రిలయన్స్‌ జ్యువెల్స్‌ తన వినియోగదారులకు పండుగ ఆఫర్లను ప్రకటించింది. తెలుగు రాష్ట్రాల్లో త్వరలో ఉగాది, మహారాష్ట్రలో గుడిపడ్వా పర్వదినాన్ని పురస్కరించుకొని బంగారం, వజ్రాభరణాల కొనుగోలుదారుల కోసం ఆకర్షణీయమైన ఆఫర్లను అందిస్తున్నట్లు ప్రకటన విడుదల చేసింది.ఈ ఉత్సవాలను మరింత ప్రత్యేకంగా మార్చేందుకు రిలయన్స్ జ్యువెల్స్ మార్చి 31 వరకు ప్రత్యేక పండుగ సేల్‌ను అందిస్తున్నట్లు తెలిపింది. అందులో భాగంగా కొనుగోలుదారులు బంగారు ఆభరణాల తయారీ ఛార్జీలపై 50% వరకు, వజ్రాభరణాల విలువ, వాటి తయారీ ఛార్జీలపై 35% వరకు తగ్గింపును పొందవచ్చని పేర్కొంది. నిర్దేశించిన తేదీలోపు దేశంలోని రిలయన్స్ జ్యువెల్స్ షోరూమ్‌ల్లో ఈ ఆఫర్‌ అందుబాటులో ఉంటుందని ప్రకటించింది.ఇదీ చదవండి: చైనా ఆర్మీలోకి ‘డీప్‌సీక్‌’!మహారాష్ట్రలో గుడిపడ్వా అనేది పెద్ద పండుగ. ఈ సమయంలో చాలామంది బంగారు ఆభరణాలు కొనుగోలు చేస్తారని కంపెనీ తెలిపింది. వీరికోసం ప్రత్యేక డిజైన్లలో నాథ్ (ముక్కు ఉంగరం), చంద్రకోర్ బిందీ, తుషి నెక్లెస్‌లు.. వంటివి అందిస్తున్నట్లు పేర్కొంది. అదేవిధంగా తెలుగు వారి తొలి పండుగ ఉగాదిని పురస్కరించుకొని గుట్టపూసలు, నెక్లెస్‌లు, లక్ష్మీ నాణెం హరాలు, కాసు మాలలు..వంటివి ప్రత్యేక డిజైన్‌ల్లో రూపొందించినట్లు తెలిపింది.

న్యూఢిల్లీ: కట్‌ చేసిన, సానబట్టిన వజ్రాలను సుంకాల్లేకుండా దిగుమతి చేసుకునేందుకు వీలు కల్పిస్తూ ‘డైమండ్‌ ఇంప్రెస్ట్‌ ఆథరైజేషన్‌ స్కీమ్‌’ను కేంద్ర ప్రభుత్వం ప్రవేశపెట్టింది. ఎగుమతులను పెంచడం, విలువను జోడించడం ఈ పథకం ఉద్దేశ్యాలుగా ఉన్నాయి. ఏప్రిల్‌ 1 నుంచి ఈ పథకం అమల్లోకి రానుంది. వజ్రాల పరిశ్రమ ఎగుమతులు క్షీణత, ఉపాధి నష్టాన్ని ఎదుర్కొంటోందని కేంద్ర వాణిజ్య శాఖ పేర్కొంది.తాజా పథకం ఈ ధోరణికి చెక్‌పెట్టి పరిశ్రమకు పునరుజ్జీవాన్ని కల్పిస్తుందన్న ఆశాభావాన్ని వ్యక్తం చేసింది. అంతర్జాతీయంగా భారత వజ్రాల పరిశ్రమ పోటీతత్వాన్ని పెంచుతుందని, ఎంఎస్‌ఎంఈలకు తగిన అవకాశాలను కల్పిస్తుందని తెలిపింది. మరిన్ని ఉపాధి అవకాశాలకు మార్గం కల్పిస్తుందని పేర్కొంది. రెండు స్టార్ల ఎగుమతి హోదా కలిగి, ఏడాదిలో 15 మిలియన్‌ డాలర్లు అంతకంటే అధిక విలువ మేర ఎగుమతులు చేస్తున్న సంస్థలు ఈ పథకం కింద ప్రయోజనానికి అర్హులని వెల్లడించింది.ఇదీ చదవండి: భారత్‌ క్రెడిట్‌ రేటింగ్‌కు సవాళ్లు25 క్యారట్‌ (25 సెంట్లు) అంతకంటే తక్కువ ఉన్న సహజ కట్, పాలిష్డ్‌ వజ్రాలను సుంకాల్లేకుండా దిగుమతి చేసుకునేందుకు పథకం అనుమతిస్తుందని స్పష్టం చేసింది. గ్లోబల్‌ ట్రేడ్‌ రీసెర్చ్‌ ఇనీషియేటివ్‌ (జీటీఆర్‌ఐ) అనే స్వతంత్ర సంస్థ గణాంకాల ప్రకారం.. 2021–22లో ముడి వజ్రాల దిగుమతులు 18.5 బిలియన్‌ డాలర్లుగా ఉంటే, 2023–24 నాటికి 14 బిలియన్‌ డాలర్లకు క్షీణించాయి. కట్, పాలిష్డ్‌ వజ్రాల ఎగుమతులు ఇదే కాలంలో 24.4 బిలియన్‌ డాలర్ల నుంచి 13.1 బిలియన్‌ డాలర్లకు తగ్గిపోవడం గమనార్హం.

ప్రముఖ ఆభరణాల బ్రాండ్‌లలో ఒకటైన రిలయన్స్ జ్యువెల్స్, వార్షిక ‘డ్రీమ్ డైమండ్ సేల్‌’ను మళ్లీ తీసుకొచ్చింది. ఈ సేల్‌ ఫిబ్రవరి 16 వరకు అందుబాటులో ఉంటుందని రిలయన్స్ జ్యువెల్స్ ఒక ప్రకటనలో తెలిపింది. స్టైల్‌కి, సందర్భానికి త గినట్టుగా డైమండ్‌ ఆభరణాలను తీసుకొచ్చినట్టు వెల్లడించింది.ఈ ప్రత్యేకమైన ఆఫర్ కస్టమర్‌లకు డైమండ్ విలువ మరియు మేకింగ్ ఛార్జీలపై 30శాతం వరకు తగ్గింపును అందిస్తోంది. వివిధ వజ్రాభరణాలతో, ఈ సంవత్సరం డ్రీమ్ డైమండ్ సేల్ కొనుగోలుదారుల జీవితాల్లోని ప్రతీ సందర్బంలో విలువైన క్షణాలను అందిస్తుందని కంపెనీ తెలిపింది. ఇందులో స్టేట్‌మెంట్ బ్రైడల్ సెట్స్‌, ఉంగరాలు, చెవిపోగులు, బ్యాంగిల్స్ , గ్రాండ్ నెక్లెస్‌ల ఉంటాయని రిలయన్స్ జ్యువెల్స్ సీఈఓ సునీల్ నాయక్ తెలిపారు. దేశవ్యాప్తంగా 180+ స్వతంత్ర షోరూమ్‌లలో డైమండ్‌ కలెక్షన్‌ను దుకాణదారులు పొందవచ్చన్నారు. ఎప్పటికి మన అందాన్నీ ఇనుమడింప చేసే డైమండ్‌ నగలు మెరుపు పోకుండా షైనింగ్‌ ఉండాలంటే ఏం చేయాలి? ఇవిగో టిప్స్‌ మీకోసం!స్నానం చేసేటప్పుడు డైమండ్‌ ఆర్నమెంట్స్‌ను తీయాలి. మైల్డ్‌ సోప్, మైల్డ్‌ షాంపూ అయితే ఫరవాలేదు. కానీ గాఢత ఉన్న సబ్బులు, షాంపూలతో స్నానం చేస్తే వాటిలోని రసాయనాల దుష్ప్రభావం ఆభరణాల మీద పడుతుంది.రోజువారీ ధరించే చెవి దిద్దులు, ఉంగరాలు, లాకెట్, బ్రేస్‌లెట్‌లు ఎక్కువగా సొల్యూషన్‌ బారిన పడుతుంటాయి. వాతావరణంలో సొల్యూషన్‌ కారణంగా ఆభరణాల్లో అమర్చిన డైమండ్‌ మీద మురికి పేరుకుంటుంది. జిడ్డుగా కూడా మారుతుంది. దాంతో డైమండ్‌ మెరుపు తగ్గుతుంది. వేడి నీటిలో లిక్విడ్‌ సోప్‌ నాలుగు చుక్కలు కలిపి అందులో ఆభరణాన్ని పది నిమిషాల సేపు నానపెట్టి ఆ తర్వాత మెత్తటి బ్రష్‌తో సున్నితంగా రుద్దాలి. సబ్బు అవశేషాలు ఆభరణం మీద మిగలకుండా శుభ్రమైన నీటిలో ముంచి కడగాలి. నీటిలో నుంచి తీసి మెత్తని నూలు వస్త్రం మీద పెట్టి మెల్లగా అద్దినట్లు తుడవాలి. బేకింగ్‌ సోడా మంచి క్లీనింగ్‌ ఎలిమెంట్‌. కానీ తక్కువ క్వాలిటీ డైమండ్‌ ఆభరణాలను శుభ్రం చేయడానికి బేకింగ్‌ సోడా వాడకూడదు. పైన చెప్పుకున్నవి కట్‌ డైమండ్స్‌ విషయంలో తీసుకోవాల్సిన జాగ్రత్తలు. అన్‌కట్‌ డైమండ్స్‌ విషయంలో మరింత జాగ్రత్తగా ఉండాలి. ఆభరణం తయారీలో అన్‌కట్‌ డైమండ్‌ వెనుక సిల్వర్‌ ఫాయిల్‌ అమరుస్తారు. వెండి వస్తువులు గాలి తగిలితే నల్లబడినట్లే అన్‌కట్‌ డైమండ్‌ ఆర్నమెంట్స్‌ కూడా అంచులు నల్లబడతాయి. వాటిని గాలి దూరని బాక్సులో భద్రపరచాలి.ఇటీవల వేడుకల్లో ఎయిర్‌కూలర్‌లో పెర్‌ఫ్యూమ్‌ కలుపుతున్నారు. వాటి ప్రభావంతో కూడా అన్‌కట్‌ డైమండ్‌ ఆర్నమెంట్స్‌ నల్లబడే ప్రమాదముంది. అన్‌కట్‌ డైమండ్‌ ఆర్నమెంట్‌ మెరుపు విషయంలో ఇంట్లో ఏ ప్రయత్నమూ చేయకూడదు. అవి చాలా డెలికేట్‌గా ఉంటాయి కాబట్టి ఆభరణాల తయారీ దారులతో పాలిష్‌ చేయించుకోవాలి.ఆభరణాలు పెట్టే ప్లాస్టిక్‌ బాక్సులకు ముఖమల్‌ క్లాత్‌ని గమ్‌తో అతికిస్తారు. డైమండ్‌ ఆర్నమెంట్స్‌ను బీరువాలో భద్రపరిచేటప్పుడు ఈ గమ్‌ బాక్సుల్లో పెట్టకూడదు. ఇంటికి తెచ్చుకున్న తర్వాత ఆ బాక్సు నుంచి తీసి మెత్తని తెల్లని క్లాత్‌ మీద అమర్చి భద్రపరుచుకోవాలి.

రత్నాభరణాల పరిశ్రమలో ఉత్పత్తవుతున్న వస్తువులపై జీఎస్టీని తగ్గించాలని ఇండియా జెమ్ అండ్ జ్యువెలరీ డొమెస్టిక్ కౌన్సిల్ (GJC) ప్రభుత్వాన్ని కోరింది. జీఎస్టీకి సంబంధించి రాబోయే బడ్జెట్‌లో తీసుకోబోయే నిర్ణయాలపై వివిధ విభాగాల నుంచి ప్రభుత్వం వినతులు కోరింది. అందులో భాగంగా జీజేసీ రత్నాభరణాల ఉత్పత్తిపై జీఎస్టీని తగ్గించాలని తెలిపింది.ఈ సందర్భంగా జీజేసీ ఛైర్మన్ రాజేశ్ రోక్డే మాట్లాడుతూ..‘జెమ్స్ అండ్ జువెలరీ రంగం ఉత్పత్తి చేస్తున్న వస్తువులపై జీఎస్టీ(GST)ని 1 శాతానికి తగ్గించాలని ప్రభుత్వాన్ని కోరాం. ప్రస్తుతం అది 3 శాతంగా ఉంది. జీఎస్టీని తగ్గిస్తే వినియోగదారులపై వ్యయ భారం తగ్గుతుంది. రాబోయే బడ్జెట్లో వ్యాపారాలకు, తయారీ రంగానికి ఊతమిచ్చేలా పన్నుల హేతుబద్ధీకరణ ఉండాలని తెలియజేశాం. వరుసగా పెరుగుతున్న బంగారం రేట్లకు అనుగుణంగా ప్రస్తుత జీఎస్టీ రేటు అంతకంతకూ పెరుగుతోంది. ఇది పరిశ్రమకు, అంతిమ వినియోగదారులకు భారంగా మారుతోంది. సహజ వజ్రాలు, ల్యాబ్‌లో తయారు చేసే వజ్రాలకు మధ్య తేడా గుర్తించేలా పకడ్బందీ విధానాలు ఉండాలి. ప్రస్తుతం సహజ వజ్రాలు(Natural diamonds), ప్రయోగశాలలో తయారు చేసే వజ్రాలపై ఒకే జీఎస్టీ రేటు ఉంది. ల్యాబ్‌లో తయారు చేసే వజ్రాలపై జీఎస్టీ తగ్గించాలి’ అన్నారు.ఇదీ చదవండి: అమెజాన్‌ తొలి రాకెట్‌ ప్రయోగం.. స్పేస్‌ఎక్స్‌కు ముప్పు?ఆభరణాల కొనుగోలుపై ఈఎంఐజ్యువెలరీ పరిశ్రమకు ప్రత్యేక మంత్రిత్వ శాఖ కావాలని, రాష్ట్రాల వారీగా స్పెషల్‌ నోడళ్లను ఏర్పాటు చేయాలని జీజేసీ ప్రభుత్వాన్ని కోరింది. ఆభరణాల కొనుగోలుపై ఈఎంఐను పరిగణనలోకి తీసుకోవాలని ప్రభుత్వాన్ని ఎప్పటినుంచో కోరుతున్నట్లు జీజేసీ తెలిపింది. వచ్చే సమావేశాల్లో ఈమేరకు నిర్ణయం తీసుకోవాలని పేర్కొంది. పన్ను రేటు తగ్గింపు వల్ల గ్రామీణ ప్రాంతాల్లో అధికారిక కొనుగోళ్లు పెరుగుతాయని జీజేసీ వైస్ ఛైర్మన్ అవినాష్ గుప్తా అన్నారు. ఆర్థిక వ్యవస్థలో నిరుపయోగంగా ఉన్న గృహ బంగారాన్ని వెలికితీసే కొత్త విధానాలు ప్రవేశపెట్టాలని తెలిపారు.

ఆభరణాల్లో ల్యాబ్‌ గ్రోన్‌ డైమండ్స్‌ హవా మొదలైంది. ఆభరణాల్లో పొదగడం మొదలైన తర్వాత వీటి గురించి తెలుస్తోంది. కానీ నిజానికి ల్యాబ్‌ గ్రోన్‌ డైమండ్స్‌ తయారీ 1950లలోనే మొదలైంది. అప్పట్లో పారిశ్రామిక అవసరాలకు, డెంటల్‌ ట్రీట్‌మెంట్, ఎయిర్‌΄ోర్ట్‌ రన్‌వేలలో ఉపయోగించేవారు. వజ్రానికి ఉన్న గట్టిదనం దృష్ట్యా వీటిని ఉపయోగించేవారు. అప్పటి వరకు డైమండ్‌ అంటే మనకు తెలిసింది ఆభరణాల్లో వాడే మైన్‌డ్‌ డైమండ్స్‌ గురించి మాత్రమే. ఇవి భూమిలోపలి పొరల్లో కార్బన్, వాయువుల ఒత్తిడితో వేల సంవత్సరాలకు వజ్రం రూపం సంతరించుకున్నాయి. అదే కంపోజిషన్‌లో అదే వాతావరణ పరిస్థితులను లాబొరేటరీలో కల్పించినప్పుడు డైమండ్‌ ఓర్‌ పూర్తిస్థాయి వజ్రంగా రూపొందుతుంది. అంటే భూమి పొరల్లో వందల ఏళ్లకు జరిగే ప్రక్రియ లాబొరేటరీలో కొద్ది వారాల్లో పూర్తవుతుంది. వజ్రాల రాశిలో నుంచి ల్యాబ్‌ డైమండ్‌ని, మైన్‌డ్‌ డైమండ్‌ని వేరు చేయడం సాధ్యం కాని పని. థర్మల్‌ కండక్టివిటీ పెన్‌ టెస్ట్‌ ద్వారా కూడా వర్గీకరించలేం. అడ్వాన్స్‌డ్‌ యూవీ కార్బన్‌ డాటింగ్‌ టెస్ట్‌ ద్వారా వజ్రం వయసును కనుక్కోవడం మాత్రం సాధ్యమవుతుంది. క్లారిటీ వర్గీకరణ, కలర్‌ గ్రేడింగ్, సర్టిఫికేషన్‌లో రెండింటికీ ఒకే ప్రమాణాలు పాటిస్తారు. ఇప్పుడు ల్యాబ్‌ డైమండ్స్‌లో పోల్కీలు కూడా వస్తున్నాయి. సాధారణంగా అయోమయానికి గురి చేసేవి అమెరికన్‌ డైమండ్స్‌ మాత్రమే. ఆ పేరుతో దొరికేవి సీజెడ్స్‌. అంటే క్యూబిక్‌ జెరకాన్స్‌. సాంకేతిక నామం సీజెడ్స్‌ అయితే వాటిని మార్కెట్‌లోకి తెచ్చిన బ్రాండ్‌ పేరు అమెరికన్‌ డైమండ్స్‌. ఇప్పుడు లభిస్తున్న మోజనైట్స్‌ కూడా దాదాపు అలాంటివే. వాటిని సిమిలెంట్స్, సింథటిక్స్‌ పేర్లతో వ్యవహరిస్తారు. ధరించడం, భద్రపరచడం విషయంలో ల్యాబ్‌ డైమండ్స్‌ పొదిగిన ఆభరణాలకు కూడా మైన్‌డ్‌ డైమండ్స్‌ ఆభరణాలకు పాటించిన నియమాలే వర్తిస్తాయి. ఇవన్నీ తెలిసిన తర్వాత వచ్చే ప్రధానమైన సందేహం రీసేల్‌ వాల్యూ గురించి. ల్యాబ్‌ డైమండ్స్‌కి కూడా నూటికి నూరుశాతం ఎక్సేంజ్‌ వాల్యూ, 80 శాతం రీసేల్‌ వాల్యూ ఉంటుంది.– విశేషిణి రెడ్డి, జీఐఏ జెమ్మాలజిస్ట్‌

ఆభరణం చాలా రోజులు బీరువాలో ఉంచితే కొద్దిగా మసకబారినట్లు అనిపిస్తుంది. ఆభరణం ధగధగలాడాలంటే ధరించే ముందు ఏ జాగ్రత్తలు తీసుకోవాలి, ధరించిన తర్వాత తిరిగి భద్రపరిచేటప్పుడు ఎటువంటి చిట్కాలు పాటించాలో తెలుసుకుందాం. 👉ఆభరణాన్ని (బంగారు ఆభరణం, వజ్రాల ఆభరణం ఏదైనా) ధరించే ముందు వెల్వెట్‌ క్లాత్‌ లేదా మెత్తని నూలు వస్త్రంతో సున్నితంగా తుడవాలి. 👉దుమ్ము పట్టేసినట్లనిపిస్తే వేడి నీటితో శుభ్రం చేయాలి. ఇది చాలా అరుదుగా మాత్రమే చేయాలి. ఓపెన్‌ సెట్టింగ్‌ వజ్రాల ఆభరణాన్ని వేడి నీటిలో ఒకసారి ముంచి తీసి వెంటనే టిష్యూ పేపర్‌తో తేమ వదిలే వరకు సున్నితంగా తుడవాలి. ఇది ఇతర రంగు రాళ్లేవే లేకుండా అన్నీ వజ్రాలే ఉన్న ఆభరణానికి మాత్రమే వర్తిస్తుంది. ఇతర రాళ్లు పొదిగిన ఆభరణాలను వేడి నీటిలో ముంచరాదు. 👉క్లోజ్‌డ్‌ సెట్టింగ్‌ వజ్రాల ఆభరణాన్ని నీటిలో ముంచకూడదు. నీటిలో ముంచినట్లయితే కొంతనీరు వజ్రానికి బంగారానికి మధ్యలో చేరుతుంది. ఆ నీటిని తొలగించడం కష్టం. మరీ ఎక్కువగా నీరు పట్టినప్పుడు వజ్రాన్ని తీసి మళ్లీ చేయించుకోవడమే మార్గం. కాబట్టి క్లోజ్‌డ్‌ సెట్టింగ్‌ వజ్రాల ఆభరణం మీద పట్టిన దుమ్మును వదిలించాలంటే టిష్యూ పేపర్‌ లేదా వెల్వెట్‌ క్లాత్‌తో తుడవాలి. అంతేకాదు, ఆభరణాలను తరచూ నీటితో శుభ్రం చేస్తుంటే బంగారం కరిగిపోతుంది. 👉ఏ ఆభరణాన్నయినా (పూర్తి బంగారు ఆభరణాలు, రాళ్లు పొదిగిన ఆభరణాలు, వజ్రాల ఆభరణాలు) తెల్లటి ప్లాస్టిక్‌ బాక్సుల్లోనే పెట్టాలి. 👉 వెల్వెట్‌ క్లాత్‌కి రంగును వదిలే స్వభావం ఉంటుంది. దీర్ఘకాలం వెల్వెట్‌ క్లాత్‌ మధ్య ఉంచితే వెల్వెట్‌ క్లాత్‌ రంగు ప్రభావం ఆభరణం మీద పడుతుంది. 👉వజ్రాల ఆభరణాలు ఒక బాక్సులో ఒక్కటి మాత్రమే ఉండాలి. వజ్రం గట్టిగా ఉంటుంది. కోసే గుణం కూడా ఉంటుంది. కాబట్టి ఒక స్టోన్‌ కారణంగా మరొక స్టోన్‌ కోతకు గురయ్యే ప్రమాదం ఉంటుంది.

సూరత్ అంటే ముందుగా అందరికి గుర్తొచ్చేది వజ్రాలే. ప్రపంచంలోని 90 శాతం వజ్రాలను సూరత్‌లోనే ప్రాసెస్ చేస్తారు. దీనికోసం ఇక్కడ ఏకంగా 5000 కంటే ఎక్కువ ప్రాసెస్ యూనిట్స్ ఉన్నాయి. ఇందులో సుమారు ఎనిమిది లక్షల మందికిపైగా పాలిషర్స్ ఉపాధి పొందుతున్నారు. అయితే గత కొన్నేళ్లుగా సూరత్‌లో వజ్రాల వ్యాపారం తీవ్రంగా దెబ్బతింది.వజ్రాల వ్యాపారం దెబ్బతినడానికి కారణం▸ఉక్రెయిన్, రష్యా యుద్ధం తరువాత యూరోపియన్ యూనియన్ దేశాలు, జీ7 దేశాలు దిగుమతులను నిషేధించడం. ▸కరోనా మహమ్మారి తరువాత విధించిన లాక్‌డౌన్ వల్ల ఎగుమతులు మందగించడం.▸పాశ్చాత్య దేశాల నుంచి డిమాండ్ తగ్గిపోవడం, ఆర్ధిక వ్యవస్థలు మందగించడం.▸ల్యాబ్‌లో తాయారు చేసిన వజ్రాలకు డిమాండ్ విపరీతంగా పెరిగిపోవడం. ఎందుకంటే సహజమైన వజ్రాల కంటే ల్యాబ్‌లో తయారైన వజ్రాల ధరలు కొంత తక్కువగానే ఉంటాయి. ఇది డైమండ్ మార్కెట్ మీద ప్రభావం చూపిస్తుంది.కటింగ్, పాలిషింగ్ వంటి వాటికోసం 30 శాతం రఫ్ డైమండ్లను భారత్.. రష్యా నుంచి దిగుమతి చేసుకునేది. అయితే కరోనా, ఇతర కారణాల వల్ల చాలా దేశాలు ఆంక్షలు విధించాయి. దీంతో వజ్రాల వ్యాపారం మందగించిందని ఇండియన్ డైమండ్ ఇన్‌స్టిట్యూట్ ప్రెసిడెంట్ దినేష్ నవాడియా పేర్కొన్నారు.ఆర్థిక మాంద్యం కారణంగా సుమారు వెయ్యి పాలిషింగ్ యూనిట్స్ మూతపడ్డాయి. దీంతో సుమారు రెండు లక్షలమంది ఉపాధి కోల్పోయారు. ఉపాధి కోల్పోవడంతో గత 16 నెలల్లో సుమారు 65 మంది ఆత్మహత్య చేసుకున్నట్లు, డైమండ్ పాలిషర్‌లకు ప్రాతినిధ్యం వహిస్తున్న స్టేట్ డైమండ్ వర్కర్స్ యూనియన్ నేతలు పేర్కొన్నారు. ఉద్యోగాలు కోల్పోయిన తరువాత.. ఆర్థిక ఇబ్బందులను ఎదుర్కోలేక, కుటుంబాలను పోషించలేకే ఈ ఆత్మహత్యలు చేసుకుంటున్నట్లు వెల్లడించారు.ఇదీ చదవండి: అంబానీ చెప్పిన మూడు విషయాలు ఇవే..బంగారం, వజ్రాల వ్యాపారం దేశ ఆర్ధిక వ్యవస్థ పెరగడానికి దోహదపడుతోంది. 2022లో ఈ వ్యాపారం దేశ జీడీపీ దాదాపు ఏడు శాతం దోహదపడింది. అయితే 2024 ఆర్ధిక సంవత్సరంలో రత్నాలు, ఆభరణాల ఎగుమతులు గణనీయంగా తగ్గాయి. ఈ ఎగుమతుల విలువ 1.87 లక్షల కోట్లు.

సూరత్‌: రతన్ టాటా తన 86వ ఏట ముంబైలోని బ్రీచ్ క్యాండీ హాస్పిటల్‌లో తుది శ్వాస విడిచారు. ఆయనకు భారతరత్న ఇవ్వాలని పలువురు డిమాండ్ చేస్తున్నారు. మన దేశానికి అమూల్యమైన రత్నం మాదిరిగా నిలిచిన రతన్‌ టాటాకు గుజరాత్‌లోని సూరత్‌కు చెందిన ఒక వ్యాపారి వజ్రాలతో రతన్‌ టాటాకు నివాళులు అ‍ర్పించారు.ఉ‍న్నత వ్యక్తిత్వం కలిగిన రతన్ టాటాను దేశంలోని ఏ ఒక్కరూ మరచిపోలేరు. సూరత్‌కు చెందిన వజ్రాల వ్యాపారి విపుల్‌భాయ్ 11 వేల అమెరికన్ వజ్రాలతో రతన్ టాటా చిత్రాన్ని రూపొందించారు. ఈ చిత్రం రూపకల్పనకు సంబంధించిన వీడియో సోషల్ మీడియాలో వైరల్‌గా మారింది. స్వతహాగా కళాకారుడైన విపుల్‌.. రతన్‌ టాటా చిత్రాన్ని తీర్చిదిద్దేందుకు అమెరికన్‌ డైమండ్స్‌ వినియోగించారు. ఈ వైరల్ వీడియో సోషల్ మీడియాలోని వివిధ ప్లాట్‌ఫారమ్‌లలో పలువురు షేర్‌ చేస్తున్నారు. सूरत में एक व्यापारी ने 11000 अमेरिकन डायमंड की मदद से बनाया रतन टाटा जी का डायमंड पोट्रेट💎 pic.twitter.com/2Q8QMJJfwy— ज़िन्दगी गुलज़ार है ! (@Gulzar_sahab) October 12, 2024ఇది కూడా చదవండి: డెంగ్యూకు టీకా.. బీహార్‌లో తుది ట్రయల్స్‌

సాక్షి, హైదరాబాద్‌: ‘అసలు సిసలైన వజ్రం కావాలంటే గోల్కొండ గనుల్లోనే దొరకాలి’ఇది ఒకప్పుడు ప్రపంచం మాట. కృష్ణానది పరీవాహక ప్రాంతంలో విస్తరించిన గోల్కొండ గనుల్లో లభించే వజ్రాలకు ఉన్న డిమాండ్‌ అంతా ఇంతా కాదు. వజ్రం అనగానే గుర్తుకొచ్చే ‘కోహినూర్‌’ఇక్కడ దొరికిందే. ఇప్పుడు మరోసారి గోల్కొండ వజ్రాల అంశం తెరపైకి వచ్చింది. బ్రిటిష్‌ రాజకుటుంబం నగల కలెక్షన్లలో భాగంగా ఉన్న 18వ శతాబ్దం నాటి అరుదైన నెక్లెస్‌ నవంబర్‌లో వేలానికి వస్తోంది.వేలం నిర్వహణలో ఖ్యాతిగాంచిన సోథెబైస్‌ జెనీవాలో దీనిని వేలం వేస్తోంది. మూడు వరుసలతో ఉన్న ఈ నెక్లెస్‌లో దాదాపు 500 వజ్రాలున్నాయి. అవి ప్రఖ్యాత గోల్కొండ గనుల నుంచి సేకరించినవే అయ్యి ఉంటాయంటూ తాజాగా వేలం నిర్వహణ సంస్థ సోథేబైస్‌ ప్రకటించింది. ఈ నెక్లెస్‌కు వేలంలో 2.8 మిలియన్‌ డాలర్ల గరిష్ట ధర పలుకుతుందని వేలం సంస్థ అంచనా వేస్తోంది. గోల్కొండ వజ్రాల స్వచ్ఛత ఆధారంగా వాటికి వేలం పాటల్లో అధికంగా ధరలు పలుకుతాయి. దీంతో ఇప్పు డు మరోసారి గోల్కొండ వజ్రాలు చర్చనీయాంశంగా మారాయి. ఇప్పటికీ ప్రపంచవ్యాప్తంగా గోల్కొండ వజ్రాలు ప్రజలను విపరీతంగా అకట్టుకుంటున్నాయి.కోహినూర్‌తో..గోల్కొండ వజ్రాలకు అంతగా ఖ్యాతి రావటానికి కోహినూర్‌ వజ్రం ప్రధాన భూమిక పోషించింది. ప్రపంచం మొత్తానికి రెండున్నర రోజుల పాటు భోజన ఏర్పాట్లు చేసినందుకు ఎంత ఖర్చవుతుందో కోహినూర్‌ వజ్రం విలువ అంత ఉంటుందని మొఘల్‌ చక్రవర్తులు వ్యాఖ్యానించారట. గత పదేళ్లలో కొల్లాపూర్, నారాయణపేటలో జీఎస్‌ఐకి ముడి వజ్రాలుండే కింబర్‌లైట్‌ డైక్స్‌ లభించాయి. ఈ ప్రాంతాల్లో వజ్రాలుంటాయనటానికి ఇది ఓ ఆధారం. మూసీ పరీవాహకంలో కూడా వజ్రాలు భూగర్భంలో ఉన్నాయని కొందరు నిపుణులు పేర్కొంటున్నారు. బ్రిటిష్‌ పాలన కాలంలో గుంతకల్‌ సమీపంలోని వజ్రకరూరులో భారీ వజ్రాల గని తవ్వారు. ఇప్పటికీ అక్కడ 90 మీటర్ల లోతుతో భారీ గుంత నీటితో నిండి ఉంటుంది. » కుతుబ్‌షాహీల కాలంలో వజ్రాల వ్యాపారం ముమ్మరంగా సాగింది. విస్తారంగా గనులు తవ్వి వజ్రాలు వెలికితీశారు. దాదాపు లక్ష మంది కార్మికులు ఈ గనుల్లో పనిచేసేవారట. » ఈ గనులు స్థానిక సుబేదారుల అధ్వర్యంలో రోజువారీగా లీజుకు తీసుకొని హైదరాబాద్‌లోని వ్యాపారులు వజ్రాలు వెలికి తీసేవారు. ఒక క్యారెట్‌ కంటే ఎక్కువ బరువు తూగే వజ్రం లభిస్తే రాజుకు చెందుతుంది అన్న విధానం అమలులో ఉండేది. అలా కుతుబ్‌షాహీలు చాలా విలువైన, పెద్ద సైజు వజ్రాలు సొంతం చేసుకున్నారు. » గోల్కొండ వజ్రాల్లో నైట్రోజన్, బోరాన్‌ ఉండదు. ఈ కారణంగా వజ్రం అధిక కాంతివంతంగా ఉంటుంది. » కోహినూర్‌ తర్వాత అతిపెద్ద వజ్రం నిజాం జాకబ్‌ వజ్రమే. ఇది 420 క్యారెట్‌ బరువు ఉండేది. » గోల్కొండ గనుల నుంచి 12 మిలియన్‌ క్యారెట్ల వజ్రాలు తవ్వారని బ్రిటిష్‌ కాలంలో నిపుణులు అంచనా వేశారు. ఇప్పటికీ గోల్కొండ గనుల ప్రాంతంలో చిన్నసైజు వజ్రాలు లభిస్తూనే ఉన్నాయి. » గోల్కొండ డైమండ్స్‌ అన్నీ ఇప్పుడు యూరోపియన్‌ రాజకుటుంబాల సేకరణలో భాగంగా ఉన్నాయి. వాటిలో కొన్ని ఇరాన్‌ ట్రెజరీలో ఉన్నాయి. ఒకటి రెండు నైజాం కలెక్షన్లలో ఉన్నాయిటైప్‌ టూ ఏ కేటగిరీ..» అసలైన వజ్రం స్వచ్ఛతకు మారుపేరుగా ఉంటుందని, ‘గోల్కొండ వజ్రాలు కన్నీళ్లంత స్వచ్ఛమైనవి’అని నిపుణులు చెబుతారు. వజ్రాల వ్యాపారంలో టైప్‌ టూ ఏ కేటగిరీని అత్యంత అరుదైన, స్వచ్ఛమైనదిగా భావిస్తారు. అందుకే గోల్కొండ వజ్రాలను ఆ కేటగిరీకి చెందినవిగా పేర్కొంటారు. కాకతీయుల కాలంలో గోల్కొండ వజ్రాలను వెలికితీయటం ప్రారంభించారు. ప్రస్తుతం కర్ణాటకలోకి రాయచూరు నుంచి ఉమ్మడి కృష్ణా జిల్లా నందిగామ వరకు ఉన్న ప్రాంతాన్ని గోల్కొండ గనులుగా పరిగణిస్తారు. కృష్ణానది పరీవాహక ప్రాంతంలో విస్తారంగా వజ్రాలు లభించేవి. ఈ వజ్రాలు అధికంగా ఉన్న ప్రాంతాలను తన పరిధిలో ఉంచుకునేందుకు నిజాం తహతహలాడేవాడు. ప్రస్తుతం ఆంధ్రప్రదేశ్‌లోని భూభాగాన్ని అప్పట్లో నిజాం ఆంగ్లేయుల పరం చేశాడు. ఆ సమయంలో ప్రస్తుతం ఆంధ్రాప్రాంతంలో ఉన్న పరిటాల ప్రాంతాన్ని నిజాం తన పరిధిలోకి వచ్చేలా చేసుకున్నాడు. అక్కడ వజ్రాలు అధికంగా లభిస్తుండటమే దీనికి కారణం. ప్రస్తుతం తెలంగాణలో భాగంగా ఉన్న మునగాలను నిజాం సర్కారు బ్రిటిష్‌ పరిధిలోకి మార్చింది. రాష్ట్రాల పునరి్వభజన సమయంలో భౌగోళికంగా ఈ తీరు సరిగ్గా లేకపోవటంతో పరిటాలను ఆంధ్రప్రదేశ్‌కు, మునగాలను తెలంగాణకు కేటాయించారు. ఇప్పటి వరకు వేలంలో అత్యధిక ధరకు అమ్ముడైన మూడు ప్రధాన వజ్రాలు 2008: విట్టెల్స్‌బాచ్‌ డైమండ్‌ - 23.7 మిలియన్‌ డాలర్లు 1995: ఓర్లోవ్‌ డైమండ్‌ - 20.7 మిలియన్‌ డాలర్లకు 1995: జాకబ్‌ డైమండ్‌ - 13.4 మిలియన్‌ డాలర్లుప్రధాన గోల్కొండ వజ్రాల నమూనాలుప్రజలు సందర్శించేందుకు వీలుగా కొన్ని ప్రధాన గోల్కొండ వజ్రాలకు నమూనాలు రూపొందించారు. » లండన్‌ నేచురల్‌ హిస్టరీ మ్యూజియంలో కోహినూర్‌ నకలు వజ్రం ఉంది » మాస్కోలోని క్రెమ్లిన్‌ ఆర్మరీలో ఓర్లోవ్‌ డైమండ్‌ నమూనా ఉంది » టెహరాన్స్‌ నేషనల్‌ మ్యూజియంలో దరియా–ఇ–నూర్‌ వజ్రం నమూనా ఏర్పాటు చేశారు.

సాక్షి, కర్నూలు: జిల్లాలో భారీ వర్షాలు పడటంతో వజ్రాల వేట మళ్లీ మొదలైంది. తుగ్గలి మండలం జొన్నగిరిలో వజ్రాలు బయటపడుతున్నాయి. పొలం పనులకు వెళ్లిన రైతుకు వజ్రం దొరికింది. 12 లక్షల రూపాయల నగదు, 5 తులాల బంగారం ఇచ్చి ఓ వజ్రాల వ్యాపారి కొనుగోలు చేశారు. కొందరు వ్యాపారులు ఏజెంట్లను నియమించుకొని ప్రతి ఏటా కోట్లాది రూపాయల్ని సంపాదిస్తున్నారు. రైతులు, కూలీలకు దొరికే వజ్రాలను తక్కువ ధరకు కొనుగోలు చేసి.. వారు ఎక్కువ ధరకు విక్రయిస్తున్నారన సమాచారం.సరిహద్దుల్లో వజ్రాల నిక్షేపాలు..కాగా, కర్నూలు, అనంతపురం జిల్లాల సరిహద్దుల్లో వజ్రాల నిక్షేపాలు ఉన్నాయనే విషయాన్ని జియలాజికల్‌ సర్వే ఆఫ్‌ ఇండియా (జీఎస్‌ఐ) గుర్తించింది. కర్నూలు జిల్లా తుగ్గలి, మద్దికెర మండలాల్లోని తుగ్గలి, జొన్నగిరి, పగిడిరాయి, కొత్తపల్లి, పెరవలి, అగ్రహారం, హంప, యడవలి, మద్దికెరతోపాటు అనంతపురం జిల్లా వజ్రకరూరు మండలంలోని గంజికుంట, తట్రకల్లు, రాగులపాడు, పొట్టిపాడు, కమలపాడు, గూళపాళ్యం, ఎన్‌ఎంపీ తండా గ్రామాల్లో తరచూ వజ్రాలు లభ్యమవుతున్నాయి. ఈ ప్రాంతంలోని భూమి పొరల్లో కింబర్‌లైట్‌ పైప్‌లైన్‌ ఉందని గనులు భూగర్భ శాఖ నిర్ధారించింది.వజ్రాలు ఎలా లభ్యమవుతాయంటే..మన దేశంలో డైమండ్‌ మైనింగ్‌ మధ్యప్రదేశ్‌లోని పన్నాలో ఉంది. అక్కడ భూమిలోని రాళ్లను తవ్వితీసి వజ్రాల తయారీ ప్రక్రియ చేపడతారు. వజ్రకరూర్, తుగ్గలి, జొన్నగిరి ప్రాంతాల్లోని భూగర్భంలో 150 మీటర్ల లోతున వజ్రాలు ఉంటాయి. భూమిలో వాతావరణ మార్పులు జరిగినప్పుడు అవి బయటకు వస్తాయి. ఆ తర్వాత వెదరింగ్‌ (వికోశీకరణ) వల్ల అంటే ఎండకు ఎండి, వర్షానికి తడిసి పగిలిపోతాయి. వర్షాలు, వరదలు వచ్చినపుడు ఆ రాళ్ల ముక్కలు పొలాల్లో అక్కడక్కడా దొరుకుతుంటాయి. వాగులు, వంకల ద్వారా కూడా వజ్రాలు నీటిలో కొట్టుకుని ఇతర ప్రాంతాలకు చేరతాయి. అలా చెల్లాచెదురైన వజ్రాలే ఇప్పుడు కర్నూలు, అనంతపురం జిల్లాల్లో లభిస్తున్నాయి.

గబొరోన్‌(బొట్స్‌వానా): ఆఫ్రికా దేశం బొట్స్‌వానా గనిలో అతిపెద్దదిగా భావిస్తున్న వజ్రం లభ్యమైంది. తమ గనుల్లో ఇంతటి భారీ వజ్రం దొరకడం ఇదే మొదటిసారని బొట్స్‌వానా ప్రభుత్వం తెలిపింది. దీని బరువు 2,492 కేరట్లని వివరించింది. కెనడాకు చెందిన లుకారా డైమండ్‌ కార్పొరేషన్‌ ఆధ్వర్యంలో నడిచే కరోవె గనిలో ఈ అరుదైన ముడి వజ్రం లభించింది. ఎక్స్‌రే సాంకేతికతను ఉపయోగించి అధిక నాణ్యతతో, చెక్కు చెదరకుండా ఉన్న ఈ వజ్రాన్ని కనుగొన్నట్లు లుకారా తెలిపింది. ఇంత పెద్ద వజ్రం లభించడం వందేళ్లలో ఇదే మొదటిసారని పేర్కొంది. గతంలో 1905లో దక్షిణాఫ్రికాలోని ఓ గనిలో కల్లినాన్‌ డైమండ్‌ బయటపడింది.3,106 కేరట్లున్న ఆ భారీ వజ్రాన్ని 9 భాగాలు చేశారు. వాటిలో కొన్ని భాగాలను బ్రిటిష్‌ రాజవంశీకుల ఆభరణాల్లో వాడారు. అంతకుపూర్వం, 1800లో బ్రెజిల్‌లో అతిపెద్ద బ్లాక్‌ డైమండ్‌ దొరికింది. అయితే, ఇది భూ ఉపరితలంలోనే లభించింది. ఇది ఉల్కలో భాగం కావొచ్చని నమ్ముతున్నారు. బొట్స్‌వానా ప్రపంచంలోనే రెండో అతిపెద్ద వజ్రాల ఉత్పత్తిదారు. మొత్తం 20 శాతం వరకు వాటా బొట్స్‌వానా గనులదే. ఇటీవలి సంవత్సరాల్లో ఇక్కడి గనుల్లో భారీ వజ్రాలు లభించాయి. 2019లో కరోవె గనిలోనే 1,758 కేరట్ల సెవెలో వజ్రాన్ని తవ్వి తీశారు. దీనిని ఫ్రాన్సుకు చెందిన ప్రఖ్యాత ఫ్యాషన్‌ సంస్థ లూయిస్‌ విట్టన్‌ కొనుగోలు చేసింది. అయితే, ధరను వెల్లడించలేదు. కరోవె గనిలోనే 1,111 కేరట్ల లెసెడి లా రొనా అనే డైమండ్‌ లభ్యమైంది. దీనిని, బ్రిటిష్‌ ఆభరణాల సంస్థ 2017లో 5.30 కోట్ల డాలర్ల(సుమారు రూ.440 కోట్లు)కు దక్కించుకుంది.

దేశ వజ్రాల పరిశ్రమలో సంక్షోభం నెలకొంది. మాంద్యం కారణంగా అంతర్జాతీయ మార్కెట్లలో పాలిష్ చేసిన వజ్రాలకు డిమాండ్ తగ్గింది. దీంతో దని పేర్కొంటూ సూరత్‌కు చెందిన ఒక ప్రముఖ వజ్రాల తయారీ సంస్థ ఏకంగా 50,000 మంది ఉద్యోగులకు 10 రోజులపాటు 'సెలవు' ప్రకటించింది.ప్రపంచంలో అతిపెద్ద సహజ వజ్రాల తయారీదారైన కిరణ్ జెమ్స్ కంపెనీ ఆగస్టు 17 నుంచి 27 వరకు 10 రోజులు 'సెలవు' ప్రకటించింది. "మా 50,000 మంది ఉద్యోగులకు 10 రోజుల సెలవు ప్రకటించాం. దీని కోసం కొంత మొత్తం కోత విధించినప్పటికీ, ఉద్యోగులందరికీ ఈ కాలానికి జీతం చెల్లిస్తాం. మాంద్యం కారణంగా ఈ సెలవులను ప్రకటించవలసి వచ్చింది'' అని కిరణ్ జెమ్స్ చైర్మన్ వల్లభాయ్ లఖానీ వార్తా సంస్థ పీటీఐకి చెప్పారు.ప్రపంచంలోని దాదాపు 90 శాతం వజ్రాలను ప్రాసెస్ చేసే స్థానిక వజ్రాల పరిశ్రమను మాంద్యం దెబ్బతీసిందన్న లఖానీ అభిప్రాయాలతో సూరత్ డైమండ్ అసోసియేషన్ అధ్యక్షుడు జగదీష్ ఖుంట్ ఏకీభవించారు. "కిరణ్ జెమ్స్ ఇలా సెలవు ప్రకటించడం (ఉద్యోగులకు) ఇదే మొదటిసారి. ఇంతవరకు మరే ఇతర సంస్థ కూడా ఇటువంటి చర్య తీసుకోనప్పటికీ, మాంద్యం పాలిష్ చేసిన వజ్రాల అమ్మకాలను తగ్గించింది" అని ఖుంట్ అన్నారు.పాలిష్ చేసిన వజ్రాలు అత్యధికం ఎగుమతి చేస్తున్నందున అంతర్జాతీయ కారకాలు వజ్రాల అమ్మకాన్ని ప్రభావితం చేస్తాయని, రష్యా-ఉక్రెయిన్ యుద్ధం, ఇజ్రాయెల్-పాలస్తీనా ఉద్రిక్తతలను కొన్ని కారకాలుగా ఆయన పేర్కొన్నారు. ఈ కారకాలతో 2022లో దాదాపు రూ. 2,25,000 కోట్లున్న వజ్రాల పరిశ్రమ టర్నోవర్ నేడు రూ. 1,50,000 కోట్లకు తగ్గిందన్నారు. సూరత్‌లో దాదాపు 4,000 డైమండ్ పాలిషింగ్, ప్రాసెసింగ్ యూనిట్లు దాదాపు 10 లక్షల మందికి ప్రత్యక్ష ఉపాధిని కల్పిస్తున్నాయని ఆయన చెప్పారు.

పారిస్ వేదికగా జరుగుతున్న ఒలింపిక్స్‌లో పతకాలు ఎలా ఉన్నా..ఎన్నో స్ఫూర్తిదాయకమైన కథలు, కదిలించే కన్నీటి గాథలు, అద్భుతాలు ఉన్నాయి. వాటి తోపాటు ఓ క్రీడాకారిణి ధరించిన లాకెట్టు నెట్టింట్ హాట్‌టాపిక్‌గా మారింది. నిజానికి బరిలోకి దిగే క్రీడాకారులు ఫ్యాషన్‌ లాకెట్టులు అంతగా ధరించరు. మహా అయితే నెక్‌కు ఉండే తేలికపాటి గొలుసులు ధరస్తారంతే..కానీ ఈ అమెరికన్‌ జిమ్నాస్ట్‌ మాత్రం వెరీ స్పెషల్‌. ఎందుకుంటే తనను ఏ జంతువుతో హేళన చేశారో దాన్నే లాకెట్‌గా డిజైన్‌ చేయించుకుని మరీ ఫ్యాషన్‌కు సరికొత్త పాఠాలు నేర్పింది. 2013 నుంచి ఓటమి ఎరుగని ఆల్‌రౌండ్ ఛాంపియన్. జిమ్నాస్టిక్స్ సరిహద్దులను చెరిపేసిన క్రీడాకారిణి జిమ్నాస్ట్ సిమోన్‌ బైల్స్‌. ఈ 27 ఏళ్ల జిమ్నాస్ట్‌ గురువారం స్వర్ణం గెలుచుకుని, తన కెరీర్‌లో 39వ పతకాన్ని సాధించింది. దీంతో ఆమె రెండోవ ఒలింపిక్స్‌ ఆల్‌ రౌండర్ టైటిల్‌ని, వరుసగా తొమ్మిదొవ ఒలింపిక్‌ పతకాన్ని గెలుచుకున్న జిమ్నాస్ట్‌గా రికార్డు సృష్టించింది. ఈ పారిస్‌ 2024 ఒలింపిక్‌లో రెండో బంగారు పతాకాన్ని గెలుచుకున్న వెంటనే తాను ధరించిన మేక లాకెట్టుతో కెమెరాకు ఫోజులిచ్చింది. అంతేగాదు ఆమె ఈ గెలుపుతో మొత్తం ఆరు ఒలింపిక్‌ బంగారు పతకాలను గెలుచుకున్న జిమ్నాస్ట్‌గా 120 ఏళ్ల రికార్డును బద్దలు కొట్టి చరిత్ర సృష్టించింది. ఆ సందర్భంగా తన లాకెట్టుని ప్రదర్శించింది. "ఇది చిన్న మేక లాకెట్టు కావొచ్చు. కానీ ఈ మేకును అందరూ ఇష్టపడుతారు. అందరూ నన్ను మేక అంటూ పిలిచి హేళన చేశారు. అసలు దాన్నే లాకెట్టుగా చేసుకుని ధరించి ప్రత్యేకంగా ఉండాలనిపించి. అంతేగాదు ద్వేషించేవారు ద్వేషిస్తూనే ఉంటారు. వాళ్లు నన్ను అలా ఆ జంతువు పేరుతో పిలవడాన్ని ప్రత్యేకంగా భావించానే గానీ నెగిటివ్‌గా తీసుకోలేదు. అదీగాక తన వద్ద స్టఫ్డ్‌ మేక కూడా ఉన్నట్లు చెప్పుకొచ్చింది. బహుశా వారు దాన్నే గుర్తు చేస్తున్నారని అనుకున్నా". అంటూ సోషల్‌ మీడియా పోస్ట్‌లో రాసుకొచ్చింది. ఇదిలా ఉండగా, కాలిఫోర్నియా జ్యువెలరీ కంపెనీ బైల్స్‌ అభ్యర్థన మేరకు ఈ మేక లాకెట్టుని తయారు చేసినట్లు తెలిపింది. దీన్ని దాదాపు 546 వజ్రాలతో అలంకరించినట్లు వెల్లడించింది. ఇది త్రిమితీయ కళాఖండం అని, జిమ్నాస్టిక్స్‌లో ఆమె అసామాన ప్రతిభ, ఖచ్చితత్వం, అంకితభావం, పట్టుదల తదితరాలను ఇది ప్రతిబింబిస్తుందని సోషల్‌ మీడియా పోస్ట్‌లో జ్యువెలరీ కంపెనీ పేర్కొంది. (చదవండి: రాజుల కాలం నాటి చీరలకు జీవం పోస్తున్న నందిని సింగ్‌!)

