అక్షయ్, ఐశ్వర్య హీరో హీరోయిన్లుగా, మరో హీరోయిన్‌ మమితా బైజు కీలక పాత్రలో నటించిన చిత్రం ‘డియర్‌ కృష్ణ’. దినేష్‌ బాబు దర్శకత్వంలో పీఎన్‌ బలరామ్‌ రచయితగా, నిర్మాతగా చేసిన ఈ చిత్రం ఈ నెల 24న విడుదల కానుంది. ఈ సినిమా ట్రైలర్‌ను ప్రముఖ రచయిత విజయేంద్రప్రసాద్‌–నటుడు శ్రీకాంత్‌ విడుదల చేశారు. ‘లైక్‌ ఎందుకు లవ్‌ అని చెప్పు’, ‘ఎల్లప్పుడూ విశ్వాసంతో నన్ను పూజిస్తుంటారో... వారికి నేనెప్పుడూ అండగా ఉంటాను’ అనే డైలాగ్స్‌ ట్రైలర్‌లో ఉన్నాయి. ‘‘శ్రీ కృష్ణుడికి, కృష్ణ భక్తుడికి మధ్య జరిగిన ఒక మిరాకిల్‌ సంఘటనను ప్రేరణగా తీసుకొని ఈ చిత్రాన్ని రూపొందించాం. మొదటి వంద టికెట్లు బుక్‌ చేసిన వారిలో ఒకర్ని ఎంపిక చేసి, క్యాష్‌ బ్యాక్‌ కింద రూ. పదివేలు బహుమతి ఇవ్వడం జరుగుతుంది’’ అని యూనిట్‌ పేర్కొంది.

‘‘డ్రింకర్‌ సాయి’లో ఒక మంచి ప్రేమకథను చూస్తారు. ఈ సినిమాలో బాగీ పాత్రలో నటించే అవకాశం రావడం అదృష్టంగా భావిస్తున్నాను’’ అని ఐశ్వర్యా శర్మ తెలిపారు. ధర్మ హీరోగా కిరణ్‌ తిరుమలశెట్టి దర్శకత్వం వహించిన చిత్రం ‘డ్రింకర్‌ సాయి’. బసవరాజు శ్రీనివాస్, ఇస్మాయిల్‌ షేక్, బసవరాజు లహరీధర్‌ నిర్మించిన ఈ చిత్రం ఈ నెల 27న విడుదలవుతోంది. ఈ సినిమాలో హీరోయిన్‌గా నటించిన ఐశ్వర్యా శర్మ మాట్లాడుతూ– ‘‘మా నాన్న స్టేజ్‌ యాక్టర్‌ కావడంతో నేనూ ఆర్టిస్టుగానే ఉండాలనుకున్నాను. ఇంటర్‌ పూర్తయిన తర్వాత జమ్మూ నుంచి ముంబై వచ్చి యాక్టింగ్‌ కోర్సులో జాయిన్‌ అయ్యాను. కొన్ని యాడ్స్‌లో నటించాను. ‘డ్రింకర్‌ సాయి’తో హీరోయిన్‌గా పరిచయమవుతున్నాను. ఈ సినిమాలో మెడికల్‌ స్టూడెంట్‌ బాగీ పాత్ర చేశాను. రెగ్యులర్‌ హీరోయిన్‌ పాత్రలకు భిన్నంగా ఈ క్యారెక్టర్‌ ఉంటుంది. అందుకే ఈ స్టూడెంట్‌ క్యారెక్టర్‌ సవాల్‌గా అనిపించింది. ఇక ‘అర్జున్‌ రెడ్డి’ చిత్రానికీ, ‘డ్రింకర్‌ సాయి’ సినిమాకు పోలిక లేదు’’ అని చెప్పారు.

కోలీవుడ్‌ స్టార్ కపుల్‌గా గుర్తింపు తెచ్చుకున్న జంటల్లో ధనుశ్- ఐశ్వర్య ఒకరు. రెండేళ్ల క్రితమే వీరిద్దరు విడిపోతున్నట్లు ప్రకటించి ఫ్యాన్స్‌కు షాకిచ్చారు. ప్రస్తుతం ఈ జంట విడాకుల కేసు కోర్టులో నడుస్తోంది. ఇవాళ కేసు విచారణలో భాగంగా కోర్టుకు ధనుశ్, ఐశ్వర్య కోర్టుకు హాజరయ్యారు. చెన్నై ఫ్యామిలీ వెల్ఫేర్‌ కోర్టులో విచారణకు హాజరైన వీరిద్దరు తమ నిర్ణయాన్ని న్యాయమూర్తి వివరించారు. ఇటీవల వీరిద్దరు త్వరలో కలుసుకోబోతున్నారంటూ కోలీవుడ్‌లో వార్తలొచ్చిన సంగతి తెలిసిందే.తాజాాగా కోర్టులో విచారణకు హాజరైన వీరిద్దరు విడిపోవాలని నిర్ణయించుకున్నట్లు న్యాయమూర్తికి వివరించారు. విడిపోవడానికి గల కారణాలను కోర్టుకు వివరించినట్లు తెలుస్తోంది. ఇరువురి వాదనలు విన్న న్యాయస్థానం త్వరలోనే తీర్పు ఇవ్వనుంది. ఈ కేసు తుది తీర్పును నవంబర్ 27కు వాయిదా వేశారు. దీన్ని బట్టి చూస్తే మరో స్టార్ జంట విడాకులు తీసుకోవడం దాదాపు ఖరారైనట్లే.(ఇది చదవండి: కోర్టు విచారణకు దూరంగా ధనుష్, ఐశ్వర్య... మరోసారి వాయిదా!)‍అయితే వీరి నిర్ణయంతో కోర్టు విడాకులు మంజూరు చేసే అవకాశముంది. ఇద్దరు కూడా కలిసి ఉండాలనుకోవట్లేదని ఇవాళ కోర్టుకు వివరించారు. దీంతో ఈ జంట తమ వివాహబంధానికి గుడ్ బై చెప్పడం ఖాయంగా కనిపిస్తోంది. కాగా.. సూపర్ స్టార్ రజినీకాంత్ కుమార్తె అయిన ఐశ్వర్యను ధనుశ్ పెళ్లాడారు. పెద్దల అంగీకారంతో 2004 నవంబర్‌ 18న వీరి వివాహం జరిగింది. దాదాపు 20 ఏళ్ల తర్వాత వీరి బంధానికి ఎండ్ కార్డ్ పడనుంది.

యాక్ట్రెస్, సింగర్, మోడల్, బెల్లీ డాన్సర్, నేషనల్‌ లెవెల్‌ బాడ్మింటన్‌ ప్లేయర్‌.. ఈ విశేషణాలన్నింటి కలబోత ఐశ్వర్యా సుష్మితా! ‘బ్యాడ్‌ కాప్‌’ సిరీస్‌తో అందరి దృష్టిని ఆకర్షిస్తోంది.ఐశ్వర్యా సుష్మితా పుట్టింది బిహార్‌లోని దర్భంగాలో. పెరిగింది ఢిల్లీలో. నాన్న.. నారాయణ్‌ వర్మ, ఎస్‌బీఐ ఉద్యోగి. అమ్మ.. నీతా వర్మ, గృహిణి. ఐశ్వర్యా.. ఫిలాసఫీలో పోస్ట్‌గ్రాడ్యుయేట్‌.ఐశ్వర్యా ఆసక్తిని గమనించి, తల్లిదండ్రులూ ఆమెను మోడలింగ్‌ వైపే ప్రోత్సహించారు. దాంతో ఢిల్లీ బేస్డ్‌ మోడలింగ్‌ ఏజెన్సీలో జాయిన్‌ అయింది ఐశ్వర్యా. అక్కడే ప్రింట్‌ అడ్వర్టయిజ్‌మెంట్స్‌కి మోడల్‌గా పనిచేసింది.స్కూల్‌ డేస్‌లో ఆమె లక్ష్యం ఐఏఎస్‌ కావాలని. అందుకే కాలేజీకొచ్చాక ఫిలాసఫీ సబ్జెక్ట్‌ని ఎంచుకుంది. ఆమెకు స్పోర్ట్స్‌ అంటే కూడా చాలా ఇష్టం. బాడ్మింటన్‌ ప్లేయర్‌గా జాతీయ స్థాయిలో రాణించింది. అంతేకాదు అందాల పోటీల్లోనూ పాల్గొని, 2016, ఎన్‌డీటీవీ గుడ్‌ టైమ్‌ కింగ్‌ఫిషర్‌ సూపర్‌మోడల్స్‌కీ ఎంపికైంది. ఇవన్నీ ఆమె లక్ష్యాన్ని మార్చాయి.ఆ టైమ్‌లోనే ముంబై మోడలింగ్‌ ఏజెన్సీల నుంచీ ఆఫర్స్‌ రావడం మొదలుపెట్టాయి. ముంబై వెళ్లింది. మనీశ్‌ మల్హోత్రా, అనితా డోంగ్రే, రేణు టాండన్, మానవ్‌ గంగ్వానీ, రాహుల్‌ ఖన్నా వంటి సూపర్‌ డిజైనర్స్‌కి మోడల్‌గా పని చేసింది. టీవీ కమర్షియల్స్‌లోనూ నటించింది. ఆ ఫేమే ఆమెకు ‘స్పెషల్‌ ఆప్స్‌ 1.5’ అనే వెబ్‌ సిరీస్‌లో అవకాశాన్నిచ్చింది.ఆ నటన ఆమెను తాజాగా ‘బ్యాడ్‌ కాప్‌’ వెబ్‌ సిరీస్‌లో ప్రాధాన్యమున్న పాత్రకు ప్రమోట్‌ చేసింది. ప్రస్తుతం ఈ సిరీస్‌ డిస్నీ ప్లస్‌ హాట్‌స్టార్‌లో స్ట్రీమ్‌ అవుతోంది.ఐశ్వర్యాకు సంబంధించి ఇంకో విశేషం, విశేషణం ఏంటంటే ఆమెకు స్పోర్ట్స్‌ బైక్‌ రైడింగ్‌ అంటే ప్రాణం. ఏ కొంచెం వీలు దొరికినా బైక్‌ రైడింగ్‌ చేస్తుంది. ఆమె ఫిట్‌నెస్‌ ఫ్రీక్‌ కూడా! రోజూ యోగా చేస్తుంది."నా పేరు విని అందరూ ఆశ్చర్యపోతారు సంబంధం లేకుండా రెండు పేర్లేంటని! ఐశ్వర్యా రాయ్, సుస్మితా సేన్‌లు మిస్‌ వరల్డ్, మిస్‌ యూనివర్స్‌ క్రౌన్స్‌ గెలుచుకున్న ఏడాదే పుట్టాను. మా పేరెంట్స్‌కి వాళ్లిద్దరంటే విపరీతమైన అభిమానం. ఆ అభిమానం కొద్దే నాకు ఆ ఇద్దరి పేర్లను కలుపుతూ ఐశ్వర్యా సుష్మితా అని పెట్టారు. అదన్నమాట నా పేరు వెనుకున్న స్టోరీ!" – ఐశ్వర్యా సుష్మితా

సాక్షి, సిటీబ్యూరో: దేశవ్యాప్తంగా యువ ప్రతిభను కనిపెట్టి, వారిని ప్రోత్సహించే ప్రతిష్టాత్మక పోటీ ‘అలీ క్లబ్‌ మిస్‌ అండ్‌ మిస్టర్‌ టీన్‌ ఇండియా’. ఈ పోటీలో పాల్గొనడానికి, విజేతగా నిలవడానికి దేశవ్యాప్తంగా యువత ఆసక్తి చూపిస్తుంది. అయితే ‘అలీ క్లబ్‌ మిస్‌ అండ్‌ మిస్టర్‌ టీన్‌ ఇండియా–2024’ పోటీల్లో హైదరాబాద్‌కు చెందిన 17 ఏళ్ల కాటేపల్లి ఐశ్వర్య ఫైనలిస్ట్‌గా నిలిచి అందరి దృష్టినీ ఆకర్షించింది.ఫ్యాషన్, జీవనశైలి, వినోద రంగాల్లో యువ ప్రతిభతో వారి కలలను నెరవేర్చుకోవడానికి అద్భుత వేదికగా ఫ్యాషన్‌ పోటీలు నిలుస్తా్తయి. ముఖ్యంగా నగరంలో ‘అలీ క్లబ్‌ మిస్, మిస్టర్‌ టీన్‌ ఇండియా’.. ‘లిమ్కా బుక్‌ ఆఫ్‌ రికార్డ్స్‌’ ద్వారా గుర్తింపు పొందింది. ఇలాంటి వేదికపై తన అభిరుచులు, ఫ్యాషన్‌పై ఆమె అంకితభావంతో విజేతగా నిలవడానికి గ్రాండ్‌ ఫినాలేకి చేరుకుంది. సెమీ ఫైనల్స్‌ ఆత్మస్థైర్యాన్ని పెంచింది... ప్రస్తుతం షాఫ్ట్‌ మల్టీమీడియాలో కంప్యూటర్‌ సైన్స్‌పై దృష్టి సారిస్తూ 12వ తరగతి చదువుతోంది ఐశ్వర్య. ఆమె చదువులతో పాటు మల్టీమీడియా, ఫైన్‌ ఆర్ట్స్‌లో డిప్లొమా కోసం కృషి చేస్తుంది. నగరంలోని డిజిటల్‌ మార్కెటింగ్‌ ఏజెన్సీలో పనిచేస్తూ వాస్తవ ప్రపంచ అనుభవాన్ని పొందుతోంది. ఈ ప్రయాణం వ్యక్తిగతంగానే కాకుండా వృత్తిపరమైన వృద్ధికి ఆమె నిబద్ధతను ప్రతిబింబిస్తుంది. ఈ నెల 31న ఢిల్లీ వేదికగా జరగనున్న గ్రాండ్‌ ఫినాలేలో విజేతగా నిలవడానికి ఇప్పటికే అక్కడికి చేరుకున్నానని ఐశ్వర్య తెలిపింది.గత నెలలో జరిగిన సెమీ–ఫైనల్‌ రౌండ్‌లో దేశవ్యాప్తంగా పాల్గొన్న ఫ్యాషన్‌ ఔత్సాహికులను దాటుకుని గ్రాండ్‌ ఫినాలేలో అడుగుపెట్టడం మరింత ఆత్మస్థైర్యాన్ని పెంచిందని ఆమె అన్నారు. దేశవ్యాప్తంగా యువ ప్రతిభావంతులకు గుర్తింపునిచ్చే ఈ వారసత్వంలో ప్రాతినిథ్యం వహిస్తూ హైదరాబాద్‌ నగరాన్ని మరోసారి జాతీయ వేదికపై నిలపడం సంతోషంగా ఉందన్నారు. తన తోటి పారి్టసిపెంట్స్‌తో కలిసి జడ్జిల ప్యానెల్‌ ముందు తమ సామర్థ్యాలను ప్రదర్శించే ఫినాలే కోసం ఆసక్తిగా ఎదురుచూస్తున్నానని ఐశ్వర్య తెలిపింది.

సినీ ఇండస్ట్రీలో క్యాస్టింగ్ కౌచ్‌ అనే పదం తరచుగా వినిపిస్తూనే ఉంటోంది. ఏదో ఒక సందర్భంలో ఇలాంటి అనుభవం ఎదురైన వారు ఇండస్ట్రీలో చాలామందే ఉంటారు. ఇలాంటి చేదు అనుభవాలను అందరూ ధైర్యంగా బయటికి చెప్పలేరు. మరికొందరు తమ కెరీర్‌లో ఎదుర్కొన్న ఇలాంటి సంఘటనలపై ఓపెన్ అవుతుంటారు. తాజాగా బాలీవుడ్ నటి ఐశ్వర్య సుస్మిత తనకెదురైన కాస్టింగ్ కౌచ్ అనుభవం గురించి మాట్లాడింది. ఇటీవల ఆమె 'బాడ్ కాప్' అనే వెబ్ సిరీస్‌లో కనిపించింది.ఇండస్ట్రీలో క్యాస్టింగ్ కౌచ్ ఎక్కువగా ఉందని ఐశ్వర్య సుస్మిత తెలిపింది. అయితే ఈ విషయాన్ని పెద్దది చేయడం ఒక్కటే మార్గం కాదని ఐశ్వర్య అన్నారు. తాను ఎప్పుడూ ఎలాంటి ఆడిషన్స్‌ను మిస్ చేసుకోలేదని పేర్కొంది. తాను విలువల విషయంలో రాజీ పడేది లేదని.. కష్టపడి పనిచేస్తానని చెప్పుకొచ్చింది.ఐశ్వర్య మాట్లాడుతూ.. "నేను ఇండస్ట్రీలోకి అడుగుపెట్టిన కొత్తలో ఇలాంటివీ చాలా విన్నా. చాలామంది వ్యక్తులు పలు విధాలుగా కథలు చెప్పేవారు. నేను అప్పటికీ మోడల్‌గానే ఉన్నా ఇంకా నటనలోకి అడుగు పెట్టలేదు. మీరు వారితో పడుకోకపోతే మీకు అవకాశాలు రావని నాకు చెప్పేవారు. కానీ పరిశ్రమలోకి రావడానికి ఇది ఒక్కటే మార్గం కాదు. కానీ ఆ సమయంలో కొందరు డైరెక్టర్స్‌, క్యాస్టింగ్‌ డైరెక్టర్స్‌ నన్ను పర్సనల్‌గా కలవమని చెప్పేవారు. కానీ ఇక్కడ మనల్ని ఎవరూ బలవంతం చేయడం లేదు. వెళ్లాలా? వద్దా? అనేది మన నిర్ణయం. ఇది కేవలం సినీ ఇండస్ట్రీలోనే కాదు.. కార్పొరేట్ రంగంలోనూ ఉంది.' అంటూ తన అనుభవాలను గుర్తు చేసుకుంది.కాగా.. ఐశ్వర్య సుస్మిత మోడల్‌గా తన కెరీర్‌ని ప్రారంభించింది. 2016లో కింగ్‌ఫిషర్ క్యాలెండర్ గర్ల్‌గా తొలిసారి అవకాశం దక్కించుకుంది. ఆమె మోడలింగ్ నుంచి నటన వైపు అడుగులు వేస్తోంది. ప్రస్తుతానికి ఓటీటీలో అరంగేట్రం చేసిన ఐశ్వర్య సుస్మిత త్వరలోనే సినిమాల్లోనూ నటించేందుకు సిద్ధమవుతోంది.

ముస్తాబాద్‌(సిరిసిల్ల): కడుపులో పెరుగుతున్న బిడ్డను కళ్లారా చూడకుండానే ఓ గర్భిణి అనారోగ్యంతో మృతిచెందింది. గ్రామస్తులు, కుటుంబీకుల కథనం మేరకు.. ముస్తాబాద్‌ మండలం మద్దికుంటకు చెందిన ఝాన్సీ అలియాస్‌ ఐశ్వర్య (20)కు గూడెం గ్రామానికి చెందిన ఈడుగురాళ్ల అంజయ్య, విజయ దంపతుల కుమారుడు హరీశ్‌తో ఏడాదిన్నర క్రితం వివాహం జరిగింది. ఝాన్సీ ప్రస్తుతం 7 నెలల గర్భిణి. ఇటీవలే భర్త ఉపాధి నిమిత్తం దుబాయ్‌ వెళ్లాడు. ఝాన్నీ అనారోగ్యానికి గురికాగా నెల రోజులుగా వైద్యం చేయిస్తున్నారు. ఆమె పరిస్థితి విషమంగా ఉండడంతో హైదరాబాద్‌లోని ఓ ప్రైవేటు ఆసుపత్రికి తరలించగా చికిత్స పొందుతూ మంగళవారం మృతిచెందింది. పెళ్లయిన ఏడాదిన్నరకే ఝాన్సీ మృతిచెందడంతో రెండు కుటుంబాలు దుఃఖంలో మునిగాయి. ఆమె కడసారి చూపునకు భర్త

‘నా కాళ్లకు ప్రయాణ దాహం పట్టుకుంది’ అంటున్నారు యువ ఆర్టిస్ట్‌లు. ఆ ప్రయాణ అనుభవాలు వారి కళకు బలాన్ని ఇస్తున్నాయి. సమాజంతో కలిసి పనిచేయడానికి అవసరమైన స్ఫూర్తిని ఇస్తున్నాయి. పబ్లిక్‌ ఆర్ట్‌గా ప్రాచుర్యం ΄పొందిన ‘మ్యూరల్‌ ఆర్ట్‌’ ద్వారా మానసిక ఆరోగ్యం నుంచి మహిళాశక్తి వరకు ఎన్నో విషయాలను ప్రచారం చేస్తున్నారు. కార్టూన్‌లతో నవ్వించడమే కాదు ఆరోగ్య సమస్యల గురించి ఆలోచించేలా చేస్తున్నారు. కళకు సామాజిక ప్రయోజనాన్ని జోడించిన వారి క్రియేటివ్‌ జర్నీ గురించి....ముంబైకి చెందిన మేఘకు మ్యూరల్‌ ఆర్ట్‌ అంటే ఎంత ఇష్టమో ప్రయాణాలు అంటే కూడా అంతే ఇష్టం. ఆ ప్రయాణాలలో ప్రకృతి అందాలను ఆస్వాదించడం అంటే ఇష్టం.ఆమె దృష్టిలో ప్రకృతి అనేది విశాలమైన కాన్వాస్‌. అస్సాంలోని పచ్చటి కొండల నుంచి జమ్మూ కశ్మీర్‌లోని తెల్లటి మంచుల కొండల వరకు నదుల జలకళ నుంచి ఎడారుల ఇసుక మెరుపుల వరకు ఎన్నో ప్రాంతాల అందాలను ఆస్వాదించింది.తన కళకు ఇన్‌స్పిరేషన్‌ తాను వెళ్లిన ప్రాంతాలే. ‘ప్రయాణం అంటే ప్రతి రోజు ఒక కొత్త ఎనర్జీతో నిద్ర లేచే ఉత్సాహం. ఆ ఉత్సాహ శక్తి మన కళలో ప్రతి ఫలిస్తుంది’ అంటుంది మేఘ.మానసిక ఆరోగ్యంపై ప్రజల్లో అవగాహన కలిగించడానికి తన మ్యూరల్‌ ఆర్ట్‌ను సాధనంగా వాడుకుంటుంది స్నేహ చక్రవర్తి. ‘మైండ్‌ అండ్‌ మ్యాటర్‌’ చారిటబుల్‌ ట్రస్టుతో కలిసి ‘ది ట్రావెల్‌ అండ్‌ పెయింట్‌: ఇండియా టూర్‌’ చేసింది. ఆల్‌ ఇండియా ఆర్ట్‌ టూర్‌లో ఎన్నో కొత్త విషయాలు తెలుసుకుంది. అట్టడుగు వర్గాల పిల్లలతో సంభాషించి వారితో స్నేహం చేసే అవకాశం వచ్చింది.‘కళ’ అనేది మానసిక ఆరోగ్యానికి ఎలా ఉపయోగపడుతుందో విస్తృతంగా ప్రచారం చేస్తోంది స్నేహ చక్రవర్తి.తిరువనంతపురానికి చెందిన అమితకు చిన్నప్పటి నుంచి చిత్రకళ అంటే ఇష్టం. ప్రయాణాలు అంటే మరీ ఇష్టం. ‘మొదట్లో ప్రముఖ చిత్రకారుల ఆర్ట్‌వర్క్స్‌ను అనుసరిస్తూ ఆనందించేదాన్ని. అయితే అసలైన ఆనందం నాకు వివిధ ప్రాంతాలకు వెళ్లినప్పుడు అక్కడి ప్రజలతో మాట్లాడినప్పుడు దొరికింది. ఒక ప్రాంతానికి తనదైన అందాలు ఉన్నట్లే సమస్యలు కూడా ఉంటాయి. ఆ సమస్యలను నా కళ ద్వారా ప్రతిబింబించాలనుకుంటు న్నాను’ అంటుంది అమిత.చిత్రకళకు సంబంధించి నిర్దిష్టమైన శైలికి పరిమితం కావడం అంటే అమితకు ఇష్టం లేదు. ఐడియాల విషయంలో ఔట్‌ ఆఫ్‌ బాక్స్‌ ఆలోచించడం ఆమెకు ఇష్టం. ‘యూనిక్‌ ఎక్స్‌ప్రెషన్‌’ను అమితంగా ఇష్టపడుతుంది.మేఘ, స్నేహ, అమితలుæమాత్రమే కాదు దేశవ్యాప్తంగా ఎంతోమంది యువ కళాకారులు తమవైన కళారూపాలతో సమాజంతో కలిసి నడుస్తున్నారు. సామాజిక కళకు సై అంటున్నారు.జస్ట్‌ లోకల్‌...చెన్నైకి చెందిన పదహారుమంది యువ ఆర్టిస్ట్‌లు ఐశ్వర్య మణివణ్ణన్‌ మార్గదర్శకత్వంలో ‘లోకల్‌’ థీమ్‌తో వందకుపైగా కళారూపాలు ఆవిష్కరించారు. టెక్నాలజీపై అతిగా ఆధారపడడం వల్ల కోల్పోతున్నది ఏమిటో తెలియజేస్తాయి ఈ చిత్రాలు. సామాజిక మాధ్యమాల ద్వారా ఎక్కడో జరిగే సంఘటనల గురించి తెలుసుకునే మనం, సమీపంలోని వాటి గురించి మాత్రం తెలుసుకోలేము. ప్రపంచవ్యాప్తంగా ఎక్కడెక్కడో విషయాల గురించి అన ర్గళంగా చెప్పగలిగే వాళ్లలో చాలామందికి లోకల్‌ విషయాలలో అంతంత మాత్రమే అవగాహన ఉంటుంది. ‘తమ స్థానికతతో కళాకారులు మమేకం కావడానికి లోకల్‌ అనే థీమ్‌ ఉపయోగపడుతుంది’ అంటుంది ఐశ్వర్య. చెన్నైలోని వైబ్రెంట్‌ స్ట్రీట్‌ లైఫ్‌... అందులోని సాంస్కృతిక వైవిధ్యం అంటే ఐశ్వర్యకు ఇష్టం. తన స్టూడెంట్స్‌తో కలిసి నార్త్‌ చెన్నైలోని కాశిమేడుకు వెళ్లింది. గంభీరమైన సముద్రాన్ని చూసిన తరువాత స్టూడెంట్స్‌కు కొత్తప్రపంచంలోకి వచ్చినట్లు అనిపించింది. ఎంతోమంది జాలరులతో మాట్లాడారు. ఒక రకంగా చెప్పాలంటే ఇది వారి ట్రాన్స్‌ఫర్‌మేటివ్‌ జర్నీ. అక్కడి దృశ్యాలు స్టూడెంట్స్‌ ముందున్న కాన్వాస్‌లోకి నడిచొచ్చాయి. సహజత్వాన్ని ప్రతిబింబించాయి.ఈజ్‌ దట్‌ యూ? ‘టాలెంటెడ్‌ ఇలస్ట్రేటర్‌’గా చిన్న వయసులోనే పెద్ద పేరు తెచ్చుకుంది ముంబైకి చెందిన ప్రణిత కొచ్రేకర్‌. దైనందిన జీవిత దృశ్యాల నుంచి మానసిక ఒత్తిడి, ఆందోళన వరకు ఎన్నో అంశాలు ఆమె చిత్రాలకు థీమ్‌గా ఉంటాయి. ఊహల్లో నుంచి కాకుండా సొంత అనుభవాల్లో నుంచి చిత్రాలు వేయడం అంటే ప్రణితకు ఇష్టం.‘కళకు సామాజిక ప్రయోజం ఉంది. అది శక్తిమంతమైన మాధ్యమం’ అంటున్న ప్రణిత తన కళ ద్వారా మానసిక ఆరోగ్యంపై అవగాహన తీసుకువచ్చే ప్రయత్నం చేస్తోంది. వివిధ సామాజిక మాధ్యమాలను తన కళకు వేదికగా ఉపయోగించుకుంటోంది.యాంగ్జయిటీ డిజార్డర్‌లపై ‘ఇజ్‌ దట్‌ యూ?’ టైటిల్‌తో వేసిన డ్రాయింగ్‌ సిరీస్‌కు మంచి స్పందన వచ్చింది. తన బొమ్మల ద్వారా నవ్వించడంతోపాటు ఆలోచించేలా చేయడం ప్రణిత ప్రత్యేకత.‘డా.ఇంటర్‌నెట్‌’ పేరుతో యాంగ్జయిటీని తగ్గించుకోవడానికి ఏంచేస్తే బాగుంటుందో చిత్రం చివర సలహా కూడా ఇస్తుంది ప్రణిత.

యాక్షన్‌ కింగ్‌ అర్జున్‌ సర్జా పెద్ద కూతురు, హీరోయిన్‌ ఐశ్వర్య పెళ్లి బంధంలోకి అడుగుపెట్టింది. కోలీవుడ్‌ లెజెండరీ నటుడు, దర్శకుడు తంబి రామయ్య కుమారుడు, యంగ్‌ హీరో ఉమాపతిని ఆమె పెళ్లి చేసుకుంది. చెన్నైలో హనుమాన్‌ ఆలయంలో జరిగిన ఈ వివాహా వేడుకలో బంధువులు, సన్నిహితులు పాల్గొన్నారు. తాజాగా వీరి పెళ్లి ఫోటోలను సోషల్ మీడియా ద్వారా పంచుకున్నారు. ప్రస్తుతం ఈ ఫోటోలు నెట్టింట వైరలవుతున్నాయి.కాగా.. ఐశ్వర్య- ఉమాపతిల ఎంగేజ్‌మెంట్‌ వేడుక గతేడాది అక్టోబర్‌లో జరిగింది. కొన్నేళ్లుగా ప్రేమలో ఉన్న వీరిద్దరు పెద్దల అనుమతితోనే నిశ్చితార్థం చేసుకున్నారు. తాజాగా మూడుముళ్ల బంధంలోకి అడుగుపెట్టారు. ఇక సినిమాల విషయానికి వస్తే.. ఐశ్వర్య కెరీర్‌ అనుకుంత సక్సెస్‌ఫుల్‌గా సాగడం లేదు. కూతురి కోసం అర్జున్‌ డైరెక్టర్‌గా మారి సినిమా తీయగా అది కూడా ఆశించినంత ఫలితం అందుకోలేకపోయింది. మరోవైపు ఉమాపతి తమిళ చిత్రాల్లో నటిస్తున్నారు. కోలీవుడ్‌లో అడగప్పట్టత్తు మగజనంగళే, మనియార్‌ కుటుంబం, తిరుమనం, థానే వాడి సినిమాల్లో హీరోగా నటించాడు. View this post on Instagram A post shared by Aishwarya Arjun (@aishwaryaarjun)

ప్రముఖ డైరెక్టర్‌ శంకర్‌ కూతురు ఐశ్వర్య పెళ్లి గ్రాండ్‌గా జరిగింది. ఏప్రిల్‌ 15న జరిగిన ఈ వివాహ వేడుకకు రజనీకాంత్‌, సూర్య, కమల్‌ హాసన్‌ సహా దక్షిణాది చిత్రపరిశ్రమకు చెందిన స్టార్స్‌ హాజరై నూతన వధూవరులను ఆశీర్వదించారు. మంగళవారం ఎంతో వైభవంగా రిసెప్షన్‌ నిర్వహించగా బాలీవుడ్‌ సెలబ్రిటీలు స్పెషల్‌ అట్రాక్షన్‌గా నిలిచారు. ముఖ్యంగా సౌత్‌ డైరెక్టర్‌ అట్లీ- బాలీవుడ్‌ నటుడు రణ్‌వీర్‌ సింగ్‌ తమ డ్యాన్సులతో స్టేజీ దద్దరిల్లేలా చేశారు. వీరితోపాటు శంకర్‌ రెండో కూతురు, హీరోయిన్‌ అదితి శంకర్‌ కూడా ఎంతో హుషారుగా చిందేయడం విశేషం. ఇక వీరంతా తమిళ హిట్‌ సాంగ్స్‌కు కాలు కదిపారు. అందుకు సంబంధించిన వీడియోలు సోషల్‌ మీడియాలో వైరల్‌గా మారాయి. కాగా ఐశ్వర్య శంకర్‌ గతంలో క్రికెటర్‌ దామోదర్‌ రోహిత్‌ను పెళ్లాడింది. ఇతడు ఓ అమ్మాయిని లైంగికంగా వేధించాడనే ఆరోపణలు రావడంతో ఐశ్వర్య తన నుంచి విడాకులు తీసుకుంది. ఇక ఈ ఏడాది ఫిబ్రవరిలో తరుణ్‌ కార్తికేయన్‌తో నిశ్చితార్థం జరగ్గా రెండు రోజులక్రితమే ఘనంగా వివాహం జరిపించారు. #RanveerSingh & #AditiShankar dancing for ThalapathyVijay & #Trisha's Apadi Podu Song 🤩🔥pic.twitter.com/RFXuZLSZo1 — Kolly Corner (@kollycorner) April 16, 2024 చదవండి: నువ్వు వర్జినా..? ముందు నీ పెళ్లి గురించి చెప్పమన్న హీరోయిన్‌ తనయుడు

గత ఏడాది జరిగిన ఆసియా క్రీడల్లో 400 మీటర్ల పరుగులో భారత అథ్లెట్‌ ఐశ్వర్య మిశ్రా కాంస్యం సాధించింది. అయితే ఇప్పుడు ఆమె ప్రదర్శనకు  రజత పతకంగా ప్రమోషన్‌ దక్కింది. ఈ ఈవెంట్‌లో రజతం సాధించి ఉజ్బెకిస్తాన్‌ అథ్లెట్‌ ఫరీదా సొలియెవా డోపింగ్‌ పరీక్షలో పట్టుబడింది. దాంతో అంతర్జాతీయ అథ్లెటిక్స్‌  సమాఖ్య ఆమెపై 3 ఏళ్ల నిషేధం విధించింది. ఫలితంగా ఐశ్వర్య టైమింగ్‌ (53.07)ను రెండో స్థానంగా గుర్తిస్తూ ఆమె కాంస్యాన్ని రజతంగా మార్చారు. 

ప్రస్తుతం పెళ్లిళ్ల సీజన్ నడుస్తోంది. తాజాగా ప్రముఖ మలయాళ నటుడు బైజు సంతోష్ కూతురు, డాక్టర్‌ ఐశ్వర్వ వివాహబంధంలోకి అడుగుపెట్టింది. చెన్నైలో ఇంజనీర్‌గా పనిచేస్తున్న రోహిత్‌ను పెళ్లాడింది. తిరువనంతపురంలోని ప్రముఖ క్లబ్‌లో ఐశ్వర్య, రోహిత్ పెళ్లి ఘనంగా జరిగింది. ఈ వేడుకలో పలువురు మలయాళ సినీ ప్రముఖులు పాల్గొన్నారు.  అయితే తన భర్త గురించి ఆసక్తికర విషయాలు పంచుకుంది ఐశ్వర్య. తమది ప్రేమ వివాహం కాదని.. రోహిత్‌ను మ్యాట్రిమోనీ సైట్‌లో చూసి పెళ్లి చేసుకున్నట్లు వెల్లడించింది. అతని తల్లిదండ్రులు కేరళలోని పాతానంతిట్టకు చెందినవారు కాగా.. రోహిత్ పంజాబ్‌లో పుట్టి పెరిగారని తెలిపింది. నేను అతనితో ఒక్కసారి మాట్లాడాక.. నన్ను అర్థం చేసుకోగలడని అనిపించిందని ఐశ్వర్య పేర్కొంది. మరోవైపు పెళ్లి ప్రపోజల్ వచ్చినప్పుడు ఆమె మలయాళంలో పేరున్న నటుడి కూతురన్న విషయం తనకు తెలియదని రోహిత్ చెబుతున్నాడు. ఐశ్వర్య- రోహిత్ పెళ్లికి సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి.  కాగా.. బైజు సంతోష్‌కు ఐశ్వర్య పెద్దకూతురు. ఆమె ప్రస్తుతం ఎంబీబీఎస్‌ పూర్తి చేశారు. ఆమె పెళ్లికి ప్రియదర్శన్, షాజీ కైలాస్, అన్నీ, మేనక, సోనా నాయర్, కలడి ఓమన, డబ్బింగ్ ఆర్టిస్ట్ భాగ్యలక్ష్మి హాజరయ్యారు. కాగా.. బైజు సంతోష్ మలయాళంలో మోహన్‌ లాల్ సూపర్ హిట్ మూవీ లూసిఫర్‌లో నటించారు. ఈ చిత్రాన్ని తెలుగులో గాడ్‌ ఫాదర్‌గా రీమేక్‌ చేశారు. ఇందులో మెగాస్టార్ చిరంజీవి నటించారు.   View this post on Instagram A post shared by Binzu Gopalan - Makeupartist (@binzugopalan) View this post on Instagram A post shared by MoonWedlock Wedding Company (@moonwedlock)

ఒకప్పుడు సెలబ్రిటీలను ఆరాధించేవారు. పొగడ్తలే ఎక్కువగా వినిపించేవి.. విమర్శలు అంతగా ఉండేవి కావు. ఒకవేళ ఉన్నా ముఖం పట్టుకుని తిట్టేంత సీన్‌ అయితే లేదు. కానీ సోషల్‌ మీడియా పుణ్యమాని తారలు ఏ పోస్ట్‌ పెట్టినా.. అక్కడే తిట్టేస్తున్నారు, నోటికొచ్చింది అనేస్తున్నారు. ఇలాంటి ఆన్‌లైన్‌ ట్రోలింగ్‌ బాధితురాల్లో బుల్లితెర నటి ఐశ్వర్య శర్మ ఒకరు. నేను చనిపోవాలట ఒకరైతే ఏకంగా ఆమెను చచ్చిపోమని కోరారు. దానికి ఐశ్వర్య.. నువ్వు ఎన్ని శాపనార్థాలు పెట్టినా నేను మాత్రం.. ఆ దేవుడు నిన్ను చల్లగా చూడాలనే కోరుకుంటున్నానని రిప్లై ఇచ్చింది. ఈ ట్రోలింగ్‌ గురించి ఆమె మాట్లాడుతూ.. 'ట్రోలింగ్‌ అనేది ఒక దినచర్యలా మారిపోయింది. ప్రతిరోజూ విమర్శలు ఎదుర్కొంటూనే ఉన్నాను. నేను ఏ తప్పూ చేయలేదు అయినా అటువంటి కామెంట్స్‌ వస్తుంటే బాధగా ఉంటుంది. మరోవైపు నా అభిమానులు చాక్లెట్స్‌, పువ్వులు.. ఇలాంటి బహుమతులు పంపుతూ ఉంటారు. గిఫ్టులు తీసుకోవడంలో నాకే ఇబ్బందీ లేదు. కానీ ఏ కారణం లేకుండా నా కోసం ఖర్చు పెట్టొద్దని నా అభిప్రాయం. అందుకే వారిని బహుమతులు పంపొద్దని విజ్ఞప్తి చేస్తున్నాను. బహుమతులు, విమర్శలు.. ఏదీ వద్దు అయినా వాళ్లు వినరు.. కానీ ఓసారి గుర్తు చేయాలనుకున్నాను. ఓ వ్యక్తి దీన్ని కూడా తప్పుపట్టి నాపై విమర్శలు గుప్పించాడు. నేను కూడా ఒక మనిషినే.. నేనేదైనా తప్పు చేస్తే మీరు ఇష్టమొచ్చినట్లు తిట్టండి, ప్రశ్నించండి. కానీ ఏమీ చేయకపోయినా నన్ను అనరాని మాటలు అంటున్నారు. అదెందుకో అర్థం కావడం లేదు. నాకు ఎవరి బహుమతులు వద్దు, ఎవరి విమర్శలూ వద్దు. ట్రోలింగ్‌ వల్ల నా మానసిక ఆరోగ్యం దెబ్బతింటోంది. నేను చచ్చిపోతే వారికి మనశ్శాంతి వస్తుందా? శాడిస్టులు.. ముందేమో తిడతారు.. నటులు ఆత్మహత్య చేసుకుంటే మళ్లీ మానసిక ఆరోగ్యం గురించి మాట్లాడతారు. అసలు మీకు దాని గురించి మాట్లాడే హక్కు లేదు. కొందరు శాడిస్టులు పక్కవాళ్లను మాటలతో హింసించి ఆనందం పొందుతారు. సెలబ్రిటీల జీవితం ఎంతో ఆకర్షణీయంగా బాగుంటుందనుకుంటారు. కానీ దాని వెనక వారు పడ్డ కష్టాలను ఎవరూ పట్టించుకోరు. ఒక ఆర్టిస్టుగా నేనూ ఎన్నో ఇబ్బందులు ఎదుర్కొన్నాను. ఒక నెగెటివ్‌ రోల్‌ చేస్తే నిజ జీవితంలో కూడా అలాగే ఉంటాననుకుంటున్నారు. ఇదెంతవరకు కరెక్ట్‌?' అని ఆవేదన వ్యక్తం చేసింది నటి ఐశ్వర్య. చదవండి: చడీ చప్పుడు లేకుండా ఓటీటీలోకి వచ్చేసిన ‘ఆపరేషన్‌ వాలెంటైన్‌’, స్ట్రీమింగ్‌ ఎక్కడంటే..

