పిల్లల పాలిట చరిత్రలో ఎన్నడూ లేనంతటి దారుణ సంవత్సరంగా నిలిచింది 2024. యుద్ధాలు, ఘర్షణల కారణంగా ప్రపంచవ్యాప్తంగా బాలలు భారీ సంఖ్యలో నిరాశ్రయులయ్యారు. ఏకంగా 47.3 కోట్ల మంది బాలలు సంఘర్షణ ప్రాంతాల్లో నివసిస్తున్నారు. ఆరుగురిలో ఒకరి కంటే ఎక్కువ మంది కల్లోల ప్రాంతాల్లో నివసిస్తున్నారు. ఒకప్పుడు పేదరికం, కరువు, వంటివాటితో అల్లాడే పిల్లలు ఇప్పుడు ఘర్షణల్లో సమిధలవుతున్నారు. చదువు మాట అటుంచి వారికి పోషకాహారమే గగనమైపోయింది! గాజా, సూడాన్, ఉక్రెయిన్‌ సహా ప్రపంచవ్యాప్తంగా ఘర్షణలతో బాలలు విపరీతంగా సతమతమవుతున్నట్టు ఐరాస బాలల సంస్థ యునిసెఫ్‌ తాజాగా పేర్కొంది. గాజాపై ఇజ్రాయెల్‌ దాడుల్లో 15 నెలల్లో కనీసం 17,492 మంది బాలలు మరణించినట్లు తెలిపింది...! మునుపెన్నడూ లేనంతంగా ఎక్కువ మంది పిల్లలు సంఘర్షణ ప్రాంతాల్లో నివసిస్తున్నారు. బలవంతంగా నిరాశ్రయులవుతున్నారు. ఘర్షణలో మరణిస్తున్న, గాయపడుతున్న పిల్లల సంఖ్య పెరిగింది. పాఠశాలలపై బాంబుల వర్షం కురుస్తోంది. ఇళ్లు ధ్వంసమయ్యాయి. కుటుంబాలు చిన్నాభిన్నమయ్యాయి. భద్రత మాట పక్కకు పెడితే.. ప్రాథమిక అవసరాలు తీర్చుకునే అవకాశమూ ఉండటం లేదు. వాళ్లు ఆడుకోవడం, నేర్చుకోవడం ఎప్పుడో మరిచారు. ఈ యుద్ధాలు పిల్లల హక్కులను హరిస్తున్నాయి. ఇక, ప్రాణాలను కాపాడే వ్యాక్సిన్లు, పోషకాహారం విలాసంగా మారాయి. ‘‘ప్రపంచంలో అనియంత్రిత యుద్ధాలకు ఒక తరం పిల్లలు బలవుతున్నారు. యుద్ధ ప్రాంతాల్లోని పిల్లలు మనుగడ కోసం పోరాటమే చేస్తున్నారు. దానికి తమ బాల్యాన్ని పణంగా పెడుతున్నారు. సర్వహక్కులు కోల్పోతున్నారు. ఇది దారుణం’’ అని యునిసెఫ్‌ డైరెక్ట్‌ కేథరిన్‌ రస్సెల్‌ వాపోయారు. గణాంకాలు చెబుతున్న విషాదాలు.. యునిసెఫ్‌ నివేదిక ప్రకారం ప్రపంచ జనాభాలో పిల్లలు 30 శాతం ఉన్నారు. వారిలో 47.3 కోట్ల మంది యుద్ధ ప్రభావింత ప్రాంతాల్లో నివసిస్తున్నారు. ప్రతి ఆరుగురిలో ఒకరు సంఘర్షణ ప్రభావిత ప్రాంతాల్లో నివసిస్తున్నారని అంతర్జాతీయ ఏజెన్సీ తెలిపింది. 1990లలో సుమారు 10 శాతం మంది బాలలు సంఘర్షణ ప్రాంతాల్లో ఉండగా ఇప్పుడది ఏకంగా రెట్టింపుకు, అంటే 19 శాతానికి పెరిగింది. ఈ యుద్ధాల కారణంగా 2023 చివరి నాటికి 4.7 కోట్ల మంది పిల్లలు నిర్వాసితులయ్యారు. 2024లో హై తీ, లెబనాన్, మయన్మార్, పాల స్తీనా, సూడాన్‌ నుంచి అత్యధికంగా శరణార్థులుగా వెళ్లారు. ప్రపంచ శరణార్థుల జనాభాలో సుమారు 40 శాతం బాలలే. ఆయా దేశాల్లో నిర్వాసితులయినవారిలో బాలలు 49 శాతమున్నారు. 2023 నుంచి ఇప్పటిదాకా 22,557 మంది పిల్లలపై రికార్డు స్థాయిలో 32,990కు పైగా తీవ్రమైన హక్కుల ఉల్లంఘనలు జరిగాయి. ముఖ్యంగా బాలికల పరిస్థితి ఆందోళనకరంగా ఉంది. సంఘర్షణ ప్రాంతాల్లో అత్యాచారాలు, లైంగిక హింస పెచ్చరిల్లాయి. ప్రమాదకర స్థాయిలో యుద్ధ ప్రభావిత ప్రాంతాల్లో విద్యకు తీవ్ర అంతరాయం కలిగింది. సంఘర్షణ ప్రభావిత దేశాలలో 52 మిలియన్లకు పైగా పిల్లలు పాఠశాలకు దూరంగా ఉన్నారు. విద్యా మౌలిక సదుపాయాల విధ్వంసం, పాఠశాలల సమీపంలో అభద్రతా భావం వల్ల ఈ ప్రాంతాల్లో పరిస్థితులు మరింత దిగజారాయి. ఈ పిల్లల్లో పోషకాహార లోపం కూడా ప్రమాదకర స్థాయికి పెరిగింది. యుద్ధం పిల్లల ఆరోగ్యంపైనా తీవ్ర ప్రభావం చూపుతోంది. యుద్ధాలు జరుగుతున్న దేశాల్లోని పిల్లల్లో 40శాతం మంది టీకాలు అందడం లేదు. వారి మానసిక ఆరోగ్యంపైనా తీవ్ర ప్రభావం పడుతోంది. హింస, విధ్వంసం, కుటుంబ సభ్యులను కోల్పోవడం వల్ల పిల్లల్లో నిరాశ పెరిగింది. పిల్లల్లో ఆగ్రహావేశాలు పెరిగాయి. విచారం, భయం వంటి వాటితో బాధపడుతున్నారు. – సాక్షి, నేషనల్‌ డెస్క్‌

ఏ బంధంలోనైనా విభేదాలు సహజం. రెండు వేర్వేరు కుటుంబాల్లో, నేపథ్యాల్లో పెరిగిన ఇద్దరు వ్యక్తులు పెళ్లి చేసుకున్నప్పుడు కూడా వారి మధ్య విభేదాలు సహజం. అయితే వాటిని ఎలా, ఎంత త్వరగా పరిష్కరించుకున్నానేదే వారి బంధంలోని సంతోషాన్ని నిర్ణయిస్తుంది. విభేదాలను పరిష్కరించుకోకుండా చిన్న చిన్న వాదనలను కూడా పెద్ద పెద్ద గొడవలుగా మార్చుకుంటే కుటుంబ జీవితాన్ని నరకంగా మారుతుంది. అలాంటి ఒక జంట గురించి ఈరోజు మాట్లాడుకుందాం.రవి (32) ప్రియ (30)లకు ఐదేళ్ల కిందట పెళ్లయింది. రవి ఐటీ కన్సల్టెంట్, ప్రియ హెచ్ ఆర్ మేనేజర్. ఇద్దరికీ ఒకరంటే ఒకరికి చాలా ఇష్టం, ప్రేమ. తమ బిడ్డ కీర్తన అంటే ప్రాణం. ఇంటి పనులతో సహా బాధ్యతలను సమానంగా పంచుకుంటారు. వారాంతాల్లో సినిమాలు, షికార్లు. అప్పుడప్పుడూ విహారయాత్రలు. సుఖంగా సంతోషంగా జరుగుతున్న కాపురం.కానీ గత కొద్ది నెలలుగా మారి మధ్య తరచూ గొడవలవుతున్నాయి. గత నెల జరిగిన గొడవ ఇద్దరూ కొట్టుకునేవరకూ వెళ్లింది. ఆ తర్వాత తమ ప్రవర్తనకు ఇద్దరూ సిగ్గుపడ్డారు. ఎలాంటి విభేదాలున్నా చర్చించుకుని పరిష్కరించుకోవాలే తప్ప గొడవ పడకూడదని నిర్ణయించుకున్నారు. కానీ మళ్లీ పెద్ద గొడవలయ్యాయి. ఇక తమ వల్ల కాదనుకుని కౌన్సెలింగ్ కు వచ్చారు. ఇద్దరితో విడివిడిగా, కలివిడిగా మాట్లాడాను.చిన్న చిన్న అసమ్మతులు, ఇంటి పనులు, బిడ్డ సంరక్షణ లేదా ఆర్థిక విషయాలు అతి త్వరగా తీవ్రమైన గొడవలుగా మారుతున్నాయని చెప్పారు. ఆ తర్వాత పశ్చాత్తాపం వ్యక్తం చేసినా, మళ్లీ గొడవలు ఆపలేకపోతున్నామన్నారు. దీంతో ఎమోషనల్ గా దూరమవుతున్నామని, ఇంటిమసీ కోల్పోతున్నామని చెప్పారు. ఇలా జరగడం చాలా బాధగా ఉందన్నారు.ఆఫీసులో ప్రాజెక్ట్ వర్క్ వల్ల ఒత్తిడి పెరిగిందని, మళ్లీ ఇంటికి వచ్చి పనిచేయాలంటే కష్టంగా ఉందని రవి చెప్పాడు. తనకు కూడా ఆఫీసులో చాలా వర్క్ ఉంటోందని, ఇంటికి వచ్చాక పాపతో సరిపోతుందని, మళ్లీ ఇంటి పని చేయాలంటే తన వల్ల కావట్లేదని ప్రియ చెప్పింది. అయినప్పటికీ తాను చేస్తున్నా ఎలాంటి గుర్తింపు లేకపోగా, కూరలో ఉప్పు ఎక్కువైనా గొడవ పడుతున్నాడని చెప్పింది.ఇలాంటి విషయాలన్నీ కలిసి కుటుంబం కోసం ఎవరు ఎక్కువ కష్టపడుతున్నారనే వాదనలుగా మారాయి. అవి వ్యక్తిగత దూషణలుగా మారాయి. పెళ్లికి ముందు జరిగిన విషయాలనుంచి, పెళ్లి రోజు జరిగిన గొడవల వరకూ తవ్విపోసుకున్నారు. ఒకరి తల్లిదండ్రులను మరొకరు విమర్శించారు. వాదనల తర్వాత రవి ఇంటినుంచి బయటకు వెళ్లిపోగా, ప్రియ ఒంటరిగా ఏడుస్తూ కూర్చుంటుంది.వాదనలు వర్సెస్ తగాదాలుమనం మొదట్లో చెప్పినట్లు ఏ బంధంలోనైనా విభేదాలు సహజం. ఆరోగ్యకరమైన వాదనలు పరిష్కారానికి దారితీస్తే, తగాదాలు భావోద్వేగ గాయాలను మిగుల్చుతాయి. అందుకే వాదనలకు, తగాదాలకు మధ్య తేడా తెలుసుకోవడం అవసరం. 👉 ఒక సమస్యను చర్చించడం, భావాలు, పరిష్కారాలను చర్చించడం, ఆరోపణలు చేయకపోవడం ఆరోగ్యకరమైన వాదనల లక్షణం. ఉదాహరణకు, రవి ఇంటి పనుల కారణంగా ఒత్తిడిగా అనిపిస్తే, ప్రియ వ్యక్తిత్వంపై దాడి చేయకుండా తన అభిప్రాయం చెప్తాడు. ఆరోగ్యకరమైన వాదనలు 👉 విభేదాల సమయంలో కూడా భాగస్వామి పట్ల గౌరవం తొలగిపోదు. భాగస్వామి వాదన వినడం, అది భిన్నమైనదైనా అంగీకరిస్తారు. 👉 ఇద్దరూ ఎమోషనల్ గా ఉన్నప్పుడు అది మరింత దిగజారకుండా జాగ్రత్తలు తీసుకుంటారు. 👉 విధ్వంసకరమైన తగాదాల్లో సమస్యను గాలికి వదిలి వ్యక్తిగతంగా విమర్శిస్తారు. రవి, ప్రియల మధ్య జరుగుతున్నది ఇదే. 👉 తగాదాల్లో తరచుగా గతం నుండి సంబంధం లేని విషయాలను ప్రస్తావిస్తారు. 👉 ఇద్దరూ గొంతు పెంచి అరచుకోవడం, ఒకరినొకరు అడ్డుకోవడం జరుగుతుంది. రవి తరచుగా వాదన మధ్యలో బయటకు వెళ్లిపోవడం ప్రియకు తనను పట్టించుకోవడం లేదనే అనుభూతిని కలిగించింది. కౌన్సెలింగ్ తో పరిష్కారం... రవి, ప్రియల సమస్య వాదనలు తగాదాలుగా మారడమే. అందుకే వారి మధ్య హెల్తీ కమ్యూనికేషన్ పెంపొందించేలా కౌన్సెలింగ్ సెషన్లు ప్లాన్ చేశాను. 👉 ఏ బంధంలోనైనా యాక్టివ్ లిజనింగ్ ప్రధాన పాత్ర పోషిస్తుంది. కౌన్సెలింగ్ సమయంలో వారు ఒకరినొకరు అడ్డుకోవడం లేదా వ్యక్తిగత దాడులు చేయకుండా తమ అభిప్రాయాలను వ్యక్తం చేయడం నేర్చుకున్నారు.👉 ఉద్రిక్తత పెరిగినప్పుడు ఒక చిన్న విరామం తీసుకోవడానికి అంగీకరించారు. దీనివల్ల భావోద్వేగ నష్టం తగ్గుతుంది. వారి వాదనలు నిర్మాణాత్మకంగా మారాయి.👉 వాదనల్లో ఒకే సమస్యపై కేంద్రీకరించాలని, అనవసర విషయాలు తీసుకురాకూడదని తీర్మానించుకున్నారు. 👉 ఒకరి లవ్ లాంగ్వేజ్ ను మరొకరు అర్థం చేసుకున్నారు. తగాదా సమయంలో కూడా పరస్పర గౌరవంతో, ప్రేమతో వ్యవహరించడం నేర్చుకున్నారు. సైకాలజిస్ట్ విశేష్ +91 8019 000066www.psyvisesh.com

పదేళ్లు కలిసి కాపురం చేసిన ఫతేనగర్‌ పోలీస్‌స్టేషన్‌ పరిధిలోని నివాసం ఉండే శ్రీలత (పేరు మార్చాం), మురళి(పేరు మార్చాం) దంపతులు ఇటీవల కాపురంలో కలహాలు పెరగడంతో విడాకుల కోసం పోలీసులను ఆశ్రయించారు. ముగ్గుaరు పిల్లల తర్వాత భర్త మద్యానికి బానిసై, మానసికంగా శారీరకంగా హింసిస్తుండడంతో శ్రీలత భర్త నుంచి విడాకులు తీసుకోవాలని ధృడంగా నిశ్చయించుకుంది.దంపతులిద్దరికీ జీడిమెట్లలోని సీడీఈడబ్ల్యూ (సెంటర్‌ ఫర్‌ డెవలప్మెంట్‌ అండ్‌ ఎంపవర్మెంట్‌ ఆఫ్‌ ఉమెన్‌) సెంటర్‌లో అధికారులు కౌన్సిలింగ్‌ చేశారు. పలు దఫాల్లో సర్థిచెప్పిన తర్వాత వారి మధ్య సయోధ్య కుదిరింది. మురళిలోనూ మార్పు వచ్చింది. వారిప్పుడు సంతోషంగా కలిసి ఉంటున్నారు. లక్డీకపూల్‌లోని నీలోఫర్‌ ఆసుపత్రి సమీపంలో నివాసం ఉండే 43 ఏళ్ల ముంతాజ్‌ బేగం (పేరు మార్చాం) 2013 వరకు సెక్యూరిటీ గార్డుగా పనిచేసి ఉద్యోగం మానేశారు. 63 ఏళ్ల రిటైర్డ్‌ ఇంజినీర్‌ ఖలీల్‌ (పేరు మార్చాం)ను రెండో వివాహం చేసుకున్నారు. లాక్‌డౌన్‌ ముందు వరకు ముంతాజ్‌ను బాగానే చూసుకున్న ఖలీల్‌ ఆ తర్వాత ఆర్థిక ఇబ్బందులతో ఆమెను మానసికంగా, శారీరకంగా చిత్రహింసలు పెట్టడం మొద లు పెట్టాడు. తన బతుకుతెరువుకు సైతం డబ్బు ఇవ్వకపోవడంతో బషీర్‌బాగ్‌ పోలీసులను ఆశ్రయించింది. పోలీసులు నాంపల్లి సీడీఈడబ్ల్యూ సెంటర్‌లో దంపతులకు కౌన్సిలింగ్‌ చేయడంతో ఖలీల్‌లో మార్పు వచ్చింది. ఇప్పుడు వారిద్దరూ కలిసి ఉంటున్నారు. కొద్దిపాటి మనస్పర్థలు కాపురాలు కూల్చేస్తున్నాయి. ఇక మద్యం మహమ్మారి దంపతుల మధ్య గొడవలకు మరింత ఆజ్యం పోస్తోంది. దంపతుల్లో ఒకరిపై ఒకరికి నమ్మకం సన్నగిల్లడంతో అనుమానం పెనుభూతమవుతోంది. దీంతో వివాహబంధాన్ని తెంచుకోవాలన్న కఠిన నిర్ణయానికి వస్తున్నారు. విడాకుల కోసం కోర్టు మెట్లు తొక్కుతూ ఏళ్లపాటు వ్యక్తిగత జీవితాలు బలిపెట్టుకుంటున్నారు కొందరు. ఈ నేపథ్యంలో బలమైన కారణం లేకుండానే వివాహ బంధాలను బలి చేసుకోకుండా, కొద్దిపాటి సర్దుబాట్లతో కాపురం తిరిగి కాపురాలు నిలబడేలా తెలంగాణ పోలీసులు ప్రయvస్తున్నారు. కుటుంబ కలహాలతో పోలీస్‌ స్టేషన్‌కు వచ్చే జంటలకు ప్రాథమికంగా కౌన్సెలింగ్‌ ఇచ్చేందుకు దేశంలోనే తొలిసారిగా తెలంగాణ పోలీస్‌శాఖలోని మహిళా భద్రత విభాగం అధికారులు సీడీఈడబ్ల్యూ సెంటర్లు అందుబాటులోకి తెచ్చారు. ప్రస్తుతం హైదరాబాద్, సైబరాబాద్, రాచకొండ పోలీస్‌ కమిషనరేట్ల పరిధిలో కలిపి మొత్తం 27 కౌన్సిలింగ్‌ సెంటర్లను నెలకొల్పారు. 2023 ఫిబ్రవరి నుంచి ఈ సెంటర్లు పనిచేస్తున్నాయి. వీటిల్లో గృహహింస కేసుల్లో బాధిత మహిళలు, వారి భర్తలు, అవసరం మేరకు ఇతర కుటుంబ సభ్యులకు కౌన్సిలింగ్‌ నిర్వహిస్తూ సమస్యల పరిష్కారానికి బాటలు వేస్తున్నారు. ఇలా పోలీసులను ఆశ్రయించిన జంటల్లో 42 శాతం మందిని తిరిగి కలిపినట్టు మహిళా భద్రత విభాగం ఉన్నతాధికారులు తెలిపారు. మరో 29 శాతం మంది మాత్రం విడాకులు తీసుకునేందుకే నిశ్చయించుకున్నారు. 2023 ఫిబ్రవరి నుంచి 27 కౌన్సిలింగ్‌ సెంటర్ల పరిధిలో ఏప్రిల్‌ 26 నాటికి మొత్తం 7,474 ఫిర్యాదులు నమోదైనట్టు వారు వెల్లడించారు. మొత్తం అందిన ఫిర్యాదుల్లో 853 మంది బాధితుల్లో ఆత్మహత్యలు చేసుకునే మానసిక స్థితి ఉండడంతో వారిని మానసిక నిపుణులైన కౌన్సిలర్ల వద్దకు పంపి వారిలో తిరిగి స్థైర్యాన్ని నింపేలా కౌన్సిలింగ్‌ ఇప్పించినట్టు అధికారులు తెలిపారు. మొత్తం అందిన 7,474 ఫిర్యాదుల్లో 6,600 కేసులలో పరిష్కారం లభించినట్టు తెలిపారు.ఏమిటీ సీడీఈడబ్ల్యూ సెంటర్లుగృహ హింస కేసుల్లో దంపతులు విడాకులు తీసుకోకుండా, సమస్యను గుర్తించి.. వారికి అర్థమయ్యేలా సర్దుబాటు చేసి తిరిగి కలిపేందుకు తెలంగాణ పోలీస్‌శాఖ మహిళా భద్రత విభాగం ఆధ్వర్యంలో సేఫ్‌ సిటీ ప్రాజెక్టు నిధులతో సెంటర్‌ ఫర్‌ డెవలప్‌మెంట్‌ అండ్‌ ఎంపవర్‌మెంట్‌ ఆఫ్‌ ఉమెన్‌ కౌన్సిలింగ్‌ సెంటర్లు ఏర్పాటు చేశారు. ఇందులో ఒక మహిళా కౌన్సెలర్, మహిళా సిబ్బంది ఉంటారు. వీరు గృహహింసకు సంబంధించి వివిధ పోలీస్‌ స్టేషన్లకు వచ్చే జంటలకు, అవసరం మేరకు వారి కుటుంబ సభ్యులకు పలు దశల్లో కౌన్సిలింగ్‌ నిర్వహించి వారి సమస్యల పరిష్కారానికి కృషి చేస్తారు. - సాక్షి, హైదరాబాద్‌

న్యూఢిల్లీ: అధిక విలువ కలిగిన లావాదేవీలకు సంబంధించి కొన్ని బ్యాంకులు సమరి్పంచిన ‘స్టేట్‌మెంట్‌ ఆఫ్‌ స్పెసిఫైడ్‌ ఫైనాన్షియల్‌ ట్రాన్సాక్షన్‌ (ఎస్‌ఎఫ్‌టీ)’ విషయంలో వైరుధ్యాలు ఉన్నట్టు ఆదాయన్ను శాఖ గుర్తించింది. ఆదాయపన్ను శాఖ నిర్ధేశించిన లావాదేవీల వివరాలను ఎస్‌ఎఫ్‌టీ కింద ఏటా బ్యాంకులు, ఫైనాన్షియల్‌ ఇనిస్టిట్యూషన్స్, వివిధ సంస్థలు ఆదాయపన్ను శాఖకు నివేదించాల్సి ఉంటుంది. గడిచిన ఆర్థిక సంవత్సరానికి సంబంధించి ఎస్‌ఎఫ్‌టీని మే 31 నాటికి దాఖలు చేయాలి. ఫారెక్స్‌ డీలర్లు, బ్యాంక్‌లు, సబ్‌ రిజి్రస్టార్, ఎన్‌బీఎఫ్‌సీ, పోస్టాఫీసులు, బాండ్లు/డిబెంచర్లు జారీ చేసిన సంస్థలు, మ్యూచువల్‌ ఫండ్‌ ట్రస్టీలు, షేర్ల బైబ్యాక్‌ చేసిన కంపెనీలు, డివిడెండ్‌ చెల్లించిన కంపెనీలు ఎస్‌ఎఫ్‌టీ పరిధిలోకి వస్తాయి. తమిళనాడుకు చెందిన ప్రముఖ బ్యాంక్‌ నివేదించిన ఎఫ్‌ఎఫ్‌టీలో వ్యత్యాసాలను గుర్తించినట్టు ఆదాయపన్ను శాఖ అత్యున్నత విభాగం సీబీడీటీ ప్రకటించింది. కొన్ని లావాదేవీలను అసలుకే వెల్లడించకపోగా, కొన్ని లావాదేవీల సమాచారం కచి్చతంగా పేర్కొనలేదని వెల్లడించింది. ఉత్తరాఖండ్‌లో రెండు కోపరేటివ్‌ బ్యాంకుల్లో తనిఖీలు నిర్వహించగా, వేలాది కోట్ల రూపాయల లావాదేవీలను రిపోర్ట్‌ చేయాలేదని బయటపడినట్టు తెలిపింది. వివిధ సంస్థలు ఎస్‌ఎఫ్‌టీ ద్వారా ఆదాయపన్ను శాఖకు వివరాలు తెలియజేస్తే.. ఆయా సమాచారాన్ని పన్ను చెల్లింపుదారుల వార్షిక సమాచార నివేదిక (ఏఐఎస్‌)లో చేరుస్తారు. దీంతో పన్ను చెల్లింపుదారులు తమ ఏఐఎస్‌ను పరిశీలించుకుని రిటర్నులు దాఖలు చేసుకోవడానికి అనుకూలంగా ఉంటుంది. ఎస్‌ఎఫ్‌టీల్లో వ్యత్యాసాలు గుర్తించినట్టు ప్రకటించిన సీబీడీటీ, తీసుకున్న చర్యలపై సమాచారం తెలియజేయలేదు. 

బతికుండగానే ఓ వ్యక్తి తన అంత్యక్రియలు తానే నిర్వహించుకున్నాడు. తాను చనిపోయినప్పుడూ ఇక్కడే చివరి కార్యక్రమాలు చేయాలని అభ్యర్థించాడు. తద్దినం దగ్గర నుంచి దశదిన కర్మల వరకు అన్ని తానే నిర్వహించుకున్నాడు. ఈ విచిత్ర ఘటన ఉత్తరప్రదేశ్‌లో చోటు చేసుకుంది. అతను ఎందుకిలా ఇంత పెద్ద నిర్ణయం తీసుకున్నాడంటే.. అసలేం జరిగందంటే..యూపీలోని కేవాన్‌ గ్రామానికి చెందిన జటా శంకర్‌కి తన కుటుంబంతో చాలా కాలంగా విభేదాలు ఉన్నాయి. తాను చనిపోతే అంత్యక్రియలు చేస్తారో లేదో అన్న భయంతో అన్ని  కార్యక్రమాలను తాను బతికుండగానే తానే చేసుకున్నాడు. అందుకోసం తన భార్యతో దెబ్బలాడి మరీ ఒప్పించాడు. జూన్‌15 తాను చనిపోయిన 13వ రోజుగా తీర్మానించి తనకు తానుగా పిండం పెట్టుకున్నాడు. ఆ తర్వాత గ్రామస్తులకు గ్రాండ్‌గా విందు కూడా ఏర్పాటు చేశాడు. అంతేగాదు శంకర్‌ తన సమాధి కోసం ఓ కాంక్రీట్‌ ఫ్లాట్‌ఫాంని కూడా నిర్మించాడు. తన అంత్యక్రియలు అక్కడే జరగాలని శంకర్‌ తమతో చెబుతుండేవాడని గ్రామస్తులు చెబుతున్నారు. తరుచుగా తన కుటుంబంతో తగాదాలు జరగడంతో విరక్తి చెంది ఇంతటి దారుణమైన నిర్ణయాన్ని తీసుకున్నట్లు పలువురు చెబుతున్నారు. ఈ విషయం గ్రామంలో దావానంలా వ్యాపించడంతో స్థానికులు ఆశ్చర్యపోతున్నారు. (చదవండి: కెఫిన్‌ లేని కాఫీ గింజలు..హాయిగా సిప్‌ చేయొచ్చు)

సాక్షి, హైదరాబాద్‌: దేశంలోని పలు రాష్ట్రాల్లో గవర్నర్లు వ్యవహరిస్తున్న తీరును వివరిస్తూ పార్లమెంటు వేదికగా కేంద్రాన్ని నిలదీయాలని ముఖ్యమంత్రి కె.చంద్రశేఖర్‌రావు పార్టీ ఎంపీలకు సూచించారు. ఆయా రాష్ట్రాల్లో వారి వ్యవహారం ఆందోళనకరంగా ఉందన్నారు. తెలంగాణతో పాటు కేరళ, తమిళనాడు, కేరళ, ఢిల్లీ మొదలైన చోట్ల గవర్నర్లు సొంత ఎజెండాతో పని చేస్తున్నారని ఆగ్రహం వ్యక్తం చేశారు. ఆదివారం ప్రగతిభవన్‌లో బీఆర్‌ఎస్‌ అధినేత, సీఎం కేసీఆర్‌ అధ్యక్షతన బీఆర్‌ఎస్‌ పార్లమెంటరీ పార్టీ సమావేశం జరిగింది. దాదాపు నాలుగు గంటలకు పైగా సాగిన ఈ సమావేశంలో అనేక అంశాలపై క్షుణ్ణంగా చర్చించారు. రాష్ట్ర ప్రభుత్వాల వ్యవహారాల్లో గవర్నర్ల జోక్యాన్ని నిరోధించడంపై దేశంలోని విపక్ష పారీ్టల నేతలతో కలిసి కార్యాచరణ రూపొందించాలని నిర్ణయించారు. మోదీ ప్రభుత్వం అనుసరిస్తున్న ప్రజా వ్యతిరేక విధానాలు, దుర్మార్గమైన తీరును దేశం దృష్టికి తీసుకెళ్లేందుకు పార్లమెంటు బడ్జెట్‌ సమావేశాల్లో ఉభయ సభలను ఉద్దేశించి రాష్ట్రపతి చేసే ప్రసంగాన్ని బహిష్కరించాలని సమావేశంలో నిర్ణయించినట్లు తెలిసింది. ఇందుకోసం వివిధ రాష్ట్రాల విపక్ష పారీ్టలను కూడా కలుపుకొని పోవాలని నిర్ణయించినట్లు సమాచారం. కాగా ఈ మేరకు వివిధ రాష్ట్రాల ముఖ్యమంత్రులు, ప్రధాన విపక్ష నేతలతో మాట్లాడుతున్నట్లుగా కేసీఆర్‌ తెలిపారని పార్టీవర్గాలు వెల్లడించాయి. ఢిల్లీ, తమిళనాడు, కేరళ ముఖ్యమంత్రులు కేజ్రీవాల్, స్టాలిన్, విజయన్‌లతో పాటు విపక్ష నేతలు అఖిలేశ్‌ యాదవ్, తేజస్వీ యాదవ్‌ తదితరులతో ఇప్పటికే మాట్లాడినట్లు తెలిపాయి. విపక్ష పార్టీల సహకారంతో రాష్ట్రపతి ప్రసంగాన్ని బహిష్కరించడం ద్వారా కేంద్ర ప్రభుత్వం అనుసరిస్తున్న విధానాలను ఎండగట్టాలని ముఖ్యమంత్రి సూచించినట్లు వివరించాయి. ఇలావుండగా కేంద్రం అనుసరిస్తున్న నిర్లక్ష్యపూరిత, ప్రమాదకర విధానాల వల్ల దేశ భవిష్యత్తుకు జరుగుతున్న తీరని నష్టాన్ని ఎంపీలకు కేసీఆర్‌ వివరించారు. పార్లమెంటు జరిగినన్ని రోజులు వ్యూహాత్మకంగా వ్యవహరిస్తూ, రాష్ట్రంతో పాటు దేశంలోని ప్రజా సమస్యలపై గళం వినిపిస్తూ, కేంద్రం చేస్తున్న తప్పులను దేశం దృష్టికి తీసుకురావాలని సూచించారు.  గవర్నర్ల వ్యవస్థ దుర్వినియోగం  ‘కేంద్రంలోని బీజేపీ ప్రభుత్వం సమాఖ్య స్పూర్తికి తూట్లు పొడుస్తూ రాష్ట్రాలను అనేక రకాలుగా ఇబ్బందులకు గురిచేస్తోంది. ప్రగతిలో దూసుకుపోతున్న తెలంగాణ రాష్ట్రానికి ఆర్థికంగా అనేక రకాలుగా ఆటంకాలు సృష్టిస్తోంది. గవర్నర్ల వ్యవస్థను దుర్వినియోగం చేస్తోంది. రాష్ట్రాలను నిర్వీర్యపరిచే దిశగా గవర్నర్లను కేంద్రం తమ చెప్పుచేతుల్లో పెట్టుకోవడం అప్రజాస్వామికం. రాజ్యాంగబద్ధమైన విధులను నిర్వర్తిస్తూ కేంద్రం, రాష్ట్రాల నడుమ సంధానకర్తలుగా ఉండాల్సిన గవర్నర్ల వ్యవస్థను తమ రాజకీయ స్వార్థ ప్రయోజనాల కోసం వాడుకుంటున్న దుర్మార్గ విధానాలను బీఆర్‌ఎస్‌ ఎంపీలు ఉభయ సభల్లో తీవ్రంగా వ్యతిరేకించాలి. రాష్ట్ర కేబినెట్‌ సహా, అత్యున్నత సభలైన శాసనసభ, శాసనమండలి తీసుకున్న నిర్ణయాలను సైతం బేఖాతరు చేస్తూ గవర్నర్లు ఉద్దేశపూర్వకంగా పెండింగులో పెడుతున్నారు. రాష్ట్ర ప్రభుత్వాల పనితీరును ప్రభావితం చేయాలని, అభివృద్ధిని, పాలనను అడ్డుకోవాలని చూస్తున్న గవర్నర్ల అప్రజాస్వామిక విధానాలను, కేంద్రం వైఖరిని ఎండగట్టాలి..’ అని కేసీఆర్‌ ఆదేశించారు.  అభివృద్ధికి ఆటంకాలుగా కేంద్రం విధానాలు  ‘కేంద్ర ప్రభుత్వం అనుసరిస్తున్న విధానాలు దేశ సమగ్రతకు, అభివృద్ధికి ఆటంకాలుగా మారాయి. దేశ ప్రజలు కష్టార్జితంతో కూడబెట్టుకుంటున్న సంపదనంతా అప్పనంగా తమ కార్పొరేట్‌ స్నేహితులకు కట్టబెడుతున్నారు. తమకు అనుకూల కార్పొరేట్‌ శక్తులపై ప్రేమ కురిపిస్తూ లక్షల కోట్ల రూపాయల రుణాలను కేంద్రం రద్దు చేస్తోంది. ఎల్‌ఐసీ వంటి ప్రభుత్వరంగ సంస్థల్లో అదానీ వంటి బడా వ్యాపారవేత్తలకు వాటాలను అప్పనంగా కట్టబెట్టడంతో వారి కంపెనీల డొల్లతనం బయటపడుతూ షేర్ల విలువ హఠాత్తుగా పడిపోయింది. ఒక్క రోజులోనే రూ.లక్షల కోట్లు నష్టపోతున్న వాస్తవాన్ని దేశం గమనిస్తోంది. వారి లాభాలు, సంపద అంతా నీటి బుడగేనని స్పష్టమవుతోంది. ఇలాంటి ఆర్థిక అవకతవకలకు దోహదం చేసే విధంగా దేశ సంపదనంతా ప్రైవేట్‌ పరం చేస్తూ,  కేంద్రం తీరని నష్టం చేస్తోంది. లాభాలను ప్రైవేట్‌ పరం చేస్తూ నష్టాలను దేశ ప్రజల మీద రుద్దుతోంది. కేంద్ర ప్రభుత్వం అనుసరిస్తున్న ప్రమాదకర ఆర్ధిక విధానాలపై పార్లమెంటు ఉభయ సభల్లో గొంతెత్తాలి. దేశ ప్రజల ప్రయోజనాలకు తూట్లు పొడుస్తున్న తీరును బీఆర్‌ఎస్‌ ఎంపీలు తీవ్రంగా ఖండించాలి. పెట్రోల్, డీజిల్, వంటగ్యాస్‌ తదితర నిత్యావసర వస్తువుల ధరలు విపరీతంగా పెరిగిపోయాయి. సామాన్యుడి బతుకు రోజురోజుకూ భారమైపోతున్నా కేంద్రానికి ఏమాత్రం పట్టింపులేదు. దేశవ్యాప్తంగా సామాన్య ప్రజలు అనుభవిస్తున్న కష్టాలను పార్లమెంటు వేదికగా దేశ ప్రజల దృష్టికి తీసుకుపోవాలి. ప్రభుత్వ సంస్థలను ప్రైవేటీకరిస్తున్న తీరుపై నిరసన వ్యక్తం చేయాలి. రాష్ట్ర విభజన హామీలపై కూడా నిలదీయాలి. కేంద్ర ప్రభుత్వం మీద పోరాటానికి కలిసివచ్చే దేశంలోని ప్రతి పార్టీ ఎంపీని కలుపుకొని పోవాలి. ఆయా అంశాలపై ఉభయ సభల్లో నిలదీయాలి..’ అని సీఎం ఆదేశించారు. ఈ సమావేశంలో పార్లమెంటరీ పార్టీ నేతలు కె.కేశవరావు (రాజ్యసభ), నామా నాగేశ్వర్‌రావు (లోక్‌సభ), ఎంపీలు జోగినపల్లి సంతోష్‌కుమార్, కేఆర్‌ సురేష్‌రెడ్డి, బడుగుల లింగయ్య యాదవ్, వద్దిరాజు రవిచంద్ర, బండి పార్థసారథి, దీవకొండ దామోదర్‌రావు, కొత్త ప్రభాకర్‌రెడ్డి, బీబీ పాటిల్, మన్నె శ్రీనివాస్‌రెడ్డి, మాలోత్‌ కవితా నాయక్, పసునూరి దయాకర్, బొర్లకుంట వెంకటేశ్, పోతుగంటి రాములు పాల్గొన్నారు. 

గుంటూరు రూరల్‌: వాళ్లిద్దరూ చిన్నప్పటి నుంచీ ప్రాణ స్నేహితులు. బాగా చదువుకుని సాఫ్ట్‌వేర్‌ ఉద్యోగాల్లో స్థిరపడ్డారు. ఆ తరువాత ఇద్దరిమధ్యా తలెత్తిన ఆర్థిక లావాదేవీలు దూరం పెంచాయి. చివరకు కిరాయి హంతకుల సాయంతో మిత్రుడునే హత్య చేయించే స్థాయికి పురిగొల్పాయి. చివరకు పన్నాగం బెడిసికొట్టడంతో నిందితులు పోలీసులకు చిక్కారు. గుంటూరు జిల్లా నల్లపాడు సీఐ శ్రీనివాసరావు తెలిపిన వివరాల ప్రకారం.. గుంటూరు మండలం ఏటీ అగ్రహారానికి చెందిన ప్రశాంత్, అవినాష్‌రెడ్డి చిన్ననాటి నుంచి స్నేహితులు. చదవండి: ఒకే మహిళతో ఇద్దరు వివాహేతర సంబంధం.. మర్మాంగాలను కోసి.. ప్రశాంత్‌ ఖతార్‌లో సాఫ్ట్‌వేర్‌ ఉద్యోగిగా పనిచేస్తుండగా.. అవినాష్‌రెడ్డి హైదరాబాద్‌లో సాఫ్ట్‌వేర్‌ రంగంలోనే స్థిరపడ్డారు. కాగా, అవినాష్‌రెడ్డికి ప్రశాంత్‌ తన సొంత ఖర్చుతో పెళ్లి చేశాడు. అనంతరం ఇద్దరి మధ్య ఆర్థిక లావాదేవీల విషయంలో వివాదాలు ఏర్పడ్డాయి. అవినాష్‌రెడ్డి వైఖరిపై విసుగు చెందిన ప్రశాంత్‌ అతడిని అంతం చేయాలని పథకం పన్నాడు. తాను ఖతార్‌లో నుంచి గుంటూరు సుందరయ్య కాలనీకి చెందిన నామాల చందు, దేవళ్ల సూర్య, రాచకొండ గోపీకృష్ణ, వెంగలశెట్టి దుర్గాప్రసాద్, షేక్‌ కరీముల్లా, షేక్‌ బాజీ, పూసల బాలాజీ, కమతం కృష్ణను సంప్రదించాడు. అవినాష్‌రెడ్డిని హతమార్చాలని, ఇందుకోసం ఎంత ఖర్చయినా భరిస్తానని చెప్పాడు. సుమారు రూ.30 లక్షల వరకు సుపారీ చెల్లించాడు. చంపేందుకు వెళ్తూ దొరికిపోయారు  సుపారీ తీసుకున్న 8 మంది ఇటీవల విజయవాడలో కత్తులు కొనుగోలు చేసి తెచ్చుకున్నారు. కాగా, నిందితులకు స్థానికంగా కొందరితో వివాదాలు ఉండటంతో.. హైదరాబాద్‌లో హత్య చేసి తిరిగొచ్చాక ఇక్కడి వారి సంగతి తేలుస్తామని హెచ్చరించారు. అనంతరం శుక్రవారం రాత్రి వారంతా కారులో హైదరాబాద్‌ బయలుదేరగా.. స్థానికుల ద్వారా సమాచారం అందుకున్న నల్లపాడు పోలీసులు పేరేచర్ల వద్ద 8 మందినీ అరెస్ట్‌ చేశారు. నిందితుల నుంచి కత్తులు, ఇతర మారణాయుధాలు, కారును స్వాధీనం చేసుకున్నారు. స్నేహితుడి హత్యకు పథకం వేసిన ప్రశాంత్‌ను ఖతార్‌ నుంచి స్వగ్రామానికి రప్పించేందుకు చర్యలు చేపట్టారు.  

బాగ్దాద్‌: ఇరాక్‌లో ఉద్రిక్తతలు నానాటికీ పెరిగిపోతున్నాయి. ఇరాన్‌ అనుకూల పార్టీలు, షియా గురువు ముఖ్తదా అల్‌–సదర్‌ వర్గాల మధ్య రాజధాని బాగ్దాద్‌లో ఘర్షణ వాతావరణం నెలకొంది. అల్‌–సదర్‌ అనుచరులు మూడు రోజులుగా పార్లమెంట్‌లో బైఠాయించారు. గతేడాది జరిగిన ఎన్నికల్లో ఎవరికీ స్పష్టమైన మెజారిటీ రాకపోవడంతో ప్రభుత్వం ఏర్పాటవలేదు. ఇరాన్‌ అండతో ప్రభుత్వ ఏర్పాటు చేసేందుకు కొన్ని పార్టీలు ప్రయత్నిస్తున్నాయి. షియా గురువు అల్‌–సదర్‌ అనుచర వర్గం ఆ ప్రయత్నాలను అడ్డుకుంటోంది. ఇరాన్‌ అనుకూల శక్తుల వైఖరిని వ్యతిరేకిస్తూ సోమవారం బాగ్దాద్‌లో భారీ నిరసన ప్రదర్శన చేపట్టారు. సంక్షోభం మరింత ముదిరేలా కనిపిస్తోంది.  

ఔను.. వారిద్దరు ప్రేమించుకున్నారు. ఇరు కుటుంబాల సమక్షంలో ఏకమయ్యారు.   వీరి పదేళ్ల దాంపత్య జీవితంలో ఇద్దరు కూతుర్లు జన్మించారు. కొద్ది రోజులుగా భార్యాభర్తల మధ్య అనుమానాలు తలెత్తాయి. దీంతో భార్యకు సంబంధించిన తప్పులు భర్త, భర్తకు సంబంధించిన తప్పులతో భార్య స్థానిక మహిళా పోలీస్‌స్టేషన్‌లో ఫిర్యాదు చేసుకున్నారు.  ఇక ఇద్దరం కలిసి ఉండలేమని నిర్ణయం తీసుకొని విడాకులు కావాలనుకున్నారు. పోలీస్‌ సిబ్బంది ఇరువురి కుటుంబ సభ్యులు, పెద్దల సమక్షంలో మూడు దఫాలుగా వారికి కౌన్సెలింగ్‌ ఇచ్చారు. అనంతరం తిరిగి వారి తప్పులను తెలుసుకున్నారు. దీంతో వారు మళ్లీ  కలిశారు.   ఇలా జిల్లాలో ఈ ఏడాది జనవరి నుంచి మే 15 వరకు 197 ఫిర్యాదులు రాగా  అందులో 144 కేసులను కౌన్సెలింగ్‌ ద్వారా పరిష్కరించారు.  సాక్షి, మంచిర్యాలక్రైం: సర్దుకుపోతే సంస్కారం ఒక స్వర్గసీమ. కానీ ప్రస్తుతం పలువురు దంపతులు చిన్నచిన్న సమస్యలనే పెద్దగా చూస్తూ గొడవలు పడుతున్నారు. అనంతరం పెద్దల సమక్షంలో పంచాయితీలు, ఆ తరువాత పోలీస్‌స్టేషన్ల వరకు చేరి విడిపోతున్నారు. పచ్చటి సంస్కారాన్ని విచ్ఛిన్నం చేసుకుంటున్నారు. వారికి పుట్టిన సంతానానికి తల్లిదండ్రుల ప్రేమను దూరం చేస్తూ వారిలో మానసిక ఆందోళనకు కారణమవుతున్నారు. ఇలాంటి సంఘటనలకు కారణాలు ఏమైనా ఉమ్మడి కుటుంబంలో సర్ధిచెప్పేవారు ఉండేవారు. కానీ ప్రస్తుతం చిన్న చిన్న కుటుంబాల్లో చెప్పేవారు లేక భార్యాభర్తలు చిన్నచిన్న గొడవలకే పోలీస్‌స్టేషన్‌ వరకు వెళ్లి పచ్చని సంసారాన్ని విచ్ఛినం చేసుకుంటున్నారు.  కౌన్సెలింగ్‌తో ఏకమవుతున్నారు...  క్షణికావేశంతో చిన్నచిన్న సమస్యలకే దంపతులు సమన్వయం కోల్పోతున్నారు. ఉమ్మడి కుటుంబాలు ఉంటే పెద్దలు ఇద్దరిని సమన్వయం చేసేవారు. దీంతో కుటుంబంలో తగాదాలు రోడ్డున పడేవి కాదు. ప్రస్తుతం ఉమ్మడి కుటుంబం అనే ఊసే లేదు.  కొందరు ఉద్యోగ రీత్యా, మరికొందరు వ్యాపారం ని మి త్తం, ఇంకొందరు అత్తమామ, కుటుంబ సభ్యులతో పడకపోవడం, కారణం ఏదైనా ఉమ్మడి కుటుంబా లు కానరావడం లేదు. ఈ నేపథ్యంలో కుటుంబా ల్లో చిన్నచిన్న సమస్యలు తలెత్తినప్పుడు ఇద్దరికి చె ప్పె వారు లేక కుటుంబాలు పోలీస్‌స్టేషన్‌ వరకు వస్తున్నాయి.  ఎందుకీ పరిస్థితి... గతంలో పెళ్లైన కొంతకాలం పాటు ఉమ్మడి కుటుంబంతో కలిసిఉండే వారు. ఇంటి యజమాని చెప్పిందే వేదం అన్నట్లుగా కుటుంబమంత నడుచుకునేవారు. ఇది కాస్త రానురాను ఉమ్మడి కుటుంబం కాస్త ఒంటరి కుటుంబంగా తయారైంది. దీంతో చిన్న చిన్న సమస్యలతో భార్యాభర్తలు పంతాలకు పోయి కాపురాన్ని కూల్చుకుంటున్నారు. మంచిర్యాల జిల్లా కేంద్రంలోని మహిళా పోలీస్‌ స్టేషన్‌కు రోజుకు సుమారు 25నుంచి 30మంది వరకు కుటుంబ సమస్యలతో పోలీస్‌స్టేషన్‌ను ఆశ్రయించడం ఒకరిపై ఒకరు ఫిర్యాదులు చేసుకోవడం, పది మంది ముందు చులకన చేసుకోవడంతో పాటు వారి గౌరవాన్ని కించపరుచుకుంటున్నారు.  సర్దుకుపోతేనే సమస్యకు పరిష్కారం గతంలో ఉమ్మడి కుటుంబాలుగా ఉండే వారు దీంతో ఎలాంటి గొడవలు వచ్చేవి కావు.  ఒక వేల వచ్చిన ఇరుకుటుంబాల పెద్దలు ఇద్దరిని సమన్వయం చేసి పంపించేవారు. అప్పుడు కుటుంబాల్లో విలువలు, మర్యాద, గౌరవం, భయం భక్తి ఉండేది. అవి ప్రస్తుతం లేకపోవడంతో కుటుంబాల్లో చిన్నచిన్న గొడువలకు, పంతాలకు వెళ్లి పెద్దగా చేసుకుంటున్నారు. మొదట క్షణికావేశంతోనే ఏవెవో మాట్లాడుతారు. కౌన్సెలింగ్‌ ద్వారా 80శాతం కుటుంబాలు కలిసి పోతున్నారు.  – బి.శ్రీనివాస్,  సీఐ, మహిళా పోలీస్‌స్టేషన్, మంచిర్యాల

సీఎస్‌కే యాజమాన్యం, ఆల్‌రౌండర్‌ రవీంద్ర జడేజాల మధ్య విబేధాలు ఉన్నట్లుగా వార్తలు వస్తున్నాయి. ధోని స్థానంలో జట్టును నడిపించడంలో విఫలమైన జడ్డూపై సీఎస్కే గుర్రుగా ఉన్నట్లు సమాచారం. అందుకు తగ్గట్లే సీఎస్‌కే ఇటీవలే తన ఇన్‌స్టాగ్రామ్‌లో జడేజాను అన్‌ఫాలో చెయ్యడం పలు అనుమానాలకు తావిస్తుంది. దీనికి తోడూ ఢిల్లీ క్యాపిటల్స్‌తో మ్యా్చ్‌కు జడేజాను పక్కనబెట్టడం వెనుక సీఎస్కే ఫ్రాంచైజీ హస్తం ఉన్నట్లు క్రికెట్‌ ఫ్యాన్స్‌ అభిప్రాయపడ్డారు. ఇదే నిజమైతే ఎన్నో ఏళ్లుగా సీఎస్‌కేకు నమ్మదగిన ఆటగాడిగా ఉన్న జడేజాకు ఆ జట్టుతో అనుబంధం ఇదే ఆఖరు కావచ్చొని పలు వర్గాలు పేర్కొన్నాయి. PC: IPL Twitter ఇక ఐపీఎల్‌ 2022 సీజన్‌లో సీఎస్‌కే దారుణ ప్రదర్శన చేసింది. గతేడాది చాంపియన్‌గా నిలిచిన సీఎస్కే ఈసారి మాత్రం ఆ స్థాయి ప్రదర్శన చేయలేక చతికిలపడింది. ఇప్పటివరకు 11 మ్యాచ్‌ల్లో 4 ఓటములు, ఏడు పరాజయాలతో పాయింట్ల పట్టికలో తొమ్మిదో స్థానంలో ఉంది. ప్రస్తుత పరిస్థితుల్లో సీఎస్కే ప్లే ఆఫ్‌కు చేరడం కష్టమే. అయితే సీఎస్‌కే దారుణ ప్రదర్శనకు కెప్టెన్సీ మార్పు కూడా ఒక కారణం అని చెప్పొచ్చు. ఐపీఎల్‌ 15వ సీజన్‌ ఆరంభానికి ముందే ధోని కెప్టెన్సీ నుంచి పక్కకు తప్పుకున్నాడు. దీంతో సీఎస్‌కే మేనేజ్‌మెంట్‌ జట్టులో సీనియర్‌గా ఉన్న జడేజాపై నమ్మకముంచి నాయకత్వ బాధ్యతలు అప్పగించింది. జడ్డూ కెప్టెన్సీని సంతోషంగా అంగీకరించినప్పటికి.. నాయకత్వంలో ఘోరంగా విఫలమయ్యాడు. ధోని పెద్దన్న పాత్ర పోషించినప్పటికి సీఎస్‌కేకు వరుసగా పరాజయాలే ఎదురయ్యాయి. దీంతో ఒత్తిడిని తట్టుకోలేక జడేజా కెప్టెన్సీని తిరిగి ధోనికే అప్పగించాడు. అయితే కెప్టెన్‌గా సక్సెస్‌ కాలేకపోయిన జడ్డూ బ్యాటింగ్‌, బౌలింగ్‌లోనూ పెద్దగా మెరవలేదు. టాప్‌ క్లాస్‌ ఆల్‌రౌండర్‌గా పేరు ఉన్న జడేజా నుంచి ఇలాంటి ప్రదర్శనను సీఎస్‌కే కూడా ఊహించలేదు. ధోని చేతికి కెప్టెన్సీ వచ్చిన తర్వాత రెండు మ్యాచ్‌ల్లో ఆడిన జడ్డూ తీవ్రంగా నిరాశపరిచాడు. దీంతో ఢిల్లీ క్యాపిటల్స్‌తో మ్యాచ్‌కు జడేజాను పక్కనబెట్టడం ఆసక్తి కలిగించింది.  CSK Unfollowed Jadeja in Instagram? 🙄 pic.twitter.com/ARDyYtwbvt —  K O M B A N (@ValimaiKomban) May 9, 2022 ధోని, రైనా తర్వాత నమ్మదగిన ఆటగాడిగా.. PC: IPL Twitter ఇక ధోని, రైనా తర్వాత సీఎస్కేలో మంచి పేరు జడేజాకే ఉంది. 2012లో తొలిసారి సీఎస్‌కేలో అడుగుపెట్టిన జడేజా.. మధ్యలో గుజరాత్‌ లయన్స్‌(రెండు సీజన్లు సీఎస్కేపై నిషేధం)కు ప్రాతినిధ్యం వహించాడు. ఆ తర్వాత 2016లో రూ. 9.5 కోట్లకు జడేజాను సీఎస్‌కే కొనుగోలు చేసింది. అప్పటినుంచి జడ్డూ సీఎస్‌కేకు ఆడుతూ వస్తున్నాడు. గతేడాది మెగావేలానికి ముందు సీఎస్‌కే ధోని, రుతురాజ్‌ గైక్వాడ్‌తో పాటు రూ.12 కోట్లకు జడేజాపు రిటైన్‌ చేసుకుంది. అయితే ధోని తనకు పెద్ద మొత్తం వద్దని.. జడేజాకు ఎక్కువ మొత్తంలో చెల్లిస్తే బాగుంటుందని తనకు తానుగా చెప్పడంతో సీఎస్‌కే కూడా జడ్డూపై నమ్మకంతో అతనికి ఎక్కువ మొత్తం అందించింది. అయితే తాజా సీజన్‌లో జడేజా తన నమ్మకాన్ని నిలబెట్టుకోలేకపోయాడా అనే సందేహాలు వ్యక్తమవుతున్నాయి. దీనికి తోడూ చాలా మంది క్రికెట్‌ ఫ్యాన్స్‌ జడేజా- సీఎస్‌కే వైఖరిని.. వార్నర్‌- ఎస్‌ఆర్‌హెచ్‌ ఉదంతంతో పోలుస్తున్నారు.  ఎస్‌ఆర్‌హెచ్‌ బాటలోనేనా.. గత సీజన్‌లో వార్నర్‌కు ఎస్‌ఆర్‌హెచ్‌ నుంచి ఎలాంటి అవమానాలు జరిగాయో ప్రత్యేకంగా చెప్పవనసరం లేదు. 2016లో వార్నర్‌ కెప్టెన్సీలోనే ఎస్‌ఆర్‌హెచ్‌ టైటిల్‌ విజేతగా నిలిచింది. ఆ తర్వాత కూడా ప్రతీ సీజన్‌లో వార్నర్‌ జట్టును ప్లే ఆఫ్‌ చేర్చాడు.(2018లో తప్ప.. వార్నర్‌పై నిషేధం కారణంగా కేన్‌ విలియమ్సన్‌ కెప్టెన్సీ). అయితే ఇవేవి పట్టించుకోని ఎస్‌ఆర్‌హెచ్‌ గత సీజన్‌లో వార్నర్‌ను ఘోరంగా అవమానించింది. PC: IPL Twitter ముందు కెప్టెన్సీ నుంచి తొలగించింది..  ఆ తర్వాత తుది జట్టు నుంచి పక్కకు తప్పించింది.. ఆ తర్వాత మ్యాచ్‌లు ఆడకపోవడంతో డ్రింక్స్‌ బాయ్‌ అవతారంలో వార్నర్‌ను చూసి సొంత అభిమానులే జీర్ణించుకోలేకపోయారు. అ‍ప్పట్లో వార్నర్‌పట్ల ఎస్‌ఆర్‌హెచ్‌ వైఖరిని తీవ్రంగా విమర్శించారు. అదే వార్నర్‌ ప్రస్తుతం ఢిల్లీ క్యాపిటల్స్‌ తరపున ఆడుతూ.. ఎస్‌ఆర్‌హెచ్‌తో మ్యాచ్‌లో 92 పరుగుల నాకౌట్‌ ఇన్నింగ్స్‌ ఆడి తనదైన శైలిలో కౌంటర్‌ ఇచ్చాడు. తాజా పరిణామాలు కూడా కాస్త అటూ ఇటుగా ఉన్నాయి. అయితే ఇక్కడ జడేజా తనంతట తానే కెప్టెన్‌గా తప్పుకున్నాడు. కానీ సీజన్‌లో జడేజా ఆటగాడిగా పూర్తిగా విఫలమయ్యాడు. అందుకే ఢిల్లీ క్యాపిటల్స్‌తో మ్యాచ్‌లో జడేజాను పక్కనబెట్టారు. మరి ఇది ఒక్క మ్యాచ్‌కే పరిమితమవుతుందా లేక వార్నర్‌ బాటలోనే జడేజాకు అవమానాలు ఎదురవుతాయా అనేది ఇప్పటికే ప్రశ్నగానే ఉంది. మరి రాబోయే రోజుల్లో ఈ ప్రశ్నలన్నింటికి ఒక క్లారిటీ వస్తుంది. ఇక సీఎస్కే తన తర్వాతి మ్యాచ్‌ మే 12న ముంబై ఇండియన్స్‌తో ఆడనుంది. PC: IPL Twitter చదవండి: Sri Lanka Economic Crisis: దేశం దుర్భర స్థితికి ప్రభుత్వమే కారణం.. అసహ్యమేస్తోంది : లంక మాజీ క్రికెటర్లు Mumbai Indians: ప్లేఆఫ్‌ అవకాశాలు ఖేల్‌ఖతం.. ఇంతకుమించి ఏం చేస్తారులే!     var request = 'https://www.sakshi.com/knowwidget/kwstr_4301451426.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

వీరులపాడు (నందిగామ): నిద్రిస్తున్న కుమారుడిని గొడ్డలితో కిరాతకంగా నరికి చంపాడు ఓ తండ్రి. ఎన్టీఆర్‌ జిల్లా వీరులపాడు మండలంలో శనివారం జరిగిన ఈ ఘటన స్థానికంగా  కలకలం రేపింది. నందిగామ డీఎస్పీ నాగేశ్వరరెడ్డి కథనం మేరకు.. మండల కేంద్రమైన వీరులపాడు గ్రామానికి చెందిన బొల్లెద్దు గాబ్రియేలు వ్యవసాయ పనులు చేసుకుంటూ జీవనం సాగిస్తున్నాడు. గాబ్రియేల్‌కు ఇద్దరు కుమార్తెలు, ఒక కుమారుడు ఉన్నారు. కుమార్తెలకు వివాహాలయ్యాయి. గాబ్రియేల్‌ భార్య మృతి చెందటంతో 2007లో తిరుపతమ్మను రెండో పెళ్లి చేసుకున్నాడు. ఇంటర్‌ పూర్తి చేసి పెయింటింగ్‌ పనులు చేస్తున్న కుమారుడు కిరణ్‌తో కలిసి గాబ్రియేల్‌ దంపతులు ఉంటున్నారు.   అయితే తిరుపతమ్మ, కిరణ్‌ మధ్య తరచూ వాగ్వాదాలు, ఘర్షణలు జరుగుతున్నాయి. ఈ క్రమంలో వారం రోజులుగా  కిరణ్‌ను ఇంట్లో నుంచి పంపించాలని గాబ్రియేల్‌ను తిరుపతమ్మ వత్తిడి చేస్తోంది. ఈ విషయమై తిరుపతమ్మ, కిరణ్‌ మధ్య మరోసారి వాగ్వాదం జరిగింది. కిరణ్‌ ఉన్న ఇంట్లో తాను ఉండనని భర్తకు చెప్పి ఆమె పుట్టింటికి వెళ్లింది. అదే రోజు రాత్రి గాబ్రియేలు కూడా ఇంటి నుంచి వెళ్లిపోవాలని చెప్పగా, ఇల్లు తనదని, తాను వెళ్లాల్సినవసరం లేదని కిరణ్‌ గట్టిగా చెప్పాడు. ఇది మనసులో పెట్టుకున్న గాబ్రియేలు శనివారం తెల్లవారుఝామున 5.30 గంటల సమయంలో నిద్రపోతున్న కిరణ్‌ మెడపై గొడ్డలితో కిరాతంగా నరికాడు.  తీవ్రంగా గాయపడిన కిరణ్‌ అక్కడికక్కడే మృతి చెందాడు. నిందితుడు వీరులపాడు పోలీస్‌ స్టేషన్‌లో లొంగిపోయాడు. ఘటనా స్థలాన్ని నందిగామ రూరల్‌ సీఐ ఐ.వి.నాగేంద్రకుమార్‌తో కలిసి పరిశీలించి కేసు నమోదు చేసి దర్యాప్తు చేస్తున్నట్లు డీఎస్పీ తెలిపారు. మృతదేహాన్ని పోస్టుమార్టం నిమిత్తం నందిగామ ప్రభుత్వాస్పత్రికి తరలించారు.  (చదవండి: వీడియో కాల్‌తో వివాహితకు వేధింపులు)

సాక్షి, సిరిసిల్ల: ‘గవర్నర్‌తో మాకు పంచాయితీ లేదు. ఆమెను ఎక్కడా అవమాన పరచలేదు. ఎక్కడ అవమాన పరిచామో చెబితే వింటాం. అర్థం చేసుకుంటాం..’అని రాష్ట్ర ఐటీ, పరిశ్రమల శాఖ మంత్రి కె.తారక రామారావు అన్నారు. గవర్నర్‌ వ్యవస్థపై తమకు గౌరవం ఉందని, గవర్నర్‌లా వ్యవహరిస్తే తప్పకుండా గౌరవిస్తామని చెప్పారు. గురువారం సిరిసిల్ల కలెక్టరేట్‌లో ఆయన మీడియాతో మాట్లాడారు. గవర్నర్‌ తమిళిసై చేసిన వ్యాఖ్యలపై స్పందించారు. గవర్నర్‌ గౌరవానికి భంగం వాటిల్లేలా తాము ఏమీ చేయలేదని కేటీఆర్‌ చెప్పారు. ‘ఎమ్మెల్సీగా కౌశిక్‌రెడ్డి విషయంలో అభ్యంతరం పెట్టినందుకు ఆమెను అవమానిస్తున్నారని అన్నట్లు విన్నా. కౌశిక్‌రెడ్డికి రాజకీయ నేపథ్యం ఉన్నందున ఎమ్మెల్సీగా అనుమతించలేదని ఆమె చెప్పినట్లు విన్నా. అయితే.. గవర్నర్‌ కాకముందు ఆమె ఎవరు? బీజేపీ తమిళనాడు పార్టీ అధ్యక్షురాలు కాదా?’అని మంత్రి ప్రశ్నించారు. గవర్నర్‌ కావడానికి రాజకీయ నేపథ్యం అడ్డం రాదు కానీ ఎమ్మెల్సీ అయ్యేందుకు అడ్డం వస్తదా? అని కేటీఆర్‌ నిలదీశారు.   నరసింహన్‌ ఉన్నప్పుడు ఏ పంచాయితీ లేదు  గవర్నర్‌గా నరసింహన్‌ ఉన్నప్పుడు ఏ పంచాయితీ లేదని, వీరితో పంచాయితీ ఉంటదని ఎందుకు ఊహించుకుంటున్నారో వారే ఆలోచించుకోవాలని మంత్రి అన్నారు. తాము రాజ్యాంగబద్ధంగానే వ్యవహరిస్తున్నామని చెప్పారు. శాసనసభ సమావేశాలు ఒక సంవత్సరంలో మొట్టమొదటిసారి జరుగుతున్నప్పుడు గవర్నర్‌ ప్రసంగం ఉండాలని రాజ్యాంగంలో స్పష్టంగా రాసి ఉందని.. అయితే ఇటీవలి సమావేశం మొదటిది కాదని చెప్పారు. ఆ సమావేశం సైనడై (నిరవధిక వాయిదా) అయిందని, ప్రోరోగ్‌ కాలేదని తెలిపారు. అందువల్లే గవర్నర్‌ ప్రసంగం లేదని.. దాన్ని అవమానం కింద తీసుకుంటే తాము చేయగలిగింది ఏమీ లేదని కేటీఆర్‌ అన్నారు. (చదవండి: తారా స్థాయికి చేరిన గవర్నర్‌, రాష్ట్ర సర్కార్‌ మధ్య విభేదాలు..)

సాక్షి, హైదరాబాద్‌: గవర్నర్‌ తమిళిసై సౌందరరాజన్‌కు రాష్ట్ర ప్రభుత్వానికి నడుమ సాగుతున్న ‘పంచాయితీ’ ముదిరి పాకాన పడింది. ఢిల్లీలో మీడియాతో మాట్లాడుతూ రాష్ట్ర ప్రభుత్వతీరు, టీఆర్‌ఎస్‌ నేతల వ్యాఖ్యలపై గవర్నర్‌ తీవ్రం గా స్పందించారు. రాష్ట్ర ప్రభుత్వం తనను గౌరవించడం లేదని, రాజ్యాంగబద్ధంగా పనిచేయడం లేదనే రీతిలో వ్యాఖ్యలు చేశారు. ఇందుకు ప్రతిగా కొందరు రాష్ట్ర మంత్రులు కూడా అదే స్థాయిలో స్పందిస్తున్నారు. రాజ్‌భవన్‌ బీజేపీ పార్టీ కార్యాలయంలా మారిందని విమర్శలు గుప్పిస్తున్నారు.  మోదీ, అమిత్‌ షాతో భేటీపై ఆసక్తి  రాష్ట్ర ప్రభుత్వం తన పట్ల అనుసరిస్తున్న తీరుపై తమిళిసై గతంలోనే తీవ్ర అసంతృప్తిని వ్యక్తం చేయడంతోపాటు రాజ్‌భవన్‌లో ఉగాది వేడుకల సందర్భంగా.. తాను శక్తిమంతురాలినని, బలవంతంగా ఎవరూ తన తలవంచలేరంటూ స్వ రం పెంచారు. అదే సమయంలో సీఎం, మంత్రులతో చర్చకు సిద్ధమని, ఎవరికైనా రాజ్‌భవన్‌ తలుపులు ఎప్పుడూ తెరిచే ఉంటాయని కూడా అన్నారు. తాజాగా రెండు రోజులు ఢిల్లీలో మకాం వేసి ప్రధాని మోదీ, హోంమంత్రి అమిత్‌షా ను కలవడం ద్వారా రాజకీయ వర్గాల్లో ఉత్కంఠను రేపారు. గవర్నర్‌ కోటాలో ఎమ్మెల్సీగా పాడి కౌశిక్‌రెడ్డి అభ్యర్థిత్వాన్ని తిరస్కరించడం మొదలు మండలి ప్రొటెమ్‌ చైర్మన్‌ నియామకం, బడ్జెట్‌ సమావేశాల్లో గవర్నర్‌ ప్రసంగం లేకపోవడం, మేడారం జాతర, యాదగిరిగుట్ట పర్యటనలో ప్రొటోకాల్‌కు తిలోదకాలివ్వడం తదితర అంశాలను కేంద్రం దృష్టికి తీసుకెళ్లినట్లు తెలిసింది. వీటిపై ఫిర్యాదులతోపాటు ప్రభుత్వ పా లన వైఫల్యాలు, శాంతిభద్రతలు, డ్రగ్స్, అవినీతి వంటి అం శాలపై గవర్నర్‌ నివేదిక సమర్పించినట్లు తెలిసింది.  మీకే కాదు..మాకూ అవమానమే!  రాష్ట్రంలో తనకు ఎదురైన అవమానాల గురించి కేంద్ర పెద్దలకు గవర్నర్‌ వివరించగా.. ‘ఈ అవమానం మీకే కాదు.. మాకూ జరిగినట్టు భావిస్తున్నాం’ అని వారు బదులిచ్చారని సమాచారం. రాష్ట్ర ప్రభుత్వంపై మరింత ఒత్తిడి పెరిగేలా రోడ్డు, రైలు మార్గాల్లో రాష్ట్రం నలుమూలలా పర్యటించేందుకు గవర్నర్‌ ప్రణాళికలు సిద్ధం చేసుకుంటున్నారు. ప్రజల నుంచి ఫిర్యాదులు, విజ్ఞాపనలను స్వీకరించడానికి వచ్చే నెల నుంచి రాజ్‌భవన్‌లో ప్రజాదర్బార్‌ నిర్వహిస్తామని ఇప్పటికే ప్రకటించారు. ఈ నేపథ్యంలో ఈ వివాదం రాబోయే రోజుల్లో రాష్ట్ర రాజకీయాల్లో ప్రధాన అంశంగా మారే అవకాశం ఉందని రాజకీయ వర్గాలు అంచనా వేస్తున్నాయి.   (చదవండి: బీజేపీ బెటాలియన్‌ ఏదైనా నాతో యాదాద్రికి వచ్చిందా?)

సాక్షి, ముంబై: రాష్ట్ర హోంశాఖ మంత్రి దిలీప్‌ వాల్సే పాటిల్‌(ఎన్సీపీ)తో వివాదాలున్నట్లు వస్తున్న వార్తలను రాష్ట్ర ముఖ్యమంత్రి ఉద్ధవ్‌ ఠాక్రే కొట్టి పారేశారు. ఒక్క పాటిల్‌పైనే కాదు.. మొత్తం కేబినెట్‌పైనా తనకు పూర్తి విశ్వాసముందని స్పష్టం చేశారు. మంత్రులందరూ అద్భుతంగా పనిచేస్తున్నారని, తప్పుదారి పట్టించేందుకే అలాంటి నిరాధార వార్తలు ప్రచారం చేస్తున్నారని ఉద్ధవ్‌ శుక్రవారం ఒక ప్రటకన విడుదల చేశారు. రాష్ట్రంలోని శివసేన–ఎన్సీపీ–కాంగ్రెస్‌ ప్రభుత్వం బీజేపీ నేతలను కేసుల్లో ఇరికించేందుకు ప్రభుత్వం కుట్ర పన్నుతోందని మాజీ మంత్రి ఫడ్నవీస్‌ ఆరోపణలపై.. హోంమం త్రివాల్సే అసెంబ్లీ సరైన సమాధానం ఇవ్వలేదని సీఎం అభిప్రాపడినట్లుగా వార్తలొచ్చాయి. కేబినెట్‌ సమావేశాల్లోనూ ఠాక్రే అసంతృప్తి వ్యక్తం చేసినట్లు ప్రచారం జరిగింది. ఈ నేపథ్యంలో వాల్సే... శుక్రవారంనాడు ముఖ్యమంత్రిని ఆయన నివాసంలో కలిశారు. అనంతరం మీడియాతో మాట్లాడుతూ... తాను పాలనాపరమైన అంశాలు చర్చించేందుకే ముఖ్యమంత్రిని కలిసినట్లు చెప్పారు. ముఖ్యమంత్రి కార్యాలయం ఇప్పటికే వివరణ ఇచ్చిందని, అందరినీ పరిగణనలోకి తీసుకునే కేబినెట్‌ నిర్ణయాలు తీసుకుంటోందని తెలిపారు.   చదవండి: బీజేపీ వ్యతిరేక శక్తులన్నీ ఏకం కావాలి అయితే అంతకుముందు.. శివసేన ఎంపీ సంజయ్‌ రౌత్‌ మీడియాతో మాట్లాడుతూ.. హోంశాఖ బలంగా లేనందునే ఈడీ వంటి ఏజెన్సీలతో మహారాష్ట్ర ప్రభుత్వంపై, ప్రత్యేకించి హోంశాఖపై కేంద్రం దాడి చేస్తోందని అన్నారు. సాధారణంగా సీఎంతో ఉండాల్సిన హోంశాఖ ఎన్సీపీకి వెళ్లిందని అభిప్రాయపడ్డారు. అయితే రౌత్‌ చెప్పినదాంట్లో తప్పేం లేదని, అలాంటివేమైనా ఉంటే పరిష్కరిస్తామని వాల్సే తెలిపారు. హోంశాఖపై శివసేన దృష్టి పడిందా అన్న ప్రశ్నకు పాటిల్‌ సమాధానమిస్తూ తానలా భావించడం లేదని, చట్టం ప్రకారమే ప్రభుత్వం నడుస్తుందని, ప్రతి కేసులోనూ హోంశాఖమంత్రి ఉత్తర్వులు ఇవ్వలేరని చెప్పారు. చాలా నిర్ణయాలు డీజీపీ, సీపీ, ఇతర ఉన్నతాధికారుల పరిధిలోనే జరిగిపోతాయని, ఏదైనా ఆలస్యం జరిగితే మాత్రమే హోంశాఖ జోక్యం చేసుకుంటుందని వివరించారు. బీజేపీ పట్ల ఎన్సీపీ మెతకధోరణి అవలంభిస్తోందన్న ఆరోపణలను వాల్సే కొట్టిపారేశారు. మసీదుల్లో అజా(ప్రార్థన)లకు ఉపయోగించే లౌడ్‌స్పీకర్లను నిషేధించాలన్న బీజేపీ డిమాండ్‌ గురించి ప్రశ్నించగా... ధరల పెరుగుదల వంటి సమస్యలనుంచి ప్రజలను పక్కదారి పట్టించేందుకు బీజేపీ ఇలాంటివి ముందుకు తెస్తుందని మండిపడ్డారు.                           

లక్నో: అసెంబ్లీ ఎన్నికల్లో ఓటమితో సమాజ్‌వాదీపార్టీలో మళ్లీ కుటుంబ కలహాలు మొదలైనట్లు కనిపిస్తున్నాయి. శాసనసభా పక్ష సమావేశానికి తనను పిలవలేదని అఖిలేష్‌ యాదవ్‌ బాబాయ్‌ శివపాల్‌ ఆరోపించారు. సైకిల్‌ గుర్తుపైనే తానూ గెలిచానని ఈ సందర్భంగా గుర్తుచేశారు.  శివపాల్‌ ఆరోపణలపై ఎస్పీ వివరణ ఇచ్చింది. లక్నోలో జరిగింది ఎస్పీ ఎమ్మెల్యేలు, ఎమ్మెల్సీల సమావేశమని యూపీ ఎస్పీ చీఫ్‌ నరేషోత్తమ్ అన్నారు. సోమవారం సాయంత్రం భాగస్వామ్యపక్షాలతో అఖిలేష్‌ భేటీ అవుతారని చెప్పారు.  ఇదిలా ఉంటే.. ఉత్తరప్రదేశ్‌ అసెంబ్లీలో అఖిలేష్‌ ప్రతిపక్ష నేతగా వ్యవహరించనున్నారు. ఆయనను ఎస్పీ ఎమ్మెల్యేలు శాసనసభాపక్ష నేతగా ఏకగ్రీవంగా ఎన్నుకున్నారు. తొలిసారి ఎన్నికల్లో పోటీ చేసిన అఖిలేష్‌ కర్హాల్‌ నియోజకవర్గం నుంచి గెలుపొందారు. ఈ నేపథ్యంలోనే అజంఘడ్‌ లోక్‌సభ స్థానానికి రాజీనామా చేశారు. చదవండి: (కోదండరామ్‌కు అరవింద్‌ కేజ్రీవాల్‌ ఆఫర్‌! ఆ పార్టీ విలీనం తప్పదా?)  కాగా, 2017 యూపీ అసెంబ్లీ ఎన్నికల ముందు సమాజ్‌వాది పార్టీలో కుటుంబ కలహాలు భగ్గుమన్నాయి. పార్టీపై ఆధిపత్యం కోసం శివపాల్‌, అఖిలేష్‌ పోటీ పడ్డారు. ఈ నేపథ్యంలో 2019లో ఎస్పీ నుంచి బయటకొచ్చిన శివపాల్‌ యాదవ్‌ ప్రగతిశీల సమాజ్‌వాదీ పార్టీని పెట్టారు. 2022 అసెంబ్లీ ఎన్నికల ముందు బాబాయ్‌, అబ్బాయ్‌కి మధ్య రాజీ కుదిరింది. దీంతో జశ్వంత్‌నగర్‌ నుంచి ఎస్పీ టికెట్‌పై పోటీచేసి శివపాల్‌ 90వేల ఓట్లకు పైగా మెజారిటీతో గెలిచారు. అయితే తాజాగా సైకిల్‌ గుర్తుపై గెలిచిన తనను ఎస్పీ శాసనసభా పక్ష సమావేశానికి ఆహ్వానించకపోవడంపై శివపాల్‌ గుర్రుగా ఉన్నారు. తన అనుచరులతో మాట్లాడిన తర్వాత భవిష్యత్‌ కార్యాచరణపై నిర్ణయం తీసుకుంటానని శివపాల్‌ తెలిపారు. దీంతో సమాజ్‌వాదీ పార్టీలో మళ్లీ చీలిక తప్పదనే వార్తలు గుప్పుమంటున్నాయి. 

Russian President Vladimir Putin said No Prospects: రష్యా అధ్యక్షుడు వ్లాదిమిర్ పుతిన్ ఫ్రాన్స్, జర్మనీ, కైవ్‌లతో అంగీకరించిన కీలకమైన 2015 ప్రణాళిక ఒప్పందం ఉక్రెయిన్ వేర్పాటువాద వివాదాన్ని పరిష్కరించగలదని తాను ఇకపై భావించడం లేదని అన్నారు. అంతేకాదు 2015 మిన్స్క్ శాంతి ఒప్పందాల అమలుకు ఎటువంటి అవకాశాలు లేవని మేము అర్థం చేసుకున్నాం. బెలారస్‌ రాజధానిలో ఉక్రెయిన్‌ సైన్యం తూర్పున ఉన్న మాస్కో అనుకూల తిరుగుబాటుదారుల మధ్య పోరాటాన్ని ముగించడానికి అంగీకరించినట్లు పుతిన్‌ తన భద్రతా మండలికి తెలిపారు. రష్యా భద్రతకు ముప్పు కలిగించేలా పాశ్చాత్య శక్తులు ఉక్రెయిన్‌తో ఉన్న మాస్కో వైరాన్ని ఉపయోగించుకుంటున్నాయంటూ ఆగ్రహం చెందారు. ఉక్రెయిన్‌ నుంచి విడిపోయిన రష్యా-మద్దతుగల ప్రాంతాల స్వాతంత్య్రాన్ని గుర్తించాలని అనుకుంటున్నట్లు తెలిపారు. రష్యా ఇలా బహిరంగంగా మద్దతు ఇస్తే అస్థిరమైన శాంతి ప్రణాళికను భంగం వాటిల్లుతుంది. ఒక రకంగా రష్యా నాటకీయంగా దాడిచేసే క్రమంలోని వ్యూహాత్మకంగా పావులు కదుపుతోందన్న అనుమానాలకు తావిస్తోంది కూడా. రష్యా భూభాగంలోకి చొరబడిన ఐదుగురు ఉక్రెనియన్ విధ్వంసకారులను తమ బలగాలు అడ్డగించి చంపేశాయని, సరిహద్దు పోస్ట్‌పై ఉక్రెయిన్ షెల్ దాడి చేసిందని రష్యా ఆరోపణలు చేస్తోంది. అయితే  కైవ్ వాటన్నింటిని ఖండించింది. నిజానికి మాస్కో అటువంటి ఆపరేషన్‌కు ఇప్పటికే పునాది వేస్తున్నట్లు కనిపించింది.  (చదవండి: పుతిన్‌- బైడెన్‌ల అత్యవసర భేటీ!)