‘వజ్రం ఎప్పటికీ నిలిచి ఉంటుంది. మన ప్రేమ కూడా అలాగే’ అంటూ ఒక ప్రకటనలో ప్రియురాలి వేలికి ఉంగరం తొడుగుతూ ప్రియుడు చెప్పిన డైలాగ్‌ ఒక తరం మహిళలందరినీ కట్టి పడేసింది. ఆ ప్రకటనలో మహిళ ధరించిన వజ్రపుటుంగరం మహిళాలోకం మదిని దోచుకుంది. ‘వజ్రపుటుంగరం, పైగా అంతపెద్ద వజ్రంతో’ అని ఆ ప్రకటన మగవాళ్ల హార్ట్‌బీట్‌ పెంచింది కూడా... అదంతా ఒకప్పుడు. భూగర్భం నుంచి తవ్వి తీస్తే తప్ప వజ్రం దొరకని రోజుల్లో. ఇప్పుడు మ్యాన్‌మేడ్‌ డైమండ్స్‌ నగరంలోని ఆభరణాల మార్కెట్‌ను శాసిస్తున్నాయి. ఎల్‌జీడీ, ఎకో ఫ్రెండ్లీ డైమండ్, మ్యాన్‌మేడ్‌ డైమండ్‌... పిలిచే పేరు ఏదైనా అది వజ్రమే. సిటీ ఆఫ్‌ పెరల్స్‌గా పేరు తెచ్చుకున్న హైదరాబాద్‌ నగరం... ఇప్పుడు మ్యాన్‌మేడ్‌ డైమండ్‌ ఆభరణాల హబ్‌గా మారుతోంది. ఇప్పుడు నగరంలో జరిగే వేడుకల్లో ఎంగేజ్‌మెంట్‌ రింగ్, చెవి దిద్దులు, గాజుల్లోనూ ప్రధానంగా ఈ వజ్రాలే ఉంటున్నాయి. నగరంలో మ్యాన్‌మేడ్‌ వజ్రాల శకం మొదలైంది. ఈ వజ్రాలు హైదరాబాద్‌ ఆభరణాల మార్కెట్‌ని ముంచెత్తబోతున్నాయి.– వాకా మంజులారెడ్డిఇది మేధో వజ్రం..ల్యాబ్‌ గ్రోన్‌ డైమండ్స్‌... హై ప్రెజర్‌ హై టెంపరేచర్‌ (హెచ్‌పీహెచ్‌టీ), కెమికల్‌ వేపర్‌ డిపాజిషన్‌ (సీవీడీ) అనే రెండు ప్రక్రియల్లో తయారవుతాయి. చిన్న ఉదాహరణ ఏమిటంటే... కోడిగుడ్డు నుంచి పిల్ల బయటకు రావడానికి కోడి 21 రోజులు గుడ్డు మీద పొదగడం అనేది ప్రకృతి సహజమైన ప్రక్రియ. కోడి గుడ్లను కరెంటు బల్బు వేడితో పొదిగించడం మనిషి సాంకేతికతతో కనిపెట్టిన ప్రత్యామ్నాయ మార్గం. ఈ ప్రక్రియలో కోడితో పని ఉండదు, కోడి గుడ్డు ఉంటే చాలు. ఇలాంటిదే లాబ్‌లో పెరిగే వజ్రం కూడా. కార్బన్‌ సీడ్‌ ద్వారా లాబ్‌లో వజ్రాన్ని తయారు చేయగలిగిన సాంకేతికత మనిషి సొంతమైంది. సైంటిస్ట్‌లు, జెమ్మాలజిస్ట్‌ల సంయుక్త పర్యవేక్షణలో డైమండ్‌ గ్రోయింగ్‌ గ్రీన్‌హౌస్‌లో ఈ వజ్రాలు తయారవుతాయి. అదే వేడి– అంతే ఒత్తిడికార్బన్‌.. వజ్రంగా మారే ప్రక్రియ అంతా భూగర్భంలోనే జరుగుతుంది. ఇప్పటి వరకూ మనకు తెలిసిన వజ్రం పుట్టుక ఇది. కార్బన్‌ సీడ్‌ని లోహపు పలకం మీద ఉంచి ఐదు వేల డిగ్రీల ఫారన్‌హీట్‌తోపాటు తగినంత ఒత్తిడిని కలిగించడం, మీథేన్‌ వాయువుతో వ్యాక్యూమ్‌ చాంబర్‌లో కెమికల్‌ వేపర్‌ అందించడం ద్వారా పది – పన్నెండు వారాల్లో అచ్చమైన అసలు సిసలైన వజ్రం తయారవుతుంది. భూగర్భం నుంచి తవ్వి తీసిన డైమండ్‌ని మైన్‌డ్‌ డైమండ్‌ అని, డైమండ్‌ గ్రోయింగ్‌ గ్రీన్‌హౌస్‌లో రూపొందిన డైమండ్‌ని మ్యాన్‌మేడ్‌ డైమండ్‌ అని వర్గీకరించవచ్చు. వజ్రం పుట్టుకలో ఉన్న రెండు రకాలివి. వజ్రం చేతికి వచి్చన తర్వాత గ్రేడింగ్, కటింగ్‌ వంటి ప్రక్రియలన్నీ రెండింటిలోనూ ఒకే రకంగా ఉంటాయని చెబుతున్నారు హైదరాబాద్‌కు చెందిన జెమ్మాలజిస్ట్‌ జియా.సామాన్యుల చెంతకు...వజ్రాల పరిశ్రమలు థర్మల్‌ కండక్టివిటీ, కటింగ్‌ టూల్స్, హీట్‌ సింక్స్‌ వంటి తమ పారిశ్రామిక అవసరాలకు కూడా మ్యాన్‌మేడ్‌ డైమండ్స్‌ మీదనే ఆధారపడుతున్నాయి. వజ్రాల పరిశ్రమ కూడా మనుషుల ఆరోగ్యం, ప్రాణాలకు ముప్పు వాటిల్లని నైతికమార్గంలో తయారవుతున్న వజ్రంగా మ్యాన్‌మేడ్‌ డైమండ్‌నే గుర్తిస్తోంది. ఒకప్పుడు సంపన్నులకే పరిమితమైన వజ్రం ఇకపై సామాన్యుల చెంతకు చేరనుంది. హైదరాబాద్‌ నగరవాసుల్లో కొనుగోలు శక్తి పెరిగింది. మ్యాన్‌మేడ్‌ డైమండ్‌ కాంతులు యువకుల వేళ్లను మెరిపిస్తున్నాయి, యువతుల చెవులకు సప్తవర్ణ కాంతులను అద్దుతున్నాయి.ఈకో ఫ్రెండ్లీ..భూగర్భంలో రూపుదిద్దుకున్న వజ్రాన్ని సేకరించే క్రమంలో వెలువడే కర్బన ఉద్గారాలు పర్యావరణానికి హాని కలిగిస్తాయి. గనుల పరిసరాల్లోని వాళ్ల ఆరోగ్యం మీద కూడా దు్రష్పభావాన్ని చూపిస్తాయి. మైనింగ్‌ ప్రక్రియలో పాల్గొనే వ్యక్తుల ప్రాణాలను కూడా ఫణంగా పెట్టాల్సిన పరిస్థితులు ఉంటాయి. వీటన్నింటినీ దృష్టిలో పెట్టుకుని మ్యాన్‌మేడ్‌ డైమండ్స్‌ని ఈకో ఫ్రెండ్లీ డైమండ్స్‌గా వ్యవహరిస్తున్నారు. ప్రకృతి ప్రేమికులు, పర్యావరణ కార్యకర్తలు ఈకో ఫ్రెండ్లీ డైమండ్స్‌నే ప్రోత్సహిస్తున్నారు.ఫోర్‌ సీలే ప్రామాణికం..కట్, క్లారిటీ, కలర్, క్యారట్‌... ఇవి నాలుగూ డైమండ్‌కి ప్రామాణికాలు. ఈ నాలుగు ప్రామాణికతల పట్టిక ల్యాబ్‌ డైమండ్‌లోనూ ఉంటుంది. కాబట్టి పర్యావరణానికి, మనుషుల ఆరోగ్యానికి హాని కలిగించని వజ్రాలకు యూఎస్, యూకేలు ఇప్పటికే అధికారిక ఆమోదాన్నిచ్చాయి. గతేడాది భారత ప్రభుత్వం కూడా తన ఆమోదాన్ని పార్లమెంట్‌ సాక్షిగా ప్రకటించింది. పర్యావరణహితమైన జీవనశైలిని కోరుకునే వాళ్లు ఈ డైమండ్స్‌కే ప్రాధాన్యం ఇస్తారని ఆశాభావం వ్యక్తం చేశారు కేంద్రమంత్రి నిర్మలాసీతారామన్‌. విదేశాల నుంచి దిగుమతులను నిలువరిస్తూ దేశీయ అవసరాలకు తగినంత ఉత్పత్తిని పెంచడం ద్వారా ధరను అందుబాటులోకి తీసుకురావడంతో దేశీయ నిపుణులకు ఉపాధి అవకాశాలు పెరుగుతాయని చెప్పారామె. ఫ్లాలెస్‌ వజ్రాలివి! క్వాలిఫైడ్‌ జెమ్మాలజిస్టుగా నా పాతికేళ్ల అనుభవంలో నేను గుర్తించిదేమిటంటే... ఫ్లాలెస్‌ డైమండ్స్‌ మ్యాన్‌మేడ్‌లోనే వస్తున్నాయి. భూగర్భంలో కార్బన్‌ వజ్రంగా మారే క్రమంలో వజ్రంలో ఇన్‌క్లూజన్స్‌(ధూళి రేణువులు చేరి చుక్కలు, సన్నని గీతలుగా కనిపించడం) ఏర్పడుతుంటాయి. వందలో ఒకటి – రెండు మాత్రమే ఫ్లాలెస్‌ వజ్రాలుంటాయి. మ్యాన్‌మేడ్‌ డైమండ్స్‌లో సగానికి పైగా ఫ్లాలెస్‌ క్వాలిటీతో ఉంటున్నాయి. కార్బన్‌ వజ్రంగా మారడానికి ఏర్పాటు చేసిన గ్రీన్‌హౌస్‌లు స్వచ్ఛమైన వాతావరణాన్ని కలిగి ఉండడం కూడా ఇందుకు కారణం అని చెప్పవచ్చు. ఒకప్పుడు వజ్రం అంటే భూగర్భం నుంచి తవ్వి తీసినది మాత్రమే కావడంతో లభ్యత తక్కువగా ఉండేది. ఇప్పుడు మార్కెట్‌ అవసరాలకు తగినన్ని వజ్రాలు తయారవుతున్నాయి. ధర విషయానికి వస్తే... మైనింగ్‌ ఖర్చులు కలుపుకుని ధర నిర్ణయించాల్సి ఉంటుంది కాబట్టి మైన్‌డ్‌ డైమండ్‌ ధర ఎక్కువగా ఉంటుంది. మైనింగ్‌ ఖర్చులు లేకపోవడంతో మ్యాన్‌మేడ్‌ డైమండ్స్‌ ధర మైన్‌డ్‌ డైమండ్‌తో పోలిస్తే తక్కువగా ఉంటోంది. అదే క్వాలిటీతో ధర తక్కువలో లభిస్తుండడంతో వజ్రాన్ని ధరించాలనే వారి కల సులువుగా నెరవేరుతోంది. – జియా, జెమ్మాలజిస్ట్, హైదరాబాద్‌

బ్రిటీష్ వారితో సహా విదేశీ ఆక్రమణదారులు భారతదేశాన్ని దోచుకోకుండా ఉండి ఉంటే.. ప్రపంచంలోనే సుసంపన్నమైన దేశంగా భారత్ ఖ్యాతి గడించేది. ఎంతోమంది విదేశీయులు భారదేశంలోని రాజుల మీద, దేవాలయాల మీద దాడి చేసి ఎన్నో విలువైన వస్తువులను దోచుకెళ్లారు. ఇలా దోచుకెళ్లిన వాటిలో ఒకటి 'హోప్ డైమండ్' అని పిలువబడే వజ్రం.నిజానికి ఖరీదైన వజ్రం అంటే కోహినూర్ వజ్రమే గుర్తొస్తుంది, హోప్ డైమండ్ అనే మరో ఖరీదైన వజ్రం కూడా ఉందని బహుశా చాలామందికి తెలియకపోవచ్చు. ఇక్కడ చిత్రం ఏమిటంటే.. ఈ వజ్రం ఎవరి దగ్గర ఉంటుందో.. వారంతా అకాల మరణం చెందుతారని ఓ నమ్మకం ఉంది. ఈ కారణంగానే దీన్ని శాపగ్రస్త వజ్రంగా పిలుస్తారు.గుంటూరులోని కొల్లూరు గనుల నుంచి ఈ వజ్రం వెలికితీసినట్లు కొంతమంది, ఇతర వజ్రాలతో పాటు ఆంధ్రప్రదేశ్‌లోని వజ్రకరూర్‌లోని కింబర్‌లైట్ ప్రాంతాల నుంచి తీసి ఉండొచ్చని కొందరు పరిశోధకులు చెబుతున్నారు. మొత్తం మీద ఇది ఆంధ్రప్రదేశ్‌లో దొరికినట్లు స్పష్టమవుతోంది.17వ శతాబ్దంలో ఈ వజ్రం బయటపడినప్పటి నుంచి చాలాసార్లు చేతులు మారినట్లు సమాచారం. మొదట్లో ఈ వజ్రాన్ని ఫ్రెంచ్ రత్నాల వ్యాపారి జీన్-బాప్టిస్ట్ టావెర్నియర్ ఓ ముడి పదార్థంగానే కొనుగోలు చేసారు. ఆ తరువాత రాజ కుటుంబాలు దాన్ని దక్కించుకున్నాయి. ఆ తరువాత ఫ్రాన్స్‌కు చెందిన లూయిస్ XIV, న్యూయార్క్ నగరానికి చెందిన హ్యారీ విన్‌స్టన్ దీన్ని సొంతం చేసుకున్నారు. ఈ తరువాత ఈ వజ్రాన్ని 1958లో వాషింగ్టన్‌లోని స్మిత్‌సోనియన్ ఇన్‌స్టిట్యూషన్‌కు విరాళంగా ఇచ్చేసారు.ఫ్రెంచ్ రత్నాల వ్యాపారి జీన్-బాప్టిస్ట్ టావెర్నియర్ దీన్ని భారతదేశంలోని ఓ హిందూ దేవాలయం నుంచి దొంగలించినట్లు ఓ కథ కూడా ప్రచారంలో ఉంది. దేవాలయంలోని వజ్రం కనుక.. ఆ ఆలయంలో పూజారులు వజ్రం పోయిందని, ఆ వజ్రం తీసుకున్న వ్యక్తులను శపించారు. ఈ కారణంగానే ఇది ఎవరి దగ్గర ఉంటే వారు అకాలమరణం చెందుతున్నారని, చివరకు స్మిత్‌సోనియన్ ఇన్‌స్టిట్యూషన్‌కు విరాళంగా ఇచ్చేసారు.1839లో హెన్రీ ఫిలిప్ హోప్ అనే వ్యక్తి ఈ వజ్రాన్ని మొదట సేకరించడంతో.. దానికి అతనిపేరే పెట్టారు. స్మిత్‌సోనియన్ ఇన్‌స్టిట్యూషన్‌ వారి ప్రకారం.. ఈ వజ్రం 16 తెల్లని వజ్రాల మధ్యలో ఓ లాకెట్టు మాదిరిగా ఉంది. చికాగో డైమండ్ కొనుగోలుదారుల ప్రకారం.. హోప్ డైమండ్ విలువ 350 మిలియన్ డాలర్ల వరకు ఉంటుందని సమాచారం. భారతీయ కరెన్సీ ప్రకారం దీని విలువ రూ. 29,19,52,67,500.

సాక్షి ప్రతినిధి, కర్నూలు: కర్నూలు, అనంతపురం జిల్లాల సరిహద్దుల్లో వజ్రాల నిక్షేపాలు ఉన్నాయనే విషయాన్ని జియలాజికల్‌ సర్వే ఆఫ్‌ ఇండియా (జీఎస్‌ఐ) గుర్తించింది. కర్నూలు జిల్లా తుగ్గలి, మద్దికెర మండలాల్లోని తుగ్గలి, జొన్నగిరి, పగిడిరాయి, కొత్తపల్లి, పెరవలి, అగ్రహారం, హంప, యడవలి, మద్దికెరతోపాటు అనంతపురం జిల్లా వజ్రకరూరు మండలంలోని గంజికుంట, తట్రకల్లు, రాగులపాడు, పొట్టిపాడు, కమలపాడు, గూళపాళ్యం, ఎన్‌ఎంపీ తండా గ్రామాల్లో తరచూ వజ్రాలు లభ్యమవుతున్నాయి. ఈ ప్రాంతంలోని భూమి పొరల్లో కింబర్‌లైట్‌ పైప్‌లైన్‌ ఉందని గనులు భూగర్భ శాఖ నిర్ధారించింది. ఈ నేపథ్యంలోనే తొలకరి జల్లులు కురిసే జూన్‌లో తుగ్గలి, మద్దికెర మండలాల్లో వజ్రాల అన్వేషణ కొన్నేళ్లుగా ముమ్మరంగా సాగుతోంది. ఈ ఏడాది మే మొదటి వారంలోనే వర్షాలు కురిశాయి. ఆ వెంటనే వజ్రాన్వేషణ మొదలైంది. ఈ ప్రాంతంలోని పొలాలన్నీ జనంతోనే నిండిపోయాయి. కర్నూలు, నంద్యాలతో పాటు అనంతపురం, కడప, చిత్తూరు, గుంటూరు, కృష్ణా జిల్లాల నుంచి వజ్రాన్వేషకులు తరలివచ్చారు. ఒక్కొక్కరు వారం, పది, పదిహేను రోజులపాటు ఇక్కడే మకాం వేస్తున్నారు. ఓ వైపు వజ్రాల కోసం జనాలు పొలాల్లో తిరుగుతుంటే.. వజ్రాన్వేషకులు తిరగడం వల్ల పొలం గట్టిబారి వ్యవసాయానికి ఇబ్బందిగా ఉంటోందని రైతులు ఆవేదన వ్యక్తం చేస్తున్నారు. కొందరు రైతులు తమ పొలాల్లోకి ఎవరూ రావొద్దని విజ్ఞప్తి బోర్డులు తగిలిస్తున్నారు.ఇతర దేశాలతో పోలిస్తే నాణ్యమైన వజ్రాలువజ్రాల మైనింగ్‌ కోసం వజ్రకరూర్‌లో వజ్రాల ప్రక్రమణ కేంద్రాన్ని 1969లో ఏర్పాటు చేశారు. వజ్రాన్వేషణపై ఇది పెద్దగా దృష్టి సారించలేదు. ఆ తర్వాత ఓ ఆస్ట్రేలియన్‌ కంపెనీ వచ్చి కొద్దికాలం పాటు సర్వే చేసి తిరిగి వెళ్లింది. ఆఫ్రికాతో పాటు చాలా దేశాలతో పోలిస్తే ఇక్కడి వజ్రాలు చాలా నాణ్యమైనవి, విలువైనవి. అందుకే వీటి వెలికితీతపై ప్రత్యేక దృష్టి సారిస్తే ప్రయోజనకరంగా ఉంటుందని పలువురు కోరుతున్నారు.వజ్రాలు ఎలా లభ్యమవుతాయంటే..మన దేశంలో డైమండ్‌ మైనింగ్‌ మధ్యప్రదేశ్‌లోని పన్నాలో ఉంది. అక్కడ భూమిలోని రాళ్లను తవ్వితీసి వజ్రాల తయారీ ప్రక్రియ చేపడతారు. వజ్రకరూర్, తుగ్గలి, జొన్నగిరి ప్రాంతాల్లోని భూగర్భంలో 150 మీటర్ల లోతున వజ్రాలు ఉంటాయి. భూమిలో వాతావరణ మార్పులు జరిగినప్పుడు అవి బయటకు వస్తాయి. ఆ తర్వాత వెదరింగ్‌ (వికోశీకరణ) వల్ల అంటే ఎండకు ఎండి, వర్షానికి తడిసి పగిలిపోతాయి. వర్షాలు, వరదలు వచ్చినపుడు ఆ రాళ్ల ముక్కలు పొలాల్లో అక్కడక్కడా దొరుకుతుంటాయి. వాగులు, వంకల ద్వారా కూడా వజ్రాలు నీటిలో కొట్టుకుని ఇతర ప్రాంతాలకు చేరతాయి. అలా చెల్లాచెదురైన వజ్రాలే ఇప్పుడు కర్నూలు, అనంతపురం జిల్లాల్లో లభిస్తున్నాయి.‘సీమ’లో ఏజెంట్ల తిష్టవర్షాకాలం వస్తే జనాలు ఎలా తరలివస్తారో.. వజ్రాల వ్యాపారులు కూడా గుత్తి, గుంతకల్లు, జొన్నగిరి, పెరవలిలో మకాం వేసి వజ్రాల కొనుగోలుకు ప్రయత్నిస్తారు. ఇందుకోసం వజ్రాలు లభ్యమయ్యే గ్రామాల్లో ఏజెంట్లను సైతం నియమించుకుంటున్నారు. వజ్రం దొరికిందనే సమాచారం వస్తే ఏజెంట్లు వాలిపోతారు. వజ్రం దొరికిన వారిని వ్యాపారుల వద్దకు తీసుకెళ్లి రేటు కుదురుస్తారు. వజ్రం విలువైనదైతే వ్యాపారులే వారి వద్దకు వెళ్తారు. వ్యాపారుల మధ్య పోటీ పెరిగితే బహిరంగ వేలం వేస్తారు. వజ్రం నాణ్యత (క్యారెట్‌)ను బట్టి రూ.20 వేల నుంచి రూ.20 లక్షల వరకు కొనుగోలు చేస్తారు. జిల్లా చరిత్రలో 2022లో లభించిన 30 క్యారెట్ల వజ్రమే అత్యంత విలువైంది. ఈ ఏడాది ఇప్పటికే 9 వజ్రాలు లభ్యమయ్యాయి. గతేడాది సరైన వర్షాలు లేవు. అయినప్పటికీ 18 వజ్రాలు దొరికాయి. ఇక్కడ వజ్రాలను స్థానిక వ్యాపారులకే విక్రయిస్తారు. ఇక్కడి వ్యాపారులు అంత నమ్మకం సాధించారు. చెప్పిన ధర చెప్పినట్టు ఇస్తారు. అదే ప్రభుత్వ అధికారులకు సమాచారం ఇస్తే దానిని స్వాధీనం చేసుకుని పైసా కూడా ఇవ్వరనే అభిప్రాయంతో వారు అధికారులకు చెప్పకుండా విక్రయిస్తారు.విదేశాల్లో ప్రభుత్వ కొనుగోలు కేంద్రాలుఆఫ్రికా, అంగోలా, కాంగోతో పాటు చాలా దేశాల్లో ఇదే తరహాలో వజ్రాలు లభిస్తాయి. వాటిని అల్యూవియల్‌ డైమండ్స్‌ అంటారు. అక్కడ ప్రభుత్వమే కొనుగోలు కేంద్రాలు ఏర్పాటు చేస్తుంది. వజ్రాలు లభించిన వారు నేరుగా ఆ కేంద్రానికి వచ్చి చూపిస్తారు. వజ్రాల నాణ్యత ఆధారంగా కొంత మొత్తం చెల్లిస్తారు. వజ్రాలను లీగల్‌గా ప్రభుత్వం ప్రక్రియను పూర్తి చేసి విక్రయిస్తుంది. కర్నూలు జిల్లాలో ఏటా సగటున 50–60 వజ్రాలు లభిస్తున్నాయి. అలాగే వజ్రకరూరు ప్రాంతంలో కూడా ఏటా 30–40 వజ్రాలు లభిస్తాయి. అంటే ఈ రెండు జిల్లాల్లో ఏటా వంద వజ్రాలు లభిస్తున్నాయి. మైనింగ్‌ చేస్తే రూ.వందల కోట్ల విలువైన సంపద ప్రభుత్వానికి లభించే అవకాశం ఉంది.ఈ ఏడాది లభ్యమైన వజ్రాల వివరాలు👉 ఈ నెల 8న చెన్నంపల్లిలో రూ.3.96 లక్షల విలువ చేసే వజ్రం లభించింది.👉 మే 20న రామాపురంలో రూ.50 వేల విలువైప వజ్రం దొరికింది.👉 మే 21న మద్దికెర మండలం మదనంతపురంలో రూ.6.50 లక్షల విలువైన వజ్రం లభ్యమైంది.👉 మే 22న ఇదే గ్రామంలో దొరికిన వజ్రాన్ని రూ.18 లక్షలు, 10 తులాల బంగారం చెల్లించి వ్యాపారి కొనుగోలు చేశారు.👉 మే 23న జొన్నగిరిలో రూ.15 వేలు, పగిడిరాయిలో రూ.12 వేల విలువ చేసే వజ్రాలు లభించాయి. 👉 మే 24న జొన్నగిరిలో దొరికిన వజ్రాన్ని రూ.6.20 లక్షలు నగదు, 5 తులాల బంగారం ఇచ్చి కొనుగోలు చేశారు.👉 మే 25న జొన్నగిరిలో దొరికిన వజ్రాన్ని రూ.1.20 లక్షల నగదు, జత కమ్మలు ఇచ్చి కొనుగోలు చేశారు.👉 తాజాగా తుగ్గలి మండలం గుండాలతండాకు చెందిన వ్యక్తికి మంగళవారం ఓ వజ్రం లభ్యమైంది. స్థానిక వజ్రాల వ్యాపారి రూ.లక్ష నగదు, అర తులం బంగారం ఇచ్చి దానిని కొనుగోలు చేశారు.ఐదోసారి వచ్చావానొస్తే మా ఊరోళ్లంతా రైలెక్కి గుత్తిలో దిగి జొన్నగిరికి వస్తాం. నేను ఇక్కడికి ఐదేళ్ల నుంచి వస్తున్నా. వచ్చి వారమైంది. ఐదేళ్లలో ఒక్క వజ్రం కూడా దొరకలేదు. తిండీ తిప్పలకు ఇబ్బందిగా ఉంది. మాతో పాటు వచ్చిన కొంతమందికి వజ్రాలు దొరుకుతున్నాయి. మాకు ఆశ చావక వెతుకుతున్నాం.– ఈరయ్య, రామాపురం, వినుకొండ, పల్నాడు జిల్లా వజ్రాన్ని గుర్తు పడతాంమాది కలికిరి. హైదరాబాద్‌లోని స్నేహితుడు, నేను కలిసి మూడు రోజుల క్రితం ఇక్కడికి వచ్చాం. దొరికితే వజ్రం. లేదంటే కాలక్షేపంగా ఉంటుందని వచ్చాం. మేం బంగారం నగలు తయారు చేస్తాం. వజ్రం ఎలా ఉంటుందో సులువుగా గుర్తుపడతాం.– రామాంజులాచారి, కలికిరి, అన్నమయ్య జిల్లాఒక చిన్న వజ్రం దొరికినా చాలుమా ఊళ్లో పనుల్లేవు. వ­జ్రాలు దొరికా­య­ని పే­ప­ర్లు, టీవీల్లో వచ్చింది. ఖాళీగా ఉండలేక ఇక్క­డికి వచ్చాం. నాతో పా­టు మా ఊరోళ్లు పదిమంది వచ్చారు. వజ్రాలు వెతుకుతున్నాం. కొన్ని రాళ్లు మెరుస్తున్నా­యి. అవి వజ్రాలు కాదంటున్నారు. కొద్ది­రో­జులు చూస్తాం. చిన్న వజ్రం దొరికినా కష్టం తీరకపోతుందా అనే ఆశతో చూస్తున్నాం.– లక్ష్మక్క, గార్లదిన్నె మండలం, అనంతపురం జిల్లా

కర్నూలు: తొలకరి చినుకులు పడగానే కర్నూలు జిల్లా మద్దికెర, తుగ్గలి మండలాల్లో వజ్రాల వేట మొదలవుతోంది. దూర ప్రాంతాల నుంచి జనం వచ్చి ఇక్కడ వజ్రాలు వెతుకుతూ తమ అదృష్టాన్ని పరీక్షించుకుంటారు. రైతులు తమ పొలాలు సాగు చేసేటప్పుడు కూడా వజ్రాలు లభ్యమవుతుంటాయి. శనివారం మద్దికెర మండలం హంప గ్రామంలో ఓ రైతు పొలం పనులు చేస్తుండగా రూ.5లక్షలు విలువైన వజ్రం దొరికింది. అలాగే మదనంతపురం గ్రామానికి చెందిన మరో రైతుకు రూ.15 లక్షలు విలువైన వజ్రం లభించింది. ఈ రెండు వజ్రాలను పెరవలి గ్రామానికి చెందిన వ్యాపారులు కొనుగోలు చేసినట్లు సమాచారం.

వజ్రకరూరు మండల పరిసర ప్రాంతాల్లో వజ్రాల వేట ప్రారంభమయ్యింది. తొలకరి వర్షాలు ప్రారంభం కావడంతో స్థానికులతో పాటు ఉమ్మడి అనంతపురం జిల్లాలోని వివిధ ప్రాంతాలు, కర్నూల్, కడప, కర్ణాటక, తెలంగాణ తదితర ప్రాంతాల నుంచి శనివారం వందల సంఖ్యలో ప్రజలు తరలివచ్చి వజ్రాలు వెతకడం ప్రారంభించారు. పలువురు కార్లలో వచ్చి వజ్రాలు వెతకడం కనిపించింది. చంటి బిడ్డలనుసైతం ఎత్తుకుని వచ్చి వజ్రాలు వెతకడం విశేషం. దీంతో ఆ ప్రాంతం జాతరను తలపించింది. ఇక్కడ లభించే చిన్న వజ్రమైనా రూ. లక్షల్లో విలువ చేస్తుంది. ఏటా ఈ ప్రాంతంలో 20 నుంచి 40 దాకా వజ్రాలు లభ్యమవుతాయని సమాచారం.

పుష్పవజ్రమా? అదెలా ఉంటుంది అనుకుంటున్నారా? గని నుంచి తవ్వి తీయకపోయినా, అచ్చంగా వజ్రంలాగానే ఉంటుంది. చైనీస్‌ శాస్త్రవేత్తలు ప్రపంచంలోనే మొట్టమొదటిసారిగా పూలతో వజ్రాన్ని తయారు చేశారు. గులాబీల మాదిరిగా కనిపించే ఎర్రని పీయనీ పూల నుంచి వేరుచేసిన కార్బన్‌ అణువులతో మూడు కేరట్ల వజ్రాన్ని తయారు చేయడంలో సఫలీకృతులయ్యారు.ఈ వజ్రం తయారీ కోసం హెనాన్‌ ప్రావిన్స్‌కు చెందిన లువోయాంగ్‌ నగరంలోని నేషనల్‌ పీయనీ గార్డెన్స్‌ నుంచి సేకరించిన పూలను ఉపయోగించారు. కృత్రిమ వజ్రాల తయారీకి ప్రసిద్ధి చెందిన లువోయాంగ్‌ ప్రామిస్‌ కంపెనీకి చెందిన శాస్త్రవేత్తలు ఈ అరుదైన ఘనతను సాధించారు. పూలతో వజ్రాన్ని తయారుచేయాలని సంకల్పించినట్లు లువోయాంగ్‌ ప్రామిస్‌ కంపెనీ చెప్పడంతో ఆ కంపెనీకి కావలసిన పీయనీ పూలను సరఫరా చేసేందుకు నేషనల్‌ పీయనీ గార్డెన్‌ అంగీకరించింది.బయోజెనిక్‌ కార్బన్‌ ఎక్స్‌ట్రాక్టింగ్‌ టెక్నాలజీతో ఈ పూల నుంచి కార్బన్‌ అణువులను వేరుచేసి, వాటిని అత్యధిక ఉష్ణోగ్రత వద్ద అత్యధిక పీడనకు గురిచేయడం ద్వారా ఈ వజ్రాన్ని తయారు చేయగలిగామని లువోయాంగ్‌ ప్రామిస్‌ కంపెనీ సీఈవో వాంగ్‌ జింగ్‌ తెలిపారు. ఈ వజ్రం విలువను మూడు లక్షల యువాన్లుగా (రూ.35.19 లక్షలు) అంచనా వేస్తున్నట్లు ఆయన చెప్పారు.ఇవి చదవండి: వరల్డ్ ఫేమస్ లోకల్ టాలెంట్! గాయత్రి దేవరకొండ..

దేశంలో లోక్‌సభ ఎన్నికలు జరుగుతున్నాయి. పలు రాష్ట్రాలలో మంగళవారం మూడో విడత పోలింగ్‌ జరిగింది. ఎన్నికల్లో ఓటింగ్‌ శాతం పెరిగేందుకు ఎన్నికల సంఘం పలు చర్యలు తీసుకుంటుంది. ఇదే కోవలో మధ్యప్రదేశ్‌ రాజధాని భోపాల్‌లో ఓటర్లను ప్రోత్సహించేందుకు ‍ప్రత్యేక బహుమతులను అందించారు.భోపాల్‌లోని పలు పోలింగ్ కేంద్రాలలో లాటరీ పథకాన్ని ఏర్పాటు చేశారు. ఈ లాటరీ పథకంలో ఉదయం 11 గంటలకు జరిగిన మొదటి డ్రాలో యోగేష్ సాహు డైమండ్ రింగ్ గెలుచుకున్నారు. తరువాత మధ్యాహ్నం 2, 5 గంటలకు మరో రెండు డ్రాలు జరిగాయి. దీని తర్వాత బంపర్ డ్రా కూడా జరిగింది.లోక్‌సభ ఎన్నికల రెండవ దశలో ఓటింగ్‌ శాతం తగ్గిన నేపధ్యంలో ఓటర్లను ప్రోత్సహించడానికి భోపాల్‌లోని పలు పోలింగ్ బూత్‌లలో ఎన్నికల సంఘం లాటరీ పథకాన్ని ప్రారంభించింది. ఓటు హక్కును వినియోగించుకున్న వారికి ఆకర్షణీయమైన బహుమతిని అందజేస్తామని ఎన్నికల సంఘం అధికారులు తెలిపారు.భోపాల్ ఎన్నికల చరిత్రలో తక్కువ ఓటింగ్ నమోదవుతూ వస్తోంది. ఈ నేపధ్యంలో ఇక్కడ ఓటింగ్‌ శాతం పెరిగేందుకు ఎన్నికల సంఘం ప్రత్యేక చొరవ చూపింది. ఈ నేపధ్యంలో 65.7 శాతం పోలింగ్‌ నమోదయ్యింది. ఎన్నికల సంఘం నిర్వహించిన లక్కీ డ్రాలో ముగ్గురు ఓటర్లకు వజ్రాల ఉంగరాలు లభించగా, మరికొంతమందికి మిక్సర్లు, వాటర్ కూలర్లు లభించాయి. కొందరు టీ షర్టులను గెలుచుకున్నారు.

యూరప్‌లోని నాలుగు దేశాల కూటమి యూరోపియన్‌ ఫ్రీ ట్రేడ్‌ అసోసియేషన్‌ (ఈఎఫ్‌టీఏ)తో భారత్‌ స్వేచ్ఛా వాణిజ్య ఒప్పందం (ఎఫ్‌టీఏ) కుదుర్చుకుంది. దీని ప్రకారం వచ్చే 15 ఏళ్లలో దేశంలోకి రూ.8.3 లక్షల కోట్ల కచ్చిత పెట్టుబడులకూ హామీ లభించింది. తద్వారా పది లక్షల పైచిలుకు ఉద్యోగాల కల్పన జరగనుంది. ఈ ఒప్పందంతో ప్రధానంగా స్విస్‌ వాచీలు, పాలిష్‌ చేసిన వజ్రాలు, చాక్లెట్లు, బిస్కెట్లు, గోడ గడియారాల వంటివి ప్రస్తుతం కంటే తక్కువ ధరలకే కొనుగోలు చేసే అవకాశం రానుంది. ఈఎఫ్‌టీఏలో స్విట్జర్లాండ్‌, ఐస్‌లాండ్‌, లిక్టన్‌స్టైన్‌, నార్వే సభ్య దేశాలుగా ఉన్నాయి. ఇవి ఐరోపా సమాఖ్యలో భాగం కాదు. స్వేచ్ఛా వాణిజ్యాన్ని ప్రోత్సహించేందుకు ఏర్పాటైన సమాఖ్య. కెనడా, చిలీ, చైనా, మెక్సికో, కొరియా వంటి 40 భాగస్వామ్య దేశాలతో ఈఎఫ్‌టీఏ ఇప్పటివరకు 29 స్వేచ్ఛా వాణిజ్య ఒప్పందాలు చేసుకుంది. ఎఫ్‌టీఏలో పెట్టుబడుల హామీకీ చట్టబద్దత లభించడం ఇదే తొలిసారి. ఈ ఒప్పందం అమల్లోకి రావడానికి ఏడాది సమయం పట్టే అవకాశం ఉందని తెలిసింది. ఉపయోగాలివే.. దేశీయంగా తయారవుతున్న ఉత్పత్తులన్నింటినీ, సుంకాలు లేకుండా ఈఎఫ్‌టీఏ దేశాల్లో విక్రయించుకోవచ్చు. ప్రాసెస్‌ చేసిన వ్యవసాయ ఉత్పత్తులకూ సుంకాల్లో రాయితీలు లభిస్తాయి. మన ఉత్పత్తులపై ఈ ఏడాది జనవరి నుంచే స్విట్జర్లాండ్‌ సుంకాలను తొలగించింది. భారత్‌ కూడా ఈఎఫ్‌టీఏ ఉత్పత్తుల్లో 95.3 శాతానికి మినహాయింపు ఇస్తోంది. అక్కడ నుంచి బంగారం మనదేశంలోకి అధికంగా దిగుమతి అవుతున్నా, కస్టమ్స్‌ సుంకం (15%) విషయంలో మినహాయింపు ఇవ్వలేదు. బౌండ్‌రేటు (అత్యంత అనుకూల దేశాలుగా పరిగణించి ఇచ్చేది)ను మాత్రం 1% తగ్గించి, 39%గా ఉంచింది. ఐరోపా సమాఖ్యకు చేరేందుకు భారత కంపెనీలు స్విట్జర్లాండ్‌ను బేస్‌గా వినియోగించుకోవచ్చు. ప్రెసిషన్‌ ఇంజినీరింగ్‌, హెల్త్‌ సైన్సెస్‌, పునరుత్పాదక ఇంధనం, వినూత్నత-పరిశోధనల్లో సాంకేతిక సహకారం సులువవుతుంది. మారనివి ఇవే.. డెయిరీ, సోయా, బొగ్గు, వ్యవసాయ ఉత్పత్తులను మాత్రం మినహాయింపుల జాబితాలో చేర్చలేదు. అందువల్ల వీటికి సుంకాల్లో రాయితీలు అమలు కావు. ఇదీ చదవండి: విద్యుత్‌ వాహనాలతో వాతావరణ కాలుష్యం..! స్విట్జర్లాండ్‌ నుంచి భారత్‌ ఎక్కువగా బంగారం (12.6 బి.డాలర్లు), యంత్రాలు (409 మి.డాలర్లు), ఔషధాలు (309 మి.డాలర్లు), కోకింగ్‌ అండ్‌ స్టీమ్‌ కోల్‌ (380 మి.డాలర్లు), ఆప్టికల్‌ ఇన్‌స్ట్రుమెంట్లు, ఆర్థోపెడిక్‌ అప్లియెన్సెస్‌ (296 మి.డాలర్లు), వాచీలు (211.4 మి.డాలర్లు), సోయాబీన్‌ ఆయిల్‌ (202 మి.డాలర్లు) చాక్లెట్లు (7 మి.డాలర్లు) తదితర వస్తువులను దిగుమతి చేసుకుంటోంది. రసాయనాలు, రత్నాభరణాలు, కొన్ని రకాల టెక్స్‌టైల్స్‌, దుస్తులను మనదేశం ఎగుమతి చేస్తోంది.

మన జీవితంలో మనం ఎన్నోరకాల, ఎంతో ఖరీదైన వస్తువల ధరలను విని ఉంటాం. అవసరమైతే ఆ వస్తువులను చూసుంటాం. అత్యంత ఖరీదైన  ఆ వస్తువులలో బంగారం, ప్లాటినమ్‌ అనుకుంటే పొరబడినట్లే. మరి వాటన్నింటికన్నా మరింత ఖరీదైన వస‍్తువు(ఖనిజం) గురించి మీకు తెలుసా..! ఇక అదేంటో చూద్దాం. అత్యంత ఖరీదైన ఖనిజాలు బంగారం, ప్లాటినమ్‌ అని చాలామంది అనుకుంటారు. వీటన్నింటి కంటే అత్యంత ఖరీదైన ఖనిజం ఫ్రాంకియమ్‌. దీని ధర ఒక గ్రాముకు 100 కోట్ల డాలర్లు (రూ.8229 కోట్లు) ఉంటుంది. ఇవి కూడా చదవండి: ఫండే: పర్వతమే హోటల్‌! కాదు.. అదొక 'హిల్‌థ్రిల్‌'!!

అందమైన పాదాలను అంటిపెట్టుకునే అందియలు అమ్మాయిలకు అత్యంత ఇష్టం అందుకే, పట్టీలు వారి అలంకరణలో ఎప్పుడూ ప్రత్యేకతను నింపుకుంటాయి. ఈ ఆధునిక యుగంలో అమ్మాయిలు పట్టీలు పెట్టుకోవడం లేదు అనే నిన్నటి తరం నిరాశను దూరం చేస్తూ... ఆంకిల్స్‌ పేరుతో వచ్చి కొత్తగా చేరిపోయాయి. వాటితో పాటు బంగారు, వెండి, డైమండ్‌ ఆభరణాలలోనూ, ఇమిటేషన్‌ జ్యువెలరీలోనూ సగం పాదాన్ని కప్పేస్తున్నట్టుగా ఉండే పట్టీల డిజైన్లు ఎన్నో వచ్చాయి. సందర్భానికి తగినట్టు అలంకరించుకోవడానికి వేటికవి ప్రత్యేకతను కలిగి ఉంటున్నాయి. కాలికి ధరించేవే అయినా కళ్లనూ పట్టేస్తున్నాయి. మొఘలాయ్‌ రాణివాసపు హంగు కాలి అందియలలోనూ కనిపిస్తుంది. పెళ్లి పల్లకీ, రాజు రాణీ, నెమళ్లు, పువ్వుల డిజైన్లతో ఆకట్టుకుంటున్న పట్టీలు నేటితరం అమ్మాయిలను విశేషంగా ఆకట్టుకుంటున్నాయి. పూసలు, రత్నాలు వరసలుగా అల్లుకుపోయిన పూసలు కాలి పట్టీలుగా అమరి ఆధునికతనూ, సంప్రదాయతకు మేళవింపుగా ఉన్నాయి. పెద్ద పెద్ద రత్నాలు వీటిలో విశేషంగా అమరిపోయాయి. ఆధునికత... స్నేక్, రౌండ్‌ స్టైల్‌లో ఉండే బంగారు, వెండి ఆంక్లెట్‌ మోడ్రన్‌ స్టైల్‌కి అదనపు హంగుగా అమరుతున్నాయి. ఇవి చదవండి: ఇదేందయ్యా ఇది..! డెస్టినేషన్‌ వెడ్డింగ్‌.. వేరే లెవల్‌!

వజ్రం అంటే దాదాపు అందరికీ కోహినూర్‌ వజ్రం గుర్తొస్తుంది. భూమిలోపల కొన్ని ఏళ్ల తరబడి చోటు చేసుకున్న రసాయన చర్య ఫలితంగా వజ్రం పుట్టుకొస్తుంది. వజ్రాన్ని కార్బన్‌ ఘన మూలకంగా భావించొచ్చు. అందులోని పరమాణువులు స్ఫటికాల ఆకారంలో కనిపిస్తాయి. దీంతో వజ్రం గట్టిగా ఉంటుంది. ఇతర ఏ పదార్థాల్లో లేని ఉష్ణవాహకత సామర్థ్యం వజ్రంలో ఉంటుంది. సహజంగా దొరికే వజ్రాల వయసు 1 బిలియన్‌ నుంచి 3.5 బిలియన్‌ సంవత్సరాలు ఉంటుంది. భూమిలో 150 నుంచి 250 కిలోమీటర్ల లోపలికి తవ్వితే కానీ వజ్రాలు లభ్యం కావు. అలాంటి సహజ వజ్రాలకు పోటీగా ఇప్పుడు కృత్రిమ వజ్రాలను తయారుచేస్తున్నారు. తాజాగా యాంట్‌వెర్ప్ వరల్డ్ డైమండ్ సెంటర్ (ఏడబ్ల్యూడీసీ) నివేదిక ప్రకారం ప్రపంచ వ్యాప్తంగా ల్యాబ్ గ్రోన్‌ డైమండ్‌ల మార్కెట్ వాటా 2016లో 1% నుంచి 2024లో 20%కి పెరిగినట్లు తేలింది. 2030లో అది భారీ వృద్ధిని సాధిస్తుందని అంచనా వేసింది. కృత్రిమ వజ్రం ఎలా తయారు చేస్తారంటే.. న్యూయార్క్‌లోని జనరల్‌ ఎలక్ట్రిక్‌ రీసెర్చ్‌ ల్యాబొరేటరీలో 1954లో తొలిసారి ల్యాబ్‌ గ్రోన్‌ డైమండ్‌ను సృష్టించారు. తరువాత అనేక పరిశోధనలు చేసి వాటి తయారీ వేగం పెంచడానికి రెండు పద్ధతులు కనుగొన్నారు. అందులో ఒకటి అధిక పీడనం, అధిక ఉష్ణం(హెచ్‌పీహెచ్‌టీ) రెండోది రసాయన ఆవిరి నిక్షేపణ(సీవీడీ). ఈ రెండు పద్ధతులకు సీడ్‌ తప్పనిసరి. అంటే ఏదైనా ఇతర డైమండ్‌లోని కొంత భాగం సీడ్‌గా పని చేస్తుంది. అధిక పీడనం, అధిక ఉష్ణం పద్ధతిలో సీడ్‌, స్వచ్ఛమైన గ్రాఫైట్‌ కార్బన్‌ను ఒక చోట ఉంచుతారు. వాటిని దాదాపు 1500 డిగ్రీల ఉష్ణోగ్రతలో వేడి చేస్తారు. అలాగే పీడనాన్ని కలిగిస్తారు. దాంతో కార్బన్‌ డైమండ్‌గా రూపాంతరం చెందుతుంది.  రసాయన ఆవిరి నిక్షేపణ విధానంలో కార్బన్‌ రిచ్‌ గ్యాస్‌ నింపిన ఛాంబర్లో సీడ్‌ను ఉంచి 800 డిగ్రీల సెల్సియస్‌  వద్ద వేడి చేస్తారు. దాంతో కార్బన్‌ డైమండ్‌గా మారుతుంది. నాణ్యత ఎలా ఉంటుందంటే.. భూమిలో నుంచి తవ్వి తీసిన వజ్రాల్లాగే ల్యాబ్‌ వజ్రాలను డైమండ్‌ టెస్టర్‌తో పరీక్షిస్తారు. వాటిలోని కార్బన్‌ మిశ్రమం, ఉష్ణవాహకత ఇంచుమించు సహజ వజ్రాల్లానే ఉంటాయి. దృఢంగా ఉండటంతోపాటు, గీతలు పడవు. కిందపడినా పగిలిపోవు. సహజంగా వజ్రాన్ని ఎలా కోస్తారో వీటిని కూడా అలాగే కోయాల్సి ఉంటుంది. యంత్రాల్లో వినియోగించే కొన్ని లోహాలు గట్టిదనం లేక విరిగిపోతుంటాయి. అటువంటి చోట కృత్రిమ వజ్రాలనే వాడుతున్నారు. కృత్రిమ వజ్రాలతో పనిముట్లు కూడా తయారు చేస్తున్నారు. విద్యుత్‌ తయారీ రంగంలోనూ స్వచ్ఛమైన సింథటిక్‌ డైమండ్లను విరివిగా ఉపయోగిస్తున్నారు. హైపవర్‌ లేజర్‌ డయోడ్స్‌లో వాటిని ఉష్ణవాహకాలుగా వినియోగిస్తున్నారు.  డిమాండ్‌ ఎలా ఉందంటే.. సహజంగా అరుదుగా దొరికే వాటిపై ఉన్న వ్యామోహం కృత్రిమంగా దొరికే వాటిపై ప్రజలకు ఉండదు. పురాతన వజ్రం అనగానే ధనికులు కోట్లు కుమ్మరించి కొనుగోలు చేస్తుంటారు. కృత్రిమం అనగానే చిన్నచూపు చూస్తారు. నేటి రోజుల్లో వివాహ శుభకార్యాలకు బంగారం కొనడం సర్వ సాధారణమైంది. దాంతో భిన్నంగా ఉండాలని కొందరు వజ్రాల ఉంగరం, వజ్రాల నగల కొనుగోళ్లపై ఆసక్తి చూపిస్తున్నారు. ఇదీ చదవండి: త్వరలో భారత మొబైల్‌ ఫోన్‌ బ్రాండ్‌ మధ్య తరగతి ప్రజలు కూడా కనీసం ఓ డైమండ్‌ ఉంగరమైనా సరే కొనుగోలు చేయాలని అనుకుంటున్నారు. ఇలాంటి వారు కృత్రిమ వజ్రాలు ఎంపిక చేసుకుంటే ఖర్చు కలిసి వస్తుందని తయారీదారులు చెబుతున్నారు. అయితే సహజ వజ్రాలతో పోలిస్తే చాలా తక్కువగా ఉన్న కృత్రిమ వజ్రాల ధర భవిష్యత్తులో మరింత తగ్గిపోవచ్చనే ఊహాగానాలున్నాయి. దాంతో కొనడానికి వెనకడుగు వేస్తున్నారు.

