సాక్షి, హైదరాబాద్‌: వ్యక్తిగత భద్రత కోసం ఏర్పాటు చేసుకుంటున్న సీసీటీవీ కెమెరాలను సైతం సైబర్‌ నేరగాళ్లు హ్యాక్‌ చేస్తున్నారు. అందులోని ఫుటేజీని వాడుకొని మోసగించేందుకు..సోషల్‌ మీడియాలో పెడతామని బెదిరించి డబ్బులు డిమాండ్‌ చేస్తారని సైబర్‌భద్రతా నిపుణులు హెచ్చరిస్తున్నారు. ఇటీవల గుజరాత్‌లోని రాజ్‌కోట్‌లో పాయల్‌ మెటర్నటీ ఆస్పత్రి సీసీటీవీ కెమెరాలను సైబర్‌ మోసగాళ్లు హ్యాక్‌ చేయడంతో దీనిపై చర్చ మొదలైంది. ఇళ్లు, కార్యాలయాల్లోని సీసీటీవీ కెమెరాలు సైతం హ్యాకింగ్‌కు గురయ్యే ప్రమాదముందని, కొద్దిపాటి జాగ్రత్తలతో ఆ ముప్పు నుంచి తప్పించుకోవచ్చనిసైబర్‌ నిపుణులు చెబుతున్నారు. సీసీటీవీ ఫుటేజీని ఎలా హ్యాక్‌ చేస్తారు? సీసీటీవీ కెమెరాలను ఇన్‌స్టాల్‌ చేసిన తర్వాత వాటి ఫీడ్‌ను చూసేందుకు మనం ఏర్పాటు చేసుకునే ఖాతాకు సంబంధించిన సీసీటీవీ కెమెరాలకు డిఫాల్ట్‌ పాస్‌వర్డ్‌లను చాలామంది మార్చరు. దీంతో హ్యాకర్లు సులభంగా కెమెరాల్లోకి చొరబడుతున్నారు. కొన్ని సీసీటీవీ కెమెరాల సాఫ్ట్‌వేర్‌లో లోపాలు ఉండటం కూడా హ్యాకర్లకు కలిసొస్తుంది. బలహీనమైన వైఫై నెట్‌వర్క్‌లు కూడా హ్యాకర్లకు సులభమైన లక్ష్యాలుగా మారుతాయి. ఫిషింగ్‌ ఈ–మెయిల్‌లతో హ్యాకర్లు యూజర్ల పాస్‌వర్డ్‌లు, ఇతర సమాచారాన్ని సేకరించి హ్యాకింగ్‌కు పాల్పడుతున్నారు. హ్యాక్‌ చేయడం వల్ల కలిగే నష్టాలు ⇒ వ్యక్తిగత గోప్యతకు భంగం కలుగుతుంది. ⇒ ఇళ్లు, కార్యాలయాల్లోని ముఖ్యమైన సమాచారం దొంగిలిస్తారు. ⇒ బెదిరింపులు, బ్లాక్‌మెయిల్‌లకు గురయ్యే ప్రమాదముంది. ⇒ ఆర్థికంగా నష్టాలు కలిగే ప్రమాదం ఉంది. ఎలాంటి జాగ్రత్తలు తీసుకోవాలి ⇒ సీసీటీవీ కెమెరాలకు తప్పకుండా స్ట్రాంగ్‌ పాస్‌వర్డ్‌లు పెట్టుకోవాలి. అవి సులువుగా ఇతరులు గుర్తించలేనట్టుగా ఉండాలి. ⇒ సీసీటీవీల సాఫ్ట్‌వేర్‌ను ఎప్పటికప్పుడు అప్‌డేట్‌ చేయాలి. ⇒ వైఫై నెట్‌వర్క్‌ను సురక్షితంగా పెట్టుకోవాలి. ⇒ అనుమానాస్పద లింక్‌లు, ఈ–మెయిల్‌లపై ఎట్టి పరిస్థితుల్లోనూ క్లిక్‌ చేయకూడదు. ⇒ అనుమానాస్పదంగా కనిపిస్తే వెంటనే సైబర్‌ పోలీసులు లేదా సైబర్‌ క్రైమ్‌ పోర్టల్‌ 1930లో ఫిర్యాదు చేయాలి.

ఇటీవల సెలబ్రిటీల సోషల్ మీడియా ఖాతాలు హ్యాక్ చేయడం పరిపాటిగా మారింది. గతంలో పలువురి సినీతారల అకౌంట్స్‌ను హ్యాకింగ్ గురైన సంగతి తెలిసిందే. తాజాగా ప్రముఖ సింగర్ శ్రేయ ఘోషల్ ఎక్స్‌ ఖాతాను హ్యాక్ చేశారు. ఫిబ్రవరి 13వ తేదీన ట్విటర్ అకౌంట్ హ్యాకింగ్‌కు గురైనట్లు సోషల్ మీడియా వేదికగా సింగర్ వెల్లడించింది. దాదాపు రెండు వారాలైనా తన ఖాతాను యాక్సెస్ చేయలేకపోతున్నట్లు ఇన్‌స్టాలో పోస్ట్ చేసింది. ఈ సందర్భంగా ఎవరూ కూడా తన ట్విటర్ ఖాతా నుంచి వచ్చే పోస్టులు, లింక్స్‌ను క్లిక్ చేయొద్దని అభిమానులకు సూచించింది.తన ఇన్‌స్టాలో శ్రేయా ఘోషల్ రాస్తూ..' నా అభిమానులు, స్నేహితులకు ఒక్కటే విజ్ఞప్తి. ఫిబ్రవరి 13వ తేదీ నుంచి నా ఎక్స్ ఖాతా హ్యాకింగ్‌కు గురైంది. దీనిపై ఎక్స్‌ బృందాన్ని సంప్రదించేందుకు శతవిధాలా ప్రయత్నించా. కానీ ఆటో జనరేటెడ్‌ రెస్పాన్స్‌ల ద్వారా నాకు ఎలాంటి పరిష్కారం దొరకలేదు. నా ఖాతాను డిలీట్‌ చేయాలనుకున్నా కూడా యాక్సెస్ చేయలేకపోతున్నా. కనీసం నా ఖాతా లాగిన్‌ అవ్వడానికి కూడా వీలు లేకుండా పోయింది. దయచేసి నా ఖాతాలో వచ్చే పోస్టులు, లింక్‌లను ఎవరూ కూడా క్లిక్‌ చేయొద్దు. అదే విధంగా అందులో వచ్చే స్పామ్ మేసేజులు, లింకులను క్లిక్ చేయొద్దు. నా ఖాతా రికవరీ అయిన వెంటనే ఈ విషయాన్ని మీ అందరికీ తెలియజేస్తా' అని సింగర్ రాసుకొచ్చింది. View this post on Instagram A post shared by shreyaghoshal (@shreyaghoshal)

సాక్షి, హైదరాబాద్‌: కంటికి కనిపించకుండా ఆన్‌లైన్‌ ద్వారా అందినకాడికి దండుకొనే సైబర్‌ నేరగాళ్లు ఎప్పటికప్పుడు పంథా మార్చుకుంటున్నారు. తాజాగా వారు వేస్తున్న ఎత్తుగడే ‘వాట్సాప్‌ హ్యాకింగ్‌’. దీనికి చిత్తవుతున్న అనేక మంది ఆర్థికంగా నష్టపోతున్నట్లు ఢిల్లీ కేంద్రంగా కార్యకలాపాలు సాగించే నేషనల్‌ సైబర్‌ సెక్యూరిటీ రీసెర్చ్‌ కౌన్సిల్‌ (ఎన్‌సీఎస్సార్సీ) గుర్తించింది. దాదాపు నెల నుంచి జోరుగా సాగుతున్న ఈ మోసాల బారినపడకుండా ఉండాలంటే వాట్సాప్‌ వినియోగదారులు కొన్ని కనీస జాగ్రత్తలు తీసుకోవాలని ఎన్‌సీఎస్సార్సీ డైరెక్టర్‌ డాక్టర్‌ ఇ.కాళీరాజ్‌ నాయుడు స్పష్టం చేశారు. కేరళలో మొదలైన ఈ తరహా నేరాలు తమిళనాడు, తెలంగాణకు సైతం విస్తరించాయని చెప్పారు. ‘సాక్షి’తో ప్రత్యేకంగా మాట్లాడిన ఆయన వాట్సాప్‌ హ్యాకింగ్‌ జరుగుతున్న తీరుతెన్నులు, ఈ విషయంలో తీసుకోవాల్సిన జాగ్రత్తల గురించి వివరించారు.సైబర్‌ మోసాలు చేసేది ఇలా.. » దేశవ్యాప్తంగా వాట్సాప్‌ వినియోగదారుల ఫోన్‌ నంబర్లను సైబర్‌ నేరగాళ్లకు డార్క్‌ వెబ్‌ ద్వారా కొని వాటి ఆధారంగా ప్రధానంగా వృద్ధులు, గృహిణులనే టార్గెట్‌గా చేసుకొని స్కామ్‌లకు పాల్పడుతున్నారు. » ఓ వినియోగదారుడి ఫోన్‌లో ఉన్న వాట్సాప్‌ మరో ఫోన్‌లో యాక్టివేట్‌ కావాలంటే యాక్టివేషన్‌ కోడ్‌గా పిలిచే ఓటీపీ తప్పనిసరి. టార్గెట్‌ చేసిన వ్యక్తుల వాట్సాప్‌ను తమ ఫోన్లలో యాక్టివేట్‌ చేసుకోవడానికి సైబర్‌ నేరగాళ్లు పక్కా పథకం ప్రకారం కథ నడుపుతున్నారు. » తొలుత తమ వద్ద ఉన్న స్మార్ట్‌ఫోన్‌లో వాట్సాప్‌ యాప్‌ను డౌన్‌లోడ్‌ చేసుకుంటున్నారు. దీన్ని యాక్టివేట్‌ చేస్తూ టార్గెట్‌ చేసిన వ్యక్తుల మొబైల్‌ నంబర్‌ ఎంటర్‌ చేస్తున్నారు. వాట్సాప్‌ యాప్‌ నుంచి యాక్టివేషన్‌ ఓటీపీ అసలైన వినియోగదారుడి ఫోన్‌ నంబర్‌కు వెళ్లగానే కేటుగాళ్లు ఆ నంబర్‌కు కాల్‌ చేస్తున్నారు. తాము ఓ సైట్‌లో రిజిస్ట్రేషన్‌ చేసుకుంటూ పొరపాటున మీ నెంబర్‌ ఎంటర్‌ చేశామని.. అందువల్ల తమకు రావాల్సిన ఓటీపీ మీ నంబర్‌కు వచ్చినందున దాన్ని చెప్పాలని కోరుతున్నారు. ఇందులో ఎలాంటి ఆర్థిక లావాదేవీలు లేకపోవడంతో తేలిగ్గా నమ్ముతున్న బాధితులు ఎదుటివారు ఇబ్బందిపడకూడదనే ఉద్దేశంతో ఆ ఓటీపీ చెప్పేస్తున్నారు. దీంతో సైబర్‌ నేరగాళ్లు అప్పటికే సిద్ధం చేసుకున్న వాట్సాప్‌ యాప్‌లో ఎంటర్‌ చేస్తున్నారు. » ఈ పరిణామంతో బాధితుడి నంబర్‌తో పనిచేసే వాట్సాప్‌ అతని/ఆమె ఫోన్‌ నుంచి సైబర్‌ నేరగాడి ఫోన్‌లో యాక్టివేట్‌ అయిపోతోంది. ఆ వెంటనే వాట్సాప్‌ సెట్టింగ్స్‌లోకి వెళ్లి ‘టూ స్టెప్‌ వెరిఫికేషన్‌’కు సైబర్‌ క్రమినిల్స్‌ మార్చేస్తున్నారు. దీనివల్ల బాధితుల వాట్సాప్‌ సైబర్‌ నేరగాళ్ల అధీనంలోకి వెళ్లిపోతోంది. అనంతరం వాట్సాప్‌ బ్యాకప్‌ నుంచి బాధితుడి కాంటాక్ట్స్, ఇతర వివరాలను తమ ఫోన్‌లోకి డౌన్‌లోడ్‌ చేసుకుంటున్నారు. » వాట్సాప్‌ కాంటాక్ట్స్‌ ఆధారంగా స్నేహితులు, సన్ని హితులను గుర్తించి వారికి బాధితులు పంపినట్లే సందేశం పంపుతూ వైద్య అవసరాల పేరిట డబ్బు డిమాండ్‌ చేస్తున్నారు. బ్యాకప్‌ నుంచి డౌన్‌లోడ్‌ చేసుకున్న ఫొటోలను మార్ఫింగ్‌ చేయడం ద్వారా ఆయా వ్యక్తులు ఆస్పత్రుల్లో అత్యవసర పరిస్థితుల్లో ఉన్నట్లు చూపిస్తున్నారు. » ఇలా సందేశాలు అందుకున్న వాళ్లు డీపీ, ఫోన్‌ నంబర్‌ చూసి తమ వారే ఆపదలో ఉన్నారని భావించి వీలైనంత మొత్తం బదిలీ చేస్తున్నారు. » కొన్ని కాంటాక్ట్స్‌కు వాట్సాప్‌ క్యూఆర్‌ కోడ్‌ పంపి స్కాన్‌ చేయించి వాట్సాప్‌ను అ«దీనంలోకి తీసుకుంటున్న సైబర్‌ నేరస్తులు.. ఆ తర్వాత అప్పటికే సంగ్రహించిన బాధితుడి వాయిస్‌ ఆధారంగా ఏఐ సాంకేతికతను వినియోగించి వారి పరిచయస్తులు, బంధువులకు ఫోన్‌ చేసి ఆస్పత్రిలో ఉన్నామని చెప్పి డబ్బు గుంజుతున్నారు. » కొన్ని సందర్భాల్లో బాధితుడికి సంబంధించిన వ్య క్తిగత, సున్నిత సమాచారాన్ని అడ్డం పెట్టుకొని దా న్ని ఆన్‌లైన్‌లో పెడతామని భయపెట్టి వీలైనంత మేర దండుకోవడానికి ప్రయత్నాలు చేస్తున్నారు. » సైబర్‌ నేరస్తులు కాజేసేవి చిన్న మొత్తాలే కావడంతో అనేక మంది ఫిర్యాదు చేయట్లేదు.వినియోగదారులు తీసుకోవాల్సిన జాగ్రత్తలివీ..» వాట్సాప్‌ సెట్టింగ్స్‌లోకి వెళ్లి అకౌంట్‌ ఆప్షన్‌ ను ఎంచుకోవాలి. అందులో ‘టూ స్టెప్‌ వెరిఫికేషన్‌’ను యాక్టివేట్‌ చేసుకోవాలి. దీనివల్ల ఒకవేళ ఆ నంబర్‌తో కూడిన వాట్సాప్‌ను సైబర్‌ నేరస్తులు మరో ఫోన్‌లో యాక్టివేట్‌ చేసేందుకు మాయమాటలతో ఓటీపీ తెలుసుకున్నా.. వినియోగదారులు ముందే క్రియేట్‌ చేసి పెట్టుకున్న 6 అంకెల యాక్టివేషన్‌ పిన్‌ నంబర్‌ వారికి తెలియనందున మరో ఫోన్‌లో వాట్సాప్‌ యాక్టివేట్‌ కాదు. » డీపీలు, స్టేటస్‌లను ‘ఓన్లీ కాంటాక్ట్స్‌’కు మాత్రమే కనిపించేలా జాగ్రత్తలు తీసుకోవాలి.» వీలైనంత వరకు చాట్‌ బ్యాకప్‌ను తగ్గించుకోవాలి. అందుక వాట్సాప్‌ సెట్టింగ్స్‌లో డౌన్‌లోడ్‌ ఆప్షన్‌ను ‘నన్‌’అని ఎంపిక చేసుకొని యాక్టివేట్‌ చేసుకోవాలి. ఎట్టి పరిస్థితుల్లోనూ ఆటో డౌన్‌లోడ్‌ ఎంచుకోవద్దు. ఆటో డౌన్‌లోడ్‌ ఆప్షన్‌ వల్ల ఒకవేళ సైబర్‌ నేరస్తులు ఫొటోలు, వీడియోలు, డాక్యుమెంట్లను మాల్‌వేర్‌ రూపంలో పంపితే వినియోగదారుడి ప్రమేయం లేకుండా ఆ వైరస్‌ ఫోన్‌లో ఇన్‌స్టాల్‌ అయ్యే ప్రమాదముంది.

ఎలక్ట్రానిక్‌ ఓటిం‍గ్‌ యంత్రాలు అలియాస్‌ EVMలు. ప్రతీ ఐదేళ్లకొకసారి ఇవి మనల్ని పలకరిస్తుంటాయి. అయితే వాటి ద్వారా పడిన ప్రతీ ఓటుకు నిజంగా భద్రత ఉంటుందా?. ఈవీఎంలను హ్యక్‌ చేసి మెజారిటీ ప్రజలిచ్చిన తీర్పును మార్చే అవకాశాలు ఏమాత్రం లేవా? అనే అనుమానాలు కలగడం సహజమే. మొన్నీమధ్య ఏపీ ఎన్నికల టైంలో.. అంతకు ముందు.. మన దేశం సహా ప్రపంచవ్యాప్తంగా ఎన్నికల టైంలో ఈ తరహా ప్రశ్నలెన్నో తలెత్తాయి. అందుకేనేమో.. అమెరికాలాంటి అగ్రదేశం గత రెండు దశాబ్దాల ప్రయత్నాలతో ఎన్నికల విధానాన్ని ఈవీఎంల నుంచి మళ్లీ బ్యాలెట్‌కు తెచ్చుకుంది. నవంబర్‌ 5వ తేదీన జరగబోయే పోలింగ్‌ బ్యాలెట్‌ పేపర్ల ద్వారానే జరగబోతోంది. 95 శాతం రిజిస్టర్డ్‌ ఓటర్లు అక్కడ పేపర్‌పై టిక్‌ ద్వారా తమ ఓటు హక్కు వినియోగించుకోబోతున్నారు. 69.9 శాతం ఓటర్లు హ్యాండ్‌మార్క్‌డ్‌ పేపర్‌ బ్యాలెట్స్‌ విధానంలో ఓటేయొచ్చని, అలాగే బ్యాలెట్‌ మార్కింగ్‌ డివైజ్‌లతో(డిజిటల్‌ బ్యాలెట్‌.. ఓటేసి అప్పటికప్పుడే ఆ ప్రింట్‌ బయటకు తీయొచ్చు కూడా) కూడిన పేపర్‌బ్యాలెట్‌ ఓటింగ్‌ వైపు మరో 25.1 శాతం మంది మొగ్గుచూపిస్తారని సర్వే సంస్థలు అంచనా వేస్తున్నాయి. ఈ లెక్కన.. కేవలం ఐదు శాతం ఓటర్లు మాత్రం మన దగ్గర ఈవీఎంల తరహా డైరెక్ట్‌ రికార్డింగ్‌ ఎలక్ట్రానిక్‌(DRE) ద్వారా ఓటేసే ఛాన్స్‌ ఉంది.అక్కడ ఏరకంగా ప్రయత్నించినా ప్రజా తీర్పును మార్చడానికి వీలుండదన్నమాట. ఈవీఎంల మేనిపులేషన్‌తో గెలవడం అక్కడ ఎంతమాత్రం కుదరదన్నమాట. సాంకేతికతను ముందుగా పుణికిపుచ్చుకునే అమెరికాలో.. ఈ తరహా ఓటింగ్‌ ఇంకా జరుగుతుండడం కాస్త ఆశ్చర్యం కలిగించే విషయమే. అయితే.. అమెరికాలో 2000 సంవత్సరం దాకా పేపర్‌ బ్యాలెట్స్‌ ఓటింగ్‌ జరిగేది. ఆ తర్వాత ఎలక్ట్రానిక్‌ ఓటింగ్‌ వైపు అడుగులేసింది. ఓటర్లు డీఆర్‌ఈ లేదంటే పేపర్‌ బ్యాలెట్‌ ద్వారా ఓటేసే వీలు కల్పించారు. 2006 మధ్యంతర ఎన్నికల టైంలో 41.9 శాతం ఓటింగ్‌ డీఆర్‌ఈ వ్యవస్థ ద్వారానే జరిగింది. అయితే విదేశీ కుట్రలకు అవకాశం, హ్యాకింగ్‌ ఆరోపణల నేపథ్యంలో డీఆర్‌ఈపై అక్కడి ఓటర్లలోనూ నమ్మకం సన్నగిల్లింది. 2008 ఎన్నికల నుంచి డీఆర్‌ఈను ఓటర్లు తిరస్కరిస్తూ వచ్చారు. 2016 అమెరికా ఎన్నికల టైంలో రష్యా జోక్యం ఆరోపణలతో పూర్తిగా వాటిని పక్కన పడేశారు అక్కడి ఓటర్లు.అందుకే అనుమానాలుఈవీఎం 'అన్‌లాకింగ్'పై రాజకీయ దుమారం కొత్తేం కాదు. మన దేశంలో ఈసీ అందుకు అవకాశమే లేదని చెబుతున్నా.. కొన్ని ఎన్నికల ఫలితాలతో ప్రజల్లోనూ వాటి వాడకంపై అనుమానాలు రేకెత్తుతున్నాయి. ఏపీ ఎన్నికల ఫలితాల టైంలో నడిచిన చర్చే ఇందుకు ఉదాహరణ. ఈ తరుణంలో ఆధునిక ఈవీఎంల వాడకం బదులు సంప్రదాయ రీతిలో పేపర్‌ బ్యాలెట్‌ను ఉపయోగించాలనే అంశాన్ని కొందరు ‍తెరపై తెచ్చారు. ఈ క్రమంలో..ఇదీ చదవండి: ఈవీఎంలపై వైఎస్‌ జగన్‌ సంచలన ట్వీట్‌ఎలక్ట్రానిక్స్, ఐటీ, సాఫ్ట్‌వేర్‌ రంగాల మీద సమారు అరవై ఏళ్ల పాటు నేను పనిచేశాను. ఈవీఎం యంత్రాల వ్యవస్థనూ క్షుణ్ణంగా అధ్యయనం చేశాను. ఈవీఎంలను హ్యాక్‌ చేయడం సాధ్యమే. దీని వల్ల ఫలితాలు తామరుమారవుతాయి. ఈవీఎంల కంటే పాత బ్యాలెట్‌ పేపర్‌ విధానమే చాలా ఉత్తమమైంది. ఇందులో అయితే ఎన్నికల ప్రక్రియలో ఎటువంటి అవకతవకలు జరగవు. బ్యాలెట్‌ విధానాన్నే ఎన్నికల్లో అనుసరించాలి.:::కాంగ్రెస్‌ నేత శ్యామ్‌పిట్రోడాభారత్‌లో వాడే ఈవీఎంలు అమెరికాలో వాడే తరహావి కావు. ఇక్కడి ఈవీఎంలు కంప్యూటర్‌ ప్లాట్‌ఫాం మీద తయారు చేయలేదు. వాటికి బయటి నుంచి ఎలాంటి నెట్‌వర్క్‌తో అనుసంధానించే అవకాశమే లేదు. రీ ప్రోగ్రామింగ్‌ కూడా వీలు లేదు. ఇలాంటి పరికరాలను హహ్యాక్‌ చేయడం కుదరదు. కావాలంటే ప్రపంచ దేశాలు భారత ఈవీఎంలను వారి ఎన్నికల్లో వాడుకోవచ్చు.:: కేంద్ర మాజీ మంత్రి రాజీవ్‌ చంద్రశేఖర్‌భారత్‌లో వాడుతున్న ఈవీఎంలకు సైబర్‌ సెక్యూరిటీ పరంగా ఎలాంటి రక్షణ ఉందనేది మనకెవరికీ తెలియదు. ఇన్ఫర్మేషన్‌ సెక్యూరిటీ మేనేజ్‌మెంట్‌ సిస్టమ్‌కు సంబంధించి ఈవీఎంలు ISO 27001 ప్రమాణాలకు అనుగుణంగా ఉన్నాయా లేదా అనేది నిపుణులు తేల్చాలి. ఈవీఎంల భద్రతకు ఎలాంటి సైబర్‌ సెక్యూరిటీ ప్రోటోకాల్‌ను వాడుతున్నారనేది ఇప్పటివరకు బహిర్గతమవలేదు. ఎవరికీ తెలియదు.::: సైబర్‌ లా నిపుణుడు పవన్‌ దుగ్గల్‌ఈవీఎంలను మనం తొలగించాలి. వీటిని వ్యక్తులు లేదంటే ఏఐ సాయంతో హ్యాక్‌ చేసే ప్రమాదం. ఇది ఏ దేశానికైనా నష్టమే కలిగిస్తుంది.:: ప్రముఖ బిలీయనీర్‌ ఎలాన్‌ మస్క్‌ఇదీ చదవండి: మీకు తెలుసా? ఈ దేశాల్లో పేపర్‌ బ్యాలెటే ముద్దునిపుణుల నుంచి సామాన్యుల దాకా ఈవీఎంల వాడకంపై ఎవరి అభిప్రాయాలు వారు చెబుతుంటారు. కానీ, ఈ మధ్యకాలంలో పాపులర్‌ టెక్నాలజీ నిపుణులు కూడా వాటి పని తీరుపై అనుమానాలు వ్యక్తం చేస్తుండడం చూస్తున్నాం. దీంతో ఈవీఎంలపై అనుమానాలకు శాస్త్రీయ నివృత్తి అవసరమనే అభిప్రాయం వ్యక్తమవుతోంది. అయితే.. ఈవీఎంలపై ఇంతమంది ఇన్ని అభిప్రాయాలు, అనుమానాలు వ్యక్తం చేస్తున్నపుడు ఎన్నికల్లో బ్యాలెట్‌ పేపర్‌ వాడితేనే బెటరని సామాన్యులతో పాటు పార్టీల అధినేతలు సూచిస్తున్నారు. ఈవీఎంలు వాడకంలో అయ్యే ఖర్చుతో పోలిస్తే బ్యాలెట్‌ విధానంలో ఖర్చు కొద్దిగా పెరిగినప్పటికీ, ఎన్నికల ప్రక్రియ కొంత ఆలస్యమైనప్పటికీ ఓటర్లకు ప్రజాస్వామ్యంపై పూర్తి నమ్మకం కలగాలంటే బ్యాలెట్‌ పేపరే బెస్ట్‌ అనే వాదన వినిపిస్తోంది. ‘‘పేప‌ర్ బ్యాలెట్‌తో ఓట‌ర్ల విశ్వాసాన్ని పెంచ‌వ‌చ్చు. మనలాంటి ప్రజాస్వామ్యంలో, ప్రజాస్వామ్యం ప్రబలంగా ఉండటమే కాకుండా అభివృద్ధి చెందేలా చూడాలి. రెండింటినీ నిర్ధారించడానికి ఏకైక మార్గం, పేపర్ బ్యాలెట్‌కి తిరిగి వెళ్లడం. USA, UK, కెనడా, ఆస్ట్రేలియా, న్యూజిలాండ్, స్విట్జర్లాండ్, జర్మనీ, ఫ్రాన్స్, జపాన్, నార్వే మరియు డెన్మార్క్‌లతో సహా చాలా అభివృద్ధి చెందిన దేశాలు పేపర్ బ్యాలెట్‌ను ఉపయోగిస్తున్నప్పుడు, మనం ప్రపంచంలోని ఇతర దేశాలతో మార్పులు చేసి పేపర్ వైపు వెళ్లే సమయం ఇది. బ్యాలెట్, ఇది ఓటర్ల విశ్వాసాన్ని పెంచుతుంది. విశ్వాసాన్ని నింపేందుకు చట్టసభ సభ్యులు ముందుకు రావాలి’’:::హర్యానా ఎన్నికలపై.. ఎగ్జిట్‌పోల్స్‌కు విరుద్ధంగా వెలువడిన ఫలితాలపై ఏపీ మాజీ సీఎం వైఎస్‌ జగన్‌మోహన్‌రెడ్డి చేసిన ట్వీట్‌

కడవంత గుమ్మడికాయ అయినా కత్తిపీటకు లోకువ అన్నది సామెత. ప్రముఖ సాఫ్ట్‌వేర్‌ సంస్థల పరిస్థితి కూడా ఇలానే ఉంది. అద్భుతాలు సృష్టించే కృత్రిమ మేధోశక్తి (ఏఐ) గుప్పిట్లో ఉన్నా.. సైబర్‌ దొంగల ‘చోరకళ’ మాత్రం ఆ సంస్థలను భయపెడుతూనే ఉంది. ఏఐతో సమానంగా పనిచేస్తూ, డేటాను దొంగిలించే టూల్స్‌ను వారు రూపొందిస్తున్నారు. ఏఐతో దూసుకుపోతున్న బహుళ జాతి ఐటీ కంపెనీలు డేటా సెక్యూరిటీ సమస్యలను ఎదుర్కొనేందుకు ఎన్ని కోట్లయినా వెచ్చించేందుకు సిద్ధమవడం గమనార్హం. ప్రముఖ డేటా సెక్యూరిటీ, రెసిలెన్స్‌ సంస్థ ‘వీమ్‌’ఇటీవల సైబర్‌ దాడులపై చేసిన అధ్యయన నివేదికలో ఈ వివరాలను వెల్లడించింది.సైబర్‌ దొంగల చేతుల్లో గ్లోబల్‌ డేటా..వీమ్‌ అధ్యయనం ప్రకారం..2023లో మైక్రోసాఫ్ట్, మెటా, ఓపెన్‌ ఏఐ వంటి పలు గ్లోబల్‌ సంస్థలు కూడా సైబర్‌ క్రిమినల్స్‌ చేతికి చిక్కాయి. వారు ర్యాన్సమ్‌వేర్‌ను తేలికగా ఆయా సంస్థల సర్వర్లలోకి పంపారు. కొన్ని కంపెనీల డేటా బ్యాకప్, రికవరీ, సెక్యూరిటీ, ఇంటెలిజెన్స్‌ వ్యవస్థలను గుప్పిట్లోకి తీసుకున్నారు. కంపెనీల నిర్వహణ, రహస్య సమాచారం, వ్యాపార లావాదేవీల డేటాను చోరీ చేశారు. సర్వర్లను ఎన్‌క్రిప్ట్‌ చేశారు. ఇలా సైబర్‌ దాడులకు గురైన సంస్థల్లో 81 శాతం కంపెనీలు చేసేదేమీ లేక, సైబర్‌ నేరస్తులకు గుట్టుచప్పుడు కాకుండా సొమ్మును ముట్టజెప్పాయని తేలింది. ఇలా డబ్బులు ఇచ్చినా కూడా మూడింట ఒకవంతు సంస్థలు, వ్యక్తులు డేటాను తిరిగి పొందలేకపోయారని అధ్యయనంలో తేలింది. 45 కోట్ల వినియోగదారులున్న మైక్రోసాఫ్ట్‌..5.5 కోట్ల కస్టమర్ల డేటానే పూర్తిస్థాయిలో తిరిగి పొందగలిగిందని నివేదిక పేర్కొంది. అంతపెద్ద కంపెనీలే నిస్సహాయ స్థితికి వెళ్తుంటే..పరిస్థితి ఏమిటని వీమ్‌ సంస్థ ఆందోళన వ్యక్తం చేసింది.ఎదురవుతున్న సవాళ్లు..ప్రపంచవ్యాప్తంగా కంపెనీలన్నీ కృత్రిమ మేధతో పనిచేయడం అనివార్యమైంది. అన్ని సంస్థలూ ఇందుకోసం టూల్స్‌ను సమకూర్చుకుంటున్నాయి. డిజిటల్‌ లావాదేవీలు, ఈ–కామర్స్, స్మార్ట్‌ సిటీలు, ప్రత్యేక క్లౌడ్‌ బేస్డ్‌ టెక్నాలజీతో పెద్ద ఎత్తున డిజిటల్‌ డేటాను సృష్టిస్తున్నాయి. ఈ క్రమంలోనే సైబర్‌ నేరస్తులూ అప్‌డేట్‌ అవుతున్నారు. ఏఐ ఆధారిత మాల్‌వేర్లు, వైరస్‌లను రూపొందిస్తున్నారు. వాటితో కంపెనీల సర్వర్లపై దాడులు చేస్తున్నారు. ఏఐని అభివృద్ధి చేస్తున్న మేధావులే ఈ వినాశకర శక్తుల జాబితాలోనూ ఉంటున్నారని అంతర్జాతీయ సైబర్‌ సంస్థలు అంటున్నాయి. ‘ఎండ్‌ టు ఎండ్‌ సెక్యూరిటీ విధానాలపై, సైబర్‌ సెక్యూరిటీ చైన్‌ లింక్‌’పై అధ్యయనం చేసిన వారే సైబర్‌ దాడుల్లో ప్రధాన భూమిక పోషిస్తున్నారని పేర్కొంటున్నాయి.ఇదీ చదవండి: కొత్త అప్‌డేట్‌.. యాపిల్‌లో అదిరిపోయే ఫీచర్‌!రక్షణ వ్యవస్థలపై ఫోకస్‌ఏఐ ఆధారిత వ్యవస్థలను రక్షించే విధానాలపై కంపెనీలు ఫోకస్‌ చేశాయి. ప్రతీ కంపెనీ దీనిపై కోట్ల రూపాయలను వెచ్చిస్తోంది. దీన్ని మరింత విస్తృతం చేయాలని, పరిశోధన విధానాలను ప్రతీ కంపెనీలు అభివృద్ధి చేసుకోవాలని నిపుణులు సూచిస్తున్నారు. డేటా స్టోరేజీ గతం కన్నా భిన్నంగా ఉంటోందని..ఇందుకోసం మైక్రో ఇంటెలిజెన్స్‌ వ్యవస్థలను అభివృద్ధి చేయాలని పేర్కొంటున్నారు.సైబర్‌ నేరాల లెక్కలివీ..వరల్డ్‌ సైబర్‌ క్రైం ఇండె క్స్‌– 2024 ప్రకారం.. సైబర్‌ నేరాల ఆనవాళ్లు రష్యాలో ఎక్కువగా ఉన్నాయి.ఉక్రెయిన్, చైనా, అమెరికా, నైజీరియా, రొమేనియా తర్వాతి స్థానాల్లో ఉన్నాయి.గ్లోబల్‌ సైబర్‌ క్రైమ్‌ నివేదిక ప్రకారం 2025 నాటికి ఏటా 10 ట్రిలియన్‌ డాలర్లకు పైగా సైబర్‌ నేరాలపై ఖర్చు పెట్టాల్సి వస్తుంది.సైబర్‌ నేరాలు గడచిన 11 ఏళ్లలో 15.63 ట్రిలియన్‌ డాలర్లకు చేరినట్టు స్టాటిస్టా సర్వే చెబుతోంది. ఇది 2029 నాటికి మూడు రెట్లు పెరిగే వీలుందని పేర్కొంది.

నాలుగు రోజుల కిందట పలమనేరుకు చెందిన రాము అనే వ్యక్తి సెల్‌ఫోన్‌లోని వాట్సాప్‌కు ప్రముఖ ప్రభుత్వ రంగ బ్యాంకు పేరిట ఒక ఏపీకే ఫైల్‌ వచ్చింది. దానిపై క్లిక్‌ చేయడంతో కొన్ని క్షణాలు సెల్‌ఫోన్‌ హ్యాంగ్‌ అయినట్లు అనిపించింది. కొద్దిసేపటి తర్వాత అతను ఒక దుకాణంలో సరుకులు కొనుగోలు చేసి గూగుల్‌ పే ద్వారా రూ.300 చెల్లించాడు. ఆ వెంటనే అతని బ్యాంకు ఖాతాలో ఉన్న రూ.6వేలను విత్‌ డ్రా చేసినట్లు మెసేజ్‌ వచ్చింది. దీంతో కంగుతిన్న రాము బ్యాంక్‌కు వెళ్లి ఆరా తీస్తే విదేశాల నుంచి వాట్సాప్‌కు హ్యాకర్లు పంపిన ఏపీకే ఫైల్‌పై క్లిక్‌ చేయడంతో ఫోన్‌ హ్యాక్‌ చేసి గూగుల్‌ పే వాడినప్పుడు పాస్‌వర్డ్‌ను సేకరించి డబ్బులు స్వాహా చేశారని తేలింది. ఇదే తరహాలో కొద్దిరోజులుగా పలమనేరు ప్రాంతంలో వందలాది మందికి జాతీయ బ్యాంకుల పేరుతో మోసపూరిత ఏపీకే ఫైల్స్, యాప్‌ లింక్‌లు వస్తున్నాయి.హ్యాకర్లు ఇటీవల బ్యాంకుల పేరిట ప్రజలను బురిడీ కొట్టిస్తున్నారు. వివిధ రకాల బ్యాంకుల పేరుతో మోసపూరిత ఏపీకే ఫైళ్లు, యాప్‌ల లింక్‌లను వాట్సాప్‌కు పంపిస్తున్నారు. వాటిపై క్లిక్‌ చేసినవారి సెల్‌ఫోన్‌లను హ్యాకింగ్‌ చేస్తున్నారు. ఆ ఫోన్‌ను తమ ఆ«దీనంలోకి తీసుకుంటున్నారు. మనతో సంబంధం లేకుండా మన మొబైల్‌ను మిర్రర్‌ ద్వారా ఆపరేట్‌ చేస్తున్నారు. బ్యాంకు ఖాతాల్లోని డబ్బులను లూటీ చేస్తున్నారు. అంతటితో ఆగకుండా మన వాట్సాప్‌ గ్రూపుల్లో ఉన్న సభ్యులకు మన ఫోన్‌ నుంచే ఒకేసారి ఏపీకే, బగ్‌ యాప్‌ లింకులను పంపిస్తున్నారు. మనపై ఉన్న నమ్మకంతో స్నేహితులు, బంధువులు, తెలిసినవారిలో ఎవరైనా ఆ యాప్‌ల కింద ఉన్న బగ్‌ లింక్‌ను టచ్‌ చేస్తే వాళ్ల ఫోన్లను కూడా హ్యాకింగ్‌ చేస్తున్నారు. వారి బ్యాంకు ఖాతాల్లోని నగదును లూటీ చేస్తున్నారు. – పలమనేరుఎక్కువగా గ్రూపులకు... మన మొబైల్‌ నంబర్‌కు సాధారణంగా దేశం కోడ్‌ +91గా ముందుంటుంది. కానీ హ్యాకర్లు మన నంబర్‌ను హ్యాక్‌ చేసి దాని ముందు +44 పెట్టి ఇంటర్‌నెట్, డార్క్‌నెట్‌ ఆధారంగా వాట్సాప్‌లో మోసపూరిత బగ్స్, లింకులు పంపిస్తున్నారు. ప్రస్తుతం యునైటెడ్‌ కింగ్‌డమ్‌ నుంచి ఈ తరహా మెసేజ్‌లు వస్తున్నట్లు తెలుస్తోంది. మెసేజ్‌ పంపిన మొబైల్‌ నంబర్‌ తెలిసిన వారిదిలాగే కనిపిస్తుంది. కానీ ఇందులో ఇంటర్నేషనల్‌ కోడ్‌ మాత్రం మార్పు ఉంటుంది. ఈ విషయం తెలియని వాట్సాప్‌ గ్రూపుల్లోని సభ్యులు మనవాళ్లే మెసేజ్‌ పంపారని ధైర్యంగా ఆ లింకును ఓపెన్‌ చేసి మోసపోతున్నారు. అదేవిధంగా గూగుల్, జూమ్‌ మీటింగ్‌లలో ఎక్కువ మంది పాల్గొన్నప్పుడు డార్క్‌నెట్‌ ద్వారా ఆ కాన్ఫరెన్స్‌లో పాల్గొన్న ఒకరి నంబరు హ్యాక్‌ చేసి, అతని నంబరు ద్వారా మిగిలిన సభ్యులు అందరికీ మోసపూరిత యాప్‌లు, బగ్స్‌ లింక్‌లను కొన్ని నిమిషాల్లోనే పంపిస్తున్నారు. వారు కాన్ఫరెన్స్‌లో మాట్లాడుతూ వీటిపై క్లిక్‌ చేస్తే సులభంగా హ్యాకింగ్‌ చేస్తున్నారు. ఇలా చేస్తే మేలు... మన సెల్‌ఫోన్‌ ఒక్కసారిగా హ్యాంగ్‌ అయితే వెంటనే హ్యాక్‌ అయ్యిందేమోనని అనుమానించాలి. గత కొన్ని రోజులుగా ఏమైనా కొత్త లింక్‌లపై క్లిక్‌ చేశారా.. అనేది చూసుకోవాలి. ఒకవేళ ఏదైనా మోసపూరిత లింక్, ఫైల్‌పై క్లిక్‌ చేసినట్లు గుర్తిస్తే వెంటనే ఫోన్‌ను రీసెట్‌ కొట్టాలి. ఫోన్‌లోని ఈ–మెయిల్, పాస్‌వర్డ్‌లు అన్ని మార్చివేయడం మంచింది. హ్యాకింగ్‌ అనుమానం వస్తే ఫోన్‌పే, గూగుల్‌ పే, మొబైల్‌ బ్యాంకింగ్‌ వంటివి పూర్తిగా నిలిపివేయాలి. ఫోన్‌పే, గూగుల్‌ పే, పే టీఎం వంటి పేమెంట్‌ యాప్‌లు అన్‌ ఇన్‌స్టాల్‌ చేయాలి. కాగా, బ్యాంకుల నుంచి వాట్సాప్‌కు ఎటువంటి మెసేజ్‌లు, లింక్‌లు పంపించరని బ్యాంకర్లు చెబుతున్నారు. ఏదైనా బ్యాంకు పేరుతో మెసేజ్‌ వస్తే వెంటనే సమీపంలోని బ్రాంచ్‌లో గానీ, పోలీసులకు గానీ ఫిర్యాదు చేయాలని సూచిస్తున్నారు.

టెక్నాలజీ పెరుగుతున్న తరుణంలో మోసాలు కూడా పెరిగిపోతున్నాయి. ఇప్పటికే ఈ మోసాలకు బలైపోయి భారీగా డబ్బు పోగొట్టుకున్నవారు కోకొల్లలు. ఇటీవల ఇలాంటి సంఘటన మరొకటి వెలుగులోకి వచ్చింది. ఇందులో ఓ మహిళ సుమారు రూ. 27 లక్షలు పోగొట్టుకుంది.నోయిడాలోని సెక్టార్ 82లో నివాసం ఉంటూ.. ఓ ప్రైవేట్ కంపెనీలో పనిచేస్తున్న 'జ్యోత్సానా భాటియా'కు ఆగస్టు 31న టెలికాం కంపెనీకి చెందిన కస్టమర్ కేర్ ఎగ్జిక్యూటివ్ నుంచి తనకు వాట్సాప్ కాల్ వచ్చిందని పోలీసులకు తెలిపింది. మొబైల్ ఫోన్ పోయినట్లయితే.. యాక్టివేట్ అయ్యే ఈసిమ్ కొత్త ఫీచర్ల గురించి కాలర్ ఆమెకు చెప్పినట్లు వెల్లడించింది. కాలర్ చెప్పేది నిజమని నమ్మని భాటియా 'ఈసిమ్'కు మారేందుకు అతడు సూచించిన విధంగా చేసింది. ఇందులో భాగంగానే ఆమె మొబైల్‌కు వచ్చిన ఒక కోడ్ ఎంటర్ చేయమని అడగగా.. ఆమె అది కూడా పూర్తి చేసింది.కాలర్ చెప్పినవన్నీ చేసిన తరువాత ఆమె సిమ్ డీయాక్టివేట్ అవుతుందని.. మరో రెండు మూడు రోజుల్లో ఫిజికల్ సిమ్ వస్తుందని చెప్పాడు. మూడు రోజుల తరువాత కూడా ఆమెకు సిమ్ రాలేదు. దీంతో ఆమె కస్టమర్ కేర్ సిబ్బందికి కాల్ చేసింది. వారు డూప్లికేట్ సిమ్ కోసం సర్వీస్ సెంటర్ వద్దకు రావాలని సూచించారు. ఆమె వారు చెప్పినట్లుగా సర్వీస్ సెంటర్ వద్ద డూప్లికేట్ సిమ్ తీసుకుని ఫోన్‌లో వేసుకుని యాక్టివేట్ చేసింది.మొబైల్ నెంబర్ యాక్టివేట్ అవ్వగానే.. బ్యాంకు అకౌంట్ నుంచి డబ్బు డిడెక్ట్ అయినట్లు వరుస మెసేజ్‌లు వచ్చాయి. సైబర్ నేరస్థుడు తన ఫిక్డ్ డిపాజిట్ నుంచి డబ్బు తీసుకున్నట్లు, కొంత డబ్బు ఇతర ఖాతాలకు మళ్లించినట్లు తెలిసింది. అంతే కాకుండా ఆమె పేరుమీద రూ. 7.40 లోన్ కూడా తీసుకున్నట్లు తీసుకుంది.ఇదీ చదవండి: ఆధార్ ఫ్రీ అప్‌డేట్: యూఐడీఏఐ కీలక నిర్ణయం సైబర్ నేరగాడు.. మొబైల్ నెంబర్ ద్వారా బ్యాంకింగ్ అప్లికేషన్ హ్యాక్ చేసి.. ఈ మెయిల్ ఐడీలను సైతం మార్చేశాడని ఆమె పోలీసులకు వెల్లడించింది. మొత్తం మీద ఆమె రూ. 27 లక్షలు పోగొట్టుకున్నట్లు తెలిపింది. నిందితున్న పట్టుకోవడానికి పోలీసులు దర్యాప్తు ప్రారంభించినట్లు సమాచారం.ఈ-సిమ్ అంటే..ఈ-సిమ్ అనేది ఒక డిజిటల్ సిమ్ కార్డు. కాబట్టి ఈ-సిమ్ ఉపయోగిస్తే.. ఫిజికల్ సిమ్ ఉపయోగించాల్సిన అవసరం లేదు. దీనిని అధికారిక వెబ్‌సైట్‌లో లేదా సర్వీస్ సెంటర్లలో పొందవచ్చు. ఈ-సిమ్ పొందాలనుకునేవారు టెలికామ్ ఎగ్జిక్యూటివ్‌ను కలిసిన తరువాత మారడం ఉత్తమం.

చైనాకు చెందిన హ్యాకింగ్‌ గ్రూప్‌ ఇండియాతోపాటు అమెరికాలోని కొన్ని కంపెనీల సర్వర్లపై దాడికి పాల్పడినట్లు లుమెన్ టెక్నాలజీస్‌కు చెందిన బ్లాక్ లోటస్ ల్యాబ్స్‌లోని భద్రతా పరిశోధకులు తెలిపారు. బ్లూమ్‌బర్గ్‌ నివేదిక ప్రకారం వోల్ట్ టైఫూన్ అని పిలువబడే చైనీస్ హ్యాకింగ్ గ్రూప్ అమెరికా, ఇండియాలోని ఇంటర్నెట్ కంపెనీలపై దాడికి పాల్పడింది. అందుకోసం కాలిఫోర్నియాకు చెందిన వెర్సా నెట్‌వర్క్స్ అనే స్టార్టప్ కంపెనీ సాఫ్ట్‌వేర్‌లోని భద్రతా లోపాన్ని ఉపయోగించుకున్నట్లు పరిశోధకులు తెలిపారు.చైనీస్‌ గ్రూప్‌ చేసిన ఈ సైబర్‌ దాడివల్ల అమెరికాకు చెందిన నాలుగు ఇంటర్నెట్‌ కంపెనీలు, భారత్‌లోకి ఒక కంపెనీ ప్రభావితం చెందినట్లు బ్లూమ్‌బర్గ్‌ నివేదించింది. వెంటనే స్పందించిన సదరు కంపెనీలు నెట్‌వర్క్ కాన్ఫిగరేషన్‌ల నిర్వహణకు సహాయపడే వెర్సా నెట్‌వర్క్‌ల సాఫ్ట్‌వేర్‌లో లోపం కనుగొన్నారు. గతంలో వెర్సా బగ్‌ను గుర్తించి జూన్ 2023లో పరిష్కారాన్ని విడుదల చేసినప్పటికీ, సరైన సమయంలో స్పందించకపోవడం వల్ల తిరిగి దాడికి గురయ్యాయని భావిస్తున్నారు.ఇదీ చదవండి: తగ్గనున్న చిన్న బ్యాంకుల రుణ వృద్ధి..!వోల్ట్ టైఫూన్ హ్యాకింగ్‌ సర్వర్లు యూఎస్‌లోని నీటి వసతి, పవర్ గ్రిడ్ వంటి కీలక సేవలందించే సాఫ్ట్‌వేర్లలో చొరబడ్డాయని అమెరికా ప్రభుత్వం ఆరోపించింది. ఈ ఆరోపణలను చైనా తీవ్రంగా ఖండించింది. వోల్ట్ టైఫూన్ నిజానికి ‘డార్క్ పవర్’ అని పిలువబడే ఒక క్రిమినల్ గ్రూప్ అని, దానితో ప్రభుత్వానికి ఎలాంటి సంబంధం లేదని స్పష్టం చేసింది. ప్రభుత్వ తప్పిదాలను కప్పిపుచ్చుకోవడానికి సైబర్‌అటాక్‌ల పేరుతో అమెరికా ఇంటెలిజెన్స్ ఏజెన్సీలు చైనాపై తప్పుడు ప్రచారం చేస్తున్నాయని తెలిపింది.

ఎలక్ట్రానిక్‌ ఓటిం‍గ్‌ యంత్రాలు(ఈవీఎం) సేఫా..? వాటిలో పడిన ఓటు భద్రమేనాా..? ఈవీఎంలను హ్యక్‌ చేసి మెజారిటీ ప్రజలిచ్చిన తీర్పును మార్చొచ్చా..? ప్రస్తుతం ఈ ప్రశ్నలపైనే మన దేశంతో పాటు ప్రపంచవ్యాప్తంగా చర్చ జరుగుతోంది. నిపుణుల నుంచి సామాన్యుల దాకా ఈవీఎంల వాడకంపై ఎవరి అభిప్రాయాలు వారు చెబుతున్నారు. ఇటీవల కొందరు పాపులర్‌ టెక్నాలజీ నిపుణులే ఈవీఎంలపై అనుమానాలు వ్యక్తం చేస్తుండటంతో ఈవీఎంలపై అనుమానాలకు శాస్త్రీయ నివృత్తి అవసరమనే అభిప్రాయం వ్యక్తమవుతోంది. అమెరికాకు చెందిన ప్రముఖ ఎలక్ట్రిక్‌ కార్ల కంపెనీ టెస్లా అధినేత ఈలాన్‌ మస్క్‌ అయితే ఈవీఎంల వాడకానికి పూర్తిగా ఫుల్‌స్టాప్‌ పెట్టాలని ట్వీట్‌ చేసి సంచలనానికి తెర తీశారు. మస్క్‌ ఈ తరహా అభిప్రాయం వెలిబుచ్చిన సమయానికే మహారాష్ట్రలోని ముంబై నార్త్‌వెస్ట్‌ నియోజకవర్గంలో ఓటీపీ ద్వారా ఈవీఎంను తెరిచారన్న వివాదం వెలుగులోకివచ్చింది. దీంతో ఈవీఎంల భద్రతపై చర్చ జోరందుకుంది.భారత్‌కు చెందిన ఇన్ఫర్మేషన్‌ టెక్నాలజీ మేధావి ‌శ్యామ్‌ పిట్రోడా కూడా ఈవీఎంలను హ్యాక్‌ చేయడం అసాధ్యమేమీ కాదన్నారు. వీరే కాక తాజాగా సైబర్‌ లా నిపుణుడు, ప్రముఖ న్యాయవాది పవన్‌ దుగ్గల్‌ కూడా ఇంచు మించు ఇదే చెప్పారు. ఈవీఎంలను హ్యాక్‌ చేసేందుకు ఛాన్సు లేకపోలేదని ఆయన అభిప్రాయపడుతున్నారు. ఈ నేపథ్యంలో ఈవీఎంలను హ్యాక్‌ చేయొచ్చా..? అనే సమాధానం లేని ప్రశ్న మళ్లీ అందరి మెదళ్లను తొలుస్తోంది. అసలు మస్క్‌ ఏమన్నారు.. సందర్భమేంటి..? ఎన్నికల ప్రక్రియలో ఈవీఎంలను తొలగించడంతో హ్యాకింగ్‌ను నివారించొచ్చని టెస్లా అధినేత మస్క్‌ ఇటీవల సూచించారు. అమెరికా నియంత్రణలో ఉన్న ప్యూర్టో రికోలో ఇటీవల నిర్వహించిన అధ్యక్ష ప్రైమరీ ఎన్నికల్లో అవకతవకలు చోటు చేసుకొన్నాయన్న ఆరోపణల నేపథ్యంలో మస్క్‌ ఈ వ్యాఖ్యలు చేశారు. ‘మనం ఎలక్ట్రానిక్ ఓటింగ్ యంత్రాలను తొలగించాలి. వీటిని వ్యక్తులు లేదా ఏఐ సాయంతో హ్యాక్‌ చేసే ప్రమాదం ఉంది. ఇది దేశానికి నష్టాన్ని కలిగిస్తుంది’అని మస్క్‌ ఎక్స్‌(ట్విటర్‌)లో పోస్ట్ చేశారు.మస్క్‌కు మాజీ ఐటీ మంత్రి కౌంటర్‌లో వాస్తవమెంత..?మస్క్‌ ఈవీఎంలపై అనుమానాలు వ్యక్తం చేసిన వెంటనే ఎక్స్‌లో మాజీ కేంద్ర ఐటీ శాఖ సహాయ మంత్రి రాజీవ్‌ చంద్రశేఖర్‌ స్పందించారు. భారత్‌లో వాడే ఈవీఎంలు అమెరికాలో వాడే తరహావి కావు. ఇక్కడి ఈవీఎంలు కంప్యూటర్‌ ప్లాట్‌ఫాం మీద తయారు చేయలేదు. వాటికి బయటి నుంచి ఎలాంటి నెట్‌వర్క్‌తో అనుసంధానించే అవకాశమే లేదు. రీ ప్రోగ్రామింగ్‌ కూడా వీలు లేదు. ఇలాంటి పరికరాలను హహ్యాక్‌ చేయడం కుదరదు. కావాలంటే ప్రపంచ దేశాలు భారత ఈవీఎంలను వారి ఎన్నికల్లో వాడుకోవచ్చు’అని సూచించారు.రాజీవ్‌ చంద్రశేఖర్‌ లాజిక్‌ కరక్టేనా.. సైబర్‌ లా నిపుణుడు పవన్‌ దుగ్గల్‌ ఏమన్నారు.. ‘ఒక కంప్యూటర్‌కు బయటి నుంచి ఎలాంటి నెట్‌వర్క్‌తో అనుసంధానం లేనపుడు హ్యాక్‌ చేయడం కష్టమే కావచ్చు. అయితే ఎలాంటి వ్యవస్థనైనా ఏమార్చి దానిలో జోక్యం చేసుకునే ఛాన్స్‌ ఉందని హెచ్చరిస్తున్నా. నిజానికి భారత్‌లో వాడుతున్న ఈవీఎంలకు సైబర్‌ సెక్యూరిటీ పరంగా ఎలాంటి రక్షణ ఉందనేది మనకెవరికీ తెలియదు. భారత్‌లో అసలు సైబర్‌ భద్రతకు సంబంధించి పక్కా చట్టమే ఇప్పటివరకు లేదు.‘ఇన్ఫర్మేషన్‌ సెక్యూరిటీ మేనేజ్‌మెంట్‌ సిస్టమ్‌కు సంబంధించి ఈవీఎంలు ISO 27001 ప్రమాణాలకు అనుగుణంగా ఉన్నాయా లేదా అనేది నిపుణులు తేల్చాలి. ఈవీఎంల భద్రతకు ఎలాంటి సైబర్‌ సెక్యూరిటీ పప్రోటోకాల్‌ను వాడుతున్నారనేది ఇప్పటివరకు బహిర్గతమవలేదు. ఎవరికీ తెలియదు’అని సైబర్‌ లా నిపుణులు, ప్రముఖ న్యాయవాది పవన్‌దుగ్గల్‌ వ్యాఖ్యానించారు.శ్యామ్‌ పిట్రోడా అనుమానాలేంటి..?ఈవీఎంలపై టెక్నాలజీ నిపుణుడు శ్యామ్‌ పిట్రోడా కుండ బద్దలు కొట్టారు. ఈవీఎంలను హ్యాక్‌ చేయడం సాధ్యమేనని తేల్చి చెప్పారు. ‘ఎలక్ట్రానిక్స్, ఐటీ, సాఫ్ట్‌వేర్‌ రంగాల మీద సమారు అరవై ఏళ్ల పాటు నేను పనిచేశాను. ఈవీఎం యంత్రాల వ్యవస్థనూ క్షుణ్ణంగా అధ్యయనం చేశాను. ఈవీఎంలను హ్యాక్‌ చేయడం సాధ్యమే. దీని వల్ల ఫలితాలు తామరుమారవుతాయి. ఈవీఎంల కంటే పాత బ్యాలెట్‌ పేపర్‌ విధానమే చాలా ఉత్తమమైంది. ఇందులో అయితే ఎన్నికల ప్రక్రియలో ఎటువంటి అవకతవకలు జరగవు. బ్యాలెట్‌ విధానాన్నే ఎన్నికల్లో అనుసరించాలి. కొంత మంది చెబుతున్నట్లు ఈవీఎంలు కేవలం స్టాండలోన్‌ పరికాలే కాదు. వాటికి వీవీప్యాట్‌ వ్యవస్థ అమర్చి ఉంటుంది. ఇంతేగాక వీటిని తయారు చేసే క్రమంలో, రవాణా చేసే సందర్భాల్లో ఏమైనా జరిగేందుకు అవకాశం ఉంటుంది’అన్నారు. బ్యాలెట్‌ పేపరే పరిష్కారమా..? ఈవీఎంలపై ఇంతమంది ఇన్ని అభిప్రాయాలు, అనుమానాలు వ్యక్తం చేస్తున్నపుడు ఎన్నికల్లో బ్యాలెట్‌ పేపర్‌ వాడితేనే బెటరని సామాన్యులతో పాటు పార్టీల అధినేతలు సూచిస్తున్నారు. ఈవీఎంలు వాడకంలో అయ్యే ఖర్చుతో పోలిస్తే బ్యాలెట్‌ విధానంలో ఖర్చు కొద్దిగా పెరిగినప్పటికీ, ఎన్నికల ప్రక్రియ కొంత ఆలస్యమైనప్పటికీ ఓటర్లకు ప్రజాస్వామ్యంపై పూర్తి నమ్మకం కలగాలంటే బ్యాలెట్‌ పేపరే బెస్ట్‌ అన్న వాదన వినిపిస్తోంది.

ఢిల్లీ: పోలింగ్‌లో ఎలక్ట్రానిక్‌ ఓటింగ్‌ మిషన్లు​ (ఈవీఎం) హ్యాకింగ్‌కు గురువుతున్నాయంటూ టెస్లా సీఈఓ ఎలాన్‌ మస్క్‌ చేసిన ఆరోపణలు దేశవ్యాప్తంగా తీవ్ర దుమారం రేపుతున్నాయి. అయితే ఈ వ్యవహారంపై తాజాగా కాంగ్రెస్‌ నేత శ్యామ్‌ పిట్రోడా ఈ అంశంపై ఆసక్తికర వ్యాఖ్యలు చేశారు. ఈవీఎం మిషన్లను హ్యాక్‌ చేయడానికి, ఫలితాలను తారుమారు చేయడానికి అవకాశం ఉన్నట్లు అభి​ప్రాయం వ్యక్తం చేశారు. ఈ సందర్భంగా ఆయన ‘ఎక్స్‌’ వేదికగా స్పందించారు. ‘‘ఎలక్ట్రానిక్స్‌, ఐటీ, సాఫ్ట్‌వేర్‌, కాంప్లెక్స్‌ సిస్టంల రంగాల మీద సుమారు అరవై ఎళ్లపాటు నేను పనిచేశాను. అదే విధంగా నేను ఈవీఎం యంత్రాల వ్యవస్థను కూడా క్షుణ్ణంగా అధ్యయనం చేశాను. ఈవీఎంలను హ్యాక్‌ చేయటం సాధ్యం అవుతుంది.దీని వల్ల ఫలితాలకు కూడా మారిపోతాయి. ఇటువంటి సమయంలో సంప్రదాయ పాత బ్యాలెక్‌ ఓటింగ్‌ విధానమే చాలా ఉత్తమమైంది. ఓట్ల ప్రక్రియలో ఎటువంటి అవకతవకలు జరగవు. బ్యాలెట్‌ విధానాన్నే ఎన్నికల్లో అనుసరించాలి’’ అని అన్నారు.I have spent about 60 years in the forefront of #electronics, #telecom,IT, #software, #complex systems and a lot more. I have studied #EVM system carefully and believe that it is possible to manipulate. The best approach is the traditional paper ballet to count as casted.— Sam Pitroda (@sampitroda) June 16, 2024 ‘పోలింగ్‌లో ఉపయోగించే ఈవీఎం మిషన్లతో పాటు, వీవీప్యాట్‌ స్లిప్స్‌ కోసం వీవీప్యాట్‌ యాంత్రాలు కూడా అమర్చబడి ఉన్నాయి. వీవీప్యాట్‌ యంత్రాల సాయంతో కూడా ఈవీఎంలను హ్యాక్‌ చేయడానికి అవకాశం ఉన్నట్లు స్పష్టంగా తెలుస్తోంది’ అని అన్నారు.The #EVM debate in #India continues to get hotter due to a comment from #Elon Musk .The facts are clear. It is not just the stand alone EVM but a complex system with #VVPAT & associated processes and logistics that is open to selective manipulation.— Sam Pitroda (@sampitroda) June 16, 2024 లోక్‌సభ ఎన్నికల సందర్భంగా వీవీప్యాట్‌, ఓటర్లు జాబితా, వేసిన ఓట్లు, లెక్కించిన ఓట్లు, మొత్తం ఓట్లు, విజేతలు(ఓట్లు), ఓడిపోయినవారు (ఓట్లు) వంటి వాటిపై పెద్ద ఎత్తున గందరగోళం సృష్టించబడింది. వీటిని పరిగణలోకి తీసుకొని ఎన్నికల సంఘం చర్యలు తీసుకోవాలి’ అని శ్యామ్‌ పిట్రోడా సూచించారు.Confusion created about #VVPAT, #voter lists, votes casted, counted, margins, winners, losers, etc. during recent #election in #India needs careful consideration to build trust between #voters and the #ECI.— Sam Pitroda (@sampitroda) June 16, 2024ఎలాన్‌ మస్క్ చేసిన ఆరోపణలపై ఎన్నికల సంఘం స్పందిస్తూ.. ఈవీఎంలు అస్సలు హ్యాక్‌ చేయడాని వీలు లేదని తెలిపింది. భారత్‌లో ఉపయోగించే ఈవీఎంలకు బ్లూటూత్‌, వైఫై​, ఇంటర్‌నెట్‌ వంటి వైర్‌లెస్‌, వైర్‌ కనెక్షన్లు ఉండవని పేర్కొంది. దీంతో ఈవీఎంలను హ్యాక్‌ చేసే అవకాశమే లేదని స్పష్టం చేసింది. అయితే తాజాగా శ్యామ్‌ పిట్రోడా లేవనెత్తిన వీవీప్యాట్‌ మిషన్ల అంశంతో ఈవీఎంలను హ్యాక్‌ చేయడానికి అవకాశం ఉన్నట్లు వస్తున్న అనుమానాలకు మరింత బలం చేకూరుతోంది.సంబంధిత కథనం: ఈవీఎంల గుట్టు విప్పేదెవరు?

సాక్షి, హైదరాబాద్‌: వారం రోజుల వ్యవధిలో తెలంగాణ పోలీసు శాఖకు చెందిన రెండు కీలక యాప్‌లు హ్యాకింగ్‌కు గురవడం కలకలం సృష్టిస్తోంది. సైబర్‌ నేరగాళ్లు తెలంగాణ పోలీస్‌కు చెందిన హాక్‌ ఐ యాప్‌తోపాటు పోలీస్‌ అంతర్గత విధుల్లో అత్యంత కీలకమైన టీఎస్‌కాప్‌ యాప్‌ను సైతం హ్యాక్‌ చేశారు. వీటి నుంచి హ్యాకర్లు పోలీస్‌ శాఖకు సంబంధించిన కీలక డేటాను, ఫొటోలను చేజిక్కించుకుని.. డార్క్‌ వెబ్‌లో అమ్మకానికి పెట్టినట్టు విశ్వసనీయంగా తెలిసింది. సైబర్‌ నేరగాళ్లకు సంబంధించిన కేసులను పరిష్కరించే పోలీసులు తమ సొంత యాప్‌లు హ్యాక్‌ గురైన విషయాన్ని గుర్తించడంలో మాత్రం ఆలస్యం జరిగింది. హాక్‌ ఐ యాప్‌ హ్యాకింగ్‌ గురైన తర్వాత వారం రోజులకు టీఎస్‌కాప్‌ యాప్‌ హ్యాక్‌ అయిందని.. రెండింటి హ్యాకింగ్‌ ఒకే హ్యాకర్‌ కారణమై ఉంటారని అనుమానిస్తున్నారు. హాక్‌ ఐ యాప్‌ హ్యాకింగ్‌కు గురవడంపై సైబర్‌ సెక్యూరిటీ బ్యూరో అధికారులు ఇప్పటికే ఐటీ యాక్ట్‌ కింద కేసు నమోదు చేసి, దర్యాప్తు చేస్తున్నారు. పోలీస్‌శాఖకు సంబంధించిన కీలక యాప్‌ల హ్యాకింగ్‌ నిజమేనని.. రెండింటిని హ్యాక్‌ చేసింది ఒకరేనా, వేర్వేరు వ్యక్తులా అన్నది తేల్చాల్సి ఉందని టీఎస్‌ సైబర్‌ సెక్యూరిటీ బ్యూరో ఉన్నతాధికారి ఒకరు తెలిపారు. కీలక వ్యవహారాలన్నీ అందులోనే.. తెలంగాణ పోలీసుల రోజువారీ విధుల్లో టీఎస్‌కాప్‌ యా ప్‌ది ప్రధాన భూమిక. 2018లో ప్రారంభించిన ఈ యాప్‌లో పాత నేరస్తుల సమాచారం, క్షేత్రస్థాయిలో నిందితులను గుర్తించేందుకు అవసరమైన ఫేషియల్‌ రికగ్నిషన్‌ యాప్, సీసీటీఎన్‌ఎస్‌ (క్రైం అండ్‌ క్రిమినల్‌ ట్రాకింగ్‌ నెట్వర్క్‌ అండ్‌ సిస్టమ్స్‌), రవాణాశాఖ సమాచారం వంటి మొత్తం 54 సర్విసులు పోలీసులకు క్షేత్రస్థాయి విధుల కోసం అందుబాటులో ఉంటాయి. లక్షలాది మంది నేర స్తుల ఫొటోలు, వేలిముద్రలు, ఇతర వివరాలు, గత కొన్నేళ్లలో నమోదైన నేరాల వివరాలు, రోడ్డు ప్రమాదాలు, ఆయా కేసులలో నిందితులు, బాధితుల ఫోన్‌ నంబర్లు, దర్యాప్తులో అవసరం మేరకు ఆధార్‌కార్డు, ఇతర ధ్రువపత్రాల వివరాలు, వాహనాల నంబర్లు, సీసీ టీవీ కెమెరాల జియో ట్యాగింగ్‌ వివరాలు, క్రైం సీన్‌ ఫొటోలు, వీడియో లు, సాక్షుల స్టేట్‌మెంట్‌ రికార్డులు, ట్రాఫిక్‌ ఎన్‌ఫోర్స్‌మెంట్‌ వివరాలు ఇలా చాలా సమాచారాన్ని టీఎస్‌కాప్‌ యాప్‌ వేదికగా నిర్వహిస్తున్నారు. ఇంత కీలమైన యాప్‌ హ్యాక అవడంపై పోలీస్‌శాఖలోనూ ఆందోళన వ్యక్తం అవుతోంది. ఆన్‌లైన్‌లో డేటా అమ్మకం? టీఎస్‌కాప్‌ యాప్‌లోని యూజర్‌ డేటాను సైబర్‌ నేరగాళ్లు ఆన్‌లైన్‌లో విక్రయానికి పెట్టినట్టు ప్రచారం జరుగుతోంది. దీనిపై డేటా భద్రత పరిశోధకుడు శ్రీనివాస్‌ కోడాలి.. తన డిజిటల్‌దత్తా పేరిట ఉన్న ట్విట్టర్‌ అకౌంట్‌లో ‘టీఎస్‌కాప్‌ సహా మొత్తం తెలంగాణ కాప్‌ల నెట్‌వర్క్‌ను ఎవరో హ్యాక్‌ చేశారు.ఈ సాఫ్ట్‌వేర్‌ను రూపొందించిన కంపెనీ.. యాప్‌లో పాస్‌వర్డ్‌లను ప్లెయిన్‌ టెక్ట్స్‌గా పొందుపర్చడం, యాప్‌ సీసీటీఎన్‌ఎస్‌కు కనెక్ట్‌ అయి ఉండటం వంటివి సులభంగా హ్యాక్‌ అవడానికి కారణాలై ఉండొచ్చు’’అని పేర్కొన్నారు. హ్యాకర్‌ కొనుగోలుదారులను ప్రలోభపెట్టడానికి ఆన్‌లైన్‌ ఫోరమ్‌లలో నమూనా డేటాను పోస్ట్‌ చేశాడని., నేరస్తుల రికార్డులు, తుపాకీ లైసెన్సులు, ఇతర డేటాను కూడా పొందుపర్చాడని తెలిపారు. హ్యాకింగ్‌ క్రైం ఫోరం అయిన బ్రీచ్‌ ఫోరమ్స్‌లో పేర్కొన్న ప్రకారం.. టీఎస్‌కాప్, హాక్‌ ఐ నుంచి లీకైన డేటాలో 2 లక్షల మంది యూజర్ల పేర్లు, ఈ–మెయిల్‌ ఐడీలు, ఫోన్‌ నంబర్లు , అడ్రస్‌లు 1,30,000 ౖ రికార్డులు, 20 వేల ప్రయాణ వివరాల రికార్డులను డార్క్‌ వెబ్‌లో అమ్మకానికి పెట్టినట్టు ప్రచారం జరుగుతోంది. కీలక విభాగాలు, పోలీస్‌ అధికారుల వివరాలు కూడా..? హాక్‌ ఐ, టీఎస్‌కాప్‌ యాప్‌లు హ్యాకింగ్‌కు గురవడంతో.. సైబర్‌ నేరగాళ్ల చేతికి ఏసీబీ, యాంటీ నార్కోటిక్స్‌ బ్యూరో, సీఏఆర్‌ హెడ్‌ క్వార్టర్స్, సీసీఆర్‌బీ, సీసీఎస్, సీఐడీ, కంట్రోల్‌ రూమ్‌లు, సీపీ ఆఫీస్‌లు, డీసీఆర్‌బీలు, గ్రేహౌండ్స్, జీఆర్పీ, ఇంటెలిజెన్స్, ఐటీ కమ్యూనికేషన్స్, లా అండ్‌ ఆర్డర్, ఎస్పీ ఆఫీసులు, ఎస్‌ఓటీ, స్పెషల్‌ బ్రాంచ్‌లు, స్పెషల్‌ యూనిట్లు, టాస్‌్కఫోర్స్, ట్రాఫిక్, టీజీఎస్పీ ఇలా చాలా విభాగాల సమాచారం చిక్కి ఉండవచ్చని అధికారులు భావిస్తున్నారు. డేటా భద్రత పరిశోధకుడు శ్రీనివాస్‌ కోడాలి కూడా.. ‘‘అధికారుల పేర్లు, పోలీసు స్టేషన్‌ అనుబంధాలు, హోదాలు, ఫొటోలతో సహా సమాచారం డార్క్‌వెబ్‌లో అమ్మకానికి పెట్టారు, వందల మంది పోలీసు అధికారుల వివరాలు అందులో ఉన్నాయి’’అని ట్విట్టర్‌లో పేర్కొన్నారు. అత్యుత్తమ టెక్నాలజీ ఉన్న టీఎస్‌కాప్‌ యాప్‌కు గతంలో నేషనల్‌ క్రైమ్‌ రికార్డ్స్‌ బ్యూరో (ఎన్‌సీఆర్‌బీ) నుంచి ‘సాధికార పోలీసు విత్‌ ఇన్ఫర్మేషన్‌ టెక్నాలజీ’విభాగంలో అవార్డు దక్కింది. అలాంటి టీఎస్‌కాప్‌ యాప్‌ హ్యాక్‌ అవడంపై విమర్శలు వస్తున్నాయి. కొందరు సులువుగా ఉండే పాస్‌వర్డ్‌లు పెట్టుకోవడంతో హ్యాకింగ్‌ సులువైనట్టు ప్రచారం జరుగుతోంది. ఈ డేటా బ్రీచ్‌పై ఇప్పటికే తెలంగాణ పోలీసులు దర్యాప్తు ముమ్మరం చేశారు.