కోలీవుడ్ స్టార్ ధనుశ్ నటించిన చిత్రం కెప్టెన్ మిల్లర్. ఈ చిత్రంలో ఇంతకు ముందు ఎప్పుడు లేని విభిన్నమైన పాత్రలో కనిపించనున్నారు. ఈ మూవీలో ప్రియాంక అరుల్ మోహన్ హీరోయిన్‌గా నటిస్తోంది. ఇప్పటికే షూటింగ్ పూర్తి చేసుకున్న ఈ చిత్రం పొంగల్ బరిలో నిలిచింది. ఈ సందర్భంగా చిత్రబృందం చెన్నైలో ప్రీ రిలీజ్‌ ఈవెంట్‌ను ఏర్పాటు చేసింది. ఈ మూవీ సంక్రాంతి కానుకగా జనవరి 12న రిలీజ్ కానుంది. ఈ చిత్రంలో  శివ రాజ్‌కుమార్, సందీప్ కిషన్ కూడా కీలక పాత్రల్లో నటిస్తున్నారు. యాంకర్‌తో అసభ్య ప్రవర్తన బుధవారం చెన్నైలో  నిర్వహించిన ఈవెంట్‌లో ఓ చేదు సంఘటన జరిగింది. ప్రీ రిలీజ్‌ ఈవెంట్‌ను హోస్ట్ చేస్తున్న యాంకర్‌ ఐశ్వర్యతో అసభ్యంగా ప్రవర్తించాడు. చాలామంది ఫ్యాన్స్ హాజరైన ఈవెంట్‌లో ఆమె అసభ్యకరంగా తాకాడు. అతని తీరుతో విసిగిపోయిన యాంకర్‌ అక్కడే దేహశుద్ధి చేసింది. దీనికి సంబంధించిన వీడియో నెట్టింట వైరల్‌గా మారింది. అయితే ఇది చూసిన నెటిజన్స్ సైతం యాంకర్‌ ఐశ్వర్యకు మద్దతుగా పోస్టులు పెడుతున్నారు. వెంటనే స్పందించి అతనికి బుద్ధిచెప్పడంపై ప్రశంసలు కురిపిస్తున్నారు. తాజాగా ఈ విషయాన్ని ఆమె తన ఇన్‌స్టాలోనూ పోస్ట్ చేసింది. 😨😨 pic.twitter.com/JJljl7ntBc — Christopher Kanagaraj (@Chrissuccess) January 3, 2024

టాలీవుడ్ హీరో కల్యాణ్ దేవ్ తెలుగువారికి సుపరిచితమే. మెగా అ‍ల్లుడిగా అభిమానుల్లో పేరు సంపాదించుకున్నాడు. విజేత సినిమాతో ఎంట్రీ ఇచ్చిన ఆ తర్వాత సూపర్ మచ్చి, కిన్నెరసాని చిత్రాల్లో నటించారు. అయితే ప్రస్తుతం కల్యాణ్ దేవ్ ఏ ప్రాజెక్ట్‌లోనూ నటించడం లేదు. చిరంజీవి కుమార్తె శ్రీజను పెళ్లి చేసుకున్న కల్యాణ్ దేవ్ ప్రస్తుతం ఆమెకు దూరంగా ఉంటున్న సంగతి తెలిసిందే. వీరిద్దరికీ నవిష్క అనే కూతురు ఉంది.   అయితే సోషల్ మీడియాలో ఎప్పుడు యాక్టివ్‌గా ఉండే కల్యాణ్‌ దేవ్‌ ఎప్పటికప్పుడు అభిమానులతో టచ్‌లో ఉంటారు. ప్రస్తుతం తన కుటుంబంతో కలిసి ఉంటున్న కల్యాణ్‌ దేవ్ గతంలో తన తల్లి బర్త్‌డే జరుపుకున్న ఫోటోలను పంచుకున్నారు. అలాగే తాజాగా ఆయన చేసిన పోస్ట్ సోషల్ మీడియాలో వైరల్‌గా మారింది. తాజాగా తన చెల్లెలు ఐశ్వర్య సీమంతం వేడుకలో పాల్గొన్న ఫోటోలను కల్యాణ్ దేవ్ తన ఇన్‌స్టాలో షేర్ చేశారు. ఈ వేడుకలో తన కూతురు నవిష్కతో కలిసి పాల్గొన్నారు. మీ అందరి ప్రేమ, అభిమానాలతో నా కుటుంబం ఇంకా పెరుగుతోంది.. అంటూ క్యాప్షన్ రాసుకొచ్చారు. ఈ వేడుకలో కుటుంబ సభ్యులతో కలిసి కల్యాణ్ దేవ్ దిగిన ఫోటోలు సోషల్ మీడియాలో నెట్టింట వైరలవుతున్నాయి.  View this post on Instagram A post shared by Kalyaan Dhev (@kalyaan_dhev)

ప్రముఖ డైరెక్టర్‌ అధిక్‌ రవిచంద్రన్‌ పెళ్లిపీటలెక్కాడు. సీనియర్‌ నటుడు ప్రభు కూతురు ఐశ్వర్యను పెళ్లాడాడు. చెన్నైలో శుక్రవారం (డిసెంబర్‌ 15న) వీరి వివాహం ఘనంగా జరిగింది. ఈ పెళ్లి వేడుకకు హీరో విశాల్‌ సహా పలువురు సెలబ్రిటీలు హాజరై నూతన వధూవరులను ఆశీర్వదించారు. ఇందుకు సంబంధించిన ఫోటోను విశాల్‌ సోషల్‌ మీడియాలో షేర్‌ చేస్తూ.. 'డార్లింగ్‌ అధిక్‌, నా ప్రియమైన సోదరి ఐశ్వర్య పెళ్లి బంధంతో ఒక్కటైనందుకు చాలా సంతోషంగా ఉంది. నా చెల్లిని మహారాణిలా చూసుకోవాలి జీవితంలో నూతన అధ్యాయాన్ని ప్రారంభిస్తున్న మీకు అందరి ఆశీస్సులు ఉంటాయి. ముఖ్యంగా ప్రభు సర్‌, పునీత ఆంటీ ఆశీర్వాదాలు ఎల్లవేళలా ఉంటాయి. నా చెల్లిని పెళ్లి చేసుకున్న అధిక్‌.. నువ్వు తనను మహారాణిలా చూసుకోవాలి. అర్థమైందా? సరదాగా అన్నానులే.. నువ్వు తనను బాగా చూసుకుంటావని నాకు తెలుసు. అదేంటో కానీ నా సోదరీమణులందరూ ఐశ్వర్య అనే పేరుతోనే కనిపిస్తారు. మీ జంట జీవితాంతం సుఖసంతోషాలతో ఉండాలని మనస్ఫూర్తిగా కోరుకుంటున్నాను' అని ఎక్స్‌ (ట్విటర్‌)లో రాసుకొచ్చాడు. ప్రస్తుతం ఈ ఫోటో నెట్టింట వైరల్‌గా మారింది. ఐశ్వర్యకు రెండో పెళ్లి.. కాగా ఐశ్వర్యకు ఇది రెండో పెళ్లి. 2009లో బంధువైన కునాల్‌తో ఆమె పెళ్లి జరిగింది. వివాహం తర్వాత భార్యాభర్తలిద్దరూ అమెరికాలో సెటిలయ్యారు. కానీ కొంతకాలానికి ఇరువురి మధ్య విభేదాలు వచ్చాయి. దీంతో భర్తకు విడాకులిచ్చేసి కొంతకాలంగా తల్లిదండ్రులతోనే ఉంటోంది. డైరెక్టర్‌ అధిక్‌ రవిచంద్రన్‌ విషయానికి వస్తే ఇతడు 'త్రిష ఇల్లన నయనతార' సినిమాతో దర్శకరచయితగా సినీ కెరీర్‌ ఆరంభించాడు. 'దబాంగ్‌ 3' అనే బాలీవుడ్‌ సినిమాకు రచయితగానూ పని చేశాడు. ఇటీవల 'మార్క్‌ ఆంటోని' సినిమాతో కోలీవుడ్‌కు బ్లాక్‌బస్టర్‌ హిట్‌ ఇచ్చాడు. ఈ డైరెక్టర్‌ 'కే-13', 'నేర్కొండ పార్వై', 'కోబ్రా' సినిమాల్లో అతిథి పాత్రలో నటించాడు. ప్రస్తుతం ఈ డైరెక్టర్‌ అజిత్‌తో ఓ సినిమా చేయనున్నట్లు టాక్‌! So damn happy for u my darling Adhik and my dearest sister Aishwarya on your wedding today and starting a new chapter in your lives and u hav the universe s blessings and especially your parents prabhu sir and punitha aunty's positivity and blessings now. Coming to the point,… pic.twitter.com/Vucqwch3J0 — Vishal (@VishalKOfficial) December 15, 2023 చదవండి: మహారాణిలా బతకాలనుకున్నా.. 18 ఏళ్లు వచ్చేసరికే పెళ్లి, పిల్లలు, విడాకులు.. ప్రముఖ డైరెక్టర్‌తో ప్రభు కూతురి రెండో పెళ్లి (ఫొటోలు)

కర్ణాటక: పెళ్లిపత్రికలు పంచారు, వధూవరుల ఇళ్లలో పెళ్లి సందడి నెలకొంది, ఇంతలోనే ఘోరం జరిగింది. తాలూకాలోని టీబీ డ్యాం వద్ద మరో మూడు రోజుల్లో పెళ్లి పీటలెక్కాల్సిన యువతి అనుమానాస్పదరీతిలో శవమైన ఘటన ఆదివారం రాత్రి జరిగింది. వివరాలు..టీబీ డ్యాం నివాసి ఐశ్వర్య (26) అనే యువతి వరుని ఇంట్లో విగతజీవిగా మారింది. వివరాలు.. అశోక్‌ (27), ఐశ్వర్య ఇద్దరు టీబీ డ్యాం వాసులు కాగా ఐదారేళ్లుగా ప్రేమించుకుంటున్నారు. ఇద్దరు వేర్వేరు కులాల వారు అయినప్పటికీ పెద్దల అంగీకారంతో పలు షరతుల ప్రకారం వివాహానికి సిద్ధమయ్యారు. తమ సంప్రదాయ ప్రకారం పెళ్లాడదామని ఐశ్వర్యను వరుడు తీసుకెళ్లాడని, తమ తరఫు నుంచి ఎవరూ రావద్దని చెప్పారని అమ్మాయి బంధువులు తెలిపారు. ఇంతలో యువతి ఆత్మహత్య చేసుకుందని హఠాత్తుగా కట్టుకథ అల్లుతున్నారని ఆరోపించారు. ఇది హత్యే: యువతి తండ్రి వారితో మనకు పొసగదని, ఈ పెళ్లి వద్దు అని మా కూతురికి చెప్పాం. ఆమె చాలా దృఢమైన మనస్సు గలది. ఆమె ఆత్మహత్య చేసుకునేంత పిరికిది కాదు, యువకుడి కుటుంబ సభ్యులే ఈ హత్యకు పాల్పడ్డారని యువతి తల్లిదండ్రులు ఆరోపిస్తున్నారు. యువతి తండ్రి సుబ్రమణి మాట్లాడుతూ ఇద్దరూ ఐదేళ్లుగా ప్రేమలో ఉన్నారు. పెళ్లి వద్దని నేను వారించినా, కూతురు, బంధువులు ఒప్పుకోలేదు, 15వ తేదీన ఆమె అమ్మమ్మ ఇంట్లో పూజలు చేయడానికి పంపించాము. 16వ తేదీన అశోక్‌ ఇంటికి తీసుకెళ్లారు. సోమవారం మధ్యాహ్నం ఫోన్‌ చేసి మీ కూతురు చనిపోయిందని చెప్పారు. అంతకుముందే వారు రెండు ఆస్పత్రులకు ఆమెను తీసుకెళ్లారు. ఎలా చనిపోయిందో తెలియదు అని వాపోయారు. అశోక్‌ కుటుంబమే హత్య చేసిందని అన్నారు. పోలీసులు కేసు నమోదు చేసి వరున్ని అరెస్టు చేశారు.

బోనకల్‌/వైరా: తెలిసీతెలియని వయస్సు.. ప్రేమలో పడ్డారు.. విషయం తెలియడంతో వారి కుటుంబసభ్యులు మందలించారు. ఇక పెళ్లికి వారెప్పటికీ ఒప్పుకోరనే ఆవేదనతో ఆ ప్రేమజంట బలవన్మరణానికి పాల్పడింది. ఈ ఘటన ఖమ్మం జిల్లాలో గురువారంరాత్రి చోటుచేసుకుంది. బోనకల్‌ మండలం రాపల్లికి చెందిన చింతల సుమంత్‌(18), బ్రాహ్మణపల్లికి చెందిన దారగాని ఐశ్వర్య(17) ఏడాదిన్నరగా ప్రేమించుకుంటున్నారు. సుమంత్‌ ట్రాక్టర్‌ డ్రైవర్‌గా బ్రాహ్మణపల్లిలో పనిచేసే సమయంలో ఐశ్వర్యతో ఏర్పడిన పరిచయం ప్రేమకు దారితీసింది. ఈ విషయం ఇద్దరి కుటుంబసభ్యులకు తెలియటంతో మందలించారు. దీంతో సుమంత్‌ ట్రాక్టర్‌ డ్రైవర్‌ పని మానేసి మూడునెలల క్రితం హైదరాబాద్‌ వెళ్లి ఓ ప్రైవేట్‌ కంపెనీలో చేరాడు. ఈ క్రమంలో గత నెల 29న ఐశ్వర్య ఇంటి నుంచి బయటకు వెళ్లి తిరిగి రాకపోవడంతో కుటుంబసభ్యులు బోనకల్‌ పోలీసులకు 31వ తేదీన ఫిర్యాదు చేశారు. అయితే, ఐశ్వర్య హైదరాబాద్‌లో ఉన్న సుమంత్‌ వద్దకు వెళ్లింది. ఇద్దరూ కలిసి ద్విచక్ర వాహనంపై గురువారంరాత్రి వైరా రిజర్వాయర్‌ వద్దకు చేరుకుని ఓ చెట్టుకు ఉరేసుకున్నారు. శుక్రవారం ఉదయం స్థానిక రైతులు గమనించి పోలీసులకు సమాచారం ఇవ్వగా వైరా ఏసీపీ రెహమాన్‌ ఘటనాస్థలానికి చేరుకుని కేసు దర్యాప్తు ప్రారంభించారు. 

సాక్షి, కర్ణాటక: వరకట్న వేధింపులతో ఆత్మహత్యకు పాల్పడిన మహిళా టెక్కీ కేసులో శుక్రవారం గోవిందరాజనగర పోలీసులు ఐదుమందిని అరెస్ట్‌చేశారు. భర్త రాజేశ్‌, మామ గిరియప్ప, అత్త సీతా, విజయ్‌, తస్మితాను కటకటాల వెనక్కు పంపారు. అమెరికాలో ఎంబీఏ చదివిన ఐశ్వర్య(26)కు డైరీరీచ్‌ ఐస్‌క్రీమ్‌ కంపెనీ యజమాని రాజేశ్‌తో ఐదేళ్ల క్రితం వివాహమైంది. ఐశ్వర్య తండ్రి సుబ్రమణి చెల్లెలి భర్త రవీంద్ర.. రాజేశ్‌ కంపెనీలో ఆడిటర్‌గా పనిచేస్తున్నారు. ఇతనే రాజేశ్‌కు పెళ్లి సంబంధం చూశాడు. మూడునాలుగేళ్లు ఇరుకుటుంబాలు సంతోషంతో అన్యోన్యంగా ఉన్నాయి. ఆస్తి విషయంలో రవీంద్ర, సుబ్రమణి కుటుంబాల్లో గొడవలు ఏర్పడ్డాయి. ఐశ్వర్య తండ్రిపై కోపంతో రవీంద్ర ఐశ్వర్య సంసారంలో నిప్పులు పోశారు. ఐశ్వర్యపై రాజేశ్‌కు లేనిపోని అబద్దాలు చెప్పి దంపతుల మధ్య గొడవలు పెట్టాడు. దీంతో రాజేశ్‌ కుటుంబ సభ్యులు ఐశ్వర్యను వేధించారు. అయినప్పటికీ ఐశ్వర్య సహనం కోల్పోలేదు. ఉద్యోగం చేసిన సంపాదనలో భర్తకు విలాసవంతమైన బైకు, బంగారు ఆభరణాలు అందించింది. కానీ కుటుంబ సభ్యులు మాటలు విని రాజేశ్‌ దూషణలకు పాల్పడటంతో ఐశ్వర్య 20 రోజుల క్రితం విజయనగరలోని పుట్టింటికి చేరుకుంది. గతనెల 26 తేదీన ఇంట్లో ఎవరూలేని సమయంలో డెత్‌నోట్‌రాసి ఫ్యాన్‌కు ఉరివేసుకుని ఆత్మహత్యకు పాల్పడింది. తమ కుమార్తె మృతికి అల్లుడు, కుటుంబసభ్యులే కారణమని పలువురు పేర్లతో గోవిందరాజనగర పోలీస్‌స్టేషన్‌లో ఐశ్వర్య తండ్రి ఫిర్యాదు చేశాడు. కేసు నమోదు చేసుకున్న పోలీసులు ఐశ్వర్య భర్తతో పాటు కుటుంబసభ్యులను అరెస్ట్‌చేసి విచారణ చేపడుతున్నారు. ఐశ్వర్య ఆత్మహత్యకు పాల్పడిన అనంతరం భర్త రాజేశ్‌, తల్లిదండ్రులు గిరియప్ప, సీతా, విజయ్‌, తస్మిన్‌ గోవా, ముంబైలో పార్టీ చేసుకున్నట్లు పోలీసుల దర్యాప్తులో వెలుగుచూసింది. ముఖ్య గమనిక: ఆత్మహత్య మీ సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001 మెయిల్: roshnihelp@gmail.com ఇవి చదవండి: వివాహేతర సంబంధంతో.. ప్రియురాలి మోజులో.. భార్యను కిరాతకంగా..

ఆమె అందాల రాశి, నీలి కళ్ల సుందరి, ప్రపంచ సుందరి ఇలా ఎన్నో ఐశ్వర్య రాయ్ బచ్చన్‌కు ఉన్న ట్యాగ్‌లైన్స్‌.. నేడు ఆమె పుట్టినరోజు. 50 ఏళ్లు పూర్తి చేసుకున్న కూడా వన్నె తరగని అందం ఆమె సొంతం. మిస్‌ వరల్డ్‌ కిరీటం కూడా ఆమె ధరించాకే దానికి విలువ పెరిగిందా అనేలా ఆమె సోయగం ఉంటుంది. అలా ఒక నటిగా, బచ్చన్‌ కుటుంబానికి కోడలిగా, మంచి భార్యగా, తల్లిగా ఎప్పుడూ బాధ్యతలు మర్చిపోలేదు. నేడు నవంబర్‌ 1న ఆమె పుట్టినరోజు సందర్భంగా ఐశ్వర్యరాయ్‌ గురించి పలు ఆసక్తికర విషయాలు తెలుసుకుందాం... ఐష్‌ స్వస్థలం కర్ణాటకలోని మంగుళూరు. ఆమె కాలేజీలో చదువుకునేప్పటి నుంచే మోడలింగ్ చేసేవారు. కొన్ని టీవీ ప్రకటనల్లోనూ నటించిన ఆమె, మిస్ ఇండియా పోటీల్లో రెండో స్థానాన్ని సంపాదించుకున్నారు. 1994లో మిస్ వరల్డ్ పోటీల్లో విజేత అయ్యి విశ్వసుందరిగా నిలిచారు. ఆ తరువాత ఆమె సినిమాల్లో నటించడం మొదలుపెట్టారు. 1997లో తమిళ సినిమా ఇరువర్ (ఇద్దరు)తో తెరంగేట్రం చేశారు ఐశ్వర్య. అదే సంవత్సరం హిందీలో ఔర్ ప్యార్ హో గయా సినిమాలో నటించారు. తమిళ్‌లో నటించిన జీన్స్ (1998) సినిమాతో మొదటి హిట్ అందుకున్నారు ఐశ్వర్య. సల్మాన్‌తో గొడవ.. అభిషేక్ బచ్చన్‌తో పెళ్లి అలా బాలీవుడ్‌లో కూడా ఆమెకు ఎదురు లేకుండా పోయింది. అక్కడ ఎన్నో సూపర్‌ హిట్‌ సినిమాల్లో ఐశ్వర్య నటించింది. 1999 నుంచి నటుడు సల్మాన్ ఖాన్‌తో డేటింగ్ చేస్తూ వచ్చిన ఐశ్వర్య ఎప్పుడూ వార్తల్లోనే ఉండేవారు. 2002లో వీరిద్దరూ విడిపోయారు. తన గురించి అసభ్యంగా మాట్లాడి తనను అవమానించినందుకే ఆయనతో విడిపోయానని వివరించారు ఆమె. ధూమ్2 సినిమా షూటింగ్ సమయంలో అభిషేక్ బచ్చన్‌తో ఐశ్వర్య ప్రేమలో పడ్డారు. 14 జనవరి 2007న వారు నిశ్చితార్ధం చేసుకోబోతున్నట్టు ప్రకటించారు. ఆ తరువాత అభిషేక్ తండ్రి అమితాబ్ బచ్చన్ దానిని ధృవీకరించారు. 20 ఏప్రిల్ 2007న బంట్ సంప్రదాయం ప్రకారం వారిద్దరూ వివాహం చేసుకున్నారు. పుట్టుకతో హిందువైన ఐశ్వర్యకు సంప్రదాయాలు, ఆచారాలు, భక్తి ఎక్కువ. 16 నవంబరు 2011న వీరికి ఒక పాప జన్మించింది. ఆమెకు ఆరాధ్య అని పేరు పెట్టారు. 50వ పుట్టినరోజు ఈ సందర్భంలో, నటి ఐశ్వర్య రాయ్ బచ్చన్ ఈరోజు తన 50వ పుట్టినరోజును జరుపుకుంటున్నారు. స్క్రీన్ స్టార్ల అభిమానులుగా అందరూ ఆమెకు  అభినందనలు తెలుపుతున్నారు. ఈ సమయంలో మిస్ వరల్డ్‌గా కీర్తించబడుతున్న ఐశ్వర్యరాయ్ ఆస్తి సమాచారాన్ని ఒకసారి చూద్దాం. దాదాపు మూడు దశాబ్దాలుగా నటిగా వెలుగొందుతున్న ఐశ్వర్యరాయ్ బచ్చన్ నికర విలువ రూ. 776 కోట్లుగా అంచనా వేయబడింది. ఆమె భారతీయ సినిమాలో అత్యంత ధనిక నటీమణులలో ఒకరిగా గుర్తించపడ్డారు. ముంబైలోని రూ. 112 కోట్ల విలువైన బంగ్లాలో తన కుటుంబంతో ఆమె కలిసి నివసిస్తున్నారు. అలాగే ప్రస్తుతం ఆమె ఒక సినిమాకు రూ. 10 కోట్ల నుంచి 12 కోట్లు తీసుకుంటుందని ప్రచారం ఉంది. ప్రకటనల కోసం అయితే సుమారు రూ. 6 కోట్ల రెమ్యునరేషన్‌గా తీసుకుంటున్నట్లు సమాచారం. ఐశ్వర్య రాయ్‌ జీవితంలో ఇవన్నీ ప్రత్యేకం ► డాక్టర్‌ కావాలని యాక్టర్‌ అయిన ఐశ్వర్య.. కాలేజీ రోజుల్లో ఆమె పెప్సీ యాడ్‌ చేసింది. దీంతో వచ్చిన గుర్తింపుతో మోడలింగ్‌ వైపు వెళ్లింది ► 1994లో ఐష్‌ 'మిస్‌ వరల్డ్‌' కిరీటాన్ని సొంతం చేసుకుంది. అదే ఏడాది సుస్మితా సేన్‌ 'మిస్‌ యూనివర్స్‌'గా నిలిచింది. ► ఐశ్వర్యకు భారత్‌లోనే కాదు విదేశాల్లోనూ అభిమానులు ఉన్నారు. ఈమె నటించిన 'జోధా అక్బర్‌' చిత్రంలో ఆమె లుక్‌ ఆధారంగా బార్బీ బొమ్మలను తయారు చేశారు. ► నెదర్లాండ్స్‌లోని క్యూకెనోఫ్‌ గార్డెన్‌లో ఉన్న తులిప్‌ పువ్వుల్లోని ఒక ప్రత్యేక జాతికి ఐశ్వర్య రాయ్‌ పేరు పెట్టారు. ► సూపర్‌ స్టార్‌ రజనీకాంత్‌ అంటే ఆమెకు ఎంతో ఇష్టం..ఆయనకు అభిమాని ఐశ్వర్య  ► 2009లో భారత ప్రభుత్వం 'పద్మ శ్రీ' అవార్డుతో ఐశ్వర్యను సత్కరించింది ► 2012లో ఆమెకు బ్రిటన్‌ ప్రభుత్వం 'ఆడ్రె డెస్‌ ఆర్ట్స్‌ ఎట్‌ డెస్‌ లెట్రెస్‌' పురస్కారాన్ని అందించింది. ► 2003లో కేన్స్‌ ఫిల్మ్‌ ఫెస్టివల్‌ జ్యూరీ సభ్యురాలిగా ఐష్‌ వ్యవహరించారు. ఈ ఘనత దక్కిన తొలి భారతీయు నటి ఆమెనే ► 2007 ఏప్రిల్‌ 20న ఐశ్వర్య రాయ్‌, అభిషేక్‌ బచ్చన్‌లకు వివాహమైంది. హిందూ సంప్రదాయం ప్రకారం వీరి పెళ్లి జరిగింది. 👉: (ఫొటో గ్యాలరీ కోసం ఇక్కడ క్లిక్ చేయండి)

ప్రవీర్‌ శెట్టి, ఐశ్వర్యా గౌడ జంటగా రాజు బొనగాని దర్శకత్వంలో తెరకెక్కుతున్న చిత్రం ‘ఎంగేజ్‌మెంట్‌’. రోడియమ్‌ ఎంటర్‌టైన్‌మెంట్స్‌ సమర్పణలో జయరామ్‌ దేవ సముద్ర నిర్మిస్తున్న ఈ సినిమా షూటింగ్‌ పూర్తయింది. జయరామ్‌ దేవ సముద్ర మాట్లాడుతూ– ‘‘యూత్‌ఫుల్‌ లవ్‌ ఎంటర్‌టైనర్‌గా రూపొందిన చిత్రం ‘ఎంగేజ్‌మెంట్‌’.  సినిమా ఔట్‌పుట్‌ బాగా వచ్చింది. రాజు బొనగాని అద్భుతంగా తీశాడు. ఈ చిత్రాన్ని తెలుగు, కన్నడ, తమిళ, మలయాళ, హిందీ, బెంగాలీ, ఒడియా భాషల్లో రిలీజ్‌ చేస్తాం. త్వరలో రిలీజ్‌ డేట్‌ ప్రకటిస్తాం’’ అన్నారు. ఈ చిత్రానికి సంగీతం: దిలీప్‌ బండారి, రజత్‌ గోష్, కెమెరా: వెంకట్‌ మన్నం, సహనిర్మాతలు: లక్ష్మీకాంత్‌ ఎన్‌ఆర్, నారాయణ స్వామి .ఎస్‌. 

టాలీవుడ్‌ ప్రేక్షకులకు పరిచయం అక్కర్లేని పేరు అమలా పాల్. అల్లు అర్జున్ సరసన ఇద్దరమ్మాయిలతో చిత్రంలో నటించింది.  బెజవాడ చిత్రంలో తెలుగులో ఎంట్రీ ఇచ్చిన ముద్దుగుమ్మ స్టార్‌ హీరోలతోనూ నటించింది. లవ్ ఫెయిల్యూర్, నాయక్, రఘువరన్ బీటెక్ చిత్రాలతో మెప్పించింది. ఆడై చిత్రంలో అమల న్యూడ్‌గా నటించి అభిమానులకు షాకిచ్చింది.  ప్రస్తుతం కోలీవుడ్, శాండల్‌వుడ్‌ చిత్రాలతో బిజీగా ఉంది. సోషల్ మీడియాలో బోల్డ్ ఫోటోషూట్లతో అభిమానులను అలరిస్తూ ఉంటోంది.  (ఇది చదవండి: ఆటో డ్రైవర్‌తో గొడవపడ్డ నటి.. డబ్బులివ్వకుండా చెక్కేసింది! ఇంత ఘోరమా?) అయితే తాజాగా ఓ మలయాళీ ముద్దుగుమ్మకు సంబంధించిన ఓ వార్త కోలీవుడ్‌లో చర్చనీయాంశంగా మారింది. గతంలో ధనుశ్‌తో చాలా క్లోజ్‌గా ఉండేదని అంటున్నారు. వీరిద్దరు కలిసి నటించిన వేళైల్లై పట్టదారి సినిమాతో సన్నిహితంగా మెలిగినట్లు అప్పట్లో తెగ వైరలైంది. అంతే కాకుండా వీరిద్దరి రిలేషన్‌పై కోలీవుడ్‌లో తెగ చర్చ నడిచింది. అయితే ప్రస్తుతం అమలాపాల్ గురించి ఓ క్రేజీ న్యూస్ వైరలవుతోంది. ధనుశ్‌తో అమలాపాల్ సన్నిహితంగా మెలగడంపై సూపర్ స్టార్ రజినీకాంత్ వార్నింగ్ ఇచ్చినట్లు తెలుస్తోంది. ఈ విషయాన్ని కోలీవుడ్ ప్రముఖ జర్నలిస్టు, సినీ విమర్శకుడు ఓ ఇంటర్వ్యూలో వెల్లడించినట్లు సమాచారం.  ధనుశ్, అమల మధ్య రిలేషన్ వల్లే రజినీకాంత్ కూతురు ఐశ్వర్యతో గొడవలు తలెత్తినట్లు తెలుస్తోంది. ఈ నేపథ్యంలోనే వీరిద్దరు ప్రస్తుతం విడివిడిగా ఉంటున్నారని సమాచారం. రజినీకాంత్ తన కూతురు జీవితం కోసమే అమలా పాల్ ఇంటికి వెళ్లి మరీ వార్నింగ్ ఇచ్చినట్లు కోలీవుడ్‌కు చెందిన ప్రముఖ జర్నలిస్టు ప్రస్తావించారు. అయితే ఈ వార్తల్లోన నిజమెంత ఉందో ఇంకా తెలియాల్సి ఉంది. కొందరేమో ఇదంతా రూమర్స్ అని కొట్టి పారేస్తున్నారు. ఏది ఏమైనా ప్రస్తుతం జర్నలిస్ట్ చేసిన కామెంట్స్ కోలీవుడ్‌లో వైరల్ అవుతున్నాయి. ప్రస్తుతం ఈ వార్త కోలీవుడ్‌లో హాట్ టాపిక్‌గా మారింది.   (ఇది చదవండి: హీరోయిన్‌గా ప్రముఖ డైరెక్టర్‌ కూతురు.. కీలక పాత్రలో టాలీవుడ్ నటుడు!! )

హాస్య బ్రహ్మ, తనదైన నటనతో వెయ్యికి పైగా చిత్రాల్లో భారతీయ ప్రేక్షకులకు వినోదం అందించిన నటుడు బ్రహ్మానందం. ఆయన ద్వితీయ కుమారుడు సిద్ధార్థ ఈ రోజు ఏడు అడుగులు వేశారు. శ్రీ బూర వినయ్ కుమార్, పద్మజ దంపతుల పుత్రిక ఐశ్వర్య మెడలో సిద్ధార్థ మూడు ముడులు వేశారు. సిద్ధార్థ, ఐశ్వర్యల వివాహం శుక్రవారం (ఆగస్టు 18) రాత్రి 10.45 గంటలకు హైదరాబాద్ లోని గచ్చిబౌలి ఫైనాన్షియల్ డిస్ట్రిక్ట్ నందు గల అన్వయ కన్వెన్షన్స్ లో జరిగింది. ఈ వివాహ మహోత్సవానికి మాజీ ఉపరాష్ట్రపతి ఎం వెంకయ్య నాయుడు, తెలంగాణ ముఖ్యమంత్రి కేసీఆర్, సినిమాటోగ్రఫీ మంత్రి తలసాని శ్రీనివాస్ యాదవ్, జనసేన పార్టీ అధినేత పవన్ కళ్యాణ్, ఎర్రబెల్లి దయాకర్ రావు, గంగుల కమలాకర్ సహా పలువురు రాజకీయ ప్రముఖులు... తెలుగు చలనచిత్ర పరిశ్రమ నుంచి నందమూరి బాలకృష్ణ, మంచు మోహన్ బాబు, మురళీ మోహన్, రాజేంద్ర ప్రసాద్, కోట శ్రీనివాస రావు, రాజశేఖర్ జీవిత దంపతులు, రామ్ చరణ్ ఉపాసన దంపతులకు పాటు చిరంజీవి సతీమణి సురేఖ, పెద్దమ్మాయి సుష్మిత, శ్రీకాంత్ ఫ్యామిలీ, సాయి కుమార్ ఫ్యామిలీ, మంచు విష్ణు దంపతులు, మంచు మనోజ్ దంపతులు, దర్శకులు కోదండరామిరెడ్డి, ఎస్వీ కృష్ణారెడ్డి, త్రివిక్రమ్ శ్రీనివాస్, శేఖర్ కమ్ముల, నటులు రావు రమేష్, ఆలీ ఫ్యామిలీ, ఎల్బీ శ్రీరామ్, నిర్మాతలు శివలెంక కృష్ణ ప్రసాద్, బెల్లంకొండ సురేష్, అచ్చిరెడ్డి, ఆదిశేషగిరిరావు, కెఎల్ నారాయణ, రఘు బాబు తదితరులు హాజరై నూతన వధూవరులను ఆశీర్వదించారు.

అభిమానం వేరు.. అనుబంధం  వేరని కోలీవుడ్ స్టార్ నటుడు ధనుష్‌ మరోసారి నిరూపించారు. తాను రజనీకాంత్‌ వీరాభిమానిగా గతంలో చాలాసార్లు బహిరంగంగానే చెప్పిన సంగతి తెలిసిందే. అయితే రజనీకాంత్‌ పెద్ద కూతురు ఐశ్వర్యను ధనుష్ ప్రేమించి పెళ్లి చేసుకున్నారు. కొన్నేళ్ల పాటు వీరి దాంపత్య జీవితం చాలా కాలం సంతోషంగా సాగింది. అంతేకాకుండా ఈ జంటకు ఇద్దరు కుమారులు కూడా ఉన్నారు. అలాంటిది అనూహ్యంగా ధనుశ్, ఐశ్వర్య మనస్వర్థల కారణంగా విడిపోయి అందరికి ఊహించని షాక్‌ ఇచ్చారు. (ఇది చదవండి: హైపర్‌ ఆది ఓవరాక్షన్‌.. చిరంజీవిని జీరోగా.. మెగా ఫ్యాన్స్‌ ఆగ్రహం) అప్పటి నుంచి చాలాకాలంగా రజనీకాంత్‌ కుటుంబానికి దూరంగా ఉంటున్న ధనుష్‌.. తాజాగా చేసిన ట్వీట్‌తో ఒక్కసారిగా వార్తల్లోకి నిలిచారు. రజినీకాంత్‌ కథానాయకుడిగా నటించిన తాజా చిత్రం జైలర్‌. నెల్సన్‌ దర్శకత్వంలో నిర్మించిన ఈ చిత్రం నిర్మాణ కార్యక్రమం పూర్తిచేసుకుని ఈనెల 10న ప్రపంచవ్యాప్తంగా విడుదలవుతోంది. దీంతో ఈ చిత్రంపై భారీ అంచనాలు నెలకొన్నాయి.  ఈ సందర్భంగా ధనుష్‌ ఇట్స్‌ జైలర్‌ వీక్‌ (ఇది జైలర్‌ వారం) అంటూ తన ట్విట్టర్‌లో పోస్ట్‌ చేశారు. దీంతో ధనుష్‌ అభిమానులు తాను ముందు రజనీకాంత్‌ అభిమాని అని.. ఆ తర్వాతే అన్నీ అని ధనుష్‌ మరోసారి నిరూపించారని ఆనందాన్ని వ్యక్తం చేస్తున్నారు.  (ఇది చదవండి: మహేశ్‌ 'రీమేక్స్' అస్సలు చేయడు.. ఎందుకో తెలుసా? ) It’s JAILER week 😁😁😁 — Dhanush (@dhanushkraja) August 7, 2023

సాయికుమార్‌, ఆదిత్యా ఓం, ఐశ్వర్య, రాజీవ్‌ కనకాల, శ్రీనివాస్‌ సాయి, దీపాలి రాజ్‌పుత్‌ ప్రధాన పాత్రల్లో తెరకెక్కిన చిత్రం ‘నాతో నేను’. శాంతి కుమార్‌ తూర్లపాటి (జబర్దస్ట్‌ ఫేం) దర్శకత్వంలో ప్రశాంత్‌ టంగుటూరి నిర్మించారు. ఈ నెల 21న థియేటర్లలో రిలీజ్ కానుంది.  ఈ సందర్భంగా హైదరాబాద్‌లో ఈ చిత్రం ప్రీ రిలీజ్‌ ఈవెంట్‌ను నిర్వహించారు మేకర్స్. ఈ కార్యక్రమానికి ముఖ్య అతిథిగా సీనియర్ నటుడు సాయి కుమార్ హాజరయ్యారు.  (ఇది చదవండి: స్టార్ డైరెక్టర్ కొత్త వెబ్ సిరీస్.. ఈసారి ఇంకెన్ని వివాదాలో?) సాయికుమార్‌ మాట్లాడుతూ.. 'నాన్న అమ్మ ఇచ్చిన స్వరం, సంస్కారంతో నేను ఈ స్థాయిలో ఉన్నా. చక్కని కథలతో వైవిధ్యమైన పాత్రలతో నటుడిగా నిలబడ్డా. మనసును కదిలించే కథతో సినిమా రూపొందించారు. ఈ చిత్రంలో ప్రతి సీన్‌ మనసును కదిలిస్తుంది.' అని అన్నారు. శ్రీనివాస్‌ సాయి మాట్లాడుతూ..' చక్కని కథాంశంతో ఎమోషన్స్‌, కామెడీ ఎంటర్‌టైనర్‌గా రూపొందిన చిత్రమిది. టీమ్‌ అంతా కష్టపడ్డాం. చిన్న సినిమానే కావచ్చు కానీ మంచి ప్రయత్నం.' అని అన్నారు.  శాంతికుమార్‌ మాట్లాడుతూ.. 'జబర్దస్త్‌ కమెడియన్‌గా ప్రేక్షకుల ఆదరణ పొందా. నేను దర్శకత్వం వహించే వరకూ వచ్చానంటే నిర్మాతలే కారణం. కథ అన్ని ఓకే అయ్యాక సీనియర్‌ ఆర్టిస్ట్‌ సాయికుమార్‌ సరే అనగానే నేను సక్సెస్‌ అయ్యాననిపించింది. అన్ని రకాలుగా సహకరించిన నిర్మాతకు కృతజ్ఞతలు.' అని అన్నారు. కరోనా వల్ల కాస్త  ఆలస్యమైనా మంచి సమయంలో విడుదల చేస్తున్నామని ఈ చిత్ర నిర్మాత అన్నారు. ఈ  చిత్రంలో సమీర్, సీవీఎల్ నరసింహారావు, గౌతమ్ రాజు, ఎమ్మెస్ చౌదరి, భద్రం, సుమన్ శెట్టి తదితరులు ప్రధాన పాత్రలు పోషించారు.  (ఇది చదవండి: బిగ్‌బాస్‌లోకి ఇండియన్‌ స్టార్‌ క్రికెటర్‌ .. స్టార్‌ మా ప్లాన్‌ ఇదేనా?)

తమిళనటుడు ధనుష్‌, ఐశ్వర్య రజనీకాంత్‌ దంపతులు విడిపోతున్నట్లు గతేడాది ప్రకటించిన విషయం తెలిసిందే. 18 ఏళ్ల వారి వైవాహిక బంధానికి ముగింపు పలుకుతున్నట్లు వీరిద్దరూ సోషల్‌మీడియా వేదికగా ప్రకటించారు. కానీ మళ్లీ కొద్దిరోజుల కిందట విడాకులు రద్దు చేసుకుంటున్నారంటూ పలు వార్తలు సోషల్‌ మీడియాలో చక్కర్లు కొట్టిన సంగతి తెలిసిందే. ఆ వార్తలపై అటు ధనుష్‌ కానీ, ఇటు ఐశ్వర్య కానీ ఎటువంటి అధికారిక ప్రకటన చేయలేదు. దీంతో వీరిద్దరు మళ్లీ కలవడం అనేది అసాధ్యం అని అభిమానులు కామ్‌ అయిపోయారు. (ఇదీ చదవండి: నా కంటే 30 ఏళ్లు పెద్దవాడు.. అయినా పెళ్లి చేసుకుంటే: ప్రముఖ సింగర్‌) తాజాగా ఐశ్వర్య రజనీకాంత్  రెండోపెళ్లి చేసుకోబోతున్నారంటూ విపరీతంగా ప్రచారం జరుగుతుంది. ప్రస్థుతం ఆమె ఇద్దరు పిల్లలతో సింగిల్ మదర్‌గా ఉంటున్నారు. అంతే కాకుండా ఓ సినిమాకు డైరెక్షన్‌ కూడా చేస్తున్నారు. ఇలాంటి పుకార్లు రావడానికి ప్రధాన కారణం ఐశ్వర్యపై ఈమధ్య కోలీవుడ్‌కు చెందిన ఓ హీరోతో ఆమె కనిపించిందని తెలుస్తోంది. చెన్నైలోని ఓ రిసార్ట్‌లో అతడితో ఆమె సన్నిహితంగా మెలుగుతూ కనిపించడంతో ఈ రెండో పెళ్లిపై పుకార్లు బలంగా వ్యాపిస్తున్నాయి. ఇందులో ఎంతమేరకు నిజముందో తెలియదు. ఇదే విషయంపై  ఐశ్వర్య రజనీకాంత్ స్పందిస్తే బాగుంటుందని అభిమానులు ఆశిస్తున్నారు. లేదంటే ఇలాంటి పుకార్ల వల్ల ఇమేజ్‌ దెబ్బతింటుందని వారు తెలుపుతున్నారు. ఎందుకు విడిపోయారు.. కారణం ఇదేనా? కారణం ఏంటనేది ఇప్పటికీ పూర్తిగా బయటకు తెలియదు. తామిద్దరం విడిపోతున్నట్లు మొదట ఐశ్వర్య ప్రకటించగా తర్వాత ధనుష్ ప్రకటించారు. దీంతో అంతా అవాక్కయ్యారు.  కానీ సుచీ లీక్స్‌లో ధనుష్‌ ఫోటోలు బయటకు వచ్చినరోజు నుంచే వీరి మధ్య గొడవ స్టార్ట్‌ అయిందనే ప్రచారం ఉంది. ఆ తర్వాత ధనుష్‌ ఓ హీరోయిన్‌తో చనువుగా ఉండటం ఐశ్వర్యకి నచ్చలేదని, అందుకే ఐశ్వర్య విడాకులు ఇచ్చేందుకు రెడీ అయిందనే టాక్‌ ఉంది. కోలీవుడ్‌లో ధనుష్‌కు ఉన్న ఎఫైర్‌ విషయంలో ఐశ్వర్య చాలా కాలంగా భరిస్తూ వచ్చి.. చివరకు చేసేదేమిలేక విడిపోవాలని నిర్ణయం తీసుకున్నారని తమిళ సినీ వర్గాలు పేర్కొంటున్నాయి.  (ఇదీ చదవండి: ధనుష్‌, ఐశ్వర్య రజనీకాంత్‌కు ఊరట.. కేసు కొట్టివేసిన హైకోర్టు)

నిఖిల్, ఐశ్వర్యా మీనన్‌ జంటగా ఆర్యన్‌ రాజేష్, సన్యా ఠాకూర్‌ ప్రధాన పాత్రల్లో నటించిన యాక్షన్‌ ఫిల్మ్‌ ‘స్పై’. ఎడిటర్‌ గ్యారీ బీహెచ్‌ దర్శకత్వంలో కె.రాజశేఖర్‌ రెడ్డి నిర్మించిన ఈ చిత్రం ఈ నెల 29న విడుదల కానుంది. ఈ సందర్భంగా విశాల్‌ చంద్రశేఖర్‌ సంగీతం అందించిన ఈ మూవీలోని ‘‘మొదటిసారిగా చూపు తగిలే... గుండెల్లో మోగిందే నీ తొలి కబురే, జుమ్‌ జుమ్మనే గుండెల్లోన యుద్ధాలే.. సిద్ధంగా ఉంచా నీకే ఏడుజన్మలే..’ అంటూ సాగే  పాట లిరికల్‌ వీడియోను చిత్రయూనిట్‌ ఆదివారం విడుదల చేసింది. కిట్టు విస్సాప్రగడ సాహిత్యం అందించిన ఈ పాటను అనురాగ్‌ కులకర్ణి, రమ్యా బెహ్రా పాడారు. స్వాతంత్య్ర సమరయోధులు నేతాజీ సుభాష్‌ చంద్రబోస్‌ డెత్‌ మిస్టరీ అంశాల నేపథ్యంలో ఈ సినిమా కథనం సాగుతుందని చిత్రయూనిట్‌ పేర్కొంది. ఈ సినిమాకి కెమెరా: వంశీ పచ్చిపులుసు, మార్క్‌ డేవిడ్, సంగీతం: శ్రీచరణ్‌ పాకాల, విశాల్‌ చంద్రశేఖర్‌.

సూపర్‌ స్టార్‌ రజనీకాంత్‌ ఆ మధ్య రాజకీయ రంగ ప్రవేశం చేస్తానని ప్రకటించి తర్వాత వెనక్కి తగిన విషయం తెలిసిందే. దానికి ఆరోగ్యం సహకరించడం లేదనే కారణాన్ని కూడా ఆయన చెప్పారు. కానీ,  అప్పటి నుంచి ఖాళీగా ఇంట్లో కూర్చోవడం లేదు. వరుసగా సినిమాలు చేసుకుంటూ పోతున్నారు. ప్రస్తుతం జైలర్‌తో పాటు తన కూతురు ఐశ్వర్య దర్శకత్వం వహిస్తున్న లాల్‌ సలాం చిత్రంలో అతిథి పాత్రలోనూ నటిస్తున్నారు. ఇవి గాక మరో రెండు చిత్రాలకూ పచ్చజెండా ఊపేశారు. ఇదిలా ఉంచితే ఇప్పుడు నటుడు రజనీకాంత్‌  రాజకీయాల్లోకి వచ్చినా ఉపయోగం లేదని స్వయానా ఆయన సోదరుడు సత్యనారాయణ రావు పేర్కొనడం విశేషం. ఇందుకు కారణాన్ని కూడా వివరించారు.  రజనీకాంత్‌ ఇకపై రాజకీయాల్లోకి రావాలని, వచ్చినా ప్రయోజనం ఏమీ లేదనీ వ్యాఖ్యానించారు. కారణం ఆయన వయస్సు ఏడు పదులు దాటడమేనని పేర్కొన్నారు. అదే విధంగా ఆయన ఎవరికీ మద్దతు పలికే అవకాశం లేదని స్పష్టం చేశారు.  దేవుని దయ వల్ల ఆయన సుదీర్ఘ కాలం సంపూర్ణ ఆరోగ్యంతో ఉండాలని సోదరుడు సత్యనారాయణ ఆకాంక్షించారు. సోమవారం తిరుచెందూర్‌ కుమారస్వామి ఆలయానికి ఆయన వచ్చారు. ఈ సందర్భంగా ఆయన మీడియాతో మాట్లాడుతూ రజినీకాంత్‌ నటిస్తున్న జైలర్, లాల్‌ సలాం చిత్రాలు త్వరలో విడుదలకు సిద్ధమవుతున్నాయన్నారు.