సూరత్‌: ప్రపంచంలోనే అతిపెద్ద భవనం "సూరత్ డైమండ్ బోర్స్"ను ప్రధాని నరేంద్ర మోదీ నేడు ప్రారంభించారు. ప్రధాని మోదీ రెండు రోజుల గుజరాత్ పర్యటనలో భాగంగా సూరత్‌లో నేడు పర్యటిస్తున్నారు. ఈ సందర్భంగా రోడ్‌ షో నిర్వహించారు. సూరత్‌ ఎయిర్‌పోర్టు టెర్మినల్‌ను కూడా ప్రారంభించారు.   సూరత్‌లో రూ.3400 కోట్లతో 35.54 ఎకరాల స్థలంలో నిర్మించిన ఈ భవనం వజ్రాల వ్యాపారానికి ప్రపంచ కేంద్రంగా మారనుంది.  డైమండ్ బోర్స్ ప్రపంచంలోనే అతిపెద్ద ఇంటర్‌కనెక్టడ్ భవనం. దాదాపు 4500 కార్యాలయాలను కలిగి ఉన్న ఈ భవనం.. పెంటగాన్‌లో ఉన్న భవనం కంటే పెద్దది కావడం విశేషం. Gujarat: Prime Minister Narendra Modi inaugurates the Surat Diamond Bourse It will be the world’s largest and modern centre for international diamond and jewellery business. It will be a global centre for trading both rough and polished diamonds as well as jewellery. The… pic.twitter.com/2bEz3J3RGv — ANI (@ANI) December 17, 2023    సూరత్‌లో నిర్మించిన ఈ భవనం ప్రపంచంలోనే అతి పెద్ద డైమండ్ ట్రేడింగ్ సెంటర్‌గా మారనుంది. రత్నాల రాజధానిగా పేరొందిన సూరత్‌లోనే 90 శాతం వజ్రాలు తయారవుతాయి. దాదాపు 65,000 మంది డైమండ్ నిపుణులకు ఈ ట్రేడింగ్ సెంటర్‌ ఒకటే వేదికగా మారనుంది.  దీంతో దేశంలో డైమండ్ ట్రేడింగ్ ఒకే గొడుగు కిందకు తెచ్చినట్లవుతుంది.  15 అంతస్తులు ఉన్న ఈ డైమండ్ భవనం 35 ఎకరాల స్థలంలో నిర్మించారు. ఇందులో 4500 కార్యాలయాలు  ఉన్నాయి. ఇది తొమ్మిది దీర్ఘచతురస్రాల ఆకారాలను కలిగి ఉంటుంది. ఇవన్నీ ఒకే కేంద్ర భవనంతో కలిపి ఉంటాయి. ఈ భవనం 6,20,000 చదరపు మీటర్ల స్థలంలో నిర్మించినట్లు నిర్మాణ సంస్థ వెల్లడించింది. పార్కింగ్ స్థలం 20 లక్షల చదరపు అడుగుల మేర ఉంటుందని తెలిపింది. నిర్మాణం పూర్తి కావడానికి నాలుగేళ్లు పట్టినట్లు పేర్కొంది.  ఇదీ చదవండి: పార్లమెంట్ అలజడి కేసులో వెలుగులోకి కీలక అంశాలు

సూరత్‌: ప్రపంచంలోనే అతిపెద్ద భవనం "సూరత్ డైమండ్ బోర్స్"ను ప్రధాని నరేంద్ర మోదీ ఆదివారం ప్రారంభించనున్నారు. రూ.3400 కోట్లతో 35.54 ఎకరాల స్థలంలో నిర్మించిన ఈ భవనం వజ్రాల వ్యాపారానికి ప్రపంచ కేంద్రంగా మారనుంది.  డైమండ్ బోర్స్ ప్రపంచంలోనే అతిపెద్ద ఇంటర్‌కనెక్టడ్ భవనం. దాదాపు 4500 కార్యాలయాలను కలిగి ఉన్న ఈ భవనం.. పెంటగాన్‌లో ఉన్న భవనం కంటే పెద్దది కావడం విశేషం.    సూరత్‌లో నిర్మించిన ఈ భవనం ప్రపంచంలోనే అతి పెద్ద డైమండ్ ట్రేడింగ్ సెంటర్‌గా మారనుంది. రత్నాల రాజధానిగా పేరొందిన సూరత్‌లోనే 90 శాతం వజ్రాలు తయారవుతాయి. దాదాపు 65,000 మంది డైమండ్ నిపుణులకు ఈ ట్రేడింగ్ సెంటర్‌ ఒకటే వేదికగా మారనుంది.  దీంతో దేశంలో డైమండ్ ట్రేడింగ్ ఒకే గొడుగు కిందకు తెచ్చినట్లవుతుంది.  15 అంతస్తులు ఉన్న ఈ డైమండ్ భవనం 35 ఎకరాల స్థలంలో నిర్మించారు. ఇందులో 4500 కార్యాలయాలు  ఉన్నాయి. ఇది తొమ్మిది దీర్ఘచతురస్రాల ఆకారాలను కలిగి ఉంటుంది. ఇవన్నీ ఒకే కేంద్ర భవనంతో కలిపి ఉంటాయి. ఈ భవనం 6,20,000 చదరపు మీటర్ల స్థలంలో నిర్మించినట్లు నిర్మాణ సంస్థ వెల్లడించింది. పార్కింగ్ స్థలం 20 లక్షల చదరపు అడుగుల మేర ఉంటుందని తెలిపింది. నిర్మాణం పూర్తి కావడానికి నాలుగేళ్లు పట్టినట్లు పేర్కొంది.  వజ్రాల నిపుణులు రైళ్లలో ప్రతి రోజూ ముంబయికి వెళ్లకుండా ఈ భననం అన్ని రకాలుగా ఉపయోగపడుతుందని నిర్మాణ సంస్థ సీఈఓ మహేశ్ గాదవి తెలిపారు. అంతర్జాతీయ డిజైన్‌లకు తగ్గట్టుగా భారతీయ ఆర్కిటెక్చర్ సంస్థ మోర్ఫోజెనిసిస్ ఈ భవనాన్ని రూపొందించింది. ఇజ్రాయెల్‌లోని 80,000 చదరపు మీటర్ల విస్తీర్ణంలో ఉన్న డైమండ్ సెంటర్‌ కంటే సూరత్‌లోని డైమండ్ బోర్స్ సెంటర్ అతిపెద్దది. ఇజ్రాయెల్ డైమండ్ సెంటర్‌లో కేవలం 1000 కార్యాలయాలే ఉన్నాయి. కానీ సూరత్ డైమండ్ బోర్స్‌లో 4500 ఆఫీస్‌లు ఉన్నాయి.   ఇదీ చదవండి: షాహీ ఈద్గాలో సర్వేపై స్టేకు సుప్రీం నిరాకరణ

సూరత్‌లోని అత్యంత ధనవంతుడిగా ఉన్న సావ్జీ ధంజీ ధోలాకియా.. ‘ఏదీ మన చెంతకురాదు.. శోధించి.. సాధించాలి’ అని నమ్మారేమో. సులభంగా సంపద వస్తే దాన్ని నిర్వహించడం కష్టమవుతుందని భావించిన ఆయన తన కుమారుడిని స్వతంత్రంగా పనిచేయమని ప్రోత్సహించారు. దాంతో ఆయన కుమారుడు ఏకంగా బేకరీలో పనిచేసేందుకు సిద్ధపడ్డాడు. ఎందుకు అలాంటి నిర్ణయం తీసుకున్నాడో ఈ కథనంలో తెలుసుకుందాం. రైతు కుటుంబంలో జన్మించిన సావ్జీ ధంజీ ధోలాకియా హరికృష్ట ఎక్స్‌పోర్ట్స్‌ పేరుతో కంపెనీ స్థాపించి వజ్రాలను తయారుచేస్తున్నారు. వాటిని ఎగుమతి చేస్తూ వేల కోట్ల సామ్రాజ్యాన్ని నిర్మించారు. సావ్జీ ధోలాకియా 1962 ఏప్రిల్ 12న గుజరాత్‌లోని దుధాలా గ్రామంలో జన్మించారు. ఆయనకు ముగ్గురు సోదరులు ఉన్నారు. ఆర్థికస్థోమత లేకపోవటంతో సావ్జీ నాలుగో తరగతిలోనే చదువు మానేయాల్సి వచ్చింది. తర్వాత తన మామతో కలిసి సూరత్‌కు వచ్చి అక్కడే పనిచేశారు. మామయ్యకు చెందిన వజ్రాల వ్యాపారంలో సావ్జీ తన సోదరులు హిమ్మత్, తులసితో కలిసి  పనిచేశారు. అలా 1992లో సావ్జీ తన ముగ్గురు సోదరులతో కలిసి హరి కృష్ణ ఎక్స్‌పోర్ట్స్ కంపెనీని స్థాపించారు. ఈ కంపెనీకి చెందిన డైమండ్ కటింగ్, పాలిషింగ్ యూనిట్‌ను సూరత్‌లో ఏర్పాటు చేశారు. ముంబైలో ఎగుమతి కార్యాలయాన్ని ఏర్పాటు చేశారు. 2014 నాటికి కంపెనీ ఎంతో వృద్ధి సాధించింది. అప్పటికే కంపెనీలో ఉద్యోగుల సంఖ్య 6,500కు చేరింది. ఆ తర్వాత 2005లో 'కిస్నా' పేరుతో ఆభరణాల బ్రాండ్‌ను ప్రారంభించారు. ప్రస్తుతం ఇది దేశవ్యాప్తంగా 6,250 అవుట్‌లెట్లతో అతిపెద్ద వజ్రాభరణాల బ్రాండ్‌గా కొనసాగుతోంది. ధోలాకియా తరచూ తమ కంపెనీ ఉద్యోగులకు దీపావళి బోనస్‌గా కార్లు, ఫ్లాట్లు, ఆభరణాలను బహుమతిగా ఇస్తుంటారు. అంతేకాదు కుటుంబం సావ్జీకు గిఫ్ట్‌గా ఇచ్చిన హెలికాప్టర్‌ను సూరత్‌లో వైద్యం ఇతర అత్యవసర పరిస్థితుల కోసం గతంలో రూ.50 కోట్ల బ్రాండ్-న్యూ ఛాపర్‌ని విరాళంగా అందించాలని నిర్ణయించడం విశేషం. అలాగే గుజరాత్‌లోని అమ్రేలి జిల్లా, లాఠీ తాలూకా తన స్వస్థలంలో ఇప్పటికే 75 చెరువులను నిర్మించడమేకాదు 20 లక్షలకుపైగా మొక్కల్ని నాటారు. అయితే సులభంగా సంపదను పొందితే దాన్ని నిర్వహించటం వారసులకు అంత సులువు కాదు. అయితే మనుగడ కోసం మనుషులు చేసే పోరాటం గురించి తెలుసుకుంటేనే.. ప్రతి రూపాయినీ ఎలా ఖర్చు చేయాలి అనే జీవిత పాఠాలు తెలుస్తాయి. ఇదే నియమాన్ని పాటించాలని ఆ వజ్రాల వ్యాపారి తన కుమారుడికి చెప్పారు. అయితే సంపాదన కోసం లేదా పనికోసం తన పేరును ఎక్కడా వాడకూడదని సావ్జీ కండిషన్ పెట్టారు. ఇదీ చదవండి: కొత్త నిబంధన.. ఆ ఆన్‌లైన్‌ లావాదేవీలకు 4 గంటలు ఆగాల్సిందే..! దాంతో సావ్జీ ధంజీ ధోలాకియా కుమారుడు ద్రవ్యను ఇంటి పేరును ఉపయోగించకుండా స్వతంత్రంగా పనిచేయమని ప్రోత్సహించాడు. కేవలం రూ.7 వేలతో ఇంటి నుంచి బయటకు వచ్చిన ద్రవ్య.. షూ స్టోర్, మెక్‌డొనాల్డ్స్, కాల్ సెంటర్‌తో సహా అనేక ఉద్యోగాలు చేశాడు. చివరికి ఒక బేకరీలో రోజుకు రూ.200 జీతానికి ఉద్యోగం సంపాదించాడు. కొంత ఆర్థిక ఇబ్బందులను ఎదుర్కొన్నప్పటికీ, విలువైన జీవిత పాఠాలు నేర్చుకున్నట్లు ద్రవ్య చెప్పాడు. అలా సదరు వ్యాపారి తన పిల్లలకు అసలైన జీవిత పాఠాలను నేర్పించారు. 27 ఏళ్ల ద్రవ్య కంపెనీనీ టేకోవర్‌ చేశారు. 2016 లెక్కల ప్రకారం హరికృష్ణ డైమండ్‌ ఎక్స్‌పోర్ట్స్‌ కంపెనీ రూ.12000 కోట్ల మార్కెట్‌ క్యాపిటల్‌ కలిగి ఉంది. దాదాపు 71 దేశాల్లో వ్యాపారం సాగిస్తోంది.

ప్రపంచంలో అనేక రకాల  పండ్లు ఉన్నప్పటికీ యాపిల్‌ ప్రత్యేకతే వేరు కాదా. యాపిల్‌ పండు లాంటి బుగ్గలు, ఎర్రటి యాపిల్‌ ఇలాంటివి ఇప్పటి దాకా విన్నాం.  బొద్దుగా ఎర్రగా ఉన్న పిల్లల్ని ముద్దుగా ‘యాపిల్‌’ అని పిలుచుకోవడం కూడా తెలుసు. ఆ తరువాతి కాలంలో గ్రీన్‌ యాపిల్స్‌ కూడా  వచ్చాయి.  కానీ ఇపుడు బ్లాక్‌ యాపిల్స్‌ కూడా  వచ్చాయి.  మీరు ఎపుడైనా చూశారా?  చదువుతూ ఉంటేనో నోట్లో నీళ్లు ఊరుతున్నాయా? మరి వీటి ధర  ఎంత  తెలుసా? నెట్టింట తెగ వైరల్‌ లవుతున్న ఈ  బ్లాక్‌ డైమండ్‌ యాపిల్‌  వివరాలన్నీ తెలుసు కోవాలంటే మీరు ఈ స్టోరీ  చదవాల్సిందే.  డాక్టర్‌ అవసరం లేకుండా జీవించాలంటే రోజుకు ఒక యాపిల్‌ అయినా తినాలనేది. అలా విటమిన్లు, ఫైబర్‌, పోషకాలు ఇతర శ్రేష్టమైన గుణాలు ఇందులో మెండు. అందుకే యాపిల్‌ అంటే అంత ప్రత్యేకత.   రెడ్‌ యాపిల్‌లోని లక్షణలతో పోలిస్తే బ్లాక్‌ రంగులో ఉండే యాపిల్స్‌ అసాధారణమైన తీపి, అధిక సహజ గ్లూకోజ్ కంటెంట్‌ను కలిగి ఉంటాయి. మందమైన చర్మంతో నిగనిగలాడే  ఈ యాపిల్స్‌ చైనాలోని ఉన్నత స్థాయి రిటైలర్లు మాత్రమే విక్రయిస్తారు.   అయితే ధర మాత్రం ఒక్కో పండుకు రూ.500 వరకూ ఉంటుంది.  ఇవి కేవలం చైనా, టిబెట్‌లోని పర్వత ప్రాంతాల్లో మాత్రమే పండుతాయి. అంతేకాదు సాధారణంగా యాపిల్‌ చెట్లు రెండు మూడేళ్లలోనే కాపు మొదలు  పెడితే,  బ్లాక్‌ యాపిల్‌ తొలి పంట చేతికందడానికే కనీసం 8 ఏళ్ల సమయం పడుతుందట. అందులోనూ నిటారుగా ఉన్న పర్వత సానువుల్లో వీటిని పండిస్తారు. ఈ నేపథ్యంలోనే  రైతులు వీటి సాగులో అనేక సవాళ్లను ఎదుర్కొంటారట. వీటిని పెద్ద ఎత్తున సాగు చేయడం కూడా కష్టమే అవుతుంది. హార్వెస్టింగ్ సీజన్ కేవలం రెండు నెలలు మాత్రమే. అందులోనూ 30 శాతం పండ్లు మాత్రమే మార్కెట్‌ ప్రమాణాలకు అనుగుణంగా ఉండి మార్కెట్లోకి వస్తాయి. అందుకే వీటికి అంత డిమాండ్‌. Apples are generally red, green, yellow, but if the right geographical conditions are met, they can apparently grow dark purple, almost black, as well. These rare apples are called Black Diamond and they are currently only grown in the mountains of Tibet. pic.twitter.com/j4XXrDlS4X — Massimo (@Rainmaker1973) November 16, 2023

సైకిల్‌ను మధ్యలోకి మడిచి కారు డిక్కీలో పెట్టుకోవచ్చా? ‘బేషుగ్గా’ అంటున్నాడు ఆనంద్‌ మహీంద్రా. ఎక్కడ ‘స్కిల్‌’ కనిపించినా ఆ విశేషాన్ని సోషల్‌ మీడియాలో షేర్‌ చేసే పారిశ్రామిక దిగ్గజం ఆనంద్‌ మహీంద్రా తాజాగా సైకిల్‌ తొక్కుతున్న ఫొటోలను ట్విట్టర్‌లో పోస్ట్‌ చేశాడు. ఇది మామూలు సైకిల్‌ కాదు. ప్రపంచంలోనే తొలి ఫోల్డబుల్‌ డైమండ్‌ ఫ్రేమ్‌ ఇ–బైసికిల్‌. ఐఐటీ బాంబే స్టూడెంట్స్‌ ఈ బైసికిల్‌ను తయారు చేశారు. ‘మరోసారి మనం గర్వించేలా ఐఐటీ బాంబే స్టూడెంట్స్‌ సృష్టించిన వాహనం ఇది’ అని కాప్షన్‌ పెట్టాడు మహీంద్రా. ‘ఇంప్రెసివ్‌ ఇనోవేషన్‌... రివల్యూషన్‌ ఆన్‌ వీల్స్‌’ అంటూ యూజర్‌లు స్పందించారు.

గతేడాది నవరాత్రి-దసరా కాలంతో పోలిస్తే ఈసారి పాలిష్ చేసిన వజ్రాల ధరలు గణనీయంగా 35 శాతం తగ్గాయి. కొన్ని కేటగిరీలకు చెందిన వజ్రాల ధరలు 2004లో ఉన్న ధరలతో సమానమయ్యాయి. రష్యా-ఉక్రెయిన్ యుద్ధం, యుఎస్, చైనాలో నెలకొంటున్న ఆర్థిక మాంద్యంతోపాటు ల్యాబ్‌లో తయారుచేసిన వజ్రాలకు పెరుగుతున్న ఆదరణ వల్ల ధరలు క్షీణిస్తున్నట్లు సమాచారం.  పాలిష్‌ చేసే వజ్రాల్లో ప్రపంచంలోనే 90 శాతం భారత్‌లోనే తయారవుతాయి. అయితే ధరలు తగ్గడంతో కంపెనీలు దేశీయ మార్కెట్‌లో తక్కువ ధరలకు విక్రయించాలని చూస్తున్నాయి. డైమండ్ ధరలు తగ్గడం వల్ల దేశంలోని స్టోర్‌ల్లో దసరా సందర్భంగా 20 శాతం అమ్మకాలు పెరిగినట్లు వ్యాపారులు చెబుతున్నారు. దేశీయ మార్కెట్‌లో ముడి వజ్రాల ధరలు కూడా తగ్గడం ప్రారంభించాయని, దాంతో పాలిష్ చేసిన వజ్రాల ధరలు మరింత తగ్గుముఖం పట్టే అవకాశం ఉన్నట్లు తెలుస్తుంది. గత మూడు నెలలుగా పాలిష్ చేసిన వజ్రాల కొనుగోలుదారుగా ఉన్న యూఎస్‌లో డిమాండ్‌ తగ్గడంతో ​కూడా వజ్రాలు సరసంగా లభిస్తున్నాయి.  

నందిగామ(చందర్లపాడు): పొరుగు రాష్ట్రం నుంచి వజ్రాల వేట కోసం వచ్చి ఒక వ్యక్తి అనుమానాస్పద మృతి చెందిన ఘటన ఎన్టీఆర్‌ జిల్లా చందర్లపాడు మండలంలో చోటుచేసుకుంది. చందర్లపాడు ఎస్‌ఐ రామకృష్ణ తెలిపిన సమాచారం ప్రకారం.. తెలంగాణ రాష్ట్రం నాగార్జునసాగర్‌కు చెందిన ఇస్రం రాంబాబు (40) ఆటో డ్రైవర్‌గా పని చేస్తాడు. చందర్లపాడు మండలం గుడిమెట్ల అటవీ ప్రాంతంలో కొంతకాలంగా వజ్రాల వేట పేట కొనసాగుతున్న సంగతి పాఠకులకు విదితమే. ఈ క్రమంలో రాంబాబు కూడా వజ్రాలు అన్వేషించేందుకు గత మూడు రోజుల క్రితం గుడిమెట్ల వచ్చాడు. బుధవారం వజ్రాల వేటకు వచ్చిన కొందరు రాంబాబు మృతి చెంది ఉండడాన్ని గమనించారు. వెంటనే పోలీసులకు సమాచారమివ్వడంతో చందర్లపాడు పోలీసులు ఘటనా స్థలానికి వెళ్లి మృతదేహాన్ని పరిశీలించడంతోపాటు ఆధారాలు సేకరించే పనిలో నిమగ్నమయ్యారు.వజ్రాల వేటకు వచ్చిన వ్యక్తి హత్యకు గురయ్యాడా? లేదంటే ఇంకేదైనా కారణాల వల్ల మృతి చెందాడా అనే అంశాలపై దర్యాప్తు జరుపుతున్నట్లు ఎస్‌ఐ తెలిపారు.

వాషింగ్టన్: సౌర కుటుంబంలో అత్యంత చిన్న గ్రహమైన బుధుడి ఫోటోను తీసింది నాసాకు చెందిన వ్యోమనౌక 'మెసెంజర్'.  నాసా తన ఇన్‌స్టాగ్రామ్‌లో పోస్ట్ చేసిన ఆ ఫోటోను చూస్తే చిన్నప్పుడు చదువుకున్న 'ట్వింకిల్ ట్వింకిల్ లిటిల్ స్టార్ లైక్ ఏ డైమండ్ ఇన్ ద స్కై' పదాలు గుర్తుకు రాక మానవు. అచ్చంగా వజ్రాన్ని పోలి ఉన్న బుధుడు ఆకాశంలో వెలుగుజిలుగులతో నిజంగానే డైమండ్‌లా మెరిసిపోతున్నాడు.   'మెసెంజర్' 'అడ్వెంచర్' ఈ గ్రహం చుట్టూ తిరుగుతున్న మొట్టమొదటి నాసా వ్యోమనౌక 'మెసెంజర్' తీసిన ఈ అద్భుతమైన ఫొటోను నాసా ఇన్ స్టాగ్రామ్‌లో షేర్ చేయగానే క్షణాల్లో వైరల్ అయ్యింది. ఫోటోలో మెర్య్కురీ వజ్రకాంతి ధగధగలతో తళుకులీనుతోంది. సూర్యుడికి అత్యంత చేరువలో ఉన్నట్లు కనిపించే ఈ గ్రాహం సూర్యుడికి 58 మిలియన్ కిలోమీటర్ల దూరంలో ఉంటుంది.   నిజంగా వజ్రమేనా..  ఈ ఫోటో కింద నాసా రాస్తూ..  వారు నన్ను మిస్టర్ ఫారన్‌హీట్ అని పిలుస్తారు. సైజులో భూమి యొక్క సహజ ఉపగ్రహం చంద్రుడి కంటే కొంచెం పెద్దగా ఉండే ఈ గ్రహం మన సౌర కుటుంబంలోనే అత్యంత చిన్నది. ఇది సూర్యునికి 58 మిలియన్ కిలోమీటర్ల దూరంలో ఉంటుంది. ఈ గ్రహం చిన్నదే అయినప్పటికీ తన కక్ష్య చుట్టూ అత్యంత వేగంగా తిరుగుతుంది. సెకనుకి 47 కిలోమీటర్ల వేగంతో ఇది చక్కర్లు కొడుతుంది. ఈ గ్రహంపై ఒక సంవత్సర కాలం భూమిపై 88 రోజులతో సమానం. ఈ కక్ష్యలోకి ప్రవేశించిన మొట్టమొదటి స్పేస్‌క్రాఫ్ట్ మెసెంజర్ బుధుడి ఉపరితలంపై ఉన్న రాళ్లల్లో రసాయన, ఖనిజ, భౌతిక వ్యత్యాసాల్ని గుర్తించేందుకు వీలుగా ఇలా బుధుడి కలర్ ఫోటోని తీసింది. జూ. సూర్యుడు..  వాతావరణానికి బదులుగా బుధుడిపై చాలావరకు ఆక్సిజన్, సోడియం, హైడ్రోజన్, హీలియం, పొటాషియంతో కూడిన సన్నని ఎక్సోస్పియర్‌ను కలిగి ఉంటుంది. ఈ గ్రహంపై వాతావరణం లేకపోవడం, సూర్యునికి అత్యంత చేరువగా ఉండటంతో పగటిపూట 800ºF (430ºC) నుండి రాత్రికి -290 ºF (-180 ºC) వరకు ఉష్ణోగ్రతల్లో మార్పులు చోటు చేసుకుంటాయి. భూమితో పోలిస్తే దీని అయస్కాంత క్షేత్రం చాలా బలహీనంగా ఉంటుంది. శాస్త్రవేత్తలు దీని ఉపరితలాన్ని పరీక్షించేందుకు వీలుగా నీలి రంగు వర్ణాల ఉపరితలాన్ని అక్కడక్కడా గుంతలు ఉండటాన్ని మనం గమనించవచ్చని రాసింది.  View this post on Instagram A post shared by NASA (@nasa) ఇది కూడా చదవండి: ఢిల్లీ హోటల్లో హైడ్రామా సృష్టించిన జీ20 చైనా బృందం  

కోల్‌కతా: సత్యజిత్‌ రే దర్శకత్వంలో 1979లో వచ్చిన ‘జోయ్‌ బాబా ఫెలూనాథ్‌’ అనే బెంగాలీ సినిమాలో అత్యంత ఖరీదైన వజ్రం దుర్గామాత అధిష్టించిన సింహం బొమ్మ నోటిలో చాలాకాలం తర్వాత దొరుకుతుంది. మిస్టరీ వీడిపోతుంది. అలాంటి సంఘటనే పశ్చిమ బెంగాల్‌ రాజధాని కోల్‌కతాలో జరిగింది. ఇక్కడ కరెంటు స్విచ్‌బోర్డులో రూ.15 కోట్ల విలువైన 32 క్యారెట్ల బరువైన గోల్కొండ వజ్రం దొరికింది. అసలు విషయమేమి టంటే.. ప్రణబ్‌ కుమార్‌ రాయ్‌ అనే వ్యక్తి వద్ద ఈ వజ్రం ఉండేది. 2002లో దాని నాణ్యత, ధర తెల్సుకునేందుకు ఇంద్రజిత్‌ తపాదార్‌ అనే వజ్రాల మధ్యవర్తిని సంప్రదించాడు. 2002 జూన్‌లో ఇంద్రజిత్‌ మరొకడిని తీసుకొని ప్రణబ్‌ ఇంటికి వచ్చాడు. వారిద్దరూ కలిసి ప్రణబ్‌ను పిస్తోల్‌తో బెదిరించి వజ్రంతో ఉడాయించారు. బాధితుడి ఫిర్యాదులో పోలీసులు రంగంలోకి దిగారు. ఇంద్రజిత్‌ ఇంట్లో గాలింపు చేపట్టారు. వజ్రం ఆచూకీ దొరకలేదు. మరోవైపు తనకేమీ తెలియదని ఇంద్రజిత్‌ బుకాయించాడు. వజ్రం కచి్చతంగా అతడి ఇంట్లోనే ఉంటుందున్న నమ్మకంతో పోలీసులు అన్వేషణ కొనసాగించారు. అయినాదొరకలేదు. చిట్టచివరకు చాలా రోజుల తర్వాత అదే ఇంట్లో మెట్ల కింద కరెంటు స్విచ్‌బోర్డు లోపలున్న చిన్న సొరంగంలో వజ్రం లభ్యమైంది. నిందితుడు ఇంద్రజిత్‌కు ట్రయల్‌ కోర్టు రెండేళ్ల జైలుశిక్ష విధించింది. ఇంకోవైపు వజ్రం యజమాని ప్రణబ్‌ కుమారేనా కాదా అనే దానిపై న్యాయ వివాదం కొనసాగింది. ఆ వజ్రం అసలు సొంతదారు అతడేనని సిటీ సెషన్స్‌ కోర్టు గతవారం తీర్పునిచి్చంది. వజ్రం రూపురేఖలు మార్చొద్దని, ఇందుకోసం రూ.2 కోట్ల విలువైన బాండ్‌ సమర్పించాలని ప్రణబ్‌ను ఆదేశించింది. ప్రపంచ ప్రఖ్యాత కోహినూర్, షాజహాన్‌ వజ్రాలు సైతం  గోల్కొండ ప్రాంతానికి చెందినవే.

పత్తికొండ: కర్నూలు జిల్లాలో ఓ మహిళ పంట పండింది. తుగ్గలి మండలం జొన్నగిరి పొలాల్లో ఇటీవల ఒంగోలుకు చెందిన ఓ వ్యక్తికి తేనె రంగు వజ్రం లభించిందని ప్రచారం జరిగింది. ఈ వజ్రాన్ని స్థానిక వ్యాపారి రూ.25 లక్షలకు కొనుగోలు చేసినట్లు తెలుస్తోంది. అదే రోజు మరో రెండు వజ్రాలు లభ్యమైనట్లు సమాచారం. మద్దికెర మండలం మదనంతపురం వాసి పొలంలో కలుపు తీస్తుండగా శనివారం వజ్రం దొరికినట్లు ప్రచారం సాగుతోంది. మహిళా రైతు శనివారం పొలంలో కలుపు మొక్కలు తీసే పనుల్లో ఉన్నారు. ముందు రోజు రాత్రి వర్షం కురవడంతో తళతళ మెరిసే రాయి కనిపించింది. వెంటనే ఆ రాయిని తీసుకెళ్లి పెరవళిలో ఓ వ్యాపారికి చూపించగా.. వెంటనే రూ.14 లక్షలు డబ్బులు.. 2 తులాలు బంగారం ఇచ్చి ఆ వజ్రాన్ని వ్యాపారి సొంతం చేసుకున్నట్లు తెలిసింది. అంటే దాదాపు రూ.15 లక్షల వరకు రాగా.. ఒక్క రోజులో ఆమె లక్షాధికారి అయ్యారు. తొలకరి వర్షాలు కురవగానే కర్నూలుతో పాటుగా అనంతపురం జిల్లాల్లోని గ్రామాల్లో వజ్రాల వేట ప్రారంభమవుతుంది. భూమిలో నుంచి వజ్రాలు బయట పడతాయని ప్రచారం ఉంది. దీంతో గ్రామాల్లో జనాలు పొలాలకు వెళతారు.. వజ్రాల కోసం గాలిస్తుంటారు. కర్నూలు జిల్లా తుగ్గలి మండలం జొన్నగిరి, తుగ్గలి, పగిడిరాయి, ఎర్రగుడి, ఉప్పర్లపల్లి.. అలాగే మద్దికెర మండలం వజ్రాల బసినేపల్లి, పెరవళి, మదనంతాపురంలలో వజ్రాలు దొరుకుతాయనే ప్రచారం ఉంది. ఈ వజ్రాల కోసం కర్నూలు జిల్లాల వాళ్లే కాదు ఆ పొరుగు ఉండే జిల్లాల్లు, రాష్ట్రాల నుంచి వస్తుంటారు. పొలాల్లో తిరుగుతూ వజ్రాల వేటలో ఉంటారు. వజ్రాలు దొరికితే కొనుగోలు చేసేందుకు వ్యాపారులు పోటీపడుతుంటారు. ఒకవేళ వజ్రం దొరికితే.. బరువు, రంగు, రకాన్ని బట్టి క్యారెట్లలో లెక్కకట్టి డబ్బులు చెల్లిస్తారు. ఈ వ్యాపారం అధికారికంగా జరగదనే చర్చ ఉంది. గత నెలలో మద్దికెర మండలం వజ్రాల బసినేపల్లిలో ఓ వ్యక్తికి రూ.2 కోట్ల విలువైన వజ్రం దొరికిందని ప్రచారం జరిగిన సంగతి తెలిసిందే.

అతి ఖరీదైన ఫోన్లు అనగానే యాపిల్‌ ఐఫోన్లు గుర్తొస్తాయి.  ముఖ్యంగా  ప్రస్తుతం రూ. 1,27,999  ధర పలుకుతున్న  ఐఫోన్ 14 ప్రో మ్యాక్స్ అత్యంత ఖరీదైన ఫోన్‌గా భావిస్తాం. దీని లేటెస్ట్‌ వెర్షన్‌ ధర కళ్లు  చెదిరే ధర పలుకుతోంది.   డైమండ్ స్నోఫ్లేక్ వేరియంట్, కేవియర్ ద్వారా కస్టమైజ్ చేసిన   ఐఫోన్‌ ధర సుమారు రూ. 5 కోట్లు (616,000  డాలర్లు) పలుకుతోంది.   ఐఫోన్‌ 14 ప్రో మాక్స్  స్నోఫ్లేక్ ఎడిషన్ ప్రత్యేకత ఏమిటంటే  బ్రిటీష్ జ్యువెలరీ బ్రాండ్ గ్రాఫ్ సహకారంతో రూపొందించారు. డైమండ్ మోడల్‌ బ్యాక్‌ప్లేట్‌కు లాకెట్టు అమర్చారు. దీన్ని అతి ఖరీదైన ప్లాటినం,  వైట్‌ గోల్డ్‌తో  రూపొందించారు. ఈ రౌండ్‌ అండ్‌ మార్క్యూస్-కట్  డైమండ్స్‌తో తయారు చేసిన  లాకెట్టు ధర ఒక్కటే దాదాపు రూ. 62 లక్షలు.  దీనికి అదనంగా,18 కేరట్ల వైట్ గోల్డ్ బ్యాక్‌ప్లేట్‌ను  కూడా అమర్చారు. దీనికి  570 వజ్రాలను అమర్చారట. ప్రస్తుతానికి మూడు యూనిట్లు మాత్రమే అందుబాటులో ఉంచినట్టుతెలుస్తోంది. దీనిపై  నెటిజన్లు  విభిన్నంగా స్పందిస్తున్నారు.  ప్రస్తుతం దేశంలో రూ.3.7 కోట్లకు లభ్యమవుతున్న లంబోర్గిని హురాకాన్ ఎవో సూపర్‌కార్ ధర కంటే ఎక్కువ కదా బాసూ అంటే కమెంట్‌ చేస్తున్నారు.  కాగా 1,39,900 రూపాయల వద్ద భారతీయ మార్కెట్లో ఐఫోన్ 14 ప్రో మ్యాక్స్‌ లాంచ్‌ అయిన సంగతి తెలిసిందే.  

తొలకరి పలకరించగానే వారిలో ఆశలు చిగురిస్తాయి. సద్ది సిద్ధం చేసుకుని పొలాల బాట పడతారు. నేలలో అణువణువూ శోధిస్తారు. ప్రతి రాయి కదుపుతారు. మెరిసే రాళ్లను సేకరిస్తారు. వాటిని తీసుకెళ్లి ఏజెంట్లకు చూపుతారు. అది వజ్రమైతే వారి పంట పండినట్లే! లేదంటే మరోసారి అదృష్టాన్ని పరీక్షించుకునేందుకు సిద్ధమవుతారు. ఇలా ఏటా వజ్రాల వేట నిరాటంకంగా సాగుతోంది. దశాబ్దాలుగా సాగుతున్న ఈ వేటలో కొందరు లక్షాధికారులు కాగా... మరికొందరు అన్వేషకులుగానే మిగిలిపోయారు.  అనంతపురం డెస్క్‌: వజ్రాల పేరు చెప్పగానే టక్కున గుర్తుకొచ్చే ఊరు వజ్రకరూరు. ఇక్కడ దొరుకుతున్న వజ్రాల కారణంగానే కవులూరు గ్రామం కాస్తా కాలక్రమేణా కరూరుగా.. వజ్రకరూరుగా రూపాంతరం చెందింది. ఇక్కడ వజ్రాలు ఉన్నట్లు బ్రిటీష్‌ హయాంలోనే గుర్తించారు. అప్పట్లోనే ప్రత్యేక కంపెనీ ఏర్పాటుచేసి అన్వేషణకు శ్రీకారం చుట్టారు. ప్రభుత్వపరంగా వజ్రాన్వేషణ అంత లాభదాయకంగా లేదు కానీ.. సామాన్యుల అన్వేషణ మాత్రం ఏటా కొనసాగుతూనే ఉంది. ప్రతి ఏటా జూన్‌ మొదటి వారంలో తొలకరి వర్షాలు మొదలు కాగానే వజ్రకరూరు ప్రాంతం కొత్త వ్యక్తులతో కళకళలాడుతూ ఉంటుంది. వజ్రకరూరు చుట్టూ ఐదు కిలోమీటర్ల మేర ఎర్రనేలలు జనంతో రద్దీగా కనిపిస్తాయి.  ఒక్కో పొలంలో 30–40 మంది వజ్రాల కోసం వెతుకుతుంటారు. బలమైన వర్షాలు పడినప్పుడు ఈ  సంఖ్య వందకు పైగానే ఉంటుంది. వాననీటి ప్రవాహం వల్ల భూమిలోని వజ్రాలు పైకి తేలి.. దిగువ ప్రాంతాలకు కొట్టుకొచ్చే అవకాశం ఉండడంతో ఎక్కువమంది ఆ దిశగా అన్వేషణ సాగిస్తుంటారు. స్థానికులే కాకుండా ఉమ్మడి అనంతపురం జిల్లా నలుమూలలు,  కర్నూలు, వైఎస్సార్‌ జిల్లాలు, కర్ణాటక ప్రాంతాల నుంచి కూడా వాహనాల్లో ఇక్కడికి వచ్చి వజ్రాన్వేషణలో నిమగ్నమవుతున్నారు. ఇతర ప్రాంతవాసుల రాక 15 ఏళ్లుగా ఎక్కువైంది. కొందరు రోజుల తరబడి స్థానికంగానే ఉంటూ అదృష్టాన్ని పరీక్షించుకుంటున్నారు.  వజ్రకరూరు ప్రాంతంలో లభించే వజ్రాలు అత్యంత విలువైనవిగా చెబుతుంటారు. రూ.లక్ష మొదలుకుని రూ.50 లక్షలకు పైగా విలువైన వజ్రాలు ఇక్కడ లభిస్తున్నట్లు సమాచారం. వజ్రకరూరు, రాగులపాడు, కమలపాడు, బోడిసానిపల్లి, పొట్టిపాడు గ్రామాల పరిధిలోని ఎర్ర నేలల్లో అన్వేíÙంచే వారికి ఏటా 15 నుంచి 20 వజ్రాలు దొరుకుతున్నట్లు అంచనా. వీటిని గుత్తి, కర్నూలు జిల్లా పెరవలి, జొన్నగిరి తదితర ప్రాంతాలకు చెందిన వ్యాపారులు గుట్టుచప్పుడు కాకుండా కొనుగోలు చేస్తున్నారు. వజ్రం రంగు, జాతిని బట్టి క్యారెట్ల రూపంలో లెక్కగట్టి ధర నిర్ణయిస్తున్నారు. విక్రయదారులకు డబ్బుతో పాటు బంగారం ముట్టజెబుతున్నారు. విక్రయదారులకు ధర నచ్చని పక్షంలో టెండర్‌ పద్ధతిలో వజ్రాలను వ్యాపారులు కొనుగోలు చేస్తుండడం గమనార్హం.  వజ్రాన్వేషణ జరిగే ప్రాంతాల్లో ప్రత్యేకంగా తమ మనుషుల (ఏజెంట్లు)ను పెట్టి వజ్రాలు దొరికిన వారి సమాచారం వ్యాపారులు సేకరించుకుంటున్నారు.  వజ్రకరూరుతో పాటు ఈ ప్రాంతానికి 50 కి.మీ.లోపే దూరం ఉన్న కర్నూలు జిల్లా జొన్నగిరి, తుగ్గలి, పగిడిరాయి ప్రాంతాల్లోనూ వజ్రాలు లభిస్తున్నాయి. ఈ ప్రాంతాల్లో వజ్రాలు లభించే కింబర్‌లైట్‌ పైపులు భూఉపరితలానికి అతి దగ్గరలో ఉన్నాయని గనులు, భూగర్భశాఖ అధికారులు చెబుతున్నారు.  దానికితోడు ఈ ప్రాంతంలోని భూమి గడిచిన ఐదువేల సంవత్సరాల్లో దాదాపు అర కిలోమీటరు మేర కోతకు గురైందని, అందుకే ఇక్కడ తరచూ వజ్రాలు దొరుకుతున్నాయని అంటున్నారు. వజ్రకరూరు ప్రాంతంలో వజ్రాన్వేషణకు 1934 సంవత్సరంలోనే బ్రిటీష్‌ వారు ‘ది న్యూ వజ్రకరూరు డైమండ్‌ మైనింగ్‌ కంపెనీ లిమిటెడ్‌’ స్థాపించారు.  వజ్రాలు లభించే పొలాలను సేకరించారు. ఈ కంపెనీని స్వాతంత్య్రం వచ్చాక 1970లో నేషనల్‌ మినరల్‌ డెవలప్‌మెంట్‌ కార్పొరేషన్‌ (ఎన్‌ఎండీసీ) పరిధిలోకి తెచ్చారు. 1974 నుంచి జియోలాజికల్‌ సర్వే ఆఫ్‌ ఇండియా (జీఎస్‌ఐ) ఆధ్వర్యంలో వజ్రాన్వేషణ చేపడుతున్నారు. ఈ సంస్థ ఆధ్వర్యంలోనే వజ్రకరూరులోని వజ్రాల ప్రక్రమణ కేంద్రం (డైమండ్‌ ప్రాసెసింగ్‌ ప్లాంట్‌) నడుస్తోంది. ఒకప్పుడు ఇక్కడ కార్యకలాపాలు చురుగ్గా జరిగేవి. వివిధ కారణాలతో ప్రస్తుతం మందగించాయి. కొన్ని ప్రైవేటు సంస్థలు కూడా ఈ ప్రాంతంలోని వజ్ర నిక్షేపాలపై దృష్టి సారించినప్పటికీ మైనింగ్‌కు మాత్రం ముందుకు రాలేదు.   

ముంబై: అంతర్జాతీయ ప్రైవేట్‌ ఈక్విటీ దిగ్గజం బ్లాక్‌స్టోన్‌ తాజాగా ఇంటర్నేషనల్‌ జెమాలాజికల్‌ ఇనిస్టిట్యూట్‌ (ఐజీఐ)ని కొనుగోలు చేసింది. ఈ డీల్‌ విలువ 525 మిలియన్‌ డాలర్లని సంస్థ తెలిపింది. 80 శాతం వాటాను షాంఘై యుయువాన్‌ టూరిస్ట్‌ మార్ట్‌ (గ్రూప్‌) నుంచి, మిగతా మొత్తాన్ని ఐజీఐ వ్యవస్థాపక కుటుంబానికి చెందిన రోలాండ్‌ లోరీ నుంచి కొనుగోలు చేసినట్లు వివరించింది. ఐజీఐ ప్రధాన కార్యాలయం బెల్జియంలోని యాంట్‌వెర్ప్‌లో ఉన్నప్పటికీ సంస్థ ఆదాయం, లాభాల్లో సింహ భాగం భారత్‌ నుంచే ఉంటోంది. ప్రపంచంలోనే అత్యధికంగా డైమండ్‌ పాలిషింగ్‌ భారత్‌లోనే జరుగుతుండటం ఇందుకు కారణం. వజ్రాలు, రత్నాలు, ఆభరణాలకు సర్టిఫికేషన్‌ సేవలను ఐజీఐ అందిస్తోంది. వివిధ దేశాల్లో 29 ల్యాబరేటరీలు (భారత్‌లో 18), 18 జెమాలజీ స్కూల్స్‌ నిర్వహిస్తోంది. కంపెనీ కార్యకలాపాలను మరింతగా విస్తరించడంపై దృష్టి పెట్టనున్నట్లు ఐజీఐ సీనియర్‌ ఎండీ ముకేష్‌ మెహతా తెలిపారు. ఇదీ చదవండి: ట్రావెలింగ్‌ చేసేవారికి అలర్ట్‌! పెరుగుతున్న ఆన్‌లైన్‌ ట్రావెల్‌ స్కామ్‌లు  

సూరత్‌: వజ్రాన్ని చూస్తేనే కళ్లు చెదురుతాయి. ధగధగలాడుతూ చూపరుల్ని కట్టి పడేస్తుంది. అలాంటిది వజ్రంలో వజ్రం ఉంటే ఇంక వేరే చెప్పాలా. కళ్లు కూడా తిప్పుకోలేం. అలాంటి అరుదైన వజ్రం గుజరాత్‌లో సూరత్‌లో వి.డి. గ్లోబల్‌ అనే వజ్రాల కంపెనీకి లభించింది. ఆ వజ్రం లోపలున్న వజ్రం కూడా లోపల అటూఇటూ ఎంచక్కా కదులుతోందని ఆ కంపెనీ వెల్లడించింది. 0.329 క్యారట్ల ఈ వజ్రానికి బీటింగ్‌ హార్ట్‌ అని పేరు పెట్టారు. వజ్రాల గనుల తవ్వకాల్లో గత ఏడాది అక్టోబర్‌లో ఈ వజ్రం లభించింది. అరుదైన వజ్రం కావడంతో కేంద్ర ప్రభుత్వం ఏర్పాటు చేసిన ది జెమ్‌ అండ్‌ జ్యుయెలరీ ఎక్స్‌పోర్ట్‌ ప్రొమోషన్‌ కౌన్సిల్‌ (జీజేఈపీసీ) దానిపై మరింత అధ్యయనం చేసింది. ఆప్టికల్, ఎలక్ట్రానిక్‌ మైక్రోస్కోప్స్‌ ద్వారా విశ్లేషించి 2019లో సైబీరియాలో లభించిన వజ్రం మాదిరిదే బీటింగ్‌ హార్ట్‌ కూడానని తేల్చింది. అప్పట్లో సైబీరియాలో లభించిన ఈ వజ్రంలో వజ్రం 80 కోట్ల ఏళ్ల కిందటిదని, విలువ అమూల్యమని చెప్పుకున్నారు. ఆ వజ్రానికి మత్రోష్కా అని పేరు పెట్టారు. రష్యాలో తయారు చేసే ఒక దానిలో ఒకటి ఇమిడిపోయే చెక్క బొమ్మల్ని మత్రోష్కా అని పిలుస్తారు. ఇప్పుడు అచ్చంగా అదే మాదిరి వజ్రం మన దేశంలో కూడా లభించడం విశేషం. ఈ వజ్రం లోపలి వజ్రం కూడా అత్యంత స్పష్టంగా కనిపిస్తోంది. వజ్రాలపై అధ్యయనం చేసే ‘డి బీర్స్‌’గ్రూప్‌కు చెందిన నిపుణురాలు సమంతా సిబ్లీ గత 30 ఏళ్లలో బీటింగ్‌ హార్ట్‌లాంటి అరుదైన వజ్రాన్ని చూడలేదని చెప్పారు. ఈ వజ్రం ఎలా ఏర్పడిందో అధ్యయనం చేస్తామని తెలిపారు.

అపర కుబేరుడు, రిలయన్స్‌ ఇండస్ట్రీస్ అధినేత ముఖేష్‌ అంబానీ చిన్న కుమారుడు అనంత్‌ అంబానీ త్వరలోనే ఓ ఇంటివాడవుతున్న విషయం తెలిసిందే. రాధిక మర్చంట్‌ మెడలో మూడుముళ్లు వేసి వైవాహిక బంధంలోకి అడుగుపెట్టనున్నాడు. ఇటీవలే అనంత్‌-రాధికల నిశ్చితార్థం అంగరంగ వైభవంగా జరిగింది. అంబానీ నివాసం అంటీలియాలో కుటుంబ సభ్యులు, సన్నిహితుల సమక్షంలో జరిగిన ఈ వేడుకకు సంబంధించిన ఫోటోలు, వీడియోలు ఇప్పటికీ సోషల్‌ మీడియాలో వైరల్‌గా మారాయి.  తాజాగా అనంత్‌ అంబానీకి చెందిన ఓ వార్త సోషల్‌ మీడియాలో వైరల్‌గా మారింది. అనంత్‌ ఎంగేజ్‌మెంట్‌ రోజున సోదరుడు ఆకాష్‌ అంబానీ అత్యంత ఖరీదైన ఓ వస్తువును తమ్ముడికి బహుమతిగా ఇచ్చినట్లు తెలుస్తోంది. ఈ విషయాన్ని అంబానీ ఫ్యాన్‌ పేజ్‌ సోషల్‌ మీడియాలో పంచుకుంది. అనంత్‌ తన సోదరుడు ఆకాష్‌ నుంచి కార్టియర్‌ నుంచి కస్టమైజ్‌ చేసిన పాంథర్‌ బ్రూచ్‌ను(విలువైన స్టోన్స్‌, డైమెండ్స్‌తో తయారు చేయబడి సూట్‌పై అలంకరించే పిన్‌) గిఫ్ట్‌గా పొందినట్లు సమాచారం. చిరుతపులి ఆకారంలో ఉంటే ఈ బ్రూచ్‌ను 51 నీలమణి, 2 పచ్చలతో పొదిగిన 18 క్యారెట్ల తెల్ల బంగారంతో ప్రత్యేకంగా రూపొందించారట. అంతేగాక ఇందులో 604 అన్‌కట్‌ డైమండ్స్‌ను పొందిపరిచారు. అయితే తెల్లని చిరుతపులిలా కనిపించే బ్రూచ్‌ ధర అక్షరాల 162,000 డాలర్లు అట. అంటే ఇండియన్‌ కరెన్సీ ప్రకారం సుమారు రూ. 1.3 కోట్లు. అయితే దీని విలువ ఇంత కంటే ఎక్కువే ఉండొచ్చని పలువురు అంచనా వేస్తున్నారు. కాగా అనంత్‌ పెళ్లాడబోయే యువతి ఎన్‌కోర్‌ హెల్త్‌కేర్‌ సీఈవో వీరేన్‌ మర్చంట్‌ కూతురు. వీరు గుజరాత్‌లోని కచ్‌ ప్రాంతానికి చెందినవారు. ప్రస్తుతం ఆమె ఎన్‌కోర్ హెల్త్‌కేర్ బోర్డ్ డైరెక్టర్‌గా పనిచేస్తున్నారు. రాధిక క్లాసికల్‌ డ్యాన్సర్‌ కూడా. ఎనిమిదేళ్లుగా ఆమె భరత న్యాట్యంలో శిక్షణ తీసుకుంటున్నారు. ఇక ముఖేష్ అంబానీకి ముగ్గురు సంతానం కాగా.. ఆకాష్, ఇషా కవలలు, అనంత్ చిన్న కుమారుడు. చదవండి: ఇన్‌స్టాగ్రామ్‌ లైవ్‌లో ఆత్మహత్యాయత్నం.. 15 నిమిషాల్లోనే

హైదరాబాద్, బిజినెస్‌ బ్యూరో: దేశీ వజ్రాల పరిశ్రమ 2030 నాటికి 17 బిలియన్‌ డాలర్లకు చేరవచ్చని అంచనాలు ఉన్నాయని డైమండ్‌ మైనింగ్‌ దిగ్గజం డిబీర్స్‌ ఇండియా మార్కెటింగ్‌ డైరెక్టర్‌ తొరాంజ్‌ మెహతా తెలిపారు. ప్రస్తుతం ఇది 7 బిలియన్‌ డాలర్ల స్థాయిలో ఉందని వివరించారు. అమెరికా, చైనా తర్వాత మూడో అతి పెద్ద మార్కెట్‌గా ఉన్న భారత్‌ ఇప్పుడిప్పుడే గణనీయంగా వృద్ధి చెందుతోందని ఆమె తెలిపారు. ‘‘మెచ్యూరిటీని బట్టి చూస్తే జపాన్‌ పూర్తి స్థాయిని దాటేసింది. అమెరికా ప్రస్తుతం దగ్గర్లో ఉంది. చైనా వృద్ధి దశలోనూ, భారత్‌ వర్ధమాన స్థాయిలోనూ ఉంది’’ అని మెహతా వివరించారు. మధ్య ప్రాచ్యం, యూరప్‌ మొదలైన ప్రాంతాల మార్కెట్‌ వాటా సుమారు చెరో 7 శాతం స్థాయిలో ఉన్నాయని పేర్కొన్నారు. సూరత్‌లోని డిబీర్స్‌ అధునాతన ఇన్‌స్టిట్యూట్‌ ఆఫ్‌ డైమండ్స్‌ సందర్శన సందర్భంగా ఆమె ఈ విషయాలు తెలిపారు. ‘‘భారత ఎకానమీ వేగంగా వృద్ధి చెందుతోంది. మధ్యతరగతి జనాభా పెరగనుంది. డైమండ్స్‌ కొనుగోలు చేసే సంపన్న వర్గాల సంఖ్య మరింత ఎక్కువగా 25 శాతం మేర పెరగవచ్చని అంచనా. అలాగే వయస్సు రీత్యా చూస్తే కూడా వజ్రాల వైపు మొగ్గు చూపే యువత సంఖ్య కూడా పెరుగుతోంది. ఇవన్నీ కూడా రాబోయే దశాబ్దకాలంలో దేశీయంగా పరిశ్రమ వృద్ధికి తోడ్పడనున్నాయి’’ అని మెహతా వివరించారు. ఫరెవర్‌ మార్క్‌ అనే తమ బ్రాండ్‌ విషయానికొస్తే అమ్మకాలపరంగా భారత్‌ అతి పెద్ద మార్కెట్‌గా ఉంటోందని ఆమె చెప్పారు. ప్రస్తుతం తమకు 60 నగరాల్లో 270 పైచిలుకు రిటైల్‌ అవుట్‌లెట్స్, 14 ఎక్స్‌క్లూజివ్‌ స్టోర్స్‌ ఉన్నాయని మెహతా వివరించారు. కార్యకలాపాలను మరింతగా విస్తరించే క్రమంలో ఈ నెలాఖరు నాటికి ఇండోర్, మంగళూరులో కొత్తగా రెండు ఎక్స్‌క్లూజివ్‌ స్టోర్స్‌ను తెరుస్తున్నట్లు ఆమె తెలిపారు.   దక్షిణాదిలో నాణ్యత .. ఉత్తరాదిలో పరిమాణం..  దక్షిణాది, ఉత్తరాది మార్కెట్లలో డిజైన్ల ప్రాధాన్యాలు చాలావరకు భిన్నంగా ఉంటాయని మెహతా తెలిపారు. దక్షిణాదిలో డైమండ్‌ పరిమాణం చిన్నదిగా ఉన్నా మంచి రంగు, అత్యుత్తమ క్వాలిటీకి ప్రాధాన్యమిస్తారని, అదే ఉత్తరాదిలో డైమండ్‌ పరిమాణానికి కొంత ఎక్కువ ప్రాధాన్యమిస్తుంటారని పేర్కొన్నారు. తమకు దక్షిణాది మార్కెట్లో అమ్మకాలు అత్యధికంగా ఉండగా, ఉత్తరాదిలో పుంజుకుంటున్నాయని మెహతా చెప్పారు.   అతి పెద్ద కేంద్రం..   డిబీర్స్‌కు ప్రపంచవ్యాప్తంగా మూడు (బ్రిటన్, బెల్జియం, భారత్‌) డైమండ్‌ ఇనిస్టిట్యూట్స్‌ ఉన్నాయి. వీటన్నింటిలోకెల్లా సూరత్‌లోని ఇనిస్టిట్యూట్‌ అతి పెద్దది. దీని ద్వారా డిబీర్స్‌ అధునాతన యంత్రాలు, నిపుణులతో డైమండ్‌ గ్రేడింగ్, టెస్టింగ్, ఇన్‌స్క్రిప్షన్‌ సేవలు అందిస్తోంది. 2015లో ప్రారంభించిన ఈ కేంద్రంపై దాదాపు 15 మిలియన్‌ డాలర్లు ఇన్వెస్ట్‌ చేసింది. ఏడాదికి దాదాపు 10 లక్షల సర్టిఫికెషన్లు చేసే సామర్థ్యాలతో ఇది ఏర్పాటైంది.