గతేడాది రవితేజ నటించిన టైగర్‌ నాగేశ్వరరావు చిత్రం ద్వారా రీ ఎంట్రీ ఇచ్చిన నటి రేణు దేశాయ్. ఈ సినిమాలో కీలక పాత్రలో నటించి అభిమానులను మెప్పించారు. గుంటూరులోని స్టువర్టుపురం గజదొంగ జీవితం ఆధారంగా తెరకెక్కిన ఈ చిత్రం బాక్సాఫీస్ వద్ద మిక్స్‌డ్‌ టాక్‌ను సొంతం చేసుకుంది. అయితే తాజాగా రేణు దేశాయ్ చేసిన పోస్ట్ నెట్టింట వైరల్‌గా మారింది. ‍అసలేం జరిగిందో తెలుసుకుందాం.రేణు దేశాయ్‌ తన ఇన్‌స్టాలో క్యూఆర్‌ కోడ్‌ను షేర్ చేస్తూ విరాళాలు కావాలంటూ అభ్యర్థించింది. అయితే ఇంత త్వరగా స్పందించి విరాళం అందించి.. మానవత్వం చూపించిన ప్రతి ఒక్కరికీ ధన్యవాదాలు తెలిపింది. నా వంతుగా నేను కూడా సాయం చేస్తున్నప్పటికీ.. మిగిలిన అమౌంట్‌ కోసం నా ఫాలోవర్స్‌ను అడుగున్నానని రాసుకొచ్చింది. ప్రతిసారీ నా డబ్బును ఇవ్వలేను.. ఎందుకంటే నా దగ్గర కూడా కొంత మాత్రమే డబ్బులు మిగిలి ఉన్నాయని పేర్కొంది. అయితే ఎవరైనా ఆమె అకౌంట్‌ను హ్యాక్‌ చేసి డబ్బులు డిమాండ్‌ చేశారా? అని కొందరు అనుమానం వ్యక్తం చేశారు. దీనిపై రేణుదేశాయ్ క్లారిటీ ఇచ్చింది. ఈ మేరకు ఓ వీడియోను పంచుకుంది.రేణు దేశాయ్ మాట్లాడుతూ.. 'ఫుడ్ పాయిజన్ తో కొద్ది రోజులుగా నా ఆరోగ్యం బాగాలేదు. అందుకే వీడియో చేయలేదు. అయితే రూ.3500 కోసం రిక్వెస్ట్‌ పెట్టింది నేనే. నా అకౌంట్‌ను ఎవరూ హ్యాక్‌ చేయలేదు. నేను కూడా రెగ్యులర్‌గా డొనేట్‌ చేస్తూనే ఉంటాను. కానీ అప్పుడప్పుడు నాకు కూడా లిమిట్ ఉంటుంది. డొనేషన్స్‌కి నా డబ్బులంతా ఇచ్చేస్తే నాకోసం.. నా పిల్లల కోసం కావాలి కదా. నా వరకు సాయం చేశాక.. ఏదైనా బ్యాలెన్స్‌ కావాలంటే ఫాలోవర్స్‌ను అడుగుతున్నా. యానిమల్స్‌, చిన్నపిల్లల కోసం కూడా నేను విరాళాలు ఇస్తున్నా. అదే నా ఫైనల్‌ టార్గెట్‌ కూడా. త్వరలోనే వాటికోసం ఓ షెల్టర్‌ కూడా నిర్మిస్తాను. అప్పుడు నేనే మిమ్మల్ని అధికారికంగా విరాళాలు సేకరిస్తా. నా రిక్సెస్ట్‌కు స్పందించి రూ.3500 పంపించిన అందరికీ ప్రత్యేక ధన్యవాదాలు ' అంటూ పోస్ట్ చేసింది. View this post on Instagram A post shared by renu desai (@renuudesai)

ఉండిలో అంతసేపు ఉండి వాళ్లతో విసిగి వేగి వేసారి ఇంటికి వచ్చిన చంద్రయ్యకు ఇల్లంతా హడావుడిగా కనిపించింది. రామయ్య, అచ్చయ్య,వెంకన్నలాంటి వాళ్లతో పాటు వకీళ్లు కూడా కనిపించారు. వాళ్ళ హడావిడితో పాటు సంటోడి ముఖంలో ఆందోళన చూసేసరికి ఏం అర్థం కాలేదు.  ‘‘ఏటయ్యింది?’’ అడిగాడు. అయినా అంతా నిశ్శబ్దం. ఎవరి నోటి నుంచి బదులు రాలేదు. ‘‘సెస్‌! అడుగుతున్నది మిమ్మల్నే. అంతా బెల్లం నోట్లో ఎట్టుకున్నట్టు మాహాడరే?’’ సున్నితంగా గద్దించాడు. ‘‘అయ్యా! అది కాస్తంత ఇబ్బందికర పరిస్థితి’’ వకీలు రవీంద్ర గంభీర వదనంతో పలికాడు. ‘‘అదేనయ్యా అదేటో సెప్తేనే కదా తెలిసేది? గౌరమ్మా ఏటైనాది? నువ్వైనా సెప్పు’’ అన్నాడు దూరంగా ఉన్న భార్య వైపు చూస్తూ. ‘‘అది ఏటంటే... మన సంటోడు పోన్లో మాట్లాడే దంతా ఇనేత్తున్నారంట. ఒకేపు కేసులు గట్రా ఉన్నాయి గందా? అదేదో పెగాసస్‌ అంట. దాంతో మన సంటోడు పోన్లో దూరి మొత్తం ఇనేస్తున్నారంట’’ సస్పెన్స్‌కి తెరదించుతూ భార్య గౌరీ చెప్పింది. ‘‘మీరేం కంగారు పడకండి. ఈ సంగతి ఢిల్లీకి కూడా కంప్లైంట్‌ చేశా’’ అన్నాడు రవీంద్ర కోటు, టై సవరించుకొంటూ. ఆ మాటకి ఉలిక్కిపడ్డాడు చంద్రయ్య. వెంటనే రామయ్య అందుకుంటూ, ‘‘ప్రెస్‌ మీట్‌ కూడా పెట్టాం.  అధికార పార్టీ కుట్రని కడిగిపారేశాం’’ అన్నాడు అచ్చయ్య వైపు మెచ్చుకోలుగా చూస్తూ.   ‘‘అంతేకాదు రేపు ఆందోళన కార్యక్రమాలు కూడా ప్లాన్‌ చేశాం’’ అచ్చయ్య ఉత్సాహంగా పలికాడు. ‘‘ఇది దేశంలోనే అతి పెద్ద కుట్ర’’ వెంకన్న ఆవేశంగా పలికాడు. ‘‘అసలు ఈ పెగా సెస్సు...’’ ఎప్పటిలాగే కాగితాలు ఏవో చూపుతూ పొట్టాభి ఏదో చెప్పబోయాడు. చంద్రయ్యకు ఆగ్రహం తన్నుకొచ్చింది. అవ్యక్తమైన ఉద్వేగాన్ని అణచుకొంటూ ‘‘సెస్‌! ఊరుకొండెహె. అంతా మీ మానాన మీరు చేసుకెల్లి పోవడమేనా? కనీసం ముందు నాతో ఒక ముక్క సెప్పాలని తెల్దేటి? పెతివాడికి అతి ఉత్సాహం!’’  చంద్రయ్య తనని తను తమాయించుకొని, ‘‘సరే సరే. ఢిల్లీ లెవెల్‌ దాకా తీసుకెల్లారన్నమాట. సర్లే ఆ తర్వాత ఎలా ముందుకు బోవాలో రేపు చర్చిద్దాం వెళ్ళండి’’ అన్నాడు కూల్‌ గా. ‘‘నువ్వూ ఎల్లి తొంగో’’ అన్నాడు సంటోడితో. ‘‘ఏటీ అలా  సిటపటలాడిపోతున్నారు. ఎండదెబ్బ కొట్టేసి నాదా?’’ అన్నది గౌరీ దగ్గరకొస్తూ. ‘‘నాక్కాదు నీ కొడుక్కి కొట్టినాది. నేను అలా కాస్త బయిటికి ఎల్లొస్తే చాలు. ఏదో ఒక పేడ తట్ట ఎట్టేస్తాడు. అవునే నాకు తెలవక అడుగుతాను. ఆడి పోను హ్యాకింగ్‌ చేసేవాడు ఎవడుంటాడు?’’ ‘‘అంటే వాడి  ఫోను హ్యాకింగ్‌ అవలేదా?’’ చిరుకోపం ప్రదర్శిస్తూ అడిగింది గౌరీ. ‘‘సెస్‌. మల్లీ అదే మాట. వాడి ఫోనుతో ఎవరికి పనే? ‘‘మరెవరికి పని?’’ రెట్టించింది గౌరీ. ‘‘ఇంకెవరికి? నాకు, నీకు, కాదంటే కోడలు పిల్లకు’’ ‘‘అంటే ఏటి మీరు అనేది?’’ అనుమానంగా చూస్తూ అడిగింది గౌరీ. ‘‘మరేటుంది? నేనే చేశాను. అంతా నేనే చేశాను. ఒకేపు నేను వాడి కోసం పడరాని పాట్లు పడుతూ, నానా తిట్లు తింటూ, ఎండలో తిరుగుతూ ఉంటే, ఈడేమో ఏసీలో తొంగొని, 24 గంటలు ఫోన్‌తో కాలం గడిపేస్తుంటాడు. అసలు ఆ ఫోన్లో ఏటుందో తెలుసుకుందామని నేనే ఆ పని చేశా! తీరా ఫోన్లో సమాచారం మరి ఏటున్నదో తెలుసా?? ఫోన్‌ అంతా అమెరికా ఫ్రెండ్స్‌తో చాటింగ్లు, వీడి వీర గాథలు, సిగ్గీలు, జొమాటోల ఆర్డర్లు. ఈ మధ్య కాస్త ఎండలో తిరగటం మొదలెట్టిన దగ్గర నుంచి ఫోన్‌ అంతా సిగ్గీ ఆర్డర్లే.  సిగ్గు లేకపోతే సరి. ఈ సమాచారం తెలుసుకొని ఎవరైనా ఏం చేసుకుంటారు? ఇంత హడావిడి జరుగుతున్నా బాధ్యత లేదు. ఓ ఎదవ హడావిడి తప్ప. పోనీ నాతో పాటు తిప్పుకుందాం అంటే, ఎక్కడ ఏ పేడతట్ట ఎత్తాడో అని భయం’’ అంటూ అసలు సంగతి బయట పెట్టే సరికి గౌరీ అవాక్కయిపోయింది.  పి. విజయబాబు  వ్యాసకర్త పూర్వ సంపాదకులు

రాను రాను ప్రపంచంలో స్మార్ట్‌ఫోన్‌ వినియోగదారుల భద్రత ప్రశ్నార్థకంగా మారుతోంది. 2024లో ఫోన్ హ్యాకింగ్ అనేది దాదాపు ప్రతి వినియోగదారుని ఆందోళన రేపుతోంది. డెలాయిట్ నిర్వహించిన  ఇటీవలి సర్వేలో 67శాతం మంది స్మార్ట్‌ఫోన్ వినియోగదారులు తమ గాడ్జెట్స్‌ భద్రతపై ఆందోళన చెందుతున్నారని  కనుగొన్నారు.  2023 ఏడాదితో ఇది పోలిస్తే  54 శాతం పెరిగింది.  మొన్నపెగాసెస్‌ వివాదం ప్రకంపనలు రేపింది. ప్రస్తుతం తెలంగాణాలో ఫోన్‌ ట్యాపింగ్‌ దుమారం రోజుకో మలుపు తిరుగుతోంది. ఇది వినియోగదారుల వ్యక్తిగత వ్యవహారాల గోప్యత, భద్రతపై గుబులు రేపుతోంది.  ఈ నేపథ్యలో  ఫోన్ హ్యాక్ అయిందని గుర్తించాలి?   ముఖ్యంగా అమ్మాయిలు,మహిళలు ఈ విషయంలా చాలా జాగ్రత్తగా ఉండాల్సిన అవసరం ఉంది.  మీ ఫోన్ ఎవరైనా ట్యాపింగ్ చేస్తున్నారన్న విషయాన్ని ఎలా గుర్తించాలి?   ⇒ కాల్స్ మాట్లాడుతున్న సమయంలో అసాధారణ శబ్దాలు, అస్పష్టంగా దూరంనుంచి శబ్దాలు రావడం కెమెరా, మైక్రోఫోన్‌లు యాదృచ్ఛికంగా ఆన్‌  కావడం. ఐఫోన్‌, శాంసంగ్‌ ఫోన్లలో అయితే  స్క్రీన్ పైభాగంలో నారింజ లేదా ఆకుపచ్చ  లైట్‌ వెలుగుతుంది. ⇒ ఉన్నట్టుండి ఫోన్‌ బ్యాటరీ చార్జింగ్‌ తగ్గిపోవడం,బ్యాటరీ కండిషన్ సరిగ్గానే ఉన్నా, పెద్దగా యాప్స్‌ అవీ వాడపోయినా, తరచుగా ఛార్జ్ చేస్తున్నా కూడా  వేగంగా అయి పోతుంటే మాత్రం  అప్రమత్తం కావాలి. ⇒ ఫోన్ షట్ డౌన్ కావడానికి చాలా సమయం పడుతోందా? ముఖ్యంగా  షట్ డౌన్ కావడానికి సాధారణం కంటే ఎక్కువ సమయం తీసుకుంటే, ప్రత్యేకించి కాల్, టెక్స్ట్, ఇమెయిల్ లేదా వెబ్ బ్రౌజింగ్ తర్వాత  ఇలా జరుగుతోంటే. థర్ట్‌ పార్టీకి మన డేటాను ట్రాన్స్‌మిట్అవుతోందా అని అనుమానించాలి. ⇒ మొబైల్ స్పైవేర్  ఫోన్‌ని నిరంతరం  ట్రాక్‌ చేస్తూ, డేటాను  ఎక్కువ వాడుకుంటుంది.ఫోన్‌ చార్జింగ్‌లో లేకపోయినా, ఎక్కువ మాట్లాడకపోయినా ఉన్నట్టుండి ఫోన్ వేగంగా వేడెక్కుతోందా? ఇది గమనించాల్సిన అంశమే.  మామూలుగా ఉన్నపుడు కూడా ఫోన్‌ విపరీతంగా వేడెక్కడం కూడా ఒక సంకేతం. సాధారణంగా గేమింగ్ లేదా సినిమాలు చూసినప్పుడు సాధారణంగా ఫోన్లు వేడెక్కుతుంటాయి. హ్యాకర్లు మన ఫోన్‌ టార్గెట్‌ చేశారా  అని చెక్‌ చేసుకోవాల్సిందే. ⇒ సైలెంట్ మోడ్‌లో ఉన్నప్పటికీ కాల్‌లు, నోటిఫికేషన్స్‌ స్వీకరిస్తూ, ఆకస్మికంగా రీబూట్ అవుతున్నా రిమోట్ యాక్సెస్‌ అయిందనడానికి సూచిక కావచ్చు.  జాగ్రత్త పడాలి. ⇒ స్మార్ట్‌ఫోన్ అకస్మాత్తుగా స్లో  కావడం. యాప్‌లను ఇన్‌స్టాల్ చేశారో  ట్రాక్‌ చేసి, మీరు ఇన్‌స్టాల్‌ చేయని యాప్‌లు కూడా కనిపిస్తే..అది హ్యాకింగ్‌కు సంకేతం కావచ్చు. ⇒ ఫోన్ తరచుగా సడన్ రీబూట్‌లు, షట్‌డౌన్‌,  లేదా  రీస్టార్ట్ అవుతూ ఉండవచ్చు. స్క్రీన్ లైట్‌లో మార్పులు కనిపిస్తే ఏదైనా మాల్వేర్ ఎఫెక్ట్ అయి ఉండవచ్చు. జాగ్రత్తలు  ఈ జాగ్రత్తలను పాటిస్తూ మొబైల్ భద్రతకోసం విశ్వసనీయ యాంటీవైరస్ సాఫ్ట్‌వేర్‌ను ఇన్‌స్టాల్ చేసుకోండి. అనుమానాస్పద లింక్‌లు, మెసేజ్‌లకు స్పందించకుండా ఉండటం ఉత్తమం. ముఖ్యంగా ట్యాప్‌ అయిందో లేదో  తెలుసుకోవాలంటే.. *#*#4636#*#* – ఈ కోడ్‌ని డయల్ చేయండి. మీ ఫోన్‌ ట్రాక్ అవుతోందా,  లేదా ట్యాప్  అవుతోంది తెలియ చెప్పే  కోడ్ (నెట్‌మోనిటర్) కోడ్.  ఫోన్ ఆపరేటింగ్ సిస్టంను బట్టి ఈ కోడ్‌ను డయల్ చేయాల్సి ఉంటుంది. Android యూజర్లు  *#*#197328640#*#* లేదా *#*#4636#*#* ని డయల్‌  చేయాలి.  iPhone యూజర్లు అయితే: *3001#12345#* ని డయల్‌ చేయాలి. 

ఫోన్‌ ట్యాపింగ్‌.. ప్రస్తుతం రాష్ట్రంలో ప్రకంపనలు సృష్టిస్తోంది. ట్యాపింగ్‌ మాటున కొందరు అధికారులు సాగించిన దందా.. రోజురోజుకూ వెలుగుచూస్తున్న సంచలన విషయాలు విస్తుగొలుపుతున్నాయి. దీనిపై అధికార, ప్రతిపక్షాల మధ్య మాటల యుద్ధాలు.. ఫిర్యాదుల వంటి విషయాలను పక్కనపెడితే.. అసలు ట్యాపింగ్‌ కథేంటి? దీనిని ఎలా చేస్తారు? ఇద్దరు వ్యక్తులు ప్రైవేటుగా మాట్లాడుకునే మాటలన్నీ మూడో వ్యక్తి ఎలా వినగలుగుతున్నాడు? ఓసారి చూద్దామా? ► ఇద్దరు లేదా అంతకంటే ఎక్కువ మంది వ్యక్తులు టెలిఫోన్‌ లేదా మొబైల్‌ ఫోన్‌ లేదా ఇంటర్నెట్‌ ద్వారా జరిపే సంభాషణలను వారికి తెలియ కుండా రహస్యంగా వినడం, రికార్డు చేయడాన్నే ట్యాపింగ్‌ అంటారు. వాస్తవానికి ట్యాపింగ్‌ చేయడం చట్టవిరు ద్ధం. దేశ భద్రతకు సంబంధించిన అంశాల్లో ట్యాపింగ్‌ చేయాల్సి వస్తే.. నిర్దేశిత ప్రభుత్వ ఏజెన్సీలు కేంద్ర హోంశాఖ అనుమతి తీసుకోవాలి. ప్రైవేటు వ్యక్తులకు ఎట్టి పరిస్థితుల్లోనూ ట్యాపింగ్‌ చేయడానికి అనుమతి లేదు. అనుమతి పొందిన ప్రభుత్వ సంస్థలు సైతం ట్యాపింగ్‌ చేయడానికి బోలెడు నిబంధనలు పాటించాలి. ఎవరి ఫోన్‌ అయినా గరిష్టంగా 180 రోజులు మాత్రమే ట్యాపింగ్‌ చేయాలి. పైగా ప్రతి 60 రోజులకు ఓసారి తాజాగా అనుమతి తెచ్చుకోవాల్సి ఉంటుంది. అత్యవసర పరిస్థితుల్లో అనుమతి లేకుండా గరిష్టంగా 24గంటలకు మించి ఫోన్‌ ట్యాపింగ్‌ చేయడానికి వీల్లేదు. ఒకవేళ సదరు ట్యాపింగ్‌కు కేంద్ర హోంశాఖ అనుమతి నిరాకరిస్తే అప్పటివరకు రికార్డు చేసిన సంభాషణలన్నీ 48 గంటల్లోగా ధ్వంసం చేయాల్సి ఉంటుంది.  ట్యాపింగ్‌లో రకాలు.. సెల్యులర్‌ ఇంటర్‌సెప్టర్లు.. ► వీటిని ఐఎంఎస్‌ఐ క్యాచర్స్‌ లేదా స్టింగ్‌రేస్‌ అని పిలు స్తారు. టవర్ల ద్వారా ప్రసార మయ్యే నిర్దేశిత మొబైల్‌ సిగ్నల్స్‌ను ఇవి అడ్డుకుంటా యి. అందు లోని డేటాను క్యాప్చర్‌ చేయడమే కాకుండా.. మొబైల్‌ లొకేషన్‌ కూడా ట్రాక్‌ చేస్తాయి. కాల్స్‌తో పాటు ఎస్సెమ్మెస్‌ లను సైతం సంగ్రహిస్తాయి.  వీఓఐపీ ఇంటర్‌సెప్షన్‌ సాధనాలు..  ►  వాయిస్‌ ఓవర్‌ ఇంటర్నెట్‌ ప్రొటోకాల్‌ (వీఓఐపీ) కమ్యూనికేషన్‌లను సంగ్రహించేందుకు రూపొందించిన సాఫ్ట్‌వేర్, హార్డ్‌వేర్‌ ఆధారిత సాధనాలివి. వీఓఐపీ ప్రొటోకాల్స్‌లోని బలహీనతలను ఆసరాగా చేసుకుని ఇంటర్నెట్‌లో ప్రయాణించే డేటా ప్యాకెట్‌లను ఇవి అడ్డుకుని అందులోని డేటాను సంగ్రహిస్తాయి. క్లోన్డ్‌ సిమ్‌ కార్డులు.. ► ట్యాపింగ్‌ చేయాలనుకున్న వ్యక్తి సిమ్‌కు క్లోన్డ్‌ సిమ్‌ సంపాదిస్తే చాలు.. సదరు వ్యక్తి మొబైల్‌ ఫోన్‌కు వచ్చే కాల్స్‌ అన్నీ చక్కగా వినొచ్చు. రాజకీయపరమైన నిఘా..  ► సర్వీస్‌ ప్రొవైడర్‌ సహకారంతో రాజకీయ నాయకుల కాల్స్‌ రికా ర్డు చేస్తారు. ప్రభుత్వం నుంచి దీనికి అనుమతి ఉండదు. అందువల్ల ఇది అక్రమ ట్యాపింగ్‌. మానిటరింగ్‌ సాఫ్ట్‌వేర్‌.. హానికరమైన సాఫ్ట్‌వేర్‌ లేదా స్పైవేర్‌ను నిర్దేశిత వ్యక్తి మొబైల్‌ ఫోన్‌లో వారికి తెలియకుండా చొప్పిస్తారు. ఇవి ఆ ఫోన్‌ సంభాషణలను రికార్డు చేసి బయటి వ్యక్తు లకు పంపించడంతోపాటు ఫోన్లో ఉన్న సమస్త సమాచారాన్ని మనకు తెలియకుండా బహిర్గతం చేస్తుంది. అధికారిక ట్యాపింగ్‌..  ప్రభుత్వ అనుమతి తీసుకుని సర్వీస్‌ ప్రొవైడర్‌ సహకారంతో చేసే ట్యాపింగ్‌ ఇది. క్లండెస్టైన్‌ రికార్డర్‌ ఉపయోగించి సంభాషణలను రికార్డు చేస్తారు. లా ఎన్‌ఫోర్స్‌మెంట్‌ సంస్థలు డిజి టల్‌ ఫోరెన్సిక్స్‌ కోసం ప్రత్యేకమైన సాఫ్ట్‌వేర్, హార్డ్‌వేర్‌ సాధనాలను ఉపయోగించి ఈ ట్యాపింగ్‌ చేస్తాయి.  ల్యాప్‌టాప్‌ సైజు పరికరంతోనే.. ► అక్రమంగా ట్యాపింగ్‌ చేసేవాళ్లకు పెద్దగా ఎక్విప్‌మెంట్‌ కూడా అక్కర్లేదు. ఓ ల్యాప్‌ టాప్‌ సైజులో ఉండే సెల్యులర్‌ ఇంటర్‌సెప్షన్‌ మెషీ న్‌ను కారులో పెట్టుకుంటే చాలు.. ఎవరి ఫోన్‌ అయినా సులభంగా ట్యాప్‌ చేసేయొచ్చు. ఫోన్‌ ట్యాపింగ్‌ చేయాల్సిన వ్యక్తి ఇల్లు లేదా ఆఫీసు వద్ద కారు పార్క్‌ చేసుకుంటే చాలు అవతలి వ్యక్తి సంభాషణలన్నీ వినొచ్చు.. రికార్డు చేయొచ్చు. ఇందుకోసం ముందుగా ఆ వ్యక్తి ఫోన్‌ నంబర్‌ను మెషీన్‌లో ఫీడ్‌ చేయాలి. అనంతరం ఆ వ్యక్తికి ఫోన్‌ వస్తే.. ఆటోమేటిగ్గా మెషీన్‌లో రికార్డు అయిపో తుంది. సదరు వ్యక్తి గొంతును రికార్డు చేసి మెషీన్‌లో ఫీడ్‌ చేసినా సరే.. దాని ఆధారంగా ఆ కాల్‌ను మెషీన్‌ రికార్డు చేస్తుంది. ఇజ్రాయెల్‌ పేరే ఎందుకు? ఫోన్‌ ట్యాపింగ్‌ వంటి అంశాలు తెరపైకి వచ్చిన ప్పుడు ఇజ్రాయెల్‌ పేరే వినిపిస్తుంది. అధునాతన సాంకేతిక రంగానికి ఇజ్రాయెల్‌ ప్రసిద్ధి చెందడమే ఇందుకు కారణం. ఫోన్‌ ట్యాపింగ్‌ టెక్నాలజీతో సహా నిఘా, గూఢచార సేకరణ పరికరాలను అభివృద్ధి చేసే నైపుణ్యం ఇజ్రాయెల్‌ సొంతం. ఇటీవల మన దేశంలో సహా పలు దేశాల్లో సంచలనం సృష్టించిన పెగాసస్‌ స్పైవేర్‌ రూపొందించింది ఇజ్రాయెలే కావడం గమనార్హం.  ట్యాపింగ్‌ చేసే అధికారం ఎవరికి ఉంది? జాతీయ స్థాయిలో ఇంటెలిజెన్స్‌ బ్యూరో, సెంట్రల్‌ బ్యూరో ఆఫ్‌ ఇన్వెస్టిగేషన్, ఎన్‌ఫోర్స్‌ మెంట్‌ డైరెక్టరేట్, నార్కొటిక్స్‌ కంట్రోల్‌ బ్యూరో, సెంట్రల్‌ బోర్డ్‌ ఆఫ్‌ డైరెక్ట్‌ ట్యాక్సెస్, డైరెక్టరేట్‌ ఆఫ్‌ రెవెన్యూ ఇంటెలిజెన్స్, నేషనల్‌ ఇన్వెస్టిగేషన్‌ ఏజెన్సీ, రీసెర్చ్‌ అనాలసిస్‌ వింగ్, డైరెక్టరేట్‌ ఆఫ్‌ సిగ్నల్‌ ఇంటెలిజెన్స్, ఢిల్లీ పోలీస్‌ కమిషనర్‌తో పాటు రాష్ట్ర పోలీసు విభాగాలు నిబంధనలకు అనుగు ణంగా ఎవరి ఫోన్‌ అయినా ట్యాపింగ్‌ చేయొచ్చు. సెల్యులర్‌ ఇంటర్‌సెప్టర్‌ ఎలా పనిచేస్తుందంటే? ఇది చాలా సులభమైన ట్యాపింగ్‌ ప్రక్రియ. కాకపోతే ఖరీదు మాత్రం చాలా ఎక్కువ. చిన్న సూట్‌ ్డకేసులో ఇమిడిపోయే ఈ పరికరంతో.. నిర్దేశిత వ్యక్తుల ఫోన్లను భౌతికంగా ముట్టు కోకుండా.. ఎలాంటి స్పైవేర్లూ చొప్పించకుండా ట్యాపింగ్‌ చేయొచ్చు. సాధారణంగా మనం ఎవరికైనా కాల్‌ చేసినప్పుడు మన సెల్‌ ఫోన్‌ నుంచి సిగ్నల్స్‌ సమీపంలోని టవర్‌ ద్వారా నిర్దేశిత మార్గంలో అవతలి వ్యక్తికి చేరతాయి. ఈ ప్రక్రియలో సెల్‌ టవర్ల నుంచి ప్రసారమయ్యే సిగ్నల్స్‌ను నేరుగా ఈ మెషీన్లు సంగ్రహించి ఆ సంభాషణలు వినేలా, రికార్డు చేసేలా పనిచేస్తాయి. ఈ మెషీన్లలో కూడా చాలా రకాలున్నాయి.200 మీటర్ల పరిధి నుంచి దాదాపు 20 కిలోమీ టర్ల పరిధిలోని సెల్‌ఫోన్‌ సిగ్నల్స్‌ను ఇవి సంగ్రహించగలవు. కొన్ని మెషీన్లు సెల్‌ఫోన్‌ నుంచి వచ్చే సిగ్నల్స్‌ను టవర్‌కు వెళ్లకుండా ముందుగానే సంగ్రహిస్తాయి. అలాగే సామార్థ్యాన్ని బట్టి పదుల సంఖ్య నుంచి వందల సంఖ్యలో కాల్స్‌ వరకు ఒకేసారి ఈ మెషీన్లు రికా ర్డు చేయగలవు. కాల్స్, ఎస్సెమ్మెస్‌లే కాకుండా సోషల్‌ మీడియాతోపాటు మన సెల్‌ డివైస్‌ లోని సమస్త సమాచారాన్ని యాక్సెస్‌ చేసే ఇంటర్‌సెప్టర్లు ఉన్నాయి. వాస్తవా నికి వీటిని కొనాలన్నా చాలా అనుమ తుల తతంగం ఉంటుంది. అయితే, ఇజ్రాయెల్, సింగ పూర్‌ తదితర దేశాల నుంచి వీటిని అక్రమ పద్ధతిలో సమ కూర్చుకుంటున్నారు. మీ ఫోన్‌లో వైరస్‌ ఉందా!? తగిన జాగ్రత్తలతో డేటాను భద్రపరచుకోవచ్చంటున్న నిపుణులు సాక్షి, హైదరాబాద్‌: స్మార్ట్‌ఫోన్లు అందు బాటులోకి వచ్చాక మన పనులు ఎంత సులు వయ్యాయో తగిన జాగ్రత్తలు తీసుకోకపోతే దానితో బోలెడు ముప్పులు సైతం పొంచి ఉన్నాయని సైబర్‌ నిపుణులు హెచ్చరిస్తు న్నారు. ముఖ్యంగా సైబర్‌ నేరగాళ్లు ఫోన్లలోకి ఏదో ఒక రూపంలో వైరస్‌ను చొప్పించి ఫొటో లు, వీడియోలు సహా కీలక డేటా కొట్టేయడం, మార్ఫింగ్‌కు వాడుకోవడం లేదా ఆ సమాచారంతో బ్లాక్‌మెయిల్‌ చేయడం వంటి ఆగడాలకు పాల్పడుతున్నారని చెబుతున్నారు. ఈ నేపథ్యంలో మన ఫోన్లో వైరస్‌ చొరబడితే దాని పనితీరు ఎలా ఉంటుందో, హ్యాకింగ్‌కు గురైన ఫోన్‌ను తిరిగి ఎలా బాగుచేసుకోవాలో కీలక సూచనలు చేశారు. హ్యాకింగ్‌కు గురయ్యే ఫోన్‌ పనితీరు ఇలా ► ఫోన్‌ చార్జింగ్‌ చేసిన కాసేపటికే చార్జింగ్‌ డౌన్‌ కావడం లేదా వేగంగా బ్యాటరీ తగ్గి పోవడం ఫోన్‌ హ్యాకింగ్‌కు అత్యంత ముఖ్య మైన సంకేతం. మన ఫోన్‌లో ఏవైనా అనుమానాస్పద సాఫ్ట్‌వేర్‌లు బ్యాక్‌గ్రౌండ్‌లో రన్‌ అవుతుంటే.. మన మొబైల్‌ ఫోన్‌ను తక్కువగా వాడినా, బ్యాటరీ మాత్రం అసాధరణంగా తగ్గిపోతుంది. ► మనకు తెలియని సోర్స్‌ల నుంచి కొత్తకొత్త యాడ్స్‌ వస్తుండటం, ఫ్లాష్‌ యాడ్స్‌ వస్తుండటం సైతం హ్యాకింగ్‌కు గురైనట్లు తెలిపే సూచిక. ► మనకు తెలియకుండానే బ్యాక్‌గ్రౌండ్‌ యాప్స్‌ రన్‌ అవడం, కొన్ని హిడెన్‌ యాప్స్‌ పనిచేస్తుండటంతో మొబైల్‌ ఫోన్‌ బాగా వేడెక్కుతుంది. ఇలా జరిగితే కూడా ఫోన్‌ హ్యాక్‌ అయినట్లు అనుమానించాలి.  ► కొత్త నంబర్ల నుంచి తరచూ ఫోన్‌ కాల్స్‌ వస్తుండటం, టెక్సŠట్‌ మెసేజ్‌లలో వింత సింబల్స్, క్యారెక్టర్ల కాంబినేషన్స్‌తో రావడం గమనిస్తే ఫోన్‌ హ్యాక్‌ అయినట్లు గుర్తించాలి. ► మొబైల్‌ఫోన్‌ హ్యాక్‌ అయితే పనితీరు బాగా నెమ్మదిస్తుంది. ఫోన్‌కాల్‌ చేయడానికి, మెసేజ్‌లు ఓపెన్‌ కావడానికి, ఇతర యాప్‌లు పనిచేయడం నెమ్మదిగా జరుగుతుంది. ► ఫోన్‌లోని కెమెరా, మైక్రోఫోన్‌లు మనకు తెలియకుండానే యాక్టివ్‌ కావడం గమనిస్తే అనుమానించాల్సిందే.  ► ఫోన్‌లోని స్క్రీన్‌లాక్, యాంటీ వైరస్‌ వంటి సెక్యూరిటీ ఫీచర్లన్నీ మనకు తెలియకుండానే డిసేబుల్‌ కావడం ఫోన్‌ హ్యాకింగ్‌ అయ్యిందనడానికి అత్యంత కీలకమైన మార్పుగా గుర్తించాలి. ఫోన్‌ హ్యాక్‌ అయితే ఏం చేయాలి..? ►  ఏదైనా ఉత్తమమైన యాంటీ వైరస్‌ సాప్ట్‌వేర్‌ను ఇన్‌స్టాల్‌ చేసుకొని ఫోన్‌ను స్కాన్‌ చేయాలి. ►  ఫోన్‌లో అనుమానాస్పద యాప్‌లను గమనిస్తే వాటిని వెంటనే డిలీట్‌ చేయాలి. ► ఫోన్‌ హ్యాక్‌ అయి, ఫోన్‌ నుంచి డేటా ట్రాన్స్‌ఫర్‌ అవుతున్నట్లు అనుమానిస్తే వెంటనే ఇంటర్నెట్‌ డేటా ఆఫ్‌ చేయాలి. వైఫై కనెక్షన్‌ తొలగించాలి. ఇలా చేయడం వల్ల హ్యాకర్లకు డేటా ట్రాన్స్‌ఫర్‌ ఆగిపోతుంది. ► ఫోన్‌ స్కీన్ర్‌ లాక్, యాప్‌ లాక్‌లు, ఈ–మెయిల్, సోషల్‌ మీడియా ఖాతాల పాస్‌వర్డ్‌లను మార్చేయాలి. ఇలా చేయడం వల్ల మన వ్యక్తిగత సమాచారం చోరీ కాకుండా అడ్డుకోవచ్చు. ► పైవన్నీ చేసినా ఫలితం లేనట్లు గుర్తిస్తే వెంటనే ఫోన్‌ను రీసెట్‌ చేయాలి. దీనివల్ల మాల్‌వేర్‌ అంతా పోవడంతోపాటు అను మాస్పద యాప్‌లు డివైస్‌ నుంచి తొలగి పోతాయి. అయితే మన వ్యక్తిగత సమా చారం, ఫొటోలు కోల్పోయే ప్రమాదం ఉంటుంది. ఈ జాగ్రత్తలు పాటిస్తే మేలు.. ► మొబైల్‌ ఫోన్‌లోని ఫొటోలు, వీడియో లు, ఇతర డేటాను, సోషల్‌ మీడియా ఖాతాల్లోని సమాచారాన్ని ఎప్పటిక ప్పుడు పెన్‌డ్రైవ్, ఇతర డివైస్‌లలో బ్యాకప్‌ చేస్తూ ఉండాలి. ఫోన్‌ హ్యాక్‌ అయినా వెంటనే దాన్ని రీసెట్‌ చేయొ చ్చు.ముందే బ్యాక్‌అప్‌ ఉంటుంది కాబ ట్టి డేటా పోయే ప్రమాదం ఉండదు.  ► యాపిల్, ఆండ్రాయిడ్‌ ఫోన్లకు ఆరు అంకెల పాస్‌వర్డ్‌లు తప్పక పెట్టుకోవాలి. వాటిని ఎప్పటికప్పుడు మారుస్తూ ఉండాలి. ►  కొత్త యాప్‌లు ఇన్‌స్టాల్‌ చేసే ముందు పూర్తిగా వాటికి సంబంధించిన సమాచారం తెలుసుకోవాలి. ► పబ్లిక్‌ వైఫైను వీలైనంత వరకు వాడకపోవడం ఉత్తమం. తప్పనిసరైతే వీపీఎన్‌ టూల్స్‌ ద్వారా వాడాలి. ఇలా చేయడం వల్ల మన డేటా ప్రైవేటు ఎన్‌క్రిప్టెడ్‌ చానల్‌ ద్వారా వెళ్తుంది. 

చైనాకు చెందిన హ్యాకర్లు విదేశీ ప్రభుత్వాలు, సంస్థలపై సైబర్‌ దాడులకు పాల్పడినట్లు కొన్ని మీడియా కథనాల ద్వారా తెలుస్తుంది. ఇండియాతోపాటు ఇతర దేశాలకు చెందిన గోప్యంగా ఉండాల్సిన సమాచారాన్ని దొంగలించినట్లు వార్తలు ప్రచురితమయ్యాయి. చైనా ప్రభుత్వం మద్దతున్న ఓ హ్యాకింగ్‌ సంస్థకు చెందిన కీలక పత్రాలు ఇటీవల లీకయ్యాయి. ఆ డాక్యుమెంట్లలో సంచలన విషయాలు బయటపడినట్లు కథనాలు వెలువడ్డాయి. సాఫ్ట్‌వేర్‌ లోపాలతో.. విదేశీ ప్రభుత్వాలు, కంపెనీలు, మౌలిక సదుపాయాలను లక్ష్యంగా చేసుకుని ఈ హ్యాకర్లు సైబర్‌ దాడులకు పాల్పడినట్లు అందులో తేలింది. మైక్రోసాఫ్ట్‌, యాపిల్‌, గూగుల్‌కు చెందిన సాఫ్ట్‌వేర్‌ వ్యవస్థల్లో లోపాలను ఉపయోగించుకుని ఈ దాడులు చేసినట్లు తెలిసింది. గతవారం గిట్‌హబ్‌లో లీకైన పత్రాలు షాంఘై కేంద్రంగా కార్యకలాపాలు నిర్వహిస్తున్న ఐసూన్‌ అనే కంపెనీకి చెందినవని సమాచారం. చైనా ప్రభుత్వ కంపెనీలు, మంత్రిత్వ శాఖలకు ఈ సంస్థ థర్డ్‌ పార్టీ హ్యాకింగ్‌ సేవలు అందిస్తోంది.  20 దేశాలు టార్గెట్‌.. ఇతర దేశాలకు సంబంధించిన కీలక సమాచారాన్ని సేకరించేలా సైబర్‌ దాడులకు పూనుకునేలా చైనా ప్రభుత్వం ఒప్పందాలు చేసుకుందని ఆ పత్రాల్లో ఉన్నట్లు తెలిసింది. భారత్‌, యూకే, తైవాన్‌, మలేషియాతోపాటు మొత్తం 20 దేశాలను లక్ష్యంగా చేసుకున్నట్లు అందులో ఉంది. అయితే ఈ పత్రాల లీక్‌కు ఎవరు బాధ్యులో కనుగొనేందుకు చైనా పోలీసులు ప్రయత్నిస్తున్నట్లు తెలిసింది. ఇదీ చదవండి: భవిష్యత్తులో కరెంట్‌ కష్టాలు తీరేనా..? ఏం చేశారంటే.. హ్యాకర్ల నుంచి లీకైన పత్రాల ద్వారా తెలిసిన సమాచరం ప్రకారం కథానాల్లో వెలువడిన వివరాలు ఇలా ఉన్నాయి.. భారత్‌ నుంచి 100 గిగాబైట్ల(జీబీ) ఇమిగ్రేషన్‌ డేటాను సేకరించారు. హ్యాకర్లు వివిధ దేశాల్లోని 80 టార్గెట్ల నుంచి డేటాను దొంగలించారు. దక్షిణ కొరియా టెలికాం ప్రొవైడర్‌ నుంచి 3 టెరాబైట్ల(టీబీ) కాల్‌ లాగ్స్‌ సమాచారాన్ని సేకరించారు. దీనిపై కేంద్రప్రభుత్వం స్పందించలేదు.

కావ్య కీర్తి కీలక పాత్రలో నటించిన చిత్రం హలో బేబీ. ఈ మూవీ తాజాగా ఇంటర్నేషనల్ ఫిల్మ్ ఫెస్టివల్ ఆఫ్ ఆంధ్ర ప్రదేశ్‌ ఉత్తమ చిత్రం అవార్డును గెలుచుకుంది. ఈ చిత్రానికి రామ్ గోపాల్ రత్నం దర్శకత్వం వహించారు.  ఎస్‌కేఎంఎల్ మోషన్ పిక్చర్స్ పతాకంపై కాండ్రేగుల ఆదినారాయణ నిర్మించారు. తాజాగా ఈ అవార్డును తిరుపతిలో జరిగిన కార్యక్రమంలో నిర్మాత ఆదినారాయణకు అందించారు. కాగా.. ఈ సినిమా ఇండస్ట్రీలోనే మొదటి హ్యాకింగ్ చిత్రంగా నిలిచింది. కేవలం సోలో క్యారెక్టర్‌తో ఈ సినిమాను తెరకెక్కించారు. తెలుగు రాష్ట్రాల్లో 200కి పైగా థియేటర్లలో విడుదల చేసేందుకు ప్లాన్ చేసిన మేకర్స్ హిందీలో కూడా రీమేక్ చేయాలని భావిస్తున్నారు. ఈ సినిమా విజయవంతంగా షూటింగ్ పూర్తి చేసుకుని యు/ఎ సెన్సార్ సర్టిఫికేట్ అందుకుంది. ఇండస్ట్రీలో తొలి హ్యాకింగ్ చిత్రంగా గుర్తింపు తెచ్చుకుందని సెన్సార్ అధికారులు ప్రశంసలు కురిపించారు. ఈ సినిమాకు  సుకుమార్ పమ్మి సంగీతమందించారు.   

న్యూఢిల్లీ: ఇజ్రాయెల్‌కు చెందిన పెగాసస్‌ నిఘా సాఫ్ట్‌వేర్‌తో కేంద్రప్రభుత్వం హ్యాకింగ్‌కు పాల్పడిందన్న ఆరోపణలకు తాజాగా బలం చేకూరింది. ప్రభుత్వ ప్రాయోజిత హ్యాకర్లతో దేశంలోని ప్రముఖుల ఐఫోన్లను లక్ష్యంగా చేసుకున్నారంటూ ‘యాపిల్‌’ నుంచి అప్రమత్తత సందేశాలు అక్టోబర్‌లో వచి్చన విషయం తెల్సిందే. ఈ నేపథ్యంలో ఇద్దరు భారతీయ జర్నలిస్టులు తమ ఫోన్లను ల్యాబ్‌ పరీక్షకు పంపించగా అవి పెగాసస్‌ స్పైవేర్‌ హ్యాకింగ్‌కు గురయ్యాయని  తేలింది. తమ సెక్యూరిటీ ల్యాబ్‌ పరీక్షలో ఈ విషయం నిర్ధారణ అయిందని లాభాపేక్షలేని అంతర్జాతీయ సంస్థ ఆమ్నెస్టీ ఇంటర్నేషనల్‌ గురువారం ప్రకటించింది. దీంతో ఆనాడు చాలా మందికి పొరపాటున అలర్ట్‌లు వచ్చాయన్న యాపిల్‌ ఇచి్చన వివరణ తప్పు అని తేలింది.∙పెగాసస్‌ తమ నిఘా సాఫ్ట్‌వేర్‌ను కేవలం దేశాల ప్రభుత్వాలకే విక్రయిస్తోంది. భారత్‌కు చెందిన నిఘా విభాగం సైతం ఇదే సంస్థ నుంచి కొంత హార్డ్‌వేర్‌ను 2017లో కొనుగోలుచేసినట్లు వాణిజ్య గణాంకాల్లో వెల్లడైంది. ఈ స్పైవేర్‌ సాయంతో దేశంలోని ప్రముఖులు, రాజకీయవేత్తలు, సామాజిక కార్యకర్తలు, న్యాయమూర్తుల ఫోన్లను హ్యాక్‌ చేశారని 2021 జూలైæ నెలలో అంతర్జాతీయ మీడియాలో కథనాలు వెలువడటం తెల్సిందే. భారత్‌లోనూ ప్రముఖులు ఈ హ్యాకింగ్‌బారిన పడ్డారని ‘ది వైర్‌’ వార్తాసంస్థ సంచలన కథనం వెలువరిచింది. ‘ది వైర్‌’ వెబ్‌సైట్‌ ఎడిటర్‌ సిద్ధార్థ్‌ వరదరాజన్, ఆర్గనైజ్డ్‌ క్రైమ్స్‌ అండ్‌ కరప్షన్‌ రిపోర్ట్‌ ప్రాజెక్ట్‌(ఓసీసీఆర్‌పీ) సౌత్‌ ఆసియా ఎడిటర్‌ ఆనంద్‌ మంగ్నాలే ఫోన్లను హ్యాకర్లు లక్ష్యంగా చేసుకున్నారని ఆమ్నెస్టీ వెల్లడించింది. వివాదాన్ని కప్పిపుచ్చే ఉద్దేశంతోనే భారత ప్రభుత్వమే యాపిల్‌ సంస్థపై ఒత్తిడి తెచ్చి తప్పుడు అలర్ట్‌లు వచ్చాయని చెప్పించిందని ‘వాషింగ్టన్‌ పోస్ట్‌’ పేర్కొంది. ‘ భారత్‌లోనే కాదు ప్రపంచవ్యాప్తంగా 150 దేశాల ఐఫోన్‌ యూజర్లకు ఇలా పొరపాటున అలర్ట్‌లు వెళ్లాయి’’ అని యాపిల్‌ ఆనాడు ప్రకటించింది. రాహుల్‌ గాం«దీసహా పలువురు విపక్ష నేతలు, జడ్జీలు, సామాజిక కార్యకర్తల ఫోన్ల హ్యాకింగ్‌ ఉదంతం గతంలో పార్లమెంట్‌నూ కుదిపేసింది. ఇంత జరిగినా ‘‘తాము స్పైవేర్‌ను ఇజ్రాయెల్‌ సంస్థ నుంచి కొనలేదు. వినియోగించలేదు’’ అని మోదీ సర్కార్‌ చెప్పకపోవడం గమనార్హం. భారత రక్షణ నిఘా విభాగానికి చెందిన సిగ్నల్‌ ఇంటెలిజెంట్‌ డైరెక్టరేట్‌ గతంలో కాగ్సైట్‌ అనే సంస్థ నుంచి నిఘా పరికరాలు కొనుగోలు చేసిందని ఆరోపణలు వచ్చాయి.

ఫోన్‌ హ్యాకింగ్‌..ఇటీవల అందరినీ భయపెడుతున్న పదం. సైబర్‌ నేరగాళ్లు ప్రపంచంలో ఏ మూలనో నక్కి, ఫోన్లపై దాడి చేస్తూనే ఉన్నారు. మనం వాడే ఫోన్లలో సాప్ట్‌వేర్‌ను జొప్పించి స్మార్ట్‌ఫోన్లను హ్యాక్‌ చేస్తుంటారు. మన ప్రమేయమేమీ లేకుండానే ఫోన్‌ను వాడేస్తుంటారు. అనుచిత యాప్‌లను ఇన్‌స్టాల్‌ చేస్తుంటారు. ఒక్కసారి వ్యక్తిగత వివరాలు వాళ్ల అధీనంలోకి వెళ్లిపోతే ఫోన్‌లోని విలువైన సమాచారం చోరీకి గురవుతుంది. మనకు తెలియకుండానే బ్యాంక్‌ లావాదేవీలు చేసేస్తారు.  నిజానికి ఏ స్మార్ట్‌ఫోనూ పరిపూర్ణమైంది కాదు. అప్పుడప్పుడు ఏవో సమస్యలు వస్తూనే ఉంటాయి. కానీ అదేపనిగా ఇబ్బందులు సృష్టిస్తుంటే ‘ఫోన్‌ను ఎవరైనా హ్యాక్‌ చేశారా?’ అనే సందేహం కలగటంలో ఆశ్చర్యమేమీ లేదు. దాన్ని ఆపాలంటే.. అసలు మన ఫోన్‌ హ్యాకింగ్‌కి గురైందో తెలుసుకోవాలంటే.. అలాకాకుండా ఉండాలంటే ఎలాంటి జాగ్రత్తలు పాటించాలో ఈ కథనంలో తెలుసుకుందాం. ఫోన్‌ హ్యాక్‌ అయితే.. మనం ఇన్‌స్టాల్‌ చేయని కొన్ని యాప్స్‌ సైతం ఫోన్‌ స్క్రీన్‌పై కనిపిస్తుంటే హ్యాకింగ్‌కు గురైందేమోనని అనుమానించాల్సిందే.  బ్యాటరీ ఛార్జింగ్‌ సాధారణ రోజుల్లో కన్నా వేగంగా అయిపోతుంటే స్పైవేర్‌, మాల్వేర్‌ హ్యాకర్లు మనకు తెలియకుండానే మన ఫోన్‌ని ఉపయోగిస్తున్నారని తెలుసుకోవాలి. ఔట్‌గోయింగ్‌ కాల్స్‌ విభాగంలో కొత్త నెంబర్లు, ఔట్‌బాక్స్‌లో మనం పంపని ఎసెమ్మెస్‌లు కనిపిస్తుంటాయి. మన ప్రమేయం లేకుండానే తరచూ పాప్‌-అప్స్‌ హోం స్క్రీన్‌ మీద ప్రత్యక్షం అవుతుంటాయి.  హ్యాక్‌కి గురైన ఫోన్‌కి పోస్ట్‌ పెయిడ్‌ డేటా ప్లాన్‌ సదుపాయం ఉంటే బిల్లులు అసాధారణంగా, ఎక్కువగా వస్తుంటాయి. బ్రౌజర్‌ హోం పేజీ మనం వాడుతున్నది కాకుండా, తరచూ వేర్వేరుగా కనిపిస్తుంటుంది. మనం ఓపెన్‌ చేయని పేజీలూ హిస్టరీ విభాగంలో కనిపిస్తుంటాయి. ఫోన్‌ వేగం మందగిస్తుంటుంది. తెలియని నంబర్ల నుంచి కాల్స్‌ లేదా స్పామ్‌ మెసేజ్‌లు వస్తున్నా.. ఫోన్‌ నుంచి స్పామ్‌ మెసేజ్‌లు వెళ్తున్నా హ్యాక్‌ అయ్యిండొచ్చని అనుకోవాలి. మనకు తెలియకుండానే స్క్రీన్‌లాక్‌, యాంటీవైరస్‌ వంటి భద్రతా ఫీచర్లు డిసేబుల్‌ అయితే సందేహించాల్సిందే.  ఏం చెయ్యాలి? ఫోన్‌ హ్యాక్‌ అయ్యిందనిపిస్తే ముందుగా కాంటాక్ట్‌ నంబర్లున్న వ్యక్తులకు ఫోన్‌ హ్యాక్‌ అయ్యిందనే విషయాన్ని తెలపాలి. మన ఫోన్‌ నుంచి వచ్చే అనుమానిత లింకులేవీ క్లిక్‌ చేయొద్దని వారికి తెలియజేయాలి. ఫోన్‌ వైఫై, మొబైల్‌ డేటాను టర్న్‌ఆఫ్‌ చేయాలి. దీంతో మోసగాళ్లకు ఫోన్‌ మీద మరింత ఆధిపత్యం ఉండకుండా చేయొచ్చు.  ఫోన్‌లోని మాల్వేర్‌ను గుర్తించి, తొలగించటానికి యాంటీ-మాల్వేర్‌ సాఫ్ట్‌వేర్‌ తోడ్పడుతుంది. దీన్ని తరచూ రన్‌ చేస్తుండాలి. ఒకవేళ అలాంటి సాఫ్ట్‌వేర్‌ లేనట్లయితే ఆథరైజ్డ్‌ యాంటీవైరస్‌ సాఫ్ట్‌వేర్‌ను డౌన్‌లోడ్‌ చేసి, రన్‌ చేయాలి. ఫోన్‌ హ్యాక్‌ అయినప్పుడు లాగిన్‌ పాస్‌వర్డ్‌లను మోసగాళ్లు తెలుసుకునే ప్రమాదముంది. కాబట్టి మాల్వేర్‌ను తొలగించిన తర్వాత అన్ని పాస్‌వర్డ్‌లను రీసెట్‌ చేసుకోవాలి. ప్రతి ఖాతాకూ వేర్వేరుగా కఠినమైన పాస్‌వర్డ్‌లను నిర్ణయించుకోవాలి. ఫోన్‌లో పొరపాటున మాల్వేర్‌ చొరపడటానికి ప్రధాన కారణం అనుమానిత యాప్‌లను డౌన్‌లోడ్‌ చేసుకోవటం. ఫోన్‌ హ్యాక్‌ అయ్యిందని అనిపిస్తే యాప్‌ల జాబితాను నిశితంగా పరిశీలించాలి. థర్డ్‌ పార్టీ యాప్‌ స్టోర్‌ నుంచి లేదా ఇతర సోర్సుల నుంచి డౌన్‌లోడ్‌ అయిన యాప్‌లు కనిపిస్తే వెంటనే డిలీట్‌ చేయాలి. ఆ యాప్‌లు ఏయే డేటాను యాక్సెస్‌ చేస్తున్నాయో కూడా చూడాలి. దీంతో ఏ ఖాతా పాస్‌వర్డ్‌లు మార్చాలో తెలుస్తుంది.  ఇదీ చదవండి: ఎయిర్‌ఇండియా బాహుబలి! ఫోన్‌ ఫ్యాక్టరీ రీసెట్‌ చేస్తే చాలావరకు మాల్వేర్‌ తొలగిపోతుంది. అయితే దీంతో ఫోన్‌లో స్టోర్‌ అయిన ఫొటోలు, నోట్స్‌, కాంటాక్ట్స్‌ వంటి సమాచారమూ పోతుంది. కాబట్టి ఫోన్‌ను రీసెట్‌ చేయటానికి ముందు డేటాను బ్యాకప్‌ చేయాలి. అయితే యాప్స్‌ను బ్యాకప్‌ చేయొద్దు. ముఖ్యంగా ఫోన్‌లో మాల్వేర్‌ ఉన్నట్టు అనుమానిస్తే అసలే యాప్స్‌ను బ్యాకప్‌ చేయొద్దు.  అదనపు భద్రత కోసం ముఖ్యమైన యాప్‌లన్నింటికీ టూ-ఫ్యాక్టర్‌ అథెంటికేషన్‌ సెట్‌ చేసుకోవాలి. బ్యాంకు ఖాతాలు, ఈమెయిళ్లు, ఇతర రహస్య ఖాతాల వంటి వాటిల్లో ఏదైనా అనుమానిత కార్యకలాపాలు జరుగుతున్నాయేమో కనిపెడుతుండాలి. పాస్‌వర్డ్‌ మేనేజర్‌ వంటి భద్రమైన యాప్‌ను వాడితే తప్ప ఫోన్‌లో పాస్‌వర్డ్‌లు, క్రెడిట్‌ కార్డు వివరాల వంటి కీలకమైన సమాచారాన్ని సేవ్‌ చేయొద్దు.

న్యూఢిల్లీ: బీఎస్‌ఎన్‌ఎల్‌ ల్యాండ్‌లైన్‌ వినియోగదారుల సమాచారాన్ని చోరీచేసిన ఓ హ్యాకర్‌ ఆ వివరాలను ఆన్‌లైన్‌లో విక్రయానికి పెట్టాడు. దీంతో ఆయా కస్టమర్ల గోప్యతకు విఘాతం కలిగింది. తనను ‘పెరిల్‌’గా పేర్కొన్న ఓ హ్యాకర్‌.. డార్క్‌వెబ్‌లో ఆ సమస్త వివరాలను పొందుపరిచాడు. దీంతో యూజర్ల గుర్తింపు బహిర్గతమవడంతోపాటు వారి సమాచారం సాయంతో మరో ఆర్థిక మోసం, ఆన్‌లైన్‌మోసానికి ఆస్కారం ఏర్పడింది. దాదాపు 29 లక్షల వరుసల డేటాను సంపాదించానని హ్యాకర్‌ తన డార్క్‌వెబ్‌ పేజీలో పేర్కొన్నాడు. శాంపిల్‌గా మొదట 32,000 లైన్ల డేటాను అందరికీ కనిపించేలా పెట్టాడు. ఆయా బీఎస్‌ఎన్‌ఎల్‌ ఫైబర్, ల్యాండ్‌లైన్‌ యూజర్ల పేరు, ఈమెయిల్‌ ఐడీ, బిల్లుల సమాచారం, ఫోన్‌ నంబర్లు, ఇతర వ్యక్తిగత డేటాను వెబ్‌సైట్‌లో విక్రయానికి పెట్టాడు. కస్టమర్‌ ఇన్ఫర్మేషన్, నెట్‌వర్క్‌ వివరాలు, ఆర్డర్లు, హిస్టరీ అందులో ఉన్నాయి. డేటా చోరీతో వెంటనే అప్రమత్తమై తమ యూజర్ల డేటా రక్షణకు బీఎస్‌ఎన్‌ఎల్‌ చర్యలు తీసుకోవాలన్న డిమాండ్లు పెరిగాయి. ‘ ఇది బీఎస్‌ఎన్‌ఎల్‌కు, దాని వినియోగదారులపై విస్తృతస్థాయిలో దు్రష్పరిణామాలు చూపిస్తుంది’ అని సైబర్‌ సెక్యూరిటీ నిపుణుడు, ఇండియా ఫ్యూచర్‌ ఫౌండేషన్‌ వ్యవస్థాపకుడు కనిష్క్ గౌర్‌ ఆందోళన వ్యక్తంచేశారు. 

కేంద్రప్రభుత్వ సైబర్‌ సెక్యూరిటీ ఏజెన్సీ కంప్యూటర్‌ ఎమర్జెన్సీ రెస్పాన్స్‌ టీమ్‌(సెర్ట్‌-ఇన్‌) ఇటీవల శాంసంగ్‌ కంపెనీ ఉత్పత్తుల్లో అనేక లోపాలు ఉన్నాయని గుర్తించిన సంగతి తెలిసిందే. ఫలితంగా సైబర్‌ నేరస్థులు శాంసంగ్‌ ఫోన్‌లు వాడుతున్న లక్షల మంది వినియోగదారుల నుంచి తమ వ్యక్తిగత డేటాను దొంగలించే ప్రమాదం ఉందని సెర్ట్‌ పేర్కొంది. తాజాగా యాపిల్‌ ఉత్పత్తులకు కూడా ఇదే తరహాలో ప్రమాదం ఉందని కేంద్రం తెలిపింది. ఈ కంపెనీకి చెందిన పలు ఉత్పత్తుల్లో సెక్యూరిటీ లోపం ఉన్నట్లు గుర్తించామని కంప్యూటర్‌ ఎమర్జెన్సీ రెస్పాన్స్‌ టీమ్‌ ఆఫ్‌ ఇండియా (సెర్ట్‌-ఇన్‌) వెల్లడించింది. దీని వల్ల యూజర్ల వ్యక్తిగత డేటాను హ్యాకర్లు దొంగలించే ప్రమాదం ఉందని హెచ్చరించింది. యూజర్లు వెంటనే తమ ఉత్పత్తులను లేటెస్ట్‌ సెక్యూరిటీ అప్‌డేట్‌ చేసుకోవాలని సూచించింది. ఐఫోన్‌, యాపిల్‌ వాచ్‌, మ్యాక్‌ బుక్‌, ఐపాడ్‌, యాపిల్‌ టీవీ ఆపరేటింగ్‌ సిస్టమ్‌లతో పాటు సఫారీ బ్రౌజర్‌లో ఈ భద్రతా పరమైన లోపాలను గుర్తించినట్లు సెర్ట్‌-ఇన్‌ తన అడ్వైజరీలో వివరించింది.  ‘యాపిల్ ఉత్పత్తుల్లో పలు సెక్యూరిటీ లోపాలు బయటపడ్డాయి. దీని వల్ల హ్యాకర్లు యాపిల్‌ ఉత్పత్తుల్లోని భద్రతా పరిమితులను అధిగమించి యూజర్ల వ్యక్తిగత సమాచారాన్ని దొంగలించే ప్రమాదం ఉంది’ అని సెర్ట్‌ తెలిపింది. ఈ లోపాలను హ్యాకర్లు గుర్తిస్తే సెక్యూరిటీ పరిమితులను అధిగమించగలరని, ఏకపక్షంగా కోడ్‌ను ఎగ్జిక్యూట్‌ చేసి కీలక సమాచారాన్ని పొందే ప్రమాదం ఉందని తెలిపింది. ఐఓఎస్‌, ఐప్యాడ్‌ ఓఎస్‌ 17.2 కంటే ముందు వెర్షన్లు, ఐఓఎస్‌, ఐప్యాడ్‌ ఓఎస్‌ 16.7.3 కంటే ముందు వెర్షన్లు, మ్యాక్‌ ఓఎస్‌ సొనోమా 14.2, వెంట్యురా 13.6.3, మానిటరీ 12.7.2, యాపిల్‌ టీవీ ఓఎస్‌ 17.2, యాపిల్‌ వాచ్‌ ఓఎస్‌ 10.2, సఫారీ 17.2 కంటే ముందు వెర్షన్లలో ఈ లోపాలను గుర్తించినట్లు సెర్ట్‌-ఇన్‌ వెల్లడించింది. కాగా.. యాపిల్‌ ఉత్పత్తులకు కేంద్రం గతంలోనూ పలుమార్లు ఇలాంటి అలర్ట్‌లు జారీ చేసింది. ఇదీ సంగతి: స్మార్ట్‌ఫోన్‌ వినియోగదారులకు కేంద్రం హై అలర్ట్‌! ఇటీవలే శాంసంగ్‌ స్మార్ట్‌ఫోన్‌ యూజర్లకు కూడా కేంద్రం హెచ్చరికలు జారీ చేసింది. ఆండ్రాయిడ్‌ 11, 12, 13, 14 ఓఎస్‌తో పనిచేసే శాంసంగ్‌ ఫోన్లలో భద్రతాపరమైన లోపం ఉందని, దీనివల్ల వినియోగదారులకు తెలియకుండానే వ్యక్తిగత డేటాను హ్యాకర్లు దొంగిలించే ప్రమాదం ఉందని పేర్కొంది. కాబట్టి యూజర్లు లేటెస్ట్‌ సాఫ్ట్‌వేర్‌ అప్‌డేట్‌ చేసుకోవాలని సెర్ట్‌-ఇన్‌ వివరించింది.

న్యూఢిల్లీ: విపక్ష ఎంపీల ఐఫోన్లకు వచ్చిన హ్యాకింగ్‌ అలర్ట్‌ల ఉదంతంలో కేంద్ర సైబర్‌సెక్యూరిటీ దర్యాప్తు సంస్థ రంగంలోకి దిగింది. భారత కంప్యూటర్‌ అత్యవసర స్పందనా బృందం(సీఈఆర్‌టీ–ఇన్‌) సంస్థ తన దర్యాప్తు ఇప్పటికే ప్రారంభించిందని కేంద్ర సమాచార సాంకేతిక శాఖ కార్యదర్శి ఎస్‌.కృష్ణన్‌ గురువారం చెప్పారు. ప్రభుత్వ ప్రాయోజిత హ్యాకర్లు ఐఫోన్ల దాడికి యత్నించినట్లు ఏమైనా ఆధారాలుంటే సమరి్పంచాలని ఐఫోన్‌ తయారీసంస్థ యాపిల్‌ను కోరుతూ కేంద్రం నోటీసులు పంపింది. సీఈఆర్‌టీ–ఇన్‌ ఆధ్వర్యంలో జరిగే దర్యాప్తుకు యాపిల్‌ సంస్థ సహకరించనుందని కృష్ణన్‌ చెప్పారు. సీఈఆర్‌టీ అనేది జాతీయ నోడల్‌ ఏజెన్సీ. కంప్యూటర్‌ భద్రతను సవాల్‌ చేసే ఘటనలు సంభవించినపుడు వెంటనే సీఈఆర్‌టీ స్పందించి తగు సూచనలు, సలహాలు ఇస్తుంది.     

నిత్యం ఏవో కళ్ళు మనల్ని గమనిస్తున్నాయంటే ఎలా ఉంటుంది? చేతిలోని మన చరవాణి సైతం చటుక్కున ప్రత్యర్థిగా మారిపోయే ప్రమాదం ఉందని తెలిస్తే ఏమనిపిస్తుంది? ఫోన్లలోని కీలక సమాచారాన్ని చేజిక్కించుకొనేందుకు ‘పాలకవర్గ ప్రాయోజిత ఎటాకర్లు’ ప్రయత్నిస్తున్నారంటూ ఆపిల్‌ సంస్థ అక్టోబర్‌ 31న పంపిన అప్రమత్తపు ఈ–మెయిల్స్‌తో అదే జరిగింది. ఐ–ఫోన్లు వాడుతున్న పలువురు ప్రతిపక్ష నేతలు, పాత్రికేయులే కాదు... ప్రపంచమంతా ఉలిక్కిపడింది. వ్యక్తిగత డేటా, గోప్యతలకు భంగం వాటిల్లే ప్రమాదం ఉందంటూ దేశవ్యాప్తంగా ఆపిల్‌ ఐ–ఫోన్‌ వినియోగదారులు పలువురికి ఇలా పారాహుషార్‌ సందేశాలు అందడం తేలికైన విషయమేమీ కాదు. సహజంగానే కేంద్ర ఐటీ శాఖ మంత్రి ప్రభుత్వం హ్యాకింగ్‌కు పాల్పడుతోందనే ఆరోపణల్ని కొట్టిపారేశారు. దీనిపై క్షుణ్ణంగా దర్యాప్తు చేస్తామన్నారు. ఈ అప్రమత్తత నోటిఫికేషన్లు పంపిన టెక్‌ దిగ్గజం ఆపిల్‌కు నోటీసులిచ్చి, సహకరించాల్సిందిగా కోరారు.  ఫోన్లు – కంప్యూటర్ల హ్యాకింగ్, పాలకపక్షాల గూఢచర్యం ఆధునిక సాంకేతిక యుగం తెచ్చిన అతి పెద్ద తలనొప్పి. ఇది అనేక దేశాల్లో గుట్టుగా సాగుతూనే ఉంది. పులు కడిగిన ముత్యాలమని చెప్పుకొనే పాలకవర్గాలు ఇలాంటి ఆరోపణలు వచ్చినప్పుడు ఎలాంటి చర్యలు తీసుకుంటున్నా యన్నది కీలకం. డేటా లీకేజీలు, గూఢచర్య సాఫ్ట్‌వేర్‌ వినియోగాలు మనకూ కొత్త కావు. దేశంలో ఇజ్రాయెలీ గూఢచర్య సాఫ్ట్‌వేర్‌ ‘పెగసస్‌’ వినియోగం సహా పలు ఆరోపణలపై గతంలో విచారణలు జరిగాయి. భవిష్యత్తులో ఇలాంటి ఘటనలు జరగబోవని హామీలూ వచ్చాయి. అన్నీ నీటిమూటలే. పెగసస్‌ సాఫ్ట్‌వేర్‌ కొనలేదని ప్రభుత్వం తోసిపుచ్చినా, కొత్త గూఢచర్య సాఫ్ట్‌వేర్ల కొనుగోలుకు భారత్‌ ఉత్సుకత చూపుతుందని విదేశీ పత్రికల్లో విశ్వసనీయ కథనాలు వచ్చాయి. సుప్రీం కోర్ట్‌ నియమించిన కమిటీ కొన్ని ఫోన్లను పరిశీలించి, పెగసస్‌ వినియోగంపై కచ్చితమైన సాక్ష్యాధారాలు లభించలేదని చెబుతూనే, ఈ దర్యాప్తులో కేంద్ర ప్రభుత్వం సహకరించలేదని కుండబద్దలు కొట్టింది. అందుకే, తాజా విచారణపైనా అపనమ్మకం వ్యక్తమైతే తప్పుపట్టలేం.  తాజా అప్రమత్త సందేశాలు పంపడానికి కారణాలను ఆపిల్‌ వివరించిన తీరూ అస్పష్టంగా ఉంది. అది సమగ్రంగా కారణాలను వివరించాల్సింది. అసలు ‘పాలకవర్గ ప్రాయోజిత’ ఎటాకర్లు అనే పదానికి ఆ సంస్థ చెబుతున్న వ్యాఖ్యానం, జనానికి అర్థమవుతున్న టీకా తాత్పర్యం వేర్వేరు. పుష్కలంగా నిధులు, వ్యవస్థీకృత సామర్థ్యం, ఆధునిక సాంకేతిక నైపుణ్యాలున్నవన్నీ ఆ వర్గం కిందకు వస్తాయన్నది ఆపిల్‌ మాట. ప్రభుత్వ జోక్యం లేనిదే అది అసాధ్యమనేది అందరికీ తెలుసు. అందుకే, తాజా రగడపై అటు భారత అటు ప్రభుత్వం, ఇటు ఆపిల్‌ క్రియాశీలంగా వ్యవహరించాలి. వినియోగదారుల్ని అప్రమత్తం చేయడమే నేరమన్నట్టు ప్రభుత్వం, ఆపిల్‌ చెవులు మెలేస్తే దేశంలో పెట్టుబడులకు ప్రతికూల వాతావరణమే మిగులుతుంది. ప్రపంచవ్యాప్తంగా దాదాపు 20 శాతం మంది ఆపిల్‌ ఐ–ఫోన్లు వాడుతుంటే, వారిలో 7 శాతం మన దేశంలోనే ఉన్నారు. తమ ఉత్పత్తులు పూర్తి సురక్షితమనీ, హ్యాకింగ్‌ అవకాశం అత్యల్పమనీ, ఆ యా దేశాల ప్రభుత్వాల పక్షాన తాము గూఢచర్యానికి ఎన్నడూ పాల్పడబోమనీ ఆపిల్‌ కూడా నమ్మకం కలిగించాలి.   ఇన్ఫర్మేషన్‌ టెక్నాలజీపై ఏర్పాటైన పార్లమెంటరీ సంఘం తక్షణం సమావేశమై, ఆపిల్‌ సందేశాలపై విచారణ జరపాలంటూ ప్రతిపక్ష సభ్యులు ఇప్పటికే ప్రభుత్వాన్ని ఇరుకునపెట్టారు. అయితే, ప్రతిపక్షాలు చేస్తున్న ఈ ఫోన్ల హ్యాకింగ్‌ వాదనను ‘యాక్సెస్‌ నౌ’ సంస్థ సమర్థిస్తోందనీ, కోటీశ్వరుడైన అమెరికన్‌ ఫైనాన్షియర్‌ జార్జ్‌ సోరోస్‌కు ఆ సంస్థలో పెట్టుబడులున్నాయి గనక ఆయనకు ఈ హ్యాకింగ్‌ వివాదంతో సంబంధం ఉందనీ అధికార బీజేపీ ఐటీ విభాగాధిపతి ఆరోపించారు. పాలక వర్గాలపై ఆరోపణలు వచ్చినప్పుడు అవి నిరాధారమని నిరూపించి, నిజాయతీని నిరూపించు కోవాలి. అది వదిలేసి బోడిగుండుకూ, మోకాలుకూ ముడిపెడితే ప్రయోజనం శూన్యం. అదే సమ యంలో ఇచ్చిన సమాచారంపై దృష్టిపెట్టకుండా, తెచ్చిన వార్తాహరుడిపై కత్తులు నూరితే కష్టం. ఆపిల్‌ అప్రమత్తతకు సరిగ్గా ఒక రోజు ముందరే మన ‘ఇండియన్‌ కౌన్సిల్‌ ఆఫ్‌ మెడికల్‌ రిసెర్చ్‌’ నుంచి దాదాపు 80 కోట్ల మంది పౌరుల ఆధార్‌ వివరాలు లీకయ్యాయి. దీనిపైనా లోతైన విచారణ జరపాల్సి ఉంది. ఆధార్‌ వివరాలు నమోదు చేసే ‘యునీక్‌ ఐడెంటిఫికేషన్‌ అథారిటీ ఆఫ్‌ ఇండియా’ సర్వర్‌ కట్టుదిట్టమైనదే. కానీ, ఇతర మార్గాల్లో వివరాలు బయటకు పొక్కుతున్నాక ఇక గోప్యతకు అర్థమేముంది! వ్యక్తిగత డిజిటల్‌ డేటా రక్షణపై ఇటీవలే చట్టం చేసిన ప్రభుత్వం సమాచార సేకరణ, నిల్వ, వినియోగంపై కట్టుదిట్టమైన నియమావళి సత్వరం తీసుకురావాలి.  ప్రజాస్వామ్యానికి కీలకమైన ప్రతిపక్షాలు, పాత్రికేయులపై నిఘా పెట్టి, పౌరుల ప్రాథమిక హక్కయిన గోప్యతను తుంగలో తొక్కాలనుకుంటే అది ఘోరం. ఈ వ్యవహారంపై ప్రజల్లో చైతన్యం పెంచి, ఇలాంటి ఉల్లంఘనల్ని ప్రతిఘటించేలా సంసిద్ధం చేయాలి. పాలకపక్షాలు ఈ ఆరోపణల్లోని నిజానిజాల నిగ్గు తేల్చాలి. పదేపదే ఆరోపణలు వస్తున్నందున వ్యక్తిగత సమాచార గోప్యతకు భంగం వాటిల్లకుండా కట్టుదిట్టమైన జాగ్రత్తలు తీసుకోవాలి. పరిష్కార మార్గాల అన్వేషణే కాదు... ఆచరణలోనూ ప్రజలందరికీ నమ్మకం కలిగించాలి. గోప్యత ఉల్లంఘన జరిగినట్టు తేలితే, కఠిన చర్యలు చేపట్టాలి. అలాకాక, రెండేళ్ళ క్రితం నాటి ‘పెగసస్‌’ లానే దీన్ని కూడా చాప కిందకు నెట్టేయాలని పాలకులు ప్రయత్నిస్తేనే చిక్కు. రాజకీయ రచ్చగా మారుతున్న తాజా వ్యవహారంలో అసలు సంగతి వదిలేసి, కొసరు విషయాలు మాట్లాడుకుంటే ఎన్నటికీ ఉపయోగం లేదు. 

న్యూఢిల్లీ: పలు రాష్ట్రాల్లో అసెంబ్లీ ఎన్నికల పోరు తారస్థాయికి చేరిన వేళ విపక్ష నేతల ఫోన్ల హ్యాకింగ్‌ వార్తలు దేశవ్యాప్తంగా పెను రాజకీయ సంచలనానికి దారితీశాయి. కాంగ్రెస్‌ మొదలుకుని పలు విపక్షాల ఎంపీలు తదితరుల ఐఫోన్లకు దాని తయారీ సంస్థ యాపిల్‌ నుంచి మంగళవారం వచ్చిన హ్యాకింగ్‌ అలర్టులు తీవ్ర కలకలం రేపాయి. ‘ప్రభుత్వ ఆధ్వర్యంలో పని చేస్తున్న హ్యాకర్లు మీ ఐఫోన్లను నియంత్రణలోకి తీసుకునే ప్రయత్నం చేస్తున్నారు’ అంటూ వచ్చిన హెచ్చరిక నోటిఫికేషన్లు సంచలనం సృష్టించాయి. ఇది కచ్చితంగా కేంద్రంలోని మోదీ సర్కారు పనేనంటూ విపక్ష నేతలు భగ్గుమన్నారు. గతంలో పెగసెస్‌ సాఫ్ట్‌వేర్‌తో తమపై గూఢచర్యం చేసిన బీజేపీ, ఎన్నికల వేళ మరోసారి ఇలాంటి చౌకబారు చర్యలకు దిగిందంటూ దుయ్యబట్టారు. ఈ ఆరోపణలను కేంద్రం తీవ్రంగా ఖండించింది. దీనిపై పూర్తిస్థాయి దర్యాప్తు జరిపించి వాస్తవాలు వెలుగులోకి తెస్తామని ప్రకటించింది. మరోవైపు ఈ కలకలం నేపథ్యంలో, తమ నోటిఫికేషన్లలో కొన్ని ఫేక్‌ అలర్టులు కూడా ఉండొచ్చంటూ యాపిల్‌ స్పందించింది. భారత్‌లోనేగాక 150 దేశాల్లో పలువురు యూజర్లకు ఇలాంటి అలర్టులు వచ్చాయని పేర్కొంది. అయితే ఈ అలర్టులకు దారితీసిన కారణాలను బయట పెట్టేందుకు నిరాకరించింది.  దుయ్యబట్టిన విపక్ష నేతలు  ఈ ఉదంతంలో కేంద్రప్రభుత్వ పాత్ర కచ్చితంగా ఉందంటూ విపక్ష నేతలు ఆరోపించారు. తమ ఫోన్లలో అభ్యంతరకర సమాచారాన్ని చొప్పించి అందుకు తమను బాధ్యులను చేసే ప్రయత్నాలు జరుగుతున్నాయంటూ సీపీఎం ప్రధాన కార్యదర్శి సీతారాం ఏచూరి, శివసేన ఎంపీ ప్రియాంకా చతుర్వేది ప్రధాని మోదీకి లేఖ రాశారు. ఈ అంశాన్ని తక్షణం లోక్‌సభ హక్కుల కమిటీకి నివేదించాలని డిమాండ్‌ చేస్తూ తృణమూల్‌ కాంగ్రెస్‌ పార్టీ మహిళా ఎంపీ మహువా మొయిత్రా లోక్‌సభ స్పీకర్‌ ఓం బిర్లాకు లేఖ రాశారు. ప్రజాస్వామ్య దేశంలో స్వేచ్ఛ, గోప్యతలపై ఇలాంటి దాడి దారుణమని సమాజ్‌వాదీ పార్టీ అధినేత అఖిలేశ్‌ యాదవ్‌ మండిపడ్డారు. ఆప్‌ కన్వీనర్‌ అరవింద్‌ కేజ్రీవాల్‌ తదితర విపక్ష నేతలను విచారణ పేరుతో వేధించడం, తాజాగా వారి ఫోన్ల హ్యాకింగ్‌కు ప్రయత్నించడం మోదీ సర్కారు అభద్రతా భావానికి సూచనలని పీడీపీ అధ్యక్షురాలు మెహబూబా ముఫ్తీ ఆరోపించారు.  లోతుగా దర్యాప్తు: ఐటీ మంత్రి వైష్ణవ్‌  విపక్ష నేతల ఆరోపణలను కేంద్ర ఐటీ మంత్రి అశ్వినీ వైష్ణవ్‌ కొట్టిపారేశారు. మోదీ నాయకత్వంలో దేశ ప్రగతిని చూసి ఓర్వలేక ఇలాంటి విమర్శలు చేస్తున్నారని దుయ్యబట్టారు. అయితే ఈ ఉదంతంపై కూలంకషంగా దర్యాప్తు జరిపించి నోటిఫికేషన్ల వ్యవహారాన్ని నిగ్గుదేలుస్తామని ప్రకటించారు. ‘పూర్తి పారదర్శకంగా సరైన సమాచారాన్ని అందజేయడం ద్వారా విచారణలో మాతో కలిసి రావాల్సిందిగా యాపిల్‌ను కోరాం. ముఖ్యంగా ప్రభుత్వ దన్నుతో హ్యాకింగ్‌ జరగవచ్చని ఏ ఆధారంతో చెప్పారో వివరించాలని సూచించాం. ఇది పూర్తిగా సాంకేతికపరమైన దర్యాప్తు. కనుక కంప్యూటర్‌ సెక్యూరిటీ సంబంధిత అంశాలకు బాధ్యత వహించే జాతీయ నోడల్‌ ఏజెన్సీ సెర్ట్‌–ఇన్‌ దీన్ని చేపడుతుంది.’ అని మంత్రి ప్రకటించారు. ఇలాంటి నోటిఫికేషన్లు 150కి పైగా దేశాల్లోని ఐఫోన్‌ యూజర్లకు వచ్చాయని ఐటీ శాఖ సహాయ మంత్రి రాజీవ్‌ చంద్రశేఖర్‌ గుర్తు చేశారు.  నా ఫోన్‌ తీసుకోండి: రాహుల్‌  ఈ ఉదంతంపై కాంగ్రెస్‌ నేత రాహుల్‌ గాంధీ మీడియాతో మాట్లాడారు. విపక్ష నేతల ఐఫోన్ల హ్యాకింగ్‌ కచ్చితంగా మోదీ సర్కారు పనేననంటూ తీవ్రంగా ధ్వజమెత్తారు. ‘మేం భయపడేది లేదు. మా ఫోన్లను ఎంతగా హాకింగ్‌ చేసుకుంటారో చేసుకోండి. మీకు కావాలంటే చెప్పండి, నా ఫోన్‌ కూడా ఇస్తా’ అంటూ విరుచుకుపడ్డారు. పారిశ్రామికవేత్త గౌతం అదానీయే ప్రస్తుతం దేశాన్ని రిమోట్‌ కంట్రోల్‌తో నడుపుతున్నారని ఆరోపించారు. ‘ఇప్పుడు దేశంలో అదానీయే నంబర్‌ వన్‌. తర్వాతి స్థానాల్లో మోదీ, కేంద్ర హోం మంత్రి అమిత్‌ షా ఉన్నారు. మోదీ ఆత్మ అదానీ దగ్గరుంది. అందుకే అదానీని ఎవరైనా ఒక్క మాటన్నా వెంటనే నిఘా వర్గాలు రంగంలోకి దిగుతున్నాయి.  అలర్టులు అందుకున్న నేతలు..  మల్లికార్జున ఖర్గే, శశి థరూర్, పవన్‌ ఖేరా, కె.సి.వేణుగోపాల్, సుప్రియా శ్రీనేత్, టి.ఎస్‌.సింగ్‌దేవ్, భూపీందర్‌ సింగ్‌ హుడా, రాహుల్‌గాంధీ సహాయకులు, మహువా మొయిత్రా (టీఎంసీ), సీతారాం ఏచూరి (సీపీఎం), ప్రియాంకా చతుర్వేది (శివసేన–యూబీటీ), రాఘవ్‌ ఛద్దా (ఆప్‌), అసదుద్దీన్‌ ఒవైసీ (మజ్లిస్‌), సమీర్‌ సరణ్‌ (ఓఆర్‌ఎఫ్‌ అధ్యక్షుడు), సిద్ధార్థ్‌ వరదరాజన్‌ (ద వైర్‌ వ్యవస్థాపక ఎడిటర్‌), ఢిల్లీ సీఎం అరవింద్‌ కేజ్రీవాల్‌ ఓఎస్డీ తదితరులు   యాపిల్‌ అలర్టులో ఏముందంటే...  ‘ప్రభుత్వ ఆధ్వర్యంలో పని చేసే హాకర్లు మీ ఐఫోన్‌ను టార్గెట్‌ చేసుకుని ఉండొచ్చని యాపిల్‌ అనుమానిస్తోంది. బహుశా మీ హోదా, మీరు చేస్తున్న పనుల వల్ల మీరు వ్యక్తిగతంగా వారి లక్ష్యంగా మారి ఉండొచ్చు. ఇలాంటి ప్రభుత్వ ఆధ్వర్యంలోని హాకర్లు మీ ఫోన్‌ను హాక్‌ చేసి తమ అ«దీనంలోకి తీసుకుంటే అందులోని సున్నితమైన డేటా, సమాచారంతో పాటు కెమెరా, మైక్రోఫోన్‌ వారి చేతిలోకి వెళ్లిపోతాయి. ఇది ఫేక్‌ హెచ్చరికే అయ్యుండే ఆస్కారమూ లేకపోలేదు. కానీ దయచేసి దీన్ని సీరియస్‌గా  తీసుకోండి’ 

న్యూఢిల్లీ: తమ ఐఫోన్ల‌ను హ్యాక్  చేస్తున్నార‌న్న  ప్రతిపక్ష ఎంపీల ఫిర్యాదులపై కేంద్రం స్పందించింది.  150 దేశాల‌కు యాపిల్ సంస్థ అడ్వైజ‌రీ జారీ చేసింద‌ని కేంద్ర మంత్రి అశ్వినీ వైష్ణ‌వ్  మంగళవారం తెలిపారు. కొన్ని కొన్ని సంద‌ర్భాల్లో ఆ అల‌ర్ట్‌లు త‌ప్పుడుగా వ‌చ్చే అవ‌కాశాలు కూడా ఉన్న‌ట్లు మంత్రి చెప్పారు. వార్నింగ్ మెసేజ్‌ల విష‌యంలో ద‌ర్యాప్తునకు కేంద్రం ఆదేశించినట్టుతెలిపారు. మెసేజ్‌లు అందుకున్న వారితో పాటు యాపిస్ సంస్థ కూడా ఆ ద‌ర్యాప్తున‌కు స‌హ‌క‌రించాల‌ని ఆయ‌న కోరారు.   ఈ సందర్భంగా ప్ర‌భుత్వ‌మే త‌మ ఫోన్ల‌ను హ్యాక్ చేస్తోందని విపక్ష ఎంపీల ఆరోపణలపై కేంద్ర మంత్రి మండిపడ్డారు. ప్రియంక చతుర్వేది, శ‌శిథ‌రూర్‌, మ‌హువా మొయిత్రా, అస‌దుద్దీన్ ఓవైసీ లాంటి ఎంపీలు పని గట్టుకుని ప్రధాని మోదీపై విమర్శలు గుప్పిస్తుంటారంటూ కౌంటర్‌ ఎటాక్‌ చేశారు. శ‌శిథ‌రూర్‌, మ‌హువా మొయిత్రా,  ఓవైసీ, ఆప్‌కి చెందిన రాఘవ్ చద్దాతో సహా పలువురు  విపక్ష ఎంపీ త‌మ ఐఫోన్ల‌కు వ‌చ్చిన యాపిల్ వార్నింగ్ మెసేజ్‌లను  సోష‌ల్ మీడియాలోనూ పోస్టు చేసిన సంగతి తెలిసిందే.  

