ర ఎన్నికల సంఘం సుప్రీంకోర్టులో శనివారం పిటిషన్‌ దాఖలు చేయడంతో ఈ వాదనకు మరింత బలం చేకూర్చుతోంది.   నేపథ్యం ఇదీ..  రాష్ట్రంలో కొత్తగా ఆవిర్భవించిన విల్లుపురం, కళ్లకురిచ్చి, తిరునల్వేలి, తెన్‌కాశి, వేలూరు, రాణి పేట, తిరుపత్తూరు, కాంచీపురం, చెంగల్పట్టు జిల్లాల్లోని జిల్లా, యూనియన్, పట్టణ, గ్రామ పంచాయతీల అధ్యక్షులు, వార్డు సభ్యుల పదవులకు ఎన్నికలు నిర్వహించాల్సి ఉంది. మిగిలిన జిల్లాల్లో ఈ ప్రక్రియ ముగిసింది. ఇక రాష్ట్రవ్యాప్తంగా ఉన్న 15 కార్పొరేషన్లు, 120 మేరకు మునిసిపాలిటీలకు కూడా ఎన్నికలు జరగాల్సి ఉంది. కొత్త జిల్లాల్లోని స్థానిక సంస్థలు, రాష్ట్రంలోని  నగర, మునిసిపాలిటీలకు సెపె్టంబరు 15లోపు ఎన్నికలు నిర్వహించాలని ఇప్పటికే సుప్రీం కోర్టు ఉత్తర్వులు జారీ చేసింది. చదవండి: వీడని మిస్టరీ: అంతులేని ‘కొడనాడు’ కథ ఇందుకు తగ్గ పనులు రాష్ట్రంలో శరవేగంగా సాగుతున్నాయి. ఇప్పటికే వార్డుల విభజన ముగించి, ఓటర్ల జాబితా ప్రకటించారు. అలాగే,  ఈనెల 6న కోయంబేడులోని రాష్ట్ర ఎన్నికల సంఘం కార్యాలయంలో గుర్తింపు పొందిన పార్టీలతో రాష్ట్ర ఎన్నికల కమిషనర్‌ సమావేశానికి సిద్ధమయ్యారు. ఈ పరిస్థితుల్లో సెపె్టంబరు 15లోపు ఎన్నికల నిర్వహణ సాధ్యం కాదని.. ఈ మేరకు మరో ఆరు నెలలు గడువు కోరుతు సుప్రీం కోర్టులో పిటిషన్‌ దాఖలైంది.  ‘కొత్త’ తలనొప్పి..  ఎన్నికల ఏర్పాట్లు వేగంగా సాగుతున్న నేపథ్యంలో రెండు రోజుల క్రితం రాష్ట్రంలో  6 మేజర్‌ మునిసిపాలిటీల ను కార్పొరేషన్లుగాను, 30 మేజర్‌ పట్టణ పంచాయతీలకు మునిసిపాలిటీ హోదా కలి్పస్తూ ప్రభుత్వం ఉత్తర్వులు జారీ చేసింది. ఈ పరిణామాలతో రాష్ట్రంలో కార్పొరేషన్ల సంఖ్య 21గాను, మునిసిపాలిటీల సంఖ్య అదనంగాను పెరిగింది. దీంతో ఆయా సంస్థల్లో వార్డుల విభజనతో పాటుగా ఇతర అంశాలపై రాష్ట్ర ఎన్నికల సంఘం మళ్లీ దృష్టి సారించాల్సిన పరిస్థితి ఏర్పడింది. చదవండి: కేంద్ర ప్రభుత్వ కార్యాలయాల్లో కొత్త బ్రేక్‌.. 5 నిముషాల సమయం ఈ సమయంలో కోర్టు ఉత్తర్వుల మేరకు ఈనెల 15లోపు ఎన్నికలు నిర్వహించలేమంటూ ఎస్‌ఈసీ పిటిషన్‌లో పేర్కొంది. ఇది సోమవారం విచార ణకు వచ్చే అవకాశం ఉంది. కాగా ఈ విషయాలపై నగరాభివృద్ధి శాఖ మంత్రి కేఎన్‌ నెహ్రు మీడియాతో మాట్లాడు తూ ఎన్నికల నిర్వహణలో జాప్యం అనివార్యం అని.. అన్ని సమస్యలను సకాలంలో పరిష్కరిస్తే డిసెంబర్‌ నాటికి ఈ ప్రక్రియను ముగించే అవకాశం ఉందన్నారు.  

సాక్షి, చెన్నై: వారం రోజుల్లో స్థానిక నగారా మోగే అవకాశం కనిపిస్తోంది. దీంతో వివిధ పార్టీలు కసరత్తులు వేగవంతంగా చేస్తున్నాయి. ఇక, జిల్లాల నేతలతో సోమవారం టీఎన్‌సీసీ అధ్యక్షు డు కేఎస్‌ అళగిరి సమావేశమయ్యారు. తమిళనాడులో కొత్తగా ఆవిర్భవించిన తిరునల్వేలి, తెన్‌కాశి, విల్లుపురం, కళ్లకురిచ్చి, చెంగల్పట్టు, కాంచీపురం, వేలూరు, తిరుపత్తూరు, రాణి పేట జిల్లాల్లో స్థానిక నగారా వాయిదా పడి ఉన్న విషయం తెలిసిందే. వీటిలో సెప్టెంబరు చివరిలోపు ఎన్నికలు నిర్వహించాల్సిన పరిస్థితి ప్రస్తుతం ఏర్పడింది. దీంతో రాష్ట్ర ఎన్నికల అధికారులు ఏర్పాట్లు వేగవంతం చేశారు. డీఎంకే, అన్నాడీఎంకే, బీజేపీలు ఈ జిల్లాల్లో పాగా వేయడమే లక్ష్యంగా వ్యూహాలకు పదును పెట్టాయి. ఇక ఇప్పటికే ఆయా జిల్లాల నేతలతో సమావేశాలు నిర్వహించి, కార్యక్రమాలు విస్తృతం చేశాయి. ఈ పరిస్థితుల్లో రాష్ట్ర కాంగ్రెస్‌ సైతం ఎన్నికల పనుల మీద దృష్టి సారించింది. డీఎంకే కూటమిలోని కాంగ్రెస్‌ ఈ జిల్లాల్లో తమకు బలం అధికంగా ఉన్న స్థానిక సంస్థల మీద గురిపెట్టింది. మరోవైపు... సోమవారం సాయంత్రం జరిగిన సమావేశంలో ఆయా జిల్లాల అధ్యక్షులు, ముఖ్యనేతల నుంచి వివరాల్ని రాష్ట్ర పార్టీ అధ్యక్షుడు కేఎస్‌ అళగిరి రాబట్టారు. ఆ మేరకు డీఎంకే నుంచి ఆ స్థానిక సంస్థల్ని ఆశించే ప్రయత్నాలు చేస్తున్నారు. రాజకీయ పక్షాల కసరత్తులు ఓ వైపు ఉంటే, మరోవైపు రాష్ట్ర ఎన్నికల కమిషనర్‌ పళనికుమార్‌ ఏర్పాట్లలో వేగం పెంచారు. కలెక్టర్లు, ఎన్నికల అధికారులతో సమావేశాలు నిర్వహించి ఓటర్ల జాబితా సిద్ధం చేశారు. మరో రెండు రోజుల్లో దీన్ని విడుదల చేసే అవకాశాలు ఉన్నట్లు ఎన్నికల కమిషన్‌ వర్గాలు వెల్లడించాయి.   చదవండి: Tamil Nadu: మాట తప్పం..!  గుబులు వద్దు.. 

రాయచోటి: రాయచోటి మున్సిపల్‌ చైర్మన్‌గా ఎన్నికైన ఓ కూరగాయల వ్యాపారి పలువురికి ఆదర్శంగా నిలుస్తున్నారు. కష్టనష్టాలకు ఓర్చి మున్సిపల్‌ చైర్మన్‌గా అతడు ఎదిగిన తీరు స్ఫూర్తిదాయకంగా మారింది. వివరాల్లోకి వెళితే.. రాయచోటికి చెందిన షేక్‌ బాష డిగ్రీ వరకు చదువుకున్నారు. ఉద్యోగం దొరక్కపోవటంతో గ్రామంలోనే కూరగాయలు అమ్ముతూ జీవనం కొనసాగిస్తున్నారు. స్థానికంగా ప్రజల్లో మంచి పేరున్న షేక్‌ భాషకు వైఎస్సార్‌ సీ‌పీ మున్సిపాలిటీ ఎన్నికలలో కౌన్సిలర్‌ టికెట్‌ ఇచ్చింది. దీంతో ప్రజలు షేక్ ‌బాషను గెలిపించారు. గురువారం రాయచోటి మున్సిపాలిటీ చైర్మన్‌గా ఎన్నికయ్యారు. ఈ సందర్భంగా షేక్‌ బాష సీఎం వైఎస్‌ జగన్‌మోహన్‌రెడ్డికి ధన్యవాదాలు తెలిపారు. తన జీవితంలో ఇలాంటి అవకాశం వస్తుందని ఊహించలేదన్నారు. వైఎస్సార్‌ సీపీ ప్రభుత్వం వెనుకబడిన వర్గాల వారికి అధిక శాతం సీట్లు కేటాయించిందని పేర్కొన్నారు. ఈ మున్సిపాలిటీ, కార్పోరేషన్‌ ఎన్నికలలో వైఎస్సార్‌ సీపీ 86కు గాను, 84స్థానాలలో విజయకేతనం ఎగరవేసిందని అన్నారు. ఈ ఎన్నికలలో మహిళలకు 60.47 శాతం, ఎస్సీ, ఎస్టీ, బీసీ ,వెనుకబడిన వర్గాల వారికి 78 శాతం పోస్టులను కేటాయించడం గొప్ప విషయమని కొనియాడారు.  చదవండి: ఏపీ: కొత్తగా ఎన్నికైన మేయర్‌, డిప్యూటీ మేయర్లు వీరే..  

సాక్షి, అమరావతి: స్థానిక ఎన్నికలతోపాటు ఎంపీటీసీ, జెడ్పీటీసీ ఎన్నికల్లో ఒకే అభ్యర్థి బరిలో ఉన్నచోట ఆ వ్యక్తి ఏకగ్రీవంగా ఎన్నికైనట్లు ప్రకటించకుండా, నోటా కింద ఎన్నికలు నిర్వహించేలా ఆదేశాలు జారీచేయాలని కోరుతూ హైకోర్టులో ప్రజాప్రయోజన వ్యాజ్యం (పిల్‌) దాఖలైంది. ఒకే అభ్యర్థి బరిలో ఉన్నప్పుడు ఆ వ్యక్తి ఏకగ్రీవంగా ఎన్నికైనట్లు ప్రకటిస్తూ ఫారం 10 జారీచేయాలని చెబుతున్న ఏపీ పంచాయతీ ఎన్నికల నిర్వహణ నిబంధనల్లో రూల్‌ 16 అమలును, ఏకగ్రీవాలకు ప్రోత్సాహకాలు ప్రకటిస్తూ ప్రభుత్వం ఇటీవల జారీ చేసిన జీవో 34 అమలును నిలిపేస్తూ మధ్యంతర ఉత్తర్వులు ఇవ్వాలని కోరుతూ చిత్తూరు పీపుల్స్‌ యాక్షన్‌ కమిటీ (సీపీఏసీ) అధ్యక్షుడు ఎ.రాంబాబు, మరొకరు ఈ వ్యాజ్యాన్ని దాఖలు చేశారు. ఈ వ్యాజ్యంపై సోమవారం ప్రధాన న్యాయమూర్తి (సీజే) జస్టిస్‌ అరూప్‌ కుమార్‌ గోస్వామి, న్యాయమూర్తి జస్టిస్‌ చాగరి ప్రవీణ్‌ కుమార్‌లతో కూడిన ధర్మాసనం విచారణ జరిపింది. పిటిషనర్ల తరఫు న్యాయవాది అన్వేష వాదనలు విన్న ధర్మాసనం, ఈ వ్యాజ్యాన్ని విచారణకు స్వీకరిస్తూ ఉత్తర్వులు జారీ చేసింది. అలాగే రాష్ట్ర ప్రభుత్వానికి, రాష్ట్ర ఎన్నికల కమిషన్‌కు నోటీసులు జారీ చేసింది. పూర్తి వివరాలతో కౌంటర్లు దాఖలు చేయాలని ఆదేశించింది. తదుపరి విచారణను ఆగస్టు 16కి వాయిదా వేసింది. 

చండీగడ్‌: స్థానిక ఎన్నికలు సమీపిస్తున్న వేళ పంజాబ్‌లో ఉద్రిక్తత పరిస్థితులు ఏర్పడ్డాయి. ఏకంగా ఓ పార్టీ అధ్యక్షుడి కాన్వాయ్‌పై రాళ్ల దాడి చేశారు. దీంతో పంజాబ్‌లో పరిస్థితులు ఆందోళనకరంగా మారాయి. పంజాబ్‌లోని ఫజ్లికా జిల్లా జలాలాబాద్‌లో శిరోమణి అకాలీదల్‌ (ఎస్‌ఏడీ) అధినేత సుఖ్‌బీర్‌ సింగ్‌ బాదల్‌ పర్యటనకు రాగా కాంగ్రెస్‌ నాయకులు అడ్డగించారు. పార్టీ అభ్యర్థుల నామినేషన్‌ కార్యక్రమానికి బాదల్‌ వస్తుండగా ఈ ఘటన జరిగింది. ఆ సమయంలో అక్కడ ఉన్న కాంగ్రెస్‌ కార్యకర్తకలు అకాళీదల్‌ పార్టీ కార్యకర్తలతో ఘర్షణకు దిగారు. ఈ క్రమంలో ఒక్కసారిగా గుర్తుతెలియని వ్యక్తులు బాదల్‌ కాన్వాయ్‌పై రాళ్లు, కర్రలతో దాడులు చేశారు. దీంతో కాన్వాయ్‌లోని ఓ వాహనం తీవ్రంగా దెబ్బతింది. పరిస్థితి అదుపు తప్పడంతో వెంటనే బాదల్‌ను పక్కకు తీసుకెళ్లారు. అక్కడే ఉన్న పోలీసులు పరిస్థితులను అదుపులోకి తెచ్చేందుకు గాల్లోకి కాల్పులు చేశారు. రెండు వర్గాలను చెదరగొట్టాయి. ఆప్‌ రాష్ట్ర అధ్యక్షుడు భగవంత్ మన్‌ కూడా జలాలాబాద్‌ పర్యటన ఉండడంతో నిమిష నిమిషానికి ఏం జరుగుతుందో తెలియని పరిస్థితి ఏర్పడింది. పోలీసులు భారీగా మోహరించి పరిస్థితులను అదుపులోకి తెచ్చేందుకు ప్రయత్నిస్తున్నారు. ఈ ఘర్షణల్లో ఇద్దరు తీవ్రంగా గాయపడగా వారిని ఆస్పత్రికి తరలించారు. ఈ ఘటనను శిరోమణి అకాలీదళ్‌ తీవ్రంగా ఖండించింది. ఈ ఘటనను నిరసిస్తూ చౌరస్తాలో బాదల్‌ తన అనుచరులతో ధర్నా చేశారు. వెంటనే చర్యలు తీసుకోవాలని డిమాండ్‌ చేశారు. అయితే అకాలీదళ్‌ ఆరోపణలను కాంగ్రెస్‌ పార్టీ తిప్పి కొట్టింది. ఈ ఘటనకు సుఖ్‌బీర్‌ సింగ్‌ బాదల్‌ బాధ్యత వహించాలని ఓ కాంగ్రెస్‌ ఎమ్మెల్యే డిమాండ్‌ చేశారు. 

సాక్షి, విజయవాడ : గత నాలుగు రోజులుగా పోలీసులు పలు ఛాలెంజ్‌లు ఎదుర్కొంటున్నారని ఏపీ డీజీపీ గౌతమ్‌ సవాంగ్‌ అన్నారు. ఫ్రంట్‌లైన్‌ సిబ్బందిగా పోలీసులకు వేక్సినేషన్ చేస్తున్నామని తెలిపారు. రాష్ట్రంలో ఎన్నికలు కూడా నిర్వహించాలని సుప్రీంకోర్టు ఆదేశం రావడంతో ఏవిధంగా ముందుకు వెళ్ళాలి అనేదానిపై పోలీసు ఉద్యోగ సంఘాలతో చర్చించినట్లు ఆయన తెలిపారు. ఈ సందర్భంగా సోమవారం ఏర్పాటు చేసిన మీడియా సమావేశంలో ఆయన మాట్లాడుతూ.. ఎలక్షన్ సెకండ్ ఫేజ్‌లో సెంటర్లు, ఓటర్లు ఎక్కువ ఉంటారని, పొలీసులు గ్రామస్థాయిలో కచ్చితంగా పనిచేయాలని సూచించారు. గ్రామ పంచాయతీ ఎన్నికలలో వ్యాక్సినేషన్ అనేది కోవిడ్ పోర్టల్ ఆధారంగా కేంద్ర ప్రభుత్వ ఆధ్వర్యంలో జరుగుతుందని పేర్కొన్నారు. బందోబస్తు పోలీసులు వ్యాక్సినేషన్‌కు వెళ్ళడానికి వారి ఎలక్షన్ బాధ్యతలు వదిలి వెళ్ళాల్సి వస్తుందని డీజీపీ తెలిపారు. చదవండి: మృతదేహాన్ని భుజాలపై మోసుకెళ్లిన మహిళా ఎస్సై ఎన్నికలకు రెండు రోజుల ముందు నుంచి పోలీసులు పనిచేయాల్సి వస్తుందని గౌతమ్‌ సవాంత్‌ తెలిపారు. ఎలక్షన్ ఫేజ్‌లో పోలీసులు ఉండే ప్రాంతం మారిపోతుందున్నారు. రాజ్యాంగ బద్ధమైన విధులు నిర్వహించడానికి తాము వ్యాక్సినేషన్ చేయించుకోవడాన్ని త్యాగం చేస్తాం అని పోలీసు, ఉద్యోగ సంఘాలు నిర్ణయించుకున్నారన్నారు. ప్రజా ప్రయోజనాల‌ దృష్ట్యా పోలీసు ఉద్యోగులు తీసుకున్న నిర్ణయానికి తాను గౌరవిస్తున్నానన్నారు. ప్రజా సంక్షేమం ముందు, స్వ ప్రయోజనాలు తరువాత అని నిర్ణయించిన పోలీసు ఉద్యోగులకు డీజీపీగా ఉన్నందుకు గర్వంగా ఫీల్‌ అవుతున్నానని తెలిపారు. ఏపీ పోలీస్ ఒక నిబద్ధతతో పని చేస్తున్నామని పేర్కొన్నారు. పోలీస్ పని చేస్తున్న కొంత మంది రాజకీయ నాయకులు అడుగడుగునా రాజకియం చేస్తున్నారని, టెక్కలిలో సీఐపై దాడి చేసిన వాళ్ళను అరెస్ట్ చేసినట్లు తెలిపారు. కొంతమంది సిస్‌లో ఉండకూడా.. వెనక ఉండి నడిపిస్తున్నారని తెలిపారు. విచారణ చేస్తున్నామని, ఎలాంటి వారైన వదిలే ప్రసక్తే లేదని డీజీపీ గౌతమ్‌ సవాంగ్‌ స్పష్టం చేశారు.

సాక్షి, అమరావతి : టీడీపీ అధినేత చంద్రబాబు హుంకరింపులకు భయపడేవారు ఎవరూ లేరని ప్రభుత్వ చీఫ్‌ విప్‌ గడికోట శ్రీకాంత్‌ రెడ్డి స్పష్టం చేశారు. 2001లో ఏకగ్రీవాలపై జీవో విడుదల చేసిందే చంద్రబాబేనని ఆయన అన్నారు. శనివారం శ్రీకాంత్‌ రెడ్డి మాట్లాడుతూ.. ఢిల్లీ కోటనే గడగడలాడించిన వ్యక్తి అడుగు జాడల్లో నడుస్తున్న పార్టీ వైఎస్సార్‌ కాంగ్రెస్‌ పార్టీనని వ్యాఖ్యానించారు. పార్టీలకతీతంగా జరిగే ఎన్నికల్లో గ్రామాల్లో కక్ష్యలు, కారుణ్యాలు ఉండకుడదనే ఉద్యేశ్యంతో పోత్సహకాలు ప్రకటిస్తే హేళన చేస్తారా అని చంద్రబాబును నిలదీశారు. నిమ్మగడ్డ రాయలసీమ పర్యటన రాజకీయ పర్యటనను తలపించిందని విమర్శించారు. 20 నెలల నుంచి ఎన్నికల అధికారిగా కాకుండా టీడీపీ ప్రతినిధిలా వ్యవహరించారని మండిపడ్డారు. చదవండి: రాష్ట్రపతి చిత్తూరు జిల్లా పర్యటన ఖరారు నిమ్మగడ్డ రమేశ్‌ కుమార్‌కు 11 సంవత్సరాల తర్వాత దివంగత వైఎస్‌ రాజశేఖరరెడ్డి గుర్తొచ్చారని శ్రీకాంత్‌ రెడ్డి ఎద్దేవా చేశారు. ఆధారాలతో సహ రాజకీయా నాయకులతో మంతనాలు జరిపింది రాష్ట్ర ప్రజలు చూశారని పేర్కొన్నారు. ఎన్నికల కమిషనర్‌గా ఆయన నిర్వర్తించే విధులను పూర్తిగా గౌరవిస్తామని, ప్రజలతో ఎన్నుకోబడిన ప్రభుత్వంపై నిందలు వేయడమే నిమ్మగడ్డ పనిలా అనిపిస్తుందన్నారు. మహనేత వైఎస్ఆర్ అధికారంలోకి రాగానే ఫ్యాక్షన్ చరిత్ర ఉన్న నాయకులకు టికెట్లు ఇవ్వద్దంటే చంద్రబాబు వెనకడుగు వేశాడని, ఫ్యాక్షన్ ఉంటేనే టీడీపీకి మనుగడ ఉంటుందని అన్నారు. చంద్రబాబు వ్యవస్థలను ఏవిధంగా వాడుకుంటారో అందరికి తెలుసని, ఆయన అధికారంలో ఉన్నప్పుడే వైఎస్సార్సీపీ 86 శాతం సీట్లు దక్కించుకుందని ప్రస్తావించారు. చదవండి: టీడీపీకి ఎన్నికల కమిషన్‌ నోటీసులు రమేశ్‌ కుమార్‌లా కాకుండా ఎలక్షన్ కమిషనర్‌గా వ్యవహరించాలని హితవు పలికారు. చంద్రబాబు, అతని అనుచరుల ప్రోద్భలంతో ప్రయివేట్ యాప్ పేట్టుకున్నారని, టీడీపీ హయాంలో జరిగిన దౌర్జన్యాలను గుర్తుచేసుకోవాలని సూచించారు. తహసీల్దార్ కార్యాలయంలో హత్యలు, మహిళలపై దాడులు, అడపిల్లలపై వేధింపులు చేసి ఫ్యాక్షన్‌ను ప్రోత్సహించారని గుర్తు చేశారు. ముఖ్యమంత్రి అయిన వేంటనే మా వాళ్లు తప్పు చేస్తే చూసి చూడనట్లు వ్యవహరించండి అని ఐపీఎస్, ఐఏఎస్‌లకు చెప్పిన నీచ చరిత్ర చంద్రబాబుదని దుయ్యబట్టారు. మంచి చేసిన నాయకుడిని ప్రజలు ఏ విధంగా ఆభిమానిస్తున్నారో ప్రజల్లోకి వచ్చి చూడాని కోరారు. ఆలయాలను కూల్చి ఆ నిందలను వైఎస్సార్సీపీపై మోపారని మండిపడ్డారు. ప్రజలకు ఏ సమస్య లేదన్న శ్రీకాంత్‌ రెడ్డి ప్రజలు సంతోషంగా ఉన్నారని, రాష్ట్రంలో స్వచ్ఛమైన పాలన సాగుతోందని పేర్కొన్నారు. చదవండి: ‘మదనపల్లి దంపతుల్లాగే సత్యలోకంలో చంద్రబాబు’

భీమవరం: పంచాయతీ ఎన్నికలు దగ్గర పడుతుండటంతో గ్రామాల్లో చర్చలు వేడెక్కుతున్నాయి. ప్రధానంగా తెలుగుదేశం, జనసేన అధినాయకత్వం ఎన్నికలు ఏకగ్రీవం కాకూడదంటూ చేస్తున్న ప్రకటనలకు ఆయా పార్టీల గ్రామస్థాయి నాయకులు, కార్యకర్తలు ఖంగుతింటున్నారు. సాధారణంగా గ్రామాల్లో పార్టీలకు అతీతంగా గ్రామాభివృద్ధి, సంక్షేమ పథకాల అమలు, వర్గాలు, కుటుంబాలు, సంప్రదాయాలు వంటి వాటిని పరిగణనలోకి తీసుకుని సర్పంచ్, వార్డు సభ్యుల ఎన్నికల వ్యవహారం నడుస్తుంది. ప్రస్తుతం రాష్ట్రంలో వైఎస్సార్‌ సీపీ అధికారంలో ఉండటంతో ఆ పార్టీ సానుభూతిపరులు సర్పంచ్‌గా ఎన్నికైతే ఆయా గ్రామాలకు ఎక్కువగా సంక్షేమ పథకాలు అమలు, గ్రామాభివృద్ధికి నిధులు పెద్ద మొత్తంలో మంజూరవుతాయని గ్రామీణ ప్రజలు భావిస్తున్నారు. దీంతో గ్రామాల్లో పార్టీలను పక్కన పెట్టి ఎన్నికలు ఏకగ్రీవం చేసేందుకు ఎక్కువగా ప్రయత్నాలు జరుగుతున్నాయి. ఇటువంటి తరుణంలో తెలుగుదేశం, జనసేన నాయకులు ఎన్నికలు ఏకగ్రీవం కాకూడదంటూ చేస్తున్న ప్రకటనలకు ఆయా పార్టీల గ్రామస్థాయి నాయకులు, కార్యకర్తలు విస్తుపోతున్నారు. కన్నెత్తి చూడలేదు సాధారణ ఎన్నికలు జరిగి దాదాపు రెండేళ్లు కావస్తుండగా పార్టీ కోసం పనిచేసిన నాయకులను ఆయా పార్టీల పెద్దలు కనీసం ఇప్పటివరకు పట్టించుకోలేదని వాపోతున్నారు. నరసాపురం లోక్‌సభ స్థానానికి జనసేన అ భ్యర్థిగా పోటీచేసిన కొణిదెల నాగేంద్రబాబు, భీమవరం అసెంబ్లీ నుంచి ఎమ్మెల్యే అభ్యర్థిగా పోటీచేసిన కొణిదెల పవన్‌కల్యాణ్‌ ఇంతవరకు జిల్లాను కన్నెత్తి చూడలేదంటున్నారు. 2019 సాధారణ ఎన్నికల్లో వ్యయప్రయాసల కోర్చి పార్టీ కోసం పనిచేస్తే ఎన్నికల అనంతరం తమను పట్టించుకున్న నాథుడే లేడని పార్టీ శ్రేణులు ఆవేదన చెందుతున్నాయి. అసెంబ్లీ నియోజకవర్గాల వారీగా కన్వీనర్లను నియమించినా వారెవరూ గ్రామాలను పట్టించుకోవ డం లేదని ఆరోపిస్తున్నారు. టీడీపీ, బీజేపీ అధినాయకు లు ఇచ్చిన పిలుపు సైతం గ్రామాల వరకు తీసుకువెళ్లకుండా తమ ఉనికిని కాపాడుకోవడానికి కార్యక్రమాలు మమ అనిపిస్తున్నారని, ఇలాంటి పరిస్థితుల్లో గ్రామాల్లో కార్యకర్తలు పార్టీ కోసం ఎలా పనిచేయాలని ప్రశ్నిస్తున్నారు. అండగా ఉంటారా? పంచాయతీ ఎన్నికల్లో పార్టీ కోసం ఎన్నికల బరిలో నిలిస్తే అండగా ఎవరుంటారని ఆయా పార్టీల గ్రామస్థాయి నాయకులు ప్రశ్నిస్తున్నారు. సంక్షేమ, అభివృద్ధి పథకాలను చూసిన పల్లె ప్రజలంతా వైఎస్సార్‌ సీపీ వైపు ఎక్కువ మక్కువ చూపుతున్నారని అంటున్నారు. సాధారణ ఎన్నికల అనంతరం గ్రామాల్లో పార్టీ పటిష్టానికి ఎటువంటి ప్రయత్నాలు చేయకుండా ఇప్పుడు ఎన్నికల్లో పోటీ చేయాలంటూ అధిష్టానాలు ఒత్తిడి చేయడం ఎంతవరకు సమంజసమని మదనపడుతున్నారు. పార్టీలకు అతీతంగా పంచాయతీ ఎన్నికలు జరుగుతాయని అధినాయకులకు తెలిసినా కార్యకర్తలను బలిచేస్తారా అంటూ ధ్వజమెత్తుతున్నారు. పంచాయతీ ఎన్నికలు టీడీపీ, జనసేన నాయకులకు తలబొప్పికట్టే విధంగా తయారవుతున్నాయనే అభిప్రాయాలు వ్యక్తమవుతున్నాయి.

సాక్షి, విజయవాడ: సీఎస్‌ ఆదిత్యనాథ్‌ దాస్‌ను ఉద్యోగ సంఘాల జేఏసీ నేతలు కలిశారు. ఎన్నికల నిర్వహణ విషయంలో ఉద్యోగ సంఘాలు అభ్యంతరాలు వ్యక్తం చేయడంతో ఉద్యోగ సంఘాలతో సీఎస్‌ చర్చించారు. అనంతరం ఏపీ ఎన్జీవో అధ్యక్షుడు చంద్రశేఖర్ రెడ్డి మాట్లాడుతూ.. సుప్రీంకోర్టు ఆదేశాల మేరకు ఎన్నికల విధులకు సహకరించాలని సీఎస్‌ కోరారని తెలిపారు. ఇప్పుడు ఎన్నికలు నిర్వహిస్తే కరోనా వ్యాప్తి ఎక్కువవుతుందని.. ఎస్‌ఈసీ ఎన్నికల నిర్వహణకే మొగ్గు చూపుతోందని చంద్రశేఖర్‌రెడ్డి అన్నారు. త్వరలో వ్యాక్సిన్‌ ఇస్తామని సీఎస్‌ హామీ ఇచ్చారన్నారు. ఎన్నికల విధుల్లో కరోనాతో చనిపోతే రూ.50లక్షల పరిహారం ఇవ్వాలని కోరామని తెలిపారు. సీఎస్‌ హామీ మేరకు ఎన్నికల విధుల్లో పాల్గొంటామని చంద్రశేఖర్‌రెడ్డి వెల్లడించారు. చదవండి: ‘ఎస్‌ఈసీ అలా ఎందుకు చెప్పలేదు..? సీఎస్‌ సానుకూలంగా స్పందించారు.. ఉద్యోగుల సమస్యల పట్ల సీఎస్‌ సానుకూలంగా స్పందించారని ఏపీ ఎన్జీవో సెక్రటరీ బండి శ్రీనివాస్‌ తెలిపారు. కోర్టు తీర్పుకు అనుగుణంగా ఎన్నికల్లో పాల్గొంటామని చెప్పారు. ఉద్యోగులకు ఏమీ జరిగినా ఎస్‌ఈసీ నిమ్మగడ్డ రమేష్‌కుమార్‌దే బాధ్యత అని తెలిపారు. చదవండి: ‘అప్పుడు బీజేపీని ఓడించాలని టీడీపీ చెప్పలేదా?’ పీపీఈ కిట్లు ఇవ్వాలి.. ఎన్నికల విధుల్లో పాల్గొనే ఉద్యోగులకు వ్యాక్సిన్ ఇచ్చే విధంగా ఎన్నికలను రీ షెడ్యూల్ చేయాలని ఏపీ జేఏసీ అమరావతి ఛైర్మన్‌ బొప్పరాజు కోరారు. రేపటి భేటీలో ఎస్‌ఈసీ దృష్టికి తీసుకెళ్లాలని సీఎస్‌ను కోరామని చెప్పారు. ఎన్నికల విధుల్లో పాల్గొనే ఉద్యోగులకు పీపీఈ కిట్లు ఇవ్వాలని ఆయన కోరారు.

సాక్షి, అమరావతి: రాష్ట్రంలో జరగబోయే గ్రామ పంచాయతీ ఎన్నికల పర్యవేక్షణకి పోలీస్ శాఖ తరపున ప్రత్యేక అధికారిగా డాక్టర్ ఎన్.సంజయ్ బాధ్యతలు స్వీకరించారు. ముందుగా ఆయన ఎస్ఈసీ కార్యాలయానికి చేరుకుని రాష్ట్ర ఎన్నికల కమిషనర్ నిమ్మగడ్డ రమేష్ కుమార్‌తో సమావేశమయ్యారు. అనంతరం ప్రత్యేక అధికారిగా బాధ్యతలు స్వీకరించారు. నిష్పక్షపాత ఎన్నికల‌ నిర్వహణలో ఎన్నికల కమిషనర్‌కి ఐజీ సంజయ్ సహకరించనున్నారు. ఐజీ సంజయ్‌కి ఎన్నికల కమిషన్ కార్యాలయంలోనే ప్రత్యేక చాంబర్‌ని కూడా ఏర్పాటు చేశారు. చదవండి: ‘ఎస్‌ఈసీ అలా ఎందుకు చెప్పలేదు..?  

సాక్షి, అమరావతి: వైఎస్‌ జగన్‌ ప్రభుత్వం అధికారంలోకి వచ్చాక గ్రామాల్లో మౌలిక మార్పులు వచ్చాయని, వైఎస్సార్‌ సీపీ ప్రధాన కార్యదర్శి, ప్రభుత్వ సలహాదారు సజ్జల రామకృష్ణారెడ్డి తెలిపారు. మంగళవారం ఆయన తాడేపల్లిలోని వైఎస్సార్‌సీపీ కేంద్ర కార్యాలయంలో మీడియా సమావేశంలో మాట్లాడుతూ, గ్రామ సచివాలయాల ద్వారా పరిపాలన, సంక్షేమ ఫలాలు ఇంటి ముందుకు వెళ్లాయని, అందుకే ఈ ఎన్నికల్లో తమకు అన్ని విధాలా ఆహ్వానించదగ్గ పరిస్థితి అని పేర్కొన్నారు. చదవండి: ‘అప్పుడు బీజేపీని ఓడించాలని టీడీపీ చెప్పలేదా?’ ‘‘ప్రజాప్రతినిధుల పాత్ర కూడా అభ్యుదయ పాలనకు మెరుగులు దిద్దినట్టవుతుంది. రాబోతున్న సర్పంచ్‌లు పరిస్థితులకు అనుగుణంగా తీర్చిదిద్దుకోవచ్చు.ఎవరూ పట్టుదలకు పోవాల్సిన అవసరం లేని ఎన్నికలు ఇవి. ఎన్నికలు ఎంత ప్రశాంతంగా జరిగితే భవిష్యత్తులో అంత అభివృద్ధి జరుగుతుంది. పట్టుదలకు పోకుండా ఏకగ్రీవంగా ముందుకెళ్తే బాగుంటుంది.మేం అధికారంలోకి వచ్చాక పంచాయతీ స్థాయిని బట్టి ప్రోత్సాహకం పెంచాం. ఎన్నికల్లో డబ్బు ప్రవాహం లేకుండా సీఎం వైఎస్ జగన్‌మోహన్‌రెడ్డి చట్టం చేశారు. ఎన్నికల్లో ఎవరైనా ప్రలోభపెడితే రెండేళ్ల జైలు శిక్ష. గ్రామ అభ్యుదయం, అభివృద్ధి, సంక్షేమం మా లక్ష్యం’’ అని సజ్జల తెలిపారు. ఎంపీటీసీ ఎన్నికలు ఆపి పంచాయతీ ఎన్నికలు తేవడంపై దురుద్దేశాలు, ఏకగ్రీవాలు జరగకూడదు.. పోటీ ఉండాలనడంపై అనుమానాలున్నాయని.. దీని వెనుక టీడీపీ ఉందని తమకు అనుమానం ఉందన్నారు. పచ్చని పల్లెల్లో గొడవలు సృష్టించడానికి ప్రయత్నిస్తున్నారని భావిస్తున్నామని సజ్జల పేర్కొన్నారు. చదవండి: రాజ్యాంగం ఇప్పటికీ మార్గనిర్దేశం చేస్తూ ఉంది: సీఎం జగన్‌ ‘‘ప్రతిపక్షం డబ్బు పంపిణీకి పాల్పడితే జైలు శిక్ష తప్పదని హెచ్చరిస్తున్నాం. మా పార్టీ అయినా, ఏ పార్టీ అయినా చట్టం ఒక్కటే.అక్రమాలకు పాల్పడితే శాశ్వతంగా అనర్హులుగా చేస్తాం. ఎంపీటీసీ ఎన్నికల్లో అన్నీ ఏకగ్రీవాలు కావడంతోనే ఆపేశారని మేం భావిస్తున్నాం. టీడీపీ గెలిచే పరిస్థితి లేదు.. అందుకే ప్రలోభాలకు దిగుతున్నారు. ఏకగ్రీవాలకు వెళ్లాలని ఎన్నికల కమిషన్ చెప్పాలి.. కానీ ఆ ప్రయత్నం లేదు. ఏకగ్రీవాలపై కొరడా అంటున్నారు.. అందుకే ఆ బాధ్యత మేం తీసుకున్నామని’’ సజ్జల రామకృష్ణారెడ్డి వెల్లడించారు.  

సాక్షి, అమరావతి: ప్రస్తుతం రాష్ట్రంలో ఎన్నికలు నిర్వహించే పరిస్థితి లేదని సీఎస్‌ ఆదిత్యనాథ్‌దాస్‌ పేర్కొన్నారు. ఎస్‌ఈసీ నిమ్మగడ్డ రమేష్‌కుమార్‌కు సీఎస్‌ లేఖ రాశారు. ఎన్నికల నిర్వహణకు ప్రభుత్వం కట్టుబడి ఉందని.. ప్రజారోగ్యం దృష్ట్యా ఎన్నికలు వాయిదా వేయాలని ఆయన లేఖలో కోరారు. ‘‘ఎన్నికల ప్రక్రియలో పాల్గొనే సిబ్బందికి రెండు డోసుల వ్యాక్సిన్‌ అవసరం. మొదటి డోస్‌కు, రెండో డోస్‌కు 4 వారాల వ్యవధి అవసరమని.. కేంద్ర ప్రభుత్వం ఇప్పటికే తెలిపింది. మొదటి దఫా వ్యాక్సినేషన్‌ పూర్తయ్యాక.. 60 రోజుల తర్వాత ఎన్నికలు నిర్వహించడానికి సిద్ధంగా ఉన్నాం. చదవండి: సీఎస్‌ ఆదిత్యనాథ్ ‌దాస్‌తో ఉద్యోగ సంఘాల భేటీ తొలి విడతలోనే ఫ్రంట్‌లైన్‌ వారియర్స్‌కు వ్యాక్సిన్‌ తప్పనిసరని కేంద్రం చెప్పింది. ఇప్పుడు ఎన్నికలు నిర్వహిస్తే ఫ్రంట్‌లైన్‌ వారియర్స్‌కు వ్యాక్సిన్‌ ఇవ్వడం సాధ్యం కాదు. ఇలా చేస్తే కేంద్రప్రభుత్వ నిబంధనలను ఉల్లంఘించినట్లే. ఎన్నికలు, వ్యాక్సినేషన్‌ ప్రక్రియలు రెండూ సజావుగా జరగాలని హైకోర్టు సూచించింది. హైకోర్టు ఆదేశాలను పాటించాల్సిన దృష్ట్యా ఎన్నికల షెడ్యూల్‌ను వాయిదా వేయాలని’’ సీఎస్‌ లేఖలో పేర్కొన్నారు. ఎన్నికల నోటిఫికేషన్‌కు సంబంధించి ఇప్పటికే సుప్రీంకోర్టులో పిల్‌ దాఖలు చేశామని.. సుప్రీంకోర్టులో విచారణ ముగిసేవరకు ఎన్నికల ప్రక్రియలో ముందుకు వెళ్లొద్దని సీఎస్‌ విజ్ఞప్తి చేశారు. చదవండి: గ్రామాల్లో అన్‌ లిమిటెడ్‌ ఇంటర్నెట్‌: సీఎం జగన్‌

సాక్షి, విజయవాడ: సీఎస్‌ ఆదిత్యనాథ్‌దాస్‌తో ఉద్యోగ సంఘాలు శుక్రవారం భేటీ అయ్యాయి. ఈ సందర్భంగా సీఎస్‌కు ఉద్యోగ సంఘాల జేఏసీ వినతిపత్రం ఇచ్చారు. ఉద్యోగులకు వ్యాక్సిన్‌ వేసేంత వరకు ఎన్నికల విధుల్లో పాల్గొనలేమని సీఎస్‌కు ఉద్యోగ సంఘాలు తెలిపాయి. చదవండి: గ్రామాల్లో అన్‌ లిమిటెడ్‌ ఇంటర్నెట్‌: సీఎం జగన్‌ ‘‘గత 10 నెలలుగా విపత్కర పరిస్థితులను ఎదుర్కొంటున్నాం. కరోనా విపత్కర పరిస్థితుల్లో మేం ముందు వరుసలో ఉండి పనిచేశాం. వ్యాక్సినేషన్‌ ఇస్తున్న సమయంలో ఎన్నికలకు ఎస్‌ఈసీ ఉత్తర్వులు ఇచ్చింది. ఉద్యోగుల పట్ల ఎస్‌ఈసీ నిమ్మగడ్డ కఠినంగా వ్యవహరిస్తున్నారు. వ్యాక్సినేషన్‌ పొందే సమయంలో ఎన్నికలు పెట్టడం సరికాదు. వ్యాక్సినేషన్‌, ఎన్నికలు రెండూ ఒకే సమయంలో ఎలా సాధ్యం. మేం వ్యాక్సినేషన్‌ తీసుకుని ఎన్నికల విధుల్లో పాల్గొనడం సాధ్యం కాదు. మాకు వ్యాక్సిన్‌ రెండు డోస్‌లు ఇచ్చాక.. ఎన్నికల విధుల్లో పాల్గొంటామని’’ ఉద్యోగ సంఘాలు స్పష్టం చేశాయి.చదవండి: విశాఖ భూ కుంభకోణం: సిట్ గడువు పొడిగింపు

సాక్షి, న్యూఢిల్లీ : స్థానిక సంస్థల నిర్వహణపై హైకోర్టు ఇచ్చిన తీర్పును సవాల్‌ చేస్తూ సుప్రీంకోర్టులో ఆంధ్రప్రదేశ్‌ ప్రభుత్వం పిటిషన్ దాఖలు చేసింది. వ్యాక్సినేషన్ సమయంలో ఎన్నికలు నిర్వహించడం సాధ్యం కాదని ప్రభుత్వం పేర్కొంది. స్థానిక సంస్థల ఎన్నికలకు సంబంధించి రాష్ట్ర ఎన్నికల కమిషన్‌ వేసిన రిట్‌ పిటిషన్‌ను అనుమతించిన హైకోర్టు.. ఇబ్బంది లేకుండా పంచాయతీ ఎన్నికలు నిర్వహించాలని గురువారం ఆదేశించిన సంగతి తెలిసిందే. ఈ క్రమంలోనే హైకోర్టు తీర్పును సవాలు చేస్తూ ఏపీ సర్కార్‌ సుప్రీంకోర్టును ఆశ్రయించింది. చదవండి: ‘ప్రజల ప్రాణాలతో నిమ్మగడ్డ చెలగాటం’) ఇది ఇలా ఉండగా, ఎస్‌ఈసీ నిమ్మగడ్డ రమేష్‌కుమార్‌ ఈ నెల 8వ తేదీన పంచాయతీ ఎన్నికల షెడ్యూల్‌ను ప్రకటించగా.. 11వ తేదీన ఎస్ఈసీ ఆదేశాలను హైకోర్టు సింగిల్ జడ్జి కొట్టేశారు. ఎన్నికల కమిషన్‌ ఆచరణ సాధ్యం కాని నిర్ణయం తీసుకుందని ఆక్షేపించారు. ఈ ఎన్నికల షెడ్యూల్‌ రాజ్యాంగంలోని అధికరణలు 14, 21లకు విరుద్ధమని తేల్చి చెప్పారు. పంచాయతీ ఎన్నికల నిర్వహణ నిమిత్తం ఎన్నికల కమిషన్‌ జారీ చేసిన నోటిఫికేషన్, కేంద్ర ప్రభుత్వం చేపట్టిన కరోనా వ్యాక్సినేషన్‌ బృహత్కార్యానికి విఘాతం కలిగిస్తుందని స్పష్టం చేశారు. చదవండి: చంద్రబాబు యూటర్న్.. వ్యూహకర్త నియామకం

సాక్షి, అమరావతి: స్థానిక సంస్థల ఎన్నికలపై సుప్రీంకోర్టుకు వెళ్తామని ఉద్యోగ సంఘాలు స్పష్టం చేశాయి. ఎన్నికల ప్రక్రియ నిలిపివేయాలని సుప్రీంకోర్టుకు వెళ్లనున్నట్లు ఉద్యోగ సంఘాలు వెల్లడించాయి. రేపు(శుక్రవారం) సుప్రీంకోర్టులో పిటిషన్‌ వేస్తామని తెలిపాయి. ఇప్పుడున్న పరిస్థితుల్లో ఉద్యోగుల ప్రాణాలకు ముప్పు ఉందని గవర్నమెంట్‌ ఎంప్లాయీస్‌ ఫెడరేషన్‌ ఛైర్మన్‌ వెంకట్రామిరెడ్డి అన్నారు. ఎన్నికల నిర్వహణపై హైకోర్టు తీర్పును సవాల్‌ చేయాలని, ప్రభుత్వాన్ని సుప్రీంకోర్టుకు వెళ్లమని కోరుతున్నామని జేఏసీ ఛైర్మన్‌ బొప్పరాజు వెంకటేశ్వర్లు పేర్కొన్నారు. చదవండి: ప్రజల ప్రాణాలతో నిమ్మగడ్డ చెలగాటం’ స్థానిక సంస్థల ఎన్నికల విధుల్లో పాల్గొనలేం.. స్థానిక సంస్థల ఎన్నికల విధుల్లో పాల్గొనలేమని ఏపీ ఎన్జీవో అధ్యక్షుడు చంద్రశేఖర్‌రెడ్డి స్పష్టం చేశారు. హైకోర్టు తీర్పును సుప్రీంకోర్టులో సవాల్ చేస్తామన్నారు. వ్యాక్సిన్ ప్రక్రియ పూర్తవ్వకుండా ఎన్నికల్లో పాల్గొనలేమని.. ఓ వైపు వ్యాక్సిన్, మరో వైపు ఎన్నికలు ఎలా సాధ్యం అని ప్రశ్నించారు. ఎన్నికలు జరిగిన రాష్ట్రాల్లో మళ్లీ కేసులు పెరిగాయని.. ఎన్నికల కమిషనర్ నిరంకుశంగా వ్యవహరిస్తున్నారని ఆయన ఆగ్రహం వ్యక్తం చేశారు.

సాక్షి, విశాఖపట్నం: పంచాయతీ ఎన్నికలపై ఎస్‌ఈసీ నిమ్మగడ్డ రమేష్‌ కుమార్‌ స్వార్థ ప్రయోజనాలతో వెళ్తున్నారని వ్యవసాయ శాఖ మంత్రి కురసాల కన్నబాబు దుయ్యబట్టారు. గురువారం ఆయన మీడియాతో మాట్లాడుతూ, తన పదవి ముగిసేలోపు ఎన్నికలు నిర్వహించాలని భావిస్తున్నారని, కరోనా సమయంలో ప్రజల ప్రాణాలతో నిమ్మగడ్డ  చెలగాటమాడుతున్నారని మండిపడ్డారు. పంచాయతీ ఎన్నికల్లో ఒక్క సీటు అయినా గెలిచే స్థితి టీడీపీకి ఉందా? అని ఆయన ప్రశ్నించారు. కోర్టు తీర్పుపై తమకు గౌరవం ఉందని మంత్రి కన్నబాబు తెలిపారు. చదవండి: బుల్లెట్‌ ప్రూఫ్‌ లేకుంటే ఎంపీ సాయిరెడ్డికి ఏమయ్యేదో ప్రజల ఆరోగ్యమే ముఖ్యం: విశ్వరూప్‌ ప్రకాశం: కోర్టులపై తమకు ఎప్పుడూ గౌరవం ఉందని.. ప్రభుత్వ వాదనను సింగిల్‌ జడ్జి సమర్థించారని మంత్రి పినిపే విశ్వరూప్‌ అన్నారు.  తాము సుప్రీం కోర్టుకు వెళ్తామన్నారు. ఎన్నికలంటే తమకు భయం లేదని, ఎప్పుడైనా సిద్ధమేనన్నారు. ప్రస్తుత పరిస్థితుల్లో ప్రజల ఆరోగ్యం తమకు ముఖ్యమని వివరించారు. సచివాలయాలు ఏర్పాటుతో ముఖ్యమంత్రి వైఎస్‌ జగన్‌మోహన్‌రెడ్డి సంచలనం సృష్టించడంతో పాటు, లక్షలాది ఉద్యోగాలు ఇచ్చి చరిత్ర సృష్టించారని విశ్వరూప్‌ అన్నారు. చదవండి: రేషన్‌ డోర్‌ డెలివరీ వాహనాలను ప్రారంభించిన సీఎం జగన్ చంద్రబాబు మెప్పు కోసమే..: గుడివాడ అమర్‌నాథ్‌  విశాఖ: ప్రతిపక్ష నేత చంద్రబాబు నాయుడు మెప్పు కోసం నిమ్మగడ్డ రమేష్‌ కుమార్‌ పనిచేస్తున్నారని వైఎస్సార్‌సీపీ ఎమ్మెల్యే గుడివాడ అమర్‌నాథ్‌ ధ్వజమెత్తారు. చంద్రబాబు చెప్పినట్లు నిమ్మగడ్డ నడుచుకుంటున్నారని మండిపడ్డారు. కోవిడ్ వ్యాక్సినేషన్‌ సమయంలో ఎన్నికలు వద్దని కోరామన్నారు. ఎన్నికలు ఎప్పుడు వచ్చినా విజయం వైఎస్సార్‌సీపీదేనని అమర్‌నాథ్‌ ధీమా వ్యక్తం చేశారు.

సాక్షి, శ్రీకాకుళం: రాష్ట్రంలో రాజ్యాంగబద్ధమైన రాజకీయ క్రీడ జరుగుతోందని ఏపీ అసెంబ్లీ స్పీకర్‌ తమ్మినేని సీతారాం అన్నారు. మంగళవారం ఆయన మీడియాతో మాట్లాడుతూ, రాజ్యాంగ పదవులను కొంతమంది అపహాస్యం చేస్తున్నారని ఆయన దుయ్యబట్టారు. ‘‘కోవిడ్‌ మహమ్మారి ప్రపంచాన్ని గడగడలాడిస్తోంది. కొన్ని దేశాల్లో ఇంకా లాక్‌డౌన్‌ కొనసాగుతోంది. కోవిడ్‌ వ్యాక్సిన్‌ సరఫరా ఏర్పాట్లలో ప్రభుత్వం నిమగ్నమై ఉంది. ఇలాంటి సమయంలో ఎన్నికలు నిర్వహించలేమని సీఎస్‌ తెలిపారు. అయినా ఎన్నికల కమిషన్‌ నోటిఫికేషన్‌ ఇవ్వటం దారుణమని’’ స్పీకర్‌ తప్పుపట్టారు. (చదవండి: బండారు దత్తాత్రేయను కలిసిన సీఎం వైఎస్‌ జగన్‌) ప్రభుత్వంతో సంప్రదింపులు జరపకుండా.. నోటిఫికేషన్‌ ఇవ్వడం వెనుక ఉన్న ఏ దుష్టశక్తి ఉందని ఆయన ప్రశ్నించారు.న్యాయస్థానం ప్రజల పక్షాన తీర్పు చెప్పిందన్నారు. ఎన్నికల నిర్వహణ కోసం ఇంత రాద్ధాంతం ఎందుకని, ఓ రాజకీయ పార్టీ కనుసన్నల్లో ఈసీ నడుస్తోందని స్పష్టమవుతోందని స్పీకర్‌ తమ్మినేని సీతారాం పేర్కొన్నారు.(చదవండి:హైకోర్టు తీర్పు శుభపరిణామం)

సాక్షి, అమరావతి: ఎస్‌ఈసీ నిమ్మగడ్డ రమేష్‌కుమార్‌ మొండి వైఖరిని ఉద్యోగ సంఘాలు తప్పుపట్టాయి. కోవిడ్‌ జాగ్రత్తలు పాటిస్తూ ఎన్నికల విధుల్లో పాల్గొనమనడంపై మండిపడుతున్నారు. నిమ్మగడ్డ ప్రకటనపై జేఏసీ నేతలు అభ్యంతరం వ్యక్తం చేశారు. పీపీఈ కిట్లు, మాస్క్‌లు కరోనాను అడ్డుకోగలవా? అని ఏపీ ఉద్యోగుల జేఏసీ ప్రశ్నించింది. (చదవండి: బాబు చేతిలో తోలుబొమ్మలా నిమ్మగడ్డ) ‘‘ప్రస్తుత పరిస్థితుల్లో ఎన్నికల విధుల్లో పాల్గొనలేం. గడిచిన 10 నెలల్లో ఎంతో మంది ఉద్యోగులు కరోనాతో ప్రాణాలు కోల్పోయారు.ఉద్యోగుల ప్రాణాలు ఎస్‌ఈసీకి పట్టవా?.ఎన్నికల నిర్వహణ అంత చిన్న విషయం కాదు.మరో మూడు నెలలు స్థానిక ఎన్నికలు వాయిదా వేయాలి.ఉద్యోగుల విజ్ఞప్తిని ఎస్‌ఈసీ పరిగణలోకి తీసుకోవాలి. వ్యాక్సినేషన్ తర్వాత స్థానిక ఎన్నికలు నిర్వహించాలి. ఉద్యోగులను విమర్శించే అర్హత టీడీపీ నేత అశోక్‌బాబుకు లేదు. రాజకీయ వ్యవహారాలు చూసుకోవాలంటూ’ జేఏసీ నేత బొప్పరాజు వెంకటేశ్వర్లు కౌంటర్‌ ఇచ్చారు. (చదవండి: స్థానిక ఎన్నికలను వాయిదా వేయండి) ఎస్‌ఈసీ పునరాలోచించాలి.. పీపీఈ కిట్లు, మాస్క్‌లు, శానిటైజర్లు కరోనాను ఆపలేవని పోలీస్ అధికారుల సంఘం రాష్ట్ర అధ్యక్షుడు జనకుల శ్రీనివాసరావు మండిపడ్డారు. కరోనాతో ఎంతో మంది పోలీసులు ప్రాణాలు కోల్పోయారని, వ్యాక్సినేషన్ తర్వాతే ఎన్నికలు నిర్వహించాలన్నారు. తమ విజ్ఞప్తిని ఎస్‌ఈసీ పునరాలోచించాలని ఆయన కోరారు.  

