రాయ్‌పూర్‌: ఛత్తీస్‌గఢ్‌ దండకారణ్యం భద్రతా బలగాలు-మావోయిస్టులు మధ్య భీకర కాల్పులతో గురువారం మారుమోగింది. ఉదయం నుంచి జరిగిన రెండు వేర్వేరు ఎన్‌కౌంటర్‌లలో 30 మంది నక్సలైట్లు మరణించగా.. ఓ డీఆర్‌జీ(District Reserve Guard) జవాన్‌ సైతం వీరమరణం చెందారు. ప్రస్తుతం రెండు చోట్లా.. పోలీస్‌ కూంబింగ్‌ కొనసాగుతున్నట్లు అధికారులు ప్రకటించారు.బీజాపూర్‌-దంతెవాడ సరిహద్దుల్లోని.. గంగలూరు పరిధి ఆండ్రి దండకారణ్యంలో నక్సలైట్లు దాగినట్లు భద్రతా బలగాలకు సమాచారం అందింది. గురువారం ఉదయం కూంబింగ్‌ నిర్వహిస్తుండగా పోలీసులపైకి మావోయిస్టులు కాల్పులకు దిగారు. ప్రతిగా జరిపిన ఎన్‌కౌంటర్‌లో 26 మంది మావోయిస్టులు మరణించారు. ఈ కాల్పుల్లో డీఆర్‌జీ జవాన్‌ రాజు మరణించినట్లు ఉన్నతాధికారులు ప్రకటించారు. ఘటనా స్థలం నుంచి భారీగా పేలుడు పదార్థాలు, ఆయుధాలు స్వాధీనం చేసుకున్నారు. ప్రస్తుతం అక్కడ సెర్చ్‌ ఆపరేషన్‌ కొనసాగుతోంది.ఇక.. కాంకేర్‌ జిల్లా(Kanker Encounter) ఛోటెబేథియా కోరోస్కోడో గ్రామంలో కూంబింగ్‌ నిర్వహిస్తున్న భద్రతా బలగాలపై మావోయిస్టులు కాల్పులు జరిపారు. ప్రతిగా జరిపిన ఎన్‌కౌంటర్‌లో నలుగురు మావోయిస్టులు మృతి చెందారు. ప్రస్తుతం ఇక్కడ కూడా ఎదురు కాల్పులు కొనసాగుతున్నట్లు అధికారులు వెల్లడించారు.ఇదిలా ఉంటే.. ఛత్తీస్‌గఢ్‌ అడవుల్లో ఈ మధ్య జరుగుతున్న ఎదురు కాల్పులు, దాడుల్లో రక్తపు టేరులు ప్రవహిస్తున్నాయి. ఈ ఏడాది ఫిబ్రవరిలో బీజాపూర్‌ జిల్లాలోనే జరిగిన ఎన్‌కౌంటర్‌లో 31 మంది మావోయిస్టులు, ఇద్దరు భద్రతా సిబ్బంది మరణించారు. జనవరిలో భద్రతా సిబ్బందిని లక్ష్యంగా మావోయిస్టులు జరిపిన దాడుల్లో ఎనిమిది మంది మరణించారు. అదే నెల చివర్లో.. కూంబింగ్‌ సందర్భంగా జరిగిన ఎదురు కాల్పుల్లో 8 మంది మావోయిస్టులు మృతి చెందారు.

న్యూఢిల్లీ: దేశవ్యాప్తంగా దీపావళి వేడుకలు అంబరాన్నంటుతున్నాయి. ఈ నేపధ్యంలో రక్షణ మంత్రి రాజ్‌నాథ్ సింగ్ అస్సాంలోని తేజ్‌పూర్‌లో సైనికులతో కలిసి దీపావళి వేడుకలను జరుపుకున్నారు. ఈ సందర్భంగా ఆయన మాట్లాడుతూ వాస్తవ నియంత్రణ రేఖ (ఎల్‌ఏసీ) వెంబడి కొన్ని ప్రాంతాలలో వివాదాలను పరిష్కరించడానికి భారత్- చైనాలు దౌత్య, సైనిక చర్చలు జరుపుతున్నాయని అన్నారు.ఇరు దేశాల నిరంతర ప్రయత్నాల తర్వాత ఏకాభిప్రాయం కుదిరింది. సైనిక బలగాల క్రమశిక్షణ, ధైర్యం వల్లే ఈ విజయం సాధించాం. ఏకాభిప్రాయ ప్రాతిపదికన శాంతి పునరుద్ధరణ ప్రక్రియను కొనసాగిస్తామని అన్నారు. క్లిష్ట పరిస్థితుల్లో విధులు నిర్వహిస్తున్న సైనికుల దృఢమైన నిబద్ధత, అద్భుతమైన ధైర్యాన్ని ఆయన ప్రశంసించారు.యువతకు నిజమైన స్పూర్తిదాయకంగా ఉంటూ, అంకితభావంతో మాతృభూమికి సేవ చేస్తున్న సైనికులకు దేశం ఎల్లప్పుడూ రుణపడి ఉంటుందని రాజ్‌నాథ్‌ సింగ్‌ అన్నారు. వైమానిక యోధులు సవాళ్లను ఎదుర్కోవడానికి నిత్యం సిద్ధంగా ఉండాల్సిన అవసరాన్ని ఆయన నొక్కిచెప్పారు. వైమానిక దళ సిబ్బంది అంకితభావాన్ని ఆయన ప్రశంసించారు. ఇది కూడా చదవండి: స్టార్మర్‌ దీపావళి వేడుకలు

సిర్సా: కశ్మీర్‌లోని బారాముల్లాలోగల గుల్‌మార్గ్‌లో జరిగిన ఉగ్రదాడిలో హర్యానాకు చెందిన 28 ఏళ్ల ఆర్మీ జవాను జీవన్‌ సింగ్‌ వీరమరణం పొందారు. ఆయన భౌతికకాయం ఆయన స్వస్థలమైన ఘరాకు చేరుకోగా, సైనిక లాంఛనాలతో అంత్యక్రియలు జరిగాయి. అమరవీరుడు జీవన్‌సింగ్‌ మృతదేహం అతని ఇంటికి చేరుకోగానే ఒక్కసారిగా కుటుంబ సభ్యుల రోదనలు మిన్నంటాయి. ఆ అమరవీరునికి నివాళులర్పించేందుకు స్థానికులు పెద్దఎత్తున తరలివచ్చారు.కశ్మీర్‌లోని గుల్‌మార్గ్‌లోని బూటా-పత్రి ప్రాంతంలో ఆర్మీ కాన్వాయ్‌పై ఉగ్రవాదులు జరిపిన దాడిలో రైఫిల్‌మెన్ జీవన్ సింగ్ రాథోడ్ వీరమరణం పొందారు. ఈ దాడిలో ఇద్దరు జవాన్లు సహా నలుగురు మృతి చెందగా, జీవన్ సింగ్ అంత్యక్రియలు పూర్తయ్యాయి. ఈ సందర్భంగా పెద్ద సంఖ్యలో ప్రజలు ఆయనకు నివాళులర్పించారు. నలుగురు సోదరీమణులకు జీవన్ సింగ్ ఏకైక సోదరుడు. ఆయనకు భార్య, ఇద్దరు కుమార్తెలు, తల్లిదండ్రులు ఉన్నారు.జీవన్ సింగ్ 2016లో సైన్యంలో చేరి, రాజ్‌పుతానా రైఫిల్స్‌లో విధులు నిర్వహిస్తున్నాడు. ఇంటికి చేరుకున్న తండ్రి మృతదేహాన్ని చూసి, అతని కుమార్తెలు అనన్య, భీషా బోరున విలపించడం అక్కడున్న అందిరినీ కంట తడిపెట్టించింది. గ్రామంలోని శ్మశాన వాటికలో జీవన్‌ సింగ్‌ పెద్ద కుమార్తె తండ్రి చితికి నిప్పంటించింది. దీనిని చూసిన అందరూ కన్నీటి పర్యంతమయ్యారు.ఇది కూడా చదవండి: ఈ నెల 28న భూమి సమీపానికి భారీ గ్రహశకలం

ప్రభాస్‌ హీరోగా నటించిన పాన్‌ ఇండియన్‌ చిత్రం ‘కల్కి 2898 ఏడీ’. నాగ్‌ అశ్విన్‌ దర్శకత్వం వహించిన ఈ చిత్రంలో అమితాబ్‌ బచ్చన్, కమల్‌హాసన్, దీపికా పదుకోన్, దిశా పటానీ ఇతర పాత్రలు పోషించారు. వైజయంతీ మూవీస్‌పై సి. అశ్వినీదత్‌ నిర్మించిన ఈ సినిమా జూన్‌ 27న విడుదలైంది. కాగా ‘బుక్‌ మై షో’లో అత్యధిక టికెట్లు బుక్‌ అయిన ఇండియన్‌ సినిమాగా ‘కల్కి 2898 ఏడీ’ సరికొత్త రికార్డు సృష్టించినట్లు మేకర్స్‌ పేర్కొన్నారు.‘‘12.15 మిలియన్‌+టిక్కెట్‌ సేల్స్‌ (దాదాపు కోటీ 20 లక్షలు)తో ‘బుక్‌ మై షో’లో హయ్యస్ట్‌ సేల్స్‌ మూవీగా ‘కల్కి 2898 ఏడీ’ నిలిచింది. షారుక్‌ ఖాన్‌ నటించిన ‘జవాన్‌’ సినిమా 12.01 మిలియన్ల టిక్కెట్‌ సేల్స్‌ రికార్డును సాధించింది. ‘కల్కి 2898 ఏడీ’ విడుదలైన కేవలం 20 రోజుల్లోనే ‘జవాన్‌’ రికార్డును దాటింది. వీకెండ్‌తో పాటు వీక్‌ డేస్‌లోనూ మా సినిమా వసూళ్లు చాలా స్టడీగా ఉన్నాయి’’ అని చిత్రయూనిట్‌ పేర్కొంది.

రెండు రోజల్లో ఇంటికి వస్తానని చెప్పిన ఆ జవాను ఉగ్రవాదుల ఘాతుకానికి బలయ్యాడు. ఈ విషయం తెలియని అతని తల్లి కొడుకు రాక కోసం వేయికళ్లతో ఎదురుచూస్తూ కూర్చుంది. ఇంతలో అతని మృతదేహాన్ని సీఆర్‌పీఎఫ్‌ అధికారులు ఇంటికి తీసుకురావడంతో, ఆ తల్లి దిక్కులు పిక్కటిల్లేలా రోదించింది.జమ్మూకశ్మీర్‌లోని కథువాలో ఉగ్రవాదులతో జరిగిన ఎన్‌కౌంటర్‌లో మధ్యప్రదేశ్‌లోని చింద్వారాకు చెందిన సీఆర్‌పీఎఫ్‌ జవాను కబీర్ సింగ్ ఉయికే అమరుడయ్యాడు. అతని మృతదేహాన్ని అతని ఇంటికి తీసుకురాగానే కుటుంబ సభ్యుల రోదనలు మిన్నంటాయి. ఈ సందర్భంగా కబీర్‌ సింగ్‌ తల్లి మీడియాతో మాట్లాడుతూ రెండు రోజుల్లో వస్తానని చెప్పిన కుమారుడు ఇలా విగతజీవిగా వస్తాడని అనుకోలేదని అన్నారు.జమ్మూకశ్మీర్‌లో భారత సైన్యం చాలా కాలంగా సెర్చ్ ఆపరేషన్స్ నిర్వహిస్తోంది. ఈ క్రమంలో జూన్ 11న సాయంత్రం ఉగ్రవాదులు, భద్రతా బలగాల మధ్య ఎదురుకాల్పులు జరిగాయి. ఈ ఎన్‌కౌంటర్‌లో కబీర్ సింగ్ ఉయికే తీవ్రంగా గాయపడి అమరుడయ్యారు.సీనియర్ సీఆర్‌పీఎఫ్ అధికారులు కబీర్ మృతదేహాన్ని అతని ఇంటికి తీసుకువచ్చారు. కబీర్‌ తల్లిని డీఐజీ నీతూ ఓదార్చారు. కథువా ఎన్‌కౌంటర్‌లో ఇద్దరు ఉగ్రవాదులు హతమవగా, ఒక సీఆర్‌పీఎఫ్ జవాను వీరమరణం పొందారు. కాగా కథువాలో సెర్చ్‌ ఆపరేషన్‌ ఇంకా కొనసాగుతున్నదని జమ్మూ అదనపు డైరెక్టర్ జనరల్ ఆఫ్ పోలీస్ (ఏడీజీపీ) ఆనంద్ జైన్ తెలిపారు. #WATCH | CRPF jawan Kabir Das Uikey's mother, Indravati Uikey says, "Before the incident, he spoke to me around 2 pm. He was supposed to return home on soon." pic.twitter.com/O5k04CwAVx— ANI (@ANI) June 13, 2024

దేశంలోని కొన్ని ప్రాంతాల్లో ఎండలు ఠారెత్తిస్తున్నాయి. చాలా చోట్ల ఉష్ణోగ్రతలు 44 డిగ్రీలు దాటాయి. ఎండ వేడిమిలో ప్రజల పరిస్థితి దయనీయంగా మారింది.రాజస్థాన్‌లో అత్యధిక ఉష్ణోగ్రతలు నమోదవుతున్నాయి. ఈ నేపధ్యంలో ఒక వీడియో వైరల్‌గా మారింది. దీనిని చూసినవారంతా షాక్‌కు గురవుతున్నారు. తాజాగా బికనీర్‌లో 47 డిగ్రీల ఉష్ణోగ్రతలు నమోదయ్యాయి. ఈ ఎండలు ఏ రీతిలో ఉన్నాయో తెలియజేసేందుకు బీఎస్‌ఎప్‌ జవాను ఒకరు వినూత్న ప్రయోగం చేశారు. దీనికి సంబంధించిన వీడియో ఇప్పుడు వైరల్‌గా మారింది.బీఎస్‌ఎఫ్‌ జవాను ఎండకు అత్యంత వేడిగా మారిన ఇసుకతో ఒక అప్పడాన్ని కాల్చారు. ఈ వీడియోను చూస్తే.. ప్రతికూల పరిస్థితుల్లో సైతం మన దేశ సరిహద్దులలోని సైనికులు ఎలా విధులు నిర్వహిస్తున్నారో గమనించవచ్చు. వేడి నుంచి ఉపశమనం పొందేందుకు మనమంతా ఏసీలు, కూలర్లను ఆశ్రయిస్తుండగా, దేశ సరిహద్దుల్లోని జవానులు ఉక్కపోత మధ్యనే విధులు నిర్వహిస్తున్నారు. వైరల్ అయిన ఈ వీడియో బికనీర్‌లోని ఖాజువాలా సమీపంలోని పాక్ సరిహద్దులలోనిది. రాజస్థాన్‌లో హాటెస్ట్ సిటీగా బికనీర్ పేరుపొందింది. उफ ये गर्मी! बीकानेर में 47 डिग्री पार पहुंचा पारा, तपती रेत पर @BSF_India जवान ने सेंका पापड़। इतनी गर्मी में भी जवान सीमा पर निभा रहे फर्ज... देखें वीडियो #summersafety पूरी खबर पढ़ें- https://t.co/ToEeaJcxG9 pic.twitter.com/yyCajuv1lt— Amar Ujala (@AmarUjalaNews) May 22, 2024

ఈశాన్య రాష్ట్రం మణిపుర్‌లో కాల్పులు కలకలం సృష్టించాయి. అస్సాం రైఫిల్స్‌కు  చెందిన ఓ సైనికుడు తోటి సిబ్బందిపై కాల్పులు జరిపాడు. అనంతరం తాను కూడా తుపాకీతో కాల్చుకొని మరణించాడు. మంగళవారం రాత్రి జరిగిన ఈ ఘటనలో ఆరుగురు గాయపడ్డారు. దక్షిణ మణిపూర్‌లోని మయన్మార్ సరిహద్దు సమీపంలో మోహరించిన అస్సాం రైఫిల్స్ బెటాలియన్‌లో ఈ సంఘటన జరిగింది. అయితే ఈ కాల్పులకు మణిపూర్‌లో కొనసాగుతున్న జాతుల ఘర్షణతో ఎలాంటి సంబంధం లేదని అధికారులు వెల్లడించారు. కాగా కాల్పులకు పాల్పడిన సైనికుడిది రాష్ట్రంలో హింసకు కేంద్ర బిందువైన మయన్మార్‌ సరిహద్దు ప్రాంతం చురాచాంద్‌పుర్‌ కావడం గమనార్హం. అతడు కుకీ వర్గానికి చెందిన వ్యక్తిగా గుర్తించారు. అయితే గాయపడిన ఆరుగురు సైనికులు మణిపూర్‌కు గానీ, మైతీ చెందిన వారు కాదని పోలీసులు ఒక ప్రకటనలో తెలిపారు. క్షతగాత్రులను ఆర్మీ ఆసుపత్రికి తరలించామని, వారి పరిస్థితి ప్రస్తుతం నిలకడగా ఉందని పేర్కొన్నారు. ఈ  ఘటనపై విచారణకు ఆదేశించినట్లు చెప్పారు. మణిపూర్‌లో గత ఏడాది మేలో మెయిటీ, కుకీ తెగల మధ్య ఘర్షణలు చెలరేగిన విషయం విదితమే. అ‍ప్పటి నుంచి అడపాదడపా హింసాత్మక సంఘటనలు నమోదవుతునే ఉన్నాయి. అధికారులు, పోలీసులు పరిస్థితుల్ని అదుపులోకి తీసుకొచ్చినప్పటికీ ఇటీవల ఈశాన్య రాష్ట్రంలో మరోసారి కాల్పుల మోత  మోగింది.  వివిధ ఘటనల్లో దుండగులు జరిపిన కాల్పుల్లో ఐదుగురు పౌరులు మృతి చెందారు. ఈ హింసాకాండలో ఇప్పటివరకు 180 మంది ప్రాణాలు కోల్పోయారు. చదవండి: రాహుల్‌ భద్రతపై అమిత్‌షాకు ఖర్గే లేఖ

నిర్మల్‌: ఆర్మీ జవాన్‌ ఆత్మహత్య చేసుకున్న సంఘటన జిల్లా కేంద్రంలోని వెంకటాపూర్‌లో చోటుచేసుకుంది. దీంతో కాలనీలో విషాదం నెలకొంది. పట్టణ ఎస్సై రాజేశ్వర్‌గౌడ్‌ వివరాల ప్రకారం.. స్థానిక వెంకటాపూర్‌ కాలనీకి చెందిన గడ్‌ చందా రమేష్‌ (28) ఆర్మీ జవాన్‌. కోల్‌కత్తా బార్డర్‌లో విధులు నిర్వహిస్తున్నాడు. డిసెంబర్‌ 15న తన బామ్మర్ది వివాహం నాగంపేట్‌ ముప్కల్‌ మండలంలో ఉండడంతో వచ్చాడు. వేడుకలు ముగించుకొని ఆదివారం ఉదయం తన ఇంటికి వెళ్లాడు. మధ్యాహ్నం సమయంలో ఇంట్లో ప్యాన్‌కి ఉరివేసుకొని ఆత్మహత్య చేసుకున్నాడు. ఎంతసేపటికి బయటకి రాకపోవడంతో ఇంట్లో వారు చూసేసరికి ప్యాన్‌కు వేలాడుతూ కనిపించాడు. అక్కడికి చేరుకున్న చుట్టుపక్కల వారు పోలీసులకు సమాచారం అందించారు. ఘటనా స్థలానికి చేరుకున్న పోలీసులు వివరాలు సేకరించి మృతదేహాన్ని పోస్టుమార్టం నిమిత్తం ప్రభుత్వాస్పత్రికి తరలించారు. రమేష్‌ తల్లి లక్ష్మి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. ముఖ్య గమని​క: ​ఆత్మహత్య మీ సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001 మెయిల్: roshnihelp@gmail.com ఇవి చ‌ద‌వండి: రెండు కార్లు ఢీ.. రెండు కుటుంబాల్లో ఐదుగురు మృతి

2023లో బాలీవుడ్‌లో అరంగేట్రం చేసింది. అలా అడుగుపెట్టిందో లేదో ఇలా బాక్సాఫీసు వసూళ్లతో దూసుకు పోతోంది. బాక్సాఫీస్ వద్ద  స్టార్‌ హీరోయిన్లు కత్రినా కైఫ్, నయనతార, అలియా భట్‌లను వెనక్కి నెట్టేసింది. డెబ్యూలోనే షారూఖ్‌ ఖాన్‌, సల్మాన్‌ ఖాన్‌లతో చాన్స్‌ దక్కించుకొని.. నెక్ట్స్‌ ఎవరితో అనే ఆసక్తికర చర్చకు  తెర లేపింది. ఇంతకీ ఎవరా నటి? ఈ కథనంలో తెలుసుకుందాం! ఆమె ఎవ్వరో కాదు స్టార్ హీరో షారుఖ్ ఖాన్‌తో  పెంపుడు తల్లిగా నటించి  అందరి దృష్టినీ ఆకర్షించిన రిధి డోగ్రా. 2007 నుండి  నటిస్తోంది.  తొలుత టీవీ  తెరపై వెలిగిపోయింది. ఇటీవల ఓటీటీ  స్టార్‌గా రాణిస్తోంది.  కానీ దాదాపు 16 సంవత్సరాల తర్వాత అట్లీ దర్శకత్వంతో  వచ్చిన జవాన్‌  మూవీతో బాలీవుడ్ భారీ  బేక్‌ బ్రేక్ వచ్చింది. ఈ సినిమా ఏకంగా రూ.1150 కోట్ల కలెక్షన్లతో సంవత్సరంలో అత్యధిక వసూళ్లు సాధించిన భారతీయ చిత్రంగా నిలిచింది. దీంతో షారూక్‌తో స్క్రీన్‌ షేర్‌ చేసుకోవడంపై సంతోషంతో ఉబ్బితబ్బిబ్బయింది. దీనికి తోడు ఇటీవల విడుదలైన టైగర్‌-3 సక్సెస్‌ ఆమెకు మరింత స్టార్‌డమ్‌ తెచ్చిపెట్టింది. మనీష్ శర్మ దర్వకత్వంలో సల్మాన్ ఖాన్, కత్రినా కైఫ్ , ఇమ్రాన్ హష్మీ  లాంటి టాప్‌ స్టార్ల సరసన స్పై థ్రిల్లర్ టైగర్ 3లో నటించింది. దీపావళి కానుకగా నవంబర్ 10న సినిమా థియేటర్లలో విడుదలై ఈ మూవీ తొలివారంలోప్రపంచ వ్యాప్తంగా రూ. 350 కోట్లకుపైగా వసూలు చేసిందని టాక్‌.దీంతో తొలి ఏడాదిలోను 1500 కోట్ల క్లబ్‌లో చేరిందీ అమ్మడు. మరో వెయ్యికోట్లపై  కన్ను ఈ ఏడాదికి ఇంతకుముందెన్నడూ చేయలేదు అంటూ ఒక ఆసక్తికర విషయాన్ని ట్విటర్‌లో షేర్‌ చేసింది రిధి. జవాన్‌ మూవీ కలెక్షన్లు వెయ్యి కోట్లను దాటి నందుకు కృతజ్ఞతగా, అలాగే టైగర్‌ -3 కూడా  వెయ్యి కోట్ల మార్క్‌కు చేరాలని ప్రార్థిస్తూ ఈ  దీపావళికి  వెయ్యి దీపాలు వెలిగించింది. With a heart full of gratitude and joy this diwali I decided to do something I had never done before coz what’s happened has never happened before !! 🤩🤩🤩🤩 Lit a 1000 🪔 for 1000 crore on #jawan whilst praying for a 1000 crore for #tiger3 pic.twitter.com/8b3MP5wD7q — Ridhi Dogra (@iRidhiDogra) November 14, 2023 ఎవరీ రిధి డోగ్రా 1984  సెప్టెంబర్  22న  పుట్టింది. న్యూ ఢిల్లీలోని షేక్ సరాయ్‌లోని అపీజే స్కూల్‌లో పాఠశాల విద్యను పూర్తి చేసి కమలా నెహ్రూ కాలేజీ నుండి సైకాలజీ  పట్టా అందుకుంది. ఝూమ్ జియా రేతో తన టీవీ అరంగేట్రం.  హిందీ హై హమ్ (2009), YRF టెలివిజన్  రిష్తా డాట్‌ కామ్,సెవెన్ (2010), లాగీ తుజ్సే లగన్ (2010), మర్యాద…లేకిన్ కబ్ తక్? (2010-12), సావిత్రి (2013), యే హై ఆషికీ (2014), దియా ఔర్ బాతీ హమ్ (2015), వో అప్నా సా (2017-18),  ఖయామత్ కీ రాత్ (2018) లతో   ఆకట్టుకుంది.  2013లొ  డ్యాన్స్ రియాలిటీ షో నాచ్ బలియే 6, ఖత్రోన్ కే ఖిలాడి 6 (2014) తో పాపులర్‌ అయింది. వెబ్‌లో సంచలనం  సైకలాజికల్ థ్రిల్లర్ అసూర్‌తో రిధి ఓటీటీ అరంగేట్రం చేసింది. ఈ షో స్ట్రీమింగ్ ఇటీవలే దాని రెండవ సీజన్‌ కూడా సక్సెస్‌పుల్‌గా ముగిసింది. ముంబై డైరీస్, బద్దమీజ్ దిల్ , వెల్‌కమ్ టు యువర్ డార్క్ సైడ్ అండ్‌ ది మ్యారీడ్ వుమన్ అనే వెబ్ సిరీస్‌లలో అద్భుతమైన పాత్రలు పోషించింది. ఉత్తమనటిగా అవార్డు కొట్టేసింది. దీపికాకు దీటుగా  2023లో అత్యధిక వసూళ్లు సాధించిన  హీరోయిన్‌ దీపికా పదుకొనే. ఆమె నటించిన పఠాన్ , జవాన్ రెండు చిత్రాలు  ఏకంగా రూ.2200 కోట్లు రాబట్టాయి. దీపికా తరువాత రిధి డోగ్రా నిలుస్తోంది. నయనతార (రూ. 1150 కోట్లు), త్రిష కృష్ణన్ (రూ. 962 కోట్లు), అమీషా పటేల్ (రూ. 691 కోట్లు), రమ్య కృష్ణన్ (రూ. 610 కోట్లు), అలియా భట్ , కత్రినా కైఫ్ (ఇద్దరూ రూ. 350 కోట్లు) స్టార్లను దాటి పైకి ఎగబాకింది రిధి. 2011లో నటుడు రాకేశ్ బాపట్‌ను పెళ్లాడింది. కానీ మనస్పర్థల కారణంగా  2019లో భర్త నుంచి విడిపోయింది. 

రాయ్‌పూర్‌: ఛత్తీస్‌గఢ్‌లో మొదటి విడత ఎన్నికలు ప్రారంభమైన వేళ మావోయిస్టులు పేలుళ్లు చోటు చేసుకున్నాయి.  ఈ ఘటనలో ఎలక్షన్ విధుల్లో ఉన్న ఓ సీఆర్‌పీఎఫ్ జవాన్ గాయాలపాలయ్యాడు. నక్సల్స్‌ ప్రభావిత సుక్మా జిల్లాలో ఈ దాడులు జరిగాయి.  విధుల్లో భాగంగా తొండమార్కా నుంచి ఎల్మగుండ గ్రామానికి సీఆర్‌పీఎఫ్ జవాను వెళుతున్నాడు. ఈ క్రమంలో నక్సల్స్ అమర్చిన ఐఈడీపై జవాన్ కాలు మోపాడు. ఈ పేలుడులో జవాను తీవ్ర గాయాలపాలయ్యాడు. జవాన్‌ను స్థానిక ఆస్పత్రికి తరలించి చికిత్స కొనసాగిస్తున్నారు. ప్రస్తుతం ఆయన ఆరోగ్యంగానే ఉన్నాడని జిల్లా పోలీసు అధికారి కిరణ్ ఛవాన్‌ తెలిపారు. జవాన్‌ను శ్రీకాంత్‌గా గుర్తించినట్లు వెల్లడించారు. ఎన్నికల నేపథ్యంలో సోమవారం కూడా ఓ బీఎస్‌ఎఫ్ జవానుతోపాటు ఇద్దరు పెట్రోలింగ్ బృందం నక్సల్స్ అమర్చిన ఐఈడీ పేలుడులో గాయపడ్డారు. ఛత్తీస్‌గఢ్‌లో మొదటివిడత పోలింగ్ నేడు కొనసాగుతోంది. నక్సల్స్ ప్రభావిత ప్రాంతాల్లోని 20 నియోజకవర్గాల్లో ఎన్నికలు జరుగుతున్నాయి. పోలింగ్ నిర్విగ్నంగా నిర్వహించేందుకు 600 పోలింగ్ బూత్‌లను ఏర్పాటు చేశారు. నవంబర్ 17న 90 సీట్లలో రెండో విడత ఎన్నికలు జరుగుతాయి.  ఇదీ చదవండి: Assembly Elections Polling Live Updates: మిజోరం, ఛత్తీస్‌గఢ్‌ అసెంబ్లీ ఎన్నికల పోలింగ్‌ లైవ్‌ అప్‌డేట్స్‌  

బాలీవుడ్ స్టార్ షారుక్ ఖాన్‌కు బెదిరింపుల నేపథ్యంలో మహారాష్ట్ర రాష్ట్ర ప్రభుత్వం కీలక నిర్ణయం తీసుకుంది. ఆయన కుటుంబానికి వై ప్లస్ భద్రత కల్పించనున్నట్లు వెల్లడించింది. ఇటీవల షారుక్‌ను చంపేస్తామంటూ గుర్తు తెలియని వ్యక్తులు లేఖలు పంపారు. దీంతో షారుక్ ముంబయి పోలీసులను ఆశ్రయించారు. ఈ నేపథ్యంలో షారుక్ ఫ్యామిలీకి వై ప్లస్ భద్రత కల్పించాలని మహారాష్ట్ర ప్రభుత్వం ఆదేశాలు జారీ చేసింది.  (ఇది చదవండి: 'గ్రౌండ్ ఫ్లోర్ బలిసిందా అన్నాడు'.. బాలయ్య కామెంట్స్ వైరల్!) పఠాన్ సాంగ్ వివాదం గతంలో రిలీజైన పఠాన్ ‘బేషరమ్ రంగ్’ పాటపై వివాదం నెలకొన్న సంగతి తెలిసిందే. ఈ చిత్రంలోని పాటకు దీపికా పదుకొణె కుంకుమపువ్వు బికినీ ధరించడంపై కొన్ని వర్గాలు తీవ్ర అభ్యంతరం వ్యక్తం చేశాయి. అప్పట్లో చాలా బెదిరింపులు కూడా వచ్చాయి.  ఈ నేపథ్యంలో షారుక్ ఖాన్ ఫ్యామిలీకి వీఐపీ భద్రతా విభాగానికి చెందిన ఆరుగురు శిక్షణ పొందిన కమాండోలతో రక్షణ కల్పిస్తారు. ఇప్పటికే ఆయన ఇంట్లో నలుగురు సాయుధ పోలీసు అధికారులు ఉన్నారు. తాజాగా మళ్లీ బెదిరింపులు రావడంతో భద్రత స్థాయిని పెంచింది.  గతంలో చాలామంది బాలీవుడ్ ప్రముఖులకు భద్రత కల్పించారు. బాలీవుడ్ ప్రముఖులైన అమితాబ్ బచ్చన్, సల్మాన్ ఖాన్, అక్షయ్ కుమార్, అనుపమ్ ఖేర్‌లకు భద్రతను పెంచారు. కాగా.. ఇటీవలే షారుక్ నటించిన జవాన్ చిత్రం రిలీజైన బాక్సాఫీస్‌ను షేక్ చేసింది. బాలీవుడ్‌లో అత్యధికంగా రూ.1100 కోట్లకు పైగా వసూళ్లు సాధించిన చిత్రంగా నిలిచింది.  (ఇది చదవండి: 'నా ఎలిమినేషన్‌కు కారణం అతనే'.. శుభశ్రీ కామెంట్స్ వైరల్!)

భట్టిప్రోలు: రాజస్తాన్‌లోని పాకిస్తాన్‌ బోర్డర్‌ జస్పల్‌మీర్‌ వద్ద విధి నిర్వహణలో మృతి చెందిన బాపట్ల జిల్లా భట్టిప్రోలు మండలం పల్లెకోనకు చెందిన జ­వా­న్‌ పురమా గోపరాజు (26)కు గురువారం సైనిక లాంఛనాలతో అంత్యక్రియలు ఘనంగా నిర్వహించా­రు. సోమవారం జస్పల్‌మీర్‌ వద్ద ప్రత్యేక కవాతు నిర్వహణలో భాగంగా రైఫ్లింగ్‌లో అకస్మాత్తుగా గోప­రాజు గుండెపోటుతో మృతి చెందిన విషయం తెలిసిందే. పార్థివదేహాన్ని బుధవారం సాయంత్రం  స్వ­గ్రామమైన పల్లెకోనకు తీసుకొచ్చారు.  మృతదేహా­న్ని ప్రత్యేక వాహనంపై ఉంచి మిలటరీ అధికారు­లు, గ్రామస్తులు సైనిక లాంఛనాలతో భట్టిప్రోలు స్మశానవాటికకు తరలించారు. రెండు సెంట్లస్థలాన్ని రెవెన్యూ అధికారులు అమరజవాన్‌కు స్థూపం కట్టేందుకు  కేటాయించారు. రాష్ట్ర సాంఘిక శాఖా మంత్రి డాక్టర్‌ మేరుగు నాగార్జున, బాపట్ల ఎంపీ నందిగం సురేష్తో పాటు రాష్ట్ర అగ్నికుల క్షత్రియ కార్పొరేషన్‌ డైరెక్టర్‌ శేరు శ్రీనివాసరావు, గ్రామ సర్పంచ్‌ బొల్లెద్దు రాజమ్మ ప్రతాప్‌ తదితరులు ఘనంగా నివాళులర్పించారు. వీరి కుటుంబానికి ప్రభుత్వం అండగా నిలుస్తుందని మంత్రి నాగార్జున, ఎంపీ నందిగం సురేష్‌ చెప్పారు. ఆర్మీ జవాన్లు అమర జవాన్‌కు గౌరవ వందనం నిర్వహించిన అనంతరం 21 రౌండ్లు గాలిలో కాల్పులు జరిపి అంత్యక్రియలు నిర్వహించారు.

భట్టిప్రోలు: బాపట్ల జిల్లా వేమూరు నియోజకవర్గం భట్టిప్రోలు మండలం పల్లెకోనకు చెందిన జవాన్‌ పురమా గోపరాజు (26) సోమవారం రాజస్థాన్‌లోని పాకిస్తాన్‌ బోర్డర్‌ జస్పల్‌మీర్‌ వద్ద విధి నిర్వహణలో ఉండగా గుండెపోటుకు గురై మృతిచెందిన విషయం తెలిసిందే. ఆయన పార్ధివదేహాన్ని మంగళవారం సికింద్రాబాద్‌ మిలటరీ హాస్పిటల్‌కు తరలించారు. బుధవారం తెలంగాణ ప్రభుత్వం తరపున అక్కడి ఐఏఎస్‌, మిలటరీ అధికారులు గోపరాజు పార్ధివదేహానికి నివాళి అర్పించారు. ఏపీ ప్రభుత్వం తరఫున భట్టిప్రోలు మేజిస్ట్రేట్‌, తహసీల్దార్‌ డి.వెంకటేశ్వరరావు, ఇన్‌చార్జ్‌ ఆర్‌ఐ శివరామకృష్ణ సికింద్రాబాద్‌ వెళ్లి అక్కడి కార్యక్రమాల్లో పాల్గొని గోపరాజు భౌతికకాయాన్ని ప్రత్యేక వాహనంలో బుధవారం సాయంత్రం స్వగ్రామమైన పల్లెకోనకు తీసుకు వచ్చారు. భట్టిప్రోలు నుంచి పల్లెకోన గ్రామస్తులు గోపరాజు పార్ధివదేహం వెంట ర్యాలీగా స్వగ్రామానికి వెళ్లారు. అమర్‌ రహే గోపరాజు అంటూ నినాదాలు చేశారు. గోపరాజు భౌతికకాయం వెంట మిలటరీ కెప్టెన్‌ రిషబ్‌ సూద్‌, జూనియర్‌ కమిషనర్‌ ఆఫీసర్లు (జేసీవోలు) కురేష్‌, సుభాష్‌చంద్ర, గురవ్‌, పల్లిబాబు, మరో 25 మంది వివిధ విభాగాలకు చెందిన జవాన్లు వచ్చారు. గురువారం ఉదయం సైనిక లాంఛనాలతో అంత్యక్రియలు జరగనున్నట్లు గ్రామ సర్పంచ్‌ బొల్లెద్దు రాజమ్మ ప్రతాప్‌, రాష్ట్ర అగ్నికుల క్షత్రియ కార్పొరేషన్‌ డైరెక్టర్‌ శేరు శ్రీనివాసరావు, ఎంపీటీసీ సభ్యులు దున్నా తిరుపతిబాబు తెలిపారు.

ఇటీవలే విడుదలై బాక్సాఫీస్ వద్ద దుమ్మురేపుతున్న జవాన్ సినిమా వజయంతో షారుక్‌ ఖాన్ ఫుల్‌ జోష్‌లో ఉన్నారు. జీ20 సదస్సు  విజయవంతం కావడంపై సోషల్ మీడియాలో ప్రధాని మోదీకి షారుక్‌ శుభాకాంక్షలు తెలిపారు. భారత్ అధ్యక్షతన జరిగిన జీ20 సదస్సును విజయవంతం చేసినందుకు గౌరవప్రదమైన ప్రధాని నరేంద్ర మోదీకి ధన్యవాదాలు అని సోషల్‌ మీడియా ద్వారా ఆయన తెలిపారు. 'ప్రపంచ ప్రజలకు మంచి భవిష్యత్తు కోసం అన్ని దేశాల మధ్య ఐక్యతను పెంపొందించినందుకు మోదీకి అభినందనలు అని షారుక్‌ కొనియాడారు. (ఇదీ చదవండి: లావణ్య తీసుకున్న నిర్ణయానికి ఫిదా అవుతున్న మెగా ఫ్యాన్స్‌) దేశ శ్రేయస్సు కోసం ప్రధాని మోదీ పనిచేస్తున్నారని SRK చెప్పుకొచ్చారు. న్యూఢిల్లీలో చారిత్రాత్మక జీ20 సదస్సు ముగియడంతో షారుక్ ఖాన్ ప్రధాని గురించి ఇలా చెప్పారు. 'ఇది ప్రతి భారతీయుడి హృదయంలో గౌరవం, గర్వాన్ని సృష్టించింది. సార్, మీ నాయకత్వంలో మేము ఒంటరిగా కాకుండా ఐక్యంగా అభివృద్ధి చెందుతాము. ఒకే భూమి, ఒకే కుటుంబం, ఒక భవిష్యత్తు' అని షారుక్‌ తన ట్వటర్‌ (ఎక్స్‌)లో రాశారు.  పఠాన్ తర్వాత బాలీవుడ్ బాద్ షా మరో బ్లాక్ బస్టర్‌ని ఎంజాయ్ చేస్తున్నారు. కేవలం నాలుగు రోజుల్లోనే సుమారు రూ. 500 కోట్ల మార్క్‌ను జవాన్‌ దాటింది. అట్లీ యాక్షన్‌ కట్‌తో తెరకెక్కిన ఈ సినిమా ఎన్నో బాక్సాఫీస్ రికార్డులను బద్దలు కొట్టింది. ఒకే సంవత్సరంలో రెండు విజయవంతమైన చిత్రాలను అందించిన ఘనత SRKకి ఉంది. SRK తో పాటు, నటుడు విజయ్ సేతుపతి, నటి నయనతార కూడా ఈ చిత్రంలో ముఖ్యమైన పాత్రలు పోషించారు. దక్షిణాది చిత్ర పరిశ్రమతో కలిసి షారూక్‌ తీసిన మొదటి సినిమా ఇది. తన సొంత బ్యానర్ రెడ్ చిల్లీస్‌పై ఈ చిత్రాన్ని నిర్మించారు. భారత్ అధ్యక్షతన జరిగిన జీ20 సదస్సు చాలా విజయవంతమైంది. పలు కీలక అంశాలపై ఆ సదస్సులో చర్చించారు. తదుపరి సమావేశానికి బ్రెజిల్ బాధ్యత వహిస్తుంది. డిసెంబర్ 1న సమాఖ్య అధ్యక్ష పదవిని బ్రెజిల్ అధికారికంగా చేపట్టనుంది. Congratulations to Hon. PM @narendramodi ji for the success of India’s G20 Presidency and for fostering unity between nations for a better future for the people of the world. It has brought in a sense of honour and pride into the hearts of every Indian. Sir, under your… https://t.co/x6q4IkNHBN — Shah Rukh Khan (@iamsrk) September 10, 2023 (ఇదీ చదవండి: కేవలం నాలుగు రోజుల్లో 'జవాన్‌' రికార్డ్‌.. కోట్లు కొల్లగొట్టిన షారుక్‌)

• నాలుగు రోజుల్లో 'జవాన్‌'కు రూ. 500 కోట్లు • ఆదివారం ఒక్కరోజే 28 లక్షలకు పైగా టికెట్లు • షారుక్‌ తర్వాతి సినిమా ఇదే ఈ ఏడాదిలో  పఠాన్', జవాన్ చిత్రాలతో బ్యాక్ టు బ్యాక్​ వరుస భారీ బ్లాక్ బస్టర్లను బాలీవుడ్ బాద్​ షా షారుక్ ఖాన్‌ అందుకున్నాడు. కొంతకాలం క్రితం బాలీవుడ్‌లో సరైన భారీ హిట్ సినిమాలు లేవు.. ఏ సినిమా వచ్చినా బాక్సాఫీస్‌ వద్ద బోల్తా కొట్టాయి. దీంతో బాలీవుడ్‌ ఇండస్ట్రీ సతమతమవుతున్న సమయంలో సౌత్ ఇండస్ట్రీ మాత్రం వరసు పాన్ ఇండియా సక్సెస్​లను అందుకుంటూ బాలీవుడ్‌లో వందల కోట్ల వసూళ్లను ఖాతాలో వేసుకుంది.  సరిగ్గా అలాంటి సమయంలో ఐదేళ్ల పాటు గ్యాప్​ ఇచ్చి పఠాన్​తో వచ్చిన షారుక్ అక్కడి బాక్సాఫీస్‌ను షేక్‌ చేశాడు. ఆ సినిమాతో ఏకంగా రూ.1000 కోట్ల కలెక్షన్లను సాధించి హిందీ పరిశ్రమకు పునఃవైభవాన్ని తీసుకొచ్చాడు. (ఇదీ చదవండి: మెగా ఫ్యాన్స్‌ ఎఫెక్ట్‌.. కీలక నిర్ణయం తీసుకున్న లావణ్య త్రిపాఠి) దీంతో బాలీవుడ్‌ బాద్‌ షా తాను మాత్రమేనని నిరూపించాడు. ఇప్పుడు మళ్లీ ఏడు నెలల గ్యాప్​లోనే సెప్టెంబర్ 7న జవాన్​గా మళ్లీ ప్రేక్షకుల ముందుకు వచ్చి మరో భారీ బ్లాక్ బస్టర్​ను ఖాతాలో వేసుకున్నాడు. కేవలం నాలుగు రోజుల్లోనే జవాన్‌ చిత్రం రూ. 500 కోట్లు కలెక్ట్‌ చేసినట్లు ఇండస్ట్రీ ట్రేడ్‌ వర్గాలు తెలుపుతున్నాయి. కొంత సమయంలో అధికారికంగా ప్రకటించే అవకాశం కూడా ఉంది. ఒకే ఏడాదిలో రెండు సినిమాలు రూ. 500 కోట్ల క్లబ్‌లో చేరడంతో షారుక్‌ రికార్డుకెక్కాడు. కేవలం ఆదివారం ఒక్కరోజే దేశవ్యాప్తంగగా జవాన్‌ సినిమా టికెట్లు 28 లక్షలు అమ్ముడుపోయినట్లు ట్రేడ్‌ వర్గాలు తెలుపుతున్నాయి. ఇండియన్‌ సినిమా చరిత్రలో ఇదీ ఎవరూ అందుకోలేని రికార్డు అంటూ పలువురు తెలుపుతున్నారు. దీంతో  లాంగ్ రన్ టైమ్​లో జవాన్‌ రూ.1000 కోట్ల మార్క్‌ను పక్కాగా దాటుతుందని  ట్రేడ్ వర్గాలు అంచనా వేస్తున్నాయి. ఇక షారుక్ చేతిలో మరో సినిమా మాత్రమే మిగిలి ఉంది. అదే 'డంకీ'. ఇక ఈ సినిమా కూడా సూపర్ సక్సెస్​ సాధిస్తే. షారుక్ హ్యాట్రిక్ హిట్​ అందుకున్నట్టే. Jawan creates HISTORY. Sold a RECORD 2⃣8⃣7⃣5⃣9⃣6⃣1⃣ tickets from tracked shows alone in India on the 4th day. Biggest ever for a bollywood film. ||#ShahRukhKhan|#Nayanthara|#Jawan|| Worldwide hits ₹500 cr gross club, making Shah Rukh Khan the only actor to achieve this feat… pic.twitter.com/CHeMFO7wmS — Manobala Vijayabalan (@ManobalaV) September 11, 2023  

స్టార్ హీరో అంటేనే ఆ రేంజే వేరు. ఎక్కడికెళ్లినా సరే ప్రత్యేకంగా కనిపించాల్సిందే. అలా ఏ దేశానికి వెళ్లినా వారికంటూ ప్రత్యేక సదుపాయాలు ఉండేలా లగ్జరీ విల్లాలు కొనేస్తుంటారు. అలాంటి వారిలో ముందు వరుసలో బాలీవుడ్ బాద్‌షా షారుక్ ఖాన్. ప్రస్తుతం ఆయన నటించిన జవాన్‌ మూవీ విడుదలకు సిద్ధంగా ఉంది. ఈ చిత్రంలో షారుక్ జోడీగా నయనతార నటించింది. అట్లీ దర్శకత్వంలో తెరకెక్కించిన ఈ చిత్రంపై అభిమానుల్లో భారీ అంచనాలు నెలకొన్నాయి. అయితే బాలీవుడ్‌ హీరో ఆస్తుల  విషయానికొస్తే ముంబయి, దుబాయ్‌లో కోట్ల విలువైన సౌధాలు ఉన్న సంగతి తెలిసిందే. అయితే విదేశాల్లో షారుక్‌ ఖాన్‌కు ఉన్న మరో ఖరీదైన విల్లా గురించి తెలుసుకుందాం.   (ఇది చదవండి: దేశం పేరు మార్పుపై అమితాబ్‌ ఆసక్తికర ట్వీట్‌) అమెరికాలోని లాజ్‌ ఎంజిల్స్‌లో షారుక్‌ ఖాన్‌కు అత్యాధునిక వసతులతో ఖరీదైన విల్లా కూడా ఉంది. అంతే కాకుండా ఆ విల్లాను అద్దెకు కూడా ఇస్తారంట. ఓ రకంగా ఆ విల్లా ద్వారా పెద్ద బిజినెస్‌ నడిపిస్తున్నారు బాలీవుడ్ బాద్‌షా. అంతే కాకుండా ఫ్యామిలీతో కలిసి యూఎస్‌ వెళ్లినప్పుడు అక్కడే బస చేస్తారు. ఈ అత్యంత ఖరీదైన విల్లాలో ఆరు విశాలమైన గదులు, డ్రాయింగ్ రూమ్, స్విమ్మింగ్ పూల్, జిమ్‌ లాంటి ప్రత్యేక సదుపాయాలు కూడా ఉన్నాయి.  అద్దె ఎంతో తెలుసా?   లగ్జరీ సదుపాయాలున్న షారుక్ ఖాన్‌ విల్లాను అద్దెకు కూడా తీసుకోవచ్చు. ఆ ఇంట్లో ఒక రోజు ఉండాలంటే రూ.1.96 లక్షలు చెల్లించాల్సిందే. ఇంకేముంది మీరెప్పుడైనా అమెరికా లాస్ ఎంజిల్స్ వెళ్తే స్టార్ హీరో ఇంటికి అద్దె  చెల్లించి విలాసవంతమైన సౌకర్యాలను ఆస్వాదించవచ్చు. గతంలో ఈ విల్లా గురించి షారుక్ మాట్లాడుతూ..బయటి ప్రపంచానికి దూరంగా ఫ్యామిలీతో కొంత సమయం ఉండేందుకు.. రిఫ్రెష్‌ అయ్యేందుకు ఉంటుందని వెల్లడించారు.  జబ్ హ్యారీ మెట్ సెజల్ షూటింగ్ చేస్తున్నప్పుడు కూడా ఈ ఇంట్లోనే ఎక్కువ రోజులు ఉన్నారు షారుక్ భాయ్. ఇప్పటికే అతనికి దూబాయ్‌లోనూ రూ.200 కోట్ల విలువైన విల్లాను గిఫ్ట్‌గా వచ్చిన సంగతి తెలిసిందే. కాగా.. షారుక్ నటించిన జవాన్ సెప్టెంబర్ 7 న థియేటర్లలోకి రానుంది. (ఇది చదవండి: అందుకే అడల్ట్‌ సినిమాలు చేశా, ఎలాగో డబ్బులు కూడా బాగా వచ్చేవి..)