బాలీవుడ్‌ బాద్‌షా షారుక్ ఖాన్‌ హిందీ చిత్ర పరిశ్రమలో స్టార్‌ హీరోలో ఒకరు. ఇక ముంబైలోని ఆయన నివాసం ఎంత ప్రత్యేకమో చెప్పనక్కర్లేదు. అక్కడ చూడదగిన ప్లేస్‌లో షారుఖ్‌ నివాసం మన్నత్‌ ఒకటి.  సుమారు రూ. 200 కోట్లతో అన్ని హంగులతో షారుక్‌ తనకు నచ్చినట్టుగా మన్నత్‌నని నిర్మించుకున్నాడు. ఇందులో షారుక్‌ ఇంటి నెంబర్‌ ప్లేటు చాలా ప్రత్యేకత సంతరించుకుంది. మన్నత్‌కు మరింత మెరుపు తీసుకువచ్చేందుకు గతంలో వజ్రాలతో ఉన్న నెంబర్‌ ప్లేట్‌ని చేపించాడు షారుక్‌. పూర్తిగా వజ్రాలతో పొదిగిన ఈ ప్లేట్‌పై మన్నత్‌ అని నల్లటి అక్షరాలతో రాసి ఉంటుంది. చదవండి: జబర్దస్త్‌ ‘పంచ్‌’ ప్రసాద్‌ ఆరోగ్యంపై డాక్టర్లు ఏమన్నారంటే? అయితే భద్రత దృష్ట్యా ఈ నేమ్‌ ప్లేట్‌ తీసేశారు. తాజాగా మరోసారి షారుఖ్ తన ఇంటికి డైమండ్‌ నేమ్ ప్లేట్ పెట్టించాడు. దాదాపు 35 లక్షలతో ఈ వజ్రాల నేమ్ ప్లేట్ తయారు చేయించినట్లు తెలుస్తోంది. రాత్రిపూట ఆ వజ్రాలు మెరుస్తూ ఆ ఇంటికి మరింత అందాన్ని తీసుకొచ్చాయి. దీంతో ఈ వజ్రాల నేమ్ ప్లేట్‌ని చూసేందుకు మరోసారి ప్రజలు షారుఖ్ ఇంటికి క్యూ కడుతున్నారు. మన్నత్‌ను సందర్శించిన ఫొటోలు, వీడియోలను సోషల్‌ మీడియాలో షేర్‌ చేస్తున్నారు. దీంతో షారుఖ్ ఇంటి డైమండ్‌ నేమ్‌ ప్లేట్‌ సోషల్ మీడియాలో వైరల్‌గా మారింది. After 2 months #Mannat new gate design is unveiled and it's super awesome. What do you think guys? 😍#GauriKhan #ShahRukhKhan pic.twitter.com/w2VcF2AEl9 — Team Shah Rukh Khan Fan Club (@teamsrkfc) November 19, 2022

దీపావళి.. భారతీయులు జరుపుకునే ముఖ్యమైన పండుగలో ఇది కూడా ఒకటి. దివాళి వచ్చిందంటే సంస్థలు తమ ఉద్యోగులకు బహామతులు ,బోనస్‌లు ప్రకటించడం ఆనవాయితీ. అయితే ఓ యజమాని మాత్రం జీవితాంతం గుర్తిండిపోయే గిఫ్ట్‌ని తన ఉద్యోగులకు ఇచ్చాడు. వివరాల్లోకి వెళితే.. గుజరాత్‌ సూరత్‌లోని శ్రీ రామకృష్ణ ఎక్స్‌పోర్టర్ అత్యంత ప్రసిద్ధ వజ్రాల కంపెనీల్లో ఒకటి. దీని యజమాని గోవింద్‌ ధోలాకియా. ఆయన గతంలో కార్లు, ఇళ్లు అంటూ తన ఉద్యోగులకు అనేక బహుమతులను అందించిన సంగతి తెలిసిందే. ప్రతి ఏడాది లానే ఈ సారి కూడా తన సంస్థలో పని చేస్తున్న ఉద్యోగులకు బహామతులను ఇవ్వదలచుకున్నాడు. అయితే అది జీవితాంతం గుర్తుండడంతో పాటు వాళ్లకు ఉపయోగపడేలా ఇవ్వాలని నిర్ణయించుకున్నారు. అందుకే వారి కంపెనీలో పని చేస్తున్న 1000 మంది ఉద్యోగులకు దీపావళి కానుకగా సోలార్ రూఫ్‌టాప్ ప్యానెళ్లను అందించారు. దీని ద్వారా వారికి జీవితకాలం కరెంట్ ఉచితంగా అందించాలనుకున్నాడు. ఇప్పటికే 550 మంది ఉద్యోగులకు ఈ గిఫ్ట్‌ అందించినట్లు మిగిలిన వాళ్లకి కూడా అతి త్వరలో అందజేయనన్నారు. పర్యావరణానికి కూడా ఇది బోనస్‌! ధోలికియా తీసుకున్న ఈ గొప్ప నిర్ణయం వల్ల కేవలం ఉద్యోగులు లాభపడటమే కాక.. పర్యావరణానికి సైతం మేలు జరగుతంది. ఇంతకు ముందు కూడా SRK నాలెడ్జ్ ఫౌండేషన్ ద్వారా SRK ఎక్స్‌పోర్టర్ సాంఘిక సంక్షేమ విభాగం ద్వారా అనేక కార్యక్రమాలు చేపట్టారు. చదవండి: ఉద్యోగులకు ఊహించని గిఫ్ట్‌ ఇచ్చిన యజమాని.. జీవితాంతం కరెంట్‌ ఫ్రీ!

దుబాయ్‌: ప్రపంచంలోనే అత్యంత స్వచ్ఛమైన పెద్ద పసుపు రంగు ‘గోల్డెన్‌ కనరీ’ వజ్రం ఇది. దుబాయ్‌లోని సోత్‌బేస్‌ ప్రదర్శనలో ఉంచారు. దీనిని ఈ ఏడాది డిసెంబర్‌లో న్యూయార్క్‌లో వేలం వేయనున్నారు. 1980లలో కాంగో దేశంలో వజ్రాల గని సమీపంలో లభించినపుడు దీని బరువు 890 క్యారెట్లు. తర్వాత పలుమార్లు సానబట్టి ముక్కలుగా మారింది. చివరకు 303.10 క్యారెట్లకు తగ్గించారు. అదే ఈ వజ్రం. డిసెంబర్‌ 7న న్యూయార్క్‌లో ఇది రూ.123 కోట్ల ధర పలకొచ్చని ఒక అంచనా. ఇదీ చదవండి: పింక్‌ వజ్రానికి రికార్డ్‌ ధర.. రూ.480 కోట్లకు వేలం

హాంకాంగ్‌: అరుదుగా లభించే గులాబీ(పింక్‌) వజ్రాన్ని వేలం వేయగా రికార్డ్‌ స్థాయిలో ధర పలికింది. గులాబీ రంగులో ధగ ధగా మెరిసిపోతున్న ఈ వజ్రాన్ని శుక్రవారం హాంకాంగ్‌లో వేలం వేశారు. ఈ వేలంలో 58 మిలియన్‌ డాలర్లు(రూ.480 కోట్ల) ధర పలికింది. క్యారెట్‌ పరంగా వేలంలో ఈ స్థాయి అత్యధిక ధర పలకడం ప్రపంచ రికార్డు. 11.15 క్యారెట్లు ఉన్న ఈ విలియమ్సన్‌ పింక్‌ స్టార్‌ డైమండ్‌ అంచనా ధర 21 మిలియన్‌ డాలర్లు(రూ.173.5 కోట్లు) కాగా, రెట్టింపు ధరను మించి పలికింది. ప్రముఖ సంస్థ ‘సదబీస్‌’ దీన్ని వేలం వేసింది. రెండు ప్రపంచ ప్రఖ్యాత పింక్‌ వజ్రాల వరుసలో ఈ వజ్రానికి ‘విలియమ్సన్‌ పింక్‌ స్టార్‌ డైమండ్‌’ అనే పేరు వచ్చింది. 23.60 క్యారెట్ల మొదటి విలియమ్సన్‌ డైమండ్‌ను తన వివాహ వేడుకలో (1947) బ్రిటన్‌ రాణి ఎలిజబెత్‌-2 కానుకగా అందుకొన్నారు. 59.60 క్యారెట్ల రెండో పింక్‌ స్టార్‌ డైమండ్‌ 2017 వేలంలో రూ.588 కోట్ల (71.2 మిలియన్‌ డాలర్లు) రికార్డు ధరకు అమ్ముడుపోయింది. ఇదీ చదవండి:  15 నిమిషాల రైడ్‌కు రూ.32 లక్షలు ఛార్జ్‌ చేసిన ఉబర్‌

అదృష్టం ఎప్పుడు.. ఏ రూపంలో ఎవరిని వరిస్తుందో చెప్పులేము. దశ తిరిగితే రాత్రికి రాత్రే కోటీశ్వరులు కావొచ్చు.. అలాగే బిక్షగాడు కూడా అయ్యే అవకాశమూ లేకపోలేదు. తాజాగా ఓ రైతు ఒక్కరోజులో కోటీశ్వరుడయ్యాడు. ఇంతకీ అతను ఏం చేశాడంటే.. వివరాల ప్రకారం.. మధ్యప్రదేశ్‌లో పన్నా జిల్లాలోని బ్రిజ్‌పుర్‌కు చెందిన రాజేంద్ర గుప్త అనే రైతు ఆరుగురు స్నేహితులతో కలిసి కొంత కాలం క్రితం.. లల్కీ ధేరీ అనే ప్రాంతంలో ఒక చిన్న వజ్రాల గనిని లీజుకు తీసుకున్నాడు. అనంతరం, వజ్రాల వేట ప్రారంభించాడు. ఈ క్రమంలో ఒక నెలపాటు నిరంతరాయంగా శ్రమించినా వజ్రం దొరకలేదు. అయినప్పటికీ నిరాశ చెందలేదు. వజ్రాన్ని ఎలాగైనా సాధించాలన్న సంకల్పంతో ముందుకుసాగాడు.  ఈ క్రమంలో గురువారం వారికి గనిలో విలువైన 3.21 క్యారెట్ల వజ్రం దొరికింది. ఎంతో ఆనందపడిన రాజేంద్ర గుప్త దాన్ని వెంటనే వజ్రాల కార్యాలయానికి తీసుకెళ్లి అధికారులకు చూపించారు. వజ్రాన్ని పరిశీలించిన అధికారులు.. వజ్రం విలువ భారీ మొత్తంలో ఉండొచ్చని అంచనా వేస్తున్నారు. దీంతో, వారి ఆనందం రెట్టింపు అయ్యింది. ఆ వజ్రాన్ని వేలం వేయడం ద్వారా వచ్చిన డబ్బును.. సమానంగా పంచుకుని ఏదైనా వ్యాపారం ప్రారంభిస్తామని వారు వెల్లడించారు. ఇలా రాత్రికి రాత్రే వారు కోటీశ్వరులయ్యారు. ఈ విషయం కాస్తా దేశవ్యాప్తంగా హాట్‌టాపిక్‌గా మారింది.  Madhya Pradesh News: पन्ना में एक साथ चार लोगों को अलग-अलग खदानों में मिले बेशकीमती हीरे#siamond #mpnews #pannanewshttps://t.co/2QnRAKyMeZ pic.twitter.com/HuPYudd62j — NaiDunia (@Nai_Dunia) September 22, 2022

హైదరాబాద్‌: టాటా గ్రూప్‌ ఆభరణాల రిటై ల్‌ బ్రాండ్‌ తనిష్క్‌.. శుభప్రదమైన వరమహాలక్ష్మీ వేడుకల్లో భాగంగా అత్యుత్తమ ఆఫర్లను ప్రకటించింది. బంగారం ఆభరణాలపై గ్రాముకు రూ.200 వరకూ తగ్గింపు, వజ్రాభరణాల విలువపై 20 శాతం వరకూ రాయితీ ఇందులో ఉన్నాయి. ఆగస్టు 1 నుంచి 7వ తేదీ వరకూ తెలుగు రాష్ట్రాల అన్ని తని‹Ù్క షోరూమ్‌లలో ఈ ఆఫర్లు అందుబాటులో ఉంటాయి.   జోయాలుక్కాస్‌.. అనుగ్రహ  హైదరాబాద్‌: వివాహ సంబరాలకుగాను జోయాలుక్కాస్‌ ‘అనుగ్రహ’ బ్రాండ్‌ పేరుతో కొత్త జ్యువెలరీ కలెక్షన్‌ను ఆవిష్కరించింది. కాబోయే పెండ్లి కుమార్తెల కోసం రూపొందించిన ఈ ప్రత్యేక ఆభరణాలు దేశవ్యాప్తంగా తమ అన్ని షోరూమ్‌లలో లభ్యం అవుతాయని ఈ మేరకు విడుదల చేసిన ఒక ప్రకటనలో సంస్థ తెలిపింది. సంస్థ డైమండ్‌ జ్యువెలరీపై 25 శాతం డిస్కౌంట్‌ను అందిస్తున్నట్లూ ప్రకటన పేర్కొంది. చదవండి: అకౌంట్‌లో డబ్బులు కొట్టేసే యాప్స్‌: తక్షణమే డిలీట్‌ చేయండి!

భోపాల్‌: అదృష్టం అందరికీ ఒకేలా ఉండదు. ఎంతో మంది ఎన్నో ఏళ్లు కష్టపడ్డా కంటపడని అదృష్టం.. ఆమెకు అనుకోకుండా కలిసొచ్చింది. రాత్రికి రాత్రే ఆమె నసీబ్‌ను మార్చేసింది. కట్టెల కోసం వెళ్లిన ఓ పేద గిరిజన మహిళకు.. అక్కడ దొరికిన వస్తువు ఒకటి లక్షాధికారిని చేసేసింది. మధ్యప్రదేశ్‌ వజ్రాల జోన్‌ అయిన పన్నా జిల్లాలో ఈ ఘటన జరిగింది. ఎప్పటిలాగే  బుధవారం రోజున పొయ్యి కట్టెల కోసం అడవికి బయలుదేరింది జెందా బాయి. అక్కడ ఆమె మట్టిలో కూరుకుపోయి మెరుస్తున్న ఓ రాయి దొరికింది. దానిని ఇంటికి తీసుకొచ్చి భర్తకు చూపించింది. అయితే దాని మెరుపు ఆయనకు అనుమానంగా అనిపించి.. అధికారులను సంప్రదించాడు. వాళ్లు పరీక్షించి అదొక 4.39 క్యారట్‌ వజ్రమని, చెప్పడంతో ఆ భార్యాభర్తల ఆనందానికి అవధుల్లేకుండా పోయింది.     డైమండ్‌ ఇన్‌స్పెక్టర్‌ అనుపమ్‌ సింగ్‌.. డైమండ్‌ డిపాజిట్‌ ఫార్మాలిటీస్‌ను పూర్తి చేశారు. వేలంలో అది ఫలానా ధర దక్కించుకోవడమే తరువాయి. కనీసం దాని విలువ రూ.20 లక్షల దాకా పలకవచ్చని అనుపమ్‌ సింగ్‌ అంటున్నారు. వచ్చేదాంట్లో ప్రభుత్వం తరపున రాయల్టీ, ట్యాక్సుల రూపంలో 12.5 శాతం మినహాంచుకుని.. మిగతాది జెందా బాయి కుటుంబానికి ఇచ్చేస్తారు.    పన్నా జిల్లాకు యాభై కిలోమీటర్ల దూరంలో ఉండే పురుషోత్తంపూర్‌ గ్రామం.. జెండా బాయి కుటుంబం ఉంటోంది. భర్త కూలీపనులు.. జెందా బాయి రోజూ కట్టెలు కొట్టి అమ్మగా వచ్చిన డబ్బులతో కుటుంబాన్ని నడిపించుకుంటున్నారు. ఈ క్రమంలో వజ్రం రూపంలో ఆ పేద కుటుంబానికి అదృష్టం కలిసొచ్చింది. వచ్చిన డబ్బుతో సొంతగా ఒక ఇల్లు కట్టించుకోవడంతో పాటు కూతుళ్ల పెళ్లిలకు కొంత డబ్బును డిపాజిట్‌ చేస్తామని చెప్తున్నారు ఆ భార్యభర్తలు. Video: A tribal woman, out gathering firewood in a forest in MP’s #Panna , found a diamond worth at least Rs 20 lakh. #MadhyaPradesh pic.twitter.com/x0dLlBYXMJ — TOI Bhopal (@TOIBhopalNews) July 29, 2022

లేత గులాబీ రంగులో మెరిసిపోతున్న ఈ రాయిని చూశారా. అది మామూలు రాయి కాదు. అరుదైన పింక్‌ డైమండ్‌. దాని ఖరీదు వందలు లేదా వేల కోట్లు ఉండొచ్చని భావిస్తున్నారు. అత్యంత విలువైన ఈ వజ్రం అంగోలాలో బయటపడింది. లులో గనుల్లోని తవ్వకాల్లో బయటపడ్డ ఈ 170 క్యారట్ల పింక్‌ డైమండ్‌ ‘ద ల్యూలో రోస్‌’300 ఏళ్లలో దొరికిన అతిపెద్ద వజ్రంగా లుకాపా డైమండ్‌ కంపెనీ చెబుతోంది. చారిత్రాత్మకమైన టైప్‌  ఐఐఏకు చెందిన ఈ వజ్రం అరుదైనది, అత్యంత సహజమైనది కూడా. ఇది అంగోలాను ప్రపంచవేదిక మీద ప్రత్యేకస్థానంలో నిలబెడుతుందని లులో గనుల్లో భాగస్వామి అయిన అంగోలన్‌ ప్రభుత్వం చెబుతోంది. దాన్ని కట్‌ చేసి, పాలిష్‌ చేస్తే.. సగం రాయి పోయినా సగం వజ్రం ఉంటుందని, అది రికార్డు స్థాయి ధరకు అమ్ముడవుతుందని ప్రభుత్వం భావిస్తోంది. 2017లో హాంగ్‌కాంగ్‌ ప్రభుత్వం 59.6 కేరెట్ల పింక్‌స్టార్‌ వజ్రాన్ని 71.2 మిలియన్‌ డాలర్లు అంటే... దాదాపు రూ.570 కోట్ల రూపాయలకు అమ్మింది. అదే అత్యంత ఖరీదైన వజ్రంగా చర్రితలో మిగిలిపోయింది. ఇక 170 కేరెట్ల ‘లులో రోస్‌’వందలు కాదు.. వేల కోట్లు పలుకుతుందని ప్రభుత్వం భావిస్తోంది.   

హైదరాబాద్, బిజినెస్‌ బ్యూరో: వజ్రాల పరిశ్రమ ఆదాయం ప్రస్తుత ఆర్థిక సంవత్సరంలో 15–20 శాతం తగ్గుతుందని క్రిసిల్‌ రేటింగ్స్‌ వెల్లడించింది. ‘డిమాండ్‌ పడిపోవడం, ముడి వజ్రాల ధర అంతర్జాతీయంగా పెరుగుతుండడమే ఇందుకు కారణం. 2022–23లో పరిశ్రమ ఆదాయం రూ.1,52,000–1,60,000 కోట్లు నమోదు కావొచ్చు. సహజ వజ్రాలకు కొరత, అంతకంతకూ ఇవి ప్రియం కావడంతో వినియోగదార్లు 50–60 శాతం తక్కువ ధర కలిగిన కృత్రిమ వజ్రాల వైపు మళ్లుతున్నారు. మొత్తం పరిశ్రమలో కృత్రిమ వజ్రాల వాటా రెండేళ్ల క్రితం 3 శాతం నమోదైంది. ప్రస్తుతం ఇది ఏకంగా 8 శాతానికి చేరింది. 2021–22లో పరిశ్రమ అత్యధిక ఆదాయాన్ని ఆర్జించింది. గడిచిన దశాబ్ద కాలంలో ఇదే భారీ రికార్డ్‌. ఇక పాలిష్‌ చేసిన వజ్రాల ఎగుమతులు గత ఆర్థిక సంవత్సరంలో 48 శాతం, ముడి వజ్రాల దిగుమతులు 74 శాతం దూసుకెళ్లాయి. ముడి వజ్రాలకు అనుగుణంగా పాలిష్‌ చేసిన వజ్రాల ధరలు నిర్ణయిస్తారు. డిమాండ్‌ తక్కువగా ఉండడంతో పాలిష్‌ చేసిన వజ్రాల ధరలను పరిశ్రమ పెంచలేకపోయింది. ప్రస్తుత ఆర్థిక సంవత్సరం ప్రారంభం నుంచి ముడి వజ్రాల ధర దాదాపు 30 శాతం అధికమైంది. ఈ ఆర్థిక సంవత్సరంలో వజ్రాల పాలిషింగ్‌ కంపెనీల నిర్వహణ లాభదాయకత 75–100 బేసిస్‌ పాయింట్లు తగ్గి 4–4.25 శాతానికి చేరవచ్చు. ద్రవ్యోల్బణం, మరోవైపు యాత్రలు, ఆతిథ్యంలో కస్టమర్లు ఖర్చు చేస్తుండడంతో యూఎస్, యూరప్‌లో సమీప కాలంలో డిమాండ్‌ తగ్గుతుంది’ అని క్రిసిల్‌ వివరించింది. చదవండి: ఉక్రెయిన్‌ వార్‌.. భారత్‌కు అలా కలిసోచ్చిందా!

Tamannaah Bhatia Has Expensive Diamond: 'హ్యపీ డేస్' సినిమాతో తెలుగు తెర ప్రేక్షకుల మనసు దోచుకుంది మిల్కీ బ్యూటీ తమన్నా. ఈ సినిమాలో తన అందం, అభినయంతో యూత్‌ను కట్టిపడేసింది. ఇండస్ట్రీకి వచ్చి సుమారు 15 ఏళ్ల అవుతున్నా ఈ ముంబై భామ క్రేజ్‌ ఏమాత్రం తగ్గలేదు. ఇప్పటికీ తెలుగు, తమిళ, కన్నడ, హిందీ చిత్రాలతో ఫుల్ బిజీగా ఉంది. ఇటీవలే 'ఎఫ్‌-3' మూవీతో సూపర్‌ హిట్ కొట్టింది. త్వరలో 'గుర్తుందా శీతకాలం'తో అలరించేందుకు సిద్ధంగా ఉంది. అలాగే చిరంజీవి సరసన 'భోళా శంకర్' చిత్రంలో కూడా నటిస్తున్న విషయం తెలిసిందే. అయితే ఇప్పటివరకు 50కిపైగా చిత్రాల్లో నటించిన తమన్నా పర్సనల్‌ లైఫ్‌ను కూడా లగ్జరీతో ఎంజాయ్‌ చేస్తోంది.  సుమారు రూ. 150 కోట్లకుపైగా ఆస్తిని కూడగట్టిన ఈ మిల్కీ బ్యూటీ వద్ద ఖరీదైన కార్లు, ఇళ్లు, ఆభరణాలు వంటి తదితర విలాసవంతమైన వస్తువులు ఉన్నాయి. అయితే తమన్నా వద్ద ఉన్న ఒక వస్తువు గురించి తాజాగా సోషల్ మీడియాలో వైరల్ అవుతోంది. ప్రపంచంలేనే 5వ అతిపెద్ద వజ్రం తమన్నా దగ్గర ఉండటం. సుమారు రూ. 2 కోట్ల విలువైన ఈ వజ్రాన్ని మెగా పవర్ స్టార్ రామ్ చరణ్ సతీమణి ఉపాసన కొణిదెల తనకు బహుమతిగా ఇచ్చినట్లు తెలుస్తోంది. ప్రస్తుతం ఈ విషయం సామాజిక మాధ్యమాల్లో తెగ ట్రెండ్‌ అవుతోంది.  చదవండి: ఏ దేశపు మహారాణి.. గొడుగు కొనుక్కోడానికి డబ్బులు లేవా ? ఇదిలా ఉంటే తమన్నా ఆస్తుల విషయానికొస్తే.. ఈ ముద్దుగుమ్మకు ముంబైలోని అత్యంత ఖరీదైన జుహూ ప్రాంతంలో రూ. 16.60 కోట్ల అపార్ట్‌మెంట్‌ ఉందట. దీని విస్తీర్ణం 80, 778 చదరపు అడుగులు ఉంటుందని టాక్. రూ. 1.02 కోట్ల మెర్సిడెస్ బెంజ్ జి ఎల్‌, రూ. 75.59 లక్షల ఖరీదుగల ల్యాండ్‌ రోవర్ రేంజ్ రోవర్‌ డిస్కవరీ స్పోర్ట్స్‌, రూ. 43.50 లక్షల బీఎండబ్ల్యూ 320 ఐ, , రూ. 29.96 లక్షల మిత్సుబిషి పేజర్‌ స్పోర్ట్స్‌ కార్లు ఉన్నాయని సమాచారం.    

అదృష్టం మెరిసి.. ఓ రైతు జీవితం రాత్రికి రాత్రే వెలుగులతో నిండిపోయింది. పేద రైతు కాస్త లక్షాధికారి హోదా దక్కించుకున్నాడు. కానీ, దాని వెనుక మూడు నెలల కష్టం దాగుంది.  లీజుకు తీసుకున్న భూమిలో అత్యంత నాణ్యమైన వజ్రం లభించింది ఆయనకి. వేలంలో ఈ వజ్రానికి కనీసం రూ. 50 లక్షల ధర పలికే అవకాశం ఉందని అధికారులు చెబుతున్నారు.  ప్రతాప్ సింగ్ అనే రైతు ఓ భూమిని లీజుకు తీసుకుని మూడు నెలలుగా వజ్రాల కోసం తవ్వుతున్నాడు. ఈ క్రమంలో తాజాగా ఆయనకి 11.88 క్యారెట్ల వజ్రం దొరికింది. ఈ విషయాన్ని వజ్రాల కార్యాలయం అధికారి రవి పటేల్ తెలిపారు. ఈ వజ్రం ఎంతో నాణ్యంగా ఉందని అధికారులు.. ప్రతాప్‌కు శుభవార్త చెప్పారు. వజ్రాలకు పేరుగాంచిన మధ్యప్రదేశ్‌లోని పన్నా జిల్లాలో జరిగిందీ ఘటన. మూడు నెలల కష్టానికి ప్రతిఫలం దక్కిన రైతు ప్రతాప్ సింగ్ యాదవ్ మాట్లాడుతూ.. తనకు దొరికిన వజ్రాన్ని డైమండ్ కార్యాలయంలో అప్పగించానని, వేలంలో వచ్చిన డబ్బుతో ఏదైనా వ్యాపారం పెట్టుకుంటానని పేర్కొన్నాడు. అలాగే, తన పిల్లల చదువుల కోసం కొంత ఖర్చు చేస్తానని చెప్పుకొచ్చాడు. ఏ విషయంలో అయినా సరే ప్రయత్నిస్తే.. విజయం దక్కుతుంది అనడానికి తన ప్రయత్నమే ఉదాహరణ అని అంటున్నాడాయన. ఈ వజ్రాన్ని వేలం వేయడం ద్వారా వచ్చిన సొమ్ములో రాయల్టీ, పన్నులు మినహాయించుకుని మిగతా మొత్తాన్ని ప్రభుత్వం రైతుకు అందజేయనుంది. చదవండి: చీకట్లు కమ్మేశాయి.. అయినా ఆమే గెలిచింది

వజ్రం అంటేనే వ్యాల్యూ ఎక్కువ. అలాంటిది ఇది నీలం రంగు(వివిడ్‌ బ్లూ) వజ్రం.. పైగా.. 15.10 క్యారెట్లది. దీంతో రికార్డు స్థాయిలో రూ.371 కోట్లు ధర పలికింది. సదబీస్‌ సంస్థ బుధవారం హాంకాంగ్‌లో దీని వేలాన్ని నిర్వహించింది. రూ.350 కోట్ల దాకా పలుకుతుందని తొలుత అనుకున్నారు. అయితే.. అంతకుమించిన ధర వచ్చింది. 2021లో దక్షిణాఫ్రికాలోని గనుల్లో ఈ వజ్రం దొరికింది. దీన్ని రూ.308 కోట్లకు డిబీర్స్, డయాకోర్‌ సంస్థలు కొనుగోలు చేసి.. పాలిషింగ్‌ అనంతరం అమ్మకానికి పెట్టాయి.   చదవండి: International Dance Day: కాలు సిందు తొక్కేలా దుమ్మారం రేగినట్టు..  

ప్రయత్నమే కాదు.. అప్పుడప్పుడూ అదృష్టమూ తోడవ్వావలంటారు పెద్దలు. అలా ఓ కుటుంబం శ్రమకు అదృష్టం కలిసొచ్చింది. రాత్రికి రాత్రే కోటీశ్వరుల్ని చేసేసింది. మధ్యప్రదేశ్‌ పన్నా జిల్లాలో సుశీల్‌ శుక్లా కుటుంబం ఇటుకల బట్టీని నడుపుతోంది. ఈ బట్టీ కోసం మట్టిని కృష్ణ కళ్యాణ్‌పూర్‌ ఏరియా నుంచి మట్టిని సేకరిస్తుంటుంది ఈ కుటుంబం. ఈ క్రమంలో సోమవారం సుశీల్‌ పేరెంట్స్‌.. మట్టి తీస్తుండగా అందులోంచి వజ్రం బయటపడింది. అది 26.11 క్యారట్ల డైమండ్‌. దానిని నిజాయితీగా అధికారులకు అప్పగించగా.. దాని విలువ కోటిన్నర రూపాయల దాకా ఉండొచ్చని, వేలం వేసినా కనీసం ఒక కోటి 20 లక్షల రూపాయల దాకా రావొచ్చని అధికారులు అంచనా వేస్తున్నారు. త్వరలోనే ఈ వజ్రాన్ని వేలం వేసి.. ప్రభుత్వ రాయలిటీ, ట్యాక్సులు పోనూ మిగతాది అది దొరికిన శుక్లాకు అప్పగిస్తామని వెల్లడించారు. విశేషం ఏంటంటే.. శుక్లా ఫ్యామిలీ వజ్రాల కోసం రెండు దశాబ్దాలుగా ప్రయత్నిస్తున్నా లాభం లేకుండా పోయిండట. దీంతో నిస్సారమైన ఆ ప్రాంతాన్ని ఇటుకల తయారీకి మైన్‌ రూపంలో మట్టి కోసం లీజుకు తీసుకుంది. కానీ, ఇరవై ఏళ్ల తర్వాత అనుకోకుండా ఇలా ఒక రేంజ్‌లో అదృష్టం తగలడంతో ఆ కుటుంబం ఖుషీగా ఉంది.  రాత్రికి రాత్రే కోటీశ్వరుడయిన శుక్లా కుటుంబం.. వచ్చే దాంట్లోనూ మొత్తం తీసుకోవడం కుదరదు. ఎందుకంటే.. ఆ భూమిని మరో ఐదుగురితో కలిసి లీజ్‌కు తీసుకున్నారట. అందుకే వచ్చేదాంట్లో వాళ్లకూ భాగం పంచాలని ఫిక్సయ్యాడు శుక్లా. ఏదేమైనా వచ్చిన డబ్బుతో కొత్త బిజినెస్‌ మొదలుపెట్టాలనే ఆలోచనతో ఉన్నాడు శుక్లా.  మధ్యప్రదేశ్‌ రాజధాని బోఫాల్‌కు 400 కిలోమీటర్ల దూరంలో ఉంటుంది పన్నా. 12 లక్షల క్యారెట్ల వజ్రాలకు ఈ ప్రాంతం నెలవై ఉందని అధికారులు చెప్తున్నారు. పైగా గతంలోనూ శుక్లాకు తగిలినట్లే జాక్‌పాట్‌ ఎందరికో తగిలింది కూడా.

హైదరాబాద్‌: ప్రముఖ ఆభరణాల విక్రయ సంస్థ తనిష్క్‌ ‘‘ప్రతి మహిళా ఒక వజ్రమే’’ పేరుతో నూతన ప్రచార కార్యక్రమాన్ని చేపట్టింది. ఈ సందర్భంగా వజ్రాభరణాలపై 20శాతం వరకు తగ్గింపు ఇస్తున్నట్లు కంపెనీ తెలిపింది. దేశవ్యాప్తంగా అన్ని తనిష్క్‌ షోరూంలలో ఈ ఆఫర్‌ పరిమిత కాలం పాటు ఉంటుందని పేర్కొంది.    

అనంతమైన నక్షత్రాలకు, కోట్ల కొలది గ్రహాలను నెలవు ఈ విశ్వం. అందులో మరో గ్రహానికి చెందిన ఓ అరుదైన వజ్రం అమ్మకానికి సిద్ధంగా ఉంది. ఈ వజ్రం కొనుగోలు చేయాలంటే రూపాయలు, డాలర్లలోనే కాదు క్రిప్టో కరెన్సీలో కూడా చెల్లింపులు చేయవచ్చు. ఇంతకీ ఈ వజ్రం ఎక్కడిది? ఎవరు అమ్మకానికి పెట్టారు ? ధర ఎంత అనే వివరాలు మీ కోసం.. ఫిబ్రవరిలో  ఖగోళంలో మరో గ్రహానికి చెందినదిగా చెప్పబడుతున్న అరుదైన వజ్రాన్ని సోత్‌బే సంస్థ వేలానికి పెడుతోంది. 2022 ఫిబ్రవరిలో ఈ వజ్రాన్ని లండన్‌లో వేలం వేయబోతున్నట్టు ప్రకటించింది. ఈ మేరకు వజ్రం విశేషాలను దుబాయ్‌లో ఏర్పాటు చేసిన మీడియా సమావేశంలో సోత్‌బే సం‍స్థ ప్రదర్శించింది. అన్నింటా 5 భూమికి చెందని ఈ అరుదైన వజ్రాన్ని ది ఎనిగ్మా అని పిలుస్తున్నారను. ఈ వజ్రం 555.55 క్యారెట్ల స్వచ్ఛతను కలిగి ఉంది. అంతేకాదు ఈ వజ్రానికి 55 ముఖాలు ఉన్నాయి. న్యూమరాలజీ పరంగా ఇలా అనేక 5 అంకె కలిసి రావడం చాలా అరుదని వజ్రాల నిపుణులు అంటున్నారు. కార్బనాడోగా పేర్కొనే నల్లని వజ్రాలు చాలా అరుదుగా లభిస్తుంటాయని.. ఇప్పటి వరకు భూమ్మిద నల్లని వజ్రాలు కేవలం బ్రెజిల్‌, సెంట్రల్‌ ఆఫ్రికాలోనే దొరికాయని సోత్‌బే తెలిపింది. గ్రహ శకలం నుంచి ది ఎనిగ్మా వజ్రం భూమ్మిద లభించే మెటీరియల్‌తో రూపొందలేదని, గ్రహ శకలాలు భూమిని తాకినప్పుడు ఇక్కడి వాతవారణ పరిస్థితుల కారణంగా ఘనీభవించి, వేడేక్కి, ఆవిరై ఇలా పలు రకాలైన రసాయన మార్పులకు లోనై ఈ నల్లని వజ్రం ఏర్పడిందని సోత్‌బే పేర్కొంది. అయితే ఈ వజ్రం భూమ్మిది ఏ ప్రాంతంలో లభించిందనే వివరాలు ఆ సంస్థ వెల్లడించలేదు. రూ. 50 కోట్లు ది ఎనిగ్మా డైమండ్‌ వజ్రం వేలంలో  ప్రారంభ ధర 5 మిలియన్‌ పౌండ్లు నిర్ణయించారు. డాలర్లలో ఈ వజ్రం 6.8 మిలియన్‌ డాలర్లు (మన కరెన్సీలో రూ.50 కోట్లు)గా ఉంది. వజ్రాన్ని కొనుగోలు చేయాలనే ఆసక్తి ఉన్న వారు సాధారణ నగదుతో పాటు క్రిప్టో కరెన్సీలో చెల్లి​ంపులు చేసినా అంగీకరిస్తామని సోత్‌బే చెబుతోంది. దండిగా బ్యాంక్‌ బ్యాలెన్స్‌ ఉంటే ఈ అరుదైన వజ్రాన్ని సొంతం చేసుకోవచ్చు!

సాక్షి, హైదరాబాద్‌: ఉప ఎన్నిక ఫలితాల్లో నోటాకు 1,036 ఓట్లు వచ్చాయి. 2018 ఎన్నికల్లో 2,867 ఓట్లు వచ్చాయి. అప్పుడు బీజేపీ అభ్యర్థి పుప్పాల రఘుకు 1,683 ఓట్లు వచ్చాయి. అప్పుడు నోటా కంటే తక్కువగా ఉన్న బీజేపీ ఇప్పుడు అసెంబ్లీ స్థానాన్ని కైవసం చేసుకుంది.  చదవండి: కాంగ్రెస్‌లో కాక రేపుతున్న ‘హుజురాబాద్‌’ ఫలితం వజ్రం: ఇండిపెండెంట్‌గా పోటీ చేసిన కంటె సాయన్న 1,942 ఓట్లు సాధించి మూడు ప్రధాన పార్టీల తర్వాత నాలుగో స్థానంలో నిలిచారు. రోటీమేకర్‌: ప్రజా ఏక్తా పార్టీ నుంచి పోటీ చేసిన సిలివేరు శ్రీకాంత్‌ 1,913తో ఐదోస్థానం సంపాదించారు.  ఉంగరం: స్వతంత్ర అభ్యర్థిగా పోటీ చేసిన బుట్టెంగారి మాధవరెడ్డి కేవలం 36 ఓట్లతో అందరి కంటే ఆఖరు స్థానంలో నిలిచారు.  చదవండి: హుజురాబాద్‌ ఫలితాలు: వెక్కి వెక్కి ఏడ్చిన టీఆర్‌ఎస్‌ అభ్యర్థి గెల్లు? పోస్టల్‌ బ్యాలెట్‌లో టీఆర్‌ఎస్‌ హవా..  హుజూరాబాద్‌ ఉప ఎన్నికల్లో పోస్టల్‌ బ్యాలెట్‌లో అధికార టీఆర్‌ఎస్‌ హవా కొనసాగింది. 777 పోస్టల్‌ బ్యాలెట్‌ ఓట్లకు గాను, 455 ఓట్లు టీఆర్‌ఎస్‌కు, 242 ఓట్లు బీజేపీకి, కాంగ్రెస్‌కు 2 పోల్‌ కాగా.. 48 ఓట్లు చెల్లలేదు.  

న్యూఢిల్లీ: ప్రతి మనిషి జీవితంలో తాను కోరుకున్న రంగంలో మంచి స్థాయిలో స్థిరపడాలని ఆశిస్తాడు. అందుకు తగ్గట్టే ప్రయత్నాలు చేస్తాడు. కొందరికి వెంటనే అవకాశాలు లభిస్తాయి.. ఇక కొందరికేమో ఎన్ని ప్రయత్నాలు చేస్తున్న ఫలితం లభించదు. నిరాశవాదులైతే.. మాకింతే ప్రాప్తం అనుకుని వదిలేస్తారు. మరికొందరు ఉంటారు.. అపజయాలు ఎదురైన కొద్ది.. వారిలో కసి పెరుగుతుంది. తమకు ఎదురైన అడ్డంకులునే సోపానాలుగా మార్చుకుని విజయం సాధిస్తారు. ఈ కోవకు చెందిన వ్యక్తే యూట్యూబర్‌ పంకజ్‌ శర్మ. పేరు గుర్తుపట్టడం కాస్త కష్టమే కానీ ‘బక్లోల్‌ వీడియో’ అని యూట్యూబ్‌ చానెల్‌ పేరు చెప్తే టక్కున గుర్తుపడతారు చాలా మంది. అతడి సక్సెస్‌ స్టోరీ ఎందరికో ప్రేరణగా నిలుస్తోంది. ఆవివరాలు.. ఢిల్లీకి చెందిన పంకజ్‌ శర్మ గురుగోబింద్‌ సింగ్‌ ఇంద్రప్రస్థ యూనివర్శిటీ నుంచి బీసీఏ, ఎంబీఏ పూర్తి చేశాడు. ఆ తర్వాత 15 వేల రూపాయల జీతానికి గురగావ్‌లో ఉద్యోగంలో చేరాడు. కానీ ఉద్యోగం అతడికి సంతృప్తినివ్వలేదు. సినిమాల్లోకి వెళ్లాలనేది పంకజ్‌ కోరిక.  (చదవండి: నెలకు రూ.95 లక్షలు సంపాదిస్తున్న యూట్యూబర్‌) ఆ ఆలోచన మార్చింది... ఈ క్రమంలో ఉద్యోగం వదిలిపెట్టి.. అవకాశాల కోసం సినీ కార్యాలయాల చుట్టూ తిరగడం ప్రారంభించాడు. కానీ వెళ్లిన ప్రతి చోటా నిరాదరణే. ఇవేవీ పంకజ్‌ని కుంగదీయలేదు. మరింత పట్టుదలగా ప్రయత్ం చేశాడు. ఈ క్రమంలో అతడికి ఓ ఆలోచన వచ్చింది. అవకాశాల కోసం తిరిగేబదులు.. తనకు తానే అవకాశాలు సృష్టించుకోవడం మంచిది అనుకున్నాడు.  యూట్యూబ్‌ చానెల్‌ ప్రారంభం... దానిలో భాగంగా బక్లోల్‌ వీడియో అనే యూట్యూబ్‌ చానెల్‌ని ప్రారంభించాడు. మొదటి సంపాదన 9800 రూపాయలు. రెండేళ్లు పట్టు వదలకుండా ప్రయత్నించడంతో చానెల్‌కి సబ్‌స్ర్కైబర్లు పెరిగారు. వ్యూస్‌ కూడా పెరిగాయి. ఈ క్రమంలో పంకజ్‌ తీసిన దేశీ బచ్చే వర్సెస్‌ ఆంగ్రేజ్‌ మీడియం వీడియో ఏకంగా 78 మిలియన్ల వ్యూస్‌ సంపాదించింది.  (చదవండి: యూట్యూబ్‌ను దున్నేస్తున్నారు, రోజూ 1,500 కోట్ల షార్ట్‌ వీడియోస్‌) డైమండ్‌ బటన్‌... 10 మిలియన్ల సబ్‌స్క్రైబర్స్‌ దాటితే.. ఆ చానెల్‌కి డైమండ్‌ బటన్‌ ఇస్తారు. పంకజ్‌ యూట్యూబ్‌ చానెల్‌ కూడా డైమండ్‌ బటన్‌ పొందింది. ప్రసుత్తం పంకజ్‌ చానెల్‌కి 10.2మిలియన్ల సబ్‌స్క్రైబర్స్‌ ఉన్నారు. ఇన్‌స్టాగ్రామ్‌లో కూడా ఇతడి చానెల్‌కి 305కే, ఫేస్‌బుక్‌లో 4.1మిలియన్ల ఫాలోవర్లు ఉన్నారు. ఒకప్పుడు నిరాదరణను ఎదుర్కొన్న పంకజ్‌ ఇప్పుడు కోటీశ్వరుడు అయ్యాడు.  చదవండి: జాబ్‌ వదిలేసి పాత ‍డ్రమ్ములతో వ్యాపారం.. అతని జీవితాన్నే మార్చేసింది

అదృష్టం ఎప్పుడు ఏ రూపంలో తలుపుతడుతుందో చెప్పలేం! ఒక్కొసారి వారి జీవితం అనూహ్య మలుపు తిరగడం కూడా జరుగుతుంది. అలాంటి అనూహ్య సంఘటనే జరిగింది. ఎప్పటిలాగే మార్నింగ్‌ వాక్‌కి వెళ్లిన ఓ మహిళకు అదృష్టం 4 క్యారెట్ల డైమండ్‌ రూపంలో కలిసిసొచ్చింది. అసలేంజరిగిందంటే.. అమెరికాలోని కాలిఫోర్నియాకి చెందిన నొరీన్‌ రిడ్‌ బెర్గ్‌ అనే మహిళ ప్రతిరోజూ మాదిరిగానే సమీపంలోని అర్కన్‌సాస్‌ స్టేట్‌ పార్క్‌కు మార్నింగ్‌ వాక్‌కు వెళ్లింది. సడెన్‌గా ఆమెకు పసుపు రంగులో ఉన్న 4.38 క్యారెట్‌ డైమండ్‌ దొరికింది. ఆ వజ్రం విలువ దాదాపు 2 వేల నుంచి 20,000 డాలర్లు (సుమారు రూ. 15 లక్షలు) ఉంటుందట. పసుపు రంగులో తళతళ మెరిసిపోతున్న డైమండ్‌ ఆమె జీవితాన్ని అనూహ్యమలుపు తిప్పింది. 1972 తర్వాత ఇటువంటి డైమండ్‌ మళ్లీ ఇన్నాళ్లకి దొరికిందని పార్క్‌ నిర్వాహకులు తెలిపారు. 1972 నుంచి ఇప్పటివరకు దాదాపుగా 75 వేల డైమాండ్లు దొరికాయట. ఈ యేడాది 258 వజ్రాలు అక్కడి ప్రజలకు దొరికాయని స్థానిక మీడియా తెల్పింది. ఈ పార్కును సందర్శించే వారికి రోజుకు కనీసం ఒకటి రెండైన వజ్రాలు దొరకుతాయట. చదవండి: డ్రీమ్‌ హౌస్‌ షిఫ్టింగ్‌.. సముద్రంపై పడవలతో గమ్యానికి చేర్చి..!  కాగా ప్రపంచవ్యాప్తంగా అర్కన్‌సాస్‌ స్టేట్‌ పార్క్‌ డైమండ్లకు ఫేమస్‌. ఈ పార్క్‌ ఉన్న ప్రదేశంలో అగ్నిపర్వతం నుంచి పైకి ఉబికి వచ్చిన శిలాద్రవం అంతా విస్తరించి ఉంటుంది.అందువల్ల ఈ పబ్లిక్‌ పార్కులో తరచుగా విలువైన వజ్రాలు దొకుతాయట. ఇక్కడ ఎవరైనా డైమండ్ల కోసం వెతకొచ్చట. అంతేకాకుండా దొరికిన డైమండ్‌ వాళ్లదగ్గరే ఉంచుకోవచ్చు లేదా అమ్ముకొవచ్చు. ప్రపంచంలోనే వజ్రాలు దొరికే ఏకైక పబ్లిక్‌ పార్క్‌ ఇదేనట..!! చదవండి: టీవీ చూస్తూ.. హాయిగా నిద్రపోతే చాలు.. నెల జీతం రూ.25 లక్షలు!!