న్యూఢిల్లీ: పలువురు లోక్‌సభ ప్రతిపక్ష ఎంపీలకు యాపిల్‌ ఫోన్‌ వార్నింగ్‌ అలర్ట్‌ పంపింది. ఎంపీల యాపిల్‌ ఐడీ ఆధారంగా స్టేట్‌ స్పాన్సర్డ్‌ అటాకర్స్‌ తమ ఐఫోన్‌, ఈ-మెయిల్స్‌ హ్యాక్‌ చేస్తున్నట్లు హెచ్చరించింది.  వ్యక్తిగత సమాచారాన్ని దొంగలించే ప్రమాదం ఉందని, జాగ్రత్తగా ఉండాలని సూచించింది. ఈ మెసెజ్‌ అందుకున్న వారిలో త్రుణమూల్‌ కాంగ్రెస్‌ ఎంపీ మహువా మొయిత్రా, కాంగ్రెస్‌ ఎంపీ శశి థరూర్‌, ఎంఐఎం ఎంపీ అసదుద్దీన్‌ ఒవైసీ, శివసేన(ఉద్దవ్‌ వర్గం) ఎంపీ ప్రియాంక చతుర్వేది ఉన్నారు. కేంద్రలోని బీజేపీ ప్రభత్వం తన ఫోన్‌, ఈ-మెయిల్‌ను హ్యక్‌ చేసేందుకు ప్రయత్నిస్తోందని తృణమూల్‌ కాంగ్రెస్‌ ఎంపీ మహువా మొయిత్రా ఆరోపించారు. ఈ మేరకు యాపిల్‌ సంస్థ నుంచి తన  ఫోన్‌కు వచ్చిన హెచ్చరిక మెసెజ్‌ స్క్రీన్‌షాట్‌ను ట్విటర్‌లో చేశారు. ‘ప్రభుత్వం నా ఫోన్, ఈ-ఇమెయిల్‌లను హ్యాక్ చేయడానికి ప్రయత్నిస్తోందని హెచ్చరిస్తూ ఆపిల్ నుంచి టెక్స్ట్, ఈ మెయిల్‌ వచ్చింది. మీ భయం నన్ను మీపై జాలిపడేలా చేస్తుంది’ అంటూ అదానీ, పీఎంవో, హోమంమంత్రి కార్యాలయాలను ఉద్ధేశిస్తూ ట్వీట్‌ చేశారు.   So not just me but also @MahuaMoitra has received this warning from Apple. Will @HMOIndia investigate? https://t.co/aS01YQpRpB — Priyanka Chaturvedi🇮🇳 (@priyankac19) October 31, 2023 అదే విధంగా శివసేన(ఉద్దవ్‌ వర్గం) రాజ్యసభ ఎంపీ, తను, మరో ముగ్గురు ఇండియా కూటమి సభ్యులకు ఈ మెసెజ్‌ అందినట్లు మహువా పేర్కొన్నారు. ఆమెకు అందిన ఈ మెసెజ్‌లో ‘హెచ్చరిక:మీ యాపిల్‌ ఐడీతో అనుసంధానించిన ఐఫోన్‌ను స్టేట్‌ స్పాన్సర్డ్‌  అటాకర్స్‌ మీ ఐఫోన్‌ను టార్గెట్‌ సేందుకు ప్రయత్నిస్తున్నారు’ అని ఉంది.  Received from an Apple ID, threat-notifications@apple.com, which I have verified. Authenticity confirmed. Glad to keep underemployed officials busy at the expenses of taxpayers like me! Nothing more important to do?@PMOIndia @INCIndia @kharge @RahulGandhi pic.twitter.com/5zyuoFmaIa — Shashi Tharoor (@ShashiTharoor) October 31, 2023 మరోవైపు కాంగ్రెస్‌ సీనియర్‌ నేత, తిరువనంతపురం ఎంపీ శశిథరరూర్‌ కూడా ఇదే విషయాన్ని వెల్లడించారు. తనకు కూడా యాపిల్‌ నుంచి హెచ్చరిక సందేశం వచ్చినట్లు పేర్కొన్నారు. తన ఫోన్‌, ఈ-మెయిల్‌ లక్ష్యంగా చేసుకుంటున్నారని పేర్కొంటూ ట్విటర్‌లో పీఎంవోను ట్యాగ్‌ చేశారు. ప్రభుత్వానికి చేయడానికి ఇంతకుమించిన ముఖ్యమైన పని మరేం లేదా అంటూ వ్యంగ్యస్త్రాలు సంధించారు. వీరితో హైదరాబాద్‌ ఎంఐఎం ఎంపీ అసదుద్దీన్‌ ఒవైసీ సైతం ఈ హెచ్చరికను అందుకున్నారు. తనకు వచ్చిన మెసెజ్‌ను ఒవైసీ ట్విటర్‌లో పంచుకున్నారు. Received from an Apple ID, threat-notifications@apple.com, which I have verified. Authenticity confirmed. Glad to keep underemployed officials busy at the expenses of taxpayers like me! Nothing more important to do?@PMOIndia @INCIndia @kharge @RahulGandhi pic.twitter.com/5zyuoFmaIa — Shashi Tharoor (@ShashiTharoor) October 31, 2023 Received an Apple Threat Notification last night that attackers may be targeting my phone ḳhuub parda hai ki chilman se lage baiThe haiñ saaf chhupte bhī nahīñ sāmne aate bhī nahīñ pic.twitter.com/u2PDYcqNj6 — Asaduddin Owaisi (@asadowaisi) October 31, 2023

సాక్షి, ఖమ్మం: పట్ట పగలు సినీ ఫక్కీలో దుండగుడు డబ్బులు కాజేశాడు. కొద్దిసేపటి తర్వాత తేరుకున్న బాధితుడు విస్తుపోయాడు. బాధితుడి కథనం ప్రకారం.. మండల కేంద్రంలోని కిరాణా దుకాణానికి ఒడిశాకు చెందిన వ్యక్తి సరుకులు కొనుగోలు చేసేందుకు వచ్చాడు. తన ఫోన్‌ ఇంటి దగ్గర మర్చిపోయానని, ‘మీ’ ఫోన్‌ ఇస్తే సరుకుల లిస్ట్‌ను ఇంట్లో వారిని అడిగి కనుక్కుంటానని నమ్మించాడు. దీంతో సదరు దుకాణ యజమాని ఫోన్‌ను సదరు వ్యక్తికి ఇచ్చి దుకాణంలో సరుకులు కడుతున్నాడు. ఇదే అదునుగా ఫోన్‌ మాట్లాడినట్లు నటించి ఫోన్‌ పే ద్వారా (పాస్‌వర్డ్‌ సులభంగా ఉండటంతో) రూ.72,500 కాజేశాడు. అనంతరం సదరు మోసగాడు సరుకుల లిస్టు ఇంటి దగ్గర ఉందని, వెంటనే వెళ్లి తీసుకొస్తానని చెప్పి అక్కడి నుంచి జారుకున్నాడు. ఆ తరువాత దుకాణ యజమాని ఫోన్‌ను పరిశీలిస్తే ఫోన్‌పే ద్వారా డబ్బులు పంపినట్లు మెసేజ్‌ వచ్చింది. వెంటనే మోసపోయినట్లు గ్రహించి స్థానిక పోలీస్‌స్టేషన్‌లో ఫిర్యాదు చేశాడు. అందులోని పూర్తి వివరాలు పరిశీలిస్తే ఒడిశాకు చెందిన వ్యక్తిగా చూపిస్తోందని బాధితుడు గెల్లా వాసు వివరించారు.

సోషల్‌ మీడియాకు కాస్త దూరంగానే ఉంటాడు ప్రభాస్‌. ఆయనకు ఇన్‌స్టా, ఫేస్‌బుక్‌,ఎక్స్‌ అకౌంట్లు ఉన్నా.. వాటిని సినిమా ప్రమోషన్స్‌ కోసమే వాడుతుంటాడు. తాజాగా ఈ పాన్‌ ఇండియా స్టార్‌ ఇన్‌స్టా అకౌంట్‌ని ఎవరో హ్యాక్‌ చేశారు. ఇన్‌స్టాలో ప్రభాస్‌ పేరును సెర్చ్‌ చేస్తుంటే.. ‘ఈ పేజీ అందుబాటులో లేదు’అనే సందేశం వస్తోంది. ఫ్యాన్‌మేడ్‌ అకౌంట్స్‌ మాత్రం కనిపిస్తున్నాయి కానీ అఫిషియల్‌ అకౌంట్‌ మిస్‌ అయింది. ప్రస్తుతం హ్యాక్‌ అయిన అకౌంట్‌ని వెనక్కి తీసుకువచ్చేందుకు ప్రభాస్‌ టీమ్‌ ప్రయత్నిస్తోంది.  కాగా, జులై నెలలో ప్రభాస్‌ ఫేస్‌ బుక్‌ అకౌంట్‌ కూడా హ్యాకింగ్‌కు గురైంది. ‘మనుషులు దురదృష్టవంతులు’ అంటూ హ్యాకర్లు ప్రభాస్‌ అకౌంట్‌ నుంచి ఓ వీడియో వదిలారు. అది చూసి ప్రభాస్‌ ఫ్యాన్స్‌ అంతా కంగారు పడ్డారు. దీంతో తన అకౌంట్‌ హ్యాక్‌ అయినట్లు ప్రభాస్‌ ఒక ప్రకటనలో పేర్కొన్నారు. మళ్లీ ఇప్పుడు ఇన్‌స్టా అకౌంట్‌ హ్యాక్‌ అవ్వడం పట్ల ఫ్యాన్స్‌ అసహనం వ్యక్తం చేస్తున్నారు. యాంటీ ఫ్యాన్సే హ్యాక్‌ చేస్తున్నారని అనుమానం వ్యక్తం చేస్తున్నారు.  ప్రభాస్‌ సినిమా విషయాలకొస్తే.. డిసెంబర్‌ 22న సలార్‌ పార్ట్‌ 1 విడుదల కాబోతుంది. ప్రశాంత్‌ నీల్‌ దర్శకత్వం వహించిన ఈ చిత్రంలో శృతీహాసన్‌ హీరోయిన్‌గా నటించింది. ప్రస్తుతం నాగ్‌ అశ్విన్‌ దర్శకత్వంలో కల్కీ 2898 ఏడీ  చిత్రంలో నటిస్తున్నాడు. అలాగే మారుతి దర్శకత్వంలో రాజా డీలక్స్‌, సందీప్‌ వంగతో స్పిరిట్‌ చిత్రాల్లో ప్రభాస్‌ నటించనున్నాడు.

బుల్లితెరపై గుర్తింపు తెచ్చుకుని ఆ తర్వాత సినిమాల్లో క్రేజ్‌ తెచ్చుకున్న బ్యూటీ మృణాల్‌ ఠాకూర్‌. బాలీవుడ్‌లో కొన్ని సినిమాలు చేసినా సీతారామం సినిమాతోనే ఫేమ్ సంపాదించింది. ఈ చిత్రంలో ఆమె అందం, అభినయానికి కుర్రకారు ఫిదా అయిపోయారు. ఆ సినిమాతో ఏకంగా దేశవ్యాప్తంగా ఫాలోయింగ్‌ పెరిగిపోయింది. అయితే తాజాగా మృణాల్ పోస్ట్ చేసిన వీడియో సోషల్ మీడియాలో తెగ వైరలవుతోంది.  మృణాలు తన ఇన్‌స్టాలో వీడియో షేర్ చేస్తూ.. ' నా ఈ-మెయిల్‌ ఖాతా హ్యాక్‌ చేశారు. దీని ద్వారా గుర్తు తెలియని వ్యక్తి బెదిరింపులకు పాల్పడుతున్నారు. తన వ్యక్తిగత సమాచారం, స్క్రిప్ట్‌లన్నీ అందులోనే ఉన్నాయి.' అంటూ పోస్ట్ చేసింది. ఇది చూసిన అభిమానులు అసలేం జరిగిందని షాక్‌కు గురయ్యారు. కానీ అయితే ఇదంతా నిజంగా జరగలేదని తెలుస్తోంది. కేవలం ఓ షో ప్రమోషన్ కోసం దీనిని షూట్‌ చేసినట్లు కనిపిస్తోంది. ఇంతకీ అదేంటో తెలుసుకుందాం.  టాలీవుడ్ హీరోలు రానా , వెంకటేశ్‌ ప్రధాన పాత్రల్లో హిందీలో తెరకెక్కిన వెబ్ సిరీస్ ‘రానా నాయుడు’. ఓటీటీ ప్లాట్‌ఫామ్ నెట్‌ఫ్లిక్స్‌ వేదికగా ఇది స్ట్రీమింగ్‌ అవుతోంది. ఈ సిరీస్‌లో రానా.. సెలబ్రిటీల సమస్యలు తీర్చే పాత్రలో కనిపించారు. తాజాగా మృణాల్‌ ఠాకూర్  రానానాయుడు ప్రమోషన్లలో పాల్గొంటున్నారు. అందులో భాగంగానే వీడియో రిలీజ్ చేశారు.  ఆ వీడియోలో 'తన మెయిల్‌ ఖాతా హ్యాక్‌కు గురైందని.. ఏం చేయాలో తెలియక రానా నాయుడుని సంప్రదించానని చెప్పుకొచ్చింది. రానా సాయంతోనే సమస్య పరిష్కారించారని తెలిపింది. ఇలాంటి ప్రాబ్లమ్స్ వస్తే ఎలా అధిగమించాలో తెలియాలంటే రానా నాయుడు చూడాలని సలహా ఇచ్చింది. తాజాగా ఈ వీడియో సోషల్ మీడియాలో తెగ వైరలవుతోంది. కాగా..  ఇప్పటికే ఈ సిరీస్‌ ప్రమోషన్లలో జాన్వీకపూర్‌ పాల్గొన్న సంగతి తెలిసిందే.   View this post on Instagram A post shared by Mrunal Thakur (@mrunalthakur)  

సాక్షి, హైదరాబాద్‌: టౌన్‌ప్లానింగ్, పశు సంవర్థక శాఖ పరిధిలోని వివిధ కేటగిరీల్లో ఉద్యోగాల భర్తీకి సంబంధించి ఈవారం తెలంగాణ స్టేట్‌ పబ్లిక్‌ సర్వీస్‌ కమిషన్‌(టీఎస్‌పీఎస్సీ) నిర్వహించాల్సిన అర్హత పరీక్షలు ఆకస్మికంగా వాయిదాపడ్డాయి. పరీక్షల నిర్వహణకు సంబంధించిన సమాచారం బయటకు పొక్కిందనే అనుమానంతో కమిషన్‌ ముందుజాగ్రత్తగా ఈ నిర్ణయం తీసుకున్నట్లు తెలుస్తోంది. ఈ నెల 12న రాష్ట్ర పురపాలక, పట్టణాభివృద్ధి శాఖ పరిధిలోని టౌన్‌ ప్లానింగ్‌ బిల్డింగ్‌ ఓవర్సీర్‌ పరీక్ష నిర్వహించాల్సి ఉంది. పరీక్ష నిర్వహణకు ముందే దానికి సంబంధించిన సమాచారాన్ని, పరీక్ష తీరును క్షుణ్ణంగా పరిశీలిస్తుంది. ఈ క్రమంలో కమిషన్‌ అధికారుల కంటే ముందుగా ఈ వివరాలను ఎవరో పరిశీలించినట్లు అంచనాకు వచ్చారు. ఈ క్రమంలో ముందుజాగ్రత్తగా పరీక్షను వాయిదా వేయాలని నిర్ణయించారు. ఈ మేరకు అభ్యర్థులకు సంక్షిప్త సమాచార రూపంలో రిజిస్టర్డ్‌ ఫోన్‌ నంబర్లకు ఆదివారంనాటి పరీక్ష రద్దు సమాచారాన్ని అందించినట్లు టీఎస్‌పీఎస్సీ వెల్లడించింది. దీంతోపాటు ఈ నెల 15, 16వ తేదీల్లో జరగాల్సిన వెటర్నరీ అసిస్టెంట్‌ సర్జన్‌ పరీక్షలను సైతం వాయిదా వేస్తున్నట్లు టీఎస్‌పీఎస్సీ వెల్లడించింది. ఈ మేరకు శనివారం రాత్రి కమిషన్‌ ప్రత్యేక ప్రకటన విడుదల చేసింది.    పోలీసు కేసు నమోదు  టౌన్‌ ప్లానింగ్‌ బిల్డింగ్‌ ఓవర్సీర్‌ పరీక్ష నిర్వహణలో హ్యాకింగ్‌ జరిగినట్లు టీఎస్‌పీఎస్సీ అధికారులు అనుమానిస్తున్నారు. కమిషన్‌కు సంబంధించిన అత్యంత గోప్యతతో కూడిన ఫైళ్లు కంప్యూటర్‌లో తెరిచి ఉన్నట్లు అనుమానించిన అధికారులు తక్షణ చర్యల్లో భాగంగా పరీక్షను వాయిదా వేయడంతోపాటు పోలీసులకు ఫిర్యాదు చేశారు. దీనిపై కేసు నమోదైంది. ఈ క్రమంలో పోలీసు అధికారులు, సైబర్‌ సెక్యూరిటీస్‌ విభాగం అధికారులతో కలిసి విచారణ మొదలు పెట్టినట్లు తెలుస్తోంది. పరీక్ష నిర్వహించిన తర్వాత సమస్య వెలుగు చూసే కంటే ముందస్తుగా దానిని వాయిదా వేయడం మంచిదని ఈ నిర్ణయం తీసుకున్నట్లు కమిషన్‌ అధికారులు చెబుతున్నారు.    అంతర్గత విచారణ షురూ  టౌన్‌ ప్లానింగ్‌ బిల్డింగ్‌ ఓవర్సీర్‌ పరీక్షకు సంబంధించిన సమాచారం లీకైందనే అనుమానాలపై కమిషన్‌ అధికారులు అంతర్గత విచారణ చేపట్టినట్లు తెలుస్తోంది. ఈ మేరకు ఓ సీనియర్‌ అధికారికి బాధ్యతలు అప్పగించినట్లు సమాచారం. మరోవైపు పోలీసులు సైతం ఈ అంశాన్ని సవాలుగా తీసుకున్నట్లు తెలిసింది. పరీక్షల నిర్వహణ, ఫలితాల ప్రకటన తదితర అంశాల్లో దేశంలోనే ఆదర్శవంతంగా నిలిచిన టీఎస్‌పీఎస్సీలో ఇలాంటి అపశ్రుతులు రావడంతో పరపతి దెబ్బతింటుందనే భావనతో అధికారులు చర్యలు తీసుకుంటున్నారు. పారదర్శకతకు అత్యంత ప్రాధాన్యత ఇవ్వాలనే సంకల్పంతోనే పరీక్షల వాయిదా వేసినట్లు ఓ అధికారి తెలిపారు.   

యాపిల్‌ ఐఫోన్లు ప్రపంచంలో అత్యంత ఆదరణ పొందిన స్మార్ట్‌ఫోన్లు. చాలా మందికి ఇవంటే మోజు. డిజైన్‌, ఇతరత్రా ఫీచర్ల కోసం వీటిని ఇష్టపడతారు. ప్రపంచవ్యాప్తంగా కోట్ల మంది వినియోగిస్తున్న తమ ఫోన్ల భద్రత విషయంలో ఆపిల్‌ సంస్థ ఎప్పటికప్పడు నూతన ఐఓఎస్‌ వర్షన్లను విడుదల చేస్తూనే ఉంటుంది. వాటిని వెంటనే అప్‌డేట్‌ చేసుకోవాలని యూజర్లకు సూచిస్తూ ఉంటుంది. అయితే కొంతమంది కొత్త వర్షన్లను అప్‌డేట్‌ చేయకుండా పాత వర్షన్లనే వినియోగిస్తుంటారు. అలాంటి వారిని భారత ప్రభుత్వం హెచ్చరించింది. పాత వర్షన్లు సురక్షితం కాదని, హ్యాకర్లు సులువుగా వాటిని హ్యాక్‌ చేస్తున్నారని గుర్తించిన మీదట ప్రభుత్వం ఈ హెచ్చరిక జారీ చేసింది. ఇండియన్ కంప్యూటర్ ఎమర్జెన్సీ రెస్పాన్స్ టీమ్ (CERT-In) కేంద్ర ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖకు అందించిన నివేదిక ప్రకారం.. ఐఓఎస్‌లో హ్యాకింగ్‌కు అనేక ఆస్కారాలు ఉన్నాయి. యూజర్ల సున్నితమైన సమాచారం చోరీకి గురయ్యే ప్రమాదం ఉంది. 16.3.1, అంతకు ముందుటి వర్షన్లతో ఉన్న ఐఫోన్‌8 లేదా ఆ తర్వాత వచ్చినవి, ఐపాడ్‌ ప్రో అన్ని మోడళ్లు, ఐపాడ్‌ ఎయిర్‌ థర్డ్‌ జనరేషన్‌, ఆ తర్వాతవి, ఐపాడ్‌ ఎయిర్‌ ఫిఫ్త్‌ జనరేషన్‌, ఆ తర్వాతివి, ఐపాడ్‌ మినీ ఫిఫ్త్‌ జనరేషన్‌, ఆతర్వాతి వాటిపై హ్యాకర్ల ప్రభావం ఉంటుందోని పేర్కొంది. శాంసంగ్‌ గెలాక్సీ యూజర్లు కూడా.. అలాగే శాంసంగ్‌ గెలాక్సీ వినియోగదారులకు కూడా భారత ప్రభుత్వం హెచ్చరికలు జారీ చేసింది. శాంసంగ్‌ కూడా తమ యూజర్లకు ఎప్పటికప్పుడు కొత్త వర్షన్లను సూచిస్తూనే ఉంటుంది. అయితే పాత వర్షన్లకు అలవాటు పడిన వినియోగదారులు వాటిని అలాగే కొనసాగిస్తుంటారు. అలాంటి జాగ్రత్త పడాలి. ఈ స్మార్ట్‌ఫోన్‌లలో వచ్చే శాంసంగ్‌ గెలాక్సీ స్టోర్‌ యాప్‌లో హ్యాకింగ్‌ ప్రమాద ఆస్కారాన్ని గుర్తించినట్లు CERT-In పేర్కొంది. 4.5.49.8కి ముందుటి శాంసంగ్‌ గెలాక్సీ స్టోర్‌ యాప్ వెర్షన్‌తో ఫోన్లను ఇది ప్రభావితం చేస్తుంది. మైక్రోసాఫ్ట్ ఎడ్జ్ బ్రౌజర్‌ అదేవిధంగా మైక్రోసాఫ్ట్ ఎడ్జ్ బ్రౌజర్‌లలోనూ ఇండియన్ కంప్యూటర్ ఎమర్జెన్సీ రెస్పాన్స్ టీమ్ హ్యాకింగ్‌ ప్రమాదాన్ని గుర్తించింది. 109.0.1518.78కి ముందున్న ఎడ్జ్ బ్రౌజర్ వెర్షన్ వినియోగదారులకు హెచ్చరిక జారీ చేసింది. ఇది టార్గెటెడ్ సిస్టమ్‌లో డినైల్‌ ఆఫ్‌ సర్వీస్‌ (DoS) ఆప్షన్లను సైతం మార్చగలిగే అవకాశాన్ని హ్యాకర్‌రకు ఇస్తుంది.

ఐపీఎల్‌లో అత్యంత ప్రజాదరణ పొందిన జట్టుగా రాయల్‌ చాలెంజర్స్‌  బెంగళూరుకు పేరుంది. సోషల్ మీడియాలో ఎక్కువ మంది ఫాలోవర్స్ ఉన్న జట్టు కూడా ఆర్‌సీబీనే. అలాంటి ఆర్‌సీబీ ట్విటర్‌ను హ్యాక్‌ చేయడం సంచలనం కలిగించింది. శనివారం (జనవరి 21) ఉదయం 4 గంటల సమయంలో అకౌంట్ హ్యాక్ చేసినట్లు ఆర్సీబీ ప్రకటించింది. హ్యాకర్లు ప్రొఫైల్ నేమ్‌ని ‘బోర్డ్ ఏప్ యాచ్ క్లబ్’గా మార్చారు. ప్రొఫైల్ పిక్‌గా కార్టూన్ ఇమేజ్ పెట్టారు. అకౌంట్ బయోలో ఎన్‌ఎఫ్‌టీ గురించి అప్డేట్ చేయడంతో పాటు దానికి సంబంధించిన కొన్ని ట్వీట్లను పోస్ట్ చేశారు. ఆర్‌సీబీ ట్విటర్ ఖాతా హ్యాక్ కావడం ఇదే మొదటిసారి కాదు. 2021లో కూడా ఈ టీమ్ ట్విటర్ ఖాతా హ్యాక్ అయింది.ఆర్‌సీబీ ట్విటర్ ఖాతాలను రెండుసార్లు హ్యాక్ చేసిన హ్యాకర్లు.. ఆగస్టు 2022లో ఆర్‌సీబీ యూట్యూబ్‌ చానెల్‌ను కూడా హ్యాక్ చేశారు. ప్రస్తుతం ట్విట్టర్ ఖాతాని తిరిగి పునరుద్దరించినట్లు ఆర్సీబీ ప్రకటించింది. Rcb acc hacked?😭 pic.twitter.com/0PoVZaH2yc — SDS  (@Saumyadeep63) January 21, 2023 Kohli 👑 Bengaluru 🏠 ABD 👽 Chinnaswamy 🏟️ IPL 2023 🏏 Play Bold 💪 Vibe check complete ✅ Yes! We can confirm that our Twitter handle is restored. Phew! 😅 — Royal Challengers Bangalore (@RCBTweets) January 21, 2023 చదవండి: రెజ్లర్ల మీటూ ఉద్యమం.. క్రీడాశాఖ కీలక నిర్ణయం 'టీమిండియా రైట్‌ ట్రాక్‌లోనే వెళ్తుందా?'.. మీకేమైనా అనుమానమా!

బాలీవుడ్​ నటుడు మనోజ్​ బాజ్​పాయ్ ట్విట్టర్​ అకౌంట్​ హ్యాకింగ్‌కు గురైంది. ఈ విషయాన్ని ఆయన తన ఇన్‌స్టాలో పంచుకున్నారు.  ఈ సమస్యను పరిష్కరించేందుకు ప్రయత్నిస్తున్నామని వెల్లడించారు. దయచేసి ఎవరూ కూడా తన అభిమానులు ఆందోళనకు గురి కావొద్దని తెలిపారు. అకౌంట్​ తిరిగి సరిచేసేంత వరకు అభిమానులు దాని జోలికి వెళ్లొద్దని కోరారు. నటుడు మనోజ్​ బాజ్​పాయ్ ఇన్​స్టాలో రాస్తూ.. 'నా ట్విట్టర్ అకౌంట్​ హ్యాక్​ అయింది. ఈ సమస్య పరిష్కారం అయ్యే వరకు దయచేసి అభిమానులు ఎవరూ నా అకౌంట్​వెళ్లొద్దు. నా అకౌంట్ నుంచి వచ్చిన ఎటువంటి పోస్టులను అంగీకరించొద్దు. సమస్య పరిష్కరించాక నేను మీకు అప్‍ డేట్స్ ఇస్తా.' ఇన్​స్టాలో పేర్కొన్నారు. ఇటీవలే శాండల్​వుడ్​లోనూ ఓ స్టార్​ అకౌంట్​ హ్యాక్​ అయ్యింది. కాంతార ఫేమ్​ కన్నడ స్టార్ కిశోర్​​ కుమార్​కు ట్విట్టర్​లో ఓ సమస్య ఎదురయ్యింది. ట్విట్టర్​ నిబంధనలను ఉల్లంఘించినట్లు ఓ ఈ సందేశం కనిపించింది. దీంతో ఆయన ట్విట్టర్​ నిబంధనలకు విరుద్ధంగా ప్రవర్తించారని అందుకే తన ఖాతాను నిలిపివేశారని అన్నారు. కానీ.. తన ఆ తర్వాత అకౌంట్‌ను ఎవరో హ్యాక్‌ చేయడం వల్లే ఇలా జరిగిందని కిశోర్​ ఇన్​స్టాలో తెలిపారు.

న్యూఢిల్లీ: దేశ రాజధాని ఢిల్లీలోని ఆల్‌ ఇండియా ఇన్‌స్టిట్యూట్ ఆఫ్ మెడికల్‌​ సైన్సెస్​ (ఎయిమ్స్​)లోని సర్వర్లపై జరిగిన దాడి ఘటనలో సంచలన విషయం వెలుగులోకి వచ్చింది. ఎయిమ్స్‌పై సైబర్‌ దాడి చైనా హ్యకర్ల పనేనని తేలింది. ఈ విషయాన్ని కేంద్ర ఆరోగ్య, కుటుంబ సంక్షేమ మంత్రిత్వ శాఖ బుధవారం వెల్లడించింది. హ్యకింగ్‌కు గురైన లక్షల మంది రోగుల వివరాలను ఆసుపత్రి వర్గాలు తిరిగి పొందాయని పేర్కొంది. ‘ఎయిమ్స్‌ సర్వర్లపై దాడి చేసింది చైనీయులే. హ్యకింగ్‌ చైనా నుంచే జరిగినట్లు విచారణలో తేలింది. మొత్తం 100 సర్వర్‌లున్న ఢిల్లీ ఎయిమ్స్‌లో 40 ఫిజికల్‌గా 60 వర్చువల్‌గా పనిచేస్తున్నాయి.ఇందులో ఐదు ఫిజికల్ సర్వర్‌లలో హ్యకింగ్‌ జరిగింది. ఇది చాలా నష్టాన్ని కలిగించింది. కానీ ఇప్పుడు హ్యకింగ్‌కు గురైన అయిదు సర్వర్‌లలోని డేటా విజయవంతంగా తిరిగి పొందాం’ అని కేంద్ర మంత్రిత్వశాఖ తెలిపింది. మొదట నవంబరు 23న ఢిల్లీలోని ఎయిమ్స్‌లో సిస్టమ్స్‌ పనిచేయకపోవడాన్ని గుర్తించారు. రెండు రోజుల తర్వాత ఢిల్లీ పోలీస్‌లోని ఇంటెలిజెన్స్ ఫ్యూజన్ అండ్ స్ట్రాటజిక్ ఆపరేషన్స్ యూనిట్ ఎయిమ్స్‌లోని సర్వర్లలో హ్యకర్లు చొరబడినట్లు గుర్తించింది. అయితే సిస్టమ్‌ను పునరుద్ధరించేందుకు హ్యాకర్లు రూ. 200 కోట్లు క్రిప్టోకరెన్సీ రూపంలో చెల్లించాలని అడిగినట్లు వార్తలొచ్చాయి. అయితే ఈ విషయాన్ని పోలీసులు ఖండించారు.  ఢిల్లీలోని ఎయిమ్స్ సర్వర్‌లపై  దాడి ఘటనపై జాతీయ దర్యాప్తు సంస్థ (ఎన్‌ఐఏ) విచారణ చేపట్టింది. వీవీఐపీలు సహా లక్షలాది రోగుల వైద్య రికార్డుల సమాచారం గాలికి పోయిన ఎయిమ్స్‌ ఘటన దేశంలోనే అతి పెద్ద సైబర్‌ దాడి. ఒక భారతీయ సంస్థపై ఇంత తీవ్రమైన దాడి మునుపెన్నడూ జరగలేదు అని దేశ తొలి సైబర్‌ సెక్యూరిటీ హెడ్‌ మాట.  చదవండి: మీరు తాగొచ్చారు.. ప్రతిపక్ష ఎమ్మెల్యేలపై ఆగ్రహంతో ఊగిపోయిన సీఎం

న్యూఢిల్లీ: దేశ రాజధానిలోని ప్రఖ్యాత ఆసుపత్రి ఎయిమ్స్‌పై సైబర్‌ దాడి జరిగి సర్వర్లు డౌన్‌ అయిన విషయం దేశవ్యాప్తంగా సంచలనంగా మారింది. రెండు వారాలు గడుస్తున్నా పూర్తిస్థాయిలో సర్వర్లు పని చేయటం లేదు. ఇప్పుడు మరో సంచలన విషయం వెలుగులోకి వచ్చింది. దేశంలోని అత్యున్నత వైద్య వ్యవస్థలే లక్ష్యంగా దుండగులు సైబర్‌ దాడులకు పాల్పడుతున్నట్లు తెలిసింది. ఎయిమ్స్‌ తర్వాత భారతీయ వైద్య పరిశోధన మండలి(ఐసీఎంఆర్‌)పై సైబర్‌ దాడికి యత్నించారు హ్యాకర్స్‌. ఐసీఎంఆర్‌ వెబ్‌సైట్‌పై సుమారు 6వేల సార్లు దాడి చేశారని అధికార వర్గాలు వెల్లడించాయి.  ఐపీ అడ్రస్‌ ద్వారా ఆన్‌లైన్‌లో ట్రేస్‌ చేయగా.. బ్లాక్‌లిస్ట్‌లో ఉన్న హాంకాంగ్‌కు చెందిన ఐపీగా తేలిందన‍్నారు అధికారులు. అయితే, అప్డేటెడ్‌ ఫైర్‌వాల్‌, పటిష్ఠమైన భద్రతా చర్యలు తీసుకోవటం ద్వారా ఐసీఎంఆర్‌ వెబ్‌సైట్‌ హ్యాకింగ్‌కు గురికాలేదని స్పష్టం చేశారు అధికారులు. హ్యాకర్స్‌ 6వేల సార్లు ప్రయత్నించినా వారి దుశ్చర్య ఫలించలేదన్నారు. మరోవైపు.. ఢిల్లీ ఎయిమ్స్‌ ముందు ఉన్న సఫ్దార్‌గంజ్‌ ఆసుపత్రిపై డిసెంబర్‌ 4న సైబర్‌ దాడి జరిగింది. అయితే, ఎయిమ్స్‌తో పోలిస్తే నష్టం తక్కువేనని అధికారులు తెలిపారు. ఒక రోజంతా తమ సర్వర్‌ పని చేయలేదని ఆసుపత్రి వైద్యులు బీఎల్‌ శెర్వాల్‌ తెలిపారు. ఎన్‌ఐసీ కొన్ని గంటల్లోనే సేవలను పునరుద్ధరించినట్లు చెప్పారు.  ఇదీ చదవండి: తమిళనాడు ఆసుపత్రిపై హ్యాకర్ల పంజా.. 1.5లక్షల మంది రోగుల డేటా విక్రయం!

న్యూఢిల్లీ: ఢిల్లీలోని ప్రఖ్యాత ఆసుపత్రి ఆలిండియా ఇన్‌స్టిట్యూట్‌ ఆఫ్‌ మెడికల్‌ సైన్సెస్‌(ఎయిమ్స్‌) సర్వర్‌ హ్యాకైంది. గత ఎనిమిది రోజులుగా పని చేయడం లేదు. సర్వర్‌ను తమ అధీనంలోకి తెచ్చుకున్న హ్యాకర్లు రూ.200 కోట్లు డిమాండ్‌ చేస్తున్నట్లు తెలుస్తోంది. దీంతో కేంద్ర ప్రభుత్వ ఆధ్వర్యంలోని ది ఇండియా కంప్యూటర్స్‌ ఎమర్జెన్సీ రెస్పాన్స్‌ టీమ్‌ రంగంలోకి దిగి పరిస్థితిని చక్కదిద్దేందుకు కృషి చేస్తోంది. ఎనిమిది రోజులు గడిచినా పరిస్థితి అలాగే కొనసాగుతుండటంతో.. ఢిల్లీకి చెందిన ఇద్దరు విశ్లేకులను సస్పెండ్‌ చేసినట్లు అధికారవర్గాలు తెలిపాయి. సైబర్‌ సెక్యూరిటీ ఉల్లంఘనల కింద మరికొంత మందిపై వేటు పడే అవకాశం ఉందని పేర్కొన్నాయి.  ‘సర్వర్‌ హ్యాక్‌ అయిన క్రమంలో శానిటైజింగ్‌ ప్రక్రియ మొదలైంది. మొత్తం 50 సర్వర్లలో ఇంతకు ముందు 15 మాత్రమే శానిటైజింగ్‌ చేయగా.. ప్రస్తుతం ఆ సంఖ్యను 25కు పెంచారు. అలాగే 400లకుపైగా ఎండ్‌పాయింట్‌ కంప్యూటర్లను స్కాన్‌ చేశారు. భవిష్యత్తులో ఇలాంటి సమస్య తలెత్తకుండా యాంటీవైరస్‌ సాఫ్ట్‌వేర్‌ సైతం అప్‌లోడ్‌ చేస్తున్నారు.’ అని అధికారవర్గాలు తెలిపాయి. మరోవైపు.. సర్వర్‌ డౌన్‌ సమస్యను పరిష్కరించేందుకు అన్ని ప్రయత్నాలు కొనసాగుతున్నాయని ఎయిమ్స్‌ మంగళవారం ఓ ప్రకటన చేసింది. సర్వర్లలో ఈ-హాస్పిటల్‌ డేటా పునరుద్ధరణ చేసినట్లు పేర్కొంది. సేవలను పునరుద్ధరించే ముందు నెట్‌వర్క్‌ శానిటైజింగ్‌ కొనసాగిస్తున్నట్లు తెలిపింది. పెద్ద సంఖ్యలో కంప్యూటర్లు, సర్వర్లు, డేటా ఉండటం వల్ల ఈ ప్రక్రియకు కొంత సమయం పడుతుందని వెల్లడించింది. సైబర్‌ సెక్యూరిటీ కోసం తగిన చర్యలు తీసుకుంటున్నామని పేర్కొంది. ఔట్‌పేషెంట్‌, ఇన్‌పేషెంట్‌, ల్యాబ్‌లు వంటి అన్ని సేవలు మాన్యువల్‌గా కొనసాగుతాయని స్పష్టం చేసింది.  ఎయిమ్స్ సర్వర్‌ హ్యాకింగ్‌పై జాతీయ దర్యాప్తు సంస్థ(ఎన్‌ఐఏ), ది ఇండియా కంప్యూటర్స్‌ ఎమర్జెన్సీ రెస్పాన్స్‌ టీమ్, ఢిల్లీ పోలీసు, ఇంటలిజెన్స్‌ బ్యూరో, కేంద్ర దర్యాప్తు సంస్థ(సీబీఐ), కేంద్ర హోంశాఖలు దర్యాప్తు చేపట్టాయి. దర్యాప్తు సంస్థల సూచలన మేరకు ఢిల్లీ ఎయిమ్స్‌లో ఇంటర్‌నెట్‌ సేవలను నిలిపివేశారు. ఇదీ చదవండి: షాకింగ్‌:హైస్కూల్‌ విద్యార్థుల బ్యాగుల్లో కండోమ్స్‌, గర్భనిరోధకాలు..!

ప్రముఖ పంజాబీ నటి నికిత్ ధిల్లాన్ సోషల్‌ మీడియా ఖాతా ఇటివలే హ్యాకింగ్‌కు గురైంది. ఆమె ఖాతాలో హ్యాక్ చేసిన ఓ దుండగుడు నటి చనిపోయిందని ఆమె ఇన్‌స్టాగ్రామ్‌లో పోస్ట్ చేశారు. వెంటనే ఈ వార్త సోషల్ మీడియాలో తెగ వైరలయింది.  ఈ వార్త విని నటి తీవ్ర మానసిక వేదనకు గురైనట్లు తెలిపింది. ఆ సమయంలో అత్యంత భయానక పరిస్థితి ఎదురైందన్నారు. కుటుంబ సభ్యులంతా తీవ్ర మనోవేదనకు గురయ్యారని నటి నికిత్ ధిల్లాన్ వివరించింది. ఆమె ఇన్‌స్టా పోస్ట్‌లో..  'మా ప్రియమైన కుమార్తె నికిత్ ధిల్లాన్ అకాల మరణాన్ని ప్రకటించడం చాలా బాధగా ఉంది. మా కుటుంబానికి గోప్యతను అనుమతించమని మేము మిమ్మల్ని అభ్యర్థిస్తున్నాం అని రాసి ఉంది. ' హ్యాకర్ పోస్ట్ చేశారు. నికిత్ ధిల్లాన్ మాట్లాడుతూ.. 'మా అమ్మమ్మ భటిండాలో నివసిస్తోంది. ఎవరో ఫోన్ చేసి నేను చనిపోయారని చెప్పారని తెలిసింది. వెంటనే ఆమె మా అమ్మని పిలిచి తీవ్రంగా ఏడ్చింది. ఆమె మానసికంగా కుంగిపోయింది. మేమంతా ఏం జరిగిన విషయం ఆమె వివరించినా ఓదార్చలేకపోయాం. హ్యాకింగ్, సోషల్ మీడియా గురించి ఆమెకు అర్థం కాలేదు. ఆమె వయసు రీత్యా మేం దాచిపెట్టే ప్రయత్నం చేస్తున్నాం అనుకుంది. ఈ వార్త ఆమెను తీవ్రంగా ప్రభావితం చేసింది. మరుసటి రోజు నాతో మాట్లాడుతున్నప్పుడు కూడా ఆమె ఏడుస్తూనే ఉంది'అంటూ ధిల్లాన్ భయానక పరిస్థితిని వివరించారు. ఆమె మాట్లాడుతూ.. 'నా కలలో కూడా ఇంత దూరం వెళతారని నేను ఊహించలేదు. ఇలాంటి పరిస్థితికి ఎలా స్పందించాలో నాకు తెలియలేదు. ఇది పబ్లిసిటీ స్టంట్‌ అని చాలా మంది భావించి ఉంటారు. కానీ నా కుటుంబ సభ్యులు, స్నేహితులు, సన్నిహితులు ఎంత షాక్‌కు గురయ్యారో నాకు మాత్రమే తెలుసు.'అని వాపోయింది పంజాబీ నటి.  దాదాపు రెండున్నర ఏళ్ల క్రితం నా ఫేస్‌బుక్ ఖాతా హ్యాకింగ్‌కు గురైనప్పుడు మొహాలీ సైబర్ సెల్‌ పోలీసులకు ఫిర్యాదు చేశా. అప్పుడు వారు నాకు ఎలాంటి సాయం చేయలేదు. కాల్ స్క్రీన్‌ షాట్ కూడా సైబర్ సెల్‌కు సమర్పించినా ఇప్పటికీ పట్టించుకోలేదని వాపోయింది నటి. ఇప్పుడు నా ఇన్‌స్టాగ్రామ్ ఖాతా హ్యాక్ గురి కావడంతో ఇప్పుడేం చేయాలో నాకు అర్థం కావడం లేదు. ' అని వాపోయింది.  View this post on Instagram A post shared by Nikeet Dhillon (@nikeetdhillon)

న్యూఢిల్లీ: ఢిల్లీలోని ప్రఖ్యాత ఆస్పత్రి ఆలిండియా ఇన్‌స్టిట్యూట్‌ ఆఫ్‌ మెడకల్‌ సైన్సెస్‌ (ఎయిమ్స్‌)  సర్వర్‌ హ్యాకైంది. ఆరు రోజులుగా పని చేయడం లేదు. సర్వర్‌ను తమ అధీనంలోకి తెచ్చుకున్న హ్యాకర్లు రూ.200 కోట్లు డిమాండ్‌ చేస్తున్నట్లు తెలుస్తోంది. దీంతో కేంద్రప్రభుత్వ ఆధ్వర్యంలోని ది ఇండియా కంప్యూటర్‌ ఎమర్జెన్సీ రెస్పాన్స్‌ టీమ్‌ రంగంలోకి దిగి పరిస్థితిని చక్కదిద్దేందుకు కృషిచేస్తోంది. ఢిల్లీ పోలీస్‌ ఇంటెలిజెన్స్‌ ఫ్యూజన్, స్ట్రాటెజిక్‌ ఆపరేషన్స్‌ విభాగం కేసు నమోదుచేసి దర్యాప్తు కొనసాగిస్తోంది. బుధవారం ఉదయం స్తంభించిన సర్వర్‌లో దాదాపు నాలుగు కోట్ల మంది రోగుల ఆరోగ్య, బిల్లుల చెల్లింపుల సమాచారం ఉన్నట్లు తెలుస్తోంది. డేటా అంతా అమ్మకానికి వస్తే అప్రతిష్ట తప్పదని పోలీసు, ప్రభుత్వ వర్గాలు భావిస్తున్నాయి. మాజీ ప్రధానమంత్రులు, కేంద్రమంత్రులు, పలు రాష్ట్రాల ముఖ్యమంత్రులు, మాజీ సీఎంలు, కేంద్ర ప్రభుత్వ ఉన్నతాధికారులు, న్యాయమూర్తుల ఆరోగ్య సమాచారం సైతం సర్వర్‌లో ఉన్నట్లు వార్తలొచ్చాయి. అందుకే హ్యాకర్లు రూ.200 కోట్ల విలువైన క్రిప్టోకరెన్సీ డిమాండ్‌ చేస్తున్నట్లు సమాచారం.

న్యూఢిల్లీ: ప్రపంచవ్యాప్తంగా మిలియన్ల మంది ఉపయోగించే పాస్‌వర్డ్ మేనేజర్‌, లాస్ట్‌పాస్‌కు హ్యాకర్లు భారీ షాకిచ్చారు. ప్రపంచవ్యాప్తంగా 33మిలియన్లకు పైగా ప్రజలు ఉపయోగించే పాస్‌వర్డ్ మేనేజర్ లాస్ట్‌పాస్‌కు సేబర్‌ కేటుగాళ్లు హ్యాక్‌ చేశారు. ఇటీవల సంస్థ సిస్టమ్స్‌లోకి ఎంట్రీ ఇచ్చి సోర్స్ కోడ్, యాజమాన్య సమాచారాన్ని దొంగిలించారని తెలుస్తోంది. అయితే దీని ప్రభావాన్ని అంచనా వేయడానికి కొంత సమయం పడుతుందని, కానీ తమ కస్టమర్ల భద్రతకు ఢోకా లేదని తెలిపింది.  ఈ మేరకు సంస్థ ట్విటర్‌ ద్వారా సమాచారాన్ని వెల్లడించింది. అయితే తమ ఖాదారులు పాస్ట్‌వరర్డ్స్‌కు వచ్చిన ప్రమాదమేమీ లేదని స్పష్టం చేసింది.ప్రస్తుతానికి వారుఎలాంటి సెక్యూరిటీ మెజర్స్‌ తీసుకోవాల్సిన అవసరం లేదని తెలిపింది. లాస్ట్‌పాస్‌ నిర్వహణకు ఉద్యోగులు ఉపయోగించే సాఫ్ట్‌వేర్  డెవలపర్‌ లోకి  "అనధికారిక పార్టీ" ప్రవేశించిందని తన  పరిశోధనలో తేలిందని తెలిపింది. నేరస్థులు  ఒక్క డెవలపర్ అకౌంట్‌కి  మాత్రమే యాక్సెస్ పొందారని పేర్కొంది. అయితే సైబర్ సెక్యూరిటీ వెబ్‌సైట్ బ్లీపింగ్ కంప్యూటర్ రెండు వారాల క్రితమే ఉల్లంఘన గురించి లాస్ట్‌పాస్‌ అడిగిందని నివేదించింది. మరోవైపు లాస్ట్‌పాస్ తక్షణమే స్పందించి సమాచారం అందించడంపై  కంప్యూటర్ సైబర్‌ సెక్యూరిటీ విశ్లేషకుడు అలెన్ లిస్కా సంతోషం వ్యక్తంచేశారు. అయితే చాలామందికి రెండు వారాలు చాలా ఎక్కువ సమయం అనిపించినప్పటికీ, పరిస్థితిని పూర్తిగా అంచనా వేయడానికి టీమ్స్‌కి కొంత సమయం పట్టొచ్చన్నారు. కానీ కస్టమర్ పాస్‌వర్డ్‌లను యాక్సెస్ చేసే అవకాశం లేదని లిస్కా చెప్పారు. ఇది ఇలా ఉంటే సోర్స్‌కోడ్, ప్రొప్రయిటరీ సమాచారాన్ని దొంగిలించిన హ్యాకర్లకు,కస్టమర్ల డేటా చోరీ చేయడంపెద్ద కష్టం కాదని, పాస్‌వర్డ్ వాల్ట్‌ల కీలను యాక్సెస్ చేసేసి ఉంటారని సోషల్ మీడియాలో ఊహాగానాలు జోరుగా వ్యాపించాయి. అయితే ఈ అంచనాలపై లాస్ట్‌సాప్‌ స్పందిస్తుందో వేచి చూడాలి. కాగా మాన్యువల్‌గా ఆధారాలను నమోదు చేయాల్సిన అవసరం లేకుండానే తన యూజర్లకు నెట్‌ఫ్లిక్స్ లేదా జీమెయిల్‌ లాంటి బహుళ ఖాతాల కోసం హార్డ్-టు-క్రాక్, ఆటోమేటెడ్‌  జనరేటెడ్‌ పాస్‌వర్డ్‌లను అందిస్తుంది లాస్ట్‌పాస్‌. We recently detected unusual activity within portions of the LastPass development environment and have initiated an investigation and deployed containment measures. We have no evidence that this involved any access to customer data. More info: https://t.co/cV8atRsv6d pic.twitter.com/HtPLvK0uEC — LastPass (@LastPass) August 25, 2022

సాక్షి, హైదరాబాద్‌: విజయ్‌ కథానాయకుడిగా వచ్చిన సర్కార్‌ సినిమా గుర్తుందా..? అందులో ఎన్నారై, బడా వ్యాపారవేత్త అయిన కథానాయకుడు తన ఓటు హక్కు వినియోగించుకోవడానికి ఇక్కడికి వస్తాడు. అప్పటికే ఆ ఓటు ఎవరో వేసేశారని తెలుసుకుని న్యాయపోరాటం చేస్తాడు. దాదాపు ఇలాంటి ఉదంతమే నగరంలో చోటు చేసుకుంది. సినిమాలో ఓటు అంశం సాధారణ ఎన్నికలకు సంబంధించినదైతే... ఇక్కడ మాత్రం ఇన్‌స్టిట్యూషన్‌ ఆఫ్‌ ఎల్రక్టానిక్స్‌ అండ్‌ టెలికమ్యూనికేషన్‌ ఇంజినీర్స్‌ గవర్నింగ్‌ కౌన్సిల్‌ది. సిటీ సైబర్‌ క్రైమ్‌ పోలీసుల కథనం ప్రకారం... ఖైరతాబాద్‌లోని ది ఇన్‌స్టిట్యూషన్‌ ఆఫ్‌ ఇంజినీర్స్‌ (ఇండియా) తెలంగాణ స్టేట్‌ సెంటర్‌ ఛైర్మన్‌గా వ్యవహరిస్తున్న బి.బ్రహ్మరెడ్డి న్యూఢిల్లీలోని ఇన్‌స్టిట్యూషన్‌ ఆఫ్‌ ఎలక్ట్రానిక్స్‌ అండ్‌ టెలికమ్యూనికేషన్‌ ఇంజినీర్స్‌కు (ఐఈటీఈ) కార్పొరేట్‌ మెంబర్‌గా ఉన్నారు. ఈ నేపథ్యంలోనే ఆ సంస్థ గవర్నింగ్‌ కౌన్సిల్‌ ఎన్నికల్లో ఈయనకు ఓటుహక్కు ఉంది.  దీనికి సంబంధించిన ఎన్నికలు ఈ ఏడాది జూన్‌లో జరిగాయి. ఆ నెల 30వ తేదీ రాత్రి 11.59 నిమిషాల వరకు ఆన్‌లైన్‌లో ఓటు వేసుకునేందుకు అర్హులకు అవకాశం ఇచ్చారు. ఈ ఆన్‌లైన్‌ ఓటింగ్‌ కోసం అర్హులైన ఐఈటీఈ ఓటర్లు తమ యూజర్‌ ఐడీ, పాస్‌వర్డ్‌ లేదా ఫోన్‌కు వచ్చే ఓటీపీ సహాయంతో అధికారిక వెబ్‌సైట్‌లోని ఎంటర్‌ కావాల్సి ఉంటుంది. ఆపై అక్కడ ఉన్న ఆప్షన్స్‌ ద్వారా ఓటు హక్కు వినియోగించుకోవాలి. ఐఈటీఈ ఓటర్లు అంతా ఇలానే తమ ఓటు హక్కు వినియోగించుకున్నారు. బ్రహ్మారెడ్డి జూన్‌ 30 మధ్యాహ్నం 2.10 గంటలకు ఓటు వేయడం కోసం అధికారిక వెబ్‌సైట్‌లోకి లాగిన్‌ అయ్యారు. అయితే అప్పటికే ఈ ఓటు వేరే వాళ్లు వేసినట్లు అందులో కనిపించింది. తన ఈ–మెయిల్‌ ఐడీ, యూజర్‌ ఐడీ తదతరాలను హ్యాక్‌ చేసిన దుండగులు ఇలా చేశారని ఆయన అనుమానించారు. దీంతో ఇటీవల సిటీ సైబర్‌ క్రైమ్‌ ఏసీపీ కేవీఎం ప్రసాద్‌కు ఫిర్యాదు చేశారు. దీని ఆధారంగా కేసు నమోదు చేసుకున్న అధికారులు సాంకేతిక దర్యాప్తు చేపట్టారు. ఆన్‌లైన్‌ ఓటింగ్‌కు సంబంధించిన పూర్తి వివరాలు అందించాల్సిందిగా కోరుతూ ఐఈటీఈకి లేఖ రాశారు. ఆ ఎన్నికల్లో మహారాష్ట్రకు చెందిన వాళ్లు గెలిచారని, తన ఓటు కూడా ఆ రాష్ట్రంలోని అమరావతి నుంచే వేసినట్లు తెలుస్తోందని బ్రహ్మరెడ్డి ఆరోపిస్తున్నారు. ఈ అంశాన్ని సైతం పరిగణలోకి తీసుకున్న సైబర్‌ క్రైమ్‌ అధికారులు లోతుగా ఆరా తీస్తున్నారు.   (చదవండి: వచ్చేస్తున్నాయ్‌ వందేభారత్‌ రైళ్లు)

టీమిండియా మాజీ హెడ్‌ కోచ్‌ రవిశాస్త్రి శుక్రవారం ఎప్పుడు లేనంత కొత్తగా కనిపించాడు. ఎక్కువగా క్రికెట్‌ సంబంధిత అంశాలపై చర్చలు జరిపే రవిశాస్త్రి ఉన్నట్లుండి తన లుక్‌ను పూర్తిగా మార్చేశారు. ఫ్లెష్‌ జాకెట్‌.. కూలింగ్‌ గ్లాసెస్‌.. మెడలో గోల్డ్‌ చైన్‌.. స్వాగ్‌లుక్‌ దుమ్మురేపాడు. అయితే ఈ ఫోటోలు షేర్‌ చేయడం వరకు ఓకే.. కానీ అసలు సమస్య అక్కడే మొదలైంది. హుందాగా కనిపించే రవిశాస్త్రిలో ఇన్ని వేరియషన్స్‌ ఉన్నాయా అన్న అనుమానం క్రికెట్‌ ఫ్యాన్స్‌కు కలిగింది. ఈ నేపథ్యంలోనే రవిశాస్త్రి ట్విటర్‌ అకౌంట్‌ హ్యాక్‌కు గురైందంటూ పేర్కొన్నారు. ఎప్పుడు లేనంతగా రవిశాస్త్రి సింగిల్‌ లైన్‌ క్యాప్షన్స్‌ ఎక్కువగా జత చేశారు. మూడు ఫోటోలు షేర్‌ చేసిన ఆయన.. మూడు విభిన్నమైన లైన్స్‌ను క్యాప్షన్‌గా పెట్టారు. చివరగా..''నేను చిల్‌ అవ్వాలంటే ఏమి చెయ్యాలి''.. ''మంచి మూడ్‌లో ఉన్నా.. నన్ను ఏమైనా అడగొచ్చు'' అంటూ శాస్త్రి నుంచి ట్వీట్‌ వచ్చింది. ఇది చూసిన ఫ్యాన్స్‌.. ''అర్థం పర్థం లేని ట్వీట్స్‌.. కచ్చితంగా రవిశాస్త్రి అకౌంట్‌ హ్యాక్‌ అయినట్లే'' అంటూ  కన్‌ఫర్మ్‌ చేశారు. కాగా రవిశాస్త్రి ప్రస్తుతం ఐపీఎల్‌ 2022(ఇండియన్‌ ప్రీమియర్‌ లీగ్‌) బ్రాడ్‌కాస్ట్‌ డ్యూటీ నిర్వహిస్తున్నాడు. ఆటగాళ్ల బ్యాటింగ్‌, ఆటతీరు, ఫామ్‌ తదితర అంశాలపై చర్చలు జరుపుతూ బిజీబిజీగా ఉన్నాడు. కాగా గతేడాది టి20 ప్రపంచకప్‌ వరకు రవిశాస్త్రి టీమిండియా హెడ్‌కోచ్‌గా వ్యవహరించాడు. అయితేఘా టోర్నీలో టీమిండియా సూపర్‌-12 దశను దాటలేక చతికిలపడింది. అందునా చిరకాల ప్రత్యర్థి పాకిస్తాన్‌ చేతిలో భారత​ ఓటమిని అభిమానులు జీర్ణించుకోలేకపోయారు. కాగా అతని హయాంలో టీమిండియా మేజర్‌ టోర్నీల్లో గెలవనప్పటికి స్వదేశంలో, విదేశాల్లో చారిత్రాక సిరీస్‌లు గెలిచింది. ఇక టీమిండియా తరపున మంచి ఆల్‌రౌండర్‌గా పేరు పొందిన రవిశాస్త్రి టీమిండియా తరపున 80 టెస్టులు, 150 వన్డే మ్యాచ్‌లు ఆడాడు. చదవండి: Ravi Shastri New Look: న్యూలుక్స్‌తో దుమ్మురేపుతున్న టీమిండియా మాజీ కోచ్‌ Mujhe kya mein toh chill hun 🍻 — Ravi Shastri (@RaviShastriOfc) May 20, 2022 I’m in a good mood today, ask me anything. #AskRavi — Ravi Shastri (@RaviShastriOfc) May 20, 2022

సాక్షి, హైదరాబాద్‌: పేజీ సంస్థకు చెందిన సర్వర్‌ను హ్యాక్‌ చేసిన దినేష్‌ దాని పూల్‌ ఖాతా నుంచి రూ.52.9 లక్షలు కాజేయడంతో విషయం పోలీసుల వరకు వచ్చి చిక్కాడు. అదే ఓ హ్యాకర్‌ ఏదైనా పేమెంట్‌ గేట్‌వే సంస్థ లేదా ప్రైవేట్‌ బ్యాంక్‌ సర్వర్‌ను టార్గెట్‌ చేసి, దాని కస్టమర్ల ఖాతాల నుంచి రూ.10 చొప్పున కాజేస్తే అసలు బయటకే రాదు. సునామీ ఎటాక్స్‌గా పిలిచే ఈ తరహా సైబర్‌ దాడులు ఇటీవల పెరిగిపోయాయని సైబర్‌ క్రైమ్‌ పోలీసులు గుర్తించారు. హ్యాకర్లలో ఇంజినీరింగ్, బీటెక్‌ విద్యార్థులే ఎక్కువగా ఉంటున్నారని, ఆన్‌లైన్‌లో ‘పాఠాలు’ నేర్చుకుని, డార్క్‌వెబ్‌లో సాఫ్ట్‌వేర్‌లు ఖరీదు చేసి తమ పని పూర్తి చేసుకుంటున్నారని చెబుతున్నారు. ఆందోళన కలిగించే ఈ అంశంపై దృష్టి పెట్టి సైబర్‌ నిఘా ముమ్మరం చేశామని పేర్కొంటున్నారు.   ఎప్పుడూ పెద్ద మొత్తాల జోలికి పోరు..  సర్వర్‌లోకి ప్రవేశించే హ్యాకర్లు ఆయా సంస్థల పూల్‌ ఖాతాలకు యాక్సెస్‌ చేస్తారు. అక్కడ నుంచి ఒకేసారి పెద్ద మొత్తాలు కాజేస్తే విషయం కేసుల వరకు వెళ్లి వీళ్లు చిక్కే అవకాశం ఉంది. ఈ నేపథ్యంలోనే హ్యాకర్లు ఎట్టి పరిస్థితుల్లోనూ పెద్ద మొత్తాల జోలికి వెళ్లట్లేదు. ప్రధానంగా ఆయా సంస్థల వినియోగదారుల ఖాతాలను టార్గెట్‌ చేస్తున్నారు. ఒక్కో ఖాతా నుంచి, ఒక్కో దఫా కనిష్టంగా రూ.1 గరిష్టంగా  రూ.5 మాత్రమే కాజేస్తారు. ఇలా ఒకేసారి వందల, వేల ఖాతాల్లోనివి తాము తెరిచిన వర్చువల్‌ ఖాతాల్లోకి మళ్లించి బిట్‌కాయిన్స్‌గా మార్చేస్తారు.  గమనించినా ఫిర్యాదు చేయరనే...  ఖాతాదారుల నగదు కాజేస్తున్న హ్యాకర్లు ఆ లావాదేవీకి సంబంధించిన అలెర్ట్‌ కూడా వారికి వెళ్లకుండా సర్వర్‌లోనే మ్యానేజ్‌ చేస్తున్నారు. ఫలితంగా తన ఖాతా నుంచి ఈ మొత్తం పోయిందనే విషయం కస్టమర్లు గుర్తించలేరు. రూ.10 వేలు, రూ.20 వేలు, రూ.30 వేలు.. ఇలా రౌండ్‌ ఫిగర్‌ నగదు ఉన్న వాటి ఖాతాల జోలికి హ్యాకర్లు వెళ్లరు. అయినప్పటికీ వినియోగదారుడు నగదు పోయినట్లు గుర్తించినా చిన్నమొత్తం కావడంతో ఫిర్యాదు వరకు వెళ్లరు. ఇలా ఒకేసారి వందల, వేల ఖాతాలను టార్గెట్‌ చేస్తున్న హ్యాకర్‌కి చేరే మొత్తం మాత్రం భారీగానే ఉంటుంది. తన చేతిలో ఉన్న డబ్బు ఖర్చయ్యే వరకు లేదా విషయం ఖాతాదారుడు మర్చిపోతాడని భావించే కాలం వరకు ఈ సునామీ ఎటాక్‌ చేసిన హ్యాకర్‌ మరో ప్రయత్నం చేయరు.  ఎక్కడా తమ ఉనికి బయటపడకుండా..  నగరానికి చెందిన అనేక మంది ఇంజినీరింగ్, బీటెక్‌ విద్యార్థులు హ్యాకర్లుగా మారారు. వివిధ రకాలైన యూట్యూబ్‌ వీడియోలు, ఆన్‌లైన్‌ అంశాల ఆధారంగా హ్యాకింగ్‌పై పట్టు సాధిస్తున్నారు. ఇది చేయడానికి అవసరమైన సాఫ్ట్‌వేర్స్‌ను డార్క్‌వెబ్‌లో ఖరీదు చేస్తున్నారు. టార్గెట్‌ చేసిన సంస్థ సర్వర్‌ను హ్యాక్‌ చేయడానికి వర్చువల్‌ ప్రైవేట్‌ నెట్‌వర్క్‌ (వీపీఎన్‌) ఐపీలను వాడుతున్నారు. వీటి ఆధారంగా ఆ సంస్థ సర్వర్‌లోకి ప్రవేశిస్తున్నారు. వాటి ఫైర్‌ వాల్స్‌ బలహీనంగా ఉండటం, సైబర్‌ సెక్యూరిటీలో లోపాలు వీరికి కలిసి వస్తున్నాయని పోలీసులు వివరిస్తున్నారు. (క్లిక్‌: మ్యాట్రిమొనిలో ఎన్నారై పేరుతో మోసం! చివరకు..) బిల్లుల చెల్లింపులోనూ గోల్‌మాల్‌...  ఈ సునామీ ఎటాక్స్‌ చేసే హ్యాకర్లు ‘బిల్లు చెల్లింపు’లోనూ గోల్‌మాల్స్‌ చేస్తుంటారు. వివిధ పోస్టు పెయిడ్‌ సేవలు పొందే పరియస్తులైన కస్టమర్ల కోసమే కమీషన్లు తీసుకుని ఈ పని చేస్తుంటారు. బ్రాండ్‌ బ్యాండ్‌ సహా వివిధ సేవలకు అందించే సంస్థలు తమ ఖాతాదారుడికి ప్రతి నెలా బిల్లు పంపిస్తుంటాయి. దీని చెల్లింపులు అతడు ఆన్‌లైన్‌లో చేస్తుంటాడు. రూ.10 వేల బిల్లు ఉంటే రూ.1000 తీసుకుని ‘మాఫీ’ చేయడం హ్యాకర్‌ పని. వినియోగదారుడి నుంచి ఈ మొత్తం కమీషన్‌గా తీసుకునే సునామీ హ్యాకర్‌ ఆ సంస్థ సర్వర్‌ను హ్యాక్‌ చేసి, బిల్లు మొత్తం క్లియర్‌ అయినట్లు సున్నాగా మార్చేస్తుంటాడు. ఇది కేవలం పరిచయస్తులైన వారితో కుమ్మక్కై చేస్తున్నారని పోలీసులు చెబుతున్నారు. హ్యాకింగ్‌ విషయాన్ని ఆయా సంస్థలు గుర్తించలేకపోతున్నాయని వివరిస్తున్నారు. (క్లిక్‌: హైఫై ఫ్లైఓవర్‌.. ఎస్సార్‌డీపీ పనుల్లో మరో ప్రత్యేకత!)

ప్రపంచ వ్యాప్తంగా ఉన్న దిగ్గజ టెక్‌ కంపెనీలను టీనేజర్‌ పరుగులు పెట్టిస్తున్నాడు. మైక్రోసాఫ్ట్‌తో పాటు ఎన్‌వైదా, యుబిసాఫ్ట్‌, శాంసంగ్‌ సంస్థల్ని హ్యాక్‌ చేశాడు. దీంతో ఆందోళనకు గురైన ఆ సంస్థలు సైబర్‌ సెక్యూరిటీ నిపుణుల్ని ఆశ్రయించడంతో ఈ హ్యాకింగ్‌ వ్యవహారం వెలుగులోకి వచ్చింది. సైబర్‌ నిపుణులు సైతం హ్యాకింగ్‌ వెనుక ల్యాప్సస్‌$ (Lapsus$) అనే గ్రూప్‌ ఉన్నట్లు నిర్ధారించారు. హ్యాకింగ్‌ ఎందుకు చేశారనే అంశంపై స్పష్టత లేకున్నా..ఆ హ్యాకింగ్‌ గ్రూప్‌కు మాస్టర్‌ మైండ్‌ 16ఏళ్ల టీనేజరేనని తేలింది.   సైబర్‌ నిపుణుల అంతర్గత విచారణలో ఇంగ్లాండ్‌లోని ఆక్స్‌ఫర్డ్‌ ప్రాంతంలో టీనేజర్‌ తన తల్లితో కలిసి ఉంటున్నట్లు గుర్తించారు. టీనేజరే అయినా దిగ్గజ కంపెనీలను  హ్యాక్‌ చేయడంతో దాదాపూ 15వేల మంది క్లయింట్ల డేటా బహిర్ఘతం అయ్యింది. అందుకే హ్యాకింగ్‌ కోసం ఏదైనా సైబర్‌ గ్యాంగ్‌ హస్తం ఉందా అన్న కోణంలో సదరు సైబర్‌ ఎక్స్‌ పర్ట్స్‌  సభ్యులు దర్యాప్తు ముమ్మరం చేశారు.   అంతా సీక్రెట్‌  దర్యాప్తులో నిందితుడు 'వైట్', 'బ్రీచ్‌బేస్' అనే మారు పేర్లతో హ్యాకింగ్‌ చేస్తున్నట్లు తెలుస్తోంది. అంతేకాదు హ్యాకింగ్‌ కోసం ఉపయోగిస్తున్న 7అకౌంట్‌లను సైబర్‌ నిపుణులు స్వాధీనం చేసుకున్నారు. అందులో ఓ అకౌంట్ బ్రెజిల్‌కు చెందిన మరో యువకుడికి చెందిందని, ఇంతపెద్ద కంపెనీలను ఎందుకు హ్యాక్‌ చేస్తున్నారు. హ్యాక్‌ చేస్తే కలిగే లాభాలేంటో తెలుసుకునే ప్రయత్నం చేస్తున్నారు.  ఈ సందర్భంగా వారు మాట్లాడుతూ..టీనేజర్‌కు హ్యాకింగ్‌లో నైపుణ్యంగా ఎక్కువగా ఉందన్నారు. ల్యాప్సస్‌$ గ్రూప్‌ పేరుతో చేస్తున్న హ్యాకింగ్‌ కారణంగా సాఫ్ట్‌వేర్‌ కంపెనీ ఓక్తాకు చెందిన 366మంది క్లయింట్లు నష్టపోయారు. ఓక్తా షేర్లు 9శాతం పడిపోయాయి.ఆ కంపెనీ కార్యకాలపాలు పూర్తిగా స్తంభించిపోయాయి. ఇప్పుడు ఇదే అంశం మిగిలిన సంస్థలకు ఆందోళన కలిగిస్తుందన్నారు.   కంపెనీలను హ్యాక్ చేయడానికి, వారి డేటాను దొంగిలించి, దానిని విడుదల చేసేందుకు పెద్దమొత్తంలో డబ్బులు డిమాండ్‌ చేసే ప్రయత్నం జరుగుతుందనే అనుమానాలు సైబర్‌ నిపుణులు వ్యక్తం చేస్తున్నారు. కాగా, ఇప్పటి వరకు టీనేజర్‌ నివసించే ప్రాంతాన్ని గుర్తించినా, అతని జాడ తెలియరాలేదు. హ్యాకర్స్‌ టార్గెట్‌ ఏంటీ? అనే విషయాలతో పాటు టీనేజర్‌ను పట్టుకునేందుకు మరింత సమయం పట్టనున్నట్లు సమాచారం.

సాక్షి, హైదరాబాద్‌: ఆంధ్రప్రదేశ్‌ మహేష్‌ కో–ఆపరేటివ్‌ అర్బన్‌ బ్యాంక్‌ లిమిటెడ్‌ సర్వర్‌ను హ్యాక్‌ చేసి రూ.12.93 కోట్లు కొల్లగొట్టిన వ్యవహారంలో కీలకాంశాలను హైదరాబాద్‌ సైబర్‌ క్రైమ్‌ పోలీసులు గుర్తించారు. యూరోపియన్‌ దేశమైన రొమేనియాకు చెందిన ఐపీ అడ్రస్‌తో జావా స్క్రిప్ట్‌ ఫైల్‌(జేఎస్‌డబ్ల్యూ) పంపడం ద్వారా ఈ పని చేసినట్లు తేల్చారు. బ్యాంక్‌ డబ్బును ‘పంచుకున్న’గ్యాంగ్స్‌లో రెండింటిని పట్టుకున్న అధికారులు మరో రెండింటి కోసం ముమ్మరంగా గాలిస్తున్నారు.  అడ్మిన్‌ మెయిల్‌ను స్ఫూఫ్‌ చేసి...  లక్నోకు చెందిన లక్కీ డార్క్‌ నెట్‌లో చేసిన ప్రకటనతో సైబర్‌ నేరగాళ్లు రంగంలోకి దిగారు. వీరిలో గతేడాది జూలైలో తెలంగాణ కో–ఆపరేటివ్‌ అపెక్స్‌ బ్యాంక్‌ సర్వర్‌ను హ్యాక్‌ చేసి రూ.1,96,88,136 కాజేసిన నైజీరియన్లు ఉన్నారు. అలా వీరికి హైదరాబాద్‌లోని కో–ఆపరేటివ్‌ బ్యాంకులపై అవగాహన ఉండటంతో ప్రాథమిక పరిశీలన చేసి మహేష్‌ బ్యాంక్‌ ను ఎంచుకున్నారు. రొమేనియాకు చెందిన ఐపీ అడ్రస్‌తో అంతర్జాతీయంగా సేవలు అందించే ఎం247 సంస్థ వీపీఎన్‌ను వాడుకున్నారు. వీటి ద్వారా గతేడాది నవంబర్‌లో మహేష్‌ బ్యాంకునకు సంబంధించిన అన్ని కార్యాలయాల్లోని కంప్యూటర్లకూ ఒకేసారి కీ–లాగర్స్‌ పంపారు. ఆ బ్యాంక్‌ అడ్మిన్‌ మెయిల్‌ ఐడీని స్ఫూఫ్‌ చేసిన సైబర్‌ నేరగాళ్లు దాని నుంచి ఆర్టీజీఎస్‌ అప్‌డేట్‌ పేరుతో జేఎస్‌డబ్ల్యూ ఫైల్‌ పంపారు. బ్యాంక్‌ నెట్‌వర్క్‌కు సరైన ఫైర్‌వాల్స్‌ లేకపోవడంతో ఈ కీ–లాగర్స్‌తో కూడిన మెయిల్‌ కంప్యూటర్ల వరకు చేరింది. అక్కడ పనిచేసే సిబ్బందికి సైతం సైబర్‌ సెక్యూరిటీపై అవగాహన లేకపోవడంతో ప్రొసీడ్‌ అని కొట్టడంతో కీ–లాగర్స్‌ వారి కంప్యూటర్లలో ఇన్‌స్టాల్‌ అయిపోయాయి. దీని ద్వారానే గత నెల 22, 23 తేదీల్లో బ్యాంక్‌ చెస్ట్‌ ఖాతాకు సంబంధించిన రూ.12.93 కోట్లను స్వాహా చేశారు.   పరారీలో నగరానికి చెందిన గ్యాంగ్స్‌...  ఈ విషయం తెలుసుకున్న సిటీ సైబర్‌ క్రైమ్‌ పోలీసులు నిపుణుల సాయంతో ఆ రెండు కంప్యూటర్లనూ స్వాధీనం చేసుకున్నారు. వాటికి ఫోరెన్సిక్‌ పరీక్షలు నిర్వహించి హ్యాకర్లకు సంబంధించిన ఆ«ధారాలు సేకరించారు. యూపీ వాసి లక్కీతో పాటు నాగోల్‌లోని శాన్విక ఎంటర్‌ప్రైజెస్, కేపీహెచ్‌బీలోని ఫార్మాహౌస్‌లకు చెందిన కరెంట్‌ ఖాతాలను వినియోగించిన రెండు ముఠాలను ఇప్పటికే అరెస్టు చేశారు. మరో రెండు గ్యాంగ్స్‌ పరారీలో ఉన్నాయి.  అంతర్జాతీయ దర్యాప్తు అవసరం అపెక్స్‌ బ్యాంక్, మహేష్‌ బ్యాంక్‌ సర్వర్లను హ్యాక్‌ చేయడానికి వాడిన ఐపీ అడ్రస్‌లు, వీపీఎన్‌ సర్వీస్‌లు ఒకటే. దాని కోసం అంతర్జాతీయ స్థాయిలో దర్యాప్తు చేయాల్సి ఉంది. తొలుత ఎం247 సంస్థ నుంచి లాగిన్‌ వివరాలు తెలియాలి. అది కూడా అంతర్జాతీయ సంస్థ అయినందున ఆయా దేశాలతో సంప్రదింపులు జరపాల్సి ఉంటుంది.   – నగర పోలీసు ఉన్నతాధికారి   

న్యూఢిల్లీ: లోక్‌సభ, రాజ్యసభ కార్యకలాపాలను ప్రత్యక్ష ప్రసారాలు చేసే సంసద్‌ టీవీకి చెందిన యూట్యూబ్‌ చానల్‌ను గుర్తుతెలియని వ్యక్తులు హ్యాక్‌చేశారు. దీంతో అప్రమత్తమైన యూట్యూబ్‌ సంస్థ.. సమస్యకు కొద్ది గంటల్లోనే చెక్‌ పెట్టింది. సోమవారం అర్ధరాత్రి దాటాక ఒంటి గంటకు సంసద్‌ టీవీ యూట్యూబ్‌ చానల్‌ను హ్యాకర్లు హ్యాక్‌ చేసి చానెల్‌ పేరును ఇథీరియం( ఒక క్రిప్టో కరెన్సీ పేరు)గా మార్చారు. హ్యాకింగ్‌ జరిగిన విషయాన్ని ఘటన జరిగిన కొద్ది నిమిషాల్లోనే సంసద్‌ టీవీ సంబంధిత అధికారులకు తెలిపామని ఇండియన్‌ కంప్యూటర్‌ ఎమర్జెన్సీ రెస్పాన్స్‌ టీమ్‌(సీఈఆర్‌టీ–ఇన్‌) తెలిపింది. చానెల్‌ హ్యాక్‌కు గురైందని తెలిపే స్క్రీన్‌షాట్‌లను పలువురు సామాజిక మాధ్యమాల్లో పంచుకున్నారు.   చదవండి: (ప్రఖ్యాత గాయని సంధ్యా ముఖర్జీ కన్నుమూత)

ఊహించని రీతిలో లాభాలను కురిపిస్తున్నాయనే ఆనందమే కాదు.. క్రిప్టోకరెన్సీపై ఇన్వెస్టర్లలో ఆందోళనలు నెలకొంటున్నాయి. ముఖ్యంగా హ్యాకర్ల ముప్పు పొంచి ఉండడంతో అభద్రతా భావానికి లోనవుతున్నారు. వాస్తవానికి ప్రభుత్వాలు, ఆర్థిక విభాగాలు లేవనెత్తుతున్న అభ్యంతరాల్లో ఇది కూడా ఉంది. తాజాగా అలాంటి ఘటనే ఒకటి జరిగింది.    డిసెంట్రలైజ్డ్‌ ఫైనాన్స్‌ ప్లాట్‌ఫామ్‌ ‘క్యూబిట్‌ ఫైనాన్స్‌’ నుంచి సుమారు 80 మిలియన్‌ డాలర్ల (600 కోట్ల రూపాయలకు పైనే) క్రిప్టోకరెన్సీ చోరీకి గురైంది. పక్కాగా ప్లాన్‌ చేసిన హ్యాకర్లు ఈ ఏడాది ఆరంభంలోనే ఈ భారీ చోరీకి పాల్పడ్డారు. ఇది గ్రహించిన క్యూబిట్‌ ఫైనాన్స్‌.. హ్యాకర్లతో బేరానికి దిగింది. మొదట కొంచెం సీరియస్‌గానే వార్నింగ్‌ ఇచ్చిన క్యూబిట్‌.. అటుపై కొంచెం తగ్గి ట్వీట్లు చేసింది. The protocol was exploited by; 0xd01ae1a708614948b2b5e0b7ab5be6afa01325c7 The hacker minted unlimited xETH to borrow on BSC. The team is currently working with security and network partners on next steps. We will share further updates when available. — Qubit Finance (@QubitFin) January 28, 2022 కొట్టేసిందంతా తిరిగి ఇచ్చేయాలని, బదులుగా.. మంచి నజరానా ఇస్తామని ప్రకటించింది. అంతేకాదు ఎలాంటి న్యాయపరమైన చర్యలకు వెళ్లమని మాటిస్తోంది కూడా. ఇక క్రిప్టోకరెన్సీలో అరుదైన సర్వీస్‌ను క్యూబిట్‌ అందిస్తోంది. దీని ప్రకారం.. బ్రిడ్జ్‌ అనే సర్వీస్‌లో వివిధ రకాల బ్లాక్‌చెయిన్స్‌ ఉంటాయి. డిపాజిట్‌ చేసిన క్రిప్టోకరెన్సీని వేరొకదాంట్లోనూ విత్‌డ్రా చేసుకోవచ్చు.  An appeal to the exploiter: It's not too late to return to funds. We will pay the maximum bounty reward as mentioned as well as not seek any legal charges if you return the funds and do right by the community. — Qubit Finance (@QubitFin) January 28, 2022 అయితే 2020లో బినాన్స్‌ స్మార్ట్‌చెయిన్‌ను లాంఛ్‌ చేసినప్పటి నుంచి డెఫీ(అప్‌కమింగ్‌ ఫైనాన్షియల్‌ టెక్నాలజీ) ప్రాజెక్టులకు హ్యాకింగ్‌ తలనొప్పులు ఎదురవుతున్నాయి. కిందటి ఏడాది ఏప్రిల్‌లో యురేనియం ఫైనాన్స్‌ నుంచి 50 మిలియన్‌ డాలర్లు, మే నెలలో వీనస్‌ ఫైనాన్స్‌ నుంచి 88 మిలియన్‌ డాలర్లు హ్యాకర్ల బారినపడింది. చదవండి: క్రిప్టో దెబ్బకి మిలియనీర్ల నుంచి బికారీలుగా మారిన వేలమంది!

