ఐపీఎల్‌ రిటైర్మెంట్‌ తర్వాత భారత దిగ్గజ స్పిన్నర్‌ రవిచంద్రన్‌ అశ్విన్‌ తన తదుపరి కెరీర్‌ విషయంలో శరవేగంగా పావులు కదుపుతున్నాడు. భారత క్రికెట్‌తో తెగదెంపులు జరిగిపోవడంతో ప్రపంచవాప్తంగా ఉన్న ప్రధాన లీగ్‌ల్లో పాల్గొనేందుకు ప్రణాళికలు సిద్దం చేసుకున్నాడు. ఈ క్రమంలో ఆయా లీగ్‌ల్లో తనకు నచ్చిన ఫ్రాంచైజీలతో మంతనాలు జరుపుతున్నాడు.ఇంటర్నేషనల్‌ టీ20 లీగ్‌, సౌతాఫ్రికా టీ20 లీగ్‌, ద హండ్రెడ్‌ లీగ్‌, మేజర్‌ లీగ్‌ క్రికెట్‌ లీగ్‌ల్లో వేర్వేరు ఫ్రాంచైజీలతో డీల్స్‌ కూడా కుదిరినట్లు సమాచారం. తాజాగా ఆస్ట్రేలియాలో జరిగే బిగ్‌బాష్‌ లీగ్‌లో ఓ ప్రముఖ ఫ్రాంచైజీతో కూడా టాక్స్‌ నడుస్తున్నట్లు తెలుస్తుంది. విదేశీ లీగ్‌ల్లో ఏ ఫ్రాంచైజీతో ఒప్పందం కుదిరినా అశ్విన్‌ ప్లేయర్‌ కమ్‌ కోచ్‌గా ద్విపాత్రాభినయం చేయాలని నిర్ణయించుకున్నట్లు సమాచారం.ఇలా చేస్తే తనకు కోచింగ్‌ అనుభవం కూడా వస్తుందని యాష్‌ భావిస్తున్నాడట. శరీరం సహకరించని రోజు ఆటగాడి పాత్రకు పుల్‌స్టాప్‌ పెట్టి కోచ్‌గా కొనసావచ్చన్నది అతడి మనోగతం కావచ్చు. క్రికెట్‌ జీనియస్‌గా పేరున్న అశ్విన్‌ ఇదివరకే తన పేరట యూట్యూబ్‌ ఛానల్‌ను నడిపిస్తున్న విషయం తెలిసిందే. ఇందులో అతను ప్రపంచ క్రికెట్‌పై తన విశ్లేషణలను అందిస్తుంటాడు.37 ఏళ్ల ఆశ్విన్‌ ఆగస్ట్‌ 27న ఐపీఎల్‌కు రిటైర్మెంట్‌ ప్రకటించిన విషయం తెలిసిందే. ఇదివరకే అంతర్జాతీయ క్రికెట్‌కు వీడ్కోలు పలికిన అతడు.. భారత క్రికెట్‌తో తన బంధాన్ని పూర్తిగా తెంచుకున్నాడు. బీసీసీఐ నియమాల ప్రకారం.. భారత ఆటగాళ్లు విదేశీ లీగ్‌ల్లో ఆడాలంటే అంతర్జాతీయ క్రికెట్‌తో పాటు ఐపీఎల్‌కు కూడా రిటైర్మెంట్‌ ప్రకటించాలి. విశ్వవ్యాప్తంగా లీగ్‌ల్లో ఆడేందుకే యాష్‌ ఐపీఎల్‌కు కాస్త త్వరగా రిటైర్మెంట్‌ ప్రకటించాడని వినికిడి.

క్రికెట్‌లో ప్రస్తుతం టీ20 ఫార్మాట్‌ హవా నడుస్తోంది. పొట్టి క్రికెట్‌ను చూసేందుకు నవతరం యువత ఎక్కువగా ఆసక్తి చూపిస్తోంది. ఈ నేపథ్యంలో ప్రపంచ వ్యాప్తంగా ఎన్నో టీ20 లీగ్‌లు పుట్టుకొచ్చాయి. వీటి ద్వారా ఆటగాళ్లు రెండు చేతులా సంపాదించుకుండగా.. ఆయా బోర్డులపై కూడా కనక వర్షం కురుస్తోంది.స్పాన్సర్‌షిప్‌లు. టీవీ ప్రసార హక్కులు, టికెట్ల విక్రయం తదితర మార్గాల ద్వారా బోర్డులు ఆదాయం సమకూర్చుకుంటున్నాయి. ప్రస్తుతం ఈ లీగ్‌లే ప్రపంచ క్రికెట్‌ మార్కెట్‌ను ఏలుతున్నాయి. మరి 2025 నాటికి పేరెన్నికగన్న ధనిక పొట్టి లీగ్‌లలో టాప్‌-10లో ఉన్న లీగ్‌లు ఏవో తెలుసా?!ఇండియన్‌ ప్రీమియర్‌ లీగ్‌ (IPL)సందేహమే అక్కర్లేదు.. అవును.. ప్రపంచ టీ20 మార్కెట్లో ఐపీఎల్‌దే అగ్రస్థానం. 2008లో భారత క్రికెట్‌ నియంత్రణ మండలి (BCCI) దీనిని మొదలుపెట్టింది. ప్రపంచవ్యాప్తంగా మేటి జట్ల ఆటగాళ్లంతా ఈ లీగ్‌లో భాగమవుతూ.. కోట్లాది రూపాయాలు ఆర్జిస్తున్నారు.ఎంతో మంది యువ క్రికెటర్లు కూడా వెలుగులోకి వచ్చి జాతీయ జట్లకు ప్రాతినిథ్యం వహించే అవకాశాలు దక్కించుకుంటున్నారు. ఇక అత్యంత ఆదరణ పొందిన లీగ్‌గా పేరున్న ఐపీఎల్‌ కేవలం బ్రాడ్‌కాస్ట్‌ డీల్స్‌ ద్వారానే 6.2 బిలియన్‌ డాలర్లు సంపాదించినట్లు జాతీయ మీడియా వెల్లడించింది. ప్రస్తుతం ఐపీఎల్‌ విలువ- 11 బిలియన్‌ డాలర్ల (భారత కరెన్సీలో దాదాపుగా 94, 220.5 కోట్ల రూపాయలు) వరకు ఉంటుందని అంచనా.రెండో స్థానంలో ఐఎల్‌టీ20 (ILt20)నెట్‌వర్త్‌పరంగా ఐపీఎల్‌ తర్వాతి స్థానం యూఏఈ వేదికగా సాగే ఇంటర్నేషనల్‌ లీగ్‌టీ20ది. మధ్య ప్రాచ్చ దేశాల పెట్టుబడి, ఐపీఎల్‌ ఫ్రాంఛైజీల ఆధ్వర్యంలో నడుస్తున్న ఐఎల్‌టీ20 విలువ 15 మిలియన్‌ డాలర్లు (సుమారుగా రూ. 128.64 కోట్లు) అని తెలుస్తోంది. పన్ను లేని కాంట్రాక్టులు మేటి క్రికెటర్లను కూడా ఐఎల్‌టీ20 వైపు ఆకర్షిస్తున్నాయి.సౌతాఫ్రికా టీ20 లీగ్‌ (SAT20)2023లో మొదలైన సౌతాఫ్రికా టీ20 లీగ్‌లో జట్లన్నీ ఐపీఎల్‌ ఫ్రాంఛైజీలవే. హైదరాబాద్‌ (సన్‌రైజర్స్‌ ఈస్టర్న్‌కేప్‌), లక్నో (డర్బన్‌ సూపర్‌ జెయింట్స్‌), రాజస్తాన్‌ (పర్ల్‌ రాయల్స్‌), ఢిల్లీ (ప్రిటోరియా క్యాపిటల్స్‌), చెన్నై (జొబర్గ్‌ సూపర్‌ కింగ్స్‌), ముంబై (ఎంఐ కేప్‌టౌన్‌)ఐపీఎల్‌ ఫ్రాంఛైజీలు ఇందులో పెట్టుబడులు పెట్టాయి. ఈ లీగ్‌ విలువ 12 మిలియన్‌ డాలర్లు (దాదాపుగా రూ. 102.79 కోట్లు) అని అంచనా.బిగ్‌బాష్‌ లీగ్‌ (BBL)ఆస్ట్రేలియాకు చెందిన ఈ టీ20 లీగ్‌ నికర విలువ పది మిలియన్ల డాలర్ల (దాదాపు రూ. 85. 65 కోట్లు)వరకు ఉంటుందని తెలుస్తోంది.ది హండ్రెడ్‌ఇంగ్లండ్‌ వేదికగా సాగే 100 బాల్‌ టోర్నీ ‘ది హండ్రెడ్‌ లీగ్‌’ వాల్యూ తొమ్మిది మిలియన్‌ డాలర్లు (సుమారు రూ. 77.08 కోట్లు) అని అంచనా.మేజర్‌ లీగ్‌ క్రికెట్‌ (MLC)అమెరికాకు చెందిన ఈ పొట్టి లీగ్‌ విలువ 6.9 మిలియన్‌ డాలర్లు (దాదాపు రూ. 59.09 కోట్లు) అని సమాచారం.పాకిస్తాన్‌ సూపర్‌ లీగ్‌ (PSL)పాకిస్తాన్‌ సూపర్‌ లీగ్‌ నెట్‌వర్త్‌ 5.7 మిలియన్‌ డాలర్లు (భారత కరెన్సీలో సుమారు 48.82 కోట్లు) అని అంచనా.బంగ్లాదేశ్‌ ప్రీమియర్‌ లీగ్‌ (BPL)బంగ్లాదేశ్‌ ప్రీమియర్‌ లీగ్‌ వాల్యూ 4.8 మిలియన్‌ డాలర్లు (సుమారు 41.11 కోట్ల రూపాయలు) అని తెలుస్తోంది.కరేబియన్‌ ప్రీమియర్‌ లీగ్‌ (CPL)ఈ వెస్టిండీస్‌ టీ20 లీగ్‌లోనూ ఐపీఎల్‌ ఫ్రాంఛైజీల పెట్టుబడులు ఉన్నాయి. దీని నెట్‌వర్త్‌ 4.6 మిలియన్‌ డాలర్లు (సుమారు 39.40 కోట్లు) అని అంచనా.లంక ప్రీమియర్‌ లీగ్‌ (LPL)శ్రీలంకకు చెందిన ఈ పొటి​ ఫార్మాట్‌ లీగ్‌ వాల్యూ 3.98 మిలియన్‌ డాలర్లు (దాదాపు రూ. 34.09 కోట్లు) అని తెలుస్తోంది.చదవండి: రింకూ సింగ్‌కు ప్రభుత్వ ఉద్యోగం.. పోస్ట్‌ ఏమిటంటే?!

పాకిస్తాన్ సూప‌ర్ స్టార్ బాబ‌ర్ ఆజం తొలిసారి ఆస్ట్రేలియా టీ20 టోర్నీ బిగ్ బాష్ లీగ్ (BBL)లో ఆడేందుకు సిద్ద‌మ‌య్యాడు. బీబీఎల్ 2025-26 సీజ‌న్ కోసం బాబర్ ఆజంతో సిడ్నీ సిక్స‌ర్స్ ఫ్రాంచైజీ ఒప్పందం క‌దుర్చుకుంది. ప్రీ డ్రాఫ్ట్ ఒప్పం‍దంలో భాగంగా సిడ్నీ ఫ్రాంచైజీ ఈ నిర్ణయం తీసుకుంది. ఆసీస్ స్టార్ ప్లేయ‌ర్ స్టీవ్ స్మిత్‌తో క‌లిసి బాబ‌ర్ సిడ్నీ ఇన్నింగ్స్‌ను ప్రారంభించే అవ‌కాశ‌ముంది. స్మిత్ గ‌త కొన్ని సీజ‌న్ల‌గా సిక్స‌ర్స్ జ‌ట్టుకే ప్రాత‌నిథ్యం వ‌హిస్తున్నాడు."ప్రపంచంలోని అత్యుత్తమ టీ20 లీగ్‌ల‌లో ఒక‌టైన బిగ్ బాష్ లీగ్‌లో ఆడే అవ‌కాశం రావ‌డం చాలా సంతోషంగా ఉంది. నాకు ఈ అవ‌కాశం క‌ల్పించిన సిడ్నీ సిక్స‌ర్స్ ఫ్రాంచైజీకి ధ‌న్య‌వాదాలు. జ‌ట్టు విజ‌యాల్లో నా వంతు పాత్ర పోషించేందుకు ఆతృతగా ఎదురు చూస్తున్నాను" అని సిడ్నీ సిక్సర్స్ రిలీజ్ చేసిన ప్రకటనలో ఆజం పేర్కొన్నాడు. బీబీబీఎల్ 15వ సీజన్ డ్రాఫ్ట్ జూన్ 19న జరగనుంది. కాగా బాబర్ ఆజం ఇప్పటికే పీఎస్‌ఎల్‌తో పాటు సీపీఎల్‌, ఎల్‌పీఎల్‌, బీపీఎల్ వంటి ప‌లు ఫ్రాంచైజీ క్రికెట్ లీగ్స్‌లో ఆడాడు. అయితే పాకిస్తాన్ టీ20 సెట‌ప్ నుంచి బాబ‌ర్ ఆజంతో పాటు మ‌హ్మ‌ద్ రిజ్వాన్‌, షాహీన్ అఫ్రిదిని ప‌క్క‌న పెట్టాల‌ని పీసీబీ భావిస్తున్న‌ట్లు వార్త‌లు వినిపిస్తున్నాయి. ఈ క్ర‌మంలోనే బాబ‌ర్ ఫ్రాంచైజీ క్రికెట్ లీగ్స్‌లో ఆడేందుకు ఆస‌క్తిచూపుతున్న‌ట్లు తెలుస్తోంది.చదవండి: చ‌రిత్ర సృష్టించిన మిచెల్ స్టార్క్.. ప్రపంచ క్రికెట్‌లో తొలి ప్లేయర్‌గా

ఐపీఎల్‌-2025 (IPL 2025) సీజన్‌లో పంజాబ్‌ కింగ్స్‌ జట్టులోకి కొత్త ఆటగాడు వచ్చాడు. ఆల్‌రౌండర్‌ గ్లెన్‌ మాక్స్‌వెల్‌ (Glenn Maxwell) స్థానాన్ని మరో ఆస్ట్రేలియన్‌ క్రికెటర్‌ మిచెల్‌ ఓవెన్‌ (Mitchell Owen)తో పంజాబ్‌ యాజమాన్యం భర్తీ చేసింది. ఇందుకు సంబంధించి ఆదివారం ప్రకటన విడుదల చేసింది.గాయం కారణంగా దూరంకాగా ఐపీఎల్‌-2025 మెగా వేలంలో పంజాబ్‌ ఆస్ట్రేలియా స్టార్‌ ఆల్‌రౌండర్‌ గ్లెన్‌ మ్యాక్స్‌వెల్‌ను రూ. 4.20 కోట్లకు సొంతం చేసుకుంది. ఈ క్రమంలో స్పిన్నర్‌గా ఫర్వాలేదనిపించినా బ్యాటర్‌గా మాత్రం మాక్సీ తేలిపోయాడు. ఈ సీజన్‌లో ఏడు మ్యాచ్‌లాడిన అతను 48 పరుగులు మాత్రమే చేశాడు. బౌలింగ్‌లో 4 వికెట్లు తీశాడు. అయితే, వేలికి గాయం కావడంతో ఈ సీజన్‌లో మిగిలిన మ్యాచ్‌లకు మ్యాక్స్‌వెల్‌ అందుబాటులో ఉండడని పంజాబ్‌ కింగ్స్‌ కెప్టెన్‌ శ్రేయస్‌ అయ్యర్‌ బుధవారం (ఏప్రిల్‌ 30) స్పష్టం చేశాడు.రూ. 3 కోట్లకుచెన్నైతో మ్యాచ్‌కు ముందు పంజాబ్‌ సారథి శ్రేయస్‌ మాట్లాడుతూ... ‘అనుకోకుండా మ్యాక్స్‌వెల్‌ గాయపడ్డాడు. అతడి వేలు విరిగింది. మ్యాక్స్‌వెల్‌ స్థానంలో ఎవరిని తీసుకోవాలనేది ఇంకా నిర్ణయించలేదు’ అని అన్నాడు. అయితే, తాజాగా మాక్సీ స్థానాన్ని మిచెల్‌ ఓవెన్‌తో భర్తీ చేశారు. రూ. 3 కోట్లకు పంజాబ్‌ అతడిని జట్టులోకి తీసుకున్నట్లు తెలుస్తోంది.కాగా టాస్మేనియాకు చెందిన మిచెల్‌ ఓవెన్‌ 34 ఇప్పటికి టీ20 మ్యాచ్‌లు ఆడి 646 పరుగులు చేశాడు. ఇందులో రెండు శతకాలు ఉండగా.. అత్యధిక స్కోరు 108. ఈ ఆస్ట్రేలియా ఆల్‌రౌండర్‌ ఖాతాలో పది టీ20 వికెట్లు కూడా ఉన్నాయి.బీబీఎల్‌ సంచలనంఇక ప్రస్తుతం ఓవెన్‌ పాకిస్తాన్‌ సూపర్‌ లీగ్‌లో పెషావర్‌ జల్మీకి ప్రాతినిథ్యం వహిస్తున్నాడు. అయితే, అతడు త్వరలోనే పంజాబ్‌ కింగ్స్‌తో చేరతాడు. 2024-25 బిగ్‌బాష్‌ లీగ్‌లో 452 పరుగులతో టాప్‌ రన్‌ స్కోరర్‌గా నిలిచాడు. 200కు పైగా స్ట్రైక్‌రేటుతో బ్యాటింగ్‌ చేసి హోబర్ట్‌ హ్యారికేన్స్‌ తొలిసారి టైటిల్‌ గెలవడంలో కీలక పాత్ర పోషించాడు.కాగా సౌతాఫ్రికా స్టార్‌ కార్బిన్‌ బాష్‌ స్థానంలో మిచెల్‌ ఓవెన్‌ పెషావర్‌ జల్మీలో చేరాడు. ఐపీఎల్‌లో ముంబై ఇండియన్స్‌కు ఆడేందుకు బాష్‌ కాంట్రాక్టు రద్దు చేసుకోవడంతో పాకిస్తాన్‌ క్రికెట్‌ బోర్డు (పీసీబీ) అతడిపై రెండేళ్ల పాటు నిషేధం విధించిన విషయం తెలిసిందే. అయితే, ఓవెన్‌ మాత్రం ప్లే ఆఫ్స్‌ సమయానికి పంజాబ్‌ కింగ్స్‌తో చేరతాడని.. అంతవరకు పీఎస్‌ఎల్‌లో కొనసాగుతాడని వార్తలు వినిపిస్తున్నాయి. కాగా పీఎస్‌ఎల్‌ మే 18తో ముగుస్తుండగా.. మే 20 నుంచి ఐపీఎల్‌ నాకౌట్‌ మ్యాచ్‌లు మొదలుకానున్నాయి.వారి పేర్లు వినిపించాయిఇదిలా ఉంటే.. కొత్త కెప్టెన్‌ శ్రేయస్‌ అయ్యర్‌ నాయకత్వంలో పంజాబ్‌ కింగ్స్‌ సరికొత్త ఉత్సాహంతో ముందుకు సాగుతోంది. ఇప్పటికి పది మ్యాచ్‌లు పూర్తి చేసుకుని ఆరు గెలిచి.. పన్నెండు పాయింట్లతో నాలుగో స్థానంలో ఉంది. ఆదివారం నాటి మ్యాచ్‌లో లక్నో సూపర్‌ జెయింట్స్‌తో మ్యాచ్‌లో గెలిచి ప్లే ఆఫ్స్‌ రేసులో ముందుకు వెళ్లాలని పట్టుదలగా ఉంది. ఈ నేపథ్యంలో ఆసీస్‌ విధ్వంసకరవీరుడికి యాజమాన్యం పిలుపునివ్వడం విశేషం.కాగా ప్లే ఆఫ్స్‌ బెర్త్‌లు ఖరారయ్యే ముందు మ్యాక్స్‌వెల్‌ జట్టుకు దూరమవడంతో పంజాబ్‌ కింగ్స్‌ జట్టు ప్రత్యామ్నాయాలపై దృష్టి పెట్టింది. వెస్టిండీస్‌ ఆల్‌రౌండర్‌ రోస్టన్‌ ఛేజ్, దక్షిణాఫ్రికా యువ ఆటగాడు లెస్‌ డు ప్లోయ్, అఫ్గానిస్తాన్‌ ఆల్‌రౌండర్‌ సలామ్‌ ఖైల్‌లో ఒకరిని ఎంపిక చేసుకోవచ్చనే అంచనాలు నెలకొనగా.. అనూహ్యంగా మిచెల్‌ ఓవెన్‌ జట్టులోకి వచ్చాడు.చదవండి: RCB VS CSK: ఓటమికి నాదే బాధ్యత.. అతను గొప్పగా ఆడాడు: ధోని

ఆస్ట్రేలియా స్టార్‌ క్రికెటర్‌ డేవిడ్‌ వార్నర్‌ (David Warner)మరో టీ20 లీగ్‌లో భాగం కానున్నాడు. అమెరికాకు చెందిన మేజర్‌ లీగ్‌ క్రికెట్‌ (MLC)లో సీటెల్‌ ఒర్కాస్‌ తరఫున బరిలోకి దిగనున్నాడు. ఈ విషయాన్ని సీటెల్‌ ఫ్రాంఛైజీ అధికారికంగా ప్రకటించింది. ఆస్ట్రేలియా సూపర్‌ స్టార్‌ డేవిడ్‌ వార్నర్‌ తమతో జట్టు కట్టినట్లు తెలిపింది.కాగా ప్రపంచవ్యాప్తంగా పేరెన్నికగన్న ఎన్నో టీ20 లీగ్‌లలో వార్నర్‌ భాగమయ్యాడు. ఇండియన్‌ ప్రీమియర్‌ లీగ్‌ (IPL)తో పాటు బిగ్‌ బాష్‌ లీగ్‌ (ఆస్ట్రేలియా), ది హండ్రెడ్‌ (ఇంగ్లండ్‌), ఇంటర్నేషనల్‌ లీగ్‌ టీ20 (UAE), పాకిస్తాన్‌ సూపర్‌ లీగ్‌లలో వివిధ జట్లకు అతడు ప్రాతినిథ్యం వహిస్తున్నాడు.12956 పరుగులు.. సగం ఐపీఎల్‌లోనేఇక టీ20 ఫార్మాట్లో వార్నర్‌కు గొప్ప రికార్డు ఉంది. ఇప్పటి వరకు 402 టీ20 మ్యాచ్‌లు ఆడిన ఈ ఎడమచేతి వాటం బ్యాటర్‌.. 12956 పరుగులు సాధించాడు. ఇందులో ఐపీఎల్‌లో ఆడిన మ్యాచ్‌లు 184 కాగా.. సాధించిన పరుగులు 6565. 2009లో ఐపీఎల్‌లో అడుగుపెట్టిన వార్నర్‌ నిలకడైన ఆటతో రాణించాడు.అమ్ముడుపోకుండా మిగిలిపోయాడుఅంతేకాదు 2016లో కెప్టెన్‌గా సన్‌రైజర్స్‌ హైదరాబాద్‌కు టైటిల్‌ అందించాడు. చివరగా గతేడాది ఢిల్లీ క్యాపిటల్స్‌ తరఫున బరిలోకి దిగిన వార్నర్‌.. ఎనిమిది మ్యాచ్‌లు ఆడి కేవలం 168 పరుగులే చేశాడు. ఈ క్రమంలో మెగా వేలం-2025కి ముందు ఢిల్లీ వార్నర్‌ను వదిలేయగా.. వేలంలోనూ అతడు అమ్ముడుపోకుండా మిగిలిపోయాడు.పీఎస్‌ఎల్‌లో అత్యధిక ధరఈ క్రమంలో పీఎస్‌ఎల్‌ వైపు దృష్టి సారించిన వార్నర్‌.. ఈ పాక్‌ టీ20 లీగ్‌లో అధిక ధరకు అమ్ముడుపోయిన ఆటగాడిగా నిలిచాడు. కరాచీ కింగ్స్‌ అతడిని రూ. 2.57 కోట్లకు కొనుగోలు చేసి.. కెప్టెన్‌గా నియమించింది. ఇక పీఎస్‌ఎల్‌ ఏప్రిల్‌ 11- మే 18 వరకు జరుగనుండగా.. అమెరికా టీ20 లీగ్‌ MLCని జూన్‌ 12- జూలై 13 వరకు నిర్వహించనున్నారు.సీటెల్‌ ఒర్కాస్‌తో తాజా ఒప్పందంఈ నేపథ్యంలో సీటెల్‌ ఒర్కాస్‌ వార్నర్‌తో ఒప్పందం కుదుర్చుకుంది. అయితే, ఎంత మొత్తానికి అతడి సేవలు వినియోగించుకోబోతోందో మాత్రం వెల్లడించలేదు. కాగా వార్నర్‌ గతేడాది అంతర్జాతీయ క్రికెట్‌కు వీడ్కోలు పలికిన విషయం తెలిసిందే.ఇక ప్రస్తుతం పీఎస్‌ఎల్‌లో కరాచీ కింగ్స్‌ కెప్టెన్‌గా ఉన్న వార్నర్‌.. బిగ్‌ బాష్‌ లీగ్‌లో సిడ్నీ థండర్‌ కెప్టెన్‌గా ఈ ఏడాది జట్టును ఫైనల్‌కు తీసుకువెళ్లాడు. అంతేకాదు.. 12 ఇన్నింగ్స్‌లో కలిపి 405 పరుగులతో లీగ్‌లో అత్యధిక వీరుల జాబితాలో రెండో స్థానంలో నిలిచాడు. ఇక ఐఎల్‌టీ20లో ఈ ఏడాది టైటిల్‌ గెలిచిన దుబాయ్‌ క్యాపిటల్స్‌ జట్టులో వార్నర్‌ సభ్యుడు. ఇక ది హండ్రెడ్‌ లీగ్‌లో అతడు లండన్‌ స్పిరిట్‌కు ఆడుతున్నాడు. చదవండి: BCCI: ఫిక్సింగ్‌ యత్నం.. బీసీసీఐ ఆగ్రహం.. అతడిపై నిషేధం

బిగ్‌బాష్‌ లీగ్‌ 2024-25 ఫైనల్స్‌లో ఆసీస్‌ యువ ఓపెనర్‌, హోబర్ట్‌ హరికేన్స్‌ ఆటగాడు మిచెల్‌ ఓవెన్‌ సరికొత్త చరిత్ర సృష్టించాడు. సిడ్నీ థండర్‌తో ఇవాళ (జనవరి 27) జరిగిన ఫైనల్లో 39 బంతుల్లో సెంచరీ చేసిన ఓవెన్‌.. టీ20 టోర్నీల ఫైనల్స్‌లో ఫాస్టెస్ట్‌ సెంచరీ చేసిన ఆటగాడిగా రికార్డు నెలకొల్పాడు. గతంలో ఈ రికార్డు కువైట్‌ ఆటగాడు రవిజ సందరువన్‌ పేరిట ఉండేది. సందరువన్‌ గతేడాది జరిగిన మలేసియా ట్రై నేషన్‌ టీ20 టోర్నీ ఫైనల్లో హాంగ్‌కాంగ్‌పై 47 బంతుల్లో సెంచరీ చేశాడు. ఇవాల్టి వరకు టీ20 టోర్నీల ఫైనల్స్‌లో ఇదే ఫాస్టెస్ట్‌ సెంచరీగా చలామణి అయ్యింది. సందరువన్‌ రికార్డును ఇవాళ మిచెల్‌ ఓవెన్‌ చెరిపివేశాడు.టీ20 టోర్నీల ఫైనల్స్‌లో మూడో ఫాస్టెస్ట్‌ సెంచరీ రికార్డు భారత క్రికెటర్‌ వృద్దిమాన్‌ సాహా పేరిట ఉంది. సాహా 2014 ఐపీఎల్‌ ఫైనల్లో కేకేఆర్‌పై 49 బంతుల్లో శతక్కొట్టాడు. టీ20 టోర్నీల ఫైనల్స్‌లో నాలుగు, ఐదో ఫాస్టెస్ట్‌ సెంచరీల రికార్డులు తమీమ్‌ ఇక్బాల్‌, రిలీ రొస్సో పేరిట ఉన్నాయి. తమీమ్‌ 2019 బంగ్లాదేశ్‌ ప్రీమియర్‌ లీగ్‌ ఫైనల్లో ఢాకా డైనమైట్స్‌పై 50 బంతుల్లో సెంచరీ చేయగా.. రిలీ రొస్సో 2024 బీపీఎల్‌ ఫైనల్లో గాలే మార్వెల్స్‌పై 50 బంతుల్లో శతక్కొట్టాడు.తాజా సెంచరీతో ఓవెన్‌ బిగ్‌బాష్‌ లీగ్‌లో ఫాస్టెస్ట్‌ సెంచరీ రికార్డును కూడా సమం చేశాడు. ఓవెన్‌కు ముందు బీబీఎల్‌లో ఫాస్టెస్ట్‌ సెంచరీ రికార్డు క్రెయిగ్‌ సైమన్స్‌ పేరిట ఉండేది. సైమన్స్‌ మూడో బీబీఎల్‌ సీజన్‌లో 39 బంతుల్లో సెంచరీ చేశాడు. ఓవెన్‌ తాజాగా సైమన్స్‌ రికార్డును సమం చేశాడు. బీబీఎల్‌లో మూడు, నాలుగో ఫాస్టెస్ట్‌ సెంచరీల రికార్డులు గ్లెన్‌ మ్యాక్స్‌వెల్‌, జోష్‌ బ్రౌన్‌ పేరిట ఉన్నాయి. మ్యాక్సీ బీబీఎల్‌-11 సీజన్‌లో 41 బంతుల్లో సెంచరీ చేశాడు. బ్రౌన్‌ గత సీజన్‌లో అన్నే బంతుల్లో శతక్కొట్టాడు.ఓవెన్‌ సునామీ శతకంతో చెలరేగడంతో బీబీఎల్‌ 2024-25 ఫైనల్లో హోబర్ట్‌ హరికేన్స్‌ సిడ్నీ థండర్‌పై 7 వికెట్ల తేడాతో గెలుపొందింది. ఓవెన్‌ ఒంటిచేత్తో హరికేన్స్‌కు తొలి బిగ్‌బాష్‌ లీగ్‌ టైటిల్‌ను అందించాడు. చిన్నతనంలో స్టాండ్స్‌లో కూర్చొని హరికేన్స్‌ను ఎంకరేజ్‌ చేసిన 23 ఏళ్ల ఓవెన్‌.. ఇప్పుడు తన జట్టును స్వయంగా గెలిపించాడు. ఓవెన్‌ శివాలెత్తిపోవడంతో హరికేన్స్‌ 14 ఏళ్ల సుదీర్ఘ ఎదురుచూపు తర్వాత సొంత ప్రేక్షకుల మధ్య తొలిసారి టైటిల్‌ గెలిచింది. మిచెల్‌ ఓవెన్‌ సునామీ శతకంతో మ్యాచ్‌ను వన్‌ సైడెడ్‌గా చేశాడు. ఓవెన్‌కు ఈ సీజన్‌లో ఇది రెండో సెంచరీ. తాజా సెంచరీతో ఓవెన్‌ ఈ సీజన్‌లో లీడింగ్‌ రన్‌ స్కోరర్‌గానూ నిలిచాడు. ఈ సీజన్‌లో 11 మ్యాచ్‌లు ఆడిన ఓవెన్‌ 203.60 స్ట్రయిక్‌ రేట్‌తో 452 పరుగులు చేశాడు. ఇందులో 35 ఫోర్లు, 36 సిక్సర్లు ఉన్నాయి.థండర్‌తో జరిగిన ఫైనల్లో 11 సిక్సర్లు బాదిన ఓవెన్‌ బిగ్‌బాష్‌ లీగ్‌ ఫైనల్స్‌లో అత్యధిక సిక్సర్లు బాదిన ఆటగాడిగానూ రికార్డు నెలకొల్పాడు. బీబీఎల్‌లో ఫాస్టెస్ట్‌ సెంచరీ సాధించే క్రమంలో ఓవెన్‌ లీగ్‌ చరిత్రలో మూడో వేగవంతమైన హాఫ్‌ సెంచరీ రికార్డును కూడా నమోదు చేశాడు. ఈ మ్యాచ్‌లో ఓవెన్‌ 16 బంతుల్లో హాఫ్‌ సెంచరీ పూర్తి చేశాడు. ఈ ఇన్నింగ్స్‌లో మొత్తంగా 42 బంతులు ఎదుర్కొన్న ఓవెన్‌ 6 ఫోర్లు, 11 సిక్సర్ల సాయంతో 108 పరుగులు చేసి ఔటయ్యాడు.ఈ మ్యాచ్‌లో తొలుత బ్యాటింగ్‌ చేసిన ధండర్‌ నిర్ణీత 20 ఓవర్లలో 7 వికెట్ల నష్టానికి 182 పరుగులు చేసింది. ఓపెనర్లు జేసన్‌ సంఘా (42 బంతుల్లో 67; 5 ఫోర్లు, 2 సిక్సర్లు), డేవిడ్‌ వార్నర్‌ (32 బంతుల్లో 48; 5 ఫోర్లు, సిక్స్‌) థండర్‌ తరఫున రాణించారు. హరికేన్స్‌ బౌలర్లలో రిలే మెరిడిత్‌, కెప్టెన్‌ నాథన్‌ ఇల్లిస్‌ తలో మూడు వికెట్లు తీయడంతో పాటు పొదుపుగా బౌలింగ్‌ చేసి థండర్‌ను భారీ స్కోర్‌ చేయకుండా అడ్డుకున్నారు.అనంతరం లక్ష్య ఛేదనలో హరికేన్స్‌ ఓపెనర్‌ మిచెల్‌ ఓవెన్‌ దెబ్బ​కు థండర్‌ బౌలర్లు బెంబేలెత్తిపోయారు. ఓవెన్‌ ధాటికి హరికేన్స్‌ 14.1 ఓవర్లలో 3 వికెట్లు కోల్పోయి లక్ష్యాన్ని ఛేదించింది. ఓవెన్‌ ఔటయ్యాక మాథ్యూ వేడ్‌ (17 బంతుల్లో 32 నాటౌట్‌; 5 ఫోర్లు, సిక్స్‌), బెన్‌ మెక్‌డెర్మాట్‌ (12 బంతుల్లో 18 నాటౌట్‌; 2 ఫోర్లు) మ్యాచ్‌ను లాంఛనంగా ముగించారు. థండర్‌ బౌలర్లలో తన్వీర్‌ సంఘా 2, టామ్‌ ఆండ్రూస్‌ ఓ వికెట్‌ పడగొట్టారు.