ఇటీవల టెక్సాస్‌లో జరిగిన కాల్పుల్లో తాటికొండ ఐశ్వర్య అనే యువతి మృతి చెందిన సంగతి తెలిసిందే. అమెరికా కాలమానం ప్రకారం ఈ నెల 7న మధ్యాహ్నం టెక్సాస్‌లోని ఓ షాపింగ్‌ మాల్‌లోకి ఓ దుండగుడు చొరబడి విచక్షణ రహితంగా కాల్పులు జరిపాడు. ఈ కాల్పుల్లో హైదరాబాద్‌కు చెందిన ఐశ్వర్యతో పాటు మరో ఏడుగురు మృతి చెందారు. హీరో సూర్యకి ఐశ్వర్య పెద్ద అభిమాని. (చదవండి: యుద్ధ భూమిలో కలుద్దాం తారక్‌.. హృతిక్‌ రోషన్‌ ట్వీట్‌ వైరల్‌ ) తన అభిమాని చనిపోయిందన్న విషయం తెలుసుకున్న సూర్య భావోద్వేగానికి లోనయ్యాడు. ఆమె మృతి పట్ల విచారం వ్యక్తం చేశాడు. అనంతరం ఐశ్వర్య కుటుంబానికి సానుభూతి తెలియజేస్తూ లేఖను రాశాడు.  ‘మిమ్మల్ని(ఐశ్వర్య పేరెంట్స్‌) ఓదార్చడానికి నాకు మాటలు రావడం లేదు. ఐశ్వర్య మృతి మనకు తీరని లోటు. ఆమె ఎప్పటికీ మన జ్ఞాపకాల్లో బతికే ఉంటుంది’ అంటూ ఐశ్వర్య తల్లిదండ్రును ఓదార్చాడు. అలాగే ఐశ్వర్య గురించి రాస్తూ.. ‘నువ్వు నిజమైన హీరోవి. నువ్వు చిందించే నవ్వు.. ప్రేమను పంచే నీ గుణం.. ప్రతి ఒక్కరి హృదయాలను తాకుతుంది’ అని రాసుకొచ్చాడు. A man who respects his fans is a real star. Heartfelt note from @Suriya_offl to his fan #Aishwarya, who was shot at the Allen Mall shooting in Texas, USA. Such comforting words. pic.twitter.com/pfGJbM1fpl — Siddarth Srinivas (@sidhuwrites) May 19, 2023

నల్గొండ: మరో పది రోజుల్లో పుట్టిన రోజు చేసుకోవాల్సిన ఐశ్వర్యను అంతలోనే మృత్యువు కబలించింది. పుట్టిన రోజు వేడుక సన్నాహాల్లో భాగంగా షాపింగ్‌కు వెళ్లిన ఐశ్వర్య దుండగుడి తూటాలకు బలికావడం ఆమె కుటుంబ సభ్యులను కలిచివేసింది. ఐశ్వర్య ఈ నెల 18న పుట్టిన రోజు వేడుకలను స్నేహితుల నడుమ జరుపుకోవాలని భావించింది. అమెరికాలోని టెక్సాస్‌ లోని ఎలెన్‌ సూపర్‌ మార్కెట్‌కు షాపింగ్‌ కోసం వెళ్లగా ఈ దుర్ఘటన చోటు చేసుకుంది. చలాకీగా, సరదాగా ఉండే ఐశ్వర్య ఇక లేదని తెలుసుకున్న బంధువులు, స్నేహితులు కన్నీరు మున్నీరు అవుతున్నారు. అమెరికాకు ఉన్నత చదువుల కోసం వెళ్లిన ఆమె చదువు పూర్తి కాగానే అక్కడే ఫర్‌ఫెక్ట్‌ జనరల్‌ కాంటాక్టర్స్‌ కంపెనీలో మేనేజర్‌గా పని చేస్తోంది.  ఇంకో నెల రోజుల్లో అదే కంపెనీకి సీఈవోగా నియమించేందుకు కంపెనీ ప్రతినిధులు ప్రతిపాదనలు కూడా సిద్ధం చేశారు.  ఉద్యోగోన్నతి పొందకుండానే ఆమె కానరాని లోకాలకు వెళ్లిపో యింది. ఆమెకు వివాహం చేసేందుకు తల్లిదండ్రులు పెళ్లి సంబంధాలు కూడా చూస్తున్నారు. శనివారం మధ్యాహ్నం 3:40 గంటలకు తల్లిదండ్రులు తాటికొండ నర్సిరెడ్డి–అరుణతో తన పుట్టిన రోజు వేడుకల సందర్భంగా షాపింగ్‌కు వెళ్తున్న విషయాన్ని ఫోన్‌ చేసి చెప్పింది. తల్లి దండ్రులతో అవే చివరి మాటలు. కాగా, ఐశ్వర్య భౌతికకాయం బుధవారం రాత్రికి హైదరాబాద్‌కు చేరుకోనున్నట్లు కుటుంబ సభ్యులు తెలిపారు.    ఎమ్మెల్యేల పరామర్శ అమెరికాలోని టెక్సాస్‌ రాష్ట్రంలో దుండుగల తూటాలకు బలైన నేరేడుచర్ల మున్సిపాలిటీలోని పాత నేరేడుచర్లకు చెందిన ఐశ్వర్య కుటుంబ సభ్యులను హైదరాబాద్‌లోని వారి నివాసంలో మంగళవారం హుజూర్‌నగర్‌ ఎమ్మెల్యే శానంపూడి సైదిరెడ్డి, కోదాడ ఎమ్మెల్యే బొల్లం మల్లయ్యయాదవ్‌ పరామర్శించారు. ఐశ్వర్య భౌతికకాయాన్ని స్వస్థలానికి తీసుకొచ్చేందుకు రాష్ట్ర మంత్రులు కేటీఆర్, జగదీష్‌రెడ్డి కృషి చేస్తున్నారని చెప్పారు. 

టెక్సాస్‌ అలెన్‌ ప్రీమియం ఔట్‌లెట్‌ మాల్‌లో దుండగుడి కాల్పుల్లో మృతిచెందిన తెలుగు యువతి తాటికొండ ఐశ్వర్య(26) మృతదేహాన్ని భారత్‌కు తరలించేందుకు ఆమె కుటుంబానికి సహకరిస్తున్నామని అమెరికాలోని ఇండియన్‌ కాన్సులేట్‌ తెలియజేసింది. శనివారం టెక్సాస్‌ మాల్‌ కాల్పుల్లో మరో ఇద్దరు భారతీయులు గాయపడ్డారని, వారిలో ఒకరి పరిస్థితి విషమంగా ఉన్నట్లు వెల్లడించింది. ఐశ్వర్య మృతదేహాన్ని స్వస్థలానికి చేర్చడానికి అవసరమైన ప్రక్రియ పూర్తి చేయడానికి తమ వంతు సాయం అందిస్తున్నామని హూస్టన్‌లోని కాన్సుల్‌ జనరల్‌ ఆఫ్‌ ఇండియా అసీమ్‌ మహాజన్‌ చెప్పారు. కాల్పుల్లో ఐశ్వర్య మరణం పట్ల తీవ్ర విచారం వ్యక్తం చేశారు. ఐశ్వర్య పార్థివ దేహాన్ని భారత్‌కు తరలించేందుకు ఉత్తర అమెరికా తెలుగు సంఘం(తానా) ప్రతినిధి అశోక్‌ కోళ్ల కృషి చేస్తున్నారు. చదవండి: అమెరికాలో కాల్పులు.. రాష్ట్ర యువతి మృతి

తమిళ నటి, పలు తెలుగు సినిమాలతో గుర్తింపు తెచ్చుకున్న నటి ఐశ్వర్య భాస్కరన్. సీనియర్ నటి లక్ష్మి కూతురు అయిన ఐశ్వర్య టాలీవుడ్‌లోనూ మంచి గుర్తింపు తెచ్చుకుంది. తెలుగులో అమ్మానాన్న తమిళ అమ్మాయి, నాని, కళ్యాణ వైభోగం లాంటి సినిమాల్లో సపోర్టింగ్‌ రోల్స్‌తో మెప్పించింది. అయితే తాజాగా తనకెదురైన ఓ చేదు అనుభవాన్ని వెల్లడించింది. ఇటీవల తాను ఆన్‌లైన్‌ లైంగిక వేధింపులకు గురయ్యానని ఐశ్వర్య తెలిపింది. చాలా మంది తనకు అసభ్యకరమైన సందేశాలు పంపుతుండడంతో డిప్రెషన్‌కు గురైనట్లు పేర్కొంది. కూతురి సలహాతోనే ఈ విషయాన్ని మీ అందరితో చెబుతున్నానని వివరించింది. కొందరు వ్యక్తులు అశ్లీల ఫొటోలు పంపిస్తూ తనను మానసికంగా వేధించారంటూ వీడియోను రిలీజ్ చేసింది. ప్రస్తుతం సినిమాల్లో అవకాశాలు తగ్గిపోవడంతో సోప్స్ బిజినెస్‌ను ఆమె ప్రారంభించారు.  ఐశ్వర్య మాట్లాడుతూ..'సోప్ బిజినెస్ కోసం సోషల్ మీడియాలో ఫోన్ నంబర్‌ షేర్ చేశా. అప్పటి నుంచి తనకు అనుచిత సందేశాలు, అసభ్యకర ఫొటోలు పంపిస్తున్నారు. కొంతమంది పురుషులు ప్రైవేట్ పార్ట్స్ ఫొటోలు కూడా షేర్ చేశారు. దీంతో మెంటల్‌గా డిస్టర్బ్ అయ్యాను.' అంటూ తనకెదురైన లైంగిక వేధింపుల గురించి మాట్లాడారు. ఈ విషయాన్ని తన యూట్యూబ్ ఛానెల్‌లో వీడియో ద్వారా పంచుకున్నారు ఐశ్వర్య. ఈ వేధింపులు ఇలాగే కొనసాగితే చట్టపరమైన చర్యలు తీసుకుంటానని వీడియో ద్వారా హెచ్చరించారు. ఈ విషయంలో ఆమెకు చాలా మంది నెటిజన్లు మద్దతుగా నిలిచారు. కాగా.. ఐశ్వర్య భాస్కరన్ దక్షిణాదిలో తమిళం, మలయాళం, కన్నడ, తెలుగు సినిమాల్లో ఎక్కువగా నటించింది. అడవిలో అభిమన్యుడు చిత్రం ద్వారా తెలుగు ఇండస్ట్రీలో ఎంట్రీ ఇచ్చింది.

సూపర్‌ స్టార్‌ రజనీకాంత్‌ పెద్ద కుమార్తె ఐశ్వర్య రజనీకాంత్‌ ఇంట్లో కొన్ని రోజుల క్రితం భారీ చోరీ జరిగిన సంగతి తెలిసిందే. 60 సవర్ల బంగారు నగలు చోరీకి గురైయ్యాయని ఐశ్వర్య ఫిర్యాదుతో రంగంలోకి దిగిన పోలీసులు ఇంటి పనిషి ఈశ్వరిని నిందితురాలిగా గుర్తించారు. ఈమెను అరెస్ట్‌ చేసి విచారించగా తానే దొంగతనం చేసినట్లు ఒప్పుకుంది. అయితే తాను దొంగతనం చేయడానికి కారణం ఐశ్వర్యే అంటూ విస్తుపోయే సమాధానం ఇచ్చింది. 'నేను ఐశ్వర్య ఇంట్లో గొడ్డు చాకిరీ చేశాను. ఆమె చెప్పిన పనులన్నీ చేసేదాన్ని. అయితే ఐశ్వర్య దగ్గర బోలెడు డబ్బులు ఉన్నా నాకు రూ. 30వేల జీతమే ఇచ్చేవారు. ఆ డబ్బు ఒక కుటుంబం బతకడానికి సరిపోతుందా? అందుకే దొంగతనాలు చేయడం మొదలుపెట్టా. మొదట చిన్నచిన్న వస్తువులు దొంగిలించేదాన్ని. కానీ దొరికిపోలేదు. దీంతో ధైర్యం చేసి నగలు కూడా దొంగతనం చేశాను' అంటూ విచారణలో ఈశ్వరి చెప్పుకొచ్చింది. ఇక్కడ మరో ట్విస్ట్‌ ఏంటంటే.. ఐశ్వర్య చెప్పినదాని కంటే ఈశ్వరి ఇంట్లో ఇంకా ఎక్కవ బంగారమే దొరికింది. ఆమె ఐశ్వర్య ఇంటితో పాటు రజనీకాంత్‌, ధనుష్‌ ఇళ్లలో కూడా పనిచేసేదట. దీంతో ఆ నగలు అక్కడ దొంగిలించిందా? అన్న కోణంలోనూ పోలీసులు దర్యాప్తు చేస్తున్నారు. 

ఫిమేల్‌ మోటర్‌ స్పోర్ట్స్‌ అథ్లెట్‌గా ప్రయాణం సులువేమీ కాదు. మద్దతు ఇచ్చే వాళ్ల కంటే వద్దనే వాళ్లే ఎక్కువ... దీనికి ఐశ్వర్య మినహాయింపు కాదు. మొన్న...‘ఈ రంగాన్ని ఎందుకు ఎంచుకున్నావు?’ అని ఆశ్చర్యంగా అడిగారు. నిన్న... ‘స్లోయెస్ట్‌ బైకర్‌’ అని ముఖం మీదే అన్నారు. ఇప్పుడు మాత్రం... ఐశ్వర్య గురించి ‘ఆశాకిరణం లాంటి ప్రొఫెషనల్‌ బైకర్‌’ అంటున్నారు... బెంగళూరుకు చెందిన ఐశ్వర్యకు చిన్నప్పటి నుంచి బైక్‌లు అంటే చాలా ఇష్టం. ఇంట్లో నాన్న బైక్‌ ఉండేది. ప్రతి ఆదివారం ఆ బైక్‌పై తనను ఏదో ఒక కొత్త ప్రదేశానికి తీసుకెళుతుండేవాడు. ఇంటర్‌మీడియెట్‌ ఫెయిల్‌ అయిన తరువాత ఐశ్వర్యకు బైకే లోకం అయింది. ఫ్రెండ్స్‌ను తీసుకొని రోజూ బైక్‌పై చక్కర్లు కొట్టేది. ఇలా తిరుగుతున్న రోజుల్లో ఒకసారి టీవిలో మోటోజీపి రేస్‌ చూసి ‘వావ్‌’ అనుకుంది. అలాంటి రేస్‌లో ఒకరోజు తాను భాగం అవుతానని అనుకోలేదు ఐశ్వర్య. ఇక అది మొదలు... మోటర్‌స్పోర్ట్స్, మోటర్‌స్పోర్ట్స్‌ అథ్లెట్ల గురించి తెలుసుకోవడం మొదలుపెట్టింది. నిజంగా చెప్పాలంటే అదొక ప్రపంచం! నిన్నటివరకు బైకింగ్‌ అనేది తనకు సరదా మాత్రమే. క్రికెట్, ఫుట్‌బాల్‌లాగే అది కూడా ఒక ఆట అని, దానిలో నిరూపించుకుంటే అంతర్జాతీయస్థాయికి వెళ్లవచ్చు అని తెలిశాక ఆ దిశగా ప్రయత్నాలు ప్రారంభించింది. ట్రైనింగ్, రేసింగ్‌తోనే రోజులు గడిచేవి. అయితే ఐశ్వర్య అమ్మానాన్నలకు, వారి అమ్మా, నాన్నలకు ఆమెను పెద్ద గవర్నమెంట్‌ ఆఫీసర్‌గా చూడాలనేది కల. అయితే వారొకటి తలిస్తే ఐశ్వర్య కల ఒకటి తలిచింది. తండ్రి ససేమిరా అన్నాడు. తల్లి మాత్రం పట్టువిడుపు ధోరణి ప్రదర్శిస్తూ మద్దతు ఇచ్చేది. 2018లో కొద్దిమందితో కలిసి జోర్డీ అనే కోచ్‌ దగ్గర శిక్షణ తీసుకుంది. జోర్డీ సలహా మేరకు బజా అరగాన్, స్పెయిన్‌లో పాల్గొని ఫస్ట్‌ ఫిమేల్‌ ఇండియన్‌గా చరిత్ర సృష్టించింది ఐశ్వర్య. (స్పానిష్‌ బజా...స్పెయిన్‌లోని అరగన్‌ ప్రాంతంలో జరిగే ర్యాలీ రైడ్‌ లేదా క్రాస్‌–కంట్రీ ర్యాలీ. ఆఫ్రికన్‌ ఎడ్వెంచరస్‌ ర్యాలీలను స్ఫూర్తిగా తీసుకొని 1983లో దీనిని దేశంలో మొదలుపెట్టారు) ఆరుసార్లు నేషనల్‌ రోడ్‌రేసింగ్‌ ర్యాలీ ఛాంపియన్‌గా నిలిచింది. 2019లో మోటర్‌ స్పోర్ట్స్‌లో వరల్డ్‌ టైటిల్‌ గెలుచుకుంది. తన సాధనతో అనుకున్న లక్ష్యాన్ని చేరుకుంది. మోటర్‌స్పోర్ట్స్‌ లో మన దేశానికి సంబంధించి గట్టిగా వినిపిస్తున్న పేర్లలో ఐశ్వర్య పేరు ఒకటి. ‘నిజానికి మా కుటుంబంలో మోటర్‌స్పోర్ట్స్‌ గురించి తెలిసిన వారు లేరు. వరల్డ్‌ ఛాంపియన్‌షిప్‌ గురించి గైడ్‌ చేసేవారు కూడా లేరు. నాకు నేనే తెలుసుకుంటూ వెళ్లాను. రేస్‌లలో పాల్గొనడం ద్వారా ఎంతోమందితో మాట్లాడి, వారి నుంచి ఎన్నో విషయాలు తెలుసుకునే అవకాశం వచ్చింది’ అంటుంది ఐశ్వర్య. ‘ప్లాన్‌ బీ’ లేదా సెకండ్‌ కెరీర్‌ అనేవి ఉండాలి అంటారు. అయితే ఒక రంగంలోకి, ఒక లక్ష్యం కోసం దిగిన వారు ‘ప్లాన్‌ బీ’ గురించి ఆలోచించవద్దు అంటుంది ఐశ్వర్య. ‘ఈ రంగంలో రాణించకపోతే నెక్స్‌›్టఏమిటి? అని ఎప్పుడూ ఆనుకోలేదు. కచ్చితంగా సాధించాల్సిందే అనుకున్నాను’ అంటుంది ఐశ్వర్య. స్పెయిన్‌లో మహిళలు మోటర్‌స్పోర్ట్స్‌లో రాణించడానికి అనువైన వాతావరణం, మౌలిక వసతులు ఉన్నాయి. కుటుంబ మద్దతు కూడా బలంగా ఉంటుంది. అలాంటి పరిస్థితి మన దేశంలో కూడా రావాలని కోరుకుంటుంది ఐశ్వర్య. మోటర్‌ స్పోర్ట్స్‌ అంటే పరాజయాలు, విజయాలు మాత్రమే కాదు... గట్టి గాయాలు కూడా. ఒక ప్రమాదంలో చావు అంచుల వరకు వెళ్లి వచ్చింది ఐశ్వర్య. ఇక ఆమె నడవడం కూడా కష్టమే అనుకున్నారంతా. అయితే ‘బ్యాక్‌ ఆన్‌ ది బైక్‌’ అంటూ మళ్లీ విజయపథంలో దూసుకుపోవడానికి ఎంతోకాలం పట్టలేదు!              

న్యూఢిల్లీ: కామన్వెల్త్‌ క్రీడలకు వారం రోజుల ముందు బర్మింగ్‌హామ్‌కు అర్హత సంపాదించిన స్ప్రింటర్‌ ఎస్‌. ధనలక్ష్మి, ట్రిపుల్‌ జంపర్‌ ఐశ్వర్య బాబు డోపింగ్‌ పరీక్షల్లో పాజిటివ్‌గా తేలారు. ఇద్దరు నిషిద్ధ ఉత్ప్రేరకాలు తీసుకున్నట్లు తేలడంతో సస్పెన్షన్‌ వేటు వేశారు. 37 మంది సభ్యుల అథ్లెట్ల బృందం నుంచి తప్పించారు. 100 మీ. పరుగు, 4x100 మీ. రిలే పరుగుకు అర్హత సంపాదించిన ధనలక్ష్మి నుంచి అథ్లెటిక్స్‌ ఇంటిగ్రిటీ యూనిట్‌ (ఏఐయూ) మేలో, జాతీయ డోపింగ్‌ నిరోధక సంస్థ (నాడా) జూన్‌లో నమూనాలు సేకరించింది. ఈ రెండు పరీక్షల్లోనూ ఆమె విఫలమైంది. రిలే బృందం నుంచి ఆమెను తప్పించి ఎం.వి.జిల్నాను ఎంపిక చేశారు. గత నెలలో జాతీయ ఇంటర్‌ స్టేట్‌ చాంపియన్‌షిప్‌లో పాల్గొన్న ఐశ్వర్య 14.14 మీటర్ల జంప్‌తో జాతీయ రికార్డుతో స్వర్ణం గెలిచింది. ఆ సమయంలోనే ఆమె నమూనాలను సేకరించిన ‘నాడా’ పరీక్షించగా నిషేధిత ఉత్ప్రేరకాలు తీసుకున్నట్లు తేలింది. 

రామ్‌సే హంట్‌ సిండ్రోమ్‌.. ఇది ఒక అరుదైన నాడీ సంబంధిత వ్యాధి. దీనివల్ల ముఖభాగం పక్షవాతానికి గురవుతుంది. ప్రతి లక్ష మందిలో 5 నుంచి 10 మంది ఈ వ్యాధి బారిన పడుతారు. ఇటీవలే స్టార్‌ సింగర్‌ జస్టిన్‌ బీబర్‌ తాను రామ్‌సే హంట్‌ సిండ్రోమ్‌తో బాధపడుతున్నట్లు వెల్లడించాడు. తాజాగా బుల్లితెర నటి ఐశ్వర్య సఖుజ మాట్లాడుతూ.. తాను కూడా రామ్‌ సే హంట్‌ బాధితురాలినేనని చెప్పుకొచ్చింది. 'ఇది 2014 నాటి సంగతి. షూటింగ్‌తో చాలా బిజీగా ఉన్నాను. నాకు గుర్తున్నంతవరకు అప్పుడు నేను మధ్యాహ్నం రెండు గంటల షిఫ్ట్‌కు వెళ్లాను. రోహిత్‌(ఐశ్వర్య భర్త) ఎందుకు కన్ను కొడుతున్నావంటూ అడిగాడు. ఏదో జోక్‌ చేస్తున్నాడనుకుని లైట్‌ తీసుకున్నాను. కానీ తర్వాతి రోజు ఉదయం పళ్లు తోముకునేటప్పుడు విపరీతమైన నొప్పి వచ్చింది. తర్వాత నా రూమ్‌మేట్‌ నా ముఖం మారిపోతున్నట్లు గ్రహించింది. నేను వెంటనే డాక్టర్‌ను కలిశాను. అప్పుడు నాకు రామ్‌సే హంట్‌ వ్యాధి ఉన్నట్లు తెలిసింది. కానీ నేను ఒప్పుకున్న షెడ్యూల్స్‌ కారణంగా విశ్రాంతి తీసుకోలేదు. నా ముఖం సగం కనిపించకుండా జాగ్రత్తపడుతూ షూటింగ్స్‌ చేశారు. తర్వాత స్టెరాయిడ్స్‌ ఇచ్చి వైద్యం అందించారు. నటిగా అందంగా కనిపించడం ఎంతో ముఖ్యం. తిరిగి నార్మల్‌ అవుతానో లేదోనని భయపడ్డాను. కానీ నెల రోజుల్లోనే ఈ వ్యాధి నుంచి కోలుకున్నాను. జస్టిన్‌ బీబర్‌ కూడా దీన్నుంచి తప్పకుండా బయటపడతాడు' అని చెప్పుకొచ్చింది. కాగా ఐశ్వర్య చివరగా 2019లో 'ఉజ్దా చమాన్‌' సినిమాలో ఏక్త పాత్రలో నటించింది. 'సాస్‌ బీనా ససురాల్‌', 'ఆషికి', 'త్రిదేవియాన్‌', 'యే హై చహతే' వంటి పలు సీరియల్స్‌ చేసింది. View this post on Instagram A post shared by Aishwarya Sakhuja (@ash4sak) చదవండి:  షూలతో ఆలయంలోకి హీరో? క్లారిటీ ఇచ్చిన డైరెక్టర్‌ పెళ్లి తర్వాత నయన తార మొదటి చిత్రం.. 'ఓ2' రివ్యూ.. ఎలా ఉందంటే ?

యాక్షన్‌ కింగ్‌ అర్జున్‌ గురించి ప్రత్యేకంగా పరిచయం చేయాల్సిన పనిలేదు. తెలుగులోనూ అర్జున్‌కి మాంచి ఫ్యాన్‌ ఫాలోయింగ్‌ ఉంది. ఇక అర్జున్‌ కూతురు ఐశ్వర్యను ఇది వరకే కన్నడలో హీరోయిన్‌గా అదృష్టాన్ని పరీక్షించుకున్న సంగతి తెలిసిందే. ఇప్పుడీ ముద్దుగుమ్మను తెలుగు ఇండస్ట్రీకి కూడా పరిచయం చేయాలని అర్జున్‌ భావిస్తున్నారట. తన సొంత డైరెక్షన్‌లోనే ఓ స్క్రిప్ట్‌ కూడా రెడీ చేసుకున్నట్లు సమాచారం. 'అశోకవనంలో అర్జున కల్యాణం' సినిమాతో మంచి విజయాన్ని సొంతం చేసుకున్న విశ్వక్‌సేన్‌ను ఈ సినిమాలో హీరోగా చేయనున్నట్లు టాక్‌ వినిపిస్తుంది. త్వరలోనే దీనికి సంబంధించి అఫీషియల్‌ అనౌన్స్‌మెంట్‌ రానున్నట్లు ఇండస్ట్రీలో టాక్‌ వినిపిస్తుంది.

కేరింత ఫేమ్‌  పార్వతీశం, ఐశ్యర్య హీరో హీరోయిన్లుగా ఓ చిత్రం తెరకెక్కుతుంది. ‘దేవరకొండలో విజయ్ ప్రేమకథ’ చిత్రంతో దర్శకుడిగా మంచి పేరు తెచ్చుకున్న వెంకటరమణ  ఈ చిత్రాన్ని రూపొందిస్తున్నాడు.వేదుల బాలకామేశ్వరి సమర్పణలో సాయి సిద్ధార్థ మూవీ మేకర్స్ సంస్థ తమ ప్రొడక్షన్ నెం 1గా తెరకెక్కుతున్న ఈ చిత్రానికి సిద్ధార్థ హరియాల, శ్రీమతి తాలబత్తుల మాధవి నిర్మాతలుగా వ్యవహరిస్తున్నారు. ఈ నెల 25 నుంచి రెగ్యులర్‌ చిత్రీకరణ ప్రారంభిస్తున్నారు. కాకినాడ, యానాం పరిసర ప్రాంతాల్లో చిత్రీకరణ జరపనున్నారు. ఈ సందర్భంగా చిత్ర దర్శకుడు వెంకటరమణ ఎస్. మాట్లాడుతూ...ప్రతి మనిషి గౌరవంగా బతకాలి, గౌరవంగా మరణించాలి అని భారత రాజ్యాంగంలోని ఆర్టికల్ 20 చెబుతోంది. అయితే దీనికి భిన్నంగా నేటి సమాజంలో పరిస్థితులు ఉన్నాయి. ఆ పరిస్థితులు మారాలి, ఆర్టికల్ 20 స్ఫూర్తిని కాపాడుకోవాలి అని చెప్పే చిత్రమిది. మంచి సామాజిక సందేశంతో పాటు ఓ విభిన్నమైన ప్రేమకథను ఈ సినిమాలో చూపిస్తున్నాం. అన్నారు. ‘సమాజాన్ని, సమాజాన్ని పాలించే ప్రజా ప్రతినిధులను ప్రశ్నించే చిత్రమిది. సామాజిక సందేశాన్ని ప్రేమకథతో మిళితం చేసి ఓ మంచి చిత్రాన్ని నిర్మిస్తుండటం సంతోషంగా ఉంది’అని నిర్మాత సిద్దార్థ హరియాల అన్నారు. రామరాజు, చక్రపాణి, రంగస్థలం లక్ష్మి తదితరులు ఇతర కీలక పాత్రల్లో నటిస్తున్నారు. 

చక్కటి రూపం, పొడవైన జడ, చెవులకు జూకాలు ధరిస్తూన్న అచ్చమైన తెలుగు యువతి, ఆ పక్కనే మాయాబజార్‌ ప్రియదర్శినిలో అభిమన్యుడిని తన్మయత్వంతో చూస్తున్న శశిరేఖ, మరో చిత్రంలో ఓ పాపాయి. తండ్రి చేతుల్లో భద్రంగా ఉన్నాననే భరోసా ఆ పాపాయి కళ్లలో ప్రతిబింబిస్తోంది. ఇక కెంపులు పొదిగిన ఈ కంఠాభరణం సహజమైన మెరుపుతో అచ్చమైన బంగారు ఆభరణాన్ని తలపిస్తోంది. ఈ చిత్రాలకు రూపమిచ్చిన కళాకారిణి ఈ పక్కన ఉన్న భరత నాట్యకారిణి... ఐశ్వర్య భాగ్యనగర్‌. భరతనాట్యం, బాలీవుడ్‌ డాన్స్‌ ఫ్యూజన్, భాంగ్రా నృత్యం, హిప్‌హాప్, థియేటర్‌ స్కిట్, టిక్‌టాక్‌... వీటన్నింటి మధ్యలో కుంచె పట్టుకుని సుదీర్ఘంగా పెయింటింగ్‌లో నిమగ్నమైపోవడం... ఇదీ ఈ అమ్మాయి ప్రపంచం. యూఎస్‌లో పుట్టిపెరిగిన ఈ తెలుగమ్మాయి తనకు తానుగా సృష్టించుకున్న ప్రపంచం. ‘పెర్‌ఫార్మింగ్‌ ఆర్ట్స్‌ అంటే నాకిష్టం. ఎదుటివారిని ఎంటర్‌టైన్‌ చేయడంలో నేను ఎంటర్‌టైన్‌ అవుతాను’ అంటున్న ఐశ్వర్య భాగ్యనగర్‌ పరిచయం.  ఐశ్వర్య భాగ్యనగర్‌ పూర్వికులది కరీంనగర్‌ జిల్లా. ఆమె తండ్రి వేణు భాగ్యనగర్‌ యూఎస్‌లో స్థిరపడ్డారు. రెండేళ్లకోసారి ఇండియాకి వచ్చే ఈ అమ్మాయి భారతీయతతో ఎక్కువగా కనెక్ట్‌ అయింది. ఫ్యాషన్‌ ప్రపంచం ఇండియాని వెస్ట్రనైజ్‌ చేస్తుంటే, ఐశ్వర్య మాత్రం యూఎస్‌కి ఇండియా అంటే ఏమిటో తెలియచేస్తోంది. ఇక్కడి కళలను అక్కడ ప్రదర్శించి అలరిస్తోంది. శాస్త్రీయ నాట్యానికే జీవితాన్ని అంకితం చేసిన కళాకారిణులకు దీటుగా ప్రదర్శనలిస్తోంది. ‘‘మేము డాలస్‌లో మన పండుగలన్నీ జరుపుకుంటాం. బతుకమ్మ, ఉగాది, ఇంకా తెలుగు వాళ్ల చిన్న చిన్న గ్యాదరింగ్‌లలో కూడా ఏదో ఒక పెర్ఫార్మెన్స్‌కి అవకాశం ఉంటుంది. నాకు స్టేజ్‌ షోలంటే ఇష్టం. అమ్మానాన్నలకు ఓన్లీ కిడ్‌ని. ఇక నన్ను ఆపేదెవరు? ఏ చిన్న కార్యక్రమం అయినా నా ఆర్ట్‌ ఫార్మ్‌ ఒక్కటైనా ఉంటుంది. నాలుగేళ్ల కిందట ఇండియాకి వచ్చినప్పుడు రవీంద్రభారతిలో కూడా ప్రదర్శన ఇచ్చాను. ఒక సామాజిక ప్రయోజనం కోసం నిర్వహిస్తున్న కార్యక్రమం అది. అందులో ప్రదర్శన ఇవ్వడంలో ఒక సంతృప్తి ఉంటుంది. పైగా నా రూట్స్‌ ఉన్న నేలకు ఇస్తున్న గౌరవం అది. అందుకే వెంటనే ఒప్పుకున్నాను’’ అన్నది ఐశ్వర్య 2018లో హైదరాబాద్‌లో ఇచ్చిన సోలో ప్రదర్శనను గుర్తు చేసుకుంటూ.    ఆరంగేంట్రానికి అన్నీ ఇక్కడి నుంచే! ఐశ్వర్య ఐదేళ్ల వయసులో నాట్యసాధన ప్రారంభించింది. నాట్యగురువు మధుశ్రీ సేతుపతి ఆధ్వర్యంలో 2016లో ఆరంగేంట్రం చేసింది. ఆరంగేంట్రానికి అన్నీ చెన్నై నుంచి తీసుకువెళ్లింది. ‘‘పెర్‌ఫార్మెన్స్‌ విషయంలో రాజీ పడకూడదు. ప్రతిదీ కచ్చితంగా ఉండాలి. నాట్యంలో దుస్తులు, ఆభరణాలు కూడా సంప్రదాయాన్ని, సంస్కృతిని ప్రతిబింబించి తీరాలి. ఇవన్నీ కల్చర్‌ని ఒకతరం నుంచి మరో తరానికి తీసుకువెళ్లే వాహకాలు. ఇప్పటి ఫొటోలు తర్వాతి తరానికి డాక్యుమెంట్‌లు. ఆ తరం అర్థం చేసుకోవడానికి పనికి వచ్చే ఆధారాలు. అందుకే రాజీ పడకూడదంటాను. మనం కొంత రాజీపడితే ఆ ఫొటోలు చూసిన వాళ్లలో ఎవరో ఒకరు వాటినే ప్రామాణికంగా తీసుకునే ప్రమాదం ఉంటుంది. అందుకే అంత కచ్చితంగా ఉంటాను’’ అంటోంది ఐశ్వర్య. ఆమె ఆ మాట అనడమే కాదు, ఆమె పెయింటింగ్స్‌లో భరతనాట్యంలో ధరించే ఆభరణాలున్నాయి. భరతనాట్యం థీమ్‌తో వేసిన వాటిని చూస్తే ఇది పెయింటింగా లేక యాంటిక్‌ ఆభరణాల ఫొటోనా అని సందేహం కలిగేటంత సహజంగా ఉన్నాయి.    ఆర్ట్‌ని చదివింది ‘‘ఆర్ట్‌ని హాబీగా నేర్చుకోవడం కాదు, సిక్స్‌త్‌ క్లాస్‌ నుంచి నేను ఆర్ట్‌ని ఒక సబ్జెక్ట్‌గా చదివాను. అందుకే స్కూల్‌డేస్‌ నుంచి పెయింటింగ్‌ కాంపిటీషన్‌లు, ఎగ్జిబిషన్‌లు పాతిక వరకు ఉన్నాయి. డాన్స్‌ ప్రదర్శనలైతే మూడు వందలు దాటి ఉంటాయి. అయితే అందులో భరతనాట్యం ప్రదర్శనలే ఎక్కువ. ఇవి కాకుండా ఇండియన్‌ కాస్ట్యూమ్స్‌కి మోడలింగ్‌ చేస్తాను. అయితే సీరియస్‌ మోడల్‌ని కాను. సరదాగా చేస్తానంతే. డాలస్‌లో మాకు ఇండియాలో ఉన్నట్లే ఉంటుంది. తెలుగు సినిమాలు కూడా బాగా చూస్తాం. నేనైతే ఫస్ట్‌డే ఫస్ట్‌ షో చూడాల్సిందే. ఆచార్య సినిమాకి టికెట్స్‌ బుక్‌ చేసుకున్నాను. ఇవన్నీ చేస్తుంటే నేను చదువు ఎప్పుడు చదువుతానని సందేహంగా ఉంది కదా! డిసెంబర్‌లో గ్రాడ్యుయేషన్‌ తీసుకున్నాను. ఇప్పుడు జాబ్‌ చూసుకోవాలి. ఉద్యోగంలో చేరిన తర్వాత కూడా నా ఆర్ట్స్‌ని కొనసాగించాలనేది ఆకాంక్ష. నేను ఇన్ని రకాల డాన్స్‌లు చేయడానికి ఫౌండేషన్‌ భరతనాట్యం ప్రాక్టీసే. అందుకే డాన్స్‌ని కొనసాగించే విధంగా కెరీర్‌ని డిజైన్‌ చేసుకుంటాను’’ అన్నది ఐశ్వర్య. తన ప్రపంచంలో తాను హాయిగా ఉంది. అంతకు మించి చక్కటి ఆకాంక్షలతో ఉంది. అందుకు తగిన ఆత్మవిశ్వాసంతోనూ ఉంది. అందుకే ఐశ్వర్య భాగ్యనగర్‌కి ఆల్‌ ది బెస్ట్‌ చెబుదాం.  – వాకా మంజులారెడ్డి     

తమిళసినిమా : ముప్ఫై ఏళ్ల తరువాత నటుడు, దర్శకుడు కె.భాగ్యరాజ, నటి ఐశ్వర్య మళ్లీ జంటగా కలిసి నటిస్తున్నారు. నటుడు కెవిన్, అపర్ణదాస్‌ హీరో హీరోయిన్లుగా ఒలింపియా మూవీస్‌ పతాకంపై ఎస్‌.అంబేద్‌ కుమార్‌ ఓ చిత్రాన్ని నిర్మిస్తున్న విషయం తెలిసిందే. దీనికి గణేష్‌ కె.బాబు దర్శకత్వం వహిస్తున్నారు. రొమాంటిక్‌ కామెడీ ఎంటర్‌టైనర్‌ కథా చిత్రంగా రూపొందుతున్న ఈ చిత్రం షూటింగ్‌ ఇటీవలే ప్రారంభమైంది. కాగా ఇందులో సీనియర్‌ దర్శకుడు, నటుడు కె.భాగ్యరాజ్, నటి ఐశ్వర్య, కథానాయకుడు కెవిన్‌కు తల్లిదండ్రులుగా నటిస్తున్నారు. వీరిద్దరూ 1992లో విడుదలైన రాసకుట్టి అనే చిత్రంలో హీరో హీరోయిన్లుగా నటించడం గమనార్హం. 30 ఏళ్ల తరువాత మళ్లీ ఇప్పుడు ఈ చిత్రంలో కలిసి నటించడం విశేషం. ఈ చిత్రానికి ఎళిల్‌ అరసు చాయాగ్రహణంను, జెన్‌మార్టిన్‌ సంగీతాన్ని అందిస్తున్నారు. ఇంకా పేరు నిర్ణయించని ఈ చిత్ర షూటింగ్‌ శరవేగంగా జరుగుతోందని యూనిట్‌ వర్గాలు తెలిపారు. 

Kasturi Serial Heroine Aishwarya Gets Emotional: ఇండస్ట్రీ అనే రంగుల ప్రపంచంలో ఎన్నో కథలు, వ్యధలు కనిపిస్తుంటాయి. తెరపై కనిపించే నవ్వుల వెనుక ఎన్నో కష్టాలు, కన్నీళ్లు ఉంటాయి. వ్యక్తిగత జీవితంలో ఎన్ని ఇబ్బందులు ఎదురైనా స్క్రీన్‌ ముందుకు వచ్చేసరికి అన్నీ మర్చిపోయి సరదాగా కనిపిస్తుంటారు. తాజాగా ఓ షోలో పాల్గొన్న పాపులర్‌ సీరియల్‌ హీరోయిన్స్‌ ఐశ్వర్య, తేజస్విని తమ జీవితంలో జరిగిన చేదు సంఘటనల్ని గుర్తుచేసుకొని  కన్నీటి పర్యంతమయ్యారు. స్టార్‌మాలో ప్రసారం అవుతున్న ‘కస్తూరి’, ‘C/O అనసూయ’సీరియల్స్‌తో బోలెడంత పాపులారిటీ సంపాదించుకున్న తేజస్విని(శివాణి), ఐశ్వర్య(కస్తూరి)లు తమ జీవితాల్లో జరిగిన రియల్‌ ఇన్సిడెంట్స్‌ గురించి ఓపెన్‌ అయ్యారు.  చిన్నప్పటి నుంచి తండ్రి ప్రేమ అంటే ఏంటో తెలియకుండా పెరిగానని, ఆఖిరికి తన తండ్రి చివరిచూపుకు కూడా నోచుకోలేదని నటి తేజస్విని పేర్కొంది. 'ఇంటర్‌లో ఉండగా మా నాన్న చనిపోయారు. అప్పటివరకు తెలియదు. ఆరోజు రాత్రంతా జర్నీ చేసి ఊరెళ్లాను. అప్పటికే అన్నీ చేసేశారు. ఆయన చనిపోయేవరకు కూడా నాన్న ప్రేమను పొందలేకపోయాను. నా జీవితంలో చాలా కోల్పోయాను' అంటూ కన్నీళ్లు పెట్టుకుంది. ఇక కస్తూరి సీరియల్‌ హీరోయిన్‌ ఐశ్వర్య తన తండ్రి చేసిన మోసాన్ని తలుచుకొని ఎమోషనల్‌ అయ్యింది. 'నేను కడుపులో ఉండగానే మా నాన్న అమ్మని వదిలేసి వెళ్లిపోయాడు. అప్పటి నుంచి ఎన్నో కష్టాలు పడి అమ్మ నన్ను ఇక్కడివరకు తీసుకొచ్చింది. ఇష్టం లేకపోతే పెళ్లి ఎందుకు చేసుకోవాలి? ఒక ఆడదాన్ని జీవితాన్ని ఎందుకు పాడు చేయాలి? దయచేసి మీకు ఇష్టం లేకపోతే పెళ్లి చేసు​కోకండి.. ఇలా ఒక ఆడదాని జీవితాన్ని పాడుచేయకండి ప్లీజ్‌' అంటూ చేతులు జోడించి కన్నీళ్లు పెట్టుకుంది. 