బాలీవుడ్ బాద్‌షా షారుఖ్ ఖాన్,  నయనతార జంటగా నటించిన తాజా చిత్రం జవాన్. ఇప్పటికే షూటింగ్ పూర్తి చేసుకున్న ఈ చిత్రం ఈనెల 7న థియేటర్లలో సందడి చేయనుంది. ప్రస్తుతం మూవీ ప్రమోషన్లతో బిజీగా ఉన్నారు కింగ్ ఖాన్ షారుక్. ఈ నేపథ్యంలోనే తన అభిమానులతో ఇంటరాక్షన్‌ సెషన్ నిర్వహించారు. అయితే ఈ సెషన్‌లో ఓ అభిమాని ఓ ఆసక్తికరమైన ప్రశ్న వేశారు.  (ఇది చదవండి: ఆ స్టార్ డైరెక్టర్‌ సినిమాలో లేడీ సూపర్‌ స్టార్!) మీరు నా గర్ల్‌ ఫ్రెండ్‌ కోసం ఓ టికెట్‌ ఇప్పించగలరా? అని షారుక్‌ను అభిమాని అడిగాడు. అయితే దీనికి షారుక్ తనదైన స్టైల్లో కౌంటరిచ్చాడు. 'ఉచితంగా ప్రేమ మాత్రమే దొరుకుతుంది.. టికెట్‌ కాదు' అంటూ బాద్‌షా బదులిచ్చాడు.  టికెట్ కావాలంటే డబ్బులిచ్చి కొనుక్కోవాల్సిందే. ప్రేమ విషయంలో మరి ఇంత చీప్‌గా ఉండకండి. వెళ్లి టికెట్‌ కొనుక్కోండి. మీ ప్రియురాలిని సినిమాకు తీసుకెళ్లండి.' అంటూ షారుక్ అదిరిపోయే రిప్లై ఇచ్చారు. ప్రస్తుతం ఇది సోషల్ మీడియాలో తెగ వైరలవుతోంది.  కాగా.. ఈ చిత్రంలో విజయ్ సేతుపతి, ప్రియమణి, సన్యా మల్హోత్రా ప్రధాన పాత్రల్లో నటించగా.. దీపికా పదుకొణె ప్రత్యేక  కనిపించనుంది. అట్లీ దర్శకత్వంలో తెరకెక్కిన జవాన్‌పై అభిమానుల్లో భారీ అంచనాలు నెలకొన్నాయి. ఇప్పటికే జవాన్ ట్రైలర్ విడుదలై నెటిజన్ల ప్రశంసలు అందుకుంది. రెడ్ చిల్లీస్ ఎంటర్‌టైన్‌మెంట్ సమర్పణలో ఈ చిత్రాన్ని గౌరీ ఖాన్ నిర్మించారు. జవాన్‌ తర్వాత షారుక్‌ రాజ్‌కుమార్ హిరానీ డైరెక్షన్‌లో డంకీలో నటించనున్నారు.  (ఇది చదవండి: ఆ విషయంలో మమ్మల్ని క్షమించండి.. నవీన్ పోలిశెట్టి ఆసక్తికర కామెంట్స్!) Free mein pyaar deta hoon bhai….ticket ke toh paise hi lagenge!! Don’t be cheap in romance go and buy the ticket…and take her with u. #Jawan https://t.co/uwGRrZkz9I — Shah Rukh Khan (@iamsrk) September 3, 2023

బాలీవుడ్‌ బాద్షా షారూఖ్‌ ఖాన్‌ పఠాన్‌ చిత్రం తరువాత కథానాయకుడిగా నటించిన చిత్రం జవాన్‌. ఆయన సొంత నిర్మాణ సంస్థ రెడ్‌ చిల్లీ పతాకంపై నిర్మించిన ఈ చిత్రం ద్వారా కోలీవుడ్‌ దర్శకుడు అట్లీ బాలీవుడ్‌కు పరిచయం అవుతున్నారు. ఈ చిత్రంలో నయనతార కథానాయకిగా నటించగా విజయ్‌ సేతుపతి, ప్రియమణి తదితరులు ముఖ్య పాత్రలు పోషించారు నటి దీపికా పడుకొనే అతిథి పాత్రలో నటించిన ఈ చిత్రానికి అనిరుధ్‌ సంగీతం అందించారు. నిర్మాణ కార్యక్రమాలను పూర్తి చేసుకున్న జవాన్‌ చిత్రం ఈనెల 7న ప్రపంచవ్యాప్తంగా తెరపైకి రానుంది. (ఇదీ చదవండి: kushi Twitter Review: ‘ఖుషి’ మూవీ ట్విటర్‌ రివ్యూ) ఈ సందర్భంగా జవాన్‌ ప్రీ రిలీజ్‌ కార్యక్రమాన్ని చైన్నెలోని ఓ ప్రైవేట్‌ కళాశాలలో నిర్వహించారు. ఈ కార్యక్రమంలో చిత్రాన్ని ఎనిమిది నెలలు పూర్తి చేయాలని ప్రణాళికను సిద్ధం చేశామని అయితే కరోనా తదితర కారణాల వల్ల మూడేళ్లు పట్టిందని చెప్పారు. అదే సమయంలో చిత్రం మరింత బ్రహ్మాండంగా రూపొందిందని, ఖర్చు కూడా భారీగా పెరిగిందన్నారు. అందుకు షారుక్‌ ఖాన్‌ ఎంతగానో సహకరించారని అట్లీ చెప్పారు. షారుక్‌ ఖాన్‌తో కలిసి నటించడం మంచి అనుభవమని విజయ్‌ సేతుపతి పేర్కొన్నారు. తాను పాఠశాలలో చదువుకునేటప్పుడు ఒక అమ్మాయిని ప్రేమించానని అయితే అది వన్‌ సైడ్‌ లవ్‌ అని చెప్పారు. ఆ అమ్మాయి మాత్రం తాను నటుడు షారుక్‌ ఖాన్‌ వీరాభిమానినని ఆయన్ని ప్రేమిస్తున్నానని చెప్పిందన్నారు. అప్పటినుంచి తనకు షారుక్‌ ఖాన్‌పై పగ ఏర్పడిందన్నారు. ఆ పగను ఈ చిత్రంలో తీర్చుకున్నానని సరదాగా అన్నారు. (ఇదీ చదవండి: 'జైలర్‌'కు భారీగా లాభాలు రజనీకి మరో చెక్‌ ఇచ్చిన నిర్మాత.. ఎంతో తెలుసా?) షారుక్‌ ఖాన్‌ మాట్లాడుతూ నటుడు విజయ్‌ సేతుపతి ఇంతకు ముందు చెప్పినట్లుగా తనపై ప్రతీకారం తీర్చుకోలేరని కారణం ఆయన తనకు అభిమాని అని పేర్కొన్నారు. జవాన్‌ చిత్రంలో నటించడంతో దక్షిణాది సినిమా గురించి చాలా నేర్చుకున్నానని షారుక్‌ ఖాన్‌ చెప్పారు. కాగా చైన్నెలో జవాన్‌ చిత్ర ప్రీ రిలీజ్‌ ఫంక్షన్‌లో పాల్గొనడానికి వచ్చిన షారుక్‌ ఖాన్‌కు నటుడు కమలహాసన్‌ వీడియో ద్వారా శుభాకాంక్షలు తెలిపారు.

ప్రపంచ వ్యాప్తంగా షారుక్‌ ఖాన్ అభిమానులు ఎంతో ఆసక్తిగా ఎదురుచూస్తున్న చిత్రం జవాన్. ఈ సినిమాను తమిళ హిట్‌ దర్శకుడు అట్లీ కుమార్‌ తెరకెక్కించాడు. దీంతో ఈ సినిమా కోసం బాలీవుడ్‌తో పాటు కోలీవుడ్‌ కూడా ఎంతో ఆసక్తిగా ఎదురుచూస్తుంది. జవాన్ మాస్ యాక్షన్ థ్రిల్లర్ సినిమా అని ప్రచారం జరుగుతోంది. గతంలో ఎన్నడూ లేని లుక్‌లో ఈ సినిమాలో షారుక్‌ కనిపించనున్నాడు. లేడీ సూపర్ స్టార్ నయనతార ఈ చిత్రంలో కథానాయిక. విజయ్ సేతుపతి విలన్ రోల్ పోషిస్తుండగా, దీపికా పదుకొణె కూడా ఈ సినిమాలో అతిధి పాత్రలో నటిస్తోంది.  (ఇదీ చదవండి: ఇన్‌స్టాగ్రామ్‌లో నయనతార ఎంట్రీ.. ఫాలో అయ్యేది ఆ ఐదుగురిని మాత్రమే) దర్శకుడు శంకర్‌తో కో-డైరెక్టర్‌గా సినీ రంగ ప్రవేశం చేసిన అట్లీకి జవాన్‌  ఐదవ చిత్రం కానున్నడం విశేషం. 'రాజా రాణి'తో అట్లీ  దర్శకుడిగా ఎంట్రీ ఇచ్చాక దళపతి విజయ్‌తో వరుసగా మూడు చిత్రాలు థెరి, మెర్సల్, బిగిల్ భారీ విజయాలు సాధించాయి. దీని తర్వాత అట్లీ జవాన్‌ను ప్రకటించారు. భారీ అంచనాల నడుమ ఈ చిత్రం తమిళం, తెలుగు, హిందీ తదితర భాషల్లో సెప్టెంబర్ 7న థియేటర్లలోకి రానుంది. ఈ సందర్భంగా చెన్నైలో ప్రీ రిలీజ్ ఈవెంట్ జరిగింది. ఈ కార్యక్రమంలో వేదికపై అట్లీ ప్రసంగం కూడా అందరి దృష్టిని ఆకర్షించింది.   నటి ప్రియను వివాహం చేసుకున్న అట్లీ సుమారు ఎనిమిదేళ్ల నిరీక్షణ తర్వాత తల్లిదండ్రులు అయిన విషయం తెలిసిందే. జవాన్‌ సినిమా షూటింగ్‌ ప్రారంభం కానున్న సమయంలో తన భార్య గర్భం దాల్చిన విషయాన్ని షారుక్ ఖాన్‌కు తెలిపినప్పుడు ఆయన ఎలా స్పందించాడో తాజాగ అట్లీ గుర్తుచేసుకున్నాడు.  'జవాన్ షూటింగ్‌ కోసం నేను అమెరికాకు చేరుకున్నాను. ఈలోపు తాను  గర్భం దాల్చినట్లు ప్రియా ఫోన్‌ చేసి తెలిపింది. ఎనిమిదేళ్ల తర్వాత గర్భం దాల్చినందున మూడు నెలల పాటు ప్రయాణం చేయవద్దని వైద్యులు సూచించారు. పూర్తిగా బెడ్‌ రెస్ట్‌ అన్నారు. అప్పటికి  ఈ సినిమా షూటింగ్ ప్రారంభం అయ్యి  మూడు రోజులే అయింది. దీంతో ప్రియాను అమెరికాకు రమ్మని చెప్పలేకపోయాను ఏం చేయ్యాలో తెలియక ఈ విషయాన్ని షారుఖ్ ఖాన్‌కి చెప్పగా, వెంటనే షూటింగ్ ఆపేయమని, కొద్దిరోజులు వెయిట్ చేస్తానని చెప్పాడు. షారుక్‌ చెప్పిన మాటను ప్రియతో తెలుపగా.. షూటింగ్ ఆపవద్దని చెప్పడమే కాకుండా తన పనులు తానే చూసుకుంటానని చెప్పింది. అలాంటి కష్ట సమయంలో  కూడా సినిమా పనులపై దృష్టి పెట్టమని ఆమె నన్ను ప్రోత్సహించింది. ప్రియా అందించిన ఆ సహకారమే నా విజయ రహస్యం' అని వేదికపై అట్లీ అన్నారు. తన కష్ట సమయంలో షారుక్‌ ఏంతో ధైర్యాన్ని ఇచ్చాడని, తండ్రి స్థానంలో షారుక్‌ ఎప్పుడూ తనవెంటే ఉన్నారని ఆట్లీ ఎమోషనల్‌ అయ్యాడు. సినిమా సక్సెస్‌, ఫెయిల్యూర్‌ గురించి ఆందోళన చెందనని అట్లీ తెలిపాడు. కాగా, గత జనవరిలో వీరికి మగబిడ్డ జన్మించాడు. అట్లీ, ప్రియా నవంబర్ 2014 లో వివాహం చేసుకున్నారు. ఇక అట్లీ భార్య  ప్రియా కొన్ని  తమిళ సినిమాల్లో నటించి మెప్పించింది. ప్రియా నటించి తెలుగులో డబ్బింగ్ అయిన సినిమాలు కూడా కొన్ని ఉన్నాయి. నా పేరు శివ, యముడు లాంటి సినిమాల్లో ప్రియా నటించింది.  10years back , we were shooting near #ShahRukhKhan sir home , I stood near his gate and clicked a pic. Now his home gate opened for me and Shah Rukh sir stood at the gate to welcome me ! You are more than my father , my everything sir . #Atlee pic.twitter.com/ulmjyaSOzN — iamsrksneha (@iamsrkian000) August 30, 2023

సౌత్‌ ఇండియా లేడీ సూపార్‌ స్టార్‌గా గుర్తింపు తెచ్చుకున్న  నయనతార ఫ్యాన్స్‌కు సర్‌ప్రైజ్‌ ఇచ్చింది. నేడు అందరూ రాఖీ పండుగ సెలబ్రేషన్‌లో ఉండగా నయనతార ఇన్‌స్టాగ్రామ్‌లోకి అడుగు పెట్టింది. మొదటగా తన ఇద్దరు కుమారులతో (ఉయిర్, ఉలగం)  కలిసి ఉన్న స్టైలిష్ వీడియోను షేర్ చేసింది.  నయనతార ఇన్‌స్టాలో అకౌంట్‌ ఓపెన్‌ చేసిన వెంటనే భారీగా వైరల్‌ కావడంతో ఆమెను లక్షల మంది ఫాలో అయ్యారు. ఆమె పెట్టిన రీల్‌ను కూడా ఇప్పటికే ఐదు లక్షలకు పైగా లైక్‌ చేయగా.. రెండు మిలియన్‌ వ్యూవ్స్‌ వచ్చాయి. (ఇదీ చదవండి: హీరో గోపీచంద్‌ని అసభ్య పదజాలంతో దూషించిన డైరెక్టర్‌) ఇప్పటికే సౌత్‌ ఇండియాలో గుర్తింపు తెచ్చుకుని జవాన్‌ సినిమాతో బాలీవుడ్‌లో అడుగుపెట్టిన నయన్‌కు భారీ సంఖ్యలో ఫ్యాన్స్‌ ఉన్నారు. తన కుమారుల ఫోటోలను ఇప్పటి వరకు ఎక్కడా రివీల్‌ చేయని నయన్‌ తొలిసారి ఇలా షేర్‌ చేయడంతో ఫ్యాన్స్‌ ఫుల్‌ జోష్‌లో ఉన్నారు. జవాన్‌తో బాలీవుడ్‌ ఎంట్రీ ఇస్తున్న నయన్‌ ఆ సినిమాకు సంబంధించిన ట్రైలర్‌ను కూడా తన ఇన్‌స్టాగ్రామ్‌లో షేర్‌ చేసింది. ఆమెకు ఇప్పటి వరకు ఇన్‌స్టాలో అకౌంట్ ఓపెన్ చేయలేదు. తనకు సంబంధించిన వివరాలను ఇప్పటి వరకు భర్త విఘ్నేష్ శివన్ షేర్‌ చేస్తూ వచ్చేవాడు. (ఇదీ చదవండి: హీరోయిన్‌తో ఐఆర్ఎస్‌ అధికారి రిలేషన్‌.. గిఫ్ట్‌గా బంగారం, భవనాలు) 'జైలర్‌'లోని హుకుమ్‌ పాట బ్యాక్‌గ్రౌండ్‌ మ్యూజిక్‌తో తన కవలలను ఎత్తుకుని మాస్‌ లెవెల్లో ఎంట్రీ ఇచ్చిన నయన్‌ తన ఇన్‌స్టాలో మాత్రం కేవలం ఐదుగురిని మాత్రం ఫాలో అవుతుంది. అందులో తన భర్త విఘ్నేశ్‌, హీరో షారుక్‌ ఖాన్‌, మ్యూజిక్‌ డైరెక్టర్‌ అనిరుధ్‌, ఒబామా భార్య మిషెల్లి ఒబామాతో పాటు తన సొంత ప్రొడక్షన్‌ సంస్థ అయిన 'ది రౌడీ పిక్చర్స్‌' ఉన్నాయి.  View this post on Instagram A post shared by N A Y A N T H A R A (@nayanthara)

బాలీవుడ్ బాద్​షా షారుక్​ ఖాన్ 'జవాన్' సినిమాపై ఎన్నో అంచనాలు నెలకొన్నాయి. యూఎస్​ఏలో ఈ సినిమా ప్రీ బుకింగ్స్​ ఓ రేంజ్‌లో సాగుతున్నాయి. ఇప్పటికే ఈ సినిమాకు సంబంధించిన ట్రైలర్‌ను నెలరోజుల కిందటే విడుదలైంది. అందులో భారీ యాక్షన్‌ సీన్స్‌తో షారుక్‌ అదరగొట్టాడు.  ఇక సినిమా రిలీజ్ డేట్ దగ్గపడుతుండడం వల్ల సినిమాపై మరింత హైప్​ క్రియేట్​ అవుతోంది. అందువల్ల ఈ సినిమాకు సంబంధించిన రెండో ట్రైలర్‌ను కూడా మేకర్స్‌ తాజాగ విడుదల చేశారు. రెండో ట్రైలర్‌లో కూడా షారుఖ్‌ దుమ్ములేపాడనే చెప్పవచ్చు. ముంబయ్‌లోని మెట్రోను షారుఖ్‌ హైజాక్‌ చేస్తాడు.. ఈ సీన్‌తో ట్రైలర్‌ స్టార్ట్‌ అవుతుంది. ఈ సినిమాలో లేడి సూపర్ స్టార్ నయనతార హీరోయిన్​గా నటిస్తుండగా కోలీవుడ్‌ స్టార్‌ విజయ్ సేతుపతి విలన్​గా కనిపించనున్నారు. ట్రైలర్‌లో విజయ్‌ సేతుపతిని ‍ప్రత్యేకమైన లుక్‌లో చూపించారని చెప్పవచ్చు. రెడ్ చిల్లీస్ ఎంటర్​టైన్​మెంట్ బ్యానర్​పై గౌరీ ఖాన్ జవాన్​ను భారీ బడ్జెట్​తో రూపొందిస్తున్నరు. ఈ సినిమా సెప్టెంబర్ 7న పాన్ ఇండియా లెవెల్​లో థియేటర్లలోకి రానుంది .ప్రపంచంలోనే ఎత్తైన బిల్డింగ్ బుర్జ్ ఖలీఫా(దుబాయ్)పై జవాన్‌ ట్రైలర్‌ను ప్రదర్శించేందుకు మూవీ మేకర్స్ ప్లాన్ చేశారు. దీనిని నేడు రాత్రి (ఆగష్టు 31) 9 గంటలకు పదర్శించనున్నారు. బుర్జ్ ఖలీఫా  బిల్డింగ్​పై షారుక్ సినిమా ట్రైలర్​ను ప్రదర్శించడం ఇది తొలిసారి కాదు. ఈ ఏడాది ఆరంభంలో రిలీజైన 'పఠాన్' సినిమా ట్రైలర్‌ను కూడా ఇదివరకే అక్కడ ప్రదర్శించిన విషయం తెలిసిందే.

సెప్టెంబరు నెలలో సినిమా అభిమానులకు పండుగే అని చెప్పవచ్చు.. ఇదే నెలలో 7కు పైగా పెద్ద సినిమాలు విడుదలకు రెడీగా ఉన్నాయి. అంతేకాకుండా మరికొన్ని చిన్న సినిమాలు కూడా ఉన్నాయి.  సెప్టెంబరు 18న వినాయక చవితి పండుగ ఉండటంతో సెప్టెంబరు 15న ఏకంగా మూడు సినిమాలు విడుదల అవుతున్నాయి.  సెప్టెంబరు 1 'ఖుషి' విజయ్‌ దేవరకొండ-సమంత  కాంబినేషన్‌లో వస్తున్న సినిమా 'ఖుషి'. శివ నిర్వాణ దర్శకత్వంలో రూపొందుతున్న చిత్రమిది. 2019లో వచ్చిన మజిలీ సినిమా తర్వాత ఖుషి వస్తుండటంతో ఫ్యాన్స్‌ అంచనాలు భారీగానే ఉన్నాయి. ఈ మూవీని  నవీన్‌ ఎర్నేని, వై.రవిశంకర్‌ సంయుక్తంగా నిర్మిస్తున్నారు. పాన్‌ ఇండియా స్థాయిలో రూపొందిన ఈ చిత్రం సెప్టెంబరు 1న ప్రేక్షకుల ముందుకొస్తోంది.  సెప్టెంబర్‌ 7  'జవాన్‌' కోలీవుడ్‌ డైరెక్టర్‌ అట్లీ, బాలీవుడ్‌ కింగ్‌ షారుక్‌ ఖాన్ కాంబినేషన్‌లో వస్తున్న సినిమా 'జవాన్‌'. పఠాన్‌ తర్వాత భారీ అంచనాలతో ఈ సినిమా విడుదల కానుంది. ఇందులో నయనతార,దీపికా పదుకోన్‌ వంటి స్టార్స్‌ ఉన్నారు. ఈ చిత్రం సెప్టెంబర్‌ 7న ప్రేక్షకుల ముందుకు రానుంది.   సెప్టెంబర్‌ 7 'మిస్ శెట్టి.. మిస్టర్ పోలిశెట్టి' యంగ్ హీరో నవీన్ పోలిశెట్టి, అనుష్క జంటగా మహేష్ బాబు. పి దర్శకత్వంలో తెరకెక్కిన సినిమా మిస్ శెట్టి.. మిస్టర్ పోలిశెట్టి. యూవీ క్రియేషన్స్ నిర్మిస్తున్న ఈ చిత్రం సెప్టెంబర్‌ 7న తెలుగు, తమిళ, కన్నడ, మలయాళ భాషల్లో గ్రాండ్‌గా విడుదల కానుందీ చిత్రం.. ఇప్పటికే ఈ చిత్రం నుంచి రిలీజైన పోస్టర్స్, టీజర్, సాంగ్స్ ప్రేక్షకులను విశేషంగా ఆకట్టుకున్నాయి. ఇక తాజాగా ఈ సినిమా ట్రైలర్ ను మేకర్స్ రిలీజ్ చేశారు. ఇప్పుడు యూట్యూబ్‌లో ట్రెండ్‌ అవుతుంది. సెప్టెంబర్ 15 'స్కంద' రామ్ పోతినేని- శ్రీ లీల జంటగా బోయపాటి శ్రీను దర్శకత్వంలో తెరకెక్కిన మాస్‌, ఫ్యామిలీ ఎంటర్‌టైనర్‌ 'స్కంద'. శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి ఈ చిత్రాన్ని నిర్మిస్తున్నారు. రామ్‌ను పక్కా మాస్‌ లుక్‌లో బోయపాటి చూపించాడు. ఇందులోని యాక్షన్‌ సీన్స్‌ ప్రేక్షకులతో ఈలలు వేయించేలా ఉన్నాయి. ఇందులో రామ్‌ రెండు కోణాలు ఉన్న పాత్రలో కనిపించనున్నారు.  పాన్ ఇండియా సినిమాగా తెరకెక్కిన 'స్కంద' సెప్టెంబర్ 15న వినాయక చవితి సందర్భంగా ప్రేక్షకుల ముందుకు రానుంది. సెప్టెంబర్ 15 'చంద్రముఖి 2' రజనీకాంత్‌ నటించిన చంద్రముఖి సినిమా అప్పట్లో ఒక సంచలన విజయం. ఈ సినిమాకు సీక్వెల్‌గా ఇప్పుడు 'చంద్రముఖి 2' విడుదలకు రెడీగా ఉంది. ఇందులో రాఘవ లారెన్స్‌-కంగనా రనౌత్‌ నటిస్తున్నారు. పి.వాసు దర్శకత్వంలో తెరకెక్కిన ఈ సినిమా సెప్టెంబర్ 15న విడుదలకు సిద్ధంగా ఉంది. ఈ సినిమాకు కీరవాణి సంగీతం అందిస్తున్నారు. సెప్టెంబర్ 15 'మార్క్ ఆంథోని' హీరో విశాల్.. ఇప్పుడు 'మార్క్ ఆంథోని'గా వచ్చేస్తున్నాడు. సైన్స్ ఫిక్షన్, హై వోల్టేజ్ యాక్షన్ థ్రిల్లర్‌గా తీసిన ఈ సినిమాలో విశాల్‌కి జోడీగా రీతూవర్మ నటించింది. ఎస్.జె.సూర్య, సునీల్, సెల్వ రాఘవన్ ముఖ్య పాత్రలు పోషించారు. అధిక్ రవిచంద్రన్ దర్శకత్వం వహించారు. ఎస్.వినోద్ కుమార్ నిర్మించారు. ఈ సినిమా కూడా సెప్టెంబర్ 15న వినాయక చవితి సందర్భంగా విడుదల కానుంది. సెప్టెంబర్ 28 'సలార్‌' ప్రభాస్  హీరోగా ప్రశాంత్‌ నీల్‌ దర్శకత్వంలో తెరకెక్కిన 'సలార్‌' సెప్టెంబర్ 28న విడుదలకు రెడీగా ఉంది. ఇందుకు సంబంధించిన ట్రైలర్‌ను సెప్టెంబర్ 3న విడుదల చేసేందుకు హోంబలే ఫిలిమ్స్‌ ప్లాన్‌ చేస్తుంది.  ఈ సినిమాకు సంబంధించిన ప్రమోషన్‌ కార్యక్రమాలు కూడా అదే రోజు నుంచి ప్రారంభించనున్నట్లు తెలుస్తోంది. సెప్టెంబర్‌ నెలలో విడుదలయ్యే అతిపెద్ద సినిమా 'సలార్‌' అనే చెప్పవచ్చు. (ఇదీ చదవండి: చిరంజీవి 'చూడాలని ఉంది' సినిమాకు 25 ఏళ్లు.. ఈ విషయాలు తెలుసా?)

లేడీ సూపర్ స్టార్ నయనతార మరోసారి వార్తల్లో నిలిచింది. దక్షిణాదిలో స్టార్ హీరోయిన్‌గా రాణిస్తున్న ఇప్పుడు షారుక్ ఖాన్ సరసన జవాన్‌ చిత్రంతో బాలీవుడ్‌లో ఎంట్రీ ఇస్తోంది. అంతే కాకుండా ఆమె చేతిలో పలు చిత్రాలతో బిజీగా ఉన్నారు. కెరీర్ ప్రారంభం నుంచే ఎన్నో ఒడుదొడుకులు ఎదుర్కొన్న నయనతార సూపర్‌ స్టార్‌గా ఎదిగింది. అంతేకాకుండా పర్సనల్‌ లైఫ్‌లోనూ ఆమె వివాదాలు వెంటాడాయి. అలా అన్నింటినీ అధిగమించి ఇప్పుడిప్పుడే తన ఇద్దరు పిల్లలతో లైఫ్‌ను ఎంజాయ్ చేస్తోంది.  (ఇది చదవండి: నయనతారకు అలాంటి అర్హతే లేదు: కస్తూరి) అయితే ప్రస్తుతం ఆమె నటించిన జవాన్ వచ్చేనెల 7న థియేటర్లలో రిలీజ్ కానుంది. అట్లీ దర్శకత్వంలో తెరకెక్కిన ఈ చిత్రంలో నయన్ లీడ్ రోల్‌లో కనిపించనుంది. అంతేకాకుండా బాలీవుడ్‌లో ఆమె తొలి చిత్రం కావడంతో అభిమానుల్లోనూ భారీ అంచనాలు నెలకొన్నాయి. ఈ నేపథ్యంలో ఇప్పటికే షూటింగ్ పూర్తి చేసుకున్న ఈ చిత్రం ప్రమోషన్లతో బిజీగా ఉంది. అయితే ఈ చిత్రంలో హీరోయిన్‌గా నటించిన నయన్  ప్రచార కార్యక్రమాల్లో కనిపించకపోవడం చర్చకు దారితీసింది. తన సొంత చిత్రాలకు నయనతార ప్రమోషన్లలో బిజీబిజీగా గడిపేస్తూ ఉంటోంది. అలాంటి బాలీవుడ్ అరంగేట్ర చిత్రమైన జవాన్‌ ప్రమోషన్లలో నయన్ కనిపించకపోవడం అభిమానుల్లో ఉత్కంఠ రేకేత్తిస్తోంది. మరో విషయమేంటంటే ఈ చిత్రంలో అతిథి పాత్రలో కనిపించిన దీపికా పదుకొణే షారుక్‌తో కలిసి ప్రమోషన్లలో పాల్గొనడం మరింత ఆసక్తిగా మారింది. ఇంతకీ జవాన్‌లో లీడ్‌ రోల్‌ చేసింది నయనాతారనా లేక దీపికనా అంటూ ప్రశ్న తలెత్తుతోంది. ఇప్పుడు ఇదే విషయం అటు బాలీవుడ్.. ఇటు కోలీవుడ్‌లోనూ తీవ్ర చర్చనీయాంశంగా మారింది. అయితే ఇటీవలే మరో నటి కస్తూరి నయనతారను ఉద్దేశించి సంచలన కామెంట్స్ చేసిన సంగతి తెలిసిందే. ఆమెను లేడీ సూపర్‌ స్టార్‌ గా భావించలేమని ఘాటు వ్యాఖ్యలు చేసింది.  (ఇది చదవండి: రామ్ చరణ్- ఉప్సీల బిడ్డను చూశారా.. ఎంత క్యూట్‌గా ఉందో!)

పాములపాడు:  ఉగ్రవాదుల కాల్పుల్లో వీర మరణం పొందిన జవాన్‌ సిరిగిరి సురేంద్ర (24) అంత్యక్రియలు ముగిశాయి. దేశానికి సేవ చేయాలనే సంకల్పంతో సురేంద్ర నాలుగేళ్ల క్రితం సైన్యంలో చేరారు. కశ్మీర్లోని బారాముల్లా ఆర్మీ బెటాలియన్‌ యూనిట్‌ నంబర్‌ 46లో విధులు నిర్వహిస్తూ జూలై 31న జరిగిన మిలిటెంట్‌ ఆపరేషన్‌లో వీర మరణం పొందారు. మృతదేహాన్ని మంగళవారం అర్ధరాత్రి నంద్యాల జిల్లా కృష్ణానగర్‌కు తీసుకువచ్చారు. బుధవారం కృష్ణానగర్‌ గ్రామానికి నందికొట్కూరు ఎమ్మెల్యే తొగురు ఆర్థర్, తహశీల్దార్‌ రత్నరాధిక, ఎంపీడీవో గోపీకృష్ణ చేరుకుని మృతదేహానికి పూలమాలలు వేసి నివాళులర్పించారు. ఆర్మీ అధికారులు భౌతికకాయంపై జాతీయ పతాకాన్ని కప్పి మృతదేహాన్ని శ్మశానవాటికకు తీసుకువెళ్లారు. ఎస్సీ, ఎస్టీ సెల్‌ డీఎస్పీ రామాంజనాయక్‌ ఆధ్వర్యంలో ఏఆర్‌ బృందం 3 సార్లు గాల్లోకి కాల్పులు జరపగా సైనిక లాంఛనాలతో అంత్యక్రియలు పూర్తి చేశారు. సురేంద్ర కుటుంబాన్ని అన్ని విధాలా ఆదుకుంటామని ఎమ్మెల్యే ఆర్థర్‌ తెలిపారు. దేశం కోసం తమ చిన్న కుమారుడు సురేంద్ర ప్రాణాలు వదిలాడని, తమను పోషించాల్సిన బాధ్యత పెద్ద కుమారుడిపై ఉందని, అతడికి ఉద్యోగం కలి్పంచాలని తల్లిదండ్రులు సుబ్బయ్య, సుబ్బమ్మ కోరారు.  

బాలీవుడ్‌ బాద్‌షా షారుఖ్‌ ఖాన్‌ నుంచి వస్తున్న తాజా చిత్రం  'జవాన్‌'. దీనికి దర్శకత్వం అట్లీ. నయనతార, ప్రియమణి,దీపికా పదుకొణె ఇందులో కీలక పాత్రల్లో కనిపించనున్నారు. తాజాగా ‘జవాన్‌’ సినిమా నుంచి  టైటిల్‌ సాంగ్‌  'జిందా బందా' తెలుగులో 'దుమ్ము దులిపేలా'ను మేకర్స్‌ విడుదల చేశారు. ఆ పాటకోసం హైదరాబాద్‌,చెన్నై, బెంగళూరు, ముంబయి నుంచి వెయ్యికి మందికి పైగా మహిళ డ్యాన్సర్లన రప్పించి షూట్‌ చేశారు. వీరందరితో పాటు సన్యా మల్హోత్రా, ప్రియమణిలతో షారుఖ్‌ వేసిన స్టెప్పులకు ఎవరైనా ఫిదా అవుతారు. ఇందులో ఆయన చాలా యంగ్‌ లుక్‌లో కనిపించారు. (ఇదీ చదవండి: సుమన్‌ జైలుకు వెళ్లడంపై బయటికొచ్చిన అసలు నిజాలు.. ఇంతమంది ప్రమేయం ఉందా?) ఈ పాటను ఐదు రోజుల పాటు చిత్రీకరించగా అందుకు అయిన ఖర్చు  సుమారుగా రూ.15 కోట్లు అని సమాచారం. ఈ పాటను సంగీత దర్శకుడు అనిరుధ్‌ పాడితే.. నృత్య దర్శకుడు శోభి  వారందరితో అదిరిపోయే స్టెప్పులు వేయించారు. ఈ పాటకు అనిరుధ్‌ అందించిన మ్యూజిక్‌ ఒక రేంజ్‌లో ఉంటుంది.  సెప్టెంబర్ 7న ఈ సినిమా విడుదల కానుంది.

ఇంఫాల్‌: మణిపూర్ అల్లర్లలో రోజుకో అమానవీయ ఘటన వెలుగులోకి వస్తోంది. కెమెరా సాక్షిగా జవాన్ చేతిలో ఓ మహిళ ఇబ్బందులను ఎదుర్కొంది. కిరాణ స్టోర్‍ నుంచి ఓ మహిళను బీఎస్‌ఎఫ్ జవాను విచక్షణా రహితంగా బయటకు లాగి పడేశాడు. మహిళ మెడపై జవాన్‌ చేతితో గట్టిగా పట్టుకోగా.. ఆ పట్టుబిగువుకు ఆమె విలవిల్లాడింది.  ఈ దృశ్యాలు సీసీటీవీలో రికార్డ్ అయ్యాయి. ఈ ఘటన జులై 20న జరగగా.. సదరు జవాన్‌ను విధుల నుంచి సస్పెండ్ చేశారు. నిందితునిపై కేసు నమోదు చేశారు. ప్రస్తుతం ఆ వీడియో సోషల్ మీడియాలో వైరల్‌గా మారింది.  సీసీటీవీ వీడియో ప్రకారం.. ఓ బీఎస్‌ఎప్ జవాను రైఫిల్‌ను ధరించి ఉన్నాడు. ఓ కిరాణ స్టోర్ నుంచి ఓ మహిళను విచక్షణా రహితంగా బయటకు లాగాడు. జులై 20న ఈ ఘటన జరగగా.. నిందితునిపై కేసు నమోదు చేశారు. విధుల నుంచి తప్పించారు. నిందితున్ని సతీష్ ప్రసాద్‌గా గుర్తించారు. ఈ వీడియో సోషల్ మీడియాలో ప్రస్తుతం వైరల్‌గా మారింది.  ఇద్దరు మహిళలను నగ్నంగా రోడ్డుపై ఊరేగించిన ఘటన దేశవ్యాప్తంగా సంచలనం సృష్టించిన విషయం తెలిసిందే. ఇదే కాక ఇప‍్పటికే అక్కడి పోలీసు స్టేషన్‌లో పలు కేసులు నమోదయ్యాయి. వీటిపై పోలీసులు దర్యాప్తు చేస్తున్నారు. అయితే.. చాలా స్టేషన్‌లలో జీరో ఎఫ్‌ఐఆర్‌లు నమోదయ్యాయి. కానీ వాటిపై ఎలాంటి పురోగతి కనిపించడం లేదు. అలాగే ఫేక్ సోషల్ మీడియా పోస్టులపై కూడా ప్రభుత్వం చర్యలు తీసుకుంటోంది.  సైబర్ సెల్ విభాగం దీనిపై ప్రత్యేకంగా పనిచేస్తోంది.   ఇదీ చదవండి: మణిపూర్ అల్లర్లు.. అమరుని కుటుంబాన్ని రక్షించిన బీఎస్‌ఎఫ్‌..

‘‘షారుక్‌ ఖాన్‌ కోసమే ‘జవాన్‌’ చిత్రంలో నటిస్తున్నాను. నాకు ఒక్క రూపాయి పారితోషికం ఇవ్వకపోయినా కూడా ఆయనతో కలిసి నటించేవాణ్ణి’’ అన్నారు నటుడు విజయ్‌ సేతుపతి. హీరోగా, క్యారెక్టర్‌ ఆర్టిస్టుగా వైవిధ్యమైన పాత్రలతో దక్షిణాది ప్రేక్షకులను అలరిస్తున్న ఆయన ‘ముంబైకర్‌’ సినిమాతో బాలీవుడ్‌లో అడుగుపెట్టారు. సంతోష్‌ శివన్‌ దర్శకత్వం వహించిన ఈ చిత్రం గత నెల (జూన్‌ 2) విడుదలైంది. ప్రస్తుతం ఆయన షారుక్‌ ఖాన్‌ హీరోగా అట్లీ దర్శకత్వం వహిస్తున్న హిందీ సినిమా ‘జవాన్‌’ లో విలన్‌గా నటిస్తున్నారు. ఇటీవల ఓ ఇంటర్వ్యూలో విజయ్‌ సేతుపతి మాట్లాడుతూ–‘‘షారుక్‌ అంటే నాకు అభిమానం. ఆయన కోసమే ‘జవాన్‌’లో విలన్‌గా చేస్తున్నా. నాకు పారితోషికం ఇవ్వకున్నా ఆయనతో కలిసి నటించేవాణ్ణి’’ అంటూ షారుక్‌ ఖాన్‌పై ఉన్న అభిమానాన్ని చాటుకున్నారు. ‘జవాన్‌’ సినిమా సెప్టెంబర్‌ 7న విడుదలకానుంది. కాగా త్యాగరాజన్‌ కుమార్‌ రాజా దర్శకత్వం వహించిన తమిళ చిత్రం ‘సూపర్‌ డీలక్స్‌’ (2019) లో విజయ్‌ సేతుపతి నటనపై షారుక్‌ ఖాన్‌ గతంలో ప్రశంసలు కురిపించిన సంగతి తెలిసిందే.

పాన్‌ ఇండియా సినిమా వార్‌లో  రోజుల వ్యవధిలోనే రెండు బిగ్ సినిమాలకు సంబంధించిన టీజర్స్ బయటికి వస్తే ఎలా ఉంటుంది. వారి ఫ్యాన్స్‌తో యూట్యూబ్‌ షేక్‌ అవడం గ్యారెంటీ. జులై 6న పాన్‌ ఇండియా స్టార్‌ ప్రభాస్‌ 'సలార్‌' టీజర్‌తో వస్తే.. జులై 7న బాలీవుడ్‌ కింగ్‌ షారుఖ్‌ 'జవాన్‌'తో రానున్నాడని తెలుస్తోంది. ఇదీ జరిగితే ఈ రెండు సినిమాల టీజర్లు కేవలం కొన్ని గంటల వ్వవధిలో విడుదల అవుతాయి. దీంతో వారిద్దరి ఫ్యాన్స్‌ యూట్యూబ్‌ వ్యూస్‌లో తమ సత్తా చాటేందుకు పొటీ పడుతున్నారు.  (ఇదీ చదవండి: అక్కడ మరొకరు ఉన్నా లిప్‌లాక్ చేసేదాన్ని:నటి) KGF తర్వాత ప్రశాంత్ నీల్ తెరకెక్కిస్తున్న హై ఓల్టేజ్ యాక్షన్ ఎంటర్టైనర్‌గా సలార్ రాబోతోంది. ఈ సినిమా కోసం డార్లింగ్‌ ఫ్యాన్స్‌ వెయ్యి కళ్లతో ఎదురు చూస్తున్నారు. సెప్టెంబర్ 28న ఈ చిత్రాన్ని రిలీజ్ చేసేందుకు రెడీ అవుతున్నారు మేకర్స్‌. ఆదిపురుష్ గేమ్‌ ఓవర్‌ కావడంతో ఇప్పుడు సలార్ టైం స్టార్ట్ అయిపోయిందని ఫ్యాన్స్‌ సోషల్‌ మీడియాలో రచ్చ చేస్తున్నారు. మరోవైపు ఇటీవల 'పఠాన్' సినిమాతో బాలీవుడ్‌లో బౌన్స్ బ్యాక్ ఇచ్చిన షారుఖ్ ఖాన్.. 'జవాన్‌'తో మరోసారి బాక్సాఫీస్‌ను షేక్ చేయాలని చూస్తున్నాడు. పఠాన్‌తో తన కెరీయర్‌లోనే బిగ్గెస్ట్‌ కలెక్షన్స్‌ రూ.1000 కోట్లు రాబట్టాడు. ఇదే జోరును కొనసాగిస్తూ.. కోలీవుడ్ స్టార్ డైరెక్టర్ అట్లీ తెరకెక్కిస్తున్న జవాన్ సినిమాపై కూడా భారీ అంచనాలున్నాయి. హాలీవుడ్ సూపర్ స్టార్ టామ్ క్రూజ్ నటించిన 'మిషన్ ఇంపాజిబుల్ డెడ్ రెకొనింగ్' సినిమా జులై 12న విడుదల కానుంది.. ఈ మూవీ మధ్యలో జవాన్‌ టీజర్‌ను రిలీజ్ చేయనున్నారని కూడా ప్రచారం జరుతుంది.  (ఇదీ చదవండి: విజయ్‌ను డైరెక్ట్‌ చేసే లాస్ట్‌ ఛాన్స్‌ ఆ దర్శకుడికే..) ఇప్పుడు ఈ టీజర్ వార్ పీక్స్‌లోకి వెళ్లింది. ఏదేమైనా ఈ రెండు టీజర్లు రిలీజ్‌ అయ్యాక  ఏది ఎక్కువ వ్యూస్ రాబట్టింది? అనే చర్చ జరగడం  పక్కాగ ఉంటుంది. కానీ 'జవాన్' కంటే 'సలార్' పైనే భారీ ఎక్స్‌పెక్టేషన్స్ ఉన్నాయి. ఒకరేమో కొన్నేళ్లుగా బాలీవుడ్‌ను శాసించే కింగ్‌ కాంగ్‌... మరోకరేమో పాన్‌ ఇండియా స్టార్‌. దీంతో డార్లింగ్‌ డై హార్ట్‌ ఫ్యాన్స్‌ కొంచెం సీరియస్‌గానే తీసుకున్నారు. ఎదేమైనా  ఈ పోటీలో జవాన్ కంటే సలార్‌ పైనే భారీ అంచనాలు ఉన్నాయి కాబట్టి సోషల్ మీడియాలో అప్పర్ హ్యాండ్ డార్లింగ్‌దే  కానుంది.

సాక్షి, హైదరాబాద్‌/ఏజీవర్సిటీ: నేషనల్‌ ఇన్‌స్టిట్యూట్‌ ఆఫ్‌ అగ్రికల్చరల్‌ ఎక్స్‌టెన్షన్‌ మేనేజ్‌మెంట్‌ (మేనేజ్‌) తెలంగాణలోని మాజీ సైనిక ఉద్యోగుల కోసం ‘జై జవాన్‌ కిసాన్‌’ కార్యక్రమాన్ని చేపట్టింది. రక్షణ సేవల నుంచి చిన్న వయస్సులో పదవీ విరమణ పొందే సిబ్బందికి పునరావాసం కల్పించేందుకు అనేక ప్రయత్నాలు జరుగుతున్నాయి. రిటైర్డ్‌ సిబ్బందికి వేతనంతో కూడిన స్థిరమైన ఉపాధి అవకాశాలను సృష్టించడానికి నాబార్డు సహకారంతో మేనేజ్‌ ఈ కార్యక్రమానికి శ్రీకారం చుట్టింది. మాజీ సైనికులకు వ్యవసాయ సంబంధిత నైపుణ్యాన్ని అందించేందుకు 15 రోజుల రెసిడెన్షియల్‌ శిక్షణ ప్రారంభించనుంది. సెప్టెంబర్‌ 4 నుంచి 18వ తేదీ వరకు రాజేంద్రనగర్‌లోని మేనేజ్‌లో నిర్వహించే ఈ కోర్సుకు ఎలాంటి ఫీజు లేదు. శిక్షణ అనంతరం సంబంధిత రంగాల్లో అవసరమైన సాంకేతిక సహకారం అందిస్తారు. దీనికి ఆర్మీ, నేవీ, ఎయిర్‌ఫోర్స్‌లోని మాజీ సైనికులు, రాష్ట్రంలోని బీఎస్‌ఎఫ్, సీఐఎస్‌ఎఫ్, ఐటీబీపీ, సీఆర్‌పీఎఫ్‌ మొదలైన పారామిలిటరీ దళాల నుంచి పదవీ విరమణ పొందిన సిబ్బంది అర్హులు.  దరఖాస్తు సమర్పణకు జూలై 15 చివరి తేదీ. వివరాలకోసం 9052028777 నంబర్‌ సంప్రదించాలని లేదా సంస్థ వెబ్‌సైట్‌లో చూడాలని మేనేజ్‌ ఒక ప్రకటనలో తెలిపింది. 

షారుక్‌ ఖాన్‌ హీరోగా నటించిన తాజా చిత్రం ‘జవాన్‌’. ఈ చిత్రంలో నయనతార హీరోయిన్‌గా నటించగా, ప్రధాన పాత్రలో విజయ్‌ సేతుపతి, కీలక పాత్రల్లో సంజయ్‌ దత్, దీపికా పదుకోన్‌ నటించారు. తమిళ దర్శకుడు అట్లీ తెరకెక్కించిన ఈ ‘జవాన్‌’ సినిమాను షారుక్‌ భార్య గౌరీ ఖాన్‌ నిర్మించారు. కాగా ఈ సినిమాను తొలుత జూన్‌ 2న విడుదల చేయాలనుకున్నారు. కానీ సెప్టెంబరు 7న రిలీజ్‌ చేస్తున్నట్లు శనివారం ప్రకటించారు. పోస్ట్‌ప్రొడక్షన్‌ వర్క్స్‌ పెండింగ్‌ ఉండటం ‘జవాన్‌’ రిలీజ్‌ వాయిదా పడటానికి ముఖ్య కారణమని బాలీవుడ్‌ సమాచారం.

సాక్షి, హైదరాబాద్‌: సీఆర్‌పీఎఫ్‌ ఐజీ మహేష్‌చంద్ర లడ్డా ఇంట తుపాకీ పేలింది. ఆయన వద్ద పని చేసే ఓ జవాన్‌ సర్వీస్‌ రివాల్వర్‌తో కాల్చుకుని ఆత్మహత్యకు పాల్పడ్డాడు. గురువారం ఉదయం సికింద్రాబాద్‌ బేగంపేటలోని చికోటి గార్డెన్‌ వద్ద ఈ ఘటన చోటు చేసుకుంది.  మృతున్ని ఛత్తీస్‌గఢ్‌కు చెందిన దేవేందర్‌ కుమార్‌గా గుర్తించారు. సీఆర్‌పీఫ్‌ ఐజీ మహేష్‌చంద్ర లడ్డా వద్ద విధులు నిర్వహిస్తున్నాడు దేవేందర్‌. సూసైడ్‌కు ప్రేమ వ్యవహారమే కారణమని తెలుస్తోంది. మృతదేహాన్ని గాంధీ ఆస్పత్రికి తరలించిన పోలీసులు.. కేసు నమోదు చేసుకుని దర్యాప్తు చేపట్టారు.  ఇదీ చదవండి: బెట్టింగ్‌లో భారీ నష్టం.. అయ్యో మధు!

