సిల్వర్‌స్టోన్‌ (ఇంగ్లండ్‌): ప్రపంచ మాజీ చాంపియన్‌ లూయిస్‌ హామిల్టన్‌ 945 రోజుల తర్వాత ఫార్ములావన్‌ (ఎఫ్‌1) రేసులో మళ్లీ విజయం అందుకున్నాడు. ఆదివారం జరిగిన బ్రిటిష్‌ గ్రాండ్‌ప్రిలో ఈ బ్రిటన్‌ డ్రైవర్‌ విజేతగా నిలిచాడు. చివరిసారి హామిల్టన్‌ 2021 డిసెంబర్‌ 5న సౌదీ అరేబియా గ్రాండ్‌ప్రిలో గెలుపొందాడు. సిల్వర్‌స్టోన్‌ సర్క్యూట్‌పై ఆదివారం జరిగిన 52 ల్యాప్‌ల రేసును హామిల్టన్‌ (మెర్సిడెస్‌) అందరికంటే వేగంగా ఒక గంటా 22 నిమిషాల 27.059 సెకన్లలో ముగించి అగ్రస్థానాన్ని దక్కించుకున్నాడు. ఈ క్రమంలో ఫార్ములావన్‌ చరిత్రలో ఒకే సర్క్యూట్‌పై అత్యధికంగా 9 సార్లు విజేతగా నిలిచిన డ్రైవర్‌గా హామిల్టన్‌ రికార్డు నెలకొల్పాడు. మైకేల్‌ షుమాకర్‌ (జర్మనీ) ఫ్రాన్స్‌లోని మాగ్నీ కోర్స్‌ సర్క్యూట్‌ లో అత్యధికంగా 8 సార్లు గెలిచాడు. తాజా గెలుపుతో షుమాకర్‌ రికార్డును హామిల్టన్‌ సవరించాడు. 24 రేసుల తాజా సీజన్‌లో 12 రేసులు ముగిశాక వెర్‌స్టాపెన్‌ (రెడ్‌బుల్‌) 255 పాయింట్లతో టాప్‌ ర్యాంక్‌లో కొనసాగుతున్నాడు. సీజన్‌లోని తదుపరి రేసు హంగేరి గ్రాండ్‌ప్రి ఈనెల 21న జరుగుతుంది.

సాఖిర్‌ (బహ్రెయిన్‌): ఫార్ములావన్‌ (ఎఫ్‌1) 2023 సీజన్‌కు రంగం సిద్ధమైంది. 23 రేసుల ఈ సీజన్‌లో తొలి రేసు బహ్రెయిన్‌ గ్రాండ్‌ప్రి ఆదివారం జరుగుతుంది. అంతకుముందు శనివారం ప్రధాన రేసుకు సంబంధించిన గ్రిడ్‌ పొజిషన్‌ను తేల్చేందుకు క్వాలిఫయింగ్‌ సెషన్‌ను నిర్వహిస్తారు. క్వాలిఫయింగ్‌ సెషన్‌లో అత్యంత వేగంగా ల్యాప్‌ను పూర్తి చేసిన డ్రైవర్‌ ప్రధాన రేసును ‘పోల్‌ పొజిషన్‌’ హోదాలో తొలి స్థానం నుంచి ప్రారంభిస్తాడు. ఈ సీజన్‌లో కూడా డిఫెండింగ్‌ చాంపియన్‌ మాక్స్‌ వెర్‌స్టాపెన్‌ (రెడ్‌బుల్‌ జట్టు) తన జోరు కొనసాగించే అవకాశముంది. అతనికి హామిల్టన్‌ (మెర్సిడెస్‌), లెక్‌లెర్క్‌ (ఫెరారీ) నుంచి గట్టిపోటీ ఎదురయ్యే చాన్స్‌ ఉంది. మొత్తం 10 జట్ల నుంచి 20 మంది డ్రైవర్లు మొత్తం 23 రేసుల్లో పాల్గొంటారు. 

తన తండ్రి మైకేల్‌ షుమాకర్‌ ఏ జట్టుకైతే ప్రాతినిధ్యం వహించాడో అదే జట్టు తరఫున వచ్చే ఏడాది ఫార్ములావన్‌ సీజన్‌లో మిక్‌ షుమాకర్‌ బరిలోకి దిగనున్నాడు. 2023 సీజన్‌ కోసం మిక్‌ మెర్సిడెస్‌ జట్టు తరఫున రిజర్వ్‌ డ్రైవర్‌గా నియమితుడయ్యాడు. రెగ్యులర్‌ డ్రైవర్లు హామిల్టన్, జార్జి రసెల్‌లలో ఒకరు అందుబాటులో లేకపోతే మిక్‌కు అవకాశం వస్తుంది. ఈ ఏడాది హాస్‌ జట్టు తరఫున మిక్‌ పోటీపడ్డాడు. మైకేల్‌ షుమాకర్‌ 2010–2012 వరకు మెర్సిడెస్‌ తరఫున బరిలోకి దిగాడు. చదవండి: BBL 2022: క్రికెట్‌ చరిత్రలోనే అరుదైన ఘటన.. ఈ వీడియో చూస్తే ఆశ్చర్యపోవాల్సిందే?

భారత్‌-న్యూజిలాండ్‌ రెండో వన్డే వర్షం కారణంగా రద్దైన సంగతి తెలిసిందే. అయితే ఈ మ్యాచ్‌లో టాస్‌ గెలిచిన న్యూజిలాండ్‌ భారత్‌ను బ్యాటింగ్‌ ఆహ్వానించింది. అయితే భారత ఇన్నింగ్స్‌ 4.5 ఓవర్ల వద్ద వర్షం అంతరాయం కలిగించింది. అనంతరం వర్షం తగ్గు ముఖం పట్టడంతో మ్యాచ్‌ను 29 ఓవర్లకు కుదించారు. అయితే మళ్లీ భారత ఇన్నింగ్స్‌ 12.5 (89-1) వద్ద వర్షం తిరుగుముఖం పట్టింది. అనంతరం వర్షం జోరు మరింత పెరగడంతో ఆఖరికి అంపైర్‌లు మ్యాచ్‌ను రద్దు చేశారు. మంచి మనసు చాటుకున్న శాంసన్‌ తొలి వన్డేలో చోటు దక్కించుకున్న సంజూ శాంసన్‌కు మరోసారి నిరాశ ఎదురైంది. రెండో వన్డేకు బెంచ్‌కే పరిమితమయ్యాడు. అయితే తొలుత వర్షం తగ్గుముఖం పట్టాక గ్రౌండ్‌ స్టాప్‌ మైదానం సిద్దం చేసే పనిలో పడ్డారు. ఈ క్రమంలో అక్కడే ఉన్న సంజూ శాంసన్‌ గ్రౌండ్‌ సిబ్బందికి సహాయం చేశాడు. ఇందుకు సంబంధించిన వీడియోను రాజస్తాన్‌ రాయల్స్‌ ట్విటర్‌లో షేర్‌ చేసింది. ఒక అంతర్జాతీయ క్రికెటర్‌ అయినప్పటికీ గ్రౌండ్‌ స్టాప్‌కు చేసిన సంజాపై సర్వాత‍్ర ప్రశంసల వర్షం కురుస్తోంది. ప్రస్తుతం ఈ వీడియో సోషల్‌ మీడియాలో వైరల్‌గా మారింది. Sanju Samson. 💗pic.twitter.com/QxtQMz4188 — Rajasthan Royals (@rajasthanroyals) November 27, 2022 చదవండి: FIFA WC 2022: ఖతర్‌ను కలవరపెడుతున్న 'క్యామెల్‌ ప్లూ' వైరస్‌.. కరోనా కంటే డేంజర్‌

న్యూజిలాండ్‌, టీమిండియా సిరీస్‌ను వరుణుడు విడవడం లేదు. టి20 సిరీస్‌లో ఎలాగైతే అడ్డుపడ్డాడో.. ఇప్పుడు వన్డే సిరీస్‌కు అదే పరిస్థితి కలిగిస్తున్నాడు. ఆదివారం టీమిండియా, న్యూజిలాండ్‌ మధ్య ప్రారంభమైన రెండో వన్డేకు వర్షం అంతరాయం కలిగించింది. టాస్‌ గెలిచిన న్యూజిలాండ్‌ టీమిండియాను బ్యాటింగ్‌కు ఆహ్వానించింది. టీమిండియా 4.5 ఓవర్లలో 22 పరుగులు వద్ద ఉన్నప్పుడు వర్షం పడడంతో అంపైర్లు మ్యాచ్‌ను నిలిపివేశారు. శిఖర్‌ ధావన్‌ 2, శుబ్‌మన్‌ గిల్‌ 19 పరుగులతో క్రీజులో ఉన్నారు. ఇక తొలి వన్డేలో పరాజయం పొందిన టీమిండియా సిరీస్‌లో నిలవాలంటే ఈ మ్యాచ్‌లో నెగ్గడం తప్పనిసరి. మరి వర్షం తెరిపినిస్తుందా లేదా అనేది ఆసక్తికరంగా మారింది.  

Verstappen wins Formula 1 Mexican Grand Prix:  ఫార్ములావన్‌ సీజన్‌లో భాగంగా జరిగిన మెక్సికో గ్రాండ్‌ప్రిలో రెడ్‌బుల్‌ డ్రైవర్‌ వెర్‌స్టాపెన్‌ విజేతగా నిలిచాడు. 71 ల్యాప్‌ల రేసును వెర్‌స్టాపెన్‌ గంటా 38 నిమిషాల 39.086 సెకన్లలో పూర్తి చేసి అగ్రస్థానాన్ని దక్కించుకున్నాడు. సీజన్‌లో వెర్‌స్టాపెన్‌కిది తొమ్మిదో విజయం. 16.555 సెకన్ల తేడాతో హామిల్టన్‌ (మెర్సిడెస్‌) రెండో స్థానంలో నిలిచాడు. మూడో స్థానాన్ని పెరెజ్‌ (రెడ్‌బుల్‌) దక్కించుకున్నాడు. చదవండి: Akshay Karnewar: 4–4–0–2.. అక్షయ్‌ కర్నేవార్‌ అరుదైన రికార్డు

మోంటెకార్లో: తన కారులో తలెత్తిన సాంకేతిక లోపంతో ‘పోల్‌ పొజిషన్‌’ సాధించిన చార్లెస్‌ లెక్‌లెర్క్‌ (ఫెరారీ) రేసు ఆరంభానికి ముందే తప్పుకోవడంతో... తొలి స్థానం నుంచి రేసును ఆరంభించిన మ్యాక్స్‌ వెర్‌స్టాపెన్‌ (రెడ్‌బుల్‌) మొనాకో గ్రాండ్‌ప్రిలో అదరగొట్టాడు. ఆదివారం జరిగిన 78 ల్యాప్‌ల ప్రధాన రేసులో ఎక్కడా తడబడకుండా డ్రైవ్‌ చేసిన వెర్‌స్టాపెన్‌... అందరికంటే ముందుగా గంటా 38 నిమిషాల 56.820 సెకన్లలో ముగించి విజేతగా నిలిచాడు.  ఇక సీజన్‌లో వెర్‌స్టాపెన్‌కు ఇది రెండో విజయం. కార్లోస్‌ సెయింజ్‌ (ఫెరారీ) రెండో స్థానంలో నిలువగా... హామిల్టన్‌ (మెర్సిడెస్‌) ఏడో స్థానంతో సరిపెట్టుకున్నాడు. సీజన్‌లో తదుపరి గ్రాండ్‌ప్రి అజర్‌బైజాన్‌ వేదికగా జూన్‌ 6న జరగనుంది. చదవండి: Asian Boxing Championship: భారత్‌కు 7 పతకాలు ఖాయం This way to the 🔝 of the standings ➡️🏆 #MonacoGP 🇲🇨pic.twitter.com/CEiSv1bK4o — Red Bull Racing Honda (@redbullracing) May 23, 2021 No floating energy station this year but still plenty of 𝒕𝒉𝒊𝒔 ENERGY!!! 🙌 #MonacoGP 🇲🇨 #GivesYouWings pic.twitter.com/Rh8a5WGmKP — Red Bull Racing Honda (@redbullracing) May 23, 2021

అబుదాబి: ఫార్ములావన్‌ (ఎఫ్‌1) 2020–సీజన్‌ ముగింపు రేసులో రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ విజేతగా నిలిచాడు. యాస్‌ మరీనా సర్క్యూట్‌లో ఆదివారం జరిగిన అబుదాబి గ్రాండ్‌ప్రిలో నిర్ణీత 55 ల్యాప్‌లను వెర్‌స్టాపెన్‌ అందరికంటే ముందుగా గంటా 36 నిమిషాల 28.645 సెకన్లలో ముగించి ఈ సీజన్‌లో రెండో విజయాన్ని అందుకున్నాడు. ‘పోల్‌ పొజిషన్‌’తో రేసును ఆరంభించిన 23 ఏళ్ల వెర్‌స్టాపెన్‌కు ఏదశలోనూ ఇతర డ్రైవర్ల నుంచి పోటీ ఎదురుకాలేదు. మెర్సిడెస్‌ జట్టు డ్రైవర్లు బొటాస్‌ రెండో స్థానంలో... హామిల్టన్‌ మూడో స్థానంలో నిలిచారు. గతవారం సాఖిర్‌ గ్రాండ్‌ప్రి విజేత సెర్గియో పెరెజ్‌ (రేసింగ్‌ పాయింట్‌–ఆర్‌పీ) ఎనిమిదో ల్యాప్‌లోనే రేసు నుంచి తప్పుకున్నాడు. కరోనా కారణంగా ఈ సీజన్‌లో 22 రేసులకు బదులుగా 17 రేసులను మాత్రమే నిర్వహించారు. 11 రేసుల్లో గెలుపొందిన హామిల్టన్‌ (మెర్సిడెస్‌) 347 పాయింట్లతో ఓవరాల్‌ డ్రైవర్స్‌ చాంపియన్‌షిప్‌ టైటిల్‌ను ఏడోసారి సొంతం చేసుకొని దిగ్గజ డ్రైవర్‌ మైకేల్‌ షుమాకర్‌ (జర్మనీ) రికార్డును సమం చేశాడు. బొటాస్, వెర్‌స్టాపెన్‌ రెండేసి రేసుల్లో నెగ్గగా... పెరెజ్, పియరీగ్యాస్లీ ఒక్కో రేసులో గెలిచారు. 573 పాయింట్లతో టీమ్‌ కన్‌స్ట్రక్టర్స్‌ చాంపియన్‌షిప్‌ కూడా మెర్సిడెస్‌ జట్టుకే లభించింది.  

మనమ: కరోనా వైరస్‌ సామాన్యుల నుంచి సెలబ్రిలను సైతం వదలడం లేదు. ప్రపంచ వ్యాప్తంగా ఎంతోమంది దేశాధినేతలు, రాజకీయ నాయకులు, సెలబ్రిటీలు, క్రీడాకారులు, బడా వ్యాపావేత్తలు ఈ మహమ్మారి బారిన పడ్డారు. తాజాగా ఫార్ములా వన్‌ ప్రపంచ చాంపియన్‌ లూయిస్‌ హామిల్టన్‌ కూడా కరోనా బారిన పడ్డాడు. ఆదివారం బహ్రెయిన్‌లో జరిగిన 11వ గ్రాండ్‌ ప్రిని సొంతం చేసుకున్న హామిల్టన్‌కు కరోనా సోకడంతో ఆందోళన కలిగిస్తోంది. అయితే ఆయనలో స్వల్ప లక్షణాలు ఉన్నాయని, ప్రస్తుతం హామిల్టన్‌ ఆరోగ్యం బాగానే ఉందని మెర్సిడెజ్‌ ఏఎంసీ పెట్రొనాస్‌ టీం తెలిపింది. అయితే త్వరలో జరిగే సాఖిర్‌ గ్రాండ్‌ ప్రికి హామిల్టన్‌ దూరమవుతున్నట్లు టీమ్‌ వెల్లడించింది.    కాగా 7 సార్లు ఫార్ములా వన్‌ చాంపియన్‌గా నిలిచిన హామిల్టన్‌ రేసింగ్‌లో చరిత్ర సృష్టించాడు. అయితే ఆయనకు గత వారంలో మూడు సార్లు పరీక్షలు నిర్వహించగా ప్రతిసారి నెగెటివ్ వచ్చింది. ఈ తరుణంలో ఆదివారం కూడా ఆయనలో కరోనా లక్షణాలు కనిపించడంతో సోమవారం కోవిడ్‌ పరీక్షలు నిర్వహించగా ఆయనకు కరోనా పాజిటివ్‌గా తెలింది. దీంతో హామిల్టన్‌ ప్రస్తుతం బహ్రెయిన్‌లోనే ఐసొలేషన్‌లో ఉన్నాడు. కాగా ఆయనలో స్వల్ప కరోనా లక్షణాలు ఉన్నాయని, ఎలాంటి ఇబ్బంది లేదని టీమ్ సభ్యులు తెలిపారు. 

స్పీల్‌బర్గ్‌: ఆద్యంతం ఉత్కంఠభరితంగా సాగిన ఫార్ములావన్‌ (ఎఫ్‌1) 2020 సీజన్‌ తొలి రేసులో మెర్సిడెస్‌ జట్టు డ్రైవర్‌ వాల్తెరి బొటాస్‌ విజేతగా నిలిచాడు. ఆదివారం జరిగిన సీజన్‌ తొలి రేసు ఆస్ట్రియా గ్రాండ్‌ప్రిలో ‘పోల్‌ పొజిషన్‌’తో బరిలోకి దిగిన బొటాస్‌ చివరి ల్యాప్‌ వరకు ఆధిక్యాన్ని కొనసాగించి టైటిల్‌ సొంతం చేసుకున్నాడు. 71 ల్యాప్‌ల ఈ రేసులో బొటాస్‌ అందరికంటే ముందుగా గంటా 30 నిమిషాల 55.739 సెకన్లలో గమ్యానికి చేరి అగ్రస్థానాన్ని పొందాడు. మొత్తం 20 మంది డ్రైవర్లు పోటీపడిన ఈ రేసులో తొమ్మిది మంది మధ్యలోనే వైదొలిగారు. డ్రైవర్ల అత్యుత్సాహంతో మూడుసార్లు ఈ రేసులో సేఫ్టీకారు రావాల్సి వచ్చింది. శనివారం జరిగిన క్వాలిఫయింగ్‌ సెషన్‌లో నిబంధనలకు విరుద్ధంగా వ్యవహరించడంతో మెర్సిడెస్‌కే చెందిన మరో స్టార్‌ డ్రైవర్‌ లూయిస్‌ హామిల్టన్‌పై మూడు స్థానాల గ్రిడ్‌ పెనాల్టీ విధించారు. అనంతరం ప్రధాన రేసులో ట్రాక్‌పై మరో డ్రైవర్‌ను ఢీకొట్టడంతో ఐదు సెకన్ల పెనాల్టీ వేశారు. దాంతో హామిల్టన్‌ నాలుగో స్థానంతో సరిపెట్టుకోగా... చార్లెస్‌ లెక్‌లెర్క్‌ (ఫెరారీ)కు రెండో స్థానం... బ్రిటన్‌కు చెందిన లాండో నోరిస్‌ (మెక్‌లారెన్‌) మూడో స్థానం పొందారు. ఈ ప్రదర్శనతో నోరిస్‌ (20 ఏళ్ల 235 రోజులు) ఫార్ములావన్‌ చరిత్రలో పిన్న వయస్సులో పోడియం (టాప్‌–3)పై నిలిచిన మూడో డ్రైవర్‌గా గుర్తింపు పొందాడు. ఈ జాబితాలో మాక్స్‌ వెర్‌స్టాపెన్‌ (18 ఏళ్ల 228 రోజులు), లాన్స్‌ స్ట్రోల్‌ (18 ఏళ్ల 240 రోజులు) వరుసగా తొలి రెండు స్థానాల్లో ఉన్నారు. రేసు ప్రారంభానికి ముందు జాత్యాహంకారానికి వ్యతిరేకంగా వరల్డ్‌ చాంపియన్‌ లూయిస్‌ హామిల్టన్‌తో కలిసి మరో 13 మంది డ్రైవర్లు మోకాలిపై నిల్చోని తమ సంఘీభావం తెలిపారు. సీజన్‌లోని రెండో రేసు ఇదే వేదికపై 10న జరుగుతుంది. ఆస్ట్రియా గ్రాండ్‌ప్రి ఫలితాలు (టాప్‌–10): 1. బొటాస్‌ (మెర్సిడెస్‌–25 పాయింట్లు); 2. చార్లెస్‌ లెక్‌లెర్క్‌ (ఫెరారీ–18); 3. లాండో నోరిస్‌ (మెక్‌లారెన్‌–16); 4. హామిల్టన్‌ (మెర్సిడెస్‌–12); 5. కార్లోస్‌ సెయింజ్‌ జూనియర్‌ (మెక్‌లారెన్‌–10); 6. పెరెజ్‌ (రేసింగ్‌ పాయింట్‌–8); 7. పియరీ గాస్లీ (అల్ఫా టౌరీ–6), 8. ఒకాన్‌ (రెనౌ–4); 9. గియోవినాజి (అల్ఫా రోమియో–2 పాయింట్లు), 10. వెటెల్‌ (ఫెరారీ–1 పాయింట్‌).

స్పీల్‌బర్గ్‌ (ఆస్ట్రియా): కెరీర్‌లో తొలి డ్రైవర్‌ చాంపియన్‌షిప్‌ టైటిల్‌ కోసం ఎదురు చూస్తోన్న మెర్సిడెస్‌ డ్రైవర్‌ వాల్తెరి బొటాస్‌ 2020 ఫార్ములా వన్‌ (ఎఫ్‌1) సీజన్‌ను ఘనంగా ఆరంభించాడు. ఏడు నెలల సుధీర్ఘ విరామం అనంతరం సీజన్‌ ఆరంభ రేసు అయిన ఆస్ట్రియా గ్రాండ్‌ప్రిలో బొటాస్‌ సత్తా చాటాడు. శనివారం జరిగిన క్వాలిఫయింగ్‌ సెషన్‌లో బొటాస్‌ అందరి కంటే వేగంగా నిమిషం 2.939 సెకన్లలో ల్యాప్‌ను పూర్తి చేసి పోల్‌ పొజిషన్‌ సాధించాడు. దాంతో నేడు జరిగే ప్రధాన రేసును బొటాస్‌ తొలి స్థానం నుంచి ఆరంభిస్తాడు. జర్మనీ డ్రైవర్‌ మైఖేల్‌ షూమాకర్‌ పేరిట ఉన్న అత్యధిక ఎఫ్‌1 ప్రపంచ డ్రైవర్‌ చాంపియన్‌షిప్‌ టైటిల్స్‌ (7) రికార్డును సమం చేయడానికి చూస్తోన్న సహచర డ్రైవర్, డిఫెండింగ్‌ చాంపియన్‌ లూయిస్‌ హామిల్టన్‌ (6)... ల్యాప్‌ను 0.012 సెకన్లు వెనుకగా పూర్తి చేసి రెండో స్థానంలో నిలిచాడు. రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్, మెక్‌లారెన్‌ డ్రైవర్‌ నోరిస్, మరో రెడ్‌బుల్‌ డ్రైవర్‌ ఆల్బన్‌ వరుసగా మూడు, నాలుగు, ఐదు స్థానాల్లో నిలిచారు. గత ఏడాది టీం విభాగంలో రన్నరప్‌గా నిలిచిన ఫెరారీ... క్వాలిఫయింగ్‌ సెషన్‌లో పూర్తిగా నిరాశ పరిచింది. చార్లెస్‌ లెక్‌లెర్క్‌ ఏడు, నాలుగు సార్లు ఎఫ్‌1 ప్రపంచ డ్రైవర్‌ చాంపియన్‌ సెబాస్టియన్‌ వెటెల్‌ 11వ స్థానంలో నిలిచారు. ప్రధాన రేసును ఆదివారం సాయంత్రం గం. 6.40 నుంచి స్టార్‌ స్పోర్ట్స్‌ సెలెక్ట్‌ 2, హెచ్‌డి 2, డిస్నీ ప్లస్‌ హాట్‌స్టార్‌లు ప్రత్యక్ష ప్రసారం చేస్తాయి. 4 వేల మందికి ‘నెగెటివ్‌’ కరోనా నేపథ్యంలో ఫార్ములా వన్‌ (ఎఫ్‌1) తాజా సీజన్‌ కట్టుదిట్టమైన భద్రత నడుమ ఆరంభమైంది. ప్రపంచ ఆరోగ్య సంస్థ (డబ్ల్యూహెచ్‌ఓ) గైడ్‌లైన్స్‌కు లోబడి ఎఫ్‌1 నిర్వాహకులు వారం వ్యవధిలో 10 జట్ల డ్రైవర్లు, సిబ్బందితో పాటు మొత్తం 4,032 మందికి కరోనా పరీక్షలు నిర్వహించగా... అందరికీ నెగెటివ్‌ అని తేలింది. ఈ పరీక్షలను జూన్‌ 26 నుంచి జూలై 2 మధ్య నిర్వహించారు. సీజన్‌ ముగిసే వరకు ప్రతి ఐదు రోజులకొకసారి కరోనా టెస్టులను చేయనున్నారు.