Ukraine's two breakaway regions announced a general mobilisation: ఉక్రెయిన్‌ నుంచి విడిపోయిన రెండు ప్రాంతాల వేర్పాటువాద నాయకులు శనివారం యుద్ధానికి సిద్దం అని ప్రకటించారు. దీంతో ఉక్రెయిన్‌లో రష్యా ఆక్రమణ దాడులు మరింత తీవ్రతరం అవుతాయనే భయాలు మొదలయ్యాయి. యూరప్‌లోని ఆర్గనైజేషన్ ఫర్ సెక్యూరిటీ అండ్ కోఆపరేషన్‌ నిపుణులు రష్యా అనుకూల తిరుగుబాటుదారులచే నియంత్రించబడుతుందని, తూర్పు ఉక్రెయిన్‌లోని కొన్ని భాగాలలో దాడులు గణనీయంగా పెరిగాయని నివేదిక ఇచ్చిన కొద్ది వ్యవధిలోనే ఈ ప్రకటనలు వెలువడటం గమనార్హం. ఈ మేరకు శనివారం తాజాగా జరిగిన దాడులపై ఇరు వర్గాలు పరస్పరం ఆరోపణలు చేసుకున్నాయి. డొనెట్స్క్ పీపుల్స్ రిపబ్లిక్ నాయకుడు డెనిస్ పుషిలిన్  తన తోటి సైనికులను సైనిక నిర్భంధ కార్యాలయానికి రావాలని కోరడమే కాక తాము యుధ్దానికి సిధ్దం అనే డిక్రి పై సంతకం చేసిన విషయం గురించి ఒక వీడియోలో వెల్లడించారు. లుగాన్స్ వేర్పాటువాద ప్రాంతం నాయకుడు లియోనిడ్ పసెచ్నిక్, అదే సమయంలో తన ప్రాంతంలోని దాడులను తిప్పికొట్టేందుకు సిద్ధం అని సంతంకం చేసిని డిక్రిని ప్రచురించాడు.   అయితే ఉక్రెయిన్‌ భద్రతా దళాలే దాడులు మొదలుపెట్టాయని.. తాము ఆ దాడులను అడ్డుకున్నామని వేర్పాటువాద నాయకుడు పుషిలిన్‌ పేర్కొన్నాడు. అంతేకాదు తాము కలిసి విజయాన్ని సాధించడమే కాక రష్యా ప్రజలను రక్షిస్తాం అని ప్రకటించాడు. మరోవైపు వాషింగ్టన్‌ కూడా ఏ క్షణంలోనే రష్యా దాడులు చేస్తోందంటూ హెచ్చరిస్తోంది. ఇవన్నీ ఉక్రెయిన్‌ని ప్రధానంగా భయపెడుతున్న అంశాలు. 2014లో రష్యాలో విలీనం అయిన క్రిమియన్ ద్వీపకల్పాన్ని స్వాధీనం చేసుకునే నిమిత్తం ఉక్రెయిన్‌  వేర్పాటు వాదులపై దాడులు జరుపుతోందంటూ వస్తున్న ఆరోపణలను ఉక్రెయిన్‌ రాజధాని కీవ్‌ ఖండించింది. అంతేకాదు 2014లో వేర్పాటు దారులు చేసిన దాడులలో ఉక్రెయిన్‌ సైన్యం సుమారు 14 వేల మంది చనిపోయారు. మరోవైపు రష్యా అధ్యక్షుడు పుతిన్‌ మాత్రం బలగాలు వెనుకకు వచ్చేసినట్లు చెబుతుండటం విశేషం. ఉపగ్రహ చిత్రాలలో ఉక్రెయిన్‌ చుట్టూ రష్యా దళాలు మోహరింపు స్పష్టంగా కనిపిస్తోంది.బెలారస్, క్రిమియా, పశ్చిమ రష్యాలోని అనేక కీలక ప్రదేశాలలో రష్యా సైన్యం కార్యకలాపాల పరిధిని కొత్త ఉపగ్రహ చిత్రాలు చూపిస్తున్నాయి. అయితే ఉక్రెయిన్ ఎప్పటికీ నాటోలో చేరదని హామీ పై  బలగాలను వెనుక్కుతగ్గుతాయని రష్యా  చెప్తుండడం తెలిసిందే. (చదవండి: : రష్యా అణు విన్యాసాలు)

ఫతేపూర్‌: కాంగ్రెస్‌ పనిగట్టుకొని ప్రాంతీయ విభేదాలను రెచ్చగొడుతోందని ప్రధానమంత్రి నరేంద్ర మోదీ ధ్వజమెత్తారు. ఇలా విభేదాలను రెచ్చగొట్టే పార్టీలకు పరిపాలించే అధికారం ఉండదన్నారు. యూపీ, బిహార్, ఢిల్లీకి చెందినవారంతా ఒక్కటేనని వారిని పంజాబ్‌లోకి అడుగు పెట్టనివ్వకూడదంటూ ఆమ్‌ ఆద్మీ పార్టీని ఉద్దేశించి పంజాబ్‌ ముఖ్యమంత్రి చరణ్‌జిత్‌ సింగ్‌ చన్నీ చేసిన వ్యాఖ్యలు వివాదాస్పదమయ్యాయి. ఆ వ్యాఖ్యలపై ప్రధాని మోదీ స్పందిస్తూ కాంగ్రెస్‌ పార్టీ తన స్వప్రయోజనాల కోసం ఒక ప్రాంతం వారిని మరో ప్రాంతంపైకి ఉసిగొల్పుతూ ఉంటుందని నిందించారు. పంజాబ్‌ అబోహర్‌లో గురువారం జరిగిన ఎన్నికల ర్యాలీలో ప్రధాని మాట్లాడుతూ చన్నీ చేసిన వ్యాఖ్యల్ని ప్రస్తావించారు.  చన్నీ అలా మాట్లాడుతున్నప్పుడు పక్కనే ఉన్న ప్రియాంకా గాంధీ చప్పట్లు కొడుతున్నారని యావత్‌దేశం దీనిని చూసిందన్నారు. యూపీలోని ఫతేపూర్‌లో ఎన్నికల ర్యాలీలో మాట్లాడుతూ ప్రతిపక్షాలు ఎంతో స్వార్థంతో ఆలోచిస్తాయని ఆరోపించారు. ట్రిపుల్‌ తలాక్‌ని రద్దు చేస్తూ చట్టం తెస్తే విపక్షాలన్నీ ఏకమై వ్యతిరేకించాయని గుర్తు చేశారు. అయితే తన నిర్ణయానికి ముస్లిం మహిళలు అంతా అండగా ఉన్నారని, వారి బతుకులు బాగు చేసినందుకు కృతజ్ఞతలు వెల్లడించారని మోదీ పేర్కొన్నారు.  

సాక్షి ప్రతినిధి, కర్నూలు: అసెంబ్లీ, పార్లమెంట్‌లో జిల్లా నుంచి ప్రాతినిధ్యంలేని దారుణ స్థితిలో ఉన్న తెలుగుదేశం పార్టీ వర్గపోరుతో మరింత బలహీనపడుతోంది. నేతల మధ్య విభేదాలు ముదిరి పార్టీ పరిస్థితి నానాటికీ తీసికట్టుగా మారుతోంది. ఆలూరు, ఎమ్మిగనూరు, డోన్‌తో పాలు పలు నియోజకవర్గాల్లో టీడీపీ క్యాడర్‌ ప్రత్యామ్నాయ పారీ్టల వైపు చూస్తోంది. ఎమ్మిగనూరులో మాజీ ఎమ్మెల్యే, ఇన్‌చార్జ్‌ బీవీ జయనాగేశ్వరరెడ్డికి వ్యతిరేకంగా మాజీ ఎంపీ కోట్ల సూర్యప్రకాశ్‌రెడ్డి పనిచేస్తున్నారు. ఈనెల 2వ తేదీన కార్యాలయాన్ని సైతం ప్రారంభించారు. చదవండి: అధికారం కోసం బాబు ఎంతకైనా తెగిస్తాడు బీవీని వ్యతిరేకించే గోనెగండ్ల మాజీ ఎంపీపీ కృష్ణారెడ్డి, సింగిల్‌విండో మాజీ అధ్యక్షుడు పరమేశ్వరరెడ్డి, మాజీ సర్పంచ్‌ రంగముణితో పాలు పలువురికి కోట్ల అండగా నిలిచారు. పైగా పార్టీ ఆదేశిస్తే ఎవ్వరైనా పోటీ చేయొచ్చని ఆయన చేసిన ప్రకటన వివాదాస్పదమైంది. దీంతో జయనాగేశ్వరరెడ్డికి పార్టీలో ప్రాధాన్యం లేదని టీడీపీ శ్రేణులతో పాటు ఎమ్మిగనూరు ప్రజల్లో భావన మొదలైంది. రెండున్నరేళ్లుగా నాగేశ్వరరెడ్డి నియోజకవర్గాన్ని, టీడీపీ కార్యకర్తలను పూర్తిగా నిర్లక్ష్యం చేశారు. కార్యకర్తలకు అందుబాటులో లేకుండా హైదరాబాద్‌కు మకాం మార్చారు. దీంతో ప్రణాళిక ప్రకారం అతన్ని తప్పించేందుకు పార్టీ అధిష్టానమే ఇలాంటి చర్యలను ప్రోత్సహిస్తోందనే వాదన విన్పిస్తోంది. ఇదిలా ఉండగా జయనాగేశ్వరరెడ్డి పార్టీ పార్లమెంట్‌ అధ్యక్షుడు సోమిశెట్టితో కలిసి విలేకరుల సమావేశం నిర్వహించి.. పార్టీ వ్యతిరేకులను ప్రోత్సహిస్తున్నారని, ఇది సరికాదని వ్యాఖ్యలు చేశారు. వార్డు పర్యటనలు సైతం చేస్తున్నారు. అయితే ఆయన వెంట టీడీపీ ముఖ్య నాయకులతో పాటు కార్యకర్తలు కలిసి రావడం లేదు. డోన్‌లో సుబ్బారెడ్డికి వ్యతిరేక పవనాలు  డోన్‌ నియోజకవర్గంలో పార్టీ అధిష్టానానికి వ్యతిరేకంగా కేఈ ప్రతాప్‌ ధిక్కార స్వరం వినిపిస్తున్నారు. ఈ నేపథ్యంలో ఇన్‌చార్జ్‌గా ధర్మవరం సుబ్బారెడ్డిని నియమించారు. అయితే సుబ్బారెడ్డి నాయకత్వాన్ని మండల స్థాయి నాయకులు అంగీకరించడం లేదు. ప్యాపిలి మాజీ ఎంపీపీలు తొప్పెర శీను, సరస్వతి, చెన్నయ్య తదితరులు సుబ్బారెడ్డి నాయకత్వంలో తాము పనిచేసే ప్రసక్తే లేదని తేలి్చచెప్పారు. సుబ్బారెడ్డి టీడీపీ నుంచి కాంగ్రెస్, అక్కడి నుంచి వైఎస్సార్‌సీపీ, ఆపై టీడీపీలో చేరి రోజుకో పార్టీ మార్చి, వెన్నుపోటు పొడుస్తున్నారని ఆరోపించారు. ఎవ్వరితో చర్చించకుండా పార్టీ నిర్ణయం తీసుకోవడాన్ని కూడా తప్పుబట్టారు. ఈ పరిణామాలపై ఏకంగా కరపత్రాలు ముద్రించి నియోజకవర్గంలో పంపిణీ చేశారు. డోన్‌ మునిసిపాలిటీలోని టీడీపీ నాయకులు చిట్యాల మద్దయ్యగౌడ్, కేశన్నగౌడ్‌లు కూడా సుబ్బారెడ్డి నాయకత్వాన్ని అంగీకరించే ప్రసక్తే లేదని బాహాటంగానే ప్రకటించారు. సుబ్బారెడ్డిని కేడర్‌ అంగీకరించకపోవడం, కేఈ ప్రతాప్‌ను అధిష్టానం వద్దనడంతో డోన్‌లో నాయకత్వలేమితో టీడీపీ కొట్టుమిట్టాడుతోంది. దీంతో కోట్ల సుజాతమ్మను డోన్‌కు వెళ్లాలని టీడీపీ అధినేత చంద్రబాబు సూచించినట్లు సమాచారం. అయితే మంత్రి బుగ్గన రాజేంద్రనాథ్‌రెడ్డి అత్యంత బలంగా ఉన్న డోన్‌లో తాను గెలవడం సాధ్యం కాదని సుజాతమ్మ డోన్‌పై విముఖత ప్రదర్శిస్తున్నారు. ఇలా జిల్లా వ్యాప్తంగా ప్రతీ నియోజకవర్గంలో అంతర్గత పోరు, ఆధిపత్య పోరుతో టీడీపీ కొట్టుమిట్టాడుతోంది. నేతల తీరుతో టీడీపీలో ఉంటే భవిష్యత్‌ లేదని ద్వితీయ శ్రేణి నాయకులతో పాటు మండల, గ్రామస్థాయి నాయకులు ఇతరపారీ్టల వైపు చూస్తున్నారు.   ముదురుతున్న ఆలూరు పంచాయితీ  ఆలూరులో కోట్ల సుజాతమ్మ, ఎమ్మెల్సీ కేఈ ప్రభాకర్‌ మధ్య వర్గపోరు రోజురోజుకు ముదురుతోంది. ఈనెల 8న కేఈ ప్రభాకర్‌ మొలగవెల్లిలోని చెన్నకేశవస్వామి రథోత్సవానికి వెళ్లారు. ఆలూరు, కర్నూలు అసెంబ్లీ టికెట్లు ఆశిస్తున్నానని, అధిష్టానం ఆదేశిస్తే ఎక్కడైనా సరే పోటీ చేస్తానని చెప్పారు. కేఈ వెంట ఆలూరు మాజీ ఇన్‌చార్జ్‌ వైకుంఠం మల్లికార్జున చౌదరి, మాజీ ఎంపీపీ దేవేంద్రప్ప కూడా ఉన్నారు. ఈ క్రమంలో వెంటనే మరుసటి రోజు కోట్ల సుజాతమ్మ ఆలూరు, ఆస్పరితో పాటు పలు చోట్ల పర్యటించారు. ఆలూరు నుంచి తానే పోటీ చేస్తానని, అధిష్టానం నుంచి స్పష్టమైన ఆదేశాలు తమకు ఉన్నాయని, ఎవ్వరు ఎలాంటి ప్రకటనలు చేసినా నమ్మొద్దని టీడీపీ శ్రేణులకు చెప్పారు. సీనియర్లను కాదని జూనియర్లను మండల కన్వీనర్లుగా నియమించడంతో సుజాతమ్మను టీడీపీ నాయకులు వ్యతిరేకిస్తున్నారు. వీరంతా కేఈ వర్గం వైపు నడుస్తున్నారు. ఇదిలా ఉండగా 2014లో టీడీపీ తరఫున పోటీచేసి ఓడిపోయిన వీరభద్రగౌడ్‌ కొత్తగా తెరపైకి వచ్చారు. ఆలూరులో ఇటీవలే ఇల్లు తీసుకుని, పార్టీ కార్యకర్తలకు అందుబాటులో ఉంటానని ప్రకటించారు. దీంతో ఇక్కడ టీడీపీ మూడు వర్గాలుగా విడిపోయింది.   

చండీగఢ్‌: పంజాబ్‌ కాంగ్రెస్‌ నేత నవజ్యోత్‌ సింగ్‌ సిద్ధూకి, సీఎం చరణ్‌జిత్‌ సింగ్‌ చన్నీకి మధ్య ఇంకా విభేదాలు కొనసాగుతున్నాయి. రాష్ట్రాన్ని గాడిలో పెట్టడానికి ఇదే ఆఖరి అవకాశం అంటూ 13 పాయింట్ల ఎజెండాను సూచిస్తూ కాంగ్రెస్‌ అధ్యక్షురాలు సోనియా గాంధీకి సిద్ధూ లేఖ రాశారు. 2017 ఎన్నికల హామీలన్నీ నెరవేర్చేలా పంజాబ్‌ ప్రభుత్వాన్ని కదిలించాలని ఆ లేఖలో పేర్కొన్నారు. అక్టోబర్‌ 15న రాసిన ఆ లేఖను ఆదివారం సిద్ధూ తన ట్విట్టర్‌ ఖాతాలో షేర్‌ చేశారు.  ఈ 13 పాయింట్ల ఎజెండాపై సోనియాకు పవర్‌ పాయింట్‌ ప్రజెంటేషన్‌ ఇస్తానని సిద్ధూ వెల్లడించారు. ధనిక రాష్ట్రంగా ఉన్న పంజాబ్‌అప్పుల ఊబిలో కూరుకుపోయిందని పేర్కొన్నారు. డ్రగ్స్‌ అక్రమ రవాణా, వ్యవసాయం, ఉపాధి అవకాశాలు, ఇసుక మాఫియా, విద్యుత్, రవాణా రంగాల్లో సమస్యలను వీలైనంత త్వరగా పరిష్కరించాలని కోరారు.

సాక్షి, మహబూబాబాద్‌: దశాబ్దాల తరబడి పోడు రైతులకు, అటవీ అధికారులకు మధ్య జరుగుతున్న వివాదానికి తెరపడనుంది. అయితే భూమిని సాగు చేసుకుంటూ జీవిస్తున్న రైతులు భూమిని విడిచి పెట్టేందుకు సిద్ధంగా లేకపోగా, ఫారెస్టు భూమిని సైతం తగ్గించేందుకు ప్రభుత్వం కూడా సిద్ధంగా లేదు. ఇందులో మధ్యేమార్గంగా వేసిన మంత్రివర్గ ఉపసంఘం చైర్‌పర్సన్, రాష్ట్ర గిరిజన, స్త్రీ, శిశు సంక్షేమ శాఖల మంత్రి సత్యవతి రాథోడ్, మంత్రులు పువ్వాడ అజయ్‌కుమార్, జగదీశ్వర్‌రెడ్డి, ఇంద్రకరణ్‌రెడ్డి, సీఎస్‌ సోమేశ్‌కుమార్‌ పలు కీలక నిర్ణయాలు తీసుకున్నట్లు తెలిసింది. ఈ ఉపసంఘం మూడుసార్లు సమావేశమైంది. అయితే సమావేశంలో ఏ నిర్ణయాలు తీసుకోలేదని చెబుతూనే.. ఇప్పటికే ప్రాథమిక నివేదికను తయారు చేసి సీఎం కేసీఆర్‌కు అందజేసినట్లు సమాచారం.   2005కు ముందున్నవారికే ప్రాధాన్యం!  రాష్ట్రంలోని ఉమ్మడి ఆదిలాబాద్, కరీంనగర్, వరంగల్, ఖమ్మం, మహబూబ్‌నగర్‌ జిల్లాలోని అటవీ ప్రాంతంలో 2005కు ముందు నుంచి సాగులో ఉన్నవారికే హక్కుపత్రాలు ఇవ్వాలని మంత్రివర్గ ఉపసంఘం ఆలోచనకు వచ్చినట్లు తెలిసింది. అందుకు ఆధారాలుగా గిరిజన ప్రాంతంలోని రేషన్‌కార్డు, ఓటరు ఐడీ, లేదా ఫారెస్టు, పోలీసు కేసు రికార్డులు ఉంటే సరిపోతుందనే నిబంధనలు పెట్టారు. గిరిజనేతరులైతే మూడు తరాలుగా ఏజెన్సీ ప్రాంతంలో ఉంటూ భూమిని సాగు చేసుకున్నవారు అర్హులు. ఇందుకోసం 25 ఏళ్లకు ఒక తరం చొప్పున 75 ఏళ్లు, 2005 నుంచి ఇప్పటివరకు 16 ఏళ్లు.. ఇలా మొత్తం 91 ఏళ్లుగా గిరిజనేతరులు సాగులో ఉండాల్సి ఉంటుంది. అయితే గిరిజనేతరులు ఏజెన్సీ ప్రాంతంలో ఎలా ఉన్నారనే విషయం ప్రస్తావనకు వచ్చినప్పుడు రామప్ప దేవాలయం ఎనిమిది శతాబ్దాల క్రితం నిర్మించారు. అప్పటికే అక్కడే బ్రాహ్మణులు, ఇతర కులాలవారు వ్యవసాయం చేసుకుంటూ జీవించారనే చారిత్రక ఆధారాలు ఉన్నట్లు చర్చ జరిగింది. ఇలా గిరిజనేతరులకు కూడా పట్టాలు ఇవ్వాల్సిన ఆవశ్యకతను కమిటీ చర్చించింది.   గొత్తికోయలు మనోళ్లు కాదు..  పోడు భూములు సాగు చేసుకుంటున్న రైతులకు పట్టాలు ఇవ్వాల్సి వస్తే ఏజెన్సీ ప్రాంతంలో ఉండే గొత్తికోయలకు పట్టాలు ఇవ్వాల్సిన అవసరం లేదని కమిటీ నిర్ణయం తీసుకున్నట్లు సమాచారం. ప్రధానంగా ములుగు, మహబూబాబాద్‌తోపాటు ఖమ్మం జిల్లా చర్ల, వెంకటాపురం, దుమ్ముగూడెం మండలాలు, భూపాలపల్లి జిల్లాలోని వాజేడు ప్రాంతంలో గొత్తికోయలు ఉంటున్నారు. వీరు సంచార జీవనంగా ఛత్తీస్‌గఢ్, మధ్యప్రదేశ్‌ ప్రాంతాల నుంచి వచ్చినవారే కానీ, స్థానికులు కాదనే అభిప్రాయానికి వచ్చారు.   ఒక్కొక్కరికి నాలుగు హెక్టార్ల వరకే పట్టాలు..   అటవీశాఖ భూములే కదా.. అని గిరిజనులు, గిరిజనేతరులు వందల ఎకరాలు ఆక్రమించుకున్నట్లు మంత్రివర్గ ఉపసంఘం అభిప్రాయపడింది. అయితే ఒక్కొక్కరికి 4 హెక్టార్లు(పది ఎకరాలు) భూమికి మాత్రమే పట్టాలు ఇచ్చేలా నిర్ణయం తీసుకోనుంది. మిగిలిన భూమిని ఫారెస్టులో కలుపుకోవాలని భావిస్తోంది.   పండుగ తర్వాతే..  పోడు భూముల పట్టాలు అందించేందుకు అర్హులైన రైతులను ఎంపిక చేసే ప్రక్రియ దసరా తర్వాత ప్రారంభం కానుంది. ఇందుకోసం ప్రత్యేక ప్రొఫార్మా తయారు చేసి దరఖాస్తులను ఏజెన్సీ ప్రాంతాల్లోని రైతులకు అందుబాటులో ఉంచుతారు. రైతుల నుంచి స్వీకరించిన దరఖాస్తులను ముందుగా గ్రామపంచాయతీ, మండలస్థాయిలో, రెండో దశలో రెవెన్యూ డివిజన్‌ స్థాయిలో, కలెక్టర్, భూ పరిపాలనా విభాగం, ఫారెస్టు, ఐటీడీఏ పీవో స్థాయి అధికారులు పరిశీలించి తుది జాబితా రూపొందిస్తారు.  నిజమైన రైతులకు న్యాయం..  భూమినే నమ్ముకొని జీవిస్తున్న నిజమైన రైతులకు న్యాయం చేసేందుకు ప్రభుత్వం ప్రయత్నిస్తోంది. మంత్రివర్గ ఉపసంఘం తీసుకునే నిర్ణయాలు వారికి అనుకూలంగా ఉంటాయి. ఎన్ని ఎకరాలు ఇవ్వాలి.. ఎప్పటి నుంచి భూమిని సాగు చేసుకున్న వారికి పట్టాలు ఇవ్వాలి.. ఎవరికి ఇవ్వాలి.. అనేవి కీలకాంశాలుగా చర్చ జరుగుతోంది.   – సత్యవతి రాథోడ్, రాష్ట్ర మంత్రి, ఉపసంఘం చైర్‌పర్సన్‌ శాశ్వత పరిష్కారం చూపాలి  ఏజెన్సీ మండలాల్లో ఎన్నో ఏళ్లుగా సాగు చేసుకుంటున్న పోడు భూములకు శాశ్వత పరిష్కారం చూపాలి. 2005 కంటే ముందు సాగులో ఉన్న భూములకు పట్టాలు ఇచ్చి రైతుబంధు, రైతుబీమా, సాగునీరు అందించినట్లయితే ఉన్న అడవులను స్థానికులే కాపాడుకుంటారు. – సీతక్క, ములుగు ఎమ్మెల్యే   స్వేచ్ఛగా సాగు చేసుకోనివ్వాలి..  ఏజెన్సీ గ్రామాల్లోని పోడు భూముల్లో స్వేచ్ఛగా వ్యవసాయం చేసుకునే విధంగా చూడాలి. అర్హులైన ప్రతి వ్యక్తికి పట్టాలు ఇచ్చి రెండు పంటలకు నీరందించాలి. అప్పుడే ఆదివాసీల అభివృద్ధి సాధ్యమవుతుంది.  – ఆగబోయిన రవి, తుడుందెబ్బ రాష్ట్ర నాయకుడు   

Virat Kohli And Rohit Sharma Conflicts.. టీమిండియా కెప్టెన్‌ విరాట్‌ కోహ్లి, రోహిత్‌ శర్మల మధ్య  విభేదాలు ఉన్నాయంటూ కొంతకాలం కిందట వార్తలు వచ్చిన సంగతి తెలిసిందే. అందుకు తగ్గట్టుగానే ఒక్కోసారి వీరిద్దరి ప్రవర్తన ఉండడంతో మీడియా వార్తలు రాసుకొచ్చేది. అది చూసి ఫ్యాన్స్‌ కూడా నిజమేనని భావించారు.  అయితే అవన్నీ తప్పుడు వదంతులని.. మా మధ్య అలాంటిదేం లేదని కోహ్లి, రోహిత్‌లు చూపించారు. ఇంగ్లండ్‌తో జరిగిన టెస్టు సిరీస్‌లో మ్యాచ్‌లు విజయం సాధించినప్పుడు.. ఇంగ్లండ్‌ వికెట్లు కోల్పోయినప్పుడు ఇద్దరు ఒకరినొకరు హగ్‌ చేసుకోవడం.. అభినందించుకోవడం చేశారు. చదవండి: T20 World Cup 2021: సూర్య, ఇషాన్‌లు ఫామ్‌లో లేరు.. ఆ స్థానాల్లో వీరే కరెక్ట్‌ Courtesy: IPL Twitter తాజాగా ఐపీఎల్‌ 2021 సెకండ్‌ఫేజ్‌లో భాగంగా ఆదివారం ఆర్‌సీబీ, ముంబై మధ్య మ్యాచ్‌ జరిగింది. ఈ మ్యాచ్‌లో ముంబై 54 పరుగుల తేడాతో పరాజయాన్ని మూటగట్టుకుంది. అయితే మ్యాచ్‌ ముగిసిన తర్వాత కోహ్లి రోహిత్‌ వద్దకు వచ్చి మాట్లాడిన ఫోటోలు సోషల్‌ మీడియాలో వైరల్‌గా మారాయి. ఇద్దరు మాట్లాడుకుంటున్న సందర్భంలో ముఖాల్లో నవ్వులు పూయడం అభిమానులను సంతోషపరిచింది.  ఈ సందర్భంగా వారి ఫోటోను షేర్‌చేస్తూ ట్వీట్స్‌తో రెచ్చిపోయారు. '' ఎంతైనా కాబోయే కెప్టెన్‌..  కాబోయే కెప్టెన్‌ వద్దకు వచ్చి ప్రస్తుత కెప్టెన్‌ చర్చలు.. వారిద్దరి మధ్య విభేదాలు లేవనడానికి ఈ ఫోటోనే నిదర్శనం'' అంటూ కామెంట్స్‌ చేశారు. చదవండి: "నువ్వు సూపరప్పా ఊతప్ప".. సీఎస్‌కే ప్లేయర్‌ క్రీడాస్పూర్తికి నెటిజన్లు ఫిదా Win or lose but these moments is made my morning beautiful #Rohirat #ViratKohli #RohitSharma pic.twitter.com/P2jUlM3Clv — Maulik Vadariya (@MaulikVadariya) September 27, 2021

న్యూఢిల్లీ: కాంగ్రెస్‌ పార్టీ, సామాజిక మాధ్యమం ట్విట్టర్‌ మధ్య ఘర్షణాత్మక వాతావరణం ఇంకా కొనసాగుతోంది. కాంగ్రెస్‌ అధికారిక అకౌంట్, పార్టీ నేతలు, కార్యకర్తల ఖాతాలను ట్విట్టర్‌ బ్లాక్‌ చేసిందని ఆ పార్టీ గురువారం వెల్లడించింది. ఢిల్లీలో అత్యాచారం, హత్యకి గురైనట్టుగా అనుమానిస్తున్న దళిత బాలిక కుటుంబం ఫొటోలను కాంగ్రెస్‌ నేత రాహుల్‌ ఇటీవల ట్విట్టర్‌లో షేర్‌ చేసినందుకు ఆయన ఖాతాను తాత్కాలికంగా స్తంభింపజేసింది. ఇప్పుడు మళ్లీ కాంగ్రెస్‌ పార్టీ అధికారిక ఖాతాని బ్లాక్‌ చేయడంతో ఆ పార్టీ ట్విట్టర్‌పైనా, కేంద్రంలో మోదీ ప్రభుత్వంపైనా విరుచుకుపడింది. కేంద్రం ఆదేశాల మేరకే ట్విట్టర్‌ ఇలా వ్యవహరిస్తోందని పార్టీ ప్రధాన అధికార ప్రతినిధి రణదీప్‌ సుర్జేవాలా ఆరోపించారు. ఏఐసీసీ ప్రధాన కార్యదర్శులు సుర్జేవాలా, అజయ్‌ మాకెన్, లోక్‌సభలో పార్టీ విప్‌ మాణిక్యం ఠాగూర్,   మహిళా కాంగ్రెస్‌ అధ్యక్షురాలు సుస్మిత దేవ్‌ తదితరుల ఖాతాలను ట్విట్టర్‌ నిలిపివేసింది. పార్టీ ముఖ్య నేతలు, కార్యకర్తలకు చెందిన మొత్తంగా 5,000 ఖాతాలను ట్విట్టర్‌ స్తంభింపజేసిందని కాంగ్రెస్‌ సోషల్‌మీడియా విభాగం చీఫ్‌ రోహన్‌ గుప్తా అన్నారు. కాగా, కాంగ్రెస్‌ పార్టీ ప్రధాన కార్యదర్శి ప్రియాంకా గాంధీ ట్విట్టర్‌పై తీవ్ర స్థాయిలో విరుచుకుపడ్డారు. కాంగ్రెస్‌ నేతల అకౌంట్లు బ్లాక్‌ చేసే అంశంలో ఆ సంస్థ తన సొంత నిబంధనలు పాటిస్తుందా  లేదంటే మోదీ ప్రభుత్వం ఆదేశాల మేరకు నడుచుకుంటుందా అని ప్రశ్నించారు. కాగా, ట్విట్టర్‌ తమ చర్యల్ని సమర్థించుకుంది.

సాక్షి,దోమకొండ(నిజామాబాద్​): బీబీపేట మండలం యడారం గ్రామానికి చెందిన వల్లెపు రమేష్‌(39)అనే యువకుడు ఆదివారంరాత్రి దోమకొండ మండలంలింగుపల్లిలో అత్తారింట్లో గొడవపడి వెళ్లిపోయడని ఎస్సై రాజేశ్వర్‌గౌడ్‌ తెలిపారు. వివరాలు.. రమేష్‌ ఆదివారం రాత్రి అత్తారింట్లో బావమరిది శ్రీకాంత్​తో గొడవ పడి బైక్‌ తీసుకుని వెళ్లిపోయాడు. కొద్దిసేపటికి తాను ఆత్మహత్య చేసుకుంటున్నాననిసెల్ఫీ వీడియో తీసి దానిని బావమరిది శ్రీకాంత్​కుపంపినట్లు ఎస్సై చెప్పారు. దీంతో రమేష్‌ మామ,బావమరిది వెంటనే పోలీస్‌స్టేషన్​  వచ్చి ఫిర్యాదు చేశారన్నారు. సెల్​ఫోన్​   సిగ్నల్​ అధారంగా ఆదివారం రాత్రి నుంచి వెతకగా సోమవారంఉదయం దోమకొండ శివారులోని మల్లికార్జునస్వామి ఆలయం సమీపంలో రమేష్‌ బైక్, దానికి కొద్ది దూరంలో షర్టు లభించాయన్నారు. కాగా తమ కొడుకును అత్తాగారింటి వారు చంపి ఉంటారని రమేష్‌ తల్లిదండ్రులు ఆరోపిస్తున్నారు. డాగ్‌స్వాడ్‌తో వెతికినా ఆచూకీ లభించలేదని ఎస్సైతెలిపారు. రమేష్​ తండ్రి మల్లయ్య ఫిర్యాదు  మేరకు అదృశ్యం కేసు నమోదు చేసినట్లు పేర్కొన్నారు. కాగా రమేష్‌ మామతో పాటు బావమరిదిపై గతంలో పలువురిపై దాడులు, దొంగతనం కేసులు ఉన్నాయని ఎస్సై చెప్పారు.  చదవండి: వామ్మో.. బంధువులని చేరదీస్తే ఎంత పనిచేశారు..

వెబ్‌డెస్క్‌: వ్యాక్సిన్‌లు దొరక్క జనాలు అల్లలాడిపోతున్నారు. ఇప్పటికే మొదటి డోస్‌లు తీసుకున్నవాళ్లకు రెండో డోస్‌ దొరకడం కష్టతరంగా మారింది. దీనికి తోడు ఏజ్‌ గ్రూపులు, ఆన్‌లైన్‌ స్లాట్‌ బుకింగ్‌, టోకెన్‌ వ్యవస్థ, రోజూ కొందరికే టీకాలు ఇవ్వాలన్న అధికారుల నిర్ణయాలు జనాలకు చికాకు తెప్పిస్తున్నాయి. ఈ క్రమంలో వ్యాక్సినేషన్‌ ప్రక్రియ ఊళ్ల మధ్య చిచ్చు పెడుతున్న ఘటనలు రాజస్థాన్‌ రాష్ట్రంలో చోటు చేసుకుంటున్నాయి.  సికర్‌ జిల్లా జాజోద్‌ గ్రామంలో శనివారం ఉదయం ప్రభుత్వ పాఠశాలలో వ్యాక్సినేషన్‌ కార్యక్రమం జరగాల్సి ఉంది. దీంతో ఆన్‌లైన్‌లో స్లాట్‌ బుక్‌ చేసుకున్న ఎనభై మంది సెంటర్‌ ముందు క్యూ కట్టారు. అయితే అందులో సగం కంటే ఎక్కువ బయటి ఊళ్ల వాళ్లే ఉన్నారు. ఇది గమనించిన జాజోద్‌ గ్రామస్తులు నిరసన వ్యక్తం చేస్తూ.. బయటి ఊళ్లవాళ్లకు వ్యాక్సిన్‌ డోస్‌లు ఇవ్వకుండా ఆశావర్కర్లను అడ్డుకున్నారు. మరోవైపు కొందరు గ్రామస్తులు.. బయటి ఊళ్ల వాళ్లతో వాగ్వాదానికి దిగారు. సమాచారం అందుకున్న పోలీసులు అక్కడికి చేరుకుని పరిస్థితి అదుపులోకి తెచ్చారు. మళ్లీ మధ్యాహ్నం టైంలో మళ్లీ వ్యాక్సినేషన్‌ మొదలుపెట్టగా.. బయటి ఊళ్లవాళ్లు అక్కడి నుంచి కదల్లేదు. దీంతో మూడు గంటల తర్వాత మళ్లీ వ్యాక్సినేషన్‌ ప్రారంభించారు. మొత్తం 90 డోస్‌లలో ముప్ఫై మాత్రమే తమ ఊరివాళ్లకు ఇచ్చి.. మిగతావి బయటి వాళ్లకు ఇచ్చారని జాజోద్‌ సర్పంచ్‌ భర్త మహవీర్‌ చెబుతున్నాడు. వాళ్లంతా చురు, బికనీర్‌, నాగౌర్‌ గ్రామాల నుంచి వచ్చారని, సోమవారం నుంచి బయటివాళ్లను అడ్డుకుని తీరతామని జాజోద్‌ గ్రామస్తులు చెప్తున్నారు.  ఆధార్‌ వల్లే.. రాజస్థాన్‌లో ప్రస్తుతం 18 నుంచి 44 ఏళ్లలోపు వాళ్లకు వ్యాక్సినేషన్‌ ప్రక్రియ నడుస్తోంది. గ్రామాల్లో వైరస్‌ వ్యాప్తి వేగంగా ఉంటోంది. దీంతో జనాలు వ్యాక్సిన్‌ కోసం ఎగబడుతున్నారు. ఒక ఊరి వాళ్లు.. మరో ఊరికి వ్యాకిన్‌ కోసం వెళ్తుండడంతో తగాదాలు చోటు చేసుకుంటున్నాయి. టోంక్‌ జిల్లాలో కొన్ని గ్రామాల ప్రజలు బయటి వాళ్లు వ్యాక్సినేషన్‌కు రాకుండా పొలిమేర్లలో రాళ్లు అడ్డం పెట్టడం అక్కడి పరిస్థితికి అద్దం పడుతోంది. చాలామందికి ఆన్‌లైన్‌ స్లాట్‌ బుకింగ్‌ గురించి అవగాహన లేకపోవడంతో నేరుగా సెంటర్ల దగ్గర క్యూ కట్టి, వెనుదిరుగుతున్నారు. మీడియేటర్ల సాయంతో స్లాట్‌ బుక్‌ చేసుకున్నప్పటికీ.. ఆధార్‌లో వయసు తేడాలున్నాయని ఆశావర్కర్లు వ్యాక్సిన్‌ డోసులు ఇవ్వడం లేదు. వీటన్నింటిని తోడు టోకెన్‌ సిస్టమ్‌ నడుస్తుండడంతో వ్యాక్సిన్‌ డోస్‌లు త్వరగా తీసుకోవాలనే ఉద్దేశంతో వేరే ఊళ్లకు వెళ్తున్నారు. చదవండి: 160 మంది ప్రాణాలు గాలికొదిలేసి..

సాక్షి ప్రతినిధి, శ్రీకాకుళం: ఎచ్చెర్ల టీడీపీలో నివురు గప్పిన నిప్పులా ఉన్న విభేదాలు ఇప్పుడు రాజుకుంటున్నాయి. భవిష్యత్‌లో తనకు ప్రతిబంధకంగా త యారవుతున్న నాయకులను సాగనంపే పనిలో టీడీపీ పోలిట్‌ బ్యూరో సభ్యులు కిమిడి కళా వెంకటరావు ఉన్నారు. తనకు పోటీగా తయారవుతున్న నాయకులపై సస్పెన్షన్‌ వేటు వేస్తున్నారు. మొన్నటికి మొన్న జి.సిగడాం మండలం సీనియర్‌ టీడీపీ నేత బాలగుమ్మి వెంకటేశ్వరరావును సస్పెండ్‌ చేయగా, నేడు టీడీపీ ఉత్తరాంధ్ర కార్యకర్తల శిక్షణ శిబిరం డైరెక్టర్‌ కలిశెట్టి అప్పలనాయుడును సస్పెండ్‌ చేస్తున్న ట్టు కళా వెంకటరావు ప్రకటించారు. 2019 ఎన్నికల్లో ఓటమి పాలైన దగ్గరి నుంచి కళా వెంకటరావుకు నియోజకవర్గంలో అసమ్మతి పోరు ఎక్కువైంది. ముఖ్యంగా కళా కుమారుడు రామ్‌ మల్లిక్‌ నాయుడును నియోజకవర్గంపై వదలడం, రాష్ట్ర స్థాయి పదవి అప్పగించడంతో కళాపై కినుకు ఎక్కువైంది. అసలే వలస నేత, ఆపై ఆయన కుటుంబ సభ్యులు తమపై పెత్తనం చేయడమేంటని ఆ నియోజకవర్గంలో వ్యతిరేకత పెరిగింది. దీంతో కళా అలెర్ట్‌ అయ్యారు. వ్యతిరేకంగా గళం విప్పుతున్న నేతలు, పోటీగా కార్యక్రమాలు నిర్వహిస్తున్న నాయకులపై దృష్టి సారించారు. మొన్నటికి మొన్న జి.సిగడాం మండలం సీనియర్‌ నేత బాలగుమ్మి వెంకటేశ్వరరావును ఏకపక్షంగా సస్పెండ్‌ చేయగా, నేడు నియోజకవర్గంలో కీలకమైన కలిశెట్టి అప్పలనాయుడుపైనా అదే వేటు పడింది. షోకాజ్‌ నోటీసులు ఇవ్వకుండా సస్పెండ్‌ చేయడం పార్టీలో చర్చనీయాంశంగా మారింది. అసలు కళాకు ఆ అధికారం ఎక్కడిదని, ఏ ఆదేశాలైనా పార్టీ నుంచి రావాలని ఆయన్ని వ్యతిరేకిస్తున్న నాయకులంతా ప్రశ్నిస్తున్నారు. బీజేపీతో దోస్తీ..   ఒక వైపు కళా వెంకటరావు సోదరుడు కుటుంబీకులంతా ఇప్పటికే బీజేపీతో టచ్‌లో ఉన్నారు. సోము వీర్రాజు తదితర నేతలతో మంతనాలు జరిపారు. మే నెలలో బీజేపీ తీర్థం పుచ్చుకునే అవకాశం ఉంది. ఇదంతా ఎప్పటికప్పుడు కళా వ్యతిరేక వర్గీయులు బయటపెడుతున్నారు. ఏ రోజుకైనా కళా వెంకటరావు బీజేపీలో చేరడం ఖాయమని కూడా చెప్పుకొస్తున్నారు. ఇలాంటి సమయంలో తనకు వ్యతిరేకంగా నడుస్తున్న నాయకులపై వరుసగా సస్పెన్షన్‌ వేటు వేయడం ప్రాధాన్యత సంతరించుకుంది. పార్టీలో ఉండాలంటే అసమ్మతి నేతలందరినీ బయటికి పంపించాలనే షరతుతో అధిష్టానాన్ని బ్లాక్‌ మెయిల్‌ చేసి తమపై వేటు వేస్తున్నారని అసమ్మతి నేతలు వాపోతున్నారు. అధికారంలో ఉన్నంతకాలం అక్రమాలకు పాల్పడి, పార్టీని అప్రతిష్ట పాలుజేసి, ఇప్పుడు కష్టపడ్డ సీనియర్లను పార్టీ నుంచి దూరం చేయడం వెనక కుట్ర దాగి ఉందని ఆ పార్టీ నేతలు బాహాటంగానే వ్యాఖ్యానిస్తున్నారు. చదవండి: ఆ ఇద్దరికీ పదవీ గండం?     ఆధ్యాత్మిక స్థలంపై టీడీపీ నేత కన్ను

సాక్షి, సదాశివపేట రూరల్‌ (సంగారెడ్డి): భార్యాభర్తల మధ్య గొడవలకు కారణమవుతుందని ఓ మహిళను అతి కిరాతకంగా హత్య చేశాడు ఓ కిరాతకుడు. గత నెల 29న సదాశివపేట మండలంలోని ముబారక్‌ పూర్‌ గ్రామ శివారులో సన్నం వాగు సమీపంలో అనుమానాస్పద స్థితిలో జరిగిన మహిళ హత్య కేసును ‘పేట’ పోలీసులు ఛేదించారు. శనివారం పట్టణంలోని పోలీస్‌ స్టేషన్‌లో హత్యకు సంబంధించిన వివరాలను సంగారెడ్డి డీఎస్పీ బాలాజీ, సీఐ సంతోష్‌ కుమార్‌ విలేకరుల సమావేశంలో వివరాలు వెల్లడించారు. సంగారెడ్డి మండలంలోని గుడితాండకు చెందిన రమావత్‌ లక్ష్మీ అలియాస్‌ బులీబాయి(38) అడ్డమీద కూలీ పని చేస్తూ జీవనాన్ని కొనసాగిస్తుంది. ఈమెకు సంగారెడ్డి పట్టణంలోని మారుతీనగర్‌ కు చెందిన వడ్డే నర్సింలు(38)తో పరిచయం ఏర్పడింది. మూడేళ్లుగా రమావత్‌ లక్ష్మీతో నర్సింలు, అతడి భార్య ఎల్లమ్మకు పరిచయం ఉంది. అందరూ కలిసి కూలి పనులకు వెళ్లేవారు.  భార్యాభర్తల మధ్య గొడవలు పెడుతుందని ఈ మధ్యకాలంలో భార్య ఎల్లమ్మ తరుచూ  నర్సింలుతో గొడవలు పడుతుంది. తనపై లేనిపోని మాటలు తన భార్యకు చెప్పి గొడవలకు కారణమవుతున్న  లక్ష్మీని ఎలాగైనా చంపాలని నర్సింలు నిర్ణయించుకున్నాడు. గత నెల 29న బైక్‌పై లక్ష్మీని ఇరిగిపల్లికి తీసుకెళ్లి ఇద్దరూ కలిసి కల్లు సేవించారు. అనంతరం రెండు బాటిల్లు తీసుకొని తర్వాత తాగుదామని చెప్పి ముబారక్‌ పూర్‌(బి) గ్రామ శివారులో గల సన్నం వాగు ప్రక్కన ఉన్న తుమ్మ చెట్ల పొదలకు తీసుకొని కట్టతో ఆమెను తీవ్రంగా కొట్టి చంపేశాడు.  ఈ నెల 5న ఘటన వెలుగులోకి రావడంతో గుర్తుతెలియని మృతదేహాన్ని పరిశీలించి కేసు నమోదు చేసుకొని దర్యాప్తు ప్రారంభించారు. పోలీసులు చాకచక్యంగా వారం రోజుల్లో  కేసును ఛేదించారు. నిందితుడు నర్సింలును అదుపులోకి తీసుకొని అతడి నుంచి లక్ష్మికి సంబంధించిన  కడియాలు, నిందితుడి బైక్‌ స్వాధీనం చేసుకొని రిమాండ్‌కు తరలించారు. త్వరితగతిన కేసును ఛేదించిన సీఐ సంతోష్‌ కుమార్‌ ను ప్రత్యేకంగా అభినందించి.. పోలీస్‌ సిబ్బంది రమేశ్, వీరేశం, శ్రీనులకు డీఎస్పీ బాలాజీ రివార్డులు అందజేశారు.  

బంజారాహిల్స్‌: కేబీఆర్‌ పార్కు వేదికగా బీజేపీలో నెలకొన్న లుకలుకలు మరోసారి బయటపడ్డాయి. బంజారాహిల్స్‌లోని కేబీఆర్‌ పార్కు వద్ద శనివారం వాకర్లను ఓట్లు అభ్యర్థించేందుకు ఏర్పాటు చేసిన కార్యక్రమంలో ఎమ్మెల్సీ అభ్యర్థి రాంచందర్‌రావు పాల్గొన్నారు. ఇదే కార్యక్రమానికి మాజీ ఎమ్మెల్యే చింతల రామచంద్రారెడ్డి, జూబ్లీహిల్స్‌ కార్పొరేటర్‌ వెల్దండ వెంకటేష్‌ కూడా వచ్చారు. చింతల రావడంతోనే అప్పటికే అక్కడికి వచ్చిన పార్టీ నేత గోవర్ధన్‌ను పక్కకు జరగాలని సూచించారు. దీంతో ఒక్కసారిగా కోపోద్రిక్తుడైన గోవర్ధన్‌ చింతలపై విరుచుకుపడ్డారు. దీంతో పరిస్థితి ఉద్రిక్తంగా మారింది. బాహాబాహికి దిగేందుకూ యత్నించారు. కాగా,పరిస్థితి చేయిదాటుతుండటంతో వెంట నే పక్కనే ఉన్న నేతలు కలగజేసుకొని ఇరు వర్గాల వారిని శాంతింపజేశారు. మొన్నటి కార్పొరేటర్‌ ఎన్నికల సమయంలో జూబ్లీహిల్స్‌ డివిజన్‌ బీజేపీ టిక్కెట్‌ ఇవ్వకుండా తనను మోసం చేశారని పల్లపు గోవర్ధన్‌ కోపంతో ఉన్నారు. దీంతో చింతలతో విభేదాలు తలెత్తాయి.

సాక్షి, విజయవాడ: బెజవాడ టీడీపీలో విభేదాలు రచ్చకెక్కాయి. విజయవాడ టీడీపీ నేతలు రెండు వర్గాలుగా విడిపోయారు. కమ్మ, కాపు నేతల మధ్య ఆధిపత్యపోరు తీవ్రస్థాయికి చేరింది. కేశినేని నానిపై బోండా ఉమా, బుద్దా వెంకన్న, నాగుల్‌మీరా తీవ్రస్థాయిలో మండిపడ్డారు. చంద్రబాబు పర్యటన గురించి మాకు కనీసం సమాచారం ఇవ్వరా?. రూట్‌ మ్యాప్‌ మార్చడానికి కేశినేని ఎవరని వారు  ప్రశ్నించారు. ‘చంద్రబాబు రోడ్‌షోలో కేశినేని పాల్గొంటే.. మేం పాల్గొనం. మాకు ఏ గొట్టం గాడు అధిష్టానం కాదంటూ’ వారు నిప్పులు చెరిగారు. ‘‘టీడీపీని కుల సంఘంగా మార్చాలని కేశినేని అనుకుంటున్నారా?. దమ్ముంటే కేశినేని ఇండిపెండెంట్‌గా పోటీచేసి గెలవాలి. కేశినేని చెప్పుచేతల్లో బీసీలు బతకాలా?. కేశినేని నాని చేసేవన్నీ చీకటి రాజకీయాలు. రంగా హత్య కేసు నిందితులందరూ కేశినేని వెంటే ఉన్నారంటూ’’ బోండా ఉమ, బుద్దా వెంకన్న, నాగుల్‌మీరా విమర్శలు గుప్పించారు. కాగా, విజయవాడలోని ముఖ్య నాయకులు రెండు వర్గాలుగా వ్యవహరిస్తున్నారు. కేశినేని శ్రీనివాస్‌కు గద్దె రామ్మోహన్‌ వెంట ఉంటున్నారు. బొండా, బుద్దా, నాగుల్‌మీరా, పట్టాభి తదితరులు పూర్తిగా దూరమయ్యారు. బీసీ వర్గానికి చెందిన గుండారపు హరిబాబు కుమార్తె పూజితకు ఇచ్చిన టిక్కెట్‌ను కేశినేని నాని మార్చేశారు. ఈ విషయమై బుద్ధా, మీరాలు పట్టుపట్టినా ఎంపీ ససేమిరా అన్నారు. ఎస్సీ వర్గానికి చెందిన కొట్టేటి హనుమంతరావు భార్య టికెట్‌ విషయంలోనూ అదే జరిగింది. పేదసామాజిక వర్గానికి చెందిన వ్యక్తికి టిక్కెట్‌ ఇప్పించుకోలేకపోయినట్లు పొలిట్‌ బ్యూరో సభ్యుడు, జాతీయ కార్యదర్శి కూడా అయిన వర్ల రామయ్య తన అనుచరవర్గం వద్ద అంతర్గత చర్చల్లో వాపోయినట్లు సీనియర్‌ నేతలు గుర్తు చేస్తున్నారు. చదవండి: ఔను.. మళ్లీ ‘వాళ్ల మాటే’ నెగ్గింది తమ్ముడి గెలుపుపై జేసీ బెంగ..  

సాక్షి, నిజామాబాద్‌: బీజేపీలో అంతర్గత కలహాలు ప్రారంభమయ్యాయా..? జిల్లా ముఖ్య నేతల మధ్య ఆధిపత్య పోరు కొనసాగుతోందా..? అంటే అవుననే అంటున్నాయి ఆ పార్టీ వర్గాలు. జిల్లాలో పట్టు సాధించే దిశగా పయ నిస్తున్న బీజేపీలో ఇప్పుడు నేతల మధ్య విభేదాలు పెరుగుతుండటం ఆసక్తికరంగా మారింది. పారీ్టలో ఎంతో కీలకమైన జిల్లా పదాధికారుల సమావేశం శనివారం నగరంలోని ఆ పార్టీ కా ర్యాలయంలో జరిగింది. జిల్లా లోని కీలక నేతలు హాజరైన ఈ సమావేశంలో నేతల మధ్య భేదాభిప్రాయాలు బట్టబయలైనట్లు సమాచారం. ఇటీవల బాన్సువాడలో నిర్వహించిన బహిరంగ సభ నిర్వహణ తీరుపై ప్రధానంగా చర్చ జరిగినట్లు తెలిసింది. ఈ సమావేశానికి నిజామాబాద్‌ నగరానికి చెందిన మహిళా కార్పొరేటర్లు హాజరు కావడంపై ఒకరిద్దరు నాయకులు అభ్యంతరం వ్యక్తం చేయడం వివాదానికి దారి తీసినట్లు సమాచారం. ఇతర ప్రధాన పారీ్టలతో పోలి్చతే బీజేపీలో ప్రస్తుతం మహిళా నేతల ప్రాతినిధ్యం అంతంత మాత్రంగానే ఉంది. ఇలాంటి తరుణంలో పారీ్టలో మహిళల ప్రాధాన్యత పెంచాల్సిన నాయకులు.. మహిళా కార్పొరేటర్ల విషయంలో అభ్యంతరాలు వ్యక్తం చేయడంపై ఎంపీ అరి్వంద్‌ అసహనం వ్యక్తం చేసినట్లు తెలిసింది. బీజేపీ ఆధ్వర్యంలో జరుగుతున్న వివిధ నిరసన కార్యక్రమాల్లో పాల్గొనే మహిళా నేతల కోసం అర్వింద్‌ ప్రత్యేకంగా రోప్‌ పార్టీని ఏర్పాటు చేయించారు. నిరసన కార్యక్రమాల సందర్భంగా మహిళా నేతలు ఇబ్బందులు పడకుండా ప్రత్యేకంగా రక్షణ సిబ్బందిని కూడా ఏర్పాటు చేశారు. ఇటువంటి పరిస్థితిలో మహిళా నేతల హాజరుపై అభ్యంతరాలు వ్యక్తం చేయడం విమర్శలకు తావిచ్చింది. మరోవైపు జిల్లాలో జరిగిన సభ్యత్వ నమోదు ప్రక్రియ విషయంలోనూ సమావేశంలో చర్చకొచ్చినట్లు తెలిసింది. ఆర్మూర్‌ నియోజకవర్గంలో సభ్యత్వ నమోదు ప్రక్రియ మొక్కుబడిగా సాగిందనే అంశంపై చర్చ జరిగింది. ఈ నియోజకవర్గంలో సభ్యత్వ జాబితా తప్పుల తడకగా ఉండటంతో మరో బృందంతో ప్రత్యామ్నాయంగా ఈ ప్రక్రియను చేపట్టినట్లు తెలుస్తోంది.  పార్టీ బలోపేతమవుతున్న తరుణంలో.. ఏడాది క్రితం వరకు జిల్లాలో బీజేపీ నాయకత్వ సమస్యను ఎదుర్కొంది. నిజామాబాద్‌ అర్బన్‌ వంటి ఒకటీ రెండు చోట్ల మినహా మిగిలిన నియోజకవర్గాల్లో కార్యకర్తలున్నప్పటికీ, పార్టీని నడిపించే నాయకులు లేకుండా పోయారు. నాయకత్వ సమస్యను అధిగమించేందుకు చేరికలపై పార్టీ దృష్టి సారించింది. ఇందులో భాగంగా బాల్కొండ నియోజకవర్గంలో మల్లికార్జున్‌రెడ్డి, బోధన్‌లో మేడపాటి ప్రకాశ్‌రెడ్డి, బాన్సువాడలో మాల్యాద్రిరెడ్డిలను పారీ్టలో చేర్చుకోవడం ద్వారా నాయకత్వ సమస్యను అధిగమించే ప్రయత్నాలు చేస్తోంది. ఈ తరుణంలో ముఖ్య నేతల మధ్య ఉన్న విభేదాలు బట్టబయలవుతుండటం పారీ్టలో అంతర్గత చర్చకు దారి తీస్తోంది.

సాక్షి, ప్రత్యేక ప్రతినిధి: ‘23 మంది వైఎస్సార్‌ సీపీ ఎమ్మెల్యేలను చంద్రబాబు గారు పార్టీలోకి తీసుకున్నారు. అంతకు ముందు వరకు రోజూ వాళ్లు ఆయన్ను బూతులు తిట్టారు. అయినా సరే తీసుకున్నాం. అలాగే జలీల్‌ఖాన్‌ చంద్రబాబును అప్పటి వరకు బూతులు తిట్టారు.. ఇప్పుడు ఎక్కడ ఉన్నారు?’ అంటూ టీడీపీకి చెందిన విజయవాడ లోక్‌సభ సభ్యుడు కేశినేని శ్రీనివాస్‌ (నాని)ఇటీవల నడిరోడ్డుపై పార్టీ నాయకులు, కార్యకర్తల నడుమ చేసిన బహిరంగ వ్యాఖ్యలు సోషల్‌ మీడియాలో వైరల్‌ అయ్యాయి. ద్వితీయ శ్రేణి నాయకులు, కార్యకర్తలు నిలదీయడంతో కేశినేని తనదైన శైలిలో సమాధానమిచ్చారు. దీనిపై నెటిజనులు  ‘ఆవు చేలో మేస్తే దూడ గట్టున మేస్తుందా’ అంటూ వ్యంగ్యంగా కామెంట్‌ చేస్తున్నారు. విజయవాడ పశ్చిమ నియోజకవర్గం పరిధిలోని 39వ డివిజన్‌ నుంచి టీడీపీ తరఫున కార్పొరేటర్‌ అభ్యరి్థగా బరిలో ఉన్నట్లు చెప్పుకుంటున్న కప్పగంతుల శివ స్థానికంగా ఏర్పాటు చేసుకున్న ఎన్నికల కార్యాలయ ప్రారంభోత్సవానికి ఎంపీ కేశినేని నాని విచ్చేశారు. నగర పార్టీ అధ్యక్షుడు, ఎమ్మెల్సీ బుద్ధా వెంకన్న వర్గానికి చెందిన స్థానిక మాజీ కార్పొరేటర్‌ గుండారపు హరిబాబు తన మద్దతుదారులతో నాలుగు స్తంభాల సెంటర్‌లో ఎంపీని అడ్డుకున్నారు. 39వ డివిజన్‌ కార్పొరేట్‌ అభ్యరి్థగా హరిబాబు కుమార్తె పూజితను గతంలోనే ఎంపిక చేశారు. టీడీపీతో సంబంధంలేని వారికి టికెట్‌ ఎలా ఇస్తా్తరంటూ వాగ్వివాదానికి దిగారు. దీనికి సమాధానంగా గతంలో 23 మంది వైఎస్సార్‌సీపీ ఎమ్మెల్యేలను చంద్రబాబునాయుడు ఎలా తీసుకున్నారో ఇప్పుడు తాను అలాగేనని తేల్చిపారేశారు. ఎంపీ అమ్ముడుపోయారు: హరిబాబు  కేశినేని నాని అమ్ముడుపోయారని హరిబాబు తన కుమార్తె, నాయకులతో కలిసి మీడియా సమక్షంలో తీవ్రారోపణలు చేశారు. పార్టీ హైకమాండ్‌ టికెట్టు తమకిచ్చిందని.. వైఎస్సార్‌లోకి వెళ్లినోళ్లకి టికెట్‌ ఇస్తామంటే ఒప్పుకునేది లేదన్నారు. డివిజన్‌కు రూ.20 లక్షలు  మాజీ మేయర్‌ కోనేరు శ్రీధర్, ఆయన భార్య మూడు పర్యాయాలు గెలిచిన డివిజన్‌ను తన కూతురు శ్వేత కోసం బెదిరించి లాగేసుకున్నారని హరిబాబు ఆరోపించారు. ఒక్కో డివిజన్‌ అభ్యర్థికి 15 నుంచి 20 లక్షలు ఖర్చవుతుందని చెప్పి, ఆ మొత్తాన్ని తాను ఇస్తానని ఎంపీ చెప్పారన్నారు. కేశినేని శ్వేతను మేయర్‌ అభ్యర్థిగా అధిష్టానం ప్రకటించలేదని స్పష్టంచేశారు. చదవండి: పంచాయతీల్లో వైఎస్సార్‌సీపీ ప్రభంజనం   తుదిదశలోను టీడీపీ దాష్టీకం  

హైదరాబాద్‌: భారత బ్యాడ్మింటన్‌ చీఫ్‌ కోచ్‌ పుల్లెల గోపీచంద్‌తో తనకు ఎలాంటి విభేదాలు లేవని, టోక్యో ఒలింపిక్స్‌ సన్నాహాల్లో భాగంగానే గచ్చిబౌలిలోని తెలంగాణ స్పోర్ట్స్‌ అథారిటీ స్టేడియంలో సాధన చేస్తున్నానని వరల్డ్‌ చాంపియన్‌ పీవీ సింధు స్పష్టం చేసింది. గోపీచంద్‌ కోరిన మీదటే ‘శాట్స్‌’ తమ శిక్షణకు స్టేడియాన్ని సిద్ధం చేసిన విషయాన్ని ఆమె గుర్తు చేసింది. ఒలింపిక్స్‌లో తాము పోటీ పడే తరహా వాతావరణం గచ్చిబౌలి స్టేడియంలో అందుబాటులో ఉండటమే తాను అక్కడికి వెళ్లేందుకు కారణమని ఆమె వెల్లడించింది. ‘నాకూ, చీఫ్‌ కోచ్‌కు మధ్య ఎలాంటి విభేదాలు లేవు. మా ఇద్దరి మధ్య అంతా బాగుంది. గచ్చిబౌలి ఇండోర్‌ స్టేడియంలో ప్రపంచ స్థాయి ప్రమాణాలు ఉన్నాయి. ఇదే తరహా వేదికపైనే ఒలింపిక్‌ మ్యాచ్‌లు జరగనున్నాయి. ముఖ్యంగా ఏసీ బ్లోయర్లు మ్యాచ్‌లో షటిల్‌ దిశను ప్రభావితం చేస్తాయి. దానికి అలవాటు పడాలంటే అలాంటి సౌకర్యం ఉన్న స్టేడియంలోనే ప్రాక్టీస్‌ చేయాలి. ఇక్కడ సాధన చేసేందుకు నాకు ‘సాయ్‌’ కూడా అనుమతి ఇచ్చింది’ అని సింధు పేర్కొంది. కొన్నాళ్ల క్రితం తాను లండన్‌ వెళ్లినప్పుడు తన కుటుంబంతో విభేదాల గురించి వచ్చిన వార్తలపై చాలా బాధపడ్డానని, అయితే అందరికీ తాను వివరణ ఇస్తూ ఉండలేనని సింధు వ్యాఖ్యానించింది.

సాక్షి, విజయవాడ: రెండో విడత పంచాయతీ ఎన్నికల్లో టీడీపీ బరి తెగించింది. ప్రజా మద్దతు లేకపోవడంతో టీడీపీ నేతల దౌర్జన్యాలకు పాల్పడ్డారు. ప్రశాంతంగా జరుగుతున్న ఎన్నికల్లో టీడీపీ నేతల రభస సృష్టించారు.  టీడీపీ నేతల నిర్వాకంతో కొన్ని చోట్ల ఉద్రిక్తతలకు దారితీసింది. గ్రామాల్లో గొడవలు సృష్టించేందుకు టీడీపీ నేతలు ప్రయత్నించారు. ప్రజాస్వామ్యాన్ని అపహాస్యం చేసేవిధంగా రెచ్చిపోయారు. వైఎస్సార్‌సీపీ మద్దతుదారులపై బెదిరింపులకు దిగారు.  కృష్ణా జిల్లా పామర్రు పెరిసేపల్లి పోలింగ్ కేంద్రం వద్ద టీడీపీ నేతలు దౌర్జన్యానికి దిగారు. మాస్క్ పెట్టుకోలేదన్న నెపంతో వైఎస్సార్‌ సీపీ మద్దతుదారుడిపై టీడీపీ నేతలు దాడి చేశారు. కొత్త నిమ్మకూరులో టీడీపీ నేత బరితెగించారు. వృద్ధురాలితో బూత్‌లోకి వెళ్లి ఓటు వేసేందుకు టీడీపీ నేత ప్రయత్నించారు. విజయనగరం జిల్లా పార్వతీపురం మండలంలో సర్పంచ్ అభ్యర్ధిపై టీడీపీ మాజీ ఎమ్మెల్యే చిరంజీవులు దౌర్జన్యానికి పాల్పడ్డారు. కృష్ణపల్లి కేంద్రం వద్ద వైఎస్ఆర్‌సీపీ బలపరిచిన అభ్యర్ధిపై దౌర్జన్యానికి దిగారు. (చదవండి: మాట వినకపోతే చంపేస్తాం.. బాబు పీఏ బెదిరింపులు..) ఇదేం బరితెగింపురా నాయనా..!

అధికారంలో ఉన్నప్పుడు సామ్రాజ్యాలను విస్తరించుకుపోయారు తెలుగు తమ్ముళ్లు. అప్పుడు ఒకరంటే ఒకరికి పడకున్నా చేతిలో పవర్‌ ఉండటంతో కిమ్మనకుండా ఉన్నారు. తీరా గత సార్వత్రిక ఎన్నికల్లో చావుదెబ్బ తిని, అధికారానికి దూరమయ్యేసరికి వారి మధ్య ఉన్న విభేదాలు ఒక్కొక్కటిగా బయట పడుతున్నాయి. ఎన్నికలకు వెళ్లడమంటే డబ్బుతో కూడుకున్న పని. అందుకు ముఖం చాటేస్తున్న నేతలు ఆ నిందను ఒకరిపై మరొకరు నెట్టుకునే ప్రయత్నాలు చేస్తున్నారు. మూడేళ్ల తరువాత జరిగే రాజకీయ పరిణామాలకు ఇప్పటి నుంచే వ్యూహాల కత్తులకు పదును పెడుతున్నారు. సాక్షి ప్రతినిధి,రాజమహేంద్రవరం: జిల్లా టీడీపీ నేతల మధ్య చాప కింద నీరులా ఎప్పటి నుంచో ఉన్న విభేదాలు.. ప్రస్తుత పంచాయతీ పోరు పుణ్యమా అని రచ్చకెక్కాయి. ఆ పార్టీ పదవులకు, కాకినాడ రూరల్‌ నియోజకవర్గ ఇన్‌చార్జి బాధ్యతలకు మాజీ ఎమ్మెల్యే పిల్లి అనంతలక్ష్మి, ఆమె భర్త, పార్టీ సీనియర్‌ నాయకుడు వీర వెంకట సత్యనారాయణమూర్తి (సత్తిబాబు) శుక్రవారం గుడ్‌బై చెప్పారు. మీడియా ముందు రాజీనామా ప్రకటన వేళ మాజీ ఎమ్మెల్యే అనంతలక్ష్మి కంట తడి పెట్టారు. తమ రాజీనామాలకు మాజీ హోం మంత్రి, పెద్దాపురం ఎమ్మెల్యే నిమ్మకాయల చినరాజప్ప కారణమని సత్తిబాబు ఆరోపించారు. (చదవండి: టీడీపీ పదవులకు మాజీ ఎమ్మెల్యే దంపతుల రాజీనామా) అయితే సత్తిబాబు దంపతుల మీడియా సమావేశం జరిగిన గంటల వ్యవధిలోనే చినరాజప్ప మాట్లాడుతూ, ఇందులో తన ప్రమేయం ఎంతమాత్రం లేదని అన్నారు. ఏడాది కాలంగా అనంతలక్ష్మి దంపతులు పార్టీ బాధ్యతల నుంచి వైదొలగుతామంటూ చెబుతూ వచ్చి, ఇప్పుడు హఠాత్తుగా తనపై నింద వేస్తున్నారని అన్నారు. అధికారం ఉన్నప్పుడు అనుభవించి, బరువు మోయాల్సిన సమయంలో సత్తిబాబు కాడి వదిలేస్తున్నారని వైరి వర్గం ఆరోపిస్తోంది. ఈ వివాదానికి ఇరుపక్షాల నుంచి వినిపిస్తున్న వాదనలు వాస్తవాలకు చాలా దూరంగా ఉన్నాయని అంటున్నారు పరిశీలకులు. ఈ పచ్చ రచ్చకు అసలు కారణాలు వేరే ఉన్నాయనే వాదన బలంగా వినిపిస్తోంది. (చదవండి: చిత్తూరు జిల్లాలో టీడీపీ హైడ్రామా)  భాస్కర రామారావును తీసుకువచ్చేందుకు..  ప్రస్తుతం తటస్థంగా ఉన్న మాజీ ఎమ్మెల్సీ బొడ్డు భాస్కర రామారావును పార్టీలోకి క్రియాశీలకంగా తీసుకు రావాలనేది సత్తిబాబు వ్యూహం. పార్టీ ఆవిర్భావం నుంచి సత్తిబాబుకు భాస్కర రామారావు ప్రధాన అనుచరుడనే ముద్ర ఉంది. తాను త్యాగం చేసిన కాకినాడ రూరల్‌ స్థానానికి భాస్కర రామారావును తీసుకువచ్చి, చినరాజప్ప భవిష్యత్తు వ్యూహానికి చెక్‌ పెట్టాలనేది సత్తిబాబు ఎత్తుగడగా ఉంది. ఎక్కడో కోనసీమ నుంచి వచ్చి, రెండు పర్యాయాలు ఎమ్మెల్యేగా చేసి, తమ నియోజకవర్గంలో వేలు పెడితే తమ వ్యూహం తమకు ఉండదా అని సత్తిబాబు వర్గం ప్రశి్నస్తోంది. ఆర్థిక స్తోమతతో దూకుడుగా వ్యవహరించే భాస్కర రామారావును కాకినాడ రూరల్‌కు తీసుకువస్తే పార్టీ శ్రేణులకు ధైర్యం కల్పించినట్టవుతుందని సత్తిబాబు భావిస్తున్నారు. ఈ నేపథ్యంలోనే ఈ విషయాన్ని ఇటీవల ఆయన వద్ద ప్రతిపాదించారు. ఈ విషయాన్ని సత్తిబాబే స్వయంగా మీడియాకు చెప్పడం గమనార్హం. అయితే భాస్కర రామారావును తీసుకు రావాలనుకుంటే అభ్యంతరం చెప్పాల్సిన అవసరం తమకు ఎంతమాత్రం లేదని చినరాజప్ప వర్గం పేర్కొంటోంది. భాస్కర రామారావును తీసుకురావాలనే సత్తిబాబు వ్యూహం బయటకు పొక్కడంతో తప్పు తమ నాయకుడిపై నెట్టేందుకు ప్రయతి్నస్తున్నారని చినరాజప్ప వర్గీయులు అంటున్నారు. అధికారం ఉన్నప్పుడు అనుభవించి, పవర్‌ పోయేసరికి పార్టీని వదిలేసిన విషయాన్ని అధిష్టానం దృష్టికి తీసుకువెళ్లడం తప్పేమిటని పార్టీ వర్గాలు అభిప్రాయపడుతున్నాయి. గత ఎంపీటీసీ ఎన్నికల నుంచి నేటి పంచాయతీ ఎన్నికల వరకూ నియోజకవర్గ ఇన్‌చార్జిగా సత్తిబాబు అభ్యర్థులను నిలబెట్టకుండా పార్టీని నిరీ్వర్యం చేయడం వాస్తవం కాదా అని రాజప్ప వర్గీయులు ప్రశి్నస్తున్నారు. ఈ వ్యవహారం అటు తిరిగి, ఇటు తిరిగి ఎటు పయనిస్తుందో వేచి చూడాల్సిందే. ఈలోగా మాజీ ఆర్థిక మంత్రి యనమల రామకృష్ణుడు ఇరు వర్గాల మధ్య రాజీకి ప్రయత్నాలు చేస్తున్నారు.  మా కుటుంబంపై మీకేమైనా గౌరవం ఉంటే, మాజీ శాసన సభ్యురాలిగా కొన్ని అభివృద్ధి కార్యక్రమాలు చేశారనే ఉద్దేశం ఉంటే నేను, నా భార్య అనంతలక్ష్మి చనిపోయిన తరువాత తెలుగుదేశం జెండా కప్పి శ్మశానానికి తీసుకువెళ్లండి. మీతో అభిప్రాయ భేదాలు కాదు.. నేను మనస్తాపం చెందాను. నా కుటుంబం ఇబ్బంది పాలయింది. నా కుర్రాళ్లు ‘తిరం’ కాదు. వచ్చే ఎన్నికల్లో నేను పోటీ చేయను. అర్హత ఉన్న వారిని పెట్టుకోమని చెబుతున్నాను. సర్పంచ్, ఎంపీటీసీ ఎన్నికలకు ఇబ్బందులు వచ్చాయి. నెల కిత్రం చంద్రబాబుతో జూమ్‌ కాన్ఫరెన్స్‌లో మాట్లాడాను. ఆయన సమస్య రెక్టిఫై చేస్తానన్నారు. కానీ రానురానూ జిల్లా పార్టీ యంత్రాంగంలో నాకు ఇబ్బందికర పరిస్థితులు వచ్చాయి. కొంతమంది నాయకులకు నేనంటే ఇష్టం లేదు. ఇష్టం ఉన్న నాయకుడిని పెట్టుకోండి. నాకు ఇబ్బంది లేదు. బొడ్డు భాస్కర రామారావు వద్దకు వెళ్లి, కాకినాడ రూరల్‌ నియోజకవర్గంలో పోటీ చేయాలని, నీ వద్ద ఉన్న డబ్బు, సత్తా, ఎప్పియరెన్స్‌కు కచ్చితంగా నెగ్గుతావని అన్నాను. చినరాజప్ప తదితరులతో మనస్పర్థలున్నాయి. బొడ్డు భాస్కర రామారావును రమ్మనడం వలన ఇబ్బందులు పెడుతున్నారేమో అర్థం కాలేదు.  – పిల్లి వీర వెంకట సత్యనారాయణమూర్తి  రూరల్‌పై రాజప్ప కన్ను వేయడమే కారణమా!  టీడీపీలో రగిలిన ఈ రచ్చకు కాకినాడ రూరల్‌ నియోజకవర్గం కేంద్ర బిందువనే చర్చ నడుస్తోంది. రెండుసార్లుగా పెద్దాపురం నియోజకవర్గం నుంచి ప్రాతినిధ్యం వహిస్తున్న చినరాజప్ప వచ్చే ఎన్నికలకు కాకినాడ రూరల్‌పై కన్ను వేశారనే ప్రచారం చాలా కాలంగా ఉంది. వాస్తవానికి గత సార్వత్రిక ఎన్నికల్లో చినరాజప్ప కాకినాడ రూరల్‌ నుంచి పోటీకి దిగుతారని అనుకున్నారు. కానీ చివరి నిమిషంలో చినరాజప్పను పెద్దాపురం నుంచే రెండోసారి బరిలోకి దింపారు. పెద్దాపురంలో పార్టీ శ్రేణులు చెల్లాచెదురై ఆదరణ తగ్గిపోవడంతో మూడేళ్లు ముందే కొత్త స్థానం కోసం చినరాజప్ప వెతుకులాడుతున్నారనే ప్రచారం ఉంది. ఈ నేపథ్యంలోనే గత ఎన్నికల్లో తాను ఆశించిన కాకినాడ రూరల్‌ నియోజకవర్గంపై ఆయన కన్ను వేశారని అంటున్నారు. వచ్చే ఎన్నికల నాటికి కాకినాడ రూరల్‌లో లైన్‌ క్లియర్‌ చేసుకునే లక్ష్యంతోనే చినరాజప్ప ఆ నియోజకవర్గ ఇన్‌చార్జి సత్తిబాబు దంపతులపై ఏడాది కాలంగా అధిష్టానానికి వ్యూహాత్మకంగా తప్పుడు ఫిర్యాదులు చేస్తున్నారనే ఆరోపణలున్నాయి. నియోజకవర్గంలో పార్టీని నిర్వీర్యం చేశారని చినరాజప్ప పార్టీ అధినేత చంద్రబాబుకు పదేపదే ఫిర్యాదులు చేస్తూ, తమను తక్కువ చేస్తున్నారని సత్తిబాబు వర్గీయులు మండిపడుతున్నారు. అనంతలక్ష్మి దంపతులను కాకినాడ రూరల్‌ నుంచి పొమ్మనకుండానే పొగ పెట్టేందుకే రాజప్ప ఈవిధంగా వ్యవహరిస్తున్నారని అంటున్నారు. రాజకీయ వేధింపులకు తోడు ఇటీవల కుటుంబ పరంగా ఎదురైన ఇబ్బందుల నేపథ్యంలోనే పార్టీ పదవులు, ఇన్‌చార్జి బాధ్యతల నుంచి వైదొలగాల్సి వస్తోందని సత్తిబాబు చెబుతున్నారు.  ఆ ప్రకటన బాధాకరం.. మాజీ ఎమ్మెల్యే పిల్లి అనంతలక్ష్మి, పిల్లి సత్యనారాయణమూర్తి నా కారణంగా బయటకు వెళ్తున్నట్టు శుక్రవారం విలేకర్ల సమావేశంలో చెప్పారు. వీరిద్దరూ గత ఏడాది కాలంగా ఇంటి నుంచి బయటకు రాలేదు. అనంతరం చంద్రబాబు, యనమల రామకృష్ణుడితో పాటు నా వద్దకు కూడా వచ్చి తాను ఇన్‌చార్జ్‌గా ఉండలేనని చెప్పారు. అయితే పంచాయతీ ఎన్నికల్లో అభ్యర్థులను పెట్టాలని రామకృష్ణుడు చెప్పారు. ఆవిధంగానే గ్రామాల్లో అభ్యర్థులను ఏర్పాటు చేశారు. ప్రచారం నిర్వహించారు. ఇప్పుడు నా కారణంగా రాజీనామా చేస్తున్నట్టు ప్రకటించడం బాధాకరం. నేను పార్టీ కోసం పని చేస్తాను. పార్టీకి నష్టం కలిగించే పని చేయను.  – నిమ్మకాయల రాజప్ప, టీడీపీ పొలిట్‌బ్యూరో సభ్యుడు, ఎమ్మెల్యే, పెద్దాపురం  

కుటుంబ కలహాలు సామాజిక సమస్యగా మారుతున్నాయి. చిన్నచిన్న విషయాలకే గొడవలకు దిగి కాపురాలను నాశనం చేసుకుంటున్నారు. కూర్చుని మాట్లాడుకుని సర్దుబాటు చేసుకునే అవకాశాలున్నా పట్టింపులకు పోయి దూరమవుతున్నారు. మనస్పర్థలు, అపోహలతో మొదలైన విభేదాలే విడిపోయేంత అగాధాన్ని సృష్టిస్తున్నాయి. మానవ సంబంధాలను దూరం చేస్తున్నాయి. సాక్షి, కామారెడ్డి: భార్య,భర్తల మధ్య తలెత్తే స్వల్ప విభేదాలను ఎప్పటికప్పుడు పరిష్కరించుకునే ప్రయత్నం చేస్తే చాలావరకు గొడవల నుంచి బయటపడవచ్చు. ఈ చిన్న పాటి లాజిక్‌ను వదిలేసి చాలా కుటుంబాలు అనవసర తగదాలకు పోయి దూరమవుతున్నారు. చాలా సందర్భాల్లో ఇవే గొడవలు చిలికిచిలికి గాలివానలా మారి హత్యలు, ఆత్మహత్యలకూ దారితీస్తున్నాయి. ఒకరినొకరు అర్థం చేసుకుంటే దాంపత్యం జీవితం అన్యోన్యంగా సాగిపోతుందని, కానీ చాలామంది తప్పు తనది కాదంటే తనది కాదంటూ పట్టింపులకు పోతుండడం వివాదాలను పెంచుతోంది.  ఎవరూ తగ్గడం లేదు..  జీవితం యాంత్రికంగా మారింది. సమయానికి వంట చేయలేదని భర్త, ఇంటికి కావలసిన సామగ్రి తేవడం లేదని భార్య, తనమాట వినడం లేదని భర్త, మద్యం సేవిస్తున్నాడని భార్య, తన తల్లిదండ్రులను నిర్లక్ష్యం చేస్తోందని భర్త, తనను పట్టించుకోవడం లేదని భార్య.. ఇలా ఒకరిపై ఒకరు ఆరోపణలు, ప్రత్యారోపణలు చేసుకోవడం కుటుంబాల్లో సాదారణంగా మారింది. ఈ సమస్య లన్నీ చిన్నచిన్నవే. వీటిని పరిష్కరించుకునే అవకాశాలు చాలా ఎక్కువ. కానీ ఎవరూ తగ్గడం లేదు. ఫలితంగా గొడవలు పెంచుకుంటున్నారు. ఇద్దరి మధ్య తలెత్తిన విభేదాలను పరిష్కరించుకునే ప్రయత్నం చేయకుండా ఎవరికి వారుగా ఇరుగు పొరుగు వారికి చెప్పుకుని రోడ్డున పడుతున్నారు. చెప్పుడు మాటలతో దూరమై పోలీసుస్టేషన్‌ గడప తొక్కుతున్నారు. ఒక్కోసారి గృహహింస, వరకట్న వేధింపుల వంటి కేసుల వరకూ వెళ్తున్నాయి. ఇవి వారి మధ్య మరింత దూరగడానికి కారణమవుతున్నాయి. గత ఏడాది జిల్లాలో గృహహింసకు సంబంధించి 136 కేసులు నమోదయ్యాయి. కౌన్సెలింగ్‌ ద్వారా 110జంటలు ఒక్కటయ్యారు.  ఖర్చులూ సమస్యే..  పెరిగిన కుటుంబ ఖర్చులు, పిల్లల చదువులకు అ య్యే వ్యయం కుటుంబాలకు భారంగా మారింది. ఇలాంటి సమయంలో భార్య, భర్తలిద్దరూ ఒకరికొకరు చర్చించుకుని ఖర్చు పొదుపుగా చేయడానికి ప్రయత్నించాలి. ఒక్కరే సంపాదిస్తున్నపుడు కు టుంబ పోషణకు సరిపడక ఇబ్బందులు తలెత్తడం సహజం. అలాంటి సందర్భాల్లో ఇద్దరూ చెరోపని ఎంచుకుని చేయడం ద్వారా ఆర్థిక కష్టాలను కొంతవరకు అధిగమించవచ్చు. కానీ ఇద్దరి మధ్య అవగాహన లేకపోవడం మూలంగా ఖర్చు విషయంలో పొదుపు చర్యలు పాటించే ప్రయత్నం చేయడం లేదు. పిల్లల అల్లరి మూలంగా భార్య, భర్తలు గొడవలు పడుతుంటారు. పిల్లలు అల్లరి చేస్తే తల్లిగానీ, తండ్రి గాని వారిని సర్ధిచెప్పే ప్రయత్నం చే యకుండా, రెండు మూడు దెబ్బలు తగిలిస్తున్నా రు. పిల్లల్ని అలా కొడతావా అంటూ గొడవ పడ డం కనిపిస్తోంది. ఇలాంటి చిన్న చిన్న అంశాలు వా రి మధ్య ఘర్షణలకు కారణమవుతున్నాయి.   అనాథలుగా చిన్నారులు.. కుటుంబ కలహాలు ఒక్కోసారి హత్యలకు దారితీస్తున్నాయి. అలాగే ఆత్మహత్యలకు పాల్పడుతున్నారు. ఇరువురి మధ్య విభేదాలు పెరిగి ఆవేశంలో హత్యలకు పాల్పడుతున్నారు. ఫలితంగా జైలుపాలై, పిల్లలు అనాథలుగా మారాల్సి వస్తోంది. ఇంట్లో తల్లి చనిపోయినా, తండ్రి చనిపోయినా పిల్లలు అనాథలుగా మారాల్సి వస్తోంది. చేయని నేరానికి పిల్లలు ఇబ్బందులు పడుతున్నారు. హత్యలు, ఆత్మహత్యలకు కారణమైన వారు పోలీసు కేసుల్లో జైలుపాలై ఆర్థికంగా, మానసికంగా దెబ్బతింటున్నారు.  సర్దుకుపోయే తత్వం ఏది..?  భార్య, భర్తల మధ్య తలెత్తుతున్న చిన్నచిన్న గొడవలను పరిష్కరించుకోవడం ద్వారా ఒకరినొకరు అర్థం చేసుకుని ముందుకు సాగవచ్చు. కానీ చాలా మంది పంతాలు, పట్టింపులకు వెళ్లి రోడ్డున పడుతున్నారు. చాలావరకు ఎవరో ఒకరు తగ్గితే సర్దుకుపోయే అవకాశం ఉన్నా ఇద్దరూ తప్పు నీదంటే తప్పు నీదంటూ ఒకరికొకరు గొడవ పడుతున్నారు. ఫలితంగా ఇబ్బందులపాలై సమాజంలోనూ చులకన అవుతున్నారు. అర్థం చేసుకుంటే జీవితం అన్యోన్యంగా మారుతుందన్న విషయాన్ని గుర్తించాల్సిన అవసరం ఉంది. 

