సాక్షి, హైదరాబాద్‌: కాంగ్రెస్‌ నిరంకుశ విధానాలపై పోరాడిన వాళ్లంతా ఇప్పుడు బీఆర్‌ఎస్‌లో చేరుతు న్నారని బీఆర్‌ఎస్‌ వర్కింగ్‌ ప్రెసిడెంట్, మంత్రి కేటీఆర్‌ వాఖ్యానించారు. బీఆర్‌ఎస్‌ విధానాలకు ఆకర్షితులై వారంతా పార్టీలో చేరుతున్నారన్నారు. శనివారం తెలంగాణ భవన్‌లో మంత్రులు కేటీఆర్, హరీశ్‌రావు సమక్షంలో చెరుకు సుధాకర్‌తోపాటు పలువురు బీఆర్‌ఎస్‌లో చేరారు. ఈ సందర్భంగా కేటీఆర్‌ మాట్లాడుతూ కాంగ్రెస్‌ విధానాలకు వ్యతిరే కంగా 46 రోజులు పోరాటం చేసి జైలు శిక్ష అనుభ వించిన నాయకులు చెరుకు సుధాకర్‌ బీఆర్‌ఎస్‌లో చేరడం శుభ పరిణామమన్నారు. జిట్టా బాలకృష్ణ, ఏపూరి సోమన్న, హర్‌దీప్‌రెడ్డి లాంటి వాళ్లు బీఆర్‌ ఎస్‌లో చేరడం గొప్ప విషయమని, ఇది తనకెంతో సంతోషం కలిగించిందని చెప్పారు. ‘అదృష్టం ఉంటేనే ఇంట్లో ఆడపిల్లలు పుడతారు. ఆడపిల్ల పెళ్లి చేయాలంటే ఒకటికి పది సార్లు ఆలోచిస్తాం. మనింటి అమ్మాయిని వేరే వాళ్లకు ఇవ్వాలంటే ఎంత ఆలోచిస్తామో, రాష్ట్రాన్ని ఒకరి చేతిలో పెట్టాలంటే కూడా ఎంతో ఆలోచించాలి. ఇంత గొప్పగా సాధించుకున్న రాష్ట్రాన్ని, అభివృద్ధి చేసుకున్న రాష్ట్రాన్ని ఎవరి చేతిలో ఉంచాలో ప్రజలు కూడా ఆలోచించాలి’ అని కేటీఆర్‌ పేర్కొన్నారు. సీఎం కేసీఆర్‌ నాయకత్వంలో తెలంగాణ అభివృద్ధిలో దేశానికి ఆదర్శంగా నిలిచిందని, ప్రతి ఓటరు ఆలోచించి ఓటు వేయాలని కోరారు. కేసీఆర్‌కు హ్యాట్రిక్‌ సీఎంగా అవకాశమివ్వాలని విన్నవించారు. ‘ఉమ్మడి నల్లగొండ జిల్లాలోని పన్నెండుకు 12 అసెంబ్లీ స్థానాల్లో మళ్లీ గెలవాలి. ఈ చేరికలతో నకిరేకల్‌లో లింగయ్య, ఆలేరులో సునీత గెలుపు ఖాయమ య్యాయి. అందరికీ బతుకమ్మ, దసరా శుభాకాంక్షలు. ఈసారి దసరాకు ఊళ్లలో అభివృద్ధిపైనే చర్చ జరగాలి’ అని కేటీఆర్‌ చెప్పారు.  దూకుడుగా పని చేస్తాను: చెరుకు సుధాకర్‌  ‘తెలంగాణ ఉద్యమాన్ని గరిష్ట స్థాయిలో నడిపాను. జైలు జీవితాన్ని కూడా గడిపాను. నా ఆలోచన విధానానికి పదును పెట్టింది తెలంగాణ భవన్‌. పార్లమెంటరీ రాజకీయాలను అవగాహన చేయించిన వ్యక్తి కేసీఆర్‌. తెలంగాణ ప్రజల గుండెచప్పుడుగా బీఆర్‌ఎస్‌ కొనసాగాలి. తెలంగాణ ప్రజలకు అనేక పాఠాలు, వ్యతిరేకులకు గుణపాఠాలు చెప్పిన వ్యక్తి కేసీఆర్‌. భవిష్యత్తు రాజకీయ ప్రస్థానంలో తెలంగాణ ప్రజల ఆయువు పట్టుగా పార్టీ నిలవాలి. ప్రజలకు మరింత చేరువై అభివృద్ధిని ముందుకు తీసుకెళ్లాలి. తెలంగాణ ప్రజల ఆశయా లు, ఆకాంక్షల సాధన కోసం గతంలో మాదిరిగానే దూకుడుగా పని చేస్తాను’ అని చెరుకు సుధాకర్‌ చెప్పారు.   రాహుల్, రేవంత్‌ డీఎన్‌ఏలు మ్యాచ్‌ కావట్లేదు: మంత్రి హరీశ్‌రావు చెరుకు సుధాకర్‌ కరుడుగట్టిన ఉద్యమవాది అని, తెలంగాణ ఉద్యమంలో మొదటగా జైలుకెళ్లిన వ్యక్తి ఆయనే అని ఆర్థిక, వైద్యారోగ్య శాఖల మంత్రి టి.హరీశ్‌రావు అన్నారు. ఉద్యమ ద్రోహి రేవంత్‌ రెడ్డి ఒకవైపు, తెలంగాణ ఉద్యమంలో రాజీనామా చేయని కిషన్‌రెడ్డి మరోవైపు ఉన్నారని పేర్కొన్నారు. కానీ కేసీఆర్‌ తెలంగాణ ఉద్యమాన్ని ముందుకు నడిపి రాష్ట్రాన్ని సాధించారని చెప్పారు. బీజేపీతో పోరాటం తమ డీఎన్‌ఏలో ఉందని రాహుల్‌ గాంధీ అన్నారని, మరి రేవంత్‌ రెడ్డి డీఎన్‌ఏలో ఏముందో చెప్పాలన్నారు. రాహుల్, రేవంత్‌ రెడ్డి డీఎన్‌ఏలు సరిపోలడం లేదని, ఓటుకు నోటు కేసులో అడ్డంగా దొరికిన వ్యక్తి రేవంత్‌ రెడ్డి అని దుయ్యబట్టారు. కాంగ్రెస్‌కు 35–40 స్థానాల్లో పోటీచేసేందుకు అభ్యర్థులు కరువయ్యారని, సోనియమ్మ ను బలి దేవత అన్న రేవంత్‌ ఇప్పుడు నీతులు చెబుతున్నారని మండిపడ్డారు. రాహుల్‌ కుటుంబ పాలన గురించి మాట్లాడటం సిగ్గుచేటని, కాంగ్రెస్‌కు లెహర్‌ లేదని జహర్‌ మాత్రమే ఉందన్నారు. ఛత్తీస్‌గఢ్‌లో ఎకరాకు 13 క్వింటాళ్ల ధాన్యం మాత్రమే కొంటున్నారని, కానీ రాష్ట్రంలో ప్రతి గింజనూ సీఎం కేసీఆర్‌ కొనుగోలు చేశారని చెప్పారు. పనితనం తప్ప, పగతనం లేని నాయకుడు కేసీఆర్‌ అని, కేసీఆర్‌కు ఎప్పుడూ పని మీదే ధ్యాస ఉంటుందని హరీశ్‌రావు పేర్కొన్నారు. రాష్ట్రంలో కరువు లేదు, కర్ఫ్యూ లేదని, కాంగ్రెస్‌ అంటే మాటలు, మంటలు, ముఠాలు అని అభివర్ణించారు.

సాక్షి, హైదరాబాద్‌: మంత్రులు కేటీఆర్‌, హరీష్‌రావు సమక్షంలో తెలంగాణ  ఉద్యమ కారుడు చెరుకు సుధాకర్‌ బీఆర్‌ఎస్‌లోకి చేరారు. ఈ సందర్భంగా హరీష్‌రావు మాట్లాడుతూ,  తెలంగాణ రాహుల్‌ గాంధీ, రేవంత్‌రెడ్డి విష ప్రచారం చేస్తున్నారని మండిపడ్డారు. అవినీతిపై రేవంత్‌ వ్యాఖ్యలు హాస్యాస్పదమన్నారు. ‘‘రాహుల్‌ గాంధీ తన పేరును రాంగ్‌ గాంధీగా మార్చుకోవాలి. బీఆర్‌ఎస్‌ మేనిఫెస్టోనే కాంగ్రెస్‌ కాపీ కొట్టింది. రాష్ట్రాన్ని మళ్లీ  కాంగ్రెస్‌ చేతిలో పెడితే ఇక ఆగమే. కాంగ్రెస్‌లో పైసలకే టికెట్లు అమ్ముకుంటున్నారు’’ అని హరీష్‌రావు ధ్వజమెత్తారు. చదవండి: కాంగ్రెస్‌ నాకు టికెట్‌ ఇవ్వాల్సిందే.. గద్దర్‌ కూతురు వెన్నెల

సాక్షి, హైదరాబాద్‌/నల్లగొండ: ఆత్మగౌరవం లేని రాజకీయ ప్రయాణం నిష్ప్రయోజనమని టీపీసీసీ మాజీ ఉపాధ్యక్షుడు చెరుకు సుధాకర్‌ పేర్కొన్నారు. నల్లగొండ పట్టణంలో శుక్రవారం నిర్వహించిన తెలంగాణ ఉద్యమకారుల ఆత్మీయ సమ్మేళనంలో ఆయన పాల్గొని కాంగ్రెస్‌ పార్టీకి రాజీనామా చేస్తున్నట్లు ప్రకటించారు. అనంతరం టీపీసీసీ చీఫ్‌ రేవంత్‌రెడ్డికి రాజీనామా లేఖను పంపించారు. దొరల తెలంగాణ కోసం బీఆర్‌ఎస్, ప్రజల తెలంగాణ కోసం కాంగ్రెస్‌ అని పైకి చెబుతున్నప్పటికీ అంతర్గతంగా కాంగ్రెస్‌ పార్టీలో ఉన్న భూస్వామ్య పోకడలకు ఇటీవలి పరిణామాలు అద్దం పడుతున్నాయని ఆవేదన వ్యక్తం చేశారు. తనకు పార్టీ రాష్ట్ర ఉపాధ్యక్షుడి పదవి ఇచ్చి గౌరవం ఇచ్చినప్పటికీ నల్లగొండ జిల్లాలో ఎంపీ కోమటిరెడ్డి వెంకట్‌రెడ్డి విపరీత ప్రవర్తనను నిలువరించడంలో టీపీసీసీ చీఫ్‌ రేవంత్‌రెడ్డి విఫలమయ్యారని తెలిపారు. ఉత్తమ్, జానారెడ్డి కూడా ఈ ప్రయత్నం చేయకపోవడంతో కోమటిరెడ్డి మరింత చెలరేగిపోయారని ఇలాంటి పరిస్థితుల్లో మెరుగ్గా ఉన్న రాజకీయ వేదిక వెతుకులాటలో కాంగ్రెస్‌ పార్టీకి రాజీనామా చేశానని ఆయన స్పష్టం చేశారు. తనపై జరుగుతున్న దాడిని నిలువరించకపోగా నల్లగొండలో జరిగిన సభలో కోమటిరెడ్డిని కొండా లక్ష్మణ్‌ బాపూజీ వారసుడిగా పోల్చడం ద్వారా తమను అవమానపరిచారని పేర్కొన్నారు. వెక్కిరించినట్లు మాట్లాడారు: ప్రస్తుతం కాంగ్రెస్‌ పార్టీ ప్రకటించిన 55 మంది అభ్యర్థుల్లో 12 బీసీలకు కేటాయించారని, అయినా కోమటిరెడ్డి 12 సీట్లు ఇచ్చామంటూ వెక్కిరించినట్లుగా మాట్లాడు తున్నారని సుధాకర్‌ తన రాజీనామా లేఖలో ఆవేదన వ్యక్తం చేశారు. టీపీసీసీ మాజీ అధ్యక్షుడు పొన్నాల లక్ష్మయ్య రాజీనామా నేపథ్యంలో ఆయనను ఉద్దేశించి మాట్లాడిన తీరు యావత్‌ తెలంగాణను ఆశ్చర్యానికి గురి చేసిందన్నారు. తనతో కలిసి ప్రయాణించిన వారికి ఈ లేఖలో కృతజ్ఞతలు తెలిపారు. కాగా, చెరకు సుధాకర్‌తో ఇప్పటికే రాష్ట్ర మంత్రులు కేటీఆర్, జగదీశ్వర్‌రెడ్డిలు చర్చలు జరిపారని, శని, ఆది వారాల్లో ఆయన బీఆర్‌ఎస్‌లో చేరే అవకాశం ఉందని తెలుస్తోంది.

సాక్షి, నల్లగొండ: కాంగ్రెస్‌ సీనియర్‌ నేత, భువనగిరి ఎంపీ కోమటిరెడ్డి వెంకటరెడ్డిపై కేసు నమోదు అయ్యింది. చెరుకు సుధాకర్‌, ఆయన తనయుడిని ఫోన్‌లో బెదిరించిన వ్యవహారానికి సంబంధించి ఈ కేసు నమోదు అయినట్లు తెలుస్తోంది. ఈ మేరకు నల్లగొండ వన్ టౌన్లో సుధాకర్‌ తనయుడు సుహాన్‌ నిన్న(సోమవారమే) ఫిర్యాదు చేశారు.దీంతో ఐపీసీ 506(నేరపూరిత బెదిరింపులు)తో పటు పలు సెక్షన్ల కింద‌ కోమటిరెడ్డి వెంకటరెడ్డిపై కేసు నమోదు అయ్యింది. టీపీసీసీ ఉపాధ్యక్షుడైన డాక్టర్‌ చెరుకు సుధాకర్‌, ఆయన తనయుడు డాక్టర్‌ సుహాస్‌ను.. తన(కోమటిరెడ్డి) వాళ్లు చంపేస్తారంటూ బెదిరింపులకు పాల్పడిన ఫోన్‌కాల్‌ రికార్డింగ్‌ సోషల్‌ మీడియాలో వైరల్‌ అయిన సంగతి తెలిసిందే. ఇది రాజకీయంగా చర్చనీయాంశంగా మారింది. దీంతో కోమటిరెడ్డి క్లారిటీ ఇచ్చారు. ఆ వ్యాఖ్యలు తాను భావోద్వేగంతో చేసినవేనని, తనపై విమర్శలు చేయొద్దని మాత్రమే సుధాకర్‌ కొడుక్కి చెప్పానని కోమటిరెడ్డి వివరణ ఇచ్చుకున్నారు. అంతేకాదు.. సంభాషణల్లో కొన్ని మాటలనే కట్‌ చేసి.. ఆడియోను లీక్‌ చేశారని, కాల్‌ రికార్డు చేస్తున్న విషయం కూడా తనకు తెలుసని కోమటిరెడ్డి పేర్కొన్నారు. మరోవైపు ఈ ఫోన్‌ సంభాషణను కాంగ్రెస్‌ పార్టీ రాష్ట్ర ఇన్‌చార్జి మాణిక్‌రావు థాక్రే, టీపీసీసీ చీఫ్‌ రేవంత్‌రెడ్డికి పంపించారు చెరుకు సుధాకర్‌. అలాగే.. ఏఐసీసీ అధ్యక్షుడు మల్లికార్జున్‌ ఖర్గే దృష్టికి కూడా తీసుకెళ్తానన్నారాయన.

సాక్షి, హైదరాబాద్‌: భువనగిరి కాంగ్రెస్‌ ఎంపీ కోమటిరెడ్డి వెంకట్‌రెడ్డి మరో వివాదంలో చిక్కుకున్న విషయం తెలిసిందే. టీపీసీసీ ఉపాధ్యక్షుడు డాక్టర్‌ చెరుకు సుధాకర్‌, ఆయన కుమారుడు డాక్టర్‌ సుహాస్‌ను తన వాళ్లు చంపేస్తారంటూ బెదిరింపులకు పాల్పడిన ఫోన్‌కాల్‌ రికార్డింగ్‌ సోషల్‌ మీడియాలో వైరల్‌గా మారింది. దీంతో, రాజకీయంగా ఆయన వ్యాఖ్యలు చర్చనీ​యాంశంగా మారాయి.  ఈ నేపథ్యంలో తన వ్యాఖ్యలపై కోమటిరెడ్డి క్లారిటీ ఇచ్చారు. వెంకట్‌రెడ్డి సోమవారం మీడియాతో మాట్లాడుతూ.. నేను భావోద్వేగంతో చేసిన వ్యాఖ్యలే.. వేరే ఉద్దేశం లేదు. నా 33 ఏళ్ల రాజకీయ జీవితంలో నేను ఎవరినీ దూషించలేదు. శత్రువును కూడా దగ్గరకు తీసే తత్వం నాది. చెరుకు సుధాకర్‌పై పీడీ యాక్ట్‌ పెడితే నేనే కొట్లాడాను. నాపై విమర్శలు వద్దనే సుధాకర్‌ కుమారుడికి చెప్పాను. నా మాటలను కట్‌ చేశారు. కొన్ని అంశాలు మాత్రమే లీక్‌ చేశారు. ఫోన్‌ రికార్డు చేస్తున్న విషయం నాకు కూడా తెలుసు. కాంగ్రెస్‌ పార్టీలో చేరిన నాటి నుంచి చెరుకు సుధాకర్‌ నన్ను తిడుతున్నాడు. ఎందుకు తిడుతున్నావని అడిగాను. నన్ను తిట్టొదు అని మాత్రమే సుహాస్‌కు చెప్పాను. నన్ను సస్పెండ్‌ చేయాలి అనడం, తిట్టడం వల్లే బాధతో అలా మాట్లాడాను’ అని తెలిపారు.  ఇదిలా ఉండగా.. కోమటిరెడ్డి ఆడియో క్లిప్‌లో ‘మీ నాన్న వీడియో చూసినవా? ఇప్పటికే నన్ను వందసార్లు తిట్టిండు. నెలరోజుల నుంచి ఓపిక పడుతున్నా. నిన్నగాక మొన్న పార్టీలోకి వచ్చి నన్ను విమర్శిస్తాడా? వాడిని వదిలేది లేదు. వాడు (చెరుకు సుధాకర్‌) క్షమాపణ చెప్పకపోతే మా వాళ్లు చంపుతరు. నా అభిమానులు వంద కార్లల్లో బయల్దేరారు. ఇంటి పార్టీ ఏందిరా? వాడు పీడీ యాక్ట్‌ కేసులో జైల్లో పడితే నేను ఒక్కడినే వెళ్లి పరామర్శించిన. కౌన్సిలర్‌గా గెలవనోడు నన్ను విమర్శిస్తాడా? 25 ఏండ్ల నా రాజకీయ జీవితంలో లక్షల మందిని బతికించిన. వారిలో చాలామంది ఇప్పటికే వాడి మీద కోపంతో చంపుతామంటూ బయల్దేరారు. నేను ఎంతమందినని ఆపుతా. నిన్ను కూడా చంపేస్తరు. నీ హాస్పిటల్‌ ఉండదు. వారంలో వాడిని చంపేస్తారు’ అని సీరియస్‌ అయ్యారు.  చెరుకు సుధాకర్‌ సీరియస్‌.. ఈ ఆడియోను కాంగ్రెస్‌ పార్టీ రాష్ట్ర ఇన్‌చార్జి మాణిక్‌రావు థాక్రే, టీపీసీసీ చీఫ్‌ రేవంత్‌రెడ్డికి పంపించానని సుధాకర్‌ తెలిపారు. ఏఐసీసీ అధ్యక్షుడు మల్లికార్జున్‌ ఖర్గే దృష్టికి కూడా తీసుకెళ్తానన్నారు. ఎంపీ కోమటిరెడ్డి.. తనపై చేసిన అసభ్యకర వ్యాఖ్యలపై అధిష్టానమే చర్యలు తీసుకోవాలన్నారు. మరోవైపు.. కోమటిరెడ్డిపై సుహాస్‌ నల్లగొండ వన్‌టౌన్‌ పోలీసులకు ఫిర్యాదు చేశారు. తమకు కోమటిరెడ్డి నుంచి ప్రాణభయం ఉన్నదని, రక్షణ కల్పించి ఆయన్ను వెంటనే అరెస్టు చేయాలని కోరారు. 

కాంగ్రెస్‌ పార్టీ రాష్ట్ర ఉపాధ్యక్షుడు డాక్టర్‌ చెరుకు సుధాకర్, ఆయన కుమారుడు డాక్టర్‌ చెరుకు సుహాస్‌ను తన అభిమానులు చంపుతారంటూ భువనగిరి ఎంపీ కోమటిరెడ్డి వెంకట్‌రెడ్డి బెదిరించినట్లుగా ఉన్న ఆడియో లీక్‌ అయ్యింది. అసభ్యంగా వారిద్దరినీ దూషించినట్లున్న ఆ ఆడియో ఆదివారం కలకలం రేపింది.  అసలు ఆడియోలో ఏముందంటే..  ‘చూసినవా స్టేట్‌మెంట్‌.. (అంకుల్‌ అది వాట్సప్‌లో అట్ల ఇచ‍్చిండు కానీ ఆ వీడియో ఒకసారి మీరు పూర్తిగా చూడండి–ఎదుటి వ్యక్తి వాయిస్‌) ఏం చూసుడు. వాన్ని చంపుతమని తిరుగుతున్నరు. వంద మంది వెహికిల్‌ వేసుకొని తిరుగుతున్నరు. ఈ వీడియో కాదు నన్ను వందసార్లు తిట్టిండు. నెలరోజులు ఓపిక పట్టి ఇప్పుడు వంద కార్లలో వాణ్ని చంపుతమని తిరుగుతున్నరు. నిన్ను కూడా చంపుతరు. నీ హాస్పిటల్‌ను కూడా కూలగొడుతరు. లక్షల మందిని బతికించిన నేను. వానికెంత ధైర్యం నిన్న మొన్న పార‍్టీలకొచ‍్చి.. వాణ్ని వదిలిపెట్టర్రా.. నేను చెబుతున్న నీకు, వార‍్నింగ్‌ ఇస్తున్న. నేను ఆపలేను .. క్షమించమని చెప్పి, నా పేరు తీసుకొని మొన్న స్టేట్మెంట్లు ఇచ్చిండు ఓపిక పట్టిండ్రు. సార్‌ మాతో ని కాదిగ, నువ్వేమో ఏమనొద్దంటున్నవ్‌ సార్‌.. మేము వెళ్లినం బయటికి, యాడ దొరికితే ఆడ చంపేస్తం అంటుండ్రు వాళ్లు. నా తోని కాదు.. వాడు క్షమాపణ చెప్పకపోతే మాత్రం చంపేస్తరు... అసోంటి వంద వీడియోలు, డైరెక్టు పేరు పెట్టి వందసార్లు తిట్టిండు వాడు. ఇప్పుడొక బ్యాచ్‌ వెళ్లింది. నిన్ను కూడా చంపుతరు చెబుతున్న అరేయ్‌... నీ హాస్పిటల్‌ నడువదు. 25 ఏళ్లలో లక్షల మందిని బతికించిన నేను. వారందరిని కంట్రోల్‌ చేస్తానా నేను. అతనికి ఫోన్‌ చేసి చెప్పు.. అరేయ్‌ నీకు పార్టీ ఉన్నదారా.. ఇంటిపార్టీ ఏందిరా.. నువ్వు కౌన్సిలర్‌గా గెల వవు.. ఆయన అంతపెద్ద లీడరు అని చెప్పు. వాడు జైళ్ల పడితే నేను ఒక్కడినే పోయిన. ఎవరూ పోలే అప్పుడు. చెప్పు.. వారంకంటే ఎక్కువుండడాడు’. కోమటిరెడ్డి దిష్టిబొమ్మ దహనం  డాక్టర్‌ చెరుకు సుధాకర్‌ను, ఆయన కుమారుడిని చంపుతామంటూ బెదిరించినట్లుగా ఆడియో లీక్‌ నేపథ్యంలో బీసీ విద్యార్థి సంఘం ఆధ్వర్యంలో ఆదివారం నల్లగొండ గడియారం సెంటర్‌లో కోమటిరెడ్డి వెంకట్‌రెడ్డి దిష్టి»ొమ్మను దహనం చేశారు. కాగా, ఎంపీ కోమటిరెడ్డిపై క్రిమినల్‌ కేసు పెట్టి వెంటనే అరెస్టు చేయాలని బీసీ యువజన సంక్షేమ సంఘం డిమాండ్‌ చేసింది.  దరిద్రుడు, చీడపురుగంటూ నన్ను తిట్టుడేంది: కోమటిరెడ్డి కాంగ్రెస్‌ పార‍్టీలో చేరినప్పటినుంచి చెరుకు సుధాకర్‌ నాపై కామెంట్స్‌ చేస్తుండు. ఒకసారి దరిద్రుడని, మరోసారి చీడపురుగని సోషల్‌ మీడియాలో పోస్టులు పెడుతున్నడు. సోషల్‌ మీడియాలో పోస్టులు ఎందుకు పెడుతున్నరని ఆయన కొడుకును అడిగితే పెడితేఏంది అంటూ వంకర టింకర మాట్లాడుతుండు. ఇది ఎంతవరకు కరెక్టు. పార‍్టీకి పని చేయాలి. నన్ను తిట్టుడేంది?  నా కొడుకుకు ఫోన్‌ చేసి నన్ను తిట్టడం ఆశ్చర్యం కలిగించింది: చెరుకు సుధాకర్‌  వెంకట్‌రెడ్డి అసభ్యంగా నన్ను తిట్టడం అశ్చర్యం కలిగించింది. నేను కాంగ్రెస్‌ వైస్‌ ప్రెసిడెంట్‌గా, అతను స్టార్‌ క్యాంపెయినర్‌గా ఉండి ఒకే పారీ్టలో పని చేస్తున్నా నాపై అత్యంత నేరపూరితమైన, టెర్రరిస్టు భాష మాట్లాడారు. ఆయనకు మతి ఉండి మాట్లాడుతుండో.. మతి లేక మాట్లాడుతుండో అర్థం కావడంలేదు. ఆడియో టేపును తెలంగాణ పార్టీ వ్యవహారాల ఇన్‌చార్జ్‌ మాణిక్‌ రావు ఠాక్రే, పీసీసీ చీఫ్‌ రేవంత్‌రెడ్డికి పంపించా. కోమటిరెడ్డిని నేను వ్యక్తిగతంగా తిట్టిన సందర్భాలు లేవు. నయీం లాంటి కరుడు గట్టిన తీవ్రవాదే నన్నేమీ చేయలేకయాడు. కోమటిరెడ్డి ఏం చేస్తాడు? ఈ వ్యాఖ్యలపై అధిష్టానం నిర్ణయం తీసుకోవాలి.  

సాక్షి, న్యూఢిల్లీ: మునుగోడు ఎమ్మెల్యే కోమటిరెడ్డి రాజగోపాల్‌ రెడ్డి రాజీనామా వ్యవహారంతో తెలంగాణలో రాజకీయాలు వేడెక్కాయి. రాజగోపాల్‌రెడ్డి, పీసీసీ చీఫ్‌ రేవంత్‌ రెడ్డి పరస్పర విమర్శలతో రెచ్చిపోయారు. ఈ క్రమంలో రేవంత్‌ రెడ్డి కోమటిరెడ్డి బ్రదర్స్‌పై చేసిన వ్యాఖ్యలపట్ల వెంకట్‌రెడ్డి తీవ్ర ఆగ్రహం వ్యక్తం చేశారు. అధిష్టానానికి ఫిర్యాదు చేసినట్టు తెలిసింది. రేవంత్‌ పెద్ద తప్పు చేశారు తాజాగా జరిగిన పరిణామాలు సైతం కోమటిరెడ్డి వెంకట్‌రెడ్డికి అసహనం కలిగించాయి. చెరుకు సుధాకర్‌ను కాంగ్రెస్‌లో చేర్చుకోవడంపై ఆయన ఫైర్‌ అయ్యారు. తనను ఎన్నికల్లో ఓడించాలని ప్రయత్నించిన వ్యక్తిని పార్టీలో ఎలా చేర్చుకుంటారని ఆయన ప్రశ్నించారు. రేవంత్‌రెడ్డి పెద్ద తప్పు చేశారని వ్యాఖ్యానించారు. ఇకపై రేవంత్‌రెడ్డి ముఖం కూడా చూడనని వెంకట్‌రెడ్డి అన్నారు.  (చదవండి: మునుగోడులో కాల్పుల కలకలం! అసలు కారణం ఇదేనా?) పార్లమెంట్‌ సమావేశాల తర్వాత మునుగోడు వెళ్తానని స్పష్టం చేశారు. కాగా, తెలంగాణ ఇంటి పార్టీ అధినేత చెరుకు సుధాకర్ కాంగ్రెస్ పార్టీలో చేరారు. ఢిల్లీలోని ఏఐసీసీ కార్యాలయంలో రాహుల్ గాంధీ సమక్షంలో శుక్రవారం ఆయన హస్తం పార్టీ కండువా కప్పుకున్నారు. చెరుకు సుధాకర్ తన పార్టీని కాంగ్రెస్‌లో విలీనం చేసినట్లు తెలంగాణ పీసీసీ చీఫ్ రేవంత్ రెడ్డి తెలిపారు. (చదవండి: పావులు కదుపుతున్న హస్తం నేతలు.. రేవంత్‌పై ఢిల్లీ పెద్దలు సీరియస్‌!)

ద్రౌపది ముర్ము 64 ఏండ్ల ఆదివాసీ విద్యాధికురాలు. రాష్ట్రపతి రేస్‌లో అకస్మాత్తుగా ఎన్డీయే అభ్యర్థిగా తెర మీదికి వచ్చారు. ఆమె పేరు ప్రకటించడమే ప్రతిపక్షాలను ఎందుకు అంతగా కలవరపరిచిందో ఆశ్చర్యం వేసింది. భారతీయ జనతా పార్టీ ఇటువంటి ప్రయోగాలు అనేకం చేసి రాటు తేలిపోయింది. 2014లో ప్రధానిగా రేసులో ఉన్న నరేంద్ర మోదీ తాను ఒక బీసీ బిడ్డననీ, రాజకీయ అణచివేత, అస్పృశ్యతను అనుభవించినవాడిననీ చెప్పుకున్నారు. తరాలుగా ప్రజాప్రతినిధులుగా ఎదిగే అవకాశాల్లో తీవ్ర అణచివేతనూ, అవకాశ లేమినీ అనుభవిస్తున్న ఒక పెద్ద వర్గం నరేంద్రమోదీని మోసిన ఫలితం అందరం కళ్ళతో చూసినం.  ప్రతిపక్షాలు రాష్ట్రపతి స్వతంత్రత పెరగాలని... విస్తృత ప్రజా సంబంధాలు, దేశం శక్తిమంతం అయ్యే రాజ్యాంగ వ్యవస్థల కోసం నిలబడి, కలబడే వ్యక్తిని ముందే వెతికి ప్రకటిస్తే చర్చ ముర్ము చుట్టు కాకుండా మరోలా ఉండేది. రాష్ట్రపతి ఎలక్టోరల్‌ కాలేజీలో ఎక్కువ ఓట్లు తమకు ఉన్నప్పుడు విస్తృత ఆమోదంతో అభ్యర్థిని ముందే ప్రకటించడంతో పాటు మద్దతును కూడగడితే బాగుండేది. వాజ్‌పేయి గవర్నమెంట్‌లో మంత్రిగా పనిచేసిన మాజీ ఐఏఎస్‌ ఆఫీసర్, బీజేపీతో సుదీర్ఘ అనుబంధం, ప్రయాణం ఉన్న యశ్వంత్‌ సిన్హా పేరును ప్రతిపక్షాలు ప్రకటించాయి. ద్రౌపది ముర్ము పేరు ప్రకటనతో మర్మం ఏదైనా ధర్మమేనేమో అనే సాఫ్ట్‌కార్నర్‌ అప్పుడే ఏర్పడడం మనం గమనిస్తున్నాం. ముర్మును బ్రాండింగ్‌ చేయడం మోదీ వెంటనే మొదలు పెట్టినారు.  ఆదివాసీని ప్రకటించి ఏం లాభం...? ఆమె రబ్బర్‌ స్టాంప్‌ మాత్రమే కదా అన్నవాళ్లు వెంకయ్యనాయుడు రాష్ట్రపతి అభ్యర్థి కావాలని ఎందుకు అంగలార్చారు? మాయావతి రాష్ట్రపతి కోసమే బీజేపీతో సఖ్యంగా ఉంటోందని ప్రచారం కొంత మంది ఎందుకు చేశారు? గోపాలకృష్ణ గాంధీని, శరద్‌పవార్‌ను అడిగినవాళ్లు మాయావతిని ఎందుకు అడగలేదు? ప్రధానమంత్రి కావాలని కోరుకున్న చమార్‌ ఆడబిడ్డ రాష్ట్రపతి అభ్యర్థిగా ఉంటే చర్చవేరే తీరుగా ఉండేది కదా? గత అనుభవం ప్రకారం ఏ గవర్నర్, రాష్ట్రపతి అభ్యర్థీ... తమ వర్గాల, లేదా వ్యవస్థల కోసం ముఖ్యమంత్రుల్ని, ప్రధానమంత్రుల్ని నిలదీస్తారని ఎవరూ ఆశించడం లేదు. అది వర్తమానంలో ఒక విషాదం. ఆదివాసీలకు ముర్ము ఏంచేశారు? అని రాష్ట్రపతి అభ్యర్థి యశ్వంత్‌ సిన్హా ప్రశ్నించడం గురువిందగింజ సామెతకు పదిరెట్లు అపహాస్యంగా ఉంటుంది. బీజేపీలో అన్ని పదవులూ అనుభవించి కొడుకుకు ప్రాతినిధ్యం కోసం బయటకు వచ్చి, తన పదవీ కాలంలో ఒక రాజ్యాంగ విలువ గురించీ, ఏ ఒక్క వ్యవస్థల పతనం, అమ్మకాల గురించీ మాట్లాడని సిన్హా ఇప్పుడు ముర్మును అని ఏమి లాభం? (క్లిక్‌: ఆదివాసీ రాష్ట్రపతి కావడానికి ఇన్నేళ్లా?) దేశ స్వాతంత్య్ర అమృత మహోత్సవాలు జరుగుతున్నవేళ మునుపెన్నడూ లేనంత అణచివేత, దోపిడీ ఆదివాసీలపై కొనసాగుతోంది. బ్రిటిష్‌ సామ్రాజ్యవాదంపై మొదటి సాయుధ తిరుగుబాటు చేసిన సంతాల్‌ తెగ వారసురాలు ద్రౌపది ముర్ము... ఇప్పుడు ఆదివాసీల సమస్యలకు కనీసం పునఃసమీక్ష అవసరమని ఉభయ సభలను ఉద్దేశించి ప్రసంగిస్తుందని కూడా ఎవరూ ఆశించకున్నా... ఆమే ఒడిషాలోని మయూర్‌భంజ్‌ నుండి 280 కిలోమీటర్లు రోడ్డు వెంట భువనేవ్వర్‌ చేరినప్పుడు వెల్లివెరిసిన ఆనందాన్ని ఎట్లా అర్థం చేసుకోవాలి? ప్రజాస్వామిక వ్యవస్థలో ప్రాతినిధ్యం కనీస సవ్య పొందికను కలిగి ఉండాలని అణగారిన వర్గాలు కోరుకుంటున్నాయని గుర్తించమంటున్నాం. భవిష్యత్తులో ఏ రాజకీయ పదవికైనా పోటీ వచ్చినప్పుడు ‘గేమ్‌ చేంజర్‌’ నిర్ణయాలు ఉంటాయని గమనించమంటున్నాం. - డా. చెరుకు సుధాకర్‌  వ్యాసకర్త తెలంగాణ ఇంటి పార్టీ అధ్యక్షులు