బిగ్‌బాష్‌ లీగ్‌ 2024-25 ఎడిషన్‌లో హోబర్ట్‌ హరికేన్స్‌ విజేతగా నిలిచింది. ఇవాళ (జనవరి 27) జరిగిన ఫైనల్లో హరికేన్స్‌ సిడ్నీ థండర్‌పై 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన ధండర్‌ నిర్ణీత 20 ఓవర్లలో 7 వికెట్ల నష్టానికి 182 పరుగులు చేసింది. ఓపెనర్లు జేసన్‌ సంఘా (42 బంతుల్లో 67; 5 ఫోర్లు, 2 సిక్సర్లు), డేవిడ్‌ వార్నర్‌ (32 బంతుల్లో 48; 5 ఫోర్లు, సిక్స్‌) థండర్‌కు మెరుపు ఆరంభాన్ని అందించారు. అయితే థండర్‌ మధ్యలో తడబడింది. మాథ్యూ గిల్కెస్‌ డకౌట్‌ కాగా.. సామ్‌ బిల్లింగ్స్‌ (14 బంతుల్లో 20; ఫోర్‌, సిక్స్‌), ఒలివర్‌ డేవిస్‌ (19 బంతుల్లో 26; ఫోర్‌, సిక్స్‌), క్రిస్‌ గ్రీన్‌ (9 బంతుల్లో 16; 2 ఫోర్లు) పెద్ద స్కోర్లు చేయలేకపోయారు. హరికేన్స్‌ బౌలర్లలో రిలే మెరిడిత్‌, కెప్టెన్‌ నాథన్‌ ఇల్లిస్‌ తలో మూడు వికెట్లు తీయడంతో పాటు పొదుపుగా బౌలింగ్‌ చేసి థండర్‌ను భారీ స్కోర్‌ చేయకుండా అడ్డుకున్నారు.అనంతరం లక్ష్య ఛేదనలో హరికేన్స్‌ ఓపెనర్‌ మిచెల్‌ ఓవెన్‌ విలయతాండవం చేశాడు. ఓవెన్‌ దెబ్బ​కు థండర్‌ బౌలర్లు బెంబేలెత్తిపోయారు. ఓవెన్‌ విశ్వరూపం దాల్చి 16 బంతుల్లో హాఫ్‌ సెంచరీని, 39 బంతుల్లో సెంచరీని పూర్తి చేశాడు. ఓవెన్‌ సునామీ ఇన్నింగ్స్‌ దెబ్బకు హరికేన్స్‌ పవర్‌ ప్లేలో (తొలి 6 ఓవర్లలో) 98 పరుగులు చేసింది. ఈ ఇన్నింగ్స్‌లో మొత్తంగా 42 బంతులు ఎదుర్కొన్న ఓవెన్‌ 6 ఫోర్లు, 11 సిక్సర్ల సాయంతో 108 పరుగులు చేసి ఔటయ్యాడు. ఓవెన్‌ ఔటయ్యే సమయానికే హరికేన్స్‌ విజయం ఖరారయ్యింది. ఆఖర్లో మాథ్యూ వేడ్‌ (17 బంతుల్లో 32 నాటౌట్‌; 5 ఫోర్లు, సిక్స్‌), బెన్‌ మెక్‌డెర్మాట్‌ (12 బంతుల్లో 18 నాటౌట్‌; 2 ఫోర్లు) మ్యాచ్‌ను లాంఛనంగా పూర్తి చేశారు. హరికేన్స్‌ 14.1 ఓవర్లలో 3 వికెట్లు కోల్పోయి లక్ష్యాన్ని ఛేదించింది. హరికేన్స్‌ ఇన్నింగ్స్‌లో కాలెబ్‌ జువెల్‌ (13), నిఖిల్‌ చౌదరీ (1) మాత్రమే తక్కువ స్కోర్లకు ఔటయ్యారు.థండర్‌ బౌలర్లలో తన్వీర్‌ సంఘా 2, టామ్‌ ఆండ్రూస్‌ ఓ వికెట్‌ పడగొట్టారు. 2011-12 ❌2012-13 ❌2013-14 ❌2014-15 ❌2015-16 ❌2016-17 ❌2017-18 ❌2018-19 ❌2019-20 ❌2020-21 ❌2021-22 ❌2022-23 ❌2023-24 ❌2024-25 🏆The wait is over for @HurricanesBBL.pic.twitter.com/bPufT8V9Ko— CricTracker (@Cricketracker) January 27, 2025హరికేన్స్‌ 14 ఏళ్ల సుదీర్ఘ ఎదురుచూపు తర్వాత సొంత ప్రేక్షకుల మధ్య టైటిల్‌ గెలిచింది. మిచెల్‌ ఓవెన్‌ సునామీ శతకంతో మ్యాచ్‌ను వన్‌ సైడెడ్‌గా చేశాడు. ఓవెన్‌కు ఈ సీజన్‌లో ఇది రెండో సెంచరీ. ఈ సెంచరీతో ఓవెన్‌ బీబీఎల్‌లో ఫాస్టెస్ట్‌ సెంచరీ రికార్డును (39 బంతుల్లో) కూడా సమం చేశాడు.

హోబ‌ర్ట్ వేదిక‌గా సిడ్నీ థండ‌ర్‌తో జ‌రిగిన‌ ఫైన‌ల్లో హోబర్ట్ హరికేన్స్ ఓపెన‌ర్ మిచెల్ ఓవెన్ విధ్వంస‌క‌ర సెంచ‌రీతో మెరిశాడు. 183 ప‌రుగుల ల‌క్ష్య చేధ‌న‌లో ఓవెన్ ఆకాశ‌మే హ‌ద్దుగా చెల‌రేగాడు. ఇన్నింగ్స్ ఆరంభం నుంచే సిడ్నీ బౌల‌ర్ల‌ను ఓవెన్ ఊతికారేశాడు. అత‌డిని అప‌డం ప్ర‌త్య‌ర్ధి జ‌ట్టు బౌల‌ర్ల త‌రం కాలేదు. ఈ క్ర‌మంలో 39 బంతుల్లోనే ఓవెన్ త‌న రెండో బీబీఎల్ సెంచ‌రీ మార్క్‌ను అందుకున్నాడు.ఓవ‌రాల్‌గా ఈ మ్యాచ్‌లో 42 బంతులు ఎదుర్కొన్న ఓవెన్‌.. 6 ఫోర్లు, 11 సిక్స్‌ల‌తో 108 ప‌రుగులు చేసి ఔట‌య్యాడు. కాగా ఈ మ్యాచ్‌లో ఓవెన్ తొలుత కేవ‌లం 16 బంతుల్లోనే త‌న హాఫ్ సెంచ‌రీని పూర్తి చేసుకున్నాడు. త‌ద్వారా ఓ అరుదైన రికార్డును ఓవెన్ త‌న పేరిట లిఖించుకున్నాడు. బిగ్‌బాష్ లీగ్ చ‌రిత్ర‌లో ఫాస్టెస్ట్ ఫిప్టీ చేసిన మూడో ఆట‌గాడిగా టామ్ బాంట‌న్‌తో క‌లిసి మిచెల్ సంయుక్తంగా నిలిచాడు.బీబీఎల్‌లో ఫాస్టెస్ట్ ఫిప్టీ రికార్డు వెస్టిండీస్ దిగ్గ‌జం క్రిస్ గేల్ పేరిట ఉంది. 2016 సీజ‌న్‌లో ఆడిలైడ్ స్ట్రైక‌ర్స్‌తో జ‌రిగిన మ్యాచ్‌లో గేల్ కేవ‌లం 12 బంతుల్లోనే ఆర్ద‌శ‌త‌కంతో మెరిశాడు. ఆ త‌ర్వాత స్ధానంలో డానియ‌ల్ క్రిస్టియ‌న్‌(15 బంతులు), ఓవెన్‌(16), బాంట‌న్‌(16) ఉన్నారు.బీబీఎల్ విజేత‌గా హోబర్ట్‌..ఇక బీబీఎల్ 2024-25 సీజ‌న్ విజేత‌గా హోబర్ట్ హరికేన్స్ నిలిచింది. తుది పోరులో సిడ్నీను 7 వికెట్ల తేడాతో చిత్తు చేసిన హోబ‌ర్ట్‌.. తొలిసారి బీబీఎల్ టైటిల్‌ను ముద్దాడింది. 183 ప‌రుగుల ల‌క్ష్యాన్ని ఓవెన్ విధ్వంస‌క‌ర ఇన్నింగ్స్ ఫ‌లితంగా హోబ‌ర్ట్‌.. కేవ‌లం 3 వికెట్లు మాత్ర‌మే కోల్పోయి 14.1 ఓవ‌ర్ల‌లో చేధించింది.తొలుత బ్యాటింగ్ చేసిన సిడ్నీ నిర్ణీత 20 ఓవ‌ర్ల‌లో 7 వికెట్ల న‌ష్టానికి 182 ప‌రుగులు చేసింది. సిడ్నీ బ్యాట‌ర్ల‌లో జాస‌న్ సంగ‌(67) టాప్ స్కోర‌ర్‌గా నిల‌వ‌గా.. డేవిడ్ వార్న‌ర్‌(48) ప‌రుగుల‌తో రాణించారు. హోబర్ట్ బౌలర్లలో మెరిడిత్‌, ఇల్లీస్ తలా మూడు వికెట్లు పడగొట్టారు.ఎవరీ మిచెల్ ఓవెన్‌..?23 ఏళ్ల మిచెల్ ఓవెన్‌ లిస్ట్‌-ఎ, ఫస్ట్‌క్లాస్‌​ క్రికెట్ రెండింటిలోనూ టాస్మానియాకు ప్రాతినిధ్యం వహిస్తున్నాడు. ఫిబ్రవరి 22, 2021న మార్ష్ వన్-డే కప్‌లో లిస్ట్‌-ఎ క్రికెట్‌లో అడుగుపెట్టిన ఓవెన్‌.. షెఫీల్డ్ షీల్డ్‌లో సౌత్ ఆస్ట్రేలియాతో జరిగిన మ్యాచ్‌లో అక్టోబర్ 3, 2023న ఫస్ట్-క్లాస్ అరంగేట్రం చేశాడు. అదేవిధంగా 24 టీ20ల్లో 33.18 సగటుతో 531 పరుగులు చేశాడు. అందులో 452 పరుగులు ఈ ఏడాది బిగ్‌బాష్‌ సీజన్‌లో చేసినవే కావడం గమనార్హం. బీబీఎల్‌ 2024-25 సీజన్‌లో ఓవెన్‌ 452 పరుగులు చేసి లీడింగ్‌ రన్‌‍స్కోరర్‌గా నిలిచాడు. ఓవెన్‌కు పేస్‌ బౌలింగ్‌ చేసే సత్తాకూడా ఉంది. అతడు త్వరలోనే ఆస్ట్రేలియా తరపున అరంగేట్రం చేసే ఛాన్స్‌ ఉంది. Mitch Owen has just made the fastest fifty in a BBL Final!It's also the fastest Hurricanes fifty, and the third-fastest in BBL history. #BBL14 pic.twitter.com/2vuSvM7GVz— KFC Big Bash League (@BBL) January 27, 2025

ప్రస్తుతం జరుగుతున్న బిగ్‌బాష్‌ లీగ్‌లో ఆస్ట్రేలియా విధ్వంసకర ఆటగాడు, మెల్‌బోర్న్‌ స్టార్స్‌ కీలక ప్లేయర్‌ గ్లెన్‌ మ్యాక్స్‌వెల్‌ రెచ్చిపోతున్నాడు. ఈ సీజన్‌లో మ్యాక్సీ రెడ్‌ హాట్‌ ఫామ్‌లో ఉన్నాడు. మ్యాక్సీ ఈ సీజన్‌లో ఇప్పటివరకు ఆడిన 8 మ్యాచ్‌ల్లో 59.40 సగటున, 194.11 స్ట్రయిక్‌రేట్‌తో మూడు హాఫ్‌ సెంచరీల సాయంతో 297 పరుగులు చేశాడు. ఈ సీజన్‌లో అతను థర్డ్‌ లీడింగ్‌ రన్‌ స్కోరర్‌గా కొనసాగుతున్నాడు. ఈ సీజన్‌లో మ్యాక్సీ మొత్తం 26 సిక్సర్లు బాదాడు. గత నాలుగు ఇన్నింగ్స్‌ల్లో మ్యాక్సీ పట్టపగ్గాల్లేకుండా విరుచుకుపడుతున్నాడు.తాజాగా హోబర్ట్‌ హరికేన్స్‌తో జరుగుతున్న మ్యాచ్‌లో మ్యాక్సీ సుడిగాలి హాఫ్‌ సెంచరీ చేశాడు. 32 బంతుల్లో 5 ఫోర్లు, అర డజను సిక్సర్ల సాయంతో అజేయమైన 76 పరుగులు చేశాడు. ఫలితంగా మెల్‌బోర్న్‌ స్టార్స్‌ నిర్ణీత 20 ఓవర్లలో 5 వికెట్ల నష్టానికి 219 పరుగుల భారీ స్కోర్‌ చేసింది. మ్యాక్స్‌వెల్‌తో పాటు బ్యూ వెబ్‌స్టర్‌ (31 బంతుల్లో 51; 4 ఫోర్లు, 3 సిక్సర్లు) అర్ద సెంచరీతో రాణించాడు. కెప్టెన్‌ మార్కస్‌ స్టోయినిస్‌ (19 బంతుల్లో 32; 4 ఫోర్లు, సిక్స్‌) మెరుపు ఇన్నింగ్స్‌ ఆడాడు. స్టార్స్‌ ఇన్నింగ్స్‌లో సామ్‌ హార్పర్‌ 19 బంతుల్లో 23, థామస్‌ రోజర్స్‌ 10 బంతుల్లో 9, కార్ట్‌రైట్‌ 6 బంతుల్లో 12 పరుగులు చేశారు. హరికేన్స్‌ బౌలర్లలో మార్కస్‌ బీన్‌, నాథన్‌ ఇల్లిస్‌, మిచెల్‌ ఓవెన్‌, నిఖిల్‌ చౌదరీ తలో వికెట్‌ పడగొట్టారు.220 పరుగుల భారీ లక్ష్య ఛేదనలో హరికేన్స్‌ తడబడుతుంది. ఆ జట్టు 9 ఓవర్ల అనంతరం 4 వికెట్ల నష్టానికి 88 పరుగులు చేసింది. కాలెబ్‌ జువెల్‌ 5, మిచెల్‌ ఓవన్‌ 17 బంతుల్లో 38, చార్లీ వకీమ్‌ 0, బెన్‌ మెక్‌ డెర్మాట్‌ 2 పరుగులు చేసి ఔట్‌ కాగా.. నిఖిల్‌ చౌదరీ 18, మాథ్యూ వేడ్‌ 18 పరుగులతో క్రీజ్‌లో ఉన్నారు. ఈ మ్యాచ్‌లో హరికేన్స్‌ గెలవాలంటే 66 బంతుల్లో 132 పరుగులు చేయాల్సి ఉంది. విధ్వంసకర ఆటగాడు టిమ్‌ డేవిడ్‌ బ్యాటింగ్‌కు రావాల్సి ఉంది. స్టార్స్‌ పేసర్‌ మార్క్‌ స్టీకిటీ (2-0-8-3) హరికేన్స్‌ను దెబ్బకొట్టాడు. టామ్‌ కర్రన్‌ ఓ వికెట్‌ దక్కింది.గత నాలుగు మ్యాచ్‌ల్లో మ్యాక్స్‌వెల్‌ స్కోర్లు..20*(10)58*(32)90(52)76*(32)పంజాబ్‌ కింగ్స్‌కు మంచి రోజులే..!ఐపీఎల్‌ 2025 మెగా వేలంలో మ్యాక్స్‌వెల్‌ను పంజాబ్‌ కింగ్స్‌ సొంతం చేసుకుంది. మ్యాక్సీని పంజాబ్‌ రూ.4.2 కోట్లకు దక్కించుకుంది. గత ఐపీఎల్‌ సీజన్‌లో ఆర్సీబీకి ఆడిన మ్యాక్స్‌వెల్‌ తీవ్రంగా నిరాశపరిచాడు (10 మ్యాచ్‌ల్లో కేవలం 52 పరుగులు చేశాడు). ఐపీఎల్‌-2025కి ముందు మ్యాక్స్‌వెల్‌ ఫామ్‌లోకి రావడంతో పంజాబ్‌ కింగ్స్‌ అభిమానులు సంబురపడిపోతున్నారు. మ్యాక్సీ ఇదే ఫామ్‌కు కొనసాగిస్తే తమ జట్టుకు మంచి రోజులు వస్తాయని అశిస్తున్నారు. పంజాబ్‌ కింగ్స్‌ క్యాష్‌ రిచ్‌ లీగ్‌ స్టార్ట్‌ అయినప్పటి నుంచి ఒక్క టైటిల్‌ కూడా గెలవలేదు. మ్యాక్స్‌వెల్‌ గతంలో (2020 సీజన్‌లో) పంజాబ్‌ కింగ్స్‌కు ఆడాడు.

ఆస్ట్రేలియా స్టార్‌ మిడిలార్డర్‌ బ్యాటర్‌ మార్నస్‌ లబూషేన్‌ భారత టీ20 జట్టు కెప్టెన్‌ సూర్యకుమార్‌ యాదవ్‌ను గుర్తు చేశాడు. బిగ్‌బాష్‌ లీగ్‌ 2024-25లో భాగంగా హోబర్ట్‌ హరికేన్స్‌తో జరుగుతున్న మ్యాచ్‌లో లబూషేన్‌ స్కై ట్రేడ్‌మార్క్‌ 360 డిగ్రీస్‌ స్కూప్‌ షాట్‌ ఆడాడు. లబూషేన్‌ ఈ షాట్‌ను అచ్చుగుద్దినట్లు సూర్యకుమార్‌ యాదవ్‌లా ఆడాడు. దీనికి సంబంధించిన వీడియో సోషల్‌మీడియాలో వైరలవుతుంది.😱 MARNUS 😱That's some shot at The Gabba! #BBL14 pic.twitter.com/VTTdEULcEy— KFC Big Bash League (@BBL) January 16, 2025ఎప్పుడూ క్లాసీ షాట్లు ఆడే లబూషేన్‌ విన్నూత్నమైన షాట్‌ ఆడి అందరినీ ఆశ్చర్యపరిచాడు. హోబర్ట్‌ హరికేన్స్‌తో జరుగుతున్న మ్యాచ్‌లో లబూషేన్‌ మెరుపు ఇన్నింగ్స్‌ ఆడాడు. ఈ మ్యాచ్‌లో 44 బంతులు ఎదుర్కొన్న లబూషేన్‌ 8 ఫోర్లు, 2 సిక్సర్ల సాయంతో 77 పరుగులు చేశాడు. బిగ్‌బాష్‌ లీగ్‌లో లబూషేన్‌కు ఇదే అత్యధిక స్కోర్‌.లబూషేన్‌ సూపర్‌ ఇన్నింగ్స్‌తో రాణించడంతో తొలుత బ్యాటింగ్‌ చేసిన బ్రిస్బేన్‌ హీట్‌ నిర్ణీత 20 ఓవర్లలో 6 వికెట్ల నష్టానికి 201 పరుగులు చేసింది. బ్రిస్బేన్‌ హీట్‌ ఇన్నింగ్స్‌లో ఉస్మాన్‌ ఖ్వాజా (9 బంతుల్లో 23; 3 ఫోర్లు, సిక్స్‌), మ్యాట్‌ రెన్‌షా (25 బంతుల్లో 40; 3 ఫోర్లు, 2 సిక్సర్లు), అల్సోప్‌ (27 బంతుల్లో 39; 4 ఫోర్లు) కూడా మెరుపు ఇన్నింగ్స్‌లు ఆడారు. నాథన్‌ మెక్‌స్వీని (1), మ్యాక్స్‌ బ్రయాంట్‌ (4) విఫలమయ్యారు.లబూషేన్‌ ధాటికి హరికేన్స్‌ బౌలర్లు ధారాళంగా పరుగులు సమర్పించుకున్నారు. ముఖ్యంగా రిలే మెరిడిత్‌కు లబూషేన్‌ చుక్కలు చూపించాడు. లబూషేన్‌ స్కై తరహా సూపర్‌ సిక్సర్‌ను మెరిడిత్‌ బౌలింగ్‌లోనే బాదాడు. మెరిడిత్‌ తన కోటా నాలుగు ఓవర్లలో వికెట్లు ఏమీ తీసుకోకుండా 57 పరుగులు సమర్పించుకున్నాడు. హరికేన్స్‌ కెప్టెన్‌ నాథన్‌ ఇల్లిస్‌ మూడు వికెట్లు తీసుకున్నప్పటికీ.. 4 ఓవర్లలో 42 పరుగులు సమర్పించుకున్నాడు. మార్కస్‌ బీన్‌, మిచెల్‌ ఓవెన్‌ తలో వికెట్‌ పడగొట్టారు.202 పరుగుల భారీ లక్ష్యాన్ని ఛేదించేందుకు బరిలోకి దిగిన హరికేన్స్‌ ధాటికి ఇన్నింగ్స్‌ను ప్రారంభించింది. ఆ జట్టు 8.2 ఓవర్లలో రెండు వికెట్ల నష్టానికి 87 పరుగులు చేసింది. ఓపెనర్‌ మిచెల్‌ ఓవెన్‌ సుడిగాలి ఇన్నింగ్స్‌ ఆడి ఔటయ్యాడు. ఓవెన్‌ 20 బంతుల్లో బౌండరీ, అర డజను సిక్సర్ల సాయంతో 44 పరుగులు చేశాడు. మరో ఓపెనర్‌ కాలెబ్‌ జువెల్‌ కూడా ధాటిగా ఆడుతున్నాడు. కాలెబ్‌ 24 బంతుల్లో 7 ఫోర్ల సాయంతో 38 పరుగులు చేసి ఇన్నింగ్స్‌ను కొనసాగిస్తున్నాడు. చార్లీ వకీం డకౌట్‌ కాగా.. కాలెబ్‌కు జతగా నిఖిల్‌ చౌదరీ క్రీజ్‌లో ఉన్నాడు. ఈ మ్యాచ్‌లో హరికేన్స్‌ నెగ్గాలంటే 70 బంతుల్లో 115 పరుగులు చేయాల్సి ఉంది.

ఐపీఎల్‌ ఫ్రాంచైజీ ఆర్సీబీకి గుడ్‌ న్యూస్‌ అందింది. బిగ్‌ బాష్‌ లీగ్‌లో పేలవ ఫామ్‌లో ఉండిన ఆ జట్టు స్టార్‌ ప్లేయర్‌ జేకబ్‌ బేతెల్‌ ఎట్టకేలకు ఫామ్‌లోకి వచ్చాడు. హోబర్ట్‌ హరికేన్స్‌తో ఇవాళ (జనవరి 14) జరిగిన మ్యాచ్‌లో బేతెల్‌ మెరుపు అర్ద సెంచరీ (50 బంతుల్లో 87; 8 ఫోర్లు, 4 సిక్సర్లు) సాధించాడు. ఫలితంగా అతని జట్టు మెల్‌బోర్న్‌ రెనెగేడ్స్‌ నిర్ణీత 20 ఓవర్లలో 7 వికెట్ల నష్టానికి 154 పరుగులు చేసింది. JACOB BETHELL - A SPECIAL PLAYER. 🌟The Highlights of Jacob Bethel's 87(50) in the BBL and all players combined made 61(70) - Bethel, The Future of RCB. 🔥pic.twitter.com/zIyhli7iOi— Tanuj Singh (@ImTanujSingh) January 14, 2025మెల్‌బోర్న్‌ ఇన్నింగ్స్‌లో బేతెల్‌ మినహా ఎవరూ రాణించలేదు. టిమ్‌ సీఫర్ట్‌ (24), కెప్టెన్‌ సదర్‌ల్యాండ్‌ (15) మాత్రమే రెండంకెల స్కోర్లు చేశారు. జోష్‌ బ్రౌన్‌ 6, మార్కస్‌ హ్యారిస్‌ 1, జేక్‌ ఫ్రేజర్‌ మెక్‌గుర్క్‌ 7, హ్యారీ డిక్సన్‌ 1, టామ్‌ రోజర్స్‌ 5 (నాటౌట్‌), ఫెర్గస్‌ ఓనీల్‌ 2 (నాటౌట్‌) పరుగులు చేశారు. హరికేన్స్‌ బౌలర్లలో రిలే మెరిడిత్‌ మూడు వికెట్లు పడగొట్టగా.. నాథన్‌ ఇల్లిస్‌, మిచెల్‌ ఓవెన్‌ తలో వికెట్‌ దక్కించుకున్నారు.155 పరుగుల నామమాత్రపు లక్ష్యాన్ని ఛేదించేందుకు బరిలోకి దిగిన హరికేన్స్‌ 7 ఓవర్ల అనంతరం రెండు వికెట్ల నష్టానికి 51 పరుగులు చేసింది. ఓపెనర్లు మిచెల్‌ ఓవెన్‌ (24), కాలెబ్‌ జువెల్‌ (1) ఔట్‌ కాగా.. చార్లీ వకీం (12), నిఖిల్‌ చౌదరీ (4) క్రీజ్‌లో ఉన్నారు. రెనెగేడ్స్‌ బౌలర్లలో ఫెర్గస్‌ ఓనీల్‌కు ఓ వికెట్‌ దక్కింది. ఈ మ్యాచ్‌లో హరికేన్స్‌ గెలవాలంటే 78 బంతుల్లో 105 పరుగులు చేయాలి.కాగా, ఇటీవల ముగిసిన ఐపీఎల్‌ వేలంలో జేకబ్‌ బేతెల్‌ను రాయల్‌ ఛాలెంజర్స్‌ బెంగళూరు 2.6 కోట్లకు కొనుగోలు చేసింది. ఆర్సీబీ జేకబ్‌ బేతెల్‌పై భారీ అంచనాలే పెట్టుకుంది. అయితే బీబీఎల్‌ తొలి అర్ద భాగంలో బేతెల్‌ తుస్సుమనిపించాడు.బీబీఎల్‌-2025లో బేతెల్‌ ప్రదర్శనలు..87(50) vs హోబర్ట్ హరికేన్స్1(8) vs మెల్బోర్న్ స్టార్స్2(9) vs పెర్త్ స్కార్చర్స్49(36) vs మెల్బోర్న్ స్టార్స్21(21) vs అడిలైడ్ స్ట్రైకర్స్2(4) vs సిడ్నీ థండర్30(22) vs పెర్త్ స్కార్చర్స్3(6) vs హోబర్ట్ హరికేన్స్

బిగ్‌బాష్‌ లీగ్‌లో డేవిడ్‌ వార్నర్‌ సారథ్యం వహిస్తున్న సిడ్నీ థండర్‌కు ఊహించని విజయం దక్కింది. పెర్త్‌ స్కార్చర్స్‌తో ఇవాళ (జనవరి 13) జరిగిన మ్యాచ్‌లో థండర్‌ జట్టు 61 పరుగుల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన థండర్‌ నిర్ణీత 20 ఓవర్లలో 7 వికెట్ల నష్టానికి 158 పరుగులు చేసింది. ఓపెనర్‌ సామ్‌ కొన్‌స్టాస్‌ (42 బంతుల్లో 53; 5 ఫోర్లు, 2 సిక్సర్లు) అర్ద సెంచరీతో రాణించాడు. ఆఖర్లో టామ్‌ ఆండ్రూస్‌ (13 బంతుల్లో 37 నాటౌట్‌; 3 ఫోర్లు, 3 సిక్సర్లు) మెరుపు ఇన్నింగ్స్‌ ఆడాడు. ఆండ్రూస్‌కు క్రీస్‌ గ్రీన్‌ (16 బంతుల్లో 20 నాటౌట్‌; ఫోర్‌) సహకరించాడు. ఈ ముగ్గురు మినహా థండర్ ఇన్నింగ్స్‌లో ఎవరూ రాణించలేదు. కెప్టెన్‌ డేవిడ్‌ వార్నర్‌ (8) సహా అంతా విఫలమయ్యారు. మాథ్యూ గిల్కెస్‌ 8, సామ్‌ బిల్లింగ్స్‌ 8, జార్జ్‌ గార్టన్‌ 1, హగ్‌ వెబ్జెన్‌ 6, మెక్‌ ఆండ్రూ 9 పరుగులకు ఔటయ్యారు. స్కార్చర్స్‌ బౌలర్లలో లాన్స్‌ మోరిస్‌ మూడు వికెట్లు పడగొట్టగా.. బెహ్రెన్‌డార్ఫ్‌, అస్టన్‌ అగర్‌, కూపర్‌ కన్నోలీ, మాథ్యూ స్పూర్స్‌ తలో వికెట్‌ దక్కించుకున్నారు. 97 పరుగులకే కుప్పకూలిన స్కార్చర్స్‌థండర్‌ 158 పరుగుల స్కోర్‌ను డిఫెండ్‌ చేసుకోవడం​ చాలా కష్టమని అంతా అనుకున్నారు. అయితే ఆ జట్టు బౌలర్లు అద్భుతం చేశారు. కలిసికట్టుగా బౌలింగ్‌ చేసి స్వల్ప స్కోర్‌ను విజయవంతంగా కాపాడుకున్నారు. క్రిస్‌ గ్రీన్‌ 3, నాథన్‌ మెక్‌ఆండ్రూ 2, మొహమ్మద్‌ హస్నైన్‌, తన్వీర్‌ సంఘా, టామ్‌ ఆండ్రూస్‌ తలో వికెట్‌ పడగొట్టారు. ఫలితంగా స్కార్చర్స్‌ 17.2 ఓవర్లలో 97 పరుగులకే చాపచుట్టేసింది. స్కార్చర్స్‌ ఇన్నింగ్స్‌లో ఆరోన్‌ హార్డీ (22), నిక్‌ హాబ్సన్‌ (10), మాథ్యూ స్పూర్స్‌ (13), జేసన్‌ బెహ్రెన్‌డార్ఫ్‌ (17 నాటౌట్‌) మాత్రమే రెండంకెల స్కోర్లు చేయగలిగారు. సామ్‌ ఫాన్నింగ్‌ (1), ఫిన్‌ అలెన్‌ (9), కూపర్‌ కన్నోలీ (7), అస్టన్‌ టర్నర్‌ (4), అస్టన్ అగర్‌ (7), లాన్స్‌ మోరిస్‌ (0), మహ్లి బియర్డ్‌మ్యాన్‌ (2) సింగిల్‌ డిజిట్‌ స్కోర్లకే పరిమితమయ్యారు. ఈ మ్యాచ్‌లో గెలుపుతో సిడ్నీ థండర్‌ ఫైనల్‌కు చేరింది. ఆ జట్టు తొమ్మిది మ్యాచ్‌ల్లో ఐదు విజయాలతో (11 పాయింట్లు) పాయింట్ల పట్టికలో అగ్రస్థానంలో నిలిచింది.

బిగ్‌బాష్‌ లీగ్‌లో భాగంగా మెల్‌బోర్న్‌ రెనెగేడ్స్‌తో ఇవాళ (జనవరి 12) జరుగుతున్న మ్యాచ్‌లో మెల్‌బోర్న్‌ స్టార్స్‌ ఆటగాడు గ్లెన్‌ మ్యాక్స్‌వెల్‌ ఉగ్రరూపం దాల్చాడు. ఈ మ్యాచ్‌లో మ్యాక్సీ ఆకాశమే హద్దుగా చెలరేగాడు. జట్టు కష్టాల్లో ఉన్నప్పుడు (45/4) ఆరో స్థానంలో బ్యాటింగ్‌కు దిగిన మ్యాక్స్‌వెల్‌.. 52 బంతుల్లో 10 సిక్సర్లు, 4 ఫోర్ల సాయంతో 90 పరుగులు చేశాడు. నిదానంగా ఇన్నింగ్స్‌ను ప్రారంభించిన మ్యాక్సీ.. ఇన్నింగ్స్‌ 16వ ఓవర్‌ నుంచి గేర్‌ మార్చాడు. ఆడమ్‌ జంపా వేసిన 16వ ఓవర్‌లో సిక్సర్‌, బౌండరీ బాదిన మ్యాక్స్‌వెల్‌.. కేన్‌ రిచర్డ్‌సన్‌ వేసిన ఆతర్వాతి ఓవర్‌లో మరింత రెచ్చిపోయాడు. ఈ ఓవర్‌లో అతను బౌండరీ, రెండు భారీ సిక్సర్లు బాదాడు. GLENN MAXWELL HITS 122 METER SIX IN BBL. 🤯- Glenn Maxwell, The Big Show..!!! 🔥pic.twitter.com/zcwV3b28Hd— Tanuj Singh (@ImTanujSingh) January 12, 2025ఈ ఓవర్‌లోని తొలి సిక్సర్‌ (రెండో బంతి) బిగ్‌బాష్‌ లీగ్‌ చరిత్రలోనే అతి భారీ సిక్సర్‌గా రికార్డైంది. ఈ సిక్సర్‌ 122 మీటర్ల దూరం వెళ్లింది. మ్యాకీకి ముందు బీబీఎల్‌లో భారీ సిక్సర్‌ రికార్డు సహచరుడు హిల్టన్‌ కార్ట్‌రైట్‌ పేరిట ఉండింది. ఇదే సీజన్‌లో కార్ట్‌రైట్‌ 121 మీటర్ల సిక్సర్‌ బాదాడు.అనంతరం సదర్‌ల్యాండ్‌ వేసిన ఇన్నింగ్స్‌ 18వ ఓవర్‌లో మ్యాక్స్‌వెల్‌ పట్టపగ్గాల్లేకుండా విరుచుకుపడ్డాడు. ఈ ఓవర్‌లో అతను మూడు భారీ సిక్సర్లు సహా ఓ బౌండరీ బాదాడు. ఈ ఓవర్‌లో మ్యాక్సీ వరుసగా తొలి మూడు బంతులను సిక్సర్లుగా మలిచాడు. సెంచరీకి 10 పరుగుల దూరంలో ఉండగా మ్యాక్సీ 20వ ఓవర్‌ తొలి బంతికి ఔటయ్యాడు. కేన్‌ రిచర్డ్‌సన్‌ మ్యాక్సీని క్లీన్‌ బౌల్డ్‌ చేశాడు. మ్యాక్స్‌వెల్‌ పుణ్యమా అని ఈ మ్యాచ్‌లో మెల్‌బోర్న్‌ స్టార్స్‌ నిర్ణీత ఓవర్లు బ్యాటింగ్‌ చేసి 165 పరుగులు చేసింది. మ్యాక్స్‌వెల్‌కు ఎవరి సహకారం లభించనప్పటికీ ఒక్కడే ఇన్నింగ్స్‌ను నిర్మించాడు. ఖాతా కూడా తెరవని ఉసామా మిర్‌తో మ్యాక్స్‌వెల్‌ ఎనిమిదో వికెట్‌కు 81 పరుగులు జోడించడం విశేషం. ఈ 81 పరుగులను మ్యాక్స్‌వెల్‌ ఒక్కడే చేశాడు.ఈ మ్యాచ్‌లో టాస్‌ ఓడి తొలుత బ్యాటింగ్‌కు దిగిన మెల్‌బోర్న్‌ స్టార్స్‌ తొలి బంతికే వికెట్‌ కోల్పోయింది. ఆతర్వాత బెన్‌ డకెట్‌ (21), బ్యూ వెబ్‌స్టర్‌ (15) కొద్దిసేపు క్రీజ్‌లో నిలబడ్డారు. 32 పరుగుల వద్ద బెన్‌ డకెట్‌, థామస్‌ రోజర్స (0) ఔటయ్యారు. అనంతరం 45 పరుగుల వద్ద వెబ్‌స్టర్‌, 55 పరుగుల వద్ద సోయినిస్‌ (18), 63 పరుగుల వద్ద కార్ట్‌రైట్‌ (6), 75 పరుగుల వద్ద జోయల్‌ పారిస్‌ (3) పెవిలియన్‌కు చేరారు. 11 ఓవర్లలో మెల్‌బోర్న్‌ స్టార్స్‌ ఏడు వికెట్లు కోల్పోయి 100 పరుగులు కూడా చేసేలా కనిపించలేదు. ఈ దశలో మ్యాక్సీ ఒంటిచేత్తో మ్యాచ్‌ స్వరూపాన్నే మార్చేశాడు. రెనెగేడ్స్‌ బౌలర్లలో టామ్‌ రోజర్స్‌, ఫెర్గస్‌ ఓనీల్‌, ఆడమ్‌ జంపా తలో రెండు వికెట్లు పడగొట్టగా.. జేకబ్‌ బేతెల్‌ ఓ వికెట్‌ దక్కించుకున్నాడు.NOVAK DJOKOVIC AT THE BBL. 🐐- The reaction after Stoinis was out. 😄pic.twitter.com/eruRdky7yL— Mufaddal Vohra (@mufaddal_vohra) January 12, 2025సెంటర్‌ ఆఫ్‌ అట్రాక్షన్‌గా నిలిచిన జకోవిచ్‌ఈ మ్యాచ్‌ చూసేందుకు టెన్నిస్‌ దిగ్గజం నొవాక్‌ జకోవిచ్‌ వచ్చాడు. జకో ఆస్ట్రేలియన్‌ ఓపెన్‌ ఆడేందుకు ఆస్ట్రేలియాలో ఉన్నాడు. ఈ మ్యాచ్‌లో జకో మెల్‌బోర్న్‌ స్టార్స్‌కు మద్దతుగా నిలిచాడు. స్టార్స్‌ కెప్టెన్‌ స్టోయినిస్‌ ఔట్‌ కాగానే జకో​ నిరాశ చెందాడు. దీనికి సంబంధించిన వీడియో సోషల్‌మీడియాలో వైరలవుతుంది.తడబడుతున్న రెనెగేడ్స్‌166 పరుగుల లక్ష్యాన్ని ఛేదించేందుకు బరిలోకి దిగిన రెనెగేడ్స్‌ 13 ఓవర్లలో 5 వికెట్లు కోల్పోయి 78 పరుగులు చేసింది. మార్క్‌ స్టీకిటీ (3-0-14-3) అద్భుతంగా బౌలింగ్‌ చేసి రెనెగేడ్స్‌ను దెబ్బకొట్టాడు. రెనెగేడ్స్‌ ఇన్నింగ్స్‌లో జోష్‌ బ్రౌన్‌ 4, మార్కస్‌ హ్యారిస్‌ 1, జేక్‌ ఫ్రేజర్‌ మెక్‌గుర్క్‌ 19, జేకబ్‌ బేతెల్‌ 1, విల్‌ సదర్‌ల్యాండ్‌ 15 పరుగులు చేసి ఔటయ్యారు. టిమ్‌ సీఫర్ట్‌ 26, హ్యారీ డిక్సన్‌ 1 పరుగుతో క్రీజ్‌లో ఉన్నారు. ఈ మ్యాచ్‌లో రెనెగేడ్స్‌ గెలవాలంటే 42 బంతుల్లో 88 పరుగులు చేయాలి.

