ఆస్ట్రేలియా క్రికెట‌ర్‌, స‌న్‌రైజ‌ర్స్ హైద‌రాబాద్ కెప్టెన్ పాట్ క‌మిన్స్‌కు క్రికెట్ ఆస్ట్రేలియా (సీఏ) బంప‌ర్ ఆఫ‌ర్ ప్ర‌క‌టించింది. ఆస్ట్రేలియా వన్డే, టెస్టు కెప్టెన్‌గా ఉన్న కమిన్స్‌ను ప్రైవేటు లీగ్‌లు ఆడ‌కుండా జ‌ట్టుతోనే ఎక్కువ‌గా అట్టిపెట్టుకోవాల‌ని భావిస్తున్న క్రికెట్ ఆస్ట్రేలియా అత‌డికి మూడేళ్ల కాలానికి గాను 12 మిలియ‌న్ డాల‌ర్లు (భార‌త క‌రెన్సీలో సుమారు రూ. 113 కోట్లు) అందించ‌నుంది. ఈ మేరకు సిడ్నీ మార్నింగ్ హెరాల్డ్ త‌మ క‌థ‌నంలో పేర్కొంది. ఈ ఆఫ‌ర్‌కు క‌మిన్స్ ఓకే చెబితే మాత్రం ఏడాదికి 4 మిలియ‌న్ డాల‌ర్ల చొప్పున అందుకోనున్నాడు. ఆస్ట్రేలియా త‌ర‌ఫున ఆడ‌డం మానేసి గ్లోబ‌ల్ టీ20 లీగ్‌ల్లో త‌మ‌కు ప్రాతినిధ్యం వ‌హించేందుకు ఒక ఐపీఎల్ ఫ్రాంచైజీ క‌మిన్స్‌కు 10 మిలియ‌న్ ఆస్ట్రేలియ‌న్ డాల‌ర్లు (సుమారు రూ.62.22కోట్లు) ఆఫర్ ఇచ్చిందన్న వార్తల నేపథ్యంలో క్రికెట్ ఆస్ట్రేలియా ఈ నిర్ణయం తీసుకోవడం ప్రాధాన్యత సంతరించుకుంది. ఈ కొత్త ఒప్పందం ప్రకారం కమిన్స్ ఆడే మ్యాచ్‌ల సంఖ్యతో సంబంధం లేకుండా ఈ భారీ మొత్తం అందుతుంది. ప్రస్తుతం ప్రపం చవ్యాప్తంగా వివిధ దేశాల్లో జరుగుతున్న ప్రైవేట్ టీ20 లీగ్ల (ముఖ్యంగా బిగ్‌బాష్‌, ఐపీఎల్‌, ఎంఎల్‌సీ) హవా పెరిగిపోవడంతో, టాప్ క్లాస్ ఆటగాళ్లు జాతీయ జట్టుకు దూరమయ్యే ప్రమాదం ఉందని క్రికెట్ ఆస్ట్రేలియా ఆందోళన చెందుతోంది.ముఖ్యంగా ఆస్ట్రేలియాను ప్రపంచ టెస్ట్ ఛాంపియన్షిప్, వన్డే ప్రపంచకప్ విజేతగా నిలిపిన కమిన్స్‌ను ఇతర లీగ్‌ల వైపు వెళ్లకుండా, కేవలం జాతీయ జట్టు అవసరాలకు మాత్రమే ప్రాధాన్యత ఇచ్చేలా క్రికెట్ ఆస్ట్రేలియా ఈ మెగా డీల్‌ను రూపొందించిన‌ట్లు తెలుస్తోంది.ఇదే విష‌య‌మై క్రికెట్ ఆస్ట్రేలియా హెడ్ ఆఫ్ క్రికెట్ జేమ్స్‌ ఆల్సోప్ స్పందించారు. ‘కమిన్స్ వంటి అగ్రశ్రేణి ఆటగాళ్లను కాపాడుకోవడం మాకు అవసరం. మూడు ఫార్మాట్లు (టెస్టు, వన్డే, టీ20లు) ఆడే పాట్ కమిన్స్‌, జోష్ హేజిల్‌వుడ్ వంటి స్టార్లకు ఇప్పుడు మార్కెట్‌లో విపరీతమైన డిమాండ్ ఉంది. అందుకే వారిని ఇతర క్రికెట్ లీగ్‌లవైపు ఆకర్షణకు గురవ్వకుండా ఆస్ట్రేలియా క్రికెట్‌కు కట్టుబడి ఉండేలా చూడటం మా ప్రధాన లక్ష్యం’ అని వివరించారు.ఇక ఐపీఎల్‌ 2026 సీజన్‌లో పాట్‌ కమిన్స్‌ సన్‌రైజర్స్‌ హైదరాబాద్‌కు ప్రాతినిధ్యం వహిస్తున్న సంగతి తెలిసిందే. ఈసారి సీజన్‌కు లేటుగా ఎంట్రీ ఇచ్చినప్పటికీ కమిన్స్‌ తన విలువను చూపిస్తున్నాడు. సీజన్‌లో భాగంగా బుధవారం పంజాబ్‌ కింగ్స్‌తో జరిగిన మ్యాచ్‌లో కమిన్స్‌ రెండు కీలక వికెట్లు తీసి విజయంలో కీలకపాత్ర పోషించాడు. పంజాబ్‌పై విజయంతో ప్రస్తుతం ఎస్‌ఆర్‌హెచ్‌ టేబుల్‌ టాపర్‌గా నిలిచింది. చదవండి: ‘ఎవరి తరం కాలేదు.. ఆ ఫీట్‌ను శ్రేయస్‌ సాధిస్తాడు’

ఐపీఎల్‌ 2026లో సన్‌రైజర్స్‌ హైదరాబాద్‌ ప్లే ఆఫ్స్‌ రేసులో అన్ని జట్లకంటే ముందుకొచ్చింది. తాజాగా పంజాబ్‌ కింగ్స్‌ను ఓడించడంతో పాయింట్ల పట్టికలో నంబర్‌ వన్‌ స్థానానికి దూసుకొచ్చింది. ఇకపై ఆడాల్సిన మూడు మ్యాచ్‌ల్లో రెండు గెలిచినా, ఆ జట్టు ప్లే ఆఫ్స్‌ బెర్త్‌ ఖరారవుతుంది. ఇప్పటివరకు ఆడిన 11 మ్యాచ్‌ల్లో 7 విజయాలు సాధించిన సన్‌రైజర్స్‌.. సెకెండ్‌ బెస్ట్‌ రన్‌రేట్‌తో (0.737) 14 పాయింట్లు ఖాతాలో కలిగి ఉంది. తదుపరి 3 మ్యాచ్‌ల్లో సన్‌రైజర్స్‌ ప్రత్యర్దులు గుజరాత్‌, సీఎస్‌కే, ఆర్సీబీ. ఈ మూడు మ్యాచ్‌లు మే 12, 18, 22 తేదీల్లో అహ్మదాబాద్‌, చెన్నై, హైదరాబాద్‌ వేదికలుగా జరుగనున్నాయి.ఇదిలా ఉంటే, ఈ సీజన్‌లో సన్‌రైజర్స్‌ ప్రయాణం తొలుత అంత సాఫీగా సాగలేదు. మొదటి 4 మ్యాచ్‌ల్లో 3 మ్యాచ్‌ల్లో ఓటమిపాలై, ఢీలాగా ఉండింది. రెగ్యులర్‌ కెప్టెన్‌ పాట్‌ కమిన్స్‌ గాయం కారణంగా అందుబాటులో లేకపోవడం ఈ జట్టుపై భారీ ప్రభావం చూపించింది. అయితే ఐదో మ్యాచ్‌ నుంచి తాత్కాలిక కెప్టెన్‌ ఇషాన్‌ కిషన్‌ జట్టును గాడిలోకి తెచ్చాడు. వ్యక్తిగతంగా సత్తా చాటడంతో పాటు జట్టును విజయపథంలో నడిపించసాగాడు. ఇషాన్‌ సారథ్యంలో మొదటి 4 మ్యాచ్‌ల్లో మూడింట ఓడిన సన్‌రైజర్స్‌.. ఆతర్వాత హ్యాట్రిక్‌ విజయాలు సాధించి గాడిలో పడింది.అయితే సన్‌రైజర్స్‌కు అసలు బ్రేక్‌ రెగ్యులర్‌ కెప్టెన్‌ పాట్‌ కమిన్స్‌ తిరిగొచ్చిన తర్వాతే వచ్చింది. అప్పటిదాకా బౌలింగ్‌లో బలహీనంగా ఉండిన సన్‌రైజర్స్‌ కమిన్స్‌ రాకతో ఒక్కసారిగా బలపడినట్లైంది. కమిన్స్‌ వ్యక్తిగతంగా సత్తా చాటుతూ యువ బౌలర్లకు మార్గదర్శంగా నిలిచాడు. అప్పటికే సత్తా చాటుతున్న ఎషాన్‌ మలింగ కమిన్స్‌ సలహాలతో మరింత రెచ్చిపోసాగాడు. దేశీయ యువ పేసర్లు సాకిబ్‌ హుసేన్‌, ఫ్రఫుల్‌ హింగే కమిన్స్‌ మార్గదర్శకత్వంలో రాటుదేలారు. ఆల్‌రౌండర్‌ నితీశ్‌కుమార్‌ సైతం కమిన్స్‌ రాకతో సత్తా చాటడం ప్రారంభించాడు. ఈ ఐదురుగు నిలకడగా రాణిస్తుండటంతో సన్‌రైజర్స్‌ ప్రస్తుత ఎడిషన్‌లో అత్యంత ప్రమాదకర పేస్‌ బౌలింగ్‌ యూనిట్‌గా మారిపోయింది. వీరికి స్పిన్నర్‌ శివాంగ్‌ కుమార్‌ కూడా జతకలవడంతో సన్‌రైజర్స్‌ అత్యంత పటిష్టమైన బౌలింగ్‌ విభాగంగా తయారైంది.సీజన్‌ ప్రారంభంలో బ్యాటింగ్‌ అత్యంత పటిష్టంగా ఉన్నా, బౌలింగ్‌ విభాగం సరిగ్గా లేకపోవడం వల్లనే సన్‌రైజర్స్‌ అపజయాలు ఎదుర్కొంది. ఇప్పుడు బౌలింగ్‌ విభాగం కూడా పటిష్టంగా మారడంతో సన్‌రైజర్స్‌ తిరుగులేని జట్టుగా మారిపోయింది. కమిన్స్‌ వచ్చాక సన్‌రైజర్స్‌ నాలుగింట మూడు విజయాలు సాధించి, ప్లే ఆఫ్స్‌ రేసులో అందరికంటే ముందుకొచ్చింది.ఆరెంజ్‌ ఆర్మీ ఇదే జోరును కొనసాగిస్తే మరో టైటిల్‌ ఖాయం. మొత్తంగా కమిన్స్‌ రాక సన్‌రైజర్స్‌లో కాకను మరింత పెంచింది. టైటిల్‌ ఫేవరెట్లలో ఒకటిగా నిలబెట్టింది. జట్టులో అందరూ గెలుపు కోసం తమవంతు కృషి చేస్తున్నారు. ముఖ్యంగా బ్యాటింగ్‌లో టాపార్డర్‌ అంతా నిలకడగా రాణిస్తున్నారు. ప్రస్తుతం టాప్‌-4 లీడింగ్‌ రన్‌ స్కోరర్లలో ముగ్గురు (క్లాసెన్‌, అభిషేక్‌, ఇషాన్‌) సన్‌రైజర్సే ఉన్నారు. ఈ ముగ్గురు ప్రత్యర్ది బౌలర్ల పాలిట సింహస్వప్నాల్లా మారారు. బౌలింగ్‌లో ఎషాన్‌ మలింగ చెలరేగిపోతున్నారు. ఇతనికి కమిన్స్‌ జతకలిశాడు. కమిన్స్‌ కెప్టెన్‌గానే కాకుండా వ్యక్తిగతంగానూ అద్భుతంగా రాణిస్తున్నాడు. నిన్నటి పంజాబ్‌ మ్యాచ్‌లో పొదుపుగా బౌలింగ్‌ చేయడమే కాకుండా రెండు కీలక వికెట్లు తీసి ప్లేయర్‌ ఆఫ్‌ ది మ్యాచ్‌గా నిలిచాడు. సన్‌రైజర్స్‌ శిబిరంలో మరో అన్‌ సంగ్‌ హీరో కూడా ఉన్నాడు. అతడే నితీశ్‌ కుమార్‌ రెడ్డి. నితీశ్‌ ఈ సీజన్‌లో చాలా అగ్రెసివ్‌గా కనిపిస్తున్నాడు. బ్యాటింగ్‌, బౌలింగ్‌ విభాగాల్లో తన పాత్రకు న్యాయం చేస్తున్నాడు.సీజన్‌ ప్రారంభంలో దారుణంగా విఫలమైన ట్రవిస్‌ హెడ్‌ కీలక దశలో ఫామ్‌లోకి రావడం సన్‌రైజర్స్‌కు అదనంగా కలిసొస్తున్న అంశం. హెడ్‌ గత మూడు మ్యాచ్‌ల్లో తనదైన శైలిలో రెచ్చిపోయాడు. ఇలా ఒకరు కాకపోతే ఒకరు బాధ్యతలను భుజాన వేసుకుంటుండంతో సన్‌రైజర్స్‌ తిరుగులేని జట్టుగా మారిపోయింది. ఇది కొనసాగితే ఆ జట్టుకు మరో టైటిల్‌ ఖాయం.

ఐపీఎల్ 2026 సీజన్‌లో సన్‌రైజర్స్ హైదరాబాద్ (ఎస్‌ఆర్‌హెచ్‌) పంజాబ్ కింగ్స్‌పై ప్రతీకార విజయం సాధించింది. బుధవారం సొంతగడ్డపై పంజాబ్‌తో జరిగిన మ్యాచ్‌లో ఎస్‌ఆర్‌హెచ్ 33 పరుగుల తేడాతో విజయాన్ని అందుకుంది. 236 పరుగుల భారీ లక్ష్యంతో బరిలోకి దిగిన పంజాబ్ కింగ్స్ 20 ఓవర్లలో 7 వికెట్ల నష్టానికి 202 పరుగులకు పరిమితమైంది. కూపర్ కన్నోలీ (107 నాటౌట్‌) అజేయ శతకం వృథాగా మారింది. స్టోయినిస్ (28), సూర్యాంశ్ (25) పర్వాలేదనిపించారు. ఎస్‌ఆర్‌హెచ్ బౌలర్లలో కమిన్స్‌, శివాంగ్‌లు చెరో రెండు వికెట్లు తీయగా, నితీశ్‌కుమార్‌, మలింగ, సాకిబ్ హుస్సేన్‌ తలా ఒక వికెట్ తీశారు. అంతకముందు తొలుత బ్యాటింగ్ చేసిన ఎస్‌ఆర్‌హెచ్ నిర్ణీత 20 ఓవర్లలో 4 వికెట్ల నష్టానికి 235 ప‌రుగులు చేసింది. క్లాసెన్ (69 ), ఇషాన్ కిష‌న్ (55) అర్థ‌సెంచ‌రీతో రాణించారు. అంత‌క‌ముందు అభిషేక్ (35), హెడ్ (38) మెరుపు ఇన్నింగ్స్ ఆడారు. చివ‌ర్లో నితీశ్ కుమార్ రెడ్డి (13 బంతుల్లో 29 నాటౌట్‌) కీల‌క ఇన్నింగ్స్ ఆడాడు. పంజాబ్ బౌల‌ర్ల‌లో అర్ష‌దీప్‌, చాహ‌ల్‌, ఫెర్గూస‌న్‌, విజ‌య్‌కుమార్‌లు త‌లా ఒక వికెట్ తీశారు.ఇషాన్‌, క్లాసెన్ మెరుపులుటాస్ ఓడి బ్యాటింగ్‌కు దిగిన ఎస్‌ఆర్‌హెచ్‌కు ఓపెనర్లు అభిషేక్‌, హెడ్‌లు శుభారంభాన్ని ఇచ్చారు. తొలి వికెట్‌కు 54 పరుగులు జోడించారు. అనంతరం వన్‌డౌన్‌లో వచ్చిన ఇషాన్ కిషన్ ఆరంభం నుంచే దూకుడుగా ఆడాడు. ఇషాన్‌కు క్లాసెన్ తోడవ్వడంతో ఎస్‌ఆర్‌హెచ్ పరుగుల వరద పారింది. 55 పరుగులు చేసి ఇషాన్ ఔటైనా చివర్లో క్లాసెన్‌, నితీశ్‌రెడ్డిలు ధాటిగా ఆడడంతో ఎస్‌ఆర్‌హెచ్ 230 ప్లస్ స్కోరు సాధించింది.కొంపముంచిన టాపార్డర్‌..భారీ లక్ష్యంతో బరిలోకి దిగిన పంజాబ్ కింగ్స్‌కు ఆదిలోనే షాక్ తగిలింది. ఓపెనర్లు ప్రబ్‌సిమ్రన్‌, ప్రియాన్ష్ ఆర్యలు తక్కువ స్కోర్లకే వెనుదిరగడం, ఫామ్‌లో ఉన్న కెప్టెన్ శ్రేయస్ అయ్యర్ కూడా 5 పరుగులు చేసి ఔటవ్వడంతో పంజాబ్ కష్టాల్లో పడింది. ఈ దశలో కూపర్ కన్నోలి, స్టోయినిస్‌లు కాసేపు వికెట్లు పతనం అడ్డుకున్నారు. స్టోయినిస్, సూర్యాంశ్ ఔటైనప్పటికీ కూపర్ కన్నోలీ ఆఖరిదాకా నిలిచి అజేయ సెంచరీతో రాణించినప్పటికీ లాభం లేకపోయింది.పట్టికలో ఫస్ట్‌ ప్లేస్‌కుఇది ఎస్‌ఆర్‌హెచ్‌కు ఏడో విజయం కాగా.. 14 పాయింట్లతో పట్టికలో అగ్రస్థానానికి దూసుకెళ్లింది. మరోవైపు పంజాబ్ 10 మ్యాచ్‌ల్లో ఆరు విజయాలు, మూడు ఓటమలు కలిపి 13 పాయింట్లతో పట్టికలో రెండో స్థానంలో నిలిచింది.A win that takes the team to the 𝘁𝗼𝗽 𝗼𝗳 𝘁𝗵𝗲 𝘁𝗮𝗯𝗹𝗲 🧡A comfortable 33-run victory at home that takes @Sunrisers to not just 2️⃣ more points but the first spot on the points table 👊🔥SCORECARD ▶️ https://t.co/8L0gAuxW78#TATAIPL | #KhelBindaas | #SRHvPBKS pic.twitter.com/gjgBIMUhG0— IndianPremierLeague (@IPL) May 6, 2026

ఐపీఎల్ 2026 సీజ‌న్‌లో పంజాబ్ కింగ్స్‌తో మ్యాచ్‌లో స‌న్‌రైజ‌ర్స్ హైద‌రాబాద్ రికార్డుల మీద రికార్డులు సాధించింది. తొలుత బ్యాటింగ్ చేసిన ఎస్ఆర్‌హెచ్ 20 ఓవ‌ర్ల‌లో 4 వికెట్ల న‌ష్టానికి 235 ప‌రుగులు చేసింది. ఓపెన‌ర్లు అభిషేక్‌, హెడ్‌లు శుభారంభం ఇవ్వ‌గా.. ఆ త‌ర్వాత మిడిలార్డ‌ర్‌లో ఇషాన్ కిష‌న్‌, క్లాసెన్‌, నితీశ్ కుమార్‌లు మెరుపు ఇన్నింగ్స్‌లు ఆడారు. ఇక ఎస్ఆర్‌హెచ్ ఓపెన‌ర్లు అభిషేక్ శ‌ర్మ‌, ట్రావిస్ హెడ్‌ జంట ఒక అరుదైన ఫీట్‌ సాధించింది. ఈ సీజ‌న్‌లో అభిషేక్‌, ట్రావిస్ హెడ్ జంట 627 ప‌రుగులు సాధించింది. పంజాబ్‌తో మ్యాచ్‌లో తొలి వికెట్‌కు ఈ జంట 54 ప‌రుగులు జోడించ‌డం ద్వారా 600 ప్ల‌స్ మార్కును దాటింది. త‌ద్వారా ఒక సీజ‌న్‌లో 500కు పైగా ప‌రుగులు సాధించిన జోడీగా అభిషేక్‌-హెడ్ నిలిచారు. రెండో స్థానంలో రాజ‌స్తాన్ రాయ‌ల్స్ ఓపెన‌ర్లు య‌శ‌స్వి జైస్వాల్‌-వైభ‌వ్ సూర్య‌వంశీ (457 ప‌రుగులు), గుజ‌రాత్ టైటాన్స్ ఓపెన‌ర్లు శుబ్‌మ‌న్ గిల్‌-సాయి సుద‌ర్శ‌న్ జంట (402 ప‌రుగులు) సాధించి మూడో స్థానంలో కొన‌సాగుతున్నారు.More than 600 runs as a pair when no one else has gone past 500 😲Abhishek Sharma and Travis Head miles ahead of everyone else 👏#TATAIPL | #KhelBindaas | #SRHvPBKS | @SunRisers pic.twitter.com/MAw6RNVxem— IndianPremierLeague (@IPL) May 6, 2026Combining power and elegance so effortlessly 😲🎥 Abhishek Sharma with two 6️⃣s that make you go WOW 🤩Updates ▶️ https://t.co/8L0gAuxW78#TATAIPL | #KhelBindaas | #SRHvPBKS | @SunRisers pic.twitter.com/ZkNRO3r5ZI— IndianPremierLeague (@IPL) May 6, 2026

ఐపీఎల్ 2026 సీజ‌న్‌లో పంజాబ్ కింగ్స్‌తో మ్యాచ్‌లో ఎస్ఆర్‌హెచ్ విధ్వంస‌క‌ర బ్యాట‌ర్ హెన్రిచ్ క్లాసెన్ ప‌లు రికార్డులు బ‌ద్ద‌లు కొట్టాడు. పంజాబ్‌తో మ్యాచ్‌లో 43 బంతుల్లో 69 ప‌రుగులు సాధించిన క్లాసెన్ ఇన్నింగ్స్‌లో మూడు ఫోర్లు, 4 సిక్స‌ర్లు ఉన్నాయి. ఈ నేప‌థ్యంలో ఎస్ఆర్‌హెచ్ త‌ర‌ఫున అత్య‌ధిక హాఫ్ సెంచ‌రీలు బాదిన క్రికెటర్ల జాబితాలో క్లాసెన్ చోటు సంపాదించాడు.ఎస్ఆర్‌హెచ్ త‌ర‌ఫున క్లాసెస్‌కు ఇది 14వ అర్థ‌శ‌త‌కం కాగా.. అభిషేక్ శ‌ర్మ‌తో క‌లిసి సంయుక్తంగా నాలుగో స్థానంలో నిలిచాడు. 18 హాఫ్ సెంచ‌రీల‌తో కేన్ విలియ‌మ్స‌న్ మూడో స్థానంలో, 19 అర్థ‌శ‌త‌కాల‌తో శిఖ‌ర్ దావ‌న్ రెండో స్థానంలో ఉన్నాడు. ఇక మొద‌టి స్థానంలో డేవిడ్ వార్న‌ర్ 42 అర్థ‌శ‌త‌కాల‌తో ఎవ‌రికీ అంద‌నంత ఎత్తులో నిలిచాడు.అంతేకాదు క్లాసెన్ ఈ మ్యాచ్ ద్వారా మ‌రో రికార్డు కూడా సాధించాడు. ఈ సీజ‌న్‌లో ఇప్ప‌టి దాకా 5 హాఫ్ సెంచ‌రీలు బాది తొలి స్థానంలో నిలిచాడు. అభిషేక్ శ‌ర్మ‌, ఇషాన్ కిష‌న్‌, కేఎల్ రాహుల్‌, సాయి సుద‌ర్శ‌న్‌, ప్ర‌బ్‌సిమ్ర‌న్‌, అయ్య‌ర్‌లు నాలుగు హాఫ్ సెంచ‌రీలు సాధించి సంయుక్తంగా రెండో స్థానంలో ఉన్నారు.ఎస్ఆర్‌హెచ్ పంజాబ్ కింగ్స్ ముందు 236 ప‌రుగుల ల‌క్ష్యాన్ని ఉంచింది. టాస్ ఓడి బ్యాటింగ్‌కు దిగిన ఎస్ఆర్‌హెచ్ నిర్ణీత 20 ఓవ‌ర్ల‌లో 4 వికెట్ల నష్టానికి 235 ప‌రుగులు చేసింది. క్లాసెన్ (69 ), ఇషాన్ కిష‌న్ (55) అర్థ‌సెంచ‌రీతో రాణించారు. అంత‌క‌ముందు అభిషేక్ (35), హెడ్ (38) మెరుపు ఇన్నింగ్స్ ఆడారు. చివ‌ర్లో నితీశ్ కుమార్ రెడ్డి (13 బంతుల్లో 29 నాటౌట్‌) కీల‌క ఇన్నింగ్స్ ఆడాడు. పంజాబ్ బౌల‌ర్ల‌లో అర్ష‌దీప్‌, చాహ‌ల్‌, ఫెర్గూస‌న్‌, విజ‌య్‌కుమార్‌లు త‌లా ఒక వికెట్ తీశారు.Finishing the innings with finesse 🤌🎥 Some delightful shots in the final over from Heinrich Klaasen to finish 69 (43) 👏👏Updates ▶️ https://t.co/8L0gAuxW78#TATAIPL | #KhelBindaas | #SRHvPBKS | @SunRisers pic.twitter.com/jbmQ02eo0h— IndianPremierLeague (@IPL) May 6, 2026 చదవండి: పంజాబ్ అంటేనే అభిషేక్‌కు పూన‌కం!

పంజాబ్‌ కింగ్స్‌తో జరిగిన మ్యాచ్‌లో ఎస్‌ఆర్‌హెచ్ 33 పరుగుల తేడాతో విజయాన్ని అందుకుంది. 236 పరుగుల భారీ లక్ష్యంతో బరిలోకి దిగిన పంజాబ్ కింగ్స్ 20 ఓవర్లలో 7 వికెట్ల నష్టానికి 202 పరుగులకు పరిమితమైంది. కూపర్ కన్నోలీ (107 నాటౌట్‌) అజేయ శతకం వృథాగా మారింది. స్టోయినిస్ (28), సూర్యాంశ్ (25) పర్వాలేదనిపించారు. ఎస్‌ఆర్‌హెచ్ బౌలర్లలో కమిన్స్, శివాంగ్‌లు రెండు వికెట్లు తీయగా.. నితీశ్‌కుమార్‌, మలింగ, సాకిబ్ హుస్సేన్‌ తలా ఒక వికెట్ తీశారు. అంతకముందు తొలుత బ్యాటింగ్ చేసిన ఎస్‌ఆర్‌హెచ్ నిర్ణీత 20 ఓవర్లలో 4 వికెట్ల నష్టానికి 235 ప‌రుగులు చేసింది.ఐదో వికెట్ కోల్పోయిన పంజాబ్‌ఎస్ఆర్‌హెచ్‌తో మ్యాచ్‌లో పంజాబ్ కింగ్స్ ఐదో వికెట్ కోల్పోయింది. 25 ప‌రుగులు చేసిన సూర్యాంశ్ క‌మిన్స్ బౌలింగ్‌లో అభిషేక్‌కు క్యాచ్ ఇచ్చి వెనుదిరిగాడు. 12 ఓవ‌ర్లు ముగిసేసరికి 5 వికెట్ల న‌ష్టానికి 114 ప‌రుగులుచేసింది.నాలుగో వికెట్ కోల్పోయిన పంజాబ్‌ఎస్‌ఆర్‌హెచ్‌తో మ్యాచ్‌లో పంజాబ్ కష్టాల్లో పడింది. 28 పరుగులు చేసిన మార్కస్ స్టోయినిస్ శివాంగ్ కుమార్ బౌలింగ్‌లో కీపర్ ఇషాన్ కిషన్‌కు క్యాచ్ ఇచ్చి వెనుదిరగడంతో నాలుగో వికెట్ కోల్పోయింది. 7 ఓవర్లు ముగిసేసరికి పంజాబ్ 4 వికెట్ల నష్టానికి 64 పరుగులు చేసింది.శ్రేయ‌స్ (5) ఔట్‌.. మూడో వికెట్ డౌన్‌భారీ ల‌క్ష్యంతో బ‌రిలోకి దిగిన పంజాబ్ కింగ్స్ వ‌రుస విరామాల్లో వికెట్లు కోల్పోతూ వ‌స్తోంది. 5 ప‌రుగులు చేసిన‌ కెప్టెన్ శ్రేయ‌స్ అయ్య‌ర్ ఇషాన్ మలింగ బౌలింగ్‌లో ఔట్ అవ్వ‌డంతో పంజాబ్ మూడో వికెట్ కోల్పోయింది.పంజాబ్‌కు షాక్‌.. ఓపెన‌ర్లిద్ద‌రు ఔట్‌236 ప‌రుగుల భారీ ల‌క్ష్యంతో బ‌రిలోకి దిగిన పంజాబ్ కింగ్స్‌కు ఆదిలోనే షాక్ త‌గిలింది. ఇన్నింగ్స్ తొలి ఓవ‌ర్‌లో క‌మిన్స్ బౌలింగ్‌లో ఒక్క ప‌రుగు చేసిన ప్రియాన్ష్ ఆర్య మ‌లింగ‌కు క్యాచ్ ఇచ్చి వెనుదిరిగాడు. ఇన్నింగ్స్ 2వ ఓవ‌ర్ తొలి బంతికే నితీశ్ కుమార్ బౌలింగ్ ప్ర‌బ్‌సిమ్ర‌న్ (3) ఔట్ అయ్యాడు.పంజాబ్ టార్గెట్ 236 ప‌రుగులుఉప్ప‌ల్ వేదిక‌గా జరుగుతున్న మ్యాచ్‌లో ఎస్ఆర్‌హెచ్ పంజాబ్ కింగ్స్ ముందు 236 ప‌రుగుల ల‌క్ష్యాన్ని ఉంచింది. టాస్ ఓడి బ్యాటింగ్‌కు దిగిన ఎస్ఆర్‌హెచ్ నిర్ణీత 20 ఓవ‌ర్ల‌లో 4 వికెట్ల నష్టానికి 235 ప‌రుగులు చేసింది. క్లాసెన్ (69 ), ఇషాన్ కిష‌న్ (55) అర్థ‌సెంచ‌రీతో రాణించారు.అంత‌క‌ముందు అభిషేక్ (35), హెడ్ (38) మెరుపు ఇన్నింగ్స్ ఆడారు. చివ‌ర్లో నితీశ్ కుమార్ రెడ్డి (13 బంతుల్లో 29 నాటౌట్‌) కీల‌క ఇన్నింగ్స్ ఆడాడు. పంజాబ్ బౌల‌ర్ల‌లో అర్ష‌దీప్‌, చాహ‌ల్‌, ఫెర్గూస‌న్‌, విజ‌య్‌కుమార్‌లు త‌లా ఒక వికెట్ తీశారు.క్లాసెన్ అర్థ‌సెంచ‌రీ.. ఎస్ఆర్‌హెచ్ 212-3పంజాబ్‌తో మ్యాచ్‌లో ఎస్ఆర్‌హెచ్ భారీ స్కోరు దిశ‌గా సాగుతోంది. 18 ఓవ‌ర్లు ముగిసేస‌రికి 3 వికెట్ల న‌ష్టానికి 212 ప‌రుగులు చేసింది. క్లాసెన్ అర్థ‌సెంచ‌రీతో ఆక‌ట్టుకున్నాడు. నితీశ్‌కుమార్ (26) ప‌రుగుల‌తో ఆడుతున్నాడు.అర్ధ శతకం బాది ఇషాన్‌ ఔట్‌ ఇషాన్‌ కిషన్‌ అర్ధ శతకం బాది ఔటయ్యాడు. 32 బంతుల్లో 4 సిక్సులు, 2 ఫోర్ల సాయంతో 55 పరుగులు చేశాడు. క్రీజులోకి నితీశ్‌ కుమార్‌ రెడ్డి వచ్చాడు. స్కోరు 174-3 (15 ఓవర్లలో)గా ఉంది.9 ఓవర్లలో ఎస్‌ఆర్‌హెచ్ 107-2పంజాబ్‌తో మ్యాచ్‌లో ఎస్‌ఆర్‌హెచ్ 8వ ఓవర్లో వంద పరుగుల మార్క్‌ను దాటింది. 9 ఓవర్లు ముగిసేసరికి ఎస్‌ఆర్‌హెచ్ 2 వికెట్ల నష్టానికి 107 పరుగులు చేసింది. ఇషాన్ (17), క్లాసెన్ (14) పరుగులతో ఆడుతున్నారు.రెండో వికెట్ కోల్పోయిన ఎస్‌ఆర్‌హెచ్‌పంజాబ్‌తో మ్యాచ్‌లో ధాటిగా ఆడుతున్న హెడ్ (38) చాహల్ బౌలింగ్‌లో మార్కో జాన్సెన్‌కు క్యాచ్ ఇచ్చి వెనుదిరిగాడు. దీంతో ఎస్‌ఆర్‌హెచ్ 84 పరుగుల వద్ద రెండో వికెట్ కోల్పోయింది.దంచికొడుతున్న హెడ్‌6 ఓవ‌ర్లు ముగిసేస‌రికి ఎస్ఆర్‌హెచ్ వికెట్ న‌ష్టానికి 79 ప‌రుగులు చేసింది. ట్రావిస్ హెడ్ (35) పంజాబ్ బౌల‌ర్ల‌ను ఉతికారేస్తున్నాడు. ఇషాన్ కిష‌న్ (7) ప‌రుగుల‌తో ఆడుతున్నాడు.అభిషేక్ శర్మ (35) ఔట్‌పంజాబ్ కింగ్స్‌తో మ్యాచ్‌లో ఎస్‌ఆర్‌హెచ్ 54 పరుగుల వద్ద తొలి వికెట్ కోల్పోయింది. 13 బంతుల్లో 35 పరుగులతో దూకుడు ప్రదర్శించిన అభిషేక్ శర్మ ఫెర్గూసన్ బౌలింగ్‌లో అయ్యర్‌కు క్యాచ్ ఇచ్చి వెనుదిరిగాడు.టాస్‌ పంజాబ్‌దేటాస్ గెలిచిన పంజాబ్ కింగ్స్ బౌలింగ్ ఎంచుకుంది. ఇరుజ‌ట్లు ఒక్కో మార్పుతో బ‌రిలోకి దిగాయి. ఎస్ఆర్‌హెచ్ జ‌ట్టులోకి నితీశ్ కుమార్ రెడ్డి రీఎంట్రీ ఇవ్వ‌గా.. పంజాబ్ జ‌ట్టులోకి శ‌శాంక్ సింగ్ తిరిగి వ‌చ్చాడు. ఈ సీజ‌న్‌లో తొలి అంచె పోటీలో ఎస్ఆర్‌హెచ్‌పై పంజాబ్ కింగ్స్ 6 వికెట్ల తేడాతో ఘ‌న విజ‌యం సాధించింది. మ‌రి ఎస్ఆర్‌హెచ్ ప్ర‌తీకారం తీర్చుకుంటుందా లేదా అన్న‌ది చూడాలి. ముఖాముఖి పోరులో ఇరుజ‌ట్లు 25 సార్లు త‌ల‌ప‌డితే ఎస్ఆర్‌హెచ్ 17 సార్లు, పంజాబ్ 8 సార్లు నెగ్గింది. ఇక హైద‌రాబాద్‌లో పంజాబ్‌తో ఆడిన 10 మ్యాచ్‌ల్లో ఎస్ఆర్‌హెచ్ 9 సార్లు నెగ్గితే.. పంజాబ్ ఒక‌సారి మాత్ర‌మే గెలిచింది.తుదిజ‌ట్లు:పంజాబ్ కింగ్స్: ప్రభ్‌సిమ్రాన్ సింగ్(వికెట్ కీప‌ర్‌), కూపర్ కన్నోలీ, శ్రేయాస్ అయ్యర్(కెప్టెన్‌), శశాంక్ సింగ్, సూర్యాంశ్ షెడ్జ్, మార్కస్ స్టోయినిస్, మార్కో జాన్సెన్, లోకీ ఫెర్గూసన్, విజయ్‌కుమార్ వైషాక్, అర్ష్‌దీప్ సింగ్, యుజ్వేంద్ర చాహల్సన్‌రైజర్స్ హైదరాబాద్: అభిషేక్ శర్మ, ట్రావిస్ హెడ్, ఇషాన్ కిషన్(వికెట్ కీప‌ర్‌), హెన్రిచ్ క్లాసెన్, సలీల్ అరోరా, స్మరణ్ రవిచంద్రన్, నితీష్ కుమార్ రెడ్డి, పాట్ కమిన్స్(కెప్టెన్‌), శివంగ్ కుమార్, ఈషాన్ మలింగ, సాకిబ్ హుస్సేన్పంజాబ్ కింగ్స్ ఇంపాక్ట్ సబ్స్: ప్రియాంష్ ఆర్య, హర్‌ప్రీత్ బ్రార్, జేవియర్ బార్ట్‌లెట్, విష్ణు వినోద్, ముషీర్ ఖాన్సన్‌రైజర్స్ హైదరాబాద్ ఇంపాక్ట్ సబ్‌లు: అనికేత్ వర్మ, ప్రఫుల్ హింగే, లియామ్ లివింగ్‌స్టోన్, హర్ష్ దూబే, హర్షల్ పటేల్