సాక్షి, ప్రకాశం: స్థానిక ఎన్నికలను నిర్వహించడమనేది ప్రజల ప్రాణాలతో చెలగాటమేనని రాష్ట్ర విద్యుత్‌ శాఖ మంత్రి బాలినేని శ్రీనివాస్‌రెడ్డి అన్నారు. ఆదివారం ఆయన మీడియా సమావేశంలో మాట్లాడుతూ, ప్రజల ఆరోగ్యాన్ని దృష్టిలో ఉంచుకునే వ్యతిరేకిస్తున్నామన్నారు. ముఖ్యమంత్రి వైఎస్‌ జగన్‌మోహన్‌రెడ్డి చేస్తోన్న సంక్షేమ పాలన చూసి చంద్రబాబు ఓర్వలేక పోతున్నారని.. రాష్ట్రంలో అలజడి సృష్టించేందుకు చంద్రబాబు యత్నిస్తున్నారని మంత్రి దుయ్యబట్టారు. ‘‘చంద్రబాబు ఎలా చెబితే ఎస్‌ఈసీ అలా పనిచేస్తోంది. ప్రభుత్వ సలహా కూడా తీసుకోకుండా ఎన్నికలు నిర్వహించాలనుకుంటున్నారు. ఎన్నికల నిర్వహణను ఉద్యోగ సంఘాలు వ్యతిరేకిస్తున్నాయి. గుజరాత్‌లో కూడా ఎన్నికలు వాయిదా వేశారని’’ బాలినేని పేర్కొన్నారు.(చదవండి: అమ్మ ఒడి ఆగదు: మంత్రి సురేష్‌) ప్రజాశ్రేయస్సుకు అవిరామ కృషి: మంత్రి వేణుగోపాల కృష్ణ పశ్చిమగోదావరి: కులమతాలకు అతీతంగా సీఎం వైఎస్‌ జగన్‌ మంచి పరిపాలన అందిస్తున్నారని మంత్రి చెల్లుబోయిన వేణుగోపాల కృష్ణ అన్నారు. ప్రజాశ్రేయస్సుకు అవిరామంగా సీఎం కృషి చేస్తున్నారన్నారు. ఆనాడు చంద్రబాబు భస్మాసురుడులా వచ్చి.. మహిళల నెత్తిన చేతులు పెట్టారని’’ ఆయన ఎద్దేవా చేశారు.(చదవండి: పేదలకు పథకాలందే వేళ ఎన్నికల కోడ్‌ తెస్తారా!)

సాక్షి, అమరావతి: రాష్ట్ర ప్రభుత్వం పెద్ద ఎత్తున అమలు చేస్తున్న సంక్షేమ పథకాలు, కార్యక్రమాలను ‘కోడ్‌’ పేరుతో సుదీర్ఘ కాలం అడ్డుకునేందుకు రాష్ట్ర ఎన్నికల కమిషనర్‌ నిమ్మగడ్డ రమేష్‌కుమార్‌ సుప్రీంకోర్టు తీర్పులకు సైతం వక్రభాష్యం చెబుతున్నారని రాజ్యాంగ నిపుణులు విశ్లేషిస్తున్నారు. ప్రభుత్వంతో దీర్ఘకాలిక ఘర్షణ దిశగా ఆయన సాగుతున్నారని పేర్కొంటున్నారు. గతేడాది మార్చిలో నిమ్మగడ్డ అర్థాంతరంగా నిలిపివేసిన ఎంపీటీసీ, జడ్పీటీసీ, మున్సిపల్‌ ఎన్నికల ప్రక్రియను తిరిగి ప్రారంభించేందుకు పోలింగ్‌ తేదీకి నాలుగు వారాల ముందు మాత్రమే ఎన్నికల కోడ్‌ అమలులోకి తేవచ్చని నాడు సుప్రీం కోర్టు తీర్పు వెలువరించగా ఎస్‌ఈసీ ఇప్పుడు దీన్ని పంచాయతీ ఎన్నికలకు వర్తింపచేస్తుండటం గమనార్హం. అత్యున్నత న్యాయస్థానం తీర్పులో పేర్కొన్న విధంగా నాలుగు వారాల ఎన్నికల కోడ్‌ నిబంధనను మధ్యలో నిలిపివేసిన ఎన్నికలను తిరిగి నిర్వహించడానికి వర్తింపచేయడానికి బదులు కొత్త నోటిఫికేషన్‌ ఇచ్చిన పంచాయతీ ఎన్నికల్లో అమలు చేసేందుకు ఎస్‌ఈసీ ఉపక్రమించారని అధికార వర్గాలు పేర్కొంటున్నాయి.  నోటిఫికేషన్‌ విడుదలకు పక్షం ముందే షెడ్యూలు.. సాధారణంగా స్థానిక ఎన్నికలు ఎప్పుడు జరిగినా ఎన్నికల నోటిఫికేషన్‌కు ఒకట్రెండు రోజుల ముందు షెడ్యూల్‌ ప్రకటించి అప్పటి నుంచే ఎన్నికల కోడ్‌ను అమల్లోకి తేవడం ఆనవాయితీ. అయితే పంచాయతీ ఎన్నికల నోటిఫికేషన్‌ విడుదలకు దాదాపు 15 రోజుల ముందు షెడ్యూల్‌ను ప్రకటించి ఎన్నికల ప్రక్రియ పూర్తయ్యే వరకు కోడ్‌ అమలులో ఉంటుందని ఎస్‌ఈసీ ఉత్తర్వులు జారీ చేశారు. సుప్రీంకోర్టు 2020 మార్చి 18వ తేదీన వెలువరించిన తీర్పును కారణంగా చూపుతూ నాలుగు వారాల నిబంధన మేరకు వెంటనే కోడ్‌ అమలులోకి తెస్తున్నట్టు నిమ్మగడ్డ ఉత్తర్వుల్లో పేర్కొన్నారు. నిమ్మగడ్డ వాదనను తిరస్కరించిన సుప్రీం... ఎంపీటీసీ, జడ్పీటీసీ ఎన్నికలను నామినేషన్ల ప్రక్రియ ఉపసంహరణ తర్వాత, మున్సిపల్‌ ఎన్నికలను నామినేషన్ల స్వీకరణ తర్వాత గతేడాది మార్చిలో నిమ్మగడ్డ వాయిదా వేశారు. అప్పుడు కేవలం ఆ ఎన్నికలకు మాత్రమే నోటిఫికేషన్‌ జారీ చేశారు. పంచాయతీ ఎన్నికల నోటిఫికేషన్‌ను జారీ చేయలేదు. ఎన్నికలను వాయిదా వేస్తూ నాడు నిమ్మగడ్డ తీసుకున్న నిర్ణయంపై రాష్ట్ర ప్రభుత్వం సుప్రీంకోర్టును ఆశ్రయించింది. 2020 మార్చి 18వ తేదీన సుప్రీంకోర్టు తీర్పు వెలువరిస్తూ.. అర్థాంతరంగా వాయిదా పడిన ఎన్నికల ప్రక్రియ ఎక్కడ ఆగిపోయిందో అదే స్థాయి నుంచి తిరిగి ప్రారంభించాలని స్పష్టం చేయడంతో పాటు రాష్ట్ర ప్రభుత్వంతో చర్చించాకే ఎన్నికల తేదీలను ప్రకటించాలని ఆదేశించింది. ఎన్నికలను వాయిదా వేసినప్పటికీ ఎన్నికల కోడ్‌ అమలులో ఉంటుందన్న నిమ్మగడ్డ వాదనను సుప్రీంకోర్టు తిరస్కరించింది. వాయిదా పడిన ఆ ఎన్నికలను తిరిగి ప్రారంభించే సమయంలో పోలింగ్‌ తేదీకి నాలుగు వారాల ముందు మాత్రమే కోడ్‌ అమలులోకి వస్తుందని స్పష్టం చేసింది. ఒక్క మాటా ప్రస్తావించలేదు.. తాజాగా పంచాయతీ ఎన్నికల షెడ్యూల్‌ను ప్రకటించే సమయంలో ఎస్‌ఈసీ గతంలో అర్ధాంతరంగా వాయిదా వేసిన ఎంపీటీసీ, జడ్పీటీసీ, మున్సిపల్‌ ఎన్నికల నిర్వహణ గురించి ఒక్క మాటా ప్రస్తావించలేదు. సుప్రీం తీర్పులో ప్రస్తావించిన 4 వారాల ముందు నుంచి ఎన్నికల కోడ్‌ అమలులోకి వస్తుందన్న నిబంధనను గ్రామ పంచాయతీ ఎన్నికలకు వర్తింపచేస్తున్నట్లు పేర్కొన్నారు. సంక్షేమాన్ని అడ్డుకునే కుట్రలు.. సుప్రీంకోర్టు తీర్పునకు వక్రభాష్యం చెబుతూ పంచాయతీ ఎన్నికలకు చాలా ముందు నుంచే కోడ్‌ను అమలులోకి తీసుకు రావడం ద్వారా రాష్ట్రంలో పెద్ద ఎత్తున అమలవుతున్న సంక్షేమ పథకాలను అడ్డుకోవాలనే కుట్ర దాగి ఉందని రాజకీయ పరిశీలకులు వ్యాఖ్యానిస్తున్నారు. రాష్ట్రంలో 44.84 లక్షల మంది తల్లులకు  ఈ నెల 11న అమ్మ ఒడి పథకం కింద రెండో విడత ఆర్థిక సహాయం అందజేయాలని ప్రభుత్వం నిర్ణయించింది. సీఎం వైఎస్‌ జగన్‌ నెల్లూరు జిల్లాలో ఈ కార్యక్రమంలో పాల్గొనేందుకు అధికారులు అన్ని ఏర్పాట్లు చేశారు.  మరోవైపు ఈ నెల 20 వరకు ఇళ్ల పట్టాల పంపిణీ కొనసాగనుంది. 

సాక్షి, విజయవాడ: కరోనా నేపథ్యంలో ఎన్నికలు సరికాదని.. తమతో పాటు, ప్రజల ప్రాణాలను ప్రమాదంలో పెట్టలేమని ఏపీ పోలీసు అధికారుల సంఘం ఒక ప్రకటనలో తెలిపింది. ప్రభుత్వం కృషితో కరోనాపై నియంత్రణ సాధిస్తున్న తరుణంలో ఎన్నికల నిర్వహణ ప్రజాహితం కాదని పేర్కొంది. శుక్రవారం రాత్రి అకస్మాత్తుగా షెడ్యూల్‌ జారీ చేయడం.. పోలీసు సిబ్బందిని ఆందోళనకు గురిచేసిందన్నారు.(చదవండి: ఎన్నికల విధులు బహిష్కరిస్తాం: ఏపీ ఎన్జీవో) ‘కోవిడ్‌ మహమ్మారి వలన రాష్ట్రంలో 109 మంది పోలీసు సిబ్బంది ప్రాణాలు కోల్పోయారు. 14 వేల మంది కరోనా బారిన పడ్డారు. ప్రజలకు కోవిడ్‌ వ్యాక్సిన్‌ అందించే ప్రక్రియలో పోలీస్‌ సిబ్బంది అనేక బాధ్యతలు నిర్వహిస్తున్నారు. వ్యాక్సిన్‌ రవాణా, నిల్వకు పోలీస్‌ బందోబస్తు నిర్వహించవలసి ఉంటుంది.  ఈ ప్రక్రియ అంతా పూర్తి అవ్వకుండా ఎన్నికల విధులకు హాజరు కావడం పోలీసు సిబ్బంది తమ ప్రాణాలను పెను ప్రమాదంలో పెట్టినట్లే. వ్యాక్సినేషన్‌ ప్రక్రియ ముగిసేవరకు పోలీసు సిబ్బంది ఎన్నికల విధులు నిర్వహించలేరు’ అని పోలీసు అధికారుల సంఘం ఒక ప్రకటనలో స్పష్టం చేసింది.(చదవండి: ‘నిమ్మగడ్డ.. చంద్రబాబు తొత్తు’)

సాక్షి, అమరావతి: ఎస్‌ఈసీ నిమ్మగడ్డ రమేష్‌ కుమార్‌ నిర్ణయాన్ని సవాల్ చేస్తూ ఆంధ్రప్రదేశ్‌ ప్రభుత్వం పిటిషన్‌ దాఖలు చేసింది. శనివారం హైకోర్టులో హౌస్‌ మోషన్ పిటిషన్ దాఖలు చేసింది. హౌస్‌ మోషన్ పిటిషన్‌ను హైకోర్టు.. సోమవారం విచారించనుంది. ఇది ఇలా ఉండగా, రాష్ట్ర ప్రభుత్వాన్ని సంప్రదించిన తర్వాతే స్థానిక సంస్థల ఎన్నికల ప్రక్రియను తిరిగి ప్రారంభించాలన్న సుప్రీంకోర్టు తీర్పును తోసిరాజని గ్రామ పంచాయతీ ఎన్నికలను నాలుగు దశల్లో నిర్వహించేందుకు శుక్రవారం రాత్రి ఏకపక్షంగా షెడ్యూల్‌ జారీ చేసిన సంగతి తెలిసిందే. (చదవండి: మళ్లీ ఏకపక్ష నిర్ణయం) ఏకపక్ష ధోరణితో వ్యవహరిస్తున్న రాష్ట్ర ఎన్నికల కమిషనర్‌ (ఎస్‌ఈసీ) నిమ్మగడ్డ రమేష్‌ కుమార్‌ తీరుపై సర్వత్రా విమర్శలు వెల్లువెత్తుతున్నాయి. ఓ వైపు కరోనా ఉధృతి కొనసాగుతుంటే గ్రామ పంచాయతీ ఎన్నికల షెడ్యూలు జారీ చేయడంపై విస్మయం వ్యక్తమవుతోంది. రాజకీయ దురుద్దేశంతోనే ఆయన ఇలాంటి వివాదాస్పద నిర్ణయం తీసుకున్నారనే ఆరోపణలు వెల్లువెత్తుతున్నాయి. (చదవండి: ‘నిమ్మగడ్డ.. చంద్రబాబు తొత్తు’)

సాక్షి, అమరావతి: రాష్ట్ర ఎన్నికల కమిషనర్‌ ప్రతిపక్ష నేత చంద్రబాబు తొత్తుగా మారిపోవడం రాజ్యాంగ విరుద్ధమని వైఎస్సార్‌సీపీ అధికార ప్రతినిధి అంబటి రాంబాబు ధ్వజమెత్తారు. ప్రభుత్వ అభిప్రాయానికి వ్యతిరేకంగా.. రాజ్యాంగ వ్యవస్థను భ్రష్టుపట్టిస్తూ రాష్ట్ర ఎన్నికల కమిషనర్‌ నిమ్మగడ్డ రమేశ్‌కుమార్‌ ఏకపక్షంగా ఎన్నికలు వాయిదా వేయడం, వద్దన్నా నిర్వహించడం రాజ్యాంగ సంస్థ విధానమేనా అని ప్రశ్నించారు. ప్రజలకు కరోనా వ్యాక్సిన్‌ అందించి, 2 నెలల్లో ఎన్నికలు నిర్వహిస్తే నష్టమేంటో ఆయన చెప్పాలన్నారు. తాడేపల్లిలోని పార్టీ కేంద్ర కార్యాలయంలో శనివారం ఆయన మీడియాతో మాట్లాడారు. అప్పుడలా.. ఇప్పుడిలా.. గత ఏడాది జెడ్పీటీసీ, ఎంపీటీసీ ఎన్నికలకు నామినేషన్లు వేసిన తర్వాత అకారణంగా ఇదే నిమ్మగడ్డ రమేశ్‌‡ ఎన్నికలను వాయిదా వేసిన విషయాన్ని అంబటి గుర్తుచేశారు. అప్పట్లో రాష్ట్రంలో 30 కోవిడ్‌ కేసులు కూడా లేకపోయినా, ప్రభుత్వంతో ఏమాత్రం సంప్రదించకుండా తెల్లారేసరికి ఎన్నికలు వాయిదా వేశారని తెలిపారు. నిజానికి 2018లో టీడీపీ అధికారంలో ఉన్నప్పుడు పంచాయతీ ఎన్నికలు నిర్వహిస్తే.. తెలుగుదేశం ఓడిపోతుందనే నిమ్మగడ్డ ఎన్నికలు నిర్వహించలేదన్నారు. ఇప్పుడు రాష్ట్రంలో కరోనా వ్యాక్సినేషన్‌కు ట్రయల్‌ రన్‌ జరుగుతోందని.. ఈ సమయంలో ఎన్నికల నిర్వాహణకు ప్రభుత్వం సిద్ధంలేదని చెప్పినా నిమ్మగడ్డ పట్టించుకోకపోవడం ఆశ్చర్యం కల్గిస్తోందన్నారు. (చదవండి: చంద్రబాబు ఓ మానసిక రోగి: జోగి రమేష్‌) ప్రజలపై కక్ష తీర్చుకోవడానికే.. తనను ఓడించిన ప్రజలపై కక్ష తీర్చుకోవడానికే చంద్రబాబు ఈ వ్యవహారం నడుపుతున్నారా అని ఆయన ప్రశ్నించారు.  నిమ్మగడ్డ కంటే పెద్ద స్థాయిలో ఉన్న చీఫ్‌ సెక్రటరీ, పంచాయతీరాజ్‌ ప్రిన్సిపల్‌ సెక్రటరీ వద్దంటున్నా, ఎన్నికలు పెడతానని నిమ్మగడ్డ చెప్పడం చూస్తుంటే ఇది ప్రజల ప్రాణాలకు సంబంధించిన కుట్రగా భావించాల్సి వస్తోందన్నారు.     

సాక్షి, అమరావతి: కరోనా నేపథ్యంలో ఎన్నికలు సరికాదని గతంలో హైకోర్టు చెప్పిందని.. ఎస్‌ఈసీకి సర్వాధికారాలు ఉండవని సీనియర్‌ జర్నలిస్ట్‌ తెలకపల్లి రవి తెలిపారు. గతంలో ప్రభుత్వానికి చెప్పకుండా ఎన్నికలు వాయిదా వేయడం, ఇప్పుడు ప్రభుత్వానికి చెప్పకుండా నోటిఫికేషన్ ఇవ్వడం కూడా సరికాదన్నారు. నిమ్మగడ్డ కావాలనే ప్రతిష్టంభన వాతావరణం తీసుకొస్తున్నారన్నారు. నిమ్మగడ్డ రమేష్ వాస్తవిక దృక్పథాన్ని అవలంభించాలన్నారు. ఎస్‌ఈసీ సంఘర్షణలతో కాకుండా సమన్వయంతో ముందుకెళ్లాలని తెలకపల్లి రవి సూచించారు.(చదవండి: చంద్రబాబు ఓ మానసిక రోగి: జోగి రమేష్‌)

సాక్షి, అమరావతి: రాష్ట్ర ఎన్నికల కమిషనర్‌ నిమ్మగడ్డ రమేష్‌కుమార్‌ రాష్ట్రంలో నివసించడం లేదని,  కానీ ప్రభుత్వాన్ని ఉద్దేశపూర్వకంగా మోసం చేస్తూ ప్రతి నెలా ఇంటి అద్దె అలవెన్స్‌ పొందుతున్నారని సమాచార హక్కు ఉద్యమ ఐక్య వేదిక (యునైటెడ్‌ ఫోరం ఫర్‌ ఆర్‌టీఐ క్యాంపెయిన్‌), గవర్నర్‌ విశ్వభూషణ్‌కు ఫిర్యాదు చేసింది. నిమ్మగడ్డపై క్రిమినల్‌ చర్యలు తీసుకోవాలని కోరింది. రాష్ట్ర ఎన్నికల కమిషనర్‌గా నిమ్మగడ్డ ప్రభుత్వం నుంచి పొందుతున్న వేతన వివరాలను సమాచార హక్కు (ఆర్టీఐ) చట్టం ద్వారా తీసుకున్న వేదిక ప్రతినిధులు.. ఆ వివరాల కాపీలను ఫిర్యాదుకు జత చేశారు.  ఉన్నత స్థాయి వ్యక్తులు ఆదర్శంగా ఉండాలి గవర్నర్‌కు ఫిర్యాదు అనంతరం వేదిక ప్రతినిధులు జంపాన శ్రీనివాసగౌడ్, కేఎండీ నస్రీన్‌ బేగంలు ఆ వివరాలను సోమవారం ఒక ప్రకటన రూపంలో మీడియాకు విడుదల చేశారు. ప్రకటనలో ఏముందంటే.. ► రాజ్యాంగబద్ధమైన ఉన్నత స్థాయి పదవులలో ఉన్న వ్యక్తులు అధికారులకు, ప్రజలకు ఆదర్శంగా ఉండాలి.  ► తాము ఆర్టీఐ చట్టం ద్వారా పొందిన వివరాల ప్రకారం.. రాష్ట్ర ప్రభుత్వం నుంచి ప్రతి నెలా రూ. 3,19,250 జీతం పొందుతున్న నిమ్మగడ్డ రమేష్‌ అసలు రాష్ట్రంలోనే నివాసం ఉండడం లేదు.  రాజధాని హైదరాబాద్‌ నుంచి అమరావతికి తరలివచ్చినప్పటి నుంచి, ఇక్కడ సరైన సౌకర్యాలు లేనప్పటికీ రాష్ట్ర గవర్నర్, ముఖ్యమంత్రి, ప్రభుత్వ ప్రధాన కార్యదర్శి, హైకోర్టు న్యాయమూర్తులు, ఇతర ఉన్నత స్థాయి అధికారులు విజయవాడ, గుంటూరు పరిసర ప్రాంతాల్లోనే నివాసం ఉంటున్నారు.   ► రాష్ట్ర ఎన్నికల కమిషనర్‌ కార్యాలయం కూడా హైదరాబాద్‌ నుంచి విజయవాడకు మారినా ఎన్నికల కమిషనర్‌ మాత్రం హైదరాబాద్‌ నుంచి విజయవాడకు ఇప్పటివరకు మారలేదు.  హైదరాబాద్‌లో ఉండడం సమంజసమా? ► స్థానిక ఎన్నికల నిర్వహణను పర్యవేక్షించాల్సిన కమిషనర్‌ రాష్ట్ర ప్రజలకు ఏ మాత్రం అందుబాటులో లేకుండా హైదరాబాద్‌లో నివాసం ఉండడం ఎంతవరకు సమంజసం? ఆయన ఎందుకు హైదరాబాద్‌ వీడేందుకు ఇష్టపడడం లేదు?  ► హైదరాబాద్‌లో ఉంటున్నా.. ప్రతి నెలా ఇక్కడ ఇంటి అద్దె అలవెన్స్‌ను తీసుకుంటున్నందున, ఇప్పటివరకు ఆయనకు చెల్లించిన ఆ అలవెన్స్‌ మొత్తాన్ని రికవరీ చేయాలి. ప్రభుత్వాన్ని మోసగించి ఇంటి అద్దె పొందుతున్న నిమ్మగడ్డపై క్రిమినల్‌ చర్యలు తీసుకోవాలి.  

కేరళలో స్థానిక ఎన్నికల కథ ఎలా ఉన్నా అక్కడ పోటీ చేస్తున్న మహిళా అభ్యర్థుల కథలు మాత్రం సినిమాలకు తక్కువ కాకుండా ఉన్నాయి. పాలక్కాడ్‌లో పంచాయతీ ఎన్నికలలో పోటీ చేస్తున్న జ్యోతి ఇప్పుడు న్యూస్‌మేకర్‌. చత్తిస్‌గడ్‌కు చెందిన ఈమె 2010లో బస్‌లో ప్రయాణిస్తూ అదే బస్‌లో ఉన్న కేరళకు చెందిన జవాన్‌ ను ప్రమాదం నుంచి రక్షించి తన చేతిని భుజం వరకూ కోల్పోయింది. అతడు ఆమెను హాస్పిటల్‌లో చేర్చాడు. పునఃజన్మ ఇచ్చినందుకు ప్రేమించి పెళ్లి చేసుకున్నాడు. ఇప్పుడామె కేరళ కోడలు. ఎన్నికలలో ఆమె గెలుపు కంటే ఈ ప్రేమ కథ అందరికీ ఇష్టంగా ఉంది. సాహసాలు, త్యాగాలు చేసిన సామాన్యులు జనంలో కలిసి సాధారణ జీవితం గడుపుతుంటారు. కాని పబ్లిక్‌లోకి వచ్చి నిలబడినప్పుడే వారి గాథలు లోకానికి తెలిసి ఆశ్చర్యం కలిగిస్తుంటాయి. ఇప్పుడు అలాంటి అసామాన్య స్త్రీల కథలు ఒక్కొక్కటిగా బయటకు వస్తున్నాయి. కారణం ఇప్పుడు అక్కడ స్థానిక ఎన్నికలు జరుగుతూ ఉండటమే. ఆ పోటీల్లో భిన్నమైన నేపథ్యాలు ఉన్న మహిళలు పోటీకి నిలుస్తూ ఉండటమే. జ్యోతిది కూడా అలాంటి కథే. దంతెవాడ అమ్మాయి దంతెవాడకు చెందిన జ్యోతి 2010లో నర్సింగ్‌ చదువుతోంది. జనవరి 3న ఆమె తన హాస్టల్‌ నుంచి ఇంటికి వెళ్లడానికి బస్‌ ఎక్కింది. అదే బస్‌లో ఎవరో మిత్రుణ్ణి కలిసి క్యాంప్‌కు వెళుతున్న వికాస్‌ కూడా ఉన్నాడు. వికాస్‌ది కేరళలోని పాలక్కాడ. అతనక్కడ సిఐఎస్‌ఎఫ్‌ (సెంట్రల్‌ ఇండస్ట్రియల్‌ సెక్యూరిటీ ఫోర్స్‌)లో పని చేస్తున్నాడు. సాయంత్రం కావడంతో ప్రయాణికులు కునుకుపాట్లు పడుతున్నాడు. వికాస్‌ది విండో సీట్‌ కావడంతో విండో కడ్డీల మీద తల వాల్చి నిద్రపోతున్నాడు. జ్యోతి అతని వెనుక కూచుని ఉంది. ఇంతలో ఒక లారీ అదుపుతప్పి వేగంగా వస్తున్నట్టు జ్యోతి గ్రహించింది. అది విండోల మీదకి వస్తోంది. జ్యోతి క్షణం కూడా ఆలస్యం చేయకుండా వికాస్‌ను లాగేసింది. కాని అప్పటికే లారీ ఢీకొనడం, జ్యోతి కుడి చేయి నుజ్జు నుజ్జు కావడం జరిగిపోయాయి. మొదలైన ప్రేమకథ తేరుకున్న వికాస్‌ గాయపడిన జ్యోతిని తానే స్వయంగా దంతెవాడ ఆస్పత్రికి తీసుకెళ్లాడు. అక్కడ డాక్టర్లు ఇక్కడ వైద్యం కుదరదు... చేయి తీసేయాలి రాయ్‌పూర్‌కు తీసుకెళ్లండి అని చెప్పారు. ‘ఆమె నీ ప్రాణం కాపాడ్డానికి ఈ ప్రమాదం తెచ్చుకుంది’ అని తోటి ప్రయాణికులు వికాస్‌కు చెప్పారు. వికాస్‌ ఆమెను రాయ్‌పూర్‌ తీసుకెళ్లాడు. వైద్యానికి అయిన ఖర్చంతా తనే భరించాడు. ‘తను నాకు పునర్జన్మను ఇచ్చింది. నేను ఆమెకు పునర్‌జీవితాన్ని ఇద్దామని నిశ్చయించుకున్నాను‘ అన్నాడు వికాస్‌. వారిద్దరూ క్రమంగా ప్రేమలో పడ్డారు. ట్విస్ట్‌ వచ్చింది అయితే ఈ ప్రేమ కథ సవ్యంగా సాగలేదు. జ్యోతి తండ్రి గోవింద్‌ కుండు ప్రభుత్వ ఉద్యోగి. తన కూతురికి యాక్సిడెంట్‌ అయ్యాక మొదట నర్సింగ్‌ చదువును మాన్పించాడు. చేయి పోవడానికి కారకుడైన వాడే ప్రేమ పేరుతో దగ్గరవుతున్నాడని తెలిసి ప్రేమకు అడ్డుగా నిలిచాడు. అయితే జ్యోతి వికాస్‌ను గట్టిగా ప్రేమించింది. ప్రేమే ముఖ్యం అనుకుంది. అంతే... ఇల్లు విడిచి అతనితో పాలక్కాడ్‌ వచ్చేసింది. 2011 ఏప్రిల్‌లో వారిద్దరికీ పెళ్లయ్యింది. వికాస్‌ ఉద్యోగరీత్యా దేశమంతా తిరుగుతూ ఉన్నా జ్యోతి పాలక్కాడ్‌లోనే ఉండిపోయింది. ఇప్పుడు ఆమెకు ఇద్దరు పిల్లలు. పెద్దాడికి 8. చిన్నాడికి 4. పంచాయతీ ఎన్నికలలో ప్రస్తుతం కేరళలో జరుగుతున్న స్థానిక ఎన్నికలలో సరైన మహిళా అభ్యర్థుల కోసం వెతుకుతున్న పార్టీలు జ్యోతి కథ తెలిసి ఆమెను ఎన్నికలలో పోటీ చేయమని కోరాయి. జ్యోతి వెంటనే రంగంలో దిగింది. పాలక్కాడ్‌లో కొల్లన్‌గోడే బ్లాక్‌ నుంచి పంచాయతీ ఎన్నికలలో పోటీ చేస్తోంది. ‘నాకు ఓట్లు వేస్తారో లేదో తెలియదు. కాని జనం మాత్రం నా ధైర్యానికి త్యాగానికి మెచ్చుకుంటున్నారు’ అని ఆమె చెప్పింది. ఎన్నికల ప్రచారంలో జ్యోతి  జ్యోతి ఎప్పుడూ ఒక శాలువను కుడి చేతి మీద వేసుకుని ఉంటుంది. ఎందుకంటే ఆమె కుడిచేయి భుజం దిగువ వరకూ తీసివేయబడింది. ఆమె ఒక్క చేత్తోనే జీవితాన్ని సమర్థంగా నిర్వహిస్తోంది. గెలిస్తే పదవి బాధ్యతలను కూడా అంతే సమర్థంగా నిర్వహిస్తుందనిపిస్తుంది. స్త్రీల సామర్థ్యాలకు అవకాశం దొరకాలే గాని నిరూపణ ఎంత సేపు. – సాక్షి ఫ్యామిలీ 

సాక్షి, విజయవాడ: స్వప్రయోజనాల కోసం ఎన్నికల కమిషనర్ పని చేయకూడదని, ఇతర రాష్ట్రాలతో ఏపీని పోల్చాల్సిన అవసరం లేదని మాజీ ఆర్టీఐ కమిషనర్ విజయబాబు అన్నారు. సోమవారం ఆయన మీడియాతో మాట్లాడుతూ ఎన్నికల నిర్వహణపై ఎస్‌ఈసీ పునరాలోచన చేయాలని సూచించారు. ‘‘ఎన్నికలను ఏకపక్షంగా నిర్ణయం తీసుకుని నిర్వహిస్తామని చెప్పడం భావ్యం కాదు. బీహార్ ఎన్నికల తర్వాత కోవిడ్ కేసులు పెరగటం చూశాం. హైదరాబాద్ ఎన్నికల్లో ఓటర్లు కోవిడ్ భయానికి ప్రజలు ఓటు వేసేందుకు కూడా రాని పరిస్థితి చూశాం. యూఎస్ అధ్యక్ష ఎన్నికల తర్వాత కూడా అధికసంఖ్యలో యూఎస్‌లో కేసులు పెరిగాయని’’ ఆయన పేర్కొన్నారు. ఎన్నికల కమిషనర్ ఓ పార్టీ కనుసన్నల్లోనే నడుస్తున్నట్లు కనిపిస్తుందని.. రాజ్యాంగానికి లోబడి పనిచేయాలన్నారు. విపత్కర పరిస్థితుల్లో ఎన్నికలు నిర్వహించడం సమంజసం కాదని ఆయన స్పష్టం చేశారు. ప్రజల ప్రాణాలను లెక్క చేయకుండా ఎస్‌ఈసీ వ్యవహరిస్తున్నారని విజయబాబు విమర్శించారు.

సాక్షి, అమరావతి: ఆంధ్రప్రదేశ్‌లో స్థానిక ఎన్నికలు నిర్వహించొద్దని హైకోర్టులో ప్రభుత్వం పిటిషన్ దాఖలు చేసింది. ఫిబ్రవరిలో పంచాయతీ ఎన్నికలు నిర్వహణ సాధ్యం కాదంటూ పిటిషన్‌లో పేర్కొంది. ఎస్‌ఈసీ నిర్ణయం సుప్రీంకోర్టు ఆదేశాలకు విరుద్ధంగా ఉందని ప్రభుత్వం తెలిపింది. పిటిషన్‌లో ప్రతివాదిగా ఎన్నికల కమిషన్ కార్యదర్శిని  ప్రభుత్వం చేర్చింది. కరోనా సమయంలో ప్రజారోగ్యం ప్రభుత్వ కర్తవ్యమని ఏపీ ప్రభుత్వం తెలిపింది. రాష్ట్రంలో ఇప్పటికే కరోనాతో 6వేల మంది మరణించారని, ఎన్నికల ప్రక్రియను వెంటనే నిలిపివేసేలా ఆదేశాలివ్వాలని హైకోర్టును ప్రభుత్వం కోరింది. గతంలో కరోనా అంటూ ఎన్నికలు వాయిదా వేసి.. ఇప్పుడు మళ్లీ ఎన్నికలు నిర్వహిస్తామనడంపై పిటిషన్‌లో ప్రభుత్వం అభ్యంతరం వ్యక్తం చేసింది. (చదవండి: సీఎం జగన్‌పై దాఖలైన పిటిషన్లు కొట్టివేత..)

సాక్షి, అమరావతి: ‘స్థానిక ఎన్నికలు కరోనా పూర్తిగా తగ్గిన తర్వాత పెడితే ఏమవుతుంది? తగ్గక ముందే ఎన్నికలు నిర్వహించడం వల్ల విధుల్లో పాల్గొనే ఉద్యోగులెవరికైనా వైరస్‌ సోకి మరణిస్తే అందుకు రాష్ట్ర ఎన్నికల కమిషన్‌ బాధ్యత వహిస్తుందా?’ అని ఏపీ ఎన్జీవో సంఘం అధ్యక్షుడు చంద్రశేఖర్‌రెడ్డి నిలదీశారు. ప్రస్తుత పరిస్థితుల్లో రాష్ట్రంలో స్థానిక సంస్థల ఎన్నికలు జరపాలన్న రాష్ట్ర ఎన్నికల కమిషనర్‌ నిర్ణయాన్ని తాము వ్యతిరేకిస్తున్నామని చంద్రశేఖరరెడ్డి, సంఘ ప్రధాన కార్యదర్శి బండి శ్రీనివాసరావులు ప్రకటించారు. మంగళవారం విజయవాడలో ఏపీ ఎన్జీవో సంఘం వెబ్‌సైట్‌ ప్రారంభోత్సవ కార్యక్రమంలో వారు మాట్లాడారు. ‘కరోనా వల్ల రాష్ట్రంలో ఇప్పటికీ రోజూ పదుల సంఖ్యలో చనిపోతున్నారు. ఇప్పటిదాకా ఉద్యోగులతో సహా మొత్తం 7 వేల మంది చనిపోయారు. ఇలాంటి సమయంలో ఎన్నికలు పెడతామని రాష్ట్ర ఎన్నికల కమిషనర్‌ చెబుతున్నారు. రాష్ట్రంలో రోజుకు కేవలం 20 కేసులు వచ్చినప్పుడే ఎన్నికలను వాయిదా వేసి, ఇప్పుడు వేలల్లో నమోదవుతుంటే ఎన్నికలు పెట్టి ఎంత మందిని చంపాలని చూస్తున్నారు?’ అని చంద్రశేఖర్‌రెడ్డి ప్రశ్నించారు. ‘ప్రస్తుత పరిస్థితుల్లో ఎన్నికలు జరపాలన్న ఎన్నికల కమిషనర్‌ నిర్ణయాన్ని వ్యతిరేకిస్తున్నాం. అవసరమైతే ఉద్యోగ సంఘాల పక్షాన కోర్టుల్లో ఇంప్లీడ్‌ అయ్యి వాదనలు వినిపిస్తాం. ఉద్యోగులు  ఇబ్బంది పడతారన్న ఉద్దేశంతోనే ప్రభుత్వ ప్రధాన కార్యదర్శి ఇప్పుడు ఎన్నికలు మంచిది కాదన్నారు. కరోనా తగ్గిన తర్వాతే ఎన్నికలు జరపాలి. అప్పుడు పని చేసేందుకు ఉద్యోగులు సిద్ధంగా ఉన్నారు..’ అని తెలిపారు.  వచ్చే ఏప్రిల్‌ కల్లా ఉద్యోగుల సమస్యలన్నింటినీ పరిష్కారిస్తానని సీఎం హామీ ఇచ్చారని చంద్రశేఖర్‌రెడ్డి చెప్పారు. వైఎస్‌ జగన్‌ అధికారంలోకి రాగానే ఉద్యోగులకు 27 శాతం ఐఆర్‌ను ప్రకటించారని, ఆర్టీసీ ఉద్యోగులను ప్రభుత్వంలో విలీనం చేసిన ఘనత ఆయనకే దక్కుతుందని శ్రీనివాసరావు గుర్తు చేశారు.  సంఘం ఆర్గనైజింగ్‌ సెక్రటరీ అజయ్‌కుమార్, అసోసియేటెడ్‌ ప్రెసిడెంట్‌ పురుషోత్తంనాయుడు, ఉద్యోగ, ఉపాధ్యాయ, పెన్షనర్ల జేఏసీ సెక్రటరీ జనరల్‌ జోసెఫ్‌ సుధీర్‌బాబు తదితరులు  ఈ కార్యక్రమంలో పాల్గొన్నారు. ప్రజా సంక్షేమంతో పాటే ఉద్యోగుల సంక్షేమం: సజ్జల వీలైనంత ఎక్కువమందికి వీలైనంత ఎక్కువ ప్రయోజనం కలిగించాలన్నదే ముఖ్యమంత్రి ఆలోచన అని వెబ్‌సైట్‌ ప్రారంభించిన రాష్ట్ర ప్రభుత్వ సలహాదారు సజ్జల రామకృష్ణారెడ్డి తెలిపారు. ఆర్థిక ఇబ్బందుల దృష్ట్యా కొంత జాప్యం జరిగినప్పటికీ, రానున్న రోజుల్లో ఉద్యోగుల సమస్యలను పరిష్కరించే దిశలో సీఎం జగన్‌ ముందడుగు వేస్తారని చెప్పారు. ప్రజలకే  సంతృప్త స్థాయిలో సంక్షేమ పథకాలను అమలు చేస్తున్న జగన్‌ వాటిని అమలు చేసే ఉద్యోగుల సమస్యలను పరిష్కరించడానికి ఎందుకు వెనుకాడుతారని ప్రశ్నించారు.   

సాక్షి, విజయవాడ: కరోనా కేసులు, రాష్ట్రంలోని పరిస్థితులు పరిగణనలోకి తీసుకునే ఎన్నికలకు ఈసీ ముందుకెళ్లాలని సీపీఎం రాష్ట్ర కార్యదర్శి మధు కోరారు. గురువారం ఆయన మీడియాతో మాట్లాడుతూ ప్రభుత్వం, ఎన్నికల కమిషనర్ సమన్వయంతో స్థానిక సంస్థల ఎన్నికలు జరిగాలన్నారు. సెకండ్ వేవ్ వస్తుందని కొట్టొచ్చినట్టు కనబడుతోందని, ప్రపంచ దేశాలతో పాటు దేశంలోని వివిధ రాష్ట్రాల్లో ప్రమాద పరిస్థితులు కనబడుతున్నాయని పేర్కొన్నారు. దీనిపై నిర్లక్ష్యం పనికిరాదన్నారు. (చదవండి: ఆంధ్రజ్యోతి ఆనాడు ఎందుకు రాయలేదు..?) ‘‘బీజేపీతో కలిశాక పవన్‌కల్యాణ్‌కు తొలిచిన ఆలోచననే జమిలి ఎన్నికల మాట. జమిలి ఎన్నికలు వస్తే జనసేన లాంటి ప్రాంతీయ పార్టీలకే ప్రమాదం. అధికారంలో ఉన్న బీజేపీ.. దేశాన్ని కార్పొరేట్లకు కట్టబెడుతుంది. సోము వీర్రాజు  తల, తోక లేని రాజకీయాలను రాష్ట్రంలో నడుపుతున్నారు. మతోన్మాదం మీద ఆధారపడ్డ పార్టీ బీజేపీ.  దేశం మొత్తాన్ని కార్పొరేట్‌లకు బీజేపీ  తాకట్టు పెడుతుంది. వామపక్షాలు నాడు దేశ స్వాతంత్రం కోసం పోరాడాయి. నేడు రైతుల కోసం ఉద్యమిస్తున్నాయి. బీజేపీ రైతాంగానికి వ్యతిరేకంగా చట్టాలు చేసినప్పుడు సోము వీర్రాజు ఎక్కడున్నారు..?. కార్మిక చట్టాలు కాల రాసినప్పుడు నోరు మెదపలేదే’’ అని మధు ప్రశ్నించారు. (చదవండి: పెట్టుబడి.. గిట్టుబాటు కావాలి: సీఎం జగన్‌)

సాక్షి, విశాఖపట్నం: స్థానిక సంస్థల ఎన్నికల నిర్వహణ పై ఎన్నికల కమిషన్ పునరాలోచన చేయాలని ఏపీ బీసీ ఉద్యోగుల ఫెడరేషన్‌ అధ్యక్షుడు పోలాకి శ్రీనివాస్ కోరారు. కరోనా నేపథ్యంలో స్థానిక సంస్థల ఎన్నికల నిర్వహణ తగదని, కరోనా తగ్గిన తర్వాత స్థానిక సంస్థల ఎన్నికలు నిర్వహిస్తే మంచిదని పేర్కొన్నారు. రోజుకి మూడు, నాలుగు వేలు కరోనా కేసుల నేపథ్యంలో ఎన్నికల వాయిదా వేయాలని విజ‍్ఞప్తి చేశారు. ఉద్యోగులకు ఏమైనా జరిగితే ఎవరు బాధ్యత వహిస్తారని ప్రశ్నించారు. స్థానిక సంస్థల ఎన్నికల పేరుతో ఉద్యోగులను బలి చేయొద్దని కోరారు.

సాక్షి, తాడేపల్లి :  రాజ్యాంగ వ్యవస్థలో ఉంటూ ఎలక్షన్‌ కిమషనర్‌ నిమ్మగడ్డ రమేష్‌ నీతి, న్యాయం పాటించకుండా దిగజారి ప్రవర్తిస్తున్నారని ప్రభుత్వ చీఫ్‌ విప్‌ గడికోట శ్రీకాంత్‌ రెడ్డి వ్యాఖ్యానించారు. వాస్తవాలను ప్రజలకు వివరించే ప్రయత్నమే తాము చేస్తున్నామని, ఎవరిని టార్గెట్ చేయాలనే ఉద్దేశం తమకు లేదని స్పష్టం చేశారు. తాడేపల్లిలోని వైఎస్సార్‌ కాంగ్రెస్‌ పార్టీ కేంద్ర కార్యాలయంలో శ్రీకాంత్‌ రెడ్డి మట్లాడుతూ.. ఎన్నికల నిర్వహణకు సిద్దంగా ఉన్నామని ఎస్‌ఈసీ  నిమ్మగడ్డ రమేశ్‌ ‌కుమార్ హైకోర్టులో నిన్న(మంగళవారం) అఫిడవిట్ వేసినట్లు పత్రికల్లో వచ్చిందన్నారు. హైకోర్టుకు  నిన్ననే ఈసీ నివేదించినట్లు పత్రికల్లో వచ్చిందని, హైకోర్టులో మాత్రం ఆ అఫిడవిట్ ఈ రోజు ఫైల్ అయినట్లుగా ఉందని పేర్కొన్నారు. ముందుగానే పత్రికలకు నిమ్మగడ్డ రమేష్ ఎందుకు లీక్ చేశారని ప్రశ్నించారు. ఇలాంటి వ్యక్తి నిజాయితీగా వ్యవహరిస్తారని ఎలా నమ్మాలని నిలదీశారు. ఈ విషయంతో చంద్రబాబు ఆదేశాలతో నిమ్మగడ్డ పనిచేస్తున్నట్లు తేలిందన్నారు. చదవండి: ఏపీలో పనిచేస్తూ.. హైదరాబాద్‌లో నివాసమా! సొంత ప్రయోజనాల కోసం, స్వార్థం కోసం వ్యవస్థలను తాకట్టు పెడుతున్నారని శ్రీకాంత్‌ రెడ్డి మండిపడ్డారు. అఫిడవిట్ సంబంధించిన రిపోర్టులను ముందుగానే ఎందుకు పత్రికలకు ఇచ్చారుని ప్రశ్నించారు. రెండు కేసులు వచ్చి నపుడు కరోనా పేరు చెప్పి ఎన్నికలను వాయిదా వేసిన ఆయన ఇప్పడు సరాసరిగా ౩ వేల కరోనా కేసులు రోజుకు వస్తున్నాయి. అయినా ఈ పరిస్థితుల్లో ఎన్నికలను నిమ్మగడ్డ రమేష్ ఎలా నిర్వహిస్తారో చెప్పాలని డిమాండ్‌ చేశారు. గతంలో రాష్ట్ర ఎన్నికల కమిషనర్ ద్వివేదిని చంద్రబాబు బెదిరించారని, రాజ్యాంగ  వ్యవస్థలను గౌరవించే తత్వం చంద్రబాబుకు లేదని దుయ్యబట్టారు. చంద్రబాబు చెప్పినట్లుగా  ఎస్ఈసీ రమేష్ పని చేస్తున్నారన్న శ్రీకాంత్‌ రెడ్డి  స్వార్థం కోసం చంద్రబాబు వ్యవస్థలను సర్వనాశనం చేస్తున్నారని విమర్శించారు. ఇంట్లోంచి బయటకు రాని నాయకుడు చంద్రబాబు. జూమ్ మీటింగ్‌లలో ప్రభుత్వంపై చంద్రబాబు బురద జల్లుతున్నారు. చదవండి: 'ప్రతీది వక్రీకరించటం చంద్రబాబుకు అలవాటే' ‘మూసేసిన పార్టీకి గడపదాటని నాయకుడు చంద్రబాబు. ప్రతిపక్ష నాయకుడిగా చంద్రబాబు ఏమీ చేయడం లేదు. అమరావతిలో చంద్రబాబు చేసిన అభివృద్ది శూన్యం. అమరావతిలో చంద్రబాబు అడుగుకు 12వేలు దోచుకుని సర్వనాశనం చేశారు. విజయవాడలో దుర్గ వారధిని కూడా కొద్దిగా చేసి వదిలేస్తే ముఖ్యమంత్రి వైఎస్‌ జగన్ పూర్తి చేశారు. పోలవరం ప్రాజెక్టు పేరిట చంద్రబాబు  వేల కోట్లు దోచుకున్నారు. రివర్స్ టెండరింగ్‌లో ప్రభుత్వం 800 కోట్లను మిగిల్చింది. కాంట్రాక్టులు, కమిషన్లు  కక్కుర్తి కోసం కేంద్రం నుంచి పోలవరం ప్రాజెక్టును చంద్రబాబు తీసుకున్నారు. పేదలకు 30లక్షల పట్టాలు రాకుండా చేసింది చంద్రబాబే ఇప్పుడేమో అర్హులతో ఇళ్లు స్వాధీనం చేసుకుంటామని దుర్మార్గంగా మాట్లాడుతున్నారు. చంద్రబాబు వ్యాఖ్యల్ని తీవ్రంగా ఖండిస్తున్నాం. మా వైపు తప్పులు ఉంటే  మేము సరి చేసుకుంటాం. కులాలు మతాల మధ్య తగాదాలు పెట్టింది తెదేపానే. ఒట్ల కోసం చంద్రబాబు ఎంతకైనా దుగజారుతారు. సంక్షేమ పథకాలపై ఎక్కడైనా సరే చర్చించేందుకు మేము సిద్దం’ అని పేర్కొన్నారు.  రాజధాని పేరిట చంద్రబాబు బినామీ ఉద్యమం 

సాక్షి, విజయవాడ: రాష్ట్ర ఎన్నికల కమిషనర్‌ నిమ్మగడ్డ రమేష్ కుమార్ నిజస్వరూపం అందరికి తెలిసిపోయిందని బీసీ సంక్షేమ శాఖ మంత్రి చెల్లుబోయిన వేణుగోపాలకృష్ణ అన్నారు. గురువారం ఆయన మీడియాతో మాట్లాడుతూ, ‘26 కరోనా కేసులున్నప్పుడు ఎన్నికలను వాయిదా వేసి 26 వేల కేసులున్నప్పుడు పెడతామని ఎలా అంటారు? అని ప్రశ్నించారు. ప్రభుత్వంతో సంప్రదించకుండా ఎన్నికలు కమిషన్ నిర్ణయం తీసుకోవడం సరికాదు అన్నారు. గతంలో వాయిదా వేసినప్పుడు ఎందుకు రాజకీయ పార్టీలతో చర్చించలేదు అని అన్నారు. అచ్చెన్నాయుడు పోలీస్‌లకు బహిరంగ క్షమాపణ చెప్పాలి అని డిమాండ్‌ చేశారు. స్థానిక ఎన్నికలంటే భయపడాల్సిన అవసరం తమకు లేదని అన్నారు. సోనియా గాంధీని ఢీకొని సింగిల్‌గా ఎన్నికలకు వెళ్లిన చరిత్ర ముఖ్యమంత్రి జగన్‌మోహన్‌ రెడ్డిది అని అన్నారు. టీడీపీకి 50 నియోజకవర్గాల్లో ఇంచార్జ్‌లే లేరని, వాళ్ళకి ఎన్నికల్లో పోటీ చేయడానికి అభ్యర్థులే లేరని ఎద్దేవా చేశారు. ‘వాళ్ళకి మేం భయపడేది ఏంటి’ అని ధీమా వ్యక్తం చేశారు. ముఖ్యమంత్రి వైఎస్‌ జగన్‌మోహన్ రెడ్డి 16 నెలల పాలనతో టీడీపీకి ఓటేసేవాడే లేడని తేలిపోయిందన్నారు. చంద్రబాబు రాష్ట్రానికే రావట్లేదని, ఇక ఎన్నికల్లో వాళ్లెం చెయ్యగలరు అని అన్నారు.  చదవండి: పేదల ద్రోహి చంద్రబాబు 

సాక్షి, అమరావతి: రాష్ట్రంలో మధ్యలో నిలిచిపోయిన స్థానిక సంస్థల ఎన్నికలను తిరిగి నిర్వహించే అంశంపై చర్చించేందుకు ఈ నెల 28న వివిధ రాజకీయ పార్టీలతో సమావేశం ఏర్పాటు చేస్తున్నట్టు రాష్ట్ర ఎన్నికల కమిషనర్‌ నిమ్మగడ్డ రమేశ్‌ కుమార్‌ గురువారం రాత్రి ఒక ప్రకటనలో తెలిపారు. విజయవాడలోని రాష్ట్ర ఎన్నికల కమిషన్‌ కార్యాలయంలో ఈ సమావేశం ఉంటుందని పేర్కొన్నారు. రాజకీయ పారీ్టల నుంచి అభిప్రాయాలను సేకరించాక తదుపరి కార్యాచరణకు సంబంధించి ప్రభుత్వంతో చర్చిస్తామన్నారు. చదవండి: జనం సొమ్ముతో హైదరాబాద్‌లో ఇల్లా?

సాక్షి, అమరావతి: మద్యం, ధనం ప్రభావమన్నది లేకుండా నిష్పక్షపాతంగా  స్థానిక సంస్థల ఎన్నికలను నిర్వహించేందుకు ఇటీవల అనేక సంస్కరణలకు శ్రీకారం చుట్టిన ముఖ్యమంత్రి వైఎస్‌ జగన్‌ ప్రభుత్వం.. తాజాగా మరో కీలక నిర్ణయం తీసుకుంది. హైకోర్టు రిటైర్డ్‌ న్యాయమూర్తిని రాష్ట్ర ఎన్నికల కమిషనర్‌ (ఎస్‌ఈసీ)గా నియమించేలా చట్టానికి సవరణ చేస్తూ ఆర్డినెన్స్‌ తీసుకొచ్చింది. ఈ మేరకు పంచాయతీరాజ్‌ చట్టం–1994 సెక్షన్‌–200కు చేసిన సవరణల ఆర్డినెన్స్‌కు గవర్నర్‌ విశ్వభూషణ్‌ ఆమోద ముద్ర వేయడంతో రాష్ట్ర ప్రభుత్వం శుక్రవారం ఉత్తర్వులిచ్చింది. పారదర్శకత కోసమే.. ► ఇప్పటి వరకు రిటైర్డ్‌ ఐఏఎస్‌ అధికారులు రాష్ట్ర ఎన్నికల కమిషనర్లుగా నియమితులవుతూ వచ్చారు. ఇక మీదట హైకోర్టు రిటైర్డ్‌ జడ్జి.. ఎస్‌ఈసీ కానున్నారు.  ► రిటైర్డ్‌ ఐఏఎస్‌లు ప్రభుత్వ పెద్దల వద్ద పని చేసి ఉండటం వల్ల చాలా సందర్భాల్లో వారి ‘నిష్పాక్షికత’ ప్రశ్నార్థకంగా మారుతోంది. ఈ నేపథ్యంలో స్థానిక సంస్థల ఎన్నికలను పారదర్శకంగా, నిష్పాక్షికంగా నిర్వహించాలనే లక్ష్యంతో ఎన్నికల సంస్కరణల్లో కొనసాగింపుగా ఎస్‌ఈసీగా హైకోర్టు రిటైర్డ్‌ జడ్జిని నియమించాలని రాష్ట్ర ప్రభుత్వం నిర్ణయం తీసుకుంది.  ► ఈ నిర్ణయం దేశంలో స్థానిక సంస్థల ఎన్నికల నిర్వహణలో నూతన ఒరవడి సృష్టించనుంది. హైకోర్టు రిటైర్డ్‌ జడ్జి నేతృత్వంలో స్థానిక సంస్థల ఎన్నికలు నిర్వహించడం దేశంలో ఇదే ప్రథమం కానుంది. ఇందువల్ల అత్యంత పారదర్శకంగా, నిష్పాక్షికంగా ఎన్నికలు జరిగే అవకాశం ఉంటుందని ప్రజాస్వామ్యవాదులు, న్యాయనిపుణులు, విశ్లేషకులు, మేధావివర్గాలు అభిప్రాయ పడుతున్నారు. ఆదిలోనే ఎన్నికల సంస్కరణకు శ్రీకారం  ► పంచాయతీ రాజ్, మున్సిపల్‌ ఎన్నికల్లో ఓటర్లను ప్రలోభ పెట్టడానికి అభ్యర్థులు మద్యం, డబ్బులు పంపిణీ వంటి చట్ట వ్యతిరేక కార్యక్రమాలకు పాల్పడినట్లు రుజువైతే అటువంటి వారు గెలిచినప్పటికీ ఆయా పదవుల్లో కొనసాగటానికి అనర్హులుగా పరిగణించేలా రాష్ట్ర ప్రభుత్వం ఫిబ్రవరిలో సంస్కరణలకు శ్రీకారం చుట్టడం తెలిసిందే.  ► గ్రామ పంచాయతీలకు, మున్సిపాలిటీ పాలక వర్గాలకు మరిన్ని అధికారాలు కల్పిస్తూ చట్ట సవరణ చేసింది. ► ప్రస్తుతం అనుసరిస్తున్న సుదీర్ఘమైన స్థానిక సంస్థల ఎన్నికల షెడ్యూల్‌ను ప్రలోభాలకు తావివ్వని విధంగా  కేవలం 13 రోజుల వ్యవధికి తగ్గించింది.  ► ఎన్నికల్లో గెలిచిన తర్వాత గ్రామ పంచాయతీ సర్పంచ్‌ సంబంధిత గ్రామంలోనే నివసించాలని, గ్రామ పంచాయతీ కార్యాలయానికి క్రమం తప్పకుండా హాజరు కావాలని నిబంధన విధించింది.  ► ప్రత్యక్షంగా లేదా పరోక్షంగా ఓటర్లను ప్రలోభ పెట్టడం, ఎన్నికల ప్రక్రియలో పాల్గొనకుండా చేయటం వంటి నేరాలకు పాల్పడినట్లయితే 3 ఏళ్ల వరకు జైలు శిక్షతో పాటు రూ.10,000 వరకు జరిమానా విధించడానికి అవకాశం కల్పిస్తూ చట్టంలో మార్పులు చేసింది.   గరిష్టంగా రెండు పర్యాయాలు ► రాష్ట్ర ఎన్నికల కమిషనర్‌ పదవీ కాలాన్ని 5 ఏళ్ల నుంచి 3 ఏళ్లకు కుదించినట్లు ఆర్డినెన్స్‌లో పేర్కొన్నారు. మరో 3 సంవత్సరాల పదవీ కాలాన్ని గవర్నర్‌ తన అభీష్టం మేరకు పొడిగించడానికి అవకాశం కల్పించారు. ► ఒక వ్యక్తిని గరిష్టంగా ఎస్‌ఈసీగా రెండు పర్యాయాలు (3+3 ఏళ్లు) మాత్రమే కొనసాగించాలని పరిమితి విధించారు. ► ప్రస్తుతం ఎస్‌ఈసీగా పని చేస్తున్న రిటైర్డ్‌ ఐఏఎస్‌ అధికారి నిమ్మగడ్డ రమేష్‌కుమార్‌ 2016 ఏప్రిల్‌ 1వ తేదీన ఆ బాధ్యతల్లో చేరారు. నాలుగేళ్లకు పైగానే ఆ బాధ్యతల్లో కొనసాగుతున్నారు. తాజా ఆర్డినెన్స్‌ ప్రకారం.. ఎస్‌ఈసీ పదవీకాలం మూడేళ్లు. ఫలితంగా నిమ్మగడ్డ పదవీకాలం పూర్తయింది. దీంతో ఆయన స్థానంలో.. ఆర్డినెన్స్‌లో పేర్కొన్న నిబంధనల ప్రకారం కొత్త ఎస్‌ఈసీని నియమించాల్సిన పరిస్థితి ఏర్పడింది.