సాక్షి, హైదరాబాద్‌: ఆంధ్రప్రదేశ్‌ మహేష్‌ కో–ఆపరేటివ్‌ అర్బన్‌ బ్యాంక్‌లో జరిగిన రూ.12.93 కోట్ల సైబర్‌ నేరం కేసులో హైదరాబాద్‌ సిటీ సైబర్‌ క్రైమ్‌ పోలీసులు కాస్త పురోగతి సాధించారు. హ్యాకింగ్‌ ఎలా జరిగిందో దర్యాప్తు అధికారులకు స్పష్టత వచ్చింది. గురువారం బంజారాహిల్స్‌లోని సర్వర్‌ సంస్థ కార్యాలయానికి వెళ్లిన అధికారులు.. మహేష్‌ బ్యాంకు అధికారులు, సర్వర్‌ నిర్వాహకులతో పాటు ముంబై నుంచి వచ్చిన ప్రత్యేక బృందంతో కలిసి విశ్లేషించారు. సైబర్‌ నేరగాళ్లు ప్రాక్సీ ఐపీ అడ్రస్‌లు వాడి తొలుత సర్వర్‌లోకే ప్రవేశించారని, ఆపై బ్యాంక్‌ నెట్‌వర్క్‌ను తమ అధీనంలోకి తెచ్చుకున్నారని గుర్తించారు. నగదు బదిలీ అయిన వాటిలో 3 కరెంట్‌ అకౌంట్లకు సంబంధించిన వారితో సైబర్‌ నేరగాళ్లకు సంబంధం ఉండకపో వచ్చని భావిస్తున్నారు. లావాదేవీల సమాచారం వీరికి చేరకుండా సైబర్‌ నేరగాళ్లు వారి ఖాతాలతో లింకై ఉన్న ఫోన్‌ నంబర్లను మార్చేశారు. బషీర్‌బాగ్‌ బ్రాంచ్‌లో షానాజ్‌ బేగం పేరుతో ఓ మహిళ తెరిచిన సేవింగ్‌ ఖాతాతో లింకైన నంబర్‌ను మాత్రం నేరగాళ్లు మార్చలేదు. దీంతో ప్రతి లావాదేవీకి సంబంధించిన ఓటీపీ, సమాచారం ఆమె నంబర్‌కు చేరాయి.  బ్యాంకు అధికారుల నుంచి ఫోన్‌ అందుకున్నప్పటి నుంచి ఆమె ఫోన్‌ స్విచ్చాఫ్‌ కావడం, ఆమె అజ్ఞాతంలోకి వెళ్లిపోవడంతో ఆ మహిళ పాత్రపై అనుమానాలు బలపడుతున్నాయి. ఈ 4 ఖాతాల నుంచి డబ్బు ఉత్తరాదితో పాటు ఈశాన్య రాష్ట్రాల్లోని 129 ఖాతాల్లోకి వెళ్లింది. వాటి నుంచి మరికొన్ని ఖాతాల్లోకి వెళ్లినట్లు గుర్తించారు. ఈ ఖాతాదారులను పట్టుకుంటే సూత్రధారుల గురించి తెలుస్తుందని.. ప్రత్యేక బృందాలను ఆ రాష్ట్రాలకు పంపడానికి సన్నాహాలు చేస్తున్నారు.   

సమాచార ప్రసార మంత్రిత్వ శాఖకు సంబంధించిన ట్విట్టర్ ఖాతా బుధవారం హ్యాక్ అయ్యింది. పైగా హ్యకర్లు ఖాతా పేరును ఎలెన్‌ మస్క్‌ అని పేరు మార్చారు. అంతేకాదు ప్రోఫైల్‌లో చేప ఫోటో పెట్టారు. అదే సమయంలో కొన్ని ట్వీట్లు కూడా చేశారు. అయితే కొద్ది సమయంలోనే ఇండియన్ కంప్యూటర్ ఎమర్జెన్సీ రెస్పాన్స్ టీమ్ ఆ ఖాతాను  రికవరి చేసిందని ఐటీ మంత్రిత్వ శాఖ పేర్కొంది. దీంతో ఆ ట్విట్టర్‌ ఖాతా యథావిధిగా పనిచేస్తోంది. ఆ ట్వీట్లు కూడా తొలగించారు. అయితే హ్యాకర్లు గతంలో ప్రధాని మోదీ ఖాతాను హ్యాక్‌ చేసిన వారే సమాచార ప్రసార మంత్రిత్వ శాఖకు సంబంధించిన ఖాతాను కూడా హ్యాక్‌ చేసి ఉండవచ్చు. ఎందుకంటే అప్పుడూ మోదీ ఖాతా హ్యాక్‌ అయినప్పుడు ఏం కంటెంట్‌ ఉందో అదే కంటెంట్‌ ఈ ఖాతాలో కూడా​ ఉంది. ఇటీవల చాలామంది ప్రముఖుల ఖాతాలు హ్యాక్‌ అయిన సంగతి తెలిసిందే. (చదవండి: ఒమిక్రాన్‌ ఉధృతిని ఆపలేం.. బూస్టర్‌తో ప్రయోజనం ఉండకపోవచ్చు! అయినా ఆందోళనవద్దు!: డాక్టర్ జైప్రకాష్)

న్యూఢిల్లీ: ఇజ్రాయెల్‌లోని ఎన్‌ఎస్‌వో సంస్థ తయారీ నిఘా సాఫ్ట్‌వేర్‌ ‘పెగగస్‌’ కారణంగా మొబైల్‌ఫోన్‌ హ్యాకింగ్‌కు గురైనట్లు భావించే బాధితులు జనవరి ఏడో తేదీ లోపు తమను సంప్రదించాలని సుప్రీంకోర్టు నియమించిన సాంకేతిక కమిటీ ప్రజలకు సూచించింది. ఈ మేరకు కమిటీ ఆదివారం ఒక పబ్లిక్‌ నోటీస్‌ను జారీచేసింది. ‘ పెగసస్‌ మాల్‌వేర్‌ తమ ఫోన్‌ను హ్యాక్‌ చేసిందని ఎందుకు భావిస్తున్నారో తగు కారణాలను కమిటీ ముందు ఆయా బాధితులు వెల్లడించాలి. హ్యాక్‌ అయిన మొబైల్‌/డివైజ్‌ను టెక్నికల్‌ కమిటీ పరిశీలించేందుకు మీరు అంగీకరిస్తారా? అనే విషయాన్నీ కమిటీకి పంపే ఈ–మెయిల్‌లో స్పష్టం చేయాలి’ అని ఆ నోటీస్‌లో కమిటీ పేర్కొంది. ‘ మీ కారణాలు సహేతుకమైనవని కమిటీ భావిస్తే ఆ మొబైల్‌/డివైజ్‌ను కమిటీ పరిశీలన/పరీక్ష/దర్యాప్తునకు తీసుకుంటుంది’ అని నోటీస్‌లో పేర్కొన్నారు. విపక్ష పార్టీల ముఖ్యనేతలు, ప్రముఖ సామాజిక కార్యకర్తలు, పాత్రికేయులు, జడ్జీలు సహా ప్రముఖుల మొబైల్‌ ఫోన్లను మోదీ సర్కార్‌ పెగసస్‌ స్పైవేర్‌తో హ్యాక్‌ చేసి నిఘా పెట్టిందని  పెను దుమారం చెలరేగిన విషయం విదితమే.

మీరు మీ సొంత/కంపెనీ ల్యాప్‌టాప్, పీసీలోని గూగుల్ క్రోమ్, మైక్రోసాఫ్ట్ ఎడ్జ్ బ్రౌజర్‌లలో ముఖ్యమైన పాస్‌వర్డ్‌లను సేవ్ చేస్తున్నారా? అయితే, ఇక మీ పని అయిపోయినట్టే. హ్యాకర్లు మీ ల్యాప్‌టాప్, పీసీలోని పాస్‌వర్డ్‌లను రెడ్ లైన్ మాల్ వేర్ సహాయంతో హ్యాక్ చేసే అవకాశం ఎక్కువ ఉన్నట్లు నిపుణులు తెలుపుతున్నారు. ఇటీవల కాలంలో ఇంటి నుంచి పనిచేసే వారి శాతం రోజు రోజుకి పెరుగుతున్న సంగతి తెలిసిందే. వారు తమ కార్యాలయ పనులతో పాటు ముఖ్యమైన పనులకు సంబంధించిన పాస్‌వర్డ్‌లను ల్యాప్‌టాప్, పీసీలోని గూగుల్ క్రోమ్, మైక్రోసాఫ్ట్ ఎడ్జ్ బ్రౌజర్‌లలో సేవ్ చేసుకుంటున్నారు.  అయితే, ఇలా చేయడం వల్ల భారీ ముప్పు ఎదురయ్యే అవకాశం ఉన్నట్లు సైబర్ నిపుణులు చెబుతున్నారు. ఆహ్న్ ల్యాబ్ తెలిపిన వివరాల ప్రకారం.. ఈ మధ్యకాలంలో ఒక కంపెనీకి చెందిన ఉద్యోగి ఇంటి నుంచి పనిచేస్తున్న సమయంలో ఇతర ఉద్యోగులు వాడే ల్యాప్‌టాప్‌లో పనిచేసేవారు. అయితే, ఆ ల్యాప్‌టాప్‌లో సమాచారాన్ని దొంగిలించే రెడ్ లైన్ స్టీలర్ అనే మాల్ వేర్ ఉందనె విషయం అతనికి తెలియదు. ఈ విషయం తెలియక ఆ ఉద్యోగి తను వాడుతున్న ల్యాప్‌టాప్‌లో గూగుల్ క్రోమ్, మైక్రోసాఫ్ట్ ఎడ్జ్ బ్రౌజర్‌లో ముఖ్యమైన పాస్‌వర్డ్‌లను సేవ్ చేశాడు. అప్పటికే ల్యాప్‌టాప్‌లో ఉన్న రెడ్ లైన్ స్టీలర్ అనే మాల్ వేర్ ఆ సమాచారాన్ని మొత్తం హ్యాకర్ల చేతికి ఇచ్చింది.  అయితే, మరో కీలక విషయం ఏమిటంటే. ఈ రెడ్ లైన్ స్టీలర్ అనే మాల్ వేర్ చాలా తక్కువ ధరకు లభిస్తున్నట్లు సైబర్ నిపుణులు చెబుతున్నారు. ఇంటర్నెట్ డార్క్ వెబ్ సైట్లలో దీనిని $150కు కొనుగోలు చేయవచ్చు. అంటే, ఎవరైనా, మీ ల్యాప్‌టాప్, పీసీలలో ఈ స్పై సాఫ్ట్వేర్ ఇన్స్టాల్ చేస్తే ఇక మీ పని అంతే అని నిపుణులు అంటున్నారు. అందుకే, మీ సొంత ల్యాప్‌టాప్, పీసీలతో కంపెనీ ఇచ్చే వాటిలో పాస్‌వర్డ్‌లను సేవ్ చేసుకోకుండా ఉండాలని సూచిస్తున్నారు. ఈ రెడ్ లైన్ స్టీలర్ అనే మాల్ వేర్ మొదట మార్చి 2020లో రష్యన్ డార్క్ వెబ్లో కనిపించింది. ఇలాంటి మాల్ వేర్ విషయంలో చాలా జాగ్రత్తగా ఉండాలని సూచిస్తున్నారు. (చదవండి: 50 బిలియన్‌ డాలర్ల లక్ష్యం..! యాపిల్‌..మేక్‌ ఇన్‌ ఇండియా..!)

లక్నో: తన కుమార్తె, కూతురుకు చెందిన ఇన్‌స్ట్రాగామ్‌ అకౌంట్లు హాకింగ్‌కు గురయ్యాయని కాంగ్రెస్‌ ప్రధాన కార్యదర్శి ప్రియాంకాగాంధీ ఆరోపించారు. లక్నోలో మంగళవారం ఆమె మీడియాతో మాట్లాడారు. ‘ఫోన్ల ట్యాపింగ్‌ వదిలేయండి. నా పిల్లల ఇన్‌స్టాగ్రామ్‌ అకౌంట్లను హ్యాక్‌ చేశారు. ఈ ప్రభుత్వానికి ఏ పనీ లేదా?’అని వ్యాఖ్యానించారు. సీఎం యోగి తన ఫోన్లను ట్యాప్‌ చేసి, సంభాషణల రికార్డులను ప్రతి రోజూ వింటున్నారంటూ సమాజ్‌వాదీ పార్టీ చీఫ్‌ అఖిలేశ్‌ యాదవ్‌ రెండు రోజుల క్రితం తీవ్ర ఆరోపణలు చేసిన విషయం తెలిసిందే. ‘నేను బాలికను. నేను పోరాడతాను’ నినాదంతో తాను చేపట్టిన కార్యక్రమం కారణంగానే ప్రధాని మోదీ ప్రయాగ్‌రాజ్‌లో మహిళలతో సభ ఏర్పాటు చేసి, పలు పథకాలు ప్రకటించాల్సి వచ్చిందని ప్రియాంక అన్నారు.  చదవండి: (Mamata Banerjee: కోల్‌కతా దీదీదే.. తృణమూల్‌ ‘హ్యాట్రిక్‌’)

న్యూఢిల్లీ: పశ్చిమబెంగాల్‌లోని మమతా బెనర్జీ సర్కారుకు సుప్రీంకోర్టులో చుక్కెదురైంది. పెగసస్‌ నిఘా సాఫ్ట్‌వేర్‌తో హ్యాకింగ్‌ ఉదంతంపై బెంగాల్‌ ప్రభుత్వం వేరుగా విచారణ చేయించడంపై సుప్రీంకోర్టు అసంతృప్తి వ్యక్తం చేసింది. సుప్రీం రిటైర్డ్‌ జడ్జి జస్టిస్‌ ఎంబీ లోకూర్‌ ఆధ్వర్యంలో మమతా బెనర్జీ ప్రభుత్వం నియమించిన కమిటీ దర్యాప్తుపై స్టే విధించింది. ఇప్పటికే పెగసస్‌ హ్యాకింగ్‌పై సుప్రీంకోర్టు ఏర్పాటు చేసిన నిపుణుల కమిటీ దర్యాప్తు కొనసాగుతున్న విషయం తెలిసిందే. పెగసస్‌పై దర్యాప్తు చేయించబోమంటూ సుప్రీంకోర్టుకు హామీ ఇచ్చిన తర్వాత కూడా బెంగాల్‌ ప్రభుత్వం వేరుగా విచారణ కొనసాగించడాన్ని సవాల్‌ చేస్తూ న్యాయవాది ఎంఎల్‌ శర్మ వేసిన పిటిషన్‌ను శుక్రవారం ప్రధాన న్యాయమూర్తి జస్టిస్‌ ఎన్వీ రమణ, జస్టిస్‌ సూర్యకాంత్, జస్టిస్‌ హిమా కోహ్లిల ధర్మాసనం విచారణ చేపట్టింది. ‘లోకూర్‌ కమిషన్‌ విచారణ ఉండదని గతంలో బెంగాల్‌ ప్రభుత్వం హామీ ఇచ్చింది కదా! కానీ, మళ్లీ దర్యాప్తు కొనసాగుతోంది. ఏమిటిది?’అని ప్రశ్నించింది. ఈ విషయాన్ని సంబంధిత వర్గాలకు తెలియజేస్తానని బెంగాల్‌ ప్రభుత్వం తరఫున వాదించిన సీనియర్‌ లాయర్‌ ఏఎం సింఘ్వి ధర్మాసనానికి నివేదించారు. న్యాయస్థానం తదుపరి ఉత్తర్వులు వెలువరించేదాకా లోకూర్‌ కమిషన్‌ తన విచారణను నిలిపివేస్తుందని ఆయన తెలిపారు. స్పందించిన ధర్మాసనం..‘రాష్ట్ర ప్రభుత్వం సంకటస్థితి అర్థమైంది. పెగసస్‌ హ్యాకింగ్‌ విషయంలో దర్యాప్తును నిలుపుదల చేయాలని సంబంధిత అన్ని వర్గాలకు నోటీసులు ఇస్తున్నాం’అని పేర్కొంది. భారత్‌లోని వివిధ వర్గాలకు చెందిన 300 మంది ఫోన్లపై పెగసస్‌ స్పైవేర్‌ నిఘా పెట్టిందంటూ ఒక అంతర్జాతీయ మీడియా సంస్థ బయటపెట్టిన విషయం తెలిసిందే.  

Log4j Vulnerability 2021: ఇటీవల వెలుగులోకి వచ్చిన ఒక సాఫ్ట్ వేర్ లోపం దిగ్గజ ఐటీ కంపెనీలను వణీకిస్తుంది. ఇటీవల వెలుగు చూసిన భారీ లోపం అని యుఎస్ ప్రభుత్వ సైబర్ సెక్యూరిటీ ఏజెన్సీ అత్యవసర హెచ్చరికలను జారీ చేసింది. ఈ లాగ్4జే లోపం వల్ల హ్యాకర్లు సులభంగా కంప్యూటర్ వ్యవస్థలను యాక్సెస్ చేసుకునే అవకాశం ఉంది. ఈ లోపం వల్ల దిగ్గజ టెక్ కంపెనీలు విస్తృతంగా ఉపయోగించే లైబ్రరీ లాగ్4జే వ్యవస్థ ప్రభావితం కానుంది. లాగ్4జే వ్యవస్థను అపాచీ లాగింగ్‌ సర్వీస్‌ అనే కంపెనీ సృష్టించింది. ఇది టెక్ కంపెనీలు అత్యంత ఎక్కువగా ఉపయోగించే వెబ్ సర్వర్. యాపిల్ ఐక్లౌడ్ నుంచి ట్విట్టర్, మైక్రోసాఫ్ట్ మైన్ క్రాఫ్ట్, అమెజాన్ వంటి అనేక ఇతర భారీ టెక్ కంపెనీలను ఈ లోపం ప్రభావితం చేస్తుంది. లాగ్4జే అంటే ఏమిటీ..? ప్రముఖ యాప్స్ లోకి లాగిన్‌ అయ్యేందుకు ఉపయోగించే లైబ్రరీ వంటి సాఫ్ట్‌వేర్‌ను ‘లాగ్‌4జే’ అంటారు. దీనిని ‘అపాచీ లాగింగ్‌ సర్వీస్‌’ అనే సంస్థ అభివృద్ధి చేసింది. ఆ అప్లికేషన్‌లో మన యాక్టివిటీలకు సంబంధించిన మొత్తం డేటా నమోదు చేసి ఉంచుతుంది. ప్రపంచవ్యాప్తంగా ఉన్న సాఫ్ట్ వేర్ డెవలపర్లకు ఈ ‘లాగ్‌4జే’ పరిచయం అక్కర లేని పేరు. అయితే, ఈ సాఫ్ట్‌వేర్‌ ను పలు దిగ్గజ కంపెనీలతో ఇతర యాప్‌ సంస్థలు కూడా విస్తృతంగా  వినియోగిస్తున్నాయి. ఈ లోపాన్ని లాగ్4షెల్ అని కూడా పిలుస్తారు. మొదట ఓపెన్‌ సోర్స్‌ డేటా సెక్యూరిటీ ప్లాట్‌ఫామ్‌ "లూనాసెక్" పరిశోధకులు ఈ లోపం గురుంచి హైలైట్ చేశారు.  (చదవండి: శామ్‌సంగ్‌కు రియల్‌మీ ఝలక్‌.. అమ్మకాల్లో మరో రికార్డు) ఈ సమస్య మొదట మైక్రోసాఫ్ట్ యాజమాన్యంలోని మైన్ క్రాఫ్ట్ కనుగొంది. అయితే లాగ్4జే లోపం వల్ల అనేక సేవలు ఈ హ్యాకింగ్ బారిన పడే అవకాశం ఉన్నట్లు లూనాసెక్ హెచ్చరిస్తుంది. లాగిన్‌, పాస్‌వర్డ్‌ ఎంటర్‌ చేసే చోట ఒక కోడ్‌ను నమోదు చేయడం ద్వారా దాని వినియోగదారులను దారి మళ్లించి హ్యాక్‌ చేయవచ్చని గుర్తించారు. గత పదేళ్లలో ఎన్నడూ చూడని పెద్ద లోపంగా సైబర్‌ సెక్యూరిటీ సంస్థలు దీన్ని పేర్కొంటున్నాయి. ఈ బగ్ లాగ్4జే అన్ని వెర్షన్లను ప్రభావితం చేయదు. 2.0 - 2.14.1 మధ్య వెర్షన్లను మాత్రమే ప్రభావితం చేయనుంది. ఇప్పటికే ఈ లోపం ఉన్న సిస్టమ్స్‌ను గుర్తించి హ్యాక్‌ చేయడానికి వీలుగా టూల్స్‌ కూడా అభివృద్ధి చేశారని వైర్డ్‌.కామ్‌ వెల్లడించింది.  మైక్రోసాఫ్ట్ లాగ్4జె లోపం బిట్‌కాయిన్‌ మైనింగ్‌పై ప్రభావం చూపకపోయిన క్రెడెన్షియల్స్‌, డేటా దొంగతనాలు జరిగే అవకాశం ఉందని మైక్రోసాఫ్ట్ పేర్కొంది. ఇంటర్నెట్‌లో ఈ లోపాన్ని వాడుకోవాలని చూసేవారిపై తమ ఇంటెలిజెన్స్‌ బృందం ఓ కన్నేసి పెట్టినట్లు టెక్ దిగ్గజం  వెల్లడించింది. ఇప్పటికే అపాచీ ‘లాగ్‌4జే’  వాడే అప్లికేషన్లను పరిశీలిస్తున్నామని.. ఎక్కడైనా హ్యాకర్లు చొరబడినట్లు తెలిస్తే వినియోగదారులకు సమాచారం ఇస్తున్నట్లు వెల్లడించింది. గూగుల్ గూగుల్‌ క్లౌడ్‌ ‘లాగ్‌4జే’లోని లోపంపై ప్రకటన చేసింది. "మేము ప్రస్తుతం గూగుల్ క్లౌడ్ ఉత్పత్తులు, సేవలపై ఈ లోపం ప్రభావాన్ని అంచనా చేస్తున్నాము. మా కస్టమర్లకు కమ్యూనికేషన్ ఛానల్స్ ద్వారా అప్ డేట్ చేస్తున్నాము" అని పేర్కొంది.  (చదవండి: కాగ్నిజెంట్‌లో కీలక స్థానంలో సోమా పాండే)

ప్రపంచం ఇప్పుడిప్పుడే కరోనా నుంచి తేరుకుంటోంది! కానీ..ఏళ్లుగా పీడిస్తున్న హ్యాకింగ్, స్కామింగ్‌ చికాకులు మాత్రం ఇప్పుడిప్పుడే తగ్గే సూచనలు లేవు సరికదా... వచ్చే ఏడాది మరింత పెరుగుతాయంటోంది నార్టన్‌ ల్యాబ్స్‌!! కొత్త పోకడలతో, కొంగొత్త పద్ధతులతో ఐటీ వినియోగదారుల నుంచి  డబ్బు లాగేసేందుకు స్కీములేస్తారని... పారాహుషార్‌ అని హెచ్చరిస్తోందీ సంస్థ!  సాక్షి, హైదరాబాద్‌: 2021కు ముగుస్తోంది. కొత్త ఏడాది.. కొత్త ఆశలతోపాటు... కొత్త సమస్యలు కూడా ఉండబోతున్నాయన్నది నిపుణుల మాట. సైబర్‌ సెక్యూరిటీ విషయంలో రానున్న 12 నెలలు ఎంతో ఆసక్తికరమని అంటోంది ప్రఖ్యాత సైబర్‌ సెక్యూరిటీ సంస్థ నార్టన్‌ ల్యాబ్స్‌. క్రిప్టో కరెన్సీకి ప్రాచుర్యం దక్కుతున్న తరుణంతో దీన్ని ఆసరాగా చేసుకుని మోసాలకు పాల్పడే వాళ్లూ ఎక్కువవుతారని, అకాల వర్షాలు, వరదల్లో చిక్కుకున్న వారిని లక్ష్యంగా చేసుకుని సైబర్‌ స్కామర్లు కొంగొత్త స్కీములు రచిస్తారని అంచనా వేస్తోంది. అంతేకాదు.. వీటన్నింటి విరుగుడే లక్ష్యంగా సైబర్‌ ఆక్టివిజమ్‌ కూడా ఊపందుకుంటుందని చెబుతోంది. 2022 సంవత్సరంలో సైబర్‌ ప్రపంచంలో సంభవించగల ఐదు అంశాలు.. నార్టన్‌ ల్యాబ్స్‌ అంచనాల మేరకు...  క్రిప్టో కరెన్సీ తోడుగా...  2022లో క్రిప్టో కరెన్సీని వస్తు/సేవల వినియోగానికి అంగీకరించే కంపెనీలు పెరుగుతాయి. అదే సమయంలో ఈ డిజిటల్‌ కరెన్సీ తీరుతెన్నులు తెలియని అమాయకులను లక్ష్యంగా చేసుకుని స్కామర్లు ప్రయత్నాలు ముమ్మరం చేస్తారు. కాయిన్లు ఉచితంగా ఇస్తున్నామని కొందరు, నకిలీ యాప్‌లతో ఇంకొందరు ఇప్పటికే క్రిప్టో కరెన్సీ ఆధారిత నేరాలకు పాల్పడుతుండగా.. కొత్త ఏడాదిలో మరిన్ని కొత్త కుయుక్తులు పన్నే అవకాశాలు ఉన్నాయి.  ఎలక్ట్రానిక్‌ ఐడీలు?  వర్క్‌ ఫ్రమ్‌ హోమ్, జూమ్‌ కాల్, ఆన్‌లైన్లో అవసరమైనవి తెప్పించుకోవడం... కరోనా కారణంగా ఇటీవలి కాలంలో బాగా పెరిగిపోయిన కార్యక్రమాలివి. ఈ క్రమంలోనే స్మార్ట్‌ఫోన్లతో అవసరమైన డాక్యుమెంట్లను అటూ ఇటూ పంపుతుండటమూ కద్దు. అయితే వీటితో అనేక సమస్యలు ఉన్న నేపథ్యంలో మరింత సురక్షితమైన రీతిలో మన వ్యక్తిగత వివరాలను పంపేందుకు వాటిని గుర్తించే అవసరం ఏర్పడింది. కంప్యూటర్‌ రంగంలో ఇటీవలి కాలంలో బాగా అభివృద్ధి చెందిన బ్లాక్‌చెయిన్‌ టెక్నాలజీ సాయంతో ఈ సమస్యను అధిగమించే ప్రయత్నం వచ్చే ఏడాది జరగనుంది. ఎల్రక్టానిక్‌ ఐడీ లేదా ‘ఈఐడీ’ పేరుతో బ్లాక్‌చెయిన్‌ ఆధారిత గుర్తింపు కార్డుల జారీకి కొన్ని ప్రభుత్వాలూ పట్టుబడుతున్నాయి.   సైబర్‌ నిరసనలు, ఉగ్రవాదమూ...  సైబర్‌ టెర్రరిజమ్, ఆక్టివిజమ్‌ 2021లోనూ భారీగానే నడిచింది. కాకపోతే వచ్చే ఏడాది ఇది మరింత ఎక్కువయ్యే అవకాశాలు ఉన్నాయి. డబ్బు కోసం నేరాలకు పాల్పడటం సైబర్‌ క్రిమినల్స్‌ చేసే పనైతే.. హ్యాకింగ్‌ మాత్రం కొన్నిసార్లు నిరసనలకూ ఉపయోగపడుతున్నాయి. హ్యాక్టివిస్టులంటారు ఇలా నిరసనలకు పాల్పడే వారిని! ఈ రకమైన హ్యాక్టివిజమ్‌ వచ్చే ఏడాదీ కొనసాగనుంది. ప్రభుత్వాలకు సంబంధించిన సున్నిత సమాచారాన్ని బహిరంగపరచడం వంటివి జరిగే అవకాశం ఉంటుంది. నేరగాళ్లకూ అండగా ఏఐ...  మానవాళి మరికొంచెం సుఖంగా ఉండేందుకు కృత్రిమ మేధ ఎంత ఉపయోగకరమో ప్రత్యేకంగా చెప్పాల్సిన అవసరం లేదు. కాకపోతే వచ్చే ఏడాది ఈ అత్యాధునిక టెక్నాలజీ సైబర్‌ నేరగాళ్ల పని కూడా సులువు చేయనుంది. డీప్‌ఫేక్‌ వంటి టెక్నాలజీల కారణంగా అసలు, నకిలీల మధ్య అంతరం చెరిగిపోతుండటాన్ని నేరగాళ్లు తమకు అనుకూలంగా మార్చుకోనున్నారు.   కష్టాల్లో డబ్బులేరుకునే రకాలు...  మనిషి కష్టాలతో కూడా డబ్బులు సంపాదించుకునే రకాలు 2022లో మరింత ఎక్కువవుతారు. చోరీ చేసిన సమాచారం సాయంతో ప్రభుత్వాలు, ఇన్సూరెన్స్‌ కంపెనీల నుంచి డబ్బు లాగేసేందుకు వీరు ప్రయత్నిస్తారు.   చదవండి: సైబర్‌ మోసాలకు గురయ్యారా? అయితే ఈ నంబర్‌ మీకోసమే.. ఎందుకింత గలీజ్‌ అయితున్నరు? పోలీసులకు రవి ఫిర్యాదు

2021కు ముగుస్తోంది. కొత్త ఏడాది.. కొత్త ఆశలతోపాటు... కొత్త సమస్యలు కూడా ఉండబోతున్నాయన్నది నిపుణుల మాట. సైబర్‌ సెక్యూరిటీ విషయంలో రానున్న 12 నెలలు ఎంతో ఆసక్తికరమని అంటోంది ప్రఖ్యాత సైబర్‌ సెక్యూరిటీ సంస్థ నార్టన్‌ ల్యాబ్స్‌. క్రిప్టో కరెన్సీకి ప్రాచుర్యం దక్కుతున్న తరుణంతో దీన్ని ఆసరాగా చేసుకుని మోసాలకు పాల్పడే వాళ్లూ ఎక్కువవుతారని, అకాల వర్షాలు, వరదల్లో చిక్కుకున్న వారిని లక్ష్యంగా చేసుకుని సైబర్‌ స్కామర్లు కొంగొత్త స్కీములు రచిస్తారని అంచనా వేస్తోంది. అంతేకాదు.. వీటన్నింటి విరుగుడే లక్ష్యంగా సైబర్‌ ఆక్టివిజమ్‌ కూడా ఊపందుకుంటుందని చెబుతోంది. 2022 సంవత్సరంలో సైబర్‌ ప్రపంచంలో సంభవించగల ఐదు అంశాలు.. నార్టన్‌ ల్యాబ్స్‌ అంచనాల మేరకు...   క్రిప్టో కరెన్సీ తోడుగా...  2022లో క్రిప్టో కరెన్సీని వస్తు/సేవల వినియోగానికి అంగీకరించే కంపెనీలు పెరుగుతాయి. అదే సమయంలో ఈ డిజిటల్‌ కరెన్సీ తీరుతెన్నులు తెలియని అమాయకులను లక్ష్యంగా చేసుకుని స్కామర్లు ప్రయత్నాలు ముమ్మరం చేస్తారు. కాయిన్లు ఉచితంగా ఇస్తున్నామని కొందరు, నకిలీ యాప్‌లతో ఇంకొందరు ఇప్పటికే క్రిప్టో కరెన్సీ ఆధారిత నేరాలకు పాల్పడుతుండగా.. కొత్త ఏడాదిలో మరిన్ని కొత్త కుయుక్తులు పన్నే అవకాశాలు ఉన్నాయి.  ఎలక్ట్రానిక్‌ ఐడీలు?  వర్క్‌ ఫ్రమ్‌ హోమ్, జూమ్‌ కాల్, ఆన్‌లైన్లో అవసరమైనవి తెప్పించుకోవడం... కరోనా కారణంగా ఇటీవలి కాలంలో బాగా పెరిగిపోయిన కార్యక్రమాలివి. ఈ క్రమంలోనే స్మార్ట్‌ఫోన్లతో అవసరమైన డాక్యుమెంట్లను అటూ ఇటూ పంపుతుండటమూ కద్దు. అయితే వీటితో అనేక సమస్యలు ఉన్న నేపథ్యంలో మరింత సురక్షితమైన రీతిలో మన వ్యక్తిగత వివరాలను పంపేందుకు వాటిని గుర్తించే అవసరం ఏర్పడింది. కంప్యూటర్‌ రంగంలో ఇటీవలి కాలంలో బాగా అభివృద్ధి చెందిన బ్లాక్‌చెయిన్‌ టెక్నాలజీ సాయంతో ఈ సమస్యను అధిగమించే ప్రయత్నం వచ్చే ఏడాది జరగనుంది. ఎలక్ట్రానిక్‌ ఐడీ లేదా ‘ఈఐడీ’ పేరుతో బ్లాక్‌చెయిన్‌ ఆధారిత గుర్తింపు కార్డుల జారీకి కొన్ని ప్రభుత్వాలూ పట్టుబడుతున్నాయి.   సైబర్‌ నిరసనలు, ఉగ్రవాదమూ...  సైబర్‌ టెర్రరిజమ్, ఆక్టివిజమ్‌ 2021లోనూ భారీగానే నడిచింది. కాకపోతే వచ్చే ఏడాది ఇది మరింత ఎక్కువయ్యే అవకాశాలు ఉన్నాయి. డబ్బు కోసం నేరాలకు పాల్పడటం సైబర్‌ క్రిమినల్స్‌ చేసే పనైతే.. హ్యాకింగ్‌ మాత్రం కొన్నిసార్లు నిరసనలకూ ఉపయోగపడుతున్నాయి. హ్యాక్టివిస్టులంటారు ఇలా నిరసనలకు పాల్పడే వారిని! ఈ రకమైన హ్యాక్టివిజమ్‌ వచ్చే ఏడాదీ కొనసాగనుంది. ప్రభుత్వాలకు సంబంధించిన సున్నిత సమాచారాన్ని బహిరంగపరచడం వంటివి జరిగే అవకాశం ఉంటుంది.   నేరగాళ్లకూ అండగా ఏఐ...  మానవాళి మరికొంచెం సుఖంగా ఉండేందుకు కృత్రిమ మేధ ఎంత ఉపయోగకరమో ప్రత్యేకంగా చెప్పాల్సిన అవసరం లేదు. కాకపోతే వచ్చే ఏడాది ఈ అత్యాధునిక టెక్నాలజీ సైబర్‌ నేరగాళ్ల పని కూడా సులువు చేయనుంది. డీప్‌ఫేక్‌ వంటి టెక్నాలజీల కారణంగా అసలు, నకిలీల మధ్య అంతరం చెరిగిపోతుండటాన్ని నేరగాళ్లు తమకు అనుకూలంగా మార్చుకోనున్నారు.   కష్టాల్లో డబ్బులేరుకునే రకాలు...  మనిషి కష్టాలతో కూడా డబ్బులు సంపాదించుకునే రకాలు 2022లో మరింత ఎక్కువవుతారు. చోరీ చేసిన సమాచారం సాయంతో ప్రభుత్వాలు, ఇన్సూరెన్స్‌ కంపెనీల నుంచి డబ్బు లాగేసేందుకు వీరు ప్రయత్నిస్తారు.   

సైబర్‌ నేరస్తులు పంథా మార్చారు. ఇన్ని రోజులు మెయిల్స్‌, మెసేజెస్‌, ఫ్రీగిఫ్ట్‌ లు పేరుతో బ్యాంక్‌ అకౌంట్‌లలో ఉన్న మనీని కాజేసేవారు. కానీ ఇప్పుడు రూటు మార్చి వైఫై రూటర్ల సాయంతో వైరస్‌ పంపి పర్సనల్‌ కంప్యూటర్లు, ఆఫీస్‌లో కంప్యూటర్లపై దాడులు చేసేందుకు ప్రయత్నిస్తున్నారు. దాడుల్లో వ్యక్తులు, లేదంటే సంస్థల రహస్యాల్ని స్వాధీనం చేసుకుంటున్నారు. వాటిని అడ్డం పెట్టుకొని కావాల్సిన మొత్తాన్ని డిమాండ్‌ చేస్తున్నట్లు పలు నివేదికలు వెలుగులోకి వచ్చాయి.  ప్రపంచ వ్యాప్తంగా ఉన్న కొన్ని మిలియన్ల వైఫై రూటర్లలో సుమారు 226 భద్రతా లోపాలు వెలుగులోకి వచ్చాయి. ఈ నేపథ్యంలో ప్రముఖ సెక్యూరిటీ రీసెర్చ్‌ సంస్థ 'ఐఓటీ ఇన్స్పెక్టర్‌', టెక‍్నాలజీ మ్యాగజైన్‌ 'చిప్‌' పలు నివేదికల్ని విడుదల చేసింది. నెట్‌గేర్‌, ఆసుస్‌, సినాలజీ,డీ - లింక్‌, ఏవీఎం,టీపీ -లింక్‌, ఇడి మ్యాక్స్‌ సంస్థల రూటర్లలో సెక్యూరిటీ సమస్యలు తలెత్తాయని, తద్వారా యూజర్ల వ్యక్తిగత డేటాను దొంగిలించేందుకు అవకాశం ఉన్నట్లు నివేదికల్లో పేర్కొన్నాయి. ఈ సెక్యూరిటీ సమస్యలు వెలుగు రావడంతో సంబంధిత సంస్థలు.. ఆ సమస్యని పరిష్కరించినట్లు తెలుస్తోంది.    ఈ సందర్భంగా ఐఓటీ ఇన్స్పెక్టర్‌ సంస్థ సీటీఓ ఫ్లోరియన్ లుకావ్స్కీ మాట్లాడుతూ.. మిలియన్ల రూటర్లలో తలెత్తిన 226 భద్రతా లోపాల వల్ల తలెత్తే నష్టం ఒకే విధంగా ఉంటుందని చెప్పలేం. కానీ అదే భద్రతా లోపాల్ని అడ్డంపెట్టుకొని హ్యాక్‌ చేయడం హ్యాకర్లకు చాలా సులభం' అవుతుందని అన్నారు. అయితే ఈ సమస్యలకు రూటర్లలో వినియోగించే కొత్త కాంపోనెంట్స్‌, ల్యూనిక్స్‌ కెర్నాల్‌ అనే ఆపరేటింగ్‌ స్టిస్టమ్‌ తో పాటు ఇతర డేటా సర్వీసులను టార్గెట్‌ చేసుకొని సైబర్‌ దాడులు జరిగే ప్రమాదం ఉందని అన్నారు.  సైబర్‌ దాడుల నుంచి సేఫ్‌గా ఉండాలంటే  ఇటీవల నార్డ్‌ పాస్‌ అనే సంస్థ  50 దేశాలకు చెందిన ప్రజలు ఎలాంటి పాస్‌వర్డ్‌లను వినియోగిస్తున్నారు. ఆ పాస్‌వర్డ్‌లను ఎంత సమయంలో హ్యాక్‌ చేయొచ్చు అనే అంశంపై సర్వే నిర్వహించింది. ఆ సర్వేలో మనదేశానికి చెందిన ప్రజలు..సెకను కన్నా తక్కువ సమయంలో హ్యాక్‌ చేసే విధంగా పాస్‌ వర్డ్‌ అనే వర్డ్‌ను పాస్‌వర్డ్‌గా పెట్టుకుంటున్నారని తేలింది. దీంతో పాటు 12345, 123456, 123456789, 12345678, india123, 1234567890, 1234567 పాస్‌వర్డ్‌లుగా పెట్టుకుంటున్నట్లు నార్డ్‌ పాస్‌ పేర్కొంది. అలా కాకుండా కష్టతరమైన వర్డ్స్‌లేదంటే నెంబర్స్‌ పెట్టుకోవడం వల్ల వైఫై రూటర్ల ద్వారా జరిగే హ్యాకింగ్‌ నుంచి సురక్షింతంగా ఉండొచ్చని  ఫ్లోరియన్ లుకావ్స్కీ సూచించారు. చదవండి : వాటిని పాస్‌వర్డ్‌గా పెట్టుకుంటే..కొంప కొల్లేరే

ప్రస్తుతం డిజిటల్ టెక్నాలజీ యుగంలో యూజర్ల వివరాలు ఎంత భద్రంగా ఉన్నాయి అనేది మనకు ఒక ప్రశ్నార్ధకంగా మారింది. ఈ మధ్య కాలంలో పెద్ద పెద్ద కంపెనీలు కూడా హ్యకర్స్ బారిన పడుతున్నాయి. ఇటీవల ఒక హ్యాకర్ల బృందం డీసెంట్రలైజ్‌ ఫైనాన్షియల్‌(డిఫై) సంస్థ బాడ్జర్ డీఏఓకు భారీ షాక్‌ ఇచ్చింది. దీంతో సరికొత్త ట్రేడింగ్‌గా మారిన క్రిప్టోకరెన్సీ వ్యవస్థ ఒక్కసారిగా కుదుపుకు లోనైంది. పటిష్టమైన భద్రతా వ్యవస్థగా చెప్పుకుంటున్న బ్లాక్‌చైయిన్‌ టెక్నాలజీని కూడా హ్యాకర్లు చేధించారు. చరిత్రలో మరోసారి 120.3 మిలియన్ డాలర్ల(సుమారు రూ.900 కోట్లు) క్రిప్టో కరెన్సీని కొల్లగొట్టారు. బ్లాక్‌చైయిన్‌ టెక్నాలజీ సంస్థ బాడ్జర్ డీఏఓపై హ్యాకర్లు దాడి చేశారు. కళ్లు మూసి తెరిచే లోగా వందల కోట్ల రూపాయల విలువ చేసే డిజిటల్‌ కరెన్సీని దోచుకున్నారు. డీసెంట్రలైజ్డ్‌ ఫైనాన్షియల్ సర్వీసెస్‌ అందించే బాడ్జర్ డీఏఓ యాప్‌ను హ్యాక్‌ చేసినట్లు ప్రముఖ బ్లాక్ చైన్ సెక్యూరిటీ సంస్థ పెక్ షీల్డ్ మొదట కనుగొంది. Here is the current whereabouts as well as the total loss: $120.3M (with ~2.1k BTC + 151 ETH) @BadgerDAO pic.twitter.com/fJ4hJcMWTq — PeckShield Inc. (@peckshield) December 2, 2021 పెక్ షీల్డ్ సంస్థ ఈ హ్యాకింగ్ గురుంచి బయట పెట్టిన తర్వాత సదురు సంస్థ ఈ విషయం దర్యాప్తు ప్రారంభించినట్లు తెలిపింది. కస్టమర్లు మరోసారి హ్యాకింగ్ బారిన పడకుండా ఉండటానికి తాత్కాలికంగా లావాదేవీలు నిలిపివేసినట్లు పేర్కొంది. ఈ సమస్యను దర్యాప్తు చేయడానికి బాడ్జర్ డీఏఓ యుఎస్, కెనడియన్ అధికారులతో పాటు చైన్లాలైసిస్ కంపెనీని కూడా నియమించింది. ఈ మిలియన్‌ డాలర్ల విలువైన క్రిప్టో కరెన్సీని బాధితులకు తిరిగి చెల్లిస్తుందా లేదా అనే దానిపై స్పష్టత లేదు.  Badger has received reports of unauthorized withdrawals of user funds. As Badger engineers investigate this, all smart contracts have been paused to prevent further withdrawals. Our investigation is ongoing and we will release further information as soon as possible. — ₿adgerDAO 🦡 (@BadgerDAO) December 2, 2021 బాడ్జర్ డీఏఓ బాడ్జర్ డీఏఓ అనేది ఒక డీసెంట్రలైజ్‌ ఫైనాన్షియల్‌ సంస్థ. ఈ బాడ్జర్ డీఏఓ అప్లికేషన్లలో వినియోగదారులు రుణాలను పొందడానికి బిట్‌ కాయిన్‌ను తాకట్టు పెట్టుకోవచ్చు. డిఏఓ అనేది ఆటోమేటెడ్ & డీసెంట్రలైజ్‌ ఫైనాన్షియల్‌ సంస్థ. ఇది బ్లాక్ చైన్ ఆధారిత స్మార్ట్టెక్నాలజీ ఆధారంగా పనిచేస్తుంది. ఈ బాడ్జర్ డీఏఓ ఎథెరియం ప్లాట్ ఫారంను నిర్మించారు. (చదవండి: పొరపాటున వాట్సాప్‌ స్టేటస్‌ పెడితే..)

సాక్షి, బనశంకరి(కర్ణాటక): బిట్‌కాయిన్‌ కుంభకోణంలో సీసీబీ పోలీసుల విచారణలో రోజూ కొత్త విషయాలు బయటపడుతున్నాయి. కుంభ కోణానికి కేంద్రబిందువైన శ్రీకృష్ణ అలియాస్‌ శ్రీకి, పలు వెబ్‌సైట్లను హ్యాక్‌ చేసి బిట్‌కాయిన్‌ కార్యకలాపాలకు ఎలా పాల్పడింది బహిర్గతమైంది. ఐదేళ్ల పాటు బిట్‌కాయిన్‌ దందాలో భాగస్వామిగా తాజాగా సీసీబీ పోలీసులకు పట్టుబడిన రెండో వ్యక్తి రాబిన్‌ ఖండేన్‌వాలా. ఇతడు శ్రీకి దందా పట్ల నోరువిప్పాడు. హ్యాకింగ్‌ ఎలా చేశారు, ఎవరికి బిట్‌కాయిన్లను విక్రయించారు, ఈ దందాలో ఎవరెవరు భాగస్వామిగా ఉన్నారు అనే విషయాలపై రాబిన్‌ ఏడు పేజీల వాంగ్మూలం ఇచ్చాడు.   ఎవరీ ఖండేన్‌వాలా?   పశ్చిమబెంగాల్‌ కు చెందిన రాబిన్‌ఖండేన్‌వాలా సీఏ పట్టభద్రుడు కాగా 2012 నుంచి 16 వరకు తండ్రి నిర్వహించే  రైస్‌మిల్‌ చూసుకునేవాడు. 2016లో రాబిన్‌ సర్వీసెన్‌ పేరుతో బిట్‌కాయిన్‌ లావాదేవీలను ప్రారంభించాడు. పలు వెబ్‌సైట్ల తెరిచి అమ్మకం, కొనుగోళ్లను చేసేవాడు. ఇంతవరకు రూ.50 కోట్లు వ్యవహారాలు నిర్వహించినట్లు తెలిసింది. 2017 ఏప్రిల్‌లో హ్యాకర్‌ శ్రీకృష్ణ ఆన్‌లైన్లో పరిచయమయ్యాడు. ఇద్దరు చాటింగ్‌ చేసుకునేవారు. ఈ సమయంలో శ్రీకృష్ణ తనవద్దనున్న 900 బిట్‌కాయిన్లు విక్రయించాలని కోరగా, రాబిన్‌ వాటిని అమ్మి ఆ డబ్బును శ్రీకి అకౌంట్‌లోకి  జమచేశాడు. సుమారు రూ. ఐదారు కోట్ల వ్యవహారాలు నడిపారు.   వందలాది కాయిన్ల అమ్మకాలు   శ్రీకి గోవాలో పోకర్‌ ఆన్‌లైన్‌ గేమ్‌ వెబ్‌సైట్లను హ్యాక్‌ చేశాడని రాబిన్‌ చెప్పాడు. అలా శ్రీకి కోట్లాది రూపాయలను దోచుకుని గోవాలో విలాసాలు చేసేవాడు. 2017 నుంచి అనేక వెబ్‌సైట్లను హ్యాక్‌ చేసిన శ్రీకి 130 బిట్‌కాయిన్లను రాబిన్‌ ఖండేన్‌వాలాకు ఇచ్చాడు. దీనిని విక్రయించి రూ.3.48 కోట్ల నగదును 50 మందికి పైగా అకౌంట్లలోకి జమచేశాడు. మిగిలిన డబ్బును శ్రీకి జల్సాలకు చెల్లించాడు. శ్రీకి  హ్యాక్‌ చేయడానికి యాపిల్‌ మ్యాక్‌బుక్‌ ప్రొ ల్యాప్‌టాప్‌ను వినియోగించేవాడు.   హవాలా ద్వారా రూ.4.98 కోట్లు   2017లో శ్రీకృష్ణ ఇరిడియం టోకెన్లను అందించి రాబిన్‌ ద్వారా అమ్మేయించాడు. 2018లో బెంగళూరు కు వచ్చినప్పుడు శ్రీకి హ్యాకర్‌ అని తెలిసిందని విచారణలో చెప్పాడు. ఒక హోటల్‌లో శ్రీకి, మహమ్మద్‌ నలపాడ్‌ తదితరులు తనను కలిశారని తెలిపాడు. బిట్‌కాయిన్ల గురించి చర్చ జరిపామని, కొద్దినెలల తరువాత ఓ కేసులో నలపాడ్‌ అరెస్టయ్యాడు. ఈ సమయంలో శ్రీకికి తన ఇంట్లో ఐదురోజులు ఆశ్రయం ఇచ్చానని, ఈ సమయంలో ఢిల్లీ, చండీఘడ్, జైపూర్, ముంబై తదితరాలకు వెళ్లినట్లు రాబిన్‌ చెప్పాడు. 2018లో శ్రీకి అడగడంతో 30 బిట్‌కాయిన్లను బదిలీ చేశానని, సుజయ్, సునీశ్, ప్రసిద్ధ్‌ శెట్టి, సురేశ్‌ అనే వారిని పరిచయం చేశాడన్నారు. శ్రీకి కి నగదు కావాలనడంతో హైదరాబాద్‌ అభిషేక్‌ ద్వారా హవాలా మార్గంలో మొత్తం రూ.4.98 కోట్ల నగదు పంపించానని వివరించాడు.    బిట్‌కాయిన్‌ నిందితులను వదలం : సీఎం శివాజీనగర: బిట్‌ కాయిన్‌ స్కామ్‌ను బయటికి తీసుకురావడం,  విచారణ చేపట్టింది మేమే. ఇందులో ఎంతటి బలమైన వ్యక్తులున్నా శిక్షిస్తాం అని సీఎం బొమ్మై చెప్పారు. ఆదివారం విధానసౌధ ముందు నెహ్రూ విగ్రహానికి శ్రద్ధాంజలి ఘటించిన తరువాత మాట్లాడారు. ఈ కేసులు ఈడీ, సీబీఐకి అప్పగించాము. వారు కోరిన సమాచారాన్ని అందించాము. 2018లో కాంగ్రెస్‌ సర్కారు నిందితుడు శ్రీకృష్ణను విచారించి ఉంటే అన్ని విషయాలూ బహిరంగమయ్యేవి. ఈ కేసు విషయంలో చాలా స్పష్టంగా ఉన్నాం. ఎక్కడ మోసం జరిగినా చర్యలు తీసుకొంటాము అని చెప్పారు.   నన్ను వదిలేయండి: నలపాడ్‌   బిట్‌కాయిన్‌ స్కామ్‌లో నా పాత్ర లేదు, అనవసరంగా నా పేరును ప్రస్తావించి వేధించవద్దు అని కాంగ్రెస్‌ నేత మహమ్మద్‌ నలపాడ్‌ అన్నారు. ఆదివారం ఆయన ఇక్కడ విలేకరులతో మాట్లాడుతూ 2021 జనవరిలో బిట్‌ కాయిన్‌ కేసు బయటికి వచ్చింది. దీంతో నాకు సంబంధం ఉంటే ఎప్పుడో అరెస్టు చేసేవారు కదా అని అన్నారు. యూబీ సిటీలో గొడవ కేసులో 117 రోజులు జైలులో ఉన్నాను, మా నాన్న హ్యారిస్‌ ఎమ్మెల్యే కాబట్టి నాపై కొందరు బురదచల్లుతున్నారు అని అన్నారు. నన్ను, నా కుటుంబాన్ని వదిలేయండి అని కోరారు. 

సాక్షి, బనశంకరి(కర్ణాటక): బెంగళూరువాసి శ్రీకృష్ణ అలియాస్‌ శ్రీకి పేరు చెబితే రాజకీయనేతలు, ప్రముఖ వ్యక్తులు హడలిపోతారు. శ్రీకి నుంచి రాజకీయ నేతలు, వారి సుపుత్రులు భారీగా బిట్‌కాయిన్ల డబ్బును స్వీకరించినట్లు ఆరోపణలు వెల్లువెత్తుతున్నాయి. దీంతో పెద్ద రాజకీయ కలకలం ఏర్పడింది.  ఇతని కథ సినిమాకు ఏమాత్రం తీసిపోదంటారు. జయనగర నివాసి గోపాల్‌ రమేశ్‌  కుమారుడైన శ్రీకి అంతర్జాతీయ స్థాయి హ్యాకర్‌గా గుర్తింపు పొందాడు. తన ఆధారాలు చిక్కకుండా హ్యాక్‌ చేయడం ఇతని ప్రత్యేకత. ఇందుకోసం ఎప్పడూ సొంత ల్యాప్‌టాప్, కంప్యూటర్, మొబైల్‌ఫోన్‌ను వాడింది లేదు.   4వ తరగతి నుంచి షురూ..   నాలుగో తరగతి చదువుతుండగానే మొబైల్‌ఫోన్‌ను హ్యాక్‌ చేసే నైపుణ్యం పొందిన శ్రీకి హైస్కూల్‌లో చేరేటప్పటికి ప్రముఖ హ్యాకర్‌గా గుర్తింపుపొందాడు. 17 ఏళ్లు వయసులోనే ఇళ్లు వదిలిపెట్టి ఉత్తరాఖండ్‌లోని బద్రీనాథ్‌కు పారిపోగా పోలీసులు కనిపెట్టి  తల్లిదండ్రుల వద్దకు చేర్చారు. ఎప్పుడూ స్కూల్‌కి గైర్హాజరయ్యే ఇతడు తోటి విద్యార్థులు, పాఠశాల కంప్యూటర్‌లను హ్యాక్‌ చేసి ఔరా అనిపించేవాడు. వీవీ పురం ప్రైవేటు కాలేజీలో పీయూసీ కంప్యూటర్‌ సైన్సు చదువుతుండగా ప్రపంచస్థాయి హ్యాకర్లతో పరిచయమైంది. పీయూసీ తరువాత ఉన్నత విద్య కోసం నెదర్లాండ్‌కు వెళ్లడంతో అందులో నిష్ణాతునిగా మారాడు. అక్కడి హ్యాకర్లతో గొడవలు వచ్చి తిరిగి బెంగళూరుకు చేరుకున్నాడు.   పెద్దవాళ్లతో స్నేహం..   తెలివితేటలను ఉపయోగించి నగరంలో ప్రముఖ వ్యక్తులు, పారిశ్రామికవేత్తలు, సీనియర్‌ పోలీస్‌ అధికారులు, వారి పిల్లలతో స్నేహం పెంచుకున్నాడు. యుబీ సిటీలో ఎమ్మెల్యే హ్యారిస్‌ కుమారుడు నలపాడ్, విద్వత్‌ అనే యువకునిపై దాడిచేసిన సమయంలో శ్రీకి కూడా ఉన్నాడు. దాంతో కొన్నాళ్లు పరారయ్యాడు.   డబ్బు కొల్లగొట్టి విలాసాలు..  బెంగళూరులో మకాం వేసి ప్రభుత్వ వెబ్‌సైట్లు, టెండర్లను హ్యాక్‌ చేసేవాడు. తద్వారా కోట్లాది రూపాయలను కొల్లగొట్టి స్టార్‌ హోటళ్లు, క్రూయిజ్‌ ఓడల్లో, విమానాల్లో విలాసంగా గడపడం ఇతని నైజం. అయితే గత జనవరిలో సీసీబీ పోలీసులు శ్రీకిని డ్రగ్స్‌ కేసులో అరెస్ట్‌ చేయడంతో కష్టాలు మొదలయ్యాయి. అప్పుడే క్రిప్టో కరెన్సీ దందా వెలుగుచూసింది. ఇతని అకౌంట్లలో ఉన్న సుమారు రూ.9 కోట్ల విలువచేసే బిట్‌కాయిన్ల సీజ్‌ చేశారు. కొన్నినెలల పాటు జైల్లో ఉండి ఇటీవలే విడుదలయ్యాడు.  

గ్లోబల్‌ స్మార్ట్‌ఫోన్‌ మార్కెట్‌లో చైనా స్మార్ట్‌ ఫోన్‌ కంపెనీ షావోమిని వెనక్కి నెట్టిన యాపిల్‌ సంస్థకు భారీ షాక్‌ తగిలింది. ఇటీవల యాపిల్‌ విడుదల చేసిన 'ఐఫోన్‌ -13 ప్రో'ను సెకన్ల వ్యవధిలో 'వైట్‌ హ్యాట్‌' హ్యాకర్స్‌ హ్యాక్‌ చేశారని  చైనాకు చెందిన టెక్‌ అనాలసిస్‌ సంస్థ ఐథోమ్ తన రిపోర్ట్‌లో పేర్కొంది.   షావోమిని వెనక్కి నెట్టింది.. కానీ  గ్లోబల్ మార్కెట్ రీసెర్చ్ సంస్థ కెనాలిస్ ప్రకారం..ఈ ఏడాది క్యూ3 (జులై నుంచి సెప్టెంబర్‌) ఫలితాలు విడుదలయ్యాయి. ఈ ఫలితాల్లో టెక్‌ దిగ్గజం యాపిల్‌ 15 శాతం వాటాతో.. చైనాకు చెందిన షావోమిని అధిగమించింది. తిరిగి రెండో స్థానాన్ని తిరిగి దక్కించుకుంది. అందుకు కారణం ఐఫోన్ 13 సిరీస్‌ స్మార్ట్‌ఫోన్‌కు విపరీతమైన డిమాండ్‌ పెరగడమేనని టెక్‌ నిపుణులు అభిప్రాయం వ్యక్తం చేశారు. యాపిల్‌ సంస్థ ప్రతి ఏడాది నిర్వహించే 'యాపిల్‌ వరల్డ్‌ వైడ్‌ డెవలపర్స్‌ కాన్ఫిరెన్స్‌'ను ఈ ఏడాది నిర్వహించింది. ‘కాలిఫోర్నియా స్ట్రీమింగ్‌’ ద్వారా సెప్టెంబర్‌ 14న నిర్వహించిన ఈవెంట్‌లో  యాపిల్‌ సంస్థ ఐఫోన్‌ 13 సిరీస్‌ ఫోన్‌లను విడుదల చేసింది.   సెక్యూరిటీ విషయంలో తిరుగు లేదు ఈ సందర్భంగా యాపిల్‌ ప్రతినిధులు మాట్లాడుతూ తాము విడుదల చేసే, లేదంటే విడుదల కానున్న ఐఫోన్‌లలో ప్రైవసీ,సెక్యూరిటీ విషయంలో రాజీపడబోమని తెలిపారు. కానీ చైనా 'వైట్‌ హ్యాట్‌' హ్యాకర్స్‌ మాత్రం ఇతర ఆండ్రాయిడ్‌ ఫోన్‌లను ఎలా హ్యాక్‌ చేయొచ్చో..తాజాగా యాపిల్‌ విడుదల చేసిన ఐఫోన్‌ 13సిరీస్‌ ఫోన్‌లను సెకన్లలో హ్యాక్‌ చేయొచ్చని తెలిపారు.  ఒక్క సెకన్‌లో హ్యాక్‌ చేశారు ఇటీవల చైనాలో 4వ 'టియాన్‌ఫు కప్' ఇంటర్నేషనల్‌ సైబర్‌ సెక్యూరిటీ కాంటెస్ట్‌ జరిగింది. ఈ కాంటెస్ట్‌లో వైట్ హ్యాట్‌ హ్యాకర్‌ ఐఫోన్ 13 ప్రోని సెకన్‌లలో హ్యాక్‌ చేశాడు. హ్యాక్‌ చేసిన హ్యాకర్‌ ఐఫోన్‌లో ఉన్న  ఫోటో ఆల్బమ్‌, యాప్‌లకు యాక్సెస్ చేశాడు. అంతేకాదు అందులో ఉన్న డేటాను ఈజీగా డిలీట్‌ చేయడం సాధ్యమైందని ఐథోమ్ తన రిపోర్ట్‌లో పేర్కొంది. మరి ఈ ఐఫోన్‌13 ప్రో హ్యాకింగ్‌ పై ఐఫోన్‌ ప్రతినిధులు ఏ విధంగా స్పందిస్తారో  చూడాల్సి ఉంది.  వైట్‌ హ్యాట్‌ హ్యాకర్లు అంటే ఎవరు వైట్ హ్యాట్‌ హ్యాకర్లు లేదా ఎథికల్ హ్యాకర్స్. ఈ హ్యాకర్స్‌ను ఆయా సంస్థల్లో లేదంటే, టెక్నాలజీలోని లోపాల్ని గుర్తిస్తారు. నిబంధనలకు అనుగుణంగా లోపాల్ని గుర్తించేలా పనిచేసే వీళ్లని ఆయా టెక్‌ సంస్థలు, లేదంటే ప్రభుత్వాలు సైతం నియమించుకుంటాయి. చదవండి : ఐఫోన్‌ 13 వచ్చేసింది.. అదిరిపోయే ఫీచర్లుతో..

దుబాయ్: దుబాయ్‌ పాలకుడు షేక్ మొహమ్మద్ బిన్ రషీద్ అల్-మక్తూమ్ తన మాజీ భార్య ప్రిన్సెస్‌ హయా బింట్‌, ఆమె న్యాయవాదుల ఫోన్‌లను హ్యాక్ చేయమని ఆదేశించినట్లు తెలిసింది. వారి పిల్లల కస్టడీకి సంబంధించిన ఇంగ్లండ్‌ హైకోర్టులో చైల్డ్-కస్టడీ ఫాక్ట్-ఫైండింగ్‌ కేసు నడుస్తోన్న సంగతి తెలిసిందే. దీని విచారణలో భాగంగా మొహమ్మద్ తన మాజీ భార్య ప్రిన్సెస్‌ హయాను వెంటాడి.. బెదిరింపులకు గురి చేసినట్లు ఇంగ్లండ్ హైకోర్టు అభిప్రాయపడింది. ప్రిన్సెస్‌ హయా ఫోన్‌ హ్యాక్‌ చేయడం కోసం మహమ్మద్ అధునాతన "పెగసస్" సాఫ్ట్‌వేర్‌ని ఉపయోగించినట్లు తెలిసింది.  ఇజ్రాయెల్ సంస్థ ఎన్‌ఎస్‌ఓ జాతీయ భద్రతా ప్రమాదాలను ఎదుర్కోవడానికి దేశాల కోసం ఈ సాఫ్ట్‌వేర్‌ని అభివృద్ధి చేసింది. ఇది మనదేశలో కూడా పెగాసస్‌ పెను ప్రకంపనలు సృష్టించిన సంగతి తెలిసిందే. ఈ క్రమంలో మొహమ్మద్‌.. తన మాజీ భార్య, జోర్డాన్ రాజు అబ్దుల్లా సోదరి ప్రిన్సెస్ హయా బింట్ అల్-హుస్సేన్‌తో పాటు ఆమెకు సన్నిహితంగా ఉన్న వారి ఫోన్‌లను హ్యాక్ చేయడానికి పెగసస్‌ సాఫ్ట్‌వేర్‌ను వినియోగించుకున్నట్లు తెలిసింది (చదవండి: మేఘాలకే షాకిచ్చి.. వానలు కురిపించి..) మొహమ్మద్‌ కోసం పనిచేస్తున్న వారు బ్రిటిష్ రాజధాని సమీపంలోని హయా ఎస్టేట్‌కి ప్రక్కనే ఒక భవంతిని కూడా కొనుగోలు చేయడానికి ప్రయత్నించినట్లు తెలిసింది. ఈ చర్యలను ఇంగ్లండ్‌ కోర్టు తప్పుపట్టింది. హయాను వెంటాడే ఈ చర్యల వల్ల ఆమె ఎంతో అసురక్షితంగా ఫీలవుతుందని.. ఊపిరి కూడా పీల్చుకోలేకపోతుంది అని కోర్టు అభిప్రాయపడింది.  మొహమ్మద్ తన ఇద్దరు కుమార్తెలను అపహరించాడని, వారి పట్ల దురుసుగా ప్రవర్తించాడమే కాక వారి ఇష్టానికి విరుద్ధంగా ప్రవర్తించాడని కోర్టు నిర్ధారించిన 19 నెలల తర్వాత తాజాగా తీర్పులు వెల్లడించింది. ఈ సందర్భంగా "తాజాగా వెల్లడయిన అంశాలు విశ్వాసాన్ని, అధికారాన్ని దుర్వినియోగం చేసినట్లు స్పష్టం చేస్తున్నాయి" అని ఇంగ్లండ్, వేల్స్‌లోని కుటుంబ విభాగం అధ్యక్షుడు జడ్జి ఆండ్రూ మెక్‌ఫార్లేన్ తన తీర్పులో వెల్లడించారు. (చదవండి: ఒకప్పుడు ఇసుకతో ఎడారిగా.. ఇప్పుడు ప్రపంచంలోని అద్భుతాలకు.. ) మొహమ్మద్‌ షేక్ కోర్టు తీర్మానాలను తిరస్కరించారు, అవి అసంపూర్ణ వాస్తవాలపై ఆధారపడి ఉన్నాయని చెప్పారు. "నాపై చేసిన ఆరోపణలను నేను ఎప్పుడూ ఖండిస్తూనే ఉన్నాను.. ఇప్పుడు కూడా అదే చేస్తాను" అని ఆయన ఒక ప్రకటనలో తెలిపారు. కొన్నేళ్ల క్రితం హయా(47), తన ఇద్దరు పిల్లలు జలీలా(13), జాయెద్‌లను తీసుకుని బ్రిటన్ పారిపోయారు. అప్పటి నుంచి పిల్లల కస్టడీకి సంబంధించి మొహమ్మద్‌, హయాల మధ్య సుదీర్ఘమైన, ఖరీదైన న్యాయపోరాటం జరుగుతుంది. అంతేకాక హయా తన బ్రిటిష్ అంగరక్షకులలో ఒకరితో సంబంధం కలిగి ఉందనే ఆరోపణలు ఎదుర్కొన్నారు. హ్యాకింగ్‌కు గురి అయిన వారిలో హయా తరఫు న్యాయవాది ఫియోనా షాక్‌లెటన్ కూడా ఉన్నారు. గత ఏడాది ఆగస్టులో హ్యాకింగ్‌ వ్యవహారం వెలుగులోకి వచ్చింది. (చదవండి: బాడీగార్డ్‌తో సంబంధం.. రూ. 9 కోట్లు చెల్లించిన ప్రిన్సెస్‌) హ్యాకింగ్ వార్తలు వెలుగు చూసిన తర్వాత పెగసస్‌ను దుర్వినియోగం చేసినట్లు ఆధారాలు లభించినట్లయితే తాము చర్యలు తీసుకుంటామని.. యూఏఈతో తమ ఒప్పందాన్ని రద్దు చేసుకుంటామని ఎన్‌ఎస్‌ఓ వెల్లడించినట్లు హయా తరఫు న్యాయవాది తెలిపారు. ఈ విషయంపై ఎన్‌ఎస్‌ఓ స్పందించలేదు.  చదవండి: ప్రపంచమే హాయిగా నిద్రపోతోంది  

డీసెంట్రలైజ్‌ ఫైనాన్షియల్‌ సర్వీసెస్‌కి గట్టి దెబ్బ కొట్టిన వైట్‌ హ్యాట్‌ మరో సంచలనం సృష్టించాడు. ఏ చోటైతే 12 వేల కోట్ల రూపాయలను కొల్లగొట్టాడో.. తిరిగి అదే సంస్థ నుంచి  చీఫ్‌ సెక్యూరిటీ అడ్వైజర్‌ ఆఫీసర్‌ జాబ్‌ సంపాదించాడు. దోపిడి చేసిన వాడికి దండన విధించే అవకాశం ఇవ్వకుండా అతని మెడలో దండలు వేయాలని ఆ కంపెనీ ఎందుకు అనుకుంటోంది. దానికి గల కారణమేంటీ ? సాక్షి, వెబ్‌డెస్క్‌:  డీసెంట్రలైజ్డ్‌ ఫైనాన్షియల్‌ సర్వీసెస్‌ అందించే పాలిగాన్‌ డిఫై యాప్‌ గత వారం హ్యాకింగ్‌కు గురైంది. ఈ యాప్‌లో లావాదేవీలు నిర్వహిస్తున్న క్రిప్టో కరెన్సీ భారీ ఎత్తున దోపిడి అయ్యింది.  పాలినెట్‌వర్క్‌ నుంచి  ఈథేరమ్‌కి సంబంధించి 273 మిలియన్‌ టోకెన్లు, బినాన్స్‌ స్మార్ట్‌ చైయిన్‌కి సంబంధించి 253 మిలియన్ల టోకెన్లు, 85 మిలియన్ల యూఎస్‌ డాలర్‌ కాయిన్లు, 33 మిలియన్ల విలువైన స్టేబుల్‌ కాయిన్లను స్వాహా అయ్యాయి. మొత్తంగా 611 మిలియన్‌ డాలర్ల విలువైన క్రిప్టో కరెన్సీని హ్యాకర్‌ తస్కరించారు. ఇండియన్‌ కరెన్సీలో ఇది దాదాపు పన్నెండు వేల కోట్ల రూపాయలకు సమానం. మంచిదొంగ బ్లాక్‌ చెయిన్‌ టెక్నాలజీని క్రాక్‌ చేసి క్రిప్టో కరెన్సీ కొట్టేసిన హ్యాకర్‌కి పాలినెట్‌వర్క్‌ టీమ్‌ లేఖ రాసింది. దోచేసిన సొత్తును తిరిగి ఇచ్చేయ్సాలిందిగా విజ్ఞప్తి చేసింది. దీనికి స్పందించిన హ్యాకర్‌ మరుసటి రోజే  హ్యాకర్‌ సానుకూలంగా స్పందించి కొట్టేసిన సొత్తులో  260 మిలియన్‌ డాలర్లు జమ చేశారు. ఇందులో ఈథేరియమ్‌ 3.3 మిలియన్‌ డాలర్లు, బినాన్స్‌ స్మార్ట్‌ కాయిన​‍్లు  256 మిలియన్లు, పాలిగాన్‌ 1 మిలియన్‌ డాలర్ల విలువైన క్రిప్టో కరెన్సీని పాలినెట్‌వర్క్‌ డిఫై యాప్‌లో జమ చేశాడు. దీంతో అప్పటి నుంచి ఈ హ్యాకర్‌ని వైట్‌హ్యాట్‌గా పేర్కొటోంది బాధిత పాలినెట్‌ వర్క్‌.  వైట్‌హ్యాట్‌ సాధారణంగా హ్యాకర్లు ఎవరో, ఎలా ఉంటారో తెలియదు. హ్యాకర్లను సూచించేందుకు  నల్లటోపీ లేదా హుడీ క్యాప్‌ ధరించి ముఖం సరిగా కనిపించని వ్యక్తి ఇమేజ్‌ని ఎక్కువగా ఉపయోగిస్తుంటారు. కాలక్రమేనా హ్యాకర్లకు బ్లాక్‌హ్యాట్‌ పేరు స్థిరపడిపోయింది. అయితే ఇందులో బాధితుల మేలు కోరి హ్యాక్‌ చేసే వారు కూడా ఉంటారు. వీరిని ఎథికల్‌ హ్యాకర్లుగా పేర్కొంటారు. ఏదైనా సంస్థకు సంబంధించి సైబర్‌ సెక్యూరిటీలో లోపాలను బయటపెట్టేందుకు వీరు హ్యాక్‌ చేస్తుంటారు. వీరిని వైట్‌ హ్యాట్‌గా పేర్కొనడం రివాజుగా మారింది. సెక్యూరిటీ చీఫ్‌ ప్రస్తుతం పాలినెట్‌వర్క్‌ని హ్యాక్‌ చేసింది ఒక్కరా లేక కొంత మంది హ్యకర్ల గ్రూపా అనే అంశంపై స్పష్టత లేదు. ఐనప్పటికీ వైట్‌హ్యాట్‌ను ఒక్కరిగానే గుర్తిస్తూ పాలినెట్‌ వర్క్‌ కబురు పంపింది. మీరు హ్యాక్‌ చేయడం వల్ల మా డిఫై యాప్‌లోని లోపాలు తెలిశాయి. మీలాంటి నిపుణుల అవసరం మాకు ఉంది. కాబట్టి పాలినెట్‌వర్క్‌కి చీఫ్‌ సెక్యూరిటీ అడ్వైజర్‌గా సేవలు అందివ్వాలని కోరింది. అంతేకాదు హ్యాక్‌ చేసిన సొమ్ములో ఐదు మిలియన్‌ డాలర్లను మీ ఖర్చు కోసం అట్టే పెట్టుకుని హ్యాక్‌ చేసిన  క్రిప్టో కరెన్సీలో మిగిలిన దాన్ని తిరిగి ఇవ్వాలని విజ్ఞప్తి చేసింది.  #PolyNetwork has no intention of holding #mrwhitehat legally responsible and cordially invites him to be our Chief Security Advisor. $500,000 bounty is on the way. Whatever #mrwhitehat chooses to do with the bounty in the end, we have no objections. https://t.co/4IaZvyWRGz — Poly Network (@PolyNetwork2) August 17, 2021 ఇది ఎత్తుగడా?  వైట్‌హ్యాట్‌కి పాలినెట్‌వర్క్‌ చేసిన విజ్ఞప్తిపై నెటిజన్లు భిన్నరకాలుగా స్పందిస్తున్నారు. కొద్ది మంది పాలినెట్‌ చర్యను స్వాగతిస్తుండగా మరికొందరు హ్యాక్‌ అయిన సొమ్మను రాబట్టుకునేందుకు పాలినెట్‌వర్క్‌ వేసిన ఎత్తుగడగా పరిగణిస్తున్నారు. మరికొందరు హ్యాక్‌ చేసిన సొమ్ము వందల మిలియన్‌ డాలర్లు ఉండగా హ్యాకర్‌కు జాబ్‌తో పనేంటి అంటూ స్పందిస్తున్నారు.  డీఫై  యాప్‌ సాధారణంగా ఆర్థిక కార్యకలాపాలను బ్యాంకులు నిర్వహిస్తాయి, వాటి పైన సెంట్రల్‌ బ్యాంకులు అజమాయిషీ ఉంటుంది. ఇవన్నీ ప్రభుత్వ నిబంధనలు, స్థానిక చట్టాలు, రాజ్యంగానికి లోబడి విధులు నిర్వర్తిస్తాయి, ఇక డీఫై అంటే డీ సెంట్రలైజ్‌డ్‌ ఫైనాన్స్‌ అని అర్థం. అంటే చట్టాలు, ప్రభుత్వ నిబంధనలు, మధ్యవర్తులు లేకుండా జరిగే ఆర్థిక వ్యవహరాలు. ఇందులో అప్పులు ఇవ్వడం, తీసుకోవడం , మార్పిడి, లాభాలు తదితర అని పనులు నిర్వహిస్తారు. అయితే ఇందులో మారకంగా క్రిప్టోకరెన్నీని ఉపయోగిస్తారు. ఇదంతా బ్లాక్‌ చెయిన్‌ అనే ఆర్టిఫీయల్‌ ఇంటిలిజెన్స్‌ ఆధారంగా జరుగుతుంది. ఈ సర్వీసులు అందించే యాప్‌లను డీయాప్‌ అంటే డీ సెంట్రలైజ్డ్‌ యాప్‌ అని అంటారు. ఇలా పని చేసే పాలినెట్‌వర్క్‌ డీఫై యాప్‌ హ్యాకింగ్‌కి గురైంది.

సాక్షి, హైదరాబాద్‌: ప్రముఖ యాంకర్‌, నటి గాయత్రి భార్గవి ఫేస్‌బుక్‌ అకౌంట్‌ హ్యాకింగ్‌కు గురైంది. దీంతో వెంటనే ఆమె వెంటనే పోలీసులను ఆశ్రయించింది. గుర్తు తెలియని దుండగులు తన ఫేస్‌బుక్‌ పేజీని హ్యాక్‌ చేసి వివిధ మతాలకు సంబంధించి అభ్యంతకరమైన పోస్టులు చేస్తున్నారంటూ ఆమె ఫిర్యాదులో పేర్కొంది. ఈ అంశంపై మాట్లాడిన ఏసీపీ కె. వి. ఎం. ప్రసాద్‌.. యాంకర్‌ భార్గవి ఎఫ్‌బీ అఫీషియల్‌ అకౌంట్‌తో పాటు మరో అకౌంట్‌ను దుండగులు ఆమె పేరు మీద క్రియేట్‌ చేసినట్లు గుర్తించామన్నారు. సోషల్‌ మీడియాలో అప్రమత్తంగా ఉండాలని, ఎప్పకప్పుడు పాస్‌ వర్డ్స్‌ను మార్చుకోవాలని సూచించారు. యాంకర్‌ భార్గవి ఫిర్యాదుపై కేసు నమోదు చేసి, దర్యాప్తు చేస్తున్నట్లు వివరించారు.  View this post on Instagram A post shared by Gayatri Bhargavi (@gayatri_bhargavi)

Hackers Returning Crypto: డీసెంట్రలైజ్‌ ఫైనాన్షియల్‌ సర్వీసెస్‌లో అతి పెద్ద చోరీగా చెప్పుకుంటున్న పాలి నెట్‌వర్క్‌ హ్యాకింగ్‌ విషయంలో  ఊహించని ట్విస్ట్‌ చోటు చేసుకుంది. పటిష్టమైన భద్రతా వ్యవస్థను ఛేదించి క్షణాల్లో పన్నెండు వేల కోట్ల రూపాయల విలువైన క్రిప్టో కరెన్సీని కొట్టేసిన హ్యాకర్లు. ఆ తర్వాత ఎందుకనో మెత్తపడ్డారు. అందులో దాదాపు సగం సొమ్మును తిరిగి ఇచ్చేశారు.  హ్యాకింగ్‌లో కొత్త రికార్డు పటిష్టమైన భద్రతా వ్యవస్థగా పేర్కొంటున్న బ్లాక్‌చైయిన్‌ ఫ్లాట్‌ఫామ్‌పై నడిచే డీఫై యాప్‌ పాలినెట్‌వర్క్‌ను ఇటీవల హ్యాక్‌ అయ్యింది. సైబర్‌ నేరగాళ్లు ఈ యాప్‌ నుంచి ఏకంగా 611 మిలియన్‌ డాలర్లు అంటే మన కరెన్సీలో దాదాపు 12 వేల కోట్ల రూపాయల విలువైన  క్రిప్టో కరెన్సీని కొట్టేశారు. పాలినెట్‌వర్క్‌ నుంచి తమకు అనుకూలమైన ఖాతాలకు క్రిప్టో కరెన్సీని తరలించుకుపోయారు. క్షణాల్లో జరిగిన ఈ మెరుపు హ్యాకింగ్‌తో బిత్తరపోయిన పాలి నెట్‌వర్క​ ఆ తర్వాత తేరుకుంది. కొన్ని వేల మందికి సంబంధించిన డిజిటల్‌ కరెన్సీని కొట్టేయడం సరికాదని... దయ ఉంచి ఆ డబ్బులు తిరిగి ఇచ్చేయాలంటూ హ్యాకర్లను సోషల్‌ మీడియా వేదికగా హ్యాకర్లను పాలిగాన్‌ నెట్‌వర్క్‌ కోరింది. $260 million (As of 11 Aug 04:18:39 PM +UTC) of assets had been returned: Ethereum: $3.3M BSC: $256M Polygon: $1M The remainings are $269M on Ethereum, $84M on Polygon — Poly Network (@PolyNetwork2) August 11, 2021 హ్యాకర్ల మంచి మనసు పాలిగాన్‌ నెట్‌వర్క్‌ చేసిన విజ్ఞప్తికి హ్యాకర్లు స్పందించారు. తాము దారి మళ్లించిన సొత్తులో కొంత భాగాన్ని పాలి నెట్‌వర్క్‌ సూచించిన ఖాతాలో జమ చేశారు.  కొట్టేసిన సొత్తులో 260 మిలియన్‌ డాలర్లు జమ చేశారు. ఇందులో ఈథేరియమ్‌ 3.3 మిలియన్‌ డాలర్లు, బినాన్స్‌ స్మార్ట్‌ కాయిన​‍్లు  256 మిలియన్లు, పాలిగాన్‌ 1 మిలియన్‌ డాలర్లు ఉన్నాయంటూ పాలినెట్‌ వర్క్‌ ప్రకటించింది. హ్యాకర్లు విడదల వారీగా సొమ్మును పాలిగాన్‌ నెట్‌వర్క్‌కి తిరిగి బదిలీ చేస్తున్నారు.  డీ సెంట్రలైజ్డ్‌ ఫైనాన్స్‌ సాధారణంగా ఆర్థిక కార్యకలాపాలను బ్యాంకులు నిర్వహిస్తాయి, వాటి పైన సెంట్రల్‌ బ్యాంకులు అజమాయిషీ ఉంటుంది. ఇవన్నీ ప్రభుత్వ నిబంధనలు, స్థానిక చట్టాలు, రాజ్యంగానికి లోబడి విధులు నిర్వర్తిస్తాయి, ఇక డీఫై అంటే డీ సెంట్రలైజ్‌డ్‌ ఫైనాన్స్‌ అని అర్థం. అంటే చట్టాలు, ప్రభుత్వ నిబంధనలు, మధ్యవర్తులు లేకుండా జరిగే ఆర్థిక వ్యవహరాలు. ఇందులో అప్పులు ఇవ్వడం, తీసుకోవడం , మార్పిడి, లాభాలు తదితర అని పనులు నిర్వహిస్తారు. అయితే ఇందులో మారకంగా క్రిప్టోకరెన్నీని ఉపయోగిస్తారు. ఇదంతా బ్లాక్‌ చెయిన్‌ అనే ఆర్టిఫీయల్‌ ఇంటిలిజెన్స్‌ ఆధారంగా జరుగుతుంది. ఈ సర్వీసులు అందించే యాప్‌లను డీయాప్‌ అంటే డీ సెంట్రలైజ్డ్‌ యాప్‌ అని అంటారు. ఇలా పని చేసే పాలినెట్‌వర్క్‌ డీఫై యాప్‌ హ్యాకింగ్‌కి గురైంది.