ఆస్ట్రేలియా స్టార్‌ బ్యాటర్‌ స్టీవ్‌ స్మిత్‌(Steve Smith) విధ్వంసకర శతకంతో మెరిశాడు. ప్రత్యర్థి జట్టు బౌలింగ్‌ను ఊచకోత కోసి.. 58 బంతుల్లోనే వంద పరుగుల మార్కు అందుకున్నాడు. బిగ్‌ బాష్‌ లీగ్‌ 2024- 25(Big Bash League 2024-25 )లో సిడ్నీ సిక్సర్స్‌- పెర్త్‌ స్కార్చర్స్‌ మ్యాచ్‌ సందర్భంగా స్మిత్‌ ఈ మేర బ్యాట్‌ ఝులిపించాడు.బిగ్‌ రికార్డు.. ఫాస్టెస్ట్‌గా మూడు సెంచరీలుఓవరాల్‌గా టీ20 ఫార్మాట్‌లో స్మిత్‌కు ఇది నాలుగో సెంచరీ కాగా.. బిగ్‌ బాష్‌ లీగ్‌(బీబీఎల్‌)లో మూడోది. తద్వారా లీగ్‌ చరిత్రలో అత్యధిక శతకాలు బాదిన క్రికెటర్‌గా బెన్‌ మెక్‌డెర్మాట్‌(3)ను రికార్డును అతడు సమం చేశాడు. అయితే, మెక్‌డెర్మాట్‌(Ben McDermott) మూడు శతకాలు బాదడానికి 100 మ్యాచ్‌లు అవసరం కాగా.. స్మిత్‌ తన 32వ ఇన్నింగ్స్‌లోనే ఈ ఘనత సాధించాడు.కాగా బీబీఎల్‌లో స్మిత్‌ సిడ్నీ సిక్సర్స్‌కు ప్రాతినిథ్యం వహిస్తున్నాడు. లీగ్‌ తాజా ఎడిషన్‌లో అతడికి ఇదే తొలి మ్యాచ్‌. ఇటీవల టీమిండియాతో బోర్డర్‌- గావస్కర్‌ ట్రోఫీతో బిజీబిజీగా గడిపిన ఈ ఆసీస్‌ సీనియర్‌ బ్యాటర్‌.. మెల్‌బోర్న్ బాక్సింగ్‌ డే టెస్టులో శతకం బాది ఫామ్‌లోకి వచ్చాడు. లంక టూర్‌లో సారథిగాఇక ఈ ఐదు టెస్టు మ్యాచ్‌ల టెస్టు సిరీస్‌లో 3-1తో భారత జట్టుపై గెలిచిన కంగారూలు.. పదేళ్ల తర్వాత ‍ప్రతిష్టాత్మక బోర్డర్‌- గావస్కర్‌ ట్రోఫీని సొంతం చేసుకున్నారు. అనంతరం.. శ్రీలంకతో రెండు టెస్టులు ఆడేందుకు ఆస్ట్రేలియా జట్టు అక్కడికి వెళ్లనుంది. రెగ్యులర్‌ కెప్టెన్‌ ప్యాట్‌ కమిన్స్‌ ఈ సిరీస్‌కు దూరం కాగా.. అతడి స్థానంలో స్టీవ్‌ స్మిత్‌ సారథ్య బాధ్యతలు నిర్వర్తించునున్నాడు. అయితే, జనవరి 29 నుంచి ఆసీస్‌ లంక టూర్‌ మొదలుకానుంది. ఈ గ్యాప్‌లో స్మిత్‌ బీబీఎల్‌లో ఎంట్రీ ఇచ్చి.. తొలి మ్యాచ్‌లోనే సెంచరీతో దుమ్ములేపాడు.ఈలోపు బీబీఎల్‌లో ఎంట్రీసిడ్నీ వేదికగా పెర్త్‌ స్కార్చర్స్‌తో శనివారం జరిగిన మ్యాచ్‌లో టాస్‌ ఓడిన సిడ్నీ సిక్సర్స్‌ తొలుత బ్యాటింగ్‌ చేసింది. ఓపెనర్‌ జోష్‌ ఫిలిప్‌(9) విఫలం కాగా.. మరో ఓపెనర్‌ స్మిత్‌ ఆకాశమే హద్దుగా చెలరేగాడు. అరవై నాలుగు బంతుల్లోనే 121 పరుగులు చేసి ఆఖరి వరకు అజేయంగా నిలిచాడు. అతడి ఇన్నింగ్స్‌లో ఏకంగా పది ఫోర్లతో పాటు ఏడు సిక్సర్లు ఉండటం విశేషం.మిగతా వాళ్లలో కర్టిస్‌ పాటర్సన్‌(12) నిరాశపరచగా.. కెప్టెన్‌ మోయిజెస్‌ హెండ్రిక్స్‌ మెరుపు ఇన్నింగ్స్(28 బంతుల్లో 46) ఆడాడు. ఇక బెన్‌ డ్వార్షుయిస్‌ ధనాధన్‌ దంచికొట్టి కేవలం ఏడు బంతుల్లోనే 23 పరుగులు సాధించాడు. స్మిత్‌తో కలిసి ఆఖరి వరకు అజేయంగా నిలిచాడు. ఈ క్రమంలో నిర్ణీత 20 ఓవర్లలో సిడ్నీ సిక్సర్స్‌ కేవలం మూడు వికెట్ల నష్టానికి 220 పరుగులు స్కోరు చేసింది.ఆఖరి వరకు పోరాడినాఇక లక్ష్య ఛేదనకు దిగిన పెర్త్‌ స్కార్చర్స్‌కు ఓపెనర్‌ సామ్‌ ఫానింగ్‌(41) శుభారంభం అందించినా.. మరో ఓపెనర్‌ ఫిన్‌ అలెన్(15) నిరాశపరిచాడు. మిగతా వాళ్లలో కూపర్‌ కొన్నోలీ(33), మాథ్యూ కెప్టెన్‌(17 బంతుల్లో 28) ఫర్వాలేదనిపించారు. ఇక ఆష్టన్‌ టర్నర్‌(32 బంతుల్లో 66 నాటౌట్‌) ఆఖరి వరకు పోరాడాడు. కానీ అప్పటికే బంతులు అయిపోవడంతో నిర్ణీత 20 ఓవర్లలో ఏడు వికెట్లు నష్టపోయిన పెర్త్‌ జట్టు 206 పరుగుల వద్దే నిలిచిపోయింది. ఫలితంగా సిడ్నీ పద్నాలుగు పరుగుల తేడాతో గెలుపొంది. సిడ్నీ సిక్సర్స్‌ విజయంలో కీలక పాత్ర పోషించిన స్టీవ్‌ స్మిత్‌ ప్లేయర్‌ ఆఫ్‌ ది మ్యాచ్‌ అవార్డు దక్కించుకున్నాడు.చదవండి: ‘రోహిత్‌ శర్మ ఖేల్‌ ఖతం.. అందులో మాత్రం భవిష్యత్తు ఉంది’Steve Smith is something else 😲 Here's all the highlights from his 121* off 64 balls. #BBL14 pic.twitter.com/MTo82oWAv1— KFC Big Bash League (@BBL) January 11, 2025

ఆర్సీబీ అభిమానులకు అదిరిపోయే వార్త. ఇటీవలే ఆ జట్టులోకి వచ్చిన స్టార్‌ ఆటగాడు టిమ్‌ డేవిడ్‌ బిగ్‌బాష్‌ లీగ్‌లో విధ్వంసం సృష్టిస్తున్నాడు. టిమ్‌ వరుసగా రెండు మ్యాచ్‌ల్లో సుడిగాలి ఇన్నింగ్స్‌లు ఆడి ప్లేయర్‌ ఆఫ్‌ ద మ్యాచ్‌ అవార్డులు గెలుచుకున్నాడు. టిమ్‌ అరివీర భయంకరమైన ఫామ్‌ చూసి ఆర్సీబీ అభిమానులు సంబురపడిపోతున్నారు. టిమ్‌ ఇదే ఫామ్‌లో ఉంటే ఆర్సీబీ తొలి ఐపీఎల్‌ టైటిల్‌ నెగ్గడం ఖాయమని చర్చించుకుంటున్నారు.టిమ్‌ తాజాగా సిడ్నీ థండర్‌తో జరిగిన మ్యాచ్‌లో ఆకాశమే హద్దుగా చెలరేగిపోయాడు. ఈ మ్యాచ్‌లో టిమ్‌ 38 బంతుల్లో 4 ఫోర్లు, 6 సిక్సర్ల సాయంతో 68 పరుగులు చేశాడు. గెలవడం కష్టం అనుకున్న మ్యాచ్‌లో టిమ్‌ విశ్వరూపం ప్రదర్శించి తన జట్టును (హోబర్ట్‌ హరికేన్స్‌) ఒంటిచేత్తో గెలిపించాడు. టిమ్‌ చివరి వరకు క్రీజ్‌లో ఉండి హరికేన్స్‌ను విజయతీరాలకు చేర్చాడు.- 62*(28) & Won POTM.- 68*(38) & Won POTM.THE DESTRUCTION OF TIM DAVID IN THE BBL - Fantastic news for RCB. 🥶 pic.twitter.com/OSwD9Px6DP— Tanuj Singh (@ImTanujSingh) January 10, 2025దీనికి ముందు అడిలైడ్‌ స్ట్రయికర్స్‌తో జరిగిన మ్యాచ్‌లోనూ టిమ్‌ ఉగ్రరూపం దాల్చాడు. ఆ మ్యాచ్‌లో టిమ్‌ 28 బంతులు ఎదర్కొని 3 ఫోర్లు, 6 సిక్సర్ల సాయంతో 62 పరుగులు చేశాడు. ఛేదనలో జట్టు కష్టాల్లో ఉన్నప్పుడు ఆరో స్థానంలో బరిలోకి దిగిన టిమ్‌.. జట్టును విజయతీరాలకు చేర్చేంతవరకు ఔట్‌ కాలేదు. ఆ మ్యాచ్‌లో తొలుత బ్యాటింగ్‌ చేసిన స్ట్రయికర్స్‌ నిర్ణీత ఓవర్లలో 5 వికెట్ల నష్టానికి 186 పరుగులు చేసింది. ఛేదనలో హరికేన్స్‌ టాపార్డర్‌ బ్యాటర్లు పెద్దగా రాణించకపోగా.. టిమ్‌ పెద్దన్న పాత్రి పోషించి తన జట్టును విజయతీరాలకు చేర్చాడు.సిడ్నీ థండర్‌తో జరిగిన మ్యాచ్‌ విషయానికొస్తే.. ఈ మ్యాచ్‌లో టిమ్‌ హరికేన్స్‌ను ఒంటిచేత్తో గెలిపించాడు. తొలుత బ్యాటింగ్‌ చేసిన థండర్‌ నిర్ణీత 20 ఓవర్లలో 6 వికెట్ల నష్టానికి 164 పరుగులు చేసింది. థండర్‌ ఇన్నింగ్స్‌లో కెప్టెన్‌ డేవిడ్‌ వార్నర్‌ (88 నాటౌట్‌) ఒక్కడే రాణించాడు. సామ్‌ బిల్లింగ్స్‌ (28), ఒలివర్‌ డేవిస్‌ (17) రెండంకెల స్కోర్లు చేశారు. హరికేన్స్‌ బౌలర్లలో రిలే మెరిడిత్‌ రెండు వికెట్లు తీయగా.. స్టాన్‌లేక్‌, క్రిస్‌ జోర్డన్‌, నిఖిల్‌ చౌదరీ తలో వికెట్‌ పడగొట్టారు.165 పరుగుల లక్ష్యాన్ని ఛేదించేందుకు బరిలోకి దిగిన హరికేన్స్‌.. టిమ్‌ డేవిడ్‌ విధ్వంసకర ఇన్నింగ్స్‌తో విరుచుకుపడటంతో 16.5 ఓవర్లలో నాలుగు వికెట్లు మాత్రమే కోల్పోయి విజయతీరాలకు చేరింది. హరికేన్స్‌ టాపార్డర్‌ బ్యాటర్లు మిచెల్‌ ఓవెన్‌ (13), మాథ్యూ వేడ్‌ (13), చార్లీ వకీమ్‌, నిఖిల్‌ చౌదరీ (29) తక్కువ స్కోర్లకే ఔట్‌ కాగా.. ఐదో స్థానంలో బరిలోకి దిగిన టిమ్‌ నేనున్నానంటూ తన జట్టును గెలిపించాడు. క్రిస్‌ జోర్డన్‌ (18 నాటౌట్‌) సహకారంతో టిమ్‌ హరికేన్స్‌ను గెలుపు తీరాలకు చేర్చాడు. థండర్‌ బౌలర్లలో జార్జ్‌ గార్టన్‌ రెండు వికెట్లు పడగొట్టగా... వెస్‌ అగర్‌, టామ్‌ ఆండ్రూస్‌ తలో వికెట్‌ దక్కించుకున్నారు. కాగా, 28 ఏళ్ల టిమ్‌ను ఇటీవల ముగిసిన ఐపీఎల్‌ 2025 మెగా వేలంలో ఆర్సీబీ సొంతం చేసుకుంది. టిమ్‌ను ఆర్సీబీ 3 కోట్లకు దక్కించుకుంది. గత సీజన్‌ వరకు టిమ్‌ ముంబై ఇండియన్స్‌కు ఆడాడు. ముంబై ఇండియన్స్‌కు ఆడుతున్నప్పుడు టిమ్‌ ధర 8.25 కోట్లుగా ఉండేది.

బిగ్‌బాష్‌ లీగ్‌ 2024-25 ఆడుతున్న ఆసీస్‌ మాజీ ఓపెనర్‌ డేవిడ్‌ వార్నర్‌కు చేదు అనుభవం ఎదురైంది. ఈ లీగ్‌లో సిడ్నీ థండర్‌కు కెప్టెన్‌గా వ్యవహరిస్తున్న వార్నర్‌.. హోబర్ట్‌ హరికేన్స్‌తో ఇవాళ (జనవరి 10) జరుగుతున్న మ్యాచ్‌లో తన బ్యాట్‌తో తనే కొట్టుకున్నాడు. అసలేం జరిగిందంటే.. హరికేన్స్‌తో మ్యాచ్‌లో సిడ్నీ థండర్‌ టాస్‌ ఓడి తొలుత బ్యాటింగ్‌ చేసింది. ఇన్నింగ్స్‌ నాలుగో ఓవర్‌ను రిలే మెరిడిత్‌ బౌలింగ్‌ చేశాడు. వార్నర్‌ స్ట్రయిక్‌లో ఉన్నాడు. తొలి బంతిని మెరిడిత్‌ డ్రైవ్‌ చేసే విధంగా ఆఫ్‌ స్టంప్‌ ఆవల బౌల్ చేశాడు. ఈ బాల్‌ను వార్నర్‌ మిడ్‌ ఆఫ్‌ దిశగా డ్రైవ్‌ చేశాడు. అయితే వార్నర్‌కు ఊహించిన ఫలితం రాలేదు. బౌలర్‌ స్పీడ్‌ ధాటికో ఏమో కాని డ్రైవ్‌ షాట్‌ ఆడగానే వార్నర్‌ బ్యాట్‌ హ్యాండిల్‌ దగ్గర విరిగిపోయింది. క్రికెట్‌లో ఇలా జరగడం సాధారణమే. ఇక్కడే ఓ ట్విస్ట్‌ నెలకొంది. బ్యాట్‌ విరగగానే రెండో భాగం కాస్త వార్నర్‌ తల వెనుక భాగాన్ని తాకింది. అదృష్టవశాత్తు హెల్మెట్‌ ధరించినందుకు గాను వార్నర్‌కు ఏమీ కాలేదు. ఇలా జరగ్గానే వార్నర్‌ గట్టి అరిచాడు. కామెంటేటర్లు సరదాగా నవ్వుకున్నారు. దీనికి సంబంధించిన వీడియో సోషల్‌మీడియాలలో వైరలవుతుంది.David Warner's bat broke and he's hit himself in the head with it 🤣#BBL14 pic.twitter.com/6g4lp47CSu— KFC Big Bash League (@BBL) January 10, 2025మ్యాచ్‌ విషయానికొస్తే.. కొత్త బ్యాట్‌ తీసుకున్న తర్వాత వార్నర్‌ తన ఇన్నింగ్స్‌ను కొనసాగించాడు. ఈ మ్యాచ్‌లో చాలా జాగ్రత్తగా ఆడిన వార్నర్‌ చివరి వరకు క్రీజ్‌లో నిలిచాడు. వార్నర్‌ అజేయ హాఫ్‌ సెంచరీ సాధించడంతో సిడ్నీ థండర్‌ నిర్ణీత 20 ఓవర్లలో 6 వికెట్ల నష్టానికి 164 పరుగులు చేసింది. వార్నర్‌ 66 బంతుల్లో 7 బౌండరీల సాయంతో 88 పరుగులు చేశాడు. థండర్‌ ఇన్నింగ్స్‌ను వార్నర్‌ ఒక్కడే నడిపించాడు. అతనికి మరో ఎండ్‌ నుంచి సహకారం లభించలేదు. సామ్‌ బిల్లింగ్స్‌ (15 బంతుల్లో 28; 4 ఫోర్లు), ఒలివర్‌ డేవిస్‌ (17 బంతుల్లో 17; ఫోర్‌) కాసేపు క్రీజ్‌లో నిలబడ్డారు. థండర్‌ ఇన్నింగ్స్‌లో వీరు మినహా ఒక్కరు కూడా రెండంకెల స్కోర్ చేయలేకపోయాడు. భారీగా బిల్డప్‌ ఇచ్చిన సామ్‌ కొన్‌స్టాస్‌ 9 బంతులు ఎదుర్కొని నాలుగు పరుగులు మాత్రమే చేశాడు. మాథ్యూ గిల్కెస్‌ 7 బంతుల్లో 9, క్రిస్‌ గ్రీన్‌ 7 బంతుల్లో 8 పరుగులు చేశారు. అసిస్టెంట్‌ కోచ్‌ కమ్‌ ప్లేయర్‌ అయిన డేనియల్‌ క్రిస్టియన్‌ ఒక్క బంతి కూడా ఎదుర్కోకుండానే రనౌటయ్యాడు. హరికేన్స్‌ బౌలర్లలో రిలే మెరిడిత్‌ 2 వికెట్లు పడగొట్టగా.. స్టాన్‌లేక్‌, క్రిస్‌ జోర్డన్‌, నిఖిల్‌ చౌదరీ తలో వికెట్‌ దక్కించుకున్నారు.భీకర ఫామ్‌లో వార్నర్‌ఈ సీజన్‌లో సిడ్నీ థండర్‌ కెప్టెన్‌ డేవిడ్‌ వార్నర్‌ భీకర ఫామ్‌లో ఉన్నాడు. వార్నర్‌ ఈ సీజన్‌లో ఇప్పటివరకు ఆడిన 7 మ్యాచ్‌ల్లో మూడు హాఫ్‌ సెంచరీల సాయంతో 316 పరుగులు చేసి లీడింగ్‌ రన్‌ స్కోరర్‌గా కొనసాగుతున్నాడు.ఈ సీజన్‌లో వార్నర్‌ స్కోర్లు..7 (5)17 (10)19 (15)86 నాటౌట్‌ (57)49 (33)50 (36)88 నాటౌట్‌ (66)టాప్‌లో థండర్‌ప్రస్తుత బీబీఎల్‌ సీజన్‌లో సిడ్నీ థండర్‌ అద్భుత విజయాలు సాధిస్తూ పాయింట్ల పట్టికలో అగ్రస్థానంలో కొనసాగుతుంది. ఈ సీజన్‌లో ఆ జట్టు 7 మ్యాచ్‌ల్లో నాలుగు విజయాలు (9 పాయింట్లు) సాధించింది. రెండింట ఓడిపోగా, ఓ మ్యాచ్‌లో ఫలితం తేలలేదు. పాయింట్ల పట్టికలో థండర్‌ తర్వాతి స్థానాల్లో సిడ్నీ సిక్సర్స్‌ (9 పాయింట్లు), హోబర్ట్‌ హరికేన్స్‌ (9), బ్రిస్బేన్‌ హీట్‌ (7), పెర్త్‌ స్కార్చర్స్‌ (6), మెల్‌బోర్న్‌ రెనెగేడ్స్‌ (6), మెల్‌బోర్న్‌ స్టార్స్‌ (6), అడిలైడ్‌ స్ట్రయికర్స్‌ (4) ఉన్నాయి.

బిగ్‌బాష్‌ లీగ్‌లో మెల్‌బోర్న్‌ స్టార్స్‌ ఆటగాడు గ్లెన్‌ మ్యాక్స్‌వెల్‌ ఓ భారీ రికార్డును సాధించాడు. లీగ్‌ చరిత్రలో 3000 పరుగుల మార్కును దాటిన ఆరో ఆటగాడిగా రికార్డు నెలకొల్పాడు. బీబీఎల్‌ 2024-25లో భాగంగా సిడ్నీ సిక్సర్స్‌తో జరిగిన మ్యాచ్‌లో మ్యాక్సీ ఈ అరుదైన ఘనత సాధించాడు. మ్యాక్సీకి ముందు క్రిస్‌ లిన్‌, ఆరోన్‌ ఫించ్‌, డిఆర్కీ షార్ట్‌, మోసెస్‌ హెన్రిక్స్‌, జాన్‌ వెల్స్‌ మాత్రమే బీబీఎల్‌లో 3000 పరుగుల మైలురాయిని తాకారు. సిడ్నీ సిక్సర్స్‌తో మ్యాచ్‌లో మెరుపు అర్ద శతకం బాదిన మ్యాక్సీ.. బీబీఎల్‌లో అత్యధిక పరుగులు చేసిన ఆటగాళ్ల జాబితాలో వెల్స్‌, హెన్రిక్స్‌లను అధిగమించాడు.బిగ్‌బాష్‌ లీగ్‌లో అత్యధిక పరుగులు చేసిన టాప్‌-5 బ్యాటర్స్‌..క్రిస్‌ లిన్‌-3908ఆరోన్‌ ఫించ్‌-3311డిఆర్కీ షార్ట్‌-3102గ్లెన్‌ మ్యాక్స్‌వెల్‌-3047మోసెస్‌ హెన్రిక్స్‌-3035మ్యాక్సీ మెరుపు అర్ద శతకంసిడ్నీ సిక్సర్స్‌తో మ్యాచ్‌లో మ్యాక్స్‌వెల్‌ మెరుపు అర్ద శతకం సాధించాడు. ఈ మ్యాచ్‌లో అతను 32 బంతుల్లో 5 ఫోర్లు, 3 సిక్సర్ల సాయంతో అజేయమైన 58 పరుగులు చేశాడు. ఫలితంగా మెల్‌బోర్న్‌ స్టార్స్‌ నిర్ణీత 20 ఓవర్లలో 5 వికెట్ల నష్టానికి 156 పరుగులు చేసింది. మెల్‌బోర్న్‌ ఇన్నింగ్స్‌లో బ్యూ వెబ్‌స్టర్‌ (48) ఓ మోస్తరు స్కోర్‌ చేయగా.. బెన్‌ డకెట్‌ (20), డాన్‌ లారెన్స్‌ (14) రెండంకెల స్కోర్లు చేశారు. సామ్‌ హార్పర్‌ (4), కెప్టెన్‌ మార్కస్‌ స్టోయినిస్‌ (4) విఫలమయ్యారు. సిక్సర్స్‌ బౌలర్లలో సీన్‌ అబాట్‌ మూడు వికెట్లు పడగొట్టగా.. జాక్‌ ఎడ్వర్డ్స్‌, హేడెన్‌ కెర్‌ తలో వికెట్‌ దక్కించుకున్నారు.19వ హాఫ్‌ సెంచరీఈ మ్యాచ్‌లో మ్యాక్సీ చేసిన హాఫ్‌ సెంచరీ బీబీఎల్‌లో అతనికి 19వది. ఓవరాల్‌గా అతను టీ20ల్లో 55 అర్ద శతకాలు సాధించాడు. టీ20 కెరీర్‌లో 427 మ్యాచ్‌లు ఆడిన మ్యాక్స్‌వెల్‌ 154 స్ట్రయిక్‌రేట్‌తో 28 సగటున 10,183 పరుగులు చేశాడు. ఇందులో ఏడు సెంచరీలు ఉన్నాయి. ఆసీస్‌ తరఫున 133 అంతర్జాతీయ టీ20లు ఆడిన మ్యాక్సీ ఐదు సెంచరీల సాయంతో 2664 పరుగులు చేశాడు. టీ20ల్లో అత్యధిక పరుగులు చేసిన ఆటగాళ్ల జాబితాలో మ్యాక్స్‌వెల్‌ 16వ స్థానంలో ఉన్నాడు.చిత్తుగా ఓడిన సిక్సర్స్‌157 పరుగుల సాధారణ లక్ష్యాన్ని ఛేదించేందుకు బరిలోకి దిగిన సిడ్నీ సిక్సర్స్‌ నిర్ణీత ఓవర్లు పూర్తయ్యే సరికి లక్ష్యానికి 17 పరుగుల దూరంలో నిలిచిపోయింది. మార్క్‌ స్టీకిటీ (3/14), పీటర్‌ సిడిల్‌ (2/26), మార్కస్‌ స్టోయినిస్‌ (2/30), ఉసామా మిర్‌ (2/19) పొదుపుగా బౌలింగ్‌ చేయడంతో పాటు వికెట్లు తీసి మెల్‌బోర్న్‌ స్టార్స్‌ను గెలిపించారు. సిక్సర్స్‌ ఇన్నింగ్స్‌లో జేమ్స్‌ విన్స్‌ (53) ఒక్కడే అర్ద సెంచరీతో రాణించాడు. మిగిలిన ఆటగాళ్లంతా విఫలమయ్యారు. కర్టిస్‌ ప్యాటర్సన్‌ (18), హేడెన్‌ కెర్‌ (21), మోసెస్‌ హెన్రిక్స్‌ (13) రెండంకెల స్కోర్లు చేశారు.

బిగ్‌ బాష్‌ లీగ్‌లో ఇవాళ (జనవరి 7) మరో ఆసక్తికరమైన మ్యాచ్‌ జరిగింది. పెర్త్‌ స్కార్చర్స్‌తో జరిగిన మ్యాచ్‌లో మెల్‌బోర్న్‌ రెనెగేడ్స్‌ 4 వికెట్ల తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన పెర్త్‌ స్కార్చర్స్‌ నిర్ణీత 20 ఓవర్లలో 8 వికెట్ల నష్టానికి 147 పరుగులు చేసింది. ఆస్టన్‌ అగర్‌ (30 బంతుల్లో 51; ఫోర్‌, 4 సిక్సర్లు) అజేయమైన అర్ద సెంచరీతో రాణించడంతో స్కార్చర్స్‌ ఈ మాత్రం స్కోరైనా చేయగలిగింది. ఆరోన్‌ హార్డీ (34), ఫిన్‌ అలెన్‌ (19), నిక్‌ హాబ్సన్‌ (12), జై రిచర్డ్‌సన్‌ (11) రెండంకెల స్కోర్లు చేయగా.. మిచెల్‌ మార్ష్‌, కూపర్‌ కన్నోలి, మాథ్యూ కెల్లీ డకౌట్ అయ్యారు. రెనెగేడ్స్‌ బౌలర్లలో ఆడమ్‌ జంపా మూడు వికెట్లు పడగొట్టగా.. టామ్‌ రోజర్స్‌, సదర్‌ల్యాండ్‌ తలో రెండు, కేన్‌ రిచర్డ్‌సన్‌ ఓ వికెట్‌ దక్కించుకున్నారు.తడబడినా నిలబడ్డారు..!148 పరుగుల స్వల్ప లక్ష్య ఛేదనలో రెనెగేడ్స్‌ ఆదిలో తడబడింది. ఆ జట్టు 44 పరుగులకే సగం వికెట్లు కోల్పోయి కష్టాల్లో పడింది. అయితే కెప్టెన్‌ విల్‌ సదర్‌ల్యాండ్‌ (45 బంతుల్లో 70; 5 ఫోర్లు,3 సిక్సర్లు), థామస్‌ రోజర్స్‌ (31 బంతుల్లో 49 నాటౌట్‌; 4 ఫోర్లు, 3 సిక్సర్లు) మెరుపు ఇన్నింగ్స్‌లతో మ్యాచ్‌ స్వరూపాన్నే మార్చేశారు. వీరిద్దరూ ఆరో వికెట్‌కు 92 పరుగులు జోడించి మ్యాచ్‌ను రెనెగేడ్స్‌ వశం చేశారు. సదర్‌ల్యాండ్‌, రోజర్స్‌ దెబ్బకు రెనెగేడ్స్‌ మరో రెండు బంతులు మిగిలుండగానే ఆరు వికెట్లు కోల్పోయి లక్ష్యాన్ని చేరుకుంది. రెనెగేడ్స్‌ ఇన్నింగ్స్‌లో సదర్‌ల్యాండ్‌, రోజర్స్‌తో పాటు మార్కస్‌ హ్యారిస్‌ (21) మాత్రమే రెండంకెల స్కోర్ చేశాడు. రెనెగేడ్స్‌ ఇన్నింగ్స్‌లో ముగ్గురు డకౌట్‌ అయ్యారు. టిమ్‌ సీఫర్ట్‌, జేక్‌ ఫ్రేజర్‌ మెక్‌గుర్క్‌, లారీ ఇవాన్స్‌ ఖాతా తెరవకుండానే నిష్క్రమించారు. స్కార్చర్స్‌ బౌలర్లలో జేసన్‌ బెహ్రెన్‌డార్ఫ్‌, జై రిచర్డ్‌సన్‌, లారీ మోరిస్‌ తలో రెండు వికెట్లు తీసి రెనెగేడ్స్‌ను ఇబ్బంది పెట్టారు.26 మ్యాచ్‌ల అనంతరం పాయింట్ల పట్టికలో సిడ్నీ సిక్సర్స్‌ (9 పాయింట్లు) అగ్రస్థానంలో ఉంది. సిడ్నీ థండర్‌ (8), హోబర్ట్‌ హరికేన్స్‌ (8), బ్రిస్బేన్‌ హీట్‌ (7), పెర్త్‌ స్కార్చర్స్‌ (6), మెల్‌బోర్న్ రెనెగేడ్స్‌ (6), అడిలైడ్‌ స్ట్రయికర్స్‌ (4), మెల్‌బోర్న్‌ స్టార్స్‌ (4) వరుసగా రెండు నుంచి ఎనిమిది స్థానాల్లో ఉన్నాయి.

బిగ్‌బాష్‌ లీగ్‌ 2024-25లో ఇవాళ (జనవరి 6) సిడ్నీ థండర్‌, బ్రిస్బేన్‌ హీట్‌ తలపడ్డాయి. ఈ మ్యాచ్‌లో బ్రిస్బేన్‌ హీట్‌ 5 వికెట్ల తేడాతో గెలుపొందింది. తొలుత బ్యాటింగ్‌ చేసిన థండర్‌ నిర్ణీత 20 ఓవర్లలో 8 వికెట్ల నష్టానికి 173 పరుగులు చేసింది. కెప్టెన్‌ డేవిడ్‌ వార్నర్‌ (36 బంతుల్లో 50; 7 ఫోర్లు) అర్ద సెంచరీతో రాణించాడు. డేనియల్‌ క్రిస్టియన్‌ (Daniel Christian) (15 బంతుల్లో 23 నాటౌట్‌; 2 సిక్సర్లు) మెరుపు ఇన్నింగ్స్‌తో అలరించాడు. 41 Year Old Dan Christian who was the coach before, now becomes part of the BBL - smashed a 92M six. 🤯pic.twitter.com/zXGCj3wwtS— Mufaddal Vohra (@mufaddal_vohra) January 6, 2025ఒలివర్‌ డేవిస్‌ 12 బంతుల్లో 10 (ఫోర్‌), మాథ్యూ గిల్కెస్‌ 10 బంతుల్లో 20 (4 ఫోర్లు), సామ్‌ బిల్లంగ్స్‌ 9 బంతుల్లో 10 (ఫోర్‌), షెర్ఫాన్‌ రూథర్‌ఫోర్డ్‌ 9 బంతుల్లో 11 (సిక్స్‌), హగ్‌ వెబ్జెన్‌ 8 బంతుల్లో 11 (సిక్స్‌), క్రిస్‌ గ్రీన్‌ 7 బంతుల్లో 5, టామ్‌ ఆండ్రూస్‌ 6 బంతుల్లో 13 (ఫోర్‌, సిక్స్‌), లోకీ ఫెర్గూసన్‌ 9 బంతుల్లో 7 నాటౌట్‌ (ఫోర్‌) పరుగులు చేశారు. బ్రిస్బేన్‌ హీట్‌ బౌలర్లలో స్పెన్సర్‌ జాన్సన్‌ 3 వికెట్లు పడగొట్టగా.. నెసర్‌, కున్నేమన్‌ తలో 2, జేవియర్‌ బార్ట్‌లెట్‌ ఓ వికెట్‌ దక్కించుకున్నారు.మ్యాక్స్‌ బ్రయాంట్‌ సునామీ ఇన్నింగ్స్‌174 పరుగుల లక్ష్య ఛేదనలో బ్రిస్బేన్‌ హీట్‌ సఫలమయ్యింది. ఆ జట్టు 18.5 ఓవర్లలో 5 వికెట్లు కోల్పోయి లక్ష్యాన్ని ఛేదించింది. మ్యాక్స్‌ బ్రాయాంట్‌ (35 బంతుల్లో 72; 7 ఫోర్లు, 4 సిక్సర్లు) సునామీ ఇన్నింగ్స్‌ ఆడి బ్రిస్బేన్‌ను గెలిపించారు. మ్యాట్‌ రెన్షా (33 బంతుల్లో 48 నాటౌట్‌; 4 ఫోర్లు, 2 సిక్సర్లు) బ్రిస్బేన్‌ను విజయతీరాలకు చేర్చాడు. బ్రిస్బేన్‌ ఇన్నింగ్స్‌లో జాక్‌ వుడ్‌ 2, కొలిన్‌ మున్రో 23, నాథన్‌ మెక్‌స్వీని 7, టామ్‌ అల్సోప్‌ 9, మైఖేల్‌ నెసర్‌ 7 (నాటౌట్‌) పరుగులు చేశారు. సిడ్నీ బౌలర్లలో లోకీ ఫెర్గూసన్‌ రెండు వికెట్లు పడగొట్టగా.. వెస్‌ అగర్‌, డేనియల్‌ క్రిస్టియన్‌, టామ్‌ ఆండ్రూస్‌ తలో వికెట్‌ దక్కించుకున్నారు.41 years & still got it...pic.twitter.com/W7P5yoCTVq— CricTracker (@Cricketracker) January 6, 2025నాలుగో స్థానానికి ఎగబాకిన బ్రిస్బేన్‌ఈ గెలుపుతో బ్రిస్బేన్‌ హీట్‌ (7 పాయింట్లు) పాయింట్ల పట్టికలో నాలుగో స్థానానికి ఎగబాకింది. టేబుల్‌లో సిడ్నీ సిక్సర్స్‌ (9 పాయింట్లు) టాప్‌లో ఉండగా.. సిడ్నీ థండర్‌ (8), హోబర్ట్‌ హరికేన్స్‌ (8) రెండు, మూడు స్థానాల్లో ఉన్నాయి. పెర్త్‌ స్కార్చర్స్‌ (6), మెల్‌బోర్న్‌ రెనెగేడ్స్‌ (4), అడిలైడ్‌ స్ట్రయికర్స్‌ (4), మెల్‌బోర్న్‌ స్టార్స్‌ (4) ఐదు నుంచి ఎనిమిది స్థానాల్లో నిలిచాయి.మెరుపు ఇన్నింగ్స్‌ ఆడిన క్రిస్టియన్‌సిడ్నీ థండర్‌ అసిస్టెంట్‌ కోచ్‌ డేనియల్‌ క్రిస్టియన్‌ తన రిటైర్మెంట్‌ నిర్ణయాన్ని వెనక్కు తీసుకుని ఈ మ్యాచ్‌లో బరిలోకి దిగాడు. క్రిస్టియన్‌ ఈ మ్యాచ్‌లో బ్యాట్‌తో, బంతితో సత్తా చాటడు. తొలుత బ్యాట్‌తో ఇరగదీసిన క్రిస్టియన్‌ అనంతరం బంతితో రాణించాడు. బ్యాటింగ్‌లో 15 బంతులు ఎదుర్కొన్న క్రిస్టియన్‌ 2 భారీ సిక్సర్ల సాయంతో 23 పరుగులు చేసి అజేయంగా నిలిచాడు. అనంతరం బౌలింగ్‌లో క్రిస్టియన్‌ కీలకమైన నాథన్‌ మెక్‌స్వీని వికెట్‌ తీశాడు. ఈ మ్యాచ్‌లో తన కోటా నాలుగు ఓవర్లు వేసిన క్రిస్టియన్‌ 6.20 సగటున 25 పరుగులిచ్చి ఓ వికెట్‌ పడగొట్టాడు. 41 ఏళ్ల క్రిస్టియన్‌ సిడ్నీ థండర్‌కు చెందిన కీలక ఆటగాళ్లు గాయపడటంతో తన రిటైర్మెంట్‌ నిర్ణయాన్ని పక్కన పెట్టి బరిలోకి దిగాడు. క్రిస్టియన్‌ చివరిగా 2022-23 సీజన్‌లో సిడ్నీ సిక్సర్స్‌ తరఫున బరిలో నిలిచాడు.గాయాలపాలైన సామ్స్‌, బాన్‌క్రాఫ్ట్‌థండర్‌ ఆటగాళ్లు డేనియల్‌ సామ్స్‌, కెమరూన్‌ బాన్‌క్రాఫ్ట్‌ కొద్ది రోజుల కిందట మైదానంలో తీవ్రంగా గాయపడ్డారు. క్యాచ్‌ పట్టబోయి సామ్స్‌, బాన్‌క్రాఫ్ట్‌ ఒకరినొకరు ప్రమాదకర రీతిలో గుద్దుకున్నాడు. సామ్స్‌ను మైదానం నుంచి స్ట్రెచర్‌పై మోసుకుపోయి ఆసుపత్రిలో అడ్మిట్‌ చేయగా.. బాన్‌క్రాఫ్ట్‌ ముక్కు పగిలి రక్త కారడంతో పాటు భుజానికి ఫ్రాక్చర్‌ అయ్యింది.

