భోపాల్‌: మధ్యప్రదేశ్‌లోని మోహన్ యాదవ్ సర్కారు(Mohan Yadav government) మద్యం నిర్మూలన దిశగా చారిత్రాత్మక అడుగు వేసింది. రాష్ట్రంలోని 19 పట్టణ, గ్రామీణ ప్రాంతాల్లో ఈరోజు (ఏప్రిల్ 1, 2025) నుంచి మద్యం దుకాణాలను మూసివేస్తూ నిర్ణయం తీసుకుంది. రాష్ట్రంలోని అహల్యాబాయి నగరంగా పేరొందిన మహేశ్వర్‌లో జరిగిన మంత్రివర్గ సమావేశంలో మద్యం దుకాణాలను మూసివేయాలనే నిర్ణయం తీసుకున్నారు.ప్రభుత్వ నిర్ణయం దరిమిలా ఈరోజు అంటే ఏప్రిల్‌ ఒకటి(April 1st) నుంచి రాష్ట్రంలోని ఉజ్జయిని, ఓంకారేశ్వర్, మహేశ్వర్, మండలేశ్వర్, ఓర్చా, మైహార్, చిత్రకూట్, దతియా, పన్నా, మాండ్లా, ముల్తాయ్, మందసౌర్, సల్కన్‌పూర్ పంచాయితీ, అమర్‌కంటక్‌ పట్టణం, బర్మాన్‌కలన్, బర్మన్‌ఖుర్డ్, లింగ తదితర ప్రాంతాల్లోని అన్ని మద్యం దుకాణాలను, బార్‌లు మూసివేయనున్నారు.మధ్యప్రదేశ్‌లోని 19 పట్టణ, గ్రామీణ ప్రాంతాలను పవిత్రమైనవిగా ప్రకటించిన ప్రభుత్వం ఆయా ప్రాంతాల్లో పూర్తిస్థాయిలో మద్యపాన నిషేధం(Prohibition of alcohol) విధించింది. ఈ జాబితాలో ఒక మున్సిపల్ కార్పొరేషన్, ఆరు మున్సిపల్ కౌన్సిల్‌లు, ఆరు గ్రామ పంచాయతీలు ఉన్నాయి. మద్యపాన వ్యసన నిర్మూలన దిశగా రాష్ట్ర ప్రభుత్వం చారిత్రాత్మక అడుగు వేసిందని ముఖ్యమంత్రి డాక్టర్ యాదవ్ పేర్కొన్నారు. సీఎం సీఎం మోహన్ యాదవ్ మాట్లాడుతూ తమ మంత్రివర్గ సమావేశంలో రాష్ట్రంలోని మతపరమైన ప్రదేశాలలో నెలకొన్న అసమానతలపై చర్చించామన్నారు. ఉజ్జయినిలో ఆలయానికి ఒక కిలోమీటరు పరిధిలో మాత్రమే మద్యాన్ని నిషేధించామన్నారు. రాష్ట్రమంతటా మద్యాన్ని నిషేధించాలని అనుకోవడం లేదన్నారు. మతపరమైన నగరాల్లో మాత్రమే మద్యాన్ని పూర్తిగా నిషేధించాలని నిర్ణయించామని తెలిపారు. ఇది కూడా చదవండి: చిరాగ్‌ పాశ్వాన్‌ తల్లి గదికి తాళం.. రోడ్డునపడ్డ కుటుంబ కలహాలు

ప్రపంచంలోనే అతిపెద్ద ప్రజాస్వామ్య దేశంగా వెలుగొందుతున్న భారతదేశంలో ఫిబ్రవరి 10కి ఒక ప్రత్యేకత ఉంది. ఈరోజును ప్రజాస్వామ్యంలో పండుగ రోజుగా అభివర్ణిస్తారు. దేశంలోని పౌరులు ప్రతి ఐదు సంవత్సరాలకు ఒకసారి ఓటు వేయడం ద్వారా తమకు నచ్చిన ప్రభుత్వాన్ని ఎన్నుకుంటారు. అయితే 1952లో జరిగిన మొదటి లోక్‌సభ ఎన్నికలు పెద్ద సవాలుగా నిలిచాయి.1947లో స్వాతంత్ర్యం వచ్చినప్పటి నుండి పండిట్ జవహర్‌లాల్ నెహ్రూ దేశ తాత్కాలిక ప్రభుత్వానికి నాయకత్వం వహిస్తూవచ్చారు. 1952 ఫిబ్రవరి 10.. దేశ ప్రజాస్వామ్య చరిత్రలో ముఖ్యమైన రోజుగా మారింది. ఆరోజు నెహ్రూ నాయకత్వంలో కాంగ్రెస్ లోక్‌సభలోని 489 సీట్లలో 249 సీట్లు గెలుచుకుని మెజారిటీ సాధించింది. భారతదేశంలో ప్రజాస్వామ్యాన్ని స్థాపించడంలో ఈ ఎన్నికలు విజయబావుటా ఎగురవేశాయి.ఫిబ్రవరి 10న భారత్‌తో పాటు ప్రపంచ చరిత్రలో ప్రముఖంగా నిలిచిన ఘట్టాలను ఒకసారి నెమరువేసుకుందాం.1818: ఉత్తరప్రదేశ్‌లోని రామ్‌పూర్‌లో బ్రిటిష్ సైన్యం, మరాఠా సైన్యం మధ్య మూడవ, చివరి యుద్ధం జరిగింది.1921: మహాత్మా గాంధీ కాశీ విద్యాపీఠాన్ని ప్రారంభించారు.1921: బ్రిటిష్‌ పాలకుడు కన్నాట్ డ్యూక్ ఇండియా గేట్‌ నిర్మాణానికి పునాది రాయి వేశారు.1952: స్వాతంత్ర్యం తర్వాత జరిగిన మొదటి లోక్‌సభ ఎన్నికల్లో నెహ్రూ నాయకత్వంలోని కాంగ్రెస్ పార్టీ మెజారిటీ మార్కును దాటి, దేశంలో ప్రజాస్వామ్య స్థాపనను ప్రకటించింది.1990: గెలీలియో అంతరిక్ష నౌక బృహస్పతి వైపు వెళుతూ, శుక్ర గ్రహం ముందునుంచి వెళ్లింది.1996: చదరంగం ఒక మైండ్ గేమ్‌గా పేరొందింది. ప్రపంచ చెస్ ఛాంపియన్ గ్యారీ కాస్పరోవ్- డీప్ బ్లూ మధ్య ఫిబ్రవరి 10న ఒక మ్యాచ్ జరిగింది. దీనిలో కాస్పరోవ్ 4-2 తేడాతో గెలిచారు. మరుసటి సంవత్సరం ఈ పోటీలో డీప్ బ్లూ విజయం సాధించించారు.2005: బ్రిటన్ యువరాజు చార్లెస్ తన చిరకాల స్నేహితురాలు కెమిల్లా పార్కర్‌తో వివాహాన్ని ప్రకటించారు.2009: ప్రముఖ శాస్త్రీయ గాయకుడు పండిట్ భీమ్‌సేన్ జోషికి దేశ అత్యున్నత పౌర పురస్కారం భారతరత్న లభించింది. 2008 నవంబర్‌లో ఆయనకు భారతరత్న అవార్డును ప్రదానం చేయనున్నట్లు ప్రకటించారు.2010: పాకిస్తాన్‌లోని పెషావర్ సమీపంలోని ఖైబర్ పాస్ ప్రాంతంలో పోలీసు అధికారుల కాన్వాయ్‌పై ఆత్మాహుతి దాడి జరిగింది. దీనిలో 13 మంది పోలీసు అధికారులతో పాటు మొత్తం 17 మంది మృతిచెందారు.2013: అలహాబాద్‌ కుంభమేళాలో జరిగిన తొక్కిసలాటలో 36 మంది మృతిచెందారు. 39 మంది గాయపడ్డారు.ఇది కూడా చదవండి: 11 ఏళ్లలో 86 విదేశీ పర్యటనలు.. ప్రధాని మోదీ ఎప్పుడు ఎక్కడికి వెళ్లారు?

భారత​దేశ విదేశాంగశాఖ మంత్రి ఎస్‌. జైశంకర్‌ ఇంటరర్వ్యూ ప్రసారం చేసినందుకు ఆస్ట్రేలియా టుడే మీడియా సంస్థపై ఇటీవల కెనడా నిషేధం విధించింది. అయితే.. వ్యవహారంపై తాజాగా ఆ మీడియా సంస్థ వ్యవస్థాపకుడు, ఎడిటర్-ఇన్-చీఫ్ జితార్థ్ జై భరద్వాజ్ స్పందించారు. ప్రతికాస్వేచ్ఛను హత్య చేయటమేనని జస్టిన్ ట్రూడో ప్రభుత్వంపై మండిపడ్డారు. గుళ్లపై పదేపదే దాడులు జరుగుతున్నా ఎందుకు నిర్లక్ష్యం వహిస్తున్నారని ప్రశ్నిచారు.‘‘ కెనడా చర్య.. పత్రికా స్వేచ్ఛను హతమార్చటం అవుతుంది. ప్రజాస్వామ్యంలో విభిన్న అభిప్రాయాలు వ్యక్తం చేసే హక్కు ఉంది. విభిన్న అభిప్రాయాలన్నింటినీ చర్చించడానికి, అర్థం చేసుకోవడానికి, విశ్లేషించడానికే పత్రికలు ఉన్నాయి. గురుపత్వంత్ సింగ్ పన్నూ మమ్మల్ని బెదిరించాడు. ...ఇతర వేర్పాటువాదుల నుంచి కూడా బెదిరింపులు వచ్చాయి. అమెరికా, కెనడాలో కవరేజీ చేసినందుకు మా చిత్రాలను పన్నూ ఆన్‌లైన్‌లో పెట్టారు. అనేక రకాలుగా హాని తలపెట్టమని ఆయన మద్దతుదారులను ఉసిగొల్పారు. అయినా.. మేం భయపడకుండా నిరంతరం రిపోర్టింగ్ చేస్తున్నాం’’అని అన్నారు.చదవండి: కెనడాలో ‘ఆస్ట్రేలియా టుడే’పై నిషేధం

న్యూఢిల్లీ: ఈ ఏడాది చలికాలం ప్రారంభానికి ముందే రాజధాని ఢిల్లీలో వాయుకాలుష్యం పెరిగింది. రాజధానిలో గాలి నాణ్యత వరుసగా రెండో రోజు ‘పూర్’ కేటగిరీలో నమోదైంది. కేంద్ర కాలుష్య నియంత్రణ మండలి (సీపీపీబీ) తెలిపిన వివరాల ప్రకారం దసరా తర్వాత ఢిల్లీలో ఎయిర్ క్వాలిటీ ఇండెక్స్ (ఏక్యూఐ) 224 కు చేరుకుంది.దీనిని దృష్టిలో ఉంచుకుని ఢిల్లీలో ఈ ఏడాది కూడా గ్రేడెడ్‌ రెస్పాన్స్‌ యాక్షన్‌ ప్లాన్‌(గ్రాప్‌) అమలు చేస్తున్నారు. దీనిలో భాగంగా గ్రాప్‌-1ని నేటి నుంచి అమలు చేయాలని ప్రభుత్వం ఆదేశాలు జారీ చేసింది. అవి నేటి నుంచి(మంగళవారం) నుంచి అమలు కానున్నాయి. గ్రాప్‌-1 దశలో బహిరంగ ప్రదేశాల్లో చెత్తను కాల్చడం, డీజిల్ జనరేటర్ల వినియోగాన్ని పరిమితం చేయడం, రెస్టారెంట్లలో బొగ్గు లేదా కట్టెల వినియోగాన్ని నిషేధించడం వంటివి ఉంటాయి. నగరంలో ఏక్యూఐ 200 దాటినప్పుడు గ్రాప్‌-1 అమలు చేస్తారు.గ్రేడెడ్ రెస్పాన్స్ యాక్షన్ ప్లాన్ అంటే గాలి నాణ్యత క్షీణతను నిరోధించడానికి అమలు చేసే విధానం. ఢిల్లీ-ఎన్‌సీఆర్‌లో గాలి నాణ్యత ఆధారంగా గ్రాప్‌ విధానాన్ని నాలుగు దశలుగా విభజించారు. మొదటి దశలో ఢిల్లీకి 300 కి.మీ. పరిధిలో కాలుష్యం కలిగించే పారిశ్రామిక యూనిట్లు, థర్మల్ పవర్ ప్లాంట్లపై చర్యలు తీసుకుంటారు. రెండవ దశలో వ్యక్తిగత వాహనాల వినియోగాన్ని తగ్గించే లక్ష్యంతో సీఎన్‌జీ/ఎలక్ట్రిక్ బస్సు మెట్రో సేవలను ప్రోత్సహిస్తారు.మూడవ దశలో ఢిల్లీ, గురుగ్రామ్, ఫరీదాబాద్, ఘజియాబాద్, గౌతమ్ బుద్ధ నగర్‌లలో పెట్రోల్‌తో నడిచే బీఎస్‌-3 ఫోర్-వీలర్లు, డీజిల్‌తో నడిచే బీఎస్‌-4 ఫోర్-వీలర్ల వినియోగాన్ని నిషేధించనున్నారు. నాల్గవ దశలో అన్ని రకాల నిర్మాణ, కూల్చివేత పనులను నిషేధిస్తారు. పాఠశాల విద్యార్థులకు ఆన్‌లైన్ తరగతులు నిర్వహిస్తారు. ప్రభుత్వ, ప్రైవేట్ కార్యాలయాల సిబ్బందికి ఇంటి నుంచే పని చేసే అవకాశాన్ని కల్పిస్తారు.ఇది కూడా చదవండి: రసవత్తర పోరు.. ‘అంకెల్లో’ అమెరికా అధ్యక్ష ఎన్నికలు

న్యూఢిల్లీ: తమిళనాడు, పుదుచ్చేరి సహా దేశంలోని ఏడు రాష్ట్రాల్లో ఈరోజు(శనివారం) కుండపోత వర్షాలు కురుస్తాయని వాతావరణ శాఖ హెచ్చరికలు జారీ చేసింది. అక్టోబర్ 12 నుంచి 16 వరకు 10 రాష్ట్రాల్లో భారీ వర్షాలు కురిసే అవకాశం ఉందని పేర్కొంది.తమిళనాడు, కేరళ, కర్ణాటక, గోవా, మహారాష్ట్ర, అరుణాచల్ ప్రదేశ్, గుజరాత్‌లలో అక్టోబర్ 12న భారీ వర్షాలు కురుస్తాయని పేర్కొంటూ వాతావరణశాఖ ఎల్లో అలర్ట్ జారీ చేసింది. తాజా సమాచారం ప్రకారం ప్రస్తుతం తమిళనాడులోని పలు ప్రాంతాల్లో వర్షాలు కురుస్తున్నాయి. రాబోయే రెండు రోజుల్లో అస్సాం, మేఘాలయలో తేలికపాటి నుండి ఓ మోస్తరు వర్షాలు కురవనున్నాయి. నాగాలాండ్, మణిపూర్, మిజోరం, త్రిపురలో వర్షాలు కురిసే అవకాశం ఉందని వాతావరణశాఖ పేర్కొంది.నైరుతి రుతుపవనాలు గుజరాత్, మధ్యప్రదేశ్, ఉత్తరప్రదేశ్, మహారాష్ట్ర, బీహార్, జార్ఖండ్‌లోని కొన్ని ప్రాంతాల నుండి దాటనున్నాయి. యూపీలోని కొన్ని చోట్ల తేలికపాటి పొగమంచు కమ్ముకుంది. అక్టోబర్ 16 వరకు ఢిల్లీలో ఆకాశం నిర్మలంగా ఉంటుందని అంచనా. దేశ రాజధానిలో గరిష్ట ఉష్ణోగ్రత 35 డిగ్రీల సెల్సియస్‌గానూ, కనిష్ట ఉష్ణోగ్రత 22 డిగ్రీల సెల్సియస్‌గానూ ఉండే అవకాశం ఉందని వాతావరణశాఖ తెలిపింది. ఇది కూడా చదవండి: ఆరు నెలల్లో 7897 కోట్ల లావాదేవీలు

జమ్ముకశ్మీర్‌లో భూకంపం సంభవించింది. నేషనల్ సెంటర్ ఫర్ సిస్మాలజీ (ఎన్‌సీఎస్) విడుదల చేసిన సమాచారం ప్రకారం జమ్ము కాశ్మీర్‌లో శనివారం సాయంత్రం 5.34 గంటలకు రిక్టర్ స్కేలుపై 3.5 తీవ్రతతో స్వల్ప భూకంపం సంభవించింది. అయితే దీని కారణంగా ఎలాంటి నష్టం జరగలేదు.జమ్ముకాశ్మీర్‌లో సంభవించే తేలికపాటి భూకపాలు కూడా కొన్నిసార్లు ప్రమాదకరంగా మారుతుంటాయి. తాజాగా సంభవించిన భూకంప కేంద్రం కిష్త్వార్ ప్రాంతంలో ఉందని అధికారులు తెలిపారు. భూమికి 10 కి.మీ లోతున ఈ భూకంప కేంద్రం ఉంది. భూకంప ప్రభావిత ప్రాంతాల్లో కశ్మీర్ లోయ కూడా ఒకటి. గతంలో ప్రకృతి ప్రకోపానికి ఈ ప్రాంతం బలయ్యింది.2005లో కశ్మీర్ లోయలో సంభవించిన భూకంపాన్ని నేటికీ ఎవరూ మరచిపోలేదు. ఆ ఏడాది అక్టోబర్ 8న ఇక్కడ బలమైన భూకంపం వచ్చింది. దీని ప్రభావానికి 69 వేల మందికి పైగా జనం ప్రాణాలు కోల్పోగా, 75 వేల మంది గాయపడ్డారు. నాడు భూకంప తీవ్రత 7.4గా నమోదైంది.

దేశంలోని పలుప్రాంతాల్లో రుతుపవనాలు జోరందుకున్నాయి. అయితే ఢిల్లీలోకి రుతుపవనాలు ప్రవేశించి, 20 రోజులకు పైగా సమయం గడిచినా గత కొద్ది రోజులుగా ఇక్కడ భారీ వర్షాలు లేవు. ఊహించని విధంగా ఎండలు ప్రజలను ఇబ్బంది పెడుతున్నాయి. అయితే ఇక్కడికి పక్కనే ఉన్న తూర్పు యూపీలో ప్రతిరోజూ భారీ వర్షాలు కురుస్తున్నాయి. దేశవ్యాప్తంగా వాతావరణం ఎలా ఉండబోతున్నదనేది ఇప్పుడు తెలుసుకుందాం.ఢిల్లీలోని కొన్ని ప్రాంతాల్లో ఈరోజు (శనివారం) చినుకులు పడే అవకాశం ఉన్నదని వాతావరణ శాఖ ప్రకటించింది. ఢిల్లీలో గరిష్ట ఉష్ణోగ్రత 37 డిగ్రీలు, కనిష్ట ఉష్ణోగ్రత 28 డిగ్రీలుగా ఉండవచ్చు. శుక్రవారం నాటి ఉష్ణోగ్రత కంటే ఈరోజు రాజధానిలో ఉష్ణోగ్రత ఎక్కువగా నమోదుకానున్నదని వాతావరణశాఖ అంచనా వేసింది. ఉత్తరప్రదేశ్‌లో రుతుపవనాలు చురుకుగా కదులుతున్నాయి. తూర్పు, పశ్చిమ ఉత్తరప్రదేశ్‌లో ఈరోజు కూడా వర్షం పడే అవకాశం ఉన్నదని వాతావరణ శాఖ హెచ్చరికలు జారీ చేసింది.ఉత్తరాఖండ్‌లో రుతుపవనాల ప్రభావంతో భారీ వర్షాలు కురుస్తున్నాయి. వాతావరణ శాఖ తెలిపిన వివరాల ప్రకారం ఈ వారాంతంలోగా రాష్ట్రంలోని పలు ప్రాంతాల్లో భారీ వర్షాలు కురిసే అవకాశం ఉంది. దీంతోపాటు పలు ప్రాంతాల్లో కొండచరియలు విరిగిపడే అవకాశం ఉందని వాతావరణ శాఖ హెచ్చరికలు జారీ చేసింది. రాబోయే నాలుగైదు రోజుల్లో హిమాచల్ ప్రదేశ్‌లోని కొన్ని జిల్లాల్లో భారీ వర్షాలు కురిసే అవకాశం ఉంది. భారీ వర్షాల కారణంగా గుజరాత్‌లోని పోర్‌బందర్‌ ప్రాంతమంతా జలమయమైంది. జూలై 22 వరకు గుజరాత్‌ రాష్ట్ర వ్యాప్తంగా రెడ్ అలర్ట్ ప్రకటించారు.

అమర్‌నాథ్‌లోని మంచు శివలింగాన్ని దర్శించుకునేందుకు దేశం నలుమూలల నుంచి ప్రతిరోజూ వేలాది మంది భక్తులు జమ్ముకశ్మీర్‌కు తరలివస్తున్నారు. ఆదివారం నాటికి యాత్రికుల సంఖ్య మూడు లక్షలు దాటే అవకాశం ఉందని అధికారులు భావిస్తున్నారు. శనివారం అమరనాథుణ్ణి 14,200 మంది భక్తులు దర్శించుకున్నారు. ఇప్పటి వరకు 2,93,929 మంది భక్తులు అమర్‌నాథ్‌కు తరలివచ్చారు.అమరనాథుణ్ణి త్వరగా దర్శించుకోవాలనే ఉత్సాహం భక్తుల్లో కనిపిస్తోంది. ఇందుకోసం టోకెన్లు పొందేందుకు, భక్తులు తెల్లవారుజాము నుంచే సేవా కేంద్రాలకు చేరుకుంటున్నారు. తాజాగా 1,630 మంది భక్తులు 74 చిన్న, పెద్ద వాహనాల్లో జమ్ము నుంచి బల్తాల్‌కు బయలుదేరారు. వీరిలో 1068 మంది పురుషులు, 546 మంది మహిళలు, 16 మంది పిల్లలు ఉన్నారు. అదేవిధంగా పహల్గాం మార్గంలో 109 చిన్న, పెద్ద వాహనాల్లో 3039 మంది భక్తులు కశ్మీర్‌కు తరలి వెళ్లారు. వీరిలో 2350 మంది పురుషులు, 584 మంది మహిళలు, ఏడుగురు పిల్లలు, 96 మంది సాధువులు, ఇద్దరు సాధ్వులు ఉన్నారు. కాగా ఆగస్టు 19న అమర్‌నాథ్ యాత్ర ముగియనుంది.

ఒడిశాలోని పూరీలో జరిగే రథయాత్రకు ప్రపంచం నలుమూలల నుంచి భక్తులు తరలివస్తున్నారు. నిన్న (సోమవారం) ఉదయం మంగళ హారతితో రథయాత్ర ప్రారంభమైంది. జై జగన్నాథ్‌ అంటూ భక్తులు నినాదాలు చేస్తుండగా రథయాత్ర మొదలయ్యింది.భక్తులు రెట్టించిన ఉత్సాహంతో రథాల తాళ్లను ముందుకు లాగారు. డప్పుల దరువులుల మధ్య బలభద్రుడి రథంతో జగన్నాథుడు తన అత్త అయిన గుండిచా అమ్మవారి ఆలయానికి చేరుకున్నారు. కొద్దిసేపటికి జగన్నాథుని సోదరి దేవి సుభద్ర ఆశీనురాలైన రథం కూడా గుండిచా ఆలయానికి చేరుకుంది. నేటి (మంగళవారం) తెల్లవారుజాము వరకు రథాలపైనే ఆశీనులై పూజలు అందుకున్న జగన్నాథుడు, సుభద్రలు గుండిచా ఆలయంలోకి ప్రవేశించనున్నారు.53 ఏళ్ల తర్వాత ఈసారి పూరీలో రథయాత్ర రెండు రోజుల పాటు జరుగుతోంది. కాగా ఒడిశాలోని ఝార్సుగూడ జిల్లాలో రథయాత్ర సందర్భంగా శ్యామ్ సుందర్ కిషన్ (45) అనే భక్తుడు రథం చక్రాల కింద పడి మృతి చెందాడు. ఆదివారం కుకుజుంఘా గ్రామంలో జగన్నాథ రథాన్ని లాగుతుండగా ఈ ప్రమాదం చోటుచేసుకుంది. మరోవైపు ఆదివారం పూరీలో జరిగిన రథయాత్రలో కొంతమంది పోలీసులతో సహా 130 మంది గాయపడ్డారు, వారిలో సగం మంది చికిత్స తర్వాత డిశ్చార్జ్ కాగా, 40 మందికి చికిత్స కొనసాగుతోంది.

ఈ అనంత విశ్వంలో ఊహకందని ఘటనలు అనేకం జరుగుతుంటాయి. ఇవి మనల్ని ఆలోచింపజేయడమే కాకుండా ఆందోళనకు కూడా గురిచేస్తుంటాయి. ప్రపంచవ్యాప్తంగా ఒక్కసారిగా విమానాలన్నీ రద్దయితే? శాటిలైట్లు పనిచేయడం మాసేసి, ఇంటర్నెట్‌ ఆగిపోతే? అటు ఫోన్లు మూగబోయి.. ఇటు విద్యుత్‌ అంతరాయం ఏర్పడితే.. పరిస్థితి ఎలా ఉంటుందో ఊహించండి. వినడానికే ఆందోళన కలిగించే ఇటువంటి ఘటన 150 ఏళ్ల క్రితం సంభవించింది. దీనిని కారింగ్టన్ ఈవెంట్ అని పిలుస్తారు. కారింగ్టన్ ఈవెంట్ అంటే..1859, సెప్టెంబరు 2న కారింగ్టన్ ఈవెంట్‌ను నాటి శాస్త్రవేత్తలు గుర్తించారు. లండన్‌లోని రెడ్ హిల్‌లో ఉంటున్న శాస్త్రవేత్తలు రిచర్డ్ క్రిస్టోఫర్ కారింగ్టన్‌, అతని సహోద్యోగి రిచర్డ్ హోడ్గ్‌సన్‌లు సూర్యునిపై ఉన్న చీకటి మచ్చల సమూహం(సన్‌ స్పాట్‌)పై అధ్యయనం చేస్తుండగా వారు సూర్యునిపై సంభవించిన భారీ పేలుడును గమనించారు. దీనినే కారింగ్టన్‌ ఈవెంట్‌గా పేర్కొన్నారు. ఈ పేలుడు ప్రభావం భూమికున్న ధ్రువ ప్రాంతాలలో కనిపించింది. ఇదే తొలి సౌర తుఫానుగా నమోదయ్యింది.భారీ పేలుళ్ల గుర్తింపురిచర్డ్ క్రిస్టోఫర్ కారింగ్టన్ సూర్యునిపై ఐదు నిమిషాల పాటు సంవించిన భారీ పేలుళ్లను గమనించారు. ఈ భారీ సౌర తుఫానును గమనించిన ఏడు రోజుల తర్వాత లండన్‌లోని క్యూ అబ్జర్వేటరీలోని అయస్కాంత సెన్సార్లు భూ అయస్కాంత క్షేత్రంలో గణనీయమైన మార్పును గుర్తించాయి. ఈ పేలుడు జరిగిన రెండు రోజుల తర్వాత భూమికి చెందిన మాగ్నెటోస్పియర్ చుట్టూ కరోనల్ మాస్ ఎజెక్షన్ (సీఎంఈ) విక్షేపం చెందడాన్ని శాస్త్రవేత్తలు గమనించారు.కుప్పకూలనున్న కమ్యూనికేషన్‌ వ్యవస్థ?1859లో సంభవించిన కారింగ్‌టన్ ఈవెంట్‌ సమయంలో ప్రపంచంలో భారీ విద్యుత్తు వ్యవస్థ, ఉపగ్రహాలు మొదలైనవి లేవు. అందుకే నాడు భారీ విధ్వంసం కనిపించలేదు. అయితే ఇప్పుడు ఈ స్థాయి సౌర తుఫాను సంభవిస్తే, ప్రపంచంలో భారీ విపత్తులు చోటుచేసుకునే అవకాశం ఉంది. ఫలితంగా ప్రపంచంలోని అనేక దేశాల్లో విద్యుత్తు అంతరాయాలు ఏర్పడవచ్చు. భూమి చుట్టూ తిరుగుతున్న వేలాది ఉపగ్రహాలు స్థంభించిపోవచ్చు. కమ్యూనికేషన్ వ్యవస్థ, విద్యుత్ వ్యవస్థ చాలా కాలం పాటు నిలిచిపోయే అవకాశాలున్నాయని శాస్త్రవేత్తలు అంచనా వేస్తున్నారు.రాబోయే రోజుల్లో..కాగా 2003 అక్టోబరులో సంభవించిన సౌర తుఫాను దక్షిణాఫ్రికాలో కమ్యూనికేషన్ వ్యవస్థలను, విద్యుత్ సౌకర్యాలను అస్తవ్యస్తం చేసింది. దీనికి ‘హాలోవీన్ సౌర తుఫాను’అని నామకరణం చేశారు. రాబోయే రోజుల్లో మరిన్ని సౌర తుఫానులు భూమిని ఢీకొనవచ్చని శాస్త్రవేత్తలు భావిస్తున్నారు. సౌర తుఫానుల కారణంగా భూ అయస్కాంత క్షేత్రాలలో హెచ్చతగ్గులు ఏర్పడతాయి. అది బ్లాక్‌అవుట్‌లకు దారితీసి, విద్యుత్ వ్యవస్థలు కూలిపోయే ప్రమాదం ఉంటుంది. అలాగే స్పేస్‌క్రాఫ్టులు అధిక రేడియేషన్ ముప్పును ఎదుర్కొంటాయి.భూమికి పొంచివున్న ప్రమాదం?రెండు దశాబ్దాల తర్వాత 2024 మే 10న అత్యంత శక్తివంతమైన సౌర తుఫాను భూమిని తాకింది. ఈ సౌర తుఫానును తొలుత తీవ్రమైంది కాదని భావించారు. కానీ, తర్వాత అత్యంత శక్తివంతమైందిగా అంచనా వేశారు. సూర్యుడి సన్‌స్పాట్ ఏఆర్‌ 3663 వద్ద అత్యంత శక్తివంతమైన రెండు విస్ఫోటనాలు సంభవించినట్టు శాస్త్రవేత్తలు గుర్తించారు. వీటి వల్ల భూమికి ప్రమాదం పొంచి ఉందని హెచ్చరికలు చేశారు.

బెంచ్‌మార్క్ ఈక్విటీ సూచీలు శుక్రవారం ట్రేడింగ్ సెషన్‌ను సానుకూలంగా ప్రారంభించాయి. ఉద​యం 9:20 సమయానికి ఎన్ఎస్ఈ నిఫ్టీ 35.80 పాయింట్లు (0.15 శాతం) పెరిగి 23,661 వద్ద, బీఎస్ఈ సెన్సెక్స్ 132.49 పాయింట్లు లేదా 0.17 శాతం లాభంతో 77,729.48 వద్ద ప్రారంభమయ్యాయి.ఎల్‌టీఐ మైండ్‌ట్రీ, ఇన్ఫోసిస్‌, టెక్‌ మహీంద్రా, టీసీఎస్‌, భారతీ ఎయిర్‌టెల్‌ షేర్లు టాప్‌ గెయినర్స్‌ జాబితాలో ఉన్నాయి. టాటా స్టీల్‌, హెచ్‌యూఎల్‌, టాటా మోటర్స్‌, హెచ్‌డీఎఫ్‌సీ బ్యాంక్‌, అదానీ ఎంటర్‌ప్రైజస్‌ టాప్‌ లూజర్స్‌గా ఉన్నాయి.(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

హిమాచల్ ప్రదేశ్ ఈరోజు 76వ ఏట అడుగుపెట్టింది. ఈ రాష్ట్రం 1948 ఏప్రిల్ 15న  ఆవిర్భవించింది. నేడు హిమాచల్ దినోత్సవాన్ని సిమ్లాలోని రిడ్జ్ గ్రౌండ్‌లో నిర్వహించనున్నారు. ఈ సందర్భంగా జానపద కళాకారులు సాంస్కృతిక కార్యక్రమాలను ప్రదర్శించనున్నారు. అనేక మైలురాళ్లను దాటిన హిమాచల్ ప్రదేశ్ నేడు అన్ని రంగాల్లోనూ ముందు వరుసలో ఉంది. 1948లో హిమాచల్ ప్రదేశ్‌లో అక్షరాస్యత రేటు ఏడు శాతంగా ఉంది. ఇది 76 సంవత్సరాల తర్వాత అంటే నేటికి 82.80 శాతానికి చేరుకుంది. రాష్ట్రంలో మూడు విమానాశ్రయాలు ఉన్నాయి. 1948లో వీటి సంఖ్య సున్నా. ఆరోగ్య రంగంలో కూడా రాష్ట్రం అగ్రగామిగా నిలిచింది. హిమాచల్‌లో ప్రస్తుతం ఒక ఎయిమ్స్‌, ఐదు వైద్య కళాశాలలు, ఐదు డెంటల్ కళాశాలలు, పలు నర్సింగ్, ఫార్మసీ కళాశాలలు ఉన్నాయి. దేశంలోని ఇతర రాష్ట్రాల నుంచి కూడా విద్యనభ్యసించేందుకు విద్యార్థులు ఇక్కడికి వస్తున్నారు. 1948వ సంవత్సరంలో హిమాచల్ ప్రజల తలసరి ఆదాయం రూ.240 కాగా, ప్రస్తుతం రూ.2,35,199కి చేరుకుంది. స్వాతంత్ర్య సమరయోధుడు, సంఘ సంస్కర్త యశ్వంత్ సింగ్ పర్మార్ హిమాచల్ తొలి ముఖ్యమంత్రి. ఈయన 1952 నుండి 1977 వరకు  అధికారంలో ఉన్నారు. ఠాకూర్ రామ్ లాల్ 1977, 1980లలో రెండుసార్లు ముఖ్యమంత్రి అయ్యారు. శాంత కుమార్ 1977, 1990లో రెండుసార్లు అధికారంలో కొనసాగారు. వీరభద్ర సింగ్ 1985, 1993, 2003, 2012,2017లో ఆరుసార్లు ముఖ్యమంత్రిగా పనిచేశారు. ప్రేమ్ కుమార్ ధుమాల్ 1998, 2007లో అధికారాన్ని చేపట్టారు. 2017లో జైరాం ఠాకూర్ ముఖ్యమంత్రి అయ్యారు. సుఖ్విందర్ సింగ్ సుఖు 2023 నుండి అధికారంలో కొనసాగుతున్నారు.

రిజర్వ్ బ్యాంక్ ఆఫ్ ఇండియా (RBI) ప్రతి సంవత్సరం బ్యాంకు సెలవుల జాబితాను విడుదల చేస్తుంది. ఇందులో గెజిట్ పబ్లిక్ హాలిడేస్‌తోపాటు ముఖ్యమైన పండుగలు ఉంటాయి. అయితే ఈ జాబితాలో ప్రాంతీయ పండుగలు, సందర్భాలను బట్టి రాష్ట్రాల వారీగా సెలవులు ఉండవు. ఆర్బీఐ జాబితా ప్రకారం.. 2024 ఫిబ్రవరిలో మొత్తం 11 బ్యాంకు సెలవులు ఉన్నాయి. అయితే ఫిబ్రవరి 19వ తేదీ సోమవారం బ్యాంకులు పనిచేస్తాయా లేదా అనే దానిపై ఇంకా స్పష్టత లేదు. ఫిబ్రవరి 19న ఛత్రపతి శివాజీ మహారాజ్ జయంతి దృష్ట్యా మహారాష్ట్ర అంతటా బ్యాంకులు పనిచేయవు. మిగతా అన్ని రాష్ట్రాల్లోని బ్యాంకులు సోమవారం సాధారణ పని దినం ప్రకారం పనిచేస్తాయి. ఛత్రపతి శివాజీ మహారాజ్ జయంతిని శివ జయంతి అని కూడా పిలుస్తారు. ఇది మహారాష్ట్ర అంతటా జరుపుకుంటారు. ఇది రాష్ట్రంలో ప్రభుత్వ సెలవు దినం. మరాఠా యోధుడు ఛత్రపతి శివాజీ మహరాజ్ జయంతిని ప్రతి సంవత్సరం ఫిబ్రవరి 19న పండుగలా జరుపుకుంటారు. బ్యాంకులు మూతపడినప్పటికీ ఆన్‌లైన్ మోడ్ ద్వారా ఆర్థిక లావాదేవీలను నిర్వహించవచ్చు. ఫిబ్రవరిలో బ్యాంక్ సెలవులు ఇవే.. ఫిబ్రవరి 4 - ఆదివారం ఫిబ్రవరి 10- రెండవ శనివారం ఫిబ్రవరి 11- ఆదివారం ఫిబ్రవరి 14- బసంత్ పంచమి (త్రిపుర, ఒడిశా, పశ్చిమ బెంగాల్‌లో సెలవు) ఫిబ్రవరి 15- లూ-నాగి-ని (మణిపూర్‌లో సెలవు) ఫిబ్రవరి 18- ఆదివారం ఫిబ్రవరి 19- ఛత్రపతి శివాజీ జయంతి (మహారాష్ట్రలో సెలవు) ఫిబ్రవరి 20- రాష్ట్ర దినోత్సవం (మిజోరం, అరుణాచల్ ప్రదేశ్‌లలో సెలవు)  ఫిబ్రవరి 24- రెండవ శనివారం ఫిబ్రవరి 25- ఆదివారం ఫిబ్రవరి 26- న్యోకుమ్ (అరుణాచల్ ప్రదేశ్‌లో సెలవు)

Gold Rate today : పసిడి ప్రియులకు ఇది నిజంగా బంగారం లాంటి వార్తే. వారం రోజులుగా దేశవ్యాప్తంగా బంగారం ధరలు తగ్గిపోయాయి. నిన్నటి రోజున స్పల్పంగా తగ్గిన పసిడి ధరలు ఈరోజు భారీగా దిగొచ్చాయి. వారం రోజుల వ్యవధిలో బంగారం ధరలు రూ.1000 పైగా తగ్గాయి.  హైదరాబాద్‌తోపాటు రెండు తెలుగు రాష్ట్రాల్లో ఈరోజు (ఫిబ్రవరి 14) బంగారం ధరలు భారీగా తగ్గాయి. 22 క్యారెట్ల బంగారం 10 గ్రాముల ధర రూ.600 తగ్గి రూ.57,000 లకు దిగివచ్చింది. అలాగే 24 క్యారెట్ల పుత్తడి 10 గ్రాముల ధర రూ.660 చొప్పున తగ్గి రూ.62,180 వద్ద ఉంది. పవిత్రమైన మాఘమాసంలో బంగారం ధరలు భారీగా తగ్గడంతో మహిళలు, పసిడి ప్రియులు సంతోషం వ్యక్తం చేస్తున్నారు. పెళ్లిళ్లు, ఇతర శుభకార్యాల కోసం పసిడి కొనుగోలుచేసేవారికి భారీ ఊరట లభిస్తోంది.   దేశంలోని ఇతర నగరాల్లో.. ➦ ఢిల్లీలో 22 క్యారెట్ల బంగారం 10 గ్రాముల ధర రూ.600 తగ్గి రూ.57,150 వద్ద, 24 క్యారెట్ల పసిడి 10 గ్రాములకు రూ.680 తగ్గి రూ.62,310 వద్ద కొనసాగుతోంది. ➦ బెంగళూరులో 22 క్యారెట్ల బంగారం 10 గ్రాముల ధర రూ.600 తగ్గి రూ.57,000 వద్దకు వచ్చింది. అలాగే 24 క్యారెట్ల పసిడి 10 గ్రాముల ధర రూ.660 తగ్గి రూ.62,180 వద్ద ఉంది.  ➦ చెన్నైలో 22 క్యారెట్ల పసిడి 10 గ్రాముల ధర రూ.600 దిగొచ్చి రూ.57,500లు ఉండగా 24 క్యారెట్ల బంగారం రూ.650 క్షీణించి రూ.62,730 ఉంది. ➦ ముంబైలో 22 క్యారెట్ల పసిడి 10 గ్రాములకు రూ.600 తగ్గి రూ.57,000 లకు చేరింది. 24 క్యారెట్ల పుత్తడి 10 గ్రాముల ధర రూ.660 చొప్పున తగ్గి రూ.62,180 వద్ద ఉంది.  Silver Price : ఇక దేశవ్యాప్తంగా వెండి ధరలు కూడా భారీగానే తగ్గాయి. క్రితం రోజున స్థిరంగా ఉన్న వెండి ధర ఈరోజు (ఫిబ్రవరి 14) కేజీకి ఏకంగా రూ. 1500 తగ్గింది. హైదరాబాద్‌ సహా రెండు తెలుగు రాష్ట్రాల్లో ప్రస్తుతం కేజీ వెండి ధర రూ. 75,500లుగా ఉంది.

Gold Rate today : దేశవ్యాప్తంగా బంగారం ధరలు కొనుగోలుదారులకు ఊరటనిస్తున్నాయి. రెండు రోజులుగా స్థిరంగా కొనసాగుతున్నాయి. అంతకు ముందు పసిడి ధరలు కాస్త తగ్గుముఖం పట్టాయి. తెలుగు రాష్ట్రాల్లో పవిత్రమైన మాఘమాసం ప్రారంభమైంది. శుభ ముహుర్తాల వేళ బంగారం ధరల్లో పెరుగుదల లేకపోవడం కొనుగోలుదారులకు కలిసొచ్చే అంశం. హైదరాబాద్‌తోపాటు ఇరు తెలుగు రాష్ట్రాల్లోని వివిధ ప్రాంతాల్లో ఈరోజు (ఫిబ్రవరి 12) బంగారం ధరలు ఎలా ఉన్నాయో చూద్దాం.. ప్రస్తుతం 22 క్యారెట్ల బంగారం 10 గ్రాముల ధర రూ.57,700 వద్ద ఉండగా 24 క్యారెట్ల పుత్తడి 10 గ్రాముల ధర రూ.62,950 వద్ద ఉంది. ఇతర నగరాల్లో ఇలా.. బెంగళూరులో 22 క్యారెట్ల బంగారం 10 గ్రాముల ధర రూ.57,700 వద్ద, అదే విధంగా 24 క్యారెట్ల బంగారం 10 గ్రాముల ధర రూ.62,950 వద్ద ఉంది. చెన్నైలో 22 క్యారెట్ల పసిడి 10 గ్రాముల ధర రూ.58,300లు ఉండగా 24 క్యారెట్ల బంగారం రూ.63,600 ఉంది. ఢిల్లీలో 22 క్యారెట్ల బంగారం 10 గ్రాముల ధర రూ.57,850, అలాగే 24 క్యారెట్ల పసిడి రూ.63,100 వద్ద కొనసాగుతోంది. ముంబైలో 22 క్యారెట్ల పసిడి 10 గ్రాముల ధర రూ.57,700 వద్ద, 24 క్యారెట్ల బంగారం 10 గ్రాముల ధర రూ.62,950 వద్ద స్థిరంగా ఉంది.

దేశవ్యాప్తంగా బంగారం ధరలు ఊరటనిచ్చాయి. క్రితం రోజున స్థిరంగా ఉన్న పసిడి ధర ఈరోజు (ఫిబ్రవరి 9) స్వల్పంగా తగ్గింది. దీంతో ఈరోజు బంగారం కొనేవారికి ధరలు కాస్త దిగివచ్చినట్లయింది. బంగారం ధరలు ద్రవ్యోల్బణం , అంతర్జాతీయ ధరలలో మార్పు, సెంట్రల్ బ్యాంక్ గోల్డ్ రిజర్వ్, వడ్డీ రేట్లు హెచ్చుతగ్గులు, నగల మార్కెట్‌లతో సహా అనేక అంతర్జాతీయ కారకాలపై ఆధారపడి ఉంటాయి. హైదరాబాద్‌ నగరంతోపాటు ఇరు తెలుగు రాష్ట్రాల్లోని వివిధ ప్రాంతాల్లో ఈరోజు 22 క్యారెట్ల బంగారం 10 గ్రాముల ధర రూ.100 తగ్గి రూ.57,900 లకు చేరింది. అదే విధంగా 24 క్యారెట్ల పుత్తడి 10 గ్రాముల ధర రూ.70 చొప్పున దిగొచ్చి రూ.63,160 వద్ద ఉంది. దేశంలోని ప్రధాన నగరాల్లో.. ♦ బెంగళూరులో ఈరోజు 22 క్యారెట్ల బంగారం 10 గ్రాముల ధర రూ.100 తగ్గి ప్రస్తుతం రూ.57,900 వద్ద, అదే విధంగా 24 క్యారెట్ల బంగారం 10 గ్రాముల ధర రూ.70 తగ్గి రూ.63,160 వద్దకు చేరింది. ♦ చెన్నైలో 22 క్యారెట్ల బంగారం 10 గ్రాముల ధర అత్యల్పంగా రూ.10 తగ్గి రూ.58,390లు ఉండగా 24 క్యారెట్ల బంగారం రూ.10 చొప్పున తగ్గి రూ.63,710 ఉంది. ♦ ఢిల్లీలో 22 క్యారెట్ల బంగారం 10 గ్రాముల ధర రూ.100 తగ్గి రూ.58,050 లకు దిగొచ్చింది. అలాగే 24 క్యారెట్ల పసిడి రూ.20 తగ్గి రూ.63,310 వద్ద ఉంది. ♦ ముంబైలో 22 క్యారెట్ల పుత్తడి 10 గ్రాముల ధర రూ.100 తగ్గి ప్రస్తుతం రూ.57,900 వద్ద, అదే విధంగా 24 క్యారెట్ల బంగారం 10 గ్రాముల ధర రూ.70 తగ్గి రూ.63,160 వద్దకు చేరింది. cost of silver today: ఇక వెండి ధరల విషయానికి వస్తే ఈరోజు దేశవ్యాప్తంగా వెండి ధరలు పెరిగాయి. రెండు రోజులుగా స్థిరంగా ఉన్న రజతం ఈరోజు కేజీకి రూ.500 చొప్పున పెరిగింది. ప్రస్తుతం హైదరాబాద్‌లో కేజీ వెండి ధర రూ.76,500 వద్ద ఉంది. ఇది క్రితం రోజున రూ. 76,000 లుగా ఉండేది.

పండగ పూట బంగారం కొనేవారికి పెరిగిన ధరలు షాకిస్తున్నాయి. దేశవ్యాప్తంగా ఈరోజు (జనవరి 13) పసిడి ధరలు మరింతగా పెరిగాయి.  నిన్నటి రోజున స్పల్పంగా పెరిగిన బంగారం ధరలు ఈరోజు ఇంకాస్త ఎగిశాయి.  హైదరాబాద్‌ సహా రెండు తెలుగు రాష్ట్రాల్లోని వివిధ ప్రాంతాల్లో ఈరోజు బంగారం ధరలు పెరిగాయి. 24 క్యారెట్ల బంగారం ధర తులానికి (10 గ్రాములు)  రూ.320 పెరిగింది. అలాగే 22 క్యారెట్ల పసిడి 10 గ్రాములకు రూ.300 ఎగిసింది. దీంతో ప్రస్తుతం 24 క్యారెట్ల బంగారం 10 గ్రాముల ధర రూ.63,270లకు, 22 క్యారెట్ల పుత్తడి తులం ధర రూ. 58,000లకు చేరింది. క్రితం రోజు ఈ ధరలు వరుసగా రూ. 62,950, రూ.57,700 ఉండేవి. బంగారం ధరలు ద్రవ్యోల్బణం , అంతర్జాతీయ ధరలలో మార్పు, సెంట్రల్ బ్యాంక్ గోల్డ్ రిజర్వ్, హెచ్చుతగ్గుల వడ్డీ రేట్లు, నగల మార్కెట్‌లతో సహా అనేక అంతర్జాతీయ కారకాలు ప్రభావితం చేసే ప్రపంచ బంగారం ధరలపై ఆధారపడి ఉంటాయి. వెండి కూడా.. Silver Rate: దేశవ్యాప్తంగా ఈరోజు వెండి ధరలు కూడా పెరిగాయి. మూడు రోజుల నుంచి శాంతించిన వెండి ధరల్లో మళ్లీ పెరుగుదల నమోదైంది. హైదరాబాద్‌తోపాటు ఇరు రాష్ట్రాల్లో వెండి ధర కేజీకి రూ.500 చొప్పున పెరిగింది. దీంతో ప్రస్తుతం కేజీ వెండి ధర రూ.78,000 లకు చేరింది. నిన్నటి రోజున కేజీ వెండి ధర రూ.77,500 ఉండేది.