డీసెంట్రలైజ్‌ ఫైనాన్షియల్‌ సర్వీసెస్‌కి భారీ షాక్‌ తగిలింది. సరికొత్త ట్రేడింగ్‌గా ట్రెండ్‌ అవుతోన్న క్రిప్టోకరెన్సీ వ్యవస్థ కుదుపుకు లోనైంది. పటిష్టమైన భద్రతా వ్యవస్థగా చెప్పుకుంటున్న బ్లాక్‌చైయిన్‌ను హ్యాకర్లు చేధించారు. చరిత్రలో కనివినీ ఎరుగని రీతిలో క్రిప్టో కరెన్సీని కొల్లగొట్టారు.  12 వేల కోట్లు పాలిగాన్‌ బ్లాక్‌చైయిన్‌ టెక్నాలజీపై హ్యాకర్లు దాడి చేశారు. కళ్లు మూసి తెరిచే లోగా వేల కోట్ల రూపాయల విలువ చేసే డిజిటల్‌ కరెన్సీని దోచుకున్నారు. డీసెంట్రలైజ్డ్‌ ఫైనాన్షియల్ సర్వీసెస్‌ అందించే పాలినెట్‌వర్క్‌ యాప్‌ను హ్యాక్‌ చేశారు. ఇప్పటి వరకు అందుబాటులో ఉన్న  సమాచారం ప్రకారం పాలినెట్‌వర్క్‌ నుంచి  ఈథేరమ్‌కి సంబంధించి 273 మిలియన్‌ టోకెన్లు, బినాన్స్‌ స్మార్ట్‌ చైయిన్‌కి సంబంధించి 253 మిలియన్ల టోకెన్లు, 85 మిలియన్ల యూఎస్‌ డాలర్‌ కాయిన్లు, 33 మిలియన్ల విలువైన స్టేబుల్‌ కాయిన్లను స్వాహా చేశారు. మొత్తంగా 611 మిలియన్‌ డాలర్ల విలువైన క్రిప్టో కరెన్సీని తస్కరించారు. ఇండియన్‌ కరెన్సీలో ఇది దాదాపు పన్నెండు వేల కోట్ల రూపాయలకు సమానం. తిరిగి ఇచ్చేయండి బ్లాక్‌ చెయిన్‌ టెక్నాలజీని క్రాక్‌ చేసి క్రిప్టో కరెన్సీ కొట్టేసిన హ్యాకర్లకు డీఫై యాప్‌ అయిన పాలినెట్‌వర్క్‌ టీమ్‌ లేఖ రాసింది. ఇందులో హ్యాకింగ్‌లో దోచేసిన సొత్తును తిరిగి ఇచ్చేయ్సాలిందిగా విజ్ఞప్తి చేసింది. డీ సెంట్రలైజ్డ్‌ ఫైనాన్స్‌ వ్యవస్థకు సంబంధించి మీరు కొట్టేసిన డబ్బు అతి పెద్దదని పేర్కొంది. ఇంత పెద్ద ఆర్థిక నేరాలకు పాల్పిడన వారు తర్వాత పరిణామాలను ఎదుర్కొవాల్సి ఉంటుందని హెచ్చరించింది. మీరు కొట్టేసిన సొమ్మును తిరిగి వినియోంచుకోలేరని సూచించింది.  డీఫై  యాప్‌ సాధారణంగా ఆర్థిక కార్యకలాపాలను బ్యాంకులు నిర్వహిస్తాయి, వాటి పైన సెంట్రల్‌ బ్యాంకులు అజమాయిషీ ఉంటుంది. ఇవన్నీ ప్రభుత్వ నిబంధనలు, స్థానిక చట్టాలు, రాజ్యంగానికి లోబడి విధులు నిర్వర్తిస్తాయి, ఇక డీఫై అంటే డీ సెంట్రలైజ్‌డ్‌ ఫైనాన్స్‌ అని అర్థం. అంటే చట్టాలు, ప్రభుత్వ నిబంధనలు, మధ్యవర్తులు లేకుండా జరిగే ఆర్థిక వ్యవహరాలు. ఇందులో అప్పులు ఇవ్వడం, తీసుకోవడం , మార్పిడి, లాభాలు తదితర అని పనులు నిర్వహిస్తారు. అయితే ఇందులో మారకంగా క్రిప్టోకరెన్నీని ఉపయోగిస్తారు. ఇదంతా బ్లాక్‌ చెయిన్‌ అనే ఆర్టిఫీయల్‌ ఇంటిలిజెన్స్‌ ఆధారంగా జరుగుతుంది. ఈ సర్వీసులు అందించే యాప్‌లను డీయాప్‌ అంటే డీ సెంట్రలైజ్డ్‌ యాప్‌ అని అంటారు. ఇలా పని చేసే పాలినెట్‌వర్క్‌ డీఫై యాప్‌ హ్యాకింగ్‌కి గురైంది.  భిన్నాభిప్రాయాలు పాలినెట్‌వర్క్‌ హ్యాకింగ్‌పై నెటిజన్లు భిన్నంగా స్పందిస్తున్నారు. ఇటువంటి ఆర్థిక నేరాలను అరికట్టేందుకే రూల్స్‌, రెగ్యులేషన్స్‌ ఏర్పాటు చేశారని, వాటని కాదని ముందుకు వెళితే ఇలాగే జరగుతుందని చాలా మంది అభిప్రాయం వ్యక్తం చేశారు. మరికొందరు బ్లాక్‌ చైయిన్‌ టెక్నాలజీని క్రాక్‌ చేయడం అంత ఈజీ కాదని, హ్యాకర​​​​​‍్ల మేథస్సు హ్యాట్సాఫ్‌ అంటున్నారు. ఇక హ్యాక్‌ చేసిన క్రిప్టో కరెన్సీతో పెద్దగా ప్రయోజనం ఉండదని ఇంకొందరి అభిప్రాయంగా వ్యక్తమైంది. హ్యాక్‌ చేసిన సొమ్ము తిరిగి ఇచ్చేస్తే... హ్యాకర్లను శిక్షించకుండా ఉద్యోగం ఇవ్వాలన్న వారూ ఉన్నారు. Hope you will transfer assets to addresses below: ETH: 0x71Fb9dB587F6d47Ac8192Cd76110E05B8fd2142f BSC: 0xEEBb0c4a5017bEd8079B88F35528eF2c722b31fc Polygon: 0xA4b291Ed1220310d3120f515B5B7AccaecD66F17 pic.twitter.com/mKlBQU4a1B — Poly Network (@PolyNetwork2) August 11, 2021

న్యూఢిల్లీ: పెగసస్‌ స్పైవేర్‌తో నిఘా పెట్టిన వారి జాబితాలో ఇద్దరు సుప్రీంకోర్టు రిజిస్ట్రార్లు కూడా ఉన్నారని ‘ది వైర్‌’ న్యూస్‌ పోర్టల్‌ బుధవారం వెల్లడించింది. సుప్రీంకోర్టు జడ్జి వాడిన పాత ఫోన్‌ నంబరు కూడా దీంట్లో ఉందని తెలిపింది. రిజిస్ట్రార్లు ఎన్‌కే గాంధీ, టీఐ రాజ్‌పుత్‌లు సుప్రీంకోర్టులోని ‘రిట్‌’ విభాగంలో పనిచేసినపుడు.. 2019లో వీరి ఫోన్లపై నిఘా పెట్టారు. ప్రతి ఏడాది దాదాపు వెయ్యికి పైగా రిట్‌ పిటిషన్లు సుప్రీంకోర్టులో దాఖలు అవుతాయని, వీటిలో ప్రభుత్వానికి ఇబ్బందికరమైనవి, రాజకీయంగా సున్నితమైన అంశాలకు సంబంధించినవి కూడా ఉంటాయని వైర్‌ పేర్కొంది. అందువల్లే రిజిస్ట్రార్లపై కన్నేసి ఉంచారని వివరించింది. సుప్రీంకోర్టు మాజీ న్యాయమూర్తి జస్టిస్‌ అరుణ్‌ మిశ్రా వాడిన పాత ఫోన్‌ నంబరు కూడా నిఘా జాబితాలో ఉంది. సదరు ఫోన్‌ నంబరు 2014లోనే వాడటం ఆపేశానని అరుణ్‌ మిశ్రా తెలిపారు. అయితే 2018 దాకా ఇది ఆయన పేరుపైనే ఉందని వైర్‌ తెలిపింది. జస్టిస్‌ అరుణ్‌ మిశ్రా పాత ఫోన్‌ నంబరును 2019లో నిఘా జాబితాలో చేర్చారు. ఆయన 2020లో రిటైరయ్యారు. మాజీ అటార్నీ జనరల్‌ ముకుల్‌ రోహత్గి సన్నిహితుడు, ఆయన దగ్గర పనిచేసే జూనియర్‌ ఎం.తంగదురై ఫోన్‌పైనా నిఘా పెట్టారు. ఇజ్రాయెల్‌కు చెందిన ఎన్‌ఎస్‌ఓ సంస్థ తయారుచేసిన పెగసస్‌ స్పైవేర్‌తో విపక్ష నాయకులు, ప్రముఖులు, ఉన్నతాధికారులు, జర్నలిస్టులపై (మొత్తం 300 మందిపై) కేంద్ర ప్రభుత్వం నిఘా పెట్టిందని తమ పరిశోధనలో తేలిందని అంతర్జాతీయ మీడియా సంస్థల కన్సార్టియం వెల్లడించినప్పటి నుంచి భారత్‌లో దుమారం రేగుతున్న విషయం తెలిసిందే. రాహుల్‌గాంధీ, ఎన్నికల వ్యూహకర్త ప్రశాంత్‌ కిషోర్, ఇద్దరు కేంద్రమంత్రులు, మాజీ ఎన్నికల కమిషనర్, 40 మంది పాత్రికేయుల ఫోన్లు హ్యాకింగ్‌కు గురయ్యాయని తెలిపింది. ప్రభుత్వాలకు మాత్రమే తాము పెగసస్‌ స్పైవేర్‌ను అమ్ముతామని ఎన్‌ఎస్‌ఓ ప్రకటించింది. చట్ట విరుద్ధంగా ఎవరిపైనా నిఘా పెట్టలేదని కేంద్ర ప్రభుత్వం చెబుతుండగా... అంటే దానర్థం ఈ నిఘా సాఫ్ట్‌వేర్‌ భారత ప్రభుత్వం వద్ద ఉన్నట్లు, దాన్ని వాడుతున్నట్లు అంగీకరించడమేనని విపక్షాలు అంటున్నాయి. వర్షాకాల సమావేశాలు ప్రారంభమైన జూలై 19 నుంచి పెగసస్‌ అంశంపై పార్లమెంటును ప్రతిపక్షాలు స్తంభింపజేస్తున్నాయి. కేంద్ర ప్రభుత్వం పార్లమెంటులో విస్పష్ట ప్రకటన చేయాలని ప్రతిపక్షాలు పట్టుబడుతున్నాయి.

పణజి: పెగసస్‌ స్పైవేర్‌ అంటూ వస్తున్న ఆరోపణలన్నీ నిరాధారాలని బీజేపీ అధ్యక్షుడు జేపీ నడ్డా పేర్కొన్నారు. ప్రజలకు సంబంధించి లేవనెత్తే అంశా లేవీ లేకనే ప్రతిపక్షాలు ఇటువంటి విషయాన్ని ప్రస్తావిస్తున్నాయని విమర్శించారు. పార్లమెంట్‌ కార్యకలాపాలకు అంతరాయం కలిగించేందుకు కాంగ్రెస్‌ ఆధ్వర్యంలో ప్రతిపక్ష పార్టీలు లేవనెత్తుతున్న అంశాలు నిరాశాపూరితాలు, అవి అసలు అంశాలే కావని పేర్కొన్నారు. ఏం చేయాలో తెలియకనే, పార్లమెంట్‌లో ఇలా అవాంతరాలు సృష్టించేందుకు ప్రయత్నిస్తు న్నాయని చెప్పారు. అన్ని విషయాలపై చర్చకు తమ ప్రభుత్వం సిద్ధంగా ఉందన్నారు. ఆదివారం గోవాలో రెండు రోజుల పర్యటనకు వచ్చిన ఆయన మీడియాతో మాట్లాడారు. ప్రతిపక్షాలు ఎన్ని ప్రయత్నాలు చేసినప్పటికీ సఫలతలో పార్లమెంట్‌ సమావేశాలు గత రికార్డులను తుడిచిపెట్టాయని చెప్పారు. ప్రధాని ప్రకటన చేయాలి: చిదంబరం పెగసస్‌ స్పైవేర్‌ వ్యవహారంపై ప్రధాని మోదీ పార్లమెంట్‌లో ఒక ప్రకటన చేయాలని కాంగ్రెస్‌ సీనియర్‌ నేత పి.చిదంబరం డిమాండ్‌ చేశారు. హ్యాకింగ్‌ ఆరోపణలపై ప్రభుత్వం సంయుక్త పార్లమెంటరీ కమిటీతో విచారణ చేయించాలి లేదా దీనిపై దర్యాప్తునకు సుప్రీంకోర్టు సిట్టింగ్‌ జడ్జిని నియమించాలన్నారు. 2019 ఎన్నికల్లో బీజేపీ విజయానికి పెగసస్‌ స్నూపింగ్‌ కూడా సాయపడి ఉంటుందని అనుమానం వ్యక్తం చేశారు.

జెరూసలేం: పెగసస్‌ స్పైవేర్‌ వివాదస్పదం కావడంతో ఆ సాఫ్ట్‌వేర్‌ను రూపొందించిన ఇజ్రాయెల్‌కు చెందిన కంపెనీ ఎన్‌ఎస్‌ఒ గ్రూపు దానిని పూర్తిగా సమర్థించింది. ఇలాంటి నిఘా సాఫ్ట్‌వేర్‌లు ఇంటెలిజెన్స్, పోలీసుల చేతుల్లో ఉండడం వల్ల ప్రపంచవ్యాప్తంగా కోట్లాది మంది హాయిగా నిద్రపోతున్నారని, రాత్రి వేళల్లో నిర్భయంగా రోడ్లపై తిరుగుతున్నారని పేర్కొంది. ఒక్కసారి ప్రభుత్వ సంస్థలకి ఆ టెక్నాలజీని విక్రయించిన తర్వాత దానిని తాము ఆపరేట్‌ చేయబోమని, అంతేకాదు తమ క్లయింట్లు సేకరించిన డేటాతో తమకు యాక్సెస్‌ కూడా ఉండదని ఆ సంస్థ స్పష్టం చేసింది. భారత్‌ సహా ప్రపంచంలోని వివిధ దేశాల ప్రభుత్వాలు పెగసస్‌ ద్వారా రాజకీయ నేతలు, మానవ హక్కుల కార్యకర్తలు, జర్నలిస్టులు, న్యాయమూర్తుల ఫోన్లను ట్యాప్‌ చేసి నిఘా పెట్టారని మీడియాలో కథనాలు వచ్చి ఈ మొత్తం వ్యవహారం వివాదాస్పదం కావడంతో ఎన్‌ఎస్‌ఒ గ్రూపు స్పందించింది. ‘‘ప్రపంచవ్యాప్తంగా కోట్లాది మంది హాయిగా రాత్రిళ్లు నిద్రపోతున్నారంటే, పూర్తి స్థాయి రక్షణ కవచం మధ్య రాత్రిళ్లు రోడ్లపై తిరుగుతున్నారంటే పెగసస్‌ వంటి సాంకేతిక పరిజ్ఞానానికి ధన్యవాదాలు తెలుపుకోవాలి. నేరాలు–ఘోరాలు, ఉగ్రవాద కార్యకలాపాలు వంటివి నిరోధించడంలో భద్రతా వ్యవస్థకి ఇలాంటి సాఫ్ట్‌వేర్‌లు ఎంతగానో ఉపయోగపడుతున్నాయి’’ అని ఆ కంపెనీ అధికారి ప్రతినిధి పేర్కొన్నారు. ప్రపంచం మరింత సురక్షితంగా, ఉగ్రవాదం బెడద లేకుండా భద్రంగా ఉండడానికే తాము పెగసస్‌ వంటి స్పైవేర్‌లు రూపొందిస్తున్నామని చెప్పారు. ఎందరో ఉగ్రవాదుల కుట్రల్ని భగ్నం చేయడానికి ఉపయోగపడిన ఈ సాఫ్ట్‌వేర్‌ని దుర్వినియోగం చేయడం సరైన పని కాదని ఆ సంస్థ పేర్కొంది. పౌర సమాజంపై నిఘా ఆందోళనకరం: అమెరికా పౌరసమాజంపైనా, ప్రభుత్వాన్ని విమర్శించే వారిపైన పెగసస్‌ వంటి నిఘా సాఫ్ట్‌వేర్‌లు ప్రయోగించడం అత్యంత ఆందోళన కలిగించే అంశమని అమెరికా అభిప్రాయపడింది. మానవ హక్కుల కార్యకర్తలు, జర్నలిస్టులు, విపక్ష నేతలు, సమాజంలోని ఇతరుల వ్యక్తిగత గోప్యతకు భంగం వాటిల్లేలా సాంకేతిక పరిజ్ఞానాన్ని వాడడం ఎంతవరకు సమంజసమని ప్రశ్నించింది. భారత్‌లో మొత్తం 300 ఫోన్‌ నంబర్లని ట్యాప్‌ చేయడానికి పెగసస్‌ని వాడారని, వీరిలో జర్నలిస్టులు, విపక్ష నాయకులు, సిట్టింగ్‌ న్యాయమూర్తులు, పారిశ్రామికవేత్తలు, సామాజిక కార్యకర్తలు ఉన్నట్టుగా అంతర్జాతీయ మీడియా ప్రసారం చేసిన కథనాలపై అమెరికా సౌత్‌ అండ్‌ సెంట్రల్‌ ఆసియన్‌ అఫైర్స్‌ తాత్కాలిక సహాయమంత్రి డీన్‌ థాంప్సన్‌ స్పందించారు. ఇదంతా భారత ప్రజాస్వామ్యాన్ని దెబ్బతీయడమేనని వ్యాఖ్యానించారు.  

వాషింగ్టన్‌: మైక్రోసాఫ్ట్‌ ఎక్చేంజ్‌ ఈమెయిల్‌ సర్వర్‌ హ్యాకింగ్‌లో చైనా పాత్ర ఉందని అగ్రరాజ్యం ఆరోపించింది. ఈ సర్వర్‌ హ్యాకింగ్‌తో ప్రపంచంలోని పలు కంప్యూటర్లలో సమాచార భద్రతపై అనుమానాలు కమ్ముకున్న సంగతి తెలిసిందే! ఇలాంటి సైబర్‌ బెదిరింపులకు బీజింగ్‌ మూలస్థానమని, అక్కడ నుంచి పలువురు ప్రభుత్వ మద్దతున్న హ్యాకర్లు ప్రముఖ కంపెనీల సైట్లను హ్యాక్‌ చేసి భారీగా డబ్బులు డిమాండ్‌ చేశారని బైడెన్‌ ప్రభుత్వం, అమెరికా మిత్రదేశాలు ఆరోపిస్తున్నాయి. చైనా స్టేట్‌ సెక్యూరిటీ మంత్రి ఇలాంటి క్రిమినల్‌ కాంట్రాక్ట్‌ హ్యాకర్లను వాడుతున్నాడని, వీరు హ్యాకింగ్, హైటెక్‌ దొంగతనాల్లాంటివి చేస్తున్నారని బైడెన్‌ ప్రభుత్వంలో సీనియర్‌ అధికారి ఒకరు తెలిపారు. మరోవైపు చైనాకు చెందిన నలుగురిపై అమెరికా న్యాయశాఖ హ్యాకింగ్‌కు సంబంధించిన ఆరోపణలపై కేసులు పెట్టింది. వీరంతా పలు యూనివర్సిటీలు, కంపెనీలు, ప్రభుత్వ సంస్థల కంప్యూటర్‌ వ్యవస్థల్లోకి అక్రమంగా చొరబడ్డారని ఆరోపించింది. ఒకపక్క రష్యాకు చెందిన సిండికేట్లు అమెరికా మౌలిక సదుపాయాలపై సైబర్‌ దాడులు చేస్తున్న తరుణంలో మరోవైపు చైనా నుంచి ఇలాంటి దాడులు ఎదురుకావడం బైడెన్‌ ప్రభుత్వానికి గడ్డు సమస్యగా మారింది. ప్రస్తుత ఆరోపణలతో చైనాపై ఎలాంటి ఆంక్షలు పెట్టకున్నా, చైనా దౌత్య అధికారులను పిలిచి ఈ విషయమై సీరియస్‌గా హెచ్చరించినట్లు తెలిసింది.   ఈయూ, బ్రిటన్‌ సైతం  పలు ప్రభుత్వ సంస్థలు, రాజకీయ పార్టీలు, కీలక పరిశ్రమల సైట్లపై చైనా హ్యాకర్లే దాడి చేస్తున్నారని యూరోపియన్‌ యూనియన్, బ్రిటన్‌ సైతం ఆరోపిస్తున్నాయి. చైనా గ్రూపులు ఫిన్లాండ్‌ పార్లమెంట్‌ సహా పలు కీలక సంస్థలపై గురిపెట్టారని యూకే నేషనల్‌ సైబర్‌ సెక్యూరిటీ సెంటర్‌ తెలిపింది. చైనా భూభాగం నుంచే ఈ దాడులు జరుగుతున్నాయని, మేథోహక్కుల దోపిడికి హ్యాకర్లు పాల్పడుతున్నారని ఈయూ ప్రతినిధి జోసెఫ్‌ బొర్రెల్‌ చెప్పారు. మైక్రోసాఫ్ట్‌ ఎక్చేంజ్‌ సైబర్‌ అటాక్‌ చైనా దన్నున్న గ్రూపుల పనేనని యూకే ఫారిన్‌ సెక్రటరీ డొమినిక్‌ రాబ్‌ ఆరోపించారు. నిజానికి ఇలాంటి సీరియస్‌ దాడులకు రష్యా క్రిమినల్‌ గ్రూపులు పెట్టింది పేరు. పలుమార్లు రష్యా ఇంటిలిజెన్స్‌ సంస్థలకు, హ్యాకర్‌ గ్రూపులకు సంబంధాలు బయటపడుతూనే ఉన్నాయి. అయితే క్రిమినల్‌ కాంట్రాక్ట్‌ హ్యాకర్లను చైనా ప్రభుత్వం నేరుగా వాడుకోవడం ఇటీవలి కాలంలో ముఖ్య పరిణామమని అధికారులు చెప్పారు. జనవరిలో మైక్రోసాఫ్ట్‌ ఎక్చేంజ్‌ హ్యాకింగ్‌ను కనిపెట్టారు. ఈ విషయమై ఎఫ్‌బీఐ, నేషనల్‌ సెక్యూరిటీ ఏజెన్సీ, ఇన్‌ఫ్రా సెక్యూరిటీ ఏజెన్సీలు దర్యాప్తు చేస్తున్నాయి. అంతర్జాతీయంగా ఇతర దేశాలు చైనా దుశ్చర్యలను ఖండించేందుకు బైడెన్‌ ప్రభుత్వం ప్రయత్నాలు చేస్తోంది. అయితే ఈ ఆరోపణలన్నింటినీ చైనా కొట్టిపారేస్తోంది. ఆధారాల్లేకుండా ఆరోపణలు వద్దని హెచ్చరించింది. 

సాక్షి, న్యూఢిల్లీ: పెగాస‌స్ హ్యాకింగ్ వ్యవహారం దేశవ్యాప్తంగా కలకలం రేపుతోంది. ప్రతిపక్ష నేతలు, జర్నలిస్టులు, ఇతర ప్రముఖుల ఫోన్లు ట్యాప్‌ చేస్తున్నారనే ఆరోపణలు అటు లోక్‌సభలోకూడా  తీవ్ర దుమారాన్ని రాజేసాయి. తాజాగా ఈ సెగ రాజ‌కీయ వ్యూహాక‌ర్త ప్రశాంత్ కిశోర్‌ను కూడా తాకింది. ఈ క్రమంలో ఆయన కీలక వ్యాఖ్యలు చేశారు. అయిదుసార్లు  తాను ఫోన్లు మార్చానని, అయినా ఇప్పటికీ హ్యాకింగ్‌ కొనసాగుతోందని ఆయన మండిపడ్డారు. ఇజ్రాయెల్ స్పైవేర్ 'పెగసాస్' టార్గెట్‌ చేసిన ప్రముఖుల్లో ఎన్నికల వ్యూహకర్త ప్రశాంత్ కిశోర్‌ కూడా ఉండటం గమనార్హం. ది వైర్ నివేదిక ప్రకారం ఎన్నికల సమయంలో ప్రశాంత్‌ కిషోర్‌ ఫోన్‌ను కేంద్రం హ్యాక్‌ చేసింది. ఫోరెన్సిక్ విశ్లేషణ ప్రకారం 2018 నుంచి 2019 ఎన్నికల ముందు వరకు ప్రశాంత్‌ కిషోర్‌ ఫోన్‌ను ట్యాప్‌ చేశారని, అలాగే జూలై 14 చివరిసారి ట్యాప్‌ అయినట్టు తెలుస్తోంది. ఇజ్రాయిల్‌కు చెందిన పెగాసస్ స్పైవేర్‌ ద్వారా దేశీయంగా ప్రముఖుల ఫోన్లు హ్యాక్ చేస్తున్నారని ఆరోపణలు గుప్పుమున్నాయి.ప్రాథ‌మిక అంచనాల ప్రకారం సుమారు 300 మంది భార‌తీయుల ఫోన్లను ట్యాపింగ్‌ చేయగా, ఇందులో 40 మంది  ప్రముఖ జ‌ర్నలిస్టులు కూడా ఉన్నట్లు తెలుస్తోంది. ముఖ్యంగా కాంగ్రెస్ నేత రాహుల్ గాంధీ, కేంద్ర ఐటీ శాఖ మంత్రి అశ్విని వైష్ణవ్‌ను కూడా హ్యాకర్లు టార్గెట్ చేసిన‌ట్లు సమాచారం. వైష్ణవ్‌ ఆయన భార్య పేరుతో రిజిస్టర్‌  చేసిన ఫోన్‌ నంబర్ల చివరి అంకెలు బహిర్గతమైన రికార్డుల్లో కన్పిస్తున్నాయని వైర్‌ తెలిపింది.     2014లో ప్రధానమంత్రి నరేంద్ర మోదీ నేతృత్వంలోనే బీజేపీ అధికారం చేపట్టేందుకు ప్రచార వ్యూహకర్తగా  కిశోర్ కీలక పాత్ర పోషించారు. అయితే ఆ తరువాత బీజేపీ వ్యతిరేక పార్టీలకే పనిచేస్తూ వచ్చారు. ఇటీవల పశ్చిమ బెంగాల్‌ అసెంబ్లీ ఎన్నికల్లో మమతా బెనర్జీ భారీ మెజార్టీతో విజయం సాధించడంలో పీకే కృషి చాలా ఉంది. కాగా ఫోన్ల ట్యాపింగ్‌కు సంబంధించి బీజేపీ రాజ్యసభ ఎంపీ సుబ్రహ్మణ్య స్వామి ట్వీట్‌ సంచలనంగా మారింది. కేంద్ర మంత్రులు, సుప్రీంకోర్టు జడ్జిలు, ఆర్ఎస్ఎస్ నేతలు,జర్నలిస్టుల ఫోన్ల ట్యాపింగ్‌పై సుబ్రహ్మణ్యస్వామి ట్వీట్​ చర‍్చకు దారితీసిన సంగతి తెలిసిందే.  వాషింగ్టన్ పోస్ట్‌ నివేదిక ప్రకారం, ఎన్ఎస్ఓ గ్రూప్, పెగాస‌స్ మాలావేర్‌ క్లయింట్ల  జాబితాలో ఉన్న పది దేశాలలో భారతదేశం ఒకటి

సాక్షి, యశవంతపుర(కర్ణాటక): అకౌంట్లను హ్యాక్‌ చేసి రూ.94.72 లక్షలను దోచిన అంతర్జాతీయ ముఠాకు చెందిన ముగ్గురిని బెళగావి జిల్లా సదలగా పోలీసులు అరెస్ట్‌ చేశారు. ముంబైలో ఉండే నైజీరియా వాసి ఉజకా పీటర్‌గోజి(40), మహారాష్ట్రవాసులు హరిశంకర పాండే (28), అభిజిత్‌ ఘనశ్యామ్‌ మిశ్రా(27)లను అరెస్ట్‌ చేశారు. బెళగావి జిల్లా నిప్పాణి తాలూకా బోరగాం అరిహంత సహకార బ్యాంక్‌కు చెందిన ఐసీఐసీఐ బ్యాంక్‌ ఖాతాలో రూ.15 లక్షలను ఈ ముఠా మే 28న డ్రా చేసింది. జూన్‌ 3న శమనెవాడిలోని అరిహంత సహకార బ్యాంక్‌లో సేవింగ్స్‌ ఖాతాలో ఉన్న రూ.79 లక్షలకు పైగా నగదును బదిలీ చేసుకుంది. భారీగా డబ్బులు మాయం కావడంపై బ్యాంక్‌ మేనేజర్‌ అశోక సదలగా పోలీసులకు ఫిర్యాదు చేయగా కేసు దర్యాప్తుచేసి ముంబైలో మోసగాళ్లను పట్టుకున్నారు.  చదవండి: దావణగెరెలో మిస్సి కాటు బాలిక మృత్యువాత  

వార్సా: పోలాండ్ పై భారీఎత్తున సైబర్ దాడి జరిగింది. ఏకంగా పార్లమెంట్ సభ్యుల ఈ మెయిల్ ఖాతాలు హ్యాకింగ్ కు గురయ్యాయి. సుమారు పన్నెండు మంది ఎంపీల ఈమెయిల్ ఖాతాలపై హ్యాకర్లు విరుచుకుపడ్డారు. ఎంపీల ఖాతాలు హ్యాకింగ్ కు గురైనట్లు పోలాండ్ కౌంటర్ ఇంటెలిజెన్స్ వర్గాలు నిర్ధారించారు.. హ్యాకింగ్ కు గురైన వారి ఖాతాలో ఆ దేశ ప్రధానమంత్రి ముఖ్య సలహాదారు మిచల్ దోర్జిక్ ఖాతా కూడా వుంది. పోలాండ్ కు సంబందించిన రహస్య పత్రాలను హ్యాకర్లు తస్కరించరని ఇంటెలిజెన్స్ ఆధికారులు తెలిపారు. యూఎన్సీ 1151 అని పిలవబడే హ్యాకర్లు దాడి చేశారని పోలాండ్ ఇంటెలిజెన్స్ వర్గాలు అంచనా వేశారు.

ప్రపంచ వ్యాప్తంగా మెసేజింగ్ యాప్ వాట్సాప్ ఉన్న క్రేజ్ అంత ఇంత కాదు. స్మార్ట్ ఫోన్ ప్రతి ఒక్కరి ఫోన్ లో వాట్సాప్ యాప్ ఉండాల్సిందే. దీనికి పెరుగుతున్న క్రేజ్ని దృష్టిలో పెట్టుకొని చాలా ఫేక్ యాప్స్ పుట్టుకొచ్చాయి. ముఖ్యంగా వాట్సాప్ లో లేని కొన్ని ఫీచర్స్ అందిస్తూ జీబీ వాట్సాప్ వేగంగా ముందుకు వచ్చింది. దీనిలో వాట్సాప్ యాప్ లో లేని అనేక ఫీచర్స్ అందుబాటులో ఉన్నాయి. వాట్సాప్ ఈ ఏడాది ప్రారంభంలో తీసుకొచ్చిన ప్రైవసీ రూల్స్ కారణంగా జీబీ వాట్సాప్ విపరీతంగా పెరగిపోయింది. సులభంగా వాట్సాప్ స్టేటస్ డౌన్ లోడ్ చేసుకోవడం వంటివి. మీరు కనుక ఈ థర్డ్ పార్టీ యాప్ ఇన్స్టాల్ చేస్తే అన్​ఇన్​స్టాల్ చేయమన్న చేయలేరు. వాట్సాప్ యాప్ లో లేని అద్భుతమైన అనేక ఫీచర్స్ అందుబాటులో ఉన్నాయి. అయితే, ఈ యాప్ ఇన్స్టాల్ చేసుకున్న వారిని వాట్సాప్ హెచ్చరించింది. ఈ యాప్ వల్ల సెక్యూరిటీ పరంగా అనేక సమస్యలు తలెత్తే అవకాశం ఉన్నట్లు పేర్కొంది. ఈ జీబీ వాట్సాప్ గూగుల్​ ప్లే స్టోర్​లో గానీ, ఇతర ఆండ్రాయిడ్​ యాప్​ స్టోర్లలోగానీ దొరకదు. అందువల్ల, ఈ యాప్​ ద్వారా మీ డేటాకు సెక్యూరిటీ ఉండదని మీ వాట్సాప్ ఖాతా హ్యాక్ అవకాశం ఉన్నట్లు​ పేర్కొంది. ఈ యాప్ ను ఇన్స్టాల్ చేసుకున్న వారి ఒరిజినల్ వాట్సాప్ ఖాతాను బ్లాక్ చేసే అవకాశం ఉంది. అందువల్ల, మీ మొబైల్​లో జీబీ వాట్సాప్​ యాప్​ ఉంటే వెంటనే దాన్ని అన్​ఇన్​స్టాల్​ చేసుకోండి. చదవండి: జూలై 1 నుంచి అమలులోకి రానున్న కొత్త రూల్స్ ఇవే!

వాణీ, రఘురామ్‌ (పేర్లు మార్చడమైనది) దంపతులు. ఇద్దరూ ఉద్యోగస్థులు. ఇద్దరికీ అయిదంకెల జీతం. ఒక్కగానొక్క కొడుకు. చింతల్లేని చిన్నకుటుంబం. నెలవారీ క్రెడిట్‌ కార్డ్‌ బిల్లు చూడగానే గుండెల్లో రాయిపడినట్టు అయ్యింది వాణీకి. తనకున్న రెండు ఖాతాల క్రెడిట్, డెబిట్‌ కార్డుల నుంచి ఐదు లక్షల పై చిలుకు బిల్లు చూసేసరికి షాక్‌ అయ్యింది. భర్త రఘురామ్‌కి ఈ విషయం చెప్పింది. సందేహం వచ్చిన రఘురామ్‌ తన క్రెడిట్, డెబిట్‌ కార్డు బిల్లులు చెక్‌ చేశాడు. ఆరు లక్షలపైనే ఖర్చు చేసినట్టుగా తన బ్యాంకు ఖాతాలు చూపించాయి. ఆన్‌లైన్‌లో అకౌంట్‌ తనిఖీ చేస్తే ఏవేవో సైట్లకు డబ్బు బదిలీ చేసినట్టుగా ఉంది. ఇద్దరికీ ఏం చేయాలో అర్ధం కాలేదు. తమ అకౌంట్‌ హ్యాక్‌ అయ్యిందని మాత్రం అర్థం అయ్యింది. వెంటనే సైబర్‌ క్రైమ్‌ను సంప్రదించారు.  ఓటీపీ డెలిట్‌ విషయం తెలిసి వాణీ రఘురామ్‌లు ఆశ్చర్యపోయారు. స్మార్ట్‌ఫోన్‌ తమ జీవితాల్లో నింపుతున్న అల్లకల్లోలాన్ని తెలుసుకున్నారు. వాణీ రఘురామ్‌ల ఏకైక పుత్రుడు విక్రాంత్‌ (పేరుమార్చడమైనది) టెన్త్‌ క్లాసు చదువుతున్నాడు. వీడియో గేమ్స్‌ అంటే పిచ్చి. తమ ఫోన్లలో గేమ్స్‌ ఆడుతుంటే విసుగనిపించి, కొడుక్కి ఓ స్మార్ట్‌ ఫోన్‌ కొనిచ్చారు. ప్రతీనెలా పాకెట్‌ మనీ కింద కొడుకుకి నాలుగు వేల రూపాయలు ఇచ్చేవారు. విక్రాంత్‌ ఆ డబ్బు పెట్టి, ఆన్‌లైమ్‌ గేమ్స్‌ కొనుగోలు చేసి మరీ ఆడుతుండేవాడు. వాణీ జాబ్‌ వదులుకోవాల్సిన పరిస్థితి తలెత్తడంతో ఆర్నెల్లుగా ఇంటి వద్దే ఉంటోంది. కొడుక్కి పాకెట్‌ మనీ ఇవ్వడం తగ్గించింది. ఏమైనా ఫుడ్‌ కావాలంటే ఇంటి వద్దే చేసి పెడుతున్నాను కదా! అనేది. దీంతో తల్లితండ్రుల నుంచి మనీ ఎలా దొంగిలించాలా అని రకరకాల ప్రయత్నించాడు. నగదు కాకుండా తనకు ఆన్‌లైన్‌ పేమెంట్‌ అవసరం. అందుకు తల్లి, తండ్రి బ్యాంక్‌ కార్డులపై నెంబర్లు నోట్‌ చేసుకున్నాడు. వారికి తెలియకుండా వారి అకౌంట్‌ నుంచి, తనకు కావల్సిన సైట్ల నుంచి గేమ్స్‌ కొనుగోలు చేసి, ఆడటం మొదలుపెట్టాడు. బ్యాంకు నుంచి ఓటీపీ వచ్చే సమయంలో ఫ్రెండ్స్‌తో మాట్లాడాలనో, మరో అబద్ధమో చెప్పి ఫోన్‌ తీసుకునేవాడు. మనీ ట్రాన్సాక్షన్‌ అయిన తర్వాత ఆ వివరాలను వెంటనే డిలీట్‌ చేసేవాడు. మొదట్లో తక్కువ మొత్తంలో జరిగిన ట్రాన్సాక్షన్స్‌ గురించి పట్టించుకోని వాణీ, రఘురామ్‌లు ఆ తర్వాత నెలల్లో పెద్ద మొత్తంలో తేడా రావడంతో అకౌంట్స్‌ హ్యాక్‌  అయినట్టు గుర్తించారు. ఇదంతా చేసింది కొడుకే అని తెలిసి అయితే ఆ పని చేసింది తమ కొడుకే అని నిపుణుల ద్వారా తెలిసి ఆశ్చర్యపోయారు. గేమింగ్‌ ద్వారా స్మార్ట్‌ఫోన్‌కి ఎంతగా ఎడిక్ట్‌ అయ్యాడో తెలుసుకున్నారు. భవిష్యత్తు గురించి ఆలోచించి, నిపుణుల కౌన్సెలింగ్‌తో కొడుకులో మార్పు తీసుకురావడానికి ప్రయత్నిస్తున్నారు. స్మార్ట్‌ఫోన్‌ వ్యసనం (డిఎస్‌ఎమ్‌) డయాగ్నోస్టిక్‌ – స్టాటిస్టికల్‌ మాన్యువల్‌ ఆఫ్‌ మెంటల్‌ డిజార్డర్స్‌ జాబితాలో చేర్చలేదు. కానీ, మానసిక నిపుణులు మాత్రం దీనిని జూదం, మాదకద్రవ్య వ్యసనాలతో పోల్చారు. ఆక్స్‌ఫర్డ్‌ విశ్వవిద్యాలయం జరిపిన ఒక పరిశోధన లో స్మార్ట్‌ఫోన్‌కి ఎడిక్ట్‌ అయినవారిలో ఏదో కోల్పోతున్నామనే భయం, ఆందోళన, అసంతృప్తి, సామాజిక ఆందోళన, ఒత్తిడి వంటివి అధికంగా ఉంటాయని స్పష్టం అయింది. వీటన్నింటిని దృష్టిలో పెట్టుకొని స్మార్ట్‌ఫోన్‌ ను అధికంగా వాడే పిల్లలను గమనింపుతో గైడెన్స్‌ చేయడం అవసరం.  వ్యసనం వైపుగా అడుగులు సౌలభ్యం, ఉపయోగం, రకరకాల ఆసక్తుల కారణంగా స్మార్ట్‌ఫోన్‌ మనపై ఆధిపత్యం వహిస్తున్నాయన్నది తెలిసిందే. వేలి కొసలతో చేసే పదే పదే ‘క్లిక్‌’ లు వ్యసనం వైపు మరుల్చుతున్నాయి. ఇటీవల మనస్తత్వవేత్తలు, మానసిక వైద్యులు స్మార్ట్‌ఫోన్‌ వ్యసనం గురించి పదే పదే హెచ్చరిస్తున్నారు. ఈ వ్యసనం ఎంత దూరం వెళుతుందంటే తెలియకుండానే నేరం వైపుగా అడుగులు వేయిస్తుంది. విక్రాంత్‌ను గేమింగ్‌ యాప్స్‌ ఇలాగే ఆకర్షించాయి. తల్లీతండ్రీ తనకు ఇచ్చే పాకెట్‌మనీ సరిపోకపోవడంతో తనే ఆన్‌లైన్‌ గేమింగ్‌ ద్వారా ఆదాయాన్ని పొందాలనుకున్నాడు. అందుకు ఆన్‌లైన్‌ గేమింగ్స్‌ ఇచ్చే పాయింట్స్‌ ద్వారా అయితే డబ్బును సులువుగా రాబట్టచ్చు అనుకున్నాడు. మొదట్లో గేమింగ్‌ యాప్స్‌ వినియోగదారుడికి ఎక్కువ పాయింట్స్‌ ఇచ్చి, ఆకర్షిస్తాయి. దాంతో స్కూల్, కాలేజీ స్టూడెంట్స్‌ గంటల కొద్దీ గేమింగ్‌ చేస్తూనే ఉంటారు. ఎక్కువ పాయింట్స్‌ పొందాంటే ఎక్కువ డబ్బు వెచ్చించాల్సిన పరిస్థితులు తలెత్తుతాయి. దీంతో ఆ డబ్బును ఎక్కడి నుంచి రాబట్టాలా అని దారులు వెతుకుతారు.  పిల్లలు వారి మానాన వారు ఫోన్లో ఉన్నారు కదా అనో, వీడియో గేమ్స్‌ ఆడుకుంటున్నారు కదా అనో పర్యవేక్షణలో లోపం జరిగితే చివరికి కోలుకోలేనంత అనర్థాలు తలెత్తుతుతాయి. విక్రాంత్‌ లాంటి పిల్లలు మన మధ్యే ఉంటారు కాబట్టి జాగ్రత్త వహించడం ముఖ్యం. డబ్బు ఒక్కటే కాదు అధికంగా వాడితే మానసిక, శారీరక స్థితిలోనూ గణనీయమైన హానిని డిజిటల్‌ ప్లాట్‌ఫామ్‌ కలిగిస్తుంది. ముందే గుర్తించి కట్టడి చేయడం మేలు చేస్తుంది.   – అనీల్‌ రాచమల్ల, డిజిటల్‌ వెల్‌బీయింగ్‌ ఎక్స్‌పర్ట్, ఎండ్‌ నౌ ఫౌండేషన్‌   చదవండి: బ్లాక్‌మెయిలింగ్‌: నాతో పాటు చెల్లెలు ఫొటోలూ పంపాను

సాక్షి, సిటీబ్యూరో: సైబర్‌ నేరగాళ్లు రోజు రోజుకూ రెచ్చిపోతున్నారు. ఒక్కో తరుణంలో ఒక్కో తరహా నేరాలు చేసే ఈ క్రిమినల్స్‌ తాజాగా వాట్సాప్‌ను తమకు అనుకూలంగా వాడుకుంటున్నారు. విదేశాల్లో ఉన్న భారతీయుల (ఎన్‌ఆర్‌ఐ) ఖాతాలను హ్యాక్‌ చేస్తూ ఇక్కడ ఉన్న వారి సంబంధీకుల నుంచి డబ్బు కాజేస్తున్నారు. ఈ తరహా నేరాలకు సంబంధించి బుధ, గురువారాల్లో రెండు కేసులు నమోదైనట్లు సైబరాబాద్‌ సైబర్‌ క్రైమ్‌ పోలీసులు వెల్లడించారు. ఈ వాట్సాప్‌ హ్యాకింగ్‌ అనేది కొన్నాళ్లుగా సాగుతోంది. ఇప్పటి వరకు ఇక్కడి వారి ఫోన్లనే హ్యాక్‌ చేసిన సైబర్‌ నేరగాళ్లు తాజాగా పంథా మార్చారు. అమెరికాలో ఉంటున్న ఎన్‌ఆర్‌ఐలకు చెందినవి హ్యాక్‌ చేయడం మొదలెట్టారు. సాధారణంగా ఎవరైనా ఒక స్మార్ట్‌ఫోన్‌లో వాట్సాప్‌ను వాడుతూ... మరో ఫోన్‌లోకి మారితే... ఓటీపీ ఎంటర్‌ చేయాల్సి ఉంటుంది. ఇలా తమ ఫోన్‌లో వాట్సాప్‌ను ఇన్‌స్టాల్‌ చేసుకుంటున్న సైబర్‌ నేరగాళ్లు అందులో తాము టార్గెట్‌ చేసిన యూఎస్‌లోని ఎన్‌ఆర్‌ఐ నెంబర్లు ఎంటర్‌ చేస్తున్నారు. దీని వెరిఫికేషన్‌ కోడ్‌ అసలు యజమాని వద్దకు వెళ్తుంది. వివిధ పేర్లతో సంప్రదిస్తున్న సైబర్‌ నేరగాళ్లు ఓ లావాదేవీలో పొరపాటున మీ ఫోన్‌ నంబర్‌ ఎంటర్‌ చేశామని, దీంతో ఓటీపీ మీకు వచ్చిందని చెప్పి వెరిఫికేషన్‌ కోడ్‌ తీసుకుంటున్నారు. కొన్ని సందర్భాల్లో బ్యాంకులతో పాటు ఇతర కాల్‌ సెంటర్ల పేర్లు వాడుతున్నారు. ఇలా ఓటీపీని చేజిక్కించుకుని తమ ఫోన్లలో ఎన్‌ఆర్‌ఐల నెంబర్‌తో వాట్సాప్‌ యాక్టివేట్‌ చేసుకుంటున్నారు. ఆ వెంటనే వారి వాట్సాప్‌ డీపీని కాపీ చేసి తమ దానికి పెట్టేస్తున్నారు. దీంతో పాటు సెక్యూరిటీ సెట్టింగ్స్‌ను మార్చేస్తూ టూ స్టెప్‌ వెరిఫికేషన్‌ పెట్టుకుంటున్నారు. దీని వల్ల అసలు వ్యక్తి ఈ విషయం గుర్తించి తన ఫోన్‌లో వాట్సాప్‌ను మరోసారి యాక్టివేట్‌ చేసుకోవాలని భావించినా... అది సాధ్యం కాదు. ఇలా అమెరికాలో ఉన్న ఎన్‌ఆర్‌ఐ నెంబర్లు సైబర్‌ నేరగాళ్లు తమ ఆధీనంలోకి తీసుకుంటున్నారు. గచ్చిబౌలి ప్రాంతానికి చెందిన శ్రీరామ్‌కు బుధవారం ఓ వాట్సాప్‌ సందేశం వచ్చింది. అమెరికాలో ఉంటున్న తన సమీప బంధువు సుజాత నెంబర్‌ నుంచి పంపినట్లు ఉంది. మెడికల్‌ ఎమర్జెన్సీ అని, డబ్బు కావాలంటూ అందులో ఉండటంతో శ్రీరామ్‌ రెండు బ్యాంకు ఖాతాల్లోకి రూ.10.98 లక్షలు బదిలీ చేశారు. కూకట్‌పల్లికి చెందిన నరేంద్రకు ఈ నెల 10న అమెరికాలో ఉంటున్న తన బాల్య స్నేహితుడు రవి శ్రీనివాస్‌ పేరుతో సందేశం వచ్చింది. ఈయన కూడా ఆ సందేశాల్లో సూచించిన బ్యాంకు ఖాతాల్లోకి రూ.10.98 లక్షలు బదిలీ చేశారు. ఆపై ఈ బాధితులు ఇద్దరూ అమెరికాలో ఉంటున్న వారి సంప్రదించి జరిగిన మోసం తెలుసుకున్నారు. దీంతో బుధవారం శ్రీరామ్, గురువారం నరేంద్ర సైబరాబాద్‌ సైబర్‌ క్రైమ్‌ పోలీసులకు ఫిర్యా దు చేయడంతో కేసులు నమోదయ్యాయి. వీరు పంపిన డబ్బు ఢిల్లీ, రాజస్థాన్‌లకు చెందిన బ్యాంకు ఖాతాలకు వెళ్లినట్లు పోలీసులు తేల్చారు. ఈ ఖాతాల సారూప్యత నేపథ్యంలో ఒకే వ్యక్తి లేదా గ్యాంగ్‌ రెండు నేరాలకు పాల్పడినట్లుఅంచనా వేస్తున్నారు.     ముందు ఇక్కడివే హ్యాక్‌ చేస్తారు  ఈ సైబర్‌ నేరగాళ్లు తొలుత ఇక్కడ ఉన్న వారి వాట్సాప్‌ నెంబర్లే హ్యాక్‌ చేస్తారు. అలా వారి యాప్‌లో ఉన్న వివిధ గ్రూపుల్లోని కాంటాక్ట్స్, చాటింగ్స్‌ తదితరాలు పరిశీలిస్తారు. అందులో ఉన్న విదేశీ నెంబర్లను ఎంపిక చేసుకుని, అనువైన వాటిని హ్యాక్‌ చేసి అసలు కథ నడిపిస్తారు. ఈ తరహా నేరాలు ఇంకా జరిగే ప్రమాదం ఉంది. కేవలం సందేశాల ఆధారంగా ఆర్ధిక లావాదేవీలు చేయకూడదు. ఇలాంటి సందర్భాల్లో ఎవరికైనా డబ్బు పంపేప్పుడు వారితో ఓసారి మాట్లాడి నిర్థారించుకోవాలి.  ఆ తర్వాత కూడా డబ్బు పంపే ముందు అన్నీ సరిచూసుకోవాలి.  – కె.బాలకృష్ణ రెడ్డి, సైబర్‌ క్రైమ్‌ ఏసీపీ, సైబరాబాద్‌.  చదవండి: సైకో భర్త ఘాతుకం.. ఇద్దరు భార్యలను..

సాక్షి, హైదరాబాద్‌: పైకి చూస్తే మైనరే. చేసే పనులు మాత్రం ముదురే. పక్కింటి బాలుడే కదా అని కాస్త చనువుగా ఉంటే నమ్మక ద్రోహానికి ఒడిగట్టాడు. ఓ యువతికి చుక్కలు చూపించాడు. బాధితురాలి ఫిర్యాదుతో సదరు ‘మైనర్‌’ను సైబరాబాద్‌ సైబర్‌ క్రైమ్‌ పోలీసులు పట్టుకున్నారు. ఓ సందర్భంలో ఆమెకు సహకరించిన ఇతగాడు దాన్ని తనకు అనుకూలంగా మార్చుకున్నట్లు అధికారులు చెబుతున్నారు. బాధితురాలు, పోలీసుల కథనం ప్రకారం వివరాలు.. సిటీకి చెందిన ఓ యువతి వైద్య విద్యనభ్యసిస్తున్నారు. ఆమెకు చెందిన ఇన్‌స్ట్రాగామ్, ఫేస్‌బుక్‌ ఖాతాల్లో గతంలో కొన్ని ఇబ్బందులు తలెత్తాయి. వాటిని పరిష్కరించడంతో పాటు తొలగించడం కోసం ఆమె తన పక్కింట్లో ఉండే ఓ బాలుడి సహాయం తీసుకున్నారు. అతడు ఈ యువతితో స్నేహంగా, ఆత్మీయంగా మెలిగేవాడు.   ఆమెకు సహకరించిన ఇతగాడు తన ఈ– మెయిల్‌ ఐడీ, పాస్‌వర్డ్‌ తదితరాలను సంగ్రహించాడు. అదను చూసుకుని ఆమె మెయిల్‌ ఐడీని యాక్సెస్‌ చేశాడు.  దాని ద్వారా ఆమె ఆన్‌లైన్‌ క్లాసుల్లోకి అక్రమంగా ప్రవేశించేవాడు. అంతటితో ఆగకుండా ఆ క్లాసుల్లో ఆమె పోస్టు చేస్తున్నట్లు అసభ్య, అశ్లీల ఫొటోలు షేర్‌ చేసేవాడు. ఆ మెయిల్‌లో ఆమె సేవ్‌ చేసుకున్న ఫొటోలను తన అధీనంలోకి తీసుకున్నాడు. తన వద్ద ఉన్న మెయిల్‌ వివరాల ఆధారంగా వారి ఇంటి వైఫై కనెక్షన్‌ను యాక్సెస్‌ చేసి ఫోన్లు హ్యాంగ్‌ అయ్యేలా చేశాడు. ఇలా వాటిని గుర్తుతెలియని వ్యక్తి హ్యాక్‌ చేసిన భావన కలిగించాడు. బాధితురాలి ఫేస్‌బుక్‌ ఖాతాను యాక్సెస్‌ చేసిన బాలుడు అందులో ఆమె చేసినట్లు అశ్లీల ఫొటోలు పోస్టు చేశాడు. ఆమెతో పాటు వారి కుటుంబికుల దైనందిన జీవితాలను చూస్తున్న ఈ మైనర్‌ ఆ వివరాలను వారికి మెయిల్‌ చేసి తమ ఫోన్లు హ్యాక్‌ అయినట్లు భావించేలా చేశాడు. ఈ పనులు చేస్తూ తనలో తాను వికృతానందం పొందేవాడు. కొన్ని సందర్భాల్లో నిజం తెలియని బాధితురాలు ఈ బాలుడి వద్దకే వచ్చి విషయం చెప్పేది. తన ఫేస్‌బుక్‌ ఖాతా బ్లాక్‌ చేయాలని కోరేది. ఆమె ముందు అలాగే చేసిన మైనర్‌ ఆ తర్వాత యాక్టివ్‌ చేసే వాడు. తుదకు సైబర్‌ వేధింపులతో విసిగివేసారిన బాధితురాలు సైబరాబాద్‌ సైబర్‌ క్రైమ్‌ పోలీసులకు ఫిర్యాదు చేశారు. కేసు నమోదు చేసుకున్న అధికారులు పూర్వాపరాలు పరిశీలించి, సాంకేతికంగా దర్యాప్తు చేసి యువతి పక్కింటి బాలుడే బాధ్యుడని తేల్చారు. అతడిని పట్టుకుని న్యాయస్థానం ఆదేశాల మేరకు అబ్జర్వేషన్‌ హోమ్‌కు తరలించారు. చదవండి: ఖైరతాబాద్‌: ఆన్‌లైన్‌ క్లాసుల్లో అశ్లీల ఫోటోలు షేర్‌ చేస్తూ.. 

సాక్షి, న్యూఢిల్లీ: మొబైల్‌ ఫోన్‌ ఉంటే చాలు ప్రపంచం మొత్తం అరచేతిలోకి వచ్చేస్తుంది. దీనికి తోడు ఏం కావాలన్నా వెతికి పెట్టే గూగుల్‌ తల్లి.. ఇంకేముంది..? యువత ఇష్టారీతిన ఏ అంశం పడితే ఆ అంశాన్ని గూగుల్‌లో శోధన చేసేస్తున్నారు. అయితే, మొబైల్‌ ఫోన్‌ ద్వారా కొన్ని అంశాలకు సంబంధించి గూగుల్‌ శోధన చేయొద్దని సైబర్‌ నిపుణులు హెచ్చరిస్తున్నారు. సామాజిక మాధ్యమాలను ఫోన్‌ ద్వారా వినియోగించే వారు నేరుగా ఆ మాధ్యమం సైట్‌ నుంచే లాగిన్‌ అవ్వాలని సూచిస్తున్నారు. పోర్న్‌ సైట్లు అసలు ఓపెన్‌ చేయొద్దని వారు హెచ్చరిస్తున్నారు.  1. ప్రభుత్వ పథకాలు ప్రభుత్వాలు అందించే పథకాలను గూగుల్‌లో‌ శోధన చేయొద్దు. పథకాలు అందుతాయన్న భావనతో అందించే వివరాలు తీసుకొని నకిలీ సైట్‌ నిర్వాహకులు సులభంగా మీ ఫోన్‌లోకి ప్రవేశిస్తారు. తద్వారా సమాచారం తస్కరించడంతోపాటు ఇతరత్రా ఇబ్బందులూ సృష్టించే అవకాశం ఉంది. పలు ప్రభుత్వ పథకాలకు సంబంధించి నకిలీ వెబ్‌సైట్లు పెరుగుతున్న నేపథ్యంలో నిపుణులు ఈ హెచ్చరిక చేస్తున్నారు. ప్రభుత్వ అధికారిక వెబ్‌సైట్‌లోకి ఆ తర్వాత సంక్షేమ పథకాలకు సంబంధించిన వివరాలు తెలుసుకోవాలే కానీ నేరుగా పథకం పేరుతో గూగుల్‌ శోధన చేయొద్దని వారు చెబుతున్నారు.  2. కస్టమర్‌ కేర్‌ నంబర్లు వినియోగదారులు కొనుగోలు చేసిన వస్తువులపై ఏదైనా సమాచారం కావాలనుకుంటే కస్టమర్‌ కేర్‌ సెంటర్‌కు ఫోన్‌ చేయడం పరిపాటిగా మారింది. రుణాల విషయంలోనూ కస్టమర్‌ కేర్‌కు ఫోన్‌ చేసి వివరాలు తెలుసుకుంటున్నారు. కొంతమంది నకిలీ కస్టమర్‌ కేర్‌ నంబర్లు సృష్టించి వాటి ద్వారా వినియోగదారులను మోసం చేస్తున్నారు. దీంతో, మొబైల్‌ ఫోన్‌లో గూగుల్‌ సెర్చ్‌ చేసేటప్పుడు నేరుగా ఫలానా కస్టమర్‌కేర్‌ నంబరు అని కాకుండా సదరు సంస్థ వెబ్‌సైట్‌లోకి వెళ్లి కస్టమర్‌ కేర్‌ నంబరు తీసుకోవాలని నిపుణులు చెబుతున్నారు. లేదంటే నకిలీ నంబరుకు ఫోన్‌ చేసి అడిగిన వివరాలన్నీ చెప్పడం వల్ల తీవ్ర నష్టం ఎదుర్కొనే ప్రమాదం ఉందంటున్నారు.   3. యాంటీ వైరస్, సాఫ్ట్‌వేర్లు అధికారిక గూగుల్‌ ప్లేస్టోర్, ఐఓఎస్‌ యాప్‌ స్టోర్‌ ద్వారానే యాప్‌లు, యాంటీవైరస్‌లు డౌన్‌లోడ్‌ చేసుకోవాలని నిపుణులు చెబుతున్నారు. నేరుగా యాంటీవైరస్‌లు శోధన చేసి డౌన్‌ లోడ్‌ చేసుకోవడం వల్ల ఫోన్‌లో వైరస్‌ రావడంతోపాటు సమాచారం కూడా పొగొట్టుకోవాల్సి వస్తుంది. యాంటీ వైరస్‌ యాప్‌ల్లో నకిలీ ఉత్పత్తులను గుర్తించలేకపోతే ఇబ్బందులు తప్పవని హెచ్చరిస్తున్నారు.   4. ఆన్‌లైన్‌ బ్యాంకింగ్‌ గూగుల్‌లో నకిలీ బ్యాంకుల వెబ్‌సైట్లు ఎక్కువగా వస్తున్నాయని, మొబైల్‌ ద్వారా బ్యాంకింగ్‌ వెబ్‌సైట్లు వెతికే క్రమంలో ఇబ్బందులు రాకుండా చూసుకోవాలని చెబుతున్నారు. బ్యాంకుల అధికారిక యూఆర్‌ఎల్‌ నుంచి లాగిన్‌ అవడం శ్రేయస్క రం అంటున్నారు. దీనివల్ల ఐడీ, పాస్‌వర్డ్‌లు తస్కరించడం అసాధ్యమని చెబుతున్నారు. ఒకవేళ బ్యాంకింగ్‌ సైట్లు చూడక తప్పనిసరి పరిస్థితి అయితే ఇన్‌కాగ్నిటో మోడ్‌లో వాటిని చూడాలని సూచిస్తున్నారు.   5. షాపింగ్‌ ఆఫర్లు, కూపన్‌కోడ్‌లు ఇటీవల కాలంలో ఆఫర్లు ఎక్కువ కావడంతో సైబర్‌ మోసగాళ్లు ఆ దిశగా వినియోగదారులను వలలో వేసుకునేందుకు యత్నిస్తున్నారు. షాపింగ్‌ ఎక్కడ చేస్తే ఆఫర్లు బాగా ఉంటాయి, కూపన్‌ కోడ్‌లు ఎలా పొందాలని వినియోగదారులు మొబైల్‌ ద్వారా శోధన చేయడంతో మోసగాళ్ల పని మరింత సులభం అవుతోందంటున్నారు. నకిలీ ఆఫర్లు, కూపన్లు ఆశ చూపి బ్యాంకుల సమాచారం లాగేసుకుంటున్నారని జాగ్రత్తగా ఉండాలని హెచ్చరిస్తున్నారు.  చదవండి: సామాన్యుడిపై మరో పిడుగు ఎస్‌బీఐ కస్టమర్లకు హెచ్చరిక!

సాక్షి, హైదరాబాద్‌: తెలంగాణ ట్రాన్స్‌కో సర్వర్లు హ్యాక్‌ చేసేందుకు చైనా హ్యాకర్లు యత్నించినట్లు సమాచారం.ఈ విషయంపై తెలంగాణ విద్యుత్ శాఖను కంప్యూటర్ ఎమర్జెన్సీ రెస్పాన్స్ టీమ్ (సీఈఆర్‌టీ)హెచ్చరించింది. చైనాకు చెందిన కొందరు హ్యాకర్లు తెలంగాణ స్టేట్ లోడ్ డిస్పాచ్ సెంటర్, తెలంగాణ ట్రాన్స్ కో సర్వర్లను చేరుకోవడానికి ప్రయత్నిస్తున్నట్టుగా వెల్లడించింది.ముందస్తుగా అవసరమైన అన్ని జాగ్రత్తలు తీసుకొని బ్లాకింగ్ సర్వర్స్, కంట్రోల్ పంక్షన్స్ ని గమనిస్తూ ఉండలని సీఈఆర్టీ సూచించింది. దీంతో తెలంగాణ విద్యుత్ శాఖ అప్రమత్తమైంది.. విద్యుత్ శాఖ వెబ్ సైట్ లో యూజర్ ఐడీ, పాస్‌వర్డ్‌లను మార్చేసింది.ఇక, చైనా హ్యాకర్ల విషయంలో అప్రమత్తంగా ఉన్నామని టీఎస్ జెన్‌కో, ట్రాన్స్‌కో సీఎండీ ప్రభాకర్ రావు తెలిపారు.  

సైబర్‌ సెక్యూరిటీ.. ఇప్పుడు ఎక్కువగా దీనిపైనే చర్చ.. అందుకే ప్రతిదానికి ఓ రహస్య పాస్‌వర్డ్‌. అది ఎంత స్ట్రాంగ్‌గా ఉంటే.. మీ ఖాతా అంత సురక్షితం అన్నట్లు లెక్క. అయితే.. చాలామంది కామన్‌గా ఉండే పాస్ట్‌వర్డ్స్‌ వాడుతుంటారు.. ఐ లవ్‌ యూ అని.. 12345 అని ఇలా.. హ్యాకింగ్‌ చేయడానికి కొందరు ఏదో ఒకటి తగిలేదాకా.. కామన్‌గా ఉండే పాస్‌వర్డ్‌లను ట్రై చేస్తూ ఉంటారు.  ఒకవేళ అలాంటి పాస్‌వర్డ్‌ పెట్టుకుంటే.. మన ఖాతా ప్రమాదంలో పడ్డట్లే. దీనికి సంబంధించి నార్డ్‌పాస్‌ ఏటా వరస్ట్‌ పాస్‌వర్డ్స్‌ జాబితా విడుదల చేస్తోంది. అంటే.. వాటిని ఈజీగా హ్యాక్‌ చేయొచ్చని అర్థం. ఇలాంటివి మొత్తం 200 పాస్‌వర్డ్‌ల వివరాలు.. వాటిని హ్యాక్‌ చేయడానికి పట్టే సమయం వంటివాటిని https://nordpass.com/most commonpasswordslistలోఉంచింది. మీరూ ఓసారి చెక్‌ చేసుకోండి.. ఒకవేళ మీ పాస్‌వర్డ్‌ కనుక ఇందులో ఉంటే.. వెంటనే మార్చేసుకోవడం మంచిదని నిపుణులు సూచిస్తున్నారు. ఇక్కడైతే.. టాప్‌–8 జాబితా చూద్దాం..  

దక్షిణాఫ్రికా దిగ్గజ క్రికెటర్‌ జాంటి రోడ్స్‌ ఖాతాను కొందరు దుండగులు హ్యాక్‌ చేశారు. ఈ విషయాన్ని ఆయనే స్వయంగా వెల్లడించారు. భారత్‌లో రైతుల ఉద్యమం కొనసాగుతున్న క్రమంలో అంతర్జాతీయంగానూ మద్దతు లభిస్తోంది. యువ పర్యావరణ వేత్త గ్రెటా థన్‌ బర్గ్‌, పాప్‌ సింగర్‌‌ రిహన్న వంటివారు రైతు ఉద్యమానికి మద్దతు ప్రకటించారు. అయితే, దేశ అంతర్గత వ్యవహారాల్లో ఇతరుల జోక్యం అవసరం లేదని, కేవలం వారు ప్రేక్షక పాత్ర వహిస్తే చాలని మన దేశానికి చెందిన క్రీడా, సినీ ప్రముఖులు క్రికెట్‌ లెజెండ్‌ సచిన్‌ టెండూల్కర్‌, టీమిండియా కెప్టెన్‌ విరాట్‌ కోహ్లి, బాలీవుడ్‌ నటుడు అక్షయ్‌ కుమార్‌ వంటివారు సోషల్‌ మీడియా వేదికగా బదులిచ్చారు.  ఈ నేపథ్యంలో సచిన్‌ చేసిన ట్వీట్‌కు సంబంధించిన స్క్రీన్‌ షాట్‌ తన ట్విటర్‌ ఖాతాలో దర్శనమిచ్చిందని జాంటి రోడ్స్‌ తెలిపారు. నా ట్విటర్‌ ఖాతా హ్యాక్‌ అయినట్టుగా ఉంది. ఇలా ఎప్పుడూ జరగలేదు. సచిన్‌ స్క్రీన్‌ షాట్‌ నేను జోడించలేదు’ అని రోడ్స్‌ ఇన్‌స్టాలో చెప్పుకొచ్చారు. కాగా, అంతర్జాతీయ క్రికెట్‌లో జాంటిరోడ్స్‌ బెస్ట్‌ ఫీల్డర్‌గా వెలుగొందారు. ఇక ‘భారత దేశ సార్వభౌమాధికారానికి సంబంధించి కాంప్రమైజ్‌ అయ్యే సమస్యే లేదు. బాహ్య శక్తులు ప్రేక్షకులుగా ఉంటే మంచిది. భారత దేశ వ్యవహారాల్లో భాగస్వాములు కావాల్సిన అవసరం లేదు. మన దేశం గురించి భారతీయులకు మాత్రమే తెలుసు. దేశం కోసం ఏం చేయాలో తెలుసు. ఒక జాతిగా ఐక్యంగా ఉందాం’ అని సచిన్‌ ట్విటర్‌లో బుధవారం పేర్కొన్న సంగతి తెలిసిందే. View this post on Instagram A post shared by Jonty Rhodes (@jontyrhodes8)

ప్రస్తుతం ఇంటర్నెట్ ప్రపంచం మనం ఊహించని దానికంటే వేగంగా విస్తరిస్తుంది. దీంతో మనకు మేలు ఎంతో జరుగుతుందో అంతకంటే ఎక్కువ కీడు జరుగుతుంది అని చెప్పుకోవాలి. ప్రస్తుతం చాలా మంది నెటిజెన్స్ చిన్న చిన్న తప్పుల కారణంగా సైబర్ నేరగాళ్ల వలలో చిక్కుకుంటున్నారు. సైబర్ నేరగాళ్లకు ఇంకొక పేరు హ్యాకర్స్. వీరి పేరు చెబితే సాదారణ ప్రజల నుంచి ప్రభుత్వాలు, దిగ్గజ ఐటీ కంపెనీలు వరకు ఇలా అందరూ వణికిపోతున్నారు. అంతలా ఉంది వీరి ప్రభావం మన అందరిమీద. ఇప్పుడు క్రైమ్ కేసులలో ఎక్కువగా సైబర్ క్రైమ్ కేసులు ఎక్కువగా నమోదవుతున్నాయి.(చదవండి: బిగ్ బ్యాటరీతో విడుదలైన పోకో ఎం3) ప్రస్తుతం మనం ఎంత ప్రమాదంలో ఉన్నామో అని దీన్ని బట్టి మనం అర్ధం చేసుకోవచ్చు. హ్యాకింగ్ చాలా ఏళ్ల క్రితం నుంచి ఉన్నప్పటికీ ఎక్కువగా మాత్రం మన 3జీ నెట్వర్క్ వచ్చినప్పటి నుంచే భాగా పెరిగి పోయింది. 3జీ రాకముందు హ్యాకర్స్ పెద్ద పెద్ద కంపెనీలను, ధనవంతులను, ప్రభుత్వాలను లక్ష్యంగా చేసుకొని ఎక్కువ శాతం వారి ఖాతాలను హ్యాక్ చేసేవారు. కానీ ఈ 3జీ, 4జీ వచ్చాక ఇప్పుడు సాదారణ ప్రజలు కూడా ఎక్కువ శాతం హ్యాకింగ్ భారీన పడుతున్నారు. అందుకే సైబర్ నిపుణులు ఆన్లైన్ విషయంలో మాత్రం జాగ్రత్తగా ఉండాలని ప్రజలకు సూచిస్తున్నారు.  చాలా మంది హ్యాకర్స్ 2000 సంవత్సరం తర్వాత పుట్టుకొచ్చారు. కానీ ఒక హ్యాకర్ మాత్రం 1980 నుంచి 2000 వరకు ఈ ప్రపంచాన్ని వణికించాడు. ఇతను ప్రపంచంలోని ఐబీఎమ్, మోటోరోలా, నోకియా వంటి 40కి పైగా ఐటీ దిగ్గజ కంపెనీలను హ్యాక్ చేశాడు. అలాగే ప్రపంచాన్ని వణికించిన మాఫియా డాన్ లకు చుక్కలు చూపించాడు. అసలు అతని పేరు చెబితే అమెరికా ప్రభుత్వం వణికిపోయేది అంటే మనం అర్ధం చేసుకోవచ్చు. అతని ఎవరో కాదండీ కెవిన్ మిట్నిక్. మీరు ఇతని పేరు ఇప్పటి వరకు వినలేక పోవచ్చు.   కెవిన్ మిట్నిక్ బాల్యం: కెవిన్ మిట్నిక్ కాలిఫోర్నియాలోని వన్ నుయ్స్(Van Nuys)లో 1963 ఆగస్టు 6న జన్మించాడు. ఇతను కాలిఫోర్నియాలోని లాస్ ఏంజిల్స్‌లోని జేమ్స్ మన్రో హైస్కూల్‌లో విద్యాభ్యాసం గడించాడు. ఆ సమయంలో అతను ఔత్సాహిక రేడియో ఆపరేటర్ అయ్యాడు. తర్వాత అతను లాస్ ఏంజిల్స్ పియర్స్ కాలేజీలో చేరాడు. కొంతకాలం, అతను స్టీఫెన్ ఎస్. వైజ్ టెంపుల్‌లో రిసెప్షనిస్ట్‌గా పనిచేశాడు.(చదవండి: మరోసారి మహిళను కాపాడిన యాపిల్ వాచ్!) కెవిన్ మిట్నిక్ మొదటి కంప్యూటర్ హ్యాకింగ్: కెవిన్ మిట్నిక్ 12 సంవత్సరాల వయస్సులో లాస్ ఏంజిల్స్ బస్సు వ్యవస్థలో ఉపయోగించే పంచ్ కార్డ్ వ్యవస్థను హ్యాక్ చేయడానికి సోషల్ ఇంజనీరింగ్, డంప్‌స్టర్ డైవింగ్ అనే టెక్నిక్ ఉపయోగించాడు. “స్కూల్ ప్రాజెక్ట్” కోసం తన సొంత టికెట్ పంచ్ ఎక్కడ కొనవచ్చో చెప్పమని ఒక బస్సు డ్రైవర్‌ను కోరాడు. ఇలా అతను బస్సు కంపెనీ పక్కన ఉన్న డంప్‌స్టర్‌లో దొరికిన ఉపయోగించని బదిలీ స్లిప్‌లను ఉపయోగించి లాస్ ఏంజిల్స్ ప్రాంతంలో ప్రయాణించేవాడు. ఇది అతని మొదటి హ్యాకింగ్ అనే చెప్పుకోవాలి. సోషల్ ఇంజనీరింగ్ టెక్నిక్ తో ఇతరుల పేర్లు, పాస్‌వర్డ్‌లు, మోడెమ్ ఫోన్ నంబర్‌లతో సహా సమాచారాన్ని పొందేవాడు. మిట్నిక్ మొట్టమొదట కంప్యూటర్ నెట్‌వర్క్‌కు సంబందించి 1979లో హ్యాక్ చేశాడు. తన 16 ఏళ్ళ వయసులో ఒక స్నేహితుడు కంప్యూటరు సహాయంతో ఆర్‌ఎస్‌టిఎస్/ఇ ఆపరేటింగ్ సిస్టమ్ సాఫ్ట్‌వేర్‌ను అభివృద్ధి చేసే డిజిటల్ ఎక్విప్‌మెంట్ కార్పొరేషన్(డిఇసి) కంప్యూటర్ నెట్‌వర్క్‌లోకి ప్రవేశించి, కంపెనీ సాఫ్ట్‌వేర్‌ను కాపీ చేశాడు. ఈ నేరానికి గాను 1988లో12 నెలల జైలు శిక్ష అనుభవించాడు. అలాగే మూడు సంవత్సరాల పాటు పోలీసుల పర్యవేక్షణలో ఉన్నాడు. ఈ పోలీసుల పర్యవేక్షణలో ఉన్న కూడా మిట్నిక్ పసిఫిక్ బెల్ వాయిస్ మెయిల్ కంప్యూటర్లను హ్యాక్ చేశాడు. దీంతో మళ్లీ అతని మీద అరెస్టు వారెంట్ జారీ చేశారు. అయితే పోలీసులకు దొరకాకుండా రెండున్నర సంవత్సరాలు పరారీలో ఉన్నాడు.(చదవండి: 5జీతో మాట్లాడే ఏటిఎమ్ లు రాబోతున్నాయి!) అమెరికా డిపార్ట్మెంట్ ఆఫ్ జస్టిస్, పోలీసులకు కెవిన్ మిట్నిక్ ఒక పెద్ద తల నొప్పిగా మారిపోయాడు. మిట్నిక్ డజన్ల కొద్దీ కంప్యూటర్ నెట్వర్క్లలో ప్రవేశించేవాడు. అతను తన స్థానాన్ని కనిపెట్టకుండా ఉండటానికి క్లోన్ చేసిన సెల్యులార్ ఫోన్‌లను ఉపయోగించేవాడు. దేశంలోని అతిపెద్ద సెల్యులార్ టెలిఫోన్, కంప్యూటర్ కంపెనీల నుంచి విలువైన సమాచారాన్ని, సాఫ్ట్‌వేర్‌ను కాపీ చేశాడు. ఇతర కంప్యూటర్ నెట్‌వర్క్‌లను మార్చేవాడు, ప్రైవేట్ ఇ-మెయిల్‌లను రహస్యంగా చదివేవాడు. ఒకానొక సమయంలో ప్రపంచంలోని అతి పెద్ద డాన్ ల ఫోన్ లను హ్యాక్ చేసి వారికీ చుక్కలు చూపించాడు.  కెవిన్ మిట్నిక్ అరెస్ట్, జైలు శిక్ష కెవిన్ మిట్నిక్ 1995లో అమెరికాలోని 40 అతిపెద్ద కంపెనీలను హ్యాకింగ్ చేశాడు. వీటిలో ఐబిఎం, నోకియా మరియు మోటరోలా ఉన్నాయి. ఇలా రోజు రోజుకి అమెరికా ప్రభుత్వానికి ఒక పెద్ద తలనొప్పిగా మారిపోయాడు. అతనిని ఎలాగైనా పట్టుకోవాలని అతని పట్టించిన వారికి భారీ బహుమతి అని అమెరికా ప్రభుత్వం ప్రకటించింది. ఫిబ్రవరి 15, 1995న  ఎఫ్బిఐ నార్త్ కరోలినాలోని రాలీలోని తన అపార్ట్మెంట్ లో మిట్నిక్ ను అరెస్టు చేసింది. రెండున్నర సంవత్సరాల కంప్యూటర్ హ్యాకింగ్ కు సంబంధించిన అనేక నేరాలు అతని మీద ఉన్నాయి. అతను క్లోన్ చేసిన సెల్యులార్ ఫోన్లు, 100కి పైగా క్లోన్ సెల్యులార్ ఫోన్ కోడ్‌లు వంటివి అతనిని అరెస్టు చేసే సమయంలో కనుగొన్నారు.(చదవండి: రూ 1.8లక్షలు ఖరీదైన సోనీ మొబైల్ విడుదల) 1997 డిసెంబర్ లో యాహు! వెబ్‌సైట్ హ్యాక్ చేయబడింది క్రిస్మస్ దినోత్సవం నాటికి మిట్నిక్ విడుదల చేయాలి లేకపోతే ఇంటర్నెట్ “విపత్తు”ను సృష్టిస్తామని ఒక మెసేజ్ భాగా అప్పుడు వైరల్ అయ్యింది. యాహు! మాత్రం కేవలం ఇది ప్రజలను భయపెట్టడానికి మాత్రమే అని పేర్కొంది. మిట్నిక్‌పై వైర్ మోసం, ఎలక్ట్రానిక్ సమాచార మార్పిడి, ఫెడరల్ కంప్యూటర్‌ను హ్యాక్ చేయడం వంటి ఆరోపణలపై తనపై ఉన్నాయి. 1999లో లాస్ ఏంజిల్స్‌లోని కాలిఫోర్నియా సెంట్రల్ డిస్ట్రిక్ట్ యునైటెడ్ స్టేట్స్ డిస్ట్రిక్ట్ కోర్ట్ ముందు చివరకు చట్టవిరుద్ధంగా చేసిన తప్పులను అంగీకరించాడు. గతంలో కంప్యూటర్ మోసానికి 1989లో పోలీసుల పర్యవేక్షణ నుంచి పారీపోయినందుకు 22 నెలల జైలు శిక్ష, తర్వాత చట్టవిరుద్దంగా చేసిన తప్పులకు అతని మీద 46 నెలల జైలు శిక్ష విధించబడింది. మిట్నిక్ ఐదు సంవత్సరాల జైలు శిక్ష అనుభవించాడు.  టాప్ సెక్యూరిటీ కన్సల్టెంట్ జనవరి 21, 2003లో అతను పోలీసుల పర్యవేక్షణ నుంచి విడుదల అయ్యాడు. తన విడుదల అయ్యాక కూడా ఇంటర్నెట్ వాడకూడదు అనే నిబంధన ఉండేది. కమ్యూనికేషన్ కోసం కేవలం ల్యాండ్‌లైన్ టెలిఫోన్ వినియోగించాలని పోలీసులు ఆంక్షలు విధించారు. అయితే ఈ విషయంలో స్థానిక కొర్టులో కెవిన్ మిట్నిక్ పోరాడారు. చివరికి అతనికి అనుకూలంగా ఒక తీర్పును వచ్చిన తర్వాత ఇంటర్నెట్‌ను యాక్సెస్ వాడుకోవడానికి  వీలు కల్పించారు. ప్రస్తుతం కెవిన్ మిట్నిక్ ప్రపంచంలోని గూగుల్, ఫేస్బుక్ వంటి అతిపెద్ద కంపెనీలకు టాప్ సెక్యూరిటీ కన్సల్టెంట్ గా పనిచేస్తున్నారు. దీనికి గాను అతను అత్యధిక పారితోషకం తీసుకుంటున్నారు.   