ఆసీస్‌ ఆల్‌రౌండర్‌ డేనియల్‌ క్రిస్టియన్‌ రిటైర్మెంట్‌ నిర్ణయాన్ని వెనక్కు తీసుకున్నాడు. బిగ్‌బాష్‌ లీగ్‌లో క్రిస్టియన్‌ సిడ్నీ థండర్‌ తరఫున రీఎంట్రీ ఇవ్వనున్నాడు. ప్రస్తుతం క్రిస్టియన్‌ థండర్‌ అసిస్టెంట్‌ కోచ్‌గా వ్యవహరిస్తున్నాడు. గాయాలతో సతమతమవుతున్న థండర్‌ను ఆదుకునేందుకు క్రిస్టియన్‌ బరిలోకి దిగనున్నాడు. థండర్‌ ఆటగాళ్లు డేనియల్‌ సామ్స్‌, కెమరూన్‌ బాన్‌క్రాఫ్ట్‌ కొద్ది రోజుల కిందట మైదానంలో తీవ్రంగా గాయపడ్డ విషయం తెలిసిందే.క్యాచ్‌ పట్టబోయి సామ్స్‌, బాన్‌క్రాఫ్ట్‌ ఒకరినొకరు ప్రమాదకర రీతిలో గుద్దుకున్నాడు. సామ్స్‌ను మైదానం నుంచి స్ట్రెచర్‌పై మోసుకుపోయి ఆసుపత్రిలో అడ్మిట్‌ చేశారు. బాన్‌క్రాఫ్ట్‌ ముక్కు పగిలి రక్త కారడంతో పాటు భుజానికి ఫ్రాక్చర్‌ అయ్యింది. అప్పటికే థండర్‌ గాయాల సమస్యతో బాధపడుతుంది. జేసన్‌ సంఘా, తన్వీర్‌ సంఘా, నిక్‌ మాడిసన్‌ గాయాల కారణంగా సీజన్‌ మొత్తానికి దూరమయ్యారు.ఇలాంటి పరిస్థితుల్లో థండర్‌కు వేరే అప్షన్‌ లేక క్రిస్టియన్‌ను బరిలోకి దిగమని కోరింది. థండర్‌ యాజమాన్యం​ కోరిక మేరకు క్రిస్టియన్‌ తన రిటైర్మెంట్‌ నిర్ణయాన్ని ఉపసంహరించుకున్నాడు. థండర్‌ జట్టుకు ఆటగాళ్ల కొరత ఉంది. సామ్‌ కొన్‌స్టాస్‌ జాతీయ జట్టుకు ప్రాతినిథ్యం వహించేందుకు వెళ్లాడు. త్వరలో షెర్ఫాన్‌ రూథర్‌ఫోర్డ్‌, లోకీ ఫెర్గూసన్‌ కూడా జట్టును వీడనున్నారు. వీరిద్దరూ ఇంటర్నేషనల్‌ టీ20 లీగ్‌ ఆడేందుకు వెళ్తారు. ఎనిమిది మంది ఆటగాళ్లు అందుబాటులో లేకపోవడంతో క్రిస్టియన్‌ బరిలోకి దిగాల్సి వస్తుంది.41 ఏళ్ల క్రిస్టియన్‌ రెండేళ్ల కిందట రిటైర్మెంట్‌ ప్రకటించాడు. క్రిస్టియన్‌ చివరిగా సిడ్నీ సిక్సర్స్‌కు ప్రాతినిథ్యం వహించాడు. రిటైర్మెంట్‌ అనంతరం క్రిస్టియన్‌ సిడ్నీ థండర్‌ అసిస్టెంట్‌ కోచ్‌గా వ్యవహరిస్తున్నాడు. టీ20 స్పెషలిస్ట్‌గా పేరున్న క్రిస్టియన్ ఓవరాల్‌గా 409 టీ20లు ఆడాడు. క్రిస్టియన్‌ ఆసీస్‌ తరఫున 43 పరిమిత ఓవర్ల మ్యాచ్‌లు ఆడాడు. పేస్‌ బౌలింగ్‌ ఆల్‌రౌండర్‌ అయిన క్రిస్టియన్‌ బీబీఎల్‌లో వివిధ ఫ్రాంచైజీల తరఫున మూడు టైటిల్స్‌ (బ్రిస్బేన్‌ హీట్‌, మెల్‌బోర్న్‌ రెనెగేడ్స్‌, సిడ్నీ సిక్సర్స్‌) సాధించాడు. క్రిస్టియన్‌ బిగ్‌బాష్‌ లీగ్‌లో 121 మ్యాచ్‌లు ఆడి 2009 పరుగులు.. 89 వికెట్లు తీశాడు.క్రిస్టియన్‌ ఇవాళ జరుగుతున్న బిగ్‌బాష్‌ లీగ్‌ మ్యాచ్‌లో బరిలోకి దిగుతున్నాడు. సిడ్నీ థండర్‌ ఇవాళ బ్రిస్బేన్‌ హీట్‌ను ఢీకొంటుంది. ఈ మ్యాచ్‌లో థండర్‌ తొలుత బ్యాటింగ్‌ చేస్తుంది. ఆ జట్టు 13 ఓవర్లలో 115 పరుగులు చేసి సగం వికెట్లు కోల్పోయింది. డేవిడ్‌ వార్నర్‌ (44), క్రిస్‌ గ్రీన్‌ (0) క్రీజ్‌లో ఉన్నారు. బ్రిస్బేన్‌ హీట్‌ బౌలర్లలో మైఖేల్‌ నెసర్‌, మాథ్యూ కున్నేమన్‌ తలో రెండు వికెట్లు పడగొట్టగా.. స్పెన్సర్‌ జాన్సన్‌ ఓ వికెట్‌ దక్కించుకున్నాడు.

వివిధ టోర్నీలో ఇవాళ (జనవరి 5) ఇద్దరు ఆర్సీబీ ఆటగాళ్లు చెలరేగిపోయారు. బిగ్‌బాష్‌ లీగ్‌లో టిమ్‌ డేవిడ్‌ (Tim David) (హోబర్ట్‌ హరికేన్స్‌), విజయ్‌ హజారే ట్రోఫీలో రజత్‌ పాటిదార్‌ (Rajat Patidar) విధ్వంసం సృష్టించారు. అడిలైడ్‌ స్ట్రయికర్స్‌తో జరిగిన మ్యాచ్‌లో టిమ్‌ డేవిడ్‌ వీరవిహారం చేశాడు. ఈ మ్యాచ్‌లో 22 బంతుల్లో హాఫ్‌ సెంచరీ పూర్తి చేసుకున్న డేవిడ్‌.. ఓవరాల్‌గా 28 బంతులు ఎదుర్కొని 3 ఫోర్లు, 6 సిక్సర్ల సాయంతో 62 పరుగులు చేశాడు. డేవిడ్‌ విధ్వంసం ధాటికి అడిలైడ్‌ స్ట్రయికర్స్‌ నిర్దేశించిన 187 పరుగుల లక్ష్యాన్ని హరికేన్స్‌ మరో ఎనిమిది బంతులు మిగిలుండగానే ఛేదించింది. ఈ మ్యాచ్‌లో తొలుత బ్యాటింగ్‌ చేసిన అడిలైడ్‌ స్ట్రయికర్స్‌ నిర్ణీత 20 ఓవర్లలో 5 వికెట్ల నష్టానికి 186 పరుగులు చేసింది. క్రిస్‌ లిన్‌ (49), అలెక్స్‌ రాస్‌ (47) మెరుపు ఇన్నింగ్స్‌లు ఆడి తమ జట్టుకు భారీ స్కోర్‌ను అందించారు. ఓలీ పోప్‌ (33), జేమీ ఓవర్టన్‌ (27 నాటౌట్‌) పర్వాలేదనిపించారు. హరికేన్స్‌ బౌలర్లలో వకార్‌ సలామ్‌ఖీల్‌ 2, క్రిస్‌ జోర్డన్‌, స్టాన్‌లేక్‌, రిలే మెరిడిత్‌ తలో వికెట్‌ పడగొట్టారు.187 పరుగుల లక్ష్యాన్ని ఛేదించేందుకు బరిలోకి దిగిన హరికేన్స్‌ 18.4 ఓవర్లలో 5 వికెట్లు కోల్పోయి విజయతీరాలకు చేరింది. టిమ్‌ డేవిడ్‌ అడిలైడ్‌ స్ట్రయికర్స్‌ బౌలర్లను ఊచకోత కోశాడు. మిచెల్‌ ఓవెన్‌ (37), మాథ్యూ వేడ్‌ (27), నిఖిల్‌ చౌదరీ (22) ఓ మోస్తరు స్కోర్లు చేశారు. స్ట్రయికర్స్ బౌలర్లలో లాయిడ్‌ పోప్‌, కెమరూన్‌ బాయ్స్‌ తలో రెండు వికెట్లు పడగొట్టగా.. హెన్రీ థార్న్‌టన్‌ ఓ వికెట్‌ దక్కించుకున్నాడు.శతక్కొట్టిన రజత్‌ పాటిదార్‌విజయ్‌ హజారే ట్రోఫీలో మధ్యప్రదేశ్‌ కెప్టెన్‌, ఆర్సీబీ ఆటగాడు రజత్‌ పాటిదార్‌ సెంచరీతో కదంతొక్కాడు. బెంగాల్‌తో ఇవాళ జరిగిన మ్యాచ్‌లో పాటిదార్‌ 137 బంతుల్లో 8 ఫోర్లు, సిక్సర్‌ సాయంతో 132 పరుగులు (నాటౌట్‌) చేశాడు.‌ పాటిదార్‌ శతక్కొట్టడంతో ఈ మ్యాచ్‌లో మధ్యప్రదేశ్‌ 6 వికెట్ల తేడాతో గెలుపొందింది. తొలుత బ్యాటింగ్‌ చేసిన బెంగాల్‌.. నిర్ణీత 50 ఓవర్లలో 7 వికెట్ల నష్టానికి 269 పరుగులు చేసింది. కెప్టెన్‌ సుదీప్‌ ఘరామీ (99) పరుగు తేడాతో సెంచరీ మిస్‌ చేసుకున్నాడు. సుదీప్‌ ఛటర్జీ (47) ఓ మోస్తరు స్కోర్‌ చేశాడు. టీమిండియా స్టార్‌ పేసర్‌ మొహమ్మద్‌ షమీ ఇన్నింగ్స్‌ ఆఖర్లో బ్యాట్‌ ఝులింపించాడు. షమీ 34 బంతుల్లో 5 ఫోర్లు, సిక్సర్‌ సాయంతో 42 పరుగులు చేశాడు.అనంతరం బరిలోకి దిగిన మధ్యప్రదేశ్‌ 46.2 ఓవర్లలో 4 వికెట్లు కోల్పోయి విజయతీరాలకు చేరింది. ఓపెనర్లు ఇద్దరూ డకౌట్‌ అయినప్పటికీ రజత్‌ పాటిదార్‌.. శుభమ్‌ శ్యామ్‌సుందర్‌ శర్మ (99) సాయంతో మధ్యప్రదేశ్‌ను గెలిపించాడు. ఈ మ్యాచ్‌లో ఇ‍ద్దరు ఆటగాళ్లు 99 పరుగుల వద్ద ఔటయ్యారు.భీకర ఫామ్‌లో పాటిదార్‌దేశవాలీ క్రికెట్‌లో రజత్‌ పాటిదార్‌ భీకరఫామ్‌లో ఉన్నాడు. రజత్‌ వరుసగా 76(36), 62(36), 68(40), 4(7), 36(16), 28(18), 66*(29), 82*(40), 55(33), 21*(15), 2(7), 2(3), 14(16), 132*(137) స్కోర్లు చేశాడు. రజత్‌ గత 14 ఇన్నింగ్స్‌ల్లో 6 అర్ద శతకాలు, ఓ శతకం బాదాడు.

బిగ్‌బాష్‌ లీగ్‌లో ఇవాళ (జనవరి 3) భయానక ఘటన చోటు చేసుకుంది. పెర్త్‌ స్కార్చర్స్‌తో జరిగిన మ్యాచ్‌లో ఇద్దరు సిడ్నీ థండర్‌ ఆటగాళ్లు దారుణంగా ఢీకొట్టుకున్నారు. పెర్త్‌ స్కార్చర్స్‌ ఇన్నింగ్స్‌ 16వ ఓవర్‌ రెండో బంతికి క్యాచ్‌ పట్టబోయి డేనియల్‌ సామ్స్‌, కెమరూన్‌ బాన్‌క్రాఫ్ట్‌ ఒకరినొకరు బలంగా గుద్దుకున్నారు. ఫెర్గూసన్‌ బౌలింగ్‌లో కూపర్‌ కన్నోలీ భారీ షాట్‌ ఆడబోయి బంతిని గాల్లోకి లేపాడు. క్యాచ్‌ పట్టుకునే క్రమంలో సామ్స్‌, బాన్‌క్రాఫ్ట్‌ ఒకరినొకరు చూసుకోకుండా ఢీకొన్నారు. ముఖాలు, ముఖాలు గుద్దుకోవడంతో ఇద్దరికీ బలమైన గాయాలయ్యాయి. బాన్‌క్రాఫ్ట్‌ ముక్కులో నుంచి రక్తం కారింది. బాన్‌క్రాఫ్ట్‌ మోకాలు సామ్స్‌ ముఖానికి బలంగా తాకడంతో అతను మైదానంలో పడిపోయాడు. నడవలేని స్థితిలో ఉన్న సామ్స్‌ను స్ట్రెచర్‌పై మోసుకెళ్లారు. గాయం తీవ్రత ఎక్కువగా ఉండటంతో సామ్స్‌ ఈ మ్యాచ్‌కు పూర్తిగా దూరమయ్యాడు. బాన్‌క్రాఫ్ట్‌ కూడా తిరిగి బరిలోకి దిగలేదు. హ్యాచర్‌ సామ్స్‌ను రీప్లేస్‌ చేశాడు. ఈ భయానక ఘటనకు సంబంధించిన వీడియో సోషల్‌మీడియాలో వైరలవుతుంది.That's a very nasty collision between daniel sams and cameron bancroft. Bancroft has a bleedy nose but he's walking off the field with the physio. But Sams is being stretchered out. Hope he is fine. #AUSvIND #BBL #BBL14 pic.twitter.com/itgWExXK8f— Sara (@tap4info) January 3, 2025మ్యాచ్‌ విషయానికొస్తే.. తొలుత బ్యాటింగ్‌ చేసిన స్కార్చర్స్‌ నిర్ణీత 20 ఓవర్లలో 4 వికెట్ల నష్టానికి 177 పరుగులు చేసింది. ఫిన్‌ అలెన్‌ (31 బంతుల్లో 68; 6 ఫోర్లు, 5 సిక్సర్లు) మెరుపు అర్ద శతకం బాదాడు. కూపర్‌ కన్నోలీ (43 నాటౌట్‌) ఓ మోస్తరు స్కోర్‌ చేశాడు. మాథ్యూ హర్స్ట్‌ (23), నిక్‌ హాబ​్‌సన్‌ (21 నాటౌట్‌) పర్వాలేదనిపించారు. థండర్‌ బౌలర్లలో క్రిస్‌ గ్రీన్‌ 3, టామ్‌ ఆండ్రూస్‌ ఓ వికెట్‌ పడగొట్టారు.178 పరుగుల లక్ష్యాన్ని ఛేదించేందుకు బరిలోకి దిగిన థండర్‌ చివరి బంతికి విజయం సాధించింది. షెర్ఫాన్‌ రూథర్‌ఫోర్డ్‌ బౌండరీ (చివరి బంతికి 3 పరగులు చేయాల్సిన తరుణంలో) బాది థండర్‌ను గెలిపించాడు. ఆఖరి ఓవర్‌లో 15 పరుగులు చేయాల్సిన తరుణంలో రూథర్‌ఫోర్డ్‌ మూడు బౌండరీలు బాదారు. కీల​క ఇన్నింగ్స్‌ (19 బంతుల్లో 39 నాటౌట్‌; 5 ఫోర్లు, సిక్స్‌) ఆడిన రూథర్‌ఫోర్డ్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది. థండర్‌ ఆటగాళ్లు డేవిడ్‌ వార్నర్‌ (49), మాథ్యూ గిల్కెస్‌ (43) కూడా కీలక ఇన్నింగ్స్‌లు ఆడారు. ఈ మ్యాచ్‌లో థండర్‌ 4 వికెట్ల తేడాతో గెలుపొందింది. స్క్రార్చర్స్‌ బౌలర్లలో లాన్స్‌ మోరిస్‌ 3 వికెట్లు పడగొట్టాడు.

బిగ్‌బాష్‌ లీగ్‌లో మార్కస్‌ స్టోయినిస్‌ సరికొత్త రికార్డు నెలకొల్పాడు. మెల్‌బోర్న్‌ స్టార్స్‌ తరఫున అత్యధిక పరుగులు చేసిన ఆటగాడిగా అవతరించాడు. బ్రిస్బేన్‌ హీట్‌తో ఇవాళ (జనవరి 1) జరిగిన మ్యాచ్‌లో స్టోయినిస్‌ ఈ ఘనత సాధించాడు. స్టోయినిస్‌ ఈ భారీ రికార్డు సాధించే క్రమంలో గ్లెన్‌ మ్యాక్స్‌వెల్‌ రికార్డును అధిగమించాడు. స్టోయినిస్‌కు ముందు మ్యాక్సీ మెల్‌బోర్న్‌ స్టార్స్‌ తరఫున అత్యధిక పరుగులు చేసిన ఆటగాడిగా ఉన్నాడు. స్టోయినిస్‌ మెల్‌బోర్న్‌ స్టార్స్‌ తరఫున 2850 పరుగులు చేయగా.. మ్యాక్స్‌వెల్‌ 2845 పరుగులు చేశాడు. మెల్‌బోర్న్‌ స్టార్స్‌ తరఫున అత్యధిక పరుగులు చేసిన ఆటగాళ్ల జాబితాలో స్టోయినిస్‌, మ్యాక్స్‌వెల్‌ తర్వాత లూక్‌ రైట్‌ (1479), హిల్టన్‌ కార్ట్‌రైట్‌ (1429), కెవిన్‌ పీటర్సన్‌ (1110) ఉన్నారు.మెల్‌బోర్న్‌ స్టార్స్‌, బ్రిస్బేన్‌ హీట్‌ మధ్య జరిగిన మ్యాచ్‌ విషయానికొస్తే.. ఈ మ్యాఛ్‌లో మెల్‌బోర్న్‌ స్టార్స్‌ 5 వికెట్ల తేడాతో గెలుపొందింది. తొలుత బ్యాటింగ్‌ చేసిన బ్రిస్బేన్‌ హీట్‌ నిర్ణీత 20 ఓవర్లలో 7 వికెట్ల నష్టానికి 149 పరుగులు చేసింది. మ్యాక్స్‌ బ్రయాంట్‌ (77 నాటౌట్‌) మెరుపు ఇన్నింగ్స్‌ ఆడి తమ జట్టుకు గౌరవప్రదమైన స్కోర్‌ అందించాడు. బ్రిస్బేన్‌ ఇన్నింగ్స్‌లో బ్రయాంట్‌తో పాటు పాల్‌ వాల్టర్‌ (21), టామ్‌ బాంటన్‌ (13) మాత్రమే రెండంకెల స్కోర్లు చేశారు. మెల్‌బోర్న్‌ బౌలర్లలో స్టీకిటీ రెండు వికెట్లు పడగొట్టగా.. జోయల్‌ పారిస్‌, పీటర్‌ సిడిల్‌, ఉసామా మిర్‌, డాన్‌ లారెన్స్‌ తలో వికెట్‌ దక్కించుకున్నారు.అనంతరం బరిలోకి దిగిన మెల్‌బోర్న్‌ స్టార్స్‌ 18.1 ఓవర్లలో 5 వికెట్లు కోల్పోయి లక్ష్యాన్ని చేరుకుంది. స్టోయినిస్‌ (48 బంతుల్లో 62; 10 ఫోర్లు), డేనియల్‌ లారెన్స్‌ (38 బంతుల్లో 64 నాటౌట్‌; 7 ఫోర్లు, 2 సిక్సర్లు) మెరుపు అర్ద శతకాలు చేసి మెల్‌బోర్న్‌ను గెలిపించారు. 14 పరుగులకే 3 వికెట్లు కోల్పోయిన మెల్‌బోర్న్‌ తొలుత తడబడింది. అయితే డేనియల్‌ లారెన్స్‌, స్టోయినిస్‌ బాధ్యతాయుతంగా ఆడి తమ జట్టును విజయతీరాలకు చేర్చారు. మెల్‌బోర్న్‌ ఇన్నింగ్స్‌లో బెన్‌ డకెట్‌ 0, థామస్‌ ఫ్రేజర్‌ 6, సామ్‌ హార్పర్‌ 8, ​మ్యాక్స్‌వెల్‌ డకౌటయ్యారు. బ్రిస్బేన్‌ హీట్‌ బౌలర్లలో జేవియర్‌ బార్ట్‌లెట్‌ నాలుగు వికెట్లు తీశాడు.

బిగ్‌బాష్‌ లీగ్‌ 2024-25లో మెల్‌బోర్న్‌ స్టార్స్‌ ఆటగాడు గ్లెన్‌ మ్యాక్స్‌వెల్‌ అద్భుతమైన విన్యాసం చేశాడు. బ్రిస్బేన్‌ హీట్‌తో ఇవాళ (జనవరి 1) జరుగుతున్న మ్యాచ్‌లో మ్యాక్సీ కళ్లు చెదిరే క్యాచ్‌ పట్టాడు. ఈ క్యాచ్‌ను క్రికెట్‌ చరిత్రలోనే అద్బుతమైన క్యాచ్‌గా అభివర్ణిస్తున్నారు విశ్లేషకులు. ఈ క్యాచ్‌కు సంబంధించిన వీడియో సోషల్‌మీడియాలో వైరలవుతుంది. ఈ క్యాచ్‌ను చూసి అభిమానులు ఔరా అంటున్నారు.GLENN MAXWELL!CATCH OF THE SEASON. #BBL14 pic.twitter.com/3qB9RaxHNb— KFC Big Bash League (@BBL) January 1, 2025పూర్తి వివరాల్లోకి వెళితే.. మెల్‌బోర్న్‌ స్టార్స్‌తో జరుగుతున్న మ్యాచ్‌లో బ్రిస్బేన్‌ హీట్‌ తొలుత బ్యాటింగ్‌ చేసింది. ఆ జట్టు నిర్ణీత 20 ఓవర్లలో 7 వికెట్ల నష్టానికి 149 పరుగులు చేసింది. మ్యాక్స్‌ బ్రయాంట్‌ (77 నాటౌట్‌) మెరుపు ఇన్నింగ్స్‌ ఆడి తమ జట్టుకు గౌరవప్రదమైన స్కోర్‌ అందించాడు. బ్రిస్బేన్‌ ఇన్నింగ్స్‌లో బ్రయాంట్‌తో పాటు పాల్‌ వాల్టర్‌ (21), టామ్‌ బాంటన్‌ (13) మాత్రమే రెండంకెల స్కోర్లు చేశారు. మెల్‌బోర్న్‌ బౌలర్లలో స్టీకిటీ రెండు వికెట్లు పడగొట్టగా.. జోయల్‌ పారిస్‌, పీటర్‌ సిడిల్‌, ఉసామా మిర్‌, డాన్‌ లారెన్స్‌ తలో వికెట్‌ దక్కించుకున్నారు.ఇన్నింగ్స్‌ 17వ ఓవర్‌ను డాన్‌ లారెన్స్‌ బౌల్‌ చేశాడు. తొలి బంతిని ఎదుర్కొన్న విల్‌ ప్రెస్ట్‌విడ్జ్‌ భారీ షాట్‌ ఆడాడు. ప్రెస్ట్‌విడ్జ్‌ ఈ షాట్‌ ఆడిన విధానం చూస్తే సిక్సర్‌ తప్పదని అంతా అనుకున్నారు. ఇక్కడే మ్యాక్స్‌వెల్‌ మ్యాజిక్‌ చేశాడు. సెకెన్ల వ్యవధిలో సిక్సర్‌ వెళ్తున్న బంతిని అద్భుతమైన క్యాచ్‌గా మలిచాడు. బౌండరీ లైన్‌ వద్ద మ్యాక్స్‌వెల్‌ చేసిన ఈ విన్యాసం చూసి ప్రేక్షకులంతా అవాక్కయ్యారు. సిక్సర్‌కు వెళ్తున్న బంతిని మ్యాక్సీ గాల్లోకి ఎగిరి లోపలికి తోశాడు. ఆతర్వాత క్షణాల్లో బౌండరీ లోపలికి వచ్చి క్యాచ్‌ పట్టుకున్నాడు. ఈ క్యాచ్‌ మాటల్లో వర్ణించలేనిది. కాగా, ఈ మ్యాచ్‌లో మ్యాక్స్‌వెల్‌ ఈ క్యాచ్‌తో పాటు మరో మూడు క్యాచ్‌లు పట్టాడు.మ్యాచ్‌ విషయానికొస్తే.. 150 పరుగుల సాధారణ లక్ష్యాన్ని ఛేదించేందుకు బరిలోకి దిగిన మెల్‌బోర్న్‌ స్టార్స్‌ 14 పరుగులకే 3 వికెట్లు కోల్పోయి కష్టాల్లో పడింది. ఈ దశలో డాన్‌ లారెన్స్‌, మార్కస్‌ స్టోయినిస్‌ (62) తమ జట్టును గెలుపు వాకిటి వరకు తీసుకెళ్లారు. మరో నాలుగు పరుగులు చేస్తే మెల్‌బోర్న్‌ విజయం సాధిస్తుందనగా బార్ట్‌లెట్‌ విజృంభించాడు. వరుస బంతుల్లో స్టోయినిస్‌, మ్యాక్స్‌వెల్‌లను (0) ఔట్‌ చేశాడు. మొత్తానికి లారెన్స్‌ (64 నాటౌట్‌) బాధ్యతగా ఆడి మెల్‌బోర్న్‌ను విజయతీరాలకు చేర్చాడు. మెల్‌బోర్న్‌ స్టార్స్‌ ఇన్నింగ్స్‌లో బెన్‌ డకెట్‌ డకౌట్‌ కాగా.. థామస్‌ రోజర్స్‌ 6, సామ్‌ హార్పర్‌ 8 పరుగులు చేశారు. బ్రిస్బేన్‌ హీట్‌ బౌలర్లలో​ బార్ట్‌లెట్‌ నాలుగు, స్పెన్సర్‌ జాన్సన్‌ ఓ వికెట్‌ పడగొట్టారు.

టీమిండియాతో జరుగుతున్న టెస్ట్‌ సిరీస్‌లో దారుణంగా విఫలమైన ఆస్ట్రేలియా ఓపెనర్‌ నాథన్‌ మెక్‌స్వీని బిగ్‌బాష్‌ లీగ్‌లో అదరగొట్టాడు. అడిలైడ్‌ స్ట్రయికర్స్‌తో ఇవాళ (డిసెంబర్‌ 22) జరిగిన మ్యాచ్‌లో మెక్‌స్వీని మ్యాచ్‌ విన్నింగ్‌ నాక్‌ ఆడి తన జట్టును (బ్రిస్బేన్‌ హీట్‌) గెలిపించాడు. ఈ మ్యాచ్‌లో మెక్‌స్వీని 49 బంతుల్లో 10 ఫోర్లు, 2 సిక్సర్ల సాయంతో 78 పరుగులు చేసి అజేయంగా నిలిచాడు. మెక్‌స్వీనికి జతగా మ్యాట్‌ రెన్‌షా (27 బంతుల్లో 54; 4 ఫోర్లు, 3 సిక్సర్లు) కూడా రాణించడంతో అడిలైడ్‌ స్ట్రయికర్స్‌పై బ్రిస్బేన్‌ హీట్‌ 3 వికెట్ల తేడాతో విజయం సాధించింది.తొలుత బ్యాటింగ్‌ చేసిన అడిలైడ్ స్ట్రయికర్స్‌ నిర్ణీత 20 ఓవర్లలో 6 వికెట్ల నష్టానికి 174 పరుగులు చేసింది. జేమీ ఓవర్టన్‌ (24 బంతుల్లో 45 నాటౌట్‌; 3 ఫోర్లు, 3 సిక్సర్లు), జేమ్స్‌ బాజ్లీ (11 బంతుల్లో 23; బౌండరీ, 2 సిక్సర్లు) మెరుపు ఇన్నింగ్స్‌లు ఆడి తమ జట్టుకు గౌరవప్రదమైన స్కోర్‌ అందించారు. స్ట్రయికర్స్‌ ఇన్నింగ్స్‌లో మాథ్యూ షార్ట్‌ (13), క్రిస్‌ లిన్‌ (24), ఓలీ పోప్‌ (34), అలెక్స్‌ రాస్‌ (20) రెండంకెల స్కోర్లు చేశారు. బ్రిస్బేన్‌ హీట్‌ బౌలర్లలో​ ప్రెస్ట్‌విడ్జ్‌ 2, బార్ట్‌లెట్‌, విట్నీ, వాల్టర్‌ తలో వికెట్‌ పడగొట్టారు.175 పరుగుల లక్ష్యాన్ని ఛేదించేందుకు బరిలోకి దిగిన బ్రిస్బేన్‌ హీట్‌ చివరి బంతికి గెలుపుతీరాలకు (7 వికెట్లు కోల్పోయి) చేరింది. మెక్‌స్వీని, రెన్‌షా అర్ద సెంచరీలతో రాణించారు. వీరు కాకుండా బ్రిస్బేన్‌ హీట్‌ ఇన్నింగ్స్‌లో పాల్‌ వాల్టర్‌ (19) మాత్రమే రెండంకెల స్కోర్‌ చేశాడు. కొలిన్‌ మున్రో (7), జిమ్మీ పియర్సన్‌ (8), మ్యాక్స్‌ బ్రయాంట్‌ (3), విల్‌ ప్రెస్ట్‌విడ్జ్‌ (0), బార్ట్‌లెట్‌ (3) విఫలమయ్యారు. మిచెల్‌ స్వెప్సన్‌ చివరి బంతికి సింగిల్‌ తీసి బ్రిస్బేన్‌ హీట్‌ను విజయతీరాలకు చేర్చాడు. స్ట్రయికర్స్‌ బౌలర్లలో లాయిడ్‌ పోప్‌, హెన్రీ తలో రెండు వికెట్లు పడగొట్టగా.. మాథ్యూ షార్ట్‌, జేమీ ఓవర్టన్‌, లియామ్‌ స్కాట్‌ తలో వికెట్‌ దక్కించుకున్నారు.ఇదిలా ఉంటే, డిసెంబర్‌ 26 నుంచి టీమిండియాతో జరుగనున్న నాలుగో టెస్ట్‌ కోసం ఆసీస్‌ జట్టును ప్రకటించారు. తొలి మూడు టెస్ట్‌ల్లో దారుణంగా విఫలమైన నాథన్‌ మెక్‌స్వీని జట్టులో చోటు కోల్పోయాడు. మెక్‌స్వీని స్థానంలో యువ ఆటగాడు సామ్‌ కొన్‌స్టాస్‌ ఆసీస్‌ ఇన్నింగ్స్‌ను ప్రారంభిస్తాడు.

బిగ్ బాష్ లీగ్ 2024-25 సీజ‌న్‌లో సంచ‌ల‌న క్యాచ్ న‌మోదైంది. ఈ లీగ్‌లో భాగంగా అడిలైడ్ వేదిక‌గా అడిలైడ్ స్ట్రైకర్స్‌తో జరుగుతున్న మ్యాచ్‌లో మెల్‌బోర్న్ స్టార్స్ బ్యాటర్ బెన్ డకెట్ క‌ళ్లు చెదిరే క్యాచ్‌తో మెరిశాడు. అడిలైడ్ బ్యాట‌ర్‌ డి'ఆర్సీ షార్ట్‌ను అద్బుత‌మైన క్యాచ్‌తో డకెట్ పెవిలియ‌న్‌కు పంపాడు. అడిలైడ్ ఇన్నింగ్స్ 15వ ఓవ‌ర్ వేసిన పీటర్ సిడిల్ నాలుగో బంతిని షార్ట్‌కు ఫుల్ల‌ర్ లెంగ్త్ డెలివ‌రీగా సంధించాడు. ఆ డెలివ‌రీని షార్ట్ క‌వ‌ర్స్ పై నుంచి షాట్ ఆడ‌టానికి ప్ర‌య‌త్నించాడు. షాట్ కూడా స‌రిగ్గా క‌న‌క్ట్ అయిన‌ప్ప‌టికి.. ఎక్స్‌ట్రా క‌వ‌ర్స్‌లో ఉన్న డ‌కెట్ అద్బుతం చేశాడు. డ‌కెట్ గాల్లోకి జంప్ చేస్తూ ఒంటి చేత్తో స్ట‌న్నింగ్ క్యాచ్‌ను అందుకున్నాడు. అత‌డి క్యాచ్‌ను చూసి అంద‌రూ ఆశ్చ‌ర్య‌పోయారు. ఇంద‌కు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది.కాగా ఫీల్డింగ్‌లో అద‌ర‌గొట్టిన డ‌కెట్‌.. బ్యాటింగ్‌లో మాత్రం నిరాశ‌ప‌రిచాడు. తొలి బంతికే ఔటయ్యి గోల్డెన్‌ డకౌట్‌గా వెనుదిరిగాడు. ఇక మ్యాచ్‌ విషయానికి వస్తే.. మెల్‌బోర్న్‌ స్టార్స్‌పై 15 పరుగుల తేడాతో అడిలైడ్‌ స్ట్రైకర్స్‌ ఘన విజయం సాధించింది.చదవండి: SA vs PAK: చ‌రిత్ర సృష్టించిన పాకిస్తాన్‌.. ప్రపంచం‍లోనే తొలి జట్టుగాOne of the best catches you will ever see in the BBL! 😱Ben Duckett takes a SCREAMER! @BKTtires #GoldenMoment #BBL14 pic.twitter.com/JLhu3BQ0DZ— KFC Big Bash League (@BBL) December 20, 2024

జూనియర్‌ రికీ పాంటింగ్‌గా పేరొందిన సామ్‌ కొన్‌స్టాస్‌ బిగ్‌బాష్‌ లీగ్‌లో తన అరంగేట్రాన్ని ఘనంగా చాటుకున్నాడు. బిగ్‌బాష్‌ లీగ్‌ 2024-25 ఎడిషన్‌లో భాగంగా అడిలైడ్‌ స్ట్రయికర్స్‌తో జరిగిన మ్యాచ్‌లో జూనియర్‌ రికీ 20 బంతుల్లోనే (8 ఫోర్లు, 2 సిక్సర్లు​) హాఫ్‌ సెంచరీ చేశాడు. బీబీఎల్‌లో సిడ్నీ థండర్‌కు ప్రాతినిథ్యం వహిస్తున్న కొన్‌స్టాస్‌.. ఈ ఫ్రాంచైజీ తరఫున ఫాస్టెస్ట్‌ హాఫ్‌ సెంచరీ చేసిన ఆటగాడిగా రికార్డుల్లోకెక్కాడు.గతంలో ఈ రికార్డు అలెక్స్‌ హేల్స్‌ పేరిట ఉండేది. హేల్స్‌ 2021 సీజన్‌లో మెల్‌బోర్న్‌ స్టార్స్‌పై 21 బంతుల్లో హాఫ్‌ సెంచరీ చేశాడు. థండర్‌ తరఫున మూడు, నాలుగో వేగవంతమైన హాఫ్‌ సెంచరీల రికార్డులు డేనియల్‌ సామ్స్‌, ఉస్మాన్‌ ఖ్వాజాల పేరిట ఉన్నాయి. సామ్స్‌ 23 బంతుల్లో, ఖ్వాజా 24 బంతుల్లో హాఫ్‌ సెంచరీలు చేశారు. మరోవైపు బిగ్‌బాష్‌ లీగ్‌ చరిత్రలోనే హాఫ్‌ సెంచరీ చేసిన అతి పిన్నవయస్కుడిగానూ (19 ఏళ్లు) సామ్‌ కొన్‌స్టాస్‌ రికార్డు నెలకొల్పాడు.మ్యాచ్‌ విషయానికొస్తే.. తొలుత బ్యాటింగ్‌ చేసిన స్ట్రయికర్స్‌ నిర్ణీత ఓవర్లలో 8 వికెట్ల నష్టానికి 182 పరుగులు చేసింది. వెథరాల్డ్‌ (19 బంతుల్లో 40), జేమీ ఓవర్టన్‌ (35 బంతుల్లో 45 నాటౌట్‌), జేమ్స్‌ బాజ్లీ (12 బంతుల్లో 31) మెరుపు ఇన్నింగ్స్‌లతో రాణించారు. ఫెర్గూసన్‌, క్రిస్‌ గ్రీన్‌ తలో 3 వికెట్లు పడగొట్టగా.. తన్వీర్‌ సంఘా 2 వికెట్లు దక్కించుకున్నాడు.డేనియల్‌ సామ్స్‌ ఊచకోత183 పరుగుల లక్ష్యాన్ని ఛేదించేందుకు బరిలోకి దిగిన థండర్‌.. సామ్‌ కొన్‌స్టాస్‌ (27 బంతుల్లో 56), డేనియల్‌ సామ్స్‌ (18 బంతుల్లో 42 నాటౌట్‌) మెరుపు ఇన్నింగ్స్‌లతో విరుచుకుపడటంతో మరో రెండు బంతులు మిగిలుండగానే విజయతీరాలకు చేరింది. ఓటమి దిశగా సాగుతున్న థండర్‌ను డేనియల్‌ సామ్స్‌ తన విధ్వంసకర ఇన్నింగ్స్‌తో గెలుపు బాట పట్టించాడు. సామ్స్‌ ఇన్నింగ్స్‌ 19వ ఓవర్‌లో లాయిడ్‌ పోప్‌ బౌలింగ్‌లో ఏకంగా 31 పరుగులు పిండుకున్నాడు. ఇందులో మూడు సిక్సర్లు, మూడు బౌండరీలు ఉన్నాయి. ఈ ఓవర్‌ మ్యాచ్‌ రూపురేఖల్నే మార్చేసింది. ఈ మ్యాచ్‌లో థండర్‌ సారధి డేవిడ్‌ వార్నర్‌ 7 పరుగులకే ఔటయ్యాడు.