నేడు దేశవ్యాప్తంగా రాజ్యాంగ దినోత్సవం నిర్వహిస్తున్నారు. ప్రతియేటా రాజ్యాంగ దినోత్సవాన్ని నవంబర్ 26 న జరుపుకుంటారు. 1949 నవంబర్‌ 26న భారత రాజ్యాంగ సభ అధికారికంగా భారత రాజ్యాంగాన్ని ఆమోదించింది. రాజ్యాంగ విలువల పట్ల పౌరులలో గౌరవ భావాన్ని పెంపొందించడానికి ఈ దినోత్సవాన్ని నిర్వహిస్తారు.  రాజ్యాంగ నిర్మాత డాక్టర్ భీమ్‌రావ్ అంబేద్కర్ 125వ జయంతి సందర్భంగా 2015లో రాజ్యాంగ దినోత్సవం నిర్వహించడం అనేది ప్రారంభమైంది. సామాజిక న్యాయం, సాధికారతను గుర్తుచేసుకుంటూ రాజ్యాంగ దినోత్సవంగా జరుపుకోవాలని కేంద్రం పిలుపునిచ్చింది. భారత రాజ్యాంగాన్ని రూపొందించడానికి మొత్తం రెండు సంవత్సరాల, 11 నెలల, 18 రోజులు పట్టింది. రాజ్యాంగ రచన 1949 నవంబర్ 26న పూర్తయింది. మన దేశ రాజ్యాంగం మొత్తం ప్రపంచంలోనే అతి పెద్ద లిఖిత రాజ్యాంగం.  రాజ్యాంగాన్ని రూపొందించేటప్పుడు అనేక దేశాల నియమాలను చేర్చారు. అమెరికా, ఐర్లాండ్, కెనడా, జపాన్, ఆస్ట్రేలియా, యునైటెడ్ కింగ్‌డమ్ వంటి దేశాల రాజ్యాంగాల సహాయం తీసుకున్నారు. ఈ దేశాల రాజ్యాంగాల నుండి, పౌరుల విధులు, ప్రాథమిక హక్కులు, ప్రభుత్వ పాత్ర, ఎన్నికల ప్రక్రియ వంటి ముఖ్యమైన అంశాలను పరిగణలోకి తీసుకున్నారు. ఇది కూడా చదవండి: దేశంలోని పలు రాష్ట్రాలకు వర్షసూచన

సాక్షి, అమరావతి: జగనన్న పాల వెల్లువ పథకం కింద పశువుల కొనుగోలులో ఎలాంటి అవినీతి, అవకతవకలు జరగలేదని పశుసంవర్ధక శాఖ డైరె­క్టర్‌ డాక్టర్‌ రెడ్నం అమరేంద్రకుమార్‌ స్పష్టం చేశారు. ఈ పథకంలో లబ్ధిదారులకు ఒక్క రూపా­యి కూడా సబ్సిడీ లేదని, అవినీతికి ఆస్కారమే లేదని చెప్పారు.  వైఎస్సార్‌ చేయూత లబ్ధిదారుల్లో ఆసక్తి చూపించిన వారు మాత్రమే స్త్రీ నిధి, ఉన్నతి, బ్యాంక్‌ రుణాల ద్వారా పాడి పశువులను కొనుగోలు చేశారన్నారు. వీటి కొనుగోలులో ప్రభుత్వం, పశు సంవర్ధక శాఖ ప్రమేయం ఏమాత్రం లేదన్నారు. ఇష్టపూర్వకంగా ముందుకొచ్చిన లబ్ధిదారులు ప్రభు­త్వం ఇచ్చిన చేయూ­త లబ్ధి ద్వారా పొందిన రుణంతో వారికి నచ్చిన పాడి పశువులను నచ్చిన చోట బేరసారాలు సాగించి మరీ కొను­క్కొంటారని చెప్పారు. ఈ విధంగా నాలుగేళ్లలో ఈ పథకం కింద 3.94 లక్షల పాడి పశువుల యూనిట్లు  మహిళా లబ్ధిదారులు పొందారన్నారు. పాడి పశువుల కొనుగోలు యూనిట్‌ రూ.75 వేలుగా నిర్దేశించామన్నారు. వైఎస్సార్‌ చేయూత లబ్ధి రూ.18,750కి అదనంగా బ్యాంకుల నుంచి రూ.56,250 రుణం రూపంలోనూ లేదా స్త్రీ నిధి, ఉన్నతి పథకాల కింద రుణంగా తీసుకున్నారని చెప్పారు. మధ్యవర్తుల ప్రమే­యం లేకుండా లబ్ధిదా­రుని నిర్ణయం మేరకు రైతుల నుంచి నచ్చిన జాతి పశువులను నేరుగా కొన్నారని చెప్పారు. లబ్ధిదారు­లకు రుణం సమకూర్చడం తప్ప పశువుల కొనుగో­లులో ప్రభుత్వ పాత్ర ఏమీ లేదన్నారు. బ్యాంక్‌ నుంచి పొందిన రుణం చెల్లింపునకు వైఎస్సార్‌ చేయూత పథకం ద్వారా పొందిన ప్రభుత్వ సాయా­న్ని వాయిదాల పద్దతిలో చెల్లించే వెసులు­బాటు మాత్రమే ప్రభుత్వం కల్పించిందన్నారు. రుణాన్ని తిరిగి చెల్లించవలసిన భాద్యత లబ్ధిదారులదేనని అన్నారు. అమూల్‌ పాల సేకరణ కేంద్రాలకు పాలు పోసే లబ్ధిదారులను గుర్తించడం కోసం ఆంధ్ర­ప్రదేశ్‌ పాడి పరిశ్రమాభివృద్ధి సంస్థ సర్వే నిర్వహించిం­దే తప్ప వైఎస్సార్‌  చేయూత లబ్ధిదా­రు­లను గుర్తించడానికి కాదన్నారు. సాధార­ణంగా పాడి రైతులు వారి అవసరాలను బట్టి పశువులను కొనడం, అమ్మడం చేస్తుంటారన్నారు. ఈ పథకం లబ్ధిదారు­ల్లో ఎక్కువ మంది రాష్ట్ర పరిధిలోని రైతుల నుంచి, అతి కొద్ది మంది మాత్రమే పొరుగు రాష్ట్రాల రైతుల నుంచి వారికి నచ్చిన పశువులను కొన్నారని తెలిపారు. ఈ కారణంగా పాడి సంపద పెరగదని, అలాంటప్పుడు స్థూల పాల దిగుబడులలో పెరుగుదల ఎందుకు ఉంటుందని ఆయన ప్రశ్నించారు. ప్రభుత్వం నుండి అందించే లబ్ధిదారుని వాటా, స్త్రీనిధి, ఉన్నతి లేదా బ్యాంక్‌ రుణాలు నేరుగా లబ్ధిదారుని బ్యాంక్‌ ఖాతాకు జమ అవుతాయని, ఆ డబ్బుతోనే లబ్ధిదారులు పాడి పశువులను కొంటున్నారని తెలిపారు. అవినీతికి ఆస్కారం లేని రీతిలో పూర్తి పారదర్శకతతో ఈ ప«థకాన్ని అమలు చేస్తున్నట్లు చెప్పారు. ‘పాడి పశువుల కొనుగోలులో రూ.2,887 కోట్లు తినేశారు’ అంటూ ఈనాడులో ప్రచురితమైన కథనంలో అన్నీ అవాస్తవాలేనని ఆయన స్పష్టం చేశారు.

‘సత్యం’ రాజేష్, కామాక్షీ భాస్కర్ల ప్రధాన తారాగణంగా, రాకేందు మౌళి, బాలాదిత్య, కరుణకుమార్‌ కీలక పాత్రల్లో నటించిన చిత్రం ‘మా ఊరి పోలిమేర 2’. 2021లో వీక్షకుల ముందుకు వచ్చిన ‘మా ఊరి పోలిమేర’కు ఇది సీక్వెల్‌ చిత్రం. గౌరీకృష్ణ నిర్మించిన ఈ చితాన్ని పంపిణీదారుడు వంశీ నందిపాటి నేడు విడుదల చేస్తున్నారు. ఈ సందర్భంగా గురువారం జరిగిన విలేకర్ల సమావేశంలో ‘సత్యం’ రాజేశ్‌ మాట్లాడుతూ– ‘‘మా ఊరి పోలిమేర’కు వీక్షకుల నుంచి వచ్చిన స్పందనను బట్టి ‘మా ఊరి పోలిమేర 2’ చేద్దామని అనుకున్నాం. తొలి భాగం ముగిసిన దగ్గర్నుంచే మలి భాగం ఆరంభమవుతుంది. కొమరయ్య (సినిమాలో ‘సత్యం’ రాజేశ్‌ పాత్ర) గురించి నిజాలు తెలుసుకున్న లక్ష్మి (కామాక్షీ పాత్ర) ఏం చేసింది? ఏ విధంగా పగ తీర్చుకోవాలనుకుంది? కవిత ఎలా జీవించి ఉంది? ఇలాంటి ఆసక్తికరమైన కథనంతో మంచి ట్విస్ట్‌లతో సాగుతుంది. నా కెరీర్‌లో ఓ పెద్ద వేడుకలా ఈ సినిమాను భావిస్తున్నాను. ప్రస్తుతం ‘గీతాంజలి’ సీక్వెల్, వరుణ్‌తేజ్‌ ‘మట్కా’ వంటి సినిమాల్లో కీలక పాత్రలు చేస్తున్నాను. హీరోగా ‘టెనెంట్‌’ చేస్తున్నాను’’ అని చెప్పుకొచ్చారు.   

పండుగ సీజన్‌లో రోజురోజుకి పెరుగుతున్న పసిడి ధరలు గత రెండు రోజులుగా తగ్గుముఖం పట్టాయి. నేడు తెలుగు రాష్ట్రాల్లో బంగారం ధర రూ. 150 (22 క్యారెట్స్) నుంచి రూ. 160 (24 క్యారెట్స్) తగ్గింది. ఈ రోజు విజయవాడలో ఒక గ్రామ్ 22 క్యారెట్స్ బంగారం ధర రూ. 5495 & 24 క్యారెట్స్ గోల్డ్ ధర రూ. 5995గా ఉంది. నిన్నటి ధరలతో పోలిస్తే ఈ రోజు ఒక గ్రామ్ మీద రూ. 15 నుంచి రూ. 16 వరకు తగ్గింది. దీని ప్రకారం 10 గ్రాముల పసిడి ధర రూ. 54950 & రూ. 59950గా ఉంది. ఇదే ధరలు హైదరాబాద్, గుంటూరు, వైజాగ్‌లలో కూడా కొనసాగుతాయి. చైన్నైలో నేటి బంగారం ధరలు రూ. 150 నుంచి రూ. 160 వరకు తగ్గి రూ. 55,150 (10 గ్రామ్స్ 22 క్యారెట్ గోల్డ్), రూ. 60,160గా (10 గ్రామ్స్ 24 క్యారెట్ గోల్డ్) ఉన్నాయి. వెండి ధరలు కేజీ మీద రూ. 500 తగ్గి రూ. 77,000 వద్ద ఉంది. ఇదీ చదవండి: ధనవంతుల జాబితాలో రైతు బిడ్డ - సంపద తెలిస్తే అవాక్కవుతారు! దేశ రాజధాని ఢిల్లీలో 10 గ్రాముల 22 క్యారెట్ల బంగారం ధర రూ. 150 తగ్గి రూ. 55,100 & 24 క్యారెట్ల బంగారం ధర రూ. 160 తగ్గి రూ. 60,100గా ఉంది. వెండి ధరలు కేజీ మీద రూ. 500 తగ్గి రూ. 73,600 వద్ద ఉంది.

Gold rate today: దేశంలో ఈరోజు (అక్టోబర్‌ 14) బంగారం ధరలు భారీగా పెరిగాయి. ద్రవ్యోల్బణానికి వ్యతిరేకంగా ఖచ్చితమైన రక్షణగా, ముఖ్యమైన పెట్టుబడి సాధనంగా బంగారాన్ని చూస్తున్న నేపథ్యంలో దేశంలో పసిడికి అత్యంత డిమాండ్‌ ఉంటోంది.  దేశంలోని ప్రసిద్ధ జువెలర్స్‌ అందించిన సమాచారం మేరకు దేశవ్యాప్తంగా ఈ రోజు బంగారం 22 క్యారెట్ల ధర 10 గ్రాములకు రూ. 1400, 24 క్యారెట్ల ధర 10 గ్రాములకు రూ. 1530 పెరిగింది.  హైదరాబాద్‌ సహా తెలుగు రాష్ట్రాల్లోని వివిధ ప్రాంతాల్లో ఈరోజు 22 క్యారెట్ల పసిడి 10 గ్రాముల ధర రూ.1400 పెరిగి రూ. 55,400లకు చేరింది. అలాగే 24 క్యారెట్ల బంగారం ధర రూ.1530 పెరిగి రూ.60,440 లకు చేరింది. క్రితం రోజు ఈ ధరలు రూ. 54,000, రూ.58,910 లుగా ఉండేవి. ఎగిసిన వెండి   Silver price today: దేశవ్యాప్తంగా వెండి ధరలు భారీగా పెరిగాయి. కేజీ వెండి ఈరోజు (అక్టోబర్‌ 14) ఈరోజు ఏకంగా రూ.1500 పెరిగింది. హైదరాబాద్‌లో ప్రస్తుతం కేజీ వెండి ధర రూ.77,000 ఉంది. దేశంలోని ప్రధాన నగరాల్లో బంగారం ధరల కోసం ఇక్కడ క్లిక్‌ చేయండి!

Gold Price Today: దేశవ్యాప్తంగా బంగారం ధరలు ఈరోజు (అక్టోబర్‌ 9) మళ్లీ పెరిగాయి. వరుసగా నాలుగు రోజులుగా పసిడి ధరలు పెరుగుతూనే ఉన్నాయి. ఈ నాలుగు రోజుల్లో పుత్తడి 10 గ్రాములకు ఏకంగా రూ.1000 దాకా పెరిగింది.  హైదరాబాద్ సహా తెలుగు రాష్ట్రాల్లో 22 క్యారెట్ల బంగారం 10 గ్రాముల ధర ఈరోజు రూ.200 మేర పెరిగింది. అలాగే 24 క్యారెట్ల పసిడి 10 గ్రాముల ధర రూ.220 ఎగిసింది. దీంతో 22 క్యారెట్ల బంగారం 10 గ్రాముల ధర  రూ. 53,350లకు చేరింది. 24 క్యారెట్ల పుత్తడి ధర రూ. 58,200లకు చేరింది. క్రితం రోజు ధరలు వరుసగా రూ. 53,150, రూ. 57,980గా ఉండేవి. దేశంలోని ప్రధాన నగరాల్లో బంగారం ధరలకోసం ఇక్కడ క్లిక్‌ చేయండి! వెండి కూడా.. Silver rate today: దేశవ్యాప్తంగా ఈరోజు (అక్టోబర్‌ 9) వెండి ధరలు కూడా పెరిగాయి. కేజీకి రూ.500 చొప్పున వెండి ధర పెరిగింది. దీంతో తెలుగు రాష్ట్రాల్లో కేజీ వెండి ధర రూ.75,500లకు చేరింది. క్రితం రోజు ఇది రూ.75,000 లుగా ఉండేది.

గత కొన్ని రోజులుగా తగ్గుముఖం పట్టిన బంగారం ధరలు మళ్ళీ భారీ పెరుగుదల దిశవైపు వేగంగా అడుగులు వేస్తున్నారు. ఈ రోజు ఒక గ్రామ్ గోల్డ్ ధర రూ. 400 నుంచి రూ. 410 వరకు పెరిగింది. తెలుగు రాష్ట్రాల్లో నేటి ధరలు ఎలా ఉన్నాయనేది ఈ కథనంలో తెలుసుకుందాం. ఈ రోజు విజయవాడలో 22 క్యారెట్స్ గోల్డ్ ధర రూ. 5315 (ఒక గ్రామ్), 24 క్యారెట్స్ పసిడి ధర రూ. 5798 (ఒక గ్రామ్)గా ఉన్నాయి. దీని ప్రకారం 10 గ్రామ్స్ పసిడి ధరలు వరుసగా రూ. 53150 & రూ. 57980గా ఉంది. నిన్నటితో పోలిస్తే ఈ రోజు ధరలు రూ. 400, రూ. 410 ఎక్కువ. ఇదే ధరలు మిగిలిన తెలుగు రాష్ట్రాల్లో కూడా ఉంటాయి. చెన్నైలో ఈ రోజు బంగారం ధరలు స్థిరంగా ఉన్నాయి. కావున నిన్నటికి.. ఈ రోజుకి పెద్దగా తేడా లేదు. 22 క్యారెట్స్ 1 గ్రామ్ గోల్డ్ ధర రూ. 5370 కాగా, 24 క్యారెట్స్ గోల్డ్ ధర రూ. 5858గా ఉంది. ఈ లెక్కన 10 గ్రామ్స్ గోల్డ్ ఖరీదు వరుసగా రూ. 53700 & రూ. 58580గా ఉంది. ఇదీ చదవండి: ఇండియన్ మార్కెట్లో విడుదలైన కొత్త కార్లు - కియా నుంచి లాంబోర్గినీ వరకు.. దేశ రాజధాని ఢిల్లీలో పసిడి ధరలు భారీగా పెరిగాయి. ఇక్కడ ఒక గ్రామ్ 22 క్యారెట్స్ బంగారం ధర రూ. 5330 & ఒక గ్రామ్ 24 క్యారెట్స్ బంగారం ధర రూ. 5813గా ఉంది. దీని ప్రకారం 10 గ్రాముల పసిడి ధర రూ. 53300.. రూ. 58130 గా ఉంది. వెండి ధరలు వెండి ధరల విషయానికి వస్తే విజయవాడ, చెన్నై, ఢిల్లీలలో ఈ రోజు స్థిరంగా ఉన్నాయి. అంటే నిన్నటి ధరలే ఈ రోజు కూడా ఉన్నాయి.

గత వారం రోజులుగా రోజురోజుకి బంగారం ధరలు తగ్గిపోతూనే ఉన్నాయి. ఈ రోజు ఏకంగా 10 గ్రాముల బంగారం ధరలు మునుపటి కంటే రూ. 600 నుంచి రూ. 660 వరకు తగ్గింది. నేడు తెలుగు రాష్ట్రాల్లో బంగారం & వెండి ధరలు ఎలా ఉన్నాయో ఈ కథనంలో చూసేద్దాం. ⭐ విజయవాడలో ఒక గ్రామ్ 22 క్యారెట్ గోల్డ్ ధర రూ. 5260 కాగా, 24 క్యారెట్ గోల్డ్ ధర రూ. 5738గా ఉంది. ఈ లెక్కన 10 గ్రాముల 22 క్యారెట్ బంగారం రూ. 55260, 24 క్యారెట్ పసిడి ధర రూ. 57380గా ఉంది. ఇదే ధరలు తెలుగు రాష్ట్రాలైన హైదరాబాద్, గుంటూరు, ప్రొద్దుటూరు, విశాఖపట్టణంలో కూడా ఉన్నాయి. ⭐ వెండి ధరల విషయానికి వస్తే విజయవాడలో 10 గ్రాముల వెండి రూ. 735. కావున ఒక కేజీ వెండి ధర రూ. 73500గా ఉంది. ఈ ధర నిన్నటి కంటే కూడా రూ. 2000 తక్కువ. నిన్న కేజీ వెండి ధర రూ. 75500గా ఉంది. వెండి కొనేవారికి ఇది పెద్ద శుభవార్త అనే చెప్పాలి. ఇదే ధరలు ఇతర తెలుగు రాష్ట్రాల్లో కూడా కొనసాగుతాయి. ⭐ దేశ రాజధాని ఢిల్లీలో బంగారం ధర రూ. 5275 (1 గ్రామ్ 22 క్యారెట్), రూ. 5753 (1 గ్రామ్ 24 క్యారెట్). దీని ప్రకారం 10 గ్రాముల బంగారం ధరలు రూ. 52750 & రూ. 57530గా ఉన్నాయి.  నిన్నటి పోలిస్తే ఈ ధరలు రూ. 600 & రూ. 660 తగ్గింది. ⭐ వెండి విషయానికి వస్తే.. ఒక గ్రామ్ వెండి రూ. 71. కావున 10 గ్రాముల వెండి రూ. 710, కేజీ ధర రూ. 71000గా ఉంది. నిన్నటి ధరలతో పోలిస్తే ఈ రోజు రూ. 2000 తక్కువ కావడం గమనార్హం. ⭐ చెన్నైలో పసిడి ధరల విషయానికి వస్తే.. ఒక గ్రామ్ 22 క్యారెట్ గోల్డ్ ధర రూ. 5290 కాగా.. 24 క్యారెట్ గోల్డ్ ధర రూ. 5771గా ఉంది. నిన్నటి కంటే ఏ రోజు ధరలు రూ. 660 & రూ. 720 తక్కువ. ⭐ వెండి ధర చెన్నైలో రూ. 73.50. అంటే 1 కేజీ వెండి ధర ఇక్కడ రూ. 75500. నిన్నటి కంటే ఈ రోజు వెండి ధర కేజీ మీద రూ. 2000 తగ్గినట్లు స్పష్టంగా తెలుస్తోంది.

దేశీయ మార్కెట్లో ఈ రోజు (2023 సెప్టెంబర్ 11) బంగారం ధరలు స్వల్పంగా తగ్గాయి. 22 క్యారెట్ల 10 గ్రాముల పసిడి ధర రూ. 54,840కు చేరింది. నిన్నటితో పోలిస్తే ఈ రోజు ధర రూ. 10 తగ్గింది. 24 క్యారెట్ల 10 గ్రాముల బంగారం ధర కూడా రూ. 10 తగ్గి రూ. 59,830కు చేరింది. ఒక గ్రామ్ 22 క్యారెట్ అండ్ 24 క్యారెట్ గోల్డ్ ధరలు వరుసగా రూ. 5484 & రూ. 5983గా ఉన్నాయి. ఇక దేశ రాజధాని నగరం ఢిల్లీలో 22 క్యారెట్ల 10 గ్రాముల పసిడి ధర రూ. 54990 కాగా 24 క్యారెట్ 10 గ్రామ్స్ గోల్డ్ రూ. 59830గా ఉంది. ముంబై, పూణే, కేరళలో కూడా ఇదే ధరలు ఉన్నాయి. ఇక తెలుగు రాష్ట్రాల విషయానికి వస్తే విజయవాడ, హైదరాబాద్, గుంటూరు, కడపలలో 22 క్యారెట్ల బంగారం (10 గ్రాములు) ధర రూ. 54,840 కాగా 24 క్యారెట్ల గోల్డ్ (10 గ్రాములు) ప్రైస్ రూ. 59,830 వద్ద ఉన్నాయి. చెన్నైలో 10 గ్రాములు 22 క్యారెట్ల గోల్డ్ రూ. 55320 కాగా 10 గ్రాములు 24 క్యారెట్ల బంగారం ధర రూ. 60,340 వద్ద ఉంది. ద్రవ్యోల్బణం, ఫెడ్ వడ్డీ రేట్లు, ఆర్థిక అనిశ్చితి వంటి అంశాలు బంగారం ధరలలో హెచ్చు తగ్గులకు కారణమవుతుందని తెలుస్తోంది. వెండి ధరలు.. వెండి ధరలు ఈ రోజు కొంత పెరిగినట్లు తెలుస్తుంది. 100 గ్రాముల వెండి ధర రూ. 7750 కాగా 1 కేజీ వెండి ధర రూ. 77500గా ఉంది. నిన్న ఒక కేజీ వెండి ధర రూ. 77000 కావడం గమనార్హం. హైదరాబాద్, విజయవాడలో కేజీ సిల్వర్ ధర రూ. 77500గా ఉంది. బెంగళూరులో కేజీ వెండి రూ. 73000 కావడం గమనార్హం.

బెంగళూరు: కర్ణాటక రాష్ట్ర ప్రైవేట్ వెహికిల్స్ ఓనర్ అసోసియేషన్ బెంగళూరులో బందుకు పిలుపునిచ్చింది. రాష్ట్ర ప్రభుత్వం ప్రవేశపెట్టిన శక్తి స్కీంకు వ్యతిరేకంగా ఈ బందుకు పిలుపునిచ్చినట్లు స్పష్టం చేసింది. ఆదివారం అర్ధరాత్రి నుంచి సోమవారం అర్ధరాత్రి వరకు బంద్‌ను కొనసాగిస్తామని వెల్లడించింది. మొత్తం 32 ప్రైవేట్ ట్రాన్స్‌పోర్టు అసోసియేషన్స్‌ ఈ బంద్‌లో పాల్గొన్నాయి. దీంతో ప్రజలు ఇబ్బందులు ఎదుర్కొంటున్నారు.  The Federation of Karnataka State Private Transport Association had placed 28 demands in front of the #Karnataka government. With no consensus between the two parties, more than 10,000 members will gather for a protest march to Freedom Park in #Bengaluru.https://t.co/dw8rGmm4su — The Hindu-Bengaluru (@THBengaluru) September 11, 2023 బంద్‌కు కారణం.. ఎన్నికల మేనిఫెస్టోలో పేర్కొన్న విధంగా రాష్ట్ర వ్యాప్తంగా ప్రభుత్వం  శక్తి స్కీంను అమలుపరిచింది. దీని ప్రకారం రాష్ట్రంలో ప్రభుత్వ బస్సుల్లో మహిళలకు ఉచిత ప్రయాణం కల్పిస్తున్నారు. దీని వల్ల తమ ఉపాధిపై దెబ్బపడుతోందని ప్రైవేట్ ట్యాక్సీవాలాలు ఆరోపిస్తున్నారు. ఈ నేపథ్యంలోని బెంగళూరులో బంద్‌కు పిలుపునిచ్చారు. దీంతో ఇతర ప్రయాణ సౌకర్యాలను ఏర్పాటు చేసుకోవాలని ట్రాఫిక్ పోలీసులు ప్రజలకు విన్నవించారు. ప్రధాన డిమాండ్‌.. బంద్‌ అమలుతో బెంగళూరులో ప్రైవేటు ట్యాక్సీలు, ఆటోలు, ప్రైవేట్ బస్సులు, ప్రైవేట్ బైక్ ట్యాక్సీలు కూడా అందుబాటులో లేవు. శక్తీ స్కీంను ప్రైవేటు బస్సులకు కూడా విస్తరించాలనేది యూనియన్ల డిమాండ్లలో ప్రధానమైనది. ప్రభుత్వ పథకంతో తమకు జీవనోపాధి లేకుండా పోయిందని వాపోతున్నారు. ఇప్పటికే ప్రభుత్వంతో అనేకమార్లు చర్చలు జరిపినప్పటికీ ప్రయోజనం లేకుండా పోయిందని యూనియన్లు చెబుతున్నాయి. దాదాపు 10 లక్షల ప్రైవేట్ వాహనాలు నిలిచి ఉండనున్నాయి.  Members 32 unions part of the Federation of Karnataka State Private Transport Association protest at Freedom Park in #Bengaluru demanding a ban on bike taxis. Around 7 lakh vehicles operated by private persons or companies will stay off the roads on Sept 11 📹: @photomurali1 pic.twitter.com/LOmi0awTLL — The Hindu-Bengaluru (@THBengaluru) September 11, 2023 ప్రభుత్వం చర్యలు.. బంద్‌తో ప్రజలకు ఇబ్బంది కలగకుండా ప్రభుత్వం చర్యలు తీసుకుంటోంది. ఇప్పటికే నగరంలో వీలైనన్ని అధిక బస్సులను నడుపుతున్నామని రవాణా మంత్రి రామలింగా రెడ్డి స్పష్టం చేశారు. బెంగళూరు మెట్రోపాలిటన్ ట్రాన్స్‌పోర్టు కార్పొరేషన్ ప్రజలకు ఇబ్బంది కలగకుండా అన్ని చర్యలు తీసుకుంటోందని స్పష్టం చేశారు.  నగరంలో దాదాపు 500 అధిక బస్సులను నడుపుతున్నట్లు పేర్కొన్నారు.  ఇదీ చదవండి: జీ20 కేంద్రం వద్ద వర్షం నీరు.. విపక్షాల వ్యాఖ్యలపై కేంద్రం క్లారిటీ..

సాక్షి, హైదరాబాద్‌: సాంకేతిక కారణాల దృష్ట్యా వివిధ మార్గాల్లో 20 దూరప్రాంతాల రైళ్లను, నగరంలోని వివిధ మార్గాల్లో నడిచే మరో 16 ఎంఎంటీఎస్‌ రైళ్లను ఈ నెల 4 నుంచి 10 వరకు రద్దు చేయనున్నట్లు దక్షిణమధ్య రైల్వే సీపీఆర్వో సీహెచ్‌.రాకేశ్‌ ఒక ప్రకటనలో తెలిపారు. ఈ మేరకు కాజీపేట్‌–డోర్నకల్, విజయవాడ–డోర్నకల్, భద్రచాలం రోడ్‌–డోర్నకల్, కాజీపేట్‌–సిర్పూర్‌ కాగజ్‌నగర్, బల్లా ర్ష– కాజీపేట్, సికింద్రాబాద్‌–వరంగల్, సి ర్పూర్‌ టౌన్‌–భద్రాచలం, వరంగల్‌– హైదరాబాద్, కరీంనగర్‌–సిర్పూర్‌టౌన్, కరీంనగర్‌–నిజామాబాద్, కాజీపేట్‌–బల్లార్ష, తదితర మార్గాల్లో  రైళ్లు రద్దు కానున్నట్లు పేర్కొన్నారు. ఎంఎంటీఎస్‌లు రద్దు: ఈ నెల 4 నుంచి 10 వరకు లింగంపల్లి–నాంపల్లి, లింగంపల్లి–ఫలక్‌నుమా, ఉందానగర్‌–లింగంపల్లి, నాంపల్లి–లింగంపల్లి, తదితర మార్గాల్లో 16 సర్వీసులు రద్దు కానున్నట్లు వెల్లడించారు.    

Updates.. ముంబైలో జరిగిన ఇండియా కూటమి భేటీ ముగిసింది. ఈ సమావేశంలో ప్రతిపక్ష నేతల కూటమి పలు కీలక నిర్ణయాలు తీసుకుంది. మోదీ ప్రజా వ్యతిరేక విధానాలపై ఆందోళన కార్యక్రమాలు నిర్వహించాలని ఇండియా కూటమి నిర్ణయం తీసుకుంది. జుడేగా ఇండియా.. జీతేగా ఇండియా నినాదంతో ఉమ్మడి కార్యక్రమాలు నిర్వహించాలని నిర్ణయించుకుంది. అదే విధంగా చంద్రయాన్‌-3 విజయంపై ఇస్రోను అభినందిస్తూ కూటమి తీర్మానించింది. 13 మందితో సమన్వయ కమిటీని ఇండియా కూటమి ప్రకటించింది. ఇందులో శరద్‌ పవార్‌, స్టాలిన్‌ సహా పలువురు కీలక నేతలకు చోటు దక్కింది.  ఇండియా కూటమి సమావేశం నుంచి బయటకు వచ్చిన తర్వాత కాంగ్రెస్ నేత రాహల్ గాంధీ మీడియాతో మాట్లాడారు. ఈ వేదికపై 60 శాతం భారత్‌ ఉందన్నారు. ఈ బలమైన శక్తిని ఓడించడం బీజేపీ తరం కాదని అన్నారు. ఎన్నికలు చాలా దగ్గరగా వచ్చాయని,  త్వరలోనే జీ 20 శిఖరాగ్ర సదస్సు జరగనుందని తెలిపారు. అదానీ విషయంలో ఉన్నతస్థాయి విచారణ జరపాలని డిమాండ్‌ చేశారు. తన లఢక్ యాత్ర గురించి చెబుతూ..లఢక్‌లో చాలా భాగాన్ని చైనా ఆక్రమించిందని చెప్పారు. మన భూభాగాలను చైనా ఆక్రమించలేదని ప్రధాని మోదీ చెప్పడం పూర్తిగా అబద్ధమని అన్నారు. అక్కడి స్థానిక ప్రజలతో మాట్లాడానని అన్నారు. భారత ప్రభుత్వం తమను మోసం చేస్తోందని లఢక్‌లో ఉన్న ప్రతి వ్యక్తికి తెలుసని అన్నారు. చైనా, భారత మధ్య సరిహద్దు విషయంలో రహస్య ఒప్పందం ఉందని ఆరోపించారు. సరిహద్దు మార్పు స్పష్టంగా కనిపిస్తోందని చెప్పారు.  #WATCH | Congress MP Rahul Gandhi says, "I spent a week in Ladakh. I went to Pangong Lake right in front of where the Chinese are. I had detailed discussions, probably the most detailed discussion that any politician outside Ladakh has had with the people of Ladakh. They… pic.twitter.com/neR3JPZ8ih — ANI (@ANI) September 1, 2023 ► కూటమి పార్టీలన్నీ ఏకతాటిపైకి వస్తే ఓడించే సత్తా బీజేపీకి లేదని కాంగ్రెస్ నాయకుడు రాహుల్ గాంధీ అన్నారు. సమర్ధవంతంగా ఐక్యంగా ఉండటమే తమ ముందున్న కర్తవ్యమని చెప్పారు. సమన్వయ కమిటీని ఏర్పాటు చేశామని వెల్లడించారు. కూటమిలో నాయకుల మధ్య ఏర్పడిన సంబంధాలే అసలైన బలమని రాహుల్ చెప్పారు. బీజేపీని తప్పుకుండా ఓడిస్తామని ధీమా వ్యక్తం చేశారు.  #WATCH | Congress MP Rahul Gandhi at INDIA alliance meet in Mumbai "Today, two very big steps were taken. If parties on this stage unite, it is impossible for BJP to win elections. The task in front of us is to come together in the most efficient way. Forming a coordination… pic.twitter.com/SyDw8Tzmhk — ANI (@ANI) September 1, 2023 ► బీహార్‌ సీఎం నితీశ్‌ కుమార్‌ మాట్లాడుతూ.. పార్టీలన్నీ కలిసి పనిచేయాలని నిర్ణయించుకున్నాం. దాని ఫలితమే ఈ సమావేశం. కూటమి చేతిలో కేంద్రంలో ఉన్న బీజేపీకి ఓడిపోతుండి. ప్రస్తుతం మీడియా వారి చేతిలో ఉంది. వారి చెర నుంచి ఒక్కసారి మీడియాకు విముక్తి కలిగితే మళ్లీ మీడియా స్వేచ్చగా పనిచేస్తుంది. ఇలా చాలా ముఖ్యమైంది. వారు చరిత్రను మార్చాలనుకుంటున్నారు. అందుకు మేము అంగీకరించం. దీనిపై ప్రజలు, మేము కలిసి పోరాడతామన్నారు.   #WATCH | Bihar CM and JD(U) leader Nitish Kumar says, "...Parties are working together unitedly. So, as a result of this, those who are at the Centre will lose. They will go away. Be assured...You (media) are captive right now. Once you are free from them, you - the press - will… pic.twitter.com/53gmDcCin8 — ANI (@ANI) September 1, 2023 ► ఇండియా కూటమి కేవలం 28 పార్టీల కూటమి కాదు.. 140 కోట్ల కూటమిగా ఢిల్లీ సీఎం అరవింద్ కేజ్రీవాల్ అభివర్ణించారు. దేశ చరిత్రలో మోదీ ప్రభుత్వం అత్యధిక అవినీతికి పాల్పడిందని ఆరోపించారు. ప్రస్తుతం కేంద్రం కొందరి కోసమే పనిచేస్తోందని దుయ్యబట్టారు. ఇండియా కూటమిని చీల్చడానికి కొందరు ప్రయత్నిస్తున్నారని ఆరోపించారు. దేశాన్ని అభివృద్ధి వైపు తీసుకుపోవడానికి ఇండియా కూటమి ఉందని అన్నారు. ఇక్కడ పదవులు ఎవరూ ఆశించరని చెప్పారు.  #WATCH | AAP National Convenor & Delhi CM Arvind Kejriwal on INDIA alliance meeting "This is an alliance not just of some 28 parties, but an alliance of 140 crore people...Modi government is the most corrupt and arrogant government in the history of independent India. We are… pic.twitter.com/Dqek2ybyVx — ANI (@ANI) September 1, 2023 ► 'ఎవరూ అడగకుండానే పార్లమెంట్ ప్రత్యేక సెషన్‌ను ఏర్పాటు చేశారు. మణిపూర్ ఘటన జరిగిన సందర్భంలో ఎలాంటి సెషన్‌లు నిర్వహించలేదు. పెద్దనోట్ల రద్దు, చైనా దురాక్రమణ, కరోనా సమయంలో కూడా ఎలాంటి ప్రత్యేక సెషన్‌లను ప్రకటించలేదు. నియంతలా కేంద్రం దేశాన్ని పరిపాలిస్తోంది.'  అని కేంద్రాన్ని మల్లికార్జున ఖర్గే విమర్శించారు.  #WATCH | Congress President Mallikarjun Kharge on INDIA alliance meeting in Mumbai "Today, without asking anyone, the opposition, a special session of Parliament has been called. A special session of Parliament was never called even when Manipur was burning, during the COVID-19… pic.twitter.com/wjwkDEMzPJ — ANI (@ANI) September 1, 2023 ►  ఇండియా కూటమి భేటీపై కాంగ్రెస్ అధ్యక్షుడు మల్లికార్జున ఖర్గే సంతృప్తి వ్యక్తం చేశారు. సమావేశానికి హాజరైన అన్ని పార్టీలకు ఒకటే ధ్యేయం దేశాన్ని రక్షించడమేనని అన్నారు. దేశంలో పెరుగుతున్న నిరుద్యోగం, ధరల పెరుగుదల వంటి అనేక సమస్యలపై పొరాడతామని చెప్పారు. కేంద్రం మొదట గ్యాస్ ధరలు పెంచిన మళ్లీ తగ్గిస్తున్నారు.. మోదీ ప్రభుత్వం పేదల కోసం పనిచేయడం లేదని అన్నారు.    #WATCH | Congress President Mallikarjun Kharge on INDIA alliance meeting in Mumbai "All parties conducted this meeting well. A structure was formed for the alliance during talks at my residence earlier, in the Patna meeting an agenda was set and now in Mumbai, everyone has kept… pic.twitter.com/3KKlz20UG8 — ANI (@ANI) September 1, 2023 మూడు తీర్మాణాలు.. ► మూడు తీర్మాణాలు       1)  వచ్చే లోక్ సభ ఎన్నికల్లో కలిసి పోటీ చేయాలని నిర్ణయం       2)  ఈ నెల మూడో వారం నుంచి ర్యాలీలు నిర్వహించనున్నారు.        3)  జుడేగా భారత్‌-జీతేగా ఇండియా నినాదంతో ప్రజల ముందుకు  #WATCH | Shiv Sena (UBT) leader Aaditya Thackeray says, "Today, INDIA parties passed three resolutions. One, we the INDIA parties hereby resolve to contest the forthcoming Lok Sabha elections together as far as possible. Seat-sharing arrangements in different states will be… pic.twitter.com/VAEXozqV9S — ANI (@ANI) September 1, 2023 ► ఇండియా కూటమికి 14 మందితో కూడిన సమన్వయ కమిటీని నియమించారు. కమిటీకి ఎవరు నాయకత్వం వహిస్తారనే విషయం ఇంకా ప్రకటించలేదు. లోక్‌సభ ఎన్నికల్లో ఉమ్మడిగానే పోటీ చేయాలనే నిర్ణయానికి వచ్చారు. సీట్ల పంపకాలపై త్వరలో నిర్ణయం తీసుకుంటామని స్పష్టం చేశారు.  #WATCH | Shiv Sena (UBT) MP Sanjay Raut announces names of the 14-member coordination committee -- KC Venugopal (INC), Sharad Pawar (NCP), TR Baalu (DMK), Hemant Soren (JMM), Sanjay Raut (SS-UBT), Tejashwi Yadav (RJD), Abhishek Banerjee (TMC), Raghav Chadha (AAP), Javed Ali Khan… https://t.co/JrhGDqO74I pic.twitter.com/zPyGtxpdND — ANI (@ANI) September 1, 2023 ► సమావేశం జరగునున్న హోటల్‌ గదికి కాంగ్రెస్ ఛైర్‌పర్సన్ సోనియా గాంధీ, అధ్యక్షుడు మల్లికార్జున ఖర్గే, ఎంపీ రాహుల్ గాంధీలు హాజరయ్యారు.  #WATCH | Maharashtra | Congress Parliamentary Party Chairperson Sonia Gandhi, party president Mallikarjun Kharge and MP Rahul Gandhi arrive at the venue of the meeting of INDIA alliance in Mumbai. pic.twitter.com/xOCth1XXm9 — ANI (@ANI) September 1, 2023 ► భేటీకి హాజరుకావడానికి తమిళనాడు సీఎం స్టాలిన్ ముంబయిలోని హాయత్ హోటల్‌కు చేరుకున్నారు.  #WATCH | Tamil Nadu CM and DMK leader MK Stalin arrives at the venue of the meeting of the INDIA alliance in Mumbai. pic.twitter.com/UNVMmvUGme — ANI (@ANI) September 1, 2023 ► ఇండియా కూటమి సమన్వయ కమిటీని నేడు ప్రకటించనున్నారు. అన్ని పార్టీల నుంచి ఒక అభ్యర్థి పేరు ఇవ్వాలని కాంగ్రెస్ అధ్యక్షుడు మల్లికార్జున ఖర్గే కూటమి నాయకులను కోరారు.  Live: INDIA alliance meet Day 2 in Mumbai Live: Opposition bloc to unveil logo Read @ANI | https://t.co/OCbMsEp4Fp#INDIAAlliance #INDIA #OppositionMeeting pic.twitter.com/Tqotpp95UK — ANI Digital (@ani_digital) September 1, 2023 ముంబయి: 2024 ఎన్నికల్లో బీజేపీని ప్రధాని పీఠం నుంచి దించే లక్ష్యంతో ప్రతిపక్షాల ఐక్య కూటమి 'ఇండియా' సన్నద్ధమవుతోంది. నేడు ముంబయి వేదికగా రెండో రోజు సమావేశం ముగిసింది. 28 పార్టీల నుంచి 63 మంది ప్రతినిధులు ఈ భేటీలో పాల్గొన్నారు. నిన్న జరిగిన డిన్నర్ భేటీలో కూటమికి లోగోను ఎంపిక చేయడంతోపాటు సమన్వయ కమిటీ, ఉమ్మడి కార్యాచరణ ప్రణాళికకు సంబంధించిన పలు అంశాలపై చర్చ జరిగింది. నేడు ప్రధానంగా మూడు అంశాల్లో తుది నిర్ణయం తీసుకున్నారు. ► సమన్వయ కమిటీతో పాటు ఎన్నికల ప్రచారం, ర్యాలీల నిర్వహణకు మరో నాలుగు బృందాలను నియమించనున్నారు. ఈ కమిటీ సభ్యులే సోషల్ మీడియా నిర్వహణ బాధ్యతలను చేపట్టనున్నట్లు సమాచారం. ► అక్టోబర్ 2నాటికి ఇండియా కూటమి తన మేనిఫెస్టోని విడుదల చేయాలని పశ్చిమ బెంగాల్ సీఎం మమతా బెనర్జీ భేటీకి హాజరైన నాయకులను కోరారు. జాతీయ స్థాయిలో బీజేపీకి ధీటుగా కామన్ అజెండాను రూపొందించాలని కోరారు.  ► కూటమికి లోగోను రూపొందిండంపై నేడు తుది నిర్ణయం తీసుకుంటారు. అలాగే ఉమ్మడిగా అధికార ప్రతినిధిని కూడా నియమించనున్నారు. ఇండియా కూటమికి కన్వినర్ పదవిని నియమించాలా..? వద్దా..? అనే అంశంపై కూడా నేడు చర్చలు జరగనున్నాయి. ► నిన్న రాత్రి శివ సేన (యూబీటీ) చీఫ్ ఉద్ధవ్ థాక్రే నేతృత్వంలోని డిన్నర్ భేటీలో కూటమి నాయకులందరు పాల్గొన్నారు. ముందస్తు ఎన్నికలు రానున్నాయని కొందరు నాయకులు అంచనా వేశారు. ఎన్డీయే వేసే ఎత్తులకు ధీటైన జవాబు ఇవ్వాలని బిహార్ సీఎం నితీష్ కుమార్ అన్నారు.   ► ఇండియా కూటమి ముంబయిలో సమావేశమైన మొదటి రోజే కేంద్రం కీలక నిర్ణయం తీసుకుంది. పార్లమెంట్ ప్రత్యేక సెషన్‌ను నిర్వహించనున్నట్లు స్పష్టం చేసింది. ఈ అంశం కూడా నేడు కూటమి నాయకుల చర్చకు రానుంది.  ► ఇండియా కూటమి మొదటి సమావేశం పాట్నాలో జరగగా.. రెండవసారి బెంగళూరు వేదికగా పూర్తయింది. మూడోసారి ముంబయి వేదికగా కూటమి నాయకులు హాజరయ్యారు. ఎన్నికల దగ్గర పడనున్న నేపథ్యంలో కీలక నిర్ణయాలు తీసుకోనున్నారు.  ఇదీ చదవండి: జమిలి ఎన్నికలపై కేంద్రం కీలక ప్రకటన.. కమిటీ ఏర్పాటు..

ముంబయి: 2024 ఎన్నికల్లో బీజేపీని ప్రధాని పీఠం నుంచి దించే లక్ష్యంతో ప్రతిపక్షాల ఐక్య కూటమి 'ఇండియా' సన్నద్ధమవుతోంది. నేడు 28 పార్టీలు ముంబయి వేదికగా జరుగుతున్న డిన్నర్ భేటీలో పాల్గొననున్నాయి. కూటమికి ఓ లోగోను ఎంపిక చేయడంతోపాటు సమన్వయ కమిటీ, ఉమ్మడి కార్యాచరణ ప్రణాళికను రూపొందించనున్నారు. దేశంలో బీజేపీకి ధీటుగా ఐక్యంగా పోరాడుతామని ప్రతిపక్ష పార్టీల నేతలు ధీమా వ్యక్తం చేస్తున్నారు.  ఇండియా కూటమి భేటీకి ముంబయికి వస్తున్న కాంగ్రెస్ నాయకులను పార్టీ శ్రేణులు గణంగా ఆహ్వానిస్తున్నాయి. ఈ మేరకు బ్యాండ్ బాజాలతో సోనియా గాంధీని, రాహుల్ గాంధీకి స్వాగతం పలికారు.  #WATCH | Congress supporters gathered outside Mumbai airport to welcome party leaders Sonia Gandhi and Rahul Gandhi They will attend the third meeting of the Opposition bloc, Indian National Developmental Inclusive Alliance (INDIA) here. pic.twitter.com/VAAdjcUP6d — ANI (@ANI) August 31, 2023 కాంగ్రెస్ ఛైర్‌పర్సన్ సోనియా గాంధీ, ఎంపీ రాహుల్ గాంధీ ముంబయికి చేరుకున్నారు.  #WATCH | Maharashtra | Congress Parliamentary Party Chairperson Sonia Gandhi and MP Rahul Gandhi arrive at a hotel in Mumbai. Rahul Gandhi will hold a press conference shortly. pic.twitter.com/NXsA0IkdUD — ANI (@ANI) August 31, 2023 కాంగ్రెస్ అధ్యక్షుడు మల్లికార్జున ఖర్గే కూడా ముంబయికి చేరుకున్నారు. మరికాసేపట్ల భేటీ ప్రారంభం కానున్నట్లు తెలుస్తోంది.  #WATCH | Maharashtra | Congress national president Mallikarjun Kharge arrives in Mumbai for the meeting of the INDIA alliance. pic.twitter.com/FVNd2UTWGF — ANI (@ANI) August 31, 2023 ఇండియా కూటమి మూడో భేటీకి హాజరవడానికి జమ్మూ కశ్మీర్ పీడీపీ చీఫ్ మెహబూబా ముఫ్తీ ముంబయి చేరుకున్నారు. కూటమి వర్థిల్లాలని నినదించారు.  #WATCH | PDP Chief Mehbooba Mufti arrives in Mumbai to attend the third meeting of the Opposition bloc, Indian National Developmental Inclusive Alliance (INDIA) "Judega Bharat, Jeetega INDIA," says Mehbooba Mufti pic.twitter.com/qPA4sp0r5v — ANI (@ANI) August 31, 2023 ముంబయిలో జరగనున్న సమావేశానికి హాజరవడానికి కాంగ్రెస్ ఛైర్‌పర్సన్‌ సోనియా గాంధీ, ఎంపీ రాహుల్ గాంధీ ఢిల్లీ నుంచి బయలుదేరారు. #WATCH | Delhi | Congress Parliamentary Party Chairperson Sonia Gandhi and MP Rahul Gandhi leave from Delhi airport to attend the third meeting of the Opposition bloc, Indian National Developmental Inclusive Alliance (INDIA), in Mumbai. pic.twitter.com/StAcj1OOKX — ANI (@ANI) August 31, 2023 ఆగష్టు 31 నుంచి సెప్టెంబర్ 1 వరకు రెండు రోజుల పాటు జరగనున్న ఈ సమావేశానికి 28 పార్టీల తరుపున 63 మంది నేతలు పాల్గొననున్నారు. ఈ మేరకు ముంబయిలోని గ్రాండ్ హయత్‌ హోటల్‌లో భేటీ కానున్నారు. కూటమికి ఓ జెండాను ఎంపిక చేయనున్నారు. పార్టీల మధ్య సమన్వయం చేయడానికి ఓ కమిటీని కూడా నియమించనున్నారు. పాట్నా, బెంగళూరు సమావేశాల తర్వాత ముంబయి వేదికగా మూడోసారి జరుగుతున్న నేటి భేటీ చివరిది కావడం గమనార్హం. అందుకే ఈ సమావేశంలోనే కీలక అంశాలపై చర్చ జరగనుందని సమాచారం.    పశ్చిమ బెంగాల్ సీఎం మమతా బెనర్జీ, బిహార్ డిప్యూటీ సీఎం తేజస్వీ యాదవ్, ఆర్జేడీ నేత లాలూ ప్రసాద్ యాదవ్‌లు ఇప్పటికే ముంబయి చేరుకున్నారు. అరవింద్ కేజ్రీవాల్, భగవంత్ మాన్, నితీష్ కుమార్, మల్లికార్జున ఖర్గే, సోనియా గాంధీ, రాహుల్ గాంధీ ఈ రోజు ముంబయికి చేరనున్నారు. ఉద్ధవ్ థాక్రే నేతృత్వంలో నేటి డిన్నర్ భేటీ జరగనుంది.  దేశంలో ప్రస్తుతం ఏర్పడుతున్న ఇండియా కూటమి రాజకీయ ప్రత్యామ్నాయంగా మారనుందని ఎన్సీపీ నాయకుడు శరద్ పవార్ తెలిపారు. సీట్ల పంపకాలపై ఎలాంటి చర్చలు ఉండవని పేర్కొన్నారు. ఇండియా కూటమి భేటీకి వ్యతిరేకంగా మహారాష్ట్ర బీజేపీ కూడా రెండు రోజుల పాటు సమావేశాలు నిర్వహించనుంది. రాష్ట్రంలో లోక్‌సభ సీట్లపై సమీక్ష నిర్వహించనున్నారు. ఇదీ చదవండి: Jammu Kashmir: జమ్ములో ఎన్నికల నిర్వహణకు సిద్ధం: కేంద్రం

భారతదేశంలో మోటారు వాహనాల భద్రతా ప్రమాణాలను మరింత పెంచడానికి ఈ రోజు కేంద్ర రోడ్డు రవాణా & రహదారుల శాఖ మంత్రి 'నితిన్ గడ్కరీ' 'న్యూ కార్ అసెస్‌మెంట్ ప్రోగ్రామ్' (Bharat NCAP) ప్రారంభించనున్నారు. వాహనాలలో సేఫ్టీ పెరిగితే రోడ్డు ప్రమాదంలో ప్రాణాలు కోల్పోయే వారి సంఖ్య గణనీయంగా తగ్గుతుందనే భావనతో ఈ కార్యక్రమం ప్రారంభమవుతోంది. ఈ ప్రోగ్రామ్ కింద కార్ల తయారీదారులు ఆటోమోటివ్ ఇండస్ట్రీ స్టాండర్డ్ (AIS) 197 ప్రకారం.. కార్లను స్వచ్ఛందంగా టెస్ట్ చేయడానికి అందించవచ్చు. దీని ద్వారా వాహనాలు సేఫ్టీ రేటింగ్ పొందుతాయి. ఇంతకీ భారత్ ఎన్‌సీఏపీ వల్ల ఉపయోగాలేమిటనేది ఈ కథనంలో తెలుసుకుందాం. ఇదీ చదవండి: మెగాస్టార్ ఆస్తులు ఎన్ని కోట్లో తెలిస్తే.. ఆశ్చర్యపోతారు! కార్లు, ప్రైవేట్ జెట్ ఇంకా.. భారత్ ఎన్‌సీఏపీ ఉపయోగాలు.. ➤ ఒక కంపెనీ తమ ఉత్పత్తులను టెస్ట్ చేయడానికి అందించినప్పుడు.. వాటి పనితీరు ఆధారంగా అడల్ట్ ఆక్యుపెంట్స్ ప్రొటక్షన్, చైల్డ్ ఆక్యుపెంట్స్ ప్రొటక్షన్ కోసం రేటింగ్ అనేది అందివ్వడం జరుగుతుంది. ➤ భద్రతా ప్రమాణాలను దృష్టిలో ఉంచుకుని కొనుగోలుదారులు కార్లను ఎంచుకునే అవకాశం ఉంది. ఇది అధిక సేఫ్టీ కలిగిన కార్లను ఎంచుకోవడంలో ఉపయోగపడుతుందని రవాణా మంత్రిత్వ శాఖ తెలిపింది. ➤ ఆధునిక కాలంలో భద్రత ఎక్కువగా ఉన్న కార్లను కొనుగోలు చేయడానికి కస్టమర్లు ఆసక్తి చూపుతున్నారు. దీనిని దృష్టిలో ఉంచుకుని కార్ల తయారీ సంస్థలు కూడా లేటెస్ట్ సేఫ్టీ ఫీచర్స్ అందిస్తున్నాయి. అయితే దేశీయ కార్లు అంతర్జాతీయ మార్కెట్లో కూడా గుర్తింపు పొందటానికి భారత్ ఎన్‌సీఏపీ చాలా ఉపయోగపడుతుంది. ➤ భారత్ ఎన్‌సీఏపీ గుర్తించిన కార్లు తప్పకుండా విదేశాలకు ఎక్కువ సంఖ్యలో ఎగుమతి అవుతాయని, తద్వారా భారత ఆర్థిక వ్యవస్థ కూడా వృద్ధి చెందుతుందని తెలుస్తోంది. ➤ ఇప్పటికే రోడ్లపై 'బ్లాక్ స్పాట్స్' తొలగించడానికి ప్రభుత్వం సుమారు రూ. 40,000 కోట్లు ఖర్చు చేస్తోందని నితిన్ గడ్కరీ ఇదివరకే వెల్లడించారు. దీంతో ఉద్యోగాలు కూడా లభించే అవకాశం ఉంటుందని తెలిపారు. ➤ ఒక్క 2021లో రోడ్డు ప్రమాదాలలో సుమారు 1.54 లక్షలమంది ప్రాణాలు కోల్పోగా.. 3.84 లక్షల మంది గాయపడినట్లు నివేదికలు చెబుతున్నాయి.  ➤ ఇప్పటికే మహీంద్రా అండ్ మహీంద్రా, మారుతీ సుజుకి, టయోటా వంటి కంపెనీలు న్యూ కార్ అసెస్‌మెంట్ కార్యక్రమానికి మద్దతు తెలిపినట్లు సమాచారం. మొత్తం మీద 2024నాటికి రోడ్డు ప్రమాదాలు, మరణాల సంఖ్యను సుమారు 50 శాతం తగ్గించాలని గడ్కరీ పిలుపునిచ్చారు.