ఐపీఎల్‌ 2026లో భాగంగా పంజాబ్‌ కింగ్స్‌తో రేపు (మే 6) జరుగబోయే కీలక మ్యాచ్‌కు ముందు సన్‌రైజర్స్‌ హైదరాబాద్‌ అభిమానులకు శుభవార్త అందింది. అనారోగ్యం కారణంగా కేకేఆర్‌ మ్యాచ్‌కు దూరమైన స్టార్‌ ఆల్‌రౌండర్‌ నితీశ్‌ కుమార్‌ రెడ్డి కోలుకున్నాడని తెలుస్తోంది. పంజాబ్‌ కింగ్స్‌తో మ్యాచ్‌కు అందుబాటులో ఉంటాడని సమాచారం. ఈ విషయంపై జట్టు కోచ్‌ డేనియల్‌ వెటోరీ క్లారిటీ ఇచ్చాడు.కాగా, నితీశ్‌ స్థానంలో కేకేఆర్‌ మ్యాచ్‌లో బరిలోకి దిగిన స్మరణ్‌ రవిచంద్రన్‌ (4) ఘోరంగా విఫలమయ్యాడు. ఆ మ్యాచ్‌లో నితీశ్‌ లేని లోటు స్పష్టంగా కనిపించింది. బ్యాటింగ్‌, బౌలింగ్‌ విభాగాల్లో దారుణంగా విఫలమైన సన్‌రైజర్స్‌ 7 వికెట్ల తేడాతో పరాజయంపాలైంది. ఈ మ్యాచ్‌లో ఎస్‌ఆర్‌హెచ్‌ గెలిచి ఉంటే, ప్లే ఆఫ్స్‌ రేసులో మిగతా జట్లకంటే ముందుండేది.ప్రస్తుతం ఆ జట్టు 10 మ్యాచ్‌ల్లో 6 విజయాలతో పంజాబ్‌ (13), ఆర్సీబీ (9 మ్యాచ్‌ల్లో 12) తర్వాత పాయింట్ల పట్టికలో మూడో స్థానంలో ఉంది. రాజస్థాన్‌, గుజరాత్‌కు సైతం తలో 12 పాయింట్లు ఉన్నప్పటికీ.. రన్‌రేట్‌ పరంగా సన్‌రైజర్స్‌ కాస్త మెరుగ్గా ఉంది. ప్రస్తుతం పంజాబ్‌, ఆర్సీబీ, ఎస్‌ఆర్‌హెచ్‌, రాజస్థాన్‌, గుజరాత్‌ పాయింట్ల పట్టికలో టాప్‌-5లో ఉండి ప్లే ఆఫ్స్‌ రేసులో ముందున్నాయి. ఇకపై ఈ జట్లకు ప్రతి మ్యాచ్‌ కీలకంగా ఉంటుంది.

ఐపీఎల్‌-2026లో వరుస విజయాలతో దూసుకుపోతున్న సన్‌రైజర్స్ హైదరాబాద్‌కు కోల్‌కతా నైట్‌రైడర్స్‌ షాకిచ్చింది. ఉప్పల్ మైదానం వేదికగా జరిగిన ‍మ్యాచ్‌లో ఎస్‌ఆర్‌హెచ్‌పై 7 వికెట్ల తేడాతో కేకేఆర్ ఘన విజయం సాధిం‍చింది. సన్‌రైజర్స్ నిర్ధేశించిన 166 పరుగుల లక్ష్యాన్ని కోల్‌కతా కేవలం మూడు వికెట్లు మాత్రమే కోల్పోయి 18.2 ఓవర్లలో చేధించింది. కేకేఆర్ బ్యాటర్లలో అంగక్రిష్ రఘువంశీ(59) హాఫ్ సెంచరీతో సత్తాచాటగా.. కెప్టెన్ అజింక్య రహానే(43), ఫిన్ అలెన్‌(29), రింకూ సింగ్‌(22 నాటౌట్‌) కీలక ఇన్నింగ్స్‌లు ఆడారు. హైదరాబాద్ బౌలర్లలో షకీబ్‌, కమ్మిన్స్, శివాంగ్‌ కుమార్‌ తలా వికెట్ సాధించారు. అంతకుముందు బ్యాటింగ్ చేసిన ఎస్‌ఆర్‌హెచ్ 19 ఓవర్లలో 165 పరుగులకు ఆలౌటైంది. ఓ దశలో 105/2తో ప‌టిష్టంగా క‌న్పించిన స‌న్‌రైజ‌ర్స్ కేవ‌లం 60 ప‌రుగుల వ్య‌వ‌ధిలో 8 వికెట్లు కోల్పోయింది. కేకేఆర్ బౌల‌ర్ల‌లో కేకేఆర్‌ బౌలర్లలో వరుణ్‌ చక్రవర్తి మూడు వికెట్లు పడగొట్టగా.. త్యాగీ, నరైన్‌ తలా రెండు వికెట్లు సాధించారు. ఎస్ఆర్‌హెచ్ బ్యాట‌ర్ల‌లో ట్రావెస్‌ హెడ్‌(61), ఇషాన్‌ కిషన్‌(42) మిగతా బ్యాటర్లంతా విఫలమయ్యారు. ఈ ఏడాది సీజన్‌లో సన్‌రైజర్స్ ఆలౌట్ కావడం ఇదే తొలిసారి.

IPL 2026 SRH vs KKR Live Updates: ఉప్పల్ మైదానం వేదికగా జరిగిన ‍మ్యాచ్‌లో ఎస్‌ఆర్‌హెచ్‌పై 7 వికెట్ల తేడాతో కేకేఆర్ ఘన విజయం సాధిం‍చింది. సన్‌రైజర్స్ నిర్ధేశించిన 166 పరుగుల లక్ష్యాన్ని కోల్‌కతా కేవలం మూడు వికెట్లు మాత్రమే కోల్పోయి 18.2 ఓవర్లలో చేధించింది. కేకేఆర్ బ్యాటర్లలో అంగక్రిష్ రఘువంశీ(59) హాఫ్ సెంచరీతో సత్తాచాటగా.. కెప్టెన్ అజింక్య రహానే(43), ఫిన్ అలెన్‌(29), రింకూ సింగ్‌(22) కీలక ఇన్నింగ్స్‌లు ఆడారు. హైదరాబాద్ బౌలర్లలో షకీబ్‌, కమ్మిన్స్,శివాంగ్‌ తలా వికెట్ సాధించారు. మూడో వికెట్‌ డౌన్‌రఘువంశీ(59) రూపంలో కేకేఆర్‌ మూడో వికెట్‌ కోల్పోయింది.కేకేఆర్‌ రెండో వికెట్‌ డౌన్‌133 పరుగుల వద్ద కేకేఆర్‌ రెండో వికెట్‌ కోల్పోయింది. 43 పరుగులు చేసిన రహానే.. షకీబ్‌ హసన్‌ బౌలింగ్‌లో ఔటయ్యాడు.విజయం దిశగా కేకేఆర్‌11 ఓవర్లకు కేకేఆర్‌ వికెట్ నష్టానికి 109 పరుగులు చేసింది. క్రీజులో రహానే(36), రఘువంశీ(37) ఉన్నారు. కేకేఆర్‌ విజయానికి 54 బంతుల్లో 56 పరుగులు కావాలి.7 ఓవర్లకు కేకేఆర్‌ స్కోరెంతంటే?7 ఓవర్లకు కేకేఆర్‌ వికెట్‌ నష్టానికి 79 పరుగులు చేసింది. క్రీజులో రహానే(27), రఘువంశీ(17) ఉన్నారు.కేకేఆర్‌ తొలి వికెట్‌ డౌన్‌49 పరుగుల వద్ద కేకేఆర్‌ తొలి వికెట్‌ కోల్పోయింది. 29 పరుగులు చేసిన ఫిన్‌ అలెన్‌.. కమ్మిన్స్‌ బౌలింగ్‌లో ఔటయ్యాడు.దూకుడుగా ఆడుతున్న కేకేఆర్‌166 పరుగుల లక్ష్యంతో బరిలోకి దిగిన కేకేఆర్‌ దూకుడుగా ఆడుతోంది. 3 ఓవర్లకు కేకేఆర్‌ స్కోర్‌ 22/0. క్రీజులో రహానే(15), ఫిన్‌ అలెన్‌(7) ఉన్నారు.కేకేఆర్‌ టార్గెట్‌ ఎంతంటే?ఉప్పల్ వేదికగా కోల్‌కతానైట్‌రైడర్స్‌తో జరుగుతున్న మ్యాచ్‌లో ఎస్‌ఆర్‌హెచ్ బ్యాటర్లు నిరాశపరిచారు. టాస్‌ గెలిచి తొలుత బ్యాటింగ్‌కు దిగిన ఎస్‌ఆర్‌హెచ్‌ 19 ఓవర్లలో 165 పరుగులకే కుప్పకూలింది. ఎస్‌ఆర్‌హెచ్‌ బ్యాటర్లలో ట్రావెస్‌ హెడ్‌(61), ఇషాన్‌ కిషన్‌(42) మిగతా బ్యాటర్లంతా విఫలమయ్యారు. కేకేఆర్‌ బౌలర్లలో వరుణ్‌ చక్రవర్తి మూడు వికెట్లు పడగొట్టగా.. త్యాగీ, నరైన్‌ తలా రెండు వికెట్లు సాధంచారు.ఎస్‌ఆర్‌హెచ్‌ ఎనిమిదో వికెట్‌ డౌన్‌ఎస్‌ఆర్‌హెచ్‌ ఎనిమిదో వికెట్‌ కోల్పోయింది. 10 పరుగులు చేసిన పాట్‌ కమ్మిన్స్‌ అనుకుల్‌ రాయ్‌ బౌలింగ్‌లో ఔటయ్యాడు.ఎస్‌ఆర్‌హెచ్‌ ఆరో వికెట్‌ డౌన్‌సన్‌రైజర్స్‌ హైదరాబాద్‌ వరుస క్రమంలో వికెట్లు కోల్పోతోంది. 14వ ఓవర్‌ వేసిన వరుణ్‌ చక్రవర్తి బౌలింగ్‌లో అనికేత్‌ వర్మ ఔట్‌ కాగా.. 16వ ఓవర్‌లో ఆరోరాను నరైన్‌ క్లీన్‌ బౌల్డ్‌ చేశాడు.ఎస్‌ఆర్‌హెచ్‌ ఐదో వికెట్‌ డౌన్‌122 పరుగుల వద్ద ఎస్‌ఆర్‌హెచ్‌ నాలుగో వికెట్‌ కోల్పోయింది. 4 పరుగులు చేసిన స్మరణ్‌ రవిచంద్రన్‌ వరుణ్‌ చక్రవర్తి బౌలింగ్‌లో ఔటయ్యాడు.ఎస్‌ఆర్‌హెచ్‌ నాలుగో వికెట్‌ డౌన్‌క్లాసెన్‌ రూపంలో ఎస్‌ఆర్‌హెచ్‌ నాలుగో వికెట్‌ కోల్పోయింది. 11 పరుగులు చేసిన క్లాసెన్‌.. గ్రీన్‌ బౌలింగ్‌లో ఔటయ్యాడు. 11 ఓవర్లకు ఎస్‌ఆర్‌హెచ్‌ స్కోర్‌: 121/3కేకేఆర్‌ రెండో వికెట్‌ డౌన్‌కేకేఆర్‌ రెండో వికెట్‌ కోల్పోయింది. 61 పరుగులు చేసిన ట్రావిస్‌ హెడ్‌.. వరుణ్‌ చక్రవర్తి బౌలింగ్‌లో ఔటయ్యాడు.దుమ్ములేపుతున్న హెడ్‌8 ఓవర్లు ముగిసే సరికి ఎస్‌ఆర్‌హెచ్‌ వికెట్‌ నష్టానికి 89 పరుగులు చేసింది. క్రీజులో ట్రావిస్‌ హెడ్‌(55), ఇషాన్‌ కిషన్‌(18) ఉన్నారు.ఎస్‌ఆర్‌హెచ్‌ తొలి వికెట్‌ డౌన్‌అభిషేక్‌ శర్మ రూపంలో ఎస్‌ఆర్‌హెచ్‌ తొలి వికెట్‌ కోల్పోయింది. 15 పరుగులు చేసిన అభిషేక్‌ శర్మ.. కార్తీక్‌ త్యాగీ బౌలింగ్‌లో ఔటయ్యాడు. 4 ఓవర్లకు ఎస్‌ఆర్‌హెచ్‌ స్కోర్‌: 45/1దూకుడుగా ఆడుతున్న హెడ్‌ఎస్‌ఆర్‌హెచ్‌ ఓపెనర్‌ ట్రావిస్‌ హెడ్‌ దూకుడుగా ఆడుతున్నాడు.హెడ్ కేవ‌లం 11 బంతుల్లో 5 ఫోర్లు, 1 సిక్స‌ర్‌తో 27 ప‌రుగులు చేశాడు. ఎస్ఆర్‌హెచ్ స్కోర్‌ 3 ఓవ‌ర్ల‌కు 37/0ఐపీఎల్‌-2026 సీజ‌న్‌లో భాగంగా ఉప్ప‌ల్ మైదానం వేదిక‌గా స‌న్‌రైజ‌ర్స్ హైద‌రాబాద్‌, కోల్‌క‌తా నైట్‌రైడ‌ర్స్ జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన ఎస్ఆర్‌హెచ్ తొలుత బ్యాటింగ్‌ ఎంచుకుంది. ఈ మ్యాచ్‌కు ఎస్‌ఆర్‌హెచ్ స్టార్ ఆల్‌రౌండర్ నితీశ్ కుమార్ రెడ్డి దూరమయ్యాడు.అతడి స్ధానంలో స్మరణ్ రవిచంద్రన్ తుది జట్టులోకి వచ్చాడు. అదేవిధంగా హర్షల్ పటేల్ కూడా రీ ఎంట్రీ ఇచ్చాడు. మరోవైపు కేకేఆర్ కూడా తమ తుది జట్టులో రెండు మార్పులు చేసింది. ఫిన్ అలెన్‌తో పాటు మనీశ్ పాండేకు అవకాశమిచ్చారు.తుది జట్లుకోల్‌కతా నైట్ రైడర్స్ : అజింక్య రహానే(కెప్టెన్‌), అంగ్క్రిష్ రఘువంశీ(వికెట్ కీపర్‌), కామెరాన్ గ్రీన్, రోవ్‌మన్ పావెల్, మనీష్ పాండే, రింకూ సింగ్, అనుకూల్ రాయ్, సునీల్ నరైన్, వైభవ్ అరోరా, కార్తీక్ త్యాగి, వరుణ్ చకరవర్తిసన్‌రైజర్స్ హైదరాబాద్: అభిషేక్ శర్మ, ట్రావిస్ హెడ్, ఇషాన్ కిషన్(వికెట్ కీపర్‌), హెన్రిచ్ క్లాసెన్, సలీల్ అరోరా, అనికేత్ వర్మ, స్మరణ్ రవిచంద్రన్, పాట్ కమిన్స్(కెప్టెన్‌), శివంగ్ కుమార్, హర్షల్ పటేల్, ఎషాన్ మలింగ

ఐపీఎల్‌ 2026 నేపథ్యంలో సన్‌రైజర్స్‌ హైదరాబాద్‌ జట్టు ఇవాళ (మే 1) ఓ కీలక ప్రకటన చేసింది. గాయపడిన ఆల్‌రౌండర్‌ శివమ్‌ మావి స్థానాన్ని అండర్‌-19 ప్రపంచకప్‌ 2026 హీరో, యువ పేస్‌ బౌలింగ్‌ ఆల్‌రౌండర్‌ ఆర్‌ఎస్‌ అంబ్రిష్‌తో భర్తీ చేస్తున్నట్లు వెల్లడించింది. 18 ఏళ్ల అంబ్రిష్‌ ఈ ఏడాది భారత్‌ అండర్‌-19 ప్రపంచకప్‌ సాధించడంలో కీలకపాత్ర పోషించాడు. టోర్నీలో 11 వికెట్లు తీసి భారత తరఫున సంయుక్తంగా అత్యధిక వికెట్లు సాధించిన బౌలర్‌గా నిలిచాడు. కుడిచేతి మీడియం పేసర్ అయిన అంబ్రిష్, ఎడమచేతితో బ్యాటింగ్‌ చేస్తాడు. లోయర్‌ ఆర్డర్‌లో అతను ఉపయోగకర బ్యాటర్‌గా పేరు తెచ్చుకున్నాడు. ఈ ఆల్‌రౌండ్ నైపుణ్యం ఎస్‌ఆర్‌హెచ్‌కు అదనపు బలంగా మారనుంది. ఇప్పటికే ప్రఫుల్ హింగే, సాకిబ్ హుస్సేన్ వంటి దేశీయ యువ పేసర్లతో కలకలలాడుతున్న ఎస్‌ఆర్‌హెచ్‌కు అంబ్రిష్‌ మరో అస్త్రంగా మారే అవకాశం ఉంది.మావి విషయానికొస్తే.. ఈ సీజన్‌ వేలంలో ఇతన్ని ఎస్‌ఆర్‌హెచ్‌ రూ.75 లక్షల బేస్‌ ధరకు కొనుగోలు చేసింది. అయితే అతను గజ్జలో గాయం కారణంగా సీజన్‌ మొత్తానికి దూరమయ్యాడు. దీంతో అతనికి ప్రత్యామ్నాయంగా ఎస్‌ఆర్‌హెచ్‌ అంబ్రిష్‌ను ఎంపిక చేసుకుంది (రూ. 30 లక్షలకు).ఇదిలా ఉంటే, సీజన్‌ ఆరంభంలో కాస్త అటుఇటుగా ఆడిన సన్‌రైజర్స్‌ కీలక దశ వచ్చే సరికి విజయాల బాట పట్టి, పాయింట్ల పట్టికలో మూడో స్థానంలో కొనసాగుతోంది. ఈ జట్టు ఇప్పటివరకు ఆడిన 9 మ్యాచ్‌ల్లో 6 విజయాలు సాధించి, రన్‌రేట్‌ (0.832) కూడా మెరుగ్గానే కలిగి ఉంది. తాజాగా ముంబైపై 244 పరుగుల అతి భారీ లక్ష్యాన్ని ఛేదించిన ఎస్‌ఆర్‌హెచ్‌.. మే 3న జరిగే తమ తదుపరి మ్యాచ్‌లో కేకేఆర్‌తో తలపడనుంది.

ఐపీఎల్‌-2026లో సన్‌రైజర్స్‌ హైదరాబాద్‌ వరుస విజయాల్లో హెన్రిచ్‌ క్లాసెన్‌ది కీలక పాత్ర. దాదాపుగా ప్రతీ మ్యాచ్‌లోనూ నిలకడగా రాణిస్తూ.. కష్టాల్లో ఉన్న వేళ జట్టును ఆదుకుంటున్నాడు ఈ వికెట్‌ కీపర్‌ బ్యాటర్‌. ఫ్రాంఛైజీ తనకోసం వెచ్చించిన రూ. 23 కోట్లకు తన ఆటతో న్యాయం చేస్తున్నాడు.414 పరుగులుఇప్పటికి ఈ సీజన్‌లో ఆడిన తొమ్మిది మ్యాచ్‌లలో కలిపి క్లాసెన్‌ 414 పరుగులు సాధించాడు. తద్వారా అత్యధిక పరుగుల వీరుల జాబితాలో రెండో స్థానంలో కొనసాగుతున్నాడు. చివరగా ముంబై ఇండియన్స్‌తో మ్యాచ్‌ సందర్భంగా బరిలోకి దిగిన క్లాసెన్‌.. 30 బంతుల్లో 65 పరుగులతో అజేయంగా నిలిచి జట్టును గెలిపించాడు.తదుపరి కోల్‌కతా నైట్‌ రైడర్స్‌తో ఆదివారం నాటి పోరు కోసం క్లాసెన్‌ సన్నద్ధవుతున్నాడు. ఇదిలా ఉంటే.. క్లాసెన్‌ పేరిట ఓ వీడియో సోషల్‌ మీడియాలో వైరల్‌గా మారింది. ఇందులో ఉన్న దృశ్యాల ప్రకారం.. క్లాసెన్‌ తన కుటుంబంతో కలిసి వెళ్తున్న సమయంలో ఓ వ్యక్తి ఫొటోలు, వీడియోలు తీసేందుకు ప్రయత్నించాడు.నేను చెప్పేది జాగ్రత్తగా వినుఇందుకు క్లాసెన్‌ తనదైన శైలిలో గట్టిగానే వార్నింగ్‌ ఇచ్చాడు. ‘‘ఫొటోలు, వీడియోలు తీయొద్దు సరేనా!.. నేను చెప్పేది జాగ్రత్తగా విను.. రికార్డు చేయొద్దు ఒకేనా!’’ అని క్లాసెన్‌ హెచ్చరించాడు. ఇందుకు సదరు వ్యక్తి.. ‘‘నీ జట్టును వదిలెయ్‌.. నువ్వు బాగా ఆడుతున్నావు’’ అని పేర్కొన్నాడు. ఇందుకు బదులుగా.. ‘‘థాంక్యూ.. కానీ ఫొటో మాత్రం తీయొద్దు.POV: meeting a foreign cricketer in India…. Dude just give him and his family some privacy for gods sake.What a man Klaasy 🙏 cinema lo hero villain ki warning ela isthado ala ichadu 😂🔥 good man 🧡#SRH #IPL2026 pic.twitter.com/imwBT2c8wi— Varun Velamakanti 🦅 (@CricVarunSRH) April 30, 2026ఒకవేళ నేను అటు తిరగగానే నన్ను, నా కుటుంబాన్ని ఫొటో తీశావనుకో.. ఒట్టేసి చెబుతున్నా.. నువ్వు ఊహించని విధంగా బుద్ధి చెప్తా! దానిని నుంచి నువ్వు కోలుకోలేవు కూడా!.. నేను వెళ్తున్నా.. మళ్లీ చెప్తున్నా.. నీ కెమెరాలన్నీ పక్కనపెట్టు.. దయచేసి మమ్మల్ని ఫొటోలు తీయొద్దు’’ అని సున్నితంగానే కొట్టినంత పనిచేశాడు క్లాసెన్‌.అమ్మతోడు కిందపడేసి తొక్కుతా బిడ్డా!ఈ వీడియోపై ఆరెంజ్‌ ఆర్మీ తమదైన శైలిలో స్పందిస్తున్నారు. ‘‘క్లాసీ క్లాసెన్... ‘చెప్పినట్లు వినకుంటే.. అమ్మతోడు కిందపడేసి తొక్కుతా బిడ్డా!’ అని మాస్‌ స్టైల్లో వార్నింగ్‌ ఇచ్చాడు. నువ్వు తోపు అన్నా’’ అంటూ కామెంట్లు చేస్తున్నారు. సెలబ్రిటీలు కూడా మనుషులేనని.. వారి గోప్యతకు భంగం కలిగించేలా ప్రవర్తించడం సరికాదని సదరు వ్యక్తికి చురకలు అంటిస్తున్నారు. కాగా సన్‌రైజర్స్‌ ఈ సీజన్‌లో ఇప్పటికి తొమ్మిది మ్యాచ్‌లు పూర్తి చేసుకుని ఆరు గెలిచింది. చదవండి: IPL 2026: పాటిదార్‌ది అవుటా? నాటౌటా? రూల్స్ ఏమి చెబుతున్నాయి?

ఐపీఎల్‌-2026లో సన్‌రైజర్స్‌ హైదరాబాద్‌ జైత్రయాత్ర కొనసాగుతోంది. ముంబై ఇండియన్స్‌పై బుధవారం జయభేరి మోగించిన కమిన్స్‌ బృందం... ఈ సీజన్‌లో వరుసగా ఐదో విజయం నమోదు చేసింది. మొత్తంగా ఇప్పటికి తొమ్మిది మ్యాచ్‌లు పూర్తి చేసుకుని ఆరింట గెలిచింది.వాంఖడే వేదికగా టాస్‌ గెలిచి ముందుగా బ్యాటింగ్‌ ఎంచుకున్న ముంబై 20 ఓవర్లలో 5 వికెట్ల నష్టానికి 243 పరుగులు చేసింది. రికెల్టన్‌ (55 బంతుల్లో 123 నాటౌట్‌; 10 ఫోర్లు, 8 సిక్స్‌లు) సెంచరీతో చెలరేగగా... విల్‌ జాక్స్‌ (22 బంతుల్లో 46; 5 ఫోర్లు, 3 సిక్స్‌లు), హార్దిక్‌ పాండ్యా (15 బంతుల్లో 31; 2 ఫోర్లు, 2 సిక్స్‌లు) కీలక ఇన్నింగ్స్‌లు ఆడారు.52 బంతుల్లోనే 129 పరుగులుఅనంతరం హైదరాబాద్‌ 18.4 ఓవర్లలో 4 వికెట్లకు 249 పరుగులు సాధించి విజయాన్నందుకుంది. హెడ్‌ (30 బంతుల్లో 76; 4 ఫోర్లు, 8 సిక్స్‌లు), ‘ప్లేయర్‌ ఆఫ్‌ ద మ్యాచ్‌’ క్లాసెన్‌ (30 బంతుల్లో 65 నాటౌట్‌; 7 ఫోర్లు, 4 సిక్స్‌లు), అభిషేక్‌ శర్మ (24 బంతుల్లో 45; 4 ఫోర్లు, 3 సిక్స్‌లు) చెలరేగి జట్టును గెలిపించారు. అభిషేక్, హెడ్‌ తొలి వికెట్‌కు 52 బంతుల్లోనే 129 పరుగులు జత చేశారు.చారిత్రక మైలురాయిఇదిలా ఉంటే.. ముంబైపై విజయం ద్వారా సన్‌రైజర్స్‌ చారిత్రాత్మక మైలురాయిని చేరుకుంది. ఐపీఎల్‌లో సన్‌రైజర్స్‌కు ఇది వందో విజయం. కాగా 2013లో ఐపీఎల్‌లో ఎంట్రీ ఇచ్చిన సన్‌రైజర్స్‌ హైదరాబాద్‌ ఇప్పటికి 205 మ్యాచ్‌లు పూర్తి చేసుకుంది. ఇందులో 104 ఓడిపోగా.. వంద గెలిచింది. ఒకటి ఫలితం తేలకుండా ముగిసిపోయింది.నిలకడైన జట్టుగానూ పేరుఐపీఎల్‌లో 13 ఏళ్లుగా కొనసాగుతున్న సన్‌రైజర్స్‌ 2016లో తొలిసారి టైటిల్‌ గెలిచింది. ఇక 2018, 2024లో ఫైనల్‌కు చేరి రన్నరప్‌గా నిలిచింది. అంతేకాదు మరో నాలుగు సీజన్లలో ప్లే ఆఫ్స్‌ చేరింది. తద్వారా ఐపీఎల్‌లో నిలకడగా రాణిస్తున్న జట్లలో ఒకటిగా ముందుకు సాగుతోంది.