రాజద్రోహం చట్టాన్ని పునఃపరిశీలిస్తామని కేంద్ర ప్రభుత్వం సుప్రీంకోర్టు ధర్మాసనానికి తెలియజేసింది. ఈ నేపథ్యంలో 160 సంవత్స రాలకు పైగా చర్చ జరుగుతున్న ఈ చట్టం అమలు తీరు, దాని పర్యవసానాలపై పౌర సమాజం ఆసక్తితో ఉంది. మనం 21వ శతాబ్దంలో ఉన్నాం. ప్రపంచంలో అతి పెద్ద లిఖిత రాజ్యాంగం వెలుగులో జీవిస్తున్న సమాజం మనది. మానవ సమాజ పరిణామ క్రమంలో మనుషులకు అవసరం లేనివి కాలగర్భంలో కలిసిపోతాయి. ఆ విధంగానే నల్ల చట్టాలు కూడా మిగలొద్దని అమెరికా, బ్రిటన్, ఆస్ట్రేలియా, న్యూజిలాండ్‌  లాంటి ఎన్నో దేశాలు వాటిని రద్దు చేసుకున్నాయి. మరి మనది 75 ఏళ్ల స్వతంత్ర భారతదేశం. రాజుల కాలం పోయింది. సంస్థానాలు కూలిపోయి నాయి. కానీ రాజులేని కాలంలో రాజద్రోహ చట్టాన్ని ఇంకా కాపాడుతున్నది ఎవరనేది మిలియన్‌ డాలర్ల ప్రశ్న. ఈ రాజకీయ వాతావరణం ప్రజాస్వామ్య దేశంలో ఒక అవమానకరమైన పరిస్థితిని సూచిస్తుంది. అందుకేనేమో తెలుగు తేజం జస్టిస్‌ ఎన్వీ రమణ భారత ప్రధాన న్యాయ మూర్తిగా బాధ్యతలు స్వీకరించిన కొద్దికాలానికే రాజద్రోహానికి కాలం చెల్లిందని వ్యాఖ్యానించారు. భారత స్వతంత్ర ఆకాంక్షను అణచివేయడానికి బ్రిటిష్‌ వారు 1860లో ఇండియన్‌ పీనల్‌ కోడ్‌లో రాజద్రోహాన్ని పొందుపరిచారు. మహాత్మాగాంధీ, బాలగంగాధర తిలక్, జవహర్‌ లాల్‌ నెహ్రూ, మౌలానా అబుల్‌ కలాం ఆజాద్‌ లాంటి స్వతంత్ర సమరయోధులు రాజద్రోహం కింద ఆనాడు శిక్ష అనుభవించారు. స్వేచ్ఛ, సౌభ్రాతృత్వం, లౌకికవాదం, ప్రజాస్వామ్యం గురించి ఉద్యమిస్తున్న వారిని ఈనాడు అదే చట్టం కింద నిర్బంధించడం సిగ్గుచేటు. ఎన్సీపీ అధ్యక్షులు శరద్‌ పవార్‌ ఈ చట్టం ఎత్తివేతకు అన్ని పార్టీలతో కార్యాచరణను ఆహ్వానిస్తున్నారు. కాంగ్రెస్‌ కూడా ఇందులో కలిసి రావాలని రాహుల్‌ గాంధీ హైదరాబాద్‌ వచ్చిన సందర్భంగా మాతో జరిగిన చర్చల్లో ప్రతిపాదించడం జరిగింది. మావోయిస్టులే చర్చలకు సిద్ధమ వుతున్నప్పుడు ఈ చట్టం మరింత కాలం చెల్లినది అని చెప్పక తప్పదు. (చదవండి: కార్మిక హక్కులకు అసలు ప్రమాదం) చట్టం దుర్వినియోగం అయ్యే అవకాశం ఉందని, ఈనాటి ప్రమాదాన్ని ముందే ఊహించిన కె.ఎం. మున్షీ లాంటివారు దీన్ని అత్యంత క్రూరమైన చట్టంగా అభివర్ణించారు. వ్యక్తి హక్కులను నిర్దాక్షిణ్యంగా అణిచివేసే ఈ చట్టం ప్రజా స్వామ్య మనుగడకు ప్రమాదకరమని రాజ్యాంగ సభలో మాట్లాడారు. ప్రతిపక్షం లేకుండా ప్రజాస్వామ్య మనుగడ ఉండదు. ప్రశ్న ప్రజాస్వామ్య ఉనికికి జీవగర్ర లాంటిది. పౌరులకు రాజ్యాంగం ఇచ్చిన ప్రాథమిక హక్కుల అణచివేతకు కారణమవుతున్న రాజద్రోహాన్ని భారత శిక్షా స్మృతి నుండి తొలగించాలని ఇప్పటికే అనేక కేసులు దాఖలయ్యాయి. ఈ ప్రయత్నంలో న్యాయవ్యవస్థ సఫలీకృతం అయితే భారత ప్రజలకు ఒక భరోసా లభించినట్లే. రాష్ట్రాల్లో అధికారంలో ఉన్న రాజకీయ పార్టీలతో సహా అన్ని ప్రతిపక్ష పార్టీలు కూడా గొంతు విప్పవలసిన సమయం ఇది. ప్రజల చేత ప్రజల కొరకు ప్రజలే ఎన్నుకొనే ప్రజా ప్రభుత్వాలు ఏవైనా సరే ఈ సత్యం గ్రహించాలి. ప్రజాస్వామ్యం అంతిమసారం అదే. రాజ్యంగ స్ఫూర్తి కూడా అదే. (చదవండి: అసమ్మతి గళాలపై అసహనం) - డాక్టర్‌ చెరుకు సుధాకర్‌ తెలంగాణా ఇంటి పార్టీ అధ్యక్షులు

కొందరి జీవితాన్ని బయోపిక్‌గా రీల్‌కు ఎక్కించాలన్నా, బయోగ్రఫీగా అక్షరబద్దం చేయాలన్నా సులువు కాదు. సూర్యాపేటలో 1922 ఫిబ్రవరి15న కల్లు గీసే ముత్తిలింగం –గోపమ్మలకు పుట్టిన బొమ్మగాని భిక్షం సమాజ సేవ బహుముఖీనం. జీవించిన 90 ఏండ్లూ ఆయన ఆరడుగుల ఎర్రజెండా... బడుగు జనుల విముక్తి ఎజెండా. ఆయన అనుభ వాల్ని కొంపెల్లి వెంకట్‌ మాట–ముచ్చటగా తీసు కొచ్చిండు.  ‘‘ఇంత ఉద్యమ చరిత్రలో ఎన్నడూ కంట కన్నీరు కార్చి నోణ్ణి కాదు. నేను ఆ రోజుల్లో అన్‌క్వశ్చన్డ్‌ లీడర్ని రా నాయనా! ప్రజా ఉద్యమాలు ఎల్లప్పుడూ ఉంటాయి. వాళ్ళలో లీనం గావాలే, అన్ని థాట్స్‌ హ్యుమాన్‌ బీయింగ్‌కు అవ సరం...’’ ఇవన్నీ జీవన చరమాంకంలో ఆయన  వలపోత, కలబోత. ఇందులో ఎన్ని సింగిడీలో! ఆయన పార్లమెంట్‌ ఎన్నికలకు మా నాయన, సుద్దాల హన్మంతుతో పాటు గాంధీ మెడికల్‌ కాలేజీ విద్యార్థులుగా మేమూ పాల్గొన్నాం.  హిమాయత్‌నగర్‌లో మఖ్దూమ్‌ భవన్‌కు ముగ్గుబోయక ముందు మా ఇంట్లో ఎన్నోసార్లు సేద తీరినప్పుడూ, ఉపన్యాసం ఇచ్చినప్పుడూ అట్లా తదేకంగా చూడడం నా జీవితంలో కలి గిన గొప్ప అవకాశం. ఆయన నల్ల గొండ పార్లమెంట్‌కు మళ్ళీ 1996లో పోటీ చేసినప్పుడు... జల సాధన కోసం జలఖడ్గం విసిరినట్లుగా తెలంగాణ ఆర్తి చెప్పడానికి 480 మంది అభ్యర్థుల్ని దుశర్ల సత్యనారాయణ, మేము నిలబెట్టినం. 89 ఏళ్ల వయస్సులో తొంటి విరిగి ఇన్‌ఫెక్షన్‌తో పోరా డుతూ 2011 మార్చి 26న ఆయన చని పోయిండ్రు. అదే రోజు నల్లగొండ జిల్లా సంగెంలో రాత్రి తెలంగాణ ఆట–పాట– మాట సభ నిర్వహించుకొని నేను, సాంబ శివుడు తిరిగి వస్తూ పొద్దున అంత్యక్రియలకు హాజరవుదామని అనుకున్నాం. దారిలో సాంబశివుడు హత్యకు గురయ్యాడు. రక్తపు మడుగులో ఉన్న సాంబశివుణ్ణి ఆసుపత్రికి, ఇంటికి తరలించే పనిలో ధర్మభిక్షం చివరి చూపు కరువయింది. 15 ఫిబ్రవరి 2021లో బషీర్‌బాగ్‌ ప్రెస్‌ క్లబ్‌లో ప్రారంభమయిన శత జయంతి వార్షికోత్సవాలు, 2022లో నేడు రవీంద్ర భారతిలో ముగుస్తాయి. -చెరుకు సుధాకర్‌ వ్యాసకర్త ఇంటిపార్టీ అధ్యక్షుడు

సాక్షి, హైదరాబాద్‌: ప్రభుత్వ భూములను అమ్మి సేకరించిన నిధుల్లో రాష్ట్ర మౌలిక అభివృద్ధికి ఖర్చు పెట్టిందెంతో మంత్రి కేటీఆర్‌ వివరించాలని తెలంగాణ ఇంటిపార్టీ అధ్యక్షుడు చెరుకు సుధాకర్డిమాండ్చేశారు. హైదరబాద్చుట్టూ 344 క.మీ రీజినల్రింగ్రోడ్‌అలైన్మెంట్లో రింగు తిప్పుతున్నది భూ మాఫియా పెద్దలేనని ఆదివారం ఒక ప్రకనటలో ఆరోపించారు. కేంద్ర ప్రభుత్వం గ్రీన్సిగ్నల్‌ఇచ్చిన ప్రాజెక్టులు, రింగ్రోడ్డుకు అవసరమైన భూమి కంటే ఎన్నో రెట్లు రైతుల నుండి ఎందుకు సేకరించారని నిలదీశారు. తాము కొన్న భూముల జోలికి పోకుండా చూసుకుంటూ, రైతుల నుండి ఎక్కువ భూమి తమ అధీనంలోకి తీసుకోవడానికి అధికారులపై ఒత్తిడి తీసుకొస్తున్నారని ఆగ్రహం వ్యక్తం చేశారు. ఇప్పటికే మల్లన్నసాగర్, కాళేశ్వరం కాలువ పనుల్లో వేల ఎకరాల భూమి కోల్పోయిన ప్రజలకు పరిహారం అందలేదని, ఆందోళన చేస్తున్న రైతులను కేసీఆర్‌ ప్రభుత్వం నిర్భందంతో అణిచివేస్తున్నదని చెరుకు సుధాకర్‌ఆరోపించారు.     

సాక్షి, హైదరాబాద్‌: రైతులకు ఉచిత ఎరువులు, రూ.లక్ష లోపు రుణమాఫీ, దళితబంధు హామీలకు ఎవరు అడ్డొస్తే అమలు చేయడం లేదో చెప్పాలని రాష్ట్ర ప్రభుత్వాన్ని తెలంగాణ ఇంటి పార్టీ అధ్యక్షుడు చెరుకు సుధాకర్‌ ప్రశ్నించారు. మంత్రి కేటీఆర్‌ సోషల్‌ మీడియాలో నెటిజన్లు అడుగుతున్న ప్రశ్నలకు ఎందుకు జవాబు ఇవ్వలేకపోతున్నారని నిలదీశారు. ఈ మేరకు ఆయన శుక్రవారం ఒక ప్రకటన విడుదల చేస్తూ జీవో 317తో ఎవరూ ప్రాణాలు తీసుకోవద్దని కోరారు. బీజేపీకి సవాల్‌ విసిరే బదులు ఢిల్లీలో లోపాయికారిగా చర్చలు జరుపుతూ, ఇక్కడ కోవర్టు ఆపరేషన్లతో రాష్ట్ర అధ్యక్షుడిని కించపరుస్తూ మాట్లాడటం మీకే చెల్లుతుందని కేసీఆర్‌నుద్దేశించి వ్యాఖ్యానించార. 

ఈ మధ్యకాలంలో అనేక మంది బయోగ్రఫీని సినిమాల్లో ‘భయోపిక్‌’గా తెరకు ఎక్కిస్తున్నారు. ఇందులో చాలా బయోపిక్‌లలో వివాదాంశాలు ఉండడం, వివాదాలు, అల్లర్లు చెలరేగడం ఒక ఎత్తయితే, దాము బాలాజీ నిర్మించి విడుదల చేసిన ‘నయీం డైరీస్‌’ బయోపిక్‌ దారుణంగా ఉంది. ఈ వికృత ప్రయోగంలో తెలంగాణ పాటల కోయిల త్యాగశీలి బెల్లి లలిత పాత్రను వక్రీకరించి, ఆమె నయీమ్‌ జైళ్ళో ఉన్నప్పుడు నిత్యం వచ్చిపోతూ, అతని ప్రేమలో, నియంత్రణలో ఉన్నట్లు, నాటి నల్లగొండ మావోయిస్టు పార్టీ సెక్రటరీ ధర్మన్నను పట్టించడానికి ఒప్పుకున్నట్లు తరువాత నిరాకరించడంతోనే నయీమ్‌ కుటుంబ సభ్యులు బెల్లి లలితను హత్య చేసినట్లు చిత్రీకరించారు. నిత్యం సూర్యవంశీ స్పిన్నింగ్‌ మిల్లులో చెమటోడ్చి పిల్లలను పెంచి, కుటుంబ బాధ్యతతోపాటు తెలంగాణ ఉద్యమంలో, ప్రజా పోరాటాల్లో జీవితాన్ని కొనసాగించిన తెలంగాణ ఆడబిడ్డ ప్రేమలో పడిన రహస్యం దాము బాలాజీకి ఎవరు చెప్పారు? ఒకరిని పట్టించమని ఒత్తిడి చేస్తే, నిరాకరించినంత మాత్రాన ముక్కలు ముక్కలుగా నరకడానికి వాళ్ళ కుటుంబానికి చేతులు ఎట్లా వచ్చాయి? రాజ్యం, పోలీసుల మిలాఖత్‌ను గొప్పగా చిత్రీకరించాననుకునే రామ్‌గోపాల్‌ వర్మ శిష్యుడికి బెల్లి లలితను తప్పుడుగా చిత్రీకరించడంలోను రాజ్యం పాత్ర లేదని ఎందుకనుకోవాలి? ఇప్పటికే ఈ చిత్రంలో బెల్లి లలిత వ్యక్తిగత జీవితాన్ని మలినం చేసిన దాము బాలాజీ తీరుపై ఆగ్రహం వ్యక్తం చేస్తూ, ‘నయీమ్‌ డైరీస్‌’ సినిమా నిలిపివేయాలని హైదరాబాద్, భువనగిరి, మిర్యాలగూడ, సూర్యాపేటలో సినిమా హాళ్ళ ముందు నిరసనలతో అడ్డుకోవడాలు జరిగాయి. కదిరే కృష్ణ తదితరులు హైకోర్టు నుండి సినిమా నిలిపివేయవలసిందిగా ‘స్టే’ తెచ్చారు. (చదవండి: వివక్షకు విరుగుడు ప్రశ్నించడమే!) దాము బాలాజీ ఉద్దేశం ఏదైనా సరే, తెలంగాణ సమాజమంతా కూడా బెల్లి లలిత జీవితాన్ని మలినం చేసే ఏ ప్రయత్నాన్నైనా తిప్పికొడతారు. మా చేతుల మీద ఎదిగిన ఆడపిల్ల బెల్లి లలిత. బెల్లి లలిత చెల్లెలు సరితకు ముక్క కరుణాకర్‌తో దగ్గరుండి నా చేతుల మీదిగా పెళ్ళి జరిపించాను. నయీమ్‌ భయానికి, కర్కశత్వానికి పదుల సంఖ్యలో గొల్ల, కుర్మ సోదరులు బలయిపోయారు. (చదవండి: ‘జై భీమ్‌’ సినిమాలో చూపింది సత్యమేనా?) సాంబశివుడు, రాములు అంతకు ముందు పురుషోత్తం, ఆజమ్‌ అలీ ఈ హత్యల పరంపర, నయీమ్‌ సీరియల్‌ కిల్లర్‌ కావడానికి విప్లవ పార్టీల తీరు కూడా కారణమయినట్లు అన్యాపదేశ సందేశం ఇవ్వడం దారుణం. నయీమ్‌ కత్తుల వేటలో బలయిన అనేక మందికి పాడె మోసినవాణ్ణి... నేనింకా బతికే ఉన్నాను. నయీమ్‌ను గ్లోరిఫై చేయలేదని చెప్పుకున్న దాము బాలాజీ మరి ఎవరిని టార్గెట్‌ చేసినట్లు? ‘బయోపిక్‌’ సరదా ‘భయోపిక్‌’గా మారితే సహించడానికి బెల్లి లలిత త్యాగాల చరిత్ర చిన్నది కాదు. సినిమా నుంచి ఆ అంశాలను తొలగించి, తెలంగాణ సమాజానికి దాము బహిరంగ క్షమాపణ చెప్పాలి. – డా. చెరుకు సుధాకర్  తెలంగాణ ఇంటి పార్టీ అధ్యక్షులు 

నిన్న, మొన్న పార్లమెంట్‌ దద్దరిల్లింది కరోనా, కరువు గురించిన వాగ్బాణాల వల్ల కాదు.  కరోనాకు మించిన రివర్స్‌ ట్రాన్స్‌క్రిప్టేజ్‌ కాపీయింగ్, స్వేచ్ఛను కరువు చేసే కొత్త గూఢచార సాఫ్ట్‌వేర్‌ పెగసస్‌ గురించి. వ్యక్తుల సమాచారం, కదలికలు, ఫొటోలు, మాట్లాడే కాల్స్‌ రికార్డు చేసే ఇజ్రాయిల్‌కు చెందిన ఈ పెగసస్‌ స్పైవేర్‌ను కేంద్ర ప్రభుత్వం కొన్నది. దాంతో వందలాదిమంది జర్నలిస్టులు, ఉద్యమకారులు, పార్లమెంట్‌ సభ్యులు, అధికారుల స్మార్ట్‌ఫోన్‌లోని సమాచారం అంతా ఇంటలిజెన్స్‌ వ్యవస్థకు చేరిపోతుంది. ఈ ఉచ్చులో ప్రతి పక్షాలే కాదు, ప్రభుత్వ మంత్రులు, ఎంపీలూ ఉండటం విశేషం.  ఇజ్రాయిలీ నిఘా వ్యవస్థ పేరు మొస్సాద్‌ (మృత్యువు). మృత్యుముఖంలోకి అనేక దేశాల ప్రజాస్వామ్య వ్యవస్థలను నెట్టివేసే స్పైవేర్‌ ఇజ్రాయిల్‌ నుంచే ఇతర దేశాలకు వచ్చింది. పెగసస్‌ అంటే గ్రీకు ఇతిహాసాల్లో రెక్కల గుర్రం. డ్రోన్‌తో ఎట్లా అయితే, ఫొటోలు, వీడియోలు తీసుకోవచ్చో, అంతకంటే సునా యాసంగా స్మార్ట్‌ఫోన్‌ను హ్యాక్‌ చేసి, ఆ వ్యక్తికి తెలియకుండా ఆ ప్రాంతంలోని ఫొటోలు, మాటలు రికార్డు చేసి పంపగలదు ఈ పెగసస్‌. శ్రీరాముడు అశ్వమేధ యాగం చేశాడని విన్నాంగానీ, జైశ్రీరామ్‌ వారసులు ఇట్లా ఎగిరే అశ్వంతో వ్యక్తిగత స్వేచ్ఛకు ముప్పు తెస్తారని అనుకోలేదు.  కాంగ్రెస్‌ నాయకుడు శశిథరూర్‌ ఫోన్‌ హ్యాక్‌ చేయడం భార తీయ చట్టాలు అంగీకరించని తప్పుడు పద్ధతి అన్నారు. కాంగ్రెస్‌ అధికార ప్రతినిధి రణదీప్‌ సూర్జేవాలా పెగసస్‌తో బీజేపీ భార తీయ జాసూస్‌ పార్టీ అయిందన్నారు. బీజేపీ నాయకుడు రవి శంకర్‌ ప్రసాద్‌ మాత్రం, ఫోన్‌ ట్యాపింగ్‌కు పెట్టింది పేరయిన కాంగ్రెస్‌ తమ మీద స్నూపింగ్‌ అభియోగం చేయడం హాస్యా స్పదం అన్నారు. రాహుల్‌ గాంధీ అన్ని ఫోన్‌ నంబర్లు, రాజకీయా లతో సంబంధం లేకుండా వ్యక్తిగతంగా సంభాషించేవి కూడా స్నూప్‌ అవుతున్నట్లు రూఢీ అయ్యింది. ఎన్నికల వ్యూహకర్త ప్రశాంత్‌ కిషోర్, గుజరాత్‌ ఎన్నికల తీరుపై విమర్శలు చేసిన అశోక్‌ లవాస, జర్నలిస్టు సుశాంత్‌ సింగ్‌తో పాటు నిఫావైరస్‌పై గొప్ప పరిశోధనలు చేసిన వైరాలజిస్టు గగన్‌దీప్‌ కాంగ్‌ కూడా ఈ జాబి తాలో ఉన్నారు. నాపై నిఘానా అని వాపోయారు కాంగ్‌. ఈ సాఫ్ట్‌వేర్‌ బట్టబయలుకు ముందే, భీమ్‌–కోరేగావ్‌ కేసులో అరెస్టయిన అంబేడ్కర్‌ మనుమడు ఆనంద్‌ తేల్‌తుంబ్డే తన ఫోన్‌ హ్యాక్‌ అవుతున్నట్లు ఫిర్యాదు చేశారు. ఇప్పుడు ఇదే కేసులో మూడేళ్ల నుండి జైళ్ళో ఉన్న రోనా విల్సన్, సురేంద్ర గాడ్లింగ్‌ కంప్యూటర్లలోకి మాల్‌వేర్‌ చొప్పించినట్లు ఆర్సనాల్‌ కన్సల్టెన్సీ అనే అమెరికా డిజిటల్‌ ఫోరెన్సిక్‌ సంస్థ బహిర్గతం చేసింది. పెగసస్‌ ఆమ్నెస్టీ సంస్థ ఫోన్‌ నంబర్లను కూడా స్నూపింగ్‌ చేసింది. అంతర్గత ఎన్‌స్క్రిప్షన్‌ను పెగసస్‌ హ్యాక్‌ చేసిందని వాట్సాప్‌ మండిపడింది.  వంద మంది నేరస్థులు తప్పించు కున్నా ఒక్క నిరపరాధికి శిక్ష పడవద్దన్న స్ఫూర్తికి భిన్నంగా, ఎవరిని జైళ్ళో వేయాలనుకుంటే వారి కంప్యూటర్లోకి తప్పుడు సమాచారం చొప్పిస్తే సామాన్యుల పరి స్థితి ఏమిటి? ఇంకా రాజద్రోహం కేసులు అవసరమా, 70 యేండ్ల స్వాతంత్య్రం తరువాత కూడా బ్రిటిస్‌ వలసకాలం చట్టాలతో కాలం వెళ్ళదీద్దామా అన్న సుప్రీంకోర్టు ప్రధాన న్యాయమూర్తి పెగసన్‌ గూఢచర్యంపై కూడా స్పందిం చాలి. రానున్న కాలంలో ప్రజాస్వామిక పార్టీలు, ప్రాంతీయ పార్టీలు బలోపేతం కాకుండా ఎగిరే గూఢాచారి గుర్రం అధికా రంలో ఉన్న పార్టీకి ఉపయోగ పడితే, అందుకు ప్రతిచర్య దేశ వ్యాపిత ఆందోళనగా రూపుదిద్దుకోవలసిందే.  - డా. చెరుకు సుధాకర్‌  వ్యాసకర్త తెలంగాణ ఇంటి పార్టీ అధ్యక్షులు పార్లమెంటరీ కమిటీ వేయండి! ‘పెగసస్‌’ సెగతో వర్షాకాలం పార్లమెంటు సమావేశాలు మొదటి రోజే హీటెక్కాయి. దేశ పౌరుల వ్యక్తిగత గోప్యత అంగట్లో సరుకైందనే వార్తతో యావ ద్దేశం ఒక్కసారిగా ఉలిక్కిపడింది. మోదీ నాయకత్వం లోని కేంద్ర ప్రభుత్వం, రాష్ట్రంలో కేసీఆర్‌ ప్రభుత్వం యథేచ్ఛగా పౌరుల జీవితాలలోకి తొంగిచూస్తున్నాయి. ఇజ్రాయిల్‌కి చెందిన ఎన్‌.ఎస్‌.ఓ అనే సంస్థ, అత్యాధునిక సాంకేతిక పరిజ్ఞానంతో తయారుచేసిన పెగసస్‌ అనే సాఫ్ట్‌వేర్‌ను వాడి దేశంలోని ప్రతిపక్ష నాయకుల, ఎలక్షన్‌ కమిషన్‌ మాజీ చీఫ్‌ కమిషనర్, సుప్రీం కోర్టు చీఫ్‌జస్టిస్‌ కుటుంబ సభ్యుల, సీనియర్‌ జర్నలిస్టుల, అనేక సామాజిక ఉద్యమకారుల ఫోన్లను హ్యాక్‌ చేస్తున్నారనీ, వారి వ్యక్తిగత విషయాలను తస్కరిస్తున్నారని ఆమ్నెస్టీ, ఫొర్బిడెన్‌ స్టోరీస్‌ పరిశోధనా సారాంశం. కాంగ్రెసు పార్టీ జాతీయ నాయకుడు రాహుల్‌ గాంధీ, తన టీంలోని 5 మంది నేతల ఫోన్లు, తృణమూల్‌ కాంగ్రెస్, డీఎంకే పార్టీల నాయకుల ఫోన్లు, ఎన్నికల వ్యూహకర్త ప్రశాంత్‌ కిశోర్‌ తదితరుల ఫోన్లు పెగసస్‌ అనే మాల్‌వేర్‌ ద్వారా హ్యాక్‌ చేసి, కీలకమైన సమాచారం దొంగిలిస్తున్నారనే అంశంపై వరుసగా రెండవ రోజూ పార్లమెంట్‌ స్తంభించిపోవటం చూశాం.  తెలంగాణలో పరిస్థితి మరీ దారుణంగా ఉంది. అధికార టీఆర్‌ఎస్‌ పార్టీకి చెందిన కేబినెట్‌ మంత్రులు, ఎమ్మెల్యేలు, ఎమ్మెల్సీలు తోటి శాసన సభ్యులతో సాధారణ ఫోన్‌కాల్‌లో మనసువిప్పి మాట్లాడటానికి వణుకుతున్నారంటే పరిస్థితి అర్థమౌతుంది. సొంత పార్టీ నేతలనే వదిలిపెట్టడం లేదంటే ఇక ప్రతిపక్షంలో ఉన్న కీలక నాయకులు, కీలక శాఖల ఉన్నతాధికారుల పరిస్థితి మనం ఊహించవచ్చు. 2020లో దుబ్బాక ఎమ్మెల్యే రఘునందన్‌ తన ఫోన్‌ ట్యాపింగ్‌ జరుగుతోందని, కేంద్ర హోం శాఖ మంత్రి అమిత్‌ షాకి తెలంగాణ రాష్ట్ర ప్రభుత్వంపై లిఖిత పూర్వక ఫిర్యాదు చేశారు.  భారత రాజ్యాంగం ఆర్టికల్‌–21 ప్రకారం, భారత పౌరులందరికీ జీవించే హక్కు, వ్యక్తిగత స్వేచ్ఛ ఉంటాయి. కానీ కేంద్ర రాష్ట్ర ప్రభుత్వాలు చేస్తున్న ఫోన్‌ హ్యాకింగ్‌/ట్యాపింగ్‌ ఆర్టికల్‌–21కు విరుద్ధం. కానీ, నిబంధనలను తుంగలో తొక్కి, ఇష్టానుసారం వ్యవహరిస్తున్నారు. పౌరుల వ్యక్తిగత స్వేచ్ఛకు రక్షణగా నిలవాల్సిన ప్రభుత్వాలే వారి వ్యక్తిగత ఫోన్లు హ్యాక్‌ చేసి, సమాచారం తస్కరిస్తే ఎలా? ఈ అంశంపై నిజాలు నిగ్గుతేల్చటానికి, జాయింట్‌ పార్లమెంటరీ కమిటీ ఏర్పాటు చేస్తామని ప్రధాని మోదీ, పార్లమెంటులో స్పష్టమైన ప్రకటన చేయాలి. - కొనగాల మహేష్‌ వ్యాసకర్త: ఏఐసీసీ సభ్యులు, తెలంగాణ మొబైల్‌ : 9866776999 (మోదీ ప్రభుత్వపు ‘పెగసస్‌’ కుట్రకు  నిరసనగా,  నేడు కాంగ్రెస్‌ పార్టీ ‘చలో రాజ్‌భవన్‌’ చేపట్టింది) 

తెలంగాణ ఏర్పడగానే ఇక ధర్నాచౌక్‌ల అవసరమే రాదని కేసీఆర్‌ అంటే, ధర్మగంట మోగగానే సెక్రటేరియట్‌ తలుపులు తెరుచుకొని సమస్యలకు పరిష్కారాలు దొరుకుతాయని ఉద్యమ సంఘాలు ఆశించినాయి. కానీ ఎన్‌కౌంటర్లు, లాకప్‌డెత్‌లు, సకల రంగాల్లో ప్రజా సమస్యలను ప్రభుత్వ దృష్టికి తెచ్చే ధర్నాచౌక్‌లో ధర్నాలకు అనుమతి నిరాకరించింది తెలంగాణ ప్రభుత్వం. కొంత షాక్‌కు గురయినా అందరం కోర్టు మెట్లెక్కి ప్రభుత్వానికి మొట్టికాయలు కొట్టిస్తే చాలా నెలల తరువాత అనుమతిని సాధించాం. అయినా ఒక్క నిరసన నినాదం మీడియా కంట కనబడకుండా ఆంక్షలు సాగుతూనే ఉన్నాయి.  తెలంగాణ రాష్ట్ర ఉద్యమంలో ముందు వరుసలో ఉన్న తెలంగాణ ప్రజా ఫ్రంట్, విప్లవ రచయితల సంఘం, తెలంగాణ విద్యార్థి సంఘం, పౌరహక్కుల సంఘం, తదితర 16 సంఘాలు మార్చి 30న జీవో 73 జారీతో నిషేధానికి గురైనాయి. తెలంగాణ ప్రజా భద్రతా చట్టం 1992 ఉమ్మడి రాష్ట్రంలోని చట్టం. నిర్బంధాలు పోయి ప్రజాస్వామ్యం పరిఢవిల్లాలని తెచ్చుకున్న స్వరాష్ట్రంలో తెలంగాణ సాధన సంఘాలే నిషేధానికి గురైనాయి. దేశ వ్యాప్తంగా తీవ్ర నిరసనెదుర్కొంటున్న స్టాన్‌ స్వామి మరణానికి దారి తీసిన పరిస్థితుల్లో ప్రధానమైనది కుట్రపూరితంగా భీమ్‌ కోరేగామ్‌ కేసులో ఆయనను ఇరికించడం. స్టాన్‌ స్వామితో పాటు వరవరరావు, ప్రొఫెసర్‌ సాయి బాబా, రోనా విల్సన్‌ తదితరులను విడుదల చేయాలని ఈ 16 ప్రజా సంఘాలు ఆందోళన చేస్తున్నాయనీ, శాంతి భద్రతల పరిరక్షణ దృష్ట్యా ఆంక్షలు విధిస్తున్నామనీ ప్రభుత్వం చెప్పింది. ఈ జీవో 73ను సవాలు చేస్తూ హైకోర్టు, సుప్రీంకోర్టుల్లో పౌర హక్కుల సంఘం, అమరుల బంధుమిత్రుల సంఘం పిటిషన్‌ వేయడం, కోర్టులు నోటీసు జారీ చేయడం జరిగింది. ఈ నిషేధాన్ని సవాలు చేస్తూ సుప్రీంకోర్టు ప్రధాన న్యాయమూర్తికి తెలంగాణ ఇంటి పార్టీ 25 ఏప్రిల్‌ 2021 నాడు బహిరంగ లేఖ రాసింది. తెలంగాణలో మేధావులు, రచయితలు ఎంతో మంది ఇలా లేఖలు రాసినా కేసీఆర్‌ ప్రభుత్వ వైఖరిలో మార్పు రాలేదు. కానీ హుజూరాబాద్‌ ఉప ఎన్నికలు, కోర్టు మెట్లు నిషేధాన్ని ఎత్తివేయించగలిగాయి. ప్రజా సంఘాలపై నిషేధం ఇప్పట్లో ఎత్తివేయాలని కేసీఆర్‌ అనుకోలేదు. కాంగ్రెస్‌ శాసనసభా పక్షాన్నే టీఆర్‌ఎస్‌లో కలపడం, ఏ ప్రతిపక్షాన్నీ ప్రగతి భవన్‌ రానివ్వకపోవడం గమనించిందే. అన్ని రోజులు ఒకేలా ఉండవు. ప్రజా క్షేత్రంలో వ్యతిరేకతను వేగులు సరిగానే సమాచారం చేరవేసిండ్రు. దాని ఫలితమే ప్రగతి భవన్‌ నుండి భట్టి విక్రమార్క తదితరులకు ఫోన్, ఆహ్వానం, మరియమ్మ ఘటనపై విచారణ, ఆర్థిక సహాయం, మరునాడు దళిత సాధికారతపై చర్చ, అనేక తాయిలాల ప్రకటన. ఎవరేమి అను కున్నా ఇవన్నీ తరుముకొస్తున్న హుజూరాబాద్‌ ఉప ఎన్నిక, ఓటర్లు విసిరే ఈటెల ముప్పుగానే భావిం చాలి. ఎన్నో రాస్తారోకోలు, బంద్‌లు చేసినా  మరింత నిర్బంధం తప్ప ముందుకుపోని స్థితి నుండి, ఒక ఉప ఎన్నికతో ఎన్నో సానుకూల ఫలితాలు వచ్చాయి. నిషేధించిన 16 సంస్థల్లో ఒకటైన పౌర హక్కుల సంఘం రాష్ట్ర మహాసభల్లో కేసీఆర్‌ తనను సంఘం అధ్యక్షుడిని చేస్తే పౌర హక్కుల కోసం పోరాడుతాన న్నారు. ప్రతిపక్షాలుగా ఉన్నప్పుడు భావ స్వేచ్ఛ, పత్రికా స్వేచ్ఛపై ఉపన్యాసాలు ఇచ్చినవాళ్లు, అధికారంలోకి రాగానే నియంతలుగా అవతారమెత్తితే ఓటరు విసిరే ఈటెలకు గాయాల పాలుకాక తప్పదు. ఓపికగా ఉద్యమాలను కొనసాగించడమంటే అది మితవాద వైఖరిగా, జావగారిపోయిన తీరుగా, జబ్బలు జారవేసిన తీరుగా భావించడం, ముద్ర వేయడం ప్రజలకు ఎంతో నష్టం కలిగించింది.  ప్రపం చంలోనే అతిపెద్ద ప్రజాస్వామిక దేశాల్లో ఒకటైన మన దేశం పత్రికా స్వేచ్ఛలో 142వ స్థానంలో ఉండడం యాదృచ్ఛికం ఏమీ కాదు. స్టాన్‌ స్వామిలాంటి ఆక్టోజె నేరియన్‌ను మన వ్యవస్థల నిష్క్రియాపరత్వంతో ఆక్టో పస్‌లా చుట్టుముట్టి అంతం చేస్తే మూల్యం భవిష్యత్తు తరాలు చెల్లించాల్సి ఉంటుంది. ఈ మూల్యం ఎన్ని కల్లో ఓటర్లు విసిరే ఈటెల కంటే పెద్దది. వ్యాసకర్త డా. చెరుకు సుధాకర్‌  తెలంగాణ ఇంటి పార్టీ అధ్యక్షుడు మొబైల్‌ : 98484 72329