ఈ ఏడాది బిగ్‌బాష్‌ లీగ్‌ ఘనంగా ప్రారంభమైంది. తొలి మ్యాచ్‌లో మార్కస్‌ స్టోయినిస్‌ నేతృత్వంలోని మెల్‌బోర్న్‌ స్టార్స్‌.. పెర్త్‌ స్కార్చర్స్‌ చేతిలో 6 వికెట్ల తేడాతో పరాజయం పాలైంది. ఈ మ్యాచ్‌లో తొలుత బ్యాటింగ్‌ చేసిన మెల్‌బోర్న్‌ స్టార్స్‌ నిర్ణీత 20 ఓవర్లలో 9 వికెట్ల నష్టానికి 146 పరుగులు చేసింది. స్టోయినిస్‌ (37), టామ్‌ కర్రన్‌ (37) టాప్‌ స్కోరర్లుగా నిలిచారు. మెల్‌బోర్న్‌ స్టార్స్‌ ఇన్నింగ్స్‌లో జో క్లార్క్‌ 0, థామస్‌ రోజర్స్‌ 14, సామ్‌ హార్పర్‌ 1, కార్ట్‌రైట్‌ 18, వెబ్‌స్టర్‌ 19, హెచ్‌ మెక్‌కెంజీ 4, ఆడమ్‌ మిల్నే 2, బ్రాడీ కౌచ్‌ 4 (నాటౌట్‌) పరుగులు చేశారు. స్కార్చర్స్‌ బౌలర్లలో జై రిచర్డ్‌సన్‌ 3, లాన్స్‌ మోరిస్‌ 2, బెహ్రెన్‌డార్ఫ్‌, ఆస్టన్‌ అగర్‌, కూపర్‌ కన్నోలీ తలో వికెట్‌ పడగొట్టారు.అనంతరం బరిలోకి దిగిన స్కార్చర్స్‌ 17.1 ఓవర్లలో 4 వికెట్లు కోల్పోయి లక్ష్యాన్ని చేరుకుంది. కూపర్‌ కన్నోలీ (64) మెరుపు ఇన్నింగ్స్‌ ఆడి స్టార్చర్స్‌ విజయానికి బీజం వేశాడు. ఆస్టన్‌ టర్నర్‌ (37 నాటౌట్‌), నిక్‌ హాబ్సన్‌ (27 నాటౌట్‌) అజేయ ఇన్నింగ్స్‌లతో స్కార్చర్స్‌ను విజయతీరాలకు చేర్చారు. స్కార్చర్స్‌ ఇన్నింగ్స్‌లో ఫిన్‌ అలెన్‌ (6), కీటన్‌ జెన్నింగ్స్‌ (4), మాథ్యూ హర్స్ట్‌ (4) తక్కువ స్కోర్లకే ఔటయ్యారు. మెల్‌బోర్న్‌ బౌలర్లలో ఆడమ్‌ మిల్నే, పీటర్‌ సిడిల్‌, టామ్‌ కర్రన్‌, బ్రాడీ కౌచ్‌ తలో వికెట్‌ పడగొట్టారు. రేపు జరుగబోయే మ్యాచ్‌లో సిడ్నీ సిక్సర్స్‌, మెల్‌బోర్న్‌ రెనెగేడ్స్‌ తలపడతాయి. ఈ మ్యాచ్‌ భారతకాలమానం ప్రకారం మధ్యాహ్నం 1:45 గంటలకు ప్రారంభమవుతుంది.

బిగ్ బాష్ లీగ్ 2024-25 సీజ‌న్‌కు ముందు మెల్‌బోర్న్‌ స్టార్స్‌ ఫ్రాంచైజీ కీల‌క నిర్ణ‌యం తీసుకుంది. త‌మ జ‌ట్టు ఫుల్ టైమ్‌ కెప్టెన్‌గా స్టార్ ఆల్‌రౌండ‌ర్ మార్కస్ స్టోయినిస్‌ని నియ‌మించింది. గ్లెన్ మాక్స్‌వెల్ వారుసుడిగా స్టోయినిష్ బాధ్య‌త‌లు చేప‌ట్ట‌నున్నాడు. జాన్‌ హేస్టింగ్స్‌ రిటైర్మెంట్‌ తర్వాత బీబీఎల్‌ సీజన్ 8 సంద‌ర్భంగా మెల్‌బోర్న్ కెప్టెన్‌గా బాధ్య‌త‌లు చేప‌ట్టిన మాక్సీ.. గ‌త సీజ‌న్ అనంత‌రం సారథ్య బాధ్య‌త‌లు నుంచి త‌ప్పుకున్నాడు. గత సీజన్‌లో స్టార్స్‌ దారుణ ప్రదర్శన కనబరిచింది.10 మ్యాచ్‌లు ఆడిన మెల్‌బోర్న్‌ కేవలం 4 మ్యాచ్‌ల్లో మాత్రమే విజయం సాధించింది. ఈ క్రమంలోనే మాక్స్‌వెల్‌ కెప్టెన్సీ బాధ్యతల నుంచి వైదొలిగాడు. కాగా స్టోయినిస్‌కు కెప్టెన్‌గా అనుభవం ఉంది. గత సీజన్‌లో కొన్ని మ్యాచ్‌ల్లో మాక్సీ గైర్హాజరీలో మెల్‌బోర్న్ స్టా‍ర్స్‌ కెప్టెన్‌గా మార్కస్‌ వ్యవహరించాడు. ఇక కెప్టెన్‌గా ఎంపికైన అనంతరం స్టోయినిష్‌ స్పందించాడు."గ‌త సీజ‌న్‌లో 'మ్యాక్సీ' లేకపోవడంతో కొన్ని మ్యాచ్‌ల్లో మెల్‌బోర్న్‌ సారథిగా వ్య‌వ‌హ‌రించే అవ‌కాశం ద‌క్కింది. కెప్టెన్సీని ఎంజాయ్ చేశాను. ఇప్పుడు ఫుల్ టైమ్ కెప్టెన్‌గా ఎంపిక కావ‌డం చాలా సంతోషంగా ఉంది. ఇది నాకు ద‌క్కిన గౌర‌వంగా భావిస్తున్నాను. గ‌త ప‌దేళ్ల‌గా మెల్‌బోర్న్ స్టార్స్ ఫ్యామిలీలో భాగంగా ఉన్నాను. ఈసారి నాయకుడిగా మా జట్టును విజయఫథంలో నడిపించేందుకు అన్నివిధాల ప్రయత్నిస్తాను" అని స్టోయినిస్‌ పేర్కొన్నాడు. మెల్‌బోర్న్ స్టార్స్ తరపున 98 మ్యాచ్‌లు ఆడిన స్టోయినిష్‌.. 2656 పరుగులు చేశాడు.బిగ్‌బాష్ లీగ్‌లో మెల్‌బోర్న్ స్టార్స్ తరఫున అత్యధిక పరుగులు చేసిన ఆటగాళ్ల జాబితాలో స్టోయినిస్‌ రెండో స్ధానంలో కొనసాగుతున్నాడు. తొలి స్ధానంలో గ్లెన్ మాక్స్‌వెల్ ఉన్నాడు. ఇ​క బిగ్ బాష్ లీగ్ 14వ సీజన్ డిసెంబర్ 15 నుంచి ప్రారంభం కానుంది.చదవండి: SA vs PAK: డేవిడ్ మిల్లర్ ఊచకోత.. ఉత్కంఠ పోరులో ఓడిన పాకిస్తాన్‌

మహిళల బిగ్‌బాష్‌ లీగ్‌ 2024 ఎడిషన్‌ టైటిల్‌ను మెల్‌బోర్న్‌ రెనెగేడ్స్‌ గెలుచుకుంది . ఇవాళ (డిసెంబర్‌ 1) జరిగిన ఫైనల్లో రెనెగేడ్స్‌ డక్‌వర్త్‌ లూయిస్‌ పద్దతిలో 7 పరుగుల తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన రెనెగేడ్స్‌ నిర్ణీత 20 ఓవర్లలో 9 వికెట్ల నష్టానికి 141 పరుగులు చేసింది. అనంతరం బ్రిస్బేన్‌ హీట్‌ బ్యాటింగ్‌ చేసే సమయానికి వర్షం మొదలుకావడంతో డక్‌వర్త్‌ లూయిస్‌ పద్దతిన లక్ష్యాన్ని 12 ఓవర్లలో 98 పరుగులకు కుదించారు. ఛేదనలో చివరి బంతి వరకు పోరాడిన బ్రిస్బేన్‌ హీట్‌ లక్ష్యానికి ఎనిమిది పరుగుల దూరంలో నిలిచిపోయింది. నికోలా హ్యాంకాక్‌ చివరి బంతికి సిక్సర్‌ బాదినప్పటికీ ప్రయోజనం లేకుండా పోయింది.రాణించిన హేలీ మాథ్యూస్‌తొలుత బ్యాటింగ్‌ చేసిన రెనెగేడ్స్‌.. హేలీ మాథ్యూస్‌ అర్ద సెంచరీతో (61 బంతుల్లో 69) రాణించడంతో ఓ మోస్తరు స్కోర్‌ చేయగలిగింది. రెనెగేడ్స్‌ ఇన్నింగ్స్‌లో మాథ్యూస్‌ మినహా ఎవ్వరూ చెప్పుకోదగ్గ స్కోర్లు చేయలేదు. జార్జియా వేర్హమ్‌ (21), నయోమీ స్టాలెన్‌బర్గ్‌ (16) రెండంకెల స్కోర్లు చేశారు. బ్రిస్బేన్‌ హీట్‌ బౌలర్లలో చార్లీ నాట్‌ 3 వికెట్లు పడగొట్టగా.. గ్రేస్‌ పార్సన్స్‌ 2, నికోలా హ్యాంకాక్‌, లూసీ హ్మామిల్టన్‌, జొనాసెన్‌ తలో వికెట్‌ దక్కించుకున్నారు.జొనాసెన్‌ పోరాటం వృధా98 పరుగుల లక్ష్య ఛేదనలో బ్రిస్బేన్‌ హీట్‌ తడబడింది. ఆ జట్టులో జెస్‌ జోనాసెన్‌ (44 నాటౌట్‌), నికోలా హ్యాంకాక్‌ (13 నాటౌట్‌) ఎవ్వరూ రాణించలేదు. వీరిద్దరు కాక జార్జియా రెడ్‌మేన్‌ (16) రెండంకెల స్కోర్‌ చేసింది. రెనెగేడ్స్‌ బౌలర్లలో హేలీ మాథ్యూస్‌ 2, చారిస్‌ బెక్కర్‌, మిల్లీ ఇల్లింగ్‌వర్త్‌, సోఫీ మోలినెక్స్‌, డియాండ్ర డాటిన్‌ తలో వికెట్‌ పడగొట్టారు. మహిళల బిగ్‌బాష్‌ లీగ్‌లో మెల్‌బోర్న్‌ రెనెగేడ్స్‌కు ఇది తొలి టైటిల్‌.

మహిళల బిగ్‌బాష్‌ లీగ్‌లో టీమిండియా స్టార్‌ ప్లేయర్‌ స్మృతి మంధన కళ్లు చెదిరే రన్నింగ్‌ క్యాచ్‌ పట్టుకుంది. డబ్ల్యూబీబీఎల్‌లో అడిలైడ్‌ స్ట్రయికర్స్‌కు ఆడే మంధన పెర్త్‌ స్కార్చర్స్‌తో జరిగిన మ్యాచ్‌లో అదిరిపోయే ఫీల్డింగ్‌ విన్యాసాన్ని ప్రదర్శించింది. ఈ మ్యాచ్‌లో మంధన అమండ జేడ్‌ బౌలింగ్‌లో కార్లీ లీసన్‌ క్యాచ్‌ను పట్టుకుంది. స్కార్చర్స్‌ ఇన్నింగ్స్‌ 15వ ఓవర్‌ తొలి బంతికి లీసన్‌ కవర్స్‌ దిశగా షాట్‌ ఆడగా.. మిడ్‌ ఆఫ్‌లో ఫీల్డింగ్‌ చేస్తున్న మంధన వెనక్కు పరిగెడుతూ కళ్లు చెదిరే క్యాచ్‌ పట్టుకుంది. ఈ క్యాచ్‌కు సంబంధించిన వీడియో సోషల్‌మీడియాలో వైరవతువుంది.WHAT A STUNNING CATCH BY SMRITI MANDHANA IN WBBL 🤯🔥 pic.twitter.com/byoJRzx69i— Johns. (@CricCrazyJohns) November 19, 2024మూడు క్యాచ్‌లు పట్టుకున్న మంధన ఈ మ్యాచ్‌లో మంధన మొత్తం మూడు క్యాచ్‌లు పట్టుకుంది. ఈ మూడు అద్భుతమైన క్యాచ్‌లే. మైదానంలో పాదరసంలా కదిలిన మంధన బ్యాట్‌తోనూ రాణించింది. 29 బంతుల్లో 5 ఫోర్లు, సిక్సర్‌ సాయంతో 41 పరుగులు చేసింది. మంధన బ్యాట్‌తో, ఫీల్డ్‌లో రాణించడంతో అడిలైడ్‌ స్ట్రయికర్స్‌ 30 పరుగులు తేడాతో విజయం సాధించింది.ఈ మ్యాచ్‌లో తొలుత బ్యాటింగ్‌ చేసిన స్ట్రయికర్స్‌.. మంధన (41), కేటీ మ్యాక్‌(41), లారా వోల్వార్డ్ట్‌ (48) రాణించడంతో నిర్ణీత 20 ఓవర్లలో 6 వికెట్ల నష్టానికి 169 పరుగులు చేసింది. స్కార్చర్స్‌ బౌలర్లలో అలానా కింగ్‌ 3, కెప్టెన్‌ సోఫీ డివైన్‌ 2, క్లో ఐన్స్‌వర్త్‌ ఓ వికెట్‌ పడగొట్టారు.అనంతరం 170 పరుగుల లక్ష్యాన్ని ఛేదించేందుకు బరిలోకి దిగిన స్కార్చర్స్‌.. మెగాన్‌ షట్‌ (3/19), ముషాంగ్వే (2/35), అమండ జేడ్‌ వెల్లింగ్టన్‌ (2/26), తహిల మెక్‌గ్రాత్‌ (1/27) ధాటికి నిర్ణీత ఓవర్లలో 139 పరుగులు మాత్రమే చేయగలిగింది. స్కార్చర్స్‌ ఇన్నింగ్స్‌లో బ్రూక్‌ హ్యాలీడే (47), సోఫీ డివైన్‌ (35), అలానా కింగ్‌ (29 నాటౌట్‌) ఓ మోస్తరు స్కోర్లు చేశారు.

మహిళల బిగ్‌బాష్‌ లీగ్‌లో హోబర్ట్‌ హరికేన్స్‌ ఓపెనర్‌, సౌతాఫ్రికా ప్లేయర్‌ లిజెల్‌ లీ ఆకాశమే హద్దుగా చెలరేగిపోతుంది. ప్రస్తుత ఎడిషన్‌లో అరివీర భయంకమైన ఫామ్‌లో ఉన్న లీ.. వరుసగా రెండు మ్యాచ్‌ల్లో రెండు విధ్వంసకర సెంచరీలు చేసింది. తొలుత పెర్త్‌ స్కార్చర్స్‌తో జరిగిన మ్యాచ్‌లో​ 75 బంతుల్లో అజేయమైన 150 పరుగులు (12 ఫోర్లు, 12 సిక్సర్లు) చేసిన లీ.. తాజాగా అడిలైడ్‌ స్ట్రయికర్స్‌తో జరుగుతున్న మ్యాచ్‌లో మరో మెరుపు సెంచరీతో (59 బంతుల్లో 103; 13 ఫోర్లు, 4 సిక్సర్లు) విజృంభించింది. తద్వారా మహిళల బిగ్‌బాష్‌ లీగ్‌ చరిత్రలో వరుసగా రెండు మ్యాచ్‌ల్లో రెండు సెంచరీలు చేసిన తొలి ప్లేయర్‌గా చరిత్ర సృష్టించింది.కొడితే బ్యాట్‌ విరిగిపోయింది..!ఈ మ్యాచ్‌లో లిజెల్‌ కొట్టిన ఓ షాట్‌కు బ్యాట్‌ విరిగిపోయింది. ఓర్లా వేసిన ఇన్నింగ్స్‌ రెండో ఓవర్‌ రెండో బంతికి లిజెల్‌ క్రీజ్‌ వదిలి ముందుకు వచ్చి భారీ షాట్‌ ఆడింది. ఈ షాట్‌కు బ్యాట్‌ విరిగిపోయినప్పటికీ బంతి బౌండరీని క్లియర్‌ చేసింది.మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌కు దిగిన హరికేన్స్‌.. లిజెల్‌ మెరుపు సెంచరీతో విరుచుకుపడటంతో నిర్ణీత 20 ఓవర్లలో 2 వికెట్ల నష్టానికి 191 పరుగుల భారీ స్కోర్‌ చేసింది. లిజెల్‌కు నికోలా క్యారీ (46 బంతుల్లో 64 నాటౌట్‌; 7 ఫోర్లు, సిక్స్‌) సహకరించింది. హరికేన్స్‌ ఇన్నింగ్స్‌లో వ్యాట్‌ హాడ్జ్‌ డకౌట్‌ కాగా.. కెప్టెన్‌ ఎలైస్‌ విల్లాని 14 బంతుల్లో 3 ఫోర్ల సాయంతో 23 పరుగులు చేసి అజేయంగా నిలిచింది. అడిలైడ్‌ బౌలర్లలో మెగాన్‌ షట్‌కు ఓ వికెట్‌ దక్కింది. ఈ మ్యాచ్‌లో లిజెల్‌ రనౌటయ్యింది.అనంతరం భారీ లక్ష్య ఛేదనకు దిగిన అడిలైడ్‌ స్ట్రయికర్స్‌ 15 ఓవర్ల అనంతరం మూడు వికెట్ల నష్టానికి 112 పరుగులు చేసింది. స్మృతి మంధన (32 బంతుల్లో 51; 6 ఫోర్లు, 2 సిక్సర్లు) మెరుపు అర్ద సెంచరీతో కదంతొ​క్కగా.. కేటీ మ్యాక్‌ 14, తహిళ మెక్‌గ్రాత్‌ 4 పరుగులు చేసి ఔటయ్యాడు. లారా వోల్వార్డ్ట్‌ (25), బ్రిడ్జెట్‌ ప్యాటర్సన్‌ (11) క్రీజ్‌లో ఉన్నారు. హరికేన్స్‌ బౌలర్లలో మోల్లీ స్ట్రానో, లారెన్‌ స్మిత్‌, యామీ స్మిత్‌ తలో వికెట్‌ పడగొట్టారు. ఈ మ్యాచ్‌లో అడిలైడ్‌ గెలవాలంటే 30 బంతుల్లో మరో 80 పరుగులు చేయాల్సి ఉంది. చేతిలో 7 వికెట్లు ఉన్నాయి.

మహిళల బిగ్‌బాష్‌ లీగ్‌ చరిత్రలో అత్యధిక లక్ష్య ఛేదన నమోదైంది. అడిలైడ్‌ స్ట్రయికర్స్‌తో ఇవాళ (నవంబర్‌ 11) జరిగిన మ్యాచ్‌లో మెల్‌బోర్న్‌ రెనెగేడ్స్‌ భారీ లక్ష్యాన్ని ఛేదించింది. ఈ మ్యాచ్‌లో తొలుత బ్యాటింగ్‌ చేసిన అడిలైడ్‌ స్ట్రయికర్స్‌ నిర్ణీత 20 ఓవర్లలో 8 వికెట్ల నష్టానికి 185 పరుగులు చేయగా.. రెనెగేడ్స్‌ 17.1 ఓవర్లలో వికెట్‌ మాత్రమే కోల్పోయి లక్ష్యాన్ని ఛేదించింది. మహిళల బిగ్‌బాష్‌ లీగ్‌ చరిత్రలో ఇదే అత్యధిక లక్ష్య ఛేదన. గతంలో కూడా ఈ రికార్డు రెనెగేడ్స్‌ పేరిటే ఉండేది. 2019-20 సీజన్‌లో బ్రిస్బేన్‌ హీట్‌తో జరిగిన మ్యాచ్‌లో రెనెగేడ్స్‌ 184 పరుగుల లక్ష్యాన్ని విజయవంతంగా ఛేదించింది.మహిళల బిగ్‌బాష్‌ లీగ్‌లో అత్యధిక లక్ష్య ఛేదనలు..186- మెల్‌బోర్న్‌ రెనెగేడ్స్‌184- మెల్‌బోర్న్‌ రెనెగేడ్స్‌180- పెర్త్‌ స్కార్చర్స్‌179- సిడ్నీ సిక్సర్స్‌ (2020-21)179- సిడ్నీ సిక్సర్స్‌ (2024-25)కాగా, హేలీ మాథ్యూస్‌ (54 బంతుల్లో 85 నాటౌట్‌; 12 ఫోర్లు, 2 సిక్సర్లు), డియాండ్రా డొట్టిన్‌ (18 బంతుల్లో 46 నాటౌట్‌; 7 ఫోర్లు, సిక్స్‌) అజేయ ఇన్నింగ్స్‌లతో చెలరేగడంతో అడిలైడ్‌ స్ట్రయికర్స్‌ నిర్దేశించిన 186 పరుగుల భారీ లక్ష్యాన్ని మెల్‌బోర్న్‌ రెనెగేడ్స్‌ సునాయాసంగా ఊదేసింది. మాథ్యూస్‌, డొట్టిన్‌ రెండో వికెట్‌కు కేవలం 33 బంతుల్లో 85 పరుగులు జోడించి రెనెగేడ్స్‌ను విజయతీరాలకు చేర్చారు. ఈ గెలుపుతో రెనెగేడ్స్‌ పాయింట్ల పట్టికలో రెండో స్థానానికి ఎగబాకింది.అడిలైడ్‌ ఇన్నింగ్స్‌లో కెప్టెన్‌ తహిల మెక్‌గ్రాత్‌ (49), స్మృతి మంధన (40) ఓ మోస్తరు స్కోర్లతో రాణించగా.. లారా వోల్వార్డ్ట్‌ (27), ఓర్లా ప్రెండర్‌గాస్ట్‌ (24) పర్వాలేదనిపించారు. రెనెగేడ్స్‌ బౌలర్లలో హేలీ మాథ్యూస్‌ రెండు వికెట్లు పడగొట్టగా.. ఇల్లింగ్‌వర్త్‌, అలైస్‌ క్యాప్సీ, డియాండ్రా డొట్టిన్‌, సారా తలో వికెట్‌ దక్కించుకున్నారు.రెనెగేడ్స్‌ ఇన్నింగ్స్‌లో హేలీ మాథ్యూస్‌, డొట్టిన్‌తో పాటు కోట్నీ వెబ్‌ (37 రిటైర్డ్‌ హర్ట్‌) కూడా రాణించింది. అలైస్‌ క్యాప్సీ ఒక్కరే తక్కువ స్కోర్‌కు (4) నిష్క్రమించారు. క్యాప్సీ వికెట్‌ డార్సీ బ్రౌన్‌కు దక్కింది. ఈ మ్యాచ్‌ అనంతరం పాయింట్ల పట్టికలో సీడ్నీ థండర్‌ టాప్‌లో ఉండగా..మెల్‌బోర్న్‌ రెనెగేడ్స్‌ రెండో స్థానంలో నిలిచింది.

మహిళల బిగ్ బాష్ లీగ్‌-2024లో హోబర్ట్ హరికేన్స్ మూడో విజయాన్ని తమ ఖాతాలో వేసుకుంది. సిడ్నీ వేదికగా పెర్త్ స్కార్చర్స్‌తో జరిగిన మ్యాచ్‌లో 72 పరుగులతో తేడాతో ఘన విజయాన్ని హోబర్ట్ అందుకుంది. ఇక ఈ మ్యాచ్‌లో హోబర్ట్ హరికేన్స్ స్టార్ ఓపెనర్‌, దక్షిణాఫ్రికా వికెట్ కీపర్ బ్యాటర్ లిజెల్ లీ విధ్వంసకర సెంచరీతో మెరిసింది.సిడ్నీ సిక్సర్స్‌తో జరిగిన మ్యాచ్‌లో విఫలమైన లీ.. ఈ మ్యాచ్‌లో మాత్రం ఆకాశమే హద్దుగా చెలరేగింది. ప్రత్యర్ధి బౌలర్లను ఈ దక్షిణాఫ్రికా స్టార్ ప్లేయర్ ఊచకోత కోసింది. ఆమెను ఆపడం పెర్త్ స్కార్చర్స్ బౌలర్లు వంతు కాలేదు. ఆమె బౌండరీలు బాదుతుంటే ఫీల్డర్లు ప్రేక్షక పాత్ర పోషించారు.ఓవరాల్‌గా 75 బంతులు ఎదుర్కొన్న లీ..12 ఫోర్లు, 12 సిక్స్‌లతో 150 పరుగులు చేసి ఆజేయంగా నిలిచింది. ఆమెతో పాటు హీథర్‌ గ్రహమ్‌(23) రాణించింది. ఫలితంగా నిర్ణీత 20 ఓవర్లలో హోబర్ట్ హరికేన్స్ 3 వికెట్లు కోల్పోయి 203 పరుగుల భారీ స్కోర్ సాధించింది.అనంతరం లక్ష్య చేధనలో పెర్త్ జట్టు కేవలం 131 పరుగులకే కుప్పకూలింది. హోబర్ట్ బౌలర్లలో హీథర్‌ గ్రహమ్ మూడు వికెట్లు పడగొట్టగా, స్మిత్‌, స్ట్రానో తలా రెండు వికెట్లు సాధించారు. పెర్త్ బ్యాటర్లలో అనిస్‌వర్త్‌(41) ఒం‍టరి పోరాటం చేసింది.అరుదైన రికార్డు..ఇక ఈ మ్యాచ్‌లో సెంచరీతో చెలరేగిన లీ సరికొత్త చరిత్ర సృష్టించింది. మహిళల బిగ్ బాష్ లీగ్ చరిత్రలోనే అత్యధిక వ్యక్తిగత స్కోర్ సాధించిన ప్లేయర్‌గా లీ రికార్డులకెక్కింది. ఇంతకుముందు ఈ రికార్డు ఆసీస్ స్టార్ ప్లేయర్ గ్రేస్ హ్యారీస్‌(136 నాటౌట్‌) పేరిట ఉండేది. తాజా మ్యాచ్‌తో హ్యారీస్ అల్‌టైమ్ రికార్డును లీ బ్రేక్ చేసింది.చదవండి: BAN vs AFG 2nd Odi: మెరిసిన షాంటో.. అఫ్గాన్‌పై బంగ్లాదేశ్‌ ఘన విజయం

మహిళల బిగ్‌బాష్‌ లీగ్‌ డ్రాఫ్ట్‌లో టీమిండియా కెప్టెన్‌ హర్మన్‌ప్రీత్‌ కౌర్‌కు అవమానం జరిగింది. ఇవాళ (సెప్టెంబర్‌ 1) జరిగిన డ్రాఫ్ట్‌లో హర్మన్‌ను ఏ ఫ్రాంచైజీ కొనుగోలు చేయలేదు. బిగ్‌బాష్‌ లీగ్‌లో ఘనమైన ట్రాక్‌ రికార్డు కలిగిన హర్మన్‌పై ఏ ఫ్రాంచైజీ ఆసక్తి చూపకపోవడం గమనార్హం. హర్మన్‌ బీబీఎల్‌లో 62 మ్యాచ్‌లు ఆడి 117.16 స్ట్రయిక్‌రేట్‌తో 1440 పరుగులు చేసింది. 35 ఏళ్ల హర్మన్‌ మెల్‌బోర్న్‌ రెనెగేడ్స్‌, సిడ్నీ థండర్‌ తరఫున ఐదు సీజన్ల పాటు బిగ్‌బాష్‌ లీగ్‌లో పాల్గొంది. హర్మన్‌ 2023 మహిళల ఐపీఎల్‌లో ముంబై ఇండియన్స్‌ను ఛాంపియన్‌గా నిలబెట్టింది. గత సీజన్‌లోనూ ముంబై ఇండియన్స్‌ను ఫైనల్‌కు చేర్చింది. అంతర్జాతీయ టీ20ల్లోనూ ఘనమైన ట్రాక్‌ రికార్డు (153 మ్యాచ్‌ల్లో 3426 పరుగులు) కలిగిన హర్మన్‌ను ఏ ఫ్రాంచైజీ ఎంపిక చేసుకోకపోవడం విచారకరం.కాగా, మహిళల బిగ్‌బాష్‌ లీగ్‌ డ్రాఫ్ట్‌లో మొత్తం 19 మంది భారత ఆటగాళ్లు తమ పేరు నమోదు చేసుకోగా.. కేవలం ఆరుగురు మాత్రమే వివిధ ఫ్రాంచైజీల చేత ఎంపిక చేసుకోబడ్డారు. స్మృతి మంధనను అడిలైడ్‌ స్ట్రయికర్స్‌ ముందస్తుగా (ప్రీ సైన్డ్‌) సొంతం చేసుకోగా.. దయాలన్‌ హేమలతను పెర్త్‌ స్కార్టర్స్‌, శిఖా పాండేను బ్రిస్బేన్‌ హీట్‌, యస్తికా భాటియాను మెల్‌బోర్న్‌ స్టార్స్‌, దీప్తి శర్మను మెల్‌బోర్న్‌ స్టార్స్‌, జెమీమా రోడ్రిగెజ్‌ను బ్రిస్బేన్‌ హీట్‌ డ్రాఫ్ట్‌లో ఎంపిక​ చేసుకున్నాయి. మహిళల బిగ్‌బాష్‌ లీగ్‌ అక్టోబర్‌ 27 నుంచి డిసెంబర్‌ 1 వరకు సాగనుంది.డ్రాఫ్ట్‌ రిజల్ట్స్‌..సోఫీ ఎక్లెస్టోన్ (సిడ్నీ సిక్సర్లు,రిటెన్షన్ పిక్)హీథర్ నైట్ (సిడ్నీ థండర్, రిటెన్షన్ పిక్)లారా వోల్వార్డ్ట్ (అడిలైడ్ స్ట్రైకర్స్, రిటెన్షన్ పిక్)డాని వ్యాట్ (హోబర్ట్ హరికేన్స్)డియాండ్రా డాటిన్ (మెల్బోర్న్ రెనెగేడ్స్)దీప్తి శర్మ (మెల్‌బోర్న్ స్టార్స్)జెమిమా రోడ్రిగ్స్ (బ్రిస్బేన్ హీట్)సోఫీ డివైన్ (పెర్త్ స్కార్చర్స్, ప్రీ-సైన్డ్ ప్లేయర్)క్లో ట్రయాన్ (హోబర్ట్ హరికేన్స్)అమేలియా కెర్ (సిడ్నీ సిక్సర్స్, ప్రీ-సైన్డ్ ప్లేయర్)హేలీ మాథ్యూస్ (మెల్బోర్న్ రెనెగేడ్స్, ప్రీ-సైన్డ్ ప్లేయర్)మారిజానే కాప్ (మెల్బోర్న్ స్టార్స్, ప్రీ-సైన్డ్ ప్లేయర్)షబ్నిమ్ ఇస్మాయిల్ (సిడ్నీ థండర్)శిఖా పాండే (బ్రిస్బేన్ హీట్)అమీ జోన్స్ (పెర్త్ స్కార్చర్స్)హేమలత దయాళన్ (పెర్త్ స్కార్చర్స్)ఆలిస్ క్యాప్సే (మెల్బోర్న్ రెనెగేడ్స్)చమారి అతపత్తు (సిడ్నీ థండర్, ప్రీ-సైన్డ్ ప్లేయర్)యాస్తిక భాటియా (మెల్‌బోర్న్ స్టార్స్)స్మృతి మంధాన (అడిలైడ్ స్ట్రైకర్స్, ప్రీ-సైన్డ్‌ ప్లేయర్‌)లిజెల్ లీ (హోబర్ట్ హరికేన్స్, ప్రీ-సైన్డ్ ప్లేయర్)హోలీ ఆర్మిటేజ్ (సిడ్నీ సిక్సర్లు)ఓర్లా ప్రెండర్‌గాస్ట్ (అడిలైడ్ స్ట్రైకర్స్)జార్జియా ఆడమ్స్ (సిడ్నీ థండర్)నదీన్ డి క్లెర్క్ (బ్రిస్బేన్ హీట్, ప్రీ-సైన్డ్ ప్లేయర్)

ఇవాళ (సెప్టెంబర్‌ 1) జరిగిన పురుషుల బిగ్‌బాష్‌ లీగ్‌ డ్రాఫ్ట్‌లో ఇంగ్లండ్‌ ప్లేయర్లకు మాంచి గిరాకీ ఉండింది. డ్రాఫ్ట్‌లో మొత్తం 14 మంది ఇంగ్లండ్‌ ప్లేయర్లను వివిధ ఫ్రాంచైజీలు సొంతం చేసుకున్నాయి. నాలుగు రౌండ్ల పాటు సాగిన డ్రాఫ్ట్‌లో ఇంగ్లండ్‌ (14), న్యూజిలాండ్‌ (4), వెస్టిండీస్‌ (4), బంగ్లాదేశ్‌ (1), పాకిస్తాన్‌ (1) దేశాలకు చెందిన 24 మంది ప్లేయర్లు ఎంపిక చేయబడ్డారు. ఆసియా దేశాల నుంచి పాక్‌కు చెందిన ఉసామా మిర్‌, బంగ్లాదేశ్‌కు చెందిన రిషద్‌ హొస్సేన్‌ మాత్రమే ఎంపిక చేయబడ్డారు.రౌండ్ల వారీగా వివిధ ఫ్రాంచైజీలు ఎంపిక చేసుకున్న ఆటగాళ్ల వివరాలు..తొలి రౌండ్‌:బెన్‌ డకెట్‌- మెల్‌బోర్న్‌ స్టార్స్‌జేమ్స్‌ విన్స్‌-సిడ్నీ సిక్సర్స్‌ (రిటెన్షన్‌)లారీ ఈవాన్స్‌- మెల్‌బోర్న్‌ రెనిగేడ్స్‌లోకీ ఫెర్గూసన్‌- సీడ్నీ థండర్‌షాయ్‌ హోప్‌- హోబర్ట్‌ హరికేన్స్‌జేమీ ఓవర్టన్‌- అడిలైడ్‌ స్ట్రయికర్స్‌ (రిటెన్షన్‌)కొలిన్‌ మున్రో- బ్రిస్బేన్‌ హీట్‌ (ప్రీ సైన్డ్‌)ఫిన్‌ అలెన్‌- పెర్త్‌ స్కార్చర్స్‌ (ప్రీ సైన్డ్‌)రెండో రౌండ్‌:టామ్‌ కర్రన్‌ మెల్‌బోర్న్ స్టార్స్ (ప్రీ సైన్డ్‌) జాకబ్ బెతెల్ - మెల్‌బోర్న్ రెనెగేడ్స్ ఒల్లీ పోప్ - అడిలైడ్ స్ట్రైకర్స్ (ప్రీ సైన్డ్ ప్లేయర్) హోబర్ట్ హరికేన్స్ - క్రిస్ జోర్డన్ (ప్రీ-సైన్డ్ ప్లేయర్)సామ్ బిల్లింగ్స్ - సిడ్నీ థండర్ (ప్రీ-సైన్డ్ ప్లేయర్) పాల్ వాల్టర్ - బ్రిస్బేన్ హీట్ అకీల్ హోసేన్ - సిడ్నీ సిక్సర్స్ (ప్రీ సైన్డ్‌)మూడో రౌండ్:మాథ్యూ హర్స్ట్ - పెర్త్ స్కార్చర్స్ ఫాబియన్ అలెన్ - అడిలైడ్ స్ట్రైకర్స్ షెర్ఫేన్ రూథర్‌ఫోర్డ్ - సిడ్నీ థండర్ టిమ్ సీఫెర్ట్ - మెల్‌బోర్న్ రెనిగేడ్స్‌ (ప్రీ సైన్డ్‌)ఉసామా మీర్ - మెల్‌బోర్న్ స్టార్స్నాలుగో రౌండ్‌:రిషద్ హుస్సేన్-హోబర్ట్ హరికేన్స్బ్రిస్బేన్ హీట్ - టామ్ అల్సోప్ కీటన్ జెన్నింగ్స్ - పెర్త్ స్కార్చర్స్జాఫర్‌ చోహన్‌-సిడ్నీ సిక్సర్స్‌