భోపాల్‌: రత్నాలు కోసం తవ్వకాలు జరుపుతున్న నలుగురు మైనింగ్‌ కార్మికులకు వజ్రం లభ్యమైంది. మధ్యప్రదేశ్‌లోని పన్నా జిల్లాలో గత కొన్నేళ్లుగా రత్నాల కోసం పలు ప్రాంతాల్లో గనుల్లో తవ్వకాలు జరుపుతున్నారు. అయితే హీరాపూర్ తపారియన్ ప్రాంతంలో రతన్ లాల్ ప్రజాపతి లీజుకు తీసుకున్న భూమిలో 8.22 క్యారెట్స్‌ వజ్రం దొరికినట్లు పన్నా కలెక్టర్‌ సంజయ్‌ కుమార్‌ మిశ్రా తెలిపారు. అదే విధంగా లభ్యమైన వజ్రాన్ని, మరికొన్ని రత్నాలను ఈ నెలలో వేలం వేయనున్నట్లు పేర్కొన్నారు. వజ్రం వేలం ద్వారా వచ్చిన ఆదాయాన్ని  ప్రభుత్వ పన్నులు మినహాయించిన తర్వాత సదరు గనులు లీజ్‌కు తీసుకున్నవారికి ఇస్తామని అధికారులు తెలిపారు. చదవండి: దారుణం: కూతురు ప్రేమించిన యువకునిపై సుత్తితో దాడి సెప్టెంబర్‌ 21 లభ్యమైన వజ్రం, కొన్ని రత్నాలను వేలం వేయనున్నట్లు తెలిపారు. తాజాగా లభ్యమైన వజ్రానికి సుమారు రూ. 40 లక్షలు వేలం పలుకుతుందని స్థానికులు అభిప్రాయపడుతున్నారు. ‘గత 15 ఏళ్ల నుంచి పలు గనుల్లో తవ్వకాలు జరుపుతున్నామని కానీ, ఎక్కడా వజ్రాలు లభ్యం కాలేదు. అయితే హిరాపూర్‌లో ఆరు నెలల క్రితం లీజుకు తీసుకున్న గనిలో తమకు వజ్రం లభ్యమైంది’ అని మైనింగ్‌ కార్మికల్లో ఒకరైన రాఘువీర్‌ ప్రజాపతి తెలిపారు. గని భాగస్వాములతో కలిసి వేలంలో వచ్చిన డబ్బును తమ పిల్లల చదువులకు ఉపయోగిస్తామని తెలిపారు.  చదవండి: రైతుల ఆందోళన: కేంద్రానికి జాతీయ మానవ హక్కుల కమిషన్ నోటీసులు

మాయాబజార్‌ సినిమాలో ‘చిన్నమయ’ ఒక్క మంత్రమేస్తే.. ఖాళీ అయిన గంగాళాలు గారెలు,అరిసెలతో  నిండిపోతాయి. నిజజీవితంలోనూ ఇలా జరిగితే ఎంతబాగుండు కదా..కాకపోతే మంత్రాలకు చింతకాయలు రాలుతాయా ఏంటీ.. నిజమే.. కాకపోతే సైన్స్‌ మంత్రానికి టెక్నాలజీ యంత్రాన్ని జోడిస్తే  అసాధ్యమేమీ కాదు.. ఓ మంత్రం.. లేదా యంత్రంతో మనిషి తనకు కావాల్సినవన్నీ సృష్టించుకోవడం కల్పన కావొచ్చు. స్టార్‌ట్రెక్‌ లాంటి సినిమాల్లోనూ ‘రెప్లికేటర్‌’అనే యంత్రం అక్షయ పాత్ర లాగా ఏది కావాలంటే అది తయారు చేసి పెడుతుంది. ఇలాంటిది తయారయ్యేందుకు ఇంకో వందేళ్లు పట్టొచ్చేమో కానీ, ఈ దిశగా శాస్త్రవేత్తలు అడుగులు వేస్తున్నారు. ప్రకృతితో సంబంధం లేకుండా.. మానవ శ్రమ, కాలుష్యాలకు దూరంగా పాలు, మాంసం మాత్రమే కాదు.. ఏకంగా కార్లనే ముద్రించి తయారు చేసేందుకు సిద్ధమవుతోంది శాస్త్ర ప్రపంచం.  వైఢూర్యాలు కాదు..  వజ్రాలే!  భూమి లోపలి పొరల్లో నిక్షిప్తమై ఉండే వజ్రాలు కార్బన్‌తో తయారవుతాయి. ఈ విషయం చాలావరకు తెలిసిందే. అయితే ఒక్కో వజ్రం వెనుక కోట్ల ఏళ్ల చరిత్ర ఉంటుంది. అన్నేళ్లు విపరీతమైన ఒత్తిడి, ఉష్ణోగ్రతల్లో నలిగితే గానీ.. కార్బన్‌ కాస్తా వజ్రంగా మారదు. అయితే భూమి లోపలి పొరల్లాంటి పరిస్థితులను కృత్రిమంగా సృష్టించి వజ్రాలను చౌకగా తయారుచేయాలన్న ప్రయత్నం సాగుతోంది. జిర్కోన్‌ వంటి మూలకాల సాయంతో తయారు చేయగలిగారు. సహజమైన వజ్రాలతో అన్ని రకాలుగా సరిపోలినా కానీ వీటిపై ఆదరణ మాత్రం పెద్దగా పెరగలేదు. ఇదే సమయంలో సహజ వజ్రాల మైనింగ్‌లో ఇమిడి ఉన్న అనేక నైతిక అంశాల కారణంగా ఇప్పుడు డీబీర్స్‌ వంటి కంపెనీలు గనులను నిలిపేయాలని నిర్ణయించాయి. 2018లోనే డిబీర్స్‌ పూర్తిగా కృత్రిమ వజ్రాలతోనే ఆభరణాలను తయారు చేయాలని తీర్మానించింది. ప్రపంచంలోనే అతిపెద్ద ఆభరణాల తయారీ సంస్థ పండోరా కూడా ఈ ఏడాది ఇకపై తాము గనుల్లోంచి వెలికితీసిన వజ్రాలను వాడబోమని ప్రకటించనుంది.   పాలు, పెరుగు కూడా..  పాలలో ఏముంటాయి? కొవ్వులు, కొన్ని విటమిన్లు, ఖనిజాలు, నీళ్లు అంతేనా? ఒకట్రెండు ప్రోటీన్లు ఉంటాయనుకున్నా వీటన్నింటినీ తగుమోతాదులో కలిపేస్తే పాలు తయారు కావా? అన్న ప్రశ్న వస్తుంది. ఇంత పనికి.. ఆవుల్ని, గేదెలను మేపడం, వాటి వ్యర్థాలను ఎత్తి పారేసి శుభ్రం చేసుకోవడం, పితికిన పాలను ఫ్యాక్టరీల్లో శుద్ధి చేసి ప్యాకెట్లలోకి చేర్చి ఇంటింటికీ పంపిణీ చేయడం అవసరమా? అంటున్నారు ఈ కాలపు శాస్త్రవేత్తలు కొందరు. జంతువులతో ఏమాత్రం సంబంధం లేకుండానే పాలను పోలిన పాలను తయారుచేయడం పెద్ద కష్టమేమీ కాదన్నది వీరి అంచనా. పెర్‌ఫెక్ట్‌ డే అనే కంపెనీ కొన్ని రకాల శిలీంద్రాల్లో మార్పులు చేయడం ద్వారా అవి పాల లాంటి ద్రవాలను ఉత్పత్తి చేసేలా చేయగలిగారు. ఇమాజిన్‌ డెయిరీ కూడా పశువుల అవసరం లేని పాల ఉత్పత్తుల తయారీకి ప్రయత్నిస్తోంది. కాకపోతే ఈ కంపెనీ మనం బ్రెడ్‌ లాంటివాటిని తయారు చేసేందుకు వాడే ఈస్ట్‌ సాయం తీసుకుంటోంది. ఈ కృత్రిమ పాలను ఐస్‌క్రీమ్‌గా మార్చి అందరికీ అందించేందుకు పెర్‌ఫెక్ట్‌ డెయిరీ ఇప్పటికే కంపెనీలతో చర్చలు జరుపుతోంది. అంతెందుకు అమెరికాలోని కొన్ని ప్రాంతాల్లో ఇప్పటికే ఈ రకమైన కొత్త రకం పాలు, పాల ఉత్పత్తులు అందుబాటులో ఉన్నాయి కూడా! కృత్రిమ మాంసం..  భూమ్మీద ఉన్న వ్యవసాయ భూమిలో సగం భూమిని మాంసం ఉత్పత్తి కోసం వినియోగిస్తున్నారు. పశువులకు అవసరమైన దాణా, గింజలు, వాటి పోషణకు అవసరమైన నీరు తదితర ఇతర వనరుల కోసం ఇంత భూమిని వాడుకుంటున్నాం. ఇవేవీ లేకుండా ఒక ఫ్యాక్టరీ, పెరుగుదలకు ఉపయోగపడే ఎంజైమ్స్‌తో కావాల్సినంత మాంసం సృష్టించేందుకు చాలాకాలంగా ప్రయత్నాలు జరుగుతున్నాయి. ఇటీవలే ఓ మోస్తరు విజయం సాధించాం. పదేళ్ల కిందటే ఖైమా కొట్టిన మాంసం లాంటి పదార్థాన్ని తయారు చేయగలిగినా కొన్ని ఇబ్బందులతో ఆ టెక్నాలజీ ముందుకు సాగలేదు. తాజాగా 2018లో ఇజ్రాయెల్‌ కంపెనీ ఆలెఫ్‌ ఫామ్స్‌ తొలిసారి ల్యాబ్‌లోనే స్టీక్‌ (మాంసపు ముక్క)ను తయారు చేసింది. మరింకేం అలెఫ్‌ ఫామ్స్‌ లాంటివి ఊరుకొకటి పెట్టేస్తే సరిపోతుంది కదా అంటే.. దానికి ఇంకొంచెం సమయం ఉంది. ఎందుకంటే ప్రస్తుతానికి ల్యాబ్‌లో పెంచిన మాంసం ఖరీదు చాలా ఎక్కువ. 2011తో పోలిస్తే రేటు గణనీయంగా తగ్గినా మరింత తగ్గితే గానీ అందరికీ అందుబాటులోకి రాదు. ఇదిలా ఉంటే ఇజ్రాయెల్‌లోనే ఇంకో కంపెనీ వాణిజ్యస్థాయిలో చికెన్‌ ముక్కలను తయారు చేసి దుకాణాలకు సరఫరా చేస్తోంది.  ఆఖరికి రక్తం కూడా..  మన శరీరపు ఆరోగ్యం గురించి ఠక్కున చెప్పేయగల శక్తి రక్తానికి ఉందంటారు. అవయవాలన్నింటికీ శక్తినిచ్చే ఆక్సిజన్‌ను సరఫరా చేయడంతో పాటు మలినాలు, వ్యర్థాలను బయటకు పంపేందుకు సాయపడుతుంది రక్తం. యుద్ధంలో లేదా ప్రమాద సమయాల్లో కోల్పోయే రక్తాన్ని దాతల రక్తంతో భర్తీ చేసేందుకు అవకాశం ఉన్నా అది స్వచ్ఛమైన వ్యవహారం కాదు. పైగా మన సొంత రక్తం పనిచేసినట్లు ఇతరుల రక్తం పనిచేస్తుందన్న గ్యారంటీ కూడా లేదు. ఈ నేపథ్యంలోనే అన్నీ మంచి లక్షణాలు ఉన్న కృత్రిమ రక్తాన్ని తయారు చేసేందుకు 50 ఏళ్లుగా ప్రయత్నాలు జరుగుతున్నాయి. అయితే ఈ మధ్య కాలంలో జరిగిన రెండు వేర్వేరు పరిశోధనల పుణ్యమా అని 50 ఏళ్లుగా సాధ్యం కాని కృత్రిమ రక్తం తయారీ త్వరలో వీలయ్యే అవకాశం ఏర్పడింది. 2017లో మానవ మూలకణాలను రక్త కణాలుగా మార్చే పద్ధతులను రెండు బృందాలు సమర్పించాయి. ఈ రెండు సక్రమంగా పనిచేస్తాయని రుజువైతే.. త్వరలోనే కృత్రిమ రక్తం అందుబాటులోకి వస్తుందని శాస్త్రవేత్తల అంచనా.   ఫ్యాక్టరీల్లో ఫర్నిచర్‌ కలప..  గ్రామీణ ప్రాంతాల్లో వంటకు మొదలుకొని కాగితం, ఫర్నిచర్‌ తయారీల వరకు కలప వినియోగం విస్తృతంగా జరుగుతోంది. కానీ దీనికోసం రోజూ వందల ఎకరాల అటవీభూమి నాశనమవుతోంది. ఇలా కాకుండా.. దృఢమైన కలపను పరిశోధనశాలలోనే తయారు చేయగలిగితే? అమెరికాలోని టెక్సాస్‌లో ఉన్న మసాచూసెట్స్‌ ఇన్‌స్టిట్యూట్‌ ఆఫ్‌ టెక్నాలజీ శాస్త్రవేత్తలు ఈ అద్భుతం సాధ్యమే అంటున్నారు. మొక్కల కణాలను గ్రోత్‌మీడియంలో ఉంచి పెంచడమే కాకుండా.. అవి కలప మాదిరిగా అతుక్కునేలా చేయగలిగారు. మొక్కల హార్మోన్లు కనీసం రెండు కణాల్లో లిగ్నిన్‌ (కలపకు దృఢత్వాన్ని ఇచ్చేది) పెరుగుదలను ప్రోత్సహిస్తున్నట్లు గుర్తించారు. ఈ హార్మోన్లను నియంత్రించడం ద్వారా ఉత్పత్తి చేసే కలప లక్షణాలను నిర్ణయించొచ్చు. అంతా బాగానే ఉంది కానీ.. ప్రస్తుతానికి ఈ ఆలోచన చాలా ప్రాథమిక దశలోనే ఉంది. ఇంకొన్నేళ్ల తర్వాతే కృత్రిమ కలపతో టేబుళ్లు, కుర్చీలు, తలుపులు  తయారవుతాయి! 

తుగ్గలి: పొలం పనులకు వెళ్లిన ఓ మహిళా కూలీకి వజ్రం లభ్యమైంది. కర్నూలు జిల్లా తుగ్గలి మండలంలోని జొన్నగిరి గ్రామానికి చెందిన ఓ మహిళ శనివారం పొలంలో కూలి పనులకు వెళ్లింది. అక్కడ పనులు చేస్తుండగా వజ్రం లభ్యమైనట్లు సమాచారం. నాలుగున్నర క్యారెట్లు ఉన్న ఆ వజ్రాన్ని అదే గ్రామానికి చెందిన ఓ వ్యాపారి రూ.6.50 లక్షలు, 2 తులాల బంగారం ఇచ్చి కొనుగోలు చేసినట్లు తెలిసింది. ఈ ప్రాంతంలో ఏటా తొలకరి వర్షాలకు వజ్రాలు లభ్యమవడం సహజం.  (చదవండి: 41 ఏళ్లుగా అడవిలోనే.. స్త్రీలంటే ఎవరో తెలియదు)

అది దక్షిణాఫ్రికా తీరం వెంట ఉండే ఓ చిన్న ఊరు. వారం క్రితం వరకు ఆ ఊరి గురించి.. పెద్దగా ఎవరికీ తెలియదు. కానీ, ఓ పశువుల కాపరి ప్రకటన తర్వాత ఆ ఊరి పేరు ప్రపంచం మొత్తం తెలిసింది. దేశం నలమూలల నుంచి అక్కడికి ‘క్యూ’ కడుతున్నారు. ఎందుకోసం అనుకుంటున్నారు వజ్రాల వేట కోసం.. ప్రిటోరియా: క్వాహ్లాతి.. సౌతాఫ్రికాలో ఓ చిన్న కుగ్రామం. ఆ ఊరి శివారులో ఉన్న భూముల్లో వారం క్రితం ఓ గొర్రెల కాపరికి మెరిసే రాళ్లు దొరికాయి. అవి వజ్రాలేనని ప్రచారం మొదలుకావడంతో జనాలు ఎగబడి మరీ అక్కడ తవ్వకాలు జరుపుతున్నారు. పదులు.. వందలు.. వేల మంది అక్కడికి చేరుకున్నారు. తమ దారిద్య్రాన్ని తరిమికొట్టేందుకు ఆరాటపడుతున్నారు. ఈ క్రమంలో రంగు రంగుల రాళ్లు వాళ్లకు దొరుకుతున్నాయి. అధికారులకు కరోనా భయం కాగా, తవ్వకాల్ని కట్టడి చేయడంలో అక్కడి అధికార యంత్రాంగం చేతులెత్తేసింది. వేల మంది ఒకేసారి తవ్వకాలు చేపడుతుండడంతో కరోనా విజృంభించే అవకాశం ఉందని ఆందోళన చెందుతోంది. ఇప్పటికే వాళ్లలో పదుల సంఖ్యలో కేసులు బయటపడ్డాయి. ‘మీకు చేతులెత్తి మొక్కుతాం. తవ్వకాలు ఆపండి. మాకు సహకరించండి. ఆశతో ప్రాణల మీదకు తెచ్చుకోవద్దు’ అని మైకుల ద్వారా ప్రచారం నిర్వహిస్తున్నారంటే పరిస్థితి తీవ్రతను అర్థం చేసుకోవచ్చు. ఆశచావని ప్రజలు కరోనా ఎఫెక్ట్‌తో దక్షిణాఫ్రికా ఆర్థిక వ్యవస్థ దారుణంగా పతనం అయ్యింది. లక్షల మంది పేదరికంలోకి కూరుకుపోయారు. ఈ తరుణంలో తమ తలరాతను మార్చుకునేందుకు వజ్రాల వేటను ముమ్మరం చేస్తున్నారు ప్రజలు. అయితే వారం గడుస్తున్నా అవి వజ్రాలేనా? అనేది తేల్చడంలో జియాలజిస్టులు విఫలమయ్యారు. అయినప్పటికీ ఆశ చావని ప్రజలు.. వేటను కొనసాగిస్తూనే ఉన్నారు.  

ప్రపంచంలో మూడో అతిపెద్ద వజ్రం ఆఫ్రికాలోని బోట్స్వానా దేశంలో కనుగొన్నారు. ఇది 1,098 క్యారెట్ల వజ్రం. ఆంగ్లో అమెరికన్(ఎఎఎల్), బీర్స్, స్థానిక ప్రభుత్వం జాయింట్ వెంచర్ లో జరిపిన తవ్వకాలలో ఇది దొరికింది. ఈ వజ్రాన్ని డెబ్స్వానా డైమండ్ కంపెనీ తాత్కాలిక మేనేజింగ్ డైరెక్టర్ లినెట్ ఆర్మ్ స్ట్రాంగ్ ఆ దేశ అధ్యక్షుడు మోక్వీట్సీ మాసిసీకి అప్పగించారు. గతంలో దొరికిన అతిపెద్ద వజ్రాలలో మొదటి రెండు కూడా ఆఫ్రికాలోనే దొరికాయి. మొదటి అతిపెద్ద 3,106 క్యారెట్ల వజ్రం 1905లో దక్షిణాఫ్రికాలో దొరికింది. దీనికి కుల్లినన్ స్టోన్ అని పేరు పెట్టారు. 2015లో బోట్స్వానాలో లుకారా డైమండ్స్ 1,109 క్యారెట్ల "లెసెడి లా రోనా" అనే రెండవ అతిపెద్ద వజ్రాన్ని వెలికి తీసింది. గత 50 సంవత్సరాల చరిత్రలో డెబ్స్వానా స్వాధీనం చేసుకున్న అతిపెద్ద వజ్రం ఇది అని ఆర్మ్ స్ట్రాంగ్ చెప్పారు. ప్రాథమిక విశ్లేషణ తర్వాత ఇది ప్రపంచంలోని మూడవ అతిపెద్ద వజ్రం అని పేర్కొన్నారు. 73 మి.మీ పొడవు, 52 మి.మీ వెడల్పు, 27 మి.మీ మందం కలిగిన ఈ వజ్రానిక్ ఇంకా పేరు పెట్టలేదు. 2020లో కోవిడ్-19 మహమ్మారి వల్ల వజ్రాల అమ్మకాలు క్షీణించాయి. ఇప్పుడు ఈ వజ్రం దొరకడంతో మళ్లీ మంచి రోజు వచ్చినట్లు ఖనిజాల శాఖ మంత్రి లెఫోకో మోగి తెలిపారు. డివిడెండ్లు, రాయల్టీలు, పన్నుల ద్వారా డెబ్స్వానా అమ్మకాల రూపంలో ప్రభుత్వం 80 శాతం ఆదాయాన్ని అందుకుంటుంది. ఉత్పత్తి 2020లో డెబ్స్వానా 29 శాతం పడిపోయి 16.6 మిలియన్ క్యారెట్లకు పడిపోయింది. ఈ మహమ్మారి ప్రభావం ఉత్పత్తి, డిమాండ్ రెండింటి మీద పడటంతో అమ్మకాలు 2.1 బిలియన్ల డాలర్లకు పడిపోయింది. 2021లో ప్రపంచ వజ్రాల మార్కెట్ కోలుకోవడంతో 38 శాతం ఉత్పత్తిని పెంచాలని యోచిస్తోంది. చదవండి: Gold Price: బంగారం కొనుగోలుదారులకు భారీ ఊరట!

తుగ్గలి: కర్నూలు జిల్లా తుగ్గలి మండలం జొన్నగిరి గ్రామంలో తాజాగా మరో రెండు వజ్రాలు లభ్యమైనట్లు తెలిసింది. పొలం పనులకు వెళ్లిన ఓ కూలీకి దొరికిన ఒక వజ్రాన్ని అదే గ్రామానికి చెందిన వజ్రాల వ్యాపారి రూ.70 వేలకు కొనుగోలు చేయగా, ఇంకో వ్యక్తికి దొరికిన మరో వజ్రాన్ని మద్దికెర మండలం పెరవలి గ్రామానికి చెందిన వ్యాపారి రూ.40 వేలకు కొనుగోలు చేసినట్లు సమాచారం. గురువారం ఇదే గ్రామంలోని ఓ రైతుకు పొలంలో రూ.1.2 కోట్ల విలువైన వజ్రం దొరికినట్లు వార్తలు వెలువడ్డాయి. రెండ్రోజుల వ్యవధిలో మూడు వజ్రాలు లభ్యమవడంతో జనం తమ అదృష్టాన్ని పరీక్షించుకునేందుకు పొలాల్లో వాలి పోతున్నారు. ఏటా తొలకరి వర్షాలకు ఈ ప్రాంతంలో చిన్నా పెద్దా 50 దాకా వజ్రాలు లభ్యమవుతుంటాయి. దొరికేది ఇక్కడే..  తుగ్గలి మండలంలోని జొన్నగిరి, చిన్న జొన్నగిరి, రామాపురం, జి.ఎర్రగుడి, గిరిజన తండాలు, పగిడిరాయి, బొల్లవానిపల్లి, ఉప్పర్లపల్లి, పి.కొత్తూరు, చెన్నంపల్లి, గిరిగెట్ల, తుగ్గలి, ఉసేనాపురం, రాంపల్లి, రామలింగాయపల్లితో పాటు మద్దికెర మండలంలో పెరవలి, బసినేపల్లి ప్రాంతాల్లో వజ్రాలు లభ్యమవుతుంటాయి. ఇదీ చరిత్ర.. రాయల కాలంలో ఇక్కడ రత్నాలు, వజ్రాలను రాశులుగా పోసి అమ్మే వారని నానుడి. జొన్నగిరిని స్వర్ణగిరి అని పిలిచే వారని చెబుతారు. అశోకుడు      జొన్నగిరికి రెండు కిలోమీటర్ల దూరంలో కొండలో పెద్ద బండరాళ్లపై శాసనాలను చెక్కించారు. ఏటా వజ్రాలు లభ్యం..  ప్రతి ఏటా తొలకరి వానలు కురవగానే ఈ ప్రాంతంలో వజ్రాన్వేషణ కొనసాగుతుంది. జిల్లా నలుమూలల నుంచే కాకుండా గుంటూరు, నెల్లూరు, ప్రకాశం, తెలంగాణ రాష్ట్రం మహబూబ్‌నగర్‌ జిల్లా నుంచి జనం ఇక్కడి వచ్చి వజ్రాన్వేషణ చేస్తుంటారు. కొందరు రెండు మూడు నెలల పాటు ఇక్కడే ఉంటూ వెతుకుతారు. పొలం పనులు చేసే సమయంలోనూ కూలీలు, రైతులకు వజ్రాలు దొరుకుతుంటాయి. తెలుపు, ఎరుపు, తేనె వర్ణం వంటి రంగులలో వజ్రాలు లభిస్తుంటాయి. రూ.2వేల నుంచి లక్షల విలువ చేసే వజ్రాలు ఏటా దాదాపు 20 నుంచి 50కి పైగా దొరుకుతుంటాయి. ఆధారాలు ఉండవని అధికారులు పట్టించుకోరు..  వజ్రం దొరికినట్లు ఎలాంటి ఆధారాలు దొరకక పోవడంతో అధికారులు ఏమీ చేయలేక పోతున్నారు. వజ్రం దొరికినట్లు తెలుస్తుందే తప్ప అమ్మకం తర్వాత దొరకలేదని, వజ్రం కాదన్నారని చెబుతుండడంతో అధికారులు ఏమీ చేయలేక పోతున్నారు. వజ్రం దొరికితే పోలీసులు, రెవెన్యూ అధికారులకు వ్యాపారుల నుంచి కమీషన్‌  అందుతుందనే ఆరోపణలు ఉన్నాయి. గుట్టుగా విక్రయం..  దొరికిన వజ్రాలను కొందరు గుట్టుగా అమ్ముకుంటారు. మరికొందరు ధర నచ్చక పోతే టెండరు పద్ధతిలో అమ్ముతారు. తుగ్గలి మండల జొన్నగిరి, మద్దికెర మండలం పెరవలి, అనంతపురం జిల్లా గుత్తికి చెందిన వజ్రాల వ్యాపారులు వజ్రాలు కొనుగోలు చేస్తుంటారు. వీరు సీజన్‌లో వజ్రాల సమాచారం తెలుసుకునేందుకు కొందరిని నియమించుకొని వారిని అన్ని విధాలా చూసుకుంటారు. వజ్రాలను కొనుగోలు చేసిన వ్యాపారులు ముంబయి, చెన్నై, బెంగళూరు తదితర రాష్ట్రాల్లో అమ్ముతారు. క్యారెట్ల రూపంలో లెక్కించి వజ్రాలను కొనుగోలు చేస్తారు. ఒక్కోసారి వ్యాపారులు కుమ్మక్కై వజ్రాలను తక్కువ ధరకే కొనుగోలు చేస్తారు. దాని విలువ ఎవరికీ తెలియక పోవడంతో ఒక్కోసారి వజ్రం దొరికిన వారు మోస పోతుంటారు. చదవండి: ఖాకీ దందా: చిన్నసారు.. పంచాయితీ!    రహదారుల అభివృద్ధికి రూ.6,421 కోట్లు

తుగ్గలి: అదృష్టం వజ్రం రూపంలో ఓ పేద రైతు ఇంటి తలుపుతట్టింది. కర్నూలు జిల్లా తుగ్గలి మండలం చిన్నజొన్నగిరి గ్రామంలో గురువారం ఓ రైతుకు విలువైన వజ్రం లభ్యమైంది. వేరు శనగ విత్తనం విత్తేందుకు పొలాన్ని సిద్ధం చేసే క్రమంలో కంది కొయ్యలు తీస్తుండగా రైతుకు మెరుగురాయి కంటపడింది. అది వజ్రం అని తెలియడంతో వజ్రాల వ్యాపారులు అతని ఇంటికి వెళ్లారు. అక్కడ పోటీలో 25 క్యారెట్లు ఉన్న ఆ వజ్రాన్ని ఓ వ్యాపారి రూ.1.20 కోట్లకు రైతు నుంచి కొనుగోలు చేసినట్లు సమాచారం. ఏడేళ్ల క్రితం జొన్నగిరికి చెందిన వ్యక్తికి రూ.37 లక్షల విలువైన వజ్రం లభ్యమైనట్లు గ్రామస్తులు తెలిపారు. ఏటా తొలకరి వర్షాలకు ఈ ప్రాంతంలో చిన్న, పెద్ద వజ్రాలు 50 దాకా లభ్యమవుతుంటాయి. 40 ఏళ్ల నుంచి ఇక్కడ వజ్రాలు దొరుకుతుండటంతో పలు ప్రాంతాల నుంచి జనం ఇక్కడికి వచ్చి ఎర్ర నేలల్లో వజ్రాన్వేషణ చేస్తుంటారు.  

సాక్షి, ముంబై:  మహారాష్ట్రలో కరోనా వైరస్‌ రెండోదశలో విజృంభిస్తోంది. ఈ నేపథ్యంలో దేశంలో అతిపెద్ద డైమండ్ కంపెనీ ‘భారత్ డైమండ్ బోర్స్’  కీలక నిర్ణయం తీసుకుంది. నగరంలో పెరుగుతున్న  కరోనా వైరస్ కేసుల మధ్య కార్యకలాపాలను నిలిపివేయాలని నిర్ణయించింది. మహమ్మారి వ్యాప్తి కారణంగా మహారాష్ట్ర ప్రభుత్వం రాష్ట్రవ్యాప్తంగా ఆంక్షలు ప్రకటించిన తరువాత ఈ నిర్ణయం తీసుకున్నట్టు కంపెనీ ఒక ప్రకటనలో వెల్లడించింది. తాజా ఈ నిర్ణయంతో వజ్రాల క్రయ, విక్రయాల్లో ప్రపంచంలో అతిపెద్ద వ్యాపార కేంద్రం అయిన భారత్‌ డైమండ్‌ బౌర్స్‌ కార్యకలాపాలు నిలిచిపోయాయి. దేశంలోని వజ్రాల ఎగుమతుల్లో 98 శాతం నిర్వహిస్తున్న ముంబైకి చెందిన ఈ కంపెనీలో సోమవారం రాత్రి 8 నుంచి తదుపరి ఉత్తర్వులు వచ్చే వరకు బంద్‌ కొనసాగనుంది. ముంబై బాంద్రాలోని బాంద్రా-కుర్లా కాంప్లెక్స్‌లో  భారత్‌ డైమండ్‌ బౌర్స్‌ ప్రధాన కేంద్రం ఉంది. కోవిడ్‌-19 కేసులు విపరీతంగా పెరుగుతున్న నేపథ్యంలో మహారాష్ట్ర ప్రభుత్వం పరిమితుల  నేపథ్యంలోతన  కార్యకలాపాలకు తాత్కాలికంగా బ్రేక్‌ చెప్పింది.   కాగా ముంబైలో అత్యధికంగా 11,163 కరోనావైరస్ కేసులు నమోదయ్యాయి. సోమవారం నాటికి  ఈ కేసుల 4,62,302గా ఉంది.

కోహిమా: ఫ్రీగా వస్తే ఫినాయిలైనా తాగుతారని వింటుంటాం. అదే వజ్రమే దొరికితే ఎవరైనా తీసుకోకుండా ఉంటారా..? అదే జరిగితే ఒక్కరోజులోనే కోటీశ్వరులం అయిపోవచ్చని చాలా మంది కలలు కంటూ ఉంటారు. ఇందుకోసం ఎంత కష్టాన్నైనా భరించేందుకు సిద్ధపడతారు. అలాంటి ఆలోచనతోనే నాగాలాండ్‌ ప్రజలు ఇప్పుడో వేట మొదలు పెట్టారు. అదే వజ్రాల వేట... తాజాగా ఓ రైతుకు వజ్రాన్ని పోలిన రాయి దొరకడంతో, ఇప్పుడు కొండ ప్రాంతంలో అనేక మంది ప్రజలు చెట్టు చేమ అని చూడకుండా తవ్వడం మొదలు పెట్టారు. దొరికితే అదృష్టమే అన్నట్టుగా తవ్వుతున్న ఆ వీడియో సోషల్‌ మీడియాలో చక్కర్లు కొడుతుంది. ఈ విషయం తెలుసుకున్న ప్రభుత్వం ఆ రాయి అసలు వజ్రమో కాదో కనుక్కునే పనిని భూ విజ్ఞాన శాస్త్రవేత్తలకు అప్పజెప్పింది.  (చదవండి: తీరంలో కొనసాగుతున్న ‘పసిడి’ వేట) అబెంతంగ్‌ లోథా, లంగారికబా, కెనైలో రెగ్మా, డేవిడ్‌ లుఫోనియాలను త్వరగా రిపోర్ట్‌ అందించాలని నాగాలాండ్‌ జియాలజీ, మైనింగ్‌ డైరెక్టర్‌ మనేన్‌ ఉత్తర్వులు జారీ చేశారు. ఈ ప్రాంతంలో పూర్వం నుంచి వజ్రాలకు సంబంధించి ఎలాంటి ఆధారాలు లభించనందున ఆ రాయి అసలు వజ్రమని బృందం నమ్మడం లేదు. వీరు నవంబర్‌ 30న లేదా డిసెంబర్‌ 1న అక్కడికి చేరుకొని పరిశోధనలు చేపట్టనున్నారు. సోషల్‌ మీడియాలో పెడుతున్న పోస్టులను ఆపేయాలని, ఆ ప్రాంతంలో రాకపోకలు నిలిపేవేయాలని  బృందం ఉత్తర్వులు జారీ చేసినట్టుగా జాతీయ మీడియా పేర్కొంది.

సాక్షి, హైదరాబాద్‌: వజ్రాలు ఎలా తయారవుతాయో మీకు తెలుసా..? కోట్ల సంవత్సరాల పాటు భూమి లోపల విపరీతమైన ఒత్తిడి, ఉష్ణోగ్రతల్లో నలిగిన కర్బన పదార్థం కాస్తా ఘనీభవించినప్పుడు వజ్రమవుతుంది.. అంత పురాతనమైనవి, అతి తక్కువగా లభ్యమయ్యేవి కాబట్టే వాటికంత విలువ.. అయితే వీటిని నిమిషాల్లో తయారు చేస్తామంటున్నారు ఆస్ట్రేలియా నేషనల్‌ యూనివర్సిటీ, ఆర్‌ఎంఐటీ యూనివర్సిటీ శాస్త్రవేత్తలు.. డైమండ్‌ అన్‌వెయిల్‌ సెల్‌ అనే ఓ పరికరం ద్వారా ఇది సాధ్యమేనని వారు చెబుతున్నారు. భూమి లోపలి ఒత్తిడి, ఉష్ణోగ్రతల పరిస్థితులను ఈ పరికరంలో కృత్రిమంగా సృష్టించవచ్చన్నారు. 640 ఆఫ్రికన్‌ ఏనుగులు ఒక మేజోడు కొనపై కాలు మోపితే ఎంత ఒత్తిడి ఏర్పడుతుందో అంత అరచేతిలో ఇమిడిపోయే ఈ పరికరం లోపల సృష్టించినప్పుడు దాంట్లో ఉన్న కర్బన అణువులు కాస్తా స్ఫటికాలు (వజ్రాలు) గా మారిపోయాయని ఈ ప్రయోగాల్లో పాల్గొన్న శాస్త్రవేత్త జోడీ బ్రాడ్‌బై తెలిపారు. (చదవండి: పొలాల్లో ‘వజ్రాల పంట’) కేవలం ఒత్తిడిని సృష్టించడంతోనే వజ్రం తయారు కాలేదని, కర్బన అణువులపై షీర్‌ ఎఫెక్ట్‌ (మెలితిప్పడం, జారిపోవడం వంటివి) కూడా పడినప్పుడే స్ఫటికాలు ఏర్పడతాయని తాము భావిస్తున్నట్లు వెల్లడించారు. ప్రయోగశాలలో తయారు చేసిన వజ్రాలను ఎలక్ట్రాన్‌ మైక్రోస్కోపు సాయంతో పరిశీలించామన్నారు. ఇవి సాధారణ వజ్రాలతోపాటు ఉల్కా శకలాల కారణంగా ఏర్పడ్డ వజ్రాల్లోని లక్షణాలు రెండూ కలిగి ఉన్నాయని బ్రాడ్‌బై వివరించారు. ఈ పరిశోధన వివరాలు స్మాల్‌ జర్నల్‌లో ప్రచురితమయ్యాయి. 

సాక్షి, కర్నూలు: జిల్లాలో విలువైన వజ్రం దొరికింది. తుగ్గలి మండలానికి చెందిన ఓ మహిళకు పొలంలో వేరుశెనగ తీస్తుండగా కోటి రూపాయలు విలువ చేసే వజ్రం దొరికింది. అయితే వజ్రాన్ని అనంతపురం జిల్లా గుత్తికి చెందిన ఓ వ్యాపారి తక్కువ ధరకు కొనుగులు చేశారు. 11 లక్షల రూపాయల నగదు, 2 తులాల బంగారం ఇచ్చి సదురు వ్యాపారి వజ్రాన్ని కొన్నట్లు సమాచారం. కాగా.. ఈ వజ్రం కోటి రూపాయలకు పైగా ధర పలుకుతుందని స్థానికులు భావిస్తున్నారు. 

అర్కాన్సాస్ :  సాధార‌ణ బ్యాంకు మేనేజ‌ర్ నుంచి కోటీశ్వ‌రుడిలా మారే అరుదైన అవ‌కాశం అత‌ని సొంత‌మైంది. అంతేకాకుండా 48 ఏళ్ల క్రితంనాటి అరుదైన వ‌జ్రం సొంతం కావ‌డంతో అతగాడి ఆనందానికి అవ‌ధుల్లేవు. వివ‌రాల ప్ర‌కారం వివ‌రాల ప్రకారం నైరుతి అర్కాన్సాస్‌లోని బ్యాంకు మేనేజ‌ర్ కెవిన్ కినార్డ్‌కి చిన్న‌ప్ప‌టి నుంచి స్టేట్ పార్కుకు వెళ్ల‌డం అల‌వాటు. అలా ఎప్ప‌టిలాగే క్రేటర్ ఆఫ్ డైమండ్స్ స్టేట్ పార్క్‌కి వెళ్లాడు. ఆరోజు కూడా సిఫ్టింగ్  చేస్తుండ‌గా త‌ళుక్కుమంటూ ఓ రాయి క‌నిపించింది. చూడ‌టానికి క్రిస్ట‌ల్‌లా మెరుస్తుండ‌టంతో చేతికున్న సంచిలో వేసుకున్నాడు. అలా దొరికిన రాయిని ప‌రీక్షించి చూస్తే గానీ అస‌లు విష‌యం బ‌య‌ట‌ప‌డలేదు. దాదాపు 48ఏళ్ల చ‌రిత్రలో ల‌భించిన రెండ‌వ అరుదైన వ‌జ్రం త‌న సొంత‌మైంద‌ని తెలిసి షాక్‌కి గుర‌య్యాడు.  9.07 క్యారెట్ల వజ్రం ల‌భించ‌డంతో ఒక్క‌సారిగా కెవిన్ కినార్డ్ పేరు మారుమ్రోగిపోయింది. 

తుగ్గలి:  వర్షాలు సమృద్ధిగా కురుస్తున్నాయి. పంటలు కళకళలాడుతున్నాయి. వాటితో పాటే వజ్రాలు కూడా తళుక్కుమంటున్నాయి. అదృష్టం రూపంలోదరికి కాసుల పంట పండిస్తున్నాయి. తుగ్గలి మండలంలోని పగిడిరాయి, జొన్నగిరి, చిన్నజొన్నగిరి, రామాపురం, జి.ఎర్రగుడి, ఉప్పర్లపల్లి, తుగ్గలి, గిరిగెట్ల, చెన్నంపల్లి, బొల్లవానిపల్లి, పి.కొత్తూరు, గిరిజన తండాల్లోని ఎర్రనేలల్లో వజ్రాలు లభ్యమవుతుంటాయి. ఏటా తొలకరి వర్షాలు మొదలైనప్పటి నుంచి ఈ ప్రాంతంలో విలువైన వజ్రాలు దొరుకుతుంటాయి. దీంతో అదృష్టాన్ని పరీక్షించుకునేందుకు స్థానికులతో పాటు వివిధ జిల్లాల నుంచి జనం పెద్దసంఖ్యలో వజ్రాన్వేషణకు వస్తుంటారు. ఇలా వచ్చిన వారికే కాకుండా పొలాల్లో పనులు చేసే రైతులు, కూలీలకు కూడా వజ్రాలు దొరుకుతున్నాయి. (అదృష్టం అంటే అతనిదే.. రాత్రికి రాత్రే) ⇔ దీంతో పంట పొలాలకు వెళ్లినప్పుడు ఓ వైపు పని చేసుకుంటూనే..మరోవైపు వజ్రాలపై కూడా నిఘా  ఉంచుతున్నారు.  ⇔ ఈ ఏడాది ఇప్పటికే రూ.50 లక్షలకు పైగా విలువ చేసే 50కి పైగా వజ్రాలు లభ్యమయ్యాయి.   ⇔ దొరుకుతున్న వజ్రాలను జొన్నగిరి, మద్దికెర మండలం పెరవలి, అనంతపురం జిల్లా గుత్తికి చెందిన వ్యాపారులు రహస్యంగా కొనుగోలు చేస్తున్నారు.  ⇔ విక్రయదారులకు ధర నచ్చకపోతే టెండర్‌ పద్ధతిన తీసుకుంటారు. రంగు, జాతితో పాటు క్యారెట్ల రూపంలో లెక్కించి వ్యాపారులు వజ్రాలను కొనుగోలు చేస్తున్నారు.   ⇔ రెండు రోజుల క్రితం జొన్నగిరిలో మహిళా కూలీకి దొరికిన వజ్రాన్ని ఓ వ్యాపారి రూ.6 లక్షల నగదు,   5 తులాల బంగారం ఇచ్చి కొనుగోలు చేసినట్లు సమాచారం. 

భోపాల్‌ : మధ్యప్రదేశ్‌లోని పన్నా జిల్లాలో ఓ గనిలో 50 లక్షల రూపాయల విలువైన 10.69 క్యారెట్‌ వజ్రం లభ్యమైంది. రాణీపూర్‌ ప్రాంతంలోని మైన్‌ను లీజ్‌కు తీసుకుని నడిపిస్తున్న ఆనందిలాల్‌ కుష్వాహ (35) ఈ డైమండ్‌ను గుర్తించారు. అత్యంత విలువైన ఈ వజ్రాన్ని స్ధానిక డైమండ్‌ కార్యాలయంలో సమర్పించారని పన్నా డైమండ్‌ అధికారి ఆర్‌కే పాండే వెల్లడించారు. కరోనా కట్టడికి విధించిన లాక్‌డౌన్‌ సడలింపుల తర్వాత ఇంతటి భారీ వజ్రం గుర్తించడం ఇదే తొలిసారని మైన్‌ నిర్వాహకుడు కుష్వాహ పేర్కొన్నారు.  ఈ వజ్రాన్ని వేలం వేసి ప్రభుత్వ రాయల్టీ, పన్నులు మినహాయించిన అనంతరం డిపాజిటర్‌కు అందచేస్తామని అధికారులు తెలిపారు. వజ్రం విలువను ఇంకా లెక్కకట్టనప్పటికీ దాని నాణ్యతను బట్టి 50 లక్షల రూపాయల వరకూ పలుకుతుందని స్ధానిక నిపుణులు తెలిపారు. కుష్వాహ ఇటీవల 70 సెంట్‌ డైమండ్‌ను కూడా ఈ కార్యాలయంలో డిపాజిట్‌ చేశారు. తాను, తన తల్లితండ్రులు గత ఆరు నెలల నుంచి గనుల్లో కష్టించి పనిచేస్తున్నామని, ఈ వజ్రం దొరకడం​ పట్ల ఆనందంగా ఉందని కుష్వాహ చెప్పుకొచ్చారు. బుందేల్‌ఖండ్‌ ప్రాంతంలోని పన్నా జిల్లా వజ్రాల నిక్షేపాలకు పేరొందింది. చదవండి : మహిళా కూలీకి వజ్రం లభ్యం

కర్నూలు, తుగ్గలి :తుగ్గలి  మండలంలోని రామాపురం గ్రామానికి చెందిన ఓ మహిళా కూలీకి సోమవారం వజ్రం లభ్యమైనట్లు సమాచారం. వేరుశనగ విత్తనం విత్తేందుకు వెళ్లిన మహిళా కూలీకి వజ్రం కంట పడడంతో ఆగి తీసుకుంది. 5 క్యారెట్లకు పైగా ఉన్న ఈ వజ్రాన్ని అదే రోజు రాత్రి అనంతపురం జిల్లా గుత్తికి చెందిన ఓ వ్యాపారి రూ.5.50 లక్షల నగదు, 3తులాల బంగారం ఇచ్చి కొనుగోలు చేసినట్లు తెలిసింది. (రైతుకు చిక్కిన రూ.కోటి వజ్రం..)

వాషింగ్టన్‌: వేల కోట్ల విలువైన నిధినిక్షేపాలను ఎక్కడో దాచడం.. దాన్ని చేరుకోవడానికి రెండు గ్రూపులు పోటీ పడటం.. చివరకు హీరో దాన్ని దక్కించుకోవడం.. ఇలాంటి సినిమాలు దాదాపు అన్ని భాషల్లోను వచ్చాయి. సూపర్‌హిట్‌ అయ్యాయి కూడా. అయితే అచ్చంగా ఇలాంటి సంఘటనే ఒకటి అమెరికాలో చోటు చేసుకుంది. ఏకంగా 2 మిలియన్‌ అమెరికన్‌ డాలర్ల విలువైన నిధిని గుర్తించాడో వ్యక్తి. ఉత్తర అమెరికాలోని రాకీ పర్వత ప్రాంతాల్లో ఈ నిధిని కనుగొన్నాడు. దాదాపు 10 ఏళ్ల పాటు శ్రమించి దీనిని గుర్తించాడు. వివరాలు.. న్యూ మెక్సికోకు చెందిన ఫారెస్ట్‌ ఫెన్‌ అనే పురాతన వస్తువులు సేకరించే ఓ వ్యక్తి తనకు కిడ్నీ క్యాన్సర్‌ ఉందని తెలిసిన తర్వాత ఈ నిధి వేటను(ట్రెజర్‌హంట్‌) రూపొందించాడు. జబ్బు నయమైన తర్వాత కూడా ఫెన్‌ ఈ అలవాటును కొనసాగించాడు.  ఈ క్రమంలో పదేళ్ల క్రితం ఓ రాగి పెట్టెలో బంగారు ముద్దలు, నాణేలు, వజ్రాలు, ప్రీ కొలంబియన్‌ కాలానికి చెందిన కళాకళాఖండాలు, ఇతర విలువైన వస్తువులను దాచాడు ఫెన్‌. తర్వాత నిధి వేటకు అవసరమైన క్లూస్‌ని ‘ది థ్రిల్‌ ఆఫ్‌ ది చేజ్‌’ పేరుతో ప్రచురించాడు. 24 లైన్ల నిగూఢ పద్యంలో నిధి ఉన్న తావుని వర్ణించాడు. ఈ క్రమంలో కొద్ది రోజుల క్రితం ఒక వ్యక్తి రాకీ పర్వతాల్లో సముద్ర మట్టానికి 5,000 అడుగుల ఎత్తులో దాగి ఉన్న ఈ నిధిని కనుగొన్నట్లు ఫెన్‌ తెలిపాడు. సదరు వ్యక్తి  నిధిని గుర్తించిన ఫోటొను తనకు పంపినట్లు ఫెన్‌ ‘ది శాంటా ఫే న్యూ మెక్సికన్’ వార్తాపత్రికకు తెలిపాడు. అయితే నిధిని కనుగొన్న వ్యక్తి పేరును ఫెన్‌ వెల్లడించలేదు. నిధి ఉన్నవస్తువు బరువు 9 కిలోలు ఉంటే దాని లోపల ఉన్న వస్తువులు మరో 10 కిలోల బరువు ఉంటాయని ఫెన్‌ తెలిపాడు. గత దశాబ్దంలో పదివేల మంది అన్వేషకులు ఈ నిధి జాడను కనుగొనేందుకు ప్రయత్నించారు. కానీ వారి ప్రయత్నం ఫలించలేదు. చాలామంది తమ ఉద్యోగాలను వదిలి పెట్టి.. ప్రమాదకరమైన భూభాగాల్లోకి ప్రవేశించారు. నివేదికలను అనుసరించి కనీసం ఇద్దరు మరణించారు. దాంతో ఫెన్‌ ప్రజల జీవితాలను ప్రమాదంలో పడేశారనే ఆరోపణలను కూడా ఎదుర్కొన్నారు. మరికొందరు ఈ నిధి వేట ఒక బూటకమని కొట్టి పారేశారు.  

కర్నూలు, తుగ్గలి: అదృష్టం వజ్రమైతే కష్టాలు తీరిపోవడమే కాకుండా క్షణాల్లో లక్షాధికారి కావచ్చు. చేయాల్సిందల్లా నేలకేసి తీక్షణంగా చూస్తూ వెళ్లాలి అంతే. మెరుగు రాయి కంటపడితే చేతిలోకి తీసుకుని పరీక్షగా చూడాలి. పది మందికి చూపించాలి. వజ్రమని రూఢీ అయితే వ్యాపారే సంప్రదిస్తారు. వజ్రం జాతి, రంగు చూసి కారెట్ల రూపంలో లెక్కించి కొనుగోలు చేస్తారు. రహస్యంగా,  టెండర్‌ పద్ధతినవ్యాపారులు వజ్రాలు కొనుగోలు చేస్తుంటారు. (రైతుకు చిక్కిన రూ.కోటి వజ్రం..) తొలకరి వర్షాలకు జొన్నగిరి, తుగ్గలి, పగిడిరాయి, జీ.ఎర్రగుడి,బొల్లవాని పల్లి, చెన్నంపల్లి, పీ.కొత్తూరు, చిన్న జొన్నగిరి, రాంపురం, ఉప్పర్లపల్లి    తదితర గ్రామాల్లో వజ్రాల వేట మొదలైంది. రెండు రోజుల క్రితం కురిసిన వర్షాలకు జనం తమ అదృష్టాన్ని పరీక్షించుకునేందుకు ఉదయాన్నే పొలాల్లో వాలిపోతున్నారు. వృద్ధులు, మహిళలు, పిల్లలు ఉదయం, సాయంత్రం ఎర్ర నేలల్లో తిరుగుతూ     వజ్రాన్వేషణ చేస్తున్నారు. ఈ ఏడాది     ఇప్పటికే రూ.2లక్షల విలువైన రెండు వజ్రాలు లభ్యమయ్యాయి. ఏటా తొలకరి వర్షాలకు ఈ ప్రాంతంలో విలువైన వజ్రాలు లభ్యమవుతుంటాయి. వజ్రాన్వేషణ కోసం ఏటా ఇతర జిల్లాల నుంచి జనం వచ్చేవారు. అయితే కరోనా కారణంగా ఈ ఏడాది జనం తాకిడి బాగా తగ్గింది.

గుత్తి రూరల్‌: బేతాపల్లిలో ఓ రైతుకు విలువైన వజ్రం చిక్కిందన్న విషయం వెలుగులోకి రావడంతో రెవెన్యూ అధికారులు, పోలీసులు శుక్రవారం విచారణ చేపట్టారు. ‘రైతుకి చిక్కిన రూ.కోటి వజ్రం’, ‘రూ.30 లక్షలకు విక్రయం’ అనే శీర్షికతో సాక్షిలో ప్రచురితమైన కథనానికి తహసీల్దార్‌ బ్రహ్మయ్య, సీఐ రాజశేఖర్‌రెడ్డి స్పందించి విచారణకు ఆదేశించారు. వజ్రం చిక్కిన రైతు అందుబాటులో లేకపోవడంతో కుటుంబ సభ్యులను విచారించారు. కొనుగోలు చేసిన వ్యాపారి, మధ్యవర్తులను తహసీల్దార్‌ కార్యాలయానికి పిలిపించుకుని విచారించారు. వజ్రం ఎప్పుడు, ఎక్క డ చిక్కింది.. ఎంతకి విక్రయించారు? అనే విషయాలను అడిగి తెలుసుకున్నారు. అయితే వజ్రం చిక్కినట్లు రైతు కుటుంబీకులు ఒప్పుకోగా.. కొనుగోలు చేసిన వ్యాపారి మాత్రం తాను ఎలాంటి వజ్రమూ కొనుగోలు చేయ లేదని అధికారులతో చెప్పాడు.(వృద్ధుడిని బంధించి.. విలువైన వజ్రం అపహరణ )

అనంతపురం, గుత్తి రూరల్‌: అనంతపురం జిల్లా గుత్తి మండలంలోని బేతాపల్లి గ్రామంలో నాలుగు రోజుల క్రితం ఓ రైతుకు విలువైన వజ్రం చిక్కిన విషయం ఆలస్యంగా వెలుగులోకి వచ్చింది. గ్రామ శివారులో ఊటకల్లుకువెళ్లే దారిలో వ్యవసాయ భూములు ఉన్నాయి. నాలుగు రోజుల క్రితం కురిసిన వర్షానికి భూమి పదును కావడంతో రైతు సేద్యం పనులు చేశాడు. గుంటకతో భూమిని దున్నడంతో ఓ వజ్రం చిక్కింది. గ్రామంలోని ఇద్దరు వ్యక్తులతో కలిసి వజ్రాన్ని కర్నూలు జిల్లా పెరవలిలో విక్రయించేందుకు ప్రయత్నించగా అక్కడ ధర వద్ద తేడా వచ్చింది. దీంతో గుత్తి ఆర్‌ఎస్‌లోని ఓ వ్యాపారికి రూ.30 లక్షలకు విక్రయించినట్లు తెలిసింది. కాగా ఆ వజ్రం రూ.కోటికి పైగా ధర ఉంటుందని సమాచారం. మధ్యవర్తులు వజ్రాల వ్యాపారితో కుమ్మక్కై రైతుకు తక్కువ ధర ఇచ్చినట్లు చర్చ జరుగుతోంది.      

ఖనిజ ఆదాయంలో దేశంలోనే మూడోస్థానంలో ఉన్న రాష్ట్ర గనులు, భూగర్భ వనరుల శాఖ.. ఆదాయాన్ని మరింత పెంచుకునేందుకు కసరత్తు చేస్తోంది. రాష్ట్రంలో భూగర్భ వనరుల సంపూర్ణ సమాచారాన్ని క్రోడీకరించి రాష్ట్ర ప్రభుత్వానికి పలు ప్రతిపాదనలు చేసింది. ఆదాయ పెంపుదలకు బొగ్గు, యురేనియం, సున్నపురాయి, మాంగనీసు, ఇనుము తదితర ఖనిజాలతోపాటు ఇతర ఖనిజాలను వెలికితీయాలని భావిస్తోంది. ఇందులో భాగంగా జాతీయ మైనింగ్‌ సంస్థ (ఎన్‌ఎండీసీ) సహకారంతో బంగారం, వజ్రపు నిల్వల అన్వేషణ, వెలికితీత పనులు చేపట్టాలని నిర్ణయించింది. వజ్రాల జాడపై ఎన్‌ఎండీసీ ద్వారా సూర్యాపేట జిల్లాలో ఇదివరకే ప్రాథమిక సర్వే చేయించింది. మహబూబ్‌నగర్, గద్వాల, వనపర్తి, నాగర్‌కర్నూల్‌ జిల్లాల్లో వజ్రాల జాడ కోసం అన్వేషణ ప్రారంభించాలని ప్రతిపాదించింది. బంగారం, వజ్రాల వెలికితీత కోసం కొన్ని ప్రాంతాలను ఎన్‌ఎండీసీకి కేటాయించాలని రాష్ట్ర ప్రభుత్వం ప్రతిపాదిస్తోంది. జియోలాజికల్‌ సర్వే ఆఫ్‌ ఇండియా (జీఎస్‌ఐ) సహకారంతో గద్వాల జిల్లాలో బంగారం, వనపర్తి జిల్లా ఆత్మకూరు ప్రాంతంలో తగరం నిల్వల అన్వేషణ, వెలికితీత చేపట్టేందుకు గనులశాఖ సిద్ధమవుతోంది.  టూరింగ్‌ స్పాట్స్‌గా...  ఖనిజాల వెలికితీత తర్వాత ఏర్పడుతున్న భారీ గుంతలను టూరిజం కేంద్రాలుగా మార్చాలనే ప్రతిపాదనను కూడా రాష్ట్ర భూగర్భ వనరుల శాఖ ప్రతిపాదిస్తోంది. చైనాలోని షాంఘై, రొమేనియా, పోలాండ్‌లోని పోర్ట్‌లాండ్‌ తరహాలో మైనింగ్‌ గుంతల్లో హోటళ్లు, రెస్టారెంట్లు, అమ్యూజ్‌మెంట్‌ పార్కులు, బోటింగ్‌ వంటి వాటిని ఎకో టూరిజంలో భాగంగా ప్రోత్సహించాలని ప్రభుత్వం భావిస్తోంది. సినిమా షూటింగ్‌ స్పాట్లు, చేపల పెంపకం, సాగు, తాగునీటి వనరులుగా కూడా ఈ గుంతలను ఉపయోగించేలా తీర్చిదిద్దే ప్రణాళికలు ఉన్నట్లు మైనింగ్‌ అధికారులు చెప్తున్నారు.      – సాక్షి, హైదరాబాద్‌

లండన్‌: మనదేశంలో చోర్‌బజార్‌లు ఉంటాయి. అక్కడ అమ్మే సరుకులన్నీ ఒరిజినల్‌గా కనపడే నకిలీ వస్తువులే. అయితే నకిలీదని కొన్న ఓ వస్తువు అసలుదని తేలితే.. జాక్‌పాట్‌ కొట్టినట్టే కదూ! లండన్‌లో ఓ మహిళకు సరిగ్గా ఇలాగే జరిగింది. వివరాల్లోకెళ్తే.. డెబ్రా గడ్డర్డ్‌ (55) అనే మహిళ 33 ఏళ్ల కిందట ఓ బూట్‌ బజార్‌(స్మగుల్‌ గూడ్స్‌ విక్రయించే సంత)లో రూ.925 చెల్లించి ఓ గాజు ఉంగరం కొనుగోలు చేసింది. ఎప్పుడో ముచ్చటపడి కొనుక్కున్న ఆ ఉంగరంలో మిలమిలా మెరిసే గాజు.. గాజు కాదని, 26.27 క్యారెట్ల వజ్రమని తాజాగా తేలింది.  వెయ్యి రూపాయలు కూడా ఖర్చుచేయకుండా కొన్న ఉంగరం విలువ ఇప్పుడు ఏకంగా 4,70,000 పౌండ్స్‌ (భారత కరెన్సీలో రూ.4.33 కోట్లు) అని తెలియడంతో గడ్డర్డ్‌ ఆనందానికి హద్దే లేకుండాపోయింది. ఆ వజ్రపు ఉంగరాన్ని విక్రయించగా వచ్చే మొత్తాన్ని తన తల్లి కోసం ఖర్చు చేస్తానని చెప్పింది. డెబ్రా గతంలో సామాజిక కార్యకర్తగా పనిచేశారు. కష్టాల్లో ఉన్నవారిని ఆదుకోవడం ఆమెకు అలవాటు. తన చారిటీ ద్వారా 20 మంది చిన్నారులకు సాయమందించింది. బహుశా.. ఆమె మంచితనమే ఈ విధంగా మేలు చేసిందేమో.  