సాక్షి, ములుగు: సెలవుపై ఇంటికి వచ్చిన ఐటీబీపీ జవాన్‌ విద్యుత్‌ షాక్‌ తో మృతిచెందాడు. ములుగు జిల్లా వాజేడు మండలంలోని శ్రీరామ్‌నగర్‌లో శనివారం ఈ ఘటన చోటు చేసుకుంది. బంధువుల కథనం ప్రకారం.. తాటి మహేంద్ర కుమార్‌ (29) ఐటీబీపీ 53 బెటాలియన్‌లో పనిచేస్తున్నాడు. ప్రస్తుతం ఛత్తీ›స్‌గఢ్‌ రాష్ట్రం నారాయణపూర్‌ జిల్లా సోంపూర్‌లో విధులు నిర్వహిస్తున్నాడు. గత ఏడాది హనుమకొండ జిల్లాకు చెందిన ప్రసన్నతో వివాహం జరిగింది. ఈ మధ్యనే వారికి పాప పుట్టింది. భార్యాబిడ్డలతో గడపాలని నెల రోజులపాటు సెలవు పెట్టి మార్చి 30న సొంత ఊరైన శ్రీరామ్‌నగర్‌ వచ్చాడు. శనివారం కూలర్‌లోని నీటిపంపు పనిచేయకపోవడంతో దానిని పరిశీలిస్తున్న సమయంలో విద్యుత్‌ షాక్‌కుగురై మహేంద్ర కింద పడి పోయాడు. ఈ విషయాన్ని గమనించిన ఆయన భార్య, ఇతర కుటుంబ సభ్యులు మహేంద్రను మొదట వాజేడు, అక్కడినుంచి ఏటూరునాగారం ఆస్పత్రికి తరలించారు. మహేంద్ర కుమార్‌ను పరిశీలించిన వైద్యులు అప్పటికే మృతిచెందిననట్లు తెలిపారు. బంధువులు పోలీసులకు సమాచారం ఇచ్చారు. చదవండి: తండ్రిని చంపిన కిరాతకుడు

చిత్ర పరిశ్రమలో ప్రస్తుతం పాన్‌ ఇండియా సినిమా ట్రెండ్ నడుస్తోంది. దీంతో ఇండియా వైడ్ హీరోలందరూ తమ మార్కెట్ ను పెంచుకోవటానికి ట్రై చేస్తున్నారు. అందుకే తమ సినిమాల్లో  ఇతర భాషల స్టార్ హీరోస్  ఉండేలా ప్లాన్ చేసుకుంటున్నారు. బాలీవుడ్ స్టార్‌ హీరోస్ సైతం తమ సినిమాల్లో సౌతిండియా యాక్టర్స్ ఉండేలా చూసుకుంటున్నారు. అంతేకాదు సౌతిండియా స్టార్‌ హీరోస్ తో స్క్రీన్ షేర్ చేసుకోవటానికి ఇంట్రెస్ట్ చూపిస్తున్నారు. ఇలాంటి ఓ బంపరాఫర్‌ను ఐకాన్ స్టార్ అల్లు అర్జున్ మిస్ చేసుకున్నాడు. దీంతో బన్నీ ఫ్యాన్స్ బాగా డిస్పాయింట్ అయ్యారు.  వివరాల్లోకి వెళితే..  సౌతిండియా డైరెక్టర్ అట్లీ షారుఖ్‌ ఖాన్‌తో ఓ బాలీవుడ్‌ మూవీ తెరకెక్కిస్తున్న సంగతి తెలిసిందే. ఈ మూవీలో హీరోయిన్ గా నయన తార నటిస్తుంది. విజయ్ సేతుపతి, రానా, ప్రియమణి ఇతర కీలక పాత్రలు పోషిస్తున్నారు.  సౌతిండియా మార్కెట్ ను క్యాప్చర్ చేసేందుకు షారూఖ్‌... ఈ సినిమా తమిళ్‌ వెర్షన్ లో ఇళయ దళపతి విజయ్‌ ని...తెలుగు వెర్షన్ లో అల్లు అర్జున్ గెస్ట్ రోల్స్ లో కనిపించేలా ప్లాన్ చేశాడు.  డైరెక్టర్ అట్లీ..బన్నీ ని అప్రోచ్ కూడా అయ్యాడు..ఈ  మూవీ కథ కూడా నేరేట్ చేయడం జరిగింది. ముందు ఇంట్రెస్ట్ చూపించిన బన్నీ...ఇప్పుడు నటించటానికి నో చెప్పాడనే మాట టాలీవుడ్ లో వినిపిస్తోంది.  ప్రస్తుతం బన్నీ సుకుమార్ దర్శకత్వంవలో  పుష్ఫ 2 సినిమాలో నటిస్తున్నాడు.  ప్రస్తుతం ఈ సినిమా షూటింగ్ లో బన్నీ బిజీగా ఉన్నాడు. పుష్ప 2 కోసం గెడ్డం ఉన్న లుక్ ని మెయింటేన్ చేస్తున్నాడు. కానీ జవాన్ లో బన్నీ లుక్ మార్చాల్సి ఉంది. దీంతో జవాన్ లో తన క్యారెక్టర్ నచ్చిన కూడా...లుక్ ఛెంజ్ కావాల్సి ఉండటంతో  డైరెక్టర్ అట్లీకి నో చెప్పినట్లు సమాచారం.  అయితే ఇప్పుడు మేకర్స్ దృష్టి మెగా పవర్ స్టార్ రామ్‌ చరణ్‌ పై పడింది. ఆస్కార్ అవార్డ్స్ నుంచి చెర్రీ రాగానే అప్రోచ్ అయ్యేందుకు రెడీ ఉన్నారు. కింగ్ ఖాన్ షారూఖ్‌ ఖాన్‌ కి....రామ్ చరణ్‌ కి మధ్య గుడ్ రిలేషన్ ఉంది. కాబట్టి జవాన్ మూవీలో గెస్ట్  రోల్ రిక్వెస్ట్ ను ..యాక్సెప్ట్ చేస్తాడనే ప్రచారం నెట్టింట బాగా సాగుతోంది.  ఈ ఆఫర్ విషయంలో  రామ్‌ చరణ్‌ ఎలాంటి నిర్ణయం తీసుకుంటాడా అని మెగా ఫ్యాన్స్ ఎదురుచూస్తున్నారు. ప్రస్తుతం రామ్‌ చరణ్‌...శంకర్ దర్శకత్వంలో ఆర్‌సీ15లో నటిస్తున్నాడు.

ఢిల్లీ: సీఆర్‌పీఎఫ్‌ జవాన్‌ తుపాకితో కాల్చుకుని ఆత్మహత్య చేసుకోవడం ఢిల్లీలో కలకలం సృష్టించింది. ఢిల్లీలోని ఇంటెలిజెన్స్‌ బ్యూరో డైరెక్టర్‌ నివాసంలో విధులు నిర్వహిస్తున్న సీఆర్‌పీఎఫ్‌ జవాన్‌  తన సర్వీస్‌ రివాల్వర్‌తో కాల్చుకుని మృతిచెందాడని ఢిల్లీ పోలీసులు శనివారం తెలిపారు. మధ్యప్రదేశ్‌కు చెందిన రాజ్‌బీర్‌ కుమార్‌ (53) సీఆర్‌పీఎఫ్‌లో అసిస్టెంట్‌ సబ్‌ ఇన్‌స్పెక్టర్‌గా పనిచేస్తున్నాడు. ఢిల్లీలోని ఇంటెలిజెన్స్‌ బ్యూరో డైరెక్టర్‌ నివాసంలో విధులు నిర్వహిస్తున్న ఆయన శుక్రవారం సాయంత్రం 4.15 గంటల ప్రాంతలో తన సర్వీస్‌ రివాల్వర్‌తో కాల్చుకున్నాడు. పోలీసులు మృతదేహాన్ని పోస్ట్‌మార్టంకు తరలించి దర్యాప్తు చేపట్టారు. మధ్యప్రదేశ్‌లో ఉంటున్న మృతుడి కుటుంబసభ్యులకు సమాచారం అందించారు. విధుల్లో ఉన్న సీఆర్‌పీఎఫ్‌ జవాన్‌ ఎందుకు ఆత్మహత్య చేసుకున్నాడో తెలియరాలేదు. అతడి వద్ద ఎలాంటి సూసైడ్‌ నోట్‌ లభించలేదని  పోలీసులు తెలిపారు.

గుజరాత్‌లో బీఎస్‌ఎఫ్‌ జవానుని కొట్టి చంపిన ఘటన తీవ్ర కలకలం రేపింది. తన కుమార్తెపై అసభ్యకర వీడియోని ప్రసారం చేయడాన్ని నిరసించినందుకు ఆ జవాన్‌ తండ్రిని కడతేర్చారు. ఈ ఘటన గుజరాత్‌లోని నదియాడ్‌లో చోటు చేసుకుంది. వివరాల్లోకెళ్తే..గుజరాత్‌లో సరిహద్దు భద్రతా దళం(బీఎస్‌ఎఫ్‌) జవాన్‌ కూతురుపై ఒక అసభ్యకర వీడియోను 15 ఏళ్ల యువకుడు ఆన్‌లైన్‌లో పోస్ట్‌ చేశాడు. ఈ విషయమై ఫైర్‌ అయిన సదరు జవాన్‌ సదరు యువకుడి కుటుంబం​తో మాట్లాడేందుకువెళ్లాడు.  అక్కడ యువకుడి కుటుంబ సభ్యలు అతడిపై దాడి చేసి కొట్టి చంపేశారు. సదరు జవాన్‌ ఆ యువకుడి ఇంటికి భార్య, ఇద్దరు కుమారులు, మేనల్లుడితో కలిసి వెళ్లినట్లు అధికారులు చెబుతున్నారు. విచారణలో జవాన్‌ కూతురు సదరు యువకుడితో రిలేషన్‌లో ఉన్నట్లు తెలిసింది. ఆ అభ్యంతరకర వీడియోను వ్యతిరేకించడంతోనే జవాన్‌ కుటుంబంపై సదరు యువకుడు కుటుంబం దుర్భాషలాడి దాడి చేసినట్లు అధికారులు పేర్కొన్నారు.  (చదవండి: ఇంట్లో పదునైన కత్తులు పెట్టుకోండి: బీజేపీ ఎంపీ కీలక వ్యాఖ్యలు)

‘కింగ్‌ ఖాన్‌’ జవాన్‌ మూవీ చిక్కుల్లో పడింది. ఈ మూవీ డైరెక్టర్‌ అట్లీపై ఓ కోలీవుడ్‌ నిర్మాత ఫిర్యాదు చేసినట్లు తమిళ మీడియాల్లో వార్తలు వినిపిస్తున్నాయి. కాగా బాలీవుడ్‌ బాద్‌షా షారుక్‌ హీరోగా తమిళ స్టార్‌ డైరెక్టర్‌ అట్లీ దర్శకత్వంలో హిందీలో జవాన్‌ మూవీ తెరకెక్కుతోన్న సంగతి తెలిసిందే. ప్రస్తుతం ఈ మూవీ శరవేగంగా షూటింగ్‌ను జరుపుకుంటోంది. ఇందులో లేడీ సూపర్‌ స్టార్‌ నయనతార హీరోయిన్‌గా నటిస్తోంది. దీంతో ఈ మూవీపై సౌత్‌తో పాటు బాలీవుడ్‌లోనూ భారీ అంచనాలు నెలకొన్నాయి. ఈ నేపథ్యంలో ఈ సినిమా కథ తనదని, డైరెక్టర్‌ అట్లీ దానిని కాపీ కొట్టాడని కోలీవుడ్‌ నిర్మాత మాణిక్యం నారాయణన్‌ ఆరోపించాడు. చదవండి: తండ్రి కాబోతున్న ప్రముఖ కమెడియన్‌, ‘అసలు పెళ్లెప్పుడు అయింది?’ అంతేకాదు డైరెక్టర్‌ అట్లీపై నిర్మాత మండలిలో ఫిర్యాదు చేసి జవాన్‌ టీంకి షాకిచ్చాడు. 2006లో తాము విజయ్ కాంత్ హీరోగా తెరకెక్కించిన ‘పేరరసు’ సినిమా కథనే అట్లీ ‘జవాన్’ పేరుతో హిందీలో నిర్మిస్తున్నాడంటూ ఆయన ఆరోపించాడు. అయితే ఈ సినిమాపై షారుక్ ఖాన్ భారీ అంచనాలు పెట్టుకున్నాడు. తమిళంలోనూ ఈ సినిమాని భారీ ఎత్తున రిలీజ్ చేసేందుకు సన్నాహాలు చేస్తున్నారు. ఈ నేపథ్యంలో జవాన్‌ మూవీపై కాపీ రైట్‌ ఆరోపణలు రావడంతో బాద్‌షా ఫ్యాన్స్‌ ఆందోళన చేందుతున్నారు. అయితే దీనిపై ఇప్పటి వరకు డైరెక్టర్‌ అట్లీ స్పందించకపోవడం గమనార్హం. మరి దీనిపై జవాన్‌ టీం ఎలా స్పందిస్తుందో చూడాలి. చదవండి: సమంత వ్యాధి గురించి అప్పుడే తెలిసింది, అయినా తానే స్వయంగా..: యశోద నిర్మాత 

శ్రీనగర్‌: యావత్‌ భారత దేశం దీపావళి వేడుకలకు సిద్ధమైంది. ధంతేరాస్‌లో భాగంగా శనివారం నియంత్రణ రేఖ వద్ద ఆర్మీ జవాన్లు దీపాలు వెలిగించి, బాణసంచా పేల్చుతూ వేడుకలు నిర్వహించారు. దేశ ప్రజలకు దివాళీ శుభాకాంక్షలు తెలిపారు. నియంత్రణ రేఖ సహా సరిహద్దు ప్రాంతాల్లో దీపావళి జరుపుకొన్నారు. అంతా మంచే జరుగుతుందని ప్రజల్లో ధైర్యం నింపారు. సరిహద్దుల వద్ద తాము అప్రమత్తంగా ఉన్నామని, ఎలాంటి చింత లేకుండా కుటుంబంతో కలిసి వేడుకలు జరుపుకోవాలని పేర్కొన్నారు.  ‘దేశ ప్రజలు ఎలాంటి చితలేకుండా కుటుంబ సభ్యులతో కలిసి వేడుకలు జరుపుకోవాలని చెప్పాలనుకుంటున్నా. దేశ ప్రజలకు దీపావళి శుభాకాంక్షలు, సరిహద్దుల్లో మన జవాన్లు అప్రమత్తంగా, నిరంతరం నిఘా వేస్తూ ఉన్నారని భరోసా ఇస్తున్నాం.’ అని కలెనల్‌ ఇక్బాల్‌ సింగ్‌ తెలిపారు. ధంతేరాస్‌ సందర్భంగా లక్ష‍్మి పూజ నిర్వహించి.. లక్ష‍్మీగణపతి హారతి పాటలు పాడారు సైనికులు. సైనికులతో మోదీ దీపావళి వేడుకలు.. ఈ దీపావళి వేడుకలను ప్రధానమంత్రి నరేంద్ర మోదీ భారత ఆర్మీ సైనికులతో కలిసి జరుపుకోనున్నట్లు సమాచారం. ఇప్పటికే జవాన్లతో దీపావళి వేడుకల్లో పాల్గొనాలని ప్రధాని మోదీ నిర్ణయించినట్లు కేంద్రప్రభుత్వ వర్గాలు తెలిపాయి. అయితే, భద్రతా కారణాల దృష్ట్యా ఏ ప్రాంతానికి వెళ్తారనేది గోప్యంగా ఉంచారు. గత ఏడాది జమ్ముకశ్మీర్‌లోని నౌషేరాలో జవాన్లతో కలిసి దీపావళి వేడుకల్లో పాల్గొన్నారు. Jammu and Kashmir | Indian Army soldiers posted along the Line of Control (LoC) in the Akhnoor sector burst crackers & lit earthen lamps as #Diwali festivities began with Dhanteras yesterday pic.twitter.com/ekmaKMJiJr — ANI (@ANI) October 22, 2022 ఇదీ చదవండి: Dhanteras 2022: చీపురు సహా, వీటిని కొనుగోలు చేస్తే..లక్ష్మీ కటాక్షం!

సాక్షి ప్రతినిధి, మంచిర్యాల: ఏకే 47 రైఫిల్‌ బుల్లెట్లతో ప్రభుత్వ విప్, చెన్నూరు ఎమ్మెల్యే బాల్క సుమన్‌ పేరు రాసి తన అభిమానాన్ని చాటుకున్నాడు ఓ జవాన్‌. మొత్తం 62 బుల్లెట్లతో ‘జై బాల్క సుమన్‌’ అని టవల్‌పై ఇంగ్లిష్‌ అక్షరాలతో రాసి ఉన్న ఫొటో గురువారం వాట్సాప్‌ గ్రూపుల్లో చక్కర్లు కొట్టింది. చెన్నూరులో టీఆర్‌ఎస్‌ కార్యకర్త తన వాట్సాప్‌ స్టేటస్‌లో ఈ ఫొటో పెట్టుకున్నాడు. స్థానికంగా కలకలం రేపిన ఈ ఘటనపై పోలీసులు విచారణ చేపట్టడంతో అసలు విషయం తెలిసింది. చెన్నూరుకు చెందిన వంగాల సంతోష్‌ సీఆర్‌పీఎఫ్‌ జవాన్‌. ప్రస్తుతం బీజాపూర్‌లో విధులు నిర్వర్తిస్తున్నాడు. తన వద్ద ఉన్న బుల్లెట్లతో ఎమ్మెల్యే పేరు రాసి ఫొటో తీసి, వాట్సాప్‌లో పంపించాడు. దీన్ని టీఆర్‌ఎస్‌ కార్యకర్తలు స్టేటస్‌గా పెట్టుకున్నట్లు విచారణలో వెల్లడైంది. చదవండి: మూడు పదులు నిండకుండానే 'గుండెపోట్లు'.. కారణాలివే..

వేలూరు: వేలూరు కలెక్టరేట్‌లో ప్రజా విన్నపాల దినోత్సవాన్ని కలెక్టర్‌ కుమరవేల్‌ పాండియన్‌ అధ్యక్షతన సోమవారం నిర్వహించారు. ఇందులో జిల్లా నలుమూలల నుంచి ప్రజలు వివిధ సమస్యలపై వినతి పత్రాలు సమర్పించారు. ఈ సందర్భంగా ఓ మాజీ ఆర్మీ జవాన్‌ తన భార్యతో కలెక్టరేట్‌కు చేరుకొని కలెక్టర్‌ వద్దకు వెళ్లి.. మద్యం మత్తులో సెల్‌ఫోన్‌ను చూస్తూ నిలుచున్నాడు. ఆ సమయంలో వినతిపత్రం ఇవ్వాలని కలెక్టర్‌ మాజీ జవాన్‌ను కోరగా అందుకు ఆయన నిర్లక్ష్యంగా సమాధానం చెప్పాడు. గమనించిన జిల్లా అధికారులు వెంటనే పోలీసులను రప్పించి అతన్ని బయటకు తీసుకొచ్చారు. అక్కడ మద్యం మత్తులో అతను కింద పడి పోయాడు. అనంతరం పోలీసులు విచారణ జరపగా అతను వేలూరు జిల్లా కన్నియంబాడికి చెందిన మాజీ జవాన్‌ వేల్‌మురుగన్‌ తేలింది. ఇతని కుటుంబ ఆస్తి సమస్యలపై వినతిపత్రం ఇచ్చేందుకు వచ్చినట్లు తేలింది. దీంతో పోలీసులు చేసేది లేక అతన్ని కారులో ఇంటికి పంపించి వేశారు.    

కులం, మతం, జాతి ఏదైనా సరే.. పెళ్లి బారాత్‌లలో మైమరిచిపోయి ఆడామగా తేడాలేకుండా చిందులేయడం ఈ గడ్డకే చెందుతుంది. అందునా ఒక్కొక్కరిది ఒక్కో స్టయిల్‌. రీసెంట్‌గా ఓ వ్యక్తి చేసిన డ్యాన్సులు ఇంటర్నెట్‌లో ఈలలు వేయిస్తోంది. అందునా అతని నేపథ్యం ఆసక్తికరంగా ఉండడంతో అది ఇంకా స్పెషల్‌గా మారింది.  ఐపీఎస్‌ ఆఫీసర్‌ దీపాన్షు కబ్రా గురువారం ఉదయం ట్విటర్‌లో ఒక వీడియోను ఉంచారు. గంటల వ్యవధిలోనే అది విపరీతంగా సర్క్యులేట్‌ అయ్యింది. అందుకు కారణం.. ఆ వీడియోలో ఉంది ఓ జవాన్‌ కావడం?!. తన శిక్షణ పూర్తి చేసుకున్న ఆ జవాన్‌.. నేరుగా స్నేహితుడి పెళ్లి బారాత్‌కు చేరుకుని అలా మైమరిచిపోయి చిందులేశాడు. అయితే అవి తీన్మార్‌ స్టెప్పులనుకుంటే పొరపాటే. తన మార్క్‌ చూపించాడు కాబట్టే ఆ జవాన్‌ వీడియోలో లైకులు, షేర్లలతో ట్రెండింగ్‌లోకి వచ్చేసింది. ఇది ఎక్కడ జరిగింది? ఆ జవాన్‌ వివరాలేంటన్నది దీపాన్షు చెప్పలేదు. దీంతో అసలు అతను నిజంగానే జవానేనా? అనే అనుమానం సైతం వ్యక్తం చేస్తున్నారు కొందరు. ट्रेनिंग खत्म होते ही दोस्त की बारात में पहुंचा जवान. 😅 pic.twitter.com/Vh7BqQokaZ — Dipanshu Kabra (@ipskabra) April 21, 2022 చదవండి: ఏయ్‌ బిడ్డా.. ఇది నా అడ్డా!

మద్దిపాడు: పెళ్లయిన 38 రోజులకే భార్య ఆత్మహత్య చేసుకుంది.. విషయం తెలుసుకున్న ఆర్మీ జవాను అయిన భర్త ఢిల్లీ నుంచి వచ్చి మరీ రిజర్వాయర్‌లో దూకి బలవన్మరణానికి పాల్పడిన విషాద ఘటన ప్రకాశం జిల్లాలో ఆదివారం జరిగింది. పోలీసులు తెలిపిన వివరాల మేరకు.. కొరిశపాడు మండలం మేదరమెట్ల గ్రామానికి చెందిన పొదిలి మహానంది (30)కి ఒంగోలు సమీపంలోని ముక్తినూతలపాడు గ్రామానికి చెందిన తురకపల్లి ప్రియాంకతో గత డిసెంబర్‌ 29న వివాహమైంది. సంక్రాంతి పండుగ తరువాత తాను పనిచేస్తున్న సీఐఎస్‌ఎఫ్‌ క్యాంప్‌కు చేరుకున్నాడు. శుక్రవారం రాత్రి ప్రియాంక ఉరేసుకుని చనిపోయిందని సమాచారం రావడంతో హుటాహుటిన ఢిల్లీ నుంచి విమానంలో హైదరాబాద్‌ చేరుకుని అక్కడి నుంచి రైలులో ఒంగోలు వచ్చాడు. ఒంగోలు నుంచి ఆటోలో మల్లవరం వద్ద ఉన్న గుండ్లకమ్మ రిజర్వాయర్‌ వద్దకు చేరుకుని అక్కడ ఉన్న వేంకటేశ్వరస్వామి ఆలయం వద్ద బ్యాగ్, ఇతర లగేజ్‌ ఉంచి, రిజర్వాయర్‌ 14వ గేటు వద్ద తన దుస్తులు, చెప్పులు, సెల్‌ఫోన్, పర్స్‌ వదిలేసి రిజర్వాయర్‌లోకి దూకేశాడు. అంతకు ముందు 4 గంటల సమయంలో ఇంటికి ఫోన్‌ చేసి తాను చనిపోవడానికి రిజర్వాయర్‌ వద్దకు వచ్చినట్లు తెలపడంతో బంధువులు వెంటనే బయలుదేరి రిజర్వాయర్‌ వద్దకు వచ్చి పరిశీలించగా ఫోన్, దుస్తులు కనిపించడంతో మద్దిపాడు ఎస్‌ఐ శ్రీరామ్‌కు సమాచారం అందించారు. గజఈతగాళ్లు, ఫైర్‌ సిబ్బంది సాయంతో గాలించగా సాయంత్రం 5 గంటల సమయంలో మృతదేహం బయటపడింది. మహానంది తల్లిదండ్రులు, బంధువులు రిజర్వాయర్‌ వద్దకు వచ్చి మృతదేహాన్ని చూసి విలపించారు. ఎస్‌ఐ కేసు నమోదు చేసుకుని మృతదేహాన్ని పోస్టుమార్టం కోసం ఒంగోలు రిమ్స్‌కు తరలించారు.  

ఇంపాల్‌: మణిపూర్‌లో తీవ్రవాదులు ఘాతుకానికి పాల్పడ్డారు. భద్రతా దళాల వాహన శ్రేణిని లక్ష్యంగా చేసుకొని శనివారం ఉదయం మెరుపుదాడికి దిగారు. ఈ ఘటనలో ‘46 అస్సాం రైఫిల్స్‌’కు చెందిన ఖుగా బెటాలియన్‌ కమాండింగ్‌ ఆఫీసర్‌ కల్నల్‌ విప్లవ్‌ త్రిపాఠి, ఆయన భార్య, కుమారుడితోపాటు మరో నలుగురు భద్రతా సిబ్బంది ప్రాణాలు కోల్పోయిన సంగతి తెలిసిందే.  మరణించిన భద్రతా సిబ్బందిలో అస్సాం రైఫిల్స్ జవాన్ సుమన్ స్వర్గిరీ ఒకరు. బక్సా జిల్లాలోని బరామా ప్రాంతానికి సమీపంలోని తేకెరకుచి కలిబారి గ్రామానికి చెందిన సుమన్‌ 2011లో భారత సైన్యంలో చేరాడు. అంతకుముందు 2007లో మిలిటెంట్లు అతని తండ్రి కనక్ స్వర్గిరీని హత్య చేశారు. సుమన్ చివరిసారిగా ఈ ఏడాది జూలైలో ఇంటికి వచ్చాడు. (చదవండి: మణిపూర్‌లో తీవ్రవాదుల ఘాతుకం) సుమన్‌కు వివాహం అయి ఓ కుమారుడు ఉన్నాడు. డిసెంబర్‌లో కుమారుడి మూడవ పుట్టిన రోజు. కొడుకు బర్త్‌డేకు తప్పకుండా వస్తానని భార్యకు మాటిచ్చాడు. మరి కొన్ని రోజుల్లో భార్యాబిడ్డలను కలవబోతున్నానని తెగ సంతోషించాడు సుమన్‌. కానీ అతడి ఆనందాన్ని తీవ్రవాదులు దూరం చేశారు. సుమన్‌ కుటుంబంలో జీవితాంతం తీరని దుఖాన్ని మిగిల్చారు. సుమన్‌ మరణ వార్త తెలిసి అతడి భార్య గుండలవిసేలా విలపిస్తోంది.  ‘‘నా భర్త వచ్చే నెల కుమారుడి పుట్టిన రోజు సందర్భంగా ఇంటికి వస్తానని మాటిచ్చాడు. పోయిన శుక్రవారం నాకు కాల్‌ చేశాడు. అప్పుడు తాను ఓ రిమోట్‌ ఏరియా ప్రాంతానికి వెళ్తున్నట్లు తెలిపాడు.. అక్కడి నుంచి తిరిగి వచ్చాక కాల్‌ చేస్తానన్నాడు. మాకు కాల్‌ చేసే లోపే అతడికి తీవ్రవాదుల రూపంలో చివరి కాల్‌ వచ్చింది. నాకు, నా బిడ్డకు దిక్కెవరు’’ అంటూ ఏడుస్తున సుమన్‌ భార్యను చూసి ప్రతి ఒక్కరు కంటతడి పెట్టారు.  (చదవండి: ఉగ్రదాడి.. బీజేపీ సర్పంచ్‌ దారుణ హత్య) ఈ దాడికి పాల్పడింది తామేనని పీపుల్స్‌ రివల్యూషనరీ పార్టీ ఆఫ్‌ కాంగ్లీపాక్‌(ప్రెపాక్‌), పీపుల్స్‌ లిబరేషన్‌ ఆర్మీ(పీఎల్‌ఏ) అనే తీవ్రవాద సంస్థలు ప్రకటించాయి. మణిపూర్‌ విముక్తి కోసం ఈ సంస్థలు పోరాడుతున్నాయి. చదవండి: ఆ విషాదంపై రతన్‌ టాటా భావోద్వేగం​

సాక్షి, హుబ్లీ (కర్ణాటక): దేశ రక్షణకు పాటుపడాల్సిన ఓ జవాన్‌ అమాయక యువతులను మోసం చేయడం పనిగా పెట్టుకున్నాడు. హుబ్లీ చెందిన ఈ సైనికుడు ఏకంగా మూడు పెళ్లిళ్లు చేసుకున్నాడు. ఇతని వంచనపై మొదటి, రెండవ భార్యలు హుబ్లీ పోలీసులను ఆశ్రయించారు. హుబ్లీ తాలూకా నెలవడి గ్రామవాసి గురుసిద్దప్ప సిరోళ పంజాబ్‌లో బీఎస్‌ఎఫ్‌ జవాన్‌గా ఉద్యోగం చేస్తున్నాడు. కుటుంబ సభ్యులు 2015లో ఇతనికి గదగ్‌ జిల్లాకు చెందిన రేఖ అనే యువతితో పెళ్లి చేశారు. వీరికి ఓ కుమారుడు పుట్టాడు. ఈ ఘనుడు తరచూ భార్యను వేధిస్తుండడంతో విసిగిన ఆమె బిడ్డతో పుట్టింటికి చేరుకుంది. ఇదే అవకాశంగా గురుసిద్దప్ప పెళ్లి సంబంధాల వెబ్‌సైట్లో మంజుళ అనే ఆమెను పరిచయం చేసుకుని పెళ్లి చేసుకుని మరోచోట కాపురం పెట్టాడు. ఆ తర్వాత సుధా అనే యువతిని వలలో వేసుకుని ఆమెకూ మూడుముళ్లు వేశాడు. ఇతని లీలలు తెలియడంతో మొదటి, రెండవ భార్యలు న్యాయం చేయాలని విద్యానగర పోలీసులకు ఫిర్యాదు చేశారు. తమలాగ ఎవరూ మోసపోరాదని తెలిపారు. 

సాక్షి,ముంబై: కార్గిల్ యుద్ధ వీరుడు కెప్టెన్ విక్రమ్ బాత్రా జీవితం ఆధారంగా తెరకెక్కిన ‘షేర్షా’ మూవీ హిట్‌ టాక్‌తో దూసుకుపోతోంది. 75 వసంతాల స్వాతంత్ర్య దినోత్సవాల కాలంలో విడుదలైన ఈ మూవీలో ముఖ్యమైన సన్నివేశాలు, డైలాగులు ప్రధాన ఆకర్షణగా నిలుస్తున్నాయి. కార్గిల్‌ యుద్ధంలో దేశ రక్షణ కోసం అమరుడైన  కెప్టెన్‌ విక్రమ్ బాత్రా పాత్రలో సిద్దార్థ్ మల్హోత్ర నటన, ఉద్వేగ సన్నిశాల డైలాగ్స్‌తో యువ ఫ్యాన్స్‌ ఫిదా అవుతున్నారు. జయహో అంటున్నారు. అమెజాన్ ప్రైమ్ వీడియోలో ఈ మూవీ అందుబాటులో ఉంది.  ‘‘ఒక్కసారి సైనికుడిగా ఉంటే ఇక జీవితాతం అతడు  సైనికుడే’’  ‘‘అయితే జెండా చేత బూని వస్తా.. లేదంటే త్రివర్ణ పతాకం చుట్టుకొని వస్తా.. కచ్చితంగా తిరిగి రావడం మాత్రం  ఖాయం.’’ సహచరుడిని కోల్పోయిన తరుణంలో నీళ్లు నిండిన కళ్లతో  కెప్టెన్ బాత్రా తన తోటి  జవాన్లతో ఇలా అంటాడు.. "ఏ వార్‌ బడీ కుత్తీ  ఛీజ్ హై యార్"  యుద్ధంలో విజయం సాధించిన ఉద్వేగభరిత సన్నివేశంలో  ‘ఏ దిల్‌ మాంగే మోర్‌’ అంటూ నినదిస్తాడు. చిన్నతనం నుంచే ఆర్మీలో చేరాలని కలలు కన్న విక్రమ్ భాత్రా యుద్ధంలో విజయం సాధించిన ఉద్వేగభరిత సన్నివేశంలో ‘ఏ దిల్‌ మాంగే మోర్‌’ అంటాడు. సాధారణ పౌరుడి జీవితంలో అనుకున్నది సాధించడం వేరు...కానీ ఒక సైనికుడిగా దేశ రక్షణ పోరాటంలో నిర్దేశిత మిషన్‌ను విజయవంతంగా పూర్తి చేసిన ఉద్వేగపూరిత సన్నిశంలో ఈ డైలాగ్‌ మరింత ఎమోషనల్‌గా ఉంటుంది.  దీంతోపాటు ప్రతి విజయవంతమైన పురుషుడి వెనుక ఒక మహిళ ఉంటుందన్నట్టుగా కెప్టెన్ విక్రమ్ బాత్రా అతని స్నేహితురాలు డింపుల్‌ చీమా అందించిన ఉత్సాహాన్ని, ధైర్యాన్నికూడా షేర్షా బాగా హైలైట్‌ చేసింది. వీరి పెళ్లికి డింపుల్ తండ్రి అడ్డుపడ్డ సన్నివేశం, ఆర్మీలో చేరాలనే బాత్రా కల కోసం అందించిన ప్రోత్సాహంతోపాటు, ఆమె తెగువకు, ప్రేమకు సెల్యూట్  చేస్తుందీ సినిమా.   నరనరాన దేశభక్తిని నింపుకున్న వీరజవాన్‌ విక్రమ్ పాత్రలో సిద్దార్థ్ మల్హోత్ర ఫుల్‌మార్క్‌లు కొట్టేయగా, విక్రమ్ ప్రేయసి డింపుల్ క్యారెక్టర్‌లో కియారా అద్వానీ అటు అందంతో ఆకట్టుకోవడంతోపాటు ఇటు తెగువ, ధైర్యం ఉన్న మహిళగా అభినయంలోనూ జీవించింది. అలాగే కెప్టెన్ సంజీవ్‌గా శివ్ పండిట్, మేజర్ అజయ్ సింగ్‌గా నికితిన్ ధీర్, విక్రమ్ స్నేహితుడు సన్నీ పాత్రలో సాహిల్ వైద్ ఇలా అందరూ తమ నటనతో ఆకట్టుకున్నారు.

భోపాల్‌: మధ్యప్రదేశ్‌లో ఓ వింత దొంగతనం చోటు చేసుకుంది. సరిహద్దులో ఉండి మనకు కాపాల కాసే జవాను ఇంటకి కన్నం వేశాడు ఓ దొంగ. బంగారం, విలువైన వస్తువులు దోచుకెళ్లడమే కాక విధిలేక తప్పనిసరి పరిస్థితుల్లోనే ఇలా దొంగతనం చేయాల్సి వచ్చింది.. క్షమించండి అని కోరుతూ ఓ లేఖ రాసి పెట్టి వెళ్లాడు. ఆ వివరాలు.. మధ్యప్రదేశ్‌ భింద్‌ జిల్లా భీమ్‌ నగర్‌ ప్రాంతంలో స్పెషల్‌ ఆర్మ్‌డ్‌ ఫోర్స్‌ (ఎస్‌ఏఎఫ్‌) జవాను ఇంట్లో కొన్ని రోజుల క్రితం దొంగతనం చోటు చేసుకుంది. బంగారు, వెండి ఆభరణాలు, విలువైన వస్తువులు దోచుకెళ్లాడు. పోయిన వస్తువుల కంటే కూడా సదరు దొంగ రాసిన లేఖ అందరి దృష్టిని ఆకర్షించింది.  ఈ లేఖలో సదరు దొంగ ప్రాణాపాయంలో ఉన్న తన స్నేహితుడిని బతికించుకోవడం కోసమే ఈ దొంగతనానికి పాల్పడుతున్నానని తెలిపాడు. ‘‘క్షమించండి.. విధిలేని పరిస్థితుల్లోనే చోరీ చేయాల్సి వచ్చింది.. కానీ త్వరలోనే నేను దోచుకెళ్లిన సొత్తును తిరిగి మీకు అప్పగిస్తాను. ఇప్పుడిలా దొంగతనం చేయకపోతే.. నా స్నేహితుడు మరణిస్తాడు.. దయచేసి అర్థం చేసుకోండి’’ అంటూ లేఖలో పేర్కొన్నాడు.   

లక్నో: ఒక హత్య కేసులో శిక్ష అనుభవిస్తూ 15 ఏళ్ల క్రితం సెంట్రల్ జైలు నుంచి పరారైన మాజీ జవాన్‌ను పోలీసులు శుక్రవారం అరెస్ట్‌ చేశారు. వివరాలు.. అనిల్‌ సింగ్‌ అనే వ్యక్తి సరిహద్దు భద్రతా దళం (బీఎస్ఎఫ్)లో కానిస్టేబుల్‌గా విధులు నిర్వహించేవాడు.  1994లో  సింగ్ విధుల్లో ఉన్నప్పుడు తన పై అధికారిని హత్య చేసి అరెస్ట్ అయ్యాడు. జమ్మూ కశ్మీర్‌లో పనిచేస్తున్నప్పుడు ఈ ఘటన చోటుచేసుకున్నట్టు ఎస్పీ విపిన్ టాడా అప్పట్లో వెల్లడించారు. ఈ కేసులో దోషిగా తేలిన అనిల్‌కు యావజ్జీవ కారాగార శిక్ష విధించారు. ఆ తర్వాత అలహాబాద్ కోర్టు అతడికి 2005 అక్టోబర్ 12 నుంచి 2006 ఏప్రిల్ 13 వరకు పెరోల్ ఇచ్చింది. 6 నెలల పెరోల్ ముగిసినా అతడు జైలుకు రాకపోవడంతో సింగ్‌ పారిపోయినట్లు గుర్తించారు. అప్పటి నుంచి అతనికోసం గాలిస్తుండగా తాజాగా తన స్వగ్రామం గైగాట్ సమీపంలో సంచరిస్తున్న సమాచారం అందడంతో పోలీసులు అతన్ని పట్టుకున్నారు. చదవండి: బ్యాంకు సెక్యురిటీ గార్డు దారుణం.. మాస్కు ధరించలేదని కాల్చిపడేశాడు

టెక్కలి: శ్రీకాకుళం జిల్లా టెక్కలి మండలం పాతనౌపడ గ్రామానికి చెందిన సీఆర్పీఎఫ్‌ జవాన్‌ కూర్మాపు చిన్ని (35) అనుమానాస్పదంగా మృతి చెందారు. చత్తీస్‌గఢ్‌ రాష్ట్రం జగదల్‌పూర్‌లో సీఆర్పీఎఫ్‌ జవాన్‌గా పనిచేస్తున్న ఆయన రెండు రోజుల కిందట సెలవుపై ఇంటికి బయల్దేరారు. మరో నలుగురితో కలిసి అక్కడి నుంచి శ్రీకాకుళం జిల్లా ఆమదాలవలస వరకు ట్యాక్సీ బుక్‌ చేసుకున్నారు. శనివారం ఉదయం ఆమదాలవలసలో దిగి ఆటోలో బయల్దేరుతూ టెక్కలి జగతిమెట్ట వద్దకు తమ్ముడిని పంపించాలని తల్లిదండ్రులకు చెప్పాడు. తల్లిదండ్రులతో మాట్లాడిన కాసేపటికే చిన్ని ఫోన్‌ స్విచాఫ్‌ అయిపోయింది. తమ్ముడు జగతిమెట్ట వద్దే ఉన్నా చిన్ని రాలేదు. ఎంతకూ రాకపోవడంతో శనివారమంతా చుట్టుపక్కల గ్రామాల్లో తల్లిదండ్రులు, కుటుంబ సభ్యులు గాలించారు. పోలీసులను కూడా ఆశ్రయించారు. ఆదివారం నందిగాం మండలం దేవుపురం సమీపంలో జాతీయ రహదారికి ఆనుకుని ఓ మృతదేహం కనిపించడంతో పోలీసులు చిన్ని కుటుంబ సభ్యులకు సమాచారం అందించారు. వారు వచ్చి చూడగా మృతదేహం చిన్నిదేనని గుర్తు పట్టారు.

మహానంది: నిశ్చితార్థం ఒకరితో చేసుకొని, మరో యువతిని పెళ్లాడిన సీఆర్‌పీఎఫ్‌ జవాన్‌పై కేసు నమోదు చేసినట్లు మహానంది ఎస్‌ఐ ప్రవీణ్‌కుమార్‌రెడ్డి తెలిపారు.  శిరివెళ్ల మండలం గుంప్రమానుదిన్నె గ్రామానికి చెందిన సీఆర్‌పీఎఫ్‌ జవాన్‌ మధుభాస్కర్‌తో మహానంది మండలం తిమ్మాపురం గ్రామానికి చెందిన ఓ యువతికి జనవరి 16న నిశ్చితార్థం అయ్యింది. అయితే మధుభాస్కర్‌ బండి ఆత్మకూరు మండలం ఈర్నపాడు గ్రామానికి చెందిన యువతిని ఈ నెల 15వ తేదీన వివాహం చేసుకున్నాడు. ఇదేం న్యాయమని బాధితురాలి కుటుంబ సభ్యులు ప్రశ్నిస్తే ఎక్కువ కట్నం ఇచ్చారు అని  సమాధానమిచ్చారు. బాధితుల ఫిర్యాదు మేరకు కేసు నమోదు చేసినట్లు  ఎస్‌ఐ తెలిపారు. చదవండి: కలవరపెట్టిన ఆరడుగుల శ్వేతనాగు..   పెళ్లిరోజు.. అంతలోనే ఊహించని విషాదం

సాక్షి, హైదరాబాద్‌/భద్రాద్రి–కొత్తగూడెం: మావోయిస్టుల వద్ద బందీగా ఉన్న సీఆర్‌పీఎఫ్‌ జవాను రాకేశ్వర్‌ సింగ్‌ విడుదల అంత ఆషామాషీగా జరగలేదు. అతన్ని విడిపించేందుకు మధ్యవర్తులు, విలేకరులు దండకారణ్యంలోకి 100 కిలోమీటర్లకుపైగా బైకుపై ప్రయాణించాల్సి వచ్చింది. ఆద్యంతం సినీఫక్కీలో జరిగిన ఈ ప్రత్యేక చర్చల ప్రక్రియ ఎట్టకేలకు సఫలం కావడంతో ఆరురోజుల తర్వాత రాకేశ్వర్‌ సింగ్‌ చెరవీడాడు. విశ్వసనీయ సమాచారం ప్రకారం.. మావోలకు కేంద్రం, ఛత్తీస్‌గఢ్‌ ప్రభుత్వం మంగళవారం నాటికే సానుకూల సంకేతాలు పంపింది. కానీ అదే సమయంలో రాకేశ్వర్‌ క్షేమంపై ఆందోళన కూడా వ్యక్తం చేసింది. అయితే కేంద్రం హామీలపై సంతృప్తి చెందిన నేపథ్యంలోనే మావోలు బుధవారం రాకేశ్వర్‌ సింగ్‌ ఫొటోను మీడియాకు విడుదల చేశారు. ఇదే క్రమంలో కేంద్ర, రాష్ట్ర ప్రభుత్వాలు తమ సందేశం మావోయిస్టులకు తెలియజేయడానికి నమ్మకస్తులు, తటస్థులైన ధర్మపాల్‌ షైనీ, తెల్లం బోరయ్యలను ఎంపిక చేసుకున్నాయి.   జర్నలిస్టులకు ముందే సమాచారం: జర్నలిస్టులు తెలిపిన వివరాల ప్రకారం.. మావోయిస్టులు బుధవారమే మధ్యవర్తులతో పాటు ఏడుగురు విలేకరులకు అర్ధరాత్రి దాటాక ఫోన్‌ చేస్తామని చెప్పి ఉంచారు. అదే ప్రకారం గురువారం తెల్లవారు జామున 4 గంటల సమయంలో ఇద్దరు మధ్యవర్తులను తీసుకుని బీజాపూర్‌ నుంచి బైకులపై బయ ల్దేరాలని జర్నలిస్టులకు సూచించారు. దీంతో మొత్తం 9 మంది అటవీమార్గాన దాదాపు 90 కిలోమీటర్లు ప్రయాణించి ఎన్‌కౌంటర్‌ జరిగిన జొన్నగూడ ప్రాంతానికి చేరుకున్నారు. అక్కడ.. వారి వెంట ఎవరూ ఫాలో కాలేదని మావోలు నిర్ధారించుకున్నారు. అక్కడి నుంచి లోపలికి మరో 15 కిలోమీటర్లు ఫోన్లో సూచనలు ఇస్తూ పిలిపించుకున్నారు. మొత్తానికి ఉదయం 9.30 గంటలకు దట్టమైన అటవీ ప్రాంతంలో మావోయిస్టులు రాకేశ్వర్‌ను బంధించిన చోటుకు వీరంతా చేరుకున్నారు. అక్కడ వారికి కోడి, టమాట కూరలు, చపాతీలతో భోజనం పెట్టారు. మధ్యవర్తులతో మావోయిస్టులు ఏకాంతంగా గంటసేపు మాట్లాడారు.  జొన్నగూడకు 40 మంది మావోయిస్టులు   మధ్యాహ్నం 12 దాటగానే మధ్యవర్తులు, జర్నలిస్టులు జొన్నగూడ వైపు బయల్దేరారు. రాకేశ్వర్‌ సింగ్‌తో పాటు 40 మంది మావోయిస్టులు వారిని అనుసరిస్తూ వచ్చారు. తెర్రం పోలీస్‌స్టేషన్‌ పరిధిలోని జొన్నగూలో ఏర్పాటు చేసిన ప్రజాకోర్టులో అందరిముందు రాకేశ్వర్‌ తాళ్లు విప్పి బంధ విముక్తుణ్ణి చేసిన మావోయిస్టులు అతన్ని మధ్యవర్తులకు అప్పగించారు. మావోయిస్టులు తమను బాగా చూసుకున్నారని, ఎక్కడా బెదిరింపులకు పాల్పడటం కానీ, దురుసుగా ప్రవర్తించటం కానీ చేయలేదని చర్చల్లో పాల్గొన్న ముఖేశ్‌ చంద్రాకర్‌ ‘సాక్షి’కి వివరించారు.     చదవండి: (రాకేశ్వర్‌సింగ్‌ విడుదల వెనుక అసలు గుట్టేమిటి..?)  