ముంబైని చిత్తు చేసిన సన్‌రైజర్స్‌244 పరుగుల భారీ లక్ష్యాన్ని సన్‌రైజర్స్‌ మరో 8 బంతులు మిగిలుండగానే ఛేదించింది. అభిషేక్‌ శర్మ (45), ట్రవిస్‌ హెడ్‌ (76), హెన్రిచ్‌ క్లాసెన్‌ (65 నాటౌట్‌) ఊచకోత కోసి సన్‌రైజర్స్‌ను గెలిపించారు. ఆఖర్లో సలీల్‌ అరోరా (30 నాటౌట్‌) సైతం​ విధ్వంసం సృష్టించాడు. మిగతా ఆటగాళ్లలో ఇషాన్‌ కిషన్‌ డకౌట్‌ కాగా.. నితీశ్‌ కుమార్‌ రెడ్డి 21 పరుగులు చేశాడు. ముంబై బౌలర్లలో ఘజన్‌ఫర్‌ 2 వికెట్లు తీయగా.. బౌల్ట్‌, హార్దిక్‌ పాండ్యా తలో వికెట్‌ తీశారు.అంతకుముందు రికెల్టన్‌ (123 నాటౌట్‌) శతక్కొట్టుడుతో ముంబై ఇండియన్స్‌ నిర్ణీత 20 ఓవర్లలో 5 వికెట్ల నష్టానికి 243 పరుగులు చేసింది. మిగతా బ్యాటర్లలో విల్‌ జాక్స్‌ 46, సూర్యకుమార్‌ యాదవ్‌ 5, నమన్‌ ధిర్‌ 22, హార్దిక్‌ పాండ్యా 31, తిలక్‌ వర్మ 7, రాబిన్‌ మింజ్‌ 1 (నాటౌట్‌) పరుగు చేశారు. సన్‌రైజర్స్‌ బౌలర్లలో హింగే 2, ఎషాన్‌ మలింగ, నితీశ్‌ కుమార్‌ రెడ్డి, సాకిబ్‌ తలో వికెట్‌ తీశారు.4 పరుగుల వ్యవధిలో 3 వికెట్లు కోల్పోయిన సన్‌రైజర్స్‌9.4వ ఓవర్‌- 4 పరుగుల వ్యవధిలో సన్‌రైజర్స్‌ 3 వికెట్లు కోల్పోయింది. తొలుత అభిషేక్‌, ఇషాన్‌ కిషన్‌ వరుస బంతుల్లో ఔట్‌ కాగా.. ఆతర్వాత హెడ్‌ (76) హార్దిక్‌ పాండ్యా బౌలింగ్‌లో జాక్స్‌కు క్యాచ్‌ ఇచ్చి పెవిలియన్‌కు చేరాడు. వరుస బంతుల్లో వికెట్లు కోల్పోయిన సన్‌రైజర్స్‌తొమ్మిదో ఓవర్‌ 4, 5 బంతులకు సన్‌రైజర్స్‌ అభిషేక్‌ (45), ఇషాన్‌ కిషన్‌ (0) వికెట్లు కోల్పోయింది. అభిషేక్‌ శర్మ (45) ఔట్‌8.4వ ఓవర్‌- 129 పరుగుల వద్ద సన్‌రైజర్స్‌ తొలి వికెట్‌ కోల్పోయింది. ఘజన్‌ఫర్‌ బౌలింగ్‌లో భారీ షాట్‌కు ప్రయత్నించి అభిషేక్‌ శర్మ (45) ఔటయ్యాడు.సన్‌రైజర్స్‌ ఓపెనర్ల ఊచకోత244 పరుగుల లక్ష్య ఛేదనలో సన్‌రైజర్స్‌ ఓపెనర్లు ట్రవిస్‌ హెడ్‌ (48), అభిషేక్‌ శర్మ (36) చెలరేగిపోతున్నారు. 6 ఓవర్ల తర్వాత ఆ జట్టు స్కోర్‌ 92-0గా ఉంది. ముంబై ఇండియన్స్‌ భారీ స్కోర్‌టాస్‌ గెలిచి తొలుత బ్యాటింగ్‌ చేసిన ముంబై ఇండియన్స్‌ భారీ స్కోర్‌ చేసింది. ర్యాన్‌ రికెల్టన్‌ (123 నాటౌట్‌) అజేయ శతకంతో చెలరేగడంతో నిర్ణీత 20 ఓవర్లలో 5 వికెట్ల నష్టానికి 243 పరుగులు చేసింది. మిగతా బ్యాటర్లలో విల్‌ జాక్స్‌ 46, సూర్యకుమార్‌ యాదవ్‌ 5, నమన్‌ ధిర్‌ 22, హార్దిక్‌ పాండ్యా 31, తిలక్‌ వర్మ 7, రాబిన్‌ మింజ్‌ 1 (నాటౌట్‌) పరుగు చేశారు. సన్‌రైజర్స్‌ బౌలర్లలో హింగే 2, ఎషాన్‌ మలింగ, నితీశ్‌ కుమార్‌ రెడ్డి, సాకిబ్‌ తలో వికెట్‌ తీశారు. నమన్‌ ధిర్‌ ఔట్‌13.4వ ఓవర్‌- 165 పరుగుల వద్ద ముంబై ఇండియన్స్‌ మూడో వికెట్‌ కోల్పోయింది. హింగే బౌలింగ్‌లో హర్ష్‌ దూబేకు క్యాచ్‌ ఇచ్చి నమన్‌ ధిర్‌ (22) ఔటయ్యాడు.రెండో వికెట్‌ డౌన్‌8.3వ ఓవర్‌- 110 పరుగుల వద్ద ముంబై రెండో వికెట్‌ కోల్పోయింది. ఎషాన్‌ మలింగ బౌలింగ్‌లో అభిషేక్‌ శర్మకు క్యాచ్‌ ఇచ్చి సూర్యకుమార్‌ యాదవ్‌ (5) ఔటయ్యాడు. తొలి వికెట్‌ కోల్పోయిన ముంబై7.1వ ఓవర్‌- 93 పరుగుల వద్ద ముంబై తొలి వికెట్‌ కోల్పోయింది. నితీశ్‌ కుమార్‌ రెడ్డి బౌలింగ్‌లో ఇషాన్‌ కిషన్‌కు క్యాచ్‌ ఇచ్చి విల్‌ జాక్స్‌ (46) ఔటయ్యాడు.దుమ్మురేపుతున్న ముంబై ఓపెనర్లుముంబై ఓపెనర్లు చెలరేగిపోతున్నారు. జాక్స్‌, రికెల్టన్‌ పోటీపడి బౌండరీలు, సిక్సర్లు బాదుతున్నారు. 6 ఓవర్ల తర్వాత జట్టు స్కోర్‌ 78-0గా ఉంది. జాక్స్‌ 38, రికెల్టన్‌ 37 పరుగులతో క్రీజ్‌లో ఉన్నారు. ఇప్పటివరకు బౌలింగ్‌ చేసిన ఎస్‌ఆర్‌హెచ్‌ బౌలర్లలో ఎసాన్‌ మలింగ ఒక్కడే జాక్స్‌-రికెల్టన్‌ జోడీ ధాటి నుంచి తప్పించుకున్నాడు. కమిన్స్‌, హింగే, హర్ష్‌ దూబే, సాకిబ్‌ హుసేన్‌ను వీరి జోడీ చెడుగుడు ఆడుకుంది. టాస్‌ గెలిచి బ్యాటింగ్‌ ఎంచుకున్న ముంబై ఇండియన్స్‌ఐపీఎల్‌ 2026లో భాగంగా ఇవాళ (ఏప్రిల్‌ 29) జరుగుతున్న 41వ మ్యాచ్‌లో ముంబై ఇండియన్స్‌-సన్‌రైజర్స్‌ హైదరాబాద్‌ జట్లు తలపడుతున్నాయి. ముంబైలోని వాంఖడే స్టేడియం వేదికగా జరుగుతున్న ఈ మ్యాచ్‌లో ముంబై ఇండియన్స్‌ టాస్‌ గెలిచి బ్యాటింగ్‌ ఎంచుకుంది.ఐదు సార్లు ఛాంపియన్‌ అయిన ముంబై ఈ ఎడిషన్‌లో చెత్త ప్రదర్శనలు చేస్తూ పాయింట్ల పట్టికలో చివరి నుంచి రెండో స్థానంలో ఉంది. ఈ జట్టు ఇప్పటివరకు ఆడిన 7 మ్యాచ్‌ల్లో రెండే విజయాలు సాధించింది. సన్‌రైజర్స్‌ విషయానికొస్తే.. ఈ జట్టు మధ్యమధ్యలో తడబడినా, ఓ మోస్తరు ప్రదర్శనలతో పాయింట్ల పట్టికలో నాలుగో స్థానంలో ఉంది. సన్‌రైజర్స్‌ ఇప్పటివరకు ఆడిన 8 మ్యాచ్‌ల్లో 5 విజయాలు సాధించింది.తుది జట్లు..సన్‌రైజర్స్ హైదరాబాద్ (ప్లేయింగ్ XI): అభిషేక్ శర్మ, ట్రావిస్ హెడ్, ఇషాన్ కిషన్, హెన్రిచ్ క్లాసెన్, సలీల్ అరోరా(w), నితీష్ కుమార్ రెడ్డి, పాట్ కమిన్స్(సి), హర్ష్ దూబే, సకీబ్ హుస్సేన్, ప్రఫుల్ హింగే, ఎషాన్ మలింగముంబై ఇండియన్స్ (ప్లేయింగ్ XI): ర్యాన్ రికెల్టన్(w), విల్ జాక్స్, నమన్ ధీర్, సూర్యకుమార్ యాదవ్, తిలక్ వర్మ, హార్దిక్ పాండ్యా(c), రాబిన్ మింజ్, ట్రెంట్ బౌల్ట్, జస్ప్రీత్ బుమ్రా, AM గజన్‌ఫర్, అశ్వనీ కుమార్

ఐపీఎల్ 2026 సీజ‌న్‌లో స‌న్‌రైజ‌ర్స్ హైద‌రాబాద్ (ఎస్ఆర్‌హెచ్‌) ఓపెన‌ర్‌ అభిషేక్ శ‌ర్మ విధ్వంసం కొన‌సాగుతుంది. 8 మ్యాచ్‌ల్లో 380 ప‌రుగుల‌తో ఆరెంజ్ క్యాప్ రేసులో తొలి స్థానంలో ఉన్న అభిషేక్ సెంచ‌రీతో పాటు మూడు అర్థ‌శ‌త‌కాలు సాధించాడు. ఇక శ‌నివారం రాజ‌స్తాన్ రాయ‌ల్స్‌తో మ్యాచ్ అనంత‌రం ఎస్ఆర్‌హెచ్ ఆట‌గాళ్లు హోట‌ల్ రూంకు చేరుకునే స‌మ‌యంలో అభిషేక్ శ‌ర్మ‌కు ఊహించ‌ని ప‌రిణామం ఎదుర‌య్యింది. అభిషేక్ శర్మను చూసి ఉత్సాహానికి లోనైన ఒక అమ్మాయి చేయి పట్టుకుని లాగింది. ఈ అనూహ్య ఘటనతో అభిషేక్ ఒక్క‌సారిగా షాకయ్యాడు. కాస్త ఇబ్బందిగానే అభిషేక్ అక్కడి నుంచి వెళ్లిపోయాడు. భద్రతా సిబ్బంది అక్కడే ఉన్నప్పటికీ ఈ ఘటన చోటు చేసుకోవడంతో సెక్యూరిటీ లోపాలపై ప్రశ్నలు లేవనెత్తుతోంది. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది. ఐపీఎల్ 2026లో సన్‌రైజర్స్ హైదరాబాద్ అద్భుత ప్రదర్శనలు చేస్తోంది. వరుస నాలుగు విజయాలు సాధించి సూపర్ ఫామ్‌లో ఉంది. ఆడిన ఎనిమిది మ్యాచుల్లో ఐదు గెలిచి పాయింట్ల పట్టికలో మూడో స్థానంలో కొనసాగుతోంది.Abhishek Sharma getting pulled by a girl at team hotel. Imagine if roles are reversed? pic.twitter.com/GCqMI05G4f— Deepu (@deepu_drops) April 26, 2026 చదవండి: ఏమిటీ ‘అబ్‌స్ట్రక్టింగ్‌ ది ఫీల్డ్‌’.. ఎంతమంది ఔటయ్యారంటే?

ఐపీఎల్ 2026 సీజన్‌లో సన్‌రైజర్స్ హైదరాబాద్ (ఎస్‌ఆర్‌హెచ్‌) వరుసగా నాలుగో విజయాన్ని అందుకుంది. జైపూర్ వేదికగా శనివారం రాజస్తాన్ రాయల్స్‌తో జరిగిన మ్యాచ్‌లో సన్‌రైజర్స్ 5 వికెట్ల తేడాతో ఎస్ఆర్‌హెచ్ విజ‌యం సాధించింది. 229 పరుగుల భారీ లక్ష్యాన్ని ఎస్‌ఆర్‌హెచ్ 18.3 ఓవర్లలోనే 5 వికెట్లు కోల్పోయి ఛేధించింది. కెప్టెన్ ఇషాన్ కిషన్ (74), అబిషేక్ శర్మ (57) హాఫ్ సెంచరీలతో రాణించగా, చివర్లో నితీశ్ కుమార్ (36), క్లాసెన్ (29) కీలక ఇన్నింగ్స్‌లు ఆడి జట్టును గెలిపించారు. రాజస్తాన్ బౌలర్లలో జోఫ్రా ఆర్చర్, బ్రిజేశ్ శర్మలు చెరో 2 వికెట్లు తీయగా, ఫెరీరా ఒక వికెట్ పడగొట్టాడు. అంతకముందు రాజస్తాన్‌ 20 ఓవర్లలో 6 వికెట్ల నష్టానికి 228 పరుగులు చేసింది. వైభవ్‌ సూర్యవంశీ (103) సెంచరీతో చెలరేగగా, ధ్రువ్‌ జురేల్‌ (51) అర్థసెంచరీతో రాణించాడు. ఎస్‌ఆర్‌హెచ్‌ బౌలర్లలో ఇషాన్ మలింగ రెండు వికెట్లు తీయగా, ప్రఫుల్ హింగే, కెప్టెన్ కమిన్స్‌, సాకిబ్ హుస్సేన్, నితీశ్ కుమార్ తలా ఒక వికెట్ తీశారు. ఇషాన్‌ కిషన్‌ ‘ప్లేయర్‌ ఆఫ్‌ ది మ్యాచ్‌’ అవార్డు గెలుచుకున్నాడు. ఐపీఎల్‌ 19వ సీజన్‌లో ఎస్‌ఆర్‌హెచ్‌ ఇప్పటివరకు 8 మ్యాచ్‌లు ఆడింది. ఇందులో ఐదు విజయాలు సాధించగా.. ఇది వరుసగా నాలుగో విజయం కావడం విశేషం. దీంతో ఎస్‌ఆర్‌హెచ్‌ 10 పాయింట్లు సాధించి రాజస్తాన్‌తో సమానంగా ఉన్నప్పటికీ మెరుగైన రన్‌రేట్‌తో పట్టికలో మూడో స్థానానికి ఎగబాకింది. రాజస్తాన్‌ మూడో ఓటమితో నాలుగో స్థానంలో కొనసాగుతోంది. ఇక మ్యాచ్‌లో ఎస్ఆర్‌హెచ్ ప‌లు రికార్డుల‌ను బ‌ద్ద‌లు కొట్టింది. 2023 సీజ‌న్ నుంచి రాజ‌స్తాన్ రాయ‌ల్స్‌పై ఎస్ఆర్‌హెచ్‌కు ఇది వ‌రుస‌గా ఆరో విజ‌యం కావ‌డం విశేషం. గ‌తంలో సీఎస్‌కే (2010 నుంచి 2013 మధ్య‌) రాజ‌స్తాన్ రాయ‌ల్స్‌పై ఆరు వ‌రుస విజ‌యాలు సాధించింది. 2019 నుంచి 2022 మ‌ధ్య ఆర్సీబీ.. రాజ‌స్తాన్‌పై 5 వ‌రుస విజ‌యాలు అందుకుంది. 2018 నుంచి 2020 మ‌ధ్య ఢిల్లీ క్యాపిట‌ల్స్ ఐదు వ‌రుస విజ‌యాలు న‌మోదు చేసింది.ఐపీఎల్‌లో 200 ప్ల‌స్ ప‌రుగుల ల‌క్ష్యాన్ని విజ‌య‌వంతంగా ఛేదించ‌డం ఎస్ఆర్‌హెచ్‌కు ఇది ఐదోసారి. ఇక పంజాబ్ కింగ్స్ 11 సార్లు 200 ప్ల‌స్ స్కోర్లు ఛేదించి తొలి స్థానంలో ఉండ‌గా, ముంబై ఇండియ‌న్స్ (ఆరు సార్లు) రెండో స్థానంలో కొన‌సాగుతోంది. రాజ‌స్తాన్‌, ఆర్సీబీ, ఎస్ఆర్‌హెచ్‌లు ఐదేసి సార్లు ఛేదించి సంయుక్తంగా మూడో స్థానంలో ఉన్నాయి.ఐపీఎల్‌లో అత్య‌ధిక ప‌రుగులు ఛేదించిన జట్ల‌లో ఎస్ఆర్‌హెచ్ చోటు ద‌క్కించుకుంది. రాజ‌స్తాన్‌పై 229 ప‌రుగుల ల‌క్ష్యాన్ని ఛేదించిన ఎస్ఆర్‌హెచ్ జాబితాలో నాలుగో స్థానంలో ఉంది. తొలి రెండు స్థానాలు పంజాబ్ కింగ్స్ (ఢిల్లీపై 265, కేకేఆర్‌పై 262 ప‌రుగుల టార్గెట్‌), ఎస్ఆర్‌హెచ్ (పంజాబ్‌పై 246 ప‌రుగుల టార్గెట్‌) మూడో స్థానంలో ఉంది. ఇక ఐదో స్థానంలో ఆర్సీబీ (ల‌క్నోపై 228 ప‌రుగుల టార్గెట్‌) ఉంది.జైపూర్ వేదిక‌పై రాజ‌స్తాన్‌పై 228 ప‌రుగుల టార్గెట్‌ను ఛేదించిన ఎస్ఆర్‌హెచ్ త‌న రికార్డును తానే మెరుగుప‌రుచుకుంది. 2023లో ఇదే రాజ‌స్తాన్‌పై 215 ప‌రుగుల ల‌క్ష్యాన్ని ఛేదించింది. తాజాగా ఆ రికార్డును స‌వ‌రించింది.4️⃣h consecutive win ✅4️⃣th highest successful chase in #TATAIPL history ✅#SRH paint the Pink City ORANGE with a clinical win 🎨🧡Scorecard ▶️ https://t.co/PVdpjhxVEy#TATAIPL | #KhelBindaas | #RRvSRH | @SunRisers pic.twitter.com/bKWZOIAgZo— IndianPremierLeague (@IPL) April 25, 2026

ఆస్ట్రేలియా దిగ్గ‌జం, స‌న్‌రైజ‌ర్స్ హైద‌రాబాద్ కెప్టెన్ పాట్ క‌మ్మిన్స్ ఐపీఎల్‌-2026 సీజ‌న్‌లో తొలి మ్యాచ్ ఆడేందుకు సిద్ద‌మ‌య్యాడు. శ‌నివారం జైపూర్ వేదిక‌గా రాజ‌స్తాన్ రాయ‌ల్స్‌తో జ‌ర‌గ‌నున్న‌ మ్యాచ్‌లో క‌మ్మిన్స్ బ‌రిలోకి దిగ‌డం ఖాయ‌మైంది. దీంతో తాత్కాలిక కెప్టెన్‌గా వ్య‌వ‌హ‌రిస్తున్న ఇషాన్ కిష‌న్ త‌న బాధ్య‌త‌ల‌ను క‌మ్మిన్స్‌కు అప్ప‌గించే అవ‌కాశ‌ముంది.అయితే క‌మ్మిన్స్ గైర్హ‌జారీలో స‌న్‌రైజర్స్ జ‌ట్టును కిష‌న్ అద్బుతంగా న‌డిపించాడు. ప్రస్తుతం పాయింట్ల పట్టికలో హైదరాబాద్ నాలుగో స్థానంలో కొనసాగుతోంది. కెప్టెన్‌గా, బ్యాట‌ర్‌గా కిష‌న్ విజ‌య‌వంత‌మ‌య్యాడు. దీంతో క‌మ్మిన్స్ తిరిగొచ్చినా కెప్టెన్‌గా కిష‌న్‌నే కొన‌సాగించాల‌ని చాలా మంది మాజీలు సూచిస్తున్నారు. కానీ టీమిండియా మాజీ క్రికెట‌ర్ వీరేంద‌ర్ సెహ్వాగ్ ఇందుకు విరుద్ధంగా తన అభిప్రాయాన్ని వ్యక్తం చేశాడు. ఇషాన్ కిషన్ నుంచి కెప్టెన్సీ బాధ్యతలను క‌మ్మిన్స్‌ తిరిగి తీసుకోవాలని సెహ్వాగ్ తెలిపాడు."క‌మ్మిన్స్ తిరిగి రావ‌డం ఎస్ఆర్‌హెచ్‌కు అతిపెద్ద ప్లస్ పాయింట్. అయితే కిషన్ నుంచి క‌మ్మిన్స్ కెప్టెన్సీ బాధ్య‌త‌లు తీసుకోవాలి. క‌మ్మిన్స్ జ‌ట్టుకు దూరంగా ఉండ‌టం వ‌ల్లే ఇషాన్ కిష‌న్‌కు కెప్టెన్సీ బాధ్య‌త‌లు ఇచ్చారు. ఇప్పుడు క‌మ్మిన్స్ తిరిగి అందుబాటులోకి వ‌చ్చాడు. కాబ‌ట్టి అత‌డే జ‌ట్టును న‌డిపించాలి. క‌మ్మిన్స్ ఒక సీనియ‌ర్ కెప్టెన్ మాత్ర‌మే అద్బుత‌మైన ఆల్‌రౌండ‌ర్ కూడా. స‌రైన స‌మ‌యంలో క‌మ్మిన్స్ అందుబాటులోకి వ‌చ్చాడు. అయితే క‌మ్మిన్స్ ప్లేయింగ్ ఎలెవ‌న్‌లోకి ఎవ‌రి స్ధానంలో వ‌స్తాడ‌న్న‌దే ప్ర‌శార్ధ‌కంగా మారింది. అతడిని మ‌ధుశంక స్ధానంలో తుది జ‌ట్టులోకి తీసుకునే అవ‌కాశ‌ముంది" క్రిక్‌బ‌జ్ షోలో సెహ్వాగ్ పేర్కొన్నాడు.చదవండి: IPL 2026: సీఎస్‌కేకు భారీ షాక్‌.. జట్టును వదిలి వెళ్లిపోయిన కెప్టెన్‌!

సన్‌రైజర్స్‌ హైదరాబాద్‌కు పూర్వ వైభవం తెచ్చిన ఘనత ఆస్ట్రేలియా కెప్టెన్‌ ప్యాట్‌ కమిన్స్‌కు దక్కుతుంది. మూడు సీజన్లుగా చతికిల పడిన ఎస్‌ఆర్‌హెచ్‌కు కమిన్స్‌ తన అద్భుతమైన కెప్టెన్సీతో జీవం పోశాడు. అతడి సారథ్యంలో 2024లో సన్‌రైజర్స్‌ ఫైనల్‌కు చేరింది.వెన్నునొప్పితో..ఇక గతేడాది పద్నాలుగింట ఆరు విజయాలతో.. పాయింట్ల పట్టికలో ఆరో స్థానంతో ముగించింది ఎస్‌ఆర్‌హెచ్‌. ఇదిలా ఉంటే.. ఈ ఏడాది వెన్నునొప్పి కారణంగా కమిన్స్‌ సన్‌రైజర్స్‌ ఆరంభ మ్యాచ్‌లకు దూరమయ్యాడు. ఈ క్రమంలో టీమిండియా స్టార్‌, టీ20 ప్రపంచకప్‌ విజేత ఇషాన్‌ కిషన్‌ (Ishan Kishan) కమిన్స్‌ స్థానంలో కెప్టెన్సీ చేపట్టాడు.ఐపీఎల్‌-2026లో ఇషాన్‌ సారథ్యంలో ఏడు మ్యాచ్‌లు ఆడిన సన్‌రైజర్స్‌ నాలుగు గెలిచింది. ముఖ్యంగా సొంతమైదానం ఉప్పల్‌లో హ్యాట్రిక్‌ విజయాలతో సత్తా చాటింది. ఈ మ్యాచ్‌లలో ఇషాన్‌ కెప్టెన్సీకి మంచి మార్కులు పడ్డాయి. ఇదిలా ఉంటే.. ఫిట్‌నెస్‌ సమస్యలను అధిగమించి కమిన్స్‌ (Pat Cummins) ఇటీవలే జట్టుతో చేరాడు.ఈ క్రమంలో శనివారం రాజస్తాన్‌ రాయల్స్‌తో మ్యాచ్‌తో సన్‌రైజర్స్‌ తరఫున కమిన్స్‌ రీఎంట్రీ ఇచ్చే అవకాశం ఉంది. ఈ నేపథ్యంలో కెప్టెన్సీ అంశం చర్చనీయాంశంగా మారగా.. టీమిండియా మాజీ కోచ్‌ సంజయ్‌ బంగర్‌ ఇషాన్‌నే సారథిగా కొనసాగించాలని అభిప్రాయపడ్డాడు.ఇషాన్‌ కిషన్‌నే కొనసాగించాలిఇక టీమిండియా స్పిన్‌ దిగ్గజం హర్భజన్‌ సింగ్‌ కూడా తాజాగా ఇషాన్‌కే మద్దతుగా నిలిచాడు. జియోహాట్‌స్టార్‌ షోలో మాట్లాడుతూ.. ‘‘ప్యాట్‌ కమిన్స్‌ తిరిగి వచ్చినా ఇషాన్‌ కిషన్‌నే సన్‌రైజర్స్‌ కెప్టెన్‌గా కొనసాగించాలి. యువ నాయకుడికి మద్దతుగా నిలబడాలని యాజమాన్యం భావిస్తే ఇలా చేయడమే సరైంది.కారణం ఇదేకమిన్స్‌ను ఎస్‌ఆర్‌హెచ్‌ను 2024లో ఫైనల్‌కు చేర్చిన మాట నిజమే. అయితే, ప్రస్తుతం ఇషాన్‌ నాయకత్వంలోనూ జట్టు మంచి ఫలితాలు సాధిస్తోంది. బౌలర్లు, ఇతర ఆటగాళ్లకు అతడితో మంచి సమన్వయం కుదిరింది. కాబట్టి ఇషాన్‌ను కెప్టెన్‌గా కొనసాగిస్తే సన్‌రైజర్స్‌కు ప్రయోజనం చేకూరుతుంది’’ అని భజ్జీ అభిప్రాయపడ్డాడు. కాగా చాన్నాళ్లుగా గాయం వల్ల ఆటకు దూరమైన కమిన్స్‌ పునరాగమనం చేయనున్నాడు. దీంతో అతడిపై కెప్టెన్సీ రూపంలో అదనపు భారం పడకుండా మేనేజ్‌మెంట్‌ చర్యలు తీసుకునే అవకాశం లేకపోలేదు.చదవండి: BCCI: డబ్బు కక్కుర్తి.. టీమిండియా ప్లేయర్లను ‘చంపేస్తారా’?

ఐపీఎల్‌ 2026లో సన్‌రైజర్స్‌ హైదరాబాద్‌ అనూహ్యంగా పుంజుకుంది. ఆరంభ మ్యాచ్‌ల్లో తడబడినా, ఆతర్వాత హ్యాట్రిక్‌ విజయాలు సాధించి, పాయింట్ల పట్టికలో మూడో స్థానానికి ఎగబాకింది. ఎస్‌ఆర్‌హెచ్‌ జోరు చూస్తేంటే ఈ సీజన్‌ టైటిల్‌ గెలవడం ఖాయంగా కనిపిస్తుంది.సీజన్‌ ప్రారంభంలో బౌలింగ్‌లో చాలా ఇబ్బంది పడిన ఈ జట్టు యువ పేసర్‌ సాకిబ్‌ హుస్సేన్‌ రాకతో ఒక్కసారిగా టైటిల్‌ ఫేవరెట్‌గా మారిపోయింది. సాకిబ్‌ తొలి మ్యాచ్‌లోనే అబ్బురపరిచే ప్రదర్శనతో ఆకట్టుకున్నాడు. రాజస్థాన్‌ రాయల్స్‌తో జరిగిన ఆ మ్యాచ్‌లో సాకిబ్‌ 4 ఓవర్లలో కేవలం 24 పరుగులిచ్చి ఏకంగా నాలుగు వికెట్లు తీశాడు.అనంతరం సీఎస్‌కేతో జరిగిన మ్యాచ్‌లోనూ సాకిబ్‌ సత్తా చాటాడు. 4 ఓవర్లలో 32 పరుగులిచ్చి ఓ వికెట్‌ తీశాడు. తాజాగా (ఏప్రిల్‌ 21) ఢిల్లీ క్యాపిటల్స్‌తో జరిగిన మ్యాచ్‌లో సాకిబ్‌ మరోసారి జూలు విదిల్చాడు. 4 ఓవర్లలో 29 పరుగులు మాత్రమే ఇచ్చి ఓ వికెట్‌ తీశాడు. రైట్‌ ఆర్మ్‌ ఫాస్ట్‌ మీడియం బౌలింగ్‌ చేసే 21 ఏళ్ల సకీబ్‌ అద్భుత ప్రదర్శనలతో దూసుకుపోతూ ఎస్‌ఆర్‌హెచ్‌ పాలిట వరంలా మారాడు. అతను ఇప్పటివరకు ఆడిన 3 మ్యాచ్‌ల్లో అత్యంత పొదుపుగా బౌలింగ్‌ చేయడమే కాకుండా 6 వికెట్లు తీసి సన్‌రైజర్స్‌ గెలుపుయాత్రలో ప్రధాన భాగమయ్యాడు. సాకిబ్‌ ఆడిన 3 మ్యాచ్‌ల్లో సన్‌రైజర్స్‌ గెలిచింది. అలాగే సాకిబ్‌ 3 మ్యాచ్‌లు ఆడినా ఒక్క సిక్సర్‌ కూడా ఇవ్వలేదు. ఇదే అతన్ని ప్రత్యేకంగా నిలుపుతుంది. సకీబ్‌ ఇప్పటివరకు వేసిన 72 బంతుల్లో కేవలం 85 పరుగులు మాత్రమే ఇచ్చి అత్యంత పిసినారి బౌలర్‌గా పేరు తెచ్చుకున్నాడు. మొత్తంగా సకీబ్‌ రాక సన్‌రైజర్స్‌ ఫేట్‌ను మార్చేసింది. ఇతను ఇదే జోరును కొనసాగిస్తే, ఈ సీజన్‌లో సన్‌రైజర్స్‌ను టైటిల్‌ గెలవకుండా ఆపడం కష్టం.సకీబ్‌కు మరో యువ పేసర్‌ ప్రఫుల్‌ హింగే కూడా తోడయ్యాడు. అతను కూడా అద్భుతంగా బౌలింగ్‌ చేస్తున్నాడు. అయితే అతను సకీబ్‌ లాగా పొదుపుగా బౌలింగ్‌ చేయలేకపోతున్నాడు. తొలి మ్యాచ్‌లో సకిబ్‌తో పాటు అద్భుత ప్రదర్శన (4-34) చేసిన హింగే ఆతర్వాతి మ్యాచ్‌లో ధారాళంగా (1-60) పరుగులు సమర్పించుకున్నాడు. సకీబ్‌, ప్రఫుల్‌ మాత్రమే కాకుండా ఈ సీజన్‌లో మరో ఇద్దరు సన్‌రైజర్స్‌ బౌలర్లు సత్తా చాటుతున్నారు. శ్రీలంకకు చెందిన పేసర్‌ ఎషాన్‌ మలింగ, లెఫ్ట్‌ ఆర్మ్‌ రిస్ట్‌ స్పిన్నర్‌ శివాంగ్‌ కుమార్‌ అద్భుతంగా రాణిస్తూ సన్‌రైజర్స్‌ విజయాల్లో ప్రధానపాత్రలు పోషిస్తున్నారు. వాస్తవానికి సీజన్‌ ప్రారంభానికి ముందు సన్‌రైజర్స్‌కు బౌలింగే ప్రధాన సమస్యగా ఉండేది. రెగ్యులర్‌ కెప్టెన్‌, జట్టు ప్రధాన పేసర్‌ పాట్‌ కమిన్స్‌ గాయం కారణంగా సగం సీజన్‌కు దూరమయ్యాడు. సీనియర్‌ పేసర్‌ జయదేవ్‌ ఉనద్కత్‌ ఏ మాత్రం ప్రభావం చూపలేకపోయాడు. ఇలాంటి తరుణంలో ప్రఫుల్‌, సకీబ్‌, శివాంగ్‌ లాంటి దేశీయ బౌలర్లు వచ్చి సన్‌రైజర్స్‌ ఫేట్‌నే మార్చేశారు. త్వరలో కమిన్స్‌ కూడా వీరికి జత కలిస్తే సన్‌రైజర్స్‌ను ఆపడం చాలా కష్టమవుతుంది. ఈ జట్టు బ్యాటింగ్‌ బలం గురించి ప్రత్యేకంగా చెప్పక్కర్లేదు. అత్యంత ప్రమాదకర బ్యాటింగ్‌ లైనప్‌ ఈ జట్టు సొంతం. ఫీల్డింగ్‌లో కాస్త మెరుగుపడితే ఈ సీజన్‌లో సన్‌రైజర్స్‌ గెలుపు తధ్యం.

ఐపీఎల్‌లో అభిషేక్‌ మళ్లీ విధ్వంసం సృష్టించాడు. తనకే సాధ్యమైన రీతిలో ఫోర్లు, సిక్సర్లతో విరుచుకుపడిన అతను సెంచరీతో ఉప్పల్‌ మైదానంలో ఉప్పెన సృష్టించాడు. బౌండరీలతోనే సరిగ్గా 100 పరుగులు రాబట్టిన అభిషేక్‌కు క్లాసెన్, ఇషాన్‌ కిషన్, హెడ్‌ కూడా అండగా నిలవడంతో హైదరాబాద్‌ భారీ స్కోరుతో ప్రత్యర్థికి సవాల్‌ విసిరింది. అయితే ఢిల్లీ బ్యాటింగ్‌ ఏమాత్రం రైజర్స్‌కు సరితూగలేకపోయింది. ఏ దశలోనూ కావాల్సిన దూకుడును ప్రదర్శించని క్యాపిటల్స్‌ లక్ష్యానికి చాలా దూరంలో నిలిచిపోయింది. సమష్టి బౌలింగ్‌తో రైజర్స్‌ ఢిల్లీని పడగొట్టి వరుసగా మూడో విజయాన్ని అందుకుంది. సాక్షి, హైదరాబాద్‌: సొంతగడ్డపై సన్‌రైజర్స్‌ హైదరాబాద్‌ హ్యట్రిక్‌ విజయాన్ని నమోదు చేసింది. మంగళవారం ఉప్పల్‌ స్టేడియంలో దాదాపు ఏకపక్షంగా సాగిన మ్యాచ్‌లో రైజర్స్‌ 47 పరుగుల తేడాతో ఢిల్లీ క్యాపిటల్స్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ 20 ఓవర్లలో 2 వికెట్ల నష్టానికి 242 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ అభిషేక్‌ శర్మ (68 బంతుల్లో 135 నాటౌట్‌; 10 ఫోర్లు, 10 సిక్స్‌లు) ఐపీఎల్‌లో తన రెండో సెంచరీతో చెలరేగగా... హెన్రిచ్‌ క్లాసెన్‌ (13 బంతుల్లో 37 నాటౌట్‌; 3 ఫోర్లు, 3 సిక్స్‌లు), ట్రవిస్‌ హెడ్‌ (26 బంతుల్లో 37; 2 ఫోర్లు, 2 సిక్స్‌లు) రాణించారు. అనంతరం ఢిల్లీ 20 ఓవర్లలో 9 వికెట్లకు 195 పరుగులు సాధించింది. నితీశ్‌ రాణా (30 బంతుల్లో 57; 7 ఫోర్లు, 3 సిక్స్‌లు) అర్ధ సెంచరీ చేయగా... సమీర్‌ రిజ్వీ (28 బంతుల్లో 41; 2 ఫోర్లు, 2 సిక్స్‌లు), కేఎల్‌ రాహుల్‌ (23 బంతుల్లో 37; 1 ఫోర్, 3 సిక్స్‌లు) ఫర్వాలేదనిపించారు. సన్‌రైజర్స్‌ బౌలర్‌ ఇషాన్‌ మలింగకు 4 వికెట్లు దక్కాయి. THE HUNDRED CELEBRATION BY ABHISHEK SHARMA. 🔥- Proud father and Kavya Maran cheering. ❤️ pic.twitter.com/pbBYLZViiL— Mufaddal Vohra (@mufaddal_vohra) April 21, 2026భారీ భాగస్వామ్యాలు... తొలి నాలుగు ఓవర్లలో 6 ఫోర్లతో 36 పరుగులు రాబట్టిన రైజర్స్‌ ఇన్నింగ్స్‌ నితీశ్‌ రాణా వేసిన ఐదో ఓవర్‌తో ఊపందుకుంది. ఈ ఓవర్లో అభిషేక్, హెడ్‌ కలిసి 3 సిక్స్‌లు బాదడంతో 20 పరుగులు వచ్చాయి. పవర్‌ప్లేలో టీమ్‌ 67 పరుగులు సాధించింది. అనంతరం 25 బంతుల్లో అభిõÙక్‌ అర్ధసెంచరీ పూర్తి కాగా, అక్షర్‌ ఓవర్లో భారీ షాట్‌కు ప్రయత్నించి హెడ్‌ వెనుదిరిగాడు. అయితే మరోవైపు అభిషేక్‌ దూకుడు కొనసాగగా, ఇషాన్‌ కిషన్‌ (13 బంతుల్లో 25; 2 ఫోర్లు, 1 సిక్స్‌) కూడా తన ధాటిని ప్రదర్శించాడు. వీరిద్దరు కలిసి కుల్దీప్‌ ఓవర్లో 2 ఫోర్లు, 2 సిక్స్‌లతో 22 పరుగులు రాబట్టారు. 86 పరుగుల వద్ద డీప్‌ బ్యాక్‌వర్డ్‌లెగ్‌లో రాణా క్యాచ్‌ వదిలేయడంతో బతికిపోయిన అభిషేక్‌ శర్మ... రాణా ఓవర్లో వరుసగా 6, 6, 4 బాదాడు. ఈ క్రమంలో 47 బంతుల్లో అతని సెంచరీ పూర్తయింది. అయితే అదే ఓవర్లో దురదృష్టవశాత్తూ రిటర్న్‌లో బౌలర్‌ చేతికి తగిలిన బంతి నాన్‌స్ట్రయికింగ్‌ స్టంప్స్‌ను పడగొట్టడంతో కిషన్‌ రనౌటయ్యాడు. అయితే చివరి ఐదు ఓవర్లలో అభిషేక్‌ ను ఆపడంలో ఢిల్లీ సఫలం అయింది. ఈ 30 బంతుల్లో 17 బంతులు ఆడిన అభిషేక్‌ 2 ఫోర్లతో 20 పరుగులు మాత్రమే చేయగలిగాడు. మరోవైపు ఉన్న క్లాసెన్‌ మాత్రం తనదైన శైలిలో చెలరేగడంతో భారీ స్కోరు సాధ్యమైంది. ఎన్‌గిడి ఓవర్లో రెండు వరుస సిక్స్‌లు కొట్టిన అతను... ముకేశ్‌ వేసిన చివరి ఓవర్లో 2 ఫోర్లు, సిక్స్‌ కొట్టాడు. మిల్లర్‌ విఫలం... ఈ మ్యాచ్‌తోనే ఐపీఎల్‌లో అడుగు పెట్టిన పేసర్‌ మదుషంక చక్కటి బౌలింగ్‌ ప్రదర్శన కనబర్చాడు. తన 3 ఓవర్ల తొలి స్పెల్‌లో 24 పరుగులే ఇచి్చన అతను నిసాంక (8) వికెట్‌ తీశాడు. మరోవైపు నితీశ్‌ రెడ్డి వేసిన రెండు ఓవర్లలో రాణా, రాహుల్‌ కలిసి 2 సిక్స్‌లు, 3 ఫోర్లతో 29 పరుగులు రాబట్టడంతో పవర్‌ప్లే ముగిసేసరికి స్కోరు 59 పరుగులకు చేరింది. శివాంగ్‌ ఓవర్లో వరుసగా 6, 6, 4 కొట్టిన రాణా 27 బంతుల్లో అర్ధ సెంచరీ పూర్తి చేసుకున్నాడు. అయితే రాహుల్‌ను సాకిబ్‌ వెనక్కి పంపించగా, తర్వాతి ఓవర్లో మలింగ వరుస బంతుల్లో రాణా, మిల్లర్‌ (0)లను అవుట్‌ చేయడంతో రైజర్స్‌ పైచేయి సాధించింది. ఆ తర్వాత రిజ్వీ, ట్రిస్టన్‌ స్టబ్స్‌ (16 బంతుల్లో 27; 3 ఫోర్లు, 1 సిక్స్‌) కలిసి పోరాడినా లాభం లేకపోయింది. 26 బంతుల్లో 77 పరుగులు చేయాల్సిన దశలో స్టబ్స్‌ అవుట్‌ కావడంతో ఢిల్లీ గెలుపు దారులు మూసుకుపోయాయి. స్కోరు వివరాలుసన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ శర్మ (నాటౌట్‌) 135; హెడ్‌ (సి) రిజ్వీ (బి) అక్షర్‌ 37; ఇషాన్‌ కిషన్‌ (రనౌట్‌) 25; క్లాసెన్‌ (నాటౌట్‌) 37; ఎక్స్‌ట్రాలు 8; మొత్తం (20 ఓవర్లలో 2 వికెట్లకు) 242. వికెట్ల పతనం: 1–97, 2–176. బౌలింగ్‌: ముకేశ్‌ కుమార్‌ 4–0–53–0, నితీశ్‌ రాణా 4–0–55–0, ఎన్‌గిడి 4–0–41–0, అక్షర్‌ పటేల్‌ 2–0–23–1, కుల్దీప్‌ 2–0–30–0, నటరాజన్‌ 4–0–40–0. ఢిల్లీ క్యాపిటల్స్‌ ఇన్నింగ్స్‌: నిసాంక (సి) (సబ్‌) లివింగ్‌స్టోన్‌ (బి) మదుషంక 8; రాహుల్‌ (సి) అభిషేక్‌ (బి) సాకిబ్‌ 37; నితీశ్‌ రాణా (సి) అభిషేక్‌ (బి) మలింగ 57; రిజ్వీ (సి) మదుషంక (బి) దూబే 41; మిల్లర్‌ (బి) మలింగ 0; స్టబ్స్‌ (సి) సాకిబ్‌ (బి) మలింగ 27; అశుతోష్‌ (సి) అనికేత్‌ (బి) మలింగ 14; అక్షర్‌ (సి) నితీశ్‌ (బి) దూబే 2; కుల్దీప్‌ (నాటౌట్‌) 1; ఎన్‌గిడి (సి) మదుషంక (బి) దూబే 0; ఎక్స్‌ట్రాలు 8; మొత్తం (20 ఓవర్లలో 9 వికెట్లకు) 195. వికెట్ల పతనం: 1–21, 2–107, 3–107, 4–107, 5–166, 6–186, 7–192, 8–195, 9–195. బౌలింగ్‌: మదుషంక 4–0–36–1, నితీశ్‌ రెడ్డి 4–0–57–0, ఇషాన్‌ మలింగ 4–0–32–4, సాకిబ్‌ 4–0–29–1, శివాంగ్‌ 2–0–28–0, హర్‌‡్ష దూబే 2–0–12–3.