‘‘ఉస్తాద్‌’ కథ మూడు దశల్లో ఉంటుంది. నా పాత్రలో మూడు వేరియేషన్స్‌ ఉంటాయి. ఇది పెద్ద సవాల్‌గా అనిపించింది. ముఖ్యంగా కాలేజీ ఎపిసోడ్స్‌ కోసం బరువు తగ్గాను’’ అన్నారు శ్రీ సింహా కోడూరి. శ్రీ సింహా కోడూరి, కావ్యా కల్యాణ్‌ రామ్‌ జంటగా నటించిన చిత్రం ‘ఉస్తాద్‌’. ఫణిదీప్‌ దర్శకత్వంలో రజనీ కొర్రపాటి, రాకేష్‌ రెడ్డి గడ్డం, దువ్వూరు హిమాంక్‌ రెడ్డి నిర్మించిన ఈ చిత్రం నేడు విడుదలవుతోంది. ఈ సందర్భంగా శుక్రవారం జరిగిన విలేకర్ల సమావేశంలో శ్రీ సింహా కోడూరి మాట్లాడుతూ– ‘‘ఈ చిత్రంలో సూర్య అనే యువకుడి పాత్ర చేశాను. సూర్య కాలేజీకి ముందు ఏం చేశాడు? కాలేజీ లైఫ్‌ ఎలా సాగింది? పైలట్‌ ఎలా అయ్యాడు? అనేది ఈ చిత్రకథ’’ అన్నారు.

సాక్ణి, అమరావతి: రాష్ట్రంలో లక్షల కిలోమీటర్ల మేర విస్తరించి ఉన్న విద్యుత్‌ తీగలకు సీఎం పర్యటనతో లింకు పెట్టి ఈనాడులో ఆదివారం ప్రచురించిన కథనంపై ఆంధ్రప్రదేశ్‌ తూర్పు, మధ్య, దక్షిణప్రాంత విద్యుత్‌ పంపిణీ సంస్థ(డిస్కం)ల సీఎండీలు ఐ.పృధ్వీతేజ్, జె.పద్మజనార్దనరెడ్డి, కె.సంతోషరావు మండిపడ్డారు. వైఎస్సార్‌సీపీ అధికారంలోకి వచ్చాక సీఎం వైఎస్‌ జగన్‌ ఇచ్చిన ఆదేశాలతో విద్యుత్‌ ప్రమాదాల నివారణకు పటిష్ట చర్యలు తీసుకుంటున్నామని, వాస్తవాలు దాచి తప్పుడు వార్తలు రాస్తే సహించేది లేదని వారు హెచ్చరించారు. విద్యుత్‌ ప్రమాదాల్లో 85 శాతానికి పైగా మరణాలకు పంపిణీ వ్యవస్థలోని లోపాలే కారణమని రాసిన వార్తలో నిజం లేదంటున్న సీఎండీలు ‘సాక్షి’కి వెల్లడించిన వివరాలిలా ఉన్నాయి.  ‘ప్రభుత్వ సూచనలకు అనుగుణంగా చర్యలు’  ఇటీవల అనంతపురం జిల్లాలో చోటుచేసుకున్న ఘటన దృష్ట్యా విద్యుత్‌ ప్రమాదాలను నివారించేందుకు తగిన జాగ్రత్తలను ప్రభుత్వం సూచనలకు అనుగుణంగా తీసుకుంటున్నాం. ఇందులో భాగంగా రైతులకు పగటి పూట 9 గంటల నాణ్యమైన నిరంతర విద్యుత్‌ ఇస్తున్నాం. డిస్కంలో ప్రతి విద్యుత్‌ ఉద్యోగికి సరైన శిక్షణ ద్వారా అవగాహన కల్పిం చి, భద్రతా పరికరాలు అందించి, ఉద్యోగుల ప్రమాదాలు తగ్గించాం. ఎలక్ట్రికల్‌ షార్ట్‌ పోల్స్, లాంగ్‌ స్పాన్‌ ఉన్న చోట్ల మిడిల్‌ పోల్స్‌ ఏర్పాటు, ఒరిగిన స్తంబాలను సరి చేయడం, విద్యుత్‌ నియంత్రికల ఎత్తు పెంచడం, ఎర్తింగ్‌ ఏర్పాటు వంటివి క్రమం తప్పకుండా చేస్తున్నాం.సబ్‌ స్టేషన్లు, లైన్ల నిర్వహణ, లక్షలాది విద్యుత్‌ స్తంభాల మరమ్మతు పనులను చేపడుతున్నాం. నగరాలు, పట్టణాల్లో ఎక్కువ జనసాంద్రత కలిగిన ప్రదేశాలు, వ్యాపార ప్రాంతాలు, ఇరుకు రోడ్లలో 30 ఏళ్లు దాటిన పోల్స్‌ , కండక్టర్స్‌ మార్చడం ద్వారా విద్యుత్‌ ప్రమాదాలు నివారించే ప్రయత్నం చేస్తున్నాం. విజయవాడ శివాలయం వీధిలో కండక్టర్‌ లేని ఎంసీసీబీ బాక్స్‌తో కూడిన ఓవర్‌ హెడ్‌ కేబుల్‌ ఏర్పాటు చేసే పైలట్‌ ప్రాజెక్ట్‌ చేపట్టాం. వర్షాల వల్ల పెదవేగి మండలం పినకమిడి పొలాల్లో నీరు నిలిచిన కారణంగా ఒరిగిపోయిన స్తంభాలను సరిచేశాం. విశాఖపట్నం పాత పోస్టాఫీస్‌ ప్రాంతంలో లక్ష్మి థియేటర్‌ దగ్గర వాడవీధిలో పోల్‌కి పోల్‌కి మధ్యలో ఉన్న బేర్‌ కండక్టర్‌ తొలగించి ఎల్‌టీ ఏబీ కేబుల్‌ వైరు అమర్చాం. ఇవి కొన్ని ఉదాహరణలు మాత్రమే. ఇదో నిరంతర ప్రక్రియ. ఈ చర్యల వల్ల ఇతర రాష్ట్రాలతో పోల్చుకుంటే విద్యుత్‌ ప్రమాదాలు గణనీయంగా తగ్గాయి.   ‘కండక్టర్‌లు మార్చాం’  గతేడాది నవంబర్‌ నుంచి ఏపీ ఎస్పీడీసీఎల్‌ పరిధిలో ఎల్‌టీ లైన్‌ కండక్టర్‌ను 2,403 కిలోమీటర్లు, 11 కేవీ లైన్‌ కండక్టర్‌ 2,256 కిలోమీటర్లు, 33 కేవీ లైన్‌ కండక్టర్‌ 256 కిలోమీటర్లు, ఎల్‌టీ కేబుల్‌ 1,089 కిలోమీటర్ల మేర మార్చాం. ఒరిగిన ఎల్‌టీ విద్యుత్‌ స్తంభాలు 6,873, 11 కేవీ విద్యుత్‌ స్తంభాలు 7,498, 33 కేవీ విద్యుత్‌ స్తంభాలు 3,254 కొత్తవి వేశాం. విద్యుత్‌ లైన్‌లను క్షుణ్ణంగా తనిఖీ చేసి ఎల్‌టీ లైన్ల పరిధిలో 3,317 చోట్ల, 11 కేవీ లైన్ల పరిధిలో 3,383 చోట్ల, 33 కేవీ లైన్ల పరిధిలో 860 చోట్ల ప్రమాదాలను గుర్తించి వెంటనే మరమ్మతులు చేశాం. రోడ్డు క్రాసింగ్‌ల వద్ద ఎల్‌టీ లైన్‌ పరిధిలో 19,068, 11 కేవీ లైన్ల పరిధిలో 10,763, 33 కేవీ లైన్ల పరిధిలో 954 విద్యుత్‌ స్తంభాలను సరిచేశాం. సబ్‌స్టేషన్ల పరిధిలో ప్రొటెక్షన్‌ను పటిష్టం చేయడం ద్వారా లైన్‌లో ఎక్కడైనా ప్రమాదం జరిగితే సబ్‌ స్టేషన్లలో విద్యుత్‌ సరఫరా వెంటనే ట్రిప్‌ అయ్యేలా ఏర్పాటు చేశాం. ఈపీడీసీఎల్‌ పరిధిలో అన్ని విద్యుత్‌ ఉప కేంద్రాలకు, 33 కేవీ, 11 కేవీ, ఎల్‌టీ లైన్లు 2020 అక్టోబర్‌ నుంచి ఇప్పటివరకు సర్వే చేసి సరిదిద్దాం. ఈ క్రమంలో 38,850 వాలిన విద్యుత్‌ స్తంభాలను సరిచేసి వేలాడే వైర్ల మధ్యలో 7,454 మధ్యస్థ స్తంబాలను వేశాం. 31,324 విరిగిపోయిన స్తంభాలను మార్చి 2,557 కిలోమీటర్ల మేర వేలాడుతున్న వైర్లను సరిచేశాం.  ప్రయాస్‌ కొత్తగా చెప్పిందేమీ లేదు  సీఎం వైఎస్‌ జగన్‌ ప్రభుత్వం ఏర్పడిన వెంటనే 9 గంటల నాణ్యమైన నిరంతర విద్యుత్‌ అందించడం రైతులకు ఒక వరం. దీనివల్ల రైతులకు విద్యుత్‌ ప్రమాదాలు తగ్గడమే కాకుండా చేలకు నీటిని కావలసిన విధంగా వాడు­కుని పంటలు సంవృద్ధిగా పండిస్తున్నారు. ప్రభు­త్వం వ్యవసాయ కనెక్షన్లకు స్మార్ట్‌ మీటర్లు పెట్టాలని నిర్ణయించిన రోజే రైతులు, మోటార్ల భద్రతను దృష్టిలో పెట్టుకుని భద్రతా పరికరాలను ప్రభుత్వమే తన ఖర్చుతో పెట్టా­లని నిర్ణయించింది. మినీయేచర్‌ సర్క్యూట్‌ బ్రేకర్‌ (ఎంసీబీ), ఎర్త్‌ పైప్‌ పెట్టడం వల్ల రైతుకు, మోటార్‌కు, ఎలక్ట్రికల్‌ సామగ్రికి భద్ర­త ఉంటుంది. వోల్టేజీ హెచ్చుతగ్గులను కెపాసిటర్‌ నివారిస్తూ మోటార్‌ సామర్థ్యం పెంచుతుంది. విద్యుత్‌ వృథా కాకుండా నివారిస్తుంది. ఇవన్నీ సీఎం జగన్‌ ఎప్పుడో ఆలోచించారు. ఇక్కడ ప్రయాస్‌ కొత్తగా చెప్పింది ఏమీ లేదు.  ‘తరచూ శిక్షణ ఇస్తున్నాం’  డిస్కంల పరిధిలో పనిచేస్తున్న ఎనర్జీ అసిస్టెంట్లకు తరచుగా భద్రత, లైన్‌ మరమ్మతులపై శిక్షణ ఇస్తున్నాం. రెండు నెలలుగా కురుస్తున్న భారీ వర్షాలు, పెనుగాలుల కారణంగా విద్యుత్‌ స్తంభాలు ఒరిగిపోవడం, లైన్లు దెబ్బతినడం లాంటి ఘటనలు జరుగుతున్నాయి. ఇటువంటి సమస్యలను క్షేత్రస్థాయి సిబ్బంది గుర్తించి వెంటనే వాటిని పరిష్కరిస్తున్నారు. ఎక్కడైనా విద్యుత్‌ స్తంభాలు ఒరిగిపోవడం, దెబ్బతినడం, లైన్లు వేలాడుతుండటం వంటి సమస్యలను గుర్తిస్తే వినియోగదారులు వెంటనే 1912 కాల్‌ సెంటర్‌కు సమాచారం అందిస్తే వెంటనే మరమ్మతులకు చర్యలు తీసుకుంటాం. 

Today Stock Market: దేశీయ స్టాక్‌ మార్కెట్ల బిఎస్‌ఇ సెన్సెక్స్ , ఎన్‌ఎస్‌ఇ నిఫ్టీ 50 మంగళవారం  ఆరంభంలోనే మరో  రికార్డు స్థాయిని తాకాయి. . సెన్సెక్స్‌ 351 పాయింట్ల లాభంతో 66,828.96 వద్ద, నిఫ్టీ 86 పాయింట్ల లాభంతో 19,787.50 వద్ద ట్రేడ్‌ అవుతున్నాయి.  దాదాపు అన్ని రంగాలషేర్లు లాభాల్లో ఉన్నాయి.ముఖ్యంగా బ్యాంకింగ్ అండ్ ఫార్మా సెక్టార్లు లాభాల్లో, ఆటో మొబైల్ సెక్టార్లు నష్టాల్లో కొనసాగుతున్నాయి. లాభాల్లో అదానీ ఎంటర్‌ప్రైజెస్‌, అదానీ పోర్ట్స్‌ టాప్‌లో ఉండగా, ఎస్‌బీఐ, డాక్టర్ రెడ్డీస్ ల్యాబ్, విప్రో, హెచ్‌డీఎఫ్‌సీ బ్యాంకు ఇతర టాప్‌ గెయినర్స్‌గా కొనసాగుతున్నయి. ఇక ఓఎన్‌జీసి, హీరో మోటోకార్ప్, టాటా మోటార్స్, భారతి ఎయిర్‌టెల్, జెఎస్‌డబ్ల్యు స్టీల్ వంటి కంపెనీలు నష్గపోదున్నియి. మరోవైపు ఇండస్‌ఇండ్ బ్యాంక్, ఐసిఐసిఐ ప్రుడెన్షియల్, ఐసిఐసిఐ లాంబార్డ్, పాలిక్యాబ్ ఈరోజు త్రైమాసిక  ఫలితాలను ప్రకటించనున్నాయి. (Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు)  ఇలా మార్కెట్ తీరుతెన్నులపై మా బిజినెస్ కన్సల్టెంట్ కారుణ్య రావు అందిస్తున్న పూర్తి వీడియో చూడండి.

శ్రీ శోభకృత్‌ నామ సంవత్సరం, ఉత్తరాయణం, గ్రీష్మ ఋతువు, ఆషాఢ మాసం, తిథి: బ.అష్టమి రా. 9.33  వరకు, తదుపరి నవమి, నక్షత్రం: రేవతి  రా. 12.12 వరకు, తదుపరి అశ్వని, వర్జ్యం: ప. 12.43  నుండి 2.15 వరకు, దుర్ముహూర్తం: ప.12.30 నుండి 1.23 వరకు, అమృతఘడియలు: రా.9.52 నుండి 11.15 వరకు; సూర్యోదయం: 5.35, సూర్యాస్తమయం: 6.35. రాహుకాలం: ఉ.7.30 నుండి 9.00 వరకు, యమగండం: ఉ.10.30 నుండి 12.00 వరకు మేషం: వ్యవహారాలలో ప్రతిబంధకాలు. రుణాలు చేస్తారు.ఆత్మీయులతో కలహాలు. అనారోగ్యం. కుటుంబంలో ఒత్తిడులు. శ్రమాధిక్యం. వ్యాపార, ఉద్యోగాలు సాధారణంగా ఉంటాయి. వృషభం: కార్యజయం. ఆస్తి వివాదాలు పరిష్కారం. శుభవార్తా శ్రవణం. పలుకుబడి పెరుగుతుంది. నూతన పరిచయాలు. వ్యాపార, ఉద్యోగాలు ఉత్సాహవంతంగా ఉంటాయి. మిథునం: నూతన ఉద్యోగాలు దక్కుతాయి. ఆప్తుల సలహాలు స్వీకరిస్తారు. సమాజంలో ప్రత్యేక గుర్తింపు. వస్తులాభాలు. వ్యాపార, ఉద్యోగాలు ఆశాజనకంగా ఉంటాయి. కర్కాటకం: పనుల్లో జాప్యం. ఆర్థిక ఇబ్బందులు. దూరప్రయాణాలు. సోదరులతో కలహాలు. అనారోగ్యం. వ్యాపార, ఉద్యోగాలు నిరాశ పరుస్తాయి. సింహం:  వ్యవహారాలలో ప్రతిబంధకాలు. రుణాలు చేస్తారు. ఆలోచనలు స్థిరంగా ఉండవు. కుటుంబంలో ఒత్తిడులు. వ్యాపార, ఉద్యోగాలు మందగిస్తాయి. కన్య: కొత్త విషయాలు తెలుస్తాయి. మీ నిజాయితీ పదిమందీ గుర్తిస్తారు. ఆస్తి వివాదాల పరిష్కారం. వ్యాపారాలు, ఉద్యోగాలు సజావుగా సాగుతాయి. తుల: రుణబాధల నుండి విముక్తి. సంఘంలో గౌరవం. కీలక నిర్ణయాలు. వ్యవహారాలలో పురోగతి. భూములు, వాహనాలు కొంటారు. వ్యాపార, ఉద్యోగాలు మరింత ఉత్సాహాన్నిస్తాయి. వృశ్చికం: పరిస్థితుల ప్రభావంతో నిర్ణయాలు మార్చుకుంటారు. పనుల్లో ఆటంకాలు. ప్రయాణాలు రద్దు చేసుకుంటారు. దైవదర్శనాలు. వ్యాపార, ఉద్యోగాలు మందకొడిగా సాగుతాయి. ధనుస్సు: బంధువులతో తగాదాలు. ఎంత కష్టపడ్డా ఫలితం కనిపించదు. భూవివాదాలు. ఆలోచనలు స్థిరంగా ఉండవు. వ్యాపార, ఉద్యోగాలు ముందుకు సాగవు. మకరం: కొత్త వ్యక్తుల పరిచయం. శుభవార్తలు అందుతాయి. ముఖ్య నిర్ణయాలు తీసుకుంటారు. మీ కష్టం ఫలిస్తుంది. ఆలయ దర్శనాలు వ్యాపార, ఉద్యోగాలు అనుకూలిస్తాయి. కుంభం: మిత్రులు, బంధువులతో విభేదాలు. ఆకస్మిక ప్రయాణాలు. ఒప్పందాలు వాయిదా. ఆరోగ్య సమస్యలు. పనులు వాయిదా వేస్తారు. వ్యాపార, ఉద్యోగాలలో చిక్కులు. మీనం: పరిచయాలు విస్తృతమవుతాయి. ఆత్మీయుల ఆదరణ పొందుతారు. వస్తులాభాలు. ఆధ్యాత్మిక కార్యక్రమాలలో పాల్గొంటారు. వ్యాపార, ఉద్యోగాలు కొద్దిగా గందరగోళంగా ఉంటాయి.

HDFC Merger: భారతదేశంలో సుదీర్ఘ చరిత్ర కలిగిన హొసింగ్​ ఫైనాన్స్​ దిగ్గజం హెచ్​డీఎఫ్​సీ (HDFC) ప్రైవేట్‌ బ్యాంకింగ్ రంగానికి చెందిన హెచ్‌డీఎఫ్‌సీలో ఈ రోజు (జులై 01) విలీనం కానుంది. దీనికి సంబంధించిన అధికారిక ప్రకటన గతంలోనే వెల్లడైంది, కానీ ఈ రోజు ఇరు కంపెనీల బోర్డుల ఆమోదంతో మర్జర్​కు లైన్​ క్లియర్​ అవుతుంది. దేశంలోనే తొలి హోమ్ ఫైనాన్స్​ సంస్థగా పేరు పొందిన హెచ్​డీఎఫ్​సీ ఇక కనిపించదు. ఇప్పటికే హెచ్​డీఎఫ్​సీ, హెచ్​డీఎఫ్​సీ బ్యాంక్​ సంస్థలు స్టాక్​ మార్కెట్​లో లిస్ట్​ అయిన విషయం తెలసిందే. కావున రికార్డ్​ డేట్ తరువాత హెచ్​డీఎఫ్​సీ షేర్​హోల్డర్లకు హెచ్​డీఎఫ్​సీ బ్యాంక్​ షేర్లను కేటాయిస్తారు. (ఇదీ చదవండి: ఈ నెలలో విడుదలైన బెస్ట్ స్మార్ట్‌ఫోన్స్ - వివో వై36 నుంచి వన్‌ప్లస్ నార్డ్ వరకు..) సంబంధిత అధికారులు నాన్​ కన్వర్టెబుల్​ డిబెంచర్స్​ బదిలీకి జులై 12, హెచ్​డీఎఫ్​సీ కమర్షియల్​ పేపర్స్​ను హెచ్​డీఎఫ్​సీ బ్యాంక్​ పేరుకు బదిలీ చేసేందుకు జులై 7న డేట్​ను ఫిక్స్​ చేశారు. గతేడాది ఏప్రిల్ నుంచి హెచ్​డీఎఫ్​సీ తన పేరెంట్ కంపెనీ అయిన హెచ్​డీఎఫ్​సీ బ్యాంకులో కలవడానికి సుముఖత చూపింది. కాగా ఇప్పుడు ఆ సమయం ఆసన్నమైంది. (ఇదీ చదవండి: సంచలనం సృష్టించి కనుమరుగైపోయిన భారతీయ బడా కంపెనీలు ఇవే!) నివేదికల ప్రకారం.. మార్చి 2023 నాటికి, హెచ్​డీఎఫ్​సీ & హెచ్​డీఎఫ్​సీ బ్యాంక్​ వ్యాపార విలువ రూ. 41 లక్షల కోట్లుగా ఉంది. అదే సమయంలో లాభాలు రూ. 60 వేల కోట్లుగా ఉందని గణాంకాలు చెబుతున్నాయి. ఇక త్వరలో హెచ్​డీఎఫ్​సీలోని ఉద్యోగులందరు, హెచ్​డీఎఫ్​సీ బ్యాంక్​ ఉద్యోగులుగా మారిపోతారు.

సాక్షి, హైదరాబాద్‌: ఉత్తర ఛత్తీస్‌గఢ్‌ నుంచి తెలంగాణ మీదుగా కర్ణాటక వరకు కొనసాగుతున్న ద్రోణి గురువారం బలహీనపడిందని... దీని ప్రభావంతో శుక్ర, శనివారాల్లో రాష్ట్రంలో అక్కడక్కడా ఉరుములు, మెరుపులు, ఈదురు గాలులతో కూడిన వర్షాలు కురిసే అవకాశం ఉందని హైదరాబాద్‌ వాతావరణ కేంద్రం తెలిపింది. మరికొన్నిచోట్ల తేలికపాటి నుంచి మోస్తరు వర్షాలు కురిసే అవకాశం ఉంది. గత 24 గంటల్లో గద్వాల జిల్లా జూరాలలో 5 సెంటీమీటర్ల వర్షపాతం నమోదైంది. వనపర్తి జిల్లా ఖిలా ఘన్‌పూర్‌లో 4, నల్లగొండ జిల్లా దేవరకొండలో 3 సెంటీమీటర్ల చొప్పున వర్షపాతం నమోదైంది. మరోవైపు శుక్రవారం ఖమ్మం, నల్లగొండ, సూర్యాపేట, కొత్తగూడెం, అదిలాబాద్, కొమురం భీం, మంచిర్యాల, నిర్మల్‌ జిల్లాల్లో వడగాడ్పులు వీచే అవకాశం ఉందని వాతావరణ కేంద్రం తెలిపింది. గురువారం కొమురం భీం జిల్లా కుంచవెల్లిలో అత్యధికంగా 45.9 డిగ్రీల సెల్సియస్‌ ఉష్ణోగ్రత నమోదైంది.

నేడులో ఉన్న మనం నిన్నను దాటుకుని వచ్చాం. నేడునూ దాటుకుని మనం రేపులోకి వెళ్లాల్సి ఉంది. నిన్న, నేడులకన్నా మనకు రేపు ఎంతో ముఖ్యం. నిన్న, నేడుల్లో లాభం, నష్టం, సుఖం, శోకం, ప్రగతి, పతనం మనకు వచ్చి ఉంటాయి. వీటి ప్రాతిపదికన మనం రేపులోకి వెళ్లాల్సి ఉంటుంది. మనం ఏ స్థితిలో ఉన్నా, మన పరిస్థితి ఏదైనా మనం తప్పకుండా రేపు వైపు కదలాలి; కదులుదాం. నిన్నవైపు కాదు మన చూపు రేపు వైపు ఉండాలి. నేడులో ఉండిపోవడం కాదు మనం రేపువైపు నడవాలి. రేపువైపు చూపు వేసి మనం కదులుతూ ఉండాలి. మన చూపు నిండా, మన కదలిక నిండా  చేవను మనం నింపుకోవాలి. మనలో నీరసం ఉంటుంది. దాన్ని నిన్న మరిచిపోయినా నేడు నేల రాసేసుకోవాలి. మనలో చెడ్డతనం ఉంటుంది. అది నిన్నటి నుంచి నేడులోకి వచ్చేసినా  రేపులోకి రాకుండా దాన్ని కూలదోసుకోవాలి. మనలోని మూర్ఖత్వాన్ని నేడు తప్పకుండా విడిచి పెట్టెయ్యాలి. మన జాడ్యాలు మన రేపులోకి రాకుండా నేడు మనమే వాటిని మట్టు పెట్టుకోవాలి. నిన్న మనకు మనమే వేసుకున్న  కుత్సితాల సంకెలల్ని నేడైనా తెంచేసుకోవాలి. నిన్న మనలోకి వచ్చి చేరి నిలిచి ఉన్న మత్సరభావాల విషాన్ని నేడు పూర్తిగా ఒంపేసుకోవాలి. నిన్నకు నేడు కొనసాగింపు కాకూడదు. నిన్నకు నేడు కొనసాగింపు అయి ఉంటే అది తప్పు అని తప్పకుండా తెలుసుకోవాలి. ఆ తప్పు కొనసాగకుండా నేడు మనం జాగ్రత్తపడాలి. జాగరూకతతో మనం రేపును స్పృశించాలి. నిలిచి ఉండే చెలిమితోనూ,  నిజమైన నైజంతోనూ, నిర్మలమైన హదయంతోనూ, చల్లటి ఆశయాలతోనూ, చక్కని ఆలోచనలతోనూ సత్ప్రవర్తనతోనూ మనం రేపులోకి వెళ్లాలి. మన నిన్నలో, నిన్న మనలో అవి లేకపోయినా రేపు అవి మనకు ఎంతో అవసరం అని నేడైనా గ్రహించి మనం రేపులోకి వెళ్లాలి. నిన్న మనం ఎలా ఉన్నా, నేడు మనం ఎలా ఉంటున్నా రేపు మాత్రం మనం గొప్పగా ఉండాలి; అధమపక్షం రేపు మనం బావుండాలి. అందుకు నేడు మనం సిద్ధపడాలి. రేపులో మనం మెరుగ్గానూ, మేలుగానూ ఉండేందుకు మనం నేడు తయారుగా ఉండాలి; మనల్ని మనం తయారు చేసుకోవాలి. అలవాటుపడ్డ సోమరితనానికి, అభిప్రాయాలకూ నేటితో స్వస్తి పలికి, ఉండాల్సిన ఉత్సాహానికి, అవగాహనకూ నేడైనా నాంది పలికి అభ్యున్నతికి ప్రస్తావన కలిగేందుకు, కల్పించుకునేందుకు రేపులోకి వెళ్లాలి మనం. పనిచేస్తూ ప్రయోజనాన్ని పొందే చేతులతో, మెరిసే తలపులు కలిగే మస్తిష్కంతో భేషజాల పరదాలు తొలగించుకుని, వేషాలు పోయే గుణాన్ని మరచిపోయి మనం రేపులోకి చేరాలి. పరుల బాధను పట్టించుకోవడం పాపం కాదు; తోటి వాడికి మంచి చెయ్యడం నేరం కాదు; సాటివాడికి చేయూతను ఇవ్వడం దోషం కాదు కాబట్టి వాటిని చేపట్టడానికి కూడా మనం రేపును వేదిక చేసుకోవాలి. రేపైనా మనల్ని మనం నరులం అని  నిరూపించుకోవాలి. మన కోసం, మన రాక కోసం వేచి ఉన్నది సుమా రేపు అన్నది; లేచి వెళ్లి అందుకోవడానికే మనం ఉన్నది. మనంత మనంగా, మనం మనంగా నిజమైన మనుషులంగా జీవం ఉన్నవాళ్లంగా జీవించేందుకుగా మనం రేపును అందుకోవాలి. మన రాగం, మన యాగం, మన త్యాగాలతో గణనీయమైన మనుగడను సాధించేందుకు, ఆపై మన గానం, మన ధ్యానం, మన జ్ఞానాలతో స్మరణీయమైన మనుషులం అయ్యేందుకు మనం రేపును ఆవాహన చేసుకోవాలి. ‘బెదురు లేకుండా కదులుతూ ఎదురు వెళ్లి రేపులోకి ప్రవేశిద్దాం; ఏ మాత్రమూ చెదిరిపోకుండా ఎదిగేందుకు విఫలం అవకుండా రేపుకు ప్రయుక్తం అవుదాం‘. – రోచిష్మాన్‌ 

సాక్షి, విశాఖపట్నం : రాష్ట్ర ముఖ్యమంత్రి వై.ఎస్‌.జగన్‌మోహన్‌రెడ్డి శుక్రవారం విశాఖ వస్తున్నారు. ప్రత్యేక విమానంలో ఉదయం 10.15 గంటలకు విశాఖ విమానాశ్రయం చేరుకుంటారని, కొద్ది సేవు అక్కడే ఉండి.. ఆ తర్వాత హెలికాప్టర్‌లో శ్రీకాకుళం వెళతారని జిల్లాకలెక్టర్‌ వినయ్‌చంద్‌ తెలిపారు. సీఎంతోపాటు హెలికాప్టర్‌లో మంత్రి మోపిదేవి వెంకటరమణ శ్రీకాకుళం జిల్లాలో  జరిగే పలు కార్యక్రమాల్లో పాల్గొంటారు. సాయంత్రం 5.20 గంటలకు సీఎం తిరిగి విశాఖ చేరుకుంటారు. 5.30 గంటలకు ఇక్కడ నుంచి ప్రత్యేక విమానంలో తిరిగి గన్నవరం చేరుకుంటారని కలెక్టర్‌ వెల్లడించారు. కాగా సీఎం పర్యటన నేపథ్యంలో విశాఖ విమానాశ్రయంలో హై అలెర్టు ప్రకటించినట్టు నగర పోలీసు కమిషనర్‌ ఆర్‌.కె.మీనా తెలిపారు.

మహారాణిపేట(విశాఖ దక్షిణ): సామాన్య ప్రజలకు ఇబ్బంది లేకుండా మంగళవారం నుంచి ఇసుకను సరఫరా చేస్తున్నట్టు జిల్లా జాయింట్‌ కలెక్టర్‌ లోతేటి శివశంకర్‌ వెల్లడించారు. సోమవారం తన చాంబర్‌లో ఆయన విలేకరులతో మాట్లాడారు. ఇసుక కోసం ప్రజలకు ఇబ్బంది లేకుండా ఉండేందుకు పలు చర్యలు చేపట్టామన్నారు. ఇసుక గురించి  ఎవరిని సంప్రదించాలంటే.. ఇసుక కోసం దరఖాస్తు చేయడంతోపాటు.. నిర్మాణానికి సంబంధించిన ఫొటో, ఫ్లాన్‌ అప్రూవల్, ఆధార్, రేషన్‌కార్డులను జత చేసి విశాఖ ఎంవీపీ కాలనీలోని టాస్క్‌ ఫోర్స్‌ పోలీసు ఆఫీసు వద్ద మైన్స్‌ కార్యాలయంలో అందజేయాలి. అక్కడ రెవెన్యూ, పోలీసు, సిటీప్లానర్, మైన్స్‌శాఖ వారు దరఖాస్తులను పరిశీలన చేస్తారు. ఎంత ఇసుక ఇస్తారు దరఖాస్తును పరిశీలించి ఒక యూనిట్‌ (మూడు క్యూబిక్‌ మీటర్లు  ఒక ట్రాక్టర్‌ లోడ్‌) 4,500 రూపాయలు చెల్లిస్తే రశీదు ఇస్తారు. ఎక్కడ ఇస్తారంటే.. రశీదు తీసుకొని ముడసర్లోవలోని ఇసుక స్టాక్‌ పాయింట్‌ వద్ద సిబ్బందికి రశీదు చూపించాలి. అక్కడ లారీ అసోసియేషన్‌ సెక్రటరీ కె.రమణ  ( ఫోన్‌ నంబరు 7674922888)ను సంప్రదించాలి. రవాణా చార్జీలు లబ్ధిదారులే  చెల్లించుకోవాలి. -ఇసుక స్టాక్‌ పాయింట్‌ ఫోన్‌ నంబర్‌ 9949610479 -సమస్య ఏమైనా వుంటే వారు మైన్స్‌ కార్యాలయంలోని కమాండ్‌ కంట్రోట్‌ రూమ్‌ ఫోన్‌ నంబర్‌ 9949565479ను సంప్రదించాలి. ఇసుకనిచ్చే సమయం.. మంగళవారం ఉదయం 6 నుంచి సాయంత్రం ఆరు గంటల వరకు. -రెండోసారి ఇసుక కావాలంటే భవనం పని జరిగిన కొత్త ఫొటో తీసి దరఖాస్తుతోపాటు ఎంవీపీ కాలనీలోని ఏడీ మైన్స్‌ కార్యాలయంలోనే అందజేయాలి. కొత్త ఇసుక విధానం వచ్చే వరకు సామాన్య ప్రజలకు ఇబ్బంది లేకుండా ఉండేందుకు ఇసుక సరఫరా చేయనున్నట్టు జేసీ వివరించారు. ప్రస్తుతం జిల్లాలో 84 యూనిట్లు అందుబాటులో ఉందని మైన్స్‌ఏడీ తమ్మినాయుడు తెలిపారు.

సాక్షి, అమరావతి: తొలిసారిగా శుక్రవారం శాసనసభలో ప్రవేశపెట్టనున్న రాష్ట్ర వార్షిక బడ్జెట్‌ను వైఎస్సార్‌ సీపీ ప్రభుత్వం జనరంజకంగా తీర్చిదిద్దింది. మేనిఫెస్టోలో నవరత్నాల ద్వారా ప్రజలకు ఇచ్చిన హామీలన్నీ నెరవేర్చడమే లక్ష్యంగా బడ్జెట్‌కు రూపకల్పన చేసింది. రాష్ట్ర వార్షిక బడ్జెట్‌ రూ.2.31 లక్షల కోట్ల నుంచి రూ.2.32 లక్షల కోట్ల మధ్య ఉండవచ్చని సమా చారం. అన్నదాతల సంక్షేమానికి పెద్దపీట వేస్తున్న ప్రభుత్వం వ్యవసాయానికి రూ.28 వేల కోట్లతో ప్రత్యేక బడ్జెట్‌ను ప్రవేశపెట్టనున్నట్లు తెలిసింది. రైతుల పట్ల సీఎం చిత్తశుద్ధికి ఇదిగో నిదర్శనం.. టీడీపీ సర్కారు పెద్ద ఎత్తున బిల్లులను చెల్లించకుండా పెండింగ్‌లో పెట్టడమే కాకుండా భారీ అప్పులను నూతన ప్రభుత్వానికి అప్పగించింది. ఆర్థిక వ్యవస్థ ఇంత క్లిష్ట పరిస్థితుల్లో ఉన్నప్పటికీ ప్రజలకు ఇచ్చిన హామీలను నెరవేర్చాలనే సంకల్పంతో ముఖ్యమంత్రి జగన్‌మోహన్‌రెడ్డి స్వయంగా ఆర్థిక మంత్రి బుగ్గన రాజేంద్రనాథ్‌తో కలసి బడ్జెట్‌ రూపకల్పనపై సుదీర్ఘ కసరత్తు చేశారు. గత సర్కారు బకాయిల్లో కొన్నింటిని పరిగణనలోకి తీసుకుని బడ్జెట్‌లో కేటాయింపులు చేయడం విశేషం. ఇందుకు ఉదాహరణ రైతులకు గత సర్కారు బకాయి పడ్డ ఇన్‌పుట్‌ సబ్సిడీని చెల్లించాలని సీఎం వైఎస్‌ జగన్‌ నిర్ణయించడం. కరువు కాటకాలతో పంటలు కోల్పోయిన రైతులకు ఇన్‌పుట్‌ సబ్సిడీ ఇవ్వకుండా టీడీపీ సర్కారు ఎగనామం పెట్టింది. గత సర్కారు ఎగ్గొట్టిన రూ.2,000 కోట్ల ఇన్‌పుట్‌ సబ్సిడీని రైతులకు ఇవ్వాలని ముఖ్యమంత్రి జగన్‌ నిర్ణయం తీసుకోవడమే కాకుండా ఆ మేరకు బడ్జెట్‌లో కేటాయింపులు చేయించడం అన్నదాతల పట్ల ఆయన చిత్తశుద్ధిని రుజువు చేస్తోంది. మరోపక్క  వృథా, దుబారా, ఆర్భాటపు వ్యయాలకు తెరదించుతూ అన్ని వర్గాల ప్రజల సంక్షేమం, అభివృద్ధిని సమ్మిళితం చేస్తూ ఆయా రంగాలకు బడ్జెట్‌లో కేటాయింపులు చేశారు. అమ్మ ఒడి, వైఎస్‌ఆర్‌ రైతు భరోసా, పేదల గృహాలతో పాటు వ్యవసాయం, సాగునీరు, విద్య, వైద్య రంగాలకు బడ్జెట్‌లో ప్రాధాన్యం కల్పించారు.  సంక్షేమానికి పెద్దపీట సుదీర్ఘ కసరత్తు అనంతరం రూపొందించిన బడ్జెట్‌లో అన్ని సంక్షేమ కార్యక్రమాలకు వైఎస్సార్‌ సీపీ ప్రభుత్వం తగిన విధంగా కేటాయింపులు చేయాలని నిర్ణయించింది. రాష్ట్రాభివృద్ధిపై దూరదృష్టితో ఆలోచించి గోదావరి జలాలను శ్రీశైలానికి తరలింపు ప్రతిపాదనతోపాటు పోలవరం, వంశధార, గాలేరు నగరి ప్రాజెక్టులను యుద్ధ ప్రాతిపదికన పూర్తి చేసేలా బడ్జెట్‌ రూపొందించారు. రూ.5 లక్షల లోపు వార్షిక ఆదాయం కలిగిన అన్ని కుటుంబాలకు యూనివర్శల్‌ హెల్త్‌ కేర్‌ కార్డులు ఇవ్వాలని నిర్ణయించిన నేపథ్యంలో మధ్య తరగతి ప్రజలకు కొండంత ఆరోగ్య భరోసా కల్పించేలా బడ్జెట్‌లో కేటాయింపులు చేయనున్నారు. చేనేత, మత్య్సకారులు, ఆటో డ్రైవర్లుతోపాటు అగ్రి గోల్డ్‌ బాధితులను ఆదుకునేలా కేటాయింపులు ఉంటాయని పేర్కొంటున్నారు. వైఎస్‌ జగన్‌మోహన్‌రెడ్డి ఇచ్చిన హామీ మేరకు ఎస్సీ, ఎస్టీ, బీసీ, మైనారిటీ వర్గాలకు చెందిన యువతుల వివాహాల కోసం పెళ్లి కానుక కింద బడ్జెట్‌లో కేటాయింపులు చేస్తున్నారు. గ్రామ, వార్డు సచివాలయాలు, వలంటీర్ల వ్యవస్థకు బడ్జెట్‌లో తగిన కేటాయింపులు ఉండనున్నాయి. అన్ని పథకాలకు తగిన విధంగా కేటాయింపులు.. ప్రధానంగా ప్రభుత్వ విద్యా సంస్థల్లో మౌలిక వసతుల కల్పన, ప్రభుత్వ ఆసుపత్రుల్లో మౌలిక సదుపాయాలను మెరుగుపరిచేందుకు బడ్జెట్‌లో ప్రత్యేకంగా నిధులు కేటాయించనున్నారు. ఎస్సీ, ఎస్టీ కాలనీలకు 200 యూనిట్ల వరకు ఉచిత విద్యుత్‌ సరఫరాకు కేటాయింపులతోపాటు ఎస్సీ, ఎస్టీ, బీసీ, మైనారిటీ హాస్టళ్లకు ప్రభుత్వం ప్రత్యేక కేటాయింపులు చేయనుంది. ఆత్మహత్యకు పాల్పడటం లేదా ప్రమాదవశాత్తు చనిపోయిన రైతన్నల కుటుంబాలకు రూ. ఏడు లక్షల చొప్పున  పరిహారం చెల్లించేందుకు బడ్జెట్‌లో కేటాయింపులు చేస్తున్నారు. సహకార రంగం పునరుద్ధణకు నిధులు కేటాయించనున్నారు. రైతులకు ఉచితంగా బోర్లు వేసేందుకు బడ్జెట్‌లో తగినన్ని నిధులు కేటాయించనున్నారు. కడపలో స్టీల్‌ ప్లాంటు ఏర్పాటు కోసం కూడా బడ్జెట్‌లో కేటాయింపులు చేయనున్నారు. వైఎస్సార్‌ ఆరోగ్యశ్రీకి బడ్జెట్‌లో రూ.1,740 కోట్లను కేటాయించనున్నారు. రూ.2.31 లక్షల కోట్లతో రాష్ట్ర బడ్జెట్‌! గత తెలుగుదేశం ప్రభుత్వం రాష్ట్ర ఆర్థిక పరిస్థితిని దివాళా తీయించి నూతన సర్కారుకు ఖాళీ ఖజానా అప్పగించినప్పటికీ సంక్షేమ పథకాలకు పెద్దపీట వేస్తూ రూ. 2.31 లక్షల కోట్ల నుంచి రూ.2.32 లక్షల కోట్లతో బడ్జెట్‌ ప్రవేశపెట్టాలని సుదీర్ఘ కసరత్తు అనంతరం ముఖ్యమంత్రి, ఆర్థిక మంత్రి నిర్ణయించినట్లు అధికార వర్గాలు పేర్కొన్నాయి. రాష్ట్ర సొంత ఆదాయం రూ.85 వేల కోట్ల నుంచి రూ.86 వేల కోట్ల వరకు ఉంటుందని బడ్జెట్‌లో అంచనా వేశారు. కేంద్రం నుంచి గ్రాంట్ల రూపంలో రూ.60 వేల కోట్లకుపైగా వస్తాయని భావిస్తున్నారు. కేంద్ర పన్నుల వాటా రూపంలో రూ.34 వేల నుంచి రూ.36 వేల కోట్ల దాకా రాష్ట్రానికి వస్తాయని అంచనా వేశారు.  రూ.28 వేల కోట్లతో వ్యవసాయ బడ్జెట్‌! వ్యవసాయ మంత్రి కన్నబాబుకు బదులుగా అసెంబ్లీలో ప్రవేశపెట్టనున్న మంత్రి బొత్స సాగుకు ప్రాధాన్యం ఇస్తూ వ్యవసాయానికి సంబంధించి ప్రత్యేకంగా బడ్జెట్‌ను రాష్ట్ర ప్రభుత్వం నేడు అసెంబ్లీలో ప్రవేశపెడుతోంది. అనుబంధ రంగాలతో కలిపి రూ.28,866 కోట్ల వ్యవసాయ బడ్జెట్‌ను ప్రవేశపెట్టనున్నారు. ఇందులో కేవలం వ్యవసాయ రంగానికే రూ.12,510 కోట్లను కేటాయించనున్నారు. పశు సంవర్ధక శాఖకు రూ.1,240 కోట్లు, వ్యవసాయ మార్కెటింగ్‌ శాఖకు రూ.3,212 కోట్లు, విద్యుత్‌ సబ్సిడీకి రూ.5,000 కోట్లను కేటాయించనున్నారు. అన్నదాతల సంక్షేమం కోసం కృషి చేస్తున్న వైఎస్సార్‌ సీపీ ప్రభుత్వం వ్యవసాయ బడ్జెట్‌ను గత ఏడాది కన్నా 10 – 15 శాతం ఎక్కువ అంచనాలతో రూపొందించినట్లు సమాచారం. వ్యవసాయ శాఖ మంత్రి కురసాల కన్నబాబు సోదరుడు సురేష్‌ అకాల మృతి చెందిన నేపథ్యంలో మంత్రులు బొత్స, మోపిదేవి అసెంబ్లీ, శాసన మండలిలో వ్యవసాయ బడ్జెట్‌ను ప్రవేశపెట్టనున్నారు. దివంగత వైఎస్‌ రాజశేఖరరెడ్డి ఉమ్మడి ఆంధ్రప్రదేశ్‌ ముఖ్యమంత్రిగా ఉండగా వ్యవసాయానికి ప్రత్యేకంగా బడ్జెట్‌ను ప్రవేశపెట్టాలని యోచించారు. 2013–14 నుంచి ఇది ఆచరణలోకి వచ్చింది.  వ్యవసాయానికి గతంలో కేటాయింపులు(రూ. కోట్లలో) నేడు ఉదయం బడ్జెట్‌కు మంత్రిమండలి ఆమోదం ఆర్థిక మంత్రి బుగ్గన రాజేంద్రనాధ్‌ శుక్రవారం ఉదయం 11 గంటలకు అసెంబ్లీలో తొలిసారిగా రాష్ట్ర వార్షిక బడ్జెట్‌ను ప్రవేశపెట్టనున్నారు. ఇదే సమయానికి శాసన మండలిలో రెవెన్యూ మంత్రి పిల్లి సుభాష్‌ చంద్రబోస్‌ బడ్జెట్‌ సమర్పిస్తారు. వ్యవసాయ బడ్జెట్‌ను పట్టణాభివృద్ధి శాఖ మంత్రి బొత్స సత్యనారాయణ అసెంబ్లీలో, మంత్రి మోపిదేవి వెంకటరమణ శాసన మండలిలో ప్రవేపెట్టనున్నారు. అంతకు ముందు శుక్రవారం ఉదయం 8 గంటలకు ముఖ్యమంత్రి జగన్‌మోహన్‌రెడ్డి అధ్యక్షతన రాష్ట్ర మంత్రిమండలి సమవేశమై బడ్జెట్‌కు ఆమోద ముద్ర వేయనుంది.

