సాక్షి, అమరావతి: దేశంలోని ప్రతిష్టాత్మక సాంకేతిక విద్యా సంస్థలైన ఇండియన్‌ ఇన్‌స్టి­ట్యూట్‌ ఆఫ్‌ టెక్నాలజీ(ఐఐటీ)ల్లో క్యాంపస్‌ ప్లేస్‌మెంట్లలో అసాధారణ క్షీణత కనిపిస్తోంది. కేవలం ఒక్క ఏడాది వ్యవధిలోనే సగానికి పైగా ఐఐటీల్లో సగటున 10% మేర తగ్గుదల నమో­దవడం గమనార్హం. తొలి తరం ఐఐటీల్లో ఒక­టైన ఐఐటీ–ఖరగ్‌పూర్‌లో మాత్రమే స్వ­ల్పంగా 2.28% తగ్గుదల కనిపించింది. మిగిలిన అన్నింటిలోనూ క్యాంపస్‌ ప్లేస్‌మెంట్ల పరిస్థితి దారు­ణంగా ఉంది. మొత్తం 23 ఐఐటీలు ఉండగా.. చాలా ఐఐటీల్లో 2022–23లో మొదలైన తగ్గుదల... 2023–24లోనూ కొనసాగింది. ఐఐటీలు, ఎన్‌ఐటీలు, ట్రిపుల్‌ ఐటీల్లోనూ ప్లేస్‌మెంట్ల క్షీణతపై పార్లమెంట్‌ స్టాడింగ్‌ కమిటీ ఆందోళన వ్యక్తంచేసింది. దీనిని అసాధారణ తగ్గుదలగా గుర్తించింది. దేశంలో విద్యపై ఖర్చు భూటాన్, మాల్దీవుల కంటే తక్కువగా ఉందని అభిప్రాయపడింది. తొలి తరం ఐఐటీల్లోనూ ఎదురుగాలే..» తొలి తరం ఐఐటీల్లోనూ క్యాంపస్‌ ప్లేస్‌మెంట్ల తగ్గుదల నమోదవుతోంది. ప్లేస్‌మెంట్ల కోసం నమోదు చేసుకునేవారు తగ్గుతుంటే.. అందులోనూ ఉద్యోగాలు పొందేవారు మరింత తగ్గిపోతున్నారు.» తాజా గణాంకాల ప్రకారం ఐఐటీ రూర్కీలో ప్లేస్‌మెంట్లు గణనీయంగా పడిపోయాయి. 2021–22లో 98.54 శాతం ఉన్న ప్లేస్‌మెంట్లు... 2023–24కు వచ్చేసరికి 79.66 శాతానికి తగ్గాయి. అంటే ఏకంగా 18.88 శాతం తగ్గిపోయాయి. ఐఐటీ ఢిల్లీలో 15 శాతం, ఐఐటీ బొంబాయిలో 12.72 శాతం మేర క్షీణత నమోదైంది. ఐఐటీ మద్రాస్‌లో 12.42 శాతం, ఐఐటీ కాన్పూర్‌లో 11.15 శాతం ప్లేస్‌మెంట్లు పడిపోయాయి.» ఐఐటీ భువనేశ్వర్‌లో 2021–22తో పోలిస్తే 2022–23లో ప్లేస్‌మెంట్లు మెరుగైనప్పటికీ.. 2023–24లో మాత్రం 7.58 శాతం తగ్గుదల నమోదైంది. » రెండో తరం ఐఐటీల్లోనూ పరిస్థితి చెప్పుకోతగ్గట్టు లేదు. 2008–09 మధ్య స్థాపించిన ఐఐటీల్లో హైదరాబాద్‌ అత్యంత ఎక్కువ క్షీణతను (17.17 శాతం) నమోదు చేసింది. ఆ తర్వాత స్థానాల్లో ఐఐటీ మండీ (14.1శాతం), రోపర్‌ (13.15శాతం), ఇండోర్‌ (11.03శాతం) ఉన్నాయి. » ఇక 2015–16 మధ్య స్థాపించిన మూడో తరం ఐఐటీల్లోనూ ప్లేస్‌మెంట్ల పరిస్థితి ఏమీ బాగాలేదు. అంతకుముందు ఏడాదితో పోలిస్తే 2023–24లో ఐఐటీ జమ్మూలో 21.83 శాతం ప్లేస్‌మెంట్లు తగ్గిపోయాయి.ఆర్థిక మందగమనం ఓ కారణం..కోవిడ్‌ తర్వాత కూడా ఐఐటీల్లో క్యాంపస్‌ నియామకాలు ఆశాజనకంగానే ఉన్నాయి. కానీ, ప్రపంచ వ్యాప్తంగా నెలకొన్న ఆర్థిక మందగనమనం కారణంగా రెండేళ్లుగా ప్లేస్‌మెంట్‌లపై ప్రభావం పడుతోందని నిపుణులు చెబుతున్నారు. విద్యార్థులు ఉన్నత విద్య వైపు వెళ్లడం, స్టార్టప్‌లపై దృష్టి సారించడం వంటి కారణాల వల్ల కూడా క్యాంపస్‌ ప్లేస్‌మెంట్లు తగ్గుతున్నాయని అభిప్రాయపడుతున్నారు. క్యాంపస్‌ కొలువులు మార్కెట్‌ ట్రెండ్‌లపై ఆధారపడి ఉన్నప్పటికీ, విభాగాల వారీగా కొత్త మార్గాలను కనుగొని తదనుగుణంగా ఉపాధి పొందే అవకాశాలను పెంచాల్సిన బాధ్యత ప్రభుత్వం ఉందని సూచిస్తున్నారు. గత సంవత్సరం చాలా ఐఐటీలు తమ క్యాంపస్‌ ప్లేస్‌మెంట్లు వెల్లడించలేదు. అయితే, సెప్టెంబర్‌లో ఐఐటీ బొంబాయి విడుదల చేసిన నివేదిక ప్రకారం... గత పరిస్థితులతో పోలిస్తే తక్కువ మంది విద్యార్థులు క్యాంపస్‌ ప్లేస్‌మెంట్లు పొందారని, ఇందులోనూ అత్యల్ప ప్యాకేజీ ఏడాదికి రూ.4లక్షలకు పడిపోయిందని పేర్కొంది. దీనిని బట్టి చూస్తే ఉద్యోగ మార్కెట్‌లో ఆందోళనకర మార్పు కనిపిస్తోందని నిపుణులు హెచ్చరిస్తున్నారు.ఐఐటీల్లో ప్లేస్‌మెంట్స్‌ శాతంలో తగ్గుదల ఇలా...ఐఐటీ 2021–22 2023–24ఖరగ్‌పూర్‌ 86.79 83.91బొంబాయి 96.11 83.39మద్రాస్‌ 85.71 73.29కాన్పూర్‌ 93.63 82.48ఢిల్లీ 87.69 72.81గౌహతి 89.77 79.10రూర్కీ 98.54 79.66వారణాసి 83.15 88.04ధన్‌బాద్‌ 87.89 75.38గాంధీనగర్‌ 91.85 82.39భువనేశ్వర్‌ 94.78 86.07హైదరాబాద్‌ 86.52 69.33జోద్‌పూర్‌ 96.59 92.98రోపర్‌ 88.49 75.34పాట్నా 97.65 90.03ఇండోర్‌ 96.74 85.71మండీ 98.13 84.03పాలక్కాడ్‌ 97.27 82.03తిరుపతి 94.57 86.57జమ్మూ 92.08 70.25భిలాయ్‌ 89.92 72.22గోవా 98.65 92.73ధార్వాడ్‌ 90.20 65.56––––––––––––––––––––––––––––– మొత్తం 449/410

లవ్లీ ప్రొఫెషనల్‌ యూనివర్శిటీ (ఎల్‌పీయూ)కు ఈ ఏడాది చాలా ఉత్సాహంతో మొదలైంది. యూనివర్సిటీ విద్యార్థుల్లో ఇద్దరు ప్రతిష్ఠాత్మకంగా కోట్ల రూపాయాల వేతన మార్కును అధిగమించి ఉద్యోగాలు సాధించారు. బీటెక్‌ ఎలక్ట్రానిక్స్ అండ్ కమ్యూనికేషన్ ఇంజినీరింగ్ (ఈసీఈ) ఫైనల్ ఇయర్ చదువుతున్న శ్రీవిష్ణు ప్రముఖ రోబోటిక్స్ అండ్ ఆటోమేషన్ కంపెనీలో రూ.2.5 కోట్ల ప్యాకేజీని సొంతం చేసుకుని రికార్డులను బద్దలు కొట్టారు. ఈ విజయం భారతదేశంలో గ్రాడ్యుయేట్ విద్యార్థికి అత్యధిక ప్యాకేజీని సూచిస్తుంది. ఇది భారత్‌లోని ఐఐటీలు, ఐఐఎంలు, ఎన్ఐటీల్లో ఉన్న రికార్డులను అధిగమించింది. దాంతో టాప్ టైర్ రిక్రూట్‌మెంట్‌లో లీడర్‌గా ఎల్‌పీయూ స్థానాన్ని మరింత పటిష్టం చేసింది.ప్రముఖ రోబోటిక్స్ అండ్ ఆటోమేషన్ కంపెనీలో రూ.1.03 కోట్లు (1,18,000 డాలర్లు) ప్యాకేజీ పొందిన ఈసీఈ ఫైనల్ ఇయర్ విద్యార్థి బేతిరెడ్డి నాగవంశీరెడ్డి మరో ఘనత సాధించారు. మొత్తంగా 1,700 మందికి పైగా ఎల్‌పీయూ విద్యార్థులకు టాప్ ఎంఎన్‌సీల నుంచి ఆఫర్లు వచ్చాయి. విదార్థులకు రూ .10 ఎల్‌పీఏ నుంచి రూ.2.5 కోట్ల వరకు ప్యాకేజీలు ఉన్నాయి. వందలాది మంది ఎల్‌పీయూ విద్యార్థులు అమెరికా, యూకే, ఆస్ట్రేలియాల్లోని ప్రఖ్యాత సంస్థల్లో పనిచేస్తూ రూ.కోటికి పైగా ప్యాకేజీలు పొందుతున్నారు. మరో ఎల్పీయూ గ్రాడ్యుయేట్‌కు ఐటీ కంపెనీలో రూ.3 కోట్ల ప్యాకేజీ లభించింది. అత్యంత నైపుణ్యం కలిగిన నిపుణులను తయారు చేసే ఎల్‌పీయూ సామర్థ్యం యొక్క బలం, ప్రపంచవ్యాప్త పరిధికి ఇది ఉదాహరణ. పాలో ఆల్టో నెట్వర్క్స్‌, న్యూటానిక్స్, మైక్రోసాఫ్ట్, సిస్కో, పేపాల్‌, అమెజాన్ వంటి ప్రతిష్టాత్మక బహుళజాతి కంపెనీల్లో ప్లేస్‌మెంట్‌లు పొందిన వివిధ బీటెక్‌ విద్యార్థులకు మొత్తం 7,361 ఆఫర్లు అందాయి. వీటిలో టాప్ ఎంఎన్‌సీలు అందించే సగటు ప్యాకేజీ ఏటా రూ.16 లక్షలుగా నమోదైంది. ఇది జాబ్ మార్కెట్‌లో ఎల్‌పీయూ గ్రాడ్యుయేట్లకు అధిక డిమాండ్‌ను నొక్కిచెబుతోంది.గతంలోని ప్లేస్‌మెంట్‌ సీజన్ కూడా అంతే ఆకట్టుకుంది. పరిశ్రమ దిగ్గజాలు ఆకర్షణీయమైన పరిహార ప్యాకేజీలను అందిస్తున్నాయి. అత్యధిక వేతనం చెల్లించే కంపెనీల్లో పాలోఆల్టో నెట్వర్క్స్ రూ.54.75 ఎల్పీఏతో అగ్రస్థానంలో నిలవగా, న్యూటానిక్స్ రూ.53 ఎల్పీఏ, మైక్రోసాఫ్ట్ రూ.52.20 ఎల్పీఏతో తర్వాతి స్థానాల్లో నిలిచాయి. మొత్తం 1,912 మల్టిపుల్ జాబ్ ఆఫర్లను అందిచగా, 377 మందికి మూడు ఆఫర్లు, 97 మందికి నాలుగు, 18 మందికి ఐదుగురికి, ఏడుగురు విద్యార్థులకు ఆరు జాబ్ ఆఫర్లు లభించాయి. ఎలక్ట్రానిక్స్ అండ్ కమ్యూనికేషన్ ఇంజినీరింగ్‌లో బీటెక్‌ విద్యార్థి ఆదిరెడ్డి వాసు అద్భుతమైన ఏడు జాబ్ ఆఫర్లను సాధించి అరుదైన రికార్డును నెలకొల్పాడు.పైన పేర్కొన్న కంపెనీలతో పాటు అమెజాన్ (రూ.48.64 ఎల్పీఏ), ఇన్ట్యూట్ లిమిటెడ్ (రూ.44.92 ఎల్పీఏ), సర్వీస్ నౌ (రూ.42.86 ఎల్పీఏ), సిస్కో (రూ.40.13 ఎల్పీఏ), పేపాల్‌ (రూ.34.4 ఎల్పీఏ), ఏపీఎన్ఏ (రూ.34 ఎల్పీఏ), కామ్వాల్ట్ (రూ.33.42 ఎల్పీఏ), స్కేలర్ (రూ.33.42 ఎల్పీఏ) వంటి టాప్ రిక్రూటర్లు ఎల్‌పీయూ విద్యార్థులకు అవకాశం కల్పించారు. దాంతోపాటు స్కిల్ డెవలప్మెంట్, అధునాతన సాంకేతితక నిపుణులకు ప్రాధాన్యమిచ్చారు.యాక్సెంచర్, క్యాప్ జెమినీ, టీసీఎస్ వంటి ప్రముఖ కంపెనీలు అతిపెద్ద రిక్రూటర్లలో ఉండటంతో ఎల్‌పీయూ గ్రాడ్యుయేట్ల సాంకేతిక పరంగా అధిక డిమాండ్ ఏర్పడింది. క్యాప్ జెమినీ ఇండియా ప్రైవేట్ లిమిటెడ్ అనలిస్ట్, సీనియర్ అనలిస్ట్ పోస్టులకు 736 మంది విద్యార్థులను, గ్రాడ్యుయేట్ ఇంజినీర్ ట్రైనీ పోస్టులకు మైండ్ ట్రీ 467 మంది విద్యార్థులను నియమించుకుంది. కాగ్నిజెంట్ టెక్నాలజీ సొల్యూషన్స్ 418 మంది విద్యార్థులను జెన్సీ ఉద్యోగాలకు రిక్రూట్ చేసుకుంది. యాక్సెంచర్ (279 నియామకాలు), టీసీఎస్ (260 నియామకాలు), కేపీఐటీ టెక్నాలజీస్ (229 నియామకాలు), డీఎక్స్‌సీ టెక్నాలజీ (203 నియామకాలు), ఎంఫసిస్‌ (94 నియామకాలు)తోపాటు తదితర కంపెనీలు ఎల్‌పీయూ విదార్థులకు 279 కొలువులు అందించాయి.రోబోటిక్స్ అండ్ ఆటోమేషన్, ఎలక్ట్రానిక్స్ అండ్ కమ్యూనికేషన్ ఇంజినీరింగ్, కంప్యూటర్ సైన్స్ ఇంజినీరింగ్, మెకానికల్ ఇంజినీరింగ్ వంటి కోర్ ఇంజినీరింగ్ విభాగాల్లో అత్యధిక ప్లేస్‌మెంట్ దక్కింది. పాలోఆల్టో నెట్వర్క్స్, సిలికాన్ ల్యాబ్స్, ట్రైడెంట్ గ్రూప్, న్యూటానిక్స్, ఆటోడెస్క్, అమెజాన్ వంటి పరిశ్రమ దిగ్గజాలు ఈ విభాగాల నుండి భారీగా నియామకాలు చేస్తున్నాయి.పార్లమెంటు సభ్యుడు (రాజ్యసభ), ఎల్‌పీయూ వ్యవస్థాపక ఛాన్సలర్ డాక్టర్ అశోక్ కుమార్ మిట్టల్ మాట్లాడుతూ..‘వేగంగా మారుతున్న ప్రపంచంలో విజయం సాధించేలా విద్యార్థులను సిద్ధం చేయడానికి ఎల్‌పీయూ కట్టుబడి ఉంది. యూనివర్సిటీ ఆకట్టుకునే ప్లేస్‌మెంట్‌ విజయాలు దీన్ని ప్రతిబింబిస్తున్నాయి. విద్యార్థులు ఉన్నత స్థాయి ఉద్యోగాలను సాధిస్తున్నారు. స్థిరంగా కొత్త రికార్డులను నెలకొల్పుతున్నారు. ఎల్‌పీయూ విద్యాభ్యాసం వాస్తవ-ప్రపంచ పరిశ్రమ విధానాలతో మిళితం చేయడం ద్వారా మెరుగైన ఉపాధి అవకాశాలు అందుతున్నాయి. వృత్తి విజయాలకు విద్యార్థులను సిద్ధం చేయడమే కాకుండా పరిశ్రమకు విలువను జోడించేందుకు, సృజనాత్మకతను ప్రోత్సహించడానికి అవసరమయ్యే నైపుణ్యాలను అందించేలా విద్యార్థులను సిద్ధం చేస్తున్నారు. ఎడ్యుకేషన్‌లో వచ్చే రివల్యూషన్ విద్యార్థుల భవిష్యత్తును రూపొందిస్తోంది. వారు అభివృద్ధి చెందడానికి, ప్రపంచ ఉద్యోగ మార్కెట్లో అగ్రగామిగా నిలిచి మెరుగైన ప్లేస్‌మెంట్లు సాధించేందుకు ఎల్‌పీయూ అవకాశాలను సృష్టిస్తోంది’ అని తెలిపారు.2025 బ్యాచ్‌ కోసం దరఖాస్తు చేసుకునేందుకు చివరితేదీ దగ్గరపడింది. ఎల్‌పీయూలో అడ్మిషన్లకు పోటీ ఎక్కువ. యూనివర్శిటీలో అడ్మిషన్‌ కోసం విద్యార్థులు ప్రవేశ పరీక్ష రాయాల్సి ఉంటుంది. అలాగే ‘ఎల్‌పీయూ నెస్ట్‌ 2025’, ఇంటర్వ్యూలలోనూ పాసైన వారికి మాత్రమే కొన్ని ప్రత్యేక కార్యక్రమాల్లోకి ప్రవేశం లభిస్తుంది. పరీక్ష, అడ్మిషన్‌ ప్రాసెస్‌ గురించి తెలుసుకోవాలనుకునే ఆసక్తిగల విద్యార్థులు https://bit.ly/43340ai ను సందర్శించగలరు.

లవ్లీ ప్రొఫెషనల్‌ యూనివర్శిటీ (ఎల్‌పీయూ)కు ఈ ఏడాది చాలా ఉత్సాహంతో మొదలైంది. ఫైనల్‌ ఇయర్‌ బీటెక్‌ విద్యార్థి రూ.1.03 కోట్ల (1,18,000 డాలర్లు)తో ఉద్యోగావకాశం పొందారు. రోబోటిక్స్ అండ్ ఆటోమేషన్‌లో B.Tech చేస్తున్న బేతిరెడ్డి నాగవంశీరెడ్డి 2025 మేలో తన గ్రాడ్యుయేషన్ పూర్తి చేయనున్నారు. ప్రముఖ ఏఐ రోబోటిక్స్ సంస్థలో రోబోటిక్స్ ఇంజినీర్‌గా చేరనున్నారు. ఈ అసాధారణ విజయం అటు పరిశ్రమ వర్గాల్లోనూ ఇటు విద్యా ప్రపంచంలోనూ సంచలనం సృష్టించింది. విద్యార్థులకు సూపర్‌ డూపర్‌ ప్యాకేజీలు అందించగల అత్యున్నత విద్యా సంస్థగా ఎల్‌పీయూ తనస్థానాన్ని సుస్థిరం చేసుకుంది.వేర్వేరు బీటెక్‌ విభాగాల్లోని మొత్తం 7361 మంది విద్యార్థులకు పాలో ఆల్టో నెట్‌వర్క్స్, నుటానిక్స్‌, మైక్రోసాఫ్ట్‌, సిస్కో, పేపాల్‌ అమెజాన్‌ వంటి ప్రతిష్టాత్మక మల్టీనేషనల్‌ కంపెనీల నుంచి ప్లేస్‌మెంట్లు లభించాయి. వీరిలో 1700 మంది టాప్‌ ఎమ్మెన్సీల నుంచి ఏడాదికి రూ.10 లక్షల నుంచి రూ.కోటి వరకూ ప్యాకేజీలు అందాయి. టాప్‌ ఎంఎన్‌సీలు ఇచ్చిన సగటు ప్యాకేజీ రూ.16 లక్షలు (ఏడాదికి). ఉద్యోగ మార్కెట్‌లో ఎల్‌పీయూకు ఉన్న అధిక డిమాండ్‌కు నిదర్శనాలు ఈ ప్లేస్‌మెంట్లు.గత ప్లేస్‌మెంట్‌ సీజన్‌ కూడా ఆకట్టుకునేదే. ఇండస్ట్రీలోనే అతిపెద్ద కంఎనీలు ఆకర్షణీయమైన ప్యాకేజీలు అందించాయి. పాలో ఆల్టో నెట్‌వర్క్స్ ఏకంగా ఏడాదికి రూ.54.75 లక్షల ప్యాకేజీని అందించగా నుటానిక్స్‌ రూ.53 లక్షల ప్యాకేజీ ఇచ్చింది. మైక్రోసాఫ్ట్‌ రూ.52.20 LPA ప్యాకేజీ అందించింది. మొత్తం 1912మందికి ఒకటి కంటే ఎక్కువ ఆఫర్లు అందాయి. 377 మందికి మూడు ఆఫర్లు, 97 మందికి నాలుగు ఆఫర్లు, 18 మందికి ఐదు, ఏడుగురికి ఆరు ఆఫర్లు లభించాయి. ఎలక్ట్రానిక్స్‌ అండ్‌ కమ్యూనికేషన్స్‌ ఇంజినీరింగ్‌ విద్యార్థి ఆదిరెడ్డి వాసుకు నమ్మశక్యం కాని రీతిలో ఏకంగా ఏడు ఆఫర్లు వచ్చాయి. ఇదో అరుదైన, ఆకట్టుకునే రికార్డు.పైన చెప్పుకున్న కంపెనీలు మాత్రమే కాకుండా.. అమెజాన్‌ (రూ.48.64 LPA), ఇన్‌ట్యూట్‌ లిమిటెడ్‌ (రూ. 44.92 LPA), సర్వీస్‌ నౌ ( రూ. 42.86 LPA), సిస్కో (రూ. 40.13 LPA), పేపాల్‌ (రూ. 34.4 LPA), APNA (రూ.34 LPA), కామ్‌వాల్ట్‌ (రూ. 33.42 LPA), స్కేలర్‌ (రూ. 32.50 LPA)లు కూడా స్కిల్‌ డెవెలప్‌మెంట్‌, అత్యాధునిక టెక్నాలజీల్లో నైపుణ్యం అందించేందుకు ఎల్‌పీయూ చూపుతున్న శ్రద్ధకు నిదర్శనంగా నిలుస్తున్నాయి.ఎల్పీయూ పట్టభద్రుల సాంకేతిక పరిజ్ఞాన బుద్ధికుశలత కారణంగా భారీ నియామకాలు చేపట్టే ఆక్సెంచర్‌, క్యాప్‌జెమినీ, టీసీఎస్‌ తదితర ప్రముఖ కంపెనీల నుంచి మంచి డిమాండ్‌ ఉంది. క్యాప్‌జెమినీ ఇండియా ప్రైవేట్‌ లిమిటెడ్‌ 736 మంది విద్యార్థులకు అనలిస్ట్‌, సీనియర్‌ అనలిస్ట్‌ రోల్స్‌ కోసం ఉద్యగావకాశం ఇచ్చింది. అలాగే మైండ్‌ట్రీ 467 మంది విద్యార్థులను గ్రాడ్యుయేట్‌ ఇంజినీర్‌ ట్రైనీ పొజిషన్‌ కోసం తీసుకుంది. కాగ్నిజెంట్‌ టెక్నాలజీ సొల్యూషన్స్‌ కూడా 418 మంది విద్యార్థులను జెన్‌సీ రోల్స్‌ కోసం తీసుకుంది. ఎల్‌పీయూ నుంచి విద్యార్థులను ఎంపిక చేసుకున్న ఇతర కంపెనీల్లో ఆక్సెంచర్‌ (279 మంది), టీసీఎస్‌ (260 మంది), కేపీఐటీ టెక్నాలజీస్‌ (229 మంది), డీఎక్స్‌సీ టెక్నాలజీ (203), MPHASIS (94 మంది) కంపెనీలు ఉన్నాయి.రొబోటిక్స్‌, ఆటోమేషన్‌, ఎలక్ట్రానిక్స్‌ అండ్‌ కమ్యూనికేషన్స్‌, కంప్యూటర్‌ సైన్స్‌ ఇంజినీరింగ్‌, మెకానికల్‌ ఇంజినీరింగ్‌ వంటి కోర్‌ ఇంజినీరింగ్‌ విభాగాల్లో అత్యధిక స్థాయిలో ప్లేస్‌మెంట్లు లభించాయి. పాలో ఆల్టో నెట్‌వర్క్స్‌, సిలికాన్‌ ల్యాబ్స్‌, ట్రైడెంట్‌గ్రూప్‌, నుటానిక్స్‌, ఆటోడెస్క్‌, అమెజాన్‌ వంటి దిగ్గజ కంపెనీలు ఈ విభాగాల్లోని విద్యార్థులను భారీగా నియమించుకుంటున్నాయి.‘‘ఎప్పటికప్పుడు మారిపోతున్న ప్రపంచానికి అనుగుణంగా విద్యార్థులు విజయం సాధించేలా చేసేందుకు ఎల్‌పీయూ కట్టుబడి ఉంది. ఎల్‌పీయూలో బోధించే అంశాలు కంపెనీల అవసరాలకు తగ్గట్టుగా ఉండేందుకు అన్ని చర్యలు తీసుకుంటున్నాం. ఎల్‌పీయూలో సంప్రదాయ పద్ధతులకు అతీతంగా సృజనాత్మక రీతిలో సాగే బోధన విద్యార్థులునిమగ్నమైయెలా ఉంటుంది. విద్యార్థులు పెద్ద సంఖ్యలో టాప్‌ కంపెనీల నుంచి ప్లేస్‌మెంట్‌ ఆఫర్లు పొందుతూండటం దీనికి నిదర్శనం. ఎల్‌పీయూ బోధనాంశాల సత్తానుచాటుతున్నాయి ఈ ప్లేస్‌మెంట్లు. జాతీయ, అంతర్జాతీయ ప్రముఖ సంస్థల్లో విద్యార్థులకు మంచి మంచి ప్లేస్‌మెంట్స్‌ సాధించిన రికార్డు ఎల్‌పీయూ సొంతం. అమెరికా, యూకే, ఆస్ట్రేలియాలల్లోని ఎన్నో పేరొందిన కంపెనీల్లో ఎల్‌పీయూ విద్యార్థులు ఏడాదికి రూ.కోటి కంటే ఎక్కువ ప్యాకేజీలతో పని చేస్తున్నారు. అత్యున్నత నైపుణ్యం కలిగిన ప్రొఫెషనల్స్‌ను తయారు చేయగల ఎల్‌పీయూ శక్తి సామర్థ్యాలకు, అంతర్జాతీయ స్థాయి ఎదుగుదలకు ఇవి నిదర్శనాలు.’’ అని రాజ్యసభ సభ్యులు, ఎల్‌పీయూ ఫౌండర్‌ ఛాన్సలర్‌ డాక్టర్‌ అశోక్‌ కుమార్‌ మిట్టల్‌ వివరించారు.2025 బ్యాచ్‌ కోసం దరఖాస్తు చేసుకునేందుకు చివరితేదీ దగ్గరపడింది. ఎల్‌పీయూలో అడ్మిషన్లకు పోటీ ఎక్కువ. యూనివర్శిటీలో అడ్మిషన్‌ కోసం విద్యార్థులు ప్రవేశ పరీక్ష రాయాల్సి ఉంటుంది. అలాగే ‘ఎల్‌పీయూ నెస్ట్‌ 2025’, ఇంటర్వ్యూలలోనూ పాసైన వారికి మాత్రమే కొన్ని ప్రత్యేక కార్యక్రమాల్లోకి ప్రవేశం లభిస్తుంది. పరీక్ష, అడ్మిషన్‌ ప్రాసెస్‌ గురించి తెలుసుకోవాలనుకునే ఆసక్తిగల విద్యార్థులు https://bit.ly/43340ai ను సందర్శించగలరు.

సాక్షి, అమరావతి: దేశంలో ఇంజనీరింగ్‌ విద్యకు అత్యుత్తమ విద్యా సంస్థలుగా ఉన్న ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ(ఐఐటీ)ల క్యాంపస్‌ ప్లేస్‌మెంట్లలో క్షీణత కనిపిస్తోంది. సాంకేతిక రంగంలో మారుతున్న టెక్‌ ల్యాండ్‌స్కేప్, ప్రపంచవ్యాప్తంగా ఆర్థిక అనిశ్చితి, జాబ్‌ మార్కెట్‌లో పోటీ పడుతున్న ఐఐటీ గ్రాడ్యుయేట్ల సంఖ్య పెరుగుతుండటమే ఇందుకు కారణమని తెలుస్తోంది. దేశంలోని తొలి తరం ఐఐటీల్లో 2018–19 నుంచి 2023–24 వరకు ప్లేస్‌మెంట్‌ డేటాను విశ్లేషిస్తే అండర్‌ గ్రాడ్యుయేట్, పోస్ట్‌ గ్రాడ్యుయేట్, రీసెర్చ్‌ ప్రోగ్రామ్‌లలో ఉద్యోగ ఆఫర్లు పొందుతున్న విద్యార్థుల సంఖ్య తగ్గుతోంది. కాన్పూర్, ఖరగ్‌పూర్, రూర్కీ ఐఐటీల్లో ఏకంగా 5 నుంచి 16 శాతం ప్లేస్‌మెంట్లు తగ్గాయి. ఐఐటీ ఢిల్లీ ఒక్కటే ప్లేస్‌మెంట్ల కల్పనలో నిలకడగా ఉంది. ఐఐటీల్లో చదువుతున్న వారిలో దాదాపు 80 శాతం మంది ఉద్యోగాలను పొందుతున్నారు. కేవలం 1.6 శాతం మంది మాత్రమే స్టార్టప్‌లను ప్రారంభిస్తున్నారు. దాదాపు 10 శాతం మంది ఉన్నత చదువుల కోసం, 5 శాతం మంది సివిల్‌ సర్వీసుల వైపు వెళుతున్నట్లు ఐఐటీ గౌహతి నిపుణులు వెల్లడించారు. ప్యాకేజీల్లోనూ తగ్గుదల... ఐఐటీ క్యాంపస్‌ ప్లేస్‌మెంట్లలో ఉద్యోగాలు పొందినవారికి ఇచ్చే ప్యాకేజీల్లో తగ్గుదల కూడా విద్యార్థులను కలవరపెడుతోంది. ఐఐటీ కాన్పూర్‌లో సగటు వార్షిక జీతం 2020–21లో రూ.22.10 లక్షల నుంచి 2022–23లో రూ.25.90 లక్షలకి పెరిగింది. అయితే 2023–24లో రూ.23.70 లక్షలకు తగ్గింది. ఐఐటీ ఖరగ్‌పూర్‌లో 2020–21లో వార్షిక సగటు వేతనం రూ.14 లక్షల నుంచి 2022–23లో రూ.18 లక్షలకు పెరిగింది. అయితే, 2023–24లో మళ్లీ రూ.17 లక్షలకు తగ్గింది. అదే ఐఐటీ బాంబేలో 2021–22లో రూ.21.50 లక్షలు నుంచి 2022–23లో రూ. 21.82 లక్షలకు పెరిగింది.

సాక్షి ప్రతినిధి, వరంగల్‌: ఆకర్షణీయ వేతనాలతో కొలువులు సాధిస్తున్న విద్యార్థులకు వరంగల్‌లోని జాతీయ సాంకేతిక విద్యాసంస్థ (ఎన్‌ఐటీ) అడ్డా గా మారింది. నిట్‌ వరంగల్‌లో సీటు వచి్చందంటే ఉద్యోగంతోనే బయటకి అడుగుపెడుతామన్న భరోసా విద్యార్థుల్లో కనిపిస్తోంది. ఇక్కడి విద్యార్థి అన్ని రంగాల్లో అత్యుత్తమంగా రాణిస్తారనే భావనతో ప్రభుత్వ రంగం సంస్థలు, ప్రైవేట్‌ కంపెనీలు ఎన్‌ఐటీలో క్యాంపస్‌ సెలక్షన్స్‌ నిర్వహించేందుకు, రిక్రూట్‌మెంట్‌ చేసుకునేందుకు ఆసక్తిని కనబరుస్తున్నాయి. క్యాంపస్‌ సెలక్షన్స్‌లో‘నిట్‌’ విద్యార్థుల జోరు ∙నిట్‌ వరంగల్‌లోని బీటెక్, ఎంటెక్, ఎంబీఏ, ఎంసీఏ, ఎమ్మెస్సీ విద్యార్థులు క్యాంపస్‌ సెలక్షన్స్‌లో ప్రతీ ఏడాది జోరు కొనసాగిస్తున్నారు. » ఈ ఏడాది బీటెక్‌లో 82 శాతం, ఎంటెక్‌ 62.3 శాతం, ఎంసీఏ 82.6 శాతం, ఎమ్మెస్సీ 80 శాతం, ఎంబీఏలో 76 శాతం విద్యార్థులు క్యాంపస్‌ సెలక్షన్స్‌లో ఉద్యోగాలు సాధించారు. » మొత్తంగా 1,483 మంది ఉత్తీర్ణత సాధించిన విద్యార్థుల్లో 1,128 మందికి ఉద్యోగావకాశాలు వచ్చాయి. » నాలుగేళ్లలో జరిగిన క్యాంపస్‌ సెలక్షన్స్‌ను పరిశీలీస్తే ఏటేటా కొలువులు పొందుతున్న సంఖ్య పెరుగుతోంది. » 2020–21లో క్యాంపస్‌ సెలక్షన్స్‌ కోసం 186 కంపెనీలు పాల్గొంటే.. 815 మంది విద్యార్థులు ఎంపిక కాగా, అత్యధికంగా రూ.52లక్షల ప్యాకేజీ వచ్చింది. » 2021–22లో 1,108, 2022–23లో 1,404 మంది విద్యార్థులు ఎంపిక కాగా.. ఈ ఏడాది 1,128 మంది విద్యార్థులు ఉద్యోగాలు సాధించారు. అత్యధికంగా రూ.88 లక్షల ప్యాకేజీ లభించింది.ప్లేస్‌మెంట్స్,ప్యాకేజీలలోతగ్గేదేలే..ప్రస్తుత తరుణంలో ఐటీ రంగం సంక్షోభంలో కూరుకుపోయి ఎక్కువ సంఖ్యలో ఉద్యోగులను తొలగిస్తుండగా సంక్షోభాన్ని తలదన్ని తమ ప్రత్యేకతను చాటుకుని క్యాంపస్‌ సెలక్షన్స్‌లో ఉద్యోగాలు సాధించారు నిట్‌ విద్యార్థులు. గతేడాది సీఎస్‌ఈ విభాగానికి చెందిన ఆదిత్య సింగ్‌ రూ.88 లక్షల వార్షిక ప్యాకేజీని అత్యధికంగా సాధించగా, ఈ ఏడాది ఈసీఈ విద్యార్థి రవీషా తన సత్తాను చాటి రూ.88 లక్షల వార్షిక ప్యాకేజీ ఆనవాయితీని కొనసాగించాడు. అదే విధంగా 12 మంది రూ.68 లక్షల వార్షిక ప్యాకేజీ, తక్కువలో తక్కువగా రూ.15.6 లక్షల వార్షిక ప్యాకేజీని మిగతా విద్యార్థులు సాధించారు.గతేడాది 250..ఇప్పుడు 278..నిట్‌ క్యాంపస్‌లో క్యాంపస్‌ సెలక్షన్స్‌ నిర్వహించేందుకు గతేడాది 250కి పైగా కంపెనీలు రాగా ఈ ఏడాది 278 ప్రైవేట్‌తోపాటు ప్రభుత్వ రంగ సంస్థలు క్యాంపస్‌ సెలక్షన్స్‌ నిర్వహించేందుకు ఆసక్తి కనబరిచాయి. ఇక్కడి విద్యార్థులను ఇన్ఫర్మేషన్‌ టెక్నాలజీ, సాఫ్ట్‌వేర్‌ ఇంజనీరింగ్, డేటా అనాలిసిస్, డేటా సైన్స్, డేటా ఇంజనీరింగ్, ప్రాడక్ట్స్‌ అనాలిసిస్, ప్రొడక్ట్‌ ఇంజనీరింగ్, కన్సల్టెంట్, మేనేజ్‌మెంట్‌ వంటి రంగాల్లో ఎంపిక చేశారు.ఉత్తమ బోధనతోనే.. నిట్‌ వరంగల్‌లోని అధ్యాపకుల అత్యుత్తమ బోధనతోనే క్యాంపస్‌ సెలక్షన్స్‌లో యూఎస్‌కు చెందిన సోర్బ్‌ అనే సాఫ్ట్‌వేర్‌ కంపెనీలో రూ.88 లక్షల వార్షిక ప్యాకేజీనిసాధించా. మాది పంజాబ్‌లోని లూథియానా.. మధ్య తరగతి కుటుంబంలో పుట్టి నిట్‌ వరంగల్‌లో సీటు సాధించి, ఉన్నత ఉద్యోగానికి ఎంపిక కావడం ఆనందంగా ఉంది. - రవిషా, ఈసీఈ, రూ.88 లక్షల ప్యాకేజీఎంటర్‌ప్రెన్యూర్‌గాఉద్యోగావకాశాలు కల్పిస్తా..మాది మహారాష్ట్ర. వరంగల్‌లో నిట్‌లో సీటు వచ్చినప్పుడు ఎంతో భయంగా ఉండేది. ఇక్కడి అధ్యాపకుల ప్రోత్సాహం, విద్యార్థుల సహకారంతో బీటెక్‌లో ఈసీఈ పూర్తి చేసి క్యాంపస్‌ సెలక్షన్స్‌లో హైదరాబాద్‌లోని సాఫ్ట్‌వేర్‌ కంపెనీలో రూ.64లక్షల వార్షిక ప్యాకేజీ సాధించాను. ఎంబీఏ చేసి ఎంటర్‌పెన్యూర్‌గా ఓ పరిశ్రమను స్ధాపించి నా తోటి వారికి ఉద్యోగావకాశాలు కల్పించడమే నా లక్ష్యం. – మీత్‌ పోపాట్, ఈసీఈ, రూ.64లక్షల ప్యాకేజీ

దేశంలోనే ప్రతిష్టాత్మక విద్యాసంస్థల్లో ఇండియన్‌ ఇన్‌స్టిట్యూట్‌ ఆఫ్‌ మేనేజ్‌మెంట్‌ (ఐఐఎం) ఒకటి. ఇందులో చదివితే మంచి ప్యాకేజీతో ఉన్నత సంస్థలో కొలువు సాధించవచ్చనే భావన ఉంది. అనుకున్నట్టుగానే తాజాగా ఇందోర్‌ ఐఐఎంలో ఓ విద్యార్థి ఏకంగా రూ.కోటి వార్షిక వేతనంతో ఉద్యోగం సాధించారు.  ఐఐఎం ఇందోర్‌లో ఈ-కామర్స్‌ సంస్థలు ఇటీవల నిర్వహించిన ప్రాంగణ నియామకాల్లో విద్యార్థి ఈ ఆఫర్‌ను సాధించారు. ఈ ఏడాది చివరి దశ ప్లేస్‌మెంట్లలో ఇదే అత్యధిక ప్యాకేజీ. ఇందుకు సంబంధించిన వివరాలను ఐఐఎం-ఇందోర్ అధికారి పీటీఐతో పంచుకున్నారు. ఐఐఎం ఇందోర్‌లో నిర్వహించిన చివరి విడుత ప్లేస్‌మెంట్స్‌లో 150 కంపెనీలు 594 మంది విద్యార్థులకు ఆఫర్లు వచ్చాయి. ఈ ఇంటర్వ్యూల్లో రెండేళ్ల పీజీ ప్రోగ్రామ్, ఐదేళ్ల ఇంటిగ్రేటెడ్ ప్రోగ్రామ్ ఇన్ మేనేజ్‌మెంట్‌ (ఐపీఎం) విద్యార్థులు ఉద్యోగాలు పొందారు. ప్లేస్‌మెంట్‌ పొందిన విద్యార్థులకు లభించిన ఆఫర్ సగటున రూ.25.68 లక్షల వేతనం అని ఐఐటీ ఇండోర్ తెలిపింది. గరిష్ఠంగా ఓ విద్యార్థికి ఏకంగా ఏటా రూ.కోటి వార్షిక వేతనంతో ఆఫర్‌ వచ్చిందని చెప్పింది.  సేల్స్‌ అండ్‌ మార్కెటింగ్‌ విభాగంలో ఈ విద్యార్థికి ఉద్యోగం లభించినట్లు సంస్థ వర్గాలు తెలిపాయి.  ఇదీ చదవండి: హడలిపోతున్న తరుణంలో చల్లటి కబురు.. ఐటీ కంపెనీల ప్లాన్‌ ఇదే..! ప్రస్తుతం ఉద్యోగాల మార్కెట్లో సవాళ్లు ఎదురవుతున్నా ఐఐఎం ఇందోర్ తన పేరు నిలుపుకోవడంతోపాటు అతిపెద్ద కంపెనీలను ఆకర్షించగలిగింది. ఈ ఏడాది కొత్తగా 50కి పైగా కంపెనీలు తమ సంస్థలో ఇంటర్వ్యూలు నిర్వహించాయని ఐఐఎం ఇందోర్ డైరెక్టర్ హిమాంశురాయ్ తెలిపారు.

సాక్షి, హైదరాబాద్‌:  డిగ్రీ విద్యార్థులకు తిరిగి మంచి రోజులొస్తున్నాయి. బహుళజాతి కంపెనీలు కూడా డిగ్రీ కాలేజీల్లో క్యాంపస్‌ నియామకాలకు ఆసక్తి చూపుతున్నాయి. ఇంజనీరింగ్‌ కాలేజీల తరహాలోనే ఇక్కడా నిపుణులైన వారికి మంచి ఆఫర్లు ఇస్తున్నాయి. కేంద్ర విద్యాశాఖ, యూనివర్సిటీ గ్రాంట్‌ కమిషన్‌ (యూజీసీ) గత ఏడాది నిర్వహించిన అధ్యయనంలో ఈ విషయం తేటతెల్లమైంది. గత ఏడాది వివిధ కంపెనీల్లో ఉద్యోగాలు పొందిన వారిలో కంప్యూటర్‌ కాంబినేషన్‌ ఉన్న డిగ్రీ కోర్సులు చేసిన వారు 43శాతం ఉన్నట్టు గుర్తించారు. విప్రో, అమెజాన్, టీసీఎస్, యాక్సెంచర్‌ వంటి మల్టీ నేషనల్‌ కంపెనీల్లో గరిష్టంగా రూ.16 లక్షలు, కనిష్టంగా రూ.4 లక్షల వార్షిక వేతనంతో ఉద్యోగాలు లభించినట్టు తేలింది. తెలంగాణలోనూ 45వేల మంది బహుళజాతి సంస్థల్లో ఉద్యోగాలు పొందినట్టు విద్యాశాఖ చెబుతోంది. నిజానికి ఈ ట్రెండ్‌ ఐదేళ్ల క్రితమే మొదలైందని.. గత ఏడాది నుంచి ఊపు వచ్చిదని నిపుణులు చెప్తున్నారు. డిగ్రీ స్వరూప స్వభావం మారుతోందని, అందుకే ఇప్పుడు వీటిని నాన్‌–ఇంజనీరింగ్‌ కోర్సులుగా పిలుస్తున్నారని ఉన్నత విద్య వర్గాలు అంటున్నాయి.  టెక్నాలజీ ఆధారిత కోర్సులతో.. తెలంగాణవ్యాప్తంగా 4 లక్షల పైచిలుకు డిగ్రీ సీట్లున్నాయి. ఏటా 2.25 లక్షల సీట్ల వరకూ భర్తీ అవుతున్నాయి. ఇందులో చాలా మంది కంప్యూటర్‌ సాంకేతికత కోర్సులకే ఎక్కువ ప్రాధాన్యమిస్తున్నారు. సాధారణ కోర్సుతోపాటు ఏదైనా డిమాండ్‌ ఉన్న కాంబినేషన్‌ సబ్జెక్టులను ఎంచుకుంటున్నారు. అలాంటి విద్యార్థులకు బహుళజాతి కంపెనీలు ఉద్యోగ అవకాశాలు ఇస్తున్నాయి. ఈ క్రమంలో బీకాం కంప్యూటర్స్‌ చేసిన వారికి ఎక్కువ డిమాండ్‌ కనిపిస్తోంది. కోవిడ్‌ తర్వాత అన్ని విభాగాల్లో యాంత్రీకరణ ప్రభావం కనిపిస్తోంది. అన్ని కంపెనీలు ఆన్‌లైన్‌ మార్కెటింగ్‌ విధానాలను అభివృద్ధి చేసుకున్నాయి. డేటా ఎనాలసిస్, మార్కెటింగ్‌ ట్రెండ్స్, ఆడిట్‌ కోసం సాంకేతిక నిపుణులు అవసరం. బీకాం చేసినవారికి ఆడిట్‌ నైపుణ్యాలు, కంప్యూటర్‌ పరిజ్ఞానం ఉంటున్నాయి. పెద్ద ఆడిటర్ల కన్నా బీకాం పూర్తిచేసే ఆడిటర్లను అసిస్టెంట్లుగా కంపెనీలు నియమించుకుంటున్నాయి. మూడో వంతు మందికి.. తెలంగాణవ్యాప్తంగా గత ఏడాది 76వేల మంది కామర్స్‌ గ్రాడ్యుయేట్లు మార్కెట్లోకి వచ్చారు. వారిలో 24వేల మంది వరకు అసిస్టెంట్‌ ఆడిటర్లు, అనలిస్టులుగా బహుళజాతి కంపెనీల్లో ఉద్యోగాలు పొందారు. గత సంవత్సరం బీఏ నేపథ్యంతోపాటు కంప్యూటర్స్‌ ఆప్షన్‌తో ఉత్తీర్ణులైన విద్యార్థులు 18 వేల మంది మార్కెటింగ్‌ విభాగాల్లో ఉద్యోగాలు పొందినట్టు కేంద్ర విద్యాశాఖ గణాంకాలు చెప్తున్నాయి. ఇంజనీరింగ్‌ విద్యార్థులతో సమానంగా డిగ్రీ విద్యార్థులకు నైపుణ్యం ఉండటం, వారిని తక్కువ వేతనంతో తీసుకున్నా వీలైనంత త్వరగా శిక్షణ ఇచ్చి అనుకూలంగా మార్చుకోవచ్చని కంపెనీలు భావిస్తుండటమే దీనికి కారణం. విద్యార్థులు కూడా మొదట్లో తక్కువ వేతనాలకే చేరుతున్నా.. నైపుణ్యం పెరిగితే మంచి వేతనం వస్తుందని ఆశిస్తున్నారు.  రాజధానికే పరిమితం... ఇప్పటికీ నాణ్యమైన డిగ్రీ విద్య కేవలం హైదరాబాద్, పరిసర ప్రాంతాలకే పరిమితమైంది. మంచి వేతనంతో ఉద్యోగం పొందుతున్నవారిలో ఇక్కడి కాలేజీల్లో చదివినవారే ఎక్కువగా ఉంటున్నారు. ప్రభుత్వ, ప్రైవేటు రంగాల్లోని 83 కాలేజీల నుంచి డిగ్రీ విద్యార్థులు బహుళజాతి కంపెనీల్లో మంచి ఉద్యోగాలు పొందారు. గ్రామీణ ప్రాంతాలు, చిన్న పట్టణాల్లోని డిగ్రీ కాలేజీల్లో నాణ్యత పెరగడం లేదు. క్యాంపస్‌ సెలక్షన్‌కు వెళ్ల కంపెనీలు కూడా హైదరాబాద్‌ ప్రాంత డిగ్రీ కాలేజీలకే ప్రాధాన్యమిస్తున్నాయి. డిగ్రీలో విద్యార్థుల్లో 43శాతం హైదరాబాద్, పరిసరాల్లోకి కాలేజీల్లోనే చేరుతున్నారు. ఇక్కడ డిగ్రీ చేస్తూనే పార్ట్‌టైం జాబ్‌ చేసుకోవచ్చనే ఆలోచన, చదువుకునే సమయంలో ఇతర కోర్సులు చేయడానికీ హైదరాబాద్‌ అనుకూలంగా ఉంటుందనే ఉద్దేశమే దీనికి కారణం. విద్యార్థుల చేరిక ఎక్కువగా ఉండటంతో మార్కెట్లో డిమాండ్‌ ఉండే వివిధ కాంబినేషన్ల కోర్సులను హైదరాబాద్‌లోని డిగ్రీ కాలేజీలు ప్రవేశపెట్టగలుతున్నాయి. ఇలా డేటాసైన్స్, ఆనర్స్‌ వంటి కోర్సులు హైదరాబాద్‌ పరిధిలోనే విజయవంతంగా కొనసాగుతున్నట్టు ఉన్నత విద్యా మండలి వర్గాలు కూడా చెప్తున్నాయి. భవిష్యత్‌లో అన్ని జిల్లాల్లోని డిగ్రీ కాలేజీల్లోని కోర్సుల్లో మార్పులు చేయాల్సిన అవసరం ఉందని అంటున్నాయి.  నైపుణ్యమే డిగ్రీ విద్యార్థులకు నజరానా  డిగ్రీ విద్యార్థులను నియమించుకునేందుకు పెద్ద కంపెనీలు ఇష్టపడుతున్నాయి. వీరిలో ఇంజనీరింగ్‌ విద్యార్థులతో సమానమైన నైపుణ్యం ఉంటుందని భావిస్తున్నాయి. వారిని తేలికగా తమ కంపెనీ అవసరాలకు తగినట్టుగా మలుచుకోవచ్చనే అభిప్రాయం కూడా ఉంది. డిగ్రీలో వస్తున్న కాంబినేషన్‌ కోర్సుల వల్ల నైపుణ్యం పెరిగింది. తక్కువ వేతనాలతో ఉద్యోగులను తీసుకునే కంపెనీలు కూడా డిగ్రీ విద్యార్థులను ఇష్టపడుతున్నాయి. వారు అంత తేలికగా కంపెనీ మారరనే భావన ఉంది. ఇవన్నీ డిగ్రీ విద్యార్థులకు కలసి వచ్చే అంశాలే.    – బుర్రా వెంకటేశం, విద్యాశాఖ ముఖ్య కార్యదర్శి 

సాక్షి, హైదరాబాద్‌: డిగ్రీనా... అనే  చులకన భావం ఇక నుంచి ఉండదంతే. దేశవ్యాప్తంగా డిగ్రీ కోర్సులకు భవిష్యత్‌లో డిమాండ్‌ పెరగబోతోంది. ఇంతకాలం కొనసాగిన సంప్రదాయ కోర్సుల్లో అనేక మార్పులు తెస్తున్నారు. సాంకేతిక విద్యకు తీసిపోని రీతిలో సాన పడుతున్నారు. దేశ, విదేశాల్లో ఉపాధి అవకాశాలుండేలా తీర్చి దిద్దుతున్నారు.  అనేక కొత్త కోర్సుల మేళవింపు, కంప్యూటర్‌ అప్లికేషన్ల గుభాళింపు డిగ్రీ కోర్సుల తీరు తెన్నులనే మార్చబోతోంది.  హానర్స్‌ కోర్సులకు ప్రాధాన్యం  తెలంగాణ సహా దేశంలో అన్ని రాష్ట్రాలూ మూడేళ్ళ డిగ్రీ కోర్సుల స్థానంలో నాలుగేళ్ళ హానర్స్‌ కోర్సులకు ప్రాధాన్యమిస్తున్నాయి. ఇందుకు అవసరమైన మార్గదర్శకాలను యూనివర్శిటీ గ్రాంట్స్‌ కమిషన్‌ (యూజీసీ) రూపొందించింది. ఈ ఏడాది నుంచే తెలంగాణలో నాలుగేళ్ళ బీఎస్సీ (హానర్స్‌) కంప్యూటర్స్‌ను 50కి పైగా కాలేజీల్లో అందుబాటులోకి తెస్తున్నారు. ఆర్టిఫీషియల్‌ ఇంటెలిజెన్స్, సైబర్‌ సెక్యూరిటీ, బ్లాక్‌ చైన్‌ టెక్నాలజీ వంటి అతి ముఖ్యమైన అంశాలు హానర్స్‌లో చోటు చేసుకోబోతున్నాయి. నూతన జాతీయ విద్యావిధానం–2020కి అనుగుణంగా ఎగ్జిట్‌ ఆప్షన్‌ కూడా ఇచ్చారు. నాలుగేళ్ళు చదివితే హానర్స్‌ డిగ్రీ ఇస్తారు. మూడేళ్ళకే మానుకుంటే సాధారణ డిగ్రీ సర్టిఫికెట్‌ ఇస్తారు. దీంతో పాటు ఏ తరహా డిగ్రీ చేసినా, ఇష్టమైన ఓ సబ్జెక్టును చేసే సరికొత్త విధానం అందుబాటులోకి తెచ్చారు. అంటే బీఏ కోర్సు చేస్తున్న విద్యార్థి కూడా కంప్యూటర్‌ కోర్సుకు సంబంధించిన ఓ సబ్జెక్టు చేసే వీలుంది.   వాణిజ్య విప్లవంలో డిగ్రీకి ప్రాధాన్యత  గత దశాబ్ద కాలంగా ప్రపంచవ్యాప్తంగా ఈ–కామర్స్‌ రాజ్యమేలుతోంది. దీంతో కామర్స్‌ డిగ్రీ నేపథ్యం ఉన్న వారికి మంచి డిమాండ్‌ వచ్చింది. కంప్యూటర్స్‌ పరిజ్ఞానంతో కూడిన అనలిస్టులు,  అకౌంటెంట్లకు మంచి వేతనాలతో కూడిన ఉపాధి లభిస్తోంది. ఈ కారణంగా డిగ్రీ కోర్సుల్లో కామర్స్‌ను ఎంచుకునే వారి సంఖ్య 36 శాతం నుంచి 41 శాతానికి పెరిగింది. బ్యాచులర్‌ ఆఫ్‌ బిజినెస్‌ అడ్మినిస్ట్రేషన్‌ (బీబీఏ)లో చేరికలు కూడా ఆరేళ్ళల్లోనే ఏడు రెట్లు పెరిగాయి. బ్యాచులర్‌ ఆఫ్‌ కంప్యూటర్‌ అప్లికేషన్స్‌ (బీసీఏ)లో ప్రవేశాలు 9 రెట్లు పెరిగాయి. దీంతో బీకాం కోర్సులను అంతర్జాతీయ ప్రమాణాలకు అనుగుణంగా తీర్చిదిద్దుతున్నారు. బీకాం జనరల్‌తో పాటు, కంప్యూటర్స్, టాక్సేషన్, హానర్స్, బిజినెస్‌ అనలిటిక్స్‌ వంటి కొత్త స్పెషలైజేషన్‌ను తీసుకొచ్చారు. బీమా, స్టాక్‌ మార్కెట్లలో పెట్టుబడులు పెరగడం, జీఎస్‌టీ తీసుకురావడంతో టాక్స్‌ నిపుణుల అవసరం రెట్టింపయింది. బ్యాంకింగ్, ఫైనాన్స్, ఈ–కామర్స్, రిటైల్‌ సంస్థల పెరుగుదల కూడా కలిసివచ్చింది.   పెరుగుతున్న క్యాంపస్‌ రిక్రూట్‌మెంట్స్‌  కేవలం ఇంజనీరింగ్‌ కాలేజీలకు వెళ్ళే ఐటీ కంపెనీలు ఇప్పుడు నాణ్యమైన విద్యను అందించే డిగ్రీ కాలేజీల్లోనూ నియామకాలు చేపడుతున్నాయి. నాన్‌–ఇంజనీరింగ్‌గా పిలిచే డిగ్రీ విద్యార్థులను గత రెండేళ్ళుగా పెద్ద ఎత్తున తమ కంపెనీల్లో చేర్చుకుంటున్నాయి. రాష్ట్రంలో 110 వరకూ ప్రభుత్వ, ప్రైవేటు డిగ్రీ కాలేజీలున్నాయి. ఇందులో హైదరాబాద్‌లోనే దాదాపు 300 కాలేజీలున్నాయి. అధికారిక లెక్కల ప్రకారం దాదాపు వంద కాలేజీల్లో క్యాంపస్‌ రిక్రూట్‌మెంట్‌ చేపడుతున్నారు. ఫార్మా, బ్యాంకింగ్, రిటైల్, మార్కెటింగ్‌ కంపెనీలతో పాటు టీసీఎస్, కాగ్నిజెంట్, విప్రో, సీజీఎల్, ఇన్ఫోసిస్‌ వంటి కంపెనీలు క్యాంపస్‌ రిక్రూట్‌మెంట్‌ కోసం వస్తున్నాయి. ప్రతీ ఏటా ఈ కంపెనీలు 10 నుంచి 20 వేల మందికి ఉపాధి కల్పిస్తున్నాయి. రూ. 3 లక్షల నుంచి రూ. 6 లక్షల వరకూ వార్షిక వేతనం ఇస్తున్నాయి.  

సాక్షి, హైదరాబాద్‌: విదేశీ విశ్వవిద్యాలయాలకు భారత ప్రభుత్వం తలుపులు బార్లా తెరిచింది. తొలిసారిగా అవి భారత్‌లో సొంతంగా క్యాంపస్‌లు నెలకొల్పేందుకు, అడ్మిషన్ల విధానం, ఫీజుల విషయంలో సొంత నిర్ణయాలు తీసుకునేందుకు వెసులుబాటు కల్పించనుంది. నిధులను సొంత దేశాలకు బదిలీచేసేందుకు తదితర నిబంధనలకు సంబంధించిన ముసాయిదా ప్రతిని యూజీసీ విడుదలచేసింది. అయితే ఆ వర్సిటీలో భారతీయ క్యాంపస్‌లలో కోర్సులకు సంబంధించి ప్రత్యక్ష తరగతులను నిర్వహించాలి. ఆన్‌లైన్, దూర విద్యా కోర్సులకు అనుమతి ఇవ్వబోమని యూజీసీ చైర్‌పర్సన్‌ జగదీశ్‌ చెప్పారు. విదేశీ వర్సిటీలు, ఉన్నత విద్యా సంస్థ(హెచ్‌ఈఐ)లు ఇక్కడ క్యాంపస్‌ల ఏర్పాటు అనుమతులను యూజీసీ నుంచి తీసుకోవాలి. సంబంధిత వర్గాల నుంచి సలహాలు, సూచనలు స్వీకరించాక ఈ నెల చివరికల్లా తుది నిబంధనలను రూపొందిస్తారు. ముసాయిదా ప్రకారం విదేశీ వర్సిటీలు తమ కోర్సుల్లో విద్యార్థుల అడ్మిషన్లు, ఫీజులపై స్వీయనియంత్రణ కల్గిఉంటాయి.   నూతన జాతీయ విద్యా విధానానికి అనుగుణంగా.. ‘నూతన జాతీయ విద్యావిధానంలో పేర్కొన్నట్లు అంతర్జాతీయ విశ్వవిద్యాలయాల స్థాయి విద్యాబోధన భారతీయ విద్యార్థులకు అందుబాటులో ఉండాలి. విదేశీ వర్సిటీలతో అనువైన ఫీజుల్లోనే అంతర్జాతీయ విద్యార్హతలు మన విద్యార్థులకు దఖలుపడతాయి. వర్సిటీలు స్వదేశానికి పంపే నిధులకు ఫారెన్‌ ఎక్సే్ఛంజ్‌ మేనేజ్‌మెంట్‌(ఫెమా) చట్టం,1999 వర్తిస్తుంది. ఇవి తమ వార్షిక ఆడిట్‌ యూజీసీకి సమర్పిస్తారు’ అని జగదీశ్‌ అన్నారు.   ర్యాంక్‌లు పొందిన వాటికే.. అత్యున్నత ర్యాంక్‌ పొందిన వర్సిటీలకే భారత్‌లో క్యాంపస్‌ల ఏర్పాటుకు అవకాశమిస్తారు. అంటే ప్రపంచం మొత్తంలో 500 లోపు ర్యాంక్‌ లేదా సబ్జెక్ట్‌ వారీగా ర్యాంక్‌ లేదా స్వదేశంలో దిగ్గజ వర్సిటీలకే భారత్‌లో అవకాశం దక్కనుంది. తర్వాత వాటి దరఖాస్తుల పరిశీలనకు యూజీసీ స్థాయీ సంఘాన్ని ఏర్పాటుచేయనుంది. దేశంలో న్యాక్‌ గ్రేడ్‌ పొందిన దేశీ వర్శిటీల సమన్వయంతో ఈ వర్సిటీలు పనిచేసే వీలుంది. దరఖాస్తు చేసిన 45 రోజుల్లో అనుమతులు లభిస్తాయి. కమిషన్‌ సూచించిన సమయంలో క్యాంపస్‌ ఏర్పాటు చేయాల్సి ఉంటుంది. ఫీజులు తదితర వివరాలను ప్రవేశాలకు 60 రోజుల ముందే వెల్లడించాలి. సరైన సంస్కరణలతో దేశీయ వర్సిటీలను బలోపేతం చేయాల్సిందిపోయి విదేశీ వర్సిటీలు తేవడం ఏంటని కొందరు విద్యావేత్తలు పెదవివిరిచారు. ‘ప్రభుత్వ నూతన విద్యా విధానం ప్రకారం యూజీసీకే చరమగీతం పాడనున్నారు. అలాంటి యూజీసీ నేతృత్వంలో సంస్కరణలు తేవడం ఏంటి ?. గతంలో విదేశీ వర్సిటీల బిల్లును 2012–13 కాలంలో యూపీఏ సర్కార్‌ తెచ్చేందుకు సిద్ధమైంది. కానీ ఆనాడు దీనిని బీజేపీ, వామపక్ష పార్టీలు తీవ్రంగా వ్యతిరేకించాయి. రాజ్యసభ స్థాయీ సంఘం కూడా తప్పుబట్టింది. ఇప్పుడు అదే బీజేపీ ఇప్పుడు ఇలా విరుద్ధంగా వ్యవహరిస్తోంది’ అని విద్యావేత్త, ఢిల్లీ యూనివర్సిటీ మహిళా ప్రొఫెసర్‌ అభా దేవ్‌ అన్నారు.   

టెక్నికల్‌ విద్య, బోధన విషయంలో ఐఐటీలు, ఎన్‌ఐటీలు జాతీయ, అంతర్జాతీయ స్థాయి గుర్తింపు పొం​దాయి. వాస్తవ ధృక్పథంతో ఈ విద్యాసంస్థలు పాటించే ప్రమాణాలు, విద్యార్థులకు అందించే నైపుణ్యాలు, జాబ్‌ రెడీ స్కిల్స్‌ విద్యార్థుల కెరీర్‌కు సోపానాలుగా మారుతున్నాయి. క్యాంపస్‌ ప్లేస్‌మెంట్స్‌లో ఈ ఇన్‌స్టిట్యూట్‌ల విద్యార్థులు సంస్థలకు హాట్‌ ఫేవరెట్స్‌గా నిలుస్తున్నారు. భారీగా ప్యాకేజ్‌ ►    ఐఐటీలు, ఎన్‌ఐటీ క్యాంపస్‌ డ్రైవ్స్‌లో ఈ ఏడాది రూ.కోటికిపైగా వార్షిక ప్యాకేజ్‌తో ఆఫర్లు ఖరారు కావడం విశేషం. ముఖ్యంగా ఫస్ట్‌ జనరేషన్‌ ఇన్‌స్టిట్యూట్‌లుగా గుర్తింపు ΄పొందిన ఐఐటీ–ఖరగ్‌పూర్,ఢిల్లీ, ముంబై, కాన్పూర్, చెన్నై వంటి క్యాంపస్‌ల్లో ఈ పరిస్థితి స్పష్టంగా కనిపించింది. ►    ఐఐటీ ఖరగ్‌పూర్‌లో 2023 బ్యాచ్‌కు సంబంధించి ప్లేస్‌మెంట్‌ ప్రక్రియ తొలి దశలో అత్యధిక వార్షిక వేతనం రూ.2.68 కోట్లుగా  నమోదైంది. ఈ క్యాంపస్‌లో తొలి దశ డ్రైవ్స్‌లో 1600 మందికి ఆఫర్లు లభించాయి. రూ.50 లక్షలు కనిష్ట వార్షిక వేతనంగా నమోదైంది. 16 మందికి అంతర్జాతీయ ఆఫర్లు అందాయి.  ►     ఐఐటీ కాన్పూర్‌లో రూ.1.9 కోట్ల వార్షిక ప్యాకేజ్‌తో ఆఫర్‌ లభించింది. ఇలా మొత్తం 33 మంది విద్యార్థులకు రూ.కోటికి పైగా ΄్యాకేజ్‌ ఖరారైంది. మొత్తంగా చూస్తే 947మంది విద్యార్థులకు ఆఫర్లు ఖరారు కాగా, వాటిలో 74 ఇంటర్నేషనల్‌ ఆఫర్లు ఉండడం గమనార్హం.  ►     ఐఐటీ ఢిల్లీలో 1300కు పైగా ఆఫర్లు ఖరారవగా, 50 మంది విద్యార్థులకు రూ.కోటికి పైగా వార్షిక ΄్యాకేజ్‌ లభించింది. ఈ క్యాంపస్‌లో గరిష్ట వేతనం ఏకంగా రూ.నాలుగు కోట్లుగా నమోదవడం విశేషం. అదే విధంగా 30 మంది విద్యార్థులకు అంతర్జాతీయ ఆఫర్లు లభించాయి. గత ఏడాదితో ΄ోల్చితే ఈ ఏడాది ఆఫర్లలో 20 శాతం పెరుగుదల కనిపించింది.  ►     ఐఐటీ చెన్నైలో రిక్రూట్‌మెంట్‌ డ్రైవ్‌ తొలి రోజే 445 మంది విద్యార్థులకు ఆఫర్లు ఖరారవగా.. వారిలో 25 మందికి రూ.కోటికి పైగా వార్షిక వేతనం లభించింది. అంతేకాకుండా మొత్తం 15 మంది విద్యార్థులకు నాలుగు సంస్థల నుంచి ఇంటర్నేషనల్‌ ఆఫర్స్‌ దక్కినట్లు ఐఐటీ చెన్నై క్యాంపస్‌ ప్లేస్‌మెంట్‌ వర్గాలు తెలి΄ాయి. ►    ఐఐటీ–ముంబై క్యాంపస్‌ డ్రైవ్స్‌లో ఇప్పటి వరకు 1500 మందికి ఆఫర్లు ఖరారయ్యాయి. వీటిలో 71 ఇంటర్నేషనల్‌ ఆఫర్స్‌ ఉండగా.. 63 మంది వీటికి సమ్మతి తెలి΄ారు. అదే విధంగా 25 మంది విద్యార్థులకు రూ.కోటికి పైగా వార్షిక వేతనం ఖరారైంది. ఈ క్యాంపస్‌ తొలి దశ డ్రైవ్స్‌ ముగిసే సమయానికి అత్యధిక వార్షిక వేతనం రూ.4 కోట్లుగా నమోదైంది.  ►    ఐఐటీ–రూర్కీలో గరిష్ట వార్షిక వేతనం రూ.1.06 కోట్లుగా నమోదు కాగా, పది మంది విద్యార్థులకు రూ.80 లక్షలకు పైగా వేతనం లభించినట్లు రూర్కీ ప్లేస్‌మెంట్స్‌æ సెల్‌ వర్గాలు తెలి΄ాయి.  ►     ఐఐటీ హైదరాబాద్‌లో తొలి దశ ప్లేస్‌మెంట్స్‌లో 474 మంది విద్యార్థులకు 508 ఆఫర్లు లభించాయి. గరిష్ట వేతనం రూ.63.78 లక్షలుగా నమోదైంది. 54 ఇంటర్నేషనల్‌ ఆఫర్లు ఉన్నాయి. ఐఐటీ–హైదరాబాద్‌లో ఏఐ బ్రాంచ్‌ తొలి బ్యాచ్‌లో 82 శాతం మందికి ఆఫర్లు దక్కాయి. ఈ క్యాంపస్‌లో సగటు వార్షిక వేతనం రూ.19.49 లక్షలుగా నమోదైంది. ►     ఐఐటీ–గువహటిలో సైతం తొలి దశ క్యాంపస్‌ డ్రైవ్స్‌లో గరిష్టంగా రూ.2.46 కోట్లతో ఇంటర్నేషనల్‌ ఆఫర్, రూ.1.1 కోటితో డొమెస్టిక్‌ ఆఫర్‌ ఖరారైంది. ఎన్‌ఐటీలదీ అదే బాట ►     ఐఐటీల తర్వాత దేశంలో ప్రముఖ ఇంజనీరింగ్‌ ఇన్‌స్టిట్యూట్స్‌గా పేరొందిన నేషనల్‌ ఇన్‌స్టిట్యూట్‌ ఆఫ్‌ టెక్నాలజీ(నిట్‌) క్యాంపస్‌లలో సైతం ఈ ఏడాది భారీగా ఆఫర్స్‌ లభించాయి.  ►  తెలుగు రాష్ట్రాల్లోని ఎన్‌ఐటీ–వరంగల్‌లో రూ.88 లక్షల గరిష్ట వేతనంతో ఆఫర్‌ లభించింది. ఈ క్యాంపస్‌లో మొత్తం వేయి మంది విద్యార్థులకు ఆఫర్లు ఖరారు కాగా.. సగటు వార్షిక వేతనం రూ.19.9 లక్షలుగా నమోదైంది.  ►  ఎన్‌ఐటీ హమీర్‌పూర్‌లో గతేడాది కంటే 39 శాతం అధికంగా సగటు వార్షిక వేతనం లభించింది. సగటు వార్షిక వేతనం రూ.12.84 లక్షలుగా, గరిష్ట వార్షిక వేతనం రూ. 52 లక్షలుగా నిలిచింది.  ►     ఎన్‌ఐటీ జంషెడ్‌పూర్‌లో అయిదుగురు విద్యార్థులకు రూ.80 లక్షల వార్షిక వేతనంతో ఇంటర్నేషనల్‌ ఆఫర్స్‌ లభించాయి. ►  ఎన్‌ఐటీ కాలికట్‌లో సగటు వార్షిక వేతనం రూ.23 లక్షలుగా ఉంది. ►  ఎన్‌ఐటీ పాట్నా క్యాంపస్‌లోనూ గరిష్ట వేతనం రూ.52 లక్షలుగా, సగటు వేతనం రూ.16.51 లక్షలుగా నమోదైంది. ►  ఇతర ఎన్‌ఐటీల్లోనూ ఇదే తరహాలో గతేడాది కంటే పది నుంచి 20 శాతం అధికంగా ఆఫర్లు లభించడంతో΄పాటు, వేతనాల్లోనూ పది శాతానికిపైగా పెరుగుదల నమోదైంది. టాప్‌ రిక్రూటర్స్‌ వీరే ఐఐటీలు, ఎన్‌ఐటీల్లో టాప్‌ రిక్రూటింగ్‌ సంస్థలను పరిగణనలోకి తీసుకుంటే.. క్వాల్‌ కామ్, టెక్సాస్‌ ఇన్‌స్ట్రుమెంట్స్, గూగుల్, బార్‌క్లేస్, ఎస్‌ఏపీ ల్యాబ్స్, సిటీ బ్యాంక్, వెల్‌ ఫార్గో, మైక్రోసాఫ్ట్, బీసీజీ, బెయిన్‌ అండ్‌ కో సంస్థలు ఇంటర్నేషనల్‌ ఆఫర్స్‌ ఇవ్వడంలో ముందంజలో ఉన్నాయి. డొమెస్టిక్‌ ఆఫర్స్‌ పరంగా ఉబెర్, హనీవెల్, మైక్రాన్‌ టెక్నాలజీ, ఓఎన్‌జీసీ, ఫ్లిప్‌కార్ట్, బజాజ్‌ ఆటో, టాటా స్టీల్, ఎస్‌టీఎం మైక్రోఎలక్ట్రికల్స్‌ వంటి సంస్థలు ముందు వరుసలో ఉన్నాయి. డిమాండింగ్‌ జాబ్‌ ప్రొఫైల్స్‌ కోర్‌ ఇంజనీరింగ్, సాఫ్ట్‌వేర్‌ డెవలపర్స్‌ అండ్‌ ్ర΄ోగ్రామర్స్, డేటా అనలిస్ట్స్, యుఎక్స్‌ డిజైనర్, ్ర΄÷డక్ట్‌ డిజైనర్, ఫుల్‌స్టాక్‌ ఇంజనీర్‌ జాబ్‌ ్ర΄÷ఫైల్స్‌లో అధిక సంఖ్యలో నియామకాలు జరిగాయి. డేటా అనలిస్ట్‌ జోరు ►     ఈసారి ఐఐటీ, ఎన్‌ఐటీల క్యాంపస్‌ ప్లేస్‌మెంట్స్‌లో డేటా అనలిస్ట్‌ ప్రొఫైల్‌ జోరు కొనసాగింది. ముఖ్యంగా కన్సల్టింగ్, ఫైనాన్షియల్‌ సెక్టార్‌లోని సంస్థలు ఈ నియామకాలు చేపట్టాయి. బీఎఫ్‌ఎస్‌ఐ, కన్సల్టింగ్‌ సంస్థలు క్లయింట్స్, వినియోగదారులను పెంచుకునే వ్యూహంతో అడుగులు వేస్తున్నాయి. దీంతో డేటా అనలిస్ట్‌ జాబ్స్‌కు డిమాండ్‌ కనిపించింది. ►  ఐటీ మొదలు ఆన్‌లైన్‌ టెక్నాలజీస్‌ ఆధారంగా సేవలందిస్తున్న అన్ని రంగాల్లోని సంస్థలు సాఫ్ట్‌వేర్స్‌ ్ర΄ోగ్రామింగ్, డిజైనింగ్‌కు ్ర΄ాధాన్యమిస్తుండడంతో.. కోడింగ్‌ విభాగంలో జాబ్‌  ప్రొఫైల్స్‌కు కూడా డిమాండ్‌ కనిపించింది. ఎస్‌పీఓల్లోనూ వృద్ధి ఐఐటీలు, ఎన్‌ఐటీల్లో ఈ ఏడాది సమ్మర్‌ ప్లేస్‌మెంట్‌ ఆఫర్స్‌లోనూ వృద్ధి కనిపించింది. దాదాపు అన్ని క్యాంపస్‌లలో నూటికి 80 శాతం మందికి సమ్మర్‌ ప్లేస్‌మెంట్‌ ఆఫర్స్‌ లభించాయి. గరిష్టంగా రెండు నెలల కాలానికి ఆయా సంస్థల్లో ఇంటర్న్‌షిప్‌ చేసేందుకు ఇచ్చే సమ్మర్‌ ప్లేస్‌మెంట్‌ ఆఫర్స్‌లో స్టయిఫండ్‌ మొత్తాలు కూడా ఆకర్షణీయంగా నమోదయ్యాయి. కనిష్టంగా రూ.50 లక్షలు, గరిష్టంగా రూ.80 లక్షలు, సగటున రూ.30 లక్షల స్టయిఫండ్‌తో పలు సంస్థలు విద్యార్థులకు ఇంటర్న్‌ ట్రైనీగా పని చేసేందుకు సమ్మర్‌ ప్లేస్‌మెంట్‌ ఆఫర్లు ఖరారు చేశాయి. రెండు, మూడు రౌండ్లలో ఎంపిక ఐఐటీలు, ఎన్‌ఐటీల్లో క్యాంపస్‌ డ్రైవ్స్‌లో పాల్గొన్న సంస్థలు రెండు, మూడు రౌండ్లలో ఎంపిక ప్రక్రియ నిర్వహించాయి. తొలుత రిటెన్‌ టెస్ట్, ఆ తర్వాత హెచ్‌ఆర్‌ రౌండ్, చివరగా టెక్నికల్‌ రౌండ్‌ ఇంటర్వ్యూలు చేపట్టి.. ప్రతిభ ఆధారంగా ఆఫర్లు ఖరారు చేశాయి.  కోడింగ్‌కే ప్రాధాన్యం సంస్థలు విద్యార్థుల్లోని కోడింగ్‌ నైపుణ్యాలపైనే ప్రధానంగా దృష్టి పెట్టాయి. కంపెనీలు రిటెన్‌ టెస్ట్‌లు, టెక్నికల్‌ రౌండ్స్‌లో కోడింగ్‌ సంబంధిత నైపుణ్యాలను ఎక్కువగా పరిశీలించినట్లు ఆయా క్యాంపస్‌ల ప్లేస్‌మెంట్‌ వర్గాలు పేర్కొన్నాయి. కోర్‌ ఇంజనీరింగ్, సర్క్యూట్‌ బ్రాంచ్‌లకు సంబంధించి ఆర్టిఫిషియల్‌ ఇంటెలిజెన్స్, మెషిన్‌ లెర్నింగ్‌పై విద్యార్థులకు ఉన్న నైపుణ్యాలను పరిగణనలోకి తీసుకున్నట్లు తెలి΄ారు. మార్చి నాటికి నూరుశాతం క్యాంపస్‌ డ్రైవ్స్‌ ప్రతి ఏటా డిసెంబర్‌లో ్ర΄ారంభమై.. మరుసటి ఏడాది మార్చి వరకు కొనసాగుతాయి. ప్రస్తుతం అన్ని క్యాంపస్‌లలో తొలి దశ ముగిసింది. ఇందులో దాదాపు 80 శాతం మందికి ఆఫర్లు లభించాయి. మార్చి నాటికి నూటికి నూరు శాతం మందికి ఆఫర్లు లభిస్తాయని ఐఐటీల క్యాంపస్‌ ప్లేస్‌మెంట్‌ వర్గాలు పేర్కొంటున్నాయి. స్వీయ అన్వేషణ దిశగా ఇప్పటికే పలు సంస్థలు లే అఫ్‌లు కొనసాగిస్తున్నప్పటికీ.. వాటి కార్యకలా΄ాల నిర్వహణకు మానవ వనరుల అవసరం ఏర్పడుతుందని నిపుణులు పేర్కొంటున్నారు. దీంతో ఫ్రెషర్స్‌ను నియమించుకుని తమ విధానాలు, సాంకేతికతలకు అనుగుణంగా శిక్షణ ఇచ్చే అవకాశముందంటున్నారు. టైర్‌–2 ఇన్‌స్టిట్యూట్స్‌కు చెందిన విద్యార్థులు మాత్రం ఉద్యోగ సాధనలో క్యాంపస్‌ డ్రైవ్స్‌పైనే ఆశలు పెట్టుకోకుండా.. స్వీయ అన్వేషణ దిశగానూ అడుగులు వేయాలని సూచిస్తున్నారు. సంస్థలు కోరుకుంటున్న కోడింగ్, ఆర్టిఫిషియల్‌ ఇంటెలిజెన్స్, ఐఓటీ వంటి నైపుణ్యాలకు మెరుగులు దిద్దుకుని.. జాబ్‌ మార్కెట్‌లో ΄ోటీకి సిద్ధంగా ఉండాలని సూచిస్తున్నారు. క్యాంపస్‌ ప్లేస్‌మెంట్స్‌.. ముఖ్యాంశాలు ►  ఐఐటీలు, నిట్‌ల్లో 2023 బ్యాచ్‌కు ముగిసిన తొలి దశ క్యాంపస్‌ డ్రైవ్స్‌. ►  ఐఐటీ–ఢిల్లీలో రూ.4 కోట్ల గరిష్ట వార్షిక వేతనంతో ఆఫర్‌. ప్రతి క్యాంపస్‌లోనూ గరిష్టంగా రూ.కోటికి పైగా వేతనం నమోదు. ►  సగటు వార్షిక వేతనం రూ.36 లక్షల నుంచి రూ.50 లక్షల వరకు నమోదు. ►  గత ఏడాదితో పోల్చితే ఈ ఏడాది 15 నుంచి 20 శాతం పెరుగుదల. ►  కోడింగ్, ఏఐ–ఎంఎల్, ఐఓటీ స్కిల్స్‌పై ప్రత్యేక దృష్టి పెడుతున్న సంస్థలు. 

