రిలయన్స్ జియో స్మార్ట్ టీవీల కోసం 'జియో టీవీ ప్లస్ యాప్‌'ను తీసుకువస్తున్నట్లు.. 2 ఇన్ వన్ ఆఫర్‌ కూడా ప్రకటించింది. దీంతో వినియోగదారు ఒకే జియో ఎయిర్ ఫైబర్ కనెక్షన్‌తో రెండు టీవీలను కనెక్ట్ చేసుకోవచ్చు. జియో టీవీ ప్లస్ లాగిన్‌తోనే 800 కంటే ఎక్కువ డిజిటల్ టీవీ ఛానెల్‌లు, 13 కంటే ఎక్కువ ఓటీటీ యాప్‌లను యాక్సెస్ చేసుకోవచ్చు.జియో టీవీ ప్లస్ యాప్‌ను అనేది ఇప్పుడున్న అన్ని స్మార్ట్ టీవీలలో ఉచితంగా డౌన్‌లోడ్ చేసుకోవచ్చు. యాప్‌లోని కంటెంట్‌ని యాక్సెస్ చేయడానికి ఎస్‌టీబీ అవసరం లేదు. దీనికోసం అదనపు చార్జీలు చెల్లించాల్సిన అవసరం లేదు & అదనపు కనెక్షన్లు అవసరం లేదు. ఇప్పటివరకు జియో ఎస్‌టీబీ ద్వారా మాత్రమే అందుబాటులో ఉన్న జియో టీవీ ప్లస్ ఇప్పుడు అన్ని స్మార్ట్ టీవీలలో అందుబాటులో ఉంటుంది.స్మార్ట్‌టీవీ ఓఎస్‌లో జియో టీవీ ప్లస్ యాప్ ఫీచర్స్సింగిల్ సైన్ ఇన్ (ఒకే సైన్ ఇన్): ఒక్కసారి మాత్రమే సైన్ ఇన్ చేసి.. మొత్తం జియో టీవీ ప్లస్ కంటెంట్ కేటలాగ్‌ను యాక్సెస్ చేసుకోవచ్చు.స్మార్ట్ టీవీ రిమోట్: స్మార్ట్ టీవీ రిమోట్‌ని ఉపయోగించి అన్ని జియో టీవీ ప్లస్ కంటెంట్, ఫీచర్‌లను ఉపయోగించుకోవచ్చు.స్మార్ట్ ఫిల్టర్: భాష, వర్గం లేదా ఛానెల్ నంబర్‌ ద్వారా ఛానెల్‌ని సెర్చ్ చేయవచ్చు.కంట్రోల్ ప్లేబ్యాక్ స్పీడ్: కావాల్సిన వేగంతో కంటెంట్‌ని చూడవచ్చు.క్యాచ్ అప్ టీవీ: గతంలో ప్రసారమైన షోలను చూడవచ్చు.పర్సనలైజ్డ్ రికమెండేషన్: వ్యక్తిగత ప్రాధాన్యతల ప్రకారం ఛానెల్‌లు, షోలు, సినిమాలను చూడవచ్చు.కిడ్స్ సేఫ్ సెక్షన్: పిల్లల కోసం ప్రత్యేకంగా క్యూరేటెడ్ విభాగం.డిజిటల్ టీవీ ఛానెల్స్జనరల్ ఎంటర్టైన్‌మెంట్: కలర్స్ టీవీ, ఈటీవీ, సోనీ షాబ్, స్టార్ ప్లస్, జీ టీవీన్యూస్: ఆజ్ తక్, ఇండియా టీవీ, టీవీ7 భరతవర్ష్, ఏబీపీ న్యూస్, న్యూస్18స్పోర్ట్స్: సోనీ టెన్, స్పోర్ట్స్18, స్టార్ స్పోర్ట్స్, యూరోస్పోర్ట్, డీడీ స్పోర్ట్స్మ్యూజిక్: బీ4యూ మ్యూజిక్, 9ఎక్స్ఎమ్, ఎంటీవీ, జూమ్కిడ్స్: పోగో, కార్టూన్ నెట్‌వర్క్, నిక్ జూనియర్, డిస్కవరీ కిడ్స్బిజినెస్: జీ బిజినెస్, సీఎన్‌బీసీ టీవీ18, ఈటీ నౌ, సీఎన్‌బీసీ ఆవాజ్భక్తి: ఆస్తా, భక్తి టీవీ, పీటీసీ సిమ్రాన్, సంస్కార్డౌన్‌లోడ్ & లాగిన్ చేసుకోవడం ఎలా?ఆండ్రాయిడ్ టీవీ, యాపిల్ టీవీ లేదా అమెజాన్ ఫైర్ టీవీ స్టిక్ యాప్ స్టోర్‌ల నుంచి జియో టీవీ ప్లస్ యాప్ డౌన్‌లోడ్ చేసుకోవచ్చు.యాప్ డౌన్‌లోడ్ చేసిన తరువాత జియో ఫైబర్, జియో ఎయిర్ ఫైబర్ రిజిస్టర్డ్ మొబైల్ నంబర్‌తో లాగిన్ అవ్వాలి. ఓటీపీతో ద్రువీకరించుకోవాలి.

న్యూఢిల్లీ: స్మార్ట్‌ టీవీల  దిగుమతులు (షిప్‌మెంట్‌) ప్రస్తుత ఏడాది మొత్తం మీద 7 శాతం వరకు తగ్గొచ్చని కౌంటర్‌ పాయింట్‌ రీసెర్చ్‌ సంస్థ తెలిపింది. 2023 మొదటి ఆరు నెలల కాలంలో స్మార్ట్‌ టీవీల షిప్‌మెంట్‌ 5 శాతం తగ్గినట్టు పేర్కొంది. పండుగల సీజన్‌ ఉన్నందున ద్వితీయ ఆరు నెలల కాలంలో దిగుమతులు కాస్త మెరుగుపడొచ్చని అంచనా వేసింది. ఓఈఎంలు కొత్త పెట్టుబడుల రూపంలో అదనపు తయారీ సామర్థ్యాన్ని ఏర్పాటు చేసుకుంటున్నందున దేశీయంగా స్మార్ట్‌ టీవీల తయారీ పెరుగుతున్నట్టు వివరించింది. భారత మార్కెట్లో కొత్త ఓఈఎం (ఒరిజినల్‌ ఎక్విప్‌మెంట్‌ తయారీదారులు)లు కూడా ప్రవేశిస్తున్నాయని, ప్రముఖ బ్రాండ్లతో టైఅప్‌ అయ్యి టీవీల తయారీకి ఆసక్తి చూపిస్తున్నట్టు తెలిపింది.   పెద్ద టీవీలకు డిమాండ్‌  స్మార్ట్‌ టీవీల షిప్‌మెంట్‌ తగ్గినప్పటికీ, పెద్ద తెరల టీవీలకు డిమాండ్‌ బలంగానే ఉందని, బ్రాండెడ్‌ టీవీలకు ప్రాధాన్యత (ప్రీమియమైజేషన్‌) పెరుగుతున్నట్టు కౌంటర్‌ పాయింట్‌ రీసెర్చ్‌ తెలిపింది. 55 అంగుళాలు, అంతకుమించిన పెద్ద స్మార్ట్‌ టీవీల షిప్‌మెంట్‌ మొదటి ఆరు నెలల్లో 18 శాతం పెరిగినట్టు పేర్కొంది. భారత్‌లో అమ్ముడయ్యే అధిక శాతం స్మార్ట్‌ టీవీల్లో డాల్బీ అట్మాస్, డాల్బీ విజన్‌ ఆడియో సపోర్ట్‌ ఉంటున్నట్టు తెలిపింది. జనవరి–జూన్‌ కాలంలో మొత్తం టీవీల్లో స్మార్ట్‌ టీవీల వాటా 91 శాతంగా ఉన్నట్టు వెల్లడించింది.  ద్రవ్యోల్బణం ప్రతికూలం..   ద్రవ్యోల్బణం, స్థూల ఆర్థిక సమస్యల నేపథ్యంలో ప్రజలు కనీస కొనుగోళ్లకే పరిమితం కావాల్సి వచ్చిందని.. టీవీ దిగుమతులు తగ్గడానికి దీన్ని కారణంగా కౌంటర్‌ పాయింట్‌ రీసెర్చ్‌ పేర్కొంది. మధ్య శ్రేణి విభాగంలో (రూ.30–50వేల మధ్య) క్యూఎల్‌ఈడీ టీవీలు మరింత ఆదరణకు నోచుకుంటున్నట్టు తెలిపింది. ‘‘మొదటి ఆరు నెలల్లో క్యూఎల్‌ఈడీ టీవీల షిప్‌మెంట్‌ క్రితం ఏడాది ఇదే కాలంతో పోలిస్తే 21 శాతం పెరిగింది. మొత్తం టీవీల మార్కెట్లో వీటి వాటా ఇక ముందు కూడా పెరుగుతుంది’’అని కౌంటర్‌ పాయింట్‌ రీసెర్చ్‌ పేర్కొంది. మొదటి ఆరు నెలల్లో స్మార్ట్‌ టీవీల షిప్‌మెంట్‌లో షావోమీ 10 శాతం వాటాతో మొదటి స్థానంలో ఉంది. శామ్‌సంగ్‌ రెండో స్థానంలో ఉండగా, వన్‌ప్లస్, ఎల్‌జీ, టీసీఎల్, ఏసర్‌ తర్వాతి స్థానాల్లో ఉన్నాయి. ఏసర్, శాన్‌సుయ్‌ వేగంగా వృద్ధి చెందుతున్న బ్రాండ్లుగా కౌంటర్‌ పాయింట్‌ రీసెర్చ్‌ తెలిపింది. ఇవి విడుదల చేసే కొత్త బ్రాండ్లకు వినియోగదారుల నుంచి మంచి స్పందన వస్తున్నట్టు వివరించింది.

స్మార్ట్‌టీవీ కొనుగోలు దారులకు ప్రముఖ టెక్‌ దిగ్గజం కీలక సమాచారం అందించింది. మార్కెట్‌లో కొనుగోలు చేస్తున్న ప్రతిటీవీ ఆండ్రాయిండ్‌ టీవీగా ప్రచారం జరుగుతుందని, అయితే, అందులో వాస్తవం లేదని తేల్చి చెప్పింది. ఇటీవల కమ్యూనిటీ పోస్ట్‌లో ఆండ్రాయిడ్‌ ఓఎస్‌ పేరుతో టీవీలను విక్రయించినట్లు గూగుల్‌ గుర్తించింది. వాస్తవానికి అవి ఆండ్రాయిడ్‌ ఓపెన్‌ స్టోర్స్‌ ప్రాజెక్ట్‌ను (aosp)ని ఉపయోగిస్తున్నట్లు తెలిపింది.   ఆండ్రాయిడ్‌ టీవీ వర్సెస్‌ ఏఓఎస్‌పీ  గూగుల్‌ సమాచారం మేరకు..ఆండ్రాయిడ్‌ టీవీల్లో గూగుల్‌ యాప్స్‌ లైసెన్స్‌ లేకుండానే ప్లే అవుతాయి. ఆండ్రాయిడ్‌ టీవీ కొన్న ప్రతి ఒక్కరూ వాటిని వినియోగించుకోవచ్చు. కానీ ఆండ్రాయిడ్ ఓపెన్ సోర్స్ ప్రాజెక్ట్‌తో రూపొందించబడిన టీవీల్లో గూగుల్‌ యాప్స్‌ను ప్లే చేయలేం. అందుకే ఆయా సంస్థలు ప్లే ప్రొటక్ట్‌ సర్టిఫికెట్‌ విషయంలో జాగ్రత్త వహిస్తాయి. టీవీ కొనేముందు తీసుకోవాల్సిన చూడాల్సిందిదే కస్టమర్‌లు తాము కొనుగోలు చేస్తున్న టెలివిజన్‌  సురక్షితమా? కాదా? అని నిర్ధారించేందుకు ఆండ్రాయిటీవీ వెబ్‌సైట్‌ను విజిట్‌ చేయాలని గూగుల్‌ సిఫార్స్‌ చేస్తోంది. ఆ వెబ్‌సైట్‌లో కొనుగోలుదారులు అధికారిక Android TV, Google TV, Android TV ఉత్పత్తులను చూడొచ్చు. ప్లేస్టోర్‌లోకి వెళ్లి గూగుల్‌ లైసెన్స్‌ పొందిందో లేదో తనిఖీ చేసుకోవచ్చు. టీవీకి ప్లే ప్రొటెక్ట్‌ సర్టిఫికేట్ లేకపోతే అది గూగుల్‌ ధృవీకరించలేదని అర్థం. చదవండి👉 నీళ్లను తెగ తాగేస్తున్న చాట్ జీపీటీ!