వేదిక: రవీంద్ర భారతి  ఇచ్చట పెళ్లిల్లు చేయబడును–       కామిక్‌ బై మంచ్‌ థియేటర్‌  సమయం: రాత్రి 7 గంటలకు  పుష్పలత నవ్వింది  సమయం: సాయంత్రం 6 గంటలకు  శుభలఘ్నం– ప్లే బై మంచ్‌ థియేటర్‌  సమయం:  రాత్రి 8 గంటలకు  అలెక్స్‌ ఇన్‌ వండర్‌లాండ్‌: స్టాండప్‌ కామెడీ బై అలెగ్జెండర్‌ బాబు  వేదిక: భారతీయ విద్యా భవన్‌ సమయం: సాయంత్రం 6–30 గంటలకు  బేసిక్‌ ఫొటోగ్రఫీ వర్క్‌ షాప్‌  వేదిక– పీపుల్స్‌ ప్లాజా  సమయం: సాయంత్రం 5 గంటలకు  వేదిక– లమాఖాన్‌  హైదరాబాద్‌ డిబేటింగ్‌ మీటప్‌  సమయం:  మధ్యాహ్నం 3 గంటలకు       వ్రైట్‌ క్లబ్‌ సాటర్‌ డే జనరల్‌  సమయం:  మధ్యాహ్నం 3 గంటలకు  బడ్జెట్‌ ఎనాలిసిస్‌: డాక్టర్‌ అమీర్‌ ఉల్లా  సమయం– రాత్రి 7 గంటలకు       సచ్‌ ఔర్‌ సహి– ప్లే  సమయం:  రాత్రి 7–30 గంటలకు  ఫోర్ట్‌ నైట్‌ మీటింగ్‌  వేదిక:  పార్క్‌ హయాత్‌  సమయం:  ఉదయం 8 గంటలకు  డైమండ్‌ జూబ్లీ సెలబ్రేషన్స్‌  వేదిక:  ఎస్‌టి ఫ్రాన్సిస్‌ కాలేజ్‌ ఫర్‌ ఉమెన్‌  సమయం:  ఉదయం 10–30 గంటలకు  వేదిక: అవర్‌ సాక్రేడ్‌ స్పేస్‌  కాంటెంపరరీ డ్యాన్స్‌ క్లాసెస్‌  సమయం:  ఉదయం 11 గంటలకు  కుంగ్‌ ఫూ క్లాసెస్‌  సమయం:  సాయంత్రం 5.15 గంటలకు  యోగా క్లాసెస్‌  సమయం:  సాయంత్రం 6 గంటలకు  మాయాబజార్‌  వేదిక:  సురభి థియేటర్‌  సమయం:  సాయంత్రం 6.30 గంటలకు  కీ బోర్డ్‌ క్లాసెస్‌  వేదిక:  బుక్స్‌ ఆండ్‌ మోర్‌  లైబ్రెరీ ఆక్టివిటీ సెంటర్‌  సమయం:  సాయంత్రం 5 గంటలకు  కార్పోరేట్‌ క్రికెట్‌ లీగ్‌  వేదిక:  మల్లారెడ్డి కాలెజ్‌  ఆఫ్‌ ఇంజనీరింగ్‌ టెక్నాలజీ  సమయం:  ఉదయం 7 గంటలకు  బేసిక్‌ ఫోటోగ్రఫీ వర్క్‌షాప్‌  వేదిక:  అమీన్‌ పూర్‌ లేక్‌  సమయం:  ఉదయం 6 గంటలకు  ఖేలో హైదరాబాద్‌ అథ్లెటిక్స్‌  ఛాంపియన్‌షిప్‌  వేదిక: జిఎంసి బాలయోగి అథ్లెటిక్‌ స్టేడియం  సమయం:  ఉదయం 7 గంటలకు  క్రికెట్‌ టౌర్నమెంట్‌   వేదిక: రూఫెర్‌ హైదరాబాద్‌  సమయం:  రాత్రి 7 గంటలకు  ఛాంఫియన్‌ షిప్‌ క్రికెట్‌ టౌర్నమెంట్‌  వేదిక:  గ్రీన్‌ హంస క్రికెట్‌ స్టేడియం  సమయం:  ఉదయం 7  గంటలకు  కార్పోరెట్‌ క్రికెట్‌ స్టేడియం  వేదిక:  బ్యాట్‌ ఆండ్‌  బాల్‌ క్రికెట్‌ స్టేడియం  సమయం:  ఉదయం 7 గంటలకు  వరల్డ్‌ బైస్కిల్‌ డే 2019  వేదిక:  ఇన్‌స్టిట్యూట్‌ ఎట్‌ నేషనల్‌  అకాడెమీ ఆఫ్‌ కన్స్‌ట్రక్షన్‌  సమయం:  ఉదయం 7 గంటలకు  సాటర్‌ డే నైట్‌ లైవ్‌ విత్‌ డిజె నవీన్‌  వేదిక:  స్పోల్‌ ఫబ్‌  సమయం:  రాత్రి 7 గంటలకు కూచిపూడి రెక్టికల్‌ బై ప్రతిభ రాజ్‌ గౌడ్‌  వేదిక: శిల్పారామం ఉప్పల్‌  సమయం: సాయంత్ర 5–30 గంటలకు  

సాక్షి ప్రతినిధి, నల్లగొండ : అధికార టీఆర్‌ఎస్‌ వర్గాల్లో అంతకంతకూ ఉత్కంఠ పెరిగిపోతోంది. నల్లగొండ లోక్‌సభ స్థానం నుంచి ఎంపీ అభ్యర్థిగా ఎవరిని బరిలోకి దింపనున్నారో ఇంకా గోప్యంగానే ఉంది. ఆ పార్టీ వర్గాలు చెబుతున్న సమాచారం మేరకు.. హోలి పండుగ సందర్భంగా గురువారం తమ మిగతా అభ్యర్థులను ప్రకటించాలని పార్టీ అధినేత, సీఎం కేసీఆర్‌ నిర్ణయించారని అంటున్నారు. అదేగనుక నిజమైతే నల్లగొండ లోక్‌సభ స్థానం నుంచి ఈ ఎన్నికల్లో ఎవరు పోటీ పడనున్నారో తేలిపోతుంది. ఇప్పటివరకు టీఆర్‌ఎస్‌ పదమూడు మంది అభ్యర్థులను ప్రకటించగా, మరో మూడు స్థానాలే మిగిలి ఉన్నాయి. ఆ మూడింటిలో నల్లగొండ ఒకటి. గత సార్వత్రిక ఎన్నికల్లో నల్లగొండనుంచి పోటీ చేసిన పల్లా రాజేశ్వర్‌రెడ్డి మూడో స్థానంతో తృప్తి పడాల్సి వచ్చింది. వాస్తవానికి అప్పటి దాకా ఆయనకు తెలంగాణ ఉద్యమంతో సంబంధం ఉన్నా.. నేరుగా టీఆర్‌ఎస్‌తో సంబంధాలు లేకపోవడం, ఒకేసారి అభ్యర్థిగా తెరపైకి రావడం, స్థానిక పరిస్థితుల వల్ల గెలవలేకపోయారు. ఆ ఎన్నికల్లో కాంగ్రెస్‌ అభ్యర్థిగా గుత్తా సుఖేందర్‌ రెడ్డి 1.93లక్షల ఓట్ల మెజారిటీతో తెలుగుదేశం అభ్యర్థి తేరా చిన్నపరెడ్డిపై విజయం సాధించారు. కొన్నాళ్లకు గుత్తా సుఖేందర్‌ రెడ్డి టీఆర్‌ఎస్‌లో చేరారు. కానీ, ఈ ఎన్నికల విషయానికి వచ్చే సరికి సిట్టింగ్‌గా ఉన్న గుత్తాకు టికెట్‌ ఇంకా ఖరారు కాలేదు.   చర్చలోకి.. కొత్త పేర్లు  శాసనసభ ముందస్తు ఎన్నికల్లో టీఆర్‌ఎస్‌ ఉమ్మడి జిల్లాలో 9 అసెంబ్లీ స్థానాలను గెలుచుకుంది. నల్లగొండ పార్లమెంట్‌ నియోజకవర్గం పరిధిలోనే ఏకంగా ఆరు చోట్ల విజయం సాధించింది. దీంతో నల్లగొండ ఎంపీ అభ్యర్థిగా టికెట్‌ దక్కితే చాలు.. తేలిగ్గా గెలవచ్చన్న అభిప్రాయానికి పార్టీ నాయకులతోపాటు, బయటి వ్యక్తులూ భావించారు. ఈ కారణంగానే నల్లగొండ ఎంపీ టికెట్‌కు ఒకింత పోటీ ఎక్కువైందని చెబుతున్నారు. గత సార్వత్రిక ఎన్నికల్లో టీడీపీనుంచి పోటీచేసి రెండో స్థానంలో నిలిచిన తేరా చిన్నపరెడ్డి ప్రస్తుతం టీఆర్‌ఎస్‌లో ఉన్నారు. ఆయన స్థానిక సంస్థల మండలి నియోజకవర్గం నుంచి టీఆర్‌ఎస్‌ ఎమ్మెల్సీ అభ్యర్థిగా కూడా పోటీ చేసి పరాజయం పాలయ్యారు. ఆయన ఇప్పుడు నల్లగొండ ఎంపీ టికెట్‌ కూడా ఆశిస్తున్నారు. ఆయనతో పాటు కంచర్ల కృష్ణారెడ్డి .. తదితర పార్టీ నాయకులు ఆశలు పెట్టుకున్నారు. ఈ మధ్యలోనే పార్టీతో ఎలాంటి సంబంధం లేని తటస్థుడిగా ఉన్న మునుగోడు నియోజకవర్గానికి చెందిన వ్యాపార వేత్త వేమిరెడ్డి నర్సింహారెడ్డి టికెట్‌ ఆశిస్తూ పార్టీ నాయకత్వం వద్ద ప్రయత్నాలు కూడా సాగించారు. అయితే, పార్టీ అగ్రనాయకత్వం మాత్రం ఇప్పటి దాకా ఎటూ తేల్చలేదు.  తెరపైకి సిట్టింగ్‌ ‘గుత్తా’ పేరు  కాంగ్రెస్‌ పార్టీ తన అభ్యర్థిగా హుజూర్‌నగర్‌ ఎమ్మెల్యే, టీపీసీసీ చీఫ్‌ ఉత్తమ్‌ కుమార్‌ రెడ్డిని ప్రకటించింది. దీంతో ఈ స్థానంనుంచి బలమైన అభ్యర్థినే పోటీకి పెట్టాలన్న ఆలోచనలో టీఆర్‌ఎస్‌ హైకమాండ్‌ ఉందని అంటున్నారు. దీంతో కొత్తవారికి టికెట్‌ ఇచ్చి ప్రయోగం చేయడమా..? లేదంటే ఇప్పటికే మూడు పర్యాయాలు ఎంపీగా గెలిచిన సీనియర్‌ గుత్తా సుఖేందర్‌ రెడ్డిని పోటీకి నిలబెట్టడమా..? అన్న చర్చ పార్టీలో జరుగుతోందని చెబుతున్నారు. ఈ కారణంగానే సిట్టింగ్‌ ఎంపీ గుత్తా సుఖేందర్‌ రెడ్డి పేరు ప్రచారంలోకి వచ్చిందని చెబుతున్నారు. అయితే, ఇప్పటి దాకా గుత్తా తాను ఎంపీగా అభ్యర్థిగా పోటీ చేస్తానని కానీ, చేయనని కానీ స్పష్టం చేయలేదు. పార్టీ అధినేత తీసుకునే ఏ నిర్ణయానికైనా కట్టుబడి ఉంటానని చెప్పుకుంటూ వస్తున్నారు. వాస్తవానికి ఆయన శాసన మండలి సభ్యుడిగా ఎన్నికై మంత్రివర్గంలో చేరతారని, పార్టీ మారిన సమయంలో అధినేత కేసీఆర్‌ అదే హామీ ఇచ్చారన్న అభిప్రాయం పార్టీ వర్గాల్లో ఉంది. ఈ అంశాన్ని దృష్టిలో పెట్టుకునే ఆయనను ఎంపీ అభ్యర్థిగా ఇప్పటి దాకా ప్రకటించ లేదా అన్న చర్చ కూడా ఉంది. తాజా పరిణామాలు, కాంగ్రెస్‌ అభ్యర్థుల ప్రకటన తర్వాత నల్లగొండ నుంచి గుత్తా పేరు ప్రముఖంగా వినిపిస్తోంది. గుత్తాకు టికెట్‌ ఇస్తారా..? ఈ స్థానం నుంచి మరెవరైనా పార్టీ నేతకు అవకాశం ఇస్తారా..? కొత్తవారిని పోటీ చేయిస్తారా..? అన్న ప్రశ్నలకు గురువారం సమాధానం లభించనుందని రాజకీయ విశ్లేషకులు పేర్కొంటున్నారు.    

సాక్షి, ముంబై: రిలయెన్స్ జియో ఫోన్‌ హై-ఎండ్‌ మోడల్‌ జియో ఫోన్ 2 ఫ్లాష్ సేల్‌ ముచ్చటగా మూడోసారి కస్టమర్లను అలరించేందుకు సిద్ధంగా ఉంది. ఈ రోజు (సెప్టెంబరు12, బుధవారం) మధ్యాహ్నం 12 గంటలకు జియో ఫోన్2  ఫ్లాష్‌సేల్  ప్రారంభం కానుంది.  మొదటి, రెండు  ఫ్లాష్‌సేల్‌  ద్వారా  కొద్ది నిమిషాల్లోనే రికార్డు అమ్మకాలను నమోదు చేసి ఔట్‌ ఆఫ్‌ స్టాక్‌గా నిలిచింది. ఈ సేల్‌ద్వారా జియో ఫోన్ 2 ను బుక్ చేసుకున్న కస్టమర్లకు వారం రోజుల్లోగా ఆ ఫోన్లను డెలివరీ చేయనున్నారు. జియో 4జీఫోన్లు రెండింటిలోనూ వాట్సాప్‌ యాప్‌ను అందుబాటులోకి తీసుకొస్తున్నట్టు నిన్న ప్రకటించింది. దీంతో వాట్సాప్‌, ఫేస్‌బుక్‌,యూట్యుబ్‌లాంటి పాపులర్‌ యాప్‌లన్నీ జియో ఫోన్లలో అందుబాటులోకి వచ్చాయి. కాగా ఫీచర్‌ ఫోన్‌ మార్కెట్‌లో సంచలనం సృష్టిస్తూ, అట్టహాసంగా లాంచ్‌ చేసిన జియో మొదటి ఫోన్‌కు మంచి స్పందన రావడంతో, హై-ఎండ్ మోడల్ జియో ఫోన్-2 ను తీసుకొచ్చిన సంగతి తెలిసిందే. జియో ఫోన్‌ 2 ధర రూ.2,999 మాత్రమే. క్వెర్టీ కీప్యాడ్, 2.4 అంగుళాల హారిజాంటల్ డిస్‌ప్లే, 4జీ సపోర్ట్‌‌తోపాటు స్టోరేజ్‌ కెపాసిటీని 128 జీబీ వరకు విస్తరించుకునే అవకాశం. జియో ఫోన్-2 ఫీచర్లు 2.4 అంగుళాల క్యూవీజీఏ డిస్‌ప్లే 512 ఎంబీ ర్యామ్, 4జీబీ ఇంటర్నల్ స్టోరేజ్ 128 జీబీ వరకువిస్తరించుకునే అవకాశం 2 ఎంపీ రియర్ కెమెరా వీజీఏ ఫ్రంట్ కెమెరా 2000 ఎంఏహెచ్ బ్యాటరీ

సాక్షి, అమరావతి: ఆంధ్రప్రదేశ్‌ మంత్రివర్గ సమావేశం శనివారం మధ్యాహ‍్నం 3 గంటలకు జరగనుంది. ఈ సమావేశంలో అసెంబ్లీ డీజైన‍్లను ఆమోదించడంతోపాటు, 2014 పోలీస్ యాక్ట్ సవరిస్తూ చేసిన చట్టాన్ని ఏపీ ప్రభుత్వం ఉపసంహరించుకునేలా నిర్ణయం తీసుకోనున్నారు. అలాగే డీజీపీని రాష్ట్ర ప్రభుత్వమే నియమించేలా ఆర్డినెన్స్ జారీ చేసే అవకాశం ఉన్నట్లు తెలుస్తోంది. అంతేగాక ఏపీఐఐసీకి పలు జిల్లాల్లో భూకేటాయింపులు, రూ.4,234 కోట్లతో గ్రామాల్లో సీసీ రోడ్ల నిర్మాణం ప్రతిపాదనపై సమావేశంలో చర్చించనున‍్నట్లు సచివాలయ అధికారులు తెలిపారు.


 13 కేంద్రాలు
 6623 మంది అభ్యర్థులు
 రాజరాజనరేంద్రనగర్‌ (రాజానగరం) : రాజమహేంద్రవరంలోని 13 కేంద్రాల్లో ఆదివారం నిర్వహించే ఏపీ సెట్‌-2017 పరీక్షలకు గానూ ఏర్పాట్లు పూర్తి చేశారు. ఈ కేంద్రాల్లో ఉభయ గోదావరి జిల్లాల నుంచి 6623 మంది అభ్యర్థులు పరీక్షలు రాయనున్నారని రీజనల్‌ కోఆర్డినేటర్‌ డాక్టర్‌ పి.సురేష్‌ వర్మ తెలిపారు. శనివారం ఆదికవి నన్నయ యూనివర్సిటీలో ఏర్పాటు చేసిన సమావేశంలో ఆయన మాట్లాడుతూ ఉపకులపతి ఆచార్య ఎం.ముత్యాలునాయుడు పర్యవేక్షణలో ఈ పరీక్షలు జరుగుతాయన్నారు. ఏపీ సెట్‌ పరీక్షలు రాసే అభ్యర్థులు అడ్మిట్‌ కార్డుతో ఉదయం 9 గంటలకు సంబంధిత పరీక్షా కేంద్రానికి చేరుకోవాలన్నారు. ఆలసమైతే అనుమతించేది లేదన్నారు. రాజమహేంద్రవరంలో తరచూ ఎదురయ్యే ట్రాఫిక్‌ జామ్‌ సమస్యలను దృష్టిలో పెట్టుకుని ముందుగానే పరీక్షా కేంద్రానికి చేరుకునేలా ప్లాన్‌ చేసుకోవాలన్నారు. సమావేశంలో ప్రత్యేక పరిశీలకులు డాక్టర్‌ టి.మురళీకృష్ణ, అసోసియేట్‌ రీజనల్‌ కోఆర్డినేటర్‌ ఎన్‌. సూర్యరాఘవేంద్ర, డాక్టర్‌ రాజశేఖర్, డాక్టర్‌ పద్మావతి, డాక్టర్‌ టి. సత్యనారాయణ, డాక్టర్‌ అశోక్, డాక్టర్‌ సింహాచలం పాల్గొన్నారు.


 అన్నవరం (ప్రత్తిపాడు) : సత్యదేవుని 127వ ఆవిర్భావ దినోత్సవాలకు రత్నగిరి ముస్తాబైంది. సోమవారం నుంచి బుధవారం వరకూ మూడు రోజుల పాటు ఈ ఉత్సవాలను ఘనంగా నిర్వహించాలని దేవస్థానం నిర్ణయించింది. ఉత్సవాలకు సోమవారం అంకురార్పణ చేస్తారు. ఈ సందర్భంగా రుత్విక్కులకు దీక్షావస్త్రాలు బహూకరిస్తారు. స్వామివారి ఆవిర్భావ దినోత్సవం సందర్భంగా మంగళవారం తెల్లవారుజామున రెండు గంటలకు స్వామి, అమ్మవారు, శంకరుల మూలవిరాట్‌లకు పంచామృతాభిషేకం నిర్వహిస్తారు. అదే రోజు ఉదయం తొమ్మిది గంటలకు స్వామివారి ఆయుష్య హోమానికి అంకురార్పణ చేస్తారు. ఈ ఏడాది కొత్తగా పవిత్రోత్సవాలను కూడా ప్రారంభించనున్నారు. స్వామివారికి వివిధ కూరగాయలు, సుగంధద్రవ్యాలతో వండిన పిండివంట ‘కాయం’ నివేదిస్తారు. స్వామివారి జన్మనక్షత్రం మఖ సందర్భంగా బుధవారం తెల్లవారుజామున కూడా స్వామి, అమ్మవార్లకు పంచామృతాభిషేకం నిర్వహిస్తారు. రెండో రోజు కూడా పవిత్రోత్సవాలు నిర్వహిస్తారు. అనంతరం చేతికి కట్టుకునే కంకణాలను భక్తులకు బహూకరిస్తారు. ఉత్సవాల సందర్భంగా దేవస్థానంలో పలు సాంస్కృతిక కార్యక్రమాలు ఏర్పాటు చేస్తున్నారు.
 శ్రీరామునికి ఘనంగా జన్మనక్షత్ర పూజలు
 రత్నగిరి క్షేత్రపాలకుడు శ్రీరామచంద్రమూర్తి జన్మనక్షత్రం పునర్వసు సందర్భంగా రామాలయంలో ఆదివారం ప్రత్యేక పూజలు నిర్వహించారు. రామచంద్రమూర్తి పట్టాభిషేక మహోత్సవం కూడా ఘనంగా నిర్వహించారు.
 కల్యాణ వేదికపై సూర్యనమస్కారాలు
 ప్రతి ఆదివారం రత్నగిరిపై సత్యదేవుని కల్యాణ వేదిక మీద నిర్వహిస్తున్న సూర్య నమస్కారాలు ఈ వారం కూడా కొనసాగాయి. ఆకొండి కృష్ణ, రేపాక రామదాసు, తదితరులు ఈ కార్యక్రమం నిర్వహించారు.


 నిజమైన నేస్తం మోదీ: ట్రంప్‌ కితాబు
 రెండు రోజుల పర్యటన కోసం శనివారం రాత్రి అమెరికాకు విచ్చేసిన భారత ప్రధాని నరేంద్ర మోదీని ‘రియల్‌ ఫ్రెండ్‌’ అంటూ కీర్తించారు అధ్యక్షుడు డొనాల్డ్‌ ట్రంప్‌. సోమవారం వైట్‌హౌస్‌లో ఇరుదేశాధినేతలు పలు వ్యూహాత్మక అంశాలపై చర్చించనున్నారు.
 
 ‘అఫ్ఘాన్‌- ఇండియా’ డ్యాంపై ఉగ్రదాడి
 ప్రతిష్టాత్మక సల్మా డ్యామ్‌ పై దాడికి పాల్పడ్డారు. ఈ దాడిలో 10మంది అఫ్ఘాన్‌ సైనికులు మృత్యువాతపడ్డారు.
 
 భారత యాత్రికులకు చైనా అడ్డంకి
 కైలాస మానస సరోవర్‌ యాత్రకు బయలుదేరిన భారత యాత్రికుల తొలి బృందాన్ని చైనా ప్రభుత్వం సరిహద్దు ప్రాంతంలోనే నిలిపివేసింది.
 
 దేశవ్యాప్తంగా 100 జీఎస్టీ క్లినిక్‌లు
 వ్యాపారుల్లో వస్తుసేవల పన్నుపై మరింత అవగాహన కల్పించడానికి దేశవ్యాప్తంగా 100 జీఎస్టీ క్లినిక్‌లను నిర్వహించనున్నట్లు అఖిల భారత వ్యాపారుల సమాఖ్య(సీఏఐటీ) తెలిపింది.
 
 బెడ్రూమ్‌లో నగ్నంగా వ్యక్తి.. యువతి షాక్!
 గ్రేటర్ నోయిడాలోని ఓ అపార్ట్‌మెంట్‌లో ఒంటరిగా ఉన్న యువతిపై అపార్ట్ మెంట్ సెక్యూరిటీ గార్డు అత్యాచారయత్నం చేశాడు.
 
 ప్రధాని నోట విజయనగరం
 తన మన్‌కీ బాత్‌ కార్యక్రమంలో ప్రధాని మోదీ ఏపీలోని విజయనగరం జిల్లా ప్రజలను అభినందించారు. ఎందుకంటే..(హెడ్డింగ్‌పై క్లిక్‌ చేయండి)
 
 <<<<<<<లోకల్‌ న్యూస్‌>>>>>>>>>
 
 హీరో రవితేజ సోదరుడి దుర్మరణం
 శంషాబాద్ మండలం కొత్వాల్ గూడ, ఔటర్‌ రింగ్‌ రోడ్డుపై జరిగిన ప్రమాదంలో టాలీవుడ్ స్టార్ హీరో రవితేజ సోదరుడు భరత్(46) దుర్మరణం చెందారు. నుజ్జు నుజ్జైన భరత్‌ కారు
 
 నంద్యాల వైఎస్ఆర్‌సీపీ అభ్యర్థి శిల్పామోహన్‌ రెడ్డి
 మాజీ మంత్రి శిల్పా మోహన్‌ రెడ్డిని నంద్యాల ఉప ఎన్నికల్లో తమ పార్టీ తరుపున రంగంలోకి దింపుతున్నట్లు వైఎస్సార్‌సీపీ ఆదివారం అధికారికంగా ప్రకటించింది.
 
 'జగన్‌ సీఎం కావాలని ప్రజలంతా ఎదురుచూస్తున్నారు'
 వైఎస్‌ జగన్‌ మోహన్‌ రెడ్డి ముఖ్యమంత్రి కావాలని ప్రజలంతా ఎదురు చూస్తున్నారని ఎంపీ మేకపాటి రాజమోహన్‌ రెడ్డి అన్నారు.
 
 ఆశలు సమాధి.. ముక్కలు ముక్కలుగా మీనా!
 రంగారెడ్డి జిల్లా చేవెళ్ల మండలం చన్‌వెళ్లిలో గురువారం సాయంత్రం బోరుబావిలో పడిన చిన్నారి మీనా మృతి చెందడంతో తీవ్ర విషాదం నెలకొంది. (బోరు బావిలో మీనా.. ఎప్పుడేం జరిగిందంటే!)
 మాజీ ఎమ్మెల్యేకు కేసీఆర్‌ సాయం
 అనారోగ్యం, ఆర్థికంగా ఇబ్బందులు పడుతున్న ఆయన నాలుగు రోజుల క్రితం కొండపాకలో గొర్రెల పంపిణీ కార్యక్రమానికి వచ్చిన సీఎం కేసీఆర్‌ను కలిశారు.
 
 <<<<<< ఫీచర్స్‌ >>>>>>>
 
 శ్రీదేవిని రాజమౌళి ఎందుకు...
 ఇప్పుడు శ్రీదేవిని రాజమౌళి ఎందుకలా అన్నాడు? అనే ప్రశ్న అందర్నీ వేధిస్తోంది. రాజమౌళి అన్న మాటలు శ్రీదేవిని కూడా చాలా బాధించాయి.. చాలా వేధించాయి.
 
 నన్నడగొద్దు ప్లీజ్‌
 నేను ఒక అమ్మాయిని లవ్‌చేస్తున్నా. తను నన్ను లవ్‌ చేస్తోందో లేదో తెలియడం లేదు. కానీ..
 
 <<<<<<<<< స్పోర్ట్స్‌ >>>>>>>>
 కిడాంబి శ్రీకాంత్ సంచలనం
 ఆస్ట్రేలియా ఓపెన్ సూపర్ సిరీస్ బ్యాడ్మింటన్ టోర్నమెంట్లో భారత ఆటగాడు కిడాంబి శ్రీకాంత్ సంచలనం సృష్టించాడు. (శ్రీకాంత్ కు వైఎస్ జగన్ అభినందనలు)
 
 యువరాజ్ మరో మైలురాయి!
 ఇటీవల మూడొందల వన్డే మ్యాచ్ ను ఆడటం ద్వారా అరుదైన ఘనతను సొంతం చేసుకున్న భారత వెటరన్ ఆటగాడు యువరాజ్ సింగ్ ఖాతాలో మరో మైలురాయి కూడా చేరింది.
 
 
 ధోని, యువరాజ్లు కష్టమేనా?
 2019 వన్డే వరల్డ్‌ కప్‌ను దృష్టిలో ఉంచుకొని సెలక్టర్లు, మేనేజ్‌మెంట్‌ ఈ దిశగా ఆలోచించాలని..
 
 
  


 రాజమహేంద్రవరం కల్చరల్‌:  రామ్‌సాయి గోకులం బ్యానర్‌పై నిర్మించిన ‘ఆకలిపోరాటం’ ఆడియో రిలీజ్‌ ఫంక్షన్‌ ఆదివారం సాయంత్రం 6.30 గంటలకు రాజమహేంద్రవరంలోని శ్రీ వేంకటేశ్వర ఆనం కళాకేంద్రంలో జరుగుతుందని చిత్ర రచయిత, దర్శకుడు ఆనందసాగర్‌ తెలిపారు. స్థానిక ప్రెస్‌ క్లబ్‌లో శనివారం ఆయన విలేకరుల సమావేశంలో ఆ విశేషాలను వెల్లడించారు. ఈ కార్యక్రమానికి విశాఖపట్నానికి చెందిన స్వప్న యాంకర్‌గా వ్యవహరిస్తారన్నారు. మెయిన్‌ హీరో ‘సాక్షి విలేకరి’ గంగాధర్‌ కాగా మరో ముగ్గురు సహాయ హీరోలుగా నటించారన్నారు. చిత్రం షూటింగ్‌  మూడువంతులు ఉభయ గోదావరి జిల్లాలలోను, మిగిలిన భాగం హైదరాబాద్‌లో చేశామన్నారు. ఇంజినీరింగ్‌ చదివిన యువకులు ఉద్యోగాన్వేషణలో ఎదుర్కొనే సమస్యలు హాస్యాత్మకంగా తీశామన్నారు. జూలై 10–20 తేదీల మధ్యలో సినిమా విడుదల చేయడానికి సన్నాహాలు చేస్తున్నామన్నారు. హీరో గంగాధధర్‌ మాట్లాడుతూ ఈ సినిమా ద్వారా ప్రేక్షకుల ఆశీస్సులను కోరుకుంటున్నానన్నారు. నిర్మాత రాఘవులు పాల్గొన్నారు.


 48 గంటలు గడుస్తున్నా చిన్నారి మీనా ఇంకా బోరుబావిలోనే ఉంది. బోరుబావి నుంచి చిన్నారిని వెలికితీసేందుకు సహాయక సిబ్బంది విశ్రప్రయత్నాలు చేస్తున్నారు. అందుబాటులో ఉన్న అధునాతన టెక్నాలజీని ఉపయోగించి పాపను బయటకు తీసేందుకు ప్రయత్నిస్తున్నారు. సమయం గడిచేకొద్ది ఆశలు సన్నగిల్లుతున్నాయి. పాప సురక్షితంగా బయటపడేనా అన్నది ఉత్కంఠగా మారుతోంది. పాప బయటపడాలని ప్రజలంతా కోరుతున్నారు. దేవుళ్లను ప్రార్థిస్తున్నారు... ఇక ఈనాటి ముఖ్య కథనాలు ఇవి..
  
 
  
 బోరుబావి వద్ద తీవ్ర ఉద్విగ్న క్షణాలు!
 48 గంటలు గడుస్తున్నా చిన్నారి మీనా ఇంకా బోరుబావిలోనే ఉంది.
  
 చిన్నారి పరిస్థితిపై ఇప్పుడే ఏం చెప్పలేం!
 180 అడుగుల వద్ద నీళ్లు తగలడంతో చిన్నారి ఆచూకీ లభించలేదని, దీంతో ప్రత్యేక మోటారు ద్వారా నీటిని అంతటిని తోడిస్తున్నామని...
  
 కోవింద్‌ విజయం ఖాయం: వైఎస్‌ జగన్‌
 ఎన్డీయే రాష్ట్రపతి అభ్యర్థి రామ్‌నాథ్‌ కోవింద్‌కు ఏపీ ప్రతిపక్ష నేత, వైఎస్‌ఆర్‌ కాంగ్రెస్‌ పార్టీ అధ్యక్షుడు వైఎస్‌ జగన్‌ మోహన్‌ రెడ్డి తమ సంపూర్ణ మద్దతును పునరుద్ఘాటించారు.
 
  
 నీట్‌లో మెరిసిన కల్వకుర్తి వాసి
 కల్వకుర్తి పట్టణానికి చెందిన చేకూరి మహేశ్వరాచారి శుక్రవారం విడుదలైన నీట్‌ ఫలితాల్లో ఆలిండియా 1280 వ ర్యాంకు సాధించి సత్తాడాటాడు.
 
  
 మృత్యుంజయురాలు ఈ అంజలి
 చేవెళ్లలో పాప బోరుబావిలో మృత్యువుతో కొట్టుమిట్టాడుతున్న సంఘటన టీవీల్లో చూస్తున్న వారంతా అంజలిని గుర్తుచేసుకుంటున్నారు
 
  
 కాన్వాయ్ అడ్డుకుని.. ఎంపీని చితకబాదారు!
 అధికార తృణమూల్ కాంగ్రెస్(టీఎంసీ) పార్టీ కార్యకర్తలు ఏకంగా ఓ బీజేపీ ఏంపీని టార్గెట్ చేసి చితకబాదారు.
 
  
 భార్య చేతిలో చెయ్యేస్తే నొప్పి మాయం
 ఆలు మగలు చేతిలో చేయేసి పట్టుకు తిరగాలోయ్‌! అని ఓ భావ కవి ఊరికే అనలేదేమో!
  
 అల్‌ జజీరాను మూసేయాల్సిందే!
 ఖతార్‌ను ఇప్పటికే బహిష్కరించిన అరబ్‌ దేశాల్లో సౌదీ అరేబియా, యునైటెడ్‌ అరబ్‌ ఎమిరేట్స్, బహ్రెయిన్, ఈజిప్టు దేశాలు తమ 13 డిమాండ్లను నెరవేర్చాల్సిందిగా అల్టిమేటమ్‌ జారీ చేశాయి.
 
  
 ట్రంప్‌ హత్య.. సారీ చెప్పిన హీరో
 అమెరికా అధ్యక్షుడు డొనాల్డ్‌ ట్రంప్‌ను హత్యచేయబోయేది ఎవరంటూ వివాదాస్పద వ్యాఖ్యలు చేసిన హాలీవుడ్‌ హీరో జానీ డెప్‌ ఎట్టకేలకు పశ్చాత్తాపం వ్యక్తం చేశారు.
  
 మోదీ-ట్రంప్ భేటీలో ఆ ప్రస్తావనే ఉండదు
 మోదీ-ట్రంప్ భేటీలో హెచ్-1బీ వీసా సమస్యను ప్రస్తావించే ప్రణాళికలేమీ లేవని వైట్ హౌజ్ పేర్కొంది.
 
  
 అందుకే సమంతను అంబాసిడర్ చేశాం: మంత్రి
 సీఎం కేసీఆర్ చిన్నప్పటి నుంచి చేనేత కార్మికుల కష్టాలను కళ్లారా చూశారని అందుకే నేతన్నల ఇబ్బందులు తీర్చేందుకు భారీగా నిధులు కేటాయించారని మంత్రి కేటీఆర్‌ తెలిపారు.
 
  
 మంత్రులు, ఎమ్మెల్యేల ఒక నెల జీతం రైతులకు!
 తీవ్ర సంక్షోభంలో కూరుకుపోయిన రైతాంగాన్ని ఆదుకోవాలని రాష్ట్ర ప్రభుత్వం నిర్ణయించింది.
 
  
 శ్రీనగర్‌లో మళ్లీ పేట్రేగిన ఉగ్రవాదులు!
 జమ్మూకశ్మీర్‌ వేసవి రాజధాని శ్రీనగర్‌లో ఉగ్రవాదులు మళ్లీ పేట్రేగిపోయారు.
 
  
 ఎమ్మెల్యే కుమారుడి కిరాతకం
 ఇద్దరు మైనర్‌ బాలురను సజీవసమాధిచేసిన కేసులో బీజేపీ ఎమ్మెల్యే కొడుకుతోపాటు ఇసుక మైనింగ్‌ కాంట్రాక్టర్‌ను పోలీసులు అరెస్ట్‌ చేశారు.
  
 బుజ్జి గజరాజు అమేజింగ్‌ వీడియో!
 అప్పుడప్పుడే తప్పటడుగులు వేసే బుజ్జాయిలు ఏం చేసినా ముద్దుగానే ఉంటుంది.
 
  
 మీరా కుమారే ప్రధాని అయితే...
 ప్రతిపక్షాల పక్షాన రాష్ట్రపతి అభ్యర్థిగా నామినేషన్‌ దాఖలు చేసిన దళిత మహిళ మీరా కుమార్‌ రాష్ట్రపతి భవన్‌లోకి అడుగుపెట్టలేక పోవచ్చు.
  
 ఇదిగో బండ బూతుల.. బండారం!
 టీడీపీ ఎమ్మెల్యే బండారు జుగుప్సాకర వ్యాఖ్యలపై సర్వత్రా నిరసన.
 
  
 భారత్‌ గురించి ట్రంప్‌ ‘రియలైజ్‌’ అయ్యారా!
 ప్రధానమంత్రి నరేంద్రమోదీ అమెరికా పర్యటన నేపథ్యంలో భారత్‌ను అగ్రరాజ్యం పెద్దగా పట్టించుకోవడం లేదన్న కథనాల నేపథ్యంలో..
  
 బిజినెస్‌..
 మూర్తి కనిపించకపోవడం ఆశ్చర్యం
 తొలిసారి ఇన్ఫోసిస్ సహా-వ్యవస్థాపకులు నేడు జరిగిన అత్యంత కీలకమైన సమావేశానికి హాజరుకాలేదు.
 
 హోండా వెహికిల్స్ రేట్లు దిగొస్తున్నాయ్!
 దేశమంతటిన్నీ ఒకే పన్ను వ్యవస్థలోకి తీసుకొస్తూ జూలై 1 నుంచి జీఎస్టీ అమలు కాబోతున్న తరుణంలో ప్రముఖ వాహన దిగ్గజం తన టూ-వీలర్ రేట్లను తగ్గించబోతుంది.
  
 రాకెట్‌లా ఎగిసిన రాష్ట్రాల లోటు
 రాష్ట్రాల వాణిజ్య లోటులు స్కై రాకెట్ లా ఎగిసినట్టు ఆర్బీఐ నేడు వెల్లడించిన గణాంకాల్లో తెలిసింది.
  
 సినిమా..
 ‘క్వీన్‌’ అవ్వడానికి నేను రెడీ: నటి
 క్వీన్‌గా మారడానికి ఏ భాషలోనైనా తాను రెడీ అంటోంది నటి కాజల్‌ అగర్వాల్‌.
  
 ఫస్ట్‌డే కలెక్షన్లు ఎంతో తెలుసా?
 బాక్సాఫీస్‌ దగ్గర భాయిజాన్‌ ఈసారి మెరవలేదు. గత ‘ఈద్‌’ సినిమాల కంటే దారుణంగా వెనకబడ్డాడు.
  
 విజయ్ కొత్త సినిమా 'అదిరింది'
 కోలీవుడ్ స్టార్ హీరో విజయ్ హీరోగా తెరకెక్కుతున్న కొత్త సినిమా మెర్సల్. యువ దర్శకుడు అట్లీ దర్శకత్వంలో తెరకెక్కుతున్న
 
  
 అల్లు అర్జున్ కెరీర్ లోనే డీజే టాప్..!
 అల్లు అర్జున్ హీరోగా తెరకెక్కిన డీజే దువ్వాడ జగన్నాథమ్, ఈ శుక్రవారం ప్రేక్షకుల ముందుకు వచ్చింది. భారీ అంచనాల


 అన్నవరం (ప్రత్తిపాడు) : 
 అన్నవరం దేవస్థానం ఇన్‌చార్జి ఈఓగా నియమితులైన ఈరంకి వేంకట జగన్నాథరావు బాధ్యతల స్వీకరణ ఆదివారానికి వాయిదా పడింది. శనివారమే బాధ్యతలు స్వీకరించాల్సి ఉన్నా అష్టమి తిథి మంచిది కాకపోవడంతో ఆయనకు ఈఓ నాగేశ్వరరావు బాధ్యతలు అప్పగించలేదు. కాగా బదిలీ అయిన దేవస్థానం ఈఓలను రెండు మూడు రోజుల వ్యవధిలో రిలీవ్‌ చేయడం ఇప్పటివరకూ జరిగింది. ఈసారి ఏకంగా ఈ ప్రక్రియకు పది రోజులు సమయం పట్టింది. ఈ నెల ఎనిమిదో  తేదీన ఈఓ నాగేశ్వరరావును విజయనగరం జేసీ–2గా బదిలీ చేస్తూ ఆదేశాలు వెలువడ్డాయి. ఇక్కడ రిలీవ్‌ అయి అక్కడ  జాయిన్‌ కావడానికి ఆయన మూడు ముహూర్తాలు పెట్టుకున్నారు. అయినా ఈఓ గా ఎవరినీ నియమించకపోవడంతో ఆ ముహూర్తాలు దాటిపోయాయి. తాజాగా ఇన్‌చార్జి ఈఓ ను నియమించినా అష్టమి, నవమి కారణంగా బాధ్యతలు అప్పగించడం కుదరలేదు. ఇదంతా దేవాదాయశాఖ ఉన్నతాధికారుల పనితీరుకు  నిదర్శనంగా చెప్పవచ్చు. 


  
 నాటి నాన్న...
 ఎదురు పడితే భయం ... మాట్లాడాలంటే ‘అమ్మో’ ... 
 కన్నెర్ర చేస్తే గజగజ ... గద్దిస్తే ఇక జ్వరమే
 పుస్తకం, పెన్ను, పెన్సిల్‌,  ఏ అవసరమున్నా 
 అమ్మే మధ్యవర్తి
 జిహ్వ చాపల్యం తీర్చుకోవాలన్నా, నేత్రానందం తీరాలన్నా
 కన్న తల్లే నిచ్చెన...
 .
 నాన్నకు కోపం వచ్చి కొట్టడానికి నా పైకి వస్తే
 అడ్డుకున్న పుణ్యానికి సగం దెబ్బలు అమ్మకే
 మిగిలిన అరకొరే నాపైకి...
 .
 నేటి డాడీ...
 .
 తరం మారింది... స్వరం మారిపోయింది
 అమ్మ కొడితే...తిడితే
 వెనుకేసుకొచ్చే డాడీలొచ్చేశారు
 .
 ఇన్నాళ్లూ వంతెనగా నిలిచిన అమ్మ పాత్ర అదృశ్యమైంది
 ఏ ఆనందమైనా చిటికెలో
 తీర్చే నాన్న అనురాగం సాక్షాత్కరించింది
 .
 అమ్మకు కోపం వస్తే నాన్నే అడ్డుపడి...
 గుండెలపై కాదు ... తన భుజాలపై 
 కొలువుదీరనిచ్చి...ఆప్యాయతలు పంచి
 అనురాగాలతో పెంచిన 
 కనిపించిన దేవుళ్లు 
 నేటి మన డాడీలు...
  
  
  
  
  
  
  
  
  


 రంపచోడవరం : 
 రాష్ట్ర ఎస్సీ, ఎస్టీ కమిషన్‌ చైర్మన్‌ కారెం శివాజీ గురువారం ఏజెన్సీలో పర్యటించనున్నారని ఐటీడీఏ పీవో ఏఎస్‌ దినేష్‌కుమార్‌ బుధవారం ఒక ప్రకటనలో తెలిపారు. ఉదయం 10.30 నుంచి మధ్యాహ్నం 2 గంటలు వరకు ఐటీడీఏ సమావేశపు హాలులో ఫిర్యాదులు స్వీకరిస్తారని తెలిపారు. అనంతరం మధ్యాహ్నం నుంచి సాయంత్రం 4 గంటలు వరకు మారేడుమిల్లిలో ఫిర్యాదులు స్వీకరిస్తారని తెలిపారు. అనంతరం చట్లవాడ గ్రామంలో జరిగే పర్ణశాల పండగలో పాల్గొంటారని తెలిపారు. 
  


 – పర్యాటకం అభివృద్ధికి ‘అఖండ గోదావరి’ ప్రకటించిన ప్రభుత్వం
 – రూ. 100 కోట్లు కేటాయించిన చంద్రబాబు సర్కారు
 – ఇప్పటి వరకు మొదటి దఫాగా రూ.32 కోట్లు ఖర్చు
 – నగరంలో నదీతీర అభివృద్ధికి నగరపాలక సంస్థ యంత్రాంగం చర్యలు 
 – రూ.20 కోట్లతో కౌన్సిల్‌ అజెండాలో చేర్చిన వైనం 
 – రాష్ట్ర ప్రభుత్వం పనిని నెత్తికెత్తుకుంటున్న అధికారులు 
 – నగరంలో మౌలిక సదుపాయాలు లేని ప్రాంతాలు అనేకం
 – నేడు కౌన్సిల్‌ సాధారణ సమావేశం 
 సాక్షి, రాజమహేంద్రవరం: ఉట్టికెక్కలేనమ్మ.. స్వర్గానికి ఎక్కుతాన¯¯¯న్న చందంగా ఉంది రాజమహేంద్రవరం నగరపాలక సంస్థలో పరిపాలన తీరు. నగరం నడిబొడ్డున, ÐÔశివారు ప్రాంతాలలో ఇప్పటికీ అనేక చోట్ల రోడ్డు, డ్రైనేజీలు వంటి కనీస మౌలిక సదుపాయాలు లేని పరిస్థితి. అక్కడ నివసిస్తున్న ప్రజలకు సదుపాయాలు కల్పించాల్సిన పాలకులు, యంత్రాంగం అది మరచి రాష్ట్ర ప్రభుత్వం చేపడుతున్న  పనులను నెత్తికెత్తుకుంటోంది. ఇందుకోసం ప్రజల డబ్బు రూ.20 కోట్లు ఖర్చు పెట్టడానికి సన్నాహాలు చేస్తోంది. గోదావరి పుష్కరాల అనంతరం సీఎం చంద్రబాబు రాజమహేంద్రవరం నగరాన్ని పర్యాటకంగా అభివృద్ధి చేసేందుకు అఖండ గోదావరి పేరుతో ఓ ప్రాజెక్టును ప్రకటించారు. ఇందుకు రూ.100 కోట్లు కేటాయిస్తున్నట్లు చెప్పారు. ఈ నిధుల ద్వారా కాటన్‌ బ్యారేజీ నుంచి ఎగువన నగరంలోని కోటిలింగాలఘాట్‌ వరకు అనువైన గోదావరి తీరం, లంకలను పర్యాటకంగా అభివృద్ధి చేయనున్నారు. కేటయించిన రూ.100 కోట్లను మూడు దఫాలుగా విడుదల చేయాలని నిర్ణయించారు. ఇందులో భాగంగా మొదటి దఫాగా ఇప్పటికే రూ.18 కోట్లతో కాటన్‌ బ్యారేజి వద్ద ఉన్న పిచ్చుకలంకను చదును చేశారు. మరో రూ.13 కోట్లను హెవలాక్‌ బ్రిడ్జి కోసం కేంద్ర ప్రభుత్వానికి చెల్లించారు. రూ.1 కోటితో రోడ్డు కం రైల్‌ బ్రిడ్జిని సుందరీకరిచారు. ఇలా ఇప్పటి వరకు రూ.32 కోట్లు అఖండ గోదావరి ప్రాజెక్టు కోసం రాష్ట్ర ప్రభుత్వం ఖర్చు పెట్టింది. అయితే తాజాగా అఖండ గోదావరి ప్రాజెక్టులో భాగంగా చేయాల్సిన పనులను నగరపాలక సంస్థ చేపట్టేందుకు ఆసక్తి చూపుతోంది. గోదావరి గట్టున సర్వసతీ ఘాట్‌ నుంచి గౌతమీఘాట్‌ వరకు నదీ ముఖ ప్రాంతాన్ని పర్యాటక ప్రాంతంగా అభివృద్ధి చేయాలని రాజమండ్రి రైజింగ్, ఐడియాస్‌ ఫర్‌ రాజమండ్రి డెవలెప్‌మెంట్‌ ద్వారా ప్రజలు సూచించారని పేర్కొంటూ కౌన్సిల్‌ ఆమోదానికి యంత్రాంగం అజెండాలో చేర్చింది. దీనికోసం రూ.20 కోట్లు ఖర్చు అవుతుందని, ఆ నిధులు బీపీఎస్, ఎల్‌ఆర్‌ఎస్‌ పథకాల ద్వారా నగర పాలక సంస్థకు వచ్చిన ఆదాయం నుంచి కేటాయించాలని, పరిపాలన అనుమతి కోసం రాష్ట్ర ప్రభుత్వానికి పంపేందుకు ఆమోదించాలని కోరింది. 
 నిద్దురపోతున్న పాలక మండలి... 
 నగరంలో కనీసం మౌలిక సదుపాయాలు లేని ప్రాంతాలు అనేకం ఉన్నా వాటి అభివృద్ధిని పట్టించుకోని పాలక మండలి, యంత్రాంగం ఇలా రాష్ట్ర ప్రభుత్వ పనులను నెత్తికెత్తుకుని రూ. 20 కోట్లు ఖర్చు చేయాలని ప్రతిపాదించడంపై సర్వత్రా విమర్శలు వ్యక్తమవుతున్నాయి. యంత్రాంగం ఇలా ప్రతిపాదించడం వెంటనే మండలి అజెండాలో చేర్చడంపై నగరవాసులు పాలకమండలిపై ఆగ్రహం వ్యక్తం చేస్తున్నారు. మా పన్నుల ద్వారా వస్తున్న ఆదాయాన్ని నగరంలో మౌలిక సదుపాయాలు కల్పించకుండా రాష్ట్ర ప్రభుత్వం పనులకు ఖర్చు చేయాలన్న ప్రతిపాదనలపై మండిపడుతున్నారు. యంత్రాంగం ఇలా చేస్తుంటే పాలక మండలి నిద్దురపోతోందా? అంటూ ప్రశ్నిస్తున్నారు. యంత్రాంగం ప్రతిపాదన  సోమవారం జరిగే పాలక మండలి సాధారణ సమావేశంలో చర్చకు రానుంది. దీనిపై పాలక మండలి ఎలాంటి నిర్ణయం తీసుకుంటుందోన్న ఉత్కంఠ నగర వాసుల్లో నెలకొంది. 


 
 అమలాపురానికి కృష్ణ మాదిగ రాక
 
 అమలాపురం టౌ¯ŒS :
 ఎమ్మార్పీఎస్‌ 24వ ఆవిర్భావ కురుక్షేత్ర జిల్లా సన్నాహక సభ అమలాపురం జెడ్పీ బాలుర ఉన్నత పాఠశాల ప్రాంగణంలో శనివారం సాయంత్రం మూడు గంటలకు జరగనుంది. సభకు ఎమ్మార్పీఎస్‌ వ్యవస్థాపక అధ్యక్షుడు మంద కృష్ణమాదిగ ముఖ్య అతిథిగా హాజరవుతున్నారు.ఎమ్మారీ్పఎస్‌ జిల్లా ఇ¯ŒSచార్జి మంద వెంకటేశ్వరరావు ఈ సందర్భంగా మాట్లాడుతూ జూలై ఏడున పది లక్షల మందితో అమరావతిలో జరగనున్న మాదిగల కురుక్షేత్ర మహాసభను విజయవంతం చేసేందుకు జిల్లా సన్నాహాక సభను అమలాపురంలో శనివారం ఏర్పాటుచేసినట్లు చెప్పారు. జిల్లా వ్యాప్తంగా ఉన్న మాదిగలు ఈ సభకు తరలి రావాలని ఆయన పిలుపునిచ్చారు. అనంతరం అమలాపురం జెడ్పీ బాలుర ఉన్నత పాఠశాల ప్రాంగణంలో సభ వేదిక ఏర్పాట్లను శుక్రవారం సాయంత్రం వెంకటేశ్వరరావుతో పాటు జిల్లా ఎమ్మార్పీఎస్‌ నాయకులు ఆకుమర్తి చిన్నా, గంపల సత్యప్రసాద్, ఆకుమర్తి భాస్కరరావు, మల్లారపు సత్తిబాబు, మిరియాల అశోక్‌ తదితరులు పాల్గొన్నారు.
  


 రాయవరం: 
 విద్యార్థులు ఎప్పుడెప్పుడా అని ఎదురుచూస్తున్న సమయం ఆసన్నమైంది. మరికొన్ని గంటల్లో పది పరీక్షల ఫలితాలు విడుదల కానున్నాయి. జిల్లా వ్యాప్తంగా ఈ ఏడాది ఈ పరీక్షలు మార్చి 17 నుంచి 30వ తేదీ వరకు నిర్వహించారు. ఈ ఏడాది ఫలితాల్లో రాష్ట్రంలో జిల్లా స్థానంలో నిలవనుందోనన్న ఉత్కంఠ విద్యాశాఖాధికారుల్లో నెలకొంది. 
 68,853 మంది విద్యార్థులు..
 జిల్లాలో ఈ ఏడాది 304 పరీక్షా కేంద్రాల్లో 68,853 మంది విద్యార్థులు ‘పది’ పరీక్షలు రాశారు. వీరిలో 34,172 మంది   
 బాలురు, 33,568 మంది బాలికలు ఉన్నారు. ప్రభుత్వ పాఠశాలల నుంచి 48 వేల మంది వరకు పరీక్షలకు హాజరుకాగా ప్రైవేటు పాఠశాలల నుంచి 20,853 మంది హాజరయ్యారు. 
 గత మూడేళ్లుగా..
 పది పరీక్షల ఫలితాల్లో గత మూడేళ్లుగా మొదటి మూడు స్థానాల్లో జిల్లా నిలిచింది. 2015–16లో జిల్లా రాష్ట్రంలో మూడో స్థానంలో నిలవగా, 2014–15లో రెండో స్థానం, 2013–14లో ఉమ్మడి రాష్ట్రంలో ప్రథమ స్థానంలో నిలిచింది. గత మూడేళ్లుగా ఫలితాలను చూస్తే జిల్లా మొదటి మూడు స్థానాల్లో నిలవడంతో ఈసారి కూడా అదే ప్రతిష్ఠను కొనసాగిస్తుందన్న ఆశతో విద్యాశాఖాధికారులు ఉన్నారు. గతేడాది ఫలితాల సమయంలో జిల్లా విద్యాశాఖాధికారిగా ఆర్‌.నరసింహారావు ఉండగా, ఈ ఏడాది జనవరిలో నరసింహారావు బదిలీపై వెళ్లారు. జనవరి నుంచి ఎస్‌.అబ్రహాం ఇ¯ŒSచార్జి డీఈవోగా విధులు నిర్వర్తిస్తున్నారు. ఈ ఏడాది పది పరీక్షలకు ముందుగా ఒకటే ప్రీఫైనల్‌ నిర్వహించారు. అంతకు ముందు ఏడాది రెండు ప్రీ ఫైనల్స్‌ నిర్వహించారు. గతేడాది ఆగస్టు నుంచే పది విద్యార్థులపై ప్రత్యేక శ్రద్ధ తీసుకున్నారు. జనవరి నుంచి 100 రోజుల ప్రణాళికను అమలు చేశారు. ఉదయం, సాయంత్రం ప్రత్యేక తరగతులు నిర్వహించారు. ఇవన్నీ ఫలితాలపై మంచి ప్రభావాన్ని చూపుతాయని పలువురు హెచ్‌ఎంలు ఆశాభావం వ్యక్తం చేస్తున్నారు. 
  