తాడేపల్లిగూడెం(పశ్చిమగోదావరి జిల్లా): క్యాంపస్‌ ప్లేస్‌మెంట్లలో నిట్‌ 2018–22 బ్యాచ్‌ విద్యార్థుల్లో 97.19 శాతం మంది ఉద్యోగాలు సాధించారు. సీఎస్‌ఈ విద్యార్థిని సూరపరాజు సాయి కీర్తన అమెజాన్‌లో రూ. 47.3 లక్షల వేతనం పొందగా.. ఈఈఈ విద్యార్థిని ఊర్వశి డాంగ్‌ అమెజాన్‌లో రూ. 47.3 లక్షల వేతనం అందుకోనున్నారు. సీఎస్‌ఈ విద్యార్థి కేతన్‌ బన్సాల్‌ స్కైలార్క్‌ ల్యాబ్స్‌లో రూ. 37.8 లక్షల వేతనం, అదే గ్రూపునకు చెందిన గాదె అశ్రితరెడ్డి అమెజాన్‌లో రూ.37 లక్షల వేతనంతో ఉద్యోగం పొందారు.  ట్రైనింగ్‌ అండ్‌ ప్లేస్‌మెంట్‌ సెల్‌ ప్రత్యేక కృషితో మంచి వేతనాలతో ఉద్యోగాలు సాధించారు. దేశంలోని 31 నిట్‌లలో క్యాంపస్‌ ప్లేస్‌మెంట్‌ విషయంలో ఏపీ నిట్‌ సత్తా చాటింది. ఈ బ్యాచ్‌లో 511 మంది 262 కంపెనీలు జరిపిన ఇంటర్వ్యూలకు హాజరై ఉద్యోగాలు పొందారు. (క్లిక్ చేయండి: ఒకేసారి డబుల్‌ డిగ్రీలు.. యూజీసీ మార్గదర్శకాలు ఇవే..)

న్యూఢిల్లీ: ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ(ఐఐటీ), బాంబే హవా కొనసాగుతోంది. ఈ ఏడాది జేఈఈ అడ్వాన్స్‌డ్‌–2022లో టాప్‌–100 ర్యాంకర్లలో 93 మంది ఐఐటీ బాంబేను మొదటి ప్రాథామ్యంగా ఎంపిక చేసుకున్నారు. వీరిలో 69 మంది బాంబే ఐఐటీలో సీటు సాధించారు. ఇందులో 68 మంది మొదటి విడత కౌన్సిలింగ్‌లో కంప్యూటర్‌ సైన్స్‌ ఇంజినీరింగ్‌ కోర్సును ప్రథమ ప్రాథామ్యంగా ఎంపిక చేసుకోగా ఒక్కరు ఇంజినీరింగ్‌ ఫిజిక్స్‌ను తీసుకున్నారు. టాప్‌–100 ర్యాంకర్లలో 28 మంది ఐఐటీ ఢిల్లీలోనూ ముగ్గురు ఐఐటీ మద్రాస్‌లోనూ జాయినయ్యారు. జాయింట్‌ సీట్‌ ఎలొకేషన్‌ అథారిటీ ఈ వివరాలను అందించింది. గత ఏడాది జేఈఈ అడ్వాన్స్‌డ్‌ పరీక్షలో టాప్‌–100 ర్యాంకర్లలో 62 మంది, 2020లో 58 ఐఐటీ బాంబేలో ప్రవేశం పొందగా 2019లో టాప్‌–100 ర్యాంకర్లలో 62 మంది, 2018లో 59 మంది ఇక్కడే సీటు సాధించారు. టాప్‌–500 ర్యాంకర్లకూ బాంబే ఐఐటీనే మొదటి ప్రాథామ్యంగా ఉంది. టాప్‌–500 ర్యాంకర్లలో 173 మంది ఇక్కడ, 127 మంది ఢిల్లీ ఐఐటీలో స్థానం సంపాదించారు. టాప్‌–500 ర్యాంకర్లలో మద్రాస్, ఖరగ్‌పూర్, కాన్పూర్‌ ఐఐటీల్లో సీట్లు సాధించిన వారి సంఖ్య 50 మంది లోపే.

కాలేజ్‌లో సీటు, పరీక్షల్లో మంచి పర్సంటేజీలు తెచ్చుకున్నంత సులువు కాదు ఉద్యోగం సాధించడం. ఈ ఘట్టాన్ని సులభతరం చేయడానికి అనేక విద్యాసంస్థలు క్యాంపస్‌ ప్లేస్‌మెంట్‌లు నిర్వహిస్తుంటాయి. కానీ, నిరుద్యోగిత లెక్కలు మాత్రం ప్లేస్‌మెంట్‌ ప్రయత్నాలు సరిపోవడం లేదనే వాస్తవాన్ని ప్రతిబింబిస్తుంటాయి. ఈ గ్యాప్‌ను భర్తీ చేయడానికి ముందుకు వచ్చారు యోగి వేమన యూనివర్సిటీ వైస్‌చాన్స్‌లర్‌ సూర్య కళావతి. అమెరికన్‌ తెలుగు అసోసియేషన్, ఇండియా విభాగంతో కలిసి మెగా జాబ్‌మేళా నిర్వహించనున్నారు. ఈ సందర్భంగా ఆమె సాక్షితో మాట్లాడారు.   ‘‘మా యూనివర్సిటీ ఈ కార్యక్రమంలో భాగస్వామ్యం కావడం ఇదే మొదటిసారి. అమెరికన్‌ తెలుగు అసోసియేషన్‌ (ఏటీఏ), ఇండియా విభాగం గత కొన్ని నెలలుగా జాబ్‌మేళాలు నిర్వహిస్తోంది. ఈ సంగతి తెలిసిన తరవాత మా జిల్లా విద్యార్థులకు కూడా ఈ సదుపాయం అందుబాటులోకి రావాలనే ఉద్దేశంతో ఈ ప్రయత్నం చేస్తున్నాం. మే నెల రెండవ తేదీన మా యూనివర్సిటీ క్యాంపస్‌లో మెగా జాబ్‌ మేళా నిర్వహిస్తున్నాం. ఏటీఏ ఇండియా చాప్టర్‌ సమన్వయం కుదిర్చిన అనేక పెద్ద పెద్ద కంపెనీలు వస్తున్నాయి. ఈ జాబ్‌మేళా టార్గెట్‌ ఆరువేల ఉద్యోగాలు. టెన్త్‌ క్లాస్‌ నుంచి పీజీ వరకు అందరికీ ఇది అనువైన వేదిక. గార్మెంట్‌ మేకింగ్‌ యూనిట్‌ల నుంచి మొబైల్‌ ఫోన్‌ తయారీ కంపెనీలు, ఆటోమొబైల్‌ కంపెనీలు, ఎలక్ట్రికల్‌ అండ్‌ ఎలక్ట్రానిక్‌ కంపెనీలు, ఫార్మా కంపెనీలు కూడా వస్తున్నాయి. టెక్నికల్‌ – నాన్‌ టెక్నికల్, ఐటీ, బీపీవో వరకు అన్ని రకాల ఉద్యోగాలకు అవకాశం ఉంటుంది. మంచి సహకారం   మంచి పని కోసం మనం ఒక అడుగు ముందుకు వేస్తే... పదిమంది తలా ఒక చెయ్యి వేసి విజయవంతం చేస్తారని అంటారు. అదేవిధంగా మేము తలపెట్టిన ఈ కార్యక్రమానికి చాలామంది సహకారం అందిస్తున్నారు. ఆ రోజున వచ్చే వేలాదిమందికి ఆహారపానీయాలను సమకూర్చడానికి శ్రీ సంపద గ్రూప్‌ కంపెనీ, జీఎస్‌ఆర్‌ ఫౌండేషన్‌లు ముందుకు వచ్చాయి. ఏటీఏ చాలా శ్రద్ధగా మంచి కంపెనీలను అనుసంధానం చేసుకుంది. వాళ్లు ఉద్యోగులకు ఇన్సూరెన్స్, పీఎఫ్‌ వంటి సౌకర్యాలు కూడా కల్పిస్తున్నారు. వాళ్లిస్తున్న శాలరీ ప్యాకేజ్‌లు ఏడాదికి లక్షా పాతిక వేల నుంచి ఐదు లక్షల వరకు ఉన్నాయి. ఇది మా యూనివర్సిటీకి మాత్రమే కాదు, జిల్లాలో అందరికీ ఉపయోగపడుతుంది. ఇలాంటి కార్యక్రమాలు చిన్న పట్టణాల్లో చదివే వాళ్లకు పెద్ద భరోసా’’ అన్నారు సూర్య కళావతి. ప్రభుత్వం స్థాపించిన విద్యాసంస్థలు సామాజిక బాధ్యతను మరింతగా చేపట్టి ఇలాంటి కార్యక్రమాలకు వేదికలవుతుంటే యువతరం ఆలోచనలు కూడా ఆదర్శవంతంగా సాగుతాయి. మరోతరానికి స్నేహహస్తాలుగా మారుతాయి. వేలాది ఉద్యోగాలకు వేదిక! మా అమ్మది కడప జిల్లా బలపనూరు. నేను పుట్టింది అనంతపురం జిల్లా కదిరి. ఇంటర్‌ వరకు అక్కడే చదివాను. బీటెక్‌ కడపలోని కేఎస్‌ఆర్‌ఎమ్‌లో. ఎంటెక్‌ ఎస్‌వీయూ, పీహెచ్‌డీ జేఎన్‌టీయూ హైదరాబాద్, పోస్ట్‌ డాక్టరేట్‌ పిట్స్‌బెర్గ్‌లోని కార్నెగీ మెలన్‌ యూనివర్శిటీలో. నా ఉద్యోగ జీవితం కడపలో నేను చదువుకున్న కేఎస్‌ఆర్‌ఎమ్‌ కాలేజ్‌తోనే మొదలైంది. వీసీ బాధ్యతలు చేపట్టి రెండేళ్లు దాటింది. ఇప్పటివరకు మా యూనివర్సిటీ విద్యార్థుల కోసమే ఈ ప్లేస్‌ మెంట్‌ ప్రోగ్రామ్స్‌ నిర్వహించాం. ఇప్పుడు జిల్లా అంతటికీ ఉపయోగపడేలా ఈ కార్యక్రమాన్ని రూపొందించాం. ‘చదువుకున్నాను, కానీ ఇంకా ఉద్యోగం రాలేదు’ అని ఎవరూ ఆందోళన చెందకూడదనేది నా అభిలాష. అందుకే ఏటీఏ గురించి తెలిసిన వెంటనే ఈ కార్యక్రమాన్ని చేపట్టాం. – మునగాల సూర్యకళావతి, వైస్‌ చాన్స్‌లర్, యోగి వేమన యూనివర్సిటీ, కడప. అనూహ్యమైన స్పందన! అమెరికన్‌ తెలుగు అసోసియేషన్, ఇండియా విభాగం ఈ ఏడాది జాబ్‌మేళా కాన్సెప్ట్‌ తీసుకుంది. ఇప్పటివరకు కుప్పం, పుంగనూరు, తిరుపతి నగరాల్లో నిర్వహించాం. ఉద్యోగానికి ఎంపికైన వాళ్లు అదే రోజు అపాయింట్‌మెంట్‌ ఆర్డర్‌ అందుకున్నారు. రెండు తెలుగు రాష్ట్రాలతోపాటు, తమిళనాడు, కేరళ, కర్ణాటక, పాండిచ్చేరి, మహారాష్ట్ర, గోవా, ఢిల్లీ కేంద్రంగా ఉద్యోగాలుంటాయి. మా ప్రయత్నానికి మంచి స్పందన వస్తోంది. మా టీమ్‌లో ఉన్న కిరణ్‌ రాయల్‌ అయితే ఉద్యోగాల్లో ఉండే సవాళ్ల గురించి ఓరియెంటేషన్‌ ఇస్తుంటారు. ఈ సోషల్‌ కాజ్‌లో అందరం ఉత్సాహంగా పని చేస్తున్నాం. యోగి వేమన యూనివర్సిటీ మెగా జాబ్‌ మేళా తర్వాత శ్రీకృష్ణదేవరాయ యూనివర్సిటీ, పుట్టపర్తి, కదిరి, బెంగళూరు, హైదరాబాద్‌ నగరాల్లో కూడా జాబ్‌ మేళా నిర్వహించడానికి క్యాలెండర్‌ సిద్ధమవుతోంది.   – జి. సూర్యచంద్రారెడ్డి, కో ఆర్డినేటర్, అమెరికన్‌ తెలుగు అసోసియేషన్, ఇండియా విభాగం  – వాకా మంజులారెడ్డి

సాక్షి, హైదరాబాద్‌: మేనేజ్‌మెంట్‌ విద్యకు నగరంలో క్రమంగా క్రేజ్‌ పెరుగుతోంది. నగరంలో ఈ విద్యకు ప్రత్యేక ఆకర్షణగా నిలిచిన ఇండియన్‌ స్కూల్‌ ఆఫ్‌ బిజినెస్‌(ఐఎస్‌బీ)లో పోస్ట్‌ గ్రాడ్యుయేట్‌ ప్రోగ్రామ్‌ ఇన్‌ మేనేజ్‌మెంట్‌ కోర్సు ఉత్తీర్ణత సాధించిన విద్యార్థులకు అత్యధిక వేతనాలతో పలు బహుళజాతి కంపెనీల్లో కొలువులు దక్కినట్లు వర్సిటీ వర్గాలు తెలిపాయి. తాజాగా ఓ విద్యార్థికి రూ.34 లక్షల వార్షిక వేతనం దక్కినట్లు పేర్కొన్నాయి.  హైదరాబాద్‌ నగరంతోపాటు మొహాలీలో ఉన్న తమ విద్యాసంస్థకు ఈ ఏడాది సుమారు 270 కంపెనీలు ప్రాంగణ నియామకాలు చేపట్టేందుకు ముందుకొచ్చాయని తెలిపాయి. ఆయా కంపెనీలు 2,066  ఉద్యోగాలను ఆఫర్‌ చేసినట్లు పేర్కొన్నాయి. వీటిలో దేశ, విదేశాలకు చెందిన పలు కార్పొరేట్, బహుళజాతి కంపెనీలుండడం విశేషం. వర్చువల్‌ విధానంలో చేపట్టిన నియామకాల్లో పలువురు విద్యార్థినీ విద్యార్థులు అత్యధిక వేతనంతో కొలువులు సాధించినట్లు ప్రకటించాయి. గతేడాది సరాసరిన అత్యధికంగా లభించిన వేతన ప్యాకేజీ రూ.28.21 లక్షలు కాగా.. ఈసారి రూ.34 లక్షలకు పెరగడం విశేషం.  కొలువులు.. ప్యాకేజీల జాతర..  ► ఇండియన్‌ స్కూల్‌ ఆఫ్‌ బిజినెస్‌లో మేనేజ్‌మెంట్‌ విద్యలో పీజీ చేస్తున్న వారిలో 39 శాతం మంది మహిళలే ఉండడం విశేషం. అత్యధిక వేతనాలు దక్కించుకున్న వారిలోనూ 41 శాతం మంది అతివలే ఉన్నట్లు వర్సిటీ ప్రకటించింది. తమ సంస్థలో పోస్ట్‌ గ్రాడ్యుయేట్‌ ప్రోగ్రామ్‌ ఇన్‌ మేనేజ్‌మెంట్‌ విద్యనభ్యసిస్తున్న వారు సుమారు 929 మంది ఉన్నట్లు తెలిపింది. పలు రంగాల్లో అగ్రభాగాన ఉన్న కంపెనీలు తమ విద్యార్థులకు కొలువులు ఆఫర్‌ చేసినట్లు ప్రకటించింది. మేనేజ్‌మెంట్, సాంకేతికత, కన్సల్టింగ్‌ కంపెనీలు ఈ జాబితాలో ఉన్నాయి. ఐటీ,అనుబంధ రంగాలకు చెందిన కంపెనీలు సైతం 26 శాతం కొలువులను తమ విద్యార్థులకు ఆఫర్‌ చేసినట్లు ఐఎస్‌బీ ప్రకటించింది.   ► బ్యాంకింగ్, ఇతర ఆర్థిక సంస్థలు సుమారు 10 శాతం కొలువులిచ్చాయట. కార్పొరేట్‌ ఫైనాన్స్, ట్రెజరీ, ప్రైవేట్‌– బ్యాంకింగ్, ఇన్వెస్ట్‌మెంట్, మేనేజ్‌మెంట్, ఎఫ్‌ఎంసీజీ, రిటెయిల్, ఫార్మా, హెల్త్‌కేర్‌ రంగాల్లోనూ 5 శాతం చొప్పున తమ విద్యార్థులు జాబ్స్‌ దక్కించుకున్నట్లు వెల్లడించింది. ఈ– కామర్స్‌ రంగంలో 8 శాతం మంది జాబ్స్‌ లభించినట్లు తెలిపింది. (క్లిక్‌: ఐఐటీ హైదరాబాద్‌ అద్భుత ఆవిష్కరణ..)

క్యాంపస్‌ రిక్రూట్‌మెంట్‌లో ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ, హైదరాబాద్‌ జోరు కొనసాగుతోంది. డిసెంబరు 1 నుంచి ప్రారంభమైన క్యాంపస్‌ ప్లేస్‌మెంట్స్‌లో ఇక్కడి విద్యార్థులు అంతర్జాతీయ కంపెనీల నుంచి నియామక పత్రాలు అందుకున్నారు.  ఐఐటీ, హైదరాబాద్‌లో డిసెంబరు 1 నుంచి ఫేస్‌ 1 క్యాంపస్‌ రిక్రూట్‌మెంట్లు ప్రారంభమయ్యాయి. బిటెక్‌, ఎంటెక్‌లలో వివిధ విభాగాల నుంచి మొత్తం 668 మంది విద్యార్థులు ఈ రిక్రూట్‌మెంట్‌కి రెడీగా ఉన్నారు. ఇప్పటి వరకు 225 మందికి నియామక పతత్రాలు అందాయి. ఇప్పటి వరు జరిగిన నియామకాల్లో ఓ విద్యార్థికి అత్యధికంగా రూ.65.45 లక్షల వార్షిక వేతనం ఖరారు అయ్యింది. త​‍్వరలోనే రెండో ఫేస్‌ నియమకాలు కూడా చేపట్టబోతున్నారు. కోవిడ్‌ ఎఫెక్ట్‌ మధ్య గతేడాది ఫేజ్‌ 1, ఫేజ్‌ 2లకు కలిపి మొత్తం 195 కంపెనీలు క్యాంపస్‌ ప్లేస్‌మెంట్‌లో పాల్గొనగా ఈ సారి ఒక్క ఫేజ్‌ 1లోనే 210 కంపెనీలు ఆసక్తి చూపించాయి. ఐఐటీ, హైదరాబాద్‌ బ్రాండ్‌ ఇమేజ్‌ వల్ల చాలా కంపెనీలు క్యాంపస్‌ నియామకాలకు ఇక్కడికి వస్తున్నాయి. ఫేజ్‌ 1లో పాల్గొన్న సంస్థల్లో గూగుల్‌, మైక్రోసాఫ్ట్‌, ఒరాకిల్‌, గోల్డ్‌మాన్‌ శాక్స్‌, జేపీ మోర్గాన్‌, అమెజాన్‌, యాక్సెంచర్‌, ఇండీడ్‌, ఆప్టమ్‌, ఫ్లిప్‌కార్ట్‌, జాగ్వర్‌లతో పాటు అనేక ఐటీ కంపెనీలు ఉన్నాయి. 

సాక్షి, తాడేపల్లిగూడెం: నిట్‌ విద్యార్థులు జాక్‌పాట్‌ కొట్టారు. మల్టీ నేషనల్‌ కంపెనీల్లో లక్షల్లో వేతనాలతో లక్కీచాన్స్‌ కొట్టేశారు. ఇంకా నిట్‌ గేటు దాటకుండానే ఆఫర్లు లెటర్లు అరచేతిలోకి వస్తున్నాయి. మల్టీ నేషనల్‌ కంపెనీలు(ఎంఎన్‌సీ) ఏపీ నిట్‌లో క్యాంపస్‌ ఇంటర్వ్యూలు నిర్వహించడానికి క్యూ కడుతున్నాయి. 2018–22 బ్యాచ్‌లో అప్పుడే 170 మందికి ఆఫర్‌ లెటర్లు వచ్చాయి. ఏడాది వేతనం కనిష్టగా 7.8 లక్షలు కాగా.. గరిష్టంగా రూ.26 లక్షలు పొందారు. 2017–21 బ్యాచ్‌కు చెందిన ముగ్గురు అమెజాన్‌ కంపెనీలో ఏడాదికి రూ. 32 లక్షల ప్యాకేజీతో అదుర్స్‌ అనిపించారు. దీంతో ఆరేళ్ల క్రితం నిట్‌ ఏర్పాటైప్పుడు ఎంఎన్‌సీలకు నిట్‌పై ఉన్న అనుమానాలు పటాపంచలయ్యాయి. కొత్త నిట్‌లో ల్యాబ్‌లు సరిగా ఉండవు, విద్యా బోధన ఎలా ఉంటుందో అన్న అనుమానంతో క్యాంపస్‌ ఇంటర్వూ్యలపై వెనకడుగు వేశారు. అయితే ఏపి నిట్‌ విద్యార్థులు తమ టాలెంట్‌తో ఆ సందిగ్ధతకు చెక్‌ పెట్టారు.  80 శాతానికి పైగా విద్యార్థులకు ఆఫర్‌ లెటర్లు  ఏడాది వేతనంగా కనీసం రూ.3.5 లక్షలు, గరిష్టంగా రూ.6 లక్షల ప్యాకేజ్‌ పొందడమంటే జాక్‌పాట్‌గా విద్యార్థులు భావించేవారు. ఇప్పుడు భారీ వేతనాల తో ఆఫర్లు రావడంతో నిట్‌లో చదివేందుకు క్రేజ్‌ పెరగుతోంది. నిట్‌లో ప్లేస్‌మెంటు, ట్రైనింగ్‌ సెల్‌ శిక్షణ ఫలవంతమైంది. నిట్‌ డైరెక్టర్‌ అండ్‌ టీమ్‌ కృషి ఫలి తాలనిస్తుంది. బయటకు వచ్చే బ్యాచ్‌ల్లోని విద్యార్థుల్లో అర్హత సాధించిన వారిలో దాదాపు 80 శాతానికి పైగా విద్యార్థులకు ఆఫర్‌ లెటర్లు వస్తున్నాయి. వేతనాలు కూడా ఊహించని రీతిలో ఉన్నాయి. నిట్‌ నుంచి ఇంతవరకూ మూడు బ్యాచ్‌ల విద్యార్థులు బయటకు వచ్చారు. వారిలో 895 మందికి ఉద్యోగాలు వచ్చాయి. 2015–21 విద్యా సంవత్సరం వరకు మూడు బ్యాచ్‌లు బయటకు వచ్చాయి.  చదవండి: (Rakesh Jhunjhunwala: ఇక ‘ఆకాశ’మే హద్దుగా..) క్యూ కడుతున్న కంపెనీలు   తాడేపల్లిగూడెం నిట్‌లో క్యాంపస్‌ ఇంటర్వూ్యలు నిర్వహించేందుకు ఎంఎన్‌సీ కంపెనీలు క్యూ కడుతున్నాయి. ఇన్ఫోసిస్, అడట్రాన్, ఫానాటిక్స్, ఫ్యాక్ట్‌సెట్, టీసీఎస్, ఎల్‌అండ్‌టీ, మోడక్‌ ఎనలిటిక్స్, ఇన్ఫో ఎడ్జ్, కిక్‌ డ్రమ్, కాగ్నిజెంట్‌ వంటి మల్టీ నేషనల్‌ కంపెనీలు క్యాంపస్‌ ఇంటర్వూ్యలు నిర్వహిస్తున్నాయి.    ►2015–19 బ్యాచ్‌లో ఉద్యోగాలు పొందినవారు –282  ►2016–20 బ్యాచ్‌లో ఉద్యోగాలు పొందినవారు –303  ►2017–21– బ్యాచ్‌లో ఉద్యోగాలు పొందినవారు –310   ►2018–22 బ్యాచ్‌లో 170 మందికి ఇంతవరకూ ఆఫర్‌ లెటర్లు వచ్చాయి.  

వరంగల్‌ : నగరంలోని న్యూసైన్స్‌ కాలేజీలో 2021 అక్టోబరు 1న మెగా క్యాంపస్‌ సెలక‌్షన్స్‌ జరగనున్నాయని కాలేజీ డైరెక్టర్లు కే రవీందర్‌రెడ్డి, జే శ్రీధర్‌రావులు తెలిపారు. ఈ క్యాంపస్‌ సెలక‌్షన్స్‌లో టెక్‌ మహీంద్రా, ఎయిర్‌టెల్‌, పేటీఎం, శామ్‌సంగ్‌, హెచ్‌డీఎఫ్‌సీ, ఐసీఐసీఐ తదితర 25 ప్రముఖ సంస్థలు పాల్గొంటున్నట్టు తెలిపారు. తెలంగాణ వ్యాప్తంగా డిగ్రీ ఫైనలియర్‌ పాసై విద్యార్థులు ఈ క్యాంపస్‌ సెలక‌్షన్స్‌లో పాల్గొనవచ్చని తెలిపారు. అయితే విద్యార్థులు వయస్సు 28 ఏళ్లు మించరాదని పేర్కొన్నారు. విద్యార్థులు ఈ అవకాశం ఉపయోగించుకోవాలని కోరారు.   

క్యాంపస్‌ ప్లేస్‌మెంట్లకు అడ్డా అయిన హైదరాబాద్‌ సెంట్రల్‌ యూనివర్సిటీపై కోవిడ్‌ ఎఫెక్ట్‌ పడింది. ఒకప్పుడు రికార్డు స్థాయిలో వార్షిక వేతనాలు దక్కించుకున్న విద్యార్థులకు నేడు గడ్డు పరిస్థితులు ఎదురవుతున్నాయి.    క్యాంపస్‌ ప్లేస్‌మెంట్స్‌ దేశంలో నైపుణ్యం, ప్రతిభ కలిగిన విద్యార్థులందరూ వచ్చి చేరే క్యాంపస్‌లలో హైదరాబాద్‌ సెంట్రల్‌ యూనివర్సిటీ ఒకటి. ప్రపంచ స్థాయి కంపెనీలు తమ ఉద్యోగుల కోసం ఇక్కడికి వస్తుంటాయి. విద్యార్థులు ఫైనల్‌ ఇయర్‌లో ఉండగానే లక్షల జీతాలు చెల్లించి తమ సంస్థలో చేర్చుకుంటామంటూ ఆఫర్‌ లెటర్లు ఇస్తుంటాయి. కానీ ఇప్పుడు పరిస్థితి తిరగబడింది.  ఈ ఏడాది ఇదే అధికం ఈ ఏడాది క్యాంపస్‌ ప్లేస్‌మెంట్స్‌లో హైదరాబాద్‌ సెంట్రల్‌ యూనివర్సిటీ నుంచి  ఎంటెక్‌​ విద్యార్థి సోమ్‌నాథ్‌పాల్‌ అత్యధిక వార్షిక వేతనం దక్కించుకున్న విద్యార్థిగా నిలిచారు, ఒక మల్టీ నేషనల్‌ కంపెనీ రూ. 17 లక్షల వార్షిక వేతనం చెల్లించే ఒప్పందం మీద సోమ్‌నాథ్‌కి అవకాశం పొందారు. అంతకు ముందు ఏడాది అత్యధిక వార్షిక వేతనం రూ. 43 లక్షలు ఉండగా కోవిడ్‌కి ముందు ఏడాది ఈ మొత్తం రూ. 45 లక్షలుగా నమోదు అయ్యింది. రూ. 20 లక్షల తేడా కోవిడ్‌ కారణంగా కంపెనీలు ఎక్కువ వేతనం చెల్లించేందుకు సిద్ధంగా లేవు. దీంతో ఏడాది వ్యవధిలోనే ప్రతిష్టాత్మక హైదరాబాద్‌ సెంట్రల్‌ యూనివర్సిటీ వంటి చోట అత్యధిక వార్షిక వేతనాల్లో ఏకంగా 20 లక్షల వరకు తగ్గిపోయింది. ఇక  హైదరాబాద్‌ సెంట్రల్‌ యూనివర్సిటీ క్యాంపస్‌ ప్లేస్‌మెంట్‌ సగటు వేతనం రూ. 8 నుంచి 10 లక్షల మధ్య ఉంటుండగా ఇప్పుడు అది రూ. 5 లక్షల నుంచి రూ. 6 లక్షలకు పడిపోయిందని వర్సిటీ ట్రైనింగ్‌ అండ్‌ ప్లేస్‌మెంట్‌ ఆఫీసర్‌ ప్రేరణ తెలిపారు.  ఈ కోర్సులకే ప్రాముఖ్యత క్యాంపస్‌ ప్లేస్‌మెంట్స్‌ కోసం వస్తున్న కంపెనీలు ఎక్కువగా డేటా ఎనలటిక్స్‌, బిజినెస్‌ ఎనలటిక్స్‌, మెషిన్‌ లెర్నింగ్‌, ఆర్టిఫిషీయల్‌ ఇంటెలిజెన్స్‌ తదితర రంగాల్లో ఎక్కువ ఉద్యోగాలు పొందారు.  చదవండి : రైతులకు వరం.. ఐఐటీ హైదరాబాద్‌ సరికొత్త ఆవిష్కరణ!

ముంబై:  దేశీ ఐటీ దిగ్గజం టీసీఎస్‌ ఈ ఆర్థిక సంవత్సరంలో భారీ స్థాయిలో క్యాంపస్‌ రిక్రూట్‌మెంట్‌ చేపట్టనుంది. సుమారు 40 వేల మంది పైచిలుకు ఫ్రెషర్స్‌ను తీసుకోనుంది. కంపెనీ గ్లోబల్‌ హ్యూమన్‌ రిసోర్సెస్‌ విభాగం చీఫ్‌ మిలింద్‌ లక్కడ్‌ శుక్రవారం ఈ విషయాలు తెలిపారు. కరోనా వైరస్‌ వ్యాప్తి కట్టడిపరమైన ఆంక్షల కారణంగా హైరింగ్‌లో ఎలాంటి సమస్యలూ ఉండవని, గతేడాది 3.60 లక్షల మంది ఫ్రెషర్లు వర్చువల్‌గా ఎంట్రన్స్‌ టెస్టులో పాల్గొన్నారని ఆయన వివరించారు. ‘దేశీయంగా క్యాంపస్‌ల నుంచి గతేడాది 40,000 మందిని రిక్రూట్‌ చేసుకున్నాం. ఈసారి కూడా అదే స్థాయిలో లేదా అంతకు మించి నియామకాలు చేపడతాం‘ అని మిలింద్‌ వివరించారు. క్యాంపస్‌ రిక్రూట్‌మెంట్‌తో పాటు ఇతరత్రా నియామకాలు కూడా భారీగానే ఉండనున్నట్లు ఆయన పేర్కొన్నారు. క్యాంపస్‌ రిక్రూట్‌మెంట్‌ అనేది అప్పటికప్పుడు చేపట్టేది కాదని, దీని వెనుక చాన్నాళ్ల ప్రణాళిక ఉంటుందన్నారు. ప్రస్తుతం అట్రిషన్‌ రేటు (ఉద్యోగుల వలసలు) అత్యంత కనిష్టంగా 8 శాతంగా ఉన్నప్పటికీ.. పరిస్థితులు చక్కబడిన తర్వాత ఇది మళ్లీ సాధారణ స్థాయి అయిన 11–12 శాతానికి పెరిగే అవకాశం ఉందని మిలింద్‌ చెప్పారు. అయితే, అట్రిషన్‌ పెరిగినా కూడా విధులు, మార్జిన్లపై ప్రతికూల ప్రభావం పడని విధంగా సంస్థ నిర్వహణ విధానం ఉంటుందన్నారు. టీసీఎస్‌లో ప్రస్తుతం 5 లక్షల మంది పైగా ఉద్యోగులు ఉన్నారు. ప్రస్తుత ఆర్థిక సంవత్సరం తొలి త్రైమాసిక ఫలితాలను టీసీఎస్‌ గురువారం ప్రకటించిన సంగతి తెలిసిందే.   

అమరావతి : ఏపీలో జరిగిన క్యాంపస్‌ ప్లేస్‌మెంట్‌లో రికార్డు స్థాయిలో వేతనం పొందారు ఎస్‌ఆర్‌ఎం కాలేజీ విద్యార్థులు. ఎస్‌ఆర్‌ఎం కాలేజీకి చెందిన కవల సోదరులు సప్తర్షి మంజుదార్‌, రాజర్షి మజుందార్‌లను గూగూల్‌ జపాన్‌ సంస్థ ఎంపిక చేసుకుంది. ఇద్దరికి చెరో రూ. 50 లక్షల వంతున వార్షిక వేతనం ఇచ్చేందుకు అంగీకరించింది. రాష్ట్ర విభజన తర్వాత ఏపీలో గడ్డ నిర్వహించిన క్యాంపస్‌ ప్లేస్‌మెంట్స్‌లో ఇదే అత్యధికం. అంతేకాదు ఒకేసారి ఇద్దరు కవలలు సమాన వేతనం పొందడం కూడా ఇదే మొదటిసారి.  రూ. 50 లక్షల వేతనం ఇటీవల ఏపీ రాజధాని అమరావతిలో ఉన్న ఎస్‌ఆర్‌ఎం-ఏపీ కాలేజీ క్యాంపస్‌లో తొలి బ్యాచ్‌ బయటకు వస్తోంది. దీంతో కాలేజీలో క్యాంపస్‌ రిక్రూట్‌మెంట్‌ నిర్వహించారు.  క్యాంపస్‌ ప్లేస్‌మెంట్‌లో విద్యార్థులు పొందిన వేతనం సగటు రూ. 7 లక్షలుగా నమోదు అయ్యింది. కాగా మంజుదార్‌ కవల సోదరులు వేర్వేరుగా రూ. 50 లక్షల వార్షిక వేతనం పొందారు. దీంతో ఇటీవల కాలేజీ యాజమాన్యం సత్కరించి రూ. 2 లక్షల రివార్డు అందించింది. ఊహించలేదు - సప్తర్షి మంజుదార్‌  ‘ఈ స్థాయిలో వేతనం పొందుతామని మేము ఎ‍ప్పుడు అనుకోలేదు. స్కూలింగ్‌ నుంచి కాలేజీ వరకు కలిసే చదువుకున్నాం. ఒకే సంస్థలో ప్లేస్‌మెంట్‌ పొందాలని అనుకునే వాళ్లం. ఆ కల ఇంత గొప్పగా నెరవేరుతుందని అనుకోలేదు’ అని సప్తర్షి మంజుదార్‌ అన్నారు.  చదవండి : యూకే పోటీలో రూ. 4.9 కోట్లు గెలిచిన హైదరాబాదీ

న్యూఢిల్లీ: ఐటీ సేవల దేశీ దిగ్గజం ఇన్ఫోసిస్‌ టెక్నాలజీస్‌ గతేడాది చివరి త్రైమాసికంలో ఆకర్షణీయ ఫలితాలు సాధించింది. కన్సాలిడేటెడ్‌ ప్రాతిపదికన క్యూ4(జనవరి–మార్చి)లో నికర లాభం 17.5 శాతం పెరిగి రూ. 5,076 కోట్లను తాకింది. అంతక్రితం ఏడాది క్యూ4లో రూ. 4,321 కోట్లు ఆర్జించింది. మొత్తం ఆదాయం సైతం 13 శాతంపైగా ఎగసి రూ. 26,311 కోట్లకు చేరింది. గత క్యూ4లో రూ. 23,267 కోట్ల టర్నోవర్‌ సాధించింది. డాలర్ల రూపేణా ఆదాయం 13 శాతం వృద్ధితో 361.3 కోట్ల డాలర్లుగా నమోదైంది. వాటాదారులకు షేరుకి రూ. 15 చొప్పున తుది డివిడెండ్‌ను ప్రకటించింది. మార్చితో ముగిసిన పూర్తి ఏడాది(2020–21)లో ఇన్ఫోసిస్‌ నికర లాభం 16.6 శాతం పురోగమించి రూ. 19,351 కోట్లకు చేరింది. ఇక మొత్తం ఆదాయం దాదాపు 11 శాతం పుంజుకుని రూ. 1,00,472 కోట్లను తాకింది. కాగా.. ఇప్పటికే చెల్లించిన రూ. 12తో కలిపి గతేడాదికి 54 శాతం అధికంగా రూ. 27 డివిడెండ్‌ను చెల్లించినట్లయ్యింది.    బైబ్యాక్‌కు రెడీ సొంత ఈక్విటీ షేర్ల కొనుగోలుకి ఇన్ఫోసిస్‌ బోర్డు గ్రీన్‌సిగ్నల్‌ ఇచ్చింది. ఒక్కో షేరుకీ రూ. 1,750 ధర మించకుండా 5.25 కోట్లకుపైగా షేర్లను బైబ్యాక్‌ చేయనున్నట్లు వెల్లడించింది. 1.23 శాతం వాటాకు సమానమైన వీటి కొనుగోలుకి రూ. 9,200 కోట్ల వరకూ వెచ్చించనుంది. ఫలితాలపై అంచనాల నేపథ్యంలో మంగళవారం ఇన్ఫోసిస్‌ షేరు ఎన్‌ఎస్‌ఈలో 1.6% క్షీణించి రూ. 1,403 వద్ద ముగిసింది. ఈ ధరతో పోలిస్తే బైబ్యాక్‌కు 25 శాతం ప్రీమియంను ప్రకటించడం గమనార్హం! ఇన్ఫీ అంతక్రితం 2019 ఆగస్ట్‌లో 11.05 కోట్ల ఈక్విటీ షేర్లను బైబ్యాక్‌ చేసింది. ఇందుకు రూ. 8,260 కోట్లు వెచ్చించింది. 2017 డిసెంబర్‌లో తొలిసారి షేరుకి రూ. 1,150 ధరలో బైబ్యాక్‌ను చేపట్టింది. తద్వారా 11.3 కోట్ల షేర్లను తిరిగి కొనుగోలు చేసింది.    గైడెన్స్‌ భేష్‌..: ప్రస్తుత ఆర్థిక సంవత్సరం(2021–22)లో ఆదాయం 12–14 శాతం స్థాయిలో బలపడే వీలున్నట్లు ఇన్ఫోసిస్‌ తాజాగా అంచనా వేసింది. ఇది స్థిర కరెన్సీ ప్రాతిపదికన ఇచ్చిన గైడెన్స్‌కాగా.. డివిడెండ్‌(రూ. 6,400 కోట్లు), బైబ్యాక్‌తో కలిపి వాటాదారులకు రూ. 15,600 కోట్లను తిరిగి చెల్లించనున్నట్లు తెలియజేసింది. తద్వారా వాటాదారులకు క్యాష్‌ఫ్లోలలో 85 శాతం వరకూ చెల్లించే విధానాలను పాటిస్తున్నట్లు కంపెనీ సీఎఫ్‌వో నీలాంజన్‌ రాయ్‌ వివరించారు. ఆర్డర్‌ బుక్‌ రికార్డు 2020–21లో భారీ డీల్స్‌ ఆర్డర్ల విలువ 57 శాతం జంప్‌చేసి 14.1 బిలియన్‌ డాలర్లను తాకినట్లు ఇన్ఫోసిస్‌ వెల్లడించింది. ఇది కంపెనీ చరిత్రలోనే అత్యధికంకాగా.. వీటిలో 66 శాతం డీల్స్‌ను కొత్తగా కుదుర్చుకున్నట్లు తెలియజేసింది. డిసెంబర్‌లో కొత్త రికార్డును నెలకొల్పుతూ దైమ్లర్‌ ఏజీ నుంచి 3.2 బిలియన్‌ డాలర్ల(అంచనా) ఆర్డర్‌ను పొందింది. గతేడాది ఆగస్ట్‌లో వ్యాన్‌గార్డ్‌ నుంచి సంపాదించిన 1.5 బిలియన్‌ డాలర్ల కాంట్రాక్టుతో పోలిస్తే ఇది రెట్టింపు విలువకావడం విశేషం! క్యూ4లో సైతం 2.1 బిలియన్‌ డాలర్ల కాంట్రాక్టులు కుదుర్చుకుంది. 25,000 మంది ఫ్రెషర్స్‌కు చాన్స్‌ గతేడాదిలో 36,500 మందిని  ఇన్ఫోసిస్‌ కొత్తగా నియమించు కుంది. వీరిలో క్యాంపస్‌ నియామకాల ద్వారా 21,000 మందికి ఉపాధి కల్పించినట్లు సీవోవో యూబీ ప్రవీణ్‌ రావు పేర్కొన్నారు. ఈ బాటలో ప్రస్తుత ఆర్థిక సంవత్సరంలో 25,000 మంది ఫ్రెషర్స్‌ను ఎంపిక చేసుకోనున్నట్లు తెలియజేశారు. వీరిలో 1,000 మందిని విదేశీ క్యాంపస్‌ల ద్వారా నియమించుకోనున్నట్లు వివరించారు. క్యూ3లో 10.1 శాతంగా నమోదైన ఉద్యోగ వలస రేటు క్యూ4లో  15.2 శాతానికి ఎగసింది. మార్చికల్లా కంపెనీ మొత్తం సిబ్బంది సంఖ్య 2,59,619కు చేరింది.   రూ. లక్ష కోట్లకు.. గతేడాది ఆదాయంలో రూ. లక్ష కోట్ల మైలురాయిని అధిగమించాం. క్లయింట్లకు అధిక ప్రాధాన్యతనిస్తున్నాం. కోబాల్ట్‌ టీఎం తదితర నైపుణ్యాల ద్వారా డిజిటల్‌ పోర్ట్‌ఫోలియోను పెంచుకుంటున్నాం. ఉద్యోగులకు అధికారాలు ఇవ్వడం ద్వారా గ్లోబల్‌ స్థాయిలో క్లయింట్లను ఆకట్టుకుంటున్నాం. భాగస్వామి ఎంపికలో క్లయింట్ల నుంచి ప్రాధాన్యతను సాధిస్తున్నాం. – ఇన్ఫోసిస్‌ సీఈవో, ఎండీ సలీల్‌ పరేఖ్‌

ఈ–కామర్స్, స్టార్టప్స్‌.. గత కొంత కాలంగా నియామకాల్లో ముందంజలో నిలుస్తున్న రంగాలు. ముఖ్యంగా ఐఐఎంల్లో ఈ ఏడాది క్యాంపస్‌ రిక్రూట్‌మెంట్‌ డ్రైవ్స్‌లో ఇది మరింతగా స్పష్టమైంది. ఐఐఎంల్లో 2021లో పీజీపీఎం కోర్సులు పూర్తి చేసుకుంటున్న విద్యార్థులకు ఇటీవల క్యాంపస్‌ ప్లేస్‌మెంట్స్‌ ముగిశాయి. వీరికి ఈ–కామర్స్‌ కంపెనీలు, స్టార్టప్‌ సంస్థలు భారీ సంఖ్యలో ఆఫర్లు ఇచ్చాయి. కోవిడ్‌ కారణంగా గత ఏడాది ఈ రంగాల్లోని సంస్థల ఆఫర్లు తగ్గాయి. ఈ సంవత్సరం మాత్రం మార్కెట్లు పుంజుకోవడంతో ఈ–కామర్స్, స్టార్టప్‌ ఆఫర్లలో గణనీయమైన పెరుగుదల కనిపించింది.  అన్ని ఐఐఎంల్లోనూ అదే ట్రెండ్‌ ► తొలి తరం ఐఐఎంలు మొదలు నూతన ఐఐఎంల వరకూ.. దాదాపు అన్ని ఐఐఎం క్యాంపస్‌లలోనూ ఈ–కామర్స్, స్టార్టప్‌ సంస్థలు భారీగా ఆఫర్లు ప్రకటించాయి. ఆయా ఐఐఎంల్లో కనిష్టంగా పది శాతం.. గరిష్టంగా 80 శాతం మేరకు ఈ–కామర్స్, స్టార్టప్‌ ఆఫర్లు పెరగాయి.        ► ఐఐఎం–ఇండోర్‌లో.. ఈ–కామర్స్, స్టార్టప్‌ ఆఫర్స్‌లో గరిష్టంగా 80 శాతం మేర పెరుగుదల కనిపించింది. ఐఐఎం–బెంగళూరులో 53 శాతం; ఐఐఎం–లక్నోలో 24.5 శాతం; ఐఐఎం–కోజికోడ్‌లో 25 శాతం; ఐఐఎం–అహ్మదాబాద్‌లో 10 శాతం వృద్ధి నమోదైంది.      ► తెలుగు రాష్ట్రాల్లోని ఐఐఎం–విశాఖపట్నంలోనూ ఈ–కామర్స్‌ ఆఫర్లు గతేడాది కంటే పది శాతం మేరకు పెరిగి.. మొత్తం 120 మంది విద్యార్థుల్లో.. దాదాపు 30 మందికి ఈ–కామర్స్‌ సంస్థల్లో ఆఫర్లు లభించాయి. (ఇక్కడ చదవండి: కాస్త శ్రద్ధ పెడితే కేంద్ర కొలువు మీ సొంతం!) ఈ–కామర్స్‌ దిగ్గజాల హవా ఈ–కామర్స్‌ దిగ్గజాలుగా పేరొందిన ఫ్లిప్‌కార్ట్, అమెజాన్, పేటీఎం, ఫోన్‌పే, రేజర్‌పే సంస్థలు ఆఫర్స్‌ ఇవ్వడంలో ముందంజలో నిలిచాయి. ఈ రంగంలో లభించిన మొత్తం ఆఫర్లలో యాభై శాతం ఈ సంస్థల నుంచే ఉండటం విశేషం. అంతేకాకుండా వేతనాలు కూడా సగటున రూ.12లక్షల నుంచి రూ.30లక్షల వరకు అందించాయి. గతేడాది కంటే 30శాతం అదనంగా ఫ్రెషర్స్‌ రిక్రూట్‌మెంట్‌ చేసుకుంటామని ప్రకటించిన ఫ్లిప్‌కార్ట్‌ సంస్థ.. అందుకు తగినట్లుగానే క్యాంపస్‌ డ్రైవ్స్‌లో భారీగా నియామకాలు చేపట్టింది. అదే విధంగా అమెజాన్, పేటీఎం కూడా ఈ ఏడాది టెక్, మేనేజ్‌మెంట్‌ ప్రొఫైల్స్‌లో భారీగా నియామకాలు చేపడతామని పేర్కొన్న విషయం తెలిసిందే. దీనికి అనుగుణంగానే ఈ సంస్థలు ఫ్రెషర్స్‌ నియామకాలకు మొగ్గు చూపినట్లు తెలుస్తోంది. స్టార్టప్స్‌ హవా గత రెండేళ్లుగా వెనుకంజలో ఉన్న స్టార్టప్‌ కంపెనీల ఆఫర్లు ఈసారి భారీగా పెరిగాయి. ప్రధానంగా ఎడ్‌టెక్, ఫిన్‌టెక్‌ సంస్థలు ముందంజలో నిలిచాయి. బ్లాక్‌బర్గ్, ఇంటర్వ్యూబిట్, టర్టిల్‌మింట్‌ వంటి సంస్థలు స్టార్టప్‌ ఆఫర్స్‌ భారీగా ఇచ్చాయి. ఐఐఎంల విద్యార్థులు కూడా ఈ స్టార్టప్‌ ఆఫర్స్‌కు ఆమోదం తెలపడం విశేషం. దీనికి  స్టార్టప్‌ సంస్థల్లో చేరితే తమ కెరీర్‌ ప్రగతికి పునాదులు వేసుకోవచ్చనే భావనే ప్రధాన కారణమని తెలుస్తోంది. అంతేకాకుండా తమ నైపుణ్యాలను నేరుగా వ్యక్తీకరించి, ఆచరణలో పెట్టే అవకాశం స్టార్టప్‌ సంస్థల్లోనే ఎక్కువగా ఉంటుందనే అభి ప్రాయంతోనే విద్యార్థులు ఈ ఆఫర్స్‌కు అంగీకరించారని ఆయా ఐఐఎంల క్యాంపస్‌ ప్లేస్‌మెంట్‌ వర్గాలు పేర్కొంటున్నాయి. ఫండింగ్‌ పెరగడమే కారణమా! స్టార్టప్‌ సంస్థలు భారీ సంఖ్యలో ఆఫర్లు ఇవ్వడానికి వాటికి గతేడాది ఏంజెల్‌ ఇన్వెస్టర్ల నుంచి ఫండింగ్‌ రావడం మరో కారణం అనే వాదన వినిపిస్తోంది. హెక్స్‌జన్‌ సంస్థ సర్వే ప్రకారం–గతేడాది భారత్‌లోని స్టార్టప్‌ సంస్థలు దాదాపు నాలుగు వందల మిలియన్‌ డాలర్ల నిధులను సమకూర్చుకున్నాయి. వీటిలో యాభై శాతానికి పైగా టెక్‌ స్టార్టప్స్, ఎడ్‌టెక్‌ స్టార్టప్స్‌ ఉన్నాయని సదరు సర్వే పేర్కొంది. అంతేకాకుండా ప్రముఖ రీసెర్చ్‌ అండ్‌ కన్సల్టింగ్‌ సంస్థ బెయిన్‌ అండ్‌ కో నివేదిక ప్రకారం–2020లో జాతీయ స్థాయిలో ఏడు వేలకు పైగా స్టార్టప్‌ సంస్థలకు పది బిలియన్‌ డాలర్ల నిధులను వెంచర్‌ క్యాపిటలిస్ట్‌లు సమకూర్చారు. వీటిలో మూడొంతులు.. ఫిన్‌టెక్, ఈ–కామర్స్‌ అనుబంధ టెక్‌ స్టార్టప్‌లే ఉన్నాయి. ఇలా భారీగా నిధులు సమకూర్చు కున్న స్టార్టప్‌లు.. వ్యాపార ఉన్నతికి, విస్తరణకు అవసరమైన మానవ వనరుల కోసం క్యాంపస్‌ డ్రైవ్స్‌ బాట పట్టాయని ఇండస్ట్రీ వర్గాలు పేర్కొంటున్నాయి.  కీలకమైన ప్రొఫైల్స్‌ ఈ–కామర్స్, స్టార్టప్‌ సంస్థలు కీలక విభాగాల్లో అభ్యర్థులను నియమించుకుంటున్నాయి. డిజైన్‌ నుంచి మార్కెటింగ్‌ వరకు పలు ముఖ్య విభాగాల్లో వ్యూహాత్మక నిర్ణయాలు తీసుకునే హోదాల్లో ఆఫర్లు ఇచ్చాయి. ప్రస్తుత డిజిటలైజేషన్, ఆన్‌లైన్‌ కార్యకలాపాల్లో పెరుగుదలే దీనికి ప్రధాన కారణమని ఇండస్ట్రీ వర్గాల అభిప్రాయం. అంతేకాకుండా వ్యాపార విస్తరణ వ్యూహాలు సమర్థవంతంగా రూపొందించే నైపుణ్యాలున్న అభ్యర్థులకు ఆఫర్లు ఇచ్చినట్లు తెలుస్తోంది. మార్కెటింగ్, డేటా అనలిటిక్స్‌ ప్రస్తుతం ఈ–కామర్స్‌ లావాదేవీలు విస్తృతంగా జరుగుతున్న విషయం తెలిసిందే. దీన్ని దృష్టిలో పెట్టుకుని తమ వ్యాపారాలను మరింత వ్యూహాత్మకంగా విస్తరించాలనే ఉద్దేశంతో కంపెనీలు అడుగులు వేస్తున్నాయి. వినియోగదారుల అభిరుచులకు అను గుణంగా సేవలందించడం, కస్టమర్స్‌ మెచ్చే ప్రొడక్ట్‌లను రూపొందించడం లక్ష్యంగా పెట్టుకున్నాయి. అందుకోసం మార్కెటింగ్, డేటాఅనలిటిక్స్‌ విభాగాల్లో నియా మకాలకు ప్రాధాన్యం ఇచ్చాయి.  స్టార్టప్‌ సంస్థల్లో.. ఈ ప్రొఫైల్స్‌ స్టార్టప్‌ సంస్థలు ప్రధానంగా ప్రొడక్ట్‌ డిజైన్, ప్రొడక్ట్‌ మేనేజ్‌మెంట్, బిజినెస్‌ ఫైనాన్స్, సేల్స్‌ అండ్‌ మార్కెటింగ్‌ ప్రొఫైల్స్‌లో ఎక్కువగా నియామకాలు చేపట్టాయి. దీనికి కారణం.. సదరు స్టార్టప్‌ సంస్థలు ప్రస్తుత పరిస్థితులకు అనుగుణంగా కొత్త ప్రొడక్ట్‌లు రూపొందించి.. వాటికి మార్కెట్లో ఆదరణ లభించేలా వ్యవహరిస్తున్నాయి. మేనేజ్‌మెంట్‌ విద్యార్థులకు ఈ నైపుణ్యాలుంటాయనే ఉద్దేశంతో బి–స్కూల్స్‌లో ప్లేస్‌మెంట్స్‌ చేపట్టాయి. ఈ స్కిల్స్‌ ఉంటేనే ఈ–కామర్స్, స్టార్టప్‌ సంస్థలు.. అభ్యర్థుల్లోని కోర్‌ నైపుణ్యాలే కాకుండా.. వ్యాపా రాభివృద్ధికి దోహదపడే స్కిల్స్‌కూ ప్రాధాన్యం ఇచ్చాయి. ప్రాబ్లమ్‌ సాల్వింగ్, కొలాబరేషన్, ఇన్నోవేషన్‌ నైపుణ్యాలున్న విద్యార్థులకు ఎక్కువగా ఆఫర్స్‌ ఇచ్చాయి. ఎలాంటి సమస్యలైనా ఇట్టే పరిష్కరించి.. వ్యాపార కార్యకలాపాలకు అవరోధం కలగకుండా వ్యవహరించొచ్చనే ఉద్దేశమే ఇందుకు ప్రధాన కారణంగా పేర్కొనొచ్చు.  మిగతా సెక్టార్స్‌ సంగతి ప్రస్తుత పరిస్థితుల్లో బీఎఫ్‌ఎస్‌ఐ, ఎడ్యుకేషన్‌ సెగ్మెంట్స్‌లో టెక్‌ ఆధారిత సేవలు ఎక్కువగా అందుబాటులోకి వస్తున్నాయి. గతేడాది ఈ టెక్‌ స్టార్టప్‌లే నిధుల సమీకరణలో ముందంజలో నిలిచాయి. దాంతో ఫిన్‌టెక్, ఎడ్‌టెక్‌ వంటి టెక్‌ స్టార్టప్స్‌లో ఆఫర్లు పెరిగాయి. మరోవైపు ఎప్పటి మాదిరిగానే కన్సల్టింగ్‌ సంస్థలు, బీఎఫ్‌ఎస్‌ఐ సంస్థలు ఉద్యోగాలు ఇవ్వడంలో ముందు వరుసలో నిలిచాయి. అదే విధంగా మాన్యుఫ్యాక్చరింగ్‌ విభాగంలోనూ నియామకాలు ఆశాజనకంగానే కనిపించాయి. వీటిలోనూ అధిక శాతం జాబ్‌ ప్రొఫైల్స్‌ డేటా అనాలిసిస్, బిగ్‌ డేటా, మార్కెటింగ్, ఫైనాన్స్‌ విభాగాల్లోనే లభించాయి. సానుకూల సంకేతాలు ► ప్రస్తుత పరిస్థితిని చూస్తే ఈకామర్స్, స్టార్టప్‌ సంస్థలు.. టైర్‌–2,టైర్‌–3ల్లోనూ క్యాంపస్‌ నియామకాలు చేపట్టేందుకు అవకాశం ఉందనే అభిప్రాయం వ్యక్తమవు తోంది. ప్రధానంగా మెట్రో నగరాల్లోని ఇన్‌స్టిట్యూట్‌లలో ఈ రిక్రూట్‌మెంట్స్‌ ఉండొచ్చంటున్నారు. ముఖ్యంగా ఎంట్రీ లెవల్, సీఆర్‌ఎం, డిజిటల్‌ మార్కెటింగ్‌ విభాగాల్లో ఉద్యోగాలకు టైర్‌–2, టైర్‌–3 ఇన్‌స్టిట్యూట్‌లవైపు చూసే అవకాశాలు న్నాయని ఆయా క్యాంపస్‌ ప్లేస్‌మెంట్‌ వర్గాలు అంచనా వేస్తున్నాయి.       ► మొత్తంగా చూస్తే గతేడాది కోవిడ్‌ కారణంగా కొంత వెనుకంజలో ఉన్న బి–స్కూల్స్‌ ప్లేస్‌మెంట్స్‌.. తిరిగి పుంజుకోవడంతో మేనేజ్‌మెంట్‌ విద్యార్థులకు భవిష్యత్తు ఆశాజనకం అనే భావన ఏర్పడుతోంది. మేనేజ్‌మెంట్‌ కోర్సుల విద్యార్థులు రానున్న రోజుల్లో అవకాశాలను అందిపుచ్చుకునేందుకు ఇప్పటి నుంచే కృషి చేయాలని నిపుణులు సూచిస్తున్నారు. ఐఐఎం ప్లేస్‌మెంట్స్‌ ముఖ్యాంశాలు ► 2021లో ఈ–కామర్స్, స్టార్టప్‌ ఆఫర్స్‌లో భారీగా పెరుగుదల. ► సగటున రూ. 12 లక్షల నుంచి రూ. 30 లక్షల వరకు ప్యాకేజీ లభిస్తున్న వైనం. ► మార్కెటింగ్, డేటా అనలిటిక్స్, డిజైన్, డిజిటల్‌ మార్కెటింగ్, సీఆర్‌ఎం విభాగాల్లో నియామకాలు. ► స్టార్టప్‌ ఆఫర్స్‌లో టెక్‌ స్టార్టప్స్‌ హవా. ► రానున్న రోజుల్లో ఇతర బి–స్కూల్స్‌లోనూ నియామకాలు ఆశాజనకంగా ఉంటాయంటున్న నిపుణులు.  డిజిటలైజేషనే ప్రధాన కారణం ఈ–కామర్స్‌ సంస్థలు భారీగా నియామకాలు చేపట్టడానికి ప్రధాన కారణం డిజిటలైజేషనే అని చెప్పొచ్చు. ప్రస్తుతం నెలకొన్న పరిస్థితుల్లో వినియోగదారులు డిజిటల్‌ కార్యకలాపాల వైపు మొగ్గు చూపుతున్నారు. దీంతో ఈ–కామర్స్‌ మార్కెట్‌ విస్తృతమవుతోంది. దానికి అనుగుణంగా సంస్థలు నైపుణ్యాలున్న మానవ వనరుల కోసం అన్వేషిస్తున్నాయి.  – ప్రొఫెసర్‌ యు.దినేశ్‌ కుమార్, చైర్‌ పర్సన్, సీడీఎస్, ఐఐఎం–బెంగళూరు 

ముంబై, సాక్షి: వచ్చే ఏడాది అంటే 2021లో 23,000 మందిని క్యాంపస్‌ ప్లేస్‌మెంట్స్‌ ద్వారా ఎంపిక చేసుకోవాలని భావిస్తున్నట్లు కాగ్నిజెంట్‌ టెక్నాలజీస్‌ తెలియజేసింది. క్యాంపస్‌ ప్లేస్‌మెంట్స్‌లో అధిక శాతం భారత్‌కే అవకాశముంటుందని కాగ్నిజెంట్‌ ఇండియా ఎండీ రాజేష్‌ నంబియార్‌ తాజాగా పేర్కొన్నారు. అక్టోబర్‌లో కాగ్నిజెంట్‌ బోర్డు సభ్యులైన నంబియార్‌ సీఈవో బ్రియాన్‌ హంఫ్రీస్‌ నిర్దేశనలో విధులు నిర్వహిస్తున్నారు. ఈ ఏడాది క్యాంపస్‌ ప్లేస్‌మెంట్స్‌ ద్వారా సుమారు 17,000 మందిని ఎంపిక చేసుకున్నట్లు నంబియార్‌ తెలియజేశారు. 2016 నుంచీ చూస్తే ఇవి అత్యధికంకాగా.. వీటిలో సింహభాగం భారత్‌ నుంచే ఎంపికలు జరిగినట్లు ఒక ఇంటర్వ్యూలో వెల్లడించారు. చదవండి: (బ్యాంకింగ్‌: డిజిటల్‌ సేవల్లో సవాళ్లేంటి?) పలు బాధ్యతలు కాగ్నిజెంట్‌ తరఫున దేశీయంగా 2 లక్షల మంది ఉద్యోగులు పనిచేస్తున్నారు. వీరిని పర్యవేక్షించే ఎగ్జిక్యూటివ్‌ కమిటీకి సైతం నంబియార్‌ ప్రాతినిధ్యం వహిస్తున్నారు.  కాగా.. దేశీ ప్రభుత్వ ఏజెన్సీలు, పాలసీ సంస్థలతో కాగ్నిజెంట్‌కున్న ఒప్పందాలను మరింత మెరుగు పరచవలసిన బాధ్యత నంబియార్‌పై ఉన్నట్లు పరిశ్రమ నిపుణులు ఈ సందర్భంగా తెలియజేశారు. దేశీయంగా కంపెనీ కార్యకలాపాలను మరింత పటిష్టపరచడం, నైపుణ్యాలను పెంపొందించేందుకు వీలుగా యూనివర్శిటీలతో భాగస్వామ్యలు ఏర్పాటు చేసుకోవడం వంటి లక్ష్యాలను నంబియార్‌ సాధించవలసి ఉన్నట్లు తెలుస్తోంది. ఈ బాటలో ప్రభుత్వ ఏజెన్సీలతోపాటు, నాస్కామ్‌, చాంబర్‌ ఆఫ్‌ కామర్స్‌ తదితర పరిశ్రమ సంబంధిత సంస్థలతోనూ కలసి పనిచేయవలసి ఉంటుందని సాఫ్ట్‌వేర్‌ రంగ నిపుణులు వివరించారు. 

ముంబై: కరోనా ఉదృతి నేపథ్యంలో మెజారిటీ కంపెనీలు ఉద్యోగులకు ఉద్వాసన పలుకుతున్నాయి. ఈ నేపథ్యంలో ఇంజనీరింగ్‌ పూర్తయిన ఫ్రెషర్స్‌కు ఉద్యోగ అవకాశాలపై సందిగ్ధత నెలకొంది. అయితే కంపెనీలు మాత్రం ఫ్రేషర్స్‌ బయపడాల్సిన అవసరం లేదని, నైపుణ్యం కలిగిన వారికి ఉద్యోగ అవకాశాలు కల్పిస్తామని పేర్కొంటున్నాయి. అయితే ప్రస్తుతం కంపెనీలు నిర్వహించనున్న క్యాంపస్‌ ప్లేస్‌మెంట్‌లో ఆర్టిఫీషియల్ ఇంటెలిజెన్స్(కృత్రిమ మేధ) సాంకేతికతను ఉపయోగించనున్నారు. కాగా ప్రస్తుతం ఉద్యోగ నియామక పరీక్షలు నిర్వహించే సందర్భంలో ఆర్టిఫీషియల్ ఇంటెలిజెన్స్(ఏఐ) ద్వారా విద్యార్థి వ్యక్తిత్వాన్ని పసిగట్టనున్నారు. టీమ్‌తో కలిసి పనిచేసే నైపుణ్యాన్ని పరీక్షించనున్నారు. అయితే ప్రస్తుతం కరోనా నేపథ్యంలో అక్టోబర్‌లో నియామకాలు చేపట్టాలని మెజారిటీ ఐటీ కంపెనీలు భావిస్తున్నాయి. ఐటీ దిగ్గజ కంపెనీలైన ఐబీఎమ్‌, క్యాప్‌జెమినీలు ఎంపిక విధానంలో మార్పులు చేయనున్నట్లు ప్రకటించాయి. అయితే ఇప్పటి వరకు 60,000 మంది విద్యార్థులకు ఆన్‌లైన్‌లో పరీక్ష నిర్వహించినట్లు క్యాప్‌జెమినీ ఉన్నతాధికారి అనిల్‌ కుమార్‌ సింగ్‌ పేర్కొన్నారు.