కరోనాకు మా పతంజలి మందు తయారు చేసిందని రామ్‌దేవ్‌ బాబా అట్టహాసంగా కొరోనిల్‌ మాత్రలను కేంద్ర ఆరోగ్యమంత్రి చేతుల మీదుగా విడుదల  చేశాడు. ఎంత పని చేస్తుందో తెలియని మందు కరోనాను నిల్‌ ఎట్లా చేస్తుందని కోర్టుకెక్కితే అల్లోపతి మీద, ఆధునిక డాక్టర్ల మీద అడ్డగోలు కామెంట్లు చేశాడు. ఈ దుర్మార్గ వ్యాఖ్యలను వెనక్కు తీసుకుని వెయ్యి కోట్ల జరిమానా కట్టమని ఆందోళన చేస్తున్నారు డాక్టర్లు. కరోనా ఫ్రంట్‌లైన్‌ వారియర్స్‌గా వందల మంది డాక్టర్లు చనిపోతుంటే వాళ్ళనే కాపాడుకోలేని దద్దమ్మ అల్లోపతి అదో హంతకపతి అన్నాడు రామ్‌దేవ్‌. ఉత్తర భారతాన పెద్ద దుమారం రేగుతున్నా ఉలుకూ పలుకూ లేని కొన్ని తెలుగు మాధ్యమాలు... పెరటి మొక్కల్ని, సాధారణ మూలికల్ని మందుగా నూరి, కరోనాకు చెక్‌ పెట్టే అవకాశం ఉందని కృష్ణపట్నంలో ఆనందయ్య చెబుతుంటే మాత్రం ఏవేవో ప్రచారాలు, ఫిర్యాదులు, నానా రభస. ఆంధ్రప్రదేశ్‌ వ్యవస్థలన్నీ ఏదో ఓ నిర్ణయం తీసుకో వాల్సిన ఒత్తిడి. వేలమంది మందు కోసం బారులు కట్టి ఎదురు చూస్తుండగా బలవంతంగా ఆపి వేయాల్సిన పరిస్థితి. ఒక నిర్ణయం కోసం ఆయుష్‌ డైరెక్టర్‌ రాములు కృష్ణపట్నం వెళ్ళి మందులో మూలికలు, పరిమాణం, తయారీ విధానం తెలుసుకుని, రోగుల నుండి అభిప్రాయాలు తీసుకుని, ఆయుర్వేద పరిశోధన కేంద్ర సంస్థలో మూలికల శాస్త్రీయ విశ్లేషణ జరిగి ప్రభుత్వానికి రిపోర్టు ఇవ్వడం చకచకా జరిగింది. కోర్టు తీర్పులకు ముందే తాడేపల్లి సీఎం క్యాంపు ఆఫీసులో ముఖ్యమంత్రి జగన్‌మోహన్‌ రెడ్డి సమీక్ష జరిపి ఏ మందులు అనుమతి ఇవ్వాలో, ఏ జాగ్రత్తలు తీసుకోవాలో స్పష్టం చేస్తూ, ఆనందయ్య చెప్పిన పి.ఎల్‌.ఎఫ్‌. అనే మూడు మందులకు అనుమతి ఇచ్చారు. ఆయుష్‌ రాములు మాట్లాడుతూ దీన్ని ఆయుర్వేదంగా గుర్తించడం లేదు, నాటుమందుగానే పరిగణించాలన్నారు. సన్నాయినొక్కు మెరుగైన సమాజాలు నిన్న చనిపోయిన కోటయ్య హెడ్మాస్టర్‌ను ఎన్నోసార్లు చంపేశారు. ఇప్పుడు కూడా ఎన్ని తప్పుడు ప్రచారాలు చేసినా ప్రభుత్వమే అనుమతి ఇచ్చింది కనుక ఎంత ఆనందమయ్యా ఈ నిర్ణయం అని చాలామంది అనుకుంటు న్నారు. ప్రభుత్వం ప్రజల్ని భ్రమల్లో ముంచడం కోసం, తమ వైఫ ల్యాలను కప్పిపుచ్చుకోవడం కోసం అనుమతి ఇచ్చిందని అనేవాళ్లూ ఉన్నారు. చికిత్స ఇంత చవకగా దొరికితే ఎట్లా? రెండు రాళ్ళు వేద్దామని కొందరు ఏవేవో విషయాలు ముందుకు తెస్తారు. ఆయుర్వేద వాత, కఫ, పిత్త సిద్ధాంతం, శుద్ధీకరణకు ముందే దేశవాళి మూలవాసు లది మూలికా వైద్యం. గ్రంథస్తం కాకున్నా కంఠస్తంగా, అనువం శికంగా కొనసాగుతున్నది. కరోనాకు అడ్డుకట్ట వేసిన చైనా ఆధునిక వైద్యంతో పాటు మూలికా వైద్యానికి కూడా పెద్దపీట వేసింది.  హోమియోలోనూ మెటీరియా మెడికాకు మూలికలే సృజన. మూలికల నుండి చురుకైన మందును అల్లోపతికి ముందే సంగ్రహిం చడం మొదలుపెట్టారు. చెట్ల ఆల్కలాయిడ్స్‌ను ఇప్పటికీ సంగ్రహి స్తూనే ఉన్నారు. ఇన్ని తెలిసి మూలికా వైద్యాన్ని ఆయుర్వేదం కంటే, అల్లోపతి కంటే తక్కువ చేయడం హేతుబద్ధత ఎట్లవుతుంది? అన్ని శాస్త్రాల కంటే ముందు ఈ నాటువైద్యమే మేటి వైద్యమై మనుషుల్ని, జంతువుల్ని అనేక రోగాల నుండి కాపాడుకున్నది.  కరోనా కష్టకాలంలో గొప్ప ధైర్యాన్ని ఇచ్చిన ఆనందయ్య మందు తప్పకుండా అన్ని కరోనా కేసులకు పని చేస్తుందని చెప్పలేకపోయినా, ఇప్పుడు మార్కెట్‌లోకి వచ్చిన ఇమ్యూనిటీ బూస్టర్‌ల కంటే బాగా పని చేస్తుందేమో. ఇప్పటికీ కామెర్లకు ఇచ్చే మూలికా వైద్యం, గాయాలు మాన్పడానికి ఇచ్చే పూత మందు అద్భుతంగా పనిచేస్తాయి. శరీర ప్రకృతిలో రోగ వికృతిని సృష్టిలో భాగమైన ఆకులు, అలములు సరి చేసినంత ప్రభావశీలంగా ఇతర పదార్థాలు చేయవని మనకు అర్థమ వ్వాలి. ఒక ప్రభుత్వం తీసుకున్న ఈ నిర్ణయం వల్ల, దేశవాళీ వైద్యానికి ఆధునిక పరిశోధన తోడై గొప్ప ఫలితాలు సాధించాలి. చండీగడ్‌ పోస్ట్‌ గ్రాడ్యుయేట్‌ ఇన్‌స్టిట్యూట్‌లో బెటాడిన్‌ బదులుగా వేపరసం వాడి అద్భుత ఫలితాలు రాబట్టినారు. లక్షల సంవత్సరాల మనిషి నాగరిక క్రమంలో తినే పంట చెట్లు, శరీర ధర్మాన్ని వ్యాధిని ఎదుర్కోవడానికి సిద్ధం చేసే మందుచెట్లను గుర్తించడంతో ఆధునికయుగం సారవంతం అయింది. నడమంత్రపు పెట్టుబడి శాస్త్రాలు తిమ్మిని బమ్మి చేయాలని చూసినా, ప్రతి దేశంలో తమకు అందుబాటులోని మూలికా వైద్యాన్ని ఆధునీకరించడం, వందల ఆనందయ్యలకు ప్రభుత్వాలే ప్రోత్సాహాన్నివ్వడం ఇప్పుడు అవసరం. హిమాలయాల నుండి హిందూ మహాసముద్రం దాక, చెట్లలో, పుట్లలో, నదీజలాల్లో, దూసర క్షేత్రాల్లో సంజీవనీ పర్వతాలు అడుగడుగునా ఉంటాయి. అందుకే ప్రస్తుత ఆంధ్రప్రదేశ్‌ ప్రభుత్వం తీసుకున్న నిర్ణయం ఎంతో ఆనందమయ్యా! పక్క రాష్ట్రాలకైనా తన మందు సరఫరా చేస్తానంటున్నాడు ఆనందయ్య. తెలంగాణలోనూ కృష్ణపట్నం మందుతో కుదుట పడినవాళ్ళు ఉన్నారు. తెలంగాణ ప్రభుత్వం కూడా చొరవ చూపాలి. నిన్నటి జగన్‌ నిర్ణయం దేశ వ్యాప్తంగా అన్ని రాష్ట్రాలకు మార్గదర్శకం కావాలి. - డా. చెరుకు సుధాకర్‌  తెలంగాణ ఇంటి పార్టీ అధ్యక్షులు. 9848472329

కరోనా చికిత్సకు ప్లాస్మా థెరపి, రెమ్‌డెసివిర్, ఐవర్‌మెక్టిన్, హెచ్‌సీక్యూ అంతా ఒడిసిన ముచ్చట. కొత్త ప్రొటోకాల్‌ వేరే వుందని ప్రపంచ ఆరోగ్య సంస్థ పేల్చిన బాంబు కరోనా రోగుల గుండెల్లో రైళ్లు పరుగెత్తిస్తున్నది. ఆక్సిజన్‌ లేక, వెంటిలేటర్లు లేక వణుకుతున్న జనానికి అనుభవంతో కొందరు, అత్యుత్సా హంతో కొందరు చిత్రమైన వైద్యం చెబుతున్నారు.  హైదరాబాద్‌ డీఆర్‌డీఓ అభివృద్ధి చేసిన 2డీజీ (2డి ఆక్సీ గ్లూకోజ్‌) ఎప్పుడు చేతికి వస్తుందా అని ఎదురు చూస్తున్న తరుణంలో... ఎక్కడో నెల్లూరు జిల్లా కృష్ణపట్టణంలో ఆనందయ్య అనే ఆయుర్వేద వైద్యుడు కలలోనో, నేరుగానో ఒక సాధువు సూచించిన ఫార్ములా ఇది అని పెరట్లో మొలిచే మొక్కలతో తయారు చేసిన మందు కరోనా రోగులకు ఇవ్వడం, కొంత మందికి కంట్లో చుక్కలుగా వేయడంతో వెంటనే ఆక్సిజన్‌ లెవెల్స్‌ పెరుగుతున్నా యనీ, ఆయాసం తగ్గుతుందనీ వచ్చిన వార్త కొత్త ఆశలు రేపింది. సామాజిక మాధ్యమాల ప్రచారం ఊపందుకుని అరలక్ష మంది ప్రజలు బారులు తీరి చికిత్స చేయించుకుంటున్నప్పుడు ఎవరో ఫిర్యాదు చేస్తే జిల్లా వైద్యాధికారి, ఇతరులు మందుకు శాస్త్రీయత, కోవిడ్‌ నిబంధనల పేరుతో ఆపివేసినారు. వెంటనే వైసీపీ స్థానిక ఎంఎల్‌ఏ చొరవ తీసు కొని ఉచితంగా ఇస్తున్న ప్రభావవంతమైన మందును ఎట్లా ఆపుతారని అధికారులను ప్రశ్నించడంతో పాటు, ఆంధ్రప్రదేశ్‌ ముఖ్య మంత్రికి కూడా తెలియజేయడంతో అధికార యంత్రాంగం కదిలి, కొంత విచారణ చేసి, అనుకూల అభిప్రాయాలను చెప్పింది. ఇప్పుడే అందిన వార్త, మందు పనితీరు, శాస్త్రీయత, సురక్షత గురించి ఐసీఎంఆర్‌ కదిలినట్లు.   బహుళ జాతి కంపెనీలే ఏమీ చేయలేకపోతున్నాయని పెదవి విరుస్తున్న వాళ్ళకు ఒక విషయం తెలియాలి. కరోనా కాలంలో ఇన్ని మందులను జనానికి అంటగట్టి ఇప్పుడు పనికి రావని ఎలా అంటున్నారు? ప్రపంచంలో ఫార్మా స్యూటికల్స్‌తో పోటీ పడుతూ ఫైటోస్యూటికల్స్‌ ఎదుగుతోందని, మనం అల్లోపతిలో వాడుతున్న డిగాగ్జిన్‌ గుండె మందు, విషం విరుగుడుకు అట్రోపిన్‌ , క్యాన్సర్‌కు వాడే విన్‌ క్రిస్టిన్‌ మన పెరటిచెట్ల నుండి సంగ్రహించినవే అని తెలియాలి. హోమియోపతిలో కూడా చెట్టు క్రియను ఆల్కహాల్‌తో పోటెన్సీ పెంచి ఔషధంగా వాడుతారు. చైనాలో హెర్బల్‌ మెడిసిన్‌ తారస్థాయిలో ఉంది.  మలేరియాకు క్లోరోక్విన్‌, క్వినైన్‌ , ఆర్టిమెస్మన్‌, శారీరక బలహీనతకు జిన్‌ సెంగ్, పక్షవాతం, ఇతర నరాల జబ్బులకు జింకోబా చేనా, ఇతర దేశాలు అందించిన చెట్టు ఉత్పత్తులే. ఆనందయ్య మందులోని మూలకాలను, మూలికలను స్పష్టంగా బహిర్గతం చేయడం గొప్ప విషయం. సాధారణంగా ఉచితంగా మందులు ఇచ్చినా ఫార్ములా చెప్పేది లేదంటారు. సీదా సాదా ఆనందయ్య పదిమందికి ఈ ఫలితం అందాలని ఉవిళ్ళూరుతున్నారు. ఏఏ మూలికలతో ఈ మందు తయారయ్యిందో వాటి నిష్పత్తి తెలియజేస్తే ఆయుష్‌ విభాగాలు వాటిని ప్రయోగ ప్రాతిపది కన కరోనా రోగులకు అంద జేయాలి. ఫలితాలను శాస్త్రీయంగా రికార్డు చేయాలి. అంతర్జాతీయ ఎపిడెమాలజిస్టు శ్రీనాథ్‌రెడ్డిని వైద్య, ఆరోగ్య సలహాదారుడిగా సేవలందించమని అడిగి, చేర్చుకొని ఫలితాలు రాబడుతున్న జగన్‌ మోహన్‌రెడ్డి యుద్ధప్రాతిపదికన ఆనందయ్య మందు మీద దృష్టి సారించి కేంద్రానికి కూడా నివేదిక అందించాలని కోరుకుందాం. బ్లాక్‌ ఫంగస్‌కు యునానీ వైద్యం పనిచేస్తుందని ఆ డాక్టర్లు  ప్రకటించారు. కరోనా నయమైతే బ్లాక్, వైట్‌ ఏ ఫంగస్‌ సమస్య ఉండదు. 2డీజీతో సంచలనమైన తెలుగు రాష్ట్రాల పరిశోధన ఈ కరోనా కాక్‌ టెయిల్‌తో విశ్వవ్యాపితమవ్వాలని ఆశిద్దాం. - డాక్టర్‌ చెరుకు సుధాకర్‌  తెలంగాణ ఇంటి పార్టీ అధ్యక్షులు  మొబైల్‌ : 98484 72329

సాక్షి, నల్గొండ: టీజేఏసీ వ్యవస్థాపకుడు కోదండరాం నాయకులను చేయగలరు కానీ.. ఆయన మాత్రం నాయకుడు కాలేరని వెదిరె చల్మారెడ్డి విమర్శించారు. టీజేఎస్‌ రైతు విభాగం అధ్యక్షుడిగా ఉన్న ఆయన తన అనుచరులతో కలిసి తెలంగాణ ఇంటి పార్టీ అధ్యక్షుడు చెరుకు సుధాకర్‌ సమక్షంలో ఆ పార్టీలో చేరారు. ఈ సందర్భంగా చెరుకు సుధాకర్‌ పార్టీ కండువా కప్పి పార్టీలోకి ఆహ్వనించారు. అనంతరం వెదిరె మీడియాతో మాట్లాడుతూ... ఏదైనా పార్టీలో సమష్టి నిర్ణయం ఉంటుందని కానీ, జన సమితిలో మాత్రం అభిప్రాయాలు అందరివీ తీసుకుని ఆఖరుకు నిర్ణయం మాత్రం కోదండరాం ఒక్కరిదే ఉంటుందని ఆరోపించారు. ఆయన నియంత పోకడలతో పార్టీని నాశనం చేశారని విమర్శించారు. ప్రస్తుతం పార్టీలో వంద మందితో సమావేశం ఏర్పాటు చేసే శక్తి పార్టీ నేతలలో ఒక్కరు కూడా లేరని, కేవలం భజనపరులే ఉన్నారని ఆయన ఎద్దేవ  చేశారు. అలాగే చెరుకు సుధాకర్‌ మాట్లాడుతూ.. తాను నల్లగొండ జిల్లా వాసిగా వచ్చే పట్టభద్రుల ఎన్నికల్లో కలసి పనిచేద్దామని కూడా చెప్పానని, కానీ కోదండరాం తానే స్వయంగా నిలబడుతున్నానని తనకు మద్దతు ఇవ్వాలని కోరారని వెల్లడించారు. ఓ అభ్యర్థి ఇలా మద్దతు అడగటం చరిత్రలో ఇదే మొదటిసారని సుధాకర్‌ పేర్కొన్నారు.

హన్మకొండ: ప్రభుత్వంతో కొట్లాడే దమ్ము.. సమస్యలపై మాట్లాడే సత్తా, ధైర్యం ఉన్నవారిని శాసన మండలికి పంపాలని, ఇవన్నీ తనకు ఉన్నాయని తెలంగాణ ఇంటి పార్టీ అధ్యక్షుడు చెరుకు సుధాకర్‌ అన్నారు. ఆదివారం ఆయన హన్మకొండ విద్యానగర్‌లో ఎమ్మెల్సీ ఎన్నికల కోసం పార్టీ కార్యాలయాన్ని ప్రారంభించిన అనంతరం విలేకరులతో మాట్లాడారు.  రాష్ట్రంలో 1.2 లక్షల ఉద్యోగాలు ఖాళీగా ఉన్నాయని.. వాటిని భర్తీ చేస్తానన్న సీఎం కేసీఆర్‌ తన హామీ విస్మరించారని విమర్శించారు. విద్యావ్యాపారం చేసే పల్లా రాజేశ్వర్‌రెడ్డికి ఎమ్మెల్సీగా అవకాశం కల్పిస్తే ఆయన స్థాయి పెరిగిందని, విద్యా వ్యాపారులు ప్రైవేట్‌ వర్సిటీలకు అధిపతులయ్యారని ఎద్దేవా చేశారు.  కాగా, తెలంగాణ జనసమితి అధ్యక్షుడు కోదండరాం ఎమ్మెల్సీ ఎన్నికల్లో పోటీ చేయడానికి సన్నద్ధం కావడం ఆశ్చర్యం కలిగిస్తోందన్నారు. మహాకూటమి నాయకులతో చర్చించి తనకు మద్దతు ఇచ్చేలా అందులోని పార్టీలను ఒప్పించి గౌరవం నిలుపుకోవాలని ఆయనను కోరారు.   

సాక్షి, నల్గొండ : తెలంగాణ ఇంటి పార్టీ రాష్ట్ర అధ్యక్షుడు డాక్టర్‌ చెరుకు సుధాకర్‌ను రాజకీయంగా ఎదుర్కోలేక ఆయన కుమారుడు నిర్వహిస్తున్న జిల్లా కేంద్రంలోని నవ్య ఆస్పత్రిపై అక్రమంగా కేసులను పెట్టి సీజ్‌ చేశారని ఆయా సంఘాల నేతలు, రాజకీయ పార్టీల నాయకులు ఆగ్రహం వ్యక్తం చేశారు. ఆదివారం స్థానిక నవ్య హాస్పిటల్‌ వద్ద ఏర్పాటు చేసిన విలేకరుల సమావేశంలో సీపీఐ జిల్లా కార్యదర్శి నెల్లికంటి సత్యం, బీజేపీ రాష్ట్ర కార్యదర్శి మాదగోని శ్రీనివాస్‌గౌడ్, విద్యావంతుల వేదిక నాయకులు పందుల సైదులు, తెలంగాణ జనసమితి జిల్లా అధ్యక్షుడు పన్నాల గోపాల్‌రెడ్డి మాట్లాడారు. అతితక్కువ ఫీజులతో నిరుపేదలకు వైద్యం అందిస్తున్న నవ్య ఆస్పత్రి నిర్వాహకులు, డాక్టర్‌ చెరుకు సుధాకర్‌ కుమారుడు డాక్టర్‌ సుహాస్‌పై పోలీసులు, జిల్లా వైద్య ఆరోగ్యశాఖాధికారి అత్యుత్సాహంతో వివిధ సెక్షన్ల కింద కేసులను నమోదు చేసి సీజ్‌ చేయడం రాజ్యాంగ విరుద్ధమన్నారు. ఎలాంటి నోటీసులు జారీ చేయకుండా ఏకపక్షంగా ఎలా సీజ్‌ చేస్తారని వారు ప్రశ్నించారు. రాష్ట్ర రాజధాని హైదరాబాద్‌తో పాటుగా జిల్లాకేంద్రంలోని పలు ఆస్పత్రులపై ఫిర్యాదులు వందల సంఖ్యలో వచ్చినప్పటికీ ఎందుకు ఆయా ఆస్పత్రులపై ప్రభుత్వం చర్యలు తీసుకోలేదని ప్రశ్నించారు. తక్కువ ఫీజులతో పేదలకు వైద్యం చేయడం నేరమా అన్నారు. కేవలం నవ్య హాస్పిటల్‌ బడుగు, బలహీనవర్గాలకు చెందిన వ్యక్తిది కావడంతో పాటుగా ప్రభుత్వాన్ని ప్రశ్నించే గొంతుకగా ఉన్న డాక్టర్‌  చెరుకు సుధాకర్‌పై రాజకీయంగా అణిచివేతలో భాగమే అక్రమ కేసులు, ఆస్పత్రిని సీజ్‌ చేయడమన్నారు.  వెంటనే జిల్లా యంత్రాంగం స్పందించి డాక్టర్‌పై పెట్టిన కేసును ఉపసంహరించుకోవడంతో పాటుగా హాస్పిటల్‌ సీజ్‌ను తొలగించాలని డిమాండ్‌ చేశారు.   ప్రభుత్వ కుట్రలో భాగమే : చెరుకు  ఆస్పత్రిలో తక్కువ ఫీజులతో పేదలకు వైద్యం అందిస్తున్న డాక్టర్‌పై అక్రమంగా కేసులను పెట్టి అరెస్టు చేయడంతో పాటుగా ఆస్పత్రిని సీజ్‌ చేయడం దేశ చరిత్రలో ఎక్కడా చూడలేదని  డాక్టర్‌ చెరుకు సుధాకర్‌ తెలిపారు. రాజకీయంగా తనపై కక్షసాధింపు చర్యల్లో భాగంగానే ప్రభుత్వం కుట్రపన్నిందని ఆరోపించారు.  ఆత్మబలిదానాలతో సాధించుకున్న రాష్ట్రంలో ఇంతటి దుర్మార్గమైన చర్యలు ఉంటాయని ఆనుకోలేదని ఆవేదన వ్యక్తం చేశారు. వెంటనే కేసులను ఎత్తివేసి సీజ్‌ను తొలగించాలని డిమాండ్‌ చేశారు. ఈ కార్యక్రమంలో ఎరుకల సంఘం జిల్లా అధ్యక్షుడు మానుపాటి భిక్షం, పీడీఎస్‌యూ రాష్ట్ర ఉపాధ్యక్షుడు ఇందూరు సాగర్, ఎంఆర్‌పీఎస్‌ జిల్లా సీనియర్‌ నాయకులు బకరం శ్రీనివాస్‌మాదిగ,  కట్టెల శివకుమార్, ఏర్పుల శ్రవన్‌కుమార్,  జనార్దన్‌గౌడ్‌ తదితరులు పాల్గొన్నారు. 

నల్లగొండ టౌన్‌: ఎక్కువ ఫీజులు తీసుకుంటున్నారన్న కారణంతో డాక్టర్‌ను అరెస్ట్‌ చేసిన చరిత్ర ఇంతవరకు ఎక్కడా లేదని తెలంగాణ ఇంటి పార్టీ వ్యవస్థాపక అధ్యక్షుడు చెరుకు సుధాకర్‌ అన్నారు. ఆదివారం నల్లగొండలో ప్రజా సంఘాల నాయకులతో కలసి ఆయన విలేకరులతో మాట్లాడారు. ‘ఫీజులు ఎక్కువ వసూలు చేస్తే అందుకు సంబంధించి నోటీసులు ఇవ్వాలి. స్పందించని పక్షంలో చర్యలు తీసుకోవచ్చు. కానీ ఎలాంటి నోటీసులు లేకుండా డీఎంహెచ్‌ఓను అడ్డం పెట్టుకుని పోలీసులు అత్యుత్సాహం ప్రదర్శించి నా కుమారుడు డాక్టర్‌ సుహాస్‌ను అరెస్ట్‌ చేయడం, ఆస్పత్రిని సీజ్‌ చేయడం ఎంతవరకు సమంజసం’అని ప్రశ్నించారు. ఐసీయూలో పేషెంట్లు ఉన్నప్పటికీ అవేవీ పట్టించుకోకుండా ఆస్పత్రిని సీజ్‌ చేయడం వెనుక రాజకీయ కుట్ర దాగి ఉందన్నారు. కేసీఆర్‌ ప్రభుత్వం రాజకీయంగా కుట్ర పన్ని సుహాస్‌ను అరెస్ట్‌ చేయించిందని ఆయన ఆరోపించారు. ఇది నల్లగొండ ఎమ్మెల్యే భూపాల్‌రెడ్డికి సొంతంగా వచ్చిన ఆలోచన కాదని, పైనుంచి కింది వరకు రాజకీయ కుట్రతోనే జరిగిందని ఆరోపించారు. తానూ ఉద్యమంలో పనిచేశానని.. దేనికీ భయపడనన్నారు. ‘చావు నాకు బోనస్‌.. నా కొడుకుకు నేను పిరికి మందు తాపలేదు.. నా కొడుకు దగ్గర పొరపాటు ఉంటే సరిదిద్దుకుంటా.. కానీ నువ్వెవరు మమ్మల్ని అనడానికి’అంటూ ఆగ్రహం వ్యక్తం చేశారు. సుహాస్‌పై పెట్టిన కేసులను బేషరతుగా ఎత్తివేసి ఆస్పత్రి సీజ్‌ను తొలగించాలని డిమాండ్‌ చేశారు. లేనిపక్షంలో రాష్ట్ర స్థాయిలో ప్రజా సంఘాలను కలుపుకొని ప్రభుత్వ తీరును ఎండగడతామని, న్యాయస్థానాన్ని కూడా ఆశ్రయిస్తామని హెచ్చరించారు.  ఆదివారం నల్లగొండలో విలేకరులతో మాట్లాడుతున్న చెరుకు సుధాకర్‌   

ఆకలితో ఉన్నవాళ్ళను భూగోళం ఎట్లా కనపడుతుందని అడిగితే విసిరిన అన్నం ముద్దల్లా ఆరు ఖండాలు సముద్రమంత ఆకలితో మధ్య మధ్యలో నేనే అన్నాడట... ఇప్పటికీ కరుణ లేని కరోనా, మృత్యు కోవిదురాలై ప్రతి వాకిట మృత్యుపేటిక పేర్చి నిజంగానే భూగోళం ఎట్లా కనపడుతుందంటే ప్రతి ఖండమూ దహన వాటిక తీరు తగలబడుతుందని అనక తప్పదు. కరోనా గురించి వార్త రాస్తున్న వాళ్ళు చచ్చిపోతున్నారు.. కరోనాను నిలువరించే ముందు వరుస యోధులు డాక్టర్లు, నర్సులు చచ్చిపోతున్నారు. ఈ మహమ్మారిపై పాటల ఖడ్గాన్ని ఝళిపిస్తున్న పాటగాళ్లు, కళాకారులు చచ్చిపోతున్నారు. ఊరు, పేరు లేని నిరుపేదలు, మట్టిమనుషుల చావులు సర్కారు లెక్కల్లోకి రానే రావడం లేదు. బహుశా మునుపెన్నడూ లేని ఒక భయానక మృత్యుధూళి మన కాళ్ళకింది భూమిని సునామీగా పెకిలించి ఎంతో మంది అద్భుత మానవతా మూర్తుల్ని, యోధుల్ని, మన కోసం జీవితమంతా జ్వలించిన వాళ్ళను దహన వాటికకు తరలిస్తున్నది. దిక్కుతోచక, భయ విహ్వలతతో అంతిమ సంస్కారంలోనూ పాల్గొనక వారి జీవిత కాల సేవాతత్పరతను, స్ఫూర్తిని, ఎత్తిపట్టే చివరి నివాళి కరువు అవుతుందని మన కాలపు యోధుడు ఉప్పుమావులూరి సాంబశివరావు (ఉ.సా) అకాలమరణం  గుర్తు చేస్తున్నది. ఎక్కడో గుంటూరు జిల్లా బ్రాహ్మణ కోడూరులో పుట్టిన డెబ్బయి ఏళ్ళ ఉ.సా అనేక విప్లవ, బహుజన ఉద్యమాల సాధికారత, సార్వత్రికత.. నిరంతర సన్నద్ధత.. ఆ మొన్నటి అర్ధరాత్రి ఉద్యమాల ఉపాధ్యాయుడి ఊపిరిని కరోనా కబళించేదాక ఆయన విశ్రమించిన జీవన ఘడియలు లేవు. మంగలి కత్తికి, పోరాటపు కొడవలికి ఎంత పదునో చీకొండ మొదలు గిరిజన పోరాటం నడిపిన ఉసానే చెప్పగలడు. కామందు కాఠిన్యం, ఆకలితో ఉన్న పాపను జోకొట్టిన జోలపాట మార్ధవం, కవులు, కళాకారులు ఏంచెయ్యాలో చెప్పే ప్రబోధం, పాటగా అలవోకగా రాస్తూ కాలానికి తాళం వేస్తూ కరువును, కులం బరువును, ఆధిపత్యకులాల దరువును తెలుగు నేల మీద సరిగా అంచనా వేసి దేశీ – దిశ కోసం కారంచేడులో రొమ్ము విరుచుకొని రుదిర క్షేత్రంలో నిలబడడం ఆయనకే సాధ్యమయ్యింది. కరోనా మహమ్మారి కాలంలో మనుషుల విపరీత ప్రవర్తన ఎవరిని వదలడం లేదు. చెన్నైలో, ఇంకా చాలా చోట్ల డాక్టర్లు చనిపోతే శ్మశాన వాటికలో ఖననానికి, దహనానికి అడ్డుపడ్డ అమానవీయ సంఘటనలు ఎన్ని? సేవా మూర్తులకు మనమిచ్చే గౌరవం ఇదేనా? అని ఆయన ప్రశ్నించింది ఇందుకనే. చెరుకు సుధాకర్‌ ముందలపడి అంత్యక్రియలు చేస్తే ఆహాహా అంటున్న మిత్రులారా! ఉ.సాకు, జీవితమంతా జ్వలిస్తూ బతికిన ప్రతివాళ్ళకు మనమెట్లాగూ మరణాంతర పురస్కారాలు ఇవ్వలేము, కడచూపులో భాగమవ్వడం మన బాధ్యత. ఇప్పటికే కరోనాపై పలు పుకార్లు మానవ సంబంధాలను చాలా దెబ్బతీశాయి. జరగాల్సిన నష్టం జరిగింది. ఉ.సా నడిచిన ఉద్యమ దారుల్లో ఎదిగి వచ్చిన మిత్రులారా! రండి! మనం సేవాదళ్‌గా ప్రజలకు ఈ కరోనా కష్టకాలంలో మరిం తగా చేరువ కావలసి ఉన్నది. ఏ ఒక్క చావు అగౌరవంగా మట్టిలో కలవకుండా మనం సహకరిద్దాం. మనవాళ్ళ అంత్యక్రియలను కరోనా కాలంలో గౌరవం తగ్గకుండా కొనసాగిద్దాము. ఐసోలేషన్‌ సెంటర్లలో, హాస్పిటల్స్‌లో సేవలకు స్వచ్ఛందంగా ముందుకు వద్దాం, ఉ.సా కరోనా కాలంలో చనిపోయి మనకు కొత్త బాధ్యతను అప్పజెప్పి వెళ్ళిండు. ఆ బాధ్యతను పూర్తి చేస్తే ఉ.సా.ను సంపూర్ణంగా గౌరవించినట్లే. వ్యాసకర్త: తెలంగాణ ఇంటి పార్టీ అధ్యక్షులు మొబైల్‌ : 98484 72329 