 తొలిసారి సీసీఈ విధానంలో..
 తొలిసారి ఈ ఏడాది సీసీఈ విధానంలో పరీక్షలు నిర్వహించారు. కేవలం 80 మార్కులకు మాత్రమే పబ్లిక్‌ పరీక్షలు నిర్వహించగా, ఇంటర్నల్స్‌ 20 మార్కులు కేటాయించారు. తొలిసారిగా సీసీఈ విధానం అమలవుతున్న నేపథ్యంలో జరిగిన పరీక్షల ఫలితాలు ఏ విధంగా ఉంటాయన్న ఆందోళన విద్యార్థుల్లో, వారి తల్లిదండ్రుల్లో నెలకొంది. 
  
 జిల్లాలో పరీక్షా కేంద్రాలు : 304
 జిల్లా వ్యాప్తంగా పరీక్ష 
 రాసిన విద్యార్థులు : 68,853
 బాలురు : 34,172
 బాలికలు : 33,568
 ప్రభుత్వ పాఠశాలల నుంచి 
 పరీక్ష రాసిన విద్యార్థులు : 48,000
 ప్రైవేటు పాఠశాలల నుంచి 
 పరీక్ష రాసిన విద్యార్థులు : 20,853
  
 మొదటి మూడు స్థానాల్లో ఉంటాం..
 ఇ¯ŒSచార్జి డీఈవోగా ఈ ఏడాది పది పరీక్షలకు సారధ్యం వహించాను. జనవరిలో బా«థ్యత తీసుకున్న అనంతరం జిల్లాలో పది విద్యార్థులపై ప్రత్యేక శ్రద్ధ తీసుకున్నాను. ఈ ఏడాది పది ఫలితాల్లో రాష్ట్రంలో మొదటి మూడు స్థానాల్లో ఉంటామన్న ఆశాభావంతో ఉన్నాం. 
 – ఎస్‌.అబ్రహాం, డీఈవో, కాకినాడ.
  


 నల్లజర్ల : ముఖ్యమంత్రి చంద్రబాబునాయుడు శనివారం నల్లజర్ల మండలంలో పర్యటించనున్నారు. ఇందుకు సంబంధించి పోలీస్‌ యంత్రాంగం కట్టుదిట్టమైన భద్రతా చర్యలు చేపట్టింది. శుక్రవారం సాయంత్రం నుంచే  ముఖ్యమంత్రి పర్యటించే ప్రాంతాలను పోలీసులు తమ ఆధీనంలోకి తీసుకున్నారు. ఎస్పీ పర్యవేక్షణలో ఇద్దరు అదనపు ఎస్పీలు, 15 మంది డీఎస్పీలు, 45 మంది సీఐలు, 80 మంది ఎస్సైలు, 1,500 మంది కానిస్టేబుళ్లు, 2 ప్లటూన్ల ఏఆర్‌ (100 మంది) సిబ్బంది, మహిళా కానిస్టేబుల్స్, కమ్యూనిటీ పోలీసింగ్‌ సేవలు, డాగ్‌ స్క్వాడ్‌లను నియమించినట్టు కొవ్వూరు ఇన్‌చార్జ్‌ సీఐ ఎం.మురళీకృష్ణ తెలిపారు. ముఖ్యమంత్రి పర్యటన నేపథ్యంలో ఆయన పర్యటించనున్న ప్రాంతాలలో ఎటువంటి లోటుపాట్లకు తావులేకుండా శుక్రవారం భారీ కాన్వాయ్‌తో ముందస్తు రిహార్సల్స్‌ చేశారు. ఈ సందర్భంగా తలెత్తిన లోటుపాట్లను సరిదిద్దుకోవాలని అధికారులు సిబ్బందికి సూచించారు.
 సీఎం పర్యటన ప్రాంతాలను డీఐజీ రామకృష్ణ పరిశీలన
 ముఖ్యమంత్రి చంద్రబాబునాయుడు పర్యటించే ప్రాంతాలను డీఐజీ పీవీఎస్‌ రామకృష్ణ శుక్రవారం ఉదయం జేసీ కోటేశ్వరరావుతో కలిసి పరిశీలించారు. పోతవరం, నల్లజర్ల హెలీప్యాడ్స్, పోతవరం, నల్లజర్లలో జరగనున్న మీటింగ్‌ ప్రాంతాలు సభావేదికలు, సభకు వచ్చే వారికి ఎటు నుంచి అనుమతులు, అనంతరం బయటకు పంపించే మార్గాలు, ట్రాఫిక్‌ నియంత్రణ తదితర అంశాలు పరిశీలించారు. ముఖ్యమంత్రి పర్యటించే ప్రాంతాల్లో ఎటువంటి అసౌకర్యాలకు తావు లేకుండా చర్యలు తీసుకోవాలని కొవ్వూరు డీఎస్పీ మురళీకృష్ణకు సూచించారు. 


 
 పి.గన్నవరంలో బహిరంగ సభ, కన్నబాబు రాక
 
 పి.గన్నవరం :
 పి.గన్నవరంలో మంగళవారం సాయంత్రం జరుగనున్న బహిరంగ సభలో వివిధ పార్టీలకు చెందిన నాయకులు, కార్యకర్తలు వైఎస్సార్‌ సీపీలో భారీగా చేరనున్నారని పార్టీ కోఆరి్డనేటర్‌ కొండేటి చిట్టిబాబు, రాష్ట్ర కార్యదర్శి మిండగుదిటి మోహనరావు వెల్లడించారు. స్థానిక గణపతి గ్రౌండ్స్‌లో బహిరంగ సభా వేదిక ఏర్పాట్లను సోమవారం సాయంత్రం వారు పరిశీలించారు. ఈ సందర్భంగా వారు విలేకరులతో మాట్లాడారు. పార్టీ అధినేత వైఎస్‌ జగన్‌మోహన్‌రెడ్డి సమక్షంలో ఇటీవల వైఎస్సార్‌ సీపీలో చేరిన పి.గన్నవరం మండల నాయకులు ఉలిశెట్టి బాబీ, పిల్లి శ్రీనుల నాయకత్వంలో కొండేటి ఆధ్వర్యంలో  600 మంది నాయకులు, కార్యకర్తలు పార్టీలో చేరనున్నారని మోహనరావు చెప్పారు. తొలుత మధ్యాహ్నం 3 గంటలకు అంబాజీపేట నుంచి పి.గన్నవరం అక్విడెక్టు వరకూ మోటారు సైకిలు ర్యాలీ జరుగు తుందన్నారు. అక్కడ దివంగత సీఎం రాజశేఖరరెడ్డి విగ్రహానికి పూలమాలలు వేసిన అనంతరం బహిరంగ సభ జరుగుతుందన్నారు. ఈ సభకు జిల్లా పార్టీ అధ్యక్షుడు కురసాల కన్నబాబుతో పాటు, జిల్లా, రాష్ట్ర నాయకులు హాజరవుతారన్నారు. ఈ చేరికలతో పార్టీ మరింత బలోపేతం అవుతుందన్నారు. మిగిలిన మూడు మండలాల్లో కూడా ఇదే రీతిలో చేరికలు ఉంటాయని కొండేటి చెప్పారు. పార్టీ నాయకులు, కార్యకర్తలు అధికసంఖ్యలో పాల్గొనాలని వారు విజ్ఞప్తి చేసారు. మండల పార్టీ అధ్యక్షులు నక్కా వెంకటేశ్వర రావు, వాసంశెట్టి చినబాబు, రాష్ట్ర నాయకులు మెల్లం మహలక్ష్మీ ప్రసాద్, పేరి శ్రీనివాస్, జిల్లా నాయకులు దొమ్మేటి వెంకట శివరామన్, తోలేటి బంగారునాయుడు తదితరులు సభ ఏర్పాట్లను పరిశీలించారు. 
  


 నేటి నుంచి జూన్ 11 వరకూ
 విద్యార్థుల్లో వెల్లివిరిసిన ఆనందం
  
 వేసవి సెలవులు వచ్చేశాయి.. బడిగంటకు విరామం దొరికింది.. విద్యార్థుల్లో ఆనందం వెల్లివిరిసింది. సెలవుల తర్వాత మళ్లీ కలుద్దామంటూ మిత్రులు వీడ్కోలు చెప్పుకున్నారు. 
  
  రాయవరం : పరీక్షలు ముగిశాయి..ఫలితాలు ప్రకటించారు..ప్రోగ్రెస్‌ కార్డులు చేతపట్టుకొని ఒకటి నుంచి తొమ్మిదో తరగతి విద్యార్థులు విద్యార్థులు వేసవి సెలవులిచ్చారంటూ ఆనందంగా ఇళ్లబాట పట్టారు. పొరుగు గ్రామాల స్నేహితులతో కబుర్లు చెప్పుకుంటూ శనివారం మధ్యాహ్నం వరకూ పాఠశాలలో గడిపారు.   హాస్టళ్లలో ఉండే విద్యార్థులు పెట్టే, బేడా సర్దుకొని స్వగ్రామాలకు బయల్దేరారు.  సాధారణంగా ఏప్రిల్‌ 24 నుంచి వేసవి సెలవులు ప్రకటిస్తారు. అయితే ఈ ఏడాది ఏప్రిల్‌ 23 ఆదివారం కావడంతో 22 చివరి పనిదినమైంది. 23 నుంచి జూన్‌ 11వ తేదీ వరకు వేసవి సెలవులు ప్రకటించారు. ఈ ఏడాది ప్రస్తుత విద్యా సంవత్సరం ( 2016–17) ముగియగానే కొత్త విద్యా సంవత్సరం (2017–18 ) ప్రారంభించారు. గత నెల 10 నుంచి 20వ తేదీ వరకు ఒకటో తరగతి నుంచి తొమ్మిదో తరగతి విద్యార్థులకు పరీక్షలు జరిగాయి. జిల్లాలో వివిధ ప్రభుత్వ యాజమాన్యాల కింద 4,412 ప్రాథమిక, ప్రాథమికోన్నత, ఉన్నత పాఠశాలలు ఉన్నాయి. ప్రైవేటు యాజమాన్యాల పరిధిలో 1,506 ప్రాథమిక, ప్రాథమికోన్నత, ఉన్నత పాఠశాలలు నిర్వహిస్తున్నారు. ఈ పాఠశాలల్లో ఎనిమిది లక్షల మంది చదువుకుంటున్నారు. వీరందరికీ నేటి నుంచి వేసవి సెలవులు ప్రకటించారు. దాంతో ఏడాది పాటు పుస్తకాలతో కుస్తీ పట్టిన విద్యార్థులకు పట్టరాని సంతోషం కలిగింది. పాఠశాలలకు చివరి పనిదినం కావడంతో ఉపాధ్యాయులు  పలు చోట్ల విద్యార్థులకు స్వీటు, హాట్‌తో పాటు రస్నా అందజేశారు. వేసవి సెలవులను సద్వినియోగం చేసుకోవాలని సూచనలిచ్చారు. విద్యార్థులకు సెలవులు ఇచ్చినా ఉపాధ్యాయులు మాత్రం ప్రమోషన్‌ జాబితా తయారీలో తలమునకలయ్యారు. 


 సాక్షి ప్రతినిధి, ఏలూరు : గ్రామాల్లో తాగునీటి ఎద్దడి తప్పేట్టు లేదు. కాలువలకు నీటి విడుదల గడువు పొడిగించినా జిల్లాలోని అన్ని చెరువులు పూర్తిగా నిండలేదు. ఫలితంగా ఈ వేసవిలో నీటి అవసరాలు తీరే అవకాశం కనిపించటం లేదు. ఏప్రిల్‌ మొదటి వారం నుంచే ఎండలు మండిపోతుండటంతో నీరు భారీగా ఆవిరయ్యే పరిస్థితి ఉంది. దీనికి తోడు వాడకం కూడా పెరుగుతుంది. బుధవారం నుంచి కాలువలు మూసివేస్తున్నారు. 45 రోజులపాటు కాలువలకు నీటి సరఫరా ఉండదు. ఈ దృష్ట్యా గ్రామాల్లో తాగునీటి ఇబ్బందులు తలెత్తకుండా పంచాయతీ అధికారులు చర్యలు చేపట్టారు. డెల్టా ప్రాంతంలో 441 మంచినీటి చెరువులు ఉండగా.. అందులో 426 చెరువుల్ని నింపామని, మిగిలిన చెరువుల్లోనూ నీరు నింపేందుకు చర్యలు తీసుకున్నామని చెబుతున్నారు. అయితే చాలా చెరువుల్లో 70 నుంచి 80 శాతం వరకే నీరు నిండింది. మరోవైపు గ్రామాల్లోని జనాభాతో పోలిస్తే చెరువులు తక్కువ సామర్థ్యంతో ఉండటంతో 45 రోజులపాటు నీటిని అందించే పరిస్థితి లేకుండాపోతోంది.
 కాలుష్యం కాటు
 చెరువులు పూర్తిగా నిండకపోవడం ఒక సమస్య అయితే.. చాలాచోట్ల నీరు కలుషితమై రంగు మారుతోంది. ఉంగుటూరులో చెరువులో నీరు నిండుగా ఉన్నా రంగు మారిందని అక్కడి ప్రజలు ఆందోళన చెందుతున్నారు. కొన్ని గ్రామాల్లో చెరువులు అపరిశుభ్రంగా ఉన్నాయి. చాలాచోట్ల ఇలాంటి పరిస్థితులే ఉన్నాయి. చెరువుల్ని ఆరబెట్టకుండా నీటితో నింపారు. ఫలితంగా జలాలు కలుషితమవుతున్నాయి. నీళ్లు పసర్లెక్కి చెత్తా చెదారంతో నిండుతున్నాయి. గ్రామాల్లో ఫిల్టర్‌ బెడ్స్‌ పూర్తిగా పాడైపోయాయి. అందువల్ల నీటిని ఫిల్టర్‌ చేయకుండా నేరుగా సరఫరా చేస్తున్నారు. పోడూరు మండలంలోని కొన్ని గ్రామాల్లో నీటికొరతను ఎదుర్కొనేందుకు వేసవిలో ఒక్కపూట మాత్రమే కుళాయిల ద్వారా నీరు సరఫరా చేసేవారు. ఈ వేసవిలోనూ అదే పరిస్థితి తలెత్తేలా ఉంది. ఆచంట ప్రాంతంలో వేసవికి ముందే తాగునీటి ఎద్దడి తలెత్తింది. ఆచంట, పెనుమంచిలి, ఎ.వేమవరం, శేషమ్మచెరువు గ్రామాలకే తాగునీరు సరఫరా చేస్తున్నారు. 
 అదికూడా కలుషితం కావడంతో వాడకానికి మాత్రమే వినియోగిస్తున్నారు. గోదావరి తీరం వెంబడి ఉన్న పెదమల్లం, కోడేరు, కరుగోరుమిల్లి, భీమలాపురం గ్రామాల్లో బోర్లు పడని పరిస్థితి. ఫలితంగా ఆ గ్రామాల్లో తీవ్ర నీటిఎద్దడి  నెలకొంది. భూగర్భ జలాలు కూడా అడుగంటిపోవడంతో బోర్లు పని చేయడం లేదు. ప్రైవేటు వాటర్‌ ప్లాంట్ల నుంచి మంచినీళ్లు కొనుగోలు చేయాల్సి వస్తోందని పలు గ్రామాల ప్రజలు వాపోతున్నారు. కొల్లేరు గ్రామాల్లోని చెరువుల్లో నింపిన నీరు 15 నుంచి 20 రోజులకే రంగు మారుతుండటంతో అధికారులు తలలు బాదుకుంటున్నారు. గుండుగొలను సమగ్ర మంచినీటి పథకం ద్వారా 20 వేల మందికి మంచినీటిని సరఫరా చేయాల్సి ఉండగా కొల్లేరు శివారున ఉన్న చెట్టున్నపాడు, మల్లవరం గ్రామాలకు నేటికి నీరు చేరడం లేదు. కొంతకాలం క్రితం పైపులైన్‌ ధ్వంసం కావడంతో కోరుకల్లుకు నీరందటం లేదు. భీమవరం మండలం యనమదుర్రు, దిరుసుమర్రు, గొల్లవానితిప్ప, తుందుర్రు, చినఅమిరం,  కొమరాడ, దెయ్యాలతిప్ప, నాగిడిపాలెం, లోసరి తదితర 25 గ్రామాల్లో  రక్షిత మంచినీటి చెరువుల్లో నీళ్లు నింపినా వారం రోజులకే ఇంకిపోతోంది.  గ్రామాల్లో జనాభాకు సరిపడా విస్తీర్ణంలో రక్షిత మంచినీటి చెరువులు లేకపోవడంతో ఏటా వేసవిలో తాగునీటి కోసం ప్రజలు తీవ్ర ఇబ్బందులు పడుతున్నారు. అధికారులు పూర్తిస్థాయిలో దృష్టి పెడితేనే నీటిఎద్దడి నుంచి గ్రామీణ ప్రజలు బయటపడే అవకాశం ఉంటుంది. 
  


 
 ప్రపంచ ఆర్యవైశ్య మహాసభ ఆధ్వర్యంలో ఏర్పాట్లు
 
 పూజా సామగ్రితో చెన్నై చేరిన పురోహిత బృందం
 
 అన్నవరం (ప్రత్తిపాడు) : 
 తమిళనాడు రాష్ట్ర రాజధాని చెన్నైలో శుక్రవారం శ్రీ సత్యదేవుని సామూహిక వ్రతాలు నిర్వహించేందుకు అన్నవరం దేవస్థానానికి చెందిన పదిమంది పురోహితులు, అధికారుల బృందం బయల్దేరి వెళ్లింది. చెన్నైలోని ప్రపంచ ఆర్యవైశ్య మహాసభ ఈ వ్రతాలు నిర్వహించేందుకు పురోహితులను, సత్యదేవుడు, అమ్మవార్ల నమూనా మూర్తులను, పూజాసామగ్రిని పంపించాలని గత నెలలో దేవస్థానానికి దరఖాస్తు చేసింది. దేవస్థానం చైర్మ¯ŒS ఐవీ రోహిత్, ఈఓ కె.నాగేశ్వరరావుతో కూడిన పాలకవర్గం ఈ వినతిని అంగీకరించింది. దీంతో చెన్నయ్‌లోని టి.నగర్‌ ఉస్మా¯ŒSరోడ్‌లో గల రామకృష్ణా స్కూల్‌ ఆడిటోరియంలో శుక్రవారం ఉదయం 7–30 గంటల నుంచి సాయంత్రం ఐదు గంటల వరకూ నాలుగు బ్యాచ్‌లుగా ఈ వ్రతాలు నిర్వహించనున్నారు. సుమారు వేయి మంది భక్తులు ఈ వ్రతాలు ఆచరిస్తారని భావిస్తున్నట్టు నిర్వాహకులు, ప్రపంచ ఆర్యవైశ్య మహాసభ అధ్యక్షుడు టంగుటూరి రామకృష్ణ తెలిపారు. కాగా, అన్నవరం దేవస్థానం నుంచి చెన్నయ్‌ వెళ్లిన పురోహిత బృందంలో స్పెషల్‌ గ్రేడ్‌ వ్రత పురోహితులు నాగాభట్ల కామేశ్వరశర్మ, ముత్య సత్యనారాయణ శర్మ, ప్రథమశ్రేణి పురోహితులు కర్రి వైకుంఠం, ఛామర్తి సత్యనారాయణ తదితరులున్నారు. 
  


 ఏర్పాట్లు పూర్తి  
 జిల్లాకు చేరిన 5.50 లక్షల జవాబుపత్రాలు 
 
 అనంతపురం ఎడ్యుకేషన్‌ : పదో తరగతి జవాబుపత్రాల మూల్యాంకనం (స్పాట్‌) సోమవారం నుంచి ప్రారంభం కానుంది. అనంతపురంలోని కేఎస్‌ఆర్‌ బాలికల ప్రభుత్వ పాఠశాలలో ఇందుకోసం ఏర్పాట్లు  పూర్తి చేశారు.   మూల్యాంకనంలో పాల్గొనే ఉపాధ్యాయుల రాకపోకలను పర్యవేక్షించేందుకు సీసీ కెమరాలు అమర్చారు. జిల్లాకు 5.50 లక్షల జవాబుపత్రాలు వచ్చాయి. వీటిని స్ట్రాంగ్‌ రూంలో భద్రపరిచారు.  18 మందిని అసిస్టెంట్‌ క్యాంపు ఆఫీసర్ల(వాల్యూయేషన్‌)ను నియమించారు. మూల్యాంకనానికి 1,200 మంది అసిస్టెంట్‌ ఎగ్జామినర్ల(ఏఈ)ను నియమించారు. 250 మంది చీఫ్‌ ఎగ్జామినర్లు (సీఈ), 320 మంది స్పెషల్‌ అసిస్టెంట్లను నియమించారు. డీఈఓ లక్ష్మీనారాయణ క్యాంపు ఆఫీసర్‌గా ,  డిప్యూటీ క్యాంపు ఆఫీసర్‌ (అడ్మినిస్ట్రేషన్‌)గా అసిస్టెంట్‌ డైరెక్టర్‌ మోహన్‌రావు, మరో డిప్యూటీ క్యాంపు ఆఫీసర్‌ (స్ట్రాంగ్‌ రూం)గా ప్రభుత్వ పరీక్షల అసిస్టెంట్‌ కమిషనర్‌ గోవిందునాయక్‌ వ్యవహరిస్తారు. 
 
 ఉదయాన్నే స్పాట్‌ కేంద్రానికి చేరుకోవాలి
 మూల్యాంకనానికి  ఉత్తర్వులు  పొందిన ఆయా సబ్జెక్టుల ఉపాధ్యాయులు ఉద యం 8 గంటలకే కేఎస్‌ఆర్‌ ప్రభుత్వ బా లికల ఉన్నత పాఠశాలకు చేరుకోవాలని డీఈఓ తెలిపారు. ఉదయం 20 పేపర్లు, మధ్యాహ్నం 20 పేపర్లు ఇస్తామన్నారు. డ్యూటీకి నియమించిన వారికి ఎలాంటి మినహాయింపులు ఉండవని స్పష్టం చేశారు. క్యాంపులో ఎవరూ సెల్‌ఫోన్లు వినియోగించరాదన్నారు. ఏ సబ్జెక్ట్‌ వారు అదే సబ్జెక్ట్‌  వద్ద ఉండాలి తప్ప ఇతర సబ్జెక్ట్‌ క్యాంపుల వద్దకు వెళ్లకూడదన్నారు.  ఎవరైనా అనారోగ్యంతో బాధపడుతుంటే సంబంధిత మెడికల్‌ సర్టిఫికెట్లు జతచేస్తే వారిని విధుల నుంచి మినహాయిస్తామన్నారు. 


 కాకినాడ వైద్యం :
 జిల్లాలో ఆదివారం పల్స్‌ పోలియో రెండో విడత నిర్వహణకు వైద్య ఆరోగ్యశాఖ విస్తృత ఏర్పాట్లు చేసింది. జిల్లాలో అయిదేళ్లలోపు చిన్నారులు 5,01,508 మందికి పోలియో చుక్కలు వేసేందుకు  128 ప్రాథమిక ఆరోగ్య కేంద్రాలు, 839 ఆరోగ్య ఉప కేంద్రాల పరిధిలో గ్రామాల్లో 3,147, పట్టణ ప్రాంతాల్లో 619 బూత్‌లు సిద్ధం  చేశారు. ఇవి కాక రైల్వే స్టేషన్లు, ఆర్టీసీ బస్టాండ్‌ల వద్ద అదనంగా  కేంద్రాలను ఏర్పాటు చేశారు.  కార్యక్రమ నిర్వహణలో 378 మంది సూపర్‌వైజర్లు, ఆశా, అంగ¯ŒSవాడీ, ఐకేపీ, డ్వాక్రా వర్కర్లతో కలిపి 7,520 మంది సిబ్బంది పాల్గొంటారని  అధికారులు తెలిపారు. సంచార జాతులు, మురికివాడల్లో నివసించేవారు, భవన కార్మికులు, మత్స్యకారుల పిల్లలకు పోలియో చుక్కలు వేసేందుకు ప్రత్యేక చర్యలు తీసుకున్నారు. ఆదివారం పోలియో చుక్కలు వేయించుకోవడానికి పోలియో బూత్‌లకు రాని చిన్నారులకు 3, 4 తేదీల్లో ఇళ్లకు వెళ్లి వేయనున్నారు. 
  


 
 పెద్దాపురం రానున్న వైఎస్సార్‌ సీపీ నాయకులు
 
 పెద్దాపురం : 
 అఖిల భారతీయ యాదవ మహాసభ జిల్లా యువజన అధ్యక్షుడు కొల్లుబోయిన శ్రీనివాస్‌ యాదవ్‌ శుక్రవారం వైఎస్సార్‌ సీపీలో చేరనున్నారు  ఈ నేపథ్యంలో జిల్లాకు చెందిన ప్రముఖ నాయకులంతా పెద్దాపురం రానున్నట్లు నియోజకవర్గ కో–ఆరి్టనేటర్‌ తోట సుబ్బారావు నాయుడు తెలిపారు. గురువారం ఆయన స్థానిక విలేకర్లతో మాట్లాడుతూ ఉదయం 11.25 గంటలకు శ్రీనివాస్‌ యాదవ్‌ ముహూర్తం ప్రకారం పార్టీలో చేరతారని, తదుపరి స్థానిక సుధా కాలనీ క్యాంపు కార్యాలయం నుంచి సుమారు 1000 బైక్‌లతో పట్టణంలో ర్యాలీ నిర్వహించనున్నామన్నారు. దీనిలో భాగంగా సాయంత్రం 5 గంటలకు స్థానిక ఆర్యవైశ్య కల్యాణ మండపంలో నిర్వహించే సమావేశానికి పార్టీ జిల్లా అధ్యక్షుడు కురసాల కన్నబాబు, రాష్ట్ర యువజన విభాగం అధ్యక్షుడు జక్కంపూడి రాజా, కాకినాడ పార్లమెంటరీ నియోజకవర్గ ఇ¯ŒSఛార్జి చలమలశెట్టి సునీల్, తుని, రంపచోడవరం, కొత్తపేట ఎమ్మెల్యేలు దాడిశెట్టి రాజా, వంతల రాజేశ్వరి, చిర్ల జగ్గిరెడ్డి, ఎమ్మెల్సీ పిల్లి సుభాష్‌ చంద్రబోస్, సీనియర్‌ నాయకులు కుడుపూడి చిట్టబ్బాయి,  జిల్లా యూత్‌ అధ్యక్షుడు అనంత ఉదయ్‌ భాస్కర్, ఆయా నియోజకవర్గాల కో–ఆరి్డనేటర్లు హాజరవుతారన్నారు. ఈ కార్యక్రమానికి భారీ ఎత్తున కార్యకర్తలు తరలివచ్చి కార్యక్రమాన్ని విజయవంతం చెయ్యాలని సుబ్బారావు నాయుడు పిలుపునిచ్చారు.
  


 
 పది ఫలితాల్లో జిల్లాకు వరుసగా ర్యాంకులు
 
 సీసీఈ విధానమున్నా ఆ స్థానం ‘పది’లమేనంటున్న విద్యాశాఖ అధికారులు
 
 పరీక్షలకు హాజరవనున్న విద్యార్థులు 68,853 
 
 భానుగుడి (కాకినాడ) :
 పదో తరగతి పరీక్షా ఫలితాల్లో గత నాలుగు సంవత్సరాలుగా రాష్ట్ర స్థాయిలో జిల్లా ఘనమైన విజయాలను సొంతం చేసుకుంది. ప్రభు త్వ పాఠశాలల్లో మెరికల్లాంటి విద్యార్థులు పదికి పదికి పా యింట్లు సాధించి ప్రైవేటు పాఠశాలలకు దీటైన పోటీనిచ్చారు. అయితే ఈసారి పరీక్షలకు సంబం ధించి నిరంతర సమగ్ర మూ ల్యాంకన విధానం ఆది నుంచి అటు ఉపాధ్యాయులకు, ఇటు విద్యార్థులకు తల నొప్పిగా మా రింది. దీంతో ప్రస్తుతం పదిస్థానంపై అనుమానాలు ఎక్కువయ్యాయి.
 సర్కారు నిర్ణయాలతో...
 ప్రభుత్వం అడ్డగోలుగా ఒకేసారి విద్యా విధానాన్ని మార్చివేసింది. దీంతో విద్యార్థులు, ఉపాధ్యాయులు గందరగోళ పరి స్థితిలోకి వెళ్ళారు. అప్పటి వరకు 9వ తరగతి వరకు ఒక విద్యా విధానానికి అలవాటుపడ్డ ప్రస్తుత పదో తరగతి విద్యార్థి ఒకేసారి ఒక కొత్త విధానంలోకి మారాల్సిన దుస్థితి ఏర్పడింది. దీనిపై ఉపాధ్యాయులకు శిక్షణ నిర్వహిస్తామన్న విద్యాశాఖ ప్రత్యక్షంగా ఒక శిక్షణా తరగతిని నిర్వహించిందీ లేదు. ఎఫ్‌ఏ–1,2,3,4 పరీక్షలకు సంబంధించి మార్కుల పైనా,  సమ్మెటివ్‌–1,2లపైనా ఎటువంటి సమీక్షలు నిర్వహించిన దాఖలాలు లేవు. దీనికితోడు మూడు నెలలుగా ఉపాధ్యాయులకు ఎమ్‌ఈవో ప్రమోషన్లు, పండిట్, పీఈటీ అప్‌గ్రేడేషన్లు,  ఉపాధ్యాయుల బదిలీలంటూ గందరగోళానికి గురిచేశారు. సరిగ్గా పరీక్షలు దగ్గరపడే సమయానికి 50 మంది ప్రధానోపాధ్యాయులను ఎమ్‌ఈవోలుగా ప్రమోష¯ŒS కల్పించి ఆయా పాఠశాలలను దిక్సూచి లేని నావలా మార్చేశారు. జనవరి వరకు గ్రిగ్స్‌ పోటీలు నిర్వహించడం, డీఈవోలకు బదిలీలు పెట్టడం, ఇవన్నీ పదో తరగతి పరీక్షల మీద ప్రభావం చూపుతాయని నిపుణులు అభిప్రాయపడుతున్నారు. జిల్లాకు ఒకే ఒక్క డీవైఈవో ఉన్నారు... మిగిలిన చోట్ల గందరగోళ పరిస్థితిలో విద్యాశాఖ కొట్టుమిట్టాడుతోంది.
  
 1 నుంచి 3 స్థానాల్లో నిలిచిన ఘనత జిల్లాదే.
 2012 సంవత్సరం నుంచి గతేడాది వరకు పదో తరగతి ఫలితాల్లో
 1 నుంచి 3 వరకు ర్యాంకులు సాధించిన ఘనత జిల్లాకు దక్కుతుంది.
 సంవత్సరం విద్యార్థులు ఉత్తీర్ణులైన విద్యార్థులు ఉత్తీర్ణతా శాతం ర్యాంకు
 2012–13     58,781     55,488                       94.40    3
 2013–14       60,431         63,217                       96.26               1
 2014–15       65,338         63,217                       96.75               2
 2015–16     67,493         65,850                       97.57               3
  
  
 ఈ సారి ఉన్నత స్థానమే...
 గత మూడు సంవత్సరాలుగా ఉత్తీర్ణతా శాతం పెరుగుతూ వస్తోంది. పదో తరగతి పరీక్షలకు సంబం ధించి అన్ని చర్యలూ తీసుకున్నాం. గత కొన్ని నెలలుగా ప్రత్యేక బృందాలు పాఠశాలల్లో తనిఖీలు నిర్వహిస్తున్నాయి. ప్రతీ విద్యార్థి వ్యక్తిగత సమాచారాన్ని పరిగణనలోకి తీసుకుని ఉపాధ్యాయులకు ఆదేశాలు జారీచేశాం. ఆ¯ŒSలై¯ŒSలో విద్యార్థుల మార్కుల ఆధారంగా ఉపాధ్యాయులకు సూచనలిచ్చాం. ఈసారి మెరుగైన స్థానాన్ని ఖచ్చితంగా జిల్లా సాధిస్తుంది.
 – డీఈవో అబ్రహం
  


 ‘స్థానిక’ ఎమ్మెల్సీ ఎన్నికకు నేడు నోటిఫికేషన్‌
 28 వరకూ నామినేషన్ల స్వీకరణ
 కాకినాడ సిటీ : స్థానిక సంస్థల ఎమ్మెల్సీ ఎన్నికకు మంగళవారం ఉదయం నోటిఫికేషన్‌ విడుదల కానున్నది. రిటర్నింగ్‌ అధికారి, జాయింట్‌ కలెక్టర్‌ ఎస్‌.సత్యనారాయణ ఈ నోటిఫికేషన్‌ జారీ చేయనున్నారు. ఆ క్షణం నుంచే నామినేషన్ల స్వీకరణ ప్రక్రియ ప్రారంభమవుతుంది. ఈ నెల 28వ తేదీతో నామినేషన్ల గడువు ముగుస్తుంది. సెలవు రోజులు (ఈ నెల 24, 26) మినహా ప్రతి రోజూ కలెక్టరేట్‌లో ఉదయం 11 నుంచి సాయంత్రం 3 గంటల వరకూ నామినేషన్లు స్వీకరిస్తారు. 30 సంవత్సరాల వయస్సు ఉండి ఏ జిల్లాకు చెందినవారయినా నామినేషన్‌ వేయవచ్చు. కానీ ఆ వ్యక్తిని ప్రతిపాదించే 10 మంది జిల్లాలోని శాసన మండలి స్థానిక సంస్థల నియోజకవర్గం ఓటర్లుగా నమోదై ఉండాలి. జిల్లా రెవెన్యూ అధికారి చెన్నకేశవరావు సహాయ రిటర్నింగ్‌ అధికారిగా వ్యవహరిస్తారు.
 ఓటర్ల ముసాయిదా జాబితా విడుదల
 స్థానిక సంస్థల ఎమ్మెల్సీ స్థానానికి సంబంధించిన ముసాయిదా ఓటర్ల జాబితాను సోమవారం విడుదల చేశారు. దీని ప్రకారం శాసన మండలి స్థానిక సంస్థల నియోజకవర్గ పరిధిలోని జెడ్‌పీటీసీ, ఎంపీటీసీ సభ్యులు, మున్సిపల్‌ కౌన్సిలర్లు, నగర పాలక సంస్థల కార్పొరేటర్లు, నగర పంచాయతీ వార్డు సభ్యులతోపాటు పట్టణ, నగరాల్లో ఓటరై ఎక్స్‌ అఫీషియో సభ్యులైన ఎంపీ, ఎమ్మెల్సీ, ఎమ్మెల్యేలు కలిపి మొత్తం 1,476 మంది ఓటర్లు ఉన్నారు. వీరిలో పురుషులు 631, మహిళలు 845 మంది ఉన్నారు. రంపచోడవరం డివిజన్‌లో 66 మంది, పెద్దాపురంలో 317, రాజమహేంద్రవరంలో 185, రామచంద్రపురంలో 221, అమలాపురంలో 385, కాకినాడలో 261, ఎటపాక డివిజన్‌లో 41 మంది ఓటర్లున్నారు.
 24 వరకూ అభ్యంతరాల స్వీకరణ
 ముసాయిదా ఓటర్ల జాబితాలో అభ్యంతరాలు, సవరణలు ఉంటే ఈ నెల 24వ తేదీ వరకూ దరఖాస్తులు స్వీకరిస్తారు. వాటిని కలెక్టరేట్‌లో జాయింట్‌ కలెక్టర్‌కు అందజేయాలి. పరిశీలన నిమిత్తం ఈ ఓటర్ల జాబితాలను కలెక్టరేట్, జిల్లా పరిషత్‌ సీఈఓ కార్యాలయం, రాజమహేంద్రవరం కార్పొరేషన్, మున్సిపల్, నగర పంచాయతీ కార్యాలయాలతోపాటు ఆర్‌డీఓ, ఎంపీడీఓ, తహసీల్దార్‌ కార్యాలయాల్లో అందుబాటులో ఉంచారు. నిర్దేశించిన తేదీలోపు వచ్చిన అభ్యంతరాలు, సవరణలను ఈ నెల 26 లోపు పరిష్కరిస్తారు. తుది ఓటర్ల జాబితాను ఈ నెల 27వ తేదీన విడుదల చేస్తారు.
 పోలింగ్‌ కేంద్రాలు ఇవే
 స్థానిక సంస్థల ఎమ్మెల్సీ ఎన్నిక నిర్వహణకు జిల్లాలోని ఏడు రెవెన్యూ డివిజన్లలో పోలింగ్‌ కేంద్రాలు ఏర్పాటు చేస్తున్నారు. అమలాపురం ఆర్‌డీఓ కార్యాలయం; కాకినాడ అర్బన్‌, పెద్దాపురం, రంపచోడవరం, ఎటపాక తహసీల్దార్‌ కార్యాలయాలు; రామచంద్రపురం, రాజమహేంద్రవరం రూరల్‌ మండలం హుకుంపేటలోని మండల ప్రజాపరిషత్‌ కార్యాలయాల్లో పోలింగ్‌ కేంద్రాలు ఏర్పాటు చేస్తారు. 


 
 నేడు ఆకాశ వీధిలో అరుదైన ఘట్టం
 
 104 ఉపగ్రహాల ప్రయోగం విజయవంతం కావాలని ఆకాంక్ష 
 
  
 భారత అంతరిక్ష ప్రయోగ కేంద్రం శ్రీపొట్టి శ్రీరాములు నెల్లూరు జిల్లాలోని సతీష్‌ధవ¯ŒS స్పేస్‌ సెంటర్‌ షార్‌(శ్రీహరి కోట) నుంచి పంపనున్న పొలార్‌ శాటిలైట్‌ లాంచ్‌ వెహికల్‌– సీ37(పీఎస్‌ఎల్‌వీ) బుధవారం ఉదయం 9.28 గంటలకు నింగిలోకి దూసుకెళ్లనుంది. వాహన నౌక విదేశాలకు చెందిన 101 ఉపగ్రహాలతో పాటు మన దేశానికి చెందిన కార్టోశాట్‌ 2డి, ఐఎ¯ŒSఎస్‌–1ఏ, ఐఎ¯ŒSఎస్‌– 1బీ ఉపగ్రహాలను మోసుకెళ్లనుంది. ఈ నేపథ్యంలో ప్రయోగం సక్సెస్‌ కావాలని జిల్లావాసులు పలువురు ఆకాంక్షించారు. ఆ వివరాలు వారి మాటల్లోనే..
  
 ఈ ప్రయోగం దేశానికి గర్వకారణం 
 పి.గన్నవరం : పీఎస్‌ఎల్‌వీ–సీ37 ప్రయోగం విజయవంతమై.. భారతదేశం అంతరిక్ష ప్రయోగాల్లో ప్రపంచ రికార్డు సృష్టించనుంది. నేను 2012 సెప్టెంబర్‌లో భారత అంతరిక్ష పరిశోధన సంస్థలో శాస్త్రవేత్తగా చేరా. అప్పటి నుంచి తిరువానంతపురంలోని విక్రం సారాభాయ్‌ స్పేస్‌ సెంటర్‌లో శాస్త్రవేత్తగా పనిచేస్తున్నా. ఈ ప్రయోగంపై ప్రపంచ దేశాలన్నీ ఎంతో ఆసక్తి కనబరుస్తున్నాయి. సీ37 ప్రయోగం భారతదేశ ప్రజలకు ఎంతో గర్వకారణం. మొత్తం 104లో భారత దేశానికి చెందిన మూడు ఉపగ్రహాలతో మనకు ఎంతో కీలమైన సమాచారం లభిస్తుంది. రానున్న రోజుల్లో మన ఇస్రో మరింత ముందుకు దూసుకుపోతుంది. ఇస్రో ప్రయోగాలతో రోజు, రోజుకీ పెరుగుతున్న సాంకేతిక పరిజ్ఞానాన్ని యువత సద్వినియోగం చేసుకుని, దేశాభివృద్ధికి పాటుబడుతూ, ఉన్నత శిఖరాలను అధిరోహించాలి. ప్రస్తుతం తిరువానంతపురం స్పేస్‌ సెంటర్‌లో మార్చి నెలలో ప్రయోగించనున్న ఎఫ్‌09 మిష¯ŒSకు సంబంధించిన ప్రాజెక్టులో పనిచేస్తున్నా.
 – ఆదిమూలం సూర్యతేజ, ఇస్రో శాస్త్రవేత్త, ఆదిమూలంవారిపాలెం, పి.గన్నవరం మండలం
  
 యువ శాస్త్రవేత్తలకు స్ఫూర్తిదాయకం
 తుని రూరల్‌ : ‘‘దేశ యువ శాస్త్రవేత్తలకు స్ఫూర్తిదాయకంగా పీఎస్‌ఎల్‌వీ సీ–37 రాకెట్‌ ప్రయోగం నిలుస్తుంది. శాస్త్ర పరిశోధనలు, ప్రయోగాల్లో ప్రపంచదేశాల్లో భారత్‌ అగ్రభాగాన నిలువనుంది. అరుదైన ఈ ప్రయోగం విజయవంతం కావడం ద్వారా ప్రపంచ అంతరిక్ష శాస్త్ర పరిశోధనల్లో భారత్‌ ఆధిపత్యం వహించగలదు. సాప్‌్టవేర్, హార్డ్‌వేర్‌ రంగాలపై పరుగులు తీస్తున్న యువత అంతరిక్ష పరిశోధనలపై మళ్లే అవకాశం ఉంది. ఈ ప్రయోగం ద్వారా మనదేశం శాస్త్రీయ, విజ్ఞాన, వ్యవసాయపరంగా అన్ని రంగాల్లో ముందంజ వేస్తుంది. 
 మోడల్‌ రాకెట్రీ ప్రయోగంలో.. 
 విఫ్‌టెక్‌ ద్వారా 2014 నవంబరు 17 నుంచి నాలుగు రోజులు చెన్నైలో జరిగిన మోడల్‌ రాకెట్రీ వర్క్‌షాపులో పాల్గొన్నా. ఈ సందర్భంలో రాకెట్‌ లక్ష్యం, అందుకు అనుగుణంగా ఏవిధంగా తయారు చేయాలి? అన్న అంశాలపై శిక్షణ, అవగాహన, ప్రయోగం కార్యక్రమాల్లో పాల్గొన్నా. రాకెట్‌ లాంచ్‌ ప్యాడ్, శాస్త్రవేత్తలతో సమావేశాలు, మ్యాప్‌ల పరిశీలన, పరిశోధనల్లో సహచరులతో సమన్వయం వంటి విలువైన విషయాలు తెలుసుకున్నా. వాటిని తమ స్కూల్లో విద్యార్థులకు వివరించా. ప్రతి పౌరుడు షార్‌ను పరిశీలించేందుకు ఠీఠీఠీ.ఠిజీpn్ఛ్ట.ఛిౌఝ వెబ్‌ను సందర్శించాలి.  
 – సుర్ల సత్యనారాయణమూర్తి, 
 మోడల్‌ రాకెట్రీ ప్రయోగకర్త, సై¯Œ్స ఉపాధ్యాయుడు, జెడ్పీ హైస్కూల్, తేటగుంట
  
  
 విజయవంతం కావాలని మానవహారం, ర్యాలీ 
 పెద్దాపురం : ఇస్రో ప్రయోగం విజయవంతం కావాలని కోరుతూ పెద్దాపురం పట్టణంలో జన విజ్ఞాన వేదిక, యూటీఎఫ్, ఎస్‌ఎఫ్‌ఐ, డీవైఎఫ్‌ఐల ఆధ్వర్యంలో బుధవారం భారీ ర్యాలీ, మానవహారం నిర్వహించారు. స్థానిక ఆంజనేయ స్వామి గుడి వద్ద మానవహారం నిర్వహించి, ఇస్రో సంస్థ, ఇస్రో శాస్త్రవేత్తలు, సై¯Œ్స అభివృద్ధి చెందాలని నినాదాలు చేశారు. కార్యక్రమంలో జేవీవీ రాష్ట్రనాయకులు బి.అనంతరావు, నాయకులు బుద్ధా శ్రీనివాస్, వంగలపూడి శివకృష్ణ, యూటీఎఫ్‌ నాయకులు వెంకట్రావు, రామ్‌కుమార్, ఎస్‌ఎఫ్‌ఐ జిల్లా అధ్యక్షుడు ఆర్‌.ఈశ్వరరావు, టి.శివదుర్గ, శివ, భరత్, పెద్దాపురం ఫేస్‌బుక్‌ టీం సభ్యులు ముక్తార్‌ అలీ, హర్ష నెల్లూరి, నీలపాల రవి, డి.క్రాంతికుమార్, అలీ, కాటంరాజు, డి.కృష్ణ, అధిక సంఖ్యలో విద్యార్థులు పాల్గొన్నారు.
  
 ఆల్‌ ద బెస్ట్‌.. 
 కోటనందూరు : భారత అంతరిక్ష పరిశోధన సంస్థ (ఇస్రో) శాస్త్రవేత్తలు బుధవారం ఉదయం ప్రయోగించే సీ–37 ప్రయోగం విజయవంతం కావాలని శ్రీసాయి విద్యాసంస్థల అధినేత బి.లక్ష్మి ఆకాంక్షించారు. మంగళవారం విద్యాసంస్థల్లో ఇస్రో ప్రయోగంపై విద్యార్థులతో జరిగిన ప్రత్యేక కార్యక్రమంలో ఆమె మాట్లాడారు. ఈ ప్రయోగంతో భారతదేశ గొప్పతనం ప్రపంచదేశాలకు తెలియనుందన్నారు. పాఠశాల ఆవరణలో ఈ ప్రయోగానికి సంబంధించి చిత్రాన్ని గీసి అది నింగిలోకి ప్రవేశించే విధానంపై విద్యార్థులకు వివరించారు. సీ–37 ప్రయోగం విజయవంతం కావాలని అధినేత లక్షి్మతో పాటు విద్యార్థులు ‘ఆల్‌ ద బెస్ట్‌’ తెలిపారు. కార్యక్రమంలో ప్రధానోపాధ్యాయుడు సోమేశ్వరరావు, సిబ్బంది పాల్గొన్నారు. 
  
  
 అబ్దుల్‌ కలాంను కలసిన వేళ..
 దేశం గర్వించదగ్గ వ్యక్తి ప్రముఖ శాస్త్రవేత్త అబ్దుల్‌ కలాం నేరుగా నేను తయారు చేసిన ప్రాజెక్టు చూసేందుకు వచ్చి సలహాలు ఇవ్వడం జీవితంలో మరువలేనిది. నేను 2024లో మార్చి మూడు నుంచి ఏడో తేదీ వరకు జమ్మూకశ్మీర్‌లో జరిగిన జాతీయ సై¯Œ్స కాంగ్రెస్‌లో సోలార్‌ పెస్ట్‌ కంట్రోల్‌ తయారు చేశా. దానిని చూసిన అబ్దుల్‌ కలాం నన్ను ప్రశంసించారు. కలాం లాంటి మేధావులు ఇస్రోలో ఉన్నారు. ప్రయోగం తప్పకుండా ఫలిస్తుంది. 
 – ఎ.ఇక్వాక్‌వర్మ, శ్రీషిర్డీసాయి విద్యానికేత¯ŒS, రాజమహేంద్రవరం
  
  
 పందలపాక విద్యార్థుల అభినందనలు
 పందలపాక(బిక్కవోలు) : మరో ప్రతిష్టాత్మక ప్రయోగానికి సిద్ధమైన భారత అంతరిక్ష పరిశోధన సంస్థ(ఇస్రో) అంతరిక్ష విజేతగా నిలవాలని పందలపాక శ్రీ పడాల పెదపుల్లారెడ్డి జెడ్పీ ఉన్నత పాఠశాల విద్యార్థులు ఆకాంక్షిస్తున్నారు. బుధవారం ఉదయం 9.28 గంటలకు ఇస్రో పీఎస్‌ఎల్‌వీ రాకెట్‌ ద్వారా ఒకే సారి 104 ఉపగ్రహాలను అంతరిక్షంలోకి పంపనున్న నేపథ్యంలో ప్రపంచదేశాలకు దీటుగా ప్రయోగం సఫలం కావాలని, ఇస్రో జయహో అంటూ  పీఎస్‌ఎల్‌వీ–సీ37 అనే అక్షరరూపంలో విద్యార్థులు తెలిపారు. కార్యక్రమంలో ప్రధానోపాధ్యాయులు డీవీవీఎస్‌ఎ¯ŒS మూర్తి, సై¯Œ్స ఉపాధ్యాయుడు ఎస్‌ రమేష్, పాఠశాల అభివృద్ధి కమిటీ అధ్యక్షులు కోనాల సత్తిరాజు, వ్యాయామ ఉపాధ్యాయుడు దార్వంపూడి యువరాజారెడ్డి, ఉపాధ్యాయులు, విద్యార్థులు పాల్గొన్నారు. 
  


 సాక్షి ప్రతినిధి, కాకినాడ :
 వైఎస్సార్‌ కాంగ్రెస్‌ పార్టీ అధ్యక్షుడు, రాష్ట్ర శాసనసభలో ప్రతిపక్ష నేత వైఎస్‌ జగ¯ŒSమోహ¯ŒSరెడ్డి ఆదివారం మధురపూడి విమానాశ్రయానికి రానున్నారని ఆ పార్టీ జిల్లా అధ్యక్షుడు కురసాల కన్నబాబు చెప్పారు. శనివారం ఇక్కడ ఆయన విలేకర్లతో మాట్లాడారు. పశ్చిమ గోదావరి జిల్లా పర్యటనకు వెళ్లేందుకుగాను జగన్‌మోహన్‌రెడ్డి హైదరాబాద్‌ నుంచి మధురపూడి విమానాశ్రయానికి మధ్యాహ్నం 1.30 గంటలకు వస్తున్నారని చెప్పారు. జననేతకు స్వాగతం పలికేందుకు పార్టీ నాయకులు, కార్యకర్తలు ఆదివారం విమానాశ్రయానికి తరలిరావాలని కన్నబాబు పిలుపునిచ్చారు.
  