సాక్షి, హైదరాబాద్‌ : క్యాంపస్‌ ప్లేస్‌మెంట్ల ద్వారా కొలువులకు ఎంపిౖకైన 14 వేల మంది ఇంజనీరింగ్‌ కాలేజీల ఫైనలియర్‌ విద్యార్థులు యూనివర్సిటీ గ్రాంట్స్‌ కమిషన్‌ (యూజీసీ) తీరుతో ఉసూరు మంటున్నారు. కరోనా మహ మ్మారి విజృంభణతో ఓవైపు లక్ష లాది మంది ఉపాధి కోల్పోతున్న వేళ అందివచ్చిన ఉద్యోగాల్లో చేరేందుకు డిగ్రీ పట్టా లేకపోవ డం అడ్డంకిగా మారడంతో ఆవే దన చెందుతున్నారు. ఐఐటీ, ఎన్‌ఐటీ, బిట్స్‌ పిలానీ, డీమ్డ్‌ వర్సిటీల్లో చదివి క్యాంపస్‌ కొలువులకు ఎంపికైన బీటెక్‌ ఫైనలియర్‌ విద్యార్థులు ఇప్పటికే ఉద్యోగాల్లో చేరి పోగా యూజీసీ పరిధిలోని ఇంజ నీరింగ్‌ కాలేజీలకు చెందిన వేలాది మంది విద్యార్థులు మాత్రం క్యాంపస్‌ ప్లేస్‌మెంట్లు పొందినా ప్రస్తుతం ఖాళీగా ఉంటున్నారు. డిగ్రీ సర్టిఫికెట్లు సమర్పించా లంటూ ఉద్యోగాలిచ్చిన కంపెనీలు పంపుతున్న లేఖలకు బదులివ్వలేక తలపట్టుకుంటున్నారు. యూజీసీకి ఎందుకీ మొండిపట్టు.. కరోనా విజృంభిస్తున్న తరుణంలో కేంద్ర మానవ వనరుల అభివృద్ధి మంత్రిత్వ శాఖ పరిధిలోని ఐఐటీలు, ఎన్‌ఐటీలు, డీమ్డ్‌ వర్సిటీలు ఆన్‌లైన్‌ పరీక్షలు నిర్వహించి ఇంజనీరింగ్‌ ఫైనలియర్‌ విద్యార్థులకు సర్టిఫి కెట్లు ఇచ్చేశాయి. కొన్ని కాలేజీలు అయితే ఇంటర్నల్‌ మార్కుల ఆధారంగా గ్రేడ్‌లు ఇచ్చి విద్యా ర్థులను ప్రమోట్‌ చేసి పాస్‌ సర్టిఫికెట్లు ఇచ్చేశాయి. మరోవైపు కరోనా తీవ్రంగా ఉన్నప్పటికీ విశ్వవిద్యాలయాలు, వాటి పరిధి లోని ఇంజనీరింగ్‌ కాలేజీల ఫైనలియర్‌ విద్యార్థులకు పరీక్షలు నిర్వహించాల్సిందేనని యూజీసీ అన్ని రాష్ట్రాలను ఆదేశించింది. అయితే యూజీసీ వైఖరిని తప్పుపడుతూ పశ్చిమ బెంగాల్, ఢిల్లీ రాష్ట్ర ప్రభుత్వాలు కేంద్ర ప్రభు త్వానికి లేఖలు రాశాయి. యూజీసీ నిర్ణయం అసం బద్ధమంటూ మహారాష్ట్ర ప్రభుత్వం సుప్రీంకోర్టును ఆశ్రయించింది. అయితే ఏపీ, తెలంగాణ ప్రభు త్వాలు మాత్రం వీలైనంత త్వరగా పరీక్షలు నిర్వ హిస్తామని ప్రకటిం చాయి. కానీ కరోనా ఉధృతమైతే పరీక్షల నిర్వహణ సాధ్యం కాదని, తమకు వచ్చిన ఉద్యోగాలు పోతాయని విద్యార్థులు ఆందోళన చెందుతున్నారు.  స్పష్టత కరువు... రాష్ట్ర ప్రభుత్వ ఆధ్వర్యంలోని ఇంజనీరింగ్‌ కాలేజీలు ఇంటర్నల్‌ మార్కులు లేదా ఆన్‌లైన్‌ ద్వారా పరీక్షలు నిర్వహించి సర్టిఫికెట్లు జారీ చేస్తే వారు ఇప్పటికే ఉద్యోగాల్లో చేరిపోయేవారని, యూజీసీ మొండి పట్టుదల కారణంగా విద్యార్థులు నష్టపోయే ప్రమాదం ఏర్పడిందని ఓ ఇంజనీరింగ్‌ కాలేజీ ప్రిన్సిపల్‌ వ్యాఖ్యానించారు. ‘ఎన్‌ఐటీలు నామమాత్రంగా ఆన్‌లైన్‌ పరీక్షలు నిర్వహించాయి. డీమ్డ్‌ వర్సిటీలు ఇంటర్నల్‌ మార్కుల ఆధారంగా విద్యార్థులను ప్రమోట్‌ చేశాయి. వాళ్లకు లేని నిబంధన ఇంజనీరింగ్‌ కాలేజీలకు ఎందుకు? ఒకవేళ పరీక్షలు నిర్వహించాల్సి వస్తే ఎప్పుడు నిర్వహించాలన్న దానిపై స్పష్టత లేదు. కరోనా తగ్గుముఖం పడితే గానీ సాధ్యం కాదు. పరీక్షలు నిర్వహించాక వ్యాల్యుయేషన్, ట్యాబులేషన్‌ వంటి వాటికి చాలా సమయం పడుతుంది. అప్పటిదాకా విద్యార్థుల ఉద్యోగాలకు యూజీసీ గ్యారంటీ ఇస్తుందా? అని ఆ ప్రిన్సిపల్‌ ప్రశ్నించారు. పరీక్షల నిర్వహణ, విద్యా సంవత్సరం కేలండర్‌ విషయంలో యూజీసీ విధానాలు అస్తవ్యస్తంగా ఉన్నాయని విద్యావేత్తలు మండిపడుతున్నారు. ‘ఫైనలియర్‌ విద్యార్థులకు మూడు సబ్జెక్టులే ఉంటాయి. అప్పటికే వారు ఏడు సెమిస్టర్‌లలో 35–40 సబ్జెకుŠట్‌లు చదివి పాసైన వారే. నా ఉద్దేశంలో ఇంటర్నల్‌ మార్కుల ఆధారంగా వారిని పాస్‌ చేయవచ్చు’ అని మాజీ వైస్‌ చాన్స్‌లర్‌ అభిప్రాయపడ్డారు. నా పరిస్థితి ఏమిటి? ‘నన్ను ఓ కార్పొరేట్‌ కంపెనీ రూ. 28 లక్షల వార్షిక వేతనానికి నియమించుకుంది. డిగ్రీ సర్టిఫికెట్‌ కాపీలు పంపాలని ఇప్పటికే పలుమార్లు మెయిల్‌ పంపింది. తాజాగా అక్టోబర్‌ 31 వరకు డెడ్‌లైన్‌ పెట్టింది. అప్పటికీ నా చేతికి సర్టిఫికెట్‌ రాకపోతే నేను మళ్లీ ఆ ఉద్యోగం సాధిస్తానా? కరోనా నేపథ్యంలో ఉద్యోగుల సంఖ్యను తగ్గించుకోవాలని కంపెనీలు భావిస్తున్నట్లు వార్తలు వస్తున్నాయి. ఇవన్నీ చూస్తుంటే నాకు నిద్రపట్టట్లేదు’ అని ఓ ప్రతిష్టాత్మక ప్రైవేట్‌ ఇంజనీరింగ్‌ కాలేజీకి చెందిన ఫైనలియర్‌ ఇంజనీరింగ్‌ విద్యార్థి ఆవేదన వ్యక్తం చేశాడు. యీజీసీ ఇప్పటికైనా పరీక్షల విషయాన్ని రాష్ట్ర ప్రభుత్వాల నిర్ణయానికి వదిలివేయాలని లేకుంటే పరీక్షల నిర్వహణ మరింత ఆలస్యమై విద్యార్థులు నస్టపోతారని ఓ ప్రైవేట్‌ కాలేజీ ప్లేస్‌మెంట్‌ డైరెక్టర్‌ పేర్కొన్నారు.  

బెంగళూర్‌ : కోవిడ్‌-19 ప్రభావంతో కుదేలైన నియామకాల ప్రక్రియ వచ్చే ఏడాది జనవరి నుంచి ఊపందుకుంటుందని రిక్రూట్‌మెంట్‌ సంస్థ కెరీర్‌నెట్‌ కన్సల్టింగ్‌ సంస్థ పేర్కొంది. కరోనా వైరస్‌ వ్యాప్తితో క్యాంపస్‌ నియామకాలూ నిలిచిపోయాయని, హైరింగ్‌ ప్రక్రియ వేగవంతం కావడానికి ఆరు నెలల సమయం పడుతుందని తెలిపింది. కరోనా కారణంగా నియామకాలను నిలిపివేసిన కంపెనీలు కూడా ఆరు నెలల తర్వాత చురుకుగా హైరింగ్‌ చేపడతామని పేర్కొన్నాయి. తమ సర్వేలో పాల్గొన్న కంపెనీల్లో 43 శాతం కంపెనీలు వచ్చే ఏడాది జనవరిలో నియామకాలకు వెళతామని వెల్లడించాయని కెరీర్‌నెట్‌ పేర్కొంది. 2021 ఏప్రిల్‌ నాటికి కోవిడ్‌-19కు ముందున్న పరిస్థితి నెలకొంటుందని కెరీర్‌నెట్‌ సహవ్యవస్ధాపకులు అన్షుమన్‌ దాస్‌ అంచనా వేశారు. మరోవైపు క్యాంపస్‌ నియామకాలు కొంతమేర తగ్గే అవకాశాలున్నాయని వెల్లడైంది. ఈ ఏడాది క్యాంపస్‌ రిక్రూట్‌మెంట్‌కు వెళ్లే ఆలోచనలేదని 27 శాతం కంపెనీలు పేర్కొనగా, 39 శాతం కంపెనీలు ఇంకా ఎలాంటి నిర్ణయం తీసుకోలేదని తెలిపాయి. కెరీర్‌నెట్‌ నివేదిక ప్రకారం కేవలం 30 శాతం కంపెనీలే ఈ ఏడాది క్యాంపస్‌ రిక్రూట్‌మెంట్‌కు వెళతామని వెల్లడించాయి. ఈ ఏడాది ఇప్పటికే క్యాంపస్‌ హైరింగ్‌ వాయిదా పడిందని, ఆర్థిక వ్యవస్థ గాడినపడితే కంపెనీలు తమ హైరింగ్‌ ప్రణాళికలను ముమ్మరం చేస్తాయని దాస్‌ పేర్కొన్నారు. స్టార్టప్‌లపై కోవిడ్‌-19 ప్రభావం చూపుతుండగా, ఐటీ కంపెనీల్లో మాత్రం వేచిచూసే ధోరణి కనిపిస్తోంది. దిగ్గజ ఐటీ కంపెనీల్లో నాలుగింట మూడు సంస్ధలు గతంలో తాము ఇచ్చిన ఆఫర్లకు కట్టుబడి ఉంటామని తెలిపాయని ఈ సర్వే పేర్కొంది. చదవండి : కోవిడ్‌ 19 : ఎంఐటీ సర్వేలో షాకింగ్ వివరాలు

న్యూఢిల్లీ: వివిధ ప్రైవేట్‌ కంపెనీలు క్యాంపస్‌ ప్లేస్‌మెంట్లలో భాగంగా చేసిన ఎంపికలను లాక్‌డౌన్‌ కారణంగా రద్దు చేయరాదని కేంద్రం కోరింది. లాక్‌డౌన్‌ కారణంగా దేశంలో తలెత్తిన ఆర్థిక ఇబ్బందుల నేపథ్యంలో ఎంపికయిన అభ్యర్థుల్లో ఉన్న ఆందోళనను తొలగించాలని మానవ వనరుల మంత్రిత్వ శాఖ ఆయా సంస్థలకు సూచించింది. ఎంపికయిన అభ్యర్థులను యథా ప్రకారం ఉద్యోగాల్లోకి తీసుకోవాలని పేర్కొంది. లాక్‌డౌన్‌ ప్రభావం ఆర్థిక వ్యవస్థపై ఎక్కువ కాలం పడకుండా ఉండేందుకు ప్రభుత్వం అన్ని చర్యలూ తీసుకుంటుందని తెలిపింది. ప్రస్తుత పరిస్థితుల ప్రభావం క్యాంపస్‌ ఎంపికలపై పడకుండా చూసుకోవాలని గతవారం 23 ఐఐటీల డైరెక్టర్లను మానవ వనరుల మంత్రిత్వ శాఖ ఆదేశించింది. ఈ నేపథ్యంలో క్యాంపస్‌ ఎంపికలను రద్దు చేసుకోవద్దని రిక్రూటర్లను కోరినట్టు ఐఐటీ ఢిల్లీ డైరెక్టర్‌ వి. రాంగోపాల్‌రావు తెలిపారు.

సాక్షి, హైదరాబాద్‌: ఆంధ్రప్రదేశ్‌కు చెందిన విద్యా ర్థులు చండీగఢ్‌ వర్సిటీ ప్రాంగణ నియామకాల్లో ఉత్తమ ప్రతిభ కనబరిచారు. పంజాబ్‌లోని చండీగఢ్‌ వర్సిటీలో జరిగిన ప్రాంగణ నియామకాలు– 2020 ఫేజ్‌–1లో  4 వేల మంది విద్యార్థులు వివిధ కంపెనీలకు ఎంపిక కాగా.. వారిలో 64 మంది ఏపీ విద్యార్థులేనని వర్సిటీ వీసీ ఆర్‌.ఎస్‌.బావా తెలిపారు. ఇందులోనూ 36 మంది ఒకటి కంటే ఎక్కువ ఆఫర్లు అందుకున్నవారేనని తెలిపారు. గుంటూరు జిల్లాకు చెందిన గగన్‌ చాటు ఐబీఎం, కాగ్నిజెంట్, పెర్సిస్టెంట్, వర్చ్యూసా సిస్టమ్స్‌ అనే 4 కంపెనీల నుంచి, విశాఖపట్టణానికి చెందిన గొంటిన ఉదయ్‌ కుమార్‌కు విప్రో, కాగ్నిజెంట్, సార్టప్‌ ఫామ్‌ వంటి మూడు కంపెనీల నుంచి జాబ్‌ ఆఫర్లు వచ్చినట్లు వర్సిటీ ఒక ప్రకటనలో వెల్లడించింది.   

సాక్షి, హైదరాబాద్‌:  నగరంలోని జి.నారాయణమ్మ ఇనిస్టిట్యూట్‌ ఆఫ్‌ టెక్నాలజీ అండ్‌ సైన్సెస్‌లొ బీటెక్‌ చివరి సంవత్సరం చదువుతున్న ఎం.లోహితా రెడ్డి అడోబ్‌ ఐఎన్‌సీ సంస్థలో రూ.43 లక్షల వార్షిక వేతనంతో ఉద్యోగం సాధించింది. ఇటీవల కళాశాలలో అడోబ్, అమేజాన్, జేపీ మోర్గాన్, డెలాయిట్‌ తదితర సంస్థలు విద్యార్థునులకు ఇంటర్వ్యూలు నిర్వహించాయని కళాశాల ప్రిన్సిపాల్‌ రమేశ్‌ రెడ్డి ఒక ప్రకటనలో తెలిపారు. (హెచ్‌సీయూ విద్యార్థినికి భారీ ప్యాకేజీ) కళాశాలకు చెందిన 440 మంది విద్యార్థులు పలు కంపెనీల్లో ఉద్యోగాలు సాధించారు. సుమారు రెండు వందల మంది రూ.6 లక్షల వార్షిక వేతనంతో ఉద్యోగాలు పొందారు. ఇంజినీరింగ్‌ ద్వితీయ, తృతీయ సంవత్సరం చదువుతున్న సుమారు 100 మంది విద్యార్థినులకు పలు కంపెనీలు ఇంటర్న్‌షిప్‌ అవకాశాలు కల్పించాయి. ఉద్యోగాలు సాధించిన విద్యార్థినులను కళాశాల చైర్మన్‌ పి.సుబ్బారెడ్డి, కార్యదర్శి  విద్యారెడ్డి ప్రత్యేకంగా అభినందించారు.  

సాక్షి, రాయదుర్గం: హైదరాబాద్‌ సెంట్రల్‌ యూనివర్సిటీ విద్యార్థినికి క్యాంపస్ ప్లేస్‌మెంట్‌లో భారీ ప్యాకేజీతో ఆఫర్‌ వచ్చింది. స్కూల్‌ ఆఫ్‌ కంప్యూటర్‌ అండ్‌ ఇన్ఫర్మేషన్‌ సైన్సెస్‌లోని ఎంసీఏ విద్యార్థిని వి. నందిని సోని క్యాంపస్‌ ప్లేస్‌మెంట్‌లో అడోబ్‌ సిస్టమ్స్‌ కంపెనీలో ఉద్యోగానికి ఎంపికయ్యారు. హెచ్‌సీయూలోని ప్లేస్‌మెంట్‌ గైడెన్స్‌ అండ్‌ అడ్వైజరీ బ్యూరో సమన్వయంతో ఈ ప్లేస్‌మెంట్‌ను నిర్వహించారు. రూ.43 లక్షల వార్షిక వేతనంతో ఉద్యోగానికి నందినిని అడోబ్‌ సిస్టమ్స్‌ కంపెనీ ఎంపిక చేసింది. దీంతో హెచ్‌సీయూలో చరిత్రలో ఇప్పటి వరకు అత్యధిక ప్యాకేజీ అందుకున్న విద్యార్థినిగా నందిని సోనీ నిలిచారు. నందిని తన పాఠశాలను విద్యను మహారాష్ట్రలోని బోయిసర్‌ అటామిక్‌ ఎనర్జీ సెంట్రల్‌ స్కూల్‌లో పూర్తి చేశారు. అహ్మదాబాద్‌లోని సెయింట్‌ జేవీయర్స్‌ కళాశాలలో బీసీఏ చదివారు. కాగా, ఈ ఏడాది క్యాంపస్‌ ప్లేస్‌మెంట్‌లో 200 మందిపైగా విద్యార్థులు ఉద్యోగాలు సాధించారని హెచ్‌సీయూ ప్లేస్‌మెంట్‌ గైడెన్స్‌ అండ్‌ అడ్వైజరీ బ్యూరో చైర్మన్‌ రాజీవ్‌ వాంకర్‌ తెలిపారు. ఇంజినీరింగ్‌ వదిలేశా: నందిని మొదట ఇంజినీరింగ్‌ కోర్సులు చేయాలనుకున్నా కానీ ఆ తరువాత కంప్యూటర్స్‌లో ఉన్నత విద్యను అభ్యసించాలని.. నైపుణ్యం కలిగిన సాఫ్ట్‌వేర్‌ డెవలపర్‌గా ఉండాలన్న లక్ష్యంతో ఎంసీఏలో చేరినట్టు నందిని సోని తెలిపారు. స్మార్ట్‌ ఇండియా హాకథాన్‌– 2019లో తన బృందంతో కలిసి విజేతగా నిలిచినట్టు వెల్లడించారు. అత్యధిక ప్యాకేజీతో అడోబ్‌ సిస్టమ్స్‌లో ఉద్యోగం రావడం సంతోషంగా ఉందన్నారు. (ఐసెట్‌–2020 నోటిఫికేషన్‌ వివరాల కోసం ఇక్కడ క్లిక్‌ చేయండి)

రామగిరి (నల్లగొండ): బాంబే ఐఐటీలో కంప్యూటర్‌ సైన్స్‌ ఇంజినీరింగ్‌ అభ్యసిస్తున్న నల్లగొండ కుర్రాడు చింతరెడ్డి సాయి చరిత్‌రెడ్డికి సాఫ్ట్‌వేర్‌ దిగ్గజం మైక్రోసాఫ్ట్‌ చక్కని ఆఫర్‌ ఇచ్చింది. ఆఖరి సంవత్సరం క్యాంపస్‌ ప్లేస్‌మెంట్స్‌లో భాగంగా చరిత్‌రెడ్డి రూ.1.54 కోట్ల వార్షిక ప్యాకేజీతో ఉద్యోగాన్ని సాధించాడు. వ్యవసాయ కుటుంబానికి చెందిన చరిత్‌రెడ్డి 8వ తరగతి వరకు నల్లగొండలోని స్థానిక సెయింట్‌ ఆల్ఫోన్స్‌ స్కూల్లో, తరవాత ఇంటర్‌ వరకు హైదరాబాద్‌లోని ఓ ప్రైవేటు ఇన్‌స్టిట్యూట్‌లో చదువుకున్నాడు. ఐఐటీ జేఈఈ అడ్వాన్స్‌డ్‌లో ఆలిండియా 51వ ర్యాంకు సాధించి ఐఐటీ సీటు దక్కించుకున్నాడు. చరిత్‌ రెడ్డి తల్లిదండ్రుల స్వస్థలం మాడ్గులపల్లి మండలం ధర్మాపురం. తండ్రి సైదిరెడ్డి ఎంపీటీసీగా, తల్లి నాగసీత సర్పంచ్‌గా గతంలో పనిచేశారు. ప్రస్తుతం నల్లగొండలో ఉంటున్నారు. విశేషమేంటంటే తండ్రి సైదిరెడ్డి కూడా బీటెక్‌ చేశారు. కుటుంబ పరిస్థితుల దృష్ట్యా వ్యవసాయం బాట పట్టారు. తనయుల్లో పెద్దవాడైన సాయి చరిత్‌... తండ్రి ఆశయాలకు అనుగుణంగా చదివి మైక్రోసాఫ్ట్‌ ఆఫర్‌ దక్కించుకున్నాడు.   కంప్యూటర్‌ సైన్స్‌ అంటే ఇష్టం క్యాంపస్‌ ప్లేస్‌మెంట్స్‌లో ఎంపికయిన నేపథ్యంలో బుధవారం చరిత్‌రెడ్డి నల్లగొండకు చేరుకున్నాడు. తాజా ప్లేస్‌మెంట్స్‌లో మైక్రోసాఫ్ట్‌కు ఎంపికయిన ముగ్గురిలో దక్షిణాదికి చెందినది చరిత్‌రెడ్డి ఒక్కడే. క్యాంపస్‌లో ఓటీపీగా మైక్రోసాఫ్ట్‌లో పనిచేయడం, తద్వారా దాని ప్రాజెక్టుల్లో మంచి ప్రతిభ కనపర్చడం కూడా చరిత్‌కు ఆ సంస్థ నుంచి భారీ ఆఫర్‌ రావటానికి కారణమైంది. వాషింగ్టన్‌లోని రెడ్‌మండ్‌ క్యాంపస్‌లో జూలైలో విధుల్లో చేరాల్సి ఉందని ఈ సందర్భంగా చరిత్‌ చెప్పాడు. ‘‘నా సంతోషాన్ని మా అమ్మానాన్నలతో పంచుకుంటున్నా. నాకు చిన్నప్పటి నుంచీ కంప్యూటర్‌ సైన్స్‌ అంటే ఇష్టం దానికి తగ్గట్టే టీచర్ల మార్గదర్శకత్వంలో పక్కా ప్రణాళికతో చదివాను. అమ్మ సహకారం చాలా ఎక్కువ’’ అని వ్యాఖ్యానించాడు. చరిత్‌ తమ్ముడు అజిత్‌ రెడ్డి ప్రస్తుతం చైన్నె ఐఐటీలో మొదటి సంవత్సరం       చదువుతున్నాడు.   చాలా ఆనందంగా ఉంది: సైదిరెడ్డి, నాగసీత పిల్లలిద్దరూ చదువుల్లో చిన్నప్పటి నుంచీ ఫస్టే. ఇద్దరూ ఐఐటీ స్టూడెంట్స్‌ కావడం, పెద్ద కుమారుడు భారీ వేతన ప్యాకేజీతో ఉద్యోగం సాధించడం మా అదృష్టంగా భావిస్తున్నాం. బాంబే ఐఐటీలో సీటు వచ్చినప్పుడే మంచి భవిష్యత్‌ ఉంటుందని ఊహించాం. 

సాక్షి, హైదరాబాద్‌: ఐఐటీ హైదరాబాద్‌లో మొదటి విడత క్యాంపస్‌ ప్లేస్‌మెంట్స్‌లో విద్యార్థులు సత్తా చాటుతున్నారు. మొదటిరోజు ఒక్క స్లాట్‌లోనే 53 మంది విద్యార్థులకు క్యాంపస్‌ ప్లేస్‌మెంట్స్‌ లభించాయి. 2019–20 విద్యా సంవత్సరానికి గానూ ఐఐటీ హైదరాబాద్‌లో ఆదివారం ఉదయం 7 గంటలకు తొలి విడతలో మొదటి స్లాట్‌ క్యాంపస్‌ ప్లేస్‌మెంట్స్‌ ప్రారంభమయ్యాయి. మధ్యాహ్నం 3 గంటల వరకు అవి పూర్తయ్యాయి. ఆ తర్వాత చేపట్టిన మరో రెండు స్లాట్లలో ప్లేస్‌మెంట్స్‌ సెలెక్షన్‌ ఆదివారం రాత్రి 12 గంటల వరకు కొనసాగాయి.   పాల్గొన్న 15 కంపెనీలు: తొలి స్లాట్‌లో మొత్తం 15 కంపెనీలు పాల్గొనగా అందులో టీఎస్‌ఎంసీ, ఎస్‌ఎంఎస్, డేటాటెక్‌ అండ్‌ ఎన్‌టీటీ–ఏటీ సంస్థ లు ఆరుగురు విద్యార్థులకు విదేశాల్లో ప్లేస్‌మెంట్స్‌ ఇచ్చాయి. బుక్‌మైషో, స్ప్రింక్లర్, జాగ్వార్, బజాజ్‌ ఆటో, బెన్‌వై మెల్లన్, డామినో డాటా ల్యాబ్స్, కాగోపోర్ట్‌ వంటి కంపెనీలు ప్లేస్‌మెంట్స్‌లో తొలి సారి పాల్గొనడం విశేషం. మైక్రోసాఫ్ట్, గోల్డ్‌మ్యాన్‌ సాక్స్, సేల్స్‌ఫోర్స్, ఇంటెల్, క్వాల్‌కామ్, ఒరాకిల్‌ వంటి సంస్థలు ఐఐటీహెచ్‌కు వచ్చాయి. అందులో అత్యధికంగా మైక్రోసాఫ్ట్‌ 17 మందికి ఆఫర్లను ఇచ్చిందని, వారిలో ఐదుగురు అమ్మాయిలున్నట్లు ఐఐటీ ప్లేస్‌మెంట్స్‌ ఇన్‌చార్జి ప్రదీప్‌ తెలిపారు. ఇక గోల్డ్‌ మ్యాన్‌ సాక్స్‌ ముగ్గురు విద్యార్థులకు ఆఫర్‌ ఇవ్వగా అందులో ఇద్దరు అమ్మాయిలు ఉన్నారు.  రిజిస్టర్‌ చేసుకున్న 477 మంది విద్యార్థులు  గతేడాది తొలిరోజు 3 స్లాట్లలో చేపట్టిన ప్లేస్‌మెంట్స్‌లో 56 మందికే ఉద్యోగాలు లభించగా, ఈసారి తొలిరోజు ఫస్ట్‌ స్లాట్‌లోనే 53 మందికి క్యాంపస్‌ ప్లేస్‌మెంట్స్‌ వచ్చాయి. తొలివిడత క్యాంపస్‌ ప్లేస్‌మెంట్స్‌ ఈనెల 12 వరకు కొనసాగనుండగా, రెండో విడత క్యాంపస్‌ ప్లేస్‌మెంట్స్‌ వచ్చే జనవరి నుంచి ఏప్రిల్‌ మధ్య నిర్వహించనుంది. ఈ ఏడాది మొదటి విడత క్యాంపస్‌ ప్లేస్‌మెంట్స్‌ కోసం 477 మంది రిజిస్టర్‌ చేసుకోగా, 224 కంపెనీలు విద్యార్థులకు అవకాశం ఇచ్చేందుకు ముందుకువచ్చాయి. అదే గతేడాది మొదటి విడతలో విద్యార్థులకు క్యాంపస్‌ ప్లేస్‌మెంట్స్‌ కల్పించేందుకు మొత్తంగా 150 కంపెనీలే వచ్చాయి.  

సాక్షి, హైదరాబాద్‌ : క్యాంపస్‌ సెలక్షన్‌లో తెలంగాణ విద్యార్థిని భారీ ఆఫర్‌ వరించింది. గోకరాజు రంగరాజు ఇన్‌స్టిట్యూట్‌ ఆఫ్‌ టెక్నాలజీ,  కంప్యూటర్ సైన్స్ విభాగంలో చివరి సంవత్సరం చదువుతున్న అంకరిగారి బోడ రోహన్‌.. ఏడాదికి రూ.41.6 లక్షల వేతనం గల ఉద్యోగానికి ఎంపికయ్యాడు. ఐటీ దిగ్గజం మైక్రోసాఫ్ట్‌ సంస్థలో సాఫ్ట్‌వేర్‌ ఇంజనీర్‌గా ఉద్యోగం సంపాదించాడు. నిజామాబాద్‌ జిల్లా ఆర్మూర్‌కు చెందిన రోహన్‌ మధ్య తరగతి కుటుంబానికి చెందిన వాడు. అతని తండ్రి శ్రీనివాస్‌ వ్యాపార రంగంలో ఉన్నారు. మైక్రోసాఫ్ట్‌ సంస్థలో ఉద్యోగం పొందడం ఆనందంగా ఉందని రోహన్‌ అన్నాడు.   

సాక్షి, హైదరాబాద్‌ : క్యాంపస్‌ ప్లేస్‌మెంట్లలో ఐఐటీ–హైదరాబాద్‌ సత్తాచాటింది. హైదరాబాద్‌ ఐఐటీ విద్యార్థులకు ఈ సంవత్సరం అధిక సంఖ్యలో క్యాంపస్‌ ప్లేస్‌మెంట్లు లభించాయి. వివిధ కంపెనీల నుంచి మొత్తంగా 261 మంది విద్యార్థులు క్యాంపస్‌ ప్లేస్‌ మెంట్‌ ఆఫర్లను పొందగా, అం దులో 22 మంది అంత ర్జాతీయ కంపెనీల నుంచి భారీ ఆఫర్లను దక్కించు కున్నారు. పరిశోధన లకు ప్రత్యేక ప్రాధాన్యం ఇస్తూ తనదైన శైలిలో పురోగతి సాధి స్తున్న ఐఐటీ హైదరాబాద్‌ ఈసారి ఆర్టిíఫీషియల్‌ ఇంటలీజెన్స్‌ కోర్సును బీటెక్‌లో ప్రవేశ పెట్టిన మొదటి ఐఐటీగా నిలి చింది. దీంతోపాటుగా ఎంటెక్‌లోనూ డేటా సైన్స్‌ మొదట ప్రవేశ పెట్టిన ఐఐటీగా ఘనతను సొంతం చేసుకుంది. 107 కంపెనీల ద్వారా ప్లేస్‌మెంట్లు ఐఐటీ హైదరాబాద్‌లో క్యాంపస్‌ ప్లేస్‌మెంట్లను నిర్వహిం చేందుకు 252 కంపెనీలు నమోదు చేసుకున్నాయి. అందులో ఇప్పటివరకు 107 కంపెనీలు క్యాంపస్‌ ప్లేస్‌మెంట్లను నిర్వహించాయి. ఈ ప్రక్రియ ఇంకా కొనసాగుతోంది. మెర్కారీ, టయోటా రీసెర్చ్‌ ఇన్‌స్టి ట్యూట్‌ అండ్‌ అడ్వాన్స్‌డ్‌ డెవలప్‌మెంట్, వర్క్స్‌ అప్లికేషన్‌ అండ్‌ ఎస్‌ఎంఎస్‌ డేటా టెక్‌ వంటి సంస్థలు క్యాంపస్‌ ప్లేస్‌మెంట్లను చేపట్టాయి. ప్రస్తుతం ఐఐటీ హైదరాబాద్‌లో 16 విభాగాల్లో దాదాపు 2,855 మంది విద్యార్థులు ఉండగా, ఇంజనీరింగ్, సైన్స్, లిబరల్‌ ఆర్ట్స్‌ అండ్‌ డిజైన్‌ వంటి విభాగాల్లో 10 బీటెక్‌ ప్రోగ్రాంలు, 16 ఎంటెక్‌ ప్రోగ్రాంలు, మూడు ఎంఎస్సీ ప్రోగ్రామ్‌లు, ఎంఏ ప్రోగ్రాం, పీహెచ్‌డీ వంటి ప్రోగ్రాం లను నిర్వ హిస్తోంది. వాటిల్లో పరిశోధనలకు పెద్దపీట వేస్తూ క్యాంపస్‌ ప్లేస్‌ మెంట్లను పెంచేం దుకు, ఇక్కడి విద్యా ర్థులకు ఉన్నత విద్యావ కాశాలను కల్పించేందుకు చర్యలు చేపడుతోంది. ఇందులో భాగంగా ప్రపంచ వ్యాప్తంగా ఉన్న 50వర్సిటీలతో ఒప్పందాలు చేసుకుంది. అందులో ఎక్కువ శాతం జపాన్, అమెరికా, ఆస్ట్రేలియా, కెనడా, యూరప్, తైవాన్‌లో ఉన్నాయి. మరోవైపు ఇప్పటికే ఐ–టిక్, సెంటర్‌ ఫర్‌ హెల్త్‌కేర్‌ ఎంటర్‌ ప్రెన్యూర్‌షిప్, ఫ్యాబ్లెస్‌ చిప్‌ డిజైన్‌ ఇంక్యుబేటర్‌ అనే మూడు టెక్నాలజీ ఇంక్యుబేటర్లను కూడా మన ఐఐటీ ఏర్పాటు చేసింది. గతేడాది ఈ సంస్థ విద్యార్థికి గూగుల్‌ సంస్థ రూ.1.2 కోట్ల ఆఫర్‌ ఇచ్చిన సంగతి తెలిసిందే.

సాక్షి, ఆటోనగర్‌(విజయవాడ): అందరూ గ్రామీణ ప్రాంత వాసులే. సీఎస్‌ఈ, ఈఈఈ, ఈసీఈ విభాగాల్లో ఇంజినీరింగ్‌ పూర్తి చేసుకున్నారు. క్యాంపస్‌ ఇంటర్వ్యూలలో ఎంపికయ్యారు. విద్యార్థులు ఎగిరి గంతేశారు. ఎంతో సంతోషంతో ఉద్యోగం చెరిపోయారు. ఉద్యోగం వచ్చిన సంతోషంలో సంస్థ యాజమాన్యం అడగ్గానే రూ.5 వేలు చెల్లించారు. నెలన్నరకే సంస్థ ఎత్తేశారు. ఈ ఘటన ఆటోనగర్‌లో చోటుచేసుకుంది.  వివరాలు.. జవహర్‌ ఆటోనగర్‌ ఇండస్ట్రీయల్‌ మూడో రోడ్డులో ప్రో సాఫ్ట్‌ సొల్యూషన్స్‌ పేరుతో సంస్థను నడుపుతున్నారు. తిరువూరులోని శ్రీవాణి ఇనిస్టూట్యూట్‌ ఆఫ్‌ సైన్స్‌టెక్నాలజి వీరందరికి మార్చి 25న ఈ సంస్థ సభ్యులు క్యాంపస్‌ ఇంటర్వ్యూలు నిర్వహించారు. అందులో నైపుణ్యత ఉన్నవారిని కొందరిని ఎంపిక చేసుకున్నట్లు సంస్థ నిర్వాహకులు ప్రకటించారు. ఆ తరువాత వీరందరూ ఎంపిక అయినట్లు కాల్‌ లేటర్లు  ఇచ్చారు. దీంతో జూన్‌ 1 నుంచి ఉద్యోగంలోకి తీసుకున్నారు. ఈ విధంగా జూన్‌ 1 నుంచి ఈ నెల 15 వరకు పని చేయించుకున్నారు. గత నెల జీతం ఇవ్వమని ఆ సంస్థను అడిగితే అదిగో ఇస్తాం... ఇదిగో ఇస్తాం... అంటూ తీరా ఇప్పుడు సంస్థను మూసేస్తున్నామని చెప్పినట్లు ఇంజినీరింగ్‌ విద్యార్థులు వాపోతున్నారు. నెలన్నర నుంచి హాస్టల్‌లో.. నెలన్నర నుంచి హాస్టల్‌లో ఉంటూ సంస్థలో పనిచేస్తున్నారు. ఇప్పటికి హాస్టల్‌కు గాను రూ.10,000 ఖర్చు చేశారు. ఈ సంస్థలో కంప్యూటర్‌లు లేవు. వీరి వద్ద ఉన్న సెల్‌ ఫోన్‌ద్వారానే ప్రాజెక్ట్‌ వర్కు చేసినట్లు వాపోతున్నారు. మేము చెల్లించిన రూ.5 వేలు ఇవ్వాలని సంస్థను కోరామని, అయితే అందుకు సంస్థ నిరాకరించినట్లు బాధితులు లక్ష్మీతిరుపతమ్మ, లక్ష్మి చెప్పారు. వీరంతా జగ్గయ్యపేట, గంపలగూడెం, తిరువూరు నుంచి వచ్చిన వారే అధికం. ఈ విషయమై ఆ సంస్థ ప్రతినిధికి ‘సాక్షి’ ఫోన్‌ చేయగా ఆయన తల్లి లిఫ్ట్‌ చేసి మా అబ్బాయిపై రెండు రోజుల క్రితం గుర్తుతెలియని వ్యక్తులు దాడి చేశారని, ప్రస్తుతం ఆస్పత్రిలో ఉన్నారని సమాధానం చెప్పారు.

నూజివీడు: గ్రామీణ ప్రాంతాల్లోని ప్రతిభ గల పేద విద్యార్థులకు ప్రపంచ స్థాయి ప్రమాణాలతో కూడిన సాంకేతిక విద్యను అందించాలనే ఆశయంతో మహానేత వైఎస్‌ రాజశేఖరరెడ్డి స్థాపించిన ట్రిపుల్‌ ఐటీల లక్ష్యం నెరవేరుతోంది. నూజివీడు ట్రిపుల్‌ ఐటీలో 2008–14 సంవత్సరాల మధ్య చదివిన మొదటి బ్యాచ్‌ విద్యార్థి ఆడారి మణికుమార్‌ అమెరికాలోని అమెజాన్‌ వెబ్‌ సర్వీసెస్‌లో సాఫ్ట్‌వేర్‌ డెవలప్‌మెంట్‌ ఇంజనీర్‌గా ఏడాదికి రూ.కోటికి పైగా వేతనంతో ఉద్యోగాన్ని సాధించారు. విశాఖ జిల్లా మారుమూల గ్రామం నుంచి అమెరికాలో ఆకర్షణీయ ఉద్యోగం వరకు సాగిన మణికుమార్‌ ప్రస్థానాన్ని పరిశీలిస్తే.. విశాఖ జిల్లా చింతలగ్రహారం గ్రామానికి చెందిన ఆడారి రాము, మీనాక్షి దంపతుల ఏకైక కుమారుడు మణికుమార్‌. ఇతనికి ఇద్దరు తోబుట్టువులు. అదే గ్రామంలోని హైస్కూల్‌లో 2008లో పదో తరగతిలో 600కు గాను 548 మార్కులు సాధించి నూజివీడు ట్రిపుల్‌ ఐటీలో సీటు దక్కించుకున్నారు. చదువుకుంటున్న రోజుల్లోనే ప్రముఖ ప్రోగ్రామింగ్‌ వెబ్‌సైట్లను అనుసరిస్తూ అల్గారిథమ్‌ సమస్యలకు పరిష్కారాలు కనుగొనే నైపుణ్యాన్ని సంపాదించారు. ఆర్టిఫిషియల్‌ ఇంటెలిజెన్స్‌పై పట్టు సాధించారు. మణికుమార్‌ బీటెక్‌ మూడో సంవత్సరంలో ఉండగానే అమెజాన్‌ మిషన్‌ లెర్నింగ్‌లో ఇంటర్న్‌షిప్‌ చేసే అవకాశాన్ని చేజిక్కించుకున్నారు. ఇష్టమే నడిపించింది ఆర్టిఫిషియల్‌ ఇంటెలిజెన్స్‌ మీద ఆసక్తి ఏర్పడటంతో మణికుమార్‌ అదే రంగంలో ఉద్యోగం చేయాలనుకున్నారు. క్యాంపస్‌ రిక్రూట్‌మెంట్‌కు వచ్చిన కంపెనీల్లో ఉద్యోగం నచ్చకపోవడంతో ఇంటర్వ్యూలకు హాజరు కాలేదు. బీటెక్‌ పూర్తయిన తర్వాత ఒక స్టార్టప్‌ కంపెనీలో ఏడాదికి రూ.8 లక్షల వేతనానికి చేరారు. దాన్ని స్నాప్‌డీల్‌ సంస్థ కొనుగోలు చేసింది. కొద్దికాలం అందులో పనిచేసిన అతనికి 2015లో అమెజాన్‌ సంస్థలో అవకాశం వచ్చింది. అమెజాన్‌కు ఇండియాలో రెండేళ్లు పనిచేశారు. అప్పట్లో ఏడాదికి రూ.18 లక్షల వేతనం అందుకునేవారు. తర్వాత ప్రమోషన్‌తోపాటు అదే కంపెనీకి అమెరికాలో పనిచేసే అవకాశం వచ్చింది. అమెరికాలో ఏడాదికి రూ.40 లక్షల వేతనంతో ఉద్యోగంలో చేరారు. రెండేళ్లు పనిచేశాక.. ప్రస్తుత వేతనం రూ.కోటి దాటింది.   నిరుపేద కుటుంబం నుంచి.. మణికుమార్‌ తండ్రి ఆడారి రాము గ్రామంలో ఎలక్ట్రీషియన్‌ కాగా.. తల్లి వ్యవసాయ పనులకు వెళ్తుండేది. తనతోపాటు ఇద్దరు అక్కలను చదివించడానికి తల్లిదండ్రులు నిరంతరం శ్రమించడాన్ని చిన్నతనం నుంచే గమనిస్తూ వారి నుంచే ప్రేరణ పొందానని మణికుమార్‌ పేర్కొన్నారు.

సాక్షి, జమ్మలమడుగు: పెద్ద పెద్ద చదువులు చదివి ఏదో ఒక ఉద్యోగం వస్తే చాలు అనుకునే వారికి ఈ పేదింటి బిడ్డ ఆదర్శంగా నిలిచింది. ఉద్యోగం పొందడానికి మరీ ఉన్నత చదువులే అక్కరలేదని నిరూపించి శభాష్‌ అనిపించుకుందీ అమ్మాయి. ఈమె ప్రతిభకు ఉద్యోగావకాశాలు దాసోహామయ్యాయి. ఒకటా రెండా ఏకంగా అయిదు సంస్థల్లో ఉద్యోగాలు ఈమె తలుపు తట్టాయి. చిన్నప్పటి నుంచి పట్టుదలగా చదివి రాణించడమే ఇందుకు కారణం. వైఎస్సార్‌ జిల్లా మైలవరం మండలం వేపరాలలో చేనేత కుటుంబానికి చెందిన బడిగించల క్రిష్టమూర్తి, రుణ్మికీల కుమార్తె భాగ్యలక్ష్మి. 10వ తరగతి వరకు గ్రామంలోని జిల్లా పరిషత్‌ ఉన్నత పాఠశాలలో చదువుకుంది. జమ్మలమడుగులోని ఎస్పీ జూనియర్, డీగ్రీకాలేజీలో ఇంటర్మీడియట్, గ్రాడ్యుయేషన్‌ చేసింది. డిగ్రీ మొదటి సంవత్సరంలో 9.5 శాతం, రెండో సంవత్సరంలో 9.3 శాతం మార్కులు సాధించింది. ప్రస్తుతం మూడో సంవత్సరం పరీక్షలు రాసి ఫలితాల కోసం నిరీక్షిస్తోంది. చదువు సాగిస్తూనే తల్లితండ్రులకు ఆసరాగా ఉండాలని ఇంట్లో దుస్తులు కుడుతోంది. బాల్యం నుంచి పట్టుదల మెండుగా ఉన్న భాగ్యలక్ష్మి ప్రణాళికాబద్ధంగా చదువుకోవడం అలవాటు చేసుకుంది. ఈ ఏడాది జనవరి నుంచి తిరుపతిలో విప్రో, టీసీఎస్‌.. కాకినాడలో క్యాప్‌ జెమినీ, హైదరాబాద్‌లో ఇన్ఫోసిస్, కాగ్నిజెంట్‌ కంపెనీలు సెలెక్షన్లు నిర్వహించాయి. రాసిన ప్రతి పరీక్షలోనూ ఈమెను విజయం వరించింది. ఉద్యోగవకాశాలు తలుపు తట్టాయి. కంపెనీలు ఆఫర్‌ లెటర్లు పంపాయి. ఏకంగా ఐదు ఉద్యోగాలకు అర్హత సాధించడంతో కుటుంబ సభ్యుల ఆనందానికి అవధుల్లేవు. భాగ్యలక్ష్మి ప్రతిభకు వేపరాల గ్రామస్తులు హర్షం వ్యక్తం చేస్తున్నారు. డిగ్రీ ఫలితాలు వచ్చాక ఇందులో మంచి ఆఫర్‌ను ఎంపిక చేసుకుని చేరతానని భాగ్యలక్ష్మి ‘సాక్షి’తో చెప్పింది. చదువుతోపాటే భవిష్యత్‌కు బాటవేసుకోవాలని... ప్రతిభను చాటుకుంటే కచ్చితంగా ఉద్యోగావకాశాలు వస్తాయని జమ్మలమడుగుకు చెందిన విద్యావేత్త పి.నాగేశ్వరరెడ్డి చెప్పారు. 

హైదరాబాద్, బిజినెస్‌ బ్యూరో: సింగపూర్‌కు చెందిన డెవలప్‌మెంట్‌ బ్యాంక్‌ ఆఫ్‌ సింగపూర్‌ (డీబీఎస్‌) గ్రూప్‌ సాంకేతికత, అభివృద్ధి అంతా హైదరాబాద్‌ కేంద్రంగానే జరుగుతుంది. 2016లో నగరంలో 2 లక్షల చ.అ.ల్లో డీబీఎస్‌ ఏషియా హబ్‌ 2ను ఏర్పాటు చేసిన విషయం తెలిసిందే. సింగపూర్‌ తర్వాత రెండో అతిపెద్ద టెక్నాలజీ హబ్‌ ఇదే. ఈ సెంటర్‌లో అతిపెద్ద బ్యాంకింగ్‌ అప్లికేషన్స్‌ ప్రొగ్రామింగ్‌ ఇంటర్‌ఫేస్‌ ఫ్లాట్‌ఫామ్స్‌ (ఏపీఐఎస్‌), ఇంటిగ్రేటెడ్‌ ఈ–బ్యాంకింగ్‌ సొల్యూషన్స్, అకౌంటింగ్‌ అండ్‌ ఈఆర్పీ ఫ్లాట్‌ఫామ్‌లను అభివృద్ధి జరుగుతుందని డీబీఎస్‌ బ్యాంక్‌ ఇండియా లిమిటెడ్‌ (డీబీఐఎల్‌) సీఈఓ సురోజిత్‌ షోమీ తెలిపారు. మన దేశంతో పాటూ చైనా, తైవాన్, సింగపూర్, హాంగ్‌కాంగ్‌ మార్కెట్లలో 350కి పైగా ఏపీఐఎస్‌ సేవలందిస్తున్నామని చెప్పారు. మంగళవారమిక్కడ డీబీఐఎల్‌ తొలి బ్యాంక్‌ను ప్రారంభించిన సందర్భంగా ఆయన విలేకరులతో మాట్లాడారు. ‘‘ప్రస్తుతం నానక్‌రాంగూడలోని వేవ్‌రాక్‌లో 2 లక్షల చ.అ.ల్లో డీబీఎస్‌ హబ్‌–2 ఉంది. ఇందులో 2 వేల మంది ఇంజనీర్లు, డెవలపర్లు పనిచేస్తున్నారు. త్వరలోనే రూ.260 కోట్ల పెట్టుబడులతో రాయదుర్గంలోని ఆర్‌ఎంజెడ్‌ స్కైవ్యూలో మరొక 2 లక్షల చ.అ.ల్లో కొత్త క్యాంపస్‌ను ప్రారంభించనున్నాం. ఏడాదిలో వెయ్యి మంది ఇంజనీరింగ్, టెక్నాలజీ నిపుణులను నియమించుకుంటామని’’ ఆయన వివరించారు. 25 నగరాలు, 100 బ్రాంచీలు.. ఇప్పటివరకు డీబీఎస్‌ గ్రూప్‌ ఇండియాలో రూ.7,700 కోట్ల  పెట్టుబడులు పెట్టింది. వచ్చే 12–18 నెలల్లో దేశంలో 25 నగరాల్లో 100 బ్రాంచ్‌లు, కియోస్క్‌లను ఏర్పాటు చేయాలని లకి‡్ష్యంచాం. ఇందుకోసం రూ.125–150 కోట్లు పెట్టుబడులు పెట్టనున్నాం. ఈ నెల ముగింపు నాటికి అహ్మదాబాద్, కోయంబత్తూరు, వడోదర, ఇండోర్, లుథియానాలో 9 బ్రాంచీలు, గ్రామీణ ప్రాంతాల్లో ఐదు బ్రాంచీలను ఏర్పాటు చేయనున్నాం. ప్రస్తుతం ఢిల్లీ, ముంబై, బెంగళూరు, చెన్నై, కోల్‌కతా, పుణె, నాసిక్, సూరత్, కొల్హాపూర్, సాలీం, కుద్దాలూర్, ముర్దాబాద్‌ నగరాల్లో 12 బ్రాంచ్‌లున్నాయి. మూడేళ్లలో 1.50 లక్షల కోట్ల వ్యాపారం.. ప్రస్తుతం డీబీఐఎల్‌కు డిపాజిట్లు రూ.30 వేల కోట్లుగా ఉన్నాయి. ఇందులో సీఏఎస్‌ఏ 15–18%గా ఉంది. వచ్చే ఐదేళ్లలో 25 శాతం సీఏఎస్‌ఏ వృద్ధిని లకి‡్ష్యంచాం. ప్రస్తుతం రూ.50 వేల కోట్ల బ్యాలెన్స్‌ షీట్స్‌ ఉన్నాయి. వచ్చే మూడేళ్లలో రూ.1.50 లక్షల కోట్ల వ్యాపారాన్ని టార్గెట్‌గా పెట్టుకున్నాం. ఇప్పటివరకు కార్పొరేట్‌ రుణాల మీద ఎక్కువ దృష్టిపెట్టాం. ఇక నుంచి ఎస్‌ఎంఈ, రిటైల్‌ రుణాల మీద ఫోకస్‌ చేస్తాం. మొత్తం మొత్తం రుణాల్లో కార్పొరేట్‌ రూ.20 వేల కోట్ల వరకుంటాయి. 18 దేశాలు 280 బ్రాంచీలు.. ఇప్పటివరకు డీబీఎస్‌కు 18 దేశాల్లో 280 బ్రాంచీలు, 1200 ఏటీఎం సెంటర్లున్నాయి. 25 వేల మంది ఉద్యోగులున్నారు. ఏటా 11% వృద్ధి రేటుతో 13.2 సింగపూర్‌ బిలియన్‌ డాలర్ల ఆదాయాన్ని ఆర్జిస్తుంది. గత ఆర్ధిక సంవత్సరంలో 28% వృద్ధితో 5.6 సింగపూర్‌ బిలియన్‌ డాలర్ల లాభాన్ని మూటగట్టుకుంది.   హ్యాక్‌థాన్‌ ద్వారా ఉద్యోగుల నియామకం క్యాంపస్‌ రిక్రూట్‌మెంట్, ఇంటర్వ్యూ వంటివి కాకుండా డీబీఎస్‌ బ్యాంక్‌ ఉద్యోగుల నియామకాలను హ్యాక్‌థాన్‌ ద్వారా నిర్వహిస్తుంది. డీబీఎస్‌ బ్యాంక్‌ మొత్తం నియామకాల్లో 30–40 శాతం హ్యాక్‌థాన్‌ ద్వారానే ఎంపిక చేస్తుంది. హ్యాక్‌ 2 హైర్‌ ప్రోగ్రామ్‌ ద్వారా ఆన్‌లైన్‌ చాలెంజ్‌ నిర్వహించి.. ఎంపికైన అభ్యర్థులు 24 గంటల రియల్‌ లైఫ్‌ బిజినెస్‌ ప్రొబ్లమ్స్‌ను పరిష్కరించాల్సి ఉంటుందని డీబీఎస్‌ ఆసియా హబ్‌ 2 హెడ్‌ మోహిత్‌ కపూర్‌ తెలిపారు. ఒక్కో హ్యాక్‌ 2 హైర్‌లో 13 వేలకు పైగా అభ్యర్థులు పాల్గొంటున్నారని.. క్లౌడ్‌ కంప్యూటింగ్, ఏఐ, మిషన్‌ లెర్నింగ్, బిగ్‌ డేటా విభాగాల్లో సుమారు వంద మంది నిపుణులను నియమించుకుంటామని తెలిపారు. త్వరలోనే 6వ ఎడిషన్‌ను ప్రారంభిచనున్నట్లు  ఆయన చెప్పారు. నాలుగేళ్ల నిరీక్షణకు తెర.. పాతికేళ్ల క్రితం ముంబైలో తొలి బ్రాంచ్‌ ప్రారంభించిన డీబీఎస్‌ బ్యాంక్‌ 2015లో పూర్తి సొంత అనుబంధ సంస్థ (డబ్ల్యూఓఎస్‌) కోసం రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ)కి దరఖాస్తు చేసుకుంది. నాలుగేళ్ల తర్వాత అంటే ఈ ఏడాది మార్చి 1న ఆర్‌బీఐ అనుమతినిచ్చింది. దీంతో ప్రస్తుతం దేశంలోని 12 డీబీఎస్‌ బ్రాంచీలు కూడా డీబీఐఎల్‌లోకి మారాయి. ప్రస్తుతం మన దేశంలో 45 విదేశీ బ్యాంక్‌లున్నాయి. స్టాండర్డ్‌ చార్డెర్డ్‌కు 100 బ్రాంచీలు, సిటీ బ్యాంక్‌కు 35, హెచ్‌ఎస్‌బీసీకీ 26 బ్రాంచీలున్నాయి. స్టేట్‌ బ్యాంక్‌ ఆఫ్‌ మారిషస్‌కు 4 బ్రాంచీలున్నాయి. విదేశీ బ్యాంక్‌ నుంచి డబ్యూఓఎస్‌ బ్యాంక్‌గా మారిన తొలి బ్యాంక్‌ స్టేట్‌ బ్యాంక్‌ ఆఫ్‌ మారిషస్‌. ఇది గతేడాది డిసెంబర్‌లో ఆర్‌బీఐ అనుమతి పొందింది. 

సాక్షి, హైదరాబాద్‌: రాష్ట్రంలోని ఇంజనీరింగ్‌ కాలేజీల్లో క్యాంపస్‌ నియామకాలు మొదలయ్యాయి. ఇందులో భాగంగా జేఎన్‌టీయూ కాలేజ్‌ ఆఫ్‌ ఇంజనీరింగ్‌ ప్లేస్‌మెంట్‌ సెల్‌లో కోర్‌ అండ్‌ డ్రీమ్‌ స్టేటస్‌ క్యాంపస్‌ నియామకాలు ఈ నెల 17, 18 తేదీల్లో జరిగాయి. అందులో మైక్రోసాఫ్ట్‌తో పాటు పలు కంపెనీలు పాల్గొన్నాయి. ఇందులో మైక్రోసాఫ్ట్‌ అత్యధికంగా ఓ విద్యార్థికి ఏడాదికి రూ.36 లక్షల వేతనాన్ని, మరో విద్యార్థికి రూ.24 లక్షల వేతనాన్ని ఆఫర్‌ చేసింది. మ్యాథ్‌ వర్క్స్‌ ఇండియా ప్రైవేట్‌ లిమిటెడ్‌ కంపెనీ మరో ముగ్గురు ఎంటెక్‌ విద్యార్థులకు రూ.17 లక్షల చొప్పున వేతనంతో నియమించుకుంది. రూ.14.5 లక్షల చొప్పున వేతనంతో ఏడుగురు బీటెక్‌ విద్యార్థులను ఎంపిక చేసుకుంది. మరో 10 మంది విద్యార్థులకు జోహో కంపెనీ రూ.6.6 లక్షల ప్యాకేజీ చొప్పున ఇచ్చింది. టెరడాట కంపె నీ రూ.8.28 లక్షల చొప్పున వేతనంతో పలువురు విద్యార్థులను ఎంపిక చేసినట్లు జేఎన్‌టీయూ వీసీ వేణుగోపాల్‌రెడ్డి వెల్లడించారు.

సాక్షి ప్రత్యేక ప్రతినిధి–హైదరాబాద్‌:  ఈ ఏడాది ఇండియన్‌ ఇన్‌స్టిట్యూట్‌ అఫ్‌ టెక్నాలజీ (ఐఐటీ) విద్యార్థుల పంట పండింది. వారిని నియమించుకునేందుకు కంపెనీలు క్యూ కట్టాయి. మునుపెన్నడూ లేని రీతిలో జూలై మొదటి వారం పూర్తయ్యే సరికి పాత ఐఐటీల్లో 99 శాతం, హైదరాబాద్, గాంధీనగర్, మండి, భువనేశ్వర్, రూపార్‌ వంటి పదేళ్ల క్రితం మొదలైన ఐఐటీల్లో 90 శాతం మేర విద్యార్థులకు ఉద్యోగాలు లభించాయి. మామూలుగా ఐఐటీల్లో ఆగస్టులో క్యాంపస్‌ నియామకాలు మొదలై సెప్టెంబర్‌ దాకా జరుగుతాయి. కానీ కంపెనీలు ఈసారి జూన్‌ చివరి వారం నుంచే నియామకాల ప్రక్రియను ప్రారంభించాయి. సాధారణంగా టాప్‌ రేటెడ్‌ ప్రైవేట్‌ ఇంజనీరింగ్‌ కాలేజీల నుంచి విద్యార్థులను నియమించుకునే ఇన్ఫోసిస్, విప్రో వంటి ఐటీ దిగ్గజ కంపెనీలు ఈసారి ఐఐటీయన్ల కోసం పోటీ పడ్డాయి. టాప్‌ రేటెడ్‌ ప్రైవేట్‌ ఇంజనీరింగ్‌ కాలేజీల్లో విద్యార్థులకు ఏడాదికి రూ.3.30 లక్షల వేతనం మాత్రమే ఆఫర్‌ చేస్తున్న ఈ కంపెనీలు ఐఐటీయన్ల వద్దకు వచ్చేసరికి రూ.7.5 లక్షల నుంచి రూ.12 లక్షల దాకా ఆఫర్‌ చేశాయి. డెలాయెట్, పబ్లిషైజ్, సాపినెట్, మహేంద్ర అండ్‌ మహేంద్ర కంపెనీలు పాత కాలేజీల కంటే కొత్త కాలేజీల్లో నియామకాలకే ఎక్కువ ప్రాధాన్యం ఇచ్చాయి. చెన్నై, ఖరగ్‌పూర్, ముంబై, ఢిల్లీ, కాన్పూర్, గౌహతి వంటి ఐఐటీల్లో క్యాంపస్‌ నియామకాల్లో పాల్గొన్న 99 శాతం మంది విద్యార్థులకు రెండు అంతకంటే ఎక్కువ ఉద్యోగాలు లభించాయి. అయితే ఈ క్యాంపస్‌లలో నియామకాలకు హాజరైన విద్యార్థుల సంఖ్య 60 నుంచి 70 శాతం లోపే కావడం విశేషం. మిగిలిన విద్యార్థులు స్టార్టప్‌ కంపెనీలు స్థాపించడమో లేదా ఉన్నత విద్యకు విదేశాలకు వెళ్లడమో వంటి వాటికి ప్లాన్‌ చేస్తున్నారని మైక్రోసాఫ్ట్‌ కంపెనీ సీనియర్‌ టాలెంట్‌ ఆఫీసర్‌ ఒకరు చెప్పారు. హైదరాబాద్‌ ఐఐటీయన్లకు భారీ వేతనాలు హైదరాబాద్, భువనేశ్వర్, గాంధీనగర్, రూపార్‌ ఐఐటీల్లో విద్యార్థులకు అమెజాన్, గోల్డ్‌మ్యాన్‌ శాక్స్, రిలయన్స్‌ జియో, మారుతి సుజుకీ భారీ వేతనాలు ఆఫర్‌ చేశాయి. హైదరాబాద్‌ ఐఐటీ విద్యార్థులు ఇప్పటివరకు 100 కంపెనీల నుంచి 268 ఉద్యోగ ఆఫర్లు పొందారు. ఇది గడచిన ఆరేడేళ్లలో రికార్డు. గతంలో మాదిరి కంపెనీలు విద్యార్థులకు ఆఫర్‌ చేస్తున్న మొత్తాలను బయటకు వెల్లడించకూడదని ఐఐటీ ప్లేస్‌మెంట్‌ కమిటీ నిర్ణయం తీసుకున్న సంగతి తెలిసిందే. గోల్డ్‌మ్యాన్‌ శాక్స్‌ హైదరాబాద్‌ ఐఐటీ విద్యార్థి ఒకరికి ఏడాదికి రూ.1.25 కోట్లు, అమెజాన్‌ కంపెనీ గాంధీనగర్‌ విద్యార్థికి రూ.1.05 కోట్లు ఆఫర్‌ చేసినట్లు తెలిసింది. గోల్డ్‌మ్యాన్‌ శాక్స్‌ జూలై పదో తేదీ నాటికి 65 మంది ఐఐటీయన్లకు ఆఫర్‌ లెటర్లు ఇవ్వగా వారిలో కనిష్ట వేతనం రూ.65 లక్షలుగా ఉన్నట్లు సమాచారం. ‘‘పాత ఐఐటీల్లో నియామకాలకు కంపెనీలు తీవ్రంగా పోటీ పడుతున్నాయి. ప్రస్తుతం అక్కడ రద్దీ తీవ్రంగా ఉంది. దీన్ని దృష్టిలో ఉంచుకుని అంతే సమానమైన టాలెంట్‌ ఉన్న నూతన ఐఐటీల్లో నియామకాలు చేపట్టాం’’అని డెలాయెట్‌ చీఫ్‌ టాలెంట్‌ ఆఫీసర్‌ ఎన్‌.వి.నాథన్‌ చెప్పారు. మహేంద్ర అండ్‌ మహేంద్ర తాను తీసుకుంటున్న కొత్త ఇంజనీర్లలో 40 శాతం మందిని కొత్త ఐఐటీల నుంచే తీసుకుంటోంది. ఇంతకుముందు సంవత్సరాలలో ఈ కంపెనీ టాప్‌ రేటెడ్‌ ఇంజనీరింగ్‌ కాలేజీల నుంచి 85 శాతం, ఐఐటీల నుంచి 15 శాతం మాత్రమే తీసుకునేది. ‘‘మేం పాత ఐఐటీల నుంచి నియామకాలు బాగా తగ్గించాం. ఎందుకంటే వారు సంస్థలో చేరిన వెంటనే ఇతర కంపెనీలకు వలస పోతున్నారు. అందువల్ల కొత్త ఐఐటీయన్లపై దృష్టి సారించాం’’అని ఈ కంపెనీ చీఫ్‌ పీపుల్‌ ఆఫీసర్‌ రాజేశ్వర్‌ త్రిపాఠి వ్యాఖ్యానించారు. గతేడాది కంటే 18 శాతం ఎక్కువ వేతనం హైదరాబాద్, గాంధీనగర్, మండీ, భువనేశ్వర్‌ ఐఐటీల్లోని విద్యార్థులకు కంపెనీలు బేసిక్‌ వేతనం గత ఏడాది కంటే 18 శాతం ఎక్కువగా ఆఫర్‌ చేశాయి. హైదరాబాద్, గాంధీనగర్‌ ఐఐటీల్లో ఈ ఏడాది ఇద్దరు విద్యార్థులకు ఇంటర్నేషనల్‌ కంపెనీలు ఉద్యోగాలు ఆఫర్‌ చేశాయి. గాంధీనగర్‌లో గత సంవత్సరం ఏ ఒక్క విద్యార్థికి ఈ అవకాశం దక్కలేదు. ఎలక్ట్రానిక్‌ వస్తువుల తయారీ దిగ్గజం శ్యామ్‌సంగ్‌ ఈ ఏడాది ఇప్పటికే 60 మంది ఐఐటీ విద్యార్థులకు భారీ వేతనాలు ఆఫర్‌ చేసింది. వీరిలో హైదరాబాద్‌కు చెందిన 24 మంది విద్యార్థులు ఉన్నారు. ఇంటర్నెట్‌ అప్‌ థింగ్స్, ఆర్టిఫీషియల్‌ ఇంటెలిజెన్స్, మెషీన్‌ లెర్నింగ్, బిగ్‌ డేటా, బయోమెట్రిక్స్‌ వంటి రంగాల్లో ప్రతిభ కనబరిచిన ఐఐటీ విద్యార్థులకు శ్యామ్‌సంగ్‌ ఉద్యోగాలు ఆఫర్‌ చేసింది.  

తాడితోట (రాజమహేంద్రవరం): ఈ నెల 14న జియో సంస్థ క్యాంపస్‌ ఇంటర్వ్యూలు నిర్వహిస్తున్నట్టు రాజీవ్‌గాంధీ కళాశాల ప్రిన్సిపాల్‌ ఆర్‌జేడబ్ల్యూ కెనడీ తెలిపారు. శుక్రవారం రాజీవ్‌గాంధీ కళాశాల కాన్ఫరెన్స్‌ హాల్‌లో ఏర్పాటు చేసిన విలేకరుల సమావేశంలో ఆయన మాట్లాడుతూ 2017–18 సంవత్సరాలలో ఏదైనా డిగ్రీ పూర్తి చేసిన అభ్యర్థులను ఎంపిక చేస్తారన్నారు. రాజీవ్‌గాంధీ కళాశాలతో పాటు ఇతర కళాశాలల్లో డిగ్రీ పూర్తిచేసిన వారు ఈ ఇంటర్వ్యూలకు హాజరుకావచ్చునని తెలిపారు. ఆన్‌లైన్‌ పరీక్ష, మౌఖిక ఇంటర్వ్యూ చేసి అభ్యర్థులను ఎంపిక చేస్తారని వివరించారు. సమావేశంలో జియో హెచ్‌ఆర్‌ ధామస్, లోకల్‌ మేనేజర్‌ మహ్మద్‌ నాజిర్, ఫైనాన్స్‌ పీఎస్‌ఎం శ్రీనివాసరావు, రాజీవ్‌గాంధీ కళాశాల సిబ్బంది జోన్స్, రమేష్, శైలజ పాల్గొన్నారు.

బెంగళూరు: ఇన్ఫర్మేషన్‌ టెక్నాలజీ (ఐటీ) కంపెనీల్లో మళ్లీ ఫ్రెషర్స్‌ నియామకాలు ఊపందుకుంటున్నాయి. ముఖ్యంగా మధ్య స్థాయి కంపెనీలైన మైండ్‌ట్రీ, జెన్సర్, హెక్సావేర్‌ తదితర సంస్థలు క్యాంపస్‌ రిక్రూట్‌మెంట్స్‌పై దృష్టి పెడుతున్నాయి. ఈ ఆర్థిక సంవత్సరం ఒక్కో సంస్థ సుమారు వెయ్యి మంది దాకా ఫ్రెషర్స్‌ను తీసుకోనున్నాయి. మైండ్‌ట్రీ గత ఆర్థిక సంవత్సరంలో 1,285 మంది ఫ్రెషర్స్‌ను నియమించుకుంది. ఈ సారి సంఖ్య అంతకు మించి ఉండగలదని మైండ్‌ట్రీ వర్గాలు తెలిపాయి. మరోవైపు.. గతేడాది 1,000 మంది దాకా ఫ్రెషర్స్‌ను తీసుకున్న జెన్సర్‌.. ఈ ఏడాది అదే స్థాయిలో లేదా అంతకు మించి రిక్రూట్‌ చేసుకోవాలని యోచిస్తోంది. తామూ క్యాంపస్‌ నియామకాలను పెంచుకుంటున్నట్లు, ఇప్పటికే 500 మందిని రిక్రూట్‌ చేసుకున్నట్లు హెక్సావేర్‌ వర్గాలు తెలిపాయి.  పెద్ద కంపెనీలు మాత్రం అంతగా క్యాంపస్‌ రిక్రూట్‌మెంట్స్‌ వైపు చూడటం లేదు. అవసరానికి తగ్గట్లుగా వివిధ విభాగాల్లో అల్లుకుపోగలిగే చిన్న, మధ్య స్థాయి ఐటీ కంపెనీలే ఫ్రెషర్స్‌పై ఎక్కువగా మొగ్గు చూపుతున్నాయి. దీంతో గతంలో అంత కాకపోయినప్పటికీ చెప్పుకోతగ్గ స్థాయిలో మళ్లీ ఫ్రెషర్స్‌ నియామకాలు ఉంటున్నాయని మైండ్‌ట్రీ వైస్‌ ప్రెసిడెంట్‌ పంకజ్‌ ఖన్నా తెలిపారు. 2014–15 స్థాయితో పోలిస్తే 60–70% హైరింగ్‌ ఉంటోందని చెప్పారు. డిజిటల్‌ నైపుణ్యాలపై దృష్టి ... మధ్య స్థాయి ఐటీ కంపెనీల ఆదాయాల్లో సగటున 40 శాతం వాటా డిజిటల్‌ వ్యాపారం నుంచే ఉంటోంది. దీంతో అవిæప్రధానంగా డిజిటల్‌ నైపుణ్యాలపై దృష్టి పెడుతున్నాయి. ముఖ్యంగా ఆర్టిఫిషియల్‌ ఇంటెలిజెన్స్, క్లౌడ్, అనలిటిక్స్, మెషీన్‌ లెర్నింగ్‌ తదితర డిజిటల్‌ కోర్సుల్లో సర్టిఫికేషన్‌ ఉన్న విద్యార్థులను ఎంపిక చేసుకుంటున్నాయి. ఇది గుర్తించిన కాలే జీలు.. డిజిటల్‌ నైపుణ్యాలపై పట్టు సాధించేలా విద్యార్థులను ప్రోత్సహిస్తున్నాయి. ఐటీ సంస్థల సమాఖ్య నాస్కామ్‌ నివేదిక ప్రకారం మధ్య స్థాయి ఐటీ సంస్థల్లో 33–35 శాతం సిబ్బంది డిజిటల్‌ నైపుణ్యాల్లో శిక్షణ పొందిన వారు ఉంటున్నారు. అదే చిన్న స్థాయి కంపెనీల్లోనైతే ఇది 38 శాతంగా ఉంటోంది. మరోవైపు, ఐటీ కంపెనీలు సిబ్బంది వినియోగ స్థాయిని కూడా  క్రమంగా పెంచుకుంటున్నాయి. దీంతో బెంచ్‌ సిబ్బంది సంఖ్య 18 శాతానికి తగ్గింది. వనరుల వినియోగం అయిదు శాతం మేర పెరిగింది. దేశీ ఐటీ–బీపీఎం పరిశ్రమ విలువ 167 బిలియన్‌ డాలర్లకు పైగా ఉంటుంది. ఈ ఆర్థిక సంవత్సరంలో 7–9 % వృద్ధి చెందగలదని అంచనా. ఇది 10–12% ఉంటుందని 2016–17లో నాస్కామ్‌ అంచనా వేసినప్పటికీ.. మారిన పరిస్థితుల నేపథ్యంలో వాటిని సవరించక తప్పలేదు.  ఐటీ రంగంలో సుమారు 4,00,000 మంది పైగా ఉద్యోగులు ఉన్నారు. కొన్నాళ్లుగా ఉద్యోగాల కల్పన వృద్ధి మాత్రం మందగించింది. గతేడాది ఐటీ లో నికరంగా లక్ష మంది సిబ్బంది తోడైనట్లు అంచనా.