పెనుకొండ: తీసుకున్న డబ్బు వాపస్‌ చేయకపోతే చస్తారంటూ పెనుకొండ నియోజవకర్గం టీడీపీ నాయకులను ఆ పార్టీ జిల్లా అధ్యక్షుడు బీకే పార్థసారథి తీవ్రంగా హెచ్చరించారు. వివరాల్లోకి వెళితే.. స్థానిక సంస్థల ఎన్నికల నేపథ్యంలో రొద్దం జెడ్పీటీసీ స్థానానికి టీడీపీ నుంచి గాండ్ల విశాలాక్షి నామినేషన్‌ దాఖలు చేశారు. ఎన్నికల్లో విజయమే లక్ష్యంగా బరిలో నిలిచిన నియోజకవర్గంలోని  ఎంపీటీసీ అభ్యర్థుల ఖర్చులకు తన సొంత డబ్బు రూ.కోటి వరకు వెచ్చించేందుకు సిద్ధమైన ఆమె ఆ మొత్తాన్ని పార్టీ అధ్యక్షుడు బీకే పార్థసారథికి అందజేసినట్లు సమాచారం. అయితే ఎన్నికలు వాయిదా పడడంతో తాను ఇచ్చిన డబ్బు వాపసు చేయాలంటూ బీకేపై ఆమె ఒత్తిడి చేశారని తెలిసింది. దీంతో నియోజకవర్గంలోని టీడీపీ నాయకులు, ఎంపీటీసీ టీడీపీ అభ్యర్థులను బుధవారం రొద్దంకు రప్పించుకుని బీకే సమావేశమయ్యారు. తాను ఇచ్చిన డబ్బు వెంటనే వాపసు చేయాలని లేకపోతే చస్తారంటూ హుకుం జారీ చేయడంతో నాయకులు బిత్తరపోయారు. ఎన్నికలు సకాలంలో జరుగుతాయనే ఉద్దేశంతో ఇప్పటికే ఆ డబ్బు తాము ఖర్చు చేశామని, ఇప్పటికిప్పుడు వాపసు చేయాలంటే ఎక్కడి నుంచి తెచ్చేదంటూ పలువురు వాపోతున్నారు. అయినా పార్టీ అధ్యక్షుడు ససేమిరా అంటూ గడువు విధించి, ఆ లోపు డబ్బు ఇవ్వకపోతే తీవ్ర పరిణామాలు ఉంటాయని అల్టిమేటం జారీ చేసినట్లు చర్చ జరుగుతోంది.

సాక్షి, గుంటూరు: స్థానిక సంస్థల ఎన్నికల్లో టీడీపీ తరఫున పోటీ చేయడానికి కింది స్థాయి క్యాడర్‌ కూడా వెనుకడుగు వేసింది. బరిలో నిలవడానికి ఎవ్వరు ముందుకు రావడం లేదు. దీంతో పరువు పోతుందని భావించిన టీడీపీ నాయకులు కొత్త ఎత్తుగడ వేశారు. ప్రశాంతగా వాతావరణాన్ని రణరంగంగా మర్చే ఎత్తుగడ వేశారు. ఇందులో భాగంగా వెల్దుర్తి మండలం బోదలవీడులో తమ పార్టీ కార్యకర్తలను నామినేషన్‌లు వేయకుండా ఇబ్బందులు పెడుతున్నారని, ఈ విషయంపై పోలీసులకు ఫిర్యాదు సాకుతో ఎమ్మెల్సీ బుద్దా వెంకన్న, మాజీ ఎమ్మెల్యే బొండా ఉమామహేశ్వరరావులను చంద్రబాబు మాచర్లకు పంపారు. ఓ పథకం ప్రకారం టీడీపీ నాయకులు గత బుధవారం మాచర్లకు వెళ్లారు. అక్కడి ప్రజలను రెచ్చగొట్టే చర్యలకు పాల్పడ్డారు. ఈ క్రమంలో స్థానికులు ఆగ్రహానికి గురై ఆవేశంలో టీడీపీ నాయకుల కారుపై దాడి చేయడాన్ని ఆ పార్టీ నాయకులే వ్యూహం ప్రకారం వీడియోలు చిత్రీకరించారు. వైఎస్సార్‌ సీపీ శ్రేణులు పథకం ప్రకారం తమపై దాడి చేశాయని ఆరోపించారు. తమకు రక్షణ కల్పించడంతో పోలీసుల వైఫల్యం ఉందని కలరింగ్‌ ఇచ్చారు. సీన్‌ కట్‌ చేస్తే మాచర్ల ఘటనపై రూరల్‌ ఎస్పీ, మాచర్ల టౌన్‌ సీఐలపై చర్యలకు ఈసీ సిఫార్సు చేసింది. ఈ మొత్తం వ్యవహారాన్ని గమనిస్తే ఎన్నికల ప్రక్రియను భంగం కలిగించాలని టీడీపీ పన్నిన కుట్రలో పోలీసులు బలయ్యారని విమర్శలు వినిపిస్తున్నాయి.  పక్కా ప్లాన్‌తో.. పథకం ప్రకారం టీడీపీ నాయకులు ప్రజలను రెచ్చగొట్టి ఏ చిన్న ఘటనలు చోటు చేసుకున్నా వీడియోలు ఫొటోలు చిత్రీకరించేలా వ్యూహాలు రచించారు. ఇందులో భాగంగా టీడీపీ నాయకుల రెచ్చగొట్టే చర్యలకు ఆవేశంతో స్థానికులు దాడి చేయడానికి బుద్దా, బొండా ఉమాల కారును వెంబడిస్తుంటే వారి వెనుక కారులో ప్రయాణిస్తున్న వారు వీడియోలు చిత్రీకరించారే తప్ప పోలీసులకు ఫోన్‌ కూడా చేయలేదు. సాధారణంగా అపాయం, ప్రాణాపాయ సమయంలో ఎవరైనా వెంటనే పోలీసులకు ఫోన్‌ చేసి రక్షించాలని కోరతారు. అయితే మాచర్ల ఘటనలో టీడీపీ నాయకులు అలాంటి ఆలోచననే చేయలేదు. సున్నిత ప్రాంతం అని తెలిసి కూడా.. పల్నాడు ప్రాంతం అతిసున్నితమైనదని మాజీ సీఎం చంద్రబాబు నాయుడుకు తెలుసు.  అయినా గుంటూరు జిల్లాలో ఉన్న మాజీ మంత్రులు, మాజీ ఎమ్మెల్యేలు, పార్టీ సీనియర్‌ నాయకులను కాదని కృష్ణా జిల్లా నుంచి మాజీ ఎమ్మెల్యే బొండా ఉమామహేశ్వరరావు, ఎమ్మెల్సీ బుద్దా వెంకన్నలను మాచర్లకు పంపడం రాజకీయ ఎత్తుగడలో భాగమేనని విమర్శలొస్తున్నాయి. ఇతర ప్రాంతాల నుంచి రాజకీయ నాయకులు ఏదైనా నియోజకవర్గంలోకి వెళ్లే ముందు ఆ ప్రాంతం, ఆ నియోజకవర్గ ఇన్‌చార్జిలకు సమాచారం ఇస్తారు. అయితే టీడీపీ నాయకులు బుద్దా వెంకన్న, బొండా ఉమ మాచర్లకు వస్తున్న విషయం తనకు తెలియదని ఆ నియోజకవర్గ ఇన్‌చార్జి చలమారెడ్డి పోలీసు అధికారులకు చెప్పినట్లు తెలుస్తోంది. మరో వైపు పోలీసులకు సైతం ముందస్తు సమాచారం ఇవ్వకుండా పల్నాడు ప్రాంతానికి వెళ్లి కుట్ర పూరితంగా వ్యవహరించిన టీడీపీ నాయకులు పోలీసుల వైఫల్యం వల్లే తమపై దాడి జరిగిందని విమర్శిస్తున్నారు. టీడీపీ నుంచి అభ్యర్థులు నామినేషన్‌లు వేయకుండా పోలీసులే బెదిరించారని ఆరోపిస్తున్నారు. ఈ నేపథ్యంలో పోలీస్‌ వ్యవస్థపై టీడీపీ వ్యవహరిస్తున్న తీరు విస్మయానికి గురి చేస్తోందని పోలీస్‌ శాఖ సీనియర్‌ అధికారులు మండిపడుతున్నారు. టీడీపీ పన్నిన కుట్రల్లో పోలీసులు బలవుతున్నారని పోలీస్‌ వర్గాల్లో చర్చ నడుస్తోంది.

నువ్వొద్దుబాబూ అంటూ జనం భూస్థాపితం చేయగా...లోలోన కుళ్లిపోయిన చంద్రబాబు...ఇప్పుడు జనంపై పగ తీర్చుకునేందుకు కోవిడ్‌ పేరుతో అంతకంటే భయంకర రూపం దాల్చాడు. రాష్ట్ర అభివృద్ధిని అడ్డుకునేందుకు బూతంలా మారాడు. లోలోన మంత్రాంగం నడిపి స్థానిక సంస్థల ఎన్నికలు వాయిదా పడేలా చేశాడు. మార్చి 31వ తేదీ లోగా స్థానిక సంస్థల ఎన్నికలు పూర్తికాకపోతే 14వ ఆర్థిక సంఘం నుంచి జిల్లాకు విడుదల కావాల్సిన రూ.250 కోట్లు నిలిచిపోనుండగా...ప్రజలంతా ఆందోళన చెందుతున్నారు. అనంతపురం: దేశానికి గ్రామాలే పట్టుకొమ్మలు... ఇలాంటి గ్రామాలకు  రెండేళ్లుగా నిధులు లేక అభివృద్ధి పడకేసింది. ఏడాదిన్నరకు పైగా పంచాయతీల ఖజానాల్లో పైసా లేక తీవ్ర ఇబ్బందులు పడుతున్నారు. కొన్ని పంచాయతీల్లో  రూ.లక్షలు చేతినుంచి ఖర్చు చేసిన కార్యదర్శులు నిధుల కోసం ఎదురు చూస్తున్నారు. సాధారణ నిధులు అవకాశం ఉన్న పంచాయతీల్లో కాస్తోకూస్తో ఫర్వాలేదు కానీ, మధ్య, చిన్నస్థాయి పంచాయతీల్లో పరిస్థితి ఘోరంగా ఉంది.  జిల్లాలోని 1,044 పంచాయతీల్లో దాదాపు 29 లక్షలకు పైగా జనాభా ఉన్నారు. అభివృద్ధిలో భాగంగా ఏడాదికి ఒక్కొక్కరికి రూ. 500 చొప్పున నిధులను కేంద్రం విడుదల చేస్తోంది. ఇందులో భాగంగా 14వ ఆర్థిక సంఘం నిధులకు సంబంధించి 2018 జూన్‌ వరకు నిధులు వచ్చాయి. అప్పటి నుంచి పెండింగ్‌ ఉన్నాయి. గత టీడీపీ ప్రభుత్వం సకాలంలో స్థానిక సంస్థల ఎన్నికలు నిర్వహించలేదు. పైగా గత పాలకవర్గాలు పంచాయతీల్లో పైసా ఉంచకుండా ఉన్న నిధులన్నీ భోంచేశారు. దీంతో గ్రామాల్లో తాగునీరు సమస్య తాండవిస్తోంది. పారిశుద్ధ్య పడకేసింది. 2018–19 సంవత్సరానికి సంబంధించి ఆర్నెళ్లు, 2019–20కు సంబంధించి పూర్తి కోటా కేంద్రం నిధులు రావాల్సి ఉంది. ఈ లెక్కన జిల్లాలోని పంచాయతీలకు దాదాపు రూ. 221 కోట్ల దాకా రావాల్సి ఉంది. అలాగే మున్సిపాల్టీలకు సంబంధించి రూ. 29 కోట్లు కలిపి మొత్తం రూ. 250 కోట్లు కేంద్రం నుంచి రావాల్సి ఉంది. ఈనెల 31లోగా స్థానిక సంస్థల ఎన్నికలు పూర్తయితేనే ఈ నిధులు వస్తాయి. లేదంటే ఈ నిధులన్నీ వెనక్కు పోయే ప్రమాదముందని అధికారులు చెబుతున్నారు.   ఎన్నికల కమిషన్‌ ఆదేశాలతో ఎక్కడికక్కడే స్థానిక సంస్థల ఎన్నికల ప్రక్రియను ఆరు వారాల పాటు వాయిదా వేస్తూ ఎన్నికల కమిషన్‌ నిర్ణయించడంతో ప్రక్రియ ఎక్కడికక్కడే ఆగిపోయింది. జిల్లాలో 841 ఎంపీటీసీ స్థానాలకు గాను 50 చోట్ల ఏకగ్రీవం అయ్యాయి. వైఎస్సార్‌సీపీ అభ్యర్థులు 49 మంది, టీడీపీ అభ్యర్థి ఒకరు ఏకగ్రీవమయ్యారు. ఏకగ్రీవమైన అభ్యర్థులను అధికారికంగా ప్రకటించారు. తక్కిన స్థానాలకు ఈనెల 21న పోలింగ్‌ ఉండేది. బరిలో నిలిచే అభ్యర్థులు శనివారం ఖరారు కావడంతో అదేరోజు రాత్రే  బ్యాలెట్ల ప్రింటింగ్‌ ప్రక్రియ ప్రారంభమైంది. అయితే బ్యాలెట్‌ పేపర్ల ప్రింటింగ్‌ నిలపకుండా పూర్తి చేసేసి మండలాలకు తరలించి స్ట్రాంగు రూంల్లో భద్రపరిచేలా జిల్లా అధికార యంత్రంగా చర్యలు తీసుకుంటోంది. ఇక అవసరమైన బ్యాలెట్‌ బాక్సులు ఇప్పటికే అన్ని మండలాలకు  తరలించారు. పీఓ, ఏపీఓలు, ఓపీఓల నియామం కూడా పూర్తయింది. విధుల కేటాయింపునకు పరిశీలకుల సమక్షంలో  ఆదివారం ర్యాండమైజేషన్‌ జరగాల్సి ఉండగా ఈ ప్రక్రియ నిలిచిపోయింది. పంచాయతీ ఎన్నికలకు సంబంధించి నియామకమైన స్టేజ్‌–1 అధికారులకు శిక్షణ జరుగుతుండగా ఆదివారం మధ్యాహ్నానికి నిలుపుదల చేశారు. మైక్రో పరిశీలకులకు శిక్షణ కూడా ఈనెల 17న జరగాల్సి ఉండగా అదీ వాయిదా పడింది. కాగా ఎన్నికల కోడ్‌ మాత్రం ఈ ఆరు వారా>ల పాటు ఎన్నికల  అమలులో ఉంటుందని ఎన్నికల కమిషన్‌ ఉత్తర్వులు జారీ చేసింది.   

మచిలీపట్నం:  మచిలీపట్నంలోని భాస్కరపురంలో ఏర్పాటు చేసిన నామినేషన్‌ స్వీకరణ కేంద్రంలో శుక్రవారం వివాదం చోటుచేసుకుంది. సమ యం దాటిన తరువాత కూడా నామినేషన్‌ పత్రాలను అభ్యర్థుల నుంచి తీసుకోవటంపై వైఎస్‌ఆర్‌సీపీ నాయకులు తీవ్ర అభ్యంతరం వ్యక్తం చేశారు. భాస్కర పురం పాఠశాల భవనంలో ఏర్పాటు చేసిన కేంద్రంలో నగర పాలక సంస్థ పరిధిలో 10,11,12 డివిజన్లుకు సంబంధించిన అభ్యర్థుల నుంచి నామినేషన్‌ పత్రాలు తీసుకునేందుకు ఏర్పాట్లు చేశారు. శుక్రవారం ఆఖరి రోజు కావటంతో నామినేషన్‌ పత్రాలు దాఖలకు అధిక సంఖ్యలో అభ్యర్థులు కేంద్రానికి వచ్చారు.  మధ్యా హ్నం 3 గంటలు వరకు వచ్చిన నామినేషన్లు మా త్రమే పరిగణలోకి తీసుకోవాలి. అయితే భాస్కర పురంలో కేంద్రంలో 3 గంటల తరువాత కూడా నామినేషన్లు తీసుకున్నారనే సమాచారం తెలుసుకున్న మున్సిపల్‌ కౌన్సిల్‌ మాజీ చైర్మన్, వైఎస్సార్‌సీపీ  పట్టణ అధ్యక్షులు షేక్‌ సలార్‌దాదా, మార్కెట్‌ కమిటీ చైర్మన్‌ షేక్‌ అచ్చెబా, నగర పాలక సంస్థ కార్పొరేటర్లుగా పోటీ చేస్తున్న పలువురు అభ్యర్థులు కేంద్రానికి చేరుకొని, దీనిపై కేంద్రం రిటర్నింగ్‌ అధికారిని వివరణ కోరారు. విషయం తెలుసుకున్న మచిలీపట్నం ఎస్‌ఐ రాజేష్‌ తమ సిబ్బందికి అక్కడికి చేరుకొని పరిస్థితిని సమీక్షించారు. కేంద్రంలోకి ఎవ్వరనీ వెళ్లనీయకుండా బయటనే ఉంచారు. అయితే 3 గంటల తరువాత 11వ డివిజన్‌కు దేవబత్తిని నిర్మల, 12వ డివిజన్‌లో చిన్నం రజని, కాకి సునీత నామినేషన్లు అందాయని కేంద్రం రిటర్నింగ్‌ అధికారి ఎస్‌.ఉమాదేవి తెలిపారు.  నిబంధనల మేరకు వ్యవహరిస్తామని,  సమయం మించిన తరువాత ఆ ముగ్గురు అభ్యర్థుల «నామినేషన్‌ పత్రాలు వచ్చినందున వాటిని తిరస్కరిస్తామని వెల్లడించారు. అయితే ఇదే విషయాన్ని తమకు ధృవీకరించి ఇవ్వాలని నాయకులు పట్టుబట్టారు. చివరిలో వచ్చిన చాలా నామినేషన్‌ పత్రాల్లో సరైన పత్రాలు సమర్పించలేదనే అనుమానాలు మాకు ఉన్నాయని, వీటిని నివృత్తి చేయాలని షేక్‌ సలార్‌ దాదా కోరారు. ఈ విషయాన్ని నగర పాలక సంస్థ కమిషనర్‌ దృష్టికి అక్కడ నుంచే ఫోన్‌ద్వారా తెలియజేశారు. ఆర్‌ఓ సిఫార్స్‌ మేరకు తగిన చర్యలు తీసుకుంటామని, నామినేషన్‌ పత్రాలు సవ్యంగా జతచేయని అభ్యర్థుల దరఖాస్తులను పరిశీలనలో తొలగిస్తామని చెప్పారు. దీంతో అక్కడి నుంచి నాయకులు వెళ్లిపోయారు. కార్యక్రమంలో వైఎస్సార్‌సీపీ  నాయకులు గూడవల్లి నాగరాజు, థామస్‌ నోబుల్, అస్గర్‌  పాల్గొన్నారు.

టీడీపీ, జనసేన, బీజేపీ శ్రేణులు ఏకమయ్యాయి. గతంలో మాదిరిగా దాడులకు పూనుకున్నాయి. రౌడీ మూకలఅండతో రెచ్చిపోయాయి. అధికార పార్టీ నాయకులకు అడుగడుగునా ఆటంకాలు సృష్టించాయి. అనరాని మాటలతో రెచ్చగొట్టాయి. నామినేషన్లు వేయనీయకుండా అడ్డుతగిలాయి. అడ్డొచ్చిన కార్యకర్తలపై కత్తులు దూశాయి. విచక్షణా రహితంగా దాడులకు తెగబడ్డాయి. రక్తసిక్తం చేస్తూ భయాందోళనలు సృష్టించాయి. అధికారులనూ హడలెత్తించాయి. స్థానిక పోరులో తమ కండకావరాన్ని ప్రదర్శించాయి. ప్రతిపక్షాల దౌర్జన్య కాండపై జిల్లా ప్రజానీకం పెదవి విరుస్తోంది.    సాక్షి, తిరుపతి:  దాడులు.. దౌర్జన్యాలు.. హత్యలు చెయ్యడంలో టీడీపీ శ్రేణులు ఆరితేరిపోయాయి. అధికారంలో ఉన్నా.. లేకపోయినా.. టీడీపీ నాయకుల ఆగడాలకు అంతేలేకుండా పోతోంది. అసెంబ్లీ ఎన్నికల్లో పెద్దతిప్పసముద్రం మండలం రామాపురం వద్ద వైఎస్సార్‌సీపీ కార్యకర్త వెంకటరమణారెడ్డిని టీడీపీ నాయకులు హత్యచేశారు. ఆ ఎన్నికల్లోనే పూతలపట్టు ఎమ్మెల్యే అభ్యర్థి ఎంఎస్‌ బాబు ప్రయాణిస్తున్న కారును ధ్వంసం చేశారు. ఎంఎస్‌ బాబును ఎత్తుకెళ్లితీవ్రంగా దాడిచేశారు. అపస్మారక స్థితిలో ఉన్న ఆయన అనుచరుల సహకారంతో ఆస్పత్రిలో చేరి ప్రాణాపాయం నుంచి తప్పించుకున్నారు. చంద్రగిరి ఎమ్మెల్యే చెవిరెడ్డి భాస్కర్‌రెడ్డిని అసెంబ్లీ ఎన్నికల సమయంలో రామచంద్రాపురం మండలంలో అడుగడుగునా అడ్డుకున్నారు. గణేశ్వరపురంలో కారును ధ్వంసంచేసి దాడికి తెగబడ్డారు. ముంగిలిపట్టులో వైఎస్సార్‌సీపీ అభ్యర్థులను ప్రచారానికే రానివ్వకుండా అడ్డుకున్నారు. టీటీ కండ్రిగలో జనరల్‌ ఏజెంట్లను పోలింగ్‌ కేంద్రానికి రానివ్వకుండా రాళ్లు రువ్వుతూ దాడికి తెగబడ్డారు. దళితులను ఓటెయ్యనివ్వని చరిత్ర టీడీపీది రామచంద్రాపురం మండలం ఎన్‌ఆర్‌ కమ్మపల్లి దళితులను చంద్రబాబు సామాజిక వర్గం వారు  ప్రతి ఎన్నికల్లో ఓటెయ్యనివ్వకుండా అడ్డుకుంటూ వచ్చారు. సుమారు 40 ఏళ్లు దళితులు ఓట హక్కును వినియోగించుకున్న దాఖలాలు లేవు. ఎమ్మెల్యే చెవిరెడ్డి చొరవతో దళితులు రీపోలింగ్‌ సమయంలో స్వేచ్ఛగా ఓటు హక్కును వినియోగించుకున్నారు. సదుం, సోమలలో 2015లో జరిగిన జెడ్పీటీసీ, ఎంపీటీసీ ఎన్నికల్లో వైఎస్సార్‌సీపీ శ్రేణులపై దాడులకు తెగబడ్డారు. కుప్పంలో గత అసెంబ్లీ ఎన్నికల్లో ఒకటవ వార్డు పోలింగ్‌ స్టేషన్‌లోకి చొరబడి బ్యాలెట్‌ బాక్సును ఎత్తుకెళ్లారు.  ప్రత్యేకహోదా కోసం ఆందోళన చేస్తున్న వైఎస్సార్‌సీపీ కార్యకర్త వెంకటేష్‌బాబుపై దాడిచేశారు. శ్రీకాళహస్తి పరిధిలోని మన్నవరం గ్రామంలో బియ్యపు మధుసూదన్‌రెడ్డిని ప్రచారం చెయ్యనివ్వకుండా టీడీపీ శ్రేణులు అడ్డుకున్నారు. గత మున్సిపల్‌ ఎన్నికల్లో 23 వార్డు కౌన్సిలర్‌గా నామినేషన్‌ వెయ్యనివ్వకుండా అడ్డుకున్నారు. పార్థసారథిని చైర్మన్‌ చేసేందుకు కౌన్సిలర్‌ రంగస్వామిని కిడ్నాప్‌చేశారు. పాలసొసైటీ ఎన్నికల్లో మునిరాజనాయుడు వైఎస్సార్‌సీపీ శ్రేణులను నామినేషన్లు వెయ్యకుండా దౌర్జన్యం చేశారు. పుత్తూరులో ఎమ్మెల్యే ఆర్‌కే రోజాను మహిళ అని కూడా చూడకుండా ప్రభు త్వ ఆసుపత్రి ప్రారంభోత్సవంలో పాల్గొనకుండా దౌర్జన్యానికి దిగారు. నగ రిలో గంగజాతర సందర్భంగా ఎమ్మెల్యే రోజా, మున్సిపల్‌ చైర్‌పర్సన్‌ శాంతిపై టీడీపీ శ్రేణులు దాడులకు తెగబడ్డాయి. 1989లో మదనపల్లి మున్సిపల్‌ ఎన్నికల్లో టీడీపీ శ్రేణులు బ్యాలెట్‌ పెట్టెలను తీసుకెళ్లి చెరువులో పడేశారు.  వైఎస్సార్‌సీపీ కార్యకర్తపై హత్యాయత్నం తాజాగా శుక్రవారం తొట్టంబేడులో వైఎస్సార్‌సీపీ కార్యకర్తను హతమార్చేందుకు టీడీపీ, జనసేన, బీజేపీ శ్రేణులు ప్రయత్నించాయి. బీడీ కాలనీకి చెందిన వైఎస్సార్‌సీపీ కార్యకర్త బత్తెయ్య (40)పై కొందరు ముసుగులు ధరించి కత్తులతో దాడిచేసి హత్య చేసేందుకు ప్రయత్నించారు. కత్తుల దాడిలో బత్తెయ్య తీవ్రంగా గాయపడ్డాడు. రక్తపు గాయాలతో ఆస్పత్రిలో చికిత్స పొందుతున్నాడు.  

సాక్షి, కృష్ణా: కృష్ణా జిల్లా ఉయ్యూరు మున్సిపాలిటీలో వైఎస్సార్‌ సీపీ అభ్యర్థుల నామినేషన్ ప్రక్రియను పెనమలూరు ఎమ్మెల్యే కొలుసు పార్థసారథి పరిశీలించారు. శుక్రవారం ఆయన మీడియాతో మాట్లాడుతూ.. జడ్పీటీసీ, ఎంపీటీసీ సహా అన్ని మున్సిపాలిటీ స్థానాలను కైవసం చేసుకుంటామని అన్నారు. టీడీపీకి స్థానిక ఎన్నికల్లో పోటీ చేయడానికి అభ్యర్థులే లేరని ఎద్దేవా చేశారు. ఎన్నికలు ముందు ఆంధ్రపదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి ఇచ్చిన అన్ని హామీలను నెరవేర్చామని అన్నారు. డబ్బు, మద్యం పంపిణీ లేకుండా ఎన్నికల్లో గెలుస్తామని పార్థసారథి ధీమా వ్యక్తం చేశారు. చదవండి: ‘ఆయన లాంటి దద్దమ్మను ఎక్కడా చూడలేదు’

సాక్షి, గుంటూరు/కొరిటెపాడు(గుంటూరు): మున్సిపల్, కార్పొరేషన్‌ ఎన్నికల నేపథ్యంలో టీడీపీలో టికెట్ల లొల్లి తారాయి స్థాయికి చేరింది. కౌన్సిలర్‌లు, కార్పొరేటర్‌లుగా పోటీ చేయడానికి టికెట్‌ల కోసం తెలుగు తమ్ముళ్లు గొడవలకు దిగుతుంటే మరొకొన్ని చోట్ల అభ్యర్థులు కరవవుతున్నారు. జిల్లా వ్యాప్తంగా ఒక కార్పొరేషన్, 7 మున్సిపాల్టీల ఎన్నికల నామినేషన్‌ల తుది గడువు శుక్రవారంతో ముగియనుంది. ఈ నేపథ్యంలో టికెట్‌లు ఆశించి భంగపడ్డ వారు తిరుగుబాటు బావుటా ఎగురవేస్తున్నారు. గుంటూరు  కార్పొరేటర్లు టీడీపీ నుంచి పోటీ చేసేందుకు ఆ పార్టీ వీరవిధేయులు చాలా మంది ఆశించారు. అయితే వారికి టిక్కెట్‌లు ఇవ్వకుండా మోసం చేస్తున్నారని టీడీపీ సీనియర్‌ నాయకుడు షేక్‌ మీరావలి ఆధ్వర్యంలో సుమారు 150 మంది కార్యకర్తలతో టీడీపీ తూర్పు నియోజకవర్గ ఇన్‌చార్జి నసీర్‌ అహ్మద్‌ కార్యాలయం ఎదుట గురువారం ధర్నాకు దిగాడు. 30 సంవత్సరాల పాటు పార్టీకి సేవ చేసిన కార్యకర్తలను పరిగణలోకి తీసుకోవడం లేదని, టిక్కెట్లు అమ్ముకుంటున్నారంటూ మండిపడ్డారు. తూర్పు నియోజకవర్గంలోని 5వ డివిజన్‌ బీసీకి రిజర్వు అయింది. అయితే టీడీపీ నుంచి డివిజన్‌లో ఉన్న బీసీ సామాజిక వర్గానికి చెందినవారిని కాకుండా వేరే డివిజన్‌లోని వారికి కేటాయించారంటూ స్థానిక టీడీపీ నాయకులు ఆందోళనకు దిగారు. స్థానికులకే టిక్కెట్‌ ఇవ్వాలని లేదంటే ఓడించి తీరుతామని హెచ్చరించారు. తన కార్యాలయం ఎదుట కార్యకర్తలు, నాయకులు ధర్నా చేస్తున్నా ఇన్‌చార్జి నసీర్‌ బయటికి రాలేదు. షేక్‌ మీరావలి మాట్లాడుతూ పార్టీ స్థాపించిన నాటి నుంచి తెలుగుదేశం పార్టీలో కార్యకర్తగా పని చేస్తున్నామని, కనీసం తమ పేరును పరిగణలోకి తీసుకోకపోవడం బాధాకరమన్నారు.   అభ్యర్థులు కరువు..   సత్తెనపల్లి, మాచర్ల, చిలకలూరిపేట సహా పలు మున్సిపాలిటీల్లో టీడీపీ నుంచి పోటీకి ముఖ్య నాయకులు వెనుకడుగు వేస్తున్నారు. దీంతో అభ్యర్థుల ఎంపిక కొలిక్కి రాక టీడీపీ ఇన్‌చార్జిలు తలలు పట్టుకుంటున్నారు. కొన్ని మున్సిపాలిటీల్లో అన్ని వార్డుల్లో టీడీపీ బరిలోకి దిగడం కూడా కష్టంగా ఉందని ఆ పార్టీ నాయకులు చర్చించుకుంటున్నారు.  ద్వితీయ శ్రేణి నాయకులు పోటీకి ససేమిరా అంటుండటంతో పోటీలో ఉన్నాంలే అనిపించుకోడానికి  ఎవరో ఒకరిని బరిలో నిలుపేందుకు ప్రయత్నం చేస్తున్నారు.  ఓట్ల కోసం ఎర! ఎన్నికల అనంతరం మేయర్‌ అభ్యర్థిని ప్రకటించనున్నట్టు ఇప్పటికే వైఎస్సార్‌ సీపీ స్పష్టం చేసింది. అయితే టీడీపీ అభ్యర్థిని ముందే ఖరారు చేయనున్నట్టు సమాచారం. అయితే మేయర్‌ అభ్యర్థి ఎవరన్న దానిపై స్పష్టత రాలేదని తెలుస్తోంది. మాజీ ఎంపీ కోడలు, గుంటూరు నగర పార్టీ కీలక బాధ్యతలు చూస్తున్న ప్రముఖ వ్యాపారవేత్త సతీమణి, ముస్లిం మైనార్టీ వర్గానికి చెందిన వ్యక్తిని, లేక ఇటీవల గుంటూరు నగరంలో పార్టీలో కీలక బాధ్యతలు చేపట్టిన నాయకుడు.. వీరిలో ఎవరో ఒకరిని మేయర్‌ అభ్యర్థిగా ఎంపిక చేయాలనే దానిపై అధిష్టానం స్థాయిలో చర్చలు సాగుతున్నాయి. ముందే మేయర్‌ అభ్యర్థిని ప్రకటించి ఓ వర్గం ఓటర్లను ఆకర్షించాలనే ఉద్దేశంతోనే టీడీపీ ఉన్నట్లు ఆ పార్టీ వర్గాలు గుసగుసలాడుకుంటున్నాయి. 

కాషాయంతో దోస్తీ కట్టిన పవన్‌ కళ్యాణ్‌.. మళ్లీ సైకిల్‌పైనే మనసు పారేసుకున్నాడు. స్థానిక సంస్థల ఎన్నికల్లో బీజేపీతో ‘పొత్తు’ పొడిచినా.. ‘పచ్చ’బొట్టును చూసి మనసుమార్చుకున్నాడు. కుట్రలకు తెరతీసి     పాతమిత్రునికే లబ్ధి కలిగేలా పావులు కదుపుతున్నాడు. ప్రశ్నించేందుకే వచ్చామంటూ.. ఇప్పటికే జనంలో పలుచనైన జనసేనాని.. ఫ్యాన్‌ గాలిని తట్టుకోలేక స్థానికంలోనూ సైకిలెక్కి దిగజారుడు రాజకీయం చేస్తుండటం గమనార్హం. అనంతపురం: టీడీపీ అధినేత చంద్రబాబు, జనసేన అధినేత పవన్‌కళ్యాణ్‌ బంధం ఈ నాటిది కాదు. చంద్రబాబు అధికారంలో ఉన్నా.. ప్రతిపక్షంలో ఉన్న పవన్‌ కళ్యాణ్‌ ఆయనకు అనుకూలంగానే ఉంటారు. తాను ప్రజాగొంతుక అని చెప్పుకునే పవన్‌కళ్యాణ్‌.. అప్పట్లో టీడీపీ ప్రభుత్వంపై వచ్చిన ఆరోపణలపై ఏ సందర్భంలోనూ çపల్లెత్తు మాట అనలేదు. పైగా అప్పటి ప్రతిపక్ష పార్టీ అయిన వైఎస్సార్‌సీపీపై విమర్శనాస్త్రాలు సంధించారు. గత సార్వత్రిక ఎన్నికల్లో అన్ని స్థానాల్లోనూ ఒంటిరిగా పోటీ చేస్తామని చెప్పి.. చివరి నిముషంలో చేతులెత్తేశారు. కొన్ని స్థానాల్లో అభ్యర్థులను నిలబెట్టినా నామమాత్రంగా బరిలో నిలిపి పరోక్షంగా టీడీపీ అభ్యర్థులకు మద్దతుగా నిలిచారు. ఇక ప్రస్తుతం జరుగుతున్న స్థానిక సంస్థల ఎన్నికల్లోనూ జనసేన ఇదే వైఖరి అవలంబిస్తోంది. బీజేపీతో పొత్తు కుదిరినా.. చాలా స్థానాల్లో పోటీకి దూరంగా ఉంది. దీని వెనుక టీడీపీ మంత్రాంగం నడిపిందనే విషయం స్పష్టమవుతోంది.  సార్వత్రికంలో సై..స్థానికంలో నై... గత సార్వత్రిక ఎన్నికల్లో గుంతకల్లు అసెంబ్లీ నియోజకవర్గం నుంచి జనసేన తరఫున పోటీ చేసిన కొట్రికే ముధుసూదన్‌ 20వేల ఓట్లు సాధించి మూడోస్థానంలో నిలిచాడు. జనసేన పార్టీ అభ్యర్థుల్లో రాయలసీమలోనే అత్యధిక ఓట్లు సాధించాడు. ఈ నియోజకవర్గంలోనూ జనసేన జెడ్పీటీసీ, ఎంపీటీసీ స్థానాల్లో అభ్యర్థులను బరిలో నిలుప లేదు. మరోవైపు బీజేపీ కూడా ఈ నియోజకవర్గంలో అభ్యర్థులను నిలపకపోవడం చూస్తే.. టీడీపీకి లబ్ధి చేకూర్చేందుకే ఈ రకమైన ఎత్తుగడ వేశారనే వాదనకు బలం చేకూరుస్తోంది. 13 జెడ్పీటీసీ స్థానాల్లో పోటీకిబీజేపీ, జనసేన దూరం జిల్లాలోని 63 జెడ్పీటీసీ స్థానాలకు గాను 13 స్థానాల్లో అటు బీజేపీ గానీ, ఇటు జనసేన పార్టీగాని అభ్యర్థులను నిలపడం లేదు. ఆత్మకూరు, డి.హీరేహాళ్, గుంతకల్లు, కణేకల్లు, కూడేరు, ఓడీ చెరువు, పామిడి, పెద్దపప్పూరు, పుట్టపర్తి, రాప్తాడు, రాయదుర్గం, శింగనమల, యల్లనూరు జెడ్పీటీసీ స్థానాల్లో ఈరెండు పార్టీలు పోటీకి దూరంగా ఉన్నాయి.  అలాగే 841 ఎంపీటీసీ స్థానాలకు గాను బీజేపీ 200, జనసేన 83 స్థానాల్లో మాత్రమే పోటీ చేస్తున్నాయి. తక్కిన 358 స్థానాల్లో ఆ రెండు పార్టీలుపోటీ చేయలేదు. పుట్లూరు, పెనుకొండ, పెద్దపప్పూరు, పెద్దవడుగూరు, పామిడి, ఓడీ చెరువు, కూడేరు, ఆత్మకూరు, బుక్కపట్నం, డి.హీరేహాళ్, గుంతకల్లు, కణేకల్లు, పుట్టపర్తి, రాప్తాడు, రాయదుర్గం, శింగనమల, యల్లనూరు మండలాల్లో ఒక్క ఎంపీటీసీ స్థానాలకు కూడా బీజేపీ, జనసేన పోటీ చేయకపోవడం విశేషం. మరికొన్ని మండలాల్లో ఒకట్రెండు స్థానాల్లో మాత్రమే అభ్యర్థులను బరిలో నిలిపారు. పాతబంధానికే ప్రాధాన్యత ఈ ఎన్నికల్లో బీజేపీతో పొత్తు పెట్టుకున్న జనసేన టీడీపీతో ఉన్న బంధాన్ని తెంచుకోలేకపోతోంది. ఎలాగైనా సరే టీడీపీకి లబ్ధి కలిగేలా వ్యవహరిస్తోంది. ఈ నేపథ్యంలోనే జిల్లాలో చాలా స్థానాల్లో జనసేన పోటీ నుంచి తప్పుకుంది. కొన్నిచోట్ల పోటీ చేస్తున్నా.. అదీ నామమాత్రమే. ప్రజల్లో తమ పార్టీ పట్ల మరో అభిప్రాయం రాకూడదనే ఉద్దేశంతో నామమాత్రంగా పోటీలో నిలిచినట్లు పలువురు అభిప్రాయపడుతున్నారు.   జిల్లాలో జెడ్పీటీసీ స్థానాలు : 63 బీజేపీ, జనసేన నామినేషన్లు దాఖలు చేయని స్థానాలు :13 జిల్లాలో ఎంపీటీసీ స్థానాలు :841 బీజేపీ, జనసేన పార్టీలు నామినేషన్లు దాఖలు చేయని స్థానాలు ;358

సాక్షి, అమరావతి: తెలుగుదేశం పార్టీ అధ్యక్షుడు చంద్రబాబునాయుడు, జనసేన పార్టీ అధినేత పవన్‌ కల్యాణ్‌ మధ్య అనుబంధం ఫెవికాల్‌ కన్నా దృఢమైనదని మరోసారి నిరూపితమైంది. స్థానిక సంస్థల్లో మిత్రపక్షం బీజేపీతో కలిసి పోటీ చేస్తున్నట్లు కనపడుతున్నా, చాలా స్థానాల్లో ప్రతిపక్ష తెలుగుదేశం పార్టీ గెలుపు కోసమే జనసేన సహకారం అందిస్తోంది. మొన్నటి అసెంబ్లీ – లోకసభ ఎన్నికల సమయంలో లోపాయికారీగా జనసేన పార్టీ కొన్ని చోట్ల తన సొంత గెలుపును పక్కనపెట్టి టీడీపీ గెలుపునకు సహకరించిన విషయం తెలిసిందే. ఇప్పుడూ అదే రీతిలో ‘స్థానిక’ ఎన్నికల్లో టీడీపీకి కనీస గౌరవం దక్కించడానికి వీలుగా జనసేన అధినేత పావులు కదుపుతున్నారు. ఇదీ అంతర్గత ఒప్పందం ►కొన్ని మండలాల్లో జెడ్పీటీసీ స్థానంలో జనసేన, ఎంపీపీ పదవిని టీడీపీ పంచుకొని పోటీ చేస్తున్నాయి.  ►మరికొన్ని మండలాల్లో కొన్ని ఎంపీటీసీ పదవులకు మాత్రమే పోటీ చేసిన జనసేన.. ఎంపీపీ, జెడ్పీటీసీ పదవులు రెండింటిలోనూ తెలుగుదేశం పార్టీ గెలుపు కోసం పని చేస్తోంది.  ►తెలుగుదేశం పార్టీ గెలుపునకు కొద్దో గొప్పో అవకాశాలున్న చోట జనసేన అభ్యర్థి పోటీకి సిద్ధమైతే.. వారు నామినేషన్లు ఉపసంహరించుకోవాలని పవన్‌ కల్యాణ్‌కు అత్యంత సన్నిహితంగా ఉండే వారు సూచిస్తున్నారు. ►టీడీపీకి వ్యతిరేకంగా పని చేయకుండా ఆయా జిల్లాల నాయకులకు సూచనలు చేసినట్లు సమాచారం.  ►టీడీపీ ప్రయోజనాల కోసం బీజేపీని జనసేన వాడుకుందని రాజకీయ పరిశీలకులు అభిప్రాయపడుతున్నారు. భీమవరంలోనే పదవుల పంపకం ►పశ్చిమ గోదావరి జిల్లా భీమవరం అసెంబ్లీ నియోజకవర్గంలో మొన్నటి అసెంబ్లీ ఎన్నికల్లో పవన్‌ కల్యాణ్‌ స్వయంగా పోటీ చేసి ఓడిపోయిన విషయం విదితమే. ఆ నియోజకవర్గంలో భీమవరం రూరల్, వీరవాసరం మండలాల్లో ఎంపీపీ, జెడ్పీటీసీ పదవులను టీడీపీ, జనసేన నేతలు పంచేసుకుంటూ లోపాయికారీ ఒప్పందంతో పోటీకి దిగారు.  ►భీమవరం జెడ్పీటీసీ బరిలో జనసేన పోటీలో లేదు. ఇక్కడ తెలుగుదేశం అభ్యర్థి బరిలోకి దిగారు.  ►ఈ మండలంలో కాపు సామాజిక వర్గంతోపాటు మత్స్యకారులు జనసేనకు అండగా ఉంటున్నారు. దీంతో అధికంగా ఓట్లు ఉన్న మత్స్యకార సామాజిక వర్గానికి చెందిన వ్యక్తిని తెలుగుదేశం పార్టీ తరఫున నిలబెట్టారు. ఇక్కడి ఎంపీపీ పదవిని జనసేన పార్టీకి కేటాయించే విధంగా ఒప్పందం చేసుకున్నారు. ►వీరవాసరం మండలంలో వైఎస్సార్‌ కాంగ్రెస్‌ పార్టీ పటిష్టంగా ఉండడంతో జెడ్పీటీసీ స్థానంలో జనసేన, ఎంపీపీ పదవికి టీడీపీ పోటీ చేసే విధంగా ఒప్పందం చేసుకున్నారు.  ►భీమవరం రూరల్‌ మండలంలో జనసేన పార్టీ పోటీ చేస్తున్న వెంప, శ్రీరామపురం, పెదగరవు ఎంపీటీసీ స్థానాల్లో టీడీపీ కనీసం నామినేషన్లు కూడా దాఖలు చేయలేదు. కొన్ని చోట్ల జనసేన నామినేషన్లు దాఖలు చేసినప్పటికీ, వారి నామినేషన్ల ఉపసంహరణకు ఇప్పటికే చర్చలు పూర్తయ్యాయి.  ►నిడదవోలు నియోజకవర్గం పెరవలి మండలంలో జెడ్పీటీసీ అభ్యర్థిగా తెలుగుదేశం నుంచి అభిశెట్టి పద్మకుమారి నామినేషన్‌ వేశారు. గతంలో పెరవలి జెడ్పీటీసీగా ఉన్న అరిటికాయల రమ్యశ్రీ జనసేన ఎమ్మెల్యే అభ్యర్థిగా పోటీ చేసి 24 వేల ఓట్లు సాధించింది. ఇప్పుడు తాజాగా తమకు బలం ఉన్న పెరవలి మండలంలో జనసేన జెడ్పీటీసీ రేసు నుంచి తప్పుకుని తెలుగుదేశం పార్టీకి లోపాయికారీగా మద్దతు ప్రకటించింది. దీనికి ప్రతిఫలంగా ఎంపీపీ పదవి లక్ష్యంగా రమ్యశ్రీ భర్త మురళీకృష్ణ బరిలోకి దిగనున్నారు. గుంటూరు జిల్లా తెనాలిలోనూ అదే వైఖరి ►జనసేన పార్టీలో పవన్‌ కల్యాణ్‌ తర్వాత నాదెండ్ల మనోహర్‌ నిర్ణయాలే కీలకం. మనోహర్‌ సొంత నియోజకవర్గం గుంటూరు జిల్లా తెనాలి రూరల్‌ మండలంలో 21 ఎంపీటీసీ స్థానాలకు ఎన్నికలు జరుగుతున్నాయి. టీడీపీకి మేలు జరిగేలా జనసేన నుంచి కేవలం 12 స్థానాలకు మాత్రమే నామినేషన్లు దాఖలయ్యాయి. ఈ స్థానాల్లో జనసేన మిత్రపక్షంగా ఉన్న బీజేపీ సైతం పోటీలో లేదు. ►ఇదే నియోజకవర్గంలోని కొల్లిపర మండలంలో 16 ఎంపీటీసీ స్థానాలకు ఎన్నికలు జరుగుతుండగా, 5 స్థానాల్లోనే జనసేన అభ్యర్థులు నామినేషన్లు దాఖలు చేశారు.  ►జనసేన పోటీ చేయని 11 స్థానాలకు గాను 3 గ్రామాల్లో మాత్రమే బీజేపీ అభ్యర్థులు నామినేషన్‌ దాఖలు చేశారు. ‘తూర్పు’న లోపాయికారీ ఒప్పందం ►తూర్పు గోదావరి జిల్లా ఉప్పలగుప్తం మండలం భీమనపల్లి–1 ఎంపీటీసీ స్థానంలో టీడీపీ తరఫున పోటీ చేస్తున్న మాజీ జెడ్పీటీసీ సభ్యుడు దేశంశెట్టి లక్ష్మీనారాయణ సతీమణి దేశంశెట్టి రత్నకుమారికి  మేలు జరిగేలా జనసేన వదులుకుంది.  ►ఈ ఎంపీటీసీ స్థానం పరిధిలో గత సాధారణ ఎన్నికల్లో వైఎస్సార్‌సీపీకి మెజార్టీ వచ్చింది. రెండో స్థానంలో జనసేన నిలిచింది. అతి తక్కువ ఓట్లు వచ్చి మూడో స్థానంలో నిలిచిన టీడీపీకి ఇక్కడ జనసేన మద్దతు ఇవ్వడం గమనార్హం. ఇందుకు బదులుగా భీమనపల్లి–2 ఎంపీటీసీ స్థానాన్ని జనసేన కోసం టీడీపీ వదులుకుంది.   ►అమలాపురం మండలంలో గత సాధారణ ఎన్నికల్లో వైఎస్సార్‌సీపీ తొలి స్థానంలో నిలబడగా జనసేన రెండో స్థానంలో నిలిచింది. ఇప్పుడు ఈ జెడ్పీటీసీ స్థానానికి పెద్దగా పేరు లేని చీకురమిల్లి కిరణ్‌కుమార్‌ను జనసేన ఎంపిక చేసింది. ఇక్కడ టీడీపీ నుంచి పోటీలో ఉన్న మాజీ ఎమ్మెల్యే అయితాబత్తుల ఆనందరావు కోసమే జనసేన బలహీన అభ్యర్థిని బరిలోకి దించింది. తూర్పుగోదావరి జిల్లా అమలాపురం గడియారం స్తంభం సెంటర్‌లో జనసేన, టీడీపీ జెండాలతో ర్యాలీ    పావుగా మారిన బీజేపీ  జెడ్పీటీసీ స్థానాల్లో జనసేన కాకుండా బీజేపీ పోటీలో ఉంటేనే టీడీపీకి గౌరవప్రదమైన సంఖ్యలో ఓట్లు వస్తాయని జనసేన పెద్దలు వ్యూహం పన్నారు. ఇందులో భాగంగానే జెడ్పీటీసీ స్థానాల్లో అత్యధికం బీజేపీ.. ఎంపీటీసీ స్థానాల్లో అత్యధికం జనసేన పార్టీలు పోటీ చేయాలని ఒప్పందం చేసుకున్నారు. ఈ ప్రకారం మొత్తం 652 జెడ్పీటీసీ స్థానాల్లో అత్యధికంగా 433 మంది బీజేపీ అభ్యర్థులు, 270 మంది జనసేన అభ్యర్థులు (కొన్ని చోట్ల ఇద్దరు అభ్యర్థులు) నామినేషన్లు దాఖలు చేశారు.  ►ఒప్పందం మేరకు ఎంపీటీసీ స్థానాల విషయంలో జనసేన పార్టీ దాదాపు మూడింట రెండు వంతుల ఎంపీటీసీ స్థానాల్లో పోటీ చేయాల్సి ఉంది.  ►కానీ 9,696 ఎంపీటీసీ స్థానాలకు గాను జనసేన అభ్యర్థులను బరిలోకి దించింది కేవలం 2,027 స్థానాల్లో మాత్రమే. బీజేపీ తరఫున కేవలం 1,816 మంది అభ్యర్థులు ఎంపీటీసీ స్థానాలకు పోటీ చేశారు. అంటే ఈ రెండు పార్టీలు కలిసి పోటీ చేస్తున్నది 3,843 చోట్ల మాత్రమే.   ►మిగిలిన చోట్ల లోపాయికారీ ఒప్పందం ప్రకారం జనసేన టీడీపీ అభ్యర్ధులకే మద్దతు ఇవ్వనుంది.  ►అనంతపురం జిల్లాలో 13 జెడ్పీటీసీ స్థానాల్లో బీజేపీ–జనసేన అభ్యర్థులను బరిలో నిలుపలేదు. ►841 ఎంపీటీసీ స్థానాలకు గాను బీజేపీ 200, జనసేన 83 స్థానాలకు నామినేషన్లు దాఖలు చేశాయి. టీడీపీకి మేలు జరిగేలా మిగిలిన స్థానాలకు నామినేషన్లు వేయలేదు.

సాక్షి, విశాఖపట్నం : స్థానిక సంస్థల ఎన్నికల్లో అలజడి సృష్టించేందుకు టీడీపీ, బీజేపీ, జనసేన యత్నిస్తున్నాయని మున్సిపల్‌ శాఖ మంత్రి బొత్స సత్యనారాయణ ఆగ్రహం వ్యక్తం చేశారు. చట్టబద్ధంగా వైఎస్సార్‌సీపీ ప్రభుత్వం ఎన్నికలు నిర్వహిస్తుంటే ప్రతిపక్ష పార్టీలు దుష్ప్రచారం చేస్తున్నాయని మండిపడ్డారు. స్థానిక సంస్థల ఎన్నికల్లో 9,696 ఎంపీటీసీ స్థానాలకు 50,063 నామినేషన్లు దాఖలయ్యాయని తెలిపారు. వీటిలో వైఎస్సార్‌సీపీ 23 వేలు, టీడీపీ 18వేలు, జనసేన 2వేలు, బీజేపీ 1800 నామినేషన్లు దాఖలు చేశాయని చెప్పారు. చంద్రబాబు ఆరోపిస్తున్నట్టు నామినేషన్ల ప్రక్రియలో ఇబ్బందులు ఉంటే ఇన్ని వేల మంది ఎలా నామినేషన్‌లు వేశారని ప్రశ్నించారు. స్థానిక ఎన్నికల్లో గెలవలేమనే చంద్రబాబు దుష్ప్రచారం చేస్తున్నారని మండిపడ్డారు. గురువారం ఆయన మీడియాతో మాట్లాడుతూ.. శాంతి భద్రతలకు విఘాతం కలిగించకుండా ఎక్కడైనా పర్యటించవచ్చని మంత్రి తెలిపారు. ఎన్నికల సమయంలో సున్నితమైన ప్రాంతాలకు వెళ్లేటప్పుడు పోలీసులకు సమాచారం ఇచ్చి పర్యటించాలని సూచించారు. బొండా ఉమా 15 కార్లలో గూండాల మాదిరిగా వెళ్లారని.. అలా వెళితే ప్రజలు అడ్డగించరా అని మంత్రి ప్రశ్నించారు. జనసేన అధినేత పవన్‌ కల్యాణ్‌కు సినిమాలు అలవాటని, అందుకనే రాష్ట్రంలో ప్రజాస్వామ్యం దిగజారిందని ప్రజలకు తప్పుడు సినిమా చూపిస్తున్నారని ఎద్దేవా చేస్తున్నారు. సీఎం వైఎస్‌ జగన్‌ అన్ని వర్గాలకు మేలు చేస్తున్నారని, ఇచ్చిన ప్రతి హామీని నెరవేరుస్తున్నారని మంత్రి కొనియాడారు. మార్పు తెచ్చేందుకే ఎన్నికల వేళ డబ్బు, మద్యం పంపిణీ జరగకూడదని చట్టం తెచ్చామని బొత్స సత్యనారాయణ వెల్లడించారు. చదవండి: చంద్రబాబు, లోకేశ్‌ పలకరేం!?