Dhanush Ex wife Aishwaryaa R Dhanush Admitted Into Hospital:  రజనీకాంత్‌ కూతురు, స్టార్‌ హీరో ధనుష్‌ మాజీ భార్య ఐశ్వర్య ఆసుపత్రి పాలైంది. ఈ విషయాన్ని స్వయంగా ఆమె తన ఇన్‌స్టాగ్రామ్‌ ద్వారా వెల్లడించింది. అన్ని జాగ్రత్తలు తీసుకున్నప్పటికీ కరోనా వచ్చింది. హాస్పిటల్‌లో అడ్మిట్‌ అయ్యాను. దయచేసి అందరూ మాస్కులు ధరించి సురక్షితంగా ఉండండి. 20211..ఇంకా నాకోసం ఏమేమి తీసుకొస్తావో చూస్తాను అంటూ ఇన్‌స్టాగ్రామ్‌లో పోస్ట్‌ షేర్‌ చేసింది. దీంతో ఐశ్వర్య త్వరగా కోలుకోవాలంటూ అభిమానులు కామెంట్లు చేస్తున్నారు. కాగా కొన్ని రోజుల క్రితమే ధనుష్‌కి సైతం కరోనా పాజిటివ్‌గా నిర్థారణ అయిన సంగతి తెలిసిందే. ఇక మొన్నటిదాకా కోలీవుడ్‌లో స్టార్‌ కపుల్‌గా పేరు తెచ్చుకున్న ధనుష్‌-ఐశ్వర్యలు ఇటీవలె విడాకులు తీసుకున్న సంగతి తెలిసిందే. అయితే ఈ విషయాన్ని వారి అభిమానులు ఇప్పటికీ జీర్ణించుకోలేకపోతున్నారు. ధనుష్‌-ఐశ్వర్యలు మళ్లీ కలిస్తే బావుండని ఆశగా ఎదురుచూస్తున్నారు. View this post on Instagram A post shared by Aishwaryaa R Dhanush (@aishwaryaa_r_dhanush)

ధనుష్‌-ఐశ్వర్యల విడాకుల వ్యవహారం తమిళనాట హాట్‌టాపిక్‌గా మారింది. 18ఏళ్లు కలిసున్న ఈ స్టార్‌ కపుల్‌ అనూహ్యంగా విడిపోతున్నట్లు ప్రకటించడానికి అభిమానులు జీర్ణించుకోలేకపోతున్నారు. నిజానికి ఐశ్వర్య ధనుష్‌ కంటే రెండేళ్లు పెద్ద. కాదల్ కొండై సినిమా సమయంలో ఏర్పడిన వీరి పరిచయం ప్రేమ దాకా వెళ్లింది. అలా ఇరు వర్గాల పెద్దలను ఒప్పించి 2004లో ఈ జంట పెళ్లి చేసుకున్నారు. వీరికి యాత్రా రాజా (15 ఏళ్లు), లింగ రాజా (11) అని ఇద్దరు కుమారులు ఉన్నారు. ఎంతో అన్యోన్యంగా సాగుతున్న వారి జీవితంలో కొన్నాళ్ల క్రితమే విభేదాలు వచ్చాయని, కానీ మామ(రజనీకాంత్‌)జ్యోక్యంతో గొడవలు సద్దుమణిగాయని కోలీవుడ్‌ టాక్‌. ఇటీవలె ధనుష్‌ నటించిన అసురన్‌ చిత్రానికి నేషనల్‌ అవార్డును సంపాదించగా, అదే సమయంలో రజనీ దాదా సాహెబ్‌ ఫాల్కే అవార్డును అందుకున్నారు. దీనికి సంబంధించిన ఓ ఫోటోను సైతం ఐశ్వర్య షేర్‌ చేస్తూ.. ఇద్దరూ నా వాళ్లు అంటూ సంతోషంతో పొంగిపోయింది. ఆ తర్వాత రజనీకాంత్‌ అస్వస్థతకు గురైన సమయంలో కూడా ధనుష్‌ దగ్గరుండి మామగారికి సేవలు చేసినట్లు తెలుస్తుంది. అంతేకాకుండా ఈనెలలోనే ప్రారంభమైన ధనుష్‌ ఫస్ట్‌ స్ట్రెయిట్‌ మూవీ 'సార్‌' చిత్ర షూటింగ్‌కి సైతం ఐశ్వర్య హాజరైంది. ఇప్పటివరకు బాగానే ఉన్నా అంతలోనే విడాకులు ప్రకటించి అనూహ్యంగా షాక్‌ ఇచ్చారు ఈ కోలీవుడ్‌ కపుల్‌.   

Rajinikanth Praising Dhanush Old Video Goes Viral: కోలీవుడ్‌ స్టార్‌ కపుల్‌ ధనుష్‌-ఐశ్వర్యల విడాకుల విషయం ప్రస్తుతం తమిళనాట హాట్‌ టాపిక్‌గా మారింది. 2004లో ప్రేమ వివాహం చేసుకున్న ఈ జంట 18 ఏళ్ల వైవాహిక జీవితానికి ముగింపు పలుకుతున్నట్లు సోషల్‌ మీడియా వేదికగా ప్రకటించారు. ఇక భార్యభర్తలుగా కలిసుండలేమంటూ ప్రకటించి అభిమానులకు షాక్‌ ఇచ్చారు. దీంతో ఎంతో అన్యోన్యంగా ఉండే ఈ కపుల్‌ విడాకులు తీసుకోవడం ఏంటని ఫ్యాన్స్‌ ఆవేదన వ్యక్తం చేస్తున్నారు. ఈ క్రమంలో ధనుష్‌-ఐశ్వర్యలకు సంబంధించిన వీడియోలు, ఫోటోలు నెట్టింట చక్కర్లు కొడుతున్నాయి. గతంలో కాలా సినిమా ఆడియో ఫంక్షన్‌లో ధనుష్‌ గురించి రజనీకాంత్‌ మాట్లాడుతూ.. 'ధనుష్‌ చాలా మంచి వ్యక్తి. తల్లిదండ్రులను దేవుళ్లుగా భావిస్తాడు. భార్యను బాగా చూసుకుంటాడు. అతను మంచి తండ్రి, మంచి అల్లుడు, మంచి మనిషి, చాలా ప్రతిభ కలవాడు' అంటూ రజనీ మాట్లాడిన ఓ పాత వీడియో ప్రస్తుతం సోషల్‌ మీడియాలో వైరల్‌గా మారింది. తాజాగా కూతురి విడాకుల నేపథ్యంలో స్టే స్రాంగ్‌ తలైవా అంటూ అభిమానులు పోస్టులు పెడుతున్నారు. Apart From Trolls. Feeling sad For Rajini. Stay Strong 🙏 #Dhanush #DhanushDivorce #Divorce @dhanushkraja#Beast #Thalapathy66 @actorvijay pic.twitter.com/3brl7XYWNu — பாண்டி💙❤💚 (@PandiyanKpm) January 18, 2022

Dhanush and Aishwaryaa Rajinikanths Separation: నటుడు ధనుష్, ఐశ్వర్య రజనీకాంత్‌ దంపతుల 18 ఏళ్ల వైవాహిక బంధం ముగిసింది. తాము విడిపోతున్నట్లు ఈ జంట సోమవారం రాత్రి విడివిడిగా ట్విట్టర్‌ ద్వారా ప్రకటించింది. ఈ విషయం ఇప్పుడు కోలీవుడ్‌లో హాట్‌ టాపిక్‌గా మారింది. ధనుష్, ఐశ్వర్య రజనీకాంత్‌ 2004లో వివాహం చేసుకున్నారు. వీరికి ఇద్దరు కుమారులు ఉన్నారు. ధనుష్, ఐశ్వర్య రజనీకాంత్‌ వైవాహిక బంధం 18 ఏళ్లు కొనసాగింది. వీరి మధ్య మనస్పర్థలంటూ ఇప్పటి వరకు వదంతులు కూడా దొర్లలేదు. అలాంటిది ఈ జంట విడిపోవడం అనేది కోలీవుడ్‌ వర్గాలే జీర్ణించుకోలేని పరిస్థితి. చదవండి: (సూపర్‌స్టార్‌ రజనీకాంత్‌.. ఇద్దరు కూతుళ్లూ విడాకులు) గత ఏడాది అక్టోబర్‌ నెల 25వ తేదిన రజినీకాంత్‌ దాదా సాహెబ్‌ ఫాల్కే అవార్డును, ధనుష్‌ జాతీయ ఉత్తమనటుడు అవార్డును ఒకే వేదికపై అందుకున్న సందర్భాన్ని ఐశ్వర్య ఇది చారిత్రాత్మకం అంటూ గర్వంగా ట్విట్టర్లో పేర్కొన్నారు. ఇకపోతే కోలీవుడ్‌ నుంచి హాలీవుడ్‌ స్థాయికి ఎదిగిన నటుడు ధనుష్‌. ఐశ్వర్య రజనీకాంత్‌ కూడా సినీ దర్శకురాలే. ఆమె తాజాగా ఒక చిత్రానికి దర్శకత్వం నిర్వహించే ఆలోచనలో ఉన్నారు. అయితే ఇది ధనుష్‌కు ఇష్టం లేదని ప్రచారం జరుగుతోంది. అలాగే ఈ మధ్య బాలీవుడ్‌ చిత్రాల్లో నటిస్తున్న ధనుష్‌ కుటుంబాన్ని నిర్లక్ష్యం చేస్తున్నారని, ఒక నటితో సన్నిహితంగా ఉంటున్నారని, ఈ విషయంలో భార్యాభర్తల మధ్య వాగ్వాదం జరిగిందని, అదే మనస్పర్థలకు దారి తీసి విడిపోయే వరకు వెళ్లిందనే ప్రచారం జరుగుతోంది.  చదవండి: (ధనుష్‌-ఐశ్వర్య విడాకులు: అక్కకు సపోర్ట్‌గా సౌందర్య.. ఫోటో వైరల్‌) అయితే ధనుష్, ఐశ్వర్య రజనీకాంత్‌లు మధ్య మనస్పర్థలు గత రెండు నెలల క్రితమే మొదలయ్యాయని సమాచారం. వాటిని పరిష్కరించే ప్రయత్నం రజనీకాంత్, ఆయన కుటుంబ సభ్యులు చేసినా ధనుష్, ఐశ్వర్య రజనీకాంత్‌ తమ నిర్ణయాన్ని మార్చుకోకపోవడంతో పరిస్థితి ఇక్కడి వరకు వచ్చిందని సమాచారం. కాగా రజనీకాంత్‌ రెండవ కూతురు సౌందర్య కూ డా మొదటి భర్త అశ్విన్‌ రామ్‌కుమార్‌కు విడాకులిచ్చి విశాఖన్‌ వణంగాముడిని రెండవ వివాహం చేసుకున్న విషయం తెలిసిందే.   

Dhanush Singing Song For Aishwarya At A Party Goes Viral: స్టార్‌ హీరో ధనుష్‌- ఐశ్వర్యల విడాకుల అంశం ప్రస్తుతం ఇండస్ట్రీలో హాట్‌ టాపిక్‌గా మారింది. కోలీవుడ్‌లో బ్యూటిఫుల్‌ కపూల్‌గా గుర్తింపుపొందిన ధనుష్‌, ఐశ్వర్యలు విడిపోవడం సినీ వర్గాలను షాక్‌కి గురి చేస్తుంది. ఎంతో అన్యోన్యంగా ఉండే ఈ స్టార్‌ కపూల్‌.. విడాకులు తీసుకోవడం ఏంటన్నది ఆసక్తికరంగా మారింది. ప్రేమించి పెళ్లి చేసుకున్న ఈ జంట 18 ఏళ్ల వివాహ బంధానికి ముగింపు పలుకుతున్నట్లు సోషల్‌ మీడియా వేదికగా ప్రకటించారు. ఈ నేపథ్యంలో అభిమానులు  వీరిద్దరి క్యూట్‌ మూమెంట్స్‌ని గుర్తుచేసుకొంటున్నారు. గతంలో ఓ పార్టీలో హీరో ధనుష్‌ భార్య కోసం ఎంతో ప్రేమగా పాట పాడగా, భర్త ఇచ్చిన సర్‌ప్రైజ్‌కి ఐశ్వర్య సిగ్గుపడుతుంది. 8నెలల క్రితం నాటిది ఈ వీడియో. తాజాగా ధనుష్‌-ఐశ్వర్యల విడాకుల ప్రకటనతో మరోసారి ఈ వీడియో నెట్టింట తెగ వైరల్‌ అవుతుంది.  ఎంతో అన్యోన్యంగా ఉండే ఈ జంట విడిపోవడం అభిమానులకు మింగుడుపడటం లేదు. ఈ వార్త చాలా షాకింగ్‌గా ఉందని పలువురు ఫ్యాన్స్‌ సోషల్‌ మీడియాలో పోస్టులు పెడుతున్నారు. విడాకుల ప్రకటనకు కొద్ది రోజుల ముందు కూడా ఓ సినిమా ఫంక్షన్‌లో ఇద్దరూ కలిసి కనిపించారు. అంతలోనే ఇలాంటి నిర్ణయం ఎందుకు తీసుకున్నారంటూ ఫ్యాన్స్‌ ఆవేదన వ్యక్తం చేస్తున్నారు.  This one 💔 #Dhanush #Aishwarya pic.twitter.com/c8FDeuzqyL — VCD (@VCDtweets) January 17, 2022

Real Story Behind Suchi Leaks, Is Suchi Leaks Reason For Dhanush Divorce: తమిళ స్టార్‌ హీరో ధనుష్‌ పేరు మరోసారి సంచలనమైంది. భార్య ఐశ్వర్యతో విడాకులు తీసుకుంటున్నట్లు ప్రకటించి అభిమానులకు ఊహించని షాక్‌ ఇచ్చారు. ప్రేమించి పెళ్లి చేసుకున్న ఐశ్వర్య- ధనుష్‌లు18 ఏళ్ల తర్వాత తమ  వైవాహిక జీవితానికి ముగింపు పలుకుతున్నట్లు సోషల్‌ మీడియా వేదికగా ప్రకటించిన సంగతి తెలిసిందే. స్నేహితులుగా,దంపతులుగా, తల్లిదండ్రులుగా, పరస్పర శ్రేయోభిలాషులుగా ఇంతకాలం కలిసున్న తాము ఇకపై భార్యభర్తలుగా విడిపోవాలని నిర్ణయించుకున్నట్లు పేర్కొన్నారు. నిజానికి వీరిద్దరి మధ్య సుచీ లీక్స్‌ వ్యవహారంతోనే కలహాలు మొదలయ్యాయని కోలీవుడ్‌ టాక్‌. తమిళనాట స్టార్‌ హీరోగా పేరు సంపాదించుకున్న ధనుష్‌ పేరు సుచీ లీక్స్‌లో బయటపడటం అప్పట్లో సెన్సేషన్‌కు దారితీసింది.  అసలేంటీ సుచీ లీక్స్‌? 2017లో కోలీవుడ్‌ను ఊపేసిన అత్యంత వివాదాస్పద అంశం సుచీ లీక్స్‌. ప్రముఖ సింగర్ సుచిత్ర… సుచీ లీక్స్ పేరిట తన ఫేస్‌బుక్ ఖాతాలో ప్రముఖ నటీనటులకు సంబంధించిన కొన్ని ప్రైవేట్ వీడియోలు, ఫొటోలను విడుదల చేసి తీవ్ర దుమారం సృష్టించింది. ఇందులో ధనుష్, ఆండ్రియా, అమలాపాల్, త్రిష, హన్సిక, అమీ జాక్సన్, అనిరుధ్, సింగర్ చిన్మయి ఇలా పలువురికి సంబంధించిన ఫొటోలు బయటకు వచ్చాయి. ఈ లిస్ట్‌లో స్వయంగా రజనీకాంత్‌ అల్లుడు, అప్పటికే స్టార్‌ స్టేటస్‌ సంపాదించుకన్న ధనుష్‌ ఉండటం మరింత హాట్‌ టాపిక్‌గా మారింది. త్రిష, అమలాపాల్‌ వంటి హీరోయిన్లతో ధనుష్‌ ప్రైవేట్‌ ఫోటోలు లీకయ్యాయి. దీనికి తోడు కొందరు హీరోయిన్లతో ధనుష్‌కు ఉన్న అఫెర్లను చాలా కాలంగా భరిస్తూ వచ్చిన ఐశ్వర్య.. చివరకు చేసేదేమిలేక విడిపోవాలని నిర్ణయం తీసుకున్నారని తమిళ సినీ వర్గాలు పేర్కొంటున్నాయి. 

Actress Aishwarya: గతంలో హీరోయిన్‌గా తర్వాత సహాయకపాత్రల్లో నటిగా కనిపించి అలరించింది ఐశ్వర్య. నటనలో తల్లి(సీనియర్‌ నటి లక్ష్మి)కి తగ్గ కూతురిగా ప్రశంసలు దక్కించుకుంది. జగపతిబాబు హీరోగా నటించిన 'అడవిలో అభిమన్యుడు' సినిమాతో వెండితెరపై ఎంట్రీ ఇచ్చిన ఐశ్వర్య అన్ని భాషల్లో కలిపి 50కి పైగా సినిమాలు చేసింది. సినిమాలతో పాటు సీరియల్స్‌ కూడా చేస్తూ బుల్లితెర ప్రేక్షకులకూ చేరువైంది. తాజాగా ఓ టీవీ షోకు హాజరైన ఆమె తన వ్యక్తిగత విషయాలతో పాటు కెరీర్‌కు సంబంధించిన కొన్ని ముఖ్యమైన సంఘటనలను వెల్లడించింది. ఓ సినిమా షూటింగ్‌ విరామ సమయంలో పెళ్లి జరిగిందన్న ఐశ్వర్య తమ దాంపత్య జీవితం ఎంతోకాలం సజావుగా సాగలేదని తెలిపింది. తన భర్త మరో పెళ్లి చేసుకున్నాడని తమకు విడాకులు కూడా మంజూరయ్యాయని పేర్కొంది.  కెరీర్‌ గురించి మాట్లాడుతూ.. ఇండస్ట్రీలో ఒక దర్శకుడిని కొట్టాలనిపించిందని చెప్పుకొచ్చింది. తన సహనాన్ని పరీక్షించిన అతడు కోటి రూపాయలు ఇచ్చినా ఆయన సినిమాలో మాత్రం నటించనని తేల్చి చెప్పింది. కానీ తర్వాత ఓసారి అతడు తారసపడినప్పుడు మాత్రం అన్నీ మర్చిపోయి గౌరవవంగా మాట్లాడితే ఆ డైరెక్టర్‌ మాత్రం తన గురించి ఇతరులతో చాలా చెత్తగా మాట్లాడాడని ఆగ్రహం వ్యక్తం చేసింది. అసలు అప్పుడే కొట్టి ఉంటే బాగుండేదని అభిప్రాయపడింది. తనను అంతలా ఇబ్బంది పెట్టిన ఆ దర్శకుడి పేరు మాత్రం వెల్లడించలేదు. తను సినిమాల్లోకి రావడాన్ని చాలామంది ఇష్టపడలేదని చెప్పుకొచ్చింది. సినిమా వైపు కాదు కదా, అద్దంలో కూడా చూసుకోవద్దని, చూస్తే అద్దం పగిలిపోతుందని తన బంధువులే హేళన చేశారంది. సినిమాల్లోకి వచ్చి అమ్మ పేరు చెడగొట్టొద్దని హెచ్చరించారని తెలిపింది. లక్ష్మి గారికి ఇంత అసహ్యమైన కూతురు పుట్టిందా? అని కామెంట్లు కూడా చేశారని, కానీ అనుకోకుండా ఈ ఇండస్ట్రీలోకి రావాల్సి వచ్చిందని తెలిపింది. మొదట్లో ఆ కామెంట్లు బాధనిపించినా తర్వాత వాటిని పట్టించుకోవడం మానేశానంది.

ప్రముఖ దర్శకుడు శంకర్‌ కుమార్తె ఐశ్వర్య క్రికెటర్‌ రోహిత్‌ దామోదరన్‌తో ఏడడుగులు నడిచింది. వేదమంత్రాల సాక్షిగా ఆమె రోహిత్‌తో మూడు ముళ్లు వేయించుకుంది. తమిళనాడులోని మహాబలిపురంలో ఆదివారం జరిగిన వీరి వివాహ వేడుకకు ఆ రాష్ట్ర ముఖ్యమంత్రి ఎంకే స్టాలిన్‌, వైద్య ఆరోగ్య శాఖ మంత్రి సుబ్రహ్మణ్యం, నటుడు, ఎమ్మెల్యే ఉదయనిధి స్టాలిన్‌ హాజరై వధూవరులను ఆశీర్వదించారు. ప్రస్తుతం ఈ పెళ్లికి సంబంధించిన ఫొటోలు సోషల్‌ మీడియాలో వైరల్‌గా మారాయి. వరుడు రోహిత్‌ విషయానికి వస్తే అతడు ప్రస్తుతం తమిళనాడు క్రికెట్‌ లీగ్‌లో ఆడుతున్నాడు. ఆయన తండ్రి దామోదర్‌ చెన్నైలో బడా పారిశ్రామికవేత్తగా రాణిస్తున్నాడు. మధురై పాంతర్స్‌ క్రికెట్‌ టీమ్‌కు యజమానిగానూ వ్యవహరిస్తున్నాడు. ఇక శంకర్‌ కుమార్తె ఐశ్వర్య వృత్తిరీత్యా వైద్యురాలు. ఇదిలా వుంటే శంకర్‌ ప్రస్తుతం 'ఇండియన్‌ 2' మూవీని తెరకెక్కించే పనిలో బిజీగా ఉండగా, ఆ తర్వాత రామ్‌ చరణ్‌తో ఓ పాన్‌ ఇండియా మూవీకి సిద్దంగా ఉన్నాడు. దీనితో పాటు హిందీలో రణ్‌వీర్‌ సింగ్‌తో అపరిచితుడు రీమేక్‌ కూడా చేయనున్నట్లు భోగట్టా.  చదవండి: క్రికెటర్‌తో డైరెక్టర్‌ శంకర్ కూతురు పెళ్లి

న్యూఢిల్లీ : ఢిల్లీలోని లేడీ శ్రీరాం కాలేజీలో చదువుతోన్న తెలంగాణ విద్యార్థిని ఆర్థిక సమస్యలతో చదువుని కొనసాగించలేక, ఆత్మహత్యకు పాల్పడిన విషయం తెలిసిందే. అనంతరం విద్యార్థి సంఘాల ఆందోళనల నేపథ్యంలో లేడీ శ్రీరాం కళాశాల కొన్ని కోర్సులకు ఫీజును తగ్గిస్తున్నట్లు ప్రకటించింది. అలాగే ల్యాప్‌టాప్‌లను అందించేందుకు ఒక కమిటీని సైతం ఏర్పాటు చేసింది. రెండో సంవత్సరం విద్యార్థులను హాస్టళ్ళలో ఉండేందుకు అనుమతిస్తున్నట్లు కళాశాల పేర్కొంది. కాలేజీలు మూసివేయడంతో విద్యార్థులు కళాశాల సౌకర్యాలను వినియోగించుకోలేకపోతుండడంతో ఈ యేడాది ఫీజులో ఆ చార్జీలను తగ్గిస్తూ కాలేజీ యాజమాన్యం ఈ నిర్ణయం తీసుకుంది. (ఐఏఎస్‌ కావాలన్న ఆశలు ఆవిరి..) దీంతో ఫీజు గణనీయంగా తగ్గనుంది. అలాగే మిగిలిన పీజు సైతం వాయిదాల పద్ధతిలో చెల్లించే అవకాశాన్ని సైతం కళాశాల కల్పించింది.  కోవిడ్‌ తగ్గిన తరువాత అవసరాన్ని బట్టి రెండు, మూడో యేడాది విద్యార్థులకు మరింత మందికి హాస్టల్‌ వసతి కల్పించే విషయాన్ని పరిశీలిస్తామని  అధికారులు తెలిపారు.  విద్యార్థుల హాస్టల్‌ సౌకర్యం పొడిగింపుని నిరోధించే కొన్ని వాక్యాలను సైతం  దరఖాస్తు ఫారం నుంచి తొలగిస్తున్నట్లు కళాశాల అధికారులు పేర్కొన్నారు. (చదువుల తల్లి బలవన్మరణం)

ఉన్నత చదువులు చదువుకుని శిఖరాగ్రాన్ని అందుకోవాలని కలగన్న విద్యార్థిని ఐశ్వర్య చివరకు బలవన్మరణానికి పాల్పడటం మన విద్యా వ్యవస్థలో అమలవుతున్న అస్తవ్యస్థ విధానాలకు అద్దం పడుతోంది. మన పాలకులు ప్రాథమిక విద్యారంగంలో చాలా కృషి చేసినట్టు కనబడతారు. 14 ఏళ్ల వయసొచ్చేవరకూ ఉచిత నిర్బంధ విద్యను అమలు చేస్తున్న పాలకులు ఆ తర్వాత ‘మీ చావు మీరు చావండ’ని వదిలేస్తున్నారు. చదువుల్లో రాణిస్తూ  పైపైకి ఎదగాలని కలగంటున్నవారికి మాత్రం ఎలాంటి దారీ చూపడం లేదు. దివంగత నేత వైఎస్‌ రాజశేఖరరెడ్డి అమల్లోకి తెచ్చిన ఫీజు రీయింబర్స్‌మెంటు పథకంవంటివి దేశంలో చాలాచోట్ల లేవు. కనుకనే విద్యా వ్యాపారం వేయి తలల నాగుపాములా విద్యార్థుల్ని కబళిస్తోంది. యువతను ఊరిస్తూ, వారి ఆకాంక్షల్ని సొమ్ము చేసుకోవ డానికి ప్రయత్నిస్తోంది. దాన్ని కూడా దాటుకుని ముందుకెళ్ల గలిగినవారికి ఉన్నత విద్య ఖరీదైన వ్యవహారంగా మారుతోంది. ఈ వైకుంఠపాళిలో అత్యంత ప్రతిభావంతురాలైన ఐశ్వర్య బలైపో యింది. ఆమె నిరుడు ఇంటర్మీడియెట్‌లో 98.5 శాతం మార్కులు సాధించడమే కాదు...ఢిల్లీ యూని వర్సిటీకి చెందిన పేరెన్నికగన్న లేడీ శ్రీరాం కాలేజీలో బీఎస్సీ మ్యాథ్స్‌(ఆనర్స్‌)లో సీటు కూడా సంపాదించుకుంది. అందుకోసం ఆ నిరుపేద కుటుంబం తమ ఇంటిని తాకట్టుపెట్టి రూ. 2 లక్షలు సమకూర్చవలసివచ్చింది. రెండో కుమార్తెను పాఠశాల మాన్పించవలసివచ్చింది. ‘సా విద్యా యా విముక్తయే’(విముక్తి ప్రసాదించేదే విద్య’) అన్న మకుటాన్ని ధరించిన ఆ కళాశాల ఆచరణలో ఐశ్వర్యవంటి నిరుపేద యువతులకు నిజంగా అక్కరకొస్తోందా? ఐశ్వర్య అక్కడ చేరడానికి ఆ కుటుంబం పడిన పాట్లు గమనించినా, ఆ చదువును కొనసాగించడం అసాధ్యమని నిర్ణయించుకుని ఆమె తనువు చాలించిన తీరు చూసినా ఆ కళాశాల ప్రకటిత ఉద్దేశానికీ, అక్కడ చదువుకునే నిరుపేద పిల్లల సమస్యలకూ పొంతన లేని వైనం వెల్లడవుతుంది. ఆ కళాశాలనుంచి మెరికల్లాంటివారు బయటికొస్తున్నారు. అందులో సందేహం లేదు. ఇప్పుడు భిన్నరంగాల్లో కీలక స్థానాల్లో వున్న అనేకమంది మహిళలు అక్కడ చదువుకున్నవారే. మయన్మార్‌ నేత ఆంగ్‌సాన్‌ సూకీ, బ్రిటానియా ఎండీ వినితా బాలి, బోఫోర్స్‌ స్కాంను బయటపెట్టిన చిత్రా సుబ్రహ్మణ్యం, ఐఎంఎఫ్‌లో కీలక పదవిలో వున్న గీతా గోపీనాథ్, ఇంకా అనేకమంది నాయకులు, ఉన్నతాధికారులు, ప్రముఖ జర్న లిస్టులు, రచయితలు ఒకప్పుడు ఆ కళాశాల విద్యార్థినులే.  ఐశ్వర్య చదువుకు లేడీ శ్రీరాం కళాశాలలో ఎదురైన అడ్డంకులు ఆశ్చర్యం కలిగిస్తాయి. ఇంటర్మీడియెట్‌లో ప్రతిభ చూపినందుకు ఆమెకు ఇన్‌స్పైర్‌ పథకం కింద ఇవ్వాల్సిన ఉపకారవేతనం తొలి విడత మొత్తం ఎన్నడో మార్చిలో అందవలసివుండగా ఎనిమిది నెలలుగా అది పెండింగ్‌లో వుండిపోయింది. సెకండియర్‌ అయ్యాకే దాన్ని అందిస్తామని చెప్పారట. పైగా ఆ కాలేజీకి అను బంధంగా వుండే హాస్టల్‌ని సైతం కరోనా పేరుతో మార్చి 15న మూసేశారు. మొదటి సంవత్సరానికి మాత్రమే హాస్టల్‌ వుంటుందని, సెకెండియర్‌ విద్యార్థులు సొంత ఏర్పాట్లు చేసుకోవాలని విద్యార్థిను లకు వర్తమానం పంపారు. అందుకు కారణాలేమైనా చెప్పవచ్చుగానీ... అవి సహేతుకమైనవి కాదు. సుప్రీంకోర్టు ఓబీసీ కోటా విషయంలో జారీచేసిన మార్గదర్శకాలకు అనుగుణంగా ఈ నిర్ణయం తీసుకోవాల్సివస్తోందని ప్రిన్సిపాల్, యాజమాన్యం నోటీసు జారీ చేసి చేతులు దులుపుకున్నారు. మిగిలిన రెండు సంవత్సరాలూ ఐశ్వర్యవంటి నిరుపేద విద్యార్థులు ఖరీదైన దేశ రాజధాని నగరంలో ఎలా మనుగడ సాగించాలో, చదువులెలా పూర్తిచేసుకోవాలో వారి బుర్రలకు తట్టలేదు. హాస్టల్‌ మూసివేతపై చర్చలకొస్తామని చెప్పిన విద్యార్థి సంఘానికి జవాబు లేదు. సెప్టెంబర్‌ 27న హాస్టల్‌ ఖాళీ చేయాలని ఐశ్వర్యకు తాఖీదు వచ్చింది. ఢిల్లీ వంటిచోట పేయింగ్‌ గెస్ట్‌గా వుండాలన్నా నెలకు రూ. 30,000 తప్పనిసరి. పైగా ఈమధ్య మొదలైన ఆన్‌లైన్‌ విద్య అంతరాలను మరింతగా పెంచింది. రోజూ జరిగే 6, 7 తరగతుల కోసం ఒక మంచి ల్యాప్‌ట్యాప్, చదువుకు ఆటంకంలేకుండా మెరుగైన డేటాతో వైఫై కనెక్షన్‌ వుంటే తప్ప విద్యార్థుల అవసరాలు తీరవు. ఈ అవకాశంలేనివారు చదువుకు దూరం కావాల్సిందే. తరగతి గదినుంచి నిష్కారణంగా విద్యార్థిని గెంటేయడానికీ, దీనికి పెద్ద తేడా ఏమీ లేదు.   మన దేశంలో జరిగే ఎన్నికల్లో ఉద్యోగాలు, ఉపాధి చర్చకొస్తాయిగానీ... చదువులకు మాత్రం ఎప్పుడూ చోటుండదు. మంగళవారం ఫలితాలు వెలువడుతున్న బిహార్‌ అసెంబ్లీ ఎన్నికలే తీసు కుంటే అక్కడ పది లక్షల ఉద్యోగాలు ఇస్తామని ఒకరంటే, కాదు... కాదు 19 లక్షల ఉద్యోగాలిస్తామని మరొకరు హామీలిచ్చారు. ముఖ్యమంత్రిగా వున్న నితీష్‌కుమార్‌ అయితే ‘మేం ఇప్పటికే చాలా ఉద్యోగాలు ఇచ్చేశాం’ అని చెప్పారు. కానీ ప్రతిభగల పిల్లల్ని పాడె ఎక్కిస్తున్న విద్యారంగ అస్తవ్యస్థ విధానాల గురించి మాత్రం అక్కడ చర్చ లేదు. అక్కడే కాదు... చాలా రాష్ట్రాల్లో చదువులపై సమగ్ర మైన చర్చ జరగడం లేదు. విద్యను ఆధునికీకరిస్తామని చెబుతున్న జాతీయ విద్యావిధానం కూడా ప్రైవేటు విశ్వవిద్యాలయాలు స్వతంత్రంగా, ఇష్టానుసారం ఫీజులు నిర్ణయించుకోవడానికి అనుమతి స్తోంది. అయితే సామాజిక బాధ్యతగా కనీసం 20 శాతంమంది పిల్లలకు ఉచిత విద్య, మరో 30 శాతంమందికి ఉపకారవేతనాలు ఇవ్వడం తప్పనిసరి చేస్తారట. ఆచరణలో ఇదేమవుతుందో చూడాలి. ఏదేమైనా తన మరణంతో ఐశ్వర్య ఉన్నత విద్యలో వున్న అంతులేని అగాధాలను బయట పెట్టింది. రకరకాల కారణాలతో ప్రతిభగల నిరుపేద పిల్లలకు తలుపులు మూసుకుంటున్న ఉన్నత విద్యాసంస్థల తీరును బయటపెట్టింది. ఈ లోపాలను సవరించి అందరికీ విద్యను అందుబాటులోకి తీసుకురావడం, ఆర్థిక కారణాలతో ప్రతిభగల విద్యార్థులు చదువుకు దూరం కాకుండా చూడటం పాలకుల బాధ్యత.

షాద్‌నగర్‌ రూరల్‌: ఉన్నత చదువులు చదివి ఐఏఎస్‌ కావాలని ఆమె కల. దాని కోసం శ్రమిస్తోంది. కానీ, ఆర్థిక పరిస్థితులు ఉక్కిరిబిక్కిరి చేసి ఆత్మహత్యకు పురికొల్పాయి. రంగారెడ్డి జిల్లా షాద్‌నగర్‌లోని శ్రీనివాస కాలనీకి చెందిన శ్రీనివాస్‌రెడ్డి, సుమతి దంపతులకు ఐశ్వర్య(19), వైష్ణవి కూతుళ్లు. శ్రీనివాస్‌రెడ్డి బైక్‌ మెకానిక్‌. ఐశ్వర్య 8వ తరగతి వరకు హైదరాబాద్‌లో వారి బంధువుల వద్ద చదువుకుంది. ఆ తర్వాత 9, 10 తరగతులు, ఇంటర్‌ షాద్‌నగర్‌లో అభ్యసించింది. ఇంటర్‌లో 985 మార్కులతో రాష్ట్ర స్థాయిలో మంచి ర్యాంకు సాధించింది. ఢిల్లీ వెళితే డిగ్రీతో పాటు సివిల్స్‌లో కూడా శిక్షణ తీసుకోవచ్చని ఉపాధ్యాయులు సూచించారు. అయితే, ఐశ్వర్యకు ఆర్థిక ఇబ్బందులు అడ్డంకిగా మారాయి. షాద్‌నగర్‌కు చెందిన కొందరు చదువులకయ్యే ఖర్చును భరిస్తామని హామీ ఇచ్చారు. ఈ క్రమంలో ఐశ్వర్యను తల్లిదండ్రులు ఢిల్లీకి పంపించారు. గత ఏడాదిన్నరగా ఆమె ఢిల్లీ వర్సిటీలోని హాస్టల్‌లో ఉంటూ డిగ్రీ (రెండవ సంవత్సరం) చదువుకుంటోంది. ఈ నేపథ్యంలో కరోనా కారణంగా వర్సిటీ వారు సెలవులు ప్రకటించడంతో ఐశ్యర్య షాద్‌నగర్‌కు వచ్చింది. ఇటీవల ఆమె ఫోన్‌కు వర్సిటీ నుంచి ఓ మెసేజ్‌ వచ్చింది. వెంటనే హాస్టల్‌ను ఖాళీ చేయాలని అందులో ఉంది. మరోవైపు కేంద్ర, శాస్త్ర సాంకేతిక మంత్రిత్వ శాఖ ఇచ్చే ఇన్‌స్పైర్‌ స్కాలర్‌షిప్‌ రాలేదు. బయట అద్దెకు ఉండి చదువుకోవాలంటే డబ్బులు కావాలి. (చదవండి: ఐశ్వర్యది ప్రభుత్వ హత్యే!) దీంతో ఆమె తల్లిదండ్రులు అప్పు కోసం ఎంతో ప్రయత్నించారు. ఆదుకుంటామని హామీ ఇచ్చిన వారు కూడా ముందుకురాలేదు. ఈ క్రమంలోనే శ్రీనివాస్‌రెడ్డి అనారోగ్యానికి గురయ్యాడు. తన చదువు కోసం తల్లిదండ్రులు పడుతున్న ఇబ్బందులను చూసిన ఐశ్వర్య తీవ్ర మనోవేదనకు గురైంది. తన చదువు తల్లిదండ్రులకు భారమని.. అలా అని చదువు లేకపోతే బతకలేనని.. నన్ను క్షమించండి అని పేర్కొంటూ లేఖ రాసి ఈ నెల 3న ఇంట్లో ఉరివేసుకుని ఆత్మహత్యకు పాల్పడింది. కనీసం ఒక సంవత్సరం ఇన్‌స్పైర్‌ స్కాలర్‌షిప్‌ వచ్చేలా చూడండి అంటూ ఐశ్వర్య ఆ లేఖలో వేడుకుంది.  (చదవండి: ‘అండగా ఉంటామని ముఖం చాటేశారు’) చదువులు కొనసాగవనే బెంగతోనే ఐశ్వర్య చిన్ననాటి నుంచి ఏ పరీక్షలు రాసినా మంచి మార్కులు సాధించేది. ఐఏఎస్‌ కావాలని కలలు కనేది. తన కలలను సాకారం చేయలేకపోయాం. చదువులు కొనసాగవనే బెంగతోనే నా కూతురు ఆత్మహత్య చేసుకుంది.  – శ్రీనివాస్‌రెడ్డి, ఐశ్వర్య తండ్రి

సాక్షి, న్యూఢిల్లీ: తెలంగాణకు చెందిన విద్యార్థిని ఐశ్వర్యది ముమ్మాటికీ ప్రభుత్వ హత్యేనని లేడీ శ్రీరాం కళాశాల (ఎల్‌ఎస్‌ఆర్‌ ) స్టూడెంట్‌ ఫెడరేషన్‌ ఆఫ్‌ ఇండియా (ఎస్‌ఎఫ్‌ఐ) ఆరోపించింది. కళాశాల ఉదాసీన వైఖరి సరికాదని పేర్కొంది. ఆర్థిక ఇబ్బందుల కారణంగా ఈ నెల 3న ఐశ్వర్య ఆత్మహత్యకు పాల్పడింది. దీనికి నిరసనగా కేంద్ర సైన్స్, టెక్నాలజీ కార్యాలయం ముందు ఎస్‌ఎఫ్‌ఐ, జేఎన్‌యూ విద్యార్థి నేతలు ధర్నా నిర్వహించారు.జేఎన్‌యూ స్టూడెంట్‌ యూనియన్, నేషనల్‌ స్టూడెంట్‌ యూనియన్‌ ఆఫ్‌ ఇండియా (ఎన్‌ఎస్‌యూఐ), తెలుగు స్టూడెంట్‌ అసోసియేషన్‌ (టీఎస్‌ఏ), ఐద్వా–ఢిల్లీలు కూడా నిరసన గళం వినిపించాయి. జస్టిస్‌ ఫర్‌ ఐశ్వర్య నినాదంతో ఆందోళన చేశారు. ‘కేంద్ర సైన్స్, టెక్నాలజీ మంత్రిత్వ శాఖ వైఫల్యం కారణంగా అనేక మంది విద్యార్థుల భవిష్యత్తు ప్రమాదంలో పడింది. ఉపకార వేతనం ఆలస్యం కావడం వల్లే ఐశ్వర్య ఆర్థిక ఒత్తిడికి గురైంది. కేంద్ర సైన్స్, టెక్నాలజీ మంత్రి రాజీనామా చేయాలి. ఐశ్వర్య కుటుంబానికి ప్రభుత్వం పరిహారమివ్వాలి. ఆమె కుటుంబానికి న్యాయం జరిగే వరకు తరగతులు బహిష్కరి స్తున్నాం’ అని ఎస్‌ఎఫ్‌ఐ ఓ ప్రకటనలో పేర్కొంది.  ‘ఐశ్వర్యకు చెల్లించాల్సిన ఉపకార వేతనంతో పాటు అదనంగా కొంత మొత్తాన్ని బాధిత కుటుం బానికి అందజేయాలి. విద్యార్థులందరి ఖాతా ల్లోనూ తక్షణమే ఉపకార వేతనాలు జమచేయాలి. కరోనా మహమ్మారి నేపథ్యంలో విద్యార్థులకు మద్దతుగా కేంద్రం చర్యలు తీసుకోవాలి’ అని ఐద్వా ఢిల్లీ అధ్యక్ష, కార్యదర్శులు మెమూనా మొల్లా, ఆశాశర్మ ప్రకటనలో పేర్కొన్నారు. ఆన్‌లైన్‌ విద్యా విధానం బాగా సాగుతోందని కేంద్రమంత్రి భావిస్తున్నారని, కానీ విద్యార్థుల ఇబ్బందులు విస్మరిస్తున్నారని జేఎన్‌యూ ప్రతిని«ధులు పేర్కొన్నారు.  ‘రాష్ట్రేతర వర్సిటీలు, విదేశాల్లో చదువుకునే విద్యార్థుల కోసం తెలంగాణ ప్రభుత్వం విద్యా విధానం తీసుకురావాలి. వేరే ప్రాంతాల్లో చదువుకునే విద్యార్థులకు సహకరించాలి. రాష్ట్ర ప్రభుత్వ సహకారం లేకపోవడమే ఐశ్వర్య ఆత్మహత్యకు కారణం. ఢిల్లీలో చదువుకోవడానికి వచ్చే విద్యార్థులను ప్రభుత్వాలు ఆదుకోవాలి. ఐశ్వర్య కుటుంబానికి కేంద్ర, రాష్ట్ర ప్రభుత్వాలు రూ.20 లక్షల పరిహారం చెల్లించాలి. ఐశ్వర్య చెల్లెల్ని ప్రభుత్వమే చదివించాలి’ అని టీఎస్‌ఏ ప్రతినిధి వివేక్‌ తెలిపారు.  ఎల్‌ఎస్‌ఆర్‌ స్టూడెంట్‌ యూనియన్‌ ప్రధాన కార్యదర్శి ఉన్నిమాయ, ఎస్‌ఎఫ్‌ఐ ఢిల్లీ సంయుక్త కార్యదర్శి మౌనిక శ్రీసాయి, జేఎన్‌యూఎస్‌యూ అధ్యక్షురాలు అయిషీ ఘోష్, అంబేడ్కర్‌ యూనివర్సిటీ స్టూడెంట్‌ యూనియన్‌ కౌన్సిలర్‌ నవీన లాంబా, ఎస్‌ఎఫ్‌ఐ ఆల్‌ ఇండియా సంయుక్త కార్యదర్శి దీప్సిత ధర్, ఎన్‌ఎస్‌యూఐ జాతీయ కార్యదర్శి, ఏపీ బాధ్యురాలు బూస అనులేఖ తదితరులు నిరసనలో పాల్గొన్నారు. కాగా, కేంద్ర విద్యా మంత్రి పోఖ్రియాల్‌ నివాసం వద్ద ఎన్‌ఎస్‌యూఐ, తెలుగు స్టూడెంట్‌ అసోసియేషన్‌ కార్యకర్తలు ఆందోళన చేయడానికి యత్నించారు. పోలీసులు వారిని అడ్డుకోవడంతో కార్యక్రమాన్ని విరమించారు.  ఒత్తిడికి లోనై.... ఎస్‌ఎఫ్‌ఐ ఢిల్లీ విభాగం నిర్వహించిన వెబ్‌ మీడియా సమావేశంలో ఐశ్వర్య తల్లి మాట్లాడారు. లాక్‌డౌన్‌ సమయంలో ఇంటికి వచ్చిన ఐశ్వర్యకు వసతి గృహం ఖాళీ చేయాలని ఇటీవల సందేశం వచ్చిందన్నారు. మధ్యలో చదువు మానేస్తే నవ్వులపాలు అవుతామని తీవ్ర ఒత్తిడికి లోనయిందని చెప్పారు. ఉపకార వేతనం సకాలంలో అంది ఉంటే తమ కుమార్తె దక్కేదని ఆవేదన వ్యక్తం చేశారు.  ఐశ్వర్య మృతికి రాహుల్‌ సంతాపం ఐశ్వర్వ ఆత్మహత్య పట్ల కాంగ్రెస్‌ ఎంపీ, ఏఐసీసీ మాజీ అధ్యక్షుడు రాహుల్‌ గాంధీ సంతాపం వ్యక్తం చేశారు. విద్యార్థిని కుటుంబ సభ్యులకు ప్రగాఢ సానుభూతిని తెలియజేస్తున్నానని సోమవారం ఆయన ట్వీట్‌ చేశారు. బీజేపీ ప్రభుత్వం నోట్ల రద్దు, లాక్‌డౌన్‌ వంటి నిర్ణయాలతో లెక్కలేనన్ని కుటుంబాలను నాశనం చేసిందని, ఇది నిజమని ఆయన తన పోస్టులో పేర్కొన్నారు.