న్యూఢిల్లీ : ప్రాంగణ నియమాకాలు తగ్గడం, కళాశాలల్లో సీట్ల మిగులు పెరగడంతో 2017-18 సంవత్సరానికి గాను స్వచ్ఛంద మూసివేతకు అనుమతి ఇవ్వాల్సిందిగా దేశ వ్యాప్తంగా దాదాపు 100 మేనేజ్‌మెంట్‌ కళాశాలలు దరఖాస్తు చేసుకున్నట్లు ఆల్ ఇండియా కౌన్సిల్ ఫర్ టెక్నికల్ ఎడ్యుకేషన్(ఏఐసీటీఈ) తెలిపింది. జాతీయ సాంకేతిక విద్య సమాఖ్య(ఏఐసీటీఈ) వివరాల ప్రకారం మేనేజ్‌మెంట్‌ కోర్సులైన ఎంబీఏ, బిజినెస్‌ అడ్మినిస్ట్రేషన్‌లో పీజీ కోర్సును అందించే ఈ 101 బిజినెస్‌ స్కూల్స్‌లో అత్యధిక భాగం ఉత్తరప్రదేశ్‌ (37)కు చెందినవి కాగా తరువాతి స్థానాల్లో కర్ణాటక (10), మహారాష్ట్ర (10) నిలిచాయి. ఈ దరఖాస్తుల్లో ఎక్కువ శాతం కళాశాలలు మూసివేతకు అనుమతి పొందుతాయని అధికారులు తెలిపారు. ఏఐసీటీఈ నివేదికి ప్రకారం 2015-16 సంవత్సరంలో 66 కళాశాలలు, 2016-17లో 76 మేనేజ్‌మెంట్‌ సంస్థలు మూతపడినట్లు వెల్లడించారు. కారణాలు ఇవే... ‘కొన్నాళ్ల కిందట మేనేజ్‌మెంట్‌ విద్య ఐఐఎమ్‌ల్లో, కొన్ని ప్రైవేట్‌ విశ్వవిద్యాలయాల్లో మాత్రమే అందుబాటులో ఉండేది. కానీ మార్కెట్‌లో మేనేజ్‌మెంట్‌ కోర్సులు చదివిన విద్యార్థులకు డిమాండ్‌ పెరగడంతో ప్రభుత్వం ఎక్కువ సంఖ్యలో మేనేజ్‌మెంట్‌ కళాశాలను ఏర్పాటు చేసింది. కానీ సరైన వసతులు, ప్రావీణ్యం కల అధ్యాపకులను నియమించడంలో వెనకబడింది. దాంతో ప్రాంగణ నియమాకలు తగ్గాయి. ప్రస్తుతం దేశ వ్యాప్తంగా దాదాపు 3వేల సాంకేతిక, మేనేజ్‌మెంట్‌ కళాశాలలు ఉన్నాయి. వీటిల్లో చాలా కళాశాలలు కనీస నిబంధనలను కూడా పాటించడం లేదు. విద్యార్థులకు అవసరమైన వసతులను కల్పించడంలో విఫలమవుతున్నాయి. దాంతో ఏటా ప్రాంగణ నియమాకాలు తగ్గిపోతున్నాయి. 2016-17 సంవత్సరానికి గాను దేశవ్యాప్తంగా 1.50 లక్షల మంది ఎంబీఏ పట్టభద్రులు మాత్రమే ప్రాంగణ నియమాకాల ద్వారా ఉద్యోగాలు పొందారు. ప్రస్తుతం మూతపడనున్న 101 కాలేజీల వల్ల 10 వేల సీట్లు తొలగించబడతాయి. ఇవేకాక మరికొన్ని సంస్థలు కేవలం మేనేజ్‌మెంట్‌ కోర్సులను మాత్రమే రద్దు చేయాల్సిందిగా ఏఐసీటీఈని కోరాయి. ఫలితంగా మరో 11 వేల సీట్లు తొలగించబడతాయ’ని ఏఐసీటీఈ సీనియర్‌ అధికారి ఒకరు తెలిపారు.  ప్రభుత్వ స్పందన... ప్రాంగణ నియామకాలు లేకపోవడమే కళాశాలల మూసివేతకు ప్రధాన కారణమని ఏఐసీటీఈ చైర్మన్‌ ఎస్‌ఎస్‌ మంథ తెలిపారు. కళాశాలల మూసివేతను ప్రభుత్వం పెద్ద సమస్యగా భావించడం లేదని కేంద్ర మానవ వనరుల అభివృద్ధి మంత్రిత్వ శాఖ కార్యదర్శి ఆర్‌ సుబ్రమణ్యం అన్నారు. ‘నాణ్యతా ప్రమాణాలు పాటించని కళాశాలలు స్వచ్ఛందగా మూతబడటం మంచి విషయమే. ఎందుకంటే ప్రభుత్వం నాణ్యమైన విద్యను అందించాలనుకుంటుంది. దానికి నంబర్లతో పనిలేదు. విద్యాప్రమాణాలను పెంచడం కోసం ప్రభుత్వం నూతన విధానాలను ప్రవేశపెట్టింది. అందులో భాగంగా కళాశాలల గుర్తింపు కోసం మెనటర్‌షిప్‌ విధానాన్ని, విద్యార్థుల కోసం ఇండక్షన్‌ కార్యక్రమాలను రూపొందించింది. విద్యార్థులకు, పరిశ్రమకు మధ్య వారధి నిర్మించి అర్హులైన వారి ఉపాధి కల్పనకు ప్రభుత్వ కృషి చేస్తుంద’ని చెప్పారు.

కోజికోడ్‌: ప్రతిష్టాత్మక ఇండియన్‌ ఇన్‌స్టిట్యూట్‌ ఆఫ్‌ మేనేజ్‌మెంట్‌–కోజికోడ్‌ (ఐఐఎం–కే) విద్యార్థులను భారీ ఆఫర్స్‌ వరించాయి. ఇటీవల నిర్వహించిన క్యాంపస్‌ ప్లేస్‌మెంట్స్‌లో ఓ విద్యార్థికి అత్యధికంగా ఏడాదికి రూ.52లక్షల వేతనం ఇచ్చేందుకు ఓ సంస్థ ముందుకు రాగా మొత్తం విద్యార్థుల సరాసరి వేతనం రూ.17.76 లక్షలుగా ఉందని ఐఐఎం(కే) ఒక ప్రకటనలో పేర్కొంది. ఈ ఏడాది 382 మంది విద్యార్థుల బ్యాచ్‌లో అత్యధికంగా 367 మందిని డెలాయిట్, బీసీజీ, ఈవై, గోల్డ్‌మన్‌ సాక్స్, పీడబ్ల్యూసీ, ఆర్థర్‌ డీ లిటిల్, జేపీ మోర్గాన్‌ చేజ్‌ వంటి ప్రముఖ సంస్థలు ఎంపిక చేసుకున్నాయని తెలిపింది. మిగతా వారిలో 11 మంది ప్లేస్‌మెంట్‌ ప్రక్రియలో పాల్గొనలేదనీ, నలుగురు మాత్రం ఎంపిక కాలేదని వెల్లడించింది. ఈ ఏడాది క్యాంపస్‌ ఎంపికలకు అత్యధికంగా 178 కంపెనీలు పాల్గొన్నాయనీ, ఇది గత ఏడాది కంటే 58శాతం ఎక్కువని ఐఐటీ–కే తెలిపింది.

కామారెడ్డి టౌన్‌ : ఉన్నత చదువులు చదివినా ఉద్యోగాలు రాక ఇబ్బందులు పడుతున్న ఎంతో మంది యువతను చూస్తున్నాం. ఉద్యోగం కోసం వివిధ రాష్ట్రాలలో ఇంటర్వూ్యలకు వెళ్లిన జాబ్‌లు రానివారు చాలా మంది ఉన్నారు. కానీ ప్రస్తుతం ప్రాంగణ నియామకాలతో డిగ్రీ చేస్తుండగానే చాలా మంది యువత ఉద్యోగం సాధిస్తున్నారు. కళాశాలలకే ప్రముఖ కంపెనీలు వచ్చి ఉద్యోగ అవకాశాలను డిగ్రీ విద్యార్థులకు కల్పిస్తున్నారు. కళాశాలకు చెంతకే వచ్చి ఇంటర్వూ్యలు నిర్వహించి జాబ్‌లకు ఎంపికచేసుకుంటున్నారు. కామారెడ్డిలోని సాందీపని డిగ్రీ కళాశాలలో మూడేళ్లుగా 220 మంది వరకు ప్రాంగణ నియామకాల ద్వారా ఉద్యోగాలు సాధించారు.  డిగ్రీ చేస్తుండగానే జాబ్‌ డిగ్రీ ఫైనలియర్‌ చేస్తుండగానే చాలా మంది యువత జాబ్‌లను కొట్టేస్తున్నారు. ఇన్ఫోసిస్, హిందూజా గ్రూప్, ఎలికో హెల్త్‌కేర్, జెన్‌ప్యాక్ట్, స్మార్ట్‌నెట్‌ ఐటీ సొల్యూషన్స్, ఐకేఎస్, హెల్త్‌కేర్, ఈ–ప్రాంటస్, టెక్‌ మహీంద్ర లాంటి ప్రముఖ కంపెనీల డైరెక్టర్లు, ప్రతినిధులు నేరుగా కళాశాలలకు వచ్చి ఇంటర్వూ్యలను నిర్వహించారు. ఇప్పటివరకు డి గ్రీ ఫైనలియర్‌ చేస్తున్న 2 వేలకు పైగా డిగ్రీ విద్యార్థులకు సాందీపని కళాశాలలో ఇంటర్వూ్యలు నిర్వహించి వీరిలో 220 మందికి ఉద్యోగ అవకాశాలను కల్పించారు. భాషా నైపుణ్యం, స్కిల్స్, కం ప్యూటర్‌ పరిజ్ఞానం ఉన్న విద్యార్థులు ఉద్యోగాలు పొందుతున్నారు. కామారెడ్డి, నిజామాబాద్, హైదరాబాద్, సిద్దిపేట, సిరిసిల్ల, గజ్వేల్, ఆదిలాబాద్, కరీంనగర్‌ జిల్లాల నుంచి వందల మంది విద్యార్థులు ప్రాంగణ నియామకాలకు హాజరవు తూ ఉద్యోగాలను సాధించుకుంటున్నారు. చిన్న వయస్సుల్లోనే ప్రముఖ కంపెనీల్లో ఉద్యోగాలు రావడంతో విద్యార్థులు, వారి తల్లిదండ్రులు ఆనందం వ్యక్తం చేస్తున్నారు. కంపెనీల చుట్టూ తిరగకుండానే ఉద్యోగం  డిగ్రీ ఫైన్‌లియర్‌ చేస్తున్నాను. డిగ్రీ పూర్తికాగానే ఉద్యో గం వస్తుందో రా దోనని భయపడేదాన్ని. కానీ కళాశాల ప్రాంగణ నియామకాలతో చదువుతుండగానే ఉద్యోగం రావడం అదృష్టంగా భావిస్తున్నాను. – దివ్య, బీఎస్సీ బీజెడ్సీ, లింగన్నపేట, సిరిసిల్ల జిల్లా   సద్వినియోగం చేసుకోవాలి ప్రాంగణ నియామకాలతో డిగ్రీ ఫైనలియర్‌ చేస్తుండగానే ఉద్యోగావకాశాలు వస్తున్నాయి. ఆ యా రాష్ట్రాల నుంచి ప్రముఖ కంపెనీ లు వచ్చి ఇంటర్వూ్యలు చేసి ఉద్యోగా లు ఇస్తున్నారు. ఈ అవకాశాన్ని విద్యార్థులు సద్వినియోగం చేసుకోవాలి. – బాలాజీరావు, సాందీపని కళాశాల డైరెక్టర్, కామారెడ్డి  చాలా సంతోషంగా ఉంది నాకు టెక్‌ మహేంద్రలో సాఫ్ట్‌వేర్‌ టెక్సీషియన్‌గా ఉద్యోగం వచ్చింది. కంపెనీవారు కళాశాలకే వచ్చి ఇంటర్వూ్యలో ప్రతిభను గుర్తించి ఉద్యోగాలిస్తున్నారు. డిగ్రీలోనే ఉద్యోగం రావడం ఆనందంగా ఉంది. మా తల్లిదండ్రులు చాలా సంతోషపడుతున్నారు. –పి.సింధు, ఎంఎస్‌టీసీఎస్, కామారెడ్డి  డిగ్రీలోనే ఉద్యోగం  సాందీపనిలో డిగ్రీ పూర్తి చేశాను. డిగ్రీ ఫైనలియర్‌ ఉండగానే ప్రాంగణ నియామకాల్లో టెక్‌ మహేంద్రలో కంపెనీలో ఉద్యోగం వచ్చింది. డిగ్రీలోనే ఉద్యోగం రావడం అదృష్టంగా భావిస్తున్నాను. – జాకీర్, బీకాం సీఏ, రామాయంపేట

కాజీపేట అర్బన్‌: వరంగల్‌ నిట్‌ క్యాంపస్‌ నుంచే చక్కని ఉద్యోగావకాశాలను సొంతం చేసుకునేందుకు ఓ విద్యార్థి నడుంబగించాడు. ఉన్నత విద్య, క్యాంపస్‌ ఇంటర్వ్యూల్లో విజయం సాధించేందుకు నిష్ణాతులచే సలహాలు సూచనలు అం దించేందుకు సరికొత్తగా నిట్‌ వరంగల్‌ కెరీర్‌ సెల్‌ ను ఏర్పాటు చేసి ఔరా అన్పించుకున్నాడు. నిట్‌లోని కెమికల్‌ వి భాగంలో మూడో సంవత్సరం చదువుతున్న ప్రశాంత్‌ రాంశెట్టి స్టూడెంట్‌ కౌన్సిల్‌ సౌజన్యంతో నిట్‌ వరంగల్‌ కెరీర్‌ సెల్‌ను ప్రారంభించాడు. కౌన్సిల్‌ ప్రధాన కార్యదర్శిగా విద్యార్థులతో మమేకమై వారి సమస్యలు పరిష్కరిస్తూ బాసటగా నిలుస్తున్నాడు. జనవరి 18న కెరీర్‌ సెల్‌ ప్రారంభమై విద్యార్థుల సేవలో దూసుకుపోతోంది.  ఎస్‌ఎంపీతో అవగాహన సదస్సు...   స్టూడెంట్‌ మెంటర్‌షిప్‌ ప్రోగ్రాం పేరిట వివిధ కళాశాల్లో ఉన్నత విద్య, క్యాంపస్‌ ఇంటర్వ్యూల్లో విజయం సాధించేందుకు గాను సూచనలు, సలహాలు ఇస్తున్నాడు. క్యాంపస్‌ ఇంటరŠూయ్వల ద్వారా ఎంపికైన వారితో సందేశాలు ఇప్పిస్తున్నాడు. ప్రపంచంలోనే ప్రాచుర్యం పొందిన గ్లాస్‌ మార్ట్‌ కంపెనీ సెయింట్‌ గోబెన్‌కు ఎంపికైన అక్షిత, మయంక్‌ నిట్‌లోని విద్యార్థులకు అవగాహన కల్పించారు. మన్‌హతన్‌ రివ్యూ పేరిట జీఆర్‌ఈ, జీమ్యాట్, టోఫెల్‌లో విజయం సాధించి పీజీ, పీహెచ్‌డీ, ఎంబీఏలో అవకాశం సాధించేందుకు నినిపుణులచే సలహాలు ఇప్పిస్తున్నాడు. స్టూడెంట్‌ సపోర్ట్‌ సర్వీస్‌ వరంగల్‌ నిట్‌లో విద్యార్థుల సమస్యల పరిష్కారానికి స్టూడెంట్‌ సపోర్ట్‌ సర్వీస్‌ను రూపొందించారు. చదువులో వెనుకబడిన విద్యార్థులకు సీనియర్లచే బోధిస్తున్నారు. రీసెర్చ్‌ మెథడాలజీ పేరిట నూతన పరిశోధనలపై మెళకువలను నిట్‌ డైరెక్టర్‌ ఎన్వీ.రమణారావు పవర్‌పాయింట్‌ ప్రెజ ంటేషన్‌ ఇస్తున్నారు. కెరీర్‌ సెల్‌ ద్వారా ‘ఇండిస్పెన్‌సెబుల్‌ రీసెర్చ్‌ టూల్స్‌’ పేరిట నిట్‌ పూర్వవిద్యార్థి  డాక్టర్‌ కోటేశ్వర్‌రెడ్డి ఆన్‌లైన్‌లో సలహాలు అందిస్తున్నారు.. దుబాయ్‌ నుంచి స్కైప్‌ యాప్‌ సాయంతో  ఆధునిక యంత్రాలపై అవగాహన కల్పించారు. అవకాశాలు కల్పిస్తాం.. నిట్‌ వరంగల్స్‌ కెరీర్‌ సెల్‌ ద్వారా విద్యార్థులకు వివిధ రంగాల్లో అవకాశాలు అందించేందుకు కృషి చేస్తున్నా. వేసవి సెలవుల్లో ఐఐటీ ముంబాయి, ఢిల్లీకి వెళ్లాను. అక్కడ కెరీర్‌  సెల్, ఎస్‌ఎంపీలను ఏర్పాటు చేసి విద్యార్థులకు సేవలందిస్తున్నారు. వరంగల్‌ నిట్‌లో సైతం అటువంటి వేదికను రూపొందించా. ఆన్‌లైన్‌లో విద్యార్థులకు స్టడీ మెటీరియల్‌ అందిస్తున్నా.  ఉన్నత విద్య, ఐఏఎస్, యూపీఎస్‌సీలపై అవగాహన అందించేందుకు కెరీర్‌ సెల్‌ తోడ్పడుతుంది. సాయంత్రం వేళ్లల్లో నిట్‌ డైరెక్టర్, స్టూడెంట్‌ కౌన్సిల్‌ ప్రోత్సాహంతో కార్యక్రమాలను నిర్వహిస్తున్నా. – ప్రశాంత్‌ రాంశెట్టి, నిట్‌ విద్యార్థి,ఎస్‌ఎంపీ, కెరీర్‌ సెల్‌ వ్యవస్థాపకుడు

న్యూఢిల్లీ: ఇండియన్‌ ఇనిస్టిట్యూట్స్‌ ఆఫ్‌ టెక్నాలజీ(ఐఐటీ)ల్లో క్యాంపస్‌ ప్లేస్‌మెంట్లు గతేడాది 4.94 శాతం తగ్గాయని కేంద్ర ప్రభుత్వం తెలిపింది. 17 ఐఐటీల్లో 2014–15లో ప్లేస్‌మెంట్ల శాతం 72.82 అని, ఇది 2015–16లో 75.79కి పెరగ్గా 2016–17లో 70.85 శాతానికి తగ్గిందని కేంద్ర మానవ వనరుల అభివృద్ధి శాఖ మంత్రి ప్రకాశ్‌ జవదేకర్‌ గురువారం పార్లమెంట్‌లో వెల్లడించారు. ‘ఐఐటీల్లో క్యాంపస్‌ ప్లేస్‌మెంట్లు పెరగడం, తగ్గడం అనేది అనేక అంశాలపై ఆధారపడి ఉంటుంది. మారుతున్న మార్కెట్‌ పరిస్థితులు; విద్యార్థులు ఉన్నత విద్యకు ప్రాధాన్యమివ్వడం; ఎంటర్‌ప్రెన్యూర్‌షిప్, స్టార్టప్‌ల వైపు దృష్టి సారించడం వంటి కారణాలతో ఈ పరిస్థితి నెలకొంది’ అని రాజ్యసభలో లిఖితపూర్వక సమాధానం ఇచ్చారు. దేశంలో మొత్తం 23 ఐఐటీలు ఉండగా వాటిలో ఆరు ఐఐటీలు 2014–15, 2015–16 నుంచి మాత్రమే అందుబాటులోకి వచ్చాయి. దీంతో మిగిలిన 17 ఐఐటీల్లో మాత్రమే క్యాంపస్‌ ప్లేస్‌మెంట్లు జరుగుతున్నాయి.  

సాక్షి, ముంబయి: ఐఐటీల్లో ప్లేస్‌మెంట్‌లు ఊపందుకోవడంతో నూతనంగా ఏర్పాటైన ఐఐటీలకూ ఆఫర్లు, భారీ వేతన ప్యాకేజ్‌లతో రిక్రూటర్లు ముందుకొస్తున్నారు.గత ఏడాదితో పోలిస్తే నూతన ఐఐటీల్లోనూ అభ్యర్థులకు కంపెనీలు ఆఫర్‌ చేస్తున్న సగటు వేతనాలు భారీగా పెరిగాయి. నూతన ఐఐటీల్లో సాఫ్ట్‌వేర్‌ కంపెనీ అడోబ్‌ ఇప్పటివరకూ అత్యధికంగా రూ 39.13 లక్షల వార్షిక వేతనం ఆఫర్‌ చేసింది. ఐఐటీ పాట్నాకు చెందిన విద్యార్థి ఈ భారీ వేతన ప్యాకేజ్‌ను అందుకున్నాడు. 2008-2009లో  ఇండోర్‌, గాంధీనగర్‌, పాట్నా, మండీల్లో ప్రారంభమైన నూతన ఐఐటీలు ఈ ఏడాది మరికొన్ని దిగ్గజ కంపెనీలను ఆహ్వానిస్తున్నాయి. దీంతో గత ఏడాదికి మించి ఎక్కువ మంది విద్యార్థులకు జాబ్‌ ఆఫర్లు దక్కనున్నాయి. సగటు వేతనాల్లోనూ 6నుంచి 17 శాతం వరకూ వృద్ధి ఉండే అవకాశం ఉందని అధికారులు చెబుతున్నారు. ఈ ఏడాది తాము ప్లేస్‌మెంట్స్‌ కోసం మరిన్ని కంపెనీలను సంప్రదిస్తున్నామని, గతేడాది 47 కంపెనీలు క్యాంపస్‌ను సందర్శిస్తాయని ఐఐటీ పాట్నా ట్రైనింగ్‌, ప్లేస్‌మెంట్‌ సెల్‌ ఇన్‌చార్జ్‌ అమర్‌నాథ్‌ హెగ్డే చెప్పారు.ఐఐటీ పాట్నా ఇప్పటికే తన బ్యాచ్‌లోని 65 శాతం మందికి పైగా అభ్యర్థులకు 117 ఆఫర్లను దక్కించుకుంది. ఐఐటీ మండీలో రిజిస్టర్‌ చేసుకున్న విద్యార్థుల్లో 70 శాతం మందికి కొలువులు లభించాయని తెలిపారు. ఐఐటీ గాంధీనగర్‌ క్యాంపస్‌ను ఇప్పటి వరకూ గతేడాదితో పోలిస్తే 50 శాతం అధికంగా కంపెనీలు విజిట్‌ చేశాయని, జాబ్‌ ఆఫర్లు ఆకర్షణీయంగా ఉన్నాయని కెరీర్‌ డెవలప్‌మెంట్‌ హెడ్‌ అభయ్‌ రాజ్‌ గౌతమ్‌ చెప్పారు. గతేడాది రూ ఏడు లక్షల సగటు వేతనం నుంచి ప్రస్తుతం రూ 7.45 లక్షలకు సగటు వేతనం పెరిగిందని తెలిపారు. ఐఐటీ ఇండోర్‌లోనూ రూ 17 లక్షల సగటు వార్షిక వేతనంతో ఇప్పటికే 74 ఆఫర్లు వచ్చాయి. తొలి దశలో నమోదు చేసుకున్న విద్యార్థులందరికీ ప్లేస్‌మెంట్‌ లభించిందని ఐఐటీ ఇండోర్‌ ప్రతినిధి నిర్మలా మీనన్‌ చెప్పారు.

సాక్షి, హైదరాబాద్‌ : ఎంతో ఆశతో ఇంజనీరింగ్‌ పూర్తి చేస్తున్న విద్యార్థుల ‘ఐటీ’ కలలు కల్లలవుతున్నాయి. చదువు పూర్తికాగానే ఉద్యోగం, మంచి వేతనం వస్తుందన్న ఆశలు కళ్ల ముందే కుప్పకూలుతున్నాయి. ఐటీ కంపెనీలు కాలేజీల్లో క్యాంపస్‌ నియామకాలు తగ్గించేయడం, కొన్ని సంస్థలు అసలు నియామకాల ఊసే ఎత్తకపోతుండటంతో విద్యార్థులు ఆందోళనలో మునిగిపోతున్నారు. గతేడాది దాకా క్యాంపస్‌ నియామకాల్లో పెద్ద సంఖ్యలోనే విద్యార్థులకు ఉద్యోగాలు ఇచ్చిన మైక్రోసాఫ్ట్, గూగుల్, ఫేస్‌బుక్, ఒరాకిల్, డెలాయిట్, జేపీ మోర్గాన్‌ వంటి సంస్థలు ఈ ఏడాది ఒక్కో కాలేజీలో ఐదారుగురికి మాత్రమే ఉద్యోగాలు ఇచ్చాయి. ప్రముఖ అమెరికన్‌ కంపెనీ కాగ్నిజెంట్‌ అయితే ఈ ఏడాది దేశంలో ఒక్క విద్యార్థికి కూడా ఉద్యోగం ఇవ్వకపోవడం గమనార్హం. మరో అమెరికన్‌ కంపెనీ యాక్సెంచర్‌ గతేడాదితో పోలిస్తే ఈసారి 50 శాతం మేర నియామకాలు తగ్గించుకుంది. దేశీయ ఐటీ దిగ్గజాలు టీసీఎస్, ఇన్ఫోసిస్‌లు అదే దారిలో పయనిస్తున్నాయి. విప్రో, క్యాప్‌జెమినీ కంపెనీలు రెండు తెలుగు రాష్ట్రాల్లో కలిపి వెయ్యి మందికి మాత్రమే ఉద్యోగావకాశాలు ఇచ్చాయి. పాతిక కాలేజీల్లోనే క్యాంపస్‌ నియామకాలు! ఐటీ కంపెనీలు ఏటా రాష్ట్రంలోని హైదరాబాద్, వరంగల్‌తోపాటు ఏపీలోని విశాఖపట్నం, కాకినాడ, అనంతపురం, తిరుపతిలలో ఉన్న సుమారు వంద కాలేజీల్లో క్యాంపస్‌ నియామకాలు జరుపుతుంటాయి. కానీ ఈ ఏడాది కేవలం 25 కాలేజీల్లోనే క్యాంపస్‌ నియామకాలు చేపట్టాయి. ఇన్ఫోసిస్‌ కేవలం 15 కాలేజీలకే పరిమితంకాగా.. టీసీఎస్‌ 22 కాలేజీలు, విప్రో, క్యాప్‌జెమినీ కంపెనీలు హైదరాబాద్‌లోని పది కాలేజీలతో సరిపెట్టాయి. ఉస్మానియా వర్సిటీ ఇంజనీరింగ్‌ కాలేజ్, జేఎన్టీయూ, సీబీఐటీ, వాసవి తదితర ఇంజనీరింగ్‌ కాలేజీల్లో ఏటా నియామకాలు చేపట్టే మైక్రోసాఫ్ట్‌ కంపెనీ.. ఈ ఏడాది వాటి జోలికే పోలేదు. కేవలం హైదరాబాద్‌ ఐఐటీ, వరంగల్‌ నిట్‌లకు చెందిన పది మంది విద్యార్థులకు మత్రమే ఉద్యోగాలు ఇచ్చింది. సీబీఐటీ, వాసవి కాలేజీల్లో అత్యంత ప్రతిభావంతులైన నలుగురైదుగురు విద్యార్థులను, అది కూడా ఇంటర్న్‌షిప్‌ కింద ఎంపిక చేసుకుంది. ఏటా 50 నుంచి వంద మంది విద్యార్థులను ఎంపిక చేసుకునే డెలాయిట్‌ సంస్థ కూడా ఈసారి సింగిల్‌ డిజిట్‌కే పరిమితమైంది. ఇక దేశీయ కంపెనీలు గతేడాదితో పోలిస్తే 60 శాతం మేర నియామకాలు తగ్గించుకున్నాయి. ఆందోళనలో విద్యార్థులు ఎంసెట్‌లో మంచి ర్యాంకులు సాధించిన విద్యార్థుల్లో దాదాపు 50 శాతం మంది.. కంప్యూటర్‌ సైన్స్, ఇన్ఫర్మేషన్‌ టెక్నాలజీ కోర్సుల్లోనే చేరారు. కానీ ఐటీ కంపెనీలు పరిమిత సంఖ్యలో ఉద్యోగులను నియమించుకుంటుడటంతో వారు ఆందోళనలో మునిగిపోయారు. సీబీఐటీలో గతేడాది 1,350 మందికి వివిధ కంపెనీలు ఉద్యోగాలను ఆఫర్‌ చేయగా.. ఈసారి ఆ సంఖ్య 750కి లోపేకావడం గమనార్హం. వాసవి, ఎంవీఎస్‌ఆర్, విజ్ఞానజ్యోతి, నారాయణమ్మ, శ్రీనిధి వంటి టాప్‌ కాలేజీల్లోనూ ఈ ఏడాది నియామకాలు 60 శాతం మేర తగ్గాయి. గతేడాది హైదరాబాద్‌లో 40–50 కాలేజీల్లో క్యాంపస్‌ నియామకాలు చేపట్టిన టీసీఎస్, ఇన్ఫోసిస్, విప్రో, యాక్సెంచర్‌ తదితర సంస్థలు ఈ ఏడాది కేవలం పది కాలేజీలకు పరిమితమయ్యాయి. ఉన్న ఉద్యోగులకే ఉద్వాసన! వివిధ ఐటీ సంస్థలు ఈ ఏడాది దాదాపు 56 వేల మంది ఉద్యోగులకు ఉద్వాసన పలకనున్నట్లు వార్తలు వస్తున్నాయి. ఇప్పటికే కొన్ని కంపెనీలు ఉద్యోగులను తొలగిస్తుండగా.. వచ్చే ఆర్నెల్లలో ఇది మరింత పెరిగే అవకాశం ఉందని నిపుణులు హెచ్చరిస్తున్నారు. ‘ఎక్స్‌పెరీస్‌ ఐటీ–మ్యాన్‌పవర్‌గ్రూప్‌ ఇండియా’ ఆధ్వర్యంలో నిర్వహించిన ఐటీ ఎంప్లాయ్‌మెంట్‌ ఔట్‌లుక్‌ సర్వేలో ఈ విషయం వెల్లడైంది. అటు సీనియర్‌ ఉద్యోగుల తొలగింపుతోపాటు కొత్త ఉద్యోగాల కల్పన ప్రక్రియలో క్షీణత నమోదవుతున్నట్లు తేలింది. ఐటీ పరిశ్రమలోని ఈ మందగమనంతో.. స్టార్టప్‌లు, ఐటీ ఉత్పత్తులు, సర్వీస్‌ సంస్థలపై ప్రభావం పడుతుందని సర్వే నివేదిక పేర్కొంది. ప్రపంచవ్యాప్తంగా సాంకేతికంగా వస్తున్న మార్పులకు అనుగుణంగా మన దేశంలోని ఐటీ ఉద్యోగులు నైపుణ్యాలను పెంచుకోకపోవడం ఉద్యోగాల తొలగింపునకు కారణమవుతోంది. అదే నైపుణ్యమున్న ఉద్యోగులకు అవకాశాలు వెతుక్కుంటూ వస్తున్నాయి. క్లౌడ్‌ కంప్యూటింగ్‌ అండ్‌ సాఫ్ట్‌వేర్‌ నైపుణ్యాలు కలిగిన వారికి 29 శాతం, బిగ్‌ డేటా అండ్‌ అనలిస్ట్‌లకు 22 శాతం, మెషీన్‌ లెర్నింగ్, మొబిలిటీలకు 12 శాతం చొప్పున, గ్లోబల్‌ కంటెంట్‌ సొల్యూషన్లలో నైపుణ్యం ఉన్న వారికి 10 శాతం మేర అదనంగా అవకాశాలు ఉన్నట్లు తెలుస్తోంది. నైపుణ్యం పెంచుకోవాల్సిందే.. మార్కెట్‌లో డిమాండ్‌కు తగ్గట్లుగా నైపుణ్యాలను పెంపొందించుకుంటే... అవకాశాలు వాటంతట అవే వెతుక్కుంటూ వస్తాయని ఎక్స్‌పెరీస్‌ సంస్థ అధ్యక్షుడు మన్మీత్‌సింగ్‌ పేర్కొన్నారు. ఐటీ సంస్థలు కూడా తమ ఉద్యోగుల నైపుణ్యాలను పెంచుకునేందుకు చర్యలు తీసుకోవాల్సి ఉందని చెప్పారు. ప్రపంచం ‘డిజిటల్‌ వరల్డ్‌’గా పరివర్తన చెందుతున్న దశలో నైపుణ్యాలను మెరుగుపరుచుకోవడం అత్యంత ఆవశ్యకమని మ్యాన్‌పవర్‌ గ్రూప్‌ ఇండియా ఎండీ ఏజీ రావు అభిప్రాయపడ్డారు. ‘నాస్కామ్‌’ కూడా ఈ విషయాన్ని స్పష్టం చేస్తోందని తెలిపారు. ఆటోమేషనే ప్రధాన కారణం.. ఐటీ కంపెనీలు ఆటోమేషన్‌కు ప్రాధాన్యం ఇస్తున్నాయి. ఇప్పటికే ఉన్న ఉద్యోగులను సైతం ఆటోమేషన్‌ వైపు మళ్లిస్తున్నాయి. దానికితోడు కోడింగ్‌ బాగా వచ్చిన వారికే ఉద్యోగావకాశాలు కల్పిస్తున్నాయి. కొన్ని కంపెనీలు కేవలం కంప్యూటర్‌ సైన్స్, ఐటీ విద్యార్థులను మాత్రమే క్యాంపస్‌ నియామక పరీక్షలకు అనుమతిస్తున్నాయి. వచ్చే ఏడాది కూడా ఇదే పరిస్థితి ఉంటుందా అన్నది ఇప్పుడే చెప్పలేం. కానీ విద్యార్థులు కోడింగ్‌పై దృష్టి సారిస్తేనే మంచి ఉద్యోగాలు పొందగలుగుతారు. – ఎన్‌ఎల్‌ఎన్‌ రెడ్డి, సీబీఐటీ ప్లేస్‌మెంట్‌ ఆఫీసర్‌ హైదరాబాద్‌లో గత ఐదేళ్ల క్యాంపస్‌ నియామకాలు తీరు సంవత్సరం    సంస్థలు    కాలేజీలు    ఉద్యోగాలు 2013        73        79        24,500 2014        69        82        26,300 2015        63        63        19,700 2016        71        55        21,200 2017        56        43        16,700 2018        17        51        3,800 (డిసెంబర్‌ నాటికి)

సాక్షి,న్యూఢిల్లీ: క్యాంపస్‌ ప్లేస్‌మెంట్లు ఊపందుకుంటుడటంతో 2018లో నియామకాల ప్రక్రియ జోరందుకుని జాబ్‌ మార్కెట్ మునుపటి కళ సంతరించుకుంటుందనే అంచనాలు వెల్లడయ్యాయి.జాబ్‌ ఆఫర్లు పెరగడంతో పాటు వేతన స్ధాయిలు, భిన్న రిక్రూటర్లు, ప్రీ ప్లేస్‌మెంట్‌ ఆఫర్ల వంటి అన్ని విభాగాల్లోనూ మెరుగుదల ఉంటుందని భావిస్తున్నారు. అన్ని క్యాంపస్‌లలో జాబ్‌ ఆఫర్ల ఊపు కొనసాగుతుండటం సానుకూల సంకేతాలు పంపుతోంది. ఈ కామర్స్‌ దిగ్గజం అమెజాన్‌ నియామకాల కోసం 90 ఇంజనీరింగ్‌ కాలేజ్‌లు, బిజినెస్‌ స్కూల్స్‌ను ఎంపిక చేసుకుంది. ఐఐటీ బాంబేలో అంతర్జాతీయ ఆఫర్లు 2016లో 50 నుంచి ఈ ఏడాది 60కి పెరగడం గమనార్హం. మరోవైపు అమెరికాకు చెం‍దిన క్లౌడ్‌ డేటా కంపెనీ రుబ్రిక్‌, ఆమ్‌స్టర్‌డ్యామ్‌కు చెందిన ఆప్టివర్‌, బ్రిటన్‌ కంపెనీ హల్మా తదితర సంస్థలు తొలిసారిగా భారత్‌ క్యాంపస్‌లలో నియామకాలు చేపడుతున్నాయి. అమెరికా, యూరప్‌కు చెందిన బహుళజాతి సంస్థలతో పాటు జపాన్‌, తైవాన్‌, దక్షిణ కొరియా, సింగపూర్‌ల నుంచి ఆసియా కంపెనీలు భారత ప్రొఫెషనల్స్‌ను రిక్రూట్‌ చేసుకునేందుకు ఆసక్తి కనబరుస్తున్నాయి. టీమ్‌లీజ్‌ సర్వీసెస్‌ పలు సంస్థలతో కలిసి నిర్వహించన అథ్యయనంలోనూ జాబ్‌ మార్కెట్‌లో స్ధబ్థత వీడి ఉత్తేజం నెలకొన్నట్టు వెల్లడైంది. ఐటీ, బ్యాంకింగ్‌, ఫైనాన్షియల్‌, ఎఫ్‌ఎంసీజీ, కన్జూమర్‌ డ్యూరబుల్స్‌, కన్సల్టింగ్‌ రంగాల్లో నియామకాలు ఊపందుకోగా, ​కాగ్నిజెంట్‌, ఐసీఐసీఐ బ్యాంక్‌, డెలాయిట్‌, క్యాప్‌జెమిని, విప్రో, అమెజాన్‌, ఈవై, హెచ్‌సీ టెక్‌, యాక్సెంచర్‌, కేపీఎంజీలు టాప్‌ రిక్రూటర్స్‌గా ఉన్నాయి.మరోవైపు స్టార్టప్‌లు కూడా పెద్ద ఎత్తున రిక్రూట్‌మెంట్‌కు దిగుతుండటంతో 2018లో కొలువుల మార్కెట్‌ కళకళలాడుతుందని భావిస్తున్నారు.

సాక్షి,చెన్నై: క్యాంపస్‌ రిక్రూట్‌మెంట్లతో ఉన్నత విద్యా సంస్థలు కళకళలాడనున్నాయి. ఆర్థిక మందగమనం క్రమంగా తొలగిపోతుండటంతో దిగ్గజ కంపెనీలు క్యాంపస్‌ రిక్రూట్‌మెంట్లతో తాజా నైపుణ్యాలను సమీకించేందుకు ఆసక్తి కనబరుస్తున్నాయి. డిసెంబర్‌ 1నుంచి ప్రారంభమయ్యే  ఐఐటీ మద్రాస్‌ వార్షిక ప్లేస్‌మెంట్స్‌లో తొలిసారిగా యాపిల్‌, యూఐడీఏఐ వంటి సంస్థలు పాల్గొననున్నాయి. క్యాంపస్‌ రిక్రూట్‌మెంట్‌లో పాల్గొనేందుకు నమోదు చేసుకున్న కంపెనీల్లో దాదాపు 15 శాతం సంస్థలు తొలిసారి ఈ ప్రక్రియలో పాలుపంచుకుంటున్నాయి. వీటిలో యూబీఎస్‌ ఏజీ, నాస్డాక్‌ స్టాక్‌ మార్కెట్‌, అల్వారెజ్‌,మర్సాల్‌ ఇండియా ప్రైవేట్‌ లిమిటెడ్‌, కంట్రీ గార్డెన్‌,హల్మా ఇండియా ప్రైవేట్‌ లిమిటెడ్‌, సెకిసూ కెమికల్‌ వంటి దిగ్గజ కంపెనీలున్నాయి. మొత్తం 400 జాబ్‌ ప్రొఫైల్స్‌తో 270 కంపెనీలు ప్లేస్‌మెంట్స్‌లో పాల్గొనేందుకు రిజిస్టర్‌ చేయించుకున్నాయి. గత ఏడాది ప్లేస్‌మెంట్స్‌లో 250 కంపెనీలు పాల్గొన్నాయి. ఇక ఈ ఏడాది పార్టిసిపెంట్స్‌లో 43 శాతం రిక్రూటర్స్‌ ఇంజనీరింగ్‌, ఆర్‌అండ్‌డీ నుంచి, 25 శాతం ఫైనాన్స్‌ రంగం, 32 శాతం కంపెనీలు ఐటీ రంగం నుంచి పాల్గొంటున్నాయి. 2017-18 క్యాంపస్‌ రిక్రూట్‌మెంట్‌ తొలిదశ డిసెంబర్‌ 1 నుంచి 10 వరకూ జరుగుతుందని ఐఐటీ మద్రాస్‌ వర్గాలు పేర్కొన్నాయి.మరోవైపు ఈ ఏడాది ఐఐటీ మద్రాస్‌ 50 స్టార్టప్‌లకు శ్రీకారం చుట్టనుంది.

ఐఐటీ-హైదరాబాద్‌ విద్యార్థులకు గుడ్‌న్యూస్‌. తొలిసారి కూపర్టినోకి చెందిన టెక్‌ దిగ్గజం ఆపిల్‌ ఇంక్‌ భారత్‌లో క్యాంపస్‌ రిక్రూట్‌మెంట్‌ జరుపడానికి వస్తోంది. ఈ రిక్రూట్‌మెంట్‌ను ఐఐఐటీ-హైదరాబాద్‌లో చేపట్టనుంది. ఇప్పటికే బీటెక్‌, బీఈ, ఎంటెక్‌, ఎంఎస్‌సీ(రీసెర్చ్‌)లో పలు విభాగాలకు చెందిన 350 మంది విద్యార్థులు ప్లేస్‌మెంట్‌ డ్రైవ్‌లో తమ పేర్లను నమోదుచేసుకున్నారు. డిసెంబర్‌లో క్యాంపస్‌ ప్లేస్‌మెంట్‌ డ్రైవ్‌ ప్రారంభించనున్నారు. ఆపిల్‌తో పాటు పలు గ్లోబల్‌ కంపెనీలు మైక్రోసాఫ్ట్‌, గూగుల్‌లు కూడా ఈ ప్లేస్‌మెంట్‌ డ్రైవ్‌లో పాల్గొననున్నాయి. '' ఈ ఏడాది క్యాంపస్‌ ప్లేస్‌మెంట్లకు ఆపిల్‌ రావడం తెలిసి మేము చాలా సంతోషించాం. అయితే ఎలాంటి ప్రొఫైల్స్‌ను కంపెనీ ఆఫర్‌ చేయనుందో ఇంకా స్పష్టత లేదు. విద్యార్థులు వారి నైపుణ్యాలను ప్రదర్శించడానికి ఇది అద్భుత అవకాశం'' అని ఐఐఐటీ-హైదరాబాద్‌ ప్లేస్‌మెంట్ల అధినేత టీవీ దేవీ ప్రసాద్‌ తెలిపారు. ఆర్టిఫిషియల్‌ ఇంటెలిజెన్స్‌, డేటా సైన్సు, ఆటోమేషన్‌లకు నియామకాలు జరుపుకోవడానికి ఈసారి కంపెనీలు ఎక్కువగా వస్తున్నాయన్నారు. ఇటీవల భారత్‌కు విచ్చేసిన ఆపిల్‌ సీఈవో టిమ్‌ కుక్‌, భారత్‌లో పెట్టుబడులు పెంచనున్నట్టు తెలిపారు. అంతేకాక ఆర్టిఫిషియల్‌ ఇంటెలిజెన్స్‌, డేటా సైన్సు, ఆటోమేషన్‌లో నియామకాలను ఎక్కువగా చేపట్టనున్నట్టు వెల్లడించారు.  


 అనంతపురం రూరల్‌ : పీవీకేకే ఇంజినీరింగ్‌ కళాశాలలో ఈ నెల 9న ప్రముఖ సాఫ్ట్‌వేర్‌ కంపెనీ అసెంచర్‌ క్యాంపస్‌ ఇంటర్వ్యూలు చేపడుతున్నట్లు ప్రిన్సిపాల్‌ సంతోష్‌కుమార్‌రెడ్డి  ప్రకటనలో తెలిపారు. బీటెక్, డిగ్రీలో 60 శాతం మార్కులతో ఉత్తీర్ణులైన విద్యార్థులు ఇంటర్వ్యూలకు హాజరు కావాలని కోరారు. ఇతర కళాశాలల విద్యార్థులు కూడా హాజరుకావచ్చునని పేర్కొన్నారు.


 జేఎన్‌టీయూ : అనంతలక్ష్మి ఇంజినీరింగ్‌ కళాశాలకు చెందిన ఐదుగురు విద్యార్థులు క్యాంపస్‌ ఇంటర్వ్యూలో ఎంపికైనట్లు ప్రిన్సిపాల్‌ డాక్టర్‌ బండి రమేష్‌బాబు తెలిపారు. అమెరికన్‌ స్టాఫింగ్‌ కంపెనీ క్యాంపస్‌ ఇంటర్వ్యూలు నిర్వహించిందని పేర్కొన్నారు. ఎంపికైన విద్యార్థులకు అనంతలక్ష్మి ఇంజినీరింగ్‌ కళాశాల చైర్మన్‌ అనంతరాముడు, డైరెక్టర్‌ ఎం.రమేష్‌ నాయుడు అభినందనలు తెలిపారు.


 హిందూపురం అర్బన్‌ : పట్టణంలోని పైప్‌లైన్‌ రోడ్డులో ఉన్న బాలాజీ కళాశాలలో బెంగళూరుకు చెందిన సాఫ్ట్‌వేర్‌ కంపెనీలతో సోమవారం క్యాంపస్‌ సెలక‌్షన్స్‌ నిర్వహిస్తున్నట్లు ప్రిన్సిపల్‌ వీరభద్రప్ప తెలిపారు. సెలక‌్షన్‌లో సాఫ్ట్‌వేర్‌ డెవలప్‌ కంపెనీలు ఇంటర్‌సోగ్‌ ఆటోమెటిక్‌ టెస్టీంగ్‌ గ్రూప్, పీర్‌ జంక‌్షన్‌ సొల్యూషన్స్, డేమర్‌ రీసర్చ్‌ అండ్‌ కన్సల్టెన్సీ సాఫ్ట్‌వేర్‌ కంపెనీల ప్రతినిధులు పాల్గొని ఇంటర్వ్యూలు చేపడుతారని వివరించారు.
 
 బీఈ, బీటెక్, ఎంసీఏ, ఎంబీఎ, ఎమ్మెస్సీ, ఎంకాం, బీకాం కంప్యూటర్స్, బీఎస్సీ కంప్యూటర్స్, బీసీఏ, బీబీఎం తదితర డిగ్రీలు ఉన్న వారు హాజరు కావాలన్నారు. ఇంటర్వ్యూలు మధ్యాహ్నం 12 నుంచి సాయంత్రం 6 గంటల వరకు నిర్వహిస్తారని చెప్పారు. వివరాలకు 73967 11803, 99592 48359, 94413 81867 నంబర్లు సంప్రదించాలని సూచించారు.


 జేఎన్‌టీయూ : అనంతలక్ష్మి ఇంజినీరింగ్‌ కళాశాలలో స్పందన స్ఫూర్తి ఫైనాన్సియల్‌ సర్వీసెస్‌ శుక్రవారం నిర్వహించిన క్యాంపస్‌ ఇంటర్వ్యూలో 8 మంది విద్యార్థులు ఎంపికైనట్లు ప్రిన్సిపాల్‌ డాక్టర్‌ రమేష్‌ బాబు తెలిపారు. ఈ సందర్భంగా ఎంపికైన విద్యార్థులను అనంతలక్ష్మి ఇంజినీరింగ్‌ కళాశాల చైర్మన్‌ అనంతరాముడు, డైరెక్టర్‌ ఎం.రమేష్‌ నాయుడు అభినందించారు.


 జేఎన్‌టీయూ : అనంతలక్ష్మి ఇంజినీరింగ్‌ కళాశాలలో సోమవారం క్యాంపస్‌ ఇంటర్వ్యూలు జరుగుతున్నట్లు ప్రిన్సిపల్‌ డాక్టర్‌ రమేష్‌బాబు తెలిపారు. సివిల్‌ ఇంజినీరింగ్‌ పూర్తి చేసిన విద్యార్థులు ఇంటర్వ్యూలకు హాజరుకావాలని సూచించారు. రేస్టర్‌ టెక్నాలజీ ఇంటర్వ్యూలు నిర్వహిస్తోందన్నారు.


 గుత్తి : పట్టణంలోని గేట్స్‌ ఇంజనీరింగ్‌ కాలేజీలో లక్నోకు  చెందిన సీ – కోర్‌ ఇండియా టెక్నో సొల్యూష¯Œ్స సాఫ్ట్‌వేర్‌ కంపెనీ శుక్రవారం ఎంబీఏ, బీటెక్‌ ఫైనలియర్‌ విద్యార్థులకు క్యాంపస్‌ ఇంటర్వూ్యలు నిర్వహించింది. 13 మందిని ఉద్యోగాలకు ఎంపిక చేసింది. ఇందులో ఎంబీఏ విద్యార్థులు ముగ్గురు, బీటెక్‌ విద్యార్థులు 10 మంది ఉన్నారు.
 
 ఈ సందర్భంగా కంపెనీ హెచ్‌ఆర్‌ ప్రదీప్‌వర్మ మాట్లాడుతూ ఉద్యోగాలకు ఎంపిౖకెన ఒక్కొక్క విద్యార్థికి ఏడాదికి రూ.2.4 లక్షల వేతనం ఇస్తామన్నారు. ఉద్యోగాలకు ఎంపికైన విద్యార్థులను గేట్స్‌ కరస్పాండెంట్‌ వీకే సుధీర్‌రెడ్డి, డైరెక్టర్లు వీకే పద్మావతి, వీకే వాణి, ప్రిన్సిపాల్‌ డాక్టర్‌ నాగమల్లేశ్వరరావు, ప్లేస్‌మెంట్‌ ఆఫీసర్‌ ప్రతాప్‌రెడ్డి, పీడీ జోయెల్‌ అభినందించారు.


 కోల్‌కతా: ఐఐటీ ఖరగ్‌పూర్‌లో జరుగుతున్న తొలిదశ ప్రాంగణ నియామకాల్లో కేవలం 13 రోజుల్లోనే వేయి మందికి పైగా విద్యార్థులు ఉద్యోగాలు సొంతం చేసుకున్నారు. 44 ప్రభుత్వ రంగ సంస్థ(పీఎస్‌యూ)లు సహా దేశవిదేశాల నుంచి సుమారు 175 కంపెనీలు ఈసారి క్యాంపస్‌ రిక్రూట్‌మెంట్‌లో పాల్గొంటున్నాయి. ఇప్పటి వరకు ఏడు పీఎస్‌యూలు 44 మందిని నియమించుకున్నాయి. కోల్‌ఇండియా అత్యధికంగా 26 మందిని ఎంపికచేసుకుంది. మైక్రోసాఫ్ట్, ఒరాకిల్, స్ప్రింక్లర్,  డెల్టాలాంటి అంతర్జాతీయ కంపెనీలు 24 మందికి ఉద్యోగాలిచ్చాయి. ఈ ఏడాది కోర్‌ ఇంజినీరింగ్‌ విభాగంలో ఎక్కువ మంది ఎంపికయ్యారని ఐఐటీ కెరీర్‌ డెవలప్‌మెంట్‌ కేంద్రం చైర్మన్ ప్రొ.దేవశిశ్‌ దేవ్‌ చెప్పారు. గతేడాది ఇదే సమయంతో పోల్చితే ఈ రంగంలో ఇచ్చిన ఉద్యోగాల సంఖ్య 20 శాతం పెరిగిందని, మొత్తంగా శాంసంగ్‌ అత్యధికంగా 47 మందిని తీసుకుందని తెలిపారు.


 ఈసారి క్యాంపస్ రిక్రూట్‌మెంట్ల కోసం చాలా కంపెనీలు ఐఐటీలకు వెళ్లాయి. కానీ, గత సంవత్సరంతో పోలిస్తే ఆ కంపెనీలు ఇచ్చిన ఆఫర్లు మాత్రం చాలా తగ్గిపోయాయి. ఐఐటీ బాంబేలో గోల్డ్‌మన్ సాక్స్ కంపెనీ గత సంవత్సరం 16 మందిని తీసుకోగా, ఈసారి 13 మందినే తీసుకుంది. అలాగే బీసీజీ అనే కన్సల్టింగ్ సంస్థ గత సంవత్సరం తొమ్మిది మందికి అవకాశం ఇస్తే, ఈసారి నలుగురినే ఎంచుకుంది. ఈసారి ఎనలిటిక్స్ రంగం నుంచి ఎక్కువ ఆఫర్లు వచ్చాయంటున్నారు. గోల్డ్‌మన్ సాక్స్, జేపీ మోర్గాన్ లాంటి కంపెనీలు సాధారణంగా కోర్ ఫైనాన్స్ ప్రొఫైల్స్ నుంచే ఎక్కువ మందిని తీసుకుంటాయి. కానీ, ఈసారి వాళ్లు కూడా ఎనలిటిక్స్‌లోకే ఎక్కువగా తీసుకున్నారు. డచ్ బ్యాంక్, ఫ్లో ట్రేడర్స్ లాంటి కంపెనీలు మాత్రమే కోర్ ఫైనాన్స్ ఉద్యోగాలు ఆఫర్ చేశాయని, మిగిలినవి తీసుకున్నవే తక్కువైనా, అవి కూడా ఎనలిటిక్స్‌లోకే తీసుకున్నాయని ఓ విద్యార్థి చెప్పాడు. 
  
 ఈ తరహా కంపెనీలకు ఎక్కువగా ఫైనాన్స్ ఉద్యోగాల కోసమే వెళ్తారని, కానీ వాళ్లు కూడా సాఫ్ట్‌వేర్, కోడింగ్ విద్యార్థులను అడుగుతున్నారని మరో విద్యార్థి తెలిపాడు. ఏఎన్‌జడ్, యాక్సిస్, సిటీఫైనాన్స్ లాంటి బ్యాంకులు కూడా తమకు ఎక్కువగా ఫైనాన్షియల్ బ్యాక్‌గ్రౌండ్ ఉన్నవాళ్లు అక్కర్లేదు గానీ ప్రోగ్రామింగ్ నైపుణ్యాలు, స్టాటస్టికల్ మోడలింగ్ వచ్చినవాళ్లు కావాలంటున్నాయి. ఒక్కసారిగా ఆఫర్లు తగ్గిపోవడంతో బ్యాంకులు, ఇతర ఆర్థిక సంస్థల్లో ఇంటర్న్‌షిప్ చేసిన విద్యార్థులు నీరసించిపోయారు. 
  
 ఇక ఐఐటీ ఖరగ్‌పూర్‌లో కూడా బిగ్ డేటా ఎనలిటిక్స్ రంగంలో 10 శాతం వృద్ధి కనిపించింది. ఈ రోజుల్లో నిర్ణయాలు తీసుకోవాలంటే ఎక్కువగా డేటా ఎనలిటిక్స్ మీదే ఆధారపడుతున్నారని, నిర్ణయాలన్నింటికీ డేటాయే ఆధారమని ఓ ప్లేస్‌మెంట్ రిప్రజెంటేటివ్ తెలిపారు. ఇప్పుడు ఈ రంగంలో రిక్రూట్‌మెంట్లు బాగా పెరిగాయని, ఇంతకుముందు సాధారణ బిజినెస్ ఎనలిటిక్స్ రంగంలో మాత్రమే తీసుకునే సంస్థలు కూడా ఇప్పుడు డేటా ఎనలిటిక్స్ నిపుణుల కోసం చూస్తున్నాయన్నారు. దాంతోపాటు కోడింగ్ కూడా వచ్చి ఉంటే బంపర్ చాన్సులు వస్తున్నాయట. సాధారణంగా జేపీ మోర్గాన్ సంస్థ ఇన్నాళ్లూ కేవలం ఇన్వెస్ట్‌మెంట్ బ్యాంకింగ్ రంగంలోనే ఉద్యోగాలు ఇచ్చేది గానీ, ఇప్పుడు మాత్రం అది కేవలం డేటా రోల్స్‌లోకి మాత్రమే తీసుకుంటోంది. 
  
 చాలా కంపెనీలు ఇప్పుడు డేటా ఎనలిటిక్స్ ప్రొఫైల్స్ కావాలనే అడుగుతున్నాయని, అందువల్ల విద్యార్థులు ఈ రంగంలో ఎక్కువగా దృష్టిపెట్టాలని ఐఐటీ మద్రాస్‌లో ప్లేస్‌మెంట్ ఇన్‌చార్జి అయిన ప్రొఫెసర్ మను సంతానం తెలిపారు. కంపెనీలు డేటా ఎనలిటిక్స్ రోల్స్ అడుగుతున్నాయని, కానీ విద్యార్థులకు దాని గురించే తెలియపోవడంతో రిక్రూట్‌మెంట్లు తగ్గాయని వివరించారు. ఐఐటీ రూర్కీలో కూడా ఇదే పరిస్థితి. అక్కడ కూడా రిక్రూట్‌మెంట్లు బాగా తగ్గిపోయాయి. వస్తున్న కంపెనీల సంఖ్య బాగానే పెరిగింది గానీ, వాళ్లు తీసుకుంటున్న విద్యార్థుల సంఖ్య మాత్రం బాగా తగ్గిందని అక్కడి ప్లేస్‌మెంట్ ఇన్చార్జి ప్రొఫెసర్ ఎన్‌పీ పాదీ చెప్పారు. 


 అమెరికా కొత్త అధ్యక్షుడిగా ఎన్నికైన డోనాల్డ్ ట్రంప్ ప్రభుత్వంలో అమెరికా వీసా విధానం మరింత బిగుసుకునే ప్రమాదం కనిపిస్తుండటంతో.. భారత ఐటీ కంపెనీలు అక్కడ క్యాంపస్ నియామకాల జోరు పెంచాయి. దాంతోపాటు అమెరికాలో ఉన్న చిన్న చిన్న ఐటీ కంపెనీలను కొనేస్తున్నాయి. టాటా కన్సల్టెన్సీ సర్వీసెస్ (టీసీఎస్), ఇన్ఫోసిస్, విప్రో లాంటి సంస్థలు చాలా కాలంగా ఇక్కడ ఉన్న సాఫ్ట్‌వేర్ ఇంజనీర్లకు హెచ్1-బి వీసాలు ఇప్పించి వాళ్లను అమెరికా, ఇతర దేశాలలోని క్లయింట్ లొకేషన్లకు తాత్కాలికంగా పంపుతున్నాయి. 2005-14 సంవత్సరాల మధ్య కేవలం ఈ మూడు కంపెనీల నుంచే హెచ్1-బి వీసాలు తీసుకున్నవాళ్లు దాదాపు 86వేల మంది ఉన్నారు. 
  
 ఇప్పుడు ట్రంప్ అధికారం చేపడుతుండటంతో.. చాలా కాలం నుంచి ఆయన చెబుతున్న మాట ఐటీ కంపెనీల్లో గుబులు పుట్టిస్తోంది. చాలా కాలంగా వీసా విధానాన్ని విమర్శిస్తున్న సెనెటర్ జెఫ్ సెషన్స్‌ను అటార్నీ జనరల్‌గా కూడా ఆయన ఎంచుకున్నారు. దాంతో అమెరికా వీసాల విషయంలో రక్షణాత్మక విధానాన్ని అవలంబిస్తుందని భావిస్తున్నారు. అయితే.. ఇక్కడివాళ్లు అనవసరంగా ఇమ్మిగ్రేషన్‌ విషయంలో బాగా నిపుణులైన తాత్కాలిక ఉద్యోగుల గురించి భయపడుతున్నారని, ఎందుకంటే తాము కేవలం కొన్నాళ్ల పాటు మాత్రమే ఇక్కడ ఉండి పనిచేస్తామని ఇన్ఫోసిస్‌లో చీఫ్ ఆపరేటింగ్ ఆఫీసర్‌గా ఉన్న ప్రవీణ్ రావు తెలిపారు. 
  
 ఇప్పుడు హెచ్1-బి వీసాలను నియంత్రించే అవకాశం స్పష్టంగా కనిపిస్తుండటంతో.. అమెరికాలోనే క్యాంపస్ నియామకాల ద్వారా స్థానికులను పెద్ద ఎత్తున తమ కంపెనీలలో చేర్చుకోవాలని ఐటీ దిగ్గజాలు భావిస్తున్నాయి. దానివల్ల అక్కడివారికి ఉద్యోగావకాశాలు కల్పించినట్లు అవ్వడంతో పాటు.. తమ కంపెనీల విషయంలో కాస్త చూసీ చూడనట్లుగా వ్యవహరిస్తారనే ఆలోచన కూడా వస్తున్నట్లు సమాచారం. దాంతోపాటు అమెరికా, ఇతర దేశాల్లో ఉన్న చిన్నపాటి ఐటీ కంపెనీలను కొనేయడానికి కూడా ఈ కంపెనీలు సిద్ధమవుతున్నాయి. దానివల్ల తమ కంపెనీలలో పనిచేసే స్థానికుల సంఖ్య పెరుగుతుందని, పాతవాళ్లను పంపాల్సిన అవసరం ఉండదని భావిస్తున్నాయి. 


 కోల్కత్తా : అత్యంత ప్రతిష్టాత్మకమైన ఇండియన్ ఇన్స్టిట్యూట్ ఆఫ్ టెక్నాలజీలలో కంపెనీల బ్లాక్లిస్టుల జాబితా పెరుగుతోంది. తాజాగా ఐఐటీ ఖరగ్పూర్, తమ క్యాంపస్లో రిక్రూట్మెంట్ జరుపకుండా ఎనిమిది స్టార్టప్లపై నిషేధం విధించింది. ఉద్యోగ ఆఫర్లు ఇచ్చి అనంతరం వెనక్కి తగ్గేసిన నేపథ్యంలో ఈ స్టార్టప్లను ఖరగ్పూర్ బ్లాక్ లిస్టులో పెడుతున్నట్టు ప్రకటించింది. గతేడాది తమ విద్యార్థులకు ఈ స్టార్టప్లు ఆఫర్ లెటర్లు ఇచ్చారని, అనంతరం ఆ లెటర్లను ఉపసంహరించుకున్నారని ఇన్స్టిట్యూట్ ప్లేస్మెంట్ చైర్మన్ దేవాసిస్ దేవ్ తెలిపారు.
  
 దీంతో ఆ స్టార్టప్లను క్యాంపస్లోకి ఈ ఏడాది అడుగుపెట్టే వీలులేకుండా నిషేధం విధించినట్టు పేర్కొన్నారు.  ఈ ఏడాది 10 నుంచి 12 స్టార్టప్లకు క్యాంపస్లో ప్లేస్మెంట్లకు అనుమతిస్తున్నామని చెప్పారు. ఇప్పటికే దేశవ్యాప్తంగా ఉన్న ఐఐటీలు మొత్తం 31 స్టార్టప్లపై నిషేధం విధించాయి.   ఆఫర్ లెటర్లు ఇచ్చి, అనంతరం ఉద్యోగంలో జాయిన్ చేసుకోకుండా జాప్యం చేయడం, లేదా ఆ ఆఫర్లను వెనక్కి తీసుకోవడం వంటి కారణాలతో ఆ కంపెనీలపై ఐఐటీలు వేటు వేస్తున్నాయి. 


 వేంపల్లె : ఇడుపులపాయ ట్రిపుల్‌ ఐటీలో గురువారం ప్రముఖ బహుళ జాతి సంస్థలలో ఒకటైన టీసీఎస్‌ (టాటా కన్సల్టెన్సీ సర్వీసెస్‌) నిర్వహించిన ప్రాంగణ నియామకాల్లో 21 మంది విద్యార్థులు ఎంపికయ్యారు. తొలి దశలో 450 మందికి ఆన్‌లైన్‌ పరీక్ష నిర్వహించగా.. ఇందులో 117 మంది టెక్నికల్‌ ఇంటర్వ్యూకు అర్హత సాధించారు. వీరికి ఎస్‌ఆర్‌ నిర్వహించిన ఇంటర్వ్యూలో 21 మంది విద్యార్థులు తమ ప్రతిభతో ఉద్యోగాలు సాధించారు. ఈసీఈ 13 మంది, సీఎస్‌ఈ 5 మంది, మెకానికల్‌ 2, సివిల్‌ ఒకరు ఎంపికయ్యారు. ఎంపికైన విద్యార్థులకు రూ. 3.40 లక్షల వార్షిక వేతనం లభించనుందని అధికారులు తెలిపారు. ఈ ఎంపిక పట్ల డైరెక్టర్‌ భగవన్నారాయణ, పరిపాలనాధికారి అమరేంద్ర కుమార్, అధికారులు కేఎల్‌ఎన్‌రెడ్డి, వేణుగోపాల్‌రెడ్డి, అమరనాథరెడ్డి, ప్లేస్‌మెంటు అధికారులు అశోక్‌ సుందర్ హర్షం వ్యక్తం చేశారు.
  


 అనంతపురం న్యూసిటీ : పీవీకేకే ఇంజనీరింగ్‌ కళాశాలలో బుధవారం టీబీఎస్‌ఎస్, ఐకేఎస్, ఎస్‌ఈఐఎస్, నోవా సొల్యూషన్స్, సిగ్నల్‌ వైర్‌ టెలికాం కంపెనీల ప్రతినిధులు క్యాంపస్ ఇంటర్వ్యూలు నిర్వహించారు. మౌఖిక, రాత విభాగాల్లో విద్యార్థులకు పరీక్షలు నిర్వహించి ప్రతిభ చూపిన 16 మందిని ఉద్యోగాలకు ఎంపిక చేశారు. ఎంపికైన వారికి శిక్షణ ఇచ్చిన తర్వాత హైదరాబాద్‌లో ఉద్యోగ అవకాశం కల్పిస్తారని కళాశాల ప్రిన్సిపల్‌ సంతోష్‌కుమార్‌ రెడ్డి తెలిపారు.  కార్యక్రమంలో హెచ్‌ఆర్‌ మేనేజర్లు పి. సుగుణ, గోపీచంద్‌ తదితరులు పాల్గొన్నారు. 


 భీమవరం:
 భీమవరం శ్రీవిష్ణు మహిళా ఇంజినీరింగ్‌ కళాశాలలో ప్రస్తుత విద్యాసంవత్సరంలో నాల్గవ సంవత్సరం ఇంజినీరింగ్‌ చదువుతున్న విద్యార్థులకు వివిధ బహుళ జాతీయ సంస్థలు నిర్వహించిన క్యాంపస్‌ ఇంటర్యూల్లో 502 మందికిపైగా ఎంపిక కావడంతో కళాశాలలో శనివారం విజయోత్సవ వేడుకలు నిర్వహించారు. గత మూణెళ్లుగా రాత, ఆన్‌లైన్‌ పరీక్షలు, గ్రూప్‌ డిస్కషన్స్, సాంకేతిక, మానసిక పరీక్షల అనంతరం అర్హులైన విద్యార్థులను ఎంపిక చేశారు. వీరిలో ఐబిఎం సంస్థకు 179 మంది, క్యాప్‌ జెమినీ 167, ఇన్ఫోసిస్‌ 54, టెక్‌ మహీంద్రా 82, జాన్‌డీర్‌ 7, కోని ల్యాబ్స్‌ 6, టాలెంట్‌ స్ప్రింట్‌ 3, థర్మాక్స్‌ 2, ఎన్‌టిటి డేటా ఇరువురు ఉగ్యోగాలకు ఎంపికయ్యారు. దీంతో కళాశాల యాజమాన్యం, విద్యార్థులు, అధ్యాపకులు క్యాంపస్‌ ఇంటర్యూల శిక్షణా బందంతో కలిసి భారీ కేక్‌ కట్‌ చేసి విజయోత్సవం నిర్వహించారు. ఈ సందర్భంగా శ్రీవిష్ణు ఎడ్యుకేషనల్‌ సొసైటి చైర్మన్‌ కెవి విష్ణురాజు మాట్లాడుతూ క్యాంపస్‌ సెలక్షన్స్‌లో ఎంపికైన వారిలో ఎక్కువగా గ్రామీణ ప్రాంతానికి చెందిన వారు కావడం అభినందనీయమని  విద్య పట్ల గ్రామీణ ప్రాంతాలు, వ్యవసాయ కుటుంబాలకు అమితాసక్తి కనబరుస్తున్నాయనడానికి ఇదే నిదర్శనమన్నారు. ఈ సందర్భంగా పలువురు విద్యార్థులు క్యాంపస్‌ సెలక్షన్స్‌లో ఎంపిక కావడం పట్ల తమ మనోభావాలను వెల్లడించారు. ఈ కార్యక్రమంలో సొసైటి వైస్‌ చైర్మన్‌ ఆర్‌.రవిచంద్రన్, ప్రిన్సిపాల్‌ డాక్టర్‌ జి.శ్రీనివాసరావు, వైస్‌ ప్రిన్సిపాల్‌ డాక్టర్‌ పి.శ్రీనివాసరాజు, ప్లేస్‌మెంట్‌ ఆఫీసర్‌ డాక్టర్‌ జి.సుబ్బరాజు పాల్గొన్నారు. 
  


 ⇒ ఈ ఏడాది క్యాంపస్ నియామకాలకు కష్టకాలమే
 ⇒ కిందటేడాదితో పోలిస్తే 50 శాతం మేర తగ్గనున్న రిక్రూట్‌మెంట్లు!
 ⇒ నియామకాల్లో భారీగా కోత విధించుకున్న ఐటీ కంపెనీలు
 ⇒ ద్వితీయ, తృతీయ శ్రేణి కాలేజీల్లో రిక్రూట్‌మెంట్లు ఉండవన్న టీసీఎస్
 ⇒ హైదరాబాద్, రంగారెడ్డి జిల్లాల్లోని 25కుపైగా కాలేజీలకు సమాచారం
 ⇒ ఎంజీఐటీ, వర్ధమాన్, గోకరాజు, సీవీఆర్ కాలేజీలకు లేఖ
 ⇒ టాప్ కాలేజీలకే పరిమితంకానున్న ఇన్ఫోసిస్, కాగ్నిజెంట్, యాక్సెంచర్, విప్రో
 ⇒ అమెరికా ఎన్నికలు, బ్రెగ్జిట్ పరిణామాలే ప్రధాన కారణం
 ⇒ ఐటీ ఆర్డర్లు వస్తే నియామకాలు మళ్లీ ఊపందుకుంటాయంటున్న నిపుణులు
  
 సాక్షి, హైదరాబాద్
 కాలేజీల్లో క్యాంపస్ నియామకాలకు బ్రేక్ పడింది! కిందటేడాది వరకు కాలేజీల ముందు క్యూ కట్టిన ఐటీ కంపెనీలన్నీ డీలా పడ్డాయి. అమెరికాలో రాజకీయ అనిశ్చితి.. ఐరోపా సమాఖ్య నుంచి బ్రిటన్ విడిపోవడం.. వంటి పరిణామాల నేపథ్యంలో దేశీయ, విదేశీ ఐటీ కంపెనీలు ఈ ఏడాది ఇంజనీరింగ్ కాలేజీల్లో క్యాంపస్ రిక్రూట్‌మెంట్లను భారీగా తగ్గించుకుంటున్నాయి. దేశీయ ఐటీ దిగ్గజ కంపెనీలైన ఇన్ఫోసిస్, టీసీఎస్‌లు.. ద్వితీయ శ్రేణి కాలేజీల్లో ఈ ఏడాది నియామకాలు చేపట్టడం లేదు. ఇవేకాదు.. కాగ్నిజెంట్, యాక్సెంచర్, విప్రో, ఇన్ఫోసిస్ వంటి కంపెనీలు సైతం టాప్ కాలేజీల వరకే పరిమితం కావాలని నిర్ణయించుకున్నాయి. మొత్తమ్మీద ఈ ఏడాది 30 నుంచి 40 శాతం మేర క్యాంపస్ నియామకాలను తగ్గించుకుంటున్నట్లు కంపెనీలు సూచనప్రాయంగా వెల్లడిం చాయి.
  
  ఐటీ పరిశ్రమ వర్గాలు అందిస్తున్న సమాచారం ప్రకారం.. గతేడాదితో పోలిస్తే తెలుగు రాష్ట్రాల్లో ఈసారి క్యాంపస్ రిక్రూట్‌మెంట్లు 50 శాతం మేర తగ్గిపోనున్నాయి. ఈసారి క్యాంపస్ నియామకాలు చేపట్టబోమంటూ హైదరాబాద్, రంగారెడ్డి జిల్లాలోని 25 ఇంజనీరింగ్ కాలేజీలకు టాటా కన్సల్టెన్సీ సర్వీసెస్ (టీసీఎస్) కంపెనీ సెప్టెంబర్ మొదటివారంలోనే తెలియజేసింది. ఈ మేరకు కాలేజీ క్యాంపస్ ప్లేస్‌మెంట్ విభాగాలకు లేఖలు రాసింది. ఇలా లేఖలు అందుకున్న ప్రముఖ కాలేజీల్లో ఎంజీఐటీ, గోకరాజు రంగరాజు, వర్ధమాన్, సీవీఆర్ వంటివి ఉన్నాయి.
  