సాక్షి, ముంబై:  బడ్జెట్‌ ధరలో స్మార్ట్ టీవీ కావాలనుకుంటున్నారా? అయితే  ఈ మండు వేసవిలో మీకో తీపి కబురు.  ప్రముఖ ఈ కామర్స్ సంస్థ ఫ్లిప్‌కార్ట్  శాంసంగ్‌  32-అంగుళాల టైజెన్‌ టీవీ భారీ ఆఫర్‌ అందిస్తోంది.  38 శాతం తగ్గింపుతో రూ. 13,999 తగ్గింపు ధరకే లిస్ట్‌ చేసింది. దీంతోపటు పలు డిస్కౌంట్‌లు, ఎక్స్ఛేంజ్ ఆఫర్స్ ద్వారా 23వేల రూపాయల  టీవీని కేవలం రూ. 5,000లోపు సొంతం చేసుకోవచ్చు.  (Fact Check: కన్యా సుమంగళ యోజన, అమ్మాయిలకు నెలకు రూ.4500?) 32 అంగుళాల శాంసంగ్‌   HD రెడీ LED స్మార్ట్ టైజెన్ టీవీ అసలు ధర  దాదాపు రూ. 23,000. అయితే ఫ్లిప్‌కార్ట్‌లో ప్రస్తుతం రూ. 14వేలకే కొనుగోలు చేయవచ్చు. ఇది 2020లో లాంచ్‌ అయింది.  బ్యాంక్ ఆఫర్లు ఎస్‌బీఐ క్రెడిట్ లేదా డెబిట్ కార్డ్‌ ద్వారా 10 శాతం వరకు తగ్గింపు. దీనికి అదనంగా ఎస్‌బీఐ క్రెడిట్ కార్డ్ లావాదేవీల నుండి 500 రూపాయల తగ్గింపును పొందవచ్చు. ఈఎంఐ ఆప్షన్‌ కూడా  ఉంది. (లగ్జరీ డ్యూప్లెక్స్‌ అపార్ట్‌మెంట్‌ కొనుగోలు చేసిన సమంత! ధర ఎంతంటే?) ఎక్స్చేంజ్ ఆఫర్‌ ఈ శాంసంగ్‌ స్మార్ట్ టీవీని రూ. 5,000లోపు కొనుగోలు చేయాలనుకుంటే, బ్యాంక్ ఆఫర్‌తో పాటు ఎక్స్ఛేంజ్ బోనస్‌ను ఎంచుకోవచ్చు. ఫ్లిప్‌కార్ట్‌లో రూ.11వేల  ఎక్స్చేంజ్ తగ్గింపు అందుబాటులో ఉంది .   శాంసంగ్‌   HD రెడీ LED స్మార్ట్ టైజెన్ టీవీ ఫీచర్లు 366 x 768 పిక్సెల్‌లతో 80 cm (32-అంగుళాల) LED HD రెడీ స్క్రీన్‌ డిస్ప్లే రిఫ్రెష్ రేట్ 60 Hz  డాల్బీ డిజిటల్ ప్లస్ సపోర్ట్  ఇంకా నెట్‌ఫ్లిక్స్‌, డిస్నీ+హాట్‌స్టార్‌, సోనీ లివ్‌, ఏరోస్‌ నౌ, జియో  సినిమా, గానా, బిగ్‌ ఫిక్స్‌, స్పాటిఫై, సన్‌ నెక్ట్స్‌  సహా ఇతర యాప్‌లను  సపోర్ట్ చేస్తుంది.ఇన్‌బిల్ట్‌ Wi-Fi ,  2 Dolby Digital Plus స్పీకర్లు  లాంటి ఇందులో ఉన్నాయి. 

ప్రముఖ స్మార్ట్‌ఫోన్‌ తయారీ సంస్థ రెడ్‌మీ కొత్త టీవీని విడుదల చేసింది. రెడ్‌మీ స్మార్ట్‌ఫైర్‌ టీవీ 32 (Redmi Smart Fire TV 32) పేరుతో భారత్‌లో లాంచ్‌ చేసింది. కేవలం రూ.11,999కే 32 అంగుళాల వేరియంట్‌ టీవీలో అమెజాన్‌ ఫైర్‌ ఓఎస్‌ని అందిస్తుంది. గతంలో రెడ్‌మీ పలు టీవీలను విడుదల చేసినప్పటికీ.. అవి ఆండ్రాయిత్‌ టీవీ ఓఎస్‌తో వచ్చేవి. భారత్‌లో రెడ్‌మీ స్మార్ట్‌ఫైర్‌ టీవీ 32 ధర రెడ్‌మీ స్మార్ట్‌ఫైర్‌ టీవీ 32 ధర రూ.13,999 గా ఉంది. ప్రారంభ ఆఫర్‌, కార్డు ఆఫర్లు పోగా..రూ.11,999కే లభిస్తుంది. ఈ కొత్త స్మార్ట్‌ టీవీని మార్చి 21నుంచి రెడ్‌మీ అమ్మకాలు ప్రారంభించనుంది. ఇక ఈ టీవీ అమెజాన్‌, ఎంఐ స్టోర్‌ల నుంచి కొనుగోలు చేయొచ్చు.  రెడ్‌మీ స్మార్ట్‌ ఫైర్‌ టీవీ 32 స్పెసిఫికేషన్లు, ఫీచర్లు పైన పేర్కొన్నట్లుగా రెడ్‌మీ స్మార్ట్‌ఫైర్‌ టీవీ 32 ప్రస్తుతానికి 32 అంగుళాలు,హెచ్‌డీ (1366x768-పిక్సెల్) రిజల్యూషన్‌తో టెలివిజన్ ఫైర్‌ ఓఎస్‌ 7 ఆధారితమైనది. ఇందులో ప్రైమ్ వీడియో, అమెజాన్ మ్యూజిక్ వంటి అమెజాన్ సొంత యాప్‌ల సపోర్ట్‌తో పాటు నెట్‌ఫ్లిక్స్, డిస్నీ+ హాట్‌స్టార్, యాపిల్ టీవీ, స్మార్ట్ టీవీ యాప్‌లు, స్ట్రీమింగ్ సేవలకు ఫైర్‌ ఓఎస్‌ సపోర్ట్‌ చేస్తుంది. సౌండ్‌ కోసం డాల్బీ ఆడియోకు సపోర్ట్‌గా 20డబ్ల్యూ స్పీకర్ సిస్టమ్‌ను అందిస్తుంది.  కనెక్టివిటీ పరంగా, Redmi Smart Fire TV 32లో బ్లూటూత్ 5, డ్యూయల్ బ్యాండ్ వైఫై, ఎయిర్‌ ప్లే, మిరా క్యాస్ట్‌(Miracast)లకు సపోర్ట్ ఇస్తుంది. రెండు హెచ్‌డీఎంఐ పోర్ట్‌లు, రెండు యూఎస్‌బీ పోర్ట్‌లు, ఏవీ ఇన్‌పుట్ సాకెట్లు, వైర్డు హెడ్‌ఫోన్ లేదా స్పీకర్ కనెక్టివిటీ కోసం 3.5ఎంఎం సాకెట్, వైర్డు ఇంటర్నెట్ కనెక్టివిటీ కోసం ఈథర్నెట్ పోర్ట్, యాంటెన్నా సాకెట్ ఉన్నాయి. 1జీబీ ర్యామ్‌, 8జీబీ ఇంటర్నల్ స్టోరేజ్ సౌకర్యం ఉంది. ఇది కాకుండా రెడ్‌మీఫైర్‌ టీవీలో అలెక్సా వాయిస్ అసిస్టెంట్‌ని వినియోగించేందుకు వీలుగా టీవీ రిమోట్‌లో అలెక్సా బటన్ ఉంది. తద్వారా అమెజాన్‌ అకౌంట్‌తో కనెక్ట్‌ చేసిన ఐఓటీ, స్మార్ట్ హోమ్ పరికరాలను ఆపరేట్‌ చేసేందుకు ఉపయోగించవచ్చు. రిమోట్‌లో ప్రైమ్ వీడియో, అమెజాన్ మ్యూజిక్, నెట్‌ఫ్లిక్స్ కోసం హాట్‌కీలు కాకుండా ప్లేబ్యాక్కోసం ప్రత్యేక బటన్‌లు, మ్యూట్ బటన్‌లు ఉన్నాయి.

సాక్షి,ముంబై:బడ్జెట్‌ ధరల స్మార్టఫోన్లు, స్మార్ట్ టీవీలతో ఆకట్టుకున్న చైనా స్మార్ట్‌ఫోన్‌ మేకర్‌ షావోమికి చెందిన రెడ్‌మీ స్మార్ట్‌ టీవీని తీసుకొచ్చింది. ఇండియన్‌ మార్కెట్‌లో తొలిసారిగా ఫైర్ ఓఎస్‍తో సరికొత్త టీవీని పరిచయం చేసింది. ఈమేరకు షావోమీ ట్విటర్‌లో  షేర్‌ చేసింది.  రెడ్‌మీ ఫైర్ స్మార్ట్  టీవీ ఈ నెల  (మార్చి) 14వ తేదీన లాంచ్ కానుంది. అమెజాన్‍కు చెందిన ఫైర్ ఓఎస్ 7 (Fire OS7)పై ఈ స్మార్ట్ టీవీ రన్ అవుతుంది. రెడ్‍మీ ఫైర్ టీవీని లాంచ్‌ కోసం మైక్రోపేజీని క్రియేట్ చేసింది.  అమెజాన్ భాగస్వామ్యంతో ఈ టీవీని షావోమీ రూపొందించింది. అమెజాన్‍ ద్వారా ఈ టీవీ అందుబాటులోకి  రానుంది. రెడ్‌మీ ఫైర్ టీవీ   ఫీచర్లు, అంచనాలు  రెడ్‍మీ ఫైర్ టీవీ బెజిల్‍లెస్ డిజైన్‍, క్వాడ్-కోర్ ప్రాసెసర్, మెటాలిక్ బాడీ డ్యుయల్ బ్యాండ్ వైఫై, బ్లూటూత్ 5.0 వెర్షన్ కనెక్టివిటీ  ఫోన్‌, ల్యాప్‌టాప్‌, టాబ్లెట్‌ టీవీ స్క్రీన్ కాస్టింగ్‌ కోసం  మిరాకాస్ట్,  యాపిల్ ఎయిర్ ప్లే , అలెక్సా వాయిస్ అసిస్టెంట్‌ ప్రధాన  ఫీచర్లుగా ఉండనున్నాయి. మరోవైపు  ప్రపంచవ్యాప్తంగాఫైర్ ఓఎస్‍తో గ్లోబల్‍గా ఇటీవల షావోమీ ఎఫ్‍2  సిరీస్లో కొన్ని  టీవీలను లాంచ్‌ చేసింది.  4K అల్ట్రా స్క్రీన్ రిజల్యూషన్, 43, 50, 55 అంగుళాల సైజుల్లో మెటల్ యూనీబాడీ డిజైన్‌తో వీటిని రూపొందించినట్టు తెలుస్తోంది.  ఇక ధర,  ఇతర స్పెషికేషన్లపై  లాంచింగ్‌ తరువాత మాత్రమే క్లారిటీ  రానుంది. Experience the excitement of curtain raiser performances from the comfort of your home. Stay Tuned!#FireUp pic.twitter.com/mcQv20qN09 — Xiaomi TV India (@XiaomiTVIndia) March 2, 2023  