సాక్షి, హైదరాబాద్‌: ఛత్తీస్‌గఢ్‌లోని బీజాపూర్‌లో ఏప్రిల్‌ 3వ తేదీన మావోయిస్టులు సీఆర్‌పీఎఫ్‌ క్యాంపుపై దాడి చేసి కిడ్నాప్‌ చేసిన జవాను రాకేశ్వర్‌సింగ్‌ను మావోయిస్టులు ఎట్టకేలకు విడుదల చేశారు. రాకేశ్వర్‌సింగ్‌ను కిడ్నాప్‌చేసి 6 రోజుల పాటు తమ చెరలో ఉంచుకున్న మావోయిస్టులు మొదటి నుంచి అతనిపై సానుకూల ధోరణితోనే వ్యవహరించారు. అతని ప్రాణానికి ఎలాంటి హామీ తలపెట్టబోమని, ప్రభుత్వం వెంటనే చర్చల ప్రక్రియ ప్రారంభించాలని, మధ్యవర్తిత్వం వహించే వారి పేర్లు ప్రకటిస్తే రాకేశ్వర్‌ను విడుదల చేస్తామని ప్రకటించారు. బుధవారం మధ్యాహ్నం ఒక పాకలో ఏ విధమైన ఆందోళన లేకుండా కూర్చుని ఉన్న రాకేశ్వర్‌సింగ్‌ చిత్రాన్ని సోషల్‌ మీడియా ద్వారా విడుదల చేశారు. మధ్యవర్తుల పేర్లు ప్రకటించాలని డిమాండ్‌ చేశారు. ఇంతలోనే అనూహ్యంగా గురువారం మధ్యాహ్నమే రాకేశ్వర్‌సింగ్‌ను మావోలు విడుదల చేసినట్టుగా బస్తర్‌ ఐజీ ప్రకటించడం అం దరినీ విస్మయానికి గురిచేసింది. రాకేశ్వర్‌ సింగ్‌ కుటుంబ సభ్యులను ఆనందంలో ముంచెత్తింది.  ఎలా విడుదల చేశారు?  రాకేశ్వర్‌ను బందీగా పట్టుకుని చర్చలకు రావాలని ప్రభుత్వానికి డిమాండ్లు విధించిన మావోయిస్టులు అకస్మాత్తుగా అతన్ని విడుదల చేయడం వెనుక ఏం జరిగి ఉంటుందన్న విషయం ఇప్పుడు చర్చనీయాంశమయ్యింది. ఛత్తీస్‌గఢ్‌ పోలీసు యంత్రాంగం, ప్రభుత్వం ఏం చేశాయన్నది ఆసక్తికరంగా మారింది. మావోయిస్టులు ప్రభుత్వాధికారులను అపహరించడం, తమ డిమాండ్లు, నెరవేర్చుకోవడం, తమవారిని విడిపించుకోవడం కొత్త విషయమేమీ కాదు.. దశాబ్దాలుగా జరుగుతున్నదే. ఇప్పుడు కూడా పోలీసులు అన్యాయంగా అరెస్టు చేసిన 150 మంది అమాయక గిరిజనులను విడుదల చేయాలని మావోయిస్టులు డిమాండ్‌ చేశారు. అదే విధంగా మావోల ఏరివేత కోసం కేంద్రం చేపట్టిన ‘‘ఆపరేషన్‌ ప్రహార్‌’’ను నిలిపివేయాలని కూడా డిమాండ్‌ చేశారు. అయితే ప్రస్తుతం మావోయిస్టులు పైకి చెబుతున్నట్టుగానే ఎలాంటి డిమాండ్లు, షరతులు లేకుండానే జవానును వదిలేశారా? లేక తెరవెనుక ఛత్తీస్‌గఢ్‌ ప్రభుత్వం నుంచి ఏమైనా హామీలు లభించాయా? లావాదేవీలు నడిచాయా? అన్న విషయంపై సందిగ్ధత నెలకొంది.   రాకేశ్వర్‌ విడుదలతో కుటుంబ సభ్యుల ఆనందోత్సాహం..  కూంబింగ్‌ నిలిపివేతకు ఇటాలియన్ల కిడ్నాప్‌  2012 మార్చి14న కోరాపూట్‌లో ఎమ్మెల్యే జినా హికాకాతో పాటు ఇద్దరు ఇటాలియన్‌ టూరిస్టులు క్లాంజియో కొలాంటిడియో, బసుస్కో పౌలోను మావోయిస్టులు కిడ్నాప్‌ చేశారు. దీంతో సీఎం నవీన్‌ పట్నాయక్‌ ప్రభుత్వం వెంటనే వారితో చర్చలు జరిపింది. మావోయిస్టుల కోసం ఒరిస్సా అడవుల్లో జరుగుతున్న కూంబింగ్‌ను వెంటనే ఆపేయాలన్న డిమాండ్‌కు ప్రభుత్వం అంగీకరించడంతో మావోలు ఎమ్మెల్యేతో పాటు ఇద్దరు ఇటాలియన్లకు ఎలాంటి హానీ తలపెట్టకుండా విడుదల చేశారు. అయితే దాని వెనుకా వేరే కారణం ఉందన్న ప్రచారం జరిగింది.  ఒకేసారి ఏడుగురు ఐఏఎస్‌ అధికారులను..!  1987లో తూర్పుగోదావరి జిల్లాలో ఓ కార్యక్రమానికి హాజరైన ఏడుగురు ఐఏఎస్‌ అధికారులను మావోలు కిడ్నాప్‌ చేయడం జాతీయ స్థాయిలో సంచలనం సృష్టించింది. ఐఏఎస్‌లను బందీలుగా చేసుకుని మావోలు అప్పట్లో వారి డిమాండ్లు నెరవేర్చుకున్నారు. అనంతరం వారిని విడుదల చేశారు.  ఈ నేపథ్యంలోనే రాకేశ్వర్‌ సింగ్‌ విడుదల వెనుక ఏం జరిగిందనే ప్రశ్నలు ఉత్పన్నమవుతున్నాయి. ప్రహార్‌ నిలిపివేతకు, గిరిజనులకు హామీ లభించిందా? ఇతరత్రా అంశాలేమైనా ఉన్నాయా? అనే అనుమానాలు వ్యక్తమవుతున్నాయి. ఏది ఏమైనా రాకేశ్వర్‌ సింగ్‌ సురక్షితంగా విడుదల కావడంతో సర్వత్రా హర్షాతిరేకాలు వ్యక్తమవుతున్నాయి.     గతంలో ఆర్కే కోసం కలెక్టర్‌ కిడ్నాప్‌  2011 ఫిబ్రవరి 17. మల్కన్‌గిరి జిల్లా బడ పాడ గ్రామం. ఇది ఏపీ సరిహద్దుకు 10 కిలోమీటర్ల దూరంలో ఉంటుంది. జిల్లా కలెక్టర్‌ వినీల్‌ కృష్ణ, జేఈ పబిత్రా మోహన్‌తో కలిసి బైక్‌పై వెళ్తుండగా.. దారికాచిన మావోలు వారిని కిడ్నాప్‌ చేసి చిత్రకొండ అడవుల్లో బంధించారు. ఏపీ నుంచి పలువురు పౌరహక్కుల నేతలు మధ్యవర్తిత్వం వహించి వారిని విడుదల చేయించారు. దీనికి ప్రతిగా ఒరిస్సా ప్రభుత్వం మావోయిస్టుల ఏరివేత నిలిపివేసి,  అరెస్టు చేసిన ఆదివాసీలను విడుదల చేసింది. ఇదంతా బయటికి కనిపించింది. కానీ అసలు విషయం ఏంటంటే.. మావో అగ్రనేత ఆర్కే అలియాస్‌ అక్కిరాజు హరగోపాల్‌ను ఓ రహస్య ప్రాంతంలో భద్రతా బలగాలు చుట్టుముట్టాయి. అతన్ని అరెస్టు లేదా ఎన్‌కౌంటర్‌ చేస్తారన్న విషయం తెలుసుకున్న మావోయిస్టులు వెంటనే మల్కన్‌గిరి కలెక్టర్‌ను కిడ్నాప్‌ చేశారు. ఆర్కేను అరెస్టు చేయకుండా భద్రతా బలగాలు వెనక్కి వచ్చేయాలని షరతు విధించారు. విధిలేని పరిస్థితుల్లో భద్రతాదళాలు ఆర్కేను విడిచిపెట్టగా, మావోలు కలెక్టర్, జేఈలను విడుదల చేశారు. బయటి ప్రపంచానికి మాత్రం అదంతా గిరిజనుల విడుదల కోసం జరిగిన కిడ్నాప్‌గా ప్రచారం జరిగింది.  చదవండి: (వీడిన ఉత్కంఠ: మావోయిస్టుల నుంచి రాకేశ్వర్‌ విడుదల)

15 ఏళ్ల సర్వీసు.. నాలుగు పదోన్నతులు.. ఎన్నో గోల్డ్‌మెడల్స్‌..  ఢిల్లీ, కశ్మీర్, అరుణాచల్‌ప్రదేశ్, మేఘాలయ, లడక్, పాకిస్తాన్‌ సరిహద్దులో విధుల నిర్వహణ..  సూర్యాపేట జిల్లావాసి కల్నల్‌ సంతోష్‌బాబు పేరిట ఉన్న రికార్డ్‌ ఇది. ఉన్నతకుటుంబం నుంచి ఆర్మీలోకి అడుగుపెట్టిన సంతోష్‌బాబు దేశసేవలో తనముద్ర వేసుకున్నాడు. లడక్‌లోని గాల్వన్‌ లోయ వద్ద భారత్‌–చైనా బలగాల మధ్య జరిగిన బాహాబాహీలో సంతోష్‌బాబు వీరమరణం పొందాడు. సూర్యాపేట / సూర్యాపేట క్రైం : దేశం కోసం సేవ చేయాలనే తపన ఉంది. కాని చేయలేకపోయాడు. ఎలాగైనా తన కుటుంబం నుంచి ఆర్మీలో ఒకరు ఉండాలన్న ఆలోచనతో సూర్యాపేట జిల్లాకు చెందిన బిక్కుమళ్ల ఉపేందర్‌ తన కుమారుడు సంతోష్‌బాబును ఆర్మీలోకి అడుగు పెట్టించాడు. తండ్రి ఆశయాన్ని కుమారుడు   నెరవేర్చాడు. కానీ అర్ధంతరంగా దేశసేవలోనే ప్రాణాలు కోల్పోయాడు. సోమవారం రాత్రి లడక్‌లోని గాల్వన్‌ లోయ వద్ద భారత్‌– చైనా బలగాలు బాహాబాహీకి దిగాయి. ఇరువర్గాల మధ్య జరిగిన ఘర్షణలో సూర్యాపేట జిల్లావాసి కల్నల్‌ సంతోష్‌బాబు మరణించారు. వివరాల ప్రకారం.. సూర్యాపేట జిల్లా కేంద్రంలోని విద్యానగర్‌కు చెందిన బిక్కుమళ్ల ఉపేందర్‌ – మంజుల దంపతులకు ఇద్దరు సంతానం. భార్యపిల్లలతో సంతోష్‌బాబు(ఫైల్‌) కుమారుడు సంతోష్‌ బాబు, కుమార్తె శృతి ఉన్నారు. ఉపేందర్‌ ఎస్‌బీఐలో వివిధ హోదాల్లో పనిచేస్తూ చీఫ్‌ మేనేజర్‌గా రిటైర్డ్‌ అయ్యారు. ఉపేందర్‌ సంతోష్‌బాబును చిన్ననాటి నుంచే ఆర్మీలోకి అడుగుపెట్టే విధంగా తయారుచేశాడు. సంతోష్‌బాబు 1 నుంచి 5 వ తరగతి వరకు సంధ్య హైస్కూల్‌లో, 1993లో 6వ తరగతి నుంచి 12 వ తరగతి వరకు కోరుకొండ సైనిక్‌స్కూల్‌ విజయనగరంలో విద్యనభ్యసించాడు. ఆ తర్వాత అక్కడి నుంచి ఆర్మీలో చేరాడు. పాఠశాలలో మౌర్య, గుప్తాహౌస్‌కి కెప్టెన్‌గా వ్యవహరించాడు. ఆయన 2018 బ్యాచ్‌లో కోరుకొండ సైనిక్‌ స్కూల్‌ టాపర్‌గా నిలిచాడు. సంతోష్‌ అన్ని పరీక్షల్లో 95 శాతం మార్కులు సాధించాడు. డిగ్రీ నేషనల్‌ డిఫెన్స్‌ పూణెలో, ట్రైనింగ్‌ ఇండియన్‌ ఆర్మీ డెహ్రాడూన్‌లో పూర్తి చేసుకున్నాడు. 2004, డిసెంబర్‌లో లెఫ్ట్‌నెంట్‌గా ఢిల్లీలో బీహార్‌ –16 బెటాలియన్‌లో ఉద్యోగంలో జాయిన్‌ అయ్యాడు. ప్రస్తుతం సంతోష్‌బాబు సతీమణి సంతు, కుమారుడు అనిరు«ధ్, కుమార్తె అభిజ్ఞలు ఢిల్లీలోనే ఉన్నారు. కుమార్తె అభిజ్ఞ మూడో తరగతి విద్యనభ్యసిస్తోంది. సంతోష్‌బాబు మరణవార్తతో సూర్యాపేట జిల్లాలో ఒక్కసారిగా విషాద ఛాయలు అలుముకున్నాయి. జిల్లాలో రెండో మరణం జిల్లాలో ఇది రెండో మరణం. కార్గిల్‌ యుద్ధంలో 20 ఏళ్ల క్రితం పెన్‌పహాడ్‌ మండలం చీదెళ్ల గ్రామానికి చెందిన పోలోజు గోపయ్యచారి వీరమరణం పొందాడు.  పదిహేనేళ్ల సర్వీసులో నాలుగు పదోన్నతులు.. సంతోష్‌బాబు తన 15 ఏళ్ల సర్వీసులో నాలుగు పదోన్నతులు పొంది ప్రస్తుతం లడక్‌లో ( కల్నల్‌) కమాండర్‌గా విధులు నిర్వహిస్తున్నాడు. చిన్న వయసులోనే కల్నల్‌గా ఎదిగి ఎన్నో గోల్డ్‌మెడల్స్‌ను సొంతం చేసుకున్నాడు. అదే విధంగా 2007లో ముగ్గురు చొరబాటు దారులను సైతం అంతమొందించాడు. 15 ఏళ్ల పదవీ కాలంలో ఢిల్లీ, కశ్మీర్, అరుణాచల్‌ప్రదేశ్, మేఘాలయ, లడక్, పాకిస్థాన్‌ సరిహద్దులో పనిచేశాడు. కొంతకాలం ఖంగో దేశంలో కూడా విధులు నిర్వహించాడు. సంతోష్‌ బాబు మరణ వార్తను టీవీలో చూస్తున్న తల్లిదండ్రులు మధ్యాహ్నం 2 గంటలకు సంతోష్‌బాబు మరణ వార్త తెలుసుకున్న తల్లిదండ్రులు.. సంతోష్‌బాబు మరణవార్త తెలిసినప్పటికీ తల్లిదండ్రులు నమ్మలేకపోయారు. తిరిగి తల్లిదండ్రులకు మంగళవారం మధ్యాహ్నం 2 గంటలకు ఆర్మీ అధికారులు ఫోన్‌ ద్వారా చేరవేశారు. బు«ధవారం తెల్లవారేసరికి సంతోష్‌బాబు పార్థి వదేహాన్ని ఢిల్లీలో కుటుంబ సభ్యులకు అందించనున్నట్లు ఆర్మీ అధికారులు ఫోన్‌ ద్వారా సమాచారం అందించారు. సంతోష్‌బాబు పార్థివదేహం బుధవారం మధ్యాహ్నానికి సూర్యాపేట జిల్లా కేంద్రానికి చేరుకోనున్నట్లు కుటుంబ సభ్యులు తెలిపారు. కాగా కోవిడ్‌ నేపథ్యంలో హైదరాబాద్‌లోనే నిర్వహించాలని ఆర్మీ అధికారులు ఆలోచిస్తున్నట్లు సమాచారం. సంతోష్‌బాబు నివాసాన్ని పరిశీలించిన పోలీసు అధికారులు సంతోష్‌బాబు మరణ వార్త తెలుసుకున్న వెంటనే పోలీసులు ఆయన నివాసానికి చేరుకున్నారు. జిల్లా ఎస్పీ ఆర్‌.భాస్కరన్, సూర్యాపేట డీఎస్పీ ఎస్‌.మోహన్‌కుమార్, సీఐలు ఆంజనేయులు, విఠల్‌రెడ్డి తల్లిదండ్రులను పరామర్శించి ఓదార్చారు. వివరాలను అడిగి తెలుసుకున్నారు. సంతోష్‌బాబు మృతికి పలువురు సంతాపం..     బిక్కుమళ్ల సంతోష్‌బాబు మృతిపై సూర్యాపేట జిల్లా గ్రంథాలయ చైర్మన్‌ నిమ్మల శ్రీనివాస్‌గౌడ్, మాజీ మార్కెట్‌ చైర్మన్‌ వైవి, మున్సిపల్‌ వైస్‌ చైర్మన్‌ పుట్ట కిషోర్‌కుమార్, ఉ ప్పల ఆనంద్, కక్కిరేణి శ్రీనివాస్, రాజు, రమేష్‌ ఆయన నివాసానికి చేరుకుని తల్లిదండ్రులను ఓదార్చి పరామర్శించారు. పలువురు పరామర్శ సంతోష్‌ కుటుంబ సభ్యులను పలువురు ప్రముఖులు పరామర్శించారు. తల్లిదండ్రులు ఉపేందర్, మంజులను  సీపీఐ జాతీయ కార్యదర్శివర్గ సభ్యుడు నారాయణ ఓదార్చారు. దేశసేవలో సంతోష్‌ సేవలను కొనియాడారు. అదే విధంగా టీపీసీసీ కార్యదర్శి పటేల్‌ రమేష్‌ రెడ్డి కూడా పరామర్శించారు. సంతోష్‌బాబుకు ఆత్మకూర్‌(ఎస్‌) మండలంతో అనుబంధం ఆత్మకూర్‌ (ఎస్‌)(సూర్యాపేట) : చైనా దుశ్చర్యతో మృతిచెందిన కల్నల్‌ బిక్కుమళ్ల సంతోష్‌బాబు పూర్వీకులది మండల పరిధిలోని బొప్పారం గ్రామం. సంతోష్‌బాబు తాత చక్రయ్య గ్రామంలో ఉంటూ వ్యాపారం చేసేవాడు. చక్రయ్య ముగ్గురు సంతానం వ్యాపారరీత్యా సూర్యాపేటలో స్థిరపడ్డారు. ఈ ముగ్గురిలో ఉపేందర్‌ కుమారుడు సంతోష్‌బాబు ఉన్నత విద్యను అభ్యసించి దేశ సేవలో భాగంగా ఆర్మీలో చేరాడు. మంగళవారం భారత్, చైనా సరిహద్దులో జరిగిన ఘర్షణలో సంతోష్‌బాబు మృతిచెందడం పట్ల మండలవాసులు, బంధువులు విచారం వ్యక్తం చేస్తున్నారు.     ప్రముఖుల సంతాపం సూర్యాపేట అర్బన్‌ : భారత్, చైనా సరిహద్దులో వీరమరణం పొందిన సూర్యాపేట నివాసి బిక్కుమళ్ల సంతోష్‌ బాబు మృతిపట్ల కేంద్ర హోంశాఖ సహాయ మంత్రి కిషన్‌రెడ్డి తన సంతాపాన్ని ప్రకటించి వారి కుటుంబసభ్యులకు ప్రగాఢ సానుభూతిని తెలిపారు. మంగళవారం ఫోన్‌లో సంతోష్‌బాబు కుటుంబ సభ్యులతో మాట్లాడారు. దేశం కోసం వీర మరణం పొందిన సంతోష్‌ కుటుంబానికి కేంద్ర ప్రభుత్వం అండగా ఉంటుందని పేర్కొన్నారు. సంతోష్‌బాబు దేశం కోసం తన ప్రాణాలను అర్పించి వీర మరణం పొందారని ఆయన వారితో పేర్కొన్నారు. మంత్రి జగదీశ్‌రెడ్డి పరామర్శ కల్నల్‌ బిక్కుమళ్ల సంతోష్‌బాబు కుటుంబ సభ్యులను రాష్ట్ర విద్యుత్‌శాఖ మంత్రి గుంటకండ్ల జగదీశ్‌రెడ్డి, రాజ్యసభ సభ్యుడు బడుగుల లింగయ్యయాదవ్, మున్సిపల్‌ చైర్‌పర్సన్‌ అన్నపూర్ణ పరామర్శించారు. నేటి యువతకు ఆదర్శం : మండలి చైర్మన్‌ నల్లగొండ : దేశం కోసం కల్నల్‌ బిక్కుమళ్ల సంతోష్‌బాబు వీరమరణం పట్ల శాసన మండలి చైర్మన్‌ శ్రీ గుత్తా సుఖేందర్‌ రెడ్డి దిగ్భ్రాంతి వ్యక్తం చేశారు. ఉమ్మడి నల్లగొండ జిల్లాలో ఒక  సామాన్య కుటుంబంలో జన్మించిన సంతోష్‌ బాబు దేశ రక్షణ కోసం ఆర్మీ ఉద్యోగంలో చేరి కల్నల్‌ స్థాయికి ఎదిగిన ఆయన  జీవితం నేటి యువతకు ఆదర్శంగా నిలుస్తుందని పేర్కొన్నారు. భారత్‌ సరిహద్దులో కల్నల్‌ బిక్కుమళ్ల సంతోష్‌బాబు వీరమరణం పొందడం పట్ల నల్లగొండ ఎమ్మెల్యే కంచర్ల భూపాల్‌రెడ్డి సంతాపం తెలిపారు.    చైనాకు తగిన బుద్ధి చెబుతాం : డాక్టర్‌ చెరుకు సుధాకర్‌ సూర్యాపేట : కల్నల్‌ బిక్కుమళ్ల సంతోష్‌ మరణానికి కారణమైన చైనా దేశానికి తగిన బుద్ధి చెబుతామని తెలంగాణ ఇంటి పార్టీ రాష్ట్ర అధ్యక్షుడు డాక్టర్‌ చెరుకు సుధాకర్‌ హెచ్చరించారు. శాంతిమంత్రం జపిస్తూ దందుడుకుగా యుద్ధోన్మాదాన్ని ప్రేరేపిస్తున్న చైనా వైఖరిని దేశ ప్రజలంతా ముక్తకంఠంతో ఖండించాలన్నారు. కల్నల్‌ సంతోష్‌ కుమార్‌ కుటుంబానికి ప్రగాఢ సానుభూతి వ్యక్తం చేశారు.    చిరస్థాయిగా నిలిచిపోతాడు : సంకినేని దేశం కోసం సరిహద్దులో వీర మరణం పొందిన సంతోష్‌బాబు మృతి పట్ల బీజేపీ రాష్ట్ర ఉపాధ్యక్షుడు సంకినేని వెంకటేశ్వర్లు సంతాపం ప్రకటించారు. దేశం కోసం ప్రాణాలర్పించిన సంతోష్‌ పేరు చరిత్రలో చిరస్థాయిగా ఉంటుందని పేర్కొన్నారు.  అదేవిధంగా మాజీ ఎంపీ బూర నర్సయ్యగౌడ్‌ ఫోన్‌లో కల్నల్‌ కుటుంబ సభ్యులను పరామర్శించారు.

ఢిల్లీ :  కోవిడ్‌-19 మహమ్మారి  భారత్ లోనూ  విజృంభిస్తోంది. ఢిల్లీ నగరంలో లాక్ డౌన్ సందర్భంగా విధులు నిర్వర్తిస్తున్న సీఆర్ పీఎఫ్ జవాన్లకు కరోనా సోకడం సంచలనం రేపింది. దేశ రాజధాని నగరమైన ఢిల్లీలోని నరేలా ప్రాంతంలోని సెంట్రల్ రిజర్వ్ పోలీసు ఫోర్స్ (సీఆర్పీఎఫ్‌) విభాగంలో 9 మంది జవాన్లకు కరోనా వైరస్ సోకింది. దీంతో వారిని క్వారంటైన్ కేంద్రాలకు తరలించారు. 9 మంది జవాన్లకు కరోనా పాజిటివ్ రావడంతో ఆ విభాగంలో పనిచేస్తున్న 47 మందిని సెల్ఫ్ క్వారంటైన్ చేశారు. ఎన్ని క‌ట్టుదిట్ట‌మైన చ‌ర్య‌లు తీసుకుంటున్నా ఢిల్లీలో అంత‌కంత‌కూ పెరుగుతున్న కేసుల సంఖ్య ఆందోళ‌న క‌లిగిస్తుంది. Out of 47 CRPF (Central Reserve Police Force) personnel who were sent to the quarantine centre in Narela (Delhi), 9 have tested positive for COVID-19. They have been sent to the isolation ward. All were deployed in Delhi: CRPF Sources pic.twitter.com/1ONCgURuaf — ANI (@ANI) April 24, 2020

న్యూఢిల్లీ : ప్రమాదవశాత్తూ సట్లెజ్ నదిలో ఓ జ‌వాన్ జారిప‌డ్డాడు. హిమాచల్‌ప్ర‌దేశ్‌లోని వాస్తవాధీన రేఖ ద‌గ్గ‌ర‌ పెట్రోలింగ్ పార్టీ ఓ వంతెన దాటుతుండగా ఈ ఘటన చోటుచేసుకుంది. దీంతో అత‌ని కోసం ఆర్మీ విస్తృతంగా గాలింపు చ‌ర్య‌లు చేప‌ట్టింది. గల్లంతైన జవాన్‌ ట్రిపీక్ బ్రిగేడ్‌కు చెందిన లాన్స్ హవాల్దార్ ప్రకాశ్ రాళ్లగా గుర్తించారు. జవాను జారిపడిన విషయం తెలిసిన వెంట‌నే సైనికులు రెస్క్యూ ఆపరేషన్ చేపట్టారు. తొలుత పెట్రోలింగ్ పార్టీ ఆపరేషన్ ప్రారంభించగా.. అనంతరం మరో 200 మంది గాలింపు చర్యల్లో దిగారు. నీటిమట్టం ఎక్కువగా ఉండడంతోపాటు ప్రవాహ ఉధృతి కూడా అధికంగా ఉన్నప్పటికీ ప్రకాశ్‌ కోసం గాలింపు కొనసాగిస్తున్నట్టు ఆర్మీ వర్గాలు వెల్లడించాయి. డ్రోన్లు, నిఘా హెలికాప్టర్లతో పాటు ప్రత్యేక బలగాలు, ఇంజినీర్ టాస్క్‌ఫోర్స్‌ నుంచి ప్రత్యేక శిక్షణ పొందిన ఈతగాళ్లు ఈ ఆపరేషన్‌లో పాల్గొంటున్నారు.

యుద్ధభూమిలో శత్రువులతో పోరాడి, ఇద్దరిని మట్టుబెట్టిన ఉద్దానం వీరుడు తామాడ దొరబాబుకు స్వగ్రామంలో ఘన స్వాగతం లభించింది. ఆయనను ప్రజలు ఘనంగా సన్మానించారు. ఆర్మీలో పనిచేస్తున్న మందస మండలం లొహరిబంద పంచాయతీ చిన్నలొహరిబంద గ్రామానికి చెందిన దొరబాబు జమ్మూ కశ్మీర్‌లో టెర్రరిస్టులను మట్టుపెట్టడంలో ముఖ్యపాత్ర పోషించారు. ఈ సందర్భంగా గాయపడిన దొరబాబు నయమైన అనంతరం స్వస్థలానికి వచ్చారు. శ్రీకాకుళం, మందస: మాతృభూమి రక్షణలో శత్రువులతో పోరాడి, ఇద్దరు ముష్కరులను మట్టుబెట్టిన ఉద్దానం వీరు డు తామాడ దొరబాబు స్వగ్రామం చేరుకున్నాడు. ఈ సందర్భంగా ఆయనకు ప్రజలు ఘన స్వాగతం పలికి, సన్మానించారు. మందస మండలం లొహరిబంద పంచాయతీ చిన్నలొహరిబంద గ్రామానికి చెందిన దొరబాబు 1ఆర్‌ఆర్‌ బెటాలియన్‌లో చేస్తున్నాడు. ఈయనతోపాటు 200 మంది జవాన్లు బృందంగా ఏర్పడి ఈ నెల 9న జమ్మూ కశ్మీర్‌లోని కోజ్‌పూర్‌ గ్రామంలో సెర్చ్‌ చేస్తున్నారు. ఇందులో భాగంగా హఠాత్తుగా ఓ ఇంటి నుంచి కాల్పులు ప్రారంభ మవ్వగా సైనికులు తేరుకునే లోపే దొరబాబు కాలికి గాయమైంది. బాధను భరిస్తూనే, ఏకే 47తో ముష్కరులపై దాడికి దిగాడు. పాకిస్తాన్‌కు చెందిన భయంకరమైన టెర్రరిస్టు సాభిర్‌అహ్‌మాలిక్‌ను హతమార్చాడు. మరో ఉగ్రవాదిని కూడా దొరబాబుతోపాటు తోటి సైనికులు హతమార్చారు. ఈ ఎన్‌కౌంటర్‌లో స్వల్పంగా గాయపడిన దొరబాబు కోలుకొని బుధవారం స్వగ్రామానికి చేరుకున్నాడు. ఈ సందర్భంగా గ్రామస్తులు దొరబాబుకు ఎదురెళ్లి, వీరతిలకం దిద్ది, త్రివర్ణ పతా క రెపరెపల మధ్య పూలమాలలతో ఘన స్వాగతం పలికారు. అనంతరం గ్రామ సమావేశంలో దొర బాబు సాహసాన్ని వక్తలు కొనియాడారు. ఈ కార్యక్రమంలో గ్రామపెద్దలు బచ్చల మధుబాబు, యోగేశ్వరరావు, కృష్ణారావు, దుమ్ము ధనరాజు,  తామాడ హేమరాజు, మాధవరావు, పందిరి శ్రీను, తాళ్ల తులసీదాసు, ఢిల్లీరావు, పందిరి శ్రీ ను, దున్న కుమారి, బచ్చల లక్ష్మి, నాగమ్మ, తామాడ రెయ్యమ్మ పాల్గొన్నారు.       ఉద్దానం వీరుడు దొరబాబును సన్మానిస్తున్న చిన్నలొహరిబంద గ్రామ మహిళలు

జవహర్‌నగర్‌: కుటుంబ సభ్యులకు దూరంగా ఉండటంతో పాటు మానసిక ఒత్తిడికి గురైన ఓ సీఆర్‌పీఎఫ్‌ జవాన్‌ తన రివాల్వర్‌తో కాల్చుకుని ఆత్మహత్యకు పాల్పడ్డాడు. ఈ సంఘటన జవహర్‌నగర్‌ కార్పొరేషన్‌లోని సీఆర్‌పీఎఫ్‌ క్యాంపస్‌లో ఆదివారం చోటుచేసుకుంది. జవహర్‌నగర్‌ సర్కిల్‌ ఇన్‌స్పెక్టర్‌ భిక్షపతిరావు తెలిపిన వివరాల ప్రకారం.. మహారాష్ట్రలోని నాగ్‌పూర్‌ జిల్లా పవన్‌నగర్‌ గ్రామానికి చెందిన బబన్‌ విఠల్‌రావు మన్వర్‌ (44) సీఆర్‌ఫీఎఫ్‌ క్యాంపస్‌లో జవాన్‌గా విధులు నిర్వహిస్తున్నాడు. నెల రోజుల పాటు సెలవులపై సొంతూరికి వెళ్లి ఈ నెల 2న తిరిగి విధుల్లో చేరాడు. అప్పటి నుంచి కుటుంబ సభ్యులకు దూరంగా ఉన్నానని తీవ్ర మనస్తాపానికి గురవుతున్నాడు. ఈ క్రమంలో మానసిక ఒత్తిడి తీవ్రమవడంతో ఆదివారం ఉదయం డ్యూటీలో ఉండగానే తన సర్వీస్‌ రివాల్వర్‌తో తలపై కాల్చుకుని అక్కడికక్కడే మృతిచెందాడు. మృతుడికి భార్య, ఎనిమిదేళ్ల కుమారుడు, రెండున్నరేళ్ల కూతురు ఉంది. సీఆర్‌పీఎఫ్‌ డిప్యూటీ కమాండెంట్‌ రత్నమ్మ ఫిర్యాదు మేరకు జవహర్‌నగర్‌ పోలీసులు కేసు నమోదు చేసుకుని పోస్ట్‌మార్టం నిమిత్తం మృతదేహాన్ని గాంధీ ఆస్పత్రికి తరలించారు. 

కర్ణాటక , రాయచూరు రూరల్‌: నగరంలోని బాల మందిరానికి చెందిన 15 ఏళ్ల బాలికపై ఓ జవాన్‌ లైంగిక దాడికి పాల్పడిన ఉదంతం వెలుగు చూసింది. వివరాలిలా ఉన్నాయి. నగరంలోని ఆజాద్‌ నగర్‌లో ప్రభుత్వ ఆధీనంలో రిమాండ్‌ హోం నిర్వహిస్తున్నారు. అయితే ఆ రిమాండ్‌ హోంలో ఎల్‌బీఎస్‌ నగర్‌కు చెందిన ఓ అనాథ బాలిక ఉంటోంది. అక్కడే జవాన్‌గా పని చేసే సిద్ధయ్య(26) అనే వ్యక్తి ఆ బాలికతో పరిచయం పెంచుకున్నాడు. మాయమాటలు చెప్పి గత నవంబర్‌ 11న బీఆర్‌బీ సర్కిల్‌ వద్ద గల తన ఇంటికి పిలుచుకెళ్లి ఆమెపై లైంగికదాడికి పాల్పడ్డాడు. అంతేగాకుండా ఇటీవల తరచు ఆమెను వేధిస్తుండడంతో విసిగి పోయిన ఆ బాలిక ఫిర్యాదు మేరకు మేల్కొన్న జిల్లాధికారి వెంకటేష్‌ కుమార్‌ శుక్రవారం నగరంలోని బాల మందిరాన్ని జిల్లా ఎస్పీ వేదమూర్తి తదితరులతో కలిసి పరిశీలించారు. నిందితునిపై కేసు నమోదు చేసి విధి నిర్వహణలో నిర్లక్ష్యం వహించిన రిమాండ్‌ హోం అధికారులు సయ్యద్‌ పాషా, గురు ప్రసాద్‌లను సస్పెండ్‌ చేసినట్లు తెలిపారు. కాగా లైంగిక దాడికి పాల్పడిన వ్యక్తిని పట్టుకొనేందుకు మూడు ప్రత్యేక బృందాలను ఏర్పాటు చేసినట్లు ఎస్పీ వెల్లడించారు. 

మీర్జాపూర్‌: సీఆర్పీఎఫ్‌ జవాన్‌ సహా నలుగురు కలసి 15 సంవత్సరాల వయసున్న పాఠశాల విద్యార్థినిని ఎత్తుకెళ్లి గ్యాంగ్‌రేప్‌ చేసిన ఘటన ఉత్తరప్రదేశ్‌లోని మీర్జాపూర్‌ జిల్లాలో సోమవారం జరిగింది. నిందితుల్లో ఒకడైన జై ప్రకాశ్‌ సోదరి హాలియా గ్రామంలో ఉంటుందని, దీంతో తరచూ వచ్చేవాడని, ఈ నేపథ్యంలో ఈ విద్యార్థినితో పరిచయం ఏర్పడిందని తెలుస్తోంది. అయితే సోమవారం రాత్రి 10 గంటలకు విద్యార్థిని తల్లికి జై ప్రకాశ్‌ ఫోన్‌ చేసి ఇంటి బయటికి రావాలని కోరగా, వచ్చిన బాధితురాలిని బలవంతంగా పోలీస్‌ లోగో ఉన్న కారులో హాలియా అడవిలోకి తీసుకెళ్లి నలుగురు గ్యాంగ్‌రేప్‌ చేశారని బాధితురాలి తండ్రి పోలీసు ఫిర్యాదులో పేర్కొన్నారు. అరెస్టయిన వారిలో సీఆర్పీఎఫ్‌ జవాను మహేంద్ర యాదవ్, గణేశ్‌ ప్రసాద్‌ బింద్, లవకుశ్‌ పాల్, మాజీ జైలర్‌ కుమారుడు జై ప్రకాశ్‌ మౌర్యలు ఉన్నారు. బాధితురాలితో సహా నిందితులను వైద్య పరీక్షల కోసం పంపినట్లు మీర్జాపూర్‌ ఎస్పీ ధరమ్‌వీర్‌ సింగ్‌ తెలిపారు.

ఎన్నిసార్లో కామాయీ, తల్లీ, చిన్న తమ్ముడూ ఆ చెరువొడ్డున కూర్చుని వణ్ణం తిన్నారు. అదంతా జ్ఞాపకమొచ్చింది. వాళ్ళమ్మా, తమ్ముడూ, వణ్ణమూ, మెరపకాయల కారమూ, కాల్చిన రొయ్యిలూ అన్నీ జ్ఞాపకమొచ్చాయి. కంకిపాటి కామాయికి ఇన్‌ఫెంట్రీలో ఇచ్చిన పేరు ప్రయివేటు సిపాయి నంబరు 58310 అని. ఆ చుట్టుగోడలో వున్న కంతలోంచి దూరి ఇవతల పడ్డాడు. బోర్ల నుంచి వెల్లకిల తిరిగాడు. ఆ వెధవ మణిపూరు రోడ్డు – కొండలూ, గుట్టలూ, పైగా ఎనిమీ కట్టే అడ్డుగోడలూ! సూర్యుని కిరణాలు కామాయి బుగ్గల మీద తాండవిస్తుంటే ఆ చలికాలంలో వాడికి హాయిగా వున్నది. వాడనుకోవడం – ఆ గోడ కంతలోంచి దూరి హాయిగా ఇవతల పడ్డానని. ‘‘ఆ! యేడిసినట్టుంది. గౌహటీ నుంచి బయల్దేరి నవుగామ్‌ కొచ్చాం. ఆడనుంచి మణిపూరెళుతుండాం. నా కాలికేదో తగిలి నేనీడ పడ్డాను. యారయినా యింటే నవ్వుతారు. లేచీ మిగతావోళ్ళను కలుసుకోవాల. ఆళ్ళీపాటి కవతల కొండమీదకి పోయుంటారు’’ అనుకున్నాడు కామాయి. చేతులూ కాళ్ళూ కదలడం లేదు. లేవాలని ఎంతో ప్రయత్నించాడు. దుఢీలున మహా భయం వేసింది వాడికి. సూర్యకిరణా లాగిపోయాయన్నట్లుగా వాడి శరీరమంతా చల్లబడడ మారంభించేసరికి వాడికి మహా గాభరా వేసింది. ‘‘అరే దేముడా! ఓ యాల నేనూ ఓ యాల నేనూ; కాదు కాదు’’ అని మళ్ళీ శాంతపడ్డాడు. ‘‘ఆ పడ్డంలో యెక్కడో బెణికింది గామోసు, అందుకనే లేవలేక పోతుండా’’ అనుకున్నాడు. కొంచెం సేపటికి వాడి శరీరంలో ఉన్న చల్లదనం పోయింది. సూర్యకిరణాల వేడికి మళ్ళీ హాయి పొందుతున్నాడు కామాయి. అదంతా అసలు సీఓ తప్పు. లేకపోతే ఏమిటి మరి? వాళ్ళందర్నీ సెలవ కిండ్లకు పంపిస్తానన్నాడు. వారం రోజులైనా కాలేదు, యేక్షన్‌లోకి పోవాలన్నాడు. ఇండ్ల మీద ప్రాణాలు పెట్టుకున్నవాళ్ళు ఎట్లా ఆ వెధవ మణిపూరు రోడ్డు మీద బార్బుడు వైరు వెనక పాకులాడుతూ పోతారు? ఆ పనిమీద మనసెలా వుంటుంది? న్యాయం కాదు. ఆ మొదటి కొండ పక్కనుంచి ఆ గ్రామం గుండా గోడల సందుల్లో బోర్లపడి పాకులాడుతూ పోయినప్పుడంత కష్టంగా లేదు. అప్పుడు ముందర బోడిరాము డుండేవాడు. వాడి తలకాయి చూసుకుంటూ పాకాడు కామాయి. పాపం చాలా మంచివాడు బోడిరాముడు. ఎన్ని బాంబులు పడుతున్నా వాడి యాసలో వాడు ఏవేవో చమత్కారాలాడుతూ ఆ వున్నవాళ్ళ ధైర్యం పోకుండా చూసేవాడు. అదైపోయింది. అసలు నాటకం – లేచి ఆ చుట్టూ గోడ పక్కనుంచి పాకులాడుతూ పోవాలని ఆర్డరొచ్చింది. కామాయి వెంటనే ఎదుట చూడంగానే గోడలో మనిషి దూరేంత కంత వుంది. మహా అదృష్టవంతుణ్ణనుకున్నాడు. దూరి అవతలకు పోతే ఫస్టు అనుకున్నాడు. అక్కడ్నుంచీ పాకటం ఉండదనుకున్నాడు. వాడి కోసమే ప్రత్యేకం, ఆ కంత ఉందనుకున్నాడు. దభాలున దూకాడు. అయితే కాళ్ళమీద లేవాల్సింది మొఖం బోర్లా పడ్డాడు – ఆ యెత్తు నుంచి! ఆశ్చర్యం! ఆ దూకబోయే ముందర ఓసారి చుట్టూ చూశాడు. కంకిపాటి చెరువల్లే ఓ చెరువూ, అక్కడ మోస్తరే ఓ వరిపొలం కనబడ్డాయి. ఆశ్చర్యం సుమా! ప్రపంచంలో రెండుచోట్ల ఒకే మాదిరుండడం. ఎన్నిసార్లో కామాయీ, తల్లీ, చిన్న తమ్ముడూ ఆ చెరువొడ్డున కూర్చుని వణ్ణం తిన్నారు. అదంతా జ్ఞాపకమొచ్చింది. వాళ్ళమ్మా, తమ్ముడూ, వణ్ణమూ, మెరపకాయల  కారమూ, కాల్చిన రొయ్యిలూ అన్నీ జ్ఞాపకమొచ్చాయి. పాపం ఎన్నిసార్లు వాళ్ళమ్మ ఎండలో ఆ పొలంలో చమటలు కమ్ముతూ పని చేయలేదు? నిజం – అదంతా కళ్ళకు కట్టినట్లు కనపడ్డాది వాడికి – ఆ గొంతుకలు కూడా వినబడ్డాయి.   నిజంగా ఆ గొంతుకలు వినబడ్డాయి. తమ్ముడు చెట్టెక్కాడు. ‘‘రేయి నీ జిమ్మ తియ్యా! ఆ వున్న ఒక్క గంతా సింపుకుంటావు. దిగి రాయేంరా!’’ అనేది అమ్మ. కామాయి చెర్లో చేపలు పడుతుంటే ‘‘రాయేంరా! ఈ మట్టి తియ్యాలి రారా!’’ అనేది. వాళ్ళు ముగ్గురే! ఆ గ్రామంలో ఇంకా వున్నారు గాని వీళ్ళ ముగ్గురికీ వీళ్ళు ముగ్గురే అన్నట్లుండేది. అప్పుడే – అప్పుడే సుబ్బిని కలిశాడు కామాయి. సుబ్బిని కలిసిం తర్వాత మారాడు. అప్పట్నుంచీ అమ్మా కాదు, తమ్ముడూ కాదు – ప్రపంచమంతా సుబ్బే! సుబ్బి ఇప్పుడుంటే ఎంతిచ్చుకోడు? ఆ నున్నగా, నల్లగా చంపలమీదానిస్తే ఏమివ్వడు? పక్కన పడుకుంటే చాలు – ఆ గుండెలో వేత్తున్న నొప్పంతా పోతుంది. ఆ గుండెలో నొప్పి, మొఖం మీద మంటా వాడ్ని ముందుకు లాక్కెళ్ళుతున్నాయి – సుబ్బిని కలుసుకోడానికి. అవును సీఓ లీవిస్తానన్నాడు. వెళ్ళి సుబ్బిని పెండ్లాడవచ్చు. సుబ్బి పెండ్లాడుతుందా? కంకిపాటి సుబ్బి అవుతుందా? అయితే ఆ పొలం పక్కన, ఆ చెరువొడ్డున, ఆ వేపచెట్టు పక్కనున్న గడ్డివామి మద్దెన పడుకున్నప్పుడాడిన మాటలు మాటాడుతుందా? మళ్ళీ వొకసారి లేవడానికి ప్రయత్నించాడు కామాయి. ఉహు! ఏ అవయవమూ కదల్దే! పోనీలే. కదలకపోతే నేమాయె. ఇప్పుడు కదిల్తేనేం, కదలకపోతేనేం. అంతా అయిపోయినట్లుంది. ఏమిటా చీకటి? గ్రహణం పట్టిందా? గ్రహణంలో కదలకూడనివాళ్ళు గర్భిణీ స్త్రీలు. తాను సిపాయి. ఎందుకు కదలకూడదూ? మూతి బిగించి లేవబోయాడు. కదలలా! వాడికే నవ్వొచ్చింది. మెడ ఓ వైపు తిప్పాడు. ఆ చెరువు వొంక చూశాడు – నవ్వుతూ. శవాలను వెతుక్కుంటూ గాయపడ్డవాళ్ళను మోసుకెళ్ళే పార్టీ ఒకటక్కడికి వచ్చింది. వాళ్ళ లీడరు అటూ ఇటూ చూసి కామాయిని కనిపెట్టాడు. దగ్గరకు పోయాడు. చచ్చి చాలా సేపయిందనుకున్నాడు. ముఖం చూశాడు. ఆ వేపు చెరువును చూస్తునట్లుగా వుంది. పెదిమల మీద చిర్నవ్వుంది. లీడరు కామాయి బ్లవుజు విప్పాడు. మెళ్ళో ఉన్న రెండు ఐడెంటిటీ డిస్కులు చూశాడు. చదివాడు. కంకిపాటి కామాయి – నంబరు 58310 అని వుంది. ఎదురుగా కొండ వేపు చూశాడు. కామాయి పుర్రెలో వున్న గుండు దెబ్బ చూశాడు. ‘‘ఈడీ కంతలోంచి ఈతలికి సూసేసరికాదెబ్బ తగిలుంటుందిరా. ఇంటికి ఐడెంటిటీ తీస్కోండి. ఆ తర్వాత ఏదైనా వస్తుంది!’’ అని తక్కిన వాళ్ళతో అన్నాడు. శవం నక్కల పాలైంది.  శిష్టా ఉమామహేశ్వరరావు కథ ‘పడిపోయిన సిపాయి’ ఇది. తెలుగులో సైన్యం నేపథ్యంలో రచనలు చేసిన అరుదైన రచయిత శిష్టా. రెండో ప్రపంచ యుద్ధ కాలంలో బ్రిటిష్‌ సైన్యంలో పనిచేశారాయన. ‘సిపాయి కథలు’ కథాసంపుటి. వీటి ప్రచురణ 1946–1948. ఆకాశవాణి కథలు మరో సంపుటి. కథకుడిగా కన్నా కవిగా ఎక్కువ చర్చల్లోకి వచ్చాడు. విష్ణు ధనువు, నవమి చిలుక ఆయన కవితాసంపుటాలు. అతి నవీనుల్లో నవీనుడు అనీ, కవిత్వంలో రౌడీవేషం అనీ, వ్యక్తిగత జీవితంలో అరాచకుడు అనీ అనిపించుకున్నాడు. శ్రీశ్రీ ‘మహాప్రస్థానం’ కవితకు శిష్టా కవిత ‘మారో మారో మారో’ ప్రేరణ అని శ్రీశ్రీయే చెప్పుకున్నారు. శిష్టా జనన మరణ తేదీల్లో (1909–1953) కొంత సంశయాలు ఉన్నప్పటికీ చిన్న వయసులోనే మరణించాడన్నది మాత్రం విషాదకరంగా నిస్సంశయం. 

సాక్షి, మిర్యాలగూడ :  ప్రమాదవశాత్తు రైలులో నుంచి జారిపడి సీఆర్‌పీఎఫ్‌ జవాన్‌ మృతి చెందాడు. ఈ ఘటన జార్ఖండ్‌లో చోటు చేసుకుంది. కుటుంబ సభ్యులు తెలిపిన వివరాల ప్రకారం.. మిర్యాలగూడ పట్టణం నందిపాడుకు చెందిన కొప్పోజు వెంకటేశ్వర్లు, సైదమ్మల రెండో కుమారుడు ధర్మేంద్రచారి 13ఏళ్ల క్రితం సీఆర్‌పీఎఫ్‌కు ఎంపికై జార్ఖండ్‌లో విధులు నిర్వహిస్తున్నాడు. విధి నిర్వహణలో భాగంగా తోటి జవాన్‌లతో కలిసి శుక్రవారం రాత్రి రైలులో ప్రయాణిస్తుండగా ప్రమాదవశాత్తు జారిపడి మృతిచెం దినట్లు కుటుంబ సభ్యులకు సీఆర్‌పీఎఫ్‌ బెటాలియన్‌ అధికారులు ఫోన్‌ ద్వార సమాచారం అందించారు. కాగా నందిపాడుకు చెందిన ధర్మేంద్రచారి నకిరేకల్‌ పట్టణానికి చెందిన నిర్మలాదేవితో 12ఏళ్ల క్రితం వివాహం జరిగింది. వీరికి కూ తురు హర్షిత, కుమారుడు శ్రీకాంతాచారి ఉన్నారు. ధర్మేంద్రచారి నెలరోజుల క్రితం నందిపాడుకు వచ్చాడు. 20రోజుల క్రితం తిరగి జార్ఖండ్‌కు వెళ్లి విధుల్లో చేరాడు. విధి నిర్వహణలో భాగంగా వెలుతున్న క్రమంలో ధర్మేంద్రచారి చనిపోవడంతో కుటుంబ సభ్యులు, బంధువులు, స్నేహితులు శోక సంద్రంలో మునిగిపోయారు.  శోకసంద్రంలో నందిపాడు.. నిత్యం అందరితో కలిసిమెలసి ఉంటూ ఆప్యాయతగా పలుకరించే ధర్మేంద్రచారి విధినిర్వహణలో ప్రమాదవశాత్తు రైలునుంచి జారిపడి చనిపోవడంతో నందిపాడు శోక సంద్రంలో మునిగిపోయింది. విధి నిర్వహణలో పట్టుదలతో ఉండే ధర్మేంద్రచారి అకాల మరణం నందిపాడును కలచివేసింది. ఈ విషయం తెలుసుకున్న ధర్మేంద్రచారి బంధువుల, స్నేహితులు, పరిసర ప్రాంత ప్రజలు భారీగా తరలి వచ్చారు.  పట్టణంలో ర్యాలీ.. విధి నిర్వహణలో మృతిచెందిన జవాన్‌ ధర్మేంద్రచారి పార్థీవదేహం వస్తున్న సమాచారాన్ని తెలుసుకున్న స్నేహితులు, బంధువులు, కార్పెంటర్లు, పోలీసులు, పట్టణ వాసులు జాతీయ జెండాతో భారీ ర్యాలీ నిర్వహించారు. ధర్మేంద్రచారి జోహార్లు అంటూ నినాదాలతో సాగర్‌రోడ్డు మీదుగా పార్థీవదేహం నందిపాడుకు చేరుకుంది.   సైనిక లాంఛనాలతో అంత్యక్రియలు.. జవాన్‌ ధర్మేంద్రచారి మృతదేహన్ని శనివారం రాత్రి మిర్యాలగూడకు తీసుకొచ్చారు. పట్టణంలోని ప్రధాన వీధుల గుండా ర్యాలీ నిర్వహించిన అనంతరం మృతదేహాన్ని కుటుంబ సభ్యులకు అప్పగించారు. అనంతరం సైనిక లాంఛనాల మధ్య అంత్యక్రియలు పూర్తిచేశారు.  