వీరేంద్ర సెహ్వాగ్.. ప్రపంచ క్రికెట్‌లో పరిచయం అవసరం లేని పేరు. 14 ఏళ్ల పాటు భార‌త క్రికెట్‌కు సేవ‌లు అందించిన సెహ్వాగ్.. క్రికెట్ చ‌రిత్ర‌లో త‌న పేరును సువ‌ర్ణ అక్ష‌రాల‌తో లిఖించుకున్నాడు. త‌న కెరీర్‌లో సెహ్వాగ్ ఎన్నో అద్భుత‌ మైలురాయిల‌ను అందుకున్నాడు. ఇప్ప‌టికే టెస్ట్ క్రికెట్‌లో ఫాస్టెస్ట్‌ ట్రిపుల్ సెంచూరియాన్‌గా వీరేంద్రుడు కొన‌సాగుతున్నాడు. తన అంతర్జాతీయ కెరీర్‌లో 104 టెస్టులు, 251 వన్డేలు, 19 టీ20ల్లొ భారత్‌కు ప్రాతినిథ్యం వహించాడు. 2011 వన్డే ప్రపంచకప్‌, 2007 టీ20 ప్రపంచకప్‌ గెలిచిన భారత జట్టులో సభ్యునిగా సెహ్వాగ్‌ ఉన్నాడు. సెహ్వాగ్ ఐపీఎల్‌లో కూడా త‌న కంటూ ఒక గుర్తింపు తెచ్చుకున్నాడు. అయితే తాజాగా సెహ్వాగ్‌ ఆస్ట్రేలియా క్రికెట్ దిగ్గ‌జం ఆడమ్ గిల్‌క్రిస్ట్‌తో చిట్‌ చాట్‌లో ప‌లు ఆస‌క్తిక‌ర విష‌యాల‌ను వెల్ల‌డించాడు.గతంలో బిగ్ బాష్ లీగ్ నుంచి త‌న‌కు వ‌చ్చిన గొప్ప ఆఫర్‌ను తిరస్కరించిన‌ట్లు సెహ్వాగ్ తెలిపాడు. బిగ్ బాష్ లీగ్‌లో భారత ఆటగాళ్లు ఆడే అవ‌కాశ‌ముందా అన్న ప్ర‌శ్న సంద‌ర్భంగా సెహ్వాగ్ ఈ విష‌యాన్ని వెల్ల‌డించాడు. గిల్‌క్రిస్ట్‌, సెహ్వాగ్ మ‌ధ్య జ‌రిగిన చిట్‌చాట్‌పై ఓ లుక్కేద్దాం.ఆడ‌మ్ గిల్‌క్రిస్ట్: భ‌విష్యత్తులో భారత ఆటగాళ్లు ఐపీఎల్ కాకుండా ఇత‌ర టీ20 లీగ్‌ల్లో ఆడే ఛాన్స్ ఉందా?వీరేంద్ర సెహ్వాగ్: "లేదు , మాకు అవసరం లేదు. ఎందుకంటే మేము చాలా రిచ్‌. పేద దేశాలకు వెళ్లి ఆడ‌ము (నవ్వుతూ). నేను భారత జట్టులో చోటు కోల్పోయిన‌ప్పుడు నాకు బిగ్ బాష్ లీగ్‌లో ఆడ‌మ‌ని ఓ ఫ్రాంచైజీ నుంచి ఆఫర్ వ‌చ్చింది. ఎంత మొత్తం ఇస్తార‌ని నేను ఆడిగాను. అందుకు వారి నుంచి వ‌చ్చిన సమాధానం విని ఆశ్చ‌ర్య‌పోయాను.వారు నాకు ల‌క్ష‌ డాల‌ర్లు( భార‌త కరెన్సీలో సుమారు రూ.84 ల‌క్ష‌లు) ఇస్తామ‌ని చెప్పారు. వెంట‌నే నేను న‌వ్వుకుని అంత‌కంటే ఎక్కువ డ‌బ్బుల‌ను నా సెల‌వుల్లో ఖ‌ర్చుచేస్తాన‌ని, గ‌త రాత్రి పార్టీ బిల్లు కూడా ల‌క్ష‌ డాల‌ర్లు దాటింద‌ని వారికి చెప్పాన‌ని" సెహ్వాగ్ తెలిపాడు.

బిగ్ బాష్ లీగ్ 2023-24 సీజన్‌ ఛాంపియన్స్‌గా బ్రిస్బేన్ హీట్‌ నిలిచింది. సిడ్నీ గ్రౌండ్‌ వేదికగా జరిగిన ఫైనల్‌ పోరులో సిడ్నీ సిక్సర్స్‌ను 54 పరుగుల తేడాతో చిత్తు చేసిన బ్రిస్బేన్ హీట్‌.. రెండో సారి టైటిల్‌ను ముద్దాడింది. 167 పరుగుల లక్ష్యంతో బరిలోకి దిగిన సిడ్నీ సిక్సర్స్‌.. బ్రిస్బేన్ బౌలర్ల దాటికి కేవలం 112 పరుగులకే కుప్ప​కూలింది. బ్రిస్బేన్ బౌలర్లలో ఎక్స్‌ప్రెస్ పేసర్ స్పెన్సర్ జాన్సన్ నాలుగు వికెట్లతో చెలరేగాడు. తన 4 ఓవర్ల కోటాలో 26 పరుగులిచ్చి 4 వికెట్లు పడగొట్టాడు. కాగా ఐపీఎల్‌-2024 వేలంలో జాన్సన్‌ను రూ. 10 కోట్లకు గుజరాత్‌ దక్కించుకున్న విషయం తెలిసిందే. జాన్సన్‌తో పాటు ‍బ్రాట్‌లెట్‌,స్వీప్సన్‌ తలా రెండు వికెట్లతో సత్తాచాటారు. సిడ్నీ బ్యాటర్లలో హెన్రిక్స్‌(25) పరుగులతో టాప్‌ స్కోరర్‌గా నిలిచాడు. ఇక ఈ మ్యాచ్‌లో మొదట బ్యాటింగ్‌ చేసిన బ్రిస్బేన్ 8 వికెట్ల నష్టానికి 166 పరుగులు చేసింది. గత మ్యాచ్‌లో 41 బంతుల్లోనే సెంచరీ బాదిన జోష్‌ బ్రౌన్‌.. ఈ మ్యాచ్‌లో 38 బంతుల్లో 5 బౌండరీలు, 3 సిక్సర్ల సాయంతో 53 పరుగులు చేశాడు. బ్రౌన్‌తో పాటు రెన్షా(40) పరుగులతో రాణించాడు. సిడ్నీ బౌలర్లలో అబాట్‌ నాలుగు వికెట్లు పడగొట్టాడు. చదవండి: టీమిండియాతో మ్యాచ్‌లో ఓవరాక్షన్‌.. స్టార్ క్రికెటర్‌కు దిమ్మతిరిగే షాకిచ్చిన ఐసీసీ Spencer 👑 Your Player of The Final. #BBL13 pic.twitter.com/saEDxVXG0q — KFC Big Bash League (@BBL) January 24, 2024

బిగ్‌ బాష్‌ లీగ్‌-2023లో భాగంగా శనివారం మెల్‌బోర్న్ స్టార్స్‌తో జరిగిన మ్యాచ్‌లో 5 వికెట్ల తేడాతో  సిడ్నీ థండర్‌ విజయం సాధించింది. అయితే ఈ మ్యాచ్‌లో ఫన్నీ సంఘటన చోటు చేసుకుంది. సిడ్నీ థండర్‌ తరపున ఆడుతున్న పాకిస్తాన్‌ ఆటగాడు ఉసామా మీర్‌ గ్రౌండ్‌లో నవ్వులు పూయించాడు. ఏం జరిగిందంటే? మెల్‌బోర్న్‌ ఇన్నింగ్స్‌ రెండో ఓవర్‌ తొలి బంతి వేసే క్రమంలో బౌలర్‌ స్టిక్టీ ఓవర్‌ స్టాప్‌ చేశాడు. దీంతో మెల్‌బోర్న్‌ బ్యాటర్‌ బెన్‌క్రాప్ట్‌కు ఫ్రీహిట్‌ లభించింది. ఫ్రీహిట్‌ బంతిని బెన్‌క్రాప్ట్‌ భారీ షాట్‌ ఆడటానికి ప్రయత్నించాడు. అయితే షాట్‌ సరిగ్గా కనక్ట్‌కాకపోవడంతో బంతి బ్యాట్‌ టాప్‌ ఎడ్జ్‌ తీసుకుని థర్డ్‌మ్యాన్‌ దిశగా గాల్లోకి లేచింది. ఈ క్రమంలో ఉసామా మీర్‌ పరిగెత్తుకుంటూ వచ్చి అద్భుతమైన క్యాచ్‌ను అందుకున్నాడు. క్యాచ్‌ను పట్టిన అది ఫ్రీహిట్‌ అని మర్చిపోయిన ఉస్మామీర్‌ బంతిని త్రో చేయకుండా సంబరాల్లో మునిగితేలిపోయాడు. వెంటనే మరో సిడ్నీ ఆటగాడు బాల్‌ త్రో చేయమని సైగ చేస్తే.. అప్పుడు మీర్‌ వికెట్‌ కీపర్‌ వైపు త్రో చేశాడు. దీంతో ఆటగాళ్లు అంతా ఒక్కసారిగా నవ్వుకున్నారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఇది చూసిన నెటిజన్లు పాకిస్తాన్‌ ఆటగాళ్లు అంతే అంటూ కామెంట్లు చేస్తున్నారు. కాగా వన్డే వరల్డ్‌కప్‌లో ఆస్ట్రేలియాతో జరిగిన మ్యాచ్‌లో డేవిడ్‌ వార్నర్‌ ఇచ్చిన ఈజీ క్యాచ్‌ను మీర్‌ విడిచిపెట్టిన సంగతి తెలిసిందే. The old catch off a free hit! Unlucky, Usama 😅 #BBL13 pic.twitter.com/eOnQC7v8p9 — KFC Big Bash League (@BBL) December 23, 2023 చదవండి: IND Vs SA: దక్షిణాఫ్రికాతో తొలి టెస్టు.. భారత తుది జట్టు ఇదే! ఓపెనర్లు ఎవరంటే?

బిగ్‌ బాష్‌ లీగ్‌ 2023 సీజన్‌కు అదిరిపోయే ఆరంభం లభించింది. గురువారం (డిసెంబర్‌ 7) జరిగిన టోర్నీ ఓపెనర్‌లో మెల్‌బోర్న్‌ స్టార్స్‌పై బ్రిస్బేన్‌ హీట్‌ 103 పరుగుల భారీ విజయం సాధించింది. బ్రిస్బేన్‌ గెలుపులో కొలిన్‌ మున్రో కీలకపాత్ర పోషించాడు. ఈ మ్యాచ్‌లో 61 బంతులు ఎదుర్కొన్న మున్రో.. 9 ఫోర్లు, 5 సిక్సర్ల సాయంతో అజేయంగా 99 పరుగులు చేశాడు. చివరి ఓవర్‌లో మున్రోకు సెంచరీ చేసే అవకాశం వచ్చినప్పటికీ.. మ్యాక్స్‌ బ్రయాంట్‌ (7 బంతుల్లో 15 నాటౌట్‌; 3 ఫోర్లు) కారణంగా ఆ అవకాశం చేజారింది. ఆఖరి ఓవర్‌ మూడో బంతికి సింగిల్‌ తీశాక​ మున్రో స్కోర్‌ 99కి చేరింది. అయితే ఆతర్వాత మూడు బంతులను బ్రయాంట్‌ బౌండరీలుగా తరలించడంతో మున్రోకు సెంచరీ చేసే అవకాశం రాలేదు.  ఈ మ్యాచ్‌లో తొలుత బ్యాటింగ్‌ చేసిన బ్రిస్బేన్‌.. మున్రో చెలరేగడంతో నిర్ణీత 20 ఓవర్లలో 3 వికెట్ల నష్టానికి 214 పరుగులు చేసింది. బ్రిస్బేన్‌ ఇన్నింగ్స్‌లో ఉస్మాన్‌ ఖ్వాజా (28), లబూషేన్‌ (30) ఓ మోస్తరు స్కోర్లు చేయగా.. మెల్‌బోర్న్‌ బౌలర్లు జోయెల్‌ పారిస్‌, మ్యాక్స్‌వెల్‌, కౌల్డర్‌నైల్‌ తలో వికెట్‌ పడగొట్టారు.  అనంతరం 215 పరుగుల భారీ లక్ష్యాన్ని ఛేదించేందుకు బరిలోకి దిగిన మెల్‌బోర్న్‌ను బ్రిస్బేన్‌ బౌలర్లు 111 పరుగులకే (15.1 ఓవర్లలో) కుప్పకూల్చారు. మిచెల్‌ స్వెప్సన్‌ 3, మైఖేల్‌ నెసర్‌, జేవియర్‌ బార్ట్‌లెట్‌ చెరో 2 వికెట్లు, స్పెన్సర్‌ జాన్సన్‌, మాథ్యూ కున్హేమన్‌, పాల్‌ వాల్టర్‌ తలో వికెట్‌ పడగొట్టారు. మెల్‌బోర్న్‌ ఇన్నింగ్స్‌లో హిల్టన్‌ కార్ట్‌వైట్‌ (33) టాప్‌ స్కోరర్‌గా నిలిచాడు.

ఇంగ్లండ్‌ విధ్వంసకర ఆటగాడు హ్యారీ బ్రూక్ కీలక నిర్ణయం తీసుకున్నాడు.  బిగ్ బాష్‌ లీగ్‌-2023 సీజన్‌ నుంచి  బ్రూక్ వైదొలిగాడు. తన జాతీయ జట్టు విధుల కారణంగా బ్రూక్‌ ఈ నిర్ణయం తీసుకున్నాడు. బిగ్‌ బాష్‌ లీగ్‌లో మెల్‌బోర్న్‌ స్టార్స్‌కు బ్రూక్‌ ప్రాతినిథ్యం వహిస్తున్నాడు. అయితే ఇంగ్లండ్‌ జట్టు ఈ ఏడాది డిసెంబర్‌లో వైట్‌బాల్‌ సిరీస్‌ల కోసం వెస్టిండీస్‌లో పర్యటించనుంది. ఈ కరేబియన్‌ టూర్‌లో భాగంగా ఆతిథ్య విండీస్‌తో మూడు వన్డేలు, ఐదు టీ20ల సిరీస్‌లో ఇంగ్లండ్‌ తలపడనుంది. ఈ రెండు సిరీస్‌లకు వెర్వేరు ఇంగ్లండ్‌ క్రికెట్‌ బోర్డు తమ జట్లను ప్రకటించింది. అయితే ఈ రెండు జట్లలోను హ్యారీ బ్రూక్‌ సభ్యునిగా ఉన్నాడు. ఈ క్రమంలో రాబోయే బిగ్ బాష్ లీగ్ సీజన్‌కు దూరంగా ఉండాలని అతడు నిర్ణయించకున్నాడు.  బిగ్ బాష్‌ లీగ్‌-2023 డిసెంబర్‌ 7 నుంచి ప్రారంభం కానుంది. అదే విధంగా ఇంగ్లండ్‌ కరేబియన్‌ టూర్‌ డిసెంబర్‌ 3న మొదలు కానుంది.  వెస్టిండీస్‌ పర్యటన ముగిసినంతరం ఇం‍గ్లీష్‌ జట్టు ఐదు మ్యాచ్‌ల టెస్టు సిరీస్‌ ఆడేందుకు భారత గడ్డపై అడుగుపెట్టనుంది. వచ్చే ఏడాది జనవరిలో భారత్‌-ఇంగ్లండ్‌ టెస్టు సిరీస్‌ జరగనుంది. చదవండి: World Cup 2023: ఇదేమి బ్యాటింగ్‌ రా బాబు.. అందుకే 'చోకర్స్‌' ట్యాగ్‌ లైన్‌

ఆ్రస్టేలియాలో జరిగే మహిళల బిగ్‌బాష్‌ లీగ్  టి20 టోర్నీకి సంబంధించి ఆదివారం విదేశీ క్రికెటర్ల డ్రాఫ్ట్‌ కార్యక్రమం జరిగింది. ఇందులో మొత్తం 116 మంది విదేశీ క్రికెటర్లు తమ పేర్లను నమోదు చేసుకోగా... ఎనిమిది ఫ్రాంచైజీలు 17 మందిని ఎంపిక చేసుకున్నాయి. భారత్‌ నుంచి 18 మంది క్రికెటర్లు తుది జాబితాలో ఉండగా... కెప్టెన్‌ హర్మన్‌ప్రీత్‌ కౌర్‌కు మాత్రమే అవకాశం దక్కింది. మెల్‌బోర్న్‌ రెనెగెడ్స్‌ జట్టు హర్మన్‌ప్రీత్‌ను ఎంపిక చేసుకుంది. 2021–2022 సీజన్‌లో హర్మన్‌ప్రీత్‌ మెల్‌బోర్న్‌ తరఫున ఆడి 406 పరుగులు చేయడంతోపాటు 15 వికెట్లు కూడా తీసింది.       

భారత్‌లో మహిళల ప్రీమియర్‌ లీగ్‌ కంటే ఎంతో ముందుగా ఆ్రస్టేలియాలో ప్రారంభమై ఆలరిస్తోన్న మహిళల బిగ్‌బాష్‌ లీగ్‌ (డబ్ల్యూబీబీఎల్‌) ప్లేయర్ల తుది జాబితా (డ్రాఫ్ట్‌) సిద్ధమైంది. 2023–24 కొత్త సీజన్‌ కోసం సెప్టెంబర్‌ 3న లీగ్‌ ఫ్రాంచైజీలు ఈ జాబితాలో ఉన్న క్రికెటర్లతో ఒప్పందాలు చేసుకుంటాయి. భారత్‌ నుంచి 18 మంది క్రికెటర్లు ఈ డ్రాఫ్ట్‌లో ఉన్నారు. అయితే భారత స్టార్‌ ఓపెనర్, వైస్‌ కెపె్టన్‌ స్మృతి మంధాన తన పేరును ఇందులో నమోదు చేసుకోలేదు. గతంలో డబ్ల్యూబీబీఎల్‌లో స్మృతి బ్రిస్బేన్‌ హీట్, సిడ్నీ థండర్‌ జట్లకు ఆడింది.     

బిగ్‌బాష్‌ లీగ్‌-2022లో మంగళవారం మెల్‌బోర్న్ స్టార్స్- మెల్‌బోర్న్ రెనిగేడ్స్‌ మధ్య జరిగిన మ్యాచ్‌లో ఓ ఆసక్తికర సంఘటన చోటు చేసుకుంది. రెనిగేడ్స్‌ ఇన్నింగ్స్‌ ఆఖరి ఓవర్‌ వేయడానికి వచ్చిన మెల్‌బోర్న్ స్టార్స్ కెప్టెన్‌ ఆడమ్ జంపా నాన్-స్ట్రైకర్ టామ్ రోజర్స్‌ను రనౌట్‌(మన్కడింగ్‌) చేయడానికి ప్రయత్నించాడు. జంపా బంతి వేయకముందే రోజర్స్‌ క్రీజును వదిలి బయటకు వెళ్లగా.. అది గమనించిన అతడు వెంటనే వికెట్లను గిరాటేశాడు. దీంతో రనౌట్‌కు అప్పీల్‌ చేయగా, ఫీల్డ్‌ అంపైర్‌ థర్డ్‌ అంపైర్‌కు రిఫర్‌ చేశాడు. కాగా పలు మార్లు రిప్లేలో చూసిన  థర్డ్‌ అంపైర్‌ నాటౌట్‌గా ప్రకటించాడు. కాగా కొత్త రూల్స్‌ ప్రకారం మన్కడింగ్‌ను సాధారణ రనౌట్‌గానే పరిగిణిస్తారు. ఈ క్రమంలో థర్డ్‌ అంపైర్‌ మాత్రం ఎందుకు నాటౌట్‌గా ప్రకటించాడన్నది ప్రేక్షకులకు ఆర్ధం కాలేదు. థర్డ్‌ అంపైర్‌ ఎందుకు నాటౌట్‌ ఇచ్చాడంటే? మెరిల్‌బోన్ క్రికెట్ నిబంధనల ప్రకారం.. బౌలర్ నాన్ స్ట్రైకర్ బ్యాటర్ ను రనౌట్‌ చేయాలనుకుంటే యాక్షన్‌ను పూర్తి చేయకముందే ఔట్‌ చేయాలి. అంటే చేతిని పూర్తిగా తిప్పకముందే వికెట్లను గిరాటు వేయాలి. కానీ జంపా మాత్రం తన బౌలింగ్‌ యాక్షన్‌ను పూర్తి చేసి స్టంప్స్‌ను పడగొట్టాడు.  దీంతో థర్డ్‌ అంపైర్‌ నాటౌట్‌గా ప్రకటించాడు. ఇక ఈ మ్యాచ్‌లో మెల్‌బోర్న్ స్టార్స్‌పై  రెనెగేడ్స్ 33 పరుగుల తేడాతో ఘన విజయం సాధించింది. Spicy, spicy scenes at the MCG. Not out is the call...debate away, friends! #BBL12 pic.twitter.com/N6FAjNwDO7 — KFC Big Bash League (@BBL) January 3, 2023 చదవండి: IND vs SL: దీపక్‌ హుడా, అక్షర్‌ సూపర్‌ ఇన్నింగ్స్‌.. శ్రీలంక టార్గెట్‌ 163 పరుగులు

బిగ్‌బాష్ లీగ్‌లో మెల్‌బోర్న్ స్టార్స్ కెప్టెన్‌ గ్లెన్‌ మ్యాక్స్‌వెల్ విద్వంసం సృష్టించాడు. బుధ‌వారం హాబ‌ర్ట్ హరికేన్స్తో జ‌రిగిన మ్యాచ్‌లో  మ్యాక్స్‌వెల్ సెంచ‌రీతో చెల‌రేగాడు. 41  బంతుల్లో అత‌డు సెంచ‌రీ సాధించాడు. హరికేన్స్ బౌల‌ర్ల‌ను మ్యాక్సీ ఊచ‌కోత కోశాడు.  64 బంతుల్లో 154 ప‌రుగులు సాధించాడు. అతడి ఇన్నింగ్స్‌లో 24 ఫోర్లు, 4 సిక్స్‌లు ఉన్నాయి. దీంతో బిగ్‌బాష్ లీగ్ చ‌రిత్ర‌లోనే వ్య‌క్తిగ‌తంగా  అత్య‌ధిక ప‌రుగులు చేసిన ఆట‌గాడిగా మ్యాక్స్‌వెల్ నిలిచాడు. కాగా మ్యాక్స్‌వెల్ ఇన్నింగ్స్‌కు స్టోయినిస్ తుఫాన్ ఇన్నింగ్స్‌ తోడు అవడంతో నిర్ణీత 20 ఓవ‌ర్ల‌లో మెల్‌బోర్న్ రెండు వికెట్ల న‌ష్టానికి 273 ప‌రుగుల భారీ స్కోర్ సాధించింది. కాగా ఇప్ప‌టి వ‌ర‌కు  బిగ్‌బాష్ లీగ్‌లో ఇదే అత్య‌ధిక స్కోర్ కావ‌డం విశేషం. ఇక మెల్‌బోర్న్ స్టార్స్ బ్యాట‌ర్ల‌లో మ్యాక్స్‌వెల్ 154 ప‌రుగులు సాధించ‌గా, స్టోయినిస్ 75 ప‌రుగులుతో రాణించాడు. హరికేన్స్ బౌల‌ర్ల‌లో జోష్ ఖాన్‌, థాంమ్స‌న్ చెరో వికెట్ ప‌డగొట్టారు. ఇక  274 ప‌రుగుల భారీ ల‌క్ష్యంతో బ‌రిలోకి దిగిన హరికేన్స్ ఆదిలోనే రెండు వికెట్లు కోల్పోయింది. 6 ఓవ‌ర్లు ముగిసే స‌రికి రెండు వికెట్ల న‌ష్టానికి 56 ప‌రుగులు చేసింది. చ‌ద‌వండి: షేన్ వార్న్‌ ఫిక్సింగ్‌ ఆరోపణలకు పాక్‌ మాజీ కెప్టెన్‌ కౌంటర్

Melbourne Stars sign Andre Russell for Big Bash league 2021: వెస్టిండీస్‌ విద్వంసకర ఆల్‌రౌండర్‌ ఆండ్రీ రస్సెల్ తిరిగి బిగ్‌ బాష్‌ లీగ్‌లో అడుగు పెట్టనునన్నాడు. ప్రస్తుతం జరుగుతున్న11వ ఎడిషన్ కోసం మెల్‌బోర్న్ స్టార్స్‌తో ఒప్పందం రస్సెల్ కుదుర్చుకున్నాడు. ఈ విషయాన్ని మెల్‌బోర్న్ స్టార్స్‌ కోచ్‌ డేవిడ్‌ హస్సీ సృష్టం చేశాడు.  రస్సెల్ లాంటి స్టార్‌ ఆటగాడు మాతో ఒప్పందం కుదుర్చుకోవడం చాలా సంతోషకరమని హస్సీ తెలిపాడు. రస్సెల్ ప్రపంచంలోని అత్యుత్తమ ఆటగాళ్లలో ఒకడని హస్సీ చెప్పాడు. డిసెంబర్‌10న సిడ్నీ థండర్స్‌తో జరిగే మ్యాచ్‌లో రస్సెల్ ఆడనున్నాడని హస్సీ పేర్కొన్నాడు. కాగా రస్సెల్‌కు బిగ్‌ బాష్‌ లీగ్‌లో ఆడడం ఇదేం తొలిసారి కాదు. అంతకుముందు రస్సెల్‌ ఈ లీగ్‌లో 2014 నుంచి 2017 వరకు సిడ్నీ థండర్స్‌ తరుపున ఆడాడు. కాగా ఐపీఎల్‌-14 సీజన్‌లో రస్సెల్‌ పేలవ ప్రదర్శన కనబర్చాడు. కానీ ఇటీవల ముగిసిన అబుదాబి టీ10 లీగ్‌లో రస్సెల్  అద్బుతంగా రాణించి తిరిగి ఫామ్‌లోకి వచ్చాడు. మరి ఈ ఆస్ట్రేలియాన్‌ లీగ్‌లో ఎలా రాణిస్తాడో వేచి చూడాలి. కాగా బిగ్‌ బాష్‌ లీగ్‌ డిసెంబర్‌ 5న ప్రారంభంమైన సంగతి తెలిసిందే. చదవండి: Ashes Series: ఇంగ్లండ్‌ చెత్త ఆట..  క్వీన్స్‌లాండ్‌ పోలీస్‌ విచారణ

Jemimah Rodrigues Smriti Mandhana Hit Fifties: మహిళల బిగ్‌బాష్‌ లీగ్‌ టి20 క్రికెట్‌ టోర్నమెంట్‌లో భారత బ్యాటర్లు జెమీమా రోడ్రిగ్స్, స్మృతి మంధాన అదరగొట్టారు. మెల్‌బోర్న్‌ రెనెగేడ్స్‌ తరఫున జెమీమా... సిడ్నీ థండర్‌ జట్టు తరఫున స్మృతి మంధాన బరిలోకి దిగారు. ఈ రెండు జట్ల మధ్య బుధవారం జరిగిన మ్యాచ్‌లో మెల్‌బోర్న్‌ రెనెగేడ్స్‌ జట్టు తొమ్మిది పరుగుల ఆధిక్యంతో గెలిచింది. తొలుత మెల్‌బోర్న్‌ జట్టు నిర్ణీత 20 ఓవర్లలో 5 వికెట్లకు 142 పరుగులు సాధించింది. ఓపెనర్‌ జెమీమా 56 బంతుల్లో 9 ఫోర్లతో 75 పరుగులు చేసి అజేయంగా నిలిచింది. మెల్‌బోర్న్‌ జట్టుకే ఆడుతున్న భారత వన్డే జట్టు కెప్టెన్‌ హర్మన్‌ప్రీత్‌ కౌర్‌ మూడు పరుగులు చేసి అవుటైంది. అనంతరం 143 పరుగుల లక్ష్యంతో బరిలోకి దిగిన సిడ్నీ థండర్‌ జట్టు 20 ఓవర్లలో 8 వికెట్లకు 133 పరుగులు చేసి ఓడిపోయింది. ఓపెనర్‌ స్మృతి మంధాన 44 బంతుల్లో 4 ఫోర్లు, ఒక సిక్స్‌తో 64 పరుగులు చేసి హర్మన్‌ప్రీత్‌ బౌలింగ్‌లో బౌల్డయి పెవిలియన్‌ చేరింది.  చదవండి: NAM VS SCO: టి20 ప్రపంచకప్‌ చరిత్రలో క్రేజీ ఓవర్‌ అంటున్న ఫ్యాన్స్‌!

సిడ్నీ: బిగ్‌బాష్‌ లీగ్‌లో ఓ ఆసక్తికర సన్నివేశం చోటు చేసుంది. సిడ్నీ థండర్స్‌, అడిలైడ్‌ స్ట్రీకర్స్‌ మధ్య జరిగిన మ్యాచ్‌లో అడిలైడ్‌ ఓపెనర్‌ జేక్‌ వెథరాల్డ్‌ రెండు ఎండ్స్‌లోనూ రనౌటైన సన్నివేశం సోషల్‌ మీడియాలో చక్కర్లు కొడుతోంది. ఆదివారం జరిగిన ఈ మ్యాచ్‌లో థండర్స్‌ బౌలర్‌ క్రిస్‌ గ్రీన్‌ బౌలింగ్‌ చేస్తున్న సందర్భంలో బ్యాట్స్‌మెన్‌ ఫిలిప్‌ సాల్ట్‌ కొట్టిన బంతి గ్రీన్‌ ఎడమ చేతిని తాకుతూ వికెట్లను ముద్దాడింది. ఈ సమయంలో నాన్‌ స్ట్రైకర్‌ ఎండ్‌లో జేక్‌ వెథరాల్డ్‌ క్రీజ్‌ బయట ఉన్నాడు.  దీన్ని అంతగా పట్టించుకోని వెథరాల్డ్‌.. సాల్ట్‌ పరుగు కోసం పిలుపునివ్వడంతో స్ట్రైకింగ్‌ ఎండ్‌ వైపు పరిగెట్టాడు. వెథరాల్డ్‌ క్రీజ్‌కు చేరుకునే లోపే వికెట్‌ కీపర్‌ సామ్‌ బిల్లింగ్స్‌ వికెట్లకు గిరాటు వేశాడు. ప్రత్యర్ధి ఆటగాళ్లు అపీల్‌ చేయడంతో థర్డ్‌ అంపైర్‌ రనౌట్‌ను పరిశీలిస్తుండగా వెథరాల్డ్‌ రెండు వైపులా ​రనౌటైనట్లు తేలింది. ఒకే బ్యాట్స్‌మెన్‌ రెండు ఎండ్స్‌లోనూ రనౌటైన ఈ సన్నివేశం సోషల్‌ మీడియాలో వైరల్‌గా మారింది.  

మెల్‌బోర్న్‌: భారత మాజీ క్రికెటర్‌ యువరాజ్‌ సింగ్‌ విదేశీ లీగ్‌లపై దృష్టి పెట్టాడు.  గత ఏడాది అతను రిటైర్మెంట్‌ ప్రకటించడంతో బీసీసీఐ నిబంధనల ప్రకారం ఎక్కడైనా లీగ్‌లు ఆడేందుకు అవకాశం ఉంది. అయితే ప్ర‌స్తుతం ఆస్ట్రేలియాలోని ప్రతిష్టాత్మక ‘బిగ్‌ బాష్‌’ లీగ్‌లో ఆడేందుకు యువీ ప్రయత్నిస్తున్నాడని సమాచారం. యువరాజ్‌ మేనేజ్‌మెంట్‌ వ్యవహారాలు చూసే కంపెనీ ఈ విషయాన్ని చెప్పినట్లు స్థానిక పత్రిక సిడ్నీ మార్నింగ్‌ హెరాల్డ్‌ వెల్లడించింది. ‘యువరాజ్‌ ఏదైనా జట్టుతో జత కట్టేందుకు ఉన్న అవకాశాలను మేం క్రికెట్‌ ఆస్ట్రేలియాతో చర్చిస్తున్నాం’ అని అతని మేనేజర్‌ జేసన్‌ వార్న్‌ పేర్కొన్నారు. అయితే యువీ కోసం బీబీఎల్‌ జట్లు పెద్దగా ఆసక్తి చూపించడం లేదని అంతర్గత సమాచారం. గతంలోనూ భారత క్రికెటర్లు కూడా బీబీఎల్‌లో ఆడితే బాగుంటుందని పలు సూచనలు వచ్చినా బీసీసీఐ వాటిని అంగీకరించలేదు. (నాదల్‌ వస్తున్నాడు )

మెల్‌బోర్న్‌: బిగ్‌బాష్‌ లీగ్‌(బీబీఎల్‌)లో గ్లెన్‌ మ్యాక్స్‌వెల్‌ నేతృత్వంలోని మెల్‌బోర్న్‌ స్టార్స్‌ మరో ఘన విజయాన్ని నమోదు చేసింది. ఇప్పటివరకూ ఎనిమిది మ్యాచ్‌లకు గాను ఏడు మ్యాచ్‌ల్లో గెలిచి పాయింట్ల పట్టికలో అగ్రస్థానంలో కొనసాగుతుంది. శుక‍్రవారం మెల్‌బోర్న్‌ రెనిగేడ్స్‌తో జరిగిన మ్యాచ్‌లో మెల్‌బోర్న్‌ స్టార్స్‌ 7 వికెట్ల తేడాతో విజయం సాధించింది. రెనిగేడ్స్‌ నిర్దేశించిన 169 పరుగుల టార్గెట్‌ను మెల్‌బోర్న్‌ స్టార్స్‌ ఇంకా ఎనిమిది బంతులు మిగిలి ఉండగానే ఛేదించింది. ఓపెనర్‌ స్టోయినిస్‌ డకౌట్‌ నిష్ర్కమించగా, మరో ఓపెనర్‌ హిల్టన్‌ కార్ట్‌రైట్‌(35) ఫర్వాలేదనిపించాడు. ఆ తర్వాత బెన్‌ డంక్‌(14) విఫలమయ్యాడు. ఆ తరుణంలో నిక్‌ లార్కిన్‌కు జత కలిసిన కెప్టెన్‌ మ్యాక్స్‌వెల్‌ పరుగుల మోత మోగించాడు.  భారీ హిట్లు సాధిస్తూ రెనిగేడ్స్‌ బౌలర్లను చిత్తు చేశాడు. తన ఇన్నింగ్స్‌లో 7 సిక్సర్లు బాదిన మ్యాక్స్‌వెల్‌.. ఒకే ఒక్క ఫోర్‌ కొట్టాడు.19 ఓవర్‌లో రెండు సిక్సర్లు కొట్టి మెల్‌బోర్న్‌ స్టార్స్‌కు మరో విజయాన్ని అందించాడు. ముందుగా బ్యాటింగ్‌ చేసిన రెనిగేడ్స్‌ నిర్ణీత ఓవర్లలో 7 వికెట్లు కోల్పోయి 168 పరుగులు చేసింది. ఓపెనర్లు షాన్‌ మార్ష్‌(63), మార్కస్‌ హారిస్‌(42)లు శుభారంభాన్ని అందించారు. ఆపై వెబ్‌స్టెర్‌(25) ఫర్వాలేదనిపించగా, మిగతా వారు విఫలమయ్యారు. దాంతో రెనిగేడ్స్‌ సాధారణ స్కోరుకే పరిమితమైంది.