హమిల్టన్ : టీమిండియా స్టార్ పేసర్ జస్‌ప్రీత్ బుమ్రా.. కివీస్‌తో జరిగిన మూడు వన్డేల సిరీస్‌లో ఒక్క వికెట్ తీయలేదు. తన కెరీర్‌లో ఇదే అత్యంత చెత్త రికార్డుగా భావించొచ్చు. ' గాయం తర్వాత రీ ఎంట్రీ ఇచ్చిన ఈ యార్కర్ల కింగ్ బౌలింగ్‌లో పదును తగ్గింది. మునుపటంతా పదును లేదని, అందుకే తరచూ విఫలమవుతున్నాడు. తన బౌలింగ్‌ను మార్చుకోవాలి.. అటాకింగ్ పెంచాలి. బుమ్రా వైఫల్యం వల్లనే భారత్ వన్డే సిరీస్ కోల్పోయింది' అంటూ అభిమానులు, మాజీ ఆటగాళ్లు, విశ్లేషకులు సైతం బుమ్రాపై ఇష్టం వచ్చినట్లు కామెంట్లు చేశారు.అయితే న్యూజిలాండ్‌ ఎలెవన్‌తో జరిగిన ప్రాక్టీస్ మ్యాచ్‌లో బుమ్రా బౌలింగ్ చూసి ఈ మాట అంటే బాగుంటుందేమో. ఎందుకంటే ఆ మ్యాచ్‌లో ప్రత్యర్థి బ్యాట్స్‌మన్ ఫిన్ అలెన్‌ను ఔట్ చేసిన తీరు ఇప్పుడు సోషల్‌ మీడియాలో వైరల్‌గా మారింది.(బుమ్రా ఎప్పటికైనా ప్రమాదకారే : కివీస్‌ కెప్టెన్‌) న్యూజిలాండ్ ఎలెవన్ తొలి ఇన్నింగ్స్ 30వ ఓవర్‌ బుమ్రా బౌలింగ్‌కు దిగాడు. అప్పటికే 82 పరుగులకు మూడు వికెట్లు కోల్పోయిన న్యూజిలాండ్‌ను ఫిన్ అలెన్, హెన్రీకూపర్ ఆచితూచి ఆడుతూ గట్టెక్కించే ప్రయత్నం చేస్తున్నారు. బుమ్రా చక్కటి బంతితో ఫిన్ అలెన్(20)ను పెవిలియన్ చేర్చాడు. బంతి ఔట్‌సైడ్‌ ఆఫ్ స్టంప్‌గా వెళ్తుందని భావించిన అలెన్ బ్యాట్ పైకి ఎత్తి బంతిని వదిలేయాలనుకున్నాడు. కానీ అనూహ్యంగా బాల్‌ స్వింగ్‌ అయి వికెట్లను గిరాటేసింది. దీంతో షాక్‌కు గురైన అలెన్.. నిరాశగా పెవిలియన్ చేరాడు. ఈ వీడియో చూసిన నెటిజన్లు 'వారెవ్వా! బుమ్రా.. నువ్వు నిజంగా తోపు బౌలర్‌వి. అందుకే అంటారు బుమ్రాను ఎప్పుడు తక్కువ అంచనా వేయద్దని' అంటూ కామెంట్లు పెడుతున్నారు.(అరె! అచ్చం బుమ్రాను దింపేశాడుగా) Jasprit Bumrah looking in his element.. absolute ripper to dismiss Allen. #NZX1vIND pic.twitter.com/mcrLF56qUI — Subhayan Chakraborty (@CricSubhayan) February 15, 2020

హామిల్టన్‌:  న్యూజిలాండ్‌తో టెస్టు సిరీస్‌కు ముందు టీమిండియా ఆడుతున్న మూడు రోజుల ప్రాక్టీస్‌ మ్యాచ్‌లో ఓపెనర్లు పృథ్వీ షా, మయాంక్‌ అగర్వాల్‌లు నిరాశపరిస్తే, నాల్గో స్థానంలో దిగిన శుబ్‌మన్‌ గిల్‌ కూడా విఫలమయ్యాడు. పృథ్వీ షా నాలుగు బంతులు ఆడి డకౌటైతే, మయాంక్‌ అగర్వాల్‌ 13 బంతులు ఆడి పరుగు మాత్రమే చేశాడు. అటు తర్వాత గిల్‌ గోల్డెన్‌ డక్‌గా నిష్క్రమించాడు.  న్యూజిలాండ్‌ ఎలెవన్‌తో శుక్రవారం ప్రారంభమైన మ్యాచ్‌లో టీమిండియా టాస్‌ గెలిచి బ్యాటింగ్‌ ఎంచుకుంది. దాంతో భారత బ్యాటింగ్‌ను పృథ్వీషా- మయాంక్‌ అగర్వాల్‌లు ఆరంభించగా ఆదిలోనే షాక్‌ తగిలింది. జట్టు ఖాతా తెరవకుండానే పృథ్వీ షా పెవిలియన్‌ చేరితే,  జట్టు స్కోరు ఐదు పరుగుల వద్ద ఉండగా మయాంక్‌, శుబ్‌మన్‌లు క్యూకట్టారు.  ఆ తరుణంలో ఫస్ట్‌ డౌన్‌లో వచ్చిన చతేశ్వర్‌ పుజారా ఇన్నింగ్స్‌ను చక్కదిద్దాడు. కాగా, అజింక్యా రహానే(18) వైఫల్యం చెందడంతో 38 పరుగుల వద్ద భారత్‌ నాల్గో వికెట్‌ను కోల్పోయింది. ఆ సమయంలో పుజారాకు జత కలిసిన హనుమ విహారి ఇన్నింగ్స్‌ మరమ్మత్తులు చేపట్టాడు. వీరిద్దరూ ఐదో వికెట్‌కు 193 పరుగులు జత చేసిన తర్వాత పుజారా(93;211  బంతుల్లో 11 ఫోర్లు, 1 సిక్స్‌) ఔట్‌ కాగా, కాసేపటికి విహారి(101 రిటైర్డ్‌హర్ట్‌;182 బంతుల్లో 10 ఫోర్లు, 3 సిక్స్‌లు) సెంచరీ సాధించాడు. అయితే విహారి శతకం సాధించిన తర్వాత రిటైర్డ్‌హర్ట్‌గా వెనుదిరిగాడు. ఆపై రిషభ్‌ పంత్‌(7) సింగిల్‌ డిజిట్‌కే పరిమితమైతే, సాహా, రవిచంద్రన్‌ అశ్విన్‌లు డకౌట్‌ అయ్యారు. తొలి రోజు ఆట ముగిసే సమయానికి భారత్‌ 9 వికెట్లు కోల్పోయి 263 పరుగులు చేసింది. భారత కోల్పోయిన వికెట్లలో కుగ్లీజిన్‌, ఇష్‌ సోథీలు తలో  మూడు వికెట్లు సాధించగా, గిబ్సన్‌ రెండు వికెట్లు తీయగా, నీషమ్‌కు వికెట్‌ దక్కింది.

హామిల్టన్‌ : రికార్డులను బద్దలు కొట్టడం టీమిండియా కెప్టెన్‌ విరాట్‌ కోహ్లికి కొత్తేం కాదు.ఇప్పటికే ఎన్నో రికార్డులను తన ఖాతాలో వేసుకున్నాడు.  తాజాగా న్యూజిలాండ్‌తో జరిగిన మొదటి వన్డేలో కోహ్లి మరో రికార్డు తన ఖాతాలో వేసుకున్నాడు. ఈ మ్యాచ్‌లో కోహ్లి చేసిన 51 పరుగుల ద్వారా టీమిండియా సారధిగా అత్యధిక పరుగులు చేసిన జాబితాలో మూడో స్థానానికి చేరుకున్నాడు. ఈ క్రమంలో భారత మాజీ కెప్టెన్‌, బీసీసీఐ అధ్యక్షుడు సౌరవ్‌ గంగూలీని వెనెక్కి నెట్టాడు. కెప్టెన్‌గా గంగూలీ మొత్తం 142 ఇన్నింగ్సుల్లో 5082 పరుగులు చేయగా, విరాట్‌ కేవలం 83 ఇన్నింగ్స్‌ల్లోనే 5123 పరుగులు చేసి దాదాను అధిగమించాడు. కాగా టీమిండియా నుంచి మొదటి స్థానంలో ఎంఎస్‌ ధోని 6,641 పరుగులు(172 ఇన్నింగ్స్‌) ఉండగా, రెండో స్థానంలో  మహ్మద్‌ అజారుద్దీన్‌ 5239 పరుగులు(162 ఇన్నింగ్స్‌)లతో ఉన్నాడు. ప్రస్తుతం కోహ్లి ఆటతీరు చూస్తుంటే త్వరలోనే అతి తక్కువ ఇన్నింగ్స్‌ల్లోనే మహీని అధిగమించడం ఖాయంగా కనపడుతుంది.(కోహ్లి మళ్లీ మలుపు తిప్పాడు..!) ఇక ప్రపంచవ్యాప్తంగా అత్యధిక పరుగులు చేసిన కెప్టెన్ల జాబితాలో విరాట్‌ 7వ స్థానంలో ఉండగా, ఆస్ట్రేలియా మాజీ కెప్టెన్‌ రికీ పాంటింగ్‌ అగ్ర స్థానంలో ఉన్నాడు. తర్వాత ఎంఎస్‌ ధోని, స్టీఫెన్‌ ప్లెమింగ్‌, అర్జున రణతుంగ, గ్రేమి స్మిత్‌, మహ్మద్‌ అజారుద్దీన్‌లు ఉన్నారు. అయితే వీరిలో ధోని తప్ప మిగతావారు అంతర్జాతీయ క్రికెట్‌కు ఎప్పుడో రిటైర్మెంట్‌ ప్రకటించారు. దీంతో కెప్టెన్‌గా అత్యధిక పరుగులు చేసిన ఆటగానిగా కోహ్లి త్వరలోనే రికార్డును తన ఖాతాలో వేసుకోనున్నాడు. మూడు వన్డేల సిరీస్‌లో భాగంగా న్యూజిలాండ్‌తో జరిగిన మొదటి వన్డేలో భారత్‌ ఓటమిపాలయిన సంగతి తెలిసిందే. టీమిండియా విధించిన 347 పరుగుల లక్ష్యాన్ని కివీస్‌ 11 బంతులు ఉండగానే విజయం సాధించింది. (కోహ్లి మెరుపు ఫీల్డింగ్‌.. మున్రో బ్యాడ్‌ లక్‌)

హామిల్టన్‌: భారత్‌తో జరుగుతున్న తొలి వన్డేలో న్యూజిలాండ్‌ టాస్‌ గెలిచి ఫీల్డింగ్‌ ఎంచుకుంది. రోహిత్‌ స్థానంలో మయాంక్‌ అగర్వాల్‌ జట్టులోకి వచ్చాడు. న్యూజిలాండ్‌తో జరిగిన చివరి టీ20లో రోహిత్‌ శర్మ గాయపడిన సంగతి తెలిసిందే. బ్యాటింగ్‌ చేస్తున్న సమయంలో రోహిత్‌ కాలిపిక్క కండరాలు పట్టేయడంతో ఆ తర్వాత ఫీల్డింగ్‌కు రాలేదు. ఆపై రోహిత్‌ను బీసీసీఐ వైద్యుల పర్యవేక్షణలో ఉంచగా, అతనికి కొన్ని రోజులు విశ్రాంతి అవసరమని ఫిజియో సూచించారు. దాంతో మొత్తం న్యూజిలాండ్‌ పర్యటన నుంచి రోహిత్‌ శర్మ ఔటయ్యాడు. ఆ స్థానంలో మయాంక్‌ అగర్వాల్‌ను జట్టులోకి తీసుకున్నారు. న్యూజిలాండ్‌‘ఎ’తో సిరీస్‌లో భాగంగా అక్కడే ఉన్న మయాంక్‌కు సీనియర్‌ జట్టులో అవకాశం కల్పించారు. ఈ స్థానం కోసం శుబ్‌మన్‌ గిల్‌ పోటీపడినప్పటికీ మయాంక్‌కే మేనేజ్‌మెంట్‌ మొగ్గుచూపింది. ఓపెనర్లుగా పృథ్వీషా, మయాంక్‌ అగర్వాల్‌లు ఇన్నింగ్స్‌ను ఆరంభించారు. వీరిద్దరికీ ఇది అరంగేట్రపు వన్డే. ‘పొట్టి ఫార్మాట్‌’లో అద్భుత ప్రదర్శన తర్వాత కోహ్లి సేన ఆత్మవిశ్వాసం అంబరాన్ని చుంబిస్తుండగా, అటు న్యూజిలాండ్‌ టి20 గాయాలను మరచి కొత్తగా ఆటను మొదలు పెట్టాలని భావిస్తోంది. భారత్‌ సొంతగడ్డపై ఇటీవలే ఆస్ట్రేలియాతో వన్డే సిరీస్‌లో విజయం సాధించగా... న్యూజిలాండ్‌కు ప్రపంచకప్‌ ఫైనల్లో ఇంగ్లండ్‌ చేతిలో ‘బౌండరీ పరాజయం’ తర్వాత ఇదే తొలి వన్డే కావడం విశేషం.

ఆస్టిన్‌ (అమెరికా): మెర్సిడెస్‌ జట్టు డ్రైవర్‌ లూయిస్‌ హామిల్టన్‌ లాంఛనం పూర్తి చేశాడు. ప్రపంచ డ్రైవర్స్‌ చాంపియన్‌షిప్‌ టైటిల్‌ ఖాయం అవ్వాలంటే టాప్‌–8లో నిలవాల్సిన రేసులో... అతను రెండో స్థానాన్ని సాధించి ఆరోసారి ప్రపంచ చాంపియన్‌గా నిలిచాడు. భారత కాలమానం ప్రకారం ఆదివారం అర్ధరాత్రి దాటాక జరిగిన యునైటెడ్‌ స్టేట్స్‌ (యూఎస్‌) గ్రాండ్‌ప్రి రేసులో ఐదో స్థానం నుంచి డ్రైవ్‌ చేసిన హామిల్టన్‌ చివరకు రెండో స్థానంలో నిలిచాడు. 56 ల్యాప్‌ల ఈ రేసులో ‘పోల్‌ పొజిషన్‌’ నుంచి రేసును మొదలుపెట్టిన మెర్సిడెస్‌ జట్టుకే చెందిన వాల్తెరి బొటాస్‌ గంటా 33 నిమిషాల 55.653 సెకన్లలో గమ్యానికి చేరి విజేతగా నిలిచాడు. 21 రేసుల ప్రస్తుత సీజన్‌లో 19 రేసులు ముగిశాక హామిల్టన్‌ 381 పాయింట్లతో అగ్రస్థానంలో ఉన్నాడు. హామిల్టన్‌ సహచరుడు బొటాస్‌ 314 పాయింట్లతో రెండో స్థానంలో ఉన్నాడు. ఈ సీజన్‌లో మరో రెండు రేసులు (బ్రెజిల్, అబుదాబి గ్రాండ్‌ప్రి) మిగిలి ఉన్నా హామిల్టన్‌కు, బొటాస్‌కు మధ్య 67 పాయింట్ల వ్యత్యాసం ఉంది. ఈ రెండు రేసుల్లో బొటాస్‌ గెలిచినా హామిల్టన్‌ను అందుకునే పరిస్థితి లేదు. తాజా ప్రదర్శనతో ఫార్ములావన్‌ (ఎఫ్‌1) చరిత్రలో అత్యధిక ప్రపంచ డ్రైవర్స్‌ చాంపియన్‌షిప్‌ టైటిల్స్‌ సాధించిన రెండో డ్రైవర్‌గా హామిల్టన్‌ గుర్తింపు పొందాడు. గతంలో హామిల్టన్‌ 2008, 2014, 2015, 2017, 2018లలో ప్రపంచ చాంపియన్‌గా నిలిచాడు. జర్మనీ దిగ్గజ డ్రైవర్‌ మైకేల్‌ షుమాకర్‌ అత్యధికంగా ఏడుసార్లు ప్రపంచ చాంపియన్‌గా నిలిచాడు. ఇదే జోరు కొనసాగిస్తే 34 ఏళ్ల హామిల్టన్‌ వచ్చే ఏడాది షుమాకర్‌ రికార్డును సమం చేసే అవకాశాలు మెండుగా ఉన్నాయి.

సింగపూర్‌: నాలుగుసార్లు ఫార్ములావన్‌ ప్రపంచ చాంపియన్‌ అయిన సెబాస్టియన్‌ వెటెల్‌ టైటిల్‌ నిరీక్షణకు తెరపడింది. ఏకంగా 22 రేసుల అనంతరం తన ఖాతాలో తొలి విజయాన్ని జమ చేసుకున్నాడు. ఆదివారం జరిగిన 61 ల్యాప్‌ల సింగపూర్‌ గ్రాండ్‌ప్రిని మూడో స్థానం నుంచి ప్రారంభించిన వెటెల్‌... గంటా 58 నిమిషాల 33.667 సెకన్లలో అందరికంటే ముందుగా గమ్యానికి చేరి విజేతగా నిలిచాడు. చార్లెస్‌ లెక్‌లెర్క్‌ (ఫెరారీ) రెండో స్థానాన్ని... రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ మూడో స్థానాన్ని పొందారు. పోల్‌ పొజిషన్‌ హీరో లెక్‌లెర్క్‌ను 21వ ల్యాప్‌లో అండర్‌కట్‌ ద్వారా అధిగమించిన వెటెల్‌ చివరి వరకు ఆధిక్యాన్ని నిలబెట్టుకొని రేసును నెగ్గాడు. లెక్‌లెర్క్‌కు హ్యాట్రిక్‌ విజయం దక్కకపోయినా... అతని జట్టు ఫెరారీ హ్యాట్రిక్‌ విజయాన్ని అందుకుంది. పిట్‌ స్టాప్‌ వ్యూహంలో తడబడిన మెర్సిడెస్‌ డ్రైవర్లు హామిల్టన్, బొటాస్‌లు వరుసగా నాలుగు, ఐదు స్థానాల్లో నిలిచారు. సీజన్‌లోని తదుపరి రేసు రష్యా గ్రాండ్‌ప్రి ఈ నెల 29న జరుగుతుంది.  

సింగపూర్‌: తాజా ఫార్ములావన్‌ సీజన్‌లో ఫెరారీ డ్రైవర్‌ లెక్‌లెర్క్‌ హ్యాట్రిక్‌ పోల్స్‌తో అదరగొట్టాడు. శనివారం జరిగిన క్వాలిఫయింగ్‌ సెషన్‌ లో అందరి కంటే వేగంగా ల్యాప్‌ను 1 నిమిషం 36.217 సెకన్లలో చుట్టేసి పోల్‌ పొజిషన్‌ను సాధించాడు. దీంతో ఆదివారం జరిగే ప్రధాన రేసును లెక్‌లెర్క్‌ మొదటి స్థానం నుంచి ఆరంభిస్తాడు. 0.191 సెకన్ల తేడాతో  ల్యాప్‌ను ముగించిన మెర్సిడెస్‌ డ్రైవర్‌ హామిల్టన్‌ రెండో స్థానంతో సరిపెట్టుకున్నాడు. ఫెరారీకే చెందిన మరో డ్రైవర్‌ వెటెల్‌ మూడో స్థానంలో, రెడ్‌ బుల్‌ డ్రైవర్‌ వెర్‌స్టాపెన్‌ నాలుగు, మరో మెర్సిడెస్‌ డ్రైవర్‌ బొటాస్‌ ఐదు స్థానాల్లో నిలిచారు. తాజా పోల్‌ పొజిషన్‌తో లెక్‌లెర్క్‌ ఈ సీజన్‌లో ఇప్పటి వరకు అత్యధిక పోల్‌ పొజిషన్స్‌ (5) సాధించిన డ్రైవర్‌గా అవతరించాడు. హామిల్టన్‌ (4) రెండో స్థానంలో ఉన్నాడు. చివరి రెండు రేసులను పోల్‌ పొజిషన్‌ నుంచి ఆరంభించి విజేతగా నిలిచిన లెక్‌లెర్క్‌... సింగపూర్‌ గ్రాండ్‌ప్రిలో కూడా విజేతగా నిలుస్తాడో? లేదో?.. చూడాలి. ప్రధాన రేసు నేటి సాయంత్రం 5.40 గంటలకు ప్రారంభం కానుంది.   

హాకెన్‌హీమ్‌ : జర్మనీ గ్రాండ్‌ప్రిలో రెడ్‌బుల్‌ డ్రైవర్‌ వెర్‌స్టాపెన్‌ టైటిల్‌ కైవసం చేసుకున్నాడు. 21 ఏళ్ల ఈ డచ్‌ యువ రేసర్‌ జర్మన్‌ ట్రాక్‌పై దుమ్మురేపాడు. రేసును అందరికంటే ముందుగా పూర్తి చేసి విజేతగా నిలిచాడు. 64 ల్యాపుల ఈ రేసులో అతనికి ఆదివారం బాగా కలిసొచ్చింది. మేటి రేసర్ల కార్లు ఢీకొనడం, వర్షం వల్ల గజిబిజిగా సాగిన ఈ రేసులో వెర్‌స్టాపెన్‌ చివరకు విజేతగా నిలిచాడు. అతను గంటా 44 నిమిషాల 31.275 సెకన్లలో పూర్తి చేసి ఈ సీజన్‌లో రెండో టైటిల్‌ సాధించాడు. ఓవరాల్‌గా అతని కెరీర్‌లో ఇది ఏడో విజయం. నాలుగుసార్లు ఫార్ములావన్‌ చాంపియన్‌షిప్‌ దక్కించుకున్న ఫెరారీ డ్రైవర్‌ సెబాస్టియన్‌ వెటెల్‌కు అందనంత వేగంగా కార్‌ను బుల్లెట్‌లా పరుగెత్తించాడు. దీంతో వెటెల్‌ 1గం:44ని:38.608 సెకన్ల టైమింగ్‌తో రెండో స్థానానికి పరిమితమయ్యాడు. టోరో రోసో డ్రైవర్‌ డానిల్‌ క్వియాట్‌ (1గం:44ని:39.580 సెకన్లు) మూడో స్థానంలో నిలిచాడు. డిఫెండింగ్‌ చాంపియన్, మెర్సిడెస్‌ స్టార్‌ డ్రైవర్‌ లూయిస్‌ హామిల్టన్‌కు ఈ రేసు తీవ్ర నిరాశను మిగిల్చింది. తన కెరీర్‌లో 200వ రేసు బరిలోకి దిగిన హామిల్టన్‌ కారు ప్రమాదానికి గురవడంతో చాలా ఆలస్యంగా 1గం:44ని:50.942 సెకన్లలో రేసును పూర్తిచేశాడు. ప్రమాదంతో పాటు అగచాట్లతో ఆరు సార్లు అతని కారుకు బ్రేకులు పడ్డాయి. దీంతో కనీసం ఒక్క పాయింటైనా అతను పొందలేకపోయాడు. గత 23 రేసుల్లో ఈ మెర్సిడెస్‌ డ్రైవర్‌ పాయింట్‌ కూడా గెలవలేకపోవడం ఇదే మొదటిసారి. ఈ రేసులో పలువురి కార్లు ఢీకొనడంతో హేమాహేమీలైన డ్రైవర్లు అసలు రేసునే పూర్తి చేయలేకపోయారు. బొటాస్‌ (మెర్సిడెస్‌), హుల్కెన్‌బర్గ్‌ (రెనౌ), రికియార్డో (రెనౌ)లు రేసు నుంచి వైదొలిగారు. సీజన్‌లోని తదుపరి రేసు ఆగస్టు 4న హంగేరి గ్రాండ్‌ప్రి జరుగుతుంది.    

మొనాకో: ఈ సీజన్‌లో వరుసగా ఆరో రేసులోనూ మెర్సిడెస్‌ జట్టు డ్రైవర్లు హామిల్టన్, బొటాస్‌ తొలి రెండు స్థానాల నుంచి ప్రారంభించనున్నారు. శనివారం జరిగిన మొనాకో గ్రాండ్‌ప్రి క్వాలిఫయింగ్‌ సెషన్‌లో హామిల్టన్‌ అందరికంటే వేగంగా ఒక నిమిషం 10.166 సెకన్లలో ల్యాప్‌ను పూర్తి చేసి ‘పోల్‌ పొజిషన్‌’ సాధించాడు. హామిల్టన్‌ సహచరుడు వాల్తెరి బొటాస్‌ ఒక నిమిషం 10.252 సెకన్లలో ల్యాప్‌ను ముగించి రెండో స్థానంలో నిలిచాడు. వెర్‌స్టాపెన్‌ (రెడ్‌బుల్‌) మూడో స్థానం నుంచి, వెటెల్‌ (ఫెరారీ) నాలుగో స్థానం నుంచి రేసును మొదలుపెడతారు. గత ఐదు రేసుల్లో మెర్సిడెస్‌ డ్రైవర్లకే టైటిల్స్‌ లభించాయి. ఆస్ట్రేలియా, అజర్‌బైజాన్‌ గ్రాండ్‌ప్రిలలో బొటాస్‌... బహ్రెయిన్, చైనా, స్పెయిన్‌ గ్రాండ్‌ప్రిలలో హామిల్టన్‌ విజేతలుగా నిలిచారు.    