  ఇన్ఫోసిస్‌కు బ్రెగ్జిట్ దెబ్బ
  ఏటా దేశవ్యాప్తంగా ప్రముఖ ఇంజనీరింగ్ కాలేజీల నుంచి 15 నుంచి 20 వేల మందికి క్యాంపస్ సెలక్షన్ ద్వారా ఉద్యోగాలు కల్పిస్తున్న ఇన్ఫోసిస్ ఈసారి ఆ సంఖ్యను 10 వేలకు తగ్గించుకున్నట్లు సమాచారం. బ్రెగ్జిట్‌తో భారీ ఆర్డర్ కోల్పోయిన ఇన్ఫోసిస్.. ఈ ఏడాది అగ్రశ్రేణి ఇంజనీరింగ్ కాలేజీల్లో చేపట్టబోయే రిక్రూట్‌మెంట్లను 20 శాతం మేర తగ్గించుకోనుంది. ఇక ద్వితీయ శ్రేణి ఇంజనీరింగ్ కాలేజీల్లో రిక్రూట్‌మెంట్లు చేపట్టాలా వద్దా అన్న విషయంలో ఇంకా నిర్ణయం తీసుకోలేదు. ‘‘పరిస్థితులను బట్టి నిర్ణయం తీసుకోవాల్సి ఉంటుంది. అమెరికాలో ఎన్నికలు, రాజకీయ అనిశ్చితి కారణంగా ఐటీ ఆర్డర్లలో మాంద్యం కనిపిస్తోంది. ప్రతి పదేళ్లలో ఒకట్రెండు సార్లు ఇది సహజమే’’ అని బెంగళూరుకు చెందిన ఇన్ఫోసిస్ అధికారి ఒకరు వెల్లడించారు.
  
  కిందటేడాదితో పోలిస్తే ఈ ఏడాది 20 శాతం తక్కువగా క్యాంపస్ రిక్రూట్‌మెంట్లు ఉంటాయంటూ ఈ సంస్థ కాలేజీలకు సమాచారం అందించింది. ‘‘మాకు ఇప్పటికే అందిన సమాచారం ప్రకారం గతేడాది కంటే 20 నుంచి 25 శాతం తక్కువగా నియామకాలు ఉండొచ్చు. అమెరికా ఎన్నికలు, బ్రెగ్జిట్ వంటి పరిణామాలే ప్రస్తుత ఐటీ మాంద్యానికి కారణం’’ అని సీబీఐటీ ఇంజనీరింగ్ కాలేజ్ ప్లేస్‌మెంట్ అధికారి ఎన్‌ఎల్‌ఎన్ రెడ్డి చెప్పారు. వచ్చే ఏడాది నాటికి పరిస్థితి మెరుగుపడే అవకాశాలు ఉన్నాయని ఆయన పేర్కొన్నారు. గడచిన రెండు దశాబ్దాల్లో కొన్నిసార్లు ఇలాంటి పరిస్థితులు ఎదురయ్యాయని, అమెరికా ఆర్థిక సంక్షోభంలో పడినప్పుడు కూడా కంపెనీలు నియామకాలు భారీగా తగ్గించుకున్నాయని, మళ్లీ ఇప్పుడు ఆ పరిస్థితి కనిపిస్తోందని ఆయన వివరించారు.
  
  బ్యాంకుల ఎన్‌పీఏలూ కారణమే..
  ఏటేటా నిరర్థక ఆస్తులు(ఎన్‌పీఏ)లు పెరిగిపోతుండడంతో బ్యాంకులు కూడా ఐటీకి సంబంధించిన కార్యకలాపాలను, వాటిపై పెట్టుబడులను గణనీయంగా తగ్గించుకుంటున్నాయి. దీంతో ఐటీ కంపెనీలకు బ్యాంకుల నుంచి ఆ మేరకు ఆర్డర్లు తగ్గిపోతున్నాయి. ఐటీ కంపెనీలు రిక్రూట్‌మెంట్లు తగ్గించుకోవడానికి ఇది కూడా ఒక కారణమని నిపుణులు చెబుతున్నారు.
  
  5 వేల మందికి కూడా కష్టమే
  గతేడాది తెలంగాణ, ఏపీల్లో ఇంజనీరింగ్ కాలేజీల్లో క్యాంపస్ నియామకాల ద్వారా 10 వేల మందికి ఉద్యోగావకాశాలు లభించాయి. అయితే ఈ ఏడాది నియామకాలు సగానికంటే తగ్గుతాయని ఐటీ పరిశ్రమ వర్గాలు చెబుతున్నాయి. ఇన్ఫోసిస్, కాగ్నిజెంట్, యాక్సెంచర్ వంటి కంపెనీలు ద్వితీయ శ్రేణి ఇంజనీరింగ్ కాలేజీల్లో ఈ ఏడాది నియామకాలు చేపట్టకపోవడమే ఇందుకు కారణం. గతేడాది హైదరాబాద్‌లోని 12 కాలేజీల నుంచి 2,300 మందికి ఉద్యోగాలిచ్చిన యాక్సెంచర్ ఈసారి ఆ సంఖ్యను 1,300కు పరిమితం చేసుకోవాలని భావిస్తోంది. రాజధానితోపాటు రంగారెడ్డి జిల్లాలో కాలేజీల నుంచి 1,900 మందికి ఉద్యోగాలు ఇచ్చిన కాగ్నిజెంట్ ఈసారి 750కు పరిమితం చేసుకుంటోంది. టీసీఎస్ అయితే భారీ ఎత్తున కోత విధించుకుంది. అమెరికాలో రాజకీయ సుస్థిరత ఏర్పడి ఆర్డర్లు భారీగా ద్వితీయార్థంలో నియామకాలు చేపడుతామని టీసీఎస్ సంస్థ ఉన్నతాధికారి ఒకరు వెల్లడించారు.
  
  కాలేజీ యాజమాన్యాల్లో గుబులు
  ఈ ఏడాది క్యాంపస్ నియామకాలు లేకుంటే ఆ ప్రభావం వచ్చే ఏడాది అడ్మిషన్లపై ఉంటుందని ద్వితీయ శ్రేణి ఇంజనీరింగ్ కాలేజీలు ఆందోళన చెందుతున్నాయి. గడచిన కొద్ది సంవత్సరాలుగా క్యాంపస్ నియామకాలతో అడ్మిషన్లకు డిమాండ్ పెంచుకున్న ఈ కాలేజీలు ఈ ఏడాది రిక్రూట్‌మెంట్లు లేవని తెలిసి కంగుతిన్నాయి. కొన్ని కాలేజీలు అయితే చిన్నా చితకా కంపెనీలను కలిసి క్యాంపస్ నియామకాలు చేపట్టాలని కోరుతున్నాయి. కనీసం పది నుంచి 20 శాతం విద్యార్థులకు ఉద్యోగాలు లభించినా పర్వాలేదన్నట్లు ఈ యాజమాన్యాలు ఉన్నాయి.


 బాలాజీచెరువు (కాకినాడ) :
 టాటా కన్సల్టెన్సీ సర్వీస్‌ (టీసీఎస్‌) జేఎన్‌టీయూకేలో నిర్వహిస్తున్న క్యాంపస్‌ ఇంటర్వ్యూల్లో భాగంగా నిర్వహించిన ఆన్‌లైన్‌ పరీక్ష శుక్రవారంతో ముగిసింది. బీటెక్, ఎంటెక్, ఎంసీఏ, ఎంఎస్‌ఐటీ, ఐఎస్‌టీ విభాగాలకు చెందిన 620 మంది విద్యార్థులు అన్‌లైన్‌ పరీక్షల్లో పాల్గొన్నారని, శనివారం  ఉదయం ఫలితాలు వెల్లడిస్తామని జేన్‌టీయూకే ప్లేస్‌మెంట్‌ ఆఫీసర్‌ చంద్రశేఖర్‌ తెలిపారు. అన్‌లైన్‌ పరీక్షల్లో ఉత్తీర్ణులైన వారికి సెప్టెంబర్‌ 6,7,8 తేదీల్లో  టెక్నికల్, హెచ్‌ఆర్‌ ఇంటర్వ్యూలు నిర్వహిస్తారన్నారు. అనంతరం ఉద్యోగాలకు ఎంపికైన వారి జాబితా విడుదల చేస్తామన్నారు.
  


 మొగల్రాజపురం:
  బెంగుళూరుకు చెందిన సాఫ్ట్‌వేర్‌ సంస్థ ఎస్‌.ఎల్‌.కె. ‘సాప్‌్టవేర్‌ టెస్టింగ్‌ ఎగ్జిక్యూటివ్స్‌’ పోస్టుల భర్తీ కోసం ఆదివారం (ఈ నెల 28 తేది) తమ కళాశాల ఆవరణలో క్యాంపస్‌ రిక్రూట్‌మెంట్‌ నిర్వహిస్తుందని పి.బి.సిద్ధార్థ కళాశాల ప్రిన్సిపాల్‌ డాక్టర్‌ మేకా రమేష్‌ ప్రకటనలో తెలిపారు. 2015–16 సంవత్సరాల్లో బి.యస్సీ (మా«థ్స్‌),   బి.సి.ఎ, బి.కాం. పూర్తి చేసిన విద్యార్థులెవరైనా ఇందులో పాల్గొనవచ్చునన్నారు. ఔత్సాహికులు బయేడేటాతో ఆదివారం ఉదయం 10 గంటలకు మొగల్రాజపురంలోని సిద్ధార్థ కళాశాల ఆవరణలోని సెమినార్‌ హాలులో హజరు కావాలని తెలిపారు. విద్యార్ధులకు ఆన్‌లైన్‌ పరీక్ష ద్వారా నిర్వహించి అందులో ఉత్తీరుణలైన వారికి కంపెనీ ప్రతినిధులు ఇంటర్వూ నిర్వహిస్తారని చెప్పారు. 
  


 మళ్లీ రెసిషన్ నాటి రోజులు వస్తాయా.. అమెరికాలో అప్పట్లో వచ్చిన మాంద్యం ప్రభావం భారతీయ మార్కెట్లపైన, ఐటీ పరిశ్రమ ఉద్యోగాలపైన ఎంత తీవ్రంగా ఉందో తెలిసిందే. అలాంటిది ఇప్పుడు మళ్లీ దాదాపు అలాంటి పరిస్థితి వచ్చేలా కనిపిస్తోంది. భారత దేశ ఐటీ పరిశ్రమ చరిత్రలోనే ఇప్పటివరకు కనీ వినీ ఎరుగని రీతిలో వృద్ధి రేటు పడిపోవడంతో.. ఆ ప్రభావం సాఫ్ట్‌వేర్ రంగంలో నియామకాలపై పడుతోంది. దేశీయ ఐటీ దిగ్గజాలైన ఇన్ఫోసిస్, విప్రో లాంటి కంపెనీలు ఇక మీదట భారీస్థాయిలో ఫ్రెషర్లను నియమించుకునే పద్ధతికి కొన్నాళ్ల పాటు తాత్కాలికంగా స్వస్తి పలకాలని భావిస్తున్నట్లు తెలుస్తోంది.
 
 గత రెండు దశాబ్దాలుగా చాలావరకు ఐటీ కంపెనీలు క్యాంపస్ నియామకాల ద్వారా పెద్ద ఎత్తున ఫ్రెషర్లను నియమించుకుంటున్నాయి. ఇన్ఫోసిస్ సంస్థ ఒక్కటే ఏడాదికి సుమారు 20 వేల మంది ఫ్రెషర్లను నియమించుకుంటుంది. అలాంటి కంపెనీ కూడా ఫ్రెషర్ల నియామకాలు ఆపేస్తే.. సాఫ్ట్‌వేర్ రంగాన్ని మాత్రమే నమ్ముకున్న వాళ్లకు కొన్నాళ్ల పాటు ఇబ్బందులు తప్పవు. నియామకాలలో నాణ్యతను పెంచడానికి మార్గాలేంటో చూస్తున్నామని, ఇంతకుముందు కాలేజీల నుంచి క్యాంపస్ ఇంటర్వ్యూల ద్వారా ఎక్కువ మందిని తీసుకుని, వాళ్లలో బాగా చేసేవాళ్లను వివిధ కేంద్రాలకు పంపేవాళ్లమని.. ఈసారి అలాంటి క్యాంపస్ ఇంటర్వ్యూలు తగ్గుతాయని ఇన్ఫోసిస్‌లో క్వాలిటీ యూనిట్, ప్రభుత్వ సంబంధాల విభాగ అధిపతి రంగడోర్ తెలిపారు. ఇక మీదట జాబ్ మార్కెట్ కాస్త ఇబ్బందిగానే ఉంటుందని ఆయన స్పష్టం చేశారు.
 
 బాగా తెలివైన, అత్యుత్తమ విద్యార్థులు ఎవరన్న విషయాన్ని తాము చూస్తామని, అలాంటి వాళ్లకు మాత్రం ఢోకా ఉండదని చెప్పారు. ఇంటర్వ్యూలలో కఠినమైన ప్రశ్నలు అడగడం, ఆ కాలేజీల నుంచి గతంలో వచ్చిన విద్యార్థుల పనితీరును బట్టి కాలేజి పనితీరు అంచనా వేయడం లాంటి ప్రక్రియలు ఉంటాయని తెలిపారు. దాన్నిబట్టి చూస్తే రాబోయే సంవత్సరాల్లో క్యాంపస్ సెలక్షన్ల ద్వారా ఉద్యోగాలు రావడం కష్టం అవ్వడమే కాదు.. ప్రారంభంలోనే భారీ జీతాలతో ఉద్యోగాలు మొదలుపెట్టడం కూడా ఇక మీదట అంత ఈజీ కాదని తేలిపోతోంది.


 ఎ.అగ్రహారం: మండలంలోని అంబికపల్లి అగ్రహారంలోని కిట్స్‌ ఇంజనీరింగ్‌ కళాశాలలో ఈ నెల 18న కాకినాడ ‘వికాస’ ఆధ్వర్యాన ఆఫ్‌ క్యాంపస్‌ ఇంటర్వూలు నిర్వహిస్తున్నట్లు ప్రిన్సిపాల్‌ పి.రామాంజనేయులు మంగళవారం ఒక ప్రకటనలో తెలిపారు. జెన్‌పాక్ట్, హిందుజా, గ్లోబల్‌ సొల్యూషన్స్‌ కంపెనీలు ఇందులో పాల్గొంటున్నాయన్నారు. గురువారం ఉదయం 9 గంటలకు నిర్వహించనున్న ఈ ఇంటర్వూలకు 2014, 2015, 2016 సంవత్సరాల్లో బీటెక్, ఎంబీఏ, బీఫార్మశీ, డిప్లమో, డిగ్రీ పాసైన విద్యార్థులు అర్హులని తెలిపారు.
  
 ఎంపికైనవారికి రూ. 1.5 లక్షల నుంచి, రూ.5 లక్షల వరకూ వార్షిక వేతనం ఉంటుందన్నారు. ఎంపికైనవారు వారంలోగా హైదరాబాద్‌లో ఉద్యోగాల్లో చేరేందుకు సిద్ధపడాలన్నారు. ఇంటర్వూ్యలకు హాజరయ్యేవారు 2 బయోడేటాలు, 2 పాస్‌పోర్టు ఫోటోలు, ఐడీ ప్రూఫ్, విద్యార్హత సర్టిఫికెట్లు తీసుకురావాలని సూచించారు. వివరాలకు 96765 53839, 77299 96999 సెల్‌ నంబర్లలో సంప్రదించాలని రామాంజనేయులు సూచించారు.
  
  


 చిత్తూరు (గిరింపేట): చిత్తూరు నగరం సరిహద్దులోని శ్రీవెంకటేశ్వర కాలేజ్‌ ఆఫ్‌ ఇంజనీరింగ్‌ అండ్‌ టెక్నాలజీ(ఎస్వీసెట్‌)లో ఈనెల 6న ఏపీఎస్‌ఎస్‌డీసీ ఉద్యోగ మేళాను నిర్వహించనున్నట్లు డీఆర్‌డీఏ పీడీ రవిప్రకాష్‌రెడ్డి బుధవారం విలేకరులకు తెలిపారు. ఈ సందర్భంగా ఆయన మాట్లాడుతూ జాబ్‌మేళా ఉదయం 9 నుంచి సాయంత్రం 6 గంటల వరకు జరుగుతుందన్నారు. వివిధ రంగాలకు చెందిన మహేంద్ర ఫైనాన్స్, అమరాన్‌ బ్యాటరీస్, సాఫ్ట్‌బూట్‌ టెక్నాలజీ, సాఫ్ట్‌వేర్‌ టెక్నాలజీ, ఎల్‌అండ్‌టీ టెక్నాలజీ, యాక్సెస్‌ బ్యాంకు, ఏడీఈసీసీవో, ఫ్లిప్‌కార్ట్, అపోలో, శ్రీవారి ఎంటర్‌ప్రైజెస్‌ మొబైల్‌ కంపెనీ, ఇతర కంపెనీలు జాబ్‌మేళాలో పాల్గొంటాయన్నారు. జిల్లాలోని పదో తరగతి పాస్‌ లేదా ఫెయిల్, ఇంటర్మీడియట్, ఏదైనా డిగ్రీ, పీజీ, ఎంబీఏ, ఎంసీఏ, బీటెక్, ఎంటెక్‌ పూర్తిచేసుకున్న విద్యార్థులు ఈ జాబ్‌మేళాలో పాల్గొనవచ్చని తెలిపారు. జిల్లాలోని నిరుద్యోగులు ఈ సదవకాశాన్ని ఉపయోగించుకోవాలన్నారు. జాబ్‌మేళాలో ఎంపికైన వారికి నెలకు రూ.9,500 నుంచి రూ.35 వేల వరకు జీతం వస్తుందన్నారు. రిజిస్ట్రేషన్‌ కోసం ్చpటటఛీఛి.జీn వెబ్‌సైట్‌లోకి వెళ్లి అ్కSSఈఇ అనే దానిపై క్లిక్‌చేసి పూర్తి వివరాలను ఈ నెల 5వ తేదీ లోపు నమోదు చేసుకోవాలన్నారు. ఇతర వివరాలకు ఏపీఎస్‌ఎస్‌డీసీ అసోసియేట్‌ ప్రాజెక్టు మేనేజర్, చిత్తూరు అనే చిరునామాలో గాని, టోల్‌ఫ్రీ నంబర్లు 18004252422, 18004522429, ఫోన్‌ నెంబర్లు 9885114834, 7702020490లో సంప్రదించాలన్నారు.
  


 సెమిస్టర్ ముగిసిపోతున్నా చేతిలో ఉద్యోగాల ఆఫర్లు ఏమీ లేకపోవడంతో హైదరాబాద్ సెంట్రల్ యూనివర్సిటీ విద్యార్థులు తీవ్ర ఆందోళనకు గురవుతున్నారు. రోహిత్ వేముల ఆత్మహత్య తర్వాతి పరిణామాల నేపథ్యంలో క్యాంపస్ నియామకాలు ఒక్కసారిగా ఆగిపోయాయి. ఆందోళనల కారణంగా యూనివర్సిటీ ప్రతిష్ఠ దెబ్బతిందని, అందుకే కంపెనీలు ఏవీ రావట్లేదని అంటున్నారు. గత సంవత్సరం ఇదే సమయానికి కనీసం పది కంపెనీలు కంప్యూటర్ అండ్ ఇన్ఫర్మేషన్ సైన్స్ శాఖకు వచ్చాయని, కానీ ఈసారి ఒకే ఒక్క కంపెనీ వచ్చిందని, కనీసం 60 శాతం మంది విద్యార్థులకు చేతిలో ఉద్యోగాలు లేవని ఆ శాఖకు చెందిన ఓ విద్యార్థి చెప్పారు.
 
 2015 ఆగస్టు - డిసెంబర్ నెలల మధ్యలో 42 కంపెనీలు క్యాంపస్ నియామకాల కోసం వచ్చాయి. కానీ, 2016లో ఇప్పటివరకు కేవలం 15 కంపెనీలు మాత్రమే వచ్చాయి. జనవరి నెలలోనే నియామకాలు చాలావరకు తగ్గిపోయాయని,  యూనివర్సిటీ పేరు ప్రతిష్ఠలు దారుణంగా దెబ్బతినడంతో కంపెనీలు ఇటువైపు చూడటం మానేస్తున్నాయని స్టూడెంట్ ప్లేస్‌మెంట్ సమన్వయకర్త ఒకరు అన్నారు. ఒకటీ ఆరా కంపెనీలు వచ్చినా, ఇంటర్వ్యూలలో కూడా అసలు ఈ గొడవ ఏంటి, దాని పరిణామాలేంటనే అడుగుతున్నారట.
 
 ఈ పరిస్థితిని చక్కదిద్ది, విద్యార్థులకు ఉద్యోగావకాశాలు కల్పించేందుకు ఏప్రిల్ 9 నుంచి జాబ్ ఫెయిర్ ఒకటి నిర్వహించనున్నారు. ఒకప్పుడు ప్రపంచవ్యాప్తంగా పరిశోధనల విషయంలో మంచి గుర్తింపు పొందిన హైదరాబాద్ సెంట్రల్ యూనివర్సిటీ పేరు చెబితే ఇప్పుడు నిరసనలే గుర్తుకొస్తున్నాయి. క్యాంపస్ నియామకాలు తగ్గితే కొత్తగా చేరే విద్యార్థుల సంఖ్య కూడా పడిపోతుందన్న ఆందోళన వ్యక్తమవుతోంది. ఈ పరిస్థితిని వీలైనంత త్వరగా చక్కదిద్దాలని ఇటు ఆందోళనకారులతో పాటు యూనివర్సిటీ వర్గాలను కూడా విద్యార్థులు కోరుతున్నారు.


 ► నేడు హైదరాబాద్‌లో సెర్చ్ కమిటీ సమావేశం
 ► పైరవీలు ముమ్మరం చేసిన ఆశావహులు
 ► రంగంలోకి కొత్త ముఖాలు
 ► ఎంపిక అనూహ్యమే అంటున్న క్యాంపస్  వర్గాలు
  
 సామాజిక సమీకరణలా.. రాజకీయ పైరవీలా.. వాస్తవ అర్హతలా?.. ఏయూ వీసీ ఎంపికలో ఏ అంశం పైచేయి సాధిస్తుంది. అంతిమంగా ఎవరి మాట చెల్లుతుంది.. ఎవరి ప్రయత్నం ఫలిస్తుందన్నది ఇప్పుడు క్యాంపస్‌లో చర్చనీయాంశంగా మారింది. మరోవైపు మరికొన్ని గంటల్లో సెర్చ్ కమిటీ సమావేశం కానున్న నేపథ్యంలో ప్రస్తుతం పోటీలో ఉన్నవారితోపాటు అనూహ్యంగా కొత్త పేర్లు తెరపైకి రావడంతో వీసీ రేస్ క్లైమాక్స్‌కు చేరింది.
  
 సాక్షి ప్రతినిధి, విశాఖపట్నం: ఆంధ్ర విశ్వవిద్యాల యం వైస్ చాన్సలర్ పదవి కోసం ఇదే క్యాంపస్‌కు చెందిన ఇద్దరు ఉన్నతాధికారులు బహిరంగంగా వీసీ పదవే లక్ష్యంగా ఆధిపత్య పోరు సాగిస్తుండగా.. మరికొందరు  చాపకింద నీరులా పావులు కదుపుతూ చాణక్యం ప్రదర్శిస్తున్నారు. కానీ ముఖ్యమంత్రి చంద్రబాబు మనసులో ఏముందో ఇప్పటికీ అంతు చిక్కని పరిస్థితుల్లో రేస్‌లోకి మరికొందరు రంగప్రవేశం చేయడంతో పోటీ రసకందాయంలో పడింది.  
 
  సుమిత్రా దావ్రా నోట సీఎం మాట!
 కొత్త వీసీ ఎంపికకు నియమించిన సెర్చ్ కమిటీ శుక్రవారం హైదరాబాద్‌లో సమావేశం కానుంది. ఏయూ నామినీగా ఆనందకృష్ణన్( అన్నా విశ్వవిద్యాలయం మాజీ వీసీ), యూజీసీ నామినీగా రాజ్‌పాల్ సింగ్( పంజాబ్ కేంద్రీయ విశ్వవిద్యాలయం మాజీ వీసీ), గవర్నర్ నామినీ సుమిత్రా దావ్రా( ఉన్నత విద్యా శా ఖ ముఖ్య కార్యదర్శి) ఈ కమిటీలో సభ్యులుగా ఉ న్నారు. వీసీ పదవికి అందిన దరఖాస్తులను ఈ కమి టీ పరిశీలించి ముగ్గురు పేర్లతో కూడిన జాబితాను ప్రభుత్వానికి సిఫార్సు చేస్తుంది.
 
 ఇది పైకి కనిపించే తంతు మాత్రమే. కానీ సీఎం చంద్రబాబు ఎవర్ని వీసీగా నియమించాలని భావిస్తున్నారో ఆ పేరును గ వర్నర్ నామినీగా ఉన్న సుమిత్రా దావ్రా సూచిస్తారు. అదే పేరు సెర్చ్ కమిటీ ప్రభుత్వానికి నివేదించే జాబితాలో మొదటి స్థానంలో ఉంటుంది. దాంతో ఆమె సూచించే పేరు ఎవరిదన్నది ఉత్కంఠ కలిగిస్తోంది.
 
  రేసు ఆసక్తికరం
 క్యాంపస్ నుంచి ఇన్‌చార్జి వీసీ నారాయణ, రిజిస్ట్రార్ వెలగపూడి ఉమామహేశ్వరరావు వీసీ పదవి కోసం సర్వశక్తులు ఒడ్డుతున్నారు. కాగా  హఠాత్తుగా మరికొందరు  ఈ రేసులో ముందంజ వేయడం గమనార్హం. గతసారి విఫలయత్నం చేసిన ఇన్‌చార్జి వీసీ నారాయణ ఈసారి కూడా తన అదృష్టాన్ని పరీక్షించుకుంటున్నారు. ఆయన పూర్తిగా మంత్రి గంటా శ్రీనివాసరావునే నమ్ముకున్నారు. తనను ఎంపిక చేస్తే  కాపు  సామాజిక వర్గానికి గుర్తింపునిచ్చినట్లు అవుతుందని కూడా ఆయన చెప్పుకొస్తున్నారు. మంత్రి గంటా కూడా నారాయణ కోసం తీవ్రంగానే ప్రయత్నిస్తున్నారు. విద్యా శాఖ మంత్రిగా తన జిల్లాలో వీసీ ఎంపికలోనైనా తన మాట చెల్లుబాటు కావాలి కదా అని ఆయన వాదిస్తున్నారు.
 
 కానీ ఆయన వాదనకు సీఎం చంద్రబాబు నుంచి సానుకూల స్పందన లభించకపోవడం ప్రాధాన్యం సంతరించుకుంది. మరోవైపు రిజిస్ట్రార్ ఉమామహేశ్వరరావు సర్వశక్తులు ఒడ్డుతున్నారు. ప్రధానంగా సామాజికవర్గ సమీకరణను ప్రస్తావిస్తూ పైరవీలు ముమ్మరం చేసినట్లు సమాచారం. సీఎం పేషీ స్థాయిలో పైరవీలతోపాటు తమ సామాజికవర్గ పెద్దలతో సీఎంకు సిఫార్సు చేయించేందుకు యత్నిస్తున్నారు.  ఆయనపట్ల చంద్రబాబు వైఖరి ఏమిటన్నది స్పష్టం కావడం లేదు. ఇటీవల క్యాంపస్‌లో నిబంధనలకు విరుద్ధంగా జరిగిన నియామకాలు, పీహెచ్‌డీల ప్రవేశాల్లో రిజిస్ట్రార్‌గా ఆయన బాధ్యత కూడా ఉందన్న వాదన బలంగా వినిపిస్తుండటం ఉమామహేశ్వరరావు ప్రతికూలంగా మారుతోంది.
 
  రంగంలోకి ఇతర వర్సిటీల వారు
  కాగా చడీచప్పుడు కాకుండా మరికొందరు రేసులో ముందుకు రావడం ఆసక్తికరంగా మారింది. ఏయూ చరిత్ర విభాగానికి చెందిన రిటైర్డ్ ప్రొఫెసర్ కృష్ణకుమారి పేరు తాజాగా తెరపైకి వచ్చింది. గతంలో ఆమె ఆర్ట్స్ కళాశాల ప్రిన్సిపాల్‌గా కూడా చేశారు. ఆమె అభ్యర్థిత్వం పట్ల హైదరాబాద్ స్థాయిలో సానుకూలత వ్యక్తమవుతున్నట్లు సమాచారం.
 
 సామాజికవర్గ సమీకరణపరంగా కూడా ఆమె ఎంపిక రెట్టింపు ప్రయోజనాన్ని ఇస్తుందని భావిస్తున్నారు. తిరుపతి ఎస్వీయూకు చెందిన ఓ ప్రొఫెసర్ కూడా సీఎం చంద్రబాబును కలసి తనకు అవకాశం ఇవ్వమని కోరినట్లు తెలుస్తోంది. ఈ నేపథ్యంలో బాబు మనసులో మాట ఏమిటన్నది శుక్రవారం సెర్చ్ కమిటీ సమావేశంలో సమిత్రా దావ్రా వెల్లడించనున్నారు. సెర్చ్ కమిటీ నివేదికకు గవర్నర్ ఆమోదం తరువాతే కొత్త వీసీ ఎవరన్న ఉత్కంఠతకు తెరపడుతుంది.
  


 క్యాంపస్ ప్లేస్‌మెంట్! అంటే సదరు కాలేజీలో చదువు పూర్తవుతున్నపుడే...
 అక్కడి నుంచే ఏదో ఒక కంపెనీకి సెలక్ట్ కావటం.
 నిన్నమొన్నటిదాకా ఒక విద్యా సంస్థ ఎంత గొప్పదో చెప్పటానికి ఇదే గీటురాయి.
 అక్కడ ఎంతమందికి క్యాంపస్ ప్లేస్‌మెంట్లు వచ్చాయి?
 ఎలాంటి కంపెనీల్లో వచ్చాయి? ఎంత జీతంతో వచ్చాయి? ఇవన్నీ దాని ప్రమాణాలు.
  
 ఇప్పుడైతే ఈ కొలతలు మారిపోయాయి. ఆ విద్యా సంస్థ నుంచి ఎన్ని స్టార్టప్‌లు వచ్చాయి? ఎన్ని సక్సెస్ అయ్యాయి? అక్కడ స్టార్టప్స్‌ను ప్రోత్సహించే వ్యవస్థ ఎలా ఉంది? ఇవీ తాజా ప్రమాణాలు. అందుకే ఐఐటీలు, ఐఐఎంలు సైతం తమ క్యాంపస్‌లలోనే...  తమ విద్యార్థులతోనే స్టార్టప్‌లు పెట్టిస్తున్నాయి. వాటికి పెట్టుబడి కూడా పెడుతున్నాయి.
  
 యువశక్తే ఇండియా బలం. టెక్నాలజీ అండతో ఆ యువత స్టార్టప్‌ల వెంట పడుతోందిప్పుడు. కాస్త ప్రోత్సహించి, పెట్టుబడి పెడితే... ఆ కంపెనీల్ని అంతర్జాతీయ స్థాయికి తీసుకెళ్ళిపోతున్నారు. అందుకే... ఇపుడు ఇండియా అంటే స్టార్టప్‌ల రాజధాని. ఇండియాకు ఈ హోదా ఇచ్చిన 2015... వచ్చే ఏడాది పరిణామాలను ముందే కళ్లకు కడుతోంది. ఆ కథల సమాహారమే ఈ రౌండప్!
  
 బిలియన్ డాలర్ల స్టార్టప్‌లు11 మన దేశంలోనే
 * ఈ ఏడాది 764 కంపెనీల్లోకి రూ.55 వేల కోట్ల పెట్టుబడులు
 * మహిళల వాటా 24 శాతం; వారికోసం ప్రత్యేక ఫండ్
 * 20కి పైగా కంపెనీల్లో ఇన్వెస్ట్ చేసిన రతన్ టాటా
 * 2016లో ఈ-కామర్స్ మినహా ఇతర రంగాల హవా
 హైదరాబాద్, బిజినెస్ బ్యూరో: బిలియన్ డాలర్ల క్లబ్!! టర్నోవర్ పరంగా కావచ్చు... విలువ పరంగా కావచ్చు... ఈ క్లబ్‌లో చేరటమనేది కంపెనీల కల.
 
 సంప్రదాయ పరిశ్రమలు కొన్ని దశాబ్దాల పాటు శ్రమించి ఈ హోదా పొందితే... స్టార్టప్‌లు రెండు మూడేళ్లలోనే ఆ విలువను దాటేస్తున్నాయి. అదీ స్టార్టప్‌ల సత్తా. ఈ ఏడాదికి ప్రపంచ వ్యాప్తంగా బిలియన్ డాలర్ల విలువ దాటిన స్టార్టప్‌లు 68 వరకూ ఉండగా... వాటిలో 16 శాతం... అంటే 11 సంస్థలు ఇండియాలోనే ఉన్నాయి. ప్రస్తుతం దేశంలో 30 వేల నుంచి 35వేల వరకూ స్టార్టప్ కంపెనీలుండగా వీటిలో 3,000 వరకు భారీ పెట్టుబడులతో స్థిరపడ్డాయి.
 
 2014లో మొత్తం 3,314 స్టార్టప్‌లు రాగా వాటిలో కేవలం 263 కంపెనీలకే పెట్టుబడులు వచ్చాయి. అప్పట్లో రూ.35 వేల కోట్ల పెట్టుబడులు రాగా... వీటిలో ఫ్లిప్‌కార్ట్ వంటి భారీ పెట్టుబడులూ ఉన్నాయి. ఈ ఏడాదిలో మాత్రం 3,931 స్టార్టప్ కంపెనీల్లో... 764 సంస్థల్లోకి దాదాపు 55 వేల కోట్లకు పైగా పెట్టుబడులు వచ్చాయి. మరో 1000 కంపెనీలు నిధుల సమీకరణలో ఉన్నాయని, వచ్చే ఏడాది ఆ ప్రక్రియ పూర్తి కావచ్చని లెమన్ ఐడియాస్ ఇన్నోవేషన్ సంస్థ చీఫ్ ఐడియా ఫార్మర్ దీపక్ మొనారియా తెలియజేశారు.
  
 ఈ-కామర్స్ నుంచి ఇతర రంగాలకు...
 ఈ ఏడాది వచ్చిన స్టార్టప్స్‌లో అధికభాగం ఈ కామర్స్‌వే. 25-30 శాతం ఈ విభాగానివే కాగా... సర్వీసుల రంగంలో 22 శాతం, టెక్నాలజీ విభాగంలో 20 శాతం, విద్యా రంగంలో 18 శాతం, వైద్య రంగంలో 10-15 శాతం సంస్థలు కార్యకలాపాలు సాగిస్తున్నాయి. 2016లో మాత్రం ఈ-కామర్స్ కాకుండా కొత్త రంగాల్లో స్టార్టప్స్ వచ్చే అవకాశాలు ఎక్కువగా ఉన్నట్లు లీడ్ ఏంజిల్స్ నెట్‌వర్క్ దక్షిణాది వైస్ ప్రెసిడెంట్ వినుత రాళ్లపల్లి చెప్పారు. ‘‘ఇప్పటికే ఈ-కామర్స్‌లో పెద్ద కంపెనీలు పాతుకుపోయాయి.
 
 విలువ విషయంలోనూ దిద్దుబాటు జరుగుతోంది. దీంతో వ్యవసాయం, ఆహారం, విద్యా, వైద్య రంగాల్లో పెద్ద సంఖ్యలో స్టార్టప్స్ వస్తున్నాయి’’ అని ఆమె వివరించారు. ఈ ఏడాది ఆన్‌లైన్ రిటైల్  రంగంలో 431 స్టార్టప్స్ వస్తే, విద్యా రంగంలో 385, వైద్య రంగంలో 237, ఆహార రంగంలో 351 కంపెనీలొచ్చాయి. ‘‘ఏ రంగమైనా, ఏ కంపెనీ అయినా! పెట్టుబడి పెట్టడానికి సంస్థ పనితీరు, ప్రమాణాలే గీటురాయి కావాలి’’ అన్నారామె.
  
 చుక్కలు చూసిన స్టార్టప్స్ కూడా...
 ఆరంభంలో ఆకాశాన్ని తాకి.. కొద్ది కాలానికే నేలకొరిగిన స్టార్టప్స్ ఈ ఏడాదిలోనూ వచ్చాయి. జొమాటో, టైనీ ఔల్, హౌజింగ్.కామ్ లాంటివి ఇందుకు ఉదాహరణ. ఇవి కొన్ని నగరాల్లో కార్యకలాపాలను నిలిపేశాయి కూడా. జొమాటో 300 మందిని, టైనీ ఔల్ 200 మందిని, హౌజింగ్.కామ్ అయితే ఏకంగా 800 మందిని ఉద్యోగాల నుంచి తొలగించాయి. స్టాక్ మార్కెట్లో స్టార్టప్‌ల లిస్టింగ్‌కు వీలుగా సెబీ కొన్ని నిబంధనలు సడలించినప్పటికీ ఈ ఏడాది ఒక్కటీ లిస్ట్ కాలేదు. ఇన్ఫీబీమ్, మాట్రిమోనీ వంటి కంపెనీలు మాత్రం పబ్లిక్ ఇష్యూకు దరఖాస్తు చేశాయి. వచ్చే ఏడాది ప్రారంభంలో ఇవి లిస్టయ్యే అవకాశముంది.
  
 వ్యక్తిగతంగా... గ్రూప్‌లుగా పెట్టుబడులు
 స్టార్టప్‌ల విషయానికొచ్చేసరికి పెట్టుబడుల తీరు మారుతోంది. 2014 నుంచి స్టార్టప్‌లలో పెట్టుబడులు పెడుతున్న రతన్ టాటా... ఈ ఏడాది హోలా షెఫ్, అర్బన్ ల్యాడర్, కార్‌దేఖో, స్నాప్‌డీల్, బ్లూస్టోన్, ఓలా క్యాబ్స్ వంటి 20కి పైగా స్టార్టప్స్‌లో పెట్టుబడులు పెట్టారు. ప్రముఖ ఏంజెల్ ఇన్వెస్టర్ రాజన్ ఆనందన్ 29 కంపెనీల్లో, సునిల్ కర్లా 16, అనుపమ్ మిట్టల్ 15, రాజేష్ సాహ్ని 13, అరిహంత్ పట్ని 12, కునాల్ బహల్ 12, రోహిత్ కుమార్ బన్సాల్ 12 కంపెనీల్లో పెట్టుబడులు పెట్టారు.
    
 గ్రూప్ పెట్టుబడుల విషయానికొస్తే.. విప్రో చైర్మన్ అజీమ్ ప్రేమ్‌జీ, ఇన్ఫోసిస్ కో-ఫౌండర్ ఎన్‌ఆర్ నారాయణమూర్తి సొంతంగా వెంచర్ ఇన్వెస్ట్‌మెంట్ సంస్థలను ఏర్పాటు చేశారు. ప్రేమ్ జీ కొడుకు రిషద్ సారథ్యంలో ‘ప్రేమ్ జీ ఇన్వెస్ట్’ పేరిట మిలియన్ డాలర్ల నిధిని ఏర్పాటు చేశారు. ‘కాటమరాన్ వెంచర్స్’ పేరుతో నారాయణమూర్తి కూడా భారీగానే పెట్టుబడులు పెడుతున్నారు. రూ.100 కోట్ల నిధితో జేఎస్‌డబ్ల్యూ గ్రూప్ చైర్మన్ సజ్జన్ జిందాల్ వెంచర్ ఫండ్‌ను ఏర్పాటు చేశారు.
    
 హైదరాబాద్‌కు చెందిన టాలెంట్ స్ప్రింట్ చైర్మన్ జేఏ చౌదరి, కొందరు పారిశ్రామికవేత్తలు కలిసి రూ.30 కోట్లతో స్టార్టప్ ఫండ్‌ను ఏర్పాటు చేశారు. హైదరాబాద్ ఏంజెల్స్‌లో బీవీఆర్ మోహన్‌రెడ్డి, జేఏ చౌదరి, శ్రీని కొప్పోలు, వంటి ఐటీ నిపుణులతో పాటుగా డీ సురేష్ బాబు, హరీష్ చంద్ర ప్రసాద్, శ్రీనిరాజు వంటి సుమారు 65 మంది ప్రముఖులూ సభ్యులుగా ఉన్నారు. పారిశ్రామికవేత్తలు బీవీఆర్ మోహన్‌రెడ్డి, జేఏ చౌదరి, శ్రీని కొప్పోలు, హరీష్‌చంద్ర ప్రసాద్, శ్రీనిరాజుతో సహా సినీ ప్రముఖుడు డి.సురేష్‌బాబు వంటి 65 మంది కలసి ‘హైదరాబాద్ ఏంజెల్స్’ను ఏర్పాటు చేశారు. 2012లో ప్రారంభమైన ఈ సంస్థ ఇప్పటివరకు 12 సంస్థల్లో రూ.15 కోట్ల పెట్టుబడి పెట్టింది.
    
 స్టార్టప్‌లలో మహిళలూ ముందుంటున్నారు. దేశీ స్టార్టప్స్‌లో 25 శాతం మహిళలవేనని, ఇది 2011లో 15 శాతం మాత్రమేనని ‘స్టార్టప్ మస్టర్-2015’ నివేదిక పేర్కొంది. మహిళ స్టార్టప్స్‌లో పెట్టుబడులు పెట్టేందుకు దేశంలో తొలిసారిగా వెంచర్ క్యాపిటల్ ఫండ్ ఏర్పాటైంది కూడా ఈ ఏడాదే. సాహా ఫండ్ పేరిట రూ.100 కోట్ల నిధితో కొందరు పారిశ్రామికవేత్తలు జట్టుకట్టారు. ఇందులో యాక్సెంచర్ ఇండియా మాజీ సీఎండీ అంకితా వశిష్ట, ఆమె తండ్రి అవినాష్ వశిష్ట, మణిపాల్ గ్లోబల్ ఎడ్యుకేషన్ చైర్మన్ టీవీ మోహన్ దాస్, బయోకాన్ సీఎండీ కిరణ్ మజుందార్ షాలు సభ్యులు.
  
 ⇒ 2015లో టాప్ విలీనాలు, కొనుగోళ్లు..
 ⇒ 200 మిలియన్ డాలర్లతో టాక్సీఫర్‌ష్యూర్‌ను ఓలా కొనుగోలు చేసింది
 ⇒ ఫ్రీచార్జ్‌ను 400 మిలియన్ డాలర్లతో స్నాప్‌డీల్ కైవసం చేసుకుంది
 ⇒ కార్‌ట్రేడ్ సంస్థ 90 మిలియన్ డాలర్లతో కార్‌వాలాను కొనుగోలు చేసింది
  
 హైదరాబాద్ హవా..
 దేశానికి ఐటీ రాజధాని లాంటి హైదరాబాద్... స్టార్టప్‌లకూ హబ్‌గా మారింది. బెంగళూరు, హైదరాబాద్, పుణె నగరాలు స్టార్టప్‌లకు స్వర్గధామంగా నిలుస్తుండగా.. ఆ రెండింటికన్నా కూడా హైదరాబాద్ చాలా విషయాల్లో ముందుంది. ‘‘వ్యయం పరంగానే కాక నిపుణులు, మౌలిక సదుపాయాల పరంగానూ స్టార్టప్‌లకు హైదరాబాదే సానుకూలం’’ అని సాక్షాత్తూ రతన్ టాటాయే చెప్పారుకూడా. సోమవారం టీ-హబ్‌ను సందర్శించిన మైక్రోసాఫ్ట్ సీఈఓ సత్య నాదెళ్ల మాట కూడా ఇదే.
 
 ఈ మాటలు నిజం చేస్తూ తెలంగాణ ప్రభుత్వం కూడా అధునాతన సౌకర్యాలతో స్టార్టప్స్ కోసం టీ-హబ్‌ను నిర్మించింది. ఇండియన్ స్కూల్ ఆఫ్ బిజినెస్ (ఐఎస్‌బీ), ఇంటర్నేషనల్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ (ఐఐఐటీ-హైదరాబాద్), బిట్స్ పిలానీ, హైదరాబాద్ సాఫ్ట్‌వేర్ ఎంటర్‌ప్రైజెస్ అసోసియేషన్ (హైసియా), ద ఇండస్ ఎంటర్‌ప్రైజెస్ (టై), హైదరాబాద్ ఏంజిల్స్, స్పార్క్ 10.. వంటివి ఇక్కడి స్టార్టప్‌లకు వెన్నుదన్నుగా నిలుస్తున్నాయి కూడా.
  
 ‘సాక్షి స్టార్టప్ డైరీ’ భాగస్వామే..
 స్టార్టప్ డైరీ ద్వారా సాక్షి ఇప్పటిదాకా 46 కంపెనీల సమాచారాన్ని అందించింది. ఇందులో విద్య, వైద్యం, షాపింగ్, మొబైల్స్... ఇలా అన్ని రంగాలవీ ఉన్నాయి. వీటితో పాటు స్టార్టప్‌లకు నిధులందిస్తున్న నె ట్‌వర్క్‌ల సమాచారాన్నీ అందించింది. ప్రచారానికి పెద్దగా ఖర్చుపెట్టలేని తమ స్టార్టప్‌కు ‘సాక్షి’ అండతో క్లయింట్లు పెరిగారని కొందరు, నిధుల సమీకరణకు ఉపకరించిందని కొందరు... ఇలా పెద్ద సంఖ్యలో వచ్చిన ఈ-మెయిళ్లే స్టార్టప్ డైరీకి తదుపరి ఇంధనం.
 
 స్టార్టప్ బూమ్‌తో జరిగిన మరో మేలేంటంటే ఉద్యోగాల కోసం విదేశాలకు వెళ్లిన యువత స్వదేశానికి తిరిగిరావటం. మరీ ముఖ్యంగా హైద రాబాదీ యువత. హలోకర్రీ వ్యవస్థాకుల్లో ఒకరైన రాజు భూపతి... డుకెర్ టెక్నాలజీస్‌ను(లే చల్) ఏర్పాటు చేసిన క్రిస్పి లారెన్స్... ఈ-కిన్‌కేర్ వ్యవస్థాపకుడు కిరణ్ కలకుంట్ల, క్రియా లెర్నింగ్ అధిపతి  హరివర్మ... అంతా ఈ కోవలోని వారే.


 సాక్షి, హైదరాబాద్: ఐఐటీలో సీటు వచ్చిందంటే చాలు.. నాలుగేళ్లు గడిస్తే రూ.కోట్లలో వేతనాలు.. సంతోషకరమైన జీవితం.. ఇవీ ఐఐటీల్లో సీట్లు పొందుతున్న విద్యార్థుల తల్లిదండ్రుల ఆశలు.. ఆకాంక్షలు. కానీ భారీ వేతనాలు ఇచ్చి ప్రముఖ కంపెనీలు తీసుకెళ్లేది కొద్దిమంది విద్యార్థులనే. ఐఐటీల్లో వేల సంఖ్యలో చదివే విద్యార్థులందరికీ వచ్చేది భారీ మొత్తంలో కాదు. ఎక్కువ శాతం మందికి సాధారణ, తక్కువ వేతనాలే. ఏదో కొద్ది మంది విద్యార్థులకు వచ్చే భారీ వేతనాలను చూసి తల్లిదండ్రులు ఇతర పిల్లలపై తీవ్ర ఒత్తిడి చేస్తుండటం ఆందోళనకరంగా మారింది.
 
 దీంతో విద్యార్థులు మానసికంగా ఇబ్బందులకు గురవుతున్నారని  పలు ఐఐటీలు గుర్తించాయి. అందుకే ఐఐటీ బాంబే, ఐఐటీ ఖరగ్‌పూర్ వంటి సంస్థలు క్యాంపస్ ప్లేస్‌మెంట్లలో కంపెనీలు విద్యార్థులకు ఆఫర్ చేసే వేతనాలను, ఆ విద్యార్థుల వివరాలను వెల్లడించవద్దని నిర్ణయించాయి.
  
 ఈ నెలలోనే క్యాంపస్ ప్లేస్‌మెంట్స్
 ఈ నెలలో క్యాంపస్ ప్లేస్‌మెంట్లు ప్రారంభం అవుతుండటంతో ఐఐటీలు ఈ నిర్ణయానికి వచ్చాయి. అంతేకాదు ఇటీవల గౌహతి ఐఐటీలో జరిగిన ఆల్ ఐఐటీస్ ప్లేస్‌మెంట్ కమిటీ సమావేశంలో అన్ని ఐఐటీల్లోనూ క్యాంపస్ ప్లేస్‌మెంట్లలో విద్యార్థులకు కంపెనీలు ఇచ్చే వేతనాల వివరాలను, ఆ విద్యార్థుల వివరాలను కూడా బయటకు వెల్లడించవద్దని నిర్ణయించాయి. 2009లోనే వేతన వివరాలను బయటకు వెల్లడించవద్దన్న నిర్ణయం తీసుకున్నా అమలుకు నోచుకోలేదు. కాని ఇపుడు మాత్రం కచ్చితంగా అమలు చేయాలని నిర్ణయించినట్లు ఖరగ్‌పూర్ ఐఐటీ కెరీర్ డెవలప్‌మెంట్ సెంటర్ చైర్మన్ ప్రొఫెసర్ సుధీర్‌కుమార్ బరాయ్ వెల్లడించారు.
 
 ‘కంపెనీలు నియామకాల్లో భాగంగా చేసుకునే ఉద్యోగ ఒప్పందంలో రెమ్యునరేషన్‌ను బయటకు వెల్లడించవద్దన్న నిబంధన ఉంది. దీన్ని ఉల్లంఘిస్తే  కంపెనీలు ఫిర్యాదు చేసే అవకాశం ఉంది. భారీ వేతనాల ఆఫర్ వచ్చిన విద్యార్థులు, వారి కుటుంబాల భద్రత సమస్యగా మారుతోంది. అందుకే వేతన వివరాలు, విద్యార్థుల వివరాలను బయట పెట్టవద్దని నిర్ణయించాం..’ అని ఒక ఐఐటీకి చెందిన ప్లేస్‌మెంట్ సెల్ ఇన్‌చార్జి పేర్కొన్నారు.


 గతంతో పోలిస్తే ఈసారి సగానికి తగ్గిన ఐటీ కంపెనీల నియామకాలు
 * 2012-13లో 23 వేల మంది విద్యార్థులకు ఉద్యోగాలు  
 * ఈ ఏడాది కేవలం 11 వేల మంది విద్యార్థులకే కొలువులు
 * ఇంజనీరింగ్‌లో నాణ్యమైన విద్య అందకపోవడమే కారణం
 * ఆఫ్ క్యాంపస్ నియామకాలవైపు విద్యార్థుల పరుగులు
  
  (సాక్షి ప్రత్యేక ప్రతినిధి): రాష్ట్రంలోని ఇంజనీరింగ్ కళాశాలల్లో గత మూడేళ్లుగా జోరుగా సాగిన క్యాంపస్ కొలువులు ఈ ఏడాది డీలాపడ్డాయి. ఐటీ కంపెనీలు ఆశించిన స్థాయిలో విద్యార్థుల్లో ప్రతిభాపాటవాలు కనిపించకపోవడంతో ఈసారి నియామకాలు సగానికి సగం తగ్గాయి. 2012-13, 2013-14, 2014-15 సంవత్సరాల్లో వరుసగా 23 వేలు, 21 వేలు, 18 వేల మంది విద్యార్థులు క్యాంపస్ కొలువులు చేజిక్కించుకోగా ఈ ఏడాది అక్టోబర్ 31వ తేదీ నాటికి క్యాంపస్ నియామకాల ద్వారా కేవలం 11 వేల మందికి (బ్యాచ్ 2015-16) మాత్రమే ఉద్యోగాలు లభించాయి. గతేడాది స్థానిక అగ్రశేణి ఇంజనీరింగ్ కాలేజీల్లో నియామకాలు చేపట్టిన మైక్రోసాఫ్ట్, గూగుల్, ఫేస్‌బుక్ వంటి అంతర్జాతీయ కంపెనీలు ఈ ఏడాది ఐఐటీ, ఎన్‌ఐటీలకే పరిమితమవగా గత సంవత్సరం దాకా హైదరాబాద్‌లోని ద్వితీయశ్రేణి ఇంజనీరింగ్ కాలేజీల్లో క్యాంపస్ నియామకాలు చేపట్టిన ఇన్ఫోసిస్, టీసీఎస్, విప్రో, యాక్సెంచర్, టెక్ మహేంద్ర వంటి ఐటీ కంపెనీలు ఈసారి అగ్రశ్రేణి ఇంజనీరింగ్ కాలేజీల్లో నియామకాలకే పరిమితమయ్యాయి.
  
 ఈ కారణంగానే ఈ ఏడాది క్యాంపస్ నియామకాల సంఖ్య భారీగా తగ్గిందని ఐటీ వర్గాలు చెబుతున్నాయి. ఏటా అక్టోబర్ చివరి నాటికే 95 శాతం క్యాంపస్ నియామకాల ప్రక్రియ పూర్తవుతుందని, ఆ తరువాత వచ్చే కంపెనీలు చేపట్టే నియామకాలు ఐదు శాతానికి మించవని ఆ వర్గాలు వెల్లడించాయి. ఈ లెక్కన ఇంకో వెయ్యి మంది విద్యార్థులకు మించి అవకాశం ఉండకపోవచ్చని పరిశ్రమ వర్గాలు అంచనా వేస్తున్నాయి.
  
  నాణ్యత లేకపోవడమే...
  రాజధాని హైదరాబాద్‌తోపాటు దాని చుట్టుపక్కల జిల్లాల్లో ఉన్న ఇంజనీరింగ్ కాలేజీల్లో చదువుతున్న విద్యార్థులకు నాణ్యమైన విద్య అందకపోవడం వల్లే ఆయా కాలేజీల్లో నియామకాల ప్రక్రియకు ఐటీ కంపెనీలు ముందుకు రావట్లేదని తెలుస్తోంది. గత మూడేళ్లలో సగటున 56 ఇంజనీరింగ్ కాలేజీల్లో క్యాంపస్ నియామకాలు చేపట్టిన ఐటీ కంపెనీలు ఈ ఏడాది సగానికిపైగా తగ్గించి కేవలం 26 కాలేజీలకే పరిమితమయ్యాయి. టాప్ 10 ఇంజనీరింగ్ కాలేజీల్లోనూ మొత్తం విద్యార్థుల్లో 63 నుంచి 75 శాతం మందికే క్యాంపస్ నియామకాల ద్వారా ఉద్యోగాలు లభించాయి. అందులోనూ కొంత మంది విద్యార్థులకు నాలుగు నుంచి ఐదు కంపెనీల్లో ఉద్యోగాలు లభిస్తున్నాయి. హైదరాబాద్‌లోని ఉస్మానియా, జెఎన్‌టీయూహెచ్ సహా టాప్ ఐదు కాలేజీల్లో సగటున 23 శాతం మంది విద్యార్థులు నాలుగైదు కంపెనీల్లో ఉద్యోగాలు సంపాదించారు. ‘క్యాంపస్ నియామకాల కోసం విద్యార్థుల ప్రతిభను పరీక్షించేందుకు కఠినమైన ప్రశ్నపత్రం ఉంటుంది. అందువల్ల తెలివైన విద్యార్థులు మాత్రమే రాత పరీక్ష పాసవుతున్నారు. ఇంటర్వ్యూలకు ఎంపికైన వారికి ఆంగ్ల భాషలో పరిజ్ఞానం లేకుంటే వెనక్కి వెళ్లక తప్పదు’ అని అనేక ఐటీ కంపెనీలకు ఆన్‌లైన్ క్యాంపస్ పరీక్ష నిర్వహించే అమ్‌క్యాట్ ప్రతినిధి ఒకరు చెప్పారు.
  
  ఐటీ కంపెనీలను బతిమాలుతున్న కాలేజీలు...
  టాప్ ఐటీ కంపెనీలు క్యాంపస్ నియామకాల కోసం వస్తే అడ్మిషన్లు పెరుగుతాయని భావిస్తున్న ఇంజనీరింగ్ కాలేజీలు ఇందుకోసం ఐటీ కంపెనీల హెచ్‌ఆర్ విభాగాలను బతిమాలుతున్నాయి. కాలేజీల అభ్యర్థనలను దృష్టిలో ఉంచుకుని ప్రతి 10, 15 కాలేజీలకు కలిపి ఒకేచోట పరీక్షలు నిర్వహించి రెండంకెలకు మించకుండా విద్యార్థులకు ఐటీ కంపెనీలు ఉద్యోగావకాశాలు కల్పిస్తున్నాయి. ‘మేము గతేడాది ఎక్కువ కాలేజీలకు వెళ్లి నియామకాలు చేపట్టినా ఎంపికైన వారిని ఇప్పటికీ శిక్షణకు పిలువలేకపోయాం. అందువల్ల ఈ ఏడాది కొంత మేర క్యాంపస్ నియామకాలు తగ్గించుకున్నాం’ అని విప్రో హెచ్‌ఆర్ విభాగం ప్రతినిధి చెప్పారు.
  
 ‘క్యాంపస్ నియామకాలకు ఆహ్వానిస్తూ హైదరాబాద్, రంగారెడ్డి జిల్లాల్లోని 128 ఇంజనీరింగ్ కాలేజీల నుంచి మాకు వినతులు వచ్చాయి. కానీ మేము 18 కాలేజీల్లోనే నియామకాల ప్రక్రియ చేపట్టాం’ అని యాక్సెంచర్ ఐటీ కంపెనీ ప్రతినిధి పేర్కొన్నారు. మరోవైపు ఆన్ క్యాంపస్ అవకాశాలు తగ్గిపోవడంతో ఇంజనీరింగ్ విద్యార్థులు ఆప్ క్యాంపస్ నియామకాలకు పరుగులు పెడుతున్నారు. ఐటీ కంపెనీలకు పరీక్షలు నిర్వహించే ఔట్‌సోర్సింగ్ సంస్థలు దీనిని పెద్ద ఎత్తున సొమ్ము చేసుకుంటున్నాయి. హైదరాబాద్‌లోని ఓ సంస్థ ఈ ఏడాది ఇప్పటివరకూ 8 వేల మందికి పరీక్షలు నిర్వహించి ఫీజు రూపేణ దాదాపు రూ. 91 లక్షలు వసూలు చేసింది. కానీ ఆ సంస్థ ద్వారా పరీక్షలో పాసైన వారిలో 10 నుంచి 12 శాతం మందికే ఐటీ కంపెనీలు ఉద్యోగాలు ఆఫర్ చేయడం గమనార్హం.


  హైదరాబాద్: ఒకే రోజు 4 టాప్ ఐటీ కంపెనీల్లో 6,064 మంది ఎస్‌ఆర్‌ఎం వర్సిటీ విద్యార్థులు ప్లేస్‌మెంట్లు సాధించి రికార్డు సృష్టించారని వర్సిటీ వ్యవస్థాపక చాన్స్‌లర్ పారివేందర్ ఓ ప్రకటనలో పేర్కొన్నారు. విప్రో 1,641 మందికి, టీసీఎస్ 1,611 మందికి, కాగ్నిజెంట్ 1,506 మందికి, ఇన్ఫోసిస్ 1,306 మందికి ఆఫర్లు ఇచ్చాయని.. తద్వారా ఎస్‌ఆర్‌ఎం వర్సిటీ తన నంబర్ వన్ స్థానాన్ని కొనసాగిస్తోందన్నారు. తమ వర్సిటీపై, విద్యార్థులపై నమ్మకంతో కంపెనీలు ఆఫర్లు ఇస్తున్నాయని.. ఇండస్ట్రీ ప్రమాణాలకు అనుగుణంగా విద్యాబోధన చేయడమే దీనికి కారణమని వర్సిటీ వైస్ చాన్స్‌లర్ ప్రబీర్ బాగ్చి పేర్కొన్నారు.


 ఉస్మానియా యూనివర్సిటీ: ఓయూ క్యాంపస్ ఇంజినీరింగ్ కళాశాల కంప్యూటర్ సైన్స్ విభాగంలో చివరి సంవత్సరం చదువుతున్న సతీష్‌రెడ్డి ఏడాదికి రూ.20 లక్షల వేతనం గల ఉద్యోగానికి ఎంపికైనట్లు ప్లేస్‌మెంట్ సెల్ డెరైక్టర్ ప్రొ.ఉమామహేశ్వర్ తెలిపారు. అంతర్జాతీయంగా పేరొందిన డీఈ షో కంపెనీలో మన దేశంలోనే ఉద్యోగం చేసేందుకు ఇటీవల జరిగిన క్యాంపస్ ఇంటర్వ్యూ లలో సతీష్‌రెడ్డిని ఎంపిక చేశారు. ఇంటర్వ్యూలో నలుగురు విద్యార్థులు హాజరుకాగా సతీష్‌రెడ్డి ఒక్కరు మాత్రమే  ఉద్యోగం పొందినట్లు డైరెక్టర్ ఉమామహేశ్వర్ చెప్పారు.


 ♦ రోడ్డుప్రమాదంలో అక్కాతమ్ముడు మృతి
 ♦ ఉద్యోగంలో చేరకముందే అనంతలోకాలకు..
 ♦ కుటుంబంలో అలుముకున్న విషాద చాయలు
 ♦ దొన్కల్‌లో నేడు అంత్యక్రియలు
 జక్రాన్‌పల్లి/మోర్తాడ్ : ఇంజనీరింగ్ పూర్తయింది.. క్యాంపస్ ఇంటర్వ్యూలో సక్సెస్ అయింది.. ఉద్యోగం రావడానికి మరికొన్ని రోజుల సమయం ఉంది.. ఈ లోగా కుటుంబసభ్యులతో హాయిగా గడుపుదామనుకుంది. ఇదే విషయూన్ని తల్లిదండ్రులకు చెప్పడంతో వారి ఆనంధానికి అవధుల్లేవు.
 
 హైదరాబాద్‌లో ఉన్న కూతురును తీసుకొచ్చేందుకు బంధువులతో మాట్లాడి కారు ఏర్పాటుచేశారు. అయితే వచ్చేప్పుడు అక్కకు తోడుగా ఉంటాడని తమ కుమారుడిని కూడా పం పించారు. కానీ.. అవే తమ పిల్లలకు చివరి క్షణాలను వారు ఊహించలేకపోయూరు. తిరుగు ప్రయూణంలో జక్రాన్‌పల్లి మండలం సికింద్రాపూర్ వద్ద జరిగిన ప్రమాదం ఆ తల్లిదండ్రుల జీవితంలో అత్యంత విషాదాన్ని నింపింది.
 
 వివరాలిలా ఉన్నాయి.. మో ర్తాడ్ మండలం దొన్కల్ గ్రామానికి చెందిన తీగెల రాజేందర్, అంజమ్మలకు కూతురు సుశ్మిత(22), కుమారుడు శరత్‌చంద్రారెడ్డి(19) ఉన్నారు. సుశ్మిత హైదరాబాద్‌లో బీటెక్ పూర్తి చేసింది. ఇటీవలే క్యాం పస్ ఇంటర్వ్యూలో సెలక్ట్ అయింది. అయితే ఉద్యోగంలో చేరేందుకు కొంత గడువు ఉండడంతో ఈలో గా ఇంటికి వస్తానని కబురు చేసింది. దీంతో ఉత్సాహం పట్టలేని తల్లిదండ్రులు కూతురును తీసుకొచ్చేందుకు బంధువుల కారును ఏర్పాటుచేశారు. వచ్చేప్పుడు తోడు ఉండేందుకు తమ కుమారుడు శరత్‌ను కూడా పంపించారు. తమ్ముడిని చూడగానే సంతోషించిన సుశ్మిత ఇంటికి వచ్చేందుకు ఉత్సాహంగా కారులో బయలుదేరింది.
 
 ఈ క్రమంలో కారు సికింద్రాపూర్ వద్దకు రాగానే కుక్క అడ్డురావడంతో దాన్ని తప్పించబోయి కల్వర్టును ఢీకొట్టి బోల్తా పడింది. ఈ ప్రమాదంలో శరత్‌చంద్రారెడ్డి అక్కడికక్కడే మృతి చెందగా, తీవ్రంగా గాయపడిన సుశ్మిత హైదరాబాద్ యశోద ఆస్పత్రిలో చికిత్స పొందుతూ మరణించింది. కారు డ్రైవర్ సురేష్‌కు తీవ్ర గాయాలయ్యాయి.
  
 గంటలో ఇంటికి వస్తారనగా...
 మరో గంటలో కూతురు, కొడుకు ఇంటికి చేరుకుంటారని భావించిన తల్లిదండ్రులకు ఊహించని పరిణామం ఎదురైంది. ప్రమాదవార్త తెలియగానే వారినోట మాట రాలేదు. ఎంతో కష్టపడి పంటలు పండించి.. ఇద్దరు పిల్లలను ఇంజనీరింగ్ చదివించారు. ఇక తమ కష్టాలు తీరినట్టేనని భావిస్తున్న తరుణంలో వారి జీవితంలో ఈ ఘోరం జరిగింది. వారు విలపిస్తున్న తీరు చూసి, గ్రామస్తులంతా కన్నీరుమున్నీరయ్యారు. ఒకే కుటుంబంలో ఇద్దరు పిల్లలు మృతిచెందడంతో గ్రామంలో విషాదచాయలు నెలకొన్నాయి.  సుశ్మిత మృతదేహం హైదరాబాద్ నుంచి రావాల్సి ఉన్నందున శరత్‌కు కూడా అంత్యక్రియలు నిర్వహించలేదు. ఆదివారం ఇరువురి మృతదేహాలకు ఒకేసారి దహన సంస్కారాలు చేయనున్నారు.


 ధర రూ.4,500
 హైదరాబాద్, బిజినెస్ బ్యూరో: మొబైల్ ఫోన్ల విక్రయ సంస్థ సెల్‌కాన్.. క్యాంపస్ సిరీస్‌లో పెద్ద స్క్రీన్‌తో రూపొందిన ఏ518 మోడల్‌ను మార్కెట్లోకి విడుదల చేసింది. అన్ని రకాల ఆదాయ వర్గాల ప్రజలను ఆకర్షించేలా ఈ స్మార్ట్‌ఫోన్‌ను రూపొందించినట్టు కంపెనీ తెలిపింది. ధర రూ.4,500. ఆధునిక ఫీచర్లతో మరిన్ని మోడళ్లను మార్కెట్లోకి విడుదల చేస్తామని సంస్థ సీఎండీ వై.గురు సోమవారం ఒక ప్రకటనలో తెలిపారు.
 
 5 అంగుళాల కెపాసిటివ్ టచ్ డిస్‌ప్లే, డ్యూయల్ సిమ్, 1 గిగా హెట్జ్ ప్రాసెసర్, కిట్‌క్యాట్ ఓఎస్, 4 జీబీ ఇంటర్నల్ మెమరీ, 3జీ వీడియో కాలింగ్, ఫ్లాష్‌తో కూడిన 3.2 మెగాపిక్సెల్ కెమెరా, 1.3 ఎంపీ ఫ్రంట్ కెమెరా, 2,000 ఎంఏహెచ్ బ్యాటరీ, వైఫై వంటి ఫీచర్లున్నాయి. 32జీబీ వరకు మెమరీని విస్తరించుకోవచ్చు. వైట్, డార్క్ బ్లూ రంగుల్లో లభిస్తుంది. ఫ్లిప్ కవర్, స్క్రీన్‌గార్డ్ ఉచితం.


 విశాఖపట్నం: ఆంధ్ర యూనివర్శిటీ రిజిస్ట్రార్ కార్యాలయం ఎదుట ఇంటిగ్రేటెడ్ విద్యార్థులు ఆందోళనకు దిగారు. క్యాంపస్ ఇంటర్వ్యూల్లో, ఆఫ్ లైన్ ఇంటర్వ్యూల్లో  అర్హత లేదంటూ కార్పొరేట్ కంపెనీలు తమను తిరస్కరిస్తున్నాయని  వారు ఆరోపిస్తున్నారు. మరో వారం రోజుల్లో కోర్సు కాలం పూర్తవుతున్న నేపథ్యంలో దాన్ని మరో యేడాది పొడిగిస్తూ యూనివర్శిటీ ప్రకటన చేయడాన్ని విద్యార్థులు తీవ్రంగా ఖండించారు.


 ఇంజనీరింగ్ కోర్సులో అత్యంత నిర్ణయాత్మక దశ.. నాలుగో సంవత్సరం పూర్తవ్వడానికి నాలుగు నెలలే సమయం  మాత్రమ మిగిలి ఉంది.. ఈ దశలో వేసే అడుగులే భావి కెరీర్‌కు బాటలు వేస్తాయి.. ఉన్నత విద్య, ఉద్యోగం.. ఇలా ఎటు వైపు పయనించాలన్నా.. ఈ ఏడాదిలోనే అందుకు తగ్గ సన్నాహాలు ప్రారంభించాలి.. కాలేజీలో ఉన్నప్పుడే కెరీర్ విషయంలో ఓ స్పష్టమైన అభిప్రాయాన్ని కలిగి ఉండాలి. ఈ నేపథ్యంలో బీటెక్ పూర్తి చేసిన తర్వాత ఉండే అవకాశాలపై విశ్లేషణ..బీటెక్ కోర్సును పూర్తి చేయబోతున్న విద్యార్థుల ముందు విద్య, ఉద్యోగపరంగా ఎన్నో అవకాశాలు ఉన్నాయి. వీటిలో సరిపడ మార్గాన్ని ఎంచుకోవడం ద్వారా కెరీర్‌ను సక్సెస్‌ఫుల్‌గా చేసుకోవచ్చు. ఇందుకోసం అందుబాటులోని అవకాశాలు..
  
  క్యాంపస్ ప్లేస్‌మెంట్స్
  బీటెక్‌లో చేరే ముందు క్యాంపస్ ప్లేస్‌మెంట్ ఏ కాలేజీ? ఏ కోర్సు? మంచిదో తెలుసుకొని మరీ చేరుతారు. కాబట్టి ఈ అవకాశాన్ని సద్వినియోగం చేసుకోవాలి. జీవితంలో త్వరగా స్థిరపడడానికి ఇంతకు మించిన మార్గం మరొకటి లేదని చెప్పొచ్చు. కాకపోతే నైపుణ్యాలే ప్రధానంగా నిర్వహించే ఇటువంటి క్యాంపస్ డ్రైవ్‌లలో విజయం సాధించడానికి కావల్సిన సామర్థ్యాలను మెరుగుపరుచుకునేందుకు ప్రయత్నించాలి. ఈ దిశగా కమ్యూనికేషన్ స్కిల్స్, ఆప్టిట్యూడ్, రీజనింగ్ తదితర అంశాల్లో శిక్షణ తీసుకోవడం మంచిది. ఇందుకోసం క్యాంపస్ రిక్రూట్‌మెంట్ టెస్ట్ వంటి వాటికి హాజరుకావడం కూడా ప్రయోజనకరంగా ఉంటుంది. ప్రస్తుతం అనేక సంస్థలు వాక్-ఇన్-ఇంటర్వ్యూల ద్వారా నియామకాలకు ప్రకటనలిస్తున్నాయి. క్యాంపస్ సెలక్షన్‌లో ఎంపిక కాని అభ్యర్థులు వీటికి హాజరు కావాలి.
  
  ప్రభుత్వ ఉద్యోగాలు
  బీటెక్ తర్వాత మరో అవకాశం ప్రభుత్వ ఉద్యోగాలు. యూపీఎస్సీ, ఎస్‌ఎస్‌సీ, రాష్ట్ర స్థాయి పబ్లిక్ సర్వీస్ కమిషన్లు డిగ్రీ అర్హతగా నిర్వహించే ఉద్యోగ నియామక పరీక్షల్లో విజయం సాధించడం ద్వారా ప్రభుత్వ ఉద్యోగిగా కెరీర్ ప్రారంభించవచ్చు. ఈ క్రమంలో సివిల్ సర్వీసెస్ పరీక్షలకు హాజరు కావడం ద్వారా ఐఏఎస్, ఐపీఎస్, ఐఎఫ్‌ఎస్ వంటి సర్వీసులకు ఎంపికయ్యే అవకాశం ఉంటుంది. ఎస్‌ఎస్‌సీ నిర్వహించే కంబైన్‌‌డ గ్రాడ్యుయేట్ లెవల్ ఎగ్జామ్, రాష్ట్ర పబ్లిక్ సర్వీస్ కమిషన్లు చేపట్టే గ్రూప్-1, గ్రూప్-2 పరీక్షలకు సిద్ధం కావచ్చు. అంతేకాకుండా పోలీస్ విభాగంలో ఎస్‌ఐ పోస్టులకు కూడా ప్రిపరేషన్ సాగించవచ్చు. కాకపోతే ముందుగా ఎంపిక విధానం, పరీక్ష సిలబస్ వంటి అంశాలపై అవగాహన పెంచుకుని ముందుకు సాగితే మంచిది. కేవలం ఇంజనీరింగ్ అభ్యర్థులకు నిర్వహించే పరీక్షలు ఉంటాయి. అవి.. యూపీఎస్సీ ఇంజనీరింగ్ సర్వీసెస్ ఎగ్జామినేషన్. దీని ద్వారా కేంద్ర ప్రభుత్వంలోని ఈ పరీక్ష ద్వారా రైల్వేస్, సెంట్రల్ వాటర్ బోర్డు, సెంట్రల్ ఇంజనీరింగ్ సర్వీస్, మిలిటరీ ఇంజనీరింగ్, బోర్డర్ రోడ్స్ ఇంజనీరింగ్, ఇండియన్ ఆర్డినెన్స్ ఫ్యాక్టరీస్, జియలాజికల్ సర్వే ఆఫ్ ఇండియా తదితర కేంద్ర ప్రభుత్వ విభాగాల్లో.. అసిస్టెంట్ ఎగ్జిక్యూటివ్ ఇంజనీర్, అసిస్టెంట్ ఇంజనీర్ వంటి గ్రూప్- ఏ ఉద్యోగాలను భర్తీ చేస్తారు. అంతేకాకుండా రాష్ట్రస్థాయిలో జెన్‌కో, ట్రాన్స్‌కో, వివిధ విభాగాల్లోని ఏఈ, ఇంజనీరింగ్ ఉద్యోగాల భర్తీ కోసం ఆయా సంస్థలు పరీక్షలు నిర్వహిస్తుంటాయి. వాటిలో విజయం సాధించడం ద్వారా కూడా ప్రభుత్వ ఉద్యోగిగా స్థిరపడొచ్చు.
  