సాక్షి, అమరావతి: తనది 40 ఏళ్ల రాజకీయ అనుభవమని ప్రతిచోటా చెప్పుకునే చంద్రబాబు పంచాయతీ ఎన్నికలకు వింత భాష్యం చెప్పడంపై సర్వత్రా విస్మయం వ్యక్తమవుతోంది. పార్టీ గుర్తులేకుండా జరిగే పంచాయతీ ఎన్నికల్లోనూ తన క్షుద్ర రాజకీయాన్ని జొప్పించి విద్వేషాలు రగిలించడానికి ఆయన పడుతున్న తాపత్రయం చూసి రాజకీయ పండితులు నివ్వెరపోతున్నారు. గ్రామాల్లో ప్రశాంత వాతావరణం ఉండేలా ఒకవైపు ప్రభుత్వం పంచాయతీల్లో ఏకగ్రీవాలను ప్రోత్సహిస్తుంటే దానికి వ్యతిరేకంగా చంద్రబాబు పోటీకోసం కాలుదువ్వడంపై తీవ్ర వ్యతిరేకత వ్యక్తమవుతోంది. ఇందుకోసం పార్టీ రహితంగా జరిగే పంచాయతీ ఎన్నికలకు ఏకంగా మేనిఫెస్టో విడుదల చేసి మరీ తాను గ్రామాలను ప్రశాంతంగా ఉండనిచ్చేదిలేదని పరోక్షంగా చెప్పడంతో టీడీపీ నాయకులే నోరెళ్లబెడుతున్నారు. చదవండి: టీడీపీ కుట్రకు యాప్‌ దన్ను గ్రామాల్లో ఉద్రిక్తతలు పెంచడమే లక్ష్యమా?  గ్రామాల్లో రాజకీయ ఉద్రిక్తతలను తగ్గించేందుకు, స్థానికుల మధ్య విభేదాలను నివారించి గ్రామాలను అభివృద్ధి చేసుకోవాలనే ఉద్దేశంతో ఎన్నో ఏళ్ల నుంచి పంచాయతీల్లో పార్టీ గుర్తులేకుండా ఎన్నికలు జరుపుతున్నారు. దీన్ని అన్ని రాజకీయ పార్టీలు గౌరవిస్తున్నాయి. తెలుగుదేశం పార్టీ అధికారంలో ఉన్నప్పుడు కూడా ఇదే విధానం అమలైంది. పంచాయతీరాజ్‌ చట్టం ప్రకారం ఏ రాజకీయ పార్టీ అయినా దీన్ని గౌరవించాల్సిందే. ఈ చట్టం ప్రకారమే రాష్ట్ర ఎన్నికల కమిషన్‌ పంచాయతీల్లో ఎన్నికలు నిర్వహించాలి. కానీ, చంద్రబాబు దీన్ని ఉల్లంఘిస్తూ పంచాయతీ ఎన్నికలకు మేనిఫెస్టో విడుదల చేయడంపై సొంత పార్టీ సహా సర్వత్రా విమర్శలు వెల్లువెత్తుతున్నాయి. ఇది రాజ్యాంగ ఉల్లంఘన కిందకు వస్తుందని రాజకీయ నిపుణులు అభిప్రాయపడుతున్నారు. ప్రతిరోజూ రాజ్యాంగ పరిరక్షణకు నీతి వాక్యాలు చెప్పే చంద్రబాబు.. మేనిఫెస్టో ప్రకటించడం ద్వారా దానికి తూట్లు పొడిచారనే ఆగ్రహం వ్యక్తమవుతోంది. దీనివల్ల గ్రామాల్లో ఉద్రిక్తతలు పెరిగే అవకాశం ఉంటుందని, ప్రజలను రెచ్చగొట్టే ఉద్దేశంతోనే చంద్రబాబు ఇలాంటి బరితెగింపు చర్యలకు దిగారనే విమర్శలు వినిపిస్తున్నాయి. చదవండి: ఇద్దరు ఐఏఎస్‌లపై చర్యలొద్దు చంద్రబాబు మేనిఫెస్టోకు విలువ ఉందా?  చంద్రబాబు చెప్పే మాటలు, విడుదల చేసే మేనిఫెస్టోలకు ఎప్పుడూ విలువలేదు. 2014 ఎన్నికల్లో 600కి పైగా అబద్ధపు హామీలిచ్చి అధికారంలోకి వచ్చిన ఆయన.. వాటిని పక్కనపెట్టి అడ్డగోలుగా పరిపాలన చేయడంతో 2019 ఎన్నికల్లో ప్రజలు దారుణంగా ఓడించారు. ఇప్పుడు మళ్లీ అవే హామీలు, అలాంటి మేనిఫెస్టోనే విడుదల చేయడం వెనుక స్వార్థ రాజకీయమే తప్ప ప్రజలపై చిత్తశుద్ధిలేదని విశ్లేషకులు చెబుతున్నారు. పంచాయతీ ఎన్నికలకు మేనిఫెస్టో ఎలా విడుదల చేస్తారని ప్రశ్నలు వస్తాయనే ఉద్దేశంతోనే ముందుగానే దాన్ని సమర్థించుకునేందుకు చంద్రబాబు ఒక వాదనను సిద్ధంచేసుకున్నారు. తెర వెనుక రాజకీయాలు ఉన్నా ఎన్నికలు మాత్రం గుర్తుల్లేకుండా జరుగుతాయి కాబట్టి చట్టం ప్రకారం ఇవి పార్టీ రహిత ఎన్నికలే. అలాంటి ఎన్నికలకు మేనిఫెస్టో విడుదల చేయడం ద్వారా చంద్రబాబు చట్టాన్ని ఉల్లంఘించారనే అభిప్రాయం వ్యక్తమవుతోంది.  గెలిస్తే కరోనా వ్యాక్సిన్‌ ఇచ్చేస్తారంట! పంచాయతీ ఎన్నికలకు మేనిఫెస్టో విడుదల చేయడమే ఒక వింత అయితే, దాన్ని తలదన్నేలా.. పంచాయతీ పోరులో గెలిస్తే 60 రోజుల్లో కోవిడ్‌ వ్యాక్సిన్‌ ఇస్తామని చంద్రబాబు అనడం పెద్ద చర్చనీయాంశమైంది. ఆయనిచ్చిన ఈ హామీపై ఇప్పుడు తెగ సెటైర్లు పేలుతున్నాయి. ప్రతిపక్షంలో ఉన్న మనమెలా వ్యాక్సిన్‌ ఇస్తాం? అదీ పంచాయతీ ఎన్నికల్లో గెలిస్తే? అని ఆ పార్టీ నాయకులే జుట్టు పీక్కుంటున్నారు. వ్యాక్సిన్‌ ఇచ్చేది కేంద్ర ప్రభుత్వం.. అది కూడా రాష్ట్ర ప్రభుత్వ సహకారంతో. కానీ, కొన్ని పంచాయతీల్లో టీడీపీ మద్దతుదారులు సర్పంచ్‌లుగా గెలిచినంత మాత్రాన వ్యాక్సిన్‌ ఇవ్వడం ఎలా సాధ్యమో అర్థంకాక రాజకీయ పండితులు కూడా తలలు పట్టుకుంటున్నారు. ఇవేకాక.. ప్రతి ఒక్కరికీ వంద గజాల్లో రూ.3 లక్షలతో ఇల్లు కట్టిస్తామని, నీటిశుద్ధి కేంద్రాలు ఏర్పాటుచేస్తామని ఎడాపెడా వాగ్దానాలు చేసిపారేశారు. పంచాయతీల్లో గెలిస్తే రాష్ట్రంలో తమ ప్రభుత్వమే వచ్చేస్తుందనే స్థాయిలో చంద్రబాబు మాట్లాడుతుండడంపై ఆ పార్టీ నేతలే నవ్వుకుంటున్నారు. తమ అధినేతకు ఏదో అయిందని.. లేకపోతే ఈ హామీలేంటని వారు అంతర్గత సంభాషణల్లో వ్యాఖ్యానిస్తున్నారు.    

న్యూఢిల్లీ: ఉత్తర సిక్కింలోని 16 వేల అడుగుల ఎత్తైన నాకు లా ప్రాంతంలో ఉన్న సరిహద్దుల్లో భారత్, చైనా సైనికుల మధ్య గతవారం స్వల్ప ఘర్షణ చోటు చేసుకుంది. జనవరి 20న జరిగిన ఈ ఘర్షణ ఆలస్యంగా వెలుగు చూసింది. ఈ బాహాబాహీలో రెండు దేశాల సైనికులకు స్వల్పంగా గాయాలయ్యాయి. సుమారు 20 మంది చైనా సైనికులు, నలుగురు భారత జవాన్లు గాయపడ్డారని ఆర్మీ వర్గాలు వెల్లడించాయి. ఇరు దేశాల స్థానిక కమాండర్లు ఈ సమస్యను పరిష్కరించారని ఆర్మీ సోమవారం ఒక ప్రకటనలో తెలిపింది. సరిహద్దుల్లో ఉద్రిక్తతలను తొలగించే లక్ష్యంతో ఇరుదేశాల మధ్య 9వ విడత చర్చలు ఆదివారం ఉదయం ప్రారంభమై.. సోమవారం మధ్నాహ్నం వరకు కొనసాగాయి. తాజా ఘటనను భూతద్దంలో చూసి, అనవసర, అబద్ధపు ప్రచారం చేయవద్దని మీడియాను కోరుతున్నామని భారతీయ ఆర్మీ ప్రకటించింది. ఈ నెల 20న ఉత్తర సిక్కింలోని నాకు లా వద్ద వాస్తవాధీన రేఖను దాటి భారత భూభాగంలోకి వచ్చేందుకు చైనా సైనికులు ప్రయత్నించారు. భారత సైనికులు అడ్డుకోవడంతో గొడవ జరిగింది. దీనిపై తమ వద్ద సమాచారం లేదని చైనా విదేశాంగ శాఖ అధికార ప్రతినిధి ఝావో లిజియన్‌ వ్యాఖ్యానించారు. ‘సరిహద్దుల్లో శాంతి నెలకొనేందుకు చైనా దళాలు కట్టుబడి ఉన్నాయన్నారు. అహంకార ధోరణి సరికాదు: జిన్‌పింగ్‌ వరల్డ్‌ ఎకనమిక్‌ ఫోరమ్‌(డబ్ల్యూఈఎఫ్‌)ను ఉద్దేశించి జిన్‌పింగ్‌ సోమవారం ప్రత్యేకంగా ప్రసంగించారు.  వారంపాటు జరిగే ఈ డబ్ల్యూఈఎఫ్‌ ఆన్‌లైన్‌ సదస్సులో భారత ప్రధాని నరేంద్రమోదీ గురువారం ప్రసంగిస్తారు. సొంత ఆర్థిక సమస్యల పరిష్కారానికి ఇతర దేశాలను ఇబ్బంది పెడ్తూ అహంకార పూరిత ధోరణితో వ్యవహరించే దేశాలు ఒంటరిగా మిగిలిపోతాయని హెచ్చరించారు. ఏ దేశం పేరునూ ప్రస్తావించనప్పటికీ.. అమెరికా, భారత్‌లను ఉద్దేశించే జిన్‌పింగ్‌ ఈ వ్యాఖ్యలు చేశారని భావిస్తున్నారు.

ముంబై:  టీమిండియా వికెట్‌కీపర్‌ వృద్ధిమాన్‌ సాహా తన సహచర ఆటగాడు రిషబ్‌ పంత్‌పై కీలక వ్యాఖ్యలు చేశాడు. ఆసీస్‌ పర్యటనలో రిషబ్‌ గొప్ప ప్రదర్శన చేసినప్పటికి తన కెరీర్‌కు వచ్చిన ప్రమాదం ఏం లేదని పేర్కొన్నాడు. 'పంత్‌కు,నాకు మధ్య మంచి అనుబంధం ఉంది.. కావాలంటే అ విషయంపై మీరు అతన్ని అడగొచ్చు. తుది జట్టులో ఎవరికి చోటు దక్కినా.. ఎవరు బాధపడం.. పైగా ఒకరినొకరు సాయం చేసుకుంటాం. వ్యక్తిగతంగానూ నాకు పంత్‌తో ఎలాంటి విభేదాలు లేవు.. మా ఇద్దరిలో నెంబర్‌ 1,2 అంటూ ఎవరు లేరు. బ్యాటింగ్‌లో ఎవరిశైలి వారికి ఉంటుంది. మ్యాచ్‌లో ఉత్తమంగా రాణించినవారికి జట్టు అవకాశాలిస్తుంది. నా పని నేను చేసుకుంటూ వెళుతా.. అంతేగాని జట్టు ఎంపిక అనేది నా చేతుల్లో ఉండదు. బ్యాటింగ్‌లో మంచి ప్రదర్శన కనబరిచిన పంత్‌ కీపింగ్‌లోనూ క్రమంగా మెరుగవుతున్నాడు. మొదటి తరగతిలోనే అన్ని నేర్చుకోవాలంటే ఎవరికైనా కష్టంగానే ఉంటుంది.. పంత్‌ ఒక్కో మెట్టు ఎక్కుతూ ఏదో ఒకరోజు ఉన్నతస్థాయికి ఎదుగుతాడు. అయితే ఒక్క ఇన్నింగ్స్‌తోనే రిషబ్‌ పంత్‌ను టీమిండియా మాజీ ఆటగాడు ఎంఎస్‌ ధోనితో పోలుస్తున్నారు. ఇది మాత్రం కరెక్ట్‌ కాదు. ఎవరి వ్యక్తిగత గుర్తింపు వారికి ఉంటుంది. ఇక రహానే కెప్టెన్సీ గురించి ఎంత చెప్పినా తక్కువే అవుతుంది. ఈ సిరీస్‌లో మేం సాధించిన విజయం ప్రపంచకప్‌ గెలిచినంత సమానం. రహానే కెప్టెన్సీ చాలా కూల్‌గా ఉంటుంది. కోహ్లి లాగే అతను ఆటగాళ్లను బాగా నమ్ముతాడు.. భావోద్వేగాలను బయటపెట్టడానికి మాత్రం ఇష్టపడడు. సహచరుల్లో స్పూర్తి ఎలా నింపాలో రహానేకు బాగా తెలుసు.. అతని విజయరహస్యం కూడా ఇదే అంటూ  చెప్పుకొచ్చాడు. చదవండి: థ్యాంక్యూ యువీ భయ్యా.. ఇదంతా నీ వల్లే ఆసీస్‌తో జరిగిన తొలి టెస్టులో విఫలం తర్వాత మిగతా మూడు టెస్టులకు అవకాశం రాకపోవడంపై సాహా స్పందించాడు. ఎవరి కెరీర్‌లోనైనా ఫెయిల్యూర్‌ అనే దశ కచ్చితంగా ఉంటుంది. కెరీర్‌లో ముందుకు సాగాలంటే ఇలాంటి ఒడిదుడుకులు ఎదుర్కొవడం తప్పనిసరి.. నేను గాయపడడంతోనే కదా.. రిషబ్‌ పంత్‌ ప్రతిభ ఎంత అనేది భయపడింది. అంతమాత్రానా నా కెరీర్‌ ముగిసిపోతుందని నేను అనుకోనని తెలిపాడు. చదవండి: ఐపీఎల్‌: రిటైన్‌ లిస్టులో పేరు లేకపోవడం బాధాకరం

సాక్షి, ఒంగోలు‌: సముద్రంలో చేపలు, రొయ్యల విషయంలో చీరాల మండలంలోని పలు గ్రామాల మధ్య ఘర్షణ వాతావరణం నెలకొంది. దీంతో రెండు గ్రూపులుగా విడిపోయిన పలు గ్రామాల మత్స్యకారులు సముద్రంలో పలుమార్లు చేపల వేట చేసుకుంటూనే గొడవలకు దిగుతూ వచ్చారు. అది కాస్తా చిలికి చిలికి గాలివానలా మారి ఒక గ్రామం మత్స్యకారుల వలలను, బోట్లను మరో గ్రామానికి చెందిన మత్స్యకారులు తీసుకెళ్లడంతో ఘర్షణలు తారస్థాయికి చేరాయి. ఆ తరువాత తీసుకెళ్లిన బోట్లు, వలలకు చెందిన గ్రామస్తులు ఇతర గ్రామాలకు చెందిన బోట్లను, వలలను తీసుకెళ్లడంతో మత్స్యకారుల మధ్య గొడవ కాస్తా గ్రామాల మధ్య గొడవగా మారింది. దీంతో గ్రామాల వారీగా ఒకరిపై ఒకరు చీరాల, ఈపూరుపాలెం పోలీస్‌స్టేషన్‌లలో కేసులు పెట్టుకునే స్థాయికి చేరుకుంది. దీంతో గ్రామాల మధ్య నెలకొన్న ఘర్షణలు తీవ్రరూపం దాల్చడంతో ఆ గ్రామాల మధ్య పంచాయతీ జిల్లా మత్స్యశాఖ జాయింట్‌ డైరెక్టర్‌ కార్యాలయానికి చేరుకుంది. దీంతో బుధవారం ఒంగోలులోని మత్స్యశాఖ జేడీ కార్యాలయంలో ఓడరేవు గ్రామానికి చెందిన మత్స్యకారులను, రెండవ వర్గానికి చెందిన కఠారివారిపాలెం, రామచంద్రపురం, పొట్టిసుబ్బయపాలెం గ్రామాలకు చెందిన మత్స్యకారులతో మత్స్యశాఖ అధికారులు, పోలీసులు సంప్రదింపులు జరిపారు. ఒక గ్రామానికి చెందిన పడవలు, వలలు మరో గ్రామానికి చెందిన వారు తీసుకెళ్లడం, మరో గ్రామాలకు చెందిన పడవలు, వలలను ఇంకొక గ్రామానికి చెందిన మత్స్యకారులు తీసుకెళ్లడం మానుకోవాలని అధికారులు ఆయా గ్రామాల మత్స్యకారులకు సూచించారు. ఘర్షణ వాతావరణం లేకుండా సయోధ్యగా ఉండాలని కూడా ఆయా గ్రామాల మత్స్యకారులకు నచ్చజెప్పారు. అర అంగుళం సైజు కంటే తక్కువ కన్ను ఉన్న వలలను వాడటంతో సముద్రంలో ఉన్న గుడ్లుతో సహా వలల్లో వస్తున్నాయని దీంతో మత్స్యసంపద నశించిపోతుందన్న ఉద్దేశంతో ఘర్షణ వాతావరణం నెలకొందనే ఉద్దేశమని అధికారులు నిర్ధారణకొచ్చారు. దీనిపై మత్స్యశాఖ జాయింట్‌ డైరెక్టర్‌ ఆవుల చంద్రశేఖరరెడ్డి ఆయా గ్రామాల్లో వాడుతున్న వలలను పరిశీలించి తదుపరి చర్యలు తీసుకుంటామని ఈలోగా గొడవలు లేకుండమత్స్యకారులు కలిసిమెలిసి ఉండాలని ఆయన సూచించారు.

సాక్షి, నల్లగొండ: నల్లగొండ జిల్లాలో అంతంత మాత్రంగా ప్రభావం ఉన్న బీజేపీని ఆ పార్టీలోని వర్గపోరు మరింత బలహీనం చేస్తోందన్న అభిప్రాయం వ్యక్తమవుతోంది. కనీసం మూడు వర్గాలుగా విడిపోయిన జిల్లా బీజేపీలో పదవుల కోసం లొల్లి మొదలైందని అంటున్నారు. ము న్సిపల్‌ ఎన్నికల వరకు అంతా కలిసికట్టుగా ఉన్నట్టు కనిపించిన బీజేపీలో ఆ తర్వాత పరిణామాలతో అభిప్రాయభేదా లు ఏర్పడ్డాయి. జిల్లా అధ్యక్షుడిగా నియామకమైన కంకణా ల శ్రీధర్‌రెడ్డి ఏకపక్షంగా జిల్లా కార్యవర్గాన్ని నియమించుకున్నారన్న అసంతృప్తి గొడవలకు దారి తీస్తోందని పార్టీ వర్గాలు అంటున్నాయి. జిల్లా మాజీ అధ్యక్షుడు నూకల నరసింహారెడ్డి, రాష్ట్ర కార్యదర్శి మాదగోని శ్రీనివాస్‌గౌడ్, ప్రస్తుత అధ్యక్షుడు కంకణాల శ్రీధర్‌రెడ్డి వర్గాలుగా జిల్లా  బీజేపీ విడిపోయిందన్న చర్చ జరుగుతోంది. కొత్త అధ్యక్షుడిగా శ్రీధర్‌రెడ్డి నియామకం అయిన తర్వాత పార్టీ సమావేశాలు నిర్వహించడంలో, వివిధ కార్యక్రమాల నిర్వహణకు సీనియర్లను ఎవరినీ సంప్రదించకుండా ఏకపక్షంగా వ్యవహరిస్తున్నారని సీనియర్‌ నాయకులతో పాటు ద్వితీయ శ్రేణి కార్యకర్తలు సైతం తీవ్ర అసంతృప్తితో ఉన్నారని పేర్కొంటున్నారు. జిల్లా కేంద్రానికి వచ్చే సందర్భంలో సీనియర్లకు కనీస సమాచారం లేకుండా కొందరిని కోటరిగా పెట్టుకుని వారు చెప్పినట్లుగా నడచుకుంటున్నారనే అపవాదును ఎదుర్కొంటున్నారు. అందరినీ కలుపుకొనిపోయి పార్టీని బలోపేతం చేయకుండా తమకు నచ్చని వారిని పక్కన పెట్టేసి, పార్టీని బలహీన పర్చేలా జిల్లా అధ్యక్షుడే వ్యవహరిస్తున్నారని పార్టీ వర్గాలు విమర్శిస్తున్నాయి. ఇక, జిల్లాలో నెలకొన్న ప్రధాన సమస్యలు, ప్రజా సమస్యలపై ఎలాంటి ఆందోళనలు, పో రాటాలు చేయకుండా కేవలం ప్రెస్‌మీట్‌లతోనే కాలం వెళ్లబుచ్చుతున్నారన్న అభిప్రాయం కూడా వ్యక్తమవుతోంది. ఎమ్మెల్సీ ఎన్నికల ముందు వివాదం.. పట్టభద్రుల ఎమ్మెల్సీ ఎన్నికల సమయంలో అంతా కలిసి పనిచేయాల్సిన పార్టీ నాయకత్వం అభిప్రాయభేదాలతో ఎవరికి వారు అన్నట్లు వ్యవహరిస్తుండడం, ఆందోళన కలిగిస్తోందని బీజేపీ తటస్థ శ్రేణులు పేర్కొంటున్నాయి. గత ఎమ్మెల్సీ ఎన్నికల్లో పార్టీ టీఆర్‌ఎస్‌కు గట్టి పోటీ ఇచ్చి రెండో స్థానంలో నిలిచిన విషయం తెలిసిందే. ఈ సారి నల్లగొండ– ఖమ్మం– వరంగల్‌ ఎమ్మెల్సీ స్థానంపై పార్టీ భారీ ఆశలు పెట్టుకుంది. కానీ సంస్థాగత గ్రూపుల లొల్లి విజయావకాశాలను ప్రశ్నార్థకం చేస్తుందన్న అభిప్రాయాలు వ్యక్తమవుతున్నాయి. అధికార టీఆర్‌ఎస్‌ పార్టీకి తామే ప్రత్యామ్నాయం అని చెప్పే పార్టీ నాయకత్వం మూడు గ్రూపులుగా విడిపోయి అంతర్గత పోరుతో రచ్చకెక్కడం పార్టీ శ్రేణులను కలవరానికి గురి చేస్తోంది. ఇటీవల జిల్లా పార్టీ కార్యాలయంలో నిర్వహించిన పట్టభద్రుల ఎమ్మెల్సీ ఎన్నికల ఓటరు నమోదు సన్నాహక సమావేశంలో జిల్లా అధ్యక్షుడు తప్ప ఇతర సీనియర్‌ నాయకులు ఒక్కరు కూడా పాల్గొనకపోవడం చూస్తుంటే అంతర్గత విభేదాలు ఏ స్థాయిలో ఉన్నాయో తెలుస్తోందని పార్టీ శ్రేణులు బహిరంగంగానే వ్యాఖ్యానిస్తున్నాయి. జిల్లా అధ్యక్షుడు వ్యవహరిస్తున్న తీరుతో తాము సమావేశాలకు, ఇతర కార్యక్రమాలకు గైర్హాజరవుతున్నా ఏ మాత్రం మార్పు రావడంలేదని నాయకులు ఆగ్రహంతో ఉన్నారు.  రాష్ట్ర అధ్యక్షుడి వద్దకు పంచాయితీ ! గతంలో ఎన్నడూ లేనివిధంగా అంతర్గత పోరు రచ్చకెక్కుతుండడంతో తటస్థ కార్యకర్తలు అయోమయంలో పడుతున్నారు. రాష్ట్ర ప్రభుత్వ వైఖరిపై పోరాడాల్సిన పార్టీ జిల్లా నాయకత్వం గ్రూపులుగా విడిపోయి ఒకరిపై ఒకరు అపనమ్మకంతో వ్యవహరిస్తున్నరన్న పుకార్లు షికార్లు చేస్తున్నాయి. మాజీ జిల్లా అధ్యక్షుడి ఇంటికి వెళ్లి లాబీయింగ్‌ చేస్తున్నావా అంటూ ఏకంగా జిల్లా అధ్యక్షుడు జిల్లా కేంద్రానికి చెందిన ఓ నాయకుడితో మాట్లాడిన మాటల ఆడియో పార్టీ నేతలను ఒకింత ఆందోళన కలిగిస్తోంది. ఈ ఆడియోలో ఇరువురి మధ్య  మాటల, తూటాలు పేలాయి. ఈ నేపథ్యంలోనే జిల్లా అధ్యక్షుడి ఏకపక్ష నిర్ణయాలపై అసమ్మతి నేతలు పార్టీ రాష్ట్ర అధ్యక్షుడి ముందే తేల్చుకోవడానికి సిద్ధం అవుతున్నట్లు తెలిసింది. రాష్ట్ర అధ్యక్షుడు ఈనెల 8వ తేదీన హైదరాబాద్‌కు వస్తున్నారని, ఆయన రాగానే జిల్లా పార్టీలో జరిగిన ఏకపక్ష నిర్ణయాలు, అధ్యక్షుడి తీరును వివరించేందుకు వ్యతిరేకవర్గం సిద్ధమవుతోందని చెబుతున్నారు.  

న్యూఢిల్లీ : భారత్‌-చైనా సరిహద్దు వివాదంపై కేంద్ర రక్షణశాఖ మంత్రి రాజ్‌నాథ్‌ సింగ్‌ పార్లమెంట్‌లో గురువారం మరోసారి ఆసక్తికర ప్రకటన చేశారు. సరిహద్దు వివాదంపై ఎంపీలు లేవనెత్తిన ప్రశ్నలకు రాజ్‌నాథ్‌ సమాధానమిచ్చారు. చైనాతో ఎలాంటి పరిస్థితులున్నా తాము ఎదుర్కొనేందుకు సిద్దంగా ఉన్నట్లు మరోసారి స్పష్టం చేశారు. మన సాయుధ బలగాలతో చైనాకు ఇప్పటికే గట్టిగా సమాధానమిచ్చామని.. ఇరుదేశాల మధ్య ఉన్న ఒప్పందాలను చైనా బహిరంగంగానే ఉల్లఘింస్తుందని మరోసారి గుర్తుచేశారు. కాగా మంగళవారం చైనా సరిహద్దు వివాదంపై రాజ్‌నాథ్‌ కీలక ప్రకటన చేసిన సంగతి తెలిసిందే. సరిహద్దుల్లో పరిస్థితులు ఇంకా ఉద్రిక్తంగానే ఉన్నాయని సమస్య ఇంకా పరిష్కారం కాలేదని స్పష్టం చేశారు. మన బలగాలు దేశ గౌరవాన్ని ఇనుమడింపచేస్తున్నాయని, చైనా దూకుడుకు చెక్‌ పెట్టేందుకు భారత దళాలు అప్రమత్తంగా ఉన్నాయని చెప్పారు. చైనా మొండిగా వ్యవహరిస్తోందని, ఈ ఏడాది మే నుంచి సరిహద్దుల్లో భారీగా సాయుగాధ బలగాలను మొహరించిందని వివరించారు. (చదవండి : సరిహద్దు వివాదం : రక్షణ మంత్రి కీలక ప్రకటన)

సాక్షి, న్యూఢిల్లీ: చైనా కవ్వింపు నేపథ్యంలో భారత ప్రభుత్వం మరో కీలక నిర్ణయం తీసుకుంది. పబ్‌జీ సహా 118 చైనా మొబైల్‌ యాప్‌లను నిషేధిస్తూ కేంద్ర ఎలక్ట్రానిక్స్, ఐటీ శాఖ బుధవారం ఉత్తర్వులు జారీచేసింది. పబ్‌జీ మొబైల్‌ లైట్, బైదు, బైదు ఎక్స్‌ప్రెస్‌ ఎడిషన్, అలీపే, వాచ్‌లిస్ట్, వీచాట్‌ రీడింగ్, కామ్‌కార్డ్‌తో పాటు పలు గేమింగ్‌ యాప్‌లు నిషేధానికి గురైన వాటిలో ఉన్నాయి. దేశ భద్రతకు ముప్పుగా పేర్కొంటూ కేంద్రం వీటిపై కొరడా ఝళిపించింది. పబ్‌జీ గేమ్‌ పిల్లలు, యువత మానసిక ఆరోగ్యంపై తీవ్ర ప్రతికూల ప్రభావం చూపుతోందనే అభిప్రాయం ఉంది. భారత్‌లో పబ్‌జీ క్రియాశీల వినియోగదారులు 3.3 కోట్ల మంది ఉన్నారు. ప్రతిరోజూ మనదేశంలో 1.3 కోట్ల మంది దీన్ని ఆడుతున్నారు.   లద్దాఖ్‌లో చైనాతో ఘర్షణల నేపథ్యంలో ఈ ఏడాది జూన్‌ 29న కేంద్ర ప్రభుత్వం... అత్యంత ప్రజాదరణ కలిగిన టిక్‌టాక్, యూసీ బ్రౌజర్‌తో సహా మొత్తం 59 చైనా యాప్‌లను నిషేధించిన విషయం తెలిసిందే. తర్వాత మరో 47 యాప్‌లను నిషేధిత జాబితాలో చేర్చింది. బుధవారం వేటుపడిన వాటితో కలిపితే ఇప్పటిదాకా భారత్‌ మొత్తం 224 చైనా యాప్‌లపై నిషేధం విధించింది. భారత్‌ లాంటి పెద్దమార్కెట్లో ఉనికి కోల్పోవడం ఈ చైనా కంపెనీలకు ఆర్థికంగా పెద్దదెబ్బే. టిక్‌టాక్‌పై భారత్‌ నిషేధం విధించాక... అమెరికా కూడా అదేబాటలో నడిచిన విషయం తెలిసిందే. సెప్టెంబర్‌ 15కల్లా టిక్‌టాక్‌ అమెరికా వ్యాపారాన్ని అమ్మివేయాలని, లేని పక్షంలో నిషేధం అమలులోకి వస్తుందని అమెరికా అధ్యక్షుడు డొనాల్డ్‌ ట్రంప్‌ ఆదేశాలు జారీచేశారు.   దేశ భద్రతకు ముప్పు... ఇన్ఫర్మేషన్‌ టెక్నాలజీ యాక్ట్‌లోని సెక్షన్‌ 69 (ఎ), ప్రజల సమాచారం సంగ్రహించడాన్ని నిరోధించే విధానం, భద్రతల నిబంధనలు– 2009 పరిధిలో ఈ 118 యాప్‌లను నిషేధించింది. అందుబాటులో ఉన్న సమాచారం దృష్ట్యా ఆయా మొబైల్‌ యాప్‌లు భారతదేశ సార్వభౌమాధికారం, సమగ్రత, దేశ రక్షణ, ప్రజాభద్రతకు హాని కలిగించే కార్యకలాపాలలో నిమగ్నమై ఉన్నందున వాటిపై నిషేధం విధించినట్టు కేంద్రం వెల్లడించింది. కేంద్ర ఐటీ, టెలికమ్యూనికేషన్ల శాఖకు వివిధ వర్గాల నుంచి ఆయా యాప్‌లపై అనేక ఫిర్యాదులు అందాయి. ఆండ్రాయిడ్, ఐఓఎస్‌ ప్లాట్‌ఫామ్‌లలో లభ్యమయ్యే కొన్ని మొబైల్‌ యాప్‌లను దుర్వినియోగం చేయడం, వినియోగదారుల డేటాను దొంగిలించడం, అనధికారికంగా భారతదేశం వెలుపల ఉన్న సర్వర్‌లకు రహస్యంగా పంపించడం చేస్తున్నట్టు కేంద్రం గ్రహించింది. ఈ డేటా సంకలనం భారతదేశ సార్వభౌమత్వాన్ని, సమగ్రతను చివరికి జాతీయ భద్రతను ప్రభావితం చేయడం ఆందోళన కలిగించే విషయమని, దీనిని నిరోధించే తక్షణ చర్యలో భాగంగా ఈ యాప్‌లను నిషేధిస్తున్నట్టు తెలిపింది. వ్యక్తిగత డేటా చౌర్యానికి పాల్పడుతున్నాయని పేర్కొంది. ఇండియన్‌ సైబర్‌ క్రైమ్‌ కోఆర్డినేషన్‌ సెంటర్, హోం మంత్రిత్వ శాఖ కూడా ఈ హానికరమైన మొబైల్‌ యాప్స్‌ నిరోధించటానికి సమగ్రమైన సిఫారసు పంపింది. ప్రజాప్రతినిధులు, ప్రజల నుంచి కూడా వీటిని నిషేధించాలన్న డిమాండ్‌ ఉందని కేంద్ర ఐటీ శాఖ వివరించింది.

న్యూఢిల్లీ: కీలక సీడబ్ల్యూసీ భేటీ నేడు జరగనున్న నేపథ్యంలో కాంగ్రెస్‌లో విభేదాలు బయటపడ్డాయి. పార్టీ అగ్ర నాయకత్వంలో సమూల మార్పు కావాలని కోరుతున్న వర్గం ఒకవైపు, రాహుల్‌ గాంధీ మళ్లీ పార్టీ పగ్గాలు చేపట్టాలని కోరుతున్న మరో వర్గం తెరపైకి వచ్చాయి. పార్టీ నాయకత్వంలో మార్పు ప్రస్తుతం అత్యవసరమని, క్షేత్రస్థాయిలో పూర్తి స్థాయిలో చురుగ్గా పనిచేసే శాశ్వత నాయకత్వం, ఏఐసీసీ, పీసీసీ కార్యాలయాల్లో అనునిత్యం అందుబాటులో ఉండే నాయకత్వం ఇప్పుడు పార్టీకి కావాలని పేర్కొంటూ సుమారు 23 మంది సీనియర్‌ నేతలు ఇటీవల సోనియాగాంధీకి లేఖ రాశారు. మరోవైపు, గాంధీ కుటుంబ సభ్యులే కాంగ్రెస్‌కు సరైన నాయకత్వం అందించగలరని మరికొందరు నేతలు స్పష్టం చేశారు. పార్టీ శ్రేణుల్లో దేశవ్యాప్తంగా గుర్తింపు, అభిమానం ఉన్న నాయకుడిగా రాహుల్‌ గాంధీ పార్టీ అధ్యక్ష బాధ్యతలను మళ్లీ చేపట్టాలని పలువురు సీనియర్లు డిమాండ్‌ చేశారు. కాగా, పార్టీ నాయకత్వంలో మార్పు కావాలని కోరుతూ రాసిన లేఖపై ప్రస్తుత తాత్కాలిక అధ్యక్షురాలు సోనియాగాంధీ స్పందించినట్లు తెలుసోంది. పార్టీ నాయకత్వ బాధ్యతల నుంచి తప్పుకోవాలని ఆమె నిర్ణయించుకున్నట్లు తెలుస్తోంది. (అధ్యక్ష పదవికి సోనియా రాజీనామా..!) ఈ విషయాన్ని పార్టీలోని సన్నిహిత నేతలకు ఆమె ఇప్పటికే స్పష్టం చేశారని పార్టీ వర్గాలు తెలిపాయి. సోమవారం జరిగే కాంగ్రెస్‌ వర్కింగ్‌ కమిటీ (సీడబ్ల్యూసీ) భేటీలో దీనిపై అధికారికంగా నిర్ణయం తీసుకునే అవకాశముందని వెల్లడించాయి. అయితే, సోనియా పార్టీ తాత్కాలిక అధ్యక్ష బాధ్యతల నుంచి తప్పుకోనున్నారన్న వార్తలను కాంగ్రెస్‌ ఖండించింది. సోనియా గాంధీ నుంచి అలాంటి ప్రకటనేదీ రాలేదని పార్టీ స్పష్టం చేసింది. పార్టీ ప్రెసిడెంట్‌గా సోనియా గాంధీ కొనసాగడమో, లేక రాహుల్‌ గాంధీ పార్టీ పగ్గాలు చేపట్టడమో సరైన నిర్ణయమని పంజాబ్‌ సీఎం అమరీందర్‌ సింగ్, రాజస్తాన్‌ సీఎం అశోక్‌ గహ్లోత్, ఛత్తీస్‌గఢ్‌ సీఎం భూపేశ్‌ బఘేల్, లోక్‌సభలో కాంగ్రెస్‌ నేత ఆధిర్‌ రంజన్‌ చౌధురి, మాజీ కేంద్ర మంత్రులు సల్మాన్‌ ఖుర్షీద్, అశ్విన్‌ కుమార్, కేకే తివారీ తదితరులు అభిప్రాయపడ్డారు. నాయకత్వ మార్పు కోరుతూ లేఖ రాసినవారిలో గులాం నబీ ఆజాద్, ఆనంద్‌ శర్మ, శశి థరూర్, కపిల్‌ సిబల్, మనీశ్‌ తివారీ, హరియాణా మాజీ సీఎం భూపిందర్‌ సింగ్‌ హూడా తదితరులున్నారు. గత సంవత్సరం ఆగస్ట్‌ 10న సీడబ్ల్యూసీ అభ్యర్థన మేరకు తాత్కాలిక అధ్యక్షురాలిగా సోనియా గాంధీ బాధ్యతలు స్వీకరించారు. 2019 ఎన్నికల్లో పార్టీ ఓటమి తరువాత రాహుల్‌ గాంధీ అధ్యక్ష బాధ్యతల్లో కొనసాగేందుకు అయిష్టత చూపి తప్పుకొన్న విషయం తెలిసిందే.   చాలా మార్పులు జరగాలి.. పార్టీ వర్గాల సమాచారం మేరకు.. సీడబ్ల్యూసీని పునర్వ్యవస్థీకరించాలని, పీసీసీలకు మరిన్ని అధికారాలను అప్పగించాలని సోనియాకు రాసిన లేఖలో సీనియర్లు కోరారు. అధికారం కేంద్ర స్థాయిలో ఎక్కువగా కేంద్రీకృతం కావడం, ప్రతీ చిన్న అంశాన్ని అగ్ర నాయకత్వమే నిర్ణయించడం దీర్ఘకాలంలో పార్టీకి ప్రతికూలంగా పరిణమిస్తుందని వారు ఆ లేఖలో హెచ్చరించారు. నాయకత్వ స్థాయిలో అనిశ్చితి వల్ల పార్టీ శ్రేణుల్లో నిరుత్సాహం ఆవరిస్తుందని, అది చివరకు పార్టీని బలహీన పరుస్తుందని ఆందోళన వ్యక్తం చేశారు. నూతనంగా రూపొందే సమగ్ర, క్రియాశీల నాయకత్వంలోనూ నెహ్రూ–గాంధీ కుటుంబం కీలక భూమిక నిర్వహించాల్సిన అవసరం ఉంటుందన్నారు. ప్రథమ ప్రధాని నెహ్రూ దార్శనికత కాంగ్రెస్‌ పార్టీకి దిక్సూచిగా కొనసాగుతుందన్నారు. పార్టీ అత్యున్నత నిర్ణాయక బృందం సీడబ్ల్యూసీ ఎంపిక, పనితీరుపైనా వారు లేఖలో అసంతృప్తి వ్యక్తం చేశారు. పార్టీ రాజ్యాంగంలో పేర్కొన్న విధానం ద్వారా సీడబ్ల్యూసీ ఏర్పడాలన్నారు. అలాగే, కేంద్ర పార్లమెంటరీ బోర్డు, పార్టీ కేంద్ర ఎన్నికల కమిటీలను మళ్లీ కొత్తగా ఏర్పాటు చేయాల్సిన అవసరం ఉందని లేఖలో సూచించారు. ప్రస్తుతం పార్టీ ఎదుర్కొంటున్న సవాళ్లను ప్రస్తావిస్తూ.. సాధ్యమైనంత త్వరగా పార్టీ పునరుత్తేజం కోసం చర్యలు చేపట్టాలన్నారు.  వ్యవస్థీకృత, సమీకృత నాయకత్వ విధానం తక్షణావసరమన్నారు.  బీజేపీ ప్రభుత్వ విధానాలకు వ్యతిరేకంగా ప్రజాభిప్రాయాన్ని కూడగట్టడంలో సీడబ్ల్యూసీ సమర్ధంగా పని చేయడం లేదని అభిప్రాయపడ్డారు. 2014, 2019 సాధారణ ఎన్నికల్లో పార్టీ ఓటమికి చాలా కారణాలున్నాయని ఆ లేఖలో పేర్కొన్నారు. 2019 ఎన్నికలు జరిగి 14 నెలలు పూర్తయినా.. ఇప్పటికే ఆ ఓటమిపై నిష్పక్షపాత సమీక్ష జరగలేదన్నారు. దేశంలో ప్రస్తుతం అభద్రతతో కూడిన భయ వాతావరణం నెలకొని ఉందని, ఈ పరిస్థితులను ఎదుర్కొనే క్రియాశీల విపక్షంగా నిలవాల్సిన బాధ్యత కాంగ్రెస్‌పై ఉందన్నారు. ఎన్‌ఎస్‌యూఐ, యూత్‌ కాంగ్రెస్‌ల్లో ఎన్నికలు నిర్వహించాలనే ఆలోచనను కూడా సీనియర్లు ఆ లేఖలో తప్పుబట్టారు. ఆ నిర్ణయం రాహుల్‌ గాంధీదేనన్న విషయం గమనార్హం. డీసీసీ అధ్యక్షుల నియామక నిర్ణయాన్ని పీసీసీ అధ్యక్షుడి సూచనల మేరకు రాష్ట్ర వ్యవహారాల ఇన్‌చార్జ్‌ తీసుకునేలా చూడాలన్నారు.  నిష్పక్షపాత విధానంలో సంస్థాగత ఎన్నికలు జరగాలని కోరారు. ప్రజాస్వామ్య, లౌకిక వేదిక ప్రజాస్వామ్య, లౌకిక శక్తులతో కూడిన దేశవ్యాప్త కూటమిని రూపొందించేందుకు కాంగ్రెస్‌ ప్రయత్నించాలని సూచించారు. గతంలో కాంగ్రెస్‌లో ఉన్న నేతలందరినీ కూడా ఈ వేదికలో భాగస్వామ్యులను చేయాలన్నారు. మళ్లీ రాహుల్‌ రావాలి ఇదిలా ఉండగా, రాహుల్‌ గాంధీ మళ్లీ అధ్యక్ష బాధ్యతలు చేపట్టాలని కోరుతూ మరి కొందరు నేతలు లేఖ రాశారు. ఎంపీ మానికం ఠాగోర్‌ ఈ డిమాండ్‌ను తెరపైకి తెచ్చారు. ‘గాంధీలు త్యాగానికి గుర్తులు. రాహుల్‌ గాంధీ మళ్లీ అధ్యక్షుడు కావాలని 1,100 మంది ఏఐసీసీ సభ్యులు, 8,800 పీసీసీ సభ్యులు, 5 కోట్లమంది పార్టీ కార్యకర్తలు, 12 కోట్లమంది పార్టీ మద్దతుదారులు కోరుకుంటున్నారు’అని ఆయన పేర్కొన్నారు. గాంధీ కుటుంబమే బెస్ట్‌ ప్రస్తుత పరిస్థితుల్లో గాంధీ కుటుంబమే కాంగ్రెస్‌ పార్టీ అధ్యక్ష బాధ్యతల్లో కొనసాగాలని పంజాబ్‌ సీఎం అమరీందర్‌ సింగ్‌ వ్యాఖ్యానించారు. పార్టీ పునర్వ్యవస్థీకరణకు ఇది సరైన సమయం కాదన్నారు. బీజేపీ ప్రభుత్వ విధానాలకు వ్యతిరేకంగా గట్టి విపక్షం రూపుదిద్దుకోవాల్సిన అవసరం ఉందని ఆదివారం ఒక ప్రకటన విడుదల చేశారు. బలమైన, ఐక్య విపక్షం లేకపోవడం బీజేపీకి కలసి వస్తోందన్నారు. ప్రస్తుతం కాంగ్రెస్‌ అధ్యక్షుడిగా.. మొత్తం పార్టీ కోరుకునే, శ్రేణులందరికీ చిరపరిచితుడైన నాయకుడు కావాలని, గాంధీ కుటుంబ సభ్యులే అందుకు సరైన వారన్నారు. కాంగ్రెస్‌ కార్యకర్త లేని గ్రామం దేశంలో లేదని, ఆ ఘనత గాంధీ కుటుంబం కారణంగానే సాధ్యమైందని తెలిపారు. కోరుకున్నంత కాలం సోనియాగాంధీనే ప్రెసిడెంట్‌గా ఉండాలని, ఆ తరువాత రాహుల్‌ ఆ బాధ్యతలను తీసుకోవాలని సూచించారు. సీనియర్ల లేఖ దురదృష్టకరమని రాజస్తాన్‌ సీఎం అశోక్‌ గహ్లోత్‌ అన్నారు. నాయకత్వానికి సంబంధించి ఎన్నికల నిర్వహణ ఈతరుణంలో సరైన నిర్ణయం కాదని, దానివల్ల విభేదాలు పెరిగే అవకాశముందని సీనియర్‌ నేత సల్మాన్‌ ఖుర్షీద్‌ అభిప్రాయపడ్డారు. రాహుల్‌కు పార్టీ శ్రేణులు, నాయకుల మద్దతుందన్నారు. పార్టీ రాజ్యాంగం ప్రకారం.. పార్టీ రాజ్యాంగం ప్రకారం.. సీడబ్ల్యూసీలో పార్టీ ప్రెసిడెంట్, పార్లమెంట్లో పార్టీ నేత, 23 మంది ఇతర సభ్యులు ఉంటారు. ఆ 23 మందిలో 12 మందిని ఆల్‌ ఇండియా కాంగ్రెస్‌ కమిటీ ఎన్నుకుంటుంది. మిగతావారిని పార్టీ ప్రెసిడెంట్‌ ఎంపిక చేస్తారు. 1990 నుంచి సీడబ్ల్యూసీకి ఎన్నికలు జరగలేదు. అప్పటినుంచి, ఏకగ్రీవ మార్గంలో సీడబ్ల్యూసీ సభ్యుల ఎంపిక జరుగుతోంది. కాంగ్రెస్‌లో సంచలనం సృష్టించిన తాజా లేఖలో పలువురు మాజీ కేంద్ర మంత్రులు, మాజీ ముఖ్యమంత్రులు, ఇతర సీనియర్‌ నేతలు సంతకాలు చేశారు. వారిలో గులాం నబీ ఆజాద్, కపిల్‌ సిబల్, శశి థరూర్, పీజే కురియన్, ఆనంద్‌ శర్మ, మనీశ్‌ తివారీ, రేణుకా చౌదరి, మిలింద్‌ దేవ్‌రా, అజయ్‌ సింగ్, ముకుల్‌ వాస్నిక్, జితిన్‌ ప్రసాద, భూపిందర్‌ సింగ్‌ హూడా, రాజిందర్‌ కౌర్‌ భట్టల్, వీరప్ప మొయిలీ, పృథ్వీరాజ్‌ చవాన్, రాజ్‌ బబ్బర్, అరవింద్‌ సింగ్‌ లవ్లీ, సందీప్‌ దీక్షిత్‌ తదితరులున్నారు. నేడు జరగనున్న సీడబ్ల్యూసీ భేటీలో ఈ లేఖలోని అంశాలపై లోతైన, వాడి వేడి చర్చ జరిగే అవకాశముందని భావిస్తున్నారు.

బనశంకరి: దేశవ్యాప్తంగా చర్చనీయాంశమైన దేవరజీవనహళ్లి, కమ్మగొండనహళ్లి హింసాకాండల కేసులో ఇద్దరు కాంగ్రెస్‌ కార్పొరేటర్లపై సీసీబీ పోలీసులు దృష్టి సారించారు. డీజే హళ్లి కార్పొరేటర్, మాజీ మేయర్‌ సంపత్‌రాజ్, పులకేశినగర వార్డు కార్పొరేటర్‌ అబ్దుల్‌ రాఖిద్‌ జాకీర్‌ను సీసీబీ పోలీసులు ప్రశ్నిస్తున్నట్లు మంగళవారం సీసీబీ డీసీపీ కేసీ.రవికుమార్‌ తెలిపారు. సీసీబీ జాయింట్‌ పోలీస్‌ కమిషనర్‌ సందీప్‌పాటిల్‌ నేతృత్వంలో చామరాజపేటే సీసీబీ కార్యాలయంలో వీరి విచారణ సాగింది.  (బెంగళూరు అల్లర్లు: ఐదుగురిపై ఎఫ్‌ఐఆర్‌ దాఖలు) మరో 30 మంది అరెస్టు : అల్లర్ల కేసులో రోజురోజుకు అరెస్టులు పెరుగుతున్నాయి. సోమవారం రాత్రి మళ్లీ 30 మందిని పోలీసులు అదుపులోకి తీసుకున్నారు. అర్ధరాత్రి వివిధ విభాగాల పోలీసులు డీజేహళ్లి, కేజీ హళ్లి పోలీస్‌స్టేషన్ల పరిధిలో గల్లీ గల్లీలో ఉన్న ఇళ్లపై దాడిచేసి 30 మందిని అదుపులోకి తీసుకున్నారు. అరెస్టయిన వారి సంఖ్య 380కి పెరిగింది. గొడవ చోటుచేసుకున్న రోజు ఫోటోలు, సీసీ కెమెరా దృశ్యాలు, నిందితులు చెబుతున్న సమాచారం ప్రకారం ప్రతిరోజూ అరెస్టుల పర్వం కొనసాగుతోంది. పోలీసులు వెళ్లగానే కొందరు దాక్కోగా ఇల్లిల్లూ గాలించి నిర్బంధించారు. గలాటాల తరువాత వివిధ ప్రాంతాలకు పారిపోయినవారిని పట్టుకునేందుకు పోలీసులు కేరళ, తమిళనాడు తదితర ప్రాంతాలకు వెళ్లారు. అనుమానిత ఉగ్రవాది విచారణ  ఆల్‌హింద్‌ ఉగ్ర సంస్ధ సభ్యుడు, అనుమానిత ఉగ్రవాది సమీయుద్దీన్‌ను ఏటీసీ విభాగం అధికారులు రహస్య ప్రాంతంలోకి తీసుకెళ్లి విచారణ చేస్తున్నారు. కేజీ.హళ్లి, డీజే.హళ్లి అల్లర్లకు సంబంధించి డీజే.హళ్లి నివాసి సమీయుద్దీన్‌ను అరెస్ట్‌ చేసి విచారణ చేపట్టగా ఉగ్రసంస్ధ సమాచారం వెలుగులోకి వచ్చింది. ఇతను డీజే.హళ్లి పోలీస్‌స్టేషన్‌ పరిధిలో చోటుచేసుకున్న అల్లర్లలో భాగస్వాములైనట్లు అనుమానం వ్యక్తమైంది. ఘటన సమయంలో నిప్పుపెట్టడానికి చేతులతో సైగ చేసే దృశ్యాలు సీసీ కెమెరాలో నిక్షిప్తం అయ్యాయి. ఇతడి వాట్సాప్‌ మెసేజ్‌ చేయడం, వందలాది ఫోన్లు చేసినట్లు విచారణలో వెలుగుచూసింది.  ఆ రోజు ఎక్కడ ఉన్నారు    గలాటాలు జరిగిన రోజు మీరు ఎక్కడ ఉన్నారు, ఎవరితో మాట్లాడారు మొదలైన సాధారణ ప్రశ్నల నుంచి లోతుగా ఆరా తీస్తున్నారు. అల్లరిమూకలతో కార్పొరేటర్లకు సంబంధాలు ఉన్నాయా అని విచారణ సాగుతోంది. వారి మొబైల్‌ఫోన్ల కాల్స్‌ను పరిశీలిస్తున్నారు. ప్రమేయం లేదని తేలితే వదిలిపెట్టే అవకాశముంది, లేదంటే అరెస్టు చేయవచ్చని జోరుగా ప్రచారం సాగుతోంది. సంపత్‌రాజ్‌ వ్యక్తిగత సహాయకున్ని కూడా ఖాకీలు ప్రశ్నిస్తున్నారు.  

ఎమ్మెల్యే సమీప బంధువైన యువకుడు ఫేస్‌బుక్‌లో పెట్టిన పోస్ట్‌ మూకదాడులకు కారణమైంది. వేలాది మంది పోలీస్‌స్టేషన్, ఎమ్మెల్యే ఇంటి మీదకు వచ్చి విధ్వంసకాండకు పాల్పడ్డారు. ఐటీ సిటీలో గతంలో ఎన్నడూ లేని రీతిలో జరిగిన ఈ అల్లర్లు పెను ప్రకంపనలను సృష్టిస్తున్నాయి.   సాక్షి, బెంగళూరు: బెంగళూరు నడిబొడ్డున పులకేశినగర నియోజకవర్గం కాడుగొండన (కేజీ) హళ్లి, దేవరజీవన (డీజే) హళ్లిలో దావాగ్నిలా అల్లర్లు, హింస చెలరేగాయి. ఈ నేపథ్యంలో బెంగళూరులో 24 గంటల పాటు 144 సెక్షన్‌ విధించారు. ఘటనలో 60 మంది పైగా పోలీసులు గాయపడ్డారు. సుమారు 145 మందిని అదుపులోకి తీసుకున్నారు.   భారీగా ఆస్తినష్టం   దాడుల్లో 26 ఇళ్లు దెబ్బతిన్నాయి. రెండు ఆటోలు, మూడు కార్లు, 40 పైగా ద్విచక్రవాహనాలు కాలిపోయాయి. దాడుల్లో ఏటీఎం పగలగొట్టారు. ఉన్నత స్థాయి పోలీసు అధికారుల కార్లకు కూడా నిప్పు పెట్టారు. ఇక పోలీసుల కాల్పుల్లో పది మంది వరకూ గాయపడ్డారు. ఆస్తినష్టం కోట్ల రూపాయల్లో ఉండవచ్చని అంచనా.   ఎలా మొదలైందంటే   పులకేశినగర కాంగ్రెస్‌ ఎమ్మెల్యే అఖండ శ్రీనివాసమూర్తికి మేనల్లుడయ్యే నవీన్‌ అనే యువకుని ఫేస్‌బుక్‌ ఖాతాలో మంగళవారం సాయంత్రం అనుచితమైన పోస్టింగ్‌లు వచ్చాయి. దీంతో కొందరు మైనారిటీ వర్గాల యువకులు మంగళవారం రాత్రి 8.30 గంటల సమయంలో డీజే హళ్లి పోలీస్‌ స్టేషన్‌ వద్దకు వెళ్లారు. అవహేళనగా సామాజిక మాధ్యమాల్లో పోస్టులు చేశారని ఫిర్యాదు చేశారు. ఇంతలో వేలాది మంది అక్కడికి చేరుకుని పోలీస్‌స్టేషన్‌లోని వాహనాలకు నిప్పు పెట్టి భారీ విధ్వంసానికి పాల్పడ్డారు. కొన్ని గంటలపాటు ఈ తతంగం కొనసాగింది. పోలీసులు కూడా అదుపు చేయలేక తలోదిక్కుకు పరుగులు తీశారు. మరికొందరు పోలీసులు స్టేషన్‌లోపల దాక్కున్నారు. పదుల సంఖ్యలో వాహనాలు భస్మీపటలం అయ్యాయి. ఆ వీధిలో ఉన్న ప్రజల వాహనాలు, ఇళ్లను కూడా వదిలిపెట్టలేదు. కార్లు, బైక్‌లు బూడిదయ్యాయి.   తరువాత ఎమ్మెల్యే ఇంటిపైకి   ఎమ్మెల్యే అఖండ శ్రీనివాసమూర్తి అండతోనే నవీన్‌ ఇలా చేస్తున్నాడని భావించి కావల్‌ బైరసంద్రలోని ఎమ్మెల్యే నివాసంపై దాడికి దిగారు. అక్కడ ఉన్న వాహనాలకు నిప్పు పెట్టగా.. ఇళ్లంతా మంటలు వ్యాపించాయి. ఆ సమయంలో ఎమ్మెల్యే గానీ, కుటుంబం కానీ లేకపోవడంతో ముప్పు తప్పింది. కానీ అక్కడ కూడా భారీ విధ్వంసమే చోటుచేసుకుంది. అల్లరిమూకల్ని అదుపు చేయడానికి పోలీసులు కాల్పులు జరపగా ముగ్గురు యువకులు మరణించారు. అల్లర్లలో 60 మంది వరకూ పోలీసులు గాయపడ్డారు. కాగా అల్లర్లకు పాల్పడినవారిపై కఠిన చర్యలు తీసుకుంటామని సీఎం యడియూరప్ప ప్రకటించారు.   పోలీసుల అదుపులో పాషా   ఎస్‌డీపీఐ (సోషల్‌ డెమొక్రటిక్‌ పార్టీ ఆఫ్‌ ఇండియా) సంస్థ ఆధ్వర్యంలోనే దాడి జరిగినట్లు పోలీసులు అనుమానిస్తున్నారు. ఎస్‌డీపీఐ బెంగళూరు నేత ముజామిల్‌ పాషాను పోలీసులు అరెస్టు చేశారు. అతడే మొదటి నిందితుడని డీజే హళ్లి పోలీసులు పేర్కొన్నారు. ఘటన జరుగుతున్న సమయంలో అతడు మైక్‌ పట్టుకుని గుంపునుద్దేశించి మాట్లాడుతున్న దృశ్యాలు సీసీ టీవీల్లో రికార్డయ్యాయి. పాషాపై డీజే హళ్లి పోలీస్‌ స్టేషన్‌లో ఇప్పటికే ఐదు కేసులు ఉన్నాయి. సీసీ కెమెరాల చిత్రాలు, సోషల్‌ మీడియాలో వస్తున్న చిత్రాల ఆధారంగా పోలీసులు నిందితులను గుర్తించే పనిలో ఉన్నారు. ఈ నేపథ్యంలో వందలాది మంది అజ్ఞాతంలోకి వెళ్లిపోయారు. పులకేశినగరలో పరిస్థితి నివురుగప్పిన నిప్పులా ఉంది.

బషీరాబాద్‌: విధి నిర్వాహణలో ఉన్న ఎస్‌ఐతో దురుసుగా మాట్లాడిన ఓ కానిస్టేబుల్‌ను జిల్లా ఎస్పీ సస్పెండ్‌ చేశారు. ఈ ఘటనకు సంబంధించి వివరాలు ఇలా ఉన్నాయి.. బషీరాబాద్‌ పోలీస్‌ స్టేషన్‌లో కానిస్టేబుల్‌గా పనిచేస్తున్న మహిపాల్‌ మూడు రోజుల కిందట స్థానిక ఎస్‌ఐ గిరి పట్ల అనుచితంగా మాట్లాడారు. ఈ విషయాన్ని ఎస్‌ఐ గిరి ఉన్నతాధికారులకు రాతపూర్వకంగా ఫిర్యాదు చేశారు. దీనిపై స్పందించిన జిల్లా ఎస్పీ నారాయణ విచారణ జరిపించి క్రమశిక్షణ చర్యల్లో భాగంగా మహిపాల్‌ను సస్పెండ్‌ చేస్తూ ఉత్తర్వులు జారీ చేశారు. ఇదిలా ఉండగా సదరు కానిస్టేబుల్‌పై విచారణలో అవినీతి ఆరోపణలు కూడా తేలినట్లు తెలిసింది.  ఎస్‌ఐ గిరి బదిలీ..  బషీరాబాద్‌ ఎస్‌ఐగా 9 నెలల పాటు పనిచేసిన ఎస్‌ఐ గిరి తాండూరు పట్ణణ ఎస్‌ఐగా బదిలీ అయ్యారు. ఈ మేరకు గురువారం ఎస్పీ ఉత్తర్వులు జారీ చేశారు. ఎస్‌ఐ బదిలీ విషయం తెలుసుకున్న పలువురు సర్పంచ్‌లు పోలీస్‌ స్టేషన్‌కు వెళ్లి ఆయనను సన్మానించారు. 

యుద్ధం సమస్యను సృష్టిస్తుందే కానీ, సమస్యను పరిష్కరించదు. యుద్ధానికి చర్చలే పరిష్కారం కానీ, యుద్ధం దేనికీ పరిష్కారం కాజాలదు. అందుకే మహాత్మాగాంధీ యుద్ధం ఎటువంటి పరిస్థితుల్లో కూడా వాంఛనీయం కాదని తేల్చి చెప్పారు. అయితే ఏ దేశమైనా మరో దేశం దురాక్రమణను సహిం చాల్సిన అవసరం లేదు. నిజానికి రెండు వేల ఏళ్ళనాడే ఏ ఆయుధాలు లేకుండా ప్రేమతో భారత దేశం చైనాను గెలుచుకున్నది. ఇప్పుడు చైనా ప్రజలు మనలాగా తూర్పుకు తిరిగి దండం పెట్టరు. భారత దేశం వైపు నిలబడి నమస్కరిస్తారు. ఎందుకంటే గౌతమ బుద్ధుడు పుట్టిన దేశం, భారత దేశం వారికి పడమరవైపు ఉన్నది. అందుకే ప్రజల మధ్య ఐక్యతను ఏ యుద్ధాలూ వేరుచేయలేవు. ‘‘రెండు దేశాలు యుద్ధానికి తలపడు తోంటే, ఆపాల్సిన బాధ్యత శాంతిని, అహిం సను కోరుకునే వాళ్ళపైనే ఉంటుంది. ఇరు దేశాల పౌరులు కూడా ఆ కర్తవ్యాన్ని తీసుకోవాలి. వ్యక్తులకు ఆ అధికారం లేకపోవచ్చు. ఆ వ్యక్తికి అంత శక్తి కూడా ఉండకపోవచ్చు కూడా. అయినా ఆ ప్రయత్నం చేయాలి. చివరకు యుద్ధంలో పాల్గొంటోన్న సైనికుడు సైతం యుద్ధాన్ని ఎట్లా ఆపాలో ఆలోచించాలి. దానితో, తను మాత్రమే కాదు, తన దేశాన్నీ, తన ప్రజలనూ, యావత్‌ ప్రపంచాన్ని యుద్ధం నుంచి విముక్తి చేయాలి’’ భారత స్వాతంత్య్ర ఉద్యమ సారథి మహాత్మాగాంధీ అన్న మాటలివి. యుద్ధాలు చేసిన వాళ్ళు, యుద్ధాలు చూసిన వాళ్లు సైతం యుద్ధమంటే అసహ్యించుకున్నారు. యుద్ధాన్ని ప్రారంభించడానికి ముందు ఉన్న కోపం, ద్వేషం, యుద్ధం ముగిసిన తర్వాత వైరాగ్యంగా మారుతుంది. ఇది చరిత్ర పొడవునా కనిపించే కఠోర సత్యం. యుద్ధాన్ని ఆశించే వారు ఈ సజీవ సాక్ష్యాన్ని ఎరుగరు. యావత్‌ ప్రపంచం కరోనాతో యుద్ధం చేస్తున్నది. మన దేశం కూడా రోజు రోజుకూ ప్రమాదపుటంచుల్లోకి వెళుతోంది. సరిగ్గా ఈ సమయంలోనే భారత్‌–చైనా సరిహద్దుల్లో జరిగిన అవాంఛనీయ ఘర్షణలో ఇరవైమంది భారత సైనికులు ప్రాణాలొదిలారు. కచ్చి తమైన సంఖ్య తెలియనప్పటికీ చైనా కూడా తగిన మూల్యం చెల్లిం చుకుంది. సరిహద్దుల్లో అప్పుడప్పుడు ఉద్రిక్తతలు తలెత్తడం, చిన్న చిన్న ఘర్షణలు జరగడం సర్వసాధారణం. కానీ ఈసారి అది భారీ నష్టానికి దారితీసింది. ప్రధాని నరేంద్ర మోదీ ఈ విషయమై అఖిల పక్ష సమావేశంలో మాట్లాడుతూ, చైనా మన భూభాగంలోకి చొచ్చు కురాలేదని, ఆందోళన అవసరం లేదని, ఒక వేళ చైనా వైపునుంచి ఎటువంటి దాడులు జరిగినా భారత ప్రభుత్వం ఊరుకోజాలదని హెచ్చరించారు. దానికి అన్ని పక్షాలూ మద్దతు పలికాయి. ఇదిలా ఉండగా సమయంలోనే గత వారం అమెరికా విదేశాంగ శాఖా మంత్రి మైక్‌ పాంపియో జర్మనీలోని బ్రస్సెల్స్‌లో మాట్లాడుతూ తమ సైన్యాన్ని సగానికి పైగా జర్మనీ నుంచి తరలిస్తున్నట్టు ప్రకటించారు. అయితే ఈ సైన్యాన్ని ఎక్కడికి పంపిస్తున్నారు అని ఒక విలేకరి ప్రశ్నిం చగా, ఆయన చైనా చేస్తున్న దురాక్రమణ చర్యలను ఎదుర్కోవడానికి దక్షిణాసియాకు పంపిస్తున్నామని జవాబు చెప్పారు. ముఖ్యంగా ఇటీ వల భారత్‌–చైనా సరిహద్దుల్లో జరిగిన ఘర్షణను ఆయన ప్రత్యేకంగా ఉదహరించారు. అంతేకాకుండా దక్షిణ చైనా భూభాగంలో ఉన్న సము ద్రంపై కూడా చైనా హక్కులను ప్రకటించుకుంటున్నదని, అందువల్ల చైనా దక్షిణాసియాకు ప్రమాదకారిగా మారిందని ఆయన అభిప్రాయపడ్డారు. గతంలో కాశ్మీర్‌ విషయంలో పాకిస్తాన్‌–భారత్‌ల మధ్య దౌత్యం నెరపుతానంటూ అమెరికా ఉవ్విళ్ళూరింది. అమెరికా జోక్యాన్ని భారత్‌ నిర్ద్వంద్వంగా తిరస్కరించింది. కాశ్మీర్‌ విషయంలో ఎవరి జోక్యం అక్కర్లేదని తేల్చి చెప్పింది. కానీ మైక్‌ పోంపియో చైనాకు వ్యతిరేకంగా, భారత్‌కు అనుకూలంగా ప్రకటన చేసి వారం దాటినప్పటికీ, భారత ప్రభుత్వం నుంచి స్పందన లేదు. పైగా చైనా యాప్‌లను నిషేధిస్తు న్నట్టు ప్రధాని ప్రకటించారు. దీనిని పత్రికలు డిజిటల్‌ స్ట్రైక్‌గా పేర్కొం టున్నాయి. అంతే కాకుండా చైనా వస్తువులను బహిష్కరించా లనే కొందరి డిమాండ్‌ కూడా బాగా ప్రచారంలో వుంది. చైనా యుద్ధా నికి కాలు దువ్వితే చేతులు ముడుచుకొని కూర్చోవాలని ఎవ్వరూ చెప్పరు. అది సరైంది కూడా కాదు. కానీ ఇక్కడ అమెరికా జోక్యం పలు అనుమానాలకు దారితీస్తున్నది. ఈ రెండు దేశాల వైరం అమెరికా ఉపయోగించుకునే ప్రమాదం చాలా స్పష్టంగా కనిపిస్తోంది. తన వద్ద నిల్వ ఉన్న ఆయుధాలను అమ్ముకొనేందుకు కూడా అమెరికా యత్ని స్తోంది. అమెరికాని విశ్వసిస్తే మాత్రం మనం తప్పు చేసినవాళ్ళ మవుతాం. ఇప్పటికే మన దేశం కొన్నివేల కోట్లు ఖర్చుచేసి, ఆయుధా లను కొనుగోలు చేస్తున్నది. ప్రపంచంలో ఆయుధాల కొనుగోళ్ళలో మనం రెండవ స్థానంలో ఉన్నాం. భారత్‌–చైనా మధ్య యుద్ధం జరి గితే దాన్ని, అమెరికా తన వ్యాపారాభివృద్ధి కోసం ఉపయోగించు కోవడానికి సిద్ధంగా ఉంది. రెండో వైపు తన ఆధిపత్యాన్ని ఆసియా దేశాలకు విస్తరింపజేయడానికీ పథకం వేస్తున్నది. వీటితో పాటు మరొక ముఖ్యమైన అంశం ఇందులో దాగి ఉన్నది. ప్రపంచ ఆర్థిక వ్యవస్థలో భారత్, చైనా దేశాలు బలమైన శక్తులుగా అవతరిస్తున్నాయి. అమెరికా తన మొదటి స్థానాన్ని ఎప్పుడో కోల్పో యింది. 2013వ సంవత్సరం నుంచే జాతీయ స్థూల ఆదాయంలో చైనా మొదటి స్థానంలోకి రాగా, అమెరికా రెండవ స్థానంలోకి దిగ జారింది. 2030 నాటికి ఆ రెండవ స్థానాన్ని భారత దేశం కైవసం చేసు కోబోతోంది. అమెరికా మూడవ స్థానంలోకి వెళ్ళబోతున్నది. ఇది అమె రికాకు మింగుడు పడని విషయం. ఒకవేళ భారత్‌–చైనాల మధ్య యుద్ధమే జరిగితే భారత్, చైనాలు రెండూ ఆర్థికంగా దెబ్బతింటాయి. ముఖ్యంగా భారత దేశం ఎక్కువగా నష్టపోయే ప్రమాదం ఉంది. ఇదే జరిగితే అమెరికా తన ఆర్థిక ఆధిక్యతను నిలబెట్టుకుని, తను కోరు కున్న స్థానాన్ని చేరుకుంటుంది. రెండు దేశాల మధ్య చిచ్చు పెట్టడానికి అమెరికా చేస్తున్న ప్రయత్నాలను ఇరు దేశాల పౌరులు, దేశభక్తులు గుర్తించాలి. పదిహేడవ శతాబ్దానికి చెందిన కవి, నాటక రచయిత, తత్వవేత్త జాన్‌ డ్రైడన్‌ యుద్ధం గురించి చేసిన వ్యాఖ్యలు ఇక్కడ చక్కగా సరి పోతాయి. ‘యుద్ధం రాజులకు వ్యాపారం.  యుద్ధాలు అన్నీ కూడా సంపదల పంపకానికో, పెంపకానికో జరుగుతాయి. అన్ని యుద్ధాల వెనుకా కనిపించని కుట్రలెన్నో దాగుంటాయి’ అంటారాయన.  నిజా నికి భారత్‌–చైనాల మధ్య వైరం కన్నా స్నేహం చాలా బలమైనది. ప్రాచీనమైనది. క్రీస్తుపూర్వం 2వ శతాబ్దం నుంచి చైనా–భారత్‌ల మధ్య వ్యాపార, వాణిజ్య సంబంధాలు మొదలయ్యాయి. చైనాలో మొదలై రోమ్‌ వరకు సాగిన సిల్క్‌ రూట్‌ వ్యాపారం రెండు దేశాల ఉత్పత్తులను విశ్వవ్యాప్తం చేశాయి. చంద్రగుప్త మౌర్య కాలంలో కూడా చైనాతో భారత దేశానికి వ్యాపార, రాజకీయ సంబంధాలున్నాయి. చైనా నుంచి ప్రపంచానికి దిగుమతి అయిన సిల్క్‌ వస్త్రాలు మన దేశంలో కూడా చాలా ప్రసిద్ధి. పట్టు పీతాంబరాలు, చీని చీనాంబరాల గురించి మన సాహిత్యంలో మనం ఎన్నో సార్లు చదివాం. అశోకుడు, కనిష్కుడు లాంటి బౌద్ధ చక్రవర్తుల కాలంలో భారత్‌–చైనా సంబం ధాలు మరింత విస్తరించాయి. భారత్‌ నుంచి బౌద్ధం ప్రపంచానికి ప్రత్యేకించి దక్షిణాసియాకు విస్తరించడానికి చైనా ఒక మార్గంగా పనిచేసింది. పల్లవ రాజకుమారుడైన బోధి ధర్మ చైనాలో మహాయాన బౌద్ధాన్ని విస్తృతపరిచాడు. కుమార జీవ అనే బౌద్ధ దార్శనికుడు ఎన్నో ముఖ్యమైన బౌద్ధ గ్రంధాలను చైనా భాషలోకి అనువదించి, అక్కడ ఆరాధ్యుడయ్యారు. బోధి ధర్మం నేర్పిన మార్షల్‌ ఆర్ట్స్‌ షావోలిన్‌ టెంపుల్‌ నిర్మాణానికి, అక్కడ యుద్ధ విద్యలకు ఉపయోగపడింది. అలాగే చైనా యాత్రికులైన షాహియాన్, హుయాన్‌త్సాంగ్‌లు భారత దేశంలో పర్యటించి ఆనాటి చరిత్రను నిక్షప్తం చేశారు.   చైనా విప్లవంలో భారత దేశం నుంచి పాల్గొన్న డాక్టర్‌ ద్వారకా నాథ్‌ కొట్నిస్‌ను చైనా ప్రజలు ఇప్పటికీ గుండెల్లో పెట్టుకుంటారు. చైనా విప్లవాన్ని భారత ప్రజలు ఎంతగానో గౌరవిస్తారు. యుద్ధం సమస్యను సృష్టిస్తుందే కానీ, సమస్యను పరిష్కరించదు. చివరకు వాదాలు, వివాదాలు అన్నీ చర్చల ద్వారా పరిష్కారం కావాల్సిందే. నిజానికి యుద్ధానికి చర్చలే పరిష్కారం కానీ, యుద్ధం దేనికీ పరి ష్కారం కాజాలదు. అందుకే మహాత్మాగాంధీ యుద్ధం ఎటువంటి పరిస్థితుల్లో కూడా వాంఛనీయం కాదని తేల్చి చెప్పారు. అయితే ఏ దేశమైనా మరో దేశం దురాక్రమణను సహించాల్సిన అవసరం లేదు. ఒక వ్యక్తిని వేరొక వ్యక్తి, ఒక దేశాన్ని మరో దేశం దోపిడీ చేస్తోంటే, పీడిస్తోంటే దాన్ని సహించాల్సిన అవసరం అంతకన్నా లేదు. అయితే ఆయా సందర్భాల్లో శాంతి కోసం జరిగే యుద్ధానికి ఓ అర్థం ఉంటుంది. కానీ ప్రభుత్వాల కన్నా ప్రజాభిప్రాయం బలమైనది. శక్తి వంతమైనది. ఆ మాటకొస్తే ప్రజలు ఎప్పుడు యుద్ధాన్ని కోరుకోరు. ఇది సత్యం. నిజానికి రెండు వేల ఏళ్ళనాడే ఏ ఆయుధాలు లేకుండా ప్రేమతో భారత దేశం చైనాను గెలుచుకున్నది. ఇప్పుడు చైనా ప్రజలు మనలాగా తూర్పుకు తిరిగి దండం పెట్టరు. భారత దేశం వైపు నిల బడి నమస్కరిస్తారు. ఎందుకంటే గౌతమ బుద్ధుడు పుట్టిన దేశం, భారతదేశం పడమరవైపు ఉన్నది. అందుకే ప్రజల మధ్య ఐక్యతను ఏ యుద్ధాలూ వేరుచేయలేవు. వ్యాసకర్త: మల్లెపల్లి లక్ష్మయ్య,   సామాజిక విశ్లేషకులు ‘ మొబైల్‌ : 81063 22077 

పశ్చిమగోదావరి, ఆకివీడు: కోళ్ల పర్రు గ్రామంలో పెళ్లి భోజనాల కోసం శుక్రవారం రెండు వర్గాలు ఘర్షణ పడ్డాయి. ఈ దుర్ఘటనలో ముగ్గురికి తీవ్ర గాయాలయ్యాయి. గ్రామానికి చెందిన గండికోట స్వామి వివాహం ఈ నెల 15న జరిగింది. 18న యానాల భోజనాలు సక్రమంగా జరగలేదని, ఎవరూ రాలేదని బంధువులైన గండికోట బుల్లయ్య, దుర్గ తదితరులు ఆరోపిస్తూ, పెళ్లి కొడుకు తల్లిదండ్రులను విమర్శించారు. అంతేకాకుండా వారిపై దౌర్జన్యం చేసి గాయపరిచారని ఎస్సై వీరభద్రరావు చెప్పారు. వారిని ఆసుపత్రికి తరలించి కేసు నమోదు చేశామని పేర్కొన్నారు.

సాక్షి, సిటీబ్యూరో: సోషల్‌మీడియాలో వాట్సాప్‌ ద్వారా వదంతులు సృష్టించిన నిందితుడిని సిటీ సైబర్‌ క్రైమ్‌ పోలీసులు మంగళవారం పట్టుకున్నారు. బంజారాహిల్స్‌ పోలీసుస్టేషన్‌ పరిధిలోని అహ్మద్‌నగర్‌కు చెందిన రహ్మత్‌ షరీఫ్‌ వృత్తిరీత్యా ఆటోడ్రైవర్‌. ఇతగాడు ఆదివారం నాలుగు నిమిషాల నిడివితో ఓ ఆడియో క్లిప్‌ రూపొందించాడు. అందులో తానే మాట్లాడుతూ ఇటీవల ఢిల్లీ జరిగిన మాదిరిగా హైదరాబాద్‌లోని కలహాలు జరిగే ఆస్కారం ఉందంటూ మాట్లాడాడు. దీనికి ఆధారాలు అంటూ కొన్ని అసందర్భ వ్యాఖ్యలు జోడించాడు. ఈ ఆడియో వాట్సాప్‌లో వైరల్‌ కావడంతో సోమవారం సిటీ సైబర్‌ క్రైమ్‌ పోలీసులు గుర్తించారు. తీవ్రమైన వ్యాఖ్యలతో ఉన్న ఈ ఆడియోపై సుమోటో కేసు నమోదు చేశారు. ఇదిలా ఉండగా... తన ఆడియో వైరల్‌గా మారిందని, ఫలితంగా తీవ్ర పరిణామాల ఎదుర్కోవాల్సి వస్తుందని షరీఫ్‌ స్నేహితులు అతడిని భయపెట్టారు. దీంతో మంగళవారం అతడే వెళ్లి బంజారాహిల్స్‌ పోలీసుస్టేషన్‌లో విషయం చెప్పి లొంగిపోయాడు. ఈ ఆడియోపై అప్పటికే సైబర్‌ క్రైమ్‌ ఠాణాలో కేసు నమోదై ఉండటంతో అక్కడి అధికారులు సైబర్‌ కాప్స్‌కు అప్పగించడంతో అరెస్టు అయ్యాడు.  పుకార్లు సృష్టించవద్దని సీపీ అంజనీకుమార్‌ ట్వీట్‌లో సూచించారు.