జిల్లాలో టీడీపీ పరిస్థితి నానాటికీ దిగజారుతోంది. సార్వత్రిక ఎన్నికల్లో చావుతప్పి కన్నులొట్టబోయిన ఆ పార్టీ.. ఇప్పుడు స్థానిక ఎన్నికల్లో కనీసం పోటీ చేసేందుకు అభ్యర్థులు లేక చతికిలపడుతోంది. ఇప్పటి వరకు ఆ పార్టీకి అండగా నిలబడిన ద్వితీయశ్రేణి నాయకత్వం.. వైఎస్సార్‌ సీపీ ప్రభుత్వం చేస్తున్న నిష్పాక్షిక పాలనకు జై కొడుతోంది. ఫలితంగా వలసలు ఊపందుకున్నాయి. ఇప్పటికే వందల సంఖ్యలో నాయకులు వైఎస్సార్‌ సీపీ కండువా కప్పుకున్నారు. ఎన్నికల తేదీ నాటికి ఈ జాబితా మరింత పెరిగే అవకాశాలు కనిపిస్తున్నాయి.   సాక్షి, విజయవాడ: ప్రతిపక్ష టీడీపీ అచేతనావస్థకు చేరడంతో ఆ పార్టీ నుంచి వైఎస్సార్‌ సీపీ వైపునకు వచ్చేందుకు పలు నియోజకవర్గాల్లోని నాయకులు ఆసక్తి చూపుతున్నారు. స్థానిక సంస్థల ఎన్నికల నేపథ్యంలో ఇప్పుడు వలసలు ఊపందుకున్నాయి. అనేక నియోజకవర్గాల్లో ఇప్పటికే కొంతమంది నేతలు వైఎస్సార్‌ సీపీ కండువాను కప్పుకోగా.. ఎన్నికల నాటికి మరికొంతమంది పార్టీ మారే అవకాశాలు కనిపిస్తున్నాయి. స్థానిక సంస్థల ముందు ద్వితీయ శ్రేణి నాయకులు పార్టీని వీడటం వల్ల గ్రామ, మండల స్థాయిలో అంతంత మాత్రంగా ఉన్న టీడీపీ మరింత బలహీన పడే అవకాశాలున్నాయి.  ఎన్నికలకు ముందే.. గుడివాడ మున్సిపాలిటీ మాజీ కౌన్సిలర్, టీడీపీ నేత జోగా సూర్యప్రకాశరావు, నందివాడ మండలం జిల్లా సెక్రటరీ తమ్మినేని రూమేశ్వరరావు ఆధ్వర్యంలో 300 మంది, గుడివాడ రూరల్‌ మండల యూత్‌ అధ్యక్షుడు బాతీ ఆధ్వర్యంలో 200 మంది రాష్ట్ర మంత్రి కొడాలి శ్రీవెంకటేశ్వరరావు(నాని) సమక్షంలో వైఎస్సార్‌ సీపీలో చేరారు. మైలవరం నియోజకవర్గం రెడ్డి గూడెంలో టీడీపీ నేత రామినేని వెంకటేశ్వరరావు తన అనుచరులు 50 మందితో కలిసి వైఎస్సార్‌ సీపీలో చేరారు. విజయవాడ పశ్చిమ నియోజకవర్గంలో 40వ డివిజన్‌ అధ్యక్షుడు ఎస్‌ఈ అతీక్‌ తన అనుచరులతో కలిసి వైఎస్సార్‌ సీపీ కండువా కప్పుకున్నారు. అవనిగడ్డ నియోజకవర్గంలోని చల్లపల్లికి చెందిన టీడీపీ సీనియర్‌ నాయకుడు, రాష్ట్ర బీసీ సంఘం నేత మోర్ల ప్రసాద్‌ తన అనుచరులతోనూ, నందిగామ మండలం ఏటిపట్టు, రుద్రవరం గ్రామాలకు చెందిన పలువరు టీడీపీ నేతలు ఆ పార్టీని వీడి ప్రభుత్వ విప్‌ సామినేని ఉదయభాను, ఎమ్మెల్యే మొండితోక జగన్మోహన్‌రావుల ఆధ్వర్యంలో వైఎస్సార్‌ సీపీలో చేరారు. ఇంకా తిరువూరు, కైకలూరు నియోజకవర్గాలకు చెందిన టీడీపీ నాయకులు  వైఎస్సార్‌ సీపీ వైపు అడుగులు వేశారు.  బేషరతుగానే.. వైఎస్సార్‌ సీపీలోకి బేషరతుగానే చేరేందుకు టీడీపీ నేతలు ఆసక్తి చూపుతున్నారు. ఇప్పటికే వైఎస్సార్‌ సీపీలో సీట్ల కోసం ఆశావహుల సంఖ్య చాలా ఎక్కువగా ఉంది. ఇప్పుడు టీడీపీ నుంచి తీసుకున్న వారు పోటీ పడితే ఇబ్బందులు ఎదురవుతాయని ఎమ్మెల్యేలు భావిస్తున్నారు. ముఖ్యమంత్రి జగన్‌మోహన్‌రెడ్డి అమలు చేస్తున్న సంక్షేమ పథకాలు పట్ల ఆకర్షితులవ్వడమే కాకుండా, గ్రామాలను అభివృద్ధి చేస్తారని నమ్మి పార్టీలు మారుతున్నారు. వైఎస్సార్‌ సీపీలో పనిచేయడం ద్వారా గుర్తింపు తెచ్చుకోవడానికి కృషి చేస్తున్నారు. ఇప్పటికే టీడీపీ నుంచి పోటీ చేసే అభ్యర్థులు లభించక జిల్లా నాయకత్వం నానా ఇబ్బందులు పడుతోంది. ఈ స్థాయిలో క్యాడర్‌ పార్టీని వీడితే టీడీపీ అభ్యర్థులకు గెలుపు కష్టమేనని పార్టీలోని సీనియర్‌ నాయకులు అభిప్రాయపడుతున్నారు.  పట్టించుకోని నియోజకవర్గ నేతలు.. గత ఎన్నికల్లో ఓటమి చవిచూసిన టీడీపీ ఎమ్మెల్యే అభ్యర్థులు ఇప్పుడు ఎన్నికలపై పెద్దగా ఆసక్తి చూపడం లేదు. జిల్లా, రాష్ట్ర నాయకత్వం కూడా కార్యకర్తల విషయంలో పెద్దగా పట్టించుకోవడం లేదు. దీంతో కార్యకర్తలు పార్టీ నేతల తీరుపై నిరసన వ్యక్తం చేస్తున్నారు.

ఒంగోలు టౌన్‌ :డామిట్‌! కథ అడ్డం తిరిగింది!! ఎన్నికలు ఎప్పుడు వచ్చినా ఈ డివిజన్‌ నుంచే పోటీ చేస్తానంటూ ఇప్పటి వరకు ప్రగల్భాలు పలుకుతూ వచ్చిన ప్రధాన రాజకీయ పార్టీల కార్పొరేట్‌ అభ్యర్థుల తలరాతలు మారాయి. ఎన్నికలు ఎప్పుడు నిర్వహించినా ఈ డివిజన్‌ మనదే. మనమే గెలుస్తామంటూ తమ అనుచరులకు గట్టి భరోసా ఇస్తూ వచ్చిన ప్రతిపాదిత అభ్యర్థులు బొక్కబోర్లా పడ్డారు. నాకు, మా పార్టీకి కంచుకోటగా ఉంటుందంటూ చెప్పుకొచ్చినవారు రిజర్వేషన్ల పుణ్యమా అంటూ మరో డివిజన్‌ చూసుకోవాల్సిన దుస్థితి నెలకొంది. ఒంగోలు నగర పాలక సంస్థలో మొత్తం 50 డివిజన్లు ఉన్నాయి. ఈ డివిజన్లకు సంబంధించిన రిజర్వేషన్లను ఆదివారం ఖరారు చేశారు. ఈ నేపథ్యంలో ఇప్పటి వరకు ఈ డివిజన్‌ నుంచి పోటీ చేసేది నేనేనంటూ చెప్పుకుంటూ వచ్చిన అభ్యర్థుల్లో కొంత మందికి స్థానచలనం కలిగింది. దీంతో తమకు అనుకూలమైన డివిజన్లపై కార్పొరేట్‌ అభ్యర్థులు కన్ను వేశారు. ఆ డివిజన్‌ నుంచి పోటీ చేస్తే ఎలా ఉంటుందన్న విషయమై తన వర్గీయులతో చర్చల్లో మునిగిపోయారు. అధికార వైఎస్‌ఆర్‌ కాంగ్రెస్‌ పార్టీ, ప్రతిపక్ష తెలుగుదేశం పార్టీల్లో ఎక్కువగా ఇలాంటి పరిస్థితులు కనిపిస్తున్నాయి. అనేక చోట్ల ప్రతిఘటన ఒంగోలు నగర పాలక సంస్థలోని డివిజన్లను రిజర్వేషన్ల ద్వారా మార్పులు చేర్పులు చేసుకున్న నేపథ్యంలో అప్పటి వరకు ఆ డివిజన్‌ తానేదంటూ కర్చీఫ్‌ పరచినట్లుగా ఉన్న ప్రతిపాదిత అభ్యర్థులకు ఇతర డివిజన్లలో ప్రతిఘటన ఎదురుకానుంది. అధికార, ప్రతిపక్ష పార్టీలకు సంబంధించి అన్ని డివిజన్లలో నాయకత్వాలు బలంగానే ఉన్నాయి. ఈ నేపథ్యంలో రిజర్వేషన్ల కారణంగా మారిన సమీకరణలతో ఆ డివిజన్‌లో స్థానికంగా ఉంటున్న ఆ సామాజిక వర్గానికి చెందిన వ్యక్తి కార్పొరేట్‌ పదవిపై కన్నేశారు. అదృష్టం తలుపు తట్టినట్లుగా తన సామాజిక వర్గానికి రిజర్వ్‌ అయితే ఇక్కడి స్థానాన్ని మరో డివిజన్‌కు చెందిన నాయకుడు వచ్చి పాగా వేస్తానంటూ ఎలా కుదురుతుందని తమ నాయకుల వద్ద ప్రశ్నించడం మొదలెట్టారు. రిజర్వేషన్ల పుణ్యమా అంటూ వచ్చిన ఈ అవకాశాన్ని ఎట్టి పరిస్థితుల్లోనూ వదులుకునేది లేదంటూ తమ నాయకులకు తేల్చి చెబుతున్నారు.ఈ పరిస్థితి ఒంగోలు నగర పరిధిలోని పలు డివిజన్లలో చోటు చేసుకుంటుంది. ఈ పంచాయతీని చక్కదిద్దేందుకు రెండు పార్టీలకు చెందిన కొంతమంది ద్వితీయశ్రేణి నాయకులు రంగంలో దిగుతున్నారు. రంగంలోకి నాయకత్వాలు ఒంగోలు నగర పాలక సంస్థలో మొత్తం 50 డివిజన్లు ఉన్నాయి. ప్రతి డివిజన్‌ నుంచి ఒకరు చొప్పున కార్పొరేటర్‌ ఎన్నిక కానున్నారు. ఈ నేపథ్యంలో నగరంలో సామాజిక వర్గాల వారీగా ఓటర్ల జాబితాను ఆధారం చేసుకొని జిల్లా ఎన్నికల అధికారి అయిన కలెక్టర్‌ పోల భాస్కర్‌ రిజర్వేషన్లను ఖరారు చేశారు. మొత్తం ఎస్టీ జనరల్‌కు ఒక డివిజన్, ఎస్సీ మహిళలకు నాలుగు డివిజన్లు, ఎస్సీ జనరల్‌కు ఐదు డివిజన్లు రిజర్వ్‌ చేశారు. బీసీలకు సంబంధించి మహిళలకు ఏడు డివిజన్లు, బీసీ జనరల్‌కు ఎనిమిది డివిజన్లు రిజర్వ్‌ చేశారు. జనరల్‌ కోటాలో మహిళలకు 14 డివిజన్లు రిజర్వ్‌ చేశారు. 11 డివిజన్లను అన్‌ రిజర్వ్‌డ్‌ కింద ప్రకటించారు. ఈ నేపథ్యంలో తమ సామాజిక వర్గాలకు చెందిన బలమైన అభ్యర్థులను కార్పొరేటర్లుగా నిలబెట్టేందుకు ప్రధాన పార్టీలు కసరత్తు చేస్తున్నాయి. ఒక డివిజన్‌ నుంచి మరో డివిజన్‌కు జంపింగ్‌ చేసే బలమైన అభ్యర్థుల విషయంలో ఆ డివిజన్‌కు చెందిన నాయకులను బుజ్జగించేందుకు సిద్ధమవుతున్నారు. ఈనెల 11 నుంచి 13వ తేదీ వరకు నామినేషన్లను స్వీకరించనున్నారు. నామినేషన్ల ఘట్టం దగ్గర పడుతుండటంతో రిజర్వేషన్ల పంచాయతీని చక్కదిద్దుకునేందుకు ప్రధాన రాజకీయ పార్టీలు సన్నద్ధం అవుతున్నాయి. 

సాక్షి, వైఎస్సార్‌ కడప : నేటి నుంచి (శనివారం) జిల్లాలో ఎన్నికల కోడ్‌ అమలులో ఉంటుందని కలెక్టర్‌ హరికిరణ్‌ తెలిపారు. రాష్ట్రంలో స్థానిక సంస్థల ఎన్నికల నిర్వహించనున్న నేపథ్యంలో జిల్లా కలెక్టర్‌ కార్యాలయంలో కలెక్టర్‌ హరికిరణ్‌, ఎస్పీ అన్బురాజన్‌ మీడియా సమావేశం ఏర్పాటు చేశారు. ఈ సందర్భంగా కలెక్టర్‌ మాట్లాడుతూ.. జిల్లాలో జడ్పీటీసీ, ఎంపీటీసీ, మునిసిపల్‌ ఎన్నికల నిర్వహణకు అధికార యంత్రాంగం సిద్ధంగా ఉందని తెలిపారు. ఎన్నికలను సమర్ధవంతంగా నిర్వహించేందుకు ఏర్పాట్లు చేస్తున్నామన్నారు. 9వ తేదీ నుంచి 11 తేదీ సాయంత్రం 5 గంటల వరకు నామినేషన్ స్వీకరించనున్నట్లు తెలిపారు. 14వ తేదీన ఎన్నికల్లో పోటీ చేసే అభ్యర్థుల లిస్ట్‌ను ప్రకటిస్తామని, 21న ఉదయం 7 గంటల నుంచి సాయంత్రం 5 గంటల వరకు జడ్పీటీసీ, ఎంపీటీసీ ఎన్నికల పోలింగ్‌ నిర్వహించనున్నట్లు పేర్కొన్నారు. 24న ఉదయం 8 గంటల నుంచి ఎన్నికల కౌంటింగ్‌ ప్రారంభం కానున్నట్లు తెలిపారు. (ఏపీ: ‘స్థానిక’ ఎన్నికల షెడ్యూల్‌ విడుదల) కలెక్టర్‌ మాట్లాడుతూ.. ‘‘24 న తేదీ ఉదయం 8 నుండి ఎన్నికల కౌంటింగ్ ప్రారంభం. జిల్లా వ్యాప్తంగా 1985 పోలింగ్ స్టేషన్ గుర్తించాము. జిల్లా స్థాయిలో 20 వేల మంది సిబ్బందితో ఎన్నికల నిర్వహణ  చేపడతాము.. గ్రామ, వార్డు వాలంటీర్లను ఎట్టి పరిస్థితుల్లోనూ ఎన్నికల విధులకు ఉపయోగించకూడదని ఆదేశాలు జారీ చేశాము. ఎన్నికలకు 10879 బ్యాలెట్ బాక్సులు అందుబాటులో ఉన్నాయి. 1821 బాక్సులు అదనంగా కావాల్సి ఉందని రాష్ట్ర ఎన్నికల కమిషన్‌కు తెలిపాము. ప్రతి పోలింగ్ బూత్‌లో అన్ని మౌలిక సదుపాయాల కల్పిస్తాం. మునిసిపల్ ఎన్నికల కౌంటింగ్ ఏ మునిసిపాలిటీ కి సంబంధించి అక్కడే జరుగుతాయి. 807 గ్రామ పంచాయతీలు ఉన్నాయి. ఏవి కూడా కోర్టులో కేసులు లేవు. అన్ని చోట్ల ఎన్నికలు జరుగుతాయి. రాజంపేట, బద్వేలు ఎన్నికలకు హైకోర్టు స్టే వచ్చినట్లు సమాచారం. ఈ రెండు ప్రాంతాలు తప్ప మిగతా అన్ని ప్రాంతాల్లో ఎన్నికలు సజావుగా జరుగుతాయి’’. అని పేర్కొన్నారు. (‘ఆయన సిగ్గు, శరం లేని మనిషి’) ఎస్పీ అన్బురాజన్‌ మాట్లాడుతూ.. ఎన్నికల్లో భాగంగా ఎక్కడా అక్రమంగా డబ్బులు, మద్యం తరలిస్తే, పంచినా కఠిన చర్యలు తప్పవని హెచ్చరించారు. పోలీసు అనుమతి లేకుండా ఎక్కడా ప్రచారం నిర్వహించరాదని, ఎన్నికలు సజావుగా జరిగేందుకు గట్టి బందోబస్తు ఏర్పాటు చేస్తామని తెలిపారు. అవసరమైతే  పక్క జిల్లాల నుంచి ఫోర్స్‌ను వాడుకుంటామని తెలిపారు. 6 వేల మంది భారీ పోలీసు బలగాలతో ఎన్నికల నిర్వహణ చేపడుతున్నట్లు, ఎక్కడ ఎలాంటి అవాంఛనీయ సంఘటనలు జరగకుండా చర్యలు తీసుకుంటామని పేర్కొన్నారు. ప్రతి ఒక్కరి సహకారంతో ఎన్నికలు ప్రశాంతంగా జరిగేందుకు చర్యలు తీసుకుంటామని అన్నారు. (ఏపీ : జెడ్పీ రిజర్వేషన్లు.. 6 స్థానాలు వారికే) స్థానిక సంస్థల ఎన్నికలపై బొత్స కీలక ప్రకటన

సాక్షి, విజయవాడ : చంద్రబాబుకు ఎన్నికల భయం పట్టుకుందని విజయవాడ సెంట్రల్‌ ఎమ్మెల్యే మల్లాది విష్ణు విమర్శించారు. అందుకే ఎన్నికలు ఆపాలని కుట్రలు పన్నుతున్నారని ఆయనమండిపడ్డారు. ప్రభుత్వం బీసీలకు ఇచ్చిన రిజర్వేషన్లు గురుంచి ఇన్నాళ్లు మాట్లాడని చంద్రబాబు.. ఇప్పుడు ఎన్నికల  సమయంలో మాట్లాడుతున్నారని ఆగ్రహం వ్యక్తం చేశారు. ప్రభుత్వం ఎన్నికలు జరిపాలని చూస్తుంటే, స్టేల కోసం టీడీపీ నాయకులు యత్నిస్తున్నారని మండిపడ్డారు.బీసీల గురించి మాట్లాడే నైతిక హక్కు చంద్రబాబు కోల్పోయారన్నారు. (‘బీసీల పట్ల ప్రేమ అంటూనే కోర్టుకు వెళ్తారా..’) అధికారంలో ఉండగా చంద్రబాబు బీసీలకు చేసిందేమి లేదని, గడిచిన ఎన్నికల్లో బీసీలు వైఎస్సార్‌సీపీకి అండగా నిలిచారని మల్లాది విష్ణు గుర్తు చేశారు. టీడీపీ నాయకులు ప్రభుత్వం పై బురద చల్లే ప్రయత్నం చేస్తున్నారని, రానున్న స్థానిక ఎన్నికల్లో తెలుగుదేశం కనుచూపు మేరలో కూడా కనిపించదని దుయ్యబట్టారు. రాష్ట్ర ప్రజలు సంతోషంగా ఉంటే లోకేష్ ఏడుపు గొట్టు మాటలు మాట్లాడుతున్నారని, అధికారం కోల్పోయారని తండ్రి కొడుకు కడుపు మంటతో  ప్రభుత్వాన్ని విమర్శిస్తున్నారన్నారు. ఎన్నికల హామీలు 90 శాతం అమలు చేశామని తెలిపారు. (టీడీపీకి మరోసారి బుద్ధి చెప్పాలి: మంత్రి బొత్స) ‘‘బీసీలకు ఎవరు మేలు చేశారో చర్చిదాం. మీరు సిద్దమేనా...? గత ఐదేళ్లలో ప్రజాస్వామ్యాన్ని అపహాస్యం చేసిన వ్యక్తి చంద్రబాబు. కులాల మతాల ప్రస్తావనతో ప్రజలను తప్పుదోవ పట్టిస్తున్న వ్యక్తి చంద్రబాబు. సీఎం జగన్‌ పారదర్శకంగా పాలన సాగిస్తున్నారు. సంక్షేమ పథకాలు డోర్ డెలివరీ చేసేలా చర్యలు చేపట్టారు. ఒక్కరోజులోనే 95 శాతం పింఛన్లు పంపిణీ చేసిన ఘనత మాది. ప్రజలు తిరస్కరించిన వ్యక్తి చంద్రబాబు. విద్య, వైద్య రంగాల్లో ఏపీని అగ్రగామిగా నిలపాలని సీఎం చూస్తున్నారు. బోండా ఉమా నిరాశలో ప్రభుత్వంపై బురద చల్లాలని చూస్తున్నారని విమర్శించారు. విడతల వారిగా మద్యం నియంత్రణకు ముఖ్యమంత్రి వైఎస్‌ జగన్‌ కృషి చేస్తున్నారని అన్నారు. చిత్తశుద్ధి,నిజాయితీ ఉంటే మీ అయిదు సంవత్సరాల పాలనపై, మా తొమ్మిది నెలల పాలపై చర్చకు సిద్దమా...?’’ అంటూ చంద్రబాబుకు మల్లాది విష్ణు సవాల్‌ విసిరారు.

సాక్షి, అనంతపురం : టీడీపీ మాజీ ఎంపీ జేసీ దివాకర్‌రెడ్డి ఆసక్తికర వ్యాఖ్యలు చేశారు. ముఖ్యమంత్రి వైఎస్‌ జగన్‌మోహన్‌రెడ్డి ప్రభుత్వం తీసుకు వచ్చిన నూతన చట్టంపై బుధవారం ఆయన స్పందించారు. నూతన చట్టం అమలు అయితే ఎన్నికల్లో పోటీ చేయలేమని పేర్కొన్నారు. కాగా స్థానిక ఎన్నికల్లో డబ్బు, మద్యం నిషేదిస్తూ సీఎం వైఎస్‌ జగన్‌ ఆదేశాలు జారీ చేసిన విషయం తెలిసిందే.  డబ్బు, మద్యం పంచినట్లు రుజువైతే మూడు సంవత్సరాల పాటు జైలుశిక్ష తప్పదని సీఎం ఆదేశాలపై జేసీ మాట్లాడుతూ.. వచ్చే స్థానిక సంస్థల ఎన్నికలకు దూరంగా ఉంటామని.. మున్సిపల్‌, సర్పంచ్‌, పరిషత్‌ ఎన్నికల్లో పోటీ చేయమని తెలిపారు. ఎన్నికల్లో డబ్బు, మద్యం పంపిణీ చేయవద్దంటే ఎలా అని.. డబ్బు పంచితే జైలుకు వెళ్లాలా అని ఆశ్చర్యం వ్యక్తం చేశారు. ఇలాంటి చట్టం ఉంటే పోటీ చేసినా ప్రయోజనం ఉండదని అభిప్రాయం వ్యక్తం చేశారు. (జేసీ ఫోర్జరీ కేసులో సరికొత్త ట్విస్ట్‌) ‘గత స్థానిక ఎన్నికల్లో డబ్బు, మద్యం పంపిణీ చేసే మా వాళ్లు ఎన్నికల్లో గెలిచారు. వచ్చే ఎన్నికల్లో మా అనుచరులు దూరంగా ఉంటారు. ఎమ్మెల్యే, ఎంపీ ఎన్నికల్లో ఇటాంటి చట్టాలు లేవు కనుకే పోటీ చేస్తున్నాం. చంద్రబాబు అదృష్టవంతుడు.. విశాఖలో ఎలాంటి భౌతిక దాడి లేకుండానే క్షేమంగా బయటపడ్డారు’.అని వ్యాఖ్యానించారు. (అల్లు అర్జున్‌, విజయ్‌ డైట్‌ తెలుసుకోవాలి: హృతిక్‌ )

సాక్షి, హైదరాబాద్‌: జిల్లా కేంద్ర సహకార బ్యాంకు (డీసీసీబీ), జిల్లా సహకార మార్కెటింగ్‌ సొసైటీ (డీసీఎంఎస్‌) మేనేజింగ్‌ కమిటీ ఎన్నికల నామినేషన్లు మంగళవారం స్వీకరిస్తారు. నామినేషన్ల పరిశీలన, ఉప సంహరణ కార్యక్రమం మంగళవారం సాయంత్రం ఐదు గంటల లోపు పూర్తి కానుంది. మేనేజింగ్‌ కమిటీ సభ్యుల ఎన్నిక ఏకగ్రీవం కాని పక్షంలో ఈ నెల 28న ఎన్నిక నిర్వహించి, అదే రోజు సాయంత్రం ఫలితాన్ని ప్రకటిస్తారు. తిరిగి ఈ నెల 29న డీసీసీబీ, డీసీఎంఎస్‌ చైర్మన్, వైస్‌ చైర్మన్‌ ఎన్నిక నిర్వహించి నూతన పాలక మండలికి బాధ్యతలు అప్పగిస్తారు. హైదరాబాద్‌ మినహా రాష్ట్రంలోని పూర్వం ఉమ్మడి జిల్లాల వారీగా తొమ్మిది డీసీసీబీ, డీసీఎంఎస్‌ల పాలక మండలి ఎన్నికలను సహకార ఎన్నికల అథారిటీ నిర్వహిస్తోంది. ఒక్కో డీసీసీబీకి 20 మందిని మేనేజింగ్‌ కమిటీ సభ్యులుగా ఎన్నుకోవాల్సి ఉండగా, ఇందులో ఏ క్లాస్‌ సొసైటీలుగా పేర్కొనే ప్రాథమిక వ్యవసాయ సహకార సంఘాల నుంచి 16 మందిని ఎన్నుకుంటారు. బీ క్లాస్‌ సొసైటీలుగా పేర్కొనే చేనేత, ఉద్యోగ, గీత, మత్స్య సహకార సంఘాల నుంచి నలుగురిని ఎన్నుకుంటారు. డీసీఎంఎస్‌లకు పది మంది డైరెక్టర్లను ఎన్నుకోవాల్సి ఉండగా, ఏ క్లాస్‌ సొసైటీల నుంచి ఆరుగురు, బీ క్లాస్‌ సొసైటీల నుంచి నలుగురిని ఎన్నుకుంటారు. డీసీసీబీలన్నీ టీఆర్‌ఎస్‌ ఖాతాలోకే! ఇటీవల జరిగిన ప్రాథమిక వ్యవసాయ సహకార సంస్థల (పీఏసీఎస్‌) ఎన్నికల్లో మెజారిటీ స్థానాల్లో టీఆర్‌ఎస్‌ మద్దతుదారులే చైర్మన్లుగా ఎన్నికయ్యారు. డీసీసీబీ, డీసీఎంఎస్‌ మేనేజింగ్‌ కమిటీ ఎన్నికల్లో వీరి ఓట్లే కీలకం కానుండటంతో మేనేజింగ్‌ కమిటీ సభ్యులు కూడా టీఆర్‌ఎస్‌కు చెందిన వారే ఎన్నికయ్యే అవకాశముంది. చాలాచోట్ల పోటీ లేకుండా టీఆర్‌ఎస్‌ మద్దతుదారులను మేనేజింగ్‌ కమిటీ సభ్యులను ఏకగ్రీవంగా ఎన్నుకునే ప్రయత్నాలు సాగుతున్నాయి. ఈ మేరకు మంత్రులు రెండు రోజులుగా ఉమ్మడి జిల్లాల వారీగా ఎమ్మెల్యేలు, కీలక నేతల నుంచి అభిప్రాయ సేకరణ చేసి ఆశావహుల జాబితాను రూపొందించారు. మరోవైపు డీసీసీబీ, డీసీఎంఎస్‌ చైర్మన్‌ పదవులను ఆశిస్తున్న టీఆర్‌ఎస్‌ నేతలు మేనేజింగ్‌ కమిటీ సభ్యులుగా నామినేషన్లు వేసేందుకు సన్నాహాలు చేసుకుంటున్నారు. మేనేజింగ్‌ కమిటీ సభ్యులుగా ఎన్నికైన వారే డీసీసీబీ, డీసీఎంఎస్‌ చైర్మన్‌ పదవులకు పోటీ పడే అవకాశం ఉంటుంది. పీఏసీఎస్‌ డైరెక్టర్, చైర్మన్‌ పదవుల ఎంపికలో స్థానిక టీఆర్‌ఎస్‌ ఎమ్మెల్యేలు క్రియాశీలకంగా వ్యవహరించారు. ప్రస్తుతం జరిగే డీసీసీబీ, డీసీఎంఎస్‌ మేనేజింగ్‌ కమిటీ పదవులను ఆశించే వారి ఎంపికను మాత్రం సంబంధిత జిల్లా మంత్రులకు అప్పగించారు. మరోవైపు జిల్లాల వారీగా డీసీసీబీ, డీసీఎంఎస్‌ చైర్మన్‌ పదవులు ఆశిస్తున్న ఆశావహుల జాబితాను జిల్లాల వారీగా క్రోడీకరించి పార్టీ అధినేత, సీఎం కేసీఆర్‌కు జిల్లా మంత్రులు, పార్టీ ప్రధాన కార్యదర్శులు అప్పగించినట్లు సమాచారం. జాబితాకు తుదిరూపు.. టెస్కాబ్‌ చైర్మన్‌ పదవిని ఆశిస్తున్న కొందరు టీఆర్‌ఎస్‌ నేతలు డీసీసీబీ చైర్మన్‌ పదవి కోసం ప్రయత్నాలు సాగిస్తున్నారు. ఈ పదవి దక్కని కొందరు నేతలకు డీసీఎంఎస్‌ చైర్మన్‌ పదవిని ఇవ్వడం ద్వారా సంతృప్తి పరిచే అవకాశం ఉంది. ఉమ్మడి జిల్లాల వారీగా.. డీసీసీబీ పీఠం కోసం నల్లగొండ నుంచి గొంగిడి మహేందర్‌రెడ్డి, మల్లేశ్‌ గౌడ్, ఏసిరెడ్డి దయాకర్‌రెడ్డి పేర్లు పరిశీలనలో ఉన్నాయి. పాలమూరు నుంచి మాజీ ఎమ్మెల్యే గురునాథ్‌రెడ్డికి కేటీఆర్‌ ఇప్పటికే హామీ ఇచ్చారు. మెదక్‌ నుంచి దేవేందర్‌రెడ్డి, డీసీసీబీ మాజీ చైర్మన్‌ చిట్టి దేవేందర్‌రెడ్డి, బక్కి వెంకటయ్య పేర్లు సీఎం పరిశీలనకు పంపినట్లు సమాచారం. రంగారెడ్డి జిల్లా నుంచి మనోహర్‌రెడ్డి, నవాబ్‌పేట మండలం అర్కతలకు చెందిన పోలీస్‌ రాంరెడ్డి, డీసీసీబీ మాజీ అధ్యక్షుడు లక్ష్మారెడ్డి పదవిని ఆశిస్తున్నారు. ఉద్యమ సమయం నుంచి పార్టీలో ఉన్న రాంరెడ్డి, మనోహర్‌రెడ్డి పేర్లు సీఎం పరిశీలనకు వెళ్లినట్లు తెలిసింది. కరీంనగర్‌ నుంచి టెస్కాబ్‌ మాజీ చైర్మ న్‌ కె.రవీందర్‌రావు, నిజామాబాద్‌ నుంచి అసెంబ్లీ స్పీకర్‌ పోచారం శ్రీనివాస్‌రెడ్డి తనయుడు భాస్కర్‌రెడ్డి, ఆదిలాబాద్‌ నుంచి అడ్డి బోజారెడ్డి, దామోదర్‌రెడ్డి, వరంగల్‌ నుంచి మార్నేని రవీందర్‌రావు, గుండేటి రాజేశ్వర్‌రెడ్డి, ఖమ్మం జిల్లా నుంచి తు ళ్లూరు బ్రహ్మయ్య, సత్వాల శ్రీనివాస్‌రావు, కూరాకుల నాగభూషణం పేర్లు జాబితాలో ఉన్నాయి. 

సాక్షి, అమరావతి: గ్రామ, వార్డు సచివాలయ ఉద్యోగాలకు దరఖాస్తు చేసుకున్న వారికి ఏప్రిల్‌ మొదటి వారంలో రాత పరీక్షలు నిర్వహించేందుకు అధికారులు ఏర్పాట్లు చేస్తున్నారు. మొత్తం 19 రకాలైన 16,208 ఉద్యోగాలకు జనవరి 10న ప్రభుత్వం నోటిఫికేషన్‌ జారీ చేసిన విషయం తెలిసిందే. ఈ నెల 7 వరకు ఆన్‌లైన్‌ విధానంలో దరఖాస్తు చేసుకునేందుకు వీలు కల్పించారు. మొత్తంగా 11,06,614 మంది దరఖాస్తు చేసుకున్నట్టు అధికారులు వెల్లడించారు. ఈ ఉద్యోగాల నియామకానికి నోడల్‌ ఏజెన్సీగా వ్యవహరిస్తున్న పంచాయతీరాజ్‌ శాఖ.. ఏప్రిల్‌ మొదటి వారంలో రాత పరీక్షలు నిర్వహించేందుకు సన్నాహాలు చేస్తోంది. ఐదు రోజుల పాటు ఈ పరీక్షలు కొనసాగే అవకాశం ఉందని అధికారులు చెప్పారు. ఒకవేళ రాష్ట్రంలో ఏప్రిల్‌ మొదటి వారంలో స్థానిక సంస్థలకు ఎన్నికలు జరిగే అవకాశం ఉంటే.. ఈ ఉద్యోగాల రాత పరీక్షలు మరికొంత కాలం వాయిదా పడే అవకాశం ఉందని కూడా తెలిపారు. రానున్న వారం పది రోజుల్లో స్థానిక సంస్థల ఎన్నికల నిర్వహణ అంశాన్ని పరిశీలించి రాత పరీక్షల తేదీలపై స్పష్టమైన నిర్ణయం తీసుకునే అవకాశం ఉందని తెలుస్తోంది.

సాక్షి, అమరావతి: గ్రామ స్థాయి నుంచే ఎన్నికల సంస్కరణలు చేపట్టాలని మంత్రి  పెద్దిరెడ్డి రామచంద్రారెడ్డి పేర్కొన్నారు. స్థానికంగా నివాసం ఉండేలా సర్పంచ్‌లకు నిబంధనలు రూపొందించాలని అలాగే డబ్బు, మద్యం పంపిణీ జరగకుండా ఎన్నికలు నిర్వహించేలా ఎన్నికల నియమావళిని రూపొందించాలని తెలిపారు. ఎన్నికల్లో అక్రమాలకు పాల్పడితే అనర్హత వేటు వేయాలని సూచించారు. అందరికి సంక్షేమ పథకాలు అందుతున్నాయని, ఉగాది కల్లా పేదలందరికి ఇళ్ల పట్టాలు పంపిణీ చేస్తామని తెలిపారు. వికేంద్రీకరణకు ప్రజలందరు మద్దతు తెలుపుతున్నారని  పెద్దిరెడ్డి రామచంద్రారెడ్డి హర్షం వ్యక్తం చేశారు. 

సాక్షి, విజయవాడ: స్థానిక ఎన్నికల రిజర్వేషన్ల అంశంపై హైకోర్టు తుది తీర్పు వెలువడగానే ఎన్నికలు నిర్వహించేందుకు సిద్ధంగా ఉన్నామని ఏపీ స్టేట్ ఎలక్షన్ కమిషన్ సెక్రటరీ రామసుందర్‌రెడ్డి తెలిపారు. బుధవారం స్థానిక సంస్థల ఎన్నికల నిర్వహణపై స్పందించారు. మీడిమాతో ఆయన మాట్లాడుతూ.. స్థానిక ఎన్నికలు(కార్పొరేషన్, మున్సిపల్, జెడ్పీటీసీ, ఎంపీటీసీ, గ్రామ పంచాయతీ ఎన్నికల)కు సంబంధించిన అన్ని ఏర్పాట్లు పూర్తి చేశామని తెలిపారు. స్థానిక సంస్థల ఎన్నికలు, మున్సిపల్‌ ఎన్నికలను పేపర్‌ బ్యాలెట్‌లోనే నిర్వహించేందుకు సిద్ధంగా ఉన్నామని చెప్పారు. ఏపీలో 1,5732 బ్యాలెట్ బాక్స్లు సిద్ధంగా ఉన్నాయని, కేరళ,  తమిళనాడు, రాష్ట్రాల నుంచి 13, 227 బ్యాలెట్ బాక్సులను తెప్పించామని తెలిపారు. ప్రస్తుతం 1,18,959 బ్యాలెట్ బాక్స్లు సిద్ధంగా ఉంచామని, తెలంగాణ రాష్ట్రం నుంచి 40 వేల బ్యాలెట్ బాక్స్లు ఇచ్చేందుకు అనుమతించారని పేర్కొన్నారు. సర్పంచ్, ఎం.పి.టి.సి ఎన్నికలకు పింక్ కలర్ పేపర్, మున్సిపాలిటీ జెడ్పీటీసీ, వార్డు సభ్యుల ఎన్నికలకు వైట్ కలర్ పేపర్ ఉపయోగిస్తామని అన్నారు. పంచాయితీ ఎన్నికలను రాజకీయ పార్టీల రహితంగా ఫ్రీ సింబల్స్ ఉపయోగిస్తామని తెలిపారు. రాష్ట్ర వ్యాప్తంగా 13 జిల్లాల్లో స్థానిక సంస్థల ఎన్నికలకు కావాల్సిన సామగ్రి సిద్ధంగా ఉందన్నారు.

సాక్షి, అమరావతి: రాష్ట్రంలో స్థానిక సంస్థల ఎన్నికల నిర్వహణ కోసం రాష్ట్ర ప్రభుత్వం జారీ చేసిన జీఓ 176పై సుప్రీంకోర్టు స్టే విధించింది. స్థానిక సంస్థల ఎన్నికల్లో ఎస్సీ, ఎస్టీ, బీసీలకు 59.85 శాతం రిజర్వేషన్లు ఖరారు చేస్తూ రాష్ట్ర ప్రభుత్వం గత నెల్లో జీఓ 176 జారీ చేసిన సంగతి తెలిసిందే. రిజర్వేషన్లు 50 శాతానికి మించరాదన్న సుప్రీంకోర్టు గత తీర్పు నేపథ్యంలో రాష్ట్రప్రభుత్వం 59.85 శాతం రిజర్వేషన్లు కల్పించడంపై విచారణ జరపాలని ఏపీ హైకోర్టుకు సూచించింది. ఈ రిజర్వేషన్ల వ్యవహారంపై దాఖలైన వ్యాజ్యాలను నాలుగు వారాల్లోగా తేల్చాలని సుప్రీంకోర్టు స్పష్టం చేసింది. ఈ మేరకు సుప్రీంకోర్టు ప్రధాన న్యాయమూర్తి జస్టిస్‌ శరద్‌ అరవింద్‌ బాబ్డే, న్యాయమూర్తులు జస్టిస్‌ భూషణ్‌ రామకృష్ణ గవాయ్, జస్టిస్‌ సూర్యకాంత్‌లతో కూడిన త్రిసభ్య ధర్మాసనం బుధవారం ఉత్తర్వులు జారీ చేసింది. స్థానిక సంస్థల ఎన్నికల్లో ఎస్సీ, ఎస్టీ, బీసీలకు 59.85 శాతం రిజర్వేషన్లు కల్పించడాన్ని సవాలు చేస్తూ బీసీ రామాంజనేయులు, బిర్రు ప్రతాప్‌రెడ్డి, మరికొందరు కొద్దిరోజుల క్రితం హైకోర్టులో వ్యాజ్యాలు దాఖలు చేశారు. వీటిపై విచారణ జరిపిన హైకోర్టు ప్రధాన న్యాయమూర్తి జస్టిస్‌ జేకే మహేశ్వరి నేతృత్వంలోని ధర్మాసనం, ప్రభుత్వం నిర్ణయించిన 59.85 శాతం రిజర్వేషన్లపై జోక్యానికి నిరాకరించిన సంగతి తెలిసిందే. ఈ నెల 17న ఎన్నికల నోటిఫికేషన్‌ విడుదల చేయాలని ఎన్నికల సంఘాన్ని హైకోర్టు ఆదేశించింది. దీనిని సవాలు చేస్తూ బీసీ రామాంజనేయులు, బిర్రు ప్రతాప్‌రెడ్డిలు వేర్వేరుగా సుప్రీంకోర్టులో స్పెషల్‌ లీవ్‌ పిటిషన్లు దాఖలు చేశారు. మంత్రివర్గంలో, నామినేటెడ్‌ పదవుల్లో, ఇతర ప్రభుత్వ పదవుల్లో వైఎస్‌ జగన్‌మోహన్‌రెడ్డి సర్కారు బలహీనవర్గాలకు పెద్దపీట వేసిన సంగతి తెలిసిందే. ఆ నేపథ్యంలో స్థానిక సంస్థల్లోను బలహీనవర్గాలకు తగిన న్యాయం జరిగేలా రాష్ట్ర ప్రభుత్వం రిజర్వేషన్లపై నిర్ణయం తీసుకుంది. పంచాయతీరాజ్‌ చట్టం ఆధారంగానే రిజర్వేషన్లు కల్పించాం సుప్రీంలో విచారణ సందర్భంగా పిటిషనర్ల తరఫున సీనియర్‌ న్యాయవాదులు అంజనా ప్రకాశ్, ప్రేరణా సింగ్‌ తదితరులు వాదనలు వినిపిస్తూ, కె.కృష్ణమూర్తి వర్సస్‌ యూనియన్‌ ఆఫ్‌ ఇండియా కేసులో రిజర్వేషన్లు 50 శాతం దాటరాదని సుప్రీంకోర్టు 2010లో తీర్పునిచ్చిందని ధర్మాసనం దృష్టికి తీసుకొచ్చారు. ప్రత్యేక పరిస్థితుల్లో మాత్రమే 50 శాతం దాటొచ్చని తీర్పులో చెప్పారని, ఏపీలో అలాంటి పరిస్థితులేవీ లేవని వివరించారు. సుప్రీం గత తీర్పుకు విరుద్ధంగా రిజర్వేషన్లు కల్పించడాన్ని ఎలా సమర్ధించుకుంటారని ఏపీ ప్రభుత్వ న్యాయవాది ఆర్‌.వెంకటరమణిని ధర్మాసనం ప్రశ్నించింది. ఈ సందర్భంగా వెంకటరమణి స్పందిస్తూ.. 1994 పంచాయతీరాజ్‌ చట్టంలో జనాభా ప్రాతిపదికన బీసీలకు రిజర్వేషన్లు కల్పించాలనుందని.. ఆ మేరకు బీసీలకు 34 శాతం రిజర్వేషన్లు ఇచ్చామని చెప్పారు. హైకోర్టు తేల్చడమే సబబు: సుప్రీం ఆ సమయంలో ధర్మాసనం జోక్యం చేసుకుంటూ, రిజర్వేషన్లు 50 శాతం దాటరాదన్న తమ తీర్పును వచ్చే పదేళ్లలో కూడా అమలు చేసే పరిస్థితులు కనిపించడం లేదని వ్యాఖ్యానించింది. వచ్చే ఎన్నికల్లో కాకున్నా, ఆ వచ్చే ఎన్నికల నాటికైనా చట్టాన్ని సవరించి తమ తీర్పును అమలు చేస్తారని ఆశిస్తున్నామని పేర్కొంది. ఏది ఏమైనా తమ తీర్పును మాత్రం అమలు చేసి తీరాల్సిందేనని ధర్మాసనం స్పష్టం చేసింది. ప్రత్యేక పరిస్థితుల్లో రిజర్వేషన్లు 50 శాతం దాటొచ్చని కృష్ణమూర్తి కేసులో సుప్రీం చెప్పిందని వెంకటరమణి చెప్పగా, ఆ ప్రత్యేక పరిస్థితులు కేవలం షెడ్యూల్‌ ప్రాంతాలకే పరిమితమని పిటిషనర్ల తరఫు న్యాయవాదులు పేర్కొన్నారు. ఇంతవరకు ఎన్నికల కమిషన్‌ ఎన్నికల నోటిఫికేషన్‌ జారీ చేయలేదన్న విషయాన్ని ధర్మాసనం దృష్టికి వెంకటరమణి తీసుకొస్తూ.. ఎన్నికలకు ముందే రిజర్వేషన్ల వ్యవహారాన్ని హైకోర్టు తేలుస్తామంటే తమకు అభ్యంతరం లేదని ధర్మాసనానికి వివరించారు. ఇరుపక్షాల వాదనలు విన్న ధర్మాసనం, ఈ వ్యవహారాన్ని కేసు పూర్వపరాల ఆధారంగా నిబంధనలకు లోబడి హైకోర్టే తేల్చడం సబబని అభిప్రాయపడింది. సంక్రాంతి సెలవుల అనంతరం ఈ నెల 20న హైకోర్టు కార్యకలాపాలు పునఃప్రారంభం కానున్న నేపథ్యంలో ఆ రోజున తామిచ్చిన ఉత్తర్వులను సీజే నేతత్వంలోని ధర్మాసనం దృష్టికి తీసుకెళ్లాలని పిటిషనర్లను సుప్రీం ధర్మాసనం ఆదేశించింది. ఈ వ్యాజ్యాలు తేలేంత వరకు జీవో 176పై స్టే ఉంటుందని స్పష్టం చేసింది.  

సాక్షి, వరంగల్‌:1952లో మొదటిసారి దేశానికి స్వాతంత్య్రం వచ్చిన తర్వాత హైదరాబాద్‌ సంస్థానం నిజాం నవాబుల పాలనలోనే కొనసాగింది. 1935లో దేశంలో స్థానిక సంస్థల ఎన్నికలకు నగారా మోగించారు. ఒక్క నైజాం(హైదరాబాద్‌) మినహా అన్ని రాష్ట్రాల్లో లోకల్‌ బాడీ ఎన్నికల ద్వారా ప్రజా ప్రతినిధుల పాలన అమలులోకి వచ్చింది. అదే సమయంలో నిజాం నవాబు బల్దియా(మునిసిపల్‌) పరిధిలో తహసీల్దార్‌ను చైర్మన్‌గా నియమించి.. పేరు ప్రఖ్యాతలు ఉన్న ఐదుగురు సభ్యులను నామినేటెడ్‌గా నియమించారు. అలా 17 ఏళ్ల పాటు కొనసాగిన తహసీల్దార్‌ పాలన 1952లో ముగిసింది. అదే ఏడాది నవంబర్‌లో జనగామలో మొదటిసారి 14 వార్డులకు ఎన్నికలు నిర్వహించారు. వార్డు సభ్యుల ఎన్నికల్లో జనగామ మొదటి చైర్మన్‌గా కోడూరి జగన్నాథరెడ్డి, వైస్‌ చైర్మన్‌గా పెద్ది నారాయణ ఎన్నికయ్యారు. ఇందులో ముగ్గురు అఫీషియల్స్, మరో ముగ్గురు నాన్‌ అఫీషియల్స్‌ను నామినేటెడ్‌ పద్ధతిలో సభ్యులుగా నియమించారు. వీరి పాలన ఆరేళ్ల పాటు కొనసాగింది.   అవిశ్వాస తీర్మానాలు.. రెండోసారి 1959లో 17 వార్డులకు ఎన్నికలను నిర్వహించారు. చైర్మన్‌గా రాగి నర్సింహులు, వైస్‌ చైర్మన్‌గా పన్నీరు సోమయ్యను ఎన్నుకున్నారు. ఏడాది తర్వాత అవిశ్వాస తీర్మాణం పెట్టడంతో నర్సింహులు తన పదవి కోల్పోయారు. వార్డు సభ్యుడిగా ఉన్న వెన్నెం వెంకటనర్సింహారెడ్డి మెజార్టీ సభ్యుల మద్దతుతో చైర్మన్‌గా బాధ్యతలు స్వీకరించారు. 1961 వరకు ఆయన పదవీ కాలం కొనసాగింది. 1965లో మూడోసారి ఎన్నికల నిర్వహణ కోసం ఎన్నికల సంఘం నోటిఫికేషన్‌ జారీ చేయగా.. పాకిస్తాన్‌తో యుద్ధం రావడంతో దాన్ని రద్దు చేశారు. 1966లో మూడోసారి 20 వార్డులకు ఎన్నికలు నిర్వహించారు. ఈ ఎన్నికల్లో తిరిగి వెన్నెం వెంకట నర్సింహారెడ్డి రెండోసారి చైర్మన్‌గా బాధ్యతలు చేపట్టి ఐదేళ్ల పాటు పాలన కొనసాగించారు. ఎన్నికల నిర్వహణలో సవరణలతో పాటు రిజర్వేషన్‌ పద్ధతి ద్వారా ఎన్నికలను నిర్వహించాలన్న ఉద్ధేశంతో 1971– 1981 వరకు ప్రత్యేక అధికారి çపర్యవేక్షణలో పాలన కొనసాగించారు. ఆ సమయంలో నలుగురు అధికారులు మారారు. సీఎం అంజయ్య హయాంలో 1982లో నాలుగోసారి పార్టీ రహిత(పార్టీల గుర్తు లేకుండా) 20 వార్డులకు ఎన్నికలు నిర్వహించగా, చైర్మన్‌గా వీరారెడ్డి భాస్కర్‌రెడ్డి ఎన్నికై ఏడాది పాటు కొనసాగారు. అవిశ్వాస తీర్మానంలో బలనిరూపణతో చొల్లేటి ప్రభాకర్‌ చైర్మన్‌గా పదవిని అలంకరించారు. రెండున్నరేళ్ల పాటు అధికారంలో ఉన్న ప్రభాకర్‌పై వార్డు సభ్యులు అవిశ్వాసం పెట్టి పబ్బా శివకోటిని ఎన్నుకున్నారు. ఇలా 1982– 1987 వరకు ఏకంగా ముగ్గురు చైర్మన్లు మారడం గమనార్హం.  1987లో డైరెక్టు ఎన్నికలు.. వార్డు సభ్యుల ద్వారా చైర్మన్‌ను ఎన్నుకునే విధానానికి నాటి ముఖ్యమంత్రి ఎన్‌టీ రామారావు స్వస్తి చెప్పారు. 1987లో ఐదోసారి ఎన్నికలను డైరెక్టు పద్ధతిలో నిర్వహించారు. డైరెక్టుగా నిర్వహించిన ఎన్నికల్లో చైర్మన్‌గా పీటీ దశరథ గెలుపొందారు. 20 మంది వార్డు సభ్యులు కలిసి పజ్జూరి మురళిని వైస్‌ చైర్మన్‌గా ఎన్నుకున్నారు. ఆరోసారి 1992లో ఎన్నికలను నిర్వహించారు. చైర్మన్‌గా ఎర్రమళ్ల సుధాకర్‌ డైరెక్టు పద్ధతిలో గెలుపొందగా, వైస్‌ చైర్మన్‌గా సత్యనారాయణరెడ్డిని సభ్యులు ఎన్నుకున్నారు. ఆ తర్వాత మూడేళ్ల పాటు ఆర్టీఓ పాలన కొనసాగింది. 2000లో ఏడో సారి డైరెక్టు ఎన్నికల్లో డాక్టర్‌ కరుణాకర్‌రాజు చైర్మన్‌గా, వైస్‌ చైర్మన్‌గా మోతుకు గౌరారెడ్డి అధికార పీఠాన్ని కైవసం చేసుకున్నారు. 2005లో ఎనిమిదో సారి 24 వార్డులకు డైరెక్టు ఎన్నికలు నిర్వహించగా వేమెళ్ల సత్యనారాయణరెడ్డి చైర్మన్‌గా గెలుపొందారు. వైస్‌ చైర్మన్‌గా కంచె రాములును సభ్యులు ఎన్నుకున్నారు. 2010లో సత్యనారాయణరెడ్డి పదవీ కాలం ముగిసిన తర్వాత, 2014 వరకు ఎన్నికలు నిర్వహించలేదు. 2014లో తొమ్మిదో సారి 28 వార్డులకు నిర్వహించిన ఎన్నికల్లో వార్డు సభ్యుల బలనిరూపణతో మొదటిసారి మహిళా చైర్‌పర్సన్‌గా గాడిపెల్లి ప్రేమలతారెడ్డి అధికారం పీఠాన్ని కైవసం చేసుకున్నారు. అయితే, జెడ్పీటీసీగా పోటీకి దిగిన ప్రేమలతారెడ్డి.. ఆరు నెలల ముందుగానే తనపదవికి రాజీనామా చేయగా వైస్‌ చైర్మన్‌గా ఉన్న నాగారపు వెంకట్‌కు చైర్మన్‌ పీఠం దక్కింది. చీటకోడూరు రిజర్వాయర్‌ ఏర్పాటు పట్టణ ప్రజలకు దాహార్తి తీర్చాలనే సంకల్పంతో 2005లో 11.13 ఎంఎల్‌డీ సామర్థ్యంతో చీటకోడూరు వద్ద రిజర్వాయర్‌ను నిర్మించారు. రిజర్వాయర్‌లో ప్రస్తుత నీటి సామర్థ్యం ఆధారంగా.. ప్రతిరోజు .01(73 లక్షల లీటర్లు) తాగునీటిని 120.40 కిలోమీటర్ల పరిధిలోని పైపులైన్ల ద్వారా సరఫరా చేస్తున్నారు. రూ.36వేల ఆదాయంతో.. 1952లో 12వేల జనాభా.. మూడు వేల నివాస గృహాలతో రూ.36వేల ఆదాయంతో మునిసిపల్‌ ప్రస్తానం ప్రారంభమైంది. ప్రభుత్వం నుంచి నిధులు రాకపోవడంతో పట్టణ అభివృద్ధి కోసం ప్రణాళికలు రూపొందించారు. సొంతంగా నిధులను సమకూర్చుకోవాలనే ఉద్ధేశంతో పెద్దల నిర్ణయం మేరకు సైకిళ్లకు లైఫ్‌ ట్యాక్స్‌ను అమలులోకి తీసుకొచ్చారు. ఏడాది రూ.3 చొప్పున చెల్లించాలని ఆదేశాలు జారీ చేశారు. అలాగే వ్యవసాయ ఉత్పత్తులతో పాటు వ్యాపార పరంగా వివిధ ప్రాంతాల నుంచి జనగామకు వచ్చే ఎడ్ల బండ్లు, ఇతర వాహనాలు టోల్‌ ట్యాక్స్‌ చెల్లించేలా నిబంధనలు పెట్టారు. ఒక్కో ఎడ్ల బండి నుంచి నాలుగు అణాలు టోల్‌ కింద తీసుకునే వారు. ప్రతీ నివాస గృహ యజమానులు ఏడాది రూ.5 నుంచి రూ.వెయ్యి వరకు ట్యాక్స్‌ చెల్లించే వారు. ఇంటింటికీ నల్లాలు లేకపోవడంతో బోరు బావుల ద్వారా నీటిని వాడుకున్నారు. 1964లో అప్పటి చైర్మన్‌ వెన్నెం వెంకట నర్సింహారెడ్డి ఆరు బోర్లు వేయించి నల్లా కనెక్షన్లు బిగించారు. అభివృద్ధి కోసం పనిచేసినం.. జనగామ పట్టణ అభివృద్ధి కోసం అకుంఠిత దీక్షతో పనిచేసినం. వేసవిలో ట్రాక్టర్ల ద్వారా తాగునీటి సరఫరా చేయాలని ప్రభుత్వం నిధులు మంజూరు చేసేది. కానీ నా హయాంలో బోరుబావులు తవ్వించేందుకు నిర్ణయం తీసుకోగా.. అప్పటి కలెక్టర్‌ ససేమిరా అన్నారు. అయినప్పటికీ బోరుబావుల అవసరాన్ని ఆయనకు వివరించి తాగునీటి సమస్య లేకుండా చేసినం. జనగామను ఆర్థికంగా బలోపేతం చేసేందుకు చేపట్టిన ఎన్నో కార్యక్రమాలు సఫలీకృతమయ్యాయి. – వెన్నెం వెంకటనర్సింహారెడ్డి, మునిసిపల్‌ మూడో చైర్మన్‌ ఎన్నికలను విజయవంతంగా నిర్వహిస్తాం.. 13వ సారి జరగనున్న జనగామ మునిసిపల్‌ ఎన్నికలను విజయవంతంగా నిర్వహించేందుకు సన్నద్ధమవుతున్నాం. కలెక్టర్‌ వినయ్‌కృష్ణారెడ్డి ఆదేశాల మేరకు 30 వార్డుల పరిధిలో 60 పోలింగ్‌ కేంద్రాలను ఏర్పాటు చేశాం. ఎక్కడ కూడా చిన్న పొరపాటు రాకుండా జాగ్రత్తలు తీసుకుంటున్నాం. – నోముల రవీందర్, కమిషనర్, జనగామ  

సాక్షి, నల్లగొండ : మున్సిపాలిటీల తుది ఓటరు జాబితాలను శనివారం సాయంత్రం అధికారులు విడుదల చేశారు.  వారం రోజులుగా సామాజిక కుల గణన, ఓటరు ముసాయిదా జాబితాపై కసరత్తు చేసిన అధికారులు మొత్తం ఓటర్లను వార్డుల వారీగా విభజించి తుది జాబితా తయారు చేశారు.  నీలగిరి మున్సిపాలిటీ తుది ఓటరు జాబితాను  మున్సిపల్‌ కమిషనర్‌ దేవ్‌సింగ్‌ విడుదల చేశారు. మున్సిపాలిటీ పరిధిలోని 48 వార్డుల్లో మొత్తం 1,27,044 మంది ఓటర్లు ఉండగా, పురుషులు 62,215 మంది, మహిళలు 64,828 మంది, ఇతరులు ఒకరు ఉన్నారు. అదే విధంగా ఎస్సీ, ఎస్టీ, బీసీ, మహిళలు, ఇతరుల ఓట్లను కూడా వార్డుల వారీగా లెక్క తేల్చి తుది జాబితాను తయారు చేశారు. పురుషల కన్నా మహిళలు 2,613 మంది ఎక్కువగా ఉన్నారు.  39 వార్డుల్లో మహిళలే అధికం నీలగిరి పట్టణంలో 48 వార్డులు ఉండగా అత్యధిక వార్డుల్లో మహిళా ఓటర్లే ఎక్కువగా ఉన్నారు. మున్సిపల్‌ అధికారులు విడుదల చేసిన తుది ఓటరు జాబితా ప్రకారం 39 వార్డుల్లో మహిళా ఓటర్లు ఎక్కువ ఉండగా, 9 వార్డుల్లో పురుష ఓటర్లు ఎక్కువగా ఉన్నారు. ఎస్సీ ఓటర్లు 18,486మంది, ఎస్టీలు 1,483మంది,  బీసీలు 79,632, ఇతరులు ఒకటి, జనరల్‌ ఓటర్లు 27,443 మంది ఉన్నారు. మిర్యాలగూడ మున్సిపాలిటీలోని 48 వార్డులకు చెందిన కులాల వారిగా ప్రకటించారు. మున్సిపాలిటీలో మొత్తం 87.431 మంది ఓటర్లు కాగా వీరిలో పురుషులు 42,744, మహిళలు 44,685 మంది ఓటర్లున్నారు. నందికొండ (నాగార్జునసాగర్‌) మున్సిపాలిటీలో 12 వార్డులుండగా 12,715 మంది ఓటర్లున్నారు.  ఇందులో పురుషులు 6,160 మంది, మహిళలు 6,555 మంది ఉన్నారు. చండూరు మున్సిపాలిటీలో 10 వార్డులకుగాను 10,055 మంది ఓటర్లు ఉన్నారు. ఇందులో పురుషులు 5,128, మహిళలు 4,927 మంది ఉన్నారు. చిట్యాల మున్సిపాలిటీలోని 12 వార్డుల్లో 11,094 మంది ఓటర్లున్నారు. వీరిలో పురుషులు 5,578 మంది,, మహిళలు 5,516 మంది ఓటర్లున్నారు. వీరిలో ఎస్‌టీ ఓటర్లు 132మంది, ఎస్‌సీలు 1975 మంది, బీసీలు 6337 మంది, జనరల్‌ 2,650 మంది ఉన్నారు.దేవరకొండ మున్సిపాలిటీలో 20 వార్డుల్లో 21,590 మంది ఓటర్లు ఉన్నారు. వీరిలో 10,595 మంది పురుషులు, 10,995 మహిళలు ఉన్నారు. కాగా, హాలియా మున్సిపాలిటీకి సంబంధించి కమిషనర్‌ బాలకృష్ణ అందుబాటులో లేకపోవడంతో ఓటర్ల వివరాలను ప్రకటించలేదు.   