బాకు (అజర్‌బైజాన్‌): మెర్సిడెస్‌ జట్టు డ్రైవర్‌ బొటాస్‌ ఈ సీజన్‌లో రెండో టైటిల్‌ ను దక్కించుకున్నాడు. ఆదివారం జరిగిన అజర్‌బైజాన్‌ గ్రాండ్‌ప్రిలో బొటాస్‌ విజేతగా నిలిచాడు. 51 ల్యాప్‌ల ఈ రేసును ‘పోల్‌ పొజిషన్‌’తో ప్రారంభించిన బొటాస్‌ గంటా 31 నిమిషాల 52.942 సెకన్లలో ముగించి అగ్రస్థానాన్ని కైవసం చేసుకున్నాడు. మెర్సిడెస్‌ జట్టుకే చెందిన హామిల్టన్‌ రెండో స్థానాన్ని సంపాదించాడు. దాంతో ఈ ఏడాది జరిగిన తొలి నాలుగు రేసుల్లోనూ తొలి రెండు స్థానాలు మెర్సిడెస్‌ జట్టు డ్రైవర్లకే వచ్చాయి. ఫార్ములావన్‌ చరిత్రలో ఇలా జరగడం ఇదే ప్రథమం. 1992లో విలియమ్స్‌ జట్టు సీజన్‌లోని తొలి మూడు రేసుల్లో ఈ ఘనత సాధించింది. ఆదివారం జరిగిన రేసుతో మెర్సిడెస్‌ ఈ రికార్డును సవరించింది.

బాకు (అజర్‌బైజాన్‌): ఈ సీజన్‌లో మంచి ఫామ్‌లో ఉన్న మెర్సిడెస్‌ జట్టు డ్రైవర్‌ వాల్తెరి బొటాస్‌ వరుసగా రెండో రేసులోనూ పోల్‌ పొజిషన్‌ సాధించాడు. శనివారం జరిగిన అజర్‌బైజాన్‌ గ్రాండ్‌ప్రి క్వాలిఫయింగ్‌ సెషన్‌లో బొటాస్‌ అందరికంటే వేగంగా ఒక నిమిషం 40.495 సెకన్లలో ల్యాప్‌ను పూర్తి చేశాడు. ఆదివారం జరిగే ప్రధాన రేసును తొలి స్థానం నుంచి ప్రారంభించే అవకాశాన్ని దక్కించుకున్నాడు. ఫార్ములావన్‌ సీజన్‌ తొలి రేసు ఆస్ట్రేలియా గ్రాండ్‌ప్రిలో విజేతగా నిలిచిన బొటాస్‌ గత చైనా గ్రాండ్‌ప్రి రేసులోనూ పోల్‌ పొజిషన్‌ సంపాదించాడు. అజర్‌బైజాన్‌ గ్రాండ్‌ప్రిలో మెర్సిడెస్‌ జట్టుకే చెందిన లూయిస్‌ హామిల్టన్‌ రెండో స్థానం నుంచి... ఫెరారీ డ్రైవర్‌ వెటెల్‌ మూడో స్థానం నుంచి రేసును ఆరంభిస్తారు. బహ్రెయిన్, చైనా గ్రాండ్‌ప్రి రేసుల్లో విజేతగా నిలిచిన హామిల్టన్‌ నేటి రేసులోనూ గెలిచి ‘హ్యాట్రిక్‌’ సాధించాలని పట్టుదలతో ఉన్నాడు. 

షాంఘై: ఫార్ములావన్‌ సీజన్‌లోని మూడో రేసు చైనా గ్రాండ్‌ప్రిలో మెర్సిడెస్‌ జట్టు డ్రైవర్‌ వాల్తెరి బొటాస్‌ ‘పోల్‌ పొజిషన్‌’ సాధించాడు. శనివారం జరిగిన క్వాలిఫయింగ్‌ సెషన్‌లో బొటాస్‌ అందరికంటే వేగంగా ఒక నిమిషం 31.547 సెకన్లలో ల్యాప్‌ను పూర్తి చేశాడు. ఆదివారం జరిగే ప్రధాన రేసును బొటాస్‌ తొలి స్థానం నుంచి ప్రారంభిస్తాడు. మెర్సిడెస్‌కే చెందిన లూయిస్‌ హామిల్టన్‌ రెండో స్థానం నుంచి... వెటెల్‌ (ఫెరారీ) మూడో స్థానం నుంచి రేసును ఆరంభిస్తారు. ఫార్ములావన్‌లో నేడు జరిగే చైనా గ్రాండ్‌ప్రి 1000వ రేసు కానుండటం విశేషం.   

మెక్సికో సిటీ: మిగతా డ్రైవర్ల ఫలితాలతో సంబంధం లేకుండా టాప్‌–7లో నిలిస్తే ప్రపంచ టైటిల్‌ ఖాయమయ్యే పరిస్థితిలో మెర్సిడెస్‌ జట్టు డ్రైవర్‌ లూయిస్‌ హామిల్టన్‌ అనుకున్నది సాధించాడు. మెక్సికో గ్రాండ్‌ప్రి రేసులో ఎలాంటి ఒత్తిడికి లోనుకాకుండా సంయమనంతో డ్రైవ్‌ చేసిన ఈ బ్రిటన్‌ డ్రైవర్‌ నాలుగో స్థానాన్ని సంపాదించాడు. దాంతో ఈ సీజన్‌లో మరో రెండు రేసులు మిగిలి ఉండగానే హామిల్టన్‌ ఫార్ములావన్‌ (ఎఫ్‌1) ప్రపంచ డ్రైవర్స్‌ చాంపియన్‌షిప్‌ టైటిల్‌ను సొంతం చేసుకున్నాడు. భారత కాలమానం ప్రకారం ఆదివారం అర్ధరాత్రి దాటాక జరిగిన మెక్సికో గ్రాండ్‌ప్రిలో 71 ల్యాప్‌లను హామిల్టన్‌ గంటా 39 నిమిషాల 47.589 సెకన్లలో పూర్తి చేసి నాలుగో స్థానాన్ని పొందాడు. ఈ రేసులో 12 పాయింట్లు సంపాదించిన హామిల్టన్‌ మరో రెండు రేసులు మిగిలి ఉన్న ఈ సీజన్‌లో ఓవరాల్‌గా 358 పాయింట్లతో అగ్రస్థానాన్ని ఖాయం చేసుకున్నాడు. గతంలో హామిల్టన్‌ 2008, 2014, 2015, 2017లలో ప్రపంచ టైటిల్‌ను గెలిచాడు. తాజా విజయంతో హామిల్టన్‌ ఎఫ్‌1 టైటిల్‌ను అత్యధికసార్లు గెల్చుకున్న డ్రైవర్ల జాబితాలో రెండో స్థానంలో ఉన్న ఫాంగియో (అర్జెంటీనా) సరసన చేరాడు. మైకేల్‌ షుమాకర్‌ (జర్మనీ–7 సార్లు) ‘టాప్‌’లో ఉన్నాడు. మెక్సికో రేసులో రెండో స్థానాన్ని పొందిన నాలుగుసార్లు ప్రపంచ మాజీ చాంపియన్‌ సెబాస్టియన్‌ వెటెల్‌ (ఫెరారీ) 294 పాయింట్లతో ఈ సీజన్‌లో రెండో స్థానానికి పరిమితమయ్యాడు. రెడ్‌బుల్‌ జట్టు డ్రైవర్‌ మార్క్‌ వెర్‌స్టాపెన్‌ గంటా 38 నిమిషాల 28.851 సెకన్లలో గమ్యానికి చేరి మెక్సికో గ్రాండ్‌ప్రి టైటిల్‌ను గెల్చుకున్నాడు. రైకోనెన్‌ (ఫెరారీ) మూడో స్థానంలో, బొటాస్‌ (మెర్సిడెస్‌) ఐదో స్థానంలో నిలిచారు. భారత్‌కు చెందిన ఫోర్స్‌ ఇండియా డ్రైవర్లు ఒకాన్‌ 11వ స్థానంలో నిలువగా... పెరెజ్‌ 38వ ల్యాప్‌లో నిష్క్రమించాడు.  

సోచి: రష్యా  గ్రాండ్‌ప్రిలో మెర్సిడెస్‌ ఆధిపత్యం కొనసాగింది. మెర్సిడెస్‌ డ్రైవర్లు బొటాస్, హామిల్టన్‌ హోరాహోరీగా దూసుకెళ్లారు. చివరకు బొటాసే తన సహచరుడు, చాంపియన్‌ రేసర్‌ హామిల్టన్‌ను క్వాలిఫయింగ్‌ సెషన్‌లో అధిగమించి పోల్‌ పొజిషన్‌ సాధించాడు. క్వాలిఫయింగ్‌ రేసులో బొటాస్‌ అందరి కంటే వేగంగా ల్యాప్‌ను 1 ని.31.387 సెకన్లలో పూర్తిచేశాడు. హామిల్టన్‌ ల్యాప్‌ను 1 ని.31.532 సెకన్లలో పూర్తి చేసి రెండో స్థానంలో నిలువగా, ఫెరారీ జట్టుకు చెందిన వెటెల్‌ (1:31.943 సె.) మూడో స్థానంలో నిలిచాడు. తొలి రెండు క్వాలిఫయింగ్‌ సెషన్లలో హామిల్టన్‌ హవానే సాగింది. కానీ చివరి సెషన్‌లో మాత్రం అతని జోరు తగ్గింది. సీజన్‌లో రెండో పోల్‌ పొజిషన్‌ సాధించిన బొటాస్‌ ఆదివారం జరిగే ప్రధాన రేసును తొలి స్థానం నుంచి ప్రారంభిస్తాడు. ఫోర్స్‌ ఇండియా డ్రైవర్లు ఒకాన్, పెరెజ్‌ వరుసగా ఆరు, ఎనిమిది స్థానాల నుంచి రేసును మొదలు పెడతారు.    

స్పా–ఫ్రాంకోర్‌చాంప్స్‌: బెల్జియం గ్రాండ్‌ప్రి క్వాలిఫయింగ్‌ సెషన్‌లో మెర్సిడెస్‌ జట్టు డ్రైవర్‌ హామిల్టన్‌ పోల్‌ పొజిషన్‌ సాధించాడు. శనివారం జరిగిన క్వాలిఫయింగ్‌లో అందరికంటే వేగంగా 1 ని.58.179 సెకన్లలో ల్యాప్‌ను పూర్తి చేశాడు. ఆదివారం జరిగే ప్రధాన రేసును అతను తొలి స్థానం నుంచి ఆరంభిస్తాడు.  ఫోర్స్‌ ఇండియా డ్రైవర్లు ఒకాన్, పెరెజ్‌ వరుసగా మూడు, నాలుగు స్థానాల్లో నిలిచారు. ఫెరారీ డ్రైవర్‌ వెటెల్‌ రెండో స్థానం పొందగా, రెడ్‌బుల్‌ డ్రైవర్లు వెర్‌స్టాపెన్, రికియార్డో ఏడు, ఎనిమిది స్థానాల్లో నిలిచారు. 

బుడాపెస్ట్‌: మెర్సిడెస్‌ డ్రైవర్‌ లూయిస్‌ హామిల్టన్‌ హంగేరి గ్రాండ్‌ప్రిలో మళ్లీ దూసుకెళ్లాడు. ఈ సీజన్‌లో ఐదో విజయాన్ని నమోదు చేసిన ఈ బ్రిటన్‌ డ్రైవర్‌ హంగేరియన్‌ సర్క్యూట్‌లో ఆరోసారి టైటిల్‌ గెలిచాడు. ఓవరాల్‌గా కెరీర్‌లో అతనికిది 67వ గెలుపు. ఆదివారం జరిగిన ప్రధాన రేసును హామిల్ట న్‌ అందరికంటే వేగంగా ముగించాడు. 70 ల్యాప్‌ల ఈ రేసును గంటా 37 నిమిషాల 16.427 సెకన్లలో పూర్తిచేశాడు. తాజా విజయంతో హామిల్టన్‌ 213 పాయింట్లతో అగ్రస్థానంలో కొనసాగుతున్నాడు. వెటెల్‌ (ఫెరారీ) రెండో స్థానంలో, రైకొనెన్‌ (ఫెరారీ) మూడో స్థానంలో నిలిచారు. భారత్‌కు చెందిన ఫోర్స్‌ ఇండియా డ్రైవర్లు ఒకాన్, పెరెజ్‌ వరుసగా 13, 14 స్థానాల్లో నిలిచారు. ఈ సీజన్‌లో తదుపరి రేసు బెల్జియం గ్రాండ్‌ప్రి వచ్చే నెల 26న జరుగనుంది.    

బుడాపెస్ట్‌: ఈ సీజన్‌లో ఐదో టైటిల్‌ సాధించేందుకు మెర్సిడెస్‌ జట్టు డ్రైవర్‌ హామిల్టన్‌ ఆదివారం జరిగే హంగేరి గ్రాండ్‌ప్రి రేసులో బరిలోకి దిగనున్నాడు. శనివారం జరిగిన క్వాలిఫయింగ్‌ సెషన్‌లో హామిల్టన్‌ అందరికంటే వేగంగా ల్యాప్‌ను ఒక నిమిషం 35.658 సెకన్లలో పూర్తి చేసి పోల్‌ పొజిషన్‌ పొందాడు. మెర్సిడెస్‌కే చెందిన బొటాస్‌ రెండో స్థానం నుంచి... రైకోనెన్, వెటెల్‌ (ఫెరారీ) మూడు, నాలుగు స్థానాల నుంచి రేసును మొదలుపెడతారు. ఫోర్స్‌ ఇండియా డ్రైవర్లు ఒకాన్, పెరెజ్‌ 18వ, 19వ స్థానాల నుంచి రేసును ఆరంభిస్తారు.    

హాకెన్‌హీమ్‌ (జర్మనీ): క్వాలిఫయింగ్‌ సెషన్‌లో నిరాశపరిచినప్పటికీ ప్రధాన రేసులో మెర్సిడెస్‌ జట్టు డ్రైవర్‌ లూయిస్‌ హామిల్టన్‌ అద్భుతం చేశాడు. 14వ స్థానం నుంచి రేసును మొదలుపెట్టిన ఈ బ్రిటన్‌ డ్రైవర్‌ అందివచ్చిన అవకాశాలను సద్వినియోగం చేసుకొని ఏకంగా విజేతగా అవతరించాడు. ఆదివారం జరిగిన జర్మనీ గ్రాండ్‌ప్రి ఫార్ములావన్‌ రేసులో హామిల్టన్‌ 67 ల్యాప్‌లను గంటా 32 నిమిషాల 29.845 సెకన్లలో పూర్తి చేసి అగ్రస్థానాన్ని దక్కించుకున్నాడు. ఈ సీజన్‌లో హామిల్టన్‌కిది నాలుగో విజయం. మెర్సిడెస్‌ జట్టుకే చెందిన బొటాస్‌ రెండో స్థానాన్ని పొందగా... ఫెరారీ డ్రైవర్‌ కిమీ రైకోనెన్‌కు మూడో స్థానం లభించింది. ‘పోల్‌ పొజిషన్‌’తో రేసును ఆరంభించిన ఫెరారీ జట్టు మరో డ్రైవర్‌ సెబాస్టియన్‌ వెటెల్‌ 51వ ల్యాప్‌లో వైదొలిగాడు. కారుపై నియంత్రణ కోల్పోయిన వెటెల్‌ ట్రాక్‌ గోడను ఢీకొట్టి రేసు నుంచి తప్పుకున్నాడు. భారత్‌కు చెందిన ఫోర్స్‌ ఇండియా డ్రైవర్లు పెరెజ్‌ ఏడో స్థానంలో, ఒకాన్‌ ఎనిమిదో స్థానంలో నిలిచారు.  రేసు ముగిశాక నాటకీయ పరిణామాలు చోటు చేసుకున్నాయి. 53వ ల్యాప్‌లో నిబంధనలకు విరుద్ధంగా ట్రాక్‌పై దూసుకొచ్చినందుకు విచారణకు హాజరు కావాలని హామిల్టన్‌కు స్టీవార్డ్స్‌ నోటీసులు జారీ చేశారు. అయితే హామిల్టన్‌ ఉద్దేశపూర్వకంగా తాను అలా చేయలేదని ఇచ్చిన వివరణపట్ల సంతృప్తి చెందిన స్టీవార్డ్స్‌ అతడిని హెచ్చరికతో వదిలిపెట్టారు. ఒకవేళ వివరణ సంతృప్తికరంగా లేకపోయుంటే హామిల్టన్‌ టైటిల్‌ కోల్పోయేవాడు.

హాకెన్‌హీమ్‌: సొంతగడ్డపై దుమ్మురేపుతూ సెబాస్టియన్‌ వెటెల్‌ ఈ సీజన్‌లో ఐదోసారి పోల్‌ పొజిషన్‌ సంపాదించాడు. శనివారం జరిగిన జర్మనీ గ్రాండ్‌ప్రి క్వాలిఫయింగ్‌ సెషన్‌లో ఫెరారీ జట్టుకు ప్రాతినిధ్యం వహిస్తున్న జర్మన్‌ డ్రైవర్‌ వెటెల్‌... అందరికంటే వేగంగా ఒక నిమిషం 11.212 సెకన్లలో ల్యాప్‌ను పూర్తి చేశాడు. ఫలితంగా ఆదివారం జరిగే ప్రధాన రేసును అతను తొలి స్థానం నుంచి మొదలుపెడతాడు. మెర్సిడెస్‌ డ్రైవర్‌ లూయిస్‌ హామిల్టన్‌ తొలి క్వాలిఫయింగ్‌లోనే వెనుదిరిగాడు. భారత్‌కు చెందిన ఫోర్స్‌ ఇండియా డ్రైవర్లు పెరెజ్, ఒకాన్‌ వరుసగా 10వ, 16వ స్థానాల నుంచి రేసును ఆరంభిస్తారు. నేటి ప్రధాన రేసును సాయంత్రం గం. 6.35 నుంచి స్టార్‌ స్పోర్ట్స్‌ సెలెక్ట్‌–2 చానెల్‌ ప్రసారం చేస్తుంది. 

సిల్వర్‌స్టోన్‌: ఈ సీజన్‌లో తన జోరు కొనసాగిస్తూ మెర్సిడెస్‌ డ్రైవర్‌ హామిల్టన్‌ నాలుగోసారి పోల్‌ పొజిషన్‌ సంపాదించాడు. శనివారం జరిగిన బ్రిటిష్‌ గ్రాండ్‌ప్రి క్వాలిఫయింగ్‌ సెషన్‌లో అతను దుమ్మురేపాడు. ఈ గ్రాండ్‌ప్రిలో వరుసగా ఆరోసారి పోల్‌ పొజిషన్‌ సాధించాడు. గత నాలుగేళ్లుగా ఈ రేసులో విజేతగా నిలిచిన అతను క్వాలిఫయింగ్‌లో అందరికంటే వేగంగా ల్యాప్‌ను ఒక నిమిషం 25.892 సెకన్లలో పూర్తి చేశాడు. ఫలితంగా ఆదివారం జరిగే ప్రధాన రేసును తొలి స్థానం నుంచి ప్రారంభిస్తాడు. కేవలం 0.044 సెకన్ల తేడాతో వెటెల్‌ (ఫెరారీ–1ని.25.936 సె) రెండో స్థానం పొందాల్సి వచ్చింది. ఫోర్స్‌ ఇండియా డ్రైవర్లు ఒకాన్‌ 10వ, పెరెజ్‌ 12వ స్థానాల నుంచి రేసును మొదలు పెడతారు. నేటి సాయత్రం గం. 6.35కు ప్రారంభమయ్యే ఈ రేసును స్టార్‌ స్పోర్ట్స్‌ సెలెక్ట్‌–2 చానెల్‌ ప్రత్యక్ష ప్రసారం చేస్తుంది.   

పారిస్‌: మెర్సిడెస్‌ జట్టు డ్రైవర్‌ లూయిస్‌ హామిల్టన్‌ ఈ సీజన్‌లో మూడో టైటిల్‌ సాధించాడు. ఆదివారం జరిగిన ఫ్రెంచ్‌ గ్రాండ్‌ప్రి రేసులో ‘పోల్‌ పొజిషన్‌’తో ఆరంభించిన హామిల్టన్‌... నిర్ణీత 53 ల్యాప్‌లను గంటా 30 నిమిషాల 11.385 సెకన్లలో ముగించి విజేతగా నిలిచాడు. అతని కెరీర్‌లో ఇది 65వ టైటిల్‌. వెర్‌స్టాపెన్‌ (రెడ్‌బుల్‌) రెండో స్థానంలో, రైకోనెన్‌ (ఫెరారీ) మూడో స్థానంలో నిలిచారు. ఫోర్స్‌ ఇండియా డ్రైవర్లు పెరెజ్, ఒకాన్‌ రేసును పూర్తి చేయలేకపోయారు. సీజన్‌లోని తదుపరి రేసు ఆస్ట్రియా గ్రాండ్‌ప్రి జూలై 1న జరుగుతుంది. 

పారిస్‌: ఫార్ములావన్‌ ఫ్రెంచ్‌ గ్రాండ్‌ప్రి క్వాలిఫయింగ్‌ సెషన్‌లో మెర్సిడెస్‌ జట్టు డ్రైవర్‌ లూయిస్‌ హామిల్టన్‌ అదరగొట్టాడు. శనివారం జరిగిన క్వాలిఫయింగ్‌లో ఈ బ్రిటన్‌ డ్రైవర్‌ అందరికంటే వేగంగా ఒక నిమిషం 30.029 సెకన్లలో ల్యాప్‌ను పూర్తి చేసి అగ్రస్థానాన్ని సంపాదించాడు. ఆదివారం జరిగే ప్రధాన రేసును హామిల్టన్‌ తొలి స్థానం నుంచి ప్రారంభిస్తాడు. మెర్సిడెస్‌కే చెందిన వాల్తెరి బొటాస్‌ రెండో స్థానం నుంచి రేసు మొదలుపెడతాడు. హామిల్టన్‌ కెరీర్‌లో ఇది 75వ పోల్‌ పొజిషన్‌ కావడం విశేషం. వెటెల్‌ (ఫెరారీ), వెర్‌స్టాపెన్‌ (రెడ్‌బుల్‌) మూడు, నాలుగు స్థానాల నుంచి రేసును ఆరంభిస్తారు. ఫోర్స్‌ ఇండియా డ్రైవర్లు ఒకాన్, పెరెజ్‌ 11, 13వ స్థానాల నుంచి రేసును మొదలు పెడతారు.    

కాటలోనియా (స్పెయిన్‌): ఈ సీజన్‌లో తన జోరు కొనసాగిస్తూ మెర్సిడెస్‌ జట్టు డ్రైవర్‌ హామిల్టన్‌ రెండోసారి ‘పోల్‌ పొజిషన్‌’ సాధించాడు. శని వారం జరిగిన స్పెయిన్‌ గ్రాండ్‌ప్రి క్వాలిఫయింగ్‌ సెషన్‌లో హామిల్టన్‌ అందరికంటే వేగంగా ఒక నిమిషం 16.173 సెకన్లలో ల్యాప్‌ను పూర్తి చేశాడు. ఆదివారం జరిగే ప్రధాన రేసును ఈ బ్రిటన్‌ డ్రైవర్‌ తొలి స్థానం నుంచి ప్రారంభిస్తాడు. మెర్సిడెస్‌ జట్టుకే చెందిన బొటాస్‌ రెండో స్థానం నుంచి రేసును మొదలు పెడతాడు. వెటెల్, రైకోనెన్‌ వరుసగా మూడు, నాలుగు స్థానాల నుంచి ఆరంభిస్తారు. ఫోర్స్‌ ఇండియా జట్టు డ్రైవర్లు ఒకాన్‌ 13వ... పెరెజ్‌ 15వ స్థానం నుంచి రేసును ప్రారంభిస్తారు.  

మెల్‌బోర్న్‌: గతేడాది కనబరిచిన జోరును ఈ సీజన్‌లోనూ కొనసాగించాలనే లక్ష్యంతో మెర్సిడెస్‌ జట్టు డ్రైవర్, ప్రపంచ చాంపియన్‌ లూయిస్‌ హామిల్టన్‌... అతనికి గట్టిపోటీ ఇవ్వాలనే ఉద్దేశంతో ఇతర ప్రత్యర్థులు... ఈ నేపథ్యంలో 2018 ఫార్ములావన్‌ సీజన్‌కు ఆదివారం తెరలేవనుంది. 21 రేసుల ఈ సీజన్‌లో భాగంగా తొలి రేసు ఆస్ట్రేలియా గ్రాండ్‌ప్రి నేడు జరుగుతుంది. శనివారం జరిగిన క్వాలిఫయింగ్‌ సెషన్‌లో హామిల్టన్‌ అందరికంటే వేగంగా ల్యాప్‌ను ఒక నిమిషం 21.164 సెకన్లలో ముగించి ‘పోల్‌ పొజిషన్‌’ సంపాదించాడు. ఆదివారం జరిగే ప్రధాన రేసును ఈ బ్రిటన్‌ డ్రైవర్‌ తొలి స్థానం నుంచి ప్రారంభిస్తాడు. హామిల్టన్‌ కెరీర్‌లో ఇది 73వ పోల్‌ పొజిషన్‌ కావడం విశేషం. ఫెరారీ జట్టుకు చెందిన కిమీ రైకోనెన్‌ రెండో స్థానం నుంచి... మాజీ ప్రపంచ చాంపియన్‌ సెబాస్టియన్‌ వెటెల్‌ మూడో స్థానం నుంచి రేసును మొదలుపెడతారు. భారత్‌కు చెందిన ఫోర్స్‌ ఇండియా డ్రైవర్లు పెరెజ్, ఒకాన్‌ వరుసగా 13, 15వ స్థానాల నుంచి రేసును ఆరంభిస్తారు. 