 బాలాజీచెరువు (కాకినాడ): 
 ఆంధ్ర , తెలంగాణ రాష్ట్రాల  ఉమ్మడి  గవర్నర్‌ ఈఎస్‌ఎల్‌ నరసింహ¯ŒS శనివారం జిల్లాకు రానున్నారు. హైదరాబాద్‌ నుంచి ఉదయం 8.40 గంటలకు రాజమహేంద్రవరం ఎయిర్‌పోర్టుకు చేరు కుంటారు. అక్కడ నుంచి బయలుదేరి 9.40 గంటలకు కాకినాడ్‌ ఆర్‌అండ్‌బీ గెస్ట్‌హౌస్‌కు చేరుకుంటారు. అక్కడ పది నిమిషాల విరామం అనంతరం బయలు దేరి కరప మండలం నడకుదురులో కుసుమ సత్య కన్వెష్ష¯ŒS హల్లో జరిగే రోటరీ క్లబ్‌ ఫౌండేష¯ŒS సెంటీనియల్‌ సమావేశంలో పాల్గొంటారు. తిరిగి కాకినాడ చేరుకుని గెస్ట్‌హౌస్‌లో విశ్రాం తి తీసుకున్న అనంతరం కాకినాడ నుంచి ఉదయం 11.20 గంటలకు బయలుదేరి మధురపూడి ఎయిర్‌ పోర్టుకు చేరుకుని హైదరాబాద్‌ పయనమవుతారు.
  


  సాక్షి ప్రతినిధి, ఏలూరు : ఒక నాయకుడికి లబ్ది చేకూర్చేందుకు 200 మంది మహిళల ఉపాధిని పణంగా పెట్టారు. పైకి  సేవలాగే కనపడుతున్నా దీని వెనుక పెద్దఎత్తున దోపిడీకి రంగం సిద్ధం అవుతున్నట్టు సమాచారం. జిల్లాలో మొదటి దశలో మధ్యాహ్న భోజన పథకం నిర్వహణ బాధ్యతను ప్రైవేట్‌ సంస్థకు అప్పగిస్తూ డీఈవో డి.మధుసూదనరావు ఆదేశాలు జారీ చేయడం ప్రకంపనలు రేపుతోంది. తొలి దశలో 65 హైస్కూల్స్‌ను ఆ సంస్థకు కేటాయించాలని నిర్ణయించగా ఉండి, ఉంగుటూరు ఎమ్మెల్యేలు అభ్యంతరం చెప్పడంతో ప్రస్తుతానికి తాడేపల్లిగూడెం, తణుకు నియోజకవర్గాల్లోని 35 హైస్కూల్స్‌ను అప్పగించారు. మాజీ ఎమ్మెల్యే, టీడీపీ నాయకుడు చెరుకువాడ శ్రీరంగనాథరాజు అ««దl్యక్షుడిగా ఉన్న గోదావరి విద్యా వికాస్‌ చైతన్య సొసైటీతో ప్రభుత్వం ఈ మేరకు ఒప్పందం కుదుర్చుకుంది. దీని ప్రకారం శుక్రవారం నుంచి జిల్లాలోని ఏడు మండలాల పరిధిలో గల 35 స్కూల్స్‌కు మధ్యాహ్న భోజనం ఈ సొసైటీ నుంచి అందుతుందని డీఈవో ప్రొసీడింగ్స్‌ జారీ చేశారు.  ఈ సొసైటీలో రైస్‌మిల్లర్లతో పాటు స్వచ్ఛంద సేవ చేసేవారు ఉన్నారని, పథకం అమలు బాధ్యతను వారికి అప్పగించడం వల్ల మెరుగైన సేవలు అందుతాయని పేర్కొన్నారు. తాడేపల్లిగూడెం, పెంటపాడు, తణుకు, ఇరగవరం, అత్తిలి, నల్లజర్ల, భీమవరం మండలాల్లో సుమారు 30 కిలోమీటర్ల పరిధిలోని 15,210 మంది విద్యార్థులకు ఈ సొసైటీ మధ్యాహ్న భోజనం అందజేస్తుంది.  ప్రస్తుతం హాజరైన విద్యార్థుల సంఖ్యను బట్టి ఆయా స్కూళ్లలోనే వంటచేసి భోజనం వడ్డిస్తున్నారు. 17 ఏళ్లుగా ఈ పథకం నడుస్తుండగా.. అప్పటినుంచి డ్వాక్రా సంఘాల ద్వారా ఎంపికైన మహిళలే ఈ పథకాన్ని నిర్వహిస్తున్నారు. వారే వంట సామగ్రి సమకూర్చుకుని.. స్కూల్‌ ఆవరణలోనే వంట చేసి విద్యార్థులకు వేడిగా వడ్డిస్తున్నారు. ఇందులో చిన్నపాటి లోపాలున్నా పథకం పూర్తిస్థాయిలోనే అమలవుతోంది.
  
 ఇకపై తాడేపల్లిగూడెం నుంచి సరఫరా
 కొత్తగా ఒప్పందం చేసుకున్న సంస్థ తాడేపల్లిగూడెంలో సెంట్రల్‌ కిచెన్‌ ఏర్పాటు చేస్తుంది. అక్కడే వంటలు చేసి భోజనాన్ని పాఠశాలలకు పంపిస్తారు. ప్రతి రోజూ ఉదయం 11 గంటల నుంచి 12 గంటల మధ్య స్కూళ్లకు భోజనాన్ని సరఫరా చేయాల్సి ఉంటుంది. ప్రస్తుతం ప్రతి స్కూల్‌లో ఆ రోజు హాజరైన విద్యార్థుల సంఖ్య ఆధారంగా బియ్యం ఎంత వేయాలి, ఎంత కందిపప్పు వాడాలన్నది కచ్చితంగా నిర్ధారించి మధ్యాహ్న భోజన పథకం నిర్వాహకులకు వాటిని ఇస్తున్నారు. ఇద్దరు టీచర్లు అక్కడే ఉండి వంట చేయిస్తున్నారు. ఇప్పుడు సెంట్రల్‌ కిచెన్‌లో ఎంతమందికి భోజనం వండుతారు, ఎంత పరిమాణంలో బియ్యం, కందిపప్పు వంటి సరుకులు కేటాయిస్తారనేది స్పష్టత లేదు. ఇప్పటివరకు ఉన్న సమాచారం ప్రకారం ఆయా స్కూళ్లలో ఎంతమంది విద్యార్థులుంటే అంతమందికీ భోజనం పంపిస్తారు. అంటే.. విద్యార్థులు తక్కువ సంఖ్యలో పాఠశాలకు హాజరైనా.. ఆ పాఠశాలలో చదువుతున్న మొత్తం విద్యార్థుల సంఖ్య ఆధారంగా భోజనం వండి పంపిస్తారు. ప్రస్తుతం పాఠశాలల్లో నడుస్తున్న విధానానికి ఇది పూర్తి వ్యతిరేకం. 15వేల మంది విద్యార్థులకు భోజనం పంపించాలంటే ఉదయాన్నే వంట చేయాల్సి వస్తుంది. దీనివల్ల వేడి అన్నం వడ్డించడం సాధ్యం కాదు. స్థానికంగా ఉన్న అవకాశాలను వదులుకుని ప్రైవేట్‌ సంస్థకు బాధ్యత అప్పగించడాన్ని చూస్తే.. దశలవారీగా ఈ పథకాన్ని పెద్ద సంస్థలకు కట్టబెట్టడానికే అన్న అనుమానాలు వ్యక్తం అవుతున్నాయి. 
  
 వర్కర్లు ఇంటికే..
 ప్రస్తుతం గోదావరి విద్యా వికాస్‌ చైతన్య సొసైటీకి అప్పగించిన 35 పాఠశాలల్లో మధ్యాహ్న భోజన వండటానికి సుమారు 200 మంది వర్కర్లు పని చేస్తున్నారు. ఆ పాఠశాలలను ఆ సంస్థకు అప్పగించడంతో అక్కడ పనిచేస్తున్న ఆ వర్కర్స్‌ అంతా ఉపాధి కోల్పోయి ఇంటిముఖం పట్టాల్సి వస్తుంది. వీరి పరిస్థితి ఏమిటనే దానిపై డీఈవో ఇచ్చిన ప్రొసీడింగ్స్‌లో ఎలాంటి ప్రస్తావన లేదు. ఇదిలావుంటే.. ప్రభుత్వ నిర్ణయాన్ని నిరసిస్తూ 35 స్కూల్స్‌కు చెందిన మధ్యాహ్న భోజన కార్యకర్తలు గురువారం ఏలూరులో డీఈవో కార్యాలయం ఎదుట ధర్నాకు దిగారు. శుక్రవారం జిల్లావ్యాప్త సమ్మెకు పిలుపునిచ్చారు.
  
 ఉపాధి పోగొడుతున్నారు
 15 ఏళ్లుగా మధ్యాహ్నభోజన కార్మికులుగా పనిచేస్తున్నాం. ఈ పథకాన్ని ఎన్నో కష్టాలకు, నష్టాలకు ఓర్చి అప్పులు చేసి మరీ నిర్వహిస్తున్నాం. ఇప్పుడు ప్రభుత్వం కార్మికుల ఉపాధిని దెబ్బతీసేలా నిర్ణయాలు తీసుకోవడం దారుణం. ఈ ఉత్తర్వులను జిల్లా విద్యాశాఖాధికారి వెంటనే రద్దు చేయాలి.
 – ఎ.శ్యామలారాణి, జిల్లా కార్యదర్శి,  మధ్యాహ్న భోజన పథకం వర్కర్స్‌ యూనియన్‌
  
 ఉపసంహరించుకోవాలి
 కార్మికులు జీవనోపాధి కోల్పోయేలా డీఈవో ఉత్తర్వులు జారీ చేయడం అమానుషం. వాటిని వెంటనే ఉపసంహరించుకోవాలి. చైతన్య సొసైటీ ప్రభుత్వం నుంచి అన్ని ఖర్చులకు సొమ్ములు, మెటీరియల్‌ తీసుకుని ఈ పథకాన్ని నిర్వహిస్తుందని ఉత్తర్వుల్లో పేర్కొన్నారు. ప్రభుత్వం నుంచి అన్నీ తీసుకుంటూ సేవ చేస్తున్నామని సొసైటీ ప్రతినిధులు చెప్పడం విడ్డూరం. 
 – షేక్‌ మదీనాబీబీ, యూనియన్‌ కార్యవర్గ సభ్యురాలు
  
 ఆందోళన ఉధృతం చేస్తాం 
 పేద కుటుంబాలకు చెందిన డ్వాక్రా గ్రూపు మహిళలు మధ్యాహ్న భోజన పథకం కార్మికులుగా పనిచేస్తున్నారు. ఎన్నో ఏళ్లుగా వేలాది రూపాయలు అప్పులు చేసి ఈ పథకాన్ని నిర్వహిస్తుంటే అధికారులు ఇలాంటి నిర్ణయాలు తీసుకోవడం ద్వారా మహిళల ఆర్థికాభివృద్ధిని నిరోధిస్తున్నారు. దీనిపై ఉద్యమిస్తాం.
 – ఆర్‌.మంగతాయారు, భోజన పథకం వర్కర్, వీరవాసరం
  


 రాజమహేంద్రవరం క్రైం : 
 రాష్ట్ర పోలీస్‌ డైరెక్టర్‌ జనరల్‌ (డీజీపీ) ఎ¯ŒS.సాంబశివరావు గురువారం వివిధ శాఖల ఉన్నతాధికారులతో సమావేశమవుతున్నారని రాజమహేంద్రవరం అర్భ¯ŒS జిల్లా ఎస్పీ బి.రాజకుమారి బుధవారం ఒక ప్రకటనలో పేర్కొన్నారు. ఉదయం 10.30 గంటలకు లాహస్పి¯ŒS హోటల్‌ కాన్ఫరె¯Œ్స హాల్లో నిర్వహించే ఈ సమావేశంలో గంజాయి సాగు, అక్రమ రవాణా నిరోధంపై చర్చిస్తారని తెలిపారు. అడిషినల్‌ డీజీలు ఎ.బి.వెంకటేశ్వరరావు, సిహెచ్‌.ద్వారకా తిరుమల రావు (సీఐడీ), కె.ఆర్‌.ఎం.కిషోర్‌ కుమార్‌ (రైల్వేస్‌), హరీష్‌ కుమార్‌గుప్తా (లా అండ్‌ ఆర్డర్‌), ఐజీపీలు కుమార్‌ విశ్వజిత్‌ (నార్త్‌ కోస్టల్‌ జో¯ŒS), ఎ¯ŒS.సంజయ్‌ (సౌత్‌ కోస్టల్‌ జో¯ŒS), మహేష్‌ చంద్ర లడ్డా (ఇంటిలిజ¯Œ్స), అమిత గర్గ్‌ (సీఐడీ), విశాఖపట్నం పోలీస్‌ కమిషనర్‌ టి.యోగానంద్, డైరెక్టర్‌ కె.వెంకటేశ్వరరావు సమావేశంలో పాల్గొంటారని తెలిపారు. వీరితో పాటు శ్రీకాకుళం, విజయనగరం, విశాఖ, తూర్పు, పశ్చిమ గోదావరి, కృష్ణా జిల్లాలకు చెందిన పోలీస్‌ సూపరింటెండెంట్లు, విజయవాడ రైల్వే ఎస్‌ఎస్‌పీ గుంతకల్లు శ్రీనివాస్, పలువురు జిల్లా స్థాయి అధికారులు ప్రోహిబిష¯ŒS అండ్‌ ఎక్సైజ్‌ శాఖ అధికారులు, రెవెన్యూ, ఇంటిలిజె¯Œ్స, నార్కోటెక్‌ బ్యూరో, సెంట్రల్‌ ఎక్సైజ్, అండ్‌ కస్టమ్స్‌ శాఖ తదితర శాఖలకు చెందిన అధికారులు సమావేశంలో పాల్గొంటారని పేర్కొన్నారు.
  


 
 హాజరుకానున్న ప్రముఖ విద్యావేత్తలు
 
 అర్హులందరికీ ఆహ్వానం
 
 ‘సాక్షి’ మీడియా గ్రూప్‌ ఆ««దl్వర్యంలో.. గ్రూప్‌ 2, 3 పరీక్షలకు సిద్ధమవుతున్న అభ్యర్థులకు బుధవారం ఉదయం పది గంటలకు ఉచిత అవగాహన సదస్సు జరగనుంది. 
 స్థలం :  రాజమహేంద్రవరంలోని ప్రకాశ్‌నగర్‌ రౌండ్‌ పార్క్‌ సమీపంలోనున్న ఆర్‌కే.స్టడీ సెంటర్‌లో ఉదయం పది గంటలకు ప్రారంభం.
 వక్తలు : ఆర్‌.కే.స్టడీ సెంటర్‌ వారి సౌజన్యంతో జరగనున్న ఈ సదస్సుకు ప్రముఖ వక్తలుగా ఆదికవి నన్నయ విశ్వవిద్యాలయం వైస్‌ ఛాన్సలర్‌ ఎమ్‌.ముత్యాలనాయుడు, ఆర్‌.కె.స్టడీ సెంటర్‌ నిర్వాహకులు రామకృష్ణ, ఇంటర్‌ బోర్డు ఆర్‌ఐవో ఎ.వెంకటేష్, ప్రముఖ వైద్యుడు డాక్టర్‌ కర్రి రామారెడ్డి హాజరై అభ్యర్థుల సందేహాలను నివృత్తి చేస్తారు. గతంలో గ్రూప్‌ 2,3 పరీక్షల్లో ఉత్తీర్ణులైన అభ్యర్థులు కూడా తమ అనుభవాలను పంచుకుంటారు.
  


 
 వైద్య, ఆరోగ్య శాఖలో చేతులు మారిన లక్షలు
 
 నేడు కౌన్సెలింగ్‌
 
 సాక్షి ప్రతినిధి, కాకినాడ :
 అవసరం లేకున్నా తమ జేబులు నింపు కొనేందుకు వైద్య, ఆరోగ్య శాఖలో కొందరు అత్యవసర పదోన్నతులకు తెర తీశారు. ఉన్నవారిని సర్దుబాటు చేసే వెసులుబాటు ఉన్నప్పటికీ సొమ్ములు దక్కవనే ముందుచూపుతో పదోన్నతులకు సై అన్నారు. ఈ వ్యవహారంలో గిరిజనులకు అన్యాయం చేస్తున్నారు. ఈ అవినీతి బాగోతానికి సంబంధించి వివరాలిలా ఉన్నాయి. వైద్య, ఆరోగ్య శాఖలో జో¯ŒS–2 పరిధిలో ఉభయ గోదావరి, కృష్ణా జిల్లాలున్నాయి. వీటిల్లో ప్రభుత్వం 33 పీహెచ్‌సీలను కొత్తగా ప్రారంభించింది. ఈ 33 చోట్ల ఎంపీహెచ్‌ఈవో(మేల్‌)లను నియమించాల్సి ఉంది. ఇందులో తూర్పు గోదావరి జిల్లాలో 9 పీహెచ్‌సీలున్నాయి. ఈ నియామకానికి వైద్య, ఆరోగ్య శాఖ ఆర్డీ కార్యాలయం సోమవారం కౌన్సెలింగ్‌ నిర్వహించనుంది. ఈ 33 పీహెచ్‌సీలతో పాటు మరో మూడు పదవీ విరమణ జరిగే పోస్టులు కూడా ఉన్నాయి. కొత్తగా మంజూరైన పీహెచ్‌సీలకు ఇతరచోట్ల అదనంగా ఉన్న ఎంపీహెచ్‌ఈవోలతో సర్దుబాటు చేసే అవకాశం ఉంది. చాలా పీహెచ్‌సీల్లో ముగ్గురి నుంచి ఆరుగురి వరకూ ఉన్నారు. ఒకరిద్దరు ఉంటే సరిపోయేచోట కూడా అదనంగా ఉన్నారు. వీరిని సర్దుబాటు చేయడానికి బదులు ‘ప్రయోజనాలు’ ఆశించి, ప్రమోషన్ల ప్రక్రియ చేపట్టారనే విమర్శలు వస్తున్నాయి. సూపర్‌వైజర్లుగా పని చేస్తున్నవారికి ఎంపీహెచ్‌ఈవో ప్రమోషన్లు ఇచ్చేందుకు నిర్ణయించారు. ఈ జాబితాలో గిరిజన ప్రాంతాల్లో పని చేస్తున్న సూపర్‌వైజర్లకు ప్రాధాన్యం ఇవ్వాలని తొలుత నిర్ణయించారు. ఇందుకు అనుగుణంగా 13 మందితో జాబితా కూడా తయారుచేశారు. జీవో నంబర్‌–68 ప్రకారం గిరిజనుల్లో అర్హులైనవారికి పదోన్నతుల్లో ప్రాధాన్యం ఇవ్వాలి. కానీ కులధ్రువీకరణ పత్రం అందజేయలేదనే సాకుతో మొత్తం గిరిజనుల జాబితానే బుట్టదాఖలు చేశారు. వారికి పదోన్నతులు ఇవ్వడం వల్ల కలిసొచ్చేది ఏమీ ఉండదనే ఉద్దేశంతోనే వైద్య, ఆరోగ్య శాఖ అధికారులు ఇలా వ్యవహరించారనే ఆరోపణలు వస్తున్నాయి. అధికారుల స్వప్రయోజనాలకు తాము పదోన్నతులు కోల్పోయే పరిస్థితి ఏర్పడిందని అర్హులైన 15 మంది గిరిజన ఉద్యోగులు ఆవేదన వ్యక్తం చేస్తున్నారు. ఈ వ్యవహారంలో ఒక్కో పోస్టుకు రూ.లక్ష పైగా వెనకేసుకున్నారని ఉద్యోగవర్గాలు విమర్శిస్తున్నాయి. ఒక్క మన జిల్లాలోని తొమ్మిది పీహెచ్‌సీలకు సంబంధించే ఎంపీహెచ్‌ఈవో పదోన్నతుల కోసం రూ.10 లక్షల వరకూ వసూలు చేసినట్టు తెలుస్తోంది. ఆర్డీ కార్యాలయంలోని ఒక ఉద్యోగి ఈ వ్యవహారమంతా  చక్కబెడుతున్నాడన్న ఆరోపణలుÐ వస్తున్నాయి.
 ఇంత హడావుడిగా ఎందుకో?
 ప్రస్తుతం సూపర్‌వైజర్లంతా స్వచ్ఛ విద్యావాహిని కార్యక్రమంలో బిజీగా ఉన్నారు. త్వరలో పల్స్‌పోలియో కూడా చేపట్టనున్నారు. ఈ తరుణంలో సూపర్‌వైజర్లకు హడావుడిగా పదోన్నతులు ఇవ్వాల్సిన అవసరం ఏముందని ఉద్యోగవర్గాలు ప్రశ్నిస్తున్నాయి. పీహెచ్‌సీల్లో అదనంగా ఉన్న ఎంపీహెచ్‌ఈవోలను సర్దుబాటు చేస్తే పదోన్నతుల అవసరమే ఉండదంటున్నారు. కేవలం తమ జేబులు నింపుకొనేందుకే హడావుడిగా ఈ పక్రియను చేపట్టారన్న విమర్శలు వెల్లువెత్తుతున్నాయి. మరోపక్క రేషనలైజేష¯ŒS ప్రక్రియ చేపట్టకుండానే పదోన్నతులు నిర్వహిస్తున్నారు. దీనివల్ల భవిష్యత్తులో ఈ పోస్టుల సర్దుబాటు జటిలమవుతుందని పలువురు అంటున్నారు.
  


 
 ఎట్టకేలకు నేడు వైద్య ఆరోగ్యశాఖ మంత్రి ఏజెన్సీ పర్యటన
 
 ఇన్నాళ్లూ మన్యాన్ని వ్యాధులు వణికించినా పట్టని సర్కారు
 
 గిరిజనం పిట్టల్లా రాలిపోయినా స్పందించని వైనం
 
 పీహెచ్‌సీల్లో డాక్టర్, సిబ్బంది పోస్టుల ఖాళీ
 
 రంపచోడవరం ఏరియా ఆస్పత్రి స్థాయి పెంపు ఎప్పుడో!
 
 రంపచోడవరం :
 విలీన మండలాల్లో కాళ్లవాపు వ్యాధితో గిరిజనుల మృత్యువాత, రాజవొమ్మంగి మండలంలో చిన్నారుల మరణాలు మన్యాన్ని తీవ్రంగా కలవరపెట్టాయి. మన్యంలో గిరిజనులు అనేక రకాల అనారోగ్యాలతో మృత్యువాత పడినప్పటికీ ప్రభుత్వ పరంగా ఎలాంటి చర్యలూ తీసుకోలేదు. సీజనల్‌ వ్యాధులు తగ్గుముఖం పట్టాక రాష్ట్ర ఆరోగ్యమంత్రి కామినేని శ్రీనివాస్‌ బుధవారం ఏజెన్సీ సందర్శించడానికి వస్తున్నారు. ఇక్కడ గిరిజనులు రోగాలతో ఇబ్బందులు పడినప్పుడు ఇటువైపు కన్నెత్తి చూడని మంత్రి సంవత్సరం తరువాత ఏజెన్సీ పర్యటనకు రావడంపై గిరిజనులు మండిపడుతున్నారు. ఇప్పటికీ ఏజెన్సీ ఆసుపత్రులలో వైద్యుల కొరత తీవ్రంగా ఉంది. కనీస స్థాయిలో కూడా మందుల సరఫరా లేదు.
 వంద పడకల స్థాయి కాగితాలకే పరిమితం
 రంపచోడవరం ఏరియా ఆసుపత్రిని వంద పడకల ఆసుపత్రిగా స్థాయి పెంచినట్టు ప్రకటించి సుమారు తొమ్మిది నెలలు గడచినా అందుకు సంబంధించి ఎటువంటి చర్యలు తీసుకోలేదు. కేవలం కాగితాలకే పరిమితమైంది. ఈ ఆసుపత్రిలో సివిల్‌ సర్జ¯ŒS స్పెషలిస్టు (సీఎస్‌ఎస్‌), డిప్యూటీ సివిల్‌ సర్జ¯ŒS (డీఎస్‌సీ), సివిల్‌ అసిస్టెంట్‌ సర్జ¯ŒS (సీఏఎస్‌) పోస్టులు ఏళ్ల తరబడి భర్తీ కావడం లేదు. ఏడుగురు ప్రత్యేక వైద్య నిపుణులు పనిచేయాల్సి ఉండగా మత్తు డాక్టర్, ఆప్తామాలజిస్ట్, గైనిక్‌ వైద్యులు లేరు. సెంట్రల్‌ డ్రగ్స్‌ స్టోర్‌ నుంచి కూడా మందుల సరఫరా సక్రమంగా లేదు. పూర్తిస్థాయిలో ప్రత్యేక వైద్యులు లేకపోవడంతో అత్యవసర కేసులు రాజమండ్రి, కాకినాడలకు రిఫర్‌ చేయడం మినహా ఇక్కడ ఏం జరగడం లేదు. ఏజెన్సీకి ప్రధాన ఆసుపత్రి పరిస్థితి ఇలా ఉంటే పీహెచ్‌సీల్లో పరిస్థితి మరీ దారుణంగా ఉంది. 24 గంటల ఆసుపత్రుల పనితీరు అంతంతమాత్రంగానే ఉంది. రాత్రి సమయంలో ఏ అత్యవసర వైద్యం కోసం వెళ్లినా వైద్యులు అందుబాటులో ఉండడం లేదు. దీంతో కిలోమీటర్లు ప్రయాణించి రంపచోడవరం ఏరియా ఆసుపత్రికి రావాల్సిన దుస్థితి ఏర్పడుతోంది.
 పీహెచ్‌సీల్లో పోస్టుల ఖాళీ
 ఏజెన్సీలో 26 ప్రాథమిక ఆరోగ్య కేంద్రాలు ఉన్నాయి. అయితే పీహెచ్‌సీలను పర్యవేక్షించాల్సిన అధికారి పోస్టు సైతం ఇ¯ŒSచార్జి పాలనలో సాగుతోంది. సివిల్‌ సర్జ¯ŒS స్పెషలిస్టు, డిప్యూటీ సివిల్‌ సర్జ¯ŒS పోస్టులు ఖాళీగా ఉన్నాయి. ఎంపీహెచ్‌ఓ పోస్టులు 33 ఖాళీ ఉన్నాయి. వీరు క్షేత్రస్థాయిలో పర్యటించి గ్రామాల్లో పరిస్థితి తెలుసుకుని ఆనారోగ్య పరిస్థితులు ఉంటే రోగులను పీహెచ్‌సీలకు పంపించే ఏర్పాటు చేస్తారు. ఫార్మాసిస్ట్‌ పోస్టులు 19కి తొమ్మిది మంది మాత్రమే పనిచేస్తున్నారు.
 అంబులె¯Œ్సలు అవసరం
 ఏజెన్సీలో వైద్యసేవలు మెరుగుపరచాలి. గిరిజన మహిళలకు గైనిక్‌ సేవలు సక్రమంగా అందడం లేదు. పీహెచ్‌సీల పరిధిలో వైద్యులు గ్రామాల్లో సేవలు అందించేందుకు అంబులె¯Œ్సలు ఏర్పాటు చేయాల్సిన అవసరం ఉంది.
  
  


 అనంతపురం అగ్రికల్చర్‌: విద్యుత్‌ వినియోగదారులకు సంబంధించి దీర్ఘకాలిక పెండింగ్‌లో ఉన్న సమస్యల పరిష్కారం కోసం శుక్రవారం కళ్యాణదుర్గంలో డివిజన్‌ ఇంజనీరు కార్యాలయంలో ప్రత్యేక విద్యుత్‌ అదాలత్‌ నిర్వహిస్తున్నట్లు ట్రాన్స్‌కో ఎస్‌ఈ ఆర్‌ఎన్‌ ప్రసాదరెడ్డి గురువారం ఒక ప్రకటనలో తెలిపారు. ఉదయం 11 నుంచి మధ్యాహ్నం 2 గంటల వరకు జరిగే అదాలత్‌ కార్యక్రమాన్ని వినియోగదారులు సద్వినియోగం చేసుకోవాలన్నారు.


 ‘జన్మభూమి’ సభను బహిష్కరించిన గిరిపుత్రులు
 రేషన్‌ కార్డులు ఇవ్వకుంటే ఈ సభలెందుకు?
 ప్రశ్నించిన ఎమ్మెల్యే రాజేశ్వరి...సభ బహిష్కరణ
 సాక్షి, రాజమహేంద్రవరం : గత జన్మభూమిలో రేషన్‌ కార్డుల కోసం చేసుకున్న దరఖాస్తులకు ఇప్పటివరకు అతీగతీ లేదని, ఈ నేపధ్యంలో మళ్లీ జన్మభూమి నిర్వహించాల్సిన అవసరం ఏముందని గిరిపుత్రులు మండిపడ్డారు. రంపచోడవరం ఎమ్మెల్యే వంతల రాజేశ్వరి ఆధ్వర్యంలో బి.వెలమకోట, తామరపల్లి గ్రామ సభలను గిరిజనులు బహిష్కరించారు. రేషన్‌ కార్డులు ఇచ్చినప్పుడే గ్రామ సభ నిర్వహించాలని ఎమ్మెల్యే రాజేశ్వరి డిమాండ్‌ చేశారు. ఎన్నిసార్లు దర ఖాస్తు చేసుకున్నా మరుగుదొడ్లు మంజూరుచేయనందుకు నిరసనగా ఏటపాక మండలం గన్నవరం గ్రామంలో మహిళలు చెంబులతో జన్మభూమి సభకు వచ్చి నిరసన తెలిపారు. రేషన్‌కార్డులు,పింఛన్లు మంజూరుకాక పేదలు మూడేళ్లుగా నరకయాతన అనుభవిస్తున్నారని ఉపసర్పంచ్‌ కందుకూరి మంగరాజు ఆవేదన వ్యక్తం చేశారు. సమస్యల పరిష్కారంపై స్పష్టమైన హామీ ఇచ్చిన తరువాతే సభను కొనసాగించాలని పట్టుబట్టారు. 
 ∙తూర్పు ఏజెన్సీ రాజవొమ్మంగిలో అమీనాబాద్, జడ్డంగి, లబ్బర్తి, లాగరాయి జన్మభూమి  గ్రామసభలను గిరిజనులు బహిష్కరించారు. మొదటి రెండు గ్రామాల ప్రజలు తమకు వెంటనే కుల«ధ్రువీకరణ పత్రాలు మంజూరు చేయాలన్న డిమాండ్‌ వ్యక్తం చేయగా, లబ్బర్తి, లాగరాయి ప్రజలు, గిరిజన రైతులు దాదాపు అర్ధశతాబ్దంగా తమ చిరకాల వాంఛ కిర్రాబు వద్ద పెద్దేరుపై ఆనకట్ట నిర్మించాలని ఆందోళనచేశారు. 
 నేతల ఉపన్యాసాలతో గర్భిణులు, మహిళలకు ఇక్కట్లు 
 కోరుకొండ మండలం గుమ్ములూరులో నిర్వహించిన జన్మభూమిలో సీమంతాలు, అన్నప్రాశన కార్యక్రమాలు ఉదయం నుంచి మధ్యాహ్నం వరకు నేతల జోరు ఉపన్యాసాలకు వేదికగా మారాయి. 32మంది గర్భిణులు, బాలింతలు మండుటెండలో ఉండలేక అవస్థలు పడ్డారు. 
 ∙కోరుకొండకు చెందిన ఒక కన్నులేని గొల్ల మంగాయమ్మ సెప్టిక్‌ కావడంతో తన కుమార్తె  గొంతిదేవి కాలు తీసేసినా కూడా వికలాంగ ఫించన్‌ ఇవ్వలేదని   కోరుకొండ జన్మభూమి సభలో వాపోయింది. గండేపల్లి మండలం మల్లేపల్లిలో నిర్వహించిన జన్మభూమి కార్యక్రమంలో అధికారులకు సమస్యలు చెప్పుకునేందుకు వెళ్లిన ప్రజలను పోలీసులు అడ్డగించి వెనక్కి పంపించేశారు.
 అధికారుల నిలదీతలు..
 రంగంపేట మండలం సుభద్రమ్మపేట గ్రామసభలో చాలాకాలంగా రేషన్‌కార్డులు ఇవ్వడంలేదని ఎమ్మెల్యే నల్లమిల్లి రామకృష్ణారెడ్డిని ప్రజలు నిలదీశారు. కోరుకొండ మండలంలోని బుచ్చెంపేట జన్మభూమిలో సమస్యలు పరిష్కరించాలని అధికారులను స్థానికులు నిలదీశారు. రంగంపేట మండలం ముకుందవరం జన్మభూమి సభలో చాగల్నాడు పథకం కింద పిల్ల కాలువలు ఏర్పాటు చేయకపోవడంతో వర్షాకాలంలో సైతం నీటి ఎద్దడి ఎదుర్కోవలసి వస్తోందని మండల ప్రజా పరిషత్‌ ప్రతిపక్షనేత గుత్తుల సుబ్రహ్మణ్యం విమర్శించారు.  అన్నవరంలో జరిగిన జన్మభూమి కార్యక్రమంలో అర్హులకు పింఛన్లు, రేషన్‌కార్డులు అందజేయాలని వైఎస్సార్‌సీపీ నాయకులు అధికారులను నిలదీశారు. 
 టీడీపీ ప్రభుత్వం ఏర్పడినప్పటి నుండి నిర్వహించే జన్మభూమి సభలో రేషన్‌ కార్డుల కోసం దరఖాస్తులు చేసుకోవడమే తప్పా లబ్ధిదారులకు ఒక్కరికి ఇవ్వలేదని కె.పెదపూడిలో ఎంపీడీవోను, ఇతర అధికారులను ప్రజలు నిలదీశారు. గత ఏడాది జనవరి 6న జన్మభూమి సభ నిర్వహించి కొత్త రేషన్‌ కార్డులను రెండు రోజుల్లో పంపిణీ చేస్తామని చెప్పి ఏడాది కాలంగా ఎందుకు ఇవ్వలేదని అధికారులను, ప్రజాప్రతినిధులను సర్పంచ్‌ రాజారావు, ఎంపీటీసీ సభ్యుడు ఉందుర్తి ఆనందబాబుతో పాటు పలువురు లబ్ధిదారులు నిలదీశారు. 
  


 
 పెట్రోల్‌పై రూ.1.29, డీజిల్‌పై 97 పైసల పెంపు
 
 అర్ధరాత్రి నుంచే అమల్లోకి..
 
 జిల్లాపై రూ.4.26 కోట్ల భారం
 
 సాక్షి, రాజమహేంద్రవరం :
 నూతన సంవత్సర వేడుకల్లో ఉత్సాహంగా మునిగి ఉన్న ప్రజలపై.. మోదీ ప్రభుత్వం ఈ ఏడాది తొలి రోజే పెట్రోలు, డీజిల్‌ ధరల భారం మోపింది. పెట్రోల్‌ లీటరుకు రూ.1.29, డీజిల్‌ 97 పైసల చొప్పున పెంచేసింది. పెరిగిన ధరలు ఒకటో తేదీ అర్ధరాత్రి నుం చే అమల్లోకి వచ్చాయి. ధరల పెంపుతో నిన్నటివరకూ రూ.74.40గా ఉన్న లీటర్‌ పెట్రోలు ధర రూ.75.69కు, డీజిల్‌ ధర రూ.63.07 నుంచి రూ.64.04కు పెరిగాయి. ఈ ధరలకు రాష్ట్ర ప్రభుత్వం వేసే     పన్ను అదనం. జిల్లాలో ఉన్న 251 పెట్రోలు బంకుల్లో ప్రతి రోజూ దాదాపు 5 లక్షల లీటర్ల పెట్రోల్, 8 లక్షల లీటర్ల డీజిల్‌ విక్రయాలు జరుగుతున్నాయి. పెరిగిన ధరల కారణంగా పెట్రోల్‌ వినియోగదారులపై రోజుకు రూ.6.45 లక్షలు, నెలకు రూ.1,93,50,000 భారం పడనుంది. డీజిల్‌ వినియోగదారులపై రోజుకు రూ.7.76 లక్షలు, నెలకు రూ.2,32,80,000 భారం పడుతోంది. పెట్రోలు, డీజిల్‌ ధరలు పెరగడంతో మొత్తం మీద జిల్లా వినియోగదారులపై రోజుకు రూ.14.21 లక్షలు, నెలకు రూ.4,26,30,000 మేర అదనపు భారం పడనుంది.
 గతంలో పెరిగిందిలా..
 గత ఏడాది సెప్టెంబర్‌ 1న రూ.65.17గా ఉన్న పెట్రోలు ధరను డిసెంబర్‌ ఒకటికి రూ.71.40కి, డిసెంబర్‌ 15నాటికి రూ.74.40కు పెంచగా.. తాజా పెంపుతో ఈ ధర రూ.75.69కు చేరింది. అలాగే సెప్టెంబర్‌ 1న రూ.56.33గా ఉన్న డీజిల్‌ ధర డిసెంబర్‌ ఒకటికి రూ.60.86కు, డిసెంబర్‌ 15కు రూ.63.07కు పెరగ్గా.. తాజా పెంపుతో రూ.64.04కు చేరింది.
  


 రాజరాజనరేంద్రనగర్‌ (రాజానగరం) : 
 కాంట్రాక్టు లెక్చరర్ల సమస్యలపై ఎస్‌ఎఫ్‌ఐ ఆధ్వర్యంలో రాజమహేంద్రవరంలో మంగళవారం రౌండు టేబుల్‌ సమావేశం నిర్వహిస్తున్నామని ఎస్‌ఎఫ్‌ఐ జిల్లా కార్యదర్శి బి.పవ¯ŒS సోమవారం ఒక ప్రకటనలో తెలిపారు. ఉద్యోగ భద్రత కోరుతూ 24 రోజులుగా వారు సమ్మె చేస్తున్నా ప్రభుత్వ స్పందించకపోవడం విచారకరమన్నారు. ఈ కారణంగా వారు ఆందోళన చేస్తున్న శిబిరం వద్దనే ఉదయం 11 గంటలకు ఈ రౌండు టేబుల్‌ సమావేశం జరుగనుందన్నారు. విద్యార్థి, ఉపాధ్యాయ, అధ్యాపక, ప్రజా సంఘాలు, మేధావులు, రాజకీయ పార్టీల నాయకులు హాజరు కావాలన్నారు. నిద్దరోతున్నప్రభుత్వాన్ని మేల్కొపడంతోపాటు కాంట్రాక్టు లెక్చరర్ల సమస్య పరిష్కారించడం ద్వారా ప్రభుత్వ విద్యా సంస్థలను బలోపేతం చేయాలన్నారు. 
  


 
 నేడు వైఎస్సార్‌ సీపీ అధినేత జగ¯ŒS జన్మదిన వేడుకలు
 
 ప్ర«ధాన ఆలయాలు, చర్చిలు, మసీదుల్లో ప్రార్థనలు
 
 వృద్ధులకు రగ్గుల పంపిణీ, పలు సేవా కార్యక్రమాలు
 
 విజయవంతం చేయాలని కన్నబాబు పిలుపు
 
 కాకినాడ : 
 వైఎస్సార్‌ సీపీ అధ్యక్షుడు, ప్రతిపక్ష నేత వైఎస్‌ జగ¯ŒSమోహ¯ŒS రెడ్డి పుట్టిన రోజు వేడుకలను బుధవారం ఘనంగా నిర్వహించేందుకు పార్టీ నాయకులు, కార్యకర్తలు ఘనంగా ఏర్పాట్లు చేస్తున్నారు. ఆడంబరాలు పక్కన పెట్టి పేద వర్గాలకు చేయూతనిచ్చే సామాజిక కార్యక్రమాలు పెద్ద ఎత్తున చేపట్టడానికి కార్యకర్తలు సమాయత్తమవుతున్నారు. వైఎస్సార్‌ సీపీ యువజన విభాగం ఆధ్వర్యంలో జిల్లాలోని అన్నవరం సత్యనారాయణస్వామి, అయినవిల్లి సిద్ధివినాయక, కోరుకొండ లక్షీ్మ నరసింహస్వామి ఆలయాల్లో పార్టీ శ్రేణులు ప్రత్యేక ప్రార్థనలు చేయనున్నారు. ప్రజల పక్షాన అలుపెరగని పోరాటం సాగిస్తున్న అధినేతకు మరింత శక్తి సామర్థ్యాలు ప్రసాదించి ఉద్యమించేలా ఆయనకు సంపూర్ణ ఆరోగ్యం ప్రసాదించాలని కోరుతూ ఈ కార్యక్రమాలను  తలపెట్టారు. వచ్చే ఎన్నికల్లో జగ¯ŒS ముఖ్యమంత్రి కావడం ద్వారా దివంగత నేత వైఎస్‌ ఆశయాలను ముందుకు తీసుకువెళ్లేలా ఆశీర్వదించాలని సర్వమత ప్రార్థనలు చేయనున్నారు.
 రగ్గులు పంపిణీకి చర్యలు 
 వైఎస్సార్‌ కాంగ్రెస్‌ పార్టీ యువజన విభాగం ఆధ్వర్యంలో జిల్లాలో బుధవారం జగ¯ŒS పేద వృద్ధులకు రగ్గులు పంపిణీ చేయనున్నట్టు పార్టీ జిల్లా యూత్‌ అధ్యక్షుడు అనంత ఉదయ భాస్కర్‌ చెప్పారు. ఆయా మండలాల్లోని యువజన విభాగానికి చెందిన రాష్ట్ర, జిల్లా, మండల స్థాయి నాయకులంతా రగ్గుల పంపిణీతోపాటు మరిన్ని సేవా కార్యక్రమాలు చేపట్టాలని పిలుపునిచ్చారు. అలాగే ఆలయాల్లో కూడా ప్రత్యేక ప్రార్థనలు చేయాలన్నారు. 
 సేవా కార్యక్రమాలు చేపట్టాలి : వైఎస్‌ఆర్‌ కాంగ్రెస్‌పార్టీ జగ¯ŒSమోహ¯ŒSరెడ్డి పుట్టినరోజు వేడుకల్లో పార్టీ శ్రేణులు అంతా పాల్గొనాలని పార్టీ జిల్లా అధ్యక్షుడు కురసాల కన్నబాబు పిలుపునిచ్చారు. మంగళవారం సాయంత్రం ఆయన విలేకర్ల సమావేశంలో మాట్లాడుతూ జిల్లాలోని అన్ని మండలాల్లో పుట్టినరోజు జరపాలన్నారు. ప్ర«ధానంగా ఆయా ప్రాంతాల్లో పేద వర్గాలను, వృద్ధులను ఆదుకొనేందుకు ప్రత్యేక సేవా కార్యక్రమాలు చేపట్టాలని పిలుపునిచ్చారు.
  


 మార్టేరు (ఆచంట) :  స్థానిక వేణుగోపాల జెడ్పీ ఉన్నత పాఠశాలలో నిర్వహిస్తున్న అంతర జిల్లాల స్త్రీ, పురుషుల బాస్కెట్‌ బాల్‌ పోటీలు ఆద్యంతం నువ్వానేనా అన్నట్టు సాగుతున్నాయి. స్త్రీల విభాగంలో పశ్చిమ గోదావరి, తూర్పు గోదావరి, కృష్ణా, అనంతపురం, జట్లు సెమీస్‌కు చేరుకున్నాయి. పురుషుల విభాగంలో కృష్ణా, గుంటూరు, అనంతపురం జట్లు సెమీస్‌కు చేరాయి. శనివారం రాత్రికి మొత్తం పోటీలు ముగియ వలసి ఉంది, అయితే సెమీఫైనల్స్‌ పూర్తికాకపోవడంతో ఆదివారం కూడా పోటీలు నిర్వహించనున్నారు. ఆదివారం సాయంత్రం బహుమతి ప్రదానోత్సవం కార్యక్రమం జరగనున్నది. మహిళల విభాగంలో శనివారం నిర్వహించిన క్వార్టర్‌ ఫైనల్స్‌లో కృష్ణా గుంటూరుపై 52–42 తేడాతో, తూర్పుగోదావరి, విశాఖపై 36–35, నెల్లూరుపై అనంతపురం 28–10, చిత్తూరుపై పశ్చిమగోదావరి 37–19 పాయింట్ల తేడాతో విజయం సాధించి సెమీస్‌కు చేరుకున్నాయి. పురుషుల క్వార్టర్స్‌లో విశాఖపై కృష్ణా 61–42, కర్నూలుపై గుంటూరు 75–57, పశ్చిమ గోదావరిపై అనంతపురం 60–35 తేడాతో విజయం సాధించి సెమీస్‌లోకి ప్రవేశించాయి.
  
  


 అనంతపురం ఎడ్యుకేషన్ : సర్వశిక్ష అభియా¯న్ ద్వారా భర్తీ చేయనున్న ఇన్ క్లూజివ్‌ ఎడ్యుకేషన్ రీసోర్స్ టీచర్స్‌ పోస్టులకు ఆదివారం ఆన్ లైన్ పరీక్ష నిర్వహించనున్నారు.   ఎస్‌ఆర్‌ఐటీ ఇంజనీరింగ్‌ కళాశాలలో  ఏర్పాటు చేసిన పరీక్ష కేంద్రాన్ని  పీఓ దశరథరామయ్య, ఐఈడీ కోఆర్డినేటర్‌ పాండురంగ శనివారం పరిశీలించారు.   అభ్యర్థులు  9 గంటలకే కేంద్రానికి చేరుకోవాలని పీఓ సూచించారు.
 
  
 
  
 
  


 అనంతపురం అర్బన్:  ఆంధ్రప్రదేశ్‌ పబ్లిక్‌ సర్వీస్‌ కమిష¯Œన్ (ఏపీపీఎస్‌సీ) ఆధ్వర్యంలో అసిస్టెంట్‌ ఇంజనీర్‌ పోస్టులకు ఆదివారం జరగుతున్న పరీక్షను నగరంలో ఐదు కేంద్రాల్లో నిర్వహిస్తున్నట్లు డీఆర్‌ఓ సి.మల్లీశ్వరిదేవి శనివారం ఒక ప్రకటనలో తెలిపారు. ఉదయం 10 గంటల నుంచి మధ్యాహ్నం 12.30 గంటల వరకు పరీక్ష జరుగుతుందన్నారు. అభ్యర్థులు గంట ముందే పరీక్ష కేంద్రానికి చేరుకోవాలని తెలియజేశారు. 
  


 రాజరాజనరేంద్రనగర్‌ (రాజానగరం) : 
 ఆదికవి నన్నయ యూనివర్సిటీ ఆధ్వర్యంలో రాజమహేంద్రవరంలో శుక్ర, శనివారాల్లో మెగా జాబ్‌ మేళా నిర్వహించనున్నారు. వికాస్, ఎన్టీఆర్‌ ట్రస్టుల సహకారంతో నిర్వహిస్తున్న ఈ జాబ్‌ మేళాకు రాష్ట్రంలో నలుమూల నుంచి సుమారు 27 వేల మంది నిరుద్యోగులు హాజరయ్యే అవకాశాలున్నాయి. ఇప్పటికే ఆ¯ŒSలై¯ŒSలో 13 వేల మంది రిజిస్టర్‌ చేసుకున్నారని నన్నయ వర్సిటీ ఉపకులపతి ఆచార్య ఎం.ముత్యాలనాయుడు గురువారం తెలిపారు. జాబ్‌ మేళా నిర్వహణకు అవసరమైన ఏర్పాట్లు పూర్తి చేశామన్నారు. విప్రో, ఇన్ఫోసిస్, గూగుల్, జెస్‌ ఫ్యాక్ట్, టెక్‌ మహేంద్ర, జీఎంఆర్, హెచ్‌సీఎల్‌. ఐసీఐసీఐ, రిలయ¯Œ్స, ఎయిర్‌టెల్, ఏటీఎం, క్వారీ వంటి ప్రముఖ వంద కంపెనీలు పాల్గొంటాయన్నారు. అలాగే ఫార్మా రంగానికి చె ందిన కంపెనీలలో ఉద్యోగాలు ఇచ్చేందుకు కూడా ఆయా కంపెనీల ప్రతినిధులు రానున్నారన్నారు. 
 ఉభయ గోదావరి జిల్లాలకు చెందిన నిరుద్యోగులు ఈ అవకాశాన్ని సద్వినియోగం చేసుకోవాలన్నారు. పదో తరగతి, ఇంటర్, డిగ్రీ, పీజీ, బీటెక్, ఎంటెక్, ఫార్మసీ తదితర అర్హతలున్న వారంతా ఈ జాబ్‌ మేళాకు హజరుకావొచ్చన్నారు. ఇప్పటికే రిజిస్టర్‌ చేసుకున్న వారితోపాటు స్పాట్‌లో రిజిస్ట్రేష¯ŒS చేసుకునే వారికి అవకాశం ఉంటుందన్నారు. రాజమహేంద్రవరంలోని ఆర్ట్స్‌ కళాశాల, ఎస్‌కేవీటీ కళాశాల ప్రాంగణాల్లో ఉదయం 8 నుంచి సాయంత్రం 4 వరకు జాబ్‌ మేళా జరుగుతుందన్నారు. అన్ని రకాల ధ్రువీకరణ పత్రాలతో అభ్యర్థులు హాజరుకావాలన్నారు. ఎంపికైన అభ్యర్థులకు సాయంత్రమే నియామక పత్రాలు అందజేస్తారన్నారు. 
  