  రక్షణ దళాలు
  
  దేశభక్తి, భిన్నంగా ఆలోచించే వారికి రక్షణ దళాలు చక్కగా సరిపోతాయి. ఈ క్రమంలో యూనివర్సిటీ ఎంట్రీ స్కీమ్ ద్వారా ఆర్మీ/ నేవీ/ ఎయిర్‌ఫోర్‌‌సలలో టెక్నికల్ స్టాఫ్‌గా చేరవచ్చు. యూపీఎస్సీ నిర్వహించే కంబైండ్ డిఫెన్‌‌స సర్వీసెస్ ద్వారా కమిషన్డ్ ఆఫీసర్లుగా కెరీర్ ప్రారంభించవచ్చు. ఇందులో విజయం సాధించడం ద్వారా ఇండియన్ ఆర్మీలో లెఫ్టినెంట్, నేవీలో సబ్ లెఫ్టినెంట్, ఎయిర్‌ఫోర్స్‌లో ఫ్లయింగ్ ఆఫీసర్ హోదాతో కెరీర్ ఆరంభమవుతుంది. ఏ సర్వీస్‌లో చేరినప్పటికీ కెరీర్ ఆరంభంలోనే అన్ని అలవెన్సులూ కలుపుకొని నెలకు రూ. 45,000కు పైగా వేతనం లభిస్తుంది.
  
  సొంతంగా పరిశ్రమ
  స్వయం ఉపాధి దిశగా ఆలోచన ఉండే సొంతంగా పరిశ్రమ స్థాపించడం ద్వారా ఎంటర్‌ప్రెన్యూర్‌గా ఎదగవచ్చు. కాకపోతే ఇందుకు కొంత సమయం పడుతుంది. కాబట్టి ఓర్పు, సహనం ఎంతో అవసరం. సివిల్, మెకానికల్ ఇంజనీరింగ్ అభ్యర్థులు స్వల్ప ఖర్చుతోనే పరిశ్రమలను ప్రారంభించవచ్చు. ప్రస్తుతం ఎంటర్‌ప్రెన్యూర్ కాన్సెప్ట్‌కు ఆదరణ లభిస్తున్న నేపథ్యంలో.. మీ దగ్గరి మంచి ఐడియా ఉంటే పెట్టుబడి పెట్టడానికి ఎన్నో ప్రైవేట్, ప్రభుత్వ సంస్థలు ముందుకు వస్తున్నాయి. కొన్ని సంస్థలు ఇందుకు సంబంధించి కోర్సులను కూడా నిర్వహిస్తున్నాయి. వాటిలో చేర డం ద్వారా తగిన నైపుణ్యాలను పెంపొందించుకోవచ్చు.
  
  జాయింట్ సీఎస్‌ఐఆర్-యూజీసీ నెట్
  ఇంజనీరింగ్ విద్యార్థులకు చక్కని అవకాశం జాయింట్ సీఎస్‌ఐఆర్-యూజీసీ నెట్. ఏదైనా బ్రాంచ్‌తో బీఈ/బీటెక్, ఎంఈ/ఎంటెక్ పూర్తి చేసిన వారు ఈ పరీక్ష రాయొచ్చు. ఈ పరీక్ష ద్వారా జేఆర్‌ఎఫ్‌నకు ఎంపికైన అభ్యర్థులకు సీఎస్‌ఐఆర్ పరిశోధనశాలలతోపాటు దేశ వ్యాప్తంగా ఉన్న ప్రతిష్టాత్మక సంస్థల్లో పరిశోధన చేసే అవకాశం ఉంటుంది. ఈ సమయంలో రెండేళ్లపాటు నెలకు రూ. 16 వేల ఫెలోషిప్ లభిస్తుంది. ప్రతి ఏడాది కాంటిన్‌జెన్సీ గ్రాంట్‌గా రూ. 20 వేలు చెల్లిస్తారు. ఇందులో అర్హత సాధించడం ద్వారా దేశంలోని యూనివర్సిటీలలో/ తత్సమాన ఇన్‌స్టిట్యూట్‌లలో లెక్చరర్/ అసిస్టెంట్ ప్రొఫెసర్‌గా కెరీర్ ప్రారంభించవచ్చు.
  
  చివరగా
  ఉన్నత విద్య, ఉద్యోగం.. ఈ రెండు లక్ష్యాలు సొంతం చేసుకోలేని విద్యార్థులు నిరుత్సాహానికి గురికాకుండా పకడ్బందీగా వ్యవహరించాలి. నిరంతరం పరిశ్రమ అవసరాలను, మార్కెట్ పరిస్థితులను గమనిస్తూ ముందుకు సాగాలి. తమకు సంబంధించిన విభాగంలో నూతన ఆవిష్కరణలపై అవగాహన ఏర్పరచుకోవాలి. మారుతున్న టెక్నాలజీకి అనుగుణంగా తమనుతాము తీర్చిదిద్దుకోవాలి. ఏదో ఒక సంస్థలో ఎలాంటి ఆర్థిక లబ్ధి ఆశించకుండా ఇంటర్న్‌షిప్స్ చేసేందుకు యత్నించాలి. కోర్సు పూర్తయిన రోజు నుంచి ప్రతి రోజు కీలకమే. కాబట్టి.. క్యాంపస్ సెలక్షన్స్, ఉన్నత విద్య అందని విద్యార్థులు పైన పేర్కొన్న విధంగా వ్యవహరిస్తూ తమ రెజ్యూమేలో ఏ నిర్ణీత సమయం కూడా ఖాళీ లేకుండా చూసుకోవాలి.
  
  ఉన్నత విద్యావకాశాలు
  ప్రస్తుత పోటీ ప్రపంచంలో మనం ముందుండాలంటే ఉన్నత చదువులు తప్పనిసరి. బీటెక్ తర్వాత ఉన్నత విద్య దిశగా దృష్టిసారించడానికి అందుబాటులో ఉన్న మార్గాలను పరిశీలిస్తే.. ఎంటెక్/ఎంఈ: బీటెక్ పూర్తి చేసిన విద్యార్థులు పీజీ చేయడానికి ఎంటెక్/ఎంఈ కోర్సులు అవకాశం కల్పిస్తున్నాయి. ఇందుకు రెండు మార్గాలున్నాయి. అవి.. గేట్, పీజీఈసెట్. ఉన్నత విద్య దిశగా ఆలోచనలు ఉంటే ‘గేట్ (గ్రాడ్యుయేట్ ఆప్టిట్యూడ్ టెస్ట్ ఇన్ ఇంజనీరింగ్’ దిశగా దృష్టి సారించడం మేలు. పలు ప్రభుత్వ రంగ సంస్థ (పీఎస్‌యూ)లు గేట్ స్కోర్ ప్రాతిపదికగా ఎంట్రీ స్థాయి నియామకాలను చేపడుతున్నాయి. ముఖ్యంగా ప్లేస్‌మెంట్స్ తక్కువగా ఉంటే కాలేజీల విద్యార్థులు ఈ అంశాన్ని నిశితంగా గమనించాలి. అంతేకాకుండా ఐఐటీ, నిట్, ఐఐఎస్‌సీ వంటి ప్రతిష్టాత్మక ఇన్‌స్టిట్యూట్‌లతోపాటు మిగతా టాప్ కాలేజీలు కూడా ఎంటెక్/ఎంఈ కోర్సులో ప్రవేశానికి గేట్ స్కోర్‌కు ప్రథమ ప్రాధాన్యతనిస్తున్నాయి. అంతేకాకుండా ఇందులో అర్హత సాధించిన వారికి నెలకు రూ.12,400 స్టైఫండ్ లభిస్తుంది. పీజీఈసెట్ (పోస్ట్‌గ్రాడ్యుయేట్ ఇంజనీరింగ్ కామన్ ఎంట్రెన్స్ టెస్ట్) రాష్ట్రస్థాయి కాలేజీల్లో పీజీ చేయడానికి దోహదపడుతుంది. మీ ఆసక్తి ఉన్న రంగాల్లో కొన్ని ఇన్‌స్టిట్యూట్‌లు ఆఫర్ చేసే స్పెషలైజ్డ్ కోర్సులను కూడా ఎంచుకోవచ్చు.
  
  ఎంబీఏ: బీటెక్ తర్వాత చేయదగ్గ మరో కోర్సు ఎంబీఏ (మాస్టర్ ఆఫ్ బిజినెస్ అడ్మినిస్ట్రేషన్). నాయకత్వ లక్షణాలు, నిర్వహణ సామర్థ్యాలు ఉన్న వారికి ఈ కోర్సు సరిగ్గా సరిపోతుంది. ఎంటెక్ చదవడం ద్వారా చీఫ్ ఇంజనీర్ స్థాయికి చేరుకోవచ్చు. కానీ ఎంబీఏ డిగ్రీ ఉంటే ఒక కంపెనీ/సంస్థ కార్యకలాపాలను పూర్తిగా నియంత్రించే సీఈఓ (చీఫ్ ఎగ్జిక్యూటివ్ ఆఫీసర్) హోదాను పొందొచ్చు. కాబట్టి ఈ దిశగా ఆలోచనలు ఉంటే ఎంబీఏ కోర్సులో చేరడం మంచిది. ఇందుకు అవకాశం కల్పిస్తున్న పరీక్షలు.. క్యాట్, మ్యాట్, సీమ్యాట్, ఐసెట్. వీటిలో క్యాట్ పరీక్షలో మంచి పర్సంటైల్ సాధిస్తే ఐఐఎంలలో ప్రవేశాన్ని ఖరారు చేసుకోవచ్చు. మిగతా పరీక్షల ద్వారా జాతీయ సంస్థల్లో అడ్మిషన్ పొందొచ్చు. ఐసెట్ రాష్ట్రస్థాయి పరీక్ష. దీని ద్వారా రాష్ట్ర స్థాయి యూనివర్సిటీ/కాలేజీల్లో ఎంబీఏ కోర్సులో చేరొచ్చు. అంతేకాకుండా ఆసక్తి ఉంటే రిస్క్ మేనేజ్‌మెంట్, ఫైనాన్షియల్‌కు సంబంధించి పలు కోర్సులను చేయవచ్చు. వీటి ద్వారా చక్కని అవకాశాలను సొంతం చేసుకోవచ్చు.
  
  ఎంఎస్: పరిశోధనల పట్ల మక్కువ, కొత్త విషయాలను నేర్చుకోవాలనే తపన ఉన్న వారు అమెరికా, బ్రిటన్, ఆస్ట్రేలియా వంటి దేశాల్లో ఎంఎస్ చేయవచ్చు. ఇందుకోసం జీఆర్‌ఈ, టోఫెల్, ఐఈఎల్‌టీఎస్, జీమ్యాట్ వంటి పరీక్షలకు ప్రిపేర్ కావాలి. ఇందులో మెరుగైన స్కోర్ సాధిస్తే అక్కడి యూనివర్సిటీలు అందించే స్కాలర్‌షిప్స్, టీచింగ్ అసిస్టెన్‌‌స వంటి ఆర్థిక చేయూతను పొందే అవకాశం ఉంటుంది. ఈ దిశగా సన్నాహాలను కనీసం ఆరు నెలల ముందు మొదలు పెట్టాలి. ఈ క్రమంలో ఏ దేశంలో చదవాలనుకుంటున్నారు? ఆ దేశంలోని మంచి యూనివర్సిటీలు?వాటికి అవసరమైన అర్హతలు? ఆర్థికపరమైన అంశాలు? ఆయా యూనివర్సిటీల్లో లభించే స్కాలర్‌షిప్‌లు? వంటి అంశాల్లో స్పష్టమైన అవగాహనతో ఉండాలి. ఈ సందర్భంలో విద్యార్థులు గుర్తుంచుకోవాల్సిన అంశాలు.. జీఆర్‌ఈ స్కోర్ ఆధారంగా ప్రముఖ విశ్వవిద్యాలయాలు మాత్రమే స్టైఫండ్ ఇస్తున్నాయి. ఇటీవల వెలుగు చూస్తున్న ఫేక్ యూనివర్సిటీల నేపథ్యంలో.. వర్సిటీ, కోర్సు ఎంపికలో జాగ్రత్తగా ఉండడం మంచిది. గుర్తింపు సంస్థలు నిర్దేశించిన వర్సిటీలనే ఎంచుకోవడం ప్రయోజనకరం. కొన్ని విశ్వవిద్యాలయాలు ఇంటిగ్రేటెడ్ ప్రోగ్రాములను కూడా నిర్వహిస్తున్నాయి. ఉదాహరణకు: ఎంఎస్ + పీహెచ్‌డీ. ఇటువంటి కోర్సులను ఎంచుకోవడం ద్వారా కెరీర్‌లో త్వరగా స్థిరపడొచ్చు.
  
  


 క్యాంపస్ ప్లేస్‌మెంట్స్‌లో  47 మందికి ఉద్యోగాలు
 ఇద్దరికి 7.20 లక్షల వార్షిక వేతనం
  
 సెంట్రల్ యూనివర్సిటీ: క్యాంపస్ ప్లేస్‌మెంట్లలో హెచ్‌సీయూ విద్యార్థులు సత్తా చాటారు. వివిధ కంపెనీలు నిర్వహించిన ఇంటర్వ్యూలలో ప్రతిభ కనబర్చి రూ.7.20 లక్షల వార్షిక వేతనానికి ఎంపికయ్యారు. 12 ప్రఖ్యాతి గాంచిన కంపెనీలు ఇంటర్వ్యూలు నిర్వహించగా వివిధ విభాగాలకు చెందిన 490 మంది విద్యార్థులు హాజరయ్యారు. హెచ్‌సీయూ క్యాంపస్ ప్లేస్‌మెంట్ సెల్ సహకారం అందించింది. రూ.3.50 లక్షల వార్షిక వేతనం నుండి మొదలుకుని గరిష్టంగా రూ.7.20 లక్షల వార్షిక వేతనాలిచ్చే ఉద్యోగాలను విద్యార్థులు సాధించారు.
  
 సత్తా చాటిన భావన, ప్రత్యూష
  
 క్యావియం సంస్థ నిర్వహించిన క్యాంపస్ ప్లేస్‌మెంట్లలో ఎంటెక్ విద్యార్థినిలు ఏ.భావన, జి.ప్రత్యూషలు రూ.7.20 లక్షల వార్షిక వేతనానికి ఎంపికయ్యారు. ఎంటెక్, ఎంసీఏ విభాగంలో టెరేడాటా, క్యావియం నెట్‌వర్క్స్, మ్యూ సిగ్నా, వన్ కన్వర్వజెన్స్, టీసీఎస్, ఐబీఎం సంస్థలు 25 మంది హెచ్‌సీయూ విద్యార్థులకు ఉద్యోగాల ఆఫర్‌ను ఇచ్చాయి. ఎంబీఏ విభాగంలో లావా మొబైల్స్, టీసీఎస్, డెలాయిట్, ప్రొకర్నా సంస్థలు 13 మందిని ఎంపిక చేశాయి. ఎంటెక్, ఎకనామిక్స్, మ్యాథమ్యాటిక్స్ విభాగంలో హెచ్‌ఎస్‌బీసీ 81 మందికి ఇంటర్వ్యూలు నిర్వహించి 8 మందిని ఎంపిక చేసింది. ఎంసీఏ విభాగంలో వర్చుసా కంపెనీ ఒకరిని ఎంపిక చేసింది.
  


 శాతవాహ న యూనివర్సిటీ:
  ఉన్నత విద్య అభ్యసించి, మంచి ఉద్యోగం సంపాదించి భవిష్యత్‌కు బాటలు వేసుకోవాలనుకొనే విద్యార్థుల ఆశలతో కొన్ని కళాశాలలు చెలగాటమాడుతున్నాయి. క్యాంపస్ రిక్రూట్‌మెంట్ విధానం విపరీతమైన ప్రాచుర్యం పొందడంతో ప్రస్తుతం అన్ని డిగ్రీ, పీజీ, ఇంజనీరింగ్, ఎంబీఏ, ఎంసీఏ కళాశాలలు క్యాంపస్ రిక్రూట్‌మెంట్స్‌ను కాసుల మేళాగా మార్చుకుంటున్నాయి. క్యాంపస్ రిక్రూట్‌మెంట్ అంటే ఉద్యోగం కోసమే అనే మాటను అనేక కళాశాలలు మార్చేశాయి.
  
  క్యాంపస్ రిక్రూట్‌మెంట్ చేయడమే ఒక స్టేటస్ సింబల్‌గా భావిస్తున్నాయి. తమ ప్రచారం కోసం, అడ్మిషన్‌లు పెంచుకోవడానికి ఈ దీనిని ఒక అవకాశంగా వినియోగించుకుంటున్నాయి. మరోవైపు క్యాంపస్ రిక్రూట్‌మెంట్‌లో ఉద్యోగాలు విద్యార్థుల పాలిట ఎండమావిలా తయారయ్యాయి. చదువు కొనసాగిస్తున్న సమయంలోనే ఉద్యోగం తమను వెతుక్కుంటూ వస్తుందన్న ఆశలతో వారు క్యాంపస్ రిక్రూట్‌మెంట్‌కు హాజరవుతున్నారు. సాఫ్ట్‌వేర్ కంపెనీలు, పేరుమోసిన కంపెనీల్లో ఉద్యోగం అవడంతో విద్యార్థుల తల్లిదండ్రులు కూడా తమ కష్టాలు గట్టెక్కినట్లేనని భావిస్తున్నారు. తీరా ఇంటర్వ్యూలకు హాజరై, ఉద్యోగాల్లో చేరితే గానీ క్యాంపస్ రిక్రూట్‌మెంట్లు మేడిపండు చందమేననే చేదు నిజం తెలియడం లేదు.
  
  ఆర్భాటం ఎక్కువ.. అంతా డొల్ల
  జిల్లాలోని చాలా కళాశాలల్లో నిర్వహించే క్యాంపస్ రిక్రూట్‌మెంట్లలో వారు చేస్తున్న ప్రచారానికి వాస్తవానికి ఎక్కడా పొంతన కుదరడం లేదు. ఎంపిక కోసం హైదరాబాద్, ముంబయి. బెంగళూర్‌లలోని అనేక ప్రముఖ కంపెనీలు వస్తున్నాయని, ఐదు వందల వర కు పోస్టులున్నాయని ఆర్భాటంగా ప్రకటనలు, ప్రచారాలు చేసి కళాశాలలు విద్యార్థులకు గాలం వేస్తున్నాయి.
  
   క్యాంపస్ మేళాకు వచ్చేసరికి కంపెనీ పేరును బూతద్దం పెట్టి వెతికినా ప్రముఖ కంపెనీల జాబితాలో కనిపించకపోవడంతో విద్యార్థులు మోసపోయామని గొల్లుమంటున్నారు. పైగా క్యాంపస్ రిక్రూట్‌మెంట్‌లలో అధికంగా ఇప్పిస్తున్న ఉద్యోగాలను చూస్తే కాల్‌సెంటర్‌లలో చిన్నచిన్న ఉద్యోగాలు మాత్రమే ఉంటున్నాయి. ఇవన్నీ చూస్తే రిక్రూట్‌మెంట్‌లో ఆర్భాటం ఎక్కువ.. అంతా డొల్ల అనే విమర్శలు వస్తున్నాయి.
  
  రిజిస్ట్రేషన్ పేరుతో ఫీజులు వసూలు
  ఏ కళాశాలలో రిక్రూట్‌మెంట్ అయినా కళాశాలల ప్రచారార్భాటంతో ఒక్కో మేళాకు దాదాపు వేలాది మందికి విద్యార్థులు హాజరవుతున్నారు. కొంతమంది దూర ప్రాంతాల నుంచి కూడా ఎన్నో వ్యయప్రయాసలకోర్చి వస్తున్నారు. క్యాంపస్ మేళాకు హాజరయ్యే ప్రతి విద్యార్థి నుంచి రూ.100 నుంచి రూ.200 వరకు రిజిస్ట్రేషన్ ఫీజు రూపేణా కళాశాలలు వసూలు చేస్తున్నాయి. ఉద్యోగం వచ్చినా రాకపోయినా రిజిస్ట్రేషన్ ఫీజు చెల్లించాల్సి ఉండడతో ఒక్క మేళా నిర్వహిస్తే రూ.లక్ష నుంచి రూ.2లక్షల దాకా గిట్టుబాటవుతున్నాయి. కంపెనీలను నగరాల నుంచి తీసుకురావడానికి కళాశాలలు దళారులను వాడుకుంటూ వారికి కొంత కమీషన్ చెల్లిస్తున్నాయి.
  
  అటు రాయితీలు..
  ఇటు మోసాలు..
  పలు కంపెనీలు ప్రభుత్వం నుంచి వివిధ రూపాల్లో రాయితీలు, సెజ్‌ల పేరిట నామమాత్రపు ధరలకే ప్రభుత్వ భూములు పొందుతుంటాయి. ప్రభుత్వం నుంచి ఇలాంటి సదుపాయాలు అందుకుంటున్నందున కొంతమంది విద్యార్థులను ఉద్యోగాలకు ఎంపిక చేసుకుంటామని సదరు కంపెనీలు సర్కారుతో ఒప్పందం కుదుర్చుకుంటున్నాయి. అందులో భాగంగానే క్యాంపస్ రిక్రూట్‌మెంట్లు నిర్వహిస్తున్నాయి.
  
   కంపెనీ ఒప్పందంలో పేర్కొన్నామనే కారణంతో క్యాంపస్ రిక్రూట్‌మెంట్లకు వస్తున్న చాలా కంపెనీలు తమకు కావాల్సిన అర్హతలు సదరు విద్యార్థుల వద్ద లేవనే సాకుతో ఉద్యోగాలు ఇవ్వడం లేదు. అడ్మిషన్‌లు పెంచుకోవడానికి కళాశాలలు, తూతూమంత్రంగా కంపెనీలు, డబ్బులు దండుకోవడానికి దళారులు నిర్వహిస్తున్న క్యాంపస్ రిక్రూట్‌మెంట్లలో చివరకు విద్యార్థులు మోసపోతున్నారు.
  
  ఈ నేపథ్యంలో ఉద్యోగానికి ఎంపికైన వారి నుంచే రిజిస్ట్రేషన్ ఫీజు వసూలు చేయాలని, మొదటి జీతం పేరిట కోతలు పెట్టడం ఆపాలని, మోసాలను అరికట్టాలని అభ్యర్థులు డిమాండ్ చేస్తున్నారు. కానీ కళాశాలల యాజమాన్యాలు ఇవేమీ పట్టించుకోకుండా విద్యార్థులు చెల్లించే రిజిస్ట్రేషన్ ఫీజు కంపెనీ వారికే వెళ్తుందని, దానిలో విద్యాసంస్థలకు వచ్చేది లేదని నమ్మబలకడమే కాకుండా, విద్యార్థులకు ఉద్యోగాలను అందించడానికి అనేక రకాల వ్యయప్రయసాలు ఎదుర్కొంటున్నామని మొసలికన్నీరు కార్చుతున్నాయి. అందుకే అభ్యర్థులూ తస్మాత్ జాగ్రత్త.
  


 ఐఐటీల్లో చేరితే కార్పొరేట్ కొలువు ఖాయం. కళ్లు చెదిరే మొత్తాల్లో జీతాలు సొంతం. అనేది నిస్సందేహం. మరోసారి ఇదే నిరూపితమవుతోంది. దేశవ్యాప్తంగా ఐఐటీల్లో డిసెంబర్ 1 నుంచి ప్రారంభమైన క్యాంపస్ రిక్రూట్‌మెంట్ డ్రైవ్స్‌లో విద్యార్థులకు కంపెనీలు ఆఫర్ చేస్తున్న పే ప్యాకేజీలే ఇందుకు నిదర్శనం. ఇదే క్రమంలో ఐఐటీ-ఖరగ్‌పూర్‌లో బీటెక్ సీఎస్‌ఈ నాలుగో సంవత్సరం చదువుతున్న ఖమ్మంకు చెందిన ఊట్ల హరీశ్ చంద్ర కూడా 56 లక్షల వార్షిక ప్యాకేజ్‌తో సిస్కో సిస్టమ్స్ - కాలిఫోర్నియాలో కొలువు సొంతం చేసుకున్నారు. క్యాంపస్ రిక్రూట్‌మెంట్స్ సమయంలో ఐఐటీ క్యాంపస్‌లలో సందడి గురించి వివరాలు ఆయన మాటల్లోనే...
  
 లక్ష్యం నెరవేరింది
 సిస్కో సిస్టమ్స్‌లో కొలువు ఖాయం కావడం.. అందులోనూ అంతర్జాతీయ ఆఫర్‌తో కాలిఫోర్నియాలోని సంస్థ హెడ్ ఆఫీస్‌లో పనిచేసే అవకాశం లభించడం ఎంతో ఆనందంగా ఉంది. నాలుగేళ్ల క్రితం ఐఐటీ-జేఈఈలో 487వ ర్యాంకుతో ఐఐటీ-ఖరగ్‌పూర్‌లో బీటెక్ సీఎస్‌ఈలో చేరాను. ఆ లక్ష్యం నెరవేరినట్లు, మూడున్నరేళ్లపాటు పడిన శ్రమకు గుర్తింపుగా భావిస్తున్నాను.
  
 డే-1 ఈవెనింగ్.. హ్యాపీ హ్యాపెనింగ్
 ఖరగ్‌పూర్ క్యాంపస్‌లో రిక్రూట్‌మెంట్ డ్రైవ్ మొదలైన తొలిరోజు 27 కంపెనీలు వచ్చాయి. వాటి గురించి సమాచారం, జాబ్ పోర్ట్‌ఫోలియో, అర్హతల వివరాలపై క్యాంపస్ వర్గాలు ముందుగానే తెలియజేస్తాయి. విద్యార్థులు తమకు అర్హతలు, ఆసక్తికి అనుగుణంగా దరఖాస్తు చేసుకుంటారు. నేను కూడా సిస్కో సిస్టమ్స్ సహా మరో నాలుగు కంపెనీలకు దరఖాస్తు చేసుకున్నాను. కానీ మిగతా మూడింటిలో అవకాశం కొద్దిలో చేజారింది.
 
 ఇక.. టెన్షన్ మొదలైంది. అయితే డే-1 ఈవెనింగ్ సెషన్‌లో సిస్కో సిస్టమ్స్ నుంచి ఇంటర్వ్యూ కాల్ వచ్చింది. ఆ ఇంటర్వ్యూలో నేనిచ్చిన సమాధానాలకు సంతృప్తి చెందిన ప్రతినిధులు పే ప్యాకేజ్‌తో సహా అపాయింట్‌మెంట్ ఆఫర్ ఖాయం చేశారు. దీంతో అంతకుముందు నాలుగైదు రోజులుగా పడిన టెన్షన్ నుంచి బయటపడ్డాను.
  
 మూడు రౌండ్లలో ఇంటర్వ్యూ
 సిస్కో సిస్టమ్స్ ఇంటర్వ్యూ మూడు రౌండ్లలో జరిగింది. తొలి రెండు రౌండ్లు టెక్నికల్. వీటిలో సబ్జెక్ట్ నాలెడ్జ్ గురించి, కోర్ బ్రాంచ్‌లో లేటెస్ట్ డెవలప్‌మెంట్స్, నేను చేసిన ప్రాజెక్ట్ వర్క్ వివరాలపై ప్రశ్నించారు. చివరిదైన హెచ్.ఆర్.రౌండ్‌లో వ్యక్తిగత వివరాలు, లక్ష్యాలు, తమ సంస్థలోనే ఎందుకు చేరాలనుకుంటున్నారు? వంటి ప్రశ్నలు అడిగారు. వీటికి కూడా సంతృప్తికరంగా సమాధానం ఇవ్వడంతో కొలువు ఖాయం చేశారు. 56 లక్షల ప్యాకేజ్ అని చెప్పారు. మిగతా ఇన్సెంటివ్స్ గురించి ఇంకా తెలియలేదు. ఇవి కూడా కలిపితే ఈ మొత్తం పెరగొచ్చు.
  
 జాబ్ రోల్ చెప్పలేదు
 ఇంటర్వ్యూ సమయంలోనే ఏ విభాగంలో పని చేయాలని ఉంది? అని అడిగితే అప్లికేషన్ డెవలప్‌మెంట్ అని చెప్పాను. ఇంకా జాబ్ రోల్‌పై స్పష్టత ఇవ్వలేదు. ఎలాంటి విభాగంలో పని చేయడానికైనా సిద్ధంగా ఉన్నాను.
  
 ఇంకా చదవాలనుంది
 బీటెక్ చివరి సంవత్సరంలోనే కొలువు ఖాయమైనప్పటికీ.. ఉన్నత చదువులు చదవాలనుంది. వాస్తవానికి క్యాంపస్ రిక్రూట్‌మెంట్‌లో అభ్యర్థులను ఎంపిక చేసిన కొన్ని కంపెనీలు ఆ వెసులుబాటు కల్పిస్తాయి. సంస్థలో కొద్దిరోజులు పని అనుభవం గడించాక స్టడీ వెకేషన్‌కు అనుమతినిస్తాయి. సిస్కోలో ఆ అవకాశం ఉందో లేదో తెలుసుకోవాలి. వచ్చే ఆగస్ట్ లేదా సెప్టెంబర్ నాటికి సంస్థలో చేరాల్సి ఉంటుంది. ఈ లోపే దీనిపై స్పష్టత పొందుతాను. ఉద్యోగంలో చేరాల్సి వచ్చినా.. ఉన్నత విద్య లక్ష్యాన్ని మాత్రం వదలను. బీటెక్‌తోనే అకడమిక్స్‌కు ఫుల్‌స్టాప్ పెట్టడం మంచిది కాదు కూడా! ఎంటర్‌ప్రెన్యూర్‌షిప్, స్టార్టప్స్‌వంటి లక్ష్యాలు ప్రస్తుతానికైతే లేవు.
  
 ఐఐటీ క్యాంపస్ డ్రైవ్స్.. ఇలా
 ఐఐటీ క్యాంపస్‌లలో రిక్రూట్‌మెంట్ డ్రైవ్స్ సందడి జూలై నుంచే మొదలవుతుంది. ఈ డ్రైవ్స్‌లో పాల్గొనే సంస్థలు అప్పటి నుంచే తమ వివరాలను నమోదు చేసుకోవాల్సి ఉంటుంది. విద్యార్థులకు కూడా ఎలాంటి కంపెనీలకు సిద్ధమవ్వాలనే విషయంలోనూ స్పష్టత లభిస్తుంది. ఇక రిక్రూట్‌మెంట్ డ్రైవ్స్ ప్రారంభం కావడానికి వారం పది రోజుల ముందు నుంచి క్యాంపస్‌లలో నెలకొనే సందడి ఎంతో.
 
 క్యాంటీన్స్, క్యాంపస్ కారిడార్స్, లంచ్ రూమ్స్.. ఎక్కడ చూసినా వచ్చే కంపెనీల గురించిన ముచ్చట్లే. గతంలో ఆ కంపెనీలు డ్రైవ్స్ నిర్వహించిన తీరుతెన్నులు తెలుసుకునేందుకు, సీనియర్లు, ప్లేస్‌మెంట్ కో ఆర్డినేటర్స్‌ను వాకబు చేయడం వంటివి సాధారణం. అసలు ప్రక్రియ మొదలైనప్పుడైతే విద్యార్థుల్లో ఎంతో టెన్షన్ కనిపిస్తుంది.
 
 ఒకవైపు ఇంటర్వ్యూలలో విజయం సాధించిన విద్యార్థులను చూస్తూ.. మరోవైపు తమకెలాంటి ఫలితాలు ఎదురవుతాయో అనే ఆందోళనతో ఉంటారు. సీఎస్‌ఈ, సాఫ్ట్‌వేర్ సంబంధిత బ్రాంచ్‌ల విద్యార్థులు ఫర్వాలేదు కానీ మిగతా బ్రాంచ్‌ల విద్యార్థుల్లో ఈ ఆందోళన మరింత ఎక్కువే. కారణం ఆయా బ్రాంచ్‌లకు సంబంధించిన కంపెనీలు సంఖ్య తక్కువగా ఉండటం. వచ్చిన కంపెనీలు తొలి రెండు, మూడు రోజుల్లోనే తగినవారిని ఎంపిక చేసుకోవడం.
  
 డ్రెస్ కోడ్ కంపల్సరీ
 క్యాంపస్ రిక్రూట్‌మెంట్స్‌లో పాల్గొనే విద్యార్థులకు డ్రెస్‌కోడ్ తప్పనిసరి. బ్లేజర్స్, నెక్-టై, ఫార్మల్ షూస్ ధరించడం తప్పనిసరి. ఈ విషయంలోనూ ముందు నుంచే సిద్ధం కావాలి. లేదంటే ఒక్కసారి అలాంటి డ్రెస్‌లో ఇమడలేక నెర్వస్‌గా ఫీలవుతారు. ఇది ఇంటర్వ్యూలో ప్రతికూల ప్రభావం చూపుతుంది.
  
 స్టార్టప్స్ ఆఫర్స్‌ను అంగీకరించడానికి కారణం
 ఇప్పుడు చాలామంది ఐఐటీయన్స్ స్టార్టప్ ఆఫర్స్‌ను అంగీకరిస్తున్నారు. పే ప్యాకేజ్‌ల పరంగానూ రాజీ పడి స్టార్టప్స్‌వైపు మొగ్గు చూపుతున్నారు. కొత్తగా పెట్టిన కంపెనీల్లో చేరితే పనితీరు ఆధారంగా తొందరగా ఉన్నత స్థానాలకు చేరుకుంటామనే ఆలోచనే ఇందుకు కారణం.
  
 కొలువులు ఖాయమే.. కానీ
 ఐఐటీల్లో చేరితే కార్పొరేట్ కొలువు ఖాయం అనేది నిస్సందేహం. కానీ.. ఆ కొలువులు, పే ప్యాకేజ్‌లు ఉన్నతంగా ఉండాలంటే సబ్జెక్ట్ నాలెడ్జ్ మాత్రమే పరిష్కారం. బ్రాండ్-ఐఐటీ పేరుతోనే కళకళలాడే కొలువులు సొంతమవుతాయనుకోవడం పొరపాటు. ఐఐటీ స్థాయి ఇన్‌స్టిట్యూట్ అయినా.. సాధారణ ఇన్‌స్టిట్యూట్ అయినా వచ్చిన కంపెనీల్లో ఉన్నత స్థానం పొందాలంటే సబ్జెక్ట్ నాలెడ్జ్‌లో సంపూర్ణ అవగాహన సొంతం చేసుకోవాలి.
 
 ప్రొఫెసర్లు, మెంటార్ల గెడైన్స్ కొంత మేరే ఉంటుంది. వారు.. నైపుణ్యాలను పెంచుకునేందుకు ఉన్న అవకాశాలు, మార్గాల గురించి చెబుతారు. వాటిని అందిపుచ్చుకోవాల్సిన బాధ్యత విద్యార్థులదే. ఐఐటీల్లో సీటు లక్ష్యంగా పెట్టుకున్న విద్యార్థులు ఈ విషయాన్ని కచ్చితంగా గుర్తించాలి. ఐఐటీలో సీటు సొంతమయ్యే ర్యాంకు సాధించడం కంటే.. అక్కడ అడుగు పెట్టినప్పటి నుంచి అనుసరించే తీరే భవిష్యత్తును ప్రభావితం చేస్తుంది. సెల్ఫ్ లెర్నింగ్, సెల్ఫ్ సస్టెయినబిలిటీకి ప్రాధాన్యమిస్తూ ముందుకు సాగాలి.


 వర్ధెల్లి అరుణాకృష్ణ, సాక్షి, సూర్యాపేట   తండ్రి రోజు కూలీగా పని చేశాడు... కొడుకు మాత్రం మట్టిలో మాణిక్యంలా మెరిశాడు. తాను తెచ్చుకున్న మార్కులకు ట్రిపుల్ ఐటీలో ఉచిత సీటు వస్తుందన్నా వద్దన్నాడు. ఇష్టపడి చదివి మరీ, ఐఐటీలో అఖిల భారత స్థాయిలో 229వ ర్యాంకు సాధించాడు. చదువు పూర్తి అయ్యీ కాకుండానే క్యాంపస్ సెలక్షన్‌లో ఒరాకిల్ కంపెనీ దాదాపు ఎనభై లక్షల రూపాయల వార్షిక వేతనంతో ఆస్ట్రేలియాలోని తన సంస్థలో ఉద్యోగమిచ్చేలా చేసుకున్నాడు నసీర్. అక్షర కృషీవలుడైన నసీర్‌ను ప్రయోజకుడిని చేసేందుకు తల్లితండ్రులు జమాలుద్దీన్- రహిమున్నీసాలు తాము పడ్డ కష్టాలను వివరించారిలా...
 
 ‘‘మాది నల్గొండ జిల్లా అర్వపల్లి మండలం కోడూరు. ఊరిలో కొద్దిగా కొండ్ర ఉంది. కాని, అందుల పంట తీసే పరిస్థితి లేదు. అందుకే 1992లో పొట్ట చేతబట్టుకుని సూర్యాపేట చేరుకున్నాం. నేను, నా భార్య, ముగ్గురు పిల్లలమూ కలిసి ఒక చిన్న ఇంట్లో కిరాయికి ఉన్నం. దినసరి కూలీగా ఓ పూట పస్తులుంటూ, మరో పూట పెడుతూ, మేము పడ్డ కష్టాలు మా పిల్లలు పడకూడదని వాళ్లని ఎట్లాగో అట్లా బళ్లో వేశా. నసీర్ చిన్నప్పటి సంది బాగా సదివేటోడు. గది చూసి వాడి ఇస్కూలు మేస్టర్లే వాడిని నవోదయ ఇస్కూల్లో ఏసిండ్రు. కష్టపడి సదివి పదో తర్గతిల 587 మార్కులు తెచ్చుకున్నడు. ఆ మార్కుల్కి బాసర ఐఐటీ కాలేజీల ఉచిత సీటు వస్తదన్నరు సార్లు. కాని, ఆడు అందుకు ఒప్పుకోలా. సదువైన బందు చేస్త గాని, బాసరకు పొయ్యేది లేదన్నడు. మొదుల్నించి ప్రోత్సహిస్తా వచ్చిన లింగారెడ్డి సారే ఆడిని తీస్కపోయి, హైదరాబాద్ శ్రీచైతన్య కాలేజీల చేర్పించిండు. వాళ్లు సుతా నసీరుకు సానా టెస్టులయ్యీ పెట్టి, అందులో నె గ్గినంక ఇంటర్ నుంచి ఐఐటీ-జేయీయీల ఫిరీ సీటిచ్చిన్రు.
 
 నసీరు ఏనాడూ నాకు అవ్వి కావాలనీ, ఇవ్వి కావాలనీ సతాయించెటోడు కాదు. ఆస్టల్ల ఏది పెడితే అది తినెటోడు.  లింగారెడ్డి సారే, ఆడికి కావలసిన కితాబులు కొనిచ్చెటోడు. కష్టపడి సద్వి ఇంటర్ల 969 మార్కులు దెచ్చుకుండు. అది అయిపోతల్నే, ఐఐటీ టెస్టు రాసి, అందుల సుత మంచి ర్యాంకు తెచ్చుకున్నడు. కాని, సదివిపిచ్చేటందుకు సమచ్చరాన్కి లక్షా ఇర్వై వేలు అయితదన్నడు. నా కాడ అన్ని పైసల్లేవని చేతులెత్తేసిన. లింగారెడ్డి సారు వచ్చి, మీడియా ద్వారా దాతల సాయం కోరేందుకు ప్రయత్నిస్తనని చెప్పిండు. గట్లనే నాల్గు సంవత్సరాలు దాతల సాయంతోనే ఐఐటీ కాన్పూర్ల సద్వు పూర్తి చేసిండు. అంద్ల కూడ మంచి ర్యాంకు తెచ్చుకుండు. క్యాంపస్ సెలక్షన్ల గదేదో ఒరాకిలు కంపెనీ అంట. అంద్ల సమచ్చరానికి డెబ్బయి తొమ్మిది లక్షల జీతమిచ్చే నౌకరి దెచ్చుకుండు. అంతా వాడి కష్టం.. భగమంతుని దయ!
     
 ప్రతిభ ఉన్నవారికి పేదరికం ప్రతిబంధకం కాదన్నది నా నమ్మకం. దాన్ని రుజువు చేస్తూ నన్ను మొదటినుంచీ ప్రోత్సహిస్తూ వచ్చారు నవోదయ స్కూలు కరస్పాండెంటు మారం లింగారెడ్డి సార్, మరికొందరు మంచి మనుషులు. వారికి జీవితాంతం రుణపడి ఉంటా! ఈ సమాజం నాకిచ్చిన సహకారాన్ని గుర్తుచేసుకొని తిరిగి సమాజానికిస్తా. ప్రతిభ ఉండీ పేదరికంతో ఉన్నత చదువులకు దూరం అవుతున్న నాలాంటి పేద విద్యార్థులకు తప్పక సాయం చేస్తా!
  
 - షేక్ నసీర్
  


 షేక్ జమాలుద్దీన్ పొట్ట చేతబట్టుకుని నల్లగొండ జిల్లా సూర్యాపేటకు వలస వచ్చాడు. జమాలుద్దీన్ గ్రానైట్ కంపెనీలో కూలిపని చేస్తుండగా, రహిమున్నిసా టైలరింగ్ చేసేది. దంపతులిద్దరూ ముగ్గురు పిల్లలను ప్రయోజకులుగా చూడాలని తాపత్రయపడ్డారు. వారి తపనకు పిల్లల పట్టుదల తోడైంది. కాయకష్టం చేసే తల్లిదండ్రులకు ఆసరాగా ఉండేందుకు కొడుకు షేక్ నజీర్‌బాబా సెలవు దినాల్లో పూలసెంటర్, పాతబస్టాండ్‌లో పూలు కూడా అమ్మేవాడు. అలా అమ్మిన కుర్రాడే పదోతరగతిలో స్టేట్‌ఫస్ట్ వచ్చాడు. ఆపై కాన్పూర్ ఐఐటీలో సీటుకూడా సంపాదించాడు. అమెరికాకు చెందిన ఒరాకిల్ కంపెనీ నిర్వహించిన క్యాంపస్‌ టర్వ్యూలో అప్లికేషన్ ఇంజినీర్‌గా ఎంపికయ్యాడు. వార్షిక వేతనమెంతో తెలుసా రూ. 79.18లక్షలు.
 
 సూర్యాపేట: అర్వపల్లి మండలం కోడూర్ గ్రామానికి చెందిన షేక్ జమాలుద్దీన్-రహిమున్నీసా దంపతులు 30 ఏళ్ల క్రితం పొట్టచేత పట్టుకొని సూర్యాపేట పట్టణానికి వలస వచ్చారు. ఓ పూట పస్తులున్నా సరే ముగ్గురు పిల్లలను ఉన్నత స్థానాల్లో చూడాలనే తపనతో చదివిస్తున్నారు. వారి తపనకు పిల్లల పట్టుదల తోడై నేడు వారి కుమారున్ని అత్యున్నతమైన ఉద్యోగానికి ఎంపికయ్యేలా చేసింది.
 
 సూర్యాపేట పట్టణంలోని నవోదయ పాఠశాలలో 10వ తరగతి దాకా తెలుగు మీటియంలో విద్యనభ్యసించిన వారి కుమారుడు షేక్ నజీర్‌బాబా. ఈ నెల 1న కాన్పూర్ ఐఐటీలో అమెరికాకు చెందిన ఒరాకిల్ కంపెనీ నిర్వహించిన క్యాంపస్‌ఇంటర్యూలో సంవత్సరానికి రూ.79.18 లక్షల ఉద్యోగానికి ఎంపికయ్యాడు. రెండు సంవత్సరాల క్రితం నల్లగొండ పట్టణానికి చెందిన శ్రీరామ్‌భార్గవ్ ఐఐటీ బాంబే క్యాంపస్ ఇంటర్వ్యూలో రూ.80 లక్షల వేతనానికి ఎంపిక కాగా తిరిగి జిల్లాకు చెందిన మరో విద్యార్థి అయిన నజీర్‌బాబాకు ఇంత పెద్ద మొత్తంలో వేతనం లభించడం అరుదైన విషయం.
 
 నజీర్‌బాబా 2008-09లో పదో తరగతి పరీక్షలు రాసి 600 మార్కులకు 587 మార్కులు సాధించి రాష్ట్రస్థాయి ప్రథమ స్థానంలో నిలిచాడు. ఆయన పేదరికాన్ని గుర్తించిన పాఠశాల కరస్పాండెంట్ మారం లింగారెడ్డి శ్రీచైతన్య విద్యాసంస్థల యాజమాన్యంతో మాట్లాడి ఇంటర్మీడియట్‌లో ఉచిత విద్యనందించేందుకు ఒప్పించి ఎంపీసీలో చేర్పించాడు. నజీర్‌బాబా పట్టుదలతో చదివి ఇంటర్‌లో 969 మార్కులు సాధించాడు. 2011 ఐఐటీ ప్రవేశపరీక్షలో ఆలిండియాలో 239వ ర్యాంకు సాధించి కాన్పూర్ ఐఐటీలో కంప్యూటర్ సైన్స్ ఇంజినీరింగ్‌లో చేరాడు.
 
 ఐఐటీలో కష్టపడి చదువుతూ 9.4 క్యుమిలేటివ్ పెర్‌ఫార్మెన్స్ ఇండెక్స్ (సీపీఐ) సాధించాడు. చివరి సంవత్సరం పూర్తి కాకముందే జరిగిన క్యాంపస్ నియామకాల్లో అత్యధిక వేతనంతో ఉద్యోగానికి ఎంపికయ్యాడు. ఈ సందర్భంగా నజీర్‌బాబా ‘సాక్షి’తో ఫోన్‌లో మాట్లాడుతూ లక్ష్యాన్ని ఎంచుకొని కష్టించి పనిచేస్తే దేనినైనా సాధించవచ్చన్నారు. కష్టపడకుండా ఏదీ సాధ్యపడదన్నారు. ఇష్టంతో చదవాలని సూచించారు. తాను ఈ స్థానానికి చేరుకోవడానికి తన తల్లిదండ్రులు, ఉపాధ్యాయులు కారణమన్నారు. ఎంతో మంది ఆర్థిక సహకారమందించేందుకు కృషిచేసిన కరస్పాండెంట్ మారం లింగారెడ్డి-ఝాన్సీ దంపతులకు రుణపడి ఉంటానని పేర్కొన్నారు.
 
 సెలవుల్లో పూలమ్మిన నజీర్‌బాబా..
 ఆర్థిక ఇబ్బందులను అధిగమించేందుకు పాఠశాల, కళాశాల సెలవు దినాల్లో పూలు అమ్మి ఎంతోకొంత సంపాదించి అమ్మానాన్నలకు ఆసరాగా ఉండేందుకు కూడా నజీర్‌బాబా వెనుకాడలేదు. ఇంటర్మీడియెట్ పరీక్షలు రాసిన అనంతరం వేసవి సెలవుల్లో సూర్యాపేట పట్టణంలోని పూలసెంటర్, పాతబస్టాండ్ ప్రాంతాల్లో కొద్దిరోజులు పూలమ్మినట్లు ఆయన వెల్లడించారు.


 కోల్‌కతా: ఖరగ్‌పూర్ ఐఐటీ విద్యార్థికి బంపర్ ఆఫర్ తగిలింది. క్యాంపస్ ప్లేస్‌మెంట్లలో భాగంగా ఆ విద్యార్థికి రూ.1.5 కోట్ల వార్షిక వేతనం ఇచ్చేందుకు ఓ సంస్థ ముందుకువచ్చింది. క్యాంపస్ ప్లేస్‌మెంట్లలో ఓ విద్యార్థికి ఇంత భారీ ప్యాకేజీ లభించడం ఇదే మొదటిసారి అని ఖరగ్‌పూర్ ఐఐటీ వర్గాలు పేర్కొన్నాయి. అయితే సదరు విద్యార్థికి కలిగే ఇబ్బందిని దృష్టిలో ఉంచుకుని అతని పేరు కానీ, ఆఫర్ ఇచ్చిన సంస్థ పేరు కానీ వెల్లడించడం లేదని తెలిపాయి.


 కార్పొరేట్ కంపెనీల్లో కొలువు ఖాయం.. క్యాంపస్ రిక్రూట్‌మెంట్లో నెగ్గితే ఉజ్వల కెరీర్‌కు తొలి అడుగు.. మంచి పర్సంటేజీ సొంతం చేసుకుంటే మెరుగైన ప్యాకేజీ  గ్యారెంటీ... ఏటా లక్షల మంది బీటెక్ వైపు అడుగులు వేయడానికి కారణాలివే..! కానీ నిరుత్సాహానికి గురవుతున్న విద్యార్థుల సంఖ్య కూడా ఎక్కువే. కంపెనీలు ఎంపిక చేసుకున్న ప్రముఖ కాలేజీల్లోనే క్యాంపస్ సెలక్షన్స్  నిర్వహిస్తుండటమే ఇందుకు కారణం! 2014-15 బ్యాచ్ మరో ఆరు నెలల్లో కోర్సు పూర్తి చేసుకోనుంది. దాదాపు  అన్ని కళాశాలల్లో క్యాంపస్ సెలక్షన్స్ తుది దశకు చేరుకుంటున్నాయి. క్యాంపస్ ప్లేస్‌మెంట్స్‌లో  ఉద్యోగం దక్కని విద్యార్థులు.. సొంతంగా
  కొలువు సాధించేందుకు  అనుసరించాల్సిన మార్గాలపై ఫోకస్..  
  
 వైపు ఐఐటీలు, ఎన్‌ఐటీలు, తదితర ప్రముఖ ఇన్‌స్టిట్యూట్‌ల్లో క్యాంపస్ సెలక్షన్స్‌లో ఒక్కో విద్యార్థికి డబుల్, ట్రిపుల్ ఆఫర్స్. మరోవైపు ఒక్క కంపెనీ కూడా ప్లేస్‌మెంట్స్ కోసం అడుగుపెట్టని కళాశాలలు కోకొల్లలు. ఇది మన దేశంలో నేడు ఇంజనీరింగ్ విద్యలో ఎదురవు తున్న విచిత్రమైన పరిస్థితి. దాంతో ప్రతిభావంతులైన విద్యార్థులెందరో అవకాశాలకు దూరమవుతున్నారు. అలాంటి ప్రతిభావంతులు స్వయంకృషిని నమ్ముకుని ముందుకు సాగితే టాప్ కంపెనీల్లో కొలువులు సొంతం చేసుకోవచ్చని అంటున్నారు నిపుణులు.
  
 అకడమిక్‌తోపాటు అవసరమైన స్కిల్స్
 
 స్వయం కృషితో కొలువు ఖాయం చేసుకోవాలనుకునే విద్యార్థులు అకడమిక్ పరిజ్ఞానంతోపాటు ముఖ్యంగా దృష్టిసారించాల్సిన అంశం.. స్కిల్స్. రెండు, మూడేళ్ల క్రితం వరకు స్కిల్స్ అంటే కేవలం కమ్యూనికేషన్ స్కిల్స్ అనే భావన ఉండేది. కానీ ఇప్పుడు స్కిల్స్ అంటే.. సాఫ్ట్ స్కిల్స్ (కమ్యూనికేషన్, పర్సనాలిటీ డెవలప్‌మెంట్).. పీపుల్ స్కిల్స్ (ఇంటర్ పర్సనల్ స్కిల్స్, టీం వర్కింగ్ కల్చర్, టీం బిల్డింగ్ స్కిల్స్).. బిజినెస్ స్కిల్స్ (డెసిషన్ మేకింగ్ స్కిల్స్, ప్రాబ్లమ్ సాల్వింగ్ స్కిల్స్, ప్రాబ్లమ్ అనలైజింగ్ స్కిల్స్). ఉద్యోగాన్వేషణ చేస్తున్న అభ్యర్థులు ఈ మూడు స్కిల్స్ సొంతం చేసుకోవడానికి కృషిచేయాలి. వీలుంటే శిక్షణ పొందాలి. ముఖ్యంగా కమ్యూనికేషన్, ఇంటర్‌పర్సనల్ స్కిల్స్ విషయంలో ఎంత ముందుంటే అవకాశాలు అంత మెరుగవుతాయి. గ్రామీణ ప్రాంత విద్యార్థులు శిక్షణ తీసుకోవడం కచ్చితంగా ఉపకరిస్తుంది. బిజినెస్ స్కిల్స్‌గా పేర్కొంటున్న డెసిషన్ మేకింగ్ స్కిల్స్, ప్రాబ్లమ్ సాల్వింగ్, ప్రాబ్లమ్ అనలైజింగ్ స్కిల్స్ అనేవి విద్యార్థుల వ్యక్తిగత ఆలోచనకు సంబంధించినవి. కాబట్టి ఔత్సాహిక విద్యార్థులు ఈ స్కిల్స్ పెంచుకునే విషయం లో తమ మేధస్సుకు పదునుపెట్టాలి. ముందుగా ఏదో ఒక వాస్తవ సమస్యను చేపట్టి వాటికి తమ ఆలోచనకు అనుగుణంగా పరిష్కార మార్గాలను కనుగొనాలి. ఆ తర్వాత సదరు సమస్యకు సంబంధిత నిపుణులు కను గొన్న పరిష్కారాలతో బేరీజు వేసుకోవాలి. దీనివల్ల తాము ఇంకా నేర్చుకోవాల్సిన అంశాలపై అవగాహన వస్తుంది. తద్వారా క్రమేణా విశ్లేషణ, సృజనాత్మక నైపు ణ్యాలు మెరుగవుతాయి. నియామక ప్రక్రియలో ఎదురయ్యే ప్రశ్నలకు సమాధానాలు ఇవ్వడానికి సంసి ద్ధత లభిస్తుంది.
  
 ‘వే’స్.. టు ఫైండ్ వేకెన్సీస్
 
 ఉద్యోగ వేటలో తొలుత ఎక్కడ ఖాళీలు ఉన్నాయి.. ఏ కంపెనీలు నియామకాలు చేపడుతున్నాయి.. తమ అర్హ తలకు అనుగుణంగా పోస్టులు ఏవి? అనే విషయాలపై దృష్టి పెట్టాలి. ఐదారేళ్ల క్రితం వరకు కంపెనీలు ఖాళీల భర్తీకి పత్రికా ప్రకటనలు విడుదల చేసేవి. ఇప్పుడంతా ఆన్‌లైన్ నోటిఫికేషన్స్ ట్రెండ్ నడుస్తోంది. కాబట్టి క్యాంపస్ సెలక్షన్స్‌లో విజయం సాధించని విద్యార్థులు.. వేకెన్సీలను గుర్తించే దశ నుంచే వైవిధ్యాన్ని చాటాల్సిన ఆవశ్యకత ఏర్పడింది.
  
 ముందున్న మార్గాలు
 
 ► {పస్తుతం అన్ని కంపెనీలు రిక్రూట్‌మెంట్ నోటిఫికే షన్స్‌కు ఆన్‌లైన్ ప్రసార మాధ్యమాలనే వినియోగి స్తున్నాయి. ఉద్యోగార్థుల కోణంలో జాబ్ సెర్చ్ ఇంజన్స్ ముఖ్యమైన మార్గాలుగా నిలుస్తున్నాయి. కాబట్టి నౌకరీ డాట్ కామ్, మాన్‌స్టర్ ఇండియా డాట్ కామ్, టైమ్స్‌జాబ్స్ తదితర ఆన్‌లైన్ జాబ్ సెర్చ్ పోర్టల్స్‌ను నిరంతరం పరిశీలిస్తుండాలి. ఆయా జాబ్ పోర్టల్స్‌లో మెంబర్‌షిప్ తీసుకోవడం ద్వారా తమ అర్హతలకు సరిపడే ఉద్యోగాల వివరాలను నేరుగా తెలుసుకునే వీలుంటుంది.
 
 ►   ఆన్‌లైన్ జాబ్ సెర్చ్ పరంగా ఉపకరించే మరో ముఖ్యమైన మార్గం.. ట్విట్టర్, ఫేస్‌బుక్, లింక్డ్‌ఇన్, స్కిల్ పేజెస్ తదితర సోషల్ మీడియా వెబ్‌సైట్స్. లింక్డ్‌న్, స్కిల్ పేజెస్ డాట్ కామ్ వెబ్‌సైట్స్ ఆయా రంగాల్లో నిపుణులకు ఉద్దేశించినవిగా పేరు గడిస్తు న్నాయి. వీటిలో రిజిస్టర్ చేసుకోవడం వల్ల తమ వివరాలు నేరుగా సదరు రంగంలోని ప్రొఫెషనల్స్ వీక్షించే అవకాశం ఉంటుంది. ఇవి కూడా అవకాశా లను మెరుగుపరుస్తాయి.
 
 ►  వీటితోపాటు ఉద్యోగార్థులు తమ అర్హతలను పరిగ ణనలోకి తీసుకుంటూ సంబంధిత కంపెనీల వెబ్‌సై ట్స్‌ను నిరంతరం వీక్షిస్తుండాలి. జాబ్ కన్సల్టెన్సీలను సంప్రదించడం కూడా మేలు చేస్తుంది. ఒక కన్సల్టె న్సీలో అడుగుపెట్టే ముందు సదరు కన్సల్టెన్సీకి ఉన్న గుర్తింపు విషయాన్ని తెలుసుకోవడం మంచిది.
  
 ఇంటర్న్‌షిప్‌నకైనా.. ఓకే చెప్పాలి
 
 ప్రస్తుతం ప్రముఖ కంపెనీలన్నీ రెగ్యులర్ పోస్టుల భర్తీ నోటిఫికేషన్స్‌తోపాటు ఇంటర్న్‌షిప్ అవకాశాన్ని కూడా కల్పిస్తున్నాయి. ఔత్సాహికులు కేవలం పూర్తిస్థాయి జాబ్స్‌కే పరిమితం కాకుండా.. ఇంటర్న్‌షిప్ అవకాశాలకు కూడా ఓకే చెప్పడం మేలు. ఇలా ఇంటర్న్‌షిప్‌లో ఎంపికై  కంపెనీలో చక్కటి పనితీరు కనబరిస్తే అక్కడే శాశ్వత ఉద్యోగం లభించే అవకాశం ఉంటుంది.
  
 కోర్ బ్రాంచ్‌లు..  కలిసొచ్చే అదనపు సర్టిఫికేషన్స్
  
 ఉద్యోగార్థుల విషయంలో అకడమిక్ డిగ్రీతోపాటు కలిసొ చ్చే ముఖ్య సాధనాలు.. సర్టిఫికేషన్స్. సదరు రంగంలో మారుతున్న పరిస్థితులు, అవసరాలకు అనుగుణంగా కొత్త అంశాలపై శిక్షణనిచ్చే కోర్సులివి. సాధారణంగా ఇవి మూడు నుంచి ఆరునెలల వ్యవధిలో ఉంటాయి. వీటిలో నైపుణ్యం ద్వారా తాజా పరిస్థితులు, కంపెనీలు కార్యకలా పాల నిర్వహణలో అనుసరిస్తున్న కొత్త విధానాలు/పద్ధ తులపై అవగాహన ఏర్పడుతుంది.సాఫ్ట్‌వేర్ నుంచి సివిల్ ఇంజనీరింగ్ వరకు ఇప్పుడు అన్ని రంగాల్లోనూ టెక్నాల జీ, సాఫ్ట్‌వేర్ మమేకం కావడంతో ఆయా రంగాలకు సం బంధించి సాఫ్ట్‌వేర్ కోర్సులూ అందుబాటులో ఉన్నాయి.
  
 బ్రాంచ్‌లవారీగా ఉపకరించే సర్టిఫికేషన్‌‌స..  ఈసీఈ
   
 ►  సిస్కో - సీసీఎన్‌ఏ సర్టిఫైడ్ నెట్‌వర్కింగ్ అసోసియేట్ (సీసీఎన్‌ఏ), సర్టిఫైడ్ నెట్‌వర్కింగ్ ప్రొఫెషనల్స్ (సీసీటీపీ) సర్టిఫికేషన్స్.
 ►   వీఎల్‌ఎస్‌ఐ టెక్నాలజీ
 ►పీసీబీ (ప్రింటెడ్ సర్క్యూట్ బోర్డ్ డిజైన్)
  ► వీటితోపాటు క్యాడ్, క్యామ్, మైక్రోవేవ్ సర్టిఫికేషన్స్.
  
  ఈఈఈ
 ► సర్క్యూట్ అనాలిసిస్
 ►   పవర్ సిస్టమ్స్ అనాలిసిస్
 ►    లీనియర్ సిస్టమ్ అనాలిసిస్
 ►   {పోగ్రామబుల్ లాజిక్ కంట్రోలర్  (పీఎల్‌సీ) టెక్నీషియన్ సర్టిఫికెట్
 
 ►  ఎస్‌సీఏడీఏ
 ►  డిస్ట్రిబ్యూటెడ్ కంట్రోల్ సిస్టమ్ సర్టిఫికెట్
  
  మెకానికల్
 
 ►   నాన్ డిస్ట్రక్టివ్ టెస్టింగ్(లెవల్ 1, 2, 3)
 ►   సిక్స్ సిగ్మా సర్టిఫికేషన్
 ►  ఎస్‌పీసీ సర్టిఫికేషన్
 ►    ఎస్‌క్యూసీ సర్టిఫికేషన్
  
  సీఎస్‌ఈ
 
 ►  శాప్(ఎస్‌ఏపీ)
 ►  రోబొటిక్స్   ఠి  టెస్టింగ్
 ►    ఒరాకిల్, ఎస్‌క్యూఎల్, డేటాబేస్ అడ్మినిస్ట్రేషన్
 ►   ఇన్ఫర్మేషన్ సెక్యూరిటీ    
 ►   ఎథికల్ హ్యాకింగ్
 ►   సీ, సీ++, జావా, హెచ్‌టీఎంఎల్, డాట్ నెట్ తదితర లాంగ్వేజెస్.
 ►    రెడ్ హ్యాట్ సర్టిఫైడ్ ఇంజనీర్
  
  సివిల్ ఇంజనీరింగ్
  
 ►    ఆటో క్యాడ్  ఠి  టెక్నికల్ డ్రాయింగ్ అండ్ డిజైనింగ్
 ►    బిల్డింగ్ డిజైనింగ్    ఠి  ఇంటీరియర్ డిజైనింగ్
  
  రెజ్యుమే.. మోస్ట్ ఇంపార్టెంట్
 
 అకడమిక్ సర్టిఫికెట్స్, అదనపు సర్టిఫికేషన్స్, ఆపర్చుని టీస్.. ఇలా అన్నిటిలో అవగాహన పొందినప్పటికీ.. ఉద్యోగ సాధనలో కీలకపాత్ర పోషిస్తుంది రెజ్యుమే. రెజ్యుమే అనేది రిక్రూటర్‌కు ఏ మాత్రం పరిచయం లేని ఒక అభ్యర్థికి సంబంధించి సమాచారం తెలుసుకునే సాధనం. ఇందులో పేర్కొన్న నైపుణ్యాలు, అర్హతలు, రెజ్యుమే రూపకల్పన తీరుతెన్నుల ఆధారంగానే అభ్యర్థి విషయంలో ఎంప్లాయర్‌కు ప్రాథమికంగా అవగాహన ఏర్పడుతుంది. దీన్ని దృష్టిలో పెట్టుకుని, అభ్యర్థులు తమను తాము ప్రతిబింబించుకునే విధంగా రెజ్యుమేను రూపొందించాలి. ఎంతో అప్రమత్తతో వ్యవహరించాలి. టైటిల్ నుంచి సిగ్నేచర్ కాలమ్ వరకు ప్రతి లైను, ప్రతి అక్షరం విషయంలో ఒకటికి రెండుసార్లు ఆలోచించి మరీ రెజ్యుమేను రూపొందించాలి.
  
  మంచి రెజ్యుమేకు మార్గాలు..
  
 ►  కెరీర్ ఆబ్జెక్టివ్
 
  రెజ్యుమేలో మొట్టమొదటి విభాగంగా పేర్కొనే కెరీర్ ఆబ్జె క్టివ్‌ను తెలపడంలో ఎంతో జాగ్రత్త వహించాలి. అనవసరపు పదాడంబరాలు ఉపయోగించొద్దు. అదే విధంగా కెరీర్ ఆబ్జెక్టివ్ వ్యక్తిగత లక్ష్యాలను పేర్కొంటూనే, ఆ లక్ష్యసాధన క్రమంలో నిర్వర్తించే విధులు సంస్థకు కూడా ఉపకరిస్తాయనే అంశాన్ని స్పష్టంగా, సరళంగా పేర్కొనాలి.
  
 ► ‘కీ’ స్కిల్స్ పదాలు
 
  ప్రస్తుతం రెజ్యుమేలను స్వీకరించే ప్రక్రియ కూడా ఆన్‌లైన్ విధానంలో సాగుతోంది. దీంతో ఎంప్లాయర్స్ ముందుగానే తమకు అవసరమైన స్కిల్స్‌ను స్పష్టంగా పేర్కొంటున్నారు. ఆన్‌లైన్ డేటాబేస్ ఆధారంగా సదరు రెజ్యుమేల్లో  స్కిల్స్‌కు సంబంధించి సమాచారం ఉందో లేదో కేవలం ఒక్క క్లిక్‌తో తెలుసుకోగలుగుతున్నారు. కాబట్టి రెజ్యుమేలో తప్పనిసరిగా నిర్దిష్ట స్కిల్స్‌కు సంబంధించి సమాచారం ఉండేలా చూసుకోవాలి.
  
 ► అకడమిక్ అర్హతలు
 
  రెజ్యుమేలో అకడమిక్ అర్హతలను పేర్కొనే విషయంలోనూ జాగ్రత్తగా వ్యవహరించాలి. ఆరోహణ క్రమంలో ఈ వివరాలు తెలపడం మంచిది. అంటే ముందుగా బీటెక్, తర్వాత ఇంటర్మీడియెట్, ఆ తర్వాత పదో తరగతి వివరాలు.
  
 ►  {పాజెక్ట్ వర్క్ వివరణ
 
  బీటెక్ విద్యార్థుల రెజ్యుమేలో ఎంతో ఉపయోగపడే అంశం తాము చేపట్టిన అకడమిక్ ప్రాజెక్ట్‌పై సంక్షిప్త వివరణ. సదరు ప్రాజెక్ట్ ఉద్దేశం, తాము చేపట్టిన ప్రాజెక్ట్ వర్క్ ద్వారా తెలుసుకున్న సమస్యలు, సూచించిన పరిష్కార మార్గాల గురించి కొద్దిపాటి వివరణ ఇవ్వాలి.  ఫలితంగా రిక్రూటర్‌కు సదరు అభ్యర్థి సొంతం చేసుకున్న క్షేత్ర స్థాయి నైపుణ్యంపైనా అవగాహన ఏర్పడుతుంది.
  
 ►  ఎక్స్‌ట్రా కరిక్యులర్ యాక్టివిటీస్
 
  ప్రస్తుతం కంపెనీలు కేవలం అకడమిక్ అర్హతలకే పరిమితం కాకుండా ఆయా అభ్యర్థులు పాల్పంచుకున్న ఎక్స్‌ట్రాకరిక్యులర్ యాక్టివిటీస్‌పైనా దృష్టిపెడుతు న్నాయి. హెచ్‌ఆర్‌రౌండ్ ఇంటర్వ్యూలో ఈ అంశం ప్రధానంగా నిలుస్తోంది. ఎక్స్‌ట్రా కరిక్యులర్ యాక్టివిటీస్‌లో ముందుంటే అభ్యర్థులు మానసికంగానూ దృఢంగా ఉంటారని, విధుల నిర్వహణలో టీం వర్కింగ్ కల్చర్, ఇంటర్ పర్సనల్ రిలేషన్స్ పాటించడంలో ముందుంటారని కంపెనీల ప్రతినిధులు భావిస్తుండటమే ఇందుకు కారణం.   
  
  రిఫరెన్స్‌లు అవసరమా
 
  కంపెనీకి దరఖాస్తు చేసుకునే సమయంలో పంపించే రెజ్యుమే విషయంలో చాలామంది అభ్యర్థులను ఆందోళనకు గురి చేస్తున్న అంశం రిఫరెన్స్‌లు పేర్కొనాలా? వద్దా? అనేది. రిఫరెన్స్‌లు అంటే.. కంపెనీకి అవసరమైనప్పుడు సదరు అభ్యర్థి అకడమిక్ నైపుణ్యాలు, ఆటిట్యూడ్, ఆప్టిట్యూడ్ గురించి చెప్పగలిగే వ్యక్తుల పేర్లు తెలపడం. ఈ వ్యక్తులు సదరు అభ్యర్థికి అకడమిక్ అంశాలు బోధించిన ప్రొఫెసర్లు లేదా సంబంధిత రంగంలో ప్రొఫెషనల్స్‌గా ఉండటం ఉపయుక్తం. వాస్తవానికి ప్రాథమిక దశలోనే రెజ్యుమేలో రిఫరెన్స్ పేర్లు తెలపాల్సిన అవసరం లేదనేది నిపుణుల అభిప్రాయం. నియామక ప్రక్రియలో తుది జాబితాలో నిలిచిన అభ్యర్థుల గురించి మాత్రమే కంపెనీలు తెలుసుకోవాలనుకుంటాయి. అలాంటి సందర్భాల్లోనే రిఫరెన్స్ పేర్ల ప్రస్తావన తెరపైకి వస్తుంది. కాబట్టి అభ్యర్థులు రిఫరెన్స్ నేమ్స్‌ను అందించడానికి సిద్ధం అనే దిశగా రెజ్యుమేలో ఆ అంశాన్ని పేర్కొనాలి. అతికొద్ది కంపెనీలు మాత్రమే దరఖాస్తు సమయంలోనే రిఫరెన్స్ పేర్లు లేదా రిఫరెన్స్ లెటర్స్ అడుగుతుంటాయి. అభ్యర్థులు తొలి దశలోనైనా, తుది దశలోనైనా రిఫరెన్స్ పేర్లు అందించేందుకు సిద్ధంగా ఉండాలి. ఈ రిఫరెన్స్ పేర్లు పేర్కొనడంలోనూ జాగ్రత్తగా వ్యవహరించాలి. తమకు తోచిన ప్రొఫెసర్ల పేర్లు చెప్పకుండా  తమ గురించి పూర్తి స్థాయిలో తెలిసిన ప్రొఫెసర్లు లేదా ప్రొఫెషనల్స్ పేర్లు ఎంచుకోవడం మంచిది. రిఫరెన్స్ నేమ్స్‌గా పేర్కొంటున్న వారికి ముందుగానే ఆ విషయాన్ని చెప్పి అనుమతి తీసుకోవడం కూడా    ఎంతో ముఖ్యం.
  
  రెజ్యుమే ‘డూ’స్  అండ్ ‘డోన్ట్స్’
  
  ‘డూ’స్
 
 ►  తప్పనిసరిగా కెరీర్ ఆబ్జెక్టివ్‌ను పేర్కొనాలి
 ►  దరఖాస్తు చేసుకుంటున్న పోస్ట్, కంపెనీకి అనుగుణంగా కెరీర్ ఆబ్జెక్టివ్ ఉండేలా వ్యవహరించాలి.
 ►   అకడమిక్ అర్హతలతోపాటు అదనపు సర్టిఫికేషన్స్, టెక్నికల్ అర్హతలు ఉంటే తప్పనిసరిగా పేర్కొనాలి.
 ►   పంక్చుయేషన్స్, స్పెల్లింగ్స్ సరిగా ఉండాలి. గ్రామర్ మిస్టేక్స్ లేకుండా చూసుకోవాలి.
 ►    వ్యక్తిగత వివరాలు సంక్షిప్తంగా తెలపాలి.
  