ఐపీఎల్ 2026 సీజన్‌లో సన్‌రైజర్స్ హైదరాబాద్ (ఎస్‌ఆర్‌హెచ్‌) సొంతగడ్డపై హ్యాట్రిక్ విజయాన్ని నమోదు చేసింది. మంగళవారం ఉప్పల్ వేదికగా ఢిల్లీ క్యాపిటల్స్‌తో జరిగిన మ్యాచ్‌లో ఎస్‌ఆర్‌హెచ్ 47 పరుగుల తేడాతో ఘన విజయాన్ని అందుకుంది. 243 పరుగుల లక్ష్యంతో బరిలోకి దిగిన ఢిల్లీ క్యాపిటల్స్ 20 ఓవర్లలో 9 వికెట్ల నష్టానికి 195 పరుగులకు పరిమితమైంది. నితీశ్ రానా 57 పరుగులతో టాప్ స్కోరర్‌గా నిల‌వ‌గా.. స‌మీర్ రిజ్వీ 41 ప‌రుగులు సాధించాడు. ఎస్‌ఆర్‌హెచ్ బౌలర్లలో ఇషాన్ మలింగ 4, హర్ష్‌దూబే మూడు వికెట్లు తీశారు. అంతకముందు తొలుత బ్యాటింగ్ చేసిన ఎస్ఆర్‌హెచ్ 20 ఓవర్లలో 2 వికెట్ల నష్టానికి 242 పరుగుల భారీ స్కోరు చేసింది. ఓపెన‌ర్ అభిషేక్ శ‌ర్మ (68 బంతుల్లో 135 నాటౌట్‌) సెంచ‌రీతో విధ్వంసం సృష్టించ‌డంతో ఎస్ఆర్‌హెచ్ ఈ సీజ‌న్‌లో తొలిసారి 240 ప‌రుగుల ప్ల‌స్ మార్కును దాటింది. చివ‌ర్లో క్లాసెన్ (13 బంతుల్లో 37 నాటౌట్‌) మెరుపు ఇన్నింగ్స్‌తో అల‌రించాడు. హెడ్ 37, ఇషాన్ కిష‌న్ 25 ప‌రుగులు చేశారు. ఢిల్లీ క్యాపిట‌ల్స్ బౌల‌ర్ల‌లో అక్ష‌ర్ ప‌టేల్ ఒక వికెట్ తీశాడు. అజేయ సెంచ‌రీతో ఢిల్లీ ప‌ని ప‌ట్టిన అభిషేక్ శర్మ ప్లేయ‌ర్ ఆఫ్ ది మ్యాచ్ సొంతం చేసుకున్నాడు.242లో స‌గం స్కోరు అభిషేక్‌దే..టాస్ గెలిచి ఎస్ఆర్‌హెచ్‌ను బ్యాటింగ్‌కు ఆహ్వానించ‌డంతోనే ఢిల్లీ క్యాపిట‌ల్స్ క‌ష్టాలు మొద‌ల‌య్యాయి. ఆరంభం నుంచే ఎస్ఆర్‌హెచ్ ఓపెన‌ర్లు దూకుడుగా ఆడారు. అభిషేక్ శ‌ర్మ‌, హెడ్‌లు పోటీప‌డి బౌండరీలు, సిక్స‌ర్ల వ‌ర్షం కురిపించారు. ఆ త‌ర్వాత జ‌ట్టు స్కోరు 97 ప‌రుగుల వ‌ద్ద హెడ్ వెనుదిర‌గ‌డంతో ఎస్ఆర్‌హెచ్‌ తొలి వికెట్ కోల్పోయింది. మ‌రో ఎండ్‌లో మాత్రం అభిషేక్ శ‌ర్మ త‌న విధ్వంసాన్ని కొన‌సాగించాడు. గ‌త రెండు మ్యాచ్‌ల్లో అర్థ‌శ‌త‌కాలు సాధించిన‌ప్ప‌టికీ వాటిని సెంచ‌రీలుగా మ‌ల‌చ‌డంలో విఫ‌ల‌మ‌య్యాడు. కానీ ఈసారి మాత్రం ఆది నుంచే ధాటిగా ఆడిన అభిషేక్ ఢిల్లీ బౌల‌ర్ల‌ను చీల్చి చెండాడి సెంచ‌రీ మార్క్‌ను అందుకున్నాడు. చివ‌రి వ‌ర‌కు నిలిచిన అభిషేక్ క్లాసెన్‌, ఇషాన్‌ల‌తో క‌లిసి మంచి భాగ‌స్వామ్యాలు న‌మోదు చేశాడు. అయితే జ‌ట్టు సాధించిన 242 ప‌రుగుల్లో అభిషేక్ ఒక్క‌డివే 135 ప‌రుగులు ఉండ‌డం గ‌మ‌నార్హం. అత‌డి ఇన్నింగ్స్‌లో 10 ఫోర్లు, 10 సిక్స‌ర్లు ఉండ‌డం విశేషం.త‌డ‌బ‌డిన ఢిల్లీ..భారీ ల‌క్ష్యంతో బ‌రిలోకి దిగిన‌ప్ప‌టికీ ఢిల్లీ క్యాపిట‌ల్స్ ఆదిలోనే తొలి వికెట్ కోల్పోయిన‌ప్ప‌టికీ కేఎల్ రాహుల్ (37), నితీశ్ రానా (57) రెండో వికెట్‌కు 86 ప‌రుగులు జోడించి ఢిల్లీ ఇన్నింగ్స్‌ను చ‌క్క‌దిద్దారు. అయితే స్వ‌ల్ప వ్య‌వ‌ధిలో ఈ ఇద్ద‌రు వెనుదిర‌గ‌డం ఢిల్లీని క‌ష్టాల్లోకి నెట్టేసింది. ఆ త‌ర్వాత వ‌చ్చిన మిల్ల‌ర్ గోల్డెన్ డ‌కౌట్ కావ‌డంతో మ‌రింత క‌ష్టాల్లో ప‌డింది. ఈ ద‌శ‌లో స‌మీర్ రిజ్వీ, స్ట‌బ్స్ (27) ఇన్నింగ్స్‌ను చ‌క్క‌దిద్దే ప్ర‌య‌త్నం చేశారు. కానీ ఎస్ఆర్‌హెచ్ బౌల‌ర్లు వరుస విరామాల్లో వికెట్లు తీయ‌డంతో ఢిల్లీకి ఓట‌మి త‌ప్ప‌లేదు. సీజ‌న్‌లో ఎస్ఆర్‌హెచ్‌కు ఇది నాలుగో విజ‌యం కాగా, సొంత‌గడ్డ‌పై మాత్రం హ్యాట్రిక్ విక్ట‌రీ. ఈ గెలుపుతో ఎస్ఆర్‌హెచ్ పాయింట్ల ప‌ట్టిక‌లో మూడో స్థానంలోకి దూసుకెళ్లింది. మ‌రోవైపు ఢిల్లీ క్యాపిట‌ల్స్ ఆడిన ఆరు మ్యాచ్‌ల్లో ఇది మూడో ప‌రాజ‌యం. దీంతో ఆ జ‌ట్టు ప‌ట్టిక‌లో ఐదో స్థానంలో కొన‌సాగుతోంది.Explosive with the bat 🔥Lethal with the ball ⚡#SRH clinch a 4️⃣7️⃣-run win to make it three-in-a-row at home 🧡Updates ▶️ https://t.co/VgUjXDlrDh#TATAIPL | #KhelBindaas | #SRHvDC | @SunRisers pic.twitter.com/Vcmp5r5sh1— IndianPremierLeague (@IPL) April 21, 2026

సాక్షి, హైదరాబాద్‌: సొంతగడ్డపై గత రెండు మ్యాచ్‌లు గెలిచి జోరు మీదున్న సన్‌రైజర్స్‌ హైదరాబాద్‌ ‘హ్యాట్రిక్‌’ విజయంపై గురి పెట్టింది. ఐపీఎల్‌లో భాగంగా నేడు ఉప్పల్‌ స్టేడియంలో జరిగే లీగ్‌ మ్యాచ్‌లో ఢిల్లీ క్యాపిటల్స్‌తో రైజర్స్‌ తలపడుతుంది. మరోవైపు రెండు వరుస పరాజయాల అనంతరం డిఫెండింగ్‌ చాంపియన్‌ రాయల్‌ చాలెంజర్స్‌ బెంగళూరును బెంగళూరులోనే ఓడించడంతో ఢిల్లీ టీమ్‌లో కూడా ఆత్మవిశ్వాసం పెరిగింది. పాయింట్ల పట్టికలో పెద్ద తేడా లేకుండా దాదాపు సమానంగా ఉన్న ఈ రెండు టీమ్‌లలో ఎవరు పైచేయి సాధిస్తారనేది ఆసక్తికరం. గత రెండు మ్యాచ్‌ల ఫలితాలను బట్టి చూస్తే సన్‌రైజర్స్‌ తుది జట్టులో ఎలాంటి మార్పులు లేకుండా బరిలోకి దిగే అవకాశం ఉంది. అభిõÙక్‌ శర్మ, క్లాసెన్‌ మెరుపు బ్యాటింగ్‌తో పాటు టాప్‌–5లో హెడ్, ఇషాన్‌ కిషన్, నితీశ్‌ రెడ్డి కూడా చెలరేగితే బ్యాటింగ్‌లో తిరుగుండదు. బౌలింగ్‌లో యువ ఆటగాళ్లంతా సమష్టింగా రాణిస్తుండటం జట్టు బలం. ప్రఫుల్‌ హింగే, సాకిబ్, శివాంగ్‌లతో పాటు ఇషాన్‌ మలింగ కూడా గత మ్యాచ్‌లో సత్తా చూపించాడు. ఢిల్లీ జట్టులో కేఎల్‌ రాహుల్‌ ఫామ్‌లోకి రావడం సానుకూలాంశం కాగా... స్టబ్స్, డేవిడ్‌ మిల్లర్‌లతో మిడిలార్డర్‌ పటిష్టంగా ఉంది. ముకేశ్, ఎన్‌గిడి, కుల్దీప్‌లతో పాటు అక్షర్‌ పటేల్, నటరాజన్‌ బౌలింగ్‌ భారం మోస్తారు. గత మ్యాచ్‌లో విఫలమైనా... పేసర్‌ ఆకిబ్‌ నబీకి మరో అవకాశం దక్కవచ్చు.

స‌న్‌రైజ‌ర్స్ హైద‌రాబాద్ (ఎస్ఆర్‌హెచ్‌) విధ్వంస‌క‌ర బ్యాట‌ర్ హెన్రిచ్ క్లాసెన్ ఆస‌క్తిక‌ర వ్యాఖ్య‌లు చేశాడు. త‌న స్ట్రైక్‌రేట్‌పై వ‌స్తున్న విమ‌ర్శ‌ల‌కు క్లాసెన్ గ‌ట్టిగానే బ‌దులిచ్చాడు. త‌న ప‌ని బ్యాటింగ్ చేయ‌డం మాత్ర‌మేన‌ని, స్ట్రైక్‌రేట్ ఇత‌ర విష‌యాలు పెద్ద‌గా ప‌ట్టించుకోనని తెలిపాడు. అయితే స్ట్రైక్‌రేట్ విష‌యంలో విమ‌ర్శ‌లు వ‌స్తున్న‌ప్ప‌టికీ ఐపీఎల్‌ 2026 సీజ‌న్‌లో ఆరు మ్యాచ్‌ల్లో 283 ప‌రుగులు సాధించిన క్లాసెస్ ఆరెంజ్ క్యాప్ రేసులో అగ్ర‌స్థానంలో ఉండ‌డం కొస‌మెరుపు. ఈ నేప‌థ్యంలోనే సీఎస్‌కేతో మ్యాచ్ అనంత‌రం క్లాసెన్ మాట్లాడాడు. 'నా పని బ్యాటింగ్ చేయ‌డ‌మే. ఆ బాధ్య‌త‌లు స‌క్ర‌మంగా నిర్వ‌ ర్తిస్తున్నా. అయితే ఈ సీజ‌న్‌లో నా స్ట్రైక్‌రేట్ విష‌యంలో విమ‌ర్శ‌లు వ‌స్తున్న సంగ‌తి నాకు తెలుసు. కానీ నా బ్యాటింగ్‌తో జ‌ట్టుకు ఎంత ఉప‌యోగ‌పడుతున్నాన‌నేదే నాకు ముఖ్యం. స్ట్రైక్‌రేట్‌పై చింత లేదు. ఎందుకంటే క్రీజులో కుదురుకుంటేనే ప‌రుగుల వ‌స్తాయి. అంతేకానీ కేవ‌లం స్ట్రైక్‌రేట్‌పైనే దృష్టి సారిస్తే ప‌రుగులు చేయ‌డం సంగ‌తి అటుంచితే జ‌ట్టుకు న‌ష్టం చేకూరుతుంది. ప‌రిస్థితుల‌కు త‌గ్గ‌ట్లు ఆడుతానే త‌ప్ప ప్ర‌తీసారి బ్యాట్ నుంచి మెరుపులు రావాలంటే క‌ష్ట‌మే. జ‌ట్టు క‌ష్టాల్లో ఉన్న‌ప్పుడు బాధ్య‌త‌గా ఆడాలి. ఆ ప‌నిని నేను స‌రిగ్గానే చేస్తున్నా. అయినా నేను ఆడందే ఆరెంజ్‌క్యాప్‌ రేసులో టాప్‌లో ఉంటానా? ఇక కేప్‌టౌన్‌లోని ఐ జిమ్‌లో కండ్ల‌కు సంబంధించి నేను తీసుకున్న శిక్ష‌ణ ఒత్తిడిని దూరం చేసింది. కేవలం రోజు 10 నిమిషాల పాటు క్ర‌మం త‌ప్ప‌కుండా శిక్ష‌ణ తీసుకోవ‌డం చాలా ఉప‌యోగ‌ప‌డింది.' అని చెప్పుకొచ్చాడు. సీజ‌న్‌లో భాగంగా ఎస్ఆర్‌హెచ్‌ మూడో విజయాన్ని న‌మోదు చేస‌కుంది. శనివారం సీఎస్‌కేతో జ‌రిగిన మ్యాచ్‌లో ఎస్ఆర్‌హెచ్ 10 ప‌రుగుల తేడాతో విజ‌యం సాధించింది. తొలుత బ్యాటింగ్ చేసిన ఎస్ఆర్‌హెచ్ 20 ఓవ‌ర్ల‌లో 9 వికెట్ల న‌ష్టానికి 194 ప‌రుగులు చేసింది. అభిషేక్‌, క్లాసెన్‌లు అర్థ‌సెంచ‌రీల‌తో రాణించారు. అనంత‌రం బ్యాటింగ్ చేసిన చెన్నై సూప‌ర్‌కింగ్స్ 20 ఓవ‌ర్ల‌లో 8 వికెట్ల న‌ష్టానికి 184 ప‌రుగుల‌కు ప‌రిమిత‌మైంది. మూడు విజ‌యాల‌తో ప‌ట్టిక‌లో నాలుగో స్థానానికి చేరిన ఎస్ఆర్‌హెచ్ త‌న త‌ర్వాతి మ్యాచ్ ఏప్రిల్ 21న ఢిల్లీ క్యాపిట‌ల్స్‌తో ఆడ‌నుంది.చదవండి: బుడ్డోడి వికెట్‌తో మిస్ట‌రీ స్పిన్న‌ర్‌ అరుదైన రికార్డు!

సన్‌రైజర్స్‌ బ్యాటింగ్‌ మొదలైన తీరును బట్టి జట్టు కనీసం 220కు పైగా స్కోరు చేస్తుందని అనిపించింది. అయితే చివర్లో బ్యాటర్ల వైఫల్యంతో స్కోరు 200 కూడా దాటలేదు. చెన్నై ఇన్నింగ్స్‌లో ఆయుశ్‌ మాత్రే ఆటను చూస్తేసునాయాసంగా ఆ జట్టు లక్ష్యాన్ని ఛేదించేలా కనిపించింది. కానీ రైజర్స్‌ బౌలర్లు ఒక్కసారిగా చెలరేగిపోయారు. బంతిపై పట్టు చేజారనీయకుండా ప్రత్యర్థిని కట్టిపడేశారు. ఐదుగురు బౌలర్లు కనీసం ఒక వికెట్‌ తీయడంతో చెన్నై చతికిలపడింది. హైదరాబాద్‌ ఖాతాలో మూడో గెలుపు చేరింది. అంతకుముందు అభిషేక్‌ శర్మ, క్లాసెన్‌ మెరుపులతో చెన్నైపై హైదరాబాద్‌ తమ అత్యధిక స్కోరును నమోదు చేసింది. సాక్షి, హైదరాబాద్‌: సొంతగడ్డపై జోరును ప్రదర్శిస్తూ సన్‌రైజర్స్‌ హైదరాబాద్‌ రెండో వరుస విజయాన్ని అందుకుంది. శనివారం ఉప్పల్‌ స్టేడియంలో చివరి వరకు ఆసక్తికరంగా సాగిన మ్యాచ్‌లో రైజర్స్‌ 10 పరుగుల తేడాతో చెన్నై సూపర్‌ కింగ్స్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ 20 ఓవర్లలో 9 వికెట్ల నష్టానికి 194 పరుగులు చేసింది. అభిషేక్‌ శర్మ (22 బంతుల్లో 59; 6 ఫోర్లు, 4 సిక్స్‌లు), క్లాసెన్‌ (39 బంతుల్లో 59; 6 ఫోర్లు, 2 సిక్స్‌లు) అర్ధ సెంచరీలు సాధించగా... అన్షుల్‌ కంబోజ్, ఒవర్టన్‌ చెరో 3 వికెట్లు పడగొట్టారు. అనంతరం చెన్నై 20 ఓవర్లలో 8 వికెట్లకు 184 పరుగులకే పరిమితమైంది. మాథ్యూ షార్ట్‌ (30 బంతుల్లో 34; 3 ఫోర్లు), ఆయుశ్‌ మాత్రే (13 బంతుల్లో 30; 5 ఫోర్లు, 1 సిక్స్‌) ఫర్వాలేదనిపించగా, ఇషాన్‌ మలింగకు 3 వికెట్లు... నితీశ్‌ కుమార్‌ రెడ్డికి 2 వికెట్లు దక్కాయి. ఆఖరి ఓవర్లో చెన్నై విజయానికి 18 పరుగులు అవసరం రాగా, ప్రఫుల్‌ హింగే 7 పరుగులే ఇచ్చాడు. కెప్టెన్‌ విఫలం... షార్ట్‌ వేసిన తొలి ఓవర్లో 4 పరుగులే రావడంతో రైజర్స్‌ ఇన్నింగ్స్‌ ప్రశాంతంగా మొదలైంది. అయితే ఆ తర్వాత అభిషేక్‌ శర్మ దూకుడు మొదలైంది. తర్వాతి రెండు ఓవర్లలో ఒక్కో సిక్స్‌ బాదిన అభిషేక్‌... కంబోజ్‌ ఓవర్లో వరుసగా రెండు ఫోర్లు కొట్టాడు. అయితే మరో ఎండ్‌లో ముకేశ్‌ ఓవర్లో 3 ఫోర్లు బాది ధాటిని పెంచినట్లు కనిపించిన ట్రవిస్‌ హెడ్‌ (20 బంతుల్లో 23; 3 ఫోర్లు, 1 సిక్స్‌) ఎక్కువసేపు నిలవలేకపోయాడు. హెడ్‌ను అవుట్‌ చేసిన ముకేశ్‌ తర్వాతి బంతికే కెప్టెన్‌ ఇషాన్‌ కిషన్‌ (0) వికెట్‌ కూడా తీయడంతో పవర్‌ప్లే ముగిసేసరికి స్కోరు 75 పరుగులకు చేరింది. కొద్దిసేపటికే ఒవర్టన్‌ తన తొలి ఓవర్లోనే అభిషేక్‌ను వెనక్కి పంపించాడు. ఈ దశలో క్లాసెన్‌ కొన్ని చక్కటి షాట్లతో స్కోరు పెంచే బాధ్యత తీసుకున్నాడు. మరోవైపు అనికేత్‌ వర్మ (2) ప్రభావం చూపలేకపోగా, ఉప్పల్‌లో గత రెండు మ్యాచ్‌లలో రాణించిన నితీశ్‌ కుమార్‌ రెడ్డి (12; 1 సిక్స్‌) ఈసారి విఫలమయ్యాడు. నూర్‌ అహ్మద్‌ ఓవర్లో భారీ సిక్స్‌ కొట్టిన క్లాసెన్‌ 32 బంతుల్లో హాఫ్‌ సెంచరీని అందుకున్నాడు. చివర్లో సీఎస్‌కే బౌలర్లు కట్టుదిట్టమైన బంతులు వేసి ప్రత్యర్థిని నిలువరించడంలో సఫలమయ్యారు. ఆఖరి 4 ఓవర్లలో రైజర్స్‌ 31 పరుగులు మాత్రమే చేసి 4 వికెట్లు చేజార్చుకుంది. మాత్రే మినహా... ఛేదనలో చెన్నై ఆరంభంలోనే సంజు సామ్సన్‌ (7) వికెట్‌ కోల్పోయింది. తొలి బంతికే సిక్స్‌ కొట్టినా అతను ఎక్కువసేపు నిలవలేకపోయాడు. సున్నా వద్ద తాను ఇచ్చిన క్యాచ్‌ను క్లాసెన్‌ వదిలేయడంతో బతికిపోయిన మాత్రే ఆ తర్వాత దూకుడు ప్రదర్శించాడు. హింగే ఓవర్లోనే అతను 4 ఫోర్లు, 1 సిక్స్‌ బాది 22 పరుగులు రాబట్టడం విశేషం. అయితే క్లాసెన్‌ అద్భుత క్యాచ్‌తో మాత్రే ఇన్నింగ్స్‌ ముగియగా, కెప్టెన్‌ రుతురాజ్‌ గైక్వాడ్‌ (19) వైఫల్యం ఈ మ్యాచ్‌లోనూ కొనసాగింది. పవర్‌ప్లేలో జట్టు 76 పరుగులు చేసింది. ఆ తర్వాత ఒక్క బ్యాటర్‌ కూడా బాధ్యతతో జట్టును నడిపించలేకపోయాడు. సర్ఫరాజ్‌ ఖాన్‌ (19 బంతుల్లో 25; 3 ఫోర్లు) తడబడుతూనే ఆడగా, షార్ట్‌ కూడా దూకుడు చూపించలేదు. హైదరాబాద్‌ మెరుగైన బౌలింగ్‌తో ఒత్తిడి పెరిగి జట్టు వరుసగా వికెట్లు కోల్పోయింది. శివమ్‌ దూబే (16 బంతుల్లో 21; 1 ఫోర్, 1 సిక్స్‌)పై ఆశలు ఉండగా... 20 బంతుల్లో 41 పరుగులు చేయాల్సిన దశలో అతను అవుట్‌ కావడంతో గెలుపు దారులు మూసుకుపోయాయి. స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ (సి) సామ్సన్‌ (బి) ఒవర్టన్‌ 59; హెడ్‌ (సి) రుతురాజ్‌ (బి) ముకేశ్‌ 23; ఇషాన్‌ కిషన్‌ (సి) రుతురాజ్‌ (బి) ముకేశ్‌ 0; క్లాసెన్‌ (బి) కంబోజ్‌ 59; అనికేత్‌ (సి) నూర్‌ (బి) ఒవర్టన్‌ 2; నితీశ్‌ రెడ్డి (సి) షార్ట్‌ (బి) ఒవర్టన్‌ 12; అరోరా (సి) బ్రెవిస్‌ (బి) గుర్‌జప్‌నీత్‌ 13; లివింగ్‌స్టోన్‌ (సి) బ్రెవిస్‌ (బి) కంబోజ్‌ 1; శివాంగ్‌ (సి) గుర్‌జప్‌నీత్‌ (బి) కంబోజ్‌ 12; హింగే (నాటౌట్‌) 0; ఎక్స్‌ట్రాలు 13; మొత్తం (20 ఓవర్లలో 9 వికెట్లకు) 194. వికెట్ల పతనం: 1–75, 2–75, 3–93, 4–112, 5–147, 6–177, 7–179, 8–193, 9–194. బౌలింగ్‌: షార్ట్‌ 3–0–38–0, ముకేశ్‌ చౌదరి 2–0–21–2, కంబోజ్‌ 3–0–22–3, నూర్‌ 4–0–33–0, ఒవర్టన్‌ 4–0–37–3, గుర్‌జప్‌నీత్‌ 4–0–34–1. చెన్నై సూపర్‌ కింగ్స్‌ ఇన్నింగ్స్‌: సామ్సన్‌ (సి) క్లాసెన్‌ (బి) నితీశ్‌ రెడ్డి 7; రుతురాజ్‌ (సి) అరోరా (బి) మలింగ 19; మాత్రే (సి) క్లాసెన్‌ (బి) నితీశ్‌ రెడ్డి 30; షార్ట్‌ (సి) అనికేత్‌ (బి) మలింగ 34; సర్ఫరాజ్‌ (సి) నితీశ్‌ రెడ్డి (బి) మలింగ 25; బ్రెవిస్‌ (సి) లివింగ్‌స్టోన్‌ (బి) శివాంగ్‌ 0; దూబే (బి) సాకిబ్‌ 21; ఒవర్టన్‌ (సి) లివింగ్‌స్టోన్‌ (బి) హింగే 16; కంబోజ్‌ (నాటౌట్‌) 13; నూర్‌ (నాటౌట్‌) 1; ఎక్స్‌ట్రాలు 18; మొత్తం (20 ఓవర్లలో 8 వికెట్లకు) 184. వికెట్ల పతనం: 1–15, 2–66, 3–66, 4–112, 5–113, 6–148, 7–154, 8–182. బౌలింగ్‌: ప్రఫుల్‌ హింగే 4–0–60–1, నితీశ్‌ రెడ్డి 4–0–31–2, సాకిబ్‌ 4–0–32–1, ఇషాన్‌ మలింగ 4–0–29–3, శివాంగ్‌ 3–0–18–1, అభిషేక్‌ 1–0–13–0.షార్ట్‌పై అభిషేక్‌ దాడి... ఇన్నింగ్స్‌ తొలి ఓవర్‌ వేసిన మాథ్యూ షార్ట్‌ బ్యాటర్లపై ఆధిపత్యం ప్రదర్శించాడు. 3 బంతులాడిన అభిషేక్‌ 2 పరుగులే చేయగలిగాడు. అయితే ఆ తర్వాత అభిషేక్‌ తానేంటో షార్ట్‌కు చూపించాడు. అతని రెండో ఓవర్లో ఒక సిక్స్‌ కొట్టిన అతను... మూడో ఓవర్లో చెలరేగిపోయాడు. తొలి బంతికి హెడ్‌ సింగిల్‌ తీయగా... తర్వాతి ఐదు బంతుల్లో వరుసగా 4, 4, 4, 6, 6 బాది 20 పరుగులు రాబట్టాడు. ఈ క్రమంలో 15 బంతుల్లోనే అభిషేక్‌ అర్ధసెంచరీ పూర్తయింది. ఆ తర్వాత 51 పరుగుల వద్ద దూబే అతని క్యాచ్‌ను వదిలేసినా...దాని వల్ల ఎక్కువ ప్రయోజనం కలగలేదు.ధోని ఆడలేదు... భారత స్టార్‌ మహేంద్ర సింగ్‌ ధోని ఆటను చూసేందుకు పెద్ద సంఖ్యలో వచ్చిన అభిమానులకు నిరాశ తప్పలేదు. గాయం కారణంగా టోర్నీ ఆరంభం నుంచి ఒక్క మ్యాచ్‌ కూడా ఆడని ధోని టీమ్‌తో పాటు హైదరాబాద్‌కు వచ్చాడు. శుక్రవారం ప్రాక్టీస్‌లో కూడా అతను పాల్గొన్నాడు. దాంతో బరిలోకి దిగవచ్చని అనిపించింది. అయితే మరోసారి ధోని పెవిలియన్‌కే పరిమితమయ్యాడు. 2025 సీజన్‌ షెడ్యూల్‌లో భాగంగా ఉప్పల్‌లో హైదరాబాద్, చెన్నై మధ్య మ్యాచే జరగలేదు. ఈసారి ఆ మ్యాచ్‌ వచ్చినా... ధోని ఆట మాత్రం నగర ఫ్యాన్స్‌ చూడలేకపోయారు. 2024లో ఆడిన మ్యాచ్‌లో ధోని 2 బంతులే ఎదుర్కొన్నాడు!