శ్రీనగర్‌ : పక్షవాతంతో బాదపడుతున్న ఓ బాలుడి పట్ల పుల్వామా ఉగ్రదాడి నుంచి ప్రాణాలతో బయటపడ్డ ఇక్బాల్‌ సింగ్‌ అనే జవాన్‌ ఔదార్యం చాటాడు. అతనికి తన లంచ్‌ బాక్స్‌ ఇవ్వడంతో పాటు స్వయంగా ఆహారం తినిపించాడు. శ్రీనగర్‌లోని నవాకాదల్‌ ప్రాంతంలో శాంతిభద్రతల పర్యవేక్షణ విధులు నిర్వర్తిస్తున్న ఇక్బాల్‌కు స్థానికంగా నివాసముంటున్న ఓ పిల్లాడు తారసపడ్డాడు. అతను ఆకలితో ఉన్నాడని గ్రహించిన జవాన్‌ తన లంచ్‌ బాక్స్‌ ఇచ్చాడు. అయితే, సదరు బాలుడి రెండు చేతుల్లో చలనం లేదని తెలియడంతో .. తనే దగ్గరుండి తినిపించాడు. 31 సెకన్ల నిడివి గల ఈ వీడియో వైరల్‌ అయింది.  సోల్జర్‌ మంచితనంపై నెటిజన్లు ప్రశంసల వర్షం కురిపిస్తున్నారు. ఇక్బాల్‌ ఔదార్యం మెచ్చి ‘హ్యూమన్‌ అండ్‌ సెల్ఫ్‌లెస్‌ యాక్ట్‌’ సర్టిఫికేట్‌ కూడా అందించామని సీఆర్పీఎఫ్‌ తెలిపింది. వీరత్వం, కరుణ అనేవి ఒకే నాణేనికి ఉన్న రెండు పార్శ్వాలు అని పేర్కొంది. జమ్మూ నుంచి శ్రీనగర్‌ వెళ్తున్న సీఆర్పీఎఫ్‌ కాన్వాయ్‌పై జైషే మహమ్మద్‌ ఉగ్రవాదులు జరిపిన ఆత్మాహుతి దాడిలో 40 మంది జవాన్లు అమరులైన సంగతి తెలిసిందే. ఇదే కాన్వాయ్‌లోని ఓ వాహనానికి ఇక్బాల్‌  డ్రైవర్‌గా ఉన్నారు. క్షతగాత్రులైన సహచరులను హుటాహుటిన ఆస్పత్రికి తరలించి ఆయన వారి ప్రాణాలు కాపాడారు. ఔదార్యం చాటుకున్న  ‘పుల్వామా’ జవాన్‌

కుటుంబాలకు.. స్వస్థలాలకు సుదూరంగా దేశ రక్షణ విధుల్లో తలమునకలయ్యే జవాన్లు వారు.అవసరమైతే ఎన్నికల బందోబస్తు విధుల్లో పాల్గొనడమే తప్ప.. తమ స్వస్థలాల్లో, తమకు నచ్చిన వారికి ఓటు వేసే వెసులుబాటు రక్షణ, పారా మిలటరీ దళాల్లోని జవాన్లకు ఇంతవరకు కల్పించలేదు.ఆ లోటును పూడ్చుతూ సర్వీస్‌ ఓటర్లుగా పిలిచే ఇటువంటి వారందరికీ ప్రస్తుత సార్వత్రిక ఎన్నికల నుంచే ఓటు వేసే అవకాశాన్ని కేంద్ర ఎన్నికల సంఘం కల్పించింది.కానీ ఏం లాభం.. దేశరక్షణకు తుపాకులు చేతబట్టే ఈ జవాన్లకు ఓటు వజ్రాయుధం మాత్రం అందని పరిస్థితి దాపురించింది. పోలింగ్‌ జరిగి 15 రోజులు దాటినా కనీసం 20 శాతం మందికి కూడా సర్వీస్‌ బ్యాలెట్లు అందలేదు.ఎన్నికల విధుల్లో పాల్గొనే ప్రభుత్వ ఉద్యోగులకు ఇచ్చే పోస్టల్‌ బ్యాలెట్ల జారీలో అవకతవకలపై ఇప్పటికే రచ్చ జరుగుతోంది. ఈ తరుణంలో సర్వీస్‌ బ్యాలెట్ల పంపిణీ కూడా అస్తవ్యస్తంగా సాగినట్లు ఫిర్యాదులు, ఆరోపణలు తెరపైకి రావడం సర్వీస్, పోస్టల్‌ బ్యాలెట్ల జారీలో యంత్రాంగం వ్యవహారశైలిని మరింత ప్రశ్నార్థకం చేస్తోంది. సాక్షి, విశాఖపట్నం: దేశ రక్షణ వ్యవస్థలైన ఆర్మీ, నేవీ, ఎయిర్‌ఫోర్స్‌ విభాగాలతోపాటు పారా మిలటరీ దళాలుగా పిలిచే బీఎస్‌ఎఫ్‌(బోర్డర్‌ సెక్యూరిటీ ఫోర్స్‌), సీఆర్‌పీఎఫ్‌ (సెంట్రల్‌ రిజర్వు ప్రొటెక్షన్‌ ఫోర్స్‌), ఐటీబీపీ (ఇండో టిబెటన్‌ బోర్డర్‌ పోలీస్‌), సీఐఎస్‌ఎఫ్‌ (సెంట్రల్‌ ఇండస్ట్రియల్‌ సెక్యురిటీ ఫోర్స్‌), ఎన్‌ఎస్‌జీ (నేషనల్‌ సెక్యురిటీ గార్డ్స్‌), ఎస్‌పీజీ (స్పెషల్‌ ప్రొటెక్షన్‌ గార్డ్‌), డిఫెన్స్‌ సెక్యురిటీ సర్వీసెస్‌(డీఎస్‌ఎస్‌), ఆర్పీఎఫ్‌(రైల్వే ప్రొటెక్షన్‌ ఫోర్స్‌) తదితర విభాగాల్లో పనిచేసే ఉద్యోగులు తమ కుటుంబాలకు, స్వస్థలాలకు దూరంగా ఏళ్ల తరబడి విధులు నిర్వర్తిస్తుంటారు. ఇలా దేశ రక్షణలో నిమగ్నమయ్యే వీరికి ఇప్పటి వరకు ఓటు హక్కు వినియోగించుకునే వెసులుబాటు ఉండే ది కాదు. ప్రస్తుత సార్వత్రిక ఎన్నికల నుంచే ఓటు హక్కు కల్పించారు. దీంతో తమ ప్రాంతాల్లో జరిగే ఎన్నికల్లో.. తమకు నచ్చిన అభ్యర్థులకు ఓటు వేసి ఎన్నుకునే అవకాశం వీరికి లభించింది. దీన్నే సర్వీస్‌ ఓటు అంటారు. 20 శాతం మందికి మించి అందనిసర్వీస్‌ ఓటు రక్షణ  విభాగాలతోపాటు పారామిలటరీ దళాల్లో పనిచేసేందుకు ఉత్తరాంధ్ర వాసులు పోటీపడుతుంటారు.    ఈ కారణంగానే శ్రీకాకుళం, విజయనగరం, విశాఖ జిల్లాల్లో దాదాపు అన్ని నియోజకవర్గాల్లోనూ సైనికోద్యోగులు వేలల్లోనే ఉన్నారు. శ్రీకాకుళం జిల్లాలో అయితే లక్షల్లోనే ఉన్నారు. విశాఖ జిల్లాలో కనీసం 20వేల మంది వివిధ దళాల్లో పని చేస్తున్నట్లు అధికారిక లెక్కలు చెబుతున్నాయి. వీరంతా ప్రస్తుత సార్వత్రిక ఎన్నికల్లో తమ తొలిసారి లభించిన ఓటు హక్కును సద్వినియోగం చేసుకోవాలని ఉవ్విళ్లూరారు. కానీ సరిహద్దుల్లో పనిచేస్తున్న జిల్లాకు చెందిన సైనికోద్యోగుల్లో కనీసం 20 శాతం మందికి కూడా సర్వీస్‌ బ్యాలెట్లు అందని విషయం బయటపడింది.పోస్టల్‌ బ్యాలెట్లలోనే కాదు.. సర్వీస్‌ బ్యాలెట్ల జారీలోనూ జిల్లా యంత్రాంగం ఏ స్థాయిలో నిర్లక్ష్యం ప్రదర్శించిందో దీన్ని బట్టే అర్ధమవుతోంది. ఆర్వో దృష్టికి తీసుకెళ్లిన మాజీ సైనికులు ఇలా సర్వీస్‌ బ్యాలెట్‌ పొందని వారి వివరాల కోసం భీమునిపట్నానికి చెందిన శ్రీ చైతన్య ఎక్స్‌ సర్వీస్‌మెన్‌ వెల్ఫేర్‌ అసోసియేషన్‌ సర్వే చేసింది. భీమిలి, విశాఖ తూర్పు నియోజకవర్గాల్లో కనీసం 20 శాతం మందికి కూడా అందలేదని గుర్తించారు. ఇలా సర్వీస్‌ ఓటు అందని సైనికుల జాబితాతో శుక్రవారం భీమిలి అసెంబ్లీ ఆర్వో బాలాత్రిపురసుందరిని కలిసి వినతిపత్రం అందజేశారు. సర్వీస్‌ ఓటు అందని వారికి కనీసం ఆన్‌లైన్‌లో ఓటు హక్కు విని యోగించుకునే అవకాశం కల్పించాలని కోరారు. ఆర్వోను కలిసిన వారిలో అసోసియేషన్‌ అధ్యక్ష, ఉపాధ్యక్షులు కొయ్య గురాయరెడ్డి, కొయ్య నాగేశ్వరరావు, ప్రధాన కార్యదర్శి కెప్టెన్‌ నాన్‌ చెట్టి, కార్యవర్గ సభ్యులు కేకే రెడ్డి, సురేష్, కోటి, శ్రీనివాస్, కొయ్య రామకృష్ణ, కొయ్య రాంబాబు, చిల్లా దేవి చెట్టి, కొటిరెడ్డి తదితరులున్నారు. అందని అసెంబ్లీ ఓట్లు బ్యాలెట్లు అందుకున్న కొద్దిమందిలో కూడా చాలా మందికి లోక్‌సభ బ్యాలెట్లే తప్ప.. అసెంబ్లీ బ్యాలెట్లు అందలేదని సమాచారం. ఉదాహరణకు కోల్‌కతా సమీపంలోని కృష్ణానగర్‌ వద్ద ఉన్న బీఎస్‌ఎఫ్‌ 99వ బెటాలియన్‌లో పనిచేస్తున్న కానిస్టేబుళ్లకు లోక్‌సభ బ్యాలెట్‌ పత్రాలు తప్ప అసెంబ్లీ బ్యాలెట్‌ పత్రాలు నేటికీ అందలేదు. కమాండెంట్‌ను ఎన్నిసార్లు అడిగినా పోస్ట్‌లో వస్తాయని చెబుతున్నారని విశాఖ జిల్లాకు చెందిన బీఎస్‌ఎఫ్‌ కానిస్టేబుల్‌ ఒకరు తమ కుటుంబ సభ్యులకు తెలిపారు. ఆర్మీతో పాటు వివిధ పారామిలటరీ దళాల్లో పనిచేస్తున్న విశాఖ జిల్లాకు చెందిన సైనికుల్లో అత్యధికంగా భీమిలి, విశాఖ తూర్పు, గాజువాక, చోడవరం, మాడుగుల నియోజకవర్గాల్లో ఉన్నారు. ఒక్క భీమిలి నియోజకవర్గంలోనే 1150 మందికిపైగా సైనికులుండగా, వారిలో ఓటు హక్కు వినియోగించుకున్న వారు 265 మందికి మించి లేరని తేలింది. ఇదే రీతిలో మిగిలిన నియోజకవర్గాల్లో కూడా సర్వీసు ఓటు అందని సైనికోద్యోగులు వేలల్లోనే ఉన్నారు. బ్యాలెట్ల జారీ ఇలా.. ఎన్నికల విధుల్లో పాల్గొనే ప్రభుత్వ ఉద్యోగులకు వారు స్వయంగా దరఖాస్తు చేస్తే తప్ప పోస్టల్‌ బ్యాలెట్‌ జారీ చేయరు. కానీ సర్వీస్‌ ఓటర్లయిన జవాన్లు తమ బ్యాలెట్‌ కోసం దరఖాస్తు చేయనవసరం లేదు. వీరి సర్వీస్‌ రికార్డును బట్టి ఎవరు, ఏ ప్రాంతానికి చెందినవారో తెలియజేస్తూ సంబంధిత రక్షణ విభాగాల ద్వారా భారత ఎన్నికల కమిషన్‌కు జాబితాలు పంపిస్తారు. ఈ జాబితాలను రాష్ట్రాల చీఫ్‌ ఎలక్టోరల్‌ ఆఫీసర్ల ద్వారా ఆయా జిల్లా ఎన్నికల అధికారులకు పంపిస్తారు. ఆ జాబితాల ఆధారంగా ఎన్నికల నోటిఫికేషన్‌ జారీ అయిన తర్వాత సర్వీస్‌ బ్యాలెట్లను సంబంధించిన ఉద్యోగులు పని చేస్తున్న బెటాలియన్‌ క్యాంప్‌ కార్యాలయాలకు పంపాలి. పోలింగ్‌కు కనీసం వారం పది రోజుల ముందుగానే క్యాంప్‌ కార్యాలయాలకు చేరుకునే సర్వీస్‌ బ్యాలెట్లను సిబ్బంది తీసుకొని తమ ప్రాంతాల్లో పోటీలో ఉన్న అభ్యర్థుల్లో తమకు నచ్చిన వారికి ఓటు వేయాల్సి ఉంటుంది. వీరంతా దేశ రక్షణలో ఉన్న జవాన్లు అయినందున ఏ పార్టీకి అనుకూలంగా ఉండకూడదన్న భావనతో ఈ బ్యాలెట్‌ పత్రాల్లో  పార్టీల గుర్తులుండవు. పో టీ చేసే అభ్యర్థుల పేర్లు మాత్రమే ఆంగ్లంతో పాటు మాతృ భాషల్లో ఉంటాయి. తమకు నచ్చిన పేరు ఎదురుగా టిక్‌ పెట్టి బ్యాలెట్‌ బాక్సుల్లో వేయాలి. ఆ ప్రక్రియ పూర్తి అయిన తర్వాత బ్యాలెట్‌ బాక్సులను ఎన్నికల కమిషన్‌ ద్వారా ఆయా జిల్లాలకు పంపిస్తారు. కౌంటింగ్‌ రోజున తొలుత సర్వీస్‌ బ్యాలెట్లు, ఆ తర్వాత పోస్టల్‌ బ్యాలెట్లు లెక్కిస్తారు. మావాళ్లకు బ్యాలెట్లు అందలేదు మా కుటుంబ సభ్యుడైన శ్రీనివాసరెడ్డి జబుల్‌పూర్‌ వద్ద ఆర్మీలో పనిచేస్తున్నారు. మా బంధువు కొల్లి వెంకటరెడ్డి బెంగుళూరులో డిఫెన్స్‌ సెక్యురిటీ సర్వీసెస్‌లో పనిచేస్తున్నారు. వీరిద్దరికి సర్వీసు ఓటు వినియోగించుకునే అవకాశం కల్పించలేదు. ఎన్ని సార్లు అడుగుతున్నా పోస్ట్‌ ద్వారా రావాల్సి ఉందని అంటున్నారే తప్ప ఇప్పటివరకు అందలేదు.   –కొయ్య గురాయరెడ్డి, మాజీ సైనికోద్యోగి

సాక్షి ప్రతినిధి, చెన్నై: దేశ భద్రత కోసం  సైనికులు కుటుంబాన్ని త్యాగం చేయాల్సి ఉంటుంది. ఒక్కో సందర్భంలో ప్రాణాలను సైతం అర్పించాల్సి ఉంటుంది. తమిళనాడుకు చెందిన ఓ సైనికుడు సైతం అందుకు సిద్ధపడ్డాడు. నిశ్చితార్థం ముగిసి జూన్‌లో పెళ్లిపీటలు ఎక్కాల్సిన తరుణాన్ని తృణప్రాయంగా స్వీకరించాడు. పాకిస్తాన్‌తో భారత్‌ యుద్ధానికి సన్నద్ధం అవుతున్న తరుణంలో ఎంతో మనోనిబ్బరాన్ని ప్రదర్శించాడు. ‘నా కోసం  బెంగ పెట్టుకోవద్దు.. నేను వస్తా.. లేకుంటే నా దుస్తులు వస్తాయి’ అంటూ తన సమీప బంధువుకు వాట్సాప్‌ ద్వారా హృదయ విదారకమైన సందేశాన్ని పంపాడు. వివరాలు.. తిరునెల్వేలి జిల్లా నాంగునేరి సమీపంలోని మరుకాలకురిచ్చి గ్రామంలో 300కు పైగా కుటుంబాల్లోని పలువురు యువకులు భారత సైనికదళంలో సేవలందిస్తు న్నారు. దేశ సరిహద్దులను కాపాడుతూ, వివిధ బాధ్యతల్లో విధులను నిర్వహిస్తున్నారు. వీరంతా ఏడాదికోసారి సెలవులకు మాత్రమే ఊరికి వచ్చి కుటుంబ సభ్యులను కలుసుకుని సంతోషంగా గడుపుతారు. ఆ సమయాల్లోనే వారికి పెళ్లి సంబంధాలు చూడడం, నిశ్చయించడం జరిగిపోతుంటుంది. ప్రస్తుతం భారత్‌ సరిహద్దుల్లో ఉద్రిక్త పరిస్థితులు నెలకొని ఉండగా మరుకాల్‌కురిచ్చి దక్షిణ వీధికి చెందిన సుబ్బయ్య కుమారుడు వానమామలై (25) కూడా సైనిక దళంలో పనిచేస్తున్నాడు. గత ఏడాది మోటర్‌ బైక్‌ ప్రమాదంలో సుబ్బయ్య మరణించగా, ప్రస్తుతం అతనికి తల్లి చెల్లమ్మాల్‌ (50), ఇద్దరు సోదరీమణులు  ఉన్నారు. అతని అక్కకు మాత్రమే వివాహమైంది. ఇదిలాఉండగా, వానమామలైకు అదే ప్రాంతానికి చెందిన ఒక యువతితో కొన్ని నెలల క్రితం వివాహం నిశ్చయమైంది. ఈ ఏడాది జూన్‌లో అతను సెలవులకు స్వగ్రామానికి వస్తుండగా పెళ్లి చేయాలని కుటుంబ సభ్యులు నిర్ణయించి ఏర్పాట్లు చేస్తున్నారు. పెళ్లి నిశ్చితార్థం జరిగిన నేపథ్యంలో వానమామలై కుటుంబ సభ్యులు, అత్తింటి వారు, కాబోయే భార్య సైతం తరచు అతనితో సెల్‌ఫోన్‌లో మాట్లాడుతున్నారు. కశ్మీర్‌ పుల్వామా ప్రాంతంలో ఇటీవల జరిగిన పాక్‌ ముష్కరుల దాడులకు ఎదురుదెబ్బతీసే చర్య ఈ నెల 25వ తేదీన చోటుచేసుకుంది. భారత విమాన దళాలు ఈ చర్యలు చేపట్టగా, వారిలో మధ్యప్రదేశ్‌ సైనిక దళాన్ని సిద్ధంగా ఉండాల్సిందిగా భారత ప్రభుత్వం ఆదేశించింది. అదే దళంలో వానమామలై కూడా సైనికుడిగా ఉన్నాడు. అప్పుడు వానమామలై తన కాబోయే భార్య బంధువుల్లో ఒకరికి వాట్సాప్‌ ద్వారా ఒక సందేశాన్ని పంపాడు. ‘మేము యుద్ధానికి సిద్ధంగా ఉన్నాం. ఈ మేరకు అధికారుల నుంచి ఆదేశాలు వచ్చాయి. యుద్ధానికి వెళుతున్న నేను తిరిగి  వస్తానో రానో. నేను రాకుంటే నా దుస్తులు ఇంటికి వస్తాయి. పెళ్లి కుమార్తె పేరును ప్రస్తావిస్తూ ఈ విషయాన్ని ఆమెతో చెప్పవద్దు. ఇక అంతా దైవాదీనం. ఇకపై నేను ఫోన్‌లో మాట్లాడడానికి వీలుకాదు. వీలుంటే ఉదయం మాట్లాడతాను అంటూ వాట్సాప్‌లో సమాచారం ఇచ్చాడు. యుద్ధానికి సంబంధించిన ఉత్తర్వులను తాత్కాలికంగా నిలుపుదల చేసినట్టు సమాచారం వచ్చిందని, తన కుటుంబ సభ్యులకు వానమామలై మరుసటి రోజు తెలియజేశాడు.దేశాన్ని రక్షించే జవానుల పరిస్థితి ఎలా ఉంటుందో తెలిపే ఈ హృదయ విదారక సమాచారం ప్రస్తుతం సామాజిక మాధ్యమాల్లో వైరల్‌ అవుతోంది. 

జమ్ముకాశ్మీర్‌లోని పుల్వామాలో జరిగిన ఉగ్ర ఘాతుక ఘటనను ఉత్తర అమెరికా తెలుగు సంఘం నాట్స్ తీవ్రంగా ఖండిచింది. ఉగ్రవాద దాడిలో మృతి చెందిన 49మంది జవాన్లను భారతీయులెవరు మరిచిపోలేరని ప్రకటించింది. వారి ప్రాణాలను హరించిన పాక్ తీవ్రవాద మూకలకు భారత్ గట్టి సమాధానం చెబుతుందనే విశ్వాసాన్ని నాట్స్ వ్యక్తం చేసింది. పుల్వామాలో ఉగ్రదాడి తెలిసిన వెంటనే అమెరికాలో ఉండే తెలుగువారంతా దీనిపై దిగ్భ్రాంతి వ్యక్తం చేశారు. జవానుల కుటుంబాలకు నాట్స్ ప్రగాఢ సంతాపాన్ని, సానుభూతిని తెలిపింది. ప్రపంచంలో ఉన్న ప్రతి భారతీయుడు జవాన్ల కుటుంబానికి అండగా ఉండాలని పేర్కొంది.

న్యూఢిల్లీ: సెంట్రల్‌ ఆర్మ్‌డ్‌ పోలీసు బలగాలకు చెందిన 96 మంది జవాన్లు 2018లో వివిధ కారణాల వల్ల ఆత్మహత్య చేసుకున్నట్లు ఓ నివేదిక ద్వారా వెల్లడైందని కేంద్ర హోంశాఖ తెలిపింది. అలాగే నివేదిక ద్వారా 2016లో 90 మంది, 2017లో 121 మంది జవాన్లు ఆత్మహత్య చేసుకున్నట్లు తేలింది. సెంట్రల్‌ ఆర్మ్‌డ్‌ పోలీసు బలగాల పని పరిస్థితుల మెరుగుదల అనేది ఒక స్థిరమైన ప్రయత్నమని, అవసరమైనపుడు హోంశాఖ తగు సూచనలు చేస్తుందని కేంద్ర హోంశాఖకు చెందిన అధికారి కిరణ్‌ రింకు రాజ్యసభలో తెలిపారు. ఈ విషయంపై కేంద్ర ప్రభుత్వం కూడా కాలానుగుణంగా సమీక్ష నిర్వహిస్తోందని వివరించారు. జవాన్లు ఎదుర్కొంటున్న సమస్యలు, వారి ఒత్తిడికి గల కారణాలపై ప్రొఫెషనల్‌ ఏజెన్సీల ద్వారా సమాచారం తెప్పించుకుని విశ్లేషిస్తున్నట్లు తెలిపారు. సమస్యాత్మాక ప్రాంతాల్లో జవాన్లు పని చేసిన తర్వాత  ఒత్తిడి తగ్గించడానికి, ఆత్మహత్యలను నివారించడానికి వారు కోరుకున్న చోట్ల పోస్టింగ్‌ ఇచ్చేలా  చర్యలు తీసుకుంటున్నట్లు తెలిపారు. రెగ్యులర్‌గా అధికారులతో జవాన్లు తమ సమస్యలు చెప్పుకునే సమావేశాలు ఏర్పాటు చేసి ఒత్తిడి తగ్గించేందుకు ప్రయత్నిస్తున్నట్లు వెల్లడించారు. పని వేళలు కూడా తగ్గించి జవాన్లకు కావాల్సినంత విశ్రాంతి ఇస్తున్నట్లు, పని ఒత్తిడి మరింత తగ్గించేందుకు క్రీడలు కూడా నిర్వహిస్తున్నట్లు కిరణ్‌ రింకు రాజ్యసభలో తెలిపారు.

సాక్షి, హైదరాబాద్‌: జాతీయ సైనిక దినోత్సవం సందర్భంగా భారత సైనికులకు శుభాకాంక్షలు తెలుపుతూ టీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ట్వీట్‌ చేశారు. దేశం కోసం వారు చేసిన సేవలు, త్యాగాలు వెలకట్టలేనివని పేర్కొన్నారు. జవాన్ల ధైర్య, సాహసాలకు సెల్యూట్‌ చేస్తున్నానన్నారు. సైనికులకు, వారి కుటుంబ సభ్యలకు హృదయపూర్వకంగా కృతజ్ఞతలు తెలుపుతున్నాను అని కేటీఆర్‌ ట్వీట్‌లో పేర్కొన్నారు. ఇక ఇప్పటికే దేశ ప్రధాని నరేం‍ద్ర మోదీ,  రాష్ట్రపతి రామ్‌నాథ్‌ కోవింద్‌, పలువురు కేం‍ద్ర మంత్రులు, రాజకీయ ప్రముఖులు, సినీ తారలు భారత జవాన్లకు ఆర్మీడే శుభాకాంక్షలు తెలిపిన విషయం తెలిసిందే. ఆర్మీ ‘డే’ నేపథ్యం.. 1948వ సంవత్సరం చిట్టచివరి బ్రిటీష్‌ కమాండర్‌ ‘సర్‌ ఫ్రాన్సిస్‌ బచ్చర్‌’ నుంచి భారతీయ సైన్యం తొలి కమాండర్‌ ఇన్‌ చీఫ్‌ జనరల్‌ కరియప్ప జనవరి 15వ తేదీన దేశ సైనికాధికారి బాధ్యతలు స్వీకరించారు. దీంతో విదేశీ సైనిక పాలన నుంచీ దేశానికి విముక్తి లభించినట్లయింది. అందుకు గుర్తుగా ప్రతి ఏటా ‘జనవరి 15న’ ఆర్మీడే జరుపుకొంటున్నాం.  ఈ రోజున దేశం కోసం ప్రాణత్యాగాలు చేసిన జవానులకు ఢిల్లీలోని అమరజవాను జ్యోతి వద్ద నివాళులర్పిస్తారు. వారి త్యాగాలను స్మరించుకుంటారు. దేశసేవలో ఉత్తమ సాహసాలను ప్రదర్శించిన జవానులకు సేవా అవార్డులు సైతం అందజేస్తారు. (సైనికుడా.. వందనం)   With deep respect, I extend my heartfelt gratitude towards our brave soldiers & their families and salute their courage and valour#ArmyDay pic.twitter.com/dGym8HT4p5 — KTR (@KTRTRS) 15 January 2019

భైంసాటౌన్‌(ముథోల్‌) : మనం ఈరోజు ప్రశాంత జీవనం గడుపుతూ సంతోషంగా ఉన్నామంటే దానికి కారణం భారత సైనికులు.. 24 గంటలు సరిహద్దుల్లో దేశానికి కాపలా కాస్తూ ఎడారి ఎండల్ని, కాశ్మీరు మంచును, మేఘాలయా వర్షాలను లెక్కచేయకుండా దేశరక్షణలో ప్రాణత్యాగానికైనా సిద్ధపడుతారు. కోట్లాది భారతీయుల కోసం తమ కుటుంబాలకు దూరంగా మంచుగడ్డల్లో, ఎముకలు కొరికే చలిలో విధులు నిర్వర్తిస్తూ దేశాన్ని కంటికి రెప్పలా కాపలా కాస్తున్నారు. కేవలం దేశరక్షణకే పరిమితం కాకుండా వరదలు, భూకంపాలు వంటి ప్రకృతి వైపరీత్యాలు సంభవించినప్పుడు ప్రజల రక్షణలోనూ ముందుంటున్నారు. దేశానికి అన్నం పెట్టేది రైతన్నే అయినా.. దేశాన్ని కాపాడేది సైనికుడు.. అందుకే ముందుగా జై జవాన్, ఆ తరువాతే జై కిసాన్‌ అన్నారు. దేశసేవ కోసం జిల్లా నుంచి ఎంతోమంది సైనికులు సరిహద్దులో విధులు నిర్వర్తిస్తున్నారు. ఈనెల 15న సైనిక దినోత్సవం. నిరంతరం దేశానికి కాపలా కాసే సైనికులను స్మరించుకునే రోజు ఇది. ఈ నేపథ్యంలో కథనం..  ఆర్మీ ‘డే’ నేపథ్యం..  అనేక పోరాటాల ఫలితంగా 1947లో భారతదేశానికి స్వాతంత్య్రం సిద్ధించింది. ఎందరో స్వాతంత్య్ర సమర యోధులు భారతదేశానికి బ్రిటిషర్ల నుంచి స్వాతంత్య్రాన్ని సంపాదించి పెట్టారు. స్వాతంత్య్ర భారతదేశాన్ని భారత సైనికులు కంటికి రెప్పలా కాపాడుతూ వస్తున్నారు. 1948లో చివరి బ్రిటిషన్‌ కమాండర్‌ జనరల్‌ బాధ్యతల నుంచి తప్పుకోవడంతో భారతదేశ మొట్టమొదటి సైనిక కమాండర్‌గా కేఎం కరియప్ప జనవరి 15న బాధ్యతలు స్వీకరించారు. అప్పటి నుంచి ఈ రోజున ‘జాతీయ సైనిక దినోత్సవం’గా జరుపుకుంటున్నాం. ఈ రోజున దేశం కోసం ప్రాణత్యాగాలు చేసిన జవానులకు ఢిల్లీలోని అమరజవాను జ్యోతి వద్ద నివాళులర్పిస్తారు. వారి త్యాగాలను స్మరించుకుంటారు. దేశసేవలో ఉత్తమ సాహసాలను ప్రదర్శించిన జవానులకు సేవా అవార్డులు సైతం అందజేస్తారు.  ప్రభుత్వాలు ప్రోత్సహించాలి  దేశరక్షణలో భాగంగా విధులు నిర్వర్తించే జవాన్లకు ప్రభుత్వం వారి పదవీ విరమణ అనంతరం ఐదెకరాల ప్రభుత్వ స్థలం కేటాయిస్తోంది. ఆయా రాష్ట్ర ప్రభుత్వాలు భూమి కేటాయిస్తాయి. అయితే గతంలో పదవీ విరమణకు ముందే జవాన్లకు ప్రభుత్వం ఐదెకరాల భూమి కేటాయించేది. కానీ 2009 నుంచి అప్పటి ఉమ్మడి ఆంధ్రప్రదేశ్‌ రాష్ట్రప్రభుత్వం ఆర్మీ జవాన్లకు పదవీ విరమణ తరువాతే భూమి కేటాయించాలని నిర్ణయించింది. దీంతో గతంలో మాదిరే ముందుగానే ప్రభుత్వం భూమిని కేటాయించాలని జవాన్లు కోరుతున్నారు. తమపై ఆధారపడే కుటుంబసభ్యులకు చేదోడువాదోడుగా ఉంటుందని అభిప్రాయం వ్యక్తం చేస్తున్నారు. ప్రభుత్వం ముందుగానే ఐదెకరాల స్థలం కేటాయిస్తే ఎందరో యువకులు దేశరక్షణలో పాలు పంచుకునే అవకాశం ఉంటుందని వారు పేర్కొంటున్నారు. ప్రభుత్వాలు సైతం యువత దేశరక్షణలో రాణించేలా వారిని ప్రోత్సహించాలని జవాన్లు కోరుతున్నారు.   లక్ష్యమే కనిపించింది  మాది భైంసా మండలం లింగా 2 గ్రామం. ఇటీవల జమ్మూకాశ్మీర్‌లో జరిగిన పాక్‌ కాల్పుల్లో నాచేతి నుంచి బుల్లెట్‌ దూసుకెళ్లడంతో గాయమైంది. ఆ రోజు చుట్టూ పొగమంచు ఆవరించి ఉంది. కాసేపు ఏం జరిగిందో తెలియలేదు. శత్రువుల నుంచి బుల్లెట్ల వర్షం కురుస్తున్నా సుమారు గంటసేపు ఉగ్రమూకలతో పోరాడా. గాయాలు కావడంతో సైనిక అంబులెన్స్‌లో ఆస్పత్రికి చేర్చారు. చికిత్స పొందాలని సూచించడంతో స్వగ్రామానికి వచ్చా. – దుప్పి విశ్వనాథ్, జవాను, లింగ 2  యూనిఫాం అంటే ఇష్టంతో..  మాది నిర్మల్‌ జిల్లా ఖానా పూర్‌లోని శాంతినగర్‌. అమ్మ లక్ష్మి, నాన్న నర్సయ్య వ్యవసాయం చేస్తారు.  నేను కూడా వ్యవసాయంలో నాన్నకు సాయం చేస్తూ చదువుకున్నా. నాకు ఊహ తెలిసినప్పటి నుంచి యూనిఫాం జాబ్‌ అంటే చాలా ఇష్టం. ఎలాగైనా ఉద్యోగం సాధించాలని కసి ఉండేది. మొదటగా కానిస్టేబుల్‌ ఎంపిక పరీక్షలకు వెళ్లినా సెలెక్ట్‌ కాలేదు. అయితే తరువాత కఠోర సాధనతో 2008లో ఆర్మీ రిక్రూట్‌మెంట్‌లో మొదటి ప్రయత్నంలోనే ఎంపికయ్యాను. ప్రస్తుతం పంజాబ్‌లో విధులు నిర్వర్తిస్తున్నా. – కడుకుంట్ల ప్రవీణ్‌కుమార్, జవాన్‌ దేశసేవ కోసమే  మాది భైంసాలోని కిసాన్‌గల్లి. అమ్మ గంగాబాయి, నాన్న రాములు. పదోతరగతి వరకు భైంసాలోని సరస్వతి శిశుమందిర్‌లో విద్యాభ్యాసం జరిగింది.  2002లో ఆర్మీ రిక్రూట్‌మెంట్‌లో ఎంపికయ్యా. ప్రస్తుతం నాయక్‌గా విధులు నిర్వర్తిస్తున్నా.  – కార్తీక్, నాయక్, భైంసా  జైహింద్‌ మన నినాదం కావాలి  మాది భైంసా పట్టణంలో ని గణేశ్‌నగర్‌. అమ్మ భూ మాబాయి, నాన్న సాయ న్న. అమ్మ నా చిన్నప్పుడే చనిపోయింది. నా విద్యాభ్యాసం భైంసాలోని సర స్వతి శిశుమందిర్‌లో సాగింది. చిన్నప్పటి నుంచే దేశభక్తి భావాలు ఎక్కువ. 2000 సంవత్సరంలో ఆర్మీ రిక్రూట్‌మెంట్‌లో ఎంపికయ్యా. ప్రస్తుతం హవల్దార్‌గా విధులు నిర్వర్తిస్తున్నా. పిల్లలకు గుడ్‌మార్నింగ్, గుడ్‌నైట్‌లకు బదులు జైహింద్, జైభారత్‌ అనే నినాదాలు నేర్పించాలి. దీంతో వారిలో దేశం పట్ల గౌరవభావం ఏర్పడుతుంది. – ఆకుల దత్తాత్రి, హవల్దార్, భైంసా   

చింతలమానెపల్లి (సిర్పూర్‌): కశ్మీరులో జరిగిన ఎదురుకాల్పుల్లో వీరమరణం పొందిన ఆర్మీ జవాన్‌ రాజేశ్‌ దాకువా అంత్యక్రియలు గురువారం స్వగ్రామం కుమురంభీం జిల్లా చింతలమానెపల్లి మండలం రవీంద్రనగర్‌లో అశ్రునయనాల మధ్య పూర్తయ్యాయి. మధ్యాహ్నం ఒంటి గంటకు రాజేశ్‌ భౌతికకాయం రవీంద్రనగర్‌కు చేరుకుంది. సాయంత్రం సాంప్రదాయ పద్ధతిలో అంత్యక్రియలు నిర్వహించారు. మొదట ప్రజల సందర్శనార్థం రాజేశ్‌ దాకువా పార్థివదేహాన్ని గ్రామంలోని పాఠశాల మైదానంలో ఉంచారు. భారీ సంఖ్యలో తరలివచ్చిన ప్రజలు కన్నీటి పర్యంతమవుతూ అంజలి ఘటించి నివాళులర్పించారు. తల్లి లతిక, భార్య జయ, కుమార్తెలు రోషిణి, ఖుషి, సోదరి మీనా, రీనా రాజేశ్‌ భౌతికకాయం చూడగానే కన్నీరు మున్నీరుగా రోదించారు. ఆర్మీ అధికారిక లాంఛనాల మధ్య అంత్యక్రియలు జరిగాయి. జవాన్‌ చితికి కుమార్తె రోషిణి నిప్పంటించారు.  

లక్నో : ఉత్తర్‌ప్రదేశ్‌లో బులంద్‌షహర్‌లో చెలరేగిన అల్లర్లలో ప్రాణాలు కోల్పోయిన పోలీసు అధికారి సుబోధ్‌కుమార్‌ సింగ్‌ కేసు కీలక మలుపు తిరిగింది. ఇప్పటి వరకు ప్రధాన నిందితుడు యోగేశ్‌ రాజ్‌, సుబోధ్‌పై కాల్పులు జరిపినట్లు పోలీసులు అనుమానించారు. తాజాగా.. జమ్ముకశ్మీర్‌కు చెందిన జవాను జీతు ఫ్యూజి ఈ కేసులో ప్రధాన నిందితుడిగా మారాడు. శ్రీనగర్‌కు చెందిన జీతు ఇన్‌స్పెక్టర్ సుబోధ్‌పై కాల్పులు జరిపినట్లు సమాచారం. ఘటన జరిగిన రోజు ఫ్యూజి అక్కడే ఉన్నట్లు.. అనంతరం అదే రోజు సాయంత్రమే శ్రీనగర్‌ వెళ్లిపోయినట్లు తెలుస్తోంది. అతడిని అదుపులోకి తీసుకునేందుకు పోలీసులు ప్రయత్నిస్తున్నారు. బులందషహర్‌ ఘటనలకు సంబంధించి బయటకు వచ్చిన వీడియోల్లో జీతు ఫ్యూజి స్పష్టంగా కనిపించాడు. అతడిని పట్టుకునేందుకు రెండు పోలీసు బృందాలు జమ్ముకశ్మీర్‌కు వెళ్లినట్లు తెలుస్తోంది. ఇదిలా ఉంటే సుబోధ్‌ హత్య వెనుక కుట్ర కోణం ఉన్నట్లు పోలీసులు అనుమానిస్తున్నారు. ఇందుకు బలం చేకూర్చేలా అల్లర్ల సమయంలో సుబోధ్‌ను చంపేయ్యండి అంటూ కొందరు ఆందోళనకారులు అరుస్తున్న వీడియో ఒకటి తాజాగా బయటకొచ్చింది. ఈ ఘర్షణలో మరో యువకుడు సుమిత్‌ కూడా చనిపోయాడు. సుమిత్‌ మృతికి ప్రతీకారంగానే సుబోధ్‌పై దాడి చేసినట్లు ఈ వీడియో ద్వారా తెలుస్తోంది. కొందరు ఆందోళన కారులు పోలీసులను వెంబడిస్తూ ‘వారి దగ్గర నుంచి తుపాకీలు లాక్కొని వారిని చంపేయండి’ అని అరుస్తున్నట్లు వీడియోలో స్పష్టంగా ఉంది.                                                     (జవాన్‌ జీతు ఫ్యూజీ తల్లిదండ్రులు) పదునైన ఆయుధంతో సుబోధ్‌పై దాడి చేసి ఆ తర్వాత తలపై కాల్చి చంపారు. సుబోధ్‌ చనిపోయిన సమయంలో జీతు అతని ఎదురుగానే ఉన్నట్లు ఓ వీడియోలో కనిపిస్తోంది. అయితే అతన్ని గుర్తు పట్టడంలో జీతు తల్లి తడబుతున్నట్లు తెలుస్తోంది. వీడియోల్లో తన కొడుకును స్పష్టంగా గుర్తించలేకపోయానని తెలిపింది. ఒకవేళ పోలీసులు చెప్పినట్లు తన కొడుకే సుభోద్‌ను హత్య చేసి ఉంటే.. ఢ. మరో కుటుంబ సభ్యుడు మాట్లాడుతూ.. సుభోద్‌ సింగ్‌ మరణించిన రోజున జీతు ఘర్షణ జరిగిన ప్రాంతంలోనే ఉన్నాడని తెలిపారు. అక్కడి నుంచి ఇంటికి వచ్చి ‘డ్రామా చూశారా’ అంటూ ప్రశ్నించాడని గుర్తు చేసుకున్నారు. అనంతరం సాయంత్రం కార్గిల్‌ వెళ్లాడని తెలిపారు.

లాతూర్‌ భూకంపంలో నాలుగు రోజుల పాటు శిథిలాల కింద కొన ఊపిరితో ఉన్న పాపాయిని ప్రాణాలతో కాపాడి, తల్లిదండ్రుల ఒడికి చే ర్చి, వారి అభ్యర్థనపై ఆ పాపాయికి పేరు పెట్టిన జవాను.. ఇరవై ఐదేళ్ల తర్వాత తిరిగి ఆ పాపాయిని కలిసిన ఉద్విగ్న క్షణాలివి. రిక్టర్‌ స్కేలు కూడా తట్టుకోలేని హృదయ ప్రకంపనలివి. ‘‘నిన్ను రోజూ తలుచుకుంటాం, నువ్వెక్కడున్నావో తెలియక..’’ అంది ఆ ‘కూతురు’.. ఫోన్‌లో. ‘‘నువ్వక్కడే ఉంటావని తెలుసు, కానీ రెండేళ్లకో బదిలీతో నా వస్తువులు కకావికలమై పోయా యి. నేను దాచుకున్న నీ ఫొటోలు మాత్రం నా దగ్గర ఇప్పటికీ ఉన్నాయి. ఓ నెల్లాళ్ల ముందు ప్రయత్నించి ఉంటే నీ పెళ్లి చూసేవాడిని’’ అంటూ ఆ ‘తండ్రి’ కదిలిపోయాడు. ‘‘నిన్ను చూడటానికి వస్తున్నా’’ అని చెప్పి ఆనందంతో కళ్లు తడుచుకున్నాడు. చెప్పినట్లుగానే మరుసటి రోజే పుణె నుంచి లాతూర్‌లోని మన్‌గ్రుల్‌ గ్రామం చేరుకున్నాడు. సహోద్యోగి సహాయంతో ప్రియ ఇంటికి వెళ్లాడు. ప్రియ తల్లి చేతులెత్తి అతడికి మొక్కింది. అతడి కళ్లు మరెవరి కోసమో వెతుకుతున్నాయి. ఆ వ్యక్తి గోడ మీద ఫొటోలో కనిపించాడు.  ‘‘నాన్న పోయి నాలుగు నెలలైంది’’ అని చెప్పింది ప్రియ. ‘‘మీరు బతికించిన బిడ్డ’’ అంటూ ప్రియను చూపించింది ప్రియ తల్లి. ‘‘ఎంత పెద్దయిపోయావు’’ అంటూ ఆప్యాయంగా దగ్గరకు తీసుకున్నాడామెని. ఆ ఇంట్లో దేవుడి పటాల పక్కన తన ఫొటో ఉండడం చూసి ఉద్వేగానికి లోనయ్యాడతడు. ఆ రోజు... రాళ్ల గుట్టల మధ్య నుంచి పాకుతూ ఆ పాపాయిని ఛాతీమీద ఉంచుకుని పైకి వచ్చిన సంఘటన కళ్ల ముందు మెదిలింది అతడికి. 1993, సెప్టెంబర్‌ 30 తెల్లవారు జామున నాలుగవుతోంది. మహారాష్ట్ర, లాతూర్‌ జిల్లా, మన్‌గ్రుల్‌ గ్రామం. మరీ పొద్దున్నే నిద్రలేచే అలవాటున్న కొందరు తప్ప మిగిలిన అందరూ కదలిక లేకుండా పడుకుని ఉన్నారు. అప్పుడు వచ్చింది భారీ భూకంపం. దాదాపు పది  వేల మంది ప్రాణాలు కోల్పోయారు. ముప్పై వేల మంది గాయపడ్డారు. దేశం ఉలిక్కిపడింది. సహాయక చర్యల కోసం మిలటరీ బలగాలు దిగాయి. ఆ బలగాల్లోని ఒక బృందంలో అప్పటికి ఎనిమిది నెలల కిందట లెఫ్టినెంట్‌గా ఉద్యోగంలో చేరిన బిహార్‌ కుర్రాడు సుమీత్‌ బాక్సి కూడా ఉన్నాడు.  హృదయ విదారకంగా ఉంది పరిస్థితి. ఎటు చూసినా కూలిన గోడలు, శిథిలాల మధ్య చిక్కుకున్న ప్రాణం లేని మనుషులు, పశువుల దేహాలు! మనుషుల్ని, పశువుల్ని వేరు చేస్తున్నారు సుమీత్‌ బాక్సి, అతడి బృందం. పశువులను గొయ్యి తీసి పూడ్చేస్తున్నారు. మనుషులను వెంటనే పూడ్చకుండా, వాళ్ల వాళ్లెవరైనా దూర ప్రాంతాల నుంచి వస్తారేమోనని ఒక చోట పడుకోబెడుతున్నారు. రోజులు గడుస్తున్నాయి. కుళ్లి పోతున్న శవాలను ఫొటోలు తీసి, దహనం చేస్తున్నారు. కొత్తగా ఉద్యోగంలో చేరిన సుమీత్‌కి మనసు కలచి వేస్తోంది. ఐదవ రోజు ఒక భార్యాభర్త అక్కడికి వచ్చారు. ‘మా బిడ్డ దేహాన్ని వెతికి ఇస్తే అంత్యక్రియలు చేసుకుంటాం’ అని అడిగాడతడు కన్నీళ్లు తుడుచుకుంటూ. అతడి భార్య  మౌనంగా రోదిస్తూ ఉంది. కన్నీళ్లు చెంపల మీద కారిపోతున్నాయి. అప్పుడే భోజనానికి కూర్చున్న సుమీత్‌ వెంటనే లేచాడు. ‘నాలుగు రోజులుగా సరిగ్గా తినకుండా పని చేస్తున్నావు, భోజనం పూర్తి చేసి వెళ్దాం’ అని తోటి జవాన్లు అతడిని ఆపడానికి ప్రయత్నించారు. సుమీత్‌ కూర్చోలేక పోయాడు. పాపాయి దేహం కోసం ఆ దంపతులు చెప్పిన ఆనవాళ్ల ప్రకారం వాళ్ల ఇల్లు ఉండాల్సిన చోటుకెళ్లాడు. అక్కడ వరుసగా ఏడు ఇళ్ల శిథిలాలు పోగుపడి ఉన్నాయి. ఆ శిథిలాలను తొలగిస్తూ పద్దెనిమిది నెలల పాపాయి దేహం కోసం గాలిస్తున్నాడు సుమీత్‌. భూకంపం వచ్చి అప్పటికి ఐదు రోజులు, ప్రాణం ఉన్న పాపాయి దొరుకుతుందనే ఆశ ఎవరికీ లేదు. ఒక ఇనుప మంచం ఒక పక్కకి ఒరిగిపోయి ఉంది. ‘ఆ మంచం మీదే పాపాయి పడుకుంది’.. అని పెద్దగా అరిచాడు తండ్రి. మంచం కోడు ఒకటి భూమిలోకి కూరుకుపోయి ఉంది. మంచం కోడు కూరుకున్న చోట చిన్న సొరంగంలా ఉంది నేల పగులు. సుమీత్‌ ఆ సొరంగంలోకి చేతిని చాచి అందినంత మేర తాకి చూశాడు. చేతికి చల్లగా తగిలింది. అది పాపాయి దేహమే. నాలుగు రోజులు జరిగిపోయాయి. దేహ భాగాలు ఊడి రాకుండా ఉండాలంటే అందిన భాగాన్ని పట్టుకుని లాగకూడదు, జాగ్రత్తగా వెలికి తీయాలి. ఇరవై ఏళ్ల సుమీత్‌ సన్నగా ఉన్నాడు, కాబట్టి సొరంగంలోకి దూరిపోయాడు. అప్పుడు మెల్లగా వినిపించింది పాపాయి దగ్గు. ఒక్కసారిగా భయకంపితుడయ్యాడతడు. నిజమేనా అని ఆశ్చర్యం. నిజం కాకపోతే అనుమానం. పాపాయిని చేతుల్లోకి తీసుకున్నాడు. దేహం చల్లగా ఉంది కానీ ప్రాణం ఉంది. తన గుండెల మీద పడుకోబెట్టుకుని దేహానికి వెచ్చదనం కోసం పాదాలు రుద్దాడు. ఇప్పుడు బిడ్డతో పాటు బయటకు రావాలి. తానొక్కడైతే సొరంగంలో దూరగలిగాడు, కానీ పాపాయికి ఇబ్బంది కలగకుండా బయటకు రావాలంటే సాధ్యమయ్యేలా లేదు. పక్కనే మరొక సొరంగం తవ్వమని జవాన్లకు చెప్పి, పాపాయికి ప్రథమ చికిత్స చేస్తున్నాడు. పెద్ద సొరంగం తవ్వే లోపే చుట్టు పక్కల గ్రామాల నుంచి వందలాది మంది గుమిగూడిపోయారు.. మిరకిల్‌ బేబీని చూడడానికి. పాపాయిని ఛాతీకి ఆనించుకుని పైనున్న జవాన్లు అందించిన తాడు సాయంతో బయటకు వచ్చాడు సుమీత్‌. పాపాయిని తల్లికివ్వడానికి చేతుల్లోకి తీసుకునే లోపే ఆ దంపతులిద్దరూ అతడి పాదాల మీద పడిపోయారు. డ్యూటీ అయిపోయింది లాతూర్‌లో పరిస్థితులు మామూలయ్యాయి. శిథిలాల నుంచి పనికొచ్చే వస్తువులతో గుడిసెలు, పాకలు వేసుకుని జీవనం మొదలు పెట్టారంతా.  సుమీత్‌ బృందం కూడా ఆ ఊరు విడిచి వెళ్లి పోయింది. ఆ వెళ్లేటప్పుడు... పాపాయిని అతడి చేతుల్లో పెట్టి పేరు పెట్టమని అడిగారు ఆమె తల్లిదండ్రులు. ‘ప్రియ’ అన్నాడు సుమీత్‌ పాపాయిని ముద్దుపెట్టుకుంటూ. సుమీత్‌ అడ్రసు తీసుకున్నారు ప్రియ అమ్మానాన్న. తర్వాత కొన్నేళ్ల పాటు ప్రియ క్షేమ సమాచారాలు ఉత్తరాలు రాసేవారు, ఫొటోలు కూడా పంపించేవారు. సుమీత్‌కి పెళ్లి, పిల్లలు, ఉద్యోగ బాధ్యతల్లో రెండేళ్లకోసారి ట్రాన్స్‌ఫర్‌లతో ప్రియ అమ్మానాన్నలకు తన కొత్త అడ్రస్‌ ఇవ్వడం మర్చిపోయాడు. అలా ఉత్తరాలు ఆగిపోయాయి.  ప్రియ తరచూ గుర్తుకు వస్తోంది కానీ, అనేక పరిసర గ్రామాల్లో పనిచేయడంతో మన్‌గ్రుల్‌ పేరు మర్చిపోయాడు. ఇన్నేళ్ల తర్వాత ట్రాన్స్‌ఫర్ల వరుసలో 2016లో పుణేకు వచ్చాడు సుమీత్‌ బాక్సి. ‘ప్రియది ఇదే రాష్ట్రం కదా! వాళ్ల కోసం ఓసారి ట్రయ్‌ చేయకూడదూ’ అని భార్య నీరా అనడంతో ఇప్పుడీ బంధం వెలుగులోకి వచ్చింది. ఎలా దొరికింది? ప్రియ వివరాల కోసం ప్రయత్నాలు ఎలా మొదలుపెట్టాలా అని ఆలోచిస్తున్నప్పుడు క్లర్క్‌ దయానంద్‌ గుర్తుకొచ్చాడు. అతడు మాటల మధ్య ఒకసారి తన సొంతూరు లాతూర్‌ దగ్గర ఇల్లు కట్టుకుంటున్నట్లు చెప్పాడు. అతడిని పిలిచి ‘ప్రియ’ అని పేరు చెప్పగానే ‘భూకంపం నుంచి బతికి బయట పడిన అమ్మాయి కదా, మిరకిల్‌ బేబీ తెలియకపోవడం ఏమిటి’ అంటూ వెంటనే ఊళ్లో వాళ్లకు ఫోన్‌లు చేసి ప్రియ ఫోన్‌ నంబరు సంపాదించాడు. మొదట తాను ప్రియతో మాట్లాడి సుమీత్‌ బాక్సి మాట్లాడతాడని చెప్పగానే ప్రియ ఉద్వేగానికి లోనయింది. ఆ ‘తండ్రీకూతుళ్లు’ ఉద్వేగంతో మాట్లాడుకున్న ఫోన్‌ కాల్‌ అదే. ప్రియ ఆచూకీ అంత సులభంగా దొరుకుతుందని ఊహించనేలేదంటాడు సుమీత్‌. ఆమె ఇప్పుడా గ్రామంలో స్కూల్‌ టీచర్‌. ‘దేశం కోసం డ్యూటీ చేసిన జవాను నాకు పునర్జన్మ ఇచ్చాడు. నా పునర్జన్మ ఊరికి సేవ చేయడానికే. ఊరందరినీ విద్యావంతుల్ని చేయడమే నా లక్ష్యం. అందుకే పుట్టిన ఊర్లోనే టీచర్‌గా చేస్తున్నాను’ అని ప్రియ చెప్పడంతో మరోసారి భావోద్వేగానికి లోనయ్యాడు సుమీత్‌. బంధం ఎప్పుడూ అందంగానే ఉంటుంది. ఆత్మీయతను పంచుతూనే ఉంటుంది. మనుషులు దూరంగా ఉన్నా, మనసులను దగ్గరగా ఉంచుతుంది. సుమీత్‌ బాక్సి – ప్రియలది అలాంటి బంధమే. ఈ తండ్రీబిడ్డల బంధానికి కదిలిపోయిన ఓ ఫైన్‌ ఆర్ట్స్‌ ప్రొఫెసర్‌ ఈ సంఘటనలను రంగుల కుంచెలతో చిత్రించాడు. – మంజీర

పంజాబ్‌లో నక్సల్‌ జరిపిన కాల్పుల్లో తమిళ వీరుడు మరణించారు. వీరోచితంగా ఎదురు కాల్పులు జరిపినా, చివరకు వీరుడు నేల కొరిగాడు. ఈ సమాచారం మంగళవారం స్వగ్రామానికి చేరడంతో కుటుంబం శోక సంద్రంలో మునిగింది. కన్యాకుమారిలోని పరుత్తి కాట్టు గ్రామానికి ఆ వీరుడి  మృతదేహం బుధవారం చేరుకునే అవకాశం ఉంది. సాక్షి, చెన్నై : కన్యాకుమారి జిల్లా వేలప్పన్, సీతాలక్ష్మి దంపతులకు ఇద్దరు కుమారులు, ఇద్దరు కుమార్తెలు. వీరిలో పెద్దవాడు జగన్‌(38). వేలప్పన్‌ తన చిన్నతనంలోనే మరణించడంతో కుటుంబానికి జగన్‌ పెద్ద దిక్కు అయ్యాడు. చిన్నతనం నుంచి రెక్కల కష్టంతో కుటుంబానికి అండగా నిలబడ్డాడు. అంతే కాదు, భారత ఆర్మీలో చేరాలన్న సంకల్పంతో ముందుడుగు వేశాడు. 16 ఏళ్ల క్రితం భారత ఆర్మీలో చేరాడు. పాకిస్థాన్, చైనా సరిహద్దుల్లో సేవల్ని అందించాడు. కుటుంబానికి తండ్రి స్థానంలో నిలబడ్డ జగన్, తన ఇద్దరు సోదరీమణులకు వివాహం చేసే వరకు తానూ చేసుకోకూడదన్న నిర్ణయానికి వచ్చాడు. అనుకున్నట్టే ఇద్దరు సోదరీమణులకు వివాహం చేశాడు. తమ్ముడ్ని ప్రయోజకుడ్ని చేసే పనిలో నిమగ్నం అయ్యారు. ఈ ఏడాది జనవరి 28వ తేదీ తన 38వ ఏట సుబిని వివాహం చేసుకున్నాడు. ప్రస్తుతం సుబి ఏడు నెలల గర్భవతి. తాను తండ్రి కానున్న సమాచారంతో గత నెల సెలవు మీద స్వగ్రామానికి జగన్‌ వచ్చాడు. పదిహేను రోజుల క్రితం తిరుగు పయనం అయ్యాడు. ఎంతో ఆనందంగా జగన్‌ను కుటుంబీకులు పంపించారు. అయితే,  మంగళవారం అందిన సమాచారం ఆ కుటుంబాన్ని  తీవ్ర శోక సంద్రంలో ముంచింది. పెద్ద దిక్కును కోల్పోయాం సోమవారం పంజాబ్‌లో నక్సల్స్‌ కాల్పుల్లో జగన్‌ మరణించినట్టుగా సమాచారం అందగానే, ఆ కుటుంబం కన్నీటి మడుగులో మునిగింది. ఆ గ్రామమే శోకసంద్రం అయింది. పదిహేను రోజుల క్రితం అందర్నీ పలకరిస్తూ, ఎంతో ఆనందంగా దేశ సేవకు వెళ్లిన జవాను జగన్, జీవచ్ఛవంగా తమ ముందుకు రానుండడాన్ని ఆ గ్రామస్తులు జీర్ణించుకోలేకున్నారు. కుటుంబ పెద్దను కోల్పోయమని తల్లి సీతాలక్ష్మి, భార్య సుబి, సోదరీమణులు, సోదరుడు విలపిస్తున్నారు. అన్నింటికి తాను ఉన్నానని, భరోసా ఇచ్చే జగన్‌ ఇక లేడన్న సమాచారాన్ని ఆ కుటుంబీకులు, ఆప్తులు జీర్ణించుకోలేని పరిస్థితి. సమాచారం అందుకున్న ఆ నియోజకవర్గ ఎంపీ, కేంద్ర సహాయమంత్రి పొన్‌ రాధాకృష్ణన్, పంజాబ్‌ నుంచి మృత దేహాన్ని ఇక్కడికి త్వరితగతిన తీసుకొచ్చేందుకు తగ్గ ఏర్పాట్లలో మునిగారు. జగన్‌ మృతదేహం బుధవారం స్వగ్రామానికి చేరే అవకాశం ఉంది. అదేరోజు ఆర్మీ లాంఛనాలతో అంత్యక్రియలు జరగనున్నాయి.  