ఘజియబాద్‌కు చెందిన ఒక 11 సంవత్సరాల బాలుడు యూట్యూబ్‌లో హ్యాకింగ్‌ టిప్స్‌ నేర్చుకున్నాడు. బయట ఎక్కడో ఎందుకు... తాను నేర్చుకున్న విద్యకు  ఇంట్లోనే తగిన న్యాయం చేయాలనుకున్నాడు. వెంటనే తండ్రి ఇమెయిల్‌ అకౌంట్‌ను హ్యాక్‌ చేశాడు. దాని పాస్‌వర్డ్‌ మార్చేశాడు. తండ్రికి ఫోన్‌ చేసి 10 కోట్లు డిమాండ్‌ చేశాడు. ‘నేను  హ్యాకర్‌ని. పదికోట్లు ఇవ్వకపోతే మీ కుటుంబానికి సంబంధించిన వ్యక్తిగత సమాచారం, అభ్యంతకరమైన ఫోటోలు ఆన్‌లైన్‌లో పెడతాను’ అని బెదిరించాడు. తండ్రిలబోదిబో అంటూ పోలీస్‌స్టేషన్‌కు పరుగెత్తాడు. పోలీసులు దర్యాప్తు మొదలుపెట్టారు. ఈ క్రమంలో వారికి ఒక విషయం అర్థమైంది....హ్యాకర్‌ ఎవరో కాదు ఇంటిదొంగే... అని. కుటుంబసభ్యులను విచారించిన తరువాత హ్యాకర్‌ పిల్లాడు దొరికిపోయాడు. చేసిన తప్పును ఒప్పుకున్నాడు.  ‘లాక్‌డౌన్‌ టైమ్‌లో హ్యాకింగ్‌ ట్రిక్స్, సైబర్‌నేరాలకు సంబంధించిన వీడియోలు ఎక్కువగా చూసేవాడిని’ అని రక్షకభటులకు చెప్పాడు 5వ తరగతి చదువుతున్న మైనర్‌ బాలుడు. ‘ఏదోలే మీ పిల్లాడే కదా’ అని వదిలేయకుండా ఐపీసీలోని రకరకాల సెక్షన్‌ల కింద కేసులు నమోదు చేశారు పోలీసులు.  

ఒకవైపు ప్రజలంతా కోవిడ్‌–19 మహమ్మారి భయంతో విలవిల్లాడుతున్న సమయంలోనే ఫేస్‌బుక్‌లో డబ్బులు అడిగే దందా మొదలైంది. ఇతరుల ఫేస్‌బుక్‌ పేజీల్లోని కవర్‌ ఫొటోలను నకలు చేసి అవే పేర్లతో కొత్త అకౌంట్లు సృష్టించడం, కాంటాక్ట్స్‌ జాబితాలో ఉన్న వారందరికీ డబ్బు అడుగుతూ పోస్టులు పెట్టడం. లేదా మెసెంజర్‌లో మెసేజ్‌లు పంపడం. ఇదీ ఈ సరికొత్త మోసం తీరూ తెన్ను. మన పేరుతో వేరే ఎవరో ఫేస్‌బుక్‌ అకౌంట్‌ క్రియేట్‌ చేసి డబ్బు అడుగుతున్నారని తెలిస్తే సరేసరి.. బంధు మిత్రులను హెచ్చరించి వారికి నష్టం కలగకుండా నివారించవచ్చు. తెలియకపోతేనే వస్తుంది సమస్య. అమాయకులు తమ డబ్బులు మోసగాళ్లకు సమర్పించుకోవాల్సి వస్తుంది.(చదవండి: వన్‌ప్లస్‌ ప్రియులకి గుడ్ న్యూస్)  కరోనా సోకింది.. డబ్బులు కావాలి  నకిలీ ఫేస్‌బుక్‌ అకౌంట్లు సృష్టించి డబ్బులడిగే వారు.. అన్ని రకాల మార్గాల్లో ఇతరుల నుంచి డబ్బు గుంజేందుకు ప్రయత్నిస్తుంటారు. కోవిడ్‌–19 బారిన పడ్డామని, ఆసుపత్రిలో చికిత్సకు డబ్బులు కావాలనే కథలు అల్లేవాళ్లు ఎక్కువగా కనిపిస్తుంటారు. ఈ కారణాలతో బ్యాంక్‌ అకౌంట్‌లోకి జమ చేయమని చెప్పేవాళ్లు కొందరైతే.. ఈ వ్యాలెట్‌లోకి బదిలీ చేసినా చాలనే వాళ్లు ఇంకొందరు. రాజస్థాన్, బిహార్, కేరళ, ముంబైలతోపాటు దేశంలోని పలు ప్రాంతాల్లో ఐపీఎస్, ఐఏఎస్‌ అధికారుల పేర్లు, హోదాలతో ఫేక్‌ అకౌంట్లు సృష్టించారంటేనే పరిస్థితి తీవ్రత ఏమిటన్నది అర్థం చేసుకోవచ్చు. చాలా సందర్భాల్లో మిత్రులు ఫోన్  చేసి అంతా బాగేనా? డబ్బులు అడిగావేంటి? డబ్బులు పంపించా..చూసుకున్నావా? అని అడిగినప్పుడే మన పేరుతో ఫేక్‌ అకౌంట్‌ క్రియేట్‌ అయ్యిందన్న విషయం తెలుస్తుంది. ఇంకొన్ని సందర్భాల్లో ఆన్లైన్ లోనే మోసకారితో జరిపే సంభాషణ వాళ్లను పట్టిస్తోంది. మన భాషలో స్పందించక పోవడం... వచ్చీరాని ఇంగ్లిష్‌లో చాటింగ్‌ చేయడం అవతలి వ్యక్తి మోసగాడని గుర్తించేందుకు గట్టి నిదర్శనం.(చదవండి: ఇండియాలో 5జీ ఎప్పుడు రానుంది?)  మన నిర్లక్ష్యమే కారణమా?  ఫేక్‌ అకౌంట్లు తయారయ్యేందుకు ఒక రకంగా మనమే కారణమని కొంతమంది నిపుణులు చెబుతున్నారు. అకౌంట్‌లో మనం వాడే ఫొటోలు, పంచుకునే పోస్టులను బహిరంగంగా ఉంచడం వల్ల, వాటిని ఎవరైనా వాడుకునే అవకాశం కల్పించడం వల్ల ఇలా జరుగుతోందని సైబర్‌ నిపుణులు స్పష్టం చేస్తున్నారు. గుర్తు తెలియని వ్యక్తులు మన ప్రొఫైల్‌ వివరాలను చూడకుండా చేసేందుకు ఫేస్‌బుక్‌ కల్పించిన అవకాశాన్ని సది్వనియోగం చేసుకోవాల్సి ఉందని వారు సూచిస్తున్నారు.   ఫేక్‌ ఖాతాను ఇలా గుర్తించొచ్చు  ఫేక్‌ అకౌంట్లను సులువుగా గుర్తించేందుకు కొన్ని మార్గాలు ఉన్నాయని నిపుణులు తెలిపారు. స్నేహితుల సంఖ్య, సామాన్య మిత్రుల సంఖ్య ఫేక్‌ అకౌంట్ల గుర్తింపునకు ఒక మేలైన మార్గం. ఫేక్‌ అకౌంట్లలో సాధారణంగా మిత్రుల సంఖ్య తక్కువగా ఉంటుంది. నకిలీ ఫేస్‌బుక్‌ అకౌంట్‌లోని ప్రొఫైల్‌ పేరును ఫేస్‌బుక్‌లో వెతికితే అది అసలైందో కాదో ఇట్టే తెలిసిపోతుంది. ప్రొఫైల్‌లో పొందుపరిచిన సమాచారం కూడా దొంగ అకౌంట్లను పట్టిస్తుంది.(చదవండి: మీ వై-ఫై స్పీడ్ పెంచుకోండి ఇలా?) ఇలా చేసి ఖాతా క్లోజ్‌ చేయమనండి మీ పేరు, వివరాలతో ఎవరైనా ఫేస్‌బుక్‌ అకౌంట్లు సృష్టించారని తెలిస్తే.. వెంటనే ఇలా చేయండి. ఆ ఫేక్‌ అకౌంట్‌ ప్రొఫైల్‌ను లేదా పేజీని ఓపెన్ చేయండి. ఓపెన్ చేయగానే కవర్‌ ఫొటో దిగువన మెసేజ్‌ అన్న నీలిరంగు బాక్స్‌కు పక్కన మూడు చుక్కలతో ఇంకో బాక్స్‌ కనిపిస్తుంది. దాన్ని క్లిక్‌ చేస్తే... ‘‘సీ ఫ్రెండ్‌షిప్, ఫైండ్‌ సపోర్ట్‌ లేదా రిపోర్ట్‌ ప్రొఫైల్, బ్లాక్, సెర్చ్‌ ప్రొఫైల్‌’’ అన్న నాలుగు ఆప్షన్లు కనిపిస్తాయి. ఫైండ్‌ సపోర్ట్‌ లేదా రిపోర్ట్‌ అన్న ఆప్షన్ ను క్లిక్‌ చేస్తే.. అందులో ప్రిటెండింగ్‌ టు బి సమ్‌వన్, ఫేక్‌ అకౌంట్, ఫేక్‌ నేమ్‌ వంటి అనేక ఆప్షన్లు కనిపిస్తాయి. ఇం కొకరి మాదిరి నటిస్తున్నాడు అన్న తొలి ఆప్షన్ ను క్లిక్‌ చేసి అకౌంట్‌ను మూసి వేయమని ఫేస్‌బుక్‌ను కోరవచ్చు.    

ఘజియాబాద్‌: సోషల్‌ మీడియాతో చిన్నారులు పక్కదారి పడుతున్నారనే దానికి మరో నిదర్శనం ఉత్తరప్రదేశ్‌లో జరిగిన ఈ ఘటన. యూట్యూబ్‌లో సైబర్‌ క్రైమ్‌ వీడియో చూసి ఏకంగా తండ్రికే రూ.పది కోట్లు డిమాండ్‌ చేశాడో ఓ బాలుడు. ఈమెయిల్‌ హ్యాక్‌ చేసి మీ వ్యక్తిగత వివరాలు, కుటుంబసభ్యుల ఫొటోలు బహిరంగ పరుస్తానని బెదిరించాడు. రూ.పది కోట్లు ఇస్తే వదిలేస్తానని బెదిరింపులకు పాల్పడ్డాడు. అయితే చివరకు పోలీసులు రంగ ప్రవేశం చేసి ఆ బాలుడిని అదుపులోకి తీసుకున్నారు. ఈ సంఘటన ఉత్తరప్రదేశ్‌లోని ఘజియాబాద్‌లో జరిగింది. ఘజియాబాద్‌లోని ఓ వ్యక్తి జనవరి 1వ తేదీన తన ఈమెయిల్‌, ఇతర వివరాలు హ్యాకయ్యాయని.. ఎవరో ఫోన్‌ చేసి తనకు రూ.పది కోట్లు ఇవ్వాలని.. డబ్బులు ఇవ్వకపోతే కుటుంబ వ్యక్తిగత వివరాలతో పాటు ఫొటోలు బయటపెడతానని హెచ్చరించాడు. దీనిపై పోలీసులు కేసు నమోదు చేసుకుని విచారణ చేపట్టారు. విచారణలో భాగంగా ఎక్కడి నుంచి బెదిరింపులు వస్తున్నాయో పోలీసులు ఆరా తీశారు. ఐపీ అడ్రస్‌ పరిశీలించగా ఫిర్యాదుచేసిన వ్యక్తి ఇంటి నుంచే వస్తుండడం పోలీసులకు షాకిచ్చింది. దీంతో ఇంట్లో వివరాలు సేకరించగా అతడి కుమారుడే ఈ పని చేస్తున్నాడని గ్రహించి అవాక్కయ్యారు. ఐదో తరగతి చదువుతున్న 11 ఏళ్ల బాలుడు యూట్యూబ్‌లో సైబర్‌ క్రైమ్‌ వీడియోలు చూసి ఇలా తండ్రిపైనే ప్రయోగించాడని పోలీసులు గుర్తించారు. హ్యాకింగ్‌కు సంబంధించిన వీడియోలతో పాటు ఆన్‌లైన్‌ మోసాలకు సంబంధించిన వీడియోలు చూసి తాను నేర్చుకున్నట్లు బాలుడు పోలీసులకు తెలిపాడు. ఆ విధంగా తండ్రికి ఇతర మెయిల్స్‌ నుంచి పంపి డబ్బులు డిమాండ్‌ చేసినట్లు ఆ బాలుడు వివరించడంతో పోలీసులు నోరు వెళ్లబెట్టారు. 

ఈ ఏడాది మార్చి నెలలో లాక్ డౌన్ విధించడంతో చాలా మంది ప్రజలు ఆర్థికంగా నష్టపోయి పేదరికంలో కూరుకుపోయారు. వీరికోసం అని పద్దెనిమిది సంవత్సరాలు పైబడిన ప్రతి పౌరుడికి కోవిడ్ ఫండ్‌గా రూ.1,30,000 చెల్లిస్తామని భారత ప్రభుత్వం వాగ్దానం చేసిందని అనే వార్త వాట్సాప్ లో తెగ వైరల్ అవుతుంది. ఈ కోవిడ్ ఫండ్‌ రూ.1,30,000 నగదును పొందడానికి, మీ అర్హతను ధృవీకరించడం కోసం అందించిన లింక్‌పై క్లిక్ చేయండి అనే మెసేజ్ బాగా వాట్సాప్ లో వైరల్ అవుతుంది. అయితే ఈ మెసేజ్ పూర్తిగా నకిలీదని ప్రెస్ ఇన్ఫర్మేషన్ బ్యూరో తెలిపింది. (చదవండి: పబ్‌జీ లవర్స్‌కి గుడ్ న్యూస్) ఈ సందేశం పూర్తిగా నకిలీదని ప్రెస్ ఇన్ఫర్మేషన్ బ్యూరో యొక్క ఫాక్ట్-చెక్ బృందం ట్విట్టర్లో ధృవీకరించింది. "దావా: 18 ఏళ్లు పైబడిన పౌరులందరికీ 130,000 # కోవిడ్ ఫండింగ్‌గా చెల్లించాలని ప్రభుత్వం ఆదేశించినట్లు # వాట్సాప్‌లో ప్రసారం చేసిన సందేశంలో పేర్కొంది". పిఐబి ఫాక్ట్-చెక్: ప్రభుత్వం అలాంటి ప్రకటన చేయలేదు అని పిఐబి ట్విట్టర్‌లో రాసింది. Claim: A message circulating on #WhatsApp claims that the Government has ordered payment of ₹130,000 as #Covid funding to all citizens above the age of 18.#PIBFactCheck: The claim is #Fake. No such announcement has been made by the Government. pic.twitter.com/NF8dH08wLW — PIB Fact Check (@PIBFactCheck) November 24, 2020 వాట్సాప్‌లో ఈ మెస్సేజ్ ను ఫార్వార్డ్ చేయడం ద్వారా విస్తృతంగా వైరల్ అవుతుంది. మనకు ఇలాంటి మెసేజ్ లను చూడటం మాములే కావచ్చు కానీ, ఇలాంటి లింక్ ల ద్వారా మన యొక్క డేటాను దొంగిలించడానికి హ్యాకర్లు ఇలాంటి వార్తలను సోషల్ మీడియాలో పోస్ట్ చేస్తూ ఉంటారు. ఒక వేళా మనం ఆ లింక్ ను క్లిక్ చేస్తే మన వ్యక్తి గత డేటా, బ్యాంకు ఖాతా వివరాలు, ఇతర వివరాలు హ్యాకింగ్ గురి అయ్యే అవకాశం ఎక్కువ. అందుకని ఇలాంటి మెసేజ్ లు వస్తే ఒకటికి రెండు సార్లు చెక్ చేసుకోవడంతో పాటు వీటి నుండి జర జాగ్రత్తగా ఉండాలి.

ప్రపంచవ్యాప్తంగా వాట్సాప్ మెసేజింగ్ యాప్ కి ఎక్కువ మంది వినియోగదారులున్నారు. అందుకే ప్రస్తుతం హ్యాకర్లు వాట్సాప్ వినియోగదారులను ఎంచుకొంటూ కొత్త తరహా మోసాలకు పాల్పడుతున్నారు. మీ వాట్సాప్‌లోని ముఖ్యమైన, సున్నితమైన డేటాను సేకరించడానికి హ్యాకర్లు వాట్సాప్ ‌కు వచ్చే ఓటీపీని మార్గంగా ఎంచుకుంటున్నారు. దీనివల్ల మీ వాట్సాప్ అకౌంట్ లోకి సులభంగా ప్రవేశించడంతో పాటు కీలకమైన సమాచారాన్ని చోరీ చేస్తున్నారు.  ఏంటీ ఓటీపీ స్కాం వాట్సాప్ ఓటీపీ స్కాంలో భాగంగా.. మీకు మీ స్నేహితుడి పేరుతో తెలియని నంబర్‌ నుంచి మెసేజ్‌ వస్తుంది. తన ఫోన్‌‌ నెంబర్ పనిచేయడంలేదని.. వాట్సాప్‌ ఖాతా వేరే ఫోన్‌లో ఉపయోగించేందుకు ఓటీపీ కోసం నీ ఫోన్‌ నంబర్‌ ఇచ్చానని.. ఆ ఓటీపీని తనకు పంపించాలని దాని సారాంశం. మీరు ఓటీపీని పంపడం కోసం మీ స్నేహితుడికి ఫోన్ చేస్తే నా ఫోన్ బాగానే చేస్తుందని చెప్పడంతో పాటు, నేను ఎవరికీ నా నెంబర్ ఇవ్వలేదని చెప్పడంతో మీరు ఆశ్చర్యపోతారు. మీరు కనుక వెంటనే వాట్సాప్ హెల్ప్ లైన్ నెంబర్ కి ఫోన్ చేస్తే అది స్కాం అని తెలుస్తుంది. అందుకోసమే మీకు వేరే నెంబర్ నుండి ఓటీపీ వస్తే ఒకటికి రెండు సార్లు ఆలోచించండి. (చదవండి: వన్‌ప్లస్ 9ప్రో డిజైన్ ఫస్ట్ లుక్)  ఒక వేల మీరు ఓటీపీ కోడ్‌ను హ్యాకర్‌కు పంపితే, మీ మిత్రుడు తన స్వంత వాట్సాప్ ఖాతాకు తిరిగి లాగిన్ కాలేరు. అప్పుడు మీ మిత్రుడి ఖాతాపై పూర్తి నియంత్రణ హ్యాకర్ చేతికి వెళ్తుంది. వెంటనే మీ మిత్రుడి ఖాతాలోని ముఖ్యమైన సమాచారాన్ని చోరీ చేయడంతో పాటు మిమ్మల్ని డబ్బులు కూడా అడిగే అవకాశం ఉంది. మళ్ళీ ఇదేవిదంగా మీ ఇతర స్నేహితుల ఖాతాలను కూడా హ్యాక్ చేయవచ్చు. అందుకని మనం, మనకు తెలియని నెంబర్ నుండి ఎటువంటి సందేశం వచ్చిన స్పందించకపోవడం మంచిది. అలానే మీ వాట్సాప్‌ ఖాతాకు టూ-స్టెప్‌ వెరిఫేకేషన్‌ను ఎనేబుల్ చేసుకోవడం చాలా మంచిది. దాని వల్ల ఓటీపీతో పాటు ఖాతా వెరిఫికేషన్‌కి ప్రత్యేక పిన్‌ ఎంటర్ చేయాల్సి ఉంటుంది. దాని వల్ల పొరపాటున మీరు ఓటీపీ పంపినా పిన్‌ నంబరు ఉండదు కాబట్టి మీ ఖాతాను హ్యాక్‌ చేయలేరు. ఒక వేళ ఓటీపీ పంపి మీ ఖాతా హ్యాక్ అయితే వెంటనే మీ వాట్సాప్‌ని రీసెట్ చేసి తిరిగి లాగిన్ అవ్వండి.   

కంప్యూటర్‌ యుగం ఇది. ప్రతి చిన్న పనికి మనం టెక్నాలజీపై ఆధారపడుతున్నాం. మొబైల్స్, బ్యాంక్ అకౌంట్స్, మెయిల్స్‌లలో మన వ్యక్తిగత సమాచారాన్ని దాచుకుంటున్నాం. ఈ సమాచారం అంతా బహిర్గతం కాకుండా ఉంచడంలో పాస్‌వర్డ్‌లు కీరోల్‌ పోషిస్తున్నాయి. అందుకే మనం క్రియేట్ చేసే పాస్ వర్డ్ చాలా కష్టంగా ఉండాలని నార్డ్ పాస్ అనే సైబర్ సెక్యూరిటీ సంస్థ తెలిపింది. తేలికైన పాస్‌వర్డ్‌లను క్రియేట్‌ చేస్తే.. హ్యాకర్లు సులభంగా సమాచారాన్ని తస్కరిస్తారని హెచ్చరించింది. ఇక ఈ ఏడాదికి గాను ప్రపంచంలో అత్యంత చెత్త పాస్‌వర్డ్‌లు ఇవేనని కొన్ని రకాల పాస్‌వర్డ్‌లను విడుదల చేసింది. 2020లో అత్యంత చెత్త పాస్ వర్డ్ 123456 అని వెల్లడించింది. దీన్ని హ్యాకర్లు 2.3 కోట్ల సార్లు ఛేదించారట. దీని తర్వాత స్థానంలో 1234567889 ఉంది. మూడో స్థానంలో picture1 అనే పాస్ వర్డ్ నిలిచింది. వీటితో పాటు password,123456, qwerty, ‘111111’, ‘12345678’, ‘123123’, '12345' '1234567890’, ‘1234567’, ‘qwerty, ‘abc123’, ‘Million2’, ‘000000’, ‘1234’, ‘iloveyou’, ‘aaron431’, ‘password1’, ‘qqww1122’లను అత్యంత చెత్త పాస్ట్‌వర్డ్‌లుగా ప్రకటించింది. ప్రపంచంలో అనేకమంది ఇలా సాధారణమైన పాస్ వర్డ్ లు పెట్టుకుని హ్యాకర్ల బారినపడుతుంటారని నార్డ్ పాస్ వెల్లడించింది. ఆన్ లైన్ లో మన వ్యక్తిగత సమాచారం, ఆన్ బ్యాంకింగ్ లో మన డబ్బు సురక్షితంగా ఉండాలంటే క్లిష్టంగా ఉండే పాస్ వర్డ్ ను ఎంపిక చేసుకోవాలని, లేదంటే హ్యాకర్ల ఉచ్చులో పడాల్సి వస్తుందంటూ హెచ్చరించింది. అలాగే ప్రతి 90 రోజులకు ఒకసారి పాస్ట్‌వర్డ్‌లను మార్చు కోవాలని సూచించింది.

సాక్షి, హైదరాబాద్‌: కోవిడ్‌ పుణ్యమా అని ఇప్పుడు డిజిటల్‌ ప్రపంచానికి, వాస్తవానికి మధ్య అంతరం దాదాపుగా చెరిగిపోయింది. ఐటీ ఉద్యోగాలు ఇళ్లకు చేరిపోవడం, పాఠశాలలు నట్టింట్లోకి వచ్చేయడం, కొత్త ఫోన్లు, ల్యాప్‌టాప్‌లు తరచూ కొనేస్తుండటంతో మనకొచ్చిన సౌలభ్యమేమిటో తెలియదు గానీ.. సైబర్‌ నేరగాళ్ల పంట పండుతోంది.. ఈ కోవిడ్‌ కాలంలోనూ హ్యాకర్ల పని మూడు పువ్వులు ఆరు కాయలుగా సాగుతోంది. ఈ నేపథ్యంలోనే డిజిటల్‌ భద్రతపై ఇకనైనా కాసింత దృష్టి పెట్టాలని నిపుణులు సూచిస్తున్నారు. ప్రముఖ ఐటీ భద్రత సంస్థ నార్టన్‌ జరిపిన ఒక సర్వే ప్రకారం ఇటీవలి కాలంలో సైబర్‌ నేరాల తీవ్రత అంతకంతకూ పెరిగిపోతోంది. డిజిటల్‌ వెల్‌నెస్‌ రిపోర్ట్‌ పేరుతో సిద్ధం చేసిన ఈ సర్వే వివరాలు ఇలా ఉన్నాయి.. కోవిడ్‌ మహమ్మారి కాలంలో హ్యాకర్లు కంపెనీల నెట్‌వర్క్‌లలోకి చొరబడటం, వినియోగదారుల వ్యక్తిగత సమాచారాన్ని సేకరించడం ఎక్కువైంది. నార్టన్‌ లైఫ్‌లాక్‌ సైబర్‌ సేఫ్టీ ఇన్‌సైట్స్‌ 2019 నివేదిక ప్రకారం.. భారత్‌లో సర్వేలో పాల్గొన్న వారిలో కనీసం 39 శాతం మంది వ్యక్తిగత గుర్తింపు తస్కరణ బారినపడ్డారు. మాల్‌వేర్‌ల సాయంతో కంప్యూటర్లపై పట్టు సాధించి వ్యక్తిగత, ఆర్థిక సమాచారాన్ని తస్కరించడం సాధారణమైపోతోంది. ఈ సమాచారాన్ని బ్రోకర్లకు అమ్ముకుని హ్యాకర్లు సొమ్ము చేసుకుంటున్నారు..సైబర్‌ నేరగాళ్ల ఆటకట్టించేందుకు వర్చువల్‌ ప్రైవేట్‌ నెట్‌వర్క్‌ క్లుప్తంగా వీపీఎన్‌ చాలా ముఖ్యమని డిజిటల్‌ వెల్‌బీయింగ్‌ 2020 సర్వే ద్వారా స్పష్టమైంది. ఇంటి నుంచి పనిచేస్తున్న సిబ్బంది కంపెనీతో సురక్షిత పద్ధతిలో కనెక్టయ్యేందుకు వీపీఎన్‌ ఉపయోగపడుతుంది. సమాచారం మొత్తాన్ని రహస్య సంకేత భాషలోకి మార్చేయడం వల్ల హ్యాకర్ల పప్పులు ఉడకవు.   వైర్‌లెస్‌ ఫిడిలిటీ లేదా వైఫై కనెక్షన్‌కూ భద్రత ఏర్పాట్లు ఉండేలా చూసుకోవడం ద్వారా సైబర్‌ నేరగాళ్ల బారిన పడటం తక్కువవుతుందని, బహిరంగ ప్రదేశాల్లో ఉచితంగా లభించే వైఫై విషయంలో ఆచితూచి వ్యవహరించాలని ఈ సర్వే తెలిపింది. డిజిటల్‌ వెల్‌నెస్‌ రిపోర్ట్‌ కోసం సర్వే చేసిన వారిలో 24 శాతం మంది పబ్లిక్‌ వైఫై ఉపయోగిస్తున్నట్లు తెలపడం ఇక్కడ గమనించదగ్గ విషయం..లాక్‌డౌన్‌ సమయంలో కేవైసీ (నో యువర్‌ కస్టమర్‌) పేరుతో వ్యక్తిగత గుర్తింపు సమాచారాన్ని దొంగిలించడం ఎక్కువైందని తేలింది. డార్క్‌వెబ్‌లో నిక్షిప్తమయ్యే ఈ సమాచారాన్ని తొలగించడం అంత సులువు కాదు. అందువల్లనే ఆన్‌లైన్‌లో ఎవరితోనైనా సమాచారం పంచుకునే విషయంలో చాలా జాగ్రత్తగా వ్యవహరించాల్సి ఉంటుంది.

న్యూఢిల్లీ:  సైబర్‌ ప్రపంచాన్ని హ్యాకర్లు హడలెత్తిస్తున్నారు. ప్రపంచంలో ఎక్కువ మంది ఉపయోగిస్తున్న మెసేజింగ్ యాప్ వాట్సాప్‌ను సైతం హ్యాకర్లు తమ చేతుల్లోకి తీసుకుంటున్నారు. ఎండ్‌ టూ ఎండ్‌ ఎన్‌క్రిప్షన్‌ ఉందని వాట్సాప్‌ డెవలపర్లు చెబుతున్నా ఆ ఫీచర్‌.. పేరుకే పరిమితమవుతోంది. మనం చేసే మెసేజులు, పంపించే వీడియోలు మూడో వ్యక్తి కంటపడవని వాట్సాప్‌ ప్రకటిస్తున్నా హ్యాకర్లు ఈజీగా తమ పని కానిచ్చేస్తున్నారు. (చదవండి: ఢిల్లీ అల్లర్లు: 'వాట్సాప్‌ గ్రూప్‌'పై కేసు) ఇటువంటి తరుణంలో వాట్సాప్‌ సెట్టింగ్స్‌లో చిన్నచిన్న మార్పులు చేస్తే ఇక మీ చాటింగ్‌ మొత్తం సురక్షితంగా ఉంచుకోవచ్చు. వాట్సాప్‌లోని చాటింగ్‌ డేటా డిఫాల్ట్‌గా ప్రతిరోజూ గూగుల్‌ డ్రైవ్‌లోకి బ్యాకప్‌ అవుతుంటుంది. గూగుల్‌ డ్రైవ్‌లోని సమాచారానికి కూడా ఎండ్‌ టూ ఎండ్‌ ఎన్‌క్రిప్షన్‌ ఉందని చెబుతున్నా ఇక్కడి నుంచే ఎక్కువగా యూజర్ల డేటా లీక్‌ అవుతుంటుందని నిపుణులు చెబుతున్నారు. అందుకే.. చాట్‌ డేటా బ్యాకప్ చేసే సమయంలో జాగ్రత్త వహించాలి. దీని కోసం ఏం చేయాలంటే... ముందుగా వాట్సాప్‌ ఓపెన్‌ చేసి సెట్టింగ్స్‌ 'ఆప్షన్‌' క్లిక్‌ చేయాలి.  ఇప్పుడు మరో మెనూ ఓపెన్‌ అవుతుంది. అందులో డార్క్‌ కలర్‌లో కనిపించే 'బ్యాకప్‌'పై క్లిక్‌ చేయాలి.  మొత్తం ఐదు ఆప్షన్లు ఓపెన్‌ అవుతాయి. అందులో 'never' లేదా 'only when i tap backup' ఆప్షన్లను సెలెక్ట్‌ చేసుకోవాలి.  ఈ రెండు ఆప్షన్లలో ఏదో ఒకటి సెలెక్ట్‌ చేస్తే ఇకపై ఆటోమేటిక్‌గా బ్యాకప్‌ ప్రాసెస్‌ జరగదు. చాటింగ్‌ డేటా కూడా గూగుల్‌ డ్రైవ్‌లోకి అప్‌లోడ్‌ అవదు.  ఒకవేళ ఎప్పుడైనా చాటింగ్‌ డేటా బ్యాకప్‌ తీసుకోవాలనుకున్నా వైఫై ద్వారా కాకుండా మొబైల్‌ డేటా ద్వారానైతే హ్యాకర్ల బారిన పడకుండా నిరోధించవచ్చు. 

సాక్షి, అమరావతి: సైబర్‌ కేటుగాళ్లు సరికొత్త మోసాలతో హడలెత్తిస్తున్నారు. కరోనా సమయంలో విస్తృతమైన ఇంటర్నెట్‌ వాడకాన్ని ఆసరాగా చేసుకుని నేరాలకు పాల్పడుతున్నారు. దేశవ్యాప్తంగా ప్రముఖులు, వృత్తి నిపుణుల వాట్సాప్, సోషల్‌ మీడియా ఖాతాలను హ్యాక్‌ చేయడం ఆందోళన కలిగిస్తోంది. మంగళవారం హైదరాబాద్‌లో వందల మంది వాట్సాప్‌లు హ్యాకింగ్‌ కారణంగా క్రాష్‌ కావడం, వీరిలో పలువురు ప్రముఖులు ఉండటం కలకలం రేకెత్తిస్తోంది.  హ్యాకింగ్‌ ఇలా: సైబర్‌ నేరగాళ్లు తొలుత ఎంపిక చేసుకున్న కొందరికి ‘అర్జంట్‌ హెల్ప్‌’ అని ఆరు డిజిట్ల కోడ్‌లతో వాట్సాప్‌ మెస్సేజ్‌  పంపిస్తారు. బాధితుడు పొరపాటున దీన్ని క్లిక్‌ చేసినా, తిరిగి సమాధానం ఇచ్చినా వెంటనే వాట్సాప్‌ ఖాతాను హ్యాక్‌ చేసి ఆ కాంటాక్ట్‌లోని పలువురికి తిరిగి ఆరు డిజిట్ల కోడ్‌ మెస్సేజ్‌ పంపిస్తారు. ఆ వెంటనే ‘సారీ...పొరపాటున మెస్సేజ్‌ పంపించా. దాన్ని నాకు తిరిగి పంపించండి’ అని కోరతారు.  ఆ మెస్సేజ్‌ను తిరిగి పంపినా, సంబంధిత లింక్‌ మీద క్లిక్చేసినా వెంటనే వారి వాట్సాప్‌ హ్యాక్‌ అవుతుంది. అందులోని సమాచారాన్ని తస్కరిస్తారు.  “ఓటీపీ’ పరమ రహస్యమే  – హ్యాకింగ్, సైబర్‌నేరాల బారిన పడకుండా తీసుకోవాల్సి జాగ్రత్తలను సీఐడీ విభాగం సూచించింది.  – ఓటీపీ నంబర్‌ను ఎట్టి పరిస్థితుల్లోనూ ఇతరులకు చెప్పొద్దు. – తెలిసినవారి నంబర్‌ నుంచి ఫోన్‌ వచ్చినా సరే, ఎవరు అడిగినా,  మెస్సేజ్‌ పెట్టినా ఓటీపీ నంబర్‌ వెల్లడించకూడదు. ఒక్కోసారి వారికి తెలియకుండానే హ్యాకింగ్‌ బారిన పడే ప్రమాదం ఉంది కాబట్టి ఓటీపీని చెప్పకూడదు.  – ఓటీపీ నంబర్‌ కేవలం 10 నిముషాలపాటే చెల్లుబాటులో ఉంటుంది కాబట్టి ఆ కొద్దిసేపు కాలయాపన చేస్తే మోసాల బారి నుంచి కాపాడుకోవచ్చు. –  తెలియని లింక్‌లను క్లిక్‌ చేయొద్దు   2 స్టెప్‌ వెరిఫికేషన్‌  – వాట్సాప్‌ హ్యాక్‌ కాకుండా ఉండేందుకు అదనపు రక్షణ వ్యవస్థను ఏర్పాటు చేసుకోవాలి. అందుకోసం స్మార్ట్‌ఫోన్లలో ఉన్న ‘2 స్టెప్‌ వెరిఫికేషన్‌’ సౌలభ్యాన్ని ఉపయోగించుకోవాలి. వాట్సాప్‌లో అకౌంట్‌ సెక్షన్‌లోకి వెళితే ‘2 స్టెప్‌ వెరిఫికేషన్‌’ ఆప్షన్‌ ఉంటుంది. దాన్ని క్లిక్‌ చేసి ఎనేబుల్‌ చేసుకోవాలి. అనంతరం పాస్‌వర్డ్‌ ఏర్పాటు చేసుకోవాలి. ఎవరైనా హ్యాకర్‌ వాట్సాప్‌ను హ్యాక్‌ చేయాలని ప్రయత్నిస్తే కోడ్‌ అడుగుతుంది.   అప్రమత్తతతో రక్షణ.. – పీవీ సునీల్‌ కుమార్, అదనపు డీజీ, సీఐడీ విభాగం ‘అప్రమత్తతే సైబర్‌నేరాల నుంచి రక్షణ కల్పిస్తుంది. ఎవరైనా ఓటీపీ నంబర్‌ అడిగితే ఎట్టి పరిస్థితుల్లోనూ చెప్పొద్దు. ఒక్కోసారి బాగా చదువుకున్న వారు కూడా ఓటీపీ నంబర్‌ బహిర్గతం చేసి మోసపోతున్నారు. ఓటీపీ చెప్పకపోతే సైబర్‌ నేరగాళ్లు చాలా వరకూ ఏమీ చేయలేరు. ఎవరైనా మోసపోయామని గుర్తిస్తే వెంటనే పోలీసులకు ఫిర్యాదు చేయాలి’ నేరగాళ్ల ఫోన్లలోకి బాధితుల వాట్సాప్  – సైబర్‌ క్రిమినల్స్‌ తమ ఫోన్‌లో వాట్సాప్‌ను ఇన్‌స్టాల్‌ చేసుకుని ఎంపిక చేసుకున్న ఓ ఫోన్‌ నంబర్‌ను వెరిఫికేషన్‌ కోసం ఎంటర్‌ చేస్తున్నారు. దీంతో వెరిఫికేషన్‌ కోడ్‌ ఆ నెంబర్‌కు వెళుతుంది. ఆ వెంటనే సదరు నంబర్‌కు ఫోన్‌ చేస్తున్న కేటుగాళ్లు పొరపాటున మీ ఫోన్‌కు వచ్చిందని, దయచేసి ఆ వివరాలు చెప్పాలని నమ్మబలుకుతున్నారు. ఆ వివరాలు చెప్పగానే బాధితుడి వాట్సాప్‌ క్రాష్‌ అవుతుంది. ఆ వాట్సాప్‌ ఖాతా సైబర్‌ నేరగాడి ఫోన్‌లోకి మారిపోతుంది. అనంతరం వాట్సాప్‌ను యాక్సెస్‌ చేసి సెట్టింగ్స్‌ను మారేస్తున్నారు. వెరిఫికేషన్‌ కోడ్‌తోపాటు హింట్‌ ప్రశ్నను చేర్చడంతో బాధితులు మరోసారి ఇన్‌స్టాల్‌ చేసుకునేందుకు ప్రయత్నించి విఫలమవుతున్నారు. 

వాషింగ్టన్‌: అమెరికా ఎన్నికలు ఇంకా నెలన్నర ఉండగానే హ్యాకర్ల బాంబు పేలింది. గత ఎన్నికల్లాగే ఈ ఎన్నికల్లోనూ విదేశీ హ్యాకర్లు తలదూర్చే ప్రమాదముందంటూ ప్రముఖ సాఫ్ట్‌వేర్‌ కంపెనీ మైక్రోసాఫ్ట్‌ హెచ్చరించింది. ప్రధానంగా రష్యా, చైనా, ఇరాన్‌ల నుంచి ఎన్నికలకు ముప్పు పొంచి ఉందంటూ హెచ్చరికలు జారీ చేసింది. ట్రంప్‌ మళ్లీ గెలవాలని రష్యా కోరుకుంటే, కచ్చితంగా ట్రంప్‌ ఓడిపోవాలన్నది చైనా, ఇరాన్‌ ఆశ. 2016 తరహాలో ఈ సారి కూడా అమెరికా ఎన్నికల్లో విదేశీ హ్యాకర్లు రంగంలోకి దిగినట్టు ట్రంప్‌ ప్రభుత్వానికి మైక్రోసాఫ్ట్‌ హెచ్చరికలు పంపింది. రష్యా, చైనా, ఇరాన్‌ నుంచి హ్యాకర్ల ముప్పు వాటిల్లుతోందని, ప్రజల తీర్పును తారుమారు చేసే వ్యూహం పన్నుతున్నాయని, విదేశీ హ్యాకర్లపై తమకు కచ్చితమైన ఆధారాలున్నాయన్న మైక్రోసాఫ్ట్‌ తెలిపింది. 2016 ఎన్నికల్లో డెమొక్రాట్ల ఆన్‌లైన్‌ క్యాంపెయిన్‌ అనూహ్యంగా దారి తప్పింది. డెమొక్రాట్ల అభ్యర్థి హిల్లరీ క్లింటన్‌ సందేశాలు, వీడియో క్లిప్పులు, సోషల్ మీడియా మెసెజ్‌లు ఎంతగా ప్రయత్నించినా ఓటర్లకు చేరలేదన్న ఆరోపణలున్నాయి. దీని వెనక రష్యా హ్యాకర్ల హస్తం ఉందంటూ అప్పట్లో గగ్గోలు పెట్టారు డెమొక్రాట్లు. ఆ విషయం దర్యాప్తులో తేలకుండానే 2020 ఎన్నికలు వచ్చాయి. అధ్యక్ష పదవికి అభ్యర్థులు ఖరారై ప్రచారం ఊపందుకుంటున్న వేళ.. మైక్రోసాఫ్ట్‌ బాంబు పేల్చింది. ఇప్పటికే విదేశీ హ్యాకర్లు రంగంలోకి దిగినట్టు ప్రాథమిక దర్యాప్తులో తేలినట్టు మైక్రోసాఫ్ట్‌ తెలిపింది. డొనాల్డ్‌ ట్రంప్‌, బైడెన్‌ ప్రచారంపై సైబర్‌ రాడార్‌ పెట్టారని, 200 కంపెనీల సాయంతో రష్యా హ్యాకింగ్‌ చేస్తోన్నట్టు మైక్రోసాఫ్ట్‌ వెల్లడించింది. ఇప్పటికే రంగంలోకి రష్యా కంపెనీ స్ట్రోంటియం గ్రూప్‌ దిగిందని, గతంలో బ్రిటన్‌ ఎన్నికల్లోనూ చిచ్చుబెట్టినట్టు స్ట్రోంటియం గ్రూప్‌పై ఆరోపణలున్నాయని తెలిపింది. స్ట్రోంటియం గ్రూప్‌ రష్యా ఇంటలిజెన్స్‌ సర్వీస్‌కు దగ్గరి సంబంధాలున్నాయని మైక్రోసాఫ్ట్‌ వెల్లడించింది. అమెరికాకు చిరకాల ప్రత్యర్థి అయిన రష్యా ఇప్పుడు మరోసారి అమెరికా అధ్యక్ష ఎన్నికల్లో చిచ్చు పెట్టబోతుందన్నది మైక్రోసాఫ్ట్ హెచ్చరిక. రష్యా ఇంటలిజెన్స్‌ సర్వీస్‌ జీఆర్‌యూ మిలిటరీ సర్వీసెస్‌కు అత్యంత సన్నిహితంగా మెలిగే సంస్థ స్ట్రోంటియం గ్రూప్‌. సైబర్‌ దాడులకు స్ట్రోంటియం గ్రూప్‌ పెట్టింది పేరు. ఇప్పుడిదే గ్రూప్‌ అమెరికాలోనూ ప్రజాభిప్రాయాన్ని తప్పుబట్టించే పనిలో పడిందన్నది మైక్రోసాఫ్ట్‌ వెల్లడించిన అంశం. ఇప్పటివరకు రష్యా కంపెనీ చేసిన సైబర్‌ అటాక్‌లను అడ్డుకున్నామని, అయితే ఇప్పుడు చైనా, ఇరాన్‌లు జత కలిసాయని, ఈ గ్రూప్‌ ఆట కట్టించకపోతే ఫలితాలు తారుమారయ్యే అవకాశముందని మైక్రోసాఫ్ట్‌ హెచ్చరించింది. పార్టీలు, నాయకులు వాడుతున్న సోషల్‌ మీడియా యాప్‌లో చాలా లొసుగులున్నాయని, సరిగ్గా ఇక్కడే రష్యా, చైనా, ఇరాన్‌ సైబర్‌ అటాక్‌ చేస్తున్నాయని తెలిపింది. జో బైడెన్‌ క్యాంపెయిన్‌లో కీలకంగా ఉన్న కొందరి ఈమెయిల్‌ అకౌంట్లను ఇప్పటికే హ్యాక్‌ చేశారని, ట్రంప్‌ దగ్గరి మనుషుల్లోనూ కొందరి ఈమెయిల్‌ హ్యాక్‌ అయ్యాయని తెలిపింది. అమెరికాకు వ్యతిరేకంగా వ్యవహరించే దేశాలైన రష్యా, చైనా, ఇరాన్‌ ఈ విషయంలో ఒకరికొకరు సహకారం అందించుకుంటున్నట్టు తెలిసింది. ఇప్పటికే అమెరికా ఎన్నికలపై చైనా డేగ కన్ను వేసినట్టు గుర్తించారు. హ్యాకింగ్‌లో సిద్ధహస్తులైన తన కంపెనీ జిర్కోనియంను చైనా రంగంలోకి దింపినట్టు తెలుస్తోంది. విద్యార్థి వీసాల రూపంలో అమెరికాలో ఉంటోన్న పలువురిని జిర్కోనియం రంగంలోకి దించినట్టు గుర్తించారు. హ్యాకింగ్‌ ఉప్పందగానే అమెరికా దాదాపు వెయ్యి మంది చైనా విద్యార్థుల వీసాలు  రద్దు చేసింది. హ్యాకింగ్‌కు ప్రయత్నిస్తున్న దేశాలు.. ప్రధానంగా అమెరికా ప్రముఖ సంస్థల రికార్డులను టార్గెట్‌ చేసినట్టు గుర్తించారు. ఇరాన్‌ కంపెనీ పాస్పరస్‌ కూడా చైనా, రష్యాలకు దీటుగా ప్రయత్నిస్తున్నట్టు తెలిసింది. ఒక అడుగు ముందుకేసి ఏకంగా వైట్‌హౌజ్‌ అధికారులపై ఇరాన్‌ నిఘా పెట్టినట్టు తెలిసింది. మే, జూన్‌ నెలల్లో ఇరాన్‌ కంపెనీ పాస్పరస్‌ ప్రయత్నాలు చేసిందని, ఈ ప్రయత్నాలను పసిగట్టినట్టు గూగుల్‌ కంపెనీ వెల్లడించింది. (చదవండి: ఏనుగు లేదా గాడిద.. ఎవరిది పైచేయి?!) రష్యా, చైనా, ఇరాన్‌.. మూడింటికి అమెరికా అంటే పీకలదాక కోపం ఉంది. ఇప్పుడు ఈ మూడు తమ కంపెనీలను రంగంలోకి దించాయి. చైనా కంపెనీ జిర్కోనియం ప్రముఖ సంస్థలను టార్గెట్‌ చేస్తే.. ఇరాన్‌ కంపెనీ పాస్పరస్‌ ఏకంగా వైట్‌ హౌజ్‌ అధికారుల ఖాతాలను తస్కరించినట్టు తెలిసింది. చైనా, ఇరాన్‌ చేసిన ప్రయత్నాలను తాము పసిగట్టినట్టు గూగుల్‌ కూడా వెల్లడించింది. మైక్రోసాఫ్ట్‌, గూగుల్‌ ఆరోపణలను రష్యా, చైనా వేర్వేరుగా ఖండించాయి. అమెరికా ఎన్నికలతో తమకు సంబంధం లేదంటూ రష్యా, చైనా, ఇరాన్‌ చెబుతున్నా.. అన్ని వేళ్లు మాత్రం ఆ మూడు దేశాలపైనే చూపిస్తున్నాయి. అమెరికా హోంలాండ్‌ సెక్యూరిటీలో అత్యున్నత సైబర్‌ డిపార్ట్‌మెంట్‌ ఇప్పటికే వీటిపై దృష్టి పెట్టింది. మైక్రోసాఫ్ట్‌, గూగుల్‌ కంపెనీలు ఇచ్చిన సమాచారాన్ని మరింత విశ్లేషించే పనిలో హోంలాండ్‌ అధికారులు పడ్డారు. మూడు దేశాలది అమెరికాపై కోపమే అయినా ఇందులో చిన్న ట్విస్ట్‌ ఉంది. రష్యా మరోసారి ట్రంప్‌ గెలవాలని కోరుకుంటోండగా, చైనా మాత్రం ట్రంప్‌ ఎట్టి పరిస్థితుల్లో గెలవద్దంటోంది. చైనా తరహాలోనే ఇరాన్‌ ఆలోచిస్తుంది. తమపై సైనిక దాడి చేసినందుకు ట్రంప్‌కు బుద్ధి చెప్పాలన్నది ఇరాన్‌ లక్ష్యం. ఎవరి టార్గెట్‌ ఎలా ఉన్నా.. ఇప్పటికే విలువైన కొంత సమాచారం హ్యాకర్లకు చిక్కినట్టు ఇంటలిజెన్స్‌ అధికారులు భావిస్తున్నారు. అగ్రరాజ్యమని చెప్పుకునే తమకు ఇలాంటి పరిస్థితి ఎదురుకావడంపై హోంలాండ్‌ అధికారులు గుర్రుగా ఉన్నారు. హ్యాకర్ల ఆట పూర్తి స్థాయిలో కట్టించడానికి అన్ని విధాలుగా ప్రయత్నిస్తున్నారు. (చదవండి: నిజంగా అమెరికాలో ఆ పరిస్థితి ఉందా?)

న్యూఢిల్లీ: ప్రధాని నరేంద్ర మోదీ వ్యక్తిగత ట్విటర్‌ ఖాతా హ్యాకింగ్‌కు గురైంది. ఈ విషయాన్ని ట్విటర్‌ ప్రతినిధులు ధ్రువీకరించారు. భారత ప్రధాన మంత్రి మోదీ వ్యక్తిగత ట్విటర్‌ అకౌంట్‌ గురువారం వేకువ జామున హ్యాక్‌ అయిందని, ఈ ఘటనపై విచారణ ప్రారంభించినట్లు తెలిపారు. ఈ ఖాతాను పునరుద్ధరించేందుకు అన్ని చర్యలు చేపట్టిన్లు వెల్లడించారు. ఇతర ఖాతాలపై ఇలాంటి ప్రభావం ఉంటుందని భావించడం లేదని చెప్పుకొచ్చారు. కాగా కోవిడ్‌-19 నేపథ్యంలో పీఎం నేషనల్‌ ఫండ్‌ ద్వారా క్రిప్టోకరెన్సీ రూపంలో విరాళాలు ఇవ్వాలని ఆయన కోరినట్లుగా నేరగాళ్లు వరుస ట్వీట్లు చేశారు. ‘‘ఈ ఖాతాను జాన్‌ విక్‌ (hckindia@tutanota.com) హ్యాక్‌ చేసింది. మేం పేటీఎం మాల్‌ను హ్యాక్‌ చేయలేదు’’ అని పేర్కొన్నారు. కాగా ప్రధాని మోదీ వ్యక్తిగత వెబ్‌సైట్‌కు అనుసంధానంగా ఉన్న narendramodi_in హ్యాండిల్‌కు 2.5 మిలియన్‌ ఫాలోవర్లు ఉన్నారు. ఈ అకౌంట్‌ నుంచి మోదీ ఇప్పటి వరకు సుమారుగా 37 వేల ట్వీట్లు చేశారు. చివరిసారిగా ఆగష్టు 31న మన్‌ కీ బాత్‌ గురించి ఇందులో ప్రస్తావించారు. ఇక ట్విటర్‌ చరిత్రలో ఎన్నడూ లేని విధంగా జూలైలో ఎంతో మంది ప్రముఖుల ఖాతాలు హ్యాకింగ్‌కు గురైన విషయం తెలిసిందే. (చదవండి: అన్ని రంగాల్లోనూ ఆత్మనిర్భర్‌ ) అమెరికా మాజీ అధ్యక్షుడు బరాక్‌ ఒబామా, ప్రస్తుతం డెమొక్రటిక్‌ పార్టీ తరఫున అమెరికా అధ్యక్ష ఎన్నికల బరిలో నిలిచిన జో బిడెన్‌, టెస్లా సీఈవో ఎలన్‌ మస్క్‌, అమెజాన్‌ అధినేత జెఫ్‌ బెజోస్‌, ప్రముఖ బిలియనీర్‌ వారెన్‌ బఫెట్‌ తదితరుల ఖాతాలను సైబర్‌ నేరగాళ్లు హ్యాక్‌ చేశారు. వీరితో పాటు అనేక వ్యాపార సంస్థల పేరిట ట్వీట్లు పెట్టిన హ్యాకర్లు.. డిజిటల్‌ కరెన్సీ(బిట్‌కాయిన్)‌ స్కామ్‌కు విఫలయత్నం చేశారు. కాగా గతేడాది ఆగష్టులో ట్విటర్‌  సీఈవో,  సహ  వ్యవస్థపాకుడు జాక్ డోర్సీ ఖాతాను హ్యాక్ చేసిన నేరగాళ్లు వివాదాస్పద ట్వీట్లతో బెంబేలెత్తించిన విషయం తెలిసిందే.

టొరంటో: కెనాడాలో భారీ సైబరీ దాడి జరిగింది. ఆన్‌లైన్‌ ప్రభుత్వ సేవాలకు సంబంధించిన వేలాది ఖాతాలు హ్యాకింగ్‌కు గురైనట్లు ఆ దేశ ప్రభుత్వం వెల్లడించింది. సుమారు 30 సమాఖ్య విభాగాలు, రెవెన్యూ ఏజెన్సీ ఖాతాలు ఉపయోగించే జీసీకీ(GCKey)సేవను లక్ష్యంగా చేసుకొని ఈ దాడులు జరిగాయని ట్రెజరీ బోర్డ్ ఆఫ్ కెనడా సెక్రటేరియట్ ఒక పత్రికా ప్రకటనలో వివరించింది. 9,401 మంది జీసీకీ ఖాతాదారుల పాస్‌వర్డ్‌లను సైబర్‌ నేరగాళ్లు దొంగిలించారని గుర్తించామని, అన్నింటిని వెంటనే తొలగించామని కెనడా ప్రభుత్వ అధికారులు వెల్లడించారు. అలాగే 5,500 రెవెన్యూ ఏజెన్సీ ఖాతాలను లక్ష్యంగా చేసుకొని మరో దాడి చేశారని, హ్యాకింగ్‌కు గురైన అకౌంట్లను వెంటనే గుర్తించి తొలగించామని చెప్పారు.  (చదవండి : టిక్‌టాక్‌.. అమెరికా ఆస్తులను అమ్ముకోండి) పెద్ద మొత్తంలో ప్రభుత్వ ఖాతాలు హాకింగ్‌కు గురికావడంతో ప్రభుత్వం అప్రమత్తమైంది. గోప్యత ఉల్లంఘనపై విచారణ జరిపి చర్యలు తీసుకోవాలని పోలీసు శాఖను ఆదేశించింది. కాగా, రెవెన్యూ ఏజెన్సీ ఖాతాలతో సంబంధం ఉన్న బ్యాంకింగ్‌ సమాచారం మార్చబడిందని ఆగస్ట్‌ మొదటి వారంలోనే చాలా మంది కెనెడియన్లు ఫిర్యాదు చేసిన ప్రభుత్వం పట్టించుకోనేట్లు తెలుస్తోంది. ఫలితంగా కరోనావైరస్‌ సంక్షోభ సమయంలో ప్రభుత్వం అందిచిన ఆర్థిక సాయం అర్హులకు అందకుండా పోయిందని ఆ దేశ మీడియా పేర్కొంది. 

ఏదైనా లోకల్‌  నెట్‌వర్క్‌లోకి ప్రవేశించడానికి హ్యాకర్లకు కేవలం 30 నిమిషాలు మాత్రమే పడుతుంది. ఈ విషయం  పాజిటివ్ టెక్నాలజీస్ అనే సంస్థ జరిపిన అధ్యయనాలలో తేలింది.  లోకల్‌  నెట్‌వర్క్‌లు ఎంత తేలికగా హ్యాకింగ్‌కు గురవుతున్నాయి అనే విషయాన్ని తెలుసుకోవాలనే  ఉద్దేశ్యంతో  పాజిటివ్‌ టెక్నాలజీస్‌ ఈ ప్రయోగం చేసింది. దీంట్లో ఎంత తేలికగా హ్యాక్‌ చేయొచ్చొ తెలిసేలా చేసింది. హాస్పటళ్లు, కార్పొరేట్‌ కంపెనీలు, ఫినాన్స్‌,  ఐటీ, టూరిజం ఇలా అన్నింటికి సంబంధించిన వాటి మీద టెస్ట్‌ చేసింది. దీనిలో కొన్ని విస్తుపోయే వాస్తవాలు తెలిశాయి. ప్రతి ఆరుకంపెనీలలో ఒక కంపెనీ తేలికగా హ్యాంకింగ్‌కు గురయ్యే అవకాశాలు ఉన్నట్లు తెలిపారు.  పాజిటివ్‌ టెక్నాలజీస్‌కు సంబంధించిన వారు నిజమైన హ్యాకర్లు ఎలా అయితే దాడికి పాల్పడతారో అలాగే చేశారు. ఇలా చేయడానికి పెంటెస్ట్‌ అని పేరు పెట్టారు. హ్యాకర్లను పెంటెస్టర్లు అని పిలుస్తారు.  పాజిటివ్ టెక్నాలజీస్ పరీక్షించిన సంస్థలలో 93 శాతం స్థానిక నెట్‌వర్క్‌ను యాక్సెస్ చేయగలిగింది. ఈ ప్రయోగంలో కొన్ని సంస్థల డేటా గతంలో హ్యాకింగ్‌ బారిన పడినట్లు తెలిసింది.  స్థానిక నెట్‌వర్క్‌ని హ్యాక్‌  చేయడానికి కనీసం 30 నిమిషాల నుంచి గరిష్టంగా 10 రోజుల వరకు పట్టొచ్చని నిపుణులు తెలిపారు. చాలా సందర్భాల్లో, దాడి సంక్లిష్టత తక్కువగా ఉంటుందని, ఇది ప్రాథమిక నైపుణ్యాలు కలిగిన హ్యాకర్ లోపలికి ప్రవేశించడానికి ఎక్కువ అవకాశాలు కల్పిస్తుందని తెలిపారు. వీటిలో కనీసం ఒక డొమైన్ ఖాతా  పాస్‌వర్డ్‌ను హ్యాకర్ విజయవంతంగా ఛేదించ గలిగితే వారు ఇతర వినియోగదారుల పాస్‌వార్డులను ఆఫ్‌లైన్‌లో హ్యాక్‌ చేయవచ్చని తేలింది.  ఈ ప్రయోగంలో ఇదేవిధంగా చేసి పాజిటివ్‌ టెక్నాలజీస్‌ వారు 90,000 ఈ మెయిల్స్‌ను కనుగొంది.   చదవండి: ఖాతాల హ్యాకింగ్‌పై వివరణ ఇవ్వండి

ముంబై: భారత్‌, చైనా సరిహద్దులో గాల్వనా లోయలో చోటుచేసుకున్న ఘర్షణలో 20 మంది భారత జవాన్లు మృతి చెందిన విషయం తెలిసిందే. ఈ నేపథ్యంలో భారత్‌ను దెబ్బతీసేందుకు చైనా హ్యాకర్స్ వ్యూహ్యాలు రచిస్తున్నాయి. దేశీయ ప్రభుత్వ సంస్థలు, మీడియా, ఫార్మా, టెలికాం తదితర రంగాల సహచారాన్ని తెలుసుకోవడానికి సైబర్‌ దాడులు చేయాలని చైనాకు చెందిన హ్యాకర్స్ వ్యూహాలు రచిస్తున్నట్లు సైబర్‌ ఇంటలిజన్స్‌ సంస్థ సిఫర్మా తెలిపింది. అందులో భాగంగానే సమాచారాన్ని హ్యాక్‌ (రహస్యంగా తెలుసుకోవడానికి) చేయడానికి ప్రయత్నిస్తుందని సిఫర్మా పేర్కొంది. సిఫర్మా సంస్థ తెలిపిన వివరాల ప్రకారం చైనీస్‌ హ్యాకింగ్‌ గ్రూప్‌లు దేశంలోని మీడియా సంస్థలను దెబ్బ తీయడానికి ప్రయత్నిస్తున్నాయని తెలిపింది. చైనా ఆర్మీ ప్రవర్తనను దేశీయ మీడియా సమర్థంగా చూపెట్టిన విషయం తెలిసిందే. ఈ నేపథ్యంలో పలు మీడియా సంస్థలు చైనా హ్యాకర్స్‌ హిట్‌ లిస్ట్‌లో ఉన్నాయని సిఫర్మా సీఈఓ రితేష్‌ కుమార్‌ పేర్కొన్నారు. ఇటీవలే తమ దేశంలో సైబర్‌ దాడులు జరిగే అవకాశముందని ఆస్ట్రేలియా ప్రధాన మంత్రి స్కాట్ మోరిసన్ పేర్కొన్న విషయం తెలిసిందే.

సాక్షి, హైదరాబాద్‌: యాపిల్‌ యూజర్లను హైదరాబాద్‌ సైబర్‌ క్రైమ్‌ పోలీసులు హెచ్చరించారు. ఐఫోన్‌ ఓఎస్‌ను హ్యాక్‌ చేసేందుకు హ్యాకర్లు కొన్ని కోడ్స్‌ను తయారు చేసినట్లు పోలీసులు తెలిపారు. ఆపిల్‌ సంస్థ విడుదల చేసిన సెక్యూరిటీ ప్యాచ్‌లను వేసుకోవాల్సిందిగా సూచించారు. హ్యాకర్ల బారిన పడవదంటూ ఐఫోన్‌ యూజర్లను సైబర్‌ క్రైమ్‌ పోలీసులు హెచ్చరించారు.  చదవండి: (ఫోన్‌ హ్యాక్‌.. #*#4636#*#* ఇది డయల్‌ చేస్తే)

అహ్మాదాబాద్‌ : పబ్‌జీ గేమ్‌ ఓ 22 ఏళ్ల యువతికి తంటాలు తెచ్చిపెట్టింది. ఈ ఆన్‌లైన్‌ గేమ్‌ ద్వారా పరిచమైన యువకుడు.. తన ఫేస్‌బుక్‌, మెయిల్‌లను హ్యాక్‌ చేసి.. పాస్‌వర్డ్‌ రీసెట్‌ చేయాలంటే నగ్నంగా వీడియో కాల్‌ చేయాలని బ్లాక్‌ మెయిల్‌ చేశారు. ఈ సంఘటన గుజరాత్‌లో ఓగ్నాజ్ ప్రాంతంలో చోటు చేసుకుంది. పోలీసులు తెలిపిన వివరాల ప్రకారం.. అహ్మదాబాద్‌కు చెందిన 22 ఏళ్ల యువతి గత కొంత కాలంగా తన స్నేహితురాలితో కలిసి పబ్‌జీ గేమ్‌ ఆడుతోంది. (చదవండి : ‘పిల్ల’ దొరికిందని 1.55లక్షలు అప్పు ఇస్తే..) ఈ క్రమంలో తన స్నేహితురాలి ద్వారా జితేంద్ర అనే యువకుడు బాధితురాలికి పరిచయమయ్యాడు. ఇద్దరి మధ్య స్నేహం ఏర్పడంతో ఫోన్‌ కాల్‌ ద్వారా తమ వ్యక్తిగత విషయాలను పంచుకున్నారు. కొద్ది రోజుల తర్వాత జితేంద్ర అసభ్యకర డిమాండ్ల చేయడం ప్రారంభించడంతో, యువతి అతని ఫోన్‌కాల్‌కు స్పందించడం ఆపేసింది. దీంతో కోపం పెంచుకున్న యువకుడు.. యువతి ఫేస్‌బుక్‌, మెయిల్‌ పాస్‌వర్డలను హ్యాక్‌ చేశాడు.  విషయం తెలుసుకున్న యువతి.. తన పాస్‌వర్డ్‌లను రీసెట్‌ చేయాలని కోరగా.. రూ. 50 వేలు డిమాండ్‌ చేశాడు. జూన్‌ 2వ తేదీన అమ్మాయికి ఫోన్‌ చేసి.. నగ్నంగా వీడియో కాల్‌ చేయాలని జితేంద్ర బ్లాక్‌ మెయిల్‌కు దిగారు. అతని ప్రవర్తనతో విసిగిపోయిన యువతి. పోలీసులకు ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేపట్టారు. 

కుత్బుల్లాపూర్‌: కరోనా మహమ్మారితో కలవరపడుతున్న ప్రజలను సైబర్‌ క్రైమ్స్‌ కునుకు లేకుండా చేస్తున్నాయి. ఉద్యోగాలు కోల్పోవడం, వ్యాపారాలు కుదేలవడం వంటి పరిమాణాలతో ఆర్థికంగా ఇబ్బందులు పడుతున్న వారిలో కొంత మందికి వచ్చే కాల్స్‌తో వారి బ్యాంక్‌ ఖాతాలను ఖాళీ చేస్తున్నాయి. ఫోన్, ఈ–మెయిల్, క్యూఆర్‌ కోడ్స్, ఓటీపీ హ్యాక్‌.. ఇలా పలురకాల దారుల్లో మోసాలు జరుగుతున్నాయి. ఎంతలా అంటే 2019 సంవత్సర కాలంలో సైబర్‌ కేసులు మొత్తం 477 నమోదైతే 2020లో గడిచిన ఐదు నెలలో 485 కేసులు నమోదవడం చూస్తుంటే పరిస్థితి ఎలా ఉందో అర్థం చేసుకోవచ్చు. లాక్‌డౌన్‌లో ఎక్కువగా కేసులు పెరిగాయి. 2016 నుంచి ఇప్పటి వరకు నమోదైన 1,636 సైబర్‌ కేసుల్లో కొన్ని విచిత్రంగా ఉంటాయి. వీటిలో బాధితులు అసలు మాకు బ్యాంక్‌ ఓటీపీ రాలేదని, అయినా మా ఖాతాలు ఖాళీ అయ్యాయని చెప్పడం చూస్తుంటే మనం వాడే ఫోన్‌ని సైతం ఎలా హ్యాక్‌ చేస్తున్నారో అర్థం కాని పరిస్థితి. బ్యాంక్‌ ఖాతాల నుంచి సొమ్ము బదిలీ కావాలంటే ముఖ్యమైంది బ్యాంక్‌ వారు పంపే ‘ఓటీపీ’నే. అయితే ఈ ఓటీపీ మన ఫోన్‌కు రాకుండానే ఖాతా ఖాళీ అవుతుందంటే మన ఫోన్‌ హ్యాక్‌ అయ్యిందా అన్నది ఓ సారి చెక్‌ చేసుకోవాల్సిన అవసరం ఉంది. అసలు మన ఫోన్‌ హ్యాక్‌ అయ్యిందా..? అవలేదా..? అయితే ఎలా మళ్లీ మన కంట్రోల్‌లోకి తెచ్చుకోవాలి..? వంటి సెక్యూరిటీ అంశాలు మీ కోసం.. ఇలా తెలుసుకోండి..  #*#4636#*#* : ఇది డయల్‌ చేస్తే మన ఫోన్‌లోని పూర్తి టెక్నికల్‌ వివరాలు అంటే సిగ్నల్‌ స్ట్రెంత్, మొబైల్‌ సెక్యూరిటీ, కాల్‌ ఫార్వడింగ్‌ వివరాలు, బ్యాండ్‌ విడ్త్, లోకల్‌ ఏరియా వివరాలు ఇలా మీ ఫోన్లో ఉన్న చిన్నచిన్న వివరాలు అన్ని చూపిస్తుంది. ఈ కోడ్‌ ద్వారా మన ఫోన్‌ సిమ్‌ సెట్టింగ్స్‌ కూడా మార్చుకోవచ్చు.   నోట్‌: ఈ కోడ్స్‌ ఎంటర్‌ చేసిన తర్వాత ఒక్కో ఫోన్‌లో ఒక్కో మోడల్‌ను అనుసరించి ఫ్లాష్‌ మెసేజ్‌లు కనిపిస్తాయి. తదనుగుణంగా మనం పరిశీలించుకోవాలి. అదేవిధంగా పైకోడ్స్‌లో ఏవి డయల్‌ చేసినా ‘ఎనబల్‌’ అని కనిపిస్తే ఫార్వర్డింగ్‌లో ఉన్నట్లు లెక్క.. అయితే కాల్‌ ఫార్వర్డింగ్‌ వేన్‌ నాట్‌ రీచబల్‌ అని వస్తే సదరు నెంబరును సరి చూసేకుని అది మీకు సంబంధించినది అయితే అలాగే కంటిన్యూ అవ్వవచ్చు.    ఇలా తెలుసుకోండి..   ♦ మన ఫోన్‌ నుంచి మనకు తెలియకుండా ఎవరికైనా కాల్‌ ఫార్వర్డ్‌ అవుతుండటం, ఎస్‌ఎంఎస్‌లు వెళ్తుండటం వంటి విషయాలను డయల్‌ ప్యాడ్‌ నుంచి కొన్ని కోడ్స్‌ ఎంటర్‌ చేసి తెలుసుకోవచ్చు.   ♦ #21# ఈ కోడ్‌ ఎంటర్‌ చేసి డయల్‌ చేస్తే మీ ఫోన్‌ కాల్‌ ఫార్వర్డ్‌ అవుతుందా? కాల్‌ డైవర్షన్‌ వంటివి జరుగుతున్నాయా లేదో తెలుసుకోవచ్చు. డయల్‌ చేసిన కొన్ని సెకన్లలో స్క్రీన్‌పై ఫ్లాష్‌ మెసేజ్‌ వస్తుంది. అక్కడ కనిపించే డైలాగ్‌ బాక్స్‌లో మన సమాచారం తెలుస్తుంది. ఇక్కడ ఫార్వడింగ్‌ అని వస్తే మీ మొబైల్‌ హ్యాక్‌ అయిపోయినట్లే.   ♦ #62# ఫార్వడింగ్‌ అని వస్తే ఈ కోడ్‌ డయల్‌ చేయాలి. ఈ కోడ్‌ని రిపిటెడ్‌గా మూడుసార్లు చేస్తే మీ కాల్స్‌ లేదా ఎస్‌ఎంఎస్‌లు ఏమైనా ఫార్వడింగ్‌ ఆగిపోతాయి.   ♦ #002# ఈ కోడ్‌ని డయల్‌ చేస్తే ఎప్పటికీ మన ఫోన్‌ నుంచి కాల్స్‌ ఫార్వర్డ్‌ అవ్వవు. ముఖ్యంగా సిమ్‌ అప్పుడప్పుడు వాడే వారు, రోమింగ్‌లో వేరే ఫోన్‌ నంబరు వాడే వారికి ఈ కోడ్‌ ఉపయోగపడుతుంది. ఇప్పటి వరకు ఏమైనా కాల్‌ ఫార్వడింగ్‌ ఉంటే అన్ని ఎరైస్‌ అయిపోతాయి. 

ఇస్లామాబాద్‌ : పాకిస్తాన్‌ మాజీ పేసర్‌ వకార్‌ యూనిస్‌ హ్యాకర్స్‌పై ఆగ్రహం వ్యక్తం చేశాడు. తన సోషల్‌ మీడియా అకౌంట్లు హ్యాక్‌కు గురైనట్లు పేర్కొంటూ ఓ వీడియోను వకార్‌ తన ట్విటర్‌లో పోస్ట్‌ చేశాడు. ఈ సందర్బంగా ఈ మాజీ పేసర్‌ మాట్లాడుతూ.. తన సోషల్‌ మీడియా అకౌంట్లు హ్యాక్‌కు గురయ్యాయని,  హ్యాక్‌ అయిన సమయంలో తన అకౌంట్‌ నుంచి ఏదైనా పోస్ట్‌ అయ్యుంటే పెద్దగా పట్టించుకోకండి అంటూ విజ్ఞప్తి చేశారు. అంతేకాకుండా ఇక జీవితంలో సోషల్‌ మీడియా జోలికి వెళ్లకూడదని నిర్ణయించుకున్నట్లు తెలిపాడు.  వకర్‌ యూనిస్‌ సోషల్‌ మీడియా అకౌంట్లను హ్యాక్‌ చేసిన హ్యాకర్లు పలు పోర్న్‌ వీడియోలు, ఫోటోలకు లైక్‌ కొట్టారు. అంతేకాకుండా పలు అసభ్యకరమైన పోస్టులను షేర్‌ చేశారు. ఈ విషయాన్ని ఆలస్యంగా గుర్తించిన వకార్‌ తన టెక్నికల్‌ టీం సహాయంతో అన్ని అకౌంట్లను తన చేతుల్లోకి తెచ్చుకున్నారు. ఇక ఈ పేస్‌ బౌలర్‌ హ్యాక్‌కు గురవ్వడం ఇదే తొలి సారి కాదు గతంలో కూడా మూడునాలుగు సార్లు ఇలాగే ఇబ్బందులకు గురయ్యాడు. దీంతో అసహనానికి లోనైన వకార్‌ ఇక జీవితంలో సోషల్‌ మీడియా జోలికి వెళ్లనని స్పష్టం చేశాడు. ఇన్ని రోజులు తనను ఫాలో అయిన అభిమానులకు కృతజ్ఞతలు తెలిపాడు. అంతేకాకుండా తన నిర్ణయంతో ఎవరైనా బాధపడి ఉంటే క్షమించండంటూ వకార్‌ పేర్కొన్నాడు.  చదవండి: అందుకే అతడి ముఖం మీద చిరునవ్వు చెరగలేదు ప్రపంచకప్‌-2011 ఫైనల్‌: రెండుసార్లు టాస్‌ pic.twitter.com/cl8iZFykVC — Waqar Younis (@waqyounis99) May 29, 2020

ఫ్యాన్స్‌తో టచ్‌లో ఉండటానికి, తమ గురించి అప్‌డేట్స్‌ ఇవ్వడానికి స్టార్స్‌ సోషల్‌ మీడియాలో యాక్టివ్‌గా ఉంటారు. ఇందులో ఎంత ప్లస్సుందో కొంత మైనస్సు కూడా ఉంది. స్టార్స్‌ సోషల్‌ మీడియా అకౌంట్స్‌ను హ్యాక్‌ చేసి వాళ్లను ఇబ్బందికర పరిస్థితుల్లో నెట్టేస్తుంటారు హ్యాకర్స్‌. తాజాగా పూజా హెగ్డేకు ఇదే పరిస్థితి ఎదురైంది. ఆమె ఇన్‌స్టాగ్రామ్‌ అకౌంట్‌ హ్యాకయింది. ‘మజిలీ’ సినిమాలోని సమంత ఫొటోను షేర్‌ చేసి – ‘‘నాకెందుకో ఆమె (సమంత) అంత అందంగా అనిపించదు’’ అని పూజా ఇన్‌స్టాలో క్యాప్షన్‌ చేశారు హ్యాకర్స్‌. వెంటనే పూజా అప్రమత్తయ్యారు. ఇన్‌స్టాగ్రామ్‌ అకౌంట్‌ హ్యాక్‌ అయిందని తెలిపారామె. ‘‘నా టెక్నికల్‌ టీమ్‌ సహకారంతో అకౌంట్‌ను మళ్లీ మా చేతుల్లోకి తీసుకున్నాం. హ్యాక్‌ అయిన సమయంలో నా అకౌంట్‌ నుంచి ఏదైనా పోస్ట్‌ అయ్యుంటే పెద్దగా పట్టించుకోకండి’’ అన్నారు పూజా. ఇదిలా ఉంటే.. పూజా హెగ్డే అకౌంట్‌లో సమంత గురించి ఇలా పోస్ట్‌ అవ్వడంతో సోషల్‌ మీడియాలో సమంత అభిమానులు ఆగ్రహం వ్యక్తం చేశారు. సమంతకు పూజా హెగ్డే క్షమాపణలు చెప్పాలని ట్వీటర్‌లో ట్రెండ్‌ చేశారు సమంత ఫ్యాన్స్‌.

వాషింగ్ట‌న్:  క‌రోనా వైర‌స్‌ కట్టడికి త‌యారుచేస్తున్న వ్యాక్సిన్ ప‌రిశోధ‌న‌ల్ని చైనా హ్యాక‌ర్స్ దొంగిలించే ప్ర‌య‌త్నం చేస్తున్నారని అమెరికాకు చెందిన సైబ‌ర్ నివేదికలు వెల్ల‌డించాయి. ప్ర‌పంచ‌వ్యాప్తంగా వ్యాక్సిన్‌ను అభివృద్ది చేసేందుకు ప‌లు ప్ర‌భుత్వ‌, ప్రైవేట్ సంస్థలు పోటీప‌డుతున్నాయి. ఈ నేప‌థ్యంలో అంత‌టి విలువైన ప‌రిశోధ‌న‌ల్ని త‌స్క‌రించేందుకు చైనా హ్యాక‌ర్లు ప్ర‌య‌త్నిస్తున్నార‌ని తాము జ‌రిపిన అధ్య‌య‌నంలో వెల్ల‌డైంద‌ని యూఎస్  ఫెడరల్ బ్యూరో ఆఫ్ ఇన్వెస్టిగేషన్,  సైబర్ సెక్యూరిటీ నిపుణులు వెల్ల‌డించారు. (కరోనా టీకా: త్వరలో మనుషులపై ప్రయోగం) హ్యాక‌ర్లుకు చైనా ప్ర‌భుత్వంతో సంబంధం ఉంద‌ని, ప్ర‌భుత్వ ఆదేశాల అనుగుణంగా వారు హ్యాకింగ్‌కు పాల్ప‌డుతున్న‌ట్లు అమెరికా అధికారులు పేర్కొన్నారు. అతికొద్ది రోజుల్లోనే దీనికి సంబంధించి అధికారిక ప్ర‌క‌ట‌న కూడా వెలువ‌డ‌నుంద‌ని తెలిపారు. అయితే అమెరికా చేస్తున్న ఆరోప‌ణ‌ల్ని చైనా విదేశీ వ్యవహారాల మంత్రిత్వ శాఖ ప్రతినిధి జావో లిజియన్ ఖండించారు. సైబ‌ర్ దాడుల‌ను చైనా వ్య‌తిరేకిస్తుందని చెప్పారు. కోవిడ్ చికిత్స విధానం, టీకా ప‌రిశోధ‌న‌ల్లో ప్ర‌పంచాన్ని చైనా న‌డిపిస్తుంద‌ని, ఎటువంటి ఆధారాలు లేకుండా వదంతులు సృష్టించ‌డం అనైతికం అని జావో పేర్కొన్నారు.   