బ్రిస్బేన్‌: సిక్సర్‌గా మారబోతున్న బంతిని బౌండరీ ఇవతలినుంచే గాల్లోకి ఎగిరి ఆపడం, ఆపై అవసరమైతే బంతిని లోపలికి తోసిన తర్వాత లైన్‌ దాటి వెళ్లి వచ్చి కూడా క్యాచ్‌ అందుకోవడం లేదా మరో ఫీల్డర్‌కు అందించడం ఇటీవల తరచుగా చూస్తూనే ఉన్నాం. కానీ దీనికి కొనసాగింపుగానా అన్నట్లు జరిగిన ఘటన వివాదం రేపింది. బిగ్‌బాష్‌ లీగ్‌లో భాగంగా వేడ్‌ కొట్టిన బంతిని ఫీల్డర్‌ రెన్‌షా క్యాచ్‌ అందుకునే ప్రయత్నం చేశాడు. (ఇక్కడ చదవండి: క్రికెట్‌లో అదొక వేస్ట్‌ రూల్‌.. దాన్ని తీసేయండి!) ఈ క్రమంలో గీత దాటిన అతను అక్కడినుంచే బంతిని లోపల ఉన్న ఫీల్డర్‌ బాంటన్‌ వైపు తోశాడు!  ముందుగా థర్డ్‌ అంపైర్‌ నాటౌట్‌గా ప్రకటించాడు. కానీ తర్వాత అదే పనిగా ఎన్నో రీప్లేలు చూశాక అవుటిచ్చాడు. బంతిని నెట్టే సమయంలో అతని కాళ్లు గాల్లో ఉన్నాయి కాబట్టి నిబంధనల ప్రకారమే సరైనదేనంటూ లీగ్‌ నిర్వాహకులు ప్రకటించారు. అయితే ఫీల్డర్‌ లైన్‌ దాటి ఇలా చేయడం పెద్ద తప్పంటూ మాజీలు, విశ్లేషకులు విరుచుకుపడ్డారు. 

మెల్‌బోర్న్‌: బిగ్‌బాష్‌ లీగ్‌(బీబీఎల్‌)లో దూకుడుగా ప్రవర్తించిన ఆసీస్‌ క్రికెటర్‌ మార్కస్‌ స్టోయినిస్‌పై భారీ జరిమానా విధిస్తూ క్రికెట్‌ ఆస్ట్రేలియా(సీఏ) నిర్ణయం తీసుకుంది. శనివారం మెల్‌బోర్న్‌ స్టార్స్‌-మెల్‌బోర్న్‌ రెనిగేడ్స్‌ జట్ల మధ్య జరిగిన మ్యాచ్‌లో స్టోయినిస్‌ అనుచిత వ్యాఖ్యలు చేశాడు. మెల్‌బోర్న్‌ స్టార్స్‌ కెప్టెన్‌ అయిన స్టోయినిస్‌.. మెల్‌బోర్న్‌ రెనిగేడ్స్‌ ఆటగాడే కేన్‌ రిచర్డ్‌సన్‌ను దూషించాడు. రిచర్డ్‌సన్‌పై వ్యక్తిగత దూషణలకు దిగాడు. దీనిపై క్రికెట్‌ ఆస్ట్రేలియా సీరియస్‌ కావడంతో తన తప్పును స్టోయినిస్‌ ఒప్పుకున్నాడు. ఆ క్రమంలోనే అతనికి 7,500 డాలర్ల జరిమానా విధిస్తూ సీఏ నిర్ణయం తీసుకుంది. తన ప్రవర్తనపై ఎటువంటి చాలెంజ్‌కు వెళ్లకుండా ఒప్పుకోవడంతో స్టోయినిస్‌కు జరిమానాతో సరిపెట్టారు. దీనిలో భాగంగా రిచర్డ్‌సన్‌కు అంపైర్లకు స్టోయినిస్‌ క్షమాపణలు చెప్పాడు. ‘ ఆ క్షణంలో ఏమైందో నాకు తెలీదు. నేను దూషించిన మాట వాస్తవం. నేను తప్పు చేసాను అనే సంగతిని వెంటనే తెలుసుకున్నా. ఇది నిజంగా పెద్ద తప్పిదమే. కేన్‌కు, అంపైర్లకు క్షమాపణలు తెలియజేస్తున్నా’ అని స్టోయినిస్‌ పేర్కొన్నాడు.ఆ మ్యాచ్‌లో స్టోయినిస్‌ జట్టు మెల్‌బోర్న్‌ స్టార్స్‌ 8 వికెట్ల తేడాతో  విజయం సాధించింది. రెనిగేడ్స్‌ 143 పరుగుల టార్గెట్‌ను నిర్దేశించగా, దాన్ని స్టార్స్‌ 18.5 ఓవర్లలో ఛేదించింది. స్టోయినిస్‌(68 నాటౌట్‌), గ్లెన్‌ మ్యాక్స్‌వెల్‌(40)లు విజయంలో కీలక పాత్ర పోషించారు.

హోబార్ట్‌: ఈ ఏడాది జరగబోయే ఇండియన్‌ ప్రీమియర్‌ లీగ్‌(ఐపీఎల్‌)లో ముంబై ఇండియన్స్‌కు ఆడబోతున్న ఆసీస్‌ హార్డ్‌ హిట్టర్‌ క్రిస్‌ లిన్‌.. ప్రస్తుతం జరుగుతున్న బిగ్‌బాష్‌ లీగ్‌(బీబీఎల్‌)లో మెరుపులు మెరిపిస్తున్నాడు. బీబీఎల్‌లో బ్రిస్బేన్‌ హీట్‌కు సారథిగా వ్యవహరిస్తున్న లిన్‌..  శుక్రవారం హోబార్ట్‌ హరికేన్స్‌తో జరిగిన మ్యాచ్‌లో చెలరేగి ఆడాడు. 55 బంతుల్లో 11 ఫోర్లు, 3 సిక్సర్లతో అజేయంగా 88 పరుగులు సాధించాడు. ఫస్ట్‌ డౌన్‌లో బ్యాటింగ్‌కు వచ్చిన లిన్‌ వచ్చీ రావడంతోనే బ్యాట్‌కు పని చెప్పాడు. ప్రత్యర్థి బౌలర్లపై విరుచుకుపడుతూ పరుగులు మోత మోగించాడు. ఈ క‍్రమంలోనే ఓపెనర్‌ మ్యాక్స్‌ బ్రయాంట్‌(65)తో కలిసి 95 పరుగుల్ని జోడించాడు. వీరిద్దరూ ఆకాశమే హద్దుగా చెలరేగిపోవడంతో బ్రిస్బేన్‌ స్కోరు బోర్డు పరుగులు తీసింది. ఆపై మ్యాట్‌ రెన్‌షాతో కలిసి ఇన్నింగ్స్‌ను నడిపించిన లిన్‌ జట్టు స్కోరును రెండొందల దాటించాడు. రెన్‌ షా 17 బంతుల్లో 1 ఫోర్‌, 2 సిక్సర్లతో 30 పరుగులు చేయడంతో బ్రిస్బేన్‌ మూడు వికెట్ల నష్టానికి 212 పరుగులు చేసింది. ఇక లిన్‌ నాటౌట్‌గా మిగిలాడు. ఆపై టార్గెట్‌ను ఛేదించే క్రమంలో హరికేన్స్‌ 20 ఓవర్లలో 9 వికెట్లు కోల్పోయి 181 పరుగులకే పరిమితమైంది. దాంతో బ్రిస్బేన్‌ 31 పరుగుల తేడాతో విజయం సాధించింది. ఈ సీజన్‌లో బ్రిస్బేన్‌కు ఇది రెండో విజయం. అంతకుముందు సిడ్నీ సిక్సర్స్‌పై బ్రిస్బేన్‌ విజయం సాధించింది. ఆ మ్యాచ్‌లో కూడా లిన్‌ దూకుడుగా ఆడాడు. 35 బంతుల్లో 4 ఫోర్లు, 11 సిక్సర్లతో 94 పరుగులు చేసి విజయంలో కీలక పాత్ర పోషించాడు. సిడ్నీ సిక్సర్స్‌పై బ్రిస్బేన్‌ హీట్‌ 48 పరుగుల తేడాతో విజయాన్ని అందుకుంది.(ఇక్కడ చదవండి:‘ప్రతీ సిక్స్‌ను డొనేట్‌ చేస్తా’)

సిడ్నీ: గడిచిన కొన్నేళ్లలో ప్రపంచ క్రికెట్‌లో ఎన్నో మార్పులు చోటు చేసుకున్నాయి. కొత్త ఫార్మాట్‌లను పరిచయం చేయడం దగ్గర్నుంచీ కాంకషన్‌ సబ్‌స్టిట్యూట్‌ వరకూ పలు మార్పులు చేసింది ఐసీసీ. అయితే క్రికెట్‌లో లెగ్‌ బైస్‌ నిబంధనను తొలగించాలని అంటున్నాడు ఆసీస్‌ దిగ్గజ ఆటగాడు మార్క్‌ వా. క్రికెట్‌లో అదొక వేస్ట్‌ రూల్‌ అని పేర్కొన్న వా.. దాన్ని మార్చాలంటూ ఐసీసీకి విన్నవించాడు. ఆస్ట్రేలియాలో జరుగుతున్న బిగ్‌ బాష్‌ లీగ్‌(బీబీఎల్‌)లో భాగంగా గురువారం మెల్‌బోర్న్‌ స్టార్స్‌ -సిడ్నీ థండర్స్‌ మధ్య జరిగిన మ్యాచ్‌కు కామెంటేటర్‌గా వ్యవహరించిన మార్క్‌ వా బ్యాట్స్‌మెన్‌ తీసే లెగ్‌ బైస్‌పై విమర్శలు చేశాడు. ప్రధానంగా సిడ్నీ థండర్స్‌ బ్యాట్స్‌మన్‌ అలెక్స్‌ రాస్‌ పదే పదే లెగ్‌ బై రూపంలో పరుగులు సాధించడంతో వా అసంతృప్తి వ్యక్తం చేశాడు. అదే సమయంలో అదొక అనవసరపు రూల్‌ అంటూ పేర్కొన్నాడు. ‘ మనకు తెలుసు.. క్రికెట్‌లో లెగ్‌ బైస్‌ రూల్‌ ఎప్పుడ్నుంచో అమలవుతుంది. ఇది అవసరమా. ఈ రూల్‌ మొత్తం క్రికెట్‌లో లేకుండా మార్చేయండి. నువ్వు బంతిని టచ్‌ చేయలేనప్పుడు పరుగులు ఎందుకు ఇవ్వాలి. శరీరానికి కానీ, ప్యాడ్లకు కానీ బంతి తగిలితే లెగ్‌ బైస్‌గా పరుగులు తీస్తున్నారు. దీనివల్ల క్రికెట్‌లో పారదర్శకత లోపించినట్లే కనబడుతోంది’ అని వా తెలిపాడు. అయితే ఆ కామెంటరీ బాక్స్‌లో ఉన్న ఇంగ్లండ్‌ మాజీ కెప్టెన్‌ మైకేల్‌ వాన్‌ మాత్రం వాతో విభేదించాడు. ఇది గేమ్‌లో ఒక భాగమని పేర్కొన్నాడు. కాకపోతే దీనిపై మొండిగా ఉన్నావంటూ మార్క్‌ వాను చమత్కరించాడు. దీనికి వా సమాధానమిస్తూ.. ఈ పద్ధతిని తాను మారుస్తానంటూ చెప్పుకొచ్చాడు. దానికి మైకేల్‌ వాన్‌ మరోసారి స్పందిస్తూ..‘ నువ్వు క్రికెట్‌ లా మేకర్‌ ఎంసీసీలో సభ్యుడిగా ఉండాలి. నువ్వు అందులో ఉంటే కొత్త విధానాలను తీసుకొస్తావు. అదే సమయంలో లండన్‌ కూడా తరచు రావొచ్చు. లార్డ్స్‌లో ఉన్న ఎంసీసీలోని ఒక చక్కటి రూమ్‌లో కూర్చొని మార్పులు చేయొచ్చు’ అని వాన్‌ పేర్కొనగా, దానికి సమాధానంగా వా మాట్లాడుతూ..‘  ఈ రూల్‌ను మార్చాలనే ఆలోచన మా సోదరుడు స్టీవ్‌ వాది కూడా. దీనిపై సీరియస్‌గా దృష్టి పెట్టాలి. కనీసం వన్డే క్రికెట్‌లోనైనా తొలగించాలి’ అని తెలిపాడు.

మెల్‌బోర్న్‌: ఆస్ట్రేలియా పించ్‌ హిట్టర్లలో క్రిస్‌ లిన్‌ ఒకడు. ఈ ఏడాది ఇండియన్‌ ప్రీమియర్‌ లీగ్‌(ఐపీఎల్‌)లో ముంబై ఇండియన్స్‌ తరఫున బరిలోకి దిగనున్నాడు ఈ హార్డ్‌ హిట్టర్‌. గతేడాది డిసెంబర్‌ నెలలో జరిగిన ఐపీఎల్‌ వేలంలో అతని కనీస ధర రూ. 2 కోట్లకే ముంబై దక్కించుకుంది. క్రిస్‌ లిన్‌ను కోల్‌కతా నైట్‌రైడర్స్‌ వదిలేసుకోవడంతో ఈసారి వేలంలోకి వచ్చాడు లిన్‌. అయితే ప్రస్తుతం జరుగుతున్న బిగ్‌ బాష్‌ లీగ్‌(బీబీఎల్‌)లో బ్రిస్బేన్‌ హీట్‌ జట్టుకు కెప్టెన్‌గా వ్యవహరిస్తున్న లిన్‌.. ఈ లీగ్‌లో కొట్టే ప్రతీ సిక్స్‌ను ఆస్ట్రేలియాలో అడవులు అంటుకుని వాటి బారిన పడ్డ బాధితులకు డొనేట్‌ చేస్తానంటున్నాడు. ‘  హే గయ్స్‌.. ఈ ఏడాది బిగ్‌బాష్‌ లీగ్‌లో నేను కొట్టే ప్రతీ సిక్స్‌కు 250 డాలర్లను వారికి సాయంగా అందిస్తా. ఒక్కో సిక్స్‌కు 250 డాలర్లను ఇవ్వాలనుకుంటున్నా’ అని లిన్‌ ట్వీట్‌ చేశాడు. ఇక ఆస్ట్రేలియాకు చెందిన వివాదాస్పద టెన్నిస్‌ స్టార్‌ నిక్‌ కిర్గియోస్‌ కూడా తన వంతు సాయాన్ని ఇవ్వడానికి ముందుకొచ్చాడు. ఏటీపీ కప్‌లో తాను కొట్టే ప్రతీ ఏస్‌కు 200 డాలర్లను ఇస్తానని తెలిపాడు. మరొక ఆసీస్‌ టెన్నిస్‌ ప్లేయర్‌ అలెక్స్‌ డి మినార్‌ కూడా ప్రతీ ఏస్‌కు 250 డాలర్లు ఇస్తానని ప్రకటించాడు. కాకపోతే తాను ఎక్కువ ఏస్‌లు కొట్టలేనేమోననే అనుమానం వ్యక్తం చేశాడు. ఇలా క్రికెట్‌ స్టార్లు, టెన్నిస్‌ స్టార్లు కలిసి తమ దేశంలోని అడవులు అంటుకుని వాటి బారిన పడ్డ వారికి సాయం చేయడానికి నడుం బిగించారు. గత కొన్ని రోజుల క్రితం ఆస్ట్రేలియాలో అడవులను అంటుకున్న మంటలు క్రమంగా న్యూసౌత్ వేల్స్ , విక్టోరియాలోని ఈస్ట్ గిప్స్లాండ్ తదితర ప్రాంతాలకు వ్యాపించడంతో 17 మంది మ్యత్యువాడ పడగా వందల సంఖ్యలో గాయపడ్డారు.(ఇక్కడ చదవండి: క్రిస్‌ లిన్‌కు జాక్‌పాట్‌ లేదు..!)

సిడ్నీ: వరల్డ్‌కప్‌ లీగ్‌దశలో అగ్రస్థానంలో నిలిచిన జట్లకు ఏం ప్రయోజనం చేకూరుతుందనే వాదన వినిపించిన సంగతి తెలిసిందే. ఐసీసీ నిర్వహించే మెగా టోర్నీలో కూడా ఐపీఎల్‌ తరహా ప్లేఆఫ్స్‌ను అమలు చేయాలని డిమాండ్‌ తెరపైకి వచ్చింది. దీని వల్ల తొలి రెండు స్థానాల్లో నిలిచిన జట్లకు మేలు జరుగుతుందనేది విశ్లేషకుల అభిప్రాయం. అయితే తాజాగా బిగ్‌బాష్ లీగ్‌ తీసుకున్న సరికొత్త నిర్ణయం అందరి దృష్టిని ఆకర్షిస్తోంది. తొలి రెండు స్థానాల్లో నిలిచిన జట్లకు మరింత ప్రయోజనం చేకూరాలనే ఉద్దేశంతో ప్లేఆఫ్స్‌ను తీర్చిదిద్దింది. ఆస్ట్రేలియాలో జరిగే బిగ్‌ బాష్‌ లీగ్ క్రికెట్‌ అభిమానులకు సుపరిచితమే. ఈ పొట్టి లీగ్‌కు ఐపీఎల్‌ మాదిరిగానే ప్రపంచవ్యాప్తంగా ఎంతో ఆదరణ ఉంది. డిసెంబర్‌ 17 నుంచి మొదలయ్యే బిగ్‌బాష్‌ తొమ్మిదో సీజన్‌లో కొత్త తరహా ఫైనల్స్‌ను నిర్వహించనున్నారు. పట్టికలో నిలిచిన తొలి ఐదు జట్లు ప్లేఆఫ్స్‌కు అర్హత సాధిస్తాయి. నాలుగు, ఐదు స్థానాల్లో నిలిచిన జట్లకు ‘ఎలిమినేటర్‌’ మ్యాచ్‌ను నిర్వహిస్తారు. ‘ఎలిమినేటర్‌’లో గెలిచిన జట్టు మూడో స్థానంలో ఉన్న జట్టుతో ‘ది నాకౌట్‌’లో పోటీపడుతుంది. మరోవైపు తొలి రెండు స్థానాల్లో నిలిచిన జట్లు ‘క్వాలిఫయిర్’లో తలపడతాయి. దీనిలో గెలిచిన జట్టు నేరుగా ఫైనల్‌కు చేరుతుంది. ఓడిన జట్టు మాత్రం ‘నాకౌట్‌’లో విజయం సాధించిన టీమ్‌తో ‘ది చాలెంజర్‌’లో తలపడుతుంది. చాలెంజర్‌లో గెలిచిన జట్టు ఫైనల్‌కు చేరుతుంది.

హోబర్ట్‌ :  కరేబియన్‌ స్టార్‌ జోఫ్రా ఆర్చర్‌ బౌండరీ లైన్‌ వద్ద అదిరే క్యాచ్‌తో ఔరా అనిపించాడు. బిగ్‌బాష్‌ లీగ్‌లో భాగంగా  మంగళవారం  బ్రిస్బెన్‌హీట్‌-హోబర్ట్‌ హరికేన్స్‌ల మధ్య జరిగిన మ్యాచ్‌లో జోఫ్రా అద్భుత ఫీల్డింగ్‌ అదరగొట్టాడు. బ్రిస్బెన్‌ హీట్‌ ఇన్నింగ్స్‌లో జేమ్స్‌ ఫాల్క్‌నర్‌ వేసిన మూడో ఓవర్‌ ఐదో బంతిని ఓపెనర్‌ మ్యాక్స్‌ బ్రియాంట్‌ లాంగాన్‌లో భారీ షాట్‌ ఆడాడు. అందరూ పక్కా సిక్స్‌ అని భావించారు. కానీ ఆ దిశలో ఫీల్డింగ్‌ చేస్తున్న ఆర్చర్‌.. చిరుతలా పరుగెత్తి బౌండరీ లైన్‌ వద్ద ఒంటి చేత్తో బంతిని అందుకున్నాడు. ఈ సమయంలో సమన్వయం కోల్పోతున్ననట్లు గ్రహించిన ఆర్చర్‌ బంతిని గాల్లోకి విసిరేసి తిరుగొచ్చి అందుకున్నాడు. రెప్పపాటులో జరిగిన ఈ ఫీట్‌తో మైదానంలో ఆటగాళ్లు, అభిమానులు సంభ్రమాశ్చర్యాలకు లోనయ్యారు. ఇక బ్యాట్స్‌మన్‌ మ్యాక్స్‌ బ్రియాంట్‌ (7) నిరాశగా పెవిలియన్‌ చేరాడు. ప్రస్తుతం దీనికి సంబంధించిన వీడియో నెట్టింట హల్‌చల్‌ చేస్తోంది. ఇక ఈ మ్యాచ్‌లో హోబర్ట్‌ హరికేన్స్‌ 9 వికెట్ల తేడాతో ఘనవిజయం సాధించిది. ఆర్చర్‌ ఈ అద్భుత క్యాచ్‌తో పాటు క్రిస్‌లిన్‌(10),రేన్‌షా(0)ల వికెట్లను పడగొట్టాడు. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన బ్రిస్బెన్‌ హీట్‌ నిర్ణీత ఓవర్లలో 6 వికెట్ల నష్టానికి 145 పరుగులు చేసింది. అనంతరం బరిలోకి దిగిన హరికేన్స్‌ 14.2 ఓవర్లలోనే ఒక వికెట్‌ కోల్పోయి లక్ష్యాన్ని చేధించింది. JOFRA ARCHER STOP IT 😲😲#BBL08 | @BKTtires pic.twitter.com/ZjkGB7BjVp — cricket.com.au (@cricketcomau) 29 January 2019

మెల్‌బోర్న్‌: ప్రపంచవ్యాప్తంగా టి20 లీగ్‌ నిర్వాహకులు కొత్త తరహా ఆకర్షణలతో ముందుకు వస్తున్నారు. ఈ కోవలో తాజాగా ఆస్ట్రేలియా బిగ్‌బాష్‌ లీగ్‌ (బీబీఎల్‌) కూడా చేరింది. ఈ సారి ‘టాస్‌’ను కూడా ఆసక్తికరంగా మార్చేందుకు బీబీఎల్‌ ప్రయత్నిస్తోంది. ఈ నెల 19న ప్రారంభం కానున్న ఈ లీగ్‌లో టాస్‌ కోసం నాణేన్ని కాకుండా ‘బ్యాట్‌’ను గాల్లోకి ఎగరేయనున్నారు. కెప్టెన్‌ బ్యాట్‌ ముందు భాగం లేదా వెనుక భాగాన్ని ఎంచుకోవాల్సి (హిల్స్‌ లేదా ఫ్లాట్స్‌) ఉంటుంది. టాస్‌ కోసం ఎగరవేసే ఒకే తరహా బ్యాట్‌ను బీబీఎల్‌ నిర్వాహకులే అందజేస్తారు.    

మెల్‌బోర్న్‌ : ‘క్రికెట్‌ చరిత్రలో ఇలాంటి క్యాచ్‌ చూసుండరు’..  బిగ్‌బాష్‌ లీగ్‌లో అడిలైడ్‌ స్ట్రైకర్స్‌, మెల్‌బోర్న్‌ రెనిగేడ్స్‌ మ్యాచ్‌లో కామెంటేటర్‌ నోట వచ్చిన మాట ఇది. ఈ వీడియో మీరు చూసిన ఇదే మాట అంటారు. అంత అద్భుత క్యాచ్‌ అందుకున్నాడు.. కాదు కాదు.. అందుకున్నారు.  అడిలైడ్‌ స్ట్రైకర్స్‌ ఆటగాళ్లు బెన్‌ లాఫ్‌లిన్‌‌, జేక్‌ వెదరాల్డ్‌లు. మెల్‌బోర్న్‌ రెనిగేడ్స్‌​బ్యాట్స్‌మన్‌ వెస్టిండీస్‌ ఆల్‌రౌండర్‌ డ్వాన్‌ బ్రావో, యువ బౌలర్‌ రషీద్‌ ఖాన్‌ బౌలింగ్‌లో భారీ షాట్‌ ఆడాడు. అది గాల్లో ఉండగా బౌండరీ వద్ద  పరుగెత్తుతూ బెన్‌ లాఫ్‌లిన్‌ అందుకున్నాడు. ఈ క్రమంలో నియంత్రణ కోల్పోయిన లాఫ్‌లిన్‌ బంతిని బౌండరీ లైన్‌ వద్ద గాల్లోకి విసిరేసి పడిపోయాడు. అయితే ఈ బంతిని జేక్‌ వెదరాల్డ్‌ చక్కటి డైవ్‌తో అందుకొని మైమరిపించాడు. ఈ క్యాచ్‌తో ఒక్క క్షణం మైదానంలో ఏం జరిగిందో అర్ధం కాలేదు. ఆ వెంటనే కామెంటేటర్‌ మైకెల్‌ స్లాటర్‌ ఇలాంటి బెస్ట్‌ క్యాచ్‌ ఇప్పటి వరకు చూసుండరు అని వ్యాఖ్యానించాడు. ఈ క్యాచ్‌కు మైదానంలోని అభిమానులే కాకుండా ప్రపంచ వ్యాప్తంగా ఉన్న క్రికెట్‌ ప్రేమికులు సైతం ముగ్ధులయ్యారు.  ‘నేను లాఫ్‌లిన్‌ వెనుకే పరుగేత్తాను. అతను క్యాచ్‌ పట్టుకుంటాడనుకున్నా కానీ అతను నాకు పని పెట్టాడు. మరో కొన్ని అడుగులు వెనక్కి వేసి క్యాచ్‌ అందుకున్నా’ అని మ్యాచ్‌ అనంతరం వెదరాల్డ్‌ ఆనందం వ్యక్తం చేశాడు. ఇక ఈ మ్యాచ్‌లో అడిలైడ్‌ స్ట్రైకర్స్‌ 26 పరుగుల తేడాతో విజయం సాధించింది.

బ్రిస్బేన్‌: ప్రపంచ క్రికెట్‌లో పలు రకాలైన అవుట్‌లతో బ్యాట్స్‌మెన్‌ పెవిలియన్‌ బాటపడుతూ ఉంటారు. అందులో అబ్‌స్ట్రక్టింగ్‌ అవుట్‌ ఒకటి. బ్యాట్స్‌మన్‌ ఉద్దేశపూర్వకంగా బంతికి అడ్డుతగిలితే దానిని అబ్‌స్ట్రక్టింగ్‌ అవుట్‌గా పరిగణిస్తారు. ఈ అవుట్‌ ద్వారా ఆటగాళ్లు పెవిలియన్‌కు చేరడం చాలా అరుదుగా చూస్తూ ఉంటాం. తాజాగా బిగ్‌బాష్‌ లీగ్‌(బీబీఎల్‌)లో బ్రిస్బేన్‌ హీట్‌ తరపున ఆడుతున్న అలెక్స్‌ రాస్‌ ఇలానే పెవిలియన్‌కు చేరడం వివాదానికి దారి తీసింది.  మరొకవైపు బీబీఎల్‌ చరిత్రలో ఒక బ్యాట్స్‌మన్‌ అబ్‌స్ట్రక్టింగ్‌ అవుట్‌ ద్వారా పెవిలియన్‌కు చేరడం కూడా ఇదే తొలిసారి. వివరాల్లోకి వెళితే.. బుధవారం బ్రిస్బేన్‌ హీట్‌-హోబార్ట్‌ హరికేన్స్‌ మధ్య మ్యాచ్‌ జరిగింది. ఈ మ్యాచ్‌లో తొలుత బ్యాటింగ్‌ చేసిన హరికేన్స్‌ నిర్ణీత ఓవర్లలో నాలుగు వికెట్ల నష్టానికి 179 పరుగులు చేసింది. డీ ఆర్సీ షార్ట్‌(122;69 బంతుల్లో 8 ఫోర్లు, 8 సిక్సర్లు) మెరుపు ఇన్నింగ్స్‌ ఆడి జట్టు భారీ స్కోరు చేయడంలో సహకరించాడు. ఆపై లక్ష్య ఛేదనలో బరిలోకి దిగిన హరికేన్స్‌కు శుభారంభం లభించింది. అయితే సెకండ్‌ డౌన్‌లో వచ్చిన అలెక్స్‌ రాస్‌ కుదురుగా ఆడుతున్న సమయంలో అబ్‌స్ట్రక్టింగ్‌ అవుట్‌గా పెవిలియన్‌ బాట పట్టాడు.  బ్రిస్బేన్‌ హీట్‌ ఇన‍్నింగ్స్‌లో భాగంగా తైమాల్‌ మిల్స్‌ వేసిన 17 ఓవర్‌ చివరి బంతిని అలెక్స్‌ కవ్‌ కార్నర్‌లో కొట్టి తొలి పరుగును విజయవంతంగా పూర్తిచేశాడు. అయితే రెండో పరుగును తీసే క్రమంలో వేగంగా క్రీజ్‌లోకి దూసుకొచ్చాడు. ఆ సమయంలో బంతిని గమనించని అలెక్స్‌ వికెట్లకు అడ్డంగా పరిగెట్టడంతో బంతి అతన్ని తాకుతూ వికెట్లను పడగొట్టింది. అప్పటికి అలెక్స్‌ క్రీజ్‌లో చేరుకున్నప్పటికీ, అబ్‌స్ట్రక్టింగ్‌ అవుట్‌ అంటూ థర్డ్‌ అంపైర్‌ ప్రకటించాడు. ఫలితంగా బీబీఎల్‌లో ఈ తరహాలో అవుటైన తొలి బ్యాట్స్‌మన్‌గా అలెక్స్‌ నిలిచాడు. కాగా, ఈ అవుట్‌పై ఆస్ట్రేలియా వికెట్‌ కీపర్‌ ఆడమ్‌ గిల్‌క్రిస్ట్‌ ధ్వజమెత్తాడు. అలెక్స్‌ ఉద్దేశపూర్వకంగా బంతిని ఆపడం ద్వారా అవుట్‌గా ఎలా పరిగణిస్తారంటూ విమర్శించాడు. ఈ నాటకీయపరిణామం తనను ఆశ్చర్యానికి గురి చేసిందన్నాడు. తన దృష్టిలో ఇది కచ్చితంగా అబ్‌స్ట్రక్టింగ్‌ అవుట్‌ కాదంటూ థర్డ్‌ అంపైర్‌ నిర్ణయాన్ని తప్పుబట్టాడు.  

లండన్‌:2013-14 యాషెస్‌ సిరీస్‌ సందర్బంగా వివాదాస్పద రీతిలో వ్యవహరించి ఇంగ్లండ్‌ జట్టుకు దూరమైన మాజీ కెప్టెన్‌ కెవిన్‌ పీటర్సన్‌.. త్వరలోనే అన్ని స్థాయిల క్రికెట్‌కు గుడ్‌బై చెప్పే అవకాశాలు కనబడుతున్నాయి. ఇందులో భాగంగా ఇదే తన చివరి బిగ్‌బాష్‌ లీగ్‌(బీబీఎల్‌) అంటూ పీటర్సన్‌ వెల్లడించడం అందుకు బలాన్ని చేకూరుస్తుంది. 'నా బిగ్‌బాష్‌ లీగ్‌ కెరీర్‌కు ముగింపు పలుకుతున్నా. దీనికోసం రాబోవు 10 నెలలు పాటు వేచి చూసి నిర్ణయం తీసుకోవాలను కోవడం లేదు. ఇక కొన్ని రోజుల పాటు మాత్రమే క్రికెట్‌ ఆడతా. వాటిని ఎంజాయ్‌ చేస్తూ ఆడతా. వచ్చే డిసెంబర్‌లో ఆరంభమయ్యే బీబీఎల్‌లో కనిపించను' అని పీటర్సన్‌ పేర్కొనడం మొత్తంగా క్రికెట్‌కు గుడ్‌ బై చెప్పేందుకు తొలి అడుగుగా విశ్లేషకులు అభిప్రాయపడుతున్నారు.  ఇంగ్లండ్‌ తరపున 2004లో వన్డేల్లో, 2005లో టెస్టుల్లో అరంగేట్రం చేశాడు. సుమారు 10 సంవత్సరాల పాటు ఇంగ్లండ్‌కు ఆడిన పీటర్సన్‌ 104 టెస్టులు, 136 వన్డేలు ఆడాడు. 2014లో టెస్టు, 2013లో వన్డేలకు పీటర్సన్‌ వీడ్కోలు పలికాడు. ఆపై ప్రపంచ వ్యాప్తంగా పలు లీగ్‌లో ఆడుతున్న పీటర్సన్‌.. బిగ్‌బాష్‌ లీగ్‌లో మెల్‌బోర్న్‌ రెనిగేడ్స్‌ తరపున ఆడుతున్నాడు. శనివారం రాత్రి జరిగిన మ్యాచ్‌లో రెనిగేడ్స్‌ విజయంలో పీటర్సన్‌ 40 పరుగులు సాధించి జట్టుకు విజయాన్ని అందించాడు. అయితే ఈ మ్యాచ్‌ తరువాత మీడియా సమావేశం ఏర్పాటు చేసిన పీటర్సన్‌.. వచ్చే బిగ్‌బాష్‌లో ఆడటం లేదని స్పష్టం చేశాడు. దాంతో మొత్తం క్రికెట్‌కు పీటర్సన్‌ దూరమయ్యే అవకాశాలు కనబడుతున్నాయనే వార్తలు హల్‌చల్‌ చేస్తున్నాయి.

గీలాంగ్‌: మహిళల బిగ్‌బాష్‌లో భాగంగా బుధవారం మెల్‌బోర్న్‌ రెనిగేడ్స్‌-సిడ్నీ సిక్సర్‌ జట్ల మధ్య జరిగిన మ్యాచ్‌లో నాటకీయ పరిణామాలు చోటు చేసుకున్నాయి. చివరి బంతికి రెనిగేడ్స్‌  వికెట్‌ కీపర్‌ ఎమ్మా ఇంగ్లిస్‌ బెయిల్స్‌ పడగొట్టడం మరచిపోయి గెలిచామన్న సంబరాల్లో మునిగిపోవడంతో హైడ్రామా నెలకొంది. వివరాల్లోకి వెళితే.. తొలుత బ్యాటింగ్‌ చేసిన రెనిగేడ్స్‌ నిర్ణీత ఓవర్లలో ఏడు వికెట్లు కోల్పోయి 120 పరుగులు చేసింది. ఆపై 121 పరుగుల లక్ష్యంతో బ్యాటింగ్‌ ఆరంభించిన సిడ్నీ సిక్సర్స్‌ కడవరకూ పోరాడుతూ విజయం దిశగా దూసుకొచ్చింది. ఈ క్రమంలోనే చివరి బంతికి సిడ్నీ సిక్సర్‌ విజయానికి  మూడు పరుగులు అవసరమయ్యాయి. ఆ సమయంలో క్రీజ్‌లో ఉన్న సిక్సర్స్‌ క్రీడాకారిణి షారా అలే ఫైన్‌ లెగ్ మీదుగా షాట్‌ కొట్టింది. ఆ తరుణంలోనే సిక్సర్స్‌ పరుగును పూర్తి చేసుకుని రెండో పరుగుకు సిద్దమైంది. కాగా, ఫైన్‌ లెగ్‌లో ఫీల్డింగ్‌ చేస్తున్న క్రిస్‌ బ్రిట్‌ అందుకుని తమ కీపర్‌ ఎమ్మాకు వేగంగా విసిరడంతో రెనిగెడ్స్‌ విజయం దాదాపు ఖాయమైంది. అక్కడ వికెట్లను పడగొట్టడం మరిచిపోయిన ఎమ్మా .. గెలిచామన్న సంబరాల్లో మునిగిపోయింది. అయితే రెండో పరుగు కోసం అప్పటికే కాచుకుని కూచున్న సిడ్నీ సిక్సర్స్‌ క్రీడాకారిణులు దాన్ని విజయవంతంగా పూర్తి చేశారు.  దాంతో నివ్వెరపోవడం రెనిగెడ్స్‌ వంతైంది. ఆ బంతి డెడ్‌ అయ్యిందనే రెనిగెడ్స్‌ వాదనను అంపైర్‌ తిరస్కరించడంతో మ్యాచ్‌ టై అయ్యింది. అలా ఆ మ్యాచ్‌ 'సూపర్‌ ఓవర్‌'కు దారి తీసింది. దానిలో భాగంగా ఇరు జట్లు ఆడిన ఎలిమినేటర్‌ ఓవర్‌లో రెనిగెడ్స్‌ విజయం సాధించి ఊపిరిపీల్చుకుంది. ఒకవేళ మ్యాచ్‌ ఓడిపోతే మాత్రం కీపర్‌ చేసిన పొరపాటుకు రెనిగేడ్స్‌ మూల్యం చెల్లించుకోవాల్సి వచ్చేది.