ఎమర్జెన్సీ ప్రకటించిన అర్ధరాత్రి తెల్లారే, ఇవ్వాళ అధికారంలో ఉన్న పార్టీ ముఖ్య నాయకులంతా జైళ్ళలోనే ఉన్నారు. మొరార్జీ దేశాయ్, జయప్రకాశ్‌ నారాయణ్, ఎల్‌.కె.అద్వానీ, అటల్‌ బిహారీ వాజ్‌పేయి, ఇలా ‘అంతర్గత భద్రత’కు ముప్పు అను కున్న వారినందరినీ నాటి ప్రధాని ఇందిరా గాంధీ రాష్ట్రపతి ఫక్రుద్దీన్‌ అలీ అహ్మద్‌తో ‘రబ్బర్‌ ముద్ర’ కొట్టించి చీకటి కొట్టాలకు తరలించింది. లక్షమందికి పైబడిన ఆరెస్సెస్‌ సైన్యం ‘అభివృద్ధి నిరోధకులు’గా ముద్రపడి నిర్భందానికి గురయినారు. విప్లవ కమ్యూనిస్టుల అరెస్టులు, చిత్ర హింసల, ఎన్‌కౌంటర్లకు అదుపే లేదు. సిక్కుల హక్కులు, అకాలీ కార్యకర్తలు అపర ‘కాళీమాత’ ఇందిరాగాంధీ కంటి వేడికి దగ్ధమయిన తీరు ‘శిరోమణి గురు ద్వారా’ల్లో ఇప్పటికీ చర్చిస్తూనే ఉంటారు. భూమయ్య, కిష్టాగౌడ్‌ను ఉరి తీయవద్దని, రైట్‌–లెఫ్ట్, వాజ్‌పేయి, జయప్రకాశ్‌ నారాయణ్, శ్రీశ్రీ, జార్జ్‌ ఫెర్నాండెజ్, జైపాల్‌రెడ్డి, భూపేష్‌ గుప్తా, కన్నాభిరాన్, చండ్ర రాజేశ్వర్రావ్, ఇంకెందరో 1975లో ఢిల్లీలో ఆందోళన నిర్వహించిన వారే. అయితే సరిగ్గా 45 యేండ్ల తరువాత ఉరిశిక్షలు, ఎన్‌కౌంటర్లు వద్దన్న వాళ్ళు ఇప్పుడు మోదీ ప్రభుత్వ మార్గదర్శకులుగా ఉన్నారు.  మరోవైపు ఇతరులంతా తుకుడే తుకుడే గ్యాంగ్‌గా ముద్రపడి ప్రతి పక్షంలో ఉన్నారు. పైగా, ఈ దేశంలో అత్యంత దారుణ పరిస్థితు లలో తప్పుడు కేసుల్లో భీమ్‌ కోరేగావ్‌ అల్లర్ల పేర ప్రొఫెసర్‌ సాయి బాబా, వరవరరావు, సోమా సేన్, గౌతమ్‌ నవలాభా, ఆనంద్‌ తేల్‌ తుంబ్డే, సుధా భరద్వాజ్, విల్సన్‌ ఇంకా ఎందరో నెలల తరబడి జైళ్ళలో ఉండటాన్ని ఎట్లా చూడాలి? ఎన్‌కౌంటర్లు రాజకీయ హత్యలన్నది ఒక అంశమయితే, ఎన్‌కౌంటర్లు లేకుండా చీకటి గుహల్లో రాజకీయ ఖైదీలకు ఉండే సౌకర్యాలు కూడా లేకుండా చేసి బ్రతికి ఉన్నన్నాళ్లు అందులోనే మగ్గి చచ్చి పోవాలని చూస్తున్న తీరు మరో అంశం. లక్షల మందిని ఎమర్జెన్సీకి వ్యతిరేకంగా కూడగట్టి, ప్రజాస్వామ్యం బ్రతికి బట్ట కట్టడం కోసం అన్ని రాజకీయ పక్షాలతో ఫ్రంట్‌ కట్టి, ఇందిరకు చుక్కలు చూపెట్టిన నాగ్‌పూర్‌లోని కార్యాలయం ‘నాగ్, నాగ్‌’ అంటూ ఇప్పుడు బుసలు కొట్టడం ఒక సాంస్కృతిక సేనాని సంస్థ చేసే పనేనా? నాకు బాగా గుర్తున్నది ఒకసారి కుల్‌దీప్‌ నయ్యర్‌ ఎమర్జెన్సీ అనంతరం రాజకీయ సమరశీలత, నిబద్ధత, గొప్ప యువతరం వనరు ఉన్నది ఆరెస్సెస్, నక్సలైట్లలోనేనని అన్నారు. ఎమర్జెన్సీకి పదిరెట్లు హక్కులు కుంచించుకుపోయిన దేశంలో ఈ ఇద్దరికీ దేశ రాజకీయాల్లో ఉన్న ప్రాభవమెంత? అంగీకారమెంత? అన్నది వేరే చర్చగానీ ఎమర్జెన్సీని తెచ్చిన కాంగ్రెస్‌ను ఇప్పుడు లిబరల్‌ పార్టీగా ఎక్కువ మంది గుర్తించటం ఆశ్చర్యమే! ఫెడరల్‌ స్ఫూర్తితో రాష్ట్రాల హక్కులు, ప్రజల హక్కులు కాపాడతామని మాట్లాడే వివిధ రాష్ట్రాల ముఖ్యమంత్రులు వారి ఇలాఖాలో ఇష్టారాజ్యం, హక్కుల హననం కొనసాగిస్తూనే ఉన్నారు. నేషనల్‌ ఇన్వెస్టిగేషన్‌ ఏజెన్సీకి, స్థానిక పోలీసులకు ‘చట్ట బద్ద కొమ్ములు’ ఇచ్చి అన్ని రాష్ట్రాల్లో స్థానిక నల్ల చట్టాలతో అణచివేత కొనసాగించేలా చూసే వివిధ రాష్ట్రాల నేతలు నిన్నటి తమ గొప్ప ప్రజాస్వామ్య ప్రాభవాన్ని, స్ఫూర్తిని మరిచి జాతికి ఎమర్జెన్సీ చీకటి రోజులను గుర్తు చేస్తున్నారు. ఎన్‌కౌంటర్లు లేకుండా పాలకులు బతుకలేరు. అధీకృత హింస లేకుండా నక్సలైట్లు బతుకలేరు. యుద్ధ ప్రభువులు రాష్ట్రాలు, ప్రాంతాల్లో అధికారంతో పాటు వనరులు కొల్లగొట్టి, సంపదను, శ్రమను కొల్లగొట్టే వాళ్ళకు సహకరిస్తూ– వేల కోట్ల వ్యాపార సామ్రాజ్యాలకు వాటాదారులయి, విపరీతమైన ఎన్నికల పెట్టు బడితో, సాంకేతిక లబ్ధితో అనుకూల ఫలితాలు సాధిస్తూ, ఇదే ప్రజాస్వామ్యమని ఊరేగుతున్నప్పుడు జూన్‌ 25న జడలు విర బోసుకున్న నాటి అత్యవసర పరిస్థితి ‘వేయి నాలుకల భద్రకాళి’ నేటికీ వెంటాడినట్లే అనిపిస్తుంది. స్వాతంత్య్రం తొలినాటి ప్రజా తంత్ర వైభవాలు కాల గర్భంలో కలిసినట్లే అనిపిస్తుంది. మన కళ్ళ ముందు యాభై యేండ్ల చరిత్రలో ఎన్నో అధిగ మించలేని సవాళ్ళు. గింగిరులు కొడుతున్న సుడి గుండాలు. గుండె దిటవుతో పోరాడే దివిటీలు. రాజ్యాంగం పీఠికపై మొలుస్తున్న కొత్త సింగిడీలు. ఏ కాన్వాసు మీద చిత్రీకరించలేని రఫ్‌ పెయింటింగ్‌ వర్తమాన భారతం. ఏ కవీ, తత్వవేత్త ఏకవేదంగా కూర్చి, విడ మర్చి, య«థా లాపంగా చెప్పలేని సమకాలీన భారత రాజకీయంలో ఏ సోయి, ఏ గాయం గమ్యంలో, గమనంలో లేని ఒక సౌకర్యవంతమైన ధారావాహికకు... చీకటి రోజు... ఉజ్వల ఉత్తానం– ఉదాత్త మానవ పునరుత్తానం... అన్నీ ఉట్టి మాటలే. చీకటిని చీల్చి గుండెను ఎదురునిల్చి సమాధుల్లో వొరిగి పోయిన వాళ్ళ బంధువులకు, రక్త సంబంధీకులకు తమ వాళ్ళు వదిలి పెట్టిన బాధ్యత గుర్తు రావాలని ఆశించడం అత్యాశ ఏమి కాదు. అట్లా మిగిలి ఉన్న అమరుల స్మృతి చిహ్నాలను కూడా ధ్వంసం చేస్తూనే ఉన్నారు. దర్శించుకుంటే నేరమని అంటారు అందరు పాలకులు. సిక్కుల ఊచకోతలో కాంగ్రెస్‌ భాగస్వామ్యమయిన సంఘ టనలు దురదృష్టకరమని, విచారకరమన్న సోనియాజీ అట్లనే అత్యవసర పరిస్థితుల పర్యవసానాలకు నాటి కాంగ్రెస్‌కు రాజకీయ వారసులు అయినందున విచారం వ్యక్తం చేస్తే ఎంత బాగుండు? అట్లాంటిది పునరావృతం కాదని అనే పాలకులు ఎవ్వరో వొడిసి పట్టుదాం. డాక్టర్‌ చెరుకు సుధాకర్‌ , వ్యాసకర్త, తెలంగాణ ఇంటి పార్టీ అధ్యక్షులు మొబైల్‌ : 98484 72329

సాక్షి, గన్‌ఫౌండ్రీ (హైదరాబాద్‌): తెలంగాణ అమరవీరుల, ప్రజల ఆకాంక్షలకు విరుద్ధంగా పాలన సాగిస్తున్న ముఖ్యమంత్రి కేసీఆర్‌కు కరోనా కన్నా పెద్ద వైరస్‌ సోకాలని తెలంగాణ ఇంటి పార్టీ రాష్ట్ర అధ్యక్షుడు చెరుకు సుధాకర్‌ అన్నారు. మంగళవారం ఆదర్శ్‌నగర్‌లోని పార్టీ రాష్ట్ర కార్యాలయంలో తెలంగాణ రాష్ట్ర ఆవిర్భావ దినోత్సవ వేడుకలు, తెలంగాణ ఇంటి పార్టీ 3వ ఆవిర్భావ వేడుకలను నిర్వహించారు. (సందిగ్ధంలో టీడీపీ అధ్యక్షుడి ఎంపిక) ఈ సందర్భంగా జెండాను ఎగురవేసి తెలంగాణ అమరవీరులకు నివాళులర్పించారు. సుధాకర్‌ మాట్లాడుతూ జై తెలంగాణ అని రక్తం చిందించిన ఉద్యమకారులు నేడు జైలులో ఉంటే తెలంగాణ రద్దు అన్న ద్రోహులు నేడు కేసీఆర్‌ చుట్టూ అధికారంలో ఉన్నారని ధ్వజమెత్తారు. తెలంగాణ ప్రజల హక్కుల కోసం చివరి వరకు పోరాడతామని తెలిపారు. సమావేశంలో 1969 ఉద్యమ కారులు, రామరాజు, శ్రీహరి, కొండస్వామి, తెలంగాణ ఇంటి పార్టీ రాష్ట్ర నాయకులు దేవేందర్‌రెడ్డి, సందీప్, హరీశ్‌యాదవ్‌ పాల్గొన్నారు. (కోడికి చారానా.. మసాలాకు బారానా)

సాక్షి, హైదరాబాద్‌: ఆరోగ్య శాఖ మంత్రి ఈటల రాజేందర్‌ చేసిన వ్యాఖ్యలు బాధ్యతారాహిత్యమని ఇంటి పార్టీ అధ్యక్షుడు చెరుకు సుధాకర్‌ తీవ్ర స్థాయిలో మండిపడ్డారు. గాంధీ హాస్పిటల్‌లో వైద్య సేవలపై, సెక్రటేరియట్‌ను కోవిడ్‌ హాస్పిటల్‌గా మార్చడంపై ప్రతిపక్షాలు చేసిన సూచనలపై ఆయన అహంకారపూరితం గా చేసిన వ్యాఖ్యలను తీవ్రంగా ఖండిస్తున్నామన్నారు. వేల మందికి ఎమర్జెన్సీ వైద్య సేవలందించే గాంధీ హాస్పిటల్‌ను పూర్తి స్థాయి కరోనా హాస్పిటల్‌గా మారుస్తున్నామని ప్రకటించి, లక్ష ల మందిని తీవ్ర ఇబ్బందికి గురి చేస్తున్న రాష్ట్ర ప్రభుత్వం.. ప్రతిపక్షాల సూచనలను విమర్శించడం సరికాదని అన్నారు. కరోనా పారాసిటమాల్‌తో తగ్గుతుందని, మాస్కులు మా అందరికీ ఉన్నా యా అని వెకిలి నవ్వు నవ్వి, సైకో వైఖరి ని అవలంబించింది సీఎం కేసీఆర్‌ ప్రభుత్వమేనని దుయ్యబట్టారు. ఖాళీగా ఉన్న సెక్రటేరియట్‌ను ఐసోలేషన్‌ వార్డు కింద మార్చి, దగ్గర్లో ఉన్న ఆరోగ్య శాఖ మంత్రి చాంబర్‌ నుంచి పర్యవేక్షించడం వివేకమైన పని అన్నారు. కొత్త హాస్పిటల్స్‌ను కోవిడ్‌ స్పెషాలిటీగా మార్చి, ఉస్మాని యా, గాంధీ, నిమ్స్‌లో ఆధునిక, ఎమర్జెన్సీ వైద్యసేవలు నిరాటంకంగా జరగాలన్న తమ సూచన వారికి శాడిస్టు తీరుగా కనపడిందా? అని చెరుకు సుధాకర్‌  ప్రశ్నించారు.

దేశాలు స్వాతంత్య్రాన్ని, జాతులు విముక్తిని, ప్రజలు శ్రేయోరాజ్యాన్ని, ప్రపంచం అంతర్జాతీయ మానవతావా దాన్ని కాంక్షిస్తున్న కాలంలో సరిహద్దులు దాటి అనేక సర్దుబాట్లు, దిద్దుబాట్లు జరి గినాయి. ఐక్యరాజ్యసమితి, ప్రపంచ ఆరోగ్య సంస్థ, యూనిసెఫ్‌– మన దేశ స్వాతంత్య్ర కాలానికి అటు ఇటుగా ఏర్పడినాయి. 1920లో జెనీవా కేంద్రంగా హెన్రీ డ్యూనాంట్‌ ఏర్పాటు చేసిన రెడ్‌క్రాస్‌ సంస్థ కోటి మంది స్వచ్ఛంద సైనికులతో దేశాలు, వాటి ఘర్షణలతో సంబంధం లేకుండా క్షతగాత్ర సైనికు లకు సేవలు అందించింది. దీని స్ఫూర్తితో 1948 ఏప్రిల్‌ 7న ప్రపంచ ఆరోగ్య సంస్థ ఏర్పడి, తన మొదటి అసెంబ్లీని 1950లో సమాయత్తపరిచింది. అన్ని దేశాల ప్రజలు అత్యున్నత శారీరక, మానసిక ఆరోగ్యం సాధించాలని పిలుపును ఇచ్చింది. మన దేశంలో అమలైన మాతా శిశు సంరక్షణ, జాతీయ మలేరియా, క్షయ, కుష్టు, అనేక అంటురోగాల నిర్మూలనలో ప్రపంచ ఆరోగ్య సంస్థ సహకారం ఉన్నది. ఎయిడ్స్‌ వ్యాధి నివారణకు వర్ధమాన దేశాల నుండి మందుల సరఫరాకు అతి తక్కువ ధరల బిడ్స్‌ కోరినందునే మన దేశంలోనే అనేక మందుల కంపె నీలు అంతర్జాతీయ ప్రమాణాలతో సరఫరా చేసి నాయి. చైనా, ఇండియా, జపాన్‌ కొత్త ప్లేయర్స్‌గా అవతరించినాయి. అయితే, గత 30 ఏండ్లలో లేని తీవ్రమైన నిధుల కొరతను ప్రపంచ ఆరోగ్య సంస్థ ఎదుర్కొంటున్నది. కరోనా మహమ్మారి ప్రపంచాన్ని కుదిపేస్తున్న తరుణంలో బేలగా కొన్ని సలహాలే తప్ప, క్రియాశీలకంగా ముందుకు పోలేని స్థితిలో నేడు 72వ వార్షికోత్సవం జరుపుకొంటున్నది. 1978లో రష్యాలో ‘2000 సంవత్సరం నాటికి ప్రపంచ ఆరోగ్యం’ డిక్లరేషన్‌ జరిగింది. దేశాలలో వనరుల పంపిణి సమంగా ఉంటే కాని ఈ లక్ష్యం నెరవేరదనీ, పేద దేశాలకు నిధులు సమకూర్చడం అగ్రదేశాల మాననీయ కర్తవ్యమనీ అర్థించింది. ఈ మాటలు సహజంగానే అమెరికా, యూరోప్‌ దేశాలకు నచ్చలేదు. చమురు పోస్తే కాని తోటి దేశాల ఆరోగ్య దీపాలు వెలగవని ఇవి గ్రహించలేకపోయినాయి. ప్రపంచ ఆరోగ్య సంస్థ ప్రతి సంవత్సరం ప్రపంచ ప్రజలు సంవత్సరమంతా ఒక నిర్దేశిత ఆరోగ్య లక్ష్యం చుట్టూ గమనంలో ఉండాలని ప్రతి ఏప్రిల్‌ 7కు ఒక థీమ్‌నూ, ఒక గోల్‌నూ ప్రతిపాదిస్తుంది. అనేక సంక్షోభ, సంక్లిష్ట కారణాలతో 2000 నాటికి అందరికి ఆరోగ్యం సాధించడం జరగలేదు కనుక, 2018 ఏప్రిల్‌లో తన 70వ వార్షికోత్సవం సందర్భంగా విశ్వ జనీన ఆరోగ్య కవరేజ్‌ ప్రకటించుకుంది. 2019లో కూడా అదే టార్గెట్‌ను ప్రపంచ దేశాలకు నిర్దేశించినా, విధానపరమైన నిర్ణయాత్మకత లేకపోవడంతో ఫలి తాలు రాలేదు. ఇప్పుడు కోవిడ్‌ 19  నేపథ్యంలో సంక్ర మణ వ్యాధుల చర్చను, కార్యక్రమాలను ప్రకటిం చింది. సేవామూర్తులైన నర్సులకు ఆరాధ్య దేవత ఫ్లోరెన్స్‌ నైటింగేల్‌ 200వ జన్మదినోత్సవ పునరు త్తేజంతో వైద్య, ఆరోగ్య సిబ్బంది ముందుకు పోవా లని అన్నది. అట్లాంటాలోని సెంటర్‌ ఫర్‌ డిసీజ్‌ కంట్రోల్‌ (íసీడీసీ) ప్రపంచంలో ప్రామాణికమైన పరిశోధనా సంస్థ. కానీ సార్స్, ఎబోలా, నిఫా, మెర్స్‌ సమయంలో సీడీసీ, ప్రపంచ ఆరోగ్య సంస్థకు ఇచ్చిన సాంకేతిక సహాయం, సలహాలు నామమాత్రం. నిన్నటి కరోనా, నోవల్‌ కరోనాగా వచ్చి వూహాన్‌ గగనతలాన్ని దాటి తమ దేశాల్లో ప్రవేశిస్తుంటే చేష్టలుడిగిన దౌర్భాగ్యం ప్రపంచ ఆరోగ్య సంస్థ ప్రాభవం తగ్గడానికి ఒక కారణం. కరోనా దెబ్బకు లక్షమంది దేశీయంగా చని పోతారని వణికిపోతున్న అమెరికా గ్లోబల్‌ సహాయం చేసే స్థితిలో లేదు. అందుకే భారత్‌ అయినా గతంలో చేసిన తప్పులు చేయకుండా 2020 ఆరోగ్య బడ్జెట్‌లో 6% నిధులను కేటాయిస్తే బాగుంటుంది. ప్రపంచ ప్రజల ఆర్థిక శక్తులుగా ఎదిగిన చైనా, ఇండియా ఇతర వర్ధమాన దేశాలను ప్రభావితం చేయడానికి తామే పెద్దన్నలుగా ఎక్కువ నిధులు ఈ సంస్థకు సమ కూర్చితే 2020లో అదే పెద్ద ‘కంట్రిబ్యూషన్‌’. ఈ సంస్థ ప్రపంచ ఆరోగ్యానికి ఆక్సిజన్‌. దాన్ని బలో పేతం చేయడం ఒక అత్యవసర కార్యం. (నేడు ప్రపంచ ఆరోగ్య దినోత్సవం సందర్భంగా) డా. చెరుకు సుధాకర్‌ వ్యాసకర్త సామాజిక వైద్యులు, రాజకీయ కార్యకర్త

సాక్షి, హైదరాబాద్‌: రాష్ట్రంలో ప్రజాస్వామ్యం ఖూనీ చేస్తున్నారని, ప్రశ్నించే గొంతులపై అక్రమ కేసులు బనాయించి అరెస్టులు చేస్తున్నారని పలువురు వక్తలు పేర్కొన్నారు. ఓయూ జేఏసీ, తెలంగాణ మాదిగ దండోరా, తెలంగాణ విద్యార్థి ఉద్యమకారుల వేదిక సంయుక్త ఆధ్వర్యంలో ‘భారత రాజ్యాంగం– చట్టాల దుర్వినియోగం’ అనే అంశంపై సోమవారం సోమాజిగూడ ప్రెస్‌క్లబ్‌లో రౌండ్‌టేబుల్‌ సమావేశం నిర్వహించారు. ఓయూ జేఏసీ ప్రతినిధి చారకొండ వెంకటేష్‌ అధ్యక్షతన జరిగిన ఈ కార్యక్రమానికి తెలంగాణ ఇంటి పార్టీ అధ్యక్షుడు చెరుకు సుధాకర్, తెలంగాణ మాదిగ దండోరా అధ్యక్షుడు దేవర సతీష్‌ మాదిగ, ప్రొఫెసర్‌ అన్సారీ, నిరుద్యోగ జేఏసీ చైర్మన్‌ మానవతారాయ్‌లు హాజరయ్యారు. ఈ సందర్భంగా వారు మాట్లాడుతూ.. ప్రస్తుతం ఉన్న కరోనా వైరస్‌ కన్నా రాష్ట్రంలో కల్వకుంట్ల కరోనా భయంకరంగా ఆవరించిందన్నారు. ప్రశ్నించినందుకు గతంలో మంద కృష్ణను రెండు నెలలు జైలులో పెట్టారని, తర్వాత ఎంతో మంది విద్యార్థి నాయకులను, ప్రొఫెసర్లను మావోయిస్టు బూచి చూపి అరెస్టులు చేశారన్నారు. ప్రస్తుతం 111 జీవోలో అక్రమ కట్టడాలు బయటపెట్టినందుకు రేవంత్‌ రెడ్డిని అక్రమంగా అరెస్టు చేశారని వారు ఆగ్రహం వ్యక్తం చేశారు. ప్రశ్నించినందుకు రేవంత్‌ను జైలులో పెడితే ఎన్నో వాగ్ధానాలు ఇచ్చి నెరవేర్చని ముఖ్యమంత్రిని కూడా జైలులో పెట్టాలన్నారు. రేవంత్‌ ఏమైనా తీవ్రవాదా..? స్టేషన్‌ బెయిల్‌ ఇవ్వాల్సిన కేసులో అక్రమంగా మరో 12 కేసులు బనాయించి బెయిలు రాకుండా చేస్తున్నారని మండిపడ్డారు. ఒక జాతీయ పార్టీ ఎంపీని అక్రమంగా అరెస్టు చేస్తే దేశవ్యాప్తంగా ఉన్న ప్రతిపక్ష ఎంపీలు ఎందుకు ప్రశ్నించడం లేదో అర్థం కావడంలేదన్నారు. ఒకే పార్టీకి చెందిన తోటి ఎంపీని అక్రమంగా అరెస్టు చేస్తే అదే పార్టీ నాయకులు ఎంపీకి వ్యతిరేకంగా మాట్లాడడం దుర్మార్గమని, మీరు అవలంభించిన విధానం వల్ల ఇకపై ఎవ్వరూ ఆ పార్టీలో చేరేందుకు జంకుతారని, ప్రస్తుతం పార్టీలో ఉన్న కార్యకర్తలు కూడా ప్రశ్నార్థకంలో పడ్డారన్నారు. ఢిల్లీ నుంచి హైకమాండ్‌ ఒక న్యాయవాదిని పంపించారని, ఈ విషయమై రాష్ట్ర కాంగ్రెస్‌ సిగ్గుపడాలన్నారు. సమావేశంలో ఓయూ జేఏసీ నాయకులు దరువు ఎల్లన్న, దుర్గం భాస్కర్, రెడ్డి జాగృతి నాయకులు శ్రీనివాస్‌ రెడ్డి, వివిధ సంఘాల నాయకులు దుర్గయ్య గౌడ్, రమేష్, రామ్మూర్తి గౌడ్‌ తదితరులు పాల్గొన్నారు. (తెరపైకి మరోసారి ఓటుకు కోట్లు కేసు)

సాక్షి, హైదరాబాద్‌: తెలంగాణ జన సమితి, తెలంగాణ ఇంటి పార్టీ కలిసి పనిచేయాలని నిర్ణయించాయి. శుక్రవారం టీజేఎస్‌ కార్యాలయానికి ఇంటి పార్టీ అధ్యక్షుడు డాక్టర్‌ చెరుకు సుధాకర్‌ వెళ్లారు. ఈ సందర్భంగా టీజేఎస్‌ అధ్యక్షుడు ప్రొఫెసర్‌ కోదండరామ్‌తో భేటీ అయ్యారు. రాష్ట్రంలో నెలకొన్న పరిస్థితులు, విద్యార్థి, నిరుద్యోగ, ఉద్యోగ సమస్యలపై చర్చించి రెండు పార్టీలు కలసి ఐక్య పోరాటాలు చేయాలని నిర్ణయించారు. ఈ సందర్భంగా వారు మాట్లాడుతూ.. ఉద్యోగాల భర్తీకి నోటిఫికేషన్లను వెంటనే విడుదల చేయాలని డిమాండ్‌ చేస్తూ విద్యార్థి, యువజన రాష్ట్ర కమిటీల ఆధ్వర్యంలో ఈ నెల 19న అసెంబ్లీ ముట్టడి చేపట్టనున్నట్లు పేర్కొన్నారు. రాష్ట్రంలో నిరంకుశ పాలన తెలంగాణలో నియంతృత్వ పాలన నడుస్తోందని తెలంగాణ చెరుకు సుధాకర్‌ ఆరోపించారు. శుక్రవారం ఆదర్శ్‌నగర్‌లోని తెలంగాణ ఇంటి పార్టీ కార్యాలయంలో  ఏర్పాటుచేసిన విలేకరుల సమావేశంలో ఆయన మాట్లాడుతూ.. ప్రపంచాన్ని వణికిస్తున్న కోవిడ్‌ వైరస్‌ తెలంగాణను ఏమీ చేయలేకపోయింది కానీ ముఖ్యమంత్రి కేసీఆర్‌ మాత్రం ప్రజలందరినీ అణచివేస్తున్నారని ధ్వజమెత్తారు. ప్రజాస్వామ్య పునాదులపై ఏర్పడిన తెలంగాణ రాష్ట్రంలో నిరంకుశ పాలన కొనసాగుతోందని చెరుకు సుధాకర్‌ ఆరోపించారు.

లక్డీకాపూల్‌: తెలంగాణ జనసమితి, తెలంగాణ ఇంటి పార్టీలు ఐక్యతా రాగాన్ని ఆలపించాయి. రాష్ట్ర ప్రజల సమస్యలపై ఉమ్మడి పోరాటాన్ని కొనసాగించేందుకు ఉమ్మడిగా పోరాడతామని ఆయా పార్టీ అధినేతలు ప్రొఫెసర్‌ కోదండరాం, డాక్టర్‌ చెరుకు సుధాకర్‌ స్పష్టం చేశారు. శుక్రవారం సోమాజిగూడ ప్రెస్‌క్లబ్‌లో విలేకరుల సమావేశంలో ఉమ్మడి కార్యాచరణను ప్రకటించారు. తెలంగాణ ఉద్యమ ఆకాంక్షల సాధన, ఆత్మగౌరవంతో కూడిన అభివృద్ధి లక్ష్యాల కోసం తాము కలిసి పోరాడనున్నట్లు వెల్లడించారు. ఉద్యమకారులు, అట్టడుగు వర్గాలకు పాలన, నిర్ణయాధికారం ద్వారా అసమానతలు లేని తెలంగాణ దిశగా ఉద్యమించనున్నట్లు పేర్కొ న్నారు. ప్రస్తుత పరిస్థితుల్లో రాజకీయం కలుషితమైపోయిందని, ఎన్నికల్లో డబ్బే ప్రధానాంశంగా మారిందని కోదండరాం అన్నారు. ఈ తరుణంలో ఐక్యంగా ఉండాల్సిన అవసరాన్ని గుర్తిస్తూ ఇంటి పార్టీతో కలిసి పనిచేయాలని నిర్ణయించామన్నారు. చెరుకు సుధాకర్‌ మాట్లాడుతూ.. తమకు భేషజాలు లేవని, ఎవరితోనైనా కలిసి పనిచేస్తామ న్నారు. ప్రజాపక్షంగా సమస్యల పరిష్కారా నికి నిర్మాణాత్మక పాత్రను పోషించనున్నట్లు తెలిపారు. ఇందుకు టీజేఎస్, ఇంటి పార్టీ కలిసి పనిచేయాలని నిర్ణయించామన్నారు.

అర్ధ శతాబ్దంగా మందుల ధరలు, ప్రమాణాలు, క్లిని కల్‌ ట్రయల్స్, విపరిణామాలపై దుమారం రేగుతూనే ఉంది. 30 ఏళ్లుగా భారతీయ ఫార్మా ఇబ్బడి ముబ్బడిగా పెరుగుతూనే ఉంది. అప్పట్లో ఇంకా జనరిక్‌ మందుల ప్రయోగం, వాడకం మొదలు కాలేదు. ఎన్ని అవకతవకలకు పాల్పడినా మన దేశీకంపెనీలు పోటీతత్వం ఇంకా పలు కారణాలచేత నాణ్యతను, పోటీ వెలను సాధించి ప్రజలకు చికిత్స నోచుకోవడానికి కొంత సానుకూల వాతావరణాన్ని తీసుకొచ్చింది వాస్తవం. అవి బాగా లాభాలు సంపాదించిందీ వాస్తవం. ఇక్కడ, విదేశాల్లో జనరిక్, బ్రాండెడ్‌ వ్యాపారం చేసే సంస్థలు రాజకీయ వ్యవస్థనే ప్రభావితం చేసి పార్లమెంట్‌ను, ఇండియన్‌ డ్రగ్‌ కంట్రోలర్‌ జనరల్‌ను మచ్చిక చేసుకొని, దారికి తెచ్చుకున్నదీ వాస్తవమే. క్యాథరన్‌ ఇబాన్‌ రాసిన ‘బాటిల్‌ ఆఫ్‌ లైస్‌ : రాన్‌బాక్సీ ఆండ్‌ ది డార్క్‌ సైడ్‌ ఆఫ్‌ ఇండియన్‌ ఫార్మా’ అనే పుస్తకం ఆధారంగా సీనియర్‌ పాత్రికేయులు కరణ్‌ థాపర్‌ ‘జనరిక్‌ మందులు పనిచేస్తున్నాయా?’ పేరిట రాసిన సాక్షి ఎడిట్‌ పేజీ వ్యాసంలో అనేక ఆసక్తికర విషయాలు ఉన్నప్పటికీ, నాసిరకం, అంతులేని మోసపూరిత విధానాలు కేవలం జనరిక్‌ మందులకే కాదు దేశీ, విదేశీ బ్రాండెడ్‌ మందులకు కూడ అంతే వర్తిస్తాయి. మరి, అక్రమ లాభాలపై కొరడా ఝళిపించే ‘చౌకీదారులు’ ఏం చేస్తునట్లు? గత ఇరవై ఏళ్లలో దేశీ మార్కెట్‌ కంటే పేటెంట్‌ ముగి సిన మందులను మరో రసాయనిక క్రమంలో రూపొందించి విదేశీ జనరిక్‌ మార్కెట్లో అమ్మడం ద్వారా వేలవేల కోట్ల లాభాలను మన దేశీ కంపెనీలు ఆర్జించాయి. నిజమే రాన్‌బ్యాక్సీ, ఇతర కంపెనీలు ఇతర దేశాలకు ఉత్పత్తి చేసే జనరిక్‌ మందుల ప్రమాణాలను దేశీయ మార్కెట్‌లో పాటించకపోతే పాలకులది తప్పు కానీ జనరిక్‌ మందులది కాదు కదా!. ర్యాన్‌ బ్యాక్సీ మాజీ ఉద్యోగి దినేష్‌ టాకూర్‌ 2004లో చాలా విషయాలను, ఫార్మా కంపెనీల గోల్‌మాల్‌ను, ల్యాబరేటరీలు, వాటి నాణ్యతా పరీక్షల క్విడ్‌ప్రో గురించి చెప్పింది బ్రాండెడ్, జనరిక్‌ అన్ని మందుల గురించే. కరణ్‌ థాపర్‌ కాథరిన్‌ ఇబాన్‌ పుస్తకాన్ని తిరగేసినప్పుడు కనపడిన చీకటి కోణం... జనరిక్‌ మందులను అనుమానించడంతో సమాప్తమయ్యేది కాదు. సగటు భారతీయుడు ఖర్చుపెడుతున్న సరాసరి ఖర్చుల్లో సింహ భాగం ఈ ఆకలిగొన్న ఫార్మా లాభాల సింహమే మింగేస్తున్నప్పుడు అడిగే పాలక, ప్రతిపక్ష సభ్యులేరి? సంఘాలేవీ? ఇప్పుడు దేశంలో కొత్త పదం వాడుకలో ఉంది. అవి బ్రాండెడ్‌ జనరిక్స్‌ మందులను ప్రజలు కూడా నమ్మకంతో పెద్ద కంపెనీ మందులు అని అనుకుంటారు. కానీ చాల బ్రాండెడ్, జనరిక్స్‌ రేటు వాటి అసలు బ్రాండెడ్‌ మందుల కంటే ఎక్కువ. అంత మాత్రానికి ‘జనరిక్‌ వెర్షన్‌’ ఎందుకు? జనరిక్‌లో నాసిరకం ఉంటే బ్రాండెడ్‌ను ఏరికోరి తప్పక కొనే కుట్ర కూడా ఉందేమో? హార్వర్డ్‌ మెడికల్‌ స్కూల్‌ మెడిసిన్‌ హెడ్‌ ఫ్రొఫెసర్‌ నితీష్‌ చౌదరి జనరిక్‌ మందులు బ్రాండెడ్‌ మందులకంటే ఏ విధంగానూ తక్కువకాదని, చిన్న తేడాలు అంత ముఖ్యం కాదని, జనరిక్‌ మందులు చౌకగా అందుబాటులోకి వస్తే రోగి మందులు అర్ధం తరంగా కొనలేక ఆపివేసే ప్రమాదం తక్కువని, ఆరోగ్య వ్యవస్థపై జనరిక్‌ మందులది సానుకూల అంశమే అని ప్రకటించారు. ప్రజానుకూల నాయకుల ఒత్తిడి ప్రతిఫలంగానే యూపీఏ ప్రభుత్వ సమయంలో జన ఔషధీ కేంద్రాలను ప్రభుత్వ ఆసుపత్రుల్లో తెరచి, జనరిక్స్‌ను ప్రోత్సహించారు. కానీ వీటిని దేశి మార్కెట్‌లో బ్రాండెడ్‌ ధరలతో సమానంగా అమ్మడం, జనరిక్‌ మందుల నాణ్యతాప్రమాణాల మీద ప్రత్యేకంగా నిఘా పెట్టకపోవడంతో అతి పెద్ద తప్పుడు ఆచరణ కొనసాగింది. జనరిక్‌ మందులపై కొత్త భయాలను బ్రాండెడ్‌ మందుల మీద కొత్త భ్రమలను పెంచుకోవద్దని అంతా దొందూ... దొందే దోరణి కొనసాగుతుందని పై విషయాలు తెలియజేస్తాయి. ప్రజాస్వామ్యాన్ని, హక్కుల్ని కూడా మార్కెటింగ్‌ చేసుకునే దయనీయ స్థితిలో ఉన్న మన దేశంలో జనరిక్‌ మీద దాడి కంటే ఎట్లా గాడిలో పెట్టాలో కరణ్‌ థాపర్‌ సూచిస్తే బాగుండేది.  ఆరోగ్యవ్యవస్థలో అత్యంత సున్నితమైన అనేక అంశాల మీద తీవ్రమైన చర్చ జరగాల్సిన అవసరం ఉంది. జనరిక్‌ మందుల నాణ్యత మీద, నిఘా, ధరల విషయంలో నిర్దాక్షిణ్యంగా తగ్గించడం చేస్తే గాని ఈ దేశంలో, ఈ దశాబ్దంలో ఎన్నో ట్రిలియన్‌ డాలర్లు దేశ ప్రజలకు అమెరికాలోవలె పొదుపు కావు కదా! దయగల ప్రభువులు ప్రజల ఎడల ప్రేమ ఉన్న సంఘాలను, నిపుణులను పిలిచే ‘అచ్చేదిన్‌’ ఎప్పుడొస్తుందో అని ఎదురు చూడాల్సిందే. అప్పటిదాక జరిగే దందాలో మందుల కంపెనీలు, పాలకులు, దళారులు, క్లినికల్‌ ట్రయల్‌ ల్యాబ్‌లు, డాక్టర్లు, హాస్పిటల్స్, మందుల షాపులు అనివార్యంగా భాగస్వాములే. డా. చెరుకు సుధాకర్‌ వ్యాసకర్త రాజకీయ కార్యకర్త, వైద్యులు  మొబైల్‌: 98484 72329

సూర్యాపేట: హుజూర్‌నగర్‌ అసెంబ్లీ స్థానానికి త్వరలో జరగనున్న ఉపఎన్నికల్లో తెలంగాణ ఇంటి పార్టీ పోటీలో ఉంటుందని ఆ పార్టీ వ్యవస్థాపక అధ్యక్షుడు చెరుకు సుధాకర్‌ అన్నారు. ఆదివారం సూర్యాపేట జిల్లా కేంద్రంలోని పబ్లిక్‌ క్లబ్‌లో జరిగిన పార్టీ ద్వితీయ ఆవిర్భావ సభలో ఆయన మాట్లాడారు. నల్లగొండ ఎంపీగా గెలిచిన ఉత్తమ్‌కుమార్‌రెడ్డి హుజూర్‌నగర్‌ అసెంబ్లీ స్థానానికి త్వరలోనే రాజీనామా చేస్తారన్న సమాచారం ఉందన్నారు. ఇటీవల జరిగిన అసెంబ్లీ ఎన్నికల పొత్తులో భాగంగా ఇంటి పార్టీకి ఒక అసెంబ్లీ స్థానం కేటాయిస్తామని కాంగ్రెస్‌ మాటిచ్చిందని, అనివార్య కారణాలతో ఇవ్వలేకపోయిందని గుర్తుచేశారు. అయినప్పటికీ అసెంబ్లీ ఎన్నికల్లో మహాకూటమి గెలుపు కోసం, కాంగ్రెస్‌ ఎంపీ అభ్యర్థుల గెలుపు కోసం ఇంటి పార్టీ కృషి చేసిందన్నారు. కాంగ్రెస్‌ పార్టీ పొత్తు ధర్మాన్ని పాటించి హుజూర్‌నగర్‌కు జరిగే ఉప ఎన్నికల్లో తమకు అవకాశం కల్పించాలని కోరారు. 