ఐపీఎల్ 2026 సీజన్‌లో భాగంగా సన్‌రైజర్స్ హైదరాబాద్ (ఎస్ఆర్‌హెచ్‌) మూడో విజయాన్ని నమోదు చేసుకుంది. శనివారం సీఎస్‌కేతో ఉప్ప‌ల్ వేదిక‌గా జ‌రిగిన మ్యాచ్‌లో ఎస్‌ఆర్‌హెచ్ 10 ప‌రుగుల తేడాతో గెలుపొందింది. 195 పరుగుల లక్ష్యంతో బరిలోకి దిగిన సీఎస్‌కే నిర్ణీ త 20 ఓవ‌ర్ల‌లో 8 వికెట్లు కోల్పోయి 184 ప‌రుగులు చేసింది. మాథ్యూ షార్ట్ (34) టాప్ స్కోర‌ర్‌గా నిలిచాడు. ఎస్ఆర్‌హెచ్ బౌల‌ర్ల‌లో ఇషాన్ మ‌లింగ 3 వికెట్ల‌తో ఆక‌ట్టుకోగా, నితీశ్ కుమార్ 2 వికెట్లు తీశాడు. అంత‌క‌ముందు తొలుత బ్యాటింగ్ చేసిన ఎస్ఆర్‌హెచ్ నిర్ణీత 20 ఓవ‌ర్ల‌లో 9 వికెట్ల న‌ష్టానికి 194 ప‌రుగులు చేసింది. ఓపెన‌ర్ అభిషేక్ శ‌ర్మ (59) మెరుపు అర్థ‌సెంచ‌రీతో ఆక‌ట్టుకోగా, క్లాసెన్ (59) మ‌రోసారి కీల‌క ఇన్నింగ్స్ ఆడాడు. వీరిద్ద‌రు మిన‌హా మిగతావారు ప‌రుగులు చేయ‌డంలో విఫ‌లం కావ‌డంతో ఎస్ఆర్‌హెచ్ 200 స్కోరు మార్కును దాట‌లేక‌పోయింది. సీఎస్‌కే బౌల‌ర్ల‌లో అన్షుల్ కంబోజ్‌, జేమి ఓవ‌ర్ట‌న్‌లు చెరో మూడు వికెట్లు తీయ‌గా, ముకేశ్ చౌద‌రీ 2 వికెట్లు ప‌డ‌గొట్టాడు. ఆ త‌ర్వాత ఛేద‌న‌ను సీఎస్‌కే ధాటిగానే ఆరంభించింది. ఆరంభంలోనే ఓపెన‌ర్ సంజూ శాంస‌న్ ఔటైన‌ప్ప‌టికీ వ‌న్‌డౌన్‌లో వ‌చ్చిన ఆయుశ్ మాత్రే 13 బంతుల్లోనే 5 ఫోర్లు, ఒక సిక్స‌ర్ సాయంతో 30 ప‌రుగులు సాధించాడు. మిడిలార్డ‌ర్‌లో స‌ర్ఫ‌రాజ్ ఖాన్ (25), మాథ్యూ షార్ట్ (34) ప‌రుగులతో ప‌ర్వాలేద‌నిపించారు. ఆఖ‌ర్లో ఓవ‌ర్ట‌న్ (16) కాస్త ప్ర‌తిఘ‌టించిన‌ప్ప‌టికీ ఎస్ఆర్‌హెచ్ బౌల‌ర్లు క‌ఠినంగా బంతులేయ‌డంతో సీఎస్‌కే ఓట‌మి దిశ‌గా ప‌య‌నించింది.

ఐపీఎల్ 2026 సీజన్‌లో భాగంగా సన్‌రైజర్స్ హైదరాబాద్ (ఎస్ఆర్‌హెచ్‌) మూడో విజయాన్ని నమోదు చేసుకుంది. శనివారం సీఎస్‌కేతో ఉప్ప‌ల్ వేదిక‌గా జ‌రిగిన మ్యాచ్‌లో ఎస్‌ఆర్‌హెచ్ 10 ప‌రుగుల తేడాతో గెలుపొందింది. 195 పరుగుల లక్ష్యంతో బరిలోకి దిగిన సీఎస్‌కే నిర్ణీత 20 ఓవ‌ర్ల‌లో 8 వికెట్లు కోల్పోయి 184 ప‌రుగులు చేసింది. మాథ్యూ షార్ట్ (34) టాప్ స్కోర‌ర్‌గా నిలిచాడు. ఎస్ఆర్‌హెచ్ బౌల‌ర్ల‌లో ఇషాన్ మ‌లింగ 3 వికెట్ల‌తో ఆక‌ట్టుకోగా, నితీశ్ కుమార్ 2 వికెట్లు తీశాడు. అంత‌క‌ముందు తొలుత బ్యాటింగ్ చేసిన ఎస్ఆర్‌హెచ్ నిర్ణీత 20 ఓవ‌ర్ల‌లో 9 వికెట్ల న‌ష్టానికి 194 ప‌రుగులు చేసింది. ఓపెన‌ర్ అభిషేక్ శ‌ర్మ (59) మెరుపు అర్థ‌సెంచ‌రీతో ఆక‌ట్టుకోగా, క్లాసెన్ (59) మ‌రోసారి కీల‌క ఇన్నింగ్స్ ఆడాడు.150 పరుగుల వద్ద సీఎస్‌కే ఆరో వికెట్‌ కోల్పోయింది. 34 పరుగుల చేసిన మాథ్యూ షార్ట్‌ ఇషాన్‌ మలింగ బౌలింగ్‌లో అనికేత్‌ వర్మకు క్యాచ్‌ ఇచ్చి వెనుదిరిగాడు. 14 ఓవ‌ర్ల‌లో సీఎస్‌కే 135/514 ఓవ‌ర్లు ముగిసేస‌రికి సీఎస్‌కే ఐదు వికెట్ల న‌ష్టానికి 135 ప‌రుగులు చేసింది. మాథ్యూ షార్ట్ 32, శివ‌మ్ దూబే 10 ప‌రుగుల‌తో ఆడు తున్నారు.బ్రెవిస్‌ డకౌట్‌113 పరుగుల వద్ద సీఎస్‌కే ఐదో వికెట్‌ కోల్పోయింది. దక్షిణాఫ్రికా యువ బ్యాటర్‌ డెవాల్డ్‌ బ్రెవిస్‌ను శివాంగ్‌ డకౌట్‌గా పెవిలియన్‌ చేర్చాడు.ఎస్‌ఆర్‌హెచ్‌తో మ్యాచ్‌లో సీఎస్‌కే 112 పరుగుల వద్ద నాలుగో వికెట్‌ కోల్పోయింది. 25 పరుగులు చేసిన సర్ఫరాజ్‌ ఖాన్‌ ఇషాన్‌ మలింగ బౌలింగ్‌లో వెనుదిరిగాడు. 11 ఓవర్లు ముగిసేసరికి సీఎస్‌కే నాలుగు వికెట్ల నష్టానికి 112 పరుగులు చేసింది. 66 పరుగుల వద్ద ఎస్‌ఆర్‌హెచ్‌ మూడో వికెట్‌ కోల్పోయింది. ఇషాన్‌ మలింగ బౌలింగ్‌లో కెప్టెన్‌ రుతురాజ్‌ (19) వెనుదిరిగాడు. అంతకముందు ధాటిగా ఆడుతున్న ఆయుశ్‌ మాత్రే నితీశ్‌రెడ్డి బౌలింగ్‌లో క్లాసెన్‌కు క్యాచ్‌ ఇచ్చి వెనుదిరిగాడు.దంచికొడుతున్న సీఎస్‌కేఎస్‌ఆర్‌హెచ్‌తో మ్యాచ్‌లో సీఎస్‌కే దంచికొడుతుంది. 4 ఓవర్లు ముగిసేసరికి వికెట్‌ నష్టానికి 60 పరుగులు చేసింది. ఆయుశ్‌ మాత్రే (30), రుతురాజ్‌ (14) క్రీజులో ఉన్నారు.195 పరుగుల లక్ష్యంతో బరిలోకి దిగిన సీఎస్‌కే 15 పరుగుల వద్ద తొలి వికెట్‌ కోల్పోయింది. ఏడు పరుగులు చేసిన శాంసన్‌ నితీశ్‌కుమార్‌ రెడ్డి బౌలింగ్‌లో క్లాసెన్‌కు క్యాచ్‌ ఇచ్చి వెనుదిరిగాడు. సీఎస్‌కే టార్గెట్ 195 ప‌రుగులుసీఎస్‌కేతో జ‌రుగుతున్న మ్యాచ్‌లో ఎస్ఆర్‌హెచ్ నిర్ణీత 20 ఓవ‌ర్ల‌లో 9 వికెట్ల న‌ష్టానికి 194 ప‌రుగులు చేసింది. అభిషేక్ శ‌ర్మ (59), క్లాసెన్ (59) అర్థ‌సెంచ‌రీలతో రాణించారు. వీరిద్ద‌రు రాణించిన‌ప్ప‌టికీ మిగ‌తావారు విఫ‌లం కావ‌డంతో ఎస్ఆర్‌హెచ్ 200 స్కోరును దాట‌లేక‌పోయింది. సీఎస్‌కే బౌల‌ర్ల‌లో జేమి ఓవ‌ర్ట‌న్‌, అన్షుల్ కంబోజ్ చెరో 3 వికెట్లు ప‌డ‌గొట్టారు.ఏడో వికెట్ కోల్పోయిన ఎస్‌ఆర్‌హెచ్‌సీఎస్‌కేతో మ్యాచ్‌లో ఎస్‌ఆర్‌హెచ్ 179 పరుగుల వద్ద ఏడో వికెట్ కోల్పోయింది. 13 పరుగులు చేసిన సాహిల్ అరోరా గుర్జప్‌నీత్ సింగ్ బౌలింగ్‌లో డెవాల్డ్ బ్రెవిస్‌కు క్యాచ్ ఇచ్చి వెనుదిరిగాడు.ఎస్‌ఆర్‌హెచ్‌ 177 పరుగుల వద్ద 6వ వికెట్‌ కోల్పోయింది. 18వ ఓవర్‌లో క్లాసెన్‌ (59) కంబోజ్‌ బౌలింగ్‌లో ఔటయ్యాడు.ఎస్‌ఆర్‌హెచ్‌ 150 పరుగుల వద్ద 5వ వికెట్‌ కోల్పోయింది. 13వ ఓవర్‌లో నితీష్‌కుమార్‌ (12) ఓవర్‌టన్‌ బౌలింగ్‌లో ఔటయ్యాడు.12 ఓవర్లు ముగిసేసరికి ఎస్‌ఆర్‌హెచ్‌ 4 వికెట్ల నష్టానికి 131 పరుగులు చేసింది. క్లాసెన్‌ 30, నితీశ్‌రెడ్డి 4 పరుగులతో ఆడు తున్నారు.సీఎస్‌కేతో జరుగుతున్న మ్యాచ్‌లో ఎస్‌ఆర్‌హెచ్‌ మూడో వికెట్‌ కోల్పోయింది. 59 పరుగులు చేసిన అభిషేక్‌ శర్మ జేమీ ఓవర్టన్‌ బౌలింగ్‌లో శాంసన్‌కు క్యాచ్‌ ఇచ్చి వెనుదిరిగాడు. 8 ఓవర్లు ముగిసేసరికి ఎస్‌ఆర్‌హెచ్‌ ఎస్‌ఆర్‌హెచ్‌ మూడు వికెట్ల నష్టానికి 93 పరుగులు చేసింది.ఎస్‌ఆర్‌హెచ్‌ కెప్టెన్‌ ఇషాన్‌ కిషన్‌ గోల్డెన్‌ డకౌట్‌ అయ్యాడు. ముకేశ్‌ చౌదరీ బౌలింగ్‌లో భారీ షాట్‌కు యత్నించిన ఇషాన్‌ రుతురాజ్‌కే క్యాచ్‌ ఇచ్చి వెనుదిరిగాడు. ప్రస్తుతం ఎస్‌ఆర్‌హెచ్‌ రెండు వికెట్ల నష్టానికి 75 పరుగులు చేసింది.అభిషేక్‌ హాఫ్‌ సెంచరీ..సీఎస్‌కేతో మ్యాచ్‌లో అభిషేక్‌ శర్మ విధ్వంసం సృష్టిస్తున్నాడు. కేవలం 15 బంతుల్లోనే అర్థశతకం సాధించాడు. ప్రస్తుతం ఎస్‌ఆర్‌హెచ్‌ 6 ఓవర్లు ముగిసేసరికి వికెట్‌ నష్టపోయి 75 పరుగులు చేసింది. 22 పరుగులు చేసిన హెడ్‌ ముకేశ్‌చౌదరీ బౌలింగ్‌లో రుతురాజ్‌కు క్యాచ్‌ ఇచ్చి వెనుదిరిగాడు. 4 ఓవ‌ర్లు ముగిసేస‌రికి ఎస్ఆర్‌హెచ్ వికెట్ న‌ష్ట‌పోకుండా 38 ప‌రుగులు చేసింది. అభిషేక్ శ‌ర్మ 26, హెడ్ 11 ప‌రుగుల‌తో క్రీజులో ఉన్నారు.ఐపీఎల్‌ 2026 సీజన్‌లో భాగంగా శనివారం ఉప్పల్‌ వేదికగా 27వ మ్యాచ్‌లో సన్‌రైజర్స్‌ హైదరాబాద్‌, చెన్నై సూపర్‌కింగ్స్‌ తలపడు తున్నాయి. టాస్‌ గెలిచిన సీఎస్‌కే బౌలింగ్‌ ఎంచుకుంది. ఇరుజట్లు ఎలాంటి మార్పులు చేయలేదు. ఐపీఎల్ చ‌రిత్ర‌లో ముఖాముఖి పోరులో ఇరుజ‌ట్లు 22 సార్లు త‌ల‌ప‌డ్డాయి. ఇందులో సీఎస్‌కే 15 విజ‌యాలలు, ఎస్ఆర్‌హెచ్ 7 విజ‌యాలు సాధించాయి. చివ‌రి ఐదు మ్యాచ్‌ల విష‌యానికొస్తే ఎస్ఆర్‌హెచ్ 3, సీఎస్‌కే రెండింట నెగ్గాయి.సన్‌రైజర్స్ హైదరాబాద్: అభిషేక్ శర్మ, ట్రావిస్ హెడ్, ఇషాన్ కిషన్ (కెప్టెన్‌), హెన్రిచ్ క్లాసెన్, సలీల్ అరోరా(వికెట్‌ కీపర్‌), అనికేత్ వర్మ, నితీష్ కుమార్ రెడ్డి, శివంగ్ కుమార్, ప్రఫుల్ హింగే, సాకిబ్ హుస్సేన్, ఇషాన్ మలింగచెన్నై సూపర్ కింగ్స్ : సంజు శాంసన్ (వికెట​ కీపర్‌), రుతురాజ్ గైక్వాడ్ (కెప్టెన్‌), సర్ఫరాజ్ ఖాన్, శివమ్ దూబే, డెవాల్డ్ బ్రెవిస్, జామీ ఓవర్టన్, మాథ్యూ షార్ట్, అన్షుల్ కాంబోజ్, నూర్ అహ్మద్, ముఖేష్ చౌదరి, గుర్జప్నీత్ సింగ్

ఐపీఎల్‌-2026లో స‌న్‌రైజ‌ర్స్ హైద‌రాబాద్ మ‌రో కీల‌క పోరుకు సిద్ద‌మైంది. శ‌నివారం ఉప్ప‌ల్ స్టేడియం వేదిక‌గా చెన్నై సూప‌ర్ కింగ్స్‌తో ఎస్ఆర్‌హెచ్‌ త‌ల‌ప‌డ‌నుంది. గ‌త మ్యాచ్‌లో రాజ‌స్తాన్‌పై ఘ‌న విజ‌యం సాధించిన ఎస్ఆర్‌హెచ్.. ఇప్పుడు అదే జోరును సీఎస్‌కేపై కొన‌సాగించాల‌ని ప‌ట్టుద‌ల‌తో ఉంది.అయితే ఫిట్‌నెస్ టెస్టు క్లియ‌ర్ చేసి ఎస్ఆర్‌హెచ్ జ‌ట్టుతో క‌లిసిన కెప్టెన్ పాట్ క‌మ్మిన్స్‌.. ఈ మ్యాచ్‌కు మాత్రం అందుబాటులో లేడు. ఏప్రిల్ 25న రాజ‌స్తాన్ రాయ‌ల్స్‌తో జరిగే మ్యాచ్‌లో క‌మ్మిన్స్ ఆడ‌నున్నాడు. కాగా సీఎస్‌కేతో మ్యాచ్‌కు ఎస్ఆర్‌హెచ్ తుది జ‌ట్టులో ఓ కీల‌క మార్పు చోటు చేసుకోనున్న‌ట్లు తెలుస్తోంది.భారీగా ప‌రుగులు స‌మ‌ర్పించుకుంటున్న పేస‌ర్ ఇషాన్ మలింగ‌ను ప‌క్క‌న పెట్టాల‌ని స‌న్‌రైజ‌ర్స్ మేనెజ్‌మెంట్ నిర్ణ‌యించుకున్న‌ట్లు స‌మాచారం. గ‌త సీజ‌న్‌లో త‌న అద్భుత బౌలింగ్‌తో ఆక‌ట్టుకున్న మ‌లింగ.. ప్ర‌స్తుత సీజ‌న్‌లో మాత్రం దారుణంగా విఫ‌ల‌మ‌వుతున్నాడు.ఇప్ప‌టివ‌ర‌కు 5 మ్యాచ్‌లు ఆడిన మ‌లింగ.. 10.40 ఏకాన‌మీతో ఏకంగా 156 ప‌రుగులు స‌మ‌ర్పించుకున్నాడు. ఈ క్ర‌మంలోనే అతడి స్ధానంలో మ‌రో శ్రీలంక స్పీడ్ స్టార్ దిల్షాన్ మ‌ధుశంక‌కు అవ‌కాశ‌మివ్వాల‌ని ఎస్ఆర్‌హెచ్ భావిస్తుందంట‌. లెఫ్ట్ ఆర్మ్ పేస‌ర్ అయిన మ‌ధుశంక‌కు అద్భుత‌మైన బౌలింగ్ స్కిల్స్ ఉన్నాయి. ప‌వ‌ర్‌ప్లేతో పాటు డెత్ ఓవ‌ర్ల‌లో బౌలింగ్ చేసే స‌త్తా కూడా ఉంది. ముఖ్యంగా అత‌డు పిన్ పాయింట్ యార్క‌ర్లు బౌలింగ్ చేయ‌గ‌ల‌డు. మ‌ధుశంక ఇటీవ‌లే బ్రైడ‌న్ కార్స్ స్ధానంలో జ‌ట్టులోకి చేరాడు. గ‌త మ్యాచ్‌లో స‌త్తాచాటిన ప్రఫుల్ హింగే, సాకిబ్ హుస్సేన్‌తో మ‌ధుశంక బంతిని పంచుకునే అవ‌కాశ‌ముంది. ఒక‌వేళ న‌లుగురు పేస‌ర్ల‌తో ఎస్ఆర్‌హెచ్ ఆడాల‌ని భావిస్తే మ‌లింగ‌కు బ‌దులుగా స్పిన్న‌ర్ హ‌ర్ష్ దూబేను ప‌క్క‌న పెట్టే ఛాన్స్ ఉంది.సీఎస్‌కేతో మ్యాచ్‌కు ఎస్ఆర్‌హెచ్ తుది జట్టు(అంచ‌నా)ట్రావిస్ హెడ్‌, ఇషాన్ కిష‌న్‌( కెప్టెన్‌), హెన్రిచ్ క్లాసెన్‌, నితీష్ కుమార్ రెడ్డి, అనికేత్ వ‌ర్మ‌, స‌లీల్ అరోరా, హ‌ర్ష్ దూబే, శివంగ్ కుమార్‌, దిల్షాన్ మ‌ధుశంక‌, సాకిబ్ హుస్సేన్, ప్రఫుల్ హింగే(ఇంపాక్ట్ సబ్)చదవండి: BAN vs PAK: పాక్ క్రికెట్ బోర్డు సంచలన నిర్ణయం.. ఒకేసారి నలుగురికి!

సాక్షి, హైదరాబాద్‌: ఐపీఎల్‌లో భాగంగా ఉప్పల్‌ స్టేడియంలో మరో ఆసక్తికర సమరానికి రంగం సిద్ధమైంది. నేడు (శనివారం) జరిగే మ్యాచ్‌లో చెన్నై సూపర్‌ కింగ్స్‌తో జరిగే మ్యాచ్‌లో సన్‌రైజర్స్‌ హైదరాబాద్‌ తలపడుతుంది. సొంత మైదానంలో గత మ్యాచ్‌లో చెలరేగి రాజస్తాన్‌ను చిత్తు చేసిన రైజర్స్‌ అదే జోరును కొనసాగించి మరో విజయాన్ని తమ ఖాతాలో వేసుకోవాలని పట్టుదలగా ఉంది. మరో వైపు తొలి మూడు మ్యాచ్‌లలో ఓటముల తర్వాత కోలుకున్న సీఎస్‌కే వరుస రెండు విజయాలతో ఫామ్‌లోకి వచ్చింది. ఇరు జట్లు ఐదు మ్యాచ్‌ల తర్వాత రెండేసి విజయాలతో సమంగా ఉన్న నేపథ్యంలో పైచేయి ఎవరు సాధిస్తారనేది చూడాలి. 2025 సీజన్‌లో హైదరాబాద్, చెన్నై మధ్య ఉప్పల్‌ స్టేడియంలో మ్యాచ్‌ జరగలేదు. కుర్రాళ్లు మళ్లీ చెలరేగేనా... గత మ్యాచ్‌లో యువ బౌలర్లు ప్రఫుల్‌ హింగే, సాకిబ్‌ హుస్సేన్‌ పదునైన బౌలింగ్‌తో సన్‌రైజర్స్‌ను గెలిపించారు. ఉప్పల్‌ స్టేడియంలో వీరిద్దరు మళ్లీ అదే తరహా ప్రదర్శనను పునరావృతం చేయాలని జట్టు కోరుకుంటోంది. స్పిన్నర్లు శివాంగ్, హర్ష్ దూబే కూడా ప్రత్యర్థిని నిలువరించగలరు. అయితే మెరుగైన బౌలింగ్‌ వనరులు కనిపిస్తున్నా...టీమ్‌ మళ్లీ తమ బ్యాటింగ్‌ బలాన్నే నమ్ముకుంది. ఈ సీజన్‌లో సొంతగడ్డపై రెండు మ్యాచ్‌లలో ‘డకౌట్‌’ అయిన అభిషేక్‌ శర్మ ఈ సారైనా చెలరేగాలని మేనేజ్‌మెంట్‌ కోరుకుంటోంది. హెడ్‌ కూడా ఇంకా తన స్థాయి ప్రదర్శనను చూపించలేదు. కెప్టెన్‌ ఇషాన్‌ కిషన్‌ అద్భుత ఫామ్‌లో ఉండటం సానుకూలాంశం. రెండు మ్యాచ్‌లలో కీలక భాగస్వామ్యాలతో జట్టును ఆదుకున్న క్లాసెన్, నితీశ్‌ కుమార్‌ రెడ్డి మళ్లీ సత్తా చాటాల్సి ఉంది. ముఖ్యంగా క్లాసెన్‌ స్ట్రయిక్‌రేట్‌లో గతంతో పోలిస్తే తక్కువగా ఉంటోంది. దీనిని అతను అధిగమిస్తే భారీ ఇన్నింగ్స్‌ ఖాయం. నితీశ్‌ మాత్రం ప్రతీ మ్యాచ్‌లో అంచనాలను అందుకుంటున్నాడు. రుతురాజ్‌ రాణించేనా... చెన్నై గత రెండు విజయాల్లో ఓపెనర్‌గా సంజు సామ్సన్‌ కీలక పాత్ర పోషించగా, యువ బ్యాటర్‌ ఆయుశ్‌ మాత్రమే చక్కటి ఇన్నింగ్స్‌లు ఆడాడు. బ్రెవిస్, సర్ఫరాజ్‌ కూడా అంచనాలకు అనుగుణంగా దూకుడుగా ఆడుతున్నారు. టాప్‌–5లో ఈ నలుగురు బ్యాటింగ్‌తోనే సీఎస్‌కే మెరుగైన ఫలితాలు రాబట్టగలిగింది. అయితే జట్టును ఆందోళనపరుస్తున్న అంశం కెప్టెన్‌ రుతురాజ్‌ ఫామ్‌ మాత్రమే. ఐదు మ్యాచ్‌లలో రుతురాజ్‌ వరుసగా 6, 28, 7, 15, 7 పరుగులు మాత్రమే సాధించాడు. ఇలాంటి స్థితిలో కెప్టెన్‌నుంచి ఒక మంచి ఇన్నింగ్స్‌ను జట్టు కోరుకుంటోంది. చివర్లో దూబే, ఒవర్టన్‌ కూడా ధాటిగా ఆడితే చెన్నై భారీ స్కోరు చేయడం ఖాయం. బౌలింగ్‌లో సీఎస్‌కే కొంత బలహీనంగానే కనిపిస్తోంది. స్పిన్నర్లు నూర్, అకీల్‌ మెరుగ్గానే బౌలింగ్‌ చేస్తున్నా...పేసర్లు గుర్‌జప్‌నీత్‌ సింగ్, ఒవర్టన్, కంబోజ్‌ భారీగా పరుగులిస్తున్నారు. ఈ సీజన్‌లో మెరుగ్గా ఆడిన ఖలీల్‌ అహ్మద్‌ గాయంతో టోర్నీకి దూరం కావడం చెన్నైని ఇబ్బంది పెట్టే అంశం. అతని స్థానంలో ఎవరికి చోటిస్తారనేది చూడాలి. ఐపీఎల్‌లో నేటి మరో మ్యాచ్‌బెంగళూరు X ఢిల్లీ వేదిక: బెంగళూరుమధ్యహ్నం 3: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

సాక్షి, హైదరాబాద్‌: ఐపీఎల్‌లో భాగంగా ఉప్పల్‌ స్టేడియంలో శనివారం సన్‌రైజర్స్‌ హైదరాబాద్, చెన్నై సూపర్‌ కింగ్స్‌ జట్ల మధ్య జరిగే మ్యాచ్‌ అమితాసక్తిని రేపుతోంది. గత మ్యాచ్‌లో గెలిచిన హైదరాబాద్‌ అదే జోరును కొనసాగించాలని భావిస్తుండగా...వరుసగా రెండు విజయాల తర్వాత చెన్నై కూడా అమితోత్సాహంతో బరిలోకి దిగనుంది. అయితే స్టార్‌ ప్లేయర్‌ మహేంద్ర సింగ్‌ ధోని ఈ మ్యాచ్‌లోనైనా ఆడతాడా లేదా అనేదే అందరిలోనూ ఆసక్తి రేకెత్తిస్తున్న అంశం. గాయంతో బాధపడుతున్న ధోని ఇప్పటి వరకు సీఎస్‌కే ఆడిన ఐదు మ్యాచ్‌లలో కూడా బరిలోకి దిగలేదు. కోల్‌కతాతో జరిగిన గత మ్యాచ్‌కు ముందు ధోని సుదీర్ఘ సమయం పాటు నెట్స్‌లో ప్రాక్టీస్‌ చేశాడు. మ్యాచ్‌ ఆడకపోయినా పూర్తి ఫిట్‌గా కనిపించాడు. చెన్నైలో ఆగిపోకుండా అతను హైదరాబాద్‌కు రావడంతోనే మ్యాచ్‌ ఆడతాడనే అంచనాలు పెరిగాయి. గురువారం ఫ్యామిలీతో కలిసి నగరానికి వచ్చిన ధోనిని చూసేందుకు శంషాబాద్‌ విమానాశ్రయంలో అభిమానులు పెద్ద సంఖ్యలో ఎగబడ్డారు.

ఐపీఎల్ 2026 సీజన్‌లో చెన్నై సూపర్‌కింగ్స్ (సీఎస్‌కే) మాజీ కెప్టెన్ ఎంఎస్ ధోని తొలి మ్యాచ్ ఆడేందుకు సిద్ధమవుతున్నాడు. ఆరంభంలో తడబడినప్పటికీ వరుసగా రెండు విజయాలు నమోదు చేసిన సీఎస్‌కే గాడిన పడింది. ఈ నేపథ్యంలో శుక్రవారం సన్‌రైజర్స్ హైదరాబాద్ (ఎస్‌ఆర్‌హెచ్‌), సీఎస్‌కే మధ్య ఉప్పల్ వేదికగా మ్యాచ్ జరగనుంది. అయితే ఈ మ్యాచ్‌లో ధోని బరిలోకి దిగుతాడా లేదా అనేది స్పష​త రాలేదు. కానీ ధోని మాత్రం జ‌ట్టుతో క‌లిసి హైద‌రాబాద్ చేరుకున్నాడు. దీనికి సంబంధించిన ఫొటోలు సోష‌ల్ మీడియాలో చ‌క్క‌ర్లు కొడుతున్నాయి. అంత‌క‌ముందు చెన్నై నుంచి హైదరాబాద్‌కు బ‌యల్దేరిన సీఎస్‌కే జట్టు ఫొటోలు, ధోని వీడియోనూ చెన్నై సూప‌ర్‌కింగ్స్ ప్ర‌త్యేకంగా పంచుకుంది. ‘మేము వస్తున్నాం, హైదరాబాద్‌’ అని తెలుగులో క్యాప్షన్‌ జత చేసింది. ఆ వీడియోలో ధోని సింహంలా న‌డుచుకుంటూ రాగా.. ధోని ముందు, వెనుక సెక్యూరిటీ బందోబ‌స్తు గ‌ట్టిగా క‌నిపిస్తోంది. ఇక ఎస్‌ఆర్‌హెచ్‌, సీఎస్‌కే మ్యాచ్‌కు సంబంధించి టికెట్ల‌న్నీ ఇప్ప‌టికే అమ్ముడ‌య్యాయి. కేవ‌లం ధోనిని చూసేందుకే అభిమానులు భారీగా త‌ర‌లిరానున్నారు. మ్యాచ్‌లో ఆడినా ఆడ‌క‌పోయినా త‌లా ఒక్క‌సారి మైదానంలో ద‌ర్శ‌నమిస్తే చాలని ఫ్యాన్స్ భావిస్తున్నారు. అయితే ఏప్రిల్ 23న ముంబై ఇండియ‌న్స్‌తో మ్యాచ్‌లో మాత్రం ధోని బ‌రిలోకి దిగ‌నున్న‌ట్లు అధికారికంగా స‌మాచారం అందింది. ఒక‌వేళ ధోని జ‌ట్టులోకి వ‌స్తే మాత్రం స‌ర్ఫ‌రాజ్‌ఖాన్ డ‌గౌట్‌కు ప‌రిమితం కావాల్సి ఉంటుంది. ఇక సీఎస్‌కే ఈ సీజ‌న్‌లో 5 మ్యాచ్‌ల్లో 2 విజ‌యాలు, మూడు ఓట‌ముల‌తో 8వ స్థానంలో ఉంది. మ‌రోవైపు ఎస్ఆర్‌హెచ్ కూడా 5 మ్యాచ్‌ల్లో రెండు విజ‌యాలు, మూడు ఓట‌ముల‌తో ఉన్న‌ప్ప‌టికీ, మెరుగైన ర‌న్‌రేట్ కార‌ణంగా ప‌ట్టిక‌లో నాలుగో స్థానంలో కొన‌సాగుతుంది.🚨 IT'S OFFICIAL MS DHONI IS TRAVELING TO HYDERABAD WITH THE CSK TEAM pic.twitter.com/lXc4qHavBp— ` (@WorshipDhoni) April 16, 2026𝙈𝙚𝙢𝙪 𝙫𝙖𝙨𝙩𝙪𝙣𝙣𝙖𝙢, Hyderabad 🥳🦁#WhistlePodu #Yellove pic.twitter.com/oIT9uwxnTm— Chennai Super Kings (@ChennaiIPL) April 16, 2026చదవండి: ఎంసీఏ కీలక నిర్ణయం.. క్రికెట్‌ చరిత్రలో తొలిసారి!

సన్‌రైజర్స్‌ హైదరాబాద్‌ అభిమానులకు శుభవార్త. ఆ జట్టు రెగ్యులర్‌ కెప్టెన్‌ పాట్‌ కమిన్స్‌ రేపు (ఏప్రిల్‌ 17) భారత్‌కు వస్తున్నాడు. అయితే అతను వచ్చీ రాగానే ఏప్రిల్‌ 18న సీఎస్‌కేతో జరిగే మ్యాచ్‌కు అందుబాటులో ఉండడు. ఏప్రిల్‌ 21న ఢిల్లీ క్యాపిటల్స్‌తో జరిగే మ్యాచ్‌కు కూడా అనుమానమే అని తెలుస్తుంది. అయితే, ఏప్రిల్‌ 25న రాజస్థాన్‌ రాయల్స్‌తో జరిగే మ్యాచ్‌లో మాత్రం తప్పక ఆడే అవకాశం ఉంటుంది. కాగా, కమిన్స్‌ గాయం (recurring back injury) కారణంగా లీగ్‌ ప్రారంభానికి ముందే స్కాన్ల కోసం స్వదేశానికి వెళ్లాడు. బుధవారం చేసిన స్కాన్‌లు అతని గాయం పూర్తిగా పరిష్కారమైందని నిర్ధారించాయి. దీంతో క్రికెట్‌ ఆస్ట్రేలియా అతనికి ఐపీఎల్‌ 2026లో ఆడేందుకు అనుమతినిచ్చింది.గాయం కారణంగా కమిన్స్‌ గతేడాది యాషెస్‌ సిరీస్‌ తర్వాత ఒక్క మ్యాచ్‌ కూడా ఆడలేదు. టీ20 ప్రపంచకప్‌ను కూడా మిస్‌ అయ్యాడు. ఇప్పుడు ఐపీఎల్‌ రెండో అర్ధభాగంలో ఆడేందుకు సిద్ధమయ్యాడు. కమిన్స్‌ గైర్హాజరీలో ఇషాన్‌ కిషన్‌ ఎస్‌ఆర్‌హెచ్‌కు కెప్టెన్‌గా వ్యవహరిస్తున్నాడు.ఈ సీజన్‌లో ఎస్‌ఆర్‌హెచ్‌ ఇప్పటివరకు ఆడిన 5 మ్యాచ్‌ల్లో 2 విజయాలు సాధించి పాయింట్ల పట్టికలో నాలుగో స్థానంలో కొనసాగుతోంది. ఎస్‌ఆర్‌హెచ్‌ తాజాగా ఓటమెరుగని రాజస్థాన్‌ రాయల్స్‌పై సంచలన విజయం సాధించి, ఈ సీజన్‌లో వారికి ఓటమి రుచి చూపించింది. ఆ మ్యాచ్‌లో ప్రఫుల్‌ హింగే, సాకిబ్‌ హుస్సేన్‌ అనే అరంగేట్రం పేసర్లు చెలరేగిపోయారు. తలో 4 వికెట్లు తీసి పటిష్టమైన రాయల్స్‌ బ్యాటింగ్‌ లైనప్‌ను కుప్పకూల్చారు.ఈ మ్యాచ్‌కు ముందు వరకు ఎస్‌ఆర్‌హెచ్‌ బౌలింగ్‌ చాలా బలహీనంగా ఉండింది. హింగే, సకీబ్‌ రాక.. త్వరలో కమిన్స్‌ చేరిక తదుపరి మ్యాచ్‌ల్లో ఎస్‌ఆర్‌హెచ్‌ ఫేట్‌ను మార్చే అవకాశం ఉంది. బ్యాటింగ్‌లో ఇషాన్‌, క్లాసెన్‌ ఫామ్‌ సంతృప్తినిస్తున్నా.. అభిషేక్‌, హెడ్‌ నిలకడలేమి కలవరపెడుతుంది. స్టాండ్‌ ఇన్‌ కెప్టెన్‌గా ఇషాన్‌ మంచి మార్కులు సాధించాడు. గత మ్యాచ్‌లో అతను హింగే, సకిబ్‌ లాంటి యువ టాలెంట్‌ను పరిచయ​ం చేసి మార్కులు కొట్టేశాడు.