ఒక భార్య, భర్త ఇద్దరూ సంసారం పట్ల విరక్తి చెందారు. వారిద్దరూ కలిసి తీర్థయాత్రలకు బయలు దేరారు. ఒక తోవలో నడిచిపోతున్నారు. భర్త ముందు నడుస్తున్నాడు. భార్య వెనకగా వస్తోంది. అప్పుడు అతనికి నేలమీద ఒక వజ్రం కనిపించింది. తన భార్య దానిని చూస్తే దానిమీద ఆశపడి తన వైరాగ్యాన్ని పోగొట్టుకుంటుందేమోనని అతనికి అనుమానం కలిగింది. వెంటనే అతడు దానిని పూడ్చివేద్దామని గుంట తియ్యసాగాడు. ఇంతలో భార్య అక్కడికి వచ్చింది. ‘‘ఏమి చేస్తున్నారు?’’అని అడిగింది. భర్త సరైన సమాధానం చెప్పకుండా మాట దాటవేయడానికి ప్రయత్నించాడు. అయితే భార్య ఆ వజ్రాన్ని చూసి, అతని మనసులోని ఆలోచనను కనిపెట్టింది. ఆమె భర్తతో ‘‘మీకు ఆ వజ్రానికి, మట్టికీ ఇంకా తేడా కనిపిస్తున్నట్లయితే ఎందుకు సన్యసించారు?’’ అని అడిగింది. కొందరు తమలో ఉన్న బలహీనతలే ఇతరులకూ ఉంటాయనుకుంటారు. ముందు మన మనసు స్వచ్ఛంగా ఉంచుకుంటేనే ఇతరుల మనసులో మంచిని చూడగలం.  

సాక్షి,ముంబై: ఐసీఐసీఐ బ్యాంకు లిమిటెడ్‌కు ఒక డైమండ్‌ కంపెనీ టోపీ పెట్టింది.  దీంతో ఇప్పటికే వీడియోకాన్‌ రుణాల వివాదంతో సంక్షోభంలో చిక్కుకున్న బ్యాంకు మరోసారి చిక్కుల్లో పడింది. ముంబైకి చెందిన డైమండ్‌ కంపెనీ కోట్లాది రూపాయల రుణాన్ని చెల్లించకుండా డీఫాల్ట్‌ అయింది. దీంతో అక్టోబర్‌ 4వతేదీన ఆ కంపెనీ పై ఐసీఐసీఐ బ్యాంకు కేసు పెట్టింది. ముంబైకి చెందిన ష్రూంజ్ అండ్ కంపెనీ సుమారు రూ.88.25 కోట్లు(12 మిలియన్ డాలర్లు) చెల్లించాల్సి ఉందని బ్యాంకు  ఆరోపించింది. తీసుకున్న రుణాలను తిరిగి చెల్లించకుండా మోసం చేసిందని ఆరోపిస్తూ సదరు డైమండ్ కంపెనీ సహా పదకొండు మంది ఎగ్జిక్యూటివ్స్‌పై అమెరికా కోర్టులో కేసులు నమోదు చేసింది. న్యూయర్క్‌ ఐసీఐసీఐ బ్రాంచ్ ఆర్ఐసీఓ ఉల్లంఘన చట్టం కింద సదరన్ డిస్ట్రిక్ట్ కోర్టులో పిటిషన్ వేసింది. తీసుకున్న డబ్బు మొత్తాన్ని యూఎస్, యూఏఈ ల్లోని షెల్ కంపెనీల్లోకి మళ్లించారని బ్యాంకు తెలిపింది. తద్వారా ఆర్ఐసీఓ చట్టాన్ని పలుమార్లు ఉల్లంఘించారని బ్యాంకు అధికారులు తెలిపారు. అయితే ఇప్పటివరకు తమకు ఎలాంటి నోటీసులు అందలేదని ష్రూంజ్ & కో. ప్రతినిధి తెలిపారు.   కాగా 226 కోట్ల రూపాయల రుణాన్ని ఎగవేసిందని ఆరోపిస్తూ ష్రూంజ్ అండ్ కంపెనీపై బ్యాంకు ఆఫ్‌ ఇండియా ఈ ఏడాది ఆగస్టులో ముంబైలోని ఎన్‌సీఎల్‌టీని ఆశ్రయించింది. బీవోఐ నేతృత‍్వంలోని 17 బ్యాంకుల కన్సార్షియానికి 1113కోట్ల రూపాయల మొత్తం బకాయి పడిందనీ, దీంతో డైమండ్‌ సంస్థపై దివాలా చర్యలు తీసుకోవాలని కోరింది.

భోపాల్‌ : అదృష్టం అంటే ఈ పేద రైతుదే. నిన్నటి వరకూ ‘ఈ రోజు ఎలా గడుస్తుందిరా దేవుడా..!’ అనుకున్న అతడు ఒక్క రాత్రిలోనే అపర కుబేరుడు అయ్యాడు. తాతల కాలం నుంచి చేస్తోన్న మైనింగ్‌ వ్యాపారం కలిసి వచ్చి అదృష్టం ‘వజ్రం’ రూపంలో తలుపు తట్టింది. ఈ సంఘటన మధ్యప్రదేశ్‌లో చోటు చేసుకుంది. బుందేల్‌ఖండ్‌ ప్రాంతానికి చెందిన మోతీలాల్‌ ప్రజాపతి కుటుంబం తరతరాలుగా భూమిని లీజుకు తీసుకుని మైనింగ్‌ జరుపుతుండే వారు. మోతీలాల్‌ కూడా ఇదే పని చేస్తున్నాడు. ఈ క్రమంలో గత నెల సెప్టెంబర్‌లో క్రిష్ణ కల్యాణ్‌పూర్‌ ప్రాంతంలో 25 గజాల భూమిని లీజుకు తీసుకుని మైనింగ్‌ చేస్తున్నారు. నెల తిరిగిలోపే అదృష్టం మోతీలాల్‌ తలుపు తట్టింది. మైనింగ్‌ చేస్తుండగా 42.59 క్యారెట్‌ బరువున్న వజ్రం దొరికింది. దీని విలువ సుమారు 1.5 కోట్ల రూపాయలుంటుందని అంచనా వేశారు. ఈ విషయం గురించి మోతీలాల్‌.. ‘మూడు తరాల నుంచి మా కుటుంబం మైనింగ్‌లోనే ఉంది. కానీ ఎప్పుడు లాభాలు రాలేదు. దేవుడి దయ వల్ల ఇప్పుడు  అదృష్టం నా ఇంటి తలుపు తట్టింది. ఈ వజ్రాన్ని అమ్మడం వల్ల వచ్చిన సొమ్ముతో నా పిల్లలని బాగా చదివించుకుంటాను. ఇల్లు కట్టుకుంటాను.. నా సోదరుని కూతుళ్లకు వివాహం చేస్తాను’ అంటూ చెప్పుకొచ్చారు. నవంబర్‌లో ఎన్నికలు ముగిసిన తరువాత ఈ వజ్రాన్ని వేలం వేస్తాము. వచ్చిన సొమ్ములో 11 శాతం సొమ్మును ట్యాక్స్‌ కింద కట్‌ చేసి మిగతా డబ్బును మోతీలాల్‌కు అందజేస్తామని అధికారులు తెలిపారు.

ప్రస్తుతం నగరంలో వజ్రాభరణాలపై ఆసక్తి పీక్‌ స్టేజ్‌లో ఉంది. ఒకప్పుడు వైట్‌ గోల్డ్‌ అంటే కాస్త తటపటాయించే మధ్యతరగతి వర్గాలు సైతం డైమండ్‌కి డైహార్డ్‌ ఫ్యాన్స్‌ అయిపోతున్నారు. దీంతో సిటీ షాప్స్‌లో డైమండ్‌ జ్యువెలరీ వెరైటీలు వెల్లువెత్తుతున్నాయి. అయితే వజ్రం మరింత అపురూపం కానుంది అంటున్నారు నగరానికి చెందిన ఆభరణాల నిపుణులు. రోజురోజుకు వజ్ర నిల్వలు పడిపోతుండడమే దీనికి కారణమంటున్నారు. సాక్షి, సిటీబ్యూరో  : ఇప్పుడు సిటీ ఆభరణాల విపణిలో బిజినెస్‌ హీట్‌ పెంచుతున్న డైమండ్స్‌... అగ్నిపర్వతాల పేలుళ్లు తదనంతర పరిణామల నుంచి పుడతాయి. చేతి గడియారాల దగ్గర్నుంచి కోట్‌ బటన్‌ల దాకా అన్నింటా నగరవాసుల అలంకరణలో భాగమైపోయిన వజ్రం... స్టేటస్‌ సింబల్‌ మాత్రమే కాదు ఎన్నో విశేషాల చిరునామా కూడా. శక్తికి.. సామర్థ్యానికి..   భూమితో సమానంగా దాదాపు అంతే వయసు డైమండ్స్‌కి కూడా ఉంటుందని ఒక అంచనా. వజ్రాలపై సామాన్య ప్రజానీకంలో ఆసక్తి ఇప్పటిదేమో కానీ... దానికి ఉన్న క్రేజ్‌ ఏనాటిదో. ఆకర్షణీయమైనవి అనేదాని కన్నా శతాబ్దాల క్రితం వీటిని ధరిస్తే అవి శక్తిని, ధైర్యాన్ని, అజేయమైన భవిష్యత్తును అందిస్తాయనే నమ్మకం కూడా దీనికో కారణం. అలంకారానికి, కట్టింగ్‌ టూల్స్‌గానూ, దెయ్యాన్ని పారద్రోలే మహత్యం కలిగినవి గానూ, ఆఖరికి యుద్ధంలో గెలుపును అందించేవిగానూ వజ్రాలను విశ్వసించేవారు. మెడికల్‌ ఎయిడ్‌గా, అనారోగ్యం నుంచి కోలుకునేలా చేసేవిగా, గాయాలను మాన్పేవి అనీ కూడా వాడేవారట.    మేరా భారత్‌ డైమండ్‌... 16వ శతాబ్దంలో భారతదేశంలో వజ్రాల ఉత్పత్తి అత్యధికంగా జరిగింది. అలాగే 18వ శతాబ్దం దాకా ప్రపంచంలో భారతదేశం మాత్రమే డైమండ్స్‌ లభించే ఏకైక చోటు. వజ్రాల ప్రాశస్త్యం పెరుగుతున్న 1400 సంవత్సరం ప్రాంతంలో వెనిస్‌ తదితర యూరోపియన్‌ వాణిజ్యంలో భారతీయ డైమండ్స్‌ కాంతులీనాయి. ప్రస్తుతం బ్రిటీషర్ల సొంతమైన కోహినూర్‌ దగ్గర్నుంచి చాలా మందికి తెలియని గ్రేట్‌ మొఘల్,  ఫ్లోరెంటైన్, రెజెంట్, దార్యా–ఐ–నూర్, పైగొట్, టావర్నియర్, నాస్సక్‌ వంటి ప్రసిద్ధ వజ్రాలు మన దేశంలోనే తయారైనవి.   అపురూపమవుతోంది...   ఇండియన్‌ డైమండ్‌ మైన్స్‌ క్షీణించడం ప్రారంభించాక... ప్రత్యామ్నాయాలకై వెదుకులాట మొదలైంది. బ్రెజిల్‌లో 1725లో కాస్త మొత్తంలో వజ్ర నిక్షేపాలను కనుగొన్నప్పటికీ... ప్రపంచ అవసరాలకు అది సరిపోలేదు. దీంతో డైమండ్స్‌ ఇంకా అరుదైపోతున్నాయి. ఇప్పటిదాకా చెప్పుకోదగిన రీతిలో వజ్ర నిక్షేపాలను కనుగొని 20ఏళ్లయింది అంటేనే అవి ఎంత అపురూపమైనవిగా మారుతున్నాయో అర్థమవుతుంది. ఇప్పుడు అరకొరగా అయినా ప్రపంచవ్యాప్తంగా 50 ప్రాంతాల్లో మాత్రమే లభిస్తున్నాయి. ప్రస్తుతం బాగా డైమండ్‌ మైనింగ్‌ జరిగే  ప్రాంతాలుగా దక్షిణాఫ్రికా, రష్యా, బోత్సానా మాత్రమే పేరొందాయి.   ప్రతిదీ విశేషమే...   డైమండ్‌ అంటే ప్రేమను, ఇష్టాన్ని వ్యక్తపరిచేందుకు ఒక అత్యుత్తమ మార్గం. దానిని ఎంత అపురూపమైన బహుమతిగా వినియోగిస్తున్నారో... అంతే అరుదుగా వజ్ర నిల్వలు లభిస్తున్నాయి. దీని చరిత్ర, లభ్యతతో పాటు దీనిని మలిచే క్రమం కూడా కష్టతరమైనదే. పాలిషింగ్‌ సమయంలో సగానికిపైగా రఫ్‌ డైమండ్‌ అదృశ్యం అవుతుంది. సింపుల్‌ డైమండ్‌ కట్స్‌ గురించి తెలుసుకోవడానికి కూడా కనీసం రెండేళ్లు పడుతుంది. అనుభవజ్ఞులైన క్రాఫ్టŠస్‌మెన్‌కి సైతం అత్యంత ఖరీదైన డైమండ్స్‌ని కట్‌ చేయడానికే రెండేళ్లు పడుతుంది.     – రిచాసింగ్, ఎండీ, డీపీఏ ఇండియా  

ఒక ముఖ్యమైన వ్యవహారం– ఆ రాత్రి నన్ను చాన్సరీ లేన్‌ వద్ద వుండేలా చేసింది. కొంచెం తలనొప్పిగా కూడా ఉండటం వల్ల ఇతరత్రా ఏ పనిమీదా మనసు పోలేదు.     ఆ రోజు ఆకాశం నిర్మలంగా, మనోజ్ఞంగా ఉంది. నది గట్టు వైపు అడుగులేశాను. నల్లని నీళ్ళల్లో ప్రతిఫలిస్తున్న దీపాల తళుకులు– వాటర్లూ వంతెన ఆర్చి కన్నా ఎత్తులో కనిపిస్తూ– తీరం హద్దునుచూపిస్తున్నాయి. కనువిందు చేస్తున్న ఆ దృశ్యాన్ని తదేకంగా చూస్తూ, వేడెక్కిన మెదడును చల్లార్చుకో సాగాను.   ‘ఈ  రాత్రి వెచ్చగా వుంది కదూ?’ ఎవరిదో కంఠస్వరం వినబడితే అటు చూశాను ఒక బక్కపల్చటి వ్యక్తి పిట్టగోడ నానుకొని నిల్చున్నాడు. అతని ముఖం దీనాతిదీనంగా, కళావిహీనంగా వుంది. మాసిపోయిన అతని కోటు కాలరు పైకి లేచి వుండి, గొంతు చుట్టూ బిగించబడి వుంది. అతడు ధరించిన దుస్తులు పేదరికానికి ప్రతీకగా ఉన్నాయి. కుతూహలంగా చూశానతని వైపు. అతనికి నాతో ఏం పని? డబ్బు యాచించడానికా? లేక తన దీన చరిత్ర వినిపించడానికా? నుదురు, కళ్లు అతడు తెలివైన వాడని తెలియజేస్తున్నాయి. ‘అవును.’ అని సమాధానమిచ్చాను.   ‘మానసిక విశ్రాంతి పొందాలంటే లండన్‌కు మించిన ప్రదేశం మరొకటి ఉండదు. రోజంతా వ్యాపార వ్యవహారాలతో అలసిన గుండెల్ని సేదతీర్చడానికి, బాధ్యతలను ఒకసారి సింహావలోకనం చేసుకోవడానికి ఇంతకంటే అనువైన చోటు మరెక్కడుంటుందో నాకు తెలియదు’ అన్నాడు. వాక్యానికీ వాక్యానికీ మధ్య దీర్ఘ విరామమిచ్చి మాట్లాడాడు. ‘మీరు, ఈ భూప్రపంచంలో తినడానికి కూడా తిండి దొరకని అభాగ్య వ్యధిత జీవితాల గురించి, ఒక్క పెన్నీ కోసం ప్రాణాల్ని సైతం పణంగా పెట్టడానికి వెనుదీయని మనుషుల గురించి కొంచెం తెలుసుకోవాల్సిన అవసరముంది. లేకుంటే మీరు ఈ లోకంలో అనామకునిగా మిగిలిపోతారు. నాలాగే తల చెడుపుకొని, మానసికంగా విసిగి వేసారి, ఎన్నో కష్టాలు పడిన వ్యక్తిగా నాకనిపించడం లేదు మీరు. ఈ మానవ సమాజం– డబ్బు, పేరు ప్రతిష్టలు, సంఘంలో పలుకుబడి, హోదాల మీద ఆధారపడి– మనుగడ సాగిస్తూ ఉన్నది. ఎవరికి  తగిన వృత్తిలోకి వారు దిగిపోవడం మంచిదని చాలామంది అభిప్రాయం... కానీ నా అభిప్రాయాలూ, ఆశయాలు భిన్నమైనవి. నాకు నేను నిర్దేశించుకున్న జీవిత లక్ష్యాలు సంక్లిష్టతతో కూడుకున్నవి.  ప్రపంచవ్యాప్తంగా గొప్ప కీర్తి గడించుకోవాలనే వాంఛ, ప్రగాఢంగా వుంది నాలో. కానీ నా జీవిత చరమాంకంలో మిగిలేది  నిరాశా నిస్పృహలు, పశ్చాతాపంతో కరిగిపోయిన నా ఈ శరీరం, వ్యధిత హృదయం తప్ప మరేమీ మిగలదేమోననిపిస్తుంది.’’ అతని వైపు ఆశ్చర్యంగా చూశాను. నేనెప్పుడైనా నా జీవితంలో ఒక అత్యంత నికృష్ట నిరాశా జీవిని చూసి వుండటం గాని జరిగి వుంటే– ఇదుగో నా ముందు నిలుచున్నటువంటి దీన వదనుడే అయివుంటాడు. నేను బిగ్గరగా నవ్వేశాను.‘మీకు అన్ని విషయాలూ చెప్పడమే మంచిది. ఇటువంటివి ఇతరులకు చెప్పుకోవడంలో ఎంతో మానసిక సుఖముంది. అందునా మీ వంటి వారితో. నిజం చెప్పాలంటే నా వద్ద  ఒక పెద్ద వ్యాపారానికి సంబంధించిన వ్యవహారమే ఉంది. మీరూహించనంత భారీ వ్యాపారం. కానీ అందులో లెక్కలేనన్ని చిక్కులు, ఇబ్బందులు ఉన్నాయి. ఇంతదాకా వచ్చి అసలు విషయం చెప్పకపోతే ఎలా? ఎన్నో కష్టాలు పడి,  నా ఈ  చేతులతో స్వయంగా తయారు చేసినట్టి ఖరీదైన వజ్రాలున్నాయి నా వద్ద.. ’ వజ్రాలు అనే మాటను నొక్కి పలుకుతూ. ‘ఓహో! నీకిప్పుడేమీ పనీ పాటా లేనట్లుంది. అందుకే అలా మాట్లాడుతున్నావు. అవునా?‘ అన్నాను. ‘మీ వెటకారపు మాటలు నా మనసును గాయపరుస్తున్నాయి’ అని అసహనం వ్యక్తపరుస్తూ అకస్మాత్తుగా, మురికితో అట్టలు కట్టివున్న అతని కోటు గుండీలు టకాటకా విప్పాడు. ఒక దారం ఆధారంగా అతని మెడలో వేలాడుతున్న కాన్వాసు సంచిని బయటికి  తీశాడు. ఆ సంచిలోంచి ఒక గోధుమరంగులో వున్న గులకరాయిలాంటి వస్తువు నా చేతికిచ్చి...    ‘నేను భౌతిక శాస్త్రం, ఖనిజ శాస్త్రాలలో కొంచెం ప్రావీణ్యం సంపాదించాను. మీ చేతిలో వున్న గులకరాయివంటి వస్తువు ఏమిటో గుర్తించారా?... శాస్త్రీయ పద్ధతిలో, ఒక నిర్దుష్ట క్రమాన్ననుసరించి  తయారు చేసిన గోధుమరంగు షట్భుజ వజ్రం సార్‌! అతి ఖరీదైన వజ్రం!’ అని  చెప్పాడు. అది రమారమి నా బొటనవేలి అగ్రభాగమంత వుంది. వెనక్కి వంపులు తిరిగిన ఉపరితల ముఖాలతో, సహజసిధ్ధమైన షడ్భుజవజ్రం లాగానే ఉంది. నా జేబులోనుండి చిన్న కత్తి తీసుకొని దానిమీద గట్టిగా  గీరాను. ఒక్క గీతకూడా పడలేదు. నా చేతి గడియారం అద్దం మీద కూడా అలాంటి పరీక్ష చేశాను. ఆశ్చర్యంతో, నమ్మలేనట్లు అతని వంక చూశాను. అది వజ్రమే అనడంలో ఏమాత్రం సందేహం లేదు.  ‘‘ఎక్కడి నుండి వచ్చింది నీకిది?‘ అడిగాన్నేను.  ‘నేనే తయారుచేశాను. దయచేసి దాన్ని నాకు వాపసిచ్ఛేయండి’ అన్నాడు.అతను ఆత్రంగా అందుకొని దాన్ని యథాస్థానంలో ఉంచి, జాకెట్‌ గుండీలను బిగించాడు. ‘నేను మీకు ఈ వజ్రాన్ని వంద పౌండ్లకు అమ్ముతాను..’ అతను వెంటనే ఆశగా గొణిగాడు.  ఆ మాటలతో నాలో మళ్ళీ అనుమానం తలెత్తింది... ఒకవేళ అది నిజంగా వజ్రమే అయివుంటే, కేవలం వంద పౌండ్లకెందుకమ్మజూపుతాడు? ఇద్దరం ఒకరి కళ్ళలోనికొకరు చూసుకొన్నాం.   అతని ముఖంలో ఆత్రుత కనిపిస్తూ వుంది. ఆ ఆత్రుత వెనుకనున్న నిజాయితీని పసిగట్టగలిగాను. మొదట అనుమానపడినా, బాగా ఆలోచిస్తే అది అచ్చమైన వజ్రమే అని నమ్మకం కుదిరింది. పైగా ప్రఖ్యాత రసాయన శాస్త్రవేత్త హెన్రీ మొయిసన్‌ తయారు చేసిన వజ్రాల గురించి నాకు కొంత తెలుసు. కానీ అవి పరిమాణంపరంగా మరీ చిన్నవి. నేను పెద్ద ధనికుణ్ణి కాను. వంద పౌండ్లు నా మొత్తం ఆదాయంలో పూడ్చలేని లోటు. పైగా వివేకవంతుడెవరూ ఆ గుడ్డివెలుతురులో,  గబ్బువాసన గొట్టే బికారిని నమ్మి, అతని వద్ద నుంచి వజ్రాన్ని కొనుగోలుచేయడు. అది అత్యంత ఖరీదైన వజ్రం. నేను తల పంకించాను. ‘మీకు ఇలాంటి విషయాలలో ఏదో కొంత అవగాహన ఉన్నట్టుంది. అందుకే నన్ను గురించి ఇంకా కొంచెం చెప్పాలనుకుంటున్నాను. అందువలన మంచి బేరం కుదరడానికి అవకాశముంటుంది.’ అంటూ నది వైపుగా అతని వీపు తిప్పి, ప్యాంటు జేబుల్లో చేతులు పెట్టుకొని ఒక దీర్ఘనిశ్వాసం  వదిలాడు. ‘నా పట్ల వున్న అనుమానం తొలగి, మీకు నాపై విశ్వసనీయత పాదుకొల్పాలంటే, వజ్రాలను ఏ విధంగా తయారు చేశానో మీకు చెప్పడం మంచిది’అలా మాట్లాడుతున్నప్పుడు ఇదివరకటిలా కాకుండా, అతని కంఠస్వరములో– కొంచెం సున్నితత్వం, సరళత, చదువుకున్న వాడి తరహా సంతరించుకొన్నాయి.  ‘మామూలు బొగ్గును తగినటువంటి రసాయన ద్రావణంలో ముంచి ఉద్గారాలను వేరుచేయాలి.అవసరమైనంత మేరకు వేడిచేసి, తగిన ఒత్తిడి కలిగించాలి. అప్పుడవి చిన్నచిన్న వజ్రాలుగా మారతాయి. ఎంతోమంది రసాయన శాస్త్రజ్ఞులు ఏళ్లపర్యంతం కృషి చేసి ఎన్నో ప్రయోగాలు చేశారు. కానీ ఏ ఒక్కరు కూడా కచ్చితమైన నిష్పత్తిలో, నిర్దిష్టమైన ద్రావణంతో కలిపి, కచ్చితమైన ఉష్ణ ఒత్తిడిని కలిగించి బొగ్గును కరిగించలేక పోయారు. ఫలితంగా అతి చిన్న వజ్రాలు మాత్రమే ఉత్పత్తయ్యాయి. అవి సాధారణ ఆభరణాలపాటి విలువకూడా  చేయలేదు.  నేను ఈ  సమస్య పరిష్కారం కోసం అవిరామ కృషి చేశాను.  ఆఖరి రక్తపు బొట్టును సైతం ధారపోశాను. కచ్చితమైన విధానాన్ని అనుసరించి వజ్రాలు తయారుచేసే స్థాయికి చేరుకునేటప్పటికి నా వయస్సు పదిహేడు. ప్రస్తుతం నాకు ముప్పై రెండు. దాదాపు రెండు దశాబ్దాల నిర్విరామ కృషి, శక్తి సామర్థ్యాలను నా ఈ ఆశయ సాధన కోసమే వినియోగించాను. ఈ తంత్రాన్ని సరియైన పద్ధతిలో ఉపయోగించగలిగితే కోటాను కోట్ల విలువైన వజ్రాలను ఉత్పత్తి చేయవచ్చు’ అతని కళ్ళు నా వంక ఆకలితో చూస్తున్నాయి. అతను తిరిగి చెప్పసాగాడు.  ‘నేను ఇరవైఒకటో పడిలో ఉండగా నా వద్ద వెయ్యి పౌండ్లు వుండేవి. ఆ డబ్బుతో నా పరిశోధన సాగించాను.  ముఖ్యంగా బెర్లిన్‌ లో ఒకటి రెండు సంవత్సరాలు విద్యాభ్యాసం చేశాను. ఆ తర్వాత సొంతగా చదువుకున్నాను. నా పరిశోధనల రహస్యాన్ని బయటికి పొక్కకుండా చూసుకోవడం నా శక్తికి మించిన పనైంది. ఈ విషయం మరెవరికైనా తెలిసిందంటే వారు కూడా కృత్రిమ పద్ధతుల ద్వారా వజ్రాలు చేయడం మొదలు పెడతారు. అప్పుడు వజ్రాలు విలువలేని బొగ్గు ముక్కల్లాగా పరిగణించబడతాయి. అందుకని ఒంటరిగానే నేనీ పని చేయడం తప్పనిసరైంది. మొదట్లో నాకొక చిన్న లాబరేటరీ ఉండేది. నా ప్రయోగాలన్నీ కేంటీస్‌ నగరంలో సర్వవిధాల అసౌకర్యంగా ఉన్న గదిలోనే  నిర్వహించుకొన్నాను. నేనక్కడే ఎండుగడ్డి చాపపైన, నేలమీద, ప్రయోగశాల పరికరాల మధ్యనే నిద్రపోయేవాడిని. ఉన్న డబ్బంతా ఖర్చైపోయింది. నా దౌర్భాగ్యస్థితిని తలచుకొని నన్ను నేను అమితంగా అసహ్యించుకొనేవాడిని. సైన్సు సబ్జక్ట్‌ బోధించి అంతో ఇంతో డబ్బు ఇబ్బంది తొలగించుకుందామనుకొంటే  నాకు యూనివర్సిటీ డిగ్రీలు లేవు. సైన్సు పాఠాలు బోధించే సమర్థత నాకు లేదు. కెమిస్ట్రీ చదువుకున్నాను తప్ప ఇతరత్రా విద్యార్హతలు లేవు. అన్నింటినీ మించి అతి తక్కువ డబ్బుకోసం విలువైన నా సమయాన్ని, శ్రమను వృథా పరుచుకోవడానికి నా మనసు అంగీకరించలేదు’‘మూడేండ్ల క్రితం, లోహాల్ని కరిగించి మిశ్రమాన్ని రూపొందించే ప్రక్రియకు సంబంధించిన ముఖ్య సమస్యను పరిష్కరించగలిగాను. తుపాకీ గొట్టంలోనికి లోహమిశ్రమాన్ని బొగ్గుతో సమ్మిళితంచేసి, దట్టించి కూరాను. తరువాత అందులో నీళ్లు పోసి, గట్టిగా మూత బిగించి, తగిన స్థాయిలో వేడిచేశాను. అది పేలిపోయింది. నా గది కిటికీలను, ప్రయోగ సంబంధిత పరికరాలను చాలామేరకు ధ్వంసం చేసేసిందా పేలుడు. ఏదేమైనా, కొంచెం వజ్రపుపొడి లభించింది. ఆ సమస్య ద్వారా గడించిన అనుభవాన్ని పురస్కరించుకొని, ప్యారీస్‌ ల్యాబరేటరీస్‌లో డ్యాబ్రిస్‌ అనే రసాయన శాస్త్రజ్ఞుడు తయారుచేసిన  పొడుల గురించి చేసిన పరిశోధనలను అధ్యయనం చేశాను. డ్యాబ్రిస్‌– పకడ్బందీగా స్క్రూలతో బిగించబడి, అంత సులభంగా పేలని అత్యంత బలిష్టమైన స్టీల్‌ సిలిండర్‌ లోపల డైనమైట్‌ ను పెట్టి పేల్చాడు. రాళ్లను రేణువులుగా మార్చగలిగాడు. నేను అతని  విధానాన్ని అనుసరించి మళ్ళీ ప్రయోగం మొదలు పెట్టాను. అధిక ఉష్ణోగ్రతకు కరిగి ద్రవస్థితికి మారిన లోహమిశ్రమం మీద అత్యధిక పీడన కలిగింపజేసే సమస్యను ఒక కొలిక్కి తెచ్చాను. ఒక  స్టీలు సిలిండర్‌ సంపాదించి, నా దగ్గరున్న రసాయన సామగ్రినంతా అందులో వేసి కూరాను. దాన్నలాగే వదలిపెట్టి వాహ్యాళికెళ్ళాను.’‘అది ఇంటిని మొత్తం పేల్చేస్తుందని అనుకోలేదా?  చుట్టుపక్కల జనం ఉంటారనే స్పృహ కూడా నీకు లేకపోయిందా?‘ అని అడిగాను.  ‘సైన్సు పట్ల నాకున్న శ్రద్ధ అటువంటిది. నా గది  కింది భాగంలో వీధిలో పళ్లు అమ్ముకొనే కుటుంబం, వెనుకభాగంలో డాక్యుమెంట్‌ రైటర్, పై అంతస్తులో ఇద్దరు పూలమ్మే ఆడవాళ్ళున్నారు. కొందరు బయటికెళ్ళి వుంటారనుకొంటాను.‘నేను వెళ్ళేటప్పుడు పరిస్థితి ఎలా వుందో, తిరిగి వచ్చేటప్పటికి కూడా అలాగే ఉంది. సిలిండర్‌ పేలలేదు. తరువాత కొన్ని సమస్యలనెదుర్కొన్నాను. స్థిరమైన, స్పష్టమైన రూపురేఖలేర్పడి స్ఫటికాలు రూపొందాలంటే, కాలవ్యవధి అనే అంశం అత్యంత ప్రధానమైనది. తొందర పడితే చిన్న  చిన్న రేణువుల్లాంటివి మాత్రమే  మిగులుతాయి. సుదీర్ఘకాలం సహనంతో వేచివుంటేనే పెద్ద పెద్ద వజ్రాల్ని పొందవచ్చు. అందుకని ఆ పరికరం క్రమంగా చల్లబడేందుకు రెండేండ్ల పాటు కదిలించకూడదని నిర్ణయించుకున్నాను.అప్పుడు నా వద్ద చిల్లి గవ్వ  కూడా లేదు. ఆ యంత్రాన్ని పరిరక్షించుకోడానికీ, గది అద్దె చెల్లించడానికి, నా ఆకలి తీర్చుకోడానికి కూడా నా చేతిలో ఒక్కటంటే ఒక్క పెన్నీ కూడా లేదు. న్యూస్‌  పేపర్లమ్మాను. గుర్రాలను మేపాను. కార్లు తుడిచాను. తోపుడు బండి వాడికి సహాయకుడిగా పనిచేశాను. వారంలో ఒకసారి నాకు చేయడానికి పనేమీలేని ఒకరోజు నేనేమీ తినలేదు. ఒక యువకుడు తన గర్ల్‌ ఫ్రెండ్‌ ఎదుట మెహర్బానీ  ప్రదర్శించాలని, నాకు ఆరు పెన్నీలిచ్చాడు– అది నా అదృష్టం. ఆ డబ్బుకూడా ప్రయోగాల కోసమే ఖర్చుపెట్టాను. చివరకు,  సిలిండరును పక్కకు తీసి స్క్రూలను  ఊడదీశాను. నుసిగా మారిన పొడిని ఉలితో గోకి, ఒక ఇనుప పళ్లెంలోకి చేర్చి సుత్తితో బాగా కొట్టాను. ఇంకా నేను అనుసరించిన కొన్ని ప్రక్రియల తరువాత, చివరకు మూడు పెద్ద సైజు వజ్రాలు, అయిదు చిన్నపాటి వజ్రాలు తయారయ్యాయి.నేను నేలమీద కూర్చొని సుత్తితో బాదుతున్న సమయంలో, నా గది వాకిలి తెరుచుకొని నా పొరుగునున్న డాక్యుమెంట్‌ రైటర్‌ లోపలికొచ్చాడు. అతడు మామూలుగానే తాగిన మైకంలో ఉన్నాడు. తలుపుకానుకొని నిల్చుని  ‘నువ్వు ఈ ఇంటిని బాంబులు పెట్టి పేల్చాలని చూస్తున్నావు. ఇప్పుడే పోలీసులకు ఫిర్యాదు చేసి వస్తున్నాను.’  అంటూ ఏదేదో వదరుతూనే ఉన్నాడు. నేనప్పటికే జాగ్రత్త పడివున్నాను. నా ఈ రహస్యం పోలీసులకు తెలిస్తే ఇంకేమైనా ఉందా? ఇన్నేళ్లు నేను పడిన శ్రమంతా బూడిదలో పోసిన పన్నీరై పోతుందనుకొంటూ, ఆ డాక్యుమెంట్‌ రైటర్‌ గాడి కాలరు పట్టుకొని, కిందపడేసి తొక్కాను. తరువాత వజ్రాల్ని పోగుచేసుకొని బయటికొచ్చేశాను. పేరుపొందిన  నగల వ్యాపారస్తుని వద్ద కెళ్ళాను. అతడు నన్ను కొంచెం సేపు వేచి ఉండమని చెప్పి, పోలీసులను పిలవమని గుమాస్తాతో గుసగుసలాడడం గమనించి, నేను అప్రమత్తమై ‘వేచివుండలేన’ని చెప్పి అక్కడి నుంచి బయట పడ్డాను. దొంగ నగలు కొనుక్కొనే ఒక దుర్మార్గుడు తారసపడ్డాడు. పరిశీలించడానికని అతని చేతికి ఒక వజ్రమిచ్చాను. వాపసిమ్మని అడిగితే, పోలీసులకు పట్టిస్తానని  బెదిరించాడు.ప్రస్తుతం నా మెడలో వెలకట్టలేని వజ్రాల సంచి కట్టుకొని పిచ్చివాడిలా తిరుగుతున్నాను. అన్నమూ, ఆశ్రయంలేక అలమటిస్తున్నాను. నమ్మతగిన వ్యక్తిగా అనిపించింది మీరొక్కరే. మీ ముఖం నాకు నచ్చింది.  ప్రస్తుతం నా పరిస్థితి చాలా దారుణంగా వుంది.’ అంటూ నా కళ్ళల్లోకి చూశాడు దీనంగా. ‘ఇటువంటి పరిస్థితులలో నేను వజ్రాన్ని కొంటానని ఎలా అనుకున్నావు? వందలకు వందలు నేను జేబులో పెట్టుకు రాను. ఇక అసలు విషయానికొస్తే, నువ్వు చెప్పిన కథ నేను పూర్తిగా నమ్మలేదు. అయినా నీకిష్టమైతే రేపు నా ఆఫీసుకొచ్చి కలుసుకో.’ అని  చెప్పాను.‘మీరు నన్ను దొంగ అనుకుంటున్నారా? నన్ను పోలీసులకు పట్టించాలనే ఈ ఎత్తు వేశారు. నేను మీ ఉచ్చులో పడను’.‘నువ్వు  దొంగవు కాదనే నమ్ముతున్నాను. ఇదిగో నా కార్డు. ముందుగా అపాయింట్మెంట్‌  తీసుకోనవసరం లేదు. ఎప్పుడైనా కలుసుకోవచ్చు’ అని చెప్పాను.అతను నామాటలు విశ్వసించి వెళ్లిపోయాడు. అదే అతణ్ని కడసారి చూడడం. నేను బయటికెళ్లినప్పుడొకసారి అతడొచ్చాడని,ఆ వ్యక్తి చాలా బలహీనంగా ఉన్నాడని, విపరీతంగా దగ్గుతున్నాడని, ఎటువంటి సమాచారం ఇచ్చివెళ్ళలేదనీ, నా ఆఫీసులో పనిజేసే ఉద్యోగి చెప్పాడు. తరువాత ఆ వజ్రాల బేహారి మళ్ళీ కనబడలేదు.   ఒకసారి అతడు– తనకు బ్యాంక్‌ నోట్లు తప్ప చెక్కులు పంపకూడదని  కొన్ని చిరునామాలు ఉటంకిస్తూ – రెండు ఉత్తరాలు రాశాడు. నేను బాగా ఆలోచించాను. అతడు నిజంగా పిచ్చివాడా? గులకరాళ్ళతో వ్యాపారం చేసే మోసగాడా? కృత్రిమ వజ్రాలు తయారు చేసేవాడా?    చివరిది నమ్మతగినదిగా వుంది. నేను జీవితంలో ఒక గొప్ప అవకాశాన్ని జారవిడుచుకొన్నాననిపిస్తుంది. అతనేమై ఉంటాడా? అని ఆలోచించాను. బహుశా అతను మరణించి ఉంటాడు. అతడు  మేధను మథించి, కడుపుకట్టుకొని సృష్టించిన అమూల్యమైన వజ్రాలు నేలపాలైవుంటాయి. వాటిలో నా బొటనవేలి ఊర్ధ్వ భాగమంత భారీ  వజ్రం కూడా ఉంటుంది. లేకుంటే అతనింకా మెడలో హారంగా ధరించి, అతన్ని అనుమాన దృక్కులతో చూసే ప్రజలకు,  వజ్రాలను అమ్మడానికి నిరర్థక ప్రయత్నం చేస్తూ వీధులవెంబడి తిరుగుతూవుంటాడు. నా తెగింపు లేని తనాన్ని తిట్టుకొంటూ వుంటాడు.ఏళ్లతరబడి దరిద్రమనుభవించి, అతడు ఎంతో విలువైన వజ్రాలు తయారు చేశాడు. కానీ వాటివల్ల  కించిత్తు కూడా లబ్ధి పొందలేక పోయాడు. నేను ఒక్కొక్కసారి అనుకొంటుంటాను– అతనడిగిన వంద పౌండ్లు కాకపోయినా, కనీసం  ఐదు పౌండ్లు చెల్లించే  ధైర్యం చేసి వుండాల్సిందని.               ఇంగ్లిష్‌ మూలం : హెచ్‌.జి. వెల్స్‌ అనువాదం:  శొంఠి జయప్రకాష్‌        

బలవంతమైన సర్పము.. చలి చీమల చేత చిక్కి ..అనే సుమతీ పద్యం గుర్తుందా. చీమల బలం, నైపుణ్యం గురించి ఇంతకన్నా ఉదాహరణ బహుశా ఉండదేమో. క్రమశిక్షణలోగానీ, ఆహారాన్ని దాచుకునే విషయంలోగానీ చీమ‌ల‌ను చూసి నేర్చుకోవాలంటారు పెద్దలు. ఎందుకంటే శరీర బరువు కంటే దాదాపు 10 రెట్లు బరువున్న వస్తువులను కూడా అవి అలవోకగా మోయ్యగలవట. ఇలా పుట్టల్లోకి లాక్కుపోతూ ఉండే  దృశ్యాలను బాల్యంలో చాలామందిమి  చూసే వుంటాం, కదా.. అయితే  తాజాగా ఇలాంటి చీమ ఒకటి ఆభరణాల షాపులోకి దూరింది. అక్కడ ఉన్న తెల్లగా మెరిసిపోతున్న డైమండ్స్‌ను చూసి తినుబండారం అనుకుందో ఏమో తెలియదుగానీ...తన చిట్టి బుర్రకు పదును పెట్టింది. డైమండ్‌ వ్యాపారి తన పనిలో మునిగి ఉండగా.. అందులోంచి తనకు నచ్చిన వజ్రాన్ని అతి కష్టం మీద మోసుకు రావడం మొదలు పెట్టింది. ఈ దృశ్యాలు అక్కడే ఉన్న కెమెరా కంటికి చిక్కాయి.. ఇప్పుడు ఆ వీడియో సామాజిక మాధ్యమాల్లో వైరల్‌ అవుతోంది.   ఇంతకీ ఈ  వజ్రం విలువ దాదాపు రూ.10 లక్షల రూపాయలట. ఆ వీడియో విశేషాలను మీరు కూడా వీక్షించండి.  

హోప్‌ డైమండ్‌.. అత్యంత అరుదైన నీలి రంగు వజ్రం!! భూమ్మీద ఉన్న కోటీ 38 లక్షల వజ్రాల్లో ఇలాంటివి 0.02 శాతమే ఉన్నాయి! ఆంధ్ర, తెలంగాణ సరిహద్దుల్లో పుట్టి..   ఎన్నో చేతులు మారి అమెరికా చేరిన ఈ వజ్రం..   ఓ అద్భుతం.. అపురూపం కూడా! వజ్రాలు ఎలా ఏర్పడతాయో మీకు తెలుసా?   మొక్కలు నేలలో పెరిగితే.. వజ్రాలు రాళ్లలో పెరుగుతాయి! భూమి లోతుల్లోంచి బయటకొచ్చిన కొన్ని కర్బన స్ఫటికాలు అక్కడి ఒత్తిడి, పీడనాల కారణంగా వజ్రాలుగా రూపుదిద్దుకుంటాయి. ఇప్పటివరకూ దొరికిన వజ్రాల్లో అత్యధికం తెల్ల రంగువే. కొన్ని ఇతర రంగుల వజ్రాలు ఉన్నా.. నీలం రంగుతో కూడినవి అత్యంత అరుదైనవని శాస్త్రవేత్తలు చెబుతున్నారు. భూమి లోపల సుమారు 660 కిలోమీటర్ల లోతులో మాత్రమే ఇవి ఏర్పడే అవకాశం ఉందని నేచర్‌ పత్రికలో ప్రచురితమైన తాజా పరిశోధన వ్యాసం తెలియజేస్తోంది. ఇంకోలా చెప్పాలంటే తెల్ల వజ్రాలతో పోలిస్తే నాలుగు రెట్లు ఎక్కువ తవ్వితేగానీ నీలి రంగు వజ్రాలు దొరకవన్నమాట! ఇంకో విషయం.. వజ్రాలకు నీలి రంగు ఎలా అబ్బుతోందన్న విషయం ఈ పరిశోధన వెలువడేంత వరకూ ఎవరికీ తెలియదు! నీలి రంగు వచ్చేదిలా... వజ్రాలు రాళ్లల్లో పెరిగే క్రమంలో తమ పరిసరాల్లోని కొన్ని ఖనిజాలను తమలోకి కలిపేసుకుంటాయి. నీలి వజ్రాల విషయంలో ఖనిజం ‘బోరాన్‌’! చిత్రమైన విషయం ఏమిటంటే.. బోరాన్‌ భూమి ఉపరితలంపై, సముద్రపు నీటిలో మాత్రమే లభిస్తుంది. మరి భూమిలోతుల్లో పుట్టే వజ్రాలకు బోరాన్‌ ఎలా అంటిందన్న అంశంపై అమెరికన్‌ జెమలాజికల్‌ సొసైటీ శాస్త్రవేత్త ఇవాన్‌ ఎం.స్మిత్‌ పరిశోధనలు ప్రారంభించారు. హోప్‌ డైమండ్‌ లాంటి 46 నీలి వజ్రాలను పరిశీలించారు. ఈ క్రమంలో వీటిల్లో బోరాన్‌తోపాటు కాల్షియం సిలికేట్‌ వంటి కొన్ని ఇతర ఖనిజాలు కూడా ఉన్నట్లు స్పష్టమైంది. ఇవన్నీ అత్యధిక పీడనం ఉండే ప్రాంతాల్లో మాత్రమే ఏర్పడేందుకు అవకాశమున్నవి కావడం గమనార్హం. భూమిలోపలి నుంచి వజ్రాలు ఉపరితలానికి వచ్చే క్రమంలో కాల్షియం సిలికేట్‌ వంటి ఖనిజాలు పేలిపోయేంత స్థాయిలో అస్థిరమయ్యాయని స్మిత్‌ తెలిపారు. వీటన్నింటినీ పరిశీలించినప్పుడు... ఈ రకమైన ఖనిజాలు భూమి పొరల మధ్య మాత్రమే ఏర్పడగలవని స్మిత్‌ అంచనా వేశారు. సముద్ర అడుగుభాగం.. భూమి లోపలి పొర (మాంటెల్‌) కలిసే చోటే నీలి రంగు వజ్రాలు ఏర్పడేందుకు అవకాశముందన్నమాట! కాలక్రమంలో ఇవి భూకంపాలు, అగ్ని పర్వతాల పేలుళ్ల కారణంగా పైపొరల్లోకి చేరి ఉంటాయని, సముద్రపు నీటిలోని బోరాన్‌ చేరడంతో వజ్రాలకు నీలి రంగు వచ్చి ఉంటుందని స్మిత్‌ అంచనా. కొల్లూరు గని వజ్రం.. ‘హోప్‌’ హోప్‌ డైమండ్‌ కొల్లూరు గనుల్లో పుట్టిందని చరిత్ర చెబుతోంది. క్రీస్తు శకం 16–19వ శతాబ్దాల మధ్య ఇక్కడ తవ్వకాలు పెద్ద ఎత్తున జరిగాయి. ప్రపంచ ప్రఖ్యాత కోహినూర్‌ వజ్రం కూడా ఈ గనుల్లోనే దొరికిందని అంచనా. ప్రస్తుతం నిర్మాణమవుతున్న పులిచింతల ప్రాజెక్టు ముంపు ప్రాంతంలో 50 అడుగుల లోతులో ఉండేవి ఈ గనులు. అప్పట్లో గోల్కొండ నవాబుల అధీనంలో ఉన్న కొల్లూరు గనుల్లో ఒకదశలో ముప్ఫై వేల మంది పనిచేసేవారు. అయితే నవాబులు ఈ గనులను వజ్రాల వ్యాపారులు, విశ్వకర్మల కుటుంబాలకు లీజుకిచ్చేశారు. వజ్రాల అమ్మకాల్లో 2 శాతం కమిషన్, పది క్యారెట్ల కంటే ఎక్కువ బరువు ఉన్న వజ్రాలు తమకే చెందాలన్నది నవాబులు విధించిన లీజు షరతు! అలా నవాబుల చేతికి చిక్కిన భారీ వజ్రం ఒకదాన్ని 1666 సంవత్సరంలో ఫ్రాన్స్‌ వజ్రాల వ్యాపారి జీన్‌ బాప్టీస్‌ ట్రావెర్నర్‌ కొనుగోలు చేసి తన పేరు పెట్టుకున్నాడు. ట్రావెర్నర్‌ ఈ వజ్రానికి సానబెట్టే ప్రయత్నం చేసినప్పుడు దాంట్లోని నీలి రంగు వెలుగు చూసిందని చరిత్ర చెబుతోంది. 1668 సంవత్సరంలో ట్రావెర్నర్‌ ఈ నీలి వజ్రాన్ని కింగ్‌ లూయిస్‌కు అమ్మేశాడు. కొంత కాలం తరువాత ఇది గల్లంతైంది. 1791లో దీన్ని మళ్లీ ముక్కలు చేశారు. అతిపెద్ద ముక్కకు ‘హోప్‌’అని పేరు పెట్టారు. 1839లో హోప్‌ పేరున్న బ్రిటీష్‌ బ్యాంకింగ్‌ కుటుంబం తమ వద్ద ఉన్న విలువైన వజ్రాల జాబితాలోకి దీన్ని చేర్చింది. హోప్‌ కుటుంబం నుంచి ఇది చాలాసార్లు చేతులు మారింది. 1958 సంవత్సరంలో హ్యారీ విన్‌స్టన్‌ అనే అమెరికన్‌ వ్యాపారి దీన్ని వాషింగ్టన్‌ నేషనల్‌ మ్యూజియం ఆఫ్‌ నేచురల్‌ హిస్టరీకి దానమిచ్చారు.     – సాక్షి నాలెడ్జ్‌ సెంటర్‌ 

సాక్షి, వజ్రకరూరు : మండల కేంద్రం వజ్రకరూరు పరిసర పొలాల్లో వజ్రాల వేట ప్రారంభమైంది. ఏటా జూన్‌ మాసంలో తొలకరి వర్షాలు పడిన వెంటనే వజ్రాల కోసం స్థానికులతోపాటు ఇతర ప్రాంతాల నుంచి అనేకమంది ఇక్కడకు వచ్చి వజ్రాల కోసం అన్వేషించడం పరిపాటి. ఆదివారం సాయంత్రం భారీ గాలులతోపాటు పెద్ద ఎత్తున వర్షం కురిసింది. ఈ నేపథ్యంలో రెండురోజులుగా వజ్రాల కోసం అన్వేషకుల తాకిడి పెరిగిపోతోంది. పురుషులు, మహిళలు, చిన్న, పెద్ద తేడా లేకుండా ప్రతి ఒక్కరూ వెదకడంలో నిమగ్నమవుతున్నారు. ఇక్కడ లభించే వజ్రాలు కోహినూర్‌ వజ్రంతో సమానంగా ఉంటాయని అంటుంటారు. దేవుడు కరుణిస్తే తమ తలరాతలు మారిపోతాయేమోనని ప్రజలు అదృష్టాన్ని పరీక్షించుకుంటున్నారు. కొందరైతే భోజనాలను కూడా అక్కడికే తెచ్చుకుంటున్నారు. పొలాల్లో విత్తనం వేసేంతవరకు వజ్రాలకోసం వెతకడం జరుగుతూనే ఉంటుంది. వర్షాలు వచ్చినప్పుడు పైభాగంలోనుంచి నీరుకిందకు వచ్చినప్పుడు ఒడ్డు ప్రాంతాల్లో వజ్రాలు లభిస్తాయనే భావనతో ప్రజలు వెదుకుతున్నారు. ఇక్కడ లభించే వజ్రాలు గుట్టు చప్పుడు కాకుండా ఇతర ప్రాంతాలకు తరలివెళుతున్నాయి.       