సాక్షి, హైదరాబాద్‌ : ఆర్థిక ఇబ్బందులే తమ కూతుర్ని  పొట్టనపెట్టుకున్నాయని షాద్‌నగర్‌లో ఆత్మహత్యకు పాల్పడిన డిగ్రీ విద్యార్థిని ఐశ్వర్యారెడ్డి తల్లిదండ్రులు శ్రీనివాస్‌రెడ్డి, సుమతి ఆవేదన వ్యక్తం చేశారు. ఆర్థిక పరిస్థితి సరిగా లేకపోవడంతో ఆన్‌లైన్‌ క్లాసులు వినడానికై కనీసం తమ కూతురికి ఫోన్‌ కూడా కొనివ్వలేకపోయామని కన్నీరుమున్నీరయ్యారు. సోమవారం వారు ‘సాక్షి’తో మాట్లాడుతూ.. ‘:ఐశ్యర్య మొదటి నుంచి చదువులో ఎంతో ముందుండేది. ఉన్నత చదువు కోసం అప్పు చేసి మరీ ఆమెను ఢిల్లీకి పంపించాం. కూతుర్ని ఐఏఎస్‌ చేయడం కోసం చివరకు మా ఇంటిని కూడా తాకట్టు పెట్టాం. లాక్‌డౌన్‌ సమయంలో ఆన్‌లైన్‌ క్లాసులు వినడం కోసం ఫోన్‌ లేదా ల్యాప్‌టాప్‌ అడిగింది. మా ఆర్థిక పరిస్థితుల నేపథ్యంలో ఫోన్‌ కూడా కొనివ్వలేకపోయాం. చనిపోయే ముందు కూడా ఐశ్యర్య మా అందరితో కలివిడిగానే మాట్లాడింది. స్కాలర్‌షిప్‌ రాకపోవడం ఐశ్యర్యను మరింత కుంగదీసింది. గతంలో మా కూతురు టాపర్‌గా నిలిచినప్పుడు ఎందరో అండగా ఉంటామని ముందుకు వచ్చారు, కానీ కొద్దిరోజులకే ముఖం చాటేశారు. మాకొచ్చిన బాధ ఏ తల్లిదండ్రులకు రావొద్దు’ అని ఐశ్యర్య తల్లిదండ్రులు భోరున విలపించారు. ప్రభుత్వం ఆదుకొని తమ చిన్న కూతురు చదువుకు అండగా ఉండాలని విజ్ఞప్తి చేశారు.  (చదవండి : ఐశ్వర్య ఆత్మహత్య.. రాహుల్‌ స్పందన) షాద్‌నగర్‌కు చెందిన ఐశ్వర్య ఢిల్లీలోని శ్రీరామ్‌ కాలేజీలో డిగ్రీ చదువుతోంది. కరోనా కారణంగా కాలేజీ యాజమాన్యం హాస్టల్‌ ఖాళీ చేయించింది. ఈ క్రమంలో షాద్‌నగర్‌ వచ్చిన ఐశ్వర్య ఆదివారం ఇంట్లో ఉరి వేసుకుని ఆత్మహత్య చేసుకుంది. కుటుంబానికి భారం కాకుడదనే ఈ నిర్ణయం తీసుకున్నట్లు సూసైడ్‌ నోట్‌లో తెలిపింది. చిన్నప్పటి నుంచి చదువులో చురుకుగా ఉండే ఐశ్వర్య యూనియన్‌ మినిస్ట్రీ ఆఫ్‌ సైన్స్ అండ్ టెక్నాలజీ స్కాలర్‌షిప్ కింద బీఎస్సీ (హన్స్) గణితం చదవడానికి ఎల్‌ఎస్‌ఆర్‌లో చేరింది. ఇక ఈ ఏడాది మార్చి నుంచి స్కాలర్‌షిప్‌ రాకపోవడంతో పుస్తకాలు, హస్టల్‌ ఫీజు వంటి ఇతర ఖర్చులకు ఇబ్బంది తలెత్తడంతో ఈ నిర్ణయం తీసుకుంది. 

సాక్షి, న్యూఢిల్లీ: కరోనా కారణంగా హస్టల్‌ యాజమాన్యం బలవంతంగా ఖాళీ చేయించడంతో మనస్తాపానికి గురైన షాద్‌నగర్‌ డిగ్రీ విద్యార్థిని ఐశ్వర్య ఆత్మహత్య చేసుకున్న సంగతి తెలిసిందే. ఈ ఘటనపై కాంగ్రెస్‌ పార్టీ నాయకుడు రాహుల్‌ గాంధీ స్పందించారు. ఐశ్వర్య కుటుంబానికి తన సంతాపం తెలిపారు. బీజేపీ అనాలోచితంగా విధించిన లాక్‌డౌన్‌ దేశవ్యాప్తంగా ఎన్నో కుటుంబాలను నాశనం చేసిందని మండి పడ్డారు. ఈ మేరకు ఆయన హిందీలో ట్వీట్‌ చేశారు. "ఈ విచారకరమైన క్షణంలో విద్యార్థి ఐశ్వర్య కుటుంబ సభ్యులకు నా సంతాపం తెలియజేస్తున్నాను. బీజేపీ అనాలోచితంగా చేసిన నోట్ల రద్దు, లాక్‌డౌన్‌ దేశవ్యాప్తంగా ఎన్నో కుటుంబాలను నాశనం చేసింది. ఇది నిజం” అని రాహుల్ ట్వీట్‌ చేశారు. (చదవండి: స్కూల్‌ ఫీజుకు బదులుగా కొబ్బరి బొండాలు..!) ఈ అత్యంత విచారకరమైన సమయంలో ఈ విద్యార్థిని కుటుంబ సభ్యులకు నా ప్రగాడ సంతాపం తెలుపుతున్నాను. ఉద్దేశ పూర్వకంగా చేసిన నోట్ల రద్దు మరియు లాక్డౌన్ ద్వారా, బీజేపి ప్రభుత్వం లెక్కలేనన్ని కుటుంబాలను నాశనం చేసింది. ఇది నిజం! ఇదే నిజం!! pic.twitter.com/mSszEES6ha — Rahul Gandhi (@RahulGandhi) November 9, 2020 షాద్‌నగర్‌కు చెందిన ఐశ్వర్య ఢిల్లీలోని శ్రీరామ్‌ కాలేజీలో డిగ్రీ చదువుతోంది. కరోనా కారణంగా కాలేజీ యాజమాన్యం హాస్టల్‌ ఖాళీ చేయించింది. ఈ క్రమంలో షాద్‌నగర్‌ వచ్చిన ఐశ్వర్య ఆదివారం ఇంట్లో ఉరి వేసుకుని ఆత్మహత్య చేసుకుంది. కుటుంబానికి భారం కాకుడదనే ఈ నిర్ణయం తీసుకున్నట్లు సూసైడ్‌ నోట్‌లో తెలిపింది. ఇప్పటికే తన చదువు కోసం తల్లిదండ్రులు ఇంటిని తనఖా పెట్టారన్నది. చిన్నప్పటి నుంచి చదువులో చురుకుగా ఉండే ఐశ్వర్య యూనియన్‌ మినిస్ట్రీ ఆఫ్‌ సైన్స్ అండ్ టెక్నాలజీ స్కాలర్‌షిప్ కింద బీఎస్సీ (హన్స్) గణితం చదవడానికి ఎల్‌ఎస్‌ఆర్‌లో చేరింది. ఇక ఈ ఏడాది మార్చి నుంచి స్కాలర్‌షిప్‌ రాకపోవడంతో పుస్తకాలు, హస్టల్‌ ఫీజు వంటి ఇతర ఖర్చులకు ఇబ్బంది తలెత్తడంతో ఈ నిర్ణయం తీసుకుంది. 

సాక్షి, హైదరాబాద్‌: షాద్‌నగర్‌లో డిగ్రీ విద్యార్థిని ఆత్మహత్య చేసుకున్న ఘటన స్థానికంగా కలకలం రేపింది. వివరాల్లోకెళ్తే.. షాద్‌నగర్‌కు చెందిన ఐశ్వర్య ఢిల్లీలోని శ్రీరామ్‌ కాలేజీలో డిగ్రీ చదువుతోంది. కరోనా కారణంగా కాలేజీ యాజమాన్యం విద్యార్థులను బలవంతంగా హాస్టల్‌ను ఖాళీ చేయించింది. యాజమాన్యం తీరుకు మనస్తాపానికి గురైన విద్యార్థిని ఐశ్వర్య షాద్‌నగర్‌ వచ్చి ఇంట్లో ఉరేసుకొని ఆత్మహత్యకు పాల్పడింది. తమ కుమార్తె మరణానికి కాలేజీ యాజమాన్యం వేధింపులే కారణమని కుటుంబ సభ్యులు ఆరోపిస్తున్నారు. అయితే ఘటనకు సంబంధించిన పూర్తి సమాచారం తెలియాల్సి ఉంది.  చదవండి: (తునిలో ఎన్నారై సురేశ్‌ మృతి కలకలం.. భార్యే..!) (నంద్యాల కుటుంబం ఆత్మహత్య: సీఐ, హెడ్‌ కానిస్టేబుల్‌ అరెస్ట్‌) (పరిటాల సునీత ముఖ్య అనుచరుడి అరెస్ట్‌)  

అక్కినేని కుటుంబంలో పెళ్లి సందడి నెలకొంది. కింగ్‌ నాగార్జున సోదరుడు వెంకట్‌ కుమారుడు ఆదిత్య నిశ్చితార్థం చెన్నైలో ఘనంగా జరిగింది. ఆదిత్య, ఐశ్వర్యల నిశ్చితార్థం సందర్భంగా కుటుంబ సభ్యులు అంతా కలిసి సందడి చేశారు. ఈ వేడుకకు నాగార్జున, నాగచైతన్య, అఖిల్‌, అమల, సుమంత్‌, సుప్రియా, నాగసుశీల, సుశాంత్‌తోపాటు ఇతర కుటుంబ సభ్యులు హాజరయ్యారు. ఇందుకు సంబంధించిన ఫొటోను అఖిల్‌ తన ఇన్‌స్టాగ్రామ్‌లో పోస్ట్‌ చేశారు. అలాగే తన సోదరుడు ఆదిత్యకు శుభాకాంక్షలు తెలిపారు.  అయితే ఈ ఫొటోలో నాగచైతన్య భార్య సమంత కనిపించకపోవడంతో.. సమంత ఎక్కడ అంటూ ఫ్యాన్స్‌ కామెంట్లు పెడుతున్నారు. అక్కినేని హీరో నాగచైతన్య, వెంకటేశ్‌తో కలిసి నటించిన మల్టీస్టారర్‌ ‘వెంకీ మామా’  శుక్రవారం ప్రేక్షకులు ముందుకు రానుంది. 

సాక్షి, బెంగళూరు/న్యూఢిల్లీ: కర్ణాటకలో కాంగ్రెస్‌ ట్రబుల్‌ షూటర్‌ డీకే శివకుమార్‌ కుమార్తె ఐశ్వర్య గురువారం ఎన్‌ఫోర్స్‌మెంట్‌ డైరెక్టరేట్‌ (ఈడీ) ఎదుట విచారణకు హాజరయ్యారు. శివకుమార్‌ ఈడీ కస్టడీ మరో రోజులో ముగుస్తుందనగా ఈడీ అధికారులు ఐశ్వర్యను ప్రశ్నించారు. ఏడు గంటలుపైగా ఆమెను ఈడీ అధికారులు విచారించారు. బిజినెస్‌ మేనేజ్‌మెంట్‌లో గ్రాడ్యుయేట్‌ చేసిన ఐశ్వర్య ఢిల్లీలోని ఈడీ ఆఫీస్‌కొచ్చారు. ఉదయం 10.30 గంటలకు వచ్చిన ఆమె రాత్రి 7.30 గంటలకు తిరిగి వెళ్లారు. ఐశ్వర్య పేరు మీదే ట్రస్ట్‌ ఫండ్‌ ఏర్పాటవడంతో పాటుగా 2013–18 మధ్య ఆమె ఆస్తిపాస్తులు విపరీతంగా పెరిగాయి. 2018 కర్ణాటక అసెంబ్లీ ఎన్నికలకు ముందు ఐశ్వర్యకు 108 కోట్లు ఉన్నట్టుగా ప్రకటించారు. 2013లో ఆమె ఆస్తుల విలువ రూ.1.09 కోట్లు మాత్రమే. కాగా, 9 రోజుల ఈడీ కస్టడీ ముగియడంతో నేడు శివకుమార్‌ను స్థానిక కోర్టులో హాజరుపరచనున్నారు.

బెంగళూరు : కాంగ్రెస్‌ సీనియర్‌ నేత డీకే శివకుమార్‌కు ఎన్‌ఫోర్స్‌మెంట్‌ డైరెక్టరేట్‌(ఈడీ) మరో షాక్‌ ఇచ్చింది. ఇప్పటికే మనీలాండరింగ్‌ కేసులో శివకుమార్‌ను అరెస్ట్‌ చేసిన ఈడీ అధికారులు.. తాజాగా ఆయన కుమార్తె ఐశ్వర్యకు సమన్లు జారీచేశారు. మనీలాండరింగ్‌ కేసుకు సంబంధించి ఈ నెల 12న విచారణకు హాజరు కావాలని ఐశ్వర్యకు సమన్లు జారీ చేసినట్టు సీనియర్‌ ఈడీ అధికారి ఒకరు తెలిపారు. శివకుమార్‌ ఆర్థిక లావాదేవీలను పరిశీలిస్తున్న సమయంలో ఈడీ అధికారులు.. ఆయన కుమార్తె నిర్వహిస్తున్న ఒక ట్రస్టుకు సంబంధించిన పత్రాలను కనుగొన్నారు. ఈ నేపథ్యంలోనే ఈడీ అధికారులు ఆమెకు సమన్లు జారీ చేసినట్టుగా తెలుస్తోంది. అంతేకాకుండా 2017 జూలైలో శివకుమార్‌, ఆయన కుమార్తె కలిసి ఒక బిజినెస్‌ డీల్‌ కోసం సింగపూర్‌ వెళ్లడంపై ఈడీ అధికారులు దృష్టి పెట్టినట్టుగా సమాచారం. ఇప్పటికే ఈడీ అధికారులు మనీలాండరింగ్‌ కేసుకు సంబంధించి శివకుమార్‌కు సన్నిహితుడైన సచిన్‌ నారాయణ్‌ విచారించారు. కాగా, మనీలాండరింగ్‌ కేసులో అరెస్ట్‌ అయిన శివకుమార్‌ను సెప్టెంబర్‌ 13 వరకు ఈడీ కస్టడీకి అనుమతిస్తూ ఢిల్లీ కోర్టు ఆదేశాలు జారీ చేసిన సంగతి తెలిసిందే.  చదవండి : శివకుమార్‌కు 13 వరకు కస్టడీ

రోజుకు ఇరవై నాలుగ్గంటలు ఏడాదికి మూడు వందల అరవై ఐదు రోజులు ఏళ్లకు ఏళ్లు బరువు మోసిన అలసిన స్తంభాలు కత్తి యుద్ధాలు... ఫిరంగి దాడులతో... నెత్తురోడిన గోడలు... ఇంకే ఘోరాలు చూడాల్సి వస్తుందోనని భయపడే పైకప్పులు నేలకు వాలి మట్టిలో కలిసిపోవడానికి సిద్ధమవుతుంటాయి. అదే జరిగితే... వాటిని అలాగే వదిలేస్తే...‘ఇదీ మా గొప్పతనం’ ఏమి చూపించాలి? భవిష్యత్తు తరాలకు...మన ముఖం ఎలా చూపించాలి? అందుకే వాటిని పునరుద్ధరిస్తోంది ఐశ్వర్య వందల ఏళ్ల నాటి కట్టడాలకు...కొత్తగా పాతరూపుని తెస్తోంది. మన భవన నిర్మాణ కౌశలాన్ని పరిరక్షిస్తోంది.వారసత్వ కట్టడాల వైభవాన్ని పునరుద్ధరిస్తోంది. ‘ఇల్లు కట్టి చూడు– పెళ్లి చేసి చూడు’ అనే నానుడి ఎందుకొచ్చి ఉంటుంది? ఇల్లు కట్టడం, పెళ్లి చేయడం రెండూ అత్యంత కష్టమైన పనులు కాబట్టి. ఇప్పుడీ పనులన్నీ వ్యవస్థీకృతమైపోయాయి. పెళ్లి చేయాలంటే ఏ వస్తువు ఎక్కడ దొరుకుతుందోననే బెంగ అక్కర్లేదు, పూల మండపం ఎవరు బాగా కడతారని ఆరాలు తీసే పనీ లేదు. మంగళవాయిద్యాల బృందం ఎక్కడ దొరుకుతుందోనని చూడాల్సిన పనీ లేదు. మంచి వంటవాళ్లు ఎవరోనని వాకబు చేయాల్సిన పని అంతకంటే లేదు. ఈ పనులన్నీ ఈవెంట్‌ నిర్వహకులు చేసి పెట్టేస్తున్నారు. అలాగే ఇల్లు కట్టాలన్నా సరే... స్థలం చూపించి మనకు కావాల్సిన స్పెసిఫికేషన్స్‌ జాబితా ఇచ్చి, ఇంత మొత్తం అని వాళ్ల చేతిలో పెడితే ఇల్లు రెడీ అయిపోతోంది. ఇంటి వారు చేయాల్సింది గృహ ప్రవేశం ఒక్కటే. కొత్త ఇల్లు కట్టడం ఓకే, మరి... ఎప్పుడో కట్టిన ఇంటిని తిరిగి కట్టాల్సి వస్తే? అది మాత్రం చిన్న పని కాదు, దానికంటే కొత్త ఇల్లు కట్టుకోవడం చాలా సులభం. నిజమే, అలాగని ఉన్న ఇంటిని నేల కూల్చడానికి మనసంగీకరిస్తుందా? చూసే వారికి ఆ ఇల్లు కేవలం గోడలు, కిటికీలు, పైకప్పు మాత్రమే కావచ్చు... ఆ గోడలతో మనకు కొన్ని జ్ఞాపకాలు అల్లుకుని ఉంటాయి. అమ్మ కిటికీలో నిలబెట్టి గోరుముద్దలు తినిపిస్తుంటే... ఆకాశంలో చందమామను చూస్తూ కిటికీ చువ్వలు పట్టుకుని ఊగిన బాల్యం గుర్తుకు వస్తుంది. ఆ ఇంటిని కట్టిన తాతయ్య కళ్ల ముందు మెదలుతాడు. ‘నువ్వు కట్టిన ఈ ఇంటిని నా కంఠంలో ప్రాణం ఉండగా కూల్చను తాతయ్యా, దీనికి మరమ్మత్తులు చేసి ఆధునిక సౌకర్యాలతో నా పిల్లలకు అనువుగా మలుచుకుంటాను’ అని తాతయ్య ఫొటో ముందు మాట ఇచ్చేస్తాం. ఇచ్చిన మాట ప్రకారం పాత ఇంటిని పునరుద్ధరించే పనిలో పడతాం. చూసిన వాళ్లు ‘ఇంత కష్టపడడం ఎందుకు? కొత్త ఇల్లు కట్టుకోవచ్చు’ అని మూతి విరిచినా సరే... ఆ విరుపులేమాత్రమూ బాధించవు. సరికదా... పాత గోడలను తాకినప్పుడు మనల్ని తడిమే జ్ఞాపకాలు మనల్ని ఉయ్యాలలూగిస్తాయి. ఇంటితో ఉండే అనుబంధం అంత గట్టిది. మరి మన పెద్దవాళ్లు మనకోసం మిగిల్చిన జ్ఞాపకాల సంపద వందల ఏళ్ల నాటి చారిత్రక కట్టడమైతే? ఎవరెన్ని అన్నా సరే, తప్పని సరిగా పరిరక్షించుకోవాల్సిందే. ఆ కట్టడం అందులో నివసించే వాళ్లకు మాత్రమే కాదు, దేశానికి కూడా అది జ్ఞాపకాల సంపదే. ఢిల్లీలోని సేత్‌ రామ్‌ లాల్‌ ఖేమ్‌కా హవేలీలో నివసిస్తున్న దేవకీ నందన్, నేహా దంపతులు కూడా అలాగే అనుకున్నారు. దేవకీ నందన్‌కి ఢిల్లీ, కశ్మీరీ గేట్‌ సమీపంలో ఉన్న హవేలీ  175 ఏళ్ల నాటి కట్టడం. మొఘలుల కాలం నాటి నిర్మాణం. ఆ హవేలీకి మరమ్మత్తులు చేసుకున్నారు, అప్పుడు ఎలా కట్టారో అచ్చం అలాగే మళ్లీ కట్టారా అనిపించేటట్లు పునరుద్ధరించుకున్నారు. ఢిల్లీ చాందినీ చౌక్‌లోని ధరంపురా హవేలీ కూడా అలాంటిదే. ఈ రకంగా పాతనిర్మాణాలకు కొత్తదనం తెస్తున్న ఆర్కిటెక్ట్‌ ఐశ్వర్య తిప్నీస్‌.  మాహిద్‌పూర్‌ కోట పాతతరం కట్టడాలను పరిరక్షిస్తున్న నవతరం ఆర్కిటెక్ట్‌ ఐశ్వర్యా తిప్నీస్‌. మధ్యప్రదేశ్‌లోని మాహిద్‌పూర్‌ కోట, మాజీ ప్రధాని రాజీవ్‌ గాంధీ చదువుకున్న డెహ్రాడూన్‌ స్కూలు, కోల్‌కతా చందన్‌ నగర్‌లోని ఫ్రెంచ్‌ చర్చ్‌... ఇలా ప్రత్యేకమైన నిర్మాణకౌశలానికి ఆనవాళ్లుగా నిలిచిన కట్టడాలను పటిష్టపరిచారామె. మాహిద్‌పూర్‌ కోట ఉజ్జయిని జిల్లాలో ఉజ్జయిని పట్టణానికి 50 కి.మీ.ల దూరాన ఉంది. మధ్యయుగం నాటి ఈ నిర్మాణానికి గొప్ప చారిత్రక నేపథ్యం ఉంది. ఈస్టిండియా కంపెనీకి మరాఠా సమాఖ్యకు మధ్య 1817లో భీకరమైన యుద్ధం జరిగింది. ఈ యుద్ధాన్ని మాహిద్‌పూర్‌ యుద్ధం అంటారు. ఆ యుద్ధంలో స్థానిక హోల్కర్‌ రాజులు, యువరాజుల నుంచి సామాన్యుల వరకు బ్రిటిష్‌ వారికి వ్యతిరేకంగా పోరాడారు. ఆ యుద్ధంలో కోట దాదాపుగా ధ్వంసమైందనే చెప్పాలి. దేశానికి స్వాతంత్య్రం వచ్చిన తరవాత చాలాకాలం భారత ప్రభుత్వం కోటల నిర్వహణ మీద ప్రత్యేక శ్రద్ధ పెట్టకపోవడంతో నిర్మాణాలు మరింతగా శిథిలం కాసాగాయి. ఆర్కియాలజీ డిపార్ట్‌మెంట్‌ సర్వే రిపోర్టుల ఆధారంగా చారిత్రక వారసత్వ కట్టడాలను పరిరక్షించుకునే పని మొదలైంది. అంతటి కీలకమైన, అత్యంత సంక్లిష్టమైన పనిని చేపట్టిన ఆర్కిటెక్ట్‌ ఐశ్వర్య. దేశంలో పేరు మోసిన ఆర్కిటెక్టుల్లో ఎక్కువ మంది మగవాళ్లే ఉన్నారు. ఓ ఇరవై ఏళ్లుగా అమ్మాయిలు ఎక్కువ మంది ఆర్కిటెక్చర్‌ కోర్సు చేస్తున్నారు. అయితే వాళ్లలో ఎక్కువ మంది సీనియర్‌ ఆర్కిటెక్ట్‌ దగ్గర సహాయకులుగానే ఉంటున్నారు. కొంతమంది సొంతంగా కెరీర్‌లో నిలదొక్కుకున్నప్పటికీ ఇంత భారీ స్థాయి కోటల పునరుద్ధరణ బాధ్యత తలకెత్తుకున్నది ఐశ్వర్య మాత్రమే. సేత్‌ రామ్‌ లాల్‌ ఖేమ్‌కా హవేలీలో దేవకీ నందన్, నేహా దంపతులు మన సంప్రదాయమే ఐశ్వర్య ‘న్యూ ఢిల్లీలోని స్కూల్‌ ఆఫ్‌ ప్లానింగ్‌ అండ్‌ ఆర్కిటెక్చర్‌’ స్టూడెంట్‌. గ్రాడ్యుయేషన్‌ 2003లో పూర్తయింది, తర్వాత స్కాట్లాండ్‌లోని డూండీ యూనివర్సిటీ నుంచి ‘యూరోపియన్‌ అర్బన్‌ కన్జర్వేషన్‌’లో పోస్ట్‌ గ్రాడ్యుయేషన్‌ చేశారు. ఇప్పుడామె సొంత సంస్థ నిర్వహిస్తూ (ఐశ్వర్య తిప్నీస్‌ ఆర్కిటెక్ట్స్‌) ఆమె చదివిన స్కూల్‌ ఆఫ్‌ ప్లానింగ్‌ అండ్‌ ఆర్కిటెక్చర్‌లో విజిటింగ్‌ ఫ్యాకల్టీగా విధులు నిర్వర్తిస్తున్నారు. వారసత్వ కట్టడాల పునరుద్ధరణ ఆమెకు ఇష్టమైన వ్యాపకం. ‘ఆ ఇష్టమే ఇంతటి ప్రతిష్ఠాత్మకమైన ప్రాజెక్టులను చేపట్టడానికి దారి తీసింది’ అంటారు ఐశ్వర్య. ‘‘పరిరక్షణ అనేది మనకు తెలియని విద్యేమీ కాదు. ఒక వస్తువుని పరిరక్షించడం అనేది మన భారతీయ సంప్రదాయంలోనే ఉంది. యూజ్‌ అండ్‌ త్రో విధానం మనది కాదు. ఒక వస్తువుని ఎన్ని రకాలుగా వాడవచ్చో అన్ని రకాలుగా మలుచుకుంటూ ఉపయోగిస్తాం. దానినే ఇప్పుడు ‘గోయింగ్‌ గ్రీన్‌ అని, సస్టెయినబులిటీ’ అనీ అంటున్నాం. భవననిర్మాణ రూపకల్పనను వృత్తిగా ఎంచుకోవడం వరకే నా చాయిస్‌. ఆ తర్వాత నా ఇష్టం ఎటువైపు తీసుకెళ్తే అటు సాగింది నా ప్రయాణం. మన సంప్రదాయ నిర్మాణాలు, చారిత్రక కట్టడాల మీద నాకున్న ఇష్టమే... వాటిని పరిరక్షించడాన్ని కెరీర్‌గా తీసుకునేలా ప్రభావితం చేసింది’’ అన్నారామె. ఐశ్వర్య హెరిటేజ్‌ కన్జర్వేషన్‌ ఆర్కిటెక్చర్‌లో తాను అధ్యయనం చేసిన అంశాలను వార్తా పత్రికల్లో వ్యాసాలు రాస్తుంటారు. ‘వెర్నాక్యులర్‌ ట్రెడిషన్, కాంటెంపరరీ ఆర్కిటెక్చర్‌’ అనే పుస్తకం కూడా రాశారు. పునరుద్ధరణ ఓ ఉద్యమం చందన్‌ నగర్‌ పట్టణం కోల్‌కతాకు దగ్గరగా ఉంటుంది. అక్కడ ఫ్రెంచ్‌ కాలనీ ఉంది. ఫ్రెంచ్‌ వాస్తుశైలి భవనాలు వంద వరకున్నాయి. అవన్నీ వారసత్వంగా కాపాడుకోవాల్సిన నిర్మాణాలే. అయితే వాటి గొప్పతనం పట్ల స్థానికులకు పెద్దగా పట్టింపు లేదు. స్థానిక యువతను చైతన్యవంతం చేయడంతోపాటు వారసత్వ కట్టడాల మీద ఆసక్తి ఉన్న యువ ఆర్కిటెక్ట్‌లను సమీకరించి, వారందరి సహకారంతో ప్రాజెక్ట్‌ పూర్తి చేయగలిగాను. నిజానికి అదొక సోషల్‌ మూవ్‌మెంట్‌ అనాలి. అంత ప్రయాస పడిన తర్వాత మాత్రమే ఆ పట్టణానికి ఉన్న చారిత్రక నిర్మాణ నైపుణ్యాన్ని తిరిగి తీసుకురాగలిగాను. గత ఏడాది జనవరిలో ఫ్రెంచ్‌ అంబాసిడర్‌ అలెగ్జాండ్రె జిగ్లర్‌ నుంచి అవుట్‌ స్టాండింగ్‌ కమిట్‌మెట్‌ అవార్డు అందుకున్నాను. ఇది ఫ్రెంచ్‌లో కళ, సాంస్కృతిక రంగాలకు ఇచ్చే అత్యున్నత పురస్కారం. ఇండియాలో ఉన్న ఫ్రెంచ్‌ వారసత్వ కట్టడాలను పునరుద్ధరించినందుకు ఈ అవార్డు వచ్చింది. డెహ్రాడూన్‌లోని డూన్‌ స్కూల్‌ పునరుద్ధరణను పూర్తి చేసినందుకు యునెస్కో నుంచి ప్రశంసాపత్రం అందుకోవడం కూడా నాకు అత్యంత సంతోషకరమైన సందర్భమే అయితే నేను చేపట్టిన నిర్మాణ పునరుద్ధరణ పనులన్నీ ఏ ఒక్కరిద్దరితోనో పూర్తయ్యేవి కావు, సమష్టి కృషితోపాటు అందరిలో నాకున్నంతటి పట్టుదల లేకపోతే సాధ్యమయ్యే పనులు కానే కాదు. అందుకే ఏ పురస్కారమైనా నా టీమ్‌లో ఉన్న ప్రతి ఒక్కరికీ చెందుతుంది. – ఐశ్వర్య తిప్నీస్, కన్జర్వేషన్‌ ఆర్కిటెక్ట్‌ చందన్‌ నగర్‌లోని ఫ్రెంచ్‌ చర్చ్‌ కోటల కంటే ఇల్లే కష్టం కోటలకు మరమ్మత్తులు చేసి పటిష్టపరచడం కష్టం అనుకుంటాం. కానీ ఇళ్లను పరిరక్షించడమే కష్టమైన పని అంటారు ఐశ్వర్య. ‘‘కోటల ఒరిజినల్‌ డిజైన్‌కు అనుగుణంగా పని చేస్తే సరిపోతుంది. అప్పుడు వాడిన లైమ్, సాండ్‌ స్టోన్‌ల స్థానంలో అదే లుక్‌ తీసుకురావడానికి కొంత వరకు ప్రత్యామ్నాయాలను కూడా వాడవచ్చు. ఇళ్లను పునరుద్ధరించేటప్పుడు ఏ మాత్రం రాజీ పడడానికి వీల్లేదు. ఉదాహరణకు ఆ భవనం కట్టినప్పుడు కిటికీలకు రంగు అద్దాలను వాడినట్లయితే ఇప్పుడా డిజైన్, షేడ్‌ కోసం మార్కెట్‌లు గాలించాల్సిందే. మోడల్‌ అద్దాన్ని పట్టుకుని నెలలపాటు గాలించిన సందర్భాలూ ఉన్నాయి. దానికి తోడు ఆ ఇంట్లో నివసిస్తున్న వాళ్లు ఇప్పటి అవసరాలకు అనుగుణంగా వాళ్లంతట వాళ్లే కొన్ని మార్పులు చేసుకుని ఉంటారు. గ్రైండర్, ఫ్రిజ్, ఏసీ, కంప్యూటర్‌ వంటి ఎలక్ట్రిక్, ఎలక్ట్రానిక్‌ ఉపకరణాల కోసం టెంపరరీ వైరింగ్‌ చేసుకుని ఉంటారు. కొన్ని వైర్లు బయటకు వేళ్లాడుతూ ఉంటాయి. ఈ ఇరవై ఒకటో శతాబ్దపు అవసరాలను దృష్టిలో పెట్టుకుని ఇంటీరియర్‌ అంతా రీ డిజైన్‌ చేయాల్సి ఉంటుంది. అటాచ్‌డ్‌ టాయిలెట్, క్లోజెట్, మాడ్యులార్‌ కిచెన్‌తో ఇంటికి మోడరన్‌ టచ్‌ ఇవ్వాలి. అదే సమయంలో ఆ భవనం నిర్మాణ కాలం నాటి మనోహరరూపాన్ని కాపాడాలి. నమ్ముతారో లేదో కానీ మాకు మాహిద్‌ కోట పునరుద్ధరణకు మూడేళ్లు పడితే సేత్‌ రామ్‌ లాల్‌ ఖేమ్‌కా హవేలీకి దాదాపుగా ఎనిమిదేళ్లు పట్టింది. ఒకటే ప్రాజెక్టు మీద అన్నేసి సంవత్సరాలు పని చేయాలంటే చాలా ఓపిక ఉండాలంటా’’రామె. తన విజయ రహస్యం గురించి చెబుతూ... ‘‘ఆర్కిటెక్ట్‌ మిత్రులు... ఒక్కో ప్రాజెక్ట్‌ కోసం ఇన్నేసి సంవత్సరాలు గడపాలంటే బోర్‌ అంటారు. చిన్నప్పుడు చదువుకున్న ‘కుందేలు– తాబేలు’ కథలోని తాబేలు గెలుపే నాకు స్ఫూర్తి. ఎన్ని ప్రాజెక్టులు చేశాననే సంఖ్య కంటే ఎంతమంచి ప్రాజెక్టులు చేశాననే సంతృప్తే నాకు ముఖ్యం’’ అన్నారు ఐశ్వర్య తిప్నీస్‌ సంతోషంగా. – మంజీర

తమిళ దర్శకుడు ఏఎల్‌ విజయ్‌ మళ్లీ పెళ్లికి సిద్ధమయ్యారు. డాక్టర్‌ ఐశ్వర్యాను జూలైలో వివాహం చేసుకోబోతున్నట్టు ప్రకటించారాయన. ‘నాన్న, అభినేత్రి, లక్ష్మీ (ప్రభుదేవా డ్యాన్స్‌ మూవీ)’ సినిమాలతో తెలుగు ప్రేక్షకులకు ఏఎల్‌ విజయ్‌ పరిచయమే. తాజాగా పెళ్లి విషయాన్ని స్వయంగా ప్రకటిస్తూ – ‘‘జీవితంలో ఒక్కొక్కరి ప్రయాణం ఒక్కోలా ఉంటుంది. నా జీవితంలో ఆనందం, బాధ, సక్సెస్, ఫెయిల్యూర్‌ అన్నీ ఉన్నాయి. అన్ని సమయాల్లో నాకు తోడుగా నిలబడిన మీడియా ఫ్రెండ్స్‌ను నా ఫ్యామిలీలా భావించాను. నా ప్రైవసీని, ఎమోషన్స్‌ను మీడియా వాళ్లు చాలా గౌరవించారు.  డాక్టర్‌ ఆర్‌.ఐశ్వర్యను త్వరలోనే వివాహం చేసుకోబోతున్నాను అనే విషయాన్ని మీతో పంచుకోవడం నాకు చాలా ఆనందంగా ఉంది. జూలైలో కుటుంబ సభ్యుల మధ్య మా పెళ్లి వేడుక జరగనుంది. జీవితంలో కొత్త చాప్టర్‌ ప్రారంభించబోతున్నందుకు మీ అందరి ఆశీస్సులు కావాలి’’ అని విజయ్‌ తెలిపారు. ఇది పెద్దలు కుదిర్చిన వివాహం అని, జూలై 11న పెళ్లి జరగబోతోందని సమాచారం. 2014లో నటి అమలా పాల్‌ను ప్రేమ వివాహం చేసుకున్న విజయ్‌ 2017లో విడాకులు తీసుకున్న సంగతి తెలిసిందే.

కన్నడ బుల్లితెర మీద వెలుగుతూ తమిళంలో తన దైన ముద్ర వేసుకున్న ఐశ్వర్య తెలుగు చిన్న తెరమీదా గుర్తింపు తెచ్చుకుంటున్న నటి. స్టార్‌ మాటీవీ  ‘అగ్నిసాక్షి’ సీరియల్‌లోని ‘గౌరి’ పాత్రలో అందంగా ఇమిడిపోయిన ఐశ్వర్య చెబుతున్న విషయాలు.. తెలుగు ‘అగ్నిసాక్షి’ సీరియల్‌ కన్నడలో ‘సర్వమంగళ మాంగల్యే’పేరుతో వస్తుంది. ఈ రెండు సీరియల్స్‌లో ‘గౌరి’ పాత్ర నాదే. ఏడాదిన్నరగా ఈ సీరియల్స్‌లో నటిస్తున్నా. గౌరి పాత్రకు న్యాయం చేస్తున్నాను అని చాలా హ్యాపీగా ఉంది. గౌరీ–శంకర్‌ల రొమాన్స్‌ సీన్లు కూడా ఇందులో ఉంటాయి. భైరవి అల్లరిపిల్ల అనిపించుకుంటూనే ఏదైనా ఒక విషయం తన దృష్టికి వచ్చిందంటే వదిలేయని తత్వం గలదానిగా ఉంటుంది. అల్లరితో పాటు నేర్పు కూడా ఉంటుంది. ఉమన్‌ ఎంపవర్‌మెంట్‌ గురించి ఈ సీరియల్‌లో నేర్చుకోవాల్సింది చాలా ఉంటుంది. ఈ క్యారెక్టర్‌ నుంచి చాలా నేర్చుకున్నాను.  నాటకం నుంచి టీవీకి ఉండేది బెంగుళూరు. బాచిలర్‌ ఆఫ్‌ బిజినెస్‌ మేనేజ్‌మెంట్‌ చేశాను. అమ్మ పుష్పాంజలి హౌజ్‌వైఫ్‌. మా అమ్మ వల్లే ఈ ఫీల్డ్‌కి వచ్చాను. నాన్నగారు అశ్వనికుమార్‌ అడ్వకేట్‌. అమ్మనాన్నలకు ఒక్కతే కూతురును. టెన్త్‌ క్లాస్‌లో ఉన్నప్పుడు ఒకసారి థియేటర్‌ క్లాస్‌కి వెళ్లాను. అంతకుముందు నాకు ఈ ఫీల్డ్‌ అంటే ఐడియా లేదు. అయితే, టీవీలో సీరియల్స్‌ చూసేదాన్ని. అందులోని క్యారెక్టర్స్‌ని ఇమిటేట్‌ చేస్తుండేదాన్ని. థియేటర్‌ ఆర్ట్స్‌ వల్ల కన్నడ సీరియల్‌ ‘అనురూప’లో అవకాశం వచ్చింది.’ తర్వాత రెండు కన్నడ సినిమాలోనూ నటించాను. ‘గిరిజా కళ్యాణ్‌’ అర్క మీడియాలో చేయడంతో ఇటు తెలుగుకు పరిచయం అయ్యాను.  తప్పులే మాట్లాడా! ఇక్కడ భాష రాక మొదట్లో మాట్లాడడం కష్టం అనిపించేది. కానీ, త్వరగానే నేర్చేసుకున్నాను. భాష రాదు అనుకుంటే అస్సలు రాదు. తప్పులైనా పర్వాలేదు ఇక్కడ వాళ్లే కరెక్ట్‌ చేస్తారు అని మాట్లాడుతూ ఉండేదాన్ని. అలా తెలుగు నేర్చేసుకున్నా. తమిళ సీరియల్‌ చేసినప్పుడు అక్కడ తమిళ్‌ నేర్చుకున్నాను.  మంచి ప్లాట్‌ ఫామ్‌ ఇక్కడి ఆడియన్స్‌ బాగా సపోర్ట్‌ చేస్తుంటారు. ‘అగ్నిసాక్షి’లోని గౌరి క్యారెక్టర్‌ గురించి ఇన్‌స్టాగ్రామ్, ఫేస్‌బుక్‌లో నాకు సలహాలు, సూచనలు ఇస్తుంటారు. మంచి ప్లాట్‌ఫామ్‌ దొరికింది. చక్కగా ఉపయోగించుకోవాలని అనుకుంటాను. బిజినెస్‌ మేనేజ్‌మెంట్‌ చదివినప్పటికీ వ్యాపార ఆలోచనలేవీ లేవు. నా భవిష్యత్తు టీవీ ఇండస్ట్రీనే. సపోర్ట్‌ చేస్తే చాలు మన ప్రతి అడుగు దేవుడే డిసైడ్‌ చేస్తాడు అని నమ్ముతాను. సుబ్రహ్మణ్యేశ్వరస్వామిని పూజిస్తాను. నాకు కాబోయే భర్తలో నా ప్రొఫెషన్‌ని సపోర్ట్‌ చేయడంతో పాటు ఇది ఎందుకు చేశావు అనకుండా ఉంటే చాలు అనుకుంటున్నాను. ఖాళీ సమయం దొరికితే షాపింగ్‌లో దూరిపోతాను. బట్టలను కొనుగోలు చేయడం అంటే చాలా ఇష్టం. ఇంకాస్త ఖాళీ దొరికితే నిద్ర పోతాను.   స్పష్టత ముఖ్యం ఈ రంగంలో నిలదొక్కుకోవాలంటే ‘ఎవరి ద్వారా వస్తున్నాం’ అనే స్పష్టత ఉండాలి. ఏం వర్క్‌ చేస్తున్నారో ఆ పని మాత్రమే చూసుకోవాలి. వర్క్‌లో ఎంత ఇన్‌వాల్వ్‌ అయి చేస్తామో అది అంతగా భవిష్యత్తుకు పనికి వస్తుంది. ముఖ్యంగా పొగరు చూపించకుండా ఉంటే ఇక్కడ మంచి ఫ్యూచర్‌ ఉంటుంది. ఇక్కడ ఒక వారం, బెంగుళూరులో ఒక వారం  సీరియల్‌ ప్రాజెక్ట్స్‌లో పాల్గొంటూ ఉంటాను. నాకు అవకాశాలు ఇచ్చిన ప్రతి ఒక్కరికీ ధన్యవాదాలు. 

‘‘నిబుణన్‌’ షూటింగ్‌లో నాతో అర్జున్‌ అసభ్యకరంగా వ్యవహరించారు. సినిమాను ఆపడం ఇష్టం లేకే ఈ విషయాన్ని అప్పుడు కాకుండా ఇప్పుడు చెబుతున్నా’’ అని నటి శ్రుతీ హరిహరన్‌ పేర్కొనడం సంచలనం రేపింది. నటుడు ప్రకాశ్‌రాజ్‌తో పాటు మరికొందరు శ్రుతీకి మద్దతుగా నిలిస్తే, ‘నిబుణన్‌’ చిత్రదర్శకుడు అరుణ్‌ వైద్యనాథన్‌తో పాటు ఇంకొందరు అర్జున్‌ని  సపోర్ట్‌ చేస్తున్నారు. తాజాగా అర్జున్‌ తనయ, నటి ఐశ్వర్య స్పందిస్తూ – ‘‘మీటూ’ ఉద్యమాన్ని కొందరు దుర్వినియోగం చేస్తున్నారు. ఆధారం లేని ఆరోపణలు చేస్తున్నారు. తన సినిమా కథలను వినమని నాన్న నాకు చెబుతుంటారు. ‘నిబుణన్‌’ కథలో కొన్ని అభ్యంతరకర సన్నివేశాల్ని తొలగిస్తే కానీ చేయనని మా నాన్న చెప్పినప్పుడు శ్రుతి ఎందుకు మాట్లాడలేదు? ఆ సినిమాకి ఆమె పనిచేసింది 5 రోజులే. ఆ 5 రోజుల్లో నాన్న వల్ల ఇబ్బంది కలిగిందని వెల్లడించారు. రిసార్ట్‌కి, డిన్నర్‌కి పిలిచేంత టైమ్‌ నాన్నకు లేదు. అస్సలు మా నాన్న పబ్‌కు వెళ్లడం నేనెప్పుడూ చూడలేదు. అలాంటిది ఆమెను రిసార్ట్‌కు రమ్మంటారా? శ్రుతి  సొంత లాభం కోసమే ఇలా చేస్తున్నారు’’ అన్నారు ఐశ్వర్య.