సిడ్నీ: ఆస్ట్రేలియాలో జరిగే బిగ్ బాష్ లీగ్(బీబీఎల్)లో ఆడటానికి మరో భారత క్రీడాకారిణికి అవకాశం దక్కింది. ఇప్పటికే ఈ లీగ్ లో ఇద్దరు భారత క్రీడాకారుణులు హర్మన్ ప్రీత్ కౌర్,  స్మృతి మంధన ఆడుతుండగా, తాజాగా ఇందులో ఆడేందుకు మరో భారత మహిళా క్రికెటర్ వేదా కృష్ణమూర్తికి అవకాశం దక్కింది. బీబీఎల్ మహిళల మూడో ఎడిషన్ లో హోబార్ట్ హరికేన్స్ తరపున ఆడేందుకు వేదా ఒప్పందం చేసుకుంది. ఈ మేరకు వేద మాట్లాడుతూ.. బీబీఎల్ ఆడే అవకాశం వస్తుందని అనుకోలేదు. ఆ అవకాశం రావడం చాలా ఆనందంగా ఉంది. నెలరోజుల క్రితమే హరికేన్స్ యాజమాన్యంతో మాట్లాడా. ఆపై హర్మన్, మంధనాలతో చర్చించా. కాకపోతే అప్పటికి సఫారీల షెడ్యూల్ ఖరారు కాలేదు. దాంతో అప్పుడు వారితో ఏమీ చెప్పలేదు. మా దక్షిణాఫ్రికా పర్యటన ఫిబ్రవరిలో ఉండటంతో బీబీఎల్ ఆడేందుకు నాకు మార్గం సుగుమం అయ్యింది. దాంతో హరికేన్స్ నిర్వహకులతో మాట్లాడి ఒప్పందం చేసుకున్నా. ఆ జట్టుతో 10 మ్యాచ్ లతో మాత్రమే ఆడతా.ఈ విషయాన్ని వారితో చెప్పా. అందుకు హరికేన్స్ యాజమాన్యం ఒప్పుకుంది'అని వేద పేర్కొన్నారు. బీబీఎల్ లో సిడ్నీ థండర్స్ తరపున హర్మన్ ఆడుతుండగా, బ్రిస్బేన్ హీట్ కు మంధన ఆడుతున్న సంగతి తెలిసిందే.


 బ్రిస్బేన్: బిగ్‌బాష్‌ లీగ్‌లో ఉత్కంఠభరితంగా సాగిన పోరులో బ్రిస్బేన్ హీట్‌పై సూపర్ ఓవర్‌లో 6 పరుగులతో నెగ్గి సిడ్నీ సిక్సర్స్ ఫైనల్లోకి దూసుకెళ్లింది. లీగ్‌లో భాగంగా బ్రిస్బేన్ హీట్, సిడ్నీ సిక్సర్స్ జట్ల మధ్య జరిగిన సెమీఫైనల్‌ మ్యాచ్ టై అయింది. చివరి ఓవర్లో విజయానికి 6 పరుగులు చేయాల్సిన తరణంలో సిడ్నీ సిక్సర్స్‌ 5 పరుగులు మాత్రమే చేయడంతో మ్యాచ్‌టై అయింది. దీంతో మ్యాచ్ సూపర్ ఓవర్‌కు దారితీసింది. మొదట సిడ్నీ సిక్సర్స్ జట్టు సూపర్ ఓవర్లో 21 పరుగులు చేసింది. హెన్రిక్స్ 18 పరుగులు చేశాడు. 22 పరుగుల టార్గెట్‌తో దిగిన బ్రిస్బేన్ టీమ్ సూపర్ ఓవర్లో తొలి ఐదు బంతులకు 9 పరుగులు చేసింది. చివరి బంతికి మెకల్లమ్ సిక్సర్ కొట్టినా జరగాల్సిన నష్టం జరిగింది. ఐదు పరుగులతో నెగ్గిన సిడ్నీ ఈ 28న ఫైనల్లో పెర్త్ స్కాచర్స్ తో తలపడనుంది.  
 
 అంతకుముందు బ్యాటింగ్‌ చేసిన బ్రిస్బేన్‌ హీట్‌ నిర్ణీత 20 ఓవర్లలో 9 వికెట్లు కోల్పోయి 167 పరుగులు చేసింది. బ్రిస్బేన్‌ హీట్‌ ఆటగాళ్లలో కెప్టెన్‌ బ్రెండన్‌ మెక్కల్లమ్‌ 46(27 బంతుల్లో, 4 ఫోర్‌లు, 3 సిక్సర్లు) రాణించాడు. సీన్‌ అబాట్‌, లియాన్‌ చెరో 4 వికెట్లు తీశారు. 168 పరుగుల టార్గెట్‌తో దిగిన సిడ్నీ సిక్సర్‌ బ్యాట్స్‌మన్‌లలో కెప్టెన్‌ హెన్రిక్స్‌ 64( 34 బంతుల్లో 5 ఫోర్లు, 3 సిక్సర్లు), హ్యూస్ (46) రాణించారు. చివర్లో 12 బంతులకు 19 పరుగులు చేయాల్సిన తరుణంలో జాన్‌ బోథా మూడు ఫోర్లు బాదడంతో విజయావకాశాలు మెరుగు పడ్డాయి. ఆఖరి ఓవర్లో 6 పరుగులు అవసరం కాగా, బ్రిస్బేన్‌ బౌలర్‌ బెన్‌ కటింగ్ చాకచక్యంగా బౌలింగ్‌ చేయడంతో ఐదు పరుగులే చేయడంతో మ్యాచ్‌ టై అయింది. సూపర్‌ ఓవర్‌లో విజయం సాధించిన సిడ్నీ సిక్సర్స్ బిగ్ బాష్ లీగ్ ఫైనల్లోకి దూసుకెళ్లింది.


 న్యూఢిల్లీ:  ఆస్ట్రేలియాలో జరిగే మహిళా బిగ్ బాష్ లీగ్లో భారత్కు చెందిన హర్మన్ ప్రీత్ కౌర్  పాల్గొనుంది. దీనిలో భాగంగా  బిగ్ బాష్ ట్వంటీ 20 ఫ్రాంచైజీ సిడ్నీ థండర్ తో హర్మన్ ప్రీత్ ఒప్పందం చేసుకుంది. తద్వా బిగ్ బాష్ మహిళా లీగ్ లో పాల్గొనే తొలి భారత క్రీడాకారిణిగా గుర్తింపు సాధించింది. బిగ్ బాష్ లీగ్ లో మూడు ఫ్రాంచైజీల నుంచి హర్మన్కు ఆఫర్లు వచ్చాయి. అందులో రెండో సీజన్లో  రన్నరప్గా నిలిచిన సిడ్నీ సిక్సర్ కూడా ఉన్నా.. ప్రస్తుత చాంపియన్ సిడ్నీ థండర్ వైపే హర్మన్ మొగ్గు చూపింది.
 
 ఈ మేరకు హర్మన్ ప్రీత్ కౌర్ సిడ్నీ థండర్ తో ఒప్పందం చేసుకున్నట్లు  భారత క్రికెట్ కంట్రోల్ బోర్డు(బీసీసీఐ) తాజా ప్రకటనలో స్పష్టం చేసింది. భారత మహిళా జట్టుకు వైస్ కెప్టెన్ గా ఉన్న హర్మన్ ప్రీత్.. వచ్చే బిగ్ బాష్ లీగ్లో భాగంగా సిడ్నీ థండర్ కు  ఆడనున్నట్లు బోర్డు అధ్యక్షుడు అనురాగ్ ఠాకూర్ పేర్కొన్నారు.
 
 
 ఇంగ్లండ్(మహిళల సూపర్ లీగ్), ఆస్ట్రేలియా(మహిళల బిగ్ బాష్ లీగ్)లలో నిర్వహించే లీగ్లో ఇక నుంచి భారత స్టార్ మహిళా క్రికెటర్లు ఆడేందుకు భారత క్రికెట్ కంట్రోల్ బోర్డు(బీసీసీఐ) ఇటీవల అనుమతినిచ్చిన సంగతి తెలిసిందే. ఈనెల ఆరంభంలో భారత మహిళలు విదేశీ లీగ్ల్లో పాల్గొనడానికి బీసీసీఐ నుంచి క్లియరెన్స్ లభించింది.  దీంతో పలువురు భారతీయ మహిళా క్రికెటర్లకు ఆర్థికంగా మరింత లాభం చేకూరనుంది.


 న్యూఢిల్లీ: విదేశాల్లో నిర్వహిస్తున్న లీగ్లో పాల్గొనాలనుకునే భారత మహిళా క్రికెటర్లకు శుభవార్త. ఇంగ్లండ్(మహిళల సూపర్ లీగ్), ఆస్ట్రేలియా(మహిళల బిగ్ బాష్ లీగ్)లలో నిర్వహించే లీగ్లో ఇక నుంచి భారత స్టార్ మహిళా క్రికెటర్లు ఆడేందుకు భారత క్రికెట్ కంట్రోల్ బోర్డు(బీసీసీఐ) అనుమతినిచ్చింది. ఈ మేరకు మహిళల క్రికెట్ సమావేశంలో నిబంధనలను సులభతరం చేస్తూ నిర్ణయం తీసుకున్నారు.
 దీంతో స్టార్ క్రికెటర్స్ మిథాలీ రాజ్,జులన్ గోస్వామి లాంటి వారికి ఈ నిర్ణయం ఆర్థికంగా లాభం చేకూర్చనుంది.అయితే బీసీసీఐ ఆల్యస్యంగా నిర్ణయం తీసుకోవడంతో ఈ ఏడాది జూలై 30 నుంచి ఆగస్టు 14 వరకూ జరిగే డబ్యుఎస్ఎల్ తొలి సీజన్లో ఆడే అవకాశం తక్కువగా కనబడుతోంది.


 మెల్బోర్న్: ఆస్ట్రేలియా టీవీ వ్యాఖ్యాతపై శృంగారపరమైన వ్యాఖ్యలు చేసిన వెస్టిండీస్ స్టార్ క్రికెటర్ క్రిస్ గేల్ వచ్చే ఏడాది జరిగే బిగ్ బాష్ లీగ్ లో పాల్గొనే అవకాశాలు దాదాపు మూసుకుపోయాయి. క్రిస్ గేల్  ప్రాతినిథ్యం వహించే ఆస్ట్రేలియా ఫ్రాంచైజీ మెల్ బోర్న్  రెనగేడ్స్ అతన్ని పక్కన పెట్టేసింది. వచ్చే ఏడాది బిగ్ బాష్ లీగ్ సీజన్కు గేల్ను  తీసుకోవడం లేదంటూ  రెనగేడ్స్ చీఫ్ ఎగ్జిక్యూటివ్ స్టువర్ట్ కొవంట్రీ తాజాగా స్పష్టం చేశారు. 2016-17 సీజన్ లో గేల్ తో ఒప్పందాన్ని కొనసాగించడం లేదని కొవంట్రీ పేర్కొన్నారు.
 
 ఈ ఏడాది జనవరిలో జరిగిన బిగ్ బాష్ సందర్భంగా  ఓ టీవీ జర్నలిస్టుతో గేల్ అసభ్యకరంగా ప్రవర్తించడమే  ఇందుకు ప్రధాన కారణంగా తెలుస్తోంది. ఈ అంశంపై అప్పట్లోనే మండిపడ్డ ఆస్ట్రేలియా ప్రస్తుత, మాజీ క్రికెటర్లు  గేల్ను బిగ్ బాష్లో ఆడకుండా చేయాలని డిమాండ్ చేశారు.
 
 ఇదిలా ఉండగా,గత  ఏప్రిల్లో గేల్ అంశంపై క్రికెట్ ఆస్ట్రేలియా(సీఏ) సానుకూలంగా స్పందించిన విషయం తెలిసిందే. బిగ్ బాష్ లీగ్లో గేల్ చేసిన వ్యాఖ్యలతో సీఏకు ఎటువంటి సంబంధంలేదని స్పష్టం చేసింది.  వచ్చే సీజన్లో బిగ్ బాష్ లీగ్ లో గేల్ ఆడేందుకు ఎటువంటి అభ్యంతరాలూ లేవంటూ పేర్కొంది. ఫ్రాంచైజీల ఇష్ట ప్రకారమే గేల్ బిగ్ బాష్ లీగ్ లో పాల్గొనడం ఆధారపడుతుందని సీఏ పేర్కొనడం గమనార్హం. ఈ క్రమంలోనే  మెల్ బోర్న్  రెనగేడ్స్  గేల్ ను పక్కను పెట్టినట్లు తెలుస్తోంది.
 
 మరోవైపు ఇటీవల ఇంగ్లండ్ మహిళా జర్నలిస్టుతో అసభ్యంగా వ్యాఖ్యానించి సరికొత్త వివాదానికి తెరలేపాడు గేల్. కొన్ని రోజుల క్రితం బ్రిటిష్ దినపత్రిక 'ద టైమ్స్‌' మహిళా జర్నలిస్టు చార్లెట్‌ ఎడ్వర్డ్స్‌కు ఇచ్చిన ఇంటర్వ్యూలో  నువ్వు థ్రిసమ్‌కు (ముగ్గురు కలిసి శృంగారానికి) పాల్పడ్డవా? అని వెకిలిగా అడిగాడు. ఈ నేపథ్యంలో  ఇంగ్లిష్ కౌంటీల్లో సోమరసెట్ తరపున ఆడే గేల్కు ఆ దేశంలో చిక్కులు ఎదురయ్యే పరిస్థితులు కనిపిస్తున్నాయి.


 మెల్బోర్న్:' ఏ బేబీ నీ కళ్లు చాలా అందంగా ఉన్నాయి.  కలిసి డ్రింక్ చేద్దాం వస్తావా.. సిగ్గు పడవద్దు'  అంటూ ఆస్ట్రేలియాకు చెందిన మహిళా జర్నలిస్ట్ పై వెస్టిండీస్ స్టార్ క్రికెటర్ క్రిస్ గేల్ చేసిన వ్యాఖ్యలు అందరికీ తెలిసిందే. ఈ ఏడాది బిగ్ బాష్ లీగ్ సందర్భంగా గేల్ ఈ రకంగా వ్యహరించి వివాదాల్లో చిక్కుకున్నాడు.  దీనిపై అప్పట్లో పెద్ద దుమారమే చెలరేగింది. ఇక గేల్ ను బిగ్ బాష్ లీగ్లో పాల్గొనకుండా చేయాలని పలువురు ఆస్ట్రేలియా మాజీ క్రికెటర్లు ధ్వజమెత్తారు.
 
 
 అయితే గేల్ తీరును క్రికెట్ ఆస్ట్రేలియా లైట్గా తీసుకున్నట్టుంది. అటు ఆస్ట్రేలియా మాజీల నుంచి వచ్చిన విమర్శలను పక్కకు పెట్టిన సీఏ.. వచ్చే సీజన్లో బిగ్ బాష్ లీగ్ లో గేల్ ఆడేందుకు ఎటువంటి అభ్యంతరాలూ లేవంటూ తాజాగా స్పష్టం చేసింది. ' బిగ్ బాష్ లీగ్ లో మ్యాచ్ ఫిక్సింగ్ వంటి ఘటనలు ఏమైనా జరిగితే మాత్రమే మా జోక్యం ఉంటుంది. ఆటగాళ్ల నియమాకాల విషయం మాత్రం మాకు సంబంధం లేదు. బిగ్ బాష్ లీగ్ నుంచి తప్పించడం క్రికెట్ ఆస్ట్రేలియా పని కాదు. అందుచేత బిగ్ బాష్లో  గేల్ ఆడేందుకు మా నుంచి ఎటువంటి అడ్డంకులు లేవు' అని సీఏ చీఫ్ ఎగ్జిక్యూటిల్ జేమ్స్ సథర్లేండ్ స్పష్టం చేశారు.
 
 
 జనవరిలో జరిగిన బిగ్‌ బాష్‌ లీగ్‌ సందర్భంగా హోబార్ట్‌ హరికేన్స్‌-మెల్‌బోర్న్ రెనగేడ్స్‌ మ్యాచ్ అనంతరం మహిళా జర్నలిస్టు పట్ల గేల్ వివాదాస్పద వ్యాఖ్యలు చేశాడు. ఆయన ప్రాతినిధ్యం వహించి మెల్‌బోర్న్ జట్టు విజయం సాధించిన  తరువాత  టెన్‌ స్పోర్ట్స్ ప్రజెంటర్‌ మెలానీ మెక్‌లాఫిలిన్‌ ఆయనను ఇంటర్వ్యూ చేయడానికి వచ్చింది. గేల్ ఇన్నింగ్స్‌ గురించి కొన్ని ప్రశ్నలు అడిగింది. గేల్ స్పందిస్తూ 'నువ్వు చేసే ఈ ఇంటర్వ్యూ కోసమే నేను చాలా బాగా బ్యాటింగ్ చేశాను' అని పేర్కొన్నాడు.
  
 'నీ కళ్లు చాలా అందంగా ఉన్నాయి. మ్యాచ్ గెలిచిన తర్వాత మనం కలిసి డ్రింక్స్‌కి వెళ్తామని ఆశిస్తున్నా. మరీ సిగ్గుతో పొంగిపోకు బేబి' అని అన్నాడు. గేల్ వ్యాఖ్యలను బిగ్‌  బాష్ లీగ్ ఆర్గనైజేషన్ తప్పబట్టింది. అవి అవమానకర వ్యాఖ్యలని పేర్కొంది. దాంతో క్రిస్ గేల్  కు 10 వేల యూఎస్ డాలర్లు జరిమానాగా విధించింది. అప్పట్లో సథర్లేండ్ కూడా గేల్ తీరును తప్పుబట్టాడు. ఆ వ్యాఖ్యలు అసందర్భమే కాకుండా వేధింపులతో సమానమని ఆయన మండిపడ్డారు. కాగా, మూడు నెలల అనంతరం సథర్లేండ్ మాట్లాడుతూ ఆ వ్యాఖ్యలకు, సీఏకు సంబంధం లేదని పేర్కొనడంతో గేల్ కు లైన్ క్లియరైనట్లే కనబడుతోంది.


 మెల్బోర్న్: బిగ్ బాష్ లీగ్ టైటిల్ ను సిడ్నీ థండర్ కైవసం చేసుకుంది.  ఆదివారం మెల్ బోర్న్ స్టార్స్ తో జరిగిన ఫైనల్ పోరులో  సిడ్నీ థండర్ మూడు వికెట్ల తేడాతో గెలిచి తొలిసారి ట్రోఫీని అందుకుంది. థండర్ ఆటగాడు ఉస్మాన్ ఖాజా(70; 40 బంతుల్లో 5 ఫోర్లు, 3 సిక్సర్లు) మెరుపు ఇన్నింగ్స్ ఆడి జట్టుకు టైటిల్ ను అందించడంలో సహకరించాడు.
 
 టాస్ గెలిచిన సిడ్నీ థండర్ తొలుత బ్యాటింగ్ చేయాల్సిదింగా మెల్ బోర్న్ స్టార్స్ ను ఆహ్వానించింది.  దీంతో బ్యాటింగ్ చేపట్టిన మెల్ బోర్న్ స్టార్స్ 20.0 ఓవర్లలో తొమ్మిది వికెట్ల నష్టానికి 176 పరుగులు చేసింది. మెల్ బోర్న్ స్టార్స్ లో పీటర్సన్ (74; 39 బంతుల్లో 4 ఫోర్లు, 5 సిక్సర్లు) ఆకట్టుకోగా, ల్యూక్ రైట్(23), డేవిడ్ హస్సీ(21) లు ఫర్వాలేదనిపించారు.  అనంతరం 177 పరుగుల విజయ లక్ష్యంతో బ్యాటింగ్ ఆరంభించిన  సిడ్నీ థండర్ కు ఖాజా, కల్లిస్ లు శుభారంభాన్ని అందించారు. కల్లిస్ (28;27 బంతుల్లో 4 ఫోర్లు) కుదురుగా ఆడగా, ఖాజా బ్యాట్ ఝుళిపించాడు. ఈ జోడీ తొలి వికెట్ కు 86 పరుగుల భాగస్వామ్యాన్నినమోదు చేసి సిడ్నీ థండర్ ను పటిష్టస్థితికి చేర్చారు.
  
 కాగా, ఆ తరువాత షేన్ వాట్సన్(6), మైక్ హస్సీ(18), ఆండ్రీ రస్సెల్(10), బ్లిజార్డ్(16), గ్రీన్(8)లు నిరాశపరచడంతో మ్యాచ్ కాసేపు ఇరు జట్ల మధ్య దోబుచులాడింది. అయితే మెల్ బోర్న్ స్టార్స్ బౌలర్ వారల్ వేసిన చివరి ఓవర్ మూడో బంతిని రోహ్రర్ సిక్స్ గా మలచడంతో  సిడ్నీ థండర్ ఇంకా మూడు బంతులు మిగిలి ఉండగానే విజేతగా అవతరించింది.


  వెల్లువెత్తిన సెక్స్ ఆరోపణలు  
  వివాదంలో వెస్టిండీస్ స్టార్ క్రికెటర్
  బీబీఎల్‌నుంచి గేల్ అవుట్!
  మహిళా జర్నలిస్ట్‌తో ఇంటర్వ్యూ వివాదాన్ని గేల్ ‘సారీ’తో ముగించాలని ప్రయత్నించినా... ఇది అంత తొందరగా సద్దుమణిగేలా లేదు. ఈ ఘటనపై సీరియస్‌గా ఉన్న బిగ్ బాష్  లీగ్ నిర్వాహకులు గేల్‌ను పూర్తిగా లీగ్‌నుంచే బహిష్కరించాలనే ఆలోచనలో ఉన్నారు. ఇప్పటికే గేల్‌కు జరిమానా విధించిన అతని జట్టు మెల్‌బోర్న్ రెనెగేడ్స్ మున్ముందు పూర్తిగా గుడ్‌బై చెప్పాలనే ఆలోచనలో ఉంది. క్రికెట్ ఆస్ట్రేలియా కూడా వచ్చే ఏడాది ఏ జట్టు తరఫున కూడా గేల్‌ను కొనసాగించరాదని దాదాపుగా నిర్ణయించినట్లు సమాచారం.  
  
  సిడ్నీ: క్రిస్ గేల్ అంటే పరుగుల సునామీ సృష్టించే విధ్వంసకర బ్యాట్స్‌మన్ మాత్రమే కాదు...మంచి ‘కళా పోషకుడు’ కూడా అని అతని ఫోటోలు, సోషల్ నెట్‌వర్క్‌లో వ్యాఖ్యలు చూస్తే అర్థమవుతుంది. ఎన్నో సార్లు కొత్త కొత్త అమ్మాయిలతో సరదాగా గడుపుతూ గేల్ చిత్రాలు పోస్ట్ చేశాడు. మైదానం బయట తన వ్యక్తిగత జీవితాన్ని అతను ఎప్పుడూ దాచుకోలేదు. అయితే ఇప్పుడు ఇది కాస్తా శృతి మించి విషయం బహిరంగ వేదికపై వచ్చే సరికి అతని లీలలు ఒక్కొక్కటి బయట పడుతున్నాయి. సోమవారం ఆస్ట్రేలియా జర్నలిస్ట్‌తో అభ్యంతరకర సంభాషణ వెలుగులోకి వచ్చిన తర్వాత గతంలో గేల్‌తో ఇబ్బంది పడిన మరి కొందరు మహిళా జర్నలిస్ట్‌లు ముందుకు వచ్చి అతని ప్రవర్తన గురించి గుట్టు విప్పుతున్నారు. ‘గేల్ ఇలా వ్యవహరించడం ఇది మొదటి సారి కాదు.
  
  అతను చాలా సార్లు ఇదే పని చేశాడు. అతనో దుర్మార్గుడు’ అని ఫాక్స్ స్పోర్ట్స్ రిపోర్టర్ నెరోలి మెడోస్ వెల్లడించింది. 2011లో ఇంటర్వ్యూ చేసిన సందర్భంగా ‘నీ అందాన్ని చూస్తూ ప్రశ్న వినలేకపోయాను’ అని గేల్ వ్యాఖ్యానించాడని ఆమె చెప్పింది. ‘ట్విట్టర్ ద్వారా నన్ను ఒకసారి డిన్నర్‌కు రమ్మన్న గేల్, ఇంటర్వ్యూ తర్వాత డేటింగ్‌కు వెళదామని కోరాడు. అతడికి ఆడవాళ్లంటే పిచ్చి’ అని నైన్ న్యూస్ రిపోర్టర్ వోని సాంప్సన్ ఆరోపించింది. మరో వైపు ప్రపంచ కప్ సందర్భంగా ఒక మహిళతో డ్రెస్సింగ్ రూమ్‌లో అసభ్యంగా ప్రవర్తించినట్లు వచ్చిన వార్తలను గేల్ ఖండించాడు. ‘అదంతా పూర్తిగా అబద్ధం. మీడియాలో వచ్చిన వార్తలు నిరాధారం.
  
   ఇకపై ఎవరైనా ఇలాంటి తప్పుడు ఆరోపణలు చేస్తే న్యాయపరమైన చర్య తీసుకుంటాం’ అని గేల్ తరఫున అతని ఏజెంట్ ప్రకటన జారీ చేశారు. తాజా ఆరోపణలను గేల్ బిగ్‌బాష్ జట్టు మెల్‌బోర్న్ సీఈ స్టువర్ట్ కోవెంట్రీ ‘అవకాశవాదం’గా కొట్టిపారేశారు. సిడ్నీ ఘటనకు సంబంధించి విక్టోరియా క్రికెట్ సంఘం విచారణ తర్వాతే తాను ఈ వ్యాఖ్య చేస్తున్నట్లు ఆయన స్పష్టం చేశారు. అటు తన స్వదేశంలో జమైకాలోనూ గతంలో ఓ మహిళా జర్నలిస్ట్‌తో అసభ్యంగా మాట్లాడాడని గేల్ మీద ఆరోపణలు ఉన్నాయి. ఐపీఎల్ కోసం ప్రతి ఏడాది భారత్‌లో రెండు నెలల పాటు ఉండే గేల్... ఇప్పటివరకైతే వివాదాల్లో లేడు. అయితే వరుసగా కొత్తకొత్త మహిళలు బయటకు వస్తున్న నేపథ్యంలో... భారత్‌లోనూ ఎవరైనా బయటకు వచ్చి గేల్ గురించి చెబితే... తను మరిన్ని సమస్యల్లోకి వెళ్లే ప్రమాదం ఉంది.
  


 
 క్రికెట్ బెట్టింగ్ నిర్వహిస్తున్న ఓ ముఠాను పోలీసులు పట్టుకున్నారు. ఈ సంఘటన బుధవారం సుల్తాన్‌బజార్ పోలీసుస్టేషన్ పరిధిలో జరిగింది. ఎస్‌ఐ నరేశ్ తెలిపిన కథనం ప్రకారం.. మంగళ్‌హాట్ ప్రాంతానికి చెందిన కుల్దీప్‌సింగ్, షాహినాయత్‌గంజ్‌కు చెందిన చంద్రశేఖర్, కాచిగూడ చప్పల్‌బజార్‌కు చెందిన యశ్‌పాల్‌శర్మ, దూల్‌పేట్‌కు చెందిన టి. అనిల్‌సింగ్‌లు కలిసి మంగళవారం రాత్రి సుల్తాన్‌బజార్‌లోని దిల్‌షాద్‌ప్లాజాలోని ఓ గదిలో అస్ట్రేలియాలో జరుగుతున్న బిగ్‌బాష్ లీగ్ మ్యాచ్‌లపై సెల్‌పోన్, టీవీల ద్వారా క్రికెట్ బెట్టింగ్ నిర్వహిస్తున్నారు.
 ఈ సమాచారం అందుకున్న టాస్క్‌ఫోర్స్ పోలీసులు దాడి చేసి వారిని అదుపులోకి తీసుకున్నారు. వారి నుంచి రూ.19, 100 నగదు, ఒక టీవీ, ఒక సెట్‌టాప్ బాక్స్, పంటర్‌లిస్ట్ కలిగిన నోట్‌బుక్‌ను స్వాధీనం చేసుకుని నిందితులను సుల్తాన్‌బజార్ పోలీసులకు అప్పగించారు. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.


 అసభ్య వ్యాఖ్యలు చేసిన వ్యవహారంలో మహిళా టీవీ ప్రజెంటర్కు వెస్టిండిస్ క్రికెటర్ క్రిస్ గేల్ సారీ చెప్పాడు. తాను  చేసిన వ్యాఖ్యలు జోక్ గా తీసుకోవాలని, వాటిని సీరియస్ గా తీసుకోవద్దని ఆయన అన్నాడు. బిగ్ బాష్ లీగ్ లో భాగంగా మెల్బోర్న్ రెనగేడ్స్ తరఫున ఆడిన క్రిస్ గేల్ మ్యాచ్ అనంతరం టెన్ స్పోర్ట్స్ క్రికెట్ ప్రజెంటర్ మెల్ మెక్లాఫ్లిన్ తో అసభ్యంగా మాట్లాడాడు. 'నీ కళ్లు అందంగా ఉన్నాయి. మ్యాచ్ అయిపోయిన తర్వాత మనం తాగేందుకు వెళ్దామా.. సిగ్గుపడకు బేబీ' అంటూ ఆయన పేర్కొన్నాడు.
 
 ఆయన వ్యాఖ్యలపై బిగ్ బాష్ లీగ్ ఆర్గనైజేషన్ (బీబీఎల్), ఆస్ట్రేలియా క్రికెట్ బోర్డు తీవ్రంగా స్పందించాయి. క్రిస్ గేల్ వ్యాఖ్యలు అవమానకరమైనవని బీబీఎల్ వ్యాఖ్యానించింది. క్రిస్ గేల్ వ్యాఖ్యలు చాలా తీవ్రమైనవని, వాటిని తాము జోక్ గా తీసుకోవడం లేదని క్రికెట్ ఆస్ట్రేలియా చీఫ్ జేన్ మెక్ గ్రాత్ స్పష్టం చేశారు. ఈ వ్యవహారంలో ఆయనపై ఆంక్షలు విధించే అవకాశముందని ఆయన సంకేతాలిచ్చారు. వివాదం చినికిచినికి ముదురుతుండటంతో క్రిస్ గేల్ మంగళవారం ఉదయం మీడియాతో మాట్లాడారు. ప్రజెంటర్ మెల్ పట్ల తాను అవమానకర, అసభ్యకర వ్యాఖ్యలు చేయలేదని, ఒకవేళ ఆమె తన వ్యాఖ్యలకు బాధపడితే క్షమాపణలు చెబుతున్నానని చెప్పారు. తన వ్యాఖ్యలను జోక్ గా తీసుకోవాలని, వాటిని పెద్దగా పట్టించుకోవద్దని ఆయన పేర్కొన్నారు.


 సిడ్నీ: ఆస్ట్రేలియాలో జరిగే ట్వంటీ 20 బిగ్ బాష్ లీగ్ (బీబీఎల్)లో తొలిసారి చైనా క్రికెటర్ పాల్గొంటున్నాడు. ఈ సమ్మర్ సీజన్ లో జరిగే బిగ్ బాష్ లీగ్ లో  చైనాకు చెందిన మింగ్ లీ ఆడనున్నాడు. ఈ మేరకు  మింగ్ ను సిడ్నీ సిక్సర్స్  కొనుగోలు చేసింది.  అంతకుముందు 2004 లో హాంకాంగ్ తరపున మింగ్ క్రికెట్ ఆరంగేట్రం చేశాడు. తాను క్రికెట్ ను కెరీర్ గా ఎంచుకోవడానికి ఆస్ట్రేలియా మాజీ లెగ్ స్పిన్నర్ షేన్ వార్న్ స్ఫూర్తి అని మింగ్ తెలియజేశాడు.  వార్న్ వీడియోలను యూట్యూబ్ లో తరచు చూస్తూ ప్రేరణ పొందేవాడేనని పేర్కొన్నాడు.
  
 ప్రస్తుతం ఆస్ట్రేలియా క్రికెట్ లీగ్ లో పాల్గొనే అవకాశం ఇచ్చిన సీఏకు, హాంకాంగ్ క్రికెట్ అసోసియేషన్ కు కృతజ్ఞతలు తెలియజేశాడు. తనలోని ప్రతిభను మరింత మెరుగుపరుచుకోవడానికి బిగ్ బాష్ లీగ్ ఉపయోగపడుతుందని ఆశిస్తున్నట్లు తెలిపాడు.  ఇదిలా ఉండగా క్రికెట్ ఆటలో లింగ్ కీలక ఆటగాడిగా ఎదిగే అవకాశం ఉందని సిడ్నీ సిక్సర్స్ మేనేజర్ డొమినిక్ రేమాండ్ తెలియజేశాడు. తాము హాంకాంగ్ క్రికెట్ అసోసియేషన్ కలిసి పని చేయడం ఎంతో ఆనందంగా ఉందన్నాడు.


 మెల్‌బోర్న్: మహిళల క్రికెట్‌కు కూడా మంచి రోజు లు రాబోతున్నాయి. ఈ దిశగా క్రికెట్ ఆస్ట్రేలియా (సీఏ) ముందడుగు వేసింది. ఆసీస్ దేశవాళీ టోర్నీ బిగ్ బాష్ ప్రాముఖ్యం గురించి అందరికీ తెలిసిందే. ఇప్పుడు ఇదే లీగ్ మహిళల కోసం ఏర్పాటు కానుంది. 2015-16 సీజన్ నుంచి మహిళల బిగ్‌బాష్ లీగ్ (డబ్ల్యుబీబీఎల్)ను ప్రారంభించనున్నట్టు సీఏ సీఈవో జేమ్స్ సదర్లాండ్ తెలిపారు.
  
   ప్రస్తుతం బీబీఎల్‌లో ఉన్న 8 జట్లే ఇందులోనూ కొనసాగుతాయి. ‘మహిళల క్రికెట్ మరింత అభివృద్ధి చెందేందుకు ఈ డబ్ల్యుబీబీఎల్ ఎంతగానో ఉపయోగపడుతుంది. ఇక్కడి బాలికలు, మహిళలకు క్రికెట్ నంబర్‌వన్ గేమ్‌గా ఉండాలని మా ఉద్దేశం. మా లక్ష్యాన్ని ఈ లీగ్ నెరవేరుస్తుందని అనుకుంటున్నాం. ఫార్మాట్‌పై ఇంకా చర్చిస్తున్నాం. అత్యుత్తమ పోటీ ఉండేలా చూస్తున్నాం’ అని సదర్లాండ్ చెప్పారు.
  


 తొలిసారి ఎల్‌ఈడీ బెయిల్స్
 ఢాకా: టి20 ప్రపంచ కప్‌లో మనం వెలుగులు విరజిమ్మే బెయిల్స్‌ను చూడవచ్చు. తొలిసారి ఈ టోర్నీలో లైట్ ఎమిటింగ్ డయోడ్ (ఎల్‌ఈడీ) బెయిల్స్‌ను వాడాలని ఐసీసీ నిర్ణయించింది. ఆస్ట్రేలియాలోని బిగ్‌బాష్ లీగ్ (బీబీఎల్) లో ఈ ప్రయోగం విజయవంతం కావడంతో దానిని ప్రపంచకప్‌లో కూడా ప్రవేశ పెడుతున్నారు. ముఖ్యం గా రనౌట్లు, స్టంపింగ్‌ల సమయంలో థర్డ్ అంపైర్లకు ఇవి ఎంతో ఉపకరిస్తాయి.
  
  బంతి బెయిల్స్‌ను తాకిన క్షణమే వచ్చే మెరుపులతో మరింత సమర్ధవంతంగా, స్పష్టంగా వారు నిర్ణయాలు తీసుకునే అవకాశం ఉం టుంది.  బీబీఎల్‌లో ఇది సక్సెస్ అయినా వివాదాన్ని కూడా వెంట తెచ్చింది. సాధారణ బెయిల్స్‌తో పోలిస్తే ఇవి కాస్త బరువు ఎక్కువగా ఉంటాయి.
 
  సిడ్నీ, మెల్‌బోర్న్ మధ్య జరిగిన మ్యాచ్‌లో దిల్షాన్, ప్రత్యర్థి బ్యాట్స్‌మన్ హాడ్జ్‌ను రనౌట్ చేయడానికి ప్రయత్నిం చాడు. అయితే త్రో సరిగ్గానే తగిలి బెయిల్స్ మెరిసినా వాటి బరువు కారణంగా కిందకు పడలేదు. దాంతో హాడ్జ్ రనౌట్‌పై వివాదం చెలరేగింది. ఇక ప్రపంచకప్‌లో ఇది ఎలాంటి ఫలితాలు ఇస్తుందో చూడాలి.