సావోపాలో: మెర్సిడెస్‌ డ్రైవర్‌ లూయిస్‌ హామిల్టన్‌కు ప్రపంచ డ్రైవర్స్‌ చాంపియన్‌షిప్‌ టైటిల్‌ ఖాయం కావడంతో ఫార్ములావన్‌ సీజన్‌లోని చివరి రెండు రేసులకు ప్రాధాన్యత తగ్గిపోయింది. అయితే హామిల్టన్‌కు టైటిల్‌ కోల్పోయిన మాజీ చాంపియన్‌ సెబాస్టియన్‌ వెటెల్‌ మాత్రం విజయమే లక్ష్యంగా బరిలోకి దిగాడు. అనుకున్నది సాధించాడు. భారత కాలమానం ప్రకారం ఆదివారం అర్ధరాత్రి దాటాక ముగిసిన బ్రెజిల్‌ గ్రాండ్‌ప్రి రేసులో ఫెరారీ డ్రైవర్‌ వెటెల్‌ విజేతగా నిలిచాడు. ఈ సీజన్‌లో ఐదో విజయాన్ని, కెరీర్‌లో 47వ టైటిల్‌ను దక్కించుకున్నాడు. 71 ల్యాప్‌ల ఈ రేసును రెండో స్థానం నుంచి ప్రారంభించిన వెటెల్‌ గంటా 31 నిమిషాల 26.262 సెకన్లలో ముగించి అగ్రస్థానాన్ని పొందాడు. ‘పోల్‌ పొజిషన్‌’తో రేసును ఆరంభించిన వాల్తెరి బొటాస్‌ (మెర్సిడెస్‌)ను తొలి మలుపు వద్ద ఓవర్‌టేక్‌ చేసిన వెటెల్‌ ఆధిక్యంలోకి వెళ్లి వెనుదిరిగి చూడలేదు. కిమీ రైకోనెన్‌ (ఫెరారీ) మూడో స్థానంలో, హామిల్టన్‌ నాలుగో స్థానంలో నిలిచారు. భారత్‌కు చెందిన ఫోర్స్‌ ఇండియా జట్టు డ్రైవర్‌ సెర్గియో పెరెజ్‌ తొమ్మిదో స్థానాన్ని సంపాదించాడు. మొత్తం 20 మంది డ్రైవర్లు పాల్గొనగా నలుగురు డ్రైవర్లు మధ్యలోనే వైదొలిగారు. ఇందులో ముగ్గురు ఒకాన్‌ (ఫోర్స్‌ ఇండియా), మాగ్నుసన్‌ (హాస్‌), వాన్‌డూర్నీ (మెక్‌లారెన్‌) తొలి ల్యాప్‌లోనే తప్పుకున్నారు.   తాజా గెలుపుతో డ్రైవర్స్‌ చాంపియన్‌షిప్‌ విభాగంలో వెటెల్‌కు (302 పాయింట్లు) రెండో స్థానం ఖాయమైంది. రెండు వారాల క్రితం మెక్సికో గ్రాండ్‌ప్రిలో హామిల్టన్‌కు (345 పాయింట్లు) ప్రపంచ టైటిల్‌ ఖరారైంది. సీజన్‌లోని చివరిదైన రేసు అబుదాబి గ్రాండ్‌ప్రి ఈనెల 26న జరుగుతుంది.

మెక్సికో సిటీ: మెర్సిడెస్‌ డ్రైవర్‌ లూయిస్‌ హామిల్టన్‌కే ‘ఫార్ములావన్‌’ చేజిక్కింది. అతను నాలుగోసారి డ్రైవర్స్‌ప్రపంచ చాంపియన్‌షిప్‌ గెలిచాడు. సీజన్‌లో మరో రెండు రేసులు మిగిలుండగానే 32 ఏళ్ల ఈ బ్రిటన్‌ డ్రైవర్‌ విజేతగా నిలవడం అనూహ్యం. టైటిల్‌ కోసం సెబాస్టియన్‌ వెటెల్‌తో నెలకొన్న పోటీ మెక్సికో గ్రాండ్‌ ప్రిలో నాటకీయంగా ముగిసింది. ఆదివారం జరిగిన ఈ రేసులో రెడ్‌బుల్‌ డ్రైవర్‌ వెర్‌స్టాపెన్‌ టైటిల్‌ గెలిచాడు. దీంతో వెటెల్‌ (ఫెరారీ టీమ్‌) ఒకవేళ మిగిలున్న రెండు గ్రాండ్‌ప్రి (బ్రెజిలియన్, అబుదాబి)లను గెలిచినా... హామిల్టన్‌ను అందుకోలేడు. దీంతో బ్రిటన్‌ డ్రైవర్‌కే చాంపియన్‌షిప్‌ ఖాయమైంది. ఈ ఇంగ్లిష్‌ రేసర్‌ తొలి సారి మెక్‌లారెన్‌ తరఫున 2008లో టైటిల్‌ గెలిచాడు. తదనంతరం మెర్సిడెస్‌తో జతకట్టాడు. 2014, 2015 సంవత్సరాల్లో వరుసగా రెండుసార్లు డ్రైవర్స్‌ చాంపియన్‌షిప్‌ గెలిచాడు. తాజాగా మెర్సిడెస్‌ తరఫున మూడోసారి, ఓవరాల్‌గా నాలుగోసారి ‘రేసింగ్‌ కింగ్‌’ అయ్యాడు. దీనిపై హామిల్టన్‌ స్పందిస్తూ ‘నా విజయానికి తోడ్పడిన మెర్సిడెస్‌ బృందానికి కృతజ్ఞతలు. కొన్నేళ్లుగా మావాళ్లు చాలా కష్టపడుతున్నారు. వాళ్లందరికి థ్యాంక్స్‌’ అని అన్నాడు. ఈ సీజన్‌లో అతను 9 రేసుల్లో గెలిచాడు. ప్రస్తుతం హామిల్టన్‌ 333 పాయింట్లతో అగ్రస్థానంలో ఉండగా... వెటెల్‌ (277) రెండో స్థానంలో కొనసాగుతున్నాడు.   వెర్‌స్టాపెన్‌ గెలుపు: మెక్సికో గ్రాండ్‌ప్రిలో రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ విజేతగా నిలిచాడు. 71 ల్యాపుల రేసును అతను 1 గంటా 36 ని.26.552 సెకన్లలో పూర్తి చేశాడు. వెటెల్‌ నాలుగో స్థానంలో, హామిల్టన్‌ తొమ్మిదో స్థానంలో నిలిచారు. ఫోర్స్‌ ఇండియా డ్రైవర్లు ఒకాన్‌ ఐదు, పెరెజ్‌ ఏడో స్థానం పొందారు. తదుపరి బ్రెజిలియన్‌ గ్రాండ్‌ ప్రి నవంబర్‌ 12న సావోపాలోలో జరుగనుంది.  


 సింగపూర్‌: ఇటలీ, బెల్జియం  గ్రాండ్‌ప్రిలలో నెగ్గిన హామిల్టన్‌ సింగపూర్‌ రేసులోనూ గెలిచి హ్యాట్రిక్‌ నమోదు చేశాడు. ఆదివారం వర్షంలో సాగిన ఈ సింగపూర్‌ రేసును 61 ల్యాప్‌ల నుంచి 58కి కుదించారు. ఐదో స్థానం నుంచి రేసును ప్రారంభించిన హామిల్టన్‌ 2 గంటల 45 ని.008 సెకన్లలో పూర్తి చేసి విజేతగా నిలిచాడు. రెడ్‌బుల్‌ డ్రైవర్‌ రికియార్డో రెండో స్థానం పొందగా, వాల్టెరి బొటాస్‌ (మెర్సిడెజ్‌) మూడో స్థానంలో నిలిచాడు.
 
 ఫోర్స్‌ ఇండియా డ్రైవర్లు పెరెజ్‌ ఐదు, ఈస్టెబన్‌ ఒకాన్‌ పదో స్థానం సాధించారు. ‘పోల్‌ పొజిషన్‌’ సాధించిన వెటెల్‌ (ఫెరారీ) కారు ఇంజిన్‌లో సమస్య వల్ల తొలి ల్యాప్‌లోనే వైదొలిగాడు.  సీజన్‌లోని తదుపరి రేసు మలేసియా గ్రాండ్‌ప్రి అక్టోబర్‌ 1న జరుగుతుంది.  


 సిల్వర్‌స్టోన్‌: సొంతగడ్డపై మెర్సిడెస్‌ జట్టు డ్రైవర్‌ లూయిస్‌ హామిల్టన్‌ మరోసారి దుమ్ము రేపాడు. బ్రిటిష్‌ గ్రాండ్‌ప్రిలో అతను ఐదోసారి ‘పోల్‌ పొజిషన్‌’ సాధించాడు. శనివారం జరిగిన క్వాలిఫయింగ్‌ సెషన్‌లో హామిల్టన్‌ అందరికంటే వేగంగా ల్యాప్‌ను ఒక నిమిషం 26.600 సెకన్లలో పూర్తి చేశాడు. తద్వారా ఆదివారం జరిగే ప్రధాన రేసును తొలి స్థానం నుంచి ప్రారంభించే అవకాశాన్ని దక్కించుకున్నాడు.
 
 గతంలో నాలుగుసార్లు బ్రిటిష్‌ గ్రాండ్‌ప్రి టైటిల్‌ను నెగ్గిన హామిల్టన్‌ మళ్లీ గెలిస్తే ఐదు టైటిల్స్‌తో తన దేశానికి చెందిన జిమ్‌ క్లార్క్‌ రికార్డును సమం చేస్తాడు. ఫెరారీ డ్రైవర్లు కిమీ రైకోనెన్, సెబాస్టియన్‌ వెటెల్‌ వరుసగా రెండు, మూడు స్థానాల నుంచి రేసును ప్రారంభిస్తారు. భారత్‌కు చెందిన ఫోర్స్‌ ఇండియా డ్రైవర్లు పెరెజ్, ఒకాన్‌ వరుసగా ఆరు, ఏడు స్థానాల నుంచి రేసును మొదలుపెడతారు.


 వరుసగా మూడో ఏడాది కెనడా గ్రాండ్‌ప్రి టైటిల్‌ సొంతం
 టాప్‌–6లో ఫోర్స్‌ ఇండియా డ్రైవర్లు
 
 మాంట్రియల్‌: తన కెరీర్‌లో తొలి టైటిల్‌ సాధించిన చోట మెర్సిడెస్‌ జట్టు డ్రైవర్‌ లూయిస్‌ హామిల్టన్‌ మరోసారి మెరిశాడు. భారత కాలమానం ప్రకారం ఆదివారం అర్ధరాత్రి దాటాక జరిగిన కెనడా గ్రాండ్‌ప్రి ఫార్ములావన్‌ రేసులో హామిల్టన్‌ విజేతగా నిలిచాడు. 2015, 2016లోనూ ఈ రేసులో గెలిచిన హామిల్టన్‌ తాజా ఫలితంతో వరుసగా మూడో విజయంతో హ్యాట్రిక్‌ను పూర్తి చేసుకున్నాడు. 2007లో ఇక్కడే తన కెరీర్‌లో తొలి టైటిల్‌ను సొంతం చేసుకున్న హామిల్టన్‌ 2010, 2012లోనూ ట్రోఫీని దక్కించుకున్నాడు.
 
  క్వాలిఫయింగ్‌ సెషన్‌లో అందరికంటే వేగంగా ల్యాప్‌ను పూర్తి చేసిన హామిల్టన్‌ తన కెరీర్‌లో 65వ పోల్‌ పొజిషన్‌ సంపాదించాడు. ఈ క్రమంలో హామిల్టన్‌ ఫార్ములావన్‌లో అత్యధిక పోల్‌ పొజిషన్స్‌ సాధించిన డ్రైవర్ల జాబితాలో దిగ్గజం అయెర్టన్‌ సెనా (బ్రెజిల్‌) సరసన నిలిచాడు. షుమాకర్‌ (జర్మనీ–68 పోల్‌ పొజిషన్స్‌) ఈ జాబితాలో అగ్రస్థానంలో ఉన్నాడు.
 
 ప్రధాన రేసును ‘పోల్‌ పొజిషన్‌’తో మొదలుపెట్టిన హామిల్టన్‌ తొలి ల్యాప్‌ నుంచే దూసుకుపోయాడు. నిర్ణీత 70 ల్యాప్‌లను అతను గంటా 33 నిమిషాల 05.154 సెకన్లలో పూర్తి చేసి అగ్రస్థానాన్ని దక్కించుకున్నాడు. మెర్సిడెస్‌ జట్టుకే చెందిన వాల్తెరీ బొటాస్‌ రెండో స్థానంలో నిలువగా... రికియార్డో (రెడ్‌బుల్‌), వెటెల్‌ (ఫెరారీ) వరుసగా మూడు, నాలుగు స్థానాలను సంపాదించారు. భారత్‌కు చెందిన ఫోర్స్‌ ఇండియా జట్టు డ్రైవర్లు సెర్గియో పెరెజ్, ఎస్టాబెన్‌ ఒకాన్‌ వరుసగా ఐదు, ఆరు స్థానాల్లో నిలిచారు.
 
  తొలి ల్యాప్‌లోనే మసా (విలియమ్స్‌), సెయింజ్‌ (ఎస్టీఆర్‌) వైదొలగగా... వెర్‌స్టాపెన్‌ (రెడ్‌బుల్‌) పదో ల్యాప్‌లో, క్వియాట్‌ (ఎస్టీఆర్‌) 54వ ల్యాప్‌లో, అలోన్సో (మెక్‌లారెన్‌) 66వ ల్యాప్‌లో తప్పుకున్నారు. సీజన్‌లోని 20 రేసులకుగాను ఇప్పటికి ఏడు రేసులు ముగిశాయి. ప్రస్తుతం డ్రైవర్స్‌ చాంపియన్‌షిప్‌లో వెటెల్‌ (141 పాయింట్లు), హామిల్టన్‌ (129 పాయింట్లు), బొటాస్‌ (93 పాయింట్లు) టాప్‌–3లో ఉన్నారు. సీజన్‌లోని తదుపరి రేసు అజర్‌బైజాన్‌ గ్రాండ్‌ప్రి ఈనెల 25న జరుగుతుంది.


 టాప్‌–5లో ఫోర్స్‌ ఇండియా డ్రైవర్లు
 
 బార్సిలోనా: ‘పోల్‌ పొజిషన్‌’తో రేసును ప్రారంభించి చివరిదాకా అదే జోరును కొనసాగించిన మెర్సిడెస్‌ జట్టు డ్రైవర్‌ లూయిస్‌ హామిల్టన్‌ ఈ సీజన్‌లో రెండో టైటిల్‌ను గెల్చుకున్నాడు. ఆదివారం జరిగిన స్పెయిన్‌ గ్రాండ్‌ప్రి రేసులో హామిల్టన్‌ 66 ల్యాప్‌లను గంటా 35 నిమిషాల 56.497 సెకన్లలో పూర్తి చేసి విజేతగా నిలిచాడు. ఫెరారీ డ్రైవర్‌ సెబాస్టియన్‌ వెటెల్‌ రెండో స్థానంలో, రికియార్డో (రెడ్‌బుల్‌) మూడో స్థానంలో నిలిచారు. భారత్‌కు చెందిన ఫోర్స్‌ ఇండియా జట్టు డ్రైవర్లు సెర్గియో పెరెజ్, ఒకాన్‌ టాప్‌–5లో నిలవడం విశేషం.
 
 పెరెజ్‌కు నాలుగో స్థానం, ఒకాన్‌కు ఐదో స్థానం దక్కింది. మొత్తం 20 మంది డ్రైవర్లు రేసులో పాల్గొనగా నలుగురు మధ్యలోనే వైదొలిగారు. సీజన్‌లోని తదుపరి రేసు మొనాకో గ్రాండ్‌ప్రి ఈనెల 28న జరుగుతుంది. ప్రస్తుతం డ్రైవర్స్‌ చాంపియన్‌షిప్‌ రేసులో వెటెల్‌ (104 పాయింట్లు), హామిల్టన్‌ (98 పాయింట్లు), బొటాస్‌ (మెర్సిడెస్‌–63 పాయింట్లు) తొలి మూడు స్థానాల్లో ఉన్నారు. 


 నేడు చైనా గ్రాండ్‌ప్రి రేసు
 షాంఘై: గత ఏడాది జరిగిన తప్పిదాన్ని ఈసారి పునరావృతం చేయకుండా జాగ్రత్త పడిన మెర్సిడెస్‌ జట్టు డ్రైవర్‌ లూయిస్‌ హామిల్టన్‌ అనుకున్న ఫలితాన్ని సాధించాడు. ఫార్ములావన్‌ చైనా గ్రాండ్‌ప్రి రేసు క్వాలిఫయింగ్‌ సెషన్‌లో ఈ బ్రిటన్‌ డ్రైవర్‌ ‘పోల్‌ పొజిషన్‌’ సాధించాడు. శనివారం జరిగిన క్వాలిఫయింగ్‌ సెషన్‌లో హామిల్టన్‌ అందరికంటే వేగంగా ఒక నిమిషం 31.678 సెకన్లలో ల్యాప్‌ను పూర్తి చేశాడు.
 ఆదివారం జరిగే ప్రధాన రేసును తొలి స్థానం నుంచి ప్రారంభించే అవకాశాన్ని అతను దక్కించుకున్నాడు. ఈ సీజన్‌లో హామిల్టన్‌కిది వరుసగా రెండో పోల్‌ పొజిషన్‌. సీజన్‌ తొలి రేసు ఆస్ట్రేలియా గ్రాండ్‌ప్రిలోనూ హామిల్టన్‌కు పోల్‌ పొజిషన్‌ లభించిన సంగతి తెలిసిందే. గత ఏడాది చైనా గ్రాండ్‌ప్రి క్వాలి ఫయింగ్‌ సెషన్‌లో హామిల్టన్‌ నిబంధనలకు విరుద్ధంగా గేర్‌ బాక్స్‌ను మార్చాడు. దాంతో అతనిపై నిర్వాహకులు పెనాల్టీని విధించారు. ఫలితంగా హామిల్టన్‌ ప్రధాన రేసును చివరిదైన 22వ స్థానంతో ప్రారంభించాడు.
 కానీ ఈసారి మాత్రం క్వాలిఫయింగ్‌ సెషన్‌లో హామిల్టన్‌ 3 సెషన్స్‌లోనూ ఆధిపత్యాన్ని చాటుకున్నాడు.  వెటెల్‌ (ఫెరారీ), బొటాస్‌ (మెర్సిడెస్‌) వరుసగా రెండు, మూడు స్థానాల నుంచి రేసును మొదలుపెడతారు. భారత్‌కు చెందిన ఫోర్స్‌ ఇండియా డ్రైవర్లు సెర్గియో పెరెజ్, ఒకాన్‌ వరుసగా 8వ, 20వ స్థానాల నుంచి రేసును ఆరంభిస్తారు.
 
 గ్రిడ్‌ పొజిషన్స్‌: 1. హామిల్టన్‌ (మెర్సిడెస్‌), 2. వెటెల్‌ (ఫెరారీ), 3. బొటాస్‌ (మెర్సిడెస్‌), 4. రైకోనెన్‌ (ఫెరారీ), 5. రికియార్డో (రెడ్‌బుల్‌), 6. మసా (విలియమ్స్‌), 7. హుల్కెన్‌బర్గ్‌ (రెనౌ), 8. పెరెజ్‌ (ఫోర్స్‌ ఇండియా), 9. క్వియాట్‌ (ఎస్టీఆర్‌), 10. లాన్స్‌ స్ట్రోల్‌ (విలియమ్స్‌), 11. కార్లోస్‌ సెయింజ్‌ (ఎస్టీఆర్‌), 12. మాగ్నుసెన్‌ (హాస్‌), 13. అలోన్సో (మెక్‌లారెన్‌), 14. ఎరిక్సన్‌ (సాబెర్‌), 15. గియోవినాజి (సాబెర్‌), 16. వాన్‌డూర్నీ (మెక్‌లారెన్‌), 17. గ్రోస్యెన్‌ (హాస్‌), 18. పాల్మెర్‌ (రెనౌ), 19. వెర్‌స్టాపెన్‌ (రెడ్‌బుల్‌), 20. ఒకాన్‌ (ఫోర్స్‌ ఇండియా).
 
 నేటి ప్రధాన రేసు ఉదయం గం. 11.25 నుంచి
 స్టార్‌ స్పోర్ట్స్‌ సెలెక్ట్‌ హెచ్‌డీ–2లో ప్రత్యక్ష ప్రసారం


 ►27 రేసుల తర్వాత తొలి విజయం
 ►ఆస్ట్రేలియా గ్రాండ్‌ప్రి టైటిల్‌ సొంతం  
 
 మెల్‌బోర్న్‌: ఒకటా... రెండా...మూడా... ఏకంగా 27 రేసుల నిరీక్షణ ముగిసింది. హామిల్టన్, రోస్‌బర్గ్‌ దాటికి ఏడాదిన్నర కాలంగా ఒక్క టైటిల్‌ కూడా నెగ్గలేకపోయిన నాలుగుసార్లు ప్రపంచ చాంపియన్‌ సెబాస్టియన్‌ వెటెల్‌ మళ్లీ ఫామ్‌లోకి వచ్చాడు. 2017 ఫార్ములావన్‌ సీజన్‌ తొలి రేసు ఆస్ట్రేలియన్‌ గ్రాండ్‌ప్రిలో ఫెరారీ జట్టుకు ప్రాతినిధ్యం వహించిన వెటెల్‌ విజేతగా నిలిచాడు. ఆదివారం జరిగిన 57 ల్యాప్‌ల ఈ రేసులో వెటెల్‌ గంటా 24 నిమిషాల 11.670 సెకన్లలో గమ్యానికి చేరి అగ్రస్థానాన్ని దక్కించుకున్నాడు. 2015 సెప్టెంబరులో సింగపూర్‌ గ్రాండ్‌ప్రిలో విజేతగా నిలిచిన తర్వాత వెటెల్‌ ఖాతాలో చేరిన తొలి టైటిల్‌ ఇదే కావడం విశేషం. ఓవరాల్‌గా వెటెల్‌ కెరీర్‌లో ఇది 43వ టైటిల్‌. మరోవైపు 2007 తర్వాత ఫెరారీ జట్టు డ్రైవర్‌కు ఆస్ట్రేలియా గ్రాండ్‌ప్రి టైటిల్‌ లభించడం గమనార్హం.
 
 వరుసగా నాలుగో ఏడాది ఆస్ట్రేలియా గ్రాండ్‌ప్రి రేసును ‘పోల్‌ పొజిషన్‌’తో ప్రారంభించిన లూయిస్‌ హామిల్టన్‌ (మెర్సిడెస్‌) రెండో స్థానంతో సరిపెట్టుకున్నాడు. హామిల్టన్‌ గంటా 24 నిమిషాల 21.645 సెకన్లలో గమ్యానికి చేరుకున్నాడు. 17వ ల్యాప్‌ వరకు ఆధిక్యంలో ఉన్న హామిల్టన్‌ టైర్లు మార్చుకోవడానికి విరామం తీసుకోగా...  రెండో స్థానంలో ఉన్న వెటెల్‌ ముందుకు దూసుకెళ్లాడు. అక్కడి నుంచి వెటెల్‌ను అందుకోవడంలో మిగతా డ్రైవర్లు వెనుకబడ్డారు. మెర్సిడెస్‌ జట్టుకే చెందిన బొటాస్‌ మూడో స్థానాన్ని, ఫెరారీ డ్రైవర్‌ కిమీ రైకోనెన్‌ నాలుగో స్థానాన్ని పొందారు. భారత్‌కు చెందిన ఫోర్స్‌ ఇండియా జట్టు డ్రైవర్లు సెర్గియో పెరెజ్‌ ఏడో స్థానంలో, ఒకాన్‌ పదో స్థానంలో నిలిచి పాయింట్ల ఖాతా తెరిచారు. మొత్తం 20 మంది డ్రైవర్లు బరిలోకి దిగగా... ఏడుగురు డ్రైవర్లు రేసును పూర్తి చేయలేక మధ్యలోనే వైదొలిగారు. సీజన్‌లోని తదుపరి రేసు చైనా గ్రాండ్‌ప్రి ఏప్రిల్‌ 9న జరుగుతుంది.
 