సాక్షి, హైదరాబాద్‌: తెలంగాణపై సీమాంధ్ర రాజకీయ నేతల వెకిలిచేష్టలు చూస్తుంటే బాధేస్తోందని తెలంగాణ ఇంటి పార్టీ అధ్యక్షుడు డాక్టర్‌ చెరుకు సుధాకర్‌ అన్నారు. ప్రగతిభవన్‌ నుంచి డబ్బులు ఏపీకి పంపారని, హైదరాబాద్‌లో సీమాంధ్ర ప్రజలను కొడుతున్నారనడం ఆశ్చర్యం కలిగిస్తోందన్నారు. మంగళవారం ఇక్కడి ఇంటి పార్టీ రాష్ట్ర కార్యాలయంలో జరిగిన విలేకరుల సమావేశంలో సుధాకర్‌ మాట్లాడారు. తెలంగాణ, ఏపీ ప్రజల మధ్య చిచ్చుపెట్టొద్దని సినీనటుడు, జనసేన అధినేత పవన్‌ కల్యాణ్‌కు హితవు పలికారు. పవర్‌స్టార్‌ జోకర్‌ స్టార్‌ కావొద్దని సూచించారు. తెలంగాణలో ఉన్న చంద్రబాబు, పవన్, బండ్ల గణేశ్, బెల్లంకొండ ఆస్తులపై ఏనాడైనా దాడి జరిగిందా.. అని ప్రశ్నించారు. తెలంగాణలో ఉన్న ఇంజనీర్లను, ఔట్‌ సోర్సింగ్‌ ఉద్యోగులను కాదని కాళేశ్వరం ప్రాజెక్టును సీమాంధ్ర కాంట్రాక్టర్లు చేపట్టిన విషయం ఈ నేతలకు తెలియదా.. అని ప్రశ్నించారు. కట్టుబట్టలతో తెలంగాణ నుంచి తరిమికొట్టారని చంద్రబాబు అనడం తగదన్నారు. ఇలాంటి వ్యాఖ్యలపై కేసీఆర్‌ స్పందించకపోవడం ఏమిటని ఆయన ప్రశ్నించారు. ప్రత్యేక హోదా కోసం ఏ పార్టీ పోరాడినా తమ పార్టీ మద్దతు ఇస్తుందని స్పష్టం చేశారు. కొట్లాడి తెచ్చుకున్న తెలంగాణను సీమాంధ్ర పెట్టుబడిదారుల చేతుల్లో పెట్టడాన్ని జిమ్మేదార్‌ అంటారా.. అని కేటీఆర్‌ మాటలను ఎద్దేవా చేశారు. మిగులు బడ్జెట్‌ ఉన్న తెలంగాణను రూ.2 లక్షల కోట్ల అప్పుల్లోకి నెట్టారన్నారు. కేసీఆర్‌ కూతురు, ఎంపీ కవిత పోటీ చేస్తున్న నిజామాబాద్‌లో 240 మందికిపైగా పోటీ చేయడంతోనే కేసీఆర్‌ పరువు గంగలో కలిసిపోయిందన్నారు. ప్రజల ఆకాంక్షలకు అనుగుణంగా పనిచేయాలని, లేకుంటే ఇలానే జరుగుతుందన్నారు. దేశం మొత్తం వీవీ ప్యాడ్లను లెక్కించాలని డిమాండ్‌ చేశారు. తెలంగాణలో కాంగ్రెస్‌ పార్టీకి మద్దతు ఇస్తుందని తెలిపారు.   

సాక్షి, హైదరాబాద్‌: తెలంగాణపై సీమాంధ్ర రాజకీయ నేతల వెకిలిచేష్టలు చూస్తుంటే బాధేస్తోందని తెలంగాణ ఇంటి పార్టీ అధ్యక్షుడు డాక్టర్‌ చెరుకు సుధాకర్‌ అన్నారు. ప్రగతిభవన్‌ నుంచి డబ్బులు ఏపీకి పంపారని, హైదరాబాద్‌లో సీమాంధ్ర ప్రజలను కొడుతున్నారనడం ఆశ్చర్యం కలిగిస్తోందన్నారు. మంగళవారం ఇక్కడి ఇంటి పార్టీ రాష్ట్ర కార్యాలయంలో జరిగిన విలేకరుల సమావేశంలో సుధాకర్‌ మాట్లాడారు. తెలంగాణ, ఏపీ ప్రజల మధ్య చిచ్చుపెట్టొద్దని సినీనటుడు, జనసేన అధినేత పవన్‌ కల్యాణ్‌కు హితవు పలికారు. పవర్‌స్టార్‌ జోకర్‌ స్టార్‌ కావొద్దని సూచించారు. తెలంగాణలో ఉన్న చంద్రబాబు, పవన్, బండ్ల గణేశ్, బెల్లంకొండ ఆస్తులపై ఏనాడైనా దాడి జరిగిందా.. అని ప్రశ్నించారు. తెలంగాణలో ఉన్న ఇంజనీర్లను, ఔట్‌ సోర్సింగ్‌ ఉద్యోగులను కాదని కాళేశ్వరం ప్రాజెక్టును సీమాంధ్ర కాంట్రాక్టర్లు చేపట్టిన విషయం ఈ నేతలకు తెలియదా.. అని ప్రశ్నించారు. కట్టుబట్టలతో తెలంగాణ నుంచి తరిమికొట్టారని చంద్రబాబు అనడం తగదన్నారు. ఇలాంటి వ్యాఖ్యలపై కేసీఆర్‌ స్పందించకపోవడం ఏమిటని ఆయన ప్రశ్నించారు. ప్రత్యేక హోదా కోసం ఏ పార్టీ పోరాడినా తమ పార్టీ మద్దతు ఇస్తుందని స్పష్టం చేశారు. కొట్లాడి తెచ్చుకున్న తెలంగాణను సీమాంధ్ర పెట్టుబడిదారుల చేతుల్లో పెట్టడాన్ని జిమ్మేదార్‌ అంటారా.. అని కేటీఆర్‌ మాటలను ఎద్దేవా చేశారు. మిగులు బడ్జెట్‌ ఉన్న తెలంగాణను రూ.2 లక్షల కోట్ల అప్పుల్లోకి నెట్టారన్నారు. కేసీఆర్‌ కూతురు, ఎంపీ కవిత పోటీ చేస్తున్న నిజామాబాద్‌లో 240 మందికిపైగా పోటీ చేయడంతోనే కేసీఆర్‌ పరువు గంగలో కలిసిపోయిందన్నారు. ప్రజల ఆకాంక్షలకు అనుగుణంగా పనిచేయాలని, లేకుంటే ఇలానే జరుగుతుందన్నారు. దేశం మొత్తం వీవీ ప్యాడ్లను లెక్కించాలని డిమాండ్‌ చేశారు. తెలంగాణలో కాంగ్రెస్‌ పార్టీకి మద్దతు ఇస్తుందని తెలిపారు.   

హైదరాబాద్‌: తెలంగాణ ముఖ్యమంత్రి కె.చంద్రశేఖర్‌రావు తన వైఫల్యాలను కప్పిపుచ్చుకోవడానికి పక్క రాష్ట్ర ముఖ్యమంత్రి చంద్రబాబు నాయుడిని లక్ష్యంగా చేసుకొని అసభ్యకర భాషలో విమర్శిస్తున్నారని తెలంగాణ ఇంటి పార్టీ రాష్ట్ర అధ్యక్షుడు డాక్టర్‌ చెరుకు సుధాకర్‌ అన్నారు. సుప్రీంకోర్టుకు బీసీ జనాభా లెక్కలు సమర్పించి రిజర్వేషన్లు ఖరారు చేసిన తరువాతే పంచాయతీ ఎన్నికలు నిర్వహించాలని ప్రభుత్వాన్ని డిమాండ్‌ చేశారు. సోమవారం ఇక్కడి ఆదర్శ్‌నగర్‌లోని ఆ పార్టీ రాష్ట్ర కార్యాలయంలో ఆయన మీడియాతో మాట్లాడారు. తెలంగాణలో తిరిగి అధికారంలోకి వచ్చిన కేసీఆర్‌ ద్వారా జరిగే మార్పులు ఏమీ ఉండవని పేర్కొన్నారు. అసెంబ్లీ ఎన్నికల్లో డబ్బు తీవ్ర ప్రభావం చూపిందన్నారు. తెలంగాణ అమరులు, ఉద్యమకారుల సంక్షేమం గురించి కేసీఆర్‌ ఒక్కమాట కూడా ఎందుకు మాట్లాడటంలేదని ప్రశ్నించారు. వివిధ పత్రికలు, చానెళ్లను చెప్పుచేతల్లో పెట్టుకోవాలనే ఉద్దేశంతో యాజమాన్యాలను బెదిరించడం అప్రజాస్వామికమన్నారు. సుధాకర్‌ సమక్షంలో తెలంగాణ జనసమితి రాష్ట్ర అధికార ప్రతినిధి కాసుల కృష్ణ ఇంటి పార్టీ కండువా కప్పుకున్నారు. రాష్ట్రంలో టీఆర్‌ఎస్‌కు ప్రత్యామ్నాయం ఇంటి పార్టీయేనని, అందుకే ఈ పార్టీలో చేరుతున్నానని కాసుల కృష్ణ తెలిపారు. సమావేశంలో ఇంటి పార్టీ రాష్ట్ర ప్రధాన కార్యదర్శి దొమ్మాట వెంకటేశ్వర్లు, బుర్ర శ్రీనివాస్‌గౌడ్, నేతలు కొమురయ్య, హరీశ్‌యాదవ్, తిరుపతి రెడ్డి తదితరులు పాల్గొన్నారు.    

సాక్షి, హైదరాబాద్‌ : ఆస్పత్రిలో చికిత్స పొందుతున్న తెలంగాణ ఇంటి పార్టీ అధ్యక్షుడు చెరుకు సుధాకర్‌ను టీజేఎస్‌ వ్యవస్థాపకులు, ప్రొఫెసర్‌ కోదండరాం బుధవారం పరామర్శించారు. లివర్‌ ఇన్ఫెక్షన్‌తో బాధపడుతున్న సుధాకర్‌ ఆరోగ్య వివరాలను ఆయన అడిగి తెలుసుకున్నారు. అనంతరం మీడియాతో మాట్లాడుతూ... తెలంగాణ ఉద్యమంలో ఇద్దరం కలిసి పని చేశామన్నారు. మహాకూటమిలో ఒక సీటు వెనక్కి తీసుకున్నప్పటికీ, సుధాకర్‌ కూటమి విజయాన్ని ఆకాంక్షిస్తున్నారని పేర్కొన్నారు. మరో మూడు రోజుల్లో ఆయన ఆరోగ్యం కుదుటపడుతుందని వైద్యులు చెప్పినట్లు తెలిపారు. మహాకూటమి గెలుపు కోసం తన వంతు కృషి చేస్తానని సుధాకర్‌ తనకు మాట ఇచ్చారని.. దేవుడి దయ వల్ల త్వరగా కోలుకుని మాటను నిలబెట్టుకుంటారని ఆశిస్తున్నానన్నారు. కాగా తెలంగాణ ఇంటి పార్టీకి ఒక సీటు కేటాయిస్తామని హామీనిచ్చిన కాంగ్రెస్‌ పెద్దలు మాట తప్పారని ఆ పార్టీ అధ్యక్షుడు చెరుకు సుధాకర్‌ విమర్శించిన విషయం తెలిసిందే. ఈ నేపథ్యంలో స్వతంత్రంగానే ఎన్నికల బరిలోకి దిగేందుకు సిద్ధమయ్యారు కూడా. ఇందులో భాగంగానే 21మంది అభ్యర్థులతో కూడిన తొలి జాబితాను ఆ పార్టీ చెరుకు సుధాకర్‌ గత బుధవారం విడుదల చేశారు. అంతేకాకుండా తమ పార్టీ తరపున మొత్తం 52 మందిని బరిలోకి దింపుతామని వెల్లడించారు. ఆ తర్వాత జరిగిన పరిణామాల నేపథ్యంలో తాను మహాకూటమికి వ్యతిరేకం కాదని, త్వరలోనే మహాకూటమి తరఫున ప్రచారం చేస్తానని ఆయన స్పష్టం చేశారు.

సాక్షి, హైదరాబాద్‌: తాము మహాకూటమికి వ్యతిరేకం కాదని, త్వరలోనే మహాకూటమి తరఫున ప్రచారం చేస్తామని తెలంగాణ ఇంటి పార్టీ స్పష్టం చేసింది. ఈ మేరకు సోమవారం ఆ పార్టీ అధ్యక్షుడు చెరుకు సుధాకర్‌ ఒక ప్రకటన విడుదల చేశారు. కాంగ్రెస్‌ అధిష్టానం చెప్పిన సోషల్‌ ఇంజనీరింగ్‌ అమలు జరగటం లేదన్నదే తమ ఆవేదన అని తెలిపారు. తెలంగాణ ఇచ్చిన కాంగ్రెస్‌ అధికారంలోకి రావాలనే కూటమి ప్రతిపాదన పెట్టామని పేర్కొన్నారు. చాలామంది పోటీపడ్డా.. ఆర్‌.కృష్ణయ్యకు మిర్యాలగూడ టికెట్‌ ఇవ్వడం చాలా సంతోషకరమని అన్నారు. అదే చొరవ తమ విషయంలోనూ చూపించి ఉంటే బాగుండేదని ఆయన అభిప్రాయపడ్డారు. మహాకూటమిలో జరిగిన పరిణా మాలపై తాము తెలిపిన నిరసన ఉత్తమ్‌ మీదనో మరెవరి మీదనో కాదని వివరణ ఇచ్చారు. కృష్ణయ్య, కాసాని జ్ఞానేశ్వర్‌ని కూటమిలో చేర్చుకోవడం ఆహ్వానించదగ్గ పరిణామమని అన్నారు. ఆరోగ్యం బాగలేక హాస్పిటల్లో ఉన్నానని, ఆరోగ్యం మెరుగయ్యాక కూటమి తరుఫున ప్రచారం చెయ్యడానికి సిద్ధంగా ఉన్నామని స్పష్టం చేశారు. 

హైదరాబాద్‌: తెలంగాణ ఉద్యమకారులను కాంగ్రెస్‌ పార్టీ విస్మరించిందని తెలంగాణ ఇంటి పార్టీ అధ్యక్షుడు చెరుకు సుధాకర్‌ ఆరోపించారు. బుధవారం నాంపల్లిలోని గన్‌పార్కు వద్ద కాంగ్రెస్‌ వైఖరి పట్ల ఆయన నిరసన వ్యక్తం చేశారు. ఈ సందర్భంగా ఆయన మాట్లాడుతూ.. టీడీపీ కనుసన్నల్లోనే మహా కూటమి అభ్యర్థులను ఎంపిక చేస్తున్నారని ధ్వజమెత్తారు. అమరావతి నుంచి కూటమి రాజకీయాలు నడిపిస్తే ఉద్యమకారుల భవిష్యత్‌ ఏమిటని ప్రశ్నిం చారు. బీసీలకు తీరని అన్యాయం చేశారని దుయ్యబట్టారు. పెద్దిరెడ్డి, పొన్నాల వంటి నాయకులకు సీట్లు నిరాకరించారని, విద్యార్థి నాయకులను సైతం పిలవలేదని విమర్శించారు. ఈ ఎన్నికల్లో తెలంగాణ ఇంటి పార్టీ నుంచి 30 స్థానాల్లో బలమైన అభ్యర్థులను పోటీకి దించుతున్నట్లు తెలిపారు. హుజూర్‌నగర్‌ నుంచి తాను పోటీ చేస్తానని పేర్కొన్నారు. త్వరలో భవిష్యత్‌ కార్యాచరణ.. అమరవీరుల ఆకాంక్షలకు అనుగుణంగా పనిచేస్తామన్న ప్రొఫెసర్‌ కోదండరాం ఇది నీకు భావ్యమా అని చెరుకు సుధాకర్‌ ప్రశ్నించారు. బీసీలు ఢిల్లీ గల్లీ ల్లో టికెట్ల కోసం బిచ్చగాళ్లుగా తిరుగుతున్నారన్నా రు. మంద కృష్ణమాదిగ, గద్దర్, ఆర్‌.కృష్ణయ్య వంటి నాయకులు ఎక్కడున్నారని నిలదీశారు. మనందరం కలిసి ఎందుకు ప్రత్యామ్నాయం కాకూడదని ప్రశ్నిం చారు. త్వరలోనే అందరితో సమావేశమై భవిష్యత్‌ కార్యాచరణను ప్రకటిస్తామని తెలిపారు.  

సాక్షి, హైదరాబాద్ : మహాకూటమిలో తెలంగాణ ఇంటి పార్టీకి చోటు లభించకపోవడంతో స్వతంత్రంగానే ఎన్నికల బరిలోకి దిగేందుకు ఆ పార్టీ సిద్ధమైంది. ఇందులో భాగంగానే 21మంది అభ్యర్థులతో కూడిన తొలి జాబితాను ఆ పార్టీ అధ్యక్షుడు చెరుకు సుధాకర్‌ బుధవారం విడుదల చేశారు. ఈ సందర్భంగా ఆదర్శ్‌నగర్‌లోని పార్టీ కార్యాలయంలో ఆయన మాట్లాడుతూ.. మహాకూటమిలో టీడీపీ ఆధిపత్యం, పార్టీల మధ్య సమన్వయం లేకపోవడం వల్ల అనేక మంది సీనియర్‌ నాయకులకు అన్యాయం జరుగుతోందని ఆవేదన వ్యక్తం చేశారు. తెలంగాణ ఇంటి పార్టీకి ఒక సీటు కేటాయిస్తామని హామీనిచ్చిన కాంగ్రెస్‌ పెద్దలు మాట తప్పారని విమర్శించారు. సీటు ఇస్తానని ఢిల్లీ పిలిపించుకొని అవమానించారని మండిపడ్డారు. తెలంగాణ ఇంటిపార్టీ తరపున మొత్తం 52 మందిని బరిలోకి దింపుతామని వెల్లడించారు. రెండో జాబితాను కూడా త్వరలోనే ప్రకటిస్తామన్నారు. కాగా, హుజుర్‌నగర్‌ నుంచి చెరుకు సుధాకర్‌, నకిరేకల్‌ నియోజకవర్గం నుంచి ఆయన భార్య చెరుకు లక్ష్మీ ఇంటిపార్టీ తరపున పోటీ చేయనున్నారు.

సాక్షి, న్యూఢిల్లీ: తమకు ఒక సీటు కేటాయిస్తామని హామీ ఇచ్చి ఢిల్లీ పిలిపించిన కాంగ్రెస్‌ పెద్దలు.. సీటు ఇవ్వకుండా అవమానించారని తెలంగాణ ఇంటి పార్టీ అధ్యక్షుడు చెరుకు సుధాకర్‌ మండిపడ్డారు. మంగళవారం ఆయన ఢిల్లీలో మీడియాతో మాట్లాడుతూ.. కూటమి పొత్తులో భాగంగా ఒక సీటు ఇస్తామని చెప్పిన కాంగ్రెస్‌ రాష్ట్ర ఇన్‌చార్జి కుంతియా ఇప్పుడు మొహం చాటేసి కనీసం పట్టించుకోవడం లేదని ఆరోపించారు. కాంగ్రెస్‌ పార్టీ తమను ఢిల్లీకి పిలిపించి సీటు ఇవ్వకుండా అవమానించడంలో ఉన్న ఆంతర్యం ఏంటని ఆయన ప్రశ్నించారు.  నేడు ఎన్నికల కార్యాచరణ.. సాక్షి, హైదరాబాద్‌: ఎన్నికల్లో పోటీపై ఇంటి పార్టీ బుధవారం కార్యాచరణను ప్రకటించనుంది. ఉదయం 11 గంటలకు హైదరాబాద్‌ లోని అమరవీరుల స్థూపం వద్ద నివాళులు అర్పించిన అనంతరం పార్టీ అధ్యక్షుడు చెరుకు సుధాకర్, పార్టీ నేత యెన్నం శ్రీనివాస్‌రెడ్డి తమ భవిష్యత్‌ కార్యాచరణ ప్రకటించనున్నారు. టీఆర్‌ఎస్, మహాకూటమి పార్టీల్లో టికెట్‌ ఆశించి భంగపడ్డ 52 మంది నేతలతో ఈ ఎన్నికల్లో పోటీలో నిలిచే అవకాశాలున్నాయి.

హైదరాబాద్‌: టీఆర్‌ఎస్‌ అధినేత, సీఎం కేసీఆర్‌ కుటుంబ పాలనకు చరమగీతం పాడి సామాజిక తెలంగాణను నిర్మించుకునేదిశగా బడుగు, బలహీన వర్గాలు ఏకమై ముందుకు సాగాలని సామాజిక తెలంగాణ ఓబీసీ జేఏసీ కన్వీనర్‌ కస్తూరి జయప్రసాద్‌ పిలుపునిచ్చారు. ఆదివారం హిమాయత్‌నగర్‌లోని బీసీ సాధికారత భవన్‌లో జయప్రసాద్‌ అధ్యక్షతన సామాజిక తెలంగాణ ఓబీసీ జేఏసీ సమావేశం జరిగింది. కార్యక్రమంలో తెలంగాణ ఇంటి పార్టీ అధ్యక్షుడు డాక్టర్‌ చెరుకు సుధాకర్, తెలంగాణ జన సమితి ఉపాధ్యక్షుడు ప్రొఫెసర్‌ పి.ఎల్‌.విశ్వేశ్వర్‌రావు, తెలంగాణ మున్నూరుకాపు మహాసభ రాష్ట్ర అధ్యక్షుడు డాక్టర్‌ కొండ దేవయ్య తదితరులు పాల్గొన్నారు. సుధాకర్, విశ్వేశ్వర్‌రావు, దేవయ్య మాట్లాడుతూ ప్రజాధనంతో ప్రగతిభవన్‌ను నిర్మించుకొని ప్రజలను కలవని ముఖ్యమంత్రి, ప్రజాదర్బార్‌ను నిర్వహించని ముఖ్యమంత్రి కేసీఆర్‌ అని, నాలుగున్నర సంవత్సరాల్లో ఏనాడూ సచివాలయానికి వెళ్లకపోవడం ఆయన దొరతనానికి నిదర్శనమని అన్నారు. 52 శాతానికిపైగా ఉన్న బీసీలకు టీఆర్‌ఎస్‌ అధినేత కేవలం 21 సీట్లు కేటాయించి ఈ వర్గాలను అవమానించారని ఆవేదన వ్యక్తం చేశారు. ఉద్యమంలో ముందువరుసలో ఉన్న విద్యార్థులను, నిరుద్యోగులను, కళాకారులను నిర్లక్ష్యం చేసిన ఘనత కేసీఆర్‌దేనన్నారు. జనాభాలో సగభాగమున్న మహిళలను గౌరవించి రాజకీయ సాధికారత వైపు నడిపించాల్సింది పోయి మంత్రివర్గంలో ఒక్క మహిళను కూడా తీసుకోకుండా నిర్లక్ష్యం చేశారన్నారు. 

హైదరాబాద్‌: ముందస్తు ఎన్నికలపై టీఆర్‌ఎస్‌ అధినేత, సీఎం కేసీఆర్‌ మైండ్‌గేమ్‌కు ధీటుగా మహాకూటమిలో వేగం, సమన్వయం ఉండాలని తెలంగాణ ఇంటి పార్టీ అధ్యక్షుడు డాక్టర్‌ చెరుకు సుధాకర్‌ అన్నారు. కొందరే లబ్ధి పొందాలనే వైఖరితో ఉంటే కూటమి దెబ్బతింటుందని హెచ్చరించారు. మహాకూటమి ఆచరణ, ప్రణాళికలు రూపొందించేందుకు కాంగ్రెస్‌ పార్టీ ముఖ్యులు గోల్కొండ హోటల్‌కు తమను పిలిచారని, ఆ తర్వాత ఉలుకూపలుకూలేదని, తాను ఫోన్లు చేసినా స్పందించడంలేదన్నారు. సీట్ల సర్దుబాటు విషయంలో సామాజికపార్టీ అయిన ఇంటి పార్టీని చిన్నచూపు చూస్తున్నదని ఆరోపించారు. కాం గ్రెస్‌ నుండి స్పందన రా కుంటే త్వరలోనే రాజకీయ ప్రత్యామ్నాయ ఏర్పాట్లకు సిద్ధమవుతామన్నారు. గురువారం ఇక్కడ విలేకరులతో మాట్లాడుతూ కేసీఆర్‌కు ప్రత్యామ్నాయంగా తెలంగాణ ఉద్యమకా రులు, తెలంగాణ రాష్ట్రాన్ని ఇచ్చిన కాంగ్రెస్‌ కలసి మహాకూటమిగా ఏర్పడాలని మొదట ప్రతిపాదించింది తెలంగాణ ఇంటి పార్టీ అని గుర్తుచేశారు. ఎన్నికలు వచ్చేసరికి కాంగ్రెస్‌కు తెలుగుదేశం పార్టీ దగ్గరైందని, కూటమి కావాలన్న ఇంటిపార్టీ దూరమైందని ఆయన ఆవేదన వ్యక్తం చేశారు.  

 సాక్షి ప్రతినిధి, సూర్యాపేట: ప్రజలు ఐదేళ్లు పాలించమని తీర్పు చెబితే సీఎం కేసీఆర్‌ వారి ఆకాంక్షలకు విరుద్ధంగా ముందస్తు ఎన్నికలకు వెళుతున్నారని, ఇది ఆయన వైఫల్యమేనని తెలంగాణ ఇంటిపార్టీ అధ్యక్షుడు చెరుకు సుధాకర్‌ విమర్శించారు. సోమవారం ఆయన సూర్యాపేటలో విలేకరులతో మాట్లాడుతూ, తెలంగాణ వాదులపై దాడులు చేసిన మహేందర్‌రెడ్డి, కడియం శ్రీహరి, తీగల కృష్ణారెడ్డి లాంటి వాళ్లను కేసీఆర్‌ టీఆర్‌ఎస్‌లో చేర్చుకున్నారన్నారు. కేజీ టు పీజీ విద్య మాటలకే పరిమితమైందన్నారు. రాష్ట్ర వ్యాప్తంగా ఐదు వేల పాఠశాలలను ఈ ప్రభుత్వం మూసివేసిందన్నారు. మహాకూటమిలో కాంగ్రెస్, ఉదమ్యకారుల అభిమానాన్ని చూరగొనేందుకు ఇచ్చిపుచ్చుకునే ధోరణితో ఉండాలన్నారు. అధికారం దక్కాలంటే ఆ పార్టీ కొన్ని సీట్లను సర్దుబాటు చేసుకోవాలని సూచించారు. 1969 ఉద్యమకారులకు ఉచిత ఆరోగ్య బీమా ఇచ్చి వారి కుటుంబాలను ఆదుకోవాలన్నారు. అలాగే తెలంగాణ ఉద్యమకారులకు జిల్లా కేంద్రం, హైదరాబాద్‌లలో ఇళ్ల స్థలాలు ఇవ్వాలన్నారు. కేసీఆర్, ఆయన కుటుంబ సభ్యులు పోటీచేసే చోట తెలంగాణ ఉద్యమంలో ముందు వరుసలో ఉన్న నాయకులను అభ్యర్థులుగా ప్రకటించాలన్నారు.  

సాక్షి, హైదరాబాద్‌: టీఆర్‌ఎస్‌ అధికారంలోకి రావడానికి కారణమైన తెలంగాణ సెంటిమెంటే ఈ ఎన్నికల్లో ఆ పార్టీని ఓడిస్తుందని తెలంగాణ ఇంటిపార్టీ అధ్యక్షుడు చెరుకు సుధాకర్‌ హెచ్చరించారు. మాజీ ఎమ్మెల్యే యెన్నం శ్రీనివాస్‌రెడ్డితో కలిసి బుధవారం విలేకరులతో మాట్లాడారు. ఉద్యమ ఆకాంక్షలకు భిన్నంగా మహాకూటమి కూర్పు ఉంటే ప్రజలు హర్షించరని వ్యాఖ్యానించారు. ఉద్యమకారులు, సామాజిక వర్గాలకు సముచిత స్థానం ఉంటేనే మహాకూటమి లేదా ప్రజాకూటమి విజయం సాధిస్తుందన్నారు. మహాకూటమి కూర్పులో అపసవ్యత ఉందని, కూటమి సారథ్యంలో తెలంగాణ ఉద్యమ శిఖరాలు, ముఖాలు లేవన్నారు. టీడీపీ ఈ కూటమి కూర్పులో ప్రధానం కావడం దేనికి సంకేతమని ప్రశ్నించారు. టీడీపీకి తెలంగాణలో బలం ఉంటే సెటిలర్లు ఎక్కువగా ఉన్న నియోజకవర్గాల్లోనే, హైదరాబాద్‌ పరిసరాల్లోనే ఎందుకు సీట్లు అడుగుతున్నారని ప్రశ్నించారు.    సమావేశంలో నరసింహగౌడ్, కుందూరి దేవేందర్‌రెడ్డి, రామేశ్వర్‌గౌడ్, శ్రీనివాస్‌గౌడ్, పరిగి రామన్న మాదిగ పాల్గొన్నారు. ‘నోటా సినిమాను అడ్డుకోండి’ సాక్షి, హైదరాబాద్‌: రాష్ట్రంలో ఎన్నికలు పూర్తయ్యేంత వరకు ‘నోటా’ సినిమాను విడుదల చేయకుండా ఆదేశాలివ్వాలని కోరుతూ హైకోర్టులో పిటిషన్‌ దాఖలైంది. ఓ పార్టీకి లబ్ధి చేకూర్చేలా రాజకీయ నేపథ్యంలో ఈ చిత్రాన్ని రూపొందించారని, అందువల్ల ఈ వ్యవహారంలో జోక్యం చేసుకోవాలని కోరుతూ ఉస్మానియా జేఏసీ నేత పున్నా కైలాశ్‌ నేత ఈ వ్యాజ్యాన్ని దాఖలు చేశారు. ఇందులో కేంద్ర సమాచార, ప్రసార మంత్రిత్వ శాఖ కార్యదర్శి, కేంద్ర ఎన్నికల కమిషనర్, రాష్ట్ర ప్రధాన ఎన్నికల అధికారి, సెంట్రల్‌ బోర్డ్‌ ఆఫ్‌ ఫిలిం సర్టిఫికేషన్‌ ప్రధాన పరిశీలనాధికారితో పాటు నోటా చిత్ర నిర్మాత కేఈ జ్ఞానవేల్‌ రాజాలను ప్రతివాదులుగా పేర్కొన్నారు. రానున్న ఎన్నికల్లో లబ్ధి పొందేందుకు నోటా, ఎన్‌టీఆర్‌ తదితర పేర్లతో సినిమాలు తీస్తున్నారన్నారు. దీనిపై గురువారం న్యాయమూర్తి జస్టిస్‌ ఎ.రాజశేఖర్‌రెడ్డి విచారణ జరిపే అవకాశం ఉంది.

హైదరాబాద్‌: మనుషుల అక్రమ రవాణా కేసులో కీలక పాత్రధారులుగా ఉన్న కేసీఆర్, హరీశ్‌రావు, కాశీపేట లింగయ్యలపై చర్యలేవని తెలంగాణ ఇంటిపార్టీ రాష్ట్ర అధ్యక్షుడు చెరుకు సుధాకర్‌ ప్రశ్నించారు. పద్నాలుగేళ్ల నాటి కేసును వెలికితీసి మాజీ ఎమ్మెల్యే జగ్గారెడ్డిని అరెస్ట్‌ చేయడం హర్షించదగ్గ అంశమేనని, కేసీఆర్‌పై ఉన్న అభియోగాలపై చట్టం మాట్లాడకపోవడం విడ్డూరంగా ఉందన్నారు. రాబోయే ఎన్నికల్లో గెలవాలన్న లక్ష్యంతో ప్రతిపక్ష నాయకులపై కేసులు బనాయించి కేసీఆర్‌ లొంగదీసుకునే ప్రయత్నం చేస్తున్నారన్నారు. బుధవారం ఇక్కడి తెలంగాణ ఇంటిపార్టీ రాష్ట్ర కార్యాలయంలో విలేకరులతో ఆయన మాట్లాడారు. ప్రభుత్వ నిర్లక్ష్యం కారణంగానే కొండగట్టు ప్రమాదం చోటుచేసుకుందన్నారు.  ఈ కార్యక్రమంలో పలువురు తెలంగాణ ఇంటిపార్టీ నాయకులు పాల్గొన్నారు.

హైదరాబాద్‌: కొట్లాడి సాధించుకున్న కొత్త రాష్ట్రంలో జీవితాలను త్యాగం చేసిన ఉద్యమకారులకు గుర్తింపు లేకుండా పోయిందని తెలంగాణ ఇంటి పార్టీ అధ్యక్షుడు డాక్టర్‌ చెరుకు సుధాకర్‌ ఆవేదన వ్యక్తం చేశారు. తెలంగాణ వ్యతిరేకులకు టీఆర్‌ఎస్‌ ప్రభుత్వం అగ్ర తాంబూలం ఇస్తోందంటూ శుక్రవారం గన్‌పార్కు వద్ద అమరవీరుల స్థూపాన్ని నీటితో శుద్ధి చేసి నివాళులర్పించారు. అనంతరం ఆయన మాట్లాడుతూ కొండా లక్ష్మణ్‌ బాపూజీ, ప్రొఫెసర్‌ కేశవరావు జాదవ్, మారోజు వీరన్న, గూడ అంజన్నలు తెలంగాణ రాష్ట్రం కోసం త్యాగాలు చేశారని గుర్తు చేశారు. ఇలాంటి మహనీయులను ప్రభుత్వం విస్మరించిందని, వీరి కుటుంబాలకు కనీస గుర్తింపు, గౌరవం లేకుండా పోయిందన్నారు. కార్యక్రమంలో తెలంగాణ బీసీ సంక్షేమ సంఘం అధ్యక్షుడు మేకపోతుల నరేందర్‌ గౌడ్, ఆ పార్టీ ప్రధాన కార్యదర్శి దొమ్మాట వెంకటేశ్, విద్యార్థి సంఘం అధ్యక్షుడు దేవరకొండ నరేశ్, సాంస్కృతిక సైన్యం రాష్ట్ర ప్రధాన కార్యదర్శి విష్ణు తదితరులు పాల్గొన్నారు.  