 
 అభ్యసన సామర్థ్యాల మదింపునకు  జిల్లా విద్యాశాఖ యత్నం
 
 2 నుంచి 5వ తరగతి విద్యార్థులకు ప్రత్యేక పరీక్షలు
 
 చతుర్విధ ప్రక్రియలపై దృష్టి సారింపు
 
 విద్యార్థులకు నేడు శ్లాస్, రేపు త్రీ ఆర్‌ పరీక్షలు 
 
 రాయవరం : 
 ప్రాథమిక దశలో చతుర్విధ ప్రక్రియల్లో విద్యార్థి పూర్తి స్థాయిలో పట్టు సాధిస్తున్నారా? లేదా? అని తెలుసుకునేందుకు విద్యాశాఖ విన్నూత్న ప్రయోగానికి శ్రీకారం చుట్టింది. ఈమేరకు శుక్ర, శనివారాల్లో అభ్యసన సామరŠాథ్యల పరీక్ష నిర్వహించనుంది. 
 బేస్‌లై¯ŒS పరీక్షల్లోను..
 విద్యాశాఖ ప్రారంభంలో బేస్‌లై¯ŒS పరీక్షలు నిర్వహిస్తోంది. వీటి ప్రకారం గత తరగతిలో సాధించాల్సిన ప్రమాణాలపై ప్రస్తుతం చదువుతున్న తరగతిలో పరీక్ష నిర్వహిస్తున్నారు. విద్యా సంవత్సరం ప్రారంభంలో జులైలో బేస్‌లై¯ŒS పరీక్ష నిర్వహిస్తున్నారు. బేస్‌లై¯ŒS పరీక్షలో విద్యాప్రమాణాలు అనుకున్న మేర లేకపోవడంతో ఇప్పుడు రెండు నుంచి ఐదు తరగతుల వారికి ప్రత్యేక పరీక్షలు నిర్వహిస్తున్నారు. ఫార్మేటివ్‌ 3 పరీక్షకు బదులుగా త్రీ ఆర్‌ పరీక్షను నిర్వహించనున్నారు. 
 త్రీఆర్‌ లక్ష్యమేమిటంటే..
 త్రీ ఆర్‌ అంటే రీడింగ్, రైటింగ్, అర్ధమేటిక్‌గా పేర్కొంటున్నారు. నాణ్యమైన విద్య విద్యార్థులకు అందించేందుకు విద్యాశాఖ త్రీ ఆర్‌ పరీక్షను నిర్వహిస్తుంది. ప్రతి విద్యార్థి స్థాయిని బాహ్య మూల్యాంకనం ద్వారా అంచనా వేసి పిల్లల స్థాయిని ఖచ్చితంగా గుర్తించడం దీని ఉద్దేశం. త్రీ ఆర్‌ బేస్‌లై¯ŒS పరీక్షను ఈ నెల 17 శనివారం జిల్లాలో ఉన్న అన్ని ప్రాథమిక, ప్రాథమికోన్నత పాఠశాలల్లో నిర్వహిస్తున్నారు. జిల్లాలో 3,171 ప్రాథమిక, ప్రాథమికోన్నత పాఠశాలల్లో 2.5లక్షల మంది విద్యార్థులకు ఈ పరీక్షను నిర్వహిస్తున్నారు. 
 శ్లాస్‌ అంటే..
 స్టూడెంట్‌ లెర్నింగ్‌ ఎచీవ్‌మెంట్‌ సర్వే(శ్లాస్‌)ను ఈ నెల 16న జిల్లాలోని ప్రాథమిక, ప్రాథమికోన్నత పాఠశాలల్లో 4,5 తరగతులకు నిర్వహిస్తారు. తెలుగు, గణితం సబ్జెక్టుల్లో ఈ పరీక్షను నిర్వహిస్తారు. జిల్లా ప్రభుత్వ విద్యా శిక్షణా సంస్థ(డైట్‌)లో ఛాత్రోపాధ్యాయులుగా ఉన్న జిల్లాలో ఎంపిక చేసిన 40 ప్రభుత్వ, 40 ప్రైవేటు పాఠశాలల్లో పరీక్ష నిర్వహిస్తున్నారు. మిగిలిన పాఠశాలల్లో జంబ్లింగ్‌ విధానంలో ఆయా పాఠశాలల ఉపాధ్యాయులే పరీక్ష నిర్వహిస్తారు. ఈ పరీక్షల ఫలితాలను రాష్ట్ర పరిశోధనా మండలికి పంపిస్తారు. విద్యార్థుల్లో అభ్యసనా సామర్థాలు కొరవడడానికి గల కారణాలను అన్వేషిస్తారు. తదనంతరం ప్రాథమిక విద్య బలోపేతానికి తీసుకోవాల్సిన చర్యలపై శోధన చేస్తారు. 
 తిరోగమనమే కారణమా..
 ప్రతి విద్యార్థి ఆయా తరగతిలో సాధించాల్సిన విద్యా ప్రమాణాలు సాధించలేకపోవడంతో ప్రాథమిక విద్య తిరోగమనంలో పయనిస్తున్నందన్న విమర్శలు ఉన్నాయి. దీనికి కారణం ఉన్నత పాఠశాల విద్యార్థి తెలుగు పుస్తకం ధారాళంగా చదవలేకపోవడం, గణితంలో చతుర్విధ ప్రక్రియలు సాధించలేక పోవడం. ప్రాథమిక స్థాయి పూర్తయ్యే సరికి విద్యార్థికి తెలుగు చదవడం, రాయడం, గణితంలో కూడికలు, తీసివేతలు, గుణకారాలు, భాగహారాలు పూర్తి అవగాహనతో చేయాల్సి ఉంది. అయితే ఏడాది క్రితం ఒక స్వచ్ఛంధ సంస్థ నిర్వహించిన సర్వేలో విద్యార్థులు తరగతుల స్థాయికి తగ్గట్టుగా బోధనాభ్యసన స్థాయి సాధించలేక పోయినట్లు గుర్తించారు.
  
  
 పకడ్బందీగా నిర్వహిస్తాం..
 శ్లాస్, త్రీఆర్‌ పరీక్షలను నిర్వహించేందుకు అన్ని ఏర్పాట్లు చేస్తున్నాం. పరీక్షలను పకడ్బందీగా నిర్వహించి విద్యార్థుల అసలైన సామరŠాథ్యలు తెలుసుకునే ప్రయత్నం చేస్తాం. ఉపాధ్యాయులు అంకితభావంతో ఈ పరీక్షలు నిర్వహించాలి. 
 – ఆర్‌.నరసింహారావు, డీఈవో, కాకినాడ 
  
 మెటీరియల్‌ పంపిణీకి చర్యలు..
 నూరు శాతం ఉపాధ్యాయులు హాజరై పరీక్షలు నిర్వహించాలి. విద్యార్థులు పరీక్షలకు నూరుశాతం హాజరయ్యే విధంగా చర్యలు తీసకోవాలి. పరీక్షలకు సంబంధించిన మెటీరియల్‌ను ఎంఈవోల ద్వారా పాఠశాలలకు పంపిస్తున్నాం. 
 – ఎం.శేషగిరి, పీవో, సర్వశిక్షాఅభియాన్, 
  


 
  హాజరైన సీఆర్‌ఏ, డీఆర్‌ఎం
 
 నేడు రైలు స్పీడ్‌ రన్‌
 
 రాయదుర్గం టౌన్‌ :
 రాయదుర్గం నుంచి టుంకూరుకు నూతన రైలుమార్గంలో భాగంగా కళ్యాణదుర్గం వరకు పూర్తయిన మార్గాన్ని సౌత్‌ వెస్ట్రన్‌ రైల్వే ఉన్నతాధికారులు, రైల్వే సేఫ్టీ అధికారులు గురువారం లాంఛనంగా తనిఖీ చేశారు. రైల్వే సేఫ్టీ కమిషనర్‌ మనోహరన్, హుబ్లి డివిజన్‌ రైల్వే మేనేజర్‌ ఏకే జైన్, సీఆర్‌ఓ అశోక్‌గుప్తతోపాటు ఇతర ముఖ్య రైల్వే అధికారులు హాజరయ్యారు.
 వీరంతా ప్రత్యేక రైలులో బెంగళూరు నుంచి ఉదయం 7 గంటలకు రాయదుర్గం రైల్వేస్టేషన్‌కు చేరుకున్నారు. తొలుత రైలుమార్గం వివరాలు, ఇతరత్రా టెక్నికల్‌ వివరాలను సేకరించారు. అనంతరం కొత్త రైలుమార్గానికి పూజలు నిర్వహించి ఐదు ట్రాలీల్లో తనిఖీకి వెళ్లారు. అంతకుముందు డీఆర్‌ఎం ఏకే జైన్‌ మాట్లాడుతూ రాయదుర్గం నుంచి టుంకూరు రైలుమార్గంలో (205 కిలోమీటర్ల దూరం) ఇప్పటిదాకా 40 కిలోమీటర్ల పరిధిలోని కళ్యాణదుర్గం వరకు రైలుమార్గం పూర్తయిందన్నారు.
 గురు, శుక్రరాల్లో ఇక్కడే బస చేసి భద్రతా ప్రమాణాలు, ఇతర నాణ్యత విషయాలను క్షుణ్ణంగా పరిశీలించనున్నట్లు చెప్పారు. మొదటిరోజు వేదావతి బ్రిడ్జి దాకా వెళ్లి పరిశీలిస్తామని, శుక్రవారం తనిఖీ పూర్తి చేసి రాయదుర్గం నుంచి కళ్యాణదుర్గం, తిరిగి కళ్యాణదుర్గం నుంచి రాయదుర్గం వరకు రైలు స్పీడ్‌ ట్రైల్‌ రన్‌ నిర్వహిస్తామని తెలిపారు. తనిఖీ నివేదికను రైల్వే ఉన్నతాధికారులకు సమర్పిస్తామన్నారు. త్వరలో ప్రయాణీకుల అవసరాన్ని బట్టి బళ్లారి లేదా గుంతకల్లు నుంచి రాయదుర్గం మీదుగా కళ్యాణదుర్గం వరకు ఒక ప్యాసింజర్‌ రైలు ప్రారంభించే అవకాశం ఉందన్నారు. కాగా, 1982లో శంకుస్థాపన చేసిన రాయదుర్గం-టుంకూరు రైలుమార్గానికి ప్రతియేటా బడ్జెట్‌ కేటాయింపులు నామమాత్రంగా ఉండటంతో రైలుమార్గం పూర్తి చేయడంలో జాప్యం జరుగుతూ వస్తోంది. దాదాపు 30 ఏళ్ల తర్వాత కేవలం 40 కిలోమీటర్ల మేర అంటే రాయదుర్గం నుంచి కళ్యాణదుర్గం వరకు పూర్తిస్థాయిలో రైలుమార్గం అందుబాటులోకి వచ్చింది. ఏది ఏమైనా ఇరురాష్ట్ర ప్రభుత్వాలు రైలుమార్గం పూర్తి చేసేందుకు పూర్తిస్థాయిలో నిధులు మంజూరు చేస్తే టుంకూరు రైలుమార్గం పూర్తవుతుంది.
  


 అనంతపురం రూరల్‌:     కాంట్రాక్ట్‌ అధ్యాపకుల ఉద్యమాన్ని ఉధృతం చేద్దామని  ఆ సంఘం జేఏసీ నాయకులు పిలుపు నిచ్చారు. ఆదివారం కూడా వారు ఆందోâýæనను   కొనసాగించారు. వారు మాట్లాడుతూ న్యాయబద్ధమైన డిమాండ్లను పరిష్కరించాలని వారం రోజులుగా సమ్మె చేస్తున్నా ప్రభుత్వం పట్టించు కోవడంలేదన్నారు.
 
 సుప్రీం కోర్టు తీర్పును అమలు చేయని ఈ ప్రభుత్వానికి న్యాయస్థానాలంటే ఎంత గౌరవం ఉందో స్పష్టం అవుతోందన్నారు.  నేడు   రాస్తారోకో చేపడుతున్నట్లు తెలిపారు. అధ్యాపకుల సమ్మెకు ఎమ్మెల్సీ గేయానంద్‌ మద్దతు ప్రకటించి మాట్లాడారు. కాంట్రాక్టు అధ్యాపకుల సంఘం నాయకులు హనుంతరెడ్డి, ఎర్రప్ప, సుబ్రహ్మణ్యం, అక్బర్, ఎంజీ ప్రభాకర్, రామాంజనేయులతోపాటు పలువురు పాల్గొన్నారు. 
  


 
  బలోపేతం కానున్న పార్టీ
 
 సాక్షి, రాజమహేంద్రవరం : 
 కాంగ్రెస్‌ పార్టీ జిల్లా మాజీ అ««దl్యక్షుడు, మాజీ ఎమ్మెల్సీ కందుల దుర్గేష్‌ సోమవారం వైఎస్సార్‌ కాంగ్రెస్‌ పార్టీలో చేరనున్నారు. హైదరాబాద్‌ లోటస్‌పాండ్‌లోని వైఎస్సార్‌ సీపీ కేంద్ర కార్యాలయంలో పార్టీ అధ్యక్షుడు వైఎస్‌ జగ¯ŒSమోహ¯ŒSరెడ్డి సమక్షంలో తన అనుచరులతో కలసి ఆయన పార్టీలో చేరనున్నారు. ఈ మేరకు రాజమహేంద్రవరంలోని తన  నివాసం నుంచి అనుచరులతో కలిసి ఆయన ఆదివారం సాయంత్రం హైదరాబాద్‌ పయనమయ్యారు. వివాదరహితుడు, మంచి వక్తగా పేరొందిన దుర్గేష్‌ చేరిక వైఎస్సార్‌ సీపీకి లాభిస్తుందని ఆ పార్టీ నేతలు అంటున్నారు. వైఎస్‌ రాజశేఖరరెడ్డి ముఖ్యమంత్రిగా ఉన్న కాలంలో దుర్గేష్‌ ఎమ్మెల్సీగా ఎన్నికై ఆరేళ్లు జిల్లాలో పలు అభివృద్ధి కార్యక్రమాలు చేపట్టారు. ముఖ్యంగా దళితవాడల్లో ఎక్కువగా అభివృద్ధి పనులు చేపట్టారు. జిల్లావ్యాప్తంగా అనుచరులను సంపాదించుకున్నారు.
 30 ఏళ్ల రాజకీయ అనుభవం
 దుర్గేష్‌ 30 ఏళ్లు కాంగ్రెస్‌ పార్టీలోనే కొనసాగారు. రాజకీయాలపై ఉన్న ఆసక్తితో విద్యార్థి దశలోనే రాజకీయాల్లోకి వచ్చారు. మొదట రాజమండ్రి వీటీ కాలేజీ అధ్యక్షుడిగా ఎన్నికయ్యారు. 1980లో ఎ¯ŒSఎస్‌యూఐ రాజమండ్రి టౌ¯ŒS కార్యదర్శిగా, 1982 నుంచి జిల్లా అధ్యక్షునిగా పని చేశారు. 1984లో యువజన కాంగ్రెస్‌ జిల్లా ప్రధాన కార్యదర్శిగా నియమితులై అంచెలంచెలుగా ఎదుగుతూ, 2014లో జిల్లా కాంగ్రెస్‌ అధ్యక్షుడిగా ఎన్నికయ్యారు. పార్టీకి దుర్గేష్‌ చేసిన సేవలను గుర్తించిన నాటి ముఖ్యమంత్రి వైఎస్‌ రాజశేఖరరెడ్డి 2007లో ఎమ్మెల్సీ పదవికి ఎంపిక చేశారు.
 ఉద్దండులతో అనుబంధం
 సౌమ్యునిగా పేరొందిన కందుల దుర్గేష్‌ జిల్లా స్థాయిలో మాజీ ఎమ్మెల్యే ఏసీవై రెడ్డి, మాజీ మంత్రి జక్కంపూడి రామ్మోహనరావు, మాజీ ఎంపీ ఉండవల్లి అరుణ్‌కుమార్‌లతో మంచి అనుబంధం కొనసాగించారు. ఆయా కాలాల్లో వారి ఆదేశాల మేరకు పార్టీ పటిష్టతకు కృషి చేశారు. రాష్ట్రస్థాయిలో వైఎస్‌ అనుచరుడిగా ఉన్నారు. వైఎస్‌ రాజశేఖరెడ్డి పేదల కోసం అమలు చేసిన సంక్షేమ కార్యక్రమాలు, రాష్ట్ర అభివృద్ధి వైఎస్‌ జగ¯ŒSమోహ¯ŒSరెడ్డితోనే సాధ్యమని భావించి తాను వైఎస్సార్‌ సీపీలో చేరుతున్నట్లు దుర్గేష్‌ చెప్పారు. 
  


 వ్యాధులతో సతమతం ... పెద్దాసుపత్రికి వెళ్లినా ఆగని మరణాలు ... ఆ వ్యాధి ఎందుకు సోకుతుందో వైద్యులకే అంతబట్టని వైనం... కాళ్లవాపుతో కొందరు ... పురిటిలోనే వసివాడని పసి పిల్లలకు కూడా నిండూ నూరేళ్లు నిండిపోతున్న విషాదం... ఆదుకోవల్సిన వారు కాళ్ల వాపుతో కన్నుమూత... ఇదీ తూర్పు మన్యంలో దయనీయ దుస్థితి. 
  
 మన్యం వాసుల్లో మనోధైర్యం నింపి...
 పోలవరం నిర్వాసితులతో ముఖాముఖీ
 కాళ్లవాపు మృతులు, శిశు మరణాల కుటుంబాలకు ఓదార్పు
 రేఖపల్లిలో బహిరంగ సభ
 సాక్షిప్రతినిధి, కాకినాడ : పాలకుల నిర్లక్ష్యం కారణంగా ’తూర్పు’మన్యంలో గిరిజనులు పడుతున్న ఇబ్బందులను తెలుసుకునేందుకు వైఎస్సార్‌ కాంగ్రెస్‌ పార్టీ అధ్యక్షుడు,   ప్రతిపక్ష నేత వై.ఎస్‌.జగన్‌ మోహన్‌రెడ్డి  రెండు రోజుల పర్యటనలో భాగంగా జిల్లాకు బుధవారం రానున్నారు. ఇటు దేవీపట్నం మండలం, అటు నాలుగు విలీన మండలాల్లో పోలవరం ప్రాజెక్టు నిర్వాసితులకు అండగా నిలిచేందుకు ఆయన వస్తున్నారు. ప్యాకేజీ, కోల్పోయిన భూములకు నష్టపరిహారం పెంపు, భూమికి భూమి, ఇళ్ల నిర్మాణం తదితర సమస్యలపై నిర్వాసితులతో కలిసి జగన్‌ మాట్లాడతారు. పౌష్టికాహార లోపం కారణంగా రాజవొమ్మంగి మండలంలోని పలు గ్రామాల్లో 13 మంది నవజాత శిశువులు, బాలింత మృతి చెందారు. ఈ విషయంలో కూడా ప్రభుత్వం వైపు నుంచి యుద్ధ ప్రాతిపదికన చర్యలు తీసుకున్న దాఖలాలు లేవు. పార్టీ జిల్లా నాయకుల ద్వారా ఈ విషయం తెలుసుకున్న జగన్‌ మోహన్‌రెడ్డి ఆ కుటుంబాలను పలకరిస్తారు.
 కాళ్లవాపు వ్యాధి మృతుల కుటుంబాలతో...
 కాళ్లవాపు వ్యాధితో మన్యంలో 14 మంది మృతి చెందినా ... వ్యాధికి కారణాన్ని ప్రభుత్వం ఇప్పటి వరకూ గుర్తించ లేకపోయింది. మృతులంతా విలీన మండలానికి చెందిన వారే కావడంతో రెండో రోజు గురువారం పర్యటనలో వరా రామచంద్రాపురంలో మృతుల కుటుంబాలను జగన్‌ పరామర్శించనున్నారు. నాలుగు విలీన మండలాల్లో వేలాది మంది రైతులు, పోలవరం నిర్వాసితులు రెండున్నరేళ్లుగా పరిష్కారం కాకుండా వేధిస్తున్న పలు సమస్యలను జగన్‌మోహన్‌ రెడ్డి దృష్టికి తీసుకు వెళ్లేందుకు సిద్ధపడుతున్నారు. అనంతరం రేఖపల్లిలో ఏర్పాటు చేసిన బహిరంగ సభలో పోలవరం నిర్వాసితుల సమస్యలపై ప్రభుత్వాన్ని నిలదీయనున్నారు.
 చురుకుగా ఏర్పాట్లు...
 గడచిన మూడు రోజులుగా పార్టీ జిల్లా అధ్యక్షుడు కురసాల కన్నబాబు, ఎమ్మెల్యే వంతల రాజేశ్వరి, పార్టీ జిల్లా యువజన విభాగం అధ్యక్షుడు అనంత ఉదయభాస్కర్‌ తదితర నేతలు జగన్‌ రెండు రోజుల పర్యటన ఏర్పాట్లను పర్యవేక్షిస్తున్నారు. బుధవారం రాత్రి పర్యటన షెడ్యూల్‌ను కాకినాడలో కన్నబాబు విలేకర్లకు వివరించారు. ఈ సందర్భంగా ఆయన మాట్లాడుతూ పోలవరం బాధితుల పట్ల ప్రభుత్వం నిర్లక్ష్యంగా వ్యవహరిస్తుందన్నారు. కాంట్రాక్టర్లకు రేట్లు పెంచడానికి చూపిస్తున్న శ్రద్ధ ముంపు బాధితుల పునరావాసం తదితర అంశాలపై చూపడంలేదని విమర్శించారు. బాధితులకు వైఎస్సార్‌సీపీ అండగా ఉంటుందన్నారు.ఈ విషయాన్ని తెలియచేసేందుకు ముంపు బాధితుల్లో ధైర్యాన్ని నింపేందుకు జగన్‌మోహన్‌రెడ్డి పర్యటిస్తున్నారని చెప్పారు.
  
 –బుధవారం ఉదయం 10 గంటలకు మధురపూడి విమానాశ్రయానికి చేరుకుంటారు.
 విమానాశ్రయం నుంచి రాజానగరం నియోజకవర్గం బూరుగుపూడి సమీపంలో గుమ్ములూరు గ్రామం సందర్శన
 –గుమ్ములూరు నుంచి గోకవరం మీదుగా రంపచోడవరం చేరుకుంటారు.
 –రంపచోడవరంలో దేవీపట్నం మండలానికి చెందిన పోలవరం ముంపు రైతులతో ముఖాముఖీలో పాల్గొంటారు.
 –అక్కడే పౌష్టికాహార లోపంతో మృతిచెందిన నవ జాతశిశువుల కుటుంబాలను పరామర్శిస్తారు.
 –పెదగెద్దాడ మీదుగా మారేడుమిల్లి చేరుకుని ఫారెస్ట్‌ గెస్ట్‌ హౌస్‌లో బుధవారం రాత్రి బస చేస్తారు.
 –గురువారం ఉదయం 9 గంటలకు బయలుదేరి చింతూరు మీదుగా వరా‡ రామచంద్రపురం మండలం చేరుకుంటారు. 
 –కాళ్ల వాపు వ్యాధితో మరణించిన వారి కుటుంబాలను పరామర్శిస్తారు.
 –పోలవరం నిర్వాసితుల సమస్యలపై రేఖపల్లిలో ఏర్పాటు చేసిన బహిరంగ సభలో ప్రసంగిస్తారు.
 -బహిరంగ సభ అనంతరం విజయవాడ వెళ్తారు.
  


 కష్టాల్లో ఓ దారుస్తుంది
 ఆత్మీయతను పంచుతుంది
 నేటితో ముగియనున్న పుస్తక సంబరాలు
 రాజమహేంద్రవరం కల్చరల్‌ : పుస్తకం... ప్రతి ఒక్కరికి వెన్నంటి వచ్చే నేస్తం. ఓ మంచి పుస్తకం కష్ట సమయంలో ఓదారుస్తుంది. మనసుకు సాంత్వన చేకూరుస్తుంది. ఒంటరిగా ఉన్నప్పుడు ఆత్మీయతను పంచుతుంది. ఆనంద సమయంలో మరింత ఆహ్లాదం కలిగిస్తుంది. అలాంటి అద్భుత పుస్తకాల సమాహారంగా రాజమహేంద్రవరంలోని ఆర్ట్స్‌కళాశాల మైదానంలో ఏర్పాటు చేసిన బుక్‌ ఎగ్జిబిషన్‌ పుస్తక ప్రియుల మదిని దోచుకుంటోంది. నవ్యాంధ్ర పుస్తక సంబరాలు ఆదివారంతో ముగియనున్నాయి. మొదట్లో అంతంత మాత్రంగానే సందర్శకులు ఈ ప్రదర్శనను తిలకించినా, రెండు రోజులుగా వీరి సంఖ్య పెరిగిందని నిర్వాహకులు తెలిపారు. ఆదివారం మరింతగా పుస్తకాల అమ్మకాలు పుంజుకుంటాయని ఆశాభావం వ్యక్తం చేస్తున్నారు.  
 ఆధునిక ప్రాచీన సాహిత్యాలు...
 మైదానంలోని 20, 21, 22, 23, 24 నంబరు స్టాళ్లలో ఉన్న ఎమెస్కోలో వైవిధ్యభరితమైన పుస్తకాలు ఉన్నాయి. పి.వి.నరసింహారావు ‘లోపలి మనిషి’, టంగుటూరి ప్రకాశం ‘స్వీయచరిత్ర,’, నారా చంద్రబాబు నాయుడి ‘మనసులో మాట’ ఇక్కడ పది శాతం డిసౌంట్‌లో లభిస్తున్నాయి. కంచి పరమాచార్య చంద్రశేఖరేంద్ర సరస్వతీమహాస్వామి ఉపదేశాలు ‘అమృతవాణి’ పేరిట లభిస్తున్నాయి. దాశరథి, గాలిబ్‌ గీతాలు, బి.వి.ఎస్‌.రామారావు గోదావరి కథలు, అడవి బాపిరాజు నవలలు, వడ్డెర చండీదాస్‌ హిమజ్వాల, శ్రీశ్రీ అనంతం కథలు, అమరావతి కథలు, బాలసాహిత్యం..ఇలా ఎన్నో ఎన్నో పుస్తకాలు, ప్రాచీన, ఆధునిక సాహిత్యాలు ఇక్కడ అందుబాటులో ఉన్నాయి.
 విప్లవ శంఖం ఇదిగో..
 నవ్యాంధ్ర సంబరాలు, స్టాల్‌ నంబరు 70, ‘విరసం’ స్టాలులో విప్లవ, వామ పక్షభావాలకు చెందిన సాహితీ గ్రంథాలు లభిస్తున్నాయి. దిగంబర కవులు, రావిశాస్త్రి, కొడవటిగంటి కుటుంబరావుల రచనలు ఇక్కడ ఉన్నాయి. కథక చక్రవర్తి శ్రీపాద సుబ్రహ్మణ్య శాస్త్రి నిర్వహించిన ప్రబుద్ధాంధ్ర పత్రికలను గ్రంథరూపంలో ఇక్కడ చూడవచ్చు. డాక్టర్‌ నాగసూరి వేణుగోపాల్‌ ఈ సంకలనానికి సంపాదకత్వం వహించారు.
 నేటికీ పుస్తకాలపై ఆసక్తి
 పెద్ద నోట్ల రద్దు ప్రభావంతో అన్ని రంగాలు అంతో, ఇంతో దెబ్బతిన్నాయి. పుస్తకాల పట్ల పాఠకుల్లో నేటికీ ఆసక్తి ఉంది. ఈ స్టాళ్ళను సందర్శించడం వల్ల​ఏ పుస్తకం ఎక్కడ లభిస్తుంది అన్న విషయంపై అవగాహన కలుగుతుంది.
 - జి.జనార్దన్, ఎమెస్కో నిర్వాహకుడు
 ఆశించిన స్థాయిలో అమ్మకాలు లేవు 
 నవ్యాంధ్ర పుస్తక సంబరాలలో అమ్మకాలు ఆశించిన స్థాయిలో లేవు. కారణాలు అందరికీ తెలిసినవే. తరుచుగా ఇటువంటి ప్రదర్శనలను నిర్వహించాల్సిన అవసరం ఎంతయినా ఉంది.  
 - అరసవిల్లి కృష్ణ, విరసం కార్యవర్గ సభ్యుడు


 
 హావభావాలతో నిండైన హాస్యం
 
 హాస్యంలో తొలి పద్మశ్రీ అందుకున్న మహానటుడు
 
 నేడు ఆయన 41వ వర్ధంతి
 
 కంబాలచెరువు (రాజమహేంద్రవరం) :
 హాస్యంతో గిలిగింతలు పెట్టించాడు. నడక, హావ భావాలతో కడుపుబ్బా నవ్విం చాడు. ఆబాలగోబాలాన్ని అలరిం చిన నవ్వులరేడు ‘రేలంగి’ గురించి తెలియని వారు ఉండరు. హాస్యం లో తొలి పద్మశ్రీ అందుకున్న మహా నటుడు రేలంగి వెంకట్రామయ్య వర్థంతి. జిల్లాలోని రావులపాలెంలో 1909 ఆగస్టు 8న 1909లో రేలంగి వెంకటస్వామి, అచ్చాయమ్మ దంపతులకు జన్మించా రు. తండ్రి వద్దే సంగీతం, హరికథలు నేర్చుకున్నారు. 15వ ఏట ‘బృహన్నల’ నాటకంలో స్త్రీ పాత్ర ద్వారా నటనకు శ్రీకారం చుట్టారు. 1937లో విడుదలైన భక్తప్రహ్లాద సినిమా చూసి తాను ఇక సినిమాల్లోనే నటించాలని నిశ్చయించుకున్నారు. ఈ క్రమంలో రేలంగి అవకాశాల కోసం ఎదురు చూస్తుండగా 1935లో కోల్‌కత్తా వెళుతున్న శ్రీకృష్ణతులాభారం చిత్ర యూని ట్‌లో కలిసిపోయాడు. ఆ యూనిట్‌లో నెలకు రూ.30 జీతానికి పనిచేసేవారు. చిత్ర పరిశ్రమలోకి వచ్చి 12 ఏళ్లు దాటిపోయినా చిన్నచితకా వేషాలు తప్ప సరైన గుర్తింపు రాలేదు. ఆర్థిక ఇబ్బందులతో ఎన్నో కష్టాలు పడ్డారు. అదే సమయంలో హెచ్‌.ఎం.రెడ్డి నిర్మిస్తు న్న గుణసుందరి కథ చిత్రంలో మంచి పాత్ర లభించింది. అక్కడ నుంచి ఆయన దశ మారిపోయిం ది. తర్వాత మాయాబజార్, ప్రేమించిచూడు, సత్యహరిశ్చంద్ర, వెలుగునీడ లు, లవకుశ, జగదేకవీరుని కథ చిత్రాల్లో తనదైన హాస్యంతో వరుస విజయాలతో రేలంగి దూసుకుపోయారు. 1960లో ఆయ న సమాజం అనే చిత్రాన్ని నిర్మిం చారు. భాగస్వామిగా మిస్సమ్మ చిత్రాన్ని నిర్మించారు. ఆయన 1975 నవంబర్‌ 25న అనారోగ్యంతో కన్నుమూశారు. 
  
 వితరణ శీలి
 తొలినాళ్లలో తినేందుకు తిండి కూడా ఉండేది కాదు. మద్రాసులో వేరుశనగ గింజలు తిని కడుపునింపుకొనేవారు. తర్వాత వరుస హిట్‌లతో చిత్ర పరిశ్రమలో కీలక వ్యక్తిగా మారిపోయారు. ఎన్నో సేవా కార్యక్రమాలు నిర్వహించారు. ఆయన లోటు ఎవరూ భర్తీ చేయలేరు. 
 – అడబాల మరిడయ్య, సినీ విశ్లేషకుడు  


 తెలుగుజాతి చిరకాల స్వప్నం ‘పోలవరం’ బహుళార్థ సాధక ప్రాజెక్టు. అలాంటి ప్రాజెక్టును 2018 నాటికి పూర్తి చేస్తామంటూనే చంద్రబాబు సారథ్యంలోని టీడీపీ ప్రభుత్వం ఎత్తిపోతల పథకాల కోసం ఆరాట పడుతోంది. అలాంటి పథకమే పురుషోత్తపట్నం ఎత్తిపోతలు. అది కార్యరూపం ధరిస్తే భూములను కోల్పోయి, నష్టపోయే రైతులు బుధవారం రాజమహేంద్రవరంలో విపక్షనేత జగన్‌ను కలిసి గోడు వెళ్లబోసుకున్నారు.
 ‘పురుషోత్తపట్నం ఎత్తిపోతల’ బాధితులకు జగన్‌ భరోసా
 2018 నాటికి ‘పోలవరం’పూర్తి చేస్తామంటూనే ఈ పథకం 
 కాసులు దండుకోవడానికేనని ధ్వజం
 భూములు కోల్పోయే రైతుల ఉద్యమాలకు దన్నుగా ఉంటానని హామీ
 సాక్షి, రాజమహేంద్రవరం : పోలవరం ప్రాజెక్టును మరో రెండేళ్లలో పూర్తి చేస్తామని చెబుతున్న ప్రభుత్వం ఇంతలోనే రూ.1,638 కోట్ల ఖర్చుతో, బంగారం పండే 200 ఎకరాల రైతుల భూములు తీసుకుని పురుషోత్తపట్నం ఎత్తిపోతల పథకాన్ని ఎందుకు నిర్మిస్తుందో అసెంబ్లీలో గట్టిగా నిలదీస్తానని వైఎస్సార్‌ కాంగ్రెస్‌ పార్టీ అధ్యక్షుడు, ప్రతిపక్ష నేత వైఎస్‌ జగన్‌ మోహన్‌ రెడ్డి రైతులకు హామీ ఇచ్చారు. దివీస్‌ ల్యాబొరేటరీస్‌ ఏర్పాటుకు బలవంతంగా భూసేకరణ చేస్తున్న తుని నియోజకవర్గం కోన ప్రాంతంలో  బాధిత గ్రామాల్లో ప్రజల సమస్యలు తెలుసుకునేందుకు మంగళవారం జిల్లాకు వచ్చిన జగ¯ŒS బుధవారం రాజమహేంద్రవరం రోడ్లు, భవనాల అతిథి గృహంలో పార్టీ నేతలు, కార్యకర్తలతో సమావేశమయ్యారు. పార్టీలో చేరిన పలువురికి పార్టీ కండువాలు కప్పి సాదరంగా ఆహ్వానించారు. అనంతరం విలేకరుల సమావేశం నిర్వహించారు. 
 ‘ఎత్తిపోతల’తో బతుకు కుదేలు..
 కాగా పురుషోత్తపట్నం ఎత్తిపోతల పథకం వల్ల భూములు కోల్పోతున్న బాధిత రైతులు, స్థానిక ప్రజాప్రతినిధులు యలమళ్ల సుజిరాజు, యలమళ్ల రమాదేవి, రొంగల భాస్కరరావు, కుంచే బాబూరావు, వలవల వెంకటరాజు, వలవల రాజా, ముదునూరి ప్రసాదరాజు, చీకట్ల వీర్రాజు, గెద్దాడ త్రిమూర్తులు, పత్తిపాటి రమేష్‌బాబు, నళ్లల అబ్బులు, శ్రీనివాస్‌ తదితరులు వైఎస్సార్‌ సీపీ సీజీసీ సభ్యురాలు జక్కంపూడి విజయలక్ష్మి నేతృత్వంలో జగన్‌ కు తమ గోడును వెళ్లబోసుకున్నారు. ఎత్తిపోతల పథకం ఏర్పాటుతో తమకు కలిగే నష్టాన్ని వివరిస్తూ వినతిపత్రం ఇచ్చారు. ఇప్పటికే పుష్కర,  పోలవరం, తొర్రిగెడ్డ, సత్యసాయి పథకాల నిర్మాణాలకు తమ భూములు తీసుకున్నారని, ఇక మిగిలిన ఎకరం, అరెకరం భూమి కూడా తీసుకుంటే తాము జీవనాధారం కోల్పోతామని ఆవేదన వ్యక్తం చేశారు. 
 వారి వేదనను ఆలకించిన జగన్‌  అండగా ఉంటామని భరోసానిచ్చారు. పోలవరం ప్రాజెక్టును 2018 నాటికి పూర్తి చేస్తామని చెబుతున్న పాలకులు కాసుల కక్కుర్తి కోసం పట్టిసీమ తరహాలో పురుషోత్తపట్నం ఎత్తిపోతల పథకాన్ని నిర్మిస్తున్నారని ధ్వజమెత్తారు. భూములు కోల్పోయే రైతుల ఉద్యమాలకు తాను అండగా ఉంటానని భరోసా ఇచ్చారు. ముస్లిం విద్యార్థుల సమస్యలను పరిష్కరించాలని అబ్దుల్‌ కలామ్‌ ఆజాద్‌ అసోసియేషన్‌  సభ్యులు జగ¯ŒSకు వినతిపత్రం ఇచ్చారు. వైఎస్‌ రాజÔóశేఖరరెడ్డి ముస్లింలకు విద్యా, ప్రభుత్వ ఉద్యోగాలలో నాలుగు శాతం రిజర్వేషన్లు ఇచ్చారని గుర్తు చేశారు. అనంతరం జగ¯ŒS విమానాశ్రయానికి వెళుతూ..కొంతమూరులో ప్రమాదంలో గాయపడిన పార్టీ కార్యకర్తలు యండ్రా ఈశ్వరరావు, ప్రేమ్‌కుమార్, విజయ్‌లను పార్టీ నాయకుడు యామన రామకృష్ణ గౌడ్‌ నివాసంలో పరామర్శించారు.
 వైఎస్సార్‌ సీపీ ముఖ్యనేతలు ధర్మాన ప్రసాదరావు, బొత్స సత్యనారాయణ,  ఎమ్మెల్సీ పిల్లి సుభాష్‌చంద్రబోస్, ఎమ్మెల్యేలు చిర్ల జగ్గిరెడ్డి, దాడిశెట్టి రాజా, వంతల రాజేశ్వరి, మాజీ ఎమ్మెల్యేలు రౌతు సూర్యప్రకాశరావు, సీజీసీ సభ్యులుజక్కంపూడి విజయలక్ష్మి, కుడుపూడి చిట్టబ్బాయి, పీఏసీ సభ్యుడు పినిపే విశ్వరూప్, కాకినాడ పార్లమెంటరీ నియోజకవర్గ కో ఆర్డినేటర్‌ చలమలశెట్టి సునీల్, అసెంబ్లీ నియోజకవర్గాల కో ఆర్డినేటర్లు పర్వత ప్రసాద్, ముత్యాల శ్రీనివాస్, వేగుళ్ళ లీలాకృష్ణ, వేగుళ్ళ పట్టాభిరామయ్య, బొంతు రాజేశ్వరరావు, కొండేటి చిట్టిబాబు, పితాని బాలకృష్ణ, డాక్టర్‌ సత్తి సూర్యనారాయణరెడ్డి, తోట సుబ్బారావునాయుడు, ముత్తా శశిధర్, ఆకుల వీర్రాజు, గిరజాల బాబు, పార్టీ యువజన విభాగం రాష్ట్ర అధ్యక్షుడు జక్కంపూడి రాజా, అనుబంధ విభాగాల అధ్యక్షులు అనంత ఉదయభాస్కర్,  పెట్టా శ్రీనివాస్, సిరిపురం శ్రీనివాస్, కొల్లి నిర్మలాకుమారి, రాష్ట్ర కార్యదర్శులు కర్రి పాపారాయుడు, తాడి విజయభాస్కర్‌రెడ్డి, మిండగుదిటి మోహన్, పెంకే వెంకట్రావు, వట్టికూటి రాజశేఖర్, పోలు కిరణ్‌కుమార్‌రెడ్డి, మురళీరాజు, దంగేటి వీరబాబు, అడపా శ్రీహరి, గుర్రం గౌతమ్, రైతు విభాగం ఉత్తరాంధ్ర, ఉభయగోదావరి జిల్లాల ఇన్‌ చార్జి కొవ్వూరి త్రినాథరెడ్డి, పార్టీ జిల్లా అధికార ప్రతినిధి సబ్బెళ్ళ కృష్ణారెడ్డి, జిల్లా ప్రధాన కార్యదర్శులు శెట్టిబత్తుల రాజబాబు, రాజమహేంద్రవరం కౌన్సిల్‌లో పార్టీ ఫ్లోర్‌లీడర్‌ మేడపాటి షర్మిలారెడ్డి, కార్పొరేటర్లు గుత్తుల మురళీధర్, బొంతా శ్రీహరి, మజ్జి నూకరత్నం, పిల్లి నిర్మల, నాయకులు వాసిరెడ్డి జమీలు, జున్నూరి బాబి, అడ్డగళ్ళ సాయిరామ్‌ తదితరులు పాల్గొన్నారు.


 
 మూడు నియోజకవర్గాల పరిధిలో పలు ప్రారంభాలు, శంకుస్థాపనలు
 
 సాక్షి, రాజమహేంద్రవరం : 
 ముఖ్యమంత్రి చంద్రబాబునాయుడు శనివారం జిల్లాలో పర్యటించనున్నారు. ఆయన ఉదయం 9.20 నుంచి రాత్రి 8 గంటల వరకు రాజమహేంద్రవరం నగరం, రూరల్, రాజానగరం నియోజకవర్గాల్లో ఎనిమిది ప్రభుత్వ, ప్రైవేటు కార్యక్రమాల్లో పాల్గొననున్నారు. ఇందుకు సంబంధించిన ఏర్పాట్లను అధికారులు పూర్తి చేశారు. గన్నవరం నుంచి ప్రత్యేక హెలికాప్టర్‌లో ఉదయం 9.20 గంటలకు మధురపూడి విమానాశ్రయం చేరుకోనున్న సీఎం అక్కడి  నుంచి నేరుగా రాజమహేంద్రవరం కేంద్రకారాగారం చేరుకుని పరిపాలనాభవనాన్ని ప్రారంభిస్తారు. ఖైదీల కోసం నిర్మించే 50 పడకల ఆస్పత్రి భవనానికి శంకుస్థాపన చేస్తారు. 10.10 గంటలకు రూరల్‌ పరిధిలోని శాటిలైట్‌ సిటీలో నిర్వహించే జనచైతన్య యాత్రలో పాల్గొంటారు. తర్వాత 11.45 గంటలకు చెరుకూరి కల్యాణ మండపంలో నిర్వహించే పార్టీ కార్యకర్తల సమావేశానికి హాజరవుతారు. అక్కడి నుంచి మధ్యాహ్నం 2.30 గంటలకు నగరంలోని మున్సిపల్‌ స్టేడియానికి చేరుకుని డ్వాక్రా సదస్సులో పాల్గొంటారు. సాయంత్రం   4.30 గంటలకు ఆర్ట్స్‌ కాలేజీ మైదానంలో కారెం శివాజీ నిర్వహించే దళిత సదస్సులో పాల్గొంటారు. సాయంత్రం 6.30 గంటలకు దివా¯ŒSచెరువులోని నగరవనాన్ని ప్రారంభించి, ఫారెస్ట్‌ అకాడమీకి శంకుస్థాపన చేస్తారు. రాత్రి 7.10 గంటలకు నన్నయ యూనివర్సిటీకి చేరుకుని లైబ్రరీ భవనం, హాస్టల్‌ సముదాయం ప్రారంభిస్తారు. అక్కడ నుంచి 7.30 గంటలకు బయలుదేరి జీఎస్‌ఎల్‌ ఆస్పతికి చేరుకుని డెంటల్‌ కళాశాలను ప్రారంభిస్తారు. అక్కడ నుంచి మధురపూడి చేరుకుని రాత్రి 8:.0గంటలకు ప్రత్యేక హెలికాప్టర్‌లో విజయవాడ వెళతారు. శుక్రవారం డిప్యూటీ సీఎం చినరాజప్ప, కలెక్టర్‌ అరుణ్‌కుమార్, రాజమహేంద్రవరం అర్బ¯ŒS ఇ¯ŒSచార్జి ఎస్పీ గోపీనాథ్‌ జెట్టి, సబ్‌ కలెక్టర్‌ విజయ్‌కృష్ణన్, ఇతర అధికారులు సీఎం పర్యటించే ప్రాంతాల్లో ఏర్పాట్లను పరిశీలించారు.
  


 తెలుగు రాష్ట్రాల్లో బ్యాంక్ సేవలు: గురునానక్ జయంతి సందర్భంగా నేడు బ్యాంకు లకు సెలవు. కానీ తెలుగు రాష్ట్రాల్లోమాత్రం పరిమిత సేవలు కొనసాగుతాయని ఆయా శాఖలు ప్రకటించాయి. ఏపీలో అన్ని బ్యాంకులు, ట్రెరజరీల సేవలు సోమవారం కూడా కొనసాగుతాయని, పాతనోట్లతో పన్నులు చెల్లించేందుకు నేడు ఆఖరి గడువని ప్రభుత్వ వర్గాలు తెలిపాయి. ఇటు తెలంగాణలో 113 ఎస్ బీహెచ్ శాఖలు పనిచేయనున్నాయి. కానీ నోట్ల చెల్లింపులు ఉండవని బ్యాంక్ వర్గాలు తెలిపాయి. జీహెచ్ఎంసీ, మున్సిపాలిటీల్లో నేడు కూడా పాత నోట్లతో పన్నులు చెల్లింపులు స్వీకరిస్తారు.
 
 నోట్ల రద్దుపై ఏంచేద్దాం?: రూ.500. రూ.1000 నోట్లను కేంద్ర ప్రభుత్వం రద్దుచేయడంతో దేశంలో నెలకొన్న పరిస్థితులు, సామాన్యుడి కష్టాలపై చర్చించి జాతీయస్థాయిలో ఉద్యమం ప్రారంభించాలా, వద్దా అనే అంశాలపై చర్చించేందుకు నేడు తృణమూల్ కాంగ్రెస్ పార్టీ, సీపీఎంలు కీలక సమావేశాన్ని నిర్వహించనున్నాయి.
 
 నోట్ల రద్దుపై కాంగ్రెస్ నిరసన: పెద్ద నోట్ల రద్దును నిరసిస్తూ తెలంగాణ కాంగ్రెస్ కాంగ్రెస్ కమిటీ ఆధ్వర్యంలో నేడు అన్ని జిల్లా కేంద్రాల్లో నిరసనలు చేపట్టనున్నారు.
 
 ఇంటర్నేషనల్ ట్రేడ్ ఫెయిర్: నేటి నుంచి ఢిల్లీలో అంతర్జాతీయ వాణిజ్య మేళా ప్రారంభం కానుంది.
 
 కార్తీక శోభ: కార్తీక సోమవారం సందర్భంగా తెలుగురాష్ట్రాల్లోని శైవ క్షేత్రాల్లో నేడు భక్తుల రద్దీ ఎక్కువగా ఉంటుంది. శ్రీశైలంలో నేటిసాయంత్రం జ్వాలా తోరణ దర్శనం, పుణ్య నదీ హారతి కార్యక్రమాలు ఉంటాయి.
 
 చెవిరెడ్డి ధర్నా: చిత్తూరు కలెక్టర్ కార్యాలయం ఎదుట వైఎస్సార్ సీపీ ఎమ్మెల్యే చెవిరెడ్డి భాస్కర్ రెడ్డి నేడు ధర్నా చేయనున్నారు.


 న్యూఢిల్లీ: ఏటీఎం సెంటర్లు  పనిచేయడం లేదన్న ఆందోళనలపై కేంద్రం స్పందించింది. నగదు తక్షణ కొరత పరిష్కరించే అంశంపై చర్చించి, తగిన చర్యలు  చేపట్టేందుకు  కేంద్ర ఆర్థిక మంత్రిత్వ శాఖ, రిజర్వ్ బ్యాంకు ఆఫ్ ఇండియా  నేడు(శనివారం) సమావేశం కానున్నాయి. ఒకవైపు ఏటీఎం సెంటర్ల దగ్గర బారులు తీరిన ప్రజలు, క్యూ లైన్లలో గంటల తరబడి నిలుచున్నా  నిరాశే ఎదురవు తుండడంతో ఉద్రిక్త పరిస్థితులు నెలకొంటున్నాయి. ఈ నేపథ్యంలో ఈ పరిణామాలపై  చర్చించేందుకు ఆర్థికమంత్రిత్వ శాఖ రంగంలో కిదిగింది. సరిపడా కొత్త నోట్ల నిల్వలు సిద్ధంగా ఉన్నాయని ఆందోళన అవసరం  లేదని భరోసా ఇస్తోంది.  
 
 తగినంత కొత్త కరెన్సీ అందుబాటులో ఉన్నప్పటికీ, నిర్వహణ లో సమస్యలు, సమయానికి ఏటీఎంలలో  నిల్వ చేయడంలో లోపంతో ఇబ్బందులు ఎదురవుతున్నాయని ఆర్థిక మంత్రిత్వ శాఖ అధికారి ఒకరు తెలిపారు.  బ్యాంకు అధికారులకు ఎదురవుతున్న సమస్యలు, ఇతర అంశాలపై  ఈ సమావేశంలో చర్చించనున్నట్టు  చెప్పారు.  రూ .3 లక్షల కోట్ల విలువచేసే (1.5 బిలియన్ )  రూ.2 వేల రూపాయల నోట్లకు చలామణికి సిద్ధంగా ఉంచినట్టు, అలాగే మరో 3లక్షలకోట్ల నోట్లను అందుబాటులో ఉంచినట్టు వివరించారు. దీంతోపాటుగా 6 లక్షల అధికారిక రూ .2,000 నోట్లను (3 బిలియన్లు) నెలాఖరు నిల్వతో  "తగినంత డబ్బు ఉంది" ఆయన స్పష్టం చేశారు.
 
 కాగా పెద్దనోట్ల రద్దుతో ఏటీఎం కేంద్రాలు, బ్యాంకులకు పరుగులు తీస్తున్న ప్రజలకు  చుక్కలు కనిపిస్తున్నాయి.  బారులుతీరిన లైన్లు, నో సర్వీస్ బోర్డులు  దర్శినమిస్తుండడంతో సామాన్య  ప్రజల్లో కలకలం మొదలైంది.  40 శాతం  ఏటీఎంలు పనిచేస్తున్నాయని  కేంద్రం ప్రకటించిన సంగతి తెలిసిందే.
  


 సాక్షి, రాజమహేంద్రవరం : వాహన కొనుగోలుదారులు, ప్రముఖ ఆటో కంపెనీల ఆసక్తి మేరకు ‘సాక్షి’ మెగా ఆటో షో శని, ఆదివారాల్లో రాజమహేంద్రవరంలోని ఆర్ట్స్‌ కాలేజీ గ్రౌండ్‌లో నిర్వహించనున్నారు. ఉదయం 10 గంటల నుంచి రాత్రి 8 గంటల వరకు రెండు రోజులపాటు జరగనున్న ఈ మెగా ఆటో షోను వాహన ప్రియులు సందర్శించవచ్చని నిర్వాహకులు తెలిపారు. ప్రారంభ కార్యక్రమంలో రాజమహేంద్రవరం ఎంపీ మాగంటి మురళీమోహన్, నగరపాలక సంస్థ మేయర్‌ పంతం రజనీశేషసాయి పాల్గొంటారు. యమహా సిరి మోటార్స్, శ్రీ సిరి ఆటోమొబైల్స్, ఎస్బీ మోటార్స్, ట్రైస్టార్‌ ఫోర్డ్, కంటిపూడి నిస్సాన్, కంటిపూడి డాట్సన్, కంటిపూటి సుజుకి, రెడ్డి బాబు హీరో, సీపీ రెడ్డి హీరో, శ్రీఆర్‌కే హోండా, టర్బో ఫియట్, చవర్లెట్‌ ఆరెంజ్‌ ఆటోమెబైల్స్, టాటా శ్రీ కోడూరి ఆటోమొబైల్స్, లీలాకృష్ణ టయోట, రేనాల్ట్‌ విశ్వరూప ఆటోమోటివ్స్, ఎలైట్‌ హోండా, లక్ష్మి హూండాయ్, గోకుల్‌ టీవీఎస్‌ టూ వీలర్, కోడూరి పియోజియో త్రీవీలర్‌ ఆటో, మహీంద్ర ఎంఅండ్‌ఎం మోటార్స్, దాక్షాయిని టీవీఎస్‌ వంటి ప్రముఖ ఆటోమొబైల్‌ కంపెనీలన్నింటినీ ఒకే వేదికపైకి ’సాక్షి’ తీసుకువస్తోంది. వందలాది సరికొత్త, ఆత్యాధునిక సాంకేతిక పరిజ్ఞానంతో తయారు చేసిన వాహనాలు ఈ మెగా ఆటో ఎక్స్‌పోలో కొలువుదీరనున్నాయి. నచ్చేకలర్‌ ఒకచోట, మోడల్‌ మరోచోట, ఫైనా¯Œ్స ఇంకోచోట ఇలా వాహనం కొనేంతవరకు వినియోగదారుల అన్వేషణ జరుగుతూనే ఉంటుంది. అయితే ఇప్పుడు ఆ శ్రమ అవసరం లేకుండా అన్నీ ఒకే వేదికపై ఈ మెగా షోలో లభించనున్నాయి. అన్నిరకాల వాహనాలను స్టాల్స్‌లో ప్రదర్శించడంతోపాటు వాటి ప్రత్యేకతలను నిపుణులు వివరిస్తారు. ఫలితంగా వినియోగదారులకు సమయం వృథా కాకుండా ఉంటుంది. పత్రికలు, టీవీల్లో ఇచ్చే వాహనాల సమాచారం కన్నా మరింత ఎక్కువగా పొందడమే కాకుండా, వాహనాన్ని నేరుగా పరిశీలించే వెసులుబాటు లభిస్తుంది. 
  