సాక్షి, సిటీబ్యూరో: నిజాం వైభవానికి ప్రతీక అయిన నజ్రీభాగ్‌ ప్యాలెస్‌ విక్రయం వివాదంలో మరో ట్విస్ట్‌ వెలుగులోకి వచ్చింది. గత ఏడాది ముంబై కేంద్రంగా ఓ కేసు నమోదు కాగా.. తాజాగా పరదాగేట్‌ ప్యాలెస్‌ను తమకు తాకట్టు పెట్టి డబ్బు తీసుకున్నారని, ఆపై మోసం చేస్తూ మరో సంస్థకు అమ్మేశారని ఆరోపిస్తూ ఎస్‌ఆర్‌ఈఐ సంస్థ అసోసియేట్‌ వైస్‌ ప్రెసిడెంట్‌ ఇ.వేణుగోపాల్‌ హైదరాబాద్‌ నగర నేర పరిశోధన విభాగంలో (సీసీఎస్‌) ఫిర్యాదు చేశారు. దీంతో నగరానికి చెందిన ఆషి రియాల్టర్స్, ముంబై సంస్థ నిహారిక ఇన్‌ఫ్రాస్ట్రక్చర్‌ ప్రైవేట్‌ లిమిటెడ్‌లకు చెందిన నలుగురిపై కేసు నమోదు చేశారు. దీనికి సంబంధించిన నిందితుల జాబితాలో సుఖేష్‌ గుప్తా, నీతూ గుప్తా, రవీంద్రన్, సురేష్‌కుమార్‌ ఉన్నారు. ఈ కేసు దర్యాప్తు చేస్తున్న అధికారులు నిందితుల కోసం గాలిస్తున్నారు.  వివాదం వెనక అసలు కథ..   ముంబైకి చెందిన నిహారిక ఇన్‌ఫ్రాస్ట్రక్చర్‌ కంపెనీ రెసిడెన్షియన్, కమర్షియల్‌ నిర్మాణాల్లో పేరెన్నికగన్న సంస్థ. ఇది కొన్నాళ్ల క్రితం ప్రిన్స్‌ ముకర్రంజా మొదటి భార్య ఎస్త్రా నుంచి కింగ్‌కోఠిలోని నజ్రీభాగ్‌ (పరదాగేట్‌) ప్యాలెస్‌ను కొనుగోలు చేసింది. 5 వేల గజాల విస్తీర్ణంలో ఉన్న ఈ భారీ భవంతి ఏడో నిజాం ఉస్మాన్‌ అలీఖాన్‌ వ్యక్తిగత నివాసంగా వెలుగొందింది. అయిదెకరాల విస్తీర్ణంలో కింగ్‌కోఠి ప్యాలెస్‌గా పిలిచే నిర్మాణంలో మొత్తం మూడు భవనాలు ఉన్నాయి. ప్రస్తుతం ఒకదాంట్లో నిజాం ట్రస్ట్, మరోదాంట్లో కోఠి ఈఎన్‌టీ ఆస్పత్రి కొనసాగుతున్నాయి. మూడో భవనమైన నజ్రీభాగ్‌కు జీపీఓ హోల్డర్‌గా ఉన్న ఎస్త్రా నుంచి నిహారిక కన్‌స్ట్రక్షన్స్‌ సంస్థ రూ.150 కోట్లకు కొనుగోలు చేసింది. ఈ ప్యాలెస్‌ను నిహారిక సంస్థ భౌతికంగా తన అధీనంలోకి తీసుకోవాల్సి ఉంది. 2019 ప్రథమార్థంలో సంస్థ డైరెక్టర్ల మధ్య కొన్ని స్పర్థలు వచ్చాయి. దీంతో గత ఏడాది జూన్‌లో నిహారిక ఇన్‌ఫ్రాస్ట్రక్చర్‌ ఉద్యోగులు హైదరాబాద్‌ వచ్చినప్పుడు జిల్లా రిజిస్ట్రార్‌ కార్యాలయాన్ని సంప్రదించారు. ఈ నేపథ్యంలోనే నజ్రీభాగ్‌ ప్యాలెస్‌ యాజమాన్య హక్కులు కశ్మీర్‌కు చెందిన ఐరిష్‌ హాస్పిటాలిటీస్‌కు బదిలీ అయినట్లు గుర్తించారు. దీనిపై లోతుగా ఆరా తీయగా నిహారిక సంస్థకు రాజీనామా చేసి బయటకు వచ్చిన హైదరాబాద్‌ వాసి రవీంద్రన్‌తో పాటు సురేష్‌కుమార్‌ తదితరులప్రమేయంతోనే ఇది జరిగినట్లు తేల్చారు. నిహారిక సంస్థతో పాటు నజ్రీభాగ్‌ ప్యాలెస్‌ పేరుతో నకిలీ డాక్యుమెంట్లు సృష్టించిన వీళ్లు రూ.150 కోట్లకు ఐరిష్‌ హాస్పిటాలిటీస్‌కు 2019 జనవరిలో విక్రయించేశారు. ఈ విషయాలు గుర్తించిన నిహారిక సంస్థ ముంబైలోని వర్లీ పోలీసులకు ఫిర్యాదు చేసింది. నిహారిక సంస్థకు చెందిన ఇద్దరు డైరెక్టర్లు అక్రమంగా విక్రయించేశారని అనుమానించిన పోలీసులు కేసును దర్యాప్తు నిమిత్తం అక్కడి ఆర్థిక నేరాల దర్యాప్తు విభాగానికి (ఈఓడబ్ల్యూ) బదిలీ చేసింది. దీంతో ఆ వింగ్‌లోని యూనిట్‌– 9 అధికారులు కేసు నమోదు చేసుకుని దర్యాప్తు చేపట్టారు. రవీంద్రన్, సురేష్‌లతో పాటు మహ్మద్‌ ఉస్మాన్, సుఖేష్‌ గుప్తాలను నిందితుల జాబితాలో చేర్చింది. ఈ కేసులో కొన్ని అరెస్టుల్ని చేసిన ముంబై ఈఓడబ్ల్యూ అధికారులు దర్యాప్తు కొనసాగిస్తున్నారు.   కేసు కొనసాగుతుండగానే..   అక్కడ కేసు ఇలా ఉండగానే.. ఇటీవల బంజారాహిల్స్‌ కేంద్రంగా పని చేసే ఎస్‌ఆర్‌ఈఐ ఎక్వీప్‌మెంట్‌ ఫైనాన్స్‌ లిమిటెడ్‌కు చెందిన అసోసియేట్‌ వైస్‌ ప్రెసిడెంట్‌ ఇ.వేణుగోపాల్‌ సీసీఎస్‌ పోలీసులకు ఓ ఫిర్యాదు చేశారు. బషీర్‌బాగ్‌ కేంద్రంగా పని చేసే ఆషి రియాల్టర్స్‌కు చెందిన సుఖేష్‌ గుప్తా, నీతు గుప్తా, ముంబైకి చెందిన నిహారిక ఇన్‌ఫ్రాస్ట్రక్చర్‌ ప్రైవేట్‌ లిమిటెడ్‌ సురేష్‌ కుమార్, రవీంద్రన్‌లు ఎస్‌ఆర్‌ఈఐ వద్ద రూ.110 కోట్ల రుణం కోసం 2018 జూన్‌లో దరఖాస్తు చేసుకున్నారు. ఆ ఏడాది అక్టోబర్‌ నుంచి ప్రారంభించి ప్రతి మూడు నెలలకు ఇన్‌స్టాల్‌మెంట్‌ చొప్పున చెల్లిస్తూ మొత్తం నాలుగు దఫాల్లో రుణం వడ్డీతో సహా తీర్చాలన్నది ఒప్పందం. ఈ రుణానికి సంబంధించి ష్యూరిటీగా హఫీజ్‌పేటలో ఉన్న ఎనిమిది ఎకరాల స్థలంతో పాటు కింగ్‌కోఠిలో 28,106 చదరపు గజాల విస్తీర్ణంలో ఉన్న నజ్రీభాగ్‌ ప్యాలెస్‌ను చూపిస్తూ 2018 జూలై 15న అగ్రిమెంట్‌ చేసుకున్నారు. ఎస్‌ఆర్‌ఈఐ నుంచి తీసుకున్న రుణం చెల్లించడంలో సుఖేష్‌ గుప్తా తదితరులు విఫలం కావడంతో గత ఏడాది డిసెంబర్‌ 30న హఫీజ్‌పేటలోని స్థలాన్ని వేలం వేసి ఎస్‌ఆర్‌ఈఐ సంస్థ రూ.102.6 కోట్లు రాబట్టుకుంది. మిగిలిన మొత్తం రికవరీ కోసం నజ్రీభాగ్‌ను వేలం వేయాలని ప్రయత్నించగా.. నిందితులు అప్పటికే తమను మోసం చేస్తూ ఐరిష్‌ హాస్పిటాలిటీస్‌కు విక్రయించినట్లు గుర్తించింది. దీనికి సంబంధించి ఆషి, నిహారిక సంస్థలతో చేసిన సంప్రదింపులు ఫలితాలు ఇవ్వకపోవడంతో ఎస్‌ఆర్‌ఈఐ సంస్థ గత నెల 28న సీసీఎస్‌ పోలీసులకు ఫిర్యాదు చేసింది. దీంతో అధికారులు సుఖేష్‌ గుప్తా, నీతు గుప్తా, రవీంద్రన్, సురేష్‌కుమార్‌లపై ఐపీసీ 420, 406 రెడ్‌విత్‌ 34 సెక్షన్ల కింద కేసు నమోదు చేసుకుని దర్యాప్తు ప్రారంభించారు.

బంజారాహిల్స్‌: తెల్లవారుజాము వరకు మందుబాబులు పబ్‌లను వదిలి బయటకు రావడం లేదు.  గొడవలు లేకుండా లేనిరోజులేదు. దీంతో పోలీసులకు కంటిమీద కునుకులేకుండా పోతోంది. జూబ్లీహిల్స్‌తో పాటు పలు సంపన్న ప్రాంతాల్లో పబ్‌లలో రాత్రి ఒంటిగంటదాటిందంటే లోపల, బయట గొడవల్లేని రోజంటూ ఉండటం లేదు. తాజాగా శని, ఆదివారాల్లో జూబ్లీహిల్స్‌లోని రెండు పబ్‌లలో గొడవలు శృతి మించి రాగాన పడ్డాయి. నెల క్రితం రోడ్‌ నెం 36లోని ఎయిర్‌ లైవ్‌ పబ్‌లో అయిదుగురు యువకులు పీకలదాకా మద్యం సేవించి సమీపంలోని ఓ వైన్‌షాప్‌కు వెళ్ళి వైన్‌బాటిల్‌ తస్కరిస్తూ పట్టుబడి గొడవకు దిగాడు. నిన్నగాక మొన్న ప్రిజమ్‌ పబ్‌లో రాహుల్‌ సిప్లిగంజ్‌ గొడవ పలు విమర్శలకు దారి తీసింది. నెల క్రితం జూబ్లీహిల్స్‌ రోడ్‌ నెం. 45లోని ఓ పబ్‌కు ఉన్నతాధికారి వెళ్ళి మద్యం మత్తులో గొడవకు దిగాడు. అదే రాత్రి ఆ పబ్‌ సర్వర్‌ పోలీసులకు ఫిర్యాదు చేయగా పట్టించుకోలేదు. తాజాగా మూడు రోజులక్రితం కూడా మరో ఉన్నతాధికారి అదే పబ్‌లో సిబ్బందితో గొడవపడ్డాడు. ఆ కేసు కూడా పోలీసులుదాకా రాకుండానే మూతపడింది. మూడు నెలల క్రితం జూబ్లీహిల్స్‌ రోడ్‌ నెం. 45 ఓ పబ్‌లో యువ హీరో మద్యం మత్తులో వీరంగం సృష్టించారు. జూబ్లీహిల్స్‌రోడ్‌ నెం. 36లోని రెండు పబ్‌లలో నిత్యం గొడవలు జరుగుతూనే ఉంటాయి. అర్ధరాత్రి ఒంటింగంట దాటిందంటే అమ్మాయిలు బయటికి రాగానే అబ్బాయిలు మత్తులో చెలరేగిపోతుంటారు. పోలీసులుదాకా కొన్ని కేసులు వస్తుంటే మరికొన్ని అక్కడిక్కడే పరిష్కారం అవుతుంటాయి. దీనికి తోడు బౌన్సర్ల దాడులు పెరిగిపోతున్నాయి. మత్తులో యువతీ, యువకులు అసభ్యకరంగా ప్రవర్తిస్తున్నప్పుడు వారిని నియంత్రించే క్రమంలో బౌన్సర్లు చేస్తున్న అరాచకాలు పలు విమర్శలకు దారి తీస్తున్నాయి. ఇటీవల జూబ్లీహిల్స్‌ పోలీసులు పది మంది బౌన్సర్లపై కేసులు నమోదు చేసి రిమాండ్‌కు తరలించారు. జూబ్లీహిల్స్‌లోని ఓ పబ్‌లో గొడవలపై ఇప్పటికే పది కేసులు నమోదయ్యాయి.   మద్యం మత్తులో యువతితో అసభ్య ప్రవర్తన..పబ్‌ వద్ద గొడవ   బంజారాహిల్స్‌: పబ్‌లో పీకలదాకా మద్యం తాగిన ఓ యువకుడు బయటకు వచ్చిన తర్వాత అప్పుడే పబ్‌ నుంచి బయటకు వచ్చిన ఓ యువతిపట్ల అసభ్యంగా ప్రవర్తించడంతో నిందితుడిని జూబ్లీహిల్స్‌ పోలీసులు అరెస్ట్‌ చేసి రిమాండ్‌కు తరలించారు. పబ్‌ బయట జరిగిన ఈ గొడవ వివరాలు ఇలా ఉన్నాయి... జూబ్లీహిల్స్‌ రోడ్‌ నెం. 45లో ఉన్న హార్ట్‌కప్‌ పబ్‌లోకి శనివారం రాత్రి పాతబస్తీకి చెందిన ఫిరోజ్‌ అనే యువకుడు తన స్నేహితులతో కలిసి వచ్చాడు. అంతా కలిసి మద్యం తాగారు. అప్పటికే మద్యం మత్తులో ఉన్న ఫిరోజ్‌ ఓ యువతిని   వేధించాడు. అయితే ఆమె పెద్దగా పట్టించుకోలేదు. అర్ధరాత్రి ఒంటిగంట ప్రాంతంలో  బయటకు వచ్చిన ఫిరోజ్‌ ఆమె కోసం బయటే వేచి ఉన్నాడు. సదరు యువతి రాగానే వెనక నుంచి వెళ్ళి అసభ్యకరంగా ప్రవర్తించాడు. దీంతో ఆమె అదే రోజు రాత్రి పోలీసులకు ఫిర్యాదు చేసింది. పోలీసులు నిందితుడిపై ఐపీసీ సెక్షన్‌ 354 కింద కేసు నమోదు చేసి రిమాండ్‌కు తరలించారు. 

న్యూఢిల్లీ/అలీగఢ్‌: పౌరసత్వ సవరణ చట్టం(సీఏఏ) అనుకూల, వ్యతిరేక వర్గాల మధ్య ఈశాన్య ఢిల్లీలోని జఫ్రాబాద్‌లో ఆదివారం ఘర్షణలు చోటుచేసుకున్నాయి. మౌజ్‌పూర్‌లో రెండు సమూహాలకు చెందిన వారు ఒకరిపై ఒకరు రాళ్లు రువ్వుకోవడంతో వారిని చెదరగొట్టేందుకు పోలీసులు బాష్పవాయువును ప్రయోగించారు. భద్రత కారణాలతో మౌజ్‌పూర్, బదర్‌పూర్‌ మెట్రో స్టేషన్లను మూసివేశారు. 500 మందితో కూడిన బృందం శనివారం జఫ్రాబాద్‌ మెట్రో స్టేషన్‌ సమీపంలో ధర్నా చేసింది. ఈ నేపథ్యంలోనే వారు ఆదివారం నిరసన కొనసాగించారు. ఇటు సీఏఏకు మద్దతుగా ఆదివారం స్థానిక బీజేపీ నేత కపిల్‌ మిశ్రా నేతృత్వంలో ఓ వర్గం మౌజ్‌పూర్‌లో ర్యాలీ ప్రారంభించింది. ఇరు వర్గాలు ఒక దగ్గరికి చేరడంతో ఘర్షణ రేగింది. యూపీలోనూ ఘర్షణ: సీఏఏకు వ్యతిరేకంగా ఉత్తర్‌ప్రదేశ్‌లోని అలీగఢ్‌ ప్రాంతంలో చేపట్టిన నిరసన కారుల ర్యాలీ హింసాత్మకంగా మారడంతో పోలీసులు బాష్పవాయువు ప్రయోగించి వారిని చెదరగొట్టారు. ఆదివారం మధ్యాహ్నం అలీగఢ్‌ జిల్లా కొట్వాలి పోలీస్‌స్టేషన్‌ పరిధిలోని అప్పర్‌ కోట్‌ ఏరియాలో నిరసనకారులు భద్రతా సిబ్బందిపై రాళ్లు రువ్వగా వారిని చెదరగొట్టేందుకు టియర్‌గ్యాస్‌ షెల్స్‌ను ప్రయోగించినట్లు అధికారులు తెలిపారు. మహ్మద్‌ అలీ రోడ్డు ప్రాంతంలో శనివారం నుంచే కొందరు మహిళా నిరసన కారులు ధర్నా నిర్వహిస్తున్నారు. ఈ నేపథ్యంలో∙ఆదివారం సాయంత్రం ఆందోళన చేస్తున్న మహిళలను పోలీసులు రోడ్డుపై నుంచి తప్పించే క్రమంలో ఘర్షణ తలెత్తింది.

దొడ్డబళ్లాపురం : వయసుపైబడ్డ కన్నతల్లిని చూసుకునే విషయంలో కొడుకు, కూతురు ఘర్షణపడి పర్యవసానంగా రెండు కుటుంబాలు వారు కొట్టుకుని ఆస్పత్రిపాలైన సంఘటన దేవనహళ్లి తాలూకాలో చోటుచేసుకుంది. దేవనహళ్లి తాలూకా దొడ్డసాగరహళ్లి గ్రామంలో ఈ సంఘటన జరిగింది. గ్రామస్తురాలైన బిజుమా కుమారుడు ఇమాంసాబ్, కుమార్తె జంగమా కుటుంబాల మధ్య ఘర్షణ జరిగింది. వయసుపైబడ్డ బిజుమా గత 15 సంవత్సరాలుగా కుమార్తె జంగమా ఇంట్లోనే ఉంటోంది. అయితే బిజుమాకు వస్తున్న పెన్షన్‌ డబ్బులను జంగమా ఒక్కతే తింటోందని ఇమాంసాబ్‌ భార్య నన్నిమా జంగుమా గ్రామంలో జంగమా కనిపించినపుడల్లా తిట్టినట్లు సమాచారం. దీంంతో మనస్తాపం చెందిన జంగమా తల్లిని ఇమాంసాబ్‌ ఇంటికి పంపించేసింది. అయితే ఇమాంసాబ్‌ కుటుంబ సభ్యులు ఆమెను ఇంట్లోకి రానివ్వలేదు. ఇందుకు సంబంధించి ఇరు కుటుంబాలను కూర్చోబెట్టి గ్రామం పెద్దలు మసీదులో పంచాయతీ నిర్వహించారు. ఇలా ఉండగా ఆదివారం రాత్రి ఇమాంసాబ్‌ తరపు మనుషులు జంగమా ఇంటిపై దాడి చేసి కుటుంబ సభ్యులను దుర్భాషలాడి కొట్టారు. జంగమా, ఈమె పిల్లలు బీబీజాన్, రేష్మ, భర్త మౌలా, మనవరాలు అలియాలపై మారణాయుధాలతో దాడి చేయగా వారంతా తీవ్రంగా గాయపడ్డారు. క్షతగాత్రులను దేవనహళ్లి ప్రభుత్వ ఆస్పత్రికి తరలించారు. విజయపుర పోలీసులు కేసు దర్యాప్తు చేస్తున్నారు. 

పుదుచ్చేరి:  లెఫ్టినెంట్‌ గవర్నర్‌ కిరణ్‌ బేడీ, సీఎం నారాయణస్వామిల మధ్య విభేదాలు తారాస్థాయికి చేరాయి. కిరణ్‌ బేడీ పదవి బాధ్యతలు స్వీకరించినప్పటీ నుంచే సీఎం నారాయణస్వామిపై అసంతృప్తి వ్యక్తం చేస్తూనే ఉంది. ప్రతిగా సీఎం నారాయణస్వామి కూడా గట్టిగానే కౌంటర్‌ ఇస్తున్నారు. కాగా.. గత కొద్దిరోజులుగా వీరిరువురి మధ్య తీవ్రస్థాయిలో మాటలయుద్ధం జరుగుతోంది. పుదుచ్చేరి ఆదాయం పెంచుకునేందుకు కాసినోలు, మద్యం తయారీ సంస్థలు, లాటరీ కంపెనీలు స్థాపించాలని సీఎం నారాయణస్వామి భావిస్తుండగా, కిరణ్ బేడీ అందుకు అభ్యంతరం చెబుతుండడంతో ఇద్దరి మధ్య పచ్చగడ్డి వేస్తే భగ్గుమనేంత వైరం నెలకొంది. చదవండి: 'పాకిస్తాన్‌ వెళ్లమంటారా అంటూ కేంద్రమంత్రి సీరియస్‌' ఈ క్రమంలో సీఎం నారాయణస్వామి కిరణ్‌ బేడీ గురించి ప్రస్తావిస్తూ.. ఆమె దెయ్యం, మనస్సాక్షి లేని వ్యక్తి,  జర్మనీ నియంత హిట్లర్‌కు చెల్లెలు అంటూ అనుచిత వ్యాఖ్యలు చేశారు. ఈ వ్యాఖ్యలపై కిరణ్‌ బేడీ కూడా కాస్త ఘాటుగా స్పందించింది. సీఎం కాస్త హుందాగా నడుచుకుంటే మంచిదని హితువు పలికారు. కొన్నిరోజులుగా మీరు నన్ను అనేక పేర్లతో దూషిస్తున్న విధానం గమనిస్తున్నాను. ఇటీవలే మీ ప్రవర్తన హద్దుమీరింది. లెఫ్టినెంట్ గవర్నర్‌గా నేనెప్పుడూ ప్రజల క్షేమం గురించే ఆలోచిస్తాను. ఈ సందర్భంగా బుద్ధుడు పేర్కొన్న హితోక్తిని కూడా కిరణ్ బేడీ ప్రస్తావించారు. 'ఎవరైనా ఒకర్ని దూషించినప్పుడు రెండో వ్యక్తి ఆ తిట్లను స్వీకరించకపోతే, ఆ తిట్లు మొదటి వ్యక్తి వద్దే ఉంటాయి' అంటూ వ్యాఖ్యానించారు.

‘ఐ వానా ఫాలో ఫాలో ఫాలో ఫాలో యు’.. అంటూ ఇన్ని రోజులు ఒకరినొకరు ఫాలో అయ్యారు హీరోయిన్‌ ఇలియానా, ఆస్ట్రేలియన్‌ ఫొటోగ్రాఫర్‌ అండ్రూ నీబోన్‌. చేతిలో చేతులు వేసుకుని ఇన్ని రోజులు చెట్టాపట్టాలేసుకుని తిరిగిన ఈ జంట తాజాగా చేతులు దులుపుకుని విడిపోయారని ప్రచారం జరుగుతోంది. ఆండ్రూతో కలిసి ఉన్న ఫొటోలను తన ఇన్‌స్టా అకౌంట్‌ నుంచి తొలగించారు ఇలియానా. అలాగే ఇన్‌స్టాలో ఒకరినొకరు అన్‌ ఫాలో చేసుకున్నారు. దీంతో ఆమెకు, ఆండ్రూకు మధ్య విభేదాలు వచ్చాయన్న వార్తలు నిజమేనని ఊహించుకోవచ్చు. ఇలియానా ఓ సందర్భంలో ఆండ్రూని ‘హబ్బీ’ (భర్త) అంటూ ఇన్‌స్టాలో క్యాప్షన్‌ కూడా ఇచ్చిన సంగతి తెలిసిందే. మరి... ఈ బ్రేకప్‌ ప్రచారం గురించి ఇలియానా స్పందిస్తే కానీ ఊహాగానాలకు ఫుల్‌స్టాప్‌ పడదు. ఇక సినిమాల విషయానికి వస్తే... హిందీలో ఇలియానా కథానాయికగా నటించిన ‘పాగల్‌ పాంతీ’ సినిమా విడుదలకు రెడీగా ఉంది.

అవకాశం వచ్చినప్పుడల్లా రోహిత్‌ శర్మను ప్రశంసలతో ముంచెత్తాను. నాలో అభద్రతాభావం ఉంటే ఇలా చేసేవాడినా? భారత క్రికెట్‌ జట్టు కెప్టెన్‌ విరాట్‌ కోహ్లి స్పందన ఇది. ఇటీవల తనకు, రోహిత్‌కు పడటం లేదంటూ గత కొద్ది రోజులుగా జరుగుతున్న ప్రచారానికి అతను తెర దించే ప్రయత్నం చేశాడు. ఎక్కడా దాటవేత ధోరణి లేకుండా ఈ అంశంపై కోహ్లి పూర్తి స్పష్టతనిచ్చాడు. పేరుకు వెస్టిండీస్‌తో సిరీస్‌కు బయల్దేరడానికి ముందు జరుగుతున్న అధికారిక మీడియా సమావేశమే అయినా రోహిత్‌తో సంబంధాల గురించే కోహ్లి వివరణ సుదీర్ఘంగా సాగింది. కోచ్‌ రవిశాస్త్రి కూడా కెప్టెన్‌తో జత కలిసి జట్టు ప్రయోజనాల కోసమే ఎవరైనా ఆడతారని, జట్టుకంటే ఎవరూ ఎక్కువ కాదంటూ ‘గాలివార్తలను’ కొట్టిపారేశాడు. కోహ్లి తాజా సమాధానాలతోనైనా విభేదాల వార్తలకు ఫుల్‌స్టాప్‌ పడుతుందో లేదో వేచి చూడాలి.    ముంబై: భారత కెప్టెన్‌ కోహ్లి తన డిప్యూటీ రోహిత్‌ శర్మతో విభేదాల వార్తలపై పెదవి విప్పాడు. జట్టులో అంతా బాగుందని, ఎవరో కావాలని ఇలాంటివి పుట్టిస్తున్నారని ఒకింత అసహనాన్ని ప్రదర్శించాడు. టి20, వన్డే, టెస్టు సిరీస్‌లు ఆడేందుకు సోమవారం రాత్రి టీమిండియా సభ్యులు విండీస్‌ బయల్దేరారు. దానికి ముందు కోహ్లి, కోచ్‌ రవిశాస్త్రి మీడియాతో సంభాషించారు. విశేషాలు కోహ్లి మాటల్లోనే... రోహిత్‌తో విభేదాల గురించి వాస్తవాలేమిటి?   నేను కూడా బయటి నుంచి కొన్ని రోజులుగా ఎన్నో విషయాలు వింటున్నాను. నిజంగా జట్టు సభ్యుల మధ్య సుహృద్భావ వాతావరణం లేకపోతే నాకు తెలిసి ఇంతటి విజయాలు సాధ్యం కావు. ఎందుకంటే అంతర్జాతీయ స్థాయిలో జట్టు ప్రదర్శనలో డ్రెస్సింగ్‌ రూమ్‌లో మంచి సంబంధాలు, నమ్మకం కూడా కీలక పాత్ర పోషిస్తాయి. గత 2–3 ఏళ్లలో మేం ఎన్నో గొప్ప ఘనతలు సాధించాం. వన్డేల్లో ఏడో స్థానం నుంచి నంబర్‌వన్‌కు చేరుకున్నాం. ఒకరిపై మరొకరికి పరస్పర విశ్వాసం, సమన్వయం, తగిన గౌరవం లేకపోతే ఇదంతా జరగకపోయేది. నిజంగా సంబంధాలు బాగా లేకపోతే అది మైదానంలో ప్రతిఫలిస్తుంది.   ప్రచారంలో ఉన్న వార్తలపై స్పందన ఏమిటి?   ఇవన్నీ చాలా చికాకు పరుస్తాయి. మేం జనంలోకి వెళితే మీరు వరల్డ్‌ కప్‌లో చాలా బాగా ఆడారంటూ ప్రశంసలు వినిపిస్తుంటే మరోవైపు ఇలాంటి హాస్యాస్పద మాటలు వినాల్సి రావడం దురదృష్టకరం. పచ్చి అబద్ధాలు ప్రచారం చేస్తున్నారు. మన మెదళ్లలోకి వాటిని నింపి నిజమని నమ్మించేందుకు  ప్రయత్నిస్తున్నారు. జట్టుకు సంబంధించిన విజయాలు, సానుకూలాంశాల గురించి అసలేమీ తెలియనట్లుగా నటిస్తున్నారు. వ్యక్తిగత అంశాలను ఆటలోకి తీసుకురావడం అందరినీ అగౌరవపర్చడమే. నేను చాలా కాలంగా ఇలాంటివి అనుభవిస్తూనే ఉన్నాను. మా జట్టు డ్రెస్సింగ్‌ రూమ్‌ ఎంత బాగుంటుందో వచ్చి చూడండి. కుల్దీప్‌తో ఎలా మాట్లాడతాం, ధోనిలాంటి సీనియర్‌ను ఎలా ఆటపట్టిస్తామో వీడియో తీసి చూపించలేను కదా?   రోహిత్‌తో అంతా బాగున్నట్లేనా!   నా గురించి ఒక్క మాట చెబుతాను. నిజంగా నాకు ఎవరిపైనైనా కోపం ఉంటే అది నా ముఖంలో కనిపిస్తుంది. నాకు ఎలాంటి అభద్రతాభావం లేదు. అవకాశం దొరికినప్పుడల్లా రోహిత్‌ శర్మను ప్రశంసించేందుకు ఎప్పుడూ వెనుకాడలేదు. ఎందుకంటే అతనిపై నాకు నమ్మకముంది. రోహిత్‌ దానికి అర్హుడు. నేను 10 ఏళ్లుగా, రోహిత్‌ 11 ఏళ్లుగా ఆడుతున్నాం. జట్టును ఈ స్థాయికి తెచ్చేందుకు నాలుగేళ్లుగా కలిసి ఎంతో కష్టపడ్డాం. ఇప్పుడు ఇలాంటి ప్రశ్నలు ఎదుర్కోవాల్సి వస్తోంది. మేం బతికేది, శ్వాసించేది, ఏం చేసినా భారత క్రికెట్‌ బాగు కోసమే. మా మధ్య ఎలాంటి సమస్య లేదు. ఇలాంటివి పుట్టించి ఎవరు లాభపడుతున్నారో అర్థం కావడం లేదు.   మిడిలార్డర్‌ సమస్యను ఎలా పరిష్కరిస్తారు? దీనిపై కచ్చితంగా ఇలాగే చేయాలంటూ పరిష్కారం ఏమీ లేదు. పరిస్థితులను బట్టి అప్పటికప్పుడు నిర్ణయం తీసుకోవడమే. టాపార్డర్‌ బాగుందంటూ ప్రశంసించిన వారే మిడిలార్డర్‌కు బ్యాటింగ్‌ అవకాశం రాలేదంటారు. రాక రాక ఒక మ్యాచ్‌లో అవకాశం వచ్చి వారు విఫలమైతే 1–2 మ్యాచ్‌లతోనే వారి ప్రదర్శనను ఎలా అంచనా వేస్తాం! నాలుగో స్థానం గురించి బెంగ ఏమీ లేదు. ప్రపంచ కప్‌లో ఓడినంత మాత్రాన ఏదో ప్రమాదం జరిగినపోయినట్లు కాదు. రవిశాస్త్రికే నా ఓటు... కోచ్‌ రవిశాస్త్రితో తనకున్న అనుబంధాన్ని కోహ్లి మరోసారి ప్రదర్శించాడు. ఒకవైపు క్రికెట్‌ సలహా కమిటీ (సీఏసీ) హెడ్‌ కోచ్‌ ఎంపిక కోసం దరఖాస్తులు ఆహ్వానించి ఆ ప్రక్రియ కొనసాగుతుండగానే తన ఓటు మాత్రం శాస్త్రికేనని బహిరంగంగా మద్దతిచ్చేశాడు. ‘కోచ్‌ ఎంపిక విషయంపై సీఏసీ ఇప్పటి వరకైతే నన్ను ఏమీ అడగలేదు. అయితే నాకు,            శాస్త్రికి మధ్య మంచి సమన్వయం ఉంది. ఆయన కోచ్‌గా కొనసాగాలని కోరుకుంటున్నా. నన్ను అభిప్రాయం అడిగితే మాత్రం ఇదే చెబుతా’ అని కోహ్లి స్పష్టం చేసేశాడు.    రాబోయే విండీస్‌ పర్యటన ఎలా ఉండబోతోంది?   మంచి ఆటకు, వినోదానికి అనువైన దేశం వెస్టిండీస్‌. ఈ టూర్‌ కోసం ఎంతో ఆసక్తిగా ఎదురు చూస్తున్నాం. ముందుగా టి20ల్లో కొత్త కుర్రాళ్లకు అవకాశం కల్పించి ప్రయత్నించాలని భావిస్తున్నాం. అయితే టెస్టు చాంపియన్‌షిప్‌ నేపథ్యంలో ఈ సారి టెస్టు సిరీస్‌ కూడా ఆసక్తికరంగా సాగే అవకాశం ఉంది. ఇప్పటి వరకు ఉన్న సాధారణ ద్వైపాక్షిక సిరీస్‌లతో పోలిస్తే ఇకపై ప్రతీ టెస్టులో సవాళ్లు, తీవ్రత ఎక్కువ ఉంటాయి. టెస్టులు బతికేందుకు ఇది చాలా అవసరం. నా దృష్టిలో కూడా మొదటి ప్రాధాన్యత, నేను ఇష్టపడేది కూడా సుదీర్ఘ ఫార్మాట్‌నే. 

న్యూఢిల్లీ: దేశీ విమానయాన సంస్థ ఇండిగోలో ప్రమోటర్ల మధ్య వివాదాలు మరింతగా ముదిరాయి. కంపెనీ వ్యవహారాల్లో జోక్యం చేసుకుని పరిస్థితులు చక్కదిద్దాలని కోరుతూ కంపెనీ ప్రమోటర్లలో ఒకరైన రాకేష్‌ గంగ్వాల్‌ తాజాగా మార్కెట్ల నియంత్రణ సంస్థ సెబీకి లేఖ రాశారు. ఇండిగోలో గవర్నెన్స్‌ లోపాలు తీవ్ర స్థాయిలో ఉన్నాయని, దానితో పోలిస్తే కనీసం పాన్‌ షాపు నిర్వహణైనా మెరుగ్గా ఉంటుందని ఆయన వ్యాఖ్యానించారు. సంస్థను నేడు అత్యున్నత స్థాయిలో నిలబెట్టిన విలువలకు తిలోదకాలిచ్చి.. కంపెనీ పక్క దారి పడుతోందని గంగ్వాల్‌ ఆరోపించారు. మరో ప్రమోటరు రాహుల్‌ భాటియా, ఆయన సంస్థలు సందేహాస్పద లావాదేవీలు జరిపినట్లు పేర్కొన్నారు. చిరకాల మిత్రుడైన భాటియాకు కంపెనీపై అసాధారణ నియంత్రణాధికారాలు కట్టబెట్టేలా షేర్‌హోల్డర్ల ఒప్పందం ఉందని గంగ్వాల్‌ ఆరోపించారు.  ‘సందేహాస్పద లావాదేవీలతో పాటు కనీసం ప్రాథమికమైన గవర్నెన్స్‌ నిబంధనలు, చట్టాలను కూడా పాటించడం లేదు. ఇది ఇలాగే కొనసాగితే దురదృష్టకర పరిణామాలు చోటు చేసుకునే ప్రమాదం ఉంది. కాబట్టి తక్షణం సరిదిద్దే చర్యలు తీసుకోవాలి‘ అని లేఖలో పేర్కొన్నారు. దీని కాపీని అటు ప్రధాని నరేంద్ర మోదీ, ఆర్థిక మంత్రి నిర్మలా సీతారామన్, పౌర విమానయాన శాఖ మంత్రి హర్‌దీప్‌సింగ్‌ పురి, వాణిజ్య మంత్రి పీయూష్‌ గోయల్‌కు కూడా పంపారు.  19లోగా వివరణివ్వండి..: రాకేష్‌ గంగ్వాల్‌ చేసిన ఫిర్యాదులపై మార్కెట్ల నియంత్రణ సంస్థ సెబీ దృష్టి సారించింది. ఈ ఆరోపణల నేపథ్యంలో కీలక వివరాలు ఇవ్వాలంటూ ఇండిగో మాతృసంస్థ ఇంటర్‌గ్లోబ్‌ ఏవియేషన్‌ను ఆదేశించింది. దీనికి జూలై 19 గడువు విధించింది. స్టాక్‌ ఎక్సే్చంజీలకు ఇండిగో ఈ విషయాలు తెలిపింది. సెబీకి గంగ్వాల్‌ రాసిన లేఖ ప్రతి తమకు కూడా అందినట్లు వివరించింది. తాజా పరిణామాల నేపథ్యంలో బీఎస్‌ఈలో ఇంటర్‌గ్లోబ్‌ ఏవియేషన్‌ షేరు స్వల్పంగా నష్టపోయి రూ. 1,565.75 వద్ద క్లోజయ్యింది. వివాదం ఇదీ..  ఇండిగో సహవ్యవస్థాపకుడు అయిన గంగ్వాల్‌కు కంపెనీలో 37% వాటాలు ఉన్నాయి. మరో సహవ్యవస్థాపకుడు రాహుల్‌ భాటియా, ఆయన సంబంధ సంస్థల (ఐజీఈ గ్రూప్‌)కు 38% వాటాలున్నాయి. సంబంధ పార్టీల మధ్య సందేహాస్పద లావాదేవీలపై ఇద్దరు ప్రమోటర్ల మధ్య విభేదాలు నెలకొన్నాయి. దీంతో అత్యవసర షేర్‌హోల్డర్ల సమావేశం నిర్వహించాలంటూ గంగ్వాల్‌ గతంలో ప్రతిపాదించగా భాటియా దాన్ని తిరస్కరించారు. అసమంజసమైన ఆయన డిమాండ్లను కంపెనీ బోర్డు ఒప్పుకోనందున గంగ్వాల్‌ ఇలాంటివన్నీ చేస్తున్నారంటూ భాటియా ఆరోపించారు. దేశీయంగా అతి పెద్ద ఎయిర్‌లైన్‌ అయిన ఇండిగోకు దాదాపు 49%మార్కెట్‌ వాటా ఉంది. 200 పైచిలుకు విమానాలతో రోజూ 1,400 ఫ్లయిట్స్‌ నడుపుతోంది. భాటియాకు అసాధారణ అధికారాలు కట్టబెట్టేలా షేర్‌హోల్డరు ఒప్పందం ఉన్నప్పటికీ.. సుదీర్ఘ మిత్రత్వం దృష్టిలో ఉంచుకుని, కంపెనీపై  నియంత్రణాపేక్ష పెట్టుకోకుండా అగ్రిమెంటు తాను అంగీకరించానని గంగ్వాల్‌ ఒక ప్రకటనలో పేర్కొన్నారు. ఒప్పందం ప్రకారం భాటియాకు చెందిన ఐజీఈ గ్రూప్‌నకు ఆరుగురిలో ముగ్గురు డైరెక్టర్లను, చైర్మన్, సీఈవో, ప్రెసిడెంట్‌ను నియమించే అధికారాలు ఉంటాయి. ప్రస్తుత చైర్మన్‌ స్వతంత్రతను తాను ప్రశ్నించడం లేదని కానీ స్వతంత్ర చైర్మన్‌ పేరిట జరిపే నియామక ప్రక్రియే సెబీ నిబంధనలను తుంగలో తొక్కేలా ఉందని గంగ్వాల్‌ ఆరోపించారు. 

సాక్షి, నిజామాబాద్‌: జిల్లా కేంద్రంలోని బాబాసాహబ్‌ పహడ్‌లో ఓ హిజ్రా ఆత్మహత్య చేసుకున్నారు. ఆరోటౌన్‌ పోలీస్‌స్టేషన్‌ పరిధిలో ఈ ఘటన జరిగింది. పోలీసులు తెలిపిన వివరాలిలా ఉన్నాయి. పదేళ్ల క్రితం హరీష్‌ అనే వ్వాపారి హిజ్రాగా మారారు. స్నేహగా నగరంలో బాబాసాహెబ్‌ పహడ్‌లో ఉంటోంది. గత నాలుగేళ్లుగా కంఠేశ్వర్‌కు చెందిన నాగరాజ్‌తో ప్రేమాయణం కొనసాగిస్తున్నారు. వీరిద్దరి మధ్య విభేదాలు వచ్చాయి. స్నేహను తరుచూ ఫోన్‌లో తిట్టడంతో ఇద్దరి మధ్య వివాదం తీవ్రస్థాయికి చేరింది. దీంతో మనస్థాపం చెందిన స్నేహ శనివారం రాత్రి ఇంట్లో ఉరేసుకొని ఆత్మహత్య చేసుకున్నారు. శనివారం ఉదయం తలుపులు తీయకపోవడంతో చుట్టు పక్కలవారు పోలీసులకు సమాచారం అందించారు. పోలీసులు వచ్చి తలుపులు పగులగొట్టి చూడగా స్నేహ ఫ్యాన్‌కు ఉరేసుకొని చనిపోయారు. దీంతో పోలీసులు కేసు నమోదు చేసుకొని విచారిస్తున్నారు. నాగరాజ్‌ను పోలీసులు అదుపులో తీసుకుని విచారిస్తున్నారు.  

పోలీసు శాఖలో ఏఆర్‌ విభాగం వివాదాలకు కేరాఫ్‌గా మారుతోంది. ఆ విభాగంలో కొంతమంది అధికారుల నిర్ణయాల వలన సిబ్బంది     తీవ్ర నిరుత్సాహానికి గురవుతున్నారు. సిబ్బందికి విధుల కేటాయింపులో పక్షపాత ధోరణి     అవలంబించడం వెనుక డబ్బులు చేతులు మారుతున్నాయనే విమర్శలు వ్యక్తమవుతున్నాయి.    అనంతపురం సెంట్రల్‌: ఏఆర్‌విభాగంలో సిబ్బంది విధుల కేటాయింపులు నిత్యం వివాదాస్పదంగా మారుతున్నాయి. పలుకుబడి ఉన్న వారికి సులభతరమైన పనులు.. ఎవరూ లేని వారికి గార్డు డ్యూటీలు వేస్తున్నారు. ఈ విషయాన్ని పోలీసు ఉన్నతాధికారుల సైతం గుర్తించారు. నర్సరీల్లో మొక్కలకు నీళ్లు పెట్టే విధులకు ఇటీవల రిక్రూట్‌ అయిన ఉద్యోగులు పనిచేస్తుండగా... బందోబస్తు విధులకు ఉద్యోగ విరమణ పొందేందుకు దగ్గరలో ఉన్న వారు వెళ్తున్నారు. డ్రైవర్‌ పోస్టులకు ఇక భారీగా డిమాండ్‌ ఉంది. గతంలో రూ.20వేల నుంచి రూ. 30వేలు ముట్టజెప్పి విధులకు వేయించుకున్న సందర్భాలున్నాయి. ఇటీవల ఇదే విధంగా హైవే పెట్రోలింగ్‌కు వెళ్లిన ఓ కానిస్టేబుల్‌ నిర్లక్ష్యపు డ్రైవింగ్‌ వలన ఆర్టీసీ బస్సు ప్రమాదానికి గురైంది. ఇందుకు కారణం పోలీసు వాహనమేనని సదరు ఆర్టీసీ డ్రైవర్లు పేర్కొన్నారు. దీనిపై విచారించిన పోలీసు అధికారులు సదరు కానిస్టేబుల్‌ను వాహన డ్రైవరు పోస్టు నుంచి తప్పించారు. విధులకు వెళ్లిన పది రోజుల వ్యవధిలోనే ఈ సంఘటన జరిగింది. దీంతో తన డబ్బులు తనకు ఇవ్వాలని పట్టుబడుతున్నట్లు విశ్వసనీయంగా తెలిసింది. ఈ విషయం ఏఆర్‌లో ప్రస్తుతం చర్చనీయాంశంగా మారింది.  పీఎస్‌ఓల నియామకమూ వివాదాస్పదమే తాజాగా పీఎస్‌ఓల నియామకం వివాదాస్పదంగా మారుతోంది. వీవీఐపీలు జిల్లా పర్యటనల్లో సేవలు వినియోగించుకోవడానికి ఇటీవల ఒంగోలులో శిక్షణ ఇచ్చారు. అయితే వీరి సేవలను పీఎస్‌ఓలకు వినియోగించుకుండా ఏఆర్‌ అధికారులకు నచ్చినవారిని పంపుతున్నారనే విమర్శలు వినిపిస్తున్నాయి. పీఎస్‌ఓల నియామకంలో నిబంధనలు పాటించడం లేదనే ఆరోపణలు ఉన్నాయి. ఇతర విభాగాలకు నియమితులైన సిబ్బందిని పీఎస్‌ఓల విధులకు పంపుతున్నట్లు తెలుస్తోంది. అలాగే ఫిట్‌నెస్‌ విషయంలో నిబంధనలు కచ్చితంగా పాటించాలి. దీనికీ తిలోదకాలిచ్చినట్లు తెలుస్తోంది. కొంతమంది వీఐపీల నుంచి అభిప్రాయం తీసుకోకుండానే పీఎస్‌ఓలను పంపతున్నట్లు విమర్శలు వ్యక్తమవుతున్నాయి. దీనిపై ఉన్నతాధికారులు విచారణ జరపాలని కోరుతున్నారు.    నిబంధనల ప్రకారమే ఏఆర్‌లో అవినీతి అక్రమాలకు ఆస్కారం లేదు. ఇటీవల గెలుపొందిన ప్రజాప్రతినిదులకు పీఎస్‌ఓలను కేటాయిస్తున్నాం. వారి అభిప్రాయాలను తీసుకున్న తర్వాతే కేటాయిస్తున్నాం. ఉన్నతాధికారుల ఆదేశాలను తూచా తప్పకుండా పాటిస్తున్నాం.  – మురళీధర్, ఏఆర్‌ డీఎస్పీ

న్యూఢిల్లీ: లోక్‌సభ ఎన్నికలు పూర్తయి, ఓట్ల లెక్కింపునకు గడువు సమీపిస్తున్న సమయంలో కేంద్ర ఎన్నికల సంఘం(ఈసీ)లో విభేదాలు బయటపడ్డాయి. నియమావళి ఉల్లంఘన ఫిర్యాదులపై తీసుకునే నిర్ణయాల్లో తన అసమ్మతిని రికార్డు చేయనందుకు నిరసనగా ఈసీ సమావేశాలకు దూరంగా ఉంటానని ఎన్నికల కమిషనర్‌ అశోక్‌ లావాసా ప్రకటించారు. ఈ మేరకు ప్రధాన ఎన్నికల కమిషనర్‌(సీఈసీ) సునీల్‌ అరోరాకు లావాసా లేఖ రాయడం కలకలం రేపింది. మరోమార్గం లేకనే దూరంగా ఉంటున్నా ప్రధాని మోదీ, బీజేపీ చీఫ్‌ అమిత్‌ షా ఎన్నికల ప్రచారం సందర్భంగా నియమావళిని ఉల్లంఘించడంపై వచ్చిన ఫిర్యాదులపై చర్యల విషయంలో తన అభిప్రాయాన్ని రికార్డు చేయనందుకు కమిషనర్‌ అశోక్‌ లావాసా అసంతృప్తి వ్యక్తం చేశారు. 16న సీఈసీ అరోరా లేఖ రాశారు. అందులో ‘ఈసీలో పారదర్శకత ఉండాలన్న తన నోట్‌పై స్పందించనందుకు, ప్రవర్తనా నియమావళి ఉల్లంఘనలకు సంబంధించిన ఫిర్యాదులపై దూరంగా ఉండటం మినహా మరోమార్గం లేదని భావిస్తున్నా. మైనారిటీ అభిప్రాయాలను రికార్డు చేసేదాకా కమిషన్‌ సమావేశాలకు గైర్హాజరు కావాల్సిన పరిస్థితిని కల్పించారు. అసమ్మతిని రికార్డు చేయనప్పుడు సమావేశాల్లో పాల్గొనడంలో అర్థంలేదు’ అని లేఖలో పేర్కొన్నారు. ‘చాలా సందర్భాల్లో నేను వ్యక్తం చేసిన మైనారిటీ అభిప్రాయం బహుళ సభ్యుల చట్టబద్ధ సంస్థలు పాటించే సంప్రదాయాలకు భిన్నంగా అణచివేతకు గురైంది’ అని పేర్కొన్నారు.   న్యాయ నిపుణులు ఏమన్నారంటే.. నిబంధనల ప్రకారం.. ఎన్నికల సంఘం ఏకాభిప్రాయంతో నిర్ణయాలు తీసుకోవాల్సి ఉంటుంది. అది సాధ్యం కానప్పుడు మెజారిటీ అభిప్రాయమే అంతిమం అవుతుంది. నియమావళి ఉల్లంఘనల ఫిర్యాదులపై నిర్ణయాలు తీసుకునే సమయంలో ట్రిబ్యునల్‌లో మాదిరిగా విచారణ ఉండదని, ఈసీ నిర్ణయాలపై సీఈసీతోపాటు మిగతా ఇద్దరు సంతకాలు చేస్తున్నందున మైనారిటీ అభిప్రాయాన్ని రికార్డు చేయాల్సిన అవసరం లేదని న్యాయ నిపుణులు చెప్పారు. మెజారిటీ అభిప్రాయాన్నే ఈసీ నిర్ణయంగా వెలువరిస్తారని, అసమ్మతి అభిప్రాయాన్ని రికార్డు చేస్తారే తప్ప బహిర్గతం చేయబోరని అంటున్నారు. మోదీ, అమిత్‌ ఎన్నికల ప్రవర్తనా నియమావళిని ఉల్లంఘించారంటూ వచ్చిన 11 ఫిర్యాదులపై లావాసా అసమ్మతిని తెలపగా కమిషన్‌లోని సీఈసీ, మరో సభ్యుడు సుశీల్‌చంద్ర అన్ని ఫిర్యాదులపై క్లీన్‌చిట్‌ ఇచ్చారు. ఆరోపణలపై విచారణ: కాంగ్రెస్‌ ఈసీపై మోదీ ప్రభుత్వం ఒత్తిడి చేసిందన్న లావాసా ఆరోపణలపై విచారణ జరపాలని కాంగ్రెస్‌ డిమాండ్‌ చేసింది. కాంగ్రెస్‌ ప్రతినిధి రణ్‌దీప్‌ సూర్జేవాలా.. ‘మోదీ ప్రభుత్వం ఎన్నికల కమిషన్‌ను ‘ఎలక్షన్‌ ఒమిషన్‌’గా మార్చేసింది. లావాసా అసమ్మతిని రికార్డు చేసి ఉన్నట్లయితే ఈసీని ప్రభుత్వం మరిన్ని ఇబ్బందులు పెట్టి ఉండేది’ అని అన్నారు. మోదీ– అమిత్‌ షా ద్వయం ఉల్లంఘనలపై కమిషనర్‌ లావాసా పలు పర్యాయాలు అభ్యంతరం వ్యక్తం చేసినప్పటికీ ఎన్నికల సంఘం వారికి క్లీన్‌చిట్‌ ఇవ్వడమే పనిగా పెట్టుకుందని ఆరపించారు. లేఖలో పేర్కొన్న అంశాలను తీవ్రమైనవిగా పరిగణించాలన్నారు. సుప్రీంకోర్టులో తీర్పుల సందర్భంగా జడ్జీలు వ్యక్తం చేసిన మెజారిటీతోపాటు మైనారిటీ అభిప్రాయాన్ని వెల్లడిస్తుండగా ఈసీలో అసమ్మతి అభిప్రాయాన్ని ఎందుకు బహిర్గతం చేయరని సీపీఎం ప్రధాన కార్యదర్శి సీతారాం ఏచూరి ప్రశ్నించారు. ఎన్నికల సంఘంలో సంభవిస్తున్న పరిణామాలు ప్రజాస్వామ్యానికి ప్రమాదకరమని, ఈసీ నిష్పాక్షికతపై అనుమానాలు కలుగుతున్నాయని పేర్కొన్నారు.   ఇది ఈసీ అంతర్గత విషయం: సీఈసీ అరోరా ఎన్నికల కమిషనర్‌ అశోక్‌ లావాసా లేఖ ఎన్నికల సంఘం అంతర్గత విషయమని సీఈసీ అరోరా అన్నారు. ఉల్లంఘన ఫిర్యాదులపై చర్యల విషయంలో ఈసీ పనితీరుపై మీడియాలో వచ్చిన కథనాలు ‘అభ్యంతరకరం. ఇది ఈసీ అంతర్గత విషయం’ అని అన్నారు. ‘కేంద్ర ఎన్నికల సంఘంలోని ముగ్గురు సభ్యులు కూడా ఒకే వైఖరితో ఉండాలని ఏమీ లేదు. గతంలో ఎన్నోసార్లు భిన్నాభిప్రాయాలు వ్యక్తమయ్యాయి. అది సహజం. కానీ, అదంతా ఎన్నికల సంఘం పరిధికి లోబడి జరిగింది.  ఇటీవల మే 14వ తేదీన జరిగిన సమావేశంలోనూ ప్రవర్తనా నియమావళిసహా 13 అంశాలను పరిష్కరించేందుకు గ్రూపుల ఏర్పాటుపై ఏకాభిప్రాయం వ్యక్తమయింది. అవసరమైన సందర్భాల్లో బహిరంగ చర్చకు నేను వెనుకాడలేదు. ఆఖరి దశ ఓటింగ్,23న లెక్కింపు వేళ లావాసా ఈ నిర్ణయం తీసుకున్నారు. దీంతోపాటు మిగతా విషయాలపై చర్చించేందుకు 21న ఈసీ పూర్తిస్థాయి సమావేశం ఉంటుంది’ అని అరోరా వెల్లడించారు.  

పశ్చిమగోదావరి, పెరవలి: శుభమా అని పెళ్ళి చేసుకుంటే భోజనాల దగ్గర జరిగిన చిన్న గొడవతో ఇరువర్గాలు కొట్టుకోవటంతో 12 మందికి స్వల్ప గాయాలయ్యాయి. పెరవలి ఎస్సై వి.జగదీశ్వరరావు తెలిపిన వివరాలిలా ఉన్నాయి. తణుకు పాతూరుకు చెందిన వధువు తరుఫు బృందం, పెరవలి మండలం అజ్జరం గ్రామానికి చెందిన వరుడి ఇంటి వద్ద వివాహ వేడుకకు శుక్రవారం ఉదయం వచ్చారు. పెళ్ళి తంతు ముగిసిన తరువాత భోజనాలు చేస్తుండగా బిర్యానీ గురించి మాటామాటా పెరిగి వధువు, వరుడి వర్గాలు పరస్పరం కొట్టుకున్నారు. ఈ దాడిలో వరుడి తరుఫున ఆరుగురికి, వధువు తరఫున ఆరుగురికి గాయాలయ్యాయి. పెళ్ళి మండపం వద్ద గొడవ జరుగుతోందని సమాచారం రావటంతో వెంటనే పోలీసులు అక్కడికి వెళ్లారు. అప్పటికే ఇరువర్గాలు కొట్టుకోవటంతో గాయాలైన వారిని తణుకు ప్రభుత్వ ఆసుపత్రికి తరలించారు. ఇరువర్గాల ఫిర్యాదులపై కేసులు నమోదు చేసామని ఎస్సై తెలిపారు. 

అంబర్‌పేట :  అంబర్‌పేటలో ఉద్రిక్త పరిస్థితులు సద్దుమణిగాయి. స్థలం కూల్చివేతపై నెలకొన్న వివాదం ఘర్షణకు దారితీసిన విషయం తెలిసిందే. ఆదివారం మధ్యాహ్నం ప్రారంభమైన ఈ వివాదం  రాత్రి 10 గంటలకు అదుపులోకి వచ్చింది. నగర పోలీసు కమిషనర్‌ అంజనీకుమార్, పలువురు ఉన్నతాధికారులు వందల సంఖ్యలో అదనపు పోలీసు బలగాలను మోహరించి పరిస్థితిని అదుపులోకి తెచ్చారు. పలుమార్లు లాఠీ చార్జి, వాటర్‌ క్యానన్లను ప్రయోగించి చెదరగొట్టారు. అంబర్‌పేటలోని ప్రతి గల్లీలో పికెట్లు ఏర్పాటు చేసి ఎక్కడి వారిని అక్కడే కట్టడి చేశారు. అర్ధరాత్రి వరకు సీపీ అంబర్‌పేట ప్రధాన రోడ్డుపైనే తిష్ట వేసి పరిస్థితిని సమీక్షించారు. రహదారిని దిగ్బంధం చేసి సాధారణ వాహనాలను అనుమతించకుండా తమ చేతుల్లోకి తీసుకున్నారు. సోమవారం సంఘటనా స్థలం వద్ద అదనపు బలగాలతో ప్రత్యేక పికెట్‌ను ఏర్పాటు చేశారు. ఎక్కడ ఇబ్బందులు తలెత్తకుండా పహారా కాశారు. వివాదాస్పద స్థలం వద ్దకు ఎవరూ వెళ్లకుండా జాగ్రత్తలు తీసుకున్నారు.  మూడు కేసులు నమోదు... అంబర్‌పేటలో తలెత్తిన ఉద్రిక్తత పూర్తిగా  సద్దుమణిగిందని నగర పోలీసు కమిషనర్‌ అంజనీకుమార్‌ అన్నారు. ఈ ఘటనపై మూడు కేసులు నమోదు చేసినట్లు ఆయన పేర్కొన్నారు. సంఘటనలో గాయపడిన పోలీసులు, పౌరుల ఫిర్యాదు మేరకు కేసులు నమోదు చేసి దర్యాప్తు చేస్తున్నట్లు తెలిపారు. ఆయా ప్రాంతాల్లో ఎలాంటి అవాంఛనీయ సంఘటనలు చోటు చేసుకోకుండా కట్టుదిట్టమైన చర్యలు తీసుకున్నామన్నారు. పౌరులు ఏలాంటి వదంతులు నమ్మవద్దని కోరారు. సోషల్‌ మీడియాలో వదంతులు సృష్టిస్తే కఠిన చర్యలు తప్పవని  హెచ్చరించారు. వాట్సాప్‌లో వచ్చిన వీడియోలను పరిశీలించకుండా ఇతరులకు పంపిస్తూ వదంతులు సృష్టిస్తే కేసులు నమోదు చేసి అరెస్టు చేస్తామన్నారు. అంబర్‌పేట ప్రజలు పోలీసులకు సహకరించాలని విజ్ఞప్తి చేశారు.

న్యూఢిల్లీ/కోల్‌కతా: సార్వత్రిక ఎన్నికల నాలుగో విడత పోలింగ్‌ హింసాత్మకంగా ముగిసింది. 8 రాష్ట్రాల్లోని 71 లోక్‌సభ స్థానాలకు సోమవారం జరిగిన ఈ ఎన్నికల్లో 64 శాతం పోలింగ్‌ నమోదైనట్లు కేంద్ర ఎన్నికల సంఘం(ఈసీ) తెలిపింది. నాలుగో విడత పోలింగ్‌లో పశ్చిమ బెంగాల్‌ అగ్రస్థానంలో నిలవగా, రాజస్తాన్, మధ్యప్రదేశ్, జార్ఖండ్, ఒడిశా, బిహార్‌ రాష్ట్రాలు ఆ తర్వాతి స్థానాల్లో నిలిచాయి. బెంగాల్‌లోని ననూర్, రామ్‌పుర్హత్, నల్హటి, సురి ప్రాంతాల్లో పోలింగ్‌ సందర్భంగా అధికార తృణమూల్, విపక్ష బీజేపీ కార్యకర్తల మధ్య తీవ్రమైన ఘర్షణలు చోటుచేసుకున్నాయి. దీంతో పలువురు గాయపడ్డారు. ఈ సందర్భరంగా 145 మంది కార్యకర్తలను పోలీసులు అరెస్ట్‌చేశారు. అసన్‌సోల్‌ లోక్‌సభ స్థానంలోని బర్బానీలో కేంద్ర మంత్రి బాబుల్‌ సుప్రియో కారును టీఎంసీ కార్యకర్తలు ధ్వంసం చేశారు. ఈ ఘటనలో సుప్రియో సురక్షితంగా బయటపడ్డారు. అలాగే దుర్బాజ్‌పూర్‌ ప్రాంతంలో కొందరు దుండగులు సెల్‌ఫోన్లతో పోలింగ్‌ కేంద్రంలోకి చొరబడి తమపై దాడికి యత్నించడంతో కేంద్ర బలగాలు గాల్లోకి కాల్పులు జరిపాయి. మొరాయించిన ఈవీఎంలు.. మధ్యప్రదేశ్‌లో మాక్‌పోలింగ్‌ సందర్భంగా 207 ఎలక్ట్రానిక్‌ ఓటింగ్‌ యంత్రాలు(ఈవీఎం) మొరాయించాయని రాష్ట్ర ఎన్నికల ప్రధానాధికారి(సీఈవో) వీఎల్‌ కాంతారావు తెలిపారు. వీటిని వెంటనే మార్చామన్నారు. ఆ తర్వాత పోలింగ్‌ సందర్భంగా ఇబ్బందులు తలెత్తడంతో మరో 107 ఈవీఎంలను సమకూర్చామని వెల్లడించారు. ఇక రాజస్తాన్‌లోని బన్స్‌వారాలో అత్యధికంగా 72.34 శాతం పోలింగ్‌ నమోదుకాగా, బర్మర్‌లో 72.21 శాతం నమోదైనట్లు అక్కడి ఎన్నికల అధికారులు చెప్పారు. భారత ఆర్థిక రాజధాని ముంబైలోని ఆరు నియోజకవర్గాల్లో 51.11 శాతం పోలింగ్‌ నమోదయింది. కశ్మీర్‌లోని అనంతనాగ్‌ నియోజవకర్గంలో రెండో విడత ఎన్నికల్లో 10.5 శాతం పోలింగ్‌ నమోదైందని కేంద్ర ఎన్నికల సంఘం తెలిపింది.   ఒడిశాలో కాంగ్రెస్‌ కార్యకర్త హత్య.. ఒడిశాలోని బలికుడా–ఎరసమా పోలింగ్‌ కేంద్రం నుంచి తిరిగివెళ్తున్న కాంగ్రెస్‌ కార్యకర్త లక్ష్మణ్‌ బెహరాపై గుర్తుతెలియని వ్యక్తులు కత్తితో దాడిచేయడంతో ప్రాణాలు కోల్పోయాడు. జాజ్‌పూర్‌–కేంద్రపరా, బాలాసోర్‌ లోక్‌సభ స్థానాల్లో రిగ్గింగ్‌కు పాల్పడుతున్నారంటూ బీజేడీ, కాంగ్రెస్‌ కార్యకర్తలు ఘర్షణకు దిగారు. మరోవైపు తన భార్య డింపుల్‌ యాదవ్‌ పోటీచేస్తున్న కన్నౌజ్‌లో ఈవీఎంల్లో పలు సాంకేతిక సమస్యలు తలెత్తాయని ఎస్పీ చీఫ్‌ అఖిలేశ్‌ యాదవ్‌ ఆరోపించారు. యూపీలోని జమ్‌కారా పోలింగ్‌ కేంద్రంలో ఎన్నికల అధికారి తనకు బదులుగా ఈవీఎం బటన్‌ నొక్కేశాడని ఓ వృద్ధురాలు ఫిర్యాదు చేయడంతో సదరు అధికారిని విధుల నుంచి తప్పించి పోలీసులకు అప్పగించారు. కేంద్ర మంత్రి, బీజేపీ నేత బబూల్‌ సుప్రియోపై సోమవారం కేసు నమోదయింది. పశ్చిమబెంగాల్‌లోని అసన్‌సోల్‌ లోక్‌సభ స్థానం నుంచి పోటీచేస్తున్న సుప్రియో బర్బానీలో ఏర్పాటుచేసిన పోలింగ్‌ బూత్‌లోకి దూసుకెళ్లారు. అనంతరం అక్కడి ఎన్నికల అధికారితో పాటు ప్రత్యర్థి పార్టీ ఏజెంట్‌తో వాగ్వాదానికి దిగారు. ఈ నేపథ్యంలో ఎన్నికల అధికారి ఫిర్యాదు మేరకు సుప్రియోపై పోలీసులు ఎఫ్‌ఐఆర్‌ నమోదుచేశారు. అయితే ప్రజలను ఓటేయకుండా అడ్డుకున్నట్లు సమాచారం రావడంతోనే తాను బర్బానీకి వచ్చానని సుప్రియో వివరణ ఇచ్చారు. ఆమిర్‌ ఖాన్‌ దంపతులు, సల్మాన్‌ ఖాన్‌, ఊర్మిళ ప్రియాదత్‌, సంజయ్‌ దత్‌, కంగనా రనౌత్‌ దీపికా పదుకొణె, మాధురీ దీక్షిత్‌, అభిషేక్, ఐశ్వర్య

తిరుమల తిరుపతి దేవస్థానాన్ని వివాదాలు చుట్టుముడుతున్నాయి. పింక్‌ డైమండ్‌ మాయమైందన్న దానిపై స్పష్టత లేదు. ఒకటి కాదు.. రెండు కాదు.. లెక్కలేనన్ని వివాదాలు టీటీడీని చుట్టుముట్టుతున్నా.. ఉన్నతాధికారుల నుంచి ఆధారాలతో కూడిన వివరణ చెప్పిన దాఖలాలు కనిపించడం లేదు.  శ్రీవారికి సమర్పించిన అనేక బంగారు ఆభరణాలు కనిపించలేదనే ఆరోపణలు ఉన్నాయి. తిరుమల పోటులో గుట్టుచప్పుడు కాకుండా తవ్వకాలు జరిపారన్న దానిపై టీటీడీ పొంతనలేని సమాధానాలు.. ప్రభుత్వ పెద్దల సేవ కోసం తహతహలాడే టీటీడీ అధికారులు కొందరు స్వామివారిని సైతం పస్తులు ఉంచారని అర్చకుల ఆందోళన.. టీటీడీ నిధులు టీడీపీ నేతల ప్రయోజనాల కోసం వాడుకుంటున్నారనే విమర్శలు ఉన్నాయి. తిరుమల ఆలయంలో జరుగుతున్న అపచారాలపై నోరు విప్పినందుకు టీటీడీ మాజీ ప్రధాన అర్చకులు రమణదీక్షితులు, మరి కొందరిని రిటైర్‌మెంట్‌ పేరుతో ఇంటికి పంపారని ఆరోపణలు ఉన్నాయి. శ్రీగోవిందరాజస్వామి ఆలయంలో చోరీకి గురైన కిరీటాల వెనుక నిర్లక్ష్యంపై ఎవరిపైనా ఎటువంటి చర్యలు తీసుకున్న దాఖలాలు లేవు. తాజాగా తమిళనాడులో పట్టుబడ్డ రూ.కోట్లు విలువచేసే బంగారంపై టీటీడీ పొంతనలేని సమాధానాలు ఇవ్వడంపై మరిన్ని అనుమానాలకు తావిచ్చినట్లు అవుతోంది. ఇలా టీటీడీపై వస్తున్న ఆరోపణలపై విచారణ చేపట్టి నిజాలను నిగ్గుతేల్చి భక్తుల్లో నమ్మకాన్ని పెంచాల్సిన ప్రభుత్వ అధికారులు, టీటీడీ ఆ ప్రయత్నాలేవీ చేయకపోవడంపై మరిన్ని అనుమానాలు వ్యక్తం అవుతున్నాయి.   పింక్‌ డైమండ్‌.. పోటు తవ్వకాలపై వీడని మిస్టరీ కోట్ల రూపాయలు విలువచేసే డైమండ్‌ను విదేశాల్లో విక్రయించారని తిరుమల ఆలయ మాజీ ప్రధాన అర్చకులు రమణదీక్షితులు ఆరోపించారు. పింక్‌ డైమండ్‌తో పాటు శ్రీవారికి సమర్పించిన విలువైన ఆభరణాలు కూడా మాయమయ్యాయనే ఆరోపణలు ఉన్నాయి. శ్రీవారి ఆలయంలో ఆగమశాస్త్రానికి విరుద్ధంగా అనేక కార్యక్రమాలు చేపడుతున్నారని, అందులో శ్రీవారి పోటులో రహస్యంగా తవ్వకాలు జరిపారన్న ది రమణదీక్షితులతో పాటు, టీటీడీ ఆలయ చరిత్రపై ముద్రించిన పుస్తకాల్లోనూ పేర్కొన్నారు. ఆలయంలోని ప్రదక్షిణ ప్రాకారంలో శ్రీవారికి సమర్పించిన విలువైన కానుకలను పూడ్చిపెట్టారని చరిత్రకారులు చెబుతున్నారు. బ్రిటిష్‌ కాలంలో తహశీల్దార్‌గా పనిచేసిన శ్రీనివాసాచార్యులు పోటులో తవ్వకాలు జరిపి అర్థాంతరంగా ఆపివేసిన విషయాన్ని అప్పటి కలెక్టర్‌ జేమ్స్‌ స్టార్టన్‌ రచించిన ‘సవాల్‌ ఈ జవాబ్‌’ పుస్తకంలో పేర్కొన్నారు. ఈ పుస్తకాన్ని టీటీడీలో పనిచేస్తూ ఉద్యోగ విమరణ పొందిన సొరకాయల కృష్ణారెడ్డి ‘గోపీకృష్ణ’ పేరుతో ‘మన ఆలయాల చరిత్ర’గా తెలుగులో అనువదించారు. అందులో  ‘శ్రీవారికి అనేక మంది కానుకలు సమర్పించారు. వాటిని ఎక్కడ దాయాలో తెలియక అప్పట్లో ఆలయ నిర్వాహకులు ప్రదక్షిణ ప్రాకారంలో పూడ్చిపెట్టారు. ఆ ప్రదక్షిణ ప్రాకారం 300 గజాల పొడవు.. 40 గజాల వెడల్పు కలిగి ఉంటుంది. ఆ విస్తీర్ణంలో రాజులు శ్రీవారికి సమర్పించిన కానుకలను బండల కింద ఎక్కడ పూడ్చిపెట్టారో తెలుసుకునేందుకు అప్పట్లో తహశీల్దార్‌గా పనిచేసిన శ్రీనివాసాచార్యులు ప్రయత్నించారు. అయితే తనకు, తనతో పనిచేసే వారికి అకస్మాత్తుగా జబ్బుచేయడంతో అది అపచారంగా భావించి ప్రయత్నాన్ని విరమించుకున్నారు. అప్పటి నుంచి అనేక మంది తవ్వకాలు జరిపి విఫలమయ్యారు. ఆ తరువాత ప్రదక్షిణ ప్రాకారాన్ని మూతవేశారు. అందులో శ్రీరామానుజస్వామి, తొండమాన్‌ చక్రవర్తి సమర్పించిన విలువైన కానుకలు కూడా బండల కింద దాచి ఉంచినట్లు ప్రచారం ఉంది. వాటిలో అతి ముఖ్యమైంది నాగా భరణం. ఈ ఆభరణం బిల్వ పత్రాలను పోలి ఉంటుంది.’ అని పేర్కొన్నారు. ఆ బంగారం పట్టుబడకుండా ఉంటే? తమిళనాడులో ఎన్నికల ముందు రోజు గత బుధవారం రాత్రి రూ.400 కోట్లకుపైగా విలువచేసే 1381 కిలోల బంగారం పట్టుబడిన విషయం తెలిసిందే. ఆ బంగారం మొదటి తమకు సంబంధం లేదని చెప్పిన టీటీడీ, కొన్ని గంటల తరువాత ఆ బంగారం టీటీడీదేనని ప్రకటించింది. అన్ని కోట్లు విలువచేసే బం గారం తరలించే సమయంలో ఎటువంటి భద్రత లేకుండా తీసుకు రావడం వెనుక ఆంతర్యం ఏమి టని పలువురు ప్రశ్నిస్తున్నారు. తమిళనాడులో పట్టుబడ్డ బంగారాన్ని ఎక్కడికో తరలిస్తుండగా పట్టుబడిందా? అధికారులు పట్టుకోవడంతో టీటీడీ ట్రెజరీకి చేరిందంటున్నారు. బంగారం తరలింపు విషయంలో ఇటు టీటీడీ, అటు బ్యాంకు అధికారులు తీసుకోవాల్సిన చర్యలు తీసుకోలేదని విచారణాధికారి మన్మోహన్‌సింగ్‌ కూడా రాష్ట్ర ప్రభుత్వ ప్రధాన కార్యదర్శి ఎల్‌వీ సుబ్రమణ్యంకు నివేదిక ఇచ్చినట్లు సమాచారం. అదే విధంగా తిరుమల శ్రీవారికి భక్తులు సమర్పించే బంగారు ఆభరణాలను జాతీయ బ్యాంకుల్లో డిపాజిట్‌ చేయకుండా కొందరు అధికారులు కమీషన్లకు కక్కుర్తిపడి నగదు, బం గారాన్ని  ప్రైవేట్‌ బ్యాంకుల్లో డిపాజిట్‌ చేయడంపై పలు అనుమానాలు వ్యక్తం అవుతున్నాయి. అందుకే తవ్వకాలు జరిపారా ? క్రీస్తు పూర్వం 1150లో నిర్మించిన ఆలయంలోని పోటులోనే రోజూ మూడు వేళలా మూడు రకాల ప్రసాదాలు త యారు చేసి స్వామి వారికి సమర్పిస్తారు. అటువంటి ప్రాకారాలను పగులగొట్టడానికి 2017 డిసెంబర్‌ 8 నుంచి 30 వరకు మూతవేశారనేది రమణదీక్షితులు చేసిన ఆరోపణ. ఆలయంలో విమాన ప్రాకారం, బూందిపోటు, లోపల పోటులో ఏ పనిచేయాలన్నా ఆగమశాస్త్రం ప్రకారమే చేపట్టాల్సి ఉందని అర్చకులు అభిప్రాయం. పోటులో చేపట్టిన పనులకు సంబంధించి ఎవ్వరికీ తెలియదని, అంత రహస్యంగా ఎందుకు పనులు చేయాల్సిన అవసరం ఏముందని అనుమానాలు వ్యక్తం చేశారు. ఆలయంలో మరమ్మతులు చేయాలంటే ఆగమ అడ్వైజర్‌ను సంప్రదించాల్సి ఉన్నా.. అటువంటి ప్రయత్నాలేవీ చేయలేదని దీక్షితుల ప్రశ్న. డిసెంబర్‌ 20న పోటును పరిశీలించే వరకు ఆ అపచారం గురించి తనకు తెలియదని పేర్కొన్నారు కూడా. పోటులో జరిగిన తవ్వకాలు చూసి ఆశ్చర్యపోయానని, పురాతనమైన గోడలను, బండలను పగులగొట్టడం చూసి బాధ వేసిందని ఆవేదన వ్యక్తం చేశారు. బ్రిటీ  ష్‌ హయాంలో జిల్లా కలెక్టర్‌ పుస్తకంలో రాసిన అంశాలు, రమణదీక్షితులు చేసిన ఆరోపణలకు పోలికలు ఉన్నాయని భక్తులు అభిప్రాయం వ్యక్తం చేస్తున్నారు. అందులో భాగంగానే ఆ 22 రోజులు పోటులో ఏం జరిగిందనే దానిపై అటు భక్తులు, ఇటు టీటీడీ అధికారులు కొందరు అనుమానం వ్యక్తం చేస్తున్నారు. ఈ ఆరోపణల్లో నిజం లేదని చెబుతున్న టీటీడీ, ఆ సమయంలో ఉన్న సీసీ పుటేజీని బయటపెడితే నిజా నిజాలు బయటపడే అవకాశం ఉన్నా.. ఆ ప్రయత్నం చేయక పోవడంపై అనేక అనుమానాలు వ్యక్తం అవుతున్నాయి. ఇదిలా ఉంటే టీటీడీ అధికారులు కొందరు వీవీఐపీల సేవలో తరిస్తూ భక్తులను విస్మరిస్తున్నారనే ఆరో పణలు ఉన్నాయి. ఇంకా స్వామి వారికి రోజూ జరిగే సుప్రభాతసేవను అర్ధరాత్రి నుంచే నిర్వహించాలని ఒత్తిడి చేస్తున్నారని, 20 నిమిషాలపాటు జరగాల్సిన తోమాల సేవను పది నిమిషాల్లో ముగించాలని అధికారులు ఒత్తిడి చేస్తు న్నారని ప్రధాన అర్చకులే ఆందోళన వ్యక్తం చేస్తున్నారు. డిపాజిట్లుప్రైవేటు బ్యాంకులోఎందుకు? తిరుమల శ్రీవారికి భక్తులు సమర్పించే కానుకలు.. వచ్చే ఆదా యం సుమారు రూ.వెయ్యి కోట్లు టీటీడీ ప్రైవేటు బ్యాంకులో డిపాజిట్‌ చేసిం ది. ప్రభుత్వ బ్యాంకులు ఉన్నా... ప్రైవేటు బ్యాంకులో ఎందుకు డిపాజిట్‌ చేయాల్సి వచ్చిందని రాయలసీమ హక్కుల పోరాట సమితి కన్వీనర్‌ నవీన్‌కుమార్‌రెడ్డి వెలుగులోకి తీసుకురావడంతో పాటు కోర్టును ఆశ్రయించారు. టీటీడీ తీసుకున్న నిర్ణయంపై పెద్ద ఎత్తున విమర్శలు వెల్లువెత్తాయి. దీనిపై కౌంటర్‌ దాఖలు చేయాల్సిన టీటీడీ సబ్‌ కమిటీని ఏర్పాటు చేసి చేతులు దులుపుకుంది. అదే విధంగా లడ్డూ పోటును విస్తరించే క్రమంలో ఉగ్రాణం వద్ద ఉన్న గోడను తొలగించి పెద్దది చేయాలని టీటీడీ భావించినట్లు సమాచారం. ఆ గోడను తొలగించేందుకు టీటీడీ రూ.2 కోట్లతో టెండర్‌ పిలిచి నిధులు దుర్వినియోగం చేసిందనే ఆరోపణలు ఉన్నాయి. ఒక గోడను తొలగించేందుకు రూ.2 కోట్లు అవసరమా? అని టీటీడీ అధికారులే కొందరు అనుమానాలు వ్యక్తం చేశారు. అదే విధంగా శ్రీవారి ఆలయంలో వెండివాకిలి వద్ద భక్తులకు వీలుగా ఉండేందుకు మెట్లను ఏర్పాటు చేశారు. అది ఆగమశాస్త్రానికి విరుద్ధంగా ఏర్పాటు చేశారని అన్ని వర్గాల నుంచి విమర్శలు వెల్లువెత్తడంతో వెంటనే తొలగించారు. ఆ మెట్లు ఏర్పాటు చేసేందుకు సుమారు రూ.33 లక్షలు ఖర్చుచేసినట్లు తెలిసింది. ఇలా తిరుమల తిరుపతి దేవస్థానం నిధులను కొందరు అధికారులు స్వలాభం కోసం ఖర్చుచేస్తున్నారనే విమర్శలు ఉన్నాయి. టీటీడీ నిర్లక్ష్యంతోనే కిరీటాలు చోరీ శ్రీగోవిందరాజస్వామి ఆలయంలో ఉత్సవ విగ్రహాలకు అలంకరించిన కిరీటాల చోరీకి టీటీడీ నిర్లక్ష్యమే కారణమని అధికారులు స్పష్టం చేస్తున్నారు. అదే విధంగా చోరీ చేధించే విషయంలో ఎక్కడా టీటీడీ పాత్ర నామమాత్రంగా కూడా కనిపించలేదు. ఈ ఏడాది ఫిబ్రవరి 3న శ్రీగోవిందరాజస్వామి ఆలయంలో ఉత్సవమూర్తులకు అలకరించిన మూడు బంగారు కిరీటాలు మాయమైన విషయం తెలిసిందే. చోరీకి గురైన కిరీటాలను దొంగ కరిగించి అమ్మిసొమ్ము చేసుకున్నాడు. చోరీకి గురై 80 రోజులు గడచిపోయినా.. కిరీటాలు అపహరణకు గురైన విషయంలో బాధ్యులపై టీటీడీ ఎటువంటి చర్యలు తీసుకోకపోవడంపై విమర్శలు వెల్లువెత్తుతున్నాయి. పోలీసులు పట్టుకుని అప్పగించడంతో దొంగ దొరి కాడని, బంగారం దొరికిందని సముదాయించుకుంటున్నారు తప్పితే టీటీడీ చేసిందేమీ లేదని తెలుస్తోంది. మొత్తంగా ఐదేళ్ల కాలంలో తిరుమల తిరుపతి దేవస్థానంలో టీడీపీ నేతల పెత్తనం అధికం కావడంతో అధికారులు కూడా ఇష్టారాజ్యం వ్యవహరించారనే ఆరోపణలు ఉన్నాయి. ప్రత్యేక దర్శనాల టికెట్లు, లడ్డూలు బ్లాక్‌ మార్కెట్‌లో అమ్మి సొమ్ముచేసుకోవడంలోనూ విమర్శలు ఉన్నాయి. పాలకమండలి సభ్యులు ఎల్‌1, ఎల్‌2, ఎల్‌3 దర్శనాలతో పాటు వివిధ సేవా టికెట్లను బ్లాక్‌లో విక్రయించి సొమ్ముచేసుకుంటున్నారే ప్రచారం ఉంది. ఇలా టీటీడీ చుట్టూ వివాదాలు చుట్టుముడుతున్నా... వాటిపై ఎక్కడా విచారణ చేపట్టి నిజాలను నిగ్గుతేల్చిన దాఖలాలు లేవని భక్తులు ఆందోళన వ్యక్తం చేస్తున్నారు.   మంత్రి అనుచరులకు రెస్టారెంట్లు తిరుమలలో మంత్రి అనుచరులకు రెస్టారెంట్లు కట్టబెట్టారు. తిరుమలలో ఉన్న రెస్టారెంట్లు, క్యాంటీన్లలో టీటీడీ నిర్ణయించిన ధరలు అమలు కావడం లేదని వాటిని మూసివేశారు. ఆ తరువాత వాట న్నింటికీ ఇటీవల టెండర్లు పిలిచారు. అయితే అన్నమయ్య భవన్‌తో పాటు అన్నమయ్య రెస్టారెంట్, మ్యూజియం సమీపంలోని సందీప రెస్టారెంట్‌కు మాత్రం టెండరు విధానం కాకుండా కొత్త పద్ధతిలో అప్పగించేందుకు పథకం వేశారు. అందులో భాగంగా ఈ రెస్టారెంట్లను కేంద్ర, రాష్ట్ర ప్రభుత్వాల ఆధ్వర్యంలో నడిచే సంస్థలకు అప్పగించాలని నిర్ణయించారు. ఆసక్తి ఉన్న సంస్థలు దరఖాస్తు చేసుకోవాలని కూడా నోటిఫికేషన్‌ ఇచ్చారు. దీంతో సందీప రెస్టారెంట్‌ దరఖాస్తు చేసుకుంది. ఆ రెస్టారెంట్లకు నెలకు రూ.3 లక్షల అద్దె చెల్లించేందుకు సిద్ధమైంది. ఇదే రెస్టారెంట్‌ గతంలో రూ.45.66 లక్షలు పలికింది. దీనికి ముందు ఉన్న మయూర హోటల్‌ వారు ఇదే రెస్టారెంట్‌కు నెలకు రూ.8.83 లక్షలు అద్దె చెల్లిస్తూ వచ్చారు. అయితే దీన్ని కేవలం రూ.3 లక్షలకే ఏపీటీడీసీకి కట్టబెట్టేందుకు టీడీపీ పాలకమండలి తీర్మానించింది. ఈ లెక్కన గత టెండరుతో పోల్చితే నెలకు రూ.42 లక్షలు, ఏడాదికి రూ.5 కోట్లు టీటీడీ నష్టపోవాల్సి వస్తోంది. ఇంత తగ్గించి అప్పజెప్పినా ఆ రెస్టారెంట్లలో భక్తులకు తక్కువ ధరకు భోజనం పెడుతున్నారా? అంటే అదీ లేదు. జనతా హోటల్‌లో రూ.60 భోజనం ఉంటే.. ఏపీటీడీసీలో రూ.120 ఉంది. వడ రూ. 24 ఉంటే.. ఏపీటీడీసీలో రూ.60 ఉంది. ఇలా అన్ని తినుబండారాల ధరలు రెట్టింపుగా ఉన్నాయి. రెస్టారెంట్‌ను దక్కించుకున్నా ఏపీ టూరిజం శాఖ వారు నడుపుతున్నారా? అంటే అదీ లేదు. వాటిని మంత్రి అనుచరులకు నామమాత్రపు ధరతో అప్పగించినట్లు ఆరోపణలు వినిపిస్తున్నాయి.   టీడీపీ నేతల స్వప్రయోజనాలకు నిధులు టీటీడీ ఉద్యోగులకు ఇళ్ల స్థలాలు కోసం భూమి కేటాయించలేదు. అయితే టాటా ఆస్పత్రికి మాత్రం సుమారు రూ.వెయ్యి కోట్లు విలువచేసే భూమిని కేటాయించడంపై అప్పట్లో అనేక విమర్శలు వెల్లువెత్తాయి. అదే విధంగా టీడీపీ నేతల స్వప్రయోజనాల కోసం రాష్ట్ర వ్యాప్తంగా వివిధ పనుల కోసం రూ.40 కోట్లు టీటీడీ నిధులు కేటాయించింది. అమరావతిలో శ్రీవారి ఆలయ నిర్మాణానికి రూ.150 కోట్లు కేటాయించింది. ఇంత పెద్ద మొత్తంలో ఆల య నిర్మాణానికి నిధులు కేటాయిస్తున్న టీటీడీకి ప్రభుత్వం అమరావతిలో భూమిని ఉచితంగా ఇవ్వాల్సి ఉంది. ప్రైవేటు సంస్థలకు వందల ఎకరాలను ధారాదత్తం చేస్తున్న ప్రభుత్వం టీటీడీకి మాత్రం ఉచితంగా ఇచ్చేందుకు  ఇష్టపడలేదు. ఆలయ నిర్మాణానికి నిధులు కేటాయించడంతో పాటు భూమిని కూడా టీటీడీనే కొనుగోలు చేయాలని హుకుం జారీ చేసింది. దీంతో టీటీడీ అమరావతిలో రూ.12.50 కోట్లు వెచ్చించి భూమిని కొనుగోలు చేసింది. నిత్యావసరాల కొనుగోల్‌మాల్‌ తిరుమలలో శ్రీవారి భక్తులకు నిత్యాన్నదానం, లడ్డూ ప్రసాదాల తయారీ కోసం టీటీడీ కొనుగోలు చేసే నిత్యావసర వస్తువుల కొనుగోళ్లలో భారీ ఎత్తున అవకతవకలు జరుగుతున్నాయనే ఆరోపణలు బలంగా ఉన్నాయి. శ్రీవారి ప్రసాదాల కోసం వినియోగించే నెయ్యి, జీడిపప్పు, ఎండుద్రాక్ష, పప్పుదినుసులు పూర్తిగా నాసిరకంగా ఉంటున్నాయని ఆరోపణలు వెల్లువెత్తుతున్నాయి. అదే విధంగా స్వామి వారికి అభిషేకం తరువాత వినియోగించే పట్టువస్త్రాలు, వీఐపీలకు కప్పే వస్త్రాలు తదితరాలు కూడా నాసిరకమైనవిగా ప్రచారం జరుగుతోంది. తిరుమల శ్రీవారి ఆలయంలో లడ్డూ, వడ, జిలేబి, వివిధ రకాల పప్పుదినుసులు, కొబ్బరికాయలు, స్వామివారి పట్టువస్త్రాలు, వీఐపీలకు కప్పే పట్టువస్త్రాలతో పాటు సుమారు 250 రకాల వస్తువులను టీటీడీ  కొనుగోచేస్తోంది. వాటిని తిరుపతిలోని టీటీడీ మార్కెటింగ్‌ గోదాములో నిల్వచేస్తుంటారు. ఈ వస్తువుల కోసం ఏటా టీటీడీ కోట్ల రూపాయలు బడ్జెట్‌ కేటాయిస్తుంటుంది. అందులో భాగంగా గత ఏడాది రూ.450 కోట్లు కేటాయించింది. అధికమాసం కారణంగా ఈ ఏడు రెండు బ్రహ్మోత్సవాలు నిర్వహిస్తుండడం, పెరటాసి నెల రావడంతో పెద్ద మొత్తంలో నిధులు కేటాయించినట్లు టీటీడీ అధికారులు చెబుతున్నారు. ఈ మొత్తాన్ని సరుకుల కొనుగోళ్లకు టెండర్‌ పిలిచి కాంట్రాక్టరుకు అప్పగించారు. దీనిపై అప్పట్లో పెద్ద ఎత్తున ఆరోపణలు వెల్లువెత్తాయి. అయినా ఆ ఆరోపణలపై విచారణ చేపట్టి నిజాలను నిగ్గుతేల్చిని దాఖలాలు లేవు. అన్న ప్రసాదం ‘చిన్న’ బోయింది తిరుమలలో అన్నప్రసాదాలు అంతకంతకూ తగ్గిపోతున్నాయి. తిరుమల శ్రీవారికి లడ్డూతో పాటు మరెన్నో రకాల అన్నప్రసాదాలను నైవేద్యంగా సమర్పిస్తుంటారు. శ్రీవారి లడ్డూలు ఎంత రుచిగా ఉంటాయో.. స్వామికి సమర్పించే అన్న ప్రసాదాలు మరింత రుచిగా ఉంటాయి. అటువంటి అన్న ప్రసాదాలు ఇటీవల కాలంలో దొరకడమే అరుదైపోతోంది. చక్కెర పొంగలి, దద్దోజనం, సీరా, కదంబం, పులిహోరా, మలిహోరా, పాయసం, పోలీ, సుగీ, జిలేబి ఇవన్నీ రుచిగా ఉంటాయి. నెయ్యి కారుతూ.. జీడిపప్పు తేలుతూ ఉండే శ్రీవారి అన్నప్రసాదం కొద్దిగానైనా ఆరగించాలని భక్తులు ఆశపడుతారు. అటువంటి అన్న ప్రసాదాలు ప్రస్తుతం కరువయ్యాయి. సాధారణ రోజుల్లో రోజుకు 900 కిలోలు (200 గంగాళాలు), వారంతాల్లో రోజుకు 1200 కిలోలు (250 గంగాళాలు) ప్రసాదాలు తయారు చేసేవారు. ఈ ప్రసాదాలను వకుళామాత పోటు, పాకశాల, అవ్వపోటు అని పిలిచే వంటశాలలోనే దాదాపు వెయ్యి ఏళ్లుగా తయారువుతున్నాయి. ఇక్కడ సిద్ధమైన ప్రసాదాలను శ్రీవారి గర్భాలయంలోకి తీసుకెళ్లి స్వామికి ఆరగింపు చేస్తారు. ఆపై భక్తులకు పంచిపెడుతుంటారు. స్వామి వారికి సమర్పించే ప్రసాదాలను వైఖానస వైష్ణవులు అత్యంత నిష్టతో తయారు చేస్తారు. తిరుమలలో నిత్యం  గంగాళాలకు గంగాళాలు ప్రసాదాలు తయారై వస్తుండేవి.  చిన్న లడ్డూ రోజులో ఒకటి రెండు గంటలు సమయం మాత్రమే భక్తులకు ప్రసాదంగా ఇచ్చేవారు. మిగతా సమయం అంతా అన్న ప్రసాదాలనే పంపిణీ చేసేవారు. ప్రస్తుతం ఆ పరిస్థితి కనిపించడం లేదు. దేవస్థానంలో జరుగుతున్న అపచారాలు, పొరబాట్లను ఎత్తిచూపినందుకు ఆలయ మాజీ ప్రధాన అర్చకులు రమణదీక్షితులు, మరి కొందరు అర్చకులను పాలకమండలి రిటైర్‌మెంట్‌ ఇచ్చి ఇంటికి పంపింది. అర్చకులను ఇంటికి పంపడం వెనుక కేవలం కక్ష సాధింపేనని ఆరోపణలు ఉన్నాయి. ఎన్నికలకు కొన్నాళ్లకు ముందు ఏర్పాటైన పాలకమండలి అనేక వివాదాస్పద నిర్ణయాలు తీసుకోవడంపై పలు విమర్శలు వెల్లువెత్తుతున్నాయి.