హైదరాబాద్‌: జనాభాలో సగానికిపైగా ఉన్న బీసీల హక్కులు, విద్య, ఉపాధి, ఆర్థిక, రాజకీయ రంగాల్లో రావాల్సిన వాటా సాధించేందుకు అన్ని కుల, బీసీ సంఘాలు, రాజకీయ పార్టీల బీసీ నేతలతో కలసి ఆగస్టు 12న హైదరాబాద్‌ నాంపల్లి ఎగ్జిబిషన్‌ గ్రౌండ్స్‌లో ‘బీసీ సాధికారత సభ’బహిరంగ సభ నిర్వహిస్తున్నట్లు ఆ సంఘం కన్వీనర్, తెలంగాణ ఇంటి పార్టీ అధ్యక్షుడు డాక్టర్‌ చెరుకు సుధాకర్‌ తెలిపారు. సభకు ముఖ్యఅతిథిగా కేంద్ర మాజీమంత్రి శరద్‌యాదవ్‌ హాజరుకానున్నట్లు చెప్పారు. సభ తర్వాత రాష్ట్రంలో రాజకీయ పరిణామాలు మారుతాయన్నారు. బుధవారం సోమాజిగూడ ప్రెస్‌క్లబ్‌లో విలేకరుల సమావేశంలో ఓయూ జేఏసీ వ్యవస్థాపక అధ్యక్షుడు రాజారాం యాదవ్, తెలంగాణ జన సమితి నాయకులు పి.ఎల్‌.విశ్వేశ్వర్‌రావు, యాదవ హక్కుల పోరాట సమితి జాతీయ అధ్యక్షుడు మేకల రాములు యాదవ్‌తో కలసి మాట్లాడారు. ప్రభుత్వాలు మారినా బీసీల తలరాతలు మారడంలేదని, ఇప్పటికీ అన్ని రంగాల్లో వెనకబడే ఉన్నారని ఆవేదన వ్యక్తం చేశారు. తెలంగాణ రాష్ట్రం ఏర్పడితే బతుకులు మారతాయనుకుంటే ఇంకా అధ్వానంగా తయారయ్యాయని, ఉమ్మడి రాష్ట్రంలో ఆయా కులాల ఫెడరేషన్లకు ప్రభుత్వాలు నిధులు కేటాయించేవని, ఇప్పుడు అదీలేదని ఆగ్రహం వ్యక్తం చేశారు. పార్టీలు, సిద్ధాంతాలను పక్కనబెట్టి తెలంగాణ ఉద్యమాన్ని నడిపినట్టుగా అదే స్ఫూర్తితో బీసీ ఉద్యమం తీసుకురావాలని పిలుపునిచ్చారు. ‘మనమెంతో మన వాటా అంత’అనే నినాదంతో ఉద్యమించాలని పిలుపునిచ్చారు. సభలో కర్ణాటక, రాజస్థాన్‌ మాజీ ముఖ్యమంత్రులు సిద్ధరామయ్య, అశోక్‌ గెహ్లాట్‌తోపాటు బీసీ మేధావులు పాల్గొంటారని తెలిపారు. సమావేశంలో రాష్ట్ర బీసీ సంక్షేమ సంఘం అధ్యక్షుడు మేకపోతుల నరేందర్‌ గౌడ్, సీపీఐ నాయకుడు బాలమల్లేష్, తెలంగాణ ఇంటి పార్టీ ప్రతినిధి దొమ్మాట వెంకటేశ్, వైద్య సత్యనారాయణ పాల్గొన్నారు. 

హైదరాబాద్‌: సామాజిక వర్గాలకు రాజ్యాధికారమే లక్ష్యంగా రానున్న ఎన్నికల్లో తమ పార్టీ వచ్చే ఎన్నికల్లో పోటీ చేస్తుం దని తెలంగాణ ఇంటి పార్టీ అధ్యక్షుడు చెరుకు సుధాకర్‌ అన్నారు.  బుధవారం ఇక్కడ సమావేశంలో ఆయన మాట్లాడుతూ బంగారు తెలంగాణ కోసమే మాజీ మంత్రి దానం నాగేందర్‌ను పార్టీలోకి తీసుకున్నామని సీఎం కేసీఆర్‌ అన డం హాస్యాస్పదం గా ఉందన్నా రు.  టీఆర్‌ఎస్‌లో ఉన్న ఉద్యమకారులు తమకు జరుగుతున్న అన్యాయంపై పోరాటం చేయాలన్నారు.  పార్టీలో చేరిన పలు వురికి సుధాకర్‌ సభ్యత్వమిచ్చి కండువా కప్పి పార్టీలోకి ఆహ్వానించారు.

సాక్షి, హైదరాబాద్‌: సామాజిక వర్గాలకు అధికారం– సకల జనాల సంక్షేమం, ఉద్యమకారులకు గౌరవం దక్కాలనే లక్ష్యంతో ఆవిర్భవించిన తెలంగాణ ఇంటి పార్టీ మొదటి వార్షికోత్సవానికి సిద్ధమైంది. శనివారం నల్లగొండ పట్టణంలో భారీఎత్తున వేడుకలు నిర్వహించేందుకు ఏర్పాట్లు చేస్తోంది. ఈ సందర్భంగా ఆ పార్టీ అధ్యక్షుడు చెరుకు సుధాకర్‌ ‘సాక్షి’తో మాట్లాడారు. దళితున్ని ముఖ్యమంత్రి చేస్తానని, దళితులకు మూడెకరాల భూమి ఇస్తామని హామీ ఇచ్చి అధికారంలోకి వచ్చి న కేసీఆర్‌ దళిత ఉద్యమాలను అణచివేస్తున్నారని అన్నారు. దళితుల భూములను ప్రభుత్వం గుంజుకొని దౌర్జన్యం చేస్తోందని ఆరోపించారు. ఆంధ్రా కార్పొరేట్‌ శక్తులకు అమ్ముడుపోయిన వేళ.. ఇంటికో ఉద్యోగమని చెప్పి నిరుద్యోగులను మోసం చూస్తున్న వేళ.. ఉద్యమ, సామాజికశక్తులను సంఘటితం చేస్తూ 2017 జూన్‌ 2న తెలంగాణ ఇంటి పార్టీ ఆవిర్భవించిందని చెప్పారు. మల్లన్నసాగర్, నేరెళ్ల సంఘటన, ఆడబిడ్డల ఆర్తనాదాలు, రైతుల జీవన్మరణ పోరాటాలు, సమస్య ఎక్కడున్నా అక్కడ చిలకపచ్చ తెలంగాణ ఇంటి పార్టీ జెండా ఎగిరిందని అన్నారు. తెలంగాణ అమర గాయకుడు గూడ అంజన్న సంస్మరణ సభ పెట్టే తీరికలేని ప్రభుత్వాల తీరు ను తెలంగాణ ఇంటి పార్టీ ఎండగట్టిందని చెప్పారు.   సబ్బండ వర్ణాల ఆశల సింగిడి...  సబ్బండ వర్ణాల ఆశల సింగిడిగా ఇవాళ తెలంగాణ ఇంటి పార్టీ ఎదిగిందని, మట్టి నేల మీద వెట్టి బతుకుల మధ్య పరుచుకున్న వెచ్చని బొంత లాంటి ఒక సెంటిమెంటు, ఒక కమిట్‌మెంట్, ఒక ఆచరణాత్మక డాక్యుమెంటు ఇంటి పార్టీ అని సుధాకర్‌ పేర్కొన్నారు. సకల జనుల పోరాటాల్లో ఎదిగిన ఉద్యమ జేఏసీలకు, కుల సంఘాల నేతలకు, వివిధ పార్టీల్లో నష్టపోయి కష్టపడిన ఉద్యమబిడ్డలను తెలంగాణ ఇంటి పార్టీ సాదరంగా ఆహ్వానిస్తోందని అన్నారు. కేసీఆర్‌ తన నాలుగేళ్ల పాలనలో ప్రజావ్యతిరేక నిర్ణయాలతో సకల వ్యవస్థలను భ్రష్టు పట్టించారని, ప్రతికా ప్రకటనలకు, పనికిరాని రీడిజైనింగ్‌ పనులతో వేలాది కోట్ల రూపాయల ప్రజాధనాన్ని వృథా చేశారని ఆరోపించారు. ‘సాలు దొరో నీ పాలన– ఏలిన కాడికి సాలు’అనే యువతను పార్టీలోకి ఆహ్వానించి వారినే ఎన్నికల్లో అభ్యర్థులుగా నిలబెడతామని చెప్పారు. పార్టీని బలోపేతం చేయటం కోసం తెలంగాణ స్టూడెంట్‌ యూనియన్‌(టీఎస్‌యూ), యూత్‌ వింగ్, లీగల్‌ సెల్, తెలంగాణ సాంస్కృతిక సైన్యం ఏర్పాటు చేశామన్నారు. 

నల్లగొండ రూరల్‌: ప్రొఫెసర్‌ కోదండరాం జన సమితి పార్టీని ఎవరి కోసం పెట్టారని తెలంగాణ ఇంటి పార్టీ రాష్ట్ర అధ్యక్షుడు చెరుకు సుధాకర్‌  ప్రశ్నించారు. శనివారం ఆయన స్థానిక పార్టీ కార్యాలయంలో విలేకరులతో మాట్లాడుతూ, కార్పొరేట్‌ సం స్థల నుంచి విరాళాలు తీసుకోమని ప్రకటించిన కోదండరాం సభ ఏర్పాట్లకు ఎక్కడి నుంచి నిధులు సమకూరాయని, జనసమితి వెనుక ఎవరున్నారని ప్రశ్నించారు. తెలంగాణ జనసమితితో కలసి పనిచేయక పోవ డానికి కోదండరాం నియంతృత్వ పోకడలే కారణమన్నారు. ఉద్యమ శక్తులు ఐక్యంగా ఉండాలని తాను పార్టీ ప్రకటించే రోజు గద్దర్, విమలక్క, చంద్రకుమార్‌లతో కలసి ముందుకు సాగానన్నారు. కేసీఆర్‌ తరహాలోనే కోదండరాం నియంతలా వ్యవహ రిస్తున్నారన్నారు. బీసీలకు పార్టీ కావాలని ఆర్‌.కృష్ణయ్య అనడంలో అర్థం లేదన్నారు.

సాక్షి, నల్గొండ : తెలంగాణ ప్రత్యేక రాష్ట్రం వచ్చాక ఉద్యమ ద్రోహులు ప్రభుత్వంలో కీలకంగా ఉన్నారని తెలంగాణ ఇంటి పార్టీ అధ్యక్షుడు చెరుకు సుధాకర్‌ అన్నారు. శనివారం నల్గొండలో మీడియాతో మాట్లాడిన ఆయన తెలంగాణ జన సమితి అద్యక్షుడు కోదండరాంపై తీవ్ర విమర్శలు చేశారు. ప్రజా సమస్యలపై కోదండరాం ముందుకు రావకపోవడంతోనే తెలంగాణ ఇంటి పార్టీని ఏర్పాటు చేసినట్లు తెలిపారు. సీఎం కేసీఆర్‌ ఎన్నికల ముందు దళితులకు ముఖ్యమంత్రి పదవి అంటూ ఇచ్చిన హామీ ఎటు పోయిందని చెరుకు ప్రశ్నించారు. కార్పోరేట్‌లకు వేల ఎకరాలు భూములు ఇస్తుంటే దళితులకు మూడెకరాల భూమి ఏమైందని కోదండరాం ఎందుకు ప్రశ్నించలేదని నిలదీశారు. తెలంగాణలో ఉద్యమ శక్తుల ఐక్యత పోవద్దని కోదండరాంకు చెప్పినా తన మాటను పట్టించుకోలేదన్నారు. తెలంగాణ ఇంటి పార్టీ, తెలంగాణ జన సమితి కలిసి పార్టీ ఏర్పాటు అయితే సామాజిక న్యాయం జరిగేదని అన్నారు. తమ పార్టీని విలీనం చేస్తే వర్కింగ్‌ ప్రెసిడెంట్‌ పదవి అడిగినా కోదండరాం నుంచి సమాధానం రాలేదని చెరుకు సుధాకర్‌ తెలిపారు. కోదండరాం ఒంటెద్దు పోకడలతోనే కొత్త పార్టీలు వచ్చాయని విమర్శించారు. మీరు పెట్టపోయే పార్టీ ఎవరికోసం, పార్టీ పెట్టడానికి వనరులు ఎక్కడివి ? మీ వెనుక ఎవరు ఉన్నారు ? ఎవరికి లబ్ధి చేకూర్చడానికి పార్టీ పెట్టారో సమాధానం చెప్పాలంటూ కోదండరాంను చెరుకు సుధాకర్‌ ప్రశ్నించారు.

సాక్షి, హైదరాబాద్‌ : బడుగు బలహీన వర్గాలకు రాజ్యాధికారం, ఉద్యమకారుల గౌరవం కోసం తెలంగాణ ఇంటి పార్టీ పని చేస్తోందని ఇంటి పార్టీ రాష్ట్ర అధ్యక్షుడు డాక్టర్‌ చెరుకు సుధాకర్‌ తెలిపారు. తెలంగాణ జనసమితి పార్టీలో తమ పార్టీ విలీనం కావడం లేదని, ఈ విషయంలో ప్రొఫెసర్‌ కోదండరాంతో జరిగిన చర్చలు సఫలీకృతం కాలేదని వెల్లడించారు. సోమవారం ఆదర్శ్‌నగర్‌లోని తెలంగాణ ఇంటి పార్టీ కార్యాలయంలో విలేకరులతో చెరుకు సుధాకర్‌ మాట్లాడారు. సామాజిక తెలంగాణ లక్ష్యంగా స్థాపించిన తెలంగాణ జనసమితిలో అటువంటి సిద్ధాంతాలు కనిపించలేదన్నారు. కోదండరాం ఒంటెద్దు పోకడలతో ముందుకు వెళ్లడం బాధాకరమన్నారు. తెలంగాణ జన సమితిలో ఎస్సీ, ఎస్టీల వాటా ఎంత, ఉద్యమకారుల వాటా ఎంత అని స్పష్టంగా చెప్పకుండా కేసీఆర్‌ వ్యతిరేక కూటమి అంటూ చెప్పడం సరికాదన్నారు. తెలంగాణ జనసమితిలో బడుగు బలహీన వర్గాలు, ఉద్యమకారులకు గౌరవం ఉండటం కోసమే తాను వర్కిం గ్‌ ప్రెసిడెంట్‌ పదవిని అడిగినట్లు స్పష్టం చేశారు. ఈ విషయంలో కాంగ్రెస్‌లో ఉన్న కోమటిరెడ్డి రాజగోపాల్‌రెడ్డితో కోదండరాం బృందం చర్చలు జరిపిందని, కోమటì æరెడ్డిని వర్కింగ్‌ ప్రెసిడెంట్‌గా ఉండాలని కోరగా ఆయన తిరస్కరించినట్లు తెలిపారు.

నందిగామ(షాద్‌నగర్‌): షాద్‌నగర్‌ రాజకీయాల్లో తెలంగాణ ఇంటి పార్టీ త్వరలోనే నూతన ఒరవడి సృష్టిస్తుందని ఆ పార్టీ అధ్యక్షుడు చెరుకు సుధాకర్‌ అన్నారు. నందిగామకు చెందిన విద్యావేత్త ఎర్ర రామేశ్వర్‌గౌడ్‌ తన అనుచరులతో కలసి ఆదివారం షాద్‌నగర్‌లోని ఓ ఫంక్షన్‌హాల్‌లో సుధాకర్‌ సమక్షంలో తెలంగాణ ఇంటి పార్టీలో చేరారు. ఈ సందర్భంగా సుధాకర్‌ మాట్లాడుతూ తమ పార్టీ ప్రజల ఆంక్షలమేరకు పనిచేస్తుందని అన్నారు. అంతకుముందు కొత్తూరులో రామేశ్వర్‌గౌడ్‌ భారీ బైక్‌ర్యాలీ నిర్వహించారు. బైపాస్‌ చౌరస్తాలోని అంబేడ్కర్, తెలంగాణ తల్లి విగ్రహానికి పూలమాలలు వేసి నివాళులర్పించారు.

సాక్షి, హైదరాబాద్‌: ఎస్సీ వర్గీకరణపై సీఎం కేసీఆర్‌కు చిత్తశుద్ధి లేదని తెలంగాణ ఇంటి పార్టీ అధ్యక్షుడు చెరుకు సుధాకర్‌ అన్నారు. చెరుకు సుధాకర్‌తో ఎమ్మార్పీఎస్‌ వ్యవస్థాపక అధ్యక్షుడు మందకృష్ణ మాదిగ మంగళవారం భేటీ అయ్యారు. ఈ నెల 13న నిర్వహించ తలపెట్టిన బంద్‌కు మద్దతు కోసం సుధాకర్‌ను కలసి మందకృష్ణ వినతిపత్రం అందించారు. వర్గీకరణ కోసం జాతీయస్థాయిలో ఉద్యమాన్ని తీవ్రం చేయాలని చెరుకు సుధాకర్‌ అన్నారు. వర్గీకరణ కోసం జరుగుతున్న బంద్‌కు అన్ని పార్టీలు మద్దతు ఇవ్వాలని, ఇంటిపార్టీ సంపూర్ణ మద్దతు ఇస్తుందని ప్రకటించారు. ఫెడరల్‌ ఫ్రంట్‌ కోసం రాత్రికి రాత్రే ఇతర రాష్ట్ర నేతలకు ఫోన్లు చేసిన సీఎం కేసీఆర్‌.. వర్గీకరణ కోసం ఎందుకు చొరవ తీసుకోలేదని ప్రశ్నిం చారు. మార్చ్‌ 10న మిలియన్‌ మార్చ్‌ స్ఫూర్తి సభను నిర్వహిస్తామన్నారు. మార్చి 13న జరిగే బంద్‌కు అన్ని పార్టీలు, వర్గాలు మద్దతివ్వాలని మంద కృష్ణ కోరారు.

సాక్షి, హైదరాబాద్‌: తెలంగాణ ఉద్యమ సమయంలో చేపట్టిన మిలియన్‌ మార్చ్‌ స్ఫూర్తితో ఈ నెల 10న హైదరాబాద్‌లోని ట్యాంక్‌బండ్‌పై నిర్వహించే సభకు భారీగా తరలిరావాలని ప్రజలకు టీజేఏసీ చైర్మన్‌ కోదండరామ్‌ పిలుపునిచ్చారు. సభ నిర్వహణపై శనివారం ఇక్కడి మఖ్దూం భవన్‌లో జరిగిన సమావేశంలో ఆయన మాట్లాడుతూ తెలంగాణ ఉద్యమ ఆకాంక్షను రాష్ట్ర ప్రభుత్వం మర్చిపోయిందని విమర్శించారు. ఉద్యమ ఆకాంక్షను ప్రభుత్వానికి గుర్తుచేసేందుకే స్ఫూర్తి సభ నిర్వహిస్తున్నామన్నారు. ఈ నెల 10న మధ్యాహ్నం ఒంటి గంట నుంచి సాయంత్రం 4 గంటల వరకు కార్యక్రమం జరుగుతుందని, కార్యక్రమానికి ప్రభుత్వం అనుమతివ్వాలన్నారు. అనంతరం సీపీఐ రాష్ట్ర కార్యదర్శి చాడ వెంకట్‌రెడ్డి మాట్లాడుతూ ఉద్యమ ఆకాంక్షను ప్రభుత్వం నెరవేరుస్తుందని మూడేళ్లు ఎదురు చూశామని, కానీ వాటిని పట్టనట్లు ప్రభుత్వం వ్యవహరిస్తోందన్నారు. మిలియన్‌ మార్చ్‌ చారిత్రక ఘట్టమని, విద్యార్థులు ఉద్యమంలో దెబ్బలు తిని జైలు పాలయ్యారన్నారు. తెలంగాణ ఇంటి పార్టీ అధ్యక్షుడు చెరకు సుధాకర్‌ మాట్లాడుతూ మిలియన్‌ మార్చ్‌లో టీజేఏసీ పాత్ర మరువలేనిదన్నారు. జిల్లాల్లో మిలియన్‌ మార్చ్‌కు స్ఫూర్తిగా అమరుల విగ్రహాల వద్ద స్ఫూర్తి సభలు ఏర్పాటు చేస్తామన్నారు. టీఆర్‌ఎస్‌ కార్యకర్తలు కూడా స్ఫూర్తి సభలో పాల్గొన వచ్చన్నారు.

హైదరాబాద్‌: రాష్ట్రంలో విశ్వవిద్యాలయాలు, విద్య నిర్లక్ష్యానికి గురవుతున్నాయని తెలంగాణ ఇంటి పార్టీ రాష్ట్ర అధ్యక్షుడు డాక్టర్‌ చెరుకు సుధాకర్‌ అన్నారు. ఆదివారం ఇక్కడ ఉస్మానియా యూనివర్సిటీ లైబ్రరీలోని ఐసీఎస్‌ఎస్‌ఆర్‌ హాలులో ఇంటి పార్టీ అనుబంధ విద్యార్థి సంఘం తెలంగాణ స్టూడెంట్‌ యూనియన్‌(టీఎస్‌యూ) క్యాడర్‌ క్యాంప్‌ జరిగింది. కేజీ టు పీజీ ఉచితవిద్య, ఉపకార వేతనాలు, ఫీజు రీయింబర్స్‌మెంట్, ఉద్యోగాల భర్తీ వంటి సమస్యల పరిష్కా రంలో ప్రభుత్వం విఫలమైందన్నారు. ప్రభుత్వ మెడలు వంచైనా సమస్యల పరిష్కారానికి టీఎస్‌యూ నాయకులు కృషి చేయాలని పిలుపునిచ్చారు. రాష్ట్రంలో ఖాళీగా ఉన్న ఉద్యోగాల భర్తీకి జాబ్‌ క్యాలెండర్‌ విడుదల చేయాలన్నారు. నిరుద్యోగ భృతి ఇవ్వాలని, ఖాళీగా ఉన్న ఉద్యోగాలను భర్తీ చేయాలని, కాంట్రాక్టు ఉద్యోగులను పర్మనెంట్‌ చేయాలనే డిమాండ్లపై మార్చి 1 నుంచి ప్రగతి భవన్‌కు లక్ష పోస్టుకార్డుల ఉద్యమాన్ని ప్రారంభించనున్నట్లు చెప్పారు. నిర్బంధ విధానాలను మానుకొని రాష్ట్రంలో స్వేచ్ఛాయుత వాతావరణాన్ని నెలకొల్పాలని డిమాండ్‌ చేశారు. సామాజిక తెలంగాణ కోసం మరో ఉద్యమం చేయాల్సిన అవసరం ఆసన్నమైందన్నారు. కార్యక్రమంలో టీఎస్‌యూ రాష్ట్ర అధ్యక్షుడు కృష్ణమాదిగ, ప్రొఫెసర్‌ నర్సయ్య, టీఎస్‌యూ నాయకులు రాంచందర్, హరీశ్, వెంకట్, శేఖర్, నవీన్, విజయ్‌ పాల్గొన్నారు.

హైదరాబాద్‌: తెలంగాణ రాష్ట్ర సమితి తెలంగాణ ద్రోహుల పార్టీ అని తెలంగాణ ఇంటి పార్టీ అధినేత డాక్టర్‌ చెరుకు సుధాకర్‌ ఆరోపించారు. శుక్రవారం ఇక్కడ పలు విద్యార్థి సంఘాల నాయకులు తెలంగాణ ఇంటి పార్టీలో చేరారు. ఈ సందర్భంగా సుధాకర్‌ మాట్లాడుతూ మోదీ ప్రభుత్వం దక్షిణాది రాష్ట్రాలకు బడ్జెట్‌లో అన్యాయం చేసిందని అన్నారు. కేంద్ర ప్రభుత్వం బడ్జెట్‌ ప్రవేశపెట్టగానే ఎప్పుడూ హడావుడి చేసే తెలంగాణ సీఎం కేసీఆర్‌ నేడు ‘బెల్లంకొట్టిన రాయి’లా ఉన్నారని దుయ్యబట్టారు. తన అవినీతి మీద ప్రధాని మోదీ కొరడా ఝళిపిస్తారేమోనని కేసీఆర్‌ జంకుతున్నారని అన్నారు. అందుకే ఢిల్లీలో మోదీని ప్రసన్నం చేసుకునే ప్రయత్నంలో ఉన్నారని ధ్వజమెత్తారు. కేసీఆర్‌ అవినీతి మూటలను మోసినందుకు మరో కుటుంబ సభ్యుడు సంతోష్‌ కుమార్‌ను పెద్దల సభకు పంపేందుకు ప్రయత్నిస్తున్నారని ఆరోపించారు. తెలంగాణ ఉద్యమంలో కీలకంగా పనిచేసిన ఎంతోమంది మేధావులున్నా కేసీఆర్‌కు కనిపించడం లేదా అని ప్రశ్నించారు. మార్చిలో మే«ధావులతో సమావేశం నిర్వహించి భవిష్యత్తు కార్యాచరణపై చర్చిస్తామన్నారు. తెలంగాణ స్టూడెంట్స్‌ యూనియన్‌ వ్యవస్థాపక అ«ధ్యక్షుడు సందీప్‌ చమార్, తదితరులు తెలంగాణ ఇంటి పార్టీలో చేరారు. అనంతరం సందీప్‌ను పార్టీ రాష్ట్ర కార్యనిర్వాహక కార్యదర్శిగా నియమించారు. సమావేశంలో తెలంగాణ ఇంటి పార్టీ రాష్ట్ర ప్రధాన కార్యదర్శి దొమ్మాట వెంకటేశ్, నాయకులు ఇస్లావత్‌ బాలాజీ నాయక్, ప్రసాద్, దేవేందర్‌రెడ్డి, సంతోష్‌రెడ్డి, చంద్రకాంత్‌ పాల్గొన్నారు. 

హైదరాబాద్‌: వివిధ సమస్యలపై పోరాటం చేస్తున్న టీజేఏసీ చైర్మన్‌ కోదండరాం కేసీఆర్‌ వ్యతిరేక శక్తులను ఎందుకు కలుపుకోవడం లేదని తెలంగాణ ఇంటి పార్టీ రాష్ట్ర అధ్యక్షుడు డాక్టర్‌ చెరుకు సుధాకర్‌ ప్రశ్నించారు. గురువారం హైదరాబాద్‌లో విలేకరులతో ఆయన మాట్లాడుతూ రాష్ట్రంలో కేసీఆర్‌ నియంతృత్వానికి వ్యతిరేకంగా పోరాడేం దుకు ఉద్యమ శక్తుల పునరేకీకరణ జరగాలన్నారు. కోదండరాం నాయకత్వంలో పనిచేయడానికి తాము సిద్ధంగా ఉన్నామని, ఉద్యమ శక్తులను కలుపుకోకుండా ఆయన ఏం సాధించాలనుకుంటున్నారో స్పష్టం చేయాలన్నారు.

హైదరాబాద్‌: టీజేఏసీ చైర్మన్, ప్రొఫెసర్‌ కోదండరామ్‌ తెలంగాణ ఇంటి పార్టీ సారథ్యంలో ఏ పదవిలో ఉన్నా పార్టీ పరంగా తాము అంగీకరిస్తామని ఆ పార్టీ వ్యవస్థాపక అధ్యక్షుడు చెరుకు సుధాకర్‌ అన్నారు. సాంకేతికంగా లేదా ఇంకేమైనా అభ్యంతరాలున్నా పరిష్కరించుకుని అందరూ ఒకే పార్టీగా ప్రజల్లోకి వెళ్తే తెలంగాణ ఉద్యమ సామాజిక శక్తులు సంతో షిస్తాయన్నారు. మంగళవారం పార్టీ కార్యాలయంలో హైకోర్టుకు చెందిన 25 మంది అడ్వొకేట్స్‌ జక్కుల ఉమామహేశ్వరరావు ఆధ్వర్యంలో ఇంటి పార్టీలో చేరారు. కొత్తగా పార్టీలోకి చేరిన అడ్వొకేట్స్‌తో సెక్షన్‌ 506, 507లపై రౌండ్‌టేబుల్‌ సమావేశాన్ని నిర్వహించనున్నామన్నారు. బహుజన లెఫ్ట్‌ ఫ్రంట్‌ ఓట్ల చీలికకు దారితీయకుండా కాంగ్రెస్‌తో కలసి ఉండే కూటమిలోకి రావాలని సుధాకర్‌ కోరారు. 

హైదరాబాద్‌: ముఖ్యమంత్రి కేసీఆర్‌ కాళేశ్వరం చంద్రశేఖర్‌రావు కాదు.. కాళరాత్రి చంద్రశేఖర్‌రావు అని తెలంగాణ ఇంటి పార్టీ రాష్ట్ర అధ్యక్షుడు డాక్టర్‌ చెరుకు సుధాకర్‌ విమర్శించారు. త్వరలో రాష్ట్రవ్యాప్తంగా తిరగబడ్డ తెలంగాణ ధూంధాం కార్యక్రమాలను నిర్వహిస్తామని చెప్పారు. ఆదివారం ఇక్కడ తెలంగాణ సాంస్కృతిక సైన్యం రాష్ట్ర కన్వీనర్‌ గుండమల్ల శ్రీనివాస్‌ తెలంగాణ ఇంటి పార్టీలో చేరారు. సుధాకర్‌ మాట్లాడుతూ ‘సీఎం జాతీయ చానెల్‌ను పిలిపించుకొని గొప్పలు చెప్పుకోవడం కాదు, రాష్ట్రంలో బడుగు, బలహీనవర్గాల సమస్యలపై అదే చానెల్‌లో బహిరంగంగా చర్చించడానికి సిద్ధమా’అని సవాల్‌ విసిరారు. మంద కృష్ణమాదిగను అరెస్ట్‌ చేయడం అన్యాయమని, ఆయన విడుదలకై ఉద్యమ కార్యాచరణ ప్రకటిస్తామన్నారు. దళిత వ్యతిరేక ప్రభుత్వాన్ని పారదోలేందుకు ప్రతి ఒక్కరూ సిద్ధం కావాలని పిలుపునిచ్చారు. సామాజిక వర్గాల అధికారం, అభివృద్ధి కోసం కృషిచేసేవారితో కలసి పనిచేసేందుకు తాము సిద్ధమని ప్రకటించారు. ప్రభుత్వతీరును నిరసిస్తూ కళాకారులు చేపట్టే సాంస్కృతిక ప్రదర్శనలకు తమ మద్ధతు ఎప్పుడూ ఉంటుందన్నారు. కార్యక్రమంలో తెలంగాణ ఇంటి పార్టీ వ్యవస్థాపక సభ్యులు, మాజీ ఎమ్మెల్యే యెన్నం శ్రీనివాస్‌రెడ్డి, ప్రధాన కార్యదర్శి దొమ్మాట వెంకటేశ్, తెలంగాణ స్టూడెంట్స్‌ యూనియన్‌ వ్యవస్థాపక అధ్యక్షుడు సందీప్, రాష్ట్ర అధ్యక్షుడు కృష్ణ మాదిగ, యువజన విభాగం అధ్యక్షుడు గుర్రం సంతోశ్‌రెడ్డి, నాయకులు గౌని నర్సింహగౌడ్, దేవేందర్‌రెడ్డి, భాస్కరాచారి తదితరులు పాల్గొన్నారు.

హైదరాబాద్‌ :  శాంతియుతంగా నిరసన తెలిపే స్వేచ్ఛను కూడా రాష్ట్ర ప్రభుత్వం కాలరాస్తోందని తెలంగాణ ఇంటి పార్టీ వ్యవస్థాపక అధ్యక్షుడు డాక్టర్‌ చెరుకు సుధాకర్‌ ఆరోపించారు. ధర్నాచౌక్‌ ఎత్తేశారని, ర్యాలీలు నిర్వహించుకునేవారిని అక్రమంగా అరెస్ట్‌ చేసి జైళ్లల్లో పెడుతున్నారని మండిపడ్డారు. ఇటీవల జైలు నుంచి విడుదలైన ఎమ్మార్పీఎస్‌ వ్యవస్థాపక అధ్యక్షుడు మంద కృష్ణమాదిగ శుక్రవారం ఇక్కడ సుధాకర్‌ను కలిశారు. కొద్దిసేపు భవిష్యత్‌ కార్యాచరణపై చర్చించుకున్నారు. అనంతరం విలేకరుల సమావేశంలో సుధాకర్‌ మాట్లాడారు. ‘ఎస్సీ రిజర్వేషన్‌ వర్గీకరణ కోసం 23 ఏళ్లుగా పోరాటం చేస్తున్న మంద కృష్ణ మాదిగను అరెస్ట్‌ చేసి అక్రమ కేసులు పెట్టి జైల్లో నిర్బంధించారు. సీమాంధ్రులు కూడా చేయని పరిపాలనను కేసీఆర్‌ చేస్తున్నారు’ అని సుధాకర్‌ అన్నారు. సత్తా లేనివారే పోలీసులను అడ్డుపెట్టుకుని పాలిస్తుంటారని దుయ్యబట్టారు. ప్రశ్నించే గొంతులను కేసీఆర్‌ నొక్కేస్తున్నారని మంద కృష్ణ మాదిగ విమర్శించారు. శాంతియుతంగా ఆందోళన చేస్తున్న తనను పదిరోజులు జైలులో పెట్టడం దారుణమన్నారు. తాము అధికారంలోకి వస్తే కేసీఆర్‌ నేరాలను తిరగదోడి ఆయనను జైలులో పెడ్తామని హెచ్చరించారు. ఎస్సీ వర్గీకరణపై అఖిలపక్షాన్ని ఢిల్లీ తీసుకువెళ్లాలనే డిమాండ్‌తో హైదరాబాద్‌ లో జనవరి ఒకటి నుండి ఐదో తేదీ వరకు తాను చేపట్టే నిరవధిక దీక్షకు స్థలం కేటాయించాలని డీజీపీని కలిసినట్లు మంద కృష్ణ తెలిపారు. 

హైదరాబాద్‌: ప్రపంచ తెలుగు మహాసభల్లో తెలంగాణ రచయితలకు అవమానం జరిగిం దని తెలంగాణ ఇంటి పార్టీ రాష్ట్ర అధ్యక్షుడు చెరుకు సుధాకర్‌ విమర్శించారు. ఎమ్మార్పీఎస్‌ వ్యవస్థాపక అధ్యక్షుడు మందకృష్ణ మాదిగ అరెస్టుకు నిరసనగా ఆదర్శనగర్‌లోని ఆ పార్టీ రాష్ట్ర కార్యాలయంలో గురువారం ఒక్కరోజు నిరసన దీక్ష చేపట్టారు. ఈ సందర్భంగా ఆయన మాట్లాడుతూ.. తెలుగు మహాసభల్లో బ్రాహ్మణ వర్గాన్ని నెత్తికెత్తుకొని తెలంగాణలోని బీసీ, ఎస్సీ,ఎస్టీ మైనారిటీ కవులను అవమానించారన్నారు. మహాసభల ప్రారంభానికి ఉప రాష్ట్రపతి వెంకయ్యనాయుడుని ఆహ్వానించి పత్రిక ప్రకటనలు ఇచ్చిన సీఎం కేసీఆర్‌ ముగిం పు సభలకు హాజరైన రాష్ట్రపతి రామ్‌నాథ్‌ కోవింద్‌ గురించి ఒక్క ప్రకటన కూడా ఇవ్వలేద న్నారు. కేసీఆర్‌ పాటించిన సాహితీ అంటరాని తనాన్ని నిరసిస్తున్నామన్నారు. మంద కృష్ణను తక్షణమే విడుదల చేయాలని ఆయన డిమాండ్‌ చేశారు. అనంతరం గద్దర్, జయధీర్‌ తిరుమల రావులు ఆయనకు నిమ్మరసం ఇచ్చి దీక్షను విరమింపచేశారు. ఈ కార్యక్రమంలో పార్టీ ప్రధాన కార్యదర్శి దొమ్మాట వెంకటేశ్, పీఎల్‌ విశ్వేశ్వరరావు, విమ లక్క, ఏపూరి సోమన్న, బెల్లయ్య నాయక్, పీజీసీ ఎల్‌ మాజీ ప్రిన్సిపల్‌ గాలి వినోద్‌ తదితరులు పాల్గొన్నారు.

హైదరాబాద్‌: టోల్‌ప్లాజాల పేరుతో దోపిడీకి పాల్పడుతోన్న రాష్ట్ర ప్రభుత్వం మెట్రో పేరిట మరో దోపిడీకి తెరలేపిందని తెలంగాణ ఇంటి పార్టీ అధ్యక్షుడు చెరుకు సుధాకర్‌ ఆరోపించారు. మెట్రోలో స్థానికులకే ఉద్యోగ అవకాశాలు ఇవ్వాలన్న డిమాండ్‌తో కార్యాచరణ రూపొందించామని చెప్పారు. తెలంగాణ ఇంటి పార్టీ రాష్ట్ర ప్రధాన కార్యదర్శి  వెంకటేశ్‌ అధ్యక్షతన ‘మెట్రో రైలు ప్రాజెక్ట్‌లో ఉపాధి, ఉద్యో గాలు స్థానికులకే దక్కాలి, మెట్రో చార్జీలు తగ్గాలి, మెట్రో రైలు అవినీతిపై సమగ్ర విచారణ జరపాలి’అనే అంశంపై సోమవారం రౌండ్‌ టేబుల్‌ సమావేశం జరిగింది. ఇందులో పలువురు వక్తలు మాట్లాడుతూ, మెట్రో ఓ రియల్‌ ఎస్టేట్‌ ప్రాజెక్ట్‌ అని విమర్శించారు. వైఎస్సార్‌సీపీ పార్టీ ప్రతినిధి దుబ్బాక గోపాలకృష్ణ మాట్లాడుతూ.. వైఎస్‌ రాజశేఖర్‌రెడ్డి హయాంలో మంజూరైన మెట్రో ప్రారంభోత్సవంలో ఆయన పేరును ప్రస్తావించకపోవడం బాధాకరమన్నారు.