ఐపీఎల్ 2026 సీజన్‌లో రాజస్తాన్ రాయల్స్‌పై గెలిచి రెండో విజయాన్ని నమోదు చేసుకుంది. తాజాగా ఎస్‌ఆర్‌హెచ్ బౌలర్ బైడన్ కార్స్ గాయం కారణంగా టోర్నీ మొత్తానికి దూరమయ్యాడు. దీంతో ఎస్‌ఆర్‌హెచ్ ఫ్రాంచైజీ కీలక నిర్ణయం తీసుకుంది. గాయంతో సీజన్ మొత్తానికి దూరమైన బ్రైడన్ కార్స్ స్థానాన్ని శ్రీలంక పేసర్ దిల్షాన్ మధుషంకతో భర్తీ చేస్తున్నట్లు తెలిపింది. పేస్ అటాక్‌లో కార్స్ కీలకం అవుతాడని భావించిన మేనేజ్‌మెంట్‌కు ఇది ఊహించని దెబ్బ. కానీ ఏమాత్రం ఆలస్యం చేయని ఎస్‌ఆర్‌హెచ్ యాజమాన్యం మదుషంక రూపంలో బ్రైడన్ కార్స్‌కు సరైన ప్రత్యామ్నాయంగా ఎంచుకొంది. కాగా మ‌ధుషంక‌ను ఎస్ఆర్‌హెచ్ రూ. 75 ల‌క్ష‌ల బేస్ ప్రైస్‌కే జాయిన్ అవ్వ‌నున్నాడు. ఈ నేపథ్యంలో దిల్షాన్ మధుషంకను ఎస్‌ఆర్‌హెచ్ క్యాంప్‌లోకి ఆహ్వానిస్తున్నట్లు తమ ఎక్స్‌లో పేర్కొంది. మధుషంక చేరికతో హైదరాబాద్ బౌలింగ్ దళం మరింత పటిష్టంగా మారిందనే చెప్పాలి. ఒక లెఫ్టార్మ్ పేసర్‌గా పవర్‌ప్లేలో బంతిని స్వింగ్ చేస్తూ వికెట్లు తీయగల నైపుణ్యం అతనికి ఉంది.గతంలో అంతర్జాతీయ క్రికెట్‌తో పాటు పలు లీగ్‌లలో కూడా తన మార్క్ చూపించిన ఈ లంక బౌలర్ రాకను అభిమానులు స్వాగతిస్తున్నారు. మ‌ధుషంక లంక త‌ర‌ఫున 28 వ‌న్డేలు, 19 టీ20, ఒక టెస్టు మ్యాచ్ ఆడాడు. ప్ర‌ఫుల్ హింగే, సాకిబ్‌హుస్సేన్ వంటి యంగ్ బౌల‌ర్ల‌కు తోడుగా మ‌ధుషంక జ‌త‌వ్వ‌డం జ‌ట్టుకు అద‌న‌పు బ‌లం. మరి మ‌ధుషంక చేరిక‌తో ఆరెంజ్ ఆర్మీ బౌలింగ్ బ‌ల‌పడిన‌ట్లే.Dilshan Madushanka joins the squad as a replacement for Brydon Carse, who is ruled out due to injury.Welcome, Dilshan 🧡 pic.twitter.com/zJQWtbXVZt— SunRisers Hyderabad (@SunRisers) April 14, 2026

ఆర్మీలో చేరి దేశానికి సేవ చేయాలనే ఉద్దేశంతో చిన్నప్పటి నుంచే గ్రౌండ్‌లో పరిగెత్తడం మొదలుపెట్టాడు. అలా పరిగెత్తే క్రమంలో స్పైక్ షూ ఉంటే మరింత బాగా పరిగెత్తగలవని ఎవరో చెబితే విన్నాడు. కానీ కుటుంబ ఆర్థిక పరిస్థితి దయనీయంగా ఉండడంతో ఎక్కడ క్రికెట్ టోర్నీ జరిగినా అక్కడ వాలిపోయేవాడు. ఎందుకంటే వాళ్లిచ్చే 500 లేదా వెయ్యి రూపాయలు స్పైక్ షూ కొనుగోలుకు ఉపయోగపడుతాయని ఆ కుర్రాడి ఆరాటం. అయితే తల్లికి విషయం తెలిసి తనకున్న నగలు అమ్మి స్పైక్ షూ కొని కొడుకు కోరిక తీర్చింది. ఇలా కష్టాల సుడిగుండాలను చిన్నతనంలోనే అనుభవించి, ఇవాళ వాటిని దాటుకొని ఐపీఎల్‌లో అవకాశం దక్కించుకొని రైజింగ్ స్టార్ అయ్యాడు సాకిబ్ హుస్సేన్‌.ఐపీఎల్ 2026 సీజ‌న్‌లో స‌న్‌రైజ‌ర్స్ హైద‌రాబాద్ (ఎస్ఆర్‌హెచ్‌) రెండో విజ‌యాన్ని న‌మోదు చేసిన సంగ‌తి తెలిసిందే. 217 ప‌రుగుల భారీ ల‌క్ష్యంతో బ‌రిలోకి దిగిన రాజ‌స్తాన్ ఎస్ఆర్‌హెచ్ బౌల‌ర్ల ధాటికి 159 ప‌రుగుల‌కే కుప్ప‌కూలి ప‌రాజ‌యాన్ని మూటగ‌ట్టుకుంది. రాజ‌స్తాన్ ఓట‌మికి ఇద్ద‌రు బౌల‌ర్లు ప్రధాన కార‌ణంగా నిలిచారు. వారిలో ఒక‌రు ప్ర‌ఫుల్ హింగే అయితే.. రెండో వ్య‌క్తి సాకిబ్ హుస్సేన్‌. ఇద్ద‌రికీ ఇదే తొలి ఐపీఎల్ మ్యాచ్ కావ‌డం, ఈ ఇద్ద‌రు చెరో నాలుగు వికెట్లు తీయ‌డం విశేషం. అయితే ప్ర‌ఫుల్ హింగేతో పోలిస్తే ఎకాన‌మీ ప‌రంగా సాకిబ్ హుస్సేన్ ఒక మెట్టు పైనే ఉంటాడు. జైస్వాల్‌, ఆర్చ‌ర్‌, ఫెరీరా, బిష్ణోయ్ వికెట్ల‌ను ఖాతాలో వేసుకున్న సాకిబ్ హుస్సేన్ 4 ఓవ‌ర్ల‌లో 24 ప‌రుగులిచ్చి 4 వికెట్లు తీశాడు. ఇక ప్ర‌ఫుల్ హింగే 4 ఓవ‌ర్ల‌లో 34 ప‌రుగులిచ్చి 4 వికెట్లు ప‌డ‌గొట్టాడు. అయితే ఇన్నింగ్స్ తొలి ఓవ‌ర్లోనే మూడు వికెట్లు తీసి సంచ‌ల‌న ప్ర‌ద‌ర్శ‌న చేసిన ప్ర‌ఫుల్ హింగే గురించి సోష‌ల్ మీడియాలో ఎక్కువ‌గా చ‌ర్చించుకున్నారు. కానీ అత‌నితో స‌మానంగా సాకిబ్ హుస్సేన్ ప్ర‌ద‌ర్శ‌న‌ను కూడా గుర్తించాల్సిన అవ‌స‌ర‌ముంది.సైన్యంలో చేరాలనుకొని..బీహార్‌కు చెందిన అహ్మద్ హుస్సేన్‌, సుబుక్తారా ఖతాన్ దంపతులకు సాకిబ్ హుస్పేన్ 2004లో జన్మించాడు. వ్యవసాయ ఆధారిత కుటుంబం కావడంతో చిన్నప్పటి నుంచే సాకిబ్ తండ్రికి చేదోడు వాదోడుగా ఉండేవాడు. అయితే ఆర్మీలో జాయిన్ అయ్యి దేశానికి సేవ చేయాలని సాకిబ్ పరితపించేవాడు. సైన్యంలో చేరేందుకు సమీప గ్రౌండ్‌లో రన్నింగ్‌కు వెళ్లేవాడు. అప్పుడే క్రికెట్ ఆడడం మొదలుపెట్టాడు. రన్నింగ్ బాగా చేయాలంటే స్పైక్ షూ అవసరమని గుర్తించిన సాకిబ్ తన ఆర్థిక పరిస్థితి గురించి అవగాహన ఉండడంతో ఇంట్లోవాళ్లను అడగడం ఇష్టం లేక టెన్నిస్ బాల్ క్రికెట్‌ టోర్నీల్లో పాల్గొనేవాడు. వారిచ్చే 500 లేదా వెయ్యి రూపాయలు దాచుకునేవాడు. తల్లి నగలు అమ్మి..అయితే స్పైక్ షూ కొనడానికి డబ్బులు చాలా కావాలని భావించిన సాకిబ్ తన మనసులోని మాటను కన్నతల్లికి చెప్పడం, ఆ తల్లి తనకున్న కొద్దిపాటి నగలు అమ్మి కొడుకు కోరికను తీర్చింది. ఆ తర్వాత పూర్తిగా క్రికెట్‌పై దృష్టి సారించడంతో సాకిబ్ హుస్సేన్‌కు 17 ఏళ్ల వయసులో సయ్యద్ ముస్తాక్ అలీ ట్రోఫీలో అవకాశం లభించింది. 2022-23 సీజన్ సయ్యద్ ముస్తాక్ అలీ ట్రోఫీలో బీహార్ తరఫున రైట్ ఆర్మ్ పేసర్‌గా అరంగేట్రం చేశాడు. తన రెండో మ్యాచ్‌లోనే 20 పరుగులిచ్చి 4 వికెట్లు తీసి సాకిబ్ అందరి దృష్టిని ఆకర్షించాడు.ఇక 2025-26 రంజీ సీజన్‌లో బీహార్ తరఫున ఆడిన సాకిబ్ అరుణాచల్ ప్రదేశ్‌తో జరిగిన మ్యచ్‌లో 41 పరుగులకే 6 వికెట్లు తీసి ఆకట్టుకున్నాడు. ఇక ఐపీఎల్ 2024 సీజన్‌కు ముందు తొలిసారి సాకిబ్ వేలంలోకి వచ్చినప్పటికీ అన్‌సోల్డ్‌గా మిగిలిపోయాడు. అయితే దేశవాలీ టోర్నీల్లో 140 ప్లస్‌కు తగ్గకుండా బౌలింగ్ వేస్తున్న విషయాన్ని గుర్తించిన కోల్‌కతా నైట్‌రైడర్స్ ఫ్రాంచైజీ అతడిని తీసుకుంది. కానీ ఒక్క మ్యాచ్ కూడా అవకాశం రాలేదు. 2025 మెగా వేలానికి ముందు కేకేఆర్ అతడిని వదిలిపెట్టింది. వరుణ్‌ ఆరోన్‌ దృష్టిలో పడి..అయితే ఆత్మవిశ్వాసం కోల్పోకుండా తనను తాను మరింత సాన పెట్టుకునే ప్రయత్నం చేస్తూ వచ్చాడు. ఈ నేపథ్యంలోనే ఎస్‌ఆర్‌హెచ్ బౌలింగ్ లైనప్‌లో కుర్రాళ్లు కావాలని వరుణ్ ఆరోన్ తన వేటను ప్రారంభించాడు. రంజీ ట్రోఫీలో అరుణాచల్ ప్రదేశ్‌పై 6 వికెట్ల సంచలన ప్రదర్శన నమోదు చేసిన సాకిబ్ హుస్సేన్ వరుణ్ ఆరోన్‌ను ఆకర్షించాడు. అలా గతేడాది మినీ వేలంలో సాకిబ్ హుస్సేన్‌ను ఎస్‌ఆర్‌హెచ్ రూ. 30 లక్షల బేస్ ప్రైస్‌కు దక్కించుకుంది. తాజాగా రాజస్తాన్ రాయల్స్‌తో మ్యాచ్‌లో తనకు వచ్చిన అవకాశాన్ని రెండు చేతులా ఒడిసిపట్టి విజయంలో కీలకపాత్ర పోషించాడు సాకిబ్ హుస్సేన్‌.Another debutant making his mark ✅🎥 Glimpses of Sakib Hussain’s 4/24 in his first outing in #TATAIPL 🔥Updates ▶️ https://t.co/xGTDdKbXpY#KhelBindaas | #SRHvRR | @sunrisers pic.twitter.com/ByAMDOgJiB— IndianPremierLeague (@IPL) April 13, 2026A NIGHT FOR THE DEBUTANTS! 🤩Praful Hinge and Sakib Hussain giving #TATAIPL fans a game to remember 🤜🤛Watch Hussain's spell ▶️ https://t.co/pFEeR4dHxD#KhelBindaas | #SRHvRR | @SunRisers pic.twitter.com/YBpnrflB7o— IndianPremierLeague (@IPL) April 13, 2026చదవండి: తొలి బౌల‌ర్‌గా రికార్డు.. ఎవ‌రీ ప్ర‌ఫుల్ హింగే!

ఐపీఎల్‌ 2026లో భాగంగా నిన్న (ఏప్రిల్‌ 13) జరిగిన మ్యాచ్‌లో రాజస్థాన్‌ రాయల్స్‌ సన్‌రైజర్స్‌ హైదరాబాద్‌ చేతిలో ఘోర పరాజయాన్ని ఎదుర్కొంది. ప్రఫుల్‌ హింజ్‌ (4-0-34-4), సకిబ్‌ హెస్సేన్‌ (4-0-24-4) అనే ఇద్దరు అరంగేట్రం పేసర్లు రాయల్స్‌ జైత్రయాత్రను బ్రేక్‌ చేసి సన్‌రైజర్స్‌కు అద్భుత విజయాన్నందించారు. ఈ క్రమంలో హింజ్‌ ఓ చారిత్రక రికార్డు నమోదు చేశాడు. 19 ఏళ్ల ఐపీఎల్‌ చరిత్రలో తొలి ఓవర్‌లోనే 3 వికెట్లు తీసిన తొలి బౌలర్‌గా రికార్డు నెలకొల్పాడు.హింజ్‌ ధాటికి రాజస్థాన్‌ రాయల్స్‌ తొలి ఓవర్‌లోనే మూడు వికెట్లు కోల్పోయింది. అతనికి సకిబ్‌ కూడా జత కావడంతో రాయల్స్‌ 9 పరుగులకే 5 వికెట్లు కోల్పోయి చారిత్రక పతనం దిశగా సాగింది. అయితే రవీంద్ర జడేజా (45), డొనొవన్‌ ఫెరియెరా (69) అనూహ్యంగా ప్రతిఘటించి ఆ పతనాన్ని వాయిదా వేశారు. ఈ క్రమంలో రాజస్థాన్‌ రాయల్స్‌ ఓ చారిత్రక రికార్డు నెలకొల్పింది.ఐపీఎల్‌ చరిత్రలో మొదటి 5 వికెట్లు 20 పరుగుల లోపే కోల్పోయిన తర్వాత కూడా జట్టు స్కోర్‌ 150 పరుగుల మార్క్‌ను దాటిన తొలి జట్టుగా రికార్డు సృష్టించింది. సన్‌రైజర్స్‌ నిర్దేశించిన 217 పరుగుల లక్ష్య ఛేదనలో జడేజా, ఫెరియెరా ప్రతిఘటించడంతో రాయల్స్‌ 159 పరుగులకు ఆలౌటై, 57 పరుగుల తేడాతో పరాజయంపాలైంది. ఈ లెక్కన రాయల్స్‌ ఓటమిలోనూ చరిత్ర సృష్టించింది.ఈ సీజన్‌లో రాయల్స్‌కు ఇదే తొలి ఓటమి. వరుస విజయాలతో దూసుకుపోతున్న ఆ జట్టుకు సన్‌రైజర్స్‌ తమ సొంతగడ్డపై బ్రేకులు వేసింది. టాస్‌ ఓడి తొలుత బ్యాటింగ్‌ చేసిన సన్‌రైజర్స్‌.. ఇషాన్‌ కిషన్‌ (91) శివాలెత్తడంతో నిర్ణీత 20 ఓవర్లలో 6 వికెట్ల నష్టానికి 216 పరుగులు చేసింది. క్లాసెస్‌ (40) ఓ మోస్తరుగా రాణించగా.. ఆఖర్లో సలీల్‌ అరోరా (24 నాటౌట్‌), నితీశ్‌ కుమార్‌ రెడ్డి (28) బ్యాట్‌ ఝులిపించారు.అనంతరం లక్ష్య ఛేదనలో హింజ్‌, సకిబ్‌ ధాటికి విలవిలలాడిపోయిన రాజస్థాన్‌ రాయల్స్‌ అతికష్టం మీద 19 ఓవర్లలో 159 పరుగులు చేసి ఆలౌటైంది. హింజ్‌, సకిబ్‌కు ఎషాన్‌ మలింగ (4-0-31-2) కూడా సహకరించాడు. రాయల్స్‌ తరఫున ఆఖర్లో తుషార్‌ దేశ్‌పాండే (25) సైతం బ్యాట్‌ ఝులిపించాడు. అయితే అప్పటికే రాయల్స్‌ ఓటమి ఖరారైపోయింది.

217 పరుగుల లక్ష్యఛేదన... అందరి కళ్లూ చిచ్చరపిడుగు వైభవ్‌ సూర్యవంశీపైనే... ఎన్ని సిక్సర్లు కొడతాడు, రాజస్తాన్‌ ఎంత వేగంగా విజయం సాధిస్తుందనేదానిపైనే చర్చ... కానీ సన్‌రైజర్స్‌ పేసర్‌ ప్రఫుల్‌ హింగే ఒక్కసారిగా దూసుకొచ్చాడు. రెండో బంతికే వైభవ్‌ డకౌట్‌... నాలుగో బంతికి జురేల్‌ డకౌట్‌... చివరి బంతికి ప్రిటోరియస్‌ డకౌట్‌... ఐపీఎల్‌ చరిత్రలో తొలి ఓవర్లోనే 3 వికెట్లు పడటం మొదటిసారి కాగా, అరంగేట్ర మ్యాచ్‌లోనే ఈ ఘనత సాధించిన తొలి బౌలర్‌గా ప్రఫుల్‌ చరిత్రకెక్కాడు. ఆపై రాజస్తాన్‌ స్కోరు 3 ఓవర్లలో 9 పరుగులకే 5 వికెట్లు. అంతే... అక్కడే సన్‌రైజర్స్‌ మ్యాచ్‌ గెలిచేసింది... మిగతా ఆటంతా ఇక లాంఛనంగానే మిగిలింది. సాక్షి, హైదరాబాద్‌: ఐపీఎల్‌ తాజా సీజన్‌లో రెండు సార్లు 200కుపైగా స్కోరు చేసి కూడా ఓటమిని మూటగట్టుకున్న సన్‌రైజర్స్‌ హైదరాబాద్‌ ఈసారి భారీ స్కోరును కాపాడుకుంది. అయితే జట్టు బలహీనతగా కనిపించిన బౌలింగ్‌ విభాగం ఇప్పుడు మ్యాచ్‌ను గెలిపించింది. సోమవారం ఉప్పల్‌ స్టేడియంలో జరిగిన పోరులో ఇషాన్‌ కిషన్‌ బృందం 57 పరుగుల తేడాతో రాజస్తాన్‌ రాయల్స్‌పై ఘన విజయం సాధించింది. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ 20 ఓవర్లలో 6 వికెట్ల నష్టానికి 216 పరుగులు చేసింది. కెప్టెన్‌ ఇషాన్‌ కిషన్‌ (44 బంతుల్లో 91; 8 ఫోర్లు, 6 సిక్స్‌లు) చెలరేగగా... హెన్రిచ్‌ క్లాసెన్‌ (26 బంతుల్లో 40; 1 ఫోర్, 3 సిక్స్‌లు) రాణించాడు. అనంతరం రాజస్తాన్‌ 19 ఓవర్లలో 159 పరుగులకే ఆలౌటైంది. డొనొవాన్‌ ఫెరీరా (44 బంతుల్లో 69; 7 ఫోర్లు, 3 సిక్స్‌లు), రవీంద్ర జడేజా (32 బంతుల్లో 45; 5 ఫోర్లు) మినహా అంతా విఫలమయ్యారు. వీరిద్దరు ఆరో వికెట్‌కు 72 బంతుల్లో 118 పరుగులు జోడించి పోరాడినా అది సరిపోలేదు. కీలక భాగస్వామ్యం... అభిషేక్‌ శర్మ (0) వెనుదిరిగిన తర్వాత ట్రవిస్‌ హెడ్‌ (18) కూడా పెద్దగా ప్రభావం చూపలేకపోయాడు. అయితే ఇషాన్‌ మెరుపు బ్యాటింగ్‌ను ప్రదర్శించాడు. ఆర్చర్‌ ఓవర్లో 4, 6 కొట్టిన అతను బర్గర్, సందీప్‌ ఓవర్లలో ఒక్కో సిక్స్‌ బాదాడు. పవర్‌ప్లేలో జట్టు 51 పరుగులు చేయగలిగింది. ఇషాన్, క్లాసెన్‌ భాగస్వామ్యంలో రైజర్స్‌ ఇన్నింగ్స్‌ దూసుకుపోయింది. వీరిద్దరు మూడో వికెట్‌కు 39 బంతుల్లోనే 88 పరుగులు జోడించారు. బిష్ణోయ్‌ ఓవర్లో సిక్స్‌తో 30 బంతుల్లో కిషన్‌ అర్ధ సెంచరీ పూర్తి చేసుకున్నాడు. ఆ తర్వాత తుషార్‌ వేసిన ఓవర్లో మూడు ఫోర్లు, సిక్స్‌తో చెలరేగిపోయిన కిషన్‌... ఆ తర్వాత ఆర్చర్‌ ఓవర్లో వరుసగా మూడు ఫోర్లు బాదాడు. అయితే సెంచరీకి చేరువలో అతని ఇన్నింగ్స్‌ ముగిసింది. ఆ తర్వాత కొద్ది సేపటికే క్లాసెన్‌ కూడా అవుట్‌ కాగా, నితీశ్‌ కుమార్‌ రెడ్డి (13 బంతుల్లో 28; 4 సిక్స్‌లు) దూకుడుతో స్కోరు 200కు చేరువైంది. చివర్లో సలీల్‌ అరోరా (13 బంతుల్లో 24 నాటౌట్‌; 2 ఫోర్లు, 2 సిక్స్‌లు) మరికొన్ని కీలక పరుగులు జోడించాడు. అభిషేక్‌ మళ్లీ డకౌట్‌... సన్‌రైజర్స్‌ ఓపెనర్‌ అభిషేక్‌ శర్మ హైదరాబాద్‌ అభిమానులను మరోసారి తీవ్రంగా నిరాశపర్చాడు. సొంత మైదానంలో అతని మెరుపు బ్యాటింగ్‌ను చూసేందుకు ఎంతో ఉత్సాహంతో మైదానానికి వచ్చిన ఫ్యాన్స్‌ రెండో మ్యాచ్‌లోనూ డకౌట్‌ను చూడాల్సి వచ్చింది. లక్నోతో జరిగిన గత మ్యాచ్‌లో రెండో బంతికి సున్నా చుట్టిన అభిషేక్‌ ఈసారి తొలి బంతికే పరుగులేమీ చేయకుండానే వెనుదిరిగాడు. నితీశ్‌ మళ్లీ మూడు సిక్స్‌ల మోత... హైదరాబాద్‌లో లక్నోతో జరిగిన మ్యాచ్‌లో దిగ్వేశ్‌ రాఠీ వేసిన ఒకే ఓవర్లో మూడు సిక్స్‌లు బాదిన నితీశ్‌ కుమార్‌ రెడ్డి ఈ మ్యాచ్‌లోనూ అదే ఫీట్‌ను పునరావృతం చేశాడు. సందీప్‌ శర్మ వేసిన ఇన్నింగ్స్‌ 18వ ఓవర్లో లాంగాన్‌ మీదుగా రెండు వరుస సిక్స్‌లు బాదిన అతను అదే ఓవర్‌ చివరి బంతికి డీప్‌ బ్యాక్‌వర్డ్‌ స్క్వేర్‌లెగ్‌ దిశగా మరో సిక్స్‌తో తన ధాటిని ప్రదర్శించాడు. స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ శర్మ (సి) బిష్ణోయ్‌ (బి) ఆర్చర్‌ 0; హెడ్‌ (సి) ఫెరీరా (బి) పరాగ్‌ 18; ఇషాన్‌ కిషన్‌ (సి అండ్‌ బి) సందీప్‌ 91; క్లాసెన్‌ (సి) పరాగ్‌ (బి) తుషార్‌ 40; నితీశ్‌ (సి) జురేల్‌ (బి) ఆర్చర్‌ 28; సలీల్‌ (నాటౌట్‌) 24; అనికేత్‌ (రనౌట్‌) 6; దూబే (నాటౌట్‌) 0; ఎక్స్‌ట్రాలు 9; మొత్తం (20 ఓవర్లలో 6 వికెట్లకు) 216. వికెట్ల పతనం: 1–0, 2–55, 3–143, 4–162, 5–195, 6–209. బౌలింగ్‌: ఆర్చర్‌ 4–0–37–2, బర్గర్‌ 4–0–31–0, సందీప్‌ 4–0–52–1, తుషార్‌ 4–0–55–1, పరాగ్‌ 1–0–5–1, బిష్ణోయ్‌ 3–0–35–0. రాజస్తాన్‌ రాయల్స్‌ ఇన్నింగ్స్‌: జైస్వాల్‌ (సి) నితీశ్‌ (బి) సాకిబ్‌ 1; వైభవ్‌ (సి) అరోరా (బి) ప్రఫుల్‌ హింగే 0; జురేల్‌ (బి) ప్రఫుల్‌ హింగే 0; ప్రిటోరియస్‌ (సి) నితీశ్‌ (బి) ప్రఫుల్‌ హింగే 0; పరాగ్‌ (సి) అభిషేక్‌ (బి) ప్రఫుల్‌ హింగే 4; జడేజా (సి) అరోరా (బి) ఇషాన్‌ మలింగ 45; ఫెరీరా (బి) సాకిబ్‌ 69; ఆర్చర్‌ (సి) ప్రఫుల్‌ హింగే (బి) సాకిబ్‌ 2; తుషార్‌ (సి) కిషన్‌ (బి) ఇషాన్‌ మలింగ 25; బిష్ణోయ్‌ (సి) కిషన్‌ (బి) సాకిబ్‌ 0; బర్గర్‌ (నాటౌట్‌) 3; ఎక్స్‌ట్రాలు 10; మొత్తం (19 ఓవర్లలో ఆలౌట్‌) 159. వికెట్ల పతనం: 1–1, 2–1, 3–1, 4–2, 5–9, 6–127, 7–129, 8–140, 9–140, 10–159. బౌలింగ్‌: ప్రఫుల్‌ హింగే 4–0–34–4, సాకిబ్‌ 4–0–24–4, ఇషాన్‌ మలింగ 4–0–31–2, శివాంగ్‌ 3–0–28–0, నితీశ్‌ 2–0–19–0, హర్ష్ దూబే 2–0–22–0.

ఐపీఎల్ 2026 సీజన్‌లో సన్‌రైజర్స్ హైదరాబాద్ రెండు వరుస ఓటములకు చెక్ పెట్టింది. సోమవారం రాజస్తాన్ రాయల్స్‌తో జరిగిన మ్యాచ్‌లో సన్‌రైజర్స్ 57 పరుగుల తేడాతో ఘన విజయాన్ని అందుకుంది. ప్రఫుల్ హెంగే, సాకిబ్‌ హుస్సేన్ సంచలన బౌలింగ్‌కు తోడు ఇషాన్ కిషన్ రాణించడంతో ఎస్‌ఆర్‌హెచ్ సునాయసంగా గెలుపొందింది. మ్యాచ్‌లో తొలుత బ్యాటింగ్ చేసిన ఎస్‌ఆర్‌హెచ్ నిర్ణీత 20 ఓవర్లలో 6 వికెట్ల నష్టానికి 216 పరుగులు చేసింది. ఇషాన్ కిషన్ (91) సెంచరీ చేజార్చుకున్నప్పటికీ మెరుపు ఇన్నింగ్స్‌తో అలరించాడు. క్లాసెన్ (40) పరుగులు చేశాడు. ఆర్చర్ 2 వికెట్లు పడగొట్టగా, సందీప్ శర్మ, తుషార్‌, పరాగ్‌లు తలా ఒక వికెట్ తీశారు. అనంతరం 217 పరుగుల లక్ష్యంతో బరిలోకి దిగిన రాజస్తాన్ 19 ఓవర్లలో 159 పరుగులకు ఆలౌటైంది. డొనోవన్ ఫెరీరా (69) టాప్ స్కోరర్‌గా నిలవగా, జడేజా (45) పర్వాలేదనిపించాడు. ఎస్‌ఆర్‌హెచ్ బౌలర్లలో ప్రఫుల్ హెంగే, సాకిబ్ హుస్సేన్‌లు చెరో 4 వికెట్లు పడగొట్టి రాజస్తాన్‌ను శాసించారు. సంచలన బౌలింగ్‌తో మెరిసిన ప్రఫుల్ హెంగేకు ‘ప్లేయర్ ఆఫ్ ది మ్యాచ్‌’ అవార్డు లభించింది.చదవండి: తొలి బౌల‌ర్‌గా రికార్డు.. ఎవ‌రీ ప్ర‌ఫుల్ హింగే!

ఇండియ‌న్ ప్రీమియ‌ర్ లీగ్ (ఐపీఎల్‌)లో మ‌రో సంచ‌ల‌నం న‌మోదైంది. స‌న్‌రైజ‌ర్స్ హైద‌రాబాద్ త‌ర‌ఫున డెబ్యూ ఐపీఎల్ మ్యాచ్ ఆడుతున్న ప్ర‌ఫుల్ హింగే సంచ‌ల‌న ప్ర‌ద‌ర్శ‌న‌తో మెరిశాడు. రాజ‌స్తాన్ రాయ‌ల్స్‌తో జ‌రుగుతున్న మ్యాచ్‌లో తొలి ఓవ‌ర్లోనే మూడు వికెట్లు ప‌డ‌గొట్టి ఔరా అనిపించాడు. ఇన్నింగ్స్ తొలి ఓవ‌ర్ రెండో బంతికి వైభ‌వ్ సూర్య‌వంశీని గోల్డెన్ డ‌కౌట్‌గా వెన‌క్కి పంపిన ప్ర‌ఫుల్ నాలుగో బంతికి ధ్రువ్ జురేల్‌ను క్లీన్ బౌల్డ్ చేశాడు. ఆ త‌ర్వాత ఇన్నింగ్స్ చివ‌రి బంతికి ప్రిటోరియ‌స్‌ను వెన‌క్కి పంపాడు. త‌ద్వారా ప్ర‌ఫుల్ హింగే అరుదైన రికార్డుల‌ను త‌న పేరిట లిఖించుకున్నాడు. ఒక‌సారి వాటిని ప‌రిశీలిద్దాం.ఐపీఎల్ చ‌రిత్ర‌లో ఒక మ్యాచ్‌ ఇన్నింగ్స్‌లో తొలి ఓవ‌ర్లోనే మూడు వికెట్లు తీయ‌డం ఇదే తొలిసారి. ఈ ఘ‌న‌త సాధించిన‌ తొలి బౌల‌ర్‌గా ప్ర‌ఫుల్ నిలిచాడు. గ‌తంలో తొలి ఓవ‌ర్లో బౌల‌ర్లు 32 సార్లు రెండు వికెట్లు తీసిన సంద‌ర్భాలున్నాయి. ఇక ఎస్ఆర్‌హెచ్ త‌ర‌ఫున 2024లో ఇదే రాజ‌స్తాన్‌పై భువ‌నేశ్వ‌ర్ కుమార్ ఇన్నింగ్స్‌ తొలి ఓవ‌ర్లో రెండు వికెట్లు ప‌డ‌గొట్టాడు. కాగా ప్ర‌ఫుల్ ప‌టేల్ బౌలింగ్‌లో ఔటైన ముగ్గురు రాజ‌స్తాన్ బ్యాట‌ర్లు డ‌కౌట్‌లుగానే వెనుదిర‌గ‌డం విశేషం.ఐపీఎల్ చ‌రిత్ర‌లో తొలి ఆరు ఓవర్ల‌లో నాలుగు అంత‌కంటే ఎక్కువ ప‌డ‌గొట్టిన బౌల‌ర్ల జాబితాలోనూ ప్ర‌ఫుల్ హింగే చోటు దక్కించు కున్నాడు. ప్రఫుల్‌హింగే కంటే ముందు ఇషాంత్ శ‌ర్మ‌, షోయ్ అక్త‌ర్‌, అజిత్ చండీలా, దావ‌ల్ కుల‌క‌ర్ణి, పాట్ క‌మిన్స్‌, దీప‌క్ చాహ‌ర్‌, మ‌హ్మ‌ద్ ష‌మీ ఈ ఫీట్ సాధించారు.ఎవరీ ప్రఫుల్‌ హింగే?విదర్భకు చెందిన ప్రఫుల్‌ హింగే రైట్‌ ఆర్మ్‌ ఫాస్ట్‌ బౌలర్‌. వేలంలో ఎస్‌ఆర్‌హెచ్‌ ప్రఫుల్‌ హింగేను రూ. 30 లక్షల రూపాయలకు కొనుగోలు చేసింది. ఎస్‌ఆర్‌హెచ్‌కు బ్యాకప్‌ బౌలర్‌గా వచ్చిన ప్రఫుల్‌ హింగే రాజస్తాన్‌ రాయల్స్‌తో మ్యాచ్‌లో సూపర్‌ ప్రదర్శన కనబరిచి రాత్రికి రాత్రే స్టార్‌ అయిపోయాడు. ప్రఫుల్ హింగే 10 ఫ్లస్ట్‌క్లాస్ మ్యాచ్‌లాడి 27 వికెట్లు తీశాడు. 6 లిస్ట్‌-ఏ మ్యాచ్‌లాడి 5 వికెట్లు తీశాడు. అయితే తన కెరీర్‌లో ఇప్పటివరకు ఒక టీ20 మ్యాచ్ మాత్రమే ఆడడం గమనార్హం.LADIES & GENTLEMEN - MEET PRAFUL HINGE:- The first bowler in history of the IPL to take 3 wickets in the opening over. 🥶🔥 pic.twitter.com/KuYFeai4HT— Mufaddal Vohra (@mufaddal_vohra) April 13, 2026🚨 HISTORY CREATED BY PRAFUL HINGE. 🚨- Hinge becomes the first bowler in 19 years of the IPL to claim 3 wickets in the opening over. 🤯🔥 pic.twitter.com/osukqE6HBg— Mufaddal Vohra (@mufaddal_vohra) April 13, 2026చదవండి: గోల్డెన్‌ డక్‌.. అభిషేక్‌ శర్మ చెత్త రికార్డు