సాక్షి,ముంబై:  ప్రీమియం స్మార్ట్‌ఫోన్ల సంస్థ వన్‌ప్లస్‌ మరో అద్బుతమైన స్మార్ట్‌ఫోన్‌ను లాంచ్‌ చేసింది. ప్రీమియం సెగ్మెంట్‌లో వన్‌ప్లస్ 11 5జీ, వన్‌ప్లస్ 11ఆర్ 5జీ మోడల్స్‌ని  తీసుకొచ్చింది. గేమింగ్‌ ప్రియుల కోసం  హైపర్‌బూస్ట్ గేమింగ్ ఇంజిన్, అడాప్టర్ ఫ్రేమ్ స్టెబిలైజర్ 4.0 ఫీచర్స్ వీటిలో పొందుపర్చింది. అలాగే 120Hz సూపర్ ఫ్లూయిడ్ డిస్‌ప్లే, పవర్‌‌ఫుల్ ప్రాసెసర్, సూపర్ ఫాస్ట్ ఛార్జింగ్ లాంటివి ఉన్నాయి. వీటితోపాటు  పాటు వన్‌ప్లస్ ప్యాడ్, వన్‌ప్లస్ బడ్స్ ప్రో 2ఆర్‌, క్యూ2  ప్రొ 65 టీవీని కూడా లాంచ్‌ చేసింది. వన్‌ప్లస్ 11ఆర్ 5జీ ధర 8జీబీ ర్యామ్, 128జీబీ స్టోరేజ్ వేరియంట్ ధర రూ.39,999 కాగా, 16జీబీ ర్యామ్, 256జీబీ స్టోరేజ్ రూ.61,999,  16జీబీ ర్యామ్ + 128 జీబీ స్టోరేజ్ వేరియంట్ ధర రూ.44,999. గెలాటిక్ సిల్వర్, సోనిక్ బ్లాక్ కలర్స్‌లోఈ స్మార్ట్‌ఫోన్లు లభ్యం.  ప్రీ ఆర్డర్‌కు ఇప్పటికే అందుబాటులో ఉండగా, ఫిబ్రవరి 28 న సేల్ ప్రారంభం. అమెజాన్‌, వన్‌ప్లస్ అధికారిక వెబ్‌సైట్‌లో  కొనుగోలు చేయవచ్చు. వన్‌ప్లస్ 11ఆర్ 5జీ స్పెసిఫికేషన్స్ 6.7 అంగుళాల సూపర్ ఫ్లూయిడ్ డిస్‌ప్లే   120Hz రిఫ్రెష్ రేట్‌, క్వాల్కమ్ స్నాప్‌డ్రాగన్ 8+ జెన్ 1 ప్రాసెసర్‌ ఆండ్రాయిడ్ 13 + ఆక్సిజన్ ఆపరేటింగ్ సిస్టమ్‌ 50+8+2 ఎంపీ టట్రిపుల్‌ రియర్‌ కెమెరా 16 ఎంపీ సెల్ఫీ కెమెరా 5000mAh బ్యాటరీ 100 వాట్ చార్జింగ్‌ సపోర్ట్‌ వన్‌ప్లస్‌ బ​డ్స్ ప్రో 2ఆర్‌  (హెడ్ ట్రాకింగ్ & వైర్‌లెస్ ఛార్జింగ్)  ధర రూ 11,999 వన్‌ప్లస్‌ టీవీ క్యూ2  ప్రొ 65 రూ. 99,999 ముందస్తు ఆర్డర్‌లు: మార్చి 6, విక్రయాలు: మార్చి 10

భారత్‌లో స్మార్ట్ టీవీ అమ్మకాలు జోరందుకుంది. ఓటీటీ పుణ్యమా అని ఈ విభాగం టీవీలను మాత్రం వినియోగదారులు ఎగబడి మరీ కొంటున్నారు.  దీంతో ఈ ఏడాడి ఏకంగా రెండంకెల వృద్ధి సాధించింది. కౌంటర్‌పాయింట్ రీసెర్చ్ నివేదిక ప్రకారం..ఈ సెప్టెంబర్ త్రైమాసికంలో స్మార్ట్ టీవీ అమ్మకాలు విపరీతంగా పెరిగాయి. గత సంవత్సరంతో పోలిస్తే 38% పెరిగినట్లు వెల్లడించింది. ఇంట్లో కూర్చుని పెద్ద స్క్రీన్‌లలో ఓటీటీ (OTT) యాప్‌ల ద్వారా ప్రసారం అవుతున్న కంటెంట్‌ను చూసేందుకు ప్రజలు మొగ్గు చూపుతున్నారు. OTT యాప్స్ స్మార్ట్ టీవీల్లో మాత్రమే అందుబాటులో ఉంటాయనే విషయం తెలిసిందే. దీంతో స్మార్ట్ టీవీలకు సేల్స్‌ పెరుగుతోంది. ఈ త్రైమాసికంలో రికార్డు స్థాయిలో మొత్తం టీవీ విభాగంలో 93 శాతం వాటా స్మార్ట్ టీవీలదే కావడం వీటి డిమాండ్ ఏ స్థాయిలో ఉందో తెలుస్తోంది. ఇంకా చాలా మంది CRT (కాథోడ్-రే ట్యూబ్) టీవీలను ఉపయోగిస్తున్నారు. వీటితో పోలిస్తే ప్రయోజనాల ఎక్కువగా స్మార్ట్ టీవీలో ఉండడంతో ఇటీవల ప్రజలు వాటికి అప్‌గ్రేడ్ అవుతున్నట్లు నివేదిక పేర్కొంది.  ప్రస్తుతం స్మార్ట్ టీవీలు బడ్జెట్ ధరలో వినియోగదారులకు అందుబాటులో ఉంటున్నాయి. దాదాపు రూ.20 వేల లోపు ఫీచర్లుతో కూడిని స్మార్ట్ టీవీలు మార్కెట్లోకి వస్తున్నాయి. ఎప్పుడూ ప్రీమియం రేంజ్‌లో ఉండే గూగుల్ టీవీ ఇప్పుడిప్పుడే రూ.25,000 లోపు ధర విభాగంలోకి ప్రవేశించిందని, వచ్చే ఏడాది ఇంకా అది రూ.20 వేల లోపు సెగ్మెంట్‌లోకి కూడా ప్రవేశించే అవకాశముందని అని కౌంటర్‌పాయింట్ సీనియర్ రీసెర్చ్ అనలిస్ట్ అన్షికా జైన్ వెల్లడించారు.  చదవండి  ‍కాల్చి చంపేస్తారేమో..కచ్చితంగా ప్రమాదం ఉంది: ఎలాన్‌ మస్క్‌

మీరు తక్కువ బడ్జెట్‌లో ఫీచర్లు ఉన్న స్మార్ట్‌ టీవీ కొనాలనుకుంటున్నారా.?  అయితే ఈ ఆఫర్‌ మీ కోసమే.  కేవలం 7వేల రూపాయలకు ఎల్‌ఈడీ స్మార్ట్‌టీవీని అందిస్తోంది ప్రముఖ ఈ కామర్స్‌ దిగ్గజం అమెజాన్‌.  టెక్నాలజీ పెరిగే కొద్దీ వస్తువులలో ఫీచర్లు పెరగడంతో పాటు వాటి ధరలు తగ్గుతున్నాయి. గతంలో ఎల్‌ఈడీ స్మార్ట్‌టీవీ 32 ఇంచెస్‌ కొనుగోలు చేయాలంటే కనీసం రూ. 25 వేలు పైనే ఉండేది. కానీ ప్రస్తుతం అందుబాటులో ఉన్న టెక్నాలజీతో అదే స్మార్ట్‌ టీవీ రూ. 10వేలు లోపే దొరుకుతోంది.  తాజాగా అమెజాన్‌  రూ. 7వేలకు అదిరిపోయే స్మార్ట్‌ టీవీ తన కస్టమర్లకు అందిస్తోంది.   అమెజాన్‌ అదిరిపోయే ఆఫర్‌ VW 80 cm (32 అంగుళాలు) HD Ready LED TV VW32A (బ్లాక్) (2021 మోడల్) టీవీపై బంపర్‌ ఆఫర్ అందుబాటులో ఉంది. ఈ టీవీ ధర చూస్తే బడ్జెట్‌లోనే దొరుకుతోంది. ఎలా అంటే కంపెనీ నిర్ణయించిన ఈ టీవీ అసలు ధర రూ.12,999 ఉండగా, అమెజాన్ వెబ్‌సైట్‌లో 48% డిస్కౌంట్‌ను లభ్యమవుతోంది. ఈ ఆఫర్ ప్రకారం.. కస్టమర్లు తక్కువ ధరకే స్మార్ట్ టీవీని సొంతం చేసుకోవచ్చు. ఇందులో 60 hz రిఫ్రెష్ రేట్, 20 వాట్ల సౌండ్ అవుట్‌పుట్ ఉంది. దీనిపై ఒక సంవత్సరం వారంటీని కూడా పొందుతారు. ఇతర ప్రాడెక్టలతో అనుసంధానం కోసం కనెక్టివిటీ పోర్ట్‌లు కూడా అందుబాటులో ఉన్నాయి. ఇందులో HDMI అలాగే USB, AV పోర్ట్‌లు ఉన్నాయి.  చదవండి: ఎలాన్‌ మస్క్‌కు అమెజాన్‌ బంపరాఫర్‌!