సాక్షి, హైదరాబాద్‌: ప్రపంచం తెలంగాణ వైపు చూడాలనే ఆకాం క్షతో ప్రారంభం కానున్న ప్రపంచ తెలుగు మహాసభల్లో తెలుగు సాహిత్యానికి ఎంత ప్రాధాన్యం ఇస్తున్నారో సీఎం కేసీఆర్‌ రాష్ట్ర ప్రజలకు సమాధానం చెప్పాలని తెలంగాణ ఇంటిపార్టీ అధ్యక్షుడు డాక్టర్‌ చెరుకు సుధాకర్‌ డిమాండ్‌ చేశారు. అందెశ్రీ, జూకంటి జగ న్నాథం, గద్దర్, ఏపూరి సోమన్న, విమలక్క, ఎక్కా యాదగిరిరావు వంటి కవుల్ని పిలవ కుండా ప్రపంచ తెలుగు మహాసభలను ఎలా నిర్వహిస్తారని నిలదీశారు. గురువారం ఆయన హైదరాబాద్‌లో పార్టీ కార్యాలయం లో విలేకరుల సమావేశంలో మాట్లాడారు. మెట్రోరైల్‌ ప్రారంభ సమయంలో దాంతో కేసీఆర్‌కు, కేటీఆర్‌కు ఏ సంబంధం లేదని.. శంకుస్థాపన జరిగాక మెట్రోను అడ్డుకోవాలని బహిరంగ సభల్లో చెప్పారని గుర్తు చేశారు. కానీ ఇప్పుడు అదే కేసీఆర్‌ మెట్రో డెవలప్‌మెంట్‌ను చూసి ఇదంతా తామే చేశామని సొంత డబ్బా కొట్టుకుంటున్నారని అన్నారు. మూసీ ఈస్ట్‌–వెస్ట్‌ కారిడార్‌ ఏది? కేసీఆర్‌ 12 జంక్షన్లతో 41 కి.మీ. పొడవున ఆరు లైన్లతో మూసీ నది వెంబడి ఈస్ట్‌ –వెస్ట్‌ కారిడార్‌ను నిర్మిస్తామన్నారని, ఆ కారిడార్‌ ఏమైందని ప్రశ్నించారు. రూ. 5,916 కోట్లతో స్కైవేలు నిర్మిస్తామన్న  కేసీ ఆర్‌ కోట్ల రూపాయల అవినీతికి పాల్పడ్డారని ఆరోపించారు. కొత్తగూడెం జిల్లాలో జరిగిన భారీ ఎన్‌కౌంటర్‌ సీఎం కేసీఆర్‌ ఆదేశాలకు అనుగుణంగా జరిగిందన్నారు. ఈ నెల 18న సోమాజిగూడ ప్రెస్‌క్లబ్‌లో రౌండ్‌టేబుల్‌ సమావేశాన్ని నిర్వహిస్తామన్నారు.   అంతకు ముందు తెలంగాణ లేబర్‌ పార్టీ యాదాద్రి జిల్లా అధ్యక్షులు ముత్యాల శ్రీరాములు తెలంగాణ ఇంటి పార్టీ లో చేరారు.  


 సాక్షి, హైదరాబాద్‌: తెలంగాణ ఇంటి పార్టీ అధ్యక్షుడు డాక్టర్‌ చెరుకు సుధాకర్‌ ఆరోగ్యం నిలకడగా ఉన్నట్లు యశోద ఆస్పత్రి వర్గాలు స్పష్టం చేశాయి. సుధాకర్‌కి గాల్‌ బ్లాడర్‌లో రాళ్లు ఏర్పడడంతో కొంతకాలంగా బాధపడుతున్నారు. చికిత్స కోసం నాలుగు రోజుల క్రితం మలక్‌పేట యశోద ఆస్పత్రిలో చేరారు.
 వైద్యులు ఆయనకు చికిత్స అందించారు. ప్రస్తుతం ఆయన కోలుకుంటున్నారు. శనివారమే ఆయన్ను డిశ్చార్జ్‌ చేయాల్సి ఉండగా, యాంటిబయోటిక్‌ ఇంజక్షన్‌ ఇవ్వడం వల్ల చర్మంపై దద్దుర్లు వచ్చాయి. దీంతో మరో రోజు ఆయన్ని ఆస్పత్రిలోనే ఉంచాల్సి వచ్చిందని, ఒకటి రెండో రోజుల్లో డిశ్చార్జ్‌ చేసే అవకాశం ఉందని ఆస్పత్రి వర్గాలు ప్రకటించాయి.  


 సూర్యాపేట: ‘ఎంతో మంది అమాయకులను అదిరించి, బెదిరించి సంపాదించిన గ్యాంగ్‌స్టర్‌ నయీం నెత్తుటి కూడులో టీఆర్‌ఎస్‌ నాయకులకు వాటాలు ఉన్నాయి. నయీం బతికున్నప్పుడు అక్రమంగా సంపాదించాడు. ఇప్పుడు అతడు చనిపోయిన తర్వాత కూడా ఆస్తులను పంచకుండా జాప్యం చేస్తున్నారు’ అని తెలంగాణ ఉద్యమ వేదిక రాష్ట్ర కన్వీనర్‌ చెరుకు సుధాకర్‌ అన్నారు. బుధవారం సూర్యాపేటలో ఏర్పాటు చేసిన విలేకరుల సమావేశంలో సుధాకర్‌ మాట్లాడారు. నయీమ్‌ సంపాదించిన అక్రమాస్తులను బాధితులను పంచాలని, అందుకు ప్రభుత్వం ఎందుకు చొరవ చూపడంలేదని ప్రశ్నించారు.
 
 తెలంగాణ ఇచ్చిన సోనియా గాంధీ కుటుంబం అంటే అందరికీ గౌరవమే అని, అయితే ఉద్యమ కారులను ఉరికించి కొట్టిన తూర్పు జయప్రకాశ్‌ ఇలాఖాలో కాంగ్రెస్‌ పార్టీ వారు జూన్‌ 1న సమావేశం ఏర్పాటు చేయాలనుకోవడం శోచనీయమన్నారు. బీజేపీ జాతీయ అధ్యక్షుడు అమిత్‌షా నల్లగొండ జిల్లాలో దళితుల ఇళ్లలో భోజనం చేసి అతిగా ప్రచారం చేసుకోవడం దళితుల మనోభావాలను కించపరచడమే అన్నారు.
 
 మొదటి నుంచి తెలంగాణ జెండా పట్టి ఉద్యమంలో పాల్గొన్న ఉద్యమకారులు నేడు కనుమరుగు అయ్యారని, వారికి సరైన గౌరవం కల్పించేందుకే ఇంటి పార్టీ స్థాపించామని చెప్పారు. రాష్ట్ర సాధన లక్ష్యాలకు అనుగుణంగా ఏర్పాటు చేసే ఇంటి పార్టీ ఆవిర్భావ సభ జూన్‌ 2న హైదరాబాద్‌లో జరగనుందని ఉద్యమకారులు, మేధావులు, విద్యార్థులు సబ్బండ వర్ణాలు తరలి రావాలని పిలుపునిచ్చారు.


 నకిరేకల్ (నల్గొండ జిల్లా): తెలంగాణ ఇంటి పార్టీతో సీఎం కేసీఆర్‌కు చెక్‌ పెడతామని తెలంగాణ ఉద్యమ వేదిక కన్వీనర్‌ చెరుకు సుధాకర్‌ అన్నారు. ఉద్యమకారులను టీఆర్‌ఎస్‌ నుంచి గెంటివేసి ద్రోహులను పార్టీలో చేర్చుకుని ప్రజలకు మాయమాటలు చెబుతున్న ముఖ్యమంత్రి కేసీఆర్‌కు బుద్ధిచెప్పే రోజులు దగ్గరలోనే ఉన్నాయని హెచ్చరించారు. నల్లగొండ జిల్లా నకిరేకల్‌లోని తెలంగాణ ఉద్యమ వేదిక పార్టీ కార్యాలయంలో మంగళవారం సాయంత్రం ఏర్పాటు చేసిన విలేకరుల సమావేశంలో ఆయన మాట్లాడారు. జూన్‌ 2న హైదరాబాద్‌ ఎగ్జిబిషన్‌ గ్రౌండ్‌లో జరిగే తెలంగాణ ఇంటి పార్టీ ఆవిర్భావ సభతో ఉద్యమ బాహుబలి సత్తా ఏమిటో చూపిస్తామన్నారు.
 
 నాడు సీమాంధ్ర పాలకులపై సాగించిన పోరాటాన్ని స్ఫూర్తిగా తీసుకుని ఉద్యమ సామాజిక శక్తులకు అధికారం వచ్చేంత వరకు పోరు సాగిస్తామని స్పష్టం చేశారు. 2001 నుంచి టీఆర్‌ఎస్‌లో పని చేసిన కార్యకర్తలు, నాయకులకు తెలంగాణ ఇంటి పార్టీలో సముచిత గౌరవం ఇవ్వడానికి సిద్ధంగా ఉన్నామన్నారు. కేసీఆర్‌ బానిసత్వంలో, భ్రమల్లో బతకడం కంటే స్వేచ్ఛగా పోరాడగలిగే తెలంగాణ ఇంటి పార్టీలోకి రావాలని పిలుపునిచ్చారు. ఆవిర్భావ సభకు  కవులు, కళాకారులు, మేధావులు, కుల సంఘాలు, ప్రజాస్వామిక వాదులు పాల్గొని విజయవంతం చేయాలని కోరారు. సమావేశంలో ఉద్యమ వేదిక రాష్ట్ర స్టీరింగ్‌ కమిటీ సభ్యురాలు చెరుకు లక్ష్మి, బొల్లెపల్లి అంజయ్య, తదితరులు ఉన్నారు.


 టీయూవీ రాష్ట్ర అధ్యక్షుడు చెరుకు సుధాకర్‌
 సుభాష్‌నగర్‌ (నిజామాబాద్‌ అర్బన్‌): ఏపీలో టీడీపీ ప్రభుత్వంపై 50 కిలోల బరువున్న ప్రతిపక్ష నాయకుడు, వైఎస్సార్‌సీపీ అధినేత జగన్‌మోహన్‌రెడ్డి బాగానే కొట్లాడుతున్నాడని.. కానీ, తెలంగాణలో 40 కిలోల బాహుబలితో మీరెందుకు కొట్లాడటం లేదని తెలంగాణ ఉద్యమ వేదిక (టీయూవీ) రాష్ట్ర అధ్యక్షుడు డాక్టర్‌ చెరుకు సుధాకర్‌ తెలంగాణ ప్రతిపక్ష నేతలను ప్రశ్నించారు.
 శుక్రవారం నిజామాబాద్‌లో తెలంగాణ ఉద్యమ వేదిక ఆధ్వర్యంలో ‘తెలంగాణలో బడుగులకు, ఉద్యమశక్తులకు రాజ్యాధికారం’అంశంపై రౌండ్‌ టేబుల్‌ సమావేశం నిర్వహించారు. కార్యక్రమంలో చెరుకు సుధాకర్‌ మాట్లాడుతూ బడుగులు, బలహీన వర్గాల నుంచి సరైన నాయకుడిని తయారు చేసుకోవాల్సిన సమయం ఆసన్నమైందన్నారు. జూన్‌ 2న కొత్త పార్టీ ఆవిర్భావానికి సన్నాహాలు చేస్తున్నామని చెప్పారు.


 జూన్‌ 2న కొత్తగా ‘తెలంగాణ ఇంటి పార్టీ’: చెరుకు సుధాకర్‌
 
 హైదరాబాద్‌: కేసీఆర్‌ అధికారంలోకి వచ్చి వెయ్యి రోజులు గడిచిందని.. ఆయన వెయ్యి రోజుల పాలనంతా రోజుకో అబద్ధంతోనే సాగిందని తెలంగాణ ఉద్యమ వేదిక అధ్యక్షుడు చెరుకు సుధాకర్‌ విమర్శించారు. రాష్ట్రంలో ప్రశ్నించే గొంతులన్నీ ఒక్కటైతేనే చక్కటి పాలన ఉంటుందన్నారు. రాష్ట్రం లో జూన్‌ 2న కొత్తగా ఆవిర్భవించనున్న ‘తెలంగాణ ఇంటి పార్టీ’లోకి  జేఏసీ చైర్మన్‌ కోదండరాంను ఆహ్వానిస్తూ లేఖను పంపినట్లు చెప్పారు.
 
 బుధవారం హైదరాబాద్‌లోని పార్టీ కార్యాలయంలో నిర్వహించిన విలేకరుల సమావేశంలో చెరుకు సుధాకర్‌ మాట్లాడుతూ దళితుల్ని సీఎంగా చేస్తానని, నీళ్లు, నిధులు, నియామకాల్లో మొదటి ప్రాధాన్యత తెలంగాణ ప్రజలకేనని, ఉద్యమకారులు ఆశిం చిన విధంగానే పాలన ఉంటుందని చెప్పిన కేసీఆర్‌ సీమాంధ్ర పారిశ్రామిక వేత్తలకే ప్రాధాన్యతనిస్తున్నారన్నారు.  లక్ష ఉద్యోగాల కోసం చేపట్టిన ర్యాలీని కేసీఆర్‌ ప్రభు త్వం భగ్నం చేయడం తెలంగాణ ప్రజలు జీవితంలో మర్చిపోలేరన్నారు. కోదండరాంపై జరిగిన దాడిని తెలంగాణ ఆత్మగౌరవంపై జరిగిన దాడిగా భావిస్తున్నా మన్నారు. ఈ సమావేశంలో మాజీ ఎమ్మెల్యే ఎన్నం శ్రీనివాస్‌రెడ్డి, టీయూవీ స్టూడెంట్‌ అధ్యక్షుడు సందీప్‌ చమార్, 1969 నాటి ఉద్యమ కారులు పాల్గొన్నారు.


 రాజ్యాంగ ఉల్లంఘనలకు పాల్పడుతున్నారు
 రాజకీయ పునరేకీకరణకు కోదండరామ్‌ ముందుకురావాలి
 తెలంగాణ ఉద్యమ వేదిక రాష్ట్ర అధ్యక్షుడు చెరుకు సుధాకర్‌
 
 రామగిరి (నల్లగొండ) : ముఖ్యమంత్రి చర్యలు అమెరికా అధ్యక్షుడు ట్రంప్‌ను మించిపోయాయని తెలంగాణ ఉద్యమ వేదిక రాష్ట్ర అ«ధ్యక్షుడు డాక్టర్‌ చెరుకు సుధాకర్‌ అన్నారు. నల్లగొండలో శుక్రవారం ఏర్పాటు చేసిన విలేకరుల సమావేశంలో ఆయన మాట్లాడారు. కేసీఆర్‌ రాజ్యాంగ ఉల్లంఘనలకు పాల్పడుతున్నారని, రాజ్యాంగం ఆయన హక్కుల పత్రం కాదని పేర్కొ న్నారు. ఆయనను విమర్శించిన వారిని జంతువులకంటే హీనంగా చూస్తున్నారని, కేసీఆర్‌ పాశవిక పాలనకు చరమగీతం పాడే సమయం ఆసన్నమైందన్నారు. కేసీఆర్‌ను ప్రశ్నించే రాజకీయ వ్యవస్థ తీవ్ర స్థాయిలో అభివృద్ది చెందాల్సిన అవసరం ఉందన్నారు.
 
 ఉద్యోగ ఖాళీలను భర్తీ చేయాలని కోరుతూ హైద్రాబాద్‌లో ర్యాలీ నిర్వహించతలపెట్టిన జేఏసీ నాయకులు, కార్యకర్తలపై దాడులు చేసి అరెస్టు చేయడాన్ని ఖండిస్తున్నామన్నారు. ట్రాఫిక్‌కు అంతరాయం ఏర్పడుతుందన్న సాకు.. ర్యాలీలో ఉగ్రవాదులు పాల్గొంటారనే నెపంతో ర్యాలీని భగ్నం చేయడం సహించలేనిదన్నారు. శంషాబాద్, శామీర్‌పేట, రామోజీ ఫిల్మ్‌సిటీ, నాగోల్‌ వద్ద ధర్నా కార్యక్రమాన్ని నిర్వహించాలని చెప్పడం ప్రభుత్వ దుర్మార్గమైన చర్య అని పేర్కొన్నారు. జేఏసీ చైర్మన్‌ కోదండరామ్‌ అన్ని ప్రజా సంఘాలు, రాజకీయ పార్టీలను కలుపుకుని పోవాలని సూచించారు. జేఏసీ ద్వారా కాకుండా రాజకీయ పార్టీగా ఆవిర్భవించి కొట్లాడాల్సిన సమయం ఆసన్నమైందన్నారు. కె.పర్వతాలు, నార్కెట్‌పల్లి రమేష్, సందెపాక రాము, మోహనకృష్ణ, కొండేటి మురళి, సైదులు, విక్రం తదితరులు పాల్గొన్నారు.
  


 తెలంగాణ ఉద్యమ వేదిక కన్వీనర్‌ డాక్టర్‌ చెరుకు సుధాకర్‌ వెల్లడి
 హైదరాబాద్‌: సామాజిక తెలంగాణ సాధనే లక్ష్యంగా అణగారిన రాష్ట్ర ప్రజల కోసం త్వరలోనే రాజకీయ పార్టీని ఏర్పాటు చేస్తానని తెలంగాణ ఉద్యమ వేదిక కన్వీనర్‌ డాక్టర్‌ చెరుకు సుధాకర్‌ తెలిపారు. గురువారం హైదరాబాద్‌లోని హస్తినాపురంలో జరిగిన సమావేశంలో ఆయన మాట్లాడారు. తెలంగాణ ఉద్యమంలో పోరాటాలు చేసి జైళ్లకు వెళ్లిన వారిని పక్కన పెట్టారని, తెలంగాణ ద్రోహులు నేడు అధికార దాహంతో పదవులు అనుభవిస్తున్నారని విమర్శించారు.
 
 తెలంగాణ ఉద్యమంలో అసువులు బాసిన కుటుంబాలను పరామర్శించి, అన్ని వర్గాల ప్రజల ఆమోదం పొంది జూన్‌ 2 నాటికి నూతన రాజకీయ పార్టీని ఏర్పాటు చేస్తానని అన్నారు. మాజీ ఎమ్మెల్యే ఎన్నం శ్రీనివాస్‌రెడ్డి మాట్లాడుతూ రాష్ట్రంలో రాజకీయ శూన్యత నెలకొందని పేర్కొన్నారు. బడుగు, బలహీన అణగారిన వర్గాల వారు నూతన రాజకీయ పార్టీ ఏర్పాటుకు ఎదురు చూస్తున్నారన్నారు. గౌని నర్సింహ్మగౌడ్‌ అధ్యక్షతన వహించిన ఈ కార్యక్రమంలో ఓరుగంటి వెంకటేశం, తెలంగాణ బీసీ సమాఖ్య అధ్యక్షుడు దుర్గయ్య గౌడ్, హరికిషన్‌ తదితరులు పాల్గొన్నారు.


 కేసీఆర్‌ను గద్దె దించడమే లక్ష్యం: చెరుకు సుధాకర్‌
 
 సాక్షి, సూర్యాపేట: తెలంగాణ ఉద్యమ వేదిక, ఇతర అను బంధ సంఘాల ఆధ్వర్యంలో జూన్‌ 2వ తేదీన కొత్త పార్టీని ఏర్పాటు చేస్తున్నట్లు వేదిక రాష్ట్ర అధ్యక్షుడు చెరుకు సుధాకర్‌ వెల్లడించారు. మంగళవారం ఆయన సూర్యాపేటలో విలేకరుల సమా వేశంలో మాట్లాడారు. ముఖ్యమంత్రి కె.చంద్రశేఖర్‌రావు వెలివేసిన ఉద్యమ కారులు, మేధావులను ఒక్క తాటిపైకి తీసుకొస్తామన్నారు.
 
 సామాజిక తెలంగాణ లక్ష్యమే తమ ఉమ్మడి ధ్యేయమని చెప్పారు. ఉద్యమకారులను ఏకం చేసిన ప్రొఫెసర్‌ కోదండరాంను పక్కన పెట్టి, ఉద్యమాన్ని అణచివేసేందుకు ఆంధ్రా నాయకులతో కుమ్మక్కైన వారికి అందలం ఎక్కించడం తెలంగాణ రాష్ట్రానికే అవమానకరమన్నారు. కేసీఆర్‌ను గద్దె దించడం లక్ష్యంగానే తమ పోరాటం ఉంటుందని ఆయన చెప్పారు.


 రాష్ట్రాన్ని అమ్మకానికి పెట్టారు: విమలక్క
 
 కొడంగల్‌: తెలంగాణలో రాక్షస పాలన కొనసాగుతోందని టఫ్‌ రాష్ట్ర కన్వీనర్‌ విమలక్క ఆరోపించారు. వికారాబాద్‌ జిల్లా కొడంగల్‌లో ఆదివారం రాత్రి నిర్వహించిన ధూం ధాంలో ఆమె మాట్లాడారు. దోపిడీ, అణచివేతల్లో టీఆర్‌ఎస్‌ ప్రభుత్వం గత ప్రభుత్వాలను మించి పోయిందని మండిపడ్డారు.
 
 సకల జనులు ప్రాణాలకు తెగించి సాధించుకున్న రాష్ట్రాన్ని అమ్మకానికి పెట్టారని ఆవేదన వ్యక్తం చేశారు. కార్పొరేట్‌ సంస్థలకు వత్తాసు పలుకుతున్న ప్రభుత్వం.. బలవంతపు భూసేకరణ చేస్తోం దన్నారు.  కార్యక్రమంలో మాజీమంత్రి ప్రసాద్‌ కుమార్, ఉద్యమవేదిక రాష్ట్ర కన్వీనర్‌ చెరుకు సుధాకర్‌ పాల్గొన్నారు.


 తెలంగాణ ఉద్యమ వేదిక రాష్ట్ర అధ్యక్షుడు చెరుకు సుధాకర్
  హన్మకొండ: పెద్ద నోట్ల రద్దుపై ముందుగా ఆగ్రహం వ్యక్తం చేసిన ముఖ్యమంత్రి కె.చంద్రశేఖర్‌రావు రెండు రోజుల్లో వైఖరి మార్చుకున్నారని, దాని వెనుక ఆంతర్య మేమిటో ప్రజలకు చెప్పాలని తెలంగాణ ఉద్యమ వేదిక రాష్ట్ర అధ్యక్షుడు చెరుకు సుధాకర్ డిమాండ్ చేశారు. గురువారం హన్మకొండలో సెంటర్ ఫర్ సోషల్ థాట్స్, తెలంగాణ ఉద్యమ వేదిక అధ్వర్యంలో ‘పెద్ద నోట్ల రద్దు.. దేశానికి లాభమా..? ప్రజలపై యుద్ధమా..?’ అనే అంశంపై చర్చాగోష్టి జరిగింది. ఇందులో చెరుకు సుధాకర్ మాట్లాడుతూ రూ.500, రూ.వేరుు నోట్లను రద్దును వ్యతిరేకించిన సీఎం కేసీఆర్.. ఢిల్లీకి వెళ్లి ప్రధాని నరేంద్ర మోదీతో సమావేశమైన నాటి నుంచి పెద్ద నోట్ల రద్దుపై నోరు మెదపడం లేదని అన్నారు.
  


 డాక్టర్ చెరుకు సుధాకర్ అరెస్టు
  హైదరాబాద్: ముఖ్యమంత్రి కేసీఆర్ బాధ్యతా రాహిత్య పాలనను నిరసిస్తూ తెలంగాణ ఉద్యమవేదిక చేపట్టిన దీక్షను పోలీసులు భగ్నం చేశారు. గురువారం ఇందిరాపార్కు వద్ద ఏర్పాటుచేసిన దీక్షలో పాల్గొనడానికి వస్తున్న తెలంగాణ ఉద్యమ వేదిక వ్యవస్థాప కుడు డాక్టర్ చెరుకు సుధాకర్‌ను పోలీసులు అరెస్టు చేశారు. మధ్యాహ్నం ఒంటిగంట ప్రాంతంలో సుధాకర్  కారులో దీక్షా శిబిరం వద్దకు వస్తుండగా పోలీసులు కాపుకాసి, బండ మైసమ్మనగర్ చౌరస్తా వద్ద అదుపులోకి తీసుకుని పొలీసుస్టేషన్‌కు తరలించారు. దీక్షా శిబిరం వద్ద ఉన్న ఉద్యమ నాయకులు, కార్యకర్తలు సుధాకర్ అరెస్టును అడ్డుకోవ డానికి బయలుదేరగా పోలీసులు వారినీ అరెస్టు చేశారు. అరెస్టరుునవారిలో మాజీ ఎమ్మెల్యే యెన్నం శ్రీనివాస్‌రెడ్డి, చెరుకు లక్ష్మక్క, శ్రీనివాసులు తదితరులు ఉన్నారు.
 బంగ్లాల తెలంగాణ
 అంతకు ముందు దీక్షా శిబిరం వద్ద శ్రీనివాస్ రెడ్డి మాట్లాడుతూ ప్రధాని నివాస సమూహం 50 వేల చదరపు అడుగులేనని, ఒడిశా సీఎం నవీన్ పట్నాయక్ డబుల్ బెడ్ రూం ఇల్లు, పశ్చిమ బెంగాల్ సీఎం మమతా బెనర్జీ చిన్న ఇంట్లో నివసిస్తున్నారని, కానీ, రాష్ర్ట సీఎం కేసీఆర్ లక్ష చదరపు అడుగులతో కోట్ల రూపా యల దుబారాతో ఇంద్ర భవనం నిర్మించు కున్నారని విమర్శించారు. సీఎంది బంగారు తెలంగాణ కాదు బంగ్లాల తెలంగాణ అని ఎద్దేవా చేశారు. కార్యక్రమంలో వేదిక నాయకులు బత్తుల సిద్ధేశ్వర్, బోర సుభాష్, టీపీఎఫ్ అధ్యక్షుడు నలమాస శ్రీనివాస్,  న్యూడెమోక్రసీ నాయకురాలు ఝాన్సీ, ఏపూరి సోమన్న తదితరులు పాల్గొన్నారు.


 నల్లగొండ రూరల్: తెలంగాణ పునర్నిర్మాణం అంటే.. ఉన్న భవనాలను కూల్చి మళ్లీ నిర్మించడమేనా? అని తెలంగాణ ఉద్యమ వేదిక రాష్ట్ర కన్వీనర్ డాక్టర్ చెరుకు సుధాకర్ సీఎం కేసీఆర్‌ను ప్రశ్నించారు. నల్లగొండలో బుధవారం ఆయన విలేకరులతో మాట్లాడుతూ సెక్రటేరియట్, ఉస్మానియా ఆస్పత్రి తదితర భవనాలన్ని కూల్చి వాస్తు పేరిట మళ్లీ నిర్మాణాలు చేపట్టడం ప్రజాధనం దుబారా చేయడమేనన్నారు.
 
 పీసీసీ చీఫ్ ఉత్తమ్‌కుమార్‌రెడ్డి ప్రభుత్వ లోపాలను ఎత్తిచూపితే.. సీఎం కూతురు, ఎంపీ కవిత గడ్డం, జుంపాలు పెంచుకో అనడం నాయకులను అవమానపర్చడమేనన్నారు. భాష తీరును మార్చుకోవాలని సీఎం కేసీఆర్ తన పిల్లలకు చెప్పుకోవాలని సూచించారు.


 అభిప్రాయం
 తెలంగాణ రాకముందు దత్తన్న అలాయ్-బలాయ్ ఒక చర్చ, తీరొక్క పూవు పేర్చిన బతుకమ్మ వైవిధ్యం, వైనం-జీవం ఉట్టిపడిన పండుగ. అది ఇప్పుడు ఒక అధికారిక విన్యాసం కాకూడదు. తంతు కాకూడదు.
 
 ‘‘అరే బాయ్! దిల్ ఖోల్‌కే గలే మిలావ్! ఏ ఇస్ దూల్‌కి సిల్‌సిలా హై’’ - నిజమే - సినారే‘రిమ్ జిమ్ - రిమ్ జిమ్ హైదరాబాద్’లో కులాలు, మతాలు వేరైనా మనమంతా ఒకటే భాయీ! సినిమా పాట వ్రాసి అర్ధ శతాబ్దం కావస్తు న్నది. హైదరాబాద్‌లో అద్భు తమైన సహజీవనాన్ని రిక్షావాలాతో ‘మట్టిలో మాణి క్యం’ సినిమా చలనచిత్రంలో తెరకెక్కించింది నిన్నటి నిజం. దేశమంతా మత ఘర్షణలు చోటు చేసుకుం టున్నప్పుడు హైదరాబాద్ స్టేట్‌లో కొనసాగుతున్న హిందూ, ముస్లిం మత సామరస్యానికి పరస్పరం గౌర వించుకొని పండుగలు, పబ్బాలు, దసరా, పీర్ల పండు గలకు ‘అలాయ్-బలాయ్’తో ఆత్మీయ ఆలింగనం చేసుకుంటుంటే ముక్కున వేలేసుకొని గాంధీగారు ‘గంగా, జమున తహజీబ్’ అని మురిసిపోయిండ్రట. ఇది శతాబ్దం కిందటి ముచ్చట. కత్తులు దూసుకుం టున్న రాజకీయ పక్షాలను కాదని ప్రజలు అలాయ్- బలాయ్ తీసుకుంటుంటే ప్రతి దసరాకు పాలపిట్ట, జమ్మిచెట్టు, పీర్ల అలావా మురిసిపోతూనే ఉంటుంది.
  
 తెలంగాణ రాష్ట్ర సాధనలో భాగంగా ప్రజలు, పార్టీలు, ప్రజా సంఘాలను ఏకం చేసేందుకు 13 ఏళ్లుగా సాగుతున్న సీనియర్ బీజేపీ నేత, పార్లమెంట్ ఎంపీ, కేంద్రమంత్రి, బడుగుల ప్రతినిధి బండారు దత్తాత్రేయ ‘అలాయ్-బలాయ్’ ఎగ్జిబిషన్ గ్రౌండ్‌లో మొన్న ముగిసింది. కేంద్రమంత్రి వెంకయ్య నాయు డుతో పాటు తెలుగు రాష్ట్రాల ఉమ్మడి గవర్నర్ నరసిం హన్ అనేక పార్టీల నాయకులు, మంత్రులు, శాసన సభ్యులు, పార్లమెంట్ సభ్యులు, కవులు, కళాకారులు, మేధావులు, అధికారులు హాజరైనారు. ఎంతోమందికి సన్మానం కూడా జరిగింది. రెండు రాష్ట్రాల సీఎంలు హాజరు కాకపోయినా, అన్ని రంగాల్లో అనేక అంశాలను సామరస్యంగా పరిష్కరించుకోవాలని దత్తన్న సలహా ఇచ్చిండ్రు. కేంద్రం నుంచి సంపూర్ణ సహకారం ఇప్పిస్తా నని, బడుగు, బలహీన వర్గాల సమ్మిళితమైన అభివృ ద్ధితో బంగారు తెలంగాణ సాధ్యమవుతుందని దత్తన్న అన్నారు. తెలంగాణ రాకముందు దత్తన్న అలాయ్- బలాయ్ ఒక చర్చ, తీరొక్క పూవు పేర్చిన బతుకమ్మ వైవిధ్యం, వైనం-జీవం ఉట్టిపడిన పండుగ. అది ఇప్పుడు ఒక అధికారిక విన్యాసం, తంతు కాకూడదు.
  
 ఈసారి అలాయ్-బలాయ్‌కి కేసీఆర్, చంద్రబాబు ఇద్దరూ ముఖం చాటేశారు. సమైక్య రాష్ట్రంలో తెలం గాణ ఉద్యమకారులను అరిగోస పెట్టించిన గవర్నర్ నరసింహన్ మాత్రం ‘ప్రేమతో స్నేహం చేయాలి. ఒక రికొకరు ఆత్మీయతతో ఆలింగనం చేసుకోవాలి. అలా య్-బలాయ్‌తో దత్తన్న అదే గుర్తు చేస్తున్నరు. జీవితం చాలా చిన్నది. శతృత్వం కాదు, ప్రేమను పెంచుకోవాలి’ అన్నారు. గతం గుర్తుకొచ్చిన వాళ్లకు కార్యక్రమంలో ఉడుకుతున్న వంటకాల కంటే తమ కడుపు తుక తుక ఉడుకుతున్నట్లు అనిపించింది. ఈ మాట బాగా అర్థమ య్యింది కాబట్టే అలాయ్-బలాయ్ వేదికమీద ఎవరి అక్కరకు వాళ్లు ఏదో మాట్లాడి వెళ్లిపోయిండ్రు. దత్తన్నకు పాలకుల కుమారులు, కుమార్తెలు, అల్లుళ్లు అంటే చాలా ముద్దు. తప్పేంలేదు కానీ, అదే ప్రేమతో వేముల రోహిత్ తల్లిదండ్రులకు, సెంట్రల్ యూని వర్సిటీ పిల్లలకు జరిగిన సంఘటనలపై విచారం, ఆవే దన వ్యక్తం చేస్తే ఎంత బాగుండునో?
  
 అలాయ్-బలాయ్ తన పరిధి పెంచుకొని తెలం గాణలో కొత్త నాయకత్వానికి, కొత్త సామాజిక పునా దులకు, అట్టడుగు వర్గాల సాధికారతకు కేంద్ర బిందువు కావాలి. తెలంగాణ గడ్డమీద చెట్టంత మనిషి దత్తన్న. బీజేపీ అంటే పడనివాళ్లు కూడా ‘బోల్‌బాలా’ దత్తన్న అంటే ఆయన నిజాయితీ అంటే ఇష్టపడతారు. కానీ రాష్ట్రం సాధించిన క్రెడిట్‌ను కేసీఆర్‌తో పాటు తాము స్వంతం చేసుకొని, భవిష్యత్తు తెలంగాణ రాజ కీయాల్లో తమదైన ముద్ర వేయాల్సిన బాధ్యత దత్తాత్రే యన్నమీద ఉన్నది కదా? ‘చిప్‌కో’ ఉద్యమంలో బహు గుణ లెక్క మన బహుజన దత్తన్న ఉద్యమ, సామాజిక శక్తులను ‘హత్తుకోవాలని’ అంటున్నాం.
 తెలంగాణ కోసం కొట్లాడిన ఉద్యమకారుల్ని  వచ్చే ఏడైనా అలాయ్-బలాయ్‌లో వేల సంఖ్యలో సన్మానించండి. సెంట్రల్ యూనివర్సిటీ విద్యార్థులు జైళ్లకు పోయి వీరోచిత చరిత్ర నిర్మించినందుకు ఓయూ, కాకతీయ, ఇతర తెలంగాణ విద్యార్థి నాయకులకు, ఉద్యోగ సంఘాలు, ఉద్యమ జేఏసీలు, కమ్యూనిస్టు పార్టీ వాళ్లు, దళిత నాయకులు అశుద్ధ భారతాన్ని నిలదీసిన బెజ వాడ జాన్సన్, దళితులకు శాస్త్రీయ సంగీతం నేర్పిన కృష్ణ ముస్లిమ్, క్రిస్టియన్, మైనారిటీ పెద్దలు, మహిళా నేతలు, కుల సంఘనేతలకు పెద్దపీట వేయాలని కోరు కుందాం. తెలంగాణ సెంటిమెంట్ ఎవరి ‘ఇంటి పార్టీ’కి అక్కరకు వస్తుందో తెలిసినప్పుడు అలాయ్-బలాయ్ సెంటిమెంట్ కూడా తెలంగాణలో క్రొత్త శక్తులకు అక్క రకు రాకపోతే ఆయన ఎదిగివచ్చిన బడుగుల కులాలకు అక్కరకు రాదు.
  