  ‘డోన్ట్స్:
 
 ►   రెజ్యుమే రూపకల్పనలో కాపీ-పేస్ట్ విధానాన్ని అనుసరించొద్దు.
 ►  రెజ్యుమేను రెండు లేదా మూడు పేజీలకు మించొద్దు.
 ►    అనవసర పదాలు వినియోగిం చొద్దు.
 ►  {పొనౌన్స్ వాడటం కూడా సరికాదు.
 ►   ముందస్తు అనుమతి లేకుండా రిఫరెన్స్ నేమ్స్ పేర్కొనద్దు.
  
  
  సాఫ్ట్ స్కిల్స్ కూడా ముఖ్యం
 
 ఉద్యోగాన్వేషణలో ఉన్న ఇంజనీరింగ్ విద్యార్థులు కోర్ నాలెడ్జ్‌తోపాటు సదరు బ్రాంచ్‌కు సంబంధించి ప్రస్తుత పరిణామాలపై అవగాహన పెంచుకోవాలి. ఇందుకోసం సంబంధిత సెమినార్లకు హాజవరడం, తాజా జర్నల్స్ చదవడం ఉపయుక్తంగా ఉంటుంది. ప్రస్తుతం చివరి సెమిస్టర్‌లో ఉన్న విద్యార్థులు తమ భవిష్యత్తు లక్ష్యంపై స్పష్టత ఏర్పరచుకోవాలి. దానికి అనుగుణంగా ఇప్పటి నుంచే ఉద్యోగాన్వేషణ సాగిస్తే సర్టిఫికెట్ చేతికందేనాటికి సత్ఫలితాలు సొంతమవుతాయి.
  - బి. చెన్నకేశవరావు, ప్రిన్సిపాల్, సీబీఐటీ
  
  అదనపు నైపుణ్యాలపై దృష్టి
  
 పోటీ ప్రపంచంలో ప్రతి రంగంలో ప్రతి వారం లేదా నెలకు కొత్త ఆవిష్కరణలు తెరమీదికొస్తున్నాయి. వీటి గురించి విద్యార్థులు అవగాహన పెంచుకోవాలి. అదే విధంగా మారుతున్న అవసరా లకు అనుగుణంగా కంపెనీలు కొత్త సాంకేతికతలను అందిపుచ్చుకుంటున్నాయి. అలాంటి వాటికి సంబంధించి అందుబాటులో ఉన్న సర్టిఫికేషన్ కోర్సులు చేయడం ద్వారా కొత్త నైపుణ్యాలు సొంతం చేసుకోవడం కూడా ముఖ్యం. ఈ సర్టిఫికేషన్స్ కేవలం సాఫ్ట్‌వేర్, ఐటీ రంగానికే పరిమితం అని భావించొద్దు. కోర్ బ్రాంచ్‌లలో సైతం ఎన్నో సర్టిఫికేషన్ కోర్సులు అందుబాటులో ఉన్నాయి. సదరు అభ్యర్థులు తమ రంగానికి అనుగుణమైన విభాగాల్లో అదనపు సర్టిఫికేషన్స్ చేయడం ద్వారా అదనపు నైపుణ్యాలు సొంతమై అవకాశాలు మెరుగవుతాయి.
  
  - ప్రొఫెసర్ డి.వి.ఎల్.ఎన్. సోమయాజులు,
  డీన్ (అకడమిక్స్)- నిట్ వరంగల్
  
  
  


 ముందు చదువు పూర్తి చేయడం..
 ఆనక పోటీ పరీక్షలకు దరఖాస్తు చేయడం, రాయడం, ఫలితాల కోసం సుదీర్ఘకాలం ఎదురుచూడటం.. ఇదంతా గతం.. మారుతున్న కాలంతోపాటు నియామకాల ప్రక్రియ కొత్త పుంతలు తొక్కింది. విద్యాభ్యాస సమయంలోనే కొలువు సంపాదించే అద్భుత అవకాశాన్ని.. అదీ తరగతి గది వద్దే కల్పిస్తోంది. ఈ ప్రక్రియనే క్యాంపస్ డ్రైవ్ అంటున్నారు. ఇందులోనూ ఇటీవలి కాలం వరకు సాఫ్ట్‌వేర్, ఇతర వృత్తివిద్యా కోర్సులు చేసిన వారికే క్యాంపస్ ఎంపికలు పరిమతమయ్యాయి.
 
 ఇప్పుడా పరిమితులు తొలగిపోయాయి. ప్రొఫెషనల్ కోర్సులతో పాటు సంప్రదాయ డిగ్రీ, పీజీలు చేసిన వారికి బహుళజాతి, దేశీయ కార్పొరేట్ సంస్థలు క్యాంపస్ నియామకాల్లో మంచి అవకాశాలనే కల్పిస్తున్నాయి. వార్షిక పరీక్షలకు ముందు నవంబర్ నుంచి మార్చి నెలలను క్యాంపస్ డ్రైవ్‌ల నెలలుగా అభివర్ణించవచ్చు. ఇంతటి అద్భుత అవకాశాన్ని అందిపుచ్చుకోవడం.. భవిష్యత్తుకు బంగారుబాట వేసుకోవడం విద్యార్థుల చేతుల్లోనే ఉంది. మళ్లీ కొలువుల సీజన్  వచ్చిన నేపథ్యంలో గత విజేతలు, నిపుణుల సలహాలు..
  
 ఎచ్చెర్ల: ఇప్పుడిప్పుడే సాఫ్ట్‌వేర్ రంగం పుంజుకుంటోంది. పలు కంపెనీలు ఉద్యోగాల నియూమకాలకు తలుపులు తెరుస్తున్నారుు. మరికొన్ని కంపెనీలు క్యాంపస్ ఇంటర్వ్యూల నిర్వహణలో బిజీ ఆయ్యూరుు. నవంబర్, డిసెంబర్, జనవరి, ఫిబ్రవరి, మార్చి నెలలు ఉద్యోగాల భర్తీ కాలం. ఇది నిరుద్యోగ అభ్యర్థులకు కలిసొచ్చే అంశం. అరుుతే, కష్టపడి చదివిన వారికే కొలువులు దక్కుతాయని విద్యావేత్తలు చెబుతున్నారు. అందుకు తగ్గ నైపుణ్యాలు మెరుగుపరుచుకోవాలని సూచిస్తున్నారు.
  
 ఉపాధి అవకాశాలు ఇలా...
 జిల్లాలో సీఏస్‌ఈ, ఈసీఈ, ట్రిపుల్‌ఈ, మెకానికల్, సివిల్ బ్రాంచిలు ఉన్నాయి. సీఏస్‌ఈ విద్యార్థులకు సాప్టువేర్ రంగంలో, ఈసీఈ విద్యార్థులకు నెట్‌వర్క్, కమ్యూనికేషన్ రంగంలో, త్రిపుల్‌ఈకు ఎలక్ట్రికల్ అండ్ ఎలక్ట్రానిక్స్, విద్యుత్ రంగంలో, మెకానికల్ విద్యార్థులకు రవాణా, మోటార్ ఫీల్డులోను, సివిల్ బ్రాంచ్ విద్యార్థులకు కనస్ట్రక్షన్ రంగంలో ఉపాధి అవకాశాలు లభిస్తారుు. ఎంసీఏ విద్యార్థులు సాఫ్ట్‌వేర్ కంపెనీలకు, ఎంబీఏ విద్యార్థులకు వ్యాపార రంగంలోను, బి-ఫార్మసీ విద్యార్థులకు హాస్పటాలిటీ, మందుల కంపెనీల్లో ఉద్యోగాలు లభిస్తారుు.
 
 రాతపరీక్ష, బృందచర్చల్లో ప్రతిభ చూపిన వారికే...
 జిల్లాలో ఏటా టీసీఏస్, విప్రో, ఇన్ఫోసిస్, ఐబీఏం, ఐహేచ్‌సీ, మహేంద్రా సత్యం, హనీవెల్, కేబ్‌జిమిని తదితర కంపెనీలు ఇంజినీరింగ్ కళాశాలల్లో క్యాంపస్ డ్రైవ్‌లు నిర్వహిస్తున్నారుు. తమకు కావాల్సిన సిబ్బందిని నియమిస్తున్నారుు. కంపెనీ ప్రతినిధులే నేరుగా కళాశాలకు వచ్చి రాత పరీక్ష, బృంద చర్చలు, వ్యక్తిగత ఇంటర్వ్యూలు నిర్వహించి ప్రతిభ చూపిన విద్యార్థులను ఎంపిక చేస్తున్నారు. ఉద్యోగ హామీపత్రాలను అందజేస్తున్నారు. అరుుతే, ఈ కంపెనీలు విద్యార్థిని అన్ని కోణాల్లోనూ పరీక్షించి తమ అవసరాలకు ఉపయోగపడేవారినే ఎంపిక చేసుకుంటారుు. విద్యార్థులు ముందుగానే కంపెనీల అవసరాలు గుర్తించి సిద్ధంకావాలి. ఇప్పటికే ఆయూ కంపెనీల్లో ఉద్యోగాలు చేస్తున్న సీనియర్ విద్యార్థుల సూచనలు, సలహాలు స్వీకరించాలి. అందుకు తగ్గట్టుగా నైపుణ్యాలు పెంచుకోవాలి.
  
 ఇవి తప్పనిసరి...
 క్యాంపస్ ఇంటర్వ్యూల్లో విజేతగా నిలవాలంటే విద్యార్థులకు కమ్యూనికేషన్ స్కిల్స్, విషయ పరిజ్ఞానం, భావ వ్యక్తీకరణ, సాంకేతిక పరిజ్ఞానం, విశ్లేషణ సామర్థ్యం, నైపుణ్యం, గణితంపై పట్టు, అనుకూల దృక్పథం ఉండాలి. అలాగే, ఆంగ్లభాషా పరిజ్ఞానం, సమస్యపై స్పందించే గుణం, తక్షణ పరిష్కారం చూపే నైపుణ్యం పెంపొందించుకోవాలి.
  
 తడబాటు ఇక్కడే...
 జిల్లా విద్యార్థులు క్యాంపస్ ఇంటర్వ్యూల్లో కేవలం 30 శాతం మందే అర్హత సాధిస్తున్నారు. అదీ నెలకు రూ.20 వేల నుంచి రూ.30 వేల లోపు జీతం ఇచ్చే ఉద్యోగాలకే అర్హత సాధిస్తున్నారు. దీనికి ఆంగ్లభాషపై పట్టులేకపోవం, అనుకూల దృక్పథం లేకపోవడం, సబ్జెక్టుపై పరిజ్ఞానం ఉన్నా భావాన్ని వ్యక్తికరించలేకపోవడం, సాంకేతిక మార్పులు గమనించలేకపోవడమే ప్రధాన లోపాలుగా మారారుు. వీటిపై సాధన చేస్తే జిల్లా విద్యార్థులు సైతం నెలకు రూ.80వేల నుంచి రూ.లక్షా 50వేల జీతాలు ఇచ్చే కంపెనీలు, ఉద్యోగాలకు ఎంపికవుతారని విద్యానిపుణులు చెబుతున్నారు. ఇంటర్వ్యూల కాలంలో లోపాలను అధిగమించేందుకు ప్రయత్నించాలని సూచిస్తున్నారు.
  
 అనుకూల దృక్పథంతో సాగాలి
 విద్యార్థిలో ముందుగా అనుకూల దృక్పథం ఉండాలి. ఇదే విజయంవైపు పయనించేలా చేస్తుంది. ఏ అంశం నేర్చుకోవాలన్నా ముందు విద్యార్థి తనలోని భయం విడనాడాలి. పట్టుదలే లక్ష్యసాధనన్న విషయం గుర్తించాలి. ఇంగ్లిష్‌లో ప్రావీణ్యం సంపాదించాలి. అవసరమైతే మహనీయుల ఆత్మ కథలు చదవాలి. వాటి నుంచి స్ఫూర్తి పొందవచ్చు. ముందు కష్టంతో కాకుండా ఇష్టంతో చదవడం అలవర్చుకోవాలి.
 -ప్రొఫెసర్ గుంట తులసీరావు, ప్రిన్సిపాల్, డాక్టర్ బీఆర్ అంబేద్కర్ యూనివర్సిటీ
  
 నైపుణ్యాలు కీలకం
 విద్యార్థి ఇంజినీరింగ్‌లో చేరిన వెంటనే రిలీవ్‌లోపు ఉద్యోగం సాధించాలన్న లక్ష్యం నిర్దేశించుకోవాలి. లోపాలు గుర్తించి అందుకు అనుగుణంగా ముందుకు సాగాలి. విద్యాబోధన ఆంగ్లంలో సాగుతుంది. అందుకే తరగతి గదిలో ఇంగ్లిష్‌లో మాట్లాడాలి. దీనివల్ల కమ్యునికేషన్ స్కిల్స్ వృద్ధి చెందుతారుు. తరగతులకు రోజూ హాజరైతే విషయ పరిజ్ఞానానికి డోకా ఉండదు.
 -డాక్టర్ బుడుమూరు శ్రీరాంమూర్తి, డెరైక్టర్, శ్రీవెంకటేశ్వర ఇంజినీరింగ్ కళాశాల


 టాప్ స్టోరీ
  
 క్యాంపస్ రిక్రూట్‌మెంట్స్.. ఇంజనీరింగ్, మేనేజ్‌మెంట్ విద్యార్థుల కెరీర్‌లో అత్యంత కీలక ఘట్టం. కోర్సులో అడుగు పెట్టినప్పటి నుంచే క్యాంపస్ ప్లేస్‌మెంట్స్‌లో విజయం సాధించడమే లక్ష్యంగా శ్రమిస్తారు. మెచ్చిన కంపెనీలో కోరుకున్న కొలువు కోసం అహోరాత్రులు కష్టపడతారు. కోర్సు ఫైనల్ దశలో ఉన్న విద్యార్థులు తమ స్వప్నాన్ని సాకారం చేసుకునే సమయం వచ్చేసింది. 2014-15 విద్యా సంవత్సరానికి సంబంధించి దేశవ్యాప్తంగా పలు ఇన్‌స్టిట్యూట్‌లలో క్యాంపస్ రిక్రూట్‌మెంట్స్ ప్రక్రియ ప్రారంభమైంది. మరికొన్ని కాలేజీల్లో మరో నెల రోజుల్లో ప్లేస్‌మెంట్స్ మొదలుకానున్నాయి. ఇప్పటివరకు అందిన ఆఫర్స్‌ను పరిశీలిస్తే గతేడాదితో పోల్చితే ఈ సంవత్సరం పరిస్థితి ఆశాజనకంగా కనిపిస్తోంది. ఈ నేపథ్యంలో క్యాంపస్ రిక్రూట్‌మెంట్స్, లేటెస్ట్ ట్రెండ్స్‌పై నిపుణుల విశ్లేషణ..
 ప్రైవేటు ఇన్‌స్టిట్యూట్‌లు, యూనివర్సిటీల స్థాయిలో ఇప్పటికే క్యాంపస్ నియామక ప్రక్రియ మొదలైంది. ప్రఖ్యాత ఐఐఎంలు, ఐఐటీల్లో ఫైనల్ ప్లేస్‌మెంట్స్ ప్రక్రియ డిసెంబర్‌లో ప్రారంభం కానుంది. అయితే ఐఐటీలు, ఐఐఎంలలో ప్రీ ప్లేస్‌మెంట్స్, సమ్మర్ ప్లేస్‌మెంట్స్ పేరుతో మూడు నెలల క్రితమే అనేక కంపెనీలు ఆఫర్లు అందించాయి. ఈ ఆఫర్స్ పొందిన విద్యార్థులు ఆయా సంస్థల్లో కచ్చితంగా ఫైనల్ ప్లేస్‌మెంట్ సొంతం చేసుకుంటారనేది గత ఐదారేళ్ల గణాంకాల ద్వారా తెలుస్తోంది.
  
 ఐఐఎంలలో ప్రీ ప్లేస్‌మెంట్ ఆఫర్స్
 
 మేనేజ్‌మెంట్ ఎడ్యుకేషన్‌లో పేరుగాంచిన ఇండియన్ ఇన్‌స్టిట్యూట్స్ ఆఫ్ మేనేజ్‌మెంట్ క్యాంపస్‌లలో ప్రీ ప్లేస్‌మెంట్/సమ్మర్ ప్లేస్‌మెంట్ ఆఫర్స్ పరిస్థితి అత్యంత ఆకర్షణీయంగా ఉంది. 2014-15 బ్యాచ్‌కు సంబంధించి నిర్వహించిన ప్రీ ప్లేస్‌మెంట్‌లో ఐఐఎం లక్నో 100 శాతం రికార్డ్ సొంతం చేసుకుంది. దేశీయ, విదేశీ సంస్థలు రెండూ కలిపి మొత్తం 164 సంస్థలు అవకాశాలు కల్పించాయి. ఐఐఎం-అహ్మదాబాద్‌లో 2014-15 పీజీపీఎక్స్ ప్రోగ్రామ్‌లోని మొత్తం 381 విద్యార్థుల్లో 378 మందికి సమ్మర్ ప్లేస్‌మెంట్ ఆఫర్స్ లభించాయి. ఇతర ఐఐఎంలు.. బెంగళూరు, కోల్‌కతా, ఇండోర్, రాయ్‌పూర్‌లలోనూ ఇదే ప్రగతి నమోదైంది. ఇవి కేవలం ప్రీ ప్లేస్‌మెంట్ ఆఫర్స్ మాత్రమే అని.. ఫైనల్ ప్లేస్‌మెంట్స్ మరింత ఆశాజనకంగా ఉంటాయని నిపుణులు అంటున్నారు. వారి అంచనాల ప్రకారం- ఫైనల్ ప్లేస్‌మెంట్స్‌లో 20 నుంచి 80 శాతం వృద్ధి కనిపించే అవకాశముంది. కంపెనీల పరంగా చూస్తే సేల్స్ అండ్ మార్కెటింగ్, ఫైనాన్స్, కన్సల్టింగ్ సంస్థల సంఖ్య ఎక్కువగా ఉంది.
  
 ఇంజనీరింగ్‌లో ఇలా
 
 ఇంజనీరింగ్ కోర్సుల విషయానికొస్తే.. ఈ ఏడాది ఐఐటీల కంటే ఎన్‌ఐటీలలో ముందుగా క్యాంపస్ రిక్రూట్‌మెంట్ ప్రక్రియ ప్రారంభమైంది. ఈ ఇన్‌స్టిట్యూట్‌లలో ఇప్పటికే గూగుల్, అమెజాన్ వంటి ప్రముఖ కంపెనీలు రిక్రూట్‌మెంట్స్ ముగించాయి. అమెజాన్ డాట్ కామ్.. నిట్ అలహాబాద్, సూరత్‌కల్‌లలో రూ.25 లక్షలు చొప్పున వేతనాన్ని ఆఫర్ చేసింది. స్వదేశీ కంపెనీలలో కోడ్ నేషన్ సంస్థ నిట్ వరంగల్ విద్యార్థికి రూ.24 లక్షల ఆఫర్ ఇవ్వడం విశేషం. ఐఐటీల విద్యార్థులకు సమ్మర్ ఇంటర్న్స్ పేరుతో పలు సంస్థలు ఇంటర్న్‌షిప్ అవకాశం కల్పించాయి. ఆ సమయంలోనే ఆకర్షణీయమైన స్టైఫండ్‌ను సైతం అందించాయి. ఐఐటీ గువహటి విద్యార్థులకు రూ.1.44 లక్షల స్టైఫండ్ లభించింది. ఇక పూర్తి స్థాయిలో ఫైనల్ ప్లేస్‌మెంట్స్ మొదలైతే ఐఐటీ క్యాంపస్‌లలో రిక్రూట్‌మెంట్స్ వెల్లువెత్తడం ఖాయం.  
  
 కోర్ కంపెనీలు.. పబ్లిక్ సెక్టార్ సంస్థలు
 
 ఇంజనీరింగ్ ఇన్‌స్టిట్యూట్‌లలో ఇప్పటివరకు ముగిసిన ప్రాంగణ నియామకాల్లో ఎక్కువగా పాల్గొన్నది ఐటీ, ఐటీఈఎస్ రంగాలే. కోర్ సెక్టార్ కంపెనీలు (ఆటోమొబైల్, సివిల్, మెకానికల్, ఎలక్ట్రికల్) ఇంకా క్యాంపస్‌లలో కాలు పెట్టలేదు. ఇవి నవంబర్ చివరివారంలో లేదా డిసెంబర్‌లో క్యాంపస్ రిక్రూట్‌మెంట్స్ నిర్వహించే అవకాశముంది. ఇవి ముగిస్తే ఇంజనీరింగ్ విభాగాల్లో గతేడాదితో పోల్చితే కచ్చితంగా 50 శాతం ఎక్కువగా నియామకాలు జరుగుతాయని అంచనా. మరోవైపు ఈసారి ప్రాంగణ నియామకాల్లో ప్రభుత్వరంగ సంస్థలు కూడా పాల్పంచుకోనున్నాయి. మొత్తం ఖాళీల్లో 25 శాతం ఉద్యోగాలను క్యాంపస్ రిక్రూట్‌మెంట్స్ ద్వారా భర్తీ చేసుకోవచ్చని వీటికి ప్రభుత్వం సడలింపు ఇచ్చింది. ఆ మేరకు నాణ్యమైన మానవ వనరుల ఎంపికకు ప్రాంగణ నియామకాలను వేదికగా చేసుకుంటున్నాయి. ఈ క్రమంలో బీపీసీఎల్, ఓఎన్‌జీసీ తదితర సంస్థలు డిసెంబర్‌లో క్యాంపస్‌లకు రానున్నాయి. ముఖ్యంగా నిట్ క్యాంపస్‌లు, యూనివర్సిటీ క్యాంపస్ కళాశాలలవైపు ప్రభుత్వ రంగ సంస్థలు మొగ్గు చూపే అవకాశముంది.
  
 సన్నద్ధమవుతున్న సూపర్ డ్రీమ్ కంపెనీలు
 
 ప్రాంగణ నియామకాలకు సంబంధించి.. కంపెనీలను అవి అందించే వార్షిక వేతనాల ఆధారంగా విద్యార్థుల కోణంలో మూడు కేటగిరీలుగా(సూపర్ డ్రీమ్, డ్రీమ్, రెగ్యులర్) పేర్కొంటారు. ఏడాదికి రూ.10 లక్షలుపైగా అందించే సంస్థలను సూపర్ డ్రీమ్ కంపెనీలుగా; రూ.5 లక్షల నుంచి రూ.10 లక్షల మధ్యలో ఆఫర్ ఇచ్చే సంస్థలను డ్రీమ్ కంపెనీలుగా; రూ.5 లక్షల లోపు వేతనాలు ఇచ్చే సంస్థలను రెగ్యులర్ సంస్థలుగా పిలుస్తారు. ఈ క్రమంలో సూపర్ డ్రీమ్ కంపెనీలుగా పేరు పొందిన గూగుల్, మైక్రోసాఫ్ట్, అమెజాన్, ఫేస్‌బుక్, ఐబీఎం వంటి సంస్థలు డిసెంబర్‌లో నియామక ప్రక్రియను నిర్వహించనున్నాయి. ఐఐటీల్లో రిక్రూట్‌మెంట్స్ డ్రైవ్స్ నిర్వహించే సంస్థల సంఖ్య కూడా భారీగా పెరగనుంది. ఐఐటీ-గువహటిలో గతేడాది 120 సంస్థలు రాగా.. ఈసారి ఆ సంఖ్య 200కు చేరుకోనుంది. ఇదే పరిస్థితి ఇతర ఐఐటీల్లోనూ కనిపిస్తోంది.
  
 ఈ-కామర్స్ ఆకర్షణీయం
 
 ఇక కంపెనీల కోణంలోనూ ఫ్రెషర్స్ హైరింగ్ ఈ ఏడాది భారీగా జరగనుంది. అందుకు వేదిక ప్రాంగణ నియామకాలు. 2014-15 ఆర్థిక సంవత్సరంలో మొత్తం 55 వేల మందిని నియమిస్తామని పేర్కొన్న టీసీఎస్.. అందులో 25 వేల ఖాళీలను ఫ్రెషర్స్‌తో భర్తీ చేయనుంది. ఈ క్రమంలో ఇప్పటికే 40 శాతం మేరకు నియామకాలు పూర్తి చేసింది. త్వరలో మరిన్ని టైర్-2, టైర్-3 నగరాల్లోని కళాశాలల్లోనూ రిక్రూట్‌మెంట్స్ డ్రైవ్స్ నిర్వహించనుంది. మరో ఐటీ దిగ్గజం ఇన్ఫోసిస్ ప్రస్తుత ఆర్థిక సంవత్సరంలో 22 వేల మంది తాజా అభ్యర్థులను నియమించుకోవాలని యోచిస్తోంది. ఇలా మొత్తం మీద కంపెనీలు కూడా తాజా నియామకాలకు ప్రాధాన్యం ఇవ్వడంతో క్యాంపస్ రిక్రూట్‌మెంట్స్ గతేడాదితో పోల్చితే 50 శాతం మేర పెరగడం ఖాయంగా కనిపిస్తోంది. అలాగే తాజాగా  ఈ-కామర్స్.. అత్యంత ఆకర్షణీయంగా మారింది. అటు పరిశ్రమ పరంగా, ఇటు విద్యార్థుల కోణంలో గత కొన్నేళ్లుగా ఈ- కామర్స్ కంపెనీలు హాట్‌ఫేవరెట్‌గా నిలుస్తున్నాయి. ఈ సంస్థలు ఈ ఏడాది కూడా ప్రాంగణ నియామకాల్లో ముందంజలో ఉంటున్నాయి. ఇప్పటికే ముగిసిన రిక్రూట్‌మెంట్స్‌ను విశ్లేషిస్తే...  ఫ్లిప్‌కార్ట్, అమెజాన్, ఈబే-ఇండియా తదితర ఈ-కామర్స్ సంస్థలు గతేడాది కంటే 25 శాతం ఎక్కువ పే ప్యాకేజ్‌లు ఆఫర్ చేశాయి.
  
 మారుతున్న నియామక విధానాలు
 
 క్యాంపస్ సెలక్షన్స్ విషయంలో సంస్థలు కూడా తమ ఎంపిక ప్రక్రియలో మార్పులు చేస్తున్నాయి. ఈ ప్రక్రియలో భాగంగా నిర్వహించే పరీక్షలను ఆన్‌లైన్ విధానంలో చేపడుతున్నాయి. ముఖ్యంగా ఐటీ రంగంలోని సంస్థలు ఈ విధానాన్ని అమలు చేస్తున్నాయి. పెన్-పేపర్ టెస్ట్‌కు స్వస్తి పలికి ఆన్‌లైన్ టెస్ట్‌లను చేపడుతున్నాయి. దీంతో విద్యార్థులు ఏ విభాగానికి చెందినవారైనా.. కంప్యూటర్ పరిజ్ఞానం తప్పనిసరి అవసరంగా మారింది. కొన్ని కోర్ విభాగంలోని సంస్థలు ఇప్పటికీ పెన్-పేపర్ విధానంలోనే నియామక పరీక్షలు నిర్వహిస్తున్నాయి.
  
 కంపెనీలు కోరుకుంటున్న నైపుణ్యాలు
 
 ప్రాథమిక దశలో నిర్వహించే రాతపరీక్షలో ఎక్కువగా ఇంగ్లిష్ లాంగ్వేజ్ స్కిల్స్, క్వాంటిటేటివ్ ఆప్టిట్యూడ్, డేటా ఇంటర్‌ప్రిటేషన్ వంటి అంశాల నుంచే ప్రశ్నలు అడుగుతున్నారు. కోర్ సబ్జెక్ట్‌లో అడిగే ప్రశ్నల సంఖ్య తక్కువగా ఉంటోంది. అయితే కోర్ నాలెడ్జ్‌ను ఇంటర్వ్యూలో పరీక్షిస్తున్నారు. కాబట్టి విద్యార్థులు ఈ విషయాలపై పరిజ్ఞానం పెంచుకోవాలి. దాంతోపాటు ఆయా సంస్థల గత ప్లేస్‌మెంట్ పేపర్స్‌ను పరిశీలించడం ఉపయుక్తంగా ఉంటుంది.
  
 ఆఫర్ పొందిన వారికి శిక్షణ
 
 ఐటీ కంపెనీలు కేవలం కంప్యూటర్ సైన్స్, ఐటీ విభాగాలే కాకుండా.. కోర్ బ్రాంచ్‌లైన్‌మెకానికల్, సివిల్, ఎలక్ట్రికల్ విద్యార్థులను కూడా నియమించుకుంటున్నాయి. టీసీఎస్, విప్రో, ఇన్ఫోసిస్ ఆఫర్ లెటర్స్ పొందిన విద్యార్థులకు శిక్షణనందించేందుకు ప్రత్యేక ఆన్‌లైన్ వెబ్ పోర్టల్స్‌ను రూపొందించాయి. వాటి ద్వారా నిరంతరం విద్యార్థులకు అందుబాటులో ఉంటున్నాయి. ఫలితంగా ఆఫర్ లెటర్ పొందిన రోజు నుంచి అపాయింట్‌మెంట్ తేదీ నాటికి సంస్థ కార్యకలాపాలపై అభ్యర్థికి పూర్తి అవగాహన లభిస్తుంది.
  
 స్టార్టప్స్‌పై ఆసక్తి.. సీటీసీపై అనురక్తి
 
 ఐఐటీ-చెన్నైలో దాదాపు పది మంది విద్యార్థులు సొంత స్టార్టప్స్‌పై ఆసక్తితో సమ్మర్ ఇంటర్న్స్ వచ్చినా వదులుకున్నారు. ఈసారి నియామకాల్లో కనిపిస్తున్న మరో కోణం.. సీటీసీకి విద్యార్థులు ప్రాధాన్యం ఇవ్వడం. గతంలో చాలా మంది విద్యార్థులు తమ ఆసక్తికి అనుగుణంగా అడుగులు వేయగా.. ఈసారి మాత్రం సీటీసీ (పే ప్యాకేజ్)లను ప్రధాన ప్రామాణికంగా తీసుకోవడం గమనార్హం.
  
 ఆఫర్లు.. ఆశాజనకం
  
 ఈ ఏడాది క్యాంపస్ రిక్రూట్‌మెంట్స్ ఎంతో ఆశాజనకంగా ఉన్నాయి. సంస్థలు తమ కార్యకలాపాలు విస్తరించుకోవడంతోపాటు, ఫ్రెష్ టాలెంట్‌వైపు మొగ్గు చూపడమే దీనికి కారణం. బిట్స్ క్యాంపస్‌లలో రెండు రోజుల్లోనే 2,300 మంది విద్యార్థులకు ఆఫర్లు లభించడమే ఇందుకు నిదర్శనం. గత ఏడాదితో పోల్చితే ఈ ఏడాది 20 నుంచి 25 శాతం మేర నియామకాలు పెరుగుతాయని పరిశ్రమ వర్గాలు అంచనా వేస్తున్నాయి. ఈ మొత్తంలో ఐదు నుంచి పది శాతం వ్యత్యాసం ఉంటుందని భావించినా కూడా గత ఏడాది కంటే ఎక్కువ ఆఫర్లే ఆశించొచ్చు. ముఖ్యంగా ఐటీ, ఐటీఈఎస్ రంగాల్లో భారీ నియామకాలు జరగడం ఖాయం.
  -ప్రొఫెసర్ బాల సుబ్రమణియన్,  చీఫ్ ప్లేస్‌మెంట్ ఆఫీసర్, బిట్స్-పిలానీ
  
 అన్ని విభాగాల్లోనూ పెరిగిన అవకాశాలు
  
 ఈ ఏడాది క్యాంపస్ రిక్రూట్‌మెంట్స్‌లో అన్ని విభాగాల్లోనూ అవకాశాల సంఖ్య పెరిగింది. ఐటీ, కోర్ అనే కాకుండా ఇతర ఇంటర్ డిసిప్లినరీ బ్రాంచ్‌ల విద్యార్థులకు కూడా ఆఫర్లు లభిస్తున్నాయి. నిట్ వరంగల్‌లో బయోటెక్నాలజీ బ్రాంచ్‌కు చెందిన 45 మందికి, కెమికల్ విభాగంలో 29 మందికి ఆఫర్లు లభించడమే ఇందుకు నిదర్శనంగా పేర్కొనొచ్చు. ఇక.. పే ప్యాకేజ్‌ల పరంగా ఈ ఏడాది దేశీయంగా పే ప్యాకేజ్‌లు రూ.18 లక్షల నుంచి రూ.30 లక్షలు.. అంతర్జాతీయంగా పే ప్యాకేజ్‌లు రూ.50 లక్షల నుంచి రూ. కోటి అందే అవకాశముంది.
  -ప్రొఫెసర్ రవి కుమార్, డెరైక్టర్-ప్లేస్‌మెంట్ సెల్, నిట్ - వరంగల్
  
 ఔట్‌సోర్సింగ్, విస్తరణ విధానాలే కారణాలు
 
 ఐటీ, ఐటీఈఎస్ రంగంలో ఈ ఏడాది క్యాంపస్ రిక్రూట్‌మెంట్స్ పురోగమన దశలో పయనిస్తున్నాయి. దీనికి కారణం ఈ సంస్థల ఔట్‌సోర్సింగ్ కార్యకలాపాలు, కోర్ బిజినెస్ విస్తరణ విధానాలే కారణాలు. సంస్థలు అభ్యర్థుల నుంచి ముఖ్యంగా కోరుకునే స్కిల్స్.. కమ్యూనికేషన్, ఇంటర్ కల్చరల్, ఇంటర్ పర్సనల్ స్కిల్స్. వీటిని పెంచుకుంటే క్యాంపస్ రిక్రూట్‌మెంట్ ప్రక్రియలో విజయం సాధించడం సులభమే.
  - పీఎస్‌ఆర్‌పీ కిరణ్, సీనియర్ మేనేజర్, టాలెంట్ ఎక్విజిషన్ విప్రో టెక్నాలజీస్
  


 480 ఉద్యోగాల కోసం తరలివచ్చిన నిరుద్యోగులు
 తెలుగుదేశం కార్యకర్తల కోసం లోకేష్ మంత్రాంగం
 
 హైదరాబాద్: మెరికల్లాంటి విద్యార్థులకు ఉద్యోగావకాశాలు కల్పించేందుకు సాఫ్ట్‌వేర్ కంపెనీలతో పాటు ఫార్మా, బీపీవో తదితర కంపెనీలు క్యాంపస్ సెలక్షన్స్ నిర్వహించడం పరిపాటి. కానీ ప్రస్తుతం రాజకీయ పార్టీ క్యాంపస్‌లూ ఆఫ్ క్యాంపస్ రిక్రూట్‌మెంట్లకు వేదికలవుతున్నాయి. ఎన్టీఆర్ ట్రస్ట్ భవన్‌లో నారాలోకేష్ నేతృత్వంలో శనివారం ఏడు జాతీయ స్థాయి కంపెనీలు 480 ఉద్యోగాల కోసం జాబ్‌మేళా నిర్వహించాయి. తద్వారా టీడీపీ నాయకులు, కార్యకర్తలు, సానుభూతిపరుల కుటుంబాలకు చెందిన పిల్లలను ట్రస్ట్‌భవన్ నుంచే కంపెనీల్లోకి పంపించే ఏర్పాట్లు చేశారు.
 
 హెటెరోడ్రగ్స్, అమెజాన్, గ్లోబల్ ఇన్నోవా, ఏగిస్ కంపెనీలు వంద చొప్పున ఉద్యోగాలకు మేళా నిర్వహించగా, సాగర్స్ లాబరేటరీస్ ప్రైవేట్ లిమిటెడ్(20), బిగ్-సి(10), ఎం మోడల్స్(50) ఉద్యోగాలకు ఇంటర్వ్యూలు నిర్వహించాయి. ఉద్యోగ ప్రకటనలేవీ ఇవ్వకుండా టీడీపీ కార్యాలయంలోనే జాబ్‌మేళాలు నిర్వహించడం వల్ల పార్టీకి సంబంధించిన వారికే తప్ప సాధారణ నిరుద్యోగులకు ప్రయోజనం ఏమిటని పలువురు ప్రశ్నిస్తున్నారు.
  
  


 2015-16లో 35 వేల పైచిలుకు ఫ్రెషర్ల నియామకానికి యోచన
 
 ముంబై: సాఫ్ట్‌వేర్ దిగ్గజం టీసీఎస్ వచ్చే ఆర్థిక సంవత్సరంలో భారీగా క్యాంపస్ నియామకాలు చేపట్టనుంది. మొత్తం 35,000 మంది ఫ్రెషర్లను తీసుకోనున్నట్లు కంపెనీ ఎగ్జిక్యూటివ్ వైస్ ప్రెసిడెంట్ అజయ్ ముఖర్జీ తెలిపారు. ప్రస్తుత ఆర్థిక సంవత్సరంలో ఫ్రెషర్ల నియామకాలతో పోలిస్తే ఇది 10,000 అధికం. ప్రస్తుత ఆర్థిక సంవత్సరంలో ఇప్పటివరకూ 25,000 పైచిలుకు ఆఫర్లు ఇవ్వగా, 71-72 శాతం మంది ఫ్రెషర్లు చేరే అవకాశముందని భావిస్తున్నట్లు ముఖర్జీ పేర్కొన్నారు.
 
 ఈ ఆర్థిక సంవత్సరంలో క్యాంపస్ రిక్రూట్‌మెంట్లతో పాటు ఇతర దరఖాస్తుదారులకు సంబంధించి తాము నిర్దేశించుకున్న 55,000 నియామకాల లక్ష్యాన్ని మించి హైరింగ్ ఉండగలదని ఆయన వివరించారు. ఆగస్టు, సెప్టెంబర్‌లో ఉద్యోగుల వలసల (అట్రిషన్) రేటు తగ్గిందని, భవిష్యత్‌లో ఇది మరింత తగ్గొచ్చని తెలిపారు. మరోవైపు, 2015-16 ఏడాది రిక్రూట్‌మెంట్స్‌కి సంబంధించి ఇప్పటికే కసరత్తు ప్రారంభించామని, క్యాంపస్‌లను సందర్శిస్తున్నామని ముఖర్జీ పేర్కొన్నారు. సుమారు 350-400 విద్యా సంస్థలను సందర్శించనున్నట్లు ఆయన వివరించారు.


 ప్రతిష్టాత్మక సంస్థలకు 900 మంది ఎంపిక
 
 విజయవాడ: క్యాంపస్ నియామకాల్లో ఈ విద్యాసంవత్సరం కేఎల్ యూనివర్సిటీ రికార్డు సృష్టించిందని యూనివర్సిటీ ఉపాధ్యక్షుడు కోనేరు రాజాహరీన్ తెలిపారు. విజయవాడలో ని యూనివర్సిటీ కార్యాలయంలో ఆయన విలేకరులతో మాట్లాడారు. తొలివిడత క్యాంపస్ నియామకాల్లోనే యూనివర్సిటీకి చెందిన 900 మంది విద్యార్థులు ఉద్యోగాలు పొందారని సంతోషం వ్యక్తంచేశారు. తాము అమలు చేస్తు న్న విద్యాప్రమాణాలకు ఇదే నిదర్శనమన్నారు.
 
 ప్రముఖ సాఫ్ట్‌వేర్ కంపెనీలైన ఇన్‌ఫోసిస్‌లో 365 మంది, విప్రోలో 262 మంది, సీటీఎస్‌లో 250 మంది విద్యార్థులు ఎంపికయ్యారని చెప్పా రు. నలుగురు మెకానికల్  విద్యార్థులు ప్రతిష్టాత్మకమైన ఎఫ్‌ఎంసీ టెక్నాలజీస్ సంస్థకు ఎంపిక కావడం గర్వకారణమన్నారు. వీరు ఏడాదికి రూ.5.2 లక్షల జీతం అందుకుంటారని తెలి పారు. వైస్ చాన్సలర్ ఎల్.ఎస్.ఎస్.రెడ్డి మాట్లాడుతూ త్వరలో జెన్‌సర్ టెక్నాలజీస్, బగేట్, టెక్ మహీంద్ర, సైంట్, ఎల్ అండ్ టీ తదితర సంస్థలు క్యాంపస్ నియామకాలు చేపట్టేందుకు యూనివర్సిటీకి రానున్నాయని చెప్పారు.  కేఎల్‌సీయూ ప్రిన్సిపాల్ ఎ.ఆనందకుమార్, ప్లేస్‌మెంట్స్ డెరైక్టర్ ఎన్.బి.వి.ప్రసాద్ పాల్గొన్నారు.


 క్యాంపస్ రిక్రూట్‌మెంట్లతో కళకళలాడుతున్న కాలేజీలు  
 జాబ్ ఆఫర్లను పెంచిన ప్రముఖ ఐటీ కంపెనీలు
  
  కాలేజీ ఏదైనా, చేస్తున్న కోర్సు మరేదైనా విద్యార్థుల దృష్టంతా ఉన్నతంగా ‘కొలువు’దీరడంపైనే! ముఖ్యంగా ఇంజనీరింగ్ విద్యార్థులు ‘క్యాంపస్ ప్లేస్‌మెంట్స్’ లక్ష్యం గా కుస్తీలు పడుతుంటారు. కార్పొరేట్ కంపెనీల్లో కోరుకున్న కొలువును సొంతం చేసుకోవాలని కలలు కంటారు. ఒకవైపు పరిస్థితి ఇలా ఉంటే మార్కెట్లోకి పోటాపోటీగా దూసుకొస్తున్న బడా సంస్థలు.. నైపుణ్యాలతో నిండుకుండలా ఉండే మానవ వనరుల కోసం గాలిస్తున్నాయి. కాలేజీ ప్రాంగణాలకు పరుగులు తీస్తున్నాయి. ప్రస్తుతం ప్రాంగణ నియామకాల హడావిడితో నగరంలోని కాలేజీల క్యాంపస్‌లు కళకళలాడుతున్న నేపథ్యంలో ప్రత్యేక కథనం..
  
  అమెజాన్, ఇన్ఫోసిస్, విప్రో, హెచ్‌ఎస్‌బీసీ, టీసీఎస్.. తదితర వందలాది కంపెనీలు భాగ్యనగరం విద్యాసంస్థల ముందు క్యూ కడుతున్నాయి. తమ అవసరాలకు సరిపోయే మానవ వనరుల కోసం ప్రాంగణ నియామకాలు నిర్వహిస్తున్నాయి. సాధారణంగా ఏటా కాలేజీల్లో ప్రాంగణ నియామకాలు అక్టోబర్-నవంబర్ మధ్యలో మొదలవుతాయి. కానీ, ఈసారి ఆగస్టులోనే కంపెనీలు ఈ ప్రక్రియకు శ్రీకారం చుట్టాయి. ‘‘ఫస్ట్ ఈజ్ బెస్ట్.. మేలిమి ముత్యాల్లాంటి మానవ వనరులు దొరకాలంటే అందరికంటే ముందుగానే క్యాంపస్‌లకు చేరుకోవాలి.. ఈ భావనే కంపెనీలు ముందుగా హైరింగ్ ప్రక్రియను ప్రారంభించడానికి కారణం’’ అంటున్నారు కళాశాలల ప్లేస్‌మెంట్స్ విభాగం ప్రతినిధులు!
  
  స్కిల్స్ ఆధారంగానే వేతనం
  విద్యార్థుల నైపుణ్యాల ఆధారంగా కంపెనీలు వేతన ప్యాకేజీలను ఆఫర్ చేస్తున్నాయి. ప్రస్తుత పోటీ వాతావరణంలో కంపెనీలు సమర్థులైన అభ్యర్థులైతే చాలు రూ.లక్షల ప్యాకేజీలు ఇచ్చేందుకు సిద్ధమవుతున్నాయి. ఇటీవల యూనివర్సిటీ ఆఫ్ హైదరాబాద్(హెచ్‌సీయూ)లో ప్రాంగణ నియామకాలు ప్రారంభమయ్యాయి. 2014-15 విద్యా సంవత్సరానికి సంబంధించి ఆగస్టులో 15 మంది విద్యార్థులు ప్లేస్‌మెంట్స్ సాధించారు. ఎంసీఏ, ఎంటెక్, ఎకనామిక్స్ విద్యార్థులు అధిక వేతన ప్యాకేజీలు పొందారు.
  
  హెచ్‌ఎస్‌బీసీ, టెరాడేటా, కేవియం నెట్‌వర్క్స్.. ఏడాదికి రూ.7 లక్షల నుంచి రూ.7.20 లక్షల వేతనాలను ఆఫర్ చేసి నియామకాలు జరిపాయి. హెచ్‌ఎస్‌బీసీ.. ఆరుగురు ఎంఏ ఎకనామిక్స్ విద్యార్థులను, ఇద్దరు ఎంటెక్ విద్యార్థులను నియమించుకుంది. టెరాడేటా నలుగురు ఎంటెక్ విద్యార్థులకు, ఒక ఎంసీఏ విద్యార్థికి ఉద్యోగాలను ఆఫర్ చేసింది. 2013-14 విద్యా సంవత్సరంలో 210 మందికి పైగా ప్రాంగణ నియామకాల్లో ఉద్యోగాలు పొందారు. క్యాంపస్ ప్లేస్‌మెంట్స్‌లో కోల్గేట్ పామోలివ్, ఐడియా సెల్యూలార్, కాగ్నిజెంట్, గ్లోబల్ డేటా, టీసీఎస్, ఇంటెగ్రాఫ్ కన్సల్టింగ్, డీఎస్టీ వరల్డ్ వైడ్, హెచ్‌ఎస్‌బీసీ తదితర సంస్థలు పాల్గొన్నాయి.
  
  ఓయూలో రికార్డు స్థాయిలో
  యూనివర్సిటీ కాలేజ్ ఆఫ్ ఇంజనీరింగ్(ఓయూ).. ప్రీమియం కంపెనీ రిక్రూట్‌మెంట్ డ్రైవ్(పీసీఆర్‌డీ)లో ప్రముఖ ఐటీ కంపెనీలు యాక్సెంచర్, ఇన్ఫోసిస్, విప్రో లిమిటెడ్ పాల్గొన్నాయి. ఇవి ఈ నెల 4 నుంచి 13 వరకు జరిగిన డ్రైవ్‌లో బీఈ, ఎంఈ, ఎంసీఏ చివరి సంవత్సర విద్యార్థులను నియమించుకున్నాయి. మొత్తం 431 ఉద్యోగాలను ఆఫర్ చేశాయి. ‘‘గతేడాదితో పోల్చితే ప్రస్తుత విద్యా సంవత్సరంలో ప్రాంగణ నియామకాల్లో 82 శాతం వృద్ధి నమోదైంది. ఈ సంవత్సరం ప్రముఖ ఐటీ కంపెనీలు తమ లక్ష్యాలకు అనుగుణంగా అధిక ఉద్యోగాలను ఆఫర్ చేశాయి. పది రోజుల పాటు జరిగిన ఈ రిక్రూట్‌మెంట్ డ్రైవ్‌లో అత్యధికంగా యాక్సెంచర్ 154 మందిని నియమించుకుంది. విప్రో 139 మందిని, ఇన్ఫోసిస్ 138 మందిని రిక్రూట్ చేసుకున్నాయి. వచ్చే కొద్ది వారాల్లో ఒరాకిల్, కేవియం నెట్‌వర్క్స్, మారుతి సుజుకీ, ఐటీసీ-భద్రాచలం, టెక్ మహీంద్రా, మైండ్ ట్రీ తదితర సంస్థలు క్యాంపస్‌ను సందర్శించనున్నాయి’’ అని ఓయూ కాలేజ్ ఆఫ్ ఇంజనీరింగ్ ప్లేస్‌మెంట్ ఆఫీసర్ ప్రొఫెసర్ వి.ఉమామహేశ్వర్ తెలిపారు.
  
  క్లిష్టమే కానీ.. కష్టం కాదు!
  ప్రాంగణ నియామకాల్లో మంచి ప్యాకేజీతో కోరుకున్న ఉద్యోగం వచ్చినప్పుడే విద్యార్థుల నాలుగేళ్ల శ్రమకు సరైన గుర్తింపు వచ్చినట్లు లెక్క! ప్రస్తుత నియామకాల తీరును పరిశీలిస్తే రిక్రూటర్స్ ప్రధానంగా అకడమిక్స్‌లో ప్రాథమిక అంశాలపై పట్టు, వైఖరి, విశ్లేషణా సామర్థ్యం, లైఫ్ స్కిల్స్ తదితరాలను పరిగణనలోకి తీసుకుంటున్నట్లు కనిపిస్తోంది.
  
  ముఖ్యాంశాలు
      ప్రాంగణ నియామకాల్లో భాగంగా కంపెనీలు తొలుత ఆన్‌లైన్ పరీక్షలు నిర్వహిస్తున్నాయి. ఇందులో వెర్బల్, క్వాంటిటేటివ్, లాజికల్ రీజనింగ్‌కు సంబంధించిన ప్రశ్నలు ఇస్తున్నారు. ఇప్పటివరకు ప్రశ్నల సరళిని పరిశీలిస్తే ఈసారి విప్రో అదనంగా కంప్యూటర్ ప్రోగ్రామింగ్ కాన్సెప్టులపై పరిజ్ఞానాన్ని పరీక్షించింది. దీన్ని సీఎస్‌ఈ బ్రాంచేతర విద్యార్థులు కొంత కష్టంగా భావించారు.
      ఇన్ఫోసిస్.. ఇంటర్వ్యూలో రెజ్యూమెలోని అంశాలు, కోర్ సబ్జెక్టులపై పరిజ్ఞానాన్ని పరీక్షించడంపై ఎక్కువగా దృష్టిసారించింది. ‘ఐటీ పరిశ్రమలో మీరెందుకు ప్రవేశించాలనుకుంటున్నారు? కాలేజీలో మీరు పాల్గొన్న ఎక్స్‌ట్రా కరిక్యులర్ కార్యక్రమాలేమిటి?’ వంటి ప్రశ్నలు కూడా అడిగారు.
      యాక్సెంచర్ ఈసారి ప్రత్యేక ఇంటర్వ్యూ ప్రక్రియను నిర్వహించింది. ఇందులో భాగంగా బ్యాచ్‌కు ఐదుగురు విద్యార్థులుంటారు. ప్రతి విద్యార్థి తాను ఎంపిక చేసుకున్న అంశంపై 2 నిమిషాలు మాట్లాడాలి. ఈ ఇంటర్వ్యూ ద్వారా నిర్దేశ అంశంపై విద్యార్థుల ఆలోచనా సరళి, కమ్యూనికేషన్ స్కిల్స్‌ను పరిశీలించారు. ఇంటర్వ్యూ బోర్డులో సాంకేతిక రంగ నిపుణుడు, హెచ్‌ఆర్ ప్రతినిధి ఉంటారు.
      విప్రో.. 83 శాతం లేదా అంతకంటే ఎక్కువ మార్కులు ఉన్నవారికి ఎలాంటి ఆన్‌లైన్ టెస్ట్‌లు నిర్వహించకుండానే, నేరుగా ఇంటర్వ్యూకు ఎంపిక చేసింది. ఇందులో టెక్నికల్ రౌండ్, హెచ్‌ఆర్ రౌండ్ ఉంటాయి. టెక్నికల్ రౌండ్‌లో ప్రోగ్రామింగ్ కాన్సెప్టులు, బ్రాంచ్‌కు సంబంధించిన ప్రశ్నలు ఎదురయ్యాయి. ఇందులో ప్రతిభ కనబరిచిన వారికి హెచ్‌ఆర్ రౌండ్ లేకుండానే ఉద్యో గాలు ఇచ్చారు.
  
  కమ్యూనికేషన్ స్కిల్స్‌కే అగ్రస్థానం
  ‘‘ప్రముఖ కంపెనీలన్నీ హైదరాబాద్‌లోని విద్యా సంస్థలకు ప్రాధాన్యమిస్తున్నాయి. ప్రతిభే కొలమానంగా విద్యార్థులకు కొలువులను ఆఫర్ చేస్తున్నాయి. ప్రస్తుతం ఐటీ, ఐటీయేతర సంస్థలు ఉద్యోగి ఎంపికలో పరిగణనలోకి తీసుకుంటున్న అంశాల్లో అగ్రభాగం కమ్యూనికేషన్ స్కిల్స్‌దేనని చెప్పొచ్చు. ప్రపంచవ్యాప్తంగా ఉండే తమ ఖాతాదారులతో ఎలా వ్యవహరిస్తారన్న దాన్ని పరీక్షించడానికి ప్రాధాన్యమిచ్చాయి. విద్యార్థి దార్శనికత, వైఖరి, జీవన నైపుణ్యాలు, వ్యక్తిగత ప్రవర్తన తదితరాలను పరీక్షిస్తున్నాయి. అన్ని విధాలా యోగ్యులైతేనే వేతన ప్యాకేజీలను ప్రకటిస్తున్నాయి’’
  - ఆషిస్ జాకబ్ థామస్, ప్లేస్‌మెంట్
  సెల్ ఆఫీసర్, హెచ్‌సీయూ
  
  అనలిటిక్స్‌తో ప్రతిభ అంచనా
  ‘‘క్యాంపస్ ప్లేస్‌మెంట్స్‌లో రూ.7.20 లక్షల వార్షిక వేతన ప్యాకేజీతో కేవియం నెట్‌వర్క్స్‌కు ఎంపికైనందుకు ఆనందంగా ఉంది. మూడు రౌండ్ల ఎంపిక విధానంలో రిక్రూటర్ ప్రధానంగా అనలిటిక్స్ ఆధారంగా ప్రతిభను అంచనా వేశారు. తొలుత రాత పరీక్ష నిర్వహించారు. దీనికి వంద మంది హాజరయ్యారు. 16 ప్రశ్నలకు గంట వ్యవధిలో సమాధానాలివ్వాలి. ప్రశ్నపత్రం ఆబ్జెక్టివ్ విధానంలో ఉంది. వీటికి సమాధానాలు గుర్తించడంతోపాటు సమీక్షించాల్సి ఉంటుంది. 8 మంది టెక్నికల్ రౌండ్‌కు వెళ్లగా చివరకు ముగ్గురు హెచ్‌ఆర్ రౌండ్‌కు చేరుకున్నారు. అక్కడ నాకు ఎదురైన మొదటి ప్రశ్న ‘టెల్ మి ఎబౌట్ యువర్ సెల్ఫ్’. ఆత్మస్థైర్యంతో నేను చెప్పిన సమాధానాలు ఉద్యోగం సాధించి పెట్టాయి. అకడమిక్స్ బేసిక్స్‌పై పట్టు, సీ ప్రోగ్రామింగ్, డేటా అనలైజ్, ఆపరేటింగ్ సిస్టమ్స్, డేటా స్ట్రక్చర్స్‌పై కనీస పరిజ్ఞానం ఉంటే విజయం సాధించవచ్చు. బృందానికి నేతృత్వం వహించగల సామర్థ్యం కూడా అవసరం’’    
  - ఎ.భావన, ఎంటెక్  సెకండియర్, హెచ్‌సీయూ


 అమెజాన్.. ఒరాకిల్.. మైక్రోసాఫ్ట్.. శాంసంగ్.. గూగుల్.. ఫేస్‌బుక్.. ఉద్యోగాల కోసం అభ్యర్థులు బారులు తీరే కంపెనీలు. ఈ కంపెనీల్లో ఎంట్రీ లెవల్ ఉద్యోగం లభించినా.. ఎగిరిగంతేస్తారు! పై కంపెనీలతోపాటు ప్రముఖ బహుళజాతి కంపెనీలు, కొత్తగా ఏర్పాటైన స్టార్ట్-అప్స్ వరకు వందల సంఖ్యలో కంపెనీలు ‘మేం ఉద్యోగమిస్తాం. మా కంపెనీలో చేరండి’ అంటూ.. విద్యార్థుల వెంట ‘క్యూ’ కడితే..! ఈ పరిస్థితిని ఎవరైనా ఊహించగలరా..! ఇది వాస్తవమని నిరూపించాయి మన దేశంలోని ఐఐటీ క్యాంపస్‌లు. గతేడాది డిసెంబర్ నుంచి ఈ సంవత్సరం ఏప్రిల్ వరకు.. దేశవ్యాప్తంగా ఐఐటీల్లో కొనసాగిన క్యాంపస్ ప్లేస్‌మెంట్స్‌లో ఇది ప్రస్ఫుటమైంది. బెస్ట్ టాలెంట్‌ను సొంతం చేసుకోవాలని.. ఇందుకు కేరాఫ్ ఐఐటీ క్యాంపస్‌లేనని భావించిన కంపెనీలు వందల సంఖ్యలో ఆఫర్లు ఇచ్చాయి. దాంతో బ్రాండ్ ఐఐటీ మరోసారి మారుమోగింది. ఐఐటీలలో క్యాంపస్ ప్లేస్‌మెంట్స్‌పై విశ్లేషణ..
  
 ఇండియన్ ఇన్‌స్టిట్యూట్ ఆఫ్ టెక్నాలజీ(ఐఐటీ)లు.. అకడెమిక్ ఎక్స్‌లెన్స్‌కు చిరునామా అనేది నిస్సందేహం. అందుకే ఐఐటీలకు ప్రపంచవ్యాప్తంగా గుర్తింపు. ఇక్కడ డిగ్రీలు పూర్తి చేసుకున్న విద్యార్థులంటే.. బెస్ట్ బ్రెయిన్స్ అనే గౌరవం. కాబట్టే కంపెనీలకు.. టాలెంట్ అనగానే టక్కున గుర్తొచ్చేవి.. ఐఐటీలు. 2013-14 విద్యా సంవత్సరంలో ఇది మరోసారి రుజువైంది. అభ్యర్థులకు ఆఫర్లు ఇచ్చేందుకు ప్రతిష్టాత్మక కంపెనీలెన్నో పోటీపడ్డాయి. టాలెంట్ హంట్‌లో ముందుం డాలని రూ. లక్షల్లో వేతనాలు అందించాయి.
  
 టాప్ రిక్రూటర్.. శాంసంగ్
 
 దేశవ్యాప్తంగా అండర్ గ్రాడ్యుయేట్ నుంచి పీహెచ్‌డీ వరకు దాదాపు 14వేల సీట్లు ఉన్న అన్ని ఐఐటీ క్యాంపస్‌లలో నిర్వహించిన ప్లేస్‌మెంట్స్‌లో శాంసంగ్ సంస్థ అగ్రస్థానంలో నిలిచింది. ఈ కంపెనీ మొత్తం 271 ఆఫర్లు ఇచ్చింది. ఇందులో 28 ఆఫర్లు కంపెనీ ప్రధాన కార్యాలయం (కొరియా)లోనే ఉండటం విశేషం. శాంసంగ్ అంతర్జాతీయ ఆఫర్ల పరంగానూ మెరుగైన అవకాశాలు అందించింది. రిలయన్స్ ఇండస్ట్రీస్ లిమిటెడ్ 177 ఆఫర్లతో రెండో స్థానంలో నిలవగా.. సాఫ్ట్‌వేర్ దిగ్గజంఒరాకిల్ 142 మందికి ఆఫర్ లెటర్స్ అందజేసింది. అంతర్జాతీయంగానూ గుర్తింపు పొందిన ప్రముఖ ఈ-కామర్స్ సంస్థ ఫ్లిప్‌కార్ట్ 118 అవకాశాలతో అందరి దృష్టినీ ఆకర్షించింది. 2012-13తో పోల్చితే ఈ సంఖ్య పెరగడం ఇక్కడ గమనార్హం.
  
 సాఫ్ట్‌వేర్ నుంచి స్టార్ట్-అప్స్ వరకు
 
 2013-14 ఐఐటీల క్యాంపస్ రిక్రూట్‌మెంట్స్‌లో మరో ఆసక్తికరమైన అంశం.. ప్రతిష్టాత్మక సాఫ్ట్‌వేర్ సంస్థలతో పోటీగా స్టార్‌‌ట-అప్ సంస్థలు కూడా పాల్గొని ఆకర్షణీయ వేతనాలు అందించడం. అన్ని ఐఐటీల్లో 2012-13తో పోల్చితే స్టార్ట్-అప్ ఆఫర్ల సంఖ్య 23 నుంచి 27 శాతం మేర పెరిగింది. ఐఐటీ-బాంబే క్యాంపస్‌లోనే సుమారు వంద మందిని రిక్రూట్ చేసుకోవడానికి స్టార్ట్-అప్ కంపెనీలు ముందుకు రావడమే ఇందుకు నిదర్శనం. మరోవైపు విద్యార్థులు కూడా స్టార్ట్-అప్ కంపెనీల పట్ల ఆసక్తి చూపారు. హౌసింగ్ డాట్ కామ్,Myntra.com, కిచ్‌డీ, ఫ్యుజీ లాజిక్స్, ఇన్‌మొబి వంటి స్టార్ట్-అప్‌లు సగటున 12 లక్షల వార్షిక వేతనంతో ఆఫర్ లెటర్లు అందించాయి. స్టార్ట్-అప్స్‌లో అధికశాతం ఐఐటీ, ఐఐఎంల పూర్వ విద్యార్థులు నెలకొల్పినవే. యువ ప్రతిభావంతులను నియమించుకుంటే తమ ఆలోచనలకు అనుగుణంగా తీర్చిదిద్దుకోవచ్చనే ఎంఎన్‌సీలకు ధీటుగా స్టార్ట్-అప్‌లు ఐఐటీయన్ల కోసం పోటీ పడ్డాయని నిపుణులు విశ్లేషిస్తున్నారు.
  
 ఖరగ్‌పూర్ కళ.. కళ..
 
 మొత్తం ఐఐటీల్లో క్యాంపస్ రిక్రూట్‌మెంట్స్‌లో ఖరగ్‌పూర్ క్యాంపస్ అగ్రస్థానంలో నిలిచింది. తొలి దశలోనే 1010 ఆఫర్లు సొంతం చేసుకుంది. మొత్తం ప్రక్రియ పూర్తయ్యేనాటికి దాదాపు 1400 మందికి అవకాశాలతో మొదటి స్థానంలో నిలిచింది. 1042 ఆఫర్లతో ఐఐటీ-బాంబే; 1008 ఆఫర్లతో ఐఐటీ-చెన్నై; సుమారు 950 మందికి అవకాశాలతో ఐఐటీ-ఢిల్లీ; 800 ఆఫర్లతో ఐఐటీ-కాన్పూర్‌లు తర్వాతి స్థానాల్లో నిలిచాయి. మొత్తం మీద అన్ని ఐఐటీల్లో కలిపి 85 శాతంపైగా విద్యార్థులు క్యాంపస్ రిక్రూట్‌మెంట్లో అవకాశాలు అందుకున్నారు. మిగతా విద్యార్థులకు కూడా ఆఫర్లు వచ్చినప్పటికీ.. ఉన్నత విద్య, రీసెర్చ్, సొంత స్టార్ట్-అప్స్ ఆలోచనతో వదులుకున్నారనే అభిప్రాయం వ్యక్తమవుతోంది.
  
 ఐఐటీ-హైదరాబాద్‌లో ఇలా
  
 కొత్తగా ఏర్పాటు చేసిన ఐఐటీల్లో ఒకటైన హైదరాబాద్‌లో 2013-14లో క్యాంపస్ ప్లేస్‌మెంట్స్ ఆశాజనకంగానే సాగాయి. అమెజాన్, టీసీఎస్, పేపాల్, శాంసంగ్ వంటి ప్రముఖ కంపెనీలు ప్లేస్‌మెంట్స్‌కు వచ్చాయి. మొత్తం 52 కంపెనీలు ఈ ప్రక్రియలో పాల్గొని 121 ఆఫర్లు అందించాయి. 2012-13తో పోల్చితే 20 కొత్త కంపెనీలు పాల్గొనడం విశేషం. ఐఐటీ హైదరాబాద్ క్యాంపస్ రిక్రూట్‌మెంట్స్‌లో గరిష్టంగా రూ.22 లక్షల వార్షిక వేతనం, సగటున 7.8 లక్షల వేతనాలతో విద్యార్థులకు ఆఫర్లు లభించాయి.
  
 కొత్త ఐఐటీల్లో పరిస్థితి
 
 కొత్తగా ఏర్పాటైన ఐఐటీలు మాత్రం ఈ ఏడాది (2013-14)లో క్యాంపస్ రిక్రూట్‌మెంట్స్ విషయంలో కొంత ఇబ్బంది ఎదుర్కొన్నాయి. ముఖ్యంగా ఉత్పత్తి రంగంలో ఒడిదుడుకులు, క్యాంపస్ ప్లేస్‌మెంట్స్ నుంచి పబ్లిక్ సెక్టార్ కంపెనీలను నిషేధిస్తూ కోర్టు ఉత్తర్వులు ఇవ్వడమే ఇందుకు ప్రధాన కారణంగా చెబుతున్నారు. ఈ ఐఐటీలను ఏర్పాటు చేసినప్పటి నుంచి గతేడాది వరకు ఇండియన్ ఆయిల్ కార్పొరేషన్, భారత్ పెట్రోలియం కార్పొరేషన్, ఓఎన్‌జీసీ, పవర్ గ్రిడ్ కార్పొరేషన్ ఆఫ్ ఇండియా తదితర ప్రభుత్వరంగ సంస్థలు ప్రధానంగా ఆఫర్స్ ఇచ్చేవి. అయితే వీటిని క్యాంపస్ రిక్రూట్‌మెంట్స్‌లో పాల్గొనవద్దని మద్రాస్ హైకోర్ట్ ఆదేశాలు ఇవ్వడంతో కొత్త ఐఐటీలు 2013-14లో ఆఫర్లు పొందడంలో కొంత వెనుకంజలో ఉన్నాయి. అలాగే అంతకుముందు ఏడాది ప్రీప్లేస్‌మెంట్ ఆఫర్లు అందించిన గూగుల్, మైక్రోసాఫ్ట్ తదితర సంస్థలు కూడా ఈసారి కొత్త ఐఐటీల్లో క్యాంపస్ ప్లేస్‌మెంట్స్‌లో పాల్గొనలేదు. కొత్త ఐఐటీల్లో ప్రతిఏటా సీట్ల సంఖ్యను, ఆ మేరకు విద్యార్థుల సంఖ్యను పెంచడం.. ఇంకా కొన్ని క్యాంపస్‌లు మౌలిక సదుపాయాల కొరతతో అకడెమిక్ నైపుణ్యాల పరంగా వెనుకబడటం వంటివి ప్రముఖ కంపెనీలు రాకపోవడానికి ప్రధాన కారణాలుగా పేర్కొనవచ్చు. అయితే ఇక్కడ ఆఫర్లు పొందిన వారికి సగటు వార్షిక వేతనంలో పెరుగుదల నమోదు కావడం గమనార్హం. ఐఐటీ-రోపార్‌లో 2012-13తో పోల్చితే సగటు వార్షిక వేతనం 21 శాతం పెరిగింది. ఐఐటీ-హైదరాబాద్‌లో కూడా ఈ పెరుగుదల 27 శాతం నమోదైంది.
  
 ఇంజనీరింగ్.. టు ఎడ్యుకేషన్
 
 ఐఐటీల్లో క్యాంపస్ రిక్రూట్‌మెంట్స్ అంటే ఇంజనీరింగ్ అండ్ టెక్నాలజీ, సాఫ్ట్‌వేర్ డొమైన్ కంపెనీల సంఖ్య అధికంగా ఉంటుందనేది వాస్తవం. వీటితోపాటు మరెన్నో రంగాలకు చెందిన సంస్థలు క్యాంపస్ రిక్రూట్‌మెంట్స్‌లో పాల్గొన్నాయి. మోర్గాన్ స్టాన్లీ, బార్ క్లేస్ వంటి కన్సల్టింగ్ కంపెనీలు మొదలు డీఆర్‌డీఓ, బార్క్ తదితర రీసెర్చ్ అండ్ డెవలప్‌మెంట్ సంస్థల వరకూ ప్లేస్‌మెంట్స్‌కు వచ్చాయి. కన్సల్టింగ్, అవుట్ సోర్సింగ్, ఫైనాన్షియల్ ఇన్‌స్టిట్యూషన్స్.. తమ కార్యకలాపాల్లో బ్యాక్-ఎండ్ టెక్-సపోర్ట్ విభాగాల కోసం నియమించుకోగా.. ఆర్ అండ్ డీ సంస్థల్లో మాత్రం ఔత్సాహిక అభ్యర్థులే ఎక్కువ మొగ్గు చూపారు.
  
 ఐఐటీలు.. ఐఐఎంల మధ్య పోటీ
 
 క్యాంపస్ రిక్రూట్‌మెంట్స్.. టాలెంట్ సెర్చ్ విషయంలో ఐఐటీలు, ఐఐఎంల మధ్య పోటీ నెలకొనడం ఆసక్తికరంగా మారిన మరో అంశం. ఐఐటీలంటే టెక్నోక్రాట్స్, ఐఐఎంలంటే బిజినెస్ లీడర్లకు కేరాఫ్‌గా పేరొందిన నేపథ్యంలో.. పలు ఫైనాన్‌‌స సంస్థలు ఐఐటీల్లోనూ క్యాంపస్ రిక్రూట్‌మెంట్స్ నిర్వహించాయి. దీంతో ఐఐఎం విద్యార్థులు.. ఐఐటీయన్లతో పోటీ పడాల్సిన పరిస్థితి నెలకొంది. మెకిన్సే, బోస్టన్ కన్సల్టెన్సీ, యూబీఎస్ వంటి ప్రముఖ ఫైనాన్స్ సంస్థలు తొలిసారి ఐఐటీ-బాంబేలో ఆఫర్లు అందించగా.. ఇదే పరిస్థితి ఐఐటీ-ఢిల్లీ, ఖరగ్‌పూర్‌లలోనూ కనిపించింది. బార్‌క్లేస్ క్యాపిటల్, ఒపేరా సొల్యూషన్స్ వంటి ప్రముఖ బిజినెస్ కన్సల్టింగ్, ఫైనాన్స్ సంస్థలు ఐఐటీ గ్రాడ్యుయేట్లను రిక్రూట్ చేసుకునేందుకు ముందుకొచ్చాయి. మరో ఆసక్తికర అంశం ఏమిటంటే.. ఈ సంస్థలు ఐఐఎంలలో అందించిన సగటు వేతనం.. ఐఐటీల్లో అందించిన సగటు వేతనం దాదాపు సమానం కావడం. ఐఐటీ-బాంబేలో గ్రాడ్యుయేట్లకు లభించిన సగటు వేతనం రూ. పది లక్షలు.. ఐఐఎం-అహ్మదాబాద్‌లోని విద్యార్థులకు లభించిన సగటు వేతనం (రూ. 9.5 లక్షలు) కంటే ఎక్కువగా ఉండటం మరో విశేషం.
  
 పెరిగిన సగటు వేతనాలు
 
 వేతనాల విషయంలోనూ ఐఐటీల్లో 2014 పాస్-అవుట్ విద్యార్థులకు ఆకర్షణీయమైన పరిస్థితులు కనిపించాయి. గత ఏడాదితో పోల్చితే అంతర్జాతీయంగా, జాతీయంగా సంస్థలు అందించిన సగటు వేతనాల మొత్తం పెరిగింది. 14 నుంచి 16 శాతం మేర పెరిగి.. సగటున జాతీయస్థాయిలో 13.5 లక్షల వార్షిక వేతనం; అంతర్జాతీయంగా రూ. 47 లక్షల వేతనం నమోదయ్యాయి. అంతర్జాతీయంగా అత్యధిక పే-ప్యాకేజ్‌ను రూ.1.54 కోట్లతో గూగుల్ సంస్థ అందించింది.
  
 విద్యార్థులే ఆఫర్లను తిరస్కరిస్తే!?
 
 క్యాంపస్ రిక్రూట్‌మెంట్‌లో పాల్గొనే సంస్థలన్నీ అంతర్జాతీయ గుర్తింపు ఉన్నవే. అలాంటి సంస్థల్లో ఆఫర్ వస్తే ఏ మాత్రం ఆలోచించకుండా అంగీకరించడం కూడా సహజం. కానీ విద్యార్థులే వచ్చిన ఆఫర్లను.. అందులోనూ లక్షల డాలర్లు కురిపించే అంతర్జాతీయ ఆఫర్లను కాదంటే. ఇదే పరిస్థితి ఐఐటీ క్యాంపస్ ప్లేస్‌మెంట్స్‌లో కనిపించింది. ఇందుకు ఉదాహరణ.. ఒరాకిల్ సంస్థ ఐఐటీ-కాన్పూర్‌లో 2,10,000 అమెరికన్ డాలర్ల వార్షిక వేతనంతో ఇచ్చిన ఆఫర్‌ను ఇద్దరు విద్యార్థులు తిరస్కరించడమే. చివరకు ఈ సంస్థ ఐఐటీ-చెన్నై నుంచి విద్యార్థులను ఎంపిక చేసుకుంది. డబుల్ ఆఫర్లు పొందిన పలువురు విద్యార్థులు తక్కువ జీతమైనా.. విధుల పరంగా తమకు సంతృప్తినిచ్చే సంస్థలవైపు మొగ్గు చూపారు. ఉదాహరణకు.. ఐఐటీ-చెన్నైలో 84 మంది విద్యార్థులకు డబుల్ ఆఫర్ లభించగా.. నలుగురు విద్యార్థులు ఎంఎన్‌సీల ఆఫర్‌ను వదులుకుని స్టార్ట్-అప్ సంస్థలో చేరేందుకే ప్రాధాన్యమిచ్చారు.
  