సాక్షి,ముంబై:  టెక్‌ దిగ్గజం యాపిల్‌  న్యూ జనరేషన్‌ యాపిల్‌  4కే టీవీని లాంచ్‌ చేసింది. ఈ టీవీ ప్రారంభ ధర రూ 14,900గా ఉంచింది. దీంతోపాటు 5జీ సరికొత్త ఐప్యాడ్, ఐప్యాడ్‌ప్రో (ఎం2చిప్‌సెట్‌) విడుదల చేసింది. ముఖ్యంగా ఫుల్ స్క్రీన్ డిస్ ప్లేతో అదిరిపోయే లుక్‌లో ఈ ప్యాడ్‌ను తీసుకొచ్చింది.  యాపిల్‌  4కే టీవీ  డాల్బీ విజన్‌తో పాటు HDR 10+కి మద్దతుతో సిరి రిమోట్‌, USB Type-C పోర్ట్‌ను ఇందులో జోడించింది. రెండు కాన్ఫిగరేషన్‌లలో లాంచ్‌ చేసింది. వేగవంతమైన నెట్‌వర్కింగ్ , స్ట్రీమింగ్ కోసం వైఫై ఈథర్‌నెట్‌ సపోర్ట్‌తో 64 జీబీ స్టోరేజ్‌. రెండోది యాప్‌లు, గేమింగ్‌ కోసం 128 జీబీ స్టోరేజ్‌తో తీసుకొచ్చింది. దీని ప్రారంభ ధర 16,900. ఇంట్లోనే అతిపెద్ద స్క్రీన్‌పై తమకు ఇష్టమైన వినోదాన్ని ఆస్వాదించే లక్క్ష్యంతో  గతంలో కంటే మరింత శక్తివంతంగా దీన్ని లాంచ్‌ చేసినట్టు వైస్ ప్రెసిడెంట్ బాబ్ బోర్చర్స్ అన్నారు. ఈటీవీలు ఆపిల్ ఇండియా వెబ్‌సైట్‌లో ప్రీ-ఆర్డర్‌కు  అందుబాటులో ఉండగా, షిప్పింగ్ నవంబర్ 4 నుండి ప్రారంభం. ఫుల్ స్క్రీన్ డిస్ ప్లేతో ఐప్యాడ్ ఫుల్‌ ఆల్ స్క్రీన్ తో  సిల్వర్, బ్లూ, ఎల్లో, పింక్ నాలుగు కొత్త రంగుల్లో కొత్త  10వ తరం ఐప్యాడ్ అందుబాటులో ఉండనుంది. మొత్తం నాలుగు వేరియంట్లలో అందుబాటులో ఉంది. ఐప్యాడ్ 2022 వైఫై 64 జీబీ మోడల్ ధర రూ. 44,900 గాను, వైఫై 256 జీబీ వేరియంట్ ధర రూ. 59,900గా ఉంది. అలాగే వైఫై + సెల్యులార్ 64 జీబీ మోడల్ ధర రూ. 59,900 గాను, వైఫై + సెల్యులార్ 256 జీబీ ధర రూ. 74,900 గా ఉంది.  ఐప్యాడ్ స్పెసిఫికేషన్స్  10.9 ఇంచ్ లిక్విడ్ రెటీనా డిస్ ప్లే ఏ14 బయోనిక్ చిప్ సెట్ ఐప్యాడ్ ఓఎస్ 16 ఆపరేటింగ్ సిస్టమ్ 12 మెగాపిక్సెల్ సెల్ఫీ కెమెరా 12 మెగాపిక్సెల్ వైడ్ యాంగిల్ రియర్‌  కెమెరా 4కే వీడియో సపోర్ట్ ఈ ఐప్యాడ్ కి సంబందించిన ప్రీ ఆర్డర్లు ఇప్పటికే ప్రారంభమయ్యాయి.  యాపిల్‌ వెబ్‌సైట్  ప్రీబుకింగ్‌ చేసుకోవచ్చు. అక్టోబర్ 26నుంచి డెలివరీ  ప్రారంభమవుతుంది.

ఇటీవల ఎలక్ట్రిక్‌ బైకులు, స్మార్ట్‌ఫోన్లు పేలిన ఘటనలను చూస్తూనే ఉన్నాం. కొన్ని సందర్భాల్లో ఈ ప్రమాదాల కారణంగా కొం‍దరు తీవ్రంగా గాయపడగా, ఇంకొందరి ప్రాణాలు కూడా పోయాయి. తాజాగా గజియాబాద్‌లో టీవీ పేలి ఓ టీనేజర్‌ మృతి చెందిన ఘటన వెలుగులోకి వచ్చింది. దీంతో ఎలక్ట్రిక్‌ పరికరాల వాడడంపై కాకుండా సురక్షితం ఎలా వాడాలో తెలుసుకోవాలని నిపుణులు చెబుతున్నారు. సాధారణంగా టీవీలు పేలడం అరుదుగా జరిగే ఘటనలే అయినప్పటికీ ప్రమాద తీవ్రత భారీ స్థాయిలో ఉంటుందని గజియాబాద్‌ సంఘటన చెప్తోంది.  ఈ నేపథ్యంలో వీటి పేలుడుకి ప్రధాన కారణాలను పరిశీలిస్తే.. గజియాబాద్‌ ఘటనలో టీవి పేలుడు ధాటికి దెబ్బతిన్న ఇంటి గోడ ఎల్‌ఈడీ టీవీలు పేలడానికి గల కారణాలు ఇవే! ఎల్ఈడీ టీవీలు పేలడానికి రకరకాల కారణాలున్నాయి. టీవీలో ఉండే కెపాసిటర్లు వల్ల పేలుడు సంభవించే అవకాశం ఉంది. ఎందుకంటే కెపాసిటర్ అంటే విద్యుత్ శక్తిని నిల్వ చేసుకుని.. బ్యాటరీలా పని చేస్తుంది. టీవీ ఆపరేట్ చేయడానికి, అవసరమైన సమయంలో స్టాండ్‌బై మోడ్‌లో ఉండటానికి అవసరమైన కొద్దిపాటి శక్తిని నిల్వ చేస్తుంది. అయితే క్వాలిటీ కెపాసిటర్ వాడడం వల్ల, లేదా టీవీలోని కెపాసిటర్‌లు పాతవి కావడం వల్లే పేలుళ్లు సంభవిస్తాయి. అయితే గజియాబాద్‌ పేలుడు ఇంత తీవ్రస్థాయిలో ఉండడానికి గది వాతావరణం కూడా కారణమై ఉండవచ్చని అధికారులు అంచనా వేస్తున్నారు. ఓవర్‌ హీటింగ్‌ ఎలక్ట్రికల్ డివైజ్‌లు చాలా వరకు అధిక ఉష్ణోగ్రతల కారణంగా మంటలు లేదా పేలుడుకు గురవుతాయి. టీవీలను ఎక్కువసేపు ఉపయోగించినప్పుడు లేదా చాలా పరికరాలను టీవీలకు కనెక్ట్ చేసి వాడుతున్న సమయంలో అవి సులభంగా వేడెక్కుతుంది. ఈ క్రమంలో వేడెక్కిన పరికారాలు వాటి పరిమితి దాటిన వెంటనే పేలుడికి దారితీస్తాయి.  అకస్మాత్తుగా వోల్టేజ్‌లో మార్పు.. భారత్‌ వంటి దేశాలలో టీవీ పేలుడు సంభవించడానికి ప్రధాన కారణాలలో ఒకటి విద్యుత్ లేదా వోల్టేజ్‌లో ఆకస్మిక పెరుగుదల కూడా ఒకటి. దీనినే మరో రకంగా పవర్‌ సర్జ్‌ అని కూడా అంటాం. తప్పుడు వైరింగ్ ఉన్న ప్రాంతాల్లో ఇది జరిగే అవకాశం ఉంది. అయితే ఈ ఆకస్మిక విద్యుత్ పెరుగుదల నుంచి డివైజ్‌ డ్యామేజ్‌ కాకుండా సురక్షితంగా ఉంచేందుకు కంపెనీలు టీవీలో అనేక పరికారలను ఏర్పాటు చేస్తాయి. తద్వారా ఆది ఆకస్మిక వోల్టేజ్ పెరుగుదలను తట్టుకోగలదు, అయినప్పటికీ, అవి కూడా కొన్నిసార్లు విఫలమయ్యే అవకాశాలు ఉన్నట్లు నిపుణులు చెప్తున్నారు. అందుకే ఉరుములు ,మెరుపులతో కూడిన వర్షాల సమయంలో టీవీలను ఆఫ్‌ చేయమని చెబుతుంటారు. చదవండి: బ్యాంక్‌ కస్టమర్లకు వార్నింగ్‌.. ఆ యాప్‌లు ఉంటే మీ ఖాతా ఖాళీ,డిలీట్‌ చేసేయండి!

హైదరాబాద్, బిజినెస్‌ బ్యూరో: వేగవంతమైన ఇంటర్నెట్, వినోదానికి కావాల్సినంత కంటెంట్, భారీగా తగ్గిన ధరలు, వీక్షణం విషయంలో మారుతున్న ధోరణులు, పైగా కస్టమర్ల ఆదాయాల్లో వృద్ధి.. ఇంకేముంది పెద్ద సైజు టీవీల వైపు మార్కెట్‌ క్రమంగా మళ్లుతోంది. 40, ఆపైన అంగుళాల సైజున్న టీవీల విపణి అయిదేళ్లలో మూడు రెట్లు పెరిగింది. ప్రస్తుతం వీటి వాటా 40 శాతం ఉంది. 2027 నాటికి ఇది 50 శాతానికి చేరుతుందని రేటింగ్స్‌ ఏజెన్సీ క్రిసిల్‌ రిసర్చ్‌ వెల్లడించింది. బ్రాడ్‌బ్యాండ్‌ కనెక్షన్ల సంఖ్య అధికం అవడం కూడా పరిశ్రమకు కలిసి వచ్చే అంశం. గతంలో కొన్ని కంపెనీలు మాత్రమే ఈ విభాగంలో మోడళ్లను విక్రయించాయి. కొన్ని సంస్థలు భారత్‌లో రీ–ఎంట్రీ ఇచ్చాయి. భారీగా తగ్గిన ధరలు.. పెద్ద సైజు టీవీల ధరలు ఎవరూ ఊహించనంతగా గడిచిన అయిదేళ్లలో భారీగా తగ్గాయి. 2017లో 55 అంగుళాల టీవీ ధర సుమారు రూ.1,00,000 ఉండేది. ఇప్పుడు రూ.30 వేల లోపు నుంచే లభిస్తున్నాయి. పాత బ్రాండ్లకుతోడు కొత్త బ్రాండ్ల రాకతో పోటీ తీవ్రమైంది. ధర, ఫీచర్లతో ఇవి తమ వాటాను క్రమంగా పెంచుకుంటున్నాయి. శామ్‌సంగ్, ఎల్‌జీ, సోనీ, ప్యానాసోనిక్‌తోపాటు షావొమీ, వ్యూ టెక్నాలజీస్, క్రోమా, వన్‌ ప్లస్, థామ్సన్, తోషిబా, కొడాక్, థామ్సన్, ఏసర్, టీసీఎల్, లాయిడ్, సాన్‌సూయి, అమెజాన్‌ బేసిక్స్, హ్యుండై, హైసెన్స్, కాంప్యాక్, అకాయ్, ఒనిడా వంటి బ్రాండ్లు తమ అదృష్టాన్ని పరీక్షించుకుంటున్నాయి. రెండింతలైన బ్రాండ్స్‌..  గత 5–7 ఏళ్లలో 40, ఆపైన అంగుళాల టీవీల విభాగంలో బ్రాండ్ల సంఖ్య రెండింతలైంది. ప్రస్తుతం 70 దాకా బ్రాండ్లు మార్కెట్లో ఉన్నాయని క్రిసిల్‌ రిసర్చ్‌ డైరెక్టర్‌ పూషన్‌ శర్మ తెలిపారు. ‘43 అంగుళాల సైజులో అధిక ఉత్పత్తి సామర్థ్యం ఉంది. పశ్చిమ దేశాలు 2018 సంవత్సరానికి ముందే పెద్ద సైజుకు మళ్లాయి. తలసరి ఆదాయం 2018లో 10.9 శాతం, 2019లో 9.3 శాతం అధికం అయింది. తలసరి ఆదాయం పెరగడం వల్ల ఆర్థిక స్థోమత కూడా మెరుగుపడింది. మరోవైపు టీవీల ధరలు తగ్గాయి. ఈ ట్రెండ్‌ దీర్ఘకాలికంగా కొనసాగుతుందని అంచనా. ఇంటర్నెట్‌ వ్యాప్తి జోరు మీద ఉంది. ఇది ఓటీటీ వినోద వినియోగం పెరుగుదలకు దారి తీస్తోంది. వీక్షకులు పెద్ద టీవీ స్క్రీన్లలో ఓటీటీని ఎంజాయ్‌ చేయడానికి ఇష్టపడుతున్నారు’ అని వివరించారు. చదవండి: భారత్‌ ఆ ట్రెండ్‌ని మార్చింది.. ఆగస్ట్‌లో రూ. 8,000 కోట్ల పెట్టుబడులు!