 కర్నూల్ జిల్లాలోని దేవరగట్టులో కర్రల కొట్లాటలో వాళ్లు అలాయ్-బలాయ్ తీసుకుంటుంటే ఆత్మీయతతో దత్తన్న కొనసాగించిన 13 ఏళ్ల తెలంగాణ అలాయ్- బలాయ్. ఇప్పటికైనా ప్రజల పక్షం ఉండే రాజకీయ శక్తుల ఆత్మీయ ఆలింగనం కావాలి. అంతేకానీ, ఎవరో ‘దత్తత’ తీసుకున్నట్లు, పరాయిది కావద్దు.
 
 డా॥చెరుకు సుధాకర్
 తెలంగాణ ఉద్యమ వేదిక అధ్యక్షులు మొబైల్ : 90006 00744


 గ్యాంగ్‌స్టర్ నయీం ఘటనపై ప్రభుత్వం నిష్పాక్షిక విచారణ జరిపించి, చిత్తశుద్ధిని చాటుకోవాలని తెలంగాణ ఉద్యమ వేదిక కన్వీనర్ చెరుకు సుధాకర్ డిమాండ్ చేశారు. సోమవారం మధ్యాహ్నం ఆయన నల్లగొండ జిల్లా తిరుమలగిరిలో విలేకరులతో మాట్లాడారు. నయీంతో దగ్గరి సంబంధాలు నెరపిన ప్రజాప్రతినిధులతో వెంటనే రాజీనామా చేయించాలని కోరారు. గ్యాంగ్‌స్టర్ దందాపై సీబీఐతోగానీ, సుప్రీంకోర్టు జడ్జితోగానీ విచారణ చేయించాలని సూచించారు. రాష్ట్రంలో అవినీతి పాలన నడుస్తోందని విమర్శించారు. మిషన్ కాకతీయ, భగీరథ పేర్లతో కోట్లాది రూపాయల కుంభకోణాలు జరుగుతున్నాయని ఆరోపించారు. ప్రభుత్వం శ్రద్ధంతా వీటిపైనే ఉందని అన్నారు. వేలాది మంది ప్రజలు జ్వరాలతో మంచాన పడుతుండగా పట్టించుకోవటం లేదని అన్నారు. ఆస్పత్రుల్లో సౌకర్యాలు పెంచి జ్వర పీడితులను కాపాడాల్సిన ప్రభుత్వం నిర్లక్ష్యం చేస్తోందని చెరుకు సుధాకర్ అన్నారు.
  


 నల్లగొండ: గ్యాంగ్‌స్టర్ నయీం డైరీల్లో ఉన్న లోగుట్టును ప్రభుత్వం వెంటనే బయట పెట్టాలని తెలంగాణ ఉద్యమ వేదిక రాష్ట్ర కన్వీనర్ డాక్టర్ చెరుకు సుధాకర్ డిమాండ్ చేశారు. శనివారం నల్లగొండలోని ప్రెస్‌క్లబ్‌లో నిర్వహించిన విలేకరుల సమావేశంలో ఆయన మాట్లాడుతూ నయీమ్ డైరీల వెనుక ఉన్న వ్యక్తుల పేర్లను బయటపెట్టి వెంటనే చర్యలు తీసుకోవాలన్నారు.
 
 దొరికిన ఆధారాలను దాచుకోకుండా వెంటనే కోర్టులో ప్రొడ్యూస్ చేయాలని, డైరీలను పరిశీలించేటప్పుడు వీడియో కెమెరాలు వాడాలన్నారు. సిట్ అనే సంస్థ కేసీఆర్ కనుసన్నల్లో నడుస్తోందని, ఎప్పుడు ఎవరిమీద లీకులు పేపర్లకు అందుతాయో అర్థం కావడం లేదన్నారు. సొహ్రాబుద్దీన్, కోనపురి రాములు, బెల్లి లలిత, బాబర్‌ఖాన్ లాంటి వాళ్లను నిర్ధాక్షిణ్యంగా హతమార్చిన నేరస్తుడి వివరాలను ప్రజలకు అందకుండా దాచిపెట్టడం వెనుకఉన్న కారణం ఏంటో ప్రభుత్వం వెంటనే తెలియజేయాలని డిమాండ్ చేశారు. లీకుల్లో కోమటిరెడ్డి బ్రదర్స్, బీసీ సంక్షేమం కోసం పోరాడుతున్న ఆర్. కృష్ణయ్య పేర్లుండటం వెనుక ప్రభుత్వ హస్తం ఉందన్నారు.
 
 టీఆర్‌ఎస్‌కు సంబంధించిన ఇద్దరు ఎమ్మెల్యేలు, ఇద్దరు ఎమ్మెల్సీల పేర్లు వినిపిస్తున్నాయని, కాబట్టి వెంటనే అధికార పార్టీకి సంబంధించిన వ్యక్తులందరినీ అరెస్ట్ చేసి ప్రజా న్యాయస్థానంలో నిలబెట్టాలని కోరారు. ఆర్. కృష్ణయ్య లాంటి వాళ్లు టీఆర్‌ఎస్ పార్టీలో చేరకపోవడంతో కక్ష కట్టి కేసును బనాయించే ప్రయత్నం జరుగుతోందని ఆరోపించారు. సిట్ నిర్వహిస్తున్న విచారణపై అనుమానాలు ఉన్నందున కేసును సీబీఐకి అప్పగించాలని డిమాండ్ చేశారు. త్వరలో ఈ విషయంపై ఆందోళన చేపట్టనున్నామని సుధాకర్ చెప్పారు.


 పంజగుట్ట: సచివాలయం కేంద్రంగానే ఎంసెట్‌ ప్రశ్నాపత్రం లీకేజీ జరిగిందని, ఇందులో ప్రభుత్వ పెద్దల హస్తం ఉందని తెలంగాణ ఉద్యమ వేదిక కన్వీనర్‌ చెరుకు సుధాకర్‌ ఆరోపించారు. ఎమ్మెల్యేలు, ఎమ్మెల్సీల పిల్లలు ఉన్నట్లు సీఐడీ రిపోర్టులు వస్తున్నా ముఖ్యమంత్రి నోరు మెదపకపోవడం దారుణమన్నారు. ఈ ఘటనకు బాధ్యులను గుర్తించి బర్తరఫ్‌ చేయాలని, సీబీఐతో విచారణ జరిపించాలని డిమాండ్‌ చేశారు. సోమవారం సోమాజిగూడ ప్రెస్‌క్లబ్‌లో మాజీ ఎమ్మెల్యే యెన్నం శ్రీనివాస్‌ రెడ్డితో కలిసి ఆయన విలేకరులతో మాట్లాడారు.
  
 రాజయ్యను మంత్రి పదవి నుంచి తప్పించిన సీఎం ప్రస్తుత మంత్రులు  కడియం, లక్ష్మారెడ్డిలపై ఎందుకు చర్యలు తీసుకోవడం లేదని ప్రశ్నించారు. కేసీఆర్‌ కుటుంబం అన్ని విషయాల్లో జోక్యం చేసుకుంటున్నందునే ఈ పరిస్థితి దాపురించిందన్నారు. మంత్రులు బాధ్యతారహితంగా ఆంధ్రాప్రాంతం వారిపై నిందలు మోపడం విడ్డూరంగా ఉందన్నారు. ఎంసెట్‌ 2, 3 పేరుతో కాలయాపన చేయకుండా మేధావులతో చర్చించి విద్యార్థుల భవిష్యత్‌ పాడుకాకుండా చర్యలు తీసుకోవాలని కోరారు. సీఐడీ నివేదికను బహిర్గతం చేయాలని డిమాండ్‌ చేశారు. తెలంగాణ ఉద్యమ వేదిక అనుబందంగా తెలంగాణ స్టూడెంట్‌ యూనియన్‌ ఏర్పాటు చేస్తున్నట్లు ప్రకటించారు. ఈ నెల 5న ఓయూలో ఆవిర్భావ కార్యక్రమం నిర్వహిస్తున్నామన్నారు.


 నకిరేకల్‌ :
 తెలంగాణ ఉద్యమవేదిక రాష్ట్ర కన్వీనర్‌ డాక్టర్‌ చెరుకు సుధాకర్‌కు త్రుటిలో ప్రమాదం తప్పింది. ఆదిలాబాద్‌ జిల్లా కేంద్రంలో సామాజిక  తెలంగాణ గుండెచప్పుడు కార్యక్రమానికి ఆదివారం తన ఇన్నోవా వాహనంలో అక్కడి వెళ్లారు. రాత్రి 8:30 గంటలకు తిరిగి వస్తుండగా మార్గమధ్యలో ఆదిలాబాద్‌ జిల్లా మెండివారి గుట్ట సమీపంలో ఎదురుగా అడవి జంతువులు ఒక్కసారిగా వాహనానికి ఎదురుగా వచ్చాయి. దీంతో డ్రైవర్‌ వాటిని ప్రమాదాన్ని తప్పించేందుకు సడన్‌ బ్రెక్‌ వేయడంతో వాహనం ముందుభాగం ధ్వంసమైంది. సమయానికి సీటు బెల్ట్‌ పెట్టుకున్నందున చెరుకు సుధాకర్‌తో పాటు అందులో ఉన్న మరో ఆరుగురు ఉద్యమ వేదిక నాయకులు ఎలాంటి గాయాలు కాకుండా ప్రమాదం నుంచి బయటపడ్డారు.
  


 తెలంగాణ ఉద్యమ వేదిక కన్వీనర్ చెరుకు సుధాకర్
 హైదరాబాద్: ఉద్యమకారుల గొంతు నొక్కాలని చూస్తే ఉద్యమంలో మాదిరిగా 100 జేఏసీలు పుట్టుకొస్తాయని తెలంగాణ ఉద్యమ వేదిక కన్వీనర్ చెరుకు సుధాకర్ అన్నారు. రాజకీయ జేఏసీ చైర్మన్ ప్రొఫెసర్ కోదండరాంపై సీఎం కేసీఆర్ కుటుంబం, మంత్రివర్గ సభ్యులు తిట్లదండకం ప్రయోగించడాన్ని తీవ్రంగా ఖండిస్తున్నామని అన్నారు. మంగళవారం మాజీ ఎమ్మెల్యే యెన్నం శ్రీనివాస్‌రెడ్డితో కలసి ఆయన విలేకరులతో మాట్లాడారు. ఎవరైనా తెలంగాణ ప్రజల కోసం గొంతు విప్పడానికి ప్రయత్నిస్తే కేసీఆర్ అనుచరగణం ఒంటికాలిపై లేస్తున్నదని విమర్శించారు.
 ఉద్యమకారులను సన్నాసులు, దద్దమ్మలు అంటున్నారని, ఒక పార్టీ రాష్ట్ర అధ్యక్షుడిని కొత్త బిచ్చగాడు అని అంటున్నారని, ఇదెక్కడి సంస్కారమని ప్రశ్నించారు. తలసాని కూడా కోదండరాంను విమర్శించడం సిగ్గుచేటన్నారు. ఇప్పుడు ప్రత్యామ్నాయ రాజకీయ వ్యవస్థ అవసరం వచ్చిందని, ఇప్పటికైనా కోదండరాం దానిని తయారు చేయాలని సుధాకర్ సూచించారు. తెలంగాణ కోసం పోరాడిన కవులు, క ళాకారులు, ఉద్యమకారులు, మేధావివర్గం అందరూ ఐక్యంకావాలని పిలుపునిచ్చారు. తెలంగాణ ద్రోహులంతా బజారుకెక్కి ఉద్యమకారులపై దాడులు చేస్తున్నారని ఆవేదన వ్యక్తంచేశారు.


 ► పాలేరులో టీఆర్‌ఎస్‌ను ఓడించి తీరుతాం
 ► తెలంగాణ స్ఫూర్తి యాత్ర ముగింపు సభలో చెరుకు సుధాకర్
  
 సాక్షి, హైదరాబాద్: ‘తెలంగాణ ఉద్యమ ద్రోహి తుమ్మల నాగేశ్వర్‌రావు ముఖ్యమంత్రి కేసీఆర్‌కు కుడి భుజమవుతారట.. కాలం కలిసొస్తే నడిచే కొడుకు అవుతాడట.. ఖమ్మంలో జరిగింది పక్కగా దొంగల ప్లీనరీనే, పాలేరులో టీఆర్‌ఎస్‌ను ఓడించి తీరుతాం’ అని తెలంగాణ ఉద్యమ వేదిక రాష్ట్ర కన్వీనర్ చెరుకు సుధాకర్ ముఖ్యమంత్రి కేసీఆర్‌పై నిప్పులు చెరిగారు. అంబేడ్కర్, పూలే జయంతి సందర్భంగా తెలంగాణ ఉద్యమ వేదిక నేత చెరుకు సుధాకర్ ఆధ్వర్యంలో ఈ నెల 14న ప్రారంభమైన తెలంగాణ స్ఫూర్తియాత్ర శనివారం ఓయూలో ముగిసింది. ఈ సందర్భంగా  ఓయూ విద్యార్థి జేఏసీ ఆర్ట్స్ కళాశాల ఎదుట తెలంగాణ ఉద్యమ సామాజిక పునరేకీకరణ  బహిరంగ సభ నిర్వహిం చింది.
 
 కార్యక్రమానికి విద్యార్థి జేఏసీ అధ్యక్షుడు దేశగాని సాంబశివగౌడ్ అధ్యక్షత వహించగా చెరుకు సుధాకర్, డాక్టర్ గోపినాధ్, మాజీ ఎమ్మెల్యే శ్రీనివాస్‌రెడ్డి, మాజీ ఎంపీ మధు యాష్కి, శ్రీశైల్‌రెడ్డి తదితరులు పాల్గొని మహానీయుల చిత్రపటాలకు పూలమాలలు వేసి నివాళ్లు అర్పించారు. అనంతరం చెరుకు సుధాకర్ మాట్లాడుతూ సీఎం కేసీఆర్ పాలనపై ధ్వజమెత్తారు. ఉద్యమాన్ని అడ్డుకొని, తెలంగాణ రాష్ట్ర అవతరణకు సహకరించని మంత్రులు తలసాని శ్రీనివాస్,కడియం శ్రీహరి, తుమ్మల నాగేశ్వర్‌రావు, మహేందర్‌రెడ్డి, ఎమ్మెల్యే కొండా సురేఖలకు పార్టీలో అధిక ప్రాధాన్యతను కల్పించడం దారుణమన్నారు.
 
 తెలంగాణ రాష్ట్రాన్ని దొంగలు, లిక్కర్ మాఫియా, రౌడీలు ఏలుతున్నారని దుయ్యబట్టారు. తెలంగాణ రాజకీయాల్లో ప్రత్యామ్నాయ గొంతుగా ప్రజలను చైతన్య పరిచేందుకు పది జిల్లాలో నిర్వహించిన స్ఫూర్తి యాత్రకు ప్రజల నుంచి సంపూర్ణ మద్దతు లభించిందన్నారు. బంగారు తెలంగాణ  తీసుకువస్తానన్న  కేసీఆర్ బతుకులేని తెలంగాణగా మారుస్తున్నారని విమర్శించారు.


 చెరుకు సుధాకర్
  హన్మకొండ: రాష్ట్రంలో టీఆర్‌ఎస్ చాటున టీడీపీ పాలన సాగుతోందని తెలంగాణ ఉద్యమ వేదిక కన్వీనర్ చెరుకు సుధాకర్ అన్నారు. ఆదివారం హన్మకొండలో తెలంగాణ స్ఫూర్తి యాత్ర చర్చాగోష్టి నిర్వహించారు. సీఎం కేసీఆర్ పూర్వాశ్రమం టీడీపీ నాయకులతో కూడిన ప్రభుత్వమే రాష్ట్రంలో సాగుతోందని, ప్రజల ఆకాంక్షలకు భిన్నంగా నడుస్తోందన్నారు. ప్రశ్నిం చే వారు ఉండకూడదనే ఉద్దేశంతోనే విపక్ష ఎమ్మెల్యేలను టీఆర్‌ఎస్‌లో చేర్చుకుంటున్నారన్నారు. పార్టీలు మారడం వెనుక రూ.వందల కోట్ల డీల్ నడుస్తోందన్నారు.
 
 ప్రశ్నించే నాయకులు లేకున్నా, తెలంగాణ ఉద్యమ వేదిక, తెలంగాణ ఉద్యమ జేఏసీ ప్రజల పక్షాన నిలుస్తాయన్నారు. గ్రామ జేఏసీలన్నింటినీ ఏకతాటిపైకి తీసుకొచ్చి, తెలంగాణ ఉద్యమ జేఏసీగా మలచడానికే ఈ యాత్ర చేపట్టామని తెలిపారు. ప్రభుత్వ తప్పులు ఎత్తిచూపడంలో తెలంగాణ జేఏసీ చైర్మన్ కోదండరాం విఫలమయ్యూరని మాజీ ఎమ్మెల్యే యెన్నం శ్రీనివాస్‌రెడ్డి ఆరోపించారు.


 హైదరాబాద్: తెలంగాణ ఉద్యమ, సామాజిక శక్తుల పునరేకీకరణ కోసం, గ్రామ స్థాయి నుంచి జేఏసీని తెలంగాణ ఉద్యమ జేఏసీగా మలిచేందుకు గాను  అంబేడ్కర్ జయంతి రోజైన గురువారం నుంచి ‘తెలంగాణ స్ఫూర్తి యాత్ర’ నిర్వహించనున్నట్లు తెలంగాణ ఉద్యమ వేదిక కన్వీనర్ చెరుకు సుధాకర్ వెల్లడించారు. ఆయన  బుధవారం సోమాజిగూడ ప్రెస్‌క్లబ్‌లో విలేకరుల సమావేశంలో మాజీ ఎమ్మెల్యే యన్నం శ్రీనివాస్‌తో కలిసి మాట్లాడారు. అట్టడుగు వర్గాల జీవితాల్లో వెలుగు నింపేందుకు సామాజిక శక్తులను ఐక్యం చేయడం యాత్ర ఉద్దేశమన్నారు. అంబేడ్కర్ జయంతి రోజున  ఉదయం 11 గంటలకు ట్యాంక్‌బండ్ వద్దనున్న అంబేడ్కర్ విగ్రహం నుంచి యాత్ర ప్రారంభమై భువనగిరి చేరుకుంటుందని, అక్కడ నుండి ఈ నెల 29 వరకు తెలంగాణలోని 10 జిల్లాలు తిరిగి, తిరిగి హైదరాబాద్ చేరుకుని 30న ఓయూలో మహనీయుల జయంతి ఉత్సవాలు, సభ నిర్విహ ంచనున్నట్లు తెలిపారు. ఈ కార్యక్రమంలో జంగ్ ప్రహ్లాద్ పాల్గొన్నారు.


 హైదరాబాద్: 'నాయకత్వ లేమితో కాంగ్రెస్ పార్టీ జవసత్వాలు కోల్పోతున్నది. చంద్రబాబు నేతృత్వంలోని టీడీపీ కేవలం ఆంధ్రప్రదేశ్ కు మాత్రమే పరిమితమైపోయింది. బలపడే అవకాశాలున్నా బీజేపీ వేళ్లూనుకోలేకపోతున్నది. ఇక అధికార టీఆర్ఎస్ తీవ్రమైన ప్రభుత్వ వ్యతిరేకతలో కొట్టుమిట్టాడుతున్నది. ప్రస్తుతం తెలంగాణలో ప్రధాన రాజకీయపార్టీలు ఎదుర్కొంటున్న ఈ పరిస్థితి.. త్వరలోనే రాజకీయ శూన్యతకు దారితీస్తుంది'  అని లోక్ సభ మాజీ స్పీకర్ పీఏ సగ్మా జోస్యం చెప్పారు. ఈ నేపథ్యంలో తెలంగాణలో ప్రత్యామ్నాయ రాజకీయ వేదిక ఏర్పాటుకు గల అవకాశాలను పరిశీలించేందుకే ఇక్కడికి వచ్చానని ఆయన పేర్కొన్నారు.
 
 శనివారం హైదరాబాద్ వచ్చిన పీఏ సంగ్మా.. హెచ్ సీయూలో విద్యార్థి వేముల రోహిత్ జయంతి కార్యక్రమంలో పాల్గొన్నారు. అనంతరం ప్రెస్ క్లబ్ లో ఏర్పాటుచేసిన విలేకరుల సమావేశంలో మాట్లాడుతూ ఆసక్తికరమైన విషయాలు వెల్లడించారు. శరద్ పవార్(ఎన్సీపీ) నుంచి విడిపోయిన తర్వాత తాను స్థాపించిన నేషనల్ పీపుల్స్ పార్టీ(ఎన్ పీపీ) ఇంకా గుర్తింపు పొందనప్పటికీ జాతీయ పార్టీగా ఎదుగిందన్న సగ్మా.. తెలంగాణకు చెందిన పలువురు నేతలు తనతో టచ్ లో ఉన్నారని, ఇక్కడి రాజకీయ పరిస్థితులను ఎప్పటికప్పుడు పరిశీలిస్తునే ఉన్నానని చెప్పారు.
 
 విద్య, ఆరోగ్యం, ఉపాధి వంటి మౌళిక అంశాలపై టీఆర్ఎస్ దృష్టి పెట్టడంలేదని, ఉద్యమం ద్వారా సాధించుకున్న తెలంగాణలో 1500 మంది రైతులు ఆత్మహత్యకు పాల్పడటం ముమ్మాటికీ ప్రభుత్వ వైఫల్యమేనని సగ్మా అన్నారు. రాష్ట్రంలో ఏర్పాటుకాబోయే నూతన రాజకీయ ప్రత్యామ్నాయ వేదిక.. అట్టడుగు వర్గాలకు మేలు చేసేలా, సామాజిక న్యాయానికి పెద్దపీట వేస్తుందని సంగ్మా భరోసా ఇచ్చారు. ఈ సమావేశంలో తెలంగాణ ఉద్యమ వేదిక కన్వీనర్ చెరుకు సుధాకర్, గాదె ఇన్నయ్య, మాజీ ఎమ్మెల్యే ఎన్నం శ్రీనివాస్‌రెడ్డి, గాలయ్య తదితరులు పాల్గొన్నారు.


 - చెరుకు సుధాకర్ నేతృత్వంలో నకిరేకల్‌లో పతాకావిష్కరణ
 - ఏకమవుతున్న టీఆర్‌ఎస్ మాజీ నేతలు
 - రాజకీయ ప్రత్యామ్నాయంగా రూపుదిద్దుకునే యోచన
 సాక్షి ప్రతినిధి, నల్లగొండ: తెలంగాణ రాష్ట్ర సాధన ఉద్యమ పునాదులే ఆశయాలుగా మరో రాజకీయ ‘వేదిక’ పురుడు పోసుకుంటోంది. టీఆర్‌ఎస్‌లో గతంలో పనిచేసి నిర్లక్ష్యానికి గురైన వారు, రాజకీయ జేఏసీలో క్రియాశీల పాత్ర పోషించిన నేతలు ఏకమయ్యేందుకు ఇది మరో వేదిక కాబోతోంది.
 
 ప్రభుత్వం వైఖరికి వ్యతిరేకంగా, రాజకీయ జేఏసీ ఉదాసీన వైఖరికి సమాంతరంగా సామాజిక వర్గాల కోణంలో ఏర్పాటు చేస్తున్న ఈ సంస్థను రాజకీయ ప్రత్యామ్నాయంగా మారుస్తామని కొత్త వేదిక రూపకర్తలు చెబుతున్నారు.  రాష్ట్ర సాధన ఫలాలు క్షేత్రస్థాయికి చేరుకునేలా ప్రభుత్వంపై ఒత్తిడి తెస్తామని వారంటున్నారు. ఇందులో భాగంగా నల్లగొండ జిల్లా నకిరేకల్‌లో మేడే సందర్భంగా  టీఆర్‌ఎస్ మాజీ నేత డాక్టర్ చెరుకు సుధాకర్ నేతృత్వంలో తెలంగాణ ఉద్యమ వేదిక పతాకాన్ని ఆవిష్కరించారు.
  
 సంప్రదాయానికి భిన్నంగా...
 సంప్రదాయ నాయకత్వానికి భిన్నంగా ముందుకెళ్లే యోచనలో వేదిక నాయకత్వం ఉన్నట్టు తెలుస్తోంది. కాంగ్రెస్, బీజేపీలు ప్రతిపక్ష పార్టీలుగా చెపుతున్నా.. ఆ పార్టీల నేతలు అట్టడుగు వర్గాల భాగస్వామ్యం గురించి ప్రశ్నించడం లేదని, అందుకే తాము రాజకీయ ప్రత్యామ్నాయంగా ముందుకెళ్లాలని వారు భావిస్తున్నారు.  
  
 చిలకపచ్చ పతాకం
 వేదిక పతాకాన్ని పరిశీలిస్తే.. ఇందులో అనేక ఉద్యమ, సామాజిక కోణాలు కనిపిస్తున్నారు. ముఖ్యంగా వేదికపై ఉద్యమ యోధురాలు చాకలి ఐలమ్మ, ప్రొఫెసర్ జయశంకర్‌ల చిత్రపటాలను ముద్రించారు. నీలిరంగు తెలంగాణ చిహ్నంలో ఎరుపు రంగు పిడికిలి ముద్రించారు. పతాకాన్ని చిలకపచ్చ రంగుతో తయారు చేయడం గమనార్హం.  
  
 ఉద్యమ హామీల అమలుకు పోరాడాలి
 జేఏసీ నేతలు పిట్టల రవీందర్, గురజాల రవీందర్ రావు
 జనగామ : ‘తెలంగాణ సాధనకు ఎలా పోరాడామో... ఇప్పుడు సమస్యల సాధనకు అదేవిధంగా పోరాడేందుకు అందరూ ఏకమవ్వాలి. సామాజిక తెలంగాణ  కోసం మరో ఉద్యమం చేయాలి.. కోదండరాం నేతృత్వంలోని జేఏసీ స్తబ్దంగా మారింది. ప్రభుత్వ నిర్లక్ష్యంపై నిలదీతలు లేవు.. ఉద్యమ కాలం నాటి హామీలను కేసీఆర్ ప్రభుత్వం మరి చింది. మన సమస్యల సాధనకు మరో వేదిక అవసరం.. దీని విధివిధాలనాలను త్వరలోనే ప్రకటించుకుందాం.. బైరాన్‌పల్లి అమరుల స్ఫూర్తిగా.. పోరుగడ్డ జనగామ నుంచే ఉద్య మం ప్రారంభిద్దాం’అని జేఏసీ రాష్ట్ర సమన్వయకర్త పిట్టల రవీందర్, తెలంగాణ విద్యావంతుల వేదిక రాష్ట్ర అధ్యక్షుడు గురజాల రవీందర్‌రావు అన్నారు.
 
 వరంగల్ జిల్లా జనగామలో జేఏసీ డివిజన్ కన్వీనర్ కన్నా పరుశరాములు అధ్యక్షతన శుక్రవారం సాయంత్రం ఉద్యమకారుల సన్నాహక సమావేశం నిర్వహించారు. అతిథులుగా పిట్టల రవీందర్, గురజాల రవీందర్‌రావులు హాజరయ్యారు. సమావేశంలో వారు మాట్లాడుతూ  టీఆర్‌ఎస్ ప్రభుత్వం ప్రాథమ్యాలను మరిచిందన్నారు.  తెలంగాణ ద్రోహులను కేసీఆర్ చేరదీస్తున్నాడని అన్నారు. కార్యక్రమంలో జేఏసీ నాయకులు కోల జనార్దన్, మాజీ ఎమ్మెల్యే సీహెచ్ రాజారెడ్డి తదితరులు పాల్గొన్నారు.


 సాక్షి, న్యూఢిల్లీ: కాంగ్రెస్ సిద్దాంతాలు నచ్చిన వారెవరైనా పార్టీలో చేరవచ్చని మాజీ మంత్రి కె.జానారెడ్డి పేర్కొన్నారు. పెద్దపల్లి ఎంపీ వివేక్, ఆయన సోదరుడు వినోద్ తిరిగి సొంతగూటికి రావడంపై ప్రశ్నించగా.. ఆయన పై విధంగా స్పందించారు. సోమవారం ఢిల్లీలో ఆయన మీడియాతో మాట్లాడారు. నల్లగొండ జిల్లాకు చెందిన చెరుకు సుధాకర్ దిగ్విజయ్‌తో భేటీ అయిన విషయం తనకు తెలియదన్నారు. కాగా, ఎంపీ ,ఎమ్మెల్యే అభ్యర్థుల ఎంపికకు సంబంధించి దిగ్విజయ్‌కు జానారెడ్డి పలు ప్రతిపాదనలు ఇచ్చినట్టు సమాచారం. అయితే అంతకు ముందు అదే జిల్లాకు చెందిన కోమటిరెడ్డి బ్రదర్స్ దిగ్విజయ్‌తో సమావేశమయ్యారు.


 టీఆర్ఎస్ పార్టీకి రాజీనామా చేస్తున్నట్లు ఆ పార్టీ నేత చెరుకు సుధాకర్ ప్రకటించారు. మంగళవారం హైదరాబాద్లో చెరుకు సుధాకర్ మాట్లాడుతూ... టీఆర్ఎస్ అధ్యక్షుడు కేసీఆర్ అనుసరిస్తున్న వైఖరిపై సుధాకర్ నిప్పులు చెరిగారు.ఆయన వైఖరిని సవాల్గా తీసుకుని పార్టీని వీడితున్నట్లు తెలిపారు.తెలంగాణ కోసం పోరాడిన ఉద్యమకారులకు కాకుండా కార్పొరేట్ స్థాయివాళ్లకు పార్టీలో అత్యధిక ప్రాధాన్యం ఇస్తున్నారని ఆయన ఆరోపించారు.
  
 పార్టీలోని సీనియర్లను కేసీఆర్ డమ్మీలుగా మారుస్తున్నారని విమర్శించారు.రానున్న ఎన్నికలలో స్వతంత్ర్య అభ్యర్థిగానైనా పోటీ చేస్తానని ఆయన స్పష్టం చేశారు. తన భవిష్యత్తు కార్యాచరణపై సన్నిహితులతో చర్చించి నిర్ణయం తీసుకుంటానన్నారు.అయితే రానున్న ఎన్నికలలో స్వతంత్ర్య అభ్యర్థిగానైనా పోటీ చేసేందుకు తాను సిద్దంగా ఉన్నానని చెరుకు సుధాకర్ స్పష్టం చేశారు.


 హైదరాబాద్: ఉద్యమకారులను టిఆర్ఎస్లోకి చేర్చుకోకుండా కొత్తవారికి సీట్లు కేటాయించడం అన్యాయం అని ఆ పార్టీ పోలిట్బ్యూరో సభ్యుడు, నల్గొండ జిల్లా నేత చెరుకు సుధాకర్ అన్నారు. తాను  టీఆర్ఎస్ నుంచి టీడీపీలోకి వెళ్లాలనుకోవడంలేదని చెప్పారు. టిడిపి అధ్యక్షుడు చంద్రబాబు నాయుడును తాను వ్యక్తిగత హోదాలోనే కలిశానన్నారు. తెలంగాణకు వ్యతిరేకమైన పార్టీలను, వ్యక్తులను ఇక ముందు కలవనని  సుధాకర్ చెప్పారు.
 
 సుధాకర్ శనివారం రాత్రి చంద్రబాబు నాయుడును కలిశారు. దాంతో ఆయన టిడిపిలో  చేరనున్నట్లు ప్రచారం జరిగింది. పక్కా తెలంగాణవాది అయిన  సుధాకర్ గతంలో వామపక్ష ఉద్యమాల్లో చురుకుగా పాల్గొన్నారు.  ఆ తరువాత టీఆర్ఎస్‌లో చేరారు. టిఆర్ఎస్ అధినేత కె.చంద్రశేఖర రావు వ్యవహార శైలి కొంతకాలంగా ఆయనకు నచ్చడంలేదు.  ఇప్పుడు కూడా టిఆర్ఎస్లో కొత్తగా చేరినవారికి సీట్లు కేటాయించడం పట్ల సుధాకర్ అసంతృప్తి వ్యక్తం చేశారు.


 సాక్షి, ముంబై: తెలంగాణ రాష్ట్రం ఏర్పాటు తర్వాత ముంబైలో తెలంగాణ ప్రజల సంక్షేమార్థం తెలంగాణ భవన్ నిర్మాణానికి కృషిచేస్తామనితెలంగాణ ప్రజాఫ్రంట్ ఉపాధ్యక్షుడు వేదకుమార్, టీఆర్‌ఎస్ పొలిట్‌బ్యూరో సభ్యుడు డాక్టర్ చెరకు సుధాకర్ వ్యక్తం చేశారు. ముంబైలోని ములుండ్‌లో ‘తెలంగాణ పునర్నిర్మాణం, వలసబిడ్డల సమస్యల భవిష్యత్తు-చర్చాగోష్టి, ఆకుల భూమయ్య సంస్మరణ సభ’ కార్యక్రమం జరిగింది. శనివారం రాత్రి జరిగిన ఈ కార్యక్రమంలో ముఖ్యఅతిథులుగా పాల్గొన్న వీరిద్ద రూ ప్రత్యేక తెలంగాణ తొందర్లోనే ఏర్పాటు అవుతుందన్న ధీమాను వ్యక్తం చేశారు. ప్రజాసామ్య పద్దతిలోనే ఏర్పడుతున్న తెలంగాణ ఏర్పాటు ప్రక్రియ చివరి దశకు వచ్చిందన్నారు. ఆంక్షలు లేని తెలంగాణ కావాలని డిమాండ్ చేశారు.  
 
  వారం రోజుల్లో ఏర్పాటు
  ప్రత్యేక తెలంగాణ మరో వారం రోజుల్లో ఏర్పాటు అవుతుందన్న ధీమాను చెర కు సుధారకర్ వ్యక్తం చేశారు  కాంగ్రెస్, ఇతర పార్టీలు తెలంగాణ ఇచ్చేందుకు ముందుకు రావడానికి మన ఉద్యమాలే కారణమని ఆయన చెప్పారు. 2014లో జరగబోయే ఎన్నికల్లో కూడా తెలంగాణ కోసం పోరాడుతున్న ప్రజాప్రతినిధులను గెలిపించుకోవాలని ఈ సందర్భంగా ఆయన పిలుపునిచ్చారు.ప్రత్యేక తెలంగాణ రాష్ట్రం ఏర్పాైటె న తర్వాత నగరంలోని వలసబిడ్డల సమస్యలను పరిష్కరిం చేందుకు ముంబైలో  ప్రత్యే క తెలంగాణ భవనం నిర్మించేలా చూస్తామన్నారు. అంతకుముందు  తెలంగాణ పోరాట యోధుడైన ఆకుల భూమయ్యకు నివాళులు అర్పించారు.
 
  ఈ సందర్భంగా తెలంగాణ కళామంచ్ సభ్యులు ఆలపించిన గీతాలు ఆహూతులను ఉత్తేజ పరిచాయి. తెలుగు కార్మిక అసోసియేషన్, రిల యన్స్ కార్మిక సమాఖ్య, శ్రమజీవి సంఘం, ధారావి యాద వ్ సంఘం, వడాలా కోలివాడ ఎస్సీ సంఘం, ములూండ్ కార్మిక సంఘం, పవాయి కార్మిక సమా ఖ్య, తెలంగాణ రచయితల వేదిక, విలేపార్లె కష్టకరి సంఘం, గోరేగావ్ శ్రీనివాస్ ఎంటర్‌ప్రెజైస్ తదితర సంఘాల ప్రతినిధులు పాల్గొన్నారు. వడాల మహిళ సంఘం సభ్యులతోపాటు ఇతర ప్రాంతాల మహిళలు పాల్గొన్నా రు. ఈ కార్యక్రమంలో అఖిల భారత తెలంగాణ రచయితల వేదిక ప్రధాన కార్యదర్శి మచ్చ ప్రభాకర్, గ్యార శేఖర్, సంగపంగ సైదులు, పల్లె గోవింద్, జి.  రమేష్, అక్కనపెల్లి దుర్గేష్, మారంపెల్లి రవి, లింగం, వెంకటేష్, గడుగుంట్ల దశరథ్, నగేష్, సంగవేని రవి, గుర్‌నాథ్, పుష్కర జాల, కంటె అశోక్, సైదులు పాల్గొన్నారు.