 గమ్యం చేరారిలా (టాప్‌–10): 1. వెటెల్‌ (ఫెరారీ; 1గం:24ని:11.670 సెకన్లు), 2. హామిల్టన్‌ (మెర్సిడెస్‌; 1:24:21.645), 3. బొటాస్‌ (మెర్సిడెస్‌; 1:24:22.920), 4. రైకోనెన్‌ (ఫెరారీ; 1:24:34.063), 5. వెర్‌స్టాపెన్‌ (రెడ్‌బుల్‌; 1:24:40.497), 6. మసా (విలియమ్స్‌; 1:25:35.056), 7. పెరెజ్‌ (ఫోర్స్‌ ఇండియా;  +1 ల్యాప్‌), 8. సెయింజ్‌ (ఎస్టీఆర్‌; +1 ల్యాప్‌), 9. క్వియాట్‌ (ఎస్టీఆర్‌; +1 ల్యాప్‌), 10. ఒకాన్‌ (ఫోర్స్‌ ఇండియా; +1 ల్యాప్‌).


 అబుదాబి: ఆద్యంతం సంయమనంతో వ్యవహరించిన మెర్సిడెస్ జట్టు డ్రైవర్ నికో రోస్‌బర్గ్ 2016 ఫార్ములావన్ (ఎఫ్1) విశ్వవిజేతగా అవతరించాడు. సీజన్ చివరి రేసు అబుదాబి గ్రాండ్‌ప్రిలో రెండో స్థానం పొందిన రోస్‌బర్గ్ మొత్తం 385 పారుుంట్లతో డ్రైవర్స్ చాంపియన్‌షిప్ టైటిల్‌ను సొంతం చేసుకున్నాడు. మెర్సిడెస్ జట్టుకే చెందిన లూరుుస్ హామిల్టన్ అబుదాబి రేసులో చాంపియన్‌గా నిలిచినా... రోస్‌బర్గ్ టాప్-3లో నిలువడంతో ఈ బ్రిటన్ డ్రైవర్ ఓవరాల్‌గా 380 పారుుంట్లతో రెండో స్థానంతో సరిపెట్టుకున్నాడు. ‘పోల్ పొజిషన్’తో రేసును మొదలుపెట్టిన హామిల్టన్ 55 ల్యాప్‌లను గంటా 38 నిమిషాల 04.013 సెకన్లలో పూర్తి చేసి అగ్రస్థానాన్ని పొందాడు.
 
 ఫోర్స్ ఇండియా డ్రైవర్లు హుల్కెన్‌బర్గ్, సెర్గియో పెరెజ్ వరుసగా ఏడు, ఎనిమిది స్థానాల్లో నిలిచారు. ఓవరాల్ సీజన్‌లో పెరెజ్ (101 పారుుంట్లు) ఏడో స్థానంలో, హుల్కెన్‌బర్గ్ (72 పారుుంట్లు) తొమ్మిదో స్థానంలో నిలిచారు. కన్‌స్ట్రక్టర్స్ చాంపియన్ షిప్‌లో మెర్సిడెస్ జట్టుకు టైటిల్ దక్కగా... ఫోర్స్ ఇండియా నాలుగో స్థానాన్ని దక్కించుకొని తమ అత్యుత్తమ ఫలితాన్ని నమోదు చేసింది. ఈ సీజన్‌లోని 21 రేసులకుగాను రోస్‌బర్గ్ తొమ్మిది రేసుల్లో టైటిల్ సాధించాడు. ఈ విజయంతో ఎఫ్1 విశ్వవిజేతగా నిలిచిన రెండో తండ్రీ తనయుల జోడీగా రోస్‌బర్గ్ గుర్తింపు పొందాడు. రోస్‌బర్గ్ తండ్రి కెకె 1982లో ఎఫ్1 చాంపియన్‌గా నిలిచాడు.
  


 హామిల్టన్‌కు ‘పోల్ పొజిషన్’
 నేడు అబుదాబి గ్రాండ్‌ప్రి 
 అబుదాబి: ఫార్ములాన్-2016 సీజన్ అంతిమ దశకు చేరుకుంది. సీజన్‌లోని చివరిదైన రేసు అబుదాబి గ్రాండ్‌ప్రిలో ఓవరాల్ విజేత ఎవరో తేలనుంది. శనివారం జరిగిన క్వాలిఫరుుంగ్ సెషన్‌లో ప్రస్తుత ప్రపంచ చాంపియన్ లూరుుస్ హామిల్టన్ (మెర్సిడెస్) అందరికంటే వేగంగా ల్యాప్‌ను ఒక నిమిషం 38.755 సెకన్లలో ముగించి ‘పోల్ పొజిషన్’ సాధించాడు. హామిల్టన్ సహచరుడు నికో రోస్‌బర్గ్ ఒక నిమిషం 39.058 సెకన్లలో ల్యాప్‌ను ముగించి రెండో స్థానంలో నిలిచాడు. ఫలితంగా ఆదివారం జరిగే ప్రధాన రేసును హామిల్టన్ తొలి స్థానం నుంచి, రోస్‌బర్గ్ రెండో స్థానం నుంచి మొదలుపెడతారు.
 
 డ్రైవర్స్ చాంపియన్‌షిప్ రేసులో రోస్‌బర్గ్ (367 పారుుంట్లు), హామిల్టన్ (355 పారుుంట్లు) మధ్య 12 పారుుంట్ల తేడా ఉంది. ఆదివారం జరిగే రేసులో రోస్‌బర్గ్ టాప్-3లో నిలిస్తే  చాంపియన్‌గా అవతరిస్తాడు. హామిల్టన్‌కు టైటిల్ దక్కాలంటే అతను  గెలవడంతోపాటు రోస్‌బర్గ్ టాప్-3లో ఉండకూడదు.  ఫోర్స్ ఇండియా  డ్రైవర్లు హుల్కెన్‌బర్గ్, సెర్గియో పెరెజ్  7, 8 స్థానాల నుంచి రేసును ప్రారంభిస్తారు.


 బ్రెజిల్ గ్రాండ్‌ప్రి నెగ్గిన బ్రిటిష్ డ్రైవర్   
 రోస్‌బర్గ్‌కు రెండో స్థానం   
 నాలుగో స్థానంలో ఫోర్స్ ఇండియా
 సావో పాలో: ఓ వైపు భోరున వర్షం.. పూర్తిగా నీటితో ప్రమాదకరంగా మారిన ట్రాక్.. అధిక వేగంతో నియంత్రణ కోల్పోరుు ఢీకొన్న కార్లు.. మధ్యలో రెండు సార్లు ఆగిన రేసు.. ఐదు సార్లు భద్రతా కార్ల ప్రవేశం.. ఇలాంటి సంక్లిష్టమైన పరిస్థితిలో డిఫెండింగ్ చాంపియన్ లూరుుస్ హామిల్టన్ సత్తా చాటుకున్నాడు. ఫార్ములావన్‌లో భాగంగా ఆదివారం జరిగిన బ్రెజిలియన్ గ్రాండ్‌ప్రిలో ఈ మెర్సిడెజ్ డ్రైవర్ 71 ల్యాప్‌లను 3:01:01.335 సెకన్ల టైమింగ్‌తో ముగించి విజేతగా నిలిచాడు. అలాగే 2014, 15లో ఫార్ములావన్ చాంపియన్‌షిప్స్ సాధించిన తను హ్యాట్రిక్ టైటిల్ ఆశలను సజీవంగా నిలుపుకున్నాడు. అటు ఈ రేసు నెగ్గితే తొలిసారి చాంపియన్‌గా నిలిచే అవకాశం ఉన్న మరో మెర్సిడెజ్ డ్రైవర్ నికో రోస్‌బర్గ్ రెండో స్థానం (+00:11.455)తో సరిపుచ్చుకున్నాడు.
 
 దీంతో ఈనెల 27న అబుదాబిలో జరిగే సీజన్ చివరి రేసులో విజేత ఎవరో తేలనుంది. హామిల్టన్ టైటిల్ గెలవాలంటే కచ్చితంగా ఇందులోనూ విజేతగా నిలవాల్సిందే. అరుుతే రోస్‌బర్గ్ నాలుగు అంతకన్నా తక్కువ స్థానంలో నిలవాల్సి ఉంటుంది. అలా కాకుండా తను మూడో స్థానంలో నిలిచినా హామిల్టన్ ఆశలు వదులుకోవాల్సిందే. ఇప్పటికై తే డ్రైవర్స్ స్టాండింగ్‌‌సలో ఓవరాల్‌గా 12 పారుుంట్లతో రోస్‌బర్గ్ (367)ఆధిక్యంలో ఉన్నాడు. ఇక టైర్ల మార్పులో ఆలస్యం కారణంగా ఓ దశలో 16వ స్థానంలో ఉన్న రెడ్‌బుల్ డ్రైవర్ మాక్స్ వెర్‌స్టాపన్ ఫైనల్ లాప్స్‌లో సూపర్ షో కారణంగా మూడో స్థానం (00:21.481)లో నిలిచాడు. ఫోర్స్ ఇండియాకు చెందిన సెర్గియో పెరేజ్ నాలుగో స్థానంలో.. నికో హుల్కెన్‌బర్గ్ ఏడో స్థానంలో నిలిచారు. ఇదిలావుండగా హామిల్టన్‌కు ఇది ఈ ఏడాదిలో తొమ్మిదో విజయం. అరుుతే బ్రెజిల్‌లో గెలవడం మాత్రం ఇదే తొలిసారి. గతంలో తొమ్మిది ప్రయత్నాల్లోనూ పరాజయాలే ఎదురయ్యారుు.  అలాగే ఈ సీజన్ అనంతరం కెరీర్‌కు గుడ్‌బై చెబుతున్నట్టు ప్రకటించిన ఫెలిప్ మసా తన సొంత గడ్డపై చివరి రేసును మధ్యలోనే ముగించాల్సి వచ్చింది. ట్రాక్ పూర్తిగా తడిగా మారడంతో తన కారుపై అదుపు తప్పిన మసా పక్కనున్న బారికేడ్లను ఢీకొని తప్పుకున్నాడు.
 మరోవైపు కన్‌స్ట్రక్టర్స్ చాంపియన్‌‌సషిప్స్‌లో ఫోర్స్ ఇండియా తొలిసారి నాలుగో స్థానంలో నిలిచింది. ప్రస్తుతం ఈ జట్టుకు 163 పారుుంట్లు ఉండగా సమీప ప్రత్యర్థి విలియమ్స్ 27 పారుుంట్లు తక్కువలో ఉంది. అబుదాబి రేసులోనూ మెరుగైన ప్రదర్శన చేస్తే ఈ స్థానానికి ఢోకా ఉండదు. గత సీజన్‌లో ఫోర్స్ ఇండియా ఐదో స్థానంలో నిలిచింది.
  


 మెక్సికన్ సిటీ: ఫార్ములావన్ మెక్సికన్ గ్రాండ్ ప్రిలో లూరుుస్ హామిల్టన్ (మెర్సిడెస్)విజయం సాధించాడు. 71 ల్యాప్‌ల రేసును ఈ బ్రిటన్ డ్రైవర్ 1 గంట 40 నిమిషాల 31.042 సెకన్లలో పూర్తి చేశాడు. మెర్సిడెస్‌కే చెందిన రోస్‌బర్గ్ రెండు, రెడ్‌బుల్ డ్రైవర్ రికియార్డో మూడో స్థానంలో రేసును పూర్తి చేశారు. హామిల్టన్‌కు ఇది ఈ సీజన్‌లో ఎనిమిదో విజయం కాగా... కెరీర్‌లో 51వ గెలుపు. రెడ్‌బుల్‌కే చెందిన వెర్‌స్టాపెన్, ఫెరారీ రేసర్ వెటెల్ వరుసగా నాలుగు, ఐదు స్థానాల్లో నిలిచారు. ఈ రేసులో అనేక వివాదాలు చోటు చేసుకున్నారుు. వెర్‌స్టాపెన్, వెటెల్ రేసు మధ్యలో ఢీకొట్టుకున్నారు. రేసు ముగిశాక వెర్‌స్టాపెన్ మూడో స్థానంలో నిలిచి పొడియం మీదకు వెళ్లాడు. అరుుతే తనకు ఐదు సెకండ్ల పెనాల్టీ విధించి వెటెల్ మూడోస్థానంలో నిలిచినట్లు ప్రకటించారు. ఆ తర్వాత మూడు గంటలకు రేసు మొత్తాన్ని మరోసారి పరీక్షించాక మరో కొత్త సంఘటన బయటపడింది. రెడ్‌బుల్ డ్రైవర్ రికియార్డోను వెటెల్ ప్రమాదకరంగా అడ్డుకున్నట్లు భావించి తనపై పది సెకండ్లు పెనాల్టీ విధించారు. దీంతో తను మూడు నుంచి ఐదో స్థానానికి పడిపోగా... రికియార్డో మూడు, వెర్‌స్టాపెన్ నాలుగో స్థానంలో నిలిచారు. ఫోర్స్ ఇండియా రేసర్లు హల్కెన్‌బర్గ్ ఏడో స్థానంలో, పెరెజ్ పదో స్థానంలో రేసును పూర్తి చేశారు.
 డ్రైవర్స్ చాంపియన్‌షిప్‌లో ప్రస్తుతం రోస్‌బర్గ్ 349 పారుుంట్లతో, హామిల్టన్ 330 పారుుంట్లతో ఉన్నారు. నవంబరు 13న జరిగే బ్రెజిలియన్ గ్రాండ్ ప్రిలో రోస్‌బర్గ్ టైటిల్ గెలిస్తే ఈ ఏడాది ఫార్ములావన్ చాంపియన్‌గా నిలుస్తాడు. ఒకవేళ హామిల్టన్ అందులో గెలిస్తే సీజన్‌లో చివరి రేస్ (అబుదాబి, నవంబరు 27) వరకు ఫలితం కోసం ఎదురుచూడాలి. కన్‌స్ట్రక్టర్స్ చాంపియన్‌షిప్‌ను ఇప్పటికే మెర్సిడెస్ (679) గెలుచుకుంది. 
  


 యూఎస్ గ్రాండ్‌ప్రి టైటిల్ సొంతం
 
 
 ఆస్టిన్ (అమెరికా): డ్రైవర్స్ చాంపియన్‌షిప్ టైటిల్ ఆశలు సజీవంగా ఉండాలంటే కచ్చితంగా గెలవాల్సిన రేసులో మెర్సిడెస్ జట్టు డ్రైవర్ లూరుుస్ హామిల్టన్ సత్తా చాటుకున్నాడు. యూఎస్ గ్రాండ్‌ప్రి రేసులో ఈ బ్రిటన్ డ్రైవర్ విజేతగా నిలిచాడు. భారత కాలమానం ప్రకారం ఆదివారం అర్ధరాత్రి దాటాక జరిగిన ఈ రేసులో నిర్ణీత 56 ల్యాప్‌లను హామిల్టన్ గంటా 38 నిమిషాల 12.618 సెకన్లలో ముగించి అగ్రస్థానాన్ని సంపాదించాడు. మెర్సిడెస్ జట్టుకే చెందిన నికో రోస్‌బర్గ్ రెండో స్థానంలో నిలువగా... రికియార్డో (రెడ్‌బుల్) మూడో స్థానాన్ని పొందాడు. ఈ సీజన్‌లో హామిల్టన్‌కిది ఏడో విజయం కాగా... కెరీర్‌లో 50వ టైటిల్. ఈ గెలుపుతో ఫార్ములావన్ చరిత్రలో అత్యధిక టైటిల్స్ నెగ్గిన డ్రైవర్స్ జాబితాలో హామిల్టన్ మూడో స్థానానికి చేరుకున్నాడు. షుమాకర్ (91),  ప్రాస్ట్ (51) తొలి రెండు స్థానాల్లో ఉన్నారు. తాజా విజయంతో డ్రైవర్స్ చాంపియన్‌షిప్‌లో హామిల్టన్ (305 పారుుంట్లు), నికో రోస్‌బర్గ్ (331 పారుుంట్లు) మధ్య తేడా 26 పారుుంట్లకు చేరుకుంది. ఈ సీజన్‌లో మరో మూడు రేసులు మిగిలి ఉన్నారుు. తదుపరి రేసు మెక్సికో గ్రాండ్‌ప్రి ఈనెల 30న జరుగుతుంది.
  
 ‘పోల్ పొజిషన్’తో రేసును ఆరంభించిన హామిల్టన్ చివరి ల్యాప్ వరకు ఆధిక్యంలోనే కొనసాగాడు. తొలి పిట్‌స్టాప్ వద్ద వెనుకబడినా ఆ వెంటనే మళ్లీ ఆధిక్యంలోకి వచ్చి చివరి వరకు ఈ ఆధిక్యాన్ని కాపాడుకొని విజయాన్ని ఖాయం చేసుకున్నాడు. భారత్‌కు చెందిన ఫోర్స్ ఇండియా జట్టు డ్రైవర్లు పెరెజ్, హుల్కెన్‌బర్గ్‌లకు ఈ రేసు మిశ్రమ ఫలితాలను ఇచ్చింది. పెరెజ్ ఎనిమిదో స్థానంలో నిలిచి నాలుగు పారుుంట్లు పొందగా... నికో హుల్కెన్‌బర్గ్ తొలి ల్యాప్‌లోనే వైదొలిగాడు.
  


 హాకెన్హీమ్:వారం రోజుల క్రితం హంగేరీ గ్రాండ్ ప్రిలో సత్తా చాటిన ప్రపంచ చాంపియన్, మెర్సిడెస్ జట్టు డ్రైవర్ లూయిస్ హామిల్టన్ మరోసారి దుమ్మురేపాడు. జర్మన్ గ్రాండ్ ప్రిలో భాగంగా ఆదివారం జరిగిన ప్రధాన రేసులో ఈ బ్రిటన్ డ్రైవర్ 67 ల్యాప్లను అందరికంటే వేగంగా పూర్తి చేసి విజేతగా నిలిచాడు. తద్వారా వరుసగా నాల్గో విజయాన్ని సాధించిన హామిల్టన్.. ఈ సీజన్లో ఆరో విజయాన్ని తన ఖాతాలో వేసుకున్నాడు.
  
 ప్రధాన రేసును రెండో స్థానం నుంచి మొదలు పెట్టిన హామిల్టన్ ఆద్యంత ఆకట్టుకున్నాడు. అయితే క్వాలిఫయింగ్ సెషన్లో పోల్ పొజిషన్ సాధించి రేసును ఆరంభించిన తన సహచర మెర్సిడెస్ జట్టు డ్రైవర్ నికో రోస్ బర్గ్ నాల్గో స్థానానికి పరిమితమై సొంత ప్రేక్షకుల్ని తీవ్రంగా నిరాశపరిచాడు. కాగా, రెడ్ బుల్ కు చెందిన డానియల్ రికియార్డో, మాక్స్ వెర్స్టాపెన్లు పొడియం పొజిషన్ సాధించారు. ఈ రేసులో రికియార్డో రెండో స్థానంలో, వెర్స్టాపెన్ మూడో స్థానంలో నిలవడం విశేషం. గత హంగేరి గ్రాండ్ ప్రితో ఈ సీజన్ లో తొలిసారి డ్రైవర్ల పాయింట్ల పట్టికలో ముందంజలోకి వచ్చిన హామిల్టన్..తాజా రేసులో విజయం సాధించిన అనంతరం 19 పాయింట్ల ఆధిక్యం సాధించి రోస్ బర్గ్ ను మరింత వెనక్కినెట్టాడు. ఇది జర్మన్ గ్రాండ్ ప్రిలో హామిల్టన్ కు మూడో విజయం కాగా, ఓవరాల్ కెరీర్లో 49 విజయం కావడం విశేషం.


 ► ఫోర్స్ ఇండియాకు మూడో స్థానం
 ► రోస్‌బర్గ్‌కే టైటిల్
 ►  యూరోపియన్ గ్రాండ్‌ప్రి
  
  
  బాకు (అజర్‌బైజాన్): ఈ సీజన్‌లో నిలకడగా రాణిస్తోన్న ఫోర్స్ ఇండియా జట్టు డ్రైవర్ సెర్గియో పెరెజ్ మరోసారి మెరిశాడు. ఆదివారం జరిగిన యూరోపియన్ గ్రాండ్‌ప్రి రేసులో పెరెజ్ మూడో స్థానాన్ని దక్కించుకున్నాడు. ఈ సీజన్‌లో ఫోర్స్ ఇండియా డ్రైవర్ టాప్-3లో నిలువడం ఇది రెండోసారి కావడం విశేషం. మొనాకో గ్రాండ్‌ప్రి రేసులోనూ పెరెజ్ మూడో స్థానాన్ని పొందాడు. మరోవైపు ‘పోల్ పొజిషన్’తో రేసును మొదలుపెట్టిన నికో రోస్‌బర్గ్ (మెర్సిడెస్) ఆద్యంతం ఆధిపత్యం కనబరిచి విజేతగా నిలిచాడు. ఈ సీజన్‌లో ఐదో విజయాన్ని సాధించాడు. 51 ల్యాప్‌ల ఈ రేసును రోస్‌బర్గ్ గంటా 32 నిమిషాల 52.366 సెకన్లలో ముగించి అగ్రస్థానాన్ని దక్కించుకున్నాడు. ప్రపంచ మాజీ చాంపియన్ సెబాస్టియన్ వెటెల్ (ఫెరారీ-1గం:33ని:09.062 సెకన్లు) రెండో స్థానంలో నిలువగా... పెరెజ్ (ఫోర్స్ ఇండియా-1గం:33ని:17.607 సెకన్లు) మూడో స్థానాన్ని కైవసం చేసుకున్నాడు. మొత్తం 22 మంది డ్రైవర్లలో నలుగురు (అలోన్సో, వెర్లిన్, కార్లోస్ సెయింజ్, క్వియాట్) మధ్యలోనే వైదొలిగారు.
  
 
  సీజన్‌లో ఎనిమిది రేసులు ముగిశాక రోస్‌బర్గ్ 141 పాయింట్లతో అగ్రస్థానంలో కొనసాగుతున్నాడు. హామిల్టన్ (మెర్సిడెస్-117 పాయింట్లు), వెటెల్ (ఫెరారీ-96 పాయింట్లు) వరుసగా రెండు, మూడు స్థానాల్లో ఉన్నారు. సీజన్‌లోని తదుపరి రేసు ఆస్ట్రియా గ్రాండ్‌ప్రి జులై 3న జరుగుతుంది.


 పిన్న వయస్సులో ఎఫ్1 టైటిల్ నెగ్గిన డ్రైవర్‌గా రికార్డు
 
 బార్సిలోనా: ఫార్ములావన్‌లో ఆదివారం పెను సంచలనం నమోదైంది. స్పెయిన్ గ్రాండ్‌ప్రిలో రెడ్‌బుల్ జట్టుకు చెందిన 18 ఏళ్ల మాక్స్ వెర్‌స్టాపెన్ విజేతగా నిలిచాడు. తద్వారా ఫార్ములావన్‌లో పిన్న వయస్సులో టైటిల్ సాధించిన క్రీడాకారుడిగా చరిత్ర సృష్టించాడు. దాంతో  వెటెల్ (21 ఏళ్ల 74 రోజులు; 2008లో ఇటలీ గ్రాండ్‌ప్రి) పేరిట ఉన్న ఈ రికార్డు తెరమరుగైంది. 66 ల్యాప్‌లు ఉన్న స్పెయిన్ గ్రాండ్‌ప్రిలో వెర్‌స్టాపెన్ గంటా 41 నిమిషాల 40.017 సెకన్లలో గమ్యానికి చేరి చాంపియన్‌గా నిలిచాడు.
 రైకోనెన్ (ఫెరారీ), వెటెల్ (ఫెరారీ) వరుసగా రెండు, మూడో స్థానాల్లో నిలిచారు. ఫోర్స్ ఇండియా జట్టు డ్రైవర్లలో పెరెజ్ ఏడో స్థానాన్ని సంపాదించగా... హుల్కెన్‌బర్గ్ 20వ ల్యాప్‌లో వైదొలిగాడు. మెర్సిడెస్ జట్టు స్టార్ డ్రైవర్లు  హామిల్టన్, రోస్‌బర్గ్ తొలి ల్యాప్‌లోనే పరస్పరం ఢీకొట్టుకొని తప్పుకున్నారు.