జైపూర్‌ / ఇస్లామాబాద్‌: పాకిస్తాన్‌ సైన్యం, ఉగ్రవాదుల అనాగరిక చర్యలపై ప్రతీకారం తీర్చుకునేందుకు కఠిన చర్యలు తీసుకోవాల్సిన అవసరముందని భారత ఆర్మీ చీఫ్‌ జనరల్‌ బిపిన్‌ రావత్‌ తెలిపారు. ఓ బీఎస్‌ఎఫ్‌ జవాన్‌ గొంతును పాక్‌ సైనికులు కత్తితో కోయడం, కశ్మీర్‌లో పోలీసులను ఉగ్రవాదులు కిడ్నాప్‌చేసి హత్యచేసిన ఘటనలపై రావత్‌ ఈ మేరకు స్పందించారు. జైపూర్‌లో శనివారం జరిగిన మీడియా సమావేశంలో ఆయన మాట్లాడుతూ..‘భారత జవాన్లపై పాకిస్తాన్‌ సైన్యం, ఉగ్రవాదులు పాల్పడుతున్న ఇలాంటి అనాగరిక, ఆటవిక ప్రవర్తనపై కఠిన చర్యలు తీసుకోవాల్సిన అవసరం ఉంది. పాక్‌ వాళ్లకు అర్థమయ్యే భాషలో చెప్పాల్సిన సమయం వచ్చింది. ఈ బాధేంటో వాళ్లకూ తెలియాలి. అయితే ఈ సందర్భంగా పాకిస్తాన్‌ పాటించే అనారిగక, ఆటవిక విధానాలను భారత్‌ అనుసరించకూడదు’ అని తెలిపారు. సరిహద్దులో ఓ బీఎస్‌ఎఫ్‌ జవాన్‌ను పాక్‌ సైన్యం తుపాకితో కాల్చి, గొంతు కోయడంపై స్పందిస్తూ.. ఇలాంటి ఘటనలు ఆమోదయోగ్యం కావనీ, దీనిపై ప్రతీకారం తీర్చుకోవాల్సిన అవసరం ఉందని వ్యాఖ్యానించారు.   యుద్ధానికి సిద్ధంగా ఉన్నాం: పాక్‌   రావత్‌ వ్యాఖ్యలపై పాక్‌ తీవ్రంగా స్పందించింది. భారత్‌తో యుద్ధానికి తాము సిద్ధంగా ఉన్నామనీ, అయితే దేశ ప్రయోజనాల రీత్యా శాంతినే ఆకాంక్షిస్తున్నామని పాకిస్తాన్‌ ఆర్మీ అధికార ప్రతినిధి ఆసిఫ్‌ గఫూర్‌ తెలిపారు.

శ్రీనగర్‌: ఉగ్రవాదులు తలపై తుపాకీ గురిపెట్టినా ఓ జవాన్‌ ఆర్మీ రహస్యాలను చెప్పేందుకు నిరాకరించాడు. దీంతో ఉగ్రవాదులు అతడిని దారుణంగా కాల్చిచంపారు. ఈ ఘటన జమ్మూకశ్మీర్‌లో చోటుచేసుకుంది. కుల్గామ్‌లోని ఛురత్‌ గ్రామానికి చెందిన లాన్స్‌నాయక్‌ ముఖ్తార్‌ అహ్మద్‌ మాలిక్‌ టెరిటోరియల్‌ ఆర్మీకి చెందిన 162వ బెటాలియన్‌లో పనిచేస్తున్నారు. ఈ నెల 15న జరిగిన రోడ్డు ప్రమాదంలో ఆయన కుమారుడు చనిపోయాడు. దీంతో కుమారుడి కర్మకాండ నిర్వహించేందుకు సోమవారం మాలిక్‌ ఇంటికి చేరుకున్నారు. ఆ సమయంలో ఉగ్రవాదులు ఒక్కసారిగా ఆయన ఇంట్లోకి దూసుకెళ్లారు. తలపై తుపాకీ గురిపెట్టి ఆర్మీ స్థావరాలకు సంబంధించిన వివరాలు చెప్పాలని బెదిరించారు. అయితే ఏమాత్రం తొణకని మాలిక్‌.. ‘కావాలంటే నన్ను చంపుకోండి. కానీ ప్రశ్నలు మాత్రం అడగొద్దు’ అని కరాఖండిగా చెప్పేశాడు. దీంతో తీవ్ర ఆగ్రహానికి లోనైన ఉగ్రవాదులు మాలిక్‌పై అత్యంత సమీపం నుంచి కాల్పులు జరిపి పరారయ్యారు.

ముంబై: వీర జవాన్‌ కుటుంబాలు, పేద రైతులను ఆదుకునేందుకు బిగ్‌బీ అమితాబ్‌ బచ్చన్‌ ముందుకు వచ్చారు. అమరులైన వీర జవాన్ల కుటుంబాలకు రూ.కోటి, రైతుల రుణమాఫీకి మరో రూ.1.5 కోట్లు ఇవ్వనున్నట్లు ప్రకటించారు. ‘కౌన్‌ బనేగా కరోడ్‌పతి సీజన్‌ 10’లో భాగంగా ఆయన మంగళవారం విలేకరులతో మాట్లాడారు. ప్రభుత్వ వివరాల ప్రకారం 44 మంది జవాన్ల కుటుంబాలకు ఈ సహాయం అందుతుందని చెప్పారు. నిధిలో 60 శాతం జవాన్‌ భార్యకు, మిగిలిన 40 శాతాన్ని తల్లిదండ్రులకు కేటాయించామన్నారు. ‘ఓసారి వైజాగ్‌లో షూటింగ్‌లో ఉన్న సమయంలో రూ.15, 20, 30వేల అప్పు కట్టలేక రైతులు ఆత్మహత్యకు పాల్పడిన ఘటనలను చదివి చలించిపోయాను. రైతుల కుటుంబాలకు నా వంతు సహాయం చేయాలని నిర్ణయించుకున్నాను. 200 కుటుంబాల రుణమాఫీకి రూ. 1.5 కోట్లు చెల్లిస్తున్నాను’అని ఆయన పేర్కొన్నారు.

విజయపుర (బెంగళూరు గ్రామీణం): భర్త దేశ రక్షణ కోసం చెమటోడుస్తుంటే, ఆయన భార్యను ఓ మృగాడు వేధింపులకు గురిచేయసాగాడు. ఆ అభాగ్యురాలు చివరకు సజీవ దహనం చేసుకుని తనువు చాలించింది. ఈ విషాద ఘటన గురువారం గ్రామీణ జిల్లా దేవనహళ్లి తాలూకాలో చోటు చేసుకుంది. వివరాలు.. తాలూకాలోని కొమ్మసంద్రకు చెందిన కవిత (35)కు విజయపుర పట్టణానికి చెందిన నటరాజు జవాన్‌తో అనే వ్యక్తితో సుమారు 12 ఏళ్లక్రితం వివాహమైంది. భర్త గౌహతిలో సైన్యంలో పనిచేస్తుంటే, ఆమె విజయపుర పట్టణంలోనే కొడుకుతో కలిసి నివసిస్తోంది. భర్త అప్పుడప్పుడు సెలవు మీద వచ్చి వెళ్తుండేవాడు. కవిత ఇంట్లో ఖాళీగా ఉండడం ఇష్టం లేక పట్టణంలోని ఓ ప్రైవేటు కాలేజీలో డిగ్రీ చదువుతుండేవారు. ఈ క్రమంలో  సాయికృష్ణ అనే యువకుడు కొద్దిరోజులుగా కవితను ప్రేమిస్తున్నాను అని వేధించడం ప్రారంభించాడు. వేధింపులు తీవ్రం కావడంతో ఆమె జీవితం మీద విరక్తిచెంది బుధవారం ఇంట్లో కిరోసిన్‌ పోసుకుని నిప్పంటించుకుంది. స్థానికులు గమనించి ఆసుపత్రికి తరలించగా తన ఆత్మహత్యకు సాయికృష్ణ వేధింపులే కారణమని మరణ వాంగ్మూలమచ్చింది. చికిత్స పొందుతూ గురువారం కన్నుమూసింది. పట్టణ పోలీసులు సాయికృష్ణను అరెస్ట్‌ చేశారు.  

తల్లిదండ్రులు.. భార్యాపిల్లల మంచీచెడును దగ్గరుండి చూసుకునే అవకాశం లేకపోయినా.. దేశ ప్రజలే కుటుంబంగా భావించే ధీరులకు కనీస రక్షణ కరువైంది. వీర మరణంతో సొంతూళ్లకు చేరుకునే పార్థివ దేహాలకు సెల్యూట్‌ చేస్తున్న చేతులు.. ఉగ్రమూకల తుపాకీ గుళ్లకు ఎదురొడ్డి నిలిచి సొంత సమస్యలపై అధికారుల ఎదుట నిలుచుంటే చేయూతనివ్వని దయనీయం. సార్‌.. నా భూమి ఆక్రమణలో ఉందని పోలీసుల కాళ్లావేళ్లా పడితే.. తుపాకీ చూపించావంటూ బీఎస్‌ఎఫ్‌ జవాను నాగరాజును రెండు రోజుల క్రితం కటకటాల్లోకి నెట్టేశారు. అదే జవానుపై దాడికి దిగిన వ్యక్తులు రాజకీయ, పోలీసు అండదండలతో దర్జాగా బయట తిరుగుతున్నారు. ‘సాక్షి’ కథనం కదిలించినా.. ఆ జవాను బెయిలుపై తిరిగొచ్చి ఫిర్యాదు చేస్తే అప్పుడు కేసు కడతామన్న సాటి ఖాకీల కఠిన హృదయానికి సభ్య సమాజం జోహార్లు అర్పిస్తోంది. ఎముకలు కొరికే చలి.. జోరువాన..ఠారెత్తించే ఎండ.. ఏదైనా భరిస్తారు.కుటుంబం..పిల్లలు..బంధువులు..దేన్నైనా త్యజిస్తారు.సరిహద్దును రక్షిస్తూ జన్మభూమి రుణం తీర్చుకుంటారు.దేశంకోసం ప్రాణాన్నే ఫణంగా పెడతారు.కొందరు అమరులవుతారు..మరికొందరు మాజీ సైనికులవుతారు..కానీ.. ఇంటికొచ్చిన ఆ వీరులను ఈ సమాజం దగాచేస్తోంది. పదవీ విరమణ పొందాక ఉపాధి కోసం ప్రభుత్వం ఇచ్చిన భూములను కొందరు కబ్జా చేస్తున్నారు. కాపాడాల్సిన అధికారులు, నేతలు అక్రమాలకే అండగా నిలుస్తున్నారు. అందుకే సరిహద్దులో శిఖరంగా కనిపించిన సైనికుడు.. సమాజంలోనిశ్చేష్టునిగా మారిపోతున్నాడు. కనిపించిన వారినంతా న్యాయం కోసం వేడుకుంటున్నాడు. ప్రతి కార్గిల్‌ విజయ్‌ దివస్‌ రోజూ మాజీ సైనికులకు దండంపెట్టే వ్యక్తులే.. ఆ తర్వాత వారిపై దౌర్జన్యం చేస్తున్నారు. ఇలా మాజీ సైనికులు ఎదుర్కొంటున్నభూ సమస్యలపై ‘సాక్షి’ ప్రత్యేక కథనం.          అనంతపురం సెంట్రల్‌: దేశ రక్షణకోసం సైనికులుగా వెళ్లిన వారంతా దాదాపు 20 సంవత్సరాలకు పైగా సరిహద్దులో..లేక మరో ప్రాంతంలో విధులు నిర్వర్తించాల్సి ఉంటుంది. కుటుంబానికి, ఈ ప్రాంతానికి దూరంగా బతుకుతారు. తిరిగి ఈ ప్రాంతానికి వచ్చినప్పడు అంతా కొత్తగా ఉంటుంది. పట్టణ రూపురేఖలన్నీ మారిపోయి ఉంటాయి. ఇదే అదునుగా కొంతమంది... మాజీ సైనికులను సైతం బెదిరించి భూములను కబ్జా చేస్తున్నారు. అందువల్లే అనేక మంది సైనికులకు ప్రభుత్వం భూములు కేటాయించినప్పటికీ అనుభవంలోకి వెళ్లలేకపోతున్నారు. పేరుకు ప్రభుత్వం మంజూరు చేశామని చెప్పినప్పటికీ ఆచరణలో వారికి స్వాధీనం చేయించలేకపోతుండడం అధికారుల అసమర్థతకు నిదర్శనంగా మారతోంది. సైనికుల భూమిని ఆక్రమించినఓ ప్రజాప్రతినిధిరాజకీయాల్లో పెద్దమనిషిగా చెప్పుకుంటున్న ఓ ప్రజాప్రతినిధి ఏకంగా ముగ్గురు మాజీ సైనికుల భూములు ఆక్రమించినట్లు ఆరోపణలు వ్యక్తమవుతున్నాయి. నీతి, న్యాయమంటూ పెద్దపెద్ద మాటలు మాట్లాడుతూ నిత్యం నిలిచే సదరు నేత.. నియోజకవర్గ అధికారులను తన చెప్పుచేతల్లో ఉంచుకున్నాడు. అందువల్లే దేశం కోసం శత్రువలతో పోరాడిన మాజీ సైనికులు కూడా ఆయన ముందు నోరుమెదపలేకపోతున్నారు.  జూలై 26 1999. పాక్‌ దుశ్చర్యను తిప్పికొడుతూ దేశజవానులు వీరోచిత పోరాటం చేశారు. మువ్వన్నెల జెండాను సగర్వంగా రెపరెపలాడించారు. ఈ పోరాటంలో ఎంతోమంది వీరమరణం పొందారు. సైనికుల సేవలను కొనియాడుతూ ప్రతి సంవత్సరం జూలై 26న కార్గిల్‌ దివస్‌ను ఘనంగా జరుపుకుంటాం. సైనికుల సేవలను మరోసారి స్మరించుకుంటాం. అయితే దేశం కోసమే శక్తినంతా ధారపోసి..పదవీ విరమణ పొందాక స్వగ్రామం చేరుకునే మాజీ సైనికులకు తీవ్ర అన్యాయం జరుగుతోంది. వారి సేవలకు గుర్తుగా ప్రభుత్వం ఇచ్చిన భూములను, సొంత స్థలాలను కబ్జాలకు పాల్పడుతూ అవమానాలకు గురి చేస్తున్నారు. రెండురోజుల క్రితం నగరంలో బీఎస్‌ఎఫ్‌ జవాను నాగరాజుకు ఇదే అన్యాయం జరిగింది. భూ సమస్యలో ఇరుక్కోవడంతో పోలీసులు అతనికి ‘‘రిమాండ్‌ ఖైదీ’’ అనే బహుమానాన్ని  అందించారు.   అమలుకాని కలెక్టర్‌ నిర్ణయాలు 2017 ఫిబ్రవరి 19న పీటీసీలో సైనిక సమ్మేళనం నిర్వహించగా.. రాయలసీమ జిల్లాలకు చెందిన వేలాది మంది మాజీ, ప్రస్తుత సైనికులు, వారి కుటుంబసభ్యులు పాల్గొన్నారు. వారందరీ సమక్షంలో అప్పటి కలెక్టర్‌ శశిధర్‌.. మాజీ సైనికుల సమస్యల పరిష్కారానికి నెలలో ఒకరోజు ప్రత్యేక గ్రీవెన్స్‌సెల్‌ ఏర్పాటు చేస్తామని హామీ ఇచ్చారు. అయితే అది కార్యరూపం దాల్చకముందే ఆయన బదిలీ కావడంతో మాజీ సైనికుల గురించి పట్టించుకునే వారు లేకుండా పోయారు. కొన్ని సంవత్సరాల పాటు దేశానికి సేవలందించిన సైనికులు తమ సమస్యలను పరిష్కరించుకోలేక ప్రభు త్వ అధికారుల చుట్టూ తిరుగుతున్నారు.   న్యాయం చేయండి మా ఆయన 20 సంవత్సరాల పాటు సైన్యంలో పనిచేశారు. అందుకు గుర్తింపుగా ప్రభుత్వం రేగాటపల్లిలో సర్వే నంబర్‌ 381.2లో 4.90 ఎకరాలను మంజూరు చేసింది. భూమి సాగులో ఉన్నప్పటికీ అదే గ్రామానికి చెందిన కొంతమంది... రెవెన్యూ అధికారుల సహకారంతో అడంగల్‌లో పేర్లు మార్పు చేయించుకున్నారు. ఈ విషయంలో తెలిసి అధికారుల చుట్టూ తిరిగినా ప్రయోజనం లేదు. ఇంత దారుణమైన పరిస్థితి మరెక్కడా లేదు.  – మాజీ సుబేదార్‌ ఆంజనేయులు భార్య శాంతకుమారి, రేగాటపల్లి, ధర్మవరం కనీస గౌరవమివ్వరు భూ సమస్యలు పరిష్కరించాలని ప్రభుత్వ కార్యాలయాల వద్దకు వెళితే కనీస గౌరవం లేకుండా అక్కడ అధికారులు వ్యవహరిస్తున్నారు. మా సమస్యలు పరిష్కరించేందుకు పెద్ద మెకానిజం అవసరం లేదు. మమ్మల్ని సైనికులుగా గుర్తించి గౌరవ మర్యాదలతో మాట్లాడితే సగం సమస్యలు పరిష్కారమవుతాయి. చాలా మంది అధికారులు రాజకీయ నాయకులకే వత్తాసు పలుకుతున్నారు. ఇలాంటి పరిస్థితుల్లో మా సమస్యలు బయటకు చెప్పుకోలేక పోతున్నాం. దేశం కోసం పనిచేశామనే సంతృప్తి తప్ప..మాకు ఏం మిగలడం లేదు.    – కెప్టెన్‌ షేకన్న, మాజీ సైనికుల సంఘం అధ్యక్షులు 

దేశ రక్షణకు ప్రాణాలను సైతం లెక్క చేయని ఆ జవాను తన సొంత స్థలాన్ని కాపాడుకోలేకపోతున్నాడు. శత్రువు ఎదురుపడితే నిప్పులు కురిపించే ఆ కళ్లు కన్నీరు కారుస్తున్న దయనీయ స్థితి. జవానుకు అండగా నిలవాల్సిన పోలీసులు.. ఏకపక్షంగా వ్యవహరించిన తీరు విమర్శలకు తావిస్తోంది. ఓ అనామకుడు గుంపునేసుకొచ్చి చేతిలో రాయి తీసుకొనిబండ బూతులు తిడుతూ కొట్టే ప్రయత్నం చేస్తుండగా, తన వద్దనున్న పిస్టోల్‌ను చేతపట్టుకోవడం నేరమైంది. చంపి పాతేస్తాం అని బెదిరించినా సంయమనం పాటించిన పాపానికి పోలీసుస్టేషన్‌లో బట్టలు లేకుండా కూర్చోవాల్సి వచ్చింది. గతంలో జవాన్‌ చేసిన ఫిర్యాదుపై ఏనాడూ స్పందించని నాల్గో పట్టణ పోలీసులు.. సోమవారం మరో వర్గం ఫోన్‌ చేయగానే అక్కడ వాలిపోవడం గమనార్హం. ఇదీ..మన పోలీసుల నీతి, నిజాయితీ. అనంతపురం సెంట్రల్‌: దేశ సరిహద్దుల్లో ప్రాణాలను పణంగా పెట్టి పోరాడుతున్న జవాన్‌ పట్ల పోలీసులు అమానుషంగా ప్రవర్తించారు. తల్లిదండ్రులకు, భార్యాబిడ్డలకు సుదూరంగా అనుక్షణం దేశ రక్షణలో నిద్రాహారాలు మాని బహిర్గత, అంతర్గత శత్రుమూకలతో యుద్ధం చేస్తున్న సైనికుడికి ఘోర అవమానమే ఎదురైంది. తనకు చెందిన స్థలాన్ని ఇతరులు కబ్జా చేసేందుకు ప్రయత్నిస్తుంటే.. న్యాయం కోరుతూ పోలీసులను ఆశ్రయిస్తే ఫలితం లేకపోగా.. దోషిగా చూపుతూ అదే పోలీసులు కేసు నమోదు చేసి తమ వైఖరి ఇంతేనంటూ లోకానికి చాటిచెప్పారు. అసలేం జరిగింది తనకల్లు మండలం కె.వి.పల్లికి చెందిన సి.నాగరాజు.. బిహార్‌లోని కిషన్‌గంజ్‌ 139వ బీఎస్‌ఎఫ్‌ బెటాయలియన్‌లో జవాన్‌గా పనిచేస్తున్నారు. తనకు వస్తున్న జీతంలో కొంత మేర దాచుకుంటూ వచ్చిన డబ్బుతో అనంతపురం శివారులోని రుద్రంపేట జాతీయ రహదారి వద్ద ఉన్న రాజహంస అపార్ట్‌మెంట్‌ వెనుక ఐదు సెంట్ల స్థలాన్ని కొనుగోలు చేశారు. అయితే ఆ స్థలంపై కన్నేసిన నగరానికి చెందిన సంజన్న కుమారులు.. దాని కబ్జా చేసేందుకు ప్రయత్నించారు. విషయంపై నాల్గో పట్టణ పోలీసులకు నాగరాజు ఫిర్యాదు చేశారు. వారు పట్టించుకోలేదు. పోలీసు ఉన్నతాధికారులను కలిసి సమస్య వివరిస్తూ తనకు న్యాయం చేయాలని ఫిర్యాదు చేశారు. కొంత కాలంగా సాగుతున్న ఈ తంతులో పోలీసుల నుంచి ఎలాంటి స్పందన లేదు. దీంతో ఇటీవల సెలవుపై ఇంటికి వచ్చిన నాగరాజు.. ఆ స్థలంపై పూర్తి హక్కు తనకే ఉందనే భావనతో తాత్కాలిక ఫెన్సింగ్‌ వేయడానికి సోమవారం ప్రయత్నించారు. ఒక్కడే గోడ నిర్మిస్తుండగా మరో వర్గం వారు అక్కడకు చేరుకుని ఘర్షణకు దిగారు. బండ రాళ్లు తీసుకుని జవాన్‌పై దాడికి తెగబడ్డారు. వారి నుంచి ఆత్మరక్షణ పొందేందుకు తన వద్ద ఉన్న పిస్టల్‌ని జవాన్‌ బయటకు తీశారు. దీంతో తగ్గిన ప్రత్యర్థులు బూతులు తిడుతూ.. జవాన్‌ను పలుమార్లు తోస్తూ ఘర్షణను మరింత పెద్దది చేశారు. అయినప్పటికీ జవాన్‌ సంయమనం కోల్పోకుండా ఏదైనా వివాదం ఉంటే కోర్టులో తేల్చుకుందామంటూ చెబుతున్నా వినలేదు. కొడితే కొట్టించుకో.. ప్రత్యర్థులు కొడితే కొట్టించుకోవాల్సిందే అన్న రీతిగా మారింది పోలీసుల తీరు. ప్రత్యర్థులు తనపై బండరాళ్లు తీసుకుని దాడికి తెగబడుతుంటే ఆత్మరక్షణ కోసం పిస్టల్‌ తీసి చూపించి, ప్రాణాలు కాపాడుకోవడం జవాన్‌ పాలిట శాపమైంది. గతంలో జవాన్‌ చేసిన ఫిర్యాదుపై ఏనాడూ స్పందించని నాల్గో పట్టణ పోలీసులు ఏకంగా సోమవారం తమకు సమాచారం అందగానే ఉన్నఫళంగా ఘటన స్థలానికి చేరుకుని దాడికి కారకులైన వారిని కాకుండా జవాన్‌ నాగరాజును అదుపులోకి తీసుకుని పోలీస్‌ స్టేషన్‌కి తీసుకెళ్లారు. దుస్తులు ఊడదీయించి లాకప్‌లో వేశారు. అనంతరం ఆర్మీ యాక్ట్, ఐపీసీ సెక్షన్‌ల కింద కేసు నమోదు చేశారు. పోలీసులు చూపితే తప్పు కాదా? ప్రాణాలు కాపాడుకునేందుకు పిస్టల్‌ బయటకు తీసి భయపెట్టిన జవాన్‌పై కేసు నమోదు చేయడాన్ని పలువురు తప్పుబడుతున్నారు. బండరాళ్లతో దాడి చేసేందుకు యత్నించిన వారిపై కేసు ఎందుకు నమోదు చేయలేదని ప్రశ్నిస్తున్నారు. అయితే అన్ని విషయాల్లో పోలీసులు ఇలాగే వ్యవహరిస్తున్నారా అనే అనుమానాలు కూడా వ్యక్తం చేస్తున్నారు. కేవలం స్థల వివాదం కోర్టులో ఉందనే కారణం చూపుతూ ఇంత కాలం చర్యలకు వెనకగడుగు వేసిన పోలీసులు..  కోర్టులో ఉన్న ఎన్నో వివాదాల్లో తలదూర్చడాన్ని మరిచిపోయి జవాన్‌కు అన్యాయం చేసేందుకు ప్రయత్నిస్తున్నారనే విమర్శలు వినిపిస్తున్నాయి. గతంలో ఎన్నో ఘటనల్లో పోలీసు అధికారులు తమ వద్ద ఉన్న సర్వీస్‌ రివాల్వర్‌ చూపి ప్రజలను బెదిరించిన విషయాలను ఈ సందర్భంగా పలువురు గుర్తు చేస్తున్నారు. పోలీసులకో న్యాయం.. దేశ రక్షణలో ప్రాణాలను పణంగా పెట్టిన జవాన్‌లకు మరో న్యాయమా అంటూ పోలీసుల తీరును ఎండగడుతున్నారు. ఆత్మరక్షణ కోసమే గన్‌ తీసా రూపాయి రూపాయి కూడబెట్టి ఐదు సెంట్లు స్థలం కొనుగోలు చేశాను. ఈ స్థలం కోసం ఎంతో కష్టపడ్డా. కొన్న తర్వాత ఈ స్థలం తమదంటూ కొందరు వస్తున్నారు. ఈ విషయంపై అనేకసార్లు పోలీసులను కలిశాను. సీఐ, డీఎస్పీలందరినీ వేడుకున్నాను. ఎవరూ పట్టించుకోలేదు. స్థలం కబ్జా చేయకూడదనే ఉద్దేశంతో సెలవుపై వచ్చి, నా ప్రయత్నాలు నేను చేస్తున్నా. నాపై దాడి చేయడానికి బండరాళ్లు తీసుకున్నారు. నేను ఒంటరిగా ఉన్నా.. ఏం చేయాలో తోచలేదు. రాళ్ల దాడి నుంచి నన్ను నేను కాపాడుకునేందుకు పిస్టల్‌ తీసి చూపించాను. నా దగ్గరకు రావద్దంటూ చెప్పాను. నేను చేసింది తప్పే కావచ్చు. దేశం కోసం పనిచేస్తున్నాననే చిన్న కనికరం కూడా పోలీసులు చూపలేదు.– నాగరాజు, బీఎస్‌ఎఫ్‌ జవాన్‌ భూ వివాదం కోర్టులో నడుస్తోంది సదరు స్థల వివాదం కోర్టులో నడుస్తోంది. 2012లో ఆ స్థలాన్ని జవాను నాగరాజు కొనుగోలు చేశారు. 2005 నుంచే ఆ స్థల విక్రేత అన్నదమ్ముల మధ్య స్థల వివాదం నడుస్తోంది. సదరు స్థలంలో ఎలాంటి నిర్మాణాలు చేపట్టరాదని హైకోర్టు ఉత్తర్వులున్నాయి. అయినా జవాన్‌ వెళ్లారు. నిర్మాణాలను అడ్డుకునేందుకు వెళితే తుపాకీ చూపించి, బెదిరించారు. ఇది చట్టరీత్యా నేరం. అందుకే కేసు నమోదు చేశాం. – వెంకట్రావ్, డీఎస్పీ,అనంతపురం

శరీరం నిండా బుల్లెట్లతో జల్లెడగా మారిన దేహం. రంజాన్‌కు కొద్ది గంటల ముందు అపహరణకు గురైన సైనికుడు.. కొన్ని గంటల సస్పెన్స్‌ తర్వాత మృత దేహంగా కనిపించాడు. కశ్మీర్‌లో సంచలనం సృష్టించిన జవాన్‌ ఔరంగజేబ్‌ అదృశ్యం.. చివరకు విషాదాంతంగా మారింది.  శ్రీనగర్‌: ఫూంచ్‌కు చెందిన ఔరంగజేబ్‌.. సోఫియాన్‌లోని షాదిమార్గ్‌ వద్ద ఉన్న రాష్ట్రీయ రైఫిల్స్‌ 44వ దళంలో జవాన్‌గా విధులు నిర్వహిస్తున్నాడు. రంజాన్‌ పర్వదినం కావటంతో సెలవుపై ఔరంగజేబు గురువారం తన స్వస్థలానికి బయలుదేరాడు. అయితే మార్గం మధ్యలో అతన్ని అడ్డగించిన కొందరు తమ వెంట తీసుకెళ్లారు. సైనికుడి అపహరణ విషయం తెలిసిన సైన్యం పెద్ద ఎత్తున్న గాలింపు చేపట్టింది. చివరకు శుక్రవారం ఉదయం కలంపోరకు 10 కిలోమీటర్ల దూరంలోని గుస్సూ గ్రామంలో అతని మృత దేహాన్ని ఆర్మీ కనుగొంది.  బుల్లెట్లు దింపారు... అతని తల, మెడ భాగంలో మొత్తం బుల్లెట్లతో దింపారు. శరీరం మొత్తం జల్లెడగా మారిపోయింది. ముఖం మొత్తం చిధ్రమైపోయింది’ అని అధికారి ఒకరు. ఇక ఘటనపై కశ్మీర్‌ మాజీ సీఎం ఒమర్‌ అబ్దుల్లా సందించారు.‘ఇంతటి భయంకరమైన వార్త వినాల్సి వస్తుందని ఊహించలేదు. ఔరంగజేబ్‌ ఆత్మకు శాంతి చేకూరాలని ప్రార్థిస్తున్నా’ అని ఆయన ట్వీట్‌ చేశారు.  సైన్యం ఆగ్రహం.. ఔరంగజేబ్‌ మృతి పట్ల భారత సైన్యం రగిలిపోతోంది. రంజాన్‌ నేపథ్యంలో గత నెలరోజులుగా సరిహద్దులో భారత సైన్యం సంయమనం పాటిస్తూ వస్తోంది. అయితే పాక్‌ సైన్యం, ఉగ్రవాదులు మాత్రం కవ్వింపు చర్యలకు పాల్పడుతుండటంతో భారత్‌ అల్టిమేటం ప్రకటించింది. సహనం నశిస్తేనే ఎదరు దాడులు తప్పవని హెచ్చరించింది. గత నెల రోజుల్లో ఇద్దరు ఉగ్రవాద నాయకులను సైన్యం ఎన్‌కౌంటర్‌లలో మట్టుబెట్టింది. వారిలో ఏ++ కేటగిరీ ఉగ్రవాది సమీర్‌ అహ్మద్‌ భట్‌ అలియాస్‌ సమీర్‌ టైగర్‌ కూడా ఉన్నాడు. ఔరంగజేబ్‌ ఆ ఆపరేషన్‌లో పాలుపంచుకోవటం గమనార్హం. ఈ పరిణామాలను జీర్ణించుకోలేని పాక్‌ ఉగ్రవాద సంస్థ ఐఎస్‌ఐ ఔరంగజేబును కిరాతకంగా పొట్టనబెట్టుకుని ఉంటారని అధికారులు భావిస్తున్నారు. మరొకరి మృతి... బందిపొర జిల్లాలో ఈ ఉదయం మరోసారి ఉగ్రవాదులు రెచ్చిపోయారు. ప్రతిగా సైన్యం చేపట్టిన ఆపరేషన్‌లో ఓ సైనికాధికారి గాయపడ్డారు. అనంతరం ఆయన చికిత్స పొందుతూ మృతి చెందారు.

అగర్తాల: త్రిపురలో ఓ బీఎస్‌ఎఫ్‌ జవాన్‌ దారుణానికి పాల్పడ్డారు. అక్కడే పనిచేస్తున్న ముగ్గురు సహోద్యోగులపై తన సర్వీస్‌ తుపాకీతో కాల్పులు జరిపి అనంతరం తాను ఆత్మహత్య చేసుకున్నాడు. ఈ ఘటన త్రిపురలోని ఉనాకోటి జిల్లా పరిధిలోని మగురూలి సరిహద్దుల్లో జరిగింది. శిశుపాల్‌ అనే జవాన్‌..తన సహోద్యోగి  అయిన హెడ్‌కానిస్టేబుల్‌ బిజోయ్‌ కుమార్‌పై విచక్షణరహితంగా కాల్పులు జరిపాడు. దీంతో బిజోయ్‌ అక్కడికక్కడే ప్రాణాలు కోల్పోయాడు. అనంతరం అక్కడే ఉన్న మరో ఇద్దరు జవాన్లు రింకూ కుమార్‌, రాకేశ్‌ కుమార్‌ జాదవ్‌లపై కాల్పులు జరిపి, అదే తుపాకీతో తనని తాను కాల్చుకొని చనిపోయాడు. తీవ్ర గాయాలపాలైన ఇద్దరి జవాన్లను ఆసుపత్రికి తరలించగా చికిత్స పొందుతూ మృతి చెందారు. దీనిపై స్థానిక ఎస్పీ శంకర్‌ దేవ్‌నాథ్‌ మాట్లాడుతూ.. ‘బీఎస్‌ఎఫ్‌ జవాను.. హెడ్‌ కానిస్టేబుల్‌తో సహా మరో ముగ్గురిపై కాల్పులు జరిపాడు. ఈ ఘటన ఆదివారం అర్థరాత్రి ఒంటిగంట ప్రాంతంలో చోటుచేసుకుంది. ఈ ఘటనలో హెడ్‌ కానిస్టేబుల్‌ అక్కడికక్కేడ మృతి చెందారు. మిగతావారిని ఉనాకోటిలోని ఆసుపత్రికి తరలించగా అందులో చికిత్స పొందుతూమరణించారు. మృతదేహాలను స్వరాష్ట్రలకు తరలించే ప్రయత్నం చేస్తున్నాం. ఘటనపై విచారణ కొనసాగుతోంది. మరిన్ని వివరాలు తెలియాల్సి ఉంది’ అని తెలిపారు.

మెగా వారసుడిగా టాలీవుడ్ కు పరిచయం అయిన యంగ్ హీరో సాయి ధరమ్‌ తేజ్‌. కెరీర్‌ స్టార్టింగ్‌లో వరుస విజయాలతో సత్తా చాటిన సాయి ధరమ్‌, తరువాత కష్టాల్లో పడ్డాడు. రొటీన్‌ మాస్‌ ఫార్ములా సినిమాలు చేస్తూ అభిమానులకు బోర్‌ కొట్టించాడు. అందుకే కాస్త డిఫరెంట్‌ గా ఓ లవ్‌ స్టోరిలో నటిస్తున్నాడు సాయి ధరమ్‌తేజ్‌. ఫీల్‌ గుడ్‌ లవ్‌ స్టోరీలను తెరకెక్కించే కరుణాకరన్ దర్శకత్వంలో ఓ సినిమా చేస్తున్నాడు. ప్రస్తుతం షూటింగ్ జరుపుకుంటున్న ఈ సినిమాకు ‘దేవుడు వరమందిస్తే’ అనే ఆసక్తికరమైన టైటిల్‌ను పరిశీలిస్తున్నారట. 2001లో రోహిత్ హీరోగా జి.నాగేశ్వరరెడ్డి దర్శకత్వంలో తెరకెక్కిన ‘6టీన్స్‌’ సినిమాలోని సూపర్‌ హిట్ పాట పల్లవి దేవుడు వరమందిస్తే. ఇన్నేళ్ల తరువాత ఆ పల్లవిని టైటిల్‌గా సెలెక్ట్ చేసుకున్నాడు సాయిధరమ్‌ తేజ్‌. అనుపమా పరమేశ్వరన్‌ హీరోయిన్‌గా నటిస్తున్న ఈ సినిమాకు గోపీసుందర్ సంగీతమందిస్తున్నాడు.

ఆదిత్య హృదయం మనందరమూ దేశభక్తులమే. కానీ ఒక సైనికాధికారి కుమారుడిగా, ఆత్మగౌరవం కలిగిన, దృఢమైన ప్రజాస్వామ్య దేశంలో మన సాయుధ బలగాలు దేశ ప్రజల ప్రేమను పొందడానికి ప్రత్యేక హక్కును కలిగిలేవని చెప్పాలనుకుంటున్నాను. మనకు సేవచేసే నర్సులు, వైద్యులు, పూజారులు, మౌల్వీలు, రైతులు, కూలీలు వంటివారిని అభిమానించడం కంటే మన సైన్యాన్ని ప్రేమించడంలో ఉన్నత మనోభావాలకు తావుండదు. నిజానికి, మిలటరీ డ్రమ్‌ వాయిస్తూ, మనం ప్రత్యేకమైన వారమని, లేదా అలాంటి పని చేస్తున్నందుకు మనం ఇతరులకంటే అధికులమని భావించడమంటే అది ప్రజాస్వామ్య దేశంగా మన అపరిపక్వతనే ప్రతిబింబిస్తుంది. పైగా సైన్యం పేరుతో మన దేశంలో నానా చెత్తా మాట్లాడుతున్నారు. సైన్యంతో నాకు ప్రత్యేక బాంధవ్యం ఉన్నందువల్ల, సైన్యాన్ని గౌరవించడంలో నేనెవరికీ తీసిపోనందువల్ల, సైన్యం పట్ల ఈ వాగాండబరాన్ని సరిచేయవలసిన అవసరం ఉందనుకుంటున్నాను. నేను సైన్యాన్ని ప్రేమిస్తున్నాను కాబట్టే, దానిగురించిన అసందర్భ ప్రసంగాలతో నేను తలపడాలని భావిస్తున్నాను. బాలీవుడ్‌ నటి అనుష్క శర్మ ప్రసంగాన్ని చూపుతున్న ఒక వాట్సాప్‌ వీడియోను నేను ఇక్కడ ఉదాహరణగా చూపుతున్నాను. ఆడంబరంగా జిగేలుమంటున్న వేదికపై నిలుచుని ఆమె ఒక సైనికాధికారి బిడ్డగా ఉండటంలోని అనుభూతి గురించి మాట్లాడారు. దాంట్లో ఏమాత్రం తప్పు లేదు. కానీ ఆ వేదికమీద ఆమె చెప్పవలసి వచ్చిన మాటలు నాకు నవ్వు తెప్పించాయి.  సైనికుల ఇళ్లు ఇతరుల ఇళ్లతో పోలిస్తే పూర్తి భిన్నంగా ఉంటాయని చెబుతూ అనుష్క తన ప్రసంగం ప్రారంభించారు. ఎందుకంటే సైనికుల ఇళ్లలో క్రమశిక్షణ రాజ్యమేలుతూ ఉంటుందట. అంటే సైనిక కుటుంబాల్లోని తల్లులు, తండ్రులు తమ పిల్లలను ఏ సందర్భంలోనూ పాడు చేయలేదని నేను భావించవచ్చా? ఆ కుటుంబాల్లో ప్రేమికులు, ప్రేయసిలు ఉండరా? అయినా, సైనికుల పిల్లలు ఏడవరా? వారు అబద్ధాలు అడరా లేక ఎవరినీ గిల్లరా? నాన్న యూనిఫాం ధరిస్తారు కనుక మనం ఇతరులకంటే విభిన్నంగా ఉంటామా? మనం చన్నీటి స్నానాలు, శారీరక వ్యాయామాలు, నిత్య కవాతులు వంటి ప్రత్యేక లక్షణాలతోటే పెరిగామా? ఇవేమీ కాదు. తనకే సొంతమైన కాల్పనిక పలాయనతత్వంలో అనుష్క శర్మ చిక్కుకుపోయారు. పైగా తమ భర్తలు, తండ్రులు యుధ్ధానికి వెళ్లేటప్పుడు వారి భార్యలు లేదా పిల్లలు ఎలా స్పందిస్తారనే అంశం విషయంలో ఆమె చక్కెర పూత పూసినట్లుగా మాట్లాడారు. సైనికుల తల్లులు దృఢంగా ఉంటారు. తమలోని ఉద్వేగాలను దాచిపెడతారు. ఆ విషయంలో వారు ప్రత్యేకమైన వారే అంటే నేను వ్యతిరేకించను. కానీ వారిలో జాతీయ స్ఫూర్తిని ఆసాంతం కుమ్మరించడం తప్ప.. వారిలో భయం ఉండదని, ఆందోళనలు వారి దరికి చేరవనే స్థాయిలో అనుష్క స్పందించారు. భారతీయ సైనికాధికారి చివరిసారిగా యుద్ధరంగానికి ఎప్పుడు వెళ్లాడు? ఆయన భార్యా పిల్లలు అనుష్క సూచించిన తరహా దేశభక్తికి చెందిన ఉద్వేగాన్ని ఎప్పుడు అనుభూతి చెందారు? కార్గిల్‌ని పూర్తిస్థాయి యుద్ధంగా భావించకుంటే మీరు 1971నాటి యుద్ధకాలానికి వెళ్లాలి. నేను పొరపాటు పడకపోతే అనుష్క ఆనాటికి బహశా జన్మించి ఉండరు. నేను అప్పుడు బోర్డింగ్‌ స్కూలులో చదువుతుండేవాడిని. కానీ యుద్ధం తలుపులు తట్టగానే మా ప్రపంచం ఒక్కసారిగా తల్లకిందులైంది.  మనం కాస్త నిజాయితీగా ఉందాం. యుద్ధం సంభవించిన మరుక్షణం సైనిక హృదయాలు బద్దలవుతాయి. ఎందుకంటే తమ ప్రియతములు అత్యున్నత త్యాగానికి సిద్ధపడాల్సి ఉందనే ఎరుక సైనికుల భార్యలు, పిల్లలకు ప్రతి క్షణమూ అర్థమవుతుంది. రాబోయే చెడు వార్తను మోసుకొచ్చే టెలిగ్రాం లేక టెలిఫోన్‌ కోసం భయకంపితులవుతూ ప్రతి రోజూ, ప్రతి గంటా, ప్రతి క్షణం మీరు భయంతో జీవించాల్సి ఉంటుంది. నిజం చెప్పాలంటే భయంకరమైన యుద్ధ రంగంలో కాకుండా, సైన్యంలోనే మరొక క్షేమకరమైన డెస్క్‌ జాబ్‌లో నాన్న పనిచేస్తే బావుంటుందని మీరు భావించే క్షణాలు కూడా ఎదురవుతాయి. సైనిక కుటుంబాల మనోభావాలకు పూతమందు పూయడం సులభమే కానీ అది అవివేకం. పైగా ఏ సందర్భంలో అయినా అలా చేయడం తప్పే అవుతుంది. సమాజంలోని ఇతరుల కంటే వారు భిన్నమైన వారని మాయమాటలు చెబితే వారిని మీరు గౌరవించినట్లు కాదు. అది వారిని సమాజం నుంచి దూరం చేస్తుంది, ఎవరికీ లేని ప్రత్యేకతల్లోకి నెడుతుంది. అంతిమంగా వారిని అమానవీకరిస్తుంది. ఎందుకంటే సైనికుల కుటుంబ సభ్యులు కూడా మీకు లాగే నాకు మల్లే రక్తం చిందిస్తారు. వారు బాధలను, భయాన్ని అనుభూతి చెందుతారు. తమ ప్రియతముల నుంచి చాలాకాలం దూరమవుతారు. మన కంటే వారు ధైర్యంగా ఉండవచ్చు. కానీ వారిలోని సాధారణ మానవ లక్షణాలను మీరు గుర్తించ నిరాకరిస్తే వారిలోని గొప్పగుణాలను మీరు గౌరవించినట్లు కాదు. వ్యాసకర్త సీనియర్‌ పాత్రికేయులు ఈ–మెయిల్‌ : karanthapar@itvindia.net కరణ్‌ థాపర్‌

మండ్య, (యశవంతపుర):  వివాహిత ఇంట్లో ఉరి వేసుకుని ఆత్మహత్య చేసుకున్న ఘటన మండ్య నగరంలోని స్వర్ణసంద్రలో జరిగింది. శివకుమార్‌ అనే వ్యక్తి సైన్యంలో సిపాయిగా పని చేస్తున్నాడు. ప్రస్తుతం అతడు ఊళ్లోనే ఉంటున్నాడు. హంస అరస్‌ (30) అనే మహిళతో 10 ఏళ్ల క్రితం వీరికి వివాహం జరిగింది. బుధవారం సాయంత్రం ఇంట్లో ఎవరూ లేని సమయంలో ఫ్యాన్‌కు చీరతో ఉరి బిగించుకుని హంస ప్రాణాలు తీసుకుంది. శివకుమార్‌ వచ్చి చూడగా ఫ్యాన్‌కు భార్య మృతదేహం వేలాడటం చూసి కన్నీరుమున్నీరయ్యాడు. ఆత్మహత్యకు గల కారణాలు తెలియటం లేదు. మండ్య తూర్పు పోలీసులు కేసు నమోదు చేసి దర్యాప్తు చేస్తున్నారు.