కొంత కాలంగా బడ్జెట్ టీవీల మార్కెట్లో దూసుకుపోయిన స్మార్ట్‌ఫోన్ బ్రాండ్ ఇన్ఫినిక్స్ తాజాగా ప్రీమియం ఆండ్రాయిడ్ టీవీ విభాగంలోకి ప్రవేశించింది. టెలివిజన్‌ మార్కెట్లో తమ మార్కెట్‌ని అన్ని విభాగంలో విస్తరిస్తూ, ఇన్ఫినిక్స్ 50 ఇంచెస్‌,  55 ఇంచెస్‌ జీరో సిరీస్‌ను లాంచ్‌ చేసింది. ప్రత్యేకంగా ఇన్ఫినిక్స్ జీరో (Infinix Zero 55 Inch QLED 4K) స్మార్ట్ టీవీని అదిరిపోయే ఫీచర్లతో కస్టమర్ల ముందుకు తీసుకువచ్చింది. ఇందులో డాల్బీ విజన్, డాల్బీ అట్మోస్, హెచ్‌డీఆర్ 10+ సపోర్ట్‌తో వంటి ఫీచర్లు ఉన్నాయి. అంతేకాకుండా  ఈ స్మార్ట్ టీవీలో అద్భుతమైన క్వాంటమ్ డాట్ టెక్నాలజీని అమర్చారు. జీరో సిరీస్‌లోని  ZERO 55-inch QLED 4K TV రూ. 34,990 గా ఉంది. ప్రస్తుతం ఉన్న X3 సిరీస్ క్రింద ప్రారంభించిన ఇతర ఇన్ఫినిక్స్‌ 50 ఇంచెస్‌ 4K TV ధర కేవలం రూ. 24,990.  ఈ రెండు ఆండ్రాయిడ్ టీవీలు సెప్టెంబర్ 24 నుంచి సేల్స్‌ చేయనున్నట్లు కంపెనీ ప్రకటించింది. మైండ్‌బ్లోయింగ్‌ ఫీచర్లు ఇవే.. మీకు ఇష్టమైన టీవీ షోలు, స్పోర్ట్స్ మ్యాచ్‌లు, సినిమాల ఫ్రేమ్ రేట్‌ను పెంచేందుకు డాల్బీ విజన్, హెచ్‌డీఆర్‌( HDR 10+) సపోర్ట్ , బెజెల్ లెస్ డిజైన్‌ దీని ప్రత్యేక ఆకర్షణగా నిలవనుంది. పిక్చర్ క్వాలిటీ మెరుగ్గా ఉండేలా క్వాంటమ్ డాట్ డిస్‌ప్లేను ఇస్తున్నట్టు ఇన్ఫినిక్స్‌ పేర్కొంది. మీడియా టెక్‌ క్వాడ్‌కోర్ మీడియాటెక్ సీఏ55 ప్రాసెసర్‌పై ఈ స్మార్ట్ టీవీ రన్ అవుతుంది. 2జీబీ ర్యామ్, 16జీబీ ఇంటర్నల్ స్టోరేజ్‌ ఉంది. పీక్ ‌బ్రైట్‌నెస్ 400 నిట్స్ వరకు ఉంటుంది.  ఆండ్రాయిడ్‌ 11 టీవీ ఆపరేటింగ్ సిస్టమ్‌తో వస్తోంది.  వైర్‌లెస్‌ కనెక్టివిటీ కోసం డ్యుయల్ బ్యాండ్ వైఫై, బ్లూటూత్ ఫీచర్లు ఉన్నాయి. ఈ QLED స్మార్ట్ టీవీకి మూడు HDMI పోర్ట్‌లు, రెండు USB పోర్ట్‌లు, హెడ్‌ఫోన్ పోర్ట్, డ్యూయల్ బ్యాండ్ వైఫై పోర్ట్‌లు ఉన్నాయి. ఇందులో డాల్బీ డిజిటల్ ఆడియోతో కూడిన రెండు పవర్‌పుల్‌ ఇన్నర్‌ బిల్ట్‌ 36వాట్స్‌ బాక్స్ స్పీకర్‌లు, 8K నుండి 20K Hz వరకు సౌండ్‌ క్వాలిటీని పెంచే 2 ట్వీటర్‌లు ఉన్నాయి.  ఈ ప్రీమియం టీవీ సిరీస్ గురించి మాట్లాడుతూ, ఇన్ఫినిక్స్ ఇండియా సీఈఓ అనీష్ కపూర్, మాట్లాడుతూ.. మా ఫ్లాగ్‌షిప్ క్వాంటం డాట్ టెక్నాలజీతో తయారుచేసిన సరికొత్త 55 ఇంచెస్‌ QLED 4K TV భవిష్యత్తులో గేమ్-ఛేంజర్‌ గా మారుతుందన్నారు. చదవండి: బీఎస్‌ఎన్‌ఎల్‌ చవకైన ప్లాన్‌.. రూ.275 ప్లాన్‌తో 3300జీబీ.. ఆఫర్‌ లాస్ట్‌ డేట్‌ ఇదే!

దేశంలో పండుగల సీజన్‌ మొదలైంది. దీంతో వినియోగదారుల సెంటిమెంట్‌ను క్యాష్‌ చేసుకునేందుకు దిగ్గజ సంస్థలు పోటీ పడుతుంటాయి. ముఖ్యంగా ఈ సీజన్‌లో హెవీ మార్కెట్‌ కాంపిటీషన్‌ను తట్టుకొని నిలబడేందుకు ఎలక్ట్రానిక్‌ కంపెనీలు ప్రొడక్ట్‌లపై భారీ ఆఫర్లు ప్రకటిస్తుంటాయి. ఈ నేపథ్యంలో 17శాతం షేర్‌తో ఇండియన్‌ స్మార్ట్‌ ఫోన్‌ మార్కెట్‌ను శాసిస్తున్న ఒప్పో అదిరిపోయే టీవీ మార్కెట్‌లో విడుదల చేసింది. తక్కువ ధరకే బిగ్‌ స్క్రీన్‌ టీవీ కొనాలనుకునేవారికి 'ఒప్పో' 50 ఇంచెస్ స్మార్ట్ టీవీ బాగా ఉపయోగపడుతుందని మార్కెట్‌ నిపుణులు చెబుతున్నారు. ఇక ఆ టీవీలో ఉన్న ఫీచర్స్‌, వాటి పనితీరు ఎలా ఉందో చూద్దాం.   ధర తక్కువ, ఫీచర్లు ఎక్కువ ఒప్పో గతంలో 65 అంగుళాల స్మార్ట్ టీవీని విడుదల చేసిన సంగతి తెలిసిందే. ఈ సారి తాజాగా 50 ఇంచెస్ స్మార్ట్ టీవీని కొనుగోలు దారులకు పరిచయం చేసింది. OPPO K9x పేరుతో ఉన్న ఈ స్మార్ట్ టీవీని చైనాలో విడుదల చేసింది. దీని ధర 1399 యువాన్ (భారత కరెన్సీ ప్రకారం సుమారు రూ.16,500)గా ఉంది. లాంచ్ ఆఫర్ కింద 1299 యువాన్లకు (భారత కరెన్సీలో సుమారు రూ. 15,350) అందుబాటులోకి ఉంచింది. త్వరలో భారత్‌ మార్కెట్‌లో అందుబాటులోకి రానుంది. దేశీయ మార్కెట్‌లో దాని ధర ఎంత ఉంటుందనేది ఆ సంస్థ వెల్లడించాల్సి ఉంది. ప్రస్తుతం ఈ టీవిని కొనాలంటే తమ అధికారిక వెబ్‌ సైట్‌ను విజిట్‌ చేయాల్సి ఉంటుందని  ఒప్పో ప్రతినిధులు వెల్లడించారు.    అదిరే ఫీచర్లు ► కొత్త ఒప్పో K9x 50 ఇంచెస్‌ స్మార్ట్ టీవీ మనల్ని ఆకట్టుకునే ఫీచర్లతో వస్తుంది. ►కంపెనీ సొంతంగా అభివృద్ధి చేసిన AI PQ అల్గారిథమ్‌  ►ఈ స్మార్ట్ టీవీ గరిష్ట బ్రైట్ నెస్ 280 నిట్‌లు ►ఇందులో 2GB RAM, 16GB ROM ►క్వాడ్-కోర్ MediaTek చిప్‌సెట్, 20W పవర్ రేటింగ్‌తో రెండు ఇంటిగ్రేటెడ్ స్పీకర్‌లు ► మూడు HDMI పోర్ట్‌లు, ఒక ఈథర్నెట్ పోర్ట్  ►​​​​​​​వైర్‌లెస్ కనెక్షన్ కోసం డ్యూయల్-బ్యాండ్ Wi-Fiకి మద్దతు  ►​​​​​​​ ఎల్‌ఈడీ-బ్యాక్‌లిట్ ప్యానెల్‌తో 50 అంగుళాల స్క్రీన్‌, పూర్తి 4K రిజల్యూషన్‌తో అదిరిపోయే లుక్‌. కళ్ళపై ఒత్తిడిని తగ్గించడానికి 10.7 బిలియన్ రంగులుతో పాటు బ్లూ-లైట్ తగ్గించే టెక్నాలజీ, ఫ్లాగ్‌షిప్ స్మార్ట్ టీవీ తరహాలో బాల్‌పార్క్‌లో డిస్‌ప్లే-స్థాయి రంగు ఖచ్చితత్వాన్ని కలిగి ఉంది. ఇది ఇమేజ్ నాణ్యతను ఫ్రేమ్-బై-ఫ్రేమ్ మెరుగుపరచడానికి ఉపయోగపడుతుంది. చదవండి: Mahendra Singh Dhoni: కొత్త అవతారమెత్తిన ధోని.. షాక్‌లో నెటిజన్స్‌!

న్యూఢిల్లీ: 10 వేల రూపాయల లోపు స్మార్ట్‌ టీవీకోసంఘ ఎదురుచూస్తున్న వారికి చక్కని అవకాశం. ఇన్ఫినిక్స్‌   ఇండియా (ట్రాన్సియాన్‌ గ్రూపు) తక్కువ ధరలో ‘వై1 స్మార్ట్‌ టీవీ’ ఇటీవల లాంచ్‌ చేసింది. దాదాపు 9 వేల రూపాయలకే  32 అంగుళాల ఈ టీవీని పొందవచ్చు.  ప్రస్తుతం ఫ్లిప్‌కార్ట్‌లో  విక్రయాలకు అందుబాటులో  ఉంది.   ఈ టీవీ ధర, ఫీచర్లను ఒకసారి చూద్దాం. 32 అంగుళాల ‘వై1 స్మార్ట్‌ టీవీ’ని ధర రూ.8,999కు అందిస్తోంది ఇన్ఫినిక్స్‌. ఈ టీవీలో ప్రైమ్‌ వీడియో, యూట్యూబ్, సోనీలివ్, జీ5, ఎరోస్‌నౌ, ఆజ్‌తక్‌ తదితర ఓటీటీ యాప్‌లు ముందుగానే ఇన్‌స్టాల్‌ చేసి ఉంటాయని సంస్థ తెలిపింది. SBI బ్యాంక్ క్రెడిట్ కార్డ్ హోల్డర్లు 10 శాతం తగ్గింపును పొందవచ్చు, అంటే రూ.900. తగ్గింపు లభిస్తుంది.  దీంతో కేవలం 8,099 రూపాయలకే  వై1 స్మార్ట్‌టీవీని  సొంతం చేసుకోవచ్చు. డాల్బీ ఆడియో సౌండ్‌ సిస్టమ్‌తో, 20 వాట్‌ అవుట్‌పుట్‌ స్పీకర్లతో ఇది వస్తుంది. అలాగే, 512 ఎంబీ క్వాడ్‌కోర్‌ ప్రాసెసర్, 4జీబీ స్టోరేజీతో, మూడు హెచ్‌డీఎంఐ, రెండు యూఎస్‌బీ పోర్ట్‌లు, ఒక ఆప్టికల్, ఒకటి లాన్, ఒకటి మిరాకాస్ట్, వైఫై, క్రోమ్‌కాస్ట్‌తో ఉంటుందని ఇన్ఫినిక్స్‌. తెలిపింది. దేశీ మార్కెట్లో అతి చౌక స్మార్ట్‌ టీవీగా దీన్ని పేర్కొంది.