 ► ఆస్ట్రేలియా గ్రాండ్‌ప్రి టైటిల్ సొంతం
 ► హామిల్టన్‌కు రెండో స్థానం
  
 మెల్‌బోర్న్:  ఫార్ములావన్ కొత్త సీజన్‌లోనూ మెర్సిడెస్ జట్టు డ్రైవర్లు తమ ఆధిపత్యాన్ని చాటుకున్నారు. సీజన్ తొలి రేసు ఆస్ట్రేలియా గ్రాండ్‌ప్రిలో తొలి రెండు స్థానాలు మెర్సిడెస్ జట్టు డ్రైవర్లకే దక్కాయి. ఆదివారం జరిగిన ఈ రేసులో నికో రోస్‌బర్గ్ విజేతగా నిలువగా... ప్రస్తుత ప్రపంచ చాంపియన్ లూయిస్ హామిల్టన్ రెండో స్థానాన్ని దక్కించుకున్నాడు. 57 ల్యాప్‌ల ఈ రేసును రోస్‌బర్గ్ గంటా 48 నిమిషాల 15.565 సెకన్లలో పూర్తి చేసి అగ్రస్థానాన్ని సాధించాడు. ‘పోల్ పొజిషన్’తో రేసును ఆరంభించిన హామిల్టన్ గంటా 48 నిమిషాల 23.625 సెకన్లలో లక్ష్యానికి చేరి రెండో స్థానంతో సరిపెట్టుకున్నాడు. రెండో స్థానం నుంచి రేసును మొదలుపెట్టిన రోస్‌బర్గ్ 23వ ల్యాప్‌లో ఆధిక్యంలోకి వచ్చి ఆ తర్వాత వెనుదిరిగి చూడలేదు.  రోస్‌బర్గ్‌కు 25 పాయింట్లు లభించాయి. 
 
 18 నెలల తర్వాత హామిల్టన్‌ను కాదని మరో డ్రైవర్ పాయింట్ల పట్టికలో అగ్రస్థానంలోకి రావడం ఇదే తొలిసారి. ఫోర్స్ ఇండియా జట్టుకు మిశ్రమ ఫలితాలు లభించాయి.  హుల్కెన్‌బర్గ్ ఏడో స్థానాన్ని పొందగా... మరో డ్రైవర్ పెరెజ్ 13వ స్థానంలో నిలిచాడు. ఈ రేసులో ఆరుగురు డ్రైవర్లు మధ్యలోనే వైదొలిగారు.  తదుపరి రేసు బహ్రెయిన్ గ్రాండ్‌ప్రి ఏప్రిల్ 3న జరుగుతుంది.


  నేడు ఆస్ట్రేలియా గ్రాండ్‌ప్రి
 
 మెల్‌బోర్న్: డిఫెండింగ్ చాంపియన్ లూయిస్ హామిల్టన్ ఫార్ములావన్ కొత్త సీజన్‌ను దూకుడుతో ప్రారంభించాడు. సీజన్ తొలి రేసు ఆస్ట్రేలియా గ్రాండ్‌ప్రి క్వాలిఫయింగ్ సెషన్‌లో ఈ మెర్సిడెస్ జట్టు డ్రైవర్ ‘పోల్ పొజిషన్’ సాధించాడు. శనివారం జరిగిన క్వాలిఫయింగ్ సెషన్‌లో హామిల్టన్ అందరికంటే వేగంగా ఒక నిమిషం 23.837 సెకన్లలో ల్యాప్‌ను పూర్తి చేసి అగ్రస్థానంలో నిలిచాడు.
 
 తద్వారా ఆదివారం జరిగే ప్రధాన రేసును తొలి స్థానం నుంచి ప్రారంభించే అవకాశాన్ని సంపాదించాడు. హామిల్టన్ కెరీర్‌లో ఇది 50వ ‘పోల్ పొజిషన్’ కావడం విశేషం. భారత్‌కు చెందిన ఫోర్స్ ఇండియా జట్టు డ్రైవర్లు  పెరెజ్, హుల్కెన్‌బర్గ్ వరుసగా 9వ, 10వ స్థానాల నుంచి రేసు మొదలుపెడతారు.
 
 నేటి ప్రధాన రేసు
 ఉదయం గం. 10.25 నుంచి
 స్టార్ స్పోర్ట్స్-4లో ప్రత్యక్ష ప్రసారం


 * బ్రెజిల్ గ్రాండ్‌ప్రి టైటిల్ సొంతం
 * హామిల్టన్‌కు రెండో స్థానం
 సావోపాలో: ఆద్యంతం ఆధిపత్యం కనబరిచిన మెర్సిడెస్ జట్టు డ్రైవర్ నికో రోస్‌బర్గ్ బ్రెజిల్ గ్రాండ్‌ప్రి టైటిల్‌ను దక్కించుకున్నాడు. 71 ల్యాప్‌ల ఈ రేసును రోస్‌బర్గ్ గంటా 31 నిమిషాల 09.090 సెకన్లలో ముగించి అగ్రస్థానాన్ని సంపాదించాడు. ‘పోల్ పొజిషన్’తో రేసును ఆరంభించిన రోస్‌బర్గ్‌ను మొదటి ల్యాప్‌లో సహచరుడు లూయిస్ హామిల్టన్ ఓవర్‌టేక్ చేయబోయినా...
 
 రోస్‌బర్గ్ చాకచక్యంగా డ్రైవ్ చేసి ముందుకు దూసుకెళ్లాడు. ఆ తర్వాత చివరిదాకా ఈ ఆధిక్యాన్ని కాపాడుకున్న రోస్‌బర్గ్ ఈ సీజన్‌లో ఐదో విజయాన్ని ఖాయం చేసుకున్నాడు. ఇప్పటికే ‘డ్రైవర్స్ చాంపియన్‌షిప్’ టైటిల్‌ను ఖరారు చేసుకున్న హామిల్టన్ రెండో స్థానంతో సంతృప్తి పడ్డాడు. మాజీ చాంపియన్ వెటెల్ మూడో స్థానంతో సరిపెట్టుకున్నాడు.
 
 భారత్‌కు చెందిన ‘ఫోర్స్ ఇండియా’ జట్టుకు ఈ రేసు మిశ్రమ ఫలితాలను మిగిల్చింది. హుల్కెన్‌బర్గ్ ఆరో స్థానాన్ని పొందగా... మరో డ్రైవర్ పెరెజ్ 12వ స్థానంలో నిలిచాడు. డ్రైవర్స్ చాంపియన్‌షిప్ రేసులో ప్రస్తుతం హామిల్టన్ (363 పాయింట్లు), రోస్‌బర్గ్ (297), వెటెల్ (266) తొలి మూడు స్థానాల్లో ఉన్నారు. ఈ సీజన్‌లో చివరిదైన రేసు అబుదాబి గ్రాండ్‌ప్రి ఈనెల 29న జరుగుతుంది.
  
 బ్రెజిల్ గ్రాండ్‌ప్రి ఫలితాలు: 1. రోస్‌బర్గ్ (మెర్సిడెస్), 2. హామిల్టన్ (మెర్సిడెస్), 3. వెటెల్ (ఫెరారీ), 4. రైకోనెన్ (ఫెరారీ), 5. బొటాస్ (విలియమ్స్), 6. హుల్కెన్‌బర్గ్ (ఫోర్స్ ఇండియా), 7. క్వియాట్ (రెడ్‌బుల్), 8. గ్రోస్యెన్ (లోటస్), 9. వెర్‌స్టాపెన్ (ఎస్టీఆర్), 10. మల్డొనాడో (లోటస్), 11. రికియార్డో (రెడ్‌బుల్), 12. పెరెజ్ (ఫోర్స్ ఇండియా), 13. నాసర్ (సాబెర్), 14. బటన్ (మెక్‌లారెన్), 15. అలోన్సో (మెక్‌లారెన్), 16. ఎరిక్సన్ (సాబెర్), 17. స్టీవెన్స్ (మనోర్), 18. రోసీ (మనోర్).


 మెక్సికో: మెక్సికన్ గ్రాండ్ ప్రిక్స్ ఫార్ములా వన్ రేసులో జర్మనీకి చెందిన నికో రోస్బర్గ్ విజేతగా నిలిచాడు.  ఈ ఏడాదిలో రోస్బర్గ్కు ఇది నాలుగో విజయం కాగా, అతడి కెరీర్లో 12 వ విజయం. మెర్సిడేజ్ టీమ్మేట్, మూడు సార్లు ప్రపంచ ఛాంపియన్  లూయిస్  హమిల్టన్ రెండవ స్థానంతో సరిపెట్టుకున్నాడు. ఈ తాజా విజయంతో మెర్సిడేజ్ జట్టు 17 రేసుల్లో 10 రేసులను ఒకటీ, రెండు స్థానాలతో గెలుచుకుంది. విజయం అనంతరం రోస్బర్గ్ మాట్లాడుతూ.. ఈ ఏడాది అత్యుత్తమ వేదికను గెలుచుకున్నందుకు సంతోషంగా ఉంది అన్నారు.
  


 సీజన్‌లో ఏడో టైటిల్  
 ఇటలీ గ్రాండ్‌ప్రిలోనూ విజయం
  
  మోంజా : క్వాలిఫయింగ్‌లో మొదలైన జోరును ప్రధాన రేసులోనూ కొనసాగించిన మెర్సిడెస్ జట్టు డ్రైవర్ లూయిస్ హామిల్టన్ తన ఖాతాలో మరో విజయాన్ని జమ చేసుకున్నాడు. ఆదివారం జరిగిన ఇటలీ గ్రాండ్‌ప్రి రేసులో హామిల్టన్ 53 ల్యాప్‌లను గంటా 18 నిమిషాల 00.688 సెకన్లలో పూర్తి చేసి అగ్రస్థానాన్ని దక్కించుకున్నాడు. ఈ సీజన్‌లో హామిల్టన్‌కిది ఏడో టైటిల్ కావడం విశేషం. ప్రపంచ మాజీ చాంపియన్ సెబాస్టియన్ వెటెల్ (ఫెరారీ) రెండో స్థానాన్ని దక్కించుకోగా... ఫెలిప్ మసా (విలియమ్స్) మూడో స్థానాన్ని పొందాడు.
 
  తాజా గెలుపుతో హామిల్టన్ డ్రైవర్స్ చాంపియన్‌షిప్ రేసులో 252 పాయింట్లతో టాప్ ర్యాంక్‌లో కొనసాగుతున్నాడు. అంతేకాకుండా ఎఫ్1 ఆల్‌టైమ్ టైటిల్స్ జాబితాలో 40వ విజయంతో ఐదో స్థానానికి చేరుకున్నాడు. గత ఏడాది మాదిరిగానే ఈసారీ హామిల్టన్ ‘పోల్ పొజిషన్’తో రేసును మొదలుపెట్టి విజేతగా నిలిచాడు. రేసు పూర్తయ్యాక హామిల్టన్ ఉపయోగించిన టైర్లపై రేసు నిర్వాహకులు విచారణ చేశారు. అయితే అతను వాడిన టైర్లు నిబంధనలకు లోబడే ఉండటంతో అతనిపై ఎలాంటి చర్యలు తీసుకోలేదు.
 
  భారత్‌కు చెందిన ‘ఫోర్స్ ఇండియా’ జట్టుకు ఈ రేసు తీపి జ్ఞాపకాలను మిగిల్చింది. ‘ఫోర్స్’ డ్రైవర్లిద్దరూ టాప్-10లో నిలిచారు. సెర్గియో పెరెజ్ ఆరో స్థానాన్ని పొందగా... హుల్కెన్‌బర్గ్ ఏడో స్థానాన్ని సంపాదించాడు. రేసు మొదలైన వెంటనే తొలి ల్యాప్‌లోనే లోటస్ జట్టుకు చెందిన గ్రోస్యెన్, మల్డొనాడో కార్లు ఢీకొట్టుకోవడంతో వారిద్దరూ వైదొలిగారు. మరోవైపు ‘పోల్ పొజిషన్’తో రేసును ఆరంభించిన హామిల్టన్ ఆద్యంతం ఆధిక్యంలో నిలిచి అందరికంటే ముందుగా లక్ష్యానికి చేరుకున్నాడు. సీజన్‌లోని తదుపరి రేసు సింగపూర్ గ్రాండ్‌ప్రి ఈనెల 20న జరుగుతుంది.


 ♦ ఈ సీజన్‌లో 11వ సారి    
 ♦ నేడు ఇటలీ గ్రాండ్‌ప్రి
  
  మోంజా : సర్క్యూట్ మారినా... సహచరులు ఎంత గట్టిపోటీ నిచ్చినా... తన దూకుడు కొనసాగిస్తూ మెర్సిడెస్ జట్టు డ్రైవర్ లూయిస్ హామిల్టన్ దూసుకెళ్తున్నాడు. ఈ ఏడాది ఫార్ములావన్ సీజన్‌లో తన ఆధిపత్యాన్ని చాటుకుంటూ 11వసారి ‘పోల్ పొజిషన్’ సాధించాడు. శనివారం జరిగిన ఇటలీ గ్రాండ్‌ప్రి క్వాలిఫయింగ్ సెషన్‌లో ప్రపంచ చాంపియన్ హామిల్టన్ అందరికంటే వేగంగా ల్యాప్‌ను ఒక నిమిషం 23.397 సెకన్లలో పూర్తి చేసి ‘పోల్ పొజిషన్’ సంపాదించాడు. ఆదివారం జరిగే ప్రధాన రేసును ఈ బ్రిటన్ డ్రైవర్ తొలి స్థానం నుంచి ప్రారంభిస్తాడు. ఫెరారీ జట్టు డ్రైవర్లు, ప్రపంచ మాజీ చాంపియన్స్ కిమీ రైకోనెన్, సెబాస్టియన్ వెటెల్ వరుసగా రెండు, మూడు స్థానాల నుంచి రేసును మొదలుపెడతారు.
 
 హామిల్టన్ సహచరుడు, మెర్సిడెస్ జట్టుకే చెందిన నికో రోస్‌బర్గ్ నాలుగో స్థానం నుంచి రేసును ఆరంభిస్తాడు. భారత్‌కు చెందిన ‘ఫోర్స్ ఇండియా’ జట్టు డ్రైవర్లు సెర్గియో పెరెజ్ ఏడో స్థానం నుంచి... హుల్కెన్‌బర్గ్ తొమ్మిదో స్థానం నుంచి రేసును మొదలుపెడతారు. గతేడాది ఆస్ట్రియా గ్రాండ్‌ప్రి తర్వాత ఇప్పటివరకు మెర్సిడెస్ జట్టు డ్రైవర్లకే పోల్ పొజిషన్స్ లభిస్తుండటం విశేషం. గతేడాది కూడా ‘పోల్ పొజిషన్’తో రేసును మొదలుపెట్టిన హామిల్టన్ విజేతగా నిలిచాడు. మరి ఈసారి కూడా అతనికి ఇటలీ గ్రాండ్‌ప్రి కలిసొస్తుందో లేదో వేచి చూడాలి.
 
  నేటి ప్రధాన రేసు
  సాయంత్రం గం. 5.25 నుంచి స్టార్ స్పోర్ట్స్-4లో ప్రత్యక్ష ప్రసారం


 నిజాయితీకి నిలకడ మీద గుర్తింపు వస్తుందని ఈ ఒలింపియన్ నిరూపించాడు. ఆడిన 11ఏళ్ల తర్వాత  ఆస్ట్రేలియన్ సైక్లిస్ట్ మైఖేల్ రోజర్స్ ఒలింపిక్ కాంస్యపతకం అందుకున్నాడు. 35 ఏళ్ల ఈ సైక్లిస్ట్ 2004 ఏథెన్స్ ఒలింపిక్స్ సైక్లింగ్ లో పాల్గొన్నాడు. వ్యక్తిగత విభాగంలో నాలుగో స్థానంతో రేస్ ముగించాడు.  మూడేళ్ల క్రితం ఈ రేస్ విజేత టేలర్ హామిల్టన్ డోపింగ్ చేసినట్లు ఒప్పుకోవడంతో.. నాలుగో స్థానంలోని  రోజర్స్ కు కాంస్య పతకం దక్కింది.
 
 ఐఓసీ నిర్వహించిన ఒక కార్యక్రమంలో రోజర్స్ కు ఒలింపిక్ పతకాన్ని అందించారు. దీనిపై స్పందిస్తూ.. 11 ఏళ్ల తర్వాత ఇలా తన కష్టానికి ఫలితం దక్కడం సంతోషంగా ఉందన్నాడు. ఇది ఏథెన్స్ క్రీడలు తనకు మిగిల్చిన గొప్ప జ్ఞాపకంగా అభివర్ణించాడు. ఇక డోప్ టెస్ట్ లో పాజిటివ్ గా వచ్చినా.. ఏథెన్స్ ఒలింపిక్స్ సైక్లింగ్ విజేత అమెరికన్ క్రీడాకారుడు హామిల్టన్ వద్ద ఉన్న పతకాన్ని ఐఓసీ వెనక్కి తీసుకోలేదు.. అప్పట్లో హామిల్టన్ బీ శాంపిల్ ప్రమాదవశాత్తు పాడై పోవడంతో నిషేధానికి గురికాకుండా బయటపడ్డాడు. అయితే.. తర్వాత ఏడాది డోపీగా దొరికి  రెండేళ్ల నిషేధం ఎదుర్కొన్నాడు. 2009లో మరోసారి హామిల్టన్ శాంపిల్ పాజిటివ్ గా వచ్చింది. దీంతో ఎనిమిదేళ్ల శిక్ష పడింది. అయితే 2011లో మీడియాకిచ్చిన ఒక ఇంటర్వ్యూలో హామిల్టన్.. తాను ఏథెన్స్ ఒలింపిక్స్ సందర్భంలో కూడా  డోపింగ్ చేసినట్లు ఒప్పుకోవడంతో.. ఒలింపిక్స్ కమిటీ హామిల్టన్ నుంచి పతకాన్ని వెనక్కి తీసుకుంది.


  స్పాఫ్రాంకోర్‌చాంప్స్: ఈ సీజన్‌లో తన ఆధిపత్యాన్ని చాటుకుంటూ మెర్సిడెస్ జట్టు డ్రైవర్ లూయిస్ హామిల్టన్ పదోసారి ‘పోల్ పొజి షన్’ సాధించాడు. శని వారం జరిగిన బెల్జియం గ్రాండ్‌ప్రి క్వాలిఫయింగ్ సెషన్‌లో హామిల్టన్ అందరికంటే వేగంగా ల్యాప్‌ను ఒక నిమిషం 47.197 సెకన్లలో ముగించి అగ్రస్థానాన్ని దక్కించుకున్నాడు.
  
  ఆదివారం జరిగే ప్రధాన రేసును హామిల్టన్ తొలి స్థానం నుంచి ప్రారంభిస్తాడు. మెర్సిడెస్ జట్టుకే చెందిన నికో రోస్‌బర్గ్ రెండో స్థానం నుంచి, విలియమ్స్ జట్టు డ్రైవర్ బొటాస్ మూడో స్థానం నుంచి రేసును మొదలుపెడతారు. ఈ సీజన్‌లో హామిల్టన్‌కిది వరుసగా ఆరో ‘పోల్’ కావడం విశేషం. 2000, 2001లలో మైకేల్ షుమాకర్ తర్వాత ఈ ఘనత సాధించిన రెండో డ్రైవర్ హామిల్టన్. భారత్‌కు చెందిన ఫోర్స్ ఇండియా జట్టు డ్రైవర్లు సెర్గియో పెరెజ్ ఐదో స్థానం నుంచి, హుల్కెన్‌బర్గ్ 11వ స్థానం నుంచి రేసును ప్రారంభిస్తారు.
  
  గ్రిడ్ పొజిషన్స్: 1. హామిల్టన్ (మెర్సిడెస్), 2. రోస్‌బర్గ్ (మెర్సిడెస్), 3. బొటాస్ (విలియమ్స్), 4. గ్రోస్యెన్ (లోటస్), 5. పెరెజ్ (ఫోర్స్ ఇండియా), 6. రికియార్డో (రెడ్‌బుల్), 7. మసా (విలియమ్స్), 8. మల్డొనాడో (లోటస్), 9. వెటెల్ (ఫెరారీ), 10. సెయింజ్ (ఎస్టీఆర్), 11. హుల్కెన్‌బర్గ్ (ఫోర్స్ ఇండియా), 12. క్వియాట్ (రెడ్‌బుల్), 13. ఎరిక్సన్ (సాబెర్), 14. రైకోనెన్ (ఫెరారీ), 15. వెర్‌స్టాపెన్ (ఎస్టీఆర్), 16. నాసర్ (సాబెర్), 17. బటన్ (మెక్‌లారెన్), 18. అలోన్సో (మెక్‌లారెన్), 19. స్టీవెన్స్ (మనోర్), 20. మెర్హీ (మనోర్).
  


 నేడు హంగేరి గ్రాండ్‌ప్రి
 బుడాపెస్ట్: ఈ ఏడాది ఫార్ములావన్ సీజన్‌లో అద్భుతమైన ఫామ్‌లో ఉన్న మెర్సిడెస్ జట్టు డ్రైవర్ లూయిస్ హామిల్టన్ మరోసారి తన సత్తా చాటుకున్నాడు. శనివారం జరిగిన హంగేరి గ్రాండ్‌ప్రి క్వాలిఫయింగ్ సెషన్‌లో ఈ ఇంగ్లండ్ డ్రైవర్  ‘పోల్ పొజిషన్’ సాధించాడు. డిఫెండింగ్ ప్రపంచ చాంపియన్ హామిల్టన్ అందరి కంటే వేగంగా ల్యాప్‌ను ఒక నిమిషం 22.020 సెకన్లలో పూర్తి చేశాడు. ఫలితంగా ఆదివారం జరిగే ప్రధాన రేసును తొలి స్థానం నుంచి ప్రారంభించే అవకాశాన్ని సంపాదించాడు.
 
  హామిల్టన్ కెరీర్‌లో ఇది 47వ ‘పోల్ పొజిషన్’ కాగా, ఈ సీజన్‌లో తొమ్మిదోది కావడం విశేషం. గతంలో నాలుగుసార్లు హంగేరి గ్రాండ్‌ప్రి టైటిల్‌ను దక్కించుకున్న హామిల్టన్, గత దశాబ్దకాలంలో ‘పోల్ పొజిషన్’తో రేసులో విజేతగా నిలిచిన ఏకైక డ్రైవర్. మెర్సిడెస్ జట్టుకే చెందిన నికో రోస్‌బర్గ్ రెండో స్థానం తో... మాజీ ప్రపంచ చాంపియన్ సెబాస్టియన్ వెటెల్ (ఫెరారీ), రికియార్డో (రెడ్‌బుల్), రైకోనెన్ (ఫెరారీ) వరుసగా మూడు, నాలుగు, ఐదు స్థానాల నుంచి రేసును మొదలుపెడతారు. భారత్‌కు చెందిన ‘ఫోర్స్ ఇండియా’ డ్రైవర్లు హుల్కెన్‌బర్గ్ 11వ, సెర్గియో పెరెజ్ 13వ స్థానాల నుంచి రేసును ప్రారంభిస్తారు.
 
  గ్రిడ్ పొజిషన్స్: 1. హామిల్టన్ (మెర్సిడెస్), 2. రోస్‌బర్గ్ (మెర్సిడెస్), 3. వెటెల్ (ఫెరారీ), 4. రికియార్డో (రెడ్‌బుల్), 5. రైకోనెన్ (ఫెరారీ), 6. బొటాస్ (విలియమ్స్), 7. క్వియాట్ (రెడ్‌బుల్), 8. మసా (విలియమ్స్), 9. వెర్‌స్టాపెన్ (ఎస్టీఆర్), 10. గ్రోస్యెన్ (లోటస్), 11. హుల్కెన్‌బర్గ్ (ఫోర్స్ ఇండియా), 12. సెయింజ్ (ఎస్టీఆర్), 13. పెరెజ్ (ఫోర్స్ ఇండియా), 14. మల్డొనాడో (లోటస్), 15. అలోన్సో (మెక్‌లారెన్), 16. బటన్ (మెక్‌లారెన్), 17. ఎరిక్సన్ (సాబెర్), 18. నాసర్ (సాబెర్), 19. మెర్హి (మనోర్), 20. స్టీవెన్స్ (మనోర్).
  
  సాయంత్రం గం. 5.25 నుంచి
  స్టార్ స్పోర్ట్స్-1లో ప్రత్యక్ష ప్రసారం
  


 నేడు బ్రిటిష్ గ్రాండ్‌ప్రి
  సిల్వర్‌స్టోన్ (యునెటైడ్ కింగ్‌డమ్): సొంతగడ్డపై దుమ్మురేపిన మెర్సిడెస్ జట్టు డ్రైవర్ లూయిస్ హామిల్టన్ ఈ ఏడాది ఫార్ములావన్ సీజన్‌లో ఎనిమిదోసారి ‘పోల్ పొజిషన్’ సాధించాడు. శనివారం జరిగిన బ్రిటిష్ గ్రాండ్‌ప్రి క్వాలిఫయింగ్ సెషన్‌లో ఇంగ్లండ్‌కు చెందిన హామిల్టన్ అందరికంటే వేగంగా ల్యాప్‌ను ఒక నిమిషం 32.248 సెకన్లలో పూర్తి చేసి అగ్రస్థానాన్ని దక్కించుకున్నాడు. ఫలితంగా ఆదివారం జరిగే ప్రధాన రేసును హామిల్టన్ తొలి స్థానం నుంచి ప్రారంభిస్తాడు.
  
  డిఫెండింగ్ చాంపియన్ అయిన 30 ఏళ్ల హామిల్టన్ ప్రస్తుతం డ్రైవర్స్ స్టాండింగ్స్‌లో తొలి స్థానంలో ఉన్నాడు. రెండో స్థానం నుంచి మొదలుపెట్టే మెర్సిడెస్ జట్టుకే చెందిన నికో రోస్‌బర్గ్ నుంచి హామిల్టన్‌కు గట్టిపోటీ ఎదురయ్యే అవకాశముంది. చివరి నాలుగు రేసుల్లో రోస్‌బర్గ్ మూడింటిలో గెలవడం విశేషం. భారత్‌కు చెందిన ఫోర్స్ ఇండియా డ్రైవర్లు హుల్కెన్‌బర్గ్, సెర్గియో పెరెజ్ వరుసగా 9, 11వ స్థానాల నుంచి రేసును మొదలుపెడతారు.
  