సాక్షి, మహబూబ్‌నగర్‌: అనేక అభ్యంతరాలు.. సవరణల అనంతరం ఎట్టకేలకు ‘పుర’ ఓటర్ల జాబితా విడుదలైంది. ఉమ్మడి పాలమూరు జిల్లా పరిధిలో ఎన్నికలు జరగనున్న 17 మున్సిపాలిటీల్లో ఉన్న 338 వార్డుల్లో మొత్తం 5,23,489 మంది ఓటర్లు ఉన్నట్లు తేలింది. ఈ మేరకు రాష్ట్ర ప్రభుత్వం ఓటర్ల తుది జాబితాను విడుదల చేసింది. ఎన్నికల నిర్వహణలో భాగంగా.. గతేడాది జూన్‌ నెలాఖరులోనే అన్ని మున్సిపాలిటీల్లో ఓటర్ల ముసాయిదా జాబితాను విడుదల చేసింది. 2011 జనాభా లెక్కల ప్రాతిపదికన కులాల వారీగా ఓటర్లను గుర్తించారు. అయితే.. ఓటర్ల జాబితాలో తప్పులు దొర్లడం.. అందులో తమ పేర్లు లేకపోవడం, లోపభూయిష్టమైన వార్డుల విభజనతో అనేక మంది ఆశావహులు, వివిధ పార్టీల నాయకులు మూడు నెలల క్రితమే హైకోర్టును ఆశ్రయించారు. అనేక వాదనలు, ఫిర్యాదులపై వచ్చిన విచారణ  అనంతరం గత నెలలోనే హైకోర్టు ఎన్నికల నిర్వహణకు గ్రీన్‌సిగ్నల్‌ ఇచ్చింది. ఈ క్రమంలో ప్రభుత్వం క్షేత్రస్థాయిలో అధికారులను పంపింది. ఓటర్ల జాబితా, వార్డుల విభజన విషయంలో దొర్లిన తప్పులను సవరించింది. తాజాగా గత నెల 30న ఓటర్ల జాబితా ముసాయిదాను ప్రచురించి ఈనెల 2 తేదీ వరకు 374 అభ్యంతరాలను స్వీకరించింది. 3న పరిశీలించి శనివారం తుది జాబితాను విడుదల చేసింది.  మహిళలే న్యాయ నిర్ణేతలు   ఈసారి ఎన్నికలు జరగనున్న 17 మున్సిపాలిటీలకు గానూ 11 పురపాలికల్లో మహిళా ఓటర్లే న్యాయనిర్ణేతలుగా మారనున్నారు. మహబూబ్‌నగర్, గద్వాల, నారాయణపేట, వడ్డేపల్లి, మక్తల్, అయిజ, కోస్గి, ఆత్మకూరు, భూత్పూర్, అమరచింత, ఆలంపూర్‌ మున్సిపాలిటీల్లో పురుషుల కంటే మహిళా ఓటర్లే అత్యధికంగా ఉన్నారు. అన్ని మున్సిపాలిటీల్లో మొత్తం 5,23,489 మంది ఓటర్లు ఉంటే.. వారిలో 2,62,449 మంది మహిళలు, 2,60,912 మంది పురుషులు మిగిలినవి ఇతరులు ఉన్నారు.   

సాక్షి, మేడ్చల్‌జిల్లా: మేడ్చల్‌–మల్కాజిగిరి, రంగారెడ్డి జిల్లాల్లో మున్సిపల్‌ ఎన్నికల నిర్వహణలో భాగంగా శనివారం అధికారులు తుది ఓటర్ల జాబితాను కార్పొరేషన్లు, మున్సిపాలిటీల వారిగా వెల్లడించారు. డిసెంబర్‌ 30న విడుదల చేసిన ముసాయిదా ఓటర్ల జాబితాపై మేడ్చల్, రంగారెడ్డి జిల్లాల్లో రాజకీయ పార్టీల ప్రతినిధులతో ఆయా కలెక్టరేట్లతో(జిల్లా కేంద్రాల్లో) పాటు మున్సిపాలిటీల్లో సమావేశాలు నిర్వహించి..జాబితాలో చేర్పులు, మార్పులు, తప్పొప్పులపై చర్చించారు. అలాగే, ఓటర్ల నుంచి స్వీకరించిన అభ్యంతరాలను పరిశీలించి, పరిష్కరించిన అనంతరం ఆయా మార్పులతో శనివారం అధికారికంగా తుది ఓటర్ల జాబితాను ప్రకటించారు. కార్పొరేషన్లు,  మున్సిపాలిటీల్లో డివిజన్లు, వార్డుల వారిగా ఎస్సీ, ఎస్టీ, బీసీ, ఇతర ఓటర్లు ఎంతమందో ఫైనల్‌ చేశారు. ఈ నేపథ్యంలో ఈ నెల 7వ తేదీన ఎన్నికల నోటిఫికేషన్‌ విడుదల చేయాసేందుకు అధికారులు చర్యలు తీసుకుంటున్నారు. 8వ తేదీ నుంచి 10 వరకు నామినేషన్లు స్వీకరించే అవకాశముంది. కాగా, శనివారం విడుదల చేసిన తుది ఓటర్ల జాబితా ప్రకారం మేడ్చల్‌–మల్కాజిగిరి జిల్లాలో నాలుగు మున్సిపల్‌ కార్పొరేషన్లు, తొమ్మిది మున్సిపాలిటీల్లో 115 డివిజన్లు, 189 వార్డులు ఉన్నాయి. ఈ జిల్లాలో మొత్తం 5,90,493 మంది ఓటర్లు ఉండగా, పురుషులు 3,07,895 మంది, మహిళలు 2,82,541 మంది, ఇతరులు 57 మంది ఉన్నారు. రంగారెడ్డి జిల్లాలోని మూడు మున్సిపల్‌ కార్పొరేషన్లు, 12 మున్సిపాలిటీల్లో 100 డివిజన్లు, 151 వార్డులు ఉన్నాయి. జిల్లాలో మొత్తం ఓటర్లు 6,40,366 ఉండగా, వీరిలో 3,29,261 మంది పురుషులు, 3,11,037 మంది మహిళలు, 68 మంది ఇతరులు ఉన్నారు.    

సాక్షి, మెదక్‌: ఎన్నికల కమిషన్‌ షెడ్యూల్‌ విడుదల చేసి వారం రోజులవుతుండడంతో ఇప్పటికే ఎన్నికల వ్యూహంపై జిల్లాకు చెందిన పార్టీ ముఖ్య నేతలు, ప్రజాప్రతినిధులు అంతర్గతంగా మంతనాలు జరుపుతున్నారు. మున్సిపాలిటీల వారీగా కార్యకర్తల విస్తృత స్థాయి సమావేశాలు నిర్వహించి ఎన్నికల సమరానికి శంఖం పూరించడానికి సర్వ సన్నద్ధమవుతోంది. ఇప్పటికే ఓటర్ల ముసాయిదా జాబితాను విడుదల చేశారు. ఈ నెల 5న రిజర్వేషన్ల ప్రకటన, 7వ తేదీన నోటిఫికేషన్‌ విడుదల నాటికి అన్ని మున్సిపాలిటీల్లో కార్యకర్తల సమావేశాలు పూర్తి చేయాలని నిర్ణయించారు. గత అన్ని ఎన్నికల్లోనూ అనూహ్య ఫలితాలు  ఇటీవల జరిగిన అన్ని ఎన్నికల్లోనూ అధికార టీఆర్‌ఎస్‌ పార్టీ అనూహ్య ఫలితాలను సాధించింది. 18 ఏళ్ల పార్టీ ప్రస్థానంలో ఇంత ఉచ్ఛస్థితి ఫలితాలను ఆ పార్టీ ఊహించి ఉండదు. ఆశించిన, అనుకున్నదాని కంటే కూడా ఎక్కువ ఫలితాలను సాధించింది. అదే ఉత్సాహంతో 100 శాతం ఫలితాలను సాధించాలనే పట్టుదలతో పార్టీ జిల్లా అగ్ర నేతలున్నారు. 2018లో జరిగిన అసెంబ్లీ ఎన్నికల్లో జిల్లాలోని ఐదు స్థానాల్లో ఒక్క సంగారెడ్డిలో కాంగ్రెస్‌ అభ్యర్థి మినహా మిగతా నాలుగు నియోజకవర్గాలైన జహీరాబాద్, అందోల్, పటాన్‌చెరు, నారాయణఖేడ్‌లలో టీఆర్‌ఎస్‌ పార్టీ అభ్యర్థులే గెలుపొందారు. జిల్లా పరిధిలోకి వచ్చే జహీరాబాద్, మెదక్‌ పార్లమెంట్‌ స్థానాల్లో సైతం టీఆర్‌ఎస్‌ అభ్యర్థులు బీబీ పాటిల్, కొత్త ప్రభాకర్‌రెడ్డిలు గెలుపొందారు. గత ఏడాది జనవరిలో జరిగిన పంచాయతీ ఎన్నికల్లో జిల్లాలోని 647 సర్పంచ్‌ స్థానాలకు గాను 446, మొత్తం 295 ఎంపీటీసీ స్థానాలకు గాను 178, 25 జెడ్పీటీసీ స్థానాలకు గాను 20 చోట్ల టీఆర్‌ఎస్‌ పార్టీ విజయం సాధించింది. ఇదే ఉత్సాహంతో మున్సిపల్‌ ఎన్నికల్లో పాగా వేయాలని కార్యాచరణను సిద్ధం చేస్తున్నారు.   ఇన్‌చార్జిల నియామకం..  మున్సిపల్‌ ఎన్నికల్లో విజయమే ధ్యేయంగా టీఆర్‌ఎస్‌ అధిష్టానం పక్కా వ్యూహంతో వ్యవహరిస్తోంది. ఇందులో భాగంగా పార్టీ ముఖ్య నేతలతో మంత్రి హరీశ్‌రావు సమన్వయ సమావేశం నిర్వహించారు. ఈ సందర్భంగా కీలక నిర్ణయం తీసుకున్నారు.  జిల్లాలోని 8 మున్సిపాలిటీల్లో తప్పనిసరిగా గెలవాలనే ఉద్దేశంతో ఎన్నికల ఇన్‌చార్జిలను నియమించారు. మెదక్‌ ఎంపీ కొత్త ప్రభాకర్‌రెడ్డి, పార్టీ సీనియర్‌ నేత పట్లోళ్ల జైపాల్‌రెడ్డి, పార్టీ ప్రధాన కార్యదర్శి బక్కి వెంకటయ్యలను నియమించారు. ఈ నెల 7న నోటిఫికేషన్‌ అనంతరం వీరు పూర్తి స్థాయిలో పని చేయడానికి కార్యాచరణ ప్రణాళికను సిద్ధం చేస్తున్నారు.   ఎమ్మెల్యేలకే అభ్యర్థుల ఎంపిక, గెలుపు బాధ్యతలు  జిల్లాలో మొత్తం 8 మున్సిపాలిటీలు ఉన్నాయి. సంగారెడ్డి, సదాశివపేట, జహీరాబాద్, అందో ల్‌/జోగిపేట్, నారాయణఖేడ్, తెల్లాపూర్, బొల్లారం, అమీన్‌పూర్‌ మున్సిపాలిటీలు ఉన్నా యి.  కోర్టులో కేసు ఉన్న కారణంగా జహీరాబా ద్‌ మున్సిపాలిటీలో  ప్రస్తుతం ఎన్నికలు నిర్వహించడం లేదు. స్థానిక పరిస్థితులు, రిజర్వేషన్ల ప్రకారం అభ్యర్థుల ఎంపికతోపాటు గెలిపించే బాధ్యతలను సైతం స్థానికంగా ఉన్న ఎమ్మెల్యే లకే అప్పగించాలని టీఆర్‌ఎస్‌ అధిష్టానం నిర్ణయించింది. పార్టీకి చెందిన ఎమ్మెల్యేలు లేని చో ట మాజీ ఎమ్మెల్యేలు లేదా పార్టీ ఇన్‌చార్జిలు ఈ బాధ్యతలను నిర్వహించనున్నారు. కాగా సంగారెడ్డి అసెంబ్లీ నియోజకవర్గంలో టీఆర్‌ఎస్‌ పార్టీ ఎమ్మెల్యే లేకపోవడంతో ఇక్కడ 2018లో పోటీ చేసి ఓడిపోయిన మాజీ ఎమ్మెల్యే చింతా ప్రభాకర్‌కు ఈ బాధ్యతలు అప్పగించినట్లు స మాచారం. ఈ మేరకు అధిష్టానం నుంచి ఇప్పటికే సంకేతాలు అందినట్లు తెలుస్తోంది. ఇదిలా ఉండగా ఏ ఎన్నికలొచ్చినా ట్రబుల్‌ షూటర్‌గా పేరొందిన మంత్రి హరీశ్‌రావుకు ఉమ్మడి జిల్లాలో మున్సిపల్‌ ఎన్నికల పర్యవేక్షణ, గెలుపు బాధ్యతలు అప్పగించినట్లు సమాచారం. ఈ మేరకు ఆయన ఇప్పటికే ప్రజాప్రతినిధులు, పార్టీకి చెందిన ముఖ్య నేతలతో సంప్రదింపులు జరుపుతున్నట్లు తెలుస్తోంది. మొత్తానికి మున్సిపల్‌ ఎన్నికల్లో గెలుపుకోసం టీఆర్‌ఎస్‌ పార్టీ కార్యాచరణను సిద్ధం చేసి అందుకు అనుగుణంగా ముందుకు వెళ్తోంది.  

సాక్షి ప్రతినిధి, విజయనగరం: స్థానిక సంస్థల ఎన్నికల్లో తొలిఘట్టం పూర్తయ్యింది. జిల్లాలో జెడ్పీటీసీ, ఎంపీపీ, ఎంపీటీసీ స్థానాలకు రిజర్వేషన్లు ఖరారయ్యాయి..జిల్లా పరిషత్‌ చైర్‌పర్సన్‌ పీఠం ఈసారి ఎస్సీ మహిళకు దక్కింది. 2014 జెడ్పీ ఎన్నికల్లో చైర్‌పర్సన్‌ స్థానం ఎస్టీ మహిళకు కేటాయించారు. ఈ సారి ఎస్సీ మహిళకు రిజర్వయ్యింది. ఈ మేరకు శుక్రవారం సాయంత్రం జిల్లా కలెక్టర్‌ డాక్టర్‌ ఎం.హరిజవహర్‌లాల్‌ రిజర్వేషన్ల వివరాల జాబితాను విడుదల చేశారు. జిల్లాలో 34 జెడ్పీటీసీలు, 34 ఎంపీపీలు, 549 ఎంపీటీసీ స్థానాలు ఉన్నాయి. ఎంపీపీల్లో ఎస్టీ మహిళలకు 2, ఎస్టీ జనరల్‌కు 2 స్థానాలు కేటాయించారు. ఎస్సీ మహిళలకు 2, ఎస్సీ జనరల్‌ 2 స్థానాలు, బీసీ మహిళలకు 13, బీసీ జనరల్‌కు 13  స్థానాలు కేటాయించారు. జిల్లాలోని 34 జెడ్పీటీసీ స్థానాలకు ఎస్టీ మహిళలకు 2 స్థానాలు, ఎస్టీ జనరల్‌కు 2 స్థానాలను కేటాయించారు. ఎస్సీ మహిళలకు 2, ఎస్సీ జనరల్‌ 2 స్థానాలు, బీసీ మహిళలకు 9, బీసీ జనరల్‌కు 9, అన్‌ రిజర్వుడ్‌ మహిళలకు 4, అన్‌ రిజర్వుడ్‌ జనరల్‌కు 4 స్థానాలు కేటాయించారు. ఎంపీటీసీలకు సంబంధించి 549 స్థానాలకు ఎస్టీ మహిళలకు 37, ఎస్టీ జనరల్‌కు 24, ఎస్సీలకు 35, ఎస్సీ జనరల్‌కు 23,  బీసీ మహిళలకు 150, బీసీ జనరల్‌కు 138, అన్‌ రిజర్వుడ్‌ మహిళలకు 80, అన్‌ రిజర్వుడ్‌ జనరల్‌కు 62 స్థానాలను కేటాయించారు. తుది నిర్ణయం తీసుకోనున్న హైకోర్టు  రిజర్వేషన్ల ఖరారుపై ఈ నెల 8న రాష్ట్ర హైకోర్టు తుది నిర్ణయం తీసుకోనుంది. ఆంధ్రప్రదేశ్‌ పంచాయతీ రాజ్‌ చట్టం 1994 రూల్‌ నెం.13 ప్రకారం రిజర్వేషన్ల కేటాయింపు జరగడంతో దాదాపుగా ఇవే ఖరారయ్యే అవకాశం ఉంది. రిజర్వేషన్ల ప్రకారం చూస్తే జిల్లాలో మహిళలకు అత్యధిక ప్రాధాన్యం లభించింది. ఎంపీటీసీలుగా 549 స్థానాలకు 302 స్థానాల్లో మహిళలే పోటీ చేయాల్సి ఉంది. 34 జెడ్పీటీసీ స్థానాల్లో సగం మహిళలకే దక్కాయి. ఎంపీపీల్లోనూ 34 స్థానాల్లో 17 మహిళలకే కేటాయించారు. తాజా రిజర్వేషన్ల ప్రకారం రాజకీయ పార్టీలు అభ్యర్థులను ఎంపిక చేసుకోవాల్సి ఉంటుంది. ఇప్పటికే చాలా చోట్ల ఆశావహులు పోటీ చేయాలని ఆశగా ఉన్నారు. రిజర్వేషన్ల గెజిట్‌ విడుదల తర్వాత వారిలో చాలా మంది అవకాశాన్ని కోల్పోయారు. అలాంటి వారిలో కొంత నైరాశ్యం ఏర్పడింది. కానీ ప్రభుత్వం ఏ విధమైన రాజకీయాలకు, పక్షపాతానికి తావు లేకుండా 2011 జనాభా లెక్కల ప్రకారం రాష్ట్ర ఎన్నికల కమిషన్‌ ఉత్తర్వులను అనుసరించి అధికారుల చేత రిజర్వేషన్లు రూపొందించింది.  

సాక్షి, కోదాడ : నియోజకవర్గ కేంద్రమైన కోదాడను 1952లో గ్రామ పంచాయతీగా ఏర్పాటు చేశారు. దీనికి తొలి సర్పంచ్‌గా మర్ల పానకాలయ్య, ఉపసర్పంచ్‌గా కాకుమాను నర్సింహారెడ్డి, కార్యదర్శిగా గుడుగుంట్ల చిన అప్పయ్య వ్యవహరించారు. నాడు పంచాయతీలో నాలుగు వేల మంది జనాభా, మూడు వేల ఓటర్లు ఉండగా ఆదాయం  రూ.రెండు వేలుగా ఉండేది. 1956 నుంచి 64 వరకు తమ్మర వెంకటేశ్వరరావు సర్పంచ్‌గా ఉన్నారు. ఆ తరువాత చినఅప్పయ్య 1965 నుంచి 1971 మార్చి వరకు సర్పంచ్‌గా పని చేశారు. 1971 మార్చి నుంచి 72 మార్చి వరకు గరిడేపల్లి స్వామి, 1972 నుంచి 81 వరకు దాదాపు 10 సంవత్సరాలు వెలిశాల అనంతరామయ్య సర్పంచ్‌గా పనిచేశారు, 1981లో జరిగిన ఎన్నికల్లో వేనేపల్లి చందర్‌రావు సర్పంచ్‌గా ఎన్నికయ్యారు. 1984 జరిగిన రాజకీయ పరిణామాలతో ఆయన కోదాడ ఎమ్మెల్యేగా వెళ్లడంతో అప్పటి ఉప సర్పంచ్‌ చిట్టాబత్తిని సుబ్బరామయ్య సర్పంచ్‌గా ఎన్నికయ్యారు. ఆయన తరువాత సత్యబాబు, ఎర్నేని బాబు, పారా సీతయ్య, ఏర్నేని కుసుమ పని చేశారు. ఉపసర్పంచ్‌గా ఉన్న వాడపల్లి వెంకటేశ్వర్లు రెండుసార్లు ఇన్‌చార్జ్‌ సర్పంచ్‌గా పని చేశారు. 2012 వరకు కోదాడ గ్రామపంచాయతీగా కొనసాగింది. ప్రభుత్వం మున్సిపాలిటీగా ప్రకటించి ప్రత్యేక అధికారిని నియమించింది. 2014లో మున్సిపాలిటీకి ఎన్నికలు జరగడంతో టీడీపీ–కాంగ్రెస్‌ ముఖాముఖి తలపడ్డాయి. కాంగ్రెస్‌ పార్టీ నుంచి వంటిపులి అనిత మొదటి మున్సిపల్‌ చైర్‌పర్సన్‌గా ఎన్నికై 2019 వరకు కొనసాగారు. పెరిగిన వార్డులు.. మేజర్‌ పంచాయతీగా ఉన్న కోదాడను 2012లో ప్రభుత్వం మున్సిపాలిటీగా ప్రకటించింది. దీనికి తొలిసారిగా 2014లో ఎన్నికలు జరిగాయి. అప్పుడు మున్సిపాలిటీలో 30 వార్డులు ఉండేవి. తాజాగా శివారు గ్రామాలైన తమ్మర, కొమరబండ కోదాడ మున్సిపాలిటీలో కలవడంతో వార్డుల సంఖ్య 35కు పెరిగింది. ప్రస్తుతం 75 వేల జనాభా 53,898 మంది ఓటర్లు ఉన్నారు.  

సాక్షి, మహబూబ్‌నగర్‌ క్రైం: పురపోరు వేడి మున్సిపాలిటీల్లో రాజుకుంది. ఇప్పటికే టికెట్‌ వచ్చిన అభ్యర్థులు, టిక్కెట్‌ వస్తోందని ఎదురుచూస్తున్న ఆశవాహులు అందరూ ప్రచారాల్లో బీజీ బీజీగా తిరుగుతున్నారు. ఎన్నికలకు సమయం దగ్గర పడేకొద్ది నాయకులు అంచెలంచెల వ్యూహాలతో ఆయా పార్టీల అభ్యర్థులు పంపకాల పర్వానికి తెరతీస్తారు. ప్రలోబాలే ఓటు బలంగా భావిస్తూ నోటుకు ఓటు సూత్రాన్ని అమలు చేస్తారు. ఓటు బలాన్ని నోటు బలహీనతతో సొమ్ము చేసుకునేందుకు సిద్ధం కానున్నారు. మహబూబ్‌నగర్‌ మున్సిపాలిటీలో అయితే ఒక అడుగు ముందే ఉన్నారు. ఎన్నికల షెడ్యూల్‌ రావడంతో ఇప్పుడు అభ్యర్థుల దృష్టి అంతా ఓటర్లను తమవైపు ఎలా తిప్పుకోవాలి అనే దాంట్లో బీజీగా ఉన్నారు. ఇక చివరి రోజుల్లో ఓటర్ల చెంతకు నోట్లను చేర్చడమే లక్ష్యంగా పెట్టుకుంటారు. ముందస్తుగానే నగదును ఆయా  వార్డులకు చేర్చే పనిలో పడ్డారు.  నమ్మకమైన ఓటర్లకే పంపకాలు  ఎన్నికల్లో పోటీ చేసే అభ్యర్థులు ఓటర్లను ప్రత్యేక్ష దైవంగా భావించడం పరిపాటి. ఏ పుట్టలో  ఏ పాముందో అదే మనకు బలంగా మారుతుందో అంటూ అందరిని ప్రసన్నం చేసుకోవడం సహజం. కానీ ఈ దఫా ఎన్నికల్లో మాత్రం అభ్యర్థులు బలంగా పడే ఓట్లను మాత్రమే కొనుగోలుకి ఆసక్తి చూపుతున్నారు. అందులో భాగంగానే తమ ఓటు వీళ్లని నమ్మిన వాళ్లకే డబ్బు చెల్లిస్తున్నారు. సర్వేలతో రెండు పార్టీల నాయకుల ఆయా బూత్‌ల వారీగా నిర్దరించుకున్నారు. ఆమేరకు మాత్రమే డబ్బు అందజేయాలని నిశ్చయించుకున్నట్లు తెలుస్తోంది. భారీగా మద్యం నిల్వలు ఈ ధపా ఎన్నికల్లో ఓటర్లను వశం చేసుకోవడానికి అభ్యర్థులు కొత్త ఎత్తుగడలు వేస్తున్నారు. గత నెల పాత మద్యం దుకాణాలకు చివరి రోజులు కావడంతో వారి దగ్గర మిగిలిపోయిన మద్యాన్ని ఇప్పటికే చాలా వరకు అభ్యర్థులు కొనుగోలు చేసి నిల్వ చేసుకున్నట్లు సమాచారం. ఒకవైపు మద్యం అమ్మకాలు, తరలింపుపై భారీ స్థాయిలో నిఘా ఉండవచ్చని భావించే ఒక నెల రోజుల ముందుగానే కీలక అభ్యర్థులు భారీ స్థాయి రహస్య ప్రాంతాల్లో స్టాక్‌ చేసి పెట్టుకున్నారు. ఎన్నికలు ఇంకా రెండు రోజుల వ్యవధి ఉన్న సమయంలో ఓటర్ల చెంతకు మద్యం చేర్చుతారు. కొందరు అభ్యర్థులు మద్యం ఓటర్లకు ఇవ్వడానికి అనుచరగణానికి చీటిలను పంపిణీ చేయాలని చూస్తే.. మరి కొందరు టోకన్లు జారీ చేయాలని చూస్తున్నారు. మరి కొందరు నేరుగా ఇంటింటికి తిరిగి మద్యం బాటిల్స్‌ అందజేయాలని ప్లాన్‌ వేసుకుంటున్నారు. దీంట్లో యువత కీలక పాత్ర వహిస్తున్నారు బృందాలు ఏర్పడి ఆయా వార్డులలో ద్విచక్ర వాహనాల సాయంతో మద్యం తరలించే దాంట్లో కీలక పాత్ర పోషిస్తున్నారు.   

సాక్షి, యాదగిరిగుట్ట (ఆలేరు) : 1951– 52లో యాదగిరిగుట్ట గ్రామపంచాయతీగా ఏర్పడగా.. మేజర్‌ గ్రామపంచాయతీగా ఉన్న యాదగిరిగుట్టను 2018 ఆగస్టు 2న మున్సిపాలిటీగా చేశారు. యాదగిరిగుట్ట పట్టణంతో పాటు దాతారుపల్లి పరిధిలోని పాతగుట్ట, పెద్దిరెడ్డిగూడెం గ్రామాలు కూడా మున్సిపాలిటీలో కలిపారు. యాదగిరిగుట్ట గ్రామపంచాయతీగా ఉన్న కాలంలో ముగ్గురు వ్యక్తులే సర్పంచ్‌లుగా సుమారు 63 సంవత్సరాలు పాలించారు.  వివరాలు పరిశీలిస్తే..  యాదగిరిగుట్ట గ్రామపంచాయతీ ఏర్పాటు అయిన నాటి నుంచి ముగ్గురు సర్పంచ్‌లు మాత్రమే పరిపాలించారు. 1952లో యాదగిరిగుట్ట సర్పంచ్‌గా యాదగిరిపల్లికి చెందిన వేముల లక్ష్మీనర్సయ్య సర్పంచ్‌గా ఎన్నికయ్యారు. ఆనాటి నుంచి 1995 వరకు వరుసగా 43 సంవత్సరాలు ఏకదాటిగా సర్పంచ్‌గా కొనసాగారు. ఆ తర్వాత 1995లో గుట్ట సర్పంచ్‌ బీసీ మహిళకు రిజర్వ్‌ కావడంతో లక్ష్మీనర్సయ్య తన సుదీర్ఘ పదవి నుంచి తప్పుకున్నారు. 1995లో జరిగిన ఎన్నికల్లో తొలి మహిళా సర్పంచ్‌గా కైరంకొండ శ్రీదేవి గెలుపొంది 1995–2000, 2001–2006, 2006–11వరకు 15 సంవత్సరాలు సర్పంచ్‌గా కొనసాగింది. ఆ తరువాత ఎస్సీ రిజర్వ్‌ కావడంతో 2013–14లో జరిగిన ఎన్నికల్లో యాదగిరిపల్లి ఎస్సీ కాలనీకి చెందిన బూడిద స్వామి గెలుపొందారు. ఈయన 1 ఆగస్టు 2018 వరకు సర్పంచ్‌గా కొనసాగారు. ఇప్పుడు చైర్మన్‌ పదవి ఎవరికో.. 2018 ఆగస్టు 2న ఏర్పాటు ఆయిన యాదగిరిగుట్ట మున్సిపాలిటీలో ఎన్నికలు ఎప్పుడెప్పుడా అన్నట్లు ఆశావహులు ఎదురుచూశారు. ఇప్పుడు ఎన్నికలు సమీపిస్తుండడంతో తొలి చైర్మన్‌ పీఠాన్ని దక్కించుకోవడానికి పలువురు సిద్ధమయ్యారు. ప్రధానంగా యాదాద్రి శ్రీలక్ష్మీనరసింహస్వామి ఆలయంతో పాటు పట్టణాన్ని సీఎం కేసీఆర్‌ అభివృద్ధి చేస్తుండటంతో తొలి చైర్మన్‌ పీఠాన్ని టీఆర్‌ఎస్‌ కైవసం చేసుకోవాలని చూస్తోంది. ఇక టీఆర్‌ఎస్‌ను ఎదుర్కొనేందుకు, ఇటీవల జరిగిన ఎంపీ ఎన్నికల్లో బలం పెంచుకున్న దానిని దృష్టిలో పెట్టుకొని కాంగ్రెస్‌ నాయకులు మున్సిపల్‌ చైర్మన్‌ గిరిని చేజిక్కించుకునేందుకు ముందుకు వెళ్తున్నారు. ఇక బీజేపీ కేంద్ర ప్రభుత్వం ప్రవేశపెడుతున్న సంక్షేమ పథకాలను ప్రజలకు చూపించి కాషాయం జెండా ఎగురవేయాలని భావిస్తోంది. సీపీఐ, సీపీఎంలు తమ పట్టును చాటుకునేందుకు తహతహలాడుతున్నాయి. ఈ పార్టీలతో పాటు ఇండిపెండెంట్‌గా పోటీ చేసి చైర్మన్‌ రేసులో ఉండాలని పలువురు యువకులు భావిస్తున్నారు.   

సాక్షి, ఆదిలాబాద్‌: మున్సిపల్‌ ఎన్నికల గడువు సమీపిస్తుండగా కాంగ్రెస్‌ పార్టీలో ఈ ఎన్నికలకు బాధ్యుల నియామక వ్యవహారం ఇంకా కొలిక్కి రాలేదు. జిల్లాలోని ముఖ్య నేతల మధ్య విభేదాల నేపథ్యంలో ఏకైక ఆదిలాబాద్‌ మున్సిపాలిటీ ఎన్నికలకు సంబంధించి ఎవరికి బాధ్యత అప్పగించాలనే వ్యవహారంలో ఒక నిర్ణయం తీసుకోలేకపోతున్నారు. శుక్రవారం హైదరాబాద్‌లో పీసీసీ అధ్యక్షుడు ఉత్తమ్‌కుమార్‌ రెడ్డితో జిల్లా ముఖ్యనేతలు మాజీ మంత్రి సి.రాంచంద్రారెడ్డి, టీపీసీసీ ప్రధాన కార్యదర్శి గండ్రత్‌ సుజాత, ఆదిలాబాద్‌ జిల్లా అధ్యక్షుడు భార్గవ్‌దేశ్‌పాండేతోపాటు పట్టణ ముఖ్య నాయకులు సమావేశం కానున్నారు. దీంట్లోనే బాధ్యతల అప్పగింత విషయంలో స్పష్టత రానున్నట్లు జిల్లా నేతలు చెబుతున్నారు. బాధ్యతలు ఎవరికో? కాంగ్రెస్‌ పార్టీ జిల్లా అధ్యక్షుడు భార్గవ్‌దేశ్‌ పాండే తనకు మున్సిపల్‌ ఎన్నికల బాధ్యతలు అప్పగించిన పక్షంలో స భ్యులకు ఆర్థికంగా సహాయపడడమే కాకుండా గెలుపునకు అన్నివిధాలా కృషి చేస్తానని, అలా కాకుండా ఇతరులకు బాధ్యతలు అప్పగిస్తే తా ను ఎన్నికల వ్యవహారంలో పాల్గొనేది చెబుతున్నారు. ఇటీవల నిర్మల్‌లో జరిగిన ఆదిలాబాద్‌ పార్లమెంట్‌ పరిధిలోని మున్సిపాలిటీ సన్నాహక సమావేశంలో ఏఐసీసీ కార్యదర్శి శ్రీని వాసన్‌ కృష్ణన్‌ సమక్షంలో భార్గవ్‌దేశ్‌పాండే ఈ విషయాన్ని స్పష్టం చేశారు. మరోపక్క టీపీసీసీ ప్రధాన కార్యదర్శి గండ్రత్‌ సుజాత తనకు ఈ బాధ్యతలు అప్పగించాలని కోరారు. మాజీ మంత్రి సి.రాంచంద్రారెడ్డి నిర్ణయం ఎలా ఉంటుందనేదీ ఆసకిగా మారింది. ఈ నేపథ్యంలో ఈ ముగ్గురు నేతల్లో మున్సిపాలి టీకి సంబంధించి ఎన్నికల బాధ్యతలు ఎవరికి అప్పగిస్తారనేది ఇప్పుడు పార్టీలో చర్చనీయాంశమైంది.  పరిషత్‌ ఎఫెక్ట్‌ పడేనా.. జెడ్పీటీసీ ఎన్నికల ఫలితాల అనంతరం జెడ్పీచైర్మన్‌ ఎన్నికల వ్యవహారం ఇప్పుడు మున్సిపాలి టీ ఎన్నికలకు బాధ్యత అప్పగించే విషయంలో చర్చనీయమవుతోంది. అప్పుడు కాంగ్రెస్‌ నుంచి ముగ్గురు జెడ్పీటీసీలు గెలువగా, జెడ్పీచైర్మన్‌ ఎన్నిక రోజు ఉట్నూర్‌ కాంగ్రెస్‌ జెడ్పీటీసీ చారులత అనూహ్యంగా టీఆర్‌ఎస్‌ చైర్మన్‌ అభ్యర్థికి మద్దతు పలికారు. మండల, జిల్లా పరిషత్‌ ఎన్నికలకు జిల్లా అధ్యక్షుడు భార్గవ్‌దేశ్‌పాండే పార్టీ ఇన్‌చార్జీగా వ్యవహరించారు. దీంతో ఇప్పుడు మున్సిపాలిటీ ఎన్నికల్లో ఈ వ్యవహా రంపై కొంతమంది జిల్లా నేతలు టీపీసీసీ దృష్టికి తీసుకెళ్లినట్లు తెలుస్తోంది. అప్పుడు పార్టీ జెడ్పీటీసీ సభ్యులకు విప్‌ పత్రంలో సరైన సంతకాలు చేయకపోవడంతో పార్టీ పరంగా ఆ స భ్యురాలిపై కూడా ఎలాంటి చర్యలు తీసుకోలేకపోయారు. టీపీసీసీకి సమాచారం లేకుండానే ఒక సభ్యురాలు అధికార పార్టీకి మద్దతునివ్వడాన్ని పార్టీ సీరియస్‌గా తీసుకునే అవకాశం ఉందని ఓ కాంగ్రెస్‌ ముఖ్యనేత తెలిపారు. ఒకవేళ పార్టీ అధిష్టానం ఈ వ్యవహారాన్ని సీరియస్‌గా తీసుకుంటే మాత్రం మున్సిపాలిటీ ఎన్నికల బాధ్యతల విషయంలో జిల్లా అధ్యక్షుడు భార్గవ్‌దేశ్‌పాండేకు మొండిచేయి చూపే అవకాశం లేకపోలేదన్న అభిప్రాయం కూడా పా ర్టీలో వ్యక్తమవుతోంది. ముఖ్యనేతలతోపాటు పట్టణ నేతలతో ఈ సమావేశంలో అభిప్రా యం తీసుకొని పార్టీ ఇన్‌చార్జీని శుక్రవారం ప్రకటించే అవకాశాలు ఉన్నాయి.  

సాక్షి, కోదాడ : ఎందుకైనా మంచిది... అనే ఒక ఆలోచన ఆమెకు ఏకంగా చైర్మన్‌గిరి దక్కేలా చేసింది. రాజకీయాల్లో ఓనమాలు కూడా తెలియని ఆమె ప్రత్యర్థి అయిన చైర్మన్‌ అభ్యర్థిని ఓడించి జాయింట్‌ కిల్లర్‌గా మారింది. అంతే కాకుండా చైర్మన్‌ అభ్యర్థిగా పోటీ చేసిన తన తోటి కోడలు అనూహ్యంగా ఓటమి పాలు కావడంతో లక్కీగా చైర్మన్‌ రేసులో నిలిచింది. నాటకీయ పరిణామాల మధ్య పదవి దక్కించుకొని కోదాడ మున్సిపాలిటీ మొదటి చైర్మన్‌గా రికార్డుల్లోకి ఎక్కింది. మారిన రాజకీయ పరిస్థితుల్లో సీటు ఇచ్చి గెలిపించిన కాంగ్రెస్‌ పార్టీకి చెయ్యిచ్చి అధికార టీఆర్‌ఎస్‌లో చేరి ఐదు సంవత్సరాలు చైర్‌పర్సన్‌గా పరిపాలన చేసింది కోదాడ మాజీ మున్సిపల్‌ చైర్‌పర్సన్‌ వంటపులి అనిత. నెల రోజుల క్రితం వరకు రాజకీయంగా క్రియాశీలకంగా ఉన్న ఆమె ప్రస్తుతం రాజకీయాలకు దూరంగా ఉంటున్నారు.  అనూహ్యంగా తెర మీదకు.. మేజర్‌ గ్రామపంచాయతీగా ఉన్న కోదాడ 2013లో మున్సిపాలిటీగా మారింది. దీనికి 2014లో మొదటిసారిగా ఎన్నికలు జరిగాయి. ఈ ఎన్నికల్లో కాంగ్రెస్‌ పార్టీ, టీడీపీ ముఖాముఖి పోటీపడ్డాయి. చైర్మన్‌ పదవి బీసీ మహిళకు రిజర్వ్‌ కావడంతో కాంగ్రెస్‌ పార్టీ నుంచి వంటిపులి గోపయ్య పెద్ద కోడలు వంటిపులి నాగలక్ష్మిని చైర్మన్‌ అభ్యర్థిగా ప్రకటించడంతో 30వ వార్డులో బరిలోకి దిగింది. ఇక టీడీపీ నుంచి మాజీ సర్పంచ్‌ పారా సీతయ్య సతీమణి పారా సత్యావతిని చైర్మన్‌ అభ్యర్థిగా ప్రకటించడంతో 19వ వార్డులో పోటీకి దిగింది. కాంగ్రెస్‌ పార్టీకి చెందిన చైర్మన్‌ అభ్యర్థిత్వాన్ని తమ కుటుంబానికి అప్పగించినందున ఎందుకైనా మంచిదని వంటిపులి గోపయ్య తన చిన్న కోడలు వంటిపులి అనితను 19వ వార్డులో పోటీలో నిలిపారు. టీఆర్‌ఎస్‌ పార్టీ నాడు 30 వార్డుల్లో పోటీ చేయడానికి, అభ్యర్థులను నిలపడానికి నానా తి ప్పలు పడింది. ఒక్కరు కూడా 100కు మించి ఓట్లు సాధించలేకపోయారు. ఇద్దరు చైర్మన్‌ అభ్యర్థుల ఓటమి.. కాంగ్రెస్‌ పార్టీ నుంచి చైర్మన్‌ అభ్యర్థిగా 30వ వార్డులో పోటీ చేసిన వంటిపులి నాగలక్ష్మిపై టీడీపీ అభ్యర్థి గు డుగుంట్ల మానస 36 ఓట్ల తేడాతో గెలుపొందారు. టీడీపీ నుంచి చైర్మన్‌ అభ్యర్థిగా పోటీ చేసిన సత్యవతిపై కాంగ్రెస్‌ అభ్యర్థి వంటిపులి అ నిత 180 ఓట్ల మెజార్టీతో విజయం సాధించా రు. ఇ ద్దరు చైర్మన్‌ అభ్యర్థులు ఓటమి పా లు కా వ డం నాటి ఎన్నికల్లో చర్చనీయాంశమైంది. ఇద్దరిని దోబూచులాడిన పదవి.. 30 వార్డులున్న కోదాడ మున్సిపాలిటీలో కాంగ్రెస్‌ పార్టీ 14, టీడీపీ 14 స్థానాలను గెలుచుకున్నాయి. ఇక వైఎస్సార్‌సీపీ నుంచి ఒకరు గెలుపొందారు. 22వ వార్డులో కాంగ్రెస్‌ అభ్యర్థిగా తెప్పని శ్రీనివాస్‌ను కాదని కట్టెబోయిన శ్రీనివాస్‌కు కాంగ్రెస్‌ పార్టీ టికెట్‌ ఇచ్చింది. దీంతో శ్రీనివాస్‌ టీడీపీ మద్దతుతో ఇండిపెండెంట్‌గా పోటీ చేసి గెలుపొందారు. దీంతో చైర్మన్‌ అభ్యర్థిగా టీడీపీ వారికి అవకాశం వస్తుందని అనుకున్నారు. కాని నాటి కాంగ్రెస్‌ ఎమ్మెల్యే పద్మావతి, కాంగ్రెస్‌ ఎంపీ గుత్తా సుఖేంధర్‌రెడ్డి చక్రం తిప్పారు. దీనికి తోడు ఇండిపెండెంట్, వైఎస్సార్‌సీపీ కౌన్సిలర్లు కాంగ్రెస్‌కు మద్దతు ఇవ్వడంతో పాటు ఎంపీ, ఎమ్మెల్యేలు కూడా తమ ఓటును ఇక్కడే వినియోగించుకోవడంతో వంటిపులి అనిత చైర్మన్‌గా, ఇండిపెండెంట్‌ తెప్పని శ్రీను వైస్‌ చైర్మన్‌గా ఎంపికయ్యారు. అటు నుంచి ఇటు.. మారిన రాజకీయ పరిస్థితుల్లో కాంగ్రెస్‌ పార్టీ నుంచి చైర్మన్‌ పదవి దక్కించుకున్న  వంటిపులి అనిత కొంత మంది కౌన్సిలర్లతో కలిసి టీఆర్‌ఎస్‌ పార్టీలో చేరారు. ఇదే సమయంలో టీడీపీ నుంచి గెలిచిన పారా సీతయ్య కూడా తన వర్గానికి చెందిన 11 మంది కౌన్సిలర్లతో టీఆర్‌ఎస్‌ పార్టీలో చేరారు. ప్రత్యర్థి వర్గాలు రెండు అధికార పక్షంలో ఉన్నప్పటికీ ఉప్పు నిప్పులా వ్యవరించేవారు. ఒక దశలో అనితపై అవిశ్వాస తీర్మానం పెట్టాలని చూసినప్పటికీ అనిత వాటిని సమర్థవంతంగా ఎదుర్కొని ఐదు సంవత్సరాల తన పదవిని కాపాడుకున్నారు. ఈ క్రమంలో 2018 అసెంబ్లీ ఎన్నికల ముందు పారా సీతయ్య వర్గానికి చెందిన 11మంది కౌన్సిలర్లు టీఆర్‌ఎస్‌ను వీడి కాంగ్రెస్‌ పార్టీలో చేరారు. టీడీపీ మద్దతుతో కౌన్సిలర్‌గా గెలిచి ఈ తరువాత కాంగ్రెస్‌ పార్టీ మద్దతుతో  వైస్‌ చైర్మన్‌గా వ్యవహరించిన తెప్పని శ్రీనివాస్‌ ఐదు సంవత్సరాలు అదే పార్టీలో, అదే పదవిలో కొనసాగారు. 

సాక్షి, విశాఖ : ఉత్తరాంధ్రలో ఏదైనా అభివృద్ది జరిగింది అంటే అది వైఎస్‌ పాలనలోనేనని పురపాలకశాక మంత్రి బొత్స సత్యనారాయణ పేర్కొన్నారు.  జిల్లాలోనే వీఎంఆర్‌డీఏ కార్యాలయంలో మంగళవారం మంత్రి బొత్స సత్యనారాయణ అధికారులతో  సమావేశం నిర్వహించారు.  విశాఖలో సీఎం జగన్‌మోహన్‌రెడ్డి పర్యటన, వార్డుల విభజన, విశాఖ ఉత్సవ్‌ ఏర్పాట్లపై చర్చించారు. ఈ కార్యక్రమానికి జిల్లా కలెక్టర్‌ వినయ్‌చంద్‌ వీఎంఆర్‌డీఏ కమిషనర్‌ కోటేశ్వరరావు, జీవీఎంసీ కమిషనర్‌ సృజన పాల్గొన్నారు.  ఈ సందర్భంగా మంత్రి మాట్లాడుతూ.. చంద్రబాబు నాయుడికి అభివృద్ధి గురించి ఏం తెలుసని.. అయిదేళ్ల పాలనలో సమావేశాల నిర్వహణ మినహా మరో పని చేయలేదని విమర్శించారు. జీవీఎంసీ ఎన్నికలకు సంబంధించి అడ్డంకులన్నీ తొలగిపోయాయని, త్వరలోనే స్థానిక ఎన్నికలు జరగనున్నట్లు వెల్లడించారు. మూలకొద్దు గ్రామం సమస్య కూడా త్వరలోనే పరిష్కరిస్తామని, కన్సల్టెన్సీలు రిపోర్టులను చదివి అభివృద్ధి అని చంద్రబాబు నాయుడు చెప్తున్నారని ఎద్దేవా చేశారు. విశాఖలో ఐటీ కంపెనీలు అభివృద్ధి కూడా వైఎస్‌ పాలనలో జరిగిందని మంత్రి బొత్స సత్యనారాయణ స్పష్టం చేశారు. 

సాక్షి ప్రతినిధి, కరీంనగర్‌: మున్సిపల్‌ ఎన్నికల్లో అధికార టీఆర్‌ఎస్‌ను ఎదుర్కొని ఉనికి చాటేందుకు ప్రతిపక్ష పార్టీలు రెండూ తమ శక్తియుక్తులకు పదను పెడుతున్నాయి. ఆరేళ్లుగా అప్రతిహతంగా కొనసాగుతున్న గులాబీ జైత్రయాత్రకు బ్రేక్‌ వేయడం ద్వారా ప్రత్యామ్నాయంగా తమ శక్తిని చాటాలని కాంగ్రెస్, బీజేపీ తహతహలాడుతున్నాయి. పౌరసత్వ సవరణ బిల్లుపై దేశంలో పెల్లుబుకుతున్న వ్యతిరేకత తమకు అనుకూలంగా మారుతుందని భావిస్తున్న కాంగ్రెస్, పట్టణ ప్రాంతాల్లో మైనారిటీలు, విద్యావంతులను ఆకర్షించి మున్సిపల్‌ ఎన్నికల్లో లబ్ధి పొందాలని భావిస్తోంది. ఈ మేరకు ఏఐసీసీ కార్యదర్శి శ్రీనివాసకృష్ణన్‌ నేతృత్వంలో కరీంనగర్, పెద్దపల్లి పార్లమెంటు నియోజకవర్గాల నేతలు సమావేశమై మునిసిపల్‌ ఎన్నికల్లో అనుసరించాల్సిన వ్యూహాలపై చర్చించారు. అదే సమయంలో దేశంలో ప్రధాని మోదీ నేతృత్వంలో సాధిస్తున్న అనూహ్య విజయాలు పురపాలక ఎన్నికల్లో అనుకూలిస్తాయని బీజేపీ భావిస్తోంది. పౌరసత్వ సవరణ బిల్లుపై టీఆర్‌ఎస్, కాంగ్రెస్‌ వ్యతిరేకంగా వ్యవహరిస్తుండడం తమకే లబ్ధి చేకూరుతుందని ఆపార్టీ నేతలు భావిస్తున్నారు. పార్లమెంటు ఎన్నికల నాటి ఫలితాలు పునరావృతం అవుతాయని, మెజారిటీ మున్సిపాలిటీలు కైవసం చేసుకుంటామనే ధీమాతో ఉన్నారు. కాగా టీఆర్‌ఎస్‌ మాత్రం తమకు అడ్డులేదనే ధీమాతో ప్రతీ మునిసిపాలిటీ, కార్పొరేషన్‌లో దూసుకుపోతుండడం గమనార్హం.  కాంగ్రెస్‌ కోలుకొనేనా..? తెలంగాణ రాష్ట్ర అవతరణ తరువాత ఉమ్మడి కరీంనగర్‌ జిల్లాలో కాంగ్రెస్‌ పార్టీ ఉనికికి ప్రమాదం ఏర్పడింది. వరుస పరాజయాలతో ఆపార్టీ దీనస్థితికి చేరుకుంది. గత అసెంబ్లీ ఎన్నికల్లో అంచనాలు తారుమారు కాగా, పార్లమెంటు ఎన్నికల్లో సైతం తేరుకోలేదు. జిల్లా, మండల పరిషత్‌ ఎన్నికలు ఘోర పరాజయాన్నే మిగిల్చాయి. దీంతో పార్టీ యంత్రాంగంలో నైరాశ్యం చోటుచేసుకుంది. ఈ పరిస్థితుల్లో గత మున్సిపల్‌ ఎన్నికల్లో గెలిచిన కార్పొరేటర్లు, కౌన్సిలర్లు కూడా అధికార పార్టీ నీడకు చేరారు. ప్రస్తుతం పార్టీకి జిల్లా, నియోజకవర్గస్థాయిలో ఒకరిద్దరు నాయకులు తప్ప పట్టణాల్లోని వార్డుల్లో అభ్యర్థిత్వాన్ని ఆశించే వారు తగ్గిపోతున్నారు. ఈ నేపథ్యంలో నష్ట నివారణకు పార్టీ నేతలు నడుం కట్టారు. కరీంనగర్, పెద్దపల్లి పార్లమెంటు నియోజకవర్గస్థాయిలో జిల్లాల అధ్యక్షులు, నియోజకవర్గ ఇన్‌చార్జీలతో ఏఐసీసీ కార్యదర్శి శ్రీనివాసకృష్ణన్, జిల్లాకు చెందిన రాష్ట్ర కార్యనిర్వాహక అధ్యక్షుడు పొన్నం ప్రభాకర్, ఎమ్మెల్సీ టి.జీవన్‌రెడ్డి, ఎమ్మెల్యే శ్రీధర్‌బాబు శనివారం సమావేశమయ్యారు. పౌరసత్వ సవరణ బిల్లుకు వ్యతిరేకంగా కరీంనగర్‌ నుంచి పోరాటం చేయడమేగాకుండా పార్టీని మున్సిపల్‌ ఎన్నికలకు సమాయత్తం చేసే అంశంపై సుధీర్ఘంగా చర్చించారు. కరీంనగర్‌ ఉమ్మడి జిల్లాలోని రెండు కార్పొరేషన్లు, 14 మున్సిపాలిటీలతోపాటు మంచిర్యాల జిల్లాలో ఉన్న ఏడు మున్సిపాలిటీల్లో పార్టీకి విజయాలు అందించేందుకు స్థానిక నాయకత్వాన్ని బలోపేతం చేయాలని నిర్ణయించారు. కరీంనగర్‌ పార్లమెంటు పరిధిలో పొన్నం ప్రభాకర్, జీవన్‌రెడ్డి, పెద్దపల్లి పార్లమెంటు పరిధిలో శ్రీధర్‌బాబు, కొక్కిరాల ప్రేంసాగర్‌రావు వంటి నేతలు ప్రధానంగా దృష్టి పెట్టాలని నిర్ణయించినట్లు తెలిసింది. టీఆర్‌ఎస్‌ను ఎదుర్కొనే విషయంలో బీజేపీ కూడా తమకు పోటీగా రావడం ఆపార్టీ నేతలకు మింగుడు పడడం లేదు.  మోదీ హవాపై  బీజేపీ ఆశలు పార్లమెంటు ఎన్నికల నాటి నుంచి బీజేపీ ప్రధాని మోదీ హవాపైనే ఆశలు పెట్టుకుంది. పార్లమెంటు ఎన్నికల్లో విజయాలు సాధించినప్పటికీ... పార్టీని క్షేత్రస్థాయిలో అభివృద్ధి చేయడంలోగానీ, ప్రజలను బీజేపీవైపు ప్రభావితం చేయడంలోగానీ పెద్దగా కృషి జరగలేదు. పార్లమెంటు ఎన్నికల్లో కరీంనగర్‌ స్థానాన్ని అనూహ్యంగా గెలుచుకున్న బీజేపీ నాలుగు అసెంబ్లీ స్థానాల్లో మెజారిటీ సాధించింది. నిజామాబాద్‌ పార్లమెంటు పరిధిలోని జగిత్యాల, కోరుట్ల స్థానాల్లో కూడా బీజేపీ టీఆర్‌ఎస్‌ ఓటుబ్యాంకుకు దెబ్బ కొట్టింది. పెద్దపల్లి లోక్‌సభ పరిధిలో మాత్రం మూడోస్థానానికి పరిమితమైంది. ఈ ఎన్నికల తరువాత జరిగిన జిల్లా, మండల పరిషత్‌ ఎన్నికల్లో మాత్రం ఎక్కడా ఉనికి చాటుకోలేకపోయింది. ఈ పరిస్థితుల్లో పట్టణాల్లో జరిగే మునిసిపల్‌ ఎన్నికల్లో ఎలాంటి ఫలితాలు సాధిస్తుందనేదే వెయ్యి డాలర్ల ప్రశ్నగా మిగిలింది. పార్లమెంటు ఎన్నికల్లో కరీంనగర్‌ కార్పొరేషన్‌ పరిధితో పాటు వేములవాడ, చొప్పదండి, కొత్తపల్లి, జగిత్యాల, మెట్‌పల్లి, కోరుట్ల, రాయికల్‌ మున్సిపాలిటీల పరిధిలో బీజేపీకి మెజారిటీ ఓట్లు లభించాయి. ఈసారి ఈ మున్సిపాలిటీల్లో విజయాన్ని సొంతం చేసుకోవాలని పార్టీ నేతలు భావిస్తున్నారు. అయితే పార్లమెంటు ఎన్నికల తరువాత ఆ ఊపును కొనసాగించడంలో పార్టీ నాయకులు పెద్దగా ఆసక్తి చూపిన దాఖలాలు లేవు. పార్టీలోని అంతర్గత కుమ్ములాటలు, ఆధిపత్యపోరు పార్టీని ఎదగనీయలేదనే అపవాదు ఉంది. ఈ నేపథ్యంలో కరీంనగర్, నిజామాబాద్‌ పార్లమెంటు స్థానాల పరిధిలో బీజేపీ ఎలాంటి ఫలితాలు సాధిస్తుందనే ఆసక్తి నెలకొంది. పెద్దపల్లి పార్లమెంటు స్థానం పరిధిలో మాజీ ఎంపీ వివేక్‌ , మాజీ ఎమ్మెల్యే సోమారపు సత్యనారాయణ బీజేపీలో చేరడం ద్వారా ఎలాంటి ప్రయోజనం ఉంటుందో ఈ ఎన్నికల్లో స్పష్టం కానుంది.  