ఐపీఎల్ 2026 సీజ‌న్‌లో రాజ‌స్తాన్ రాయ‌ల్స్‌తో మ్యాచ్‌లో ఎస్ఆర్‌హెచ్ బ్యాట‌ర్ అభిషేక్ శ‌ర్మ తొలి బంతికే వెనుదిరిగాడు. జోఫ్రా ఆర్చ‌ర్ బౌలింగ్‌లో భారీ షాట్‌కు య‌త్నించి ర‌వి బిష్ణోయ్‌కు క్యాచ్ ఇచ్చి గోల్డెన్ డ‌క్ అయ్యాడు. త‌ద్వారా అభిషేక్ శ‌ర్మ త‌న పేరిట అత్యంత చెత్త రికార్డును మూటగ‌ట్టుకున్నాడు. అదేంటంటే..2026 సీజ‌న్ టీ20 క్రికెట్‌లో అభిషేక్‌ శ‌ర్మ‌కు ఇది ఏడో గోల్డెన్ డ‌క్‌. 2026 సీజ‌న్ ప్రారంభ‌మైన‌ప్ప‌టి నుంచి 18 ఇన్నింగ్స్‌ల్లో ఏడుసార్లు గోల్డెన్ డ‌కౌట్ అయ్యి అత్య‌ధిక సార్లు డ‌కౌట్ అయిన ఆట‌గాడిగా నిలిచాడు.అంత‌క‌ముందు కూప‌ర్ కన్నోలి 17 ఇన్నింగ్స్‌ల్లో 4 సార్లు డ‌కౌట్‌గా వెనుదిరిగాడు.ఇక ఐపీఎల్‌లో ఎస్ఆర్‌హెచ్ త‌ర‌ఫున తొలి బంతికే వెనుదిరిగిన రెండో బ్యాట‌ర్‌గా అభిషేక్ శ‌ర్మ మ‌రో చెత్త రికార్డును త‌న పేరిట లిఖించుకున్నాడు. గ‌తంలో శిఖ‌ర్ దావ‌న్ 2018 సీజ‌న్‌లో చెన్నై సూప‌ర్‌కింగ్స్‌తో జ‌రిగిన క్వాలిఫ‌య‌ర్‌-1 పోరులో తొలి బంతికే ఔట‌య్యి గోల్డెన్ డ‌క్‌ అయి తొలి బ్యాటర్‌గా నిలిచాడు.భార‌త్ త‌ర‌ఫున టీ20 క్రికెట్‌లో ఒకే క్యాలండ‌ర్ ఇయ‌ర్‌లో అత్య‌ధిక సార్లు డ‌కౌట్ అయిన ఆట‌గాళ్ల జాబితాలోనూ అభిషేక్ చోటు సంపాదించాడు. ఏడుసార్లు డ‌కౌట్ అయిన అభిషేక్ తొలి స్థానంలో ఉండ‌గా, రోహిత్ శ‌ర్మ (2018లో ఆరుసార్లు), సంజూ శాంస‌న్ (2024లో ఆరు సార్లు), గురుకీర‌త్ సింగ్ (2103లో 5 సార్లు) త‌ర్వాతి స్థానాల్లో ఉన్నారు.ఐపీఎల్‌లో తొలి బంతికే వికెట్ తీయ‌డం ఆర్చ‌ర్‌కు ఇది నాలుగోసారి. టీమిండియా వెట‌ర‌న్ క్రికెట‌ర్ మ‌హ్మ‌ద్ ష‌మీ ఐపీఎల్‌లో ఈ ఫీట్‌ను 5 సార్లు న‌మోదు చేయ‌డం విశేషం.ఐపీఎల్ చ‌రిత్ర‌లో రాజ‌స్తాన్ రాయ‌ల్స్ తొలి బంతికే వికెట్ తీయ‌డం ఇది 24వ సారి. ఐపీఎల్‌లో ఏ జ‌ట్టుకైనా ఇదే అత్య‌ధికం. ముంబై ఇండియ‌న్స్ 22సార్లు ఈ ఫీట్ న‌మోదు చేసింది. View this post on Instagram A post shared by IPL (@iplt20)

ఐపీఎల్ 2026 సీజన్‌లో సన్‌రైజర్స్ హైదరాబాద్ రెండు వరుస ఓటములకు చెక్ పెట్టింది. సోమవారం రాజస్తాన్ రాయల్స్‌తో జరిగిన మ్యాచ్‌లో సన్‌రైజర్స్ 57 పరుగుల తేడాతో ఘన విజయాన్ని అందుకుంది. ప్రఫుల్ హెంగే, ష​కీబ్ హుస్సేన్ సంచలన బౌలింగ్‌కు తోడు ఇషాన్ కిషన్ రాణించడంతో ఎస్‌ఆర్‌హెచ్ సునాయసంగా గెలుపొందింది.తొలుత బ్యాటింగ్ చేసిన ఎస్‌ఆర్‌హెచ్ నిర్ణీత 20 ఓవర్లలో 6 వికెట్ల నష్టానికి 216 పరుగులు చేసింది. అనంతరం 217 పరుగుల లక్ష్యంతో బరిలోకి దిగిన రాజస్తాన్ 19 ఓవర్లలో 159 పరుగులకు ఆలౌటైంది. ప్రఫుల్‌ హెంగే, సాకిబ్‌లు చెరో 4 వికెట్లతో మెరిశారు.ఫెరీరా అర్థసెంచరీ..రాజస్తాన్‌ రాయల్స్‌ 14 ఓవర్లు ముగిసేసరికి 5 వికెట్ల నష్టానికి 120 పరుగులు చేసింది. డొనోవన్‌ ఫెరీరా అర్థసెంచరీ సాధించాడు. ప్రస్తుతం ఫెరీరా (63 బ్యాటింగ్‌), జడేజా (43 బ్యాటింగ్‌) క్రీజులో ఉన్నారు.8 ఓవర్లు ముగిసేసరికి రాజస్తాన్‌ రాయల్స్‌ 5 వికెట్ల నష్టానికి 58 పరుగులు చేసింది. క్రీజులో జడేజా (21 బ్యాటింగ్‌), ఫెరీరా (24 బ్యాటింగ్‌) ఉన్నారు. ఐదో వికెట్‌ డౌన్‌ఎస్‌ఆర్‌హెచ్‌తో మ్యాచ్‌లో రాజస్తాన్‌ రాయల్స్‌ పేలవ ఆటతీరు కనబరుస్తోంది. భారీ టార్గెట్‌తో బరిలోకి దిగిన రాజస్తాన్‌ 10 పరుగుల వద్ద ఐదో వికెట్‌ కోల్పోయింది. ఫ్రపుల్‌ హింగే బౌలింగ్‌లో 4 పరుగులు చేసిన పరాగ్‌ అభిషేక్‌ శర్మకు క్యాచ్‌ ఇచ్చి వెనుదిరిగాడు. ఎస్‌ఆర్‌హెచ్‌తో జరుగుతున్న మ్యాచ్‌లో రాజస్తాన్‌ రాయల్స్‌ 4 పరుగులకే 4 వికెట్లు కోల్పోయి పీకల్లోతు కష్టాల్లో పడింది. ఇంపాక్ట్‌ ప్లేయర్‌గా వచ్చిన షాకిబ్‌ హుస్సేన్‌ బౌలింగ్‌లో జైస్వాల్‌ (1) నితీశ్‌రెడ్డికి క్యాచ్‌ ఇచ్చి వెనుదిరిగాడు.తొలి ఓవర్లోనే మూడు వికెట్లు..217 పరుగుల టార్గెట్‌తో బరిలోకి దిగిన రాజస్తాన్‌ రాయల్స్‌ ఆదిలోనే ఎదురుదెబ్బ తగిలింది. ఎస్‌ఆర్‌హెచ్‌ బౌలర్‌ ఫ్రపుల్‌ హెంగే తన తొలి ఓవర్లోనే మూడు వికెట్లు పడగొట్టాడు. వైభవ్‌ సూర్యవంశీ గోల్డెన్‌ డక్‌ కాగా.. ధ్రువ్‌ జురేల్‌,, ప్రిటోరియస్‌ డకౌట్‌గా వెనుదిరిగారు. దీంతో ఒక్క పరుగు వద్దే రాయల్స్‌ మూడు వికెట్లు కోల్పోయి కష్టాల్లో పడింది.రాజ‌స్తాన్ ల‌క్ష్యం 217 పరుగులుఐపీఎల్ 2026 సీజ‌న్‌లో భాగంగా ఉప్ప‌ల్ వేదిక‌గా జరుగుతున్న మ్యాచ్‌లో ఎస్‌ఆర్‌హెచ్‌.. రాజస్తాన్‌ ముంగిట 217 పరుగుల టార్గెట్‌ను నిర్దేశించింది. మ్యాచ్‌లో తొలుత బ్యాటింగ్ చేసిన స‌న్‌రైజ‌ర్స్ హైద‌రాబాద్ 20 ఓవ‌ర్ల‌లో 6 వికెట్ల న‌ష్టానికి 216 ప‌రుగులు చేసింది. ఇషాన్ కిష‌న్ 91 ప‌రుగుల‌తో టాప్ స్కోర‌ర్‌గా నిలవ‌గా, క్లాసెన్ 40 ప‌రుగులు చేశాడు.చివర్లో సాహిల్‌ అరోరా (24 నాటౌట్‌) మెరిశాడు. ఓపెన‌ర్లు అభిషేక్ శ‌ర్మ‌, ట్రావిస్ హెడ్‌లు పూర్తిగా నిరాశ‌ప‌రిచారు. రాజ‌స్తాన్ బౌల‌ర్ల‌లో ఆర్చ‌ర్ 2 వికెట్లు తీయ‌గా, సందీప్ శ‌ర్మ‌, తుసషార్ దేశ్ పాండే, ప‌రాగ్ త‌లా ఒక వికెట్ తీశారు.నాలుగో వికెట్‌ డౌన్‌హెన్రిచ్‌ క్లాసెన్‌ (40) రూపంలో ఎస్‌ఆర్‌హెచ్‌ నాలుగో వికెట్‌ కోల్పోయింది. తుషార్‌ దేశ్‌ పాండే బౌలింగ్‌లో షాట్‌కు యత్నించిన క్లాసెన్‌ పరాగ్‌కు క్యాచ్‌ ఇచ్చి వెనుదిరిగాడు. ప్రస్తుతం ఎస్‌ఆర్‌హెచ్‌ 17 ఓవర్లలో 4 వికెట్ల నష్టానికి 170 పరుగులు చేసింది. ఇషాన్‌ కిషన్‌ ఔట్‌ రాజస్తాన్‌తో మ్యాచ్‌లో ఎస్‌ఆర్‌హెచ్‌ మూడో వికెట్‌ కోల్పోయింది. సెంచరీ దిశగా సాగుతున్న ఇషాన్‌ కిషన్‌ (91) సందీప్‌ శర్మ బౌలింగ్‌లో కాట్‌ అండ్‌ బౌల్డ్‌ గా వెనుదిరిగాడు. ప్రస్తుతం ఎస్‌ఆర్‌హెచ్‌ 14 ఓవర్లలో 3 వికెట్ల నష్టానికి 145 పరుగులు చేసింది.13 ఓవర్లకు ఎస్‌ఆర్‌ఎస్‌ హెచ్‌ స్కోరు: 140/2హాఫ్‌ సెంచరీతో అదరగొట్టిన ఇషాన్‌ కిషన్‌ఇషాన్ కిషన్ హఫ్‌ సెంచరీతో అదరొగట్టాడు. కేవలం 30 బంతుల్లో 50 పరుగుల చేశాడు. డీప్ మిడ్‌వికెట్ మీదుగా సిక్స్ కొట్టిన ఇషాన్‌ కిషన్ తన హాఫ్ సెంచరీ పూర్తి చేశాడు.హెడ్‌ ఔట్‌.. రెండో వికెట్‌ డౌన్‌రాజస్తాన్‌తో మ్యాచ్‌లో ఎస్‌ఆర్‌హెచ్‌ రెండో వికెట్‌ కోల్పోయింది. 18 పరుగులు చేసిన ఓపెనర్‌ ట్రావిస్‌ హెడ్‌ రియాన్‌ పరాగ్‌ బౌలింగ్‌లో డొనొవన్‌ ఫెరీరాకు క్యాచ్‌ ఇచ్చి వెనుదిరిగాడు. ప్రస్తుతం ఎస్‌ఆర్‌హెచ్‌ 8 ఓవర్లలో రెండు వికెట్ల నష్టానికి 62 పరుగులు చేసింది. ఆరు ఓవర్లలో ఎస్‌ఆర్‌హెచ్‌ స్కోరు 51/1రాజస్తాన్‌తో మ్యాచ్‌లో ఓపెనర్‌ అభిషేక్‌ శర్మ గోల్డెన్‌ డక్‌ అయినప్పటికీ వన్‌డౌన్‌లో వచ్చిన ఇషాన్‌ కిషన్‌ దూకుడుగా ఆడుతున్నాడు. ఆరు ఓవర్లు​ ముగిసేసరికి ఎస్‌ఆర్‌హెచ్‌ వికెట్‌ నష్టానికి 51 పరుగులు చేసింది. ఇషాన్‌ (35 బ్యాటింగ్‌), హెడ్‌ (11 బ్యాటింగ్‌) క్రీజులో ఉన్నారు.తొలి వికెట్‌ కోల్పోయిన్‌ ఎస్‌ఆర్‌హెచ్‌రాజస్తాన్‌తో మ్యాచ్‌లో ఆదిలోనే ఎస్‌ఆర్‌హెచ్‌కు గట్టి షాక్‌ తగిలింది. జోఫ్రా ఆర్చర్‌ వేసిన తొలి ఓవర్‌ మొదటి బంతికి భారీ షాట్‌ ఆడే ప్రయత్నంలో అభిషేక్‌ శర్మ రవి బిష్ణోయ్‌ క్యాచ్‌ ఇచ్చి గోల్డెన్‌ డక్‌గా వెనుదిరిగాడు. టాస్‌ గెలిచి బౌలింగ్‌ ఎంచుకున్న రాజస్తాన్‌ఐపీఎల్ 2026 సీజ‌న్‌లో మ‌రో ఆస‌క్తికర పోరుకు తెరలేచింది. ఉప్ప‌ల్ వేదిక‌గా స‌న్‌రైజ‌ర్స్ హైద‌రాబాద్‌, రాజ‌స్తాన్ రాయ‌ల్స్ త‌ల‌ప‌డుతున్నాయి. టాస్ గెలిచిన రాజ‌స్తాన్ బౌలింగ్ ఎంచుకుంది. రాజస్తాన్ రాయల్స్ ఈ మ్యాచ్‌కు రెండు మార్పులతో బరిలోకి దిగింది. బ్రిజేష్ పటేల్ స్థానంలో తుషార్ దేశ్ పాండే, హెట్‌మైర్ స్థానంలో ప్రిటోరియస్ తుది జట్టులోకి వచ్చారు. కాగా ప్రిటోరియస్‌కు ఐపీఎల్‌లో ఇదే తొలి మ్యాచ్‌. మ‌రోవైపు ఎస్ఆర్‌హెచ్ కూడా రెండు మార్పుల‌తో బ‌రిలోకి దిగింది. ఉనాద్క‌ట్‌, హ‌ర్ష‌ల్ ప‌టేల్‌లను త‌ప్పించిన‌ట్లు ఎస్ఆర్‌హెచ్ కెప్టెన్ ఇషాన్ కిష‌న్ తెలిపాడు. ఇక ముఖాముఖి పోరులో ఎస్ఆర్‌హెచ్‌దే పైచేయి. ఇరుజ‌ట్ల మ‌ధ్య 21 మ్యాచ్‌లు జ‌ర‌గ్గా ఎస్ఆర్‌హెచ్ 12 మ్యాచ్‌ల్లో, రాజ‌స్తాన్ 9 మ్యాచ్‌ల్లో విజ‌యాలు సాధించాయి.సన్‌రైజర్స్ హైదరాబాద్ తుదిజట్టు: అభిషేక్ శర్మ, ట్రావిస్ హెడ్, ఇషాన్ కిషన్(వికెట్ కీపర్‌/ కెప్టెన్‌), హెన్రిచ్ క్లాసెన్, సలీల్ అరోరా, అనికేత్ వర్మ, నితీష్ కుమార్ రెడ్డి, హర్ష్ దూబే, శివంగ్ కుమార్, ప్రఫుల్ హింగే, ఇషాన్ మలింగ.రాజస్థాన్ రాయల్స్ తుది జట్టు: యశస్వి జైస్వాల్, ధ్రువ్ జురెల్(వికెట్ కీపర్‌), రియాన్ పరాగ్(కెప్టెన్‌), లువాన్-డ్రే ప్రిటోరియస్, డోనోవన్ ఫెరీరా, రవీంద్ర జడేజా, జోఫ్రా ఆర్చర్, నాంద్రే బర్గర్, సందీప్ శర్మ, రవి బిష్ణోయ్, తుషార్ దేశ్‌పాండే.

ఐపీఎల్‌-2026 సీజన్‌లో సన్‌రైజర్స్‌ హైదరాబాద్‌ (ఎస్‌ఆర్‌హెచ్‌) పేలవ ప్రదర్శనతో విమర్శలు మూటగట్టుకుంటోంది. ఆరంభ మ్యాచ్‌లో ఆర్సీబీ చేతిలో ఓడి పరాజయంతో తాజా ఎడిషన్‌ మొదలుపెట్టింది ఎస్‌ఆర్‌హెచ్‌. రెండో మ్యాచ్‌లో కోల్‌కతా నైట్‌ రైడర్స్‌పై ఘన విజయం సాధించినా.. అదే జోరు కొనసాగించలేకపోయింది.జహీర్‌ ఖాన్‌ కీలక వ్యాఖ్యలుసొంతమైదానం ఉప్పల్‌లో లక్నో సూపర్‌ జెయింట్స్‌ చేతిలో ఓటమిపాలైన సన్‌రైజర్స్‌.. చివరగా ముల్లన్‌పూర్‌లో పంజాబ్‌ కింగ్స్‌ చేతిలోనూ చిత్తుగా ఓడిపోయింది. తదుపరి మ్యాచ్‌లో ఉప్పల్‌ వేదికగా సోమవారం రాజస్తాన్‌ రాయల్స్‌తో సన్‌రైజర్స్‌ తలపడనుంది. ఈ నేపథ్యంలో టీమిండియా దిగ్గజ పేసర్‌ జహీర్‌ ఖాన్‌ సన్‌రైజర్స్‌ కెప్టెన్సీ గురించి కీలక వ్యాఖ్యలు చేశాడు.ఆస్ట్రేలియా స్టార్‌, ఎస్‌ఆర్‌హెచ్‌ రెగ్యులర్‌ కెప్టెన్‌ ప్యాట్‌ కమిన్స్‌ జట్టుతో లేని లోటు స్పష్టంగా కనిపిస్తోందని జహీర్‌ ఖాన్‌ అన్నాడు. అతడి స్థానంలో తాత్కాలిక సారథిగా ఉన్న టీమిండియా స్టార్‌ ఇషాన్‌ కిషన్‌ వ్యూహాలను అమలు చేయడంలో విఫలమవుతున్నాడని విమర్శించాడు.కమిన్స్‌లా కాదు.. క్లారిటీ లేదు!ఈ మేరకు క్రిక్‌బజ్‌ షోలో మాట్లాడుతూ.. ‘‘అభిషేక్‌ శర్మ, ట్రవిస్‌ హెడ్‌ ఫామ్‌లోకి వచ్చారు. ఇషాన్‌ కిషన్‌ మాత్రం బ్యాట్‌తో ఆకట్టుకోలేకపోతున్నాడు. ఆరంభంలో బాగానే ఆడినా అదే జోరును కొనసాగించలేకపోతున్నాడు.కెప్టెన్‌గానూ పెద్దగా ప్రభావం చూపలేకపోతున్నాడు. ప్యాట్‌ కమిన్స్ లేనిలోటు స్పష్టంగా కనిపిస్తోంది. అతడి కెప్టెన్సీలో ఒక స్పష్టత ఉంటుంది. కానీ ఇషాన్‌ విషయంలో అది మిస్సయ్యింది. తాను ఏమనుకుంటున్నాడో జట్టుకు స్పష్టంగా చెప్పలేకపోతున్నాడు.తాత్కాలిక కెప్టెన్‌గా ఉన్న ఇషాన్‌ కిషన్‌ నాయకత్వ ప్రణాళికల్లో లోపాలు ఉన్నట్లు తెలుస్తోంది. ఈ పొరపాటును సరిచేసుకుంటేనే సానుకూల ఫలితాలు వస్తాయి’’ అని జహీర్‌ ఖాన్‌ అభిప్రాయపడ్డాడు. కాగా ఈ సీజన్‌లో ఇషాన్‌ కిషన్‌ చేసిన పరుగులు వరుసగా.. 80, 14, 1, 27.చదవండి: ‘టీమిండియాకు ఎంపిక చేయకపోతే నిరసనకు దిగుతా’

ఐపీఎల్‌-2026లో స‌న్‌రైజ‌ర్స్ హైద‌రాబాద్ బౌలింగ్ వైఫ‌ల్యం కొన‌సాగుతోంది. బ్యాటింగ్‌లో విధ్వంసకర ఆటగాళ్లు ఉన్నప్పటికీ, బౌలర్లు భారీగా పరుగులు సమర్పించుకోవడం జట్టుకు పెద్ద మైనస్‌గా మారింది. శనివారం ముల్లాన్‌పూర్ వేదికగా పంజాబ్ కింగ్స్‌తో జరిగిన మ్యాచ్‌లో 6 వికెట్ల తేడాతో ఎస్‌ఆర్‌హెచ్ ఓటమి పాలైంది.220 పరుగుల భారీ లక్ష్యాన్ని ఆరెంజ్ ఆర్మీ బౌలర్లు కాపాడుకోలేకపోయారు. రెగ్యులర్ కెప్టెన్, స్టార్ ఫాస్ట్ బౌలర్ పాట్ కమ్మిన్స్ లేని లోటు స్పష్టంగా కన్పిస్తోంది. ప్రస్తుత జట్టులో సీనియర్ పేసర్‌గా ఉన్న జయదేవ్ ఉనద్కట్ దారుణంగా విఫలమవుతున్నాడు. గల్లీ బౌలర్ల కంటే దారుణంగా బౌలింగ్ చేస్తున్నాడు. పంజాబ్‌తో జరిగిన మ్యాచ్‌లో అయితే జయదేవ్ పూర్తిగా తేలిపోయాడు.సరైన లైన్ అండ్ లెంగ్త్ బౌలింగ్‌లో అతడు తీవ్రంగా శ్రమించాడు. పంజాబ్ బ్యాటర్లు అతడి బౌలింగ్‌ను ఓ ఆట ఆడుకున్నాడు. ఉనద్కట్ తన మూడు ఓవర్ల కోటాలో 13.30 ఏకానమీతో 40 పరుగులు సమర్పించుకున్నాడు. అంతకుముందు లక్నో సూపర్ జెయింట్స్‌తో జరిగిన మ్యాచ్‌లో కూడా అతడు విఫలమయ్యాడు.ఆ మ్యాచ్‌లో అయితే ఉనద్కట్ 3.5 ఓవర్లు బౌలింగ్ చేసి ఏకంగా 50 పరుగులు ఇచ్చాడు. ఈ రెండు మ్యాచ్‌లలో కూడా అతడు ఒక్క వికెట్ కూడా సాధించలేకపోయాడు. మొత్తంగా అతడు ఇప్పటివరకు నాలుగు మ్యాచ్‌లు ఆడి 4 వికెట్లు సాధించాడు. జ‌య‌దేవ్ ఏకాన‌మీ రేటు 10.90గా ఉంది.దీంతో ఇంత‌దారుణంగా విఫ‌ల‌మవుతున్న‌ప్ప‌టికి అత‌డిని ప్లేయింగ్ ఎలెవ‌న్‌లో కొన‌సాగించ‌డం ప‌ట్ల ఎస్ఆర్‌హెచ్ అభిమానులు మండిప‌డుతున్నారు. ఉనద్కట్‌ను సైతం ట్రోల్‌ చేస్తున్నారు. "బ్యాటింగ్‌లో కోహ్లి రన్‌ మిషన్‌ అయితే, బౌలింగ్‌లో ఉనద్కట్‌ ఒక రన్‌ మిషన్‌" అంటూ పోస్ట్‌లు పెడుతున్నారు. 'జ‌య‌దేవ్ ఉనద్క‌ట్ మ‌న బెస్ట్ బౌల‌ర్‌.. గెలిచే మ్యాచ్‌ల‌ను ద‌గ్గ‌రుండి ఓడిస్తాడు' అని మరొక నెటిజన్‌ ఈ సెటైరికల్‌ పోస్ట్‌ చేశాడు. అత‌డి స్ధానంలో ప్రఫుల్ హింగే, ఓంకర్ తర్మాలే వంటి యువ పేస‌ర్ల‌కు అవ‌కాశ‌మివ్వాల‌ని ఫ్యాన్స్ సూచిస్తున్నారు. తదుపరి మ్యాచ్‌కైనా ఉనద్కట్‌పై ఎస్‌ఆర్‌హెచ్ వేటు వేస్తుందో లేదో చూడాలి.చదవండి: IPL 2026: వైభవ్‌ సూర్యవంశీకి భారీ షాక్‌..! ఒకవేళ అదే జరిగితే?

న్యూ చండీగఢ్‌: ఐపీఎల్‌ 19వ సీజన్‌లో సన్‌రైజర్స్‌ హైదరాబాద్‌ వరుసగా రెండో పరాజయం మూట గట్టుకుంది. బ్యాటింగ్‌లో ఆశించిన స్కోరు చేయలేకపోయిన రైజర్స్‌... పేలవ బౌలింగ్‌తో మూల్యం చెల్లించుకుంది. శనివారం ‘డబుల్‌ హెడర్‌’లో భాగంగా జరిగిన తొలి పోరులో సన్‌రైజర్స్‌ 6 వికెట్ల తేడాతో పంజాబ్‌ కింగ్స్‌ చేతిలో ఓడింది. మొదట హైదరాబాద్‌ 20 ఓవర్లలో 6 వికెట్ల నష్టానికి 219 పరుగులు చేసింది. అభిషేక్‌ శర్మ (28 బంతుల్లో 74; 5 ఫోర్లు, 8 సిక్స్‌లు) దంచికొట్టగా... ట్రావిస్‌ హెడ్‌ (23 బంతుల్లో 38; 5 ఫోర్లు, 1 సిక్స్‌), క్లాసెన్‌ (33 బంతుల్లో 39; 1 ఫోర్, 1 సిక్స్‌) ఫర్వాలేదనిపించారు. లక్ష్యఛేదనలో పంజాబ్‌ కింగ్స్‌ 18.5 ఓవర్లలో 4 వికెట్లకు 223 పరుగులు చేసి గెలిచింది. ఓపెనర్లు ప్రియాన్ష్ ఆర్య (20 బంతుల్లో 57; 5 ఫోర్లు, 5 సిక్స్‌లు), ప్రభ్‌సిమ్రన్‌ (25 బంతుల్లో 51; 4 ఫోర్లు, 4 సిక్స్‌లు) మెరుపు హాఫ్‌ సెంచరీలు సాధించగా... ‘ప్లేయర్‌ ఆఫ్‌ ద మ్యాచ్‌’ శ్రేయస్‌ అయ్యర్‌ (33 బంతుల్లో 69 నాటౌట్‌; 5 ఫోర్లు, 5 సిక్స్‌లు) అజేయ అర్ధశతకంతో జట్టును గెలిపించాడు. పవర్‌ప్లేలో 105 పరుగులు రైజర్స్‌ ఇన్నింగ్స్‌ ప్రారంభమైన తీరు చూస్తే ఈ మ్యాచ్‌లో 300 పరుగుల రికార్డు స్కోరు ఖాయనిపించింది. తొలి రెండు ఓవర్లలో మూడు ఫోర్లు కొట్టిన అభిషేక్‌.. అర్ష్ దీప్‌ వేసిన మూడో ఓవర్‌లో 4, 4, 6, 6తో మొత్తం 24 పరుగులు రాబట్టాడు. యాన్సెన్‌ వేసిన తదుపరి ఓవర్‌లో హెడ్‌ 4, 6, 4 కొట్టగా... వైశాక్‌ వేసిన ఐదో ఓవర్‌లో అభిషేక్‌ నాలుగు సిక్స్‌లతో విజృంభించాడు. ఈ క్రమంలో అభిషేక్‌ 18 బంతుల్లో అర్ధశతకం పూర్తి చేసుకున్నాడు. తదుపరి ఓవర్‌లో హెడ్‌ ‘హ్యాట్రిక్‌’ ఫోర్లు బాదగా... అభిషేక్‌ ఓ సిక్స్‌ కొట్టాడు. దీంతో ఆరు ఓవర్ల పవర్‌ ప్లే ముగిసేసరికి రైజర్స్‌ వికెట్‌ కోల్పోకుండా 105 పరుగులతో నిలిచింది. ఆ తర్వాత ఇన్నింగ్స్‌ గాడితప్పింది. శశాంక్‌ ఒకే ఓవర్‌లో హెడ్, అభిషేక్‌లను పెవిలియన్‌కు చేర్చగా... కెప్టెన్‌ ఇషాన్‌ కిషన్‌ (17 బంతుల్లో 27; 3 ఫోర్లు, 1 సిక్స్‌) ఓ మాదిరిగా ఆడినా... మరో ఎండ్‌లో క్లాసెన్‌ ధాటి కనబర్చలేకపోయాడు. అనికేత్‌ (18) అనూహ్యంగా రనౌట్‌ కాగా... నితీశ్‌ రెడ్డికి (0 నాటౌట్‌)ఒక్క బంతి మాత్రమే ఆడే అవకాశం దక్కింది. పవర్‌ప్లే తర్వాత 14 ఓవర్లలో హైదరాబాద్‌ 114 పరుగులే చేసి 6 వికెట్లు కోల్పోయింది. ధనాధన్‌ ఆరంభం సన్‌రైజర్స్‌ ఓపెనర్లను మరిపించే స్థాయిలో పంజాబ్‌ ఇన్నింగ్స్‌ ఆరంభమైంది. ప్రియాన్ష్ ఆర్య, ప్రభ్‌సిమ్రన్‌ సింగ్‌ ప్రతి బంతిని బాదడమే లక్ష్యంగా పెట్టుకున్నట్లు కనిపించారు. ఆర్య తొలి ఓవర్‌లో 4, 6, 4 కొట్టగా... తర్వాతి రెండు ఓవర్‌లలో ప్రభ్‌సిమ్రన్‌ రెండేసి ఫోర్లు, రెండేసి సిక్స్‌లు బాదాడు. ఈ జంట ఏ బౌలర్‌ను వదలకుండా విరుచుకుపడటంతో... పవర్‌ప్లే ముగిసేసరికి పంజాబ్‌ వికెట్‌ కోల్పోకుండా 93 పరుగులు చేసింది. ఈ క్రమంలో హర్షల్‌ పటేల్‌ ఓవర్‌లో వరుసగా 6, 6, 4, 4 కొట్టిన ఆర్య 16 బంతుల్లోనే హాఫ్‌సెంచరీ పూర్తి చేసుకున్నాడు. కాసేపటికి ప్రభ్‌సిమ్రన్‌ 24 బంతుల్లో ఈ ఫీట్‌ అందుకున్నాడు. వీరిద్దరు అవుటయ్యాక ఇన్నింగ్స్‌ను నడిపించే బాధ్యత శ్రేయస్‌ తీసుకున్నాడు. ఆచితూచి ఆడుతూ ముందుకు సాగిన అయ్యర్‌ 24 బంతుల్లో ‘ఫిఫ్టీ’ కొట్టడంతో పాటు జట్టును విజయతీరాలకు చేర్చాడు.స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ శర్మ (సి) అర్ష్ దీప్‌ (బి) శశాంక్‌ 74; హెడ్‌ (సి) బార్ట్‌లెట్‌ (బి) శశాంక్‌ 38; ఇషాన్‌ (సి) యాన్సెన్‌ (బి) అర్ష్ దీప్‌ 27; క్లాసెన్‌ (సి) కూపర్‌ (బి) బార్ట్‌లెట్‌ 39; అనికేత్‌ (రనౌట్‌) 18; సలీల్‌ (సి) బార్ట్‌లెట్‌ (బి) అర్ష్ దీప్‌ 9; నితీశ్‌ రెడ్డి (నాటౌట్‌) 0; హర్ష్ దూబే (నాటౌట్‌) 1; ఎక్స్‌ట్రాలు 13; మొత్తం (20 ఓవర్లలో 6 వికెట్లకు) 219. వికెట్ల పతనం: 1–120, 2–122, 3–169, 4–195, 5–214, 6–218. బౌలింగ్‌: అర్ష్ దీప్‌ 4–0–50–2; బార్ట్‌లెట్‌ 4–0–42–1; యాన్సెన్‌ 4–0–40–0; వైశాక్‌ 2–0–33–0; శశాంక్‌ 3–0–20–2; చాహల్‌ 3–0–33–0. పంజాబ్‌ కింగ్స్‌ ఇన్నింగ్స్‌: ఆర్య (సి) నితీశ్‌ రెడ్డి (బి) శివాంగ్‌ 57; ప్రభ్‌సిమ్రన్‌ (సి) క్లాసెన్‌ (బి) శివాంగ్‌ 51; కూపర్‌ (సి) అభిషేక్‌ (బి) శివాంగ్‌ 11; శ్రేయస్‌ అయ్యర్‌ (నాటౌట్‌) 69; నేహల్‌ వధేరా (బి) హర్ష్ 14; శశాంక్‌ (నాటౌట్‌) 16; ఎక్స్‌ట్రాలు 5; మొత్తం (18.5 ఓవర్లలో 4 వికెట్లకు) 223. వికెట్ల పతనం: 1–99, 2–117, 3–128, 4–197. బౌలింగ్‌: హర్ష్ దూబే 4–0– 38–1; జైదేవ్‌ ఉనాద్కట్‌ 3–0–40–0; ఇషాన్‌ మలింగ 3–0–46–0; హర్షల్‌ 2–0–39–0; శివాంగ్‌ కుమార్‌ 4–0–33–3; నితీశ్‌ రెడ్డి 2–0–20–0; అభిషేక్‌ 0.5–0–7–0.