శాకాహారులకూ కావాల్సినంత బీ–12 శాకాహారం తీసుకునే వారిలో అత్యధికులు విటమిన్‌ బీ12 లోపం కనిపిస్తూంటుంది. గుండె ఆరోగ్యంగా ఉండటం మొదలుకొని నాడీ వ్యవస్థ సక్రమ పనితీరు వరకూ అనేక అంశాల్లో బీ–12 అత్యవసరం. కాకపోతే ఇది మొక్కల ద్వారా లభించదు కాబట్టి శాకాహారులకు కావాల్సినంత అందదు. ఈ నేపథ్యంలో కెంట్‌ యూనివర్సిటీ శాస్త్రవేత్తలు ఓ వినూత్న ఆవిష్కరణ చేశారు. కొన్ని రకాల మొక్కల్లోకి ఈ విటమిన్‌ను ఎక్కించవచ్చునని గుర్తించారు. వాటర్‌ క్రెస్‌ మొక్కలకు అందించే పోషకాల్లో భాగంగా విటమిన్‌ బీ 12 (కోబాల్‌మిన్‌)ను అందించినప్పుడు మొక్క దాన్ని శోషించుకుందని మార్టిన్‌ వారెన్‌ అనే శాస్త్రవేత్త చెప్పారు. పోషకాల్లో ఎంత ఎక్కువ కోబాల్‌మిన్‌ ఉంటే మొక్కలో అందుకు తగ్గ పెరుగుదల నమోదైనట్లు తాము ప్రయోగపూర్వకంగా నిరూపించామని వివరించారు. భారత్‌ లాంటి దేశాల్లో శాకాహారులు ఎక్కువగా ఉంటారని.. బీ–12 లోపం కారణంగా వచ్చే ఆరోగ్య సమస్యలను ఎదుర్కొనేందుకు తమ పరిశోధన ఉపయోగపడుతుందని వారెన్‌ చెప్పారు. పరిశోధన వివరాలు సెల్‌ కెమికల్‌ బయాలజీ జర్నల్‌ తాజా సంచికలో ప్రచురితమయ్యాయి. కేన్సర్ల గుర్తింపునకు ఊపిరి ఆయుధం కేన్సర్‌ను గుర్తించాలంటే కణితి భాగాన్ని వెలికి తీసి పరీక్షించాల్సి ఉంటుంది. కానీ ఈ బయాప్సీ వల్ల వ్యాధి చాలా వేగంగా ముదురుతుందని శాస్త్రవేత్తలు చెబుతున్నారు. ఈ నేపథ్యంలో బయాప్సీ అవసరమన్నది లేకుండా కేవలం మన ఊపిరి ద్వారా ఆహార నాళ, ఉదర కేన్సర్లను గుర్తించేందుకు ఇంపీరియల్‌ కాలేజ్‌ ఆఫ్‌ లండన్‌ శాస్త్రవేత్తలు కొత్త పద్ధతిని ఆవిష్కరించారు. జామా ఆంకాలజీ జర్నల్‌లో ప్రచురితమైన ఈ పరిశోధన అవసరం లేకపోయినా చేసే బయాప్సీల నుంచి రక్షణ కల్పిస్తుందని వైద్య నిపుణులు అంచనా వేస్తున్నారు.  ఈ పద్ధతిని తాము 335 మందిపై పరీక్షించి చూశామని ఫలితాలు 85 శాతం కచ్చితత్వంతో ఉన్నట్లు తెలిసిందని ప్రొఫెసర్‌ జార్జ్‌ హన్నా చెప్పారు. ఆహారనాళ, ఉదర కేన్సర్లను గుర్తించడంలో జాప్యం ఎక్కువగా ఉంటుందని.. ఫలితంగా చికిత్స కూడా కష్టమవుతుందని ఆయన చెప్పారు. అందువల్ల సాధారణ రక్త పరీక్షలతోపాటు శ్వాస పరీక్షలూ నిర్వహిస్తే కేన్సర్లను తొందరగా గుర్తించేందుకు వీలేర్పడుతుందని చెప్పారు. ఈ కేన్సర్లు ఉన్న వారి శ్వాసలో కొన్ని ప్రత్యేకమైన రసాయన మూలకాలు ఉంటాయని.. తాము వాటిని గుర్తించడంతోపాటు ఎంత మోతాదులో ఉంటే ఏ రకమైన ఫలితముంటుందనేది కూడా తెలుసుకున్నామని జార్జ్‌ తెలిపారు. మరిన్ని పరిశోధనల ద్వారా ఈ పద్ధతిని మెరుగుపరుస్తామని, భవిష్యత్తులో దీన్ని ఇతర కేన్సర్ల గుర్తింపునకూ వాడే అవకాశం లేకపోలేదని ఆయన వివరించారు. వజ్రంతో వైద్య పరీక్షలు చౌక! ఎమ్మారై వంటి వైద్య పరీక్షలను చాలా తక్కువ ఖర్చుతోనే పూర్తి చేసేందుకు శాస్త్రవేత్తలు ఓ కొత్త మార్గాన్ని కనుక్కున్నారు. ఎమ్మారై యంత్రాల్లో వాడే ఖరీదైన సూపర్‌కండక్టింగ్‌ అయస్కాంతాలకు బదులుగా వజ్రాల్లో ఉండే అతి సూక్ష్మమైన లోపాలను వాడుకోవచ్చునని అంతర్జాతీయ శాస్త్రవేత్తల బందం ఒకటి పరిశోధన పూర్వకంగా గుర్తించింది. కేన్సర్‌ కణితులతోపాటు శరీరం లోపలిభాగాలను స్పష్టంగా చూసేందుకు ఎమ్మారై, రసాయన మూలకాల అమరికను కచ్చితంగా తెలుసుకునేందుకు ఎన్‌ఎంఆర్‌ యంత్రాలు ఉపయోగపడతాయన్నది అందరికీ తెలిసిన విషయమే. వజ్రాలకున్న ప్రత్యేక భౌతిక ధర్మాలను వాడుకోవడం ద్వారా ఎమ్మారై, ఎన్‌ఎంఆర్‌ యంత్రాలను మరింత సమర్థంగా పనిచేయించవచ్చునని అంతేకాకుండా ఈ ధర్మాలను నీటిలోకి చేర్చి ఎమ్మారైల ద్వారా మరింత స్పష్టమైన చిత్రాలను తీయడం వీలవుతుందని ఈ పరిశోధనలకు నేతృత్వం వహించిన భారతీయ సంతతి శాస్త్రవేత్త అశోక్‌ అజోయ్‌ తెలిపారు. నానో, మైక్రోస్థాయి వజ్రాలపై బలహీనమైన అయస్కాంత క్షేత్రం సమక్షంలో పచ్చ రంగు లేజర్‌ కిరణాలను ప్రసారం చేసినప్పుడు వాటి స్పిన్‌ పోలరైజేషన్‌ వందల రెట్లు ఎక్కువైందని.. ఈ ధర్మం ఆధారంగానే ఎమ్మారై, ఎన్‌ఎంఆర్‌లు పనిచేస్తాయని వివరించారు. వజ్రాలతో పనిచేసే ఎమ్మారై, ఎన్‌ఎంఆర్‌ యంత్రాల సైజు చాలా తక్కువగా ఉంటుందని.. తద్వారా ఈ పరీక్షలు చౌక కావడమే కాకుండా.. విస్తృత వినియోగంలోకి వచ్చే అవకాశముందని ఆయన వివరించారు. గ్రాఫైట్‌ను అత్యధిక పీడనం, ఉష్ణోగ్రతలకు గురిచేయడం ద్వారా సూక్ష్మస్థాయి వజ్రాలను కూడా చౌకగా తయారు చేయవచ్చునని అశోక్‌ చెప్పారు.

అంధుడి మాటలు రాజుగారిలో కొత్త ఆశను రేకెత్తించడంతో అందుకు సరేనన్నారు. ఆ అంధుడు ఆ వజ్రాలను తడిమి చూసి, ఫలానా వజ్రం అసలైనది, ఫలానా వజ్రం నకిలీదని వెంటనే తేల్చి చెప్పాడు. ఎప్పటిలాగే ఆ రోజు కూడా రాజుగారు ఎంతో ఉత్సాహంగా సభా వ్యవహారాలను ప్రారంభించారు. అంతలో ఒక వ్యక్తి రాజదర్బారులో ప్రత్యక్షమయ్యాడు. ‘‘నా దగ్గర అమూల్యమైన రెండు వజ్రాలున్నాయి అందులో ఏది అసలైనదో, ఏది నకిలీదో తెలుసుకునేందుకు నేను తిరగని సంస్థానమంటూ లేదు, చేరని రాజ్యమంటూ లేదు. మీరేమైనా పసిగట్టగలరా’’ అని ప్రశ్నించాడు. రాజుగారు ఆ రెండు వజ్రాలను చేతిలోకి తీసుకొని ‘‘ఈ రెండూ ఒకేలా ఉన్నాయిగా’’ అన్నారు ఆశ్చర్యంగా. దానికి ఆ వ్యక్తి ‘‘ఇందులో ఒకటి వెలకట్టలేని వజ్రం. రెండోది గాజుది. మీ కొలువులో ఉన్న వారిలో ఎవరైనా, ఇందులో అసలు వజ్రాన్ని పసిగడితే ఆ వజ్రాన్ని నేను కానుకగా అందిస్తాను. కనుక్కోలేకపోతే ఆ వజ్రానికి తగ్గ మూల్యం చెల్లించాలి’’ అని సవాల్‌ విసరాడు. రాజుగారు, మంత్రులు, ఇతర అధికారులు ఆ వజ్రాన్ని చేతిలో తీసుకుని ఎంత పరిశీలించినా వారికి అర్థం గాక తీవ్ర నిరాశ చెందారు. ఈ విషయం ఆ రాజ్యంలోని ఒక పుట్టుగుడ్డి చెవిలోనూ పడింది. తెలిసిన వారి సహాయంతో రాజదర్బారుకు చేరుకున్న ఆ అంధుడు రాజుగారితో ‘‘అయ్యా! నేను అసలు వజ్రాన్ని పసిగట్టే ప్రయత్నం చేస్తాను. నాకో అవకాశం కల్పించండి’’ అని వేడుకున్నాడు. అంధుడి మాటలు రాజుగారిలో కొత్త ఆశను రేకెత్తించడంతో అందుకు సరేనన్నారు. ఆ అంధుడు ఆ వజ్రాలను తడిమి చూసి, ఫలానా వజ్రం అసలైనది, ఫలానా వజ్రం నకిలీదని వెంటనే తేల్చి చెప్పాడు. వజ్రాన్ని తెచ్చిన వ్యక్తి ఖంగుతిన్నాడు. షరతు ప్రకారం వజ్రం రాజుగారి సొంతమయ్యింది. కళ్లు లేకపోయినా అసలు వజ్రాన్ని కనిపెట్టిన అంధుడిని అభినందించారు అందరూ. ఎలా కనిపెట్టగలిగావంటూ అంధుడిపై ప్రశ్నల వర్షం కురిపించసాగారు. ‘ఈ రెండు వజ్రాల్లో ఒకటి వేడిగా ఉంది. ఒకటి చల్లగా ఉంది. ఎండకి వేడెక్కిన వజ్రం నకిలీదని పసిగట్టాను’ అని చెప్పాడు ఆ అంధుడు. అందరూ ఆశ్చర్యంతో నోరెళ్లబెట్టారు.  అసలైన విశ్వాసులు నకిలీ వజ్రంలా వేడెక్కరు. అసలు వజ్రంలా ప్రశాంతంగా ఉంటారు. 

న్యూఢిల్లీ: బ్యాంకులకు భారీగా మోసగించిన మరో కేసు వెలుగులోకి వచ్చింది. గుజరాత్‌లోని వదోదర కేంద్రంగా పనిచేసే డైమండ్‌ పవర్‌ ఇన్‌ఫ్రాస్ట్రక్చర్‌ లిమిటెడ్, దాని డైరెక్టర్లు బ్యాంకులకు రూ. 2,654 కోట్ల మేర మోసం చేసినట్టు సీబీఐ క్రిమినల్‌ కేసు నమోదు చేసింది. వదోదరలో కంపెనీ కార్యాలయాలు, డైరెక్టర్ల నివాసాల్లో సోదాలు నిర్వహించింది. ఎలక్ట్రికల్‌ కేబుల్స్, ఎక్విప్‌మెంట్‌ తయారు చేసే డైమండ్‌ పవర్‌ ఇన్‌ఫ్రా 2008 తర్వాత 11 ప్రభుత్వ, ప్రైవేటు బ్యాంకుల కన్సార్షియం నుంచి మోసపూరితంగా రుణ సదుపాయం పొంది, 2016 జూన్‌ 29 నాటికి 2,654.40 కోట్లు బకాయి పడినట్టు సీబీఐ పేర్కొంది.    

రిలయన్స్‌  జ్యుయలరీ ..డైమండ్‌,  బంగారు నగల అద్భుత  డిజైన‍్లను  ప్రదిర్శిస్తోంది. ఈ సందర్భంగా వినియెగాదారులకు మునుపెన్నడూ లేని   డిస్కౌంట్‌ ఆఫర్లు అందిస్తోంది.  ఫిబ్రవరి 25 వరకు  ఈ ఆఫర్లు అందుబాటులో  ఉండనున్నాయి.  కస్టమర్లకు వందశాతం తృప్తి  కలిగేలా జీరో వేస్టేజ్‌పై నగలను విక్రయిస్తున్నామనీ రిలయన్స్‌ జ్యుయలరీ ఒక ప్రకటనలో  వెల్లడించింది.  తమ ఆభరణాలు శాశ్వతమైన క్లాసిక్, టైంలెస్ ఆభరణాల ఎంపిక.. ఏ సీజన్లోనైనా ఎవరికైనా ప్రియమైనవారి కోసం పరిపూర్ణ బహుమతి అందించేలా పోటీ ధరలలో అందుబాటులో  ఉంచినట్టు తెలిపింది.  అలాగే కస్టమర్ల సౌలభ్యంకోసం ప్రతీ షోరూంలోనూ క్వాలిటీ చెకింగ్‌ మెషీన్లు అందుబాటులో  ఉంచామంది.  ఢిల్లీ,  హైదరాబాద్‌,  బెంగళూరు, గురుగ్రాం, లక్నో , వారణాసి, కాన్పూర్‌, అహ్మదాబాద్‌ లాంటి ఎనిమిది నగరాల్లో  ఫిబ్రవరి 25దాకా ఈ యూనిక్‌  ఆభరణాలను వినియోగదారులకు అందుబాటులో ఉంటాయని వెల్లడించింది. తాము ఉపయోగించిన ప్రతీ డైమండ్‌  ఇండిపెండెంట్ సర్టిఫికేషన్ లాబొరేటరీస్ అంతర్జాతీయ సర్టిఫికేట్ పొందిందని కంపెనీ చెబుతోంది. ఈ సందర్భంగా రిలయన్స్‌ జ్యుయలర్స్‌ సీఈవో సునీల్‌ నాయక్‌ మాట్లాడుతూ  ప్రతీ రోజు  ప్రేమపూర్వకమైనదే. అది సార్వత్రిమైంది.  దీన్ని ఒక రోజుకు లేదా జంటలకు పరిమితం  చేయకూడదని  అభిప్రాయపడ్డారు.  రిలయన్స్‌  అందిస్తున్న ఆకర్షణీయమైన నగలతో   ప్రతిరోజూ వాలెంటైన్స్ డే అని చెప్పారు.  అంతేకాదు  ప్రియమైనవారి కోసం పరిపూర్ణ బహుమతి  అందించేలా విస్తారమైన సాలిటైర్కు ,  ప్లాటినం  లవ్‌  బ్యాండ్లను  కూడా అందిస్తున్నట్టు  తెలిపారు. తమ షోరూంలలో నెక్లెస్, చెవిపోగులు, గాజులు, రింగులు .. ఇలా ప్రతీదీ  ఎలిగెంట్‌గా ,  అద్భుతంగా  దేనికదే ప్రత్యేకంగా ఉంటుందని పేర్కొన్నారు.  ఫిబ్రవరి  2 నుంచి  25 వరకు ఉత్తేజకరమైన ఆఫర్లు అందుబాటులోఉన్నాయని చెప్పారు.  కాగా రిలయన్స్ జ్యుయలర్స్‌  44 నగరాల్లో 65 షోరూంలను కలిగి ఉంది.  వీటిని మరింతగా విస్తృతంగా విస్తరిస్తోంది.

సాక్షి, హైదరాబాద్‌: చార్మినార్‌ వద్ద సండే మార్కెట్‌లో ఖరీదు చేసిన రాయి అది.. సాధారణంగా కోటు గుండీల్లో పొదగడానికి వినియోగిస్తుంటారు.. దీన్ని ఓ చోర ద్వయం రూ.4.5 కోట్ల విలువైన వజ్రంగా నమ్మించింది.. మార్కెట్‌లో ఖరీదు చేయడానికి అనేక మంది సిద్ధంగా ఉన్నారంటూ పరిచయస్తుడికే ఎర వేసి.. ఆ గుండీని రూ.1.2 కోట్లకు అమ్మేసింది.. విషయం టాస్క్‌ఫోర్స్‌ వద్దకు చేరడంతో ఇద్దరు నిందితుల్ని అరెస్టు చేసి, రూ.1.15 కోట్ల నగదు, నకిలీ వజ్రం స్వాధీనం చేసుకున్నట్లు నగర పోలీసు కమిషనర్‌ వీవీ శ్రీనివాసరావు తెలిపారు. టాస్క్‌ఫోర్స్‌ డీసీపీ పి.రాధాకిషన్‌రావుతో కలసి బుధవారం విలేకరుల సమావేశంలో ఆయన పూర్తి వివరాలు వెల్లడించారు. ఆర్థిక ఇబ్బందుల నేపథ్యంలో.. ఆసిఫ్‌నగర్‌ ప్రాంతానికి చెందిన మహ్మద్‌ అథర్‌ సిద్ధిఖీ, ఆర్సీపురం వాసి మహ్మద్‌ సల్మాన్‌ఖాన్‌ ముత్యాలు, రత్నాల వ్యాపారం చేస్తుంటారు. వ్యాపారంలో నష్టాలు రావడం.. ఆర్థిక ఇబ్బందుల నేపథ్యంలో వీటి నుంచి గట్టెక్కడానికి భారీ స్కెచ్‌ వేశారు. రత్నాల వ్యాపారంలో ఉన్న నేపథ్యంలో వజ్రం పేరుతో ఎవరినైనా మోసం చేద్దామని భావించారు. సల్మాన్‌ గతంలో నాంపల్లిలోని మహ్మద్‌ ఖాన్‌ జ్యువెలర్స్‌లో సేల్స్‌ మెన్‌గా పని చేశాడు. ఆ సమయంలో అతడితో కలసి పనిచేసిన సనత్‌నగర్‌ వాసి షేక్‌ హాజీ అలియాస్‌ ఇలియాస్‌ ప్రస్తుతం సొంతంగా వ్యాపారం చేస్తున్నాడు. వజ్రం విక్రయం పేరుతో అతడిని మోసం చేద్దామని నిర్ణయించుకున్నారు. రూ.3,500కు స్టోన్‌ ఖరీదు చేసి.. ఈ నెల 14న ఖాన్, అథర్‌ చార్మినార్‌ వద్ద సండే మార్కెట్‌కు వెళ్లారు. అక్కడ అమ్ముతున్న కోటు బటన్‌కు ఏర్పాటు చేసే భారీ స్టోన్‌ వీరిని ఆకర్షించింది. దాన్ని రూ.3,500కు ఖరీదు చేసి.. ఓ బాక్సులో పెట్టి 25 క్యారెట్ల వజ్ర మంటూ ప్రచారం చేశారు. హాజీని సంప్రదించిన ఖాన్‌ తనకు తెలిసిన వ్యక్తి వద్ద రూ.4.5 కోట్ల విలువ చేసే మేలైన వజ్రం ఉందని, మార్కె ట్‌లో ఖరీదు చేసే వాళ్లు అనేక మంది ఉన్నారని చెప్పి నమ్మించాడు. సదరు వ్యక్తికి అత్యవస రంగా డబ్బు అవసరమై రూ.1.2 కోట్లకే అమ్ముతున్నాడంటూ చెప్పాడు. ఇప్పుడు దాన్ని ఖరీదు చేస్తే.. వారంలోనే రూ.4.5 కోట్లకు అమ్ముకుని లాభం పొందవచ్చంటూ చెప్పాడు. దీంతో అప్పులు చేసిన హాజీ తన దగ్గర ఉన్న డబ్బు కలిపి రూ.1.2 కోట్లు సిద్ధం చేశాడు. లాడ్జికి రప్పించి మోసం.. ఈ నెల 18న హాజీని నాంపల్లిలోని ఓ లాడ్జికి రప్పించిన ఖాన్‌.. ‘వజ్రం’తోపాటు అథర్‌నూ అక్కడకు తీసుకువచ్చాడు. హాజీ ఎదురుగా వివిధ ‘పరీక్షలు’ చేసినట్లు నటించిన అథర్‌ అది అత్యంత విలువైన వజ్రమంటూ షో చేశాడు. దీంతో పూర్తిగా నమ్మిన హాజీ ఆ మొత్తం వారికి ఇచ్చి స్టోన్‌ తీసుకెళ్లాడు. వారం రోజులు వేచి చూసినా ‘వజ్రాన్ని’ ఖరీదు చేసే పార్టీలను తీసుకురాక పోవడం, తనకు అప్పులు ఇచ్చిన వారి నుంచి ఒత్తిడి పెరగడంతో హాజీ స్వయంగా రంగంలోకి దిగాడు. మార్కెట్‌లో సదరు స్టోన్‌ను విక్రయిం చడానికి ప్రయత్నం చేశాడు. సదరు ‘వజ్రాన్ని’ పరిశీలించిన వ్యాపారులు అది కోటుకు వినియోగించే గుండీ స్టోన్‌గా తేల్చారు. దీంతో మోసపోయానని గుర్తించిన హాజీ అబిడ్స్‌ పోలీసులకు ఫిర్యాదు చేశాడు. ఈ మేరకు రంగంలోకి దిగిన సెంట్రల్‌ జోన్‌ టాస్క్‌ఫోర్స్‌ ఇన్‌స్పెక్టర్‌ సాయిని శ్రీనివాసరావు నేతృత్వంలోని బృందం బుధవారం ఖాన్, అథర్‌లను పట్టుకుని రూ.1.15 కోట్లు స్వాధీనం చేసుకుంది. కేసును అబిడ్స్‌ పోలీసులకు అప్పగించింది.

సాక్షి, హైదరాబాద్‌: వజ్రాల వ్యాపారం పేరుతో అక్రమాలకు పాల్పడుతున్న ఇద్దరు నిందితులను హైదరాబాద్ టాస్క్ ఫోర్స్ పోలీసులు అదపులోకి తీసుకున్నారు. మహ్మద్ సలామ్‌, మహ్మద్ సిద్దిఖీ అనే ఇద్దరు వ్యక్తులను అరెస్టు చేసి వారి వద్ద నుంచి రూ.1.15 కోట్లు స్వాధీనం చేసుకున్నట్లు సమాచారం. వీటితో వజ్రాలను పరీక్షించే పరికరాలు, కొన్ని బంగారు ఆభరణాలను వారి వద్ద ఉన్నట్లు గుర్తించారు. నకిలీ వజ్రాలను అసలైనవిగా నమ్మించి మార్కెట్లో కోట్ల రూపాయలకు విక్రయిస్తున్నారని ప్రజలు జాగ్రత్తగా ఉండాలని పోలీసులు హెచ్చరించారు. ఈ క్రమంలో ఓ వ్యక్తిని ఇద్దరు నిందితులు ఇటీవల కలిశారు. తమ వద్ద దాదాపు 4 కోట్ల విలువచేసే అతి ఖరీదైన వజ్రం ఉందని నమ్మించారు. అయితే తమకు అత్యవసరంగా డబ్బు అవసరం కావడంతో తక్కువ ధరకే విక్రయించేందుకు ఒప్పందం చేసుకున్నారు. బాధితుడు హాజీ రూ.1.15 కోట్లు చెల్లించి వజ్రాన్ని కొనుగోలు చేయగా అసలు విషయం బయటపడింది. నకిలీ వజ్రాన్ని తనకు అంటగట్టారంటూ హాజీ ఫిర్యాదు చేయగా కేసు నమోదు చేసిన పోలీసులు నిందితులను అరెస్ట్ చేసి విచారణ చేపట్టారు.

కర్నూలు, ఆదోని అర్బన్‌: పట్టణంలోని బీరప్పనగర్‌లో వజ్రం అమ్మకం వివాదంగా మారింది. ఓ నాయకుడి జోక్యంతో వివాదం మరింత ముదిరే అవకాశం ఉండడంతో ఓ కుటుంబం వజ్రం అమ్ముకున్న డబ్బుతో ఉడాయించినట్లు ప్రచారం జరుగుతోంది.  స్థానికుల సమాచారం మేరకు.. నెల రోజుల క్రితం ఓ ఫ్యాక్టరీలో బీరప్ప నగర్‌కు చెందిన ఓ దినసరి మహిళా కూలీకి వేరుశనగ దిగుబడులను శుభ్రం చేస్తుండగా తళుకులీనుతున్న ఓ చిన్న గాజు లాంటి రాయి దొరికింది. ఆ రాయిని పక్కనే ఉన్న ఓ మహిళకు చూపించింది. దీంతో ఆమె భర్తతో కలిసి రాయిని తీసుకుని తుగ్గలి మండలం పెరవలిలోని వజ్రాల వ్యాపారికి సంప్రదించగా వజ్రంగా గుర్తించిన ఆయన రూ.20 లక్షలకు కొనుగోలు చేశాడు. అయితే వజ్రం ఇచ్చిన మహళ సదరు మహిళను ప్రశ్నించగా అది మెరిసే రాయని, పిల్లలు ఎక్కడో పడేశారని చెప్పుకొచ్చింది. అయితే రూ.20 లక్షలకు వజ్రాన్ని అమ్మారని తెలియడంతో రెండు కుటుంబాల మధ్య వాగ్వాదం జరిగింది. చివరకు ఐదు తులాల బంగారం ఇస్తామని, గొడవ చేయొద్దని వజ్రం అమ్ముకున్న మహిళా కుటుంబం బేరానికి దిగింది. అయితే ఇందుకు వజ్రం దొరికిన మహిళ అంగీకరించలేదు. తాను పోలీసులను ఆశ్రయిస్తానని చెప్పడంతో వజ్రం అమ్ముకున్న మహిళ సూసైడ్‌ నోట్‌లో నీపేరు రాసి పురుగు మందు తాగి ఆత్మహత్య చేసుకుంటానని బెదిరించింది. వివాదం బహిరంగం కావడంతో ఆ వీధికి చెందిన ఓ నాయకుడు జోక్యం చేసుకుని వజ్రం అమ్ముకున్న కుటుంబ సభ్యులతో మాట్లాడినట్లు తెలిసింది. వివాదం ముదరడంతో భయపడిన వజ్రం అమ్ముకున్న మహిళ కుటుంబం మూడు రోజుల క్రితం ఇంటికి తాళం వేసి ఊరొదిలి వెళ్లింది. 

ప్రతి మనిషి జీవితంలో తన స్థాయిలో లగ్జరీని కోరుకుంటున్నాడు. వస్తువు ఎలాంటిది అయినా.. దాని ఖరీదు మాత్రం తన స్థాయికన్నా అధికంగా ఉండాలని అనుకుంటున్నాడు. ఈ నేపథ్యంలో ప్రతి వస్తువును తయారీదారులు అదే స్థాయిలో రూపొందించిస్తున్నారు. ఇదిగో ఇక్కడ మీరు చూస్తేన్న నెయిల్‌ పాలిష్‌ కూడా అటువంటిదే.  దీనిని ప్రపంచంలోని కోటీశ్వరుల్లో చాలాతక్కువ మంది మాత్రమే ఉపయోగించలరు. లగ్జరీకి పరాకాష్టగా కూడాదీనిని చెప్పుకోవచ్చు. ఎందుకంటే దీని ఖరీదు. కేవలం కోటీ 63 లక్షల 66 వేల రూపాయలు  మాత్రమే. దీనిని దిగుమతి చేసుకోవాలంటే అదనంగా మరో పది లక్షల రూపాయలు చెల్లించాల్సిందే.  ఇంతటి ఖరీదైన నెయిల్‌ పాలిష్‌ని లాస ఏంజెల్స్‌లోని లగ్జరీ సౌందర్య సాధానాల తయారీ సంస్థ అజాతురే రూపొందించింది. ఈ నెయిల్‌ పాలిష్‌లో 267 కేరట్ల బ్లాక్‌ డైమండ్‌ను ఉపయోగించారు. అందుకే ఇంత ఖరీదు అని సంస్థ అధికారులు చెబుతున్నారు. ఈ బ్లాక్‌ డైమండ్‌ నెయిల్‌ పాలిష్‌ను కేవలం ఆర్డర్‌ మీద మాత్రమే తయారు చేస్తామని చెప్పారు.

ప్రపంచవ్యాప్తంగా డైమండ్స్‌ అమ్మకాల్లో భారత్‌ వాటా 7 శాతానికి చేరింది. ఇక్కడ అపార వ్యాపార అవకాశాలున్నాయని డైమండ్‌ ప్రొడ్యూసర్స్‌ అసోసియేషన్‌ (డీపీఏ) పేర్కొంది. వజ్రాల అమ్మకాలను పెంచేందుకు జెమ్‌ జువెల్లరీ ఎక్స్‌పోర్ట్‌ ప్రమోషన్‌ కౌన్సిల్‌తో కలిసి పనిచేయనున్నట్టు అసోసియేషన్‌ ఇండియా ఎండీ రిచా సింగ్‌ తెలిపారు. అల్రోసా, డీ బీర్స్, డోమినియన్‌ డైమండ్, జెమ్‌ డైమండ్స్, లుకారా డైమండ్, పెట్రా డైమండ్స్, రియో టింటో వంటివి డీపీఏలో సభ్య కంపెనీలుగా ఉన్నాయి.

సాక్షి, హైదరాబాద్‌ : గాజు బంతిని వజ్రంగా నమ్మించి అమ్మేందుకు ప్రయత్నించిన తొమ్మిది మంది నిందితులను రాచకొండ ఎస్‌ఓటీ పోలీసులు, అబ్దుల్లాపూర్‌మెట్‌ పోలీసులు అరెస్టు చేసి నకిలీ డైమండ్, కారు, రెండు బైక్‌లు, రూ.1,73,170/- నగదును స్వాధీనం చేసుకున్నారు. నిందితులను రిమాండ్‌కు తరలించారు.  ఎల్‌బీ నగర్‌ డీసీపీ వెంకటేశ్వర్‌రావు తెలిపిన వివరాల ప్రకారం.. నల్గొండ జిల్లా, యాదాద్రి జిల్లా, రంగారెడ్డి జిల్లాల ప్రాంతానికి చెందిన మర్రి నర్సింహ (52), శ్రీరాం శ్రీనివాస్‌ (39), మచ్చ సాగర్‌ (31), కావలి రవీందర్‌ (28), బొడిగె వెంకటేష్‌ (41), గొడుగు లక్ష్మయ్య (45), కావలి శ్రీనివాస్‌ (39), గొడుగు నర్సింహ (38), ఆన్‌పాటి బాలజగదీష్‌ (30)లు ఒక ముఠాగా ఏర్పడి గుప్త నిధుల కోసం తవ్వకాలు చేస్తూ పాత దేవాలయాల వద్ద తిరుగుతుంటారు. వీరు అత్తాపూర్‌కు చెందిన రవి అనే వ్యక్తి వద్ద డైమండ్‌ ఆకారంలో ఉండే గాజు బంతిని లక్ష రూపాయలకు కొనుగోలు చేశారు. ఇది చాలా ఖరీదైన వజ్రమని, ఇంట్లో ఉంటే అన్ని శుభాలే జరగుతాయని వారిని నమ్మించి రవి వారికి అంటగట్టాడు. వీరంతా కలిసి రహస్యంగా గాజు బంతిని అమ్మేందుకు తిరుగుతున్నారు. ఈ బంతి తవ్వకాల్లో లభించిందని ప్రజలను నమ్మించేందుకు యత్నించారు.  రామోజీ ఫిలింసిటీ పరిసర ప్రాంతాల్లో నిధుల కోసం తవ్వకాలు చేస్తుండగా ఇది దొరికిందని స్థానికులకు నమ్మబలికారు. ఈ మేరకు విశ్వసనీయ సమాచారం అందుకున్న ఎస్‌ఓటీ పోలీసులు, అబ్దుల్లాపూర్‌మెట్‌ పోలీసులు ఈ నెల 16న సాయంత్రం 6 గంటలకు నిందితులు స్కోడా కారులో వెళుతుండగా కొత్తగూడ క్రాస్‌ రోడ్డు వద్ద పట్టుకున్నారు. వీరిని అదుపులోకి తీసుకుని విచారించగా తాము ఈ గాజు బంతిని లక్ష రూపాయలకు కొనుగోలు చేశామని, అమ్మేందుకు తీసుకెళ్తున్నామని ఒప్పుకున్నారు. తొమ్మిది మందిని అరెస్టు చేసి వారి వద్ద నుంచి గాజు బంతి, కారు, నగదు, రెండు బైకులు, సెల్‌ఫోన్‌లు స్వాధీనం చేసుకుని రిమాండుకు తరలించారు. ఈ సంఘటనలో ప్రధాన నిందితుడు రవి పరారీలో ఉన్నాడు. సమావేశంలో వనస్థలిపురం ఏసీపీ రవీందర్‌రెడ్డి, ఎస్‌ఓటీ సీఐ నవీన్, అబ్దుల్లాపూర్‌మెట్‌ ఇన్‌స్పెక్టర్‌ నరేందర్‌గౌడ్, ఎస్సై బాలు తదితరులు పాల్గొన్నారు.

ఏమన్నా... డైమండ్‌ అంటే ఆ కథే వేరు. వజ్రాల మీద మక్కువ మనకి మామూలుగా ఉండదు. వజ్రపుటుంగరం, డైమండ్‌ నెక్లెస్‌... ఇవన్నీ భారతీయుల కల. మరి వజ్రాభరణం కొనాలంటే..? బంగారంతో పోలిస్తే కొంచెం ఎక్కువే ఖర్చు పెట్టాలి. దీంతో ఇది అందరికీ సాధ్యపడక పోవచ్చు. ఎందుకంటే ఆ స్థాయిలో డబ్బులుండాలి కదా? ఉన్నా ఖర్చుపెట్టగలగాలి కదా? మరేం చేద్దాం..!! ఈ ప్రశ్నకు జవాబుందా? లేకేం! సంపద కూడబెట్టడానికి ఏకైక మార్గం సిప్‌ అని అంతా చెబుతుంటారు కదా! మరి వజ్రాలు కొనుక్కోవటానికి కూడా సిప్‌ చేయొచ్చు కదా!! నెలవారీ క్రమానుగతంగా కొంత మొత్తాన్ని ఇన్వెస్ట్‌ చేస్తూ (సిప్‌) వజ్రాలను సొంతం చేసుకునే అవకాశం ఇప్పుడొచ్చింది. సెబీ అనుమతితో ఇండియన్‌ కమోడిటీ ఎక్స్ఛేంజ్‌ (ఐసీఈఎక్స్‌) దీన్ని అందుబాటులోకి తీసుకొచ్చింది. ఇప్పటి వరకు మ్యూచువల్‌ ఫండ్స్‌లో పెట్టుబడులకే సిప్‌ అవకాశం ఉండగా, ఐసీఈఎక్స్‌ దీన్ని వజ్రాల విషయంలోనూ సాకారం చేసింది. – సాక్షి, పర్సనల్‌ ఫైనాన్స్‌ విభాగం ఇతర లోహాలతో పోలిస్తే... ఇతర లోహాలతో పోల్చి చూస్తే వజ్రాలు చాలా ఖరీదైనవి. అమూల్యమైన లోహాల కేటగిరీలోకి వస్తాయి. బంగారం, ప్లాటినం, వెండి కంటే ఖరీదైనవి. సాధారణంగా ఉన్నత వర్గాల వారు వజ్రాభరణాలను ఎక్కువగా ధరిస్తుంటారు. అందుకే బంగారంతో పోల్చుకుంటే వజ్రాలకు లిక్విడిటీ (కావాలనుకున్నపుడు వెంటనే నగదుగా మార్చుకోవడం) తక్కువ. వజ్రాలను సిప్‌ చేయటమెలా..? మ్యూచువల్‌ ఫండ్స్‌లో సిప్‌ రూపంలో ఇన్వెస్ట్‌ చేయడం ఎంత సులభమో ఇందులోనూ సరిగ్గా అంతే. ఐసీఈఎక్స్‌లో ఖాతాను ప్రారంభించి సిప్‌ రూపంలో ఇన్వెస్ట్‌ చేయడం ద్వారా వజ్రాలను సొంతం చేసుకోవచ్చు. ప్రపంచంలో వజ్రాలు ట్రేడయ్యే తొలి ఎక్స్ఛేంజ్‌ కూడా ఐసీఈఎక్స్‌ కావడం గమనార్హం. సెబీ నుంచి ఇటీవలే ఈ ఎక్స్ఛేంజ్‌ అనుమతి పొందింది. వినియోగదారులు వజ్రాలను సిప్‌ విధానంలో దక్కించుకునేందుకు వీలుగా ఈ పథకాన్ని రూపొందించింది. ఖాతా తప్పనిసరి వజ్రాల కోసం ఐసీఈఎక్స్‌ బ్రోకర్‌ వద్ద ఖాతాను ప్రారంభించాల్సి ఉంటుంది. కేవైసీ ధ్రువీకరణల తర్వాత కొంత మేర డిపాజిట్‌ చెల్లించడం ద్వారా ఖాతాను తెరవచ్చు. ప్రతి నెలా ఏ తేదీన వజ్రాలు కొనాలనుకుంటున్నామో ముందుగానే బ్రోకర్‌కు తెలియజేయాల్సి ఉంటుంది. షేర్ల ట్రేడింగ్, డీమ్యాట్‌ ఖాతాల మాదిరిగానే ఈ ఖాతాను కూడా ప్రారంభించాలి. అందుకు అవసరమైన ధ్రువపత్రాలు... ఆధార్‌ కార్డు, పాన్‌ కార్డు, చిరునామా ధ్రువీకరణ వంటివి ఇవ్వాల్సి వస్తుంది.   ఎంత కాలం పాటు ఇన్వెస్ట్‌మెంట్‌ వజ్రాన్ని బట్టి సిప్‌ ఉంటుంది. ఉదాహరణకు 30 సెంట్ల డైమండ్‌ కావాలనుకుంటే దాని ధర (ఐసీఈఎక్స్‌ ప్రకారం) రూ.27,000. ఇందుకోసం ప్రతి నెలా కనీసం రూ.900తో సిప్‌ మొదలు పెట్టొచ్చు. ఇలా 30 నెలల పాటు ఇన్వెస్ట్‌ చేస్తే రూ.27,000 అవుతాయి. దీంతో 30 సెంట్ల వజ్రాన్ని ఇంటికి తీసుకెళ్లిపోవచ్చు. ఏదైనా అవాంతరం ఏర్పడి కాల వ్యవధి మధ్యలోనే సిప్‌ ఆపేసినా నష్టం లేదు. అప్పటి వరకు ఇన్వెస్ట్‌ చేసిన మేర వజ్రం డీమ్యాట్‌ ఖాతాలో జమ అయి ఉంటుంది. మళ్లీ వీలైనప్పుడు సిప్‌ మొదలు పెట్టి 30 వాయిదాలు పూర్తి చేసిన తర్వాత వజ్రాన్ని అందుకోవచ్చు. అంటే వజ్రాన్ని డెలివరీ తీసుకోవాలంటే కనీసం 30 సెంట్ల సైజును సమకూర్చుకోవాలి. సిప్‌ రూపంలోనే కాదు!!. డబ్బులు సిద్ధంగా ఉంటే ఒకేసారి చెల్లించి ఐసీఈఎక్స్‌ నుంచి కొనుగోలు చేసుకునేందుకు కూడా అవకాశం ఉంది. వజ్రం వద్దనుకుంటే తిరిగి ఐసీఈఎక్స్‌ ప్లాట్‌ఫామ్‌పై ఎప్పుడైనా దాన్ని అమ్మేసుకోవచ్చు. ఐసీఈఎక్స్‌ మూడు రకాల సైజుల్లో వజ్రాల ట్రేడింగ్‌ను ప్రారంభిస్తోంది. 30 సెంట్లు, 50 సెంట్లు, 100 సెంట్లు. 100 సెంట్లు అంటే ఒక క్యారట్‌తో సమానం. ఒక షేరు మాది రిగా ఒక సెంట్‌ నుంచి కొనుగోలు చేసుకోవచ్చు. స్టాక్‌మార్కెట్లో షేర్ల మాదిరి గా ఐసీఈఎక్స్‌ ప్లాట్‌ఫామ్‌పై వజ్రాలు ఎలక్ట్రానిక్‌ రూపంలో ట్రేడవుతుంటా యి. కొన్నప్పుడు షేర్ల వలే వజ్రాలు కూడా ఎలక్ట్రానిక్‌ రూపంలోనే డీమ్యాట్‌ ఖాతాకు వెళతాయి. విక్రయించినప్పుడు డెబిట్‌ అవుతాయి. ఒకవేళ మీరు డెలివరీ తీసుకోవాలనుకుంటే వజ్రం రూపంలోనే మీ చేతికి అందుతుంది. వజ్రాల్లో సిప్‌ చేస్తే రాబడి ఉంటుందా? ఈ ప్రశ్నకు సమాధానం అంత ఈజీ కాదు. ఎందుకంటే ఐసీఈఎక్స్‌ ప్లాట్‌ఫామ్‌పై వజ్రాలు అప్పటి కరెంట్‌ మార్కెట్‌ ధరల మేరకు ట్రేడవుతూ ఉంటాయి. కొంత కాలానికి వజ్రాల ధరలు పెరగొచ్చు. లేదా తగ్గొచ్చు. కనుక వజ్రాలపై కొంత కాలానికి రాబడి అందుకోవాలన్న ఉద్దేశంతో సిప్‌ ఎంచుకోవడం సరికాకపోవచ్చు. పెట్టుబడిగా చూడకుండా ఆభరణాల కోసం వజ్రాలను సొంతం చేసుకోవాలనుకుంటే మాత్రం... అంతర్జాతీయంగా పేరొందిన డీబీర్స్‌ సంస్థ నుంచి నాణ్యతా ధ్రువీకరణతో పాటు సులభంగా వజ్రాన్ని సొంతం చేసుకునే వెసులుబాటు ఇందులో ఉంది.ఇంకెందుకు ఆలస్యం!! వజ్రాభరణాలు ధరించాలనే కల మీకుంటే... దాన్ని నెరవేర్చుకోవటానికి ఇప్పుడే సిప్‌ మొదలుపెట్టండి. నెలకు కనీసం రూ.1100 చొప్పున ఇన్వెస్ట్‌ చేసినా... దాదాపు రెండేళ్లలో వజ్రాలు మీ చేతికొస్తాయి!!


 జొన్నగిరి(తుగ్గలి): మండలంలోని జొన్నగిరిలో పొలం పనులకు వెళ్లిన ఓ మహిళకు వజ్రం లభ్యమైనట్లు సమాచారం. ఈ వజ్రాన్ని గురువారం అదే గ్రామానికి చెందిన ఓ వజ్రాల వ్యాపారి రూ.1.80 లక్షలు, 2 తు లాల బంగారం ఇచ్చి కొనుగోలు చేసినట్లు తెలిసింది.


 ఫ్రీటౌన్‌: అకస్మాత్తుగా అదృష్టం కలిసిరావడమంటే ఇదే... సియెర్రా లియోన్‌లోని మైన్స్‌లో పనిచేసే ఓ పాస్టర్‌కు 706 క్యారెట్ల భారీ వజ్రం దొరికింది. ఇప్పటిదాకా దొరికిన అతిపెద్ద వజ్రాల్లో ఇది పదో వజ్రమని చెబుతున్నారు. ఇక్కడి కొనొ ప్రాంతంలో వజ్రాల కోసం వెతుకుతూ తమ అదృష్టాన్ని పరీక్షించుకునేందుకు వచ్చినవారిలో పాస్టర్‌ ఇమ్మాన్యుయేల్‌ మొమో ఒకరు. తనకు దొరికిన వజ్రాన్ని ప్రభుత్వానికి పన్ను చెల్లించిన తర్వాత అధికారికంగా విక్రయిస్తానని మొమో తెలిపారు. నాలుగు శాతం సొమ్మును తీసుకొని ప్రభుత్వమే అధికారికంగా దీనికి విలువ కూడా కడుతుందని, ఆ తర్వాత వజ్రాన్ని విక్రయించుకునేందుకు ఎటువంటి ఇబ్బందులు లేకుండా అన్ని అనుమతులను ఇస్తుందని, అప్పుడే అమ్మకానికి పెడతానని మొమో చెబుతున్నాడు.
 
 14 ఏళ్ల కుర్రాడికి కూడా..
 ఇదిలాఉండగా అర్కాన్సాస్‌కు చెందిన ఓ బాలుడికి కూడా 7.44 క్యారెట్ల అరుదైన వజ్రం దొరికింది. ఇక్కడి స్టేట్‌ పార్క్‌ వజ్రాలకు ఫేమస్‌. దీంతో పార్క్‌లో వజ్రాల కోసం వెతికేందుకు వచ్చిన ప్రతిఒక్కరి దగ్గర 10 డాలర్ల సొమ్మును రుసుముగా వసూలు చేస్తారు. వజ్రాలు దొరుకుతాయనే ఆశతో కాకపోయినా సరదాగా విహరించేందుకు కూడా ఇక్కడికి చాలా మంది వస్తుంటారు. అలా వచ్చినవారిలో 14 ఏళ్ల క్యాలెల్‌ లాంగ్‌ఫోర్డ్‌ను ఈసారి అదృష్టం వరించింది. గోధుమ రంగులో కనిపించిన ఓ రాయిని చేతిలోకి తీసుకున్న లాంగ్‌ఫోర్డ్‌.. సాధారణ రాయి కాదని గుర్తించి, తండ్రికి చెప్పడంతో చివరకు అది ఓ అరుదైన వజ్రమని తేలింది. అయితే ఇప్పటిదాకా ఈ పార్కులో దొరికిన 75000 వజ్రాల్లో ఇది ఏడో అతిపెద్ద వజ్రమని చెబుతున్నారు. అరుదైనది కావడంతో దీని విలువ సాధారణ వజ్రాల కంటే ఎక్కువే ఉంటుందని అంచనావేస్తున్నారు.


 భూమిపై ఉన్న అన్ని పదార్థాల్లో వజ్రం అత్యంత గట్టిదని మనకు తెలుసు. కానీ దీని కన్నా గట్టి పదార్థం ఉందంటే అది ఆశ్చర్యకరమే! దాని పేరు ‘లాన్స్‌డైలెట్‌’ పేరు విని ఏదో గరుకైన రాయి లాంటి పదార్థం అనుకుంటే పొరపాటు. షట్కోణాలు లేదా ఆరు మూలల ఆకారంతో కార్భన్ అణువులతో నిర్మించబడిన పదార్థమే ‘లాన్స్‌డైలెట్‌’ . అందుకే దీన్ని షట్కోణ వజ్రం అని కూడా పిలుస్తారు. చూడడానికి అచ్చం వజ్రం లాగానే ఉన్నప్పటికీ లాన్స్‌డైలెట్ సాధారణ వజ్రం కంటే 58% గట్టిది.
 
 గ్రాఫైట్‌ రాయి కలిగిన ఉల్కలు భూమిని తాకినపుడు ఆ వేడికి, ఒత్తిడికి గ్రాఫైట్‌ లాన్స్‌డైలెట్‌గా మారుతుంది. ఇలా తయారైన లాన్స్‌డైలెట్‌ను మొట్టమొదటిసారి 1966లో కనుగొన్నారు. మరి ఇంతగట్టి పదార్థం కావాలనుకునే శాస్త్రవేత్తలు ఉల్కలు పడేంత వరకూ వేచి చూస్తూ కూర్చుంటారా? లేదు కదూ! అందుకే వారు 1966 నుండే గ్రాఫైట్‌ను భయంకరమైన వేడికి, ఒత్తిడికి లోనుచేసి ప్రయోగశాలలో కృత్రిమ లాన్స్‌డైలెట్‌లను తయారు చేసే పనిలో నిమగ్నమై ఉన్నారు. అయితే సైంటిస్టులు ఇప్పటివరకూ కృత్రిమంగా మాత్రం సహజంగా ఏర్పడ్డ స్థాయిలో ‘లాన్స్‌డైలెట్‌’ ను తయారు చేయలేదు.


 పి.కొత్తూరు(తుగ్గలి): మండల పరిధిలోని పి. కొత్తూరు గ్రామానికి చెందిన వ్యవసాయ కూలీకి రెండు రోజుల క్రితం వజ్రం లభ్యమైంది. కంది పంటకు పురుగుల మందు పిచికారీ చేస్తుండా మెరుస్తున్న రాయి కనిపించింది. పరిశీలించి చూడగా వజ్రమని తేలింది. దీనిని మద్దికెర మండలం పెరవలి గ్రామానికి చెందిన ఓ వజ్రాల వ్యాపారి రూ.70 వేలు నగదు, రెండు తులాల బంగారం ఇచ్చి కొనుగోలు చేసినట్లు తెలిసింది.
  


 తుగ్గలి: పశువులు కాస్తున్న ఓ యువకుడికి లక్షల విలువైన వజ్రం లభించింది. ఈ సంఘటన కర్నూలు జిల్లా తుగ్గలి మండలం జొన్నగిరి గ్రామంలో శనివారం చోటు చేసుకుంది. గ్రామానికి చెందిన ఓ యువకుడు శివారులో పశువులను కాస్తుండగా అతనికి వజ్రం లభించింది. ఈ వజ్రాన్ని బహిరంగ వేలం నిర్వహించగా.. రూ.5.60 లక్షలకు ఓ వ్యాపారి కొనుగోలు చేశారు. 
  


 వజ్రకరూరు:  వజ్రకరూరు పరిసర ప్రాంతంలో మూడు రోజుల క్రితం విలువైన వజ్రం లభించినట్లు తెలిసింది. కొద్దిరోజులుగా వర్షాలు కురుస్తుండటంతో వజ్రకరూరుతో పాటు గుంతకల్లు, ఇతర ప్రాంతాలకు చెందిన వారు పెద్దసంఖ్యలో వజ్రకరూరు పరిసర ప్రాంతాల్లో ఉన్న పోలాల్లో వజ్రాల కోసం అన్వేషణ చేస్తున్నారు. ఇందులో భాగంగానే గుంతకల్లు ప్రాంతానికి చెందిన ఓ వ్యక్తికి సుమారు రూ. 20లక్షలు విలువ చేసే వజ్రం లభించినట్లు సమాచారం.


 న్యూయార్క్ః అన్ కట్ డైమండ్స్ అంటే మనసు పారేసుకోని వారుండరు. ముఖ్యంగా బడా వ్యాపారులు అటువంటివి ఎప్పుడు మార్కెట్లోకి వస్తాయా? ఎప్పుడు కొందామా అని ఎదురు చూస్తుంటారు. అయితే ప్రపంచంలోనే అత్యంత విలువైన, శతాబ్ద కాలంనాటి ముడి వజ్రం.. 'లేసిడీ లా రోనా' కు మాత్రం ఇప్పుడు ఆ డిమాండ్ లేకుండా పోయింది. లండన్ లోని ప్రముఖ వేలం సంస్థ సౌత్ బే.. లుకారా డైమండ్ కార్పొరేషన్ కు చెందిన అతిపెద్ద 1,109 క్యారెట్ల వజ్రాన్ని అమ్మకానికి పెట్టగా.. కొనేందుకు ఎవ్వరూ ముందుకు రాకపోవడంతో  వేలాన్నే నిలిపివేయాల్సి వచ్చింది.
 
 సుమారు వందేళ్ళు దాటిన 'లేసిడీ లా రోనా' వజ్రాన్ని కొనేవారే కరువయ్యారు. అతిపెద్ద అన్ కట్ డైమండ్ కు మార్కెట్లో డిమాండ్ లేకుండా పోవడం ప్రస్తుత ప్రపంచ ఆర్థిక స్థితిగతులకు అద్దంపట్టింది. లుకారా డైమండ్ ను వజ్రాల వ్యాపారులు కొనేందుకు ఆసక్తి చూపక పోవడం మార్కెట్లో సంచలనమే రేపింది. 1,109 క్యారెట్ల ఆ అన్ కట్ డైమండ్ రిజర్వ్ ధర సుమారు రూ. 470 కోట్లుగా నిర్ణయించి, వేలానికి పెట్టిన సౌత్ బే సంస్థ... అంతకన్నా ఎక్కువ ఎవ్వరూ చెల్లించేందుకు ముందుకు రాకపోవడంతో ఏకంగా వేలాన్నే ఆపేయాల్సి వచ్చినట్లు తెలిపింది.
 
 రూ. 470 కోట్ల విలువైన వజ్రాన్ని వేలానికి పెడితే.. ఓ వ్యక్తి రూ. 410 కోట్ల వరకూ ఆఫర్ చేశారని, అసలు ధరకన్నా తక్కువకు అడగడంతోనే వజ్రం వేలం ఆపాల్సి వచ్చిందని లుకారా కంపెనీ సీఈవో విలియం లాంబ్ తెలిపారు.  నిజానికి ఆ వజ్రానికి ఎంతో డిమాండ్ ఉందని.. అది అమ్ముడుపోకపోవడం తమను ఎంతో నిరాశ పరిచిందని లాంబ్ తెలిపారు. కొన్నాళ్ళ తర్వాత మరోసారి వజ్రాన్ని వేలానికి పెడతామన్న ఆయన.. ఆ తేదీని మరోసారి వెల్లడిస్తామన్నారు.  వాంకోవర్ ఆధారిత లుకారా షేర్ల విలువ తగ్గిపోవడంతోనే ఈపరిస్థితి వచ్చినట్లు భావిస్తున్నారు.