వరుస ఫ్లాప్ లతో ఇబ్బంది పడుతున్న సుప్రీం హీరో సాయి ధరమ్ తేజ్, ప్రస్తుతం మాస్ సినిమా దర్శకుడు వివి వినాయక్ డైరెక్షన్‌లో ఓ సినిమా చేస్తున్నాడు. మాస్ యాక్షన్ ఎంటర్‌టైనర్ గా తెరకెక్కుతున్న ఈ సినిమాలో సాయి సరసన లావణ్య త్రిపాఠి హీరోయిన్ గా నటిస్తోంది. ఇప్పటికే మేజర్ పార్ట్‌ షూటింగ్ పూర్తి చేసుకున్న ఈ సినిమాకు ఆసక్తికరమైన టైటిల్ ను పరిశీలిస్తున్నారట చిత్రయూనిట్. ముందుగా ఈ సినిమాకు ధర్మాభాయ్ అనే టైటిల్ ను పరిశీలిస్తున్నట్టుగా ప్రచారం జరిగింది. అయితే తాజా సమాచారం ప్రకారం ‘ఇంటెలిజెంట్’ అనే టైటిల్ ను ఫైనల్ చేసే ఆలోచనలో ఉన్నారట చిత్రయూనిట్. హీరో విలన్‌ల మధ్య మైండ్ గేమ్ తో సాగే కథ కావడంతో ఇంటెలిజెంట్ అనే టైటిలే కరెక్ట్ అని భావిస్తున్నారట. త్వరలోనే టైటిల్ ను ఫైనల్ చేసి అధికారిక ప్రకటన చేయనున్నారు.

బీచ్‌రోడ్డు (విశాఖ తూర్పు): సినీ పరిశ్రమలో ఏళ్లు తరబడి ఉండాలంటే హార్డ్‌వర్క్‌తో పాటు క్రమశిక్షణ చాలా అవసరమని మెహ్రీన్‌ కౌర్‌ పిర్జాదా (జవాన్‌ ఫేం) అన్నారు. పరిశ్రమలో పనిచేస్తున్న వారిని ప్రతి ఒక్కరూ గమనిస్తారని కాబట్టి  ఎలాంటి తప్పులు చేయకుండా ఉండాలన్నారు. తను ఏ చిత్రం చేసినా మొదటి చిత్రంగానే భావిస్తానన్నారు. నగరంలోని వీపీఐ రోడ్డులోని ఇమారా షాపింగ్‌ మాల్‌ను ఆమె శనివారం ప్రారంభించారు. ఈ సందర్భంగా మెహరిన్‌ సాక్షితో ప్రత్యేకంగా మాట్లాడారు. ప్ర: హలో మెహరిన్‌ ఎలా ఉన్నారు..? జ: ఫైన్‌.. ప్ర:ఈ మధ్య వైజాగ్‌కు చాలా ఎక్కువసార్లు వస్తున్నట్లు ఉన్నారు...? జ:అవునండి..వైజాగ్‌ అంటే చాలా ఇష్టం. వైజాగ్‌ అభిమానులు నాపై ఎప్పుడూ ప్రేమ కురిపిస్తూనే ఉంటారు. ప్ర:మీరు చేసిన సినిమాల్లో ఫెయిల్యూర్స్‌పై కామెంట్‌? జ: ఏ పరిశ్రమంలోనైనా గెలుపోటములు సహజం, పాజిటివ్‌గా తీసుకుంటేనే ముందుకు వెళ్లగలం ప్ర:మీ కిష్టమైన నటి? జ:ప్రియాంక చోప్రా, అనుష్క, కాజోల్‌ అంటే చాలా ఇష్టం.   ప్ర:మీ డ్రీమ్‌ రోల్‌ జ:అనుష్క చేసే వెరైటీ పాత్రలు చేయాలని ఉంది. అరుంధతి, రుద్రమాదేవి ఇలాంటి పాత్రలు చేస్తే జీవితంలో ఏదో సాధించిన ఫీలింగ్‌ ఉంటుంది. ఐ లవ్‌ అనుష్క. ప్ర: మీరు నటించిన సినిమాల్లో ఇష్టమైన పాత్ర? జ: కృష్టగాడీ వీరప్రేమ గాథలో మహాలక్ష్మి పాత్ర అంటే చాలా ఇష్టం. ప్ర: భవిష్యత్‌ ప్రాజెక్టులు? జ: ప్రస్తుతం గోపీచంద్‌తో నటిస్తున్నా. మరికొన్ని చర్చల్లో ఉన్నాయి. ప్ర: గోపిచంద్‌ సినిమాలో మీ పాత్ర ఎలా ఉంటుంది...? జ: ఆ సినిమాలో యంగ్‌ టీచర్‌ పాత్ర పోషిస్తున్నా. మొత్తం సోషల్‌ డ్రామాగా సాగుతుంది. ఈ సినిమా షూటింగ్‌ హైదరాబాద్‌లో జరుగుతుంది. ఇందులో నా పాత్రకు చాలా ప్రాధాన్యం ఉంది. ఇమారా షాపింగ్‌ మాల్‌ను ప్రారంభిస్తూ...

జవాన్ సినిమాతో తిరిగి ఫాంలోకి వచ్చిన సుప‍్రీం హీరో సాయి ధరమ్ తేజ్, తన తదుపరి చిత్రంపై దృష్టి పెట్టాడు. స్టార్ డైరెక్టర్ వివి వినాయక్ దర్శకత్వంలో ఓ మాస్ యాక్షన్ సినిమాలో నటిస్తున్నాడు సాయి ధరమ్ తేజ్. ప్రస్తుతం షూటింగ్ జరుపుకుంటున్న ఈ సినిమాకు ఓ ఆసక్తికరమైన టైటిల్ ను పరిశీలిస్తున్నారట. సాయి సరసన లావణ్య త్రిపాఠి హీరోయిన్ గా నటిస్తున్న ఈ సినిమాను సీ కళ్యాణ్ నిర్మిస్తున్నాడు. ముందుగా ఈ సినిమాకు ఇంటలిజెంట్ అనే టైటిల్ ను పరిశీలిస్తున్నట్టుగా ప్రచారం జరిగింది. అయితే ఈసినిమా మరీ క‍్లాస్ అయ్యిందన్న టాక్ రావటంతో ఇప్పుడు ధర్మా భాయ్ అనే టైటిల్ ను పరిశీలిస్తున్నారట. యాక్షన్ జానర్ సినిమా కావటంతో పాటు వినాయక్ ఇమేజ్ కు కూడా ఈ టైటిల్ అయితే నే కరెక్ట్ అని భావిస్తున్నారట. ఇప్పటివరకు చిత్రయూనిట్ టైటిల్ విషయంలో ఎలాంటి నిర్ణయం తీసుకోకపోయినా.. ధర్మా భాయ్ కే మొగ్గుచూపుతున్నారన్న ప్రచారం జరుగుతోంది.

వరుస ఫ్లాప్ లతో కష్టాల్లో ఉన్న మెగా హీరో సాయి ధరమ్ తేజ్, జవాన్ సినిమాతో ఆకట్టుకున్నాడు. బీవీఎస్ రవి దర్శకత్వంలో తెరకెక్కిన జవాన్ సినిమాకు పాజిటివ్ రెస్పాన్స్ రావటంతో గ్యాప్ తీసుకోకుండా తన కొత్త సినిమాను మొదలెట్టేస్తున్నాడు. ప్రస్తుతం వినాయక్ దర్శకత్వంలో చేస్తున్న సినిమా సెట్స్ మీద ఉండగానే మరో సినిమా స్టార్ట్ చేస్తున్నాడు. కరుణాకరన్ దర్శకత్వంలో ఓ రొమాంటిక్ ఎంటర్ టైనర్ ను సెట్స్ మీదకు తీసుకెళ్లనున్నాడు. ఈ నెల 12 నుంచి ఈ సినిమా రెగ్యులర్ షూటింగ్ ప్రారంభం కానుంది. క్రియేటివ్ కమర్షియల్స్ బ్యానర్ పై కేయస్ రామారావు నిర్మిస్తున్న ఈ సినిమాలో అనుపమా పరమేశ్వరన్ హీరోయిన్ గా నటిస్తోంది. ఫీల్ గుడ్ రొమాంటిక్ ఎంటర్ టైనర్ గా తెరకెక్కనున్న ఈసినిమాకు గోపీసుందర్ సంగీతమందించనున్నాడు.

‘‘జవాన్‌’ టైటిల్‌ వినగానే మిలటరీ నేపథ్యంలో సినిమా ఉంటుందేమో అనుకుంటారు. ఈ సినిమాలో ఆర్మీని టచ్‌ చేయలేదు. సామాజిక బాధ్యత అనేది మెయిన్‌ పాయింట్‌’’ అని సాయిధరమ్‌తేజ్‌ అన్నారు. సాయిధరమ్, మెహరీన్‌ జంటగా బి.వి.ఎస్‌. రవి దర్శకత్వంలో ‘దిల్‌’ రాజు సమర్పణలో కృష్ణ నిర్మించిన ‘జవాన్‌’ ఈ రోజు విడుదలవుతోన్న సందర్భంగా తేజ్‌ పంచుకున్న విశేషాలు... ► ‘జవాన్‌’ కథ విన్న వెంటనే ఓకే చెప్పేశా. ఇందులో నేను చేసిన జై పాత్ర నా వ్యక్తిగత జీవితానికి దగ్గరగా ఉంటుంది. హుద్‌హుద్‌ తుపాను, చెన్నైలో వరదలు, నిజాంపేటలో వర్షపు నీరొచ్చినప్పుడు సామాజిక బాధ్యతగా ఎలా స్పందించానో సినిమాలో నా పాత్ర అలానే ఉంటుంది. ► ప్రతి ఒక్కరూ మన ఇంట్లోని సమస్యలను ఎదుర్కోడానికి జవాన్‌లాగా నిలబడతాం. దాన్ని బేస్‌ చేసుకుని సినిమా తీశాం. జవాన్‌ అంటే అందరూ ఆర్మీ అనుకుంటారు. కానీ, సమస్యల్ని ఎదుర్కొనే మనమందరమూ జవాన్‌లమే అని రవిగారు చక్కగా చెప్పారు. ► సినిమా బాగా రాకపోవడంతో రీషూట్స్‌ జరిగాయనీ.. నిర్మాతలు హ్యాపీగా లేరనీ.. కొరటాల శివగారు స్క్రిప్ట్‌లో ఇన్‌వాల్వ్‌ అయ్యారన్నది అవాస్తవం. రవిగారు–కొరటాలగారు బెస్ట్‌ ఫ్రెండ్స్‌. వారి మధ్య మా సినిమా డిస్కషన్స్‌ వచ్చినప్పుడు కొరటాలగారు సలహా ఇచ్చారంతే. ► ఈ ఏడాది మార్చి 31న షూటింగ్‌ ప్రారంభించాం. సెప్టెంబర్‌ 1న విడుదల చేయాలనుకున్నాం. కానీ, ప్రతివారం వరుసగా సినిమాలు విడుదల ఉండటంతో ప్రేక్షకులు నా సినిమానే ఎందుకు చూడాలి? అనుకున్నా. నిర్మాతలకు డబ్బులు రావాలి. నాకు హిట్‌ కావాలి. మా చిత్రం ప్రేక్షకులకు బాగా చేరువ కావాలనే ఉద్దేశంతో షూటింగ్‌ మెల్లగా చేశాం. అందుకే రిలీజ్‌ లేట్‌ అయింది. ► హిట్టు, ఫ్లాప్‌లను ఎలా తీసుకుంటారనే ప్రశ్నకు బదులిస్తూ... రెండింటి గురించి పెద్దగా పట్టించుకోను. మన పని కరెక్ట్‌గా చేశామా? లేదా? అని ఆలోచిస్తా. సినిమా ఫ్లాప్‌ అయితే.. ఎక్కడ తప్పు జరిగింది? తెలుసుకుని తర్వాత సినిమాకి జాగ్రత్త పడతా. సక్సెస్, ఫెయిల్యూర్‌లను వేర్వేరుగా చూడను. అయినా ఓటమి వల్లే గెలుపు వస్తుంది. ► జనరల్‌గా నేను నవ్వుతూ ఉంటాను. కానీ, ఈ సినిమాలో నవ్వకూడదు. చాలా మెచ్యూర్డ్‌గా మసులుకోవాలి. అందుకు నేను మెంటల్‌గా ప్రిపేర్‌ అయ్యా. నా నుంచి ఇంత మంచి నటన రాబట్టుకున్న క్రెడిట్‌ మొత్తం రవిగారిదే. ► ‘విన్నర్‌’ సినిమా తర్వాత నేను అమ్మాయిల వెంటపడి టీజ్‌ చేసే సన్నివేశాలు, పాటలు చేయనని చెప్పేశా. ఈ సినిమాలో మెహరీన్‌ది నన్ను డామినేట్‌ చేసే పాత్ర. చాలా బాగా చేసింది. తమన్‌ చాలా మంచి పాటలు, నేపథ్య సంగీతం ఇచ్చారు. రాశీఖన్నాతో పాట పాడించాలనే ఐడియా తమన్‌దే.   ► వినాయక్‌గారితో చేస్తోన్న సినిమా 60 శాతం పూర్తయింది. ఫిబ్రవరిలో రీలీజ్‌ అనుకుంటున్నాం. ఆ తర్వాత కరుణాకరన్‌ దర్శకత్వంలో ఓ లవ్‌స్టోరీ చేస్తా. మరికొన్ని కథలు వింటున్నా.

‘‘కృష్ణగాడి వీరప్రేమగాథ’ విడుదలైన రెండో రోజే ‘జవాన్‌’కి సంతకం చేశా. అప్పటికి నాకసలు ఈ సినిమా స్క్రిప్ట్‌ పూర్తిగా తెలీదు. మరో ఆశ్చర్యకర విషయం ఏంటంటే... ఇప్పటికీ నాకు ఈ కథ పూర్తిగా తెలీదు. రవిగారు నాపైన పెట్టుకున్న నమ్మకంతోనే ఈ చిత్రం ఒప్పుకున్నా. ఈ సినిమా కోసం ఆయన చాలా కష్టపడ్డారు. కచ్చితంగా హిట్‌ అవుతుంది’’ అని మెహరీన్‌ అన్నారు. సాయిధరమ్‌ తేజ్, మెహరీన్‌ జంటగా బీవీయస్‌ రవి దర్శకత్వంలో రూపొందిన చిత్రం ‘జవాన్‌’. ‘దిల్‌’ రాజు సమర్పణలో కృష్ణ నిర్మించిన ఈ సినిమా డిసెంబర్‌ 1న విడుదలవుతోంది. ఈ సందర్భంగా మెహరీన్‌ మాట్లాడుతూ– ‘‘సినిమాలో నా పాత్ర పేర భార్గవి. పెయింటర్‌ని. వెరీ బబ్లీ గాళ్‌. నా గత సినిమాల్లో కంటే ఇందులో కొంచెం ఎక్కువ గ్లామరస్‌గా కనిపిస్తా. సాయిధరమ్‌ తేజ్‌ ఎప్పుడూ సంతోషంగా ఉంటాడు. ఈ సినిమాతో మేమిద్దరం మంచి ఫ్రెండ్స్‌ అయిపోయాం. తను మంచి డ్యాన్సర్‌. నాకు పెద్దగా డ్యాన్స్‌ రాదు. అందుకని, ఈ సినిమా కోసం డ్యాన్స్‌ క్లాసులకి వెళ్లా. ప్రాక్టీస్‌ కోసం ఇక్కడ సినిమాలు చేసి, తర్వాత బాలీవుడ్‌కి వెళ్లిపోవాలనుకోవడం లేదు. నా దృష్టిలో టాలీవుడ్, బాలీవుడ్‌ వేర్వేరు కాదు. తెలుగు సినిమా నాకు ఎప్పటికీ ఎక్కువే. ఇప్పుడు తెలుగు సినిమానే టాప్‌లో ఉంది. ప్రస్తుతానికి గోపీచంద్‌  25వ సినిమా ఒక్కటే కమిట్‌ అయ్యా’’ అన్నారు.

శ్రీనగర్‌: ప్రాదేశిక సైన్యంలో పనిచేస్తున్న ఇర్ఫాన్‌ అహ్మద్‌ దార్‌ (23) అనే జవాన్‌ను దక్షిణ కశ్మీర్‌లోని సోపియాన్‌ జిల్లాలో మిలిటెంట్లు అపహరించి క్రూరంగా హత్య చేశారు. భారీ సంఖ్యలో బుల్లెట్లు తగిలిన దార్‌ మృతదేహాన్ని సోపియాన్‌లోని ఓ పళ్ల తోటలో గుర్తించామని అధికారులు శనివారం వెల్లడించారు. బందిపోరా జిల్లాలో విధులు నిర్వర్తించే దార్‌ ఈ నెల 26 వరకు సెలవు తీసుకుని సోపియాన్‌కు వచ్చాడనీ, ఉగ్రవాదులే అతణ్ని అపహరించి ఈ దారుణానికి పాల్పడి ఉంటారని భావిస్తున్నట్లు రక్షణ శాఖ అధికార ప్రతినిధి తెలిపారు. ఘటనపై మరింత సమాచారం తెలుసుకునేందుకు పోలీసులు దర్యాప్తు జరుపుతున్నారన్నారు. జమ్మూ కశ్మీర్‌ ముఖ్యమంత్రి మెహబూబా ముఫ్తీ, మాజీ సీఎం ఒమర్‌ అబ్దుల్లా ఉగ్రవాదుల చర్యను తీవ్రంగా ఖండించారు. 

‘‘ఇప్పటివరకూ 70 సినిమాలకు పైగా రచయితగా పనిచేశా. ‘వాంటెడ్‌’తో దర్శకుడిగా మారా. ఆ సినిమాను అనుకున్నట్టుగా తీయలేకపోయా. ‘జవాన్‌’ విషయంలో నా తప్పుల్ని రిపీట్‌ కానివ్వలేదు. ఈసారి నాలోని రచయిత కన్నా దర్శకుడే ఎక్కువ డామినేట్‌ చేశాడు. సినిమా తప్పకుండా హిట్టవుతుందని చెప్పగలను’’ అని బీవీయస్‌ రవి అన్నారు. సాయిధరమ్‌ తేజ్, మెహరీన్‌ జంటగా ఆయన దర్శకత్వంలో కృష్ణ నిర్మించిన సిన్మా ‘జవాన్‌’. ‘దిల్‌’ రాజు సమర్పకులు. వచ్చే నెల 1న విడుదలవుతోన్న ఈ సినిమా గురించి బీవీయస్‌ రవి మాట్లాడుతూ– ‘‘ప్రతి వ్యక్తికీ ఓ లక్ష్యం ఉంటుంది. అందరి ఉమ్మడి లక్ష్యం దేశం కావాలి. దేశం కోసం నీది, నాది అనే భావలను పక్కన పెట్టి అందరం ఒక్కటై మనం అనే భావనతో ముందుకు సాగాలి’ అనే థీమ్‌తో, సందేశంతో సినిమా తీశా. కథంతా డీఆర్‌డీవో (డిఫెన్స్‌ రీసెర్చ్‌ డెవలప్‌మెంట్‌ ఆర్గనైజేషన్‌) నేపథ్యంలో జరుగుతుంది. పోస్టర్లు, ట్రైలర్లలో కథేంటో చెప్పేశా. కథ రాశాక (సాయిధరమ్‌) తేజ్‌నే హీరోగా అనుకున్నా. సినిమాలో తేజ్‌ ఆర్‌ఎస్‌ఎస్‌ జవాన్‌గా కనిపిస్తాడు. ‘కష్టం తనదాకా వస్తే కదిలేవాడు మనిషి కాడు, కష్టం ఎక్కడుందో తెలుసుకుని వెళ్లేవాడు మనిషి’– అనేది తేజ్‌ క్యారెక్టరైజేషన్‌. తను చేసిన గత సినిమాల్లో పాత్రలకంటే విభిన్నమైన పాత్ర. యాక్టింగ్‌ పరంగా, లుక్స్‌ పరంగా కొత్తగా కనిపించే ప్రయత్నం చేశాడు. తేజ్‌ కెరీర్‌లో ‘జవాన్‌’ ఓ కీలక మలుపుగా నిలుస్తుందనే నమ్మకముంది. ఈ సినిమా నా కెరీర్‌కు చాలా ఇంపార్టెంట్‌. ఇది ఆడితే పదిమంది నాకు డబ్బులిచ్చి సినిమాలు తీయమంటారు. లేదంటే పది మంది చుట్టూ నేను తిరుగుతా. ఒక్కటి మాత్రం చెప్పగలను... భవిష్యత్తులోనూ విలువలతో కూడిన సినిమాలు తీయాలనుకుంటున్నా’’ అన్నారు.

సుప్రీం హీరో సాయి ధరమ్ తేజ్ హీరోగా తెరకెక్కుతున్న తాజా చిత్రం జవాన్. రచయిత బీవీయస్ రవి దర్శకత్వంలో తెరకెక్కుతున్న ఈ సినిమా ట్రయిలర్ ను గురువారం రిలీజ్ చేశారు. ఇప్పటి వరకు యూత్ ఆడియన్స్ దృష్టి లో పెట్టుకొని సినిమాలు చేసిన సాయి.. ఈ సినిమాతో ఫ్యామిలీ ఆడియన్స్ కు దగ్గరయ్యే ప్రయత్నం చేస్తున్నాడు.  ఓ దేశ ద్రోహిని ఎదుర్కొనేందుకు సిద్ధమయిన యువకుడు తన ఫ్యామిలీ ఇబ్బందుల్లో పడితే ఎలా రియాక్ట్ అయ్యాడు ఎలా రక్షించుకున్నాడు అనే కథతో ఈ సినిమాను తెరకెక్కిస్తున్నారు. యాక్షన్ ఎంటర్ టైనర్ గా తెరకెక్కుతున్న ఈ సినిమాకు తమన్ సంగీతమందిస్తున్నాడు.  అరుణాచల్ క్రియేషన్స్ బ్యానర్ పై కృష్ణ నిర్మిస్తున్న ఈ సినిమాకు దిల్ రాజు సమర్పకుడిగా వ్యవహరిస్తున్నరు. ప్పటికే అన్ని కార్యక్రమాలు పూర్తి చేసుకున్న జవాన్ డిసెంబర్ 1న రిలీజ్ కు రెడీ అవుతోంది.

‘‘చిరంజీవి, పవన్‌కల్యాణ్‌ కలిస్తే సాయిధరమ్‌ తేజ్‌.  మా సినిమా కోసం 40 రోజులు షూటింగ్‌ చేశాం. ఏ రోజూ తను సెకండ్‌ టేక్‌ తీసుకోలేదు. అంత ఫోకస్‌గా ఉన్నాడు’’ అని దర్శకుడు వీవీ వినాయక్‌ అన్నారు. సాయిధరమ్‌ తేజ్, మెహరీన్‌ జంటగా బీవీయస్‌ రవి దర్శకత్వంలో రూపొందిన చిత్రం ‘జవాన్‌’. ‘దిల్‌’ రాజు సమర్పణలో కృష్ణ నిర్మించారు. ఈ సినిమా ప్రీ–రిలీజ్, పాటల విడుదల వేడుకను హైదరాబాద్‌లో నిర్వహించారు. ‘దిల్‌’ రాజు మాట్లాడుతూ– ‘‘ఖుషి, బద్రి’ సినిమాల ఇన్‌స్పిరేషనే ‘జవాన్‌’ టైటిల్‌ సాంగ్‌. రవి మంచి రచయిత. స్నేహితుడు రవి కోసం స్క్రిప్ట్‌ విషయంలో కొరటాల శివ సపోర్ట్‌ చేయడం హ్యాపీ. తేజ్, నేను చేసిన సినిమాలన్నీ మంచి సక్సెస్‌ అయ్యాయి. ఆ సక్సెస్‌ జర్నీ ‘జవాన్‌’తో మరోసారి కంటిన్యూ అవుతుంది. తమన్‌ ఎక్స్‌ట్రార్డినరీ రీ–రికార్డింగ్‌ ఇచ్చాడు. డిఫరెంట్‌ అప్రోచ్‌తో తెరకెక్కిన ఈ సినిమా పెద్ద హిట్‌ అవుతుంది’’ అన్నారు. ‘‘బీవీయస్‌ రవి నా కాలేజ్‌మేట్‌. కృష్ణ కూడా నాకు ఎంతో కావాల్సిన వ్యక్తి. తేజ్‌ చాలా పాజిటివ్‌ హీరో. నాకు కావాల్సిన వీరందరూ కలిసి చేస్తున్న ‘జవాన్‌’ హిట్‌ అవ్వాలి’’ అన్నారు దర్శకుడు కొరటాల శివ. బీవీయస్‌ రవి మాట్లాడుతూ– ‘‘తేజ్‌కి ఈ కథ చెప్పగానే సినిమా చేస్తానన్నాడు. నేను ఎంతో నిజాయతీతో, నిక్కచ్చిగా తయారు చేసుకున్న పాత్ర ఇది. అంతే నిజాయతీగా తేజ్‌ కష్టపడ్డాడు. ఇంటికో జవాన్‌ ఉండాలని చెప్పే సినిమా ఇది. డిసెంబర్‌ 1న ఈ సినిమా విడుదల కానుంది’’ అన్నారు. సాయిధరమ్‌తేజ్‌ మాట్లాడుతూ– ‘‘నేను తినే ప్రతి మెతుకుపైనా మా మావయ్యల (చిరంజీవి, నాగబాబు, పవన్‌కల్యాణ్‌) పేర్లు ఉంటాయి. మా ఫ్యామిలీకి చిరంజీవి, పవన్‌ మావయ్యలు ఎలా జవాన్లుగా నిలబడ్డారో, అలా ప్రతి ఫ్యామిలీకి ఓ జవాన్‌ అండగా ఉంటాడు. కృష్ణగారు మేకింగ్‌లో రాజీపడలేదు’’ అన్నారు.

‘దేశభక్తి అనేది కిరీటం కాదు... కృతజ్ఞత’ అనే థీమ్‌తో తెరకెక్కిన సినిమా ‘జవాన్‌’. ఇంటికొక్కడు... అనేది ఉపశీర్షిక. సాయిధరమ్‌ తేజ్, మెహరీన్‌ జంటగా ‘దిల్‌’ రాజు సమర్పణలో అరుణాచల్‌ క్రియేషన్స్‌ పతాకంపై కృష్ణ నిర్మించిన ఈ చిత్రానికి బీవీఎస్‌ రవి దర్శకుడు. ఈ నెల 19న హైదరాబాద్‌లో ప్రీ–రిలీజ్‌ వేడుక నిర్వహించనున్నారు. ఈ సందర్భంగా బీవీఎస్‌ రవి మాట్లాడుతూ– ‘‘దేశానికి రక్షణగా జవానులు ఉంటారు. అలాగే, ప్రతి ఇంటికీ జవాన్‌ ఉండాలి, ఉంటాడు కూడా! దేశంలోని తన ఇంటినీ, ఇంట్లోవారినీ తన గుండెల్లో పెట్టుకుని బాధ్యతతో మా జవాన్‌ కాపాడుకుంటాడు. అందుకే, ‘కొంతమంది మనుషులు కలిస్తే కుటుంబం అవుతుంది. కొన్ని లక్షల కుటుంబాలు కలిస్తే దేశం అవుతుంది’ అని టీజర్‌లో చెప్పాం. అలాగే, ‘దేశభక్తి అనేది కిరీటం కాదు... కృతజ్ఞత’ డైలాగ్‌. ఇవి విన్నవాళ్లు ఫోనులు చేసి ‘మనసు పెట్టి రాశావ్‌’ అని ప్రశంసించారు. నిజంగానే ఈ డైలాగులు, కథను మనసుపెట్టి రాశాను. మనసుపెట్టి సినిమాను తీశాను. ఫ్యామిలీ ఎమోషన్స్‌తో కూడిన కమర్షియల్‌ ఎంటర్‌టైనర్‌’’ అన్నారు. డిసెంబర్‌ 1న చిత్రాన్ని విడుదల చేస్తున్నట్టు చిత్రసమర్పకుడు ‘దిల్‌’ రాజు, నిర్మాత కృష్ణ తెలిపారు. ‘జవాన్‌’లో రాశీ ఖన్నా బంగారు: హీరోయిన్‌గా వరుస హిట్స్‌లో ఉన్న రాశీ ఖన్నా... సింగర్‌గానూ జోరు చూపిస్తున్నారు. ‘జోరు’తో సింగర్‌గా ఎంట్రీ ఇచ్చిన రాశి.. రీసెంట్‌గా రెండు సినిమాల్లో పాటలు పాడారు. అయితే... రెండిటిలోనూ హీరోయిన్‌ ఆమె కాదు. నారా రోహిత్‌ ‘బాలకృష్ణుడు’లో ఓ పాట పాడారు. శుక్రవారం ఆ ఆడియో విడుదలైంది. సాయిధరమ్‌ తేజ్‌ ‘జవాన్‌’లో పాడిన పాట త్వరలో విడుదల కానుంది. ‘‘జవాన్‌’లో మంచి పెప్పీ సాంగ్‌ పాడడం ఆనందంగా ఉంది. నాకీ అవకాశం ఇచ్చిన సంగీత దర్శకుడు తమన్, దర్శకుడు బీవీఎస్‌ రవిలకు థ్యాంక్స్‌’’ అని రాశి ట్వీట్‌ చేశారు. ‘‘వాట్‌ ఎ టాలెంట్‌. ‘బంగారు...’ పాటకు రాశి వాయిస్‌ పర్‌ఫెక్ట్‌గా మ్యాచ్‌ అయ్యింది. ఎప్పుడెప్పుడు ఈ పాట విడుదలవుతుందా? అని ఎదురుచూస్తున్నా’’ అని రాశికి తమన్‌ రిప్లై ఇచ్చారు.

దేశానికి జవాన్‌ చాలా అవసరం. అలాగే, ప్రతి ఇంటికి జవాన్‌ లాంటి కొడుకు ఒకడు ఉండాలి అనే కథాంశంతో రూపొందిన సినిమా ‘జవాన్‌’. ‘ఇంటికొక్కడు’ అన్నది ఉపశీర్షిక. సాయిధరమ్‌ తేజ్, మెహరీన్‌ జంటగా బీవీయస్‌ రవి దర్శకత్వంలో ‘దిల్‌’ రాజు సమర్పణలో కృష్ణ ఈ చిత్రాన్ని నిర్మించారు. తమన్‌ స్వరాలు అందించారు. ఈ సినిమా థీమ్‌ సాంగును ఇటీవల సాయిధరమ్‌ తేజ్‌ బర్త్‌డే సందర్భంగా విడుదల చేశారు. బీవీయస్‌ రవి మాట్లాడుతూ– ‘‘ఓ మధ్య తరగతి యువకుడు తన కుటుంబాన్ని మనోధైర్యంతో, బుద్ధి బలంతో ఎలా కాపాడుకున్నాడన్నదే జవాన్‌ కథ. అందుకే ఇంటికొక్కడు అనే క్యాప్షన్‌ పెట్టాం. పక్కా ఫ్యామిలీ ఎమోషన్స్‌తో కూడిన ఎంటర్‌టైనింగ్‌ కమర్షియల్‌ మూవీ. తమన్‌ మంచి పాటలిచ్చారు. ఇటీవల విడుదల చేసిన పాటలకు మంచి రెస్పాన్స్‌ వచ్చింది. డిసెంబర్‌ 1న ఈ చిత్రాన్ని విడుదల చేయాలనుకుంటున్నాం’’

మెగా వారసుడిగా టాలీవుడ్ కు పరిచయం అయిన యంగ్ హీరో సాయి ధరమ్ తేజ్. కెరీర్ స్టార్టింగ్ లో వరుస విజయాలు అందుకున్న సాయి తరువాత తడబడ్డాడు. తిక్క, విన్నర్, నక్షత్రం సినిమాలు ఫ్లాప్ అవ్వటంతో ఆలోచనలో పడ్డాడు. ప్రస్తుతం రచయిత బీవీఎస్ రవి దర్శకత్వంలో తెరకెక్కుతున్న జవాన్ సినిమాలో నటిస్తున్న సాయి ధరమ్ తేజ్, మాస్ సినిమాల స్పెషలిస్ట్ వినాయక్ దర్శకత్వంలో మరో సినిమాను ప్రారంభించాడు. ఈ రెండు సినిమాలు లైన్ లో ఉండగానే మరో సినిమాకు గ్రీన్ సిగ్నల్ ఇచ్చాడన్న ప్రచారం జరుగుతోంది. తనకు విన్నర్ లాంటి ఫ్లాప్ ఇచ్చిన గోపిచంద్ మలినేని దర్శకత్వంలో మరో సినిమా చేసేందుకు అంగీకరించాడట. ఈ సినిమాను భగవాన్, పుల్లారావులు భారీ బడ్జెట్ తో నిర్మించేందుకు సిద్ధమవుతున్నారట. త్వరలోనే ఈ సినిమాకు సంబంధించిన అధికారిక ప్రకటన వచ్చే అవకాశం ఉంది.


 ‘జెండా నీలో ధైర్యమురా.. జయమే దానికి ధ్యేయమురా’.. అంటూ సాయి ధరమ్ తేజ్ దేశ ప్రజలకు స్వాతంత్య్ర దినోత్సవ శుభాకాంక్షలను తెలియజేశారు. తన లేటెస్ట్ మూవీ ‘జవాన్’  సరికొత్త పోస్టర్‌ను మంగళవారం ఆయన రిలీజ్ చేశారు. దేశం కోసం పిడికిలి బిగించి.. జెండా నీలో ధైర్యమురా.. జయమే దానికి ధ్యేయమురా అంటూ రెపరెపలాడేలాడే మన జాతీయ జెండాకు సలాం చేస్తున్న ‘జవాన్’ పోస్టర్‌ ప్రతి పౌరుడిలో దేశ భక్తిని రగిల్చేదిగా ఉంది.
 
 'కొంతమంది మనుషులు కలిస్తే కటుంబం అవుతుంది. కొన్ని లక్షల కుటుంబాలు కలిస్తే దేశం అవుతుంది. దేశం భక్తి అంటే కిరీటం కాదు.. కృతజ్ఞత' అంటూ ఇటీవల ‘జవాన్‌’ టీజర్‌తో ఆకట్టుకున్న సాయిధరమ్ తేజ్ మరోసారి ‘జవాన్’ పోస్టర్‌‌తో మూవీపై అంచనాలు పెంచేశారు. ప్రముఖ రచయిత, దర్శకుడు బివిఎస్ రవి డైరెక్షన్‌లో దేశం కోసం ఏం చేయడానికైనా తెగించే యువకుడి క్యారెక్టర్‌లో సాయిధరమ్ తేజ్ నటిస్తున్నారు.
 
 జెండా మనలో ధైర్యము రా..
 జయమే దానికి ధ్యేయము రా..
 Team #Jawaan #happyindependenceday pic.twitter.com/qr8lbdcAQp
 — Sai Dharam Tej (@IamSaiDharamTej) 15 August 2017


 వరుస ఫెయిల్యూర్స్ తో ఇబ్బందుల్లో ఉన్న మెగా హీరో సాయిధరమ్ తేజ్ లీడ్ రోల్ లో తెరకెక్కుతున్న సినిమా  జవాన్. రచయిత బివిఎస్ రవి దర్శకత్వంలో తెరకెక్కుతున్న ఈ సినిమాలో కృష్ణగాడి వీర ప్రేమగాథ ఫేం మెహ్రీన్ హీరోయిన్ గా నటిస్తోంది. తాజాగా ఈసినిమా టీజర్ ను ప్రీల్యూడ్ పేరుతో రిలీజ్ చేశారు. ఇటీవల బాలకృష్ణ, పూరిజగన్నాథ్ ల ఫైసా వసూల్ టీజర్ ను స్టంపర్ పేరుతో రిలీజ్ చేయగా మంచి రెస్పాన్స్ వచ్చింది. అదే ఫార్ములాను ఫాలో అవుతూ జవాన్ టీజర్ ను ప్రీల్యూడ్ పేరుతో రిలీజ్ చేశారు.
 
 సినిమా షూటింగ్ ప్రారంభమైన సమయంలోనే ఇది కమర్షియల్ ఎంటర్టైనర్ అని చెప్పిన దర్శకుడు టీజర్ తో ఆడియన్స్ ను కన్ఫ్యూజ్ చేశాడు. పూర్తి దేశభక్తి సినిమాగా జవాన్ టీజర్ ను కట్ చేశారు.'దేశభక్తి అంటే కిరీటం కాదు.. కృతజ్ఞత' అంటూ సాయి చెప్పిన డైలాగ్ కు మంచి రెస్పాన్స్ వస్తోంది. ఇన్నాళ్లు బబ్లీ హీరోగా కనిపించిన సాయిధరమ్ ఈ సినిమాలో కాస్త హుందాగా కనిపిస్తున్నాడు. దిల్ రాజు సమర్పణలో తెరకెక్కుతోన్న ఈ చిత్రానికి కృష్ణ నిర్మాత.


 శ్రీనగర్‌: భారత ఆర్మీలో మేజర్‌ ర్యాంకులో పనిచేస్తున్న వ్యక్తిని జవాను కాల్చిచంపినట్లు రిపోర్టులు వచ్చాయి. విధి నిర్వహణలో సెల్‌ఫోన్‌ను వినియోగిస్తున్న జవానును మేజర్‌ ప్రశ్నించగా.. కోపోద్రేకుడైన జవాను మేజర్‌పై కాల్పులు జరిపినట్లు సమాచారం.
 
 దాదాపు ఐదు బుల్లెట్లు మేజర్‌ శిఖర్‌ థాప శరీరంలోకి దూసుకెళ్లడంతో ఆయన అక్కడికక్కడే కుప్పకూలినట్లు పేరు చెప్పడానికి ఇష్టపడని ఆర్మీ అధికారి ఒకరు తెలిపారు. ఇరువురిని ఆర్మీ ఉడి ప్రాంతంలోని నియంత్రణ రేఖకు చేరువలో పికెటింగ్‌కు పంపినట్లు తెలిసింది.
 
 
 
 
 
  


 ఉక్రుల్ :
 మణిపుర్లోని ఉక్రుల్ జిల్లాలో చోటుచేసుకున్న బాంబు పేలుడులో ఓ జవాను మృతిచెందాడు. శుక్రవారం తెల్లవారజామున జరిగిన ఈ బాంబుపేలుడులో అసోం రైఫిల్స్కు చెందిన ఒక జవాను మృతిచెందగా, మరో ముగ్గురికి గాయాలయ్యాయి. సంఘటనా స్థలాన్ని భద్రతా బలగాలు తమ ఆధీనంలోకి తీసుకొన్నాయి.
 
 జూన్ 15న కూడా అసోం రైఫిల్స్పై జరిగిన దాడిలో ఒక జవాను మృతిచెందాడు. ఈ దాడి తామే చేశామంటూ రెవెల్యూషనరీ పీపుల్స్ ఫ్రెంట్(ఆర్పీఎఫ్) ప్రకటించిన విషయం తెలిసిందే.


 తిక్క, విన్నర్ సినిమాలతో నిరాశపరిచిన మెగా హీరో సాయి ధరమ్ తేజ్ హీరోగా తెరకెక్కుతున్న సినిమా జవాన్. రచయిత, దర్శకుడు బివియస్ రవి దర్శకత్వంలో తెరకెక్కుతున్న ఈ సినిమాలో కృష్ణగాడి వీర ప్రేమగాథ ఫేం మెహరీన్ హీరోయిన్గా నటిస్తోంది. కమర్షియల్ ఎంటర్టైనర్గా తెరకెక్కుతున్న ఈ సినిమా సాయి ధరమ్ కెరీర్కు కీలకంగా మారింది.
 
 ప్రస్తుతం నిర్మాణ కార్యక్రమాలు జరుపుకుంటున్న ఈ సినిమాను సెప్టెంబర్ 1న రిలీజ్ చేసేందుకు ప్లాన్ చేస్తున్నారు. దసరా సీజన్లో బడా హీరోలు బరిలో దిగుతుండటంతో కాస్త ముందుగానే జవాన్ థియేటర్లలో సందడి చేయనున్నాడు. త్వరలో ప్రమోషన్ కార్యక్రమాలు ప్రారంభించేందుకు రెడీ అవుతోంది జవాన్ యూనిట్.
  
 
 #JawaanonSep1st @IamSaiDharamTej @MusicThaman @Mehreenpirzada @Prasanna_actor pic.twitter.com/i1DTc6SkpB
 — BVS Ravi (@BvsRavi) 28 June 2017


 
 మెగా వారసుడు సాయి ధరమ్ తేజ్ హీరోగా తెరకెక్కుతున్న లేటెస్ట్ మూవీ జవాన్. దర్శకుడిగా మారిన రచయిత బివియస్ రవి డైరెక్షన్లో తెరకెక్కుతున్న ఈ సినిమాలో కృష్ణగాడి వీరప్రేమగాధ ఫేం మెహరీన్ హీరోయిన్గా నటిస్తోంది. ఇప్పటికే మేజర్ పార్ట్ షూటింగ్ పూర్తి చేసుకున్న ఈ సినిమా ఫస్ట్ లుక్ను త్వరలో రిలీజ్ చేయనున్నారు. అయితే ఆ లుక్ ఎలా ఉండబోతుందన్న హింట్ ఇస్తూ ఓ ప్రీ లుక్ పోస్టర్ను రిలీజ్ చేసింది చిత్రయూనిట్.
 
 సినిమాలో హీరో క్యారెక్టర్ లోని డిఫరెంట్ ఎమోషన్స్తో పాటు జవాన్ అనే టైటిల్తో డిజైన్ చేసిన లోగో ఆకట్టుకుంటుంది. ఇంటికొక్కడు అనే ట్యాగ్ లైన్ను యాడ్ చేశారు. దిల్ రాజు సమర్పణలో కృష్ణ నిర్మిస్తున్న ఈ సినిమాకు తమన్ సంగీతం అందిస్తున్నాడు. ప్రస్తుతం ఆఖరి దశ షూటింగ్ జరుపుకుంటున్న ఈ సినిమా ఆడియో, సినిమా రిలీజ్ డేట్లను త్వరలోనే వెల్లడించనున్నారు.


 పవన్‌కల్యాణ్‌ స్టార్‌డమ్‌కు పునాది వేసిన తొలి సినిమా ‘తొలిప్రేమ’. దీని తర్వాత ఆయన పలు హిట్‌ సినిమాల్లో నటించారు. కానీ, పవన్‌ అభిమానులతో పాటు ప్రేక్షకులకు ‘తొలిప్రేమ’ అంటే ఎంతో స్పెషల్‌. ఇప్పుడీ చిత్రదర్శకుడు ఎ. కరుణాకరన్‌తో పవన్‌ మేనల్లుడు సాయిధరమ్‌ తేజ్‌ సినిమా చేస్తున్నాడని ఫిల్మ్‌నగర్‌ టాక్‌.
 
  ‘‘ప్రేమ ఎప్పుడూ గెలుస్తుంది. ఎందుకంటే... ప్రేమ కోసం ఏం చేయడానికైనా యువత రెడీ కాబట్టి’’ అనే థీమ్‌ బేస్‌ చేసుకుని హ్యూమర్‌ అండ్‌ యాక్షన్‌తో కూడిన ప్రేమకథను కరుణాకరన్‌ రెడీ చేశారట! దీనికి సాయిధరమ్‌ తేజ్‌ గ్రీన్‌ సిగ్నల్‌ ఇచ్చేశారట. ప్రస్తుతం బీవీఎస్‌ రవి దర్శకత్వంలో ‘జవాన్‌’ చేస్తున్న ఈ హీరో, ఆ తర్వాత కరుణాకరన్‌ సినిమా ప్రారంభిస్తారని సమాచారం. మామతో ‘తొలిప్రేమ’ వంటి హిట్‌ అందుకున్న దర్శకుడు, మేనల్లుడితోనూ హిట్‌ సినిమా చేస్తారని ఊహించవచ్చు!!


 హోంమంత్రి రాజ్‌నాథ్‌ సింగ్‌
 
 నాథులా(సిక్కిం) : విధి నిర్వహణలో ప్రాణాలు కోల్పోయిన జవాన్ల కుటుంబాలకు రూ.కోటి నష్ట పరిహారాన్ని అందిస్తామని కేంద్ర హోంమంత్రి రాజ్‌నాథ్‌ సింగ్‌ తెలిపారు. ఇండో టిబెటిన్‌ బోర్డర్‌ పోలీస్‌(ఐటీబీపీ) శరాతంగ్‌ పోస్ట్‌లో శనివారం నిర్వహించిన ‘సైనిక్‌ సమ్మేళన్‌’లో ఆయన పాల్గొని మాట్లాడారు. ప్రస్తుతం పారామిలిటరీ బలగాల్లోని 84,000 కానిస్టేబుళ్లకు హెడ్‌కానిస్టేబుళ్లుగా పదోన్నతి కల్పించినట్లు ప్రకటించారు. జవాన్ల త్యాగాలకు వెలకట్టలేమని రాజ్‌నాథ్‌ తెలిపారు.
 
 అమరుల కుటుంబాలు ఆర్థికంగా ఇబ్బంది పడకూడదన్న ఉద్దేశంతోనే రూ.కోటి నష్ట పరిహారాన్ని అందజేయాలని నిర్ణయించినట్లు పేర్కొన్నారు. అంతకుముందు భారత్‌–చైనా సరిహద్దును సందర్శించిన రాజ్‌నాథ్‌ భద్రతా ఏర్పాట్లను సమీక్షించారు. ఐటీబీపీ బలగాలు తమ సమస్యల్ని చెప్పుకోవడానికి హోంశాఖ రూపొందించిన యాప్‌ పనితీరును జవాన్లను అడిగి తెలుసుకున్నారు. పర్వత ప్రాంతాల్లో పనిచేసే జవాన్లకు భత్యాల చెల్లింపులో సమానత్వంపై దృష్టి సారిస్తామని రాజ్‌నాథ్‌ హామీనిచ్చారు.


 నాని హీరోగా తెరకెక్కిన కృష్ణగాడి వీర ప్రేమగాథ సినిమాతో తెలుగు తెరకు పరిచయం అయిన ముద్దుగుమ్మ మెహరీన్. తొలి సినిమాలోనే అందంతో పాటు అభినయంతోనూ ఆకట్టుకుంది మెహరీన్. అయితే కృష్ణగాడి వీర ప్రేమగాథ తరువాత వెంటనే బిజీ హీరోయిన్ అవుతుందని భావించినా.. పెద్దగా అవకాశాలు రాలేద. దీంతో బాలీవుడ్ మీద దృష్టి పెట్టిన మెహరీన్ ఫిలౌరీ సినిమాతో ఆకట్టుకుంది.
 
 బాలీవుడ్ సినిమా చేస్తుండగానే టాలీవుడ్ నుంచి వరుస అవకాశాలు తలుపు తట్టాయి. ప్రస్తుతం సాయి ధరమ్ తేజ్తో జవాన్, రవితేజతో రాజా ది గ్రేట్, శర్వానంద్, మారుతిల సినిమాల్లో నటిస్తున్న ఈ బ్యూటీ, సందీప్ కిషన్ సరసన నటిస్తున్న సినిమాతో కోలీవుడ్ ఎంట్రీకి రెడీ అవుతోంది. వీటితో పాటు మరికొన్ని సినిమాలు ఇప్పుడు చర్చల దశలో ఉన్నాయి.


 ఉత్తమ ప్రజాదరణ పొందిన చిత్రంగా 64వ జాతీయ చలనచిత్ర పురస్కారాల్లో ‘శతమానం భవతి’ అవార్డు గెలుపొందిన సందర్భంగా ఆ చిత్రనిర్మాత ‘దిల్‌’ రాజును ‘జవాన్‌’ చిత్ర బృందం శాలువాతో సన్మానించింది.
 ‘జవాన్‌’ హీరో సాయిధరమ్‌ తేజ్, దర్శకుడు బీవీయస్‌ రవి తదితరుల సమక్షంలో కేక్‌ కట్‌ చేసి, ‘దిల్‌’ రాజు సంతోషాన్ని పంచుకున్నారు. సాయిధరమ్‌ హీరోగా ‘దిల్‌’ రాజు మూడు సినిమాలు నిర్మించారు.


 మొన్ననే ఫైనల్‌ ఎగ్జామ్స్‌ రాసిన పిల్లలకు హాలిడేస్‌ వచ్చేశాయ్‌! హీరో సాయిధరమ్‌ తేజ్‌ (తేజు)కి కూడా దర్శకుడు బీవీయస్‌ రవి వారం రోజులు హాలిడేస్‌ ఇచ్చారు. తేజూ ఏం ఎగ్జామ్స్‌ రాశాడనుకుంటున్నారా? ‘జవాన్‌’ క్వార్టర్లీ ఎగ్జామ్స్‌. దర్శకుడి టీచింగ్స్, హీరో ఎగ్జామ్స్‌.
 
  అసలేంటి ఇదంతా అనుకుంటున్నారా? తేజు, మెహరీన్‌ కౌర్‌ జంటగా బీవీయస్‌ రవి దర్శకత్వంలో అరుణాచల్‌ క్రియేషన్స్‌ పతాకంపై దర్శకుడు హరీష్‌ శంకర్‌ సమర్పణలో కృష్ణ నిర్మిస్తున్న సినిమా ‘జవాన్‌’. ఇంటికొక్కడు... అనేది ఉపశీర్షిక. సినిమా ఓ స్కూల్‌ అనుకుంటే... దర్శకుడు టీచర్, నటీనటులు స్టూడెంట్సే కదా! శనివారం ఈ సినిమా ఫస్ట్‌ షెడ్యూల్‌ (క్వార్టర్లీ ఎగ్జామ్స్‌) పూర్తయింది.
 