హైదరాబాద్‌, బిజినెస్‌ బ్యూరో: కంజ్యూమర్‌ ఎల్రక్టానిక్స్‌ తయారీలో ఉన్న జపాన్‌ కంపెనీ ఐవా తాజాగా భారత మార్కెట్లో మ్యాగ్నిఫిక్‌ పేరుతో స్మార్ట్‌ టీవీలను ప్రవేశపెట్టింది. ఫుల్‌ హెచ్‌డీ, అల్ట్రా హెచ్‌డీ, 4కే యూహెచ్‌డీ టీవీలను 32–65 అంగుళాల సైజులో రూ.29,990 నుంచి రూ.1,39,990 ధరల శ్రేణిలో అందుబాటులోకి తెచ్చింది.  బిల్ట్‌ ఇన్‌ గూగుల్‌ అసిస్ట్, ఆరి్టఫీషియల్‌ ఇంటెలిజెన్స్‌ కోర్‌–4 ప్రాసెసర్, ఆన్‌డ్రాయిడ్‌ 11 ఆపరేటింగ్‌ సిస్టమ్‌తో రూపుదిద్దుకున్నాయి. ఇన్‌బిల్ట్‌ సౌండ్‌ బార్‌ 55, 65 అంగుళాల టీవీల ప్రత్యేకత. దేశవ్యాప్తంగా 300 రిటైలర్స్‌ ద్వారా టీవీలను విక్రయించనున్నట్టు ఐవా ఇండియా ఎండీ అజయ్‌ మెహతా వెల్లడించారు.‘ఏడాదిలో రిటైలర్ల సంఖ్యను 3,500లకు చేరుస్తాం. వ్యాపార విస్తరణకు రెండేళ్లలో రూ.160 కోట్లు ఖర్చు చేస్తాం. భారత్‌లో టీవీల తయారీకై డిక్సన్‌ టెక్నాలజీస్‌తో భాగస్వామ్యం కుదుర్చుకున్నాం. ప్రస్తుత ఆర్థిక సంవత్సరంలో టీవీలు, ఆడియో ఉత్పత్తుల అమ్మకాల ద్వారా రూ.400 కోట్ల టర్నోవర్‌ ఆశిస్తున్నాం. 4–5 ఏళ్లలో రూ.8,000 కోట్ల టర్నోవర్‌ లక్ష్యంగా చేసుకున్నాం. ఇందుకు వాషింగ్‌ మెషీన్లు, రిఫ్రిజిరేటర్ల వంటి ఉత్పత్తులను ప్రవేశపెడతాం’ అని వివరించారు. 1951లో ఐవా ప్రారంభమైంది. ఈ సంస్థ భారత్‌లో 2021 ఏప్రిల్‌లో రీ–ఎంట్రీ ఇచ్చింది. 

సాక్షి, ముంబై: శాంసంగ్‌ కొత్త టీవీలను భారతీయ మార్కెట్లో లాంచ్‌ చేసింది. 43 అంగుళాల  4కే  డిస్‌ప్లే, బెజిల్‌లెస్ డిజైన్‌తో  శాంసంగ్‌ శాంసంగ్‌ క్రిస్టల్ 4కే నియో టీవీ పేరుతో కొత్త స్మార్ట్‌ టీవీలను విడుదల చేసింది. హెచ్‌డీఆర్ 10+ సపోర్ట్ బెజిల్‌లెస్ డిజైన్‌తో  ప్రీమియమ్‌ లుక్‌తో ఈ స్మార్ట్‌ టీవీ కస్టమర్లను ఆకట్టుకుంటోంది.   గేమింగ్ కోసం ఆటో గేమ్ మోడ్ వంటి హై-ఎండ్ ఫీచర్‌ కూడా ఇందులో పొందుపర్చింది. ఆడియో కోసం డాల్బీ డిజిటల్‌ ప్లస్‌ సపోర్ట్‌తో 20వాట్ల స్పీకర్‌ను, అలాగే స్మార్ట్ అడాప్టివ్ సౌండ్ ఫీచర్‌ను కూడా ఉంచింది, గూగుల్ అసిస్టెంట్, అలెక్సా, బిక్స్‌బీలకు ఈ క్రిస్టల్ 4కే నియో టీవీ సపోర్ట్ చేస్తుంది. దీంతో చానెల్స్ మార్చడం, కంటెంట్ వెతకడం, వాల్యుమ్, ప్లే బ్యాక్‌ను వాయిస్‌తోనే కంట్రోల్ చేయవచ్చు. ప్రైస్‌ అండ్‌ సేల్‌ ప్రారంభ ఆఫర్‌లో 43 అంగుళాల క్రిస్టల్ 4కే నియో టీవీ ధర రూ.35,990 వద్ద  అమెజాన్‌, ఫ్లిప్‌కార్ట్‌, శాంసంగ్‌ వెబ్‌సైట్‌లో అందుబాటులో ఉంది. అమెజాన్‌ ద్వారా కొనుగోలు చేస్తే సంవత్సరం పాటు అమెజాన్ ప్రైమ్ సబ్‌స్క్రిప్షన్ ఉచితం. ఫ్లిప్‌కార్ట్‌లో కొనుగోలు చేస్తే డిస్నీ+ హాట్‌స్టార్ సబ్‌స్క్రిప్షన్ ఏడాది పాటు లభిస్తుంది. నో కాస్ట్ ఈఎంఐ సదుపాయం కూడా  లభ్యం. శాంసంగ్‌ క్రిస్టల్ 4కే  నియో టీవీ ఫీచర్లు 3,840x2160 పిక్సెల్స్ రెజల్యూషన్ 43  అంగుళాల 4కే అల్ట్రా హెచ్‌డీ స్క్రీన్‌  1.5 ర్యామ్, 16జీబీ ఇంటర్నల్ స్టోరేజ్  టైజన్ ఆపరేటింగ్ సిస్టమ్‌పై రన్ డిస్‌ప్లే HDR10+ కంటెంట్‌ సపోర్ట్  ప్లే బ్యాక్‌ను వాయిస్‌ కంట్రోల్   

న్యూఢిల్లీ: కన్జూమర్‌ ఎలక్ట్రానిక్‌ దిగ్గజం శామ్‌సంగ్‌ ఇండియా ఈ ఏడాది లెడ్‌ టీవీ విభాగంలో 25 శాతం వృద్ధిని ఆశిస్తోంది. తద్వారా మొత్తం టీవీ మార్కెట్‌లో 36 శాతం వాటాను సొంతం చేసుకోవాలని లక్షిస్తోంది. ఇందుకు తగిన వ్యూహాలతో కొత్త టెక్నాలజీలు, ప్రొడక్టులను విడుదల చేయాలని ప్రణాళికలు వేసింది. మరోవైపు ప్రీమియం టీవీ అమ్మకాలను సైతం భారీగా పెంచుకోవాలని చూస్తోంది. వెరసి ఈ విభాగంలో మార్కెట్‌ వాటాను గతేడాది సాధించిన 50 శాతం నుంచి 60 శాతానికి చేర్చుకోగలమని అంచనా వేస్తోంది.   అల్ట్రా ప్రీమియంలో..  మార్కెట్‌ వాటాను పెంచుకునే బాటలో తాజాగా అల్ట్రా ప్రీమియం బ్రాండ్ల విభాగంలో శామ్‌సంగ్‌ ఇండియా 2022 నియో క్యూలెడ్‌ 8కే, నియో క్యూలెడ్‌ టీవీలను దేశీయంగా ప్రవేశపెట్టింది. వీటి ప్రారంభ ధరలు రూ. 3.24 లక్షలు, రూ. 1.14 లక్షలుగా తెలియజేసింది. గతేడాది మొత్తం టీవీ పరిశ్రమలో 31.7 శాతం మార్కెట్‌ వాటాను చేజిక్కించుకోగా.. తాజా మోడళ్ల విడుదల ద్వారా విలువరీత్యా 36 శాతానికి పెంచుకోవాలని చూస్తున్నట్లు శామ్‌సంగ్‌ ఇండియా కన్జూమర్‌ ఎలక్ట్రానిక్‌ బిజినెస్‌ అమ్మకాలు, మార్కెటింగ్, నిర్వహణ హెడ్‌ మోహన్‌ దీప్‌ సింగ్‌ తెలియజేశారు. పరిశ్రమ విశ్లేషకుల అంచనాల ప్రకారం దేశీ టీవీ మార్కెట్‌ 2022కల్లా 4.6 బిలియన్‌ డాలర్ల(దాదాపు రూ. 35,000 కోట్లు)కు చేరవచ్చు.    చదవండి: నిరుత్సాహకర ఫలితాలు..ఏసీసీ లాభం 30 శాతం డౌన్‌ 

హైదరాబాద్, బిజినెస్‌ బ్యూరో: స్మార్ట్‌ టీవీల విభాగంలో 2020తో పోలిస్తే 2021లో 350 శాతం వృద్ధి సాధించినట్టు టెక్నాలజీ కంపెనీ వన్‌ప్లస్‌ ప్రకటించింది. ‘2019లో భారత్‌లో టీవీలను పరిచయం చేశాం. 2021 నాల్గవ త్రైమాసికంలో అతిపెద్ద స్మార్ట్‌ టీవీ బ్రాండ్లలో టాప్‌–5లో చోటు సంపాదించాం’ అని కంపెనీ ప్రకటించింది. తాజాగా భారత్‌లో 43 వై1ఎస్‌ ప్రో టీవీని వన్‌ప్లస్‌ ప్రవేశపెట్టింది. ఆధునీకరించిన 4కే యూహెచ్‌డీ డిస్‌ప్లేతో 43 అంగుళాల తెర, చిత్రం స్పష్టత కోసం ఎంఈఎంసీ సాంకేతికత, వేగవంతమైన గేమింగ్‌ అనుభూతికి ఆటో లో లేటెన్సీ మోడ్, వన్‌ప్లస్‌ స్మార్ట్‌ఫోన్, బడ్స్, వాచ్‌ కనెక్టివిటీ, డాల్బీ ఆడియో వంటి హంగులు ఉన్నాయి. వైఫై, డేటా కనెక్షన్‌ లేనప్పటికీ వన్‌ప్లస్‌ కనెక్ట్‌ 2.0 ద్వారా స్మార్ట్‌ఫోన్‌తో టీవీని ఆపరేట్‌ చేయవచ్చు. ధర రూ.29,999 ఉంది.