సాక్షి, వరంగల్‌ రూరల్‌: మునిసిపాలిటీ ఎన్నికల నోటిఫికేషన్‌ విడుదల కాకముందే ముందస్తుగానే ఆశావహులు ఎన్నికల ప్రచారం నిర్వహిస్తున్నారు. జిల్లాలో పరకాల, నర్సంపేట, వర్ధన్నపేట మునిసిపాలిటీలున్నాయి. నర్సంపేట మునిసిపాలిటీలో 24 వార్డులు, పరకాలలో 22, వర్ధన్నపేటలో 12 వార్డులున్నాయి. మునిసిపాలిటీ ఎన్నికలకు న్యాయపరమైన అడ్డంకులు తొలగిపోయాయి. మరో పక్క వార్డులకు సంబంధించి డ్రాఫ్ట్‌ నోటిఫికేషన్‌ను విడుదల చేశా రు. వార్డులపై అభ్యంతరాలు సైతం స్వీకరించారు. ఈ నెల 17న వార్డుల తుది జాబితాను విడుదల చేయనుండడంతో అధికార పార్టీ నాయకులు అప్రమత్తమవుతున్నారు. గెలుపే లక్ష్యంగా.. జిల్లాలోని మూడు మునిసిపాలిటీల్లో టీఆర్‌ఎస్‌ జెండా ఎగరవేయాలని ఉద్దేశంతో టీఆర్‌ఎస్‌ దూకుడు పెంచింది. గ్రామీణ ప్రాంతాలకు చెందిన నేతలను ఒక్కో వార్డుకు ఇన్‌చార్జిలుగా నియమించారు. ఆయా నాయకులు నిత్యం ఆయా వార్డుల్లోని నాయకులతో సమావేశమవుతున్నారు. పరకాల, నర్సంపేట, వర్ధన్నపేట మునిసిపాలిటీల్లో బరిలో నిలిచే వారి ఎంపికలు సైతం ఇన్‌చార్జిలకే అప్పగించారని తెలిసింది. పరకాలలో ఇప్పటికే ఇన్‌చార్జిలు ఆశావహుల్లో ఎవరికి టికెట్‌ ఇస్తే గెలుస్తారని తెలుసుకుంటున్నారు. ఈ ఇన్‌చార్జిలతో ఇప్పటికే ఎమ్మెల్యే చల్లా ధర్మారెడ్డి సమావేశమై పలు సుచనలు చేశారు. గెలిచే వారికే టికెట్లు ఇస్తామని గతంలోనే ప్రకటించారు. ముందస్తుగానే ప్రచారం టీఆర్‌ఎస్‌ నుంచి టికెట్లు ఆశిస్తున్న అభ్యర్థులు ముందుగానే ప్రచారం నిర్వహిస్తున్నారు. ఇప్పటికే వాల్‌ వ్రైటింగ్‌లు, పట్టణాల్లో ప్రచారాన్ని నిర్వహిస్తున్నారు. టికెట్‌ తనకే వస్తుందని పలకాలని కాలనీల్లో ఆశావహులు ఇంటింటికీ తిరుగుతున్నారు. కాలనీలో నెలకొన్న సమస్యలను అధికారులతో మాట్లాడి పరిష్కరిస్తున్నారు. ఏదైనా శుభకార్యం, ఎవరైనా చనిపోయినా వారి ఇంటికి వెళ్లి పలకరిస్తున్నారు. చనిపోయిన కుటుంబా లను స్థానిక ఎమ్మెల్యేలను పరామర్శించేందుకు తీసుకవస్తున్నారు. ఏ అవకాశం వచ్చినా ఓటర్లకు అందుబాటులోకి వచ్చేందుకు టీఆర్‌ఎస్‌ తరుఫున బరిలో నిలచేవారు ప్రయత్నిస్తున్నారు. భారీగా ఖర్చు పెట్టేందుకు సిద్ధమవుతున్న నేతలు రూ 6 నుంచి 12 లక్షల వరకు కౌన్సిలర్‌ కోసం ఖర్చు పెట్టేందుకు ఏర్పాట్లు చేసుకుంటున్నారు. ప్రస్తుతం ఉన్నవారితో పాటు ఇతరులు కూడా పోటీ పడుతున్నారు. శివారు ప్రాంతాలు రియల్‌ ఎస్టేట్‌ పెరగడం, కొత్త భవనాలు రావడం, అభివృద్ధికి నిధులు రావడం వల్ల అందరు దృష్టిపెడుతున్నారు. గతంలో సర్పంచ్‌లుగా ఉన్నవారు కూడా పోటీ చేసేందుకు ప్రయత్నాలు చేస్తున్నారు. మునిసిపాలిటీల పరిధిలో కౌన్సిలర్‌ పదవీ కీలకం కావడం, గౌరవం ఉండడం, అభివృద్ధి కోసం నిధులు రావడం, ఆదాయం ఉండడంతో ఎక్కువ మంది ప్రయత్నాలు చేస్తున్నారు. నేతలను కలుస్తూ తమకు అవకాశం ఇవ్వాలని కోరుతున్నారు. ఎన్నికల కమీషన్‌ ఎప్పుడు షెడ్యూల్‌ ప్రకటించినా ఎన్నికలు నిర్వహించేందుకు ఏర్పాట్లను చేస్తున్నారు. మొత్తంగా ప్రస్తుతం మునిసిపాలిటీల పరిధిలో రాజకీయం వేడెక్కుతుంది. షెడ్యూల్‌ ప్రకటిస్తే మరింత పెరిగే అవకాశం ఉంది.  ఆశావహులు ప్రదక్షిణలు టీఆర్‌ఎస్‌ అధికారంలో ఉండడం, స్థానిక ఎమ్మెల్యేలు పార్టీ వారే కావడంతో టికెట్‌ వస్తే గెలుస్తామని ఆశావహులు ఊవ్విళ్లూరుతున్నారు. టికెట్‌ కోసం ఆశావహులు ఎమ్మెల్యేల చుట్టు ప్రదక్షిణలు చేస్తున్నారు. ఓ పక్క వార్డుల్లో తిరుగుతూనే ఎమ్మెల్యే ఎక్కడ కార్యక్రమం అయితే అక్కడ వాలిపోతున్నారు. ఇలా నిత్యం అశావహులు ఎమ్మెల్యేల చుట్టూ ప్రదక్షిణలు చేస్తున్నారు. 

శ్రీకాకుళం: రాష్ట్ర ప్రభుత్వం వచ్చే ఏడాది మార్చి నెలాఖరు నాటికి పంచాయతీ ఎన్నికలు పూర్తి చేస్తామని హైకోర్టుకు నివేదించడంతో సందడి మొదలైంది. ఎన్నికలకు అవసరమైన చర్యలు తీసుకోవాలని జిల్లా అధికారుల కు ఆదేశాలు అందాయి. ఇందుకు అనుగుణంగా జిల్లా అధికార యంత్రాంగం కసరత్తు ప్రారంభించింది. కేంద్ర ఎన్నికల సంఘం ఆదేశాల మేరకు ప్రతి ఏటా జనవరి నెలలో ఓటర్ల జాబితాను ప్రకటిస్తున్నారు. ప్రస్తు తం 2020 సంవత్సరానికి సంబంధించిన ఓటర్ల జాబితాను తయారు చేస్తున్నారు. డిసెంబర్‌ 16 నాటికి ఓటర్ల జాబితా ముసాయిదాను విడుదల చేసేందుకు కసరత్తు చేస్తున్నారు. ఫిబ్రవరి 7న తుది జాబితా ప్రకటిస్తారు. కొత్త జాబితా ఆధారంగా పంచాయతీల్లో వార్డుల వారీగా ఓటర్ల జాబితా ను రూపొందిస్తారు. జిల్లాలో 2011 జనాభా లెక్కల ప్రకారం 27,03,114 మంది ఓటర్లు ఉన్నారు. వీరిలో 4,36,703 మంది పట్టణ ఓటర్లు కాగా 22,66,411 మంది గ్రామ ఓటర్లు. 2019 ఎన్నికల నాటికి కొత్త ఓటర్లను చేరుస్తూ రావడం వలన సుమారుగా 29 లక్షలకు ఓటర్ల సంఖ్య పెరిగింది. పంచాయతీ ఎన్నికల ఓటర్ల జాబితాలలో కొత్తగా ఓటు హక్కు కోసం  దరఖాస్తు చేసుకున్న వారిని చేర్చాలని నిర్ణయించారు. దీని వలన మరో 10 వేల వరకు ఓటర్ల సంఖ్య పెరగవచ్చని అంచనా వేస్తున్నారు. జనవరి 15 వరకు కొత్త ఓటర్ల కోసం దరఖాస్తులను స్వీకరిస్తారు. వారందరినీ ఫిబ్రవరి 7న ప్రచురించనున్న తుది జాబితాలో ప్రటిస్తారు. మునిసిపాలిటీలకు మేలోగా ఎన్నికలు...  రాష్ట్ర ప్రభుత్వం కార్పొరేషన్లు, మునిసిపాలిటీలు, నగర పంచాయతీలకు సైతం మే నెలలోగా ఎన్నిక లు నిర్వహించాలని యోచిస్తోంది. జిల్లాలో శ్రీకా కు ళం నగరపాలకసంస్థకు తొమ్మిదేళ్లుగా, రాజాం నగ ర పంచాయతీకి 14 ఏళ్లుగా పాలకవర్గాలు లేకపోవడంతో 14వ ఆర్థిక సంఘం నిధులు కోల్పోవాల్సి వ చ్చింది. అలాగే మునిసిపాలిటీల కాల వ్యవధి పూర్త య్యేనాటికి ఎన్నికలను నిర్వహించడం ద్వారా స్థాని క సంస్థలను బలోపేతం చేయాలన్న లక్ష్యంతో రాష్ట్ర ప్రభుత్వం ఉంది. ఇందుకు తగ్గ ఏర్పాట్లు పూర్తిచేసి సిద్ధంగా ఉండాలని అధికారులను ఆదేశించింది. 

హాంకాంగ్‌: హాంకాంగ్‌ స్థానిక సంస్థల ఎన్నికల్లో చైనా ప్రభుత్వానికి ఎదురుదెబ్బ తగిలింది. ప్రజాస్వామ్య అనుకూలవాదులు భారీ విజయం సాధించారు. మొత్తం 18 జిల్లాల్లోని 452 స్థానాల్లో 388 మంది ప్రజాస్వామ్య అనుకూలవాదులు గెలిచారు. చైనా ప్రభుత్వానికి అనుకూలంగా ఉన్న కేవలం 59 మంది, మరో ఐదుగురు స్వతంత్రులు గెలిచారు. చైనా అనుకూల పార్టీకి చెందిన  155 మంది ఓడిపోయారు. అయితే, హాంకాంగ్‌ చీఫ్‌ ఎగ్జిక్యూటివ్‌ను ఎన్నుకునే 1,200 మందితో కూడిన ఎలక్టోరల్‌ కాలేజీ చైనా ప్రభుత్వ నియంత్రణలో ఉంటుంది. ‘ఎన్నికల ఫలితమెలా ఉన్నా చైనా ఆధీనంలోనే హాంకాంగ్‌ కొనసాగుతుంది. నిరసనలు, హింసాత్మక ఘటనలను అణచివేస్తాం’ అని చైనా స్పందించింది.

సాక్షి, మంచిర్యాల : మున్సిపల్‌ ఎన్నికల్లో విజయమే లక్ష్యంగా బీజేపీ పట్టణ బాట పట్టింది. ఎన్నికలు ఎప్పుడు వచ్చినా పాగా వేయాలనే తపనతో ఇప్పటినుంచే పునాది వేసుకునేందుకు పాదయాత్ర చేపట్టింది. గాంధీ సంకల్పయాత్ర పేరుతో ప్రజల్లోకి వెళ్లేందుకు ప్రయత్నిస్తోంది. బీజేపీ నాయకుడు, పెద్దపల్లి మాజీ ఎంపీ జి.వివేక్‌ ఆధ్వర్యంలో చేపట్టిన ఈ పాదయాత్ర ఇప్పటికే చెన్నూరు, మంచిర్యాల పట్టణాల్లో పూర్తి కాగా.. మరో ఐదు మున్సిపాల్టీల్లో కొనసాగనుంది. పట్టణాల్లో పాదయాత్ర దేశవ్యాప్తంగా గాంధీ సంకల్పయాత్ర పేరుతో సంబంధిత నియోజకవర్గాల్లో నేతలు పాదయాత్ర చేపట్టాలని బీజేపీ నిర్ణయించడం తెలిసిం దే. ఇందులో భాగంగా పార్టీ నేత, మాజీ ఎంపీ జి.వివేక్‌ జిల్లాలో పాదయాత్ర చేపట్టారు. జిల్లాలోని చెన్నూరు, మంచిర్యాల, నస్పూరు, లక్సెట్టిపేట్, క్యాతన్‌పల్లి, మందమర్రి, బెల్లంపల్లిల్లో నిర్వహించేలా యాత్రకు రూపకల్పన చేశారు. చెన్నూరు పట్టణంలో ఈనెల 2న ఆయన పాదయాత్ర ప్రారంభించారు. చెన్నూరులో ఒకరోజు పర్యటించిన అనంతరం, మళ్లీ ఈ నెల 7న మంచిర్యాల పట్టణంలో యాత్ర నిర్వహించారు.  ముందస్తు ప్రచారం సంకల్పయాత్రను బీజేపీ మున్సిపల్‌ ఎన్నికల ప్రచా రానికి మలచుకున్నట్లు కనిపిస్తోంది. పట్టణాల్లో చేపడుతున్న యాత్రలో భాగంగా ఇంటింటికీ వెళుతున్న నేతలు.. కేంద్ర ప్రభుత్వ పథకాల గురించి వివరించడంతో పాటు, తమ పార్టీ మున్సిపాల్టీల్లో అధికారంలోకి వస్తే పట్టణాలను అభివృద్ధి చేస్తామని హామీ ఇస్తున్నారు. పనిలోపనిగా వ్యాపార, వాణిజ్య వర్గాల ను కలిసి మద్దతు కోరుతున్నారు. రానున్న మున్సిపల్‌ ఎన్నికల్లో బీజేపీ అభ్యర్థులనే గెలిపించాలని ఇప్పటినుంచే అభ్యర్థిస్తున్నారు. స్థానికంగా వార్డుల్లో ఉన్న సమస్యలను తెలుసుకుంటూ, వాటిని ప్రస్తావిస్తూ ముం దుకు సాగుతున్నారు. తాము అధికారంలోకి వచ్చాక సమస్యలు పరిష్కరిస్తామంటూ ప్రజానీకానికి భరో సా ఇస్తున్నారు. ఆయా వార్డుల్లో పార్టీ టికెట్‌ ఆశిస్తున్న నాయకులు కార్యకర్తలను సమీకరిస్తున్నారు.  యాత్ర ఫలించేనా..! దేశంలో చోటుచేసుకుంటున్న పరిణామాలు, ప్రధానిగా నరేంద్రమోదీ నిర్ణయాలు, తెలంగాణలో ప్రత్యామ్నాయ శక్తిగా ఎదుగుతున్న వైనం తమకు మున్సిపల్‌ ఎన్నికల్లో విజయాన్ని తెచ్చిపెడుతాయనే ధీమాతో బీజేపీ నేతలున్నారు. ఇప్పుడు, అప్పుడు అంటూ మున్సిపల్‌ ఎన్నికలు వాయిదా పడుతున్నా, ఎప్పుడో ఒకప్పుడు నిర్వహించాలి్సందేనని, ఆ లోగా తమ పార్టీ మరింత బలపడుతుందంటున్నారు. ఇప్పటికే మున్సిపాల్టీల వారిగా స్థానికంగా ప్రజలు ఎదుర్కొంటున్న సమస్యల పరిష్కారానికి పార్టీ శ్రేణులు ఆందోళనలో ముందుంటున్నాయి. తాజాగా పట్టణాల్లో చేపడుతున్న పాదయాత్ర కూడా ప్రజల్లోకి వెళ్లేందుకు దోహదం చేస్తుందనే విశ్వాసంతో ఉన్నారు. అందివచి్చన ప్రతీ అవకాశాన్ని పార్టీ బలోపేతానికి వినియోగించుకునే దిశగా బీజేపీ నేతలు అడుగులు వేస్తున్నారు.  

వాషింగ్టన్‌: నలుగురు భారతీయ అమెరికన్లు తాజాగా అమెరికాలో కీలక పదవులకు ఎన్నికయ్యారు. వారిలో ఒక ముస్లిం మహిళ, మరో వైట్‌ హౌజ్‌ మాజీ సాంకేతిక విధాన సలహాదారు కూడా ఉన్నారు. గజాలా హష్మీ వర్జీనియా స్టేట్‌ సెనెట్‌కు ఎన్నికైన తొలి ముస్లిం మహిళగా చరిత్ర సృష్టించారు. అలాగే, ఒబామా హయాంలో శ్వేత సౌధంలో టెక్నాలజీ పాలసీ అడ్వైజర్‌గా విధులు నిర్వహించిన సుహాస్‌ సుబ్రమణ్యం వర్జీనియా రాష్ట్ర ప్రతినిధుల సభకు ఎన్నికయ్యారు. గజాలా హష్మీ తొలిసారి ఈ ఎన్నికల్లో పోటీ చేశారు. ప్రస్తుతం రేనాల్డ్స్‌ కమ్యూనిటీ కాలేజ్‌లో సెంటర్‌ ఫర్‌ ఎక్సలెన్స్‌ ఇన్‌ టీచింగ్‌ అండ్‌ లెర్నింగ్‌ విభాగానికి వ్యవస్థాపక డైరెక్టర్‌గా పనిచేస్తున్నారు. భారతీయ అమెరికన్లు ఎక్కువగా ఉండే లావుడన్‌ కౌంటీ నుంచి వర్జీనియా ప్రతినిధుల సభకు సుహాస్‌ సుబ్రమణ్యం ఎన్నికయ్యారు. 1979తో బెంగళూరుకు చెందిన వైద్యురాలైన తన తల్లితో కలిసి ఆయన అమెరికా వెళ్లారు. మరోవైపు, కాలిఫోర్నియాలో భారతీయ అమెరికన్‌ మనోహర్‌ రాజు శాన్‌ ఫ్రాన్సిస్కో పబ్లిక్‌ డిఫెండర్‌గా ఎన్నికయ్యారు. అలాగే, నార్త్‌ కరొలినాలో చార్లట్‌ సిటీ కౌన్సిల్‌కు డింపుల్‌ అజ్మీరా మరోసారి ఎన్నికయ్యారు.  

సాక్షి, జహిరాబాద్‌: జిల్లాలో కొత్తగా ఏర్పడిన నాలుగు మున్సిపాలిటీలు కాకుండా సంగారెడ్డి, సదాశివపేట, జహీరాబాద్, అందోల్‌– జోగిపేటలలో 2014లో ఎన్నికలు జరిగాయి. కొత్తగా ఏర్పడిన నారాయణఖేడ్, తెల్లాపూర్, ఐడీఏ బొల్లారం, అమీన్‌పూర్‌ మున్సిపాలిటీల్లో తొలిసారిగా ఎన్నికలు జరగనున్నాయి. అయితే అధికార పార్టీకి అనుగుణంగానే వార్డుల విభజన చేశారనే కొందరు రాజకీయ నాయకులు విమర్శలు చేశారు. రేపో, మాపో రిజర్వేషన్లు వెలువడతాయన్న తరుణంలోనే విషయం కోర్టుకెక్కింది. అంతేకాకుండా జహీరాబాద్‌ మున్సిపాలిటీలో ఎన్నికలు వాయిదా వేయాలంటూ కొందరు కోర్టుకెక్కారు కూడా. దీంతో మున్సిపాలిటీ ఎన్నికల హడావిడికి ఒక్కసారిగా బ్రేక్‌ పడినట్లయింది.  నేటితో టెన్షన్‌కు తెర.. మున్సిపల్‌ ఎన్నికలపై స్పష్టత రాకపోవడంతో ఆశావహులు ఒక్కసారిగా నిరాశ, నిస్పృహలకు లోనయ్యారు. పోటీలో నిలిచి  ఉండాలనే ఆలోచనతో ప్రణాళికలు సిద్ధం చేసుకున్న కొందరు ఆశావహలు ఆయా వార్డుల్లోని కాలనీల్లో ప్రజలతో మమేకమై వారి కష్ట, సుఖాలను తెలుసుకుంటూ  దూకుడుపెంచారు. ఈలోగా విషయం కోర్టుకెక్కడంతో డీలా పడ్డారు. వారంతా ఈ నెల 29న (నేడు)  కోర్టు ఇచ్చే తీర్పు కోసమే ఉత్కంఠగా ఎదురు చూస్తున్నారు.   మున్సిపల్‌ ఎన్నికలపై స్పష్టత రాకపోవడంతో ఆశావహులు ఒక్కసారిగా నిరాశ, నిస్పృహలకు లోనయ్యారు. పోటీలో నిలిచి ఉండాలనే ఆలోచనతో ప్రణాళికలు సిద్ధం చేసుకున్న కొందరు ఆశావహలు ఆయా వార్డుల్లోని కాలనీల్లో ప్రజలతో మమేకమై వారి కష్ట, సుఖాలను తెలుసుకుంటూ  దూకుడుపెంచారు. ఈలోగా విషయం కోర్టుకెక్కడంతో డీలా పడ్డారు. వారంతా ఈ నెల 29న (నేడు)  కోర్టు ఇచ్చే తీర్పు కోసమే ఉత్కంఠగా ఎదురు చూస్తున్నారు.   నోటిఫికేషన్‌ తర్వాతే రిజర్వేషన్లు కోర్టు తీర్పు ఎలా ఉన్నా రిజర్వేషన్ల ప్రక్రియ మాత్రం నోటిఫికేషన్‌ తర్వాతే జరిగే అవకాశం ఉంది. మున్సిపల్‌ ఎన్నికల నోటిఫికేషన్‌ ఇవ్వగానే వార్డుల విభజన ఆధారంగా, బీసీ ఓటర్ల గణన ప్రకారం ఆయా వార్డులకు రిజర్వేషన్లు ప్రకటించే అవకాశం కనిపిస్తోంది.  

సాక్షి, తాండూరు: మున్సిపల్‌ ఎన్నికలు సమీపిస్తున్న వేళ తాండూరు గులాబీలో కొత్త సమస్యలు తలెత్తుతున్నాయి. పుర పోరులో నిలిచే పార్టీ అభ్యర్థులను ఎంపిక చేసే బాధ్యత ఎవరికి దక్కు తుందోనని ఆశావహులు, కార్యకర్తలు టెన్షన్‌గా ఉన్నారు. గతంలో ఈ బాధ్యతలన్నింటినీ మాజీ మంత్రి, ఎమ్మెల్సీ మహేందర్‌రెడ్డి చూసుకునేవారు. దీంతో పార్టీలో ఇక్కడ ఆయన చెప్పిందే వేధంగా నడిచేది. అయితే కాంగ్రెస్‌ నుంచి ఎమ్మెల్యేగా గెలిచిన రోహిత్‌రెడ్డి టీఆర్‌ఎస్‌ గూటికి చేరడంతో అందరిలోనూ ఈ అనుమానాలు రేకెత్తుతున్నాయి. ఇద్దరు ప్రధాన నాయకులు ఒకే పార్టీలో ఉండటంతో ఎవరి వర్గానికి న్యాయం జరుగుతుందోనని చర్చ సాగుతోంది. టీఆర్‌ఎస్‌లో ఇద్దరు నేతల మధ్య నెలకొన్న పొలిటికల్‌ వార్‌తో నాయకులు, కార్యకర్తలు అయోమయానికి గురవుతున్నారు. ఎమ్మెల్సీ, ఎమ్మెల్యే ఒకే వేదికను పంచుకుని తాము కలిసిపోయామని చెబుతున్నా.. ఇరువురి మద్దతుదారులు, వర్గీయులు మాత్రం దీన్ని జీర్ణించుకోలేకపోతున్నారు. ఇదిలా ఉండగా ఇరువురు నేతల నడుమ ప్రత్యక్ష విమర్శలు ఆగిపోయినా.. అంతర్గతంగా సైలెంట్‌ వార్‌ కొనసాగుతోందని పలువురు సీనియర్లు చెబుతున్నారు. మున్సిపల్‌ ఎన్నికల నేపథ్యంలో పార్టీ బీఫారాలు ఎవరి చేతికి అందుతాయనేది ప్రస్తుతం ఉత్కంఠగా మారింది.    ఒక్కో వార్డు నుంచి పది మంది...  తాండూరు మున్సిపాలిటీలోని 36 వార్డుల్లో పోటీ చేసేందుకు ఆశావహులు సిద్ధమవుతున్నారు. ఒక్కో వార్డులో ఐదు ఉంచి పదిమంది వరకు పోటీకి సిద్ధమవుతున్నారు. వీరిలో ఎమ్మెల్సీ మహేంద్‌రెడ్డి వర్గీయులు, పాత సీనియర్‌ నాయకులు, కార్యకర్తలు ఉన్నారు. మరో వైపు నెల రోజుల క్రితం కాంగ్రెస్‌ను వీడి అధికార పార్టీలో చేరిన తాండూరు ఎమ్మెల్యే పంజుగుల రోహిత్‌రెడ్డి తన అనుచరగణానికి టికెట్లు ఇప్పించేందుకు పోటీ పడుతున్నారు. దీంతో మున్సిపల్‌ అభ్యర్థుల ఎంపిక ఇద్దరు నేతలకు ప్రతిష్టగా మారింది.    ప్యానల్‌లు  రెడీ..  మున్సిపల్‌ ఎన్నికల సందర్భంగా పట్నం మహేందర్‌రెడ్డి, పంజుగుల రోహిత్‌రెడ్డి వర్గీయులు పోటీకి రెడీ అవుతున్నారు. మహేందర్‌రెడ్డి వర్గీయులు ఇప్పటికే మున్సిపాలిటీలోని 36 వార్డుల్లో పోటీ చేయనున్న అభ్యర్థులతో ప్యానల్‌ ఏర్పాటు చేసుకున్నారు. మరో వైపు రోహిత్‌రెడ్డి వర్గీయులు సైతం చైర్మన్‌ అభ్యర్థిగా పట్లోళ్ల నర్సింలుతో పాటు కౌన్సిలర్లుగా పోటీ చేసే వారిని ఎంపిక చేసుకున్నారు. వార్డుల రిజర్వేషన్లు వచ్చిన తర్వాత దూకుడు పెంచాలని నిర్ణయించుకున్నారు. మున్సిపల్‌ మాజీ చైర్‌పర్సన్‌ సునీతాసంపత్‌ ఇటీవల టీఆర్‌ఎస్‌లో చేరారు. తమ వర్గానికి టికెట్లు కేటాయించాలని ముందస్తు ఒప్పదం కుదుర్చుకున్న తర్వాతే ఎమ్మెల్యే సమక్షంలో పార్టీ సభ్యత్వం తీసుకున్నట్లు సమాచారం. దీంతో మున్సిపల్‌ బాధ్యతలు తమకే ఉంటాయని పంజుగుల వర్గం జోరుగా ప్రచారం చేస్తోంది.    పట్టున్న నేత పట్నమే..  తాండూరు మున్సిపల్‌ పరిధిలో పట్నం మహేందర్‌రెడ్డికే పట్టున్న నేతగా ప్రజల్లో గుర్తింపు ఉంది. తాండూరులో టీఆర్‌ఎస్‌ ప్రభావం లేని సమయంలోనూ ఆయన పార్టీని తిరుగులేని శక్తిగా నిలబెట్టారు. ఇటీవల జరిగిన అసెంబ్లీ ఎన్నికల్లో కొడంగల్‌ గడ్డపై గులాబీ జెండా ఎగరడంలో మహేందర్‌రెడ్డి పాత్ర ఎంతో కీలకంగా నిలిచింది. రేవంత్‌రెడ్డి ఓటమిలో ప్రధానభూమిక పోషించిన మహేందర్‌రెడ్డి సీఎం కేసీఆర్‌తోపాటు పార్టీ వర్కింగ్‌ ప్రెసిడెంట్‌ కేటీఆర్‌ మన్ననలు పొందారు. స్వల్ప ఓట్ల తేడాతో తాను ఎమ్మెల్యేగా ఓడిపోయినా.. ట్రక్కుగుర్తు కారణంగానే.. తాండూరు అభివృద్ధి మందగించిందని పలుమార్లు పేర్కొన్నారు. ఇటీవల జరిగిన ఎమ్మెల్సీ ఎన్నికల్లో విజయం సాధించి జిల్లాలో తనకు తిరుగులేదని నిరూపించుకున్న మహేందర్‌రెడ్డి.. ఆయన సతీమణి సునీతారెడ్డిని మూడో సారి జెడ్పీ చైర్‌పర్సన్‌గా గెలిపించుకున్నారు. తాండూరు మున్సిపల్‌ ఎన్నికల్లో టీఆర్‌ఎస్‌ గెలవాలంటే రాజకీయ చాణక్యుడిగా పేరున్న పట్నంకే బాధ్యతలు అప్పగించాలని టీఆర్‌ఎస్‌లోని సీనియర్లు సూచిస్తున్నారు.    తగ్గిన ఆదరణ..  తాండూరు ఎమ్మెల్యే పంజుగుల రోహిత్‌రెడ్డి కాంగ్రెస్‌ను వీడి టీఆర్‌ఎస్‌లో చేరడాన్ని ప్రజలు తప్పుపడుతున్నారు. ఈ కారణంగా ఆయనకు జనాధరణ రోజురోజుకూ తగ్గుతోంది. తాండూరుకు ఎంతో చేసిన మహేందర్‌రెడ్డిని కాదని ఎమ్మెల్యేగా గెలిపిస్తే.. తమ నిర్ణయానికి వ్యతిరేకంగా టీఆర్‌ఎస్‌లో చేరడాన్ని జనం ఎత్తిచూపుతున్నారు. ఈ సమయంలో రోహిత్‌కు మున్సిపల్‌ బాధ్యతలు అప్పగిస్తే పార్టీ నష్టపోయే ప్రమాదం ఉందని స్థానిక నాయకులు, రాజకీయ విశ్లేషకులు సూచిస్తున్నారు. మూడో వ్యక్తికి కట్టబెడతారా? మున్సిపల్‌ ఎన్నికల్లో ఎమ్మెల్సీ, ఎమ్మెల్యే వర్గీయుల మధ్య కొనసాగుతున్న వర్గపోరు నేపథ్యంలో టికెట్ల పంపిణీ బాధ్యతలను మూడో వ్యక్తికి కట్టబెట్టొచ్చనే ఊహాగానాలు సైతం వినిపిస్తున్నాయి. ఇటీవల నిర్వహించిన టీఆర్‌ఎస్‌ సభ్యత్వ నమోదు బాధ్యతలను సైతం ఇద్దరిలో ఎవరికీ ఇవ్వకుండా.. ఆ పార్టీ నేత గట్టు రామచందర్‌రావును నియోజకవర్గ ఇన్‌చార్జ్‌గా నియమించిన విష యం తెలిసిందే. 

సాక్షి, ఆదిలాబాద్‌: బల్దియా పోరు ఆసక్తికరంగా మారుతోంది. త్వరలో మున్సిపల్‌ ఎన్నికలు నిర్వహించనుండగా ప్రధానంగా జిల్లాలోని ఏకైక ఆదిలాబాద్‌ మున్సిపాలిటీలో ప్రధాన పార్టీల మధ్య పోటీ నెలకొనే పరిస్థితి కనిపిస్తోంది. రిజర్వేషన్లపై ఇంకా ఉత్కంఠ కొనసాగుతోంది. 2014లో జరిగిన మున్సిపల్‌ ఎన్నికలకు రాబోయే ఈ ఎన్నికలకు రాజకీయం మారింది. ప్రధానంగా ప్రతిపక్ష పార్టీలు, స్వంతంత్ర కౌన్సిలర్లుగా గెలిచిన వారు అప్పట్లో అధికార టీఆర్‌ఎస్‌ పార్టీలో చేరారు. దీంతో ప్రతిపక్షాల బలం నీరుగారిపోయింది. ఈ ఎన్నికల్లో మళ్లీ అధికార పార్టీతోపాటు ప్రతిపక్ష పార్టీ లు ఏమేర సత్తా చూపుతాయానేది ఆసక్తికరం. ఉమ్మడి రాష్ట్రంలో 2014లో జరిగిన మున్సిపల్‌ ఎన్నికల్లో టీఆర్‌ఎస్‌ విజయకేతనం ఎగురవేసింది. అప్పుడు తెలంగాణ రాష్ట్రం ఏర్పడిన తర్వాత పాలకవర్గాలు కొలువుదీరాయి. ఈ జూలై 2తో పాలకవర్గం పదవీకాలం పూర్తయింది. కాగా అప్పట్లో 36 వార్డులున్న ఆదిలాబాద్‌ మున్సిపాలిటీలో టీఆర్‌ఎస్‌ 14, ఎంఐఎం 4, స్వతంత్రులు 4, కాంగ్రెస్, బీజేపీ చెరో ఏడు స్థానాలు దక్కించుకున్నాయి. టీఆర్‌ఎస్‌ ఎంఐఎం మద్దతుతో స్వతంత్ర అభ్యర్థులను కలుపుకుని అప్పట్లో కొలువుదీరింది. 21వ వార్డు కౌన్సిలర్‌ రంగినేనీ మనీశ చైర్‌పర్సన్‌గా, ఎంఐఎం జిల్లా అధ్యక్షుడు, 29వ వార్డు కౌన్సిలర్‌ ఫారూఖ్‌ అహ్మద్‌ వైస్‌చైర్మన్‌గా ఎన్నికయ్యారు. ఐదేళ్లపాటు పదవుల్లో కొనసాగారు. కాగా కాంగ్రెస్‌ నుంచి ముగ్గురు, బీజేపీ నుంచి ముగ్గురు, స్వతంత్ర కౌన్సిలర్లు నలుగురు అధికార పార్టీలో చేరడంతో మున్సిపాలిటీలో టీఆర్‌ఎస్‌ బలం పెరిగిపోయింది. అదే సమయంలో కాంగ్రెస్, బీజేపీల సంఖ్య పలచబడిపోయింది. ఈ నేపథ్యంలో జరగనున్న ఎన్నికల్లో ఆయా పార్టీలు ఏ మేరకు ప్రభావం చూపుతాయన్నది పట్టణ ప్రజల్లో ఆసక్తి కలిగిస్తోంది.  రిజర్వేషన్లపై కొనసాగుతున్న ఉత్కంఠ  ఆదిలాబాద్‌ మున్సిపాలిటీ 36 వార్డుల నుంచి ప్రస్తుతం 49 వార్డులకు పెరిగింది. మావల గ్రామం వదిలి దాని పరిధిలోని మిగిలిన కాలనీలు, అనుకుంట, బంగారుగూడ, రాంపూర్, బట్టి సావర్గాం గ్రామాన్ని వదిలి దాని పరిధిలోని కాలనీలు పట్టణంలో విలీనం అయ్యాయి. అసెంబ్లీ ఎన్నికల్లో టీఆర్‌ఎస్‌ ప్రభంజనం చూపించగా, పార్లమెంట్‌ ఎన్నికల్లో బీజేపీ ప్రభావం చూపింది. ఈ నేపథ్యంలో మున్సిపల్‌ ఎన్నికలు ఆసక్తికరంగా మారాయి. కొత్త వార్డుల్లో గతంలో జెడ్పీటీసీ, ఎంపీపీలు, ఎంపీటీసీలు, వార్డు మెంబర్లుగా పని చేసిన వారు ఈ పురపాలిక ఎన్నికల్లో నిలబడేందుకు ఆసక్తి చూపుతున్నారు. ప్రధాన పార్టీలు టీఆర్‌ఎస్, బీజేపీ నుంచి అధికంగా పోటీ చేసేందుకు ఆసక్తి చూపుతుండగా, కాంగ్రెస్‌ కొంత లేకపోలేదు. ఇక కొన్ని వార్డుల్లో ఎంఐఎం పార్టీ ప్రభావం ఉంది. ఈ నేపథ్యంలో జరగబోయే ఎన్నికల్లో ఒక పార్టీ మెజార్టీ సాధించేందుకు శాయశక్తులగా కృషి చేయాల్సిన పరిస్థితులు కనిపిస్తున్నాయి. 25 వార్డుల్లో విజయకేతనం ఎగురవేస్తేనే పాలకవర్గం దక్కుతుంది. లేని పక్షంలో మిత్ర పక్షాల సహకారంతోనైనా పార్టీలు కొలువుదీరే పరిస్థితి ఉంది. ఇదిలా ఉంటే టీఆర్‌ఎస్‌లో ఎమ్మెల్యే జోగు రామన్న తనయుడు జోగు ప్రేమేందర్‌ ఈ ఎన్నికల ద్వారా పుర రాజకీయాల్లోకి అడుగు పెడుతున్నాడు. తద్వారా టీఆర్‌ఎస్‌ గెలుపుపై వారు ఆశలు పెట్టుకున్నారు. కాగా ఆయా పార్టీలు ఇప్పటికే వార్డులలో ఒక అంచనాతో ముందుకు కదులుతున్నాయి. దాని ప్రకారం రిజర్వేషన్లు అనుకూలంగా వస్తే వారే అభ్యర్థులుగా ఉంటారు. లేనిపక్షంలో పార్టీలకు అభ్యర్థులను వడపోసి ఎంపిక చేయాల్సిన పరిస్థితులు ఉంటాయి. ఎస్సీ, ఎస్టీ, బీసీ, జనరల్‌ నుంచి రిజర్వేషన్లకు అనుగుణంగా అభ్యర్థులను ఎంపిక చేయాల్సి ఉంటుంది. పార్టీలు కసరత్తు మొదలు పెట్టినా పలు వార్డులలో కొన్ని పార్టీలకు సరైన అభ్యర్థులకు కూడా కరువయ్యే పరిస్థితి లేకపోలేదు. గత ఎన్నికల్లో 34న వార్డు నుంచి మెస్రం కృష్ణ ఏకగ్రీవంగా కౌన్సిలర్‌గా ఎన్నిక కావడం ఈ పరిస్థితిని తేటతెల్లం చేస్తుంది.  

సాక్షి, నల్లగొండ : మరోమారు జిల్లా రాజకీయంగా వేడెక్కుతోంది. మున్సిపల్‌ ఎన్నికలకు ప్రభుత్వం తెర లేపడంతో ఆయా పార్టీల రాజకీయ కార్యాచరణ కూడా షురూవైంది. మున్సిపాలిటీల్లో వార్డుల పునర్విభజన, ఓటర్ల జాబితా ముసాయిదా ప్రకటన తదితర పనులతో మున్సిపల్‌ అధికార యంత్రాంగం తీరిక లేకుండా గడుపుతోంది. మరోవైపు అధికార టీఆర్‌ఎస్‌ జిల్లాలోని అన్ని మున్సిపాలిటీలను కైవసం చేసుకోవాలన్న లక్ష్యంతో పావులు కదుపుతోంది. దీనిలో భాగంగా ఆయా మున్సిపాలిటీల్లో అధికారిక కార్యక్రమాలు చేపడుతోంది. ఇంకా మున్సిపల్‌ ఎన్నికల నోటిఫికేషన్‌ వెలువడకపోవడం, ఎన్నికల నియమావళి (కోడ్‌ ఆఫ్‌ కండక్ట్‌) అమల్లోకి రాకపోవడంతో పలు అభివృద్ధి పనులకు ప్రారంభోత్సవాలు, శంకుస్థాపనలతో హల్‌చల్‌ చేస్తోంది. ఇప్పటికే జిల్లాలోని నల్లగొండ, మిర్యాలగూడ మున్సిపాలిటీల్లో మంత్రి జగదీశ్‌రెడ్డి పాల్గొనగా రెండు రోజులపాటు వివిధ పనుల పేర సాధ్యమైనన్ని వార్డుల్లో కార్యక్రమాలు చేపట్టారు. ఫలితంగా పట్టణాల్లో ఒక్కసారిగా రాజకీయ సందడి పెరిగిపోయింది. జిల్లాలోని నల్లగొండ, మిర్యాలగూడ, దేవరకొండ మున్సిపాలిటీలతో పాటు కొత్తగా ఏర్పాటైన నందికొండ, హాలియా, చండూరు, చిట్యాల మున్సిపాలిటీల్లో సైతం ఆయా పార్టీల కార్యక్రమాలు మొదలవుతున్నాయి. చిట్యాల మున్సిపాలిటీ పరిధిలో అధికార టీఆర్‌ఎస్‌ పార్టీ చేరికలకు తెర తీసింది. కాంగ్రెస్‌ పార్టీకి చెందిన ముఖ్యులు కొందరు ఆ పార్టీని వీడి గులాబీ కండువాలు కప్పుకున్నారు. మున్సిపల్‌ ఎన్నికల ముందు చోటు చేసుకున్న ఈ పరిణామం కాంగ్రెస్‌కు షాకివ్వగా, టీఆర్‌ఎస్‌కు అదనపు బలం చేకూర్చినట్లయిందన్న అభిప్రాయం వ్యక్తమవుతోంది. ఏడు మున్సిపాలిటీల్లో పాగా వేసేందుకు టీఆర్‌ఎస్‌ వేగంగా అడుగులు వేస్తోంది. పునర్విభజన కిరికిరి! మున్సిపాలిటీల్లో వార్డుల సంఖ్యను ప్రభుత్వం పెంచింది. దీంతో అన్ని మున్సిపాలిటీల్లో వార్డుల పునర్విభజన అనివార్యమైంది. అధికార పార్టీ తనకు అనుకూలంగా వార్డులను పునర్విభజించిందని కాంగ్రెస్, సీపీఎం, బీజేపీ తదితర పార్టీలు మండిపడుతున్నాయి. వార్డులకు సరిహద్దులు ఖరారు చేయకుండానే డ్రాఫ్ట్‌ డిక్లరేషన్‌ ఎలా చేస్తారన్న ప్రశ్నకు అధికారులనుంచి సమాధానమే లేదు. వార్డుల్లో ఓటర్ల తారుమారు, వందల సంఖ్యలో ఓట్లు గల్లంతు కావడం, సంబంధం లేకుండా వార్డులను కలపడం, లేదా కొత్తవాటిని తయారు చేయడం వంటి అంశాలపై విపక్షాలు ఆగ్రహంగా ఉన్నాయి. దీంతో మున్సిపల్‌ అధికారులు రాజకీయ పార్టీలతో నిర్వహించిన సమావేశాలు రసాభాస అయ్యాయి. అధికారులు ప్రస్తుతం చేసిన తప్పులను సరిదిద్దే పనిలో ఉన్నారని చెబుతున్నారు.  రిజర్వేషన్ల కోసం ఎదురుచూపులు ఆయా మున్సిపాలిటీల్లో అన్ని పార్టీలూ వార్డుల రిజర్వేషన్ల కోసం ఎదురు చూస్తున్నారు. పాత మున్సిపాలిటీల్లో కౌన్సిలర్లుగా పనిచేసిన వారు మరోమారు కౌన్సిల్‌లో అడుగు పెట్టేందుకు ఉవ్విళ్లూరుతున్నారు. దీంతో తమ పాత వార్డులో రిజర్వేషన్‌ అనుకూలంగా వస్తుందా..? లేదా, పక్క వార్డులోకో, మరో చోటుకు మారాల్సి ఉంటుందా అన్న చర్చ జరుగుతోంది. వార్డుల రిజర్వేషన్లు తేలితే రాజకీయ కార్యక్రమాలు మరింతగా జోరందుకునే అవకాశాలు ఉన్నాయి. దీంతో పాటే మున్సిపల్‌ చైర్మన్‌ రిజర్వేషన్లపైనా ఆసక్తి నెలకొంది.  మొదలవుతున్న నేతల పర్యటనలు ఆగస్టు నెల ముగిసే లోపు మున్సిపల్‌ ఎన్నికలను ముగించాలన్న లక్ష్యంతో ప్రభుత్వం ఉండడం, ఆ దిశలో ఎన్నికల నిర్వహణ పనులనూ మొదలు పెట్టడంతో అన్ని పార్టీలు ఎన్నికలకు తయారవుతున్నాయి. మున్సిపాలిటీల వారీగా కార్యక్రమాలపై దృష్టి పెడుతున్నాయి. టీఆర్‌ఎస్‌ ఇప్పటికే అభివృద్ధి పనులకు ప్రారంభోత్సవాలు, శంకుస్థాపనల కార్యక్రమాలతో వార్డుల్లో ఎన్నికల వాతావరణాన్ని తీసుకువచ్చింది. ఆ పార్టీ కార్యకర్తలు దీనికి ముందస్తు ప్రచారంగానే భావిస్తున్నారు. కాగా, కాంగ్రెస్‌ స్థానిక నాయకులు ఎక్కడికక్కడ పనిచేసుకుంటున్నారు. మరోవైపు పట్టణ ప్రాంతాల్లో మరింతగా బలపడేందుకు, పాగా వేసేం దుకు వ్యూహాలు రచిస్తున్న బీజేపీ మున్సిపల్‌ ఎన్నికలను సీరియస్‌గానే తీసుకుంటోంది. అదే సమయంలో ప్రస్తుతం ఆ పార్టీ సభ్యత్వ నమోదు కార్యక్రమం జరుగుతుండడంతో ముఖ్య నేతలు పర్యటించి వెళుతున్నారు. ఇప్పటికే దేవరకొండ మున్సిపాలిటీ పరిధిలో బీజేపీ రాష్ట్ర అధ్యక్షుడు డాక్టర్‌ లక్ష్మణ్‌ పర్యటించి వెళ్లారు. ఆదివారం జిల్లా కేంద్రానికి మాజీ మంత్రులు, బీజేపీ నేతలు డీకే అరుణ, బోడ జనార్దన్, మాజీ ఎమ్మెల్యే ఎన్నం శ్రీనివాస్‌ రెడ్డి పర్యటనకు వస్తున్నారు. మొత్తంగా జిల్లాలో ఏడు మున్సిపాలిటీల పరిధిలో ఇప్పుడు రాజకీయ హడావిడి మొదలైంది.  

సాక్షి, హైదరాబాద్‌: జిల్లా, మండల పరిషత్‌ ఎన్నికల ప్రక్రియ ముగింపుతో కీలక ఘట్టం ముగిసింది.  ఇక ఈ స్థానిక సంస్థలన్నీ కళకళలాడనున్నాయి. ఆరునెలల్లోనే కీలకమైన పంచాయతీ, జెడ్పీటీసీ, ఎంపీటీసీ ఎన్నికలను రాష్ట్ర ఎన్నికల కమిషన్‌ (ఎస్‌ఈసీ) విజయవంతంగా ముగించింది. తాజాగా జెడ్పీపీ చైర్‌పర్సన్, ఎంపీపీ అధ్యక్షుల ఎన్నిక ప్రక్రియను ముగించి గ్రామస్థాయిలో ప్రజాప్రతినిధుల ఆధ్వర్యంలో పాలనకు మార్గం సుగమం చేసింది. ఇక పట్టణాభివృద్ధికి పట్టుగొమ్మలుగా మారిన పురపాలక సంఘాల ఎన్నికల నిర్వహణకు ఎస్‌ఈసీ సిద్ధమవుతోంది. మున్సిపల్‌ చట్టానికి సవరణల్లో భాగంగా గతంలో మున్సిపాలిటీలు, కార్పొరేషన్లకు వేర్వేరుగా చట్టాలుండగా, రెండింటికి వర్తించే కొత్త చట్టం సిద్ధం కాబోతోంది. ఆర్డినెన్స్‌ రూపంలో నూతన మున్సిపల్‌ చట్టం తీసుకొచ్చేందుకు రాష్ట్ర ప్రభుత్వం కసరత్తు చేస్తున్నట్టు సమాచారం. దీంతోపాటు మున్సిపల్‌  వార్డుల పునర్‌వ్యవస్థీకరణ, రిజర్వేషన్ల ఖరారు, ఇతరత్రా అంశాలపై ప్రభుత్వపరంగా స్పష్టత రావా ల్సి ఉంది. తదనుగుణంగా జూలై లేదా ఆగస్టులో మున్సిపల్‌ ఎన్నికల నిర్వహణకు ఎస్‌ఈసీ సిద్ధమవుతోంది.   గ్రామీణ సంస్థల పరిపుష్టం..  గ్రామీణ ప్రాంతాల అభివృద్ధితో పాటు క్షేత్రస్థాయిలో ఆయా అంశాల వారీగా ప్రజలకు మెరుగైన పాలనను అందించేందుకు పంచా యతీల మొదలు జిల్లా పరిషత్‌ల వరకు పాలక మండళ్లు సిద్ధమవుతున్నాయి. ప్రత్యేకాధికారుల పాలనలోనే నూతన పంచాయతీరాజ్‌ చట్టాన్ని రాష్ట్ర ప్రభుత్వం అమల్లోకి తీసుకొచ్చినా... పంచాయతీల్లో కొత్త పాలకమండళ్లు ఎన్నికయ్యాక కొత్త చట్టంలోని అంశాల వారీగా బాధ్యతలను అప్పగించారు. గత ఫిబ్రవరి నుంచి నూతన చట్టం అమలు చేస్తూ గ్రామాల్లో పాలకవర్గాలు పాలన చేపట్టాయి. 12,751 గ్రామపంచాయతీల ఆవిర్భావంతో పాటు చట్టం ఏర్పడ్డాక తొలి పాలకవర్గాలుగా పంచాయతీ బోర్డుల్లో కొలువుతీరాయి. వీటి కోవలోనే పరిషత్‌లు కూడా ఇప్పుడు వచ్చి చేరుతున్నాయి. కొత్త జిల్లాల పునర్‌వ్యవస్థీకరణలో భాగంగా గతంలో 9 జిల్లాల స్థానంలో మొత్తం 32 జిల్లాలు ఏర్పడ్డాయి. ఇందులో కొత్త ప్రాదేశిక నియోజకవర్గాలు ఏర్పాటు కావడంతో... 5,857 ఎంపీటీసీ స్థానాలు, 538 మండల పరిషత్‌ అధ్యక్ష, ఉపాధ్యక్షులు, 538 మంది జెడ్పీటీసీ సభ్యులు, 8న ముగిసిన ఎన్నికల్లో 32 జిల్లాల పరిషత్‌ చైర్‌పర్సన్లు, వైస్‌ చైర్‌పర్సన్లు ఎన్నికయ్యారు. వీరంతా కొత్త జెడ్పీపీల్లో తొలి పాలకవర్గాలుగానే తమదైన రికార్డును సొం తం చేసుకుంటున్నారు.