  ఫిల్మ్‌ నగర్‌లో ‘జవాన్‌’ కోసం ప్రత్యేకంగా వేసిన సెట్‌లో 20 శాతం టాకీ పార్టు చేశారు. ఈ స్కూల్‌కి పక్క ఊరి నుంచి ఓ స్టూడెంట్‌ వస్తున్నాడండోయ్‌. అతడే ప్రముఖ తమిళ నటుడు ప్రసన్నకుమార్‌. ‘జవాన్‌’లో విలన్‌గా చేస్తున్నారాయన. వారం రోజుల తర్వాత ‘జవాన్‌’ స్కూల్‌ (సెకండ్‌ షెడ్యూల్‌) ఓపెన్‌ చేస్తారు. ఈ చిత్రానికి కెమెరా: గుహన్, సంగీతం: తమన్‌.


 కశ్మీర్‌: ఈ మధ్య చనిపోయిన తమ ఆత్మబంధువులను భుజాలపైన వేసుకొని వెళ్లిన సంఘటనలు ఎక్కువగా మనం ఒడిశా రాష్ట్రంలో చూశాం. ఇలా అనకూడని విషయమే అయినా వారంతా కూడా ఎవరి కళ్లకు సరిగా కనిపించని వాళ్లు.. అంటే బలహీనులు.. వర్గ పరంగా.. ఆర్థికపరంగా.. సామాజికపరంగా ప్రభుత్వాలు దయచూపనంతకాలం ఇంకొన్ని తరాల వరకు వారి బతుకులకు అలాంటి తిప్పలు తప్పవు. కానీ, అలాంటి పరిస్థితి ఒక జవానుకు వస్తే.. తల్లిని మోసుకొని విరిగిపడిన మంచుకొండలను దాటుకుంటూ వెళ్లాల్సి వస్తే.. అది కచ్చితంగా వార్తల్లో నిలుస్తుంది.. వేరే వాళ్లు చూస్తే అది దేశానికి అవమానం.
 
 కానీ, అలాంటి సంఘటనే జరిగింది. మహ్మద్‌ అబ్బాస్‌ అనే వ్యక్తి పఠాన్‌ కోట్‌లో జవానుగా పనిచేస్తున్నాడు. అతడితోపాటు తన తల్లి కూడా జీవిస్తోంది. ఆమె గత ఐదు రోజుల కిందట ప్రాణాలు కోల్పోయింది. దీంతో నియంత్రణ రేఖ వద్ద ఉన్న కర్ణా అనే గ్రామంలోకి తీసుకెళ్లి ఖననం చేయాలని అనుకున్నాడు. కశ్మీర్‌కు తన తల్లి మృతదేహంతో చేరుకున్నాడు. అయితే, 50 కిలోమీటర్ల దూరం వెళ్లాల్సి ఉండగా దారి మధ్యలో ఓ భారీ మంచుకొండచరియ విరిగి పడింది. దీంతో ఆ జవానుకు హెలికాప్టర్‌ సహాయం చేస్తామని పై అధికారులు చెప్పారు. వారి మాట విని తల్లి శవాన్ని అక్కడే ఉంచి హెలికాప్టర్‌ కోసం ఎదురుచూశాడు. కానీ, హెలికాప్టర్‌ రాలేదు. దీంతో ఆమె మృతదేహాన్ని తన భుజాన వేసుకొని దాదాపు ఆరు మీటర్ల మేర పేరుకుపోయిన మంచులో నుంచి పది గంటలపాటు మరికొంతమంది సహాయకులతో దాటి ఖననం చేసేందుకు తీసుకెళ్లాడు.
 
 దీనిపై అతడు వివరణ ఇస్తూ ‘ఇది చాలా పెద్ద అవమానం. నా తల్లికి గౌరవ ప్రదంగా అంత్యక్రియలు చేయలేకపోయాను. హెలికాప్టర్‌ పంపిస్తామని చెప్పి పంపించలేదు. పేరుకుపోయిన మంచుముక్కలపై ప్రమాద కర స్థితిలో నడుచుకుంటూ నా తల్లి మృతదేహాన్ని భుజాన వేసుకొని తీసుకెళ్లాను. నాలుగు రోజులు శవంతో ఎదురుచూసినా ఎవరూ పట్టించుకోలేదు. ఈ రోజు నా ఫోన్‌ కూడా కట్‌ చేశారు. అందుకే ఇలా చేయాల్సి వచ్చింది’ అని చెప్పాడు. అయితే, తాము ఈ రోజే హెలికాప్టర్‌ సిద్ధం చేశామని అధికారులు తెలిపారు. వారే హెలికాప్టర్‌ దిగే చోటులేదని వద్దన్నారని వివరించారు.


 –‘దిల్‌’ రాజు
 ‘‘ బీవీయస్‌ రవి, కృష్ణ... ఈ ముగ్గురికీ మా సంస్థతో మంచి అనుబంధం ఉంది. వీళ్లను నా కుటుంబ సభ్యుల్లా భావిస్తా’’ అని నిర్మాత ‘దిల్‌’ రాజు అన్నారు. సాయిధరమ్‌ తేజ్, మెహరీన్‌ కౌర్‌ జంటగా బీవీఎస్‌ రవి దర్శకత్వంలో అరుణాచల్‌ క్రియేషన్స్‌ పతాకంపై హరీష్‌ శంకర్‌ సమర్పణలో కృష్ణ నిర్మిస్తున్న చిత్రం ‘జవాన్‌’. ‘ఇంటికొక్కడు’ ఉపశీర్షిక. ఈ చిత్రం సోమవారం మొదలైంది. ముహూర్తపు సన్నివేశానికి దర్శకుడు కొరటాల శివ కెమెరా స్విచ్చాన్‌ చేయగా, హీరో చిన్న ఎన్టీఆర్‌ క్లాప్‌ ఇచ్చారు. డైరెక్టర్‌ వీవీ వినాయక్‌ గౌరవ దర్శకత్వం వహించారు. ఈ సందర్భంగా ‘దిల్‌’ రాజు మాట్లాడుతూ–‘‘ఈ చిత్రకథను రవి రెండేళ్ల కిందట చెప్పాడు.
 మధ్య తరగతి కుటుంబం నేపథ్యంలో ఉంటుంది. నాతో అనుబంధం ఉన్న వీరు ముగ్గురూ కలిసి చేస్తున్న చిత్రానికి నా వంతుగా కథ, టెక్నీషియన్స్‌ ఫైనలైజ్‌ చేశా. మా సంస్థ నుంచి వచ్చే సినిమాలా ‘జవాన్‌’ ఉండేలా వారి వెనకుండి నడిపిస్తున్నా’’ అన్నారు. ‘‘మంచి కథ, వైవిధ్యమైన స్క్రీన్‌ప్లేతో రాబోతున్నాం’’ అని సాయిధరమ్‌ చెప్పారు. ‘‘దేశానికి సైనికుడులా.. ప్రతి ఇంటికి ఒక సమర్థుడైన కొడుకు అవసరం. దేశానికి సమస్య వస్తే జవాన్‌ నిలబడతాడు.. ఇంటికి సమస్య వస్తే కొడుకు నిలబడతాడు అన్నదే కథాంశం’’ అని బీవీఎస్‌ రవి చెప్పారు. ‘‘నేను పనిచేసిన సినిమాలకు బీవీయస్‌రవిగారూ ఒక పార్ట్‌. ఆయన సినిమాకి పాటలివ్వ డం సంతోషం. సాయితో నాకిది మూడో సినిమా’’ అని తమన్‌ అన్నారు.


 న్యూఢిల్లీ: ఉడీ ఉగ్రదాడికి ప్రతీకారంగా పాక్‌ ఆక్రమిత కశ్మీర్‌లోని ఉగ్ర స్థావరాలపై సర్జికల్‌ దాడి చేసిన జవాన్లకు  కేంద్రం రిపబ్లిక్‌ డే సందర్భంగా శౌర్యపతకాలు ప్రకటించింది. దాడిలో పాల్గొన్న 4వ, 9వ పారామిటలరీలకు చెందిన 19 మంది సైనికులను కీర్తిచక్ర, యుధ్‌ సేవా తదితర మెడళ్లు వరించాయి. దాడిలో పటాలాలకు సారథ్యం వహించిన మేజర్‌ రోహిత్‌ సూరి(4వ పారా)కి శాంతిసమయంలో ఇచ్చే రెండో అత్యున్నత శౌర్యపతకమైన కీర్తిచక్రను, ఈ దళాల కమాండింగ్‌ అధికారులైన కపిల్‌ యాదవ్, హర్‌ప్రీత్‌ సంధులకు యుధ్‌సేవాను ప్రకటించారు.
 ఈ పటాలాల్లోని ఐదుగురికి శౌర్యచక్రలు, 13 మం దికి సేనా మెడల్స్‌ దక్కాయి. కాగా, గూర్ఖా రైఫిల్స్‌ హవల్దార్‌ ప్రేమ్‌ బహదూర్‌ రేస్మి మగర్‌కు మరణానంతరం కీర్తి చక్రను, పాండురంగ్‌ మహదేవ్, నాయక్‌ విజయ్‌ కుమార్‌ తదితరులకు మరణానంతరం సేనా మెడల్స్‌ను ప్రకటించారు. వివిధ దళాల సైనికులకు 398 శౌర్య, ఇతర రక్షణ పతకాలు అందించేందుకు రాష్ట్రపతి ఆమోదం తెలిపారు. ఆర్మీ తూర్పు కమాండ్‌ సారథి మేజర్‌ ప్రవీణ్‌ బక్షి, ఆర్మీ చీఫ్‌ పదవికి బిపిన్‌ రావత్‌తో పోటీపడిన దక్షిణ కమాండ్‌ సారథి మేజర్‌ పీఎం హరీజ్‌లకు పరమ్‌ విశిష్ట సేవాల మెడళ్లు దక్కాయి.


 ఔరంగాబాద్‌ : కేంద్ర పారిశ్రామిక భద్రతా దళ(సీఐఎస్‌ఎఫ్‌) జవాను ఒకరు తన సీనియర్‌ సహచరులపై జరిపిన కాల్పుల్లో నలుగురు మృతిచెందారు. బిహార్‌లోని ఔరంగాబాద్‌ జిల్లాలో ఈ ఘటన జరిగింది. నబీనగర్‌ పవర్‌ జనరేటింగ్‌ కంపెనీ వద్ద విధులు నిర్వహిస్తున్న బల్వీర్‌ బుధవారం అర్ధరాత్రి సమయంలో డ్యూటీలు మారుతున్నప్పుడు ఈ దారుణానికి పాల్పడ్డాడు. సెలవుల విషయంలో తీవ్ర వాగ్వాదం తర్వాత తన రైఫిల్‌తో పాతిక రౌండ్ల కాల్పులు జరిపాడు. ఇద్దరు జవాన్లు అక్కడికక్కడే చనిపోగా, గాయపడిన ఇద్దరిని ఆస్పత్రికి తీసుకెళ్లగా అప్పటికే మృతిచెందినట్లు వైద్యులు తెలిపారు. బల్వీల్‌ను జవాన్లు అదుపులోకి తీసుకుని పోలీసులకు అప్పగించారు. కాల్పులపై సీఐఎస్‌ఎఫ్‌ సైనిక విచారణకు ఆదేశించింది.  అలీగఢ్‌కు చెందిన బల్వీర్‌ మానసిక ఒత్తిడి తగ్గించుకోవడానికి ఇటీవల యోగా కోర్సు చేశాడు.


 సిమ్లా: వీధి కుక్కల నుంచి తప్పించుకోవడానికి ప్రయత్నిస్తూ 50 అడుగుల నీటి గుంటలో పడిపోయిన జవానును ఓ సాధారణ గృహిణి రక్షించింది. తోటి జవానులు అతను మరణించాడని భావించి వెళ్లిపోయినా.. కొన ఊపిరితో వున్న అతనికి ప్రాణం పోసింది.
 గత నెల 20న అస్సాం రైఫిల్స్ కు చెందిన జవానులు సిమ్లాకు దగ్గరలోని జుతోగ్ కాంట్ క్యాంప్ లో శిక్షణ పొందేందుకు వచ్చారు. శిక్షణలో ఉన్న సమయంలో కొన్ని వీధి కుక్కలు జవానులను వెంబడించాయి.. దీంతో వాటి నుంచి తప్పించుకునేందుకు జవానులందరూ పరుగులు పెట్టారు. వారిలో ముకేశ్ కుమార్ అనే జవాను అదుపుతప్పి పక్కనే ఉన్న గుంటలో పడిపోయాడు.
 గుంటలో పడిన సమయంలో అతని తల రాయికి తగలడంతో సృహ కోల్పోయాడు. ముకేశ్ లో ఎలాంటి కదలికలు లేకపోవడంతో మిగిలిన జవానులు సాయం కోసం అరిచారు. ఆ శబ్దాలు విన్న వీణా శర్మ(42) హుటాహుటిని అక్కడికి చేరుకుని అతనికి శ్వాస అందించారు.. గుంటలో నుంచి అతన్ని బయటకు తీయడానికి ఆమెకు సాధ్యం కాలేదు. వెంటనే తన తండ్రి రమేశ్ శర్మ(72)ను పిలిచిన ఆమె అతన్ని బయటకు తీశారు. జవానుల్లో ఎవరికీ డ్రైవింగ్ రాకపోవడంతో రమేశ్ సొంతగా బండిని నడుపుకుంటూ ముకేశ్ ను ఆసుపత్రిలో చేర్పించారు.


 న్యూఢిల్లీ: మన సినిమాలకు మించిన స్క్రిప్ట్ ఇది. ఏడేళ్ల క్రితం చనిపోయాడనుకున్న జవాన్ బతికొచ్చాడు. ఆర్మీ సైతం అతడు చనిపోయాడని మరణ ధ్రువీకరణ పత్రం కూడా జారీచేయగా, అతడు అర్ధరాత్రి అనూహ్యంగా ఇంటికొచ్చి తలుపుతట్టాడు. అతడి పేరు ధరమ్‌వీర్‌సింగ్. వయసు 39. డెహ్రాడూన్‌లోని 66వ రెజిమెంట్‌లో జవాన్. 2009లో విధి నిర్వహణ నిమిత్తం మరో ఇద్దరు తోటి జవాన్లతో కలసి ట్రక్కులో వెళ్తుండగా వాహనం బోల్తాకొట్టింది. అతడితో సహా ఎవరి జాడ తెలియలేదు.
 
 మూడేళ్లపాటు గాలింపు చేసిన ఆర్మీ.. వారు మరణించినట్లు ప్రకటించింది. అతడి కుటుంబానికి మరణ ధ్రువీకరణ పత్రం ఇచ్చింది. ఫించన్ మంజూరు చేసింది.  డెహ్రాడూన్‌లో జరిగిన ప్రమాదంలో ధరమ్‌వీర్ మతిభ్రమించి అక్కడి కొండల్లో పిచ్చివాడిగా తిరిగాడు. అయితే ఇటీవల అతడిని ఒక బైక్ ఢీకొట్టింది. గట్టి దెబ్బలు తగిలినా అదృష్టవశాత్తు కోల్పోయిన జ్ఞాపకశక్తి తిరిగొచ్చింది. పాత విషయాలన్నీ సినిమా రీల్ తిప్పినట్లు గుర్తొచ్చాయి. బైక్‌తో ఢీకొట్టిన వ్యక్తి అతడిని ఆస్పత్రిలో చేర్చి రూ.500 ఇచ్చాడు.
 
 దీంతో ఢిల్లీకి టికెట్ తీసుకొని అక్కడి నుంచి అల్వార్ సమీపంలోని స్వగ్రామం భితెడాకు వచ్చాడు. అర్ధరాత్రి ఇంటికెళ్లి తలుపు తట్టగా, ధరమ్‌వీర్ తండ్రి తలుపు తీశాడు. చనిపోయాడనుకున్న కొడుకు కళ్ల ముందు ప్రత్యక్షమవడంతో నిశ్చేష్టుడయ్యాడు. ఉద్వేగంతో కొడుకును అమాంతం కౌగిలించుకున్నాడు. ఇంట్లో పండగ వాతావరణం నెలకొంది. ‘ఒక్కసారిగా నేను షాక్ అయ్యాను. మా కుటుంబ సభ్యులందరినీ చూసిన ఆనందంలో మాటలురాలేదు’ అని ధరమ్‌వీర్ చెప్పాడు.


 న్యూఢిల్లీ: దేవుడి ఆటముందు మన ఆట ఎంత? అనే మాట సహజంగా అప్పుడప్పుడు వింటుంటాం. ఆయన ఇచ్చే ట్విస్టులు కూడా మాములుగా ఉండవని చెబుతుంటాం. ఓ ఆర్మీ జవాను జీవింతంలో జరిగిన ఈ విషయం చూస్తే మాత్రం నిజంగానే దేవుడు గొప్ప స్క్రిప్ట్ రైటరేమో అనిపిస్తుంది కూడా. ఊహించని ట్విస్టులతో సినిమాలు తీసే డైరెక్టర్లు కూడా ఈ విషయం వింటే సినిమా కథగా పెట్టుకొని హిట్ కొట్టడం ఖాయం. చనిపోయాడని అనుకున్న ఓ ఆర్మీ జవాను తిరిగి బతికొచ్చాడు. భారత ఆర్మీ సైతం అతడి చనిపోయాడని ప్రకటించగా ఏడేళ్ల తర్వాత అబ్బురపడేలా అతడు సురక్షితంగా వచ్చి తన ఇంటి తలుపుకొట్టాడు.
 
 ఇక పూర్తి వివరాల్లోకి వెళితే.. అతడి పేరు ధరమ్ వీర్ సింగ్. డెహ్రాడూన్లోని 66వ సాయుధ రెజిమెంట్ దళంలో డ్రైవింగ్ జవానుగా పనిచేసేవాడు. 2009లో తన తోటి జవాన్లతో కలిసి ట్రక్కులో వెళుతూ ప్రమాదానికి గురయ్యాడు. ఆ వాహనం కొండల్లో నుంచి పడిపోయింది. అతడితో సహా ఏ ఒక్కరి జాడ తెలియలేదు. ఆఖరికి వారి మృతదేహాలు కూడా లభ్యం కాలేదు. అలా మూడేళ్లు వెతికిన తర్వాత వారంతా చనిపోయినట్లు ఆర్మీ ప్రకటించింది. అయితే, ఆ ప్రమాదానికి గురైన ధరమ్ వీర్.. గాయాలపాలయ్యాడు. ఆ ప్రమాదం కారణంగా మతిభ్రమించింది. దీంతో డెహ్రాడూన్ కొండల్లోనే చుట్టుపక్కల పిచ్చివాడిలా తిరిగాడు. అయితే, ఈ మధ్యే అతడిని ఓ బైక్ బలంగా ఢీకొట్టింది. దీంతో అదృష్టవశాత్తు పోయిన జ్ఞాపకశక్తి తిరిగొచ్చింది.
 
 ఆ యాక్సిడెంట్ చేసిన వ్యక్తి అతడికి రూ.500 ఇవ్వడంతో వాటిని తీసుకొని తొలుత ఢిల్లీ వచ్చాడు. అనంతరం అక్కడి నుంచి అల్వార్కు సమీపంలోని బిటెడా అనే గ్రామానికి చేరుకున్నాడు. రాత్రి పూట ఇంటికెళ్లి తలుపుకొట్టగా తండ్రి వచ్చి తీశాడు. అలా చనిపోయాడనుకున్న తన కుమారుడు తిరిగి కనిపించడంతో అతడు ఓ క్షణంపాటు ఖిన్నుడయ్యాడు. వెంటనే తేరుకుని ఆనందభాష్పాలతో అతడిని హత్తుకున్నాడు. ఇంట్లో మొత్తం పండుగ వాతావరణం నెలకొంది. తన ఇద్దరు కుమార్తెలను గుర్తుపట్టేందుకు ధర్మేందర్ చాలా కష్టపడ్డాడు. సోదరులు, బంధువులు అతడి రాకపై సంతోషం వ్యక్తం చేస్తున్నారు. మరిన్ని వైద్య చికిత్సల కోసం ప్రస్తుతం అతడిని జైపూర్ తీసుకెళ్లారు.


 యంగ్ జనరేషన్లో మినిమమ్ గ్యారెంటీ హీరోగా తనకంటూ ప్రత్యేకమైన గుర్తింపు తెచ్చుకున్న హీరో సాయి ధరమ్ తేజ్. మెగా వారసుడిగా ఎంట్రీ ఇచ్చినా ఆ ప్రభావం తన మీద పడకుండా, మీడియం రేంజ్ సినిమాలతో ఆకట్టుకుంటున్నాడు. వరుసగా పిల్లా నువ్వులేని జీవితం, సుబ్రమణ్యం ఫర్ సేల్, సుప్రీమ్ సినిమాలతో మంచి సక్సెస్లు సాధించిన సాయి, తన నెక్ట్స్ సినిమాల టైటిల్స్తోనే సినిమాల మీద అంచనాలు పెంచేస్తున్నాడు.
 
 ప్రస్తుతం సునీల్ రెడ్డి దర్శకత్వంలో తిక్క సినిమాలో నటిస్తున్నాడు. ఈ సినిమా సెట్స్ మీద ఉండగానే తను చేయబోయే నెక్ట్స్ సినిమాను కూడా లైన్లో పెట్టాడు. ప్రముఖ రచయిత బివియస్ రవి దర్శకత్వంలో ఓ సినిమా చేయడానికి అంగీకరించాడు సాయి. ఈ సినిమాకు జవాన్ అనే టైటిల్ను పరిశీలిస్తున్నారట. దర్శకుడు హరీష్ శంకర్ నిర్మిస్తున్న ఈ సినిమా త్వరలోనే సెట్స్ మీదకు వెళ్లనుంది.


 జమ్ము కశ్మీర్ సరిహద్దు ప్రాంతంలో మళ్లీ మందుపాతర విధ్వంసం సృష్టించింది. పేలుడు ఘటనలో ఓ బీఎస్ఎఫ్ జవాన్ తీవ్రంగా గాయపడ్డారు.  అంతర్జాతీయ సరిహద్దు ప్రాంతమైన జమ్ము కశ్మీర్ సాంబా జిల్లాలో ఏర్పాటుచేసిన మందుపాతర పేలడంతో ఈ ప్రమాదం సంభవించింది. ప్రమాదంలో బీఎస్ఎఫ్ హెడ్ కానిస్టేబుల్ ఉజాన్ బారా కు తీవ్ర గాయాలయ్యాయి.
 ఉజాన్ బారా  బృదం బోర్డర్ ఔట్ పోస్ట్ ప్రాంతంలో పెట్రోలింగ్ నిర్వహిస్తుండగా ఈ పేలుడు సంభవించినట్లు ఓ పోలీస్ అధికారి వెల్లడించారు.  గాయపడిన బీఎస్ఎఫ్  కానిస్టేబుల్ ను ప్రభుత్వ మెడికల్ కాలేజీ ఆస్పత్రిలో చేర్పించి చికిత్స అందిస్తున్నట్లు అధికారులు తెలిపారు.


 జెరుసలేం: ఖైదీలను తిట్టాడని ఇజ్రాయెల్లో జవానుకు జైలు శిక్షను విధించారు. జైల్లోని ఖైదీలను ఆయన తిట్టాడని, కొట్టాడని, కరెంట్ షాక్ కూడా ఇచ్చాడని పేర్కొంటూ మిలటరీ కోర్టు ఆ జవానుకు ఏడు నెలల జైలు శిక్షను విధించింది. తమ దగ్గర ఉన్న చట్టాల ప్రకారం ఇలాంటి చర్యలు తీవ్ర నేరం అని ఈ సందర్భంగా కోర్టు  పేర్కొంది.
 
 ఇజ్రాయెల్ డిఫెన్స్ ఫోర్సెస్(ఆర్మీ) తెలిపిన వివరాల ప్రకారం జైలులో ఉన్న పాలస్తీనా ఖైదీలపట్ల ఆ జవాను కఠినంగా ప్రవర్తించేవాడని, వ్యక్తిగతంగా వారిని తన వద్దకు పిలుచుకొని ఇష్టమొచ్చినట్లు తిట్టడమే కాకుండా వారిని చిత్ర హింసలకు గురిచేశాడని, వారికి కరెంట్ షాక్ కూడా ఇచ్చాడని తమ పరిశీలనలో వెల్లడైనట్లు చెప్పారు. దీంతో పలుమార్లు పాలస్తీనా ఖైదీలు జైలును బద్ధలు కొట్టి పరారై పోయేందుకు ప్రయత్నించారని, దీనంతటికి ఆ జవాను చర్యలే కారణమని తెలిపారు. అందుకే, అతడికి జైలు శిక్షను విధించినట్లు వివరించారు.


 జమ్మూ కాశ్మీర్ సరిహద్దులో ఆదివారం అర్థరాత్రి జరిగిన ఉగ్రవాదుల దాడిలో ఆంధ్రప్రదేశ్‌కు చెందిన ఒక జవాన్ మృతి చెందాడు. విజయనగరం జిల్లా బాడంగి మండలం గొల్లాది గ్రామానికి చెందిన బొత్త సత్యం(36) సరిహద్దు భద్రతా దళంలో జవాన్‌గా పనిచేస్తున్నాడు.
 ఆదివారం అర్థరాత్రి ఉగ్రవాదుల దాడిలో మరణించాడని.. కుటుంబ సభ్యులకు సోమవారం మధ్యాహ్నం సమాచారం అందింది. బొత్త సత్యంకు బొబ్బిలికి చెందిన శ్రీవాణితో వివాహమైంది. వీరికి ఇద్దరు పిల్లలు ఉన్నారు. సత్యం మృతదేహం మూడు రోజుల తర్వాత స్వగ్రామానికి వస్తుందని అధికారులు తెలిపారు.
  


 చిత్తూరు (మదనపల్లి) : విధినిర్వహణలో ప్రాణాలు కోల్పోయిన జవానుకు మదనపల్లి మండలం సిద్ధమ్మగారి పల్లెలో శుక్రవారం అధికార లాంఛనాలతో అంత్యక్రియలు నిర్వహించారు. వివరాల్లోకి వెళ్తే.. పులిచర్ల మండలం ఉర్వపల్లికి చెందిన రాసాని సిద్ధయ్య(47) బీఎస్‌ఎఫ్ ఏఎస్‌ఐగా పనిచేస్తున్నాడు.
 కాగా ఒరిస్సాలోని మల్కన్‌గిరి-చిత్రకొండ అటవీ ప్రాంతంలో విధి నిర్వహణలో ఉండగా మూడురోజుల క్రితం మందుపాతర పేలి మృతిచెందాడు. మృతదేహాన్ని శుక్రవారం ఉదయం సిద్ధమ్మగారిపల్లికి తీసుకువచ్చారు. అనంతరం అధికారలాంఛనాలతో అంత్యక్రియలు పూర్తి చేశారు. సిద్ధయ్య పెళ్లైన తర్వాత ఉర్వపల్లి నుంచి వచ్చి మదనపల్లిలోని శివాజీనగర్‌లో స్థిరనివాసం ఏర్పరచుకున్నారు.


 ఇంఫాల్: దీనానగర్ పోలీస్ స్టేషన్పై ఉగ్రవాదుల దాడి ఘటన మరువకముందే మణిపూర్లో గుర్తుతెలియని సాయుధ దుండగు ఓ జవాన్ను కాల్చిచంపాడు. మంగళవారం మద్యాహ్నం జరిగిన ఈ సంఘటన ఇంఫాల్లోని ఎమ్మెల్యేల నివాస ప్రాంగణం వద్ద చోటుచేసుకోవడం గమనార్హం.
 
 మణిపూర్ రైఫిల్స్ ఎనిమిదో బెటాలియన్ కు చెందిన హోప్సన్ మారింగ్ (36) అధికార కాంగ్రెస్ పార్టీ ఎమ్మెల్యే కొరుంగ్ థాంగ్ నివాసం వద్ద కాపలాదారుగా విధులు నిర్వహిస్తున్నాడు. ఈ రోజు మద్యాహ్నం గుర్తుతెలియని దుండగుడు తన వెంట తెచ్చుకున్న తుపాకితో హోప్సన్పై కాల్పులు జరిపి పారిపోయాడు. గాయపడ్డ జవానును ఆసుపత్రికి చేర్చేలోగా ప్రాణాలు కోల్పోయాడు. పోస్ట్మార్టం నిమిత్తం మృతదేహాన్ని జవహర్లాల్ ఇనిస్టిట్యూట్ ఆఫ్ మెడికల్ సైన్సెస్కు తరలించారు. ఈ దురాగతంపై పోలీసులు పణుకోణాల్లో దర్యాప్తుచేస్తున్నారు.


 ముస్సోరి: ముస్సోరిలోని ప్రముఖ ఐఏఎస్ల శిక్షణ కేంద్రం 'లాల్ బహదూర్ శాస్త్రి నేషనల్ అకాడమీ ఆఫ్ అడ్మినిస్ట్రేషన్ ఫర్ ఐఏఎస్ ట్రైనీస్' వద్ద ఓ జవాను కాల్పులు జరపడంతో అతడి సహచరుడు చనిపోయాడు. మరో ఇద్దరు జవాన్లు గాయాలపాలయ్యారు. కాల్పులు జరిపిన అనంతరం అతడు పారిపోయాడు. కాల్పులు జరిపిన సైనికుడు ఇండో-టిబెట్ సరిహద్దు పోలీసు విభాగానికి చెందినవాడు. ఘటనపై ఉన్నతాధికారులు విచారణకు ఆదేశించారు. పారిపోయిన జవానుకోసం గాలింపు చర్యలు ప్రారంభించారు.


 విశాఖపట్నం/రాయ్పూర్: పోలీసులు, మావోయిస్టులకు మధ్య శనివారం జరిగిన రెండు వేరువేరు ఎదురు కాల్పుల్లో ఒక జవాన్ సహా మావోయిస్టు మృతిచెందారు. విశాఖ జిల్లా మంచంగిపుట్టు మండలం గోప్రాపడ వద్ద పోలీసులు జరిపిన ఎన్కౌంటర్లో ఒక మావోయిస్టు మృతిచెందగా, సంఘటనా స్థలం నుంచి రెండు 303 రైఫిల్స్, 4 గ్రానైట్లు, 10 కిట్ బ్యాగులు స్వాధీనం చేసుకున్నట్లు పోలీసులు తెలిపారు.
 
 అటు ఛత్తీస్గఢ్లో పోలీసులపై మావోయిస్టులు పంజా విసిరారు. దంతెవాడ జిల్లా తుమ్నార్ అటవీప్రాంతంలో కూంబింగ్ నిర్వహిస్తున్న ప్రత్యేక పోలీసు బలగాలను చుట్టుముట్టిన మావోయిస్టులు కాల్పులు జరిపారు. ఈ ఘటనలో ఒక జవాన్ మృతిచెందగా, మరో ఇద్దరు జవాన్లు తీవ్రంగా గాయపడ్డారు. ఛత్తీస్గఢ్ సీఎం రమణ్ సింగ్ మావోయిస్టుల దాడిని తీవ్రంగా ఖండించారు.


 ఛత్తీస్గఢ్: విధుల్లో ఉన్న ఓ జవాను అనూహ్య రీతిలో ఆత్మహత్యకు పాల్పడ్డాడు. తనను తాను కాల్చుకుని నిలువునా ప్రాణాలు తీసుకున్నాడు. ఛత్తీస్గఢ్ లోని బిజాపూర్ జిల్లాలో పవిత్ర యాదవ్ (44) అనే జవాను సీఆర్పీఎఫ్ 168వ బెటాలియన్లో జవానుగా పనిచేస్తున్నాడు. బిజాపూర్ పట్టణంలోని ఓ జైలు పక్కన విధులు నిర్వర్తిస్తున్నాడు.
 
 బుధవారం ఉదయం ఒక్కసారిగా తుపాకీ పేలిన చప్పుళ్లు వినిపించడంతో తోటి జవాన్లు వెళ్లి చూడగా అతడు రక్తపు మడుగులో పడి ఉన్నాడు. చేతిలోని తుపాకీతో తనను తాను కాల్చుకుని ఆత్మహత్యకు పాల్పడినట్లు నిర్ధారించారు. పవిత్ర యాదవ్ ఉత్తరప్రదేశ్ లోని బరేలికి ప్రాంతానికి చెందినవాడు. ఎందుకు ఆత్మహత్యకు పాల్పడ్డాడనే వివరాలు మాత్రం తెలియాల్సి ఉంది. దర్యాప్తునకు ఆదేశించారు.


 జై జవాన్
 బ్రిటిష్ పాలకులు భారత్‌ను వదిలి వెళ్తూ వెళ్తూ తీసుకున్న నిర్ణయాలు భారత్-పాకిస్తాన్ దేశాల మధ్య రావణకాష్టంలా రగులుతూనే ఉన్నాయి. ఈ క్రమంలో దేశ రక్షణ కోసం భారత్ భారీ స్థాయిలో సైన్యాన్ని మోహరిస్తోంది. మన ల్యాండ్ బౌండరీ ఎత్తై మంచుపర్వతాలతో ఉండడం వల్ల మన సైనికులు శత్రువు కంటే ముందు ప్రకృతితో యుద్ధం చేయాల్సి ఉంటుంది. ఆ తర్వాత ఉగ్రవాదులతో పోరాడాలి, మూడవ పోరాటం ప్రత్యర్థి దేశానికి చెందిన సైనికులతో (శత్రువుతో) యుద్ధం.
  
 ఇక నాలుగో యుద్ధం ప్రకృతి వైపరీత్యాలతో. వరదలు, భూకంపాల సమయంలో పౌరులను కాపాడడంలో ముందుండాలి. అతలాకుత లమైన పరిస్థితులను చక్కదిద్దాలి. ఈ బాధ్యతల నిర్వహణలో తనకేమవుతుందోననే ఆలోచనకు ఏ మాత్రం తావివ్వకూడదు. జీవితం పట్ల, కుటుంబం పట్ల అంతటి డిటాచ్‌మెంట్ ఉండాలి, దేశం పట్ల అటాచ్‌మెంట్ ఉండాలి. ఇది సైనికుడికి ఉండాల్సిన ప్రధాన లక్షణం. ఆ తర్వాత స్థానంలో సాహసం, త్యాగం, మనోధైర్యం ఉండాలి.


 న్యూఢిల్లీ: పార్లమెంటు భవనంలో విధులు నిర్వహిస్తున్న ఓ సీఆర్పీఎఫ్ జవాన్ చేతిలోని రైఫిల్ నుంచి ప్రమాదవశాత్తూ నాలుగు తూటాలు పేలిన సంగతి వెలుగు చూసింది.  ఇటీవల జరిగిన ఈ ఘటనపై దర్యాప్తు సాగుతోంది. విధులు ముగించుకున్న జవాన్  రైఫిల్‌ను ఆయుధాగారంలో పెడుతుండగా ఈ కాల్పులు జరిగాయని, అతన్ని, సూర్‌వైజర్‌ను విధుల నుంచి తప్పించామని అధికారులు చెప్పారు.
  


 కదిరి : దేశ సరిహద్దులో పాక్ సైన్యాలు జరిపిన కాల్పుల్లో అమరుడైన బీఎస్‌ఎఫ్ జవాన్ అనిల్‌కుమార్‌రెడ్డి (31) అంత్య క్రియలు ఆదివారం జరగనున్నాయి. ఆయన స్వగ్రామం తలుపుల మండలం తూపల్లిలో అధికార లాంఛనాలతో అంత్యక్రియలు నిర్వహించేందుకు ఏర్పాట్లు పూర్తయ్యాయి. శనివారం జమ్మూకాశ్మీర్‌లోని పూంచ్ సెక్టార్ వద్ద అనిల్‌కుమార్‌రెడ్డి మృతదేహానికి పోస్టు మార్టం నిర్వహించారు.
 
 అనంతరం అక్కడి నుంచి కోల్‌కత్తా మీదుగా బెంగళూరుకు విమానంలో మృతదేహాన్ని తీసుకువచ్చి, రోడ్డు మార్గంగా స్వగ్రామానికి తరలించనున్నట్లు అధికారులు తెలిపారు. అందిన సమాఆరం మేరకు శనివారం అర్ధరాత్రికి అనిల్ కుమార్‌రెడ్డి మృతదేహం స్వగ్రామానికి చేరుకునే అవకాశముంది. కాగా, గ్రామంలో ఉన్న అనిల్‌కుమార్‌రెడ్డి భార్య అపర్ణ అన్నపానీయాలు లేకుండా భర్త మృతదేహం కోసం నిరీక్షిస్తోంది. బాధిత కుటుంబాన్ని ఎమ్మెల్యే అత్తార్ చాంద్‌బాషా శనివారం పరామర్శించారు.
  


 రాయ్ పూర్: ఛత్తీస్‌గఢ్‌లోని సుక్‌మా జిల్లాలో శనివారం మావోయిస్టులు సీఏఎఫ్ చెందిన శివకుమార్ సిదార్ అనే జవానును హతమార్చారు. శనివారం జిల్లాలోని తెమిలివాడ క్యాంపులో జవానుగా పనిచేస్తున్న శివకుమార్ అనారోగ్య కారణంగా బస్సులో దోర్నపాల్ కు వస్తుండగా అటవీప్రాంతంలో బస్సును అడ్డగించిన మావోయిస్టులు అతనిని వెంట తీసుకెళ్లారు. రెండు గంటల తర్వాత శివకుమార్‌ను హతమార్చి మృత దేహాన్ని రహదారిపై పడేశారు.
  
 అనంతరం సమాచారం తెలుసుకున్న సెక్యూరిటీ సిబ్బంది ఘటనా స్థలికి చేరుకుని మృతదేహాన్ని అక్కడ్నుంచి తరలించారు. సీఎఎఫ్ 9వ బెటాలియన్ కు చెందిన శివకుమార్ ను మావోయిస్టులు హతమార్చడంతో కూంబింగ్ ఆపరేషన్ చేపట్టినట్లు ఐజీ ఎస్ఆర్పీ కల్లూరి తెలిపారు.
  


 పళ్లిపట్టు: విచక్షణ కోల్పోయిన ఓ జవాన్ కాల్పుల్లో ముగ్గురు సీఐఎస్‌ఎఫ్ జవాన్లు మృత్యువాత పడగా, మరో ఇద్దరు తీవ్రగాయూలపాలయ్యూరు. ఈ సంఘటన బుధవారం ఉదయం కాంచీపురం జిల్లా కల్పాక్కంలోని అణు విద్యుత్ కేంద్రంలో చోటు చేసుకుంది. కాంచీపురం జిల్లా కల్పాక్కంలోని అణువిద్యుత్ కేంద్రం సెంట్రల్ ఇండస్ట్రియల్ సెక్యూరిటీ ఫోర్సు (సీఐఎస్‌ఎప్) కట్టుబాటులో ఉంది. బుధవారం వేకువ జామున జవాన్లు రోల్‌కాల్ నిర్వహిస్తున్నారు. ఆ సమయంలో  ఉత్తరప్రదేశ్‌కు చెందిన సీఐఎస్‌ఎఫ్ హెడ్  కానిస్టేబుల్ విజయప్రతాప్‌సింగ్ బ్యారక్స్‌లో నిద్రిస్తున్న తన పై అధికారి రాజస్థాన్‌కు చెందిన మోహన్ సింగ్ (42)ను చేతిలో ఉన్న 9 ఎమ్‌ఎమ్ గన్‌తో కాల్పులు జరిపాడు.
  
  దీంతో  అక్కడ రోల్‌కాల్ నిర్వహిస్తున్న జవాన్లు ఆందోళనతో సంఘటన స్థలానికి పరుగులు తీశారు. జవానును సమీపిస్తున్న తరుణంలో విజయప్రతాప్ సింగ్ వారిపైనా కాల్పులు జరిపాడు. దీంతో సబ్ ఇన్‌స్పెక్టర్ గణేశన్(58), హెడ్ కానిస్టేబుల్ సుబ్బురాజ్(54) కూడా మృతి చెందగా, ప్రతాప్‌సింగ్, గోవర్ధన ప్రశాం త్ తదితరులు గాయపడ్డారు. అయినా పైరిం గ్‌ను విజయ్‌ప్రతాప్‌సింగ్ నిలపకపోవడంతో తక్కిన జవాన్లు చాకచక్యంగా ప్రతాప్‌సింగ్‌ను పట్టుకుని తుపాకీ స్వాధీనం చేసుకున్నారు. గాయూలపాలైన జవాన్లను వెంటనే చెన్నై కేళంబాక్కంలోని ప్రైవేటు ఆసుపత్రికి తరలించారు. వీరిలో గోవర్ధన ప్రతాప్ పరిస్థితి ఆందోళనకరంగా ఉన్నట్లు వైద్యులు తెలిపారు. మృతి చెందిన జవాన్ల మృత దేహాలను పోస్టుమార్టం నిమిత్తం చెంగల్పట్టులోని ప్రభుత్వాస్పత్రికి తరలించారు.
  
  పరుగులు తీసిన డీఐజీ, ఎస్పీ
  డీఐజీ సత్యమూర్తి, కాంచీపురం ఎస్పీ విజయకుమార్ తదితరులు సంఘటన ప్రాంతం చేరుకుని  కాల్పుల సంఘటన పట్ల విచారణ జరిపా రు. ఇందులో జవాన్ల మధ్య చోటుచేసుకున్న మాటల యుద్ధమే ఫైరింగ్‌కు దారితీసిందని ప్రాథమికంగా తెలిసింది. కాల్పులు జరిపి ముగ్గురు మృతికి కారకుడైన విజయప్రతాప్‌సింగ్‌ను కల్పాక్కం పోలీసులు అరెస్ట్ చేసి కేసు దర్యాప్తు చేస్తున్నారు.


 న్యూఢిల్లీ: కాశ్మీర్‌లోని సరిహద్దుప్రాంతంలో బుధవారం గస్తీ విధుల్లో ఉండగా, చీనాబ్ నది ప్రవాహంలో కొట్టుకుపోయి సరిహద్దుకు ఆవల పాకిస్థాన్ రేంజర్స్ దళాలకు పట్టుబడిన సరిహద్దు భద్రతాదళం (బీఎస్‌ఎఫ్) జవాన్, ఎట్టకేలకు శుక్రవారం క్షేమంగా విడుదలకానున్నారు. బీఎస్‌ఎఫ్ జవాన్ సత్యశీల్ యాదవ్‌ను శుక్రవారం మధ్యాహ్నం 3 గంటలకు భారత్‌కు అప్పగిస్తామని పాకిస్థాన్ అధికారులు హామీ ఇచ్చారు.
 
 జవాన్ అప్పగింతపై జమ్మూ సరిహద్దులో నికోవాల్ వద్ద బీఎస్‌ఎఫ్, పాక్ రేంజర్స్ మధ్య గురువారం ఫ్లాగ్ మీటింగ్ జరిగింది. సత్యశీల్ యాదవ్‌ను శుక్రవారం అప్పగిస్తామనిపాక్ రేంజర్స్ ప్రతినిధి ఫ్లాగ్ మీటింగ్ అనంతరం ప్రకటించారు.  యాదవ్ పరిస్థితి బాగుందని తమకు సమాచారం అందిందని ఆ వర్గాలు తెలిపాయి.
 
 
  


 
 జవాన్ వినాయకం వర్ధంతి రేపు       
 
  బాధిత కుటుంబాలకు పరిహారం చెల్లించిన ఆయా ప్రభుత్వాలు        
 
  చిల్లిగవ్వ చెల్లించని ఏపీ సర్కారు
 
  
 వినాయకన్. ఏడాది కిందట కేదార్‌నాథ్  పర్యటనకు వెళ్లి విపత్తులో చిక్కుకుపోయిన బాధితులను రక్షించేందుకు వెళుతూ  హెలికాప్టర్ ప్రమాదంలో మృతి చెందాడు. అతని కుటుంబానికి అండగా ఉంటామని అప్పటి ప్రభుత్వంతో పాటు ప్రతిపక్ష నేత (ప్రస్తుత ముఖ్యమంత్రి ) భరోసా ఇచ్చారు.  కానీ  దురదృష్టం. చనిపోయిన జవాన్లలో వినాయకన్ కుటుంబానికి మన ప్రభుత్వం చిల్లిగవ్వ కూడా చెల్లించలేదు.        
  సాక్షి, చిత్తూరు: వినాయకం! దేశం కోసం.. దేశ ప్రజల కోసం నువ్వు ప్రాణాలర్పించి రేపటికి (బుధవారం) ఏడాది అవుతుంది. నాకు బాగా గుర్తింది. ఏడాది కిందట దేవభూమి ఉత్తరాఖండ్‌లో జరిగిన ఘోర విపత్తు దేశాన్ని కకావికలం చేసింది. ఆ ఘటన తలుచుకుంటేనే భయమేస్తుంది.
 
 భర్తలను కోల్పోయిన భార్యలు.. బిడ్డలను పోగొట్టుకున్న తండ్రులు ఎంతో వేదన పడ్డారు. ఒక్కమాటలో చెప్పాలంటే గత ఏడాది కేదార్‌నాథ్ పర్యటనకు వెళ్లిన ప్రతీ మదీ.. ఆవేదనల న దిగా నేటికీ గత చేదుజ్ఞాపకాలు మొదలుతూనే ఉన్నాయి. అలాంటి విపత్తులో చిక్కుకుపోయిన బాధితులను రక్షించేందుకు నీవంతు ప్రయత్నం చేశావు. ఎంతోమందిని కాపాడావు. నది ఇటువైపు నుంచి అటువైపునకు వెళ్లేందుకు దారి లేకపోతే రోప్‌లు వేసి వాటిపై వంతెనగా నీతో పాటు కొందరు జవాన్లు పడుకుని బాధితులను మీ వీపుపై నడిపించారు. ప్రాణాలు కాపాడారు.
 
 ఈ సంఘటన తెలిసి.. నువ్వు నా కడుపున పుట్టినందుకు చాలా గర్వపడ్డాను. హెలికాప్టర్ ప్రమాదంలో మృతి చెందావని తెలిసి బోరున విలపించాను. ‘‘మన వినాయకం.. పూతలపట్టు మండలం చిన్నబండపల్లె వాసి. ఎన్‌డీఆర్‌ఎఫ్‌లో పని చేస్తున్నాడు. ఐదేళ్లు దేశానికి సేవచేశాడు. 26 ఏళ్లకే దేశ సేవలో ప్రాణాలు కోల్పోయాడు.’’ అని జిల్లా ప్రజలు మొత్తం రోదించారు. నీ మృతదే హాన్ని ఆర్మీ అధికారులు గుర్తుపట్టలేకపోయారు. డీఎన్‌ఏ పరీక్ష చేసి శవాన్ని గత ఏడాది జూలై 3న స్వగ్రామానికి తెచ్చారు. మీ అమ్మానాన్నలు రాణెమ్మ, కృష్ణస్వామి ఎంత బాధపడ్డారో నాకు తెలుసు!
 
 రెన్నళ్లలో పెళ్లి. పెళ్లి కోసం కొత్త ఇళ్లు నిర్మించుకున్నారు. బిడ్డ వస్తాడు! మిగిలిన ఇంటి పని పూర్తి చేయిస్తాడని నీ రాకకోసం ఎదురుచూశారు. కానీ గుర్తుపట్టలేనంతగా శవమై ఇంటికొచ్చిన నిన్ను చూసి ఇంటిల్లిపాది గుండెలవిసేలా రోదించారు. ప్రభుత్వ లాంఛనాలతో నీ అంత్యక్రియలు జరిపారు. సంతోషించాను. అంత్యక్రియలపై చూపిన గౌరవం నీ కుటుంబాన్ని ఆదుకోవడంపై కూడా చూపిస్తారని భావించాను. అప్పటి మాజీ, నేటి ముఖ్యమంత్రి చంద్రబాబు నాయుడు నీ ఇంటికొచ్చారు.
 
 మీ కుటుంబానికి అండగా ఉంటానని భరోసా ఇచ్చారు. అప్పటి ప్రభుత్వం కూడా అండగా ఉంటానని భరోసా ఇచ్చింది. ఇంటిస్థలం.. ఐదెకరాల పొలం.. కుటుంబంలో ఒకరికి ఉద్యోగం ఇస్తామన్నారు. ఇలాంటి హామీలే నీతో పాటు మృతి చెందిన మరో ఎనిమిది మంది జవాన్లకు వారి ప్రభుత్వాలు ఇచ్చాయి. వారంతా ఇచ్చిన హామీలను ఎప్పుడో నెరవేర్చి జవాన్ల కుటుంబాలకు బాసటగా నిలిచారు. ఉత్తరాఖండ్ ప్రభుత్వం కూడా నీ కుటుంబంతో పాటు తక్కిన తొమ్మిది మంది కుటుంబాలకు 2 లక్షల రూపాయల పరిహారం చెల్లించిం ది.
 
 పక్కనే ఉన్న తమిళనాడులో చనిపోయిన నీ సహచర జవాన్‌కు అక్కడి ప్రభుత్వం స్థలం, పొలంతో పాటు రూ. 25 లక్షల పరిహారం ఇచ్చింది. కానీ దురదృష్టం. చనిపోయిన జవాన్లలో నీ ఒక్కడికే మన ప్రభుత్వం చిల్లిగవ్వ కూడా చెల్లించలేదు. స్థలం.. పొలం.. ఉద్యోగం అన్నీ మరిచిపోయింది. చేతికొచ్చిన కొడుకును కోల్పోయి ఎలాంటి ఆసరా లేకుండా నీ తల్లిదండ్రులు ఏడాదిగా క్షోభను అనుభవిస్తున్నారు.
 
 ప్రభుత్వం.. ప్రభుత్వ యంత్రాంగం ఏ ఒక్కరూ నువ్వు చనిపోయావని.. ఆ రోజు కొన్ని హామీలు ఇచ్చామని.. వాటిని నెరవేర్చి దేశం కోసం ప్రాణాలర్పించిన నీ కుటుంబానికి అండగా ఉండాలని బహుశా భావించలేదేమో! అందుకే హామీలను నెరవేర్చలేదేమో! రేపటితో నువ్వు నాకు దూరమై ఏడాది. అందుకే ఒక్కసారి నిన్ను నేను గుర్తుకు చేసుకుని.. హామీలను ప్రభుత్వానికి గుర్తు చేస్తున్నా. ఏదిఏమైనా నీ కుటుంబానికి ఏడాదిగా అన్యాయం జరిగింది వినాయకం. క్షమించు వినాయకం!                                  
 
 ఇట్లు..నీ కన్నభూమి
 చిత్తూరు జిల్లా