చైనాలో కరోనా వైరస్‌ మరోసారి పంజా విసురుతోంది. కరోనా వైరస్ దెబ్బకి చైనాలో మళ్లీ పలు ప్రాంతాల్లో లాక్ డౌన్ అమలులో ఉంది. చైనా టెక్ హబ్ షెన్‌జెన్‌లో కూడా కోవిడ్ కేసులు వీపరితంగా పెరిగిపోయాయి. ఇప్పుడిదే సామాన్యుల పాలిట భారంగా మారనుంది. చైనా టెక్‌ హబ్‌ షెన్‌జెన్‌లో లాక్‌డౌన్‌తో విధిస్తే స్మార్ట్‌ఫోన్స్, స్మార్ట్‌ టీవీలు, ల్యాప్‌టాప్స్ వంటి ఎలక్ట్రానిక్స్ ఉత్పత్తుల ధరలు భారీగా పెరిగే అవకాశం ఉన్నట్లు తెలుస్తోంది. సరఫరాలో షెన్‌జెన్‌ నంబర్‌ 1 ప్రపంచంలోని అతిపెద్ద ఎలక్ట్రానిక్ ప్రొడక్ట్స్ సరఫరా నగరాల్లో షెన్‌జెన్‌ ఒకటి. చైనాలో పెరుగుతున్న కోవిడ్‌-19 కేసుల నేపథ్యంలో..అక్కడి ప్రభుత్వం తగిన చర్యలను తీసుకొనేందుకు  సిద్దమైంది. కాగా  ఎలక్ట్రానిక్స్ ఉత్పత్తుల్లో చైనాలోని షెన్‌‌జెన్‌ నుంచి 20 నుంచి 50 శాతం ఉత్పత్తులు భారత్‌కు వస్తున్నాయి. ఇలాగే  కరోనా కేసులు పెరిగితే లాక్ డౌన్ విధించే అవకాశం ఉందని ఇంటర్నేషనల్ డేటా కార్పొరేషన్ (ఐడీసీ) రీసెర్చ్ డైరెక్టర్ నవ్కేంద్ర సింగ్ అభిప్రాయపడ్డారు. షెన్‌జెన్‌లో లాక్ డౌన్ మూడు వారాలు దాటితే అప్పుడు మన దేశంలోకి జూన్ త్రైమాసికపు స్మార్ట్‌ఫోన్స్, పర్సనల్ కంప్యూటర్స్ దిగుమతులపై ప్రభావం పడుతుందని తెలిపారు. అలాగే సెప్టెంబర్ త్రైమాసికంలో కూడా ప్రభావం ఉండొచ్చని పేర్కొన్నారు. లాక్‌ డౌన్‌ జరిగితే కష్టమే..! ఇప్పటికే ప్రపంచదేశాలు తీవ్రమైన చిప్‌ కొరతను ఎదుర్కొన్నాయి. దీంతో స్మార్ట్‌ఫోన్‌ కంపెనీల ఉత్పత్తి భారీగా పడిపోయింది. ప్రస్తుతం చైనాలో కోవిడ్‌ విజృంభించడంతో స్మార్ట్‌ఫోన్‌, స్మార్ట్‌టీవీల ధరలు పెరిగే అవకాశం ఉందని  కౌంటర్‌పాయింట్ రీసెర్చ్ డైరెక్టర్ తరుణ్ పాఠక్ అన్నారు. సుమారు స్మార్ట్‌ఫోన్స్ ధరలు 5 నుంచి 7 శాతం వరకు పెరగొచ్చని అంచనా వేశారు. ముడిపదార్ధాల ధరల పెరుగుదలతో ఆయా కంపెనీలపై తీవ్రమైన ఒత్తిడి నెలకొంది.  ఇప్పుడు కరోనా వైరస్ మళ్లీ విజృంభిస్తే మాత్రం కంపెనీలు కచ్చితంగా ఆ భారాన్ని వినియోగదారులకు మోపే అవకాశం లేకపోలేదు.  చదవండి: టాటా చేతికి ఎయిరిండియా..! భారీ డీల్‌కు సిద్ధమైన యూరప్‌ కంపెనీ..!

ప్రముఖ ఈ-కామర్స్‌ దిగ్గజం అమెజాన్‌ స్మార్ట్‌టీవీలు, స్మార్ట్‌ఫోన్స్‌పై భారీ తగ్గింపును ప్రకటించింది. కొనుగోలుదారులకోసం అమెజాన్‌ ఫ్యాబ్‌ ఫోన్స్‌ ఫెస్ట్‌, ఫ్యాబ్‌ టీవీ ఫెస్ట్‌ సేల్‌ను తీసుకొచ్చింది. ప్రస్తుతం ఈ సేల్‌ లైవ్‌లో ఉంది. ఈ సేల్‌ మార్చి 14తో ముగియనుంది. అమెజాన్‌ ఫ్యాబ్‌ ఫోన్స్‌ ఫెస్ట్‌ సేల్‌ భాగంగా వన్‌ప్లస్‌, శాంసంగ్‌, షావోమీ, రియల్‌మీ, ఒప్పో, టెక్నో, వంటి స్మార్ట్‌ఫోన్స్‌ కొనుగోలుదారులకు అందుబాటులో ఉండనున్నాయి. స్మార్ట్‌టీవీ, స్మార్ట్‌ఫోన్స్‌ను హెచ్‌డీఎఫ్‌సీ, బ్యాంక్‌ ఆఫ్‌ బరోడా క్రెడిట్‌ కార్డులపై 10 శాతం తక్షణ తగ్గింపు అందుబాటులో ఉంది. ఇక స్మార్ట్‌టీవీలపై ఏకంగా 55 శాతం మేర తగ్గింపును అమెజాన్‌ ప్రకటించింది. ఇక మొబైల్‌ యాక్సెసరీస్‌పై 70 శాతం మేర, వైర్‌లెస్‌ హెడ్‌ఫోన్స్‌పై 60 శాతం డిస్కౌంట్‌ను అమెజాన్‌ అందిస్తోంది. ఇక ప్రైమ్ మెంబర్స్‌కు ఏకంగా రూ.20 వేల వరకు బెనిఫిట్స్‌ రానున్నాయి.  అమెజాన్ ఫ్యాబ్ ఫోన్ ఫెస్ట్ సేల్: స్మార్ట్‌ఫోన్స్‌పై బెస్ట్ ఆఫర్స్‌ ► OnePlus 9R(8GB ర్యామ్‌ + 128GB ఇంటర్నల్‌ స్టోరేజ్‌) స్మార్ట్‌ఫోన్‌పై 15 శాతం తగ్గింపుతో రూ.33,999కు రానుంది. OnePlus 9 Pro(8GB ర్యామ్‌ + 128GB ఇంటర్నల్‌ స్టోరేజ్) స్మార్ట్‌ఫోన్‌పై 12 శాతం తగ్గింపుతో రూ. 56,999 కోనుగోలుచేయవచ్చును. ► OnePlus 9(8GB ర్యామ్‌ + 128GB ఇంటర్నల్‌ స్టోరేజ్‌) స్మార్ట్‌ఫోన్‌పై 14 శాతం తగ్గింపుతో రూ.42,999. అందుబాటులో ఉండనుంది. ఈ స్మార్ట్‌ఫోన్‌పై ఎలాంటి తగ్గింపు లేనప్పటికీ, స్మార్ట్‌ఫోన్స్‌ ఎక్స్ఛేంజ్ బోనస్ రూ. 16,550 రానుంది. దీంతో ఈ హ్యాండ్‌సెట్‌ను రూ. 26,449కే కోనుగోలు చేయవచ్చును. ►  Realme Narzo 50A (4GB ర్యామ్‌ + 64GB ఇంటర్నల్‌ స్టోరేజ్) వేరియంట్ రూ. 1500 తగ్గింపుతో  రూ.11,499కు రానుంది.  ►  Samsung Galaxy M52 5G 6GB ర్యామ్‌+ 128GB స్టోరేజ్‌పై రూ. 10 వేల తగ్గింపుతో 24,999కు రానుంది.  ►  Redmi 9A Sport స్మార్ట్‌ఫోన్‌పై రూ. 1500 తగ్గింపుతో రూ. 6,999కు రానుంది. Redmi Note 11 స్మార్ట్‌ఫోన్‌పై 25శాతం​ తగ్గింపుతో రూ. 13,499కు రానుంది. ►  Tecno Spark 8 Pro స్మార్ట్‌ఫోన్‌పై రూ.3500 తగ్గింపుతో రూ. 9999కు రానుంది.  Tecno Camon 17 స్మార్ట్‌ఫోన్‌పై రూ . 2,000 తగ్గింపుతో రూ. 13,999కు అందుబాటులో ఉంది .  అమెజాన్ ఫ్యాబ్ టీవీ ఫెస్ట్ సేల్: టీవీ మోడళ్లపై బెస్ట్ ఆఫర్స్‌ ► OnePlus (32-అంగుళాల) Y-సిరీస్ HD LED స్మార్ట్ ఆండ్రాయిడ్ టీవీను రూ.15,999.కి కొనుగోలు చేయవచ్చు.  ► Redmi TV (32-అంగుళాల నుంచి 55-అంగుళాల) స్మార్ట్‌టీవీలు తగ్గింపు ధరలలో రానున్నాయి.  ► Samsung 43-అంగుళాల క్రిస్టల్ 4K సిరీస్ అల్ట్రా HD స్మార్ట్ LED TV రూ. 36,990 లభించనుంది. చదవండి: అమెజాన్‌ బంపరాఫర్‌..! ప్రైమ్‌ సభ్యత్వంపై 50 శాతం తగ్గింపు..!

మీరు టీవీ కొనాల‌ని అనుకుంటున్నారా? అయితే మీకిదే సువార్ణావ‌కాశం. 40అంగుళాల ఎంఐ ఎల్ఈడీ టీవీ కేవ‌లం రూ.10,499కే సొంతం చేసుకోవ‌చ్చు. ఈ టీవీ అస‌లు ధ‌ర రూ.30వేలు ఉండ‌గా ఎక్ఛేంజ్ ఆఫ‌ర్‌లో అతి త‌క్కువ ధ‌ర‌కే కొనుగోలు చేసే అవ‌కాశాన్ని ఫ్లిప్ కార్ట్ అందిస్తుంది. 40అంగుళాల ఎంఐ4ఏ హారిజోన్ ఎడిషన్   ఎంఐ4ఏ హారిజోన్ ఎడిషన్ 40అంగుళాల ఎల్ఈడీ స్మార్ట్ టీవీ ధ‌ర రూ.29,999కే అందుబాటులో ఉంది. అయితే ఈకామ‌ర్స్ దిగ్గ‌జం ఫ్లిప్ కార్ట్ ఎంఐ టీవీ ధ‌ర‌పై 23శాతం డిస్కౌంట్ తో రూ.22,999కే అందిస్తుంది. ఇక అద‌నంగా పంజాబ్ నేషనల్ బ్యాంక్ క్రెడిట్ లేదా డెబిట్ కార్డ్‌పై 10 శాతం డిస్కౌంట్ తో టీవీ ధ‌ర రూ.21,499కి చేరుతుంది.   ఎక్స్ఛేంజ్ ఆఫర్ మీరు కోరుకున్న టీవీపై డిస్కౌంట్‌తో పాటు ఎక్ఛేంజ్ ఆఫ‌ర్‌ను పొంద‌వ‌చ్చు 40అంగుళాల టీవీపై ఎక్ఛేంజ్ ఆఫ‌ర్ కింద రూ.11వేల వ‌ర‌కు పొంద వ‌చ్చు. దీంతో టీవీ ధ‌ర రూ.10,499లకే అందుబాటులోకి వస్తుంది. 