రజనీకాంత్‌ రెండు వారాలపాటు అమెరికాలో ఉంటారు. షూటింగ్‌ కోసం కాదు. మెడికల్‌ చెకప్‌ కోసం. మెడికల్‌ చెకప్‌ కోసమా? తలైవర్‌ (నాయకుడు – అభిమానులు అలానే పిలుస్తారు)కి ఏమైంది? అని కంగారుపడకండి. తలైవర్‌ రొంబ (బాగా) ఆరోగ్యంగానే ఉన్నారు. ఇది జస్ట్‌ రెగ్యులర్‌ మెడికల్‌ చెకప్పే మచ్చీ. రజనీ ప్రతి సంవత్సరం మెడికల్‌ చెకప్‌ కోసం అమెరికా వెళ్తారన్న విషయం తెలిసిందే. అలాగే ఈసారి అమెరికా ప్రయాణం అయ్యారు. రజనీతో పాటు ఆయన పెద్ద కుమార్తె ఐశ్వర్య కూడా వెళ్లారని సమాచారం. మే సెకండ్‌ వీక్‌ వరకూ అమెరికాలోనే ఉంటారట రజనీకాంత్‌. తిరిగి రాగానే తన లేటెస్ట్‌ గ్యాంగ్‌స్టర్‌ మూవీ ‘కాలా’ సినిమా ప్రమోషన్‌లో పాల్గొంటారట. పా.రంజిత్‌ దర్శకత్వంలో రూపొందిన ఈ చిత్రాన్ని వండర్‌బార్‌ ఫిల్మ్‌ పతాకంపై ధనుష్‌ నిర్మించారు. మామ రజనీ సినిమాను అల్లుడు ధనుష్‌ నిర్మించడం ఇదే ఫస్ట్‌ టైమ్‌. ‘కాలా’ సినిమా ఆడియోను చాలా గ్రాండ్‌గా రిలీజ్‌ చేయాలనుకుంటున్నారు. ఈ సినిమా రంజాన్‌ స్పెషల్‌గా జూన్‌ 7న రిలీజ్‌ కానుంది.

ఇవాళ్టితో పదకొండేళ్లు పూర్తయ్యాయి ఐశ్వర్య, అభిషేక్‌ల పెళ్లయి! పదకొండేళ్ల నుంచి కూడా ఈ జంటపై ఏదో ఒక రూమర్‌ వస్తూనే ఉంది. ఐశ్వర్య ఇగోయిస్ట్‌ అనీ, అభిషేక్‌ ఆమెతో వేగలేకపోతున్నారనీ, ‘త్వరలోనే’ ఈ కపుల్‌ విడిపోయే అవకాశాలున్నాయని ఇప్పటికీ ఏదో ఒక కోడి కూస్తూనే ఉంది. పెళ్లయ్యాక కూడా అభిషేక్‌ తల్లిదండ్రులతోనే కలిసి ఉండటం లేదని ఐశ్వర్యకు నచ్చడం లేదట. ఐశ్వర్య తన మాజీ కో–స్టార్‌లతో కలివిడిగా ఉండటం అభిషేక్‌కు చికాకు తెప్పిస్తోందట. ఇప్పుడు కొత్తగా ఏమంటున్నారంటే... ఐశ్వర్య అనుమానపు భార్యట! అభిషేక్‌ ఫోన్‌ కాల్స్‌ని చెక్‌ చేస్తూ ఉంటుందట. ‘నెవర్‌’ అని ఐశ్వర్య సమాధానం. అయినా పెళ్లిరోజు మాట్లాడుకోవలసిన సంగతులా ఇవీ. భార్యాభర్తలన్నాక ఏదో ఒక టైమ్‌లో జీవిత భాగస్వామిపై చికాకు పడటం, అతి ప్రేమతో (పొసిసివ్‌నెస్‌) అనుమానించడం ప్రతి ఇంట్లోనూ ఉండేది. అలాగే ఐష్, అభీలు! అసలీ వదంతులన్నిటికీ కారణం.. ఈ హీరోహీరోయిన్‌లకు పెళ్లికి మునుపున్న వేరే ప్రణయ సంబంధాలే. అవి ఎన్ని ఉన్నా వివాహబంధంతో ఒకటి అయ్యారు కాబట్టి.. గతాన్ని లాక్కొచ్చి, వర్తమానంలో పడేసి, భవిష్యత్తును అశాంతి పరచడం ఈ వదంతివాదులకు భావ్యం కాదు. త్వరలో ఐశ్వర్య నటించిన ‘ఫన్నీ ఖాన్‌’ రిలీజ్‌ అవుతోంది. అభిషేక్‌ నటించిన ‘మన్‌మర్జియాన్‌’ పూర్తి కావచ్చింది. ఐశ్వర్యది మ్యూజికల్‌ కామెడీ. అభిషేక్‌ది రొమాంటిక్‌ డ్రామా. వీటి కోసం ఎదురుచూడ్డం మానేసి, ఇద్దరూ కలిసి ఎందుకు నటించడం లేదని ఆలోచిస్తే.. మళ్లీ అక్కడో గాసిప్‌ క్రియేట్‌ అవుతుంది. అవసరమా?!     

అందరూ క్రిస్మస్‌ను సంతోషంగా జరుపుకున్నారు. క్రీస్తు గురించి ప్రత్యేక ప్రార్థనలు చేశారు. ఆ సంతోషం ఎంతో సేపు నిలవలేదు. అనూహ్యంగా జరిగిన ప్రమాదంలో చిన్నారి మృతిచెందింది. దీంతో అప్పటి వరకు సంతోషంగా ఉన్న ఆ ఇంటిలో ఒక్కసారిగా విషాదం అలుముకుంది. ఒక్కగానొక్క కూతురు మిద్దెపై నుంచి జారి పడి దుర్మరణం చెందడంతో ఆ దంపతులు చేస్తున్న చేస్తున్న రోదనలు అన్నీ ఇన్నీ కావు. ఈ సంఘటన రేణిగుంట మండలంలో సోమవారం సాయంత్రం జరిగింది. చిత్తూరు, రేణిగుంట:మిద్దెపై నుంచి పడి చిన్నారి మృతిచెందిన సంఘటన రేణిగుంటలో జరిగింది. మండలంలోని ఎల్లమండ్యంకు చెందిన మదన్‌మోహన్‌ ఎలక్ట్రికల్‌ పనులు చేసుకుంటూ భార్య కళ, కుమార్తె ఐశ్వర్య (3)ను పోషించుకుంటున్నాడు. రేణిగుంట మంచినీళ్ల గుంత వద్ద ఉన్న తన సమీప బంధువు ఇంటిలో సోమవారం జరిగిన క్రిస్మస్‌ వేడుకల్లో కుటుంబ సభ్యులతో కలిసి పాల్గొన్నాడు. అందరూ ప్రత్యేక ప్రార్థనలు చేశారు. సాయంత్రం అందరూ ఇంటి పనుల్లో ఉండగా ఐశ్యర్య మూడవ అంతస్తు మిద్దిపైకి ఎక్కింది. ఆటలాడుకుంటూ అక్కడి నుంచి కాలుజారి కింద పడింది. తీవ్రంగా గాయపడిన బాలికను తిరుపతి రోడ్డులోని ఓ ప్రైవేటు ఆస్పత్రికి, అక్కడి నుంచి తిరుపతి స్విమ్స్‌కు తరలించారు. స్విమ్స్‌లో చికిత్స పొందుతూ చిన్నారి కన్నుమూసింది. దీంతో ఆ కుటుంబంలో విషాదం అలుముకుంది. కళ్లముందే కన్నబిడ్డ విగతజీవిగా మారడంతో నిండు గర్భిణిగా ఉన్న కళను ఓదార్చడం ఎవరితరమూ కాలేదు. చిన్నారి మృతితో రేణిగుంట ఒక్కసారిగా ఉలిక్కిపడింది. చిన్నారి మృతదేహాన్ని స్వగ్రామం ఎల్లమండ్యకు తీసుకెళ్లడంతో గ్రామం శోకసంద్రంగా మారింది. ఈ దుర్ఘటనపై పోలీసులకు ఎలాంటి సమాచారం అందలేదని తెలుస్తోంది.

అర్జున్‌ కల్యాణ్, పూజిత, ఐశ్వర్య, నోయెల్‌ ప్రధాన పాత్రల్లో శ్రీ కార్తికేయ ప్రొడక్షన్స్‌ పతాకంపై మహేశ్‌ కోడి స్వీయ దర్శకత్వంలో నిర్మిస్తున్న చిత్రం ‘ద ప్రాంక్‌’. అమోఘ్‌ పాటలను స్వరపరుస్తున్నారు. హైదరాబాద్‌లో జరిగిన కార్యక్రమంలో ఈ చిత్రం మోషన్‌ పోస్టర్‌ను దర్శకుడు మారుతి, డిజిటల్‌ పోస్టర్‌ను నిర్మాత రాజ్‌ కందుకూరి విడుదల చేశారు. సరికొత్త ప్రయోగంగా తెరకెక్కుతున్న ఈ సినిమా ప్రేక్షకాదరణ పొందాలని ఆకాక్షించారు మారుతి. కొత్త సబ్జెక్ట్‌ను మంచి టెక్నికల్‌ వేల్యూస్‌ రూపొందిస్తున్నారని అన్నారు రాజ్‌ కందుకూరి. ‘‘సరదా పట్టించడానికో లేదా భయపెట్టడానికో ప్రాంక్‌ ఫోన్‌కాల్స్‌ చేయడం, వీడియోలు రూపొందించడం నేటి ట్రెండ్‌లో సాధారణ విషయమే. ఈ కాన్సెప్ట్‌ ఆధారంగానే సినిమాను తెరకెక్కిస్తున్నాం. మొదటి షెడ్యూల్‌ కంప్లీట్‌ అయ్యింది. హైదరాబాద్, గోవా, సింగపూర్‌లలో చిత్రీకరణ జరుపనున్నాం. కథ సింగపూర్‌లో మొదలై అనూహ్య మలుపులతో సాగుతుంది. ప్రతిక్షణం ఉత్కంఠభరితంగా ఉంటుంది’’ అన్నారు మహేశ్‌ కోడి.

సాక్షి, చెన్నై: స్వతహాగా ఉన్న ప్రతిభ, సమయం వచ్చినప్పుడు ఖచ్చితంగా బయట పడుతుంది. ఇందుకు ఉదాహరణలు ఎన్నో. అదే విధంగా నిర్మాతగా తన దక్షతను చాటుకుంటున్న ఐశ్వర్య ఇప్పుడు తనలో దాగి ఉన్న గాయని అనే ప్రతిభకు సాన పెడుతున్నారు. ఐశ్వర్య ఎవరోకాదు స్వయంకృషితో ఎదిగి, భారీ చిత్రాలకు చిరునామాగా మారిన ప్రముఖ నిర్మాత ఏఎం.రత్నం కోడలు. యువ దర్శక, నటుడు జ్యోతికృష్ణ భార్య అన్నది గమనార్హం. అంతే కాదు ఐశ్వర్య సంచలన విజయం సాధించిన ఆరంభం, ఎన్నైఅరిందాల్, వేదాళం, కరుప్పన్ చిత్రాలకు నిర్మాతగా వ్యవహరించారు. తాజాగా ఆమె తనలోని సంగీత జ్ఞానానికి పదునుపెట్టడం మొదలెట్టారు. ఇప్పుడీ యువ మహిళా నిర్మాత గాయనిగా అవతారమెత్తారు. ప్రముఖ సంగీత దర్శకుడు యువన్ శంకర్‌రాజా సంగీతదర్శకత్వంలో ఇప్పటికే రెండు పాటలను  పాడినట్లు ఐశ్వర్య తెలిపారు. తన గానం యువన్ ను చాలా ఇంప్రెస్‌ చేసిందని చెప్పారు. గాయనిగా తనను ప్రోత్సహిస్తున్న యువన్ శంకర్‌రాజాకు కృతజ్ఞతలు తెలుపుకుంటున్నానన్నారు. కూటన్ అనే తమిళ సినిమా కోసం ఐశ్వర్య రెండు పాటలు పాడారు. ఇకపై తాను గాయనిగానూ కొనసాగుతానంటున్నారు ఐశ్వర్య.


 చెన్నై: డైరెక్టర్‌ జ్యోతి కృష్ణ సతీమణి ఐశ్వర్య గాయనిగా మారారు. త్వరలో రానున్న ఆక్సిజన్‌ సినిమా కోసం ఆమె గాయని అవతారమెత్తారు. ఆక్సిజన్‌లో గోపీచంద్‌, రాశిఖన్నా, అను ఇమ్మానుయేల్‌ ప్రధాన పాత్రలు పోషిస్తున్నారు. ‘ఆమె పాడిన పాట విన్నాను. ఆమె గొంతు చాలా బాగుంది. పాటలు పాడాలంటూ గతంలో చాలా మంది ఆమెను సంప్రదించారు కూడా. ఆయితే, ఆమె అప్పట్లో ఒప్పుకోలేదు. ఇప్పుడు నా సినిమాలోనే పాటలు పాడించా..’అని జ్యోతి కృష్ణ తెలిపారు. ఈ సినిమాలో ఐశ్వర్య రెండు పాటలు పాడగా ఒకటి డ్యూయెట్‌ కాగా, మరోటి సోల్‌ సాంగ్‌ అని సమాచారం.
  
 ఈ రెండు పాటలు చాలా బాగా వచ్చాయని జ్యోతికృష్ణ వివరించారు. కాగా, ఆక్సిజన్‌ సినిమా గురించి ఆయన మాట్లాడుతూ..ఇది భారీ యాక‌్షన్‌ చిత్రం అని.. గంటన్నర నిడివిగల విజువల్‌ ఎఫెక్ట్స్ కోసం నాలుగు నెలల పాటు శ్రమించినట్లు పేర్కొన్నారు. ఒళ్లు గగుర్పొడిచే యాక‌్షన్‌ సన్నివేశాలు సినిమాకు ప్రధాన ఆకర్షణ అని తెలిపారు. ఆక్సిజన్‌ ప్రొడ్యూసర్‌ ఏఎం రత్నం కాగా, మ్యూజిక్‌ డైరెక్టర్‌ యువన్‌ శంకర్‌ రాజా.
 


 తమిళసినిమా: మరైదిరుందు పార్కుం మర్మమెన్న చిత్రానికి సర్టిఫికెట్‌ ఇవ్వడానికి సెన్సార్‌బోర్డు నిరాకరించింది. ఎక్స్‌ట్రా ఎంటర్‌టెయిన్‌మెంట్‌ పతాకంపై వి.మదిఅళగన్, ఆర్‌.రమ్య నిర్మించిన చిత్రం మరైంది రుందు పార్కుంమర్మమెన్న. తిలగర్‌ చిత్రం ఫేమ్‌ ధ్రువకథానాయకుడిగా నటించిన ఇందులో ఐశ్వర్యదత్త, అంజన కథానాయికలుగా నటించారు. జేడీ.చక్రవర్తి, శరణ్యపొన్‌వన్నన్, రా ధారవి, మనోబాలా ముఖ్య పాత్రలు పోషించిన ఈ చిత్రానికి రాకేష్‌ దర్శకత్వం వహించారు. నిర్మాణ కార్యక్రమాలు పూర్తి చేసుకున్న ఈ చిత్రాన్ని మంగళవారం సెన్సార్‌బోర్డు సభ్యులకు ప్రదర్శించారు.
 
 సెన్సార్‌బృందం ఈ చిత్రానికి సర్టిఫికెట్‌ ఇవ్వడానికి నిరాకరించారట. దీని గురించి దర్శకుడు రాకేష్‌ తెలుపుతూ ప్రస్తుతం సమాజంలో జరుగుతున్న నేరాల గురించి తెరపై ఆవిష్కరించిన చిత్రం మరైం దిరుంది పార్కుం మర్మమెన్న అని తెలిపారు. మహిళలు, పిల్లలు ఎలా బాధింపునకు గురవుతున్నారన్న విషయాల గురించి అవగాహన కలిగించే విధంగా ఈ చిత్రాన్ని రూపొం దించామని చెప్పారు. ఇలాంటి సంఘటనలు నిత్యం పత్రికల్లో, ప్రసార సాధనాల్లో చూస్తున్నామన్నారు. వాటి గురించి పట్టించుకోని సెన్సార్‌బోర్డు సభ్యులు తమ చిత్రానికి సర్టిఫికెట్‌ ఇవ్వడానికి నిరాకరించి రివైజింగ్‌ కమిటీకి వెళ్లమనడం ఎంత మాత్రం సమంజసం అని ఆవేదన వ్యక్తం చేశారు.


 ఫిట్‌నెస్‌
 లో ఫ్యాట్‌.. హై ఫైబర్‌
 
 ఐశ్వర్య ఆహారానికి చాలా ప్రాధాన్యం ఇస్తారు. ఏది పడితే అది, ఎక్కడ పడితే అక్కడ అస్సలు తినరు. జంక్‌ ఫుడ్‌ను డైనింగ్‌ దరిదాపుల్లోకి కూడా రానివ్వరు.  ఫ్యాట్‌ ఎక్కువగా ఉన్న ఫుడ్, వేపుళ్లుకు చాలా దూరం. ఫైబర్‌ ఉన్న ఆహారాన్నే ఇష్టపడతారు. ఉడకబెట్టిన కూరగాయలు, తాజా పళ్లను తీసుకుంటారు. వంట చేయడమంటే వల్లమాలిన ప్రేమ ఐశ్వర్యకు. అందుకే తనకు కావల్సింది తనే వండుకుంటారు. బయటి ఫుడ్‌ను ఇష్టపడరు.
 
 ఒకేసారి కపుడునిండా భోజనం చేయడం కన్నా తక్కువ మోతాదులో ఎక్కువ సార్లు తింటుంటారు. రోజుకు కనీసం ఎనిమిది గ్లాసుల మంచినీళ్లు తాగుతారు. అలాగే  డీహైడ్రేట్‌ కాకుండా ఉండడానికి పళ్లరసాలు, పళ్లు తీసుకుంటుంటారు. ప్రతిరోజూ ఉదయం నిమ్మరసం, తేనె కలిపిన గ్లాసుడు వేడినీళ్లు తాగుతారు.
 
 పవర్‌ యోగా
 వ్యాయామం విషయానికి వస్తే జిమ్‌లో గంటలు గంటల వర్కవుట్స్‌ కన్నా 45 నిమిషాల పవర్‌ యోగా పట్లే ఆమెకు మక్కువ ఎక్కువ. బ్రిస్క్‌ వాక్‌ లేదా జాగింగ్‌తో వార్మప్‌ అవుతారు. క్రంచెస్, పుషప్స్, పులప్స్‌ వంటి తేలికపాటి ఎక్సర్‌సైజులు చేస్తారు. సూర్య నమస్కారాలతో యోగా మొదలుపెడతారు. ఇవీ ఐశ్వర్య బచన్‌ అందం, చందం, నాజూకుదనం వెనక ఉన్న రహస్యాలు!
 
 ఐశ్వర్య రాయ్‌... పేరు వింటే చాలు పోతపోసిన అందం కనిపిస్తుంది. ఓ సన్నజాజి తీగ గుర్తొస్తుంది. అలాంటి ఐశ్వర్య బిడ్డకు జన్మనిచ్చే క్రమంలో ఒళ్లు చేసి బొద్దుగా తయారైంది. ఈ చక్కనమ్మ ఎప్పుడు చిక్కి మునుపటి రూపానికి వస్తుందా అని వెయ్యికళ్లతో వెయిట్‌ చేశారు. అన్నట్టుగానే అమాంతం బరువు తగ్గి కొత్త మెరుపుతో మిలమిలలాడింది ఈ వెండితెర వేలుపు! ఆ స్లిమ్‌నెస్‌... ఫిట్‌నెస్‌ సీక్రెట్‌ ఏంటో తెలుసుకుందాం..!


 ఒకరు కాదు ఇద్దరు కాదు ఏకంగా నలుగురు కథానాయికలతో రొమాన్స్‌ చేస్తూ వస్తున్నారు యువ నటుడు అధర్వ. ఈటీ, కణిదన్‌ వంటి విజయవంతమైన చిత్రాల తరువాత అధర్వ కథా నాయకుడిగా నటిస్తున్న చిత్రం జెమినీగణేశనుం సురుళిరాజానుం. పలు విజయవంతమైన చిత్రాలను నిర్మించిన అమ్మాక్రియేషన్స్‌ టీ. శివ తాజాగా నిర్మిస్తున్న చిత్రం ఇది. ఈయన సంస్థకు ఇది జూబ్లీ చిత్రం అవుతుంది. ఇందులో అధర్వకు జంటగా నటి ఐశ్వర్యారాజేశ్, రెజీనా, ప్రణీత, అతిథి ఇలా నలుగురు బ్యూటీస్‌ నటిస్తున్నారు.
 
  కథ డిమాండ్‌ మేరకే నలుగురు కథానాయికలను ఎంచుకున్నామన్నారు దర్శకుడు ఓడం ఇళవరసు. చిత్రంలో ఈయనే హీరో, వీళ్లే హీరోయిన్లు, వీళ్లే కమెడియన్లు అన్నదేమీ ఉండదని.. వారి వారి పాత్రలకు ప్రాముఖ్యత ఉంటుందని తెలిపారు. రొమాం టిక్‌ కామెడీ కథా చిత్రంలో నటించాలన్న అధర్వ కోరిక ఈ చిత్రంతో తీరనుందని చెప్పారు. చిత్ర నిర్మాణం చివరి దశకు చేరుకుందని.. త్వరలోనే విడుదలకు సన్నాహాలు చేస్తునట్లు తెలిపారు. ఈ చిత్రానికి డీ.ఇమాన్‌ సంగీతం, శ్రీసరవణన్‌ ఛాయాగ్రాహణం అందిస్తున్నారు.


 నటుడు ధనుష్, ఐశ్వర్యలది అన్యోన్య దాంపత్యజీవితం అని చెప్పడం అతిశయోక్తి కాదు. భార్య భావాలను గౌరవించే ధనుష్‌ ముందు ఒక సంకటమైన అంశం నిలబడిందంటున్నారు కోలీవుడ్‌ వర్గాలు. ఐశ్వర్య ధనుష్‌ 3 చిత్రం ద్వారా దర్శకురాలిగా పరిచయమైన విషయం తెలి సిందే. ఆ చిత్రం ఆశించిన విజయం సాధించకపోయినా అంతకంటే ఎక్కువే ప్రాచుర్యాన్ని అందించింది. ఆ తరువాత దర్శకత్వం వహించిన ఐ రాజా వై చిత్రం కూడా అంతంత మాత్రంగానే ఆడింది. అయినా మంచి విజయం కోసం ఐశ్వర్యధనుష్‌ ప్రయత్నిస్తూనే ఉన్నారు. తాజాగా ఒలింపిక్‌ చాంపియన్‌ మారియప్పన్‌ జీవిత కథాంశంతో చిత్రాన్ని తెరకెక్కించే పనిలో పడ్డారు. ఈ విషయం అలా ఉంచితే నటుడు ధనుష్, శింబుల మధ్య వృత్తిరీత్యా గట్టి పోటీనే ఉందన్న విషయం తెలిసిందే.
 
 అలాంటిది ఐశ్వర్య ధనుష్‌కు శింబు కథానాయకుడిగా ఒక చిత్రం చేయాలన్న కోరిక ఉందట. అందుకు కథ రెడీగా ఉన్నా, ఆయనకు కథ చెప్పడానికి సంకటపడుతున్నారట. వీరి కాంబినేషన్‌లో చిత్రం చేయడానికి ధనుష్‌ అనుమతి లభిస్తుందా? అసలు ఈ విషయాన్ని ధనుష్‌కు ఎలా చెప్పాలన్న సంశయంతో ఐశ్వర్య ఉన్నారట. అయితే ఇప్పటికే ఒక విషయంలో నటుడు శింబుకు తన మామ, సూపర్‌స్టార్‌ రజనీకాంత్‌ శుభాకాంక్షలు చెప్పడాన్నే ధనుష్‌ జీర్ణించుకోలేకపోతున్నారట. ఇలాంటి సమయంలో ఆయన భార్య ఐశ్వర్య శింబుతో చిత్రం చేస్తానంటే ధనుష్‌ పరిస్థితి ఎలా ఉంటుంది? అంటున్నారు కోలీవుడ్‌ వర్గాలు. అయితే ఐశ్వర్య ధనుష్‌ నిజంగానే శింబు హీరోగా చిత్రం చేయాలని కోరుకుంటున్నారా అన్న సమాచారంలో నిజమెంత అన్నది ఆలోచించాల్సిన అంశం. 


 ఇప్పుడు సినిమా ట్రెండ్‌ మారుతుందనాలో, హీరోల మనసు మారుతుందనాలో తెలియదు గానీ ఒక కొత్త ఒరవడికి మాత్రం భీజం పడుతోంది. హీరోలు, హీరోయిన్లు ఇమేజ్‌ అనే చట్రం నుంచి బయటపడే ప్రయత్నం చేస్తున్నారు. తాజాగా మంచి మాస్‌ హీరో ఇమేజ్‌ ఉన్న విశాల్‌ మళయాళంలో విలన్ గా నటించడానికి రెడీ అవుతున్నారు. అదే విధంగా యాక్షన్  కింగ్‌గా పేరొందిన అర్జున్ ఇప్పుడు విలన్ గా మారుతున్నారన్న తాజా సమాచారం. మరో విషయం ఏమిటంటే అర్జున్  కూతురు ఐశ్వర్య విశాల్‌ సరసన పట్టత్తు యానై చిత్రం ద్వారా హీరోయిన్ గా పరిచయం అయ్యారన్నది తెలిసిందే.
 ఇప్పుడు ఆమె తండ్రి అర్జున్  విశాల్‌కు విలన్ నికి సిద్ధం అవుతున్నారని తెలిసింది. ప్రస్తుతం మిష్కిన్ దర్శకత్వంలో తుప్పరివాలన్  చిత్రంలో నటిస్తున్న విశాల్‌ తదుపరి ఇరుంబు కుదిరై చిత్రంలో నటించనున్నారు. ఇందులో ఆయనకు విలన్ గా నటుడు ఆర్య నటించనున్నారనే ప్రచారం జరిగింది. ఆయన ఈ చిత్రం నుంచి వైదొలగడంతో ఆ పాత్రలో అర్జున్ నటించనున్నట్లు సమాచారం. ఈ చిత్రాన్ని విశాల్‌ తన విశాల్‌ ఫిలిం ఫ్యాక్టరీ పతాకంపై నిర్మించనున్నారు. కాగా అర్జున్  విశాల్‌కు గురువన్నది గమనార్హం. ఆయన వద్ద విశాల్‌ ఆదిలో సహాయ దర్శకుడిగా పని చేశారు. కాగా తనకు గురువు కావడంతో అర్జున్ కు విశాల్‌ పెద్ద మొత్తంలోనే పారితోషికాన్ని ముట్ట చెబుతున్నట్లు కోలీవుడ్‌ వర్గాల సమాచారం.
  


 ముంబై: నరేంద్ర మోదీ సర్కారు పాత పెద్ద నోట్లను రద్దు చేయడంతో సామాన్యులు ఇబ్బందులు పడుతున్నారు. సామాన్య ప్రజలతో పాటు సెలబ్రిటీలకు నోట్ల రద్దు సెగ తాకిందని సోషల్‌ మీడియాలో జోకులు పేలుస్తున్నారు. బాలీవుడ్‌ దిగ్గజం అమితాబ్‌ బచ్చన్‌ కుటుంబం కూడా నోట్ల కష్టాలు పడుతోందని వాట్సాప్ లో జోకులు షేర్ చేస్తున్నారు.
 
 ఒకే చీరను అమితాబ్‌ భార్య జయబచ్చన్‌, కోడలు ఐశ్వర్యరాయ్‌ రాయ్‌ బచ్చన్‌ వివిధ సందర్భాల్లో కట్టుకున్న ఫొటోలు అత్తాకోడళ్లకు నోట్ల కష్టాలు అంటూ కామెంట్లు పెట్టారు. ఒకే డిజైన్‌ తో ఉన్న ఎరుపు రంగు చీరను అత్తాకోడళ్లను పలు సందర్భాల్లో ధరించారు. గత సెప్టెంబర్ లోనే ఈ ఫోటోలు ఆన్‌ లైన్‌ లో హల్‌ చల్‌ చేశాయి. నోట్ల కష్టాల నేపథ్యంలో నెటిజన్లు మరోసారి వీటిని వెలుగులోకి తెచ్చి తమ హాస్యచతురత ప్రదర్శించారు. అయితే ఈ ప్రచారంపై బచ్చన్‌ కుటుంబం స్పందించలేదు.


 మహిళా దర్శకురాలు, నటుడు ధనుష్‌ అర్ధాంగి ఐశ్వర్య తాను అనుకున్నది సా«ధించారు. ఆమె ప్రయత్నం ఫలించింది. 3 చిత్రంతో దర్శకురాలిగా మెగాఫోన్ పట్టిన ఐశ్వర్యాధనుష్‌ తొలి చిత్రంతోనే ప్రాచుర్యం పొందారు. ఆ తరువాత వైరాజావై అంటూ మరో వైవిధ్యభరిత కథా చిత్రాన్ని తెరకెక్కించారు. తాజాగా స్టంట్‌ కళాకారుల నిజ జీవితాలతో ఒక లఘుచిత్రాన్ని రూపొందిస్తున్నారు. ఇటీవల కేంద్ర సమాచార, సినిమాటోగ్రఫి మంత్రి వెంకయ్యనాయుడిని కలిసి ఈ చిత్రం ప్రాధాన్యతను  వివరించారు.
 పనిలో పనిగా జాతీయ అవార్డుల పట్టికలో నటీనటుల నంచి దర్శకుడు, నిర్మాత, సంగీతదర్శకుడు, ఛాయాగ్రహకుడు, గాయకులు, రచయితలు, గీతరచయితలు, ఎడిటర్‌ అంటూ అందరు చోటు చేసుకున్నారనీ, ఎన్నో కష్టనష్టాలను భరిస్తూ, ప్రాణాలను లెక్కచేయకుండా నటించే స్టంట్‌ మాస్టర్లకు జాతీయ అవార్డులు అందిచండం లేదన్న విషయాన్ని ఐశ్వర్యాధనుష్‌ కేంద్రమంత్రి వెంకయ్యనాయుడు దృష్టికి తీసుకెళ్లడంతో పాటు వారిని జాతీయ అవార్డుల పట్టికలో చేర్చాల్సిందిగా విజ్ఞప్తి చేశారు. ఐశ్వర్య కోరికను పరిగణలోకి తీసుకున్న కేంద్రమంత్రి రానున్న 64వ జాతీయ అవార్డుల ప్రధానోత్సవం కార్యక్రమంలో స్టంట్‌ మాస్టర్లకు అవార్డులను అందించాలన్న నిర్ణయం తీసుకున్నట్లు తాజా సమాచారం.


 కన్నడ స్టార్ హీరో ఉపేంద్ర తెలుగు ప్రేక్షకులకూ సుపరిచితమే. ఆయన సతీమణి ప్రియాంక కీలక పాత్రలో నటించిన తాజా చిత్రం ‘చిన్నారి’. బేబీ యులీనా పార్థవి, ఐశ్వర్య, మధుసూదన్ ముఖ్య  పాత్రల్లో నటించారు. లోహిత్ దర్శకత్వంలో కేఆర్‌కే ప్రొడక్షన్స్, లక్ష్మీ వెంకటేశ్వర మూవీస్‌పై కె.రవికుమార్, ఎంఎంఆర్ సంయుక్తంగా తెలుగు, కన్నడ భాషల్లో ఏకకాలంలో నిర్మించిన ఈ చిత్రం ఈ నెల 25న విడుదలవుతోంది. ఈ సందర్భంగా దర్శక- నిర్మాతలు మాట్లాడుతూ- ‘‘హారర్ కథాంశంతో వైవిధ్యంగా తీసిన చిత్రమిది.
 
 తల్లి, కూతురు సెంటిమెంట్ కూడా ఉంటుంది. గోవా నేపథ్యంలో కథ సాగుతుంది. ఇటీవల విడుదలైన టీజర్‌కు మంచి స్పందన వస్తోంది. చాలా బాగుందంటూ పలువురు అభినందించారు. సూపర్ హిట్ కన్నడ మూవీ ‘రంగి తరంగి’కు సంగీతం అందించిన అజినీష్ లోక్‌నాథ్ మంచి పాటలిచ్చారు. నేపథ్య సంగీతం, కెమెరామేన్ వేణు టేకింగ్ హాలీవుడ్ రేంజ్‌లో ఉంటాయి’’ అని తెలిపారు.


 కొద్ది రోజులుగా బాలీవుడ్ సర్కిల్స్లో బచ్చన్ ఫ్యామిలీలో ఏదో జరుగుతుందన్న ప్రచారం జోరుగా జరుగుతోంది. ముఖ్యంగా ఏ దిల్ హై ముష్కిల్ సినిమాలో ఐష్ నటించిన సన్నివేశాల విషయంలో బచ్చన్ ఫ్యామిలీ గుర్రుగా ఉందన్న టాక్ వినిపిస్తోంది. బచ్చన్ ఫ్యామిలీ మెంబర్స్ ఎవరూ ఏ దిల్ హై ముష్కిల్ సినిమా చూడకపోవటం, సినిమాపై కామెంట్ చేయకపోవటంతో ఈ వాదనకు మరింత బలాన్ని ఇచ్చినట్టయ్యింది.
 
 అయితే రూమర్స్ అన్నింటికీ చెక్ పెడుతూ అభిషేక్ క్లారిటీ ఇచ్చేశాడు. ఏ దిల్ హై ముష్కిల్ సినిమాలో ఐష్ లుక్ స్టన్నింగ్గా ఉందంటూ కామెంట్ చేశాడు. అంతేకాదు ప్రస్తుతం తాను తన ఫుట్ బాల్ టీం పర్యటనలతో బిజీగా ఉన్న కారణంగా సినిమా చూడలేకపోయానని, అయితే ప్రొడక్షన్ టైం లోనే కొంత సినిమా చూశానని ఐష్ అద్భుతంగా నటించిందని తెలిపాడు. అభిషేక్ కామెంట్స్తో బచ్చన్ ఫ్యామిలీ పై వినిపిస్తున్న గాసిప్స్ రకు తెరపడినట్టే అని భావిస్తున్నారు ఫ్యాన్స్.


 తైవాన్‌లో జరుగనున్న మోటార్ బైక్ ర్యాలీలో పాల్గొననున్న బెంగళూరు యువతి
  
 బెంగళూరు :  ఇటీవలి కాలంలో మహిళలు అన్ని రంగాల్లోనూ మరీ ముఖ్యంగా క్రీడల్లో పురుషులకు గట్టి పోటీనిస్తున్నారు. ఈ వారం తైవాన్‌లో జరుగనున్న ఏషియన్ మోటార్ బైక్ ర్యాలీ ఛాంపియన్‌షిప్‌లో పాల్గొనున్న బెంగళూరుకు చెందిన ఐశ్వర్య పిస్సే ఇందుకు ఉదాహరణగా నిలుస్తోంది. ఇప్పటి వరకు కేవలం పురుషులకు మాత్రమే పరిమితమైన ఈ సాహస క్రీడలో ప్రతిభను కనబరచడం ద్వారా మహిళా శక్తిని ప్రపంచానికి చాటి చెప్పడమే ముఖ్యోద్దేశ్యమని ఐశ్వర్య చెబుతోంది. ఇటువంటి సాహస క్రీడల్లోనే కాకుండా మోడలింగ్, టీవీ రంగాల్లో కూడా రాణిస్తూ ఐశ్వర్య అందరినీ ఆశ్చర్యపరుస్తోంది.ఓ కన్నడ ప్రైవేటు ఛానల్‌లో ప్రసారమవుతున్న ఓ ధారావాహికలో ముఖ్యపాత్రలో నటిస్తున్న ఐశ్వర్య పలు రకాల ఉత్పత్తులకు బ్రాండ్ అంబాసిడర్‌గా కూడా వ్యవహరిస్తోంది.
 
 ఆమె బ్రాండ్ అంబాసిడర్‌గా వ్యవహరిస్తున్న ప్రముఖ జేకేఎస్ జ్యువెల్లర్స్ సంస్థ డెరైక్టర్ జయకిశోర్ ప్రసాద్ క్రీడల్లో ఐశ్వర్య ప్రతిభను గుర్తించడంతో పాటు తైవాన్‌లో జరుగనున్న ఏషియన్ మోటార్ ర్యాలీ ఛాంపియన్‌షిప్‌లో పాల్గొనడానికి ఆమెకు అన్ని విధాలుగా సహకారమందించడానికి ముందుకు వచ్చారు. త్వరలో జరుగనున్న ఏషియా రోడ్ రేస్‌లో 125 సీసీ బైక్‌తో పాల్గొననున్న ఐశ్వర్యతో పాటు చెన్నైకి చెందిన శృతి నాగరాజన్ కూడా ఈ ఛాంపియన్‌షిప్‌లో పాల్గొనున్నారు. దేశీయస్థారుు బైక్ రేసుల్లో పాల్గొనడానికి నిర్ణరుుంచుకున్న సమయంలో మహిళలు ఇటువంటి ర్యాలీలో రాణించడం అంత సులువు కాదని, ఇది నీకు సరిపోయే క్రీడ కాదని పలువురు నిరుత్సాహపరిచే మాటలన్నారని ఐశ్వర్య తెలిపారు .బైక్‌రేసుల్లో తనకు వస్తున్న అవార్డులు, ప్రశంసలతో తనను నిరుత్సాహపరచిన వారే తనను అభినందిస్తున్నారని ఐశ్వర్య తెలిపారు. రోడ్ రేసుల్లో అంతర్జాతీయ స్థారుు గుర్తింపు తెచ్చుకోవడంతో ఎఫ్‌ఎంఎస్‌సీఐ (ఫెడరేషన్ మోటార్ స్పోర్‌‌ట్స క్లబ్ ఆఫ్ ఇండియా) తమను తైవాన్‌లో జరుగనున్న రోడ్‌రేస్‌కు పంపిస్తున్నారని ఆమె తెలిపారు.  
  
 ’దేశం తరపున ఇద్దరు మహిళలు తైవాన్‌లో జరుగనున్న అంతర్జాతీయ రేసులో పాల్గొంటుండడం నిజంగా దేశం మొత్తం గర్వించదగ్గ విషయం. భారతీయ రేసుల చరిత్రలోనే మొట్టమొదటి సారిగా మహిళలు అంతర్జాతీయ స్థారుు రేసుల్లో పాల్గొంటున్నారు. ఏషియా స్థారుులో అత్యంత వేగవంతమైన రేసర్లుగా తమను తాము ఆవిష్కరించుకొని తమ ప్రతిభను ప్రపంచ వ్యాప్తం చేసుకోవడానికి ఇద్దరు మహిళలకు ఇదో చక్కటి అవకాశం’.
 - సుజిత్ కుమార్, ఎఫ్‌ఎంఎస్‌సీఐ అధ్యక్షుడు
  


 హాలీవుడ్ కవల నృత్యదర్శకురాళ్లు యువ నటి ఐశ్వర్యఅర్జున్‌తో స్టెప్స్ వేయించారు. హాలీవుడ్ కవల నృత్యదర్శకురాళ్లు పూనంషా, ప్రియాంకాషా హాలీవుడ్, బాలీవుడ్‌ల్లో బహుళ ప్రాచుర్యం పొందారు. వారినిప్పుడు నటి ఐశ్వర్యఅర్జున్ కోలీవుడ్‌కు తీసుకొచ్చారు. యాక్షన్‌కింగ్ అర్జున్ వారసురాలు ఐశ్వర్యఅర్జున్ అన్న విషయం తెలిసిందే. ఇక అర్జున్‌లో మంచి దర్శక నిర్మాత కూడా ఉన్నారన్నది ప్రత్యేకంగా చెప్పనవసరం లేదు.
  
 ఆయన తన శ్రీరామ్ ఫిలిం ఇంటర్నేషనల్ పతాకంపై స్వీయ దర్శకత్వంలో  చిత్రాన్ని రూపొందిస్తున్నారు. కాదలిన్ పోన్ వీధియిల్ పేరుతో తెరకెక్కిస్తున్న ఇందులో తన కూతురు ఐశ్వర్య అర్జునే నాయకి. నవ నటుడు చందన్ కథానాయకుడిగా పరిచయం అవుతున్న ఈ చిత్రంలో ఓ పాటకు హాలీవుడ్ కవల నృత్యదర్శకురాళ్లు పూనంషా, ప్రియాంకాషా కొరియోగ్రఫి అందించడం విశేషం.
  
 రంతాజోగి, తాళ్‌డాన్స్ తో పాటు భరతనాట్య ంలోనూ ప్రావీణ్యం పొ ందిన పూనంషా, ప్రియా ంకాషాలను ఈ చిత్రానికి నృ త్యదర్శకత్వం వహించాలన్న ఐశ్వర్య అర్జున్ కోరిక మేరకు  వాళ్లను ఈ చిత్రం ద్వారా కోలీవుడ్‌కు పరిచయం చేసినట్లు వెల్లడించారు. ఇందులో ప్రఖ్యాత దర్శకుడు కే.విశ్వనాథ్, సుహాసిని, మొట్టై రాజేంద్రన్, మనోబాలా, సతీష్, బ్లాక్‌పాండి, బోండామణి ముఖ్య పాత్రలను పోషిస్తున్నారు. జాస్సీగిఫ్ట్ సంగీతాన్ని అందిస్తున్నారు.
  


 ఎంసెట్‌-3లో ఐశ్వర్యకు 50వ ర్యాంకు
 ఎంసెట్‌-2లో రెండో ర్యాంకు
 గజ్వేల్‌: నిరంతర శ్రమతో ఎంసెట్‌-2లో రాష్ట్ర స్థాయిలోనే రెండో ర్యాంకును సాధించిన గజ్వేల్‌ నగర పంచాయతీ పరిధిలోని ప్రజ్ఞాపూర్‌కు చెందిన కాసం ఐశ్వర్య... తాజాగా గురువారం వెలువడిన ఎంసెట్‌-3 ఫలితాల్లో 50వ ర్యాంకును సాధించింది. పరీక్ష నిర్వహణ విషయంలో తీవ్ర గందరగోళ వాతావరణం ఏర్పడినా... అధైర్యపడకుండా మరోసారి తన సత్తాను చాటింది.
 గజ్వేల్‌ మండలం శ్రీగిరిపల్లికి చెందిన కాసం శ్రీనివాస్‌, అమృత దంపతులు గత కొన్నేళ్లుగా ప్రజ్ఞాపూర్‌లో స్థిరపడ్డారు. కిరాణా దుకాణం నిర్వహిస్తూ పిల్లలను చదివించుకుంటున్నారు. కిరాణా దుకాణం, ఇతర చిన్నపాటి వ్యాపారాలే వీరి జీవనాధారం. మధ్యతరగతి జీవనం సాగిస్తున్న శ్రీనివాస్‌ తన పిల్లలను మాత్రం ఉన్నత విద్యావంతులుగా తీర్చిదిద్దాలనే సంకల్పంతో కష్టపడుతున్నాడు.
 ఈ దంపతులకు కాసం ఐశ్వర్య, క్రాంతికుమార్‌ సంతానం. క్రాంతికుమార్‌ ప్రస్తుతం సెయింట్‌ మేరీస్‌ విద్యానికేతన్‌ పాఠశాలలో పదోతరగతి చదువుతున్నాడు. ఐశ్వర్య సైతం ఇదే పాఠశాలలో పదో తరగతి వరకు చదివింది. ఆ తరువాత ఆమె కూకట్‌పల్లిలోని నారాయణ కళాశాలలో ఇంటర్‌ బైపీసీ చేసింది.
 తనకోసం నిరంతరం శ్రమిస్తున్న తల్లిదండ్రుల కలలను సాకారం చేయడానికి ఐశ్వర్య తీవ్రంగా కృషి చేసింది. ఈ క్రమంలోనే ఇంటర్‌లో 990 మార్కులు సాధించి అందరిని ఆశ్చర్యపరిచింది. ఇదే ఉత్సాహంతో ఎంసెట్‌-2 రాసి మొదటి ప్రయత్నంలోనే రాష్ట్రస్థాయి రెండో ర్యాంకును కైవసం చేసుకుంది. అనుకున్న లక్ష్యాన్ని సాధించడంతో ఐశ్వర్య, ఆమె తల్లిదండ్రులు ఆనందంలో మునిగిపోయారు.
 వారి ఆనందం కొన్ని రోజులు మాత్రమే మిగిలింది. ఇంతలో ఆ పరీక్ష రద్దు కావడంతో గందరగోళ పరిస్థితులు ఏర్పడిన సంగతి తెల్సిందే. అయినా ఐశ్వర్య అధైర్యపడకుండా మరోసారి పరీక్ష సిద్ధమైనా ఆ విద్యార్థిని తాజా ఫలితాల్లో 50వ ర్యాంకును సాధించి తన సత్తాను చాటుకుంది. ఈ సందర్భంగా ఆమె ‘సాక్షి’తో మాట్లాడుతూ.. పరీక్ష రద్దు కావడంతో కొద్ది రోజులు ఇబ్బంది పడిన మాట వాస్తవమేనన్నారు. అయినా తేరుకొని తిరిగి శ్రమించి పరీక్ష రాశానని, ఈ ర్యాంకు సాధించడం కూడా సంతోషంగానే ఉందని తెలిపింది.