హైదరాబాద్‌: తెలంగాణాలో ఎన్నికల హడావిడి మళ్లీ మొదలైంది. ఎంపీటీసీ, జెడ్పీటీసీ ఎన్నికల షెడ్యూల్‌ను తెలంగాణ ఎన్నికల కమిషనర్‌ నాగిరెడ్డి శనివారం విడుదల చేశారు. హైదరాబాద్‌లో నాగిరెడ్డి విలేకరులతో మాట్లాడారు. ఈ ఎన్నికలను 3 దశల్లో నిర్వహిస్తున్నట్లు తెలిపారు. తెలంగాణాలో మొత్తం 5,857 ఎంపీటీసీ స్థానాలు, 539 జెడ్పీస్థానాలు ఉన్నాయన్నారు. 47 ఎంపీటీసీ స్థానాలతో పాటు, మంగపేట జెడ్పీటీసీ స్థానానికి ఎన్నిక నిర్వహించడం లేదని వెల్లడించారు. నేటి నుంచి కోడ్‌ అమలులోకి రానుందని చెప్పారు. అభ్యర్థులు ఆన్‌లైన్‌ ద్వారా నామినేషన్‌ వేసే అవకాశం కల్పించామని పేర్కొన్నారు. ఈ ఎన్నికలు బ్యాలెట్‌ పద్ధతిలో జరుగుతాయని చెప్పారు. తెలుపు రంగులో ఎంపీటీసీల బ్యాలెట్‌ పేపర్‌, గులాబీ రుంగులో జెడ్పీటీసీల బ్యాలెట్‌ పేపర్లు ఉంటాయని తెలిపారు. ఎంపీటీసీలకు రూ 1.5 లక్షలు, జెడ్పీటీసీలకు రూ.4 లక్షల గరిష్ట వ్యవపరిమితిగా నిర్ధారించినట్లు వెల్లడించారు. మొత్తం 32 వేల 7 పోలింగ్‌ బూత్‌లలో ఎన్నికలు నిర్వహిస్తున్నట్లు స్పష్టం చేశారు. మొత్తం ఒక కోటి 56 లక్షల 11 వేల 320 మంది ఓటర్లు ఓటు హక్కును ఈ ఎన్నికల్లో వినియోగించుకోనున్నారని అన్నారు. మొదటి విడతలో 197 జెడ్పీటీసీలు, 2166 ఎంపీటీసీ స్థానాలకు, రెండో విడతలో 180 జెడ్పీటీసీలు, 1913 ఎంపీటీసీ స్థానాలకు, మూడో విడతలో 161 జెడ్పీటీసీలు, 1738 ఎంపీటీసీ స్థానాలకు ఎన్నికలు జరగనున్నాయని, ఈ ఎన్నికల పోలింగ్‌ నిర్వహణకు లక్షా 47 వేల మంది సిబ్బందిని వినియోగిస్తున్నామని,  అలాగే ఎన్నికల ఫలితాలను మే 27న వెల్లడిస్తామని చెప్పారు. తొలి దశలో(197 జెడ్పీటీసీలు..2166 ఎంపీటీసీలు స్ధానాలు) నామినేషన్‌: ఏప్రిల్‌ 22 నుంచి ఏప్రిల్‌ 24 వరకు నామినేషన్ల పరిశీలన: ఏప్రిల్‌ 25న ఫిర్యాదులు: ఏప్రిల్‌ 27 నామినేషన్‌ ఉపసంహరణ: ఏప్రిల్‌ 28 వరకు పోలింగ్‌: మే 6న రెండో దశ(180 జెడ్పీటీసీలు..1913 ఎంపీటీసీలు స్ధానాలు) నామినేషన్‌: ఏప్రిల్‌ 26 నుంచి ఏప్రిల్‌ 28 వరకు నామినేషన్ల పరిశీలన: ఏప్రిల్‌ 29న ఫిర్యాదులు: మే 1న నామినేషన్‌ ఉపసంహరణ: మే 2 వరకు పోలింగ్‌: మే 10న మూడో దశ(161 జెడ్పీటీసీలు..1738 ఎంపీటీసీలు స్ధానాలు) నామినేషన్‌: ఏప్రిల్‌ 30 నుంచి మే 2 వరకు నామినేషన్ల పరిశీలన: మే 3న ఫిర్యాదులు:  మే 5న నామినేషన్‌ ఉపసంహరణ: మే6 వరకు పోలింగ్‌: మే 14

సాక్షి, న్యూఢిల్లీ : కేరళలోని 14 జిల్లాల పరిధిలో స్థానిక సంఘాలకు ఇటీవల జరిగిన ఉప ఎన్నికల్లో ఆశ్చర్యకర ఫలితాలు వెలువడ్డాయి. మొత్తం 39 సీట్లకు ఎన్నికలు జరగ్గా వాటిలో 21 సీట్లను పాలకపక్ష ఎల్‌డీఎఫ్‌ గెలుచుకోగా, కాంగ్రెస్‌ నాయకత్వంలోని యూడీఎఫ్‌ 12 సీట్లను గెలుచుకొంది. ఇక బీజేపీకి రెండు సీట్లు, సోషల్‌ డెమోక్రటిక్‌ పార్టీ ఆఫ్‌ ఇండియా (ఎస్‌డీపీఐ)కు రెండు సీట్లు, స్వతంత్ర అభ్యర్థులు రెండు సీట్లు వచ్చాయి. శబరిమలలోని అయ్యప్ప ఆలయంలోకి అన్ని వయస్కుల మహిళలను అనుమతించాలంటూ సుప్రీం కోర్టు ఇచ్చిన ఉత్తర్వులను అమలు చేసేందుకు ప్రయత్నిస్తున్న పినరాయి విజయన్‌ ప్రభుత్వానికి వ్యతిరేకంగా బీజేపీ, కాంగ్రెస్‌ పార్టీలు ఆందోళనలు నిర్వహిస్తున్న నేపథ్యంలో ఇలాంటి ఫలితాలు రావడం విశేషం. ముఖ్యంగా శబరిమల ఆలయం ఉన్న పట్టణంమిట్ట జిల్లాలోని రెండు సీట్లకు జరిగిన ఎన్నికల్లో బీజేపీ గెలుస్తుందని భావించారు. సుప్రీంకోర్టు ఉత్తర్వులకు వ్యతిరేకంగా ఆరోజు నుంచి ఈ రోజు వరకు బీజేపీ, ఆరెస్సెస్‌ వర్గాలు భారీ నిరసన ప్రదర్శనలను నిర్వహించాయి. అయినప్పటికీ ఈ రెండు సీట్లలో ఒక సీటులో స్వతంత్య్ర అభ్యర్థి విజయం సాధించగా, మరో సీటును ఎస్డీపీఐ అభ్యర్థి గెలుచుకున్నారు. అలప్పూజ జిల్లాలో మాత్రమే రెండు సీట్లను బీజేపీ గెలుచుకుంది.

సాక్షి, హైదరాబాద్‌: గ్రామపంచాయతీ ఎన్నికల నోటిఫికేషన్‌ వెలువడే వరకు ఓటరు నమోదు ప్రక్రియ కొనసాగుతుందని రాష్ట్ర ఎన్నికల సంఘం తెలిపింది. జూలైలో ఎన్నికలు జరగనున్న నేపథ్యంలో ఓటర్ల నమోదుపై స్పష్టతనిచ్చింది. కేంద్ర ఎన్నికల సంఘం ఆధ్వర్యంలోనే ఓటర్ల నమోదు, బదిలీ ప్రక్రియ జరుగుతుందని పేర్కొంది. కేంద్ర ఎన్నికల సంఘం అసెంబ్లీ నియోజకవర్గాల వారీగా ఈ ఏడాది మార్చి 25న తుది ఓటర్ల జాబితాను రూపొందించింది. ఈ జాబితా ఆధారంగా రాష్ట్ర ఎన్నికల సంఘం గ్రామపంచాయతీల వారీగా, వార్డుల వారీగా ఓటర్ల జాబితాను తయారు చేసింది. ఎన్నికల నోటిఫికేషన్‌ జారీ చేసే వరకు ఓటర్ల జాబితాలో మార్పులకు అవకాశం ఉంటుందని రాష్ట్ర ఎన్నికల సంఘం ప్రకటన జారీ చేసింది.  

కోల్‌కతా: పంచాయతీ ఎన్నికల సందర్భంగా బెంగాల్‌లో జరిగిన హింసాత్మక ఘటనలను ప్రధాని మోదీ ఖండించారు. ఈ నెల 12 జరిగిన బెంగాల్‌ పంచాయతీ ఎన్నికల్లో అధికార తృణమూల్‌, బీజేపీ కార్యకర్తల మధ్య జరిగిన ఘర్షణలో 12 మంది ఓటర్లు మృతి చెందిన విషయం తెలిసిందే. ఈ ఘటనపై మోదీ బుదవారం స్పందించారు. ఎన్నికల కంటే ప్రజాస్వామ్యం ముఖ్యమని వ్యాఖ్యానించారు. అధికార తృణమూల్‌ బీజేపీ అభ్యర్థులను నామినేషన్లు వేయకుండా అడ్డుకుందని, ఇది ప్రజాస్వామ్యంపై దాడిలాంటిదని ఆరోపించారు. బెంగాల్‌ ప్రాంతం చాలా గొప్పదని అలాంటి ప్రాంతాల్లో ఇలాంటి సంఘటనలు జరగడం చాలా దురదృష్టకరమని పేర్కొన్నారు. ప్రజాస్వామ్యాన్ని కాపాడుకోవాలంటే ఎన్నికలు కూడా శాంతియుతంగా నిర్వహించుకోవాలని మోదీ తెలిపారు. ఇలాంటి ఘటనలను ఖండించాల్సిన అవసరముందని, వాటికి ఇంతటితో ముగింపు పలకాలని కోరారు. ఎన్నికల సందర్భంగా ఆరవైవేల మంది సిబ్బందిని  మోహరించినా కూడా పలు ప్రాంతాల్లో హింసాత్మక ఘటనలు జరగడంపై ప్రతిపక్షాలు అధికార తృణమూల్‌పై విమర్శిల వర్షం కురిపిస్తున్నారు. తృణమూల్‌ కాంగ్రెస్‌ అధికారాన్ని అడ్డంపెట్టుకుని హింసాత్మక ఘటనలను  ప్రోత్సహిస్తోందని, ప్రజాస్వామ్యాన్ని నాశనం చేయాలని త్నణమూల్‌ నేతలు భావిస్తున్నారని బీజేపీ నేతలు ఆరోపిస్తున్నారు.

కోల్‌కతా: పంచాయితీ ఎన్నికల వేళ పశ్చిమ బెంగాల్‌లో నెలకొన్న హింసాత్మక ఘటనలపై బీజేపీ స్పందించింది. రాష్ట్రంలో శాంతి భద్రతలు పూర్తిగా క్షిణించిపోయాయని, వెంటనే రాష్ట్రపతి పాలన విధించాలని కోరుతోంది. ఈ మేరకు కేం‍ద్రమంత్రి, అస్నాసోల్‌ ఎంపీ బాబుల్ సుప్రియో మాట్లాడుతూ.. ‘రాష్ట్రంలో అధికార తృణమూల్‌ రాజ్యాంగ సూత్రాలను పాటించట్లేదు. ఓటర్లను భయబ్రాంతులకు గురిచేస్తోంది’ అని టీఎంసీపై విమర్శలు గుప్పించారు. ‘ఉదయం నుంచి జరిగిన పరిణామాలు నాకు పెద్దగా ఆశ్చర్యాన్ని కలిగించలేదు. ఎందుకంటే టీఎంసీ ఓ రౌడీల పార్టీ. మమతా బెనర్జీ ప్రభుత్వం సుపారీలు ఇచ్చి ఎన్నికల్లో హింసను ప్రేరేపించింది.  ఈ ప్రభుత్వానికి సిగ్గు లేదు. నైతికత అంతకన్నా లేదు. తక్షణమే ప్రభుత్వాన్ని రద్దు చేసి, రాష్ట్రపతి పాలన విధించాలి. అప్పుడే బెంగాల్‌ ప్రజలు ప్రశాంతంగా బతకగలుగుతారు’ అని బాబుల్‌ ఓ మీడియా ఛానెల్‌తో పేర్కొన్నారు. కాగా, తృణమూల్‌ నేత, పశ్చిమ బెంగాల్‌ మంత్రి రవీంద్రనాద్‌ ఘోష్‌, పోలింగ్‌ బూత్‌ వద్దనున్న బీజేపీ ఏజెంట్‌పై దాడి చేసిన ఘటనను ఈ సందర్భంగా బాబుల్‌ ప్రస్తావించారు. పంచాయతీ ఎన్నికల్లో తృణమూల్‌ అధికార బలంతో  ఓటర్లను మభ్యపెడుతోందని,  తృణమూల్‌ కార్యకర్తలు కర్రలు, ఇనుప రాడ్లతో బీజేపీ కార్యకర్తలపై ఇష్టానుసారం దాడులకు పాల్పడుతున్నారని ఆయన ఆరోపించారు.మరోవైపు ఉదయం నుంచి జరిగిన పరిణామాలను ఆయన తన ట్విటర్‌లో పోస్ట్‌ చేశారు. ఇదిలా ఉంటే పంచాయితీ ఎన్నికల సందర్భంగా రాజకీయ ప్రత్యర్థుల మధ్య జరిగిన చెలరేగిన ఘర్షణలో ఐదుగురు ఓటర్లు మరణించగా, 25 మంది తీవ్రంగా గాయపడిన విషయం తెలిసిందే.

కోల్‌కతా : ఎన్నికలు సమీపిస్తున్న తరుణంలో రాజకీయ పార్టీలు కుల, మతాల ప్రతిపాదికన ఓటర్లకు దగ్గరయేందుకు ప్రయత్నాలు ముమ్మరం చేశాయి. దానిలో భాగంగానే ముస్లిం వ్యతిరేక పార్టీగా ముద్రపడ్డ బీజేపీ పశ్చిమ బెంగాల్‌లో మైనారిటీ అభ్యర్థులకు టిక్కెట్లు కేటాయించింది. బెంగాల్‌లో జరుగుతున్న పంచాయతీ ఎన్నికల్లో 850కి పైగా మైనారిటీ అభ్యర్థులకు సీట్లు కేటాయించింది. బీజేపీ చరిత్రలోనే ఇంత మొత్తంలో  ముస్లిం అభ్యర్థులకు టిక్కెట్లు ఇవ్వడం ఇదే మొదటిసారి. రాష్ట్ర వ్యాప్తంగా 30 శాతం ఉన్న ముస్లిం జనాభాకు దగ్గరయేందుకు బీజేపీ మైనారిటీ అభ్యర్ధులకు టిక్కెట్లు కేటాయిస్తున్నట్లు రాష్ట్ర బీజేపీ అధ్యక్షుడు దిలీప్‌ ఘోష్‌ తెలిపారు. బీజేపీ మైనారిటీలకు టిక్కెట్లు కేటాయించడాన్ని అధికార తృణమూల్‌  కొట్టిపారేసింది. రాష్ట్రంలోని మైనారిటీలకు సీఎం మమత బెనర్జీపై విస్వాసం ఉందని, వారంతా టీఎంసీతోనే ఉంటారని తృణమూల్‌  సీనియర్‌ నేత పార్థ ఛటర్జీ తెలిపారు.  2013లో జరిగిన పంచాయతీ ఎన్నికల్లో బీజేపీ 100 కంటే తక్కువ సీట్లను మైనారిటీలకు కేటాయించగా, గత అసెంబ్లీ ఎన్నికల్లో 294 సీట్లలో కేవలం ఆరుగురు ముస్లిం అభ్యర్ధులకు మాత్రమే టిక్కెట్లు ఇచ్చింది. ముస్లింలు అధికార తృణమూల్‌పై వ్యతిరేకతతో ఉన్నారని, బీజేపీపై వారికి పూర్తి విశ్వాసం ఉందని రాష్ట్ర ముస్లిం మోర్చా అధ్యక్షుడు అలీ హుస్సేన్‌ తెలిపారు. ‘కేంద్రంలో, 20 రాష్ల్రాల్లో బీజేపీ అధికారంలో ఉంది. బీజేపీ పాలనలో ముస్లింలు సంతోషంగా ఉన్నారు.  2019లో కూడా మా పార్టీయే అధికారంలోకి వస్తుంది. మా పార్టీ కులం, మత ప్రాతిపాదికన సీట్లు కేటాయించదు. అభ్యర్థుల విజయావకాశాలకు బట్టి టిక్కెట్లు ఇస్తుంది.’ అని దిలీప్‌ ఘోష్‌ అన్నారు. ఇటీవల తృణమూల్‌ నుంచి బీజేపీలోకి వెళ్లిన ముకుల్‌ రాయ్‌ మైనారిటీలకు టిక్కెట్లు కేటాయించడంలో కీలక పాత్ర పోషిస్తున్నారని సమాచారం. కాగా మే 14న రాష్ట్ర వ్యాప్తంగా పంచాయతీ ఎన్నికలు జరుగుతున్న విషయం తెలిసిందే.

కోల్‌కతా: తృణమూల్‌ కాంగ్రెస్‌ (టీఎంసీ) అధినేత్రి, బెంగాల్‌ సీఎం మమత బెనర్జీ మరోసారి తన సత్తా చూపించారు. మే 14 నుంచి రాష్ట్ర వ్యాప్తంగా జరుగనున్న పంచాయతీ ఎన్నికల్లో 34 శాతం సీ​ట్లు ఏకగ్రీవమయ్యాయి. ఎన్నికల నామినేషన్‌ గడువు శనివారంతో ముగియడంతో ఎన్నికల కమిషన్‌ నామినేషన్లకు సంబంధించిన వివరాలను విడుదల చేసింది. మొత్తం 58,692 పంచాయతీ స్థానాలకుగాను 20,000 పంచాయతీల్లో విపక్ష పార్టీల నుంచి అభ్యర్థులు నామినేషన్‌ దాఖలు చేయకపోవడంతో ఆ స్థానాల్లో తృణమూల్‌ కాంగ్రెస్‌ విజయం సాధించినట్లయింది. రాష్ట్ర చరిత్రలో ఇంత మొత్తంలో సీట్లు ఏకగ్రీవం కావడం ఇదే తొలిసారి. గతంలో వామపక్ష పార్టీ అధికారంలో ఉన్నప్పుడు 11 శాతం సీట్లు  ఏకగ్రీవంగా గెలుచుకుంది. రాష్ట్రంలో టీఎంసీ కార్యకర్తలు విపక్ష అభ్యర్థులను నామినేషన్‌ వేయకుండా హింసాత్మక చర్యలకు పాల్పడ్డారని బీజేపీ, లెఫ్ట్‌ పార్టీలు ఆరోపిస్తున్నాయి. టీఎంసీ కార్యకర్తల చర్యలకు భయపడి అభ్యర్థులు నామినేషన్‌ వేయడానికి భయపడ్డారని, తృణమూల్‌ నేతలు ప్రజాస్వామ్యాన్ని ఖూనీ చేస్తున్నారని బెంగాల్‌ కాంగ్రెస్‌ చీఫ్‌ ఆధీర్‌ రాజన్‌ చౌదరీ విమర్శించారు. టీఎంసీ నేతలు సామాన్యుల రాజకీయ హక్కును హరిస్తున్నారని ఆరోపించారు. కాగా ఇటీవల బీర్బూమ్‌లో జరిగిన ఘర్షణలో  ఓ వ్యక్తి మృతి చెందగా, పలువురికి తీవ్ర గాయలైన విషయం తెలిసిందే. నామినేషన్ల గడువు ముగిసే సమయానికి మొత్తం 58,693 స్థానాలకుగాను అధికార తృణమూల్‌ కాంగ్రెస్ నుంచి 72,000, బీజేపీ నుంచి 35,000, వామపక్ష పార్టీల నుంచి 22,000, కాంగ్రెస్‌ నుంచి 10,000 మంది అభ్యర్థులు నామినేషన్ వేశారు. బెంగాల్‌ పంచాయతీ ఎన్నికలు మొదటి నుంచి వివాదాస్పదంగానే మారాయి. నామినేషన్‌ వేయకుండా అధికార టీఎంసీ ఇతర పార్టీ అభ్యర్థులను అడ్డుకుంటుందని విపక్షాలు కోల్‌కతా హైకోర్టును కూడా ఆశ్రయించాయి. దీనితో కోర్టు నామినేషన్లు గడవు ఒకరోజుకు పెంచింది. కొంత మంది అభ్యర్ధులు తమ నామినేషన్‌ పత్రాలను వాట్సాప్ ద్వారా పంపించడం, వాటిని అనుమతించాలని హైకోర్టు ఆదేశించడం తెలిసిందే. ఎన్నికల కమిషన్‌ అధికార తృణమూల్‌ కాంగ్రెస్ పార్టీకి అనుకూలంగా వ్యవహరిస్తుందని, హైకోర్టు ఆదేశాలను ఎన్నికల కమిషన్‌ ఉల్లంఘించిందని  లోకసభ మాజీ స్పీకర్‌ సోమనాథ్‌ చటర్జీ విమర్శించారు.

భోపాల్‌: మధ్యప్రదేశ్‌ స్థానిక సంస్థల ఎన్నికల ఫలితాలు క్రమంగా వెలువడుతున్నాయి. ఈ నెల 17న రాష్ట్రంలోని ఐదు జిల్లాల్లో ఉన్న మున్సిపల్‌ కార్పొరేషన్లు, నగర కౌన్సిళ్లు, 51 గ్రామపంచాయతీలకు ఎన్నికలు జరిగాయి. శనివారం కౌంటింగ్‌ కొనసాగుతోంది. తాజాగా వెలువడిన రాఘవ్‌గఢ్‌ నగర కౌన్సిల్‌ ఎన్నికల్లో అధికార బీజేపీకి ఎదురుదెబ్బ తగిలింది. రాఘవ్‌గఢ్‌ నగర్‌లో మొత్తం 24 వార్డులు ఉండగా.. ప్రతిపక్ష కాంగ్రెస్‌ పార్టీ ఇక్కడ ఏకంగా 20 వార్డులను గెలుపొంది సత్తా చాటింది. అధికార కమల దళానికి కేవలం నాలుగు వార్డులు మాత్రమే దక్కాయి. ఈ ఏడాది చివర్లో జరగనున్న మధ్యప్రదేశ్‌ అసెంబ్లీ ఎన్నికలకు ఈ ఎన్నికలు ‘సెమీఫైనల్‌’గా భావిస్తున్నారు. ఈ ఎన్నికలను ఇటు బీజేపీ, అటు కాంగ్రెస్‌ పార్టీ ప్రతిష్టాత్మకంగా తీసుకొని పోటీచేశాయి. సీఎం శివ్‌రాజ్‌సింగ్‌ చౌహాన్‌తోపాటు ప్రధాన నేతలు ఎన్నికల ప్రచారంలో హోరాహోరీగా పాల్గొన్నారు. మొత్తం ఫలితాలు వెలువడాల్సి ఉంది.


 ►స్థానికానికి సై
 ► అర్కేనగర్‌ నుంచి పోటీకి సమాలోచన
 ► త్వరలో ఆర్కేనగర్‌ ఎన్నికల తేదీ ప్రకటన : ఈసీ
 
 రాజకీయ రంగంలోకి ఒంటరిగా అడుగుపెట్టిన దివంగత ముఖ్యమంత్రి జయలలిత మేనకోడలు దీప ఎన్నికల రణరంగంలోకి సైతం దిగేందుకు సిద్ధమవుతున్నారు. స్థానిక ఎన్నికల్లో సత్తా చూపి అర్కేనగర్‌ నుంచి ఎమ్మెల్యేగా గెలుపొందేందుకు సమాయత్తం అవుతున్నారు.
 
 సాక్షి ప్రతినిధి, చెన్నై : అన్నాడీఎంకే ప్రధాన కార్యదర్శిగా శశికళ ఎంపికైన నేపథ్యంలో ఆ పార్టీలో చేరే అవకాశం లేకపోవడంతో దీప స్వతంత్రంగానే రాజకీయాల్లోకి ప్రవేశించారు. పార్టీ, మంది మార్బలం ఏదీ లేకుండా తన రాజకీయ అరంగేట్రాన్ని ఇంటి వద్ద ప్రకటించారు. అయితే ఏదైనా పార్టీలో చేరుతారా, సొంత పార్టీ పెడతారా అనే సందేహాలకు ఈ నెల 24వ తేదీన జయలలిత జయంతి రోజున దీప సమాధానం ఇవ్వనున్నారు. అయితే అప్పటి వరకు రాష్ట్రవ్యాప్తంగా పర్యటిస్తూ ప్రజలను కలుసుకోవడం, భవిష్య ప్రణాళికను సిద్ధం చేసుకోవడంలో దీప నిమగ్నమై ఉన్నారు. ఇందులో భాగంగా మాజీ ముఖ్యమంత్రి అన్నాదురై వర్ధంతి సందర్భంగా శుక్రవారం మెరీనాబీచ్‌లోని అన్నా సమాధి వద్దకు వచ్చి దీప నివాళులర్పించారు.
 అన్నాదురై వర్ధంతి సందర్భంగా శుక్రవారం చెన్నై తండయార్‌పేటలో వేదికను ఏర్పాటు చేసి దీప చేతుల మీదుగా ప్రజలకు సహాయకాలు పంపిణీ చేసేందుకు ఏర్పాట్లు చేసుకున్నారు. అయితే పోలీసులు రంగప్రవేశం చేసి వేదికను తొలగించాలని ఆదేశించడంతో గందరగోళం నెలకొంది. దీప అభిమానులు, అన్నాడీఎంకే కార్యకర్తలు పోలీసులతో వాగ్వాదానికి దిగడంతో కార్యక్రమం నిలిచిపోయింది. గురువారం రాత్రి దీప తన అభిమానులతో కలిసి మైలాపూర్‌లోని కపాలీశ్వర్‌ ఆలయంలో ప్రత్యేక పూజలు నిర్వహించారు. రాష్ట్రవ్యాప్తంగా వెలసిన దీప పేరవైలో సభ్యత్వ నమోదు కార్యక్రమం జోరుగా సాగుతోంది.
 
 ఎన్నికల బరిలోకి... : ఆర్కేనగర్‌ నుంచి పోటీ చేసేందుకు అనుకూల,  ప్రతికూల అంశాలను సన్నిహితుల వద్ద ఆమె సమీక్షించుకుంటున్నారు. అన్నాడీఎంకేకు పెట్టని కోట, జయలలిత ప్రాతినిథ్యం వహించిన ఆర్కేనగర్‌ నుంచి పోటీచేయాలని ఆ పార్టీలోని అసంతృప్తి వాదులు దీపపై ఒత్తిడి పెంచుతుండగా, ఆమె కూడా సమ్మతించినట్లు సమాచారం. ఆర్కేనగర్‌లో ఎన్నికల తేదీని త్వరలో ఖరారు చేస్తామని రాష్ట్ర ఎన్నికల ప్రధానాధికారి రాజేష్‌లఖాని శుక్రవారం తెలిపారు. జయలలిత మరణంతో ఖాళీ అయిన ఆర్కేనగర్‌ నియోజయకవర్గంలో జూన్  5వ తేదీలోగా ఉప ఎన్నికల ప్రక్రియ పూర్తి చేయాల్సి ఉందని ఆయన తెలిపారు. మేలో ఎన్నికలను నిర్వహించాల్సి ఉండగా త్వరలో తేదీని ప్రకటిస్తామని ఆయన చెప్పారు. అలాగే త్వరలో రానున్న స్థానిక సంస్థల ఎన్నికల్లో పోటీ చేయనున్నట్లు తిరునెల్వేలి జిల్లా దీప పేరవై ప్రకటించింది.


 సాక్షి ప్రతినిధి, చెన్నై:  స్థానిక సంస్థల ఎన్నికల్లో 50 శాతం మహిళా రిజర్వేషన్‌తో రాజకీయ పార్టీలకు ముప్పు వచ్చిపడింది. ఎన్నికలను ఢీకొనగల సరైన మహిళా అభ్యర్థుల కోసం అన్వేషించాల్సిన పరిస్థితి నెలకొంది. అన్నాడీఎంకే, డీఎంకే మినహా మిగిలిన అన్ని పార్టీలూ ‘అభ్యర్థులు కావలెను’ అని బోర్డు పెట్టుకునే పరిస్థితుల్లో పడిపోయాయి. తమిళనాడులో వచ్చే నెల 17, 19 తేదీల్లో రెండు దశల్లో స్థానిక ఎన్నికల పోలింగ్ జరగనుంది. రాష్ట్రంలో తొలిసారిగా మహిళలకు 50 శాతం రిజర్వేషన్‌ను అమలు చేస్తున్నారు.
 
 రాజకీయాల్లో మహిళలకు ప్రాతినిథ్యం పెరగడం హర్షణీయమైనా పురుషుల శాతానికి సమానంగా స్త్రీలు ప్రజాబాహుళ్యంలోకి అడుగుపెట్టక పోవడం అభ్యర్థుల ఎంపికలో అనేక రాజకీయ పార్టీలను ఇరుకున పడవేసింది. రాష్ట్రంలో అన్నాడీఎంకే, డీఎంకే పెద్ద పార్టీలుగా ఉన్నాయి. ఈ రెండు పార్టీల్లోనూ మహిళా నేతలు పెద్ద సంఖ్యలోనే ఉన్నారు. దీంతో 50 శాతం రిజర్వేషన్‌కు అనుగుణంగా మహిళా అభ్యర్థుల ఎంపికలో ఆ రెండు పార్టీలకు కొత్తగా వచ్చిన సమస్య లేదు. ఎన్నికల తేదీని అకస్మాత్తుగా ప్రకటించినా మహిళా కార్యకర్తలు సంవృద్ధిగా ఉన్న ఆ రెండు పార్టీలూ కంగారుపడలేదు. ముఖ్యమంత్రి, అన్నాడీఎంకే అధినేత్రి జయలలిత ఈనెల 26వ తేదీన అన్ని స్థానాలకు అభ్యర్థులను ప్రకటించేశారు.
 
 డీఎంకే సైతం ఈనెల 28వ తేదీన తమ అభ్యర్థుల జాబితాను విడుదల చేయనుంది. నామినేషన్ల గడువు వచ్చేనెల 3వ తేదీతో ముగిసిపోతుండగా, ఎన్నికల పోలింగ్‌కు కేవలం 15 రోజులే ఉన్న తరుణంలో అభ్యర్థులు వెంటనే నామినేషన్ వేసి జోరుగా ప్రచారంలోకి దిగాల్సి ఉంది. ఈ పరిస్థితుల్లో ఇతర పార్టీలు ఇంకా అభ్యర్థులు దొరక్క కిందమీదా పడుతున్నాయి. అన్నాడీఎంకే ఏ పార్టీతోనూ పొత్తుపెట్టుకోకుండా ఒంటరిగా బరిలోకి దిగుతోంది. అన్నాడీఎంకేతో పొత్తుపెట్టుకున్నా రెండాకుల చిహ్నంపైనే పోటీ చేయాలన్న నిబంధనతో ఏ పార్టీకూడా ముందుకు రాలేదు. డీఎంకే, కాంగ్రెస్ మిత్రపక్షాలుగా రంగంలోకి దిగుతుండగా, సీట్ల సర్దుబాటులో చర్చలు సా గుతున్నాయి. ముస్లింలీగ్ సైతం డీఎంకే వెంటనే తమ పార్టీని ప్రకటించుకున్నందున అభ్యర్థుల సమస్య తలెత్తలేదు.
 
  తమిళ మానిల కాంగ్రెస్ ఒంట రిపోరుకు సిద్ధమైంది. భారతీయ జనతా పార్టీతో పొత్తుకు కొన్నిపార్టీలు సిద్ధం అవుతున్నట్లు సమాచారం. అయితే జాతీయ పార్టీ బీజేపీ సైతం తగిన మహిళా అభ్యర్థులు దొరక్క అవస్థలు పడుతున్నట్లు సమాచారం. అలాగే డీఎండీకే, ఎండీఎంకే, తమాకా, పీఎంకే, వీసీకే తదితర తృతీయ శ్రేణీ పార్టీలన్నీ మహిళా అభ్యర్థుల కోసం దుర్భిణిని పెట్టి వెతుకుతున్నాయి. అసెంబ్లీ ఎన్నికల్లో అన్నాడీఎంకే చేతిలో మట్టి కరిచిన ఈ పార్టీలన్నీ స్థానిక ఎన్నికల్లో తమ సత్తా చాటుకోవాలని తహతహలాడుతున్నాయి. అయితే అన్నాడీఎంకే, డీఎంకే అభ్యర్థులకు దీటైన పోటీని ఇచ్చేవారు ఆయా పార్టీల్లో కరువయ్యారు.
 
  పీఎంకే, డీఎండీకేల్లోనైతే పురుష అభ్యర్థులు కూడా దొరకలేదని తెలుస్తోంది. డీఎండీకే, పీఎంకే, వీసీకే పార్టీలు గడిచిన అసెంబ్లీ ఎన్నికల్లో అనేకమందిపై వత్తిడి తెచ్చి మరీ పోటీకి దించారు. ఆ ఎన్నికల్లో అభ్యర్థులంతా దారుణంగా ఓటమి పాలై ఆర్థికంగా చితికి పోయారు. ఇలా అనేక పార్టీలు 60 వేల అభ్యర్థుల కోసం అయోమయంలో పడిపోయాయి.                      


 సాక్షి, చెన్నై: స్థానిక ఎన్నికల్ని ఒంటరిగానే ఎదుర్కునేందుకు డీఎండీకే అధినేత విజయకాంత్ సిద్ధమైనట్టున్నారు. ఇందులో భాగంగా పార్టీ తరఫున పోటీకి ఉత్సాహంగా ఉన్న వాళ్ల నుంచి దరఖాస్తుల్ని ఆహ్వానించేందుకు నిర్ణయించారు. ఆ మేరకు ఈ నెల 21 నుంచి దరఖాస్తుల్ని స్వీకరించనున్నారు. అసెంబ్లీ ఎన్నికల్లో ఘోర పరాజయం డీఎండీకేను డీలా పడేలా చేసింది. ఆ పార్టీలో కీలక నేతలుగా ఉన్న వాళ్లందరూ డీఎంకే, అన్నాడీఎంకే గూటికి చేరి ఉన్నారు.
  
   ప్రస్తుతం విజయకాంత్‌కు సన్నిహితంగా ఉన్న కొందరు నాయకులు, జిల్లాల్లో కొత్తగా నియమించబడ్డ నాయకులు మాత్రమే డీఎండీకేలో ఉన్నారు. ఈ సమయంలో స్థానిక సమరంతో తమ బలాన్ని పెంచుకునేందుకు తగ్గట్టుగా తీవ్ర కుస్తీలను విజయకాంత్ పడుతున్నారు. అసెంబ్లీ ఎన్నికల్లో చేసిన తప్పును ఈ సారి చేయకూడదన్న నిర్ణయానికి వచ్చి ఉన్న విజయకాంత్, ఒంటరిగా స్థానిక సమరంలోకి వెళ్లేందుకు నిర్ణయించినట్టుగా సంకేతాలు వెలువడుతున్నాయి.
  
  ఇందుకు తగ్గ అధికారిక ప్రకటన మరో వారం రోజుల్లో వెలువడే అవకాశాలు ఉన్నట్టు ఆ పార్టీ వర్గాలు పేర్కొంటున్నాయి. ఈ పరిస్థితుల్లో పార్టీ తరఫున స్థానిక ఎన్నికల్లో పోటీకి ఉత్సాహంగా ఉన్న వారిని నుంచి దరఖాస్తుల్ని ఆహ్వానించేందుకు నిర్ణయించారు. ఆ మేరకు ఈ నెల 21 నుంచి రాష్ట్ర పార్టీ కార్యాలయంతోపాటుగా జిల్లా పార్టీ కార్యాలయాల్లో ఈ దరఖాస్తుల్ని పంపిణీ చేయడానికి ఏర్పాట్లు జరుగుతున్నాయి.
  


 పార్టీ నేతలతో వైఎస్ జగన్
 • సేవాదృక్పథం, విధేయత ప్రాతిపదికగా ఎంపిక
 • గెలుపే లక్ష్యంగా పని చేయాలి
 • యథాతథంగా ‘గడప గడపకూ వైఎస్సార్’
 • టీడీపీతో రాజీలేని పోరాటం: కన్నబాబు
 సాక్షి, హైదరాబాద్: ఆంధ్రప్రదేశ్‌లో పాలకవర్గాలు ఖాళీగా ఉన్న మున్సిపల్ కార్పొరేషన్లు, మున్సిపాలిటీలకు త్వరలో జరుగనున్న ఎన్నికలను ప్రతిష్టాత్మకంగా తీసుకోవాలని, గెలుపే లక్ష్యంగా పని చేయాలని వైఎస్సార్ కాంగ్రెస్ అధ్యక్షుడు వైఎస్ జగన్‌మోహన్‌రెడ్డి పార్టీ నేతలను కోరారు. మున్సిపల్ ఎన్నికల నోటిఫికేషన్ త్వరలో వెలువడుతుందని భావిస్తున్న నేపథ్యంలో ఆయన అధ్యక్షతన మంగళవారం పార్టీ కేంద్ర కార్యాలయంలో ఎన్నికలు జరిగే జిల్లాల అధ్యక్షులు, ఎమ్మెల్యేలు, ఎంపీలు, సమన్వయకర్తలు, ముఖ్యనేతలతో ఆయన సమావేశమయ్యారు.
 ఎక్కడెక్కడ సమస్యలున్నాయో పార్టీ నేతలు సమష్టిగా కూర్చుని చర్చించి వాటిని అధిగమించేందుకు ప్రణాళికలు రూపొందించుకోవాలని సూచించారు. ఆలస్యం చేయకుండా ఈ నెల 11వ తేదీ నుంచే మున్సిపల్ ఎన్నికలకు సంబంధించిన సన్నాహక కార్యక్రమాలు మొదలు పెట్టాలని కూడా జగన్ కోరారు. మూడు గంటలపాటు సాగిన ఈ సమావేశానంతరం వివరాలను తూర్పు గోదావరి జిల్లా పార్టీ అధ్యక్షుడు కురసాల కన్నబాబు విలేకరులకు వెల్లడించారు. మున్సిపల్ ఎన్నికలు ఎప్పుడో జరగాల్సి ఉన్నా రాష్ట్ర ప్రభుత్వమే జాప్యం చేస్తూ వచ్చిందని విమర్శించారు.
 ఇపుడు కూడా కోర్టు ఆదేశాల మేరకు నవంబర్ నెలాఖరు వరకూ జరిపి తీరాల్సి ఉందన్నారు. సేవాదృక్పథం, పార్టీ పట్ల విధేయత ప్రాతిపదికగా అభ్యర్థుల ఎంపికజరగాలని జగన్ సూచించినట్లు చెప్పారు. ఎన్నికల్లో ఇతర పార్టీలతో కలిసి పని చేసే అంశంపై తరువాత నిర్ణయం తీసుకుంటామని కూడా తమ అధ్యక్షుడు చెప్పారని తెలిపారు. అలాగే ప్రతిష్టాత్మకంగా చేపట్టిన ‘గడప గడపకూ వైఎస్సార్’ కార్యక్రమాన్ని మున్సిపల్ ఎన్నికల పేరుతో నిలిపి వేయరాదని, యథాతథంగా కొనసాగించాల్సిందేనని జగన్ సూచించారని ఆయన చెప్పారు.
 టీడీపీతో రాజీలేని పోరాటం
 రాష్ట్రంలో ప్రజా కంటకమైన పాలన సాగిస్తున్న టీడీపీపై వైఎస్సార్ కాంగ్రెస్ రాజీలేని పోరాటం చేస్తుందని కన్నబాబు తెలిపారు. గడప గడపకూ వైఎస్సార్ కార్యక్రమంలో తాము తిరుగుతున్నపుడు తమకన్నా ముందుగా ప్రజలు బాబు మోసాల గురించి ఏకరువు పెడుతున్నారని చెప్పారు. ఓటర్ల తనిఖీ పేరుతో వేలా ది ఓట్లను తొలగించినట్లుగా సమాచారం ఉందని, అందువల్ల పార్టీ శ్రేణులు ఇప్పటినుంచే రంగంలోకి దిగి సరిచూసుకోవాలని సూచించారు. తుని పరిసరాల్లో దివీస్ లాబొరేటరీ కోసం రైతుల భూములను బలవంతంగా సేకరించాలని చూడటం దారుణమని కన్నబాబు విమర్శించారు.


 చెన్నై : డీఎండీకే అధినేత విజయకాంత్‌ను అసెంబ్లీ ఎన్నికలు పీకల్లోతు కష్టాల్లో ముంచిన విషయం తెలిసిందే. పార్టీలో చీలిక, జిల్లాల కార్యదర్శులు గుడ్‌బై లేఖాస్త్రాలు, కేడర్‌లో అసంతప్తి జ్వాల వెరసి డీఎండీకే భవిష్యత్తును ప్రశ్నార్థకం చేస్తున్నది. ఇప్పటికే పలువురు నాయకులు గుడ్‌బై చెప్పేయగా, ఉన్న వాళ్లను లాక్కెళ్లేందుకు మక్కల్ డీఎండీకే నేత చంద్రకుమార్ తీవ్రంగానే కుస్తీలు పడుతున్నారు. రాష్ట్ర వ్యాప్తంగా పర్యటిస్తూ డీఎండీకే కేడర్‌ను తన వైపునకు తిప్పుకోవడంతో తీవ్రంగానే చంద్రకుమార్ అండ్ బృందం పరుగులు తీస్తున్నది.
 
 డీఎండీకే నుంచి మూడు లక్షల మంది తమతో కలసి డీఎంకేలో చేరబోతున్నట్టు ఆదివారం  చంద్రకుమార్ ప్రకటించడం గమనార్హం. దీంతో విజయకాంత్ వెన్నంటి ఎందరు ఉంటారో అన్న ప్రశ్న బయలు దేరింది. స్థానిక సమరంపై సమాలోచనకు ఆహ్వానిస్తే నేతలు పార్టీ కార్యాలయం వైపుగా తొంగిచూడక పోవడం బట్టి చూస్తే, ఇక, డీఎండీకే భవిష్యత్తు ఏమిటో అన్న ప్రశ్న బయలు దేరింది. స్థానిక బరిలో దిగాలంటే, పార్టీ నిధులు ఇవ్వాల్సిందేనని, తమ సొంత డబ్బులు ఖర్చు పెట్టే స్థితిలో లేమంటూ పలువురు నాయకులు కరాఖండీగా విజయకాంత్ ఎదుట స్పష్టం చేశారు.
 
 పార్టీ నిధులు ఇప్పట్లో రాలే పరిస్థితిలేని దష్ట్యా, ట్రస్టు నిధుల వ్యవహారంలో ఆరోపణలు వచ్చి ఉన్న నేపథ్యంలో ఈ సారి స్థానిక సమరం తమకు అవసరమా? అన్న యోచనలో విజయకాంత్ ఉన్నట్టు సమాచారాలు వెలువడుతున్నాయి. నిధులు పంపిణీ చేసినా, ఎన్నికల్లో ప్రస్తుతం తమ ఓటమి తప్పదని, అధికార బలం ముందు అభ్యర్థులు తల వంచాల్సిన పరిస్థితి తప్పదన్న విషయాన్ని పరిగణలోకి తీసుకుని ఉన్నట్టు సమాచారం.
 అందుకే ఈ సారి స్థానిక ఎన్నికల్ని బహిష్కరించి, తదుపరి పార్టీ బలోపేతం దిశగా రాష్ట్ర వ్యాప్తంగా పర్యటించి కేడర్‌లో ఉత్సాహాన్ని నింపేందుకు తగ్గ కార్యాచరణతో విజయకాంత్ ఉన్నట్టుగా ఆయన సన్నిహిత వర్గాలు పేర్కొంటుండడం గమనార్హం. స్థానిక సమరం బహిష్కరణ ప్రకటనను తన జన్మదినం సందర్భంగా విజయకాంత్ చేస్తారని చెబుతున్నారు.


 తాండూరు (రంగారెడ్డి) : రంగారెడ్డి జిల్లా తాండూరు నియోజకవర్గంలో స్థానిక సంస్థల శాసనమండలి ఎన్నికల పోరు ఆసక్తికరంగా మారింది. ప్రలోభాల మాయలో ప్రతిపక్షాల గూటికి జంప్ జిలానీలు వెళ్లకుండా అధికార పార్టీ ఓటర్లను శిబిరాలకు తరలిస్తూ జాగ్రత్త పడుతోంది. గురువారం రాత్రే శిబిరాలకు వెళ్లిన ఓటర్లను 'పంపకాల'తో సంతృప్తి పరిచారు. ఎంపీటీసీలు, మున్సిపల్ కౌన్సిలర్లను బెంగళూరు శిబిరానికి తరలించేందుకు ఏర్పాట్లు జరిగాయి. వారిలో కొందరు క్రితం రోజు రాత్రే శిబిరానికి తరలిపోయారు. మరికొందరు శుక్రవారం రాత్రికి బయలుదేరి వెళ్లారు. మహిళా ప్రజాప్రతినిధులు తమ కుటుంబసభ్యులను వెంట తీసుకువెళ్లారని తెలుస్తోంది. శుక్రవారం అమావాస్య కావడంతో శనివారం శిబిరంలో చేరేందుకు మరికొందరు ఓటర్లు ఏర్పాట్లు చేసుకున్నారు.
 
 ఇతర పార్టీలకు గాలం
 నియోజకవర్గంలో ప్రతిపక్ష పార్టీలకు చెందిన కొందరు ఎంపీటీసీ, కౌన్సిలర్లకు అధికార పార్టీ గాలం వేసినట్టు సమాచారం. ఇందులో కొందరితో రహస్యంగా చర్చలు కూడా జరిపినట్టు తెలుస్తోంది. ప్రతిపక్ష పార్టీలకు చెందిన సదరు ప్రజాప్రతినిధులకు రూ.5 లక్షల వరకు ఇచ్చేందుకు ఒప్పందాలు జరిగాయని, ఇందులో కొంత మొత్తం అడ్వాన్స్‌గా ముట్టజెప్పినట్టు రాజకీయ వర్గాల్లో ప్రచారం జరుగుతోంది. మిగతా మొత్తం పోలింగ్ రోజు నాటికి అందజేస్తామని హామీ ఇచ్చారని తెలుస్తోంది.
 
 వామ్మో ఆఫర్ ఆదుర్స్...
 కొందరు మున్సిపల్ కౌన్సిలర్లు ఎమ్మెల్సీ ఎన్నికల్లో మద్దతు ఇవ్వడానికి రూ.1కోటి డిమాండ్ చేశారని సమాచారం. ఇందుకు అధికార పార్టీ నుంచి ఎలాంటి సంకేతాలు రాకపోయినప్పటికీ... మధ్యస్థంగా బేరం కుదిరే అవకాశం లేకపోలేదని అనుకుంటున్నారు.
 
 ఆరుగురు టీఆర్‌ఎస్ కౌన్సిలర్లు...
 ఇక టీఆర్‌ఎస్‌కు చెందిన ఆరుగురు కౌన్సిలర్లు శనివారం బెంగళూరు శిబిరానికి వెళ్లనున్నట్టు తెలుస్తోంది. వ్యక్తిగత కారణాల రీత్యా ముగ్గురు కౌన్సిలర్లు శిబిరానికి రాలేమని ముఖ్యనేతలతో చెప్పినట్టు సమాచారం. మున్సిపల్ చైర్‌పర్సన్ కొన్ని రోజుల తరువాత శిబిరంలో కలవాలని నేతలు సూచించినట్టు పార్టీ వర్గాల్లో ప్రచారం ఉంది.
 
 జిల్లా వ్యాప్తంగా...:
 పెద్దేముల్ మండలంలో 14మంది ఎంపీటీసీ సభ్యుల్లో ఏడుగురు, యాలాలలో 13మందికి 11 మంది, బషీరాబాద్‌లో 12మందిలో 8మందిని బెంగళూరు శిబిరానికి నేతలు తరలించినట్టు ప్రచారం జరుగుతోంది. తాండూరు మండలంలో 15మంది ఎంపీటీసీల్లో కొందరు శనివారం శిబిరానికి వెళ్లడానికి ఏర్పాట్లు చేసుకున్నారని తెలుస్తోంది. శిబిరానికి తరలించిన ఎంపీటీసీలు చేజారిపోకుండా నమ్మకస్తులైన సీనియర్ నేతలకు అధికార పార్టీ బాధ్యతలు అప్పగించినట్టు తెలుస్తోంది. మొత్తంమ్మీద తాండూరు నియోజకవర్గంలో క్యాంపు రాజకీయాలు ఆసక్తిగా మారాయి.


 నామినేషన్లు పూర్తి
 4 సొసైటీలు ఎకగ్రీవం
 మూడింటిలో పోటీ తప్పదా..
 తమ్ముళ్ల తీరుతో
 వేడెక్కిన వైనం
 వింజమూరులో నామినేషన్లు నిల్
 
 వెంకటగిరి: ప్రాథమిక చేనేత సహకార సంఘాల ఎన్నికల్లో భాగంగా శుక్రవారం జరిగిన నామినేషన్ల ప్రక్రియ రసకందాయంగా మారింది. పార్టీ రహితంగా జరగాల్సిన ఎన్నిక రాజకీయరంగు పులుముకుంది. ఒకే కుటుంబంగా ఉండే చేనేతల్లో సొసైటీ ఎన్నికలే వేదికగా తెలుగు తమ్ముళ్లు గతంలో ఎన్నడూలేని విధంగా రాజకీయాలు చేస్తున్నారనే విమర్శలు వినిపిస్తున్నాయి. జిల్లాలోని 8 సొసైటీల్లో జరిగిన నామినేషన్లు ప్రక్రియలో పలు ఆసక్తికర సంఘటనలు చోటుచేసుకున్నాయి. వెంకటగిరిలోని శ్రీ రాజరాజేశ్వరి చేనేత సహకార సంఘానికి జిల్లా ప్రణాళికాబోర్డు మాజీ సభ్యుడు, వైఎస్సార్‌సీపీ నాయకుడు నక్కా వెంకటేశ్వరరావు ప్యానెల్ ఎకగ్రీవమైంది. ఇక బంగారుపేటలోని వరలక్ష్మి చేనేత సహకారసంఘంలోని కూనా మల్లికార్జున్ ప్యానెల్, అరుణాచలం ప్యానెల్‌లు పోటీపడుతున్నాయి. ఈ సొసైటీలోని తొమ్మిది డెరైక్టర్లకు 22 నామినేషన్లు దాఖలయ్యాయి. ఇక బంగారుపేట చేనేత సహకార సంఘంలో టీడీపీలో వర్గపోరు ముదిరిపాకాన పడింది. టీడీపీకే చెందిన రంగరాజన్
  
  
 అదేపార్టీకి చెందిన సజ్జా హరి ప్యానెల్‌కు పోటీగా తన వర్గం వారిని ఏడు డెరైక్టర్లకు నామినేషన్ వేయించారు. తొమ్మిది డెరైక్టర్లకు 20మంది నామినేషన్లు వేయగా మహిళలకు చెందిన రెండు డెరైక్టర్ పదవులకు ఒక్కో నామినేషన్ మాత్రమే దాఖలయ్యాయి. దీంతో ఆ సొసైటీలో సజ్జాహరి ప్యానెల్‌కు చెందిన మహిళా డెరైక్టర్లు ఎకగ్రీవం కానున్నారు. ఇక జిల్లాలోని గూడూరు మండలం చెన్నూరు చేనేత సహ కార సంఘంలో లక్ష్మీనారాయణ ప్యానల్ కటికాల శ్రీనివాసులు ప్యానెల్‌తో పోటీపడుతోంది. ఆ సొసైటీలో తొమ్మిది డెరైక్టర్లకు 25 మంది నామినేషన్లను దాఖలు చేశారు. సూళ్లూరుపేట మండలం దామానెల్లూరు చౌడేశ్వరి సొసెటీలో యర్రా హేమభూషణం ప్యానెల్‌లోని తొమ్మిది మంది, మన్నారు పోలూరు సొసైటీలో సుబ్రమణ్యం ప్యానెల్‌కు చెందిన తొమ్మిది మంది, కసుమూరు కోదండరామ చేనేత సహకార సంఘానికి రామకృష్ణ ప్యానెల్‌లోని తొమ్మిదిమంది మాత్రమే నామినేషన్‌లు వేశారు. దీంతో ఆ సొసైటీలు ఎకగ్రీవం కానున్నాయి.
  
 వింజమూరులో నిల్
 వింజమూరులోని శ్రీ శ్రీనివాస ప్రాథమిక చేనేత సహకార సంఘం ఎన్నికల్లో పోటీకి నేతన్నలు నిరాసక్తత చూపడం చర్చనీయాంశమైంది. అ సొసైటీ ఎన్నికలకు శుక్రవారం నిర్వహించిన నామినేషన్లలో ఒక్క నామినేషన్ కూడా దాఖలు కాలేదని జిల్లా చేనేత జౌళీ శాఖ ఏడీ బాజ్జీరావు తెలియజేశారు. ఆ సొసైటీ ఎన్నిక నిలిచిపోయినట్లేనని ఆయన తెలియజేశారు.
 పరిశీలన నేడు...
 శుక్రవారం నిర్వహించిన ప్రాథమిక చేనేత సహకార సంఘాల డెరైక్టర్ల నామినేషన్ల ప్రక్రియ శుక్రవారంతో ముగిసింది. శనివారం నామినేషన్ల పరిశీలన కార్యక్రమం నిర్వహించనుండటంతో ఒక్కో నామినేషన్ దాఖలు చేసిన అభ్యర్థులతోపాటు పోటీలో ఉన్న అభ్యర్థుల్లో టెన్షన్ మొదలైంది. పరిశీలనలో తమ నామినేషన్ తిరస్కరణకు గురికాకుండా పక్కాగా పూరించామని అయితే ఎంతో కొంత ఆందోళన ఉందని పలువురు అభ్యర్థులు సాక్షికి తెలియజేశారు.


 కోల్‌కతా: పశ్చిమ బెంగాల్లో వచ్చే ఏడాది అసెంబ్లీ ఎన్నికలు జరగనున్న నేపథ్యంలో సెమీఫైనల్‌గా భావిస్తున్న స్థానిక సంస్థల ఎన్నికల్లో అధికార తృణమూల్ కాంగ్రెస్ విజయ ఢంకా మోగించింది. ముఖ్యమంత్రి మమతా బెనర్జీ నేతృత్వంలోని తృణమూల్ కోల్‌కతా మునిసిపల్ కార్పొరేషన్ (కేఎంసీ)ను కైవసం చేసుకుంది.
 
 
 మొత్తం 144 వార్డులకు గాను 114 వార్డుల్లో జెండా పాతింది. దీంతోపాటు రాష్ట్రవ్యాప్తంగా 91 స్థానిక సంస్థలకు ఎన్నికలు జరగ్గా 69 సంస్థలను తృణమూల్ గెలుచుకుంది. వామపక్షాలు 5, కాంగ్రెస్ 5 మునిసిపాలిటీల్లో పాగావేయగా, బీజేపీ ఒక్క మునిసిపాలిటీలోనూ జెండా పాతకపోవడం గమనార్హం. 12 మునిసిపాలిటీల్లో ఎవరికీ ఆధిక్యంరాలేదు.


 హైదరాబాద్: అధికార తెలుగుదేశం పార్టీలో రోజురోజుకీ వర్గపోరు ముదిరిపోతోంది. తాజాగా సోమవారం విజయనగరం జిల్లా చీపురుపల్లిలో చోటు చేసుకుంది. అక్కడ జరుగుతున్న టీడీపీ సంస్థాగత ఎన్నికల్లో రసాభాస నెలకొంది. స్థానిక ఎమ్మెల్యే, మంత్రి మృణాళిని సమక్షంలో రెండు వర్గాల మధ్య ఘర్షణ చోటు చేసుకుంది. మాజీ చీఫ్ విప్ గద్దె బాబూరావు, జెడ్పీటీసీ వరహాలనాయుడు, ఎంపీపీ రౌతు కాంతమ్మ వర్గాల మధ్య తోపులాట జరిగింది. ఈ ఘర్షణ గురించి ఇంకా పూర్తి వివరాలు తెలియాల్సి ఉంది.


 
  అయోమయంలో టీడీపీ
 
  ఉనికిని చాటుకుంటున్న కాంగ్రెస్
 
  తొలి విడతకు రేపటితో తెర
 
  విశాఖ రూరల్, న్యూస్‌లైన్ : ప్రాదేశిక ఎన్నికల ప్రచారం జిల్లాలో హోరెత్తిపోతోంది. స్థానిక ఎన్నికలు సమీపిస్తున్న కొద్దీ అభ్యర్థులు తెగ హైరానా పడుతున్నారు. అసెంబ్లీ ఎన్నికలకు దీటుగా వాహనాలు, మైకులు, డ్యాన్సులు, భారీగా అనుచరగణం,అభిమానులతో గ్రామాల్లో కలియతిరుగుతున్నారు. గడగడపకు వెళ్లి ఓటర్లను అభ్యర్థిస్తున్నారు.
 
 మండలాల్లో ఎక్కడ చూసినా ప్రాదేశిక ఎన్నికల కోలాహలమే కనిపిస్తోంది. పోలింగ్ ముగింపునకు 48 గంటల ముందు ఆపేయాలన్న నిబంధనతో తొలివిడత ‘పరిషత్ ప్రచారానికి శుక్రవారం సాయంత్రంతో తెరపడనుం ది. జిల్లాలోని 22 మండలాల్లో ఆదివారం 22 జెడ్పీటీసీ, 379 ఎంపీటీసీ స్థానాలకు పోలింగ్ నిర్వహిస్తున్నారు. దీంతో ఆయా పార్టీల అభ్యర్థులతో పాటు స్వతంత్రులు సైతం ప్ర చారాల్లో బిజీగా ఉన్నారు. అన్ని సెగ్మెంట్లకు పూర్తిస్థాయిలో అభ్యర్థులను నిలబెట్టలేకపోయిన కాంగ్రెస్ ప్రచారంలోనూ జోరును కొనసాగించలేకపోతోంది. ఉనికిని చాటుకుంటున్న పరిస్థితి కనిపిస్తోంది.
  