ఉగ్రవాదుల ఏరివేతకు వైమానిక దళం బాలాకోట్‌పై జరిపిన దాడి నుంచి రాజకీయ లబ్ధి పొందేందుకు అధికార బీజేపీ ప్రయత్నిస్తోందంటూ విపక్షాలు ఆరోపిస్తున్నాయి. ఈ దాడితో లోక్‌సభ ఎన్నికల్లో తమకు మరో పాతిక సీట్లు ఎక్కువ వస్తాయని బీజేపీ నేత యడ్యూరప్ప చేసిన వ్యాఖ్యలు వీరి ఆరోపణకు బలాన్నిచ్చాయి. అయితే, సైనిక ఘర్షణలు నిజంగానే పార్టీలు అధికారంలోకి రావడానికి దోహదపడతాయా అంటే కచ్చితంగా అవునని జవాబు చెప్పలేం. అయితే, వీటి వల్ల దేశంలో రాజకీయ ముఖ చిత్రంలో మార్పులు జరిగినట్టు గత యుద్ధాలు, సైనిక ఘర్షణల తదనంతర పరిణామాలు తెలియజేస్తున్నాయి. దేశ విభజన జరిగిననాటి నుంచి ఇంత వరకు భారత్‌ పాకిస్తాన్‌తో నాలుగుసార్లు, చైనాతో ఒకసారి యుద్ధానికి దిగింది. శ్రీలంకలో అంతర్యుద్ధం నివారణకు సైనిక జోక్యం చేసుకుంది. వీటి తర్వాత జరిగిన ఎన్నికల్లో అధికార పార్టీకి మళ్లీ విజయం దక్కినా దక్కకపోయినా రాజకీయ సమీకరణాలు గణనీయంగా మారాయి. ఉదాహరణకు భారత్‌ 1962లో చైనాతో, 1965లో పాకిస్తాన్‌తో తలపడింది. చైనా యుద్ధంలో ఓడిపోతే, పాకిస్తాన్‌పై విజయం సాధించింది. ఈ రెండు యుద్ధాలు కూడా 1962, 1967 సార్వత్రిక ఎన్నికల మధ్యనే జరిగాయి. ఆ సమయంలో కేంద్రంలో కాంగ్రెస్‌ అధికారంలో ఉంది. ఈ యుద్ధాల తర్వాత జరిగిన ఎన్నికల్లో కాంగ్రెస్‌కు ఓట్లు, సీట్లు కూడా తగ్గాయి. 1971లో జరిగిన బంగ్లాదేశ్‌ కోసం భారత్, పాకిస్తాన్‌ల మధ్య యుద్ధం జరిగింది. ఇందిరా గాంధీ హయాంలో జరిగిన ఈ యుద్ధం తర్వాత జరిగిన ఎన్నికల్లో  కాంగ్రెస్‌ బలం భారీగా పెరిగింది. వాజ్‌పేయి నాయకత్వంలోని ఎన్‌డీఏ ప్రభుత్వం హయాంలో కార్గిల్‌ యుద్ధం జరిగింది. దీంట్లో భారత్‌ విజయం సాధించింది. తర్వాత కొన్ని నెలలకు జరిగిన లోక్‌సభ ఎన్నికల్లో బీజేపీ మళ్లీ అధికారం కైవసం చేసుకుంది. అయితే, సీట్లు మాత్రం ఏమీ పెరగలేదు. కేవలం యుద్ధాల వల్లే రాజకీయ పార్టీల తలరాత మారిందని చెప్పడానికి లేదు. ఎందుకంటే ఎన్నికల్లో ఆర్థిక, సామాజికాంశాలు కూడా కీలక పాత్ర పోషిస్తాయి. మూడో భారత్‌–పాక్‌ యుద్ధం(1971) బంగ్లాదేశ్‌ విముక్తి కోసం జరిగిన ఈ యుద్ధంలో భారత్‌ గెలిచింది. ఇందిరా గాంధీ ప్రధానిగా ఉండగా ఈ యుద్ధం జరిగింది. 1971 ఎన్నికల్లో కాంగ్రెస్‌ ప్రభుత్వం ఏర్పాటైన కొన్ని నెలలకు ఈ యుద్ధం జరిగింది. తర్వాత 1977లో జరిగిన ఎన్నికల్లో కాంగ్రెస్‌ ఏకంగా 158 సీట్లు కోల్పోయింది. 1971 ఎన్నికల్లో 352 సీట్లు సాధించిన కాంగ్రెస్‌ ఈసారి 154 సీట్లతో సరిపెట్టుకుంది. ఈ ఎన్నికల్లో జనతా పార్టీ గెలిచింది. స్వాతంత్య్రం తర్వాత కేంద్రంలో ఏర్పడ్డ తొలి కాంగ్రెసేతర ప్రభుత్వం ఇది. మొదటి భారత్‌–పాక్‌  యుద్ధం(1947) కశ్మీర్‌ యుద్ధంగా పేరొందిన ఇది 1947 అక్టోబర్‌– 1948 డిసెంబర్‌ల మధ్య జరిగింది. ఆ తర్వాత 1952లో జరిగిన మొదటి లోక్‌సభ ఎన్నికల్లో కాంగ్రెస్‌ ఘన విజయం సాధించింది. భారత్‌–చైనా యుద్ధం (1962) 1962, అక్టోబర్‌ 20 నుంచి 1962 నవంబర్‌ 21 వరకు జరిగింది. దీంట్లో భారత్‌ ఓడింది. యుద్ధం సమయంలో కాంగ్రెస్‌ అధికారంలో ఉంది. 1962లో జరిగిన ఎన్నికల్లో కాంగ్రెస్‌ 361 సీట్లు సాధించింది. ఐపీకేఎఫ్‌ (1987) శ్రీలంకలో అంతర్యుద్ధాన్ని నివారించడం కోసం శాంతి పరిరక్షక దళాన్ని భారత్‌ అక్కడికి పంపి లంక సైనిక వ్యవహారాల్లో జోక్యం చేసుకుంది. నాటి ప్రధాని రాజీవ్‌ గాంధీ 1991లో హత్యకు గురయ్యారు. ఐపీకేఎఫ్‌ను పంపడానికి ముందు 1984లో జరిగిన ఎన్నికల్లో కాంగ్రెస్‌ రికార్డు స్థాయిలో 404 సీట్లు గెలుచుకుంది. ఈ జోక్యం తర్వాత జరిగిన (1989) ఎన్నికల్లో కాంగ్రెస్‌ ఘోరంగా ఓడిపోయింది. రెండో భారత్‌–పాక్‌  యుద్ధం(1965) లాల్‌ బహదూర్‌ శాస్త్రి ప్రధానిగా ఉండగా, 1965లో ఈ యుద్ధం జరిగితే, రెండేళ్ల తర్వాత 1967లో సార్వత్రిక ఎన్నికలు జరిగాయి. ఆ ఎన్నికల్లో కాంగ్రెస్‌ విజయం సాధించి 283 సీట్లతో అధికారం దక్కించుకుంది. అయితే, అంతకుముందు ఎన్నికలతో పోలిస్తే 78 సీట్లు తక్కువ వచ్చాయి. కార్గిల్‌ యుద్ధం(1999) బీజేపీ నాయకత్వంలోని ఎన్‌డీఏ ప్రభుత్వం హయాంలో కార్గిల్‌ యుద్ధం జరిగింది. 1999 మే నుంచి జూలై వరకు జరిగిన ఈ యుద్ధంలో భారత్‌దే గెలుపు.ఈ యుద్ధానికి ముందు 1998లో జరిగిన ఎన్నికల్లో బీజేపీ నాయకత్వంలోని ఎన్‌డీఏ అధికారంలోకి వచ్చింది. కార్గిల్‌ యుద్ధం తర్వాత 2004లో జరిగిన ఎన్నికల్లో బీజేపీకి 138 సీట్లు మాత్రమే వచ్చాయి. అంతకుముందు ఎన్నికల్లో వచ్చిన సీట్ల  కంటే ఇవి 44 తక్కువ. ఈ ఎన్నికల్లో కాంగ్రెస్‌ కూడా మెజారిటీ సీట్లు సాధించలేక పోయింది. అయినా కూడా ఇతర పార్టీలతో కలిసి యూపీఏ పేరుతో ప్రభుత్వాన్ని ఏర్పాటు చేసింది.

పూర్వం కాశీరాజ్యంలోని ఒక అడవిలో ధర్మనిరతుడు అనే భిక్షువు ఉండేవాడు. ఆ అడవిలో ఒక పెద్ద కొలను ఉంది. దాన్నిండా తామరపూలు. లేత పరిమళాలు వెదజల్లుతూ ఉంటాయి. ఆ సరోవరం దాపునే ధర్మనిరతుని నివాసం. ఆ సరోవరానికి ఒక కాపలాదారు ఉన్నాడు. ఒకరోజున ఉదయాన్నే ధర్మనిరతుడు లేచి కొలనులో స్నానం చేసి, గాలి వాలుకు పోయి నిలబడ్డాడు. పూలపరిమళాలు పీలుస్తూ తన్మయుడవుతున్నాడు. అంతలో  అతన్ని కాపలాదారు ‘‘స్వామీ! దొంగతనం తప్పా? ఒప్పా?’’ అడిగాడు. ‘‘నాయనా! దొంగతనమే కాదు, ఒకరు ఇవ్వకుండా మనది కానిది ఏది తీసుకున్నా తప్పే. అదీ దొంగతనం కిందే లెక్క’’ అన్నాడు చిరునవ్వుతో. ‘‘అయితే... మీరు దొంగే!’’ అన్నాడు కాపలాదారు.  ‘‘నేనా? నేనేమీ దొంగిలించలేదే’’ అన్నాడు భిక్షువు. ‘‘ఇదిగో... ఈ పూలపరిమళాలు ఆఘ్రాణించారు కదా! ఇది గంధచౌర్యమే కదా. తమరు నా కొలనులోని సువాసనల్ని దొంగిలించినట్లే కదా’’ అన్నాడు. భిక్షువు అతనితో అలా మాట్లాడుతూ ఉండగానే, కొలను ఆవలిగట్టున ఒక వ్యక్తి వచ్చి కొలనులో దిగి కొన్ని తామరపూలు తెంపుకుని వెళ్లిపోయాడు. అతణ్ణి కాపలాదారు చూశాడు. కానీ, అతణ్ణి ఏమీ అనలేదు. కనీసం కేకవేసి మందలించలేదు. అప్పుడు భిక్షువు– ‘‘బాగుందయ్యా! వాసన చూసిన నన్ను తప్పుపట్టావు. పూలు తెంపుకుపోతున్న వాణ్ణి పన్నెత్తి చూడలేదు’’అని అడిగాడు. ‘‘స్వామీ! అతను లోభి. ధూర్తుడు. అజ్ఞాని. కానీ, తమరు జ్ఞానులు. ప్రబోధకులు. స్వచ్ఛమైన కర్మలు ఆచరించేవారు. దోషం ఎంచలేని దొడ్డవారు. అతను పెద్ద తప్పు చేసినా చిన్నగానే కనిపిస్తుంది. మీలాంటివారు కంట్లో నలుసంత తప్పు చేసినా కారుమేఘమంతగా అందరికీ కనిపిస్తుంది కదా!’’ అన్నాడు. భిక్షువు మౌనం వహించాడు. ధార్మికులు జీవితంలో ఎంత జాగరూకులై ఉండాలో బుద్ధుడు చెప్పిన సందేశాత్మక కథ ఇది.   – డా. బొర్రా గోవర్ధన్‌ మీకు తెలుసా ►కుటుంబసభ్యుల మధ్య వున్న విభేదాలు, తగాదాలు, ఘర్షణలు తొలగిపోయి... అందరూ కలిసి మెలిసి సత్సంబంధాలుగా ఏర్పడేందుకు ‘విష్ణు సహస్రనామం, లలితా సహస్రనామాల’ ను నిత్యం పారాయణం చేస్తే మంచి ఫలితాలు లభిస్తాయి. విష్ణు సహస్రనామాన్ని ప్రతిరోజూ పఠిస్తే.. ఏ సమస్యలు తలెత్తవు. అన్ని పనులలో విజయాలను సాధిస్తారు. ►లక్ష్మీ అష్టోత్తర శతనామావళి ని నిత్యం పారాయణం చేస్తే మంచి సద్గుణాలతో కలిగినవారు వివాహ సంబంధాలు తీసుకువస్తారు. అలాగే పెళ్లి పనులు కూడా ఎటువంటి ఆటంకాలు లేకుండా సక్రమంగా జరుగుతాయి. ►సంతానం లేని వారు ప్రతిరోజు ‘గోపాల స్తోత్రం’ ను పఠిస్తే.. మంచి ఫలితం లభిస్తుందని... అలాగే గర్భిణులు ఇదే స్తోత్రాన్ని ప్రతిరోజు పఠిస్తే ప్రసవం సుఖంగా అవుతుందని పండితులు, పురోహితులు శాస్త్రాల ఆధారంగా చెబుతున్నారు.  ►గరికను నగదు ఉంచే ప్రదేశంలో పెడితే, రావలసిన నగదు త్వరగా వచ్చేస్తుంది. ►శనీశ్వరుడిని శనివారం నాడు గరికతో పూజిస్తే ఏలిననాటి శని, అష్టమ శని దోషాలు తొలగిపోతాయి. ►గరికను దారంతో కట్టి గణపతికి మాల వేస్తే కోరికలు నెరవేరుతాయి.

బన్సీలాల్‌పేట్‌: చిన్నపాటి ఘర్షణ ఓ వ్యక్తి ప్రాణం తీసింది. ఇద్దరు వ్యక్తుల మధ్య జరుగుతున్న గొడవను ఆపేందుకు వెళ్లిన వృద్ధుడిని తండ్రీకొడుకు కలిసి చితకబాదడంతో అతను అక్కడికక్కడే మృతి చెందిన సంఘటన ఆదివారం రాత్రి గాంధీనగర్‌ పోలీసు స్టేషన్‌ పరిధిలో జరిగింది. ఎస్‌ఐ లక్ష్మీనారాయణ  కథనం మేరకు వివరాలిలా ఉన్నాయి. కవాడిగూడ కల్పన థియేటర్‌ సమీపంలో కోదండరెడ్డినగర్‌ బస్తీకి చెందిన శివ ఆదివారం రాత్రి గుర్తు తెలియని వ్యక్తులతో ఘర్షణ పడుతున్నాడు. అదే సమయంలో బయటికి వచ్చిన యాదగిరి అనే ఆటో డ్రైవర్‌ అక్కడి వెళ్లి ఇద్దరికి సర్ధిచెప్పి పంపించి వేశాడు. కాగా ఒకే బస్తీకి చెందిన యాదగిరి, శివ కుటుంబాల మధ్య గతంలో పార్కింగ్‌ విషయమై గొడవలు కొనసాగుతున్నాయి. ఈ నేపథ్యంలో తాజాగా జరిగిన ఘర్షణలో యాదగిరి జోక్యం చేసుకోవడం సహించలేని శివ తల్లిదండ్రులకు సమాచారం అందించాడు. శివ తండ్రి శ్రీనివాసులు, తల్లి లక్ష్మి అక్కడికి వచ్చి యాదగిరితో గొడవకు దిగారు. శివ, యాదగిరి ఛాతిలో  పిడిగుద్దులు గుద్దడంతో అతను అక్కడికక్కడే మృతి చెందాడు. దీనిపై సమాచారం అందడంతో సంఘటనాస్థలానికి చేరుకున్న యాదగిరి భార్య మణెమ్మపై కూడా శివ దాడి చేసినట్లు సమాచారం. మృతుడి భార్య ఫిర్యాదు మేరకు పోలీసులు శ్రీనివాసులు, శివ, లక్ష్మీలపై నమోదు చేశారు. పరారీలో ఉన్న నిందితులను త్వరలో పట్టుకుంటామని సీఐ నేర్కొన్నారు. మృతుడు యాదగిరి రాణిగంజ్‌లో ఆటోట్రాలీ నడుపుకుంటూ జీవనం సాగిస్తుండగా, నిందితుడు శ్రీనివాసులు జీహెచ్‌ఎంసీ చెత్తబండి నడుపుతున్నాడు. గాంధీనగర్‌ పోలీసులు కేసు నమోదు చేసుకుని దర్యాప్తు చేస్తున్నారు. 

సాక్షి, బెంగళూరు: కర్ణాటకలోని కాంగ్రెస్‌–జేడీఎస్‌ సంకీర్ణ ప్రభుత్వంలో విభేదాలు బహిర్గతమయ్యాయి. ఆదివారం బెంగళూరులో జరిగిన ఒక కార్యక్రమంలో కాంగ్రెస్‌ ఎమ్మెల్యే టి.సోమశేఖర మాట్లాడుతూ..‘రాష్ట్రంలో సంకీర్ణ ప్రభుత్వం అధికారంలోకి వచ్చిన ఏడు నెలల్లో ఒక్క అభివృద్ధి కార్యక్రమం కూడా జరగలేదు. అదే సిద్దరామయ్య హయాంలో అయితే, కెంపెగౌడ డెవలప్‌మెంట్‌ అథారిటీ ఏర్పాటు వంటి భారీ పనులు చేశారు’ అని వ్యాఖ్యానించారు. దీనిపై సీఎం కుమారస్వామి స్పందించారు. ‘కాంగ్రెస్‌ ఎమ్మెల్యేల మాటలను ఆ పార్టీ నేతలు గమనిస్తున్నారు. కాంగ్రెస్‌ పెద్దలే తమ ఎమ్మెల్యేలను అదుపులో పెట్టుకోవాలి. లేదా వారు ఇలాగే మాట్లాడతామంటే పదవికి రాజీనామా చేయడానికి నేను సిద్ధం. సీఎం కుర్చీపై నాకు మోజు లేదు’ అని పేర్కొన్నారు. కాంగ్రెస్‌ నుంచి అనేక అవమానాలను ఎదుర్కోవాల్సి వస్తోందని ఆవేదన వ్యక్తం చేశారు. రాష్ట్రంలో సంకీర్ణ ధర్మం పాటించడంలో కాంగ్రెస్‌ విఫలం అవుతోందని ఆరోపించారు. ముఖ్యమంత్రి ప్రకటనపై కేపీసీసీ అధ్యక్షుడు దినేశ్‌ గుండూరావ్‌ స్పందిస్తూ..ఎమ్మెల్యే సోమశేఖర తన పరిధిని అతిక్రమించి మాట్లాడారు. తన వ్యాఖ్యలపై కుమారస్వామికి సోమశేఖర క్షమాపణలు చెప్పారని దినేశ్‌ పేర్కొన్నారు.  సిద్ధరామయ్య మాట్లాడుతూ కుమారస్వామితో చర్చించి విభేదాలను పరిష్కరించుకుంటామని తెలిపారు. సిద్దరామయ్య గొప్ప సీఎం అని, ఎమ్మెల్యేలు అలా అనడంలో తప్పు లేదని డిప్యూటీ సీఎం పరమేశ్వర్‌ వెనకేసుకొచ్చారు. సీఎం పదవికి కుమారస్వామి రాజీనామా చేసినా వచ్చే నష్టంలేదని బీజేపీ నేత, మాజీ సీఎం జగదీశ్‌ శెట్టర్‌ అన్నారు. కుమారస్వామికి సిగ్గుంటే పదవికి రాజీనామా చేయాలని బీజేపీ నేత ఈశ్వరప్ప ఎద్దేవా చేశారు.

చార్మినార్‌: చార్మినార్‌ కట్టడం సమీపంలోని ఫరాషా హోటల్‌ ముందు గల ఫుట్‌పాత్‌ వ్యాపారుల మధ్య జరిగిన ఘర్షణ దాడికి దారితీసింది. ఈ సంఘటనలో రెచ్చిపోయిన టేలాబండి వ్యాపారులు పక్కనే ఉన్న మరో చిరు వ్యాపారిని చితక బాదారు. ఈ విషయం సోషల్‌ మీడియాలో వైరల్‌గా మారింది. చార్మినార్‌ వద్ద బహిరంగంగా అందరూ చూస్తుండగానే కర్రలతో చితకబాదారు. దాడిలో గాయపడిన బాధితుడి ఫిర్యాదు మేరకు హుస్సేనీఆలం పోలీసులు కేసు నమోదు చేసుకుని నిందితులను అరెస్టు చేశారు. ఆదివారం చార్మినార్‌ ఏసీపీ అంజయ్య తెలిపిన వివరాల ప్రకారం.. రెయిన్‌బజార్‌కు చెందిన సలీం(33) కొంత కాలంగా ఫరాషా హోటల్‌ ముందు ఫుట్‌పాత్‌పై టేలాబండి వ్యాపారం చేస్తున్నాడు. గతంలో ఇతని వద్ద పనిచేసి వేరే దుకాణం పెట్టుకున్న బార్కాస్‌కు చెందిన మహ్మద్‌ సయ్యద్‌(32), సలీం(31), మహమ్మద్‌(28)లు శనివారం రాత్రి సలీంతో ఘర్షణకు దిగారు. తమ దుకాణానికి అడ్డంగా కాకుండా కొద్దిగా పక్కకు జరగాలని కోరడంతో ఇరువురి మధ్యా వాగ్వాదం మొదలైంది. దీంతో రెచ్చిపోయిన మహ్మద్‌ సయ్యద్, సలీం, మహమ్మద్‌లు సలీంపై కర్రలతో దాడికి పాల్పడ్డారు. బాధితుడి ఫిర్యాదు మేరకు హుస్సేనీఆలం పోలీసులు కేసు నమోదు చేసుకుని ముగ్గురు నిందితులను అరెస్టు చేసినట్లు ఏసీపీ అంజయ్య తెలిపారు. 

నాలుకతో ఆరడుగుల మానవ దేహం ఇలా ప్రాధేయపడిందట...నరం లేని ఓ నాలుకా హద్దులు దాటొ ద్దు... నీ దురుసుతనం వల్లనే చెడ్డపేరు వస్తోంది. లోలోపలుండి... ఎవరికీ కనిపించకుండా... ఇష్టం వచ్చి నట్టు నాలుక తిప్పడం కారణంగా ‘నో టి దురుసుతనమంటూ, విచక్షణా ఞా్ఞనం లేదంటూ’ ఎదుటివాళ్లు అసహ్యించుకుంటూ దూరమవుతున్నారు. నోట్లోని భాగాలు మరో అడుగు ముందుకువేసి ‘నీవేదో వాగితే పళ్లు రాలిపోతాయంటూ, గూబ గుయ్యిమంటుం’దంటూ ముందుగా మాపై మండిపడుతున్నారని వాపోయాయి. మాట తూలితే వచ్చే కష్టాలపై వ్యంగ్య ఛమక్కు ఇదీ. ఈ జిల్లాలో ఉ న్నతంగా అధి కారం వెలగబెడుతున్నఓ అధికారి నాలుకకు కూడా అసభ్యకర దూషణలు అలవోకగా వ చ్చేస్తుంటాయి. ఎదురుగా ఉన్నవారు కూడా ఉ న్నతాధికారులనే విచక్షణ లేకుండా తిట్ల దండ కం దండుకోవడంపై మండిపడుతున్నారు. ‘నోరు మంచిదైతేనే ఊరు మంచిదవుతు’ందనే నానుడి ఆ దొరగారికి తెలుసో లేదో మరి... సాక్షి ప్రతినిధి, కాకినాడ : జిల్లాలోని ఓ ఉన్నతాధికారి నోటి దురుసుతనంపై అధికారులు గుర్రుగా ఉన్నారు. అవమాన భారంతో రగిలిపోతున్నారు. సమీక్షా సమావేశాల్లో ఆయన అనుసరిస్తున్న తీరు వివాదస్పదంగా మారుతోంది. విసిగి వేసారిన కొందరు అధికారులు ప్రభుత్వంలోని కీలక మంత్రి దృష్టికి కూడా ఈ విషయం తీసుకెళ్లారు. కాకపోతే ఆ ఉన్నతాధికారికి సదరు మంత్రి అండదండలు దండిగా ఉండటంతో ఫలితం లేకుండా పోయింది. దీంతో అధికారులు కక్కలేక మింగలేక సతమతవుతున్నారు. భరించలేక కొందరు ఇక్కడి నుంచి బదిలీపై వెళ్లిపోతుండగా మరికొందరు ‘ఈయన ఎప్పుడు వెళ్లిపోతాడా’ అని ఎదురు చూస్తున్నారు. ఇంకొందరు తప్పదని బాధను దిగమింగుకుంటూ పనిచేస్తున్నారు. అన్నీ తానై ఓవర్‌ యాక్షన్‌... జిల్లా ఉన్నతాధికారి వైఖరి చూస్తే ఎవరికైనా ఆశ్చర్యం కలిగించకమానదు. అధికార పార్టీకి చెందిన కార్యకర్తలా జిల్లాలో అన్నీ తానై వ్యవహరిస్తున్నారు. కీలక మంత్రితో ‘సాన్నిహిత్యం’ ఉండటంతో  కొన్ని సందర్భాల్లో ఇక్కడ టీడీపీ ద్వితీయ శ్రేణి  నేతలను సహితం లెక్క చేయడం లేదన్న విమర్శలున్నాయి. ఆయన జిల్లాకు వస్తే చాలు కార్యకర్తకన్నా అధ్వానంగా ప్రవర్తిస్తుండడం ఆ పార్టీలోనివారికే అసహ్యమనిపిస్తోంది. సదరు మంత్రి కారు డోర్‌ వద్ద నిలబడి కిందస్థాయి సిబ్బందిలా వ్యవహరిస్తారు. ఎయిర్‌ పోర్టు వద్దకు వెళ్లి కూడా తనకున్న స్వామి భక్తిని ప్రదర్శిస్తుంటారు. అసభ్యకరమైన దూషణలతో... సమీక్షల సమయంలో ఆ ఉన్నతాధికారి అనుసరిస్తున్న తీరు దారుణంగా ఉంటోందని ఉద్యోగ బాధితులు ‘సాక్షి’ ముందు వాపోతున్నారు. వయస్సును, హోదాను చూడకుండా నోటికొచ్చినట్టు మాట్లాడేస్తున్నారు. మహిళా అధికారులని కూడా చూడకుండా అసభ్య పదజాలంతో దూషించడం విమర్శలకు దారితీస్తోంది. బజారులో తిరిగే వ్యక్తిలా ఏమిటా మాటలంటూ మండిపడుతున్నారు. ఈ అధికారి బాధ్యతలు చేపట్టి ఏడాదిన్నరవుతున్నా వైఖరిలో మార్పు రాకపోవడంతో ఆయన వద్దకు వెళ్లాలంటేనే అధికారులు భయపడుతున్నారు. పాలనాపరమైన వ్యవహారాల్లో చిన్నపాటి తప్పిదాలు చోటుచేసుకుంటే హెచ్చరించడం మంచిదే...అప్పటికీ మార్పురాకపోతే శాఖాపరమైన చర్యలు తీసుకోవాలి కానీ ఇష్టారీతిన మాట్లాడితే ఎలా అని కొద్డి రోజుల్లో ఉద్యోగ విరమణ చేసే ఓ ఉద్యోగి వాపోవడం గమనార్హం. ఎన్నాళ్లిలా...ఏదో ఓ రోజు నిలదీయకపోతే ఇంకా రెచ్చిపోతుంటారని ఆయా ఉద్యోగ సంఘాల్లో చర్చ జోరుగా నడుస్తోంది. ఇప్పటికిప్పుడైతే మేం బయటపడాం...కానీ ఏదో ఓ రోజు బద్దలవకతప్పదని...ఆ రోజు దగ్గరలోనే ఉందని కొంతమంది ఉద్యోగులు ‘సాక్షి’ ముందు తమ మనసులోని మాట చెప్పారు.

పారదర్శకత.. విశ్వసనీయత.. అందరికీ సమన్యాయం అంటూ ఊదరగొట్టే అధికార పార్టీ నాయకులు ప్రజలను నిలువునా ముంచుతున్నారు. అర్హులైన పేదలందరికీ డబుల్‌ బెడ్‌రూం ఇళ్లు అంటూ విస్త్రృతస్థాయిలో ప్రచారం చేసిన ప్రభుత్వం.. తీరా ఫ్లాట్ల కేటాయింపుల్లో అస్మదీయులకే పెద్దపీట వేసింది. అప్పులు చేసీ మరీ డీడీలు చెల్లించిన లబ్ధిదారులు తమకు ఇచ్చిన ఆన్‌లైన్‌ కేటాయింపు పత్రాలు చూసి అవాక్కయ్యారు. అంతా అవకతవకలుగా ఉండడంతో నష్టపోయామని గ్రహించిన ‘పీఎంఏవై– ఎన్‌టీఆర్‌ నగర్‌’ లబ్ధిదారులు విజయవాడ కార్పొరేషన్‌ కార్యాలయాన్ని ముట్టడించారు. తమకు న్యాయం చేయాలని నినదించారు.   పటమట(విజయవాడ తూర్పు): గూడు లేనివారికి శాశ్వత నివాసం ఏర్పాటు చేస్తామని ప్రకటించిన టీడీపీ ప్రభుత్వం.. నమ్మించి మోసం చేసిందని పీఎంఏవై–ఎన్‌టీఆర్‌ నగర్‌ పథక లబ్ధిదారులు సోమవారం నగరపాలక సంస్థ కార్యాలయాన్ని ముట్టడించారు. లబ్ధిదారుల జాబితాను రూపొందించటంలో అవకతవకలు చోటుచేసుకున్నాయని.. ఎమ్మెల్యేలు, కార్పొరేటర్ల అనుచరులు, టీడీపీ వర్గాల వారికి డబుల్‌ బెడ్‌ రూం ఫ్లాట్లను కేటాయించి, అర్హులైన లబ్ధిదారులకు సింగిల్‌ బెడ్‌ రూం ఇళ్లను కేటాయించారని ఆరోపిస్తూ ఆందోళన చేశారు. 8,285 మంది లబ్ధిదారులు ఓటు రాజకీయాలకు పాల్పడుతున్న టీడీపీ నేతలు నగరంలోని ఆయా డివిజన్లలో 8,285 మంది లబ్ధిదారులకు ఇళ్లు కేటాయించామని ప్రకటించటం, కేటాయింపు పత్రాల్లో కనీసం కమిషనర్‌ సంతకం కూడా లేకపోవటంతో సోమవారం వీఎంసీ ప్రధానకార్యాలయంలోని కమిషనర్‌ చాంబర్‌ ముట్టడికి లబ్ధిదారులు యత్నించారు. ఇళ్లకేటాయింపులో తమకు 430 చదరపు గజాల ఫ్లాట్‌ ఇస్తామన్నారని.. అందుకు లబ్ధిదారుల వాటాగా రూ. 25 వేలు చెల్లించాలని చెప్పిన కార్పొరేషన్‌ అధికారులు, తమ వద్ద నుంచి డీడీలు కూడా తీసుకున్నారని తెలిపారు. తీరా కేటాయింపులు మాత్రం 300 చదరపు అడుగుల ఇళ్లకు ఇచ్చారని ఆవేదన వ్యక్తం చేశారు. అర్హులకు కాకుండా టీడీపీ అనుచరులకు ఫ్లాట్ల కేటాయింపులు అధికంగా జరిగాయని, ఆన్‌లైన్‌ ప్రక్రియతో పారదర్శకంగా కేటాయింపులు జరుగుతాయని చెప్పిన అధికారులు, ఎమ్మెల్యేలు, కార్పొరేటర్లు తమను మోసం చేశారని మండిపడ్డారు. సాధ్యం కాదు.. ఫ్లాట్‌ నంబర్ల కేటాయింపులో కీలకంగా ఉన్న కమిషనర్‌ తమకు సమాధానం చెప్పాలని డిమాండ్‌ చేశారు. విషయం తెలుసుకున్న వీఎంసీ అదనపు కమిషనర్‌(జనరల్‌)డి. చంద్రశేఖర్‌ లబ్ధిదారులతో సంప్రదింపులు జరిపారు. తామందరికీ డబుల్‌బెడ్‌ రూంలు కేటాయించాలని లబ్ధిదారులు పట్టుపట్టారు. అయితే అది సాధ్యం కాదని ఏసీజీ వివరించటంతో కొద్దిసేపు ఉద్రిక్తత వాతావరణం చోటుచేసుకుంది. సమస్య తెలుసుకుని సంఘటన వద్దకు సీపీఎం రాష్ట్ర కార్యవర్గ సభ్యుడు సీహెచ్‌ బాబూరావు న్యాయం చేసే వరకు చాంబర్‌ నుంచి కదలమని బైఠాయించటంతో పోలీసు లు రంగప్రవేశంచేసి ఆందోళన కారులను చెదరగొట్టి, అనంతరం వామపక్ష నాయకులను అరెస్ట్‌ చేశారు. అన్యాయం చేశారు మా ఇంట్లో ఆరుగురం ఉన్నాం. కేటాయింపుల సమయంలో మా వద్ద రెండు పడకల గదులకు ఇల్లు మంజూరు జరిగిందని అందుకు రూ.25 వేలు చెల్లిచాలని చెప్పటంతో అప్పుచేసి మరీ చెల్లించాం. తీరా ఇప్పుడు చూస్తే 300 అడుగుల ఇంటిని కేటాయించామని పత్రాన్ని చేతిలో పెట్టారు. ఇదేమని అడుతుంటే కావాలంటే తీసుకోండి.. లేదంటే డీడీలు తిరిగి ఇచ్చేస్తామంటున్నారు. టీడీపీ ప్రభుత్వం మోసపూరితంగా వ్యవహరిస్తోంది.– షేక్‌ మస్తాన్‌బి, లబ్ధిదారురాలు, అజిత్‌సింగ్‌నగర్‌ ఇదేమి చోద్యం నా భార్య సంకు సామ్రాజ్యం పేరిట మాకు ఫ్లాట్‌ వచ్చింది. దరఖాస్తులో మేము డబుల్‌ బెడ్‌ రూంని ఎంపిక చేసుకున్నాం. కేటాయింపు పత్రం కూడా డబుల్‌బెడ్‌ ఇంటికి మంజూరయ్యిందని అధికారులు చెప్పారు. కానీ ఆన్‌లైన్‌ లాటరీ వ్యవహారంలో సింగిల్‌బెడ్‌ రూం అని పత్రాన్ని చేతిలో పెట్టారు. ఇదేమని అడిగితే కావాలంటే తీసుకోండి.. లేదంటే లేదు అని దురుసుగా సమాధానమిస్తున్నారు.– సంకు కోటేశ్వరరావు, లబ్ధిదారుడు, నాలుగో డివిజన్‌

కృష్ణాజిల్లా, గన్నవరం : మండలంలోని కేసరపల్లి ఎస్సీ కాలనీలో రెండు సామాజిక వర్గాల మధ్య నెలకొన్న విభేదాలు మరోసారి భగ్గుమన్నాయి. రెండు రోజుల క్రితం జరిగిన ఘర్షణ వాతావరణం సర్దుమణుగుతున్న సమయంలో ఓ వర్గాన్ని రెచ్చకొట్టే విధంగా మరో వర్గం సామాజిక మాధ్యమాల్లో వీడియో పోస్టు చేయడం మళ్లీ వివాదానికి దారి తీసింది. దీంతో ఆదివారం రాత్రి ఇరువర్గాల పరస్పర దాడులతో గ్రామంలో ఉద్రిక్త పరిస్థితులు నెలకొన్నాయి. తొలుత సోషల్‌ మీడియాలో పోస్ట్‌ చేసిన వీడియోకు నిరసనగా అంబేడ్కర్‌నగర్‌ యువకులు ర్యాలీగా వెళ్తున్న క్రమంలో జగ్జీవన్‌రామ్‌నగర్‌కు చెందిన యువకులు ఎదురుపడడంతో ఘర్షణ చోటు చేసుకుంది. దీన్ని అడ్డుకునే క్రమంలో పికెటింగ్‌ ఉన్న పోలీసులు లాఠీలకు పని చెప్పడంతో గొడవ మరింత పెద్దదైంది. అక్కడ నుంచి అంబేడ్కర్‌నగర్‌ వాసులు ర్యాలీగా వెళ్ళి సావరగూడెం బైపాస్‌ వద్ద జాతీయ రహదారిపై రాస్తారోకోకు దిగారు. జాతీయ రహదారిపై ట్రాఫిక్‌ స్తంభించిపోవడంతో ఈస్ట్‌జోన్‌ ఏసీపీ విజయభాస్కర్, సీఐ శ్రీధర్‌కుమార్‌ సిబ్బందితో కలిసి అక్కడికి చేరుకున్నారు. ఆందోళనకారులకు నచ్చచెప్పి రాస్తారోకోను విరమింపజేశారు. అయితే తమ యువకులపై దాడిచేసి కొట్టారంటూ జగ్జీవన్‌రామ్‌నగర్‌ వాసులు కేసరపల్లి – బుద్దవరం రోడ్డుపై అడ్డంగా రాళ్లుపెట్టి ఆందోళనకు దిగారు. అంబేడ్కర్‌నగర్‌ వాసులను ఇటుగా వెళ్లనీయబోమని భీష్మించుకుని కూర్చున్నారు. ఇంతలో అంబేద్కర్‌నగర్‌వాసులు అక్కడికి చేరుకోవడంతో వీరి మధ్య మాటల యుద్ధం మళ్లీ మొదలైంది. దీంతో పోలీస్‌ బలగాలను రంగంలోకి దింపిన అధికారులు రోడ్డుపై కూర్చున్న ఆందోళనకారులను పక్కకు నెట్టే ప్రయత్నం చేశారు. అయినప్పటికి ఇరువర్గాలు వెనక్కి తగ్గకపోవడంతో అక్కడ ఉద్రిక్త పరిస్థితులు నెలకొన్నాయి. సుమారు గంట సేపు అక్కడ గందరగోళ వాతావరణం నెలకొంది. దీంతో అదనపు సిబ్బందితో పాటు ఆందోళనకారులను చెదరకొట్టేందుకు టియర్‌ గ్యాస్‌ వెహికల్‌ను కూడా రంగంలోకి దింపారు. పరిస్థితిని అదుపు చేసేందుకు ఇరువైపుల పెద్దలతో పోలీస్‌ అధికారులు చర్చలు జరిపారు. చివరికి 11 గంటల సమయంలో ఇరువర్గాలను పంపించి వేయడంతో కొంత ఉద్రిక్తత తగ్గింది. అయితే నాలుగు రోజుల క్రితం ఇరువురు వ్యక్తుల మధ్య చోటు చేసుకున్న వివాదం చిలికిచిలికి గాలివానలా మారి గ్రామంలో అలజడి వాతావరణం నెలకొనడానికి దారి తీసింది. ఈ వివాదాన్ని మొదట్లోనే సర్దుబాటు చేయడంలో పోలీసుల వైఫల్యం చెందారు. ఫలితంగా గ్రామంలో ఇరువర్గాల పరస్పర దాడులు కొనసాగే పరిస్థితి వచ్చింది.

విశాఖపట్నం, రావికమతం : కిత్తంపేట– దొండపూడి గ్రామాల యువకుల మధ్య ఆదివారం జరిగిన ఘర్షణ ఉద్రిక్త పరిస్థితులకు దారి తీసింది. దీంతో కొత్తకోట ఎస్‌ఐ శేఖరం, సిబ్బంది అక్కడకు చేరుకుని ఇరువర్గాలను సముదాయించారు. అయితే దొండపూడి, కొత్తకోట యువకులు తాగి తమ గ్రామం వచ్చి బైక్‌లతో హల్‌చేయడమే కాక, బీరు బాటిళ్లు పగులగొట్టి కయ్యానికి కాలు దువ్వారని, పోలీసులు చూసినా వారిని మందలించలేదని ఆగ్రహం వ్యక్తం చేస్తున్నారు. వివరాలిలా ఉన్నాయి. కిత్తంపేట గ్రామంలో నాలుగురోజుల క్రితం తీర్థం సందర్భంగా దొండపూడి, కిత్తంపేటకు చెందిన ఇద్దరు యువకుల నడుమ వాగ్వాదం చోటు చేసుకుంది. కాగా నాలుగు రోజుల అనంతరం వాగ్వాదానికి దిగిన యువకుడు ఆదివారం దొండపూడి గ్రామంలోని మీసేవ కేంద్రానికి రాగా దొండపూడి యువకులు అడ్డగించి బైక్‌ లాక్కుని పంపేశారు. దీంతో ఆ యువకుడు గ్రామానికి వెళ్లి వారి బంధువులతో విషయం చెప్పగా, వారు బైక్‌ లాక్కున్న యువకులకు ఫోన్‌చేసి మందలించారు. దీనికి ఆగ్రహించిన దొండపూడికి చెందిన 10 మంది యువకులు ఆదివారం సాయంత్రం కిత్తంపేట గ్రామం వెళ్లి బైక్‌లపై గ్రామంలో తిరుగుతూ హల్‌చల్‌ చేశారు. బీరుబాటిళ్లు పగులగొట్టి సవాల్‌ విసరడంతో గ్రామస్తులు భయాందోళనకు గురై కొత్తకోట పోలీసులకు ఫోన్‌ చేశారు. ఎస్‌ఐ శేఖరం సిబ్బందితో హుటాహుటిన వెళ్లి వారించే ప్రయత్నం చేశారు. అయితే బైక్‌లపై వచ్చి హల్‌చల్‌ చేసిన వ్యక్తులపై చర్యలు తీసుకోకుండా తమను వారించడం ఏమిటని గ్రామస్తులు పోలీసులపై మండిపడ్డారు. స్టేషన్‌కు వచ్చి ఫిర్యాదు చేయాలని ఎస్‌ఐ చెప్పడంతో పోలీసు స్టేషన్‌కు వచ్చి ఫిర్యాదు చేసి వచ్చేటపుడు దారికాచి తమపై దాడి చేసే అవకాశం ఉందని చెబుతూ గ్రామంలోనే ఫిర్యాదు అందించారు. ఫిర్యాదు మేరకు విచారణ చేస్తున్నట్టు ఎస్‌ఐ తెలిపారు. 

ప్రకాశం చీరాల అర్బన్‌: ఎన్నికల వేళ చీరాల తెలుగుదేశం పార్టీలో మళ్లీ వర్గపోరు తారాస్థాయికి చేరింది. ప్రస్తుతం పార్టీలో మూడు ముక్కలాట కొనసాగుతోంది. శుక్రవారం ఎన్టీఆర్‌ వర్ధంతి సాక్షిగా పార్టీలో వర్గపోరు బహిర్గతమైంది. ఎన్టీఆర్‌ విగ్రహానికి నివాళులర్పించేందుకు పోలీసులు అడ్డుకున్నారంటూ కొందరు కార్యకర్తలు రోడ్డుపై బైఠాయించి ధర్నా చేశారు. ఎమ్మెల్యే ఆమంచి కృష్ణమోహన్‌కు చీరాల పోలీసులు వత్తాసుగా మారారని, చివరకు  పార్టీ వ్యవస్థాపకుడి వర్ధంతి కార్యక్రమాన్ని కూడా చేసుకునేందుకు వీల్లేకుండా పోయిందని, చీరాలలో నిజమైన టీడీపీ కార్యకర్తలకు అన్యాయం జరుగుతోందని మరో వర్గానికి చెందిన నాయకులు తీవ్ర అసంతృప్తి వ్యక్తం చేశారు. అప్రజాస్వామ్యంగా వ్యవహరిస్తున్న పోలీసులపై చర్యలు తీసుకోవాలంటూ నినాదాలు చేశారు. దీంతో కొద్దిసేపు గందరగోళం నెలకొంది. ఏం జరిగిందంటే.. తెలుగుదేశం పార్టీ వ్యవస్థాపకుడు నందమూరిత తారక రామారావు 23వ వర్ధంతి సందర్భంగా చీరాల ఆర్టీసీ బస్టాండ్‌ వద్ద తెలుగుదేశం పార్టీ ఆధ్వర్యంలో సభ ఏర్పాటు చేశారు. చీరాలలో టీడీపీ రెండో వర్గంగా ఉన్న సజ్జా వెంకటేశ్వరరావు, ఎంపీపీ గవిని శ్రీనివాసరావు, జెడ్పీటీసీ పి.అరుణ, నాయకులు, కార్యకర్తలు ఎన్టీఆర్‌ విగ్రహానికి పూలమాలలు వేసేందుకు ర్యాలీగా గడియారం స్తంభం సెంటర్‌ నుంచి బయల్దేరారు. ఎమ్మెల్యే ఆమంచి కృష్ణమోహన్‌ సభకు వస్తున్నారంటూ పోలీసులు రెండో వర్గం నాయకులను అడ్డుకున్నారు. ఎన్టీఆర్‌ విగ్రహం వద్దకు వెళ్లొద్దంటూ పోలీసులు అడ్డుకున్నారు. తామెందుకు వెళ్లకూడదో చెప్పాలంటూ నినాదాలు చేశారు. డీఎస్పీ వి.శ్రీనివాసరావు సంఘటన స్థలానికి చేరుకుని పార్టీ నాయకులతో మాట్లాడారు. ఎన్టీఆర్‌ విగ్రహం వద్దకు అనుమతించేది లేదని ఆయన చెప్పడంతో పోలీసుల తీరును నిరసిస్తూ నినాదాలు చేశారు. చీరాలలో నిజమైన టీడీపీ కార్యకర్తలు తామేనని, తమను కూడా వెళ్లనీయకుండా చేయడం ఏమిటని ప్రశ్నించారు. పోలీసులు కూడా ఎమ్మెల్యేకు వత్తాసు పలుకుతున్నారని ఆరోపించారు. ఎన్టీఆర్‌ వర్ధంతి సందర్భంగా అన్నదానం ఏర్పాటు చేసుకున్నామని, కొంతమందైనా వెళ్లి ఎన్టీఆర్‌ విగ్రహానికి పూలమాలలు వేసి నివాళులర్పిస్తామని చెప్పినా పోలీసులు అనుమతించలేదు. ఆగ్రహానికి లోనైన టీడీపీ నేతలు పోలీసుల తీరుకు నిరసనగా పొలిమేర రోడ్డులో బైఠాయించి నినాదాలు చేశారు. తమ పార్టీ వ్యవస్థాపక అధ్యక్షడి విగ్రహానికి నివాళులర్పించడం తప్పా..అంటూ తీవ్రస్థాయిలో ధ్వజమెత్తారు. కొద్దిసేపటికి పోలీసులు పార్టీ నాయకులను బలవంతంగా వ్యానుల్లో ఎక్కించి టూటౌన్‌ పోలీసుస్టేషన్‌కు తరలించారు. గంటన్నర సేపు పోలీసులు, టీడీపీ నాయకులకు మధ్య జరిగిన వాదోపవాదాలకు ట్రాఫిక్‌ నిలిచిపోయింది. ఆది నుంచీ అంతే.. చీరాల తెలుగుదేశం పార్టీలో వర్గపోరు కొనసాగుతూనే ఉంది. 2014 ఎన్నికల తర్వాత నుంచి టీడీపీలో వర్గపోరు మొదలైంది. చీరాలలో ఎమ్మెల్సీ పోతుల సునీత, ఎమ్మెల్యే ఆమంచి వర్గానికి మధ్య వర్గపోరు నడుస్తోంది. తెలుగుదేశం పార్టీ చేపట్టిన ప్రతి కార్యక్రమం పోటాపోటీగా నిర్వహించడం, అడ్డుకుంటే నిరసనలకు దిగడం పరిపాటిగా మారింది. రెండు వర్గాలు పోటీగా పార్టీ కార్యక్రమాలు చేపట్టడంతో ఎప్పుడూ ఏదో ఒక వివాదం జరుగుతూనే ఉంటోంది. తెలుగుదేశంస్థాపించిన నాటి నుంచి పార్టీ అభివృద్ధికి పాటుపడుతున్నామని, నిజమైన కార్యకర్తలకు ఎప్పుడూ అన్యాయమే జరుగుతోందని పార్టీ నాయకులు వాపోతున్నారు.

పశ్చిమగోదావరి, ఏలూరు రూరల్‌: దెందులూరు నియోజకవర్గ ప్రజాప్రతినిధి రాక్షస క్రీడకు కొల్లేరు ప్రజలు బలి పశువులయ్యారు. దశాబ్దాల తరబడి కట్టుబాట్లతో కలిసి బతికిన వారు నేడు ఒకరిపై ఒకరు దాడులు చేసుకుంటున్నారు. తాజాగా గురువారం ఏలూరు మండలం ప్రత్తికోళ్లలంకలో ఘర్షణలు జరిగాయి. ఒక వర్గం ప్రజలు మరోవర్గంపై దాడులకు తెగబడ్డారు. కనబడిన వ్యక్తి ఆడమగా అని చూడకుండా ఇష్టానుసారం కొట్టారు.  కర్రలు చేతబట్టి ఇళ్లల్లోకి చొరబడి దొరికిన వారిని దొరికినట్టు బాదారు. విలువైన ఫర్నిచర్, ఇళ్లను ధ్వంసం చేశారు. భీతిల్లిన ప్రజలు చెట్టుకొకరు, పుట్టకొకరుగా పరుగులు తీశారు. పక్కనే ఉన్న గుడివాకలంక ప్రజల వద్దకు వెళ్లి తమ బాధలను ఏకరువుపెట్టారు. తమ కుటుంబాలను కాపాడాలంటూ వేడుకున్నారు. మరికొందరు ఏలూరు ప్రభుత్వ ఆస్పత్రిలో చేరారు. ఉదయం 10 గంటలకు ప్రారంభమైన ఈ ఘర్షణలతో చుట్టుపక్కల కొల్లేరు గ్రామాలూ భీతిల్లాయి. ఏ నిమిషంఏం జరుగుతుందోనని ప్రజలు ఆందోళన చెందారు. పోలీసులు గ్రామానికి చేరుకున్నా.. ప్రస్తుతం పరిస్థితి నివురుగప్పిన నిప్పులా ఉంది. ఈ దుస్థితికి నాలుగేళ్ల కిందట అధికార దాహంతో కన్నుమిన్నూ కానని టీడీపీ ప్రజాప్రతినిధి వేసిన బీజమే కారణమనే విమర్శలు సర్వత్రా వెల్లువెత్తుతున్నాయి.  గతంలో సమైక్య జీవనం 2014 వరకూ ఈ గ్రామ ప్రజలు కలిసికట్టుగా చేపల సాగు చేసుకుని జీవించారు. కోట్ల రూపాయల మత్స్య సంపదను ప్రజలందరూ పంచుకుంటూ పిల్లాపాపలతో హాయిగా ఉన్నారు. వీరి ఐకమత్యం, ఆర్థికస్థితిని చూసి స్థానిక ప్రజాప్రతినిధికి కన్నుకుట్టింది. అంతే గ్రామాన్ని రెండు వర్గాలుగా విడదీశారు. ఒకరిపై ఒకరు దాడులు చేసుకునేలా రెచ్చగొట్టారు. రెవెన్యూ అధికారులను ఉసిగొల్పి ఏళ్ల తరబడి ప్రజలు సాగు చేస్తున్న చేపల చెరువులను అక్రమంగా తవ్వారంటూ నోటీసులు ఇప్పించారు. ఆదుకోమని వేడుకొనగా ఇరువర్గాలను కోర్టుకు వెళ్లాలని సూచించారు. ఆఖరికి ‘మీలో ఐకమత్యం లేదు. మీరు చేపల సాగు చేయలేరు.’ అంటూ ఆ చెరువులను టీడీపీ అనుయాయులు, తన అనుచరులకు లీజుకు కట్టబెట్టారు. పోనీలే కష్టపడి బతుకుదామని అనుకున్న ప్రజలకు న్యాయపరంగా ఇవ్వాల్సిన లీజు డబ్బు సుమారు రూ.15 కోట్లు ఇవ్వకుండా కొన్నేళ్లుగా కాలయాపన చేశారు. ఆఖరికి  ప్రజాప్రతినిధి మేక వన్నె పులి వేషాన్ని స్థానికులు గుర్తించారు. ‘మా లీజు డబ్బుతోపాటు మా భూములు మాకు పంచండి’ అంటూ 7 బంటాలు(ఒక్కొక్క బంటాలో 80 నుంచి 100 మంది ఉంటారు) పెద్దలు, ప్రజలు సదరు నేతను ఇటీవల జరిగిన అధికారిక కార్యక్రమంలో సైతం నిలదీశారు. పోలీసు అధికారులకూ ఫిర్యాదు చేసారు. వైఎస్సార్‌ కాంగ్రెస్‌ పార్టీ నేతలను కలిసి తమకు అండగా ఉండాలని కోరారు. వైఎస్సార్‌ కాంగ్రెస్‌ పార్టీ సానుభూతిపరులుగా మారారు. దీన్ని గుర్తించిన ప్రజాప్రతినిధి ప్రజలు ఎదురుతిరుగుతున్నారని గ్రహించి సమస్య పరిష్కరించండి అంటూ కొల్లేరు పెద్దలతోపాటు ఏలూరు పూర్వపు డీఎస్పీ ఈశ్వరరావుకు సూచించారు. దీంతో నాలుగు నెలల క్రితం పెద్దల సమక్షంలో ఇరువర్గాల మధ్య ఒప్పందం కుదిరింది. దీనిలో భాగంగా మాజీ సర్పంచ్‌ ఘంటసాల మహాలక్ష్మీరాజుకు జరిగిన నష్టంతో పాటు గ్రామంలో చేపట్టిన ఖర్చులు చెల్లించారు. రెండో అంశంమైన 7 బంటాల ప్రజలకు అప్పగించాల్సిన భూముల పక్రియ ఈ నెల 18న చేపట్టాలని నిర్ణయించారు. ప్రజలకు భూములు పంచే సమయం ఆసన్నమైంది. భూములు పంపకాలు జరిగితే ప్రజలు తన గుప్పెట్లో ఉండరని భావించారు. దీనికితోడు సంక్రాంతి పండగ సందర్భంగా గ్రామస్తులు వైఎస్సార్‌సీపీ అధినేత వైఎస్‌ జగన్‌మోహన్‌రెడ్డికి శుభాకాంక్షలు చెబుతూ ఫ్లెక్సీ కట్టారు. ఈ రెండు ఘటనలను జీర్ణించుకోలేకపోయిన నియోజకవర్గ ప్రతినిధి  గురువారం గ్రామంలో టీడీపీ నాయకులు, అనుచరులను రెచ్చగొట్టారు. ఉదయం 10 గంటలకు ఇతర బంటాల ప్రజలు గ్రామ కూడలి వద్దకు రావాలంటూ తన అనుచరులతో మైక్‌లో వినిపించారు. ఓ వర్గం వారిపై దాడులు చేయించారు. దీంతో బాధితులు కన్నీరుమున్నీరవుతున్నారు.  బాధితులను ఆదుకోవాలి దెందులూరు ఎమ్మెల్యే చింతమనేని ప్రభాకర్‌  కుట్ర వల్ల ప్రత్తికోళ్లలంక ప్రజలు అష్టకష్టాలు పడుతున్నారు. 7 బంటాల ప్రజల కోరిక మేరకు వారి భూములు వారికి ఇవ్వాలి. దాడులతో నష్టపోయిన ప్రజలకు నష్టపరిహారం అందించాలి. న్యాయంగా వారికి అందాల్సిన లీజు డబ్బులు అందించాలి. వైఎస్సార్‌ కాంగ్రెస్‌ పార్టీ ప్రత్తికోళ్లలంక ప్రజలకు అండగా ఉంటుంది. ప్రజల మధ్య చిచ్చుపెట్టి పబ్బం గడుపుకోవడం సిగ్గు చేటు. ప్రజలు కలిసిమెలిసి జీవించాలి.– కొఠారు అబ్బయ్యచౌదరి. వైఎస్సార్‌ కాంగ్రెస్‌ పార్టీ దెందులూరు నియోజకవర్గ కన్వీనర్‌ కొఠారు పరామర్శ ఏలూరు టౌన్‌:  ప్రత్తికోళ్ళలంక గ్రామంలో ఇరు వర్గాల మధ్య నెలకొన్న వివాదం కొట్లాటకు దారితీసింది. ఈ గొడవలో ఒక వర్గంపై మరో వర్గంపై దాడి చేసి, తీవ్రంగా కొట్టటంతో వారికి తీవ్ర గాయాలయ్యాయి. గ్రామంలోని బలే రాము ఇంటిపై దాడి చేసి వారి కుటుంబ సభ్యులతోపాటు మరికొందరిని తీవ్రంగా కొట్టారు.  గాయాలపాలైన వారిని ఏలూరు ప్రభుత్వాస్పత్రికి తరలించారు. వైఎస్సార్‌ కాంగ్రెస్‌ పార్టీ దెందులూరు సమన్వయకర్త కొఠారు అబ్బయ్యచౌదరి ఆసుపత్రికి వచ్చి బాధితులను పరామర్శించారు. ఆయనతోపాటు వైఎస్సార్‌సీపీ రైతు విభాగం ఏలూరు పార్లమెంట్‌ జిల్లా అధ్యక్షుడు ఆళ్ళ సతీష్‌ చౌదరి, పార్టీ నేతలు మెండెం ఆనందరావు, శ్రీనివాసరావు, తిరుపతిరావు, ఎం.కొండలరావు తదితరులు ఉన్నారు. ఆసుపత్రిలో తీవ్రంగా గాయపడిన మహిళలను ఆయన పరామర్శించి, తాము అండగా ఉంటామని భరోసా కల్పించారు. అధికారులు వెంటనే దాడికి పాల్పడిన వారిపై చర్యలు తీసుకోవాలని డిమాండ్‌ చేశారు. ఆరుగురిపై కేసు నమోదు ప్రత్తికోళ్ళలంక గ్రామంలో ఇరు వర్గాల మధ్య వివాదంలో బలే రాము ఇంటిపై దాడి చేయగా అతని ఫిర్యాదు మేరకు  పలువురు వ్యక్తులపై ఏలూరు రూరల్‌ పోలీసులు కేసు నమోదు చేశారు. ఘంటసాల చంద్రశేఖర్, ముంగర పోతురాజు, ఘంటసాల వెంకన్నబాబు, నారాయణస్వామి, బలే బూసిరాజు, ఘంటసాల కోటి             రమేష్‌ అనే వ్యక్తులపై కేసు నమోదు చేశారు.

శ్రీకాకుళం, కొత్తూరు: కలిగాం గ్రామం భగ్గుమంది. మాజీ సర్పంచ్‌ గోవిందరావు, కూన అర్జునలకు చెందిన రెండు వర్గాల మధ్య కొన్నేళ్లుగా గొడవులున్నాయి. తరచూ ఒకరిపై ఒకరు దాడులకు దిగుతూ కక్షసాధింపు చర్యలకు పాల్పడుతుండేవారని పోలీసులు తెలిపారు. ఈ క్రమంలోనే  బుధవారం కూడా భోగి మంట వద్ద  ఉన్న సందర్భంలో ఒకరిపై ఒకరు కత్తులు, కర్రలు, రాళ్లతో దాడులకు తెగబడినట్టు చెప్పారు. కొనమాపల్లి గోవిందరావుకు చెందిన వర్గంపై కూన అర్జున, సింహాచలం, తమ్మినాయుడు తదితరులు దాడి చేసి తీవ్రంగా గాయపరిచినట్లు గోవిందరావు పోలీసులకు ఫిర్యాదు చేశారు. గోవిందరావు గృహంపై కూడా ప్రత్యర్థులు దాడి చేయడంతో ఇంటి ఆవరణ రాళ్లతో నిండిపోయింది. ముందేవేసుకున్న ప్రణాళిక ప్రకారమే తమవర్గంపై ప్రత్యర్థులు దాడికి పాల్పడ్డారని గోవిందరావు తన ఫిర్యాదులో పేర్కొన్నట్టు పోలీసులు చెప్పారు. కొట్లాటలో గోవిందరావు వర్గానికి చెందిన చిరుగుపిల్లి అప్పన్నకు తీవ్ర గాయాలు కావడంతో అతన్ని  శ్రీకాకుళంలోని కిమ్స్‌ ఆస్పత్రికి  తరలించారు. ఈ ఘటనలో గోవిందరావు వర్గానికి చెందిన చిగురుపల్లి శ్యామలరావు, రమేష్, కొమనాపల్లి గోవిందరావు, ఉమామేశ్వరరావు, లక్ష్మీనారాయణ, వబంరవిల్లి నూకరాజు, వసిడి ఏడుకొండలు, కె.వెంకటరావులకు గాయాలయ్యాయి. ఇది ఇలా ఉండగా కూన అర్జున వర్గానికి చెందిన మామిడి తమ్మినాయుడుపై కొమనాపల్లి గోవిందరావు, అప్పన్న తదితరులు దాడి చేసినట్లు తమ్మినాయుడు ఫిర్యాదు చేశారు. దాడిలో తమ్మినాయుడు, ఎన్ని వాసుదేవరావు, మామిడి నిర్మలతో పాటు పలువురికి గాయాలయ్యాయి. ఇరువర్గాలు వారు వేర్వేరుగా ఇచ్చినఫిర్యాదు మేరకు పలువురిపై కేసు నమోదు చేసినట్లు కొత్తూరు ఎస్సై వై.రవికుమార్‌ తెలిపారు. కాగా కలిగాంలో ఇరువర్గాలు కొట్లాటకు దిగినట్టు సమాచారం అందడంతో సీఐ నాగేశ్వరావు ఆధ్వర్యంలో సిబ్బంది సకాలంలో సంఘటన స్థలానికి చేరుకొని పరిస్థితిని అదుపులోకి తెచ్చారు. లేదంటే పరిస్థితి చేయిదాటిపోయేది. ఇది ఇలా ఉండగా ఏడాది క్రితం కూడా   ఈ రెండు వర్గాల మధ్య కొట్లాట జరిగింది. దీంతో రెండు నెలలపాటు గ్రామంలో పోలీస్‌ పికెట్‌ నిర్వహించారు. తాజా పరిణామాల నేపథ్యంలో ముందజాగ్రత్తల్లో భాగంగా ప్రత్యేక బలగాలతో గ్రామంలో పికెట్‌ నిర్వహిస్తున్నట్టు సీఐ నాగేశ్వరరావు తెలిపారు.

ప్రకాశం, బల్లికురవ: పాఠశాలలో ఇద్దరు విద్యార్థినుల మధ్య వివాదం చెలరేగి చినికిచినికి గాలివానలా మారి గ్రామంలో తల్లిదండ్రుల మధ్య కొట్లాటకు దారితీసింది. ఈ సంఘటన మండలంలోని ముక్తేశ్వరంలో బుధవారం జరిగింది. అందిన సమాచారం ప్రకారం.. గ్రామానికి చెందిన ఇద్దరు బాలికలు బల్లికురవ ఉన్నత పాఠశాలలో 10వ తరగతి చదువుకుంటున్నారు. ఒక బాలిక మరొక బాలిక బ్యాగుపై అసభ్యంగా రాతలు రాసింది. రాసిన బాలికను ఉపాధ్యాయులు మందలించి ఇంటికి పంపారు. అంత వరకూ ఓకే. మరో బాలిక సాయంత్రం ఇంటికి వెళ్లి తన బ్యాగుపై అసభ్యంగా రాశారంటూ తండ్రికి చెప్పుకుని బాధిపడింది. గ్రామంలో ఇద్దరు బాలికల తండ్రుల మధ్య మాటామాటా పెరిగింది. దాడిలో ఓ బాలిక తండ్రి కరిముల్లాకు తీవ్ర గాయలయ్యాయి. దాడిలో పరస్పరం తోపులాటలో మరో బాలిక తండ్రి కాలేషా, అతని తల్లి షకినాబీకి స్వల్ప గాయాలయ్యాయి. క్షతగాత్రులు ముగ్గురూ అద్దంకి ప్రభుత్వ వైద్యశాలలో చికిత్స పొందుతున్నారు. గ్రామంలోని ముస్లిం కాలనీలో ఉద్రిక్త పరిస్థితి ఏర్పడింది.

తూర్పుగోదావరి , పెదపూడి (అనపర్తి): మండంలోని పెద్దాడ గ్రామంలో నిర్మించిన పీహెచ్‌సీ భవనం ప్రారం భం విషయంలో టీడీపీలో వర్గపోరు రోడ్డెక్కింది. ఆ గ్రామంలోని వారెవ్వరికీ చెప్పకుండా ఈ భవనం శుక్రవారం ప్రారంభించేందుకు ఎమ్మెల్యే నల్లమిల్లి రామకృష్ణారెడ్డి ఏర్పాటు చేసుకున్నారు. తమకు చెప్పకుండా భవనాన్ని ప్రారంభించడమేమిటని.. ఆ గ్రామ పెద్దలు, పలు వర్గాలు, ముస్లిం, క్రైస్తవ మత పెద్దలు ఆగ్రహించారు. వారందరూ దగ్గరుండి మాజీ ఎమ్మెల్సీ బొడ్డు భాస్కరరామారావుతో ఒకరోజు ముందుగా కొబ్బరికాయ కొట్టించుకుని భవనాన్ని ప్రారంభింపజేసుకున్నారు. విషయం తెలిసిన పోలీసులు గ్రామానికి చేరుకుని పికెట్‌ ఏర్పాటు చేశారు. రేపు ప్రారంభించేందుకు ఎమ్మెల్యే ఏర్పాట్లు ఈ గ్రామంలో ఎన్‌ఎచ్‌ఎం నిధులతో నిర్మించిన పీహెచ్‌సీ కేంద్రాన్ని శుక్రవారం అధికారికంగా ప్రారంభించడానికి ఎమ్మెల్యే నల్లమిల్లి రామకృష్ణారెడ్డి ఏర్పాట్లు చేశారు. ఆ గ్రామంలోనే ఉండే మాజీ ఎమ్మెల్సీ బొడ్డు భాస్కరరామారావుకు, గ్రామ రైతు కమిటీ, పెద్దలకు తెలియజేయలేదంటూ వారు అంటున్నారు. గ్రామంలో ఎమ్మెల్యే ఏకపక్షంగా కార్యక్రమాలు చేస్తున్నారని వారు ఆరోపించారు. చివరికి గ్రామపెద్దలు, రైతు కమిటీ, అన్ని వర్గాలు, మతాల వారు పండితులతో మాట్లాడి మధ్యాహ్నం 3.40 గంటలకు ముహూర్తం పెట్టుకున్నారు. వారు బొడ్డు వద్దకు వెళ్లి, గ్రామ సంప్రదాయం ప్రకారం కొబ్బరికాయ కొట్టి ఆస్పత్రి ప్రారంభించాలని కోరారు. దీంతో ఆయన కొబ్బరికాయ కొట్టి లాంఛనంగా ఆస్పత్రిని ప్రారంభించారు. పోలీసులు వచ్చేసరికి.. కాకినాడ రూరల్‌ సీఐ ఈశ్వరుడు, ఇంద్రపాలెం, కరప ఎస్సైలు, పెదపూడి ఏఎస్సై సిబ్బంది హడావుడిగా అక్కడికి చేరుకున్నారు. అయితే అప్పటికే ఆస్పత్రిని ప్రారంభించిన బొడ్డు బయటకు వచ్చేశారు.  శుక్రవారం ఎమ్మెల్యే ఇదే కార్యక్రమం ఏర్పాటు చేసుకున్నందున గ్రామంలో పికెట్‌ను పోలీసులు ఏర్పాటు చేశారు. దీంతో గ్రామంలో  సర్వత్రా ఉత్కంఠ నెలకొంది. శంకస్థాపనలోనూ ఇంతే.. ఈ ఆస్పత్రిని 2016 నవంబర్‌ 3న అప్పటి ఆరోగ్య శాఖమంత్రి కామినేని శ్రీనివాస్‌ శంకుస్థాపనకు వచ్చినప్పుడు ఎమ్మెల్యే నల్లమిల్లి, బొడ్డు మధ్య, వారి వర్గీయులు మధ్య ఘర్షణ చోటుచేసుకున్న విషయం విదితమే. ఇప్పుడు ఆస్పత్రి ప్రారంభ కార్యక్రమం విషయంలో కూడా ఈ పరిస్థితి పునరావృతం కావడంతో గ్రామంలో టీడీపీలో వర్గ పోరు ఎక్కడికి దారి తీస్తుందో అన్న విషయం గ్రామంలో చర్చనీయాంశమైంది. 

అహోబిలం (ఆళ్లగడ్డ): దేశంలోని 108 వైష్ణవ క్షేత్రాల్లో అత్యంత పవిత్రమైన క్షేత్రంగా పేరుగాంచిన అహోబిలంలో దేవస్థాన, మఠం ప్రతినిధుల మధ్య విభేదాలు తారాస్థాయికి చేరుతున్నాయి .  భక్తులు హారతి పల్లెంలో వేసిన డబ్బులో  భాగం  కావాలని దేవస్థానం అటెండర్‌ హుకుం జారీ చేశాడు. ఎప్పుడూ లేనిది ఇప్పుడు ఎందుకు ఇస్తామని కొందరు అర్చకులు ఎదురు తిరగగా  హారతి పల్లెంలోని డబ్బులన్నీ తీసి హుండీలో వేసేటట్లు చక్రం తిప్పాడు. దీంతో ఒకనొక దశలో అర్చకులందరూ విధులు బహిష్కరించేందుకు సిద్ధమయ్యారు. ఇవన్నీ ఓ ఎత్తైతే  దేవస్థాన ఈఓ చెక్‌పవర్‌ పూర్తిగా మఠం ప్రతినిధి చేతిలోకి వెళ్లి పోయింది. సిబ్బంది జీతాల మొదలు దేవస్థాన పరిధిలో ఏ ఖర్చు పెట్టాలన్నా మఠం ప్రతినిదే చెక్కు ఇవ్వాలి. దీనిని అవమానంగా భావించిన దేవస్థానం అధికారులు మఠం ప్రతినిధులపై కక్షగట్టినట్టు సమాచారం. దీంతో ఇరువురు మధ్య  పంతాలు, పట్టింపులు పెరిగిపోయాయి. ఇదిలా ఉంటే  ఎప్పటిలాగే వైకుంఠ ఏకాదశి అయిన మంగళవారం పల్లకీ మోసే బోయలకు ఈసారి ఈఓ తాఖీదు పంపలేదు. దీంతో వారు స్వామి పల్లకీని మోయమని నిరసనకు దిగారు. ఈ విషయం మంత్రి భూమా అఖిలప్రియ దృష్టికి వెళ్లగా  ఆమె ఈఓను పిలిచి గట్టిగా మందలించింది. అయినా, ఈఓ వ్యవహర తీరులో మార్పు కనిపించకపోవడంతో   బోయలు స్వామి పల్లకీని మోయమని భీష్మించుకొని కూర్చున్నారు.  చివరకు మఠం ప్రతినిధి జోక్యం చేసుకుని తాఖీదు పై సంతకం పెట్టిస్తానని వారికి ఒప్పించాడు.  మీరు చెబితే  నేనెందుకు తాఖీదు ఇస్తా మీరే (మఠం తరపున) ఇచ్చుకోండని ఈఓ ఆగ్రహం వ్యక్తం చేసినట్లు సమాచారం. దీంతో మఠం ప్రతినిధి మంగళవారం అహోబిలం వచ్చి న కలెక్టర్‌ సత్యనారాయణకు  జరిగిన విషయం చెప్పబోయాడు. పక్కనే ఉన్న ఈఓ అడ్డుపడగా ఆగ్రహించిన మఠం ప్రతినిధి నీవు అంతా ఫ్రాడ్‌ చేస్తున్నావని అన్నాడు. దీనికి   ఈఓ ‘నేను ఫ్రాడే చేస్తాను’ అని  కలెక్టర్, ఇతర అధికారుల ఎదుటే గట్టిగా అనడంతో పక్కనున్న వారికి కొద్దిసేపు అక్కడ ఏం జరుగుతుందో అర్థం కాలేదు. కలెక్టర్‌ ముందే ఇలా మాట్లాడటం  మంచి పద్ధతి కాదని అక్కడే ఉన్న ఆళ్లగడ్డ తహసీల్దార్‌ ఈఓను సున్నితంగా మందలించారు. కోర్టును ఆశ్రయించిన మఠం ప్రతినిధులు!   అహోబిల క్షేత్రం  పూర్తి పర్యవేక్షణ, అధికారాలు తమకే ఇవ్వాలని అహోబిల మఠం కోర్టును ఆశ్రయించినట్లు తెలుస్తోంది. అహోబిలంలో రాష్ట్ర దేవదాయ ధర్మదాయ శాఖల అధికారులు ఉండకూదని  కోర్టులో పిటిషన్‌ వేసినట్లు సమాచారం. ఇదే జరిగి పూర్తి బాధ్యతలు, పర్యవేక్షణ అధికారాలు అంతా మఠానికి అప్పగిస్తే పరిపాలనంతా తమిళనాడు నుంచి కొనసాగుతుందని భక్తులు ఆందోళన వ్యక్తం చేస్తున్నారు.  చెక్‌ పవర్‌ కోసం విశ్వప్రయత్నం..   దేవస్థాన పరిధిలో జరిగే ప్రత్యేక కార్యక్రమాలు, ఉత్సవాలు, సిబ్బంది జీతాలు అన్నింటికి చెక్‌ రాసిచ్చేది మఠం పీఠాధిపతి అయినప్పటికీ అ డబ్బులు బ్యాంకులో జమ చేసిన తరువాత  ఎవరికి ఎంతివ్వాలి అన్నది ఈఓ పరిధిలో ఉంటుంది.  కొంతకాలంగా ఈ పవర్‌ కూడా మఠం ప్రతినిధి చేతిలోకే వెళ్లడంతో  ఈఓ కేవలం పర్యవేక్షణకే పరిమితమయ్యాడు.   ఎలాగైనా మఠం ప్రతినిధుల చేతుల్లోకి పోయిన చెక్‌పవర్‌ తిరిగి పొందాలని దేవదాయ శాఖ ఆధ్వర్యంలో విశ్వప్రయత్నం చేస్తున్నట్లు తెలుస్తోంది.  నివురుగప్పిన నిప్పులా అహోబిలం అర్చకులు, సిబ్బంది ఎవరికి వారు యమునా తీరే  అన్న రీతిలో వ్యవహరిస్తుండటంతో పాటు ఒకరిపై ఒకరు దాడులు చేసుకునేంత వరకు తెగబడుతున్నారు. చివరకు  దేవస్థానం రహస్యాలు సైతం బయటకు పొక్కుతుండటంతో ఎప్పుడు ఏం జరుగుతుందోనని భక్తులు ఆందోళన చెందుతున్నారు. 