  టాప్-10 గ్రిడ్ పొజిషన్స్
  1. హామిల్టన్ (మెర్సిడెస్), 2. రోస్‌బర్గ్ (మెర్సిడెస్), 3. మసా (విలియమ్స్), 4. బొటాస్ (విలియమ్స్), 5. రైకోనెన్ (ఫెరారీ), 6. వెటెల్ (ఫెరారీ), 7. క్వియాట్ (రెడ్‌బుల్), 8. సెయింజ్ (ఎస్టీఆర్), 9. హుల్కెన్‌బర్గ్ (ఫోర్స్ ఇండియా), 10. రికియార్డో (రెడ్‌బుల్).
  
  నేటి ప్రధాన రేసు సా.గం. 5.25 నుంచి
  స్టార్ స్పోర్ట్స్-4లో ప్రత్యక్ష ప్రసారం
  


 నేడు ఆస్ట్రియా గ్రాండ్‌ప్రి
  స్పీల్‌బెర్గ్ (ఆస్ట్రియా): ఈ సీజన్‌లో తన జోరు కొనసాగిస్తున్న లూయిస్ హామిల్టన్ ఏడోసారి ‘పోల్ పొజిషన్’ సాధించాడు. శనివారం జరిగిన ఆస్ట్రియా గ్రాండ్‌ప్రి ఫార్ములావన్ క్వాలిఫయింగ్ సెషన్‌లో హామిల్టన్ అందరికంటే వేగంగా ల్యాప్‌ను ఒక నిమిషం 08.455 సెకన్లలో పూర్తి చేసి అగ్రస్థానంలో నిలిచాడు. ఆదివారం జరిగే ప్రధాన రేసును ఈ మెర్సిడెస్ జట్టు డ్రైవర్ తొలి స్థానం నుంచి ప్రారంభిస్తాడు. మెర్సిడెస్‌కే చెందిన రోస్‌బర్గ్ రెండో స్థానం నుంచి, వెటెల్ మూడో స్థానం నుంచి రేసును మొదలుపెడతారు. ‘ఫోర్స్ ఇండియా’ డ్రైవర్లు హుల్కెన్‌బర్గ్ ఐదో స్థానం నుంచి, సెర్గియో పెరెజ్ 16వ స్థానం నుంచి రేసును ఆరంభిస్తారు. తాజా ప్రదర్శనతో హామిల్టన్ అత్యధికసార్లు ‘పోల్ పొజిషన్’ సాధించిన డ్రైవర్ల జాబి తాలో మూడో స్థానానికి చేరుకున్నాడు. 45 ‘పోల్స్’తో హామిల్టన్,  వెటెల్ (ఫెరారీ) సం యుక్తంగా మూడో స్థానంలో ఉన్నారు. తొలి రెండు స్థానాల్లో షుమాకర్ (68),  సెనా (65) ఉన్నారు.
  
  నేటి ప్రధాన రేసు
  సాయంత్రం గం. 5.25 నుంచి
  స్టార్ స్పోర్ట్స్-4లో ప్రత్యక్ష ప్రసారం
  


 ఈ సీజన్‌లో మెర్సిడెస్ డ్రైవర్‌కు ఆరో పోల్
 హామిల్టన్‌కు నిరాశ
 నేడు హంగేరీ గ్రాండ్‌ప్రి
  
  బుడాపెస్ట్: ఈ సీజన్ ఫార్ములా వన్‌లో మెర్సిడెస్ జట్టు డ్రైవర్ నికో రోస్‌బర్గ్ జోరు కొనసాగుతోంది. ఈ సీజన్‌లో తన ఆధిపత్యాన్ని చాటుతూ ఆరోసారి ‘పోల్ పొజిషన్’ సాధించాడు. రోస్‌బర్గ్‌కు ఇది వరుసగా మూడో పోల్ కావడం విశేషం.  
  
  శనివారం బుడాపెస్ట్‌లోని హంగరోరింగ్ సర్క్యూట్‌లో వర్షం కారణంగా నాటకీయంగా సాగిన హంగేరీ గ్రాండ్‌ప్రి క్వాలిఫయింగ్ సెషన్‌లో... రోస్‌బర్గ్ అందరికంటే వేగంగా 1 నిమిషం 22.715 సెకన్లలో ల్యాప్‌ను పూర్తి చేశాడు. దీంతో ఆదివారం జరిగే ప్రధాన రేసును తొలి స్థానం నుంచి ప్రారంభించనున్నాడు. ఇక రెడ్‌బుల్ డ్రైవర్ సెబాస్టియన్ వెటెల్... రోస్‌బర్గ్ కన్నా 0.486 సెకన్లు వెనకబడి రెండో స్థానంలో నిలవగా.. విలియమ్స్ రేసర్ బొటాస్‌కు మూడో స్థానం దక్కింది. ఫోర్స్ ఇండియా డ్రైవర్లు హుల్కెన్‌బర్గ్ తొమ్మిదో స్థానం నుంచి, పెరెజ్ పదమూడో స్థానం నుంచి రేసును ప్రారంభించనున్నారు.
  
  హామిల్టన్ కారులో మంటలు
  గత ఏడాది ఇదే సర్క్యూట్‌లో పోల్ పొజిషన్ సాధించి, ప్రధాన రేసులో చాంపియన్‌గా నిలిచిన హామిల్టన్‌కు ఈ సారి నిరాశ తప్పలేదు. క్వాలిఫయింగ్ ఆరంభంలోనే మెర్సిడెస్ కారు వెనకవైపు నుంచి మంటలు రావడంతో రెండో ల్యాప్ నుంచే వెనుదిరిగాడు. సమయం నమోదు కాకపోవడంతో ఈ స్టార్ రేసర్‌కు 21వ స్థానం నుంచి ప్రధాన రేసును ప్రారంభిస్తాడు. ఇక ఈ సీజన్‌లో హామిల్టన్ కారులో ఏదో రకమైన సమస్యలు తలెత్తడం ఇది నాలుగోసారి. గత వారం జర్మనీ గ్రాండ్‌ప్రి క్వాలిఫయింగ్ సెషన్‌లోనూ హామిల్టన్‌కు అదృష్టం కలిసి రాలేదు. తొలి సెషన్‌లో అతని కారు బ్రేకులు ఫెయిలయ్యాయి.
 
  


 ఆస్ట్రియా గ్రాండ్‌ప్రి టైటిల్ సొంతం
   సీజన్‌లో మూడో విజయం
   హామిల్టన్‌కు రెండో స్థానం
   టాప్-10లో ‘ఫోర్స్’ డ్రైవర్లు
  
  స్పీల్‌బర్గ్ (ఆస్ట్రియా): వేదిక మారినా ఫలితం మారలేదు. ఈ ఏడాది ఫార్ములావన్ సీజన్‌లో ఇప్పటిదాకా జరిగిన ఆరు రేసుల్లోనూ మెర్సిడెస్ జట్టుకు చెందిన డ్రైవర్లు టాప్-2లో ఒక్కరైనా ఉన్నారు. అదే ఆనవాయితీ ఏడో రేసులోనూ కొనసాగింది. ఆస్ట్రియా గ్రాండ్‌ప్రిలో మెర్సిడెస్ డ్రైవర్ నికో రోస్‌బర్గ్ విజేతగా నిలిచాడు. అదే జట్టుకు చెందిన లూయిస్ హామిల్టన్ రెండో స్థానాన్ని దక్కించుకున్నాడు.
  
  ఆదివారం జరిగిన 71 ల్యాప్‌ల ఈ రేసును రోస్‌బర్గ్ గంటా 27 నిమిషాల 54.976 సెకన్లలో పూర్తి చేశాడు. మూడో స్థానం నుంచి రేసును మొదలుపెట్టిన రోస్‌బర్గ్ తొలి ల్యాప్ మలుపులోనే రెండో స్థానానికి దూసుకొచ్చాడు. ఆ తర్వాత కొన్ని ల్యాప్‌ల పాటు ఆధిక్యం పలువురు డ్రైవర్లతో దోబూచులాడింది. అయితే 29 ల్యాప్‌లో తొలిసారి ఆధిక్యంలోకి వచ్చిన రోస్‌బర్గ్ ఆ తర్వాత అదే జోరును చివరిదాకా కొనసాగించాడు. ఈ సీజన్‌లో మూడో విజయం నమోదు చేసిన ఈ జర్మన్ డ్రైవర్ ఏడు రేసుల్లోనూ టాప్-2లో ఉండటం విశేషం. ఆరేళ్ల తర్వాత తొలిసారి ‘పోల్ పొజిషన్’తో రేసును ఆరంభించిన విలియమ్స్ జట్టు డ్రైవర్ ఫెలిప్ మసా నాలుగో స్థానంతో సరిపెట్టుకున్నాడు.
  
  భారత్‌కు చెందిన ‘ఫోర్స్ ఇండియా’ జట్టుకు ఈ రేసు ఆనందాన్ని మిగిల్చింది. ఇద్దరు డ్రైవర్లు టాప్-10లో నిలిచి పాయింట్లు సంపాదించారు. 15వ స్థానం నుంచి రేసును మొదలుపెట్టిన సెర్గియో పెరెజ్ ఆరో స్థానంలో నిలిచి 8 పాయింట్లు... 10వ స్థానం నుంచి రేసును ఆరంభించిన హుల్కెన్‌బర్గ్ తొమ్మిదో స్థానంలో నిలిచి రెండు పాయింట్లు గెల్చుకున్నారు.
  
  వెటెల్‌కు నిరాశ: గత నాలుగేళ్లుగా ప్రపంచ చాంపియన్‌గా ఉన్న రెడ్‌బుల్ జట్టు డ్రైవర్ సెబాస్టియన్ వెటెల్‌కు ఈ సీజన్ ఏమాత్రం కలిసిరావడం లేదు. ఆస్ట్రియా రేసులో అతను తొలి ల్యాప్‌లోనే నిష్ర్కమించడం గమనార్హం.


 వెటెల్ విఫలం
  టాప్-10లో ‘ఫోర్స్’ హుల్కెన్‌బర్
  నేడు ఆస్ట్రేలియన్ గ్రాండ్‌ప్రి
  
  మెల్‌బోర్న్: చివరాఖర్లో వేగం పెంచిన మాజీ చాంపియన్ లూయిస్ హామిల్టన్ ఫార్ములావన్-2014 సీజన్ లో తొలి ‘పోల్ పొజిషన్’ సాధించిన డ్రైవర్‌గా నిలిచా డు. శనివారం జరిగిన ఆస్ట్రేలియన్ గ్రాండ్‌ప్రి క్వాలిఫయింగ్ సెషన్‌లో హామిల్టన్ అందరికంటే వేగంగా ఒక నిమిషం 44.231 సెకన్లలో ల్యాప్‌ను పూర్తి చేశాడు. ఫలితంగా ఆదివారం జరిగే ప్రధాన రేసును ఈ మెర్సిడెస్ జట్టు డ్రైవర్ తొలి స్థానం నుంచి ప్రారంభిస్తాడు. తొలి రెండు క్వాలిఫయింగ్ రౌండ్లలో అంతగా ఆకట్టుకోని హామిల్టన్ నిర్ణయాత్మక మూడో రౌండ్‌లో జోరు పెంచి మిగతా డ్రైవర్లను వెనక్కి నెట్టాడు. రికియార్డో (రెడ్‌బుల్) రెండో స్థానం నుంచి... రోస్‌బర్గ్ (మెర్సిడెస్) మూడో స్థానం నుంచి రేసును ఆరంభిస్తారు.
  
  గత నాలుగేళ్లుగా ప్రపంచ చాంపియన్‌గా నిలుస్తోన్న రెడ్‌బుల్ స్టార్ డ్రైవర్ సెబాస్టియన్ వెటెల్ (రెడ్‌బుల్)కు క్వాలిఫయింగ్ సెషన్ కలిసిరాలేదు. రికార్డుస్థాయిలో వరుసగా పదో విజయంపై దృష్టి సారించిన వెటెల్ 2012లో అబుదాబి రేసు తర్వాత తొలిసారి క్వాలిఫయింగ్ రెండో రౌండ్‌ను దాటలేకపోయాడు. ఓవరాల్‌గా అతను ప్రధాన రేసును 12వ స్థానం నుంచి మొదలుపెడతాడు. భారత్‌కు చెందిన ‘ఫోర్స్ ఇండియా’ జట్టుకు మిశ్రమ ఫలితాలు ఎదురయ్యాయి. నికో హుల్కెన్‌బర్గ్ ఏడో స్థానం నుంచి... మరో డ్రైవర్ పెరెజ్ 16వ స్థానం నుంచి రేసును ప్రారంభిస్తారు.
 
  


 నేటి నుంచి ఫార్ములావన్ సీజన్
  రేపు ఆస్ట్రేలియన్ గ్రాండ్‌ప్రి రేసు
  
  మెల్‌బోర్న్: గత నాలుగేళ్లుగా ఎదురులేని డ్రైవర్ సెబాస్టియన్ వెటెల్ (రెడ్‌బుల్) తన ఆధిపత్యాన్ని కొనసాగిస్తాడా... మాజీ చాంపియన్ హామిల్టన్ పుంజుకుంటాడా... లేదంటే మరో కొత్త విజేత అవతరిస్తాడా... భారత్‌కు చెందిన ఫోర్స్ ఇండియా గాడిలో పడుతుందా... ఈ సందేహాల నడుమ ఫార్ములావన్ (ఎఫ్1)-2014 సీజన్‌కు తెరలేవనుంది. సీజన్ తొలి రేసు ఆస్ట్రేలియన్ గ్రాండ్‌ప్రి రేసుకు మెల్‌బోర్న్ ఆదివారం ఆతిథ్యమివ్వనుంది. ఈ రేసుకు సంబంధించి క్వాలిఫయింగ్ సెషన్ శనివారం జరుగుతుంది.
  
  నవంబరు 23న జరిగే అబుదాబి గ్రాండ్‌ప్రి రేసుతో 19 రేసుల సీజన్ ముగుస్తుంది. 11 జట్లున్న ఈ సీజన్‌లో రెడ్‌బుల్ జట్టే ఫేవరెట్‌గా కనిపిస్తోంది. డిఫెండింగ్ చాంపియన్ వెటెల్ అద్భుతమైన ఫామ్‌లో ఉన్నాడు.
  
  నిబంధనల విషయానికొస్తే ప్రతి రేసులో విజేతకు 25 పాయింట్లు, రెండో స్థానంలో నిలిస్తే 18 పాయింట్లు, మూడో స్థానం దక్కితే 15 పాయింట్లు, నాలుగో స్థానం సంపాదిస్తే 12 పాయింట్లు, ఐదో స్థానం పొందితే 10 పాయింట్లు లభిస్తాయి. అయితే గత సీజన్‌కు భిన్నంగా ఈసారి చివరి రేసులో మాత్రం డ్రైవర్లకు రెట్టింపు పాయింట్లు లభిస్తాయి. ఎఫ్1-2014 షెడ్యూల్: ఆస్ట్రేలియా గ్రాండ్‌ప్రి (మార్చి 16); మలేసియా (మార్చి 30); బహ్రెయిన్ (ఏప్రిల్ 6); చైనా (ఏప్రిల్ 20); స్పెయిన్ (మే 11); మొనాకో (మే 25); కెనడా (జూన్ 8);ఆస్ట్రియా (జూన్ 22); బ్రిటన్ (జూలై 6); జర్మనీ (జూలై 20); హంగేరి (జూలై 27); బెల్జియం (ఆగస్టు 24); ఇటలీ (సెప్టెంబరు 7); సింగపూర్ (సెప్టెంబరు 21); జపాన్ (అక్టోబరు 5); రష్యా (అక్టోబరు 12); అమెరికా (నవంబరు 2); బ్రెజిల్ (నవంబరు 9); అబుదాబి గ్రాండ్‌ప్రి (నవంబరు 23).
  


 చేసిన తప్పులను సరిదిద్దుకోకపోతే ఫలితాల్లో పెద్దగా మార్పు ఉండదు... భారత క్రికెట్ జట్టు ఈ విషయాన్ని గుర్తించలేకపోయింది. వరుసగా రెండు వన్డేల్లో ఓడి... మూడో మ్యాచ్‌లో చావుతప్పి కన్నులొట్టబోయినట్లుగా టై చేసుకున్నా... అటు బ్యాట్స్‌మెన్, ఇటు బౌలర్లు ఎవరూ మారలేదు. ఫలితంగా నాలుగో వన్డేలోనూ ధోనిసేన చిత్తయింది. దీంతో ఐదు వన్డేల సిరీస్ మరో మ్యాచ్ మిగిలుండగానే 3-0తో న్యూజిలాండ్ వశమయింది.
  
  హామిల్టన్: ‘కీలక సమయంలో వికెట్లను చేజార్చుకోవడం, ఎక్కడ బంతులు వేయాలో బౌలర్లు తెలుసుకోకపోవడం... సిరీస్‌లో ఈ రెండూ మా తప్పులు. వీటిని పునరావృతం చేయడమే నాలుగో వన్డేలోనూ మా కొంపముంచింది’... సిరీస్ ఓటమి తర్వాత ధోని వ్యాఖ్య ఇది. కెప్టెన్ మాటలు పూర్తిగా వాస్తవం. భారత్ ఆల్‌రౌండ్ వైఫ్యల్యంతో... మంగళవారం జరిగిన నాలుగో వన్డేలో న్యూజిలాండ్ 7 వికెట్ల తేడాతో గెలిచింది. ఫలితంగా ఐదు మ్యాచ్‌ల సిరీస్‌ను మరో మ్యాచ్ మిగిలుండగానే 3-0తో కైవసం చేసుకుంది.
  
  టాస్ గెలిచి బ్యాటింగ్ చేసిన భారత్ 50 ఓవర్లలో 5 వికెట్లకు 278 పరుగులు చేసింది. రోహిత్ (94 బంతుల్లో 79; 6 ఫోర్లు, 4 సిక్సర్లు), ధోని (73 బంతుల్లో 79 నాటౌట్, 6 ఫోర్లు, 3 సిక్సర్లు), జడేజా (54 బంతుల్లో 62 నాటౌట్; 8 ఫోర్లు, 2 సిక్సర్లు) రాణించగా... రాయుడు (58 బంతుల్లో 37; 3 ఫోర్లు, 2 సిక్సర్లు) ఫర్వాలేదనిపిం చాడు.
  
   తర్వాత బ్యాటింగ్‌కు దిగిన న్యూజిలాండ్ 48.1 ఓవర్లలో 3 వికెట్లకు 280 పరుగులు చేసి గెలిచింది. టేలర్ (127 బంతుల్లో 112; 15 ఫోర్లు) సెంచరీ చేయగా.. విలియమ్సన్ (82 బంతుల్లో 60; 2 ఫోర్లు, 2 సిక్సర్లు), బ్రెండన్ మెకల్లమ్ (36 బంతుల్లో 49 నాటౌట్; 4 ఫోర్లు, 3 సిక్సర్లు) మెరుగ్గా ఆడారు. టేలర్‌కు ‘మ్యాన్ ఆఫ్ ద మ్యాచ్’ అవార్డు లభించింది. ఆఖరి వన్డే శుక్రవారం వెల్లింగ్టన్‌లో జరుగుతుంది.
  
   రో‘హిట్’
  ఈ మ్యాచ్ కోసం భారత్ ధావన్, రైనాల స్థానంలో బిన్నీ, రాయుడులను తెచ్చింది. దీంతో రోహిత్‌తో కలిసి కోహ్లి ఓపెనర్‌గా వచ్చాడు. కోహ్లి (2), రహానే (3) విఫలం కావడంతో భారత్ 22 పరుగులకే 2 వికెట్లు కోల్పోయింది. ఈ దశలో రాయుడు, రోహిత్ మూడో వికెట్‌కు 79 పరుగులు జోడించి ఆదుకున్నారు. నాణ్యమైన క్రికెట్‌తో ఆకట్టుకున్న రాయుడు... బంతి బౌన్స్‌ను అంచనా వేయడంలో విఫలమై అవుటయ్యాడు. రోహిత్ ఓ చెత్త షాట్‌తో వెనుదిరిగాడు. అశ్విన్ కూడా వెంటనే అవుటయ్యాడు. దీంతో భారత్ 151 పరుగులకు ఐదు వికెట్లు కోల్పోయింది. ధోని, జడేజా కొద్దిసేపు జాగ్రత్తగా ఆడి స్లాగ్ ఓవర్లలో చెలరేగారు. దీంతో భారత్‌కు గౌరవప్రదమైన స్కోరు లభించింది. చివరి 10 ఓవర్లలో ధోని, జడేజా 100 పరుగులు సాధించడం విశేషం. న్యూజిలాండ్ బౌలర్లలో సౌతీ 2 వికెట్లు తీశాడు.
  
  టేలర్ నిలకడ
  న్యూజిలాండ్ ఓపెనర్లు గుప్టిల్ (27 బంతుల్లో 35; 6 ఫోర్లు, 1 సిక్సర్), రైడర్ (18 బంతుల్లో 19; 4 ఫోర్లు) వేగంగా ఆడి భారత్‌పై ఒత్తిడి పెంచారు. అయితే నాలుగు పరుగుల వ్యవధిలో ఈ ఇద్దరూ పెవిలియన్‌కు చేరారు. కానీ ఫామ్‌లో ఉన్న విలియమ్సన్, టేలర్ కలిసి మూడో వికెట్‌కు 130 పరుగులు జోడించి భారత్ ఆశలపై నీళ్లు జల్లారు. సిరీస్‌లో వరుసగా నాలుగో మ్యాచ్‌లోనూ అర్ధసెంచరీ చేసిన విలియమ్సన్ అవుటైనా... కెప్టెన్ మెకల్లమ్, టేలర్ కలిసి లాంఛనాన్ని పూర్తి చేశారు. కెరీర్‌లో 9వ సెంచరీ చేసిన టేలర్ కెప్టెన్ మెకల్లమ్‌తో కలిసి నాలుగో వికెట్‌కు అజేయంగా 92 పరుగులు జోడించాడు.
  
   స్కోరు వివరాలు
  భారత్ ఇన్నింగ్స్: రోహిత్ (సి) రోంచీ (బి) విలియమ్సన్ 79; కోహ్లి (సి) నీషమ్ (బి) సౌతీ 2; రహనే (సి) సౌతీ (బి) మిల్స్ 3; రాయుడు (సి) రోంచీ (బి) బిన్నెట్ 37; ధోని నాటౌట్ 79; అశ్విన్ (సి) బిన్నెట్ (బి) సౌతీ 5; జడేజా నాటౌట్ 62; ఎక్స్‌ట్రాలు 11; మొత్తం: (50 ఓవర్లలో 5 వికెట్లకు) 278.
  
  
  వికెట్ల పతనం: 1-5; 2-22; 3-101; 4-142; 5-151
  బౌలింగ్: మిల్స్ 10-2-42-1; సౌతీ 10-1-36-2; బిన్నెట్ 9-0-67-1; నీషమ్ 8-0-59-0; నాథన్ మెకల్లమ్ 10-0-44-0; విలియమ్సన్ 3-0-26-1
  న్యూజిలాండ్ ఇన్నింగ్స్: గుప్టిల్ ఎల్బీడబ్ల్యు (బి) షమీ 35; రైడర్ (బి) ఆరోన్ 19; విలియమ్సన్ రనౌట్ 60; టేలర్ నాటౌట్ 112; బి.మెకల్లమ్ నాటౌట్ 49; ఎక్స్‌ట్రాలు 5; మొత్తం: (48.1 ఓవర్లలో 3 వికెట్లకు) 280.
  వికెట్ల పతనం: 1-54; 2-58; 3-188
  బౌలింగ్: భువనేశ్వర్ 10-0-62-0; షమీ 8-0-61-1; ఆరోన్ 6.1-0-51-1; జడేజా 10-2-33-0; అశ్విన్ 10-0-41-0; బిన్నీ 1-0-8-0; రాయుడు 3-0-23-0.
  
   బౌలర్లు బుర్ర వాడాలి: ధోని
  ‘వన్డేల్లో కొత్త నిబంధనలను బౌలర్లకు శాపమే. కానీ ఈ పర్యటనలో మేం దానివల్ల ఓడిపోలేదు. చెత్త బౌలింగ్ కొంప ముంచింది. సిరీస్ అంతటా షార్ట్, వైడ్ బంతులే వేశారు. మా బౌలర్లు కాస్త బుర్ర కూడా వాడితే బాగుంటుంది’.
  