 యువ నటుడు అధర్వ నలుగురు భామలతో రొమాన్స్‌కు సిద్ధం అవుతున్నారు. కనిదన్ చిత్రం తరువాత నటుడు అధర్వ నటిస్తున్న చిత్రం జెమినీగణేశనుమ్ సురుళిరాజనుమ్. ఇందులో ఆయన సరసన రెజీనా, ప్రణీత, ఐశ్వర్య రాజేశ్, ఆనంది నాయికలుగా నటిస్తున్నారు. ఇతర పాత్రల్లో సూరి, నాన్‌కడవుల్ రాజేంద్రన్ తదితరులు నటిస్తున్నారు. నిర్మాత టీ.శివ అమ్మా క్రియేషన్ పతాకంపై నిర్మిస్తున్న 25వ చిత్రం ఇది.
  
   కాగా ఓడమ్ ఇళవరసు కథ, కథనం, దర్శకత్వం బాధ్యతలను నిర్వహిస్తున్న ఈ చిత్రం గురించి ఆయన తెలుపుతూ ఇది రొమాంటిక్ లవ్, కామెడీ కథా చిత్రంగా ఉంటుందన్నారు. అమ్మాయిల తొలి ప్రేమ వారి జీవితాల్లో ఎంత ప్రభావం చూపుతుందో అన్నది చాలా అందంగా చెప్పనున్నట్లు తెలిపారు. చిత్ర షూటింగ్ తొలి షెడ్యూల్‌ను మధురైలో పూర్తి చేసినట్లు చెప్పారు. రెండో షెడ్యూల్‌ను ప్రస్తుతం ఊటీలో చిత్రీకరిస్తున్నట్లు తెలిపారు.
  
  చిత్రాన్ని డిసెంబర్‌లో తెరపై తీసుకురావడానికి సన్నాహాలు చేస్తున్నట్లు వెల్లడించారు. కాగా ఈ చిత్రాన్ని తెలుగులోనూ విడుదల చేయనున్నట్లు నిర్మాత టీ.శివ తెలిపారు. ఆయన ఈ చిత్రాన్ని 2ఎంబీ సంస్థ అధినేతలు రఘునందన్, పీఎస్‌ఆర్.చంద్రశేఖర్, ఆర్.శరవణన్‌లతో కలిసి నిర్మిస్తున్నారు. దీనికి బిగ్ ప్రింట్ పిక్చర్స్ అధినేతలు ఐబీ.కార్తీకేయదిలీపన్  సంగోటయ్య, డీ.పరంజ్యోతి సహ నిర్మాతలుగా వ్యవహరిస్తున్నారు.
 
  


 మథురః ఐదేళ్ళ ఆ చిన్నారి.. ప్రమాదవశాత్తు చనిపోయింది. కానీ ఆమె కళ్ళు మాత్రం ఇద్దరు వ్యక్తులకు జీవితంలో వెలుగును నింపాయి. యాక్సిడెంట్ లో తీవ్రంగా గాయపడిన ఆమెకు చికిత్స అందించినా ప్రయోజనం లేకపోయింది. చివరి క్షణాల్లో ఆ చిన్నారి కోరికను మన్నించిన తల్లిదండ్రులు.. ఆమె మరణానంతరం తీర్చారు. ఆమె కళ్ళను ఇద్దరు వ్యక్తులకు దానం చేసి, వారి జీవితాల్లో కాంతులు నింపారు.
 
 అన్ని దానాలకంటే నేత్ర దానం ఎంతో గొప్పదని చెప్తారు. కొద్ది క్షణాలపాటు కళ్ళుమూసుకుంటే  చీకటిని భరించలేని పరిస్థితిలో.. జీవితాంతం లోకాన్ని చూడలేని అంథులకు చూపునివ్వడం అంటే వారి జీవితంలో కాంతిని నింపినట్లే. మథుర జిల్లాకు చెందిన 5 ఏళ్ళ ఐశ్వర్య ఆగస్టు 23న ప్రమాదానికి గురైంది. ఆమె ప్రయాణిస్తున్న స్కూల్ వ్యాన్ ను.. స్థానిక మున్సిపాలిటీ గార్బేజ్ వ్యాను ఢీకొట్టడంతో ఐశ్వర్య కు తీవ్రంగా గాయాలై ప్రాణాపాయ స్థితికి చేరుకుంది. దీంతో ఆమెకు తక్షణ వైద్యం అందించిన డాక్టర్లు, అనంతరం ఢిల్లీకి తరలించమని సూచించారు. రాజధానిలోని ఆర్ ఎం ఎల్ ఆస్పత్రిలో ఐశ్వర్యకు చికిత్స చేశారు. కానీ ప్రాణాలు మాత్రం కాపాడలేకపోయారు.
 
 మా బిడ్డ చనిపోయేముందు తన కళ్ళను దానం చేయాలనుకుంటున్నట్లు చెప్పిందని ఐశ్వర్య తండ్రి లక్ష్మీనారాయణ తెలిపారు. ఆమె కోరిక మేరకు ఎయిమ్స్ (ఏఐఐఎంఎస్) కు చేరుకుని, ఇద్దరు వ్యక్తులకు  కళ్ళను దానం చేశారు. కార్నియా మార్పిడి ఆపరేషన్ కు  ఆరు గంటలు పట్టింది. ఇద్దరు వ్యక్తులకు కంటిచూపు లభించింది. తమ బిడ్డ ఎడబాటు తీరని బాధను మిగిల్చినా... ఆమె వల్ల ఇద్దరికి కంటిచూపు రావడం ఎంతో ఆనందంగా ఉందని ఐశ్వర్య తల్లిదండ్రులు చెప్తున్నారు.


 సూపర్ స్టార్ కూతురిగానే కాదు.. తన కంటూ ప్రత్యేక గుర్తింపు కోసం ప్రయత్నిస్తున్నారు, రజనీకాంత్ కుమార్తెలు. ఇప్పటికే సినీరంగంలోని పలు శాఖల్లో తమ ప్రతిభను చూపించిన రజనీ కుమార్తె ఐశ్వర్యా ధనుష్, సేవాకార్యక్రమాల్లో కూడా అదే స్థాయిలో పాల్గొంటున్నారు. గత కొద్ది సంవత్సరాలుగా ఆమె చేస్తున్న సేవలను గుర్తించిన యునైటెడ్ నేషన్స్, ఐశ్వర్యా ధనుష్ను కొత్త ఉమెన్స్ గుడ్విల్ అంబాసిడర్గా ఎంపిక చేసింది.
 
 ఓ దక్షిణాది మహిళకు ఈ స్థాయి గౌరవం దక్కటం ఇదే తొలిసారి. అంతర్జాతీయ స్థాయిలో పేరున్న విదేశీ సంస్థ దక్షిణాది మహిళను గుర్తించి గౌరవించటంపై పలువురు ప్రముఖులు ఆనందం వ్యక్తం చేస్తున్నారు. గుడ్విల్ అంబాసిడర్గా బాధ్యతలు తీసుకున్న ఐశ్వర్య ఆసియా దేశాల్లోని మహిళల సాధికారతకు కృషి చేయనున్నారు.


 సౌత్ సూపర్ స్టార్ రజనీకాంత్ జీవిత కథ ఆధారంగా సినిమాను తెరకెక్కించేందుకు ప్లాన్ చేస్తున్నారు. సామాన్యుడిగా మొదలై అసామాన్యుడిగా ఎదిగిన రజనీ జీవితంలోని ఎన్నో మలుపులు నేటి తరానికి ఇన్సిపిరేషన్గా నిలుస్తాయి. అందుకే ఆయన జీవితంలోని ముఖ్య ఘట్టాలను, సవాళ్లను అభిమానులకు తెలియజేసేందుకు రెడీ అవుతున్నారు.
 
 ఈ ప్రతిష్టాత్మక చిత్రాన్ని రజనీ కుమార్తెలు సౌందర్య, ఐశ్వర్యలు స్వయంగా రూపొందించేందుకు రెడీ అవుతున్నారు. ప్రస్తుతం రజనీ జీవితంపై పుస్తకం రాస్తున్న ఆయన కుమార్తె ఐశ్వర్య.. సినిమా రూపొందించే ఆలోచన ఉన్నట్టు తెలిపారు. గతంలో ధనుష్ హీరోగా తెరకెక్కిన 3 సినిమాకు దర్శకత్వం వహించిన ఈమే స్వయంగా రజనీ సినిమాకు దర్శకత్వం వహించే ఛాన్స్ ఉందన్న టాక్ వినిపిస్తోంది.
 
 చాలా ఏళ్ల కిందటే రజనీ జీవితం ఆదారంగా సినిమాను నిర్మించాలని ప్లాన్ చేసినట్టుగా తెలిపారు ఐశ్వర్య. అయితే అప్పట్లో కుదరలేదని వీలైనంత త్వరగా ఈ ప్రాజెక్ట్ను సెట్స్ మీదకు తీసుకువచ్చేందుకు రెడీ అవుతున్నట్టుగా తెలిపారు. రజనీ పాత్రలో నటించే నటుడెవరన్న విషయాన్ని మాత్రం వెల్లడించలేదు.


  శివాజీరావు గైక్వాడ్... ఓ ఆర్డినరీ బస్ కండక్టర్. యాక్టింగ్ అంటే ఆసక్తి. కానీ, ఆరడుగుల ఎత్తు లేడు.. ఆజానుబాహుడు కాదు.. ఆకర్షించే రూపం లేదు. రంగు.. ఎండలోకెళితే ట్యాన్ అయిపోతానేమోనని కంగారు పడాల్సిన అవసరమే లేదు. నలుపు రంగు. అయినా కళకు తక్కువ లేదు. స్టైల్ సూపర్. అందుకే సూపర్‌స్టార్ రజనీకాంత్ అయ్యాడు. ఆరు పదుల వయసులోనూ ప్రేక్షకులను ఉర్రూతలూగిస్తున్నాడు.
  
   హీరోగా హిమాలయాలంత ఎత్తుకు ఎదిగినా నిజ జీవితంలో హంగూ ఆర్భాటాలకు దూరంగా ఉంటారు రజనీ. తనను తాను సామాన్యుడిగా భావిస్తారు. ఓ కమర్షియల్ సినిమాకి అవసరమైన మలుపులు, హంగులన్నీ రజనీకాంత్ జీవితంలో ఉన్నాయి. అందుకే ఆయన జీవితాన్ని వెండితెరపై ఆవిష్కరించడానికి సన్నాహాలు జరుగుతున్నాయి. రజనీ రెండో కుమార్తె సౌందర్య ఈ విషయాన్ని ధ్రువీకరించారు.
  
  ‘‘ప్రస్తుతం ఐశ్వర్య (రజనీ పెద్ద కూతురు) నాన్న జీవితం మీద పుస్తకం రాస్తోంది. తర్వాతి అడుగు సినిమా తీయడమే. నాన్న జీవితంలో ఎవ్వరికీ తెలియని చాలా విషయాలు ఈ సినిమాలో చూపించబోతున్నాం. స్ఫూర్తిమంతంగా ఉంటుందీ సినిమా. కూతురిగా, వీరాభిమానిగా మా నాన్న జీవితాన్ని వెండితెరపై చూడాలని ఆత్రుతగా ఎదురు చూస్తున్నాను’’ అని సౌందర్యా రజనీకాంత్ పేర్కొన్నారు.
  


 హైదరాబాద్: రెండేళ్ల చిన్నారితో కలిసి 14 అంతస్తుల భవనం పై నుంచి దూకి ఓ మహిళ ఆత్మహత్య చేసుకుంది. ఈ సంఘటన నగరంలోని కాచిగూడ పోలీస్ స్టేషన్ పరిధిలో శుక్రవారం వెలుగుచూసింది. స్థానికంగా నివాసముంటున్న రేణుక(34) తన రెండేళ్ల కూతురు ఐశ్వర్యతో కలిసి 14వ అంతస్తు భవనం పై నుంచి దూకింది.
 
 దీంతో ఇద్దరు అక్కడికక్కడే మృతిచెందారు. సమాచారం అందుకున్న పోలీసులు సంఘటనా స్థలానికి చేరుకొని మృతదేహాన్ని పోస్టుమార్టం నిమిత్తం ఆస్పత్రికి తరలించి దర్యాప్తు చేస్తున్నారు. ఆత్మహత్యకు గల కారణాలు తెలియరాలేదు.


 ఘట్‌కేసర్ పోలీస్‌స్టేషన్ పరిధిలో ఐశ్వర్య(15) అనే బాలిక అదృశ్యమైంది. బాలిక తల్లిదండ్రులు ఓ యువకుడిపై అనుమానం వ్యక్తం చేస్తూ పోలీసులకు ఫిర్యాదు చేశారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
 
  


 కేకే.నగర్: ఓ ప్రముఖ పారిశ్రామికవేత్త కుమార్తె మద్యం మత్తులో కారు నడిపి ఒకరి ప్రాణాన్ని బలితీసుకుంది. ఈ సంఘటన తమిళనాడులోని తిరువాన్మియూరులో చోటుచేసుకుంది. మద్యం మత్తులో ఇష్టానుసారంగా డ్రైవింగ్ చేయడంతో కారు కింద పడి ఒకరు మృతి చెందగా మరొకరి పరిస్థితి ఆందోళనకరంగా ఉంది. చెన్నై తిరువాన్మియూరు తిరువళ్లువర్ నగర్ కామరాజ్ వీధికి చెందిన మునస్వామి అతని మిత్రుడు శరవణన్‌తో రోడ్డుపై నడచి వెళుతుండగా ఆ సమయంలో వేగంగా అదుపుతప్పిన కారు వారిని ఢీ కొంది. ఈ ప్రమాదంతో మునస్వామి మృతి చెందాడు. శరవణన్‌కు తీవ్ర గాయాలయ్యాయి.
 
 వెంటనే స్థానికులు కారును అడ్డుకున్నారు. కారులో ముగ్గురు యువతులు మద్యం మత్తులో ఉన్నట్లు తెలిసింది. కారు నడిపిన యువతి చెట్‌పెట్‌కు చెందిన ఐశ్వర్య (25) అని తెలిసింది. ఆ కారులో నందంబాక్కం సాఫ్ట్‌వేర్ సంస్థలో పని చేస్తున్న సోనియా (23), సుష్మ (23) అనే యువతులు ఉన్నారు. ఈ ముగ్గురు మద్యం మత్తులో ఉన్నట్లు తెలిసింది. కారు నడిపిన ఐశ్వర్య ప్రముఖ పారిశ్రామికవేత్త కుమార్తె అని తెలుస్తోంది. గిండి ట్రాఫిక్ పోలీసులు ముగ్గురిని అదుపులోకి తీసుకుని విచారణ జరుపుతున్నారు.


 సినిమా ఇండస్ట్రీలో వారసులను హీరోలుగా పరిచయం చేసి, వాళ్లు నిలదొక్కుకునేలా సపోర్ట్‌గా నిలిచేందుకు హీరోలు, నిర్మాతలు, దర్శకులు.. ఇలా అందరూ దాదాపు ముందుంటారు. కొడుకులను హీరోలను చేసినంత ఇష్టంగా కూతుళ్లను హీరోయిన్లను చేయడానికి పెద్దగా ఇష్టపడరు. కొంతమంది మాత్రమే కూతుళ్లను కూడా ప్రోత్సహిస్తుంటారు. అలాంటివారిలో యాక్షన్ కింగ్ అర్జున్ ఒకరు. ఆయన కుమార్తె ఐశ్వర్య ‘పట్టత్తు యానై’ అనే తమిళ చిత్రం ద్వారా కథానాయికగా పరిచయం అయ్యారు.
 
 ఆ తర్వాత స్వీయదర్శకత్వంలో తన తండ్రి నటించి, నిర్మించిన ‘జైహింద్ -2’కు ఆమె సహనిర్మాతగా వ్యవహరించారు. తొలి చిత్రం ఆశించిన ఫలితం ఇవ్వకపోవడంతో ఐశ్వర్యకు కథానాయికగా తదుపరి ఆశించినంతగా అవకాశాలు రాలేదట. అందుకని కూతుర్ని హీరోయిన్‌గా నిలబెట్టాలని అర్జున్ రంగంలోకి దిగారు. స్వయంగా తాను రాసుకున్న ఓ ప్రేమకథను చేతన్, ఐశ్వర్య జంటగా స్వీయ దర్శకత్వంలో నిర్మించనున్నారు అర్జున్. ‘‘ఇందులో నేను ఓ లీడ్ రోల్‌లో కనిపిస్తా. వచ్చే ఏడాది జనవరిలోపు షూటింగ్ పూర్తి చేసేందుకు సన్నాహాలు చేస్తున్నాం’’ అని అర్జున్ తెలిపారు.


 కూతురిపై ప్రేమతో నాన్నలు ఏం చేయడానికైనా సిద్ధపడతారు. కాగా నటుడు అర్జున్ తన కూతురి కోసం ఏకంగా చిత్రాన్నే చేస్తున్నారు. యాక్షన్ కింగ్‌గా పేరు సంపాదించుకున్న నటుడు అర్జున్. తమిళ, కన్నడం,తెలుగు భాషలలో పలు చిత్రాల్లో నటించిన ఆయన దర్శకుడిగాను పలు హిట్ చిత్రాలను చేశారు. అయితే అవన్నీ అర్జున్ నటించిన చిత్రాలే. ఇప్పుడు మాత్రం తన కూతుర్ని కథానాయకిగా నిలబెట్టడానికి మెగా ఫోన్ పట్టారు. అర్జున్ కూతురు ఐశ్వర్య ఇప్పటికే విశాల్‌కు జంటగా పట్టత్తుయానై చిత్రం ద్వారా నాయకిగా పరిచయం అయ్యారు.
 
 అయితే ఆ చిత్రం ఆశించిన విజయం సాధించకపోవడంతో ఆమెకు తదుపరి అవకాశాలు రాలేదు. దీంతో  కూతురు ఐశ్వర్యను హీరోయిన్‌గా నిలబెట్టడానికి అర్జున్ కాదలిన్ పొన్ వీధియిల్ అనే చిత్రాన్ని స్వీయ దర్శకత్వంలో నిర్మించడానికి సిద్ధం అయ్యారు. తమిళం,కన్నడం భాషలలో తెరకెక్కించినున్న ఈ చిత్రం పూజా కార్యక్రమాలతో ఇటీవలే ప్రారంభం అయ్యింది. ఇందులో ఐశ్వర్యకు జంటగా నవ నటుడు చందన్ నటిస్తున్నారు.
 
 దీని గురించి అర్జున్ తెలుపుతూ కాదలిన్ పొన్ వీధియిల్ చిత్రం ఒక కొత్త కాన్సెప్ట్‌తో కూడిన ప్రేమకథా చిత్రంగా ఉంటుందన్నారు.ఇలాంటి కథతో ఇంతకు ముందు చిత్రాలు వచ్చి ఉండక పోవచ్చునే అభిప్రాయాన్ని వ్యక్తం చేశారు. ఇందులో తాను చిన్న పాత్రను కూడా పోషించడం లేదని, దర్శకత్వం, నిర్మాణం బాధ్యతలనే నిర్వహిస్తున్నట్లు వెల్లడించారు.


 ముంబై:  సరబ్ జిత్ సింగ్ సినిమా ఒక కుటుంబ భావోద్వేగానికి  సంబంధించినదని ఆ చిత్ర హీరోయిన్ ఐశ్వర్యారాయ్ బచ్చన్ అన్నారు. ఈ విషయాన్ని అందరు గుర్తుంచుకోవాలని ఆమె పేర్కొన్నారు. శుక్రవారం ఈ సినిమా విడుదల సందర్భంగా ఏర్పాటు చేసిన ప్రీమియర్ షో  అనంతరం ఐశ్వర్యారాయ్ మీడియాతో మాట్లాడారు. ఈ సినిమా అందరి గుండెలకు హత్తుకుంటుందని అన్నారు. సరబ్ జిత్  చిత్రానికి పన్నును మినహాయించినందుకు ఉత్తరప్రదేశ్ ప్రభుత్వానికి ఐష్ ఈ సందర్భంగా కృతజ్ఞతలు తెలిపారు.
 సరబ్ జిత్ సింగ్ పాత్రలో రణదీప్ హుడా, అతని అక్క పాత్రలో ఐశ్వర్య నటించారు. ఒమంగ్ కుమార్ దర్శకత్వం వహించిన ఈ సినిమాలో పాకిస్థాన్ లో గూఢచర్యం, ఉగ్రవాదం కేసులో ఆరోపణలు ఎదుర్కొంటూ అక్కడ జైలులో తోటి ఖైదీలు దాడి చేయగా భారత్ కు చెందిన సరబ్ జిత్ మరణించిన కథాంశాన్ని ఆధారంగా చేసుకొని ఈ సినిమాను నిర్మించారు.
  


  భారతీయ అందాల తారలు ఐశ్వర్యారాయ్, సోనమ్‌కపూర్, మల్లికా శెరావత్‌లు ఇప్పటికే కాన్స్ చలన చిత్రోత్సవాల్లో మెరిసిన విషయం తెలిసిందే. సోమవారం ఫ్రిదా పింటో కూడా సందడి చేశారు. ‘స్లమ్‌డాగ్ మిలియనీర్’ సినిమాతో ఒక్కసారిగా ఇంటర్నేషనల్ సెలబ్రిటీగా మారిపోయి, ఇప్పుడు హాలీవుడ్ చిత్రాలతో బిజీ అయిపోయారు ఫ్రిదా.
  
  తాజాగా ఆమె నిర్మాతగా కూడా  మారనున్న సంగతి తెలిసిందే. ‘వియ్ డూ ఇట్ టుగెదర్’ పేరుతో ఓ స్వచ్ఛంద సంస్థను స్థాపించి, మహిళల కోసం సినిమాలు తీయనున్నారు. జెస్సికా , జూలియట్ బినోచి, క్వీన్ లతీఫా, క్యాథరిన్ హార్డ్ వికే వంటి ప్రముఖ హాలీవుడ్ తారలతో కలిసి ఈ  సంస్థను ప్రారంభించిన ఫ్రిదా దీని ప్రచారం కోసమే కాన్స్ చలనచిత్రోత్సవాలకు వెళ్లారు.  ‘‘మహిళా సాధికారతను ప్రతిబింబించే బుల్లితెర రియాలిటీ షోలే కాకుండా సినిమాలు కూడా తీస్తాం.
  
  హాలీవుడ్, బాలీవుడ్‌లలో పురుషులు, మహిళల పారితోషికాల్లో వ్యత్యాసం ఉంది. దీనిలో  మార్పు రావాల్సి ఉంది. అయినా మేం మాటలు చెప్పేవాళ్లం కాదు... చేతల్లో చూపించే వాళ్లం. అందుకే మా సంస్థకు ట్యాగ్‌లైన్ ‘డూయర్ నాట్ ఎ టాకర్’ అని పెట్టాం. మహిళల కోసం మహిళ లు తీసే ఈ  సినిమాలను అందరూ ఎంజాయ్ చేయొచ్చు’’ అని ఫ్రిదా చెప్పారు.
  


 ముంబై: రియో ఒలంపిక్ క్రీడలకు  భారత అంబాసిడర్ గా సల్మాన్ ఖాన్ ను నియమించడంపై వివాదం చెలరేగుతున్న నేపథ్యంలో కండల వీరుడికి ఊహించని వ్యక్తి నుంచి మద్దతు లభించింది. మాజీ విశ్వ సుందరి, ఐశ్వర్యారాయ్ బచ్చన్ సల్మాన్ ఖాన్ కు మద్దతు పలికారు. క్రీడల అభివృద్ధి కోసం ఎవరైనా మాట్లాడొచ్చు, నిలబడవచ్చు.తమ మద్దతు తెలుపవచ్చని ఆమె స్పష్టం చేశారు.  ఇందులో తప్పేమందని ఒక ప్రశ్నకు అమె సమాధానంగా చెప్పారు.
  
  
  
  
  
  
  
  
  
  
  
  
  


 ముంబై: ప్రకంకపనలు సృష్టించిన పనామా పేపర్స్ లీక్  వ్యవహారంపై  బాలీవుడ్ హీరోయిన్ ఐశ్వర్యారాయ్ బచ్చన్  చిర్రుబుర్రు లాడారు.  ఈ పత్రాల్లో  తన పేరు వుండడాన్ని ప్రశ్నించిన  పాత్రికేయులపై  అసహనాన్ని  ప్రదర్శించారు.  ఇందులో మీకు ఎందుకింత అత్యుత్సాహం అంటూ విరుచుకుపడ్డారు. తన నటనా చాతుర్యంతో పలువురిని ఆకట్టుకున్నఅందాల తార  ఐష్ ప్రవర్తనపై   విమర్శలు చెలరేగాయి.
 
 ఓమంగ్  కుమార్  దర్శకత్వంలో   ఐష్ ,రణదీప్ హుడా నటించిన బయోపిక్ 'సరభ్  జిత్'   ట్రైలర్ విడుదల  సందర్భంగా ముంబైలో ప్రెస్ మీట్ నిర్వహించింది చిత్ర యూనిట్.  ఈ సందర్భంగా పాత్రికేయులు పనామా పత్రాల్లో ఆమె పేరు వుండడంపై  ప్రశ్నలు సంధించారు. ఈ సందర్భంగా కాసేపు మౌనాన్ని పాటించింది.  ఈ వ్యవహారంలో అక్కడే ఉన్న రణదీప్ హుడా కల్పించుకొని ఆమెకు మద్దతుగా నిలిచారు.  కేవలం సినిమాకు సంబంధించిన అంశాలనే ప్రస్తావించాలని కోరారు. అయినా ఓ జర్నలిస్టు మళ్లీ  విదేశీ కంపెనీల్లో పె ట్టుబడుల వ్యవహారాన్ని ప్రస్తావించడంతో ఐష్ అతనిపై మండి పడ్డింది. ఈ వ్యవహారంలో ఇప్పటికే  ఒక ప్రకటన  విడుదల చేశాం.. మీ అందరికీ తెలుసు కదా... మీ రు ఒక్కరే అడుగుతున్నారు.. ఎందుకింత రాద్ధాంతం చేస్తున్నారంటూ కస్సుబుస్సులాడారు.  దీంతోపాటు ఇప్పటికే ఒక ప్రకటన ఇచ్చాం.. దాన్ని చూసుకోవాలంటూ ఆమె మేనేజర్ ఆగ్రహాన్ని వ్యక్తం చేశారు.   
 కాగా 'పనామా పేపర్స్'  విడుదల చేసిన  రహస్య జాబితా లో 500 ప్రముఖ భారతీయులలో మెగాస్టార్ అమితాబ్ బచ్చన్, ఐశ్వర్య రాయ్ బచ్చన్,  సైఫ్ అలీ ఖాన్, కరీనా, కరిష్మా, పలువురు క్రీడా, రాజకీయ వ్యాపారవేత్తల పేర్లు ప్రముఖంగా  నిలవడం సంచలనం  రేపింది.   బాలీవుడ్  మెగా స్టార్ , ఐష్ మామగారైన అమితాబ్ బచ్చన్   ఈవార్తలను  ఖండించారు.   తన పేరును దుర్వినియోగం చేశారని, నివేదికలో పేర్కొన్న కంపెనీలతో తనకెలాంటి సంబంధంలేదంటూ ఒక ప్రకటన జారీ చేశారు. అటు ఇవి తప్పుడు విచారణ  పత్రాలని    ఐశ్వర్య  న్యాయసలహాదారు గతంలో వీటిని కొట్టిపారేసిన  సంగతి  విదితమే.
  


 ముంబై: బాలీవుడ్ నటి ఐశ్వర్యరాయ్ బచ్చన్‌ ‘గ్లోబల్ ఇండియన్ ఆఫ్ ద ఇయర్’ అవార్డు లభించింది. సోమవారం రాత్రి జరిగిన   కార్యక్రమంలో ఐష్ ఈ అవార్డును అందుకున్నారు. ఈ సందర్భంగా ఐష్ మాట్లాడుతూ.. తాను ఇష్టంతో సినిమా రంగంలోకి వచ్చాననీ, ఇక్కడ  అనేక అవకాశాలు తనకు లభించాయని తెలిపారు.
 
 సామాజికంగా అనేక కార్యక్రమాలు చేయడానికి సినిమా రంగం తనకు అవకాశం కల్పించిదని అన్నారు. ఈ అవార్డుతో అంతర్జాతీయ స్థాయిలో మహిళలకు ప్రతినిధిగా నిలబడతానని చెప్పారు. ఈ అవార్డును తన కూతురు ఆరాధ్యకు అంకితం చేస్తున్నట్టు తెలిపారు. ఐశ్వర్యతో పాటు 17 మంది వివిధ రంగాల్లోని ప్రముఖ మహిళలకు సైతం అవార్డులు లభించాయి.
 
 
 
  
 
  


 నటుడు అభిషేక్ బచ్చన్ ట్విట్టర్ ఫ్యాన్ క్లబ్ పోస్ట్ చేసిన ఓ ఫోటో ఇప్పుడు సోషల్ మీడియాలో హల్ చల్ చేస్తోంది. ఈ ఫోటోలో అందాల తార ఐశ్వర్య రాయ్ బచ్చన్ తన ముద్దుల కూతురు ఆరాధ్యను ఒడిలో కూర్చోపెట్టుకొని ఉంది. తన నాలుగేళ్ల కూతురుకు ఐష్ ఆప్యాయంగా ముద్దుపెడుతున్న ఈ ఫోటో చూపరులను ఆకట్టుకుంటుంది. ఈ సందర్భంగా ఇటీవల తల్లి ఐష్ కోసం ఆరాధ్య చేసిన ఓ సంఘటనను కూడా సోషల్ మీడియాలో గుర్తు తెచ్చుకుంటున్నారు. 'సరబ్జిత్' షూటింగ్లో బిజీగా ఉంటున్న ఐశ్వర్య కాస్త అనారోగ్యానికి గురయ్యారు. జ్వరం, గొంతు నొప్పితో ఆమె బాధపడుతుండటంతో సరబ్జిత్ షూటింగ్కు ఓ వారం రోజులు విరామం ఇచ్చారు. అనారోగ్యంతో ఉన్నప్పటికీ ఐశ్వర్య ప్రతిరోజూ ఆరాధ్య స్కూలు వదిలే సమయానికి వెళ్లి తనను వెంటబెట్టుకుని ఇంటికి తీసుకెళ్లేవారు. తల్లి ఆరోగ్యాన్ని రెండు రోజులుగా గమనిస్తున్న ఆరాధ్య స్కూల్లో విరామ సమయంలో 'గెట్ వెల్ సూన్' కార్డు తయారు చేసిందట.
 
 ఎప్పటిలానే సాయంత్రం అమ్మ స్కూల్ గేట్ వద్దకు రాగానే తన చిట్టి చిట్టి చేతులతో తయారుచేసిన 'గెట్ వెల్ సూన్' కార్డును అమ్మకిచ్చిందట. అంతే ఐశ్వర్య ఆనందంతో భావోద్వేగానికి గురయ్యారు. పిల్లలను తీసుకెళ్లడానికి స్కూల్ వద్దకు చేరుకున్న ఇతర తల్లిదండ్రులు కూడా ఆరాధ్య ఆలోచనకు తెగ ముచ్చటపడ్డారు. ఆరాధ్య విషయంలో నేను చాలా అదృష్టవంతురాలినంటూ మురిసిపోతుంది ఐశ్వర్య.


  ఐశ్వర్య ఆర్.ధనుష్, ఏఆర్.రెహ్మాన్‌ల అరుదైన కాంబినేషన్‌లో చిత్రం తెరకెక్కనుందన్నది తాజా సమాచారం. నటుడు ధనుష్ అర్ధాంగి, సూపర్‌స్టార్ రజనీకాంత్ పెద్దకూతురు ఐశర్య ఆర్.ధనుష్ 3 చిత్రం ద్వారా మెగాఫోన్ పట్టిన విషయం తెలిసిందే. ఆ చిత్రం ఆశించిన విజయం సాధించకపోయినా అందులోని వై దిస్ కొలెవైరి డీ పాట అనూహ్యంగా దేశ వ్యాప్తంగా ప్రాచుర్యం పొందింది.
  
  అందుకు ప్రధాన కారణం ఆ చిత్రంలో సంగీత ప్రపంచంలోకి అడుగు పెట్టిన అనిరుద్‌నే అని చెప్పక తప్పదు. ఈయన ఐశ్వర్య కుటుంబానికి దగ్గర బంధువు అన్నది గమనార్హం. ఐశ్వర్య ఆర్.ధనుష్ తరుపరి చిత్రం వై రాజా వై కి అనిరుద్‌నే సంగీతం అందించారు. ఆ చిత్రం కమర్షియల్‌గా హిట్ అయ్యింది. ఐశ్వర్య ఆర్.ధనుష్ కొత్త చిత్రానికి రెడీ అయ్యారని సమాచారం. దీనికి సినిమావీరన్  అనే టైటిల్‌ను నిర్ణయించినట్లు తెలి
  సింది. ఇది సినీ  స్టంట్ కళాకారుడి
  
  ఇతివృత్తంతో తెరకెక్కించనున్న చిత్రం అని సమాచారం. చిత్రాల్లో హీరోలు పలు వీరోచిత సాహసాలు చేసి అభిమానులను అలరిస్తుంటారు. అయితే ఆ సాహసాల వెనుక స్టంట్ కళాకారుల జీవన్మరణ పోరాటాలు ఉంటాయి. వాటిని ఆవిష్కరించే చిత్రంగా సినామా వీరన్ ఉంటుందని కోలీవుడ్ వర్గాల సమాచారం. ఇందులో నటించే నటీనటుల ఎంపిక జరుగుతోందని తెలిసింది.
  
  ఈ చిత్రానికి సంబంధించిన అధికారిక పూర్వ ప్రకటన త్వరలో వెలువడనున్నట్లు టాక్. ఈ చిత్రానికి ఆస్కార్ అవార్డు గ్రహీత ఏఆర్.రెహ్మాన్ సంగీతాన్ని అందించనున్నారని కోడంబాక్కమ్ టాక్. ఇప్పటికే బీప్ సాంగ్ వ్యవహారం తరువాత నటుడు ధనుష్ అనిరుద్‌ను పక్కన పెట్టారనే ప్రచారం జరుగుతోంది. ఇప్పుడు ఐశ్వర్య ఆర్.ధనుష్, ఏఆర్.రెహ్మాన్ కాంబినేషన్‌లో చిత్రం అంటే  ఆ ప్రచారానికి మరింత బలం చేకూరుతుందన్నది ప్రత్యేకంగా చెప్పనవసరం లేదు.
  


 ముంబై:  'సరబ్ జిత్' మూవీలో సరబ్ జిత్ సింగ్ సోదరి దల్బీర్ కౌర్  పాత్రలో బాలీవుడ్ నటి ఐశ్వర్య రాయ్ మరోసారి తన విశ్వరూపాన్ని ప్రదర్శిస్తోంది. తాజాగా చిత్ర దర్శకుడు రిలీజ్ చేసిన ఫొటోలను గమనిస్తే ఇదే నిజమనిస్తుంది. సహజత్వానికి దగ్గరగా ఆమె ఆ పాత్రలో జీవిస్తున్నట్టు కనిపిస్తోంది. ప్రస్తుతం  షూటింగ్ జరుపుకుంటున్న ఈ మూవీ స్టిల్స్ ను దర్శకుడు ఒముంగ్ కుమార్  ట్విట్టర్‌లో షేర్ చేశారు. సరబ్‌జిత్ పాత్రలో రణదీప్, దల్బీర్ పాత్రలో విశ్వసుందరి ఫొటోలను ఆయన అభిమానులతో పంచుకున్నారు.
 జజ్బా సినిమాతో సెకండ్ ఇన్నింగ్స్ మొదలు పెట్టిన ఐష్ ఆ సినిమాలో పెద్దగా ఆకట్టుకోలేకపోయింది. కానీ మధ్య వయస్కురాలైన సరబ్ సోదరి  దల్బీర్  పాత్ర ఎంపికలో పెద్ద సాహసమే చేసింది. కథ విన్నవెంటనే ఆమె భావోద్వేగానికి గురయ్యారనీ,  కేవలం 15 నిమిషాల్లోనే  సినిమాకు ఓకే చెప్పడం తనకు చాలా సంతోషాన్నిచ్చిందని గతంలో దర్శకుడు మీడియాకు వెల్లడించారు.
 
 'మేరీ కొమ్' బయోపిక్ ద్వారా అందరినీ ఆకట్టుకున్న దర్శకుడు ఒముంగ్ కుమార్  సరబ్‌జిత్ మూవీని తెరకెక్కిస్తున్న సంగతి తెలిసిందే. సరబ్ జిత్ సింగ్ ను ఉగ్రవాదిగా భావించిన పాకిస్తాన్, ఆయన జైల్లో పెట్టింది. తోటి ఖైదీలు ఆయనపై దాడి చేయడంతో గాయాలపాలైన సరబ్ జిత్ సింగ్ 2013లో మరణించాడు. కానీ అప్పటివరకు అన్న సరబ్ విడుదల  కోసం,  సోదరి దల్బీర్ పెద్ద పోరాటమే చేసింది. ఈ నిజ జీవిత గాథను ఒమంగ్ సినిమా కథగా మార్చి తెరకెక్కిస్తున్నాడు. సరబ్ జిత్ సింగ్ పాత్రలో రణదీప్ హూడా నటిస్తుండగా.. రిచా చద్దా, దర్శన్ కుమార్  ముఖ్యపాత్రలను పోషిస్తున్నారు. ఈ సినిమాకోసం రణదీప్ ఏకంగా 28 కిలోల బరువు  తగ్గి  సంచలనం సృష్టించాడు.


 యువ సంగీత దర్శకుడు అనిరుద్‌ను సంగీత దర్శకుడిగా పరిచయం చేసింది నటుడు ధనుష్ అన్న విషయం తెలిసిందే. 3 చిత్రం ద్వారా రంగప్రవేశం చేసిన అనిరుద్‌కు ధనుష్ భార్య ఐశ్వర్యకు సహోదర బంధం ఉంది. నటుడు ధనుష్ ఆయన్ని ప్రోత్సహించడానికి అదీ ఒక కారణం. 3 చిత్రం విజయం సాధించక పోయినా అందులోని వై దిస్ కొలై వెరి డీ పాట అనిరుద్‌కు బహుళ ప్రాచుర్యాన్ని తెచ్చిపెట్టింది. ఆ తరువాత ధనుష్ ఆయనకు వరుసగా అవకాశాలు ఇస్తూ ప్రోత్సహిస్తున్నారు.
  
  మారి, వేలై ఇల్లా పట్టాదారి,తంగమగన్ చిత్రాలు వీరి కాంబినేషన్‌లో వచ్చాయి. ధనుష్ తాజా చిత్రం కొడికి కూడా అనిరుద్‌నే సంగీతదర్శకుడిగా ఎంపిక చేశారు. అలాంటిది ఇప్పుడు అనూహ్యంగా ఆ చిత్రం నుంచి అనిరుద్‌ను తొల గించి సంతోష్‌నారాయణ్‌ను ని యమించడం కోలీవుడ్‌లో పెద్ద చర్చనీయాం శంగా మారిం ది.అనిరుద్ శిం బు బీప్‌సాంగ్ వివాదంలో ఇరుక్కున్నారనే వార్తలు వెలువడ్డ సమయంలో ధనుష్ ఆ ప్రచారాన్ని ఖండించారు. అనిరుద్ తనకు కన్నబిడ్డలాంటివాడు. తను చిన్నతనం నుంచి తెలుసు. అనిరుద్‌ను తాను పెంచి పోషించాను. తను అలాంటి పాటకు సంగీతాన్ని అందించి ఉండరు అని ఒక పత్రికా సమావేశంలో కూడా అన్నారు.
  
  అలాంటిది ఇప్పుడు తన చిత్రం నుంచే అనిరుద్‌ను తొలగించడానికి కారణాలను కోలీవుడ్ ఆరా తీసే పనిలో పడింది. ఈ వివరాల్లోకెళితే నటుడు శింబు బీప్ సాంగ్ వివాదంలో అనిరుద్‌పై కూడా పలు కేసులు నమోదయ్యాయి. దీంతో ఆయన్ని పోలీసులు ఏ క్షణంలో అయినా అరెస్ట్ చేయవచ్చు అనే ప్రచారం హోరెత్తుతోంది. ఈ వ్యవహారంలో శింబు మద్రాసు హైకోర్టును ఆశ్రయించి ముందస్తు బెయిల్‌ను పొందారు.సంగీత కచేరీ కోసం కెనడా వెళ్లిన అనిరుద్ మాత్రం ఈ వివాదం చెలరేగి నెల రోజులు దాటినా చెన్నైకి తిరిగి రాకుండా కెనడా, లండన్‌ల చుట్టూ తిరుగుతూ పోలీసుల సహనానికి పరీక్ష పెడుతున్నారు.
  
  ఒక వేళ అనురుద్ ఈ కేసుల నుంచి ఎలాగోలా బయట పడ్డా ఆయన ఇప్పటికే అంగీకరించిన చిత్రాలు మూల పడ్డాయి. వాటికి సంగీతాన్ని అందించడానికి అనిరుద్‌కు చాలా కాలం పడుతుంది. అంతే కాకుండా బీప్‌సాంగ్ వ్యవహారంలో అనిరుద్‌కు చాలా చెడ్డ పేరు వచ్చింది. ఇలాంటి సమయంలో ఆయన్ని మళ్లీ తన చిత్రానికి పెట్టుకుంటే తన ఇమేజ్‌కు దెబ్బ తగిలే అవకాశం ఉందని భావించిన ధనుష్ తన కొడి చిత్రం నుంచి తొలగించి సంతోష్‌నారాయణ్‌ను ఎంపిక చేసినట్లు కోడంబాక్కమ్ వర్గాల టాక్. ఇది తన టైమ్‌గా భావించిన సంతోష్‌నారాయణ్ తన పారితోషికాన్ని భారీగా డిమాండ్ చేసినట్లు, బేరసారాలనంతరం ముప్పావు కోటికి సెటిల్ అయినట్లు కోలీవుడ్‌లో చెవులు కొరుక్కుంటున్నారు.
  


 ఆ కుర్రాడు ముగ్గురు అమ్మాయిలను ప్రాణంగా ప్రేమించాడు. మరి చివరకు ఎవరిని దక్కించుకున్నాడనే కథాంశంతో లవ్ ఎంటర్‌టైనర్‌గా తెరకెక్కిన చిత్రం ‘ఈ సినిమా సూపర్‌హిట్ గురూ’. హెచ్.హెచ్.మహదేవ్, సిరిశ్రీ, పునర్ణవి భూపాలం, ఐశ్వర్య నాయకా నాయికలుగా చెందు ముద్దు దర్శకత్వంలో సినీ నిలయ క్రియేషన్స్ పతాకంపై పి.ఎస్.సూర్యతేజారెడ్డి ఈ చిత్రాన్ని నిర్మించారు. దర్శకుడు వంశీతో పాటు మారుతీరాజా స్వరాలందించిన ఈ చిత్రం పాటల వేడుక ఆదివారం రాత్రి హైదరాబాద్‌లో జరిగింది. పాటల సీడీని సంగీత దర్శకుడు ఆర్.పి.పట్నాయక్ ఆవిష్కరించారు. ఆయన మాట్లాడుతూ- ‘‘ఇలాంటి టైటిల్ పెట్టాలంటే గట్స్ ఉండాలి. టైటిల్ లానే సినిమా కూడా పెద్ద హిట్ కావాలని కోరుకుంటున్నా’’ అని చెప్పారు.
 
 దర్శకుడు మాట్లాడుతూ -‘‘వైజాగ్ సత్యానంద్ కారణంగానే ఈ సినిమా అవకాశం వచ్చింది. సీనియర్ దర్శకులు వంశీగారు ఇందులో రెండు పాటల్ని స్వరపరచడం నా అదృష్టం’’ అన్నారు. నిర్మాత బెక్కెం వేణుగోపాల్ మాట్లాడుతూ -‘‘చెందు నన్ను సినిమా చూడమంటే, చూశా. ఫస్ట్ ఫ్రేమ్ నుంచి లాస్ట్ ఫ్రేమ్ వరకూ ఆసక్తికరంగా తీశారు’’ అని చెప్పారు. ఈ వేడుకలో దర్శకులు క్రాంతిమాధవ్, చంద్రమహేశ్, కాశీవిశ్వనాథ్, దేవీప్రసాద్, నటి హేమ పాల్గొన్నారు.
  