గుంటూరు, పెనమలూరు : ఓ వ్యక్తి మృతి చెందగా అతనికి చిన్న దినం అద్దె ఇంట్లో చేయరాదని ఆ ఇంటి యజమాని కుటుంబ సభ్యులు బాధితులపై దాడి చేశారు. ఈ వ్యవహారం వివాదంగా మారటంతో న్యాయం చేయాలని బాధిత కుటుంబ సభ్యులు పెనమలూరు పోలీస్‌స్టషన్‌ వద్ద ఆదివారం ఆందోళనకు దిగారు. పెనమలూరు పోలీసులు, స్థానికులు తెలిపిన వివరాలిలా ఉన్నాయి. కానూరు సనత్‌నగర్‌కు చెందిన కర్రి సన్యాసినాయుడు ఈ నెల 14వ తేదీన పటమటలో జరిగిన రోడ్డు ప్రమాదంలో మృతి చెందాడు. అతని కుటుంబ సభ్యులు సనత్‌నగర్‌లో అద్దె ఇంట్లో ఉంటున్నారు. అతని మృతదేహాన్ని శనివారం తీసుకురాగా ఇంటి యజమానులు మృతదేహం తీసుకురావద్దని అభ్యంతరం తెలిపారు. దీంతో రోడ్డుపైనే మృతదేహం ఉంచి అనంతరం దహన సంస్కారాలు పూర్తి చేశారు. కాగా ఆదివారం ఇంటి వద్ద చిన్న దినం చేయటానికి కుటుంబ సభ్యులు నిర్ణయించారు. ఇందుకుగాను ఏర్పాట్లు చేసుకున్నారు. అయితే ఇంటి యజమానులు దీనికి అభ్యంతరం తెలిపారు. మృతుడి కుమార్తె కర్రి హేమలతతో ఇంటి యజమానులు కొండలరావు, పొండూరు పద్మ, సుబ్బులమ్మ, బుల్లి.. తగాదాకు దిగి దాడి చేశారు. దీంతో ఉద్రిక్త పరిíస్థితి ఏర్పడింది. బాధితులు, స్థానికులతో కలిసి పోలీస్‌ స్టేషన్‌కు వచ్చి తమపై అన్యాయంగా ఇంటి యజమానులు దాడి చేశారని న్యాయం చేయాలని నిరసనకు దిగారు. దీంతో సీఐ దామోదర్‌ ఘటనా స్థలం వద్దకు వెళ్లి పరిశీలించి బాధితులను శాంతింప చేశారు. కేసు నమోదు చేస్తానని హామీ ఇచ్చారు. దాడిపై కేసు నమోదు.. మృతుడి కుమార్తె హేమలతపై ఇంటి యజమానులు దాడి చేయటంతో పోలీసులు నలుగురు వ్యక్తులపై కేసు నమోదు చేశారు. హేమలత ఇచ్చిన ఫిర్యాదుతో కొండలరావు, పద్మ, సుబ్బులమ్మ, బుల్లిపై పోలీసులు కేసు నమోదు చేశారు. దీంతో వివాదం సద్దుమణిగింది. కాగా, చిన్న దినం కోసం చేసిన ఏర్పాట్లన్నీ చిందరవందర చేయడంతో ఆందోళనల మధ్యే కార్యక్రమాన్ని పూర్తి చేసి మమ అనిపించారు. 

సాక్షి, విజయవాడ: దుర్గగుడిపై తప్పులను మాఫీ చేయడంలో దుర్గగుడి అధికారులకు పెట్టింది పేరు. అవినీతికి పాల్పడేందుకు ప్రయత్నించిన వారిని గుర్తించిన కొద్దిరోజులు సస్పెన్షన్‌ చేసి తిరిగి విధుల్లోకి తీసుకున్నారు. విధుల్లోకి నలుగురు ఉద్యోగులు... దసరా ఉత్సవాల్లో జ్ఞాపికల కోనుగోలులో అవినీతి చోటుచేసుకుంది. 1200 కోనుగోలు చేసి 2,000లకు బిల్లులు పెట్టారు. గుమాస్తా నుంచి ఏఈఓ వరకు అందులో ప్రాతదారులే. చివరకు భక్తుల నుంచి వచ్చిన ఫిర్యాదు మేరకు ఈఓ కోటేశ్వరమ్మ చర్యలు తీసుకున్నారు. వెంటనే నలుగురు సిబ్బందిని సస్పెండ్‌ చేశారు. అంతే కాకుండా మీడియా ఎదురుగా వాగ్వాదానికి దిగి బెదిరించిన ఏఈఓ అచ్యుత రామయ్యపై ఈఓ పోలీసులకు ఫిర్యాదు చేశారు. దీంతో దేవస్థానంలో అవినీతి పక్షాళన ప్రారంభమైందని అందరూ భావించారు. అధికార పార్టీనా? మజాకా? వెంటనే ఏఈఓ అచ్యుతరామయ్య అధికారపార్టీ నేతలను ఆశ్రయించారు. రాష్ట్ర మంత్రివర్గంలో ఒక కీలక నేత, దేవస్థానానికి సమీపంలో ఉండే మరో ప్రజాప్రతినిధి తెరవెనుక ఈ విషయంలో జోక్యం చేసుకుని చక్రం తిప్పారు. దీంతో పాలకమండలి చైర్మన్‌ యలమంచిలి గౌరంగబాబు రంగంలోకి దిగి సిబ్బందిపై సస్పెన్షన్‌ ఎత్తివేసేందుకు ఈఓతో సంప్రదింపులు జరిపారు. క్షమాపణలతో సమసిన వివాదం... ఏఈవో అచ్యుతరామయ్య, చైర్మన్‌ యలమంచిలి గౌరంగబాబు సమక్షంలో విలేకరుల సమావేశం పెట్టి తాను ఈలో కోటేశ్వరమ్మను దూషించడం తప్పేనంటూ పచ్చాతాపం ప్రకటించారు. ఆ తరువాత ఈఓ, ఏఈఓల మధ్య రాజీ ప్రయత్నాలు జరిగాయి. చివరకు శుక్రవారం సిబ్బందిపై ఈఓ సస్పెన్షన్‌ ఎత్తివేశారు. కాగా పోలీసులు కూడా ఈ కేసుపై విచారణ చేసి అవినీతి జరిగిన మాట వాస్తవమేనని నిందితులను అరెస్టుకు కూడా సిద్ధమయ్యారు. అయితే ఈఓ కోటేశ్వరమ్మ సూచన మేరకు అరెస్టులు చేయలేదు. సస్పెన్షన్‌ ఎత్తివేయడంతో  తప్పు ఓప్పుయిందా? అని భక్తులుప్రశ్నిస్తున్నారు. దుర్గగుడిలో ఎంతటి అవినీతి జరిగినా, ఏ తప్పులు చేసినా అధికారపార్టీ నేతల్ని  ఆశ్రయిస్తే అన్ని సమసిపోతాయని మెమోంటోల స్కామ్‌ రుజువు చేస్తోంది.

సాక్షిప్రతినిధి, విజయనగరం: సొంత మామకు వెన్నుపోటు పొడిచిన తమ అధినేతనే ఆదర్శంగా తీసుకున్నారు జిల్లా తెలుగుదేశం పార్టీ నేతలు. స్వపార్టీలోనే వేరుకుంపట్లు రాజేసి వచ్చే ఎన్నికల్లో సీట్ల కోసం తెరవెనుక కుట్రలకు తెగబడుతున్నారు. సిట్టింగులనూ వదలకుండా వ్యతిరేక గ్రూపులు కట్టి ప్రత్యక్ష మాటల దాడులకు దిగుతున్నారు. తాజాగా చీపురుపల్లిలో ముదిరిపాకానపడ్డ ఎమ్మెల్యే, మాజీ ఎమ్మెల్యేల మధ్య వివాదం నేపథ్యంలో జిల్లా వ్యాప్తంగా తొమ్మిది నియోజకవర్గాల్లో టీడీపీ నేతల మధ్య సీట్ల సిగపట్లుపై ‘సాక్షి’ ప్రత్యేక కథనం.. బొబ్బిలిలో... ఆర్‌.వి.సుజయ్‌కృష్ణ రంగారావు, ఆయనకు స్వయాన తమ్ముడు ఆర్‌.వి.ఎస్‌.కె.రంగరావుల మధ్య బొబ్బిలి టికెట్టు కోసం అంతర్గత పోరు నడుస్తోంది. ప్రస్తుతం సుజయ్‌కృష్ణ రంగారావు రాష్త్ర గనుల శాఖ మంత్రిగా  వ్యవహరిస్తుండగా నియోజకవర్గంలో ఆర్‌.వి.ఎస్‌.కె.రంగరావు  తన అనుచరులతో ప్రయత్నాలు చేసుకుంటున్నారని ప్రచారం జోరుగా సాగుతోంది. వైఎస్సార్‌ కాం గ్రెస్‌ పార్టీ టిక్కెట్టుపై గెలిచి పదవి కోసం టీడీపీలో చేరిన సుజయ్‌పై నియోజకవర్గ ప్రజల్లో వ్యతిరేకత పెరిగింది. దానినితనకు అనుకూలంగా మార్చుకుని టిక్కెట్టు పొందాలనే ఎత్తుగడలో రంగారావు ఉన్నట్లు ఆ పార్టీ వర్గాల్లో చర్చ జోరందుకుంది. సాలూరులో.. సాలూరులో నియోజకవర్గ ఇన్‌చార్జి ఆర్‌.పి. భంజ్‌దేవ్, ఎమ్మెల్సీ గుమ్మడి సంధ్యారాణి అసెంబ్లీ టిక్కెట్టు కోసం పోటీపడుతున్నారు. ఇటీవలే భంజ్‌దేవ్‌ను పార్టీ నియోజకవర్గ ఇన్‌చార్జిగా చంద్రబాబు ప్రకటించిన సంగతి తెలిసిందే.  అయినా, సంధ్యారాణి తనదైన శైలిలో భంజ్‌దేవ్‌ అభ్యర్థిత్వాన్ని వ్యతిరేకిస్తూ వస్తున్నారు. పార్టీ కార్యక్రమాలకు అంటీముట్టనట్లు ఉంటూ తన వ్యతిరేఖతను బాహాటంగానే ప్రదర్శిస్తున్నారు. అయితే, ఇదే టిక్కెట్టు ఆశించి ఈ నియోజకవర్గంలో పార్టీ కార్యాక్రమాలు, పండుగలు, జాతర్లకు భారీగా ఖర్చుపెట్టిన జిల్లా పరిషత్‌ చైర్‌పర్సన్‌ శోభా స్వాతిరాణి కూడా తన ఆశలను పూర్తిగా వదులుకోలేదు. చినబాబు లోకేష్‌ ద్వారా తన ప్రయత్నాలు మానలేదు. గజపతినగరంలో.. గజపతినగరం నియోజకవర్గ ప్రజల్లోనే కాకుండా అధికారుల్లోనూ తీవ్ర వ్యతిరేకతను మూటగట్టుకున్న ఈ నియోజకవర్గ ఎమ్మెల్యే కేఏ నాయుడికి వచ్చే ఎన్నికల్లో పార్టీ టిక్కెట్టు ఇస్తుందని నమ్మకం లేదు. దీంతో అధిస్టానానికి మరికొంత నూరుపోసి ఎలాగైనా అతనికి టిక్కెట్టు రాకుండా చేయాలని టీడీపీ స్వపార్టీ వారే ప్రయత్నాలు చేస్తున్నారు. పార్టీ రాష్త్ర కార్యదర్శి కరణం శివరామకృష్ణ, బొండపల్లి వైస్‌ ఎంపీపీ బొడ్డు రాములు టిక్కెట్టుపై ఆశపడుతున్నారు. పార్వతీపురంలో... పార్వతీపురం నియోజకవర్గంలో టీడీపీ టిక్కెట్టుకు నలుగురు పోటీ పడుతున్నారు. సిట్టింగ్‌  ఎమ్మెల్యే బొబ్బిలి చిరంజీవులతో పాటు స్థానిక టీడీపీ యువ నాయకుడు సురగాల ఉమామహేశ్వరరావు టిక్కెట్టును ఆశిస్తున్నా రు. అలాగే, మాజీ ఎమ్మెల్యే సవరపు జయమణి కూడా  టీడీపీ టిక్కెట్టు కోసం ప్రయత్నాలు చేస్తున్నారు. అలాగే, బోనిల సరిత కుమారి రెవెన్యూ శాఖలో ఏఎస్‌వోగా పనిచేస్తూ  ఉద్యోగ విరమణ చేసి టిక్కెట్టుపైనే ఆశలు పెట్టుకున్నారు. రాష్ట్ర మహిళా కమిషన్‌ సభ్యురాలు కొయ్యాన శ్రీవాణి కూడా టిక్కె ట్టు రేసులో ఉన్నారు. దీంతో  వీరి మధ్య తీవ్ర పోటీ వాతావరణం నెలకొంది. చీపురుపల్లిలో...   ఎమ్మెల్యే కిమిడి మృణాళినికి 2019 ఎన్నికల్లో సీటు ఇవ్వొద్దంటూ స్వపార్టీకి చెందిన ఎంపీపీలు, జెడ్పీటీసీలు, సీనియర్‌ నాయకులు నేరుగా అమరావతికి వెళ్లి చంద్రబాబునాయుడు చుట్టూ ఇప్పటికే తిరుగుతున్నారు. వారానికి ఒకసారి అమరావతి వెళ్లి మృణాళినికు సీటు ఇవ్వొద్దని, ఇస్తే ఆమె ఓటమి చెందడం ఖాయమని ఇప్పటికే పార్టీ అధినేతకు ఫిర్యాదులు చేశారు. తాజాగా ఆర్‌ఈసీఎస్‌లో అవినీతి అక్రమాలు జరుగుతున్నాయని ఎమ్మెల్యేను టార్గెట్‌ చేసి బహిరంగ ఆరోపణలకు దిగారు. ఈ నియోజకవర్గంలో సిట్టింగ్‌ ఎమ్మెల్యేతో పాటు మాజీ ఎమ్మెల్యే గద్దె బాబూరావు, నియోజకవర్గ మాజీ ఇన్‌చార్జి కె.త్రిమూర్తులురాజు, జిల్లా పరిషత్‌ వైస్‌ చైర్మన్‌ బలగంకృష్ణ, మరి కొంతమంది టిక్కెట్టు ఆశిస్తున్నారు. విజయనగరంలో...   విజయనగరం నియోజకవర్గంలో సిట్టింగ్‌ ఎమ్మెల్యే మీసాల గీత, ఎంపీ అశోక్‌ గజపతి రాజు కుటుంబ సభ్యులు,  మున్సిపల్‌ చైర్మన్‌ ప్రసాదుల రామకృష్ణ, ఒక కేబుల్‌ నెటవర్క్‌ అధినేత టిక్కెట్టును ఆశిస్తున్నారు. సిట్టింగ్‌ ఎమ్మెల్యే కాకపోతే అశోక్‌ లేదా ఆయన కుమార్తె బరిలోకి దిగుతుందనే వాదనలు వినిపిస్తున్నాయి. అయితే, ప్రస్తుత ఎమ్మెల్యేకు టిక్కెట్టు రాకుండా జరిగే ప్రయత్నాలో కొం దరు ఆశావహులు తలమునకలై ఉన్నారు. ఎస్‌.కోటలో.. జిల్లా మొత్తం మీద ఎస్‌.కోట నియోజకవర్గంలో మాత్రమే సిట్టింగ్‌ ఎమ్మెల్యే కోళ్ల లలిత కుమారికి తప్ప పార్టీలో మరెవరూ టిక్కెట్టు ఆశించడం లేదు. ఎందుకంటే ఇక్కడ ఎమ్మెల్యేతో పాటు ఈ నియోజకవర్గంలో తెలుగుదేశం పార్టీ కూడా ప్రజల్లో  విశ్వాసాన్ని కోల్పోయింది. తేనెపలుకులతో జనాన్ని మోసం చేసి పబ్బం గడుపుకుంటున్న టీడీపీ నేతలంటేనే ఇక్కడి ఓటర్లకు వెగటు పుట్టింది. దీంతో ఈ సీటుపై ఆశలు పెట్టుకోవడం కూడా అనవసరమని భావిస్తున్నారు ఆ పార్టీ నేతలు. నెల్లిమర్లలో... టీడీపీ సిట్టింగ్‌ ఎమ్మెల్యే పతివాడ నారాయణ స్వామినాయుడికి  వయసుపై బడిన కారణంగా  టిక్కెట్టు ఇవ్వకపోతే తమలో ఎవరికైనా టిక్కెట్టు ఇవ్వాలని నారాయణస్వామినా యుడి కుమారులు పతివాడ తమ్మునాయు డు,  రామునాయుడు, అప్పలనాయుడు అధిష్టానానికి ఇప్పటికే విన్నవించారు. అయి తే, వారితో పాటు భోగాపురం ఎంపీపీ  కర్రోతు బంగార్రాజు, నెల్లిమర్ల ఎంపీపీ సువ్వాడ వనజాక్షి తమ్ముడు, ఆనంద్‌ ఫౌండేషన్‌ వ్యవస్థాపకుడు కడగల ఆనంద్‌కుమార్‌లు సీటు ఆశిస్తున్నారు. కురుపాంలో.. కురుపాం నియోజకవర్గంలో మాజీ ఎమ్మెల్యే జనార్దన్‌ థాట్రాజ్, మాజీ ఎమ్మెల్యే శత్రుచర్ల చంద్రశేఖరరాజు, పార్వతీపురం మున్సిపల్‌ చైర్‌పర్సన్‌ నర్సింహప్రియ థాట్రాజ్‌లు టీడీపీ టిక్కెట్టు ఆశిస్తున్నారు. వీరంతా బంధువులు కావడం విశేషం. అయినప్పటికీ టిక్కెట్టు కో సం ఎవరి ప్రయత్నాలు వారు చాపకింద నీరు లా సాగిస్తున్నట్టు కార్యకర్తలు చెబుతున్నారు.

నాంపల్లి: ఎన్నికల సందర్భంగా నాంపల్లి నియోజకవర్గంలోని మల్లేపల్లి డివిజన్‌లో ఘర్షణ చోటు చేసుకుంది. ఎంఐఎం కార్యకర్తలు టీఆర్‌ఎస్, కాంగ్రెస్‌ కార్యకర్తలపై దాడులకు పాల్పడ్డారు. రియాన్‌ హోటల్‌ ప్రాంతంలో రాళ్లతో పరస్పర దాడులకు పాల్పడ్డారు. ఈ ఘటనలో టీఆర్‌ఎస్‌ కార్యకర్త ఇసాక్‌ షేక్‌ ముబీన్‌కు తీవ్ర గాయాలయ్యాయి. మల్లేపల్లి భారత్‌ గ్రౌండ్స్‌లో జరిగిన ఘటనలో స్వతంత్య్ర అభ్యర్థి వశీం గాయపడ్డాడు. హబీబ్‌నగర్‌లో ఎంఐఎం, కాంగ్రెస్‌ కార్యకర్తల రాళ్లదాడి జరగడంతో ఖాజా నూరుద్దీన్‌ అహ్మద్, మహ్మద్‌ ఇర్ఫాన్‌ అనే వ్యక్తులు గాయపడ్డారు. బాధితులను చికిత్స నిమిత్తం నాంపల్లి ఏరియా ఆసుపత్రికి తరలించారు. బాధితుల ఫిర్యాదు మేరకు హబీబ్‌నగర్‌ పోలీసులు కేసు నమోదుచేశారు. టీఆర్‌ఎస్, టీడీపీ నాయకుల ఘర్షణ ఆల్విన్‌కాలనీ: టీడీపీ, టీఆర్‌ఎస్‌ నేతల మధ్య ఘర్షణ చోటు చేసుకుంది. శేరిలింగంపల్లి నియోజకవర్గ పరిధిలోని ఆల్విన్‌ కాలనీ పైపులైన్‌ రోడ్డులోని మాంటిస్సోరి స్కూల్‌ బూత్‌లో ఇతర రాష్ట్రానికి చెందిన వ్యక్తులతో టీడీపీ నాయకులు దొంగ ఓట్లు వేయించేందుకు ప్రయత్నిస్తున్నట్లు సమాచారం అందడంతో టీఆర్‌ఎస్‌ నాయకులు వారితో ఘర్షణకు దిగారు. ఈ ఘటనలో టీడీపీ కార్యకర్త నాగేశ్వరరావుకు గాయాలయ్యాయి.ఇరు వర్గాల నాయకులు పరస్పరం కూకట్‌పల్లి పోలీస్‌స్టేషన్‌లో ఫిర్యాదు చేసుకున్నారు.  లంగర్‌హౌస్‌లో ఉద్రిక్తత లంగర్‌హౌస్‌: కార్వాన్‌ నియోజక వర్గం, లంగర్‌హౌస్‌లో కాంగ్రెస్, ఎంఐఎం పార్టీ అభ్యర్థులు, కార్యకర్తల మధ్య జరిగిన గొడవ ఉద్రిక్తతకు దారి తీసింది. బూత్‌ నెంబర్‌ 134లో పోలింగ్‌ సిబ్బంది ఎంఐఎంకు మద్దతు పలుకుతూ స్వయంగా రిగ్గింగ్‌ చేయిస్తున్నారని కాంగ్రెస్‌ అభ్యర్థి ఆరోపించారు. ఓటరు ధృవీకరణ కార్డులు చూడకుండానే ఓటింగ్‌కు అనుమతిస్తుండటంతో ఉదయం బీజేపీ నాయకులు అభ్యంతరం వ్యక్తం చేశారు. కాంగ్రెస్‌ అభ్యర్థి ఉస్మాన్‌ బిన్‌ హాజ్రి మాట్లాడుతూ లంగర్‌హౌస్‌ కేంద్రీయ విద్యాలయ పాఠశాలలో 134 బూత్‌లో స్వల్పంగా ఓటింగ్‌ నమోదయ్యిందని, దీంతో ఎంఐఎం నాయకులు, బూత్‌లో విధులు నిర్వహిస్తున్న సోహైల్‌తో పాటు మరో ఇద్దరు కలిసి ఎంఐఎంకు అనుకూలంగా వ్యవహరిస్తూ రిగ్గింగ్‌కు పాల్పడ్డారని ఆరోపించారు.134 బూత్‌ పరిధిలోని వెయ్యి ఓటరు స్లిప్పులను అధికారుల టేబుళ్లపై పెట్టుకున్నారన్నారు. ఈ విష యమై ఎన్నికల కమిషన్‌కు ఫిర్యాదు చేయనున్న ట్లు తెలిపారు. ఎంఐఎం అభ్యర్థి మాజీ ఎమ్మెల్యే కౌసర్‌ మొహినుద్దీన్‌ తన అనుచరులతో అక్కడికి చేరుకోవడంతో పరిస్థితి ఉద్రిక్తంగా మారింది. మజ్లీస్, ఎంబీటీ కార్యకర్తల మధ్య ఘర్షణ... యాకుత్‌పురా: యాకుత్‌పురా నియోజకవర్గంలోని బడాబజార్‌ యూనిక్‌ స్కూల్‌ పోలింగ్‌ కేంద్రం వద్ద మజ్లీస్‌ నేతలు రిగ్గింగ్‌ చేస్తున్నారని ఆరోపిస్తూ ఎంబీటీ నాయకులు ఘర్షణకు దిగారు. మజ్లీస్‌ నాయకులు పలు ప్రాంతాల్లో పోలింగ్‌ కేంద్రాల్లోకి వెళ్లి రిగ్గింగ్‌కు పాల్పడుతున్నట్లు సమాచారం అందడంతో ఆయా పోలింగ్‌ కేంద్రాలను సందర్శించినట్లు ఎంబీటీ అధికార ప్రతినిధి అంజదుల్లా ఖాన్‌ తెలిపారు. దీనిపై రెయిన్‌బజార్‌ ఇన్‌స్పెక్టర్‌ అంజనేయులును ఆరా తీయగా ఎలాంటి రిగ్గింగ్‌ జరగడం లేదని తెలిపారు.  ఓటర్‌ లిస్టులోఅవకతవకలు: పాషా ఖాద్రీ.   ఓటర్‌ లిస్టులో కొందరిపేర్లు గల్లంతు కావడంతో పోలింగ్‌ శాతం తగ్గిందని యాకుత్‌పురా మజ్లీస్‌ అభ్యర్థి సయ్యద్‌ అహ్మద్‌ పాషా ఖాద్రీ అన్నారు. తమ వద్ద ఉన్న ఓటరు లిస్టులో పేర్లు ఉన్నప్పటికీ... పోలింగ్‌ కేంద్రంలోని అధికారుల వద్ద ఉన్న జాబితాలో కనిపించడం లేదన్నారు. ఈవీఎంలు మోరాయించడంతో పలు కేంద్రాల్లో ఆలస్యంగా ప్రారంభమైందన్నారు. ఎంబీటీ నాయకులు పోలింగ్‌ను అడ్డుకునేందుకు ప్రయత్నించారని ఆయన ఆరోపించారు.

బాలాజీచెరువు (కాకినాడ సిటీ): అయిన వారికి ఆకుల్లో కాని వారికి కంచాల్లో అన్నట్టుంది తమ పరిస్థితి అని జేఎన్‌టీయూకే అధ్యాపకులు ఆవేదన వ్యక్తంచేస్తున్నారు. రాష్ట్ర ప్రభుత్వం నిర్వహించిన పరీక్ష ద్వారా ప్రొఫెసర్లుగా నియమితులైన తమను కాదని  అడహాక్‌ పద్ధతిలో నియమితులైన వారికి సర్వాధికారాలు కట్టబెడుతున్నారని వాపోతున్నారు. పరిపాలనా సౌలభ్యం కోసం కొన్ని డైరెక్టరేట్లు ఏర్పాటు చేసి వాటికి డైరెక్టర్లుగా ఆ వర్సిటీ ప్రొఫెసర్లనే నియమించారు. వీరికి ఒక చాంబర్‌తో పాటు పీఏ, అటెండర్, డ్రైవర్‌ను అవుట్‌ సోర్సింగ్‌ పద్ధతిన కేటాయించారు. రెండేళ్లపాటు ఉండే పదవులకు రాజకీయ నాయకుల ప్రమేయంతో ఆ పోస్టులు సాధించుకున్నవారూ ఉన్నారు. ఇటీవల నూతనంగా వచ్చిన వీసీ ఆయా డైరెక్టర్లను వారి సొంత విభాగాలకు బదిలీ చేస్తూ నూతన బృందాన్ని ఏర్పాటు చేశారు. దీంతో పాతవారు గుర్రుగా ఉన్నారు. ఇదిలా ఉంటే వర్సీటీలో ఫార్మశీ, నానో టెక్నాలజీ, ఫుడ్‌ టెక్నాలజీ, మేనేజ్‌మెంట్, ఏవానాయిక్స్‌  వంటి తొమ్మిది డైరక్టరేట్లు ఏర్పాటుచేసి వీటికి పోగ్రాం డైరెక్టర్లుగా పలు ప్రైవేట్, ప్రభుత్వ సంస్థలలో పనిచేసిన వారిని నియమిస్తూ వారికి ప్రతి నెలా 30 నుండి 40వేల వరకూ వేతనం చెల్లిస్తున్నారు. సాధరణంగా వర్సీటీలో పోగ్రాం డైరెక్టర్లుగా ఉండాలంటే ప్రభుత్వ కళాశాలలో ప్రొఫెసర్‌గా పనిచేసి, పదవీ విరమణ చేసినవారై ఉండాలన్న నిబంధన ఉన్నా వాటిని కాదని పలు విభాగాలకు డైరెక్టర్లను నియమించారు. ఉదాహారణకు పుట్‌ టెక్నాలజీ విభాగానికి ప్రైవేట్‌ సంస్థలో పనిచేసిన వ్యక్తిని పోగ్రాం డైరెక్టర్‌గా నియమించారు. ఈ విభాగం కళాశాల లేదా ఐఎస్‌టీ విభాగానికి కానీ సంబంధం లేకుండా నేరుగా రిజిస్ట్రార్‌ నియంత్రణలో ఉండేలా ఏర్పాటుచేశారు. ఇటీవలే వీరి నియమాకాలు, వేతనాలు తదితర విషయాల్లో నిబంధనలు పాటించలేదంటూ  అడిట్‌ విభాగం తప్పుబట్టినా ఎటువంటి చర్యలూ తీసుకోలేదని వర్సిటీ వర్గాలు పేర్కొంటున్నాయి. ఇక రెండోది ఫార్మశీ విభాగంలో అదే పరిస్థితి ఉందని కనీసం ఈ సబ్జెక్టుతో సంబంధంలేకుండా పాలిటెక్నిక్‌ విభాగంలో పనిచేసిన వ్యక్తిని ఫార్మశీ డైరక్టర్‌గా నియమించారని అంటున్నారు. ఏటా ఈ విభాగంలో పనిచేసేవారిని రెన్యువల్‌కు నోటిఫికేషన్‌ జారీచేయాల్సి ఉన్నా ఆ నిబంధనలు ఏమీ పట్టించుకోకుండా వారినే కొనసాగిస్తూన్నారని తెలిపారు. ఈ డైరెక్టర్‌ స్కాలర్లు, ఫార్మశీ విద్యార్థులపై చాలా విచక్షణ రహితంగా ప్రవర్తిసారంటూ వర్సీటీ ఉన్నత అధికారులతో పాటు ముఖ్యమంత్రి కార్యాలయం, చీఫ్‌ సెక్రటరీకి వినతిపత్రం అందజేశారు. ఇలా అన్ని డైరెక్టరేట్‌లోను ఇదే పరిస్థితి కొనసాగుతోందని వీటిని ప్రక్షాళన చేసి పూర్తి స్థాయిలో అర్హులైన వారిని, సబ్జెక్టులతో సంబంధం ఉన్నవారిని నియమించాలని వర్సిటీ వర్గాలు పేర్కొంటున్నాయి. ప్రక్షాళన చేపడతాం.. వర్సిటీ అభివృద్ధికి సంబంధించి పలు అంశాలపై సమీక్షించి ప్రక్షాళన చేపడుతున్నాం. పోగ్రాం డైరెక్టర్ల నియామకాలు, వేతనాలు అన్నీ గత అధికారుల హాయాంలో జరిగాయి. కమిటీతో చర్చించి అవసరమైతే వీటిపై  తగు నిర్ణయం తీసుకుంటాము.– వీవీ సుబ్బారావు, రిజిస్ట్రార్, జేఎన్‌టీయూకే

రాష్ట్రంలోనే రెండో అతిపెద్ద ఆలయమైన దుర్గగుడిలో అధికారవర్గం.. పాలకవర్గం విభేదాలపై పెడుతున్న శ్రద్ధ.. భక్తులకు మెరుగైన సేవలు అందించే అంశంపై పెట్టలేకపోతున్నారనేది అమ్మ భక్తులకు అర్థమవుతున్న విషయం. భక్తులు మెచ్చేలా.. అందరికీ నచ్చేలా నిర్ణయాలతో ముందడుగువేయాల్సిన తరుణంలో ఆధిపత్య పోరు ఆందోళన కలిగిస్తోంది. కనకదుర్గమ్మ ఆలయ అధికారవర్గం.. పాలకవర్గం మధ్య విభేదాలు పాలక మండలి సమావేశం సాక్షిగా మరోమారు బహిర్గతమయ్యాయి. ఎడముఖం.. పెడముఖంగా ఈవో, చైర్మన్‌ వేర్వేరుగా విలేకరుల సమావేశాలు నిర్వహించి ఎవరి ధోరణిలో వారు మాట్లాడటం భక్తులను విస్మయపరుస్తోంది.            ఇంద్రకీలాద్రి (విజయవాడ పశ్చిమం) : విజయవాడ కనకదుర్గమ్మ ఆలయ ఈఓ, పాలక మండలి చైర్మన్‌ మధ్య విభేదాలు మరోమారు బయటపడ్డాయి. దుర్గగుడి పాలక మండలి సమావేశం శనివారం దేవస్థానానికి చెందిన మాడపాటి సత్రంలోని బోర్డు మీటింగ్‌ హాల్‌లో జరిగింది. చైర్మన్‌ గౌరంగబాబు అధ్యక్షతన జరిగిన ఈ సమావేశంలో ఈఓ వి.కోటేశ్వరమ్మ, పాలక మండలి సభ్యులు పాల్గొన్నారు. అనంతరం ఈఓ కోటేశ్వరమ్మ మాత్రమే మీడియాతో ప్రసంగించి ముగించారు. దుర్గగుడిలో దసరా ఉత్సవాల తర్వాత నలుగురు సిబ్బందిపై వేటు వేయడంపై పాలక మండలి సమావేశంలో చర్చించినట్లు సమాచారం.  అయితే ఉద్యోగుల వ్యవహారం దేవస్థాన అడ్మినిస్ట్రేషన్‌కు చెందిందని ఈఓ సర్ది చెప్పారు. ఈ విషయంలో పాలక వర్గం ఆగ్రహంగా ఉంది. పాలక వర్గ సమావేశంలో చర్చకు వచ్చిన అంశాల గురించి ఈఓ మీడియాకు వివరించి సమావేశాన్ని హడావుడిగా ముగించేశారు. అయితే సమావేశం గురించి, ఉద్యోగులపై వేటు వ్యవçహారం గురించి చైర్మన్‌ను వివరణ కోరగా, ఆయన మరోమారు మీడియా సమావేశం ఏర్పాటు చేశారు. దీంతో పాలక వర్గం, ఈఓ మధ్య చోటు చేసుకున్న విభేదాలు ఇంకా కొనసాగుతూనే ఉన్నాయనేది అర్థమవుతోంది. దత్తత ఆలయాల నిర్వహణపై దృష్టి : ఈఓ దుర్గగుడి దత్తత ఆలయాల నిర్వహణపై ప్రత్యేకంగా దృష్టి సారించాలని పాలక మండలి సమావేశంలో నిర్ణయించామని ఆలయ ఈఓ వి.కోటేశ్వరమ్మ విలేకరుల సమావేశంలో తెలిపారు. అన్ని దత్తత ఆలయాల్లోనూ సీసీ కెమెరాలు ఏర్పాటు చేసి పర్యవేక్షించేందుకు పాలక మండలి ఆమోద ముద్ర వేసిందని తెలిపారు. అన్ని దత్తత ఆలయాల్లో దుర్గగుడి దేవస్థానం సిబ్బందిని నియమించాలని నిర్ణయించామన్నారు.  ఇటీవల ఓ ఆలయాన్ని పరిశీలించేందుకు వెళ్లిన సమయంలో గర్భగుడిని అపరిశుభ్రంగా ఉంచడమే కాకుండా ధూపదీప నైవేద్యాలను సరిగా నిర్వహించడం లేదని గుర్తించి అర్చకుడిపై చర్యలు తీసుకున్నామని తెలిపారు. దీంతో ఆ ఆర్చకుడు ఈఓ, ఏఈఓతో పాటు వైదిక కమిటీపై సీఎంఓ కార్యాలయానికి ఫిర్యాదు చేశారని, అతనిపై చట్టరీత్యా చర్యలు తీసుకోవాలని ఈ సమావేశంలో తీర్మానం చేశామని వివరించారు. దుర్గాఘాట్‌లో పూజా సామగ్రి విక్రయించే చిరు వ్యాపారుల లైసెన్సులు రెన్యువల్‌ చేయాలని నిర్ణయించామని చెప్పారు. భక్తుల సౌకర్యార్థం దుర్గాఘాట్‌లో మరుగుదొడ్లు ఏర్పాటు చేయనున్నామని తెలిపారు. భవానీ దీక్ష విరమణ మహోత్సవాలకు అవసరమైన ఇంజినీరింగ్‌ పనులకు ఆమోదం తెలిపామన్నారు.  ఘాట్‌ రోడ్డులో పార్కింగ్‌ సదుపాయాన్ని మరింత పెంచాలని నిర్ణయించామని, అమ్మవారికి భక్తులు హుండీల ద్వారా సమర్పించిన బంగారం, వెండిని మింట్‌ ద్వారా కరిగించి గోల్డ్‌ బాండ్‌లుగా మార్చాలని నిర్ణయం తీసుకున్నట్లు పేర్కొన్నారు. గొల్లపూడిలోని దేవస్థానానికి చెందిన స్థలంలో కాటేజీలు నిర్మించేందుకు పాలకవర్గం ఆమోద ముద్ర వేసిందన్నారు. త్వరలోనే వీఐపీ బ్రేక్‌ దర్శనం ఏర్పాటు చేయాలని నిర్ణయించామని, దీనికి విధి విధానాలను వచ్చే పాలక వర్గ సమావేశంలో చర్చించే అవకాశాలున్నాయని చెప్పారు. బస్టాండ్‌లో దేవస్థాన ప్రసాదాల కౌంటర్‌ను ఏర్పాటు చేసి అమ్మవారి ప్రసాదాలతో పాటు క్యాలెండర్లను విక్రయించనున్నామన్నారు.  పాలకవర్గాన్ని పట్టించుకోవడం లేదు : చైర్మన్‌ పాలక మండలి సమావేశంలో చర్చించిన అంశాలను ఈఓ మీడియాకు వివరించారు. ఇంతలో దేవస్థానానికి హైకోర్టు న్యాయమూర్తులు వస్తున్నారంటూ ఈఓ సమావేశాన్ని అర్ధంతరంగా ముగించి వెళ్లిపోయారు. దీంతో చైర్మన్‌ గౌరంగబాబు మీడియాతో మాట్లాడకుండానే సమావేశ మందిరం నుంచి బయటకు వచ్చేశారు. ఇటీవల ఆలయంలో చోటుచేసుకున్న వ్యవహారాలపై చైర్మన్, పాలక మండలి సభ్యులను మీడియా ప్రశ్నించగా ఆయన మాట్లాడేందుకు అంగీకరించారు. దేవస్థానంలో నలుగురు ఉద్యోగులపై చర్యలు అంశంపై పాలక మండలిలో చర్చించేందుకు సభ్యులు ప్రతిపాదన చేశారని, అయితే అది దేవస్థాన అడ్మినిస్ట్రేషన్‌కు చెందిన వ్యవహారంగా ఆలయ ఈఓ పేర్కొన్నారని తెలిపారు.  దసరా ఉత్సవాలకు ఎంత వెచ్చించారని చైర్మన్‌ను ప్రశ్నించగా, గత ఏడాది దసరా ఉత్సవాల్లో మొత్తం రూ.6.65 కోట్లు ఖర్చు చేసినట్లు ఆలయ ఈఓ తమకు రికార్డు పూర్వకంగా వివరాలను తెలిపారని పేర్కొన్నారు. ఈ ఏడాది రూ.8.40 కోట్లు ఖర్చు చేసినట్లు పేర్కొన్నారన్నారు. అయితే గత ఏడాది దసరా ఉత్సవాల్లో సుమారు రూ.16 కోట్లు ఖర్చు చేసినట్లు ఆలయ ఈఓ వి.కోటేశ్వరమ్మ పలుమార్లు పేర్కొనడం జరిగిందని, ఈ వ్యవహారంలో పాలక మండలిపై కావాలనే ప్రచారం చేయడం ఎంత వరకు సబబని పాలక మండలి సభ్యులు ప్రశ్నించారు. మీడియా సమావేశంలో పలువురు పాలక మండలి సభ్యులు పాల్గొన్నారు.  

తూర్పుగోదావరి , కాకినాడ క్రైం: మద్యం షాపులో తలెత్తిన చిన్నపాటి ఘర్షణ కొట్లాటకు దారి తీసింది. ఒకరిపై ఒకరు బీరు సీసాలతో దాడికి తెగబడడంతో నలుగురు వ్యక్తులు తీవ్రంగా గాయపడి కాకినాడ జీజీహెచ్‌లో చికిత్స పొందుతున్నారు. ఈ సంఘటనపై సర్పవరం పోలీసులు కేసు నమోదు చేసి దర్యాప్తు చేస్తున్నారు. వారి కథనం ప్రకారం.. కాకినాడ సాంబమూర్తినగర్‌ సమీపంలోని పావురాల తూము వద్ద ఉన్న సూర్య రెస్టారెంట్‌ అండ్‌ బార్‌ లో దుమ్ములపేటకు చెందిన కొయ్యా పెద బూసియ్య, గరికిన రాజు, వసుపిల్లి యల్లారావు అనే ముగ్గురు మత్స్యకారులు మద్యం తాగుతున్నారు. అదే సమయంలో దుమ్ములపేట సమీపంలోని కొత్తపాకలు ప్రాంతానికి చెందిన పిండ్రాల పరమేష్‌ అదే షాపులో మద్యం తాగుతున్నాడు. మత్స్యకారులు మద్యం మత్తులో మద్యం గ్లాసులను పగుల కొడుతున్నారు. ఆ సమయంలో పక్కనే మద్యం తాగుతున్న పరమేష్‌ వారిని గ్లాసులను ఎందుకు పగలుకొడుతున్నారని, దీని వల్ల ఇతరులకు ఇబ్బంది అని ప్రశ్నించాడు. దీంతో మద్యం మత్తులో ఉన్న వారు పరమేష్‌ను నోటిపై బలంగా గుద్దాడు. దీంతో కింద పడిపోయిన పరమేష్‌ పైకి లేచి అతడిని కొట్టిన మత్స్యకారుడిపై దాడికి దిగాడు. దీంతో ముగ్గురు మత్స్యకారులు కలసి పరమేష్‌పై దాడి చేసి కొట్టారు. దీంతో ఆగ్రహించిన పరమేష్‌ అక్కడ తాను తాగుతున్న బీరు సీసాలను బద్దలు కొట్టి పెద బూసియ్య, గరికిన రాజు, వసుపిల్లి యల్లారావులపై దాడి చేశాడు. అదే సమయంలో ముగ్గురు వ్యక్తులు కలసి పరమేష్‌పై రాళ్లతో దాడి చేశారు. ఈ ఘర్షణలో నలుగురికి తీవ్ర గాయాలయ్యాయి. కొయ్యా పెద బూసియ్యకు మెడ ఎడమ భాగంలో గాయం కాగా, గరికిన రాజుకు తలకు కిందిభాగంలో చెవి పక్కన కోసుకుపోయింది. వసుపల్లి యల్లారావుకు తలకు, కంటిపైభాగంలో రక్తపుగాయమైంది. పరమేష్‌ కింది పెదవి సగభాగం తెగి కిందపడిపోయిందని సర్పవరం పోలీసులు వివరించారు. మత్స్యకారులపై దాడిని ఆగ్రహించిన వారి బంధువులు సూర్య బార్‌ అండ్‌ రెస్టారెంట్‌ వద్ద ధర్నా నిర్వహించారు. రాకపోకలను స్తంభింపజేశారు. గాయపడిన వ్యక్తులను సర్పవరం ఎస్సైలు ఎండీ ఎంఆర్‌ ఆలీఖాన్, సత్యనారాయణరెడ్డి కాకినాడ జీజీహెచ్‌లో పరామర్శించి సంఘటన వివరాలను తెలుసుకున్నారు. దీనిపై ఇరువర్గాలపై కేసులు నమోదు చేసి దర్యాప్తు చేస్తున్నారు. ప్రస్తుతం నలుగురు వ్యక్తులు చికిత్స పొందుతున్నారు. బాధితులను, వారి కుటుంబ సభ్యులను సిటీ ఎమ్మెల్యే వనమాడి వెంకటేశ్వరరావు పరామర్శించి, మెరుగైన వైద్యం అందజేయాలని వైద్యులను కోరారు.

అసలు ఆర్‌బీఐకి, కేంద్రానికి వివాదం ఎక్కడ మొదలైంది? దీనికి కారణాలు చూస్తే... మొండిబాకీలతో కుదేలవుతున్న బలహీన ప్రభుత్వ రంగ బ్యాంకులను గాడిలో పెట్టేందుకు ఆర్‌బీఐ కఠినతరమైన సత్వర దిద్దుబాటు చర్యలు (పీసీఏ) అమలు చేస్తోంది. ఈ కఠినమైన ఆంక్షల వల్ల వ్యాపార కార్యకలాపాలు దెబ్బతింటున్నాయని ఆయా బ్యాంకులు కేంద్రానికి మొరపెట్టుకున్నాయి. దీంతో పాటు విద్యుత్‌ రంగంలో మొండి బాకీల విషయంలో నిబంధనలను కొంత సడలించాలని కేంద్రం కోరింది. ఈ రెండింటికీ ఆర్‌బీఐ ససేమిరా అనేసింది. ఇక వ్యవస్థలో ద్రవ్య లభ్యత తగ్గిపోవడం, పేమెంట్‌ వాలెట్లకు సంబంధించి స్వతంత్ర నియంత్రణ సంస్థను ఏర్పాటు చేయాలని ప్రభుత్వం భావిస్తుండటం తదితర అంశాలు కూడా ఆర్‌బీఐకి, కేంద్రానికి మధ్య విభేదాలను ఇతోధికంగా పెంచాయి.   ఈ నేపథ్యంలో రిజర్వ్‌ బ్యాంక్‌ స్వతంత్రతను బలహీనపరిస్తే పెను విపత్తు తప్పదంటూ ఆర్‌బీఐ డిప్యూటీ గవర్నర్‌ విరాల్‌ ఆచార్య ఇటీవల వ్యాఖ్యానించారు. ఇవి ఇద్దరి మధ్యా విభేదాలను స్పష్టంగా బయటపెట్టాయి. ఆర్‌బీఐపై ప్రభుత్వం ఒత్తిడి తెస్తోందన్న అభిప్రాయాలు కూడా నెలకొన్నాయి. దీనికి ప్రతిగా... బ్యాంకులు అడ్డగోలుగా రుణాలిచ్చేస్తుంటే ఆర్‌బీఐ కళ్లు మూసుకుని కూర్చుందని, ఈ రుణాలే ప్రస్తుతం భారీ మొండిబాకీలుగా మారాయని ఆర్థిక మంత్రి అరుణ్‌ జైట్లీ తీవ్రమైన విమర్శలు గుప్పించారు. ఈ వ్యాఖ్యలు విభేదాలను పతాక స్థాయికి తీసుకువెళ్లాయి. నియంత్రణ సంస్థలు తోచింది చేసి చేతులు దులుపేసుకుంటాయని, పర్యవసానాలు రాజకీయ నేతలు ఎదుర్కొనాల్సి వస్తుందని జైట్లీ వ్యాఖ్యానించారు. ఈ పరిస్థితుల నేపథ్యంలోనే రిజర్వ్‌ బ్యాంక్‌ను దారికి తెచ్చుకునేందుకు కేంద్రం సెక్షన్‌ 7ని ప్రయోగించి ఉంటుందన్న వార్తలు వచ్చాయి.  రాజన్‌తో రాజుకుంది... నిజానికి కేంద్రం, ఆర్‌బీఐ మధ్య విభేదాలు రేగటం ఇది తొలిసారేమీ కాదు. వడ్డీ రేట్ల నుంచి లిక్విడిటీ, బ్యాంకింగ్‌ రంగ నిర్వహణ మొదలైన పలు కీలక అంశాలపై గతంలోనూ అభిప్రాయ భేదాలుండేవి. అయితే, అంతిమంగా ఇవన్నీ సామరస్యంగానే పరిష్కారమయ్యాయి. కానీ, కేంద్రం సెక్షన్‌ 7ని ప్రయోగించిందంటూ వస్తున్న వార్తలను చూస్తుంటే ఈ సారి మాత్రం విభేదాలు తారస్థాయికి చేరినట్లుగా కనిపిస్తోందని సంబంధిత వర్గాలు వ్యాఖ్యానించాయి. ఆర్‌బీఐ స్వయం ప్రతిపత్తిని గౌరవిస్తామని ఆర్థిక శాఖ ప్రకటించినప్పటికీ, సెక్షన్‌ 7ని ప్రయోగంపై మౌనం దాల్చటం ఈ అభిప్రాయాలకు ఊతమిస్తోందని పేర్కొన్నాయి. ఉర్జిత్‌ పటేల్‌కి ముందు రఘురామ్‌ రాజన్‌ ఆర్‌బీఐ గవర్నర్‌గా పనిచేసినప్పుడు కూడా రిజర్వ్‌ బ్యాంక్, కేంద్ర ప్రభుత్వం మధ్య మొండిబాకీల నిర్వహణ, పెద్ద నోట్ల రద్దు వంటి పలు అంశాలపై విభేదాలు తలెత్తాయి. ప్రభుత్వ ఆర్థిక, ఆర్థికేతర విధానాలను రాజన్‌ బాహాటంగానే విమర్శించేవారు. దీంతో సుబ్రమణియన్‌ స్వామి వంటి బీజేపీ ఎంపీలు సహా పలువురు నేతలు రాజన్‌పై విమర్శలు గుప్పించారు. దువ్వూరికీ తప్పలేదు... రఘురామ్‌ రాజన్‌ కన్నా ముందు ఆర్‌బీఐ గవర్నర్‌గా పనిచేసిన దువ్వూరి సుబ్బారావు హయాంలో కూడా ఇలాంటి పరిస్థితులు తలెత్తాయి. దువ్వూరి హయాంలో కఠిన ద్రవ్య పరపతి విధానంపై అప్పటి ఆర్థిక మంత్రి పి. చిదంబరం గుర్రుగా ఉండేవారు. వడ్డీ రేట్లను సడలించాలన్న ప్రభుత్వ, పరిశ్రమ వర్గాల అభ్యర్థనలను దువ్వూరి పక్కనపెడుతుండటంతో అసహనానికి గురైన చిదంబరం ఒక దశలో.. రిజర్వ్‌ బ్యాంక్‌ సహకారం లేకుండా ఆర్థిక వృద్ధి లక్ష్యాల సాధన కోసం అవసరమైతే  ఒంటరిపోరుకైనా సిద్ధమన్నారు.  దీనిపై పదవీ విరమణ సమయంలో స్పందించిన దువ్వూరి.. ఏదో ఒకరోజు ఆర్‌బీఐ చేసిన మేలును చిదంబరం గుర్తు చేసుకుంటారని చమత్కరించారు. 

ప్లాన్‌ సక్సెస్‌ కావాలంటే ఒకే మార్గం.ఫెయిల్యూర్‌ కావాలంటే  వేయి మార్గాలు.2000. ఆగస్టు నెల.‘తప్పదా?’ అంది కళ్యాణి.‘తప్పదు’ అన్నాడు గోవర్ధన్‌.‘బియ్యం వ్యాపారమంటే రిస్క్‌ ఎక్కువ. పోటీ జాస్తి అని మీరే చెప్తుంటారు. ఉన్న ఉద్యోగం మానేసి ఇదేం బుద్ధండీ’...‘ఇక ఇలాగే ఉండిపొమ్మంటావా? పావుకిలో చికెను, క్వార్టర్‌ బాటిల్‌ మందు... ఇలాంటి బతుకు ఇంకా ఎంత కాలమని? మనం బాగుపడక్కర్లేదా?’‘అయితే పొలం అమ్మేస్తారన్న మాట’‘అమ్మేస్తా’‘దేవుడే ఉన్నాడు’‘దేవుణ్ణి కాదు. నన్ను నా బుర్రను నమ్ము’ఇద్దరికీ  పదిహేనేళ్ల క్రితం పెళ్లయ్యింది. ఖమ్మంలో నివాసముంటున్నారు. ఇద్దరు పిల్లలు. చదువుకుంటున్నారు. శివారులోని రైస్‌మిల్లులో అతడు నిన్నటి వరకు మేనేజర్‌గా పనిచేసేవాడు. మిల్లు ఓనర్‌తో విభేదాలు వచ్చాయి. మానేశాడు. మానేస్తూ చూపిస్తా తడాఖా అనుకున్నాడు. సొంతంగా బిజినెస్‌ చేసి, బాగా సంపాదించి, ఓనర్‌ ముందే దర్జాగా తిరగాలనేది పంతం.  పంతం నెర వేర్చుకునేపనిలో పడ్డాడతడు. ఏడాది గడిచింది. ఈ ఏడాదిగా గోవర్ధన్‌ సరిగా ఇంటిపట్టునే ఉండటం లేదు. ఎప్పుడో వస్తాడు. ఎప్పుడో వెళతాడు. టెన్షన్‌గా ఉంటాడు. ఒక్కోసారి రాత్రుళ్లు ఇంటికి రాడు.  ఉద్యోగం చేస్తున్న రోజులే బాగున్నాయిఅనిపించింది కళ్యాణికి.వ్యాపారంలో కారు కొన్నాడు.కారు ఉండి భర్త లేని రోజుల కన్నా కారు లేని భర్త ఉన్న రోజులే మేలు అని ఆమె అనుకుంది.ఆగస్టు 19, 2001.తెల్లవారు జాము.హాల్లో ల్యాండ్‌లైన్‌ మోగింది.రాత్రి భర్త ఇంటికి రాలేదు. ఇప్పుడు ఏదైనా చెప్పడానికి చేశాడా?నిద్ర కళ్లతో ఫోన్‌ ఎత్తింది కళ్యాణి.అవతలి మాట వింటూనే భూమి కదిలిపోయినట్లనిపించింది. తేరుకొని, ఉన్నఫళంగా పిల్లలను తీసుకొని బయల్దేరింది. ఖమ్మం నుంచి హైదరాబాద్‌ వెళ్లే హైవే.ఖమ్మం నుంచి 50 కిలోమీటర్ల దూరంలో ఓ కారు ఆగి ఉంది. అది పూర్తిగా తగలబడిందనడానికి గుర్తు నల్లగా కాలి కనిపిస్తోంది.చేరుకుంటుంటే కళ్యాణికి గుండెదడగా అనిపించింది.కనిపిస్తున్న దృశ్యం అబద్ధమైతే బాగుణ్ణు అనుకుంది. పోలీసులు ఆమెను సమీపించారు.కారు నంబర్, వివరాలు ఆమెకు చెప్పారు.  సగం కాలిన చేతి గడియారం, రెండు ఉంగరాలు ఆమె ముందుంచారు.‘ఇవి మీ భర్తవేనా’వణుకుతున్న చేతులతో వాటిని తడుముతూ ‘అవును సార్‌’ అంది. కారుకు ఎడమవైపున కళ్యాణిని తీసుకెళ్లారు. ఎదురుగా నేల మీద బాగా కాలిపోయి, గుర్తుపట్టడానికి వీల్లేనంతగా ఉన్న ఓ శరీరం. కారులోంచి తీసి బయట పడుకోబెట్టినట్టున్నారు పోలీసులు.ఆ దృశ్యాన్ని చూస్తూనే అక్కడే కుప్పకూలిపోయింది కళ్యాణి.  పిల్లలు బిక్కు బిక్కుమంటూ చూస్తూ ఉన్నారు. కాసేపటికి తెలివి వచ్చింది కళ్యాణికి.‘చూడమ్మా! ఇలాంటప్పుడు మీ మానసిక పరిస్థితి ఎలా ఉంటుందో ఊహించగలం. ధైర్యం తెచ్చుకొని చూడండి. శవాన్ని పోస్టుమార్టంకి తరలిస్తున్నాం’ చెప్పాడు ఎస్సై. కళ్యాణి ఏడుస్తూనే కాలిన ఆ శరీరం వైపు చూసింది.ఆమె చూపు శవం తాలూకు ఎడుమ చేయి దగ్గర ఆగిపోయింది. మణికట్టు వద్ద చర్మం కాలిపోయి, కండరం బైటకు వచ్చి ఎముక కనిపిస్తోంది. ‘సార్‌’ అంది కళ్యాణి ఎస్సై వైపు తిరిగి.ఏంటమ్మా’ ‘సర్‌. ఇతను మా ఆయన కాదు’ఉలిక్కిపడ్డాడు ఎస్‌.ఐ.‘మా ఆయనకు నాలుగేళ్ల క్రితం ఎడమచేతి మణికట్టు వద్ద ఎముక విరిగింది. డాక్టర్లు రాడ్‌ వేశారు. ఈ చేతికి ఎముక కనిపిస్తోంది. రాడ్‌ లేదు’ ఎస్సై భృకుటి ముడిపడింది. సిబ్బంది ఒకరి ముఖాలు ఒకరు చూసుకున్నారు. ‘స్టీల్‌ రాడ్‌...’ ఆలోచనలో పడ్డాడు ఎస్సై. పోలీసులు టోల్‌గేట్‌ వద్ద ఉన్న కెమెరాలను పరిశీలించడంలో నిమగ్నమయ్యారు. సంఘటన జరిగిన రోజున ఏయే వాహనాలు టోల్‌గేట్‌ నుంచి వెళ్లాయో కెమెరా ద్వారా పర్యవేక్షించారు. అర్ధరాత్రి 12 గంటల తెల్లవారుజాము వరకు వెళ్లిన కారు నంబర్లన్నీ నోట్‌ చేసుకున్నారు. తెల్లవారుజాము 2:30కు గోవర్ధన్‌ ఉన్న కారు క్రాస్‌ చేసినట్టుగా పోలీసులు కార్‌ నంబర్‌ ఆధారంగా గుర్తించారు. అయితే, అతనితో పాటు ఆ కారులో మరో వ్యక్తి కూడా ఉన్నాడు. కానీ, ప్రమాదం జరిగినప్పుడు మాత్రం కారులో ఒక్కరే ఉన్నారు. అంటే రెండో వాడు ఎవడు? అతనేమైనట్టు?కళ్యాణి నుంచి మరికొన్ని వివరాలు సేకరించారు. కారును గోవర్ధనే స్వయంగా డ్రైవ్‌ చేసుకుంటాడని, డ్రైవర్‌ లేడని చెప్పింది. అదే నిజమైతే ఆ కారులో ఉన్నదెవరు? చనిపోయిన అతను గోవర్ధన్‌ కాకపోతే గోవర్ధన్‌ ఏమయ్యాడు? కళ్యాణి నుంచి గోవర్ధన్‌ ఫొటోలు తీసుకున్నారు పోలీసులు. ఇంటి మీద నిఘా ఉంచారు. బియ్యం షాప్‌ వద్ద, ఆ చుట్టుపక్కల షాపుల్లోనూ ఎంక్వైరీ చేశారు. గతంలో గోవర్ధన్‌ పనిచేసే చోటులో కూడా కూపీ లాగారు. చాలా వివరాలే తెలిశాయి.గోవర్ధన్‌ బియ్యం వ్యాపారం దివాళా తీసిందని, అప్పుల్లో ఉన్నాడని, ఎవరో స్త్రీతో సన్నిహితంగా ఉంటున్నాడనీ. షాప్‌లో పనిచేస్తున్న మల్లయ్య ఎస్సై వద్దకు వచ్చాడు అయ్యా, ‘మా సార్‌ వద్దకు బానోతు అనే అతను నెలకోసారి వచ్చి వెళ్తుంటాడు. అతను వచ్చిన ప్రతీసారి మా సార్‌ డబ్బులు ఇవ్వడం చూశా. పోయిన నెల సార్‌ డబ్బులు ఇవ్వలేనని అంటే అతను గొడవ పెట్టుకున్నాడు కూడా’ అన్నాడు.‘అతను ఎక్కడివాడో తెలుసా..’ అడిగాడు ఎస్సై‘అతను కాటవరం దగ్గర తండా అని చెప్పాడు సార్‌! వెంటనే పోలీసు జీపులు ఆ తండా వైపుగా కదిలాయి.  నిందితుడు గోవర్ధన్‌ తల దించుకొని పోలీసుల ఎదురుగా నిల్చున్నాడు. విచారణలో గోవర్ధన్‌ ఒక్కో విషయం చెప్పడం మొదలుపెట్టాడు. ‘నేను రైస్‌మిల్లులో పని చేస్తున్నప్పుడు బిక్కూబాయి కూలీ. ఆమెతో నాలుగేళ్లుగా సంబంధం ఉంది. అది బయటపడటం వల్లే మిల్లులో గొడవపడి ఉద్యోగం మానేసి వ్యాపారం మొదలెట్టాను. కానీ అంతకు ముందే మా సంబంధం  ఆమె భర్త బానోతుకు తెలిసింది. అప్పట్నుంచి నన్ను డబ్బులివ్వమని వేధిస్తున్నాడు. అసలే కొత్త వ్యాపారం మొదలుపెట్టి అప్పులతో ఇబ్బందులు పడుతున్నా ఏదో విధంగా డబ్బులు సర్దుతున్నాను. కానీ, రోజు రోజుకు బానోతును భరించడం కష్టం అనిపించింది. మూడేళ్ల క్రితం 50 లక్షల రూపాయలకు బీమా తీసుకొని ఉన్నాను. బీమా ప్రీమియం చెల్లించే సమయంలో ఒక ఆలోచన వచ్చింది. చనిపోతేనే ఆ బీమా డబ్బు కుటుంబానికి అందుతుంది.చనిపోకుండానే చనిపోయాననే నాటకం ఆడితే డబ్బులు వస్తాయి. అప్పుల బారినుంచి బయటపడచ్చు అనుకున్నాను. అప్పులు తీర్చే మార్గం, బిక్కూబాయి భర్తను వదిలించుకునే మార్గం ఒకటే అనిపించింది.ప్రమాదంలో చనిపోతేనే బీమా డబ్బులు వస్తాయి. అందుకని కారు ప్రమాదం జరిగేలా చూడాలి అనుకున్నాను. డబ్బులిస్తానని చెప్పి ఆ రోజు రాత్రి బానోతును ఖమ్మం రమ్మన్నాను. ఇద్దరం కలిసి  రాత్రి వరకు అక్కడే బాగా తాగాం. బానోతుకు ఇంకా ఎక్కువ తాగించాను. ఇద్దరం కారులో హైదరాబాద్‌ వైపు బయల్దేరాం. బానోతు నా పక్కనే ముందు సీటులో కూర్చొని నిద్రపోతున్నాడు. టోల్‌ గేట్‌ దాటి 50 కిలోమీటర్ల దూరం వచ్చేశాం. రోడ్డుకు ఎడమవైపున కారు ఆపి, బానోతుకు నా ఒంటిమీది వస్తువులు, బట్టలు తగిలించాను. అతని బట్టలు నేను వేసుకున్నాను. డ్రైవింగ్‌ సీట్లో అతడిని కూర్చోబెట్టి, నా ఫోన్‌ కూడా అతని జేబులో ఉంచి కారు డిక్కీలో ముందే ఉంచిన పెట్రోల్‌ తీసి లోపల, బయట అంతా పోసేశాను. కారు అద్దాలు మూసేసి,  లైటర్‌ని వెలిగించి కారుమీద వేశాను. ఖాళీ పెట్రోల్‌ క్యాన్‌ తీసుకొని ఓ చెట్టు చాటుకు వెళ్లి కారు పూర్తిగా తగలబడేవరకు ఉండి, వెళ్లిపోయాను. వారం రోజులు గడిచిపోయాయి. ఎవరికీ అనుమానం రాలేదని, ఇంకొన్ని రోజులకు ఇంటికి వెళ్లచ్చులే అనుకొని ముందుగా బిక్కుబాయి ఇంటికి వెళ్లాను’ అసలు విషయం చెప్పాడు గోవర్ధన్‌.బిక్కుబాయి ఇంటికి వెళ్లిన పోలీసులు అక్కడ గోవర్ధన్‌ని పట్టుకొని అరెస్ట్‌ చేసి స్టేషన్‌కి తీసుకొచ్చారు. ప్లాన్‌ సక్సెస్‌ అవడానికి ఒకటే మార్గం.ఫెయిల్‌ అవడానికి వేయి. – నిర్మలారెడ్డి 

జవహర్‌నగర్‌: ఫోన్‌ కాల్‌ విషయమై కొందరు యువకుల మధ్య నెలకొన్న వివాదం ఘర్షణకు దారితీయడంతో ఓ యువకుడు మృతి చెందగా, మరో ఇద్దరు తీవ్రంగా గాయపడిన సంఘటన జవహర్‌నగర్‌ పోలీస్‌స్టేషన్‌ పరిధి లోని యాప్రాల్‌ జెజె నగర్‌లో ఆదివారం అర్ధరాత్రి చోటుచేసుకుంది. సీఐ సైదులు కథనం మేరకు వివరాలిలా ఉన్నాయి. యాప్రాల్‌లోని ఇందిరానగర్‌ చెందిన జైకుమార్‌ మీరాభాయ్‌కి ముగ్గురు కుమారులు. వీరిలో పెద్దకుమారుడు విక్రమ్, మరో కుమారుడు విక్కి అలియాస్‌ చెన్నారెడ్డి(29)లు ఆదివారం రాత్రి కాలనీలో ఏర్పాటు చేసిన దుర్గా మాత విగ్రహా ఊరేగింపునకు వెళ్లారు. అనంతరం విక్రమ్‌ ఇంటికి తిరిగి రాగా విక్కి తన స్నేహితులు జోసఫ్, క్రిష్ణ, వికాస్‌తో కలిసి జెజెనగర్‌కు చెందిన శ్రావణ్‌కుమార్‌ ఇంటికి వెళ్లి తమ వదిన ఫోన్‌కు ఎందుకు ఫోన్‌ చేస్తున్నావని నిలదీయడంతో ఇద్దరి మధ్య ఘర్షణ జరిగింది. దీంతో విక్కి శ్రావణ్‌ తలపై కొట్టడంతో అతడికి గాయమైంది. దీం తో ఇంట్లోకి వెళ్లిన  శ్రావణ్‌ కూరగాయల కోసే కత్తి తీసుకువచ్చి విక్కీపై దాడి చేయడంతో అతను కుప్పకూలాడు. దీనిని అడ్డుకునేందుకు యత్నించిన వికాస్‌పై కూడా దాడి చేశాడు. దీంతో అతను విక్కి సోదరుడు విక్రమ్‌కు సమాచా రం అందించడంతో విక్రమ్‌ అక్కడికి చేరుకున్నా డు. ఆగ్రహంతో ఉన్న శ్రావణ్‌ అతడిపై కత్తితో దాడికి పాల్పడ్డాడు. విక్కీని ఆస్పత్రికి తీసుకెళ్లేందుకు ప్రయత్నిస్తుండగా అతను అప్పటికే మృతి చెందినట్లు గుర్తించారు. సంఘటనా స్ధలానికి చేరుకున్న పోలీసులు విక్కి మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు. గాయపడిన విక్రమ్,వికాస్‌లను ప్రైవేట్‌ ఆసుపత్రికి తరలించారు.  సంఘ టనా స్ధలాన్ని మల్కాజిగిరి డీసీపీ ఉమామహేశ్వరశర్మ, కుషాయిగూడ ఏసీపీ శివకుమార్, జవహర్‌నగర్‌ సీఐ సైదు లు పరిశీలించారు. నిందితుడు శ్రావణ్‌కుమార్‌ను అదుపులోకి తీసుకున్న పోలీసులు  మృతుడి తల్లి మీరాభాయ్‌ ఫిర్యాదు మేరకు కేసు నమోదు చేసుకుని దర్యాప్తు చేస్తున్నారు.

క్రిష్ దర్శకత్వంలో కంగనా రనౌత్‌ ప్రధాన పాత్రలో తెరకెక్కుతున్న చారిత్రక చిత్రం మణికర్ణిక. భారీ బడ్జెట్‌తో ప్రతిష్టాత్మకంగా తెరకెక్కుతున్న ఈ సినిమా వరుస వివాదాలతో ఉక్కిరిబిక్కిరి అవుతోంది. ఇప్పటికే చిత్రీకరణ చివరి దశకు చేరుకోగా వివాదాలు మాత్రం ఎక్కువవుతున్నాయి. ఎన్టీఆర్ బయోపిక్‌ పనులతో బిజీగా ఉండటంతో దర్శకుడు క్రిష్ మణికర్ణిక దర్శకత్వ బాధ్యతలకు దూరంగా ఉంటున్నారు. దీంతో ఆ బాధ్యతను హీరోయిన్‌ కంగనా రనౌత్ తీసుకున్నారు. అప్పటి నుంచే అసలు వివాదం మొదలైంది. సినిమాలో కీలక పాత్రలో నటిస్తున్న సోనూసూద్‌ డేట్స్‌ అడ్జస్ట్‌ చేయలేక సినిమా నుంచి తప్పుకున్నారు. అయితే కంగనా రనౌత్‌ దర్శకత్వంలో నటించటం ఇష్టం లేకే సోనూసూద్ తప్పుకున్నట్టుగా వార్తలు వచ్చాయి. తాజాగా చిత్ర నిర్మాతల్లో ఒకరైన సంజయ్‌ కుట్టి కూడా ప్రాజెక్ట్‌ నుంచి తప్పుకున్నట్టుగా వార్తలు వినిపిస్తున్నాయి. బడ్జెట్‌ అనుకున్న దానికంటే భారీగా పెరిగిపోవటంతో సంజయ్‌ ఈ నిర్ణయం తీసుకున్నారట.

సాక్షి ప్రతినిధి, వరంగల్‌ : అధికార టీఆర్‌ఎస్‌ పార్టీలో ఎప్పటికప్పుడు ఆధిపత్య పోరు బహిర్గతమవుతూనే ఉంది.   గ్రేటర్‌ వరంగల్‌ మునిసిపల్‌ కార్పొరేషన్‌ స్టాండింగ్‌ కమిటీ ఎన్నికల్లో వరంగల్‌ తూర్పు నియోజకవర్గంలో కొండా దంపతులు, మేయర్‌ నరేందర్‌కు మధ్య విభేదాలు బహిర్గతమైన విషయం తెలిసిందే. నిన్న వరంగల్‌ రూరల్‌ జిల్లా నర్సంపేట నియోజకవర్గం నెక్కొండ మండలంలో ఏర్పాటు చేసిన ప్రగతి నివేదన సన్నాహక సమావేశంలో నేతలు, కార్యకర్తలు  ఏకంగా కుర్చీలతో కొట్టుకున్నారు. తాజాగా మహబూబాబాద్‌ జిల్లా కేసముద్రంలో మాజీ ఎమ్మెల్యే మాలోతు కవిత పర్యటనకు టీఆర్‌ఎస్‌ పార్టీలోనే ఓ వర్గం అడ్డుపడింది.  ఇంతకాలం గుంభనంగా ఉన్న వర్గ పోరాటం.. ఎన్నికల సందడి నెలకొన్న వేళ బయటపడుతుండడం ఆ పార్టీ నేతలకు మింగుడు పడడం లేదు. అయినప్పటికీ పార్టీ పెద్దలు నోరు మెదపలేని స్థితిలో కొట్టుమిట్టాడుతున్నారు. ‘తూర్పు’న పుట్టిన రగడ.. వరంగల్‌ తూర్పు నియోజకవర్గంలో నన్నపునేని నరేందర్‌ ఉద్యమ సమయం నుంచి గులాబీ పార్టీలో ఉన్నాడు. ‘తూర్పు’ నుంచి ఎమ్మెల్యే పదవిని ఆశించారు. తీరా రాష్ట్రం ఏర్పడి ఎన్నికలు వచ్చే సమయానికి కొండా దంపతులు కాంగ్రెస్‌ నుంచి టీఆర్‌ఎస్‌ పార్టీకి చేరి ఎమ్మెల్యే టికెట్‌తో పాటు విజయం సాధించారు. అయితే అటు కొండా సురేఖ, ఇటు నరేందర్‌ టీఆర్‌ఎస్‌ పార్టీలో ఉన్నప్పటికీ.. వారు, వారి కార్యకర్తలు వేర్వేరుగానే కొనసాగుతూ వస్తున్నారు. ఇలాంటి పరిస్థితి ఉమ్మడి వరంగల్‌ జిల్లాలోని 12 నియోజకవర్గాల్లో ఉన్నాయి. మహబూబాబాద్‌లో శంకర్‌ నాయక్‌ మొదటి నుంచి టీఆర్‌ఎస్‌ పార్టీలో ఉండగా..  అధికారంలోకి వచ్చిన అనంతరం  కాంగ్రెస్‌  నుంచి మాజీ ఎమ్మెల్యే  మాలోతు కవిత, టీడీపీ నుంచి మోహన్‌లాల్‌ గులాబీ కండువా కప్పుకున్నారు. కానీ.. ఎవరి వర్గాలు వారివే. ఈ సారి  టికెట్‌ కోసం కవిత గట్టిగానే ప్రయత్నం చేస్తున్నారు. ఈ నేపథ్యంలో  గ్రామీణ ప్రాంతంలో తన కంటూ ఒక బలమైన కేడర్‌ను  ఏర్పాటు చేసుకునే పనిలో ఉన్నారు. ఈ ప్రయత్నంలోనే  కేసముద్రం రాగా.. అక్కడి పాత టీఆర్‌ఎస్‌ పార్టీ నేతలు ఆమెను అడ్డుకున్నారు. పార్టీలో గ్రూప్‌లను పోత్సహించవద్దని ఆమెతో వాదనకు దిగారు. ఈ సందర్భంలో కవిత కొంత సంయమనం పాటిస్తూ ఉద్రిక్తతను  తగ్గించారు. నర్సంపేటలో తన్నుకునే స్థాయికి.. వరంగల్‌ రూరల్‌ జిల్లా నర్సంపేట నియోజకవర్గంలోనూ ఇదే పరిస్థితి ఉంది.  టీఆర్‌ఎస్‌ పార్టీ ఆవిర్భావం నుంచి గుంటుక సోమయ్య, ఆయన అనుచరులు  పార్టీకి అండగా ఉన్నారు.  ఎంపీటీసీ ఎన్నికల సమయంలో కాంగ్రెస్‌ నుంచి గటిక అజయ్‌కుమార్‌ టీఆర్‌ఎస్‌ పార్టీలో చేరి ఎంపీపీగా ఎన్నికయ్యారు. ఆయన తన వర్గానికే ప్రాధాన్యత ఇస్తున్నారని, ఉద్యమ సమయంలో  పని చేసిన వారిని పట్టించుకోవటంలేదని  ఆరోపణలు వచ్చాయి.  రైతు సమన్వయ సమితి గ్రామ, మండల కోఆర్డినేటర్ల నియామకాలు పార్టీ శ్రేణులతో కాకుండా ఇష్టమున్న వారికి కట్టబెట్టారనే ఆగ్రహంతో ఉన్నారు. ఏకంగా రైతు సమన్వయ సమితి కో ఆర్డినేటర్ల శిక్షణ తరగతులకు డిప్యూటీ సీఎం కడియం శ్రీహరి హాజరైన సమావేశంలో తొలిసారిగా విభేదాలు భగ్గుమన్నాయి. సమావేశంలో ఎంపీపీ తీరుపై మార్కెట్‌ చైర్మన్‌ గుంటుక సోమయ్య మండిపడ్డారు. అదే స్థాయిలో ఎంపీపీ అజయ్‌కుమార్‌  ఎదురు తిరిగారు. ఈ క్రమంలో ప్రగతి నివేదన సభ సన్నాహకంలో భాగంగా నెక్కొండ, చెన్నారావుపేట మండలాలకు మార్కెట్‌ చైర్మన్‌ గుంటుక సోమయ్యకు బాధ్యతలు ఇచ్చారు.  కొన్ని గంటల వ్యవధిలోనే ఆయనను  పక్కన పెట్టి  గద్దల నర్సింగరావుకు అప్పగించారు.  ఈ సంఘటన వివాదాలకు ఆజ్యం పోసింది. డోర్నకల్‌ నియోజకవర్గంలో టీఆర్‌ఎస్‌ పార్టీ నుంచి పోటీ చేసి ఓడిపోయిన సత్యవతి రాథోడ్, ఆమె మీద కాంగ్రెస్‌ పార్టీ నుంచి గెలిచి టీఆర్‌ఎస్‌లోకి వచ్చిన ఎమ్మెల్యే రెడ్యానాయక్‌ వర్గం మధ్య తరుచుగా గొడవలు జరుగుతూనే ఉన్నాయి. భూపాలపల్లి నియోజకవర్గంలో స్పీకర్‌ మధుసుదనాచారి, టీడీపీ నుంచి టీఆర్‌ఎస్‌లోకి వెళ్లిన గండ్ర  సత్యనారాయణరావు  వర్గాల మధ్య అంతర్గత విభేదాలు బయటికి వస్తూనే ఉన్నాయి. అదేవిధంగా జనగామ జిల్లా స్టేషన్‌ ఘన్‌పూర్‌ నియోజకవర్గంలో ఎమ్మెల్యే తాటికొండ రాజయ్య, టీఆర్‌ఎస్‌ రాష్ట్ర నాయకుడు రాజారపు ప్రతాప్‌ మధ్య అంతరం కొనసాగుతూనే ఉంది. వారిద్దరూ కాంగ్రెస్‌ నుంచి టీఆర్‌ఎస్‌లో చేరారు. కాంగ్రెస్‌లో ఉన్నప్పుడే వారి మధ్య పచ్చగడ్డి వేస్తే భగ్గుమనేది. టీఆర్‌ఎస్‌లో చేరిన తర్వాత కూడా పరిస్థితి అలానే ఉంది. ఇందుకు ఈ ఏడాది జూన్‌లో చిల్పూరుగుట్ట వద్ద సబ్సిడీ ట్రాక్టర్ల విషయంలో జరిగిన గొడవే నిదర్శనం. ఎందుకిలా... ఉద్యమ పార్టీ  నుంచి  రాజకీయ పార్టీగా రూపాంతరం చెందిన టీఆర్‌ఎస్‌ పార్టీ రాష్ట్రంలోని  తొలి సాధారణ ఎన్నికలను ఎదుర్కొనే వరకు ఏకతాటి మీదనే నడిచింది. అధికారంలోకి వచ్చిన తర్వాత ‘గులాబీ’ దళపతి, ముఖ్యమంత్రి కేసీఆర్‌  చేపట్టిన ఆపరేషన్‌ ఆకర్‌‡్ష ప్రభావితంతో  ప్రతిపక్ష పార్టీలకు చెందిన నేతలు భారీ ఎత్తున టీఆర్‌ఎస్‌ పార్టీ కండువా కప్పుకున్నారు. పార్టీలోనైతే చేరారు కానీ అటు పూర్తిగా టీఆర్‌ఎస్‌తో కలిసి పోలేక, ఇటు  స్వంతంత్రంగా ఉండలేక తండ్లాడుతున్నారు. ఉద్యమ సమయం నుంచి టీఆర్‌ఎస్‌ పార్టీతోనే ఉన్న నేతలు కొత్తగా వచ్చిన వారిని దగ్గరకు రానివ్వలేదు. ప్రతిపక్షం నుంచి వచ్చిన నేతలు పాత టీఆర్‌ఎస్‌ పార్టీ నేతల వద్దకు వెళ్లడం లేదు. ఒకే పార్టీలో ఉన్నప్పటికీ ఎవరి కుంపటి వాళ్లు పెట్టుకుని నడిపిస్తున్నారు. దీంతో పార్టీ ఒక్కటే అయినా కొత్త బ్యాచ్, పాత బ్యాచ్‌ అని రెండు వేర్వేరు వర్గాలుగా కొనసాగుతూ వస్తున్నాయి.   