తన సోషల్‌ మీడియా అకౌంట్‌ను ఎవరో హ్యాక్‌ చేశారంటూ హీరోయిన్‌ అనుపమ పరమేశ్వరన్‌ మండిపడ్డారు. ఈ విషయాన్ని సోమవారం ఫేస్‌బుక్‌లో వెల్లడించారు. తెలుగు, మలయాళ చిత్ర పరిశ్రమల్లో నటించిన ఈ కేరళ కుట్టి కొద్ది కాలంలోనే స్టార్‌ హీరోయిన్‌ల జాబితాలో చేరారు. ఇక అనుపమ సోషల్‌ మీడియాలో అంతగా యాక్టివ్‌గా ఉండరనే విషయం అందరికి తెలిసినదే. ఎప్పుడూ దక్షిణ సంప్రాదాయ దుస్తుల్లో ఉండే అనుపమ ఈ మధ్య కాస్తా జీన్స్‌, టిషర్ట్స్‌ ధరించిన ఫొటోలు సోషల్‌ మీడియాలో వైరల్‌ అవుతున్నాయి. అంతేగాక ఫేస్‌బుక్‌లో తరచూ ఫొటోలు షేర్‌ చేస్తూ.. ఈ భామ కాస్తా యాక్టివ్‌గా ఉండటం చూసి ఆమె అభిమానులు షాకవుతున్నారు. ఎప్పుడూ చీరలో, చుడీదార్‌ వంటి సంప్రాదాయ దుస్తుల్లో మెరిసే తమ అభిమాన హీరోయిన్‌ను.. ఇలా వెస్టర్న్‌ వేర్‌లో చూసి అభిమానుల్లో కొంతమంది మండిపడుతుంటే.. మరికొందరు బాగుందంటూ మురిసిపోతున్నారు. (కన్నడంలో నిన్ను కోరి) ఇక ఈ ఫొటోలు చూసిన అనుపమ .. ఈ పోస్టులు తను చేసినవి కాదని, తన ఫేస్‌బుక్‌ను ఎవరో హ్యాక్‌ చేశారని పేర్కొన్నారు. ‘కొంత మంది వెధవలు నా ఫేస్‌బుక్‌ ఖాతాను హ్యాక్‌ చేశారు. కాస్తా అప్రమత్తంగా ఉండాలని సమాచారం ఇస్తున్నా అంతే’ అనే క్యాప్షన్‌తో ఫేస్‌బుక్‌లో పోస్టు పెట్టారు. దీనికి తన ఫేస్‌తో మార్ఫింగ్‌ చేసిన ఫొటోలను ట్యాగ్‌ చేసి పోస్టు చేశారు. ఇక ఇలాంటి వెధవ పనులు చేసే హ్యాకర్స్‌పై ఆమె విరుచుకుపడ్డారు. ‘’మీకు ఇంట్లో అమ్మ, అక్కాచెల్లెళ్లు లేరా. మీ మెదడును కొంచం ఉపయోగపడే మంచి పనులకు వాడండి. ఇలాంటి చెత్త పనులకు కాదు’’  అంటూ మండిపడ్డారు. ఇక అనుపమకు ఇన్‌స్టాగ్రామ్‌లో 6.6 మిలియన్ల ఫాలోవర్స్‌ ఉన్నారు. కాగా ఇటీవల బెల్లంకొండ శ్రీనివాస్‌ సరసన రాక్షసుడులో హీరోయిన్‌గా నటించారు. 2015లో వచ్చిన మలయాళ చిత్రం ‘ప్రేమమ్‌’తో పాపులర్‌ అయిన ఈ భామ.. గతేడాది హీరో పునీత్‌ రాజ్‌కుమార్‌తో కలిసి ‘నటసార్వభౌమ’ చిత్రంతో కన్నడలో ఆరంగేట్రం చేశారు. (నేను ఆ రకం కాదు)

సాక్షి, న్యూఢిల్లీ: కరోనా వైరస్ మహమ్మారి కారణంగా దేశం యావత్తూ లాక్ డౌన్ లోకి వెళ్లిపోయింది. దేశవ్యాప్తంగా దాదాపు అన్ని వ్యాపారాలు, వాణిజ్య సేవలు మూతపడ్డాయి. అయితే ఈ సంక్షోభ సమయంలో కూడా హ్యాకర్లు తమ పనిలో బిజీ బిజీగా వున్నారు. అవును తాజా అంచనాల  ప్రకారం వాట్సాప్ ఖాతాలను  హ్యాక్ చేసే పనిలో హ్యాకర్లు మునిగిపోయారు. సైబర్ నేరగాళ్లు యూజర్ల వ్యక్తిగత సమాచారాన్ని దొంగిలించేందుకు ఉన్న ఏ అవకాశాన్ని వదులుకోవడం లేదని వాబేటా ఇన్ఫో తాజాగా హెచ్చరించింది. అనుమానాస్పద లింకులు పంపుతూ, వాటిల్లోకి లాగిన్ కావాలని కోరుతున్నారనీ, అమాయక యూజర్ల నుంచి ఓటీపీలను కొట్టేస్తున్నారని తెలిపింది. పలు ఈ మెయిల్స్ ను కూడా పంపుతున్నారని పేర్కొంది. ఈ వ్యవహారంలో వాట్సాప్ వినియోగదారులు అప్రతమత్తంగా వుండాలని సూచించింది. మరోవైపు ఇప్పటికే కొన్ని ఖాతాలు హ్యాక్   అయ్యాయని  ది టెలిగ్రాఫ్  నివేదించింది.  గుర్తు తెలియని ఫోన్ నంబర్ల నుండి ఓటీపీ చెప్పాలంటూ మెసేజ్లను అందుకున్నామని పలువురు ఫిర్యాదు చేస్తున్న నేపథ్యంలో తాజా హెచ్చరికలను జారీ చేసింది. ఈ  ఓటీపీని  సంబధిత వాట్సాప్ ఖాతాలోకి చొరబడటానికి హ్యాకర్లు వినియోగిస్తున్నారని తెలిపింది. ఇది గమనించని వినియోగదారులు  మోసపోతున్నారనీ,  తద్వారా వ్యక్తిగత చాట్‌లు, ఫోన్ నంబర్, పేరు, ఇమెయిల్ ఐడి, బ్యాంక్ ఖాతా వివరాలు, ఫేస్‌బుక్ లాగిన్ లాంటి ఎంతో విలువైన డేటాను హ్యాకర్లు యాక్సెస్ చేస్తున్నారని తెలిపింది. ఓటీపీ, భద్రతా కోడ్ విషయంలో యూజర్లు అత్యంత జాగరూకతతో వ్యవహరించాలని కోరింది. ఎప్పుడైనా అలాంటి సందేశాలను స్వీకరించినట్లయితే పట్టిచ్చుకోవద్దని కోరింది. దీంతో పాటు కొన్ని చిట్కాలను ట్విటర్లో షేర్ చేసింది. భద్రతా ధృవీకరణ కోడ్‌లను ఇష్టమైన వారితో సహా ఎవరితోనూ పంచుకోవద్దని వినియోగదారులను కోరింది.  మరింత రక్షణ కోసం ఐవోఎస్, ఆండ్రాయిడ్ వెర్షన్లలో అందుబాటులో ఉన్న  (సెటింగ్/ ఎకౌంట్ /టూ స్టెప్ వెరిఫికేషన్) టూ స్టెప్ వెరిఫికేషన్ పద్ధతిని ఎనేబుల్ చేయాలి. తద్వారా వాట్సాప్ ఖాతాను హ్యాకర్ల బారినుంచి రక్షించుకోవచ్చని తెలిపింది. సెట్టింగుల మెనూకు వెళ్లి, గోప్యతా ఎంపికపై క్లిక్ చేసి, ప్రొఫైల్ ఫోటో ఎంపికను మార్చాలి. మై కాంటాక్ట్స్ అనేదానిపై క్లిక్ చేయాలి. అలాగే కాంటాక్ట్ లో లేని అనుమానాస్పద ఫోన్ నంబర్‌ను మెసేజ్  వస్తే.. విస్మరించండి. ఇకపై అలాంటి సందేశాన్ని పంపకుండా నిరోధించేలా సదరు నెంబర్ బ్లాక్ చేయాలని కోరింది. (చదవండి : లైట్లను ఆర్పేస్తే : గ్రిడ్ కుప్పకూలుతుంది) T(his is the common way to get your SMS verification code, so someone else can use your WhatsApp account. Sometimes they immediately enable the two step verification, preventing you to get back the account. Be careful! https://t.co/xA3jrTwoLD — WABetaInfo (@WABetaInfo) April 3, 2020

న్యూఢిల్లీ: కోవిడ్‌  కల్లోలం నేపథ్యంలో వర్క్‌ ఫ్రమ్‌ హోమ్‌ చేస్తున్నవారికి కొత్త సమస్యలు వచ్చిపడ్డాయి. వివిధ కార్యాలయాలు ఒకరితో ఒకరు మాట్లాడుకోవడానికి వీలుగా అత్యధికులు జూమ్‌ అనే వీడియో కాన్ఫరెన్స్‌ అప్లికేషన్‌ను వినియోగిస్తున్నారు. ఈ యాప్‌తో సైబర్‌ భద్రతా సమస్యలు ఉత్పన్నమవుతాయని, చాలా జాగ్రత్తగా ఉండాలని సైబర్‌ దాడుల నుంచి రక్షణ జాతీయ సంస్థ కంప్యూటర్‌ ఎమర్జెన్సీ రెస్పాన్స్‌ టీమ్‌ ఆఫ్‌ ఇండియా (సీఈఆర్‌టీ–ఇన్‌) హెచ్చరించింది. ఈ జూమ్‌ అప్లికేషన్‌ వినియోగదారుల నుంచి సైబర్‌ నేరగాళ్లకు కార్యాలయాలకు సంబంధించిన కీలక సమాచారం అందిపోయే అవకాశాలు అత్యధికంగా ఉన్నాయని ఆ సంస్థ తెలిపింది.  సైబర్‌ నేరగాళ్లు ఈ యాప్‌ను సులువుగా హ్యాక్‌ చేసి  సమాచారాన్ని, సంభాషణలను తెలుసుకునే అవకాశాలున్నాయని ఆ సంస్థ వెల్లడించింది. 

సాక్షి, అమరావతి: ప్రపంచాన్ని కలవరపెడుతున్న కరోనా మాటున సైబర్‌ కేటుగాళ్లు హ్యాకింగ్‌ కాటు వేస్తున్నారు. కరోనాను అడ్డుపెట్టుకుని ప్రపంచంలోని పలు దేశాల్లో, మన దేశంలో కార్పొరేట్‌ సంస్థల డేటా చోరీకి పాల్పడుతున్నారు. ఈ ఏడాది ఫిబ్రవరిలో ఒకసారి, మార్చి 15 నుంచి 19 తేదీ వరకు మరోసారి పెద్ద ఎత్తున సైబర్‌ ఎటాక్స్‌ జరిగినట్టు అంతర్జాతీయ స్థాయిలో సైబర్‌ సెక్యూరిటీ సర్వీసెస్‌ అందించే ప్రైస్‌ వాటర్‌ హౌస్‌ కూపర్స్‌ (పీడబ్ల్యూసీ) సైబర్‌ సెక్యూరిటీ టీమ్‌ పరిశీలనలో తేలినట్టు ప్రకటించింది. ఈ నేపథ్యంలో ఆంధ్రప్రదేశ్‌ సీఐడీ విభాగం అప్రమత్తమైంది. ఏపీలో అప్రమత్తంగా ఉన్నాం.. సైబర్‌ నేరగాళ్లు ఎప్పటికప్పుడు ఆసక్తికర అంశాలను ఎరవేసి ఉచ్చులోకి లాగే ప్రయత్నాలు చేస్తారు. అలాంటి మోసాలపై టెక్నాలజీని వాడుతున్న వారంతా అప్రమత్తంగా ఉండాలి. కరోనా గురించి తెలుసుకోవాలనే ఆసక్తి ప్రతి ఒక్కరిలోనూ ఉంటుంది. ఇదే విషయాన్ని సాకుగా తీసుకుని దేశంలో కొద్ది రోజులుగా ఈ తరహా మోసాలు జరుగుతున్నట్టు గుర్తించాం. ఆంధ్రప్రదేశ్‌లో ఒక్క కేసు కూడా నమోదు కాలేదు. సైబర్‌ ఎటాక్స్‌ తీరును అప్రమత్తంగానే గమనిస్తున్నాం. సంస్థల డేటా హ్యాకింగ్‌ కాకుండా జాగ్రత్తలు తీసుకుంటున్నాం. అనధికార లింక్‌ల విషయంలో అందరూ అప్రమత్తంగా ఉండాలి.  ఎలా జరుగుతోంది? - కరోనా వ్యాప్తి నేపథ్యంలో అనేక కార్పొరేట్‌ కంపెనీలు, సంస్థలు తమ ఉద్యోగులను ఇంటి నుంచే విధులు (వర్క్‌ ఫ్రం హోం) నిర్వహించేలా వెసులుబాటు కల్పించడాన్ని సైబర్‌ నేరగాళ్లు అవకాశంగా మలుచుకున్నారు.  - కరోనా వైరస్‌ గురించిన ఆసక్తికర విషయాలు అందించే సాకుతో ఈ మెయిల్స్, యాడ్స్, వెబ్‌సైట్‌ లింక్‌లు, అప్లికేషన్‌ (యాప్స్‌) పేరుతో అనేక మందిని వలలోకి లాగుతున్నారు. ఆయా లింక్‌లను ఆసక్తిగా క్లిక్‌ చేయగానే కంపెనీ, సంస్థ, వ్యక్తిగత డేటా (సమాచారం) చోరీకి గురవుతోంది.  - ‘కోవిడ్‌ లాక్‌’ యాప్‌ పేరుతో పంపిస్తున్న లింక్‌ను క్లిక్‌ చేయగానే సాఫ్ట్‌వేర్‌ను హ్యాక్‌ చేసి కంప్యూటర్లను బాŠల్‌క్‌ చేస్తున్నారు. ఆన్‌లైన్‌ ద్వారా డబ్బులు చెల్లిస్తేనే కంప్యూటర్‌ తిరిగి పనిచేస్తుందని సైబర్‌ నేరగాళ్లు డిమాండ్‌ చేస్తున్నట్టు గుర్తించారు.  - ఇండియాలోనూ ఇదే తరహాలో యజోరాల్ట్‌ అనే లింక్‌ ద్వారా మాల్‌వేర్‌తో కంప్యూటర్‌లోకి చొరబడి డేటాను హ్యాక్‌ చేస్తున్నారు. తద్వారా సంస్థలు, వ్యక్తిగత సమాచారాన్ని చోరీ చేసి ఆన్‌లైన్‌ మోసాలకు పాల్పడుతున్నారు. యజోరాల్ట్‌ అనే మాల్‌వేర్‌ మూడేళ్ల నుంచి ఇండియాలో ఉన్నప్పటికీ తాజాగా కోవిడ్‌–19కి సంబంధించిన యాప్‌లకు లింక్‌ చేసి మోసాలను తీవ్రతరం చేశారు.

హైదరాబాద్‌: దేశంలో సొంత సోషల్‌ మీడియా(సామాజిక మాధ్యమాలు)ను రూపొందించే విధంగా కేంద్ర ప్రభుత్వం వేగంగా చర్యలు చేపడుతున్నట్లు తెలుస్తోంది. ప్రపంచంలో హ్యాకింగ్, డేటా చౌర్యాలు ఎక్కువవుతున్న తరుణంలో భారత్‌ సొంత సామాజిక మాధ్యమాలను రూపోందించే విధంగా ప్రణాళిక రూపొందించినట్లు టెక్ మహీంద్రా సీటీఓ, జాతీయ భద్రతా నిపుణుడు అమిత్ దుబే తెలిపారు. గురువారం  జరిగిన ఓ కార్యక్రమంలో దుబే మాట్లాడుతూ..దేశంలో సొంత ఫేస్‌బుక్, క్రిప్టోకరెన్సీ, వాట్సాప్‌ లాంటి వాటిని రూపకల్పన చేయడానికి ప్రభుత్వం వేగంగా చర్యలు చేపడుతున్నట్లు పేర్కొన్నారు. దేశంలో సామాజిక మాధ్యమాలకు సంబంధించిన కసరత్తు పూర్తయ్యిందని,  ప్రస్తుతం జరుగుతున్న బడ్జెట్‌ సమావేశాల్లో డ్రాఫ్ట్‌ బిల్లు ప్రవేశపెట్టే అవకాశం ఉందన్నారు. సొంత సామాజిక మాధ్యమాలు రూపొందించే దేశాలలో చైనా ముందుంజలో ఉందని, చైనాలో వాట్సాప్‌, ఫేస్‌బుక్‌ పనిచేయదని దుబే తెలిపారు. పౌరుల భద్రతకు కేంద్ర ప్రభుత్వం అనేక చర్యలు చేపడుతున్నట్లు గతంలో ప్రకటించిన విషయం తెలిసిందే. చదవండి: దుమ్ములేపే డ్యాన్స్‌.. సోషల్‌ మీడియా షేక్‌..!

మిస్సిస్సిపి : భద్రత కోసం ఏర్పాటు చేసుకున్న సీసీటీవీ కెమెరాలు ఓ కుటుంబానికి చుక్కలు చూపించాయి. తమ చిన్నారి కూతుళ్ల రక్షణ కోసం వారి బెడ్‌రూమ్‌లో ఏర్పాటు చేసిన రింగ్‌ సెక్యురిటీ కెమెరాలు ఆ తల్లిదండ్రులకు పీడకలను మిగిల్చాయి. వారం క్రితం జరిగిన ఈ సంఘటన అమెజాన్‌ కంపెనీకి చెందిన రింగ్‌ సెక్యురిటీ కెమెరాల్లోని లోపాల్ని బయటపెట్టింది. వాషింగ్టన్‌ పోస్ట్‌ కథనం ప్రకారం.. ఎనిమిదేళ్ల అలీసా మే(8) నిద్రించేందుకు తన గదిలోకి వెళ్లింది. ఆ సమయంలో ఏవో వింతైనా శబ్దాలు, మ్యూజిక్‌ వినపడసాగింది. అయితే, తన చెల్లెల్లు ఆ గదిలోకి చేరి ఆమెను ఆటపట్టిస్తున్నారని తొలుత ఆమె భావించింది. అయితే, కాసేపటి తర్వాత ఆ గదిలో ఓ మగ వ్యక్తి.. ‘హలో ఎవరైనా ఉన్నారా’ అని వినిపించడంతో చిన్నారి ఉలిక్కిపడింది. కానీ, గదిలో ఎవరూ కనిపించడం లేదు. ఆ కనిపించని వ్యక్తి వ్యక్తి జాతి విద్వేష వ్యాఖ్యలు చేయడంతో పాటు.. ఆమెపై అసభ్యకర వ్యాఖ్యలు చేశాడు. లైంగికంగా వేధించాడు. తీవ్ర భయాందోళనకు గురైన అలీసా సాయం కోసం తన తల్లి యాష్‌లీ మేని పిలిచింది. కానీ, ఆమె అందుబాటులో లేదు. తండ్రి కూడా ఏదో పని నిమిత్తం బయటకు వెళ్లాడు. అయితే, తన కూతురు రూమ్‌లోని కెమెరా హ్యాక్‌కు గురైందని అలీసా తండ్రికి సమచారం వెళ్లడంతో అతను అలర్ట్‌ అయ్యాడు. కెమెరా ప్లగ్‌ను తొలగించమని అలీసాకు కాల్‌ చేసి చెప్పాడు. దీంతో కెమెరా ప్లగ్‌ తొలగించిన అలీసా ఆ గది నుంచి బయటికొచ్చి తల్లితో విషయమంతా చెప్పింది. చెప్పుకోలేని భాష.. కూతుళ్ల భద్రత కోసం కెమెరాలు ఏర్పాటు చేసుకుంటే తమకు చేదు అనుభవం ఎదురైందని అలీసా మే తల్లి వాపోయారు. హ్యాకర్‌ చిన్నారి పట్ల అసభ్యకరంగా మాట్లాడాడని యాష్‌లీ వాపోయింది. జాతి విద్వేష వ్యాఖ్యలు చేయడమే కాకుండా చిన్నారిపై లైంగింక వేధింపులకు దిగాడని ఆరోపించింది. రింగ్‌ సెక్యురిటీ కెమెరా పనితీరుపై ఆమె విమర్శలు గుప్పించింది. హ్యాకర్‌ జుగుప్సాకర వ్యాఖ్యలతో కూడిన వీడియోతో పోలీసులను సంప్రదిస్తామని తెలిపింది. రింగ్‌ కెమెరాల వల్ల ఇటీవల చాలామంది ఇబ్బందులు ఎదుర్కొన్నారని యాష్‌లీ వెల్లడించింది. అయితే, ఇరువైపులా సమాచారం బదిలీ చేసుకోవడం, మాట్లాడుకునే వెసులుబాటు ఉండటంతో ఆఫీస్‌లో ఉన్నప్పుడు తన పిల్లలను మానిటరింగ్‌ చేసే అవకాశం ఉంటుందని ఆమె పేర్కొన్నారు. ఇక కస్టమర్ల నమ్మకం, భద్రతే తమ ప్రాధాన్య అంశమని, లోపాల్ని సరిచేస్తామని రింగ్‌ కెమెరా ప్రతినిధులు వెల్లడించారు.

సాక్షి, విశాఖపట్నం: విశాఖలోని బ్లూఫ్రాగ్‌ సంస్థపై సీఐడీ దాడులు మూడోరోజు కొనసాగాయి. ఇసుక కొరత సృష్టించడంలో బ్లూఫ్రాగ్‌ ప్రయత్నం చేసినట్లు సీఐడీ ప్రాథమిక ఆధారాలు సేకరించింది. వివరాలు.. ఇసుక సరఫరా సంబంధిత వెబ్‌సైట్‌ను బ్లూఫ్రాగ్‌ మొబైల్‌ టెక్నాలజీ సంస్థ హ్యాక్‌ చేసినట్లు అనుమానం రావడంతో సీఐడీ, పోలీసులు దర్యాప్తు ప్రారంభించిన సంగతి తెలిసిందే. ఈ నేపథ్యంలో రెండు బృందాలుగా విడిపోయిన విశాఖ సీఐడీ అధికారులు సంస్థపై సోదాలు కొనసాగించారు. శుక్రవారం జరిగిన దాడుల్లో ఓ కీలకమైన సమాచారాన్ని అధికారులు స్వాధీనం చేసుకున్నారు. ఇసుక కొరత సృష్టించినట్లుగా ఆధారాలతో సహా గుర్తించారు. ఇక కంప్యూటర్ల నుంచి స్వాధీనం చేసుకున్న సమాచారాన్ని ఎప్పటికపుడు అమరావతి‌లోని సీఐడీ ప్రధాన కార్యాలయానికి చేరవేస్తున్నారు.  మరోవైపు సైబర్ క్రైం బృందాలు స్వాధీనం చేసుకున్న డేటాను విశ్లేషిస్తున్నారు. ఈ మేరకు అమరావతి ప్రధాన కార్యాలయంలో రెండు ప్రత్యేక సైబర్‌ క్రైం బృందాలను నియమించినట్టుగా సీఐడీ డీజీ సునీల్‌ కుమార్‌ వెల్లడించారు. డేటా విశ్లేషణ కోసం హైదరాబాద్‌ నుంచి ప్రత్యేక నిపుణులను రప్పించినట్టు పేర్కొన్నారు. గతంలో సాండ్‌ వెబ్‌సైట్‌ను బ్లూఫ్రాగ్‌ సంస్థ నిర్వహించిన విషయం తెలిసిందే. (చదవండి: బ్లూఫ్రాగ్‌ కాదు ఎల్లో ఫ్రాగే)

సాక్షి, విశాఖ : డేటా చోరీ కేసులో ఆరోపణలు ఎదుర్కొంటున్న విశాఖకు చెందిన బ్లూఫ్రాగ్‌ మొబైల్‌ టెక్నాలజీ సంస్థ మరో చోరీలో అడ్డంగా దొరికింది. ఇసుక సరఫరా సంబంధిత వెబ్‌సైట్‌ను హ్యాక్‌ చేసినట్లు అనుమానం రావడంతో సీఐడీ, పోలీసులు సంస్థ సర్వర్లలోని డేటాను తనిఖీలు చేశారు. బ్లూ ఫ్రాగ్‌ సంస్థకు చెందిన పలువురు వ్యక్తులు సైట్‌ను హ్యాక్ చేసి కృత్రిమ కొరత సృష్టించినట్లు సీఐడీకి ఫిర్యాదు అందాయి. దాంతో రంగంలోకి దిగిన సీఐడీ విశాఖలో ఉన్న బ్లూ ఫ్రాగ్స్ కార్యాలయంలో సోదాలు చేసింది. స్థానిక పోలీసులతో కలిసి తనిఖీలు నిర్వహించారు. స్టాక్‌యార్డ్‌లో పెద్దఎత్తున ఇసుక ఉన్న కూడా ఆన్‌లైన్‌లో అప్లై చేస్తే ఇసుక లేనట్లు చూపించేలా సాంకేతిక పరిజ్ఞానాన్ని ఈ సంస్థ రూపొందించినట్లు సీఐడీ విచారణలో తేలింది. కంపెనీ సర్వర్లలో డేటాను తనిఖీ చేసి పలు ఆధారాలను సేకరించినట్లు తెలుస్తోంది. ఐపీ అడ్రస్‌ల ఆధారంగా మరిన్ని వివరాలు సేకరిస్తున్నారు. గతంలో మన శాండ్‌ సైట్‌ను బ్లూఫ్రాగ్‌ సంస్థనే నిర్వహించింది. కాగా, ఇసుక అక్రమార్కులపై ఉక్కుపాదం మోపేందుకు ఆంధ్రప్రదేశ్‌ ప్రభుత్వం కఠిన నిబంధనలు అమలు చేస్తుంది.ఇసుక అక్రమ రవాణా చేస్తే రూ.2లక్షల వరకూ కనీస జరిమానా, రెండేళ్ల వరకు జైలు శిక్ష విధించాలని నిర్ణయిస్తూ.. ఆంధ్రప్రదేశ్‌ గణుల చట్టంలో సవరణలకు కేబినెట్‌ ఆమోదం తెలిపింది.

సామాజిక మాధ్యమాలపై నియంత్రణ అవసరమా కాదా... అవసరమైతే ఏమేరకు అనే అంశా లపై మన దేశంలో అడపా దడపా చర్చ సాగుతోంది. నియంత్రణ తప్పనిసరని, అందుకు సంబం ధించి మార్గదర్శకాలు ఖరారు చేయాలని సుప్రీంకోర్టు ఇప్పటికే కేంద్రాన్ని ఆదేశించింది. మరోపక్క తమ ఖాతాదార్ల లావాదేవీలు ఇవ్వడం ససేమిరా కుదరదంటూ భిన్న సందర్భాల్లో వాట్సాప్‌ కేంద్రానికి చెబుతోంది. కానీ వీటితో సంబంధం లేకుండా, ఎలాంటి నీతినియమాలు పాటించ కుండా చాపకింద నీరులా ఒక ప్రైవేటు సంస్థ ప్రపంచంలో అనేకమంది వాట్సాప్‌ వినియోగ దారుల ఖాతాలను హ్యాక్‌ చేసేందుకు, వారి సమస్త వివరాలను ఎప్పటికప్పుడు రాబట్టేందుకు వీలుకల్పించే స్పైవేర్‌ను సృష్టించి, సొమ్ము చేసుకుంటున్నదని బట్టబయలైంది. దీనంతటికీ సూత్ర  ధారి ఇజ్రాయెల్‌కు చెందిన ప్రైవేటు సంస్థ ఎన్‌ఎస్‌ఓ. పెగాసస్‌ అనే  ఈ స్పైవేర్‌ను కేవలం వివిధ దేశాల్లోని ప్రభుత్వాధీన సంస్థలకు మాత్రమే విక్రయించానని...ప్రైవేటు సంస్థలకు ఇవ్వలేదని అడ్డంగా దొరికిపోయాక ఆ సంస్థ సంజాయిషీ ఇస్తోంది. ఇందులో నిజం పాలెంతో, బుకాయింపు భాగమెంతో రానున్న రోజుల్లో తెలుస్తుంది. కానీ ప్రభుత్వాలైనంతమాత్రాన ఇలాంటి దొంగపనులు చేసే సంస్థలతో చీకటి లాలూచీలకు దిగడం చట్టబద్ధం కాబోదు. అనుమానాస్పదంగా కనబడే వ్యక్తులపైనా, సంస్థలపైనా నిఘా ఉంచటం ఏ దేశంలోనైనా సర్వసాధారణం. దేశ రక్షణకోసం, పౌరుల భద్రతకోసం ప్రభుత్వాలు కొన్ని నిబంధనలకు లోబడి ఆ పనులు చేస్తాయి. ప్రభుత్వాలు చట్టవిరుద్ధంగా వ్యవహరిస్తున్నాయని వెల్లడైతే బాధిత పౌరులకు న్యాయస్థానాలు అండగా నిలబడ తాయి. ఏ బాధ్యతాలేని ఒక ప్రైవేటు సంస్థ ఇంత ప్రమాదకరమైన స్పైవేర్‌ను రూపొందించి ప్రపంచం మీదికి వదలడం అత్యంత ఆందోళనకరం. నిజానికి  నిఘా ఉంచిందన్న సంగతి ఫిర్యాదు  వస్తే తప్ప వాట్సాప్‌కు కూడా తెలియలేదు. ఎన్‌ఎస్‌ఓలాంటి సంస్థలు మరెన్ని పనిచేస్తున్నాయో, వాటి కార్యకలాపాల వల్ల జరుగుతున్న నష్టమెంతో ఊహించుకుంటేనే భయాందోళనలు కలుగు తాయి. మన దేశం వరకూ చూస్తే మానవ హక్కుల కార్యకర్తలు, దళిత, ఆదివాసీ కార్యకర్తలు, విద్యావేత్తలు, పాత్రికేయులు ఈ నిఘా నీడలో ఉన్నారని వెల్లడవుతోంది. సాధారణంగా బాధితు లెవరన్నదాన్నిబట్టి వారి ఫోన్లను లక్ష్యంగా చేసుకున్నదెవరన్న అనుమానాలు తలెత్తుతాయి. కనుకనే కొందరు కేంద్ర ప్రభుత్వంపై ఆరోపణలు సంధిస్తున్నారు. ఈ ఆరోపణల్లో వాస్తవం లేదని కేంద్ర హోంశాఖ ఇప్పటికే స్పష్టం చేసింది. దీనిపై నవంబర్‌ 4 కల్లా సంజాయిషీ ఇవ్వాలని వాట్సాప్‌ సంస్థను  కోరామని కేంద్ర ఎలక్ట్రానిక్స్, ఐటీ మంత్రి రవిశంకర్‌ ప్రసాద్‌ చెబుతున్నారు.  ఈ స్పైవేర్‌ ఎంత ప్రమాదకరమైనదో తెలుసుకుంటే దిగ్భ్రాంతికలుగుతుంది. నిఘా పెట్టదల్చు కున్న ఫోన్‌ నంబర్‌కు వాట్సాప్‌ మాధ్యమం ద్వారా వీడియో కాల్‌ వెళ్తే చాలు సర్వం గుల్లవుతుంది. ఆ కాల్‌ అందుకున్న వ్యక్తి దానికి కనీసం జవాబు కూడా ఇవ్వనవసరం లేదు! ఫోన్‌ మోగిన మరు క్షణం నుంచి ఆ ఫోన్‌లోని వాట్సాప్‌ ఖాతా వివరాలు మాత్రమే కాదు...ఇతరేతర వివరాలన్నీ గుర్తు తెలియని నేరగాళ్ల చేతికి చేరతాయి. వాట్సాప్‌ కాల్స్‌తోపాటు సాధారణ కాల్స్‌ సైతం ఎప్పటి కప్పుడు చేరిపోతాయి. ఆ వ్యక్తి ఎక్కడెక్కడికి పోతున్నాడో, ఏం చేస్తున్నాడో, ఎవరితో మాట్లాడు తున్నాడో, ఏ లావాదేవీలు చేస్తున్నాడో, అతని పాస్‌వర్డ్‌లు ఏమిటో స్పైవేర్‌ రాబడుతూ ఉంటుంది. ఆ వివరాలు ఎవరి దగ్గరకు పోతాయో, అలా సేకరించేవారు వాటితో ఏం చేస్తారో ఖాతాదారులకు తెలియదు. తెలుసుకునే అవకాశం కూడా ఉండదు.  తమ ఖాతాదారుల లావాదేవీలేమిటో తమకే తెలియదు గనుక, వాటిని అందించలేమని ప్రభుత్వాలకూ, న్యాయస్థానాలకూ పదే పదే వాట్సాప్‌ సంస్థ చెబుతూ వచ్చింది. అది తమ గోప్యతను నూరుశాతం పరిరక్షిస్తుందని అందరూ నమ్ము తున్నారు. కానీ ఎన్‌ఎస్‌ఓ సంస్థ దీన్నంతటినీ కుప్పకూల్చింది. ఇలాంటి నిఘా వల్ల జరిగే ప్రమాదం సాధారణమైనది కాదు. కొన్ని నెలలక్రితం ఈ స్పైవేర్‌ ద్వారానే అమెరికాలో నివాసం ఉంటున్న సౌదీ అరేబియా పాత్రికేయుడు జమాల్‌ ఖషోగ్గీని సౌదీ ప్రభుత్వం టర్కీ గడ్డపై గుట్టు చప్పుడు కాకుండా హతమార్చింది. ఈ స్పైవేర్‌ను ఎస్‌ఎస్‌ఓ 45 దేశాల్లో అమ్మిందని, అందులో కనీసం ఆరు దేశాల్లో సామాజిక కార్యకర్తలను గుర్తుతెలియని వ్యక్తులు లక్ష్యంగా చేసుకున్నారని టొరంటో యూనివర్సిటీకి చెందిన సిటిజన్‌ లాబ్‌ అనే సంస్థ అంచనా వేస్తోంది.    పుట్టి పాతికేళ్లు కాకుండానే సైబర్‌ ప్రపంచం మన వ్యక్తిగత జీవితంలో విడదీయరాని భాగంగా మారింది. వీధి చివరి చిన్న దుకాణంలో టీ తాగడం మొదలుకొని కోట్లాది రూపాయల లావాదేవీల వరకూ దేన్నయినా క్షణాల్లో చేసిపెట్టేందుకు ఈ సైబర్‌ ప్రపంచం వీలిస్తోంది. పర్యవసానంగా దీనిపై ఆధారపడేవారి సంఖ్య పెరుగుతోంది. పైకి అంతా ప్రశాంతంగా, సవ్యంగా సాగిపోతున్నట్టు కనబడే ఈ సైబర్‌ ప్రపంచంలో అడుగడుగునా మందుపాతరలు నిక్షిప్తమై ఉంటాయి. దొంగదాడికి నేరగాళ్లు సిద్ధంగా ఉంటారు. గతంలో తమ డెబిట్, క్రెడిట్‌ కార్డుల పాస్‌వర్డ్‌లు అంగట్లో దొరుకు తున్నాయని వెల్లడైనప్పుడు ప్రజలంతా వణికిపోయారు. తమ ఈమెయిళ్లు ‘ఎవరో’ తనిఖీ చేస్తు న్నారని, తమ ఫోన్లు ‘ఎవరో’ వింటున్నారని తరచు అనేకులకు అనుమానాలొస్తుంటాయి. కానీ అవి అనుమానాలు మాత్రమే కాదని, గగుర్పొడిచే వాస్తవాలని ఇప్పుడు రుజవైంది. వాట్సాప్‌ సంస్థ ఎన్‌ఎస్‌ఓపై అమెరికా న్యాయస్థానాల్లో కేసులు వేసింది. కానీ తమ గోప్యతను గుల్ల చేసిన ఎన్‌ఎస్‌ఓపైనా, రక్షణ కల్పించలేకపోయిన వాట్సాప్‌ సంస్థపైనా దేశదేశాల్లోనూ వ్యాజ్యాలు పడటం ఖాయం. టెక్నాలజీ విస్తరిస్తున్నకొద్దీ ప్రపంచం ఎంత సంకుచితంగా, ఎంత అనైతికంగా తయార వుతున్నదో తాజా ఉదంతం వెల్లడిస్తోంది. మన దేశంలో ఈ నిర్వాకం చేసిందెవరో విచారించి రాబట్టడం కేంద్రం బాధ్యత. 

సాక్షి, హైదరాబాద్‌: ఈవీఎంలను హ్యాకింగ్‌/ట్యాంపరింగ్‌ చేయడం అసాధ్యమని ఐటీ నిపుణుడు సందీప్‌ రెడ్డి స్పష్టం చేశారు. కొందరు కావాలనే పనికట్టుకుని ఈవీఎంలపై దుష్ప్రచారం చేస్తున్నారన్నారు. ఎలక్ట్రానిక్‌ ఓటింగ్‌ మిషన్ల (ఈవీఎం)ను డీ–కోడ్‌ చేయడం కష్టతరమని, వీటిలో ఎలాంటి డివైజ్‌ డ్రైవర్స్‌ను ఇన్‌స్టాల్‌ చేయలేరని సందీప్‌ రెడ్డి పేర్కొన్నారు. ఎన్నికల సంఘం వివిధ దశల్లో ఈవీఎంల సెక్యూరిటీని పరిశీలించిన తర్వాతే వినియోగిస్తున్న విషయాన్ని ఈ సందర్భంగా ఆయన గుర్తుచేశారు. ‘కొన్ని రోజులుగా ఆంధ్రప్రదేశ్‌ ప్రభుత్వపు ముఖ్యమైన వ్యక్తులు.. అభద్రతాభావంతో ఈవీఎంలపై దుష్ప్రచారం చేస్తున్నారు. నేనో ఎంబేడెడ్‌ సాఫ్ట్‌వేర్‌ ఇంజినీర్‌గా క్రిప్టాలజీ, ఎన్‌క్రిప్టింగ్‌ మీద 15ఏళ్లుగా పనిచేస్తున్నాను. నా అనుభవం ద్వారా తెలుసుకున్న వాస్తవాలను యావదాంధ్ర రాష్ట్ర ప్రజలకు చెప్పాలనుకుంటున్నాను. ప్రభుత్వ పెద్దలు ఆరోపణలు చేస్తున్నట్లుగా ఓ ఈవీఎంను ట్యాంపర్‌ చేయాలంటే దానికి హార్డ్‌వేర్, కమ్యూనికేషన్‌ రేడియోస్, సపోర్టింగ్‌ సాఫ్ట్‌వేర్‌ కీలకం. ఒకవేళ ఈవీఎంని నెట్‌వర్క్‌ వీడియోస్‌తో అనుసంధానం చేయాలంటే చాలా ఖరీదైన పని. ఈవీఎంలలో ఎలాంటి డివైజ్‌ డ్రైవర్స్‌ ఇన్‌స్టాల్‌ చేయలేరు. ఒకసారి ఫర్మ్‌వేర్‌ కంపైల్‌ చేసిన తర్వాత ఈవీఎంపైన ఫ్లాష్‌చేస్తే.. రెండోసారి రీ–ఫ్లాష్‌చేసే అవకాశం ఉండదు. అదే విధంగా బ్యాలెట్‌ యూనిట్, కంట్రోల్‌ యూనిట్, వీవీప్యాట్‌ యూనిట్‌ మధ్య జరిగే కమ్యూనికేషన్‌ ప్రొపరేటరీ సెక్యూర్‌ ప్రొటోకాల్‌ ద్వారానే జరుగుతుంది. ఏజెంట్‌ సమక్షంలో సమక్షంలో బ్యాటరీ స్విచాఫ్‌ చేస్తారు. దీంతో కమ్యూనికేషన్‌ వ్యవస్థ పూర్తిగా కట్‌ అయిపోతుంది. దీంతో అటోమెటిక్‌గా ఈవీఎంలో మెమరీ అలాగే ఉన్నప్పటికీ.. బయటి వారు యాక్సెస్‌ చేసేందుకు వీలుండదు. ఈవీఎంలను హ్యాక్‌ చేయాలని ప్రయత్నించి చాలా మంది విఫలమయ్యారు’అని సందీప్‌ రెడ్డి వెల్లడించారు. మన ఈవీఎంలను చాలా దేశాల్లో వినియోగిస్తున్నారని.. కానీ కావాలనే కొందరు మన దేశంలో దుష్ప్రచారం చేస్తున్నారని చెప్పారు. ఇలాంటి వారిపై కేంద్ర ఎన్నికల సంఘం కఠిన చర్యలు తీసుకోవాలన్నారు. గతంలో ఓ హ్యాకర్‌ ఈవీఎంలను హ్యాక్‌ చేస్తానంటూ సవాల్‌ విసిరి భంగపడ్డారని సందీప్‌ తెలిపారు. ఈ ఏడాది కూడా సయ్యద్‌ షుజా అనే వ్యక్తి యూకే నుంచి ఈవీఎంలను హాక్‌ చేస్తానని, గతంలో తాను ఈసీఐఎల్‌లో పనిచేస్తున్న సమయంలో హ్యాకింగ్‌ చేశానని చెప్పుకున్నారు. దీంతో మాజీ కేంద్ర మంత్రి కపిల్‌ సిబల్, మరికొందరు మీడియా, రాజకీయ ప్రముఖులు లండన్‌ వెళ్లొచ్చారు. ఈవీఎంలను ట్యాంపరింగ్‌ చేయడం అవాస్తవమని వారు తెలుసుకున్న విషయాన్ని కూడా సందీప్‌ రెడ్డి గుర్తుచేశారు. వీవీప్యాట్‌కు, బ్యాలెట్‌ యూనిట్‌కు మధ్య మార్పు జరిగే సమయంలో ట్యాంపర్‌ (మ్యాన్‌ ఇన్‌ ద మిడిల్‌ అటాక్‌) జరుగుతుందంటూ కొందరు చేస్తున్న వాదన అర్థరహితం అన్నారు. ఏపీ ఎన్నికల సమయంలో 36 చోట్ల ఈవీఎంలు మోరాయించాయని.. అది కూడా ఆపరేటర్‌ అసమర్థత ద్వారానే జరిగిందన్నారు. ఇందులో ఈవీఎంల తప్పిదమేమీ లేదన్నారు. 

సాక్షి, హైదరాబాద్‌: ఈవీఎంలను హ్యాక్‌ చేయడం అసాధ్యమని సీఈవో రజత్‌కుమార్‌ స్పష్టం చేశారు. ఓటింగ్‌ యంత్రాల పనితీరుపై అనుమానాలకు ప్రాధాన్యత ఇవ్వాల్సిన అవసరం లేదన్నారు. శుక్రవారం ఇక్కడ ‘లోక్‌సభ జనరల్‌ ఎలక్షన్స్‌– మీడియా మానిటరింగ్‌ అండ్‌ మీడియా మేనేజ్‌మెంట్‌’అనే అంశంపై నిర్వహించిన వర్క్‌షాప్‌లో ఆయన మాట్లాడారు. ఈసీ నిబంధనల ప్రకారంగా ఎన్నికల నిర్వహణ, ఫలితాల వెల్లడి అంశాలకే యంత్రాంగం పరిమితమవుతుందన్నారు. ఎన్నికల సమయంలో ఈసీ నియమించే ఎన్నికల పరిశీలకులు, ఎన్నికల వ్యయ పరిశీలకులు తమ పరిధిలోకి రారని, నేరుగా ఈసీకే వారు నివేదికలు అందజేస్తారని వివరించారు. ఎన్నికల సమయంలో ప్రింట్, ఎలక్ట్రానిక్‌ మీడియా అనుసరించాల్సిన పద్ధతుల గురించి జిల్లా ఎన్నికల అధికారులు దానకిషోర్‌(హైదరాబాద్‌), రోనాల్డ్‌రాస్‌(మహబూబ్‌నగర్‌), డీఎస్‌ లోకేష్‌కుమార్‌(రంగారెడ్డి), అదనపు ఎన్నికల ప్రధానాధికారి జ్యోతి బుద్ధప్రకాష్, జాయింట్‌ సీఈవోలు ఆమ్రపాలి, రవికిరణ్, పీఐబీ అడిషనల్‌ డైరెక్టర్‌ జనరల్‌ టీవీకే రెడ్డి వివరించారు.   వీవీ ప్యాట్‌ స్లిప్స్‌కు ఐదేళ్ల భద్రత: రోనాల్డ్‌ రాస్‌   వీవీప్యాట్‌ స్లిప్పులను ఐదేళ్లపాటు భద్రపరిచే పద్ధతి ఉందని మహబూబ్‌నగర్‌ డీఈవో రోనాల్డ్‌ రాస్‌ తెలిపారు. ఈవీఎంల సాంకేతికత, వాటి పనితీరు, భద్రతా ప్రమాణాల అంశాలను ఆయన పవర్‌ పాయింట్‌ ప్రజెంటేషన్‌ ద్వారా వివరించారు. లోక్‌సభ ఎన్నికలకు కొత్తగా వచ్చే ఎం3 ఈవీఎంలు సాంకేతికంగా పటిష్టంగా ఉన్నాయని తెలిపారు. పోలింగ్‌ రోజున క్యూలో ఉన్న వారందరికీ ఓటు వేసే సదుపాయం కల్పించే క్రమంలో అర్ధరాత్రి 12 దాటితే ఎం3 ఈవీఎం క్లోజింగ్‌ బటన్‌ ఆటోమేటిక్‌గా క్లోజ్‌ అవుతుందన్నారు. ఈవీఎంలను హ్యాక్‌ చేయడం అసాధ్యమని, దీనిపై ఈసీ బహిరంగ సవాల్‌ చేసిన విషయాన్ని ఆయన గుర్తుచేశారు. దానకిషోర్‌ మాట్లాడుతూ హైదరాబాద్‌లో విద్యావంతులు, ఉద్యోగులు ఓటు హక్కును వినియోగించుకునేందుకు అవసరమైన ఏర్పాట్లు చేస్తున్నా ఆశించిన మేరకు పోలింగ్‌ నమోదు కాకపోవడంపై విచారం వ్యక్తం చేశారు. అసెంబ్లీ ఎన్నికల సందర్భంగా బోగస్‌ ఓట్ల నమోదుకు సంబంధించి విచారణ అంశాలు పలు దశల్లో ఉన్నాయని తెలిపారు.   

గురుగ్రామ్‌ : ఫోన్‌ హ్యాకింగ్‌ బాధితుడి ఫిర్యాదు మేరకు బుధవారం ఎఫ్‌ఐఆర్‌ నమోదు చేసినట్లు పోలీసులు తెలిపారు. ఈ మోసానికి సంబంధించి ప్రస్తుతం విచారణ కొనసాగిస్తున్నట్లు పేర్కొన్నారు. ఇటీవలి కాలంలో ఇలాంటి మోసాలు ఎక్కువవుతున్నాయని, ప్రజలు అప్రమత్తంగా ఉండాలని విఙ్ఞప్తి చేశారు. వివరాలు... గురుగ్రామ్‌కు చెందిన హరీష్‌ చందర్‌ అనే వ్యాపారవేత్త ఫోన్‌కు ఓ మెసేజ్‌ వచ్చింది. ఇన్‌కమ్‌టాక్స్‌ డిపార్టుమెంటుకు సంబంధించిన అధికారిగా తనను పరిచయం చేసుకున్న ఓ వ్యక్తి.. తను చెప్పిన యాప్‌ ఇన్‌స్టాల్‌ చేసుకుంటే సులభ రీతిలో లావాదేవీలు జరపవచ్చని పేర్కొన్నాడు. ఈ క్రమంలో హరీష్‌ సదరు వ్యక్తి చెప్పినట్లుగానే చేశాడు. అనంతరం అతడు పంపిన లింక్‌ను క్లిక్‌ చేశాడు. దీంతో హరీష్‌ ఫోన్‌కు వచ్చిన ఓటీపీ ఆటోమేటిక్‌గా వేరే నంబరుకు కూడా వెళ్లింది. ఆ సమయంలో హరీష్‌ అకౌంట్‌ నుంచి 60 వేల రూపాయలు డ్రా చేసినట్లుగా మెసేజ్‌ వచ్చింది. ఈ క్రమంలో తాను మోసపోయినట్లుగా గ్రహించిన హరీష్‌ బ్యాంకును సంప్రదించగా.. ఫోన్‌ హ్యాక్‌ అయినందువల్లే డబ్బులు పోయాయని.. ఈ విషయంలో తామేమీ చేయలేమని చెప్పారు. దీంతో హరీష్‌ పోలీసులను ఆశ్రయించాడు. ఈ క్రమంలో పోలీసులు కేసు నమోదు చేశారు. కాగా ఈ విషయం గురించి ఇంటర్నేషనల్‌ కాలేజ్‌ ఫర్‌ సెక్యూరిటీ స్టడీస్‌- ఢిల్లీ డైరెక్టర్‌ రాజ్‌ సింగ్‌ నెహ్రా మాట్లాడుతూ.. ‘ ఫోన్లను హ్యాక్‌ చేయడానికి సైబర్‌ నేరగాళ్లు ఇలాంటి లింకులు పంపడం సర్వసాధారణమైపోయింది. మనకు వచ్చింది ఒక లింకుగానే కన్పిస్తున్నా.. దానితో కొన్ని వందలాది లింకులు అనుసంధానమై ఉంటాయి. మనం ఆ లింకును క్లిక్‌ చేయగానే ఫోన్‌ హ్యాక్‌ అవుతుంది. తద్వారా మన డేటా తీసుకున్న హ్యాకర్.. మన వ్యక్తిగత విషయాలతో పాటు ఆర్థిక లావాదేవీలను తెలుసుకుని చట్ట వ్యతిరేక కార్యకలాపాలకు పా‍ల్పడతాడు. కాబట్టి అలాంటి లింకులు వచ్చినపుడు స్పందించక పోవడమే మంచిది. లేదంటే సంబంధిత డిపార్టుమెంటు పోర్టల్‌లోకి వెళ్లి ఓసారి చెక్‌ చేసుకోవాలి’  అని సూచించారు.

ప్రముఖ ఎలక్ట్రిక్‌ కార్ల తయారీ సంస్థ టెస్లా హ్యాకర్లకు సవాల్‌ విసిరింది. తన లేటెస్ట్‌ కారును ఎవరైనా హ్యాక్‌ చేస్తే భారీ పారితోషికం ఇస్తామని వెల్లడించింది. సెక్యూరిటీ వ్యవస్థలోని భద్రతా సమస్యలను కనిపెట్టే హ్యాకర్లు ప్రోత్సహించడానికి ఈ హ్యాకింగ్ పోటీ నిర్వహిస్తోంది. ఇందుకుగాను బహుమానంగా భారీ నజరానాలు అందజేయనుంది.  తెస్లా మోడల్‌3 కారు సాఫ్ట్‌వేర్‌లో లోపాన్ని కనుక్కున్నవారికి ఒక మిలియన్‌ డాలర్ల బహుమతిని ప్రకటించింది. అత్యంత సెక్యూరిటీ ఫీచర్లతో రూపొందించిన తమ కారులో సాఫ్ట్‌వేర్లో‌ బగ్‌, సాంకేతిక వ్యవస్థలో  లోపాన్ని గుర్తించిన వారికి దాదాపు ‌77 ​కోట్ల రూపాయల నజరానా ఇవ్వనుంది. అంతేకాదు  లోపాన్ని గుర్తించిన వారికి టెస్లా 3 కారును కూడా ఉచితంగా గెలుచుకునే అవకాశం ఉందని టెస్లా  ప్రకటించింది. మైక్రోసాఫ్ట్‌, వీఎంవార్‌తో కలిసి ఈ ఏడాది మార్చిలో కెనడా వాంకోవర్‌లో పాన్‌టు ఓ​న్‌ (Pwn2Own) హ్యాకింగ్‌ కాంటెస్ట్‌ను నిర్వహించనుంది. తన కంపెనీ కార్ల విషయంలో అత్యధిక భద్రతా ప్రమాణాలను అభివృద్ధి చేయడానికి టెస్లా కృషి చేస్తోందని, ఈ నేపథ్యంలో అత్యంత విలువైన భద్రతా పరిశోధనకు విలువైందిగా భావిస్తామని టెస్లా వైస్‌ ప్రెసిడెంట్‌ డేవిడ్‌ లాయు ప్రకటించారు. బగ్‌ బౌంటీ కార్యక్రమాన్ని టెస్లా 2014లో ప్రారంభించినప్పటికీ ఈ తరహా మోడల్‌లో ఇదే తొలిసారని పేర్కొన్నారు. కాగా డ్రైవర్ రహిత కార్లను హ్యాక్ చేసే ప్రమాదం పొంచి ఉందని  గతంలో  టెస్లా అధినేత ఎలాన్ మస్క్ హెచ్చరించిన సంగతి తెలిసిందే. 

మాస్కో: డేటా లీక్, డేటా హ్యాకింగ్‌ ఇప్పుడు ప్రపంచాన్ని భయపెడుతున్న అంశం. సంపాదన నుంచి సంసారమంతా డిజిటల్‌ లైఫ్‌తో ముడిపడటమే దీనికి కారణం. అయితే సోషల్‌ మీడియా ఖాతాల సమాచారం మొదలు మన బ్యాంకింగ్, క్రెడిట్‌ కార్డుల సమాచారాన్ని దొంగిలించి కేవలం రూ.3,580కే సైబర్‌ నేరస్తులు అమ్ముతున్నట్లు తాజా అధ్యయనంలో తేలింది. రష్యాలోని సైబర్‌ సెక్యూరిటీ కంపెనీకి చెందిన క్యాస్పర్‌స్కీ ల్యాబ్‌కు చెందిన శాస్త్రవేత్తలు ఈ అధ్యయనం చేపట్టారు. వ్యక్తిగత డేటాను సైబర్‌ నేరగాళ్లు ఉపయోగిస్తున్న తీరు, వారు ఎంత ధరకు అమ్ముతున్నారో వంటి విషయాలు తెలుసుకోవడానికి శాస్త్రవేత్తలు ‘డార్క్‌ వెబ్‌’మార్కెట్లపై పరిశోధనాత్మక దర్యాప్తు చేపట్టారు. డార్క్‌ వెబ్‌లు ఇంటర్నెట్‌లోనే ఉంటాయి కానీ, సెర్చ్‌ ఇంజన్‌లో కనపడవు. వాటి యాక్సెస్‌ కోసం ప్రత్యేక సాఫ్ట్‌వేర్‌ అవసరమవుతుంది. సోషల్‌ మీడియా ఖాతా, బ్యాంకింగ్‌ సమాచారంతో పాటు ఉబర్, నెట్‌ఫ్లిక్స్, స్పాటిఫై వంటి పాపులర్‌ సర్వీస్‌ వెబ్‌సైట్‌లలోనూ డేటా చోరీకి గురవుతున్నట్లు శాస్త్రవేత్తలు పేర్కొన్నారు. వీటితో పాటు గేమింగ్‌ వెబ్‌సైట్స్, డేటింగ్‌ యాప్స్, పోర్న్‌ వెబ్‌సైట్స్, క్రెడిట్‌ కార్డ్‌ల సమాచారాన్ని సైబర్‌ నేరగాళ్లు దొంగిలించి రూ.72 నుంచి రూ.3,580కు అమ్ముతున్నట్లు అంచనా వేశారు. డేటా చోరీ వల్ల వ్యక్తి డబ్బుతో పాటు హోదా, గౌరవం దెబ్బతింటుందని, సైబర్‌ నేరగాళ్లకు చిక్కకుండా ఉండటానికి ఒకే విధమైన పాస్‌వర్డ్‌ వాడకపోవడమే మార్గమని శాస్త్రవేత్త డేవిడ్‌ జాకోబి సూచించారు.  

బెథెస్డ: ప్రపంచవ్యాప్తంగా అనేక దేశాల్లో హోటళ్లు కలిగిన మ్యారియట్‌ సంస్థలో అంతర్గత సెక్యూరిటీ ఉల్లంఘనల కారణంగా దాదాపు 50 కోట్ల మంది వినియోగదారుల సమాచారం ప్రమాదంలో పడింది. మ్యారియట్‌ హోటళ్లలో రూమ్‌లు తీసుకున్న వారి క్రెడిట్‌ కార్డు నంబర్లు, పాస్‌పోర్టు నంబర్లు, పుట్టిన తేదీ వివరాలు, ఫోన్‌ నంబర్లు, ఈ–మెయిల్‌ అడ్రస్‌లు తదితర సమాచార భద్రతకు ముప్పు ఏర్పడిందని ఆ కంపెనీ వెల్లడించింది. 2014 నుంచి స్టార్‌వుడ్‌ నెట్‌వర్క్‌లో కొందరు అనధికారిక వ్యక్తులకు ఈ సమాచారానికి యాక్సెస్‌ లభించిందని కంపెనీ తెలిపింది. 2016లో స్టార్‌వుడ్‌ను మ్యారియట్‌ సొంతం చేసుకుంది. మ్యారియట్‌ హోటల్స్‌కు ప్రపంచవ్యాప్తంగా దాదాపు 6,700 హోటళ్లున్నాయి.

ఇస్లామాబాద్‌: పాకిస్తాన్‌లో వేలాది మంది బ్యాంకు ఖాతాలు హ్యాకింగ్‌ గురయ్యాయి. గత నెలలో జరిగిన ఈ సైబర్‌ చొరబాటు కారణంగా కోట్లాది రూపాయలు హ్యాకర్ల చేతిలోకి వెళ్లాయని అధికారులు తెలిపారు. పలువురి ఫిర్యాదుతో ఈ విషయం వెలుగుచూసింది. దీనిపై విచారణ ప్రారంభించామని అధికారులు వెల్లడించారు. అక్టోబర్‌ 27, 28లలో జరిగిన ఈ సైబర్‌ దాడుల్లో సుమారు 12 బ్యాంకులకు చెందిన 8 వేల మంది ఖాతాదారులు నగదు కోల్పోయారు. అక్టోబర్‌ 27న అంతర్జాతీయ కార్డుల రూపంలో తమ బ్యాంకు రూ.26 లక్షలు కోల్పోయిందని, అప్పటి నుంచి అలాంటి చెల్లింపులను నిలిపివేసినట్లు బ్యాంక్‌ ఇస్లామి తెలిపింది. తన ఖాతా నుంచి హ్యాకర్లు రూ.30 లక్షలు దోచుకున్నారని ప్రముఖ శాస్త్రవేత్త ఒకరు సుప్రీంకోర్టును ఆశ్రయించారు. ఇదిలా ఉండగా, అన్ని డెబిట్, క్రెడిట్‌ కార్డుల ఆధారంగా జరిపే అంతర్జాతీయ చెల్లింపులను తక్షణమే నిలిపివేయాలని స్టేట్‌ బ్యాంక్‌ ఆఫ్‌ పాకిస్తాన్‌ బాధిత బ్యాంకులను ఆదేశించింది. 

న్యూఢిల్లీ: యూనియన్‌ బ్యాంక్‌ ఆఫ్‌ ఇండియా (యూబీఐ) హ్యాకింగ్‌ కేసు విచారణ సీబీఐ వద్దకు చేరింది. ఇప్పటిదాకా ఈ కేసును ముంబై పోలీసులు దర్యాప్తు చేయగా.. తాజాగా దీన్ని సీబీఐ టేకోవర్‌ చేసింది. 2016 జులై 20న జరిగిన ఈ సైబర్‌ దాడిలో హ్యాకర్లు 171 మిలియన్‌ డాలర్ల (సుమారు రూ.1,200 కోట్లు) నిధులను బ్యాంకు నోస్ట్రో అకౌంటు నుంచి వివిధ దేశాల్లోని ఖాతాల్లోకి మళ్లించారు. యూబీఐ నోస్ట్రో అకౌంట్లను నిర్వహించే రెండు అమెరికన్‌ బ్యాంకుల ద్వారా కాంబోడియా, థాయ్‌ల్యాండ్, తైవాన్, ఆస్ట్రేలియా దేశాల్లోని ఖాతాలకు నిధుల మళ్లింపు జరిగింది. 

న్యూఢిల్లీ : ఆధార్‌ ఫ్రేమ్‌వర్క్‌ ప్రవేశపెట్టినప్పటి నుంచీ.. దాని డేటా సెక్యురిటీ ఓ హాట్‌టాఫిక్‌గా మారిపోయింది. ఆధార్‌ నెట్‌వర్క్‌ సురక్షితంగా కాదంటూ ఇప్పటికే పలు రిపోర్టులు తేల్చాయి. ఈ రిపోర్టులను యునిక్‌ ఐడెంటిఫికేషన్‌ అథారిటీ ఆఫ్‌ ఇండియా(యూఐడీఏఐ) కొట్టిపారేస్తూ వస్తోంది. వందల వేల సార్లు ప్రయత్నించినా ఆధార్‌ డేటాను బ్రేక్‌ చేయలేరని యూఐడీఏఐ చెబుతూ వస్తోంది. కానీ మూడు నెలల పాటు జరిగిన ఓ ఇన్వెస్టిగేషన్‌లో ఆధార్‌ సాఫ్ట్‌వేర్‌ హ్యాక్‌ చేయొచ్చని వెల్లడైంది. సాఫ్ట్‌వేర్‌ ప్యాచ్‌ ద్వారా కొత్త ఆధార్‌ యూజర్లు ఎన్‌రోల్‌మెంట్‌ చేసుకునే సాఫ్ట్‌వేర్‌లోని క్లిష్టమైన భద్రతా ఫీచర్లను డిసేబుల్‌ చేమొచ్చని హుఫ్‌పోస్ట్‌ ఇండియా బహిర్గతం చేసింది.  ఈ ప్యాచ్‌ కేవలం రూ.2500కే లభ్యమవుతుందని, అనధికారిక వ్యక్తులు ఆధార్‌ సాఫ్ట్‌వేర్‌ను హ్యాక్‌ చేసేలా ఇది అవకాశం కల్పిస్తుందని వెల్లడించింది. ప్రపంచంలో ఏమూల నుంచైనా.. ఆధార్‌ నెంబర్లను జనరేట్‌ చేసేలా వారికి అనుమతి ఇస్తుందని రిపోర్టు తెలిపింది. దీన్ని విస్తృతంగా వాడుతున్నట్టు కూడా పేర్కొంది. మూడు విభిన్న ప్రదేశాల నుంచి గ్లోబల్‌ సెక్యురిటీ నిపుణుల ద్వారా ఈ సమాచారాన్ని తనిఖీ చేయించినట్టు హుఫ్‌పోస్టు ఇండియా వెల్లడించింది. ఈ ముగ్గురు కూడా హ్యాక్‌ను ధృవీకరించినట్టు తెలిపింది. ప్యాచ్‌ ఎన్‌రోల్‌మెంట్‌ సాఫ్ట్‌వేర్‌ ఇన్‌-బిల్ట్‌ జీపీఎస్‌ సెక్యురిటీ ఫీచర్‌ను డిసేబుల్‌ చేస్తుందని రిపోర్టు వెల్లడించింది. యూజర్లను ఎన్‌రోల్‌ చేయడానికి ప్రపంచంలోనే ఏ మూల నుంచైనా ఈ సాఫ్ట్‌వేర్‌ను వాడేలా అనధికారిక వ్యక్తులకు అనుమతిస్తుందని పేర్కొంది.    

లండన్‌: బ్రిటీష్‌ ఎయిర్‌వేస్‌ ప్రయాణికుల క్రెడిట్‌ కార్డు వివరాలు హ్యాకింగ్‌కు గురయ్యాయి. ఆగస్టు 21 నుంచి సెప్టెంబర్‌ 5 వరకు సంస్థ మొబైల్‌ యాప్‌ ద్వారా, ఎయిర్‌వేస్‌ వెబ్‌సైట్‌లో టికెట్లు బుక్‌ చేసిన 3.8లక్షల  ప్రయాణికుల క్రెడిట్‌ కార్డు వివరాలు చోరీఅయ్యాయని బ్రిటీష్‌ ఎయిర్‌వేస్‌ తెలిపింది. ఈ వివరాలు దుర్వినియోగంకాకుండా ఆపేందుకు యత్నిస్తున్నామని బ్రిటీష్‌ ఎయిర్‌వేస్‌ సీఈవో అలెక్స్‌ క్రూజ్‌ చెప్పారు. పోలీసుల విచారణ కొనసాగుతోందన్నారు. ‘ప్రయాణికుడి పేరు, చిరునామా, ఈ–మెయిల్‌ అడ్రస్, క్రెడిట్‌ కార్డు సమాచారాన్ని (కార్డు నెంబరు, ఎక్సై్పరీ డేట్, సీవీసీ కోడ్‌) హ్యాకర్లు సంపాదించారు. ప్రయాణికుల పాస్‌పోర్టు వివరాలు హ్యాక్‌ కాలేదు’ అని క్రూజ్‌ చెప్పారు. ఆగస్టు 21 – సెప్టెంబర్‌ 5 మధ్య టికెట్లు బుక్‌ చేసుకున్న ప్రయాణికులు కార్డులను బ్లాక్‌ చేసుకోవాలని ఆయన కోరారు. బ్రిటీష్‌ నేషనల్‌ క్రైమ్‌ ఏజెన్సీకి సమాచారం అందించామని చెప్పారు. కాగా, పలువురు ప్రయాణికులు తమ క్రెడిట్‌ కార్డును ఎవరో వాడుకున్నట్లు ఫోన్‌కు సందేశాలు వచ్చాయని బ్రిటన్‌ ప్రెస్‌ అసోసియేషన్‌కు ఫిర్యాదు చేశారు.   పెద్ద కంపెనీల్లో భద్రత డొల్లే! డిజిటల్‌ సర్వీసులను కల్పించే ప్రయత్నంలో కనీస భద్రత కల్పించకపోవడంపై బ్రిటీష్‌ ఎయిర్‌వేస్‌పై ప్రయాణికులు సహా ఐటీ నిపుణులు మండిపడుతున్నారు. బ్రిటీష్‌ ఎయిర్‌వేస్‌లో ఐటీ సంబంధిత సమస్య తలెత్తడం ఇదేం మొదటిసారి కాదు. గతేడాది మేలో కంప్యూటర్‌ వ్యవస్థలో లోపాల కారణంగా 700కు పైగా విమానాలు హఠాత్తుగా రద్దవడం.. 75వేల మంది ప్రయాణికులు వివిధ విమానాశ్రయాల్లో చిక్కుకుపోయారు. అమెరికాలోని డెల్టా ఎయిర్‌లైన్స్‌ కూడా మాల్‌వేర్‌ కారణంగా తమ ప్రయాణికుల చెల్లింపుల వివరాలు బహిర్గతమయ్యేందుకు ఆస్కారముందని ఈ ఏడాది ఏప్రిల్‌లో వెల్లడించింది.  

వాషింగ్టన్‌ : టెక్‌ దిగ్గజాలే గంటలు, రోజులపాటు కష్టించి మరీ చేయగలిగిన పనిని ఓ 11 ఏళ్ల విద్యార్థి నిమిషాల వ్యవధిలో చేసి ఔరా అనిపించాడు. ఆ కుర్రాడి ఘనతతో అమెరికా ఓటింగ్‌ సైట్ల సమాచారం భద్రతపై అనుమానాలు వ్యక్తం అవుతున్నాయి. ఇటీవల డెఫ్‌కాన్‌ సెక్యూరిటీ కన్వెన్షన్‌ పేరిట మూడు రోజులపాటు హ్యాకింగ్‌ కాంపిటీషన్‌ నిర్వహించారు. ఇందులో 6-17 ఏళ్ల మధ్య చిన్నారులు పాల్గొని తమ ప్రతిభాపాటవాలను ప్రదర్శించారు. అయితే ఓ 11 ఏళ్ల బాలుడు ఎమ్మెట్‌ బ్రెవర్‌ మాత్రం అచ్చం అమెరికాఎన్నికల ఫలితాల వెబ్‌సైట్‌ లాంటి వెబ్‌సైట్‌నే కేవలం 10 నిమిషాల్లో క్రియేట్‌ చేశాడు. ఫ్లొరిడా రాష్ట్ర ఎన్నికల విజేత పేరును మార్చేశాడు. మరో 5 అమెరికా రాష్ట్రాల ఎన్నికల వెబ్‌సైట్‌లను చిన్నారులు సులువుగా హ్యాక్‌ చేయడంతో అచ్చం అలాంటి వెబ్‌సైట్‌ పేజీలను రూపొందించడం సైబర్‌ విభాగాన్ని ఆందోళనకు గురిచేస్తోంది.  అసలే ఓవైపు తమ అధ్యక్ష ఎన్నికల్లో రష్యా జోక్యం చేసుకుందని, అమెరికా ఎన్నికల వెబ్‌సైట్‌లపై నిఘా పెట్టిందని ఆరోపణలున్నాయి. ఈ నేపథ్యంలో చిన్నారులు సైతం అమెరికా కీలక వెబ్‌సైట్‌లను తమ నియంత్రంణలోకి తెచ్చుకోవడం, అచ్చం వాటి నకలుగా వెబ్‌సైట్‌లను కేవలం నిమిషాల వ్యవధిలో క్రియేట్‌ చేయడంతో సైబర్‌ నిపుణులు కంగుతిన్నట్లు సమాచారం. అయితే నేషనల్‌ అసోసియేషన్‌ ఆఫ్‌ సెక్రటరీస్‌ ఆఫ్‌ స్టేట్‌ మాత్రం ఈ కన్వెన్షన్‌లో వచ్చిన ఫలితాలను స్వాగతించడం గమనార్హం. టెక్సాస్‌కు చెందిన ఎమ్మెట్‌ బ్రేవర్‌ ఫ్లొరిడా స్టేట్‌ ఎన్నికల వెబ్‌సైట్‌ డూప్లికేట్‌ను క్రియేట్‌ చేయడంతో పాటు విజేతల పేర్లను మార్చివేశాడు. వారికి వచ్చిన ఓట్ల సంఖ్యను తన ఇష్టరీతిన మార్చివేసి వెబ్‌సైట్‌లో అప్‌డేట్‌ చేశాడు. సైబర్‌ కాంపిటీషన్‌లో బ్రేవర్‌ విజేతగా నిలిచినట్లు మంగళవారం ట్విటర్‌ ద్వారా వెల్లడించారు.

పనాజీ : ఆధార్‌ బయోమెట్రిక్‌ డేటా భద్రతపై ఎవరెన్ని అనుమానాలు సృష్టించినా.. ప్రభుత్వం మాత్రం వివరణ ఇస్తూనే ఉంది. ఈసారి కాస్త ఘాటుగానే క్లారిటీ ఇచ్చింది. ఎవరైనా ఆధార్‌ డేటాను దొంగలించడానికి, హ్యాక్‌ చేయడానికి వంద కోట్ల సార్లు ప్రయత్నించినా... దాన్ని మాత్రం హ్యాక్‌ చేయలేరని ఆధార్‌ డేటా భద్రతపై వస్తున్న రూమర్లన్నింటిన్నీ కేంద్ర ప్రభుత్వం కొట్టిపారేసింది. డేటా స్టోరేజ్‌ సిస్టమ్‌ పూర్తి భద్రంగా, సురక్షితంగా ఉందని మంత్రి రవి శంకర్‌ ప్రసాద్‌ చెప్పారు. ఈ సిస్టమ్‌లో చాలా మంది ఫింగర్‌ప్రింట్‌లు, ఐరిస్‌ స్కాన్‌లు ఉన్నాయని, వాటిని తాము ఎంతో భద్రంగా, సురక్షితమైన పరిస్థితుల్లో ఉంచామని తెలిపారు. వీటిని హ్యాక్‌ చేయడానికి వందల కోట్ల సార్లు ప్రయత్నించినా.. ఏ మాత్రం లీక్‌ కాదని, హ్యాక్‌ చేయలేరని పనాజీలో జరిగిన ఓ పబ్లిక్‌ ఫంక్షన్‌లో స్పష్టం చేశారు. ప్రతి సెకన్‌కు సుమారు కోటి మంది ధృవీకరణలను ఆధార్‌ అథారిటీలు చేపడుతున్నాయని చెప్పారు.  ‘ప్రతి మూడు సెకన్లకు ఎంతమంది ధృవీకరణలు జరుగుతున్నాయో మీకు తెలుసా? మూడు కోట్లు. ఎన్ని బ్యాంక్‌ అకౌంట్లు ఆధార్‌కు లింక్‌ అవుతున్నాయో తెలుసా? 80 కోట్ల అకౌంట్లు. ఆధార్‌ అనేది దేశీయ టెక్నాలజీ. పూర్తిగా భద్రంగా, సురక్షితంగా ఉంటుంది.’ అని రవిశంకర్‌ ప్రసాద్‌ తెలిపారు. భారత్‌ను మరింత డిజిటల్‌గా రూపాంతరం చేసేందుకు మోదీ ప్రభుత్వం చర్యలు తీసుకుంటుందని రవిశంకర్‌ ప్రసాద్‌ చెప్పారు. భారత్‌లో 130 కోట్ల మంది జనాభా ఉంటే, వారిలో 121 కోట్ల మంది మొబైల్‌ ఫోన్లున్నాయని, 450 మిలియన్‌ మందికి స్మార్ట్‌ఫోన్లు, 50 కోట్లకు పైగా మంది ఇంటర్నెట్‌ కనెక్షన్లు, 122 కోట్ల ఆధార్‌ కార్డులు ఉన్నాయని.. ఇదీ భారత్‌ డిజిటల్‌ ప్రొఫైల్‌ అని చెప్పారు. ‘మనం పారిశ్రామిక విప్లవాన్ని, వ్యవస్థాపక విప్లవాన్ని మిస్‌ అయ్యాం. లైసెన్స్‌ క్వోటా రాజ్‌ కింద అవన్నీ 1960, 70ల్లో జరిగాయి. కానీ మనం డిజిటల్‌ విప్లవాన్ని చేజార్చుకోవద్దు. మనం కూడా అధినేతలుగా నిలువాలి. ఇదే డిజిటల్‌ ఇండియా ఫిలాసఫీ’ అని ఉద్ఘాటించారు. 

ఎక్కడికి వెళ్లినా సరే మన గుర్తింపును తెలిపే ఏదో ఒక ఐడీ కార్డు కచ్చితంగా వెంట ఉండాల్సిందే. ఇక ఉద్యోగుల​కు, విద్యార్థులకైతే ఐడీకార్డు లేనిదే లోపలి ప్రవేశించే అనుమతి ఉండదు. ఇంతలా ప్రాధాన్యం ఉన్న ఐడీ కార్డును తరచుగా మర్చిపోయి ఇబ్బందుల పాలవడం సహజంగా జరిగేదే. మరి ఆ ఇబ్బందులను అధిగమించాలంటే  స్వీడిష్‌ ప్రజలు అనుసరిస్తున్న విధానాన్ని మనమూ ఫాలో అయిపోతే సరిపోతుంది. రోజువారీ కార్యక్రమాల్లో భాగంగా ప్రతీచోటా ఐడీ కార్డు చూపించాల్సిన అవసరం లేకుండా తమ శరీరాన్నే మైక్రోచిప్‌లతో నింపేస్తున్నారు స్వీడిష్‌ ప్రజలు. బియ్యపు గింజ పరిమాణంలో ఉండే మైక్రోచిప్‌ను చేతిలో లేదా శరీరంలోని ఇతర భాగాల్లో అమర్చుకోవడం ద్వారా జిమ్‌ కార్డు, ఆఫీసు కీ కార్డులను రీప్లేస్‌ చేసేస్తున్నారు. 2015 నుంచే సుమారు 3 వేల మంది స్వీడిష్‌ ప్రజలు ఈ విధానాన్ని అనుసరిస్తున్నారని ఏజెన్సీ ఫ్రాన్స్‌ ప్రెస్‌ తెలిపింది. గతేడాది స్వీడన్‌ రైల్వే శాఖ బయోమెట్రిక్‌ చిప్స్‌ కలిగి ఉన్న తమ ప్రయాణికుల చేతిని స్కాన్‌ చేయడం ద్వారా ప్రయాణంలోనే టికెట్లు అందించే సరికొత్త విధానానికి తెరలేపింది. మైక్రోచిప్‌ అమర్చుకోవడం సులువే.. కానీ.. ఇంజక్షన్‌ చేయించుకున్నంత తేలికగా శరీరంలో మైక్రోచిప్‌ను అమర్చుకోవచ్చు. స్వీడన్‌లోని పని ప్రదేశాల వద్ద ఇలా మైక్రోచిప్‌లను అమర్చే వారు అందుబాటులో ఉంటారు. కానీ ఈ ప్రక్రియ వల్ల ఇన్ఫెక్షన్లతో పాటు, జీవక్రియలపై చెడు ప్రభావం ఉండే అవకాశం ఎక్కువగా ఉంటుందని మైక్రోబయాలిస్టులు హెచ్చరిస్తున్నారు. హ్యాకింగ్‌ ప్రమాదం తక్కువే... స్వీడన్‌కు చెందిన బయోహ్యాకింగ్‌ గ్రూప్‌ బియానిఫికెన్‌ ఈ విధానాన్ని ప్రాచుర్యంలోకి తెచ్చింది. స్వీడన్‌తో పాటు యూఎస్‌, యూకే, ఫ్రాన్స్‌, జర్మనీ, మెక్సికో దేశాల్లో ప్రజలు తమ చేతుల్లో మైక్రోచిప్‌లను అమర్చుకునేందుకు ఆసక్తి కనబరినట్లు తెలిపింది. స్నాక్స్‌ కొనేందుకు, కంప్యూటర్‌ లాగిన్‌, ఫొటోకాపియర్‌ ఇలా చిన్న చిన్న పనులకు కూడా మైక్రోచిప్‌లు అమర్చుకోవడం చూస్తుంటే టెక్నాలజీ పట్ల యువత ఎంతగా ఆకర్షితులవుతున్నారో అర్థమవుతోందని బయోఫికెన్‌ పేర్కొంది. శరీరాన్నే ఒక ప్రయోగశాలగా మార్చిన నేటి తరంలో స్మార్ట్‌ఫోన్‌, స్మార్ట్‌వాచ్‌లంటూ అనేక రకాల గాడ్జెట్లను వెంట తీసుకెళ్లే బదులు చేతి వేళ్లను ఆడించడం ద్వారా మీ పనులను సులభతరం చేసుకోవచ్చని బయోఫికెన్‌ స్థాపకుడు హాన్స్‌ సోబ్లాడ్‌ సలహా కూడా ఇస్తున్నారు. హ్యాకింగ్‌కు గురయ్యే అవకాశాలు తక్కువగా ఉండటం వల్ల సుమారు 10 మిలియన్ల మంది మైక్రోచిప్‌లను అమర్చుకునేందుకు ఆసక్తి చూపిస్తున్నారని ఆయన పేర్కొన్నారు.