 రుణ సదుపాయం
 నచ్చిన వాహనాన్ని వెంటనే వినియోగదారుడు సొంతం చేసుకోవచ్చు. బ్యాంకర్ల ద్వారా సులభతరమైన వాయిదా పద్ధతులు, తక్షణ రుణ సదుపాయాన్ని (స్పాట్‌ ఫైనా¯Œ్స) పొందవచ్చు. స్టేట్‌ బ్యాంక్‌ ఆఫ్‌ ఇండియా ఈ సదుపాయాలు అందిస్తోంది. 
  
 యమహా ఫ్యాసినో సొంతం చేసుకోండి
 ’సాక్షి’ మెగా ఆటో షోలో వాహనం బుక్‌ చేసుకున్నవారికి బంపర్‌ ఆఫర్‌ డ్రాలో పాల్గొనే అవకాశం లభిస్తుంది. సిరి మోటార్స్‌ సౌజన్యంతో బంపర్‌ డ్రాలో యమహా ఫ్యాసినో  బహుమతిగా గెలుసుకోవచ్చు. యమహా స్కూటర్‌ కొనుగోలు చేసిన మొదటి 10 మందికి ఉచితంగా యాక్ససరీస్‌ అందజేస్తారు. 
 ప్రతి గంటకు గిఫ్ట్‌ కూప¯ŒS 
 ఆటో షోలో వాహన ప్రియులు కుటుంబ సమేతంగా పాల్గొని, ఈ సువర్ణవకాశాన్ని సద్వినియోగం చేసుకోవాలని నిర్వాహకులు కోరారు. చందన రమేష్‌ గ్రూప్‌వారి సౌజన్యంతో సందర్శకులకు గంట గంటకు ఉచిత గిఫ్ట్‌ కూప¯ŒS ఇవ్వనున్నారు. 93.5 రెడ్‌ ఎఫ్‌ఎం రేడియో, సాక్షి, టీవీ న్యూస్‌ చానల్‌ పార్టనర్‌గా వ్యవహరిస్తున్నాయి.
  


 ప్రవేశం ఉచితం..
 ప్రతి గంటకు గిప్ట్ కూపన్ శని, ఆదివారాల్లో రెండు రోజులపాటు జరిగే మెగా ఆటోషోను సందర్శించే వారికి ప్రవేశం ఉచితం. ఆటో షోలో వాహన ప్రియులు తమ కుటుంబ సమేతంగా పాల్గొని, ఈ సువర్ణవకాశాన్ని సద్వినియోగం చేసుకోవాలని నిర్వాహకులు కోరారు. చందన రమేష్‌ గ్రూప్‌వారి సౌజన్యంతో సందర్శకులకు గంట గంటకు ఉచిత గిప్ట్ కూపన్ ఇవ్వనున్నారు. 93.5 రెడ్‌ ఎఫ్‌ఎం రెడియో పార్టనర్‌గా, సాక్షి, టీవీ న్యూస్‌ చానల్‌ పార్టనర్‌గా వ్యవహరిస్తున్నాయి.
 
 రాజమహేంద్రవరం : మూడేళ్లుగా మెగా ఆటోషోలను ఏర్పాటు చేస్తూ వాహన ప్రియుల కలలను సాకారం చేసిన ’సాక్షి’ మెగా ఆటో షో శనివారం ఉదయం తొమ్మిది గంటలకు రాజమహేంద్రవరంలోని ఆర్ట్స్‌ కాలేజీ గ్రౌండ్‌లో ప్రారంభం కానుంది. శని, ఆదివారాల్లో ఉదయం పది గంటల నుంచి రాత్రి ఎనిమిది గంటల వరకు రెండు రోజులపాటు జరగనున్న ఈ మెగా ఆటో షోను రాజమహేంద్రవరం ఎంపీ మాగంటి మురళీ మోహన్, నగరపాలక సంస్థ మేయర్‌ పంతం రజనీ శేషసాయి లాంఛనంగా ప్రారంభించనున్నారు. ఇందుకు సంబంధిచిన ఏర్పాట్లు నిర్వాహకులు పూర్తి చేశారు.
 
 నచ్చిన వాహనం.. ఫైనా ఒకేచోట
 నచ్చిన వాహనం కోసం షోరూంలన్నీ తిరగాలంటే సాధ్యమైన పనికాదు ఆ శ్రమ అవసరం లేకుండా అన్నీ ఈ మెగా షోలో లభించనున్నాయి.
 
 పాల్గొననున్న కంపెనీ డీలర్స్‌
 యమహా సిరి మోటార్స్, శ్రీ సిరి ఆటో మొబైల్స్, ఎస్బీ మోటార్స్, ట్రైస్టార్‌ ఫోర్డ్, కంటిపూడి నిస్సాన్, కంటిపూడి డాట్సన్, కంటిపూటి సుజుకి, రెడ్డి బాబు హీరో, సీపీ రెడ్డి హీరో, శ్రీఆర్‌కే హోండా, టర్బో ఫియట్, చవ్రలెట్‌ ఆరెంజ్‌ ఆటో మెబైల్స్, టాటా శ్రీ కోడూరి ఆటో మొబైల్స్, లీలాకృష్ణ టయోట, రేనాల్ట్‌ విశ్వరూప ఆటోమోటీవ్స్, ఎలైట్‌ హోండా, లక్ష్మి హూండాయ్, గోకుల్‌ టీవీఎస్‌ టూ వీలర్, కోడూరి పియోజియో త్రీవీలర్‌ ఆటో, మహీంద్ర ఎంఅండ్‌ఎం మోటార్స్, దాక్షాయిని టీవీఎస్‌ వంటి ప్రముఖ ఆటో మొబైల్‌ కంపెనీలన్నింటినీ ఒకే వేదికపైకి ’సాక్షి’ తీసుకువస్తుంది. వందలాది సరికొత్త, ఆత్యాధునిక సాంకేతిక పరిజ్ఞానంతో తయారు చేసిన వాహనాలు ఈ మెగా ఆటో ఎక్స్‌పోలో కొలువుదీరనున్నాయి.
 రుణ సదుపాయం
 నచ్చిన వాహనాన్ని వెంటనే వినియోగదారుడు సొంతం చేసుకోవచ్చు. బ్యాంకర్ల ద్వారా సులభతరమైన వాయిదా పద్ధతులు, తక్షణ రుణ సదుపాయాన్ని (స్పాట్‌ ఫైనాన్స్) పొందవచ్చు. స్టేట్‌ బ్యాంక్‌ ఆఫ్‌ ఇండియా ఈ సదుపాయాలు అందిస్తోంది.
 యమహా ఫ్యాసినో సొంతం చేసుకోండి
 
 ’సాక్షి’ మెగా ఆటో షోలో వాహనం బుక్‌ చేసుకున్నవారికి బంపర్‌ ఆఫర్‌ డ్రాలో పాల్గొనే అవకాశం లభిస్తుంది. సిరి మోటార్స్‌ సౌజన్యంతో బంపర్‌ డ్రాలో యమహా ఫ్యాసినో  బహుమతిగా గెలుసుకోవచ్చు. యమహా స్కూటర్‌ కొనుగోలు చేసిన మొదటి 10 మందికి ఉచితంగా యాక్ససరీస్‌ అందజేస్తారు.
  


 
 తెలుగు పాటకు కొత్త నెత్తావినద్దిన కృష్ణశాస్త్రి
 
 చంద్రంపాలెంలో కన్ను తెరిచిన సాహితీ దిగ్గజం
 
 నేడు స్వగ్రామంలో 120వ జయంతి వేడుకలు
 
 సామర్లకోట : 
 ‘మావి చిగురు తినగానే కోయిల పలికేనా? కోయిల గొంతు వినగానే మావి చిగురు తొడిగేనా?..’ ఎంత అందమైన సందేహమిది! అక్షరాలనే విరులుగా చేసి, గుబాళింపజేసిన ఆ క‘వనమాలి’ దేవులపల్లి కృష్ణశాస్త్రి. భావకవిగా తన మానసవీధుల్లో విహరించే భావనలను కవనంగా మార్చినా, సినీకవిగా చిత్రంలోని సందర్భానుసారం పాట రాసినా ఆయన పొదిగే లాలిత్యం పారిజాతసుమాలంత సుకుమారంగా ఉంటుంది. ఆ మహాకవి, మధురకవి కన్నుతెరిచింది మండలంలోని చంద్రంపాలెంలో 1897 నవంబరు ఒకటిన. ఆ గ్రామంలో ఆయన 120వ జయంతి వేడుకలను ఘనంగా నిర్వహించడానికి ఏర్పాట్లు చేస్తున్నారు. తయన తండ్రి వెంకట కృష్ణశాస్త్రి గొప్ప పండితుడు. వారి ఇంట నిత్యం ఏదో ఒక సాహిత్య గోష్టి జరుగుతూ ఉండేది.  
  
 బళ్లారి పయనం ఇచ్చిన బహుమానం.. ‘కృష్ణపక్షం’
 పిఠాపురం పాఠశాలలో గురువులు అయిన కూచి నరసింహం, రఘుపతి వెంకటరత్నం ఆంగ్ల సాహిత్యంలో కృష్ణశాస్రి్తకి  అభిరుచి కల్పించారు. 1918లో విజయనగరంలో డిగ్రీ పూర్తి చేశాక పెద్దాపురం మిష¯ŒS హైస్కూల్‌లో ఉపాధ్యాయ వృత్తి చేపట్టారు. అదే కాలంలో వ్యావహారిక భాషావాదం, బ్రహ్మ సమాజం వంటి ఉద్యమాలు ఉధృతంగా ఉండటంతో ఉపాధ్యాయ వృత్తిని వదలి బ్రహ్మ సమాజంలో చురుకుగా పాల్గొన్నారు. సాహితీ వ్యాసంగం చురుకుగా కొనసాగిం చారు. 1920లో వైద్యం కోసం రైలులో బళ్లారి వెళుతూ ఉండగా ప్రకృతి నుంచి లభించిన ప్రేరణతో ’కృష్ణపక్షం కావ్యం’ రూపు దిద్దుకొంది. 1922లో భార్యా వియోగానంతరం ఆయన రచనలలో విషాదం అ«ధికమయింది. తదుపరి మళ్లీ వివాహం చేసుకొని పిఠాపురం హైస్కూల్‌లో అధ్యాపకునిగా చేరారు. అయితే  పిఠాపురం మహారాజా వారికి కృష్ణశాస్త్రి భావాలు నచ్చకపోవడంతో ఆ ఉద్యోగం వదలి బ్రహ్మ సమాజంలో, నవ్య సాహితీ సమితిలో సభ్యునిగా భావ కవిత్వోద్యమ ప్రవర్తకునిగా దేశమంతటా ప్రచారంలో పాల్గొన్నాడు. ఆ సమయంలో ఎందరో కవులతో, పండితులతో పరిచయాలు ఏర్పడాయి. ప్రాచ్య పాశ్చాత్య సాహిత్యాన్ని అధ్యయనం చేశారు. పిఠాపురంలోని హరిజన వసతి గృహంతో సంబంధం ఏర్పరచుకొని హరిజనోద్ధరణ కార్యక్రమాల్లో పాల్గొన్నందున బంధువులు వదలి వేశారు. అయినా వెనుకాడని కృష్ణశాస్త్రి వేశ్యా వివాహ సంస్థను ఏర్పాటు చేసి ఎందరో కళావంతులకు వివాహాలు జరిపించారు. సంఘ సంస్కరణా కార్యక్రమాలు నిర్వహిస్తూనే ’ఊర్వశి’ అనే కావ్యం రాశారు.
  
 విశ్వకవి ప్రభావంతో విచ్చుకున్న భావుకత
 1929లో విశ్వకవి రవీంద్రనా«థ్‌ టాగూరును కలిశాక దేవులపల్లిలో భావుకత Ððకొత్త రేకులు తొడిగింది.1945లో ఆకాశవాణిలో చేరి అనేక పాటలు, నాటికలు రచించారు. 1933–41 మధ్య కాలంలో కాకినాడ కళాశాలలో తిరిగి అధ్యాపక వృత్తిన చేపట్టారు. 1942లో బీఎ¯ŒS రెడ్డి ప్రోత్సాహంతో ’మల్లీశ్వరి’ చిత్రానికి పాటలు రాశారు. దేవులపల్లి సినిమా పాటకు కావ్య గౌరవం కలిగించారు. కృష్ణశాస్త్రి సాహిత్యాన్ని శ్రీశ్రీ కూడా శ్లాఘించారు. కృష్ణశాస్త్రి పాటల్లో ప్రణయ, విరహ గీతాలే కాక ఆత్మ నివేదన, ఆరాధన గల భక్తి గీతాలు కూడా అనేకం ఉన్నాయి. ‘రాజమకుటం, సుఖ దుఖాలు, కలిసిన మనసులు, నా ఇల్లు, ఇల వేల్పు, బంగారు పాప, ఏకవీర, భాగ్యరేఖ, రక్త కన్నీరు, భక్త తుకారం, అమెరికా అమ్మాయి, గొరింటాకు, కార్తీక దీపం, మేఘసందేశం, శ్రీరామ పట్టాభిషేకం’ మొదలైన సినిమాలకు సుమారు 170 పాటలు రాశారు.
  
 వాడని పాటల పూదోట
 1975లో ఆంధ్ర విశ్వ విద్యాలయం కళాప్రపూర్ణ, సాహిత్య అకాడమీ అవార్డులతో పాటు 1976లో పద్మభూషణ్‌ అవార్డులను అందుకున్నారు. 1980, ఫిబ్రవరి 24న ఆయన ఊపిరి ఆగిపోయినా.. తెలుగు జాతికి వసంతకాలపు పూదోట వంటి ఆయన పాటల లు శాశ్వత బహుమానంగా మిగిలాయి. చిన్నతనంలో చదువుకోవడానికి ఎన్నో కష్టాలు పడ్డ కృష్ణశాస్త్రి చంద్రంపాలెంలోని తాను నివసించిన పాఠశాల నిర్వహణకు ఇచ్చారు.ఆయన జయంతిని పురస్కరించుకొని ఆ ఊళ్లోని దేవులపల్లి కృష్ణశాస్త్రి ప్రాథమిక పాఠశాల వద్ద అభిమాన సంఘ నాయకులు మంగళవారం వేడుకలు నిర్వహిస్తున్నారు. ఈ కార్యక్రమంలో డిప్యూటీ సీఎం రాజప్పతో పాటు ఎంపీ తోట నరసింహం, ఎమ్మెల్సీ భాస్కరరామారావు, ప్రముఖ రచయిత్రి వాడ్రేపు వీరలక్ష్మిదేవి తదితరులు పాల్గొంటారని నిర్వాహకులు తెలిపారు. 
  


 
 నేడు గయ్యాళి అత్త సూర్యకాంతం 93వ జయంతి l
 
 కాకినాడ నుంచి చిత్రపరిశ్రమకు...
 
 గయ్యాళి భార్యగా, రాచిరంపాన పెట్టే అత్తగా, చాడీలు చెప్పే ఆడపడుచులా, చిచ్చులు పెట్టి రెచ్చగొట్టే పొరుగింటావిడిలా ఎవరైనా కనిపిస్తే చాలు.. ఎవరికైనా ఆమె పేరే ఠక్కున గుర్తొస్తుంది. బొద్దుగా ఉంటూ.. పెద్దగా అరుస్తూ ఎదుటి వారిపై విరుచుకుపడాలన్నా.. మానసికంగా వేధించాలన్నా వెండి తెరపై ఆమెకే సాధ్యమైంది. గయ్యాళి పాత్రల్లో ఆమె అంతగా ఒదిగిపోయింది. ఆమే తెలుగువారి గుండమ్మ.. సూర్యకాంతం. నేడు ఆమె 93వ జయంతి సందర్భంగా ‘సాక్షి’ ప్రత్యేక కథనం..
 – కంబాలచెరువు(రాజమహేంద్రవరం)
  
 చిన్ననాటి నుంచి నాటకాలు వేస్తూ..
 జిల్లాలోని కాకినాడ సమీపాన వెంకటకృష్ణాపురానికి చెందిన సూర్యకాంతం ఆమె తల్లిదండ్రులకు 14వ సంతానం. చిన్ననాటి నుంచే అల్లరిపిల్లగా ముద్రపడిన ఆమె ఏం మాట్లాడినా సూటిగా సుత్తితో మేకును దిగ్గొట్టినట్టే ఉండేది. కాకినాడలోని యంగ్‌మె¯Œ్స హ్యపీక్లబ్‌లో నాటకాలు వేసేది. ఆ సమయంలో నటులు అంజలి, ఆదినారాయణరావు, ఎస్వీ రంగారావు, రేలంగి వారు అక్కడకు వచ్చేవారు. ఆ క్రమంలో వీరితో సూర్యకాంతానికి పరిచయం ఏర్పడింది. వారి మాటల ద్వారా ఆమెకు వెండితెరపై ఆసక్తి కలిగింది. అయితే తొలుత చాలా సినిమాల్లో నృత్య సన్నివేశాల్లో గుంపులో కనిపించడం, కథానాయిక పక్కన చెలికత్తెగా నటించింది. ఆమె హీరోయి¯ŒS అవుదామనున్న కల తీరడంలేదు. అదే సమయంలో ’ధర్మంగద’ అనే  చిత్రంలో మూగపాత్ర లభించింది. ఆ తర్వాత మరో సినిమాలో హీరోయి¯ŒS పాత్ర వేసే అవకాశం వచ్చి చేజారిపోయింది.
 ఆమె బిరుదులు
 గయ్యాళి అత్త, సహాజనట కళాశిరోమణి, హాస్యనట శిరోమణి, బహుముఖ నటన ప్రవీణ, రంగస్థల శిరోమణి, అరుంగలై మామణి(తమిళ్‌)
 అవార్డులు : మహానటి సావిత్రి మోమోరియల్‌ అవార్డు, పద్మావతి మహిళా యూనివర్సిటీ డాక్టరేట్‌తో సత్కారం
  
 గయ్యాళి పాత్రలతో..
 సాధన సంస్థ వారు ఎన్టీఆర్, అక్కినేని నాగేశ్వరావు హీరోలుగా తీసిన ’సంసారం’(1950) కయ్యాలమారి పాత్ర. అంతే ఆ సినిమాతో గయ్యాళి గంప పాత్రలకు పేరుగా సూర్యకాంతం నిలిచింది. అదే ఏడాదిలో హైకోర్టు జడ్డి  పెద్దిబొట్ల చలపతిరావును వివాహం చేసుకున్నారు ఆమె. సంసారం సినిమాలో పాత్రతో అప్పటి నుంచి ఇక ఆమెకు గయ్యాళి భార్యగా, రాచిరంపాన పెట్టే అత్తగా, చాడీలు చెప్పే ఆడపడుచులా, చిచ్చులు పెట్టి రెచ్చగొట్టే పొరుగింటావిడి వంటి పాత్రలే ఆమెను వరించాయి.
  
 మహానటుల సినిమాకు  ఆమె పాత్రపేరుతో.. 
 ఎన్టీర్, ఏఎన్నార్‌తో తీసిన హిట్‌ సినిమా ’గుండమ్మక£ýథ’. ఆ సినిమాలో నటదిగ్గజాలు ఎన్టీ రామారావు, అక్కినేని నాగేశ్వరావు నటించినా.. సూర్యకాంతం టైటిల్‌రోల్‌తో గుండమ్మ పేరుపెట్టి ఆ చిత్రాన్ని నిర్మించారంటే ఆమె స్థానం ఏమిటో ఊహించుకోవచ్చు. అటువంటి ఆ మహానటి సావిత్రి బిరుదాంకితురాలు షుగర్‌ వ్యాధితో 18 డిసెంబర్‌ 1994 మృతి చెందింది. ఆమె నటించిన చివరి చిత్రం ఎస్పీ పరశురామ్‌.
  


 
 నేడు కాకినాడలో పాఠశాలల పనివేళల మార్పు
 
 ఉదయం 7 నుంచి 2 గంటల వరకు నిర్వహణ
 
 10గంటలకు  ర్యాలీకి రావాలని ఆదేశాలు
 
 15 వేల మంది విద్యార్థులు పాల్గొనాలని లక్ష్యం
 
 కాకినాడ : 
 కళాశాలలు, ఉన్నత పాఠశాలల విద్యార్థులను లక్ష్యంగా చేసుకుని ముఖ్యమంత్రి చంద్రబాబునాయుడు శనివారం పాల్గొనే కాకినాడ బహిరంగ సభకు అధికారులు జనసమీకరణకు ఏర్పాట్లు చేస్తున్నారు. ఇందుకోసం జిల్లా కేంద్రంలోని ప్రభుత్వ, ప్రైవేటు పాఠశాలలు, కళాశాలలకు సమయ వేళలను కూడా మార్పు చేస్తూ జిల్లా విద్యాశాఖాధికారి ఆర్‌.నరసింహరావు ఉత్తర్వులు జారీ చేశారు. శనివారం ఉదయం 7 గంటల నుంచి మధ్యాహ్నం 2 గంటల వరకు కళాశాలలు, పాఠశాలలు పనిచేయాలని డీఈవో పేరుతో జారీ అయిన ఉత్తర్వుల్లో పేర్కొన్నారు. అధికారికంగా ఇలా ఉత్తర్వులు ఇచ్చిన డీఈవో అనధికారికంగా అన్ని కళాశాలలు, పాఠశాలల ప్రిన్సిపాల్స్, ప్రధానోపాధ్యాయులకు మాత్రం ఉదయం 10 గంటలకు కాకినాడ టూటౌ¯ŒS పోలీసుస్టేçÙ¯ŒS నుంచి ప్రారంభమయ్యే ర్యాలీకి విద్యార్థులను తరలించాలని ఆదేశాలిచ్చారు.మున్సిపల్, ప్రభుత్వ, ప్రైవేటు పాఠశాలలకు సంబంధించి 8,9,10 తరగతుల విద్యార్థులను సీఎం పాల్గొనే ర్యాలీ వద్దకు హాజరుకావాలని కోరారు. హైస్కూల్‌ విద్యార్థుల ద్వారా సుమారు 8 వేల మందిని సమీకరించేందుకు సన్నాహాలు చేశారు. మరో వైపు ఇంటర్, డిగ్రీ విద్యార్థుల ద్వారా మరో 7 వేల మందిని సమీకరించేందుకు ఆయా కళాశాలలకు కూడా ఆదేశాలిచ్చారు. మొత్తం మీద 15వేల మంది విద్యార్థులను సమీకరించడమే లక్ష్యంగా సమయ వేళలు మార్చడంతోపాటు ఆదేశాలు కూడా పంపారు. వీరంతా సీఎంతోపాటు టూటౌ¯ŒS పోలీసు స్టేష¯ŒS నుంచి జరిగే ర్యాలీలో పాల్గొనాలని పేర్కొన్నారు. ఆయా కళాశాలల వ్యాయామ ఉపాధ్యాయులను ఉదయం 8 గంటలకే సిద్ధంగా ఉండాలని కూడా పేర్కొన్నారు. 
 పర్యటన సాగేదిలా....
 ముఖ్యమంత్రి నారా చంద్రబాబు నాయుడు శనివారం కాకినాడకు రానున్నారు. ఉదయం 11 గంటలకు టూటౌ¯ŒS పోలీసుస్టేçÙ¯ŒS వద్దకు చేరుకుంటారు. విద్యార్థులతో జరిగే ర్యాలీని ప్రారంభిస్తారు. అనంతరం అపోలో హాస్పటల్‌ వీధి నుంచి గాంధీబొమ్మ సెంటర్‌ మీదుగా రామకృష్ణారావుపేట వెళ్తారు. అక్కడ నుంచి రామకృష్ణారావుపేటలో కాలినడకన వెళ్ళి ఆ ప్రాంతంలో ఉన్న స్మార్ట్‌ స్కూల్‌ను సందర్శించి విద్యార్థులతో మాట్లాడతారు. స్థానికంగా ప్రజలతో కూడా చంద్రబాబు మాట్లాడతారు. అనంతరం ఆనందభారతి గ్రౌండ్‌కు చేరుకుని అక్కడ ఏర్పాటు చేసిన ఛాయాచిత్ర ప్రదర్శనను తిలకించి బహిరంగ సభలో మాట్లాడతారు. 
   
  


 
 టీడీపీ కంచుకోట మర్రిపూడిలో షాక్‌ 
 
 అధినాయకత్వంపై అసంతృప్తి ∙
 
 నేడు వైఎస్సార్‌ సీపీలో చేరనున్న టీడీపీ సీనియర్‌ నేతలు 
 
  
 అనపర్తి నియోజకవర్గంలో టీడీపీ అధినాయకత్వం తీరుపై కేడర్‌లో అసంతృప్తి వెల్లువెత్తుతోంది. ఆపార్టీకి కంచుకోట అయిన మర్రిపూడిలో పలువురు సీనియర్‌ నేతలు ఆదివారం వైఎస్సార్‌ సీపీలో చేరేందుకు రంగం సిద్ధమైంది.
  
 సాక్షిప్రతినిధి, కాకినాడ :
 అనపర్తి  నియోజకవర్గంలోని రంగంపేట మండలం మర్రిపూడి గ్రామం తెలుగుదేశం పార్టీకి కంచుకోట. 1983లో టీడీపీ ఆవిర్భావం నుంచి ఇంత వరకూ ఆగ్రామంలో మరో పార్టీ జెండా ఎగరలేదు. స్థానిక అధికార పార్టీ ఎమ్మెల్యే, ఇతర నేతల ఒంటెద్దు పోకడలతో గ్రామంలోని పలువురు సీనియర్‌ నేతల్లోæఅసంతృప్తి పెరిగిపోయింది.  2,700 పైచిలుకు ఓట్లు ఉన్న మర్రిపూడి టీడీపీకే మెజార్టీని కట్టబెడుతూ వస్తోంది. 2009 సార్వత్రిక ఎన్నికల్లో టీడీపీ అభ్యర్థి నల్లమిల్లి మూలారెడ్డిపై అప్పటి కాంగ్రెస్‌పార్టీ అభ్యర్థి నల్లమిల్లి శేషారెడ్డి 33 వేల ఓట్లు పైచిలుకు భారీ మెజార్టీతో గెలుపొందినప్పుడు మర్రిపూడిలో మాత్రం టీడీపీకే మెజార్టీ ఓట్లు పోలయ్యాయి. గత ఎన్నికల్లో ప్రస్తుత ఎమ్మెల్యే నల్లమిల్లి రామకృష్ణారెడ్డి బొటాబొటీ మెజార్టీతో గట్టెక్కారు. ఆ ఓట్లలో కూడా మర్రిపూడిలోనే దాదాపు 416 ఓట్లు మెజార్టీ వచ్చింది.  అటువంటి మర్రిపూడి గ్రామంలోని సీనియర్‌ నేతలు ఎమ్మెల్యే ఒంటెద్దు పోకడలను పార్టీ అధిష్టానం దృష్టికి తీసుకువెళ్లారు. ఎమ్మెల్యే అధికారిక కార్యక్రమాలను సైతం వారు మూకుమ్మడిగా బహిష్కరించారు. ఎమ్మెల్యే తీరు నచ్చక సీనియర్లందరూ కలిసి మరో వర్గంగా ఏర్పడి పార్టీ కార్యక్రమాలను నిర్వహిస్తున్నారు. ఎమ్మెల్యేకు పోటీగా విద్యా కమిటీ ఎన్నికల్లో తమకు కావాల్సిన వారినే సీనియర్ల వర్గం పట్టుబట్టి మరీ గెలిపించుకుంది. ఇంత జరిగినా పార్టీ అధిష్టానం తీరులో మార్పు రాకపోవడంతో వారిలో అసంతృప్తి బాగా పెరిగిపోయింది. ప్రభుత్వ విధానాలపై వెల్లువెత్తుతున్న ప్రజావ్యతిరేకత, ప్రజా సమస్యలపై పోరాడుతున్న వైఎస్సార్‌ కాంగ్రెస్‌పార్టీ పట్ల ఆకర్షితులైన ఆ సీనియర్లందరూ పార్టీలో చేరేందుకు సిద్ధమయ్యారు. సీనియర్‌ నాయకులు రిమ్మలపూడి వెంకటేశ్వరరావు(అబ్బు), మాజీ సర్పంచ్‌ రిమ్మలపూడి కృష్ణమూర్తి, విద్యా కమిటీ చైర్మన్‌ వేగి రాంబాబు, పిల్లి తాతారావు, మాజీ ఉపసర్పంచ్‌ మోతుపూరి బంగ్రారాజు, ఎంపీటీసీ మాజీ సభ్యలు పెంకే శ్రీనివాసరావు, మందపల్లి ఏసు, పార్టీ గ్రామ కమిటీ మాజీ అధ్యక్షుడు టి. గోపాలకృష్ణ, కాకతీయ, కాపునాడు, ఎమ్మార్పీఎస్, అల్లూరి సీతారామరాజు తదితర సంఘాల సభ్యులు పెద్ద ఎత్తున  వైఎస్సార్‌ సీపీలో చేరేందుకు సిద్ధమయ్యారు. వైఎస్సార్‌ కాంగ్రెస్‌ పార్టీ అనపర్తి నియోజకవర్గ కో ఆర్డినేటర్‌ డాక్టర్‌ సత్తి సూర్యనారాయణరెడ్డి ఆధ్వర్యంలో పార్టీ జిల్లా అధ్యక్షుడు కురసాల కన్నబాబు సమక్షంలో ఆదివారం మర్రిపూడి వినాయకవీధిలో జరిగే కార్యక్రమంలో వారందరూ పార్టీలో చేరనున్నారు.
  


 కామవరపుకోట: వైద్యో నారాయణో హరి.. అన్న సూక్తికి నిలువెత్తు నిదర్శనం దివంగత డాక్టర్‌ పున్నమరాజు వెంకట రమణారావు. మధ్య తరగతి కుటుంబంలో జన్మించిన ఆయన జీవితాంతం పేదల వైద్యసేవకే  అంకితమయ్యారు. 1944 సంవత్సరంలో కామవరపుకోట చుట్టు పక్కల గ్రామాలలో కలరా, మలేరియా విజృంభించినప్పుడు ఆయన దేవుడిలా వైద్యం అందించి రోగులను రక్షించారు. తూర్పుగోదావరి జిల్లాలో జన్మించిన ఆయన ఇక్కడ పసర్ల వైద్యంతో ప్రాణాల మీదకు తెచ్చుకుంటున్న పేద రోగులను చూసి చలించిపోయారు. సంపాదన చూసుకోకుండా ఇక్కడే స్థిరపడి 1944 నుంచి 1984 వరకూ రోగులకు వైద్య సేవలందించారు. ఆయన చనిపోయి 19 సంవత్సరాలు అవుతున్నా నేటికి ఇక్కడి ప్రజలు ఆయన్ని తలచుకోని రోజు లేదు. నేడు ఆయన శత జయంతి. ఈ సందర్భంగా ఆయన వారసులు ఏటా మాదిరిగానే ఈ సంవత్సరం కూడా పలు సేవా కార్యక్రమాలు నిర్వహించనున్నారు. 
  
 
 వైద్య విద్య పూర్తి చేసుకున్న సమయంలో డాక్టర్ రమణారావు (వృత్తంలో)
  
 1916 అక్టోబరు 16న తూర్పుగోదావరి జిల్లా మండపేటలో పున్నమరాజు వెంకటరత్నం, కొండమ్మ దంపతులకు వెంకట రమణారావు జన్మించారు. 14 ఏళ్ల వయస్సులో ప్రస్తుత జంగారెడ్డిగూడెం మండలంలోని లక్కవరానికి చెందిన వరహాలమ్మను 1930లో వివాహం చేసుకున్నారు. అప్పటికింకా చదువు పూర్తి కాలేదు. భార్య వరహాలమ్మ తనకు పుట్టింటివారు ఇచ్చిన నగలను ఇవ్వగా వాటిని అమ్మి రమణారావు 1939లో మద్రాసులో ఎల్‌ఐఎం(లైసెన్సియేట్‌ ఇండియన్‌ మెడిసిన్‌) కోర్సులో చేరి 1943లో పూర్తి చేశారు. 1944లో కామవరపు కోట చుట్టు పక్కల గ్రామాల్లో పరిస్థితిని చూసి చలించి ఇక్కడే ప్రాక్టీసు ప్రారంభించారు.
  
 అప్పుడే ఎల్‌ఐఎం విద్యను పూర్తి చేసుకుని వచ్చిన పున్నమరాజు వెంకట రమణారావు ఆ పరిస్థితులను చూసి చలించిపోయారు. చుట్టు పక్కల గ్రామాలకు సైకిల్‌పై లేదా జట్కాబండిపై వెళ్లి రోగులకు వైద్యసేవలు అందించేవారు. ఫీజు ఇస్తేనే తీసుకునేవాడు. డిమాండ్‌ చేసేవారు కాదు. క్షయ వ్యాధిని నయం చేయడంలో దిట్టయని ప్రతీతి చెందారు. ఎందరికో ప్రాణ భిక్ష పెట్టిన ఆయన 1997 జూన్‌ 19న 80 ఏళ్ల వయస్సులో కన్నుమూశారు. తన ఎనిమిది మంది సంతానాన్ని ఉన్నత చదువులు చదివించి వృద్ధిలోకి తీసుకువచ్చారు. తన వారసత్వాన్ని మనుమలు, మనుమరాండ్రకు కూడా అందించి చిన్నతనం నుంచి క్రమశిక్షణ అలవర్చారు. 
  
 ఆయన పేరిట సేవా కార్యక్రమాలు 
 రమణారావు స్మారకార్థం ఆయన కుటుంబ సభ్యులు దశాబ్ద కాలంగా స్థానిక జూనియర్‌ కళాశాలలో టాపర్లుగా నిలిచిన విద్యార్థులకు స్కాలర్‌షిప్పులు అందజేస్తున్నారు. శతజయంతి సందర్భంగా ఆదివారం స్థానిక పీహెచ్‌సీకి మంచాలు అందించనున్నారు. రోగులకు పండ్ల పంపిణీ వంటి పలు సేవా కార్యక్రమాలు నిర్వహిస్తారు. కాగా విదేశాల్లో ఉన్నవారితో సహా ఆయన వారసులు కామవరపుకోటలోని రమణారావు ఇంట్లో ఆత్మీయ సమావేశం కానున్నారు. 


 • ముఖ్యఅతిథిగా హాజరుకానున్న ఎంపీ కవిత
 వినాయక్‌నగర్‌ :
 దసరా పండుగను పురస్కరించుకుని తెలంగాణ జాగృతి ఆధ్వర్యంలో మంగళవారం జిల్లా కేంద్రంలోని కలెక్టర్‌ గ్రౌండ్‌లో సాయంత్రం 5 గంటలకు రావణ దహనం నిర్వహించనున్నట్లు సంస్థ జిల్లా అధ్యక్షుడు లక్ష్మీనారాయణ భరద్వాజ్‌ సోమవారం ఓ ప్రకటనలో తెలిపారు. కార్యక్రమానికి ముఖ్యఅతిథిగా తెలంగణ జాగృతి వ్యవస్థాపక అధ్యక్షురాలు, ఎంపీ కవిత ముఖ్య అతిథిగా రానున్నట్లు పేర్కొన్నారు. రావణ దహణ కార్యక్రమంలో నగరవాసులు భారీ సంఖ్యలో పాల్గొని జయప్రదం చేయాలని ఆయన కోరారు. 


 బోట్‌క్లబ్‌(కాకినాడ):
 రాష్ట్రస్థాయి జూనియర్, సీనియర్‌ స్నూకర్, బిలియర్డ్స్‌ ర్యాంకింగ్‌–2016 పోటీలు స్థానిక టౌన్‌హాల్‌లో ఈ నెల 7నుంచి 16వ తేదీ వరకు జరగనున్నాయి. ఈ పోటీలు శుక్రవారం ఉదయం 9.30 గంటలకు ప్రారంభమవుతాయని టోర్నమెంట్‌ కమిటీ ప్రతినిధి పీవీ రాజీవ్‌ తెలిపారు. ఈ టోర్నమెంట్‌ను టౌన్‌హాలు అధ్యక్షుడు యార్లగడ్డ వీర్రాజు, కార్యదర్శి జ్యోతుల రాము, వైస్‌ ప్రెసిడెంట్‌ డీవీఎన్‌ రాజు, బిలియర్డ్స్‌ సెక్రటరీ వి.తరుణ్‌కుమార్‌ ప్రారంభిస్తారని తెలిపారు. రాష్ట్రంలో ఉన్న 13 జిల్లాల నుంచి క్రీడాకారులు ఈ పోటీలో పాల్గొంటున్నారని, వీరికి వసతి సదుపాయాలు టోర్నమెంట్‌ కమిటీ సమకూరుస్తుందని తెలిపారు.
  


 కడియం :
 నర్సరీ ఫార్మర్స్‌ అసోసియేషన్‌ ఎన్నికల పోలింగ్‌ శని వారం జరుగుతుంది. కడియపులంక ఉన్నత పాఠశాలలో పోలింగ్‌ బూత్‌లను ఏర్పాటు చేశారు. ఉదయం 7 నుంచి మధ్యాహ్నం 2 గంటల వరకు ప్రత్యేక గుర్తి ంపు కార్డు కలిగిన సభ్యులను ఓటు వేసేందుకు అనుమతిస్తారు. ఇందుకోసం ఎన్నిక నిర్వాహక కమిటీ .. పోలీసు, రెవెన్యూ, ఉపాధ్యాయుల సహకారాన్ని కో రింది. వారి సూచనల మేరకు బూత్‌ల ఏర్పాటు, ఇతర సదుపాయాలను ఆయా అధికారులు, నర్సరీ రంగ పెద్దలు, నిర్వాహక కమిటీ సభ్యులు శుక్రవారం పరిశీలించారు. సాధారణ ఎన్నికల మాదిరిగానే బూత్‌లను ఏర్పాటు చేశారు. అసోసియేష¯Œæలో 1346 మంది సభ్యులున్నారు. మధ్యాహ్నం 2 గంటల తరువాత కౌటింగ్‌ ప్రక్రియ ప్రారంభమవుతుంది.  
  


 మహబూబ్‌నగర్‌ క్రీడలు: జిల్లా స్కూల్‌గేమ్స్‌ ఫెడరేషన్‌ ఆధ్వర్యంలో సోమవారం స్టేడియంలో అండర్‌–14, అండర్‌–17 హ్యాండ్‌బాల్, బాస్కెట్‌బాల్, యోగా జిల్లా జట్ల ఎంపికలు నిర్వహించనున్నట్లు ఎస్‌జీఎఫ్‌ కార్యనిర్వాహక కార్యదర్శి సురేశ్‌కుమార్‌ ఆదివారం ఓ ప్రకటనలో తెలిపారు. క్రీడాకారులు ఉదయం 10 గంటలకు స్టేడియంలో రిపోర్ట్‌ చేయాలని కోరారు. 
 27న వాలీబాల్, సాఫ్ట్‌బాల్‌ ఎంపికలు..
 ఈనెల 27న కల్వకుర్తి జెడ్పీహెచ్‌ఎస్‌లో అండర్‌–17 వాలీబాల్, ఆలంపూర్‌ మండలం బుక్కాపూర్‌లో అండర్‌–17 సాఫ్ట్‌బాల్‌ జిల్లా జట్లను ఎంపికచేయనున్నట్లు సురేశ్‌కుమార్‌ తెలిపారు. క్రీడాకారులు ఆధార్‌కార్డు, భోనపైడ్‌తో ఎంపికల్లో పాల్గొనాలని కోరారు. 
  


 
 విజయవాడ ప్యాసింజర్‌ కూడా..
 
 కాజీపేట రూరల్‌ : విజయవాడ రైల్వేస్టేçÙ¯ŒS రూట్‌ రిలే ఇంటర్‌ లాకింగ్‌ సిస్టం ఆధునీకరణ పనులను పురస్కరించుకుని ఆదివారం శాతవాహన ఎక్స్‌ప్రెస్‌ను అప్‌ అండ్‌ డౌ¯ŒS మార్గంలో రద్దు చేస్తున్నట్లు రైల్వే అధికారులు ప్రకటించారు. ఈ మేరకు సికిం ద్రాబాద్‌ నుంచి విజయవాడ, విజయవాడ నుంచి సికింద్రాబాద్‌కు వెళ్లే శాతవాహన రైళ్లను రద్దు చేస్తున్నట్లు తెలిపారు. అలాగే కాజీపేట జంక్ష¯ŒS నుంచి ఉదయం 4 గంటలకు విజయవాడకు వెళ్లే ప్యాసింజర్‌ రైలును కూడా రద్దు చేసినట్లు వారు పేర్కొన్నారు.
  
  
 రైల్వే వంతెనల వద్ద హెచ్చరిక బోర్డులు..
 కాజీపేట సబ్‌ డివిజ¯ŒS పరిధిలోని రైల్వే వంతెనల వద్ద అధికారులు నిఘా గస్తీ ముమ్మరం చేశారు. ఎడతెరపి లేకుండా కురుస్తున్న వర్షాలతో రైలు కట్టలకు ఎలాంటి ప్రమాదం సంభవించకుండా ముందస్తు చర్యలు తీసుకుంటున్నారు. ఇందులో భాగంగా ఎలుగూరు–నెక్కొండ మార్గంలోని వాటర్‌ లెవెల్‌ క్రాసింగ్‌ వద్ద, గుండ్రాతిమడుగు–డోర్నకల్‌ మధ్యలోని రైల్వే వంతెనల వద్ద హెచ్చరిక బోర్డులు ఏర్పాటు చేసి గస్తీ ముమ్మరం చేశారు. అలాగే కాజీపేట జంక్ష¯ŒSలో మా¯ŒSసూ¯ŒS గస్తీ రైలును సిద్ధం చేశారు. స్టేష¯ŒS ఘ¯ŒSపూర్, డోర్నకల్, కాజీపేట మార్గాలకు వెళ్లే గస్తీ రైలులో ఇసుక బస్తాలు, బోల్డర్స్‌ మెటీరియతో పాటు ఎమర్జెన్సీ సిబ్బందిని అప్రమత్తం చేసి రెడీ చేసినట్లు అధికారులు తెలిపారు.   


 విద్యారణ్యపురి : ప్రోగ్రెసివ్‌ రికగ్నైజ్డ్‌ టీచర్స్‌ యూనియ¯ŒS (పీఆర్‌టీయూ) జిల్లాస్థాయి తృతీయ కార్యనిర్వాహక సమావేశా న్ని హన్మకొండలోని రెడ్డి మ్యారేజ్‌ హాల్‌లో ఆదివారం ఉదయం 10 గంటలకు ఏర్పాటు చేసినట్లు ఆ సంఘం జిల్లా అధ్యక్షుడు పింగిళి శ్రీపాల్‌రెడ్డి, ప్రధాన కార్యదర్శి టి. శ్రీనివాస్‌ శనివారం ఒక ప్రకటనలో తెలిపారు. సమావేశంలో ఎమ్మెల్సీ పూల రవీందర్, పీఆర్‌టీయూ రాష్ట్ర అధ్యక్షుడు పులి సరోత్తమరెడ్డి, జనరల్‌ సెక్రటరీ ఎ¯ŒS. లక్ష్మారెడ్డి, ఏఐటీఓ బాధ్యుడు మోహ¯ŒSరెడ్డి పాల్గొంటారని ఆయన పేర్కొన్నారు.  


 
 జిల్లాలో విస్తరిస్తున్న జాతీయ సేవా పథకం
 
 85 కళాశాలల్లో 165 యూనిట్లు, 16,500 మంది వలంటీర్లు
 
 నేడు ఎన్‌ఎస్‌ఎస్‌ వ్యవస్థాపక దినోత్సవం
 
 రాయవరం:
 విద్యార్థి దశ నుంచే సేవా భావం, క్రమశిక్షణ, సమాజంపై అవగాహన కల్పించేందుకు జాతీయ సేవా పథకం (ఎన్‌ఎస్‌ఎస్‌)ను కేంద్ర ప్రభుత్వం ఏర్పాటు చేసింది. తమ కళాశాలలతో పాటు పరిసరాలను పరిశుభ్రంగా ఉంచడంలోను, ప్రజలను సమాజ సేవ పట్ల చైతన్యపర్చడంలోను ఎన్‌ఎస్‌ఎస్‌ వలంటీర్ల కృషి వెల కట్టలేనిది. సమాజంలో ఉన్నవారిని చైతన్యపర్చడంతో పాటు, సమాజ సేవను తమ సేవగా భావించే భావజాలం విద్యార్థి దశ నుంచే అలవాటు చేయడం ద్వారా దేశ భవిష్యత్తుకు పునాదులు వేసినట్లవుతుంది. ప్రతిఫలం ఆశించకుండా సేవా మార్గం పట్టేవారే ఎన్‌ఎస్‌ఎస్‌లో వలంటీర్లుగా చేరతారు. సమాజాభ్యుదయమే ధ్యేయంగా సేవలందిస్తున్న జాతీయ సేవా పథకం(ఎన్‌ఎస్‌ఎస్‌)ను 1969 సెప్టెంబరు 24న ఏర్పాటు చేశారు. ఈ సందర్భంగా జిల్లాలో ఉన్న ఎన్‌ఎస్‌ఎస్‌సౌ ‘సాక్షి’ కథనం. 
  
 ఇంతింతై వటుడింతై అన్నట్టు..
 జాతీయ సేవా పథకాన్ని 1969 సెప్టెంబరు 24న ఏర్పాటు చేశారు. జిల్లాలో ఈ పథకం రోజు రోజుకూ విస్తరిస్తోంది. ప్రారంభంలో జిల్లాలో 10 నుంచి 15 యూనిట్లు ఉండగా ప్రస్తుతం 25 జూనియర్‌ కళాశాలల్లో, 60 డిగ్రీ కళాశాలల్లో 165 యూనిట్లు ఉన్నాయి. మొత్తం 16,500 మంది విద్యార్థులు ఎన్‌ఎస్‌ఎస్‌లో వలంటీర్లుగా కొనసాగుతున్నారు.  
  
 సేవా కార్యక్రమాలు ఇలా..
 ఈ ఏడాది జాతీయ సేవా పథకం కార్యక్రమాలకు సుమారుగా రూ.1.30 కోట్ల బడ్జెట్‌ను ఖర్చు చేయాల్సి ఉంటుంది. ప్రత్యేక శిబిరాల నిర్వహణకు రూ.22,500 చొప్పున కేటాయిస్తారు. 2015–16 సంవత్సరంలో 165 ప్రత్యేక సేవా శిబిరాలను నిర్వహించారు. దసరా, క్రిస్మస్, సంక్రాంతి సెలవుల్లో ప్రత్యేక శిబిరాల నిర్వహణకు అధికారులు సన్నాహాలు చేస్తున్నారు. 
  
 ప్రత్యేక శిబిరాలతో సామాజిక చైతన్యం..
 కళాశాలలకు చెందిన ఎన్‌ఎస్‌ఎస్‌ యూనిట్లు ఒక్కో గ్రామాన్ని దత్తత తీసుకుంటాయి. ఆర్థికంగా, సామాజికంగా, విద్యాపరంగా వెనుకబాటు ఉన్న గ్రామాలను ఎంపిక చేస్తాయి. ఆయా గ్రామాల్లో వారం రోజులు పాటు ప్రత్యేక శిబిరాలు నిర్వహిస్తారు. విద్యార్థులు(వలంటీర్లు) రోజూ ఏదో ఒక రూపంలో ప్రజలకు సేవలందిస్తారు. ఇంటింటికీ వెళ్లి పరిసరాలు, వ్యక్తిగత పరిశుభ్రతపై అవగాహన కల్పిస్తారు. మూఢ నమ్మకాలపై చైతన్యవంతం చేస్తారు. మొక్కలు నాటి పర్యావరణ పరిరక్షణ ప్రాధాన్యాన్ని వివరిస్తారు. తాగునీటి వనరులను ఆయా శాఖల అధికారులు, సిబ్బందితో కలిసి క్లోరినేషన్‌ చేస్తారు. వైద్య, రక్తదాన శిబిరాలు నిర్వహిస్తారు. బాల్య వివాహాల వల్ల కలిగే అనర్థాలను వివరిస్తారు. ప్రభుత్వ పథకాలు పొందడంపై అవగాహన కల్పిస్తారు. ఓటరుగా పేరు నమోదు చేసుకోవడం, ఓటు విలువ తెలియజేయడం, ఉన్నత లక్ష్యాలు, సమాజానికి మేలు చేసే వ్యక్తిని ప్రజాప్రతినిధిగా ఎంపిక చేసుకోవడం వల్ల కలిగే ప్రయోజనాలను తెలియజేస్తారు. చదువు విలువను తెలియజేసి, అక్షరాస్యతను పెంపొందిస్తారు. 
  
 యూనిట్ల బలోపేతమే లక్ష్యం..
 జిల్లాలో ప్రస్తుతం ఉన్న 165 యూనిట్లను బలోపేతం చేయడమే లక్ష్యం. ప్రతి యూనిట్‌లో 100 మంది విద్యార్థులను చేర్చుకుంటున్నాం. ప్రత్యేక క్యాంపునకు 50 మందిని తీసుకువెళ్తాం. ఎన్‌ఎస్‌ఎస్‌లో చేరిన విద్యార్థుల్లో వ్యక్తిగత క్రమశిక్షణ, వ్యక్తిత్వ వికాసం పెంపొందుతాయి. ప్రస్తుత యువత రక్తదానానికి ప్రాధాన్యమిస్తున్నారు. ప్రజలకు సామాజిక విలువను తెలియజేస్తున్నారు. ప్రజా చైతన్యంతో పల్లెలు ప్రగతిబాట పడతాయి. 
 – డాక్టర్‌ పి.వి.కృష్ణారావు, ఎస్‌ఎస్‌ఎస్‌ జిల్లా ప్రోగ్రామ్‌ అధికారి