సాక్షిప్రతినిధి, కరీంనగర్‌: అధికార టీఆర్‌ఎస్‌లో అసంతృప్తులు భగ్గుమంటున్నారు. కొద్ది రోజులుగా రగులుతున్న అసమ్మతి సెగ తిరుగుబాటుకు దారి తీసింది. తెలంగాణ ఉద్యమానికి, గులాబీ దళపతి కేసీఆర్‌కు సెంటిమెంట్‌ జిల్లాలో మంగళవారం ఒకేరోజు మూడు సంఘటనలు చోటు చేసుకున్నాయి. ఓ వైపు తెలంగాణ సీఎం, టీఆర్‌ఎస్‌ పార్టీ అధ్యక్షుడు కేసీఆర్‌ ముందస్తు ఎన్నికలకు సిద్ధం అవుతుండగా.. మరోవైపు ఆ పార్టీ నేతల మధ్య విభేదాలు భగ్గుమనడం పార్టీ వర్గాల్లో చర్చనీయాంశమయ్యాయి. రామగుండం ఎమ్మెల్యే, ఆర్‌టీసీ చైర్మన్‌ సోమారపు సత్యనారాయణపై ప్రత్యర్థులు బాహాటంగా తిరుగుబాటు చేసి  నిరసనలు తెలపగా, వేములవాడ ఎమ్మెల్యే సీహెచ్‌ రమేష్‌బాబుపై ఆయన వ్యతిరేకవర్గం వె య్యి మందితో సమావేశం నిర్వహించింది. చొప్పదండి నియోజకవర్గంలో అభివృద్ధి పనులకు శం కుస్థాపన సందర్భంగా మార్కెట్‌ కమిటీ చైర్మన్‌ భర్త, సింగిల్‌విండో డైరెక్టర్‌ గడ్డం చుక్కారెడ్డి కొబ్బ రికాయ కొట్టేందుకు సిద్ధం కాగా ఎమ్మెల్యే బొడిగె శోభ ఆయనను అడ్డుకుని వెనక్కి నెట్టేయడం వివాదాస్పదమైంది. మంత్రి ఈటల రాజేందర్, ఎంపీ వినోద్‌కుమార్‌ల సమక్షంలో జరిగిన ఈ ఘటన పార్టీ వర్గాల్లో చర్చకు దారి తీసింది. రామగుండంలో ఎమ్మెల్యే వ్యతిరేకవర్గం భేటీ.. రామగుండం ఎమ్మెల్యే, ఆర్టీసీ చైర్మన్‌ సోమారపు సత్యనారాయణ వ్యతిరేకులు ఏకమయ్యారు. ఎన్‌టీపీసీ రామగుండం కృష్ణానగర్‌లోని టీవీ గార్డెన్‌లో సోమారపు అసమ్మతి నేతలంతా మంగళవారం సమావేశం నిర్వహించారు. సార్వత్రిక ఎన్నికలు సమీపిస్తున్న నేపథ్యంలో రామగుండం నియోజకవర్గంలో టీఆర్‌ఎస్‌ గ్రూప్‌ రాజకీయాలు మళ్లీ ఊపందుకున్నాయి. ఇటీవల తనపై అవిశ్వాసం పెట్టించి పదవి నుంచి దింపేసిన ఎమ్మెల్యే, ఆర్టీసీ చైర్మన్‌ సోమారపు సత్యనారాయణ వ్యతిరేక శక్తులను ఏకంగా చేసే పనిలో మాజీ మేయర్‌ కొంకటి లక్ష్మినారాయణ ఉన్నారు. రానున్న ఎన్నికల్లో పార్టీ టికెట్‌ ఆశిస్తున్న కోరుకంటి చందర్, కందుల సంధ్యారాణితోపాటు మాజీ డిప్యూటీ మేయర్‌ సాగంటి శంకర్, పార్టీ నాయకులు పలువురు ఈ సమావేశానికి హాజరయ్యారు. ఎమ్మెల్యేగా ఎన్నికైన సోమారపు సత్యనారాయణ ప్రజలకు ఇచ్చిన హామీలను ఏమాత్రం నేరవేర్చలేదని, ఉద్యమ సమయంలో పార్టీలో పని చేసిన నాయకులను, కార్యకర్తలను పూర్తిగా విస్మరించి, తన చెప్పు చేతల్లో ఉన్న కొంతమందితోనే రాజకీయం చేస్తున్నారని ఈ సందర్భంగా సోమారపుపై ధ్వజమెత్తారు. ఆయనపై అధిష్టానానికి ఫిర్యాదు చేయాలని నిర్ణయించడంతోపాటు డివిజన్ల వారీగా సమావేశాల నిర్వహణకు, కార్యాచరణకు సిద్ధం కావడం టీఆర్‌ఎస్‌ వర్గాల్లో కలకలం రేపుతోంది. వేములవాడలో ఎమ్మెల్యే రమేశ్‌కు వ్యతిరేకంగా.. వేములవాడ నియోజకవర్గంలో అధికార పార్టీలో అసమ్మతి సెగ పతాక స్థాయికి చేరుకుంది. వేములవాడ ఎమ్మెల్యే రమేష్‌ బాబు వ్యతిరేక వర్గం వెయ్యి మంది కార్యకర్తలతో మంగళవారం సమావేశమైంది. ఎమ్మెల్యే రమేశ్‌బాబును తప్పించడమే లక్ష్యంగా ఆపార్టీకి చెందిన దాదాపు వెయ్యి మందికిపైగా కార్యకర్తలు కలసి అదే వేదిక నుంచి బాహాటంగా ప్రకటించారు. ఎన్నో ఏళ్లుగా పార్టీని నమ్ముకుని, జెండాలు మోసి, పార్టీ కోసమే పనిచేస్తున్న తమపై ఎమ్మెల్యే కక్ష సాధింపు చర్యలకు దిగుతున్నారని కన్నీళ్లు పెట్టుకున్నారు. ఎమ్మెల్యే రమేశ్‌బాబుకు వ్యతిరేకంగా సంతకాలు సేకరించారు. ఈసారి ఎన్నికల్లో ఎమ్మెల్యే బరి నుంచి రమేశ్‌బాబును తప్పించాలని భీష్మ ప్రతిజ్ఙ చేశారు. ఈ సందర్భంగా వారు ఎమ్మెల్యే రమేశ్‌ బాబు స్వచ్ఛందంగా వైదొలగాలని కూడా డిమాండ్‌ చేశారు. వేములవాడలో పార్టీ నాయకత్వం మార్పు చేయాలని ఈ సందర్భంగా సీఎం కేసీఆర్‌కు విజ్ఞప్తి చేశారు. మంత్రి, ఎంపీల సమక్షంలో చొప్పదండిలో గలాటా.. చొప్పదండిలో సీనియర్‌ నేతల సమక్షంలోనే పార్టీ నాయకులు వాదులాడుకోవడం ప్రస్తుతం చర్చనీయాంశమైంది. మంగళవారం కరీంనగర్‌ జిల్లా చొప్పదండి నియోజకవర్గంలో పలు అభివృద్ధి పనుల ప్రారంభోత్సవాల్లో పాల్గొన్న మంత్రి ఈటల రాజేందర్, ఎంపీ వినోద్‌కుమార్‌ ముందే ఎమ్మెల్యే శోభ, మార్కెట్‌ కమిటీ చైర్మన్‌ భర్త చుక్కారెడ్డి వాగ్వాదానికి దిగారు. ఎంపీ వినోద్‌ సూచన మేరకు ఫైర్‌ స్టేషన్‌ భవన ప్రారంభోత్సవం వద్ద చుక్కారెడ్డి టెంకాయ కొడుతుండగా ఎమ్మెల్యే శోభ అడ్డుకుని వెనక్కి నెట్టారు. దీంతో అక్కడ కొంత వాగ్వాదం చోటుచేసుకుంది. మంత్రి రాజేందర్, ఎంపీ వినోద్‌ వారించడంతో ఎమ్మెల్యే తమ అనచరులతో అక్కడి నుంచి వెళ్లిపోయారు. అనంతరం ఉద్యమకారులకు ఇచ్చే గౌరవం ఇదేనా అని మంత్రితో చుక్కారెడ్డి కన్నీటి పర్యంతమయ్యారు.

రామసముద్రం: తెలుగుదేశం పార్టీ జిల్లా అధ్యక్షుడు పులివర్తినాని సాక్షిగా నాయకులు బాహాబాహీకి దిగారు. శుక్రవారం స్థానిక జనార్థనస్వామి ఆలయంలో టీడీపీ సమావేశం నిర్వ హించారు. ముఖ్యఅతిథిగా నాని హాజరయ్యారు. టీడీపీ నాయకులు రమణ, శ్రీనివాసులు, తిప్పన్న తదితరులు మండల టీడీపీ అధ్యక్షుడు కృష్ణమరాజుపై విరుచుకుపడ్డారు. పార్టీని నాశనం చేస్తున్నారని ధ్వజమెత్తారు. నీరు–చెట్టులో ఆదాయం ఉన్నపనులను మండలాధ్యక్షుడు కృష్ణమరాజు రూ.3 కోట్ల వరకు పనులు చేశారని, ఆదాయం లేని పనులను ఇతర నాయకులు, కార్యకర్తలకు కట్టబెడుతున్నాడని మండిపడ్డారు. దీంతో సమావేశంలోనే ఒకరికొకరు బాహాబాహీకి దిగడంతో పులివర్తినాని కంగుతిన్నారు. ఇరువర్గాలకు నచ్చజెప్పేందుకు యత్నించినా ఎవరూ తగ్గలేదు. అరుపులు, కేకలతో సమావేశం మార్మోగింది. జేబులు నింపుకోవడానికే నాయకులు కుమ్ములాడుకుంటున్నారని, తమ గురించి పట్టించుకోవడం లేదంటూ మరోవైపు కార్యకర్తలు నిరసన గళం వినిపించారు. ఎట్టకేలకు నాని వారిని శాంతింపజేసి మాట్లాడారు. ఈనెల 28న గుంటూరులో జరిగే టీడీపీ ‘మారా హమారా టీడీపీ హమారా’ కార్యక్రమాన్ని విజయవంతం చేయాలని  కోరారు. సమావేశంలో మాజీ ఎమ్మెల్యే దొమ్మలపాటి రమేష్, మాజీ ఎమ్మెల్సీ నరేష్‌ కుమార్‌రెడ్డి, మార్కెట్‌ కమిటీ చైర్మన్‌ గుర్రప్పనాయుడు, నియోజకవర్గ నాయకులు రాందాస్‌చౌదరి, బోడిపాటి శ్రీనివాసులు, మధుబాబు, స్థానిక మండల నాయకులు పాల్గొన్నారు.

న్యూఢిల్లీ: భారత్, చైనాలు విభేదాలను పరిణతి, సున్నితత్వంతో పరిష్కరించుకుంటున్నాయని ప్రధాని నరేంద్ర మోదీ అన్నారు. సరిహద్దుల్లో నెలకొన్న శాంతియుత పరిస్థితులే ఈ విషయాన్ని ప్రస్ఫుటం చేస్తున్నాయని పేర్కొన్నారు. ప్రపంచ శాంతికి భారత్‌–చైనా సంబంధాలు కీలకమన్న మోదీ..ఇరు దేశాల మధ్య ఇటీవల ఉన్నతస్థాయిలో సంప్రదింపులు పెరగడాన్ని కొనియాడారు. చైనా రక్షణ మంత్రి వెయ్‌ ఫెంగె మంగళవారం తనతో భేటీ అయిన సందర్భంగా మోదీ ఈ వ్యాఖ్యలు చేశారు. ‘భారత్, చైనాలు తమ మధ్యనున్న విభేదాలు వివాదాలుగా మారకుండా పరిపక్వతతో వ్యవహరిస్తున్నాయి. సరిహద్దుల్లో నెలకొన్న శాంతియుత వాతావరణం ఈ విషయాన్ని స్పష్టంచేస్తోంది’ అని ప్రధాని కార్యాలయం ఒక ప్రకటనలో తెలిపింది. ఇటీవల చైనా ప్రధాని జిన్‌పింగ్‌తో జరిగిన సమావేశాలను మోదీ గుర్తుచేసుకున్నారు. గతేడాది చోటుచేసుకున్న డోక్లాం ప్రతిష్టంభన నేపథ్యంలో చైనా రక్షణ మంత్రి భారత్‌లో పర్యటించడం ఇరు దేశాల మిలిటరీ సంబంధాల పునరుద్ధరణకు దోహదపడుతుందని భావిస్తున్నారు. రేపు నిర్మలా సీతారామన్‌తో భేటీ.. భారత రక్షణ మంత్రి నిర్మలా సీతారామన్‌తో ఫెంగె గురువారం సమావేశం కానున్నారు. విభేదాలు పరిష్కరించుకుని, రెండు దేశాల సైన్యాల మధ్య సమన్వయాన్ని పెంపొందించడంపై ఇద్దరు నేతలు చర్చిస్తారని అధికారిక వర్గాలు తెలిపాయి.  

సాక్షి, సిటీబ్యూరో:  ‘ఒక్క ఫోన్‌ కాల్‌ మీ జీవితాన్ని మార్చేస్తుందంటూ ప్రకటనను చూసి ఆకర్షితురాలైన కేపీహెచ్‌బీకి చెందిన అరుణ జీవితం నిజంగానే మారిపోయింది. అతి తక్కువ సమయంలో ఎక్కువ డబ్బు సంపాదించవచ్చుననే ఆశపడిన ఆమెకు ‘కరక్కాయల పొడి’ రూపంలో డబ్బు పోవడమే కాకుండా ఆమె కుటుంబంలో కలతలు రేపింది. రూ. వెయ్యితో కిలో కరక్కాయలు కొనుగోలు చేసి పొడి చేసి ఇస్తే రూ.1300 వస్తున్నట్లు తెలియడంతో ఈ విషయాన్ని బంధువులకు చెప్పింది. దీంతో దాదాపు 12 మంది అరుణ మాటలు విని కరక్కాయల పొడిలో పెట్టుబడి పెట్టారు. చివరకు సదరు కంపెనీ బిచాణా ఎత్తివేయడంతో డబ్బులు పోయిన బెంగలో ఉన్న ఆమెను బంధువుల మాటలు మరింత నొప్పించాయి. నీ కారణంగానే  పెట్టుబడులు పెట్టామంటూ వారు గొడవకు దిగడంతో అరుణ, ఆమె భర్త మధ్య ఘర్షణకు దారి తీసింది.  అరుణ ఒక్కరే కాదు..కరక్కాయల పొడి కేసులో మోసపోయిన దాదాపు 500 మంది మహిళల్లో 150 మంది మహిళల పరిస్థితి ఇదే. అయినవాళ్లే కదా వారూ లాభపడతారన్న ఉద్దేశంతో వీరు చెప్పిన మాటలు ఇప్పుడూ ఏకంగా వారిని బాధిస్తున్నాయి. ఓ వైపు డబ్బులు పోగా..మరోవైపు బంధువుల మాటలతో ఆవేదనకు లోనైన పలువురు మహిళలు సైబరాబాద్‌ పోలీసులను కలిసి తమ గోడు వెళ్లబోసుకుంటున్నారు.  కేపీహెచ్‌బీలో సాఫ్ట్‌ ఇంటిగ్రేట్‌ మల్టీటూల్స్‌ ప్రైవేట్‌ లిమిటెడ్‌ (ఎస్‌ఐఎంటీ) పేరుతో కార్యాలయాన్ని ప్రారంభించి పలు కంపెనీలు ఆయుర్వేద మందుల్లో కరక్కాయల పొడిని వినియోగిస్తారని ప్రచారం చేశారు. బేగంపేటలో కిలోకు కేవలం రూ.38కి కొనుగోలు చేసిన కరక్కాయలను ఏకంగా రూ.వెయ్యికి అమ్మి పౌడర్‌గా చేసి తిరిగిస్తే రూ.1300 ఇస్తామంటూ  650 మందిని మోసగించిన నెల్లూరు జిల్లా అంబపురంకు చెందిన ముప్పల మల్లికార్జున ముఠాను సైబరాబాద్‌ ఆర్థిక నేరాల విభాగం అధికారులు అరెస్టు చేసిన నేపథ్యంతో తమ డబ్బులు వస్తాయన్న ఆశతో సైబరాబాద్‌ పోలీసు కమిషనరేట్‌కు బాధితులు క్యూ కడుతున్నారు. ఈ ఘటన నుంచైనా ప్రజలు మారాలని పోలీసులు కోరుతున్నారు. విద్యావంతులు సైతం ఈ మోసంలో చిక్కుకోవడం దారుణమని డబ్బుపై ఉన్న ఆశను వెల్లడిస్తోందని, దీనినే నేరగాళ్లు ఆసరాగా చేసుకొని టోపీ పెడుతున్నారని వారు పేర్కొంటున్నారు. సులువుగా డబ్బులు రావు... డబ్బులు సులభంగా సంపాదించేందుకు షార్ట్‌కట్‌ మార్గాలు ఉండవు. ఎవరైనా ఇలాంటి ప్రకటనలు ఇస్తే స్థానిక పోలీసులకు సమాచారమివ్వాలి. మల్టీలెవల్‌ మార్కెటింగ్‌ వ్యాపారంలో చాలా మంది మహిళలే బాధితులుగా ఉంటున్నారు. బంధువులను కూడా ఆయా స్కీమ్‌ల్లో చేర్పిస్తున్నందున కుంటుంబాల మధ్య సంబంధాలు కూడా దెబ్బతింటున్నాయి. ఎంఎల్‌ఎం కంపెనీలు, పొంజి స్కీమ్‌లు, చిట్స్, డిపాజిట్‌ కంపెనీలు నమ్మశక్యం కాని ఆఫర్లు ఇస్తే పోలీసులకు సమాచారం ఇవ్వడం ద్వారా వాటిని ఆదిలోనే అరికట్టవచ్చు.     – వీసీ సజ్జనార్, సైబరాబాద్‌ పోలీసు కమిషనర్‌

ముక్కుసూటిగా వెళ్లేవాడికి అన్నీ ఆటంకాలే ఎదురవుతాయి. లౌక్యం తెలుసుకుని అందరితో కలివిడిగా ఉంటే నలుగురు మెచ్చుతారు. అలా కాకుండా ‘ఎస్‌ నేనంటే నేనే’ అనుకుంటే ‘అబ్బ ఛ’ అని పక్కవారంటారు. నేను చెప్పిందే అందరూ వినాలంటే ‘అది జరగదులే’ అంటారు. ఈ ఆటిట్యూడ్‌ ఉన్నవారికి దాదాపుగా ప్రతి పనిలో ఆటంకాలు ఎదురవుతాయి. మీరూ ముక్కుసూటిగా వెళుతున్నారా? లేక ఒక పని చేసేముందు ఆలోచిస్తారా? ఎప్పుడూ చిర్రుబుర్రులాడుతూ లేని తంటాలు తెచ్చుకుంటుంటారా? ఒక్కసారి మిమ్మల్ని మీరు పరిశీలించుకోండి. 1. మీ ప్రవర్తన మార్చుకోమని తల్లిదండ్రులతో పాటు శ్రేయోభిలాషులు చెప్తుంటారు. ఆ సమయంలో సరే అని చెప్పినా తర్వాత మీ పంథా ఎప్పటిలానే ఉంటుంది.     ఎ. అవును      బి. కాదు   2. మీకు మీరే గొప్పతనాన్ని ఆపాదించుకుంటారు.      ఎ. అవును      బి. కాదు   3. చిన్నతనం నుంచి ఎవరైనా పని చెప్తే మీకు నచ్చదు. సలహాలను పట్టించుకోరు. ముక్కుసూటిగా వెళ్లటం మీకు అలవాటు.     ఎ. అవును      బి. కాదు   4.    మీ సూటితనం వల్ల మీ పనులు ఎక్కడివక్కడే ఆగిపోతుంటాయి. దీనివల్ల అసహనం, కోపం మీ వెంటే ఉంటుంది.      ఎ. అవును      బి. కాదు   5.    వెనకా ముందు ఆలోచించకుండా మాట్లాడటం వల్ల మీరంటే ఎవరికీ ఇష్టం ఉండదు.     ఎ. అవును      బి. కాదు   6.    మీ మాటలు, చేష్టలతో ఇతరులను నొప్పిస్తూ ఉంటారు. ఇతరుల భావాలను ఎప్పటికీ అర్థం చేసుకోలేరు.     ఎ. అవును      బి. కాదు   7.     బొత్తిగా మీకు లౌక్యం తెలియదు. దీనివల్ల మీ అభివృద్ధి ముందుకు జరగదు. ప్రమోషన్లు దాదాపు మీకు దూరంగా ఉంటాయి.     ఎ. అవును      బి. కాదు   8.     మీ ప్రవర్తన వల్ల మీ కుటుంబ సభ్యులు కూడ ఇబ్బందుల పాలవుతుంటారు. మీతో ప్రేమగా ఉండటానికి సంకోచిస్తుంటారు.     ఎ. అవును      బి. కాదు 9.    మీ ఆటిట్యూడ్‌ వల్ల పొరుగువారితో, సహచరులతో, చివరికి ప్రయాణాలప్పుడు కూడ విభేదాలు, గొడవలు వస్తుంటాయి.     ఎ. అవును      బి. కాదు   10. ముక్కుసూటితనం వల్ల మీకు పరిచయాలు చాలా తక్కువగా ఉంటాయి. మిమ్ములను అర్థం చేసుకున్నవారే మీతో ఉంటారు. కొత్తవారు మీకు దాదాపు దగ్గర కారు.     ఎ. అవును      బి. కాదు   ‘ఎ’ సమాధానాలు ఏడు దాటితే మీరు స్ట్రైట్‌ ఫార్వర్డ్‌గా వెళుతుంటారు. దీనివల్ల మీకు ఇబ్బందులు ఎదురవుతుంటాయి. మీరు పెరిగిన వాతావణ పరిస్థితులు కూడా మీ ప్రవర్తనకు కారణం కావచ్చు. ముక్కుసూటితనం ఎప్పటì కైనా ప్రమాదమే. దీనివల్ల కొన్నిసార్లు మీ పక్కవారికి కూడ ప్రమాదం జరగవచ్చు. మీలో ఇలాంటి లక్షణాలుంటే వాటికి వెంటనే ఫుల్‌స్టాప్‌ పెట్టండి. పదిమందితో కలివిడిగా ఉండటం నేర్చుకోండి. మీకు ‘బి’ సమాధానాలు ‘ఎ’ కంటే ఎక్కువగా వస్తే మీలో స్ట్రెట్‌ఫార్వర్డ్‌ తత్వం లేనట్లే.  

సాక్షి, హైదరాబాద్‌: రాష్ట్రంలో కాంగ్రెస్‌ పార్టీ నేతలు ఎవరికి వారే యమునా తీరే అనే రీతిలో వ్యవహరిస్తున్నారు. రాష్ట్ర స్థాయి నుంచి నియోజకవర్గ స్థాయి వరకు నేతల మధ్య విభేదాలు, సమన్వయ లోపం, గ్రూపు రాజకీయాలు ఆ పార్టీలో కొట్టొచ్చినట్టు కనిపిస్తున్నాయి. ఒకరిని మించిపోవాలని మరొకరు ప్రయత్నించడం, ప్రత్యేక గ్రూపులు ఏర్పాటు చేసుకుని స్వతంత్రంగా వ్యవహరిస్తుండటం ఆ పార్టీలో పరిష్కారం లేని సవాళ్లుగా మిగిలిపోతున్నాయి. పీసీసీ అధ్యక్షుడు ఉత్తమ్‌కుమార్‌రెడ్డికి వ్యతిరేకంగా గ్రూపులు కట్టి కొందరు పనిచేసే స్థాయిలో విభేదాలు ముసురుకోవడం గమనార్హం. కాంగ్రెస్‌లో గ్రూపులు, గొడవలు సాధారణమే అని చెప్పుకున్నా.. ప్రస్తుతం ఆ గొడవలు పరిష్కరించలేని స్థాయికి వెళ్లడం ఆందోళనకరంగా మారిందని పార్టీ వర్గాల్లోనే చర్చ జరుగుతోంది. ముందస్తు ఎన్నికలు వస్తాయన్న అంచనా నేపథ్యంలోనూ కాంగ్రెస్‌ పెద్దలు మేలుకోవడం లేదనే వాదన వినిపిస్తోంది.   వర్గాలుగా విడిపోయి.. రాష్ట్రంలో ప్రతి జిల్లాలో ఒక నేత (కొన్ని చోట్ల ఇద్దరు, ముగ్గురు కూడా) పార్టీని తానే నడిపించాలనే కోరికతో ఉన్నారు. ఈ క్రమంలో పార్టీ బలోపేతం కోసం తామంటే తాము పాదయాత్రలు చేస్తామని అధిష్టానానికి ప్రతిపాదనలు పంపారు. దీంతో అధిష్టానం అనుమతి ఇవ్వలేదు. కీలక నేతల్లో కొందరు పీసీసీ అధ్యక్షుడు ఉత్తమ్‌ వర్గంగా, మరికొందరు ఆయన వ్యతిరేక వర్గంగా బాహాటంగానే చెప్పుకుంటున్నారు. గత నెలలో ఏఐసీసీ అధ్యక్షుడు రాహుల్‌ గాంధీ జన్మదినం సందర్భంగా కొందరు నేతలు ఢిల్లీ వెళ్లారు. వారంతా రాహుల్‌తో ఉత్తమ్‌ పనితీరుపై ఫిర్యాదు చేశారని పెద్ద ఎత్తున చర్చ జరిగింది. తర్వాత ఫిర్యాదు అవాస్తవమని తేలినా.. ఢిల్లీ పెద్దలు కొందరిని కలిసి ఉత్తమ్‌కు వ్యతిరేకంగా నివేదికలిచ్చారనే చర్చ పార్టీలో ఉంది. బస్సుయాత్ర విషయంలో కూడా అసమ్మతి నేతలు గుర్రుగానే ఉన్నారు. బస్సుయాత్ర ప్రారంభించే విషయంలోనే నేతల మధ్య విభేదాలు రాగా, యాత్రల సందర్భంగా కొంతమంది నేతలు చేసిన వ్యాఖ్యలు ఉత్తమ్‌ వ్యతిరేక వర్గం అసహనానికి కారణమయ్యాయి. బస్సుయాత్ర తీరుపై అధిష్టానానికి ఫిర్యాదులు వెళ్లాయని, అందుకే తాత్కాలికంగా నిలిపివేశారనే చర్చ కూడా జరుగుతోంది.   ఉమ్మడి జిల్లాల్లో పరిస్థితి ఇదీ.. కరీంనగర్‌: మాజీ ఎంపీ పొన్నం ప్రభాకర్, డీసీసీ అధ్యక్షుడు మృత్యుంజయం తమ సొంత గ్రూపు రాజకీయాలు నడుపుతున్నారు. పొన్నం కొంతమేర పీసీసీ అధ్యక్షుడు ఉత్తమ్‌తో సఖ్యతగా ఉంటున్నట్టు కనిపిస్తున్నా తనదైన శైలిలో ముందుకెళుతున్నారు. పార్టీ వర్కింగ్‌ ప్రెసిడెంట్‌ హోదా రావడంలేదనే అసంతృప్తితో ఉన్నారు. మాజీ మంత్రి దుద్దిళ్ల శ్రీధర్‌బాబు, ఎస్సీ సెల్‌ అధ్యక్షుడు ఆరేపల్లి మోహన్, మహిళా, విద్యార్థి సంఘాల రాష్ట్ర అధ్యక్షులు నేరెళ్ల శారద, బల్మూరి వెంకట్‌ ఉత్తమ్‌ వ్యతిరేక వర్గంగా పనిచేస్తున్నారు.   నిజామాబాద్‌: మండలిలో ప్రతిపక్ష నేత షబ్బీర్‌ అలీ స్వతంత్రంగానే వ్యవహరిస్తున్నారు. కాలం కలిసొస్తే సీఎం అభ్యర్థుల్లో షబ్బీర్‌ ఒకరని ఆయన అనుచరులు చెప్పుకుంటున్నారు. మాజీ ఎమ్మెల్యే ఈరవత్రి అనిల్, పార్టీ నేత మహేశ్‌కుమార్‌ గౌడ్‌ ఉత్తమ్‌ వ్యతిరేక వర్గంగా ఉన్నారు. మాజీ మంత్రి సుదర్శన్‌రెడ్డి మాత్రం పార్టీ వ్యవహారాల్లో క్రియాశీలకంగా లేరు. వరంగల్‌: పీసీసీ మాజీ అధ్యక్షుడు పొన్నాల లక్ష్మయ్య స్వతంత్రంగానే వెళ్తున్నారు. ఉమ్మడి వరంగల్‌ జిల్లా పార్టీ అధ్యక్షుడు నాయిని రాజేందర్‌రెడ్డి కూడా అదే బాటలో ఉన్నారు. తన నియోజకవర్గంలో మరో నేతను ప్రోత్సహిస్తున్నారనే అసంతృప్తితో ఎమ్మెల్యే దొంతి మాధవరెడ్డి ఉన్నారు. ఆదిలాబాద్‌: డీసీసీ అధ్యక్షుడు ఎ.మహేశ్వర్‌రెడ్డి ఉత్తమ్‌ వర్గంలో క్రియాశీలకంగా ఉన్నారు. ఆయనకు వ్యతిరేకంగా మాజీ ఎమ్మెల్సీ ప్రేంసాగర్‌రావు పనిచేస్తున్నారు. ప్రేమ్‌కు ఏపీకి చెందిన కేవీపీ రామచంద్రరావు మద్దతుందనే ప్రచారం ఉంది. ఖమ్మం: పీసీసీ కార్యనిర్వాహక అధ్యక్షుడు భట్టి విక్రమార్క, ఎమ్మెల్సీ పొంగులేటి సుధాకర్‌రెడ్డి, మాజీ ఎంపీ రేణుకా చౌదరి ఎవరికి వారే అనే రీతిలో వ్యవహరిస్తున్నారు. వీరి మధ్య విభేదాలతో డీసీసీ అధ్యక్షుడిని ఖరారు చేయడంలో జాప్యం జరుగుతోందని చర్చ జరుగుతోంది. మెదక్‌: మాజీ ఉప ముఖ్యమంత్రి దామోదర రాజనర్సింహ స్వతంత్రంగానే వ్యవహరిస్తున్నారు. గీతారెడ్డి, విజయశాంతి కూడా అదే బాటలో ఉన్నారు. ముత్యంరెడ్డి, ప్రతాపరెడ్డి, జగ్గారెడ్డి, సునీతా లక్ష్మారెడ్డి తమ నియోజకవర్గాలకు పరిమితమై రాజకీయాలు చేస్తున్నారు. నల్లగొండ: ఉత్తమ్‌కుమార్‌రెడ్డి, సీఎల్పీ నేత జానారెడ్డి, సీఎల్పీ ఉపనేత కోమటిరెడ్డి వెంకటరెడ్డి మధ్య కూడా సమన్వయం లేదు. నాగార్జునసాగర్‌తోపాటు మిర్యాలగూడ, దేవరకొండ నియోజకవర్గాల్లో తమ అనుచరులకు జానారెడ్డి ప్రాధాన్యమిస్తున్నారు. వెంకటరెడ్డి నల్లగొండతోపాటు నకిరేకల్, మిర్యాలగూడ స్థానాల్లోని తన అనుచరులను ప్రోత్సహిస్తున్నారు. ఆలేరు, దేవరకొండ, భువనగిరి నియోజకవర్గాల ఇన్‌చార్జులు ఉత్తమ్‌కు అనుకూలంగా ఉన్నారు. కోదాడ, నకిరేకల్‌ నియోజకవర్గాల్లో కూడా ఆయన అనుచరులు పనిచేస్తున్నారు. మహబూబ్‌నగర్‌: మాజీ మంత్రి డి.కె.అరుణ, ఎంపీ నంది ఎల్లయ్య ఒక వర్గంగా వ్యవహరిస్తున్నారు. కేంద్ర మాజీ మంత్రి జైపాల్‌రెడ్డి, రాష్ట్ర మాజీ మంత్రి చిన్నారెడ్డి మరో వర్గంగా పనిచేస్తున్నారు. వీరిలో ఎవరికీ ఉత్తమ్‌తో సఖ్యత లేదు. ఎమ్మెల్యేలు సంపత్‌ కుమార్, వంశీచంద్‌రెడ్డి, ఇటీవల పార్టీలోకి వచ్చిన మాజీ మంత్రి నాగం జనార్దన్‌రెడ్డి స్వతంత్రంగానే పని చేసుకుంటున్నారు. టీడీపీ నుంచి కాంగ్రెస్‌లో చేరి హల్‌చల్‌ చేసిన రేవంత్‌రెడ్డి గుంభనంగానే ఉంటున్నారు. తన ఇమేజ్‌కు తగినట్టు పార్టీ తనను ఉపయోగించుకోవడం లేదనే అసంతృప్తి ఆయనలో ఉంది. మాజీ ఎంపీ మల్లు రవి ఉత్తమ్‌ వర్గంలో క్రియాశీలకంగా ఉన్నారు.   రంగారెడ్డి: సబితా ఇంద్రారెడ్డి చేవెళ్ల, వికారాబాద్, మహేశ్వరం సెగ్మెంట్లలోని అనుచరులతో కలిసి ముందుకు వెళ్తున్నారు. మల్‌రెడ్డి రంగారెడ్డి, సుధీర్‌రెడ్డి, భిక్షపతియాదవ్, లక్ష్మారెడ్డి, శ్రీశైలంగౌడ్, రాజిరెడ్డి ఎవరికి వారేగా పని చేసుకుంటున్నారు. హైదరాబాద్‌: ఇక్కడ నేతల మధ్య సమన్వయం అనే ఊసే లేదు. వర్కింగ్‌ ప్రెసిడెంట్‌ పదవిని ఆశించిన మాజీ మంత్రి దానం నాగేందర్‌ పార్టీ వదిలి వెళ్లిపోగా, ఆయన స్థానంలో గ్రేటర్‌ కాంగ్రెస్‌ అధ్యక్షుడిగా అంజన్‌కుమార్‌ యాదవ్‌ నియమితులయ్యారు. అయితే ఆ పదవి వద్దన్నా కట్టబెట్టారనే అసంతృప్తితో ఆయన ఉన్నట్టు చర్చ జరుగుతోంది. మాజీ ఎంపీ వీహెచ్, మాజీ మంత్రి మర్రి శశిధర్‌రెడ్డి తమదైన శైలిలో ముందుకు వెళ్తున్నారు. అన్ని జిల్లాల్లో అదే పరిస్థితి జిల్లా, నియోజకవర్గ స్థాయిల్లో కూడా గ్రూపు తగాదాలు తారస్థాయికి చేరాయి. రాష్ట్రస్థాయి నేతల మధ్య సమన్వయం లేకపోవడం, జిల్లాలు, నియోజకవర్గాల స్థాయిల్లో విభేదాల కారణంగా స్థానిక కేడర్‌లో మనోస్థైర్యం నింపలేకపోతున్నార నే అభిప్రాయం పార్టీలో వ్యక్తమవుతోంది. కొత్తగా ఏఐసీసీ నుంచి వచ్చిన బోసురాజు, సలీం అహ్మద్, శ్రీనివాసకృష్ణన్‌ జిల్లాస్థాయిల్లో పర్యటిస్తున్నప్పుడు ఈ విభేదాలు కనిపిస్తున్నాయని పార్టీ వర్గాలంటున్నాయి. ఖమ్మం జిల్లాలో కొత్త కార్యదర్శుల ముందే గ్రూపు గొడవలు జరుగుతున్న పరిస్థితి నెలకొంది. ఇతర పార్టీల నుంచి కాంగ్రెస్‌లోకి వచ్చిన నేతల విషయంలో పాత నాయకులు ఆధిపత్య ధోరణితో వ్యవహరిస్తున్నారనే చర్చ జరుగుతోంది.

యూనివర్సిటీ క్యాంపస్‌: ఎస్వీయూ ఇంజినీరింగ్‌ కళాశాలలో నివురుగప్పిన నిప్పులా ఉన్న గొడవలు మళ్లీ మొదలయ్యాయి. రెండు రోజుల క్రితం కళాశాల వసతి గృహంలో రెగ్యులర్, డ్యూయల్‌ డిగ్రీ విద్యార్థుల మధ్య గొడవ జరిగింది. విద్యార్థులు పరస్పరం కొట్టుకున్నారు. ఈ ఘటనపై కళాశాల ప్రిన్సిపాల్‌ నలుగురు అధ్యాపకులతో కమిటీ వేశారు. ఈ నెల 13లోపు కమిటీ తన నివేదిక సమర్పించాలని ఆదేశించారు. వీసీ దామోదరం సోమవారం కళాశాలను సందర్శించి విద్యార్థులకు తగిన హెచ్చరికలు జారీ చేశారు. ఎస్వీయూలో 2014 నుంచి 6 సంవత్సరాల బీటెక్, ఎంటెక్‌ డ్యూయల్‌ డిగ్రీ కోర్సును ప్రారంభిం చారు. అంతకు ముందు బీటెక్‌ రెగ్యులర్‌ కోర్సు మాత్రమే ఉంది. ఈ కోర్సు ప్రారంభమయ్యాక వసతి గృహంలో గదుల కొరత ఏర్పడింది. తరగతి గదుల కొరత ఉంది. ఈ రెండు కోర్సుల విద్యార్థుల మధ్య మనస్పర్థలు తలెత్తాయి. గత ఏడాది సెప్టెంబర్‌ 4న రెండు వర్గాల మధ్య పెద్ద ఎత్తున గొడవ జరగడంతో పాటు ప్రిన్సిపాల్‌ చాంబర్‌ను ధ్వంసం చేశారు. ఈ ఘటనలో 10 మందిపై కేసు నమోదు కావడంతో పాటు రిమాండ్‌కు వెళ్లి వచ్చారు. కళాశాలలో గొడవలను సద్దమణిచేందుకు వారం రోజుల పాటు సెలవులు కూడా ప్రకటించారు. ఏప్రిల్‌లో నిర్వహించిన ర్యాప్సోడిలోనూ గొడవ జరగడంతో కార్యక్రమాన్ని మధ్యలో రద్దు చేశారు. ఈ ఘటనల వల్ల ఈ ఏడాది నుంచి ఈ కోర్సును రద్దు చేయాలని అధికారులు నిర్ణయించారు. కొందరు రిటైర్డ్‌ ప్రొఫెసర్ల ఒత్తిడితో ఈ ఏడాది కూడా నిర్వహించేందుకు ఇటీవలే నోటిఫికేషన్‌ విడుదల చేశారు. ఇదిలావుండగా శనివారం రాత్రి ఇంజినీరింగ్‌ కళాశాల వసతి గృహంలో కొందరు విద్యార్థులు మద్యం తాగి పరస్పరం కొట్టుకున్నారు. ఈ ఘటనపై విచారణకు ప్రిన్సిపాల్‌ ప్రదీప్‌కుమార్‌ విచారణ కమిటీ వేశారు. కళాశాలను సందర్శించిన వీసీ.. ఎస్వీయూ వీసీ దామోదరం సోమవారం ఇంజినీరింగ్‌ కళాశాలను సందర్శించారు. తరగతి గదుల్లో, వసతి గృహాల్లో క్రమశిక్షణతో మెలగాలని ఆదేశించారు. అధ్యాపకులు విద్యార్థుల ప్రవర్తనను నిరంతరం పరిశీలించాలని సూచించారు. చక్కగా చదివి తల్లిదండ్రుల ఆకాంక్షలకు అనుగుణంగా ఉన్నత స్థానాలకు ఎదగాలని పిలుపునిచ్చారు.

ఉయ్యూరు: టీడీపీలో చైర్మన్‌పై అవిశ్వాస వివాదం ఉద్రిక్తతకు దారితీసింది. జంపాన పూర్ణచంద్రరావు (పూల)కు మద్దతుగా బీసీ సంక్షేమ సంఘం ఆధ్వర్యంలో చేపట్టిన ప్రదర్శనతో టీడీపీ పరువు రోడ్డున పడింది. పార్టీ ఆవిర్భావం నుంచి  క్రియాశీలకంగా వ్యవహరించే జంపాన కుటుం బం బీసీలకు జరుగుతున్న అన్యాయంపై ఆగ్రహావేశాలు వెళ్లగక్కి చంద్రబాబు, ఎంపీ కొనకళ్ల, ఎమ్మెల్యే బోడె, ఎమ్మెల్సీ వైవీబీలపై తీవ్రస్థాయిలో ధ్వజమెత్తడంతో కౌంటర్‌గా టీడీపీ ముఖ్యనేతలు మీడియా సమావేశం పెట్టి సమర్ధించుకునే పనిలోపడ్డారు. అయితే చైర్మన్‌ పూల తిరుగుబాటు జెండా ఎగురవేయడం, టీడీపీలో బీసీలకు జరుగుతున్న అన్యాయంపైనే చర్చ జరుగుతోంది. ప్రదర్శన అడ్డగింపు.. ఉద్రిక్తత! మున్సిపల్‌ చైర్మన్‌ జంపాన పూర్ణచంద్రరావు (పూల)పై అవిశ్వాసాన్ని వెనక్కి తీసుకోవాలని డిమాండ్‌ చేస్తూ బీసీ సంక్షేమ సంఘం ఆధ్వర్యంలో శుక్రవారం టీడీపీ శ్రేణులతో పాటు ఆ సంఘ నాయకులు ర్యాలీకి ఉపక్రమించారు. సమాచారం అందుకున్న పోలీసులు చైర్మన్‌ను కలిసి ర్యాలీకి అనుమతి లేదని, సమావేశాన్ని తన అపార్ట్‌మెంటులోనే నిర్వహించుకుని మీడియాతో మాట్లాడుకోవాలని విన్నవించారు. ఈ క్రమంలో బీసీ సంక్షేమ సంఘం జిల్లా అధ్యక్షుడు శొంఠి నాగరాజు అక్కడకు చేరుకుని శాంతియుత ప్రదర్శనకు అనుమతి ఏంటంటూ చైర్మన్‌తో కలిసి రోడ్డెక్కారు. సీఐ సత్యానందం నేతృత్వంలో పెద్ద ఎత్తున పోలీసులు మోహరించి ప్రదర్శనగా వెళ్లకుండా పూల మద్దతుదారులను అడ్డుకున్నారు. ఈ క్రమంలో వాదులాటలు, తోపులాటలు చోటుచేసుకున్నాయి. పోలీసుల దురుసు ప్రవర్తనపై బీసీ సంఘాల ప్రతినిధులు ఆగ్రహావేశాలు వెళ్లగక్కారు. పరిస్థితి ఉధ్రిక్తంగా మారడంతో చివరకు సెంటర్‌ వరకు ప్రదర్శనను అనుమతించకతప్పలేదు. బీసీల సత్తా చూపుతాం   బీసీల పార్టీ అని చెప్పుకుంటూ ఆ వర్గాలకే టీడీపీ అన్యాయం చేస్తుందని టీడీపీకి చెందిన చైర్మన్‌ పూల ఆగ్రహం వ్యక్తం చేశారు. ప్రదర్శన అనంతరం ఆయన మీడియాతో మాట్లాడుతూ,  ‘చైర్మన్‌గా పీఠమెక్కించి నాలుగేళ్లు నరకం చూపించారు. ఏ ఒక్కరోజు నన్ను పాలన చేసుకోనివ్వలా.. అన్నీ అవాంతరాలే.. ప్రతి పనికీ ఎమ్మెల్యే అనుమతంటూ ఇబ్బందులు పెట్టారు.. నా సొంత నిర్ణయమంటూ ఏమీ లేదు.. టీడీపీ ముఖ్యనాయకులే పాలించుకున్నారు.. ఎన్టీఆర్‌ పార్టీ స్థాపించిన దగ్గర నుంచి పార్టీలోనే ఉంటే నాపై అవిశ్వాసం పెట్టి దింపేస్తానంటారా.. ఇదేనా బీసీలకు టీడీపీలో జరిగే న్యాయం’’ అంటూ ఆగ్రహంతో ఊగిపోయారు. ఎంపీ కొనకళ్ల నారాయణరావు జిల్లాలో ఏ గౌడ కులస్తులను ఎదగనివ్వరన్నారు. ఎమ్మెల్యే కాగిత వెంకట్రావును అణగదొక్కినట్లే తనను కూడా ఎందుకూ పనికిరాకుండా చేస్తున్నారని మండిపడ్డారు. ఎమ్మెల్యే, ఎమ్మెల్సీలపైనా విమర్శలు గుప్పించారు. అవిశ్వాసం వెనక్కి తీసుకోకుంటే రానున్న ఎన్నికల్లో బీసీల సత్తా ఏంటో చూపుతామన్నారు. ఇండిపెండెంట్‌ అభ్యర్ధి ఖుద్దూస్‌కు చైర్మన్‌ ఇవ్వడం న్యాయమా అని ప్రశ్నించారు. చంద్రబాబూ.. ఖబడ్దార్‌.. బీసీ సంక్షేమ సంఘం జిల్లా అధ్యక్షుడు శొంఠి నాగరాజు మాట్లాడుతూ, బీసీల జోలికొస్తే ఖబద్దార్‌ అంటూ హెచ్చరించారు. టీడీపీలో బీసీలకు పూర్తిగా అన్యాయం జరుగుతుందన్నారు. బీసీల పేరు చెప్పుకుని గద్దెనెక్కి బీసీ చైర్మన్‌పైనే అవిశ్వాసం పెట్టిస్తావా అని ప్రశ్నించారు. 13 జిల్లాల్లో బీసీలకు జరుగుతున్న అన్యాయంపై గళం విప్పి రానున్న ఎన్నికల్లో తగిన బుద్ధి చెబుతామని హెచ్చరించారు. అవిశ్వాసం వెనక్కు తీసుకోకుంటే 2019 ఎన్నికల్లో పెనమలూరు నియోజకవర్గం నుంచి పూలను బరిలోకి దించి టీడీపీని ఓడిస్తామని స్పష్టం చేశారు.

కోటవురట్ల(పాయకరావుపేట): జల్లూరులోని కోడలు, అత్తా మామల వివాదం ఓ కొలిక్కి వచ్చింది. వైఎస్సార్‌సీపీ నాయకుడు చిటికిల తిరుమలరావు చొరవతో కోడలు, అత్తామామలు రాజీకొచ్చారు. జల్లూరులోని కోడలు రాజేశ్వరి, అత్తామామలు పైడితల్లి, కొండబాబుల వివాదం తెలిసిందే. కోడలిని అత్త ఇంటి నుంచి గెంటేయడంతో మహిళా సంఘాలు అండగా నిలిచాయి. అత్తవారింటిలోకి కోడలును పంపించేశారు. ఈ వివాదం తెలుసుకున్న వైఎస్సార్‌సీపీ నాయకుడు తిరుమలరావు పోలీసు ఉన్నతాధికారులకు విషయాన్ని తెలిపి రాజీ కుదిర్చారు. ఈమేరకు నర్సీపట్నం రూరల్‌ సీఐ కార్యాలయంలో సోమవారం అత్తా మామ, కోడలు మధ్య రాజీ చేశారు. భార్యాభర్తలు రాజేశ్వరి, శ్రీరామమూర్తికి జీవన భృతి కల్పించేందుకు తిరుమలరావు హామీ ఇవ్వడంతో కోడలు రాజీకి వచ్చింది. రూరల్‌ సీఐ రేవతమ్మ ఇరువురికి నిర్వహించిన కౌన్సెలింగ్‌ ఫలించింది. మహిళా సంఘాలు కూడా హర్షం వ్యక్తం చేశాయి. ఐద్వా జిల్లా ఉపాధ్యక్షురాలు సూర్యప్రభ, మహిళా సంఘ సభ్యులు గౌరీ, గ్రామ పెద్దలు పాల్గొన్నారు.

రాయబారాలన్నీ విఫలమై, యుద్ధం ప్రారంభమయ్యే తరుణంలో అర్జునుణ్ని విషాదం చుట్టుముట్టింది: ‘నా శరీరంలోని ఇంద్రియాల్లాంటి ఈ నా బంధువుల్నీ, మిత్రుల్నీ సొంతవాళ్లనీ చంపి ఏం బావుకోవాలి?’ అనే భావన పుట్టుకొచ్చింది. ధనుస్సును, బాణాలను పక్కన పెట్టేశాడు. ‘ఇక్కడి నుంచి నన్ను వెనక్కు తీసుకుని వెళ్లు’ అని సారథి అయిన శ్రీకృష్ణుణ్ని అడిగాడు. ‘అలా చేయడం పిరికితనం కదా, నీకు అవతలివారిని చంపడానికి చేతులు రాక వెనక్కు మళ్లావని ఎవరూ అనుకోరు. వారిని చూసి భయపడి పారిపోతున్నావని అందరూ నిన్ను ఎద్దేవా చేస్తారు, కనుక నీవు యుద్ధంలో పాల్గొని తీరవలసిందే’ అన్నాడు కృష్ణుడు. అప్పుడు అర్జునుడు ‘నాకేమీ పాలుపోవడం లేదు. నాకు గురువువై మార్గాన్ని చూపించు’ అని వేడుకోవడంతో, శ్రీకృష్ణుడు కర్తవ్యాన్ని బోధించాడు: ‘ఇక్కడ ఈ లోకంలో లోపల బయట అన్నీ సంఘర్షణలే. వాటి నుంచి ఎవడూ పారిపోలేడు. ఈ కర్మలన్నింటినీ నిమిత్త మాత్రంగా చెయ్యాలే తప్ప, వాటి ఫలితాల మీద మనకెవ్వరికీ హక్కు లేదు. పరమేశ్వరుణ్నే శరణు కోరుకొని, ఫలితాలన్నీ అతనివేనన్న వివేకంతో, అతని చేతిలో ఒక సాధనం గా మాత్రమే పనిచెయ్యాలి.  ఇక్కడ ఎవ్వరూ ఎవ్వరినీ చంపడం లేదు, చావడం లేదు కూడా. మార్పులకు గురయ్యే శరీరాలు మార్పులు పొందితే మనం ఏడవవలసిన పనిలేదు. అంతటా వ్యాపించి ఉన్న మనలో ఎవరికీ చావు లేదు. భగవంతుణ్నే గుండెలో పెట్టుకొని తొణుకుబెణుకు లేకుండా ఈ జగన్నాటకాన్ని వినోదంగా చూస్తూ ఉండాలి. అతను, నేను ఒకటే అనే భావాన్ని రూఢీ చేసుకొని, జీవితంలో సంఘర్షణలను నవ్వుతూ ఎదుర్కోవాలి. అప్పుడే నీ మోహం పోతుంది’. ఈ ఉద్బోధను విని, గురువు చెప్పినట్టుగానే చేస్తూ అర్జునుడు యుద్ధంలో విజృంభించాడు. ఒకరోజున కర్ణుడిని ఇంకా చంపలేదన్న కోపంతో ధర్మరాజు అర్జునుడితో, ‘నీ గాండీవాన్ని ఎవరికైనా ఇచ్చేసై’ అంటూ అవమానపరుస్తున్నట్లుగా అన్నాడు. అలా అన్నవాడిని చంపుతానని అర్జునుడి వ్రతం. అయితే ధర్మరాజును చంపితే తాను బతకలేడు. ఇటువంటి పరిస్థితిలో ఏం చేయాలో చెప్పమని శ్రీకృష్ణుణ్ని అడిగాడు అర్జునుడు. ‘పెద్దవాణ్ని తిట్టడం అతడిని చంపడంతో సమానం. తనను తాను పొగుడుకోవడం చావడంతో సమానం. ఈ రెండు పనులూ చేసి నీ ప్రతిజ్ఞ తీర్చుకో’ అని సలహా ఇచ్చాడు. ఆ తరువాత యుద్ధభూమికి వెళ్లి కర్ణుడిని సంహరించాడు అర్జునుడు. మొత్తం మీద భారతమంతటా ఆ కొద్ది సమయం తప్ప అర్జునుడి వీరత్వమే కనిపిస్తుంది. కృష్ణుడి కర్తవ్య బోధతో వెంటనే మేలుకుని తన ధర్మాన్ని తాను నిర్వర్తించి, నరనారాయణులలో ఒకడయ్యాడు.  

తిరుపతి(అలిపిరి) : తిరుపతి జనసేన పార్టీలో నాయకుల మధ్య అంతర్గత విబేధాలు తారస్థాయికి చేరుకున్నాయి. ఓవర్గం నాయకులు మరో వర్గం నాయకులపై దాడిచేసే స్థాయికి దిగజారారు. బుధవారం జనసేన నాయకుడు సురేష్‌పై అదే పార్టీకి చెందిన మరో నాయకుడు సహచరులతో కలసి దాడి చేశారు. దాడి నుంచి తప్పించుకున్న సురేష్‌ అలిపిరి పోలీసులను ఆశ్రయించారు. ఫిర్యాదు అనంతరం ఆ పార్టీనాయకుడు సురేష్‌ మీడియాతో మాట్లాడుతూ తమ పార్టీలోనే మరో వర్గం నాయకులు గురువారెడ్డి సమాధుల వద్ద తనపై దాడి చేశారన్నారు. గతంలో నేరచరిత్ర ఉండి ప్రస్తుతం పార్టీలో కొనసాగుతున్న వారి వల్ల జనసేన పార్టీ స్థాయి దిగజారుతోందని ఆవేదన వ్యక్తం చేశాడు. దాడిచేసిన వారిని వెంటనే అరెస్టు చేయాలని డిమాండ్‌ చేశారు.

విజయవాడ, ప్రత్తిపాడు : యువకులు మద్యం సేవించి సినిమా హాల్‌లో వీరంగం సృష్టించిన ఘటన గుంటూరు జిల్లా ప్రత్తిపాడులో చోటు చేసుకుంది. పోలీసులు తెలిపిన వివరాల ప్రకారం.. చెరుకుపల్లి మండలం బొలుసుపాలెంకు చెందిన షేక్‌ సంధాని, షేక్‌ ఇలియాస్, గుంటూరు ఆర్టీసీ కాలనీకి చెందిన వసీం అక్రమ్‌ గురువారం రాత్రి గుంటూరులోని ఓ శుభకార్యానికి వచ్చారు. ఫంక్షన్‌ ముగిసిన అనంతరం ప్రత్తిపాడులో ఉన్న బంధువుల ఇంటికి వచ్చారు. రాత్రి పూటుగా మద్యం సేవించి స్థానిక మారుతి థియేటర్‌లో సెకండ్‌ షో సినిమాకు వెళ్లారు. కొద్దిసేపటి తరువాత థియేటర్‌ లోపల నుంచి భారీ శబ్ధం రావడంతో టిక్కెట్లు ఇచ్చే చేపర్తి వెంకటశివ లోపలకు వెళ్లి గమనించాడు. కుర్చీలు విరగ్గొట్టి ఉండటంతో ఇదేమని యువకులను మందలించడంతో వారు అక్కడి నుంచి వెళ్లిపోయారు. మరలా కొద్ది సమయం తరువాత సినిమా హాల్‌కు వచ్చిన యువకులు నానా హంగామా సృష్టించారు. థియేటర్‌లోని లైట్లు పగులగొట్టడంతో పాటు 25 కుర్చీలు విరగ్గొట్టి, తెరను చింపేశారు. అడ్డు వచ్చిన టిక్కెట్‌లు ఇచ్చే చేపర్తి శ్రీనివాసరావుతో పాటు హాల్‌ సిబ్బంది, మరికొందరిపై కుర్చీలతో దాడి చేశారు. శ్రీనివాసరావు తలకు తీవ్రమైన గాయం కావడంతో ఆస్పత్రికి తరలించి ప్రాథమిక చికిత్స అందించారు. ఈ మేరకు శుక్రవారం బాధితుడు శ్రీనివాసరావు ఇచ్చిన ఫిర్యాదు మేరకు దర్యాప్తు చేస్తున్నట్లు ప్రత్తిపాడు పోలీసులు తెలిపారు.

నరసన్నపేట: వంశధార నదిలో ఇసుక తవ్వకాల విషయంలో నరసన్నపేట మండలం పోతయ్యవలస గ్రామస్తులకు గార మండలం బూరవల్లి గ్రామస్తులకు మధ్య శనివారం ఘర్షణ జరిగింది. దీంట్లో రెండు గ్రామాలకు చెందిన ఆరుగురి వరకూ గాయపడ్డారు. పోతయ్యవలసకు చెందిన అరవల జంగమయ్య, అరవల ఆది నారాయణ, బొబ్బాది చలపతిరావు, అలిగి గనేష్‌లకు తీవ్ర గాయాలయ్యాయి. వీరు ఓ ప్రైవేటు ఆస్పత్రిలో చికిత్స పొందుతున్నారు. పోతయ్యవలస వద్ద కలెక్టర్‌ ధనంజయరెడ్డి విశాఖలో అవసరాలకు  వీలుగా ఇసుక ర్యాంపును మంజూరు చేశారు. వీరు తవ్వకాలు చేస్తున్నప్పుడు పరిధి దాటి బూరవల్లి బౌండరీకి వచ్చి ఇసుక తవ్వకాలు చేస్తున్నారని గతంలో అభ్యంతరం తెలిపారు. దీనిపై ఆర్డీఓ దయానిధి, నరసన్నపేట సీఐ పైడిపునాయుడు, మైన్స్‌ అధికారులు వచ్చి వివా దాన్ని పరిష్కరించారు. మళ్లీ ఈ వివాదం రెండు రోజులుగా రేగింది. శనివారం రెండు గ్రామాలకు చెందిన వారు బాహీబాహీ అయ్యారు. అప్పటికే పథకం ప్రకారం కర్రలతో వచ్చిన బూరవల్లి వాసులు పోతయ్యవలసకు చెందిన వారిపై దాడి చేశారు. పోతయ్యవలస వాసులు 100కు ఫోన్‌ చేసి సమాచారం ఇవ్వగా నరసన్నపేట సీఐ పైడిపినాయుడు, ఎస్‌ఐ నారాయణ స్వామిలు సంఘటనా స్థలానికి వెళ్లి వివా దం అదుపు చేయడానికి ప్రయత్నించారు. వీరి సమక్షంలోనే మరో సారి ఘర్షణ జరిగింది. కాగా ఈ వివాదాన్ని ప్రశాంతంగా పరిష్కరించాలని పోతయ్యవలస గ్రామస్తులు కోరుతున్నారు.  శనివారం జరిగిన వివాదంపై నరసన్నపేట పోలీసులు కేసు నమోదు చేయాల్సి ఉంది. రాత్రి వరకూ రెండు వర్గాల పెద్ద మనుషుల మధ్య చర్చలు జరుగుతున్నాయి.

భూపాలపల్లిలో స్పీకర్‌ మధుసూదనాచారి, గండ్ర సత్యనారాయణ వర్గాలు వేర్వేరుగానే పార్టీ కార్యక్రమాల్లో పాల్గొంటున్నాయి. పార్టీ కార్యక్రమాల్లో కనీసం వేదికను పంచుకునే పరిస్థితి లేదు. ములుగు నియోజకవర్గం నుంచి మంత్రి చందూలాల్‌ ప్రాతినిథ్యం వహిస్తున్నా.. ఆయన ఎక్కువగా ప్రభుత్వ కార్యక్రమాలకే ప్రాధాన్యం ఇస్తున్నారు.  సాక్షి ప్రతినిధి, వరంగల్‌ : ఎన్నికలకు ఏడాది సమయమే ఉన్నా.. అధికార పార్టీ టీఆర్‌ఎస్‌లో ఐక్యతా రాగం వినిపించడం లేదు. అంతా కలిపి ఒక్కటిగా పార్టీ వాణి వినిపించే ప్రయత్నం గతంతో పోల్చితే తగ్గిపోయింది. పార్టీలో అంతర్గత విభేదాలు తగ్గించి ఒక్కతాటిపై నడిపించేందుకు ఉద్దేశించిన ఆత్మీయ సమావేశాల ఊసే లేదు. జిల్లాల విభజన జరిగిన తర్వాత ఎవరికి వారే.. యమునా తీరే అన్నట్లుగా పనిచేసుకుంటున్నారు. 2009 వరకు తెలంగాణ రాష్ట్ర సమితి ఉద్యమ పార్టీగానే ఎక్కువ గుర్తింపు పొందింది. డిసెంబరు 9 ప్రకటన తర్వాత టీఆర్‌ఎస్‌ పార్టీ క్రమంగా బలపడుతూ వచ్చింది. 2014 సాధారణ ఎన్నికల్లో ఘన విజయం సాధించి రాష్ట్రంలో అధికారంలోకి వచ్చాక ఇతర పార్టీల నుంచి టీఆర్‌ఎస్‌లో చేరారు. రాజకీయ పునరేకీకరణ పేరుతో ఈ కార్యక్రమాన్ని ఉధృతంగా చేపట్టారు. పాత, కొత్త నేతల కలయిక తర్వాత ఇబ్బందులు రాకుండా ఉండేందుకు పార్టీ పరంగా ప్రతి నెల ఆత్మీయ సమావేశం నిర్వహించాలని నిర్ణయించారు. ఆత్మీయ సమావేశాలు 2016 ప్రారంభంలో ఒకటి, రెండు సార్లు జరిగాయి. ఆ తర్వాత జిల్లాల విభజన అంశం తెరపైకి రావడంతో స్థానిక డిమాండ్లకు అనుగుణంగా ఎక్కడి నేతలు అక్కడే తమ ప్రాంతాలకే పరిమితం కావాల్సి వచ్చింది. జిల్లాల విభజన జరిగి ఏడాది కావొస్తున్నా.. నేతలందరూ ఒక్క తాటిపైకి వచ్చే పరిస్థితి కనిపించడం లేదు. ఉమ్మడి వరంగల్‌ జిల్లా పరిధిలో ఉన్న అన్ని నియోజకవర్గాల్లో నాయకులను, కార్యకర్తలను ఒక్కతాటిపై నడిపించే నేతలు పార్టీలో కరువయ్యారు. ఉమ్మడి వరంగల్‌ జిల్లా నుంచి కడియం శ్రీహరి, చందూలాల్‌ ఇద్దరు మంత్రులుగా ఉన్నా.. పార్టీని సమన్వయం చేసే పరిస్థితి లేదు. వీరిద్దరు ఐదు జిల్లాలో పర్యటిస్తున్నా.. ఎక్కువగా ప్రభుత్వ కార్యక్రమాలకే పరిమితమవుతున్నారు. పార్టీలో నేతల మధ్య సమన్వయం సాధించేందుకు పెద్దగా ప్రయత్నాలు చేయడం లేదు. దీంతో ఉమ్మడి వరంగల్‌ జిల్లా పరిధిలో గ్రూపులు బలపడతున్నాయి. దీనికి తోడు ఉద్యమకారులకు పార్టీలో సరైన గుర్తింపు లేకుండా పోతుందంటూ ఇటీవల అసమ్మతి గళం విప్పుతున్న నేతల సంఖ్య పెరుగుతోంది. తెలంగాణ ఉద్యమ సమయంలో పనిచేసిన వారికి ప్రస్తుతం పార్టీలో గుర్తింపు లేదంటూ బహిరంగంగానే అసంతృప్తి వ్యక్తం చేస్తున్నారు. అసంతృప్త నేతలతో మాట్లాడి వారి రాజకీయ భవిష్యత్‌కు హామీ ఇచ్చి నచ్చజెప్పే ప్రయత్నం పార్టీ పరంగా జరగడం లేదు. వరంగల్‌ తూర్పులో అచ్చ విద్యాసాగర్‌ వంటి నేతలు బహిరంగ లేఖ రాసినా.. పార్టీ నుంచి సరైన స్పందన లేదు. దీంతో అచ్చ విద్యాసాగర్‌ టీఆర్‌ఎస్‌ను వీడి కాంగ్రెస్‌లో చేరారు. టీఆర్‌ఎస్‌లో కొత్తవారికే పదవులు దక్కుతున్నాయి.. పాత వారికి ప్రాధాన్యం లేదంటూ మార్చిలో గీసుకొండలో ఆ పార్టీకి చెందిన పలువురు నేతలు సమావేశం నిర్వహించారు. ఇద్దరు మంత్రులు ఉన్నా.. పార్టీ తరఫున ఒక ఎమ్మెల్యేను ఆ సమావేశం దగ్గరకు పంపారు. దీంతో సంతృప్తి చెందని వారు వారం తర్వాత రెండో సమావేశం నిర్వహించారు. పదవులు పొందిన నేతలు పార్టీ పటిష్టతకు పనిచేయడం లేదని, దీని ఫలితంగా పార్టీలో అసంతృప్తి నివురుగప్పిన నిప్పులా ఉందని ఆ పార్టీకి చెందిన పలువురు నేతలు వ్యాఖ్యానిస్తున్నారు. 

గుంతకల్లు టౌన్‌ : ప్రశ్నించడమే ధ్యేయంగా సినీనటుడు పవన్‌కళ్యాణ్‌ స్థాపించిన జనసేన పార్టీ గుంతకల్లు నియోజకవర్గ విస్తృతస్థాయి సమావేశం శనివారం జగడంగా మారింది. పార్టీబలోపేతానికి ఏర్పాటు చేసిన సమావేశంలో ఒక్కసారిగా వర్గ విభేదాలు బహిర్గతమయ్యాయి. ఆదిలోనే జనసేన సైన్యం ఆధిపత్యం కోసం ఆగ్రహంతో ఊగిపోయారు. ఒకరినొకరు తోపులాడుకున్నారు. దీంతో ఒక్కసారిగా ఉద్రిక్తత వాతావరణం నెలకొంది. పవన్‌ ఫ్యాన్స్‌ నాయకులతో జనసేన రాష్ట్ర స్థాయి నాయకులు చర్చలు జరపడంతో శాంతించారు. గుంతకల్లు నియోజకవర్గంలో పోలింగ్‌ బూత్‌లు, అడహక్‌ కమిటీల ఏర్పాటు, పార్టీ సిద్ధాంతాలు, భవిష్యత్‌ కార్యక్రమాల గురించి దిశానిర్దేశం చేయడానికి జనసేన నాయకుడు టైలర్‌ పవన్‌ ఆధ్వర్యంలో స్థానిక రాఘవేంద్ర ఫంక్షన్‌ హాల్‌లో నియోజకవర్గ విస్తృత స్థాయి సమావేశం నిర్వహించారు. సమావేశానికి పార్టీ కేంద్ర కమిటీ ఉపాధ్యక్షుడు బి.మహేంద్రరెడ్డి , జిల్లా పరిశీలకుడు ప్రభాకర్, జిల్లా నేత టి.జె.వరుణ్‌ హాజరయ్యారు. అంతలోనే పవన్‌ ఫ్యాన్స్‌ అసోసియేషన్‌ అధ్యక్షుడు శ్రీరాములు, నాయకులు బద్రీ, అబ్దుల్‌బాసిద్, మెగా ఫ్యాన్స్‌ అధ్యక్షుడు గోపి నేతృత్వంలో అభిమానులు సమావేశ హాలులోకి చేరుకొని నినాదాలు చేశారు. ఎన్నో ఏళ్లుగా తమ అభిమాన నటుడు పవన్‌కళ్యాణ్‌ కోసం అనేక సేవాకార్యక్రమాలు చేస్తున్న అభిమానులను సమావేశాలు, పార్టీ కార్యక్రమాలకు ఆహ్వానించలేదని ఆగ్రహంతో ఊగిపోయారు. కుర్చీలు, ఫర్నీచర్‌ను ధ్వంసం చేశారు. దీంతో తోపులాట జరిగింది. ప్రారంభంలో వేదికపై ప్రసంగిస్తున్న పార్టీ ఉపాధ్యక్షుడు మహేందర్‌ రెడ్డిని అడ్డుకుని నినాదాలు చేశారు. దీంతో ఒక్కసారిగా ఉద్రిక్తత పరిస్థితి నెలకొంది. పవన్‌ఫ్యాన్స్‌ నాయకులతో పార్టీ రాష్ట్ర నాయకులు ప్రత్యేకంగా చర్చలు జరిపి, పార్టీలో ప్రాధాన్యత కల్పిస్తామని భరోసా ఇచ్చారు. దీంతో అభిమానులు, కార్యకర్తలు శాంతించారు. ఇప్పటివరకు ఏ ఒక్కరికీ పదవులు ఇవ్వలేదని,వర్గవిభేదాలు వీడి అందరూ కలిసిగట్టుగా పనిచేసి పార్టీ బలోపేతానికి కృషి చేయాలని మహేందర్‌ రెడ్డి అందరికీ నచ్చజెప్పారు.  త్వరలో అడ్‌హక్, పోలింగ్‌బూత్‌ కమిటీలను ఏర్పాటు చేస్తామని ప్రకటించి, సమావేశం ముగించారు. అనుమతి లేకుండా సభలు, సమావేశాలు ఎలా నిర్వహిస్తారని టూటౌన్‌ ఎస్‌ఐ చాంద్‌బాషా నిర్వాహకులపై ఆగ్రహం వ్యక్తం చేశారు. సమావేశం చివరి వరకు పోలీసులు భద్రతా చర్యలు చేపట్టారు.

సాక్షి ప్రతినిధి, కర్నూలు : అధికార పార్టీ నేతల మధ్య విభేదాలు దీక్షల సాక్షిగా మరోసారి బయటపడ్డాయి. ఎవరికి వారే.. యమునా తీరే అన్న చందంగా దీక్షా శిబిరాలను ఏర్పాటు చేసుకున్నారు. కర్నూలు, కోడుమూరు, మంత్రాలయం, ఆళ్లగడ్డ నియోజకవర్గాల్లో ఎవరికి వారుగా  దీక్షలు చేపట్టారు. ‘ధర్మపోరాట దీక్ష’ పేరుతో ముఖ్యమంత్రి చంద్రబాబు చేపట్టిన కార్యక్రమానికి మద్దతుగా జిల్లాలోని అన్ని నియోజకవర్గాల్లో అధికార పార్టీ నేతలు దీక్షలు చేపట్టారు. అయితే, ఎవరికి వారుగా బలప్రదర్శన తరహాలో వీటిని చేపట్టడం గమనార్హం. ఆళ్లగడ్డలో ఏకంగా దీక్షకు తరలి వచ్చిన ఏవీ సుబ్బారెడ్డి అనుచరులపై మంత్రి వర్గీయులు దాడికి దిగారు. పరిస్థితి కొట్టుకునే స్థాయి వరకూ వెళ్లింది. నంద్యాల నుంచి ఏవీ సుబ్బారెడ్డి ఆధ్వర్యంలో భారీ బైకు ర్యాలీగా చేరుకుని.. ఆళ్లగడ్డలోని దీక్షా శిబిరానికి మద్దతు ఇచ్చేందుకు వెళ్లారు. ఈ సందర్భంగా మంత్రి అఖిలప్రియ అనుచరులు వారిపై దాడికి దిగినట్టు తెలుస్తోంది. మంత్రాలయంలో నియోజకవర్గ ఇన్‌చార్జ్‌ తిక్కారెడ్డి, పార్టీ నేత మాధవరం రామకృష్ణారెడ్డి వర్గాలు పక్కపక్కనే వేర్వేరుగా దీక్షా శిబిరాలను ఏర్పాటు చేశాయి. రామకృష్ణారెడ్డి ఆధ్వర్యంలో ర్యాలీ చేసేందుకు ప్రయత్నించగా.. పోలీసులు అనుమతించలేదు. కోడుమూరు నియోజకవర్గంలోని కోడుమూరు, గూడూరు, సి. బెళగల్‌లో అటు ఎమ్మెల్యే మణిగాంధీ వర్గం, ఇటు ఇన్‌చార్జ్‌ విష్ణువర్దన్‌రెడ్డి వర్గాలు వేర్వేరుగా దీక్షా శిబిరాలను ఏర్పాటు చేసి బలప్రదర్శనకు దిగాయి. దీంతో ఒక విధమైన ఉద్రిక్త వాతావరణం చోటుచేసుకుంది. కర్నూలులో ఏకంగా మూడు ప్రాంతాల్లో దీక్షలు చేపట్టారు. జెడ్పీ ఆవరణలో చైర్మన్‌ దీక్ష చేయగా, రాజ్‌విహార్‌ సర్కిల్‌లో ఎమ్మెల్యే ఎస్వీ మోహన్‌ రెడ్డి, కేడీసీసీబీ వద్ద సంస్థ చైర్మన్‌ మల్లికార్జున రెడ్డి దీక్షలు చేపట్టారు. జెడ్పీ చైర్మన్‌ దీక్ష సందర్భంగా ఉద్యోగులందరూ వచ్చి మద్దతు ఇచ్చేలా ఆదేశాలు జారీ చేశారు. ఎమ్మెల్యే ఎస్వీ దీక్షకు మహిళలను బలవంతంగా మెప్మా అధికారుల సాయంతో తరలించారు. మంత్రి అఖిలప్రియ చేపట్టిన దీక్షకూ ఇదే పరిస్థితి. మొత్తమ్మీద జిల్లావ్యాప్తంగా అధికార పార్టీ ఆధ్వర్యంలో చేపట్టిన దీక్షల్లో ఒకవైపు ఆధిపత్య పోరు, మరోవైపు అధికార దుర్వినియోగం స్పష్టంగా కన్పించింది.  టీడీపీ ఆధ్వర్యంలో దీక్షలు  కర్నూలు : ప్రత్యేక హోదా కోసం టీడీపీ ఆధ్వర్యంలో శుక్రవారం జిల్లాలో దీక్షలు చేపట్టారు. జెడ్పీ చైర్మన్‌ మల్లెల రాజశేఖర్‌ జెడ్పీ ప్రాంగణంలో చేపట్టిన దీక్షకు ఎంపీలు టీజీ వెంకటేష్, బుట్టారేణుక, జెడ్పీ వైస్‌ చైర్మన్‌ పుష్పావతి, మాజీ ఎమ్మెల్సీ సుధాకర్‌బాబు తదితరులు సంఘీభావం తెలిపారు. నగరంలోని నంద్యాల చెక్‌పోస్టు సమీపంలో పాణ్యం నియోజకవర్గ ఇన్‌చార్జ్‌  ఏరాసు ప్రతాప్‌రెడ్డి ఆధ్వర్యంలో ఏర్పాటు చేసిన దీక్షా శిబిరాన్ని టీజీ సందర్శించారు.  కర్నూలు ఎమ్మెల్యే ఎస్వీ మోహన్‌రెడ్డి ఆధ్వర్యంలో పాత ఆర్టీసీ డిపోలో దీక్ష చేపట్టారు. ఎమ్మిగనూరులో ఎమ్మెల్యే జయనాగేశ్వర్‌రెడ్డి, డోన్‌లో నియోజకవర్గ ఇన్‌చార్జ్‌ కేఈ ప్రతాప్, మంత్రాలయంలో ఇన్‌చార్జ్‌ తిక్కారెడ్డి, ఆదోనిలో మాజీ ఎమ్మెల్యే మీనాక్షి నాయుడు, ఆలూరులో ఇన్‌చార్జ్‌ వీరభద్ర గౌడ్, బనగానపల్లెలో ఎమ్మెల్యే బీసీ జనార్దన్‌రెడ్డి, నందికొట్కూరులో ఇన్‌చార్జ్‌ శివానందరెడ్డి, ఆత్మకూరులో ఎమ్మెల్యే బుడ్డా రాజశేఖర్‌రెడ్డి, నంద్యాలలో ఎమ్మెల్యే భూమా బ్రహ్మానందరెడ్డి ఆధ్వర్యంలో దీక్షలు చేపట్టారు. కర్నూలు కేంద్ర సహకార బ్యాంకు దగ్గర చైర్మన్‌ మల్లికార్జునరెడ్డి, డోన్‌లో కేఈ ప్రతాప్‌ ఆధ్వర్యంలో ఏర్పాటు చేసిన దీక్షా శిబిరాలను ఉపముఖ్యమంత్రి కేఈ కృష్ణమూర్తి సందర్శించి సంఘీభావం  తెలిపారు.   

మంత్రాలయం రూరల్‌ : మండలంలో తమ్ముళ్ల వర్గ విభేదాలు మరోసారి బయటపడ్డాయి. ప్రత్యేక హోదా కోరుతూ ముఖ్యమంత్రి చంద్రబాబునాయుడు చేపట్టిన ధర్మ పోరాట దీక్షకు మద్దతుగా నియోజకవర్గం కేంద్రంలో పాలకుర్తి తిక్కారెడ్డి ఆధ్వర్యంలో దీక్ష ఏర్పాటు చేశారు. దీక్ష ప్రారంభమైన అరగంటకే టీడీపీ మండల యువ నాయకులు ఎన్‌.రామకృష్ణారెడ్డి మాధవరం నుంచి మంత్రాలయం వరకు తమ అనుచరులతో ఆటో, బైక్‌ ర్యాలీ నిర్వహించారు. రాఘవేంద్రస్వామి విగ్రహానికి పాలాభిషేకం చేశారు. తిరుగు ప్రయాణంలో తన కార్యకర్తలతో కలిసి వస్తుండగా శ్రీమఠం సమీపంలో మంత్రాలయం, మాధవరం ఎస్‌ఐలు శ్రీనివాసనాయక్, రాజారెడ్డి రామకృష్ణారెడ్డి అడ్డుకొని ఒక్కే చోట రెండు కార్యక్రమాలు చేయరాదని కోరారు. అనంతరం ఆయన విలేకర్ల సమావేశంలో మాట్లాడుతూ టీడీపీ నియోజకవర్గ ఇన్‌చార్జ్‌ తిక్కారెడ్డి బీసీల ఎదుగుదలను చూసి ఓర్వలేకనే పోలీసులను పెట్టుకుని కార్యక్రమాలు జరపకుండా అడ్డు పడుతున్నారన్నారు. నియోజకవర్గంలో తిక్కారెడ్డి ఎమ్మెల్యేగా కాదు కదా! వార్డు సభ్యులుగా కూడా గెలువలేరన్నారు. కార్యక్రమంలో నియోజకవర్గ నాయకులు పాలకుర్తి శ్రీనివాసరెడ్డి, మండల నాయకులు పన్నగవెంకటేష్, పట్టణ అధ్యక్షులు కుమార్, విద్యా కమిటీ చైర్మన్‌ నరసింహులు, మేకల నరసింహులు, లక్ష్మన్న, గోపాల్‌రెడ్డి, చావిడి వెంకటష్, బూదూరు మల్లికార్జున రెడ్డి, రామాంజిని తదితరులు పాల్గొన్నారు.

అర్బన్‌ టీడీపీలో ముసలం పుట్టింది. ఆ పార్టీ అర్బన్‌ జిల్లా అధ్యక్షుడిపైనే ఆగ్రహావేశాలు పెల్లుబుకాయి. పార్టీ కార్యాలయం వేదికగా నిరసనలు మిన్నంటాయి. ఆయన్ను పార్టీ నుంచి సస్పెండ్‌ చేయకపోతే ఎందాకైనా వెళ్తామంటూ తేల్చిచెప్పారు. కులం పేరుతో దూషించిన అధ్యక్షుడిపై అట్రాసిటీ కేసు పెట్టబోతున్నట్టు వెల్లడించారు. సాక్షి, విశాఖపట్నం : టీడీపీ విశాఖ అర్బన్‌ జిల్లా అధ్యక్షుడు, దక్షిణ ఎమ్మెల్యే వాసుపల్లి గణేష్‌కుమార్‌పై సొంత పార్టీలోనే అసంతృప్తి సెగలు రాజుకున్నాయి. అవినీతికి పాల్పడుతూ పార్టీని భ్రష్టుపట్టించడమే కాకుండా దశాబ్దాలుగా జెండాలు మోసిన తమను నిర్లక్ష్యం చేస్తున్నారంటూ పార్టీ క్యాడర్‌ మండి పడుతోంది. పార్టీ 23వ వార్డు అధ్యక్షునిగా సుదీర్ఘకాలం పాటు పనిచేసిన పెనుమల్లు వెంకటరామారెడ్డిని తప్పించి రాత్రికి రాత్రే బంగారి రవిశంకర్‌ను నియమించడంపై రామారెడ్డి వర్గీయులు తీవ్ర అసంతృప్తికి గురయ్యారు. తమకు జరిగిన అన్యాయంపై మొరపెట్టుకునేందుకు వెళ్తే కులం పేరుతో ఎమ్మెల్యే వాసుపల్లి నానా దుర్భాషలాడడంతో వారు రగిలిపోతున్నారు. ఈ చర్యలను నిరసిస్తూ రామారెడ్డితో సహా ఆయన అనుచరగణం బుధవారం పార్టీ జిల్లా కార్యాలయంలో ఆందోళనకు దిగింది. కార్యాలయం ఆవరణలోని దివంగత ఎన్టీఆర్‌ విగ్రహం వద్ద ఎమ్మెల్యే వాసుపల్లికి వ్యతిరేకంగా ధర్నా చేశారు. వాసుపల్లి డౌన్‌డౌన్, కరప్షన్‌ కింగ్‌ వాసుపల్లి, ఎస్సీ, ఎస్టీలను దుర్భాషలాడిన వాసుపల్లి మాకొద్దు.. పార్టీ నుంచి సస్పెండ్‌ చేయాలి.. అంటూ పెద్ద ఎత్తున నినాదాలు చేశారు. ఎమ్మెల్యేవి ఒంటెద్దు పోకడలు బూత్‌ కమిటీ అధ్యక్షులు, పార్టీ సీనియర్‌ నేతలు, క్యాడర్‌ మొత్తం రామారెడ్డి వెనుకే ఉందని, అలాంటప్పుడు వారి అభిప్రాయాలను పరిగణనలోకి తీసుకోకుండా రాత్రికి రాత్రే అధ్యక్షుడి మార్పు చేయడం ఎంత వరకు సమంజసమని ఆయన వర్గీయులు మండిపడుతున్నారు. ఎమ్మెల్యే ఒంటెద్దు పోకడలతో పార్టీని బ్రష్టుపట్టిస్తున్నారని, రౌడీషీటర్లను వెంట తిప్పుకుంటూ బ్లాక్‌ మెయిల్‌ రాజకీయాలకు పాల్పడుతున్నారని ధ్వజమెత్తారు. అన్నింటిలోనూ కమీషన్ల తీసు కుంటూ అడ్డగోలుగా అవినీతికి పాల్పడుతున్నారని ఆరోపించారు. ఎమ్మెల్యే వాసుపల్లిని పార్టీ నుంచి బర్తరఫ్‌ చేయాలని నినాదాలు చేశారు. రొటేషన్‌ పద్ధతిలో రవిశంకర్‌ ఎంపిక 23వ వార్డులో ఎస్సీ నాయకత్వాన్ని బలోపేతం చేసే లక్ష్యంతో బంగారి రవిశంకర్‌ను రొటేషన్‌ పద్ధతి ద్వారా ఎంపిక చేశామంటూ ఎమ్మెల్యే వాసుపల్లి గణేష్‌కుమార్‌ ఓ ప్రకటన విడుదల చేశారు. ఇప్పటి వరకు సేవలందించిన రామారెడ్డిని పార్టీ అర్బన్‌ జిల్లా కార్యనిర్వాహక కార్యదర్శిగా నియమించామని, అదే సామాజిక వర్గానికి చెందిన గేదల వెంకటరెడ్డిని డివిజన్‌ ప్రధాన కార్యదర్శిగా నియమించినట్టు చెప్పుకొచ్చారు. దీనిపై రామారెడ్డి వర్గీయులు స్పందిస్తూ తమకు ఎలాంటి పదవులు అవసరం లేదని, తమ నాయకుడ్ని మళ్లీ వార్డు అధ్యక్షునిగా ప్రకటించి తీరాల్సిందేనని తేల్చిచెప్పారు. వాసుపల్లి తీరును జిల్లా ఇన్‌చార్జి మంత్రి చినరాజప్ప, పార్టీ రాష్ట్ర అధ్యక్షుడు కళా వెంకట్రావు దృష్టికి తీసుకెళ్తామన్నారు. అవసరమైతే పార్టీ అధినేతకు కూడా ఫిర్యాదు చేస్తామని చెప్పారు. ఇటీవల పార్టీ సీనియర్‌ నాయకుడైన ఒదూరి శివయ్యను కులం పేరుతో దూషించిన ఎమ్మెల్యే వాసుపల్లిపై ఎస్సీ, ఎస్టీ అట్రాసిటీ కేసు పెట్టబోతున్నట్టు ప్రకటించారు.