సాక్షి, న్యూఢిల్లీ : ఢిల్లీలోని ప్రసిద్ధ జామియా మిలియా ఇస్లామియా యూనివర్శిటీ వెబ్‌సైట్‌లో‘హ్యాపి బర్త్‌ డే పూజ’ అనే పేరు ప్రత్యక్షమైంది. ఎవరో ఆకతాయి తన ప్రేమ శుభాకాంక్షలు తెలపడానికి వెబ్‌సైట్‌ను హ్యాక్‌ చేసి ఈ తుంటరి పనికి పాల్పడ్డాడు. కాగా, ఈ ఈ ఘటనపై ట్విట్టర్‌లో జోకులు పేలాయి. పూజ అనే అమ్మాయి చాలా అదృష్టవంతురాలని కొందరు స్పందిస్తే, మరికొందరు తన ప్రేమను చాటుకోవటానికి ఇదే దొరికిందా అంటూ ఆ ప్రేమదాసును కడిగి పారేశారు. జామియా యూనివర్శిటీ అధికారులు మాత్రం దీనిపై ఎటువంటి అధికారిక ప్రకటన చేయలేదు. వెబ్‌సైట్‌ను తిరిగి తమ ఆధీనంలోకి తీసుకున్న విశ్వవిద్యాలయ అధికారుల బృందం తిరిగి కార్యకలాపాలను ప్రారంభించింది. ఇది చాలా పెద్ద సమస్యని, ప్రభుత్వ ఆధీనంలోని ఒక సంస్థ వెబ్‌సైట్‌ను ఆకతాయి పూర్తిగా తన ఆధీనంలోకి తెచ్చుకోవటం, సామాజిక మాధ్యమ రంగంలో ఆమోదయోగ్యం కాదని పేర్కొన్నారు.

ఈ కూపీ వాళ్లకి ఎందుకు? ఇండియాను తమ చెప్పుచేతల్లో పెట్టుకుని తమ సామ్రాజ్య ప్రయోజనాలకు, యుద్ధ ప్రయోజనాలకు, చేసే యుద్ధాలకు ‘సై’ అనిపించడానికి ఇది అవసరం. అమెరికాతో నీవు చేతులు కలపకపోతే నిన్నే తన శత్రువుగా ప్రకటించడానికి సామ్రాజ్య పాలకులు సంకోచించరని గుర్తించాలి. ఆ వైపుగానే ఇపుడు ఆంగ్లో–అమెరికన్‌ ప్రభుత్వాలు భారత ప్రభుత్వ విదేశాంగ విధానాలను మలచడానికి శక్తిమంతంగా ప్రయత్నిస్తున్నాయి. ‘నా గురించి డేటా కావాలా మీకు? తీసుకోండి బాబూ! కానీ అందుకు ముదరాగా మీరు ప్రతి ఆరునెలలకు నాకు విసుగు పుట్టించే కొత్త పనులు మాత్రం పురమాయించకండి! ఈ డేటా లీకులూ, గోప్యత పైన, ఫేస్‌బుక్, వ్యక్తుల భోగట్టా గురించి కేంబ్రిడ్జ్‌ ఎనలిటికా, నరేంద్ర మోదీ (నామో) యాప్, ఆధార్‌ వంటి కూపీ వ్యవస్థలు– టెక్నాలజీ ఆధారంగా మనం సమకూర్చుకున్న మన డేటాను కాస్తా ఎలా దొంగిలిస్తున్నామో తెలుసు. అయినా ఈ గందర గోళంలో తలదూర్చి ఈత కొట్టదలచలేదు. ఇప్పటికే యావత్తు ప్రపంచానికి తెలిసిపోయింది– తమ నోరు మెదపలేక అలా పడివున్న భారత ప్రజా బాహు ళ్యం ఆ మూగ వేదనలో కొద్ది కిలోల బియ్యం కోసం తమ గోప్యతను కాస్తా సంతోషంతో ఎలా మారకం చేసుకుంటున్నారో తెలిసిపోయింది. బహుశా ప్రపంచంలో రెండు శక్తులు ఉన్నాయి. ఒకటి–ప్రభుత్వమూ, రెండు– కార్పొరేట్‌ శక్తి. ఇక్కడ ఈ క్షణాన ‘ఆధార్‌’ సాధికార శక్తిలో దాగి ఉంది. ఇక నుంచి ఈ శక్తి ‘దాయి’ (ఆయా)గా వ్యవహరిస్తూ ఉంటుంది. ఈ రెండు శక్తులూ పరస్పరం చేతులు కలిపి ఆధార్‌లో నిక్షిప్తం చేసిన వ్యక్తిగత సమాచారం (డేటా) అంతా భద్రంగానే ఉందని మనకు వందలసార్లు భరోసా ఇచ్చారు. అంటే మీ డేటా అంతా భద్రంగానే ఉంది కనుక ఇక నుంచి దాన్ని గురించి నోరెత్తి చర్చించకండి అని శాసిస్తున్నారు. అలాగే ‘ఫేస్‌బుక్‌’ సృష్టించిన జుకర్‌బర్గ్‌ కూడా తాను ‘మంచి బాలుడనే’నని వెయ్యిన్నొక్కసార్లు ప్రకటించాడు. చివరికి ఇతడిని ప్రధాని మోదీ అక్కున చేర్చుకుని హత్తుకున్నాడు. ఇలా మోదీ హత్తుకున్న వాళ్లంతా ఎంతో కొంత హాని కలిగిస్తారని చెడు తలపెడతారని నేను నమ్మలేను.’ – జి. సంపత్‌ (ది హిందు సామాజిక వ్యవహారాల విశ్లేషక సంపాదకుడి వ్యంగ్య రచన)  ‘నేడు ఇండియాలో ముమ్మరిస్తున్న పరిణామాలు దేశంలో ప్రవేశించిన ఆధునిక వలస విధానంగా తోస్తోంది’  – క్రిస్టోఫర్‌ వీలీ (భారత్‌లో సమాచార కూపీ, ఎన్నికల ఫలితాలను ప్రభావితం చేయడం వంటి అంశాల గురించి ట్విటర్‌లో బట్టబయలు చేసిన వేగు) క్రిస్టోఫర్‌ వీలీ తన డాక్యుమెంట్లలో బంధించిన సమాచారాన్నంతా బ్రిటన్‌ కామన్స్‌ సభ ‘కల్చర్, మీడియా స్పోర్ట్స్‌ కమిటీ’ ముందు వెల్లడించాడు. ఈ విషయాలను పరిశీలిస్తే  వలస సామ్రాజ్య పాలనావశేషాల నుంచి స్వతంత్ర భారత్‌ సంపూర్ణ విముక్తిని పొందిన దేశమేనా అని మనకు మనం ప్రశ్నించుకో వలసిన స్థితిలో ఉన్నామని అనిపిస్తుంది. అదే సమయంలో ‘ఆధునిక వలస విధానం ఇలా ఉంటుందన్న భావన’ కలుగుతోందన్నాడు (దిసీజ్‌ వాట్‌ మోడ రన్‌ కలోనియలిజం లుక్స్‌లైక్‌) క్రి స్టొఫర్‌ వీలీ. స్వాతంత్య్రం వచ్చి ఏడు దశా బ్దాలు గడిచిపోతున్నది. అయినా భారత రాజకీయ, ఆర్థిక, సామాజిక నైతిక వ్యవస్థలపై పాత, కొత్త వలస పాలకుల కనుసన్నలలోనే ఆంగ్లో–అమెరికన్‌ బహుళజాతి గుత్త సంస్థలు జోక్యం చేసుకోవడం సహించరాని పరిణామం. అంటే రక్షణ రంగం సహా దాదాపు కీలక రంగాలన్నీ కాంగ్రెస్, బీజేపీ సంకీర్ణ పాలనా వ్యవస్థల కింద విదేశీ, స్వదేశీ గుత్త సంస్థల అదుపాజ్ఞలలోకి వెళ్లి ప్రజా బాహుళ్యం మూల్గులను పీల్చేస్తున్నాయని స్పష్టమైంది. ‘మేక్‌ ఇన్‌ ఇండియా’ నినాదం కాస్తా విదేశీ వాస్కోడిగామాల అడ్డాగా మార్చుతున్నారు. సాంకేతికత వెనుక సంక్షోభం భారత ఎన్నికల వ్యవస్థలోకి చొరబడిన కేంబ్రిడ్జ్‌ ఎనలిటికా, క్రిస్టోఫర్‌ వీలీ సమాచారం వికేంద్రీకరణ పేరిట, ఆధునిక టెక్నాలజీ ముసుగులో ప్రవేశిం చిన ఫేస్‌బుక్, యూట్యూబ్, గూగుల్, ఇన్‌స్టాగ్రామ్, ట్వీటర్‌ వగైనా సోషల్‌ మీడియాను ప్రయోజనకర కార్యకలాపాలకు వినియోగించడం లేదు. దోపిడీ వ్యవస్థల రక్షణ కోసం, ప్రజా ప్రయోజనాలకు విరుద్ధంగా వ్యవహరించే రాజకీయ పక్షాలకు వాటి నాయకత్వాలకు ఎన్నికలలో ఉపయోగపడేటట్టూ చేస్తున్నారు. ఎన్నికలలో ఫలితాలను తమకు సానుకూలంగా మార్చుకు నేందుకు అనుకూల ఏజెన్సీల ద్వారా సోషల్‌ మీడియాలో ద్వారా ప్రచార ‘ఊదర’ కొట్టుకుని, ఓటింగ్‌ సరళిని ప్రభావితం చేయడానికి ఈ సంస్థలు పనిచేయడం– బీజేపీ 2012 నుంచి ప్రవేశపెట్టిన ఫలితమే. 2014 లోక్‌సభ ఎన్నికలలో ఇందుకు తెర తీసిన పెద్దమనిషి అరవింద్‌ గుప్తా. ఆ పార్టీ కేంద్ర కార్యాలయంలో పదిని వందగా చూపే సంఖ్యల తారుమారు విద్యలో డిజిటల్‌ మీడియా మ్యానిప్యులేటర్‌గా అతడే పనిచేశాడు. సంఖ్యా శాస్త్రాన్ని డిజిటల్‌ మీడియా ద్వారా  ఎలా దుర్వినియోగం చేయవచ్చునో నిపుణులు నాకు చెప్పారు. ఇంతకు ముందు కృత్రిమ విద్య ద్వారా మనం స్నేహితులను జయించడం ఎలాగో కొందరు పుస్తకాలు రాశారు. అలాగే ఎన్నికలలో ఓడవలసిన వాడు కూడా డిజిటల్‌ టెక్నాలజీ సాయంతో ప్రచారం ద్వారా ఓటింగ్‌ ఫలితాన్ని ఎలా తారుమారు చేయవచ్చునో 2014 ఫలితాలు నిరూ పించాయి. ఒక నాయకుడు ఎన్నికలు, ఓటింగ్‌లకు ఆరు నెలలకు ముందే తానే ‘వస్తున్నాడు, వచ్చేస్తున్నాడ’ని డిజిటల్‌ టెక్నాలజీ సాయంతో విజ యాన్ని హస్తగతం చేసుకున్నాడు. ఇందుకు కాంగ్రెస్‌ పాలన తప్పిదాలు ఆ ఊదరకు దోహదం చేయడం యాదృచ్ఛికం. ఆ తర్వాత శ్రీలంక ఎన్నికల్లో ప్రజా కంటకునిగా మారిన అధ్యక్షుడు రాజపక్సకు సాయంగా బీజేపీ డిజిటల్‌ టెక్నాలజీ నిపుణుడిని పంపడం, అది తెలిసిన  పాత్రికేయులు ‘మీ రాకలో రహస్యమేమిట’ని ప్రశ్నిస్తే ‘‘ఆ విషయం మీకు చెప్పవలసిన పనిలేద’’ని ఆ నిపుణుడు ఎదురు మాట్లాడ్డం గురించి ఆనాడు కొన్ని పత్రికలు ఒక మూలకు తోసేశాయి. దండగమారి చెత్త అమెరికా పత్రికా ప్రపంచంలోనూ, సీఎన్‌ఎన్‌ చానల్‌లోనూ, ‘న్యూయార్క్‌ టైమ్స్‌’లోనూ ప్రసిద్ధుడు బి.జె. మెండెల్‌సన్‌ సోషల్‌ మీడియా పేరిట చెలా మణి అవుతున్న కొన్ని శాఖలను ‘దండుగమారి చెత్త’గా (సోషల్‌ మీడియా ఈజ్‌ బుల్‌షిట్‌) 2012 లోనే వర్ణించాడు. ఆ పేరిటనే రాసిన గ్రంథంలో ఈ ప్రచార సాధనాన్ని మార్కెటింగ్‌ వ్యూహ రచనా మాధ్యమంగా వర్ణించాడు. 1998 నుంచీ మార్కెటింగ్‌ ప్లాట్‌ఫాంగానే ఈ వెబ్‌ వేదిక వ్యవహరిస్తూ వచ్చిం దని పేర్కొన్నాడు. సోషల్‌ మీడియా పేరిట చెలామణిలో ఉన్న చాలా వెబ్‌ సైట్స్‌ ఇండియాలో ఇటీవల కాలంలో పడిన ‘పాటు’ అంతా ఏమిటి? ఆ విష యాన్ని కూడా క్రిస్టొఫర్‌ వీలీ బట్టబయలు చేశాడు: ‘ఇండియాలోని ఏడు లక్షల గ్రామాలలో, 600 జిల్లాల్లో ఈ విదేశీ వెబ్‌ మాధ్యమాలు సమాచారం సేకరించాయి. వీటి సాయంతో రాజకీయ పార్టీల కక్షిదారులెవరో (ఆదరణ పొందగోరినవారు) కూపీ లాగి ఆయా రాజకీయ పార్టీలు సదరు ఓటర్లను ఎక్కువగా ప్రభావితం చేయడానికి ప్రయత్నిస్తాయి. తద్వారా అనుకున్న సానుకూల ఫలితాన్ని రాబట్టుకోడానికి ఓటర్లను ప్రభావితం చేస్తాయి. ఇదే ఆధునిక వలస విధాన ప్రక్రియ’’ అన్నాడు వీలీ. ఎస్‌.సి.ఎల్‌ ఇండియా అనే కంపెనీ కేంద్ర కార్యాలయం ఘజియాబాద్‌లో ఉంది. అనేక రాష్ట్రాలలో కార్యా లయాలున్నాయి. ఈ కూపీ యంత్రాంగాన్ని బీజేపీ రాజస్తాన్‌ ఎన్నికల్లో ఉపయోగించింది. ఫేస్‌బుక్‌ నిర్మాత ఎఫ్‌.బి. వాడకందార్ల యంత్రంలో నమో దైన వారి సమాచారాన్ని, నంబర్లను తస్కరించి అమెరికా, బ్రిటన్‌లకు పంపించే వీలు కల్పించి, జుకర్‌బర్గ్‌ కాస్తా ‘జోకర్‌’బర్గ్‌ అయ్యాడు. మన డేటా అంతా అమెరికన్‌ కంపెనీలకు చేరిన తర్వాత ‘క్షమించాలి, తప్పు చేశా’నని అతడు లెంపలు వాయించుకున్నా, జరగవలసిన అన్యాయం జరిగిపోయింది. అలాగే ‘ఆధార్‌’ డేటా అంతా (మన కళ్ల కదలికలతో సహా– ఐరిష్‌ పరీక్ష) అమెరికా, బ్రిటన్‌లలో నమోదైపోయింది. ఈ కూపీ వాళ్లకి ఎందుకు? ఇండియాను తమ చెప్పుచేతల్లో పెట్టుకుని తమ సామ్రాజ్య ప్రయోజనాలకు, యుద్ధ ప్రయోజనాలకు, చేసే యుద్ధాలకు ‘సై’ అనిపించడానికి ఇది అవసరం. అమెరికాతో నీవు చేతులు కలపకపోతే నిన్నే తన శత్రువుగా ప్రకటించడానికి సామ్రాజ్య పాలకులు సంకోచించరని గుర్తించాలి. ఆ వైపుగానే ఇపుడు ఆంగ్లో–అమెరికన్‌ ప్రభుత్వాలు భారత ప్రభుత్వ విదేశాంగ విధానాలను మలచడానికి శక్తిమంతంగా ప్రయత్నిస్తు న్నాయి. మన  ఇరుగుపొరుగుతో స్నేహ సంబంధాల పునరుద్ధరణకు, శాంతి ప్రతిష్టాపనకు గల అవకాశాల్ని కూడా నిరోధించగల్గుతున్నాయి. ‘కేంబ్రిడ్జి ఎనలిటికా’ ఇండియాలో తిష్ట వేయడానికి కారణం ఈ  విన్యాసంలో భాగమే. రాజకీయ పార్టీలు కులాలను విభజించి ఎన్నికల్లో ఎలా లబ్ధి పొందవచ్చునో  దశాబ్దాలుగా వ్యూహాలు సాగిస్తూనే ఉన్నాయి. కుల వ్యవస్థ మూలాలనీ, కుల, మత వైమనస్యాలనూ చెక్కు చెదరకుండా కాపాడగోరే రాజకీయ పార్టీలకు వెన్నుదన్నుగా ఉండటం కూడా ఆ సంస్థ ధ్యేయమే. తద్వారా భారత సామాజిక, రాజకీయ వ్యవస్థను సెక్యులర్‌ రాజ్యాంగానికి దూరంగా ఉంచడం కూడా. అందుకే ప్రధానమంత్రి ‘యాప్‌’ సహితం సోషల్‌ మీడి యాలో వినియోగదార్ల అనుమతి లేకుండా వారి డేటాను వాడుకుంటోందన్న ఆరోపణకు గురి కావలసి వచ్చింది. ‘నమో (మోదీ) యాప్‌’ ద్వారా భారత వినియోగదార్ల ‘డేటా’ను కాస్తా దొంగిలించడం జరిగిందని ఫ్రెంచి హేకర్‌ వెల్లడించాడు. మోదీ యాప్‌ డేటా ‘అమెరికన్‌ కంపెనీలలోని ఆయన స్నేహి తులకు’ చేరిందని కూడా ఆ ఫ్రెంచి హాకర్‌ వెల్లడించాడని వార్త.  మున్ముందు వీర విహారం 2014 ఎన్నికలతో ముమ్మరంగా ప్రారంభమైన ఈ ‘డిజిటల్‌ మాయాజాలం’ 2019 సాధారణ ఎన్నికల నాటికి మరింతగా జడలు విప్పుకుని రాజకీయుల ‘నర్తనశాల’ను చూపించవచ్చు. ఎందుకంటే ‘ఫేస్‌బుక్‌’ వ్యవస్థాపక అధ్య క్షుడు సీన్‌పార్కర్‌ ‘సమాజంతో మీకున్న సంబంధ బాంధవ్యాలను ఫేస్‌బుక్‌ తారుమారు చేస్తుందన్నది అక్షరసత్యం’ అన్నాడంటే వచ్చేవి చెడ్డ రోజులా, మంచి రోజులా అన్నది చర్చనీయాంశమే. ఎందుకంటే ఫేస్‌బుక్‌ అనేది డేటా దొంగతనానికి పెట్టింది పేరనీ, ఆ మాటకొస్తే ఘరానా సోషల్‌ నెట్‌వర్క్‌ అనీ, దొంగ బుద్ధులకు నిలయమనీ, అందుకనే అది అమెరికన్లకు శిరోధార్యమైం దనీ అమెరికా నిపుణులే వాపోతున్నారని మరువరాదు. బానిసల, నీగ్రోల విమోచన ప్రదాత, అమెరికా మాజీ అధ్యక్షుడు అబ్రహాం లింకన్‌ మాటలు ఇప్పటికీ చెవుల్లో ప్రతిధ్వనిస్తున్నాయి: ‘‘ప్రజలలోనే నా ప్రగాఢ విశ్వాసమంతా. ఎలాంటి జాతీయ విపత్తు కైనా, సంక్షోభాన్నయినా ఎదుర్కోడానికి ప్రజలనే విశ్వసించాలి. అసలు విషయం ఏమిటంటే, ముందుగా వారికి అబద్ధాలను, అసత్యాలను తెల్పకుండా నికా ర్సయిన నిజాలను వారి ముందుంచాలి. పాలకులపై విశ్వాసానికి అదే మూల స్తంభం’’! - ఏబీకే ప్రసాద్‌ సీనియర్‌ సంపాదకులు abkprasad2006@yahoo.co.in 

సాక్షి, ముంబై : సెలబ్రిటీల సోషల్ మీడియా ఖాతాలు తరచుగా హ్యాకింగ్‌కు గురవుతుంటాయి. తాజాగా బాలీవుడ్ స్టార్ డైరెక్టర్ అలీ అబ్బాస్‌ జాఫర్‌ ఇన్‌స్టాగ్రామ్ అకౌంట్ హ్యాక్ అయింది. ఈ విషయాన్ని ఆయన ట్వీటర్ ద్వారా తెలుపుతూ.. 'ఎవరో నా ఇన్‌స్టాగ్రామ్ అకౌంట్ హ్యాక్ చేశారు. ప్రస్తుతం అంతా ఒకే. మరో విషయం ఏంటంటే.. నాకు స్నాప్‌చాట్ అకౌంట్ లేదు. నాపేరుతో స్నాప్‌చాట్ ఖాతా ఎవరైనా నిర్వహిస్తున్నారంటే హ్యాకర్ అని గుర్తించాలంటూ' డైరెక్టర్ అలీ అబ్బాస్ జాఫర్ ట్వీట్‌లో రాసుకొచ్చారు.   సల్మాన్‌ ఖాన్ హీరోగా సినిమాలు తీసి రికార్డు వసూళ్లు రాబట్టిన దర్శకుడే ఈ అలీ అబ్బాస్ జాఫర్. 2017లో అత్యధిక వసూళ్లు సాధించిన బాలీవుడ్‌ చిత్రంగా టైగర్‌ జిందా హై’ రికార్డులకెక్కింది. సల్మాన్, అలీ అబ్బాస్ కాంబినేషన్‌లో వచ్చిన ‘టైగర్‌ జిందా హై’ ,  ‘సుల్తాన్’‌, మూవీలు ఘన విజయం సాధించాయి. ఈ నేపథ్యంలో ముచ్చటగా మూడోసారి ‘భరత్‌’  అనే సినిమా కోసం కలిసి పనిచేస్తున్నారు. Hack alert , someone hacked my Instagram account , sorting it out also I am not on Snapchat , so if someone uses Snapchat under my name is the hacker. Have a good day . — ali abbas zafar (@aliabbaszafar) 29 March 2018

సాక్షి, న్యూఢిల్లీ : భారత అంతరిక్ష పరిశోధన సంస్థ(ఇస్రో)కు చెందిన ఓ కీలక కంప్యూటర్‌ హ్యాకర్ల చేతికి చిక్కింది. భారత్‌, ఫ్రాన్స్‌లకు చెందిన పరిశోధకులు ఈ విషయాన్ని బయటపెట్టారు. ఇస్రో టెలిమెట్రీ, ట్రాకింగ్‌ అండ్‌ కమాండ్‌ నెట్‌వర్క్స్‌కు సంబంధించిన కీలక సమాచారాన్ని హ్యాకర్లు చేజిక్కించుకున్నట్లు భావిస్తున్నామని చెప్పారు. ‘ఎక్స్‌ట్రీమ్‌ రాట్‌’  అనే పేరుతో పిలిచే ఈ మాల్‌వేర్‌ను ఇస్రో కంప్యూటర్‌లోకి హ్యాకర్లు చొప్పించినట్లు తెలిపారు. 2017 డిసెంబర్‌లో తొలిసారి ఎక్స్‌ట్రీమ్‌ రాట్‌ను ఇస్రోలోని ఒక సర్వర్‌లో కనుగొన్నారు. ఫ్రాన్స్‌కు చెందిన పరిశోధకుడు రోబర్ట్‌ బాప్టిస్ట్‌ సాయంతో సదరు పోర్టును తాత్కాలికంగా ఇస్రో నిలిపివేసింది. ఉపగ్రహాలను అదుపు చేసే వ్యవస్థలో.. అంతరిక్షంలోకి ప్రయోగించిన ఉపగ్రహాలను అదుపు చేసి, ఎప్పటికప్పుడు పర్యవేక్షిస్తూ ఉండే ట్రాక్‌ చేసే ఇస్రో టెలిమెట్రీ, ట్రాకింగ్‌ అండ్‌ కమాండ్‌ నెట్‌వర్క్‌(ఇస్‌ట్రాక్‌)లో హ్యాకింగ్‌ జరగడం ఆందోళనకు గురి చేస్తోంది. ఎక్స్‌ట్రీమ్‌ రాకెట్‌ అంటే ? వాణిజ్య అవసరాలకు వినియోగించే ‘రిమోట్‌ యాక్సెస్‌ ట్రోజెన్‌’ను ఎక్స్‌ట్రీం ర్యాట్‌ అంటారు. హ్యాకర్లు గూఢచర్య వ్యవహారాలకు దీనిని వినియోగిస్తారు. కీలక సమాచారాన్ని ఎక్స్‌ట్రీ ర్యాట్‌తో చోరీ చేసి డార్క్‌ నెట్‌లో దాన్ని అమ్మకానికి పెడతారు. అలా కొనుగోలు చేసిన వారు హ్యాకర్‌ ఇచ్చిన సమాచారంతో ఏమైనా చేసే పరిస్థితి ఉంటుంది.

సాక్షి, చెన్నై: టెక్నాలజీ కొత్తపుంతలు తొక్కుతున్న కొద్దీ వాటి దుర్వినియోగం సెలబ్రిటీలకు చిక్కులు తెచ్చిపెడుతోంది. సెలబ్రిటీల సోషల్ మీడియా అకౌంట్లు హ్యాకింగ్ చేసి వాటి నుంచి అసభ్యకర పోస్టులు, లేక తమను గిట్టని వర్గంపై ట్వీట్లు చేస్తూ వారిని ఇబ్బందులకు గురిచేస్తున్నారు. తాజాగా దక్షిణాది ప్రముఖ సినీనటి రాధికా శరత్‌కుమార్ ట్వీటర్ అకౌంట్ హ్యాకింగ్‌కు గురైంది. దీనిపై ఆమె ఆందోళన వ్యక్తం చేయగా.. నెటిజన్లు ఆమెకు మద్ధతుగా నిలుస్తున్నారు. ‘నా ట్వీటర్ అకౌంట్ హ్యాక్ అయింది. ఈ సమస్య నుంచి బయటపడేదాక నాకు మద్ధతుగా నిలవాలంటూ’ నటి రాధిక ట్వీట్ ద్వారా విజ్ఞప్తిచేశారు. డోంట్ వర్రీ మేడమ్ అంటూ ఆమె ఫాలోయర్లు రీ-ట్వీట్లు చేస్తున్నారు. కాగా, ఇటీవల పుదుచ్చేరి లెఫ్టినెంట్‌ గవర్నర్‌ కిరణ్‌ బేడి, ప్రముఖ నటుడు అనుపమ్‌ ఖేర్, బీజేపీ ప్రధాన కార్యదర్శి రామ్‌ మాధవ్, రాజ్యసభ సభ్యుడు స్వపన్‌ దాస్‌గుప్తాల ట్వీటర్‌ అకౌంట్లు హ్యాకింగ్‌కు గురైన విషయం తెలిసిందే. హ్యాకింగ్ వెనక టర్కీ కేంద్రంగా పనిచేస్తున్న, పాక్‌ అనుకూల అయిల్‌దిజ్‌ టిమ్‌ బృందం ఉన్నట్లు గుర్తించారు. అంతకుముందు సచిన్ సైతం ఆందోళన వ్యక్తం చేశారు. తన కుమరుడు అర్జున్, కూతురు సారా టెంటూల్కర్‌లకు సోషల్ మీడియా అకౌంట్లు లేవని.. ఆ పేర్లతో ఏవైనా పోస్టులు కనిపిస్తే నమ్మవద్దని సచిన్ కోరారు. సారా పేరుతో ట్వీటర్ ఖాతా తెరిచి ట్వీట్లు చేస్తున్న ఓ సాఫ్ట్‌వేర్ ఇంజినీర్‌ను ఇటీవల పోలీసులు అరెస్ట్ చేసి విచారణ చేపట్టారు. My Twitter account is hacked .please bear with me while I get this sorted — Radikaa Sarathkumar (@realradikaa) 26 February 2018

సాక్షి, హైదరాబాద్‌: ఫేస్‌బుక్, ట్వీటర్‌లను హ్యాక్‌ చేస్తున్న సైబర్‌ నేరగాళ్లు ఇప్పుడు ఏకంగా నీటిపారుదల శాఖనే టార్గెట్‌ చేశారు. కమాండ్‌ ఏరియా డెవలప్‌మెంట్‌ అథారిటీ (కాడా) పరిధిలోని నాగార్జునసాగర్‌ ఆధునీకరణ పనులకు సంబంధించి వినియోగిస్తున్న మెయిల్‌నే హ్యాక్‌ చేశారు. హ్యాక్‌ చేసిన మెయిల్‌ నుంచే ఏకంగా ప్రపంచబ్యాంకు ప్రతినిధులకు ‘వుయ్‌ నీడ్‌ ఏ ఫేవర్‌’అంటూ మెయిళ్లు పంపారు. మెయిల్‌ను రిసీవ్‌ చేసుకున్న కొందరు ఎలాంటి ఫేవర్‌ కావాలంటూ శాఖ అధికారులకే ఫోన్‌లు చేయడంతో హ్యాక్‌ విషయం బయటపడింది.   అసలేం జరిగిందంటే... రాష్ట్ర ప్రభుత్వం 2008లో ప్రపంచ బ్యాంకు నిధులతో సాగర్‌ ఆధునీకరణ పనులకు శ్రీకారం చుట్టింది. ఈ పనులకు సంబంధించి ‘కాడా’అధికారులు అప్పట్లోనే ఆంధ్రప్రదేశ్‌ వాటర్‌ సెక్టార్‌ ఇంప్లిమెంట్‌ ప్లాన్‌ను తయారు చేశారు. అదే అర్థం వచ్చేలా ఏపీడబ్ల్యూఎస్‌ఐపీ’పేరుతో ఒక మెయిల్‌ అడ్రస్‌ను క్రియేట్‌ చేసి దాని నుంచే ప్రపంచబ్యాంకు ప్రతినిధులు, ఇతర శాఖల ప్రతినిధులతో సంప్రదింపులు జరుపుతున్నారు. అయితే మంగళవారం రాత్రి ఈ మెయిల్‌ను హ్యాక్‌ చేసిన సైబర్‌ నేరగాళ్లు, దాన్నుంచి అందులోని ప్రధాన మెయిల్‌ అడ్రస్‌లన్నింటికీ ‘వుయ్‌ నీడ్‌ ఏ ఫేవర్‌’అంటూ మెయిల్‌ సందేశం పంపారు. సుమారు 50 నుంచి 60 మంది వరకు ఇదే రకమైన మెయిల్‌ వెళ్లింది. ఈ మెయిల్‌ రాత్రిపూట పంపడంతో దీన్ని శాఖ అధికారులెవరూ గుర్తించలేదు. అయితే ఉదయం ఈ విభాగం ప్రాజెక్టు డైరెక్టర్, ‘కాడా’కమిషనర్‌గా ఉన్న మల్సూర్‌కు ప్రపంచ బ్యాంకు ప్రతినిధి నుంచి ఫోన్‌ వచ్చింది. ‘రాత్రి మెయిల్‌ పంపారు. మీకు ఎలాంటి ఫేవర్‌ కావాలి’అని ఆ ప్రపంచబ్యాంకు ప్రతినిధి అడగడంతో ఆయన అవాక్కయ్యారు. ఎలాంటి మెయిల్‌ పంపలేదని చెప్పడంతో ఫోన్‌ చేసిన ప్రతినిధి సైతం కంగుతిన్నారు. ‘ఉదయం ప్రపంచబ్యాంకు ప్రతినిధి ఫోన్‌చేసి ఎలాంటి ఫేవర్‌ కావాలని అడగ్గానే కంగారు పడ్డా. తరువాత మెయిల్‌ విషయం చెప్పాడు. మరికొద్ది సేపటికే మరో ప్రపంచ బ్యాంకు అధికారి నుంచి ఫోన్‌చేసి మెయిల్‌ విషయమే అడిగారు. అయితే నేను హైదరాబాద్‌లో లేకపోవడంతో ఈ విషయాన్ని సీరియస్‌గా తీసుకోలేదు. మళ్లీ కొద్దిసేపటికే ప్రస్తుతం ఏపీలో సెక్రటరీ స్థాయిలో ఉన్న ఐఏఎస్‌ అధికారి నుంచి ఇదే మెయిల్‌ గురించి ఫోన్‌ వచ్చింది. వెంటనే మా సిబ్బందిని అప్రమత్తం చేయడంతో అసలు విషయం బయటపడింది’అని మల్సూర్‌ ‘సాక్షి’కి తెలిపారు. వెంటనే దీనిపై బషీర్‌బాగ్‌లోని సైబర్‌ సెల్‌ అధికారులకు ఫిర్యాదు చేశారు. ప్రాథమిక విచారణలో దీన్ని నైజీరియన్‌కు చెందిన సైబర్‌ నేరగాళ్లు హ్యాక్‌ చేసినట్లుగా గుర్తించినట్లు తెలిసింది. అనంతరం మెయిల్‌ సందేశం పంపిన అడ్రస్‌లన్నింటికీ ‘ఈ మెయిల్‌ హ్యాక్‌ చేయబడింది. ఫేవర్‌ చేయాలంటూ వచ్చిన మెయిల్‌ను పరిగణనలోకి తీసుకోవద్దు’అంటూ తిరిగి మెయిల్‌ పంపారు.  

సాక్షి, హైదరాబాద్‌: ఇటీవలే అంతర్జాతీయ క్రికెట్‌ జట్టుకు సెలెక్ట్‌ అయిన హైదరాబాదీ మహ్మద్‌ సిరాజ్‌ మంగళవారం సిటీ సైబర్‌ క్రైమ్‌ ఠాణా మెట్లు ఎక్కారు. ఆయన ఫేస్‌బుక్‌ ఖాతా హ్యాక్‌ కావడంపై ఫిర్యాదు చేశారు. అదనపు డీసీపీ కేసీఎస్‌ రఘువీర్‌ నేతృత్వంలోని బృందం కొన్ని గంటల్లోనే బాధ్యుడిని గుర్తించింది. అతడు సిరాజ్‌కు పరిచయస్తుడే కావడంతో కేసు వద్దని చెప్పిన ఆయన ఫిర్యాదు ఉపసంహరించుకున్నారు. ఇటీవల హైదరాబాద్‌ నుంచి అంతర్జాతీయ క్రికెట్‌ మ్యాచ్‌లకు క్రికెటర్‌ సిరాజ్‌ ఎంపికయ్యాడు. యువ క్రికెటర్‌ కావడంతో ఈయనకు దేశవ్యాప్తంగా అభిమానులు ఏర్పడ్డారు. ఫేస్‌బుక్‌లోనూ పెద్ద సంఖ్యలోనే ఫ్రెండ్స్‌ ఫాలోయింగ్‌ ఉంది. ఇందులో భాగంగానే ఓ 14 ఏళ్ల బాలుడు సైతం సిరాజ్‌కు ఫేస్‌బుక్‌ ఫ్రెండ్‌గా ఉన్నాడు. ఆ బాలుడు క్రికెటర్‌ కుటుంబీకులకు పరిచయస్తుడు కావడంతో తేలిగ్గా సిరాజ్‌ ఫేస్‌బుక్‌ పాస్‌వర్డ్‌ తెలుసుకున్నాడు. ఆయన అనుమతి లేకుండా ఖాతాలోకి ప్రవేశించిన బాలుడు దాని నుంచి ఫ్రెండ్స్‌ లిస్టులో ఉన్న కొందరికి సందేశాలు పంపాడు. ఈ విషయం గుర్తించిన సిరాజ్‌ తన ఫేస్‌బుక్‌ ఖాతా హ్యాక్‌ అయిందంటూ మంగళవారం సైబర్‌ క్రైమ్‌ పోలీసులకు ఫిర్యాదు చేశారు. కొన్ని గంటల్లోనే బాలుడే హ్యాకర్‌ అని గుర్తించిన అధికారులు విషయం సిరాజ్‌కు వివరించారు. అతడు తన కుటుంబీకులకు పరిచయస్తుడు కావడంతో కేసు వద్దని పోలీసులకు చెప్పిన సిరాజ్‌ తన ఫిర్యాదును ఉపసంహరించుకున్నారు. 

శాన్‌ఫ్రాన్సిస్కో: ప్రముఖ క్యాబ్‌ సర్వీస్‌ సంస్థ ఉబర్‌ మరోసారి హ్యాకింగ్‌బారిన పడింది.  ఈ విషయాన్ని స్వయంగా సంస్థ  ధృవీకరించింది. సంస్థకు చెందిన 57 మిలియన్ల రైడర్లు, డ్రైవర్ల వ్యక్తిగత డేటాహ్యాకింగ్‌ గురైనట్టు రైడ్ సర్వీస్ ప్రొవైడర్ ఉబెర్‌  మంగళవారం ప్రకటించింది. అంతేకాదు  హ్యాక్‌ అయిన సమాచారాన్ని తొలగించేందుకు  హ్యాకర్లకు భారీ  ఎత్తున చెల్లింపులు కూడా చేసిందట. హ్యాకర్లకురూ. 1,00,000 డాలర్లు ( సుమారు రూ.65కోట్లు) చెల్లించింది.  ఈ వ్యవహారంలో ఉబెర్‌ చీఫ్‌ సెక్యూరిటీ ఆఫీసర్‌  జో సుల్లివాన్,  డిప్యూటీ అధికారి  క్రైగ్ క్లార్క్‌లపై వేటువేసింది.    హ్యాకింగ్‌ విషయాన్ని ఉబర్‌ సీఈవో డారా ఖోస్రోషాహి  తన బ్లాగ్‌ పోస్ట్‌ లో ధ్రువీకరించారు. 2016 అక్టోబరులో జరిపిన ఉల్లంఘన గురించి ఇటీవలే తెలుసుకున్నామని చెప్పారు. ఇలా జరిగి ఉండాల్సింది కాదు.. దీన్ని తాము  ఉపేక్షించమని డారా  స్పష్టం చేశారు.  గత ఏడాది అక్టోబర్‌లో  హ్యాకర్లు  ఈ డేటాను హ్యాక్‌ చేశారన్నారు.  సంస్థ క్లౌడ్‌ సర్వర్‌ ద్వారా  డేటాను హ్యాక్‌ చేశారన్నారు.  ఇందులో రైడర్ల పేర్లు, ఈమెయిల్‌ అడ్రస్‌లు, ఫోన్‌ నంబర్లతో పాటు డ్రైవర్ల పేర్లు, వారి లైసెన్స్‌ల వివరాలు ఉన్నట్లు ఉబర్‌ పేర్కొంది.  గతాన్ని తుడిచిపెట్ట లేం. కానీ  పొరపాట్లనుంచి నేర్చుకుంటామనీ,ఇందుకు  ప్రతి యుబెర్ ఉద్యోగి తరఫున హామీ  ఇస్తున్నానని ఖోస్రోషాహి చెప్పారు. ప్రతి అంశంలో  వినియోగదారుల నమ్మకాన్ని సంపాదించడానికి కష్టపడి పనిచేస్తున్నామని తెలిపారు. హ్యాకింగ్‌ గురించి కొన్ని రోజుల క్రితమే మాజీ సీఈవో, ఉబర్‌ సహా వ్యవస్థాపకుడు ట్రావిక్‌ కలోనిక్‌కు తెలిసిందట. అయితే సీఈవో అధికారికంగా ప్రకటించేవరకు విషయాన్ని బహిర్గతం చేయలేదని సంబంధిత వర్గాలు తెలిపాయి. అంతేకాదు. దొంగలించిన  ప్రస్తుతం సమాచారమంతా సురక్షితంగా ఉందని సీఈవో డారా అన్నారు. ఇకపై డ్రైవర్లు, రైడర్ల డేటాకు మరింత భద్రత అందించేలా ఏర్పాట్లు చేస్తున్నట్లు చెప్పారు.   ఈ హ్యాకింగ్‌ విషయాన్ని దాచి పెట్టిన  ఉబెర్‌ హ్యాకింగ్‌పై  ప్రత్యేక బోర్డు కమిటీతో  విచారణ చేపట్టిందని పేరు చెప్పడానికి ఇష్టపడని సంబంధిత అధికారులు వెల్లడించారు.  మరోవైపు   దొంగిలించిన సమాచారాన్ని డిలీట్‌ చేసేందుకు ఆయా సం‍స్థలు భారీగా చెల్లింపులు చేస్తున్నాయని అమెరికాఫెడరల్‌ ఇన్వెస్టిగేషన్‌  ఏజెన్సీ అధికారులు,  ప్రయివేట్‌ సెక్యూరిటీ అధికారులు వ్యాఖ్యానించారు. ఇలాంటి చెల్లింపులు చేస్తున్న సంస్థల సంఖ్య గణనీయంగా పెరుగుతోందన్నారు.    కాగా 2014 లో గాడ్ వ్యూ అని పిలిచే ఒక సాఫ్ట్‌వేర్‌ ద్వారా  గతంలో యుబెర్ డ్రైవర్ల, వినియోగదారుల సమాచారం  హ్యాకింగ్‌కు గురైంది.

సాక్షి, హైదరాబాద్‌: అంతర్జాతీయ సైబర్‌ నేరగాళ్లు వివిధ దేశాలకు చెందిన ఇంటర్నేషనల్‌ క్రెడిట్‌ కార్డుల డేటాను హ్యాకింగ్‌ ద్వారా తస్కరిస్తున్నారు. దీన్ని డార్క్‌ నెట్‌ ద్వారా పలువురికి విక్రయించేస్తున్నారు. ఈ డేటా ఆధారంగా క్లోన్డ్‌ క్రెడిట్‌ కార్డులు తయారు చేసి, పాయింట్‌ ఆఫ్‌ సేల్‌ (పీఓఎస్‌) మిషన్ల ద్వారా అందినకాడికి దండుకుం టున్నారు. ఈ స్కామ్‌కు పాల్పడిన అంతరాష్ట్ర ముఠాను రాచకొండ స్పెషల్‌ ఆపరేషన్‌ టీమ్‌ (ఎస్వోటీ) పోలీసులు శుక్రవారం పట్టుకున్నారు. ఈ గ్యాంగ్‌ గడిచిన మూడు నెలల్లో రూ.30 లక్షలకు పైగా కాజేసినట్లు పోలీసు కమిషనర్‌ మహేశ్‌ మురళీధర్‌ భగవత్‌ వెల్లడించారు.  ఆ మూడు దేశాల వారి డేటా... వివిధ దేశాల్లో నెట్‌వర్క్‌ ఏర్పాటు చేసుకున్న హ్యాకర్లు పిన్, ఓటీపీ వంటివి ఉండని ఇంట ర్నేషనల్‌ క్రెడిట్‌ కార్డుల డేటాను బ్యాంకుల నుంచి ఆన్‌లైన్‌లో తస్కరిస్తున్నారు. ప్రధానం గా అమెరికా, బ్రిటన్, ఆస్ట్రేలియా జాతీ యులనే ఎంచుకుంటున్నారు. ఈ డేటాను ఇంటర్నెట్‌లో మాఫియాగా పరిగణిం చే డార్క్‌ నెట్‌ ద్వారా విక్రయిస్తున్నారు. చెన్నైకు చెందిన ఇన్ఫర్మేషన్‌ టెక్నాలజీ ఇంజనీర్‌ అయ్యప్పన్‌ అలియాస్‌ రాజేశ్‌ సోషల్‌ మీడియాలో భాగమై న ఐసీక్యూ యాప్‌ ద్వారా  పరిచయాలు ఏర్పా టు చేసుకున్నాడు. వారి ద్వారానే ఇంటర్నే షనల్‌ క్రెడిట్‌ కార్డ్స్‌ క్లోనింగ్‌ విషయం తెలుసుకున్నాడు. వారి నుంచే 100 క్రెడిట్‌ కార్డుల డేటా రూ.5 లక్షల వంతున వెచ్చించి కొంటు న్నాడు. రాజేంద్రనగర్‌కు చెందిన రాఘవేంద్ర, కొత్తపేట వాసి వంశీకృష్ణలకు కమీషన్‌ ఆశచూ పి తన దందాలో చేర్చుకున్నాడు. వాట్సాప్‌ ద్వారా ‘నంబర్‌’ పంపి... డార్క్‌ నెట్‌ ద్వారా కొనుగోలు చేసిన క్రెడిట్‌ కార్డుల డేటాలో ఆరు డిజిట్స్‌ మాత్రమే ఉంటాయి. దీంతో ఈ నంబర్లను బిన్‌ చెక్కర్‌ అనే అప్లికేషన్‌లో ఫీడ్‌ చేసేవాడు. ఇది సదరు కార్డు పూర్తి వివరాలను అందించేది. వీటిని రాజేశ్‌ నగరంలో ఉంటున్న రాఘవేంద్ర, వంశీలకు వాట్సాప్‌ ద్వారా చేరవేసేవాడు. ఇంటర్నెట్‌ నుంచే ఖరీదు చేసిన ఓ క్లోనింగ్‌ మిషన్‌ను సైతం వీరికి పంపాడు. క్లోనింగ్‌ మిషన్‌ను ల్యాప్‌టాప్‌కు కనెక్ట్‌ చేసే వీరిద్దరూ క్రెడిట్‌కార్డుల డేటాను మాగ్నెటిక్‌ స్ట్రిప్‌తో కూడిన కార్డుల్లోకి ఫీడ్‌ చేసేవారు. బిగ్‌బజార్, రిలయన్స్‌ డిజిటల్, షాపర్స్‌ స్టాప్‌ వంటి సంస్థలు అందించే ప్రమోషనల్‌ మాగ్నెటిక్‌ స్ట్రిప్‌ కార్డుల్ని దీనికోసం వాడారు. ఇలా విదేశీయులకు చెందిన క్రెడిట్‌ కార్డులకు క్లోన్డ్‌ కార్డులు తయారు చేసేవారు.  హవాలా సొమ్ము వస్తోందని చెప్పి క్లోన్డ్‌ కార్డుల్ని స్వైపింగ్‌ చేసుకోవడానికి సిటీలో ఉంటున్న నలుగురు చిన్న వ్యాపారుల నుంచి పీఓఎస్‌ మిషన్లు తీసుకున్నారు. తమకు హవాలా నగదు వస్తోందని, దాన్ని మీ ఖాతాలకు మళ్లిస్తామంటూ వారికి చెప్పారు. విశాఖపట్నానికి చెందిన సీహెచ్‌ భాస్కర్‌రావు ఎనిమిది, దిల్‌సుఖ్‌నగర్‌కు చెందిన భాస్కర్‌ 4, కాకినాడకు చెందిన కనకరాజు, దిల్‌సుఖ్‌నగర్‌ వాసి సుభాష్‌ రెండేసి చొప్పున పీఓఎస్‌ మిషన్లు అందించారు. చైతన్యపురిలో ఓ గది అద్దెకు తీసుకున్న రాఘవేంద్ర, వంశీకృష్ణ అందులో పీఓఎస్‌ మిషన్లు ఏర్పాటు చేసి.. నగదును సదరు వ్యాపారుల ఖాతాల్లోకి మళ్లించేవారు. దీన్ని ఎప్పటికప్పుడు డ్రా చేసి ఇచ్చే వ్యాపారులు 20 శాతం కమీషన్‌ తీసుకునే వారు. మిగిలిన 80 శాతంలో రాఘవేంద్ర, వంశీ 20 శాతం తీసుకుని మిగిలిన 60 శాతం రాజేశ్‌కు పంపేవారు. ఇలా గడిచిన మూడు నెలల్లో రూ.30 లక్షలకు పైగా స్వైపింగ్‌ చేశారు. ఓ లావాదేవీపై అనుమానంతో ఈ గ్యాంగ్‌కు స్వైపింగ్‌ మిషన్లు ఇచ్చిన వారిలో కూకట్‌పల్లికి చెందిన వస్త్ర వ్యాపారి శ్రీనివాసరావు సైతం ఉన్నారు. ఒకరోజు ఇతడి ఖాతాలోకి రూ.2.3 లక్షలు వచ్చిపడటం, అదీ ఇంటర్నేషనల్‌ క్రెడిట్‌ కార్డుతో చేసిన లావాదేవీ కావడంతో బ్యాంకు అధికారులకు అనుమానం వచ్చి ఆయన్ను ప్రశ్నించారు. దీంతో శ్రీనివాసరావు.. రాఘవేంద్ర గదికి వెళ్లాడు. అక్కడ స్వైపింగ్‌ మిషన్లు, ల్యాప్‌టాప్‌ లను చూసి అనుమానం వచ్చి రాచకొండ పోలీసుల దృష్టికి తీసుకు వెళ్లాడు. పోలీసులు  ఆరా తీయగా విషయం బయటపడింది. అయ్యప్పన్, రాఘవేంద్ర, వంశీ కృష్ణ, భాస్కర్‌రావు, భాస్కర్‌లను అరెస్టు చేసి రూ.2 లక్షల నగదుతో పాటు 16 స్వైపింగ్‌ మిషన్లు, ఇతర ఉపకరణాలు స్వాధీనం చేసుకున్నారు.  స్వైపింగ్‌ మిషన్లు ఇచ్చిన ఇతరుల్నీ అరెస్టు చేయనున్నామని కమిషనర్‌ భగవత్‌ చెప్పారు. ఐటీలో బీటెక్‌ చేసిన రాఘవేంద్రకు సాఫ్ట్‌వేర్‌ రంగంపై పట్టుందని, గతంలో ఢిల్లీ కేంద్రంగా రెండు జర్నల్స్‌ కూడా ప్రచురించాడని తెలిపారు. 

శాన్‌ఫ్రాన్సిస్కో : ఓ హ్యాకర్‌ ఏకంగా హ్యాకర్స్‌ ఫోరం వెబ్‌సైట్‌ను హ్యాక్‌ చేశాడు. 50వేల డాలర్లు ఇస్తే సరి.. లేకుంటే ఫోరం వద్ద ఉన్న దొంగ సమాచారం అంతా అమెరికా ప్రభుత్వానికి అమ్మేస్తానని బెదిరింపులకు దిగాడు.  బేస్‌టూల్స్‌.డబ్ల్యూఎస్ అనే అండర్‌గ్రౌండ్‌ హ్యాకింగ్‌ ఫోరం తాము తస్కరించిన క్రెడిట్‌ కార్డుల సమాచారాన్ని, స్పామింగ్‌ టూల్స్‌ను, ప్రొఫైల్‌ డేటాను ఇతరులకు అమ్మి సొమ్ము చేసుకుంటుంది. ఈ ఫోరంనకు 1.50 లక్షల సభ‍్యత్వం ఉందని బ్లీపింగ్‌కంప్యూటర్‌ డాట్‌ కామ్‌ అనే వెబ్‌సైట్‌ పేర్కొంది. ఓ గుర్తు తెలియని హ్యాకర్‌ బేస్‌టూల్స్‌ వెబ్‌సైట్‌ను హ్యాక్‌ చేసి.. దానిలోని డాటాబేస్‌ కొంతభాగాన్ని ఆన్‌లైన్‌లో పెట్టాడు. తను డిమాండ్‌ చేసిన 50వేల డాలర్లు ఇవ్వకుంటే మిగతా సమాచారాన్ని అమెరికా ప్రభుత్వానికి చెందిన వివిధ కీలక శాఖలకు అమ్మకానికి పెడతానని బెదిరించాడు. హ్యాక్‌ అయినట్లు ధ్రువీకరించేందుకు గాను బేస్‌టూల్‌ వెబ్‌సైట్‌ లోగోను లాగిన్‌ వివరాలను, ఐపీ అడ్రస్‌ను ఆన్‌లైన్‌లో ఉంచాడు ఆ అజ్ఞాత హ్యాకర్‌. బేస్‌టూల్స్‌ వినియోగదారులు విక్రయానికి పెట్టే కొన్ని టూల్స్‌ను కూడా ఆన్‌లైన్‌లో ఉంచాడు.

చిత్తూరు(పలమనేరు) : చిత్తూరుజిల్లా పలమనేరులోని ఓ ఏటీఎంను హ్యాకర్స్‌ క్లోన్‌ చేశారు. దీంతో ఆ ఏటీఎంలో డ్రా చేసుకునే ఖాతాదారుని వివరాలు వెంటనే హ్యాకర్స్‌కు చేరుతున్నాయి. వారి వద్ద ఉన్న డమ్మీ కార్డుకు చిప్‌ను ఏటీఎంలో అమర్చి వారున్నచోటునుంచే ఖాతాదారుని అకౌంట్‌ నుంచి నగదును ఖాళీ చేస్తున్నారు. రెండు నెలలుగా ఈ తంతు సాగుతోంది. రెండ్రోజులుగా ఫిర్యాదులు ఎక్కువ కావడంతో ఈ విషయం శనివారం వెలుగులోకి వచ్చింది. ఇప్పటికి 12మందికిపైగా బాధితులు ఇలా రూ.20 లక్షలకు పైగా నష్టపోయారు. గంగవరం మండలం కీలపల్లికి చెందిన జేసీబీ యజమాని హరినాథ్‌ రెడ్డి (ఎస్‌బీఐ ఖాతా నెం:30887905462) ఈనెల 21న స్థానిక ఎంపీడీవో ఆఫీస్‌ ఎదురుగా ఉన్న ఎస్‌బీఐ ఏటీఎంలో రూ.4వేలు డ్రా చేశాడు. తాజాగా శనివారం వేకువజామున అతని మొబైల్‌కు ఆరు ఎస్‌ఎంఎస్‌లు వచ్చాయి. ఇందులో రూ.40వేలు చొప్పున రెండుసార్లు, రూ.20వేలు చొప్పున నాలుగుసార్లు మొత్తం రూ.1.60లక్షలు చెన్నైలో డ్రా అయినట్లు ఆ మెసేజ్‌లలో ఉంది. దీంతో అతను తన ఏటీఎం కార్డును బ్లాక్‌ చేయించాడు. జరిగిన మోసంపై స్థానిక పోలీసులకు ఫిర్యాదు చేశాడు.  ఇదేవిధంగా పట్టణంలోని వాసీం అక్రం, శివకుమార్‌లతోపాటు మరో పదిమంది ఖాతాల్లోంచి గత నాలుగు రోజుల్లో డబ్బు డ్రా అయింది. వీరంతా కూడా అదే ఏటీఎంలో గతంలో డ్రా చేశాకే ఈ మోసాలు జరిగాయి. పట్టణంలోని వినాయకనగర్‌కు చెందిన వికలాంగురాలైన షాజిదాఖాన్‌ ఒంటరిగా ఉంటోంది. స్థానిక స్టేట్‌బ్యాంకు ఎటీఎం కార్డుతో ఈనెల 20న పొరుగింటికి చెందిన ఓ వ్యక్తి చేతికిచ్చి రూ.2వేలను డ్రా చేసుకురమ్మని చెప్పింది. దీంతో అతను ఆ నగదును ఎంపీడీవో కార్యాలయం వద్దనున్న ఏటీఎంలో డ్రా చేసి నగదును, ఏటీఎం కార్డును ఆమెకి ఇచ్చేశాడు. ఇలా ఉండగా అదే రోజు రాత్రి 12 నుంచి తెల్లవారుజామున 3 గంటల దాకా చెన్నైలో డబ్బులు డ్రా చేస్తున్నట్టు ఆమె సెల్‌కు  ఎస్‌ఎంఎస్‌లు వచ్చాయి. ఏటీఎం కార్డు తనవద్దే ఉన్నప్పటికీ చెన్నైలో రూ.1.58లక్షలు ఎలా డ్రా అయ్యాయో అర్థంకాక ఆందోళన చెందారు.  మెయిన్‌ రోడ్డులోని ఎస్‌బీఐ ఏటీఎం హ్యాకింగ్‌  ఎంపీడీవో కార్యాలయానికి ఎదురుగా ఉన్న ఏటీఎం రెండు నెలలుగా హ్యాకింగ్‌కు గురైంది. ఇలాంటి చోరీల్లో మంచి అనుభవం ఉన్నవారు ఈ ఏటీఎంలోకి ప్రవేశించి ఏటీఎం యంత్రం ఐడీని, సాప్ట్‌వేర్‌ను ఇతరత్రా సమాచారాన్ని క్లోనింగ్‌ చేసి చిప్‌రైడర్‌ ద్వారా డౌన్‌లోడ్‌ చేసుకున్నట్టు తెలుస్తోంది. దీంతో ఇక్కడి ఏటీఎంలో డబ్బులు డ్రా అవ్వగానే ఆ లావాదేవీలకు సంబంధించిన వివరాలు హ్యాకర్‌కు చేరుతుంటాయి. ఈ వివరాల ఆధారంగా డమ్మీ కార్డులకు చిప్‌లను అమర్చి వారు నగదును డ్రా చేస్తున్నారు. ఈ హ్యాకర్స్‌ వేకువజామున డబ్బులు డ్రా చేస్తుండడంతో ఖాతాదారులకు తెలియడంలేదు. సెల్‌ స్విచ్‌ ఆఫ్‌లో ఉంటే ఆ సమాచారం రాదు. క్లోనింగ్‌ ద్వారా హ్యాకింగ్‌ ఏపీలో తొలిసారి ఇక్కడ జరిగిందని తెలిసింది. గతంలో హైదరాబాద్‌లో ఇలాంటి హ్యాక్‌ జరిగింది.  చెన్నై ముఠాపనేనా? రెండు నెలలుగా ఏటీఏం కార్డుల్లో డ్రా అవుతున్న నగదు చెన్నై, పాండిచేరిలలోనే జరుగుతున్నట్టు బాధితుల సెల్‌లకు ఎస్‌ఎంఎస్‌లొస్తున్నాయి. దీంతో హార్డ్‌వేర్‌లో చేయితిరిగిన వారు మాత్రమే ఇలాంటి చోరీలకు పాల్పడి ఉంటారని పోలీసులు అనుమానిస్తున్నారు. పైగా హ్యాకర్స్‌ తాము డ్రా చేసే ఏటీఎంలలో సీసీ కెమెరాలకు బబుల్‌గమ్‌ను అంటించి వ్యవహారం నడుపుతున్నట్టు తెలిసింది. దీంతో డ్రా చేసిన ఏటీఎం సెంటర్‌లో నిందితుల సీసీ పుటేజీలు దొరకవు.

వాషింగ్టన్ ‌: ‘ఉత్తరకొరియా’ ఈ పేరు తలుచుకుంటేనే ప్రపంచదేశాలు కలవరపడుతున్నాయి. అందుకు కారణం ఆ దేశ నాయకుడు. దేశాన్ని పేదరికం, ఆకలి చావులు నలిపేస్తున్నా.. ఉన్నదాంట్లోనే ప్రపంచదేశాలను తలదన్నే సాంకేతికతను సాధించిందా దేశం. సైబర్‌ వార్‌లో ఉత్తరకొరియా పశ్చిమ దేశాలకు సవాలు విసురుతోంది. ప్రభుత్వ సంస్థలతో పాటు, ప్రైవేటు వ్యాపార దిగ్గజాలను కూడా వణికిస్తోంది. అయితే, ఉత్తరకొరియాను సైబర్‌వార్‌లో బలీయమైన శక్తిగా నిలబెడుతోంది భారతీయులని న్యూయార్క్‌ టైమ్స్‌ ఓ కథనంలో పేర్కొంది. భారత హ్యాకర్ల సాయంతో పశ్చిమ దేశాలపై కిమ్‌ దేశం దాడులు చేయిస్తున్నట్లు వెల్లడించింది. ఈ దాడుల్లో పెద్ద మొత్తం భారత్‌, విదేశీ భూభాగాల నుంచి జరుగుతున్నాయని, అతి కొద్ది మొత్తంలో మాత్రమే ఉత్తరకొరియా భూభాగం నుంచి జరుగుతున్నట్లు వెల్లడించింది. కంప్యూటర్లంటే తెలియని వాళ్లు.. కంప్యూటర్లను ఉత్తరకొరియా వినియోగిస్తుందా? అనే హాస్యాస్పద దూషణల నుంచి కంప్యూటర్లతో ప్రపంచ దేశాలను గడగడలాడించే స్థాయికి ఉత్తరకొరియా చేరింది. అందుకు కారణం కిమ్‌ జాంగ్‌ ఉన్‌ తండ్రి కిమ్‌ జొంగ్‌ ఇల్‌. ఆయన పరిపాలిస్తున్న సమయంలో కంప్యూటర్లు అంతంతమాత్రంగానే ఉండేవి. 1990ల్లో కంప్యూటర్ల ఆవశ్యకతను, భవిష్యత్తులో అవి కీలక పాత్ర వహించనున్నాయని గుర్తించిన ఇల్‌.. గూఢచర్యం కోసం కొంతమందికి శిక్షణ ఇప్పించారు. మెల్లగా సైబర్‌ నిపుణుల అవసరం ఆయనకు అర్థమైంది. దాంతో సైబర్‌ ఆర్మీని సృష్టించారు. ఇల్‌ మరణానంతరం పగ్గాలు చేపట్టిన కిమ్‌.. సైబర్‌ దళాన్ని భారీగా పెంచేశారు. సోని పిక్చర్స్‌కు షాక్‌ కిమ్‌ జాంగ్‌ ఉన్‌ను హత్య చేస్తున్నట్లు సోని పిక్చర్స్‌ నిర్మించిన ఓ కామెడీ చిత్రాన్ని 2014లో ఉత్తరకొరియా సైబర్‌ నిపుణులు హ్యాక్‌ చేశారు. ఆ దెబ్బకు సోని ఆ చిత్ర విడుదలను నిలిపేస్తున్నట్లు ప్రకటించాల్సివచ్చింది. శత్రువుకు అందని తెలివి.. అత్యాధునిక హార్డ్‌వేర్లతో ప్రపంచదేశాలు ముందుకు పోతుంటే ఉత్తరకొరియా మాత్రం పాతకాలపు టెక్నాలజీనే వాడుతోంది. అందుకే అగ్రరాజ్యమైన అమెరికా, దాని భాగస్వామి దక్షిణ కొరియాలు ఆ దేశాన్ని ఏమీ చేయలేకపోతున్నాయి. ఉత్తరకొరియా అణు ఆయుధాలు, క్షిపణుల సాఫ్ట్‌వేర్లను హ్యాక్‌ చేయడం అమెరికాకు సవాలుగా మారింది. భారత్‌ నుంచి ఇలా.. ఉత్తరకొరియా చేస్తున్న సైబర్‌ దాడుల్లో ఐదో వంతు భారత భూభాగం నుంచే జరుగుతున్నాయని న్యూయార్క్‌ టైమ్స్‌ తన కథనంలో పేర్కొంది. ‘రికార్డెడ్‌ ఫ్యూచర్‌’ అనే సంస్థ ఈ విషయాన్ని వెల్లడించినట్లు చెప్పింది. ఉత్తరకొరియాకు చెందిన సైబర్‌ బృందాలు భారత్‌లో పనిచేస్తున్నాయని తెలిపింది. భారత్‌-ఉత్తరకొరియాల మధ్య పలు అంశాల్లో దౌత్య పరమైన సంబంధాలు ఉన్నాయి. ‘భారత్‌లోని ఏడు విశ్వవిద్యాలయాల్లో ఉత్తర కొరియా విద్యార్థులు ఉన్నారు. ప్రభుత్వ, పరిశోధనా విభాగాల్లో కూడా వారు పనిచేస్తున్నారు. భారత్‌లోని కీలక సంస్థలపై కూడా వారు దాడులు చేస్తున్నారు. భారత అంతరిక్ష పరిశోధనా సంస్థకు చెందిన నేషనల్‌ రిమోట్‌ సెన్సింగ్‌ సెంటర్‌, ఇండియన్‌ నేషనల్‌ మెటలార్జికల్‌ లేబరేటరీలను ఈ హ్యాకర్లు లక్ష్యంగా చేసుకుంటున్నారు. ఈ విషయంలో భారత్‌కు ఎటువంటి దురుద్దేశాలు ఉండకపోవచ్చు’ అని రికార్డెడ్‌ ఫ్యూచర్‌ చెప్పినట్లు న్యూయార్క్‌ టైమ్స్‌ వెల్లడించింది.

సాక్షి,న్యూఢిల్లీ: ఇంటర్‌నెట్‌ సర్ఫింగ్‌ ఎలాంటి రిస్క్‌ లేకుండా సాఫీగా సాగే రోజులు కావివి. ఇంటింటికీ నెట్‌ అందుబాటులోకి రావడంతో ఆ స్క్రీన్‌ల వెనుకే ప్రమాదాలూ పొంచి ఉన్నాయి. నెట్‌ అనేది లగ్జరీ నుంచి అవసరంగా మారడంతో దాంతోపాటు రిస్క్‌లూ సవాల్‌ విసురుతున్నాయి. సామాన్యులతో పాటు హ్యాకర్లు ఇప్పుడు కార్పొరేట్లనూ టార్గెట్‌ చేస్తున్నారు. కంపెనీలను లక్ష్యంగా చేసుకుని వాటిపై సైబర్‌ దాడులకు పాల్పడుతున్నారు. టార్గెట్‌ దాడులు పక్కా ప్రణాళికతో సాగుతుండటంతో వీటికి చెక్‌ పెట్టడం సంక్లిష్టంగా మారింది. గత ఏడాదిగా టార్గెట్‌ అటాక్‌కు గురై పెద్ద మొత్తంలో మేథో సంపత్తి వ్యాపారాన్ని కోల్పోయామని సర్వేలో పాల్గొన్న వాటిలో 9 శాతం సంస్థలు వాపోయాయి. 2016లో ఈ సర్వేలో పాల్గొన్న కంపెనీల్లో దాదాపు సగం కంపెనీలు కనీసం ఒక సందర్భంలోనైనా సైబర్‌ దోపిడీకి గురైన ఉదంతాలు వెల్లడయ్యాయి. 39 శాతం కంపెనీలు రాన్సమ్‌వేర్‌ దాడికి గురయ్యాయి. పెద్ద కంపెనీలు సన్నద్ధంగా లేకపోవడమే ప్రమాదకరమని నిపుణులు చెబుతున్నారు. కేవలం 45 శాతం కంపెనీలే సైబర్‌ దాడులను తిప్పికొట్టేలా సన్నద్ధంగా ఉన్నాయని సిస్కో 2017 సెక్యూరిటీ క్యాపబిలిటీస్‌ సర్వే వెల్లడించడం గమనార్హం. వెబ్‌లో తమ ఆస్తుల పరిరక్షణకు బడా, మధ్యతరహా కంపెనీలు సరైన వ్యూహాలతో ముందుకు రావాలని సైబర్‌ నిపుణులు సూచిస్తున్నారు. సంస్థల ఆన్‌లైన్‌ కార్యకలాపాలను ఛిద్రం చేసేందుకు సైబర్‌ నేరస్తులు భిన్న వ్యూహాలతో విరుచుకుపడే ప్రమాదం పొంచిఉండటంతో విభిన్న సెక్యూరిటీ ప్రమాణాలతో సంస్థలు జాగ్రత్తలు తీసుకోవాల్సి ఉందని చెబుతున్నారు. ఏటా హ్యాకింగ్‌ విచ్చలవిడిగా పెరుగుతూ ప్రభుత్వ, ప్రైవేట్‌ సంస్థలపై సైబర్‌ దాడులకు దిగుతుండటంతో దీన్ని అధిగమించే భద్రతా ప్రమాణాలకు పదును పెట్టాల్సి ఉందని నిపుణులు సూచిస్తున్నారు. ఇలా చెక్‌ పెట్టొచ్చు కంపెనీలు తమ ఉద్యోగులకు సైబర్‌ సెక్యూరిట్‌ ముప్పులపై సరైన అవగాహన కలిగించాలి. స్పామ్‌ మెయిల్స్‌ ఓపెన్‌ చేయకుండా సూచనలు చేయడంతో పాటు పటిష్టమైన పాస్‌వర్డ్‌లను వాడేలా చొరవ చూపాలి. సైబర్‌ నేరగాళ్ల నుంచి తమ కంపెనీని రక్షించుకునేందుకు ఎలా వ్యవహరించాలనే దానిపై శిక్షణ ఇప్పించాలని నిపుణులు సూచిస్తున్నారు. సంస్థకు చెందిన అన్ని సిస్టమ్స్‌, బ్రౌజర్‌లు, ఫైర్‌వాల్స్‌, యాంటీ వైరస్‌ సాఫ్ట్‌వేర్‌లను ఎప్పటికప్పుడు అప్‌డేట్స్‌ చేస్తుండాలి. పెద్ద కంపెనీలు సైతం ఈ విషయంలో నిర్లక్ష్యంగా ఉంటుండటంతో హ్యాకర్లు సులభంగా సెక్యూరిటీ సిస్టమ్స్‌ను బ్రేక్‌ చేస్తూ యధేచ్చగా సైబర్‌ దాడులకు పాల్పడుతున్నారు. డేటా స్టోరేజ్‌కు క్లౌడ్‌ సర్వీసులు వాడటం ద్వారా సమయం, డబ్బు ఆదా చేసుకోవచ్చని సూచిస్తున్నారు. ఇక సంస్థలు సైబర్‌ దాడులకు చెక్‌ పెట్టేందుకు పూర్తిస్ధాయి భద్రతా సలహాదారును నియమించుకోవడం మేలని చెబుతున్నాయి.

వాషింగ్టన్‌ : డెలాయిట్‌ కంపెనీకి చెందిన సర్వర్‌ హ్యాక్‌ అయినట్లు రిపోర్టులు వస్తున్నాయి. డెలాయిట్‌కు చెందిన 350 క్లయింట్ల వివరాలు తస్కరణకు గురైనట్లు సమాచారం. సమాచారం చోరికి గురైన క్లయింట్లలో అమెరికా ప్రభుత్వానికి చెందిన నాలుగు డిపార్ట్‌మెంట్లు కూడా ఉన్నట్లు తెలిసింది. ఈ మేరకు ఓ అంతర్జాతీయ పత్రిక కథనాన్ని ప్రచురించింది. డెలాయిట్‌ ఊహించిన దాని కంటే పెద్ద మొత్తంలో డేటా చోరికి గురైందని హ్యాకింగ్‌ నిపుణులు భావిస్తున్నారు. కాగా, ఏంత మొత్తంలో సమాచారం చోరికి గురైందన్న విషయంపై డెలాయిట్‌ ఇంకా పెదవి విప్పడం లేదు. కేవలం ఆరుగురు క్లయింట్లకు చెందిన సమాచారమే హ్యాకింగ్‌కు గురైనట్లు డెలాయిట్‌ చెబుతోంది. పేరు చెప్పడానికి ఇష్టపడని వ్యక్తులు చెప్పిన సమాచారం ప్రకారం.. అమెరికాకు చెందిన రాష్ట్ర, ఎనర్జీ, హోం ల్యాండ్‌ సెక్యూరిటీ, రక్షణ శాఖ డిపార్ట్‌మెంట్లకు చెందిన వివరాలు తస్కరణకు గురయ్యాయి.

సియోల్‌ : యుద్ధం వస్తే ఆచరణలో పెట్టేందుకు అమెరికా-దక్షిణ కొరియాలు సిద్ధం చేసిన వ్యూహాల సమాచారాన్ని ఉత్తరకొరియా తస్కరించింది. గత నెలలో దక్షిణ కొరియా మిలటరీ నెట్‌వర్క్‌పై సైబర్‌ దాడికి పాల్పడిన ఉత్తరకొరియా హ్యాకర్లు 235 గిగాబైట్ల(జీబీ) సమాచారాన్ని చోరీ చేశారు. దక్షిణ కొరియా అధికార డెమొక్రటిక్‌ పార్టీకి చెందిన రీ చీయోల్‌ హీ అనే ప్రజా ప్రతినిధి మంగళవారం ఓ దిన పత్రికకు ఇచ్చిన ఇంటర్వ్యూలో వెల్లడించారు. అమెరికా, ఉత్తరకొరియాల మధ్య పరిస్థితులు ఉద్రిక్తంగా ఉన్న సమయంలో ఈ రిపోర్టు వెలుగులోకి రావడం సంచలనంగా మారింది. చోరీ గురైన సమాచారం ఏదో కూడా ఇంకా పూర్తిగా గుర్తించలేదని రీ చెప్పారు. కిమ్‌ తలనరికేందుకు రంగంలోకి దించనున్న స్పెషల్‌ టీం, దక్షిణ కొరియా స్పెషల్‌ ఫోర్సెస్‌, అమెరికాతో సంబంధాలు, అమెరికాతో మిలటరీ డ్రిల్స్‌, పవర్‌ ప్లాంట్లు, కీలక మిలటరీ స్థావరాలు ఇలా సౌత్‌ కొరియాకు చెందిన కీలక సమాచారం నియంత కిమ్‌ జాంగ్‌ ఉన్‌ చేతిలోకి వెళ్లినట్లు వెల్లడించారు. దక్షిణ కొరియా వద్ద ఉన్న సమాచారం ప్రకారం.. ఉత్తరకొరియాలో 6,800 మంది సైబర్‌ హ్యాకర్లు ఉన్నారు. గతంలో ఉత్తరకొరియా హ్యాకర్లు సోనీ పిక్చర్స్‌పై హ్యాకింగ్‌కు పాల్పడిన విషయం తెలిసిందే.

అమెరికా అధ్యక్ష ఎన్నికల్లో హ్యాకింగ్‌ జరిగిందన్న వార్తలు నిజమేనా? అమెరికా ఎన్నికల వ్యవస్థ అంత బలహీనమా? ట్రంప్‌ విజయంపై మొదట నుంచీ అనుమానాలు వ్యక్తం చేస్తున్న హిల్లరీ మాటల్లో నిజముందా?.. అందులో కొంతవరకూ నిజముందని అమెరికా ఎన్నికల అధికారులు ప్రకటించారు. నిజంగా సంచలనం సృష్టించే వార్తే ఇది. వాషింగ్టన్‌: గత ఏడాది హిల్లరీ క్లింటన్‌కు-డొనాల్డ్‌ ట్రంప్‌కు మధ్య హోరాహోరీగా జరిగిన అధ్యక్ష ఎన్నికల్లో 21 రాష్ట్రాల ఎన్నికలపై హ్యాకర్లు ప్రభావితం చేశారని ఎన్నికల సంఘం అధికారులు అమెరికా ప్రభుత్వానికి తెలిపారు. అధ్యక్ష ఎన్నికలకు నోటిఫికేషన్‌ వెలువడ్డానికి ముందే.. డిపార్ట్‌మెంట్‌ ఆఫ్‌ హోమ్‌ల్యాండ్ అధికారులు.. రష్యా నుంచి హ్యాకింగ్‌ జరిగే అవకాశం ఉందని ప్రకటించారు. ముఖ్యంగా ఎన్నికను ప్రభావితం చేసే ఫ్లోరిడా, ఓహియో, పెన్సల్వేనియా, వర్జీనియాలపై హ్యాకర్లు అధిక దృష్టి పెట్టినట్లు అధికారులు తెలిపారు. అలబామా, అలాస్కా, కొలరాడో, ఇల్లినాయిస్‌, మేరీల్యాండ్, నార్త్ డకోటా, ఓక్లహామా, టెక్సాస్‌, వాషింగ్టన్‌ రాష్ట్రాలను లక్ష్యంగా చేసుకున్నట్లు తాజాగా పరిశోధనల్లో తేలిందన్నారు. ఓటర్ల డేటాను తారుమారు చేయడం.. వీలైతే.. ఎన్నికల ఫలితాలపై ప్రభావం చూపేలా చేసేందుకు హ్యాకర్లు ప్రయత్నించినట్లు అధికారులు తెలిపారు. ‘కంప్యూటర్లను రష్యన్‌ హ్యాకర్లు నిరంతరం మానిటరింగ్‌ చేయడంతో పాటు.. సమాచారాన్ని దొంగిలించేందుకు పదేపదే ప్రయత్నించడం జరిగిందని’ కాలిఫోర్నియా సెక్రెటరీ అలెక్స్‌ పెడిల్లా చెప్పారు. ఇలాంటివి పదదేపదే జరిగితే అమెరికా ప్రజాస్వామ్యం, దేశ భద్రత ప్రమాదంలో పడతాయని ఆయన అన్నారు. అమెరికాలోని నిర్దేశిత రాష్ట్రాలపై రష్యన్‌ హ్యాకర్లు నిరంతరం డేటా చౌర్యానికి ప్రయత్నించారని.. ఇన్వెస్టిగేటింగ్‌ టీమ్‌లో సభ్యుడైన మార్క్‌ వార్నర్‌ తెలిపారు.  ఇదిలా ఉంటే భవిష్యత్‌లో ఎన్నికల వ్యవస్థను హ్యాకర్ల బారినుంచి కాపాడేందుకు తీసుకున్న చర్యలను వివరించాలని.. నేషనల్‌ సెక్రెటరీ ఆఫ్‌ స్టేట్స్‌ కాన్నీ లాసన్‌ అధికారులను ఆదేశించారు.  


 న్యూఢిల్లీ: ప్రపంచాన్ని వణికిస్తున్న సైబర్‌ దాడులు ఇప్పట్లో ఆగేలా లేవు. తాజాగా దేశంలోనే అతిపెద్ద ఆన్‌లైన్‌ రెస్టారెంట్‌ గైడ్‌ జొమాటో హ్యాకర్ల బారిన పడింది. ఈ యాప్‌కు సంబంధించిన 1.7 కోట్ల ఖాతాదారుల సమాచారం చోరీకి గురైంది. ఇందులో కీలకమైన పాస్‌వర్డ్స్, ఈమెయిల్‌ ఐడీలు, చిరునామాల వంటివి ఉన్నట్టు సంస్థ గురువారం ప్రకటించింది.
 ఇటీవల తనిఖీలు చేస్తున్న సందర్భంగా తమ నిపుణుల బృందం డేటా చోరీ విషయాన్ని గుర్తించిందని తెలిపింది. అయితే ఈ హ్యాకింగ్‌ ఎప్పుడు జరిగింది... ఇది ర్యాన్సమ్‌వేర్‌ వాన్నాక్రై దాడా... కాదా అన్నది సంస్థ వెల్లడించలేదు. అయితే ఖాతాదారుల క్రెడిట్‌ కార్డు సమాచారం గురించి ఆందోళన చెందాల్సిన అవసరం లేదని, దాన్ని అత్యున్నత భద్రతా ప్రమాణాలున్న పీసీఐ డేటా సెక్యూరిటీ స్టాండర్డ్స్‌లో భద్రపరిచామని జొమాటో వెల్లడించింది.  
  


 హైదరాబాద్‌ : జనసేన అధ్యక్షుడు, పవర్‌ స్టార్‌ పవన్‌ కల్యాణ్‌ ట్విట్టర్‌ ఖాతా హ్యాక్‌ అయింది.  హ్యాకర్లు ఆయన అకౌంట్‌ను హ్యాక్‌ చేసి, పాస్‌వర్డ్‌ కూడా మార్చేశారు. గత మూడు రోజుల నుంచి ఆయన ట్విట్టర్‌ అకౌంట్‌కు అంతరాయం ఏర్పడింది. అయితే సాంకేతిక లోపం వల్లే తన అకౌంట్‌లో సమస్య ఏర్పడిందని పవన్‌ భావించారట. అయితే ఇవాళ ఆయన ట్విట్టర్‌ అకౌంట్‌ పూర్తిగా స్తంభించడంతో ...ఐటీ నిపుణులతో సంప్రదిస్తున్నారు. మరోవైపు ట్విట‍్టర్‌ హ్యాక్‌ అయిన విషయంపై పవన్‌ ...అభిమానులను అప్రమత్తం చేశారు. మే 8న పవన్‌ చివరిసారిగా ట్విట్‌ చేశారు.
 
 మరోవైపు పవన్‌ కల్యాణ్‌ ట్విట్టర్‌ అకౌంట్‌ పని చేయడం లేదని జనసేన పార్టీ అధికారికంగా ధ్రువీకరిస్తూ ఓ ప్రకటన చేసింది. ట్విట్టర్‌ ఖాతా హ్యాక్‌ చేసి ఉండవచ్చని, నిపుణుల చేత సంప్రదించిన తర్వాత మిగతా వివరాలు వెల్లడిస్తామని తెలిపింది. బాధ్యులపై కఠిన చర్యలు తీసుకుంటామని జనసేన హెచ్చరించింది.