 విద్యార్థులే బ్రాండ్ అంబాసిడర్లు
 గతేడాది క్యాంపస్ రిక్రూట్‌మెంట్ ప్రక్రియను విశ్లేషిస్తే.. విద్యార్థులే ఐఐటీల బ్రాండ్ అంబాసిడర్లుగా నిలవనున్నారు. ఎన్నో అంతర్జాతీయ సంస్థలు ఐఐటీల్లో టాలెంట్‌ను సొంతం చేసుకోవడానికి ప్రయత్నించాయి. అందుకే ప్రముఖ సంస్థలన్నీ క్యాంపస్ రిక్రూట్‌మెంట్ తొలి దశలో మొదటి మూడు రోజుల్లో డ్రైవ్స్ నిర్వహించడానికి ప్రాధాన్యమిచ్చాయి. విద్యార్థుల కోణంలో చూస్తే.. ఆఫర్లను అంగీకరించే విషయంలో చాలా పరిణితితో వ్యవహరించారు. పే ప్యాకేజ్‌లకంటే వ్యక్తిగత ఆసక్తులకే ప్రాధాన్యమి చ్చారు. స్టార్ట్-అప్ సంస్థల ఆఫర్లకు, ఆర్ అండ్ డీ అవకాశాలకు మొగ్గు చూపడమే ఇందుకు నిదర్శనాలుగా పేర్కొనొచ్చు.
  - ఎస్.కె.మెహతా, అసిస్టెంట్ ప్లేస్‌మెంట్ ఆఫీసర్, ఐఐటీ-బాంబే
  
  ఉన్నత విద్యకు పెరిగిన ప్రాధాన్యం
  గత ప్లేస్‌మెంట్ సీజన్‌లో విద్యార్థులకు ఆకర్షణీయ ఆఫర్లు లభించాయి. ఇదే సమయంలో మొత్తం విద్యార్థుల్లో 15 నుంచి 20 శాతం మంది ఉన్నత విద్యకు ప్రాధాన్యమిచ్చి.. ఆఫర్లను తిరస్కరించా రు. దీనివల్ల గణాంకాల పరంగా అంతకుముందు ఏడాదితో పోల్చితే ప్లేస్‌మెంట్స్ సంఖ్య కొంత తక్కువగా కనిపిస్తోంది.
  - బి.వెంకటేశం, ఫ్యాకల్టీ ఇన్‌ఛార్జ్, ట్రైనింగ్ అండ్ ప్లేస్‌మెంట్, ఐఐటీ-హైదరాబాద్
  
  ఐఐటీ బ్రాండ్ ఇమేజ్‌కు చక్కటి నిదర్శనాలు
  గతేడాది ప్లేస్‌మెంట్స్ గణాంకాలు ప్రపంచవ్యాప్తంగా నెలకొన్న ఐఐటీల బ్రాండ్ ఇమేజ్‌కు చక్కటి నిదర్శనాలు. ముఖ్యంగా ఎన్నో దశాబ్దాలుగా ఉన్న చెన్నై, బాంబే, ఢిల్లీ, ఖరగ్‌పూర్, కాన్పూర్, రూర్కీ వంటి ఐఐటీల పట్ల అంతర్జాతీయ సంస్థలు ఎంతో ఆసక్తి చూపాయి. ఈ క్యాంపస్ లలో కొలువులు ఇచ్చే విషయంలో కంపెనీలు పోటీ పడ్డాయి. అన్ని ఐఐటీల్లో కలిపి సుమారు 200కు పైగా విద్యార్థులకు డబుల్ ఆఫర్లు లభించాయి. కానీ విద్యార్థులు తమ అభిరుచి, ఆసక్తికే ప్రాధాన్యమిచ్చారు. ఇదే హవా ఈ ఏడాది కూడా కొనసాగుతుందని చెప్పొచ్చు.
  - లెఫ్ట్‌నెంట్ కల్నల్ (రిటైర్డ్) జయకుమార్, డిప్యూటీ రిజిస్ట్రార్, (ట్రైనింగ్ అండ్ ప్లేస్‌మెంట్), ఐఐటీ-చెన్నై
  
  స్టార్ట్-అప్స్ కూడా సమర్థంగా...
  ఐఐటీల క్యాంపస్ రిక్రూట్‌మెంట్ ప్రక్రియలో పలువురు విద్యార్థులు స్టార్ట్-అప్ సంస్థల వైపు మొగ్గు చూపడానికి కారణం.. అవి కూడా అంతర్జాతీయ సంస్థలకు ధీటైన పోటీ ఇవ్వడమే. ఫ్లిప్‌కార్ట్ సంస్థ అంతర్జాతీయ ఆదరణ పొందుతోంది. అంతేకాకుండా విద్యార్థులు తమలోని వినూత్న ఆలోచనలను వెలికి తీసేందుకు స్టార్ట్-అప్ సంస్థలను వేదికలుగా భావించారు.
  - పాయల్ బెనర్జీ, కార్పొరేట్ కమ్యూనికేషన్స్ మేనేజర్, ఫ్లిప్‌కార్ట్
  


 దేశంలో ఎన్నో ఇంజనీరింగ్ కాలేజ్‌లు.. వాటికి నెలవైన మరెన్నో నగరాలు ఉన్నాయి. కానీ ఔత్సాహిక విద్యార్థుల్లో అత్యధిక శాతం మందికి గమ్యస్థానాలుగా నిలుస్తున్న నగరాలు మాత్రం కొన్నే. ఆయా నగరాల్లో ఏర్పాటైన ఈ విద్యా సంస్థలు బోధనపరంగా పాటిస్తున్న ప్రమాణాలు..ఆర్ అండ్ డీ అవకాశాలు.. పరిశ్రమలతో అనుసంధానం, క్యాంపస్ ప్లేస్‌మెంట్స్ వంటి కారణాలతో విద్యార్థుల ఆదరణ పొందుతున్నాయి. అంతేకాకుండా రవాణా, నివాస సదుపాయాలు లభించడంతోపాటు జీవన వ్యయం కూడా తక్కువగా ఉండటం వల్ల ఆయా నగరాలపై విద్యార్థులు మక్కువ చూపుతున్నారు.దేశవ్యాప్తంగా ఇంజనీరింగ్ కోర్సుల్లో ప్రవేశాలు జరుగుతున్న నేపథ్యంలో.. బీటెక్ ఔత్సాహిక విద్యార్థులకు ఫేవరెట్‌లుగా నిలుస్తున్న సిటీలపై విశ్లేషణ..
  
  ముంబైకే మొదటి ప్రాధాన్యం
 
  దేశవ్యాప్తంగా ఇంజనీరింగ్ ఔత్సాహికుల హాట్ ఫేవరెట్ నగరం ముంబై. ఇక్కడ ప్రతిష్టాత్మక ఐఐటీ ఉండటమే ఇందుకు ముఖ్య కారణం. ఐఐటీ-ముంబై జాతీయ సంస్థలతోనే కాకుండా అంతర్జాతీయ సంస్థలతోనూ ఒప్పందాలు చేసుకుంటోంది. స్పాన్సర్డ్ రీసెర్చ్, కన్సల్టెన్సీ రీసెర్చ్ ప్రోగ్రామ్‌లు కూడా నిర్వహిస్తోంది. ఫలితంగా ఐఐటీ ఔత్సాహిక విద్యార్థుల్లో మొదటి ప్రాధాన్యంగా దీన్నే ఎంచుకుంటున్నారు. గత మూడేళ్లుగా జేఈఈ అడ్వాన్‌‌సడ్ టాప్-100 ర్యాంకర్లలో మెజారిటీ విద్యార్థులు ముంబైను ఎంపిక చేసుకోవడమే ఇందుకు నిదర్శనం. పారిశ్రామికంగా, వాణిజ్యపరంగా అభివృద్ధి చెందడంతోపాటు అనేక పరిశ్రమలు ఇక్కడ ఏర్పాటయ్యాయి. అంతేకాకుండా ఇక్కడి ఇన్‌స్టిట్యూట్‌లు స్థానిక పరిశ్రమలు /కంపెనీలతో ఒప్పందాలు చేసుకుంటున్నాయి. దీనివల్ల విద్యార్థులకు అపార అవకాశాలు దక్కుతున్నాయి. అటు పరిశ్రమ వర్గాల్లోనూ ముంబై కళాశాలల్లో కోర్సులు పూర్తి చేసుకున్న విద్యార్థులంటే ప్రత్యేక గుర్తింపు లభిస్తోంది. క్యాంపస్ ప్లేస్‌మెంట్స్ కూడా 90 నుంచి 95 శాతం మధ్యలో సుస్థిరంగా ఉంటున్నాయి. వీటితోపాటు అన్ని ప్రాంతాలకు చక్కటి రవాణా సదుపాయాలు, నెలకు రూ.15 వేలకు మించని నివాస ఖర్చులు కూడా విద్యార్థులను ముంబైని ఎంచుకునేలా చేస్తున్నాయి.
  
 దేశానికే తలమానికం.. ఢిల్లీ
 
 దేశ రాజధాని ఢిల్లీ, పరిసర ప్రాంతాల్లోని (నేషనల్ క్యాపిటల్ రీజియన్ - ఎన్‌సీఆర్).. ఇంజనీరింగ్ కళాశాలలు.. ఎవర్‌గ్రీన్‌గా పేరొందుతున్నాయి. ఐఐటీ-ఢిల్లీతోపాటు.. ఫ్యాకల్టీ ఆఫ్ ఇంజనీరింగ్ (జామియా మిల్లియా ఇస్లామియా యూనివర్సిటీ), ఐటీఎం యూనివర్సిటీ, ఢిల్లీ టెక్నలాజికల్ యూనివర్సిటీ, నేతాజీ సుభాష్ ఇన్‌స్టిట్యూట్ ఆఫ్ టెక్నాలజీ వంటి ప్రతిష్టాత్మక ఇన్‌స్టిట్యూట్‌లు ఇక్కడ నెలకొనడమే ఇందుకు ప్రధాన కారణం. అన్నిటికంటే ముఖ్యంగా ఐఐటీ-ఢిల్లీలోని రీసెర్చ్ కార్యకలాపాలు, అంతర్జాతీయ ఒప్పందాలు, ప్రభుత్వ పరిశోధన సంస్థలతో కలిసి చేపడుతున్న జాయింట్ రీసెర్చ్ ప్రోగ్రామ్స్ వంటివి విద్యార్థులు నైపుణ్యాలు సొంతం చేసుకోవడానికి దోహదపడుతున్నాయి. భవిష్యత్తు ప్లేస్‌మెంట్స్‌కు బలమైన పునాది వేస్తున్నాయి.
  
 దక్షిణాన.. చెన్నై, హైదరాబాద్, బెంగళూరు
  
 దక్షిణ భారతదేశంలోని (తెలంగాణ, ఆంధ్రప్రదేశ్, తమిళనాడు, కర్ణాటక, కేరళ).. పలు ప్రముఖ నగరాలు ఔత్సాహిక ఇంజనీరింగ్ విద్యార్థులకు చక్కటి గమ్యస్థానాలుగా నిలుస్తున్నాయి. ఈ ప్రాంతంలో.. చెన్నైలోని ఐఐటీ-మద్రాస్ ముందంజలో ఉంది. దీంతోపాటు సిలికాన్ వ్యాలీ ఆఫ్ ఇండియాగా పేరొందిన బెంగళూరు, సైబరాబాద్ ఆఫ్ ఇండియాగా గుర్తింపు పొందిన హైదరాబాద్..  జాతీయ, అంతర్జాతీయ స్థాయిలో విద్యార్థుల ఆదరణ పొందుతున్నాయి. బెంగళూరు, హైదరాబాద్‌ల్లో వివిధ జాతీయ, అంతర్జాతీయ సాఫ్ట్‌వేర్ సంస్థలు కార్యకలాపాలు నిర్వహిస్తున్నాయి. ఇవి సుశిక్షితులైన మానవ వనరులను తీర్చిదిద్దే క్రమంలో పలు కళాశాలలతో ఒప్పందాలు చేసుకుంటున్నాయి. దీనివల్ల విద్యార్థులకు ఉద్యోగ భరోసా లభిస్తోంది. తెలంగాణలో ఐఐటీ, ఐఐఐటీ, జవహర్‌లాల్ నెహ్రూ టెక్నలాజికల్ యూనివర్సిటీ, ఉస్మానియా యూనివర్సిటీ కాలేజ్ ఆఫ్ ఇంజనీరింగ్ - హైదరాబాద్, నిట్ - వరంగల్; ఆంధ్రప్రదేశ్‌లో జేఎన్‌టీయూ-కాకినాడ, అనంతపురం క్యాంపస్ కళాశాలలు, ఆంధ్రా యూనివర్సిటీ కాలేజ్ ఆఫ్ ఇంజనీరింగ్ వంటివి విద్యార్థులకు ముఖ్య గమ్యాలుగా నిలుస్తున్నాయి. తమిళనాడులో అన్నా యూనివర్సిటీ - చెన్నై, ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ డిజైన్ అండ్ మ్యానుఫ్యాక్చరింగ్  - కాంచీపురం కూడా ముఖ్యమైనవే.
  
 వెలుగులీనుతున్నవి ఇవే
  
 దశాబ్దాల చరిత్ర కలిగిన ఇన్‌స్టిట్యూట్‌లు ఉన్న నగరాలతోపాటు ఇటీవల కాలంలో దేశంలో టైర్-2, టైర్-3 పట్టణాలు కూడా విద్యార్థులను ఆకర్షిస్తున్నాయి. ఈ క్రమంలో నాగ్‌పూర్, అహ్మదాబాద్, చండీగఢ్, నోయిడా, గుర్గావ్, పుణె వంటివి ముందంజలో నిలుస్తున్నాయి. ప్రతి పది కళాశాలల్లో 2.25 శాతం కళాశాలలు టైర్ - 2 నగరాల్లో ఏర్పాటవుతున్నాయి. ఈ ప్రాంతాల్లో ఆర్ అండ్ డీ ఓరియెంటెడ్ ఇండస్ట్రీ డెవలప్‌మెంట్‌తోపాటు ఐటీ, ఐటీఈఎస్/ బీపీఓ సర్వీస్ ప్రొవైడింగ్ సంస్థల సంఖ్య క్రమేణా పెరుగుతోంది. ఈ సంస్థలు తమ సమీప ప్రాంతాల్లోని కళాశాలలతో ఒప్పందాలు చేసుకోవడం ద్వారా విద్యార్థులకు క్షేత్ర నైపుణ్యాలు, క్యాంపస్ ప్లేస్‌మెంట్స్ అందిస్తున్నాయి.
  
 సంస్థల కోణంలో ఇలా
  
 సంస్థలు కూడా తమ అవసరాలను తీర్చే మానవ వనరులు లభించే విషయంలో కొన్ని నగరాలను ప్రధాన కేంద్రాలుగా గుర్తించాయి. ఈ క్రమంలో బెంగళూరు, పుణె, హైదరాబాద్, ఢిల్లీ, చెన్నై, కోయంబత్తూరు, అహ్మదాబాద్, త్రివేండ్రంలు ముందు వరుసలో నిలుస్తున్నాయి. ప్రధానంగా తాజా ప్రతిభావంతుల విషయంలో ఈ నగరాల్లోని విద్యార్థులు బాగా రాణిస్తున్నారనే అభిప్రాయాలు నెలకొన్నాయి. ఈ ప్రాంతాల్లో ఐటీ, ఐటీఈఎస్ సంస్థల భాగస్వామ్యం అధికంగా కనిపిస్తోంది.
  
 తూర్పులో ప్రముఖ విద్యా సంస్థలు ఇవే
  
 తూర్పు భారత్‌లో.. ఐఐటీ-ఖరగ్‌పూర్, జాదవ్‌పూర్ యూనివర్సిటీ, ఎన్‌ఐటీ-రూర్కెలా, ఐఎస్‌ఎం-ధన్‌బాద్, ఎన్‌ఐటీ - దుర్గాపూర్.. ఇంజనీరింగ్ విద్యార్థులకు అత్యంత ఇష్టమైన గమ్యాలుగా నిలుస్తున్నాయి. ఇందుకు కారణం.. పరిశోధనలు, ప్లేస్‌మెంట్స్, మౌలిక సదుపాయాలు, మెరుగైన రవాణా సౌకర్యాలే. ఈ సిటీల్లో జీవన వ్యయం కూడా తక్కువగా ఉండటం విద్యార్థులకు కలిసొచ్చే అంశం.
  
 ఎన్‌ఐటీల్లోనూ.. కొన్నిటికే ప్రాధాన్యం
  
 నేషనల్ ఇన్‌స్టిట్యూట్ ఆఫ్ టెక్నాలజీ (ఎన్‌ఐటీ)ల విషయంలోనూ విద్యార్థులు కొన్ని ఎన్‌ఐటీలపైనే అధిక ఆసక్తి చూపుతున్నారు. మొత్తం 30 ఎన్‌ఐటీల్లో సూరత్‌కల్, తిరుచిరాపల్లి, కాలికట్, సూరత్, రాయ్‌పూర్, భోపాల్, అగర్తలా, అలహాబాద్, జైపూర్, కురుక్షేత్ర, నాగ్‌పూర్‌లు ముందంజలో నిలుస్తున్నాయి.
  
 ప్రాధాన్యతలు మారుతున్నాయి
  
 నేటి పోటీ ప్రపంచంలో విద్యార్థుల ప్రాధాన్యతలు మారుతున్నాయి. తమ నివాస ప్రాంతాలకు సమీపంలోని కళాశాలల్లోనే చేరాలనే ఆలోచన నుంచి బయటికొస్తున్నారు. దేశవ్యాప్తంగా ఉన్న కళాశాలలపై దృష్టి సారించి వాటిలో నాణ్యమైన కళాశాలల్లో ప్రవేశించడానికే మొగ్గు చూపుతున్నారు. ఒక విధంగా ఈ దృక్పథం ఆహ్వానించదగినదే. ఇన్‌స్టిట్యూట్‌ల కోణంలోనూ పోటీతత్వం పెంపొంది.. అవి.. నాణ్యమైన విద్యను అందించడంపై దృష్టి పెడతాయి. ఫలితంగా విద్యార్థులకు చక్కటి అవకాశాలు లభిస్తాయి.
  - బి. చెన్నకేశవరావు
  ప్రిన్సిపాల్, సీబీఐటీ, హైదరాబాద్
  
 అన్నింటిలో కొన్ని
 
 ఇప్పుడు దేశవ్యాప్తంగా వేల సంఖ్యలో ఇంజనీరింగ్ కళాశాలలు ఉన్నాయి. ప్రతిఏటా కొత్తగా వందల సంఖ్యలో మరిన్ని కళాశాలలు వస్తున్నాయి. అందుకే విద్యార్థులు, వారి తల్లిదండ్రులు ‘బెస్ట్ ఫ్రం మోస్ట్’ను కనుగొనాలి. అవి కొంత దూరమైనా చేరేందుకు వెనుకంజ వేయకూడదు. సొంత ఊరు కాకపోతే దేశంలో ఏ ప్రాంతమైనా ఒకటే అని గుర్తించాలి. ప్రభుత్వ రంగంలోని ఐఐటీలు, ఎన్‌ఐటీలతోపాటు.. ప్రైవేటు రంగంలోనూ దశాబ్దాల చరిత్ర కలిగి దేశవ్యాప్తంగా విద్యార్థుల ఆదరణ పొందుతున్న ఇన్‌స్టిట్యూట్‌లు ఎన్నో ఉన్నాయి. వీటిలో బిర్లా ఇన్‌స్టిట్యూట్ ఆఫ్ టెక్నాలజీ అండ్ సైన్‌‌స కూడా ఒకటి. అయితే విద్యార్థులు ఇతర రాష్ట్రాలు, ప్రాంతాల్లోని కళాశాలల్లో ప్రవేశించేటప్పుడు.. అక్కడి మౌలిక సదుపాయాలు, సంస్కృతి-సంప్రదాయాలపై అవగాహన పొందాలి. అప్పుడే ఎలాంటి ఇబ్బందులు లేకుండా రాణించగలరు.
  - ప్రొఫెసర్ వి.ఎస్.రావు
  డెరైక్టర్, బిట్స్ పిలానీ-హైదరాబాద్ క్యాంపస్
  
  పరిజ్ఞానానికి ప్రాధాన్యం
  విద్యార్థుల ముందు ఇప్పుడు ఎన్నో అవకాశాలు అందుబాటులో ఉన్నాయి. అద్భుతమైన ఫ్యాకల్టీ, ఆర్ అండ్ డీ ఒప్పందాలు, ప్లేస్‌మెంట్స్ చరిత్ర కలిగిన ఎన్నో ఇన్‌స్టిట్యూట్‌లు బీటెక్ కోర్సులు అందిస్తున్నాయి. విద్యార్థులు ఎక్కడ చేరినా.. పరిజ్ఞానం సొంతం చేసుకోవడానికే ప్రాధాన్యం ఇవ్వాలి. తాము చేరిన కళాశాలలోని సదుపాయాలన్నింటినీ సమర్థంగా సద్వినియోగం చేసుకుంటేనే సరైన నైపుణ్యాలు లభిస్తాయి.
  - ప్రొఫెసర్‌॥వి.ఎస్.ఎస్. కుమార్ ప్రిన్సిపాల్, ఓయూ కాలేజ్ ఆఫ్ ఇంజనీరింగ్
  
  ప్రైవేటు కళాశాలల్లో ప్రముఖమైనవి
 
  బీటెక్ ఔత్సాహిక విద్యార్థులు ఇన్‌స్టిట్యూట్‌ల ఎంపికలో ఎంతో అప్రమత్తంగా వ్యవహరిస్తున్నారు. ఈ క్రమంలో పేరొందిన ప్రైవేటు విద్యా సంస్థలపైనా దృష్టి సారిస్తున్నారు. ఈ నేపథ్యంలో విద్యార్థుల ఆదరణ పొందుతున్న ప్రముఖ ప్రైవేటు
  
  ఇంజనీరింగ్ విద్యా సంస్థలు..
  బిర్లా ఇన్‌స్టిట్యూట్ ఆఫ్ టెక్నాలజీ అండ్ సైన్‌‌స మూడు క్యాంపస్‌లు (పిలానీ, గోవా, హైదరాబాద్)
      
  ఎస్‌ఆర్‌ఎం యూనివర్సిటీ
      
  మణిపాల్ ఇన్‌స్టిట్యూట్ ఆఫ్ టెక్నాలజీ మణిపాల్
      
  అమిటీ యూనివర్సిటీ
      
  వెల్లూర్ ఇన్‌స్టిట్యూట్ ఆఫ్ టెక్నాలజీ
      
  బిర్లా ఇన్‌స్టిట్యూట్ ఆఫ్ టెక్నాలజీ - మెస్రా
      
  ఎంఎస్ రామయ్య ఇన్‌స్టిట్యూట్ ఆఫ్ టెక్నాలజీ - బెంగళూరు
  
  ఐఐటీల్లోనూ
 
 గతంలో ఐఐటీల్లో ప్రవేశం అంటే.. ‘క్యాంపస్ ఏది’ అనే ప్రస్తావన పెద్దగా వచ్చేది కాదు. కానీ ఇప్పుడు ఐఐటీ క్యాంపస్‌ల విషయంలో విద్యార్థులు ప్రాధాన్య జాబితా రూపొందించుకుంటున్నారు. ఆయా ఐఐటీల్లో చేపడుతున్న ఆర్ అండ్ డీ కార్యకలాపాలు, పీహెచ్‌డీ ఫ్యాకల్టీ సంఖ్య, ఇంటర్నేషనల్ ఎక్స్ఛేంజ్ ప్రోగ్రామ్స్, క్యాంపస్ ప్లేస్‌మెంట్స్ పరంగానూ విద్యార్థులు ప్రత్యేక శ్రద్ధతో వ్యవహరిస్తున్నారు. ఐఐటీల్లో క్యాంపస్ రిక్రూట్‌మెంట్స్ గ్యారంటీ. కానీ ఎలాంటి  కంపెనీలు ప్లేస్‌మెంట్స్‌లో పాల్గొంటున్నాయి అనే అంశం కూడా ప్రముఖంగా నిలుస్తోంది. ఐఐటీ- ముంబై, ఢిల్లీ, కాన్పూర్, ఖరగ్‌పూర్, మద్రాస్, గువహటి, రూర్కీలు ఎక్కువమంది విద్యార్థుల ఆదరణ పొందుతున్నాయి. ఇవే కాకుండా 2008 నుంచి కొత్తగా ఏర్పాటైన ఐఐటీ క్యాంపస్‌లలో హైదరాబాద్, భువనేశ్వర్, గాంధీనగర్ క్యాంపస్‌ల పట్ల విద్యార్థులు ఎక్కువ ఆసక్తి చూపుతున్నారు. ఈ క్యాంపస్‌లలో సగటున 95 శాతం క్యాంపస్ ప్లేస్‌మెంట్ రికార్డ్ నమోదు కాగా.. ఆర్ అండ్ డీ విషయంలోనూ ప్రతి ఏటా సగటున 13 నుంచి 17 మధ్యలో వృద్ధి నమోదు అవుతోంది. ఫలితంగా విద్యార్థులకు గ్రాడ్యుయేషన్ స్థాయిలోనే క్షేత్ర నైపుణ్యాలు లభించడంతోపాటు, ఇండస్ట్రీ ఇంటరాక్షన్‌కు అత్యధిక ఆస్కారం లభిస్తోంది.
  


 జలంధర్: పంజాబ్‌లోని లవ్లీ ప్రొఫెషనల్ యూనివర్సిటీ (ఎల్‌పీయూ)లో ఈ ఏడాది భారీ ఎత్తున క్యాంపస్ రిక్రూట్‌మెంట్లు జరిగాయి. 150కిపైగా ప్రముఖ జాతీయ, అంతర్జాతీయ సంస్థలతో పాటు దాదాపు 300 కంపెనీలు ఎల్‌పీయూ విద్యార్థులకు ఉద్యోగావకాశాలు కల్పించాయి. కాగ్నిజెంట్, హెచ్‌సీఎల్ టెక్నాలజీస్, ఐబీఎం, హెచ్‌పీ, టీసీఎస్, వొడాఫోన్ వంటి గ్లోబల్ కంపెనీలతో పాటు ఈసారి కొత్తగా అనేక సంస్థలు ఎల్‌పీయూలో రిక్రూట్‌మెంట్లు నిర్వహించాయి. ఐటీ, కన్సల్టెన్సీ, బ్యాంకింగ్, ఫైనాన్స్, ఇంజనీరింగ్, ఫ్యాషన్ టెక్నాలజీ, ఆర్కిటెక్చర్, ఫార్మా, రిటైల్, హోటల్ మేనేజ్‌మెంట్ వంటి రంగాలకు సంబంధించిన ప్రఖ్యాత కంపెనీల్లో ఉద్యోగాలు పొందారు.


 హన్మకొండ చౌరస్తా, న్యూస్‌లైన్ : అరవై ఏళ్ల స్వప్నం సాకారమైన సుదినాన్ని పురస్కరించుకుని కలెక్టర్ కిషన్ సారథ్యంలో జూన్ 1 నుంచి 3వ తేదీ వరకు నిర్వహించనున్న తెలంగాణ ఉత్సవాల్లో అన్ని వర్గాల ప్రజలు కలిసి రావాలని తెలంగాణ ఉద్యోగుల జేఏసీ చైర్మన్ పరిటాల సుబ్బారావు కోరారు. హన్మకొండలోని టీఎన్జీఓఎస్ భవన్‌లో ఉద్యోగ, టీఎన్జీఓ నేతలతో కలిసి శనివారం ఏర్పాటు చేసిన విలేకరుల సమావేశంలో ఆయన మాట్లాడారు. తెలంగాణ ముద్దు బిడ్డ కలెక్టర్ కిషన్ ఆధ్వర్యంలో జిల్లాలో ఉత్సవాలను నిర్వహించడం సంతోషంగా ఉందన్నారు.
 
 ఉత్సవాల్లో భాగంగా నిట్ క్యాంపస్ నుంచి కాళోజీ సెంటర్ వరకు కార్నివాల్ నిర్వహించనున్నట్లు తెలిపారు. ఆర్ట్స్ కాలేజీ,  డీఐజీ బంగ్లా, అదాలత్, కాళోజీ స ర్కిల్, కలెక్టరేట్ ప్రధాన ద్వారం వద్ద ఐదు స్టేజీలు ఉంటాయని, ఇక్కడ ఫుడ్ స్టాల్స్ ఏర్పాటు చేయడంతోపాటు విద్యుత్ దీపాలతో నగరాన్ని ముస్తాబు చేయనున్నట్లు వెల్లడించారు. 32 అడుగుల ఎత్తులో అత్యంత వైభవంగా నిర్మించిన తెలంగాణ అమరవీరుల కీర్తి స్థూపాన్ని జూన్ 1... అర్ధరాత్రి 12 గంటలకు ఆవిష్కరించనున్నట్లు వివరించారు.
 
 రెండో తేదీన  తెలంగాణ డెవలప్‌మెంట్ అనే నినాదంతో కలెక్టరేట్ నుంచి వడ్డేపల్లి చెరువు వరకు ర్యాలీ (రన్) నిర్వహిస్తామన్నారు. ఉత్సవాల నిర్వహణకు కలెక్టర్ చైర్మన్‌గా ఏర్పాటైనఓరుగల్లు సేవా సమితికి 18 వేల మంది ఉద్యోగులు వారి ఒక రోజు వేతనంలో సగాన్ని అందజేయనున్నట్లు తెలిపారు. ఉన్నత లక్ష్యంతో ఏర్పాటైన సేవా సమితి ద్వారా చేపట్టే సంక్షేమ కార్యక్రమాల్లో ఉద్యోగులు ఎప్పడూ ముందుంటారన్నారు.
 
 పండుగ వాతావరణాన్ని మైమరిపించేలా అధిక సంఖ్యలో ప్రజలు ఉత్సవాలకు హాజరు కావాలని విజ్ఞప్తి చేశారు. సమావేశంలో టీజీఓ జిల్లా సెక్రటరీ జగన్మోహన్, టీఎన్జీఓస్ జిల్లా అధ్యక్షుడు కోల రాజేష్, రత్నవీరాచారి, రత్నాకర్‌రెడ్డి, రామ్‌కిషన్, సోమయ్య, విజయలక్ష్మి, సాదుల ప్రసాద్, రమేష్, వెంకటేశ్, షేక్‌హుస్సేన్, సామ్యూల్, ప్రేమలత తదితరులు పాల్గొన్నారు.


  3 కళాశాలలు
  రాష్ట్రంలో మూడు ట్రిపుల్‌ఐటీ కళాశాలలు ఉన్నాయి. ఆదిలాబాద్ జిల్లా బాసర, కృష్ణా జిల్లా నూజివీడు, కడప జిల్లా ఇడుపులపాయలో ఏర్పాటు చేశారు. వీటిని 2008 సంవత్సరంలో ప్రారంభించారు. ఇవి రాజీవ్‌గాంధీ వైజ్ఞానిక సాంకేతిక విశ్వవిద్యాలయం పరిధిలో పని చేస్తాయి. ఈ విద్యా సంవత్సరంలో తొలి ప్రయత్నంలోనే పదో తరగతి ఉత్తీర్ణులైన విద్యార్థులు దరఖాస్తు చేసుకునేందుకు అర్హులు. ప్రస్తుతం తెలంగాణ ఏర్పడిన నేపథ్యంలో సీమాంధ్ర ప్రాంతంలో రెండు, తెలంగాణ ప్రాంతంలో ఏకైక ట్రిపుల్‌ఐటీ మిగలనుంది. విభజనకు ముందే నోటిఫికేషన్ జారీ చేసిన ఆర్‌జీయూకేటీ 3 వేల మంది విద్యార్థుల ప్రవేశాలకు కలిపి ఒకే చోట దరఖాస్తులను ఆహ్వానిస్తోంది.
  
   దరఖాస్తు
  http:///admissions2014.rgukt.in సైట్  ద్వారా అభ్యర్థి నేరుగా దరఖాస్తు చేసుకోవచ్చు. ఆన్‌లైన్ ద్వారా నమోదు చేసిన దరఖాస్తు పత్రం ప్రింట్ ప్రతిని తీసుకోవాలి. దానిని డీడీ లేదా చలానా లేదా ఏపీ ఆన్‌లైన్‌లో చెల్లించిన రూ.150 రశీదు ఒరిజినల్ ప్రతికి అభ్యర్థుల విద్యా ధ్రువీకరణ పత్రాలు జత చేయాలి. వాటినిరిజిస్టార్, ఆర్‌జేయూకేటీ, వింధ్య సీ-4, గచ్చీబౌలి, హైదరాబాద్-500032 చిరునామాకు రిజిస్టరు పోస్టు గానీ స్పీడ్ పోస్టు ద్వారా గానీ పంపించాలి. 21-05-2014 నుంచి 16-06-2014 వరకు దరఖాస్తులు పంపవచ్చు.
  
   ప్రాంగణ నియామకాలు
  2008లో నెలకొల్పిన బాసర ట్రిపుల్‌ఐటీలో 2014  చివరి బ్యాచ్‌కు మొదటి ప్రాంగణ నియామకాలు జరిగాయి. కార్పొరేట్ కంపెనీలు ట్రిపుల్‌ఐటీకే చేరుకొని ప్రతిభ ఉన్న విద్యార్థులను సెలెక్ట్ చేసుకుని కొలువులు అందించాయి. చదువుపై ఆసక్తి ఉండి ఆరేళ్ల కోర్సు పూర్తి కాగానే యూనివర్సిటీ నేరుగా క్యాంపస్ నియామకాల కోసం కంపెనీలను ఆహ్వానిస్తుంది. కంపెనీలు వచ్చి ప్రతిభ గల విద్యార్థులకు కొలువులు అందిస్తున్నాయి.
  
    ఎంపిక ప్రక్రియ  
  గతంలో మూడు ట్రిపుల్ ఐటీలకు కలిపి ఆరువేల మంది విద్యార్థులకు ప్రవేశం కల్పించేవారు. రెం డేళ్లుగా ఒక్కో కళాశాలలో 1000 మందికే ప్రవేశం కల్పిస్తున్నారు. అంటే రాష్ట్రవ్యాప్తంగా మూడు వేల మంది విద్యార్థులకు ట్రిపుల్ ఐటీల్లో చేరే అవకాశం ఉంటుంది. ఉస్మానియా, ఆంధ్రా, శ్రీ వెంకటేశ్వర విశ్వవిద్యాలయాలను రీజియన్లుగా విభజించి ఒక్కో రీజియన్‌కు 42:36:22 నిష్పత్తిలో సీ ట్లు కేటాయిస్తారు. 85 శాతం స్థానాలను సంబంధిత విశ్వవిద్యాలయం రీ జియన్ పరిధిలోని స్థానిక విద్యార్థులకు కేటాయిస్తారు. మిగతా 15 శాతం స్థానాలను ఓపెన్ విభాగంలో భర్తీ చేస్తారు. పదో తరగతిలో సాధించిన గ్రేడ్‌పాయింట్(జీపీఏ)ల ఆధారంగా ఎంపిక జరుగుతుంది. రిజర్వేషన్ కేట గిరీ విద్యార్థులకు నిబంధనల మేరకు నిర్ధిష్ట సంఖ్యలో స్థానాలు కేటాయిస్తారు.
 
  ప్రభుత్వ, ప్రైవేటు పాఠశాలల్లో చదివిన విద్యార్థులు దరఖాస్తు చేసుకోవచ్చు. ప్రభుత్వ పాఠశాల విద్యార్థులకు వెనుకబాటు కింద 0.4 జీపీఏ అదనంగా కలుపుతారు. ప్రభుత్వ రెసిడెన్షియల్ పాఠశాలల్లో చదివిన వారికి వెనుకబాటు సూచీ పాయింట్లు కలుపరు. జీపీఏ సమానంగా ఉంటే.. ఆ విద్యార్థులకు జీపీఏ సమానంగా ఉంటే గ్రేడ్‌పాయింట్ల ఆధారంగా విద్యార్థులను ఎంపి క చేస్తారు. సమానంగా పాయింట్లు ఉన్న విద్యార్థులు వేల సంఖ్యలో ఉన్నప్పుడు గణితంలో ఎక్కువ మార్కులు ఉన్న వారికే మొదటి ప్రాధాన్యం ఇస్తారు. గణితంలోనూ సమాన జీపీఏ ఉంటే భౌతికశాస్త్రం.. అందులోనూ సమానంగా వస్తే రసాయనశాస్త్రం.. అందులోనూ అదే విధానం కనిపిస్తే ఇంగ్లిష్ మార్కులను పరిగణలోకి తీసుకుంటారు. ఇలాంటప్పుడు కూడా ఎక్కువ మంది విద్యార్థులు సమానంగా ఉంటే పుట్టిన తేదీ ఆధారంగా ఎక్కువ వయసు ఉన్న వారికి తొలి ప్రాధాన్యాన్నిస్తూ ప్రవేశం కల్పిస్తారు.
  
  బోధన రుసుము
  తక్కువ ఆదాయం ఉన్న పేద విద్యార్థులకు కార్పొరేట్ స్థాయి ఇంజినీరింగ్ విద్యను అందించాలన్న సదుద్దేశంతో దివంగత ముఖ్యమంత్రి వైఎస్ రాజశేఖరరెడ్డి ట్రిపుల్‌ఐటీలను నెలకొల్పారు. ట్రిపుల్ ఐటీల్లో కుటుంబ ఆదాయం రూ.లక్ష లోపు ఉన్న వారందరికీ బోధన, వసతికి ఎలాంటి రుసుము చెల్లించాల్సిన అవసరం ఉండదు. లక్ష రూపాయల లోపు ఆదాయం ఉన్న అన్ని సామాజిక వర్గాల వారికి ఈ విధానం వర్తిస్తుంది. తక్కువ ఆదాయం ఉన్న వారంతా రూ.3వేల కాశన్ డిపాజిట్ చెల్లిస్తే ఇది కూడా కోర్సు పూర్తయ్యాక తిరిగి ఇచ్చేస్తారు. కుటుంబ వార్షిక ఆదాయం రూ.లక్షకు పెరిగితే రూ.36 వేల బోధన రుసుము చెల్లించాల్సి ఉంటుంది.
  
   ప్రవేశం తర్వాత...
  ట్రిపుల్ ఐటీల్లో ప్రవేశం తర్వాత విద్యార్థులు ఆరేళ్ల కోర్సు పూర్తి చేయాల్సి ఉంటుంది. మొదటి రెండేళ్లు పీయూసీ కోర్సు చదవాలి. ఈ కోర్సు ఇంటర్మీడియట్‌తో సమానం. రెండేళ్ల కోర్సు పూర్తయ్యాక ఇతర అవకాశాలు వస్తే విద్యార్థులు బయటకు వెళ్లిపోయే అవకాశం ఉంటుంది. ఈ విద్యార్థులకు పీయూసీ ఉత్తీర్ణత పత్రాన్ని కళాశాల అధికారులు అందజేస్తారు. పీయూసీ తర్వాత నాలుగేళ్ల ఇంజినీరింగ్ కోర్సు ఉంటుంది. ఆరు సంవత్సరాల ఇంటిగ్రేటెడ్ బీటెక్ ట్రిపుల్ ఐటీల ప్రధాన లక్ష్యం కావడంతో విద్యార్థులంతా ఆరేళ్ల కోర్సు ఇక్కడే పూర్తి చేసేందుకు మొగ్గుచూపుతారు.
  
   కోర్సుల ఎంపిక ఇలా...
  ట్రిపుల్ ఐటీల్లో చేరిన విద్యార్థులకు మొదటి రెండేళ్ల పీయూసీ మార్కులే బీటెక్ కోర్సుల కేటాయింపునకు కీలకం అవుతాయి. కళాశాలలో చేరిన విద్యార్థులు మొదటి నుంచే చదువుపై దృష్టిసారించాలి. పాఠశాల స్థాయి దాటాక ట్రిపుల్ ఐటీల్లో చేరే విద్యార్థులకు పరీక్షలు సెమిస్టర్ విధానంలో ఉంటాయి. రెండేళ్ల పీయూసీ శ్రద్ధగా చదివి మంచి మార్కులు సాధిస్తే ఉత్తమ కోర్సులు చదివే అవకాశం ఉంటుంది. ఇక మూడో సంవత్సరం బీటెక్‌లో విద్యార్థులందరికీ ఒకే కోర్సు ఉంటుంది. రెండేళ్ల పీయూసీ పూర్తయ్యాక మూడో సంవత్సరం బీటెక్ ఆఖరులో కోర్సుల ఆప్షన్లను ఎంచుకోవచ్చు.
 
 ఇంజినీరింగ్ విభాగంలో సివిల్, కెమికల్, కంప్యూటర్ సైన్స్, ఈసీఈ, మెటలార్జికల్ అండ్ మెటీరియల్ సైన్స్ కోర్సులు మూడు ట్రిపుల్‌ఐటీల్లో అందుబాటులో ఉన్నాయి. ఈ ఆరింటిలో ఎక్కువ డిమాండ్ ఉన్న కోర్సుల్లో సీటు కోసం మార్కులను పరిగణలోకి తీసుకోవాలి. బీటెక్ చదివే విద్యార్థులు తప్పనిసరిగా మైనర్ సబ్జెక్టును ఎంపిక చేసుకోవాల్సి ఉంటుంది. ఈ కోర్సుతో పాటు మైనర్ సబ్జెక్టు కింద సంగీతం, నృత్యం, హ్యుమానిటీస్, గణితం, ఇంజినీరింగ్ సైన్స్ వంటివి ఎంచుకోవాలి. మేజర్ డిగ్రీతోపాటు అదనంగా విశ్వవిద్యాలయం ఈ మైనర్ డిగ్రీని ప్రదానం చేస్తుంది.


 క్యాంపస్ ప్లేస్‌మెంట్లలో 12 మందికి రూ. కోటికి పైగా జీతం
  కాన్పూర్: ప్రతిష్టాత్మక కాన్పూర్ ఐఐటీకి చెందిన 12 మంది విద్యార్థులు జాక్‌పాట్ కొట్టారు. క్యాంపస్ ప్లేస్ మెంట్ డ్రైవ్‌లో ఎంపికైన వీరు ఏడాదికి కోటి రూపాలయలకు పైగా జీతం అందుకోనున్నారు. ఐటీ జెయింట్లు ఒరాకిల్ రూ. 1.3 కోట్లతో ముగ్గురిని, గూగుల్ రూ. 1 కోటితో ఆరుగురిని ఎంపిక చేసుకున్నాయి. రూ. కోటి జీతంలో లింక్డిన్ ఇద్దర్ని, టవర్ రీసెర్చ్ సంస్థ ఒకర్ని ఎంపిక చేశాయని ఐఐటీ ఉన్నతాధికారి ఒకరు చెప్పారు. 250 కంపెనీలు ఈ డ్రైవ్‌లో పాల్గొనాల్సి ఉండగా.. ప్రస్తుతం 90 కంపెనీలే వచ్చాయని, అన్ని పూర్తయిన తర్వాత రూ. కోటి జీతం దక్కించుకునే వారి సంఖ్య మరింత పెరుగుతుందని ఆయన ఆశాభావం వ్యక్తం చేశారు.
  
  కాగా, రూ. 50 లక్షల నుంచి రూ. 75 లక్షల మధ్య జీతం దక్కించుకున్న వారి సంఖ్య  డజన్లలో ఉందని ఆయన వెల్లడించారు. డ్రైవ్‌లో పాల్గొన్న కంపెనీల్లో 50 అంతర్జాతీయ, 40 దేశీయ కంపెనీలు ఉన్నాయని తెలిపారు. వీటిలో మైక్రోసాఫ్ట్, సోనీ, సాంసంగ్, హెచ్‌ఎస్‌బీసీ, టాటా, ఐటీసీ, హీరో మోటార్స్ తదితర ప్రఖ్యాతి పొందిన సంస్థలున్నాయన్నారు. ఆదివారం ప్రారంభమైన ఈ డ్రైవ్.. ఈ నెల 22 వరకూ కొనసాగుతుందని వెల్లడించారు.
  


 బెంగళూరు: సాఫ్ట్‌వేర్ దిగ్గజం టాటా కన్సల్టెన్సీ సర్వీసెస్(టీసీఎస్) సంస్థ క్యాంపస్ రిక్రూట్‌మెంట్ల ద్వారా 25 వేల ఉద్యోగాలివ్వనున్నది. వచ్చే ఏడాది ఫిబ్రవరి కల్లా క్యాంపస్ రిక్రూట్‌మెంట్స్ ద్వారా 25 వేలమందికి ఉద్యోగాలివ్వగలమని టీసీఎస్ అంచనా వేస్తోంది. దీనికి సంబంధించిన ప్రక్రియను ఇప్పటికే మొదలు పెట్టామని కంపెనీ ఈవీపీ అండ్ గ్లోబల్ హెడ్ (హ్యూమన్ రిసోర్సెస్) అజోయ్ ముఖర్జీ చెప్పారు. వివిధ ఇంజనీరింగ్ కాలేజీల్లో ఈ క్యాంపస్ రిక్రూట్‌మెంట్ ప్రక్రియను ప్రారంభించామని పేర్కొన్నారు. ఈ క్యాంపస్ రిక్రూట్‌మెంట్ల ద్వారా ఎంపికైన అభ్యర్థులు జూలై నుంచి ఉద్యోగాలు చేస్తారని వివరించారు. ఈ ఆర్థిక సంవత్సరంలో క్యాంపస్ రిక్రూట్‌మెంట్ల ద్వారా 50 వేల మందికి ఉద్యోగాలివ్వాలని లక్ష్యంగా పెట్టుకున్నామని, దీన్ని సాధించగలమన్నారు. ఈ సంఖ్య పెంపు/తగ్గింపుపై త్వరలోనే సమీక్షిస్తామని తెలిపారు.
  
  ఆట్రీషన్ తక్కువ..: చాలా కంపెనీల్లాగా తాము ఉద్యోగాలివ్వడాన్ని వాయిదా వేయబోమని చెప్పారు. ఏ ఆర్థిక సంవత్సరంలో నియామకాలు నిర్వహిస్తామో, అదే ఆర్థిక సంవత్సరంలో ఉద్యోగాలిస్తామని అజోయ్ ముఖర్జీ వివరించారు. ట్రైనీలుగా చేరేవారికి ఏడాదికి రూ.3.15-3.25 లక్షల వేతనం ఇస్తామని తెలిపారు. గత నాలుగేళ్లుగా ఫ్రెషర్స్‌కు ఇదే స్థాయిలో  వేతనాలిస్తున్నామని, దీన్ని మార్చితే మొత్తం వేతన విధానాన్ని సమూలంగా మార్చాల్సి వస్తుందని వివరించారు. ఆట్రీషన్(ఉద్యోగుల వలస) తమ కంపెనీలో తక్కువగా ఉందని, కంపెనీని వదిలిపోకుండా ఉన్న  ఉద్యోగుల సంఖ్య విషయంలో తామే అగ్రస్థానంలో ఉన్నామని వివరించారు. మార్కెట్ మొత్తం అస్తవ్యస్తంగా ఉండడం, డిమాండ్ కూడా తక్కువగా ఉండడం దీనికి ప్రధాన కారణాలని పేర్కొన్నారు.


 ఇంజనీరింగ్.. విద్యార్థుల కల క్యాంపస్ ప్లేస్‌మెంట్స్ ద్వారా ఉద్యోగం సాధించడం! క్యాంపస్ ప్లేస్‌మెంట్స్ ద్వారా ఉద్యోగం లభించకుంటే.. ఇక అంతేనా..! మైక్రోసాప్ట్, గూగుల్, ఇన్ఫోసిస్, టీసీఎస్, విప్రో వంటి కంపెనీల్లో జాబ్ కలలు, క ల్లలేనా అంటే..!! కచ్చితంగా కాదంటున్నారు.. నిపుణులు! ఆఫ్ క్యాంపస్ రిక్రూట్‌మెంట్ ద్వారా మైక్రోసాఫ్ట్ వంటి టాప్ కంపెనీల్లో ఉద్యోగాలు సొంతం చేసుకున్నవారు ఉన్నారు!! క్యాంపస్ ప్లేస్‌మెంట్స్‌లో ఉద్యోగం లభించని ఇంజనీరింగ్ విద్యార్థులు ఆఫ్ క్యాంపస్ ద్వారా టాప్ కంపెనీల్లో ఉద్యోగం సొంతం చేసుకోవడానికి మార్గాలేమిటో ఇప్పుడు చూద్దాం..!!
  
  
  రమేష్ సిద్ధవటం,
  ప్లేస్‌మెంట్ మేనేజర్, బిట్స్ పిలానీ-హైదరాబాద్ క్యాంపస్.
  
  క్యాంపస్ ప్లేస్‌మెంట్స్‌తో పోల్చినప్పుడు ఆఫ్ క్యాంపస్ రిక్రూట్‌మెంట్ ప్రక్రియ కఠినంగా ఉంటుంది. పోటీ తీవ్రంగా ఉంటుంది. క్యాంపస్ ప్లేస్‌మెంట్స్‌లో సదరు కంపెనీ ఏ కాలేజీకి వెళ్తుందో.. ఆ కాలేజీ విద్యార్థులు మాత్రమే పాల్గొంటారు. కాబట్టి పోటీ తక్కువ. కాని, ఆఫ్ క్యాంపస్ రిక్రూట్‌మెంట్‌లో పోస్టులు పరిమితమైతే.. పోటీమాత్రం తీవ్రంగా ఉంటుంది. కాబట్టి ఆఫ్ క్యాంపస్ ద్వారా ఉద్యోగం పొందాలనుకునే ఇంజనీరింగ్ విద్యార్థి.. పోటీకి తగ్గట్టు ప్రతిభను ప్రద ర్శించేందుకు సిద్ధంగా ఉండాలి. ఆ స్థాయిలో ప్రిపరేషన్ కొనసాగించాలి.
  
 ఆఫ్ క్యాంపస్ జాబ్.. మార్గాలివిగో..
  
  ఆఫ్ క్యాంపస్ డ్రైవ్స్:
  క్యాంపస్ ప్లేస్‌మెంట్స్ లేని విద్యార్థులకు చక్కని అవకాశం ఆఫ్ క్యాంపస్ డ్రైవ్స్. సర్వీసింగ్ కంపెనీలు, ప్రొడక్ట్ డెవలప్‌మెంట్ కంపెనీలు ఈ పద్ధతిలో ఎక్కువగా ఉద్యోగులను నియమించుకుంటాయి. కొన్ని కోర్ ఇంజనీరింగ్ కంపెనీలు కేవలం ఆఫ్ క్యాంపస్ డ్రైవ్‌ల ద్వారానే ఉద్యోగులను రిక్రూట్ చేసుకునే విధానాన్ని అనుసరిస్తున్నాయి. ఈ నేపథ్యంలో క్యాంపస్ ప్లేస్‌మెంట్స్ సదుపాయం లేని విద్యార్థులు ఆయా కంపెనీల వెబ్‌సైట్లలోని కెరీర్ పేజ్ ద్వారా కూడా ఉద్యోగం కోసం దరఖాస్తు చేసుకోవచ్చు. వచ్చిన దరఖాస్తులను పరిశీలించి ఆయా కంపెనీలు ఇంటర్వ్యూకు పిలుస్తాయి.
  
  కోర్ కంపెనీలు కూడా కెరీర్ పోర్టల్స్ ద్వారా దరఖాస్తు చేసుకున్న విద్యార్థులను ఇంటర్వ్యూలకు ఆహ్వానిస్తున్నాయి. ఇటువంటి 100 దరఖాస్తుల్లోంచి దాదాపు 70 మంది విద్యార్థులకు కంపెనీలు ఇంటర్వ్యూ అవకాశం కల్పిస్తున్నాయి. చాలా మంది ప్రతిభావంతులు ఈ విధానం ద్వారా వెలుగులోకి వస్తుండడంతో ఈ తరహా పద్ధతికి కంపెనీలు ప్రాధాన్యతిస్తున్నాయి. ఈ విధానం ద్వారా పెద్ద సంఖ్యలోనే ఉద్యోగులను రిక్రూట్ చేసుకుంటున్నాయి.
  
  ఇటువంటి ఆఫ్ క్యాంపస్ డ్రైవ్‌లను కంపెనీలు సాధారణంగా ఫిబ్రవరి నుంచి ఏప్రిల్ మధ్య నిర్వహిస్తాయి. ఈ విధానంలో ఉద్యోగం సాధించే క్రమంలో విద్యార్థులు ముందుగా చేయాల్సింది.. టాప్ పది కంపెనీలను షార్ట్‌లిస్ట్ చేసుకోవాలి. ఆయా కంపెనీలకు సంబంధించిన కెరీర్ పేజ్‌ను ఎప్పుడూ పరిశీలిస్తూ ఉండాలి. ఆన్‌లైన్ రిజిస్ట్రేషన్ ద్వారా ఆ కంపెనీకి రెజ్యూమెను పంపాలి. స్నేహితులు, వివిధ సోర్సెస్ ద్వారా ఆయా కంపెనీల రిక్రూట్‌మెంట్ విధానంపై అవగాహన ఏర్పర్చుకోవాలి. అందుకు తగ్గట్టుగా ప్రిపరేషన్ సాగించాలి.
  
  
 కాంపిటీషన్స్ టు జాబ్:
  వివిధ రకాల టెక్నికల్ కాంపిటీషన్స్ కూడా ఆఫ్ క్యాంపస్ పద్ధతిలో ఉద్యోగ సాధనకు దోహదం చేస్తాయి. ప్రస్తుతం వివిధ వేదికలపై ట్రేడింగ్ కాంపిటీషన్స్, వెబ్ బేస్డ్ కాంపిటీషన్స్, కోడింగ్ కాంపిటీషన్స్ వంటి టెక్నికల్ పోటీలను వివిధ సంస్థలు నిర్వహించడం జరుగుతుంది. వీటిల్లో ప్రపంచవ్యాప్తంగా ఉండే ఇంజనీరింగ్ విద్యార్థులకు పాల్గొనే అవకాశం ఉంటుంది. తద్వారా మీ ప్రతిభను ప్రపంచానికి చాటేందుకు చక్కని వేదికగా ఈ తరహా పోటీలు ఉపయోగపడతాయి. ఇక్కడ ఇంకొక సదుపాయం ఉంది.. ఆది ప్రతిభను అన్వేషిస్తూ వివిధ కంపెనీల ప్రతినిధులు ఈ తరహా ఈవెంట్లకు హాజరవుతుంటారు.
  
  అందులో పాల్గొనే విద్యార్థుల ప్రతిభను గమనిస్తూంటారు. కాబట్టి మీ ప్రతిభతో వారిని ఆకట్టుకుని జాబ్‌ను సొంతం చేసుకునే అవకాశం కూడా లభిస్తుంది. ఇంకో కీలకమైన విషయం.. కొంత మంది విద్యార్థులు రాత పరీక్షల్లో విఫలమైనా.. ఇంటర్వ్యూల్లో గట్టెక్కే ప్రతిభను కలిగి ఉంటారు. అటువంటి విద్యార్థులకు ఈ తరహా ఈవెంట్లు చక్కగా సరిపోతాయి. ఈ తరహా ఈవెంట్లలో టాప్-50లో నిలిచిన విద్యార్థులకు ఇంటర్వ్యూ అవకాశం కల్పిస్తారు. దీనికి సంబంధించిన రిక్రూట్‌మెంట్ సైకిల్ ఆగస్టులో ప్రారంభమై జనవరిలో ముగుస్తుంది. ఇటువంటి కాంపిటీషన్స్ కారణంగా కంపెనీలు క్యాంపస్ ప్లేస్‌మెంట్స్ కంటే ముందే విద్యార్థులకు అవకాశం కల్పిస్తుండడం గమనించాల్సిన అంశం.
  
  మరో అవకాశం ఆన్‌లైన్ ట్రేడింగ్ కాంపిటీషన్స్. వీటిని కొన్ని బ్రాండెడ్ కంపెనీలు నిర్వహిస్తాయి. ఇందులో చదివిన బ్రాంచ్‌తో నిమిత్తం లేకుండా విద్యార్థులందరూ పాల్గొనవచ్చు. మెరుగైన స్కోర్ చేసిన వారందరికి ఇంటర్వ్యూ అవకాశం కల్పిస్తారు. కొన్ని ప్రొడక్ట్ డెవలప్‌మెంట్ లేదా సర్వీస్ కంపెనీలు ప్రతిభావంతులను గుర్తించే లక్ష్యంతో అప్లికేషన్ డెవలప్‌మెంట్ ఫెస్టివల్స్ పేరిట పోటీలను నిర్వహిస్తాయి. ఇందులో మెరుగైన ప్రతిభను చూపిన వారికి ఎటువంటి రాత పరీక్ష నిర్వహించకుండానే నేరుగా టెక్నికల్/పర్సనల్ ఇంటర్వ్యూలకు పిలుస్తాయి. ఈ నేపథ్యంలో విద్యార్థులు..వివిధ కంపెనీలు, కెరీర్ వెబ్‌సైట్స్, టెక్నికల్ క్లబ్‌లు నిర్వహించే టెక్నికల్ కాంపిటీషన్స్‌లో పేరును రిజిస్ట్రేషన్ చేసుకోవాలి. సబ్జెక్ట్‌లోని ప్రాథమికాంశాలపై పట్టు సాధించండి. కోడింగ్, టెస్టింగ్, కోర్ టెక్నికల్ కాంపిటీషన్స్‌లో పాల్గొనే విధంగా టెక్నికల్ నాలెడ్జ్‌ను పెంపొందించుకోవాలి.
  
  స్పెషల్ రిక్రూట్‌మెంట్ డ్రైవ్:
  సాధారణంగా క్యాంపస్ డ్రైవ్ ఆగస్టులో ప్రారంభమై డిసెంబర్ లేదా జనవరిలో ముగుస్తుంది. దీని తర్వాత కంపెనీలు తమ నియామక విధానాలను సమీక్షించుకుంటాయి. వారు ఆశించిన మేర హైరింగ్ ట్రెండ్ లేకపోతే ఆఫ్ క్యాంపస్ డ్రైవ్ పద్ధతిలో రిక్రూట్‌మెంట్ కోసం సన్నాహాలను ప్రారంభిస్తాయి. ఈ ప్రక్రియలో కంపెనీలు స్వయంగా క్యాంపస్ డ్రైవ్ చేపట్టని కాలేజీలను ప్రాంతాల వారీగా ఎంపిక చేసుకుంటాయి. ఈ విధానంలో విద్యార్థులకు రాత పరీక్ష, ఇంటర్వ్యూ నిర్వహించి జాబ్‌ను ఆఫర్ చేస్తాయి. క్యాంపస్ ప్లేస్‌మెంట్స్ కాకుండా ప్రొడక్ట్ డెవలప్‌మెంట్ కంపెనీలు, సర్వీస్ కంపెనీలు, కోర్ ఇంజనీరింగ్ కంపెనీలు.. ఫ్రెష్ ఇంజనీరింగ్ విద్యార్థుల కోసం స్పెషల్ రిక్రూట్‌మెంట్ డ్రైవ్‌లను నిర్వహిస్తాయి. కొన్ని కంపెనీలు కేవలం ఇంటర్న్‌షిప్ ఆధారంగా మాత్రమే ఉద్యోగులను రిక్రూట్ చేసుకుంటాయి. ఆయా కంపెనీలు నిర్వహించే వ్యాపారం, తయారు చేసే ఉత్పత్తులు, అనుసరించే విధానాలనే ఇందుకు కారణంగా పేర్కొనవచ్చు. ఈ తరహా కంపెనీల కోసం కెరీర్ వెబ్‌సైట్స్ ద్వారా మాత్రమే దరఖాస్తు చేసుకోవాలి.
  
  పూల్ క్యాంపస్ డ్రైవ్:
  ఆఫ్ క్యాంపస్ మోడల్ ఉద్యోగ సాధనకు మరో అవకాశం.. ‘పూల్ క్యాంపస్ డ్రైవ్’. ముఖ్యంగా ఐటీ కంపెనీలు ఈ విధానంలో నియామక ప్రక్రియను చేపడతాయి. ఈ ప్రక్రియలో ఒక కాలేజీ లేదా ఇన్‌స్టిట్యూట్ వేదికగా చేసుకుని దరఖాస్తులను ఆహ్వానిస్తాయి. ఇందుకోసం కాలేజీ/ ప్రాంతంతో నిమిత్తం లేకుండా ఎంతమంది విద్యార్థులైనా హాజరు కావచ్చు. దీనికి సంబంధించిన ప్రకటనలను కంపెనీలు స్థానిక పత్రికల్లో ప్రచురించడం లేదా వెబ్ పోర్టల్స్‌లో సంబంధిత కంపెనీలు అందుబాటులో ఉంచుతాయి. ఇందులో క్యాంపస్ ప్లేస్‌మెంట్స్ మాదిరిగానే రాత పరీక్ష, గ్రూప్ డిస్కషన్, ఇంటర్వ్యూ దశలు ఉంటాయి. ఇక్కడ వేల సంఖ్యలో విద్యార్థులు హాజరయ్యే అవకాశం ఉంటుంది. దీనికి తగ్గట్టుగా ప్రిపరేషన్ సాగించాలి.
  
  ఎంప్లాయ్ రిఫరల్..
  కంపెనీలో అనుకోకుండా కొంతమంది ఉద్యోగులు మానేసినప్పుడు.. లేదా ప్రత్యేక స్కిల్స్ కలిగిన మ్యాన్‌పవర్ అవసరమైనప్పుడు.. పరిమిత స్థాయిలో ఉద్యోగుల నియామకం కోసం ఎంప్లాయ్ రిఫరల్ విధానాన్ని కంపెనీలు అనుసరిస్తున్నాయి. ఎంప్లాయ్ రిఫరల్ అంటే... ఇప్పటికే ఆ కంపెనీలో పనిచేస్తున్న ఉద్యోగి సూచించిన అభ్యర్థిని పరిగణనలోకి తీసుకోవడం. ఇప్పటికే పనిచేస్తున్న ఉద్యోగికి సదరు కంపెనీ పనితీరు, విధివిధానాలు తెలిసి ఉంటాయి.. కాబట్టి అందుకు తగిన అభ్యర్థినే సూచిస్తారు. కాబట్టి తమ ఉద్యోగి సూచించిన అభ్యర్థిని రిక్రూట్ చేసుకునేందుకు సంస్థలు మొగ్గుచూపుతున్నాయి. ఇలాంటి విధానం మీడియా, ఐటీ రంగాల్లో బాగా అమలవుతోంది. ఇంజనీరింగ్ అభ్యర్థులు తమకు తెలిసిన వారు ఆయా కంపెనీల్లో పనిచేస్తుంటే.. వారి ద్వారా సంస్థలకు రెజ్యూమెలు పంపించేందుకు ప్రయత్నించాలి. తమకు అందిన రెజ్యూమెలను షార్ట్‌లిస్ట్ చేసి.. మొదట టెలిఫోన్ ఇంటర్వ్యూలు నిర్వహిస్తాయి. ఆ తర్వాత రాత పరీక్ష, ఇంటర్వ్యూలు నిర్వహించి నియామక ప్రక్రియ జరుపుతాయి.
  
  
 ఇంటర్న్‌షిప్ కూడా:
  మరో కీలక అంశం.. ఇంటర్న్‌షిప్. ఇంజనీరింగ్ విద్యార్థి ప్రతిభను అంచనా వేయడానికి ప్రీ-ప్లేస్‌మెంట్ ఆఫర్ ఇవ్వడానికి కంపెనీలు ఇంటర్న్‌షిప్‌ను పరిగణనలోకి తీసుకుంటాయి. ప్రస్తుతం కొన్ని కంపెనీలు మూడో సంవత్సరం ప్రారంభంలో టెక్నికల్ టెస్ట్‌ను నిర్వహిస్తున్నాయి. వీటిల్లో మెరుగైన ప్రతిభను ప్రదర్శించిన వారికి తమ కంపెనీల్లో ఇంటర్న్‌షిప్ చేసే అవకాశాన్ని కల్పిస్తున్నాయి. క్యాంపస్ డ్రైవ్ జాబితాలో లేని కాలేజీల్లో ఇంటర్న్‌షిప్ కోసం కంపెనీలు టెక్నికల్ టెస్ట్‌లను నిర్వహించే అవకాశం ఎక్కువగా ఉంటుంది. ఇంటర్న్‌షిప్ సాధారణంగా వేసవి సెలవుల్లో రెండు నెలలపాటు ఉంటుంది. కొన్ని రకాల కంపెనీల్లో సమ్మర్ ఇంటర్న్‌షిప్ ద్వారా మాత్రమే జాబ్ దక్కించుకునే వీలు ఉంది. కొన్ని కంపెనీలు కేవలం ఇంటర్న్‌షిప్ ద్వారానే రిక్రూట్‌మెంట్ చేపడతాయి.
  
  ఈ తరహా కంపెనీల్లో వాటి కెరీర్ పేజ్ ద్వారా ఇంటర్న్‌షిప్ కోసం దరఖాస్తు చేసుకోవాలి. ఈ కోవలోకి మైక్రో ఎలక్ట్రానిక్స్, ఎంబెడెడ్ కంపెనీలు వస్తాయి. వీటిల్లో క్యాంపస్ ప్లేస్‌మెంట్ అనే విధానం కనిపించదు. ఈ కంపెనీలు సెప్టెంబర్ నుంచి నవంబర్ వరకు ఆరు నెలలపాటు ఉండే ఇంటర్న్‌షిప్ కోసం దరఖాస్తులను ఆహ్వానిస్తాయి. ఇంటర్న్‌షిప్ సమయంలో చూపిన ప్రతిభ ఆధారంగా మాత్రమే అవి ఉద్యోగాలను ఆఫర్ చేస్తాయి. సెమికండక్టర్ వంటి కంపెనీల్లో కూడా వాటి కెరీర్ పేజీ ద్వారా ఇంటర్న్‌షిప్ కోసం దరఖాస్తు చేసుకోవచ్చు. ఈ కంపెనీలు మే నుంచి జూలై వరకు ఇంటర్న్‌షిప్ చేసే అవకాశాన్ని కల్పిస్తాయి. అంతేకాకుండా ఈ సమయంలో ప్రతిభ చూపిన వారికి క్యాంపస్ ప్లేస్‌మెంట్స్ కంటే ముందే జాబ్‌ను ఆఫర్ చేస్తాయి.
  
 స్పష్టత ఆధారంగా:
  అన్ని కంపెనీలు ఇంటర్న్‌షిప్ కోసం క్యాంపస్ డ్రైవ్ నిర్వహించవు. కాబట్టి ఆయా కంపెనీల వెబ్‌సైట్స్ ద్వారా ఇంటర్న్‌షిప్ కోసం దరఖాస్తు చేసుకోవాలి. దీని కంటే ముందు విద్యార్థులు చేయాల్సింది.. ఏ ఉద్యోగం? ఎటువంటి కంపెనీలో చేయాలనుకుంటున్నారనే అంశంపై స్పష్టత తెచ్చుకోవాలి. దీని ఆధారంగా ఇంటర్న్‌షిప్ చేసే కంపెనీని ఎంచుకోవాలి. కొన్ని కంపెనీలు మాత్రమే ఇంటర్న్‌షిప్ విద్యార్థులకు రియల్ టైమ్ ప్రాజెక్ట్ చేసేందుకు అనుమతినిస్తున్నాయి. కాబట్టి ఇటువంటి కంపెనీలను ఎంచుకోవడం ఉత్తమం. చాలా కంపెనీలు తమ దగ్గర ఇంటర్న్‌షిప్ చేసిన విద్యార్థులకు పూర్తి స్థాయి ఉద్యోగులుగా నియమించుకోవడానికి ప్రాధాన్యతనిస్తున్నాయి. ఒక అంచనా ప్రకారం తమ కంపెనీల్లో ఇంటర్న్‌షిప్ చేసే విద్యార్థుల్లో దాదాపు 60 శాతం మందికి పూర్తి స్థాయి ఉద్యోగులుగా అవకాశం ఇస్తున్నాయి. కాబట్టి విద్యార్థులు ఇంటర్న్‌షిప్‌ను ఎట్టిపరిస్థితుల్లోనూ నిర్లక్ష్యం చేయొద్దు.
  
 ఫినిషింగ్ స్కూల్స్:
  కొన్ని కంపెనీలు నేరుగా ఆఫ్ క్యాంపస్ డ్రైవ్ పద్ధతిలో కాకుండా ఫినిషింగ్ స్కూల్స్ ద్వారా ఉద్యోగులను నియమించుకోవడానికి ప్రాధాన్యతనిస్తున్నాయి. ఈ విధానంలో కంపెనీలు ఫినిషింగ్ స్కూల్స్‌కు తమకు కావల్సిన ఉద్యోగుల వివరాలతో కూడిన ఒక ప్రతిపాదనను పంపిస్తాయి. ఆ మేరకు ఫినిషింగ్ స్కూల్స్ విద్యార్థుల నుంచి దరఖాస్తులను ఆహ్వానిస్తాయి. వీరందరికి ప్రత్యేక రాత పరీక్షను నిర్వహిస్తాయి. ఇందులో మెరుగైన ప్రతిభను చూపిన వారికి ఫినిషింగ్ స్కూల్స్ సదరు కంపెనీల అవసరాలకనుగుణంగా వివిధ అంశాలపై శిక్షణనిస్తాయి. ఆ తర్వాత వీరందరికి ఆయా కంపెనీలు కొన్ని రకాల పరీక్షలను నిర్వహించి వారం/ రెండు వారాలు శిక్షణనిచ్చి జాబ్ ఆఫర్ చేస్తాయి.
  
 అపోహలు:
 అన్ని కీలకమైన స్థానాలను క్యాంపస్ ప్లేస్‌మెంట్స్ ద్వారానే భర్తీ చేస్తారు. అంతగా ప్రాధాన్యత లేని ఉద్యోగాలకు మాత్రమే ఆఫ్ క్యాంపస్ పద్ధతిలో చోటు కల్పిస్తారు.
 ఈ పద్ధతిలో ఉద్యోగాలకు దరఖాస్తు చేసుకోవడం సమయం వృథా వంటిది.
 జాబ్‌పోర్టల్స్ ద్వారా చేసుకున్న దరఖాస్తులను రిక్రూటర్లు పట్టించుకోరు.
 టైర్-3 కాలేజీల విద్యార్థులు మాత్రమే ఆఫ్ క్యాంపస్ పద్ధతిలో ఉద్యోగాల కోసం దరఖాస్తు చేసుకుంటారు.
 క్యాంపస్ ప్లేస్‌మెంట్స్ కంటే తక్కువ వేతనాన్ని ఆఫ్ క్యాంపస్ పద్ధతిలో ఆఫర్ చేస్తుంటారు.
  
  
  ఆఫ్ క్యాంపస్ డ్రైవ్ ఎందుకు?
  ప్రతిభావంతులందరికీ అవకాశం కల్పించడం.
  క్యాంపస్ ప్లేస్‌మెంట్స్ పరిధిలో లేని కాలేజీల్లోని విద్యార్థులకు కూడా అవకాశం కల్పించే ఉద్దేశంతో ఆఫ్ క్యాంపస్ పద్ధతిలో కూడా రిక్రూట్‌మెంట్‌ను కంపెనీలు చేపడతాయి.
  అన్ని ఇంజనీరింగ్ కాలేజీల్లోని విద్యార్థుల ప్రతిభను నిరంతరం పరీక్షించేందుకు కూడా ఆఫ్ క్యాంపస్‌ను ఒక సాధనంగా కంపెనీలు వినియోగించుకుంటాయి.
  జాబ్ మార్కెట్ కనుగుణంగా నైపుణ్యాలు ఉన్న విద్యార్థులను సన్నద్ధం చేస్తున్న కాలేజీలను గుర్తించడం కోసం కంపెనీలు ఈ విధానాన్ని అనుసరిస్తాయి.
  నచ్చిన జాబ్, మెచ్చిన కంపెనీలో చేరేందుకు క్యాంపస్ ప్లేస్‌మెంట్ సదుపాయం లేని కాలేజీల్లోని ప్రతిభావంతులకు ఆఫ్ క్యాంపస్ పద్ధతి ఒక చక్కని మార్గంగా పేర్కొనవచ్చు.