ప్రముఖ ఈ-కామర్స్‌ దిగ్గజం అమెజాన్‌ టీవీ, స్మార్ట్‌ఫోన్స్‌పై భారీ తగ్గింపును ప్రకటించింది. కొనుగోలుదారులకోసం అమెజాన్‌ మొబైల్‌ అండ్‌ టీవీ సేవింగ్‌ డేస్‌ సేల్‌ను తీసుకొచ్చింది. ప్రస్తుతం ఈ సేల్‌ లైవ్‌లో ఉంది. ఈ సేల్‌ ఫిబ్రవరి 15తో ముగియనుంది. వన్‌ప్లస్‌, శాంసంగ్‌, షావోమీ, రియల్‌మీ, ఒప్పో, టెక్నో, వంటి స్మార్ట్‌ఫోన్స్‌పై 10 శాతం తగ్గింపుతో పాటు పలు బ్యాంకు కార్డులపై కూడా తగ్గింపును అందిస్తోంది అమెజాన్‌. ఇక స్మార్ట్‌టీవీలపై ఏకంగా 40 శాతం మేర తగ్గింపును అమెజాన్‌ ప్రకటించింది. ఇక మొబైల్‌ యాక్సెసరీస్‌పై కూడా డిస్కౌంట్‌ రేట్లకే అందిస్తోంది.  మొబైల్‌ అండ్‌ టీవీ సేవింగ్స్‌ డేస్‌లో అమెజాన్‌ అందిస్తోన్న కొన్ని ఆఫర్స్‌ ఇవే..! ► Redmi Note 11T 5G ధర రూ. 19,999 కాగా అసలు ధర రూ. 22,999 ► Mi 11X స్మార్ట్‌ఫోన్‌ రూ. 25,999 తగ్గింపుతో రానుంది. ఈ స్మార్ట్‌ఫోన్‌పై రూ. 6,000 డిస్కౌంట్‌తో పాటుగా అదనంగా మొబైల్‌ ఎక్సేఛేంజ్‌పై రూ. 3,000 తగ్గింపు. ► Samsung Galaxy M52 5G స్మార్ట్‌ఫోన్‌ రూ. 22,999కు అందుబాటులో ఉండనుంది. దీని అసలు ధర రూ.34,999.  ► Samsung Galaxy M32 5G స్మార్ట్‌ఫోన్‌ రూ. 20,999కు అందుబాటులో ఉండనుంది. దీని లిస్టెడ్‌ ధర రూ. 23,999.  ► Iqoo Z5 ధర రూ. 21,990 తగ్గింది. దీని లిస్టెట్‌ ధర రూ. 29,990. Iqoo 7 ధర రూ. 27,990.   ► Realme Narzo 50A ధర ప్రస్తుతం రూ. 10,349 తగ్గింది, దీని అసలు ధర రూ. 12,999. ► ఇక Oppo, Realme, Tecno ఈ స్మార్ట్‌ఫోన్స్‌ను ఫెడరల్ బ్యాంక్ కార్డ్‌లతో కొనుగోలు చేస్తే 10 శాతం తగ్గింపును పొందవచ్చును.  ► 32-అంగుళాల Redmi TV ప్రస్తుతం రూ. 14,998, ఈ స్మార్ట్‌టీవీపై ఏకంగా రూ. 10,001 తగ్గింపు.  ► 50-అంగుళాల Redmi TV ఆఫర్‌ ప్రైజ్‌ రూ. 34,998. దీని అసలు ధర రూ.44,999. ► 32-అంగుళాల Mi Horizon ఫుల్- HD TV ధర రూ. 16,499కు రానుంది.  ► 43-అంగుళాల Samsung క్రిస్టల్ 4K ప్రో UHD TV అసలు ధర రూ. 52,900 కాగా  ప్రస్తుతం రూ. 36,990 కు అందుబాటులో ఉండనుంది.  ► OnePlus స్మార్ట్ టీవీ ప్రస్తుతం రూ. 16,499  తక్కువ ధరకే రానుంది.  ► 50-అంగుళాల AmazonBasics 4K TV పై 40 శాతం వరకు తగ్గింపుతో రూ. 23,001కు అందుబాటులో ఉండనుంది.  చదవండి: అమెజాన్‌ బంపరాఫర్‌..! ప్రైమ్‌ సభ్యత్వంపై 50 శాతం తగ్గింపు..!

ప్రముఖ ఈ-కామర్స ఫ్లిప్‌కార్ట్ మరో సరికొత్త సేల్‌తో ఇప్పుడు మీ ముందుకు వచ్చింది. ఫ్లిప్‌కార్ట్ టీవీ డేస్ సేల్‌లో భాగంగా వివిధ ప్రముఖ బ్రాండ్‌ స్మార్ట్ టీవీలపై భారీగా డిస్కౌంట్‌లను అందిస్తోంది. ఈ టీవీ డేస్ సేల్ నేటి(ఫిబ్రవరి 6) నుంచి ప్రారంభమై ఫిబ్రవరి 10, 2022వరకు కొనసాగుతుంది. ఈ సేల్‌లో వివిధ బ్రాండ్ల టీవీల మీద 70 శాతం వరకు డిస్కౌంట్ లభిస్తోంది. దీనితో పాటుగా యూజర్ నో కాస్ట్ ఈఎమ్ఐ, ఎక్స్ఛేంజ్ ఆఫర్లను కూడా సద్వినియోగం చేసుకోవచ్చు.  ► శామ్ సంగ్ 32 అంగుళాల హెచ్‌డీ రెడీ ఎల్ఈడీ స్మార్ట్ టీవీ ఈ సేల్‌లో రూ.16,999కి అందుబాటులో ఉంది. ఈ టీవీపై 25% తగ్గింపు లభిస్తుంది. దీని మీద నెలకు ₹1,899తో ప్రారంభమయ్యే నో-కాస్ట్ ఈఎమ్ఐ ఆప్షన్ కూడా ఉంది. ఈ టీవీతో కస్టమర్లు 20వాట్ స్పీకర్‌ను కూడా పొందుతారు. ► వన్ ప్లస్ వై సిరీస్ 80 సెం.మీ(32 అంగుళాల) హెచ్‌డీ రెడీ ఎల్ఈడీ స్మార్ట్ ఆండ్రాయిడ్ టీవీ ఈ సేల్‌లో రూ.16,499కి అందుబాటులో ఉంది. ఈ టీవీ వినియోగదారులకు 17% తగ్గింపుతో లభిస్తుంది. దీనిపై బ్యాంక్ ఆఫర్లు కూడా అందుబాటులో ఉన్నాయి. ఈ టీవీలో కస్టమర్‌లు 60హెర్ట్జ్ రిఫ్రెష్ రేట్‌ను పొందుతారు. ► ఇది కాకుండా ఫ్లిప్‌కార్ట్ టీవీ డేస్ సేల్‌లో 24 అంగుళాల కొడాక్ హెచ్‌డీ రెడీ ఎల్ఈడీ స్మార్ట్ టీవీ కేవలం రూ.7,999కే లభిస్తోంది. ఇది కాకుండా, మీరు అడ్సున్ 24 అంగుళాల మోడల్ టీవీని రూ.7,290కు కొనుగోలు చేయవచ్చు. అదే సమయంలో మార్క్యూ 24 అంగుళాల మోడల్ రూ.7,999కు లభిస్తోంది. ► రియల్ మీ 32 అంగుళాల హెచ్‌డీ రెడీ ఎల్ఈడీ స్మార్ట్ ఆండ్రాయిడ్ టీవీపై 11 శాతం తగ్గింపు లభిస్తుంది. దీంతో అది వినియోగదారులకు రూ.15,999కి అందుబాటులో ఉంటుంది. ఈ టీవీలో 24వాట్ స్పీకర్ అవుట్‌పుట్ , 60హెర్ట్జ్ రిఫ్రెష్ రేట్ ఉంది. (చదవండి: ఇక పెట్టుబడికి సిద్దం కాండి.. దేశంలో డిజిటల్ కరెన్సీ లాంచ్ అప్పుడే..!)

ప్రముఖ స్మార్ట్‌ఫోన్‌ దిగ్గజం శాంసంగ్‌ మొబైల్స్‌ సంచలన నిర్ణయం తీసుకుంది. కంపెనీకి చెందిన స్మార్ట్‌ఫోన్లలో, స్మార్ట్‌టీవీల్లో టైజెన్‌ (Tizen) యాప్‌ సేవలను పూర్తిగా నిలిపివేస్తున్నట్లు ప్రకటించింది. టైజెన్‌ యాప్‌ స్టోర్‌ను 2021 డిసెంబర్‌ 31నే పూర్తిగా మూసివేసినట్లు శాంసంగ్‌ తెలిపింది.  ఆండ్రాయిడ్‌ లేదా ఐవోఎస్‌కు..! పాత యూజర్లతో పాటుగా, కొత్త యూజర్లు కూడా టైజెన్‌ యాప్‌​ సేవలు పూర్తిగా నిలిచిపోతాయని శాంసంగ్‌ ఒక ప్రకటనలో పేర్కొంది.  GSMArena ప్రకారం..టైజెన్‌ యాప్‌ సేవల రిజిస్ట్రేషన్‌ శాంసంగ్‌ పూర్తిగా మూసివేసింది. ఈ యాప్‌ స్టోర్‌ కేవలం పాత కస్టమర్లకు మాత్రమే అందుబాటులో ఉండనుంది. అందులో కూడా పాత యూజర్లు  గతంలో డౌన్‌లోడ్ చేసిన యాప్స్‌ను మాత్రమే పొందగలరని శాంసంగ్‌ వెల్లడించింది. శాంసంగ్‌ జెడ్‌ సిరీస్‌  స్మార్ట్‌ఫోన్ వినియోగదారులు ఆండ్రాయిడ్‌ లేదా ఐవోఎస్‌కు మారాలని శాంసంగ్‌ సూచించింది.  స్మార్ట్‌టీవీల్లో, వాచ్‌ల్లో..! శాంసంగ్‌ టైజెన్‌ ఆపరేటింగ్‌ సిస్టమ్‌ నుంచి ఆండ్రాయిడ్‌కు గతంలోనే మారింది. ఆండ్రాయిడ్‌కు ముందుగా స్మార్ట్‌వాచ్‌, స్మార్ట్‌ఫోన్లలో టైజెన్‌ ఒఎస్‌ను శాంసంగ్‌ వాడింది. కాగా ఇటీవల కాలంలో కొత్త స్మార్ట్‌టీవీలను టైజెన్‌ ఒఎస్‌తో శాంసంగ్‌ ఆవిష్కరించింది. ఆయా స్మార్ట్‌టీవీల్లో ఈ ఆపరేటింగ్‌ సిస్టమ్‌ పనిచేస్తోంది.  అసలు ఏంటి టైజెన్‌..! టైజెన్‌ స్టోర్ అనేది శాంసంగ్‌ స్మార్ట్‌ఫోన్లలో ముందే ఇన్‌స్టాల్ చేసిన అప్లికేషన్ స్టోర్. ఇది టైజెన్‌ ప్లాట్‌ఫారమ్ ఆధారిత అప్లికేషన్లను సపోర్ట్‌ చేస్తోంది. ఇది ఆండ్రాయిడ్ స్మార్ట్‌ఫోన్‌లలో ప్లే స్టోర్ మాదిరిగానే ఉంటుంది. ఈ స్టోర్‌లో యూజర్లు అప్లికేషన్‌లను బ్రౌజ్ చేయడానికి, డౌన్‌లోడ్ చేసుకోవడానికి అనుమతిస్తుంది. ఈ యాప్‌ ఆయా స్మార్ట్‌టీవీలో కూడా ఉంది. ఈ యాప్‌ అన్ని ప్రముఖ ఆడియో , వీడియో స్ట్రీమింగ్ సేవలను అందిస్తోంది. ఇది శాంసంగ్‌ హెల్త్‌, స్మార్ట్‌ థింగ్స్‌, శాంసంగ్‌ టీవీ ప్లస్‌ తోపాటుగా అనేక ఇతర గేమింగ్ ఫీచర్‌లను కూడా అనుసంధానిస్తుంది. చదవండి: ప్రపంచంలోనే అతి చిన్న ఇయర్‌ఫోన్స్‌, సోలార్‌పవర్‌తో ఛార్జ్‌..!