న్యూఢిల్లీ: కార్యనిర్వాహక వ్యవస్థ, న్యాయవ్యవస్థ మధ్య పలు అంశాలపై విభేదాలు పెరిగిపోతున్న నేపథ్యంలో.. సమస్య పరిష్కారానికి కేంద్ర ప్రభుత్వం నడుంబిగించింది. ఇందులో భాగంగా సుప్రీంకోర్టు ప్రధాన న్యాయమూర్తి జస్టిస్‌ దీపక్‌ మిశ్రాతో.. కేంద్ర న్యాయశాఖ మంత్రి రవిశంకర్‌ ప్రసాద్‌ త్వరలో సమావేశం కానున్నారు. ఈ సమావేశంలో చర్చించాల్సిన అంశాలపై న్యాయశాఖ ఇప్పటికే ఓ నోట్‌ సిద్ధం చేసినట్లు తెలుస్తోంది. జస్టిస్‌ కేఎం జోసెఫ్, సీనియర్‌ న్యాయవాది ఇందు మల్హోత్రాలకు ప్రమోషన్‌ కల్పించటం, లైంగిక వేధింపుల ఆరోపణలు ఎదుర్కొంటున్న కర్ణాటక జిల్లా కోర్టు జడ్జి భట్‌కు హైకోర్టు జస్టిస్‌గా పదోన్నతి  వివాదం తదితర అంశాలపై చర్చించే అవకాశం ఉంది.

రాజంపేట: రాజంపేట పట్టణం ప్రధాన రహదారిలో ఉన్న విజయ్‌ప్రగతి చిట్స్‌ ప్రైవేటు లిమిటెడ్‌ కార్యాలయంలో కడపకు చెందిన కానిస్టేబుల్‌ రామ్మోహన్‌రెడ్డి వీరంగం సృష్టించాడు. బుధవారం సాయంత్రం జరిగిన సంఘటనపై సంస్థ యాజమాన్యం తరపున ఫోర్‌మెన్‌ యల్లటూరు శివకుమార్‌రాజు పట్టణ పోలీసు స్టేషన్‌లో పిర్యాదు చేశారు. రాజంపేట పట్టణంలో విజయ్‌ ప్రగతి చిట్‌ ప్రైవేటు లిమిటెడ్‌ను 2013లో ఏర్పాటు చేశారు. ఈ సంస్థకు ఎండీగా గిరిరాజు వ్యవహరించారు. చిట్‌ బిజినెస్‌ కొనసాగిస్తున్న క్రమంలో కడపకు చెందిన కానిస్టేబుల్‌ రామ్మోహన్‌రెడ్డి సోదరుడు రాజశేఖర్‌రెడ్డికి చిట్‌కు సంబంధించిన రూ.3లక్షలు రావాల్సి ఉంది. అందులో రూ.1.50 లక్షకు చెక్కులు ఇచ్చారు. ఆ చెక్కులు బౌన్స్‌ కావడంతో తన అన్నకు రావాల్సిన డబ్బు రాలేదని  రామ్మోహనరెడ్డి చిట్‌ కార్యాలయంపై దాడి చేశాడు. కార్యాలయంలోని కంప్యూటర్‌తో ఫర్నిచర్,ఇతర సామాగ్రిని, అద్దాలను ధ్వంసం చేశాడు. వాటిని కార్యాలయం బయటికి తీసుకొచ్చి ఆటోను పిలిపించి వాటిలో ఎక్కించే ప్రయత్నం చేశాడు. జనం భారీగా గుమికూడి అతన్ని ప్రశ్నించేసరికి అక్కడి నుంచి కానిస్టేబుల్‌ పారిపోయాడు. జరిగిన సంఘటనపై సంస్థ ఫోర్‌మెన్‌ శివకుమార్‌రాజు, డైరెక్టర్‌ మౌలాలిలు పట్టణ పోలీసు స్టేషన్‌లో ఫిర్యాదు చేశారు. కాగా గత కొంతకాలంగా ఈ సంస్థ చిట్స్‌ మొత్తం చెల్లింపులో జాప్యం ఏర్పడటంతో పలువురు తమకు రావాల్సిన మొత్తాలను చెల్లించాలని కోరుతున్నారు.   

బిజీ లైఫ్‌ కొందరి జీవితాలను అతలాకుతలం చేస్తోంది. అనేక కారణాలతో ఒత్తిడికి గురై భార్యాభర్తల మధ్య విభేదాలు పొడచూపుతున్నాయి. ఇవి విడాకుల కోసం కోర్టు మెట్ల వరకు తీసుకెళ్తున్నాయి. ఉమ్మడి కుటుంబాలు విచ్ఛిన్నం కావడం, ఆర్థిక స్వాతంత్య్రం రావడం, భేషజాలు పెరిగిపోతుండటంతో ‘కొంప’ మునిగే పరిస్థితులు దాపురిస్తున్నాయి. లబ్బీపేట (విజయవాడ తూర్పు) :గుణదలకు చెందిన వెంకటేష్, శ్రీసుధ భార్యభర్తలు. మహేష్‌ హెచ్‌ఆర్‌ డిపార్ట్‌మెంట్‌లో ఉద్యోగి. శ్రీసుధ ప్రైవేటు కంపెనీలో పని చేస్తోంది. ఇద్దరూ కలిపి నెలకు రూ.40 వేలు సంపాదించుకుంటున్నారు. ఉద్యోగరీత్యా షిప్ట్‌ డ్యూటీలతో  ఇద్దరూ ఇంట్లో కలిసి ఉండేది చాలా తక్కువే. ఇటీవల కాలంలో వారు తీవ్ర అసహనానికి, వత్తిడికి గురవుతున్నారు. దీంతో చిన్న విషయాలకే వివాదాలు చోటు చేసుకుంటున్నాయి. దాంపత్య జీవనంపై తీవ్ర ప్రభావం చూపడంతో ఇటీవల ఇద్దరూ కలిసి మానసిక వైద్యుడిని సంప్రదించారు. గాంధీనగర్‌కు చెందిన యువకుడు ఎంబీఏ చదివి మంచి ఉద్యోగం చేస్తున్నాడు. ఏడాది కిందట పెళ్లయింది. వారు ఉండే అపార్ట్‌మెంట్‌ పక్క ఫ్లాట్‌ వాళ్లు కారులో తిరగడంతో, తాము కూడా కారు కొనాలని తరచూ భార్య అడగడం ప్రారంభించింది. ఇలా ప్రతిదీ ఇతరులతో పోల్చుకుంటూ ఉండటంతో ఇద్దరి మధ్య పొరపొచ్ఛాలు తలెత్తాయి. ఫలితంగా విడాకులు కోరే పరిస్థితి దాపురించింది. ..కాలంతో పాటు పరిగెడుతున్న సిటీ లైఫ్‌లో ఇలాంటి ఘటనలు అనేకం చోటు చేసుకుంటున్నాయి. సిటీలో మధ్య తరగతి వర్గాలు జీవనం సాగించాలంటే భార్యాభర్తలిద్దరూ ఉద్యోగం చేయాల్సిన పరిస్థితి. దంపతులిద్దరూ ఉద్యోగులు కావడం, విధి నిర్వహణలో ఒత్తిడితో చికాకు, కోపం పెరగడం దాంపత్య జీవనంలో భేదాభిప్రాయాలు వస్తున్నాయి. మరో వైపు సెల్‌ఫోన్, కంప్యూటర్‌లు కూడా భార్యాభర్తల మధ్య వివాదాలకు తెర లేపుతున్నాయి. భర్త తనతో కన్నా కంప్యూటర్, సెల్‌ఫోన్‌తోనే ఎక్కువ గడుపుతున్నాడని, ఎవరెవరితోనే ఫోన్‌లో మాట్లాడుతున్నాంటూ ఐదు నెలల కిందట పెళ్లైన ఓ యువతి విడాకులకు పిటిషన్‌ దాఖలు చేసిదంటే పరిస్థితి ఎలా ఉందో అర్ధం అవుతుంది. నూతన దంపతుల్లో లైంగిక సమస్యలు తలెత్తుతుండగా, భార్యాభర్తల మధ్య పంతాలు (ఇగోస్‌), వ్యక్తిత్వ వికాస లోపం కారణంగా వివాదాలు తలెత్తుతున్నాయి.  అంతరించిన ఉమ్మడి కుటుంబ వ్యవస్థ ఒకప్పుడు ఇళ్లలో అమ్మమ్మ, బామ్మలు, తాతయ్యలు ఉంటే వారే ఇలాంటి సమస్యలను పరిష్కరించేవారు. ప్రస్తుతం ఆ పరిస్థితులు లేవు. భార్యాభర్తల మధ్య తలెత్తుతున్న చిన్నపాటి విభేదాలు పోలీసు కేసుల వరకూ దారి తీస్తున్నాయి. అక్కడ వరకూ వెళ్లిన తర్వాత కానీ తమ తప్పును తెలుసుకుని మనస్థాపం చెందుతూ కౌన్సిలర్స్‌ను ఆశ్రయిస్తున్నారు.  రెండేళ్ల క్రితంతో పోలిస్తే నగరంలో భార్యాభర్తల మధ్య సర్ధుబాటు సమస్యలతో మానసిక వైద్యుల వద్దకు వచ్చే వారి సంఖ్య పెరిగింది. నెలలో నగరంలోని మానసిక వైద్యులు, కౌన్సిలర్స్‌ను ఇలాంటి సమస్యలతో వంద మందికిపైగా ఆశ్రయిస్తున్నట్లు చెపుతున్నారు. ఆత్మీయ అనుబంధాలు దెబ్బ తింటున్నాయి ప్రస్తుతం యంగేజ్‌ దంపతుల్లో ఆత్మీయ అనుబంధాలు దెబ్బ తింటున్నాయి. పెళ్‌లైన ఆరేడు నెలలకే ఇద్దరి మధ్య విభేదాలు తలెత్తుతున్నాయి. తమ జీవితాలను ఇతరులతో పోల్చుకోవడం ఎక్కువైంది. డబ్బు సంపాదనపైనే ఎక్కువ దృష్టి సారిస్తున్నారు. ఇతర ఆకర్షణలతో దాంపత్య జీవనం దెబ్బ తింటోంది. భార్యాభర్తల మధ్య సెక్స్‌ రిలేషన్స్‌ సవ్యంగా ఉంటే ఇగోలు పోవడంతో పాటు, ఇద్దరి మధ్య గ్యాప్‌ తగ్గుతుంది. ప్రస్తుతం బిజీ లైఫ్‌లో దాంపత్య జీవనం సరిగా లేకపోవడంతో భార్యాభర్తల మధ్య వివాదాలు. అపోహలకు తావిస్తుంది.– డాక్టర్‌ ఇండ్ల రామసుబ్బారెడ్డి,మానసిక వైద్య నిపుణులు కౌన్సెలింగ్‌తోసమస్యలు పరిష్కారం భార్యాభర్తల మధ్య తలెత్తిన సమస్యలకు కౌన్సెలింగ్‌తో పరిష్కారం లభిస్తుంది. ముందుగా ఇద్దరి మధ్య ఇగోలు ఉండకూడదు. ఇద్దరూ సమానం అనే భావన ఉన్నప్పుడు దాంపత్య జీవనం సవ్యంగా ముందుకు సాగుతుంది. భార్యాభర్తలు ఇద్దరూ సంపాదనపరులైన వారిలోనే ఎక్కువగా సమస్యలు వస్తున్నాయి. అందుకు సర్ధుబాటు కారణంగా చెప్పవచ్చు. ఉమ్మడి కుటుంబాలు అంతరించి పోవడంతో తప్పొప్పులను చెప్పే వారే లేక కౌన్సిలర్స్‌ను ఆశ్రయిస్తున్నారు. ఇటీవల కాలంలో భార్యార్యభర్తల మధ్య వివాదాలు పెరిగాయి.–  గర్రే శంకర్రావు,కౌన్సిలింగ్‌ సైకాలజిస్ట్‌ 

సాక్షి, తాడిపత్రి: అనంతపురం జిల్లా తాడిపత్రిలో తెలుగుదేశం పార్టీలో నేతల మధ్య విభేదాలు భగ్గుమన్నాయి. రెండు వర్గాలుగా చీలిపోయిన జేసీ అనుచరులు ట్రాన్స్‌పోర్ట్‌ విషయంలో ఘర్షణపడ్డారు. ఒకరిపై ఒకరు దాడులు చేసుకున్నారు. ఓ వర్గం వారి ఇంటిపై దాడి చేయడంతో తాడిపత్రిలో ఉద్రిక్తత చోటు చేసుకుంది. జేసీ సోదరులతో ప్రధాన అనుచరుడు కాకర్ల రంగనాథ్‌కు విభేదాలు తలెత్తాయి. దీంతో రంగనాథ్‌ జేసీ వర్గం నుంచి వైదొలిగి స్తబ్ధుగా ఉన్నాడు. జనవరి ఒకటో తేదీన నూతన సంవత్సర శుభాకాంక్షలుతెలిపేందుకు మంత్రి పరిటాల సునీత ఇంటికి కాకర్ల రంగనాథ్, టీడీపీ సీనియర్‌ నాయకులు జగదీశ్వర్‌రెడ్డి, ఫయాజ్‌బాషాలు వెళ్లారు.  దీన్ని జీర్ణించుకోలేని జేసీ వర్గంలోని కొందరు కాకర్ల రంగనాథ్‌ సోదరుడు నిర్వహిస్తున్న ‘అన్న ట్రాన్స్‌పోర్ట్‌’ కార్యాలయంపై దాడి చేశారు. అక్కడే నిలిపి ఉన్న వాహనాలను ధ్వంసం చేశారు. ఎమ్మెల్యే జేసీ ప్రభాకర్‌రెడ్డే దాడి చేయించారని అప్పట్లో కాకర్ల రంగనాథ్‌ సీనియర్‌ నాయకులు జగదీశ్వర్‌రెడ్డి, ఫయాజ్‌బాషాలతో కలసి ప్రత్యక్షంగా ఆందోళనకు దిగిన విషయం విదితమే. అప్పటి నుంచి ఇరు వర్గాల మధ్య విభేదాలు కొనసాగుతున్నాయి. దాడి.. ప్రతిదాడి చాపకింద నీరులా ఉన్న నేతల మధ్య విభేదాలు ఒక్కసారిగా బయటపడ్డాయి. ఈ క్రమంలో ట్రాన్స్‌పోర్ట్‌ విషయమై పట్టణంలోని నందలపాడుకు చెందిన జేసీ అనుచరులు శివ, ప్రసాద్‌లపై శనివారం ప్రత్యర్థులు దాడి చేసి గాయపరిచారు. టీడీపీకి చెందిన కాకర్ల రంగనాథ్‌ వర్గీయులే దాడి చేసి ఉంటారని భావించిన జేసీ వర్గీయులు కాకర్ల రంగనాథ్‌ బామ్మర్ది అయిన ప్రసాద్‌నాయుడు ఇంటిపై దాడిచేసి, సామగ్రిని ధ్వంసం చేశారు. పరస్పర దాడులతో పట్టణంలో తీవ్ర ఉద్రిక్త పరిస్థితులు ఏర్పడ్డాయి. గాయపడిన ప్రసాద్, శివలను అనంతపురం ఆస్పత్రికి తరలించారు.  అయితే ఇరు వర్గాల వారికీ రాజీ కుదరడంతో పోలీసులు కేసు నమోదు చేయలేదు.

వాషింగ్టన్‌: అమెరికా అధ్యక్షుడు ట్రంప్, దర్యాప్తు సంస్థ ఎఫ్‌బీఐల మధ్య విభేదాలు తారాస్థాయికి చేరాయి. అమెరికా అధ్యక్ష ఎన్నికల్లో రష్యా జోక్యంపై జరుగుతోన్న దర్యాప్తులో డెమోక్రాట్లతో ఎఫ్‌బీఐ, న్యాయ విభాగం కుమ్మక్కయ్యాయని ఆరోపిస్తూ ట్రంప్‌ పార్టీకి చెందిన రిపబ్లికన్లు ఎఫ్‌బీఐపై ‘మెమో’ విడుదల చేశారు. ఎఫ్‌బీఐ వద్దని వారిస్తోన్నా వినకుండా ట్రంప్‌ ఈ మెమోను ఆమోదించి హౌస్‌ ఇంటెలిజెన్స్‌ కమిటీలకు పంపారు. మెమోరాండంలో వెల్లడైన వివరాలు సిగ్గుచేటని ట్రంప్‌ అన్నారు. రష్యా జోక్యంపై విచారణలో ట్రంప్‌ ప్రచార బృందానికి చెందిన మాజీ సలహాదారుడి విషయంలో అధికారులు కోర్టును తప్పు దారి పట్టించారని మెమోలో ఆరోపించారు. అందులోని అంశాల్ని పరిశీలిస్తే న్యాయశాఖ, ఎఫ్‌బీఐలకు చెందిన ఉన్నతస్థాయి అధికారులు తీసుకున్న నిర్ణయాల నైతికతపై ఆందోళన వ్యక్తమవుతోందని వైట్‌హౌస్‌ మీడియా కార్యదర్శి  సాండర్స్‌ అన్నారు. ప్రతినిధుల సభకు చెందిన ఇంటెలిజెన్స్‌ చైర్మన్‌ డెవిన్‌ న్యూనెస్‌ రూపొందించిన ఈ మెమోలో.. ‘ డెమోక్రాట్ల తరఫున బ్రిటిష్‌ నిఘా ప్రతినిధి క్రిస్టోఫర్‌ స్టీల్‌ రాసిన పరిశోధన వివరాల్ని దర్యాప్తులో ఎఫ్‌బీఐ వాడుకుంది’ అని ఆరోపించారు. అధ్యక్షుడి జాతీయ భద్రతా బృందం నుంచి అందిన సమాచారం ఆధారంగా దీనిని రూపొందించినట్లు శాండర్స్‌ తెలిపారు.  రిపబ్లికన్‌ సభ్యుడు డానా రోహ్రబచెర్‌ మాట్లాడుతూ.. మెమోతో వాస్తవాలు వెలుగుచూశాయని చెప్పారు. ‘పోలీసు, నిఘా విభాగాలు కూడా కొన్నిసార్లు రాజీపడతాయి. ఎప్పటికప్పుడు అలాంటి దుర్వినియోగం విషయంలో అప్రమత్తంగా ఉండాలి. అందుకే అన్ని ఫెడరల్‌ దర్యాప్తు విభాగాలపై అమెరికన్‌ చట్ట సభల పర్యవేక్షణ ఉండాలి’ అని అన్నారు. పారదర్శకత కోసం ట్రంప్‌ శ్రమిస్తున్నారని ఆయన వ్యాఖ్యానించారు. ‘ఎఫ్‌బీఐ విచారణకు డెమోక్రాట్లు సాయపడ్డారు. గత ప్రభుత్వం చేసిన తప్పుల్ని కప్పిపుచ్చుకునేందుకు చేసిన ప్రయత్నమే ఇది. ఇది వాటర్‌గేట్‌ కుంభకోణంతో పోల్చదగిన స్థాయిలో ఉంది’ అని అన్నారు. ఈ వ్యవహారంపై ఎఫ్‌బీఐ మాత్రం నోరు మెదపలేదు.

సాక్షి ప్రతినిధి, ఏలూరు : మిత్రపక్షం బీజేపీతో పొత్తుకు నమస్కారం అంటూ తెలుగుదేశం అధినేత చంద్రబాబునాయుడు ప్రకటించడంతో జిల్లాలో తాడేపల్లిగూడెం రాజకీయం ఆసక్తికరంగా మారింది. అదే సమయంలో ఇన్‌చార్జి మంత్రి ప్రత్తిపాటి పుల్లారావు ఆధ్వర్యంలోనిర్వహించిన జిల్లా సమీక్షా మండలి సమావేశానికి బీజేపీ నుంచి గెలిచిన మంత్రి పైడికొండల మాణిక్యాలరావు గైర్హాజరు కావడం చర్చనీయాంశంగా మారింది. తెలుగుదేశం పార్టీ సమన్వయ కమిటీ సమావేశంలో కూడా ఇదే అంశంపై చర్చ జరిగింది. ఈ చర్చలో జెడ్పీ చైర్మన్‌ ముళ్లపూడి బాపిరాజు తాను వెనక్కి తగ్గేదిలేదని స్పష్టం చేయడంతో రెండు పార్టీల మధ్య విభేదాలు తారాస్థాయికి చేరినట్లు అయింది. తాడేపల్లిగూడెం కేంద్రంగా తెలుగుదేశం, బీజేపీల మధ్య మూడున్నర సంవత్సరాలుగా జరుగుతున్న వివాదాలు అటు సీఎం చంద్రబాబునాయుడికి కూడా తలనొప్పిగా మారిన సంగతి తెలిసిందే. తాడేపల్లిగూడెం అసెంబ్లీ సీటు ఆశించి (పొత్తు కారణంగా బీజేపీ ఇచ్చారు) అది దక్కకపోవడంతో జెడ్పీ చైర్మన్‌ అయిన ముళ్లపూడి బాపిరాజు ప్రతిక్షణం తాడేపల్లిగూడెం వ్యవహారాల్లో చెయ్యి పెట్టడం, మంత్రికి వ్యతిరేకంగా పనిచేయడంతో విభేదాలు పెరుగుతూ వస్తున్నాయి. గతంలో ముఖ్యమంత్రి వద్ద కూడా అనేక పంచాయితీలు జరిగినా ఎవరూ వెనక్కి తగ్గలేదు. దీంతో ఇరు పార్టీల మధ్య అంతరం పెరుగుతూ వచ్చింది. ఇటీవల ఎమ్మెల్సీ సోము వీర్రాజు తాడేపల్లిగూడెం వచ్చినప్పుడు మంత్రి మాణిక్యాలరావుకు మద్దతుగా వ్యాఖ్యలు చేయడం, దానిపై తెలుగుదేశం నాయకులు స్పందించి సోము వీర్రాజు నాలుక కోస్తామనడం తెలిసిందే. దీంతో మంత్రి మాణిక్యాలరావు పోలీసులపై వత్తిడి తీసుకువచ్చి మున్సిపల్‌ చైర్మన్‌పై కేసు పెట్టించారు. ఇటీవల జరిగిన జన్మభూమి సభల్లో మంత్రికి  సమాచారం ఇవ్వకుండా జెడ్పీ చైర్మన్‌ పాల్గొనడం మంత్రికి వ్యతిరేకంగా వ్యాఖ్యలు చేయడం, అదే సభకు ఆలస్యంగా వచ్చిన మంత్రి మాణిక్యాలరావు జెడ్పీ చైర్మన్‌ వ్యాఖ్యలపై స్పందించడంతో ఇరువర్గాలు రోడ్డెక్కాయి. మంత్రిని మున్సిపల్‌ ఛైర్మన్‌ బొలిశెట్టి శ్రీనివాసరావు ఆఫ్ట్రాల్‌ ఫొటోగ్రాఫర్‌ అని వ్యాఖ్యానించడం, తనను కట్‌ చేస్తే ఆంధ్రప్రదేశ్‌కు వచ్చే నిధులు కట్‌ చేస్తానంటూ మంత్రి రెచ్చిపోవడం తెలిసిందే. జిల్లా ఇన్‌చార్జి మంత్రి ప్రత్తిపాటి పుల్లారావును ఈ వివాదం పరిష్కరించమంటూ ముఖ్యమంత్రి చంద్రబాబునాయుడు ఆదేశించారు. శనివారం జిల్లా తెలుగుదేశం పార్టీ సమన్వయ కమిటీ సమావేశం సందర్భంగా జెడ్పీ చైర్మన్‌ బాపిరాజుతో పుల్లారావు విడిగా భేటీ అయ్యారు.  మొదట మంత్రి మాణిక్యాలరావే ఈ వివాదాన్ని మొదలు పెట్టారని, అందువల్ల ఆయనే వెనక్కి తగ్గాలని, తాను మాత్రం వెనక్కి తగ్గేది లేదని బాపిరాజు స్పష్టం చేసినట్లు సమాచారం. తెలుగుదేశం బలంతో గెలిచిన మంత్రి ఆ విషయాన్ని మర్చిపోయి, తెలుగుదేశం పార్టీని దెబ్బతీయడమే లక్ష్యంగా పనిచేస్తున్నారని బాపిరాజు ఆరోపించినట్లు సమాచారం. మంత్రి మాణిక్యాలరావు మాత్రం ఉదయం వరకూ తాడేపల్లిగూడెంలోనే ఉన్నా ఉదయమే కృష్ణా జిల్లా పర్యటనకు వెళ్లిపోయారు. చాలా రోజుల తర్వాత జిల్లా అంశాలపై సమీక్షా సమావేశం పెట్టినా మంత్రి హాజరుకాకపోవడం చర్చనీయాంశంగా మారింది.

తాడిపత్రి తెలుగుదేశంపార్టీలో ముసలం ప్రారంభమైంది. పార్టీలోని సీనియర్లు తమకు అన్యాయం జరిగిందంటూ రోడ్డెక్కారు. ఇటీవల టీడీపీలో చేరిన నాయకుల మాట విని సీనియర్లను పోలీసులు ఇబ్బందులు పెడుతున్నారని ఆందోళనకు దిగారు.  తాడిపత్రి: టీడీప్టీలో ఆవిర్భావం నుంచి పార్టీ జెండా మోసిన (పాత టీడీపీ) నాయకులు, ఇతర పార్టీల నుంచి వలసొచ్చిన (కొత్త) నాయకులకు మధ్య ఆధిపత్య పోరు నడుస్తోంది. మంగళవారం రాత్రి టీడీపీ నేత కాకర్ల రంగనాథ్‌ తమ్ముడు అయిన ‘అన్న ట్రాన్స్‌పోర్టు’ నిర్వాహకుడు శేఖర్‌పై జేసీ అనుచరులు దాడి చేసి, ట్రాన్స్‌పోర్టు కార్యాలయాన్ని, లారీలను, ఇన్నోవా వాహనాన్ని ధ్వంసం చేశారు. బాధితుడి ఫిర్యాదు మేరకు పోలీసులు నమోదు చేశారు. నిందితులు నేరుగా పోలీస్‌స్టేషన్‌లో లొంగిపోయి.. కౌంటర్‌ ఫిర్యాదు ఇచ్చారు. బాధితుడు కాకర్ల శేఖర్‌ను రాత్రి నుంచి పోలీస్‌స్టేషన్‌లోనే నిర్బంధించారు.  బుదవారం ఏమి జరిగిందంటే.. విషయం తెలుసుకున్న టీడీపీ నేత, మంత్రి పరిటాల సునీత వర్గీయుడు అయిన కాకర్ల రంగనాథ్‌ ఆధ్వర్యంలో సీనియర్‌ నాయకులు ధర్మవరం మాజీ ఎమ్మెల్యే గుత్తావెంకటనాయుడు, వేలూరి శ్రీనివాసులనాయుడు, బొమ్మిరెడ్డి జగదీశ్వర్‌రెడ్డి,హీరాపురం ఫయాజ్‌బాషా తదితరులు తమ వర్గీయున్ని వదిలిపెట్టాలని అనుచరులతో పోలీస్‌స్టేషన్‌కు చేరుకున్నారు. పట్టణ సీఐ భాస్కర్‌రెడ్డి అప్పటికి స్టేషన్‌కు రాలేదు. గంటల తరబడి వేచి చూసినా ఆయన రాకపోయే సరికి నాయకులు సహనం కోల్పోయి పోలీస్‌స్టేషన్‌ ఎదుటే రోడ్డెక్కి ఆందోళనకు దిగారు. బాధితుడినే నిర్బంధిస్తారా..? టీడీపీ నాయకులు ఆందోళన చేస్తున్నట్లు సమాచారం తెలుసుకున్న పట్టణ, రూరల్‌ సీఐలు భాస్కర్‌రెడ్డి, సురేంద్రనాథ్‌రెడ్డి హుటాహుటిన పోలీస్‌స్టేషన్‌కు చేరుకున్నారు. ట్రాఫిక్‌కు అంతరాయం కలుగుతుందని, వెంటనే ఆందోళన విరమించాలని కోరారు. బాధితుడైన కాకర్ల శేఖర్‌ను పోలీస్‌స్టేషన్‌లోనే నిర్బంధించి, కేసు ఎలా పెడతారని సీనియర్‌ (పాత) టీడీపీ నేత కాకర్ల రంగనాథ్‌ ప్రశ్నించారు. పాతికేళ్లుగా పార్టీ జెండా మోసిన టీడీపీ కార్యకర్తలకు తీవ్ర అన్యాయం జరుగుతోందని ఆందోళన వ్యక్తం చేశారు. వలస నేతలు టీడీపీని నాశనం చేయాలని కంకణం కట్టుకున్నారంటూ సీనియర్లు బొమ్మిరెడ్డి జగదీశ్వర్‌రెడ్డి ధ్వజమెత్తారు. పార్టీ ఒకరి సొత్తేమీ కాదని, జెండా మోసే ప్రతి కార్యకర్తకూ సొంతమని హీరాపురం ఫయాజ్‌బాషా స్పష్టం చేశారు.  ఎట్టకేలకు శేఖర్‌ విడుదల టీడీపీ సీనియర్లకు సీఐలు సర్దిచెప్పి ఆందోళనను విరమింపజేశారు. అనంతరం స్టేషన్‌లో చర్చలు జరిపారు. స్టేషన్‌లో నిర్బంధంలో ఉన్న కాకర్ల శేఖర్‌ను విడిచిపెట్టడంతో వారు శాంతించారు.    వారికి జెండా మోసే అర్హత లేదు తాడిపత్రి: టీడీపీ జెండా మోసే అర్హత కాకర్ల రంగనాథ్‌కు, జగదీశ్వర్‌రెడ్డికి, ఫయాజ్‌బాషాకు లేదని మున్సిపల్‌ వైస్‌ చైర్మన్‌ బీఎండీ. జిలాన్‌బాషా ధ్వజమెత్తారు. జేసీ అనుచరులైన వైస్‌ చైర్మన్‌తోపాటు తెలుగుయువత నాయకులు అయూబ్, కో ఆప్షన్‌ సభ్యుడు నియాజ్‌బాషా, సర్పంచ్‌ రమణ తదితరులు బుధవారం సాయంత్రం స్థానిక ఎన్టీఆర్‌ సర్కిల్‌లో టీడీపీ వ్యవస్థాపకుడు ఎన్టీయార్‌ విగ్రహానికి క్షీరాభిషేకం చేశారు. పాత తెలుగుదేశం (సీనియర్లు) అని చెప్పుకుంటున్న నాయకులు ఈరోజు చేసిన నిర్వాహకం వల్ల పార్టీ వ్యవస్థాపకుడి విగ్రహానికి మకిలి పట్టిందని, అందుకే క్షీరాభిషేకం చేశామని వివరించారు. వారి నోటి నుండి పాత తెలుగుదేశం పార్టీ కొత్త తెలుగుదేశంపార్టీ నాయకులని రావడం చాలా దారుణమన్నారు. మీ ఆగడాలను ప్రశ్నించినందుకే ఈరోజు జేసీ సోదరులను వీడి మీరు బయటికివచ్చారని, పార్టీని బజారుకీడుస్తే త్వరలోనే పట్టణాధ్యక్షుడి హోదాలో వారికి షోకాజ్‌ నోటీసు జారీ చేస్తామని జిలాన్‌ బాషా హెచ్చరించారు.    నాతో రూ.5 కోట్లు ఎలా ఖర్చుపెట్టించారు? తాడిపత్రి: తనకు టీడీపీలో సభ్యత్వం లేకుంటే 2014 ఎన్నికల్లో ఎమ్మెల్యే జేసీ ప్రభాకర్‌రెడ్డి తనతో రూ.5 కోట్లు ఎలా ఖర్చు పెట్టించారంటూ పరిటాల వర్గీయుడైన కాకర్ల రంగనాథ్‌    ప్రశ్నించారు. పార్టీ సభ్యతం శాసనసభ్యుడు అందజేయాలి కానీ, తాను జేసీ సోదరులకు ఎక్కడ పోటీ అవుతానోనని తనకు సభ్యత్వం ఇవ్వలేదని వివరించారు. ముళ్లపొదల్లో పేకాటాడే వ్యక్తులకు తనను విమర్శించే స్థాయి లేదన్నారు. తాడిపత్రిలో తెలుగుదేశంపార్టీకి చెందిన ఏ కార్యకర్తకైనా చిన్న కష్టం వస్తే వారికి తాను అండగా ఉంటానని కాకర్ల రంగనాథ్‌ స్పష్టం చేశారు. 

జన్నారం(ఖానాపూర్‌): ఆదిలాబాద్‌ జిల్లా ఏజెన్సీలో ఆదివాసీలు, లంబాడీ తెగల మధ్య ఘర్షణలు తగ్గుముఖం పట్టాయనుకుంటున్న తరుణంలో మంగళవారం మళ్లీ గొడవలు చెలరేగాయి. మంచిర్యాల జిల్లా జన్నారం మండలం ఇందన్‌పల్లి గ్రామపంచాయతీ పరిధి కొత్తపేట్‌ కొలాంగూడకు చెందిన ఆదివాసీ యువకుడిపై లంబాడీలు దాడి చేశారని తండాపై దాడికి పాల్పడ్డారు. ఇళ్లు, దుకాణాలపై దాడి చేసి చేతికందిన వస్తువులను ధ్వంసం చేశారు. పోలీసులు వచ్చి ఎక్కడి వారిని అక్కడనే కట్టడి చేశారు. ఇరువర్గాలతో మాట్లాడి శాంతింపజేశారు.   కొత్తపేట్‌ కొలాంగూడ సమీపంలో చేపల పెంపకం చేపడుతున్న సిడాం భీంరావు సోమవారం రాత్రి చెరువు వద్ద కాపలాకు వెళ్లాడు. అర్ధరాత్రి దాటిన తర్వాత నలుగురు గుర్తు తెలియని వ్యక్తులు ద్విచక్ర వాహనాలపై వచ్చి అతడిపై దాడి చేశారు. భీంరావు తప్పించుకుని గ్రామానికి వచ్చాడు. గ్రామస్తులకు సమాచారమివ్వగా.. వారు వెంటనే జన్నారం ఎస్‌ఐ రమేశ్‌గౌడ్‌కు ఫిర్యాదు చేశారు. ఆయన వచ్చి భీంరావును మంచిర్యాల ఆస్పత్రికి తీసుకెళ్లారు. విషయం తెల్లారేసరికి ఆదివాసీలకు తెలిసింది. దీంతో చుట్టుపక్కల గ్రామాల నుంచి సుమారు 300 మంది యువకులు, మహిళలు, నాయకులు మధ్యాహ్నం కొలాంగూడకు చేరుకున్నారు. ఆదిలాబాద్, కుమురం భీం, మంచిర్యాల జిల్లాలకు చెందిన ఆదివాసీ గిరిజన సంఘాల నాయకులు తరలివచ్చా రు. ఇదే క్రమంలో మంచిర్యాల, జైపూర్‌ ఏసీపీలు గౌస్‌బాబా, సీతారాములు, మంచిర్యాల, లక్సెట్టిపేట్, శ్రీరాంపూర్‌ సీఐలు, మంచిర్యాల, హాజీపూర్, దండేపల్లి, లక్సెట్టిపేట్, జన్నారం, కడెం ఎస్‌ఐలు తమ సిబ్బందితో కొలాంగూడకు చేరుకున్నారు. మధ్యాహ్నం సమయంలో మంచిర్యాల డీసీపీ వేణుగోపాల్‌రావు, ఎస్‌బీ ఏసీపీ విజయసారథి వచ్చి ఆదివాసీ నాయకులతో చర్చించారు. సమస్య శాంతియుతంగా పరి ష్కరించుకుందామని, భీంరావుపై దాడిచేసిన వారిని పట్టుకుని చట్టపరంగా శిక్షిస్తామని చెప్పారు. అందరూ సంయమనం పాటించాలని కోరారు.   అక్కడి నుంచి వెళ్లి..   ఓ పక్క డీసీపీ వేణుగోపాల్‌రావు, ఏసీపీలు గౌస్‌బాబా.. సీతారాములు ఆదివాసీ నాయ కులతో మాట్లాడుతుండగా.. కొలాం గూడకు చెందిన వారితో పాటు ఇతర ప్రాంతాల నుంచి వచ్చిన ఆదివాసీలు ఆగ్రహంతో చేల నుంచి పరుగులు తీసి కొత్తపేట్‌లో లంబాడీలకు చెందిన ఇళ్లపై దాడికి పాల్పడ్డారు. పలు ఇండ్ల కిటికీలు, తలుపులు ధ్వంసం చేశారు. బయట ఉన్న వస్తువులను పగులకొట్టారు. రెండు కిరాణా దుకాణాలను ధ్వంసం చేశారు. ఒక కారు అద్దాలు పగులకొట్టారు. రెండు ఇళ్లకు నిప్పంటించారు. అక్కడే ఉన్న పోలీసులు మంటలను ఆర్పివేశారు. డీసీపీ, పోలీసులు, ర్యాపిడ్‌ యాక్షన్‌ ఫోర్స్‌ సిబ్బంది వెళ్లి అందరినీ తిరిగి కొలాంగూడకు తీసుకువెళ్లారు. ఆదివాసీ సంఘం జిల్లా అధ్యక్షుడు తిరుపతి, విద్యార్థి సంఘం ప్రధాన కార్యదర్శి వెడ్మ బొజ్జు, డివిజన్‌ అధ్యక్షుడు రాజుకుమార్, పవన్‌కుమార్‌ తదితరులకు నచ్చజెప్పి గొడవ సద్దుమణిగేలా చేశారు. నేడు జిల్లా బంద్‌కు పిలుపు భీంరావుపై దాడికి నిరసనగా బుధవారం మంచిర్యాల జిల్లా బంద్‌కు ఆదివాసీ హక్కుల పోరాట సమితి, తుడుందెబ్బ నాయకులు మంగళవారం ఒక ప్రకటనలో పిలుపునిచ్చారు. శాంతియుతంగా ఉన్న ఆదివాసీలపై దాడులకు పాల్పడటం సరికాదన్నారు. దోషులను కనిపెట్టి కఠినంగా శిక్షించాలని తుడుందెబ్బ జిల్లా అధ్యక్షుడు తిరుపతి, మండల అధ్యక్షుడు పవన్‌కుమార్, డివిజన్‌ నాయకుడు రాజుకుమార్‌ డిమాండ్‌ చేశారు. సమీక్షించిన డీఐజీ, కలెక్టర్‌ కరీంనగర్‌ రేంజ్‌ డీఐజీ ప్రమోద్‌కుమార్, మంచిర్యాల కలెక్టర్, ఐటీడీఏ ఇన్‌చార్జి పీవో ఆర్‌వీ.కర్ణన్‌ కొలాంగూడలో పరిస్థితిని సమీక్షించారు. ఇరువర్గాల నేతలతో మాట్లాడారు. శాంతిభద్రతలకు విఘాతం కలిగిస్తే చర్యలు తప్పవని హెచ్చరించారు. నిరంతరం అప్రమత్తంగా ఉండా లని పోలీసులకు సూచించారు.

సాక్షిప్రతినిధి, వరంగల్‌: అధికార పార్టీలోని కీలక ప్రజాప్రతినిధుల మధ్య విభేదాలు మరోసారి బయటపడ్డాయి. వరంగల్‌ ఎంపీ పసునూరి దయాకర్, వర్ధన్నపేట ఎమ్మెల్యే అరూరి రమేశ్‌ మధ్య వర్గపోరు తాజాగా వెలుగుచూసింది. ఉప ముఖ్యమంత్రి కడియం శ్రీహరి సాక్షిగా చోటుచేసుకున్న పొరపాటు అధికార పార్టీలో కొత్త సమస్యలకు కారణమైంది. రాష్ట్ర ప్రభుత్వం ప్రతిష్టాత్మక పశువైద్య కాలేజీని వరంగల్‌ ఉమ్మడి జిల్లాకు మంజూరు చేసిన విషయం తెలిసిందే. మామునూరులో ఈ కాలేజీని ఏర్పాటు చేయాలని పీవీ నర్సింహారావు తెలంగాణ రాష్ట్ర పశువైద్య విశ్వవిద్యాలయం నిర్ణయించింది. ఈ మేరకు మామునూరులో కాలేజీ భవన సముదాయం నిర్మాణానికి సోమవారం ముహూర్తంగా నిర్ణయించారు. శంకుస్థాపన కార్యక్రమం అనంతరం సభ జరిగేలా ఏర్పాట్లు చేశారు. దీనికి భారీ ఫ్లెక్సీని ఏర్పాటు చేశారు. ఫ్లెక్సీపై సీఎం కేసీఆర్, ఉప ముఖ్యమంత్రి కడియం శ్రీహరి, పశుసంవర్థక శాఖ మంత్రి తలసాని శ్రీనివాస్‌యాదవ్, స్పీకర్‌ మధుసూదనాచారి, మంత్రులు చందూలాల్, ఈటల రాజేందర్, ఎమ్మెల్యేలు అరూరి రమేశ్, దాస్యం వినయ్‌భాస్కర్‌ ఫొటోలు ముద్రించారు. వరంగల్‌ లోక్‌సభ పరిధిలో జరుగుతున్న ఈ కార్యక్రమంలో స్థానిక ఎంపీ పసునూరి దయాకర్‌ ఫొటో ముద్రించలేదు. శంకుస్థాపన కార్యక్రమం మొదలుకావడానికి ముందే ఎంపీ దయాకర్‌ వేదిక వద్దకు చేరుకున్నారు. ఫ్లెక్సీలో తన ఫొటో లేకపోవడంపై ఆగ్రహం వ్యక్తం చేశారు. మంత్రులు రాకముందే అక్కడి నుంచి వెళ్లిపోయారు. అనంతరం కడియం శ్రీహరి, మంత్రి తలసాని కళాశాల ప్రాంగణానికి చేరుకున్నారు. అప్పటికే ఎంపీ దయాకర్‌ వెనుతిరిగి వెళ్లిన విషయం చర్చనీయాంశంగా మారింది. ఎంపీ పసునూరి దయాకర్‌ అసంతృప్తి విషయం తెలియడంతో ఉప ముఖ్యమంత్రి కడియం శ్రీహరి వేదిక వద్దకు రాలేదు. భూమి పూజ ముగిసిన అనంతరం శిలాఫలకం ఆవిష్కరించి అక్కడి నుంచి ఇతర కార్యక్రమాలకు వెళ్లిపోయారు. ముందుగా నిర్ణయించిన ప్రకారం కడియం శ్రీహరి ఉదయం 11 నుంచి మధ్యాహ్నం ఒంటి గంట వరకు మామునూరు కార్యక్రమంలోనే ఉండాలి. భవన నిర్మాణ శంకుస్థాపనతోపాటు గొర్రెల పంపిణీ, గొర్రెల పెంపకందార్లతో ముఖాముఖి కార్యక్రమంలో పాల్గొనాల్సి ఉంది. కానీ.. డిప్యూటీ సీఎం కేవలం శంకుస్థాపన కార్యక్రమానికే పరిమితమయ్యారు. ఎంపీ దయాకర్‌ పేరులేని ఫ్లెక్లీ అంతర్గత విభేదాలు..? వెటర్నిటీ కాలేజీ నిర్మిస్తున్న మామునూరు... వర్ధన్నపేట అసెంబ్లీ నియోజకవర్గంలో ఉంది. వర్ధన్నపేట నియోజకవర్గంలో ఎంపీ పసునూరి దయాకర్, ఎమ్మెల్యే రమేశ్‌ మధ్య ఆధిపత్యపోరు కొనసాగుతోంది. పసునూరి దయాకర్‌ 2013 వరకు వర్ధన్నపేట టీఆర్‌ఎస్‌ ఇన్‌చార్జిగా వ్యవహరించారు. అనంతరం అరూరి రమేశ్‌ చేరికతో టీఆర్‌ఎస్‌ అధిష్టానం ఆయనకు వర్ధన్నపేట ఇన్‌చార్జిగా బాధ్యతలు అప్పగించింది. ఆ సమయంలో ఇద్దరు నేతల మధ్య విభేదాలు మొదలయ్యాయి. సాధారణ ఎన్నికల్లో రమేశ్‌ ఎమ్మెల్యేగా ఎన్నికయ్యారు. వరంగల్‌ లోక్‌సభ ఉప ఎన్నికలో దయాకర్‌ ఎంపీగా గెలిచారు. ఇద్దరు ముఖ్యమైన పదవుల్లో ఉన్నా.. పాత విభేదాలు మాత్రం కొనసాగుతూనే ఉన్నాయి. తాజా అధికార కార్యక్రమంలో ఇది బయటపడింది. తప్పు ఎవరిది.. వెటర్నిటీ కాలేజీ శంకుస్థాపన కార్యక్రమంలో ఏర్పాటు చేసిన ఫ్లెక్సీ ముద్రణకు బాధ్యులు ఎవరనేది ఇప్పుడు చర్చనీయాశంగా మారింది. అధికారులు ముద్రిస్తే అనుమతి ఇచ్చిన వారు ఎవరనేది తేలాల్సి ఉందని పలువురు ప్రజాప్రతినిధులు అంటున్నారు. మంత్రులతోపాటు స్థానిక ఎమ్మెల్యే, వరంగల్‌ పశ్చిమ నియోజకవర్గం ఎమ్మెల్యే ఫొటో పెట్టిన వారు స్థానిక ఎంపీ ఫొటోను ముద్రించకపోవడం ఏమిటని పసునూరి వర్గం ప్రశ్నిస్తోంది. ఫ్లెక్సీలో సంబంధంలేని వ్యక్తుల ఫొటోలు ఉన్నాయి. వరంగల్‌ మేయర్, జెడ్పీ చైర్‌పర్సన్‌ గద్దల పద్మ, ఎమ్మెల్సీ కొండా మురళి, బోడకుంటి వెంకటేశ్వర్లు, పల్లా రాజేశ్వర్‌రెడ్డి ఫొటోలూ లేవు. ఉప ముఖ్యమంత్రి ఆమోదం తీసుకున్న తర్వాతే అధికారులు ఫ్లెక్సీ ముద్రిస్తారని... ఉద్దేశపూర్వకంగానే ఇలా చేశారని పసునూరి వర్గీయులు అనుమానిస్తున్నారు. ఉప ముఖ్యమంత్రి వర్గం భవిష్యత్‌ రాజకీయ ఆలోచనలతోనే తమను నిర్లక్ష్యం చేస్తున్నారని ఎంపీ వర్గం భావిస్తోంది. శిలాఫలకాన్ని ఆవిష్కరిస్తున్న కడియం, తలసాని

ఆత్మకూరు: ఆత్మకూరు నియోజకవర్గ టీడీపీ ఇన్‌చార్జి ఆనం రామనారాయణరెడ్డి, మాజీ ఇన్‌చార్జి కన్నబాబు వర్గాల మధ్య ఉన్న విభేదాలు మరోసారి బయటపడ్డాయి. వివరాలిలా ఉన్నాయి. సోమశిల ఉత్తరకాలువ ద్వారా జరుగుతున్న నీటి సరఫరాను పరిశీలించేందుకు బుధవారం ఆనం ఆత్మకూరు చెరువు వద్దకు వచ్చారు. తొలుత పూజలు చేసి నీటి సరఫరాపై సోమశిల ప్రాజెక్ట్‌ ఈఈ, సాగునీటి శాఖ డీఈలతో మాట్లాడారు. ఈ క్రమంలో కన్నబాబు వర్గానికి చెందిన చెరువు సాగునీటి సంఘం ఉపాధ్యక్షుడు మాదాల మస్తాన్‌నాయుడు మాట్లాడేందుకు ప్రయత్నించగా సాగునీటి సంఘం అధ్యక్షుడు ఎక్కడంటూ ఆనం ప్రశ్నించారు. అదే సమయంలో ఆనంకు అనుకూలంగా ఉన్న రైతులు ‘గతంలో 2వ నంబర్‌ తూముకు నీళ్లు వచ్చేవని, ఇప్పుడు ఎందుకు రావడం లేదని’ ఉపాధ్యక్షుడిని నిలదీశారు. ‘మీ వల్లే నీళ్లు రావడం లేదు, మా పంటలు ఎండిపోతున్నాయి, ఆ తూము కింద 350 ఎకరాలు సేద్యం నీరు లేక ఆపామని’ ఆయనపై ఆగ్రహం వ్యక్తం చేశారు. ఆత్మకూరుకు చెందిన ఆనం అనుకూలుడు, రైతు చిట్టమూరు వెంకురెడ్డి ‘మీ వంటి వాళ్లు సాగునీటి సంఘం ఉపాధ్యక్షుడిగా పనికి రారని, మీ అధ్యక్షుడు నీళ్ల సమస్య అడుగుతారనే ఇక్కడికి రాలేదని, ఇద్దరూ వెంటనే రాజీనామా చేయాలని’ చెప్పారు. స్పందించిన నీటి సంఘం ఉపాధ్యక్షుడు ‘మేము రాజీనామా చేస్తాం. మీకిష్టమొచ్చిన వారిని పెట్టుకోండి’ అని రుసరసలాడారు. అధికారులు మాత్రం 75 క్యూసెక్కుల నీటిని వదిలామని అంటున్నారే తప్ప ఒక్క చుక్క కూడా చెరువుకు నీరు రావడం లేదని, పొలాలు బీళ్లు పెట్టుకోవాల్సిన పరిస్థితి ఏర్పడిందని తెలిపారు. తనిఖీ చేయాలి ఆనం మాట్లాడుతూ నీటిపారుదల శాఖ ఇంజనీర్లు కాలువపై తనిఖీలు చేయాలని, ఆత్మకూరు చెరువుకు కచ్చితంగా 60 క్యూసెక్కులు ఇవ్వాల్సిందేన్నారు. ఇరిగేషన్‌ శాఖ అధికారులు డీఈ, ఏఈ, సోమశిల ప్రాజెక్ట్‌ డీఈ,  కమిషనర్‌ శ్రీనివాసరావు, డీఎస్పీ రామాంజనేయులరెడ్డి, టీడీపీ నాయకులు డాక్టర్‌ ఆదిశేషయ్య, ఐవీ రమణారెడ్డి, చల్లా రవి, మాజీ ఎమ్మెల్యే కంచర్ల శ్రీహరినాయుడు పాల్గొన్నారు. ఒకేలా ఉన్నామని చెబుతున్నా.. ఆనం వర్గీయులు తమ వారిపై విమర్శలు చేయడంపై కన్నబాబు వర్గం నేతలు ఆగ్రహం వ్యక్తం చేస్తున్నారు. తొలినుంచి పార్టీలో ఉన్న తమను పట్టించుకోవడం లేదని చెబుతున్నారు. ఈ వ్యవహారం పార్టీలో చర్చకు దారితీసింది. గతంలో ఈ రెండు వర్గాల నాయకులు వాదనలకు దిగిన సందర్భాలున్నాయి. పైకి తామంతా ఒకేలా ఉన్నామని చెబుతున్నా అవకాశం చిక్కినప్పుడల్లా ఒకరిపై ఒకరు విరుచుకుపడుతున్నారు. వీరి వల్ల పార్టీ పరువుపోతోందని కొందరు జిల్లా పార్టీ నేతలకు చెబుతున్నారు. ఒకటి, రెండు సార్లు వీరి వ్యవహారం అధిష్టానం దృష్టికి వెళ్లింది. కాగా ముందస్తు ప్రణాళిక ప్రకారమే ఆనం వర్గీయులు కన్నబాబు వర్గ నేతలపై విరుచుకుపడ్డారని ప్రచారం జరుగుతోంది.

న్యూఢిల్లీ: గత రెండు రోజులుగా సుప్రీంకోర్టులో నాటకీయ పరిణామాలు చోటు చేసుకున్నాయి. ఒడిశా హైకోర్టు మాజీ న్యాయమూర్తిపై వచ్చిన అవినీతి ఆరోపణలపై దాఖలైన పిటిషన్‌ విచారణ సందర్భంగా అత్యున్నత న్యాయస్థానంలోని సీనియర్‌ న్యాయమూర్తుల్లో నెలకొన్న విభేదాలు తెరపైకి వచ్చాయి. ఒడిశా హైకోర్టు మాజీ న్యాయమూర్తి జస్టిస్‌ ఇష్రాత్‌ మస్రూర్‌ ఖుదూసిపై వచ్చిన అవినీతి ఆరోపణల విచారణకు ప్రత్యేక దర్యాప్తు బృందం(సిట్‌)ను ఏర్పాటు చేసే దిశగా ఆదేశాలు ఇవ్వాలంటూ దాఖలైన పిటిషన్‌ విచారణ గురువారం జస్టిస్‌ జాస్తి చలమేశ్వర్, జస్టిస్‌ ఎస్‌ అబ్దుల్‌ నజీర్‌ల ధర్మాసనం ముందుకు వచ్చింది. ప్రధాన న్యాయమూర్తి తరువాత అత్యంత సీనియర్‌ న్యాయమూర్తి అయిన జస్టిస్‌ జే చలమేశ్వర్‌. ఈ కేసు విచారణను ఐదుగురు సభ్యుల రాజ్యాంగ ధర్మాసనానికి నివేదిస్తూ నిర్ణయం తీసుకున్నారు. సుప్రీంకోర్టులోని అత్యంత సీనియర్లైన ఐదుగురు న్యాయమూర్తులతో ఈ ధర్మాసనాన్ని ఏర్పాటు చేయాలని ఆదేశించారు. కేసు విచారణ సందర్భంగానే.. సంబంధిత పిటిషన్‌ వేసిన ఎన్జీవో  ‘క్యాంపెయిన్‌ ఫర్‌ జ్యుడీషియల్‌ అకౌంటబులిటీ’, న్యాయవాది ప్రధాన న్యాయమూర్తి జస్టిస్‌ దీపక్‌ మిశ్రాపై ఆరోపణలున్నాయని వాదించారు. అనూహ్యంగా శుక్రవారం మధ్యాహ్నం అత్యవసరంగా సమావేశమైన సీజేఐ జస్టిస్‌ దీపక్‌ మిశ్రా నేతృత్వంలోని ఐదుగురు సభ్యుల ధర్మాసనం.. జస్టిస్‌ చలమేశ్వర్‌ ఇచ్చిన ఆదేశాలను, ఆయన ఏర్పాటు చేసిన రాజ్యాంగ ధర్మాసనాన్ని రద్దు చేస్తూ ఆదేశాలు జారీ చేసింది. ఈ సందర్భంగా ధర్మాసనం పలు కీలక వ్యాఖ్యలు చేసింది. రాజ్యాంగ ధర్మాసనాలను ఏర్పాటు చేసే అధికారం ప్రధాన న్యాయమూర్తికి మాత్రమే ఉంటుందని, ఆయనే ఈ ఉన్నత న్యాయస్థానానికి అధిపతి అని స్పష్టం చేసింది. ద్విసభ్య లేదా త్రిసభ్య ధర్మాసనాలు ఓ నిర్ధిష్ట బెంచ్‌ను ఏర్పాటు చేయాలంటూ సీజేఐని ఆదేశించలేవని స్పష్టం చేసింది. అలాగే, ఏ న్యాయమూర్తి కూడా సీజేఐ కేటాయించకుండా, సొంతంగా కేసులను విచారించకూడదని పేర్కొంది. న్యాయస్థానానికి అధిపతి అయిన సీజేఐకే ధర్మాసనాల ఏర్పాటు, అవి విచారణ జరిపే అంశాల కేటాయింపు అధికారం ఉంటుందని తేల్చిచెప్పింది. ఆ విధానం న్యాయవ్యవస్థ క్రమశిక్షణ, న్యాయస్థానం మర్యాద అని పేర్కొంది. ఈ ఆదేశాలకు వ్యతిరేకంగా ఉన్న ఏ ఆదేశాలైనా చెల్లబోవని సీజేఐ జస్టిస్‌ దీపక్‌ మిశ్రా స్పష్టం చేశారు. జడ్జీల పేరుతో లంచం అంశాన్ని రెండు వారాల తర్వాత సరైన బెంచ్‌కు కేటాయిస్తామన్నారు. ప్రత్యేకంగా ఏ న్యాయమూర్తి పేరును ప్రస్తావించకుండానే.. ‘రోజూ వందలాదిగా పిటిషన్లు దాఖలవుతుంటాయి. ఇలా ఆదేశాలిస్తూ పోతే.. కోర్టులను నడపలేం’ అని వ్యాఖ్యలు చేశారు. కోర్టు బార్‌ అసోసియేషన్‌ అధ్యక్షుడు సూరి, ఇతర సీనియర్‌ న్యాయవాదులతో నిండిపోయిన కోర్టు హాళ్లో ఈ విచారణ సాగింది. ఈ సమయంలో పిటిషనర్‌ తరఫు న్యాయవాది ప్రశాంత్‌ భూషణ్‌ ఆగ్రహానికి లోనయ్యారు. గట్టిగట్టిగా మాట్లాడుతూ.. ఒడిశా హైకోర్టు న్యాయమూర్తికి సంబంధించిన అవినీతి కేసులో సీబీఐ దాఖలు చేసిన ఎఫ్‌ఐఆర్‌లో సీజేఐ పేరు ఉందని, ఈ విచారణ బెంచ్‌ నుంచి జస్టిస్‌ మిశ్రా తొలగి పోవాలన్నారు. ఎఫ్‌ఐఆర్‌లో ఏముందో చదవాలని, గట్టిగట్టిగా మాట్లాడొద్దని జస్టిస్‌ మిశ్రా భూషణ్‌ను హెచ్చరించారు. కోర్టు ధిక్కరణ చర్యలు తీసుకోవాల్సి వస్తుం దని మందలించారు. దానిపై, ధిక్కరణ నోటీసులు ఇవ్వండని భూషణ్‌ సమాధానమిచ్చారు. తనను మాట్లాడనివ్వడం లేదంటూ కోర్టు హాలు నుంచి వెళ్లిపోయారు.

సాక్షి, ఆసిఫాబాద్‌:  గిరిజన తెగల్లో ‘అసంతృప్తి’ అగ్గి రాజుకుంటోంది.. అందరమూ అడవి బిడ్డల మేనని భావించే ఏజెన్సీ ప్రాంతాల్లో షెడ్యూల్డ్‌ కులాల మధ్య సమైక్యత దెబ్బతింటోంది.. రిజర్వేషన్లు, ప్రయోజనాలన్నీ లంబాడాలకే అందు తున్నాయంటూ ఆదివాసీలు వ్యక్తంచేస్తున్న అసంతృప్తి ఆ తెగల మధ్య విభేదాలకు కారణమవుతోంది. ఓ విగ్రహం ధ్వంసంతో మొదలైన ఉద్రిక్త పరిస్థితి దాదాపు నెల రోజులుగా ఉమ్మడి ఆదిలాబాద్‌ జిల్లా పరిధిలో మరింతగా పెరుగు తోంది. ఆదివాసీలు లంబాడాలకు వ్యతిరేకంగా నిరసనలు, గ్రామాల్లో తీర్మానాలు చేస్తున్నారు. ఆందోళనల్లో భాగంగా గురువారం పాత ఆదిలాబాద్‌లోని ఏజెన్సీ ప్రాంతాల్లో విద్యాసంస్థల ను బంద్‌ చేయించారు. ఈ నిరసనలను రాష్ట్రవ్యాప్తంగా విస్తరించాలని నిర్ణయించారు. హైదరాబాద్‌లోని నిజాం కాలేజీ మైదానంలో వచ్చే నెల 9న సభ నిర్వహించాలని భావిస్తున్నారు. విగ్రహం ధ్వంసంతో మొదలు కుమురం భీం 77వ వర్ధంతికి ముందురోజున (గత నెల 5న) జోడేఘాట్‌లోని కుమురం భీం మ్యూజియంలోని లంబాడా వర్గానికి చెందిన శాంకీమాత విగ్రహాన్ని గుర్తుతెలియని వ్యక్తులు కాల్చివేశారు. దీంతో పాత ఆదిలాబాద్‌ జిల్లావ్యాప్తంగా లంబాడా సంఘాలు పెద్ద ఎత్తున నిరసనలు చేపట్టాయి. కారకులను పట్టుకుని కఠినంగా శిక్షించాలని డిమాండ్‌ చేశాయి. ఈ అంశాన్ని సీరియస్‌గా తీసుకున్న జిల్లా పోలీసులు విగ్రహం ధ్వంసం ఘటనకు సంబంధించి పలువురు ఆదివాసీలను అదుపులోకి తీసుకున్నారు. దీంతో రగిలిపోయిన ఆదివాసీలు తమ సంఘాల ఆధ్వర్యంలో భారీ నిరసనలకు తెరలేపారు. కలెక్టర్‌ కార్యాలయంపై దాడి విగ్రహం ధ్వంసం కేసులో అరెస్టు చేసినవారిని విడుదల చేయాలంటూ ఆదివాసీలు గత నెల 12న ఆసిఫాబాద్‌లో ఆందోళన చేపట్టారు. అక్కడి రహదారిపై బైఠాయించి ధర్నా చేశారు. అనంతరం కలెక్టర్‌కు వినతిపత్రం సమర్పించేందుకు వెళ్లి... ఆవేశంలో అక్కడి జిల్లా ఉన్నతాధికారుల వాహనాలను, కార్యాలయ ఫర్నీచర్‌ను ధ్వంసం చేశారు. దీనిపై కేసు నమోదు చేసిన పోలీసులు.. కొంతమందిని అదుపులోకి తీసుకు ని విచారించారు. అప్పటి నుంచి ఆదివాసీలు నిరసనలను మరింత ఉధృతం చేశారు. మొత్తంగా లంబాడాల కారణంగా ఆదివాసీలకు అన్యాయం జరుగుతోందని, వారిని ఎస్టీ జాబితా నుంచి తొలగించాలంటూ ఆందోళన చేపట్టారు. ఈ నెల 6న ఆదిలాబాద్‌ జిల్లా ఇంద్రవెల్లి నుంచి ఊట్నూర్‌కు భారీ ర్యాలీ నిర్వహించారు. అక్కడి ఐటీడీఏ కార్యాలయం ఎదుట బైఠాయించి ధర్నా చేశారు. అటు లంబాడాల ఆందోళన రెండు రోజుల క్రితం లంబాడా టీచర్లు మాకొద్దంటూ.. జైనూర్‌ మండలంలోని మార్లవాయి ఆశ్రమ పాఠశాలల్లోని పనిచేసే టీచర్లను అక్కడి ఆదివాసీలు అడ్డుకున్నారు. దీంతో లంబాడాలకు రక్షణ కల్పించాలంటూ ఆ తెగకు చెందిన అధికారులు బుధవారం ఐటీడీఏ ఎదుట ధర్నా నిర్వహించారు. ఈ ధర్నా సందర్భంగా అక్కడి ఆదివాసీలు, లంబాడా నాయకుల మధ్య ఉద్రిక్త పరిస్థితి నెలకొంది. జిల్లా ఎస్పీ జోక్యం చేసుకుని ఇరువర్గాలను సముదాయించారు. కానీ ఆదివాసీ సంఘాలు ఈ ఘటనను నిరసిస్తూ.. గురువారం ఏజెన్సీ ప్రాంతంలోని విద్యా సంస్థల బంద్‌ను నిర్వహించింది. మరింతగా ముదురుతున్న వివాదం ప్రభుత్వం నుంచి వచ్చే ప్రయోజనాలు, రిజర్వేషన్లలో అధిక భాగం లంబాడాలే అందుకుంటున్నారని ఆదివాసీ సంఘాలు ఆరోపిస్తున్నాయి. షెడ్యూల్డ్‌ తెగల్లో ఉండటానికి తాము మాత్రమే అర్హులమని, లంబాడాలు ఇతర రాష్ట్రాల నుంచి వలస వచ్చినవారని పేర్కొంటున్నాయి. అన్నింటా లంబాడా వర్గానికి చెందినవారే ఉంటుండటంతో.. మిగతా ఆదిమ తెగలు నష్టపోతున్నాయని, లంబాడాలను ఎస్టీ జాబితాలో నుంచి తొలగించాలని డిమాండ్‌ చేస్తున్నాయి. తాము చట్టప్రకారమే అన్నింటా వ్యవహరిస్తున్నామని లంబడా సంఘాలు చెబుతున్నాయి. ప్రశాంతతకు నిలయమైన ఏజెన్సీ ప్రాంతాలు తెగల మధ్య విభేదాలతో అట్టుడుకుతున్నాయి. ఈ నేపథ్యంలో ఇటీవల ఐటీడీఏ పీవో, మంచిర్యాల కలెక్టర్‌ ఆర్వీ కర్ణన్, ఇతర అధికారులు ఇరు వర్గాలతో చర్చలు జరిపినా.. పరిస్థితి సర్దుకోవడం లేదు.


 ►బద్వేలు,గోపవరం జడ్పీటీసీల రాజీనామా
 ►మాజీ ఎమ్యెల్యే విజయమ్మపై తిరుగుబాటు
 ►సయోధ్యకు రంగంలోకి దిగిన జిల్లా అధ్యక్షుడు వాసు
 ►ఫలించని ఎమ్యెల్యే జయరాములు చర్చలు
 ►తారా స్థాయికి చేరిన వర్గ విభేదాలు
 
 సాక్షిప్రతినిధి/సాక్షి, కడప : బద్వేలు తెలుగుదేశం పార్టీలో ముసలం పుట్టింది. ఎమ్యెల్యే జయరాములు, మాజీ ఎమ్యెల్యే విజయమ్మల మధ్య కొంతకాలంగా రగులుతున్న అంతర్గత విభేదాలు ఆదివారం భగ్గుమన్నాయి.విజయమ్మ మీద ఇద్దరు జెడ్పీటీసీలు తిరుగుబాటు బావుటా ఎగురవేశారు. గోపవరం, బద్వేలు జడ్పీటీసీలు రాజీనామా చేసి.. లేఖలను సీఎంతో పాటు మంత్రి లోకేష్‌లకు ఫ్యాక్స్‌ ద్వారా పంపారు. జిల్లా పార్టీ అధ్యక్షుడు ఆర్‌.శ్రీనివాసులురెడ్డి రంగంలోకి దిగినా జెడ్పీటీసీలు మెత్తబడలేదు. ఇద్దరు జెడ్పీటీసీలను జయరాములు బుజ్జగించేందుకు ప్రయత్నించినా  చర్చలు ఫలించలేదు. ఈ నేపథ్యంలో వ్యవహారం కాస్త ముదిరి పాకాన పడటం..దేశంలో దుమారం రేగిన నేపథ్యంలో సోమవారం జిల్లా అధ్యక్షుడు నేరుగా రంగంలోకి దిగబోతున్నారు.
 
 ప్రచ్ఛన్నయుద్ధం
 బద్వేలు ‘దేశం’లో నియోజకవర్గ నేతల మధ్య జరుగుతున్న ప్రచ్ఛన్న యుద్ధం తారా స్థాయికి చేరింది. ఆది నుంచి బద్వేలు సెగ్మెంట్‌లో తెలుగు తమ్ముళ్ల మధ్య విబేధాలున్నా ప్రస్తుతం ముదిరి పాకాన పడ్డాయి. గతంలో బద్వేలు వైఎస్సార్‌ సీపీ ఎమ్మెల్యే జయరాములు టీడీపీలోకి వస్తున్న సమయంలోనూ మాజీ ఎమ్మెల్యే విజయమ్మ తీవ్రంగా వ్యతిరేకిస్తూ వచ్చారు. అయితే చంద్రబాబు నచ్చజెప్పి పార్టీలో చేర్చుకున్నారు. అనంతరం నియోజకవర్గంలో పార్టీలో చేరిన నాటి నుంచి నేటి వరకు రెండు వర్గాల మధ్య పచ్చగడ్డి వేస్తే భగ్గుమనే పరిస్థితి కొనసాగుతోంది. బద్వేలులో రెండు వర్గాలుగా చీలిపోయిన తెలుగు తమ్ముళ్లు ప్రతి విషయంలోనూ ఏదో ఒక సమస్య నేపథ్యంలో గొడవపడి పార్టీ పరువును రచ్చకీడుస్తున్నారు. 
 
 ఇటీవల జరిగిన బద్వేలు నియోజకవర్గ సయన్వయ కమిటీ సమావేశంలోనూ ఇరువర్గాలు ఒకరిపై ఒకరు ఫిర్యాదులు చేసుకున్నాయి. అప్పట్లో ఇరువర్గాల నేతలకు  పార్టీ పరిశీలకులు నచ్చచెప్పారు. మొదటి నుంచి కూడా మార్కెట్‌యార్డు విషయం మొదలుకొని పార్టీ పదవుల వరకు ఇలా ప్రతి విషయంలోనూ రెండు వర్గాల మధ్య అంతర్గతంగా యుద్ధ వాతావరణం కొనసాగుతూ వస్తోంది. ఎమ్మెల్యే జయరాములు తన సామాజిక వర్గానికి చెందిన వారికే ప్రాధాన్యం ఇస్తూ ఇతరులను పట్టించుకోవడం లేదని పార్టీలో ప్రత్యర్థి వర్గం విమర్శిస్తోంది.
 
 ఇద్దరు జెడ్పీటీసీల రాజీనామా
  బద్వేలు జెడ్పీటీసీ బీరం శిరీష, గోపవరం జెడ్పీటీసీ రమణయ్యలు తమ పదవులకు రాజీనామా చేశారు. పార్టీలో ఉన్నా వీరి గోడు ఎవరూ పట్టించుకోవడం లేదని....వర్గ విభేదాల నేపథ్యంలో పనులు జరగనపుడు ఎందుకు పదవిలో కొనసాగాలని ఇరువురు రాజీనామా చేశారు. ఈ విషయంలో వెనక్కి తగ్గే ప్రసక్తే లేదని వారు ఖరాఖండిగా చెబుతున్నారు.  ఎమ్మెల్యే జయరాములు రాజీనామాల వ్యవహారంతోపాటు ప్రత్యర్థి వర్గంపై అధిష్ఠాన వర్గానికి ఫిర్యాదు చేసేందుకు సిద్ధమవుతున్నట్లు పార్టీ వర్గాలు పేర్కొంటున్నాయి.
 
 అధికారంలో ఉన్నా...అనధికారం...
 తన తండ్రి బీరం జయరామిరెడ్డి రూ. 12 లక్షలకు సంబంధించి పనులు చేస్తే....బిల్లులు కాకుండా మరోవర్గం నేత అడ్డుకుంటోందని...మరికొన్ని పనులకు సంబం«ధించి అగ్రిమెంటు చేయకుండా అధికారులపై ఒత్తిడి తెస్తున్నారని శిరీష మండిపడ్డారు. అధికార పార్టీలో ఉన్న జెడ్పీటీసీలకు సంబంధించిన పనులే జరగకపోతే పదవులు ఎందుకని ఆమె ప్రశ్నిస్తున్నారు. మరోవైపు గోపవరం జెడ్పీటీసీ రమణయ్య కూడా మండలంలో అధికారులు విలువ ఇవ్వడం లేదని...చివరకు నాలుగు రోజుల కిందట జరిగిన కార్పొరేషన్‌ రుణాలకు సంబంధించిన ఇంటర్వ్యూలకు తనను పిలువలేదని.. తను వెళ్లి అడిగితే జాబితా ఇంతకుముందే పంపించామని చెప్పడం బాధకలిగించాయని పేర్కొంటున్నారు.  కేవలం ఒక పింఛన్, ఒక రేషన్‌కార్డు ఇప్పించుకోలేని స్థితిలో ఉన్న నాకు పదవి అవసరం లేదని రాజీనామా చేసినట్లు రమణయ్య పేర్కొన్నారు. మాజీ ఎమ్మెల్యే అండతోనే అధికారులు విలువ ఇవ్వకుండా ఇలా చేస్తున్నారని పరోక్షంగా ఆయన విమర్శించారు.


 –తండ్రి పరిస్థితి విషమం
 –అయిదేళ్ల కుమార్తె వైద్యసేవలు పొందుతూ మృతి
 సీతానగరం (రాజానగరం): తూర్పు గోదావరి జిల్లా సీతానగరంలో ఆదివారం రాత్రి కుటుంబ కలహాలతో తండ్రి ఆత్మహత్యాయత్నంలో తన కుమార్తె అయిదేళ్ల పాప మృతి చెందగా, తండ్రి పరిస్థితి విషమంగా ఉంది. ఆదివారం రాత్రి కాండ్రు నరేష్‌ (38) తన అయిదేళ్ల పాప తరుణిపై పెట్రోల్‌ పోసి, తనపై కూడా పోసుకుని ఆత్మహత్యాయత్నానికి పాల్పడ్డాడు. బాధతో పెద్ద పెద్ద కేకలు వేస్తూ వీధిలో పరుగులు తీయడంతో  స్థానికులు పెద్దసంఖ్యలో చేరుకుని మంటలు ఆర్పి రాజమహేంద్రవరం ప్రయివేట్‌ ఆసుపత్రికి తరలించారు. పాప తరుణి తీవ్ర గాయాలతో చికిత్స పొందుతూ  సోమవారం తెల్లవారు జామున మృతి చెందింది. నరేష్‌ పరిస్థితి విషమంగా ఉందని సమాచారం. వివరాల్లోకి వెళితే...నరేష్‌ హైదరాబాద్‌లో ప్రవేట్‌ ఉద్యోగం చేస్తుండగా తండ్రి కాండ్రు వీరన్న, తల్లి ప్రభావతి ఒత్తిడి మేరకు స్వగ్రామం తిరిగి వచ్చాడు. రాజమహేంద్రవరంలో రెడీమేడ్‌ వస్త్ర దుకాణం పెట్టి నష్టాలుపాలయ్యాడు. దీంతో ఆర్థిక సంబంధ విషయాలపై తల్లిదండ్రులతో విభేదాలు ఏర్పడడంతో ఆదివారం రాత్రి పక్కవీధిలో తన అక్క ఇంటి వద్ద ఉన్న కుమార్తెను బైక్‌పై తీసుకొని వచ్చాడు. బైక్‌ ట్యాంకుపైన కుమార్తెను కూర్చోబెట్టి పెట్రోల్‌ ట్యాంక్‌ మూతను తెరచి, తన వెంట తెచ్చుకున్న సీసాలోని పెట్రోల్‌ను తన కుమార్తెపై, తనపై పోసుకొని నిప్పు పెట్టుకున్నాడు. ఈ మంటల్లో ఆర్తనాదాలు చేస్తూ కాలిపోతుండగా నరేష్‌ భార్య విశాలాక్షిణి పరుగున వచ్చి దుప్పటి కప్పి మంటలు ఆర్పే ప్రయత్నం చేసింది. ఇంతలో బైక్‌పై ఉన్న తన కుమార్తె ఉందని గమనించి విశాలాక్షిణి వేసిన కేకలకు 
 స్థానికులు తరలివచ్చి కాపాడే ప్రయత్నం చేశారు. నరేష్‌ తల్లిదండ్రులు పట్టించుకోకపోవడంతో అంబులెన్స్‌లో రాజమహేంద్రవరం ప్రయివేట్‌ ఆసుపత్రికి తరలించగా చిన్నారి మృతి చెందింది. తండ్రి పరిస్థితి విషమంగా ఉంది. కోరుకొండ సీఐ మధుసూదనరావు సంఘటన స్థలానికి చేరుకుని విచారించారు. ఎస్సై ఏ వెంకటేశ్వరావు కేసు నమోదు చేసి, అయిదేళ్ల పాప తరుణి మృతదేహాన్ని పోస్ట్‌మార్ట్‌మ్‌కు ప్రభుత్వ ఆసుపత్రికి తరలించారు. కేసు దర్యాప్తు చేస్తున్నట్లు ఎస్సై తెలిపారు.


 శింగనమల : టీడీపీలో విభేదాలు మళ్లీ రచ్చకెక్కాయి. మొన్నటికి మొన్న నియోజకవర్గంలో మండల కన్వీనర్ల ఎంపిక ప్రక్రియలో అసంతృప్తి జ్వాలలు రేగగా..  తాజాగా శింగనమల మండలంలో ఆ పార్టీ ఎంపీటీసీలే అడ్డం తిరిగారు. తమకు నిధులు ఇవ్వడం లేదంటూ ఎంపీపీపై ఎంపీటీసీలు ధ్వజమెత్తారు. సోమవారం స్థానిక తహసీల్దార్‌ కార్యాలయం వద్ద తమ ఆవేదనను వెళ్లగక్కారు. ఎంపీటీసీలుగా గెలిచి మూడేళ్లు అవుతున్నా కనీసం గ్రామాల్లో మండల పరిషత్‌ నిధులతో ఒక్క పనికూడా చేయలేకపోతున్నామని వారు వాపోయారు. ఎంపీపీ అమృత మాకొద్దంటూ తెగేసి చెప్పారు. ఇదే విషయాన్ని పార్టీ అధిష్టానం దృష్టికి తీసుకెళ్తామని వారు స్పష్టం చేశారు. మండలానికి టీఎఫ్‌సీ, ఎస్‌ఎఫ్‌సీ, జనరల్‌ ఫండ్‌ కింద దాదాపు రూ.1.50 కోట్ల వరకు నిధులు వచ్చినా.. ఎంపీటీసీలందరికీ సమానంగా కేటాయించకుండా ఎంపీపీనే పనులన్నీ చేసుకుంటున్నారనీ ఎంపీటీసీలు ఆరోపిస్తున్నారు. మొత్తానికి టీడీపీలో రేగిన చిచ్చు ఏ పరిణామాలకు దారితీస్తుందోనని ఆ పార్టీ నేతలే చర్చించుకుంటున్నారు. 


  
 ► నియోగుల మధ్య తలెత్తిన విభేదాలు
 ► స్వామికి అందని సేవలు
  
 భువనేశ్వర్‌: దైవానుగ్రహం కోసం భక్తులు ఉపవాసం చేయడం ఆనవాయితీ. నగరంలోని ఏకామ్ర క్షేత్రంలో కొలువుదీరిన లింగరాజు మహా ప్రభువు నిత్య నైవేద్యాలు అందక పస్తు ఉండాల్సిన పరిస్థితులు చోటుచేసుకోవడం నివ్వెరపరుస్తుంది.
  
 రెండు వర్గాల నియోగుల మధ్య విభేదాలతో ఈ పరిస్థితి తలెత్తింది. శనివారం వారుణి మహా స్నానం సేవ పురస్కరించుకుని రెండు వర్గాల మధ్య విభేదాలు చోటుచేసుకున్నాయి. ఈ సందర్భంగా స్వామికి నిర్వహించాలి్సన పల్లకి సేవకు అంతరాయం ఏర్పడింది. తదనంతరం నిర్వహించాలి్సన సేవాదులు నిరవధికంగా స్తంభించిపోయాయి. శనివారం సాయంత్రం నుంచి ఇప్పటికీ అదే పరిస్థితి కొనసాగుతుంది. బ్రాహ్మణ నియోగులు, బొడు నియోగుల మధ్య విభేదాలు కొనసాగుతున్నాయి. దేవస్థానంలో సేవాదులకు సంబంధించి అధికార వర్గం స్పష్టమైన వేళల్ని జారీ చేయనందున ఇటువంటి దయనీయ పరిస్థితులు తలెత్తుతున్నాయి.
  
 నియోగుల మధ్య బిగుసుకుంటున్న వివాదం పరిష్కరించేందుకు లింగరాజ్‌ దేవస్థానం అధికార వర్గాలు సన్నాహాలు చేస్తున్నట్టు కార్యనిర్వహణ అధికారి మనోరంజన్ పాణిగ్రాహి తెలిపారు. మహా వారుణి స్నాన సేవ నిర్వహించేందుకు పల్లకి సేవ ముందుగా చేయాల్సి ఉంటుంది. పల్లకి సేవకు బ్రాహ్మణ నియోగులు అడ్డు తగలడంతో వివాదం చోటుచేసుకున్నట్టు బొడు నియోగుల సంఘం కార్యదర్శి కమలాకాంత బొడు తెలిపారు.