  1 12 ఏళ్ల తర్వాత భారత్‌పై సిరీస్ గెలవడం న్యూజిలాండ్‌కు ఇదే తొలిసారి
  
  1 మరొక్క పరుగు చేస్తే ధోని వన్డేల్లో 8 వేల పరుగులు పూర్తి చేసుకుంటాడు
  


 రెండో వన్డేలో భారత్ ఓటమి
  కోహ్లి, ధోని శ్రమ వృథా
  నంబర్‌వన్ ర్యాంక్ గల్లంతు
  
 న్యూజిలాండ్: 42 ఓవర్లలో 271/7
  భారత్: 41.3 ఓవర్లలో 277/9
  ఫలితం: 15 పరుగులతో భారత్ ఓటమి
  
  
 
 స్కోరు బోర్డులో పరుగులు చూసిన ఎవరైనా భారత్ ఓడిపోయిందంటే నమ్ముతారా..? కానీ అదే నిజం. న్యూజిలాండ్‌తో బుధవారం జరిగిన రెండో వన్డేలో భారత్ జట్టు కివీస్‌కన్నా ఎక్కువ పరుగులు చేసినా డక్‌వర్త్ లూయిస్ పద్ధతి ప్రకారం ఓడిపోయింది.  దీనివల్ల రెండు నష్టాలు... ఒకటి సిరీస్‌లో ఇక మిగిలిన మూడు వన్డేలూ చావోరేవో తేల్చుకోవాల్సి రావడం. రెండు... ఐసీసీ ర్యాంకింగ్స్‌లో నంబర్‌వన్ హోదా పోగొట్టుకోవడం.
  
  హామిల్టన్: బౌలర్లు కష్టపడినా... బ్యాట్స్‌మెన్ చెమటోడ్చినా... విజయానికి కాస్త అదృష్టం కూడా కావాలి. లేకపోతే ఎవరికైనా రెండో వన్డేలో భారత్ పరిస్థితే ఎదురవుతుంది. వాస్తవానికి దూరంగా ఉండే లక్ష్యాలతో... ఎప్పుడూ విమర్శల్లో ఉండే డక్‌వర్త్ లూయిస్ పద్ధతి ధోనిసేన కొంపముంచింది.
  
  
  విరాట్ కోహ్లి (65 బంతుల్లో 78; 7 ఫోర్లు, 2 సిక్సర్లు) ఒంటరిపోరాటానికి తోడు ధోని (44 బంతుల్లో 56; 7 ఫోర్లు, 1 సిక్సర్) సమయోచితంగా బ్యాటింగ్ చేసినా.. రెండో వన్డేలో భారత్‌కు ఓటమి తప్పలేదు. సమష్టిగా రాణించిన న్యూజిలాండ్ 15 పరుగుల (డక్‌వర్త్ లూయిస్ పద్ధతి) తేడాతో ధోనిసేనపై విజయం సాధించింది. దీంతో ఐదు మ్యాచ్‌ల సిరీస్‌లో 2-0 ఆధిక్యాన్ని సంపాదించింది. టాస్ గెలిచి భారత్ ఫీల్డింగ్ ఎంచుకోగా... న్యూజిలాండ్ 42 ఓవర్లలో 7 వికెట్లకు 271 పరుగులు చేసింది.
  
  విలియమ్సన్ (87 బంతుల్లో 77; 5 ఫోర్లు, 1 సిక్సర్), టేలర్ (56 బంతుల్లో 57; 7 ఫోర్లు), గుప్టిల్ (65 బంతుల్లో 44; 5 ఫోర్లు, 1 సిక్సర్) రాణించగా, అండర్సన్ (17 బంతుల్లో 44; 2 ఫోర్లు, 5 సిక్సర్లు) వీరవిహారం చేశాడు. తర్వాత బ్యాటింగ్‌కు దిగిన భారత్ 41.3 ఓవర్లలో 9 వికెట్లకు 277 పరుగులు చేసింది.  రహానే (42 బంతుల్లో 36; 4 ఫోర్లు), రైనా (22 బంతుల్లో 35; 6 ఫోర్లు) ఫర్వాలేదనిపించారు. విలియమ్సన్‌కు ‘మ్యాన్ ఆఫ్ ద మ్యాచ్’ అవార్డు లభించింది. ఇరుజట్ల మధ్య మూడో వన్డే ఆక్లాండ్‌లో శనివారం జరుగుతుంది.  
  
  అండర్సన్ హవా
  కివీస్ ఓపెనర్లలో రైడర్ (11 బంతుల్లో 20; 4 ఫోర్లు) వేగంగా, గుప్టిల్ మాత్రం నెమ్మదిగా ఆడాడు. భారత బౌలర్లు పెద్దగా ప్రభావం చూపకపోవడంతో విలియమ్సన్, గుప్టిల్ రెండో వికెట్‌కు 89 పరుగులు జోడించి ఇన్నింగ్స్‌ను పటిష్టపరిచాడు. మిడిలార్డర్‌లో టేలర్ కూడా ఆకట్టుకున్నాడు. అయితే 34వ ఓవర్‌లో రెండోసారి వర్షం రావడంతో మ్యాచ్‌ను 42 ఓవర్లకు కుదించారు. వర్షం ఆగిన తర్వాత విలియమ్సన్, టేలర్ వేగంగా ఆడుతూ మూడో వికెట్‌కు 60 పరుగుల భాగస్వామ్యం నెలకొల్పారు.
  
  చివర్లో వచ్చిన అండర్సన్ భారత బౌలర్లకు చుక్కలు చూపెట్టాడు. ఎదుర్కొన్న రెండో బంతినే బౌండరీకి తరలించిన అతను భారీ షాట్లతో విరుచుకుపడ్డాడు. ఇషాంత్, అశ్విన్ బౌలింగ్‌లో చెరో రెండు సిక్సర్లు, షమీ బౌలింగ్‌లో ఒక సిక్సర్‌తో స్కోరు బోర్డును పరుగెత్తించాడు. టేలర్‌తో కలిసి 28 బంతుల్లోనే 74 పరుగులు జోడించాడు. అయితే మ్యాచ్ చివర్లో నాలుగు పరుగుల వ్యవధిలో నాలుగు వికెట్లు తీసి కివీస్‌ను ధోనిసేన కాస్త కట్టడి చేసింది. షమీ 3 వికెట్లు తీశాడు.
  
  కోహ్లి మెరుపు ఇన్నింగ్స్
  ఓపెనర్లు ధావన్ (22 బంతుల్లో 12; 2 ఫోర్లు), రోహిత్ (34 బంతుల్లో 20; 2 ఫోర్లు, 1 సిక్సర్) విఫలం కావడంతో ఇన్నింగ్స్‌ను నిర్మించే బాధ్యత కోహ్లిపై పడింది. నాలుగో స్థానంలో వచ్చిన రహానే నిలకడను కనబర్చడంతో మూడో వికెట్‌కు 90 పరుగుల భాగస్వామ్యం నెలకొంది. తర్వాత కోహ్లి, ధోని మంచి సమన్వయంతో ఇన్నింగ్స్‌ను నడిపించారు. ఓవర్‌కు ఓ ఫోర్ చొప్పున కొట్టిన ఢిల్లీ ప్లేయర్ 23వ ఓవర్‌లో అర్ధసెంచరీ పూర్తి చేసుకున్నాడు.
  
  అండర్సన్ బౌలింగ్‌లో ఓ భారీ సిక్సర్‌తో చెలరేగిన ఈ ఢిల్లీ ప్లేయర్ చివరకు సౌతీ బౌలింగ్‌లో మరో షాట్‌కు ప్రయత్నించి అవుటయ్యాడు. రైనా ఫర్వాలేదనిపించినా ఎక్కువసేపు నిలబడలేకపోయాడు. ధోని చెలరేగి ఆడి అర్ధసెంచరీ చేసినా... అండర్సన్ బౌలింగ్‌లో అవుటయ్యాడు. అదే ఓవర్లో జడేజాను కూడా పెవిలియన్‌కు పంపి అండర్సన్ మ్యాచ్‌ను ఆతిథ్య జట్టు చేతుల్లోకి తెచ్చాడు.
  
  టర్నింగ్ పాయింట్
  భారత్ గెలవాలంటే 18 బంతుల్లో 40 పరుగులు చేయాలి. క్రీజులో ఉన్న ధోని, జడేజా భారీ షాట్లతో మంచి ఊపుమీదున్నారు. వీరిద్దరే జట్టుకు విజయాన్ని అందిస్తారనుకున్న దశలో అండర్సన్ మ్యాచ్‌ను మలుపు తిప్పాడు. 40వ ఓవర్ తొలి బంతికి ధోనిని, నాలుగో బంతికి జడేజాను పెవిలియన్‌కు పంపాడు. దీంతో భారత్ విజయ లక్ష్యం 12 బంతుల్లో 37 పరుగులుగా మారింది. ఈ లక్ష్యం ఛేదించడం టెయిలెండర్ల వల్ల కాలేదు.
  
  స్కోరు వివరాలు
  న్యూజిలాండ్ ఇన్నింగ్స్: గుప్టిల్ (సి) షమీ (బి) రైనా 44; రైడర్ (సి) ధోని (బి) షమీ 20; విలియమ్సన్ (స్టంప్డ్) ధోని (బి) జడేజా 77; టేలర్ (సి) ధోని (బి) షమీ 57; అండర్సన్ (సి) ధావన్ (బి) ఇషాంత్ 44; బి.మెకల్లమ్ (సి) అండ్ (బి) షమీ 0; రోంచీ నాటౌట్ 18; ఎన్.మెకల్లమ్ (బి) భువనేశ్వర్ 1; మిల్స్ నాటౌట్ 2; ఎక్స్‌ట్రాలు: 8; మొత్తం: (42 ఓవర్లలో 7 వికెట్లకు) 271.
  
  వికెట్ల పతనం: 1-25; 2-114; 3-174; 4-248; 5-250; 6-251; 7-252
  బౌలింగ్: భువనేశ్వర్ 7-1-43-1; షమీ 7-0-55-3; ఇషాంత్ 6-0-46-1; జడేజా 8-0-46-1; కోహ్లి 2-0-12-0; అశ్విన్ 8-0-50-0; రైనా 4-0-18-1
  భారత్ ఇన్నింగ్స్: ధావన్ (బి) సౌతీ 12; రోహిత్ (సి) రోంచీ (బి) సౌతీ 20; కోహ్లి (సి) (సబ్) డివిచ్ (బి) సౌతీ 78; రహానే (సి) రోంచీ (బి) మెక్లీనగన్ 36; ధోని (సి) విలియమ్సన్ (బి) అండర్సన్ 56; రైనా (సి) సౌతీ (బి) మిల్స్ 35; జడేజా (బి) అండర్సన్ 12; అశ్విన్ (సి) గుప్టిల్ (బి) సౌతీ 5; భువనేశ్వర్ (బి) ఎన్.మెకల్లమ్ (బి) అండర్సన్ 11; షమీ నాటౌట్ 1; ఇషాంత్ నాటౌట్ 1; ఎక్స్‌ట్రాలు: 10; మొత్తం: (41.3 ఓవర్లలో 9 వికెట్లకు) 277.
  వికెట్ల పతనం: 1-22; 2-37; 3-127; 4-164; 5-226; 6-257; 7-259; 8-265; 9-275
  బౌలింగ్: మిల్స్ 9-1-50-1; మెక్లీనగన్ 8-1-45-1; సౌతీ 9-0-72-4; ఎన్.మెకల్లమ్ 8-0-40-0; అండర్సన్ 7.3-0-67-3.
  
  
  డక్‌వర్త్ ‘ముంచిందిలా’!
  మ్యాచ్‌కు మధ్యలో అంతరాయం ఏర్పడితే... రెండో ఇన్నింగ్స్‌లో బ్యాటింగ్ చేసే జట్టుకు డక్‌వర్త్ లూయిస్ పద్ధతి ప్రకారం లక్ష్యాన్ని నిర్దేశిస్తారు. రెండో వన్డేలో తొలుత న్యూజిలాండ్ 33.2 ఓవర్లు ఆడి 170/2 స్కోరు చేశాక వర్షం పడింది. దీంతో మ్యాచ్‌ను 42 ఓవర్లకు కుదించారు. డక్‌వర్త్ లూయిస్ ఫార్ములా ప్రకారం న్యూజిలాండ్ గనక 50 ఓవర్ల మ్యాచ్ ఆడితే... 42 ఓవర్లలో 296 పరుగులు చేసేది.  కివీస్ వాస్తవంగా చేసిన పరుగులు 271 కంటే ఇవి 25 ఎక్కువ. అందుబాటులో ఉన్న వనరులు (వికెట్లు, ఓవర్లు) ఆధారంగా దీనిని లెక్కిస్తారు. దీంతో భారత్‌కు 42 ఓవర్లలో 297 పరుగుల లక్ష్యం ఎదురయింది. భారత్ ఇన్నింగ్స్‌లో మరో మూడు బంతులు ఉండగా మళ్లీ వర్షం అంతరాయం కలిగించింది. అప్పటికి జట్టు స్కోరు 277/9. డక్‌వర్త్ పద్దతి ప్రకారం భారత్ 41.3 ఓవర్ల దగ్గర మ్యాచ్ ఆగితే 9 వికెట్లు కోల్పోయిన దశలో 293 పరుగులు చేసి ఉండాలి. కానీ చేయలేదు. దీంతో 15 పరుగులతో భారత్ ఓడినట్లు ప్రకటించారు.
  (రెండో ఇన్నింగ్స్ ప్రారంభానికి ముందే... మ్యాచ్ ఏ ఓవర్లో ఆగితే ఎన్ని పరుగుల దగ్గర విజయం దక్కుతుందనే షీట్‌ను కెప్టెన్‌కు ఇస్తారు. కాబట్టి ఈ ఓటమికి పూర్తిగా డక్‌వర్త్‌నే తప్పు పట్టలేం. కానీ ఈ విధానం వల్ల పరిస్థితి ఎంత క్లిష్టంగా ఉంటుందో చెప్పడానికి ఉదాహరణ ఈ మ్యాచ్)
  
  ‘ మిగతా మ్యాచ్‌లు చాలా కీలకం. మరింత మెరుగ్గా ఆడాలి. ఓపెనర్లు పుంజుకోవాల్సిన అవసరం ఉంది. కొత్త నిబంధనలు బౌలర్లపై ప్రభావం చూపిస్తున్నాయి. అయితే గత ఆరు నెలలతో పోలిస్తే  డెత్ ఓవర్లలో మా బౌలింగ్ మెరుగుపడింది. వర్షం అంతరాయం కలిగించడం మాకు ఇబ్బంది కలిగించింది’
  - ధోని
  (భారత కెప్టెన్)
  


 రెండో వన్డే ఉ.గం. 6.30 నుంచి
  సోనీసిక్స్‌లో ప్రత్యక్ష ప్రసారం
  
  హామిల్టన్: ప్రపంచకప్ కోసం ప్రయోగాలు చేసే ఆలోచన లేదని న్యూజిలాండ్‌తో సిరీస్ ఆరంభంలోనే చెప్పిన కెప్టెన్ ధోని... ఆ ప్రపంచకప్ ఆడబోయే వాళ్లకు వీలైనంత ఎక్కువ అవకాశాలు ఇవ్వాలనే ఆలోచనలో ఉన్నాడు. కాబట్టి భారత బ్యాట్స్‌మెన్ జాబితాలో మార్పులు ఉండకపోవచ్చు. కాకపోతే... ఎవరు ఏ స్థానంలో ఆడాలనే విషయంలో మాత్రం స్పష్టత రాలేదు. న్యూజిలాండ్‌తో నేడు జరిగే రెండో వన్డేలో ఎవరెక్కడ ఆడతారో చూడాలి. ఈ మ్యాచ్‌లోనూ ఓడిపోతే ఇక సిరీస్ గెలవాలంటే చివరి మూడు మ్యాచ్‌లు గెలవాల్సి ఉంటుంది. కాబట్టి ధోనిసేన మీద కాస్త ఒత్తిడి ఉంది.
  
  నాలుగైదు స్థానాల్లో...
  ఓపెనర్లుగా ధావన్, రోహిత్... ఫస్ట్‌డౌన్‌లో విరాట్ కోహ్లి... ఆరో స్థానంలో ధోని... మరి మధ్యలో నాలుగు, ఐదు స్థానాల పరిస్థితి ఏమిటి? భారత్‌కు సమాధానం దొరకాల్సిన ప్రశ్న ఇదే. ప్రస్తుతానికి రహానే, రైనా, నాలుగు, ఐదు స్థానాల్లో ఆడుతున్నారు. నిజానికి ఇంతకాలం ఇది యువరాజ్ స్థానం. ఇప్పుడు తను లేకపోవడం వల్ల రైనా ఆ స్థానానికి వచ్చాడు. కానీ కుదురుకోలేకపోయాడు. ఇప్పుడు రహానేకు ఆ అవకాశం ఇచ్చారు. తొలి వన్డేలో విఫలమైనా... రహానే నైపుణ్యాన్ని తక్కువగా అంచనా వేయలేం. మరోవైపు నాలుగో స్థానంలో ఆడగల సత్తా రాయుడిలోనూ ఉంది. మరి ధోని ఏం చేస్తాడో..! రాయుడికి అవకాశం దక్కుతుందా..?
  
  
  నోటితో చెప్పాల్సిన పని లేదు: కోహ్లి
  కెరీర్ ఆరంభంలో మైదానంలో తన భావోద్వేగాలను ఎక్కువగా బయటకు ప్రదర్శించేవాడినని, దాని వల్ల చాలా తప్పిదాలు జరిగాయని కోహ్లి అన్నాడు. అయితే ఏదైనా చెప్పాలనుకుంటే నోటితోనే చెప్పాల్సిన పని లేదనే వాస్తవాన్ని ఇప్పుడు గుర్తించానని స్పష్టం చేశాడు. ప్రస్తుతం తాను చాలా పరిణతిని సాధించానన్నాడు. ‘తొలి మ్యాచ్‌లో బౌలరు నన్ను తీక్షణంగా చూశాడు.  నేను నోటితో కాకుండా బ్యాట్‌తో సమాధానం చెప్పా. క్రీజులో ఉండటం ఎంత ప్రధానమో తెలుసుకున్నా,  నేనేమీ 21 ఏళ్ల కుర్రాడిని కాదు.  భావోద్వేగాన్ని ఆపుకోవడం తెలియకపోతే కెరీర్‌లో ముందుకెళ్లలేం’ అని కోహ్లి అన్నాడు.
  


 హామిల్టన్: న్యూజిలాండ్ క్రికెట్ అభిమాని ఒకరిని అదృష్టం వరించింది. అద్భుతమైన క్యాచ్ అందుకున్నందుకు 83 వేల అమెరికా డాలర్లు(సుమారు 51 లక్షల రూపాయలు) అతడు గెల్చుకున్నాడు. న్యూజిలాండ్, వెస్టిండీస్ వన్డే మ్యాచ్ సందర్భంగా అతడీ మొత్తం సాధించాడు.
 
 బౌండరీ లైన్ దాటిన బంతిని ఒడిసిపట్టిన మైఖేల్ మోర్టాన్ ఈ బహుమతి అందుకున్నాడు. వెస్టిండీస్ ఓపెనర్ కీరన్ పావెల్ కొట్టిన సిక్స్ను క్యాచ్ పట్టి క్యాష్ సొంతం చేసుకున్నాడు. పెద్ద మొత్తంలో నగదు గెల్చుకోవడం నమ్మలేకపోతున్నానని స్కై న్యూస్తో మైఖేల్ మోర్టాన్ అన్నాడు. తన తండ్రి పక్కన కూర్చుని మ్యాచ్ చూస్తుండగా వచ్చిన బంతిని పైకెగిరి పట్టుకున్నానని తెలిపాడు.
 
 ఆరంజ్ రంగు టీ-షర్ట్ ధరించి ఒంటి చేత్తో క్యాచ్ పట్టుకున్న వారికి బహుమతి ఇస్తామని నిర్వాహక సంస్థ బ్రివర్ తుయ్ ప్రకటించింది. స్పాన్సర్షిప్ ప్రమోషన్లో భాగంగా ఈ పోటీ పెట్టింది. అయితే గెలిచిన వారికి ఎంత మొత్తం ఇస్తామనేది ముందుగా వెల్లడించలేదు.


 హామిల్టన్: ఆల్‌రౌండ్ నైపుణ్యంలో అదరగొట్టిన న్యూజిలాండ్... దాదాపు ఎనిమిదేళ్ల తర్వాత తొలిసారి టెస్టు సిరీస్‌ను సొంతం చేసుకుంది. ఆదివారం ముగిసిన ఆఖరి టెస్టులో 8 వికెట్ల తేడాతో  వెస్టిండీస్‌పై గెలిచి, మూడు మ్యాచ్‌ల సిరీస్‌ను 2-0తో కైవసం చేసుకుంది. 122 పరుగుల స్వల్ప లక్ష్యాన్ని ఛేదించే క్రమంలో ఓవర్‌నైట్ స్కోరు 6/0తో ఆఖరి రోజు ఆట కొనసాగించిన కివీస్ రెండో ఇన్నింగ్స్‌లో 40.4 ఓవర్లలో 2 వికెట్లు కోల్పోయి 124 పరుగులు చేసి నెగ్గింది.
 
  ఫుల్టన్ (10) విఫలమైనా... రూథర్‌ఫోర్డ్ (117 బంతుల్లో 48 నాటౌట్; 6 ఫోర్లు, 1 సిక్సర్), విలియమ్సన్ (83 బంతుల్లో 56; 9 ఫోర్లు) నిలకడగా ఆడారు. వీరిద్దరు రెండో వికెట్‌కు 83 పరుగులు జోడించి జట్టుకు విజయాన్ని అందించారు. తొలి ఇన్నింగ్స్‌లో స్పిన్ మ్యాజిక్ ప్రదర్శించిన నరైన్ తొలి సెషన్ మొత్తం ఏకధాటిగా బౌలింగ్ చేసినా వికెట్ తీయలేకపోయాడు. స్యామీ, పెరుమాల్‌కు చెరో వికెట్ దక్కింది. టేలర్‌కు ‘మ్యాన్ ఆఫ్ ద మ్యాచ్’ అవార్డు లభించింది. తొలి టెస్టు డ్రా కాగా, రెండో టెస్టులో ఆతిథ్య జట్టు ఇన్నింగ్స్ 73 పరుగుల తేడాతో గెలిచింది. మార్చి 2006 తర్వాత టాప్-8 జట్లపై వరుస టెస్టుల్లో నెగ్గడం న్యూజిలాండ్‌కు ఇదే తొలిసారి.
  
  సంక్షిప్త స్కోర్లు: వెస్టిండీస్ తొలి ఇన్నింగ్స్: 367; న్యూజి లాండ్ తొలి ఇన్నింగ్స్: 349; వెస్టిండీస్ రెండో ఇన్నింగ్స్: 103; న్యూజిలాండ్ రెండో ఇన్నింగ్స్: 124/2 (రూథర్‌ఫోర్డ్ 48, విలియమ్సన్ 56, స్యామీ 1/21, పెరుమాల్ 1/29).
  


 హామిల్టన్: న్యూజిలాండ్ తొలి ఇన్నింగ్స్‌లో కరీబియన్ మిస్టరీ స్పిన్నర్ సునీల్ నరైన్ (6/91) మ్యాజిక్‌ను చూపిస్తే... విండీస్ రెండో ఇన్నింగ్స్‌లో కివీస్ పేసర్లు ట్రెంట్ బౌల్ట్ (4/23), టిమ్ సౌతీ (3/12) చుక్కలు చూపారు. దీంతో ఇరుజట్ల మధ్య జరుగుతున్న మూడో టెస్టు మూడో రోజు (శనివారం) ఆటలో మొత్తం 17 వికెట్లు నేలకూలాయి. ఫలితంగా ఈ మ్యాచ్‌లో కివీస్ విజయం దిశగా పయనిస్తోంది. విండీస్ నిర్దేశించిన 122 పరుగుల స్వల్ప లక్ష్యాన్ని ఛేదించేందుకు బరిలోకి దిగిన ఆతిథ్య జట్టు ఆట ముగిసే సమయానికి రెండో ఇన్నింగ్స్‌లో 2 ఓవర్లలో వికెట్లేమీ నష్టపోకుండా 6 పరుగులు చేసింది. ఫుల్టన్ (4), రూథర్‌ఫోర్డ్ (0) క్రీజులో ఉన్నారు.
  
   అంతకుముందు 156/3 ఓవర్‌నైట్ స్కోరుతో మూడో రోజు ఆట కొనసాగించిన న్యూజిలాండ్ తొలి ఇన్నింగ్స్‌లో 117.3 ఓవర్లలో 349 పరుగులకు ఆలౌటైంది. దీంతో కరీబియన్ జట్టుకు 18 పరుగుల స్వల్ప ఆధిక్యం దక్కింది. టేలర్ (264 బంతుల్లో 131; 16 ఫోర్లు, 2 సిక్సర్లు) వరుసగా మూడోది, కెరీర్‌లో 11వ సెంచరీ సాధించాడు. తర్వాత రెండో ఇన్నింగ్స్ ప్రారంభించిన వెస్టిండీస్ 31.5 ఓవర్లలో కేవలం 103 పరుగులకే కుప్పకూలింది. స్యామీ (24) టాప్ స్కోరర్. వాగ్నేర్‌కు 2, అండర్సన్‌కు ఒక్క వికెటు దక్కింది.