 ఆయోమయంలో టీడీపీ
  
 తెలుగుదేశం పార్టీ పరిస్థితి మాత్రం భిన్నంగా ఉంది. జిల్లాలో ఆ పార్టీ నాయకుల మధ్య సఖ్యత లేకపోవడం, ఒకరిపై మరొకరు ఆరోపణలు చేసుకోవడం మిన హా ఈ ఎన్నికలపై పూర్తిస్థాయిలో దృష్టి సారించలేకపోతున్నారు. ఈ పరిణామం ఆ పార్టీ జెడ్పీటీసీ, ఎంపీటీసీ అభ్యర్థులకు సంకటంగా మారింది. కాంగ్రెస్ పార్టీ నుంచి గంపగుత్తగా ఎమ్మెల్యేలను టీడీపీ అరువు తెచ్చుకోవడంతో దీర్ఘకాలంగా ఆ పార్టీలో పనిచేస్తున్న నాయకులకు అసెం బ్లీ టికెట్లు దక్కే అవకాశం కనిపించడం లేదు. దీంతో వారు అసమ్మతి సెగలు కక్కుతున్నారు. సార్వత్రిక ఎన్నికలకు సమయం సమీపిస్తున్నా అభ్యర్థులను ఆ పార్టీ ఖరారు చేయలేదు.
 
 అసలు పార్టీలో ఎవరికి టికెట్ దక్కుతుందోనన్న సందేహాల నేపథ్యంలో ప్రథమ శ్రేణి నాయకు లు స్థానిక అభ్యర్థులను గాలికొదిలేశారు. వారిని గెలిపిం చే బాధ్యతను ఏ ఒక్కరూ భుజాన వేసుకోవడం లేదు. ఇలా టీడీపీ అభ్యర్థులు ప్రచారాల్లో వెనుకబడిపోయారు. కొంత మంది మొండిగా ప్రచా రం చేపడుతున్నప్పటికీ గ్రామాల్లో ప్రజల నుంచి ఆశించిన స్పందన రావడం లేదు. దీంతో వారంతా ఓటర్లను ప్రలోభాలకు గురిచేయడంపైనే ప్రధానంగా దృష్టి సారించినట్లు తెలుస్తోంది. గ్రామాల్లో విచ్చలవిడిగా డబ్బు, మద్యం పంపిణీకి సిద్ధం చేస్తున్నారు.
  
  జోరుమీదున్న వైఎస్‌ఆర్‌సీపీ
 
  వైఎస్‌ఆర్ కాంగ్రెస్ పార్టీ అభ్యర్థులు ప్రచారంలో దూసుకుపోతున్నారు. రెట్టించిన ఉత్సాహంతో హోరెత్తిస్తున్నారు. ఇటీవల పార్టీ అధినాయకుడు వై.ఎస్.జగన్‌మోహన్‌రెడ్డి జిల్లాలో పర్యటించారు. జిల్లా వాసులు యువనేతకు బ్రహ్మరథం పట్టారు. పార్టీ అభ్యర్థులకు పట్టం కట్టాలని ఆయన ప్రచారం నిర్వహించారు. తెలుగుదేశం పార్టీ తొమ్మిదేళ్ల పాలనలో చేపట్టిన ప్రజావ్యతిరేక విధానాలను తూర్పారబట్టారు. ఇది వైఎస్‌ఆర్‌సీపీ శ్రేణుల్లో ఉత్సాహాన్ని నింపింది. అసెంబ్లీ సెగ్మెంట్లకు కో-ఆర్డినేటర్‌ల నియామకం కూడా పూర్తయింది. వారు సార్వత్రిక ఎన్నికలు లక్ష్యంగా ప్రాదేశిక ఎన్నికల ప్రచారంలో భాగంగా ప్రజల్లోకి వెళుతున్నారు. పార్టీ ‘ప్రాదేశిక’అభ్యర్థుల గెలుపు కోసం అహర్నిశలు కృషి చేస్తున్నారు. ఈ పరిణామం ఆ పార్టీకి కలిసి వస్తోంది.
  


 
     ‘స్థానికం’లో తేలిపోయిన కాంగ్రెస్
 
      33 జెడ్పీటీసీ స్థానాలకు అభ్యర్థులు నిల్
 
      685 ఎంపీటీసీల్లో నామినేషన్లు లేవు
 
      వైఎస్సార్‌సీపీ, టీడీపీ మధ్యే పోటీ
 
  చిత్తూరు (అర్బన్), న్యూస్‌లైన్: స్థానిక ఎన్నికల్లో కాంగ్రెస్ పార్టీ నాయకులు చేతులెత్తేశారు. జిల్లాలోని అన్ని స్థానాల నుంచి కనీసం అభ్యర్థులనూ నిలబెట్టలేకపోయారు. జిల్లాలోని 33 మండలాల నుంచి జెడ్పీటీసీ స్థానాలకు కాంగ్రెస్ పార్టీ నుంచి నామినేషన్ రాలేదు. 901 ఎంపీటీసీ స్థానాలకు గాను 685 సెగ్మెంట్లలో అభ్యర్థులు కరువయ్యారు. ఈ ఎన్నికల్లో వైఎస్సార్ కాంగ్రెస్, టీడీపీ అభ్యర్థుల మధ్యే తీవ్ర పోటీ నెలకొంది.
  
 అభ్యర్థులేరీ?
 
 జిల్లాలో మొత్తం 65 జెడ్పీటీసీ స్థానాలు ఉండగా జాతీయ పార్టీ అయిన కాంగ్రెస్ నుంచి మెజారిటీ స్థానాల్లో నామినేషన్లు దాఖలు కాలేదు. రాష్ట్ర విభజన నేపథ్యంలో ఆ పార్టీకి చావుదెబ్బతగిలింది. చిత్తూరు డివిజన్ పరిధిలో యాదమరి, బంగారుపాళ్యం, కార్వేటినగరం, గుడిపాల, రామచంద్రాపురం, పాలసముద్రం, గంగాధరనెల్లూరు, పూతలపట్టు, శ్రీరంగరాజపురం, వెదురుకుప్పం మండలాల్లో కాంగ్రెస్ పార్టీ తరపున జెడ్పీటీసీ అభ్యర్థులు ఒక్కరు కూడా నామినేషన్ దాఖలు చేయలేదు.
 
 తిరుపతి డివిజన్‌లోపిచ్చాటూరు, పాకాల, చంద్రగిరి, తిరుపతి రూరల్, పులిచెర్ల, సత్యవేడు, బీఎన్.కండ్రిగ మండలాల నుంచి నామినేషన్లు పడలేదు. మదనపల్లె డివిజన్‌లో గంగవరం, చౌడేపల్లె, గుర్రంకొండ, చిన్నగొట్టిగల్లు, కలికిరి, కురబలకోట, వాల్మీకిపురం, పీటీఎం, పలమనేరు, రొంపిచెర్ల, సోమల, మదనపల్లె రూరల్, నిమ్మనపల్లె, రామసముద్రం, పీలేరు, కేవీ పల్లె జెడ్పీటీసీ స్థానాల్లో పోటీ నుంచి ఆ పార్టీ తప్పుకుంది.
  
 ఎంపీటీసీల్లో ఘోరం
 ఎంపీటీసీ సెగ్మెంట్లలో కాంగ్రెస్ పార్టీ అని చెప్పుకోవడానికి కూడా అభ్యర్థులు మొహం చాటేసినట్లు తెలుస్తోంది. జిల్లాలోని 901 ఎంపీటీసీ స్థానాలకు కేవలం 216 చోట్ల మాత్రమే కాంగ్రెస్ నుంచి నామినేషన్లు దాఖలయ్యాయి.
  


 స్థానిక సంస్థల నామినేషన్ల ఘట్టం ముగిసింది.ఓట్ల వేట మొదలైంది. స్థానిక ఎన్నికలు  రాజకీయ పార్టీలకు ప్రతిష్ఠాత్మకంగా మారారుు. ప్రతి ఓటు  కీలకంగా మారింది. దీంతో నామినేషన్లు వేసి బరిలో నిలిచే అభ్యర్థులందరూ వలస ఓటర్లపై దృష్టి సారించారు. వారిని రప్పిం చేందుకు డబ్బులు ఎరచూపుతున్నారు.
 విజయవాడ, విశాఖపట్నం, హైదరాబాద్, చెన్త్నెయ్ నగరాల్లో ఉన్న వలస ఓటర్లను రప్పించేందుకు ఇప్పటికే ప్రణాళికలు సిద్ధం చేశారు. పోలింగ్ సమాయానికి వచ్చి ఓటు వేసేందుకు రానుపోను ప్రయాణ ఖర్చులతో పాటు ఆ మూడు రోజులు కూలి డబ్బులు ఇచ్చేందుకు సైతం ఒప్పందం కుదుర్చుకుంటున్నారు.  
  
 దీనికోసం ఉత్సాహవంతులైన యువ కులను నియమించారు. కాంగ్రెస్, టీడీపీ అభ్యర్థులకు ఓటమి భయం పట్టుకోవడం, మరో వైపు పరువుప్రతిష్ఠల సమస్య కావడంతో వలస ఓటర్లకోసం పరుగులు తీస్తున్నారు. కొందరు మాత్రం గెలుపుపైనే నమ్మకం లేదు. దీనికి తోడు వలస ఓటర్లను రప్పించేందుకు పెట్టుబడి తడిసిమోపెడవుతోందంటూ ఆవేదన వ్యక్తం చేస్తున్నారు.
 ఇదిలా ఉండగా అక్కడ కూలిచేసి జీవిస్తున్న వారు ఇక్కడ అభ్యర్థులిచ్చే డబ్బులకు ఆశపడి రావాలా... ఆకలి తీర్చుకునేందుకు అక్కడే ఉండిపోవాలా అన్న సందిగ్దం లో కొట్టుమిట్టాడుతున్నారు. అయితే, ఓ వైపు ఎన్నికలు, మరో వైపు ఉగాది పండుగ కూడా కలిసి రావడంతో గ్రామాలకు వచ్చేందుకు పలువురు సిద్ధపడుతున్నారు. నాయకులిచ్చే డబ్బులు ఖర్చులకు సరిపోతాయని, ఉగాది పండుగ చేసుకుని తిరిగి వలస పోవచ్చన్న భావనలో ఉన్నారు. ఏదైనా వలస ఓటర్లకు ఎన్నికలు కలిసొచ్చినట్టే.
  - న్యూస్‌లైన్, జలుమూరు


 సోషల్ మీడియాలో అభ్యర్థుల హల్‌చల్
 పీఆర్ ఏజెన్సీలకు పెరిగిన డిమాండ్
 
 ఎన్నికల ప్రచారం గతానికి భిన్నంగా సాగుతోంది. జెండాలు, వాల్‌పోస్టర్లు, వాల్ రైటింగ్, కరపత్రాలు, భారీ కటౌట్ల స్థానంలో తాజాగా కంప్యూటర్లు, సెల్‌ఫోన్లు హల్‌చల్ చేస్తున్నాయి. కంప్యూటర్ గురించి పెద్దగా తెలియని నేతలు కూడా ఇప్పటి వరకు చేసిన అభివృద్ధి, ప్రజలకు ఇచ్చిన హామీలు, ప్రసంగ పాఠాలతో సోషల్ మీడియా (సెల్‌ఫోన్, ఇంటర్నెట్)ద్వారా విస్తృత ప్రచారం చేస్తున్నారు. ఓటు ఎందుకు వేయాలో, ఎవరికి వేయాలో సూచిస్తూ ప్రతి రోజూ ఫోన్‌లకు ఎస్‌ఎంఎస్‌లు పంపుతున్నారు.
 
 బిజీగా ఫ్లెక్సీ సెంటర్లు..
 ఇంటింటికీ తిరిగి కరపత్రాలు పంచుతుండటంతో వాటిని ముద్రించే ఫ్లెక్సీ సెంటర్లు, ప్రింటింగ్ ప్రెస్‌లకు ఒక్కసారిగా డిమాండ్ పెరిగింది. నిన్నమొన్నటి వరకు పనిలేక ఖాళీగా కన్పించిన  ఆర్టిస్టులు, పెయింటర్లు ప్రచార రథాలు, బ్యానర్లు, జెండాలు తయారీలో బిజీగా మారిపోయారు. ప్రచారానికి భారీ కాన్వాయ్‌తో బయలు దేరుతున్నారు. ఇందుకోసం వాహనాలను అద్దెకు తీసుకుంటున్నారు.
 
 రంగంలోకి పీఆర్ ఏజెన్సీలు
 ఎన్నికల సమయం దగ్గర పడుతుండటంతో అభ్యర్థులు తమ ప్రచార బాధ్యతలను పీఆర్ ఏజెన్సీలకు అప్పగిస్తున్నారు. గెలుపోటములపై ముందే ఓ అభిప్రాయానికి వచ్చేందుకు అంతర్గత సర్వేలు చేయిస్తున్నారు. ఓటరు నాడి తెలుసుకుని వారికి ఏం కావాలో వాటినే ఎన్నికల ఎజెండాలో రూపొందిస్తున్నారు. బస్తీల వారిగా సమస్యలు, వాటిపై ప్రచారం, మాట్లాడాల్సిన అంశాలపై ముందే ఓ అవగాహనకు వచ్చి ఎజెండాలను రూపొందించి అభ్యర్థులకు అందిస్తున్నాయి.
 
 సాంస్కృతిక బృందాలు..  
 కంప్యూటర్ పరిజ్ఞానం లేని, చదువు రాని ఓటర్లను ఆకర్షించేందకు వారికి అర్థమయ్యే రీతిలో అభ్యర్థి గురించి ప్రచారం చేసేందుకు అభ్యర్థులు ఎవరికి వారే స్వతహాగా ప్రత్యేక సాంస్కృతిక బృందాలను ఏర్పాటు చేసుకున్నారు. అభ్యర్థి గొప్పతనం, ఆయన జీవన శైలి, ఇప్పటి వరకు ఆయన చేసిన సేవ, తదితర అంశాలపై ప్రసిద్ధ రచయితలతో పాటలు రాయించి, ప్రముఖ గాయకులతో పాడిస్తున్నారు. స్టూడియోల్లో వీటిని రికార్డ్ చేయిస్తున్నారు.
 
 సోషల్ మీడియాదే హవా ...
 ఐరిస్ నాలెడ్జ్ ఫౌండేషన్, ఇంటర్నెట్ అండ్ మొబైల్ అసోసియేషన్ ఆఫ్ ఇండియా ఇటీవల సంయుక్తంగా సోషల్ మీడియాపై ఓ సర్వే నిర్వహించింది. వచ్చే లోక్‌సభ ఎన్నికల్లో 160 లోక్ సభ సీట్లను ఫేస్‌బుక్, ట్విట్టర్ తదితర సోషల్ మీడియా డామినేట్ చేయబోతున్నాయని తేల్చింది. యువతలో దాదాపు 97 శాతం ఫేస్‌బుక్ ఖాతాదారులే. సమయం దొరికితే చాలు ఫేస్‌బుక్, ట్విట్టర్, యూట్యూబ్, బ్లాగ్స్, వెబ్‌సైట్స్, వెబ్‌టీవీ... ఏదో ఒకదానికి కనెక్ట్ అవ్వడం సర్వసాధారణమని వెల్లడించింది.


 మహానేత డాక్టర్ వైఎస్ రాజశేఖర్ రెడ్డి ఆంధ్రప్రదేశ్ రాష్ట్రాన్ని ముఖ్యమంత్రిగా కాకుండా కన్నతండ్రిలా పరిపాలించారని ఆయన కుమార్తె షర్మిల తెలిపారు. మంగళవారం నెల్లూరు జిల్లా వెంకటగిరిలో ప్రజలనుద్దేశించి షర్మిల ప్రసంగించారు.... రైతులకు మేలు చేసేందుకు రాజన్న అనుక్షణం తపించేవారని అన్నారు. రైతులకు 7 గంటలు ఉచిత విద్యుత్ ఇస్తామని చెప్పి, ముఖ్యమంత్రి పదవి చేపట్టి న వెంటనే అందుకు సంబంధించిన ఫైల్పై తొలి సంతకం చేసి ఇచ్చిన మాటకు ఆయన కట్టుబడ్డారని ఈ సందర్భంగా గుర్తు షర్మిలాచేశారు. పేద పిల్లలు చదువుకు దూరం కాకూడదనే ఉద్దేశ్యంతో ఫీజు రియెంబర్స్మెంట్ పథకాన్ని ప్రవేశపెట్టారన్నారు.అలాగే పేదవాడు పెద్దాసుపత్రుల్లో వైద్యం చేసుకునే విధంగా ఆరోగ్యశ్రీ పథకాన్ని అమలు చేశారన్నారు.
  
 రాష్ట్రంలో అన్ని ధరలు పెరిగాయి కాని రైతులు పండించే పంటలకు కనీస మద్దతు ధర మాత్రం పెరగలేదని షర్మిల ఆవేదన వ్యక్తం చేశారు. రాష్ట్రంలో అసమర్ధ కాంగ్రెస్ పాలనకు చరమ గీతం పాడేందుకు తమ పార్టీ శాసన సభలో అవిశ్వాసం తీర్మానం పెడితే... ప్రభుత్వం పడిపోకుండా టీడీపీ అధ్యక్షుడు చంద్రబాబు కాపాడారని ఆరోపించారు. సంక్షేమ పథకాలు అమలు చేస్తే ప్రజలు సోమరిపోతులవుతారన్న చంద్రబాబు... ఇప్పుడు అధికారంల కోసం సంక్షేమ పథకాలంటూ కొత్త పల్లవి అందుకున్నారని షర్మిల ఈ సందర్భంగా చంద్రబాబును ఎద్దేవా చేశారు. గోప్పలు చెప్పుకోవడంలో చంద్రబాబుకు చంద్రబాబే సాటి అని విమర్శించారు. అఖరికి చార్మినార్ కూడా నేనే కట్టానని చంద్రబాబు చెప్పుకుంటారనడంలో ఎటువంటి సందేహం లేదన్నారు. ఎన్ని పార్టీలు ప్రలోభపెట్టిన ఓటు వేసే ముందు ఒక్కసారి వైఎస్ రాజశేఖర్ రెడ్డిని గుర్తుకు తెచ్చుకోవాని వెంకటగిరి ప్రజలకు షర్మిలా హితవు పలికారు.  
  


  జెడ్పీటీసీ, ఎంపీటీసీ ఎన్నికల తర్వాత నిధుల పండుగ
  కేంద్రం నుంచి విడుదల కానున్న వందల కోట్ల నిధులు
  కొత్తగా ఎన్నికయ్యే ప్రజాప్రతినిధులకు అందుబాటులోకి
  
  సాక్షి, హైదరాబాద్: స్థానిక సంస్థలకు నిధుల పండుగ రాబోతోంది. జెడ్పీటీసీ, ఎంపీటీసీ ఎన్నికలు ముగిశాక కాసులు గలగల్లాడనున్నాయి. పంచాయతీ సంస్థలకు ఎన్నికలు నిర్వహించనందున ఆగిపోయిన రూ.వందల కోట్ల నిధుల విడుదలకు రంగం సిద్ధమైంది. గ్రామ పంచాయతీ ఎన్నికలు నిర్వహించడంతో కేంద్రం 13వ  ఆర్థిక సంఘం నుంచి రూ.వెయ్యి కోట్ల నిధులు విడుదల చేసింది. గతేడాది డిసెంబర్‌లో రూ.489 కోట్లు విడుదలవగా, ఈ వారంలో మరో రూ. 516 కోట్లను కేంద్రం విడుదల చేసింది. ఈ నిధులొచ్చే సమయానికి రాష్ట్రంలో ఎన్నికల కోడ్ అమలులోకి రావడంతో అవి స్థానిక సంస్థలకు సర్దుబాటు కాకుండా ఆగిపోయాయి. స్థానిక సంస్థలకు మూడేళ్లుగా ఎన్నికలు నిర్వహించని కారణంగా రూ. 2,900 కోట్ల నిధులు పెండింగ్‌లో ఉంటే.. ఇప్పటివరకు రూ. వెయ్యి కోట్లే విడుదలయ్యాయి. జెడ్పీటీసీ, ఎంపీటీసీలకు ఎన్నికలు నిర్వహించాక మిగిలిన నిధులనూ విడుదల చేయడానికి కేంద్రం సిద్ధమవుతోంది. కేంద్రం నుంచి ఇంకా రూ. 1,900 కోట్ల నిధులు రావాల్సి ఉంది.
  
  అయితే ఇందుకు ప్రస్తుతం విడుదల చేసిన నిధులు వ్యయం చేసినట్లు యుటిలైజేషన్ సర్టిఫికెట్లు సమర్పించాల్సి ఉంటుంది. 13వ ఆర్థిక సంఘం నుంచి వచ్చే నిధుల్లో గ్రామపంచాయతీలకు 70 శాతం, జిల్లా పరిషత్‌లకు 20 శాతం, మండల పరిషత్‌లకు పది శాతం నిధులు పంపిణీ చేస్తారు. ఈ నిధులన్నీ.. ఆయా జిల్లాల్లోని జనాభా ప్రతిపాదిక లెక్కన విడుదల చేస్తారు. ఇవి కాక వెనుకబడిన ప్రాంతాల గ్రాంటు ఫండ్  కింద ఈ ఆర్థిక సంవత్సరంలో రూ. 462 కోట్లు రావాల్సి ఉండగా.. రూ.137 కోట్లే విడుదలవ గా.. ఇంకా రూ. 325 కోట్లు రావాల్సి ఉంది. అయితే ఈసారి ఆ నిధులను కేంద్రం విడుదల చేసే అవకాశం లేదని పంచాయతీరాజ్ వర్గాలు చెబుతున్నాయి. ఈ నిధులు కాక రాష్ట్ర ప్రభుత్వం పంచాయతీ సంస్థలకు తలసరి గ్రాంటు కింద ఇచ్చే నిధుల్లో జిల్లా పరిషత్‌లకు ఒక్కరికి రూ. 4 లెక్కన జెడ్పీటీలకు రూ. 22.16 కోట్లు, మండల పరిషత్‌లకు రూ. 8 లెక్కన రూ. 44.32 కోట్లు, గ్రామపంచాయతీలకు రూ. 4 లెక్కన రూ. 22.16 కోట్లు, సీనరేజి కింద జిల్లా పరిషత్ , పంచాయతీలకు చెరో రూ. 30 కోట్లు, మండల పరిషత్‌కు రూ. 50 కోట్ల నిధులు విడుదలవుతాయి. ఈ నిధులతో పాటు రాష్ట్ర ఆర్థిక సంస్థ విడుదల చేసే రూ. 300 కోట్ల నిధులు అదనం. స్థానిక సంస్థల ఎన్నికల తర్వాత ఈ నిధులు అందుబాటులోకి రానున్నాయి.
  
  జెడ్పీ చైర్‌పర్సన్ వేతనం రూ.7,500: జిల్లా పరిషత్ చైర్‌పర్సన్లకు రూ. 7,500, ఎంపీపీలకు రూ. 1,500, సర్పంచ్‌లకు రూ. 1,500 నెలసరి గౌరవ వేతనంగా ఇదివరకు నిర్ణయించినదే కొనసాగనుంది. జెడ్పీటీసీలకు రూ. 2,250 ఎంపీటీసీలకు రూ. 750 గౌరవ వేతనం ఇస్తారు. వీరికి సమావేశాలకు హాజరైనప్పుడు సిట్టింగ్ ఫీజు కింద రూ. 100 నుంచి రూ. 150 చెల్లిస్తారు.


 జడ్పీటీసీ, ఎంపీటీసీ ఎన్నికలను రెండు విడతలలో నిర్వహిస్తామని రాష్ట్ర ఎన్నికల సంఘం సుప్రీంకోర్టులో అఫిడవిట్ దాఖలు చేసింది. ఏప్రిల్‌ 6, 8 తేదీల్లో ఎన్నికలు నిర్వహిస్తామని, ఏప్రిల్‌ 11న ఫలితాలు వెల్లడిస్తామని సర్వోన్నత న్యాయస్థానానికి ఎన్నికల సంఘం తెలిపింది.
 అయితే.. సార్వత్రిక ఎన్నికలపై వీటి ప్రభావం ఉండే అవకాశం ఉంది కాబట్టి, ఫలితాలను వాయిదా వేయాలని వివిధ పార్టీలు కోరినట్లు కూడా తన అఫిడవిట్లో ఎన్నికల సంఘం వివరించింది. దీంతో ఈ మొత్తం అంశంపై సుప్రీంకోర్టు విచారణ చేయనుంది. సుప్రీం తీర్పు ఆధారంగా ఎన్నికల సంఘం ఓ నిర్ణయం తీసుకునే అవకాశం ఉన్నట్లు తెలుస్తోంది.


  కలెక్టరేట్, న్యూస్‌లైన్ : సార్వత్రిక, మున్సిపల్, స్థానిక ఎన్నికలు ప్రశాంతం గా జరగడానికి జిల్లా అధికార యంత్రాంగం దృష్టిసారించింది. ఇందుకోసం ట్రిపుల్ ఐటీ విద్యార్థుల సహాయం తీసుకోనున్నారు. అవాంఛనీయ సంఘటనలు జరగకుండా నిఘా పెట్టాలని చూస్తున్నారు. ఇందుకోసం వెబ్ కెమెరాలను, మోబైల్ వాహనాలను ఉపయోగించనున్నారు.
 
  2,256 పోలింగ్ కేంద్రాలు
  జిల్లా వ్యాప్తంగా పది నియోజకవర్గాల్లో 2,256 పోలింగ్ కేంద్రాలు ఏర్పాటు చేశారు. కాగజ్‌నగర్ నియోజకవర్గంలో 226, చెన్నూర్‌లో 208, బెల్లంపల్లిలో 190, మంచిర్యాలలో 245, ఆసిఫాబాద్‌లో 254, ఖానాపూర్‌లో 218, ఆదిలాబాద్‌లో 230, బోథ్‌లో 223, నిర్మల్‌లో 222, ముథోల్‌లో 241 ఉన్నాయి. వీటిలో 650 అత్యంత సమస్యాత్మక, 820 సమస్యాత్మక పోలింగ్ కేంద్రాలు ఉంచవచ్చని అధికారులు భావిస్తున్నారు. వీటిని పూర్తిస్థాయిలో నిర్ధారించడానికి కసరత్తు జరుగుతోంది. సమస్యాత్మక, అత్యంత సమస్యాత్మక ప్రాంతాల్లో వెబ్ కెమెరాలను ఏర్పాటు చేయనున్నారు. ఇందుకోసం ఇంటర్ నెట్, ఫోన్ సౌకర్యం కల్పించేందుకు కలెక్టర్ బీఎస్‌ఎన్‌ఎల్ అధికారులతో సమావేశం  నిర్వహించారు. ఇంకా 2,500 మంది బాసర ట్రిపుల్ ఐటీ విద్యార్థులను ఉపయోగించుకోకున్నారు. వీరికి వెబ్ కాస్టింగ్‌పై శిక్షణ ఇచ్చి మున్సిపల్, సార్వత్రిక ఎన్నికల వరకు రొటేషన్ చేసే అవకాశాలు ఉన్నాయి.
 
  ఫొటో, వీడియోగ్రాఫర్ల చిత్రీకరణ
  జిల్లావ్యాప్తంగా పట్టణ, గ్రామీణ ప్రాంతాల్లో ఉన్న 4,512 మంది ఫొటో, వీడియోగ్రాఫర్ల వివరాలు సేకరించారు. ప్రతీ పోలింగ్ కేంద్రంలో ఒక ఫొటో, ఒక వీడియోగ్రాఫర్‌ను నియమించనున్నారు. ఇందుకు 2,256 మంది ఫొటోగ్రాఫర్లు, 2,256 మంది వీడియోగ్రాఫర్లు పనిచేయనున్నారు. అధికారులు ఎన్నికల పనుల్లో బిజీగా ఉన్నారు. ఎన్నికల ఏర్పాట్లు, మండలాల, డివిజన్‌వారీగా సమావేశాలు, వీడియో కాన్ఫరెన్స్‌ల్లో నిర్వహిస్తున్నారు. ఇంకా 10 నుంచి 15 గ్రామాలకు ఒక రూట్‌లో మోబైల్ వాహానాలు సంచరించే అవకాశాలున్నాయి. కాగా, వెబ్ కెమెరాలను పోలింగ్ కేంద్రాల నుంచి హైదరాబాద్‌లోని ఎన్నికల కమిషనర్ కార్యాలయం, జిల్లా కేంద్రంలోని కలెక్టరేట్ కార్యాలయానికి అనుసంధానం చేస్తారు. దీంతో పోలింగ్ విధానాన్ని అటు ఈసీ అధికారులు, ఇటు కలెక్టరేట్ అధికారులు ఏక కాలంలో చూసుకోవడానికి వీలుంటుంది. ఫలితంగా ఏమైన సంఘటనలు జరిగితే వెంటనే చర్యలు తీసుకునే అవకాశం ఉంటుంది.
 
  విధులు.. భత్యం..
  ఎన్నికల విధులు నిర్వహించే ప్రతీ విద్యార్థికి రూ.500 ఇవ్వనున్నారు. పోలింగ్ ముందురోజే విద్యార్థులు కేంద్రాలకు చేరుకోవాల్సి ఉంటుంది. ఒక రాత్రి, ఒక పగలు విద్యార్థులు ఎన్నికల విధుల్లో పాల్గొంటారు. నెట్ సౌకర్యం, వెబ్‌కాస్టింగ్‌లో ఏలాంటి ఇబ్బందులు తలెత్తకుండా చూసుకోవాలి. విద్యార్థులు వెళ్లాల్సిన పోలింగ్ కేంద్రాలను అధికారులు ముందు రోజే చెబుతారు. రెవెన్యూ డివిజన్లవారీగా నియమించి పోలింగ్ కేంద్రాలు కేటాయిస్తారు.


 నియోజకవర్గ స్థాయి నేతలకు స్థానిక ఎన్నికలు ఇబ్బందులు తెచ్చిపెట్టాయి. తమకు సహకరించే వారు స్వయంగా ఎన్నికలను ఎదుర్కొంటుండడంతో గ్రామాల్లో రాజకీయ వ్యూహం ఎలా అనేది వీరికి అంతుపట్టడంలేదు.  ఇదే సమయంలో తమను నడిపించే వారు కిమ్మనకపోవడం... బాగోగులు చూసుకోకపోవడంతో ఎన్నికల పోరులో ఎలా అడుగులేయూలో తెలియక ద్వితీయ శ్రేణి నాయకులు, కార్యకర్తలు డీలా
  లోక్‌సభ, అసెంబ్లీ ఎన్నికలు వస్తే లీడర్లు బరిలో ఉంటారు. వారి గెలుపు కోసం కార్యకర్తలు కష్టపడతారు. అన్ని రకాలుగా పోరాటం సాగిస్తారు. జెడ్పీటీసీ, ఎంపీటీసీ, సర్పంచ్, కౌన్సిలర్, చైర్మన్... ఈ ఎన్నికలు వస్తే ద్వితీయ శ్రేణి నాయకులు, కార్యకర్తలు బరిలో ఉంటారు. వారిని లీడర్ నడపిస్తారు... గెలిచేవారిని బరిలోకి దించుతారు..
 అలిగిన వారిని బుజ్జగిస్తారు. బరిలో దించినవారిని గెలిపించుకుంటారు. ఎన్నికను ప్రతిష్టాత్మకంగా తీసుకుని విజయం కోసం చేయాల్సినవన్నీ చేస్తారు. రాజకీయ పార్టీలకు సంబంధించి లీడర్, కేడర్‌కు ఉండే ఎన్నికల సంబంధం ఇది. ఇప్పటివరకు ఏ ఎన్నిక అయినా ఇలాగే జరిగింది. ఇప్పుడు ఒకేసారి ఎంపీ, ఎమ్మెల్యే, జెడ్పీటీసీ, ఎంపీటీసీ, మునిసిపల్ ఎన్నికలు రావడంతో పరిస్థితి మారింది. లీడర్... కేడర్... ద్వితీయ శ్రేణి... గ్రామ స్థాయి నాయకులు ఎవరి ఎన్నికల్లో వారు  తలమునకలయ్యారు. సొంత గెలుపు కోసం వ్యూహాలు సిద్ధం చేసుకుంటున్నారు. ఏ ఎన్నికకు ఆ ఎన్నిక ప్రత్యేకమైనదే కావడంతో ఒక్కొక్కరు ఒక్కో గెలుపు వ్యూహంతో ముందుకుపోతున్నారు. ఈ ప్రత్యేక వ్యూహాలతో రాజకీయ పార్టీల్లో స్వతహాగా ఉండే బంధం గతంలో లాగా గట్టిగా కనిపించడం లేదు. ఇదీ.. వరుస ఎన్నికలతో వచ్చిన మార్పును స్పష్టం చేస్తోంది.
  
  పెద్ద నేతలకు పరీక్ష
  ఐదేళ్లకోసారి వచ్చే లోక్‌సభ, అసెంబ్లీ ఎన్నికలు రాజకీయ పార్టీలకు, అందులో ప్రాతినిధ్యం వహించే ముఖ్య నేతలకు ప్రతిష్టాత్మకమే. నియోజకవర్గాల్లోని అన్ని గ్రామాల్లో తమ పార్టీ శ్రేణులను ముందుకు నడిపించడంతోపాటు ప్రత్యర్థి వర్గాలకు చెందిన వారిని దగ్గర చేసుకునే వ్యూహంతో ఇవి జరుగుతాయి. క్షేత్రస్థాయి నాయకులు సైతం... ఏ పార్టీ వారు తమ నాయకుడికి మద్దతు తెలిపారనే అంశంతో సంబంధం లేకుండా పని చేస్తారు. అంతిమంగా తమ పార్టీ విజయం కోసం పని చేస్తారు. ఇది నియోజకవర్గ స్థాయి నేతలకు బాగా ఉపకరిస్తుంది. ప్రస్తుతం ఈ పరిస్థితి మారింది. నియోజకవర్గ స్థాయి నేతలకు ఇప్పుడు స్థానిక ఎన్నికలు ఇబ్బందులు తెచ్చిపెడుతున్నాయి. తమకు సహకరించే వారు స్వయంగా ఎన్నికలను ఎదుర్కొంటుండడంతో గ్రామాల్లో రాజకీయ వ్యూహం ఎలా అనేది వీరికి అంతుపట్టడంలేదు.
 ఎన్నికల్లో కీలకమైన రాజకీయ, ఆర్థిక అంశాలను కిందిస్థాయి వరకు చేరే వేసే క్రీయాశీల నాయకులు ఇప్పుడు స్వయంగా పోటీలో ఉండడం... వారి పనిలో వారు నిమగ్నం కావడం ఎంపీలు, ఎమ్మెల్యేలుగా పోటీ చేసే వారిని ఆందోళనకు గురిచేస్తోంది. ఇదే సమయంలో తమను నడిపించే వారు కిమ్మనకపోవడం... బాగోగులు చూసుకోకపోవడంతో ఎన్నికల పోరులో ఎలా అడుగులేయూలో తెలియక ద్వితీయ శ్రేణి నాయకులు, కార్యకర్తలు డీలా పడుతున్నారు.
  
  క్షేత్రం మారింది....
  రాజకీయ పార్టీలకు ప్రతిష్టాత్మకమైన ఎన్నికలు ఈసారి కొత్త రూపును సంతరించుకున్నాయి. ఒక్క ఎన్నిక వస్తేనే పండుగ వాతావరణం కనిపించే గ్రామాల్లో ఇప్పుడు మూడు ఎన్నికలు వచ్చినా... ఎక్కడో ఏదో వెలితి కనిపిస్తోంది. లోక్‌సభ, అసెంబ్లీ ఎన్నికల కంటే నెల ముందుగా ... జెడ్పీటీసీ, ఎంపీటీసీ ఎన్నికలు వచ్చాయి. ఈ మేరకు గ్రామాల్లో రాజకీయ సందడి మరింత పెరగాల్సి ఉండగా... దీనికి భిన్నంగా ఉంది. నియోజకవర్గ స్థాయి నేతలు ఇప్పుడు గ్రామాలు, మునిసిపల్ ఎన్నికలు జరిగే ఊర్లకు రావాలంటేనే బెంబేలెత్తుతున్నారు. స్థానిక, మునిసిపల్ ఎన్నికలు పార్టీ గుర్తులపై పోటీ చేయాల్సి ఉంటుంది.
 పార్టీ అభ్యర్థిత్వం ఖరారు చేసే బీ-ఫారాన్ని ఒక స్థానంలో ఒకరికే ఇస్తారు. అభ్యర్థిత్వం ఆశించే వారు మాత్రం ఎక్కువ మంది ఉంటారు. దీంతో అభ్యర్థిత్వాల ఖరారు అంటేనే... నియోజకవర్గ స్థాయి నాయకులు ఆందోళన పడుతున్నారు. ఒక్కరిని ఖరారు చేస్తే... అభ్యర్థిత్వం ఆశించే వారంతా తిరుగుబాటు చేస్తారు. ఇది సాధారణ సమయాల్లో అయితే పర్వాలేదు. ఎన్నికలు జరిగిన రెండుమూడు నెలలకు వీరంతా శాంతిస్తారు. స్థానిక ఎన్నికలు జరిగిన నెలలోపే సాధారణ ఎన్నికలు వస్తుండడంతో ఇప్పుడు ఆ పరిస్థితి లేదు. ఆభ్యర్థిత్వం ఆశించి నిరాశకు గురైన వారి ఆగ్రహం చల్లారేలోపే అసెంబ్లీ ఎన్నికలు వస్తాయి.
 ఈ ప్రభావం వీరిపై ఉంటుంది. ఇది ఎన్నికల ఫలితాలను ప్రభావం చేస్తుంది. ఈ పరిస్థితిని తల్చుకుని నియోజకవర్గ స్థాయి నేతలు స్థానిక సమరానికి దూరంగా ఉంటున్నారు. అంతా కార్యకర్తల అభిప్రాయం ప్రకారమే అంటున్నారు. ఇది గ్రామాల్లోని వారికి ఆగ్రహం కలిగిస్తోంది. ఇన్నాళ్లు పనిచేస్తున్న వారిలో సమర్థులను గుర్తించే స్థాయి నియోజకవర్గ స్థాయి నేతకే ఉంటుంది. పని చేసేవారిని గుర్తించి అభ్యర్థిత్వం ఖరారు చేసే సమయంలో ఇలా తప్పించుకోవడం ఏమిటనే ప్రశ్నలు నేతలను ఉక్కిరిబిక్కిరి చేస్తున్నారుు


 స్థానిక ఎన్నికలకు షెడ్యూల్ విడుదల
   ఏప్రిల్ 6న జెడ్పీటీసీ, ఎంపీటీసీల ఎన్నికలు
   అన్ని ఏర్పాట్లు పూర్తి చేసిన జడ్పీ అధికారులు
   ఎన్నికల బడ్జెట్ రూ.8 కోట్లు కేటాయింపు
  
  సాక్షి, గుంటూరు: ప్రాదేశిక పోరుకు నోటిఫికేషన్ విడుదలైంది. నామినేషన్లు, ఎన్నికల ప్రక్రియ తేదీలను వెల్లడిస్తూ షెడ్యూల్ ప్రకటించారు. ఇప్పటికే జెడ్పీ అధికారులు ఎన్నికలకు సంబంధించి అన్ని ఏర్పాట్లు చేశారు. పోలింగ్ కేంద్రాల గుర్తింపు, అధికారుల విధులు ఇలా సర్వం సిద్ధం చేశారు.
  
  స్థానిక ఎన్నికలకు జిల్లా పరిషత్ సీఈవో కీలకంగా వ్యవహరిస్తారు.
  ప్రత్యేకాధికారిగా జిల్లా కలెక్టరు వ్యవహరిస్తారు. ఆయన అనుమతితో రిటర్నింగ్ అధికారులు, మండలాల్లో ప్రత్యేక అధికారులు విధులు నిర్వహించే విధంగా ఏర్పాట్లు చేస్తున్నారు. 
  
  ఈ ఎన్నికల ఏర్పాట్లపై మంగళవారం 
  పూర్తి స్పష్టత వచ్చే అవకాశం ఉంది.
  ఈ ఎన్నికల్లో ఈవీఎంల వినియోగం ఉండదు. రెండు రంగులతో కూడిన బ్యాలెట్ పేపర్లు వినియోగించనున్నారు. వీటిని గుంటూరులోనే ముద్రించనున్నారు.
   ఎన్నికలకు అవసరమయ్యే నిధులకు 2014-15 జెడ్పీ బడ్జెట్‌లో రూ.8 కోట్లు కేటాయించారు. 
  
  జడ్పీటీసీ నామినేషన్లు జడ్పీలో.. 
  ఎంపీటీసీ నామినేషన్లు ఆయా మండలాల్లోనే..
  ప్రాదేశిక ఎన్నికలకు ఈ నెల 17 నుంచి నామినేషన్ల స్వీకరణ కార్యక్రమం మొదలు కానుంది. జెడ్పీటీసీకి నామినేషన్లు గుంటూరులోని జెడ్పీ కార్యాలయంలో సమర్పించాల్సి ఉంటుంది.
  ఎన్నికల రిటర్నింగ్ అధికారి కలెక్టరు ఆధ్వర్యంలో జేసీ, జిల్లా అధికారులు నామినేషన్ల కార్యక్రమంలో కీలకంగా వ్యవహరిస్తారు.
   ఎంపీటీసీలకు సంబంధించి ఆయా మండలాల్లోనే నామినేషన్లు సమర్పించాలి. జిల్లా అధికారులను రిటర్నింగ్ అధికారులుగా నియమించి వారి పర్యవేక్షణలో ఎన్నికల ప్రక్రియ నిర్వహించనున్నారు. 
  మంగళవారం రిటర్నింగ్ అధికారులను నియమించనున్నారు. 
  
  ఎంపీడీవోలకు కత్తి మీద సామే.. 
  సార్వత్రిక ఎన్నికలకు సంబంధించి ఇతర జిల్లాల నుంచి ఎంపీడీవోలు బదిలీపై ఈ జిల్లాకు వచ్చారు. అయితే ఒక్కసారిగా ప్రాదేశిక ఎన్నికలు రావడంతో వీరికి విధి నిర్వహణ కత్తి మీద సాములా మారనుంది. జిల్లాకు 43 మంది కొత్త కావడం ఆయా మండలాల్లో వీరు ఈ తరుణంలో కీలకంగా వ్యవహరించాల్సి ఉంది. దీంతో ఎంపీడీవోలు ఈ ఎన్నికలపై తలలు పట్టుకుంటున్నారు. పైగా ఎన్నికలకు ముందుగానే వీరు ఆయా పనుల నిమిత్తం ఖర్చు చేయాల్సి ఉంటుంది. ఎన్నికల బడ్జెట్ కేటయించారే గానీ ఇప్పటివరకు మండలాలకు నిధులు కేటాయించలేదు.   
  
  నామినేషన్ల స్వీకరణ : మార్చి 17 నుంచి 20 వరకు
  పరిశీలన : మార్చి 21
  అభ్యంతరాల స్వీకరణ, తిరస్కరణ : మార్చి 22, 23
  ఉపసంహరణ : మార్చి 24
  పోలింగ్  తేదీ : ఏప్రిల్ 6
  రీ పోలింగ్ అవసరమైతే : ఏప్రిల్ 7
  ఓట్ల లెక్కింపు : ఏప్రిల్ 8
  


 మునిసిపాలిటీల ఎన్నికలకు నేటి నుంచి నామినేషన్ల స్వీకరణ మొదలవుతోంది. రాష్ట్రవ్యాప్తంగా తొలివిడత ఎన్నికలు జరిగే 146 మునిసిపాలిటీలు, 10 కార్పొరేషన్లలోని వార్డులు, డివిజన్లకు ఉదయం 11 గంటల నుంచి నామినేషన్లు స్వీకరిస్తారు. వీటికి సంబంధించిన షెడ్యూలు ఇలా ఉంది..
 మార్చి 10: నామినేషన్ల స్వీకరణ
 మార్చి 13: నగర పాలక సంస్థల్లో నామినేషన్ల దాఖలుకు గడువు
 మార్చి 14: మున్సిపాలిటీల్లో నామినేషన్ల దాఖలుకు గడవు
 మార్చి 15: నామినేషన్ల పరిశీలన
 మార్చి 18: నామినేషన్ల ఉపసంహరణకు గడువు
 మార్చి 30: పోలింగ్
 ఏప్రిల్ 2: ఎన్నికల ఫలితాల ప్రకటన


 
  జిల్లా వ్యాప్తంగా 65 మండలాల్లో స్థానిక సమరానికి సన్నాహాలు పూర్తయ్యాయి. జెడ్‌పీటీసీ, ఎంపీటీసీల రిజర్వేషన్లను జిల్లా పరిషత్ అధికారులు శుక్రవారం ప్రకటించారు. ఈ వివరాలను పంచాయతీరాజ్ కమిషనర్‌కు పంపారు. జెడ్‌పీ చైర్మన్, ఎంపీపీల రిజర్వేషన్లను రాష్ట్ర ప్రభుత్వం ప్రకటిస్తే ఎన్నికల నగారా మోగనుంది.
 స్థానిక ఎన్నికలు జరిపి తీరాల్సిందేనని, సోమవారంలోపు నోటిఫికేషన్ ఇవ్వకపోతే కోర్టు ధిక్కరణ కింద పరిగణిస్తామని దేశ సర్వోన్నత న్యాయస్థానం శుక్రవారం స్పష్టం చేసింది. దీంతో ఎన్నికల నిర్వహణ ఏర్పాట్లను రాష్ట్ర ప్రభుత్వం, రాష్ట్ర ఎన్నికల సంఘం ఆగమేఘాలపై ప్రారంభించాయి.
  
 సోమవారం నోటి ఫికేషన్
  జెడ్‌పీటీసీ, ఎంపీటీసీ ఎన్నికలకు సోమవారం నోటిఫికేషన్ రావచ్చునని జిల్లా పరిషత్ వర్గాలు చెబుతున్నాయి. ఈ మేరకు రాష్ట్ర ఎన్నికల సంఘం, పంచాయతీరాజ్ కమిషనర్ నుంచి సమాచారం అందినట్లు తెలుస్తోంది. జిల్లాలో 65 జెడ్‌పీటీసీ, 901 ఎంపీటీసీ, 65 ఎంపీపీ స్థానాలకు రాష్ట్ర ఎన్నికల సంఘం ఎన్నికలు నిర్వహించనుంది. ఈ ఎన్నికలకు ఎంపీడీవోలే ఎన్నికల అధికారులుగా వ్యవహరించనున్నారు. జెడ్పీ సీఈవో వేణుగోపాల్‌రెడ్డి స్థానిక ఎన్నికల నిర్వహణకు సంబంధించిన వివరాలను ఇప్పటికే కలెక్టర్, ఎన్నికల అథారిటీ కె.రాంగోపాల్ దృష్టికి తీసుకెళ్లారు.
  
  రాజకీయ నేతలకు మరో భారం
  ఇప్పటికే మున్సిపల్, అసెంబ్లీ, లోక్‌సభ ఎన్నికలతో ఎమ్మెల్యే అభ్యర్థులు సతమతమవుతున్నారు. తాజాగా జెడ్‌పీటీసీ, ఎంపీటీసీ ఎన్నికలు తోడయ్యాయి. కచ్చితంగా అభ్యర్థులు గ్రామాల్లో వివాదాలు లేకుండా, టికెట్లు ఆశించే ఆశావహులను సంతృప్తిపరచి, ఒప్పించాల్సిన పరిస్థితి ఉంటుంది. అలాకాదని ఏదో ఒక గ్రూప్‌ను ప్రోత్సహిస్తే రెండవ గ్రూప్ అసెంబ్లీ, లోక్‌సభ ఎన్నికల్లో తడాఖా చూపనుంది.
  


 కలెక్టరేట్, న్యూస్‌లైన్ : సార్వత్రిక ఎన్నికలకు ముందే పురపాలక, స్థానిక ఎన్నికలు నిర్వహించేందుకు ఈసీ సిద్ధమవుతోంది. ఇందులో భాగంగానే సోమవారం పురపాలక ఎన్నికలకు నోటిఫికేషన్ విడుదలైంది. పురపాలక ఎన్నికలు, జెడ్పీటీసీ, ఎంపీటీసీ ఎన్నికలు జాప్యం కావడంతో ఎట్టకేలకు న్యాయస్థానం ఆదేశం మేరకు అధికార యంత్రాంగం సిద్ధమైంది. ఇక స్థానిక చర్చ సందడి మొదలైంది. దీంతో రాజకీయ పార్టీల నాయకులకు మున్సిపల్, స్థానిక సంస్థల ఎన్నికలు కీలకం కానున్నాయి.
 
  ఓ పక్క పురపాలక ఎన్నికల పనుల్లో నిమగ్నమైన యంత్రాంగం జెడ్పీటీసీ, ఎంపీటీసీల రిజర్వేషన్లకు సంబంధించిన వివరాలు ఈ నెల 5లోగా  సిద్ధం చేయాలని ఆదేశాలు అందాయి. రిజర్వేషన్లను ఖరారు చేయడంలో అధికారులు తలమునకలు అయ్యారు. ఇందులో భాగంగా జిల్లా పరిషత్ ప్రాదేశిక సభ్యులు(జెడ్పీటీసీ)లు, మండల పరిషత్ ప్రాదేశిక సభ్యులు (ఎంపీటీసీ)ల రిజర్వేషన్ల ఖరారులో పంచాయతీరాజ్ శాఖ అధికారులు తేలియాడుతున్నారు. జెడ్పీటీసీల రిజర్వేషన్ల ఖరారు జిల్లా స్థాయి అధికారులు చేపట్టగా, ఎంపీటీసీల రిజర్వేషన్లు మండల అభివృద్ధి అధికారులు(ఎంపీడీవో)లు సిద్ధం చేస్తున్నారు. అయితే రెండు టర్మ్‌లుగా కేటాయించిన ఎంపీటీసీ రిజర్వేషన్ల దస్త్రాలు ముందు పెట్టుకొని ఖరారు చేయాల్సి వస్తోంది. స్థానిక సంస్థల ఎన్నికల్లోనూ మహిళలకే రిజర్వేషన్లు ఎక్కువ దక్కే అవకాశం కన్పిస్తోంది.
 
 
  జాబితా తయారీలో యంత్రాంగం
  జెడ్పీటీసీ, ఎంపీటీసీ స్థానాలకు రిజర్వేషన్లు జాబితా తయారు చేయడంలో యం త్రాంగం నిమగ్నమైంది. ఇందుకు జెడ్పీటీసీ, ఎంపీటీసీ రిజర్వేషన్లు ఖరారు చేసి న అనంతరం అధికారులు ప్రభుత్వానికి జాబితా పంపనున్నారు. ఈ జాబితా ప్ర కారం జిల్లాలో జెడ్పీటీసీ, ఎంపీటీసీ స్థానాలకు రిజర్వేషన్లు ఖరారు కానున్నాయి. జాబితాను పరిశీలన చేసిన అనంతరం ప్రభుత్వం గెజిట్‌ను విడుదల చేస్తుంది. గెజిట్ విడుదలైతే రిజర్వేషన్లు ఖరారైనట్లే..రిజర్వేషన్ల వివరాలను గెజిట్‌లో పొందుపరుస్తారు. జిల్లాలో 52 జెడ్పీటీసీ స్థానాలు, 52 అధ్యక్ష స్థానాలు, 636 ఎంపీటీసీ స్థానాలు ఉన్నాయి.
 
  గతంలో జెడ్పీటీసీ, ఎంపీటీసీలుగా గెలుపొందిన అభ్యర్థుల పదవీ కాలం 2011తో ముగిసింది. గతంలో నిర్వహించిన స్థానిక సంస్థల ఎన్నికల్లో జెడ్పీటీసీ స్థానాలు 52ఉండగా, ఎంపీటీసీ స్థానాలు 569 ఉండేవి. ఎనిమిది నెలల క్రితం స్థానిక సంస్థల ఎన్నికలు నిర్వహించేందుకు ప్రభుత్వం కసరత్తు మొదలు పెట్టడంతో అప్పుడు ఎంపీటీసీ స్థానాల సంఖ్య 636కు చేరింది. అంటే కొత్తగా జిల్లాలో 67 ఎంపీటీసీ స్థానాలు పెరిగాయి. దాదాపు మూడేళ్లుగా ఎదురుచూస్తున్న స్థానిక సంస్థల ఎన్నికలకు అధికారులు రిజర్వేషన్లు ఖరారు చేయడంతో గ్రామీణా ప్రాంతాల్లో చర్చమొదలైంది. పోటీ చేసే అభ్యర్థులు సైతం ఇప్పటి నుంచే సన్నద్దమవుతున్నారు. ఏదేమైనా మున్సిపల్. స్థానిక సంస్థల ఎన్నికలు ఉత్కంఠగా మారనున్నాయి.


 -    ఎప్పుడు నిర్వహిస్తారో ఆ తేదీలతో కౌంటర్ వేయండి
 -     రాష్ట్ర ప్రభుత్వం, ఎన్నికల కమిషన్‌లకు ‘సుప్రీం’ ఆదేశం
  
  సాక్షి, న్యూఢిల్లీ: స్థానిక సంస్థల ఎన్నికలు నిర్వహించాలని ఏడాది క్రితం ఆదేశిస్తే కేవలం పంచాయతీ ఎన్నికలు మాత్రమే పెట్టారని... ఎంపీటీసీ, జడ్పీటీసీ సభ్యుల ఎన్నికలు ఎందుకు నిర్వహించలేదని సుప్రీంకోర్టు రాష్ట్ర ప్రభుత్వాన్ని ప్రశ్నించింది. ఎంపీటీసీ, జడ్పీటీసీ ఎన్నికలు నిర్వహించేలా ఆదేశాలివ్వాలంటూ ఆర్.చంద్రశేఖర్‌రెడ్డి దాఖలు చేసిన అభ్యర్థనను సుప్రీంకోర్టు సోమవారం విచారించింది. పిటిషనర్ తరఫున న్యాయవాది అనుమోలు వెంకటేశ్వరరావు వాదనలు వినిపించారు. స్థానిక ఎన్నికల నిర్వహణకు గత ఏడాది ఫిబ్రవరి 18న సుప్రీంకోర్టు ఉత్తర్వులిచ్చినా రాష్ట్ర ప్రభుత్వం నేటికీ పూర్తిగా అమలుచేయలేదని వివరించారు.
  
  దీనికి తాము ఎన్నికల నిర్వహణకు సిద్ధంగా ఉన్నామని రాష్ట్ర ఎన్నికల కమిషన్ నివేదించింది. అయితే లోక్‌సభ సాధారణ ఎన్నికల తరువాత ఎంపీటీసీ, జడ్పీటీసీ సభ్యుల ఎన్నికలు నిర్వహిస్తామని రాష్ట్ర ప్రభుత్వం విన్నవించింది. ఆ ఎన్నికలు ఎప్పుడు నిర్వహిస్తారో తేదీలు పేర్కొంటూ రెండు వారాల్లోగా కౌంటర్ అఫిడవిట్ దాఖలు చేయాలని   ప్రభుత్వం, ఎన్నికల కమిషన్‌లను ఆదేశించింది.  
  
  పురపాలక ఎన్నికలపై ప్రభుత్వం ఎస్‌ఎల్పీ....
    పురపాలక ఎన్నికలకు సంబంధించి రాష్ట్ర ప్రభుత్వం సోమవారం సుప్రీంకోర్టులో స్పెషల్ లీవ్ పిటిషన్ (ఎస్‌ఎల్పీ) దాఖలు చేసింది. నాలుగు వారాల్లో మునిసిపల్ ఎన్నికలు నిర్వహించాలంటూ ఇటీవల హైకోర్టు ఇచ్చిన తీర్పును సవాల్ చేస్తూ ప్రభుత్వ ప్రధాన కార్యదర్శి మహంతి దీన్ని దాఖలు చేశారు. ప్రస్తుతం రాష్ట్రంలో నెలకొన్న పరిస్థితుల్లో ఎన్నికల నిర్వహణ సాధ్యం కాదని, విద్యార్థులకు పరీక్షలు కూడా ప్రారంభమవుతున్నందున ఉపాధ్యాయులు, పాఠశాలలు అందుబాటులో ఉండే అవకాశం లేదని అందులో వివరించినట్లు  సమాచారం.