 హాంకాంగ్:  వేలం పాటలో ఓ నీలి వజ్రం సరికొత్త రికార్డును నెలకొల్పింది. ఈ వజ్రం సోథెబేస్ట్ మార్కెట్లో 205 కోట్ల రూపాయలకు అమ్ముడుపోయి జ్యువెలరీ మార్కెట్లో ఇంతకు ముందెన్నడూ కనీ వినీ ఎరుగని రికార్డును సాధించింది. అలాగే మరో పెయింటింగ్ కూడా వందలకోట్ల ధర పలికి రికార్డు సృష్టించింది.
 
 డీబీర్స్ మిలీనియమ్ జ్యువెల్ 4 లో 10.10 క్యారెట్ల గోళాకార ఫాన్సీ వివిద్ బ్లూ డైమండ్... ఆసియాలో మరే ఇతర ఆభరణాల వేలంలోనూ తెచ్చి పెట్టని అత్యధిక డబ్బును తెచ్చిపెట్టిందని ఆక్షన్ హౌస్ వెల్లడించింది. ఆ అరుదైన నీలి వజ్రాన్ని ఓ బిడ్డర్ ఫోన్ ద్వారా వేలంలో కొనుగోలు చేసినట్లు దక్షిణ చైనా మార్నింగ్ పోస్ట్ పత్రిక ఓ ప్రకటనలో వెల్లడించింది.
 
 మరోవైపు చైనీస్ కళాకారుడు ఝాన్ డాక్వియన్ సృష్టించిన 'పీచ్ బ్లౌజమ్ స్పింగ్'  కళాత్మక పెయింటింగ్ .. అసలు ధర 8.3 మిలియన్ డాలర్లు ఉండగా... అంచనాలను అధిగమించి సుమారు 230 కోట్ల రూపాయలకు  అమ్ముడుపోయింది. ఆ కళారూపం కేవలం 50 నిమిషాల్లో 100 కంటే ఎక్కువ బిడ్లను పొంది.. షాంఘై లాంగ్ మ్యూజియంకు అత్యంత  అధిక ధర పలికింది. ఝాన్ వేసిన ఈ పెయింటింగ్ ఈ స్థాయిలో ధర పలకడం ఇదే మొదటిసారి.


 హాంకాంగ్‌: నీలివర్ణంలో ధగధగలాడిపోతున్న ఈ వజ్రం బరువు 10.10 క్యారెట్లు. వందశాతం స్వచ్ఛమైన దీనిని వచ్చే నెల ఐదోతేదీన హాంకాంగ్‌లో సోత్‌బే వేలం సంస్థ వేలంవేయనుంది. దక్షిణాఫ్రికా కులినన్ గనిలో లభించింది. వేలంపాటలో ఇది రూ.234కోట్లు పలకవచ్చని నిర్వాహకులు అంచనావేస్తున్నారు.
 
 
  


 కానుక
 డిసెంబర్ 31 పార్టీకి సిద్ధమవుతూ  అలసి పోయి ఆ మధ్యాహ్నం చిన్న కునుకు తీసింది మంగతాయారు. నిద్ర లేచాక భర్తతో నర్మగర్భంగా అంది - ‘ఇప్పుడే నాకో కలొచ్చింది. అందులో మీరు నాకు డైమండ్ రింగ్ కానుకిచ్చినట్టుగా కనిపించింది. దానర్థం ఏమిటో’.
  భర్త నవ్వి భార్యను దగ్గరకు తీసుకొని అన్నాడు- ‘రాత్రికి నువ్వే తెలుసుకుంటావుగా’. సరిగ్గా అర్ధరాత్రి అయ్యి కొత్త సంవత్సరం వచ్చిన వెంటనే భర్త ఒక చిన్న గిఫ్ట్ ప్యాక్ తెచ్చి భార్య చేతిలో ఉంచాడు. మంగతాయారు ఉత్సాహంగా విప్పింది. అందులో ఒక పుస్తకం ఉంది. దాని మీద ఇలా ఉంది- ‘మీ కలలకు అర్థం తెలుసుకోండి’.
  
 అసలు మనిషి
  పబ్‌లో న్యూ ఇయర్ పార్టీ ఆర్భాటంగా సాగుతోంది. భర్తలు తాగుతూ ఉన్నారు. భార్యలు కబుర్లలో తల మునకలుగా ఉన్నారు. మరి కొద్ది నిమిషాల్లో అర్ధరాత్రి పన్నెండు అవుతుంది. ఇంతలో ఒకామె లేచింది. ‘ఫ్రెండ్స్... ఇంకా కేవలం అరవై సెకండ్లు మాత్రమే ఉన్నాయి. అవి గడిచి పెద్ద ముల్లు చిన్న ముల్లు మీదకు వచ్చేసరికి ఇక్కడ ఉన్న మగాళ్లంతా తమ జీవితాన్ని అర్థవంతం చేసిన వ్యక్తి పక్కన నిల్చోవాలి.టక్.. టక్.. టక్... పెద్ద ముల్లు చిన్న ముల్లును తాకింది. చాలా ఇబ్బందికరమైన సంగతి.మగళ్లంతా తమకు మందు సర్వ్ చేస్తున్న వెయిటర్ పక్కన నిలవడానికి మీదపడి అతణ్ణి తొక్కి చంపినంత పని చేశారు.
  
 స్టేజ్ 1
 న్యూ ఇయర్ పార్టీ జోరుగా సాగుతోంది. రాము సోమును సిగరెట్ అడిగాడు.
 సోము: ఈ సంవత్సరం నుంచి సిగరెట్లు మానేస్తానని నిర్ణయం తీసుకున్నట్టున్నావ్?
 రాము: అవును. తీసుకున్నాను. ఆ క్రమంలో మొదటి దశలో ఉన్నాను.
 సోము: మొదటి దశ? అంటే?
 రాము: ప్రస్తుతానికి కొనడం మానేశాను.
  
  లెక్చర్
 డిసెంబర్ 31 తెల్లవారుజామున నాలుగ్గంటలకు ఒక కారును పోలీసులు ఆపారు. సీటులో ఓ పెద్దమనిషి ఉన్నాడు. చూస్తే తాగినట్టున్నాడు.
 పోలీస్: ఎక్కడకు వెళుతున్నారు.
 పె.మ: లెక్చర్ వినడానికి.
 పోలీస్: ఈ టైమ్‌లో ఇంత తెల్లవారుజామున మీకు లెక్చర్ ఇచ్చేవాళ్లు ఎవరు?
 పె.మ: నా భార్య.
  


 పెళ్ళి నిశ్చితార్థానికి గుర్తుగా ఉంగరాలు మార్చుకుంటారు. అలాగే ఓ యువతిని పెళ్ళికి ప్రపోజ్ చేసిన యువకుడు ఉంగరం చేయిస్తానని మాటిచ్చాడు. అన్నట్టుగానే చేయించాడు కూడా. కానీ ఉంగరంలోని డైమండ్ చిన్నదైందంటూ ఏకంగా పెళ్ళికే ససేమిరా అందా మగువ. ఎంగేజ్ మెంట్ రింగ్ లో డైమండ్ చిన్నదైనందుకు  పెళ్ళినే నిరాకరించింది. చైనా సిచువాన్ ప్రావిన్స్ లో చోటు చేసుకున్న ఘటన అందరినీ షాక్ కు గురిచేసింది.
 
 పాపం ఆ ప్రేమికుడు... ప్రేయసిని ఉంగరంతో ఆశ్చర్యపరచాలనుకున్నాడు. పార్టీకి పిలిచి డైమండ్ రింగ్ బహూకరించి పెళ్ళి చేసుకుందామన్న ప్రపోజల్ తో సిద్ధంగా వచ్చాడు. తీరా ఆమె ఉంగరంలో చిన్న డైమండ్ ఉందంటూ పెళ్ళినే నిరాకరించడంతో  వందలమంది డ్యాన్సర్లు ముందే మోకరిల్లాడు. ఎంతగానో బతిమలాడాడు.  అయితేనేం వజ్రంలాంటి కుర్రాడికన్నా ఉంగరంలోని వజ్రానికే ఆ చిన్నది ప్రాముఖ్యతనిచ్చింది. పెళ్ళి గిళ్ళి జాంతానై.. అంటూ అక్కడినుంచీ వెళ్ళిపోయింది.    
 
 నైరుతి చైనా రాజధాని, సుచియాన్ ప్రావిన్స్ నగరంలో ఆమె చేస్తున్న చెంగ్డూ నృత్యాన్ని చూసి ఆ ప్రేమికుడు ఫిదా అయిపోయాడు. ఆమె వెంటపడి తన ప్రేమను తెలిపాడు. అలాగే పెళ్ళికి కూడ ప్రపోజ్ చేశాడు. వజ్రం ఉంగరం ఇస్తామని ప్రామిస్ చేశాడు. అన్నట్లుగానే తన బాయ్ ఫ్రెడ్ వజ్రం ఉంగరాన్ని తెచ్చివ్వడాన్ని చూసి ఆమె ఎంతో సంతోషపడిపోయింది. అతడు తన ప్రేమను వ్యక్తం చేస్తూ.. బాక్స్ నుంచి ఉంగరం బయటకు తీశాడు. అంతే.. ఆమె ముఖం మాడిపోయింది. ఏంటీ ఇంత చిన్న వజ్రమా అంటూ ఉంగరంతోపాటు అతడి ప్రపోజల్ నూ తిప్పి కొట్టింది. అతడితో మరో మాట మాట్లాడకుండా అక్కడినుంచీ వెళ్ళిపోయింది. జరిగిన తతంగంపై ఆ ప్రియురాలు  'వియ్ ఛాట్' లో తన స్నేహితురాలితో సంభాషించింది.  ఆ తర్వాత  ఆ మెసేజ్  స్క్రీన్ షాట్ గా మారి... ఆన్ లైన్ లో లీకయింది. ఓ కథలా పబ్లిష్ అయ్యింది.
 
 తనకు ప్రపోజ్ చేసినప్పుడు వన్ కేరెట్ వజ్రంతో ఉంగరం చేయిస్తానన్నాడని,  తీరా నిశ్చితార్థానికి అంత చిన్న వజ్రం ఉంగరం ఇవ్వడంలో అతని ఉద్యేశ్యం ఏమిటంటూ ఆమె తన అభద్రతా భావాన్ని మెసేజ్ లో వ్యక్త పరిచింది.  అతడు తనగురించి ఎప్పుడూ ఆలోచించలేదని ఆగ్రహం వ్యక్తం చేసింది. దీంతో ఆమె ఫ్రెండ్ ''బాధపడకు నీకోసం మరో పెద్ద రింగ్ ఎదురు చూస్తూ ఉండి ఉంటుందిలే'' అంటూ ఆమెకు సర్ది చెప్పింది. ఇలా మెసేజ్ ల ద్వారా విషయం లీక్ అవడంతో ఆ ప్రేమికుల కథ బట్టబయలైంది. సో అబ్బాయిలూ ప్రపోజ్ చేసేంముందు కాస్ల ఆలోచించి మరీ వాగ్దానాలు చేయాలని మర్చిపోకండి.


 మద్దికేర: వజ్రాలు వెతికేందుకు వెళ్లిన ఓ వ్యక్తి రోడ్డు ప్రమాదంలో దుర్మరణం చెందాడు. ఈ ఘటన కర్నూలు జిల్లా మద్దికేర మండలంలో ఆదివారం చోటుచేసుకుంది. వివరాలు.. మండంలోని పెరవల్లి గ్రామంలో వజ్రాలు వెతికేందుకు గుంటూరు జిల్లా తాడికొండ మండలం కొనికళ్లు గ్రామానికి చెందిన వ్యక్తి వచ్చాడు. అయితే రోడ్డు దాటుతుండగా ట్రాక్టర్ ఢీకొట్టడంతో అక్కడికక్కడే ప్రాణాలు కోల్పోయాడు.


 కర్నూలు జిల్లా తుగ్గలి మండలం గిరిగెట్ల గ్రామానికి చెందిన ఒక వ్యక్తికి మంగళవారం వజ్రం దొరికింది. సదరు వ్యక్తి దానిని వజ్రాల వ్యాపారి పెరోలికి 75వేల రూపాయలకు విక్రయించాడు. ఈ విషయం పోలీసులకు తెలియడంతో వజ్రాన్ని విక్రయించిన వ్యక్తికోసం ఆరా తీస్తున్నారు.
  


 ముంబై:  మత సామరస్యాన్ని పాటించాలి..మత దురహంకారాన్ని రూపుమాపాలి.. మత వివక్షను చూపేవారిపై కఠిన చర్యలు తీసుకుంటామని భారత ప్రధానమంత్రి నరేంద్ర మోదీ  ఒకవైపు విస్పష్టంగా ప్రకటిస్తోంటే  మరోవైపు కార్పొరేట్ కంపెనీలు మాత్రం తమ పని తాము నిశ్శబ్దంగా చేసుకుపోతున్నాయి.
 
 తాజాగా ముంబైకి చెందిన వజ్రాలను ఎగుమతి చేసే కంపెనీ మత వివక్షను చూపించిన వైనం వెలుగు  చూసింది.   ముస్లిమేతరులకు మాత్రమే తమ సంస్థలో ఉద్యోగాన్ని  ఇస్తామని ప్రకటించడం వివాదం రేపింది. వివరాల్లోకి వెడితే ఎంబీఏ చేసిన జేషన్ అలీ  ఖాన్  అనే యువకుడు హరికృష్ణ ఎక్స్పోర్ట్ కంపెనీలో ఉద్యోగం కోసం దరఖాస్తు చేసుకున్నాడు.
 
 అయితే  ఉద్యోగం కోసం ఎదురు చూస్తున్న అతనికి ..కంపెనీ నుంచి వచ్చిన ఈ మెయిల్   షాకిచ్చింది.  నీవు ముస్లిం అయినందువల్ల ఉద్యోగాన్నిఇవ్వలేకపోతున్నామంటూ  కంపెనీ నుంచి సమాధానం రావడంతో జేషన్ అవాక్కయ్యాడు.    ఒకవేళ ఉద్యోగానికి సరిపడే విద్యార్హతలు లేకపోతే  అదే విషయాన్ని తనకు  చెప్పి ఉండాల్నింది అంటూ ..ఈ విషయాన్ని ఫేస్బుక్లో  పోస్ట్  చేశాడు.   
 
 అంతే  వివాదం చెలరేగింది.  అయితే ఈ  వివాదంపై  కంపెనీ స్పందన వేరేలా ఉంది. తాము అలాంటి వివక్ష చూపలేదని వాదిస్తోంది. అంతకు ముందే శిక్షణలో వున్న అభ్యర్థిని ఎంపిక చేశామంటోంది. టైపింగ్లో పొరపాటు జరిగిందని హరికృష్ణ కంపెనీ పేర్కొనటం గమనార్హం. కాగా  ముస్లింలు అయినంత మాత్రాన చదువుకోవడానికి అనర్హులా అని బాధిత జేషన్ అలీ ఖాన్ తండ్రి ప్రశ్నించారు.
 
  


 సూరత్: భారత్‌ను తన గురువుగా పరిగణిస్తానని బౌద్ధుల ఆధ్యాత్మిక గురువు దలైలామా తెలిపారు. తొలిసారి గుజరాత్‌కు విచ్చేసిన దలైలామా తన పర్యటనలో భాగంగా గురువారం సూరత్ వచ్చారు. ఈ సందర్భంగా ఆయన మాట్లాడుతూ ‘‘నా మనసంతా నలంద ఆలోచనలతో నిండిపోయింది. అది ప్రాచీన భారత ఆధ్యాత్మిక సంస్థ. అందుకే నేను భారత్‌ను గురువుగా భావిస్తా’’ అని చెప్పారు. దలైలామా సేవలకు గుర్తింపుగా సూరత్‌కు చెందిన ఓ వ్యాపారవేత్త అందిస్తున్న సంతోక్బా అవార్డును అందుకునేందుకు దలైలామా సూరత్ వచ్చారు. అవార్డు కింద రూ. 25 లక్షల నగదు, వజ్రంతో కూడిన జ్ఞాపికను అందిస్తున్నారు.
  


 నీలి రంగులో ధగధగలాడుతున్న ఈ వజ్రం బరువు దాదాపు 10క్యారెట్లు. అంటే దాదాపు రెండు గ్రాములు. ఇంత తక్కువ బరువున్న వజ్రం ధర మాత్రం చాలా ఎక్కువ. అక్షరాలా రూ.201 కోట్లు. గురువారం అమెరికాలోని న్యూయార్క్ నగరంలో ప్రఖ్యాత సోత్‌బే వేలం సంస్థ నిర్వహించిన వేలంపాటలో ఇంతటి భారీ మొత్తానికి వజ్రం అమ్ముడుపోయింది.
 
 100శాతం స్వచ్ఛమైన నీలిరంగు వజ్రం ఈ స్థాయి ధర పలకడం ప్రపంచ చరిత్రలో ఇదే తొలిసారి. ఒక్కో క్యారెట్ బరువుకు ధరను లెక్కించినా కూడా వజ్రం మరో ప్రపంచ రికార్డును సృష్టించిందని నిర్వాహకులు వెల్లడించారు. హాంకాంగ్‌కు చెందిన ఓ వ్యక్తి దీనిని కొనుగోలుచేశాడు.


 వజ్రం
 
 బామ్మల కాలంలో వజ్రాభరణాల గురించి చెప్పేటప్పుడు రవ్వల ముక్కుపుడక, రవ్వల దుద్దులు.. అంటూ గొప్పగా చెప్పేవారు. రవ్వల నెక్లెస్ అంటూ అపురూపంగా చెప్పినా, వజ్రాల హారం అంటూ గొప్పలు పోయినా అప్పటికీ ఇప్పటికీ ఆభరణాలలో అత్యంత విలువైనదిగా ‘వజ్రం’ కాంతులీనుతూనే ఉంది. ఈ నెల 21న ధన్‌తేరస్. ఈ వేళ ఆభరణాలు కొనడం శుభకరమని విశ్వసిస్తారు. ఈ సందర్భంగా మగువలు ముచ్చటపడే ‘వజ్రం’ గురించి విలువైన మాటలు...
  
 ఆభరణాలలో వజ్రాభరణం మొదటి వరుసలో ఉంటుంది. కారణం- వజ్రం అరుదైనది. కాంతులీనుతూ ఉండేది. ఖరీదైనది. ఎన్నేళ్లైనా వన్నెతగ్గనిది. విలువ తగ్గనిది. ఈ సుగు ణాలు ఎప్పటికీ మారకపోవడం వల్లనే ప్రాచీన కాలం నుంచి వజ్రం మహిళకు ప్రియమైన నేస్తంగా వెలుగొందుతోంది. మహిళలే కాదు వజ్రాన్ని ఆభరణంగా ధరించాలని మగవారూ ముచ్చటపడుతుంటారు. మగువల మనసు గెలుచుకోవడానికి మగవారు వజ్రాలను కానుకగా ఇస్తూ ఉంటారు. బంధాలను పటిష్టపరిచే వజ్రం కొనుగోలు పట్ల ఆసక్తి చూపడం సరే కానీ, వీటిలో మోసాలు కనిపెట్టకపోతే నష్టపోవాల్సి ఉంటుంది అంటున్నారు ఆభరణాల నిపుణులు. అమూల్యమైనవి కావడంతో వజ్రాల అమ్మకాలలో మోసాలూ ఎక్కువే! అందుకే వజ్రం కొనుగోలు కత్తిమీద సామే! కొన్ని మెలకువలు పాటిస్తే వజ్రం ఎంపిక సులువు అవుతుంది.
  
 నాణ్యమైన పరిశీలన: వజ్రాలలో బెల్జియమ్ కట్‌కు అత్యంత నాణ్యమైనదిగా పేరుంది. ఆ తర్వాత వరుసలో బాంబేకట్, ఆ తర్వాత సూరత్ కట్ 2, 3 స్థానాల్లో ఉన్నాయి. నాణ్యతను బట్టి ధరలు ఉంటాయి.
 బంగారం స్వచ్ఛతకు 9.16, హాల్‌మార్క్ ప్రామాణికంగా చూస్తారు. అలాగే వజ్రాన్ని సెంట్స్, క్యారెట్స్‌ను బట్టి విలువ కడతారు.
 వజ్రం కొనుగోలులో ముఖ్యంగా 4సి ల పైన దృష్టిపెట్టాలి. అటు తర్వాత సర్టిఫికెట్, ధర ఆధారంగా వజ్రాన్ని కొనుగోలు చేయాలి అని సూచిస్తున్నారు వజ్రాభరణాల నిపుణులు. నగల దుకాణంలో వజ్రాలను నల్లని రంగు పేపర్ మీద వేసి, వాటి మెరుపును పరిశీలించాలి. అప్పుడు వజ్రం వెనకవైపు కూడా పారదర్శకంగా ఉంటే దాన్ని నాణ్యమైనదిగా గుర్తించాలి.
  
 డైమండ్ వినియోగంలో అవగాహన అవసరం...
 
 వజ్రాభరణాలను కొనడంలోనే కాదు, వాటిని వినియోగించడంలోనూ అవగాహన అవసరం. లేని పక్షంలో ఎంతో వెచ్చించి కొన్నవి కూడా కళ కోల్పోయే ప్రమాదం ఉంది. ఉదాహరణకు వేలి ఉంగరాలను చాలా మంది తీసి పెట్టడం చేస్తారు. అలాంటి సమయంలో సరైన విధంగా పట్టుకోకపోతే శరీరానికి ఉండే సహజమైన ఆయిల్స్ డైమండ్‌పై ప్రభావం చూపుతాయి. ఆభర ణాలను మరీ వారానికోసారి క్లీన్ చేయడం అనవ సరం. నెలకోసారి శుభ్రం చేసుకుంటే సరిపోతుంది. క్లీనింగ్‌కు షాంపూ వాడవచ్చు. ఆల్కహాల్ అయితే మరింత ప్రభావం చూపుతుంది. ఎక్కడైతే వజ్రాభరణాన్ని కొనుగోలు చేశారో వారికే ఆరు నెలలకు ఒకసారి ఇస్తే మిషన్ క్లీనింగ్ చేసి ఇస్తారు.
  - సీమా మెహతా, వజ్రాభరణాల నిపుణులు, కోయంబత్తూర్
  
 సర్టిఫికెట్: సదరు ఆభరణాల దుకాణదారులు వజ్రం క్యారెట్స్, క్వాలిటీ, కట్, కలర్.. వీటన్నింటినీ తెలుపుతూ సర్టిఫికెట్ ఇస్తారు. ఏ వజ్రాభరణం కొనుగోలు చేసినా దాని మీద క్యారెట్స్, కంపెనీ సీల్ ఉండాలి. అలాంటి ఆభరణాలకు తిరిగి అమ్మేటప్పుడు ఇబ్బందులు ఎదురవ్వవు.
  
 పెద్ద, ప్రముఖ వజ్రాభరణాల షాపులు  కొనుగోలు చేసిన ఆభరణాలను ఎక్కడైనా తిరిగి రీప్లేస్ చేసుకునే అవకాశం ఉంటుంది.
  
 చిన్నషాపులు వజ్రాభరణాలకు ఇచ్చే భారీ డిస్కౌంట్లను చూసి కొనుగోలుదారులు మోసపోకూడదు. ఏ ఆభరణాన్ని కొనుగోలు చేసినా దాని మీద ‘క్యారెట్లు, కంపెనీ సీల్’ తప్పక చూసుకోవాలి. అలాగే బంగారం నాణ్యత, స్వచ్ఛతలను తెలిపే బిల్లు, సర్టిఫికెట్ తప్పనిసరిగా తీసుకోవాలి.
  
  బాంబే కట్, సూరత్ కట్.. ఎంపిక చేసుకున్న సదరు ఆభరం పై ఆ పేరు ఉండాలి.
  
  వజ్రాలలో తొమ్మిది గ్రేడ్‌లు ఉంటాయి. వాటిలో ‘వివిఎస్ 1’ అని వజ్రం అత్యంత విలువైనది.
  
 తరుగు కూడా చూడాలి...: 4ఇలతో పాటు, తరుగు(వేస్టేజ్), తయారీ(మేకింగ్), సర్టిఫికెట్.. ఇవి చూసుకుని వజ్రాభరణాలను నిరభ్యంతరంగా కొనుగోలు చేయవచ్చు. బంగారు ఆభరణాలలో తరుగు ఉంటుందని మనందరికీ తెలిసిందే! అలాగే వజ్రాలలోనూ తరుగు ఉంటుంది. వజ్రాభరణాన్ని కొనుగోలు చేసేటప్పుడు బంగారం తరుగు, వజ్రం తరుగు రెండూ సరిచూసుకొని ఎంపిక చేసుకోవాలి. తరుగు లేదంటే అందులో మోసం ఉందని గ్రహించవచ్చు. వజ్రాభరణాల తయారీలో 18 క్యారెట్ల, 20 క్యారెట్ల బంగారం వాడుతుంటారు.               
 - మధుసూదన్, వజ్రాభరణాల నిపుణులు, హైదరాబాద్
  
  4cలతో వజ్రాన్ని అంచనా వేసే విధానం....
 
  1. క్యారట్ (Carat): బంగారం స్వచ్ఛతను క్యారెట్లలో చెబుతారు. 24 క్యారెట్ల బంగారం స్వచ్ఛమైనదిగా మనకు తెలుసు. అలాగే వజ్రాన్నీ సెంట్స్, క్యారెట్స్‌లలో లెక్కిస్తారు. 100 సెంట్స్ 1 క్యారెట్ అవుతుంది. ఒక క్యారెట్ 0.2 గ్రాముల బరువు ఉంటుంది.  క్యారెట్స్ సంఖ్య పెరుగుతున్న కొద్ది ఆ వజ్రం ఖరీదు కూడా పెరుగుతుంటుంది. చాలా వరకు విలువైన వజ్రాలుగా భావించే రాళ్ల పరిమాణం లేదా ఆకారం ఒకే విధంగా ఉండవచ్చు. కానీ బరువులో మాత్రం తేడా ఉంటుంది. అందుకే పెద్ద పెద్ద వజ్రాల క్యారెట్ విలువ ఎక్కువ ఉంటుంది.
  
  2. క్లారిటీ (Clarity): వజ్రం స్పష్టంగా, పారదర్శకంగా ఉండాలి. కొన్ని వజ్రాలలో రంగు మచ్చలు, గుర్తులు ఉంటాయి. కొన్ని సార్లు అవి మన కంటికి కూడా కనపడకపోవచ్చు. అలాంటి వాటిని మైక్రోస్కోప్ సాయంతో చూడవచ్చు. కొనేటప్పుడు ఎలాంటి మచ్చలు లేని వజ్రాన్ని ఎంచుకోవాలి. వీటిలోనూ భిన్నమైన గ్రేడ్స్ ఉంటాయి.
  
  3. కలర్ (Colour): ఏ రంగూ లేని వజ్రమే అత్యంత మేలైనది. కొన్ని వజ్రాలలో కొద్దిగా పచ్చ రంగు కనిపిస్తుంటుంది. వజ్రాలలో  ఈ నుంచి ో వరకు వర్గీకరణ ఉంటుంది. చీఈ’వర్గంలోనివి రంగు ఉండవు. చీో’ వర్గంలోనివి కొద్దిగా పసుపుగా ఉంటాయి.
  
  4. కట్స్ (Cuts): వజ్రం కట్స్‌ను బట్టే ఎంత ఫ్యాషన్‌గా ఉంది అనేది నిర్ధారిస్తారు. కట్స్‌ను బట్టి వజ్రం కాంతి కూడా పెరుగుతుంది. కట్ డైమండ్స్‌లో ‘పూర్, ఫెయిర్, గుడ్, వెరీ గుడ్’ అని ఉంటాయి.
  
  - నిర్వహణ: నిర్మలారెడ్డి
  


 వజ్రం కలకాలం నిలిచే ఉంటుంది. అనుభూతి కూడా అంతే. వజ్ర సహిత అనుభూతి అయితే... ఇక మరచిపోవడం మన తరమా... సోమాజిగూడ కీర్తిలాల్స్ షోరూమ్‌లో యంగ్ ఫిక్కి లేడీస్ ఆర్గనైజేషన్ నిర్వహించిన ‘డైమండ్ ఫ్యాక్ట్స్’ ఆద్యంతం విజ్ఞాన వినోదాల మేలు కలయికగా మారింది. ముంబై ఫ్యాషన్ డిజైనర్ కృష్ణామెహతా దుస్తులు... వజ్రాల ధగధగల్లో మోడల్స్ మెరిసిపోతూ ఆహూతులకు ఓ విభిన్న సాయంత్రాన్ని అందించారు. షో స్టాపర్‌గా తళుక్కుమన్న నటి సోనియా కాసేపు తన మనసు విప్పి ఉల్లాసంగా ముచ్చటించింది.
  
  
 ‘అచ్చమైన హైదరాబాదీ బ్రైడల్‌లా మెరిసిపోతున్నా. బాగున్నా కదూ. పెళ్లి పీటలు ఎక్కకుండానే పెళ్లి కళ వచ్చేసింది. ఐయామ్ సో లక్కీ’ అంటూ మురిసిపోయింది సోనియా. తొలిసారి షో స్టాపర్‌గా మెరిసిన ఈ చిన్నది... తనకు ఇప్పటిదాకా హెవీ జ్యువెలరీ అంటే అంత నచ్చేది కాదని, కానీ టాప్ టు బాటమ్ ఆభరణాలతో అలంకరించుకుంటే వచ్చే లుక్ ఎంత బ్రైట్‌గా ఉంటుందో ఇప్పుడు తెలిసిందని, తనను తాను చూసుకొని మురిసిపోయింది. ‘ఇలా అలంకరించుకోవాలని అమ్మాయిలు ఎందుకు అంతగా తపిస్తారో నాకు అర్థమైంది. నావంటి మీదున్న ఆభరణాల కంటే నేనే వాల్యుబుల్’ అంటూ చమత్కరించిన సోనియా.. ప్రస్తుతం తమిళంలో ఓ సినిమా చేస్తున్నానని చెప్పింది. తెలుగు, హిందీ సినిమాలకు చర్చలు జరుగుతున్నాయని తెలిపింది.


 వాషింగ్టన్: వజ్రం కొనాలి.. ఎంత పెద్దది.. పది క్యారెట్లో, ఇరవై క్యారెట్లో మహా అయితే వంద క్యారెట్లో..! మరి ఏకంగా భూమంత పెద్ద వజ్రం దొరికితే!? బాగానే ఉంటుందిగానీ.. అంతపెద్ద వజ్రం ఉంటుందా అని సందేహం వచ్చిందా.. ఇది నిజమే! భూమికి 900 కాంతి సంవత్సరాల దూరంలో పీఎస్‌ఆర్ జే2222-0137 అనే నక్షత్రం చుట్టూ ఈ వజ్రం తిరుగుతోంది. అమెరికాకు చెందిన విస్కోసిన్ వర్సిటీ శాస్త్రవేత్త డేవిడ్ కల్పన్ ఆధ్వర్యంలోని శాస్త్రవేత్తల బృందం నేషనల్ రేడియో ఆస్ట్రానమీ అబ్జర్వేటరీ, గ్రీన్‌బ్యాంక్ టెలిస్కోప్, వెరీ లాంగ్ బేస్‌లైన్ అర్రే తదితర టెలిస్కోపుల సహాయంతో ఈ వజ్రాన్ని గుర్తించింది.
 
 అసలు ఈ వజ్రం కూడా ఒకప్పుడు చిన్న నక్షత్రమే. చిన్న నక్షత్రాలు హైడ్రోజన్ అంతా మండిపోయి వైట్‌డ్వార్ఫ్‌లుగా మారుతాయి. ఈ వైట్‌డ్వార్ఫ్‌ల్లో కొన్ని చల్లబడిన తర్వాత వాటిలోని కార్బన్ స్పటిక రూపాన్ని సంతరించుకుని వజ్రంగా మారుతాయి. ప్రస్తుతం శాస్త్రవేత్తలు గుర్తించినది కూడా ఈ తరహాదే. అసలు.. భూమ్మీద ఇప్పటివరకూ దొరికిన అతిపెద్ద వజ్రం కల్లినాన్.. దీని బరువు కూడా 3,106 క్యారెట్లు అంటే 622 గ్రాములు మాత్రమే తెలుసా.
  
  


 చూడ్డానికి గాజు ముక్కలా కనిపిస్తోంది గానీ.. ఇది మన జేబులో ఉంటే రూ.600 కోట్లు మనదైనట్లే.. ఎందుకంటే గాజుముక్కలా కనిపిస్తున్న ఇది సానబెట్టని ముడి వజ్రం. దక్షిణాఫ్రికాలోని కల్లినాన్ గనుల్లో దొరికింది. స్ట్రాబెర్రీ సైజులో ఉండే 122.5 క్యారెట్ల ఈ నీలి వజ్రం.. ముడి వజ్రాలలో అత్యంత ఖరీదైనదిగా భావిస్తున్నారు. ఎందుకంటే.. గతంలో అత్యంత ఖరీదైన  ముడి వజ్రం(507 క్యారెట్ల వైట్ డైమండ్) రూ. 201 కోట్లకు అమ్ముడుపోయింది. ఇది మాత్రం కనీసం రూ. 600 కోట్లు పలుకుతుందని.. గత రికార్డులను బద్దలుకొడుతుందని నిపుణులు చెబుతున్నారు. త్వరలో జొహన్నెస్ బర్గ్‌లో జరిగే ప్రైవేటు టెండర్ ప్రక్రియలో దీన్ని వేలం వేస్తారు.


 హైదరాబాద్: నగరంలో ఘరానా దొంగతనం జరిగింది. తాజ్ కృష్ణా గోల్డ్ ఎగ్జిబిషన్ లో ఐదు తులాల బంగారు నగలు, ఓ వజ్రం మాయమయ్యాయి. వీటి విలువ దాదాపు 20 లక్షల రూపాయిలు ఉంటుందని అంచనా. నగలు మాయమైన విషయాన్ని తెలుసుకున్న బాధితురాలు పోలీసులకు ఫిర్యాదు చేసింది.
  


 లండన్: ప్రేమగా పెంచుకునే బుజ్జి కుక్క.. ఆ యజమానురాలిని కంగారుపెట్టించిం ది.రెండ్రోజుల పాటు నిద్ర లేకుండా చేసిం ది. బ్రిటన్‌లోని దెవాన్‌లో యాంగీకొల్లిన్స్(51) ఒక రోజు గోళ్లను శుభ్రం చేసుకునేం దుకు చేతివేలికున్న పెళ్లి ఉంగరాన్ని తీసి కిచెన్‌లో పెట్టింది. ఆ వజ్రపుటుంగరం విలువ సుమారు రూ.18 లక్షలు. తీరా తన పని పూర్తయ్యాక వెళ్లి గదిలో చూస్తే ఉంగరం కనిపించలేదు.
  
   కొల్లిన్స్‌కు కాళ్లలో వణుకు మొదలైంది. వెతికితే నేలపై వంగిపోయిన ఉంగరం కని పిం చింది. కానీ, దానికున్న విలువైన వజ్రం మాయం. గది అంతా వెతికింది. ఫలి తం లేదు. అక్కడున్న శునకాన్ని చూసి.. అదే మింగి ఉంటుందనే భావిం చిం ది. ఇక అప్పటి నుంచీ శునకం ఎప్పుడు విసర్జనకు వెళ్లినా పరీక్షిస్తూ కూర్చుం ది. రెండ్రోజుల తర్వాత వజ్రం శునకం మలవిసర్జన ద్వారా బయటకొచ్చింది.
  


 న్యూఢిల్లీ: బంగారం ధరలు పెరిగిపోతున్న నేపథ్యంలో భారతీయులు వైట్‌గోల్డ్, డైమండ్, ప్లాటినం ఆభరణాలవైపు దృష్టి సారిస్తున్నారు. పండుగల సీజన్‌లో ఈ ధోరణి కనబడుతున్నట్లు ఒక సర్వే పేర్కొంది. దేశీయ వినియోగదారుల డిమాండ్‌కు అనుగుణంగా 76 శాతం ఆభరణాల వర్తకులు సైతం ప్లాటినం ఆధారిత డైమండ్ ఆభరణాల వైపు దృష్టి పెడుతున్నట్లు సర్వే పేర్కొంది. హైదరాబాద్‌సహా 350 ఆభరణాల మార్కెట్లను సర్వే అధ్యయనం చేసింది. బంగారం, వెండి ధరల్లో తీవ్ర ఒడిదుడుకుల వల్ల వినియోగదారులు ప్లాటినం, డైమండ్ ఆధారిత ఆభరణాలపై దృష్టి సారిస్తున్నట్లు అసోచామ్ సెక్రటరీ జనరల్ డీఎస్ రావత్ తెలిపారు. వార్షిక ప్రాతిపదికన డైమండ్, డైమండ్ ఆభరణాల డిమాండ్ ఈ ఏడాది 25 శాతం పెరిగినట్లు సర్వే తెలిపింది.
  
  బంగారం  టారిఫ్ విలువ పెంపు...
  కాగా  కస్టమ్స్ సుంకాల విధింపునకు ప్రాతిపదిక అయిన బంగారం దిగుమతుల టారిఫ్ విలువను ప్రభుత్వం బుధవారం పెంచింది. దీనితో 10 గ్రాములకు ఈ ధర 418 డాలర్ల నుంచి 442 డాలర్లకు చేరింది. ఐదుశాతం పైగా పెరిగిన ఈ విలువ ప్రభావం మార్కెట్‌పై పడే అవకాశాలు ఉన్నాయని విశ్లేషకులు పేర్కొంటున్నారు. కాగా వెండి టారిఫ్ విలువ మాత్రం యథాపూర్వం కేజీకి 699డాలర్లుగా కొనసాగనుంది. సాధారణంగా ప్రతి పక్షం రోజులకు ఒకసారి ఈ ధరలను ఎక్సైజ్ అండ్ కస్టమ్స్ సెంట్రల్ బోర్డ్ సమీక్షిస్తుంటుంది. అంతర్జాతీయ ధరలు, దేశీయ డిమాండ్ వంటి అంశాలకు అనుగుణంగా విలువలో మార్పులు చేస్తుంది.


 వజ్రం కూడా డైనింగ్ హాల్‌కు వస్తుందా? పాలకోసం అందరిలా వరుసలో నిలబడుతుందా?
  ఆంజనేయులు మీసాలు చూసి నాలాగే భయపడుతుందా?
  
  అప్పటికి రెసిడెన్షియల్ స్కూల్లో చేరి రెండో రోజు. మేడ్చల్ నుంచి వచ్చానన్న కారణంగా శ్రీశైలం ఫ్రెండయ్యాడు. కొత్త బడిలోకో, కొత్త ఉద్యోగంలోకో అడుగుపెట్టగానే, తక్షణం ‘ఒకరు’ ముందు పరిచయం అవుతారు. ఆ పరిచయానికి ఏవైనా కారణాలుండొచ్చు. అలాగని అవే కారణాలున్నవారు పరిచయం కాకపోవచ్చు కూడా! అంటే, ఆ ఒకరిలో ఉండే స్వాభావికమైన గుణమేదో వెంటనే దగ్గరయ్యేలా చేస్తుంది. అయితే, ఈ తక్షణ స్నేహం తర్వాతి కాలంలో కూడా నిలబడుతుందని చెప్పలేం. అది కేవలం ఆ పరిస్థితులకు మనం అలవాటు పడటానికి ఉపకరిస్తుంది. చాలాసార్లు అంతవరకే ఆ స్నేహపు ప్రయోజనం. అలా శ్రీశైలం స్నేహం నేను కీసరగుట్ట గురుకుల పాఠశాలలో తొలి బెరుకులు పోగొట్టుకోవడానికి పనికొచ్చింది. శివరామిరెడ్డి సార్ ఊతపదం ఏమిటి? అప్పల్రాజు సార్ క్వార్టర్‌లో జామచెట్టు కాయలు ఎలా ఉంటాయి? పిల్లలు తెంపిన సీతాఫలాలు ఏ పొదల మాటున మాగేస్తారు? నర్సు మేడమ్ దృష్టిలో పడేందుకు పీఈటీ సార్ ఎలా నవ్వుతాడు? ఇట్లాంటివేవో విడతలుగా చెప్పాక, ఒకబ్బాయిని చూపించి, ‘కీసరగుట్ట వజ్రం’ అన్నాడు శ్రీశైలం. ‘‘ఆటల్లో ఫస్టు; చదువులో ఫస్టు.’’
  
  ఐలేశ్వర్ నాకంటే ఓ క్లాసు జూనియరే! కానీ నాకన్నా బలంగా ఉంటాడు. నాకన్నా ఎత్తుగా ఉంటాడు. పైగా, నాలా ఎనిమిదిలో కాకుండా ఐదో తరగతిలోనే అక్కడ చేరడం వల్ల, స్కూల్ పరంగా నాకన్నా సీనియర్ కూడా!
  ఒక వజ్రపు ఉనికి అంటూ తెలిసింతర్వాత, వందమందిలో ఉన్నా అది కనబడుతుంది. అలా నేను ఎక్కడికెళ్లినా ఐలేశ్వర్ ఇట్టే ఫోకస్ అయ్యేవాడు. ప్రేయర్‌లో కనబడేవాడు; స్పోర్ట్స్ పీరియడ్‌లో కనబడేవాడు; ఒంటికి తువ్వాలు చుట్టుకుని కూడా కనబడేవాడు.
  
  కానీ అలా చూడటంలో ఒక నిరాశ ఏదో నన్ను కమ్మేసేది. వజ్రం కూడా డైనింగ్ హాల్‌కు వస్తుందా? పాలకోసం అందరిలా వరుసలో నిలబడుతుందా? ఆంజనేయులు మీసాలు చూసి నాలాగే భయపడుతుందా? నేనూ పళ్లు తోముకుని, అతడూ పళ్లు తోముకుని, నోరు నిండిపోయినప్పుడు ఎడమవైపు పెదాల మూల నుండి జారిపోయే నురగ ఏర్పరిచే చార ఇద్దరికీ ఒకటే అయినప్పుడు అతడు నాకన్నా గొప్పవాడు ఎలా అవుతాడు? వజ్రాన్ని నాతో సమానంగా నిలబెట్టే, ఇంకా చెప్పాలంటే నాతో సమానంగా కిందికి దిగజార్చే ఈ దైహిక కార్యక్రమాల మీద నాకు కోపం వచ్చేది. ఆ వజ్రం వాటిని నిరసించాలని ఆశపడేవాడిని. కానీ ఆ వజ్రం గట్క టిఫిన్ రోజు ఆబగా తింటోందే! మల్లయ్య తుడిచి వెళ్లాక ఉండే టేబుల్ మీది తేమను కూడా పట్టించుకోవడం లేదే! అలా ఆకాశంలోంచి వచ్చి, ఇలా వెళ్లిపోతేనేగానీ లేదంటే అతడు వజ్రం ఎలా అవుతాడు? అందుకే తను నాకు కేవలం ఐలేశ్వర్‌గానే మిగిలిపోయాడు.
     
  చాలా ఏళ్ల తర్వాత, ఒక చెన్నై పారిశ్రామికవేత్త గురించి పేపర్లో చదివాను. ఆయన కష్టపడి పైకొచ్చాడు; అనూహ్యమైన విజయాలేవో సాధించాడు; ఇంకా తన అనుభవాలేవో చెప్పాడు. అవేవీ నన్ను ఆకట్టుకోలేదుగానీ, ‘పెరుగన్నంలో ఆవకాయ వేసుకుని తినడం ఇష్టం’ అన్నాడు. అదిగో, అది నన్ను పట్టేసింది. ఆయన గొప్పవాడే కావొచ్చు; కానీ అంతదాకా మా ఇద్దరి మధ్యన ఏదో పరాయితనం ఉండింది. ఈ మామిడికాయ పెరుగన్నం మాట ఎత్తేసరికి, ఆయన్ని నాలోకి తీసుకోవడానికి అడ్డంకిగా ఉన్నదేదో కరిగిపోయింది.
  
    
  అజయ్ దేవ్‌గన్‌లాంటి వంకరపళ్లు నాక్కూడా ఉన్నాయి కాబట్టి, ఇద్దరమూ ఒకటే అనుకునేవాణ్ని. దేహానికి మించి కూడా మనిషి ఉంటాడని నాకు ఎప్పటికోగానీ అర్థం కాలేదు. ‘వజ్రం’ ఫస్టు వస్తుంది; మరొకటి రాదు. ఆవకాయ తిన్నంత మాత్రాన మనం మరేదో కాలేము. పికాసోకి మోషన్స్ అయ్యాయంటే, అది దేహం కల్పించే బరువు. మనుషులు వదిలి వెళ్లగలిగే గుణాత్మకమైన విలువని నేను శరీర పరిమితి కోణంలో అర్థం చేసుకుంటూ, అసలైన అర్థాన్ని అందుకోవడంలో విఫలమయ్యాను. ఒకప్పుడు, ఒకరికి మహత్వం ఆపాదించిన తర్వాత, వారు మామూలుగా ఉండటం నచ్చేదికాదు. దానికి విరుద్ధం గా, మహత్వం అనేది మామూలైపోయినవాళ్లు మామూలు మనుషుల్లా వ్యవహరించడం నచ్చుతోందిప్పుడు.
  -  పూడూరి రాజిరెడ్డి


 వజ్రోత్సవాలకు ఆస్కా ముస్తాబైంది. శనివారం నుంచి రెండు రోజులు అంగరంగ వైభవంగా వేడుకలు జరగనున్నాయి. వివిధ రంగాలకు చెందిన ప్రముఖులు తరలిరానున్నారు.
  
 సాక్షి, చెన్నై: చెన్నైలో తెలుగుకు చిరునామాగా ఆంధ్రా సోషల్ అండ్ కల్చరల్ అసోసియేషన్ (ఆస్కా) విరాజిల్లుతోంది. సినీ ప్రముఖులతో 1952 ఏప్రిల్ 24న ఆవిర్భవించిన ఆస్కా దినదినాభివృద్ధి చెందింది. ఆరంభంలో తెలుగువారి పిచ్చాపాటి కబుర్లకు వేదికైన సంస్థ తర్వాత తెలుగుకు చిరునామాగా మారింది. ప్రస్తుతం 3700 మందికిపైగా సభ్యుల్ని కలిగిన ఆస్కా వజ్రోత్సవాలకు సిద్ధమైంది. ఈ వేడుకలు శని, ఆదివారాల్లో ఆస్కా ఆవరణలో జరగనున్నాయి. ఈ మేరకు ఏర్పాట్లను ఆస్కా కార్యవర్గం సిద్ధం చేసింది. గోదావరి హాల్‌లో శుక్రవారం జరిగిన మీడియా సమావేశంలో ఆస్కా అధ్యక్షుడు సుబ్బారెడ్డి మాట్లాడారు. వజ్రోత్సవ ఏర్పాట్లు, హాజరుకానున్న ప్రముఖులు తదితరాల గురించి వివరించారు.
  
 నేటి నుంచి వేడుకలు: శనివారం సాయంత్రం ఆరు గంటలకు ఆస్కా ఆవరణలో వేడుకలు ఆరంభం కానున్నాయి. ముందుగా ఒడిశ్శాకు చెందిన ది ప్రిన్స్ బృందం ఆధ్వర్యంలో నృత్య ప్రదర్శన జరగనుంది. రాత్రి 7.30 గంటలకు వేడుకల్ని గవర్నర్ కొణిజేటి రోశయ్య లాంఛనంగా ప్రారంభి స్తారు. ఎంపీ మాగుంట శ్రీనివాసులు రెడ్డి, టీటీడీ పాలక మండలి సభ్యుడు కనుమూరి బాపిరాజు ప్రత్యేక అతిథులు గా హాజరుకానున్నారు. ఆస్కాకు సేవలు అందించిన మాజీ అధ్యక్ష, కార్యదర్శులను ఎనిమిది గంటలకు సత్కరిస్తారు. రెండో రోజు ఆదివారం సాయంత్రం ఆరు గంటలకు శివమణి డ్రమ్స్‌తో వేడుకలు ఆరంభమవుతారుు. అనంతరం జరిగే కార్యక్రమానికి కేంద్ర పెట్రోలియం శాఖ సహాయమంత్రి పనబాక లక్ష్మి, ఎంపీ రాయపాటి సాంబశివరావు, సినీ నటుడు కార్తీ హాజరుకానున్నారు. చివరగా ఆస్కాకు విశిష్ట సేవల్ని అందించిన, అందిస్తున్న వారికి సత్కారం ఉంటుంది.
  
 భారీ ఎత్తున చేద్దామనుకున్నాం: ఆంధ్రప్రదేశ్ ముఖ్యమంత్రి, మంత్రుల్ని ఆహ్వానించి వజ్రోత్సవాలను భారీ ఎత్తున నిర్వహించాలని తొలుత నిర్ణయించామని ఆస్కా అధ్యక్షుడు సుబ్బారెడ్డి తెలిపారు. అయితే ఆంధ్రప్రదేశ్‌లో చోటు చేసుకున్న రాజకీయ పరిణామాల దృష్ట్యా ఆ ప్రయత్నాన్ని వీడాల్సి వచ్చిందన్నారు. అలాగే సంస్థ పరిమితులకు లోబడి సభ్యులందరి అభిప్రాయం మేరకు ఆస్కా ఆవరణలోనే వేడుకలకు ఏర్పాట్లు చేసుకోవాల్సి వచ్చిందన్నారు. ఈ వేడుకలో సభ్యులందరి చిరునామా, ఫోన్ నెంబర్లతో కూడిన డెరైక్టరీ, సావనీర్‌ను ఆవిష్కరిస్తామని చెప్పారు. ఇక్కడ పనిచేస్తున్న ఉద్యోగ, కార్మికుల పిల్లల భవిష్యత్తు, సంక్షేమార్థం విద్యా నిధి ఏర్పాటు చేయనున్నామని ప్రకటించారు. 
  
 ఆస్కా అభివృద్ధి, విశిష్ట సేవల్ని చాటుతూ ప్రత్యేక డాక్యుమెంటరీ సిద్ధం చేశామన్నారు. ఇందులో మాజీ అధ్యక్షుల ఇంటర్వ్యూలను క్రోడీకరించామని వెల్లడించారు. వజ్రోత్సవ  వేడుకలకు హాజరుకావాలని అందరికీ ఆహ్వానాలు, ఎస్‌ఎంఎస్‌లు, మెయిల్స్ పంపామన్నారు. తమకు ఆహ్వానం అందలేదని ఎవరూ భావించవద్దని, ఈ సమావేశం వేదికగా అందరికీ పేరుపేరున ఆహ్వానం పలుకుతున్నానని పేర్కొన్నారు. తెలుగు భాషా పరిరక్షణ లక్ష్యంగా తెలుగు సంఘాలతో కలసి ఆస్కా పనిచేస్తోందన్నారు. ఇక మీదట తెలుగు సంఘాలన్నీ ఉగాది, తదితర వేడుకల్ని ఒకే వేదిక మీద నుంచి జరుపుకునేందుకు ముందుకు రావాలని పిలుపునిచ్చారు. 
  
 ఆస్కా గీతం
 ఆస్కా సంస్థకు ప్రత్యేక ప్రార్థనా గీతాన్ని సిద్ధం చేసినట్లు సాంస్కృతిక విభాగం కార్యదర్శి ఘంటసాల రత్నకుమార్ తెలిపారు. అరవై ఏళ్ల ఆస్కా ప్రస్థానాన్ని ఇనుమడింపజేసేలా ఈ గీతం ఉంటుందని వివరించారు. ఇకపై ఆస్కాలో జరిగే ప్రతి కార్యక్రమం ఈ గీతాలాపనతో ప్రారంభమవుతుందన్నారు. 
  
 వజ్రోత్సవాల్లో స్వాగత గీతంగా దీనిని ఆలపించనున్నామన్నారు. ప్రఖ్యాత సంగీత దర్శకుడు సాలూరి వాసురావు స్వర పరచగా, ప్రఖ్యాత సినీ గేయ రచయిత వెన్నెలకంటి ఈ గీతాన్ని రచించారన్నారు. ఈ సమావేశంలో ఆస్కా కార్యదర్శి రావి సాంబశివరావు, సంయుక్త కార్యదర్శి కృష్ణ తదితరులు పాల్గొన్నారు.