  


 సూపర్‌స్టార్ రజనీకాంత్ మూడవసారి తాత అయ్యారు. రజనీకాంత్‌కు ఇద్దరు కూతుళ్లు అన్న విషయం తెలిసిందే. వాళ్లలో పెద్ద కూతురు ఐశ్వర్య నటుడు ధనుష్ అర్ధాంగి. వీరికి యాత్ర, లింగా అనే ఇద్దరు కొడుకులున్నారు. కాగా మరో కూతరు సౌందర్య. ఈమె వ్యాపారవేత్త అశ్విన్‌కుమార్‌ను 2010లో వివాహం చేసుకున్నారు. రజనీకాంత్ నటించిన పడయప్పా, బాబా, చంద్రముఖి, విజయ్ నటించిన శివకాశి, విశాల్ చిత్రం సండైకోళి, తదితర చిత్రాలకు సౌందర్య గ్రాఫిక్స్ డిజైనర్‌గా పని చేశారు. రజనీ నటించిన కోచ్చడయాన్ చిత్రాన్ని దర్శకత్వం వహించారు.
  
  ఆ చిత్ర ఆడియో కార్యక్రమంలో సౌందర్య కుటుంబం పిల్లలపై దృష్టి సారించాలని రజనీకాంత్ హితవు పలికారు. కాగా ఆ తరువాత చిత్రాలకు దూరంగా వున్న సౌందర్య గర్భం దాల్చి బుధవారం రాత్రి పండంటి బిడ్డకు జన్మనిచ్చారు. నగరంలోని అపోలో ఆసుపత్రిలో సౌందర్య రాత్రి 10.30 నిమిషాలకు మగబిడ్డను కన్నారు. తన కూతురు మగబిడ్డకు జన్మించిన విషయం తెలిసి రజనీకాంత్ సంతోషంతో పొంగిపోయారు. వెంటనే ఆసుపత్రికి వెళ్లి మనవడిని చూసి ఆసుపత్రికి సిబ్బందికి స్వీట్స్ పంచి తన ఆనందాన్ని పంచుకున్నారు. చిత్ర ప్రముఖుల నుంచి రజనీకాంత్‌కు, సౌందర్యకు శుభాకాంక్షలు వెల్లువెత్తుతున్నాయి.
  


 ఉత్తర భారతంలో మాఁ అన్నా.. దక్షిణ భారతంలో అమ్మా అన్నా
 ఆ తల్లి పంచేది ప్రేమే.. అది రుచి చూసిన ఎవరికైనా ఆమె మాఁ.. అమ్మ!
 అలా జోధ్‌పుర్ కుర్రాడికి తమిళ అమ్మ మాఁ అయింది.
 తమిళబ్బాయికి జోధ్‌పుర్ మాఁ అమ్మయింది.
 ఈ అనుబంధానికి కనెక్షన్ మదర్ ఎక్స్‌ఛేంజ్  అయ్యింది.
  
 దేవుడు తానన్ని చోట్లా ఉండలేక అమ్మను సృష్టించాడు. కాని అమ్మ లేని చోట ఇంకో అమ్మ ఆదరణను పొందవచ్చని చెబుతోంది ‘మదర్స్ ఎక్స్‌ఛేంజ్ ప్రోగ్రామ్’.
    
 రాజస్థాన్.. జోధ్‌పుర్‌లోని మంజు భాటి
 వాళ్లింట్లో ఫోన్ మోగింది. ఫోన్ లిఫ్ట్ చేసిన మంజుకి ‘హలో మంజూజీ?’ అన్న స్త్రీ గొంతు వినిపించింది. ‘జీ.. ఆప్?’ మంజు ప్రశ్న.
 ‘మై నేమ్ ఈజ్ ఐశ్వర్య.. కాలింగ్ ఫ్రమ్ చెన్నై’
 అవతలి నుంచి సమాధానం. ‘మై సన్ ఈజ్ స్టడీయింగ్ ఇన్ జోధ్..’ అని ఐశ్వర్య తన సంభాషణను కొనసాగించబోతుంటే
 ‘నో ఇంగ్లిష్.. ఓన్లీ హిందీ’.. మంజు రిక్వెస్ట్.
 ‘ఓకే... మై హిందీ తోడా కుఛ్ జాన్తీ హు..’ అంటూ ఐశ్వర్య వచ్చీరాని హిందీలో, తమిళయాసతో జోధ్‌పుర్ ఐఐటీలో చదువుతున్న తన కొడుకు సంతోష్ గురించి చెప్పింది. అలాగే చైన్నైలో చదువుతున్న తన కొడుకు వివేక్ భాటి గురించి మంజు చెప్పింది. అలా ఆ ఇద్దరి అమ్మల మధ్య స్నేహం కుదిరింది. (ఈ విడియోను యూట్యూబ్‌లో చూడొచ్చు ‘మా కా ప్యార్.. ఘర్ కా ఖానా’ పేరుతో). వాళ్ల
 అబ్బాయిలెలా ఉన్నారంటే..
 బెంగతో చదువు భంగం..
 సంతోష్, వివేక్ భాటీలిద్దరినీ హాస్టల్ తిండి ఇబ్బంది పెడుతోంది. చెన్నై సాంబార్,
 చావల్.. వివేక్ భాటీ కడుపు నింపలేక పోతోంది. అమ్మ చేసే పరాఠాలను మరిపించలేక పోతోంది. సంతోష్‌దీ అదే పరిస్థితి. అమ్మ చేసే సాంబార్ ఘుమఘుమల ముందు ఆలూకుర్మా చిన్నబోతోంది. అతని పరాఠాలను అన్నంలా ఆస్వాదించలేకపోతున్నాడు. చదువు మీదకన్నా అమ్మ మీదకే వెళ్తోంది మనసు. సంతోష్ వాళ్లమ్మ ఐశ్వర్య, వివేక్ భాటీ వాళ్లమ్మ మంజుది కూడా ఇదే బాధ... పిల్లలు సరిగ్గా తినడంలేదు, ఎలా ఉంటున్నారో ఏమో అని. దీనికో పరిష్కారం దొరికితే బాగుండని అనుకుంటున్న సమయంలోనే తెలిసింది వీళ్లకు ‘అడానీ విల్‌మర్’ ప్రారంభించిన మదర్ ఎక్స్‌ఛేంజ్ ప్రోగ్రామ్ గురించి.
  
 మదర్ ఎక్స్‌ఛేంజ్
  
 మదర్‌ఎక్స్‌ఛేంజ్ డాట్ ఇన్ అనే వెబ్‌సైట్ ద్వారా ఈ ప్రోగ్రామ్‌లో తమ పేర్లను రిజిష్టర్ చేయించుకోవాలని తెలుసుకున్నారు. చేయించుకున్నారు. జోధ్‌పుర్‌లో ఉన్న ‘అమ్మ’ కోసం ఐశ్వర్య వెదికితే.. చెన్నైలో ఉన్న ‘మా’ కోసం మంజు వెదికింది. ఇద్దరికి ఇద్దరు తారస పడ్డారు. అలా ఫోన్‌లో కాంటాక్ట్ అయ్యారు. తన కొడుక్కి ఇష్టమైన వంటల గురించి ఐశ్వర్య చెపితే.. వాళ్లబ్బాయి నచ్చిన మెచ్చిన మెనూ గురించి మంజు చెప్పింది. రెసీపీలూ తెలుసుకొని ప్రాక్టీస్ చేసుకున్నారిద్దరూ. ఓ మంచి మధ్యాహ్నం పరాఠా, కూర్మాలతో లంచ్‌బాక్స్ వెళ్లింది వివేక్ భాటీ క్యాంపస్‌కి. సాంబార్, అన్నంతో అటు సంతోష్‌కీ భోజనం అందింది. పిల్లల కళ్లలో ఆశ్చర్యం..అచ్చు అమ్మ చేతి రుచే.. మనసులో తడి.. తలతిప్పి చూస్తే వివేక్ భాటీ ముందు ఐశ్వర్య.. సంతోష్ ముందు మంజు.. ‘మా అమ్మలు’గా!
  
 మా కా ప్యార్.. ఘర్ కా ఖానా..
 
 ఈ ప్రోగ్రామ్‌కి బాగానే రెస్పాన్స్ వస్తోంది. చదువు కోసం ఉన్న ఊరును వదిలి పరాయి సిటీలకు వెళ్లిన పిల్లలకు తల్లి చేతి వంటతోపాటు ఆమె ఆదరణనూ ఇంకో అమ్మతో పంచుతున్నారు. ఇందులో చేరాలనుకునే తల్లులు తమ పేరు, ఫోన్ నంబరు, ఊరు వంటి వివరాలను రిజిస్టర్ చేసుకోవాలి. రిజిష్టర్ అయిన మదర్స్ అందరూ ఆ జాబితా ప్రకారం తమ పిల్లలు ఉన్న ఊళ్లో వాళ్లకు నచ్చిన అమ్మకు ఫోన్‌చేస్తారు. పరిచయం అయ్యాక వివరాలు ఇచ్చిపుచ్చుకుంటారు. అలా ఇద్దరి మధ్య ముందు స్నేహం కుదురుతుంది. తర్వాత పిల్లల ఇష్టాయిష్టాలు, అభిరుచులు పంచుకుంటారు. ఏఏ కూరలంటే ఇష్టమో.. ఎలా చేస్తే తింటారో తెలుసుకుంటారు. వాటిని ఎలా వండాలో నేర్చుకుంటారు.. ఇవన్నీ ఫోన్ ద్వారే! పిల్లలకు ఇష్టమైన వంటను క్యారియర్‌లో పెట్టుకొని వాళ్లున్న హాస్టల్‌కు వెళ్తారు. దగ్గరుండి వడ్డిస్తారు. సొంత తల్లిలా మంచిచెడులను విచారిస్తారు. సెలవల్లో తమ కుటుంబంతో గడపడానికి ఇంటికి ఆహ్వానిస్తారు. సొంతింటికి వెళ్లిన భావనను పిల్లలకు కలిగిస్తారు. ఇదీ మదర్స్ ఎక్స్‌ఛేంజ్ ప్రోగ్రామ్ అందిస్తున్న
  ‘మా కా ప్యార్.. ఘర్ కా ఖానా’!
  - సరస్వతి రమ సాక్షి ఫ్యామిలీ ప్రతినిధి
  
  హ్యాపీగా ఉంది..
 
 మాది విజయవాడ. మూడేళ్ల కిందట హైదరాబాద్‌కి వచ్చాను. జావా డెవలపర్‌గా ఉద్యోగం. ప్రయాణానికి సిద్ధమైనప్పుడు అమ్మ చెప్పిన ఒకే ఒక మాట... ‘వేళకు భోజనం చెయ్యి’ అని. ఊళ్లో ఉన్నప్పుడు ‘తిను తిను’అని అమ్మ వెంటపడ్తుంటే విసుగనిపించేది. ఇప్పుడు ఆ విసుగు కావాలనుకున్నా దొరకట్లేదు. ఎప్పుడు ఫోన్ చేసినా తిన్నావా? అంటూ మొదలుపెడ్తుంది సంబాషణని. ఆ ప్రేమకు మొహం వాచినట్టే ఉంటోంది. ఊరెళ్లి వచ్చాకైతే కొన్ని రోజుల వరకు ఆ బెంగ తగ్గదు. ఆ లవ్ అండ్ ఎఫెక్షన్  మదర్స్ ఎక్స్‌ఛేంజ్ ప్రోగ్రామ్ వల్ల  దొరుకుతోందంటే  హ్యాపీగా ఉంది.    - రావెళ్ల స్వాతి, హైదరాబాద్
  
 నాలాంటి వాళ్ల కోసమే..
 
 నా కొడుకు హర్ష రెండేళ్లుగా చెన్నైలో ఉంటున్నాడు. తింటున్నప్పుడల్లా
 కాల్ చేస్తాడు.. ‘ఏం వండావమ్మా.. ఈ హాస్టల్ తిండి తినలేకపోతున్నా’ అని. వాడు!  అలా బాధపడుతూంటే నాకిక్కడ ముద్ద దిగదు. వాడికి ఇష్టమైన వంటకం చేసినప్పుడల్లా ఎంత గుర్తొస్తాడో! అక్కడ నా కొడుకుకి ఇష్టమైనవి వండిపెట్టి, ధైర్యం చెప్పే ఆత్మీయులుంటే ఎంతబాగుండు అని ఎన్నిసార్లు అనుకున్నానో! మదర్స్ ఎక్స్‌ఛేంజ్ గురించి తెలిసింది. నాలాంటి వాళ్లకోసమే పెట్టారేమో
  అనిపిస్తోంది.    - కె. శైలజ,  ఉద్యోగిని, హైదరాబాద్
  
  వీళ్లకు వరమే...
 
 పదిహేనేళ్ల నుంచి ఆడపిల్లల హాస్టల్‌ను రన్ చేస్తున్నాను. వయసు నిమిత్తం లేకుండా అందరికీ అమ్మ మీద బెంగే. మా వంట ఎంతబాగున్నా ‘మా అమ్మయితే ఇంకా బాగా చేస్తారనే’ కామెంటే. అన్నిటికీ వాళ్లమ్మల తారీఫ్‌లే.
  ఒక్కోసారి కోపం వస్తుంది.. కానీ చాలాసార్లు బాధేస్తుంటుంది పాపం పిల్లలు అని. మదర్స్ ఎక్స్‌ఛేంజ్ ప్రోగ్రామ్ వీళ్లకు వరమే కానీ మాలాంటి వాళ్ల బిజినెస్‌కి దెబ్బే
  (నవ్వుతూ).
  - ఎన్. ఉషారాణి,  హైదరాబాద్
  


  నా భర్త ధనుష్ సహకారం లేకుంటే దర్శకురాలనే హోదాలో నేనిక్కడుండేదాన్నే కాదు అన్నారు. వై రాజా వై చిత్ర దర్శకురాలు ఐశ్వర్యా ధనుష్. ‘3’ చిత్రంతో మెగాఫోన్ పట్టిన ఈమె ఆ చిత్రం మిశ్రమ స్పందనను పొందినా దర్శకురాలిగా ఐశ్వర్యా ధనుష్ మాత్రం మంచి మార్కులే సంపాదించుకున్నారు. అలాంటి ఆమె మలి ప్రయత్నం వై రాజా వై. గౌతమ్ కార్తీక్, ప్రియా ఆనంద్ హీరో హీరోయిన్లుగా నటించిన ఈ చిత్రం పలు విశేషాలు చోటు చేసుకున్నాయి.
  
   నటి తాప్సీ అతిథి పాత్రలో నటించడం, దర్శక నటుడు ఎస్‌జే సూర్య సింగిల్ సాంగ్ చేయడం, దర్శకుడు వసంత్ తొలిసారిగా నటుడిగా పరిచయం అవడం వంటి విశేషాలతో పాటు ఏజీఎస్ ఎంటర్‌టైన్‌మెంట్ సంస్థ నిర్మించిన వై రాజా వై చిత్రాన్ని స్టూడియో గ్రీన్ సంస్త విడుదల చేయడం ఇలా చాలా అంశాలు కొత్తగా ఉంటాయి. అలాగే నటుడు ధనుష్ ఒక క్యామియో పాత్ర పోషించారు కూడా. యువన్ శంకర్ రాజా సంగీతబాణీలందించిన ఈ చిత్రం మే ఒకటవ తేదీన విడుదలకు ముస్తాబవుతోంది. ఈ సందర్భంగా శుక్రవారం చిత్ర యూనిట్ చెన్నైలోని ఒక నక్షత్ర హోటల్‌లో ఏర్పాటు చేసిన విలేకరుల సమావేశంలో దర్శకురాలు ఐశ్వర్యా ధనుష్ మాట్లాడుతూ తానీ చిత్రం చేయడానికి అర్చన ఏజీఎస్‌నే కారణం అన్నారు.
  
  ఒకసారి ఆమె ఫోన్ చేసి తదుపరి ప్రాజెక్ట్ ఏమిటని అడిగారన్నారు. ప్రస్తుతం ఏమీ అనుకోలేదు. అయితే ఒక నోట్ మాత్రం ఉందని చెప్పానన్నారు. అలా ఈ వై రాజా వై చిత్ర నిర్మాణానికి బీజం పడిందని వివరించారు. ఈ చిత్రానికి కరెక్ట్ ఆర్టిస్టులు సమకూరారని చెప్పారు. అంతేకాకుండా ఎస్‌జే సూర్య, వసంత్, మనోబాల ముగ్గురు దర్శకులు ఈ చిత్రంలో నటించడం విశేషం అన్నారు. వేల్‌రాజా చాయాగ్రహణ, యువన్ శంకర్ రాజా సంగీతం అంటూ చాలా స్ట్రాంగ్ యూనిట్ పని చేశారన్నారు. వీరందరికి తాను చెప్పిందొక్కటే. తన తొలి చిత్రం ‘3’ ని చూసి రావద్దు.     వై రాజా వై అడ్వెంచర్ కథా చిత్రం అని చెప్పానని అన్నారు.
  
  ధనుష్ ప్రోత్సాహం
  అందరూ రజనీకాంత్, ధనుష్ చిత్రం చూశారా? వారు ఎలా ఫీలయ్యారు. అని అడుగుతున్నారని తానిక్కడ విషయం ప్రస్తావించదలచుకున్నానన్నా రు. తన భర్త ధనుష్ ప్రోత్సాహం లేకుంటే దర్శకురాలిగా తానిక్కడ నిలబడేదాన్ని కాదన్నారు. తన తొలి చిత్ర హీరోగా అయ్యారని గుర్తు చేశారు. ఈ చిత్రం లోను ధనుష్ అతిథి పాత్రలో నటించారని తెలిపారు. ఇకపోతే తన తండ్రి రజని, భర్త ధనుష్ వై రాజా వై చిత్రం చూశారు. వారికి చిత్రం బాగా నచ్చిందని చెప్పారు.
  
  చిత్ర ఆలస్యానికి నేనే కారణం
  వై రాజా వై చిత్ర నిర్మాణంలో జాప్యానికి కారణం ఏమిటని అడుగుతున్నారని, దానికి తానే బాధ్యత వహిస్తానని ఐశ్వర్య ధనుష్ అన్నారు. అయితే ఆలస్యం అయినా ఆ సమయంలో చాలా మంచి విషయాలు జరిగాయని అన్నారు. చిత్ర షూటింగ్‌ను గోవా, సింగపూర్, బ్యాంకాంక్‌లలో నిర్వహించాల్సిన అవసరం ఏర్పడిందన్నారు.  ధనుష్ నటించిన అనేగన్ చిత్రం కూడా వై రాజా వై చిత్ర ఆలస్యానికి ఒక కారణం అన్నారు. అనేగన్ విడుదల తరువాత వై రాజా వై విడుదల చేయాలని నిర్మాతలు భావించారని తెలిపారు.
  


  కమలహాసన్‌తో నటుడు ధనుష్ భార్య ఐశ్వర్యా ఢీ కొంటున్నారు. సాధారణంగా ఒక భారీ చిత్రం విడుదలవుతుందంటే చిన్న చిత్రాలను ఆ సమయంలో విడుదల చేయడానికి ఆలోచిస్తారు. అయితే గత శుక్రవారం మణిరత్నం చిత్రం ఓ కాదల్ కణ్మణి, లారెన్స్ చిత్రం కాంచన -2 చిత్రాలు ఒకేరోజు తెరపైకి వచ్చి ప్రేక్షకాదరణతో విజయబాటలో పయనిస్తున్నాయి. తాజగా విశ్వనాయకుడు కమలహాసన్ నటించిన ఉత్తమ విలన్ చిత్రం ఐశ్వర్యా ధనుష్ దర్శకత్వం వహించిన వై రాజా వై చిత్రాలు ఒకే రోజు తెరపైకి రానున్నాయి.
  
  ఉత్తమవిలన్: విశ్వరూపం వంటి విజ యవంతమైన చిత్రం తరువాత కమలహాసన్ నటించిన ఉత్తమ విలన్ మేనె ల ఒకటో తారీఖున విడుదల కానుంది. కమల్ సరసన పూజాకుమార్, ఆండ్రి య, ఊర్వశి, పార్వతినాయర్, పార్వతి మీనన్ హీరోయిన్లుగా నటించిన ఈ చిత్రానికి నటుడు రమేష్ అరవింద్ దర్శకుడు. తిరుపతి బ్రదర్స్ పతాకంపై దర్శకుడు లింగుస్వామి సమర్పణలో ఆయ న సోదరుడు సుభాష్ చంద్రబోస్ నిర్మిం చిన భారీ చిత్రం ఉత్తమవిలన్. దివంగత ప్రఖ్యాత దర్శకుడు కె.బాలచందర్, టాలీవుడ్ ప్రముఖ దర్శకుడు కె.విశ్వనాథ్ కీలక పాత్రలు పోషించిన ఈ చిత్రం 18వ శతాబ్దం ప్రస్తుత కాలానికి చెందిన సంఘటనలతో కూడిన నాటక, సినీ కళాకారుల ఇతివృత్తంగా రూపొం దించిన చిత్రం ఉత్తమవిలన్‌పై ఇప్పటికే భారీ అంచనాలు నెలకొన్నాయి.
  
  వై రాజా వై : 3 వంటి సంచలన ప్రేమ కథా చిత్రాల ద్వారా దర్శకురాలిగా పరి చయమైన ఐశ్వర్యా ధనుష్ ఆ చిత్రం మిశ్రమ స్పందన తెచ్చుకున్న అందులోని వై దిస్ కొలవెరి పాట అంతర్జాతీయ స్థాయిలో ప్రాచుర్యం పొందింది. ఆ విధంగా బహుళ ప్రచారం పొందిన చిత్రం 3. తరువాత ఐశ్వర్య ధనుష్ తెరకెక్కించిన చిత్రం వై రాజా వై. గౌతమ్ కార్తీక్ హీరోగా నటించిన ఈ చిత్రంలో ప్రియా ఆనంద్ హీరోయిన్‌గా నటించారు. ఏజీఎస్ ఎంటర్‌టైన్‌మెంట్ సంస్థ నిర్మించిన ఈ చిత్రాన్ని ఉత్తమవిలన్  విడుదలవుతున్న రోజునే విడుదల చేయడానికి చిత్ర దర్శక నిర్మాతలు సిద్ధమయ్యారు. మరి ఈ చిత్రాల మధ్య పోటీ  తెలియాలంటే మరో పదిరోజులు ఆగాల్సిందే.
  


 ప్రతి పురుషుడి విజయం వెనుక ఒక స్త్రీ ఉంటుందంటారు. మరి, స్త్రీ విజయం వెనుక...? పురుషులూ ఉంటారు. కావాలంటే, కొద్దికాలం విరామం తరువాత మళ్ళీ తెరపై మెరవడానికి సిద్ధమవుతున్న ఐశ్వర్యారాయ్ బచ్చన్‌ను అడిగి చూడండి. సంజయ్ గుప్తా రూపొందిస్తోన్న ‘జజ్‌బా’ ద్వారా ఐశ్వర్యారాయ్ మరోసారితెరపైకి వస్తున్నారు. ఆ సినిమాకు ఇప్పుడు మరో ప్రత్యేకత కూడా వచ్చి చేరింది. భార్య ఐశ్వర్యారాయ్ కోసం భర్త అభిషేక్ బచ్చన్ సైతం ఆ చిత్రంలో ఒక ప్రత్యేక పాత్ర పోషిస్తున్నారు. ‘‘ఇవాళ్టి షూటింగ్‌లో బోలెడంత ఉత్సాహం చోటుచేసుకుంది.
  
  ‘జజ్‌బా’లోని ఒక ప్రత్యేక పాత్ర కోసం అభిషేక్ బచ్చన్ షూటింగ్‌లో పాల్గొంటున్నారు’’ అని సంజయ్ గుప్తా ట్విట్టర్‌లో పేర్కొన్నారు. నిజానికి, అభిషేక్, ఐశ్వర్యారాయ్‌ల మధ్య కెమిస్ట్రీ మణిరత్నం రూపొందించిన ‘గురు’, ‘రావణ్’ చిత్రాల్లో తెరపై కనువిందు చేసింది. కొంత విరామం తరువాత మళ్ళీ ఈ సినిమాలో ఆ జంట కనువిందు చేస్తుందన్న మాట. ఇర్ఫాన్ ఖాన్, షబానా ఆజ్మీ లాంటి ప్రముఖులు కూడా నటిస్తున్న ఈ చిత్రం అక్టోబర్ 9న రిలీజ్ కానుంది. మొత్తానికి, భార్య పురోభివృద్ధి కోసం భర్త అండగా నిలవాలనడానికి, అభిషేక్, ఐశ్వర్యల జంటే ఉదాహరణ కదూ!
  


 మెదక్ : దూడ పుట్టి 21 రోజులు అయిన సందర్బంగా తొట్టేలో వేసి బారసాల కార్యక్రమానికి నిర్వహించాడు ఓ రైతు. జిన్నారం గ్రామానికి చెందిన మ్యాదరి రమేశ్ అనే రైతు వద్ద గేదెలున్నాయి. ఓ గేదెకు దూడ పుట్టడంతో ఆ రైతు కళ్లలో ఆనందం వెల్లివిరిసింది. దీంతో 21 రోజుల పండుగను ఆయన ఘనంగా నిర్వహించారు.
 తొట్టెలను పువ్వులతో ముస్తాబు చేసి... దూడను పడుకోబెట్టి బారసాల కార్యక్రమాన్ని నిర్వహించారు.అనంతరం కుటుంబసభ్యులు, స్నేహితులు సంబరాలను జరుపుకున్నారు. దూడకు ఐశ్వర్య అనే నామకరణం చేశారు.


 తన భార్య ఐశ్వర్య దర్శకత్వంలో నటించకపోవడానికి కారణాన్ని నటుడు ధనుష్ తెలిపారు. రజనీకాంత్ పెద్దకూతురు ఐశ్వర్య తొలిసారిగా మెగాఫోన్ పట్టి తన భర్త ధనుష్ హీరోగా ‘3’ చిత్రాన్ని తెరకెక్కించారు. ఈ చిత్ర నిర్మాణ దశలో మంచి బూమ్ తెచ్చుకున్నా విడుదలైన తరువాత ఆశించిన విజయం సాధించలేదు. అంతేకాదు ఇకపై తన భార్య దర్శకత్వంలో నటించనని ధనుష్ ప్రకటించా రు. ఆయన వ్యాఖ్యలపై మీడియా ఈకలు పీకడం మొదలెట్టింది. 3 చిత్రం విజయం సాధించనందువల్లే ధనుష్ అలాంటి నిర్ణయం తీసుకున్నారనే  ప్రచారం జోరందుకుంది.
  
  మరోపక్క ఐశ్వర్య తన రెండవ చిత్రాన్ని వర్ధమాన నటుడు గౌతమ్ కార్తీక్ హీరోగా మొదలెట్టేశారు. ఇలాంటి పరిస్థితిలో ధనుష్ తన భార్య దర్శకత్వంలో నటించకపోవడానికి కారణం వెల్లడిస్తూ ఐశ్వర్య దర్శకత్వం వహించిన చిత్రం హిట్ అయ్యిందా? ప్లాప్ అయ్యిందా? అన్నది సమస్య కాదన్నారు. ‘3’ చిత్రానికి తామిద్దరం పని చేసినపుడు అధిక సమయం షూటింగ్ స్పాట్‌లోనే ఉండేవారమన్నారు. దీంతో పిల్లలకోసం సమ యం కేటాయించలేని పరిస్థితి నెలకొందని చెప్పా రు. అందుకే ఎవరో ఒకరైనా పిల్లలతో ఉండాలని ఇద్దరం కలసి పనిచేయరాదని నిర్ణయించుకున్నామని వివరించారు.
  
  ఇకపోతే రజనీకాంత్‌తో కలిసి నటిం చాలని ఆసక్తిగా ఉందని అలాంటి అవకాశం వస్తే చాలా సంతోషిస్తానన్నారు. ప్రస్తుతం హిందీలో షమితాబ్ చిత్రంలో అమితాబ్‌బచ్చన్‌తో కలిసి నటిస్తున్నానని తెలిపారు. ఆయన చాలా ఫ్రెండ్లీగా నడుచుకుంటారన్నారు. ఆయన గొప్ప నటుడైనా తన పాత్ర విషయంలో జోక్యం చేసుకోలేదని చెప్పారు. అలాంటి గొప్ప నటుడిని ఇంతకుముందెప్పుడూ చూడలేదని ధనుష్ పేర్కొన్నారు.  
  


 మా ఆయన్ని డెరైక్ట్ చేసినప్పుడు చాలా ఆనందం కలిగిందంటున్నారు సూపర్‌స్టార్ రజనీకాంత్ పెద్ద కూతురు నటుడు ధనుష్ అర్ధాంగి ఐశ్వర్య. ఈమె తొలిసారిగా మెగాఫోన్ పట్టి తెరకెక్కించిన చిత్రం ‘3’. ధనుష్, శ్రుతిహాసన్ హీరో హీరోయిన్లుగా నటించిన ఈ చిత్రం అంతగా విజయం సాధించకపోయినా ఆ చిత్రంలో సంగీత దర్శకుడు అనిరుధ్ బాణీలు కట్టిన వై దిస్ కొలెవైరి డీ పాట బహుళ ప్రాచుర్యం పొందింది. ఐశ్వర్య ధనుష్ మలి ప్రయత్నం వై రాజా వై చిత్రాన్ని రూపొందిస్తున్నారు. ఈ చిత్రంలో యువ నటుడు గౌతమ్ కార్తీక్ హీరోగాను ప్రియా ఆనంద్ హీరోయిన్‌గాను నటిస్తున్నారు. యువన్ శంకర్ రాజా సంగీతాన్ని అందిస్తున్న ఈ చిత్రం ఇటీవలే మార్కెట్‌లోకి విడుదలయ్యాయి. వినోద భరిత చిత్రంగా తెరకెక్కిన ఈ చిత్రం త్వరలో విడుదలకు ముస్తాబవుతోంది.
  
  ఈ సందర్భంగా చిత్ర దర్శకురాలు ఐశ్వర్య ధనుష్ మాట్లాడుతూ తాను తొలి చిత్రం దర్శకత్వం వహించినప్పుడు అధిక శ్రద్ధ చూపించలేదన్నారు. దీంతో తదుపరి చిత్రానికి కొత్త ప్రయోగం చేయాలని భావించానన్నారు. తాను, తన భర్త చిత్రాల పనిలో బిజీగా ఉండడంవలన ఇంటిలో మాట్లాడుకోవడానికి చాలా తక్కువ సమయమే ఉంటుందన్నారు. అయినా నా చిత్ర కథ ధనుష్‌కు తెలుసని తెలిపారు. ధనుష్ తన కంటే సీనియర్ అని అంతేకాకుండా తనకు మార్గదర్శకుడు కూడా అని అన్నారు. తనకాయన చాలా సాయం చేస్తారని వై రాజా వై చిత్రంలో కూడా అతిథి పాత్రలో నటించారని ఆయన్ని దర్శకత్వం వహించడం చాలా ఆనందం కలిగించిందని ఐశ్వర్య ధనుష్ పేర్కొన్నారు.
  


 ⇒ప్రాణాలు తీస్తున్న కల్తీ కల్లు వ్యాపారం
 ⇒రోజుకు 50 మందికి తగ్గకుండా అస్వస్థత
 ⇒సంగెంలో ఒకరి మృతి, నలుగురు సీరియస్
 ⇒ఆస్పత్రిలోనే మరో 30 మంది బాధితులు
 ⇒సహజంగా మారిన ‘కల్తీ’ మరణాలు
 ⇒నిషేధిత మత్తు మందులతో కల్లు తయారీ
 ⇒కళ్లు మూసుకున్న ఆబ్కారీ శాఖ అధికారులు
  
 ధనదాహం ఒళ్లు విరిస్తే అక్రమ వ్యాపారం ‘కట్ట’లు తెంచుకుంటుంది. కల్తీ కల్లు ‘విషం’ చిమ్ముతున్నా ఆబ్కారీ శాఖ అధికారులు మాత్రం కళ్లు తెరవడం లేదు. కల్తీ కల్లు తయారీదారులు, అమ్మకందారులపై నామమాత్రపు కేసులు నమోదు చేస్తూ పరోక్షంగా వారికి అండగా నిలుస్తున్నారన్న విమర్శలు వినిపిస్తున్నాయి. దోషులపై పీడీ యాక్టు కింద చర్యలు తీసుకోవాలనే నిబంధనలు ఉన్నా అమలు కావడం లేదు. కల్తీ కల్లు తయారీ ‘మూడు గ్లాసులు.. ఆరు సీసాలు’గా వర్ధిల్లుతోంది. అందుకు బీర్కూరు మండలం సంగెంలో తాజాగా జరిగిన విషాద సంఘటనే నిదర్శనం.
  
 సాక్షి ప్రతినిధి, నిజామాబాద్ : కల్తీ కల్లు మహమ్మారి బడుగుల జీవితాలలో చిచ్చు పెడుతోంది. ఏటా కల్తీ కల్లు మరణాలు పెరుగుతున్నా చర్యలు అంతంత మాత్రమే. తీవ్ర సంఘటనలు జరిగితే తప్ప ఆబ్కారీ అధికారులు కదలడం లేదు. బీర్కూరు మండలంలో కల్తీ కల్లుకు బానిసలుగా మారి గతంలో పదులసంఖ్యలో ప్రజలు చనిపోయిన సంఘటన మరవకముందే అదే మండలంలోని సంగెం గ్రామంలో మరో దుర్ఘటన చోటు చేసుకుంది. కల్తీ కల్లు తాగి పాల్త్య మోతీరాం (60) అనే  వృద్ధుడు మృతి చెందగా, 30 మంది అస్వస్థతకు గురయ్యారు.
 
 అందులో ఐశ్వర్య (5), జశ్వంత్ (6), సరోజ (5) అనే ముగ్గురు చిన్నారుల పరిస్థితి విషమంగా ఉంది. నమూనాలను సేకరిం చి కల్తీ కల్లు మరణాలను మొక్కుబడి  గా ‘మమ’ అనిపించడం పరిపాటిగా మారిన అబ్కారీ శాఖ నిర్లక్ష్యంతో మ రో ప్రాణం గాలిలో కలిసిపోయింది. ఇంత జరుగుతున్నా అధికారులు ఎం దుకు స్పందించడం లేదో అర్థం కావ డం లేదనే విమర్శలు వినిపిస్తున్నాయి.
 
 నిబంధనలు బుట్ట దాఖలు
 ‘కల్తీ’కల్లు తయారీదారులపై పీడీ యాక్టు కింద కేసు నమోదు చేయాలని నిబంధనలున్నా అవి బుట్టదాఖలవుతున్నాయి. నిజామాబాద్, కామారెడ్డి ఎక్సైజ్ సూపరింటెండెంట్ కార్యాల యాల పరిధిలో ఇలాంటి సంఘటన లు నిత్యకృత్యంగా మారాయి. తాజా    గా సంగెంలో ఒకరిని కాటేసిన సంఘటన కలకలం రేపుతోంది. 2012లో ఒక్క బీర్కూరు మండలంలోనే 15 రోజులలో 22 మంది చనిపోగా, ఆ తర్వాత నిజామాబాద్ నగరంలోను కల్తీ కల్లు పలువురిని బలిగొంది. బీర్కూరులో అప్పటి కలెక్టర్ డిపోలను రద్దు చేసి డిపో నిర్వహకునిడిపై పీడీ యాక్టు కింద కేసు నమోదు చేయాలని ఆదేశించారు. ఆ తర్వాత కొద్దిరోజులకు షరా‘మామూలు’గా తీసుకున్న అబ్కారీ శాఖ అధికారులు కల్లు వ్యాపారానికి మళ్లీ గ్రీన్ సిగ్నల్ ఇచ్చారు.
 
 కొద్దిరోజుల  కే బీర్కూరు, బాన్సువాడ డిపో పరిధిలో కల్లు తాగిన పలువురు పిచ్చివాళ్లుగా ప్రవర్తించడం అప్పట్లో చర్చనీ యాంశం అయ్యింది. ‘‘సార్ కల్తీ కల్లు  తో మా ప్రాంత జనం పిచ్చివాళ్లలా ప్రవర్తిస్తున్నారు...దయచేసి మీరైనా స్పందించి కల్తీకల్లును అరికట్టండి..డిపోలను మళ్లీ మూసెయ్యండి’’ అం టూ స్వాతి అనే యువతి ఈ ఏడాది జనవరి 16న పోలీసు వెబ్‌సైట్‌లో ఎస్‌పీకి ఫిర్యాదు చేసింది. ఇటీవల జరిగిన ఓ సమావేశంలోనూ కలెక్టర్ రొనాల్డ్ రోస్ సైతం కల్తీ కల్లుపై పోరాడాలని మహిళలకు పిలుపునిచ్చారు. అబ్కారీ శాఖ ఉన్నతాధికారులు మాత్రం స్పందించడం లేదు. ఇష్టారాజ్యంగా వెలుస్తున్న కల్లు దుకాణాలు పేద ప్రజల పాలిట మృత్యువుగా మారుతున్నాయి. జిల్లాలో సగటున రోజుకు 50 మంది అస్వస్థతకు గురవుతున్న సంఘటనలు ‘‘కల్తీ కల్లు తయారీని ఆపండి మహాప్రభో’’ అంటూ ప్రజలు చేస్తున్న ఆర్తనాదాలూ అధికారులను మాత్రం కది లించడం లేదు.
  
 హానికర అవశేషాలతో
 అధికారుల అండతో యథేచ్ఛగా సాగుతున్న కల్తీ కల్లు వ్యాపారానికి హానికర అవశేషాలు డైజో, క్లోరోఫామ్‌లు, క్లోరల్‌హైడ్రేట్, అల్ఫాజోలం ముడి పదార్థాలు.  డైజోఫాం, క్లోరల్ హైడ్రేట్, క్లో రోఫాం (మత్తు కోసం), చాక్రిన్ (రుచి కోసం), తెల్లపౌడర్ (చిక్కదనం కో  సం), కుంకుడు కాయల రసం (నురు గు కోసం) వాడతారు. ఏళ్ల తర బడి వీటితో కల్తీ కల్లు తయారీ విచ్చలవి  డిగా సాగుతున్నా, అది తాగినవారు మరణిస్తున్నా, అస్వస్థతకు గురి అవుతున్నా నమూనాలు సేకరించి ప్రయోగశాలలకు పంపించి చేతులు దులుపుకోవడం అధికారులకు పరిపాటిగా మారింది.
 
 జిల్లాలో ఉన్న ఈత, తాటి చెట్లకు, మార్కెట్లో లభ్యమవుతున్న కల్లుకు ఏమాత్రం పొంతన లేదని, లక్ష ల లీటర్ల కల్తీ కల్లు తయారవుతుందనేది బహిరంగ రహస్యం. సామాన్యుల శరీరాలను పీల్చి పిప్పి చేస్తున్నా, కల్లు తాగినవారు ఎముకల గూడులా త  యారవుతున్నా, నిరుపేదల కుటుంబాలలో మత్యు ఘంటికలు మోగుతున్నా అధికారులు చలించటం లేదు. గీత వృత్తితో సంబంధం లేనివారే ‘కల్లు మాఫియా’గా అవతారమెత్తడంతో అ క్ర మార్జనే తప్ప, పేదల ప్రాణాలు పట్టింపు లేకుండా పోతోంది. ఇప్ప టికైనా సంబంధిత అధికారులు కదు లుతారో లేదో చూడాలి.


  ఐశ్వర్య ధనుష్‌లోని ఆత్మవిశ్వాసం నచ్చిందని ప్రముఖ దర్శకుడు బాలా ప్రశంసించారు. సూపర్‌స్టార్ రజనీకాంత్ పెద్ద కూతురు, నటుడు ధనుష్ భార్య ఐశ్వర్య, మెగాఫోన్ పట్టి తొలి ప్రయత్నంగా 3 అనే సంచలన చిత్రాన్ని తెరకెక్కించిన విషయం తెలిసిందే. తాజాగా ఐశ్వర్య  వై రాజా వై అంటున్నారు. యువ నటుడు గౌతమ్ కార్తీక్, ప్రియా ఆనంద్ హీరో హీరోయిన్లుగా నటించిన ఈ చిత్రంలో తాప్సీ ఒక ముఖ్య భూమికను పోషించడం విశేషం. ఈ చిత్రానికి యువన్ శంకర్ రాజా సంగీతాన్ని అందించారు.
  
  ఈ చిత్రం కోసం నటుడు ధనుష్ ఒక పాట రాసి పాడటం మరో విశేషం. ఏజీఎస్ ఎంటర్‌టైన్‌మెంట్ సంస్థ నిర్మించిన ఈ చిత్రం ఆడియో ఆవిష్కరణ బుధవారం జరిగింది. దర్శకుడు బాలా మాట్లాడుతూ ఐశ్వర్య పట్టుదల, శ్రమకు తగ్గ ఫలితా న్ని ఈ చిత్రం ఇస్తుందన్నారు. ధనుష్, లతా రజనీకాంత్, కెవి ఆనంద్, గౌతమ్ కార్తీక్, తాప్సీ, ప్రియా ఆనంద్, ఎస్‌జె సూర్య, కస్తూరిరాజా, అనిరుధ్, మనోబాల పాల్గొన్నారు.
  


 తండ్రి దర్శకత్వంలో తనయ హీరోయిన్‌గా నటించడం అనేది బాలీవుడ్‌లో జరిగింది గానీ దక్షిణాదిలో ఇంత వరకు జరగలేదు. ముఖ్యంగా కోలీవుడ్‌లో తనయ సౌందర్య దర్శకత్వంలో తండ్రి సూపర్‌స్టార్ రజనీకాంత్ (కోచ్చడయాన్) నటించారు. ఇందుకు భిన్నంగా తాజాగా తండ్రి (అర్జున్) తన కూతురు (ఐశ్వర్య) హీరోయిన్‌గా చిత్రం తెరకెక్కించనున్నారన్నది లేటెస్ట్ న్యూస్. ఐశ్వర్య ఇప్పటికే విశాల్ సరసన మదయానై చిత్రంలో నటించారు. ఆ చిత్రం ఆశించిన విజయం సాధించలేదు.
  
  దీంతో ప్రస్తుతం ఆమె తన తండ్రి హీరోగా నటిస్తున్న స్వీయ దర్శకత్వంలో నిర్మిస్తున్న జైహింద్-2 చిత్ర నిర్మాణ కార్యక్రమాల్లో సహకారం  అందిస్తున్నారు. ఈ మధ్య ఒకటి రెండు వాణిజ్య ప్రకటనల్లో నటించేసిన ఐశ్వర్య త్వరలో తన తండ్రి దర్శకత్వంలో నటించడానికి రెడీ అవుతున్నారు. ఈ సందర్బంగా నటుడు అర్జున్ మాట్లాడుతూ, జై హింద్ -2 చిత్రం నిర్మాణ కార్యక్రమాలు తుది దశకు చేరుకున్నాయన్నారు. చిత్రాన్ని అక్టోబర్‌లో విడుదలకు సన్నాహాలు చేస్తున్నట్లు తెలిపారు. తదుపరి తన కూతరు హీరోయిన్‌గా ఒక చిత్రాన్ని తెరకెక్కించనున్నట్లు చెప్పారు. తన వద్ద రెండు మూడు స్క్రిప్టులు సిద్ధంగా ఉన్నాయని తెలిపారు.
  
  వాటిలో ఒక స్క్రిప్టును ఫైనలైజ్ చేసి తెరకెక్కిస్తానని పేర్కొన్నారు. అవి యూత్‌ఫుల్ లవ్‌స్టోరీగా ఉంటుందని దీనిని 80 శాతం షూటింగ్‌ను విదేశాల్లో చిత్రీకరించనున్నట్లు తెలిపారు. తన కూతురిని డెరైక్ట్ చేయడానికి ఎగ్జైట్‌గా ఎదురు చూస్తున్నానని చెప్పారు. ఈ చిత్రంలో తాను నటించబోనని దర్శక, నిర్మాత బాధ్యతలను మాత్రమే నిర్వహిస్తానని వివరించారు. ఈ చిత్రాన్ని ద్విభాషా చిత్రంగా రూపొందిస్తానని అయితే ఆ రెండో భాష ఏదనేది ఇంకా నిర్ణయించలేదన్నారు. అలాగే అర్జున్ తన తాజా చిత్రం జై హింద్-2 చిత్రం విజయం పై కూడా చాలా ఆశలు పెట్టుకున్నారు.