ఐపీఎల్‌ 2026లో భాగంగా ఇవాళ (ఏప్రిల్‌ 11) మధ్యాహ్నం జరిగిన మ్యాచ్‌లో సన్‌రైజర్స్‌ హైదరాబాద్‌పై పంజాబ్‌ కింగ్స్‌ 6 వికెట్ల తేడాతో ఘన విజయం సాధించింది.టాస్‌ ఓడి తొలుత బ్యాటింగ్‌ చేసిన సన్‌రైజర్స్‌ నిర్ణీత 20 ఓవర్లలో 6 వికెట్ల నష్టానికి 218 పరుగులు చేసింది. అభిషేక్‌ 28 బంతుల్లో 5 ఫోర్లు, 8 సిక్సర్ల సాయంతో 74 పరుగులు చేశాడు. ట్రవిస్‌ హెడ్‌ 23 బంతుల్లో 5 ఫోర్లు, సిక్సర్‌ సాయంతో 38 పరుగులు చేశాడు. ఇషాన్‌ కిషన్‌ 17 బంతుల్లో 3 ఫోర్లు, సిక్సర్‌ సాయంతో 27, క్లాసెన్‌ 33 బంతుల్లో ఫోర్‌, సిక్సర్‌ సాయంతో 39 పరుగులు చేశాడు.మిగతా ఆటగాళ్లలో అనికేత్‌ వర్మ 18, సలీల్‌ అరోరా 9 పరుగులు చేయగా.. నితీశ్‌ 0, హర్ష్‌ దూబే ఒక్క పరుగుతో అజేయంగా నిలిచారు. పంజాబ్‌ బౌలర్లలో అర్షదీప్‌ సింగ్‌, శాశాంక్‌ సింగ్‌ తలో 2, జేవియర్‌ బార్ట్‌లెట్‌ ఓ వికెట్‌ తీశారు.అనంతరం భారీ లక్ష్య ఛేదనకు దిగిన పంజాబ్‌ సన్‌రైజర్స్‌కు ధీటుగా జవాబిచ్చింది. తొలి బంతి నుంచి పంజాబ్‌ ఓపెనర్లు ఎస్‌ఆర్‌హెచ్‌ బౌలర్లపై ఎదురుదాడి చేశారు. ప్రియాంశ్‌ ఆర్య (20 బంతుల్లో 57; 5 ఫోర్లు, 5 సిక్సర్లు), ప్రభ్‌సిమ్రన్‌ (25 బంతుల్లో 51; 4 ఫోర్లు, 4 సిక్సర్లు) ఆకాశమే హద్దుగా చెలరేగారు. ఆతర్వాత శ్రేయస్‌ అయ్యర్‌ (33 బంతుల్లో 69 నాటౌట్‌; 5 ఫోర్లు, 5 సిక్సర్లు) విధ్వంసం కొనసాగించారు. ఫలితంగా పంజాబ్‌ 18.5 ఓవర్లలో 4 వికెట్లు మాత్రమే కోల్పోయి భారీ లక్ష్యాన్ని ఊదేసింది. సన్‌రైజర్స్‌ బౌలర్లలో శివాంగ్‌ కుమార్‌ (4-0-33-3) రాణించాడు.

సన్‌రైజర్స్‌ హైదరాబాద్‌ ఓపెనర్‌ అభిషేక్‌ శర్మ సరికొత్త చరిత్ర సృష్టించాడు. ఐపీఎల్‌ 2026లో భాగంగా పంజాబ్‌ కింగ్స్‌తో ఇవాళ (ఏప్రిల్‌ 11) జరుగుతున్న మ్యాచ్‌లో 18 బంతుల్లో హాఫ్‌ సెంచరీ పూర్తి చేయడంతో ఐపీఎల్‌ చరిత్రలో 20 లోపు బంతుల్లో 5 హాఫ్‌ సెంచరీలు పూర్తి చేసిన తొలి బ్యాటర్‌గా రికార్డు నెలకొల్పాడు. అభిషేక్‌ తన ఐపీఎల్‌ కెరీర్‌లో 16 బంతుల్లో ఓసారి.. 18 బంతుల్లో రెండు సార్లు, 19 బంతుల్లో మరో రెండు సార్లు హాఫ్‌ సెంచరీలు చేశాడు.ఈ విభాగంలో అభిషేక్‌ తర్వాతి స్థానంలో నికోలస్‌ పూరన్‌ ఉన్నాడు. పూరన్‌ 4 సార్లు ఐపీఎల్‌లో 20 లోపు బంతుల్లో హాఫ్‌ సెంచరీలు పూర్తి చేశాడు. అభిషేక్‌, పూరన్‌ తర్వాతి స్థానాల్లో జేక్‌ ఫ్రేజర్‌ మెక్‌గుర్క్‌ (3), వైభవ్‌ సూర్యవంశీ (3) ఉన్నారు.మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌ చేసిన సన్‌రైజర్స్‌ నిర్ణీత 20 ఓవర్లలో 6 వికెట్ల నష్టానికి 218 పరుగులు చేసింది. అభిషేక్‌ 28 బంతుల్లో 5 ఫోర్లు, 8 సిక్సర్ల సాయంతో 74 పరుగులు చేశాడు. ట్రవిస్‌ హెడ్‌ 23 బంతుల్లో 5 ఫోర్లు, సిక్సర్‌ సాయంతో 38 పరుగులు చేశాడు. ఇషాన్‌ కిషన్‌ 17 బంతుల్లో 3 ఫోర్లు, సిక్సర్‌ సాయంతో 27, క్లాసెన్‌ 33 బంతుల్లో ఫోర్‌, సిక్సర్‌ సాయంతో 39 పరుగులు చేశాడు.మిగతా ఆటగాళ్లలో అనికేత్‌ వర్మ 18, సలీల్‌ అరోరా 9 పరుగులు చేయగా.. నితీశ్‌ 0, హర్ష్‌ దూబే ఒక్క పరుగుతో అజేయంగా నిలిచారు. పంజాబ్‌ బౌలర్లలో అర్షదీప్‌ సింగ్‌, శాశాంక్‌ సింగ్‌ తలో 2, జేవియర్‌ బార్ట్‌లెట్‌ ఓ వికెట్‌ తీశారు.

సన్‌రైజర్స్‌పై పంజాబ్‌ గెలుపుసన్‌రైజర్స్‌పై 6 వికెట్ల తేడాతో గెలుపొందిన పంజాబ్‌ కింగ్స​్‌.మూడో వికెట్‌ కోల్పోయిన పంజాబ్‌10.2వ ఓవర్‌- 128 పరుగుల వద్ద పంజాబ్‌ మూడో వికెట్‌ కోల్పోయింది. శివాంగ్‌ కుమార్‌ బౌలింగ్‌లో అనికేత్‌ వర్మ (11)కు క్యాచ్‌ ఇచ్చి కూపర్‌ కన్నోల్లీ (11) ఔటయ్యాడు.తొలి వికెట్‌ కోల్పోయిన పంజాబ్‌6.2వ ఓవర్‌- 99 పరుగుల వద్ద పంజాబ్‌ తొలి వికెట్‌ కోల్పోయింది. శివాంగ్‌ కుమార్‌ బౌలింగ్‌లో నితీశ్‌ కుమార్‌ రెడ్డికి క్యాచ్‌ ఇచ్చి ప్రియాంశ్‌ ఆర్య (57) ఔటయ్యాడు. ధీటుగా బదులిస్తున్న పంజాబ్‌220 పరుగుల భారీ లక్ష్య ఛేదనలో పంజాబ్‌ ధీటుగా బదులిస్తుంది. ఓపెనర్లు ప్రియాంశ్‌ ఆర్య (51), ప్రభ్‌సిమ్రన్‌ (41) చెలరేగి ఆడుతున్నారు. 6 ఓవర్ల తర్వాత పంజాబ్‌ స్కోర్‌ 93-0గా ఉంది. ఎస్‌ఆర్‌హెచ్‌ భారీ స్కోర్‌20 ఓవర్లలో 218-6 (అభిషేక్‌ శర్మ (74), ట్రవిస్‌ హెడ్‌ (38), ఇషాన్‌ కిషన్‌ (27), క్లాసెన్‌ (39), అనికేత్‌ వర్మ (18)).మూడో వికెట్‌ కోల్పోయిన ఎస్‌ఆర్‌హెచ్‌13.6వ ఓవర్‌-169 పరుగుల వద్ద ఎస్‌ఆర్‌హెచ్‌ మూడో వికెట్‌ కోల్పోయింది. అర్షదీప్‌ సింగ్‌ బౌలింగ్‌లో జన్సెన్‌కు క్యాచ్‌ ఇచ్చి ఇషాన్‌ కిషన్‌ (27) ఔటయ్యాడు. ఒకే ఓవర్‌లో రెండు వికెట్లు కోల్పోయిన ఎస్‌ఆర్‌హెచ్‌అప్పటిదాకా పరుగుల వరద పారించిన ఎస్‌ఆర్‌హెచ్‌ ఓపెనర్లు ఒకే ఓవర్లో ఔటైపోయారు.ఎస్‌ఆర్‌హెచ్‌ ఓపెనర్ల ఊచకోతటాస్‌ ఓడి తొలుత బ్యాటింగ్‌ చేస్తున్న సన్‌రైజర్స్‌ తొలి 5 ఓవర్లలో వికెట్‌ నష్టపోకుండా ఏకంగా 84 పరుగులు చేసింది. ఓపెనర్లు అభిషేక్‌ శర్మ (59), ట్రవిస్‌ హెడ్‌ (18) శివాలెత్తిపోతున్నారు. ముఖ్యంగా అభిషేక్‌ పట్టపగ్గాల్లేకుండా చెలరేగిపోతున్నాడు. కేవలం18 బంతుల్లోనే హాఫ్‌ సెంచరీ పూర్తి చేసుకున్నాడు. హెడ్‌ కూడా తానేమీ తక్కువ కాదన్నట్లు రఫ్ఫాడిస్తున్నాడు. ఐపీఎల్‌ 2026లో భాగంగా ఇవాళ (ఏప్రిల్‌ 11) డబుల్‌ హెడర్‌ మ్యాచ్‌లు జరుగుతున్నాయి. మధ్యాహ్నం 3:30 గంటలకు ప్రారంభమయ్యే మ్యాచ్‌లో పంజాబ్‌ కింగ్స్‌-సన్‌రైజర్స్‌ హైదరాబాద్‌ తలపడుతున్నాయి. ముల్లాన్‌పూర్‌ వేదికగా జరిగే ఈ మ్యాచ్‌లో పంజాబ్‌ టాస్‌ గెలిచి బౌలింగ్‌ ఎంచుకుంది.ఈ మ్యాచ్‌ కోసం ఎస్‌ఆర్‌హెచ్‌ రెండు మార్పులు చేయగా.. పంజాబ్‌ ఎలాంటి మార్పులు లేకుండా బరిలోకి దిగుతుంది. ఎస్‌ఆర్‌హెచ్‌ తరఫున లివింగ్‌స్టోన్‌ స్థానంలో సలీల్‌ అరోరా బరిలోకి దిగుతున్నాడు. అలాగే ప్రఫుల్‌ హింజ్‌ (ఉనద్కత్‌ స్థానంలో) అరంగేట్రానికి సిద్దమయ్యాడు.తుది జట్లు..పంజాబ్ కింగ్స్: ప్రియాంష్ ఆర్య, ప్రభ్‌సిమ్రాన్ సింగ్(w), కూపర్ కొన్నోలీ, శ్రేయాస్ అయ్యర్(c), శశాంక్ సింగ్, మార్కస్ స్టోయినిస్, మార్కో జాన్సెన్, జేవియర్ బార్ట్‌లెట్, విజయ్‌కుమార్ వైషాక్, అర్ష్‌దీప్ సింగ్, యుజ్వేంద్ర చాహల్ఇంపాక్ట్ సబ్స్‌: నేహాల్ వధేరా, విష్ణు వినోద్, సూర్యాంశ్ షెడ్గే, యష్ ఠాకూర్, హర్‌ప్రీత్ బ్రార్సన్‌రైజర్స్ హైదరాబాద్: ట్రావిస్ హెడ్, అభిషేక్ శర్మ, ఇషాన్ కిషన్ (w/c), హెన్రిచ్ క్లాసెన్, సలీల్ అరోరా, అనికేత్ వర్మ, నితీష్ కుమార్ రెడ్డి, హర్ష్ దూబే, శివంగ్ కుమార్, హర్షల్ పటేల్, ఎషాన్ మలింగఇంపాక్ట్ సబ్స్‌: జయదేవ్ ఉనద్కత్, లియామ్ లివింగ్‌స్టోన్, శివమ్ మావి, ప్రఫుల్ హింగే, కమిందు మెండిస్

ఐపీఎల్‌-2026లో సన్‌రైజర్స్‌ హైదరాబాద్‌కు మిశ్రమ ఫలితాలు వస్తున్నాయి. సీజన్‌ ఆరంభ మ్యాచ్‌లో డిఫెండింగ్‌ చాంపియన్‌తో తలపడ్డ సన్‌రైజర్స్‌ 201 పరుగులు చేసినా.. లక్ష్యాన్ని కాపాడుకోలేకపోయింది.సొంతమైదానంలో నామమాత్రపు స్కోరుతదుపరి కోల్‌కతా నైట్‌ రైడర్స్‌తో మ్యాచ్‌లో 226 పరుగుల భారీ స్కోరు సాధించిన సన్‌రైజర్స్‌.. 161 పరుగులకే ప్రత్యర్థిని కుప్పకూల్చి జయభేరి మోగించింది. అయితే, సొంతమైదానంలో ఈ సీజన్‌లో తొలి మ్యాచ్‌లో భాగంగా లక్నో సూపర్‌ జెయింట్స్‌తో మ్యాచ్‌లో మాత్రం ఓటమిపాలైంది. హైదరాబాద్‌ జట్టు కేవలం 156 పరుగులే చేయగా.. మరో బంతి మిగిలి ఉండగానే లక్నో లక్ష్యాన్ని ఛేదించింది.ఇదిలా ఉంటే.. రెగ్యులర్‌ కెప్టెన్‌ ప్యాట్‌ కమిన్స్‌ (Pat Cummins) ఆరంభ మ్యాచ్‌లకు దూరం కాగా ఇషాన్‌ కిషన్‌ (Ishan Kishan) సన్‌రైజర్స్‌ సారథిగా బాధ్యతలు నిర్వర్తిస్తున్న సంగతి తెలిసిందే. ఇక కమిన్స్‌ రూపంలో కీలక పేసర్‌ సేవలను కూడా జట్టు కోల్పోయింది. ఈ నేపథ్యంలో బౌలింగ్‌ విభాగం బలహీనంగా ఉన్నందువల్లే సన్‌రైజర్స్‌ రాణించలేకపోతుందనే విమర్శలు వస్తున్నాయి.బ్యాటర్లు మరింతగా శ్రమించాల్సి ఉందిఈ విషయంపై సన్‌రైజర్స్‌ పవర్‌ హిట్టర్‌ హెన్రిచ్‌ క్లాసెన్‌ తాజాగా స్పందించాడు. తమ వైఫల్యాలకు బ్యాటింగ్‌ విభాగమే ప్రధాన కారణమంటూ బౌలర్లను సమర్థించాడు. ఈ మేరకు ఎన్డీటీవీతో మాట్లాడుతూ.. ‘‘గత మూడు మ్యాచ్‌లలో మేము 40 పరుగుల మేర వెనుకబడి ఉన్నాం అనిపించింది. కాబట్టి బ్యాటర్లు మరింతగా శ్రమించాల్సి ఉంది.అతడు లేనిలోటు తీరనిదిప్యాట్‌ కమిన్స్‌ వంటి ఆటగాడు లేకపోవడం ఏ ఫార్మాట్లోనైనా ఇబ్బందికరమే. జట్టుకు భారీ నష్టం కూడా! బ్రైడన్‌ కార్స్‌ చేతికి గాయమైంది. కాబట్టి మా ప్రణాళికల్లో మార్పు చేయాల్సి వచ్చింది. ఏదేమైనా మా జట్టు అనుభవం ఉన్న జట్టు. ముఖ్యంగా పేస్‌ దళం బాగుంది.బ్యాట్‌తో మేము కష్టపడ్డ చోట మా వాళ్లు వికెట్లు తీయగలిగారు. బ్యాటర్లుగా మేము మాత్రం అనుకున్న మేర రాణించలేకపోయాము. ఓటములకు మా బౌలర్లను బాధ్యులను చేయడం సులువే. అదనంగా 20- 30 పరుగులు చేసి ఉంటేకానీ ఓడిన రెండు మ్యాచ్‌లలో మేము 20- 30 పరుగులు అదనంగా చేసి ఉంటే పరిస్థితి వేరుగా ఉండేది. అలా అయితే మా బౌలర్లు లక్ష్యాన్ని కాపాడగలిగి ఉండేవారు’’ అని హెన్రిచ్‌ క్లాసెన్‌ బౌలింగ్‌ విభాగానికి మద్దతుగా నిలిచాడు. కాగా సన్‌రైజర్స్‌ బౌలింగ్‌ విభాగంలో హర్ష్‌ దూబే, జయదేవ్‌ ఉనాద్కట్‌, ఎషాన్‌ మలింగ, హర్షల్‌ పటేల్‌, ఆల్‌రౌండర్‌ నితీశ్‌ కుమార్‌ రెడ్డి కీలక పాత్ర పోషిస్తున్నారు. ఇదిలా ఉంటే.. కమిన్స్‌ ఇప్పట్లో అందుబాటులోకి వచ్చే పరిస్థితి కనబడటం లేదు.చదవండి: David Warner Arrest: ఆస్ట్రేలియా దిగ్గజం డేవిడ్ వార్నర్‌ అరెస్టు

సొంత మైదానంలో తొలి పోరు... మధ్యాహ్నం మ్యాచ్‌... బ్యాటింగ్‌కు బాగా అనుకూలమైన పిచ్‌... టాస్‌ ఓడినా ముందుగా బ్యాటింగ్‌ చేసే అవకాశం దక్కింది. అయినా సరే సన్‌రైజర్స్‌ హైదరాబాద్‌ 156 పరుగులకే పరిమితమైంది. 26 పరుగులకే 4 వికెట్లు పడినా... నితీశ్‌ రెడ్డి, క్లాసెన్‌ మెరుపులతో ఆ మాత్రం స్కోరు చేయగలిగింది. స్వల్ప లక్ష్య ఛేదనలో లక్నో సూపర్‌ జెయింట్స్‌ కూడా తడబడినా కెప్టెన్‌ రిషభ్‌ పంత్‌ ముందుండి జట్టును గెలుపు తీరం చేర్చాడు. తీవ్ర ఒత్తిడి మధ్య బరిలోకి దిగిన అతను దూకుడుగా వెళ్లకుండా పరిస్థితికి తగినట్లుగా ఆడి జట్టుకు విజయాన్ని అందించాడు. సాక్షి, హైదరాబాద్‌: ఐపీఎల్‌లో లక్నో సూపర్‌ జెయింట్స్‌ గెలుపు బోణీ చేసింది. తొలి మ్యాచ్‌లో ఓడిన ఆ జట్టు రెండో మ్యాచ్‌లో విజయాన్ని అందుకుంది. ఆదివారం ఉప్పల్‌ స్టేడియంలో జరిగిన పోరులో లక్నో 5 వికెట్ల తేడాతో సన్‌రైజర్స్‌ హైదరాబాద్‌ను ఓడించింది. ఈ సీజన్‌లో సన్‌రైజర్స్‌కిది రెండో పరాజయం. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ నిర్ణీత 20 ఓవర్లలో 9 వికెట్ల నష్టానికి 156 పరుగులు చేసింది. హెన్రిచ్‌ క్లాసెన్‌ (41 బంతుల్లో 62; 5 ఫోర్లు, 2 సిక్స్‌లు), ఆంధ్ర క్రికెటర్‌ నితీశ్‌ కుమార్‌ రెడ్డి (33 బంతుల్లో 56; 3 ఫోర్లు, 5 సిక్స్‌లు) అర్ధసెంచరీలు సాధించారు. వీరిద్దరు ఐదో వికెట్‌కు 63 బంతుల్లోనే 116 పరుగులు జోడించారు. ఐపీఎల్‌లో ఐదో వికెట్‌కు సన్‌రైజర్స్‌ తరఫున ఇదే అత్యుత్తమ భాగస్వామ్యం. అనంతరం లక్నో 19.5 ఓవర్లలో 5 వికెట్లకు 160 పరుగులు చేసి గెలిచింది. కెప్టెన్ రిషభ్‌ పంత్‌ (50 బంతుల్లో 68 నాటౌట్‌; 9 ఫోర్లు), మార్క్‌రమ్‌ (27 బంతుల్లో 45; 6 ఫోర్లు, 2 సిక్స్‌లు) కీలక ఇన్నింగ్స్‌లు ఆడారు. కట్టుదిట్టమైన బౌలింగ్‌తో సన్‌రైజర్స్‌కు కళ్లెం వేసిన లక్నో పేసర్‌ షమీకి ‘ప్లేయర్‌ ఆఫ్‌ ద మ్యాచ్‌’ అవార్డు లభించింది. సన్‌రైజర్స్‌ తదుపరి పోరులో ఈనెల 11న న్యూచంఢీగడ్‌లో పంజాబ్‌ కింగ్స్‌తో తలపడుతుంది. మెరుపు భాగస్వామ్యం... వరుసగా వికెట్లు కోల్పోవడంతో కాస్త జాగ్రత్త పడుతూ క్లాసెన్, నితీశ్‌ ఆరంభంలో నెమ్మదిగా ఆడారు. తొలి 13 బంతుల్లో క్లాసెన్‌ 8 పరుగులే చేయగా, నితీశ్‌ 13 బంతుల్లో 4 పరుగులే చేశాడు. అయితే ప్రిన్స్‌ వేసిన 11వ ఓవర్లో ఇద్దరూ చెరో సిక్స్‌ కొట్టడంతో జోరు మొదలైంది. 19 పరుగుల వద్ద ముకుల్‌ క్యాచ్‌ వదిలేయడంతో బతికిపోయిన క్లాసెన్‌ ఆ తర్వాత అవేశ్‌ ఓవర్లో 4 ఫోర్లు బాదాడు. ఈ క్రమంలో ముందుగా క్లాసెన్‌ 33 బంతుల్లో, నితీశ్‌ 30 బంతుల్లో అర్ధ సెంచరీలు పూర్తి చేసుకున్నారు. అయితే మరింత వేగంగా ఆడే క్రమంలో 2 పరుగుల వ్యవధిలో వీరిద్దరు వెనుదిరగ్గా... మరో 12 పరుగులు జోడించి రైజర్స్‌ తర్వాతి 3 వికెట్లు కోల్పోయింది. ఆఖరి 4 ఓవర్లలో జట్టు 5 వికెట్లు చేజార్చుకొని 33 పరుగులే చేయగలిగింది. రాణించిన మార్క్‌రమ్‌... ఓపెనర్‌గా చేసిన ప్రయత్నాన్ని లక్నో సారథి పంత్‌ ఒక్క మ్యాచ్‌కే పరిమితం చేశాడు. దాంతో మిచెల్‌ మార్ష్ (12 బంతుల్లో 14; 2 ఫోర్లు), మార్క్‌రమ్‌ లక్నో ఛేజింగ్‌ను ప్రారంభించారు. మార్ష్ తొందరగానే అవుటైనా, మార్క్‌రమ్‌ ధాటిని ప్రదర్శించాడు. ఉనాద్కట్‌ ఓవర్లో అతను 2 ఫోర్లు, 1 సిక్స్‌ కొట్టడంతో లక్నో పవర్‌ప్లేలో స్కోరు 53 పరుగులకు చేరింది. మరోవైపు పంత్‌ మాత్రం దూకుడుకు పోకుండా ప్రశాంతంగా బ్యాటింగ్‌ చేశాడు. అయితే కట్టుదిట్టమైన బౌలింగ్‌తో మూడు పరుగుల వ్యవధిలో బదోని (9 బంతుల్లో 12; 1 ఫోర్‌), నికోలస్‌ పూరన్‌ (1)లను అవుట్‌ చేయడంతో పాటు పరుగుల వేగాన్ని అడ్డుకొని రైజర్స్‌ పైచేయి సాధించే ప్రయత్నం చేసింది. ఈ దశలో పంత్‌కు అబ్దుల్‌ సమద్‌ (12 బంతుల్లో 16; 2 ఫోర్లు) కొద్దిసేపు అండగా నిలిచాడు. 43 బంతుల్లో పంత్‌ హాఫ్‌ సెంచరీ పూర్తయింది. చివర్లో ఉత్కంఠ... లక్నో విజయానికి చివరి 18 బంతుల్లో 19 పరుగులు కావాలి. దూబే 6 పరుగులే ఇచ్చి సమద్‌ను అవుట్‌ చేయగా, 19వ ఓవర్లో హర్షల్‌ 4 పరుగులే ఇచ్చాడు. దాంతో ఆఖరి ఓవర్లో 9 పరుగులు అవసరమయ్యాయి. ఉనాద్కట్‌ వేసిన తొలి రెండు బంతులను ఫోర్‌లుగా మలచిన పంత్‌ తర్వాతి రెండు బంతుల్లో పరుగు తీయలేకపోయాడు. అయితే ఐదో బంతిని మళ్లీ బౌండరీకి తరలించి విజయాన్ని ఖాయం చేశాడు.షమీ సూపర్‌... సీనియర్‌ పేసర్‌ షమీ ఈ మ్యాచ్‌లోనూ తన స్థాయిని ప్రదర్శించాడు. తొలి ఓవర్‌ చివరి బంతికి అభిషేక్‌ శర్మ (0)ను వెనక్కి పంపించిన అతను, తన రెండో ఓవర్‌ తొలి బంతికే ట్రవిస్‌ హెడ్‌ (8 బంతుల్లో 7; 1 ఫోర్‌)ను అవుట్‌ చేశాడు. ఇద్దరు విధ్వంసక ఆటగాళ్ల పని పట్టిన షమీ నాలుగు ఓవర్లలో ఒక్క బౌండరీ కూడా ఇవ్వకుండానే తన స్పెల్‌ను 4–0–9–2తో ముగించాడు. మరోవైపు కెప్టెన్ ఇషాన్‌ కిషన్‌ (4 బంతుల్లో 1), లివింగ్‌స్టోన్‌ (20 బంతుల్లో 14; 1 సిక్స్‌) కూడా వెనుదిరగడంతో స్కోరు 26/4 వద్ద నిలిచింది. పవర్‌ప్లేలో 22 పరుగులే చేసిన రైజర్స్‌ 10 ఓవర్లు ముగిసేసరికి 35 పరుగులకే పరిమితమైంది. ఆ మూడు సిక్స్‌లు...లక్నో స్పిన్నర్‌ దిగ్వేశ్‌ ‘నోట్‌బుక్‌’ రాఠీపై నితీశ్‌ రెడ్డి విరుచుకు పడ్డాడు. రాఠీ వేసిన ఇన్నింగ్స్‌ 15వ ఓవర్లో నితీశ్‌ మూడు సిక్స్‌లు బాదాడు. అప్పటికే జోరు మొదలు పెట్టిన నితీశ్‌ దూసుకుపోయాడు. లాంగాన్, లాంగాఫ్‌ దిశగా వరుసగా రెండు సిక్స్‌లు బాదిన అతను మరో మూడు బంతులకు లాంగాన్‌ వైపే అలవోకగా మరో సిక్స్‌ను మలిచాడు. ఈ షాట్లతో ఉప్పల్‌ స్టేడియం హోరెత్తిపోయింది. ఈ ఓవర్లో మొత్తం 22 పరుగులు వచ్చాయి. 5 ఐపీఎల్‌లో సన్‌రైజర్స్‌పై లక్నోకిది ఐదో విజయం. ఈ ఐదింటిలో నాలుగు ఛేజింగ్‌లోనే వచ్చాయి. ఈ నాలుగింటిలో మూడింట లక్నో ఐదు వికెట్ల తేడాతో నెగ్గడం విశేషం. ఒక మ్యాచ్‌లో ఏడు వికెట్లతో గెలవగా, మరో మ్యాచ్‌లో 12 పరుగుల తేడాతో విజయం అందుకుంది. స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: హెడ్‌ (సి) మార్క్‌రమ్‌ (బి) షమీ 7; అభిõÙక్‌ (సి) సిద్ధార్థ్‌ (బి) షమీ 0; ఇషాన్‌ కిషన్‌ (బి) ప్రిన్స్‌ 1; లివింగ్‌స్టోన్‌ (సి) పంత్‌ (బి) రాఠీ 14; క్లాసెన్‌ (సి) పంత్‌ (బి) అవేశ్‌ 62; నితీశ్‌ రెడ్డి (సి) ప్రిన్స్‌ (బి) సిద్ధార్థ్‌ 56; అనికేత్‌ (నాటౌట్‌) 2; దూబే (బి) అవేశ్‌ 0; శివాంగ్‌ (బి) ప్రిన్స్‌ 5; హర్షల్‌ (రనౌట్‌) 4; ఎక్స్‌ట్రాలు 5; మొత్తం (20 ఓవర్లలో 9 వికెట్లకు) 156. వికెట్ల పతనం: 1–1, 2–8, 3–11, 4–26, 5–142, 6–144, 7–144, 8–151, 9–156. బౌలింగ్‌: షమీ 4–0–9–2, దిగ్వేశ్‌ రాఠీ 4–0–46–1, ప్రిన్స్‌ యాదవ్‌ 4–0–34–2, సిద్ధార్థ్‌ 4–0–29–1, అవేశ్‌ 4–0–36–2. లక్నో సూపర్‌ జెయింట్స్‌ ఇన్నింగ్స్‌: మార్క్‌రమ్‌ (సి) లివింగ్‌స్టోన్‌ (బి) శివాంగ్‌ 45; మిచెల్‌ మార్ష్ (సి) నితీశ్‌ (బి) మలింగ 14; పంత్‌ (నాటౌట్‌) 68; బదోని (స్టంప్డ్‌) ఇషాన్‌ కిషన్‌ (బి) దూబే 12; పూరన్‌ (రనౌట్‌) 1; సమద్‌ (సి) లివింగ్‌స్టోన్‌ (బి) దూబే 16; ముకుల్‌ (నాటౌట్‌) 2; ఎక్స్‌ట్రాలు 2; మొత్తం (19.5 ఓవర్లలో 5 వికెట్లకు) 160. వికెట్ల పతనం: 1–37, 2–77, 3–102, 4–105, 5–139. బౌలింగ్‌: హర్ష్ దూబే 4–0–18–2, నితీశ్‌ రెడ్డి 1–0–14–0, ఉనాద్కట్‌ 3.5–0–50–0, ఇషాన్‌ మలింగ 4–0–30–1, హర్షల్‌ 3–0–16–0, శివాంగ్‌ 4–0–30–1.

ఐపీఎల్ 2026లో భాగంగా ఆదివారం డబుల్‌ హెడర్‌ మ్యాచ్‌లు జరగనున్నాయి. తొలి మ్యాచ్‌లో సన్‌రైజర్స్‌ హైదరాబాద్‌ తమ సొంతగడ్డపై లక్నో సూపర్‌జెయింట్స్‌తో తలపడనుంది. ఉప్పల్‌ వేదికగా జరగనున్న మ్యాచ్‌కు వర్షం అడ్డు తగిలే అవకాశాలు కనిపిస్తున్నాయి. ఈ మేరకు వాతావరణశాఖ ప్రకటన విడుదల చేసినట్లు తెలుస్తోంది. మధ్యాహ్నం 3.30 గంటలకు మొదలుకానున్న మ్యాచ్‌ మధ్యలో వర్షం పడే చాన్స్‌ ఉంది. ఆట జరిగే సమయంలో 50 శాతం వర్షం పడే అవకాశాలున్నట్లు వెదర్‌ రిపోర్ట్‌ చూపిస్తోంది. ప్రస్తుతానికి ఎండ బాగానే కాస్తున్నప్పటికీ మ్యాచ్‌ సమయానికి వాతావరణం చల్లబడే అవకాశం లేకపోలేదు. ఇప్పటికే మ్యాచ్‌కు సంబంధించి టికెట్లన్నీ హాట్‌కేకుల్లా అమ్ముడయ్యాయి. ఈ సీజన్‌లో తొలి మ్యాచ్‌లో ఓడిన ఎస్‌ఆర్‌హెచ్‌ రెండో మ్యాచ్‌లో గెలిచి బోణీ చేసింది. మరోవైపు పంత్‌ సారథ్యంలోని లక్నో మాత్రం తొలి మ్యాచ్‌లో ఓడి ఇంకా బోణీ కోసం ఎదురుచూస్తోంది. పాయింట్ల పట్టికలో ఎస్‌ఆర్‌హెచ్‌ ఐదో స్థానంలో ఉంటే.. లక్నో ఎనిమిదో స్థానంలో కొనసాగుతుంది. సొంతగడ్డపై భారీ విజయంతో ముందంజ వేయాలని ఎస్‌ఆర్‌హెచ్‌ భావిస్తుంటే.. లక్నో మాత్రం ఎలాగైనా ఉప్పల్‌లో గెలిచి ఖాతా తెరవాలని చూస్తోంది. ఇరుజట్లు ముఖాముఖి పోరులో ఆరుసార్లు తలపడితే లక్నో 4 విజయాలు.. ఎస్‌ఆర్‌హెచ్‌ రెండు విజయాలు సాధించాయి. గతేడాది ఇదే ఉప్పల్‌లో జరిగిన మ్యాచ్‌లో ఎస్‌ఆర్‌హెచ్‌పై లక్నో సూపర్‌జెయింట్స్‌ విజయం సాధించింది.చదవండి: అత‌డిని వ‌దిలి సీఎస్‌కే త‌ప్పు చేసిందా?

సాక్షి, హైదరాబాద్‌: ఇండియన్‌ ప్రీమియర్‌ లీగ్‌ (ఐపీఎల్‌) – 2026 సీజన్‌లో హైదరాబాద్‌ వేదికగా మ్యాచ్‌లకు రంగం సిద్ధమైంది. హోం టీమ్‌ సన్‌రైజర్స్‌ ఉప్పల్‌ మైదానంలో నేడు తమ తొలి మ్యాచ్‌ ఆడనుంది. ఈ పోరులో లక్నో సూపర్‌ జెయింట్స్‌తో హైదరాబాద్‌ తలపడుతుంది. తొలి మ్యాచ్‌లో బెంగళూరు చేతిలో ఓడినా... ఈడెన్‌ గార్డెన్స్‌లో జరిగిన గత మ్యాచ్‌లో కోల్‌కతా నైట్‌రైడర్స్‌ను ఓడించి రైజర్స్‌ జోరు మీదుంది. మరో వైపు లక్నో తాము ఆడిన ఒకే ఒక మ్యాచ్‌లో సొంతగడ్డపైనే ఢిల్లీ క్యాపిటల్స్‌ చేతిలో ఓటమిపాలైంది. 2025 సీజన్‌లో ఇరు జట్ల మధ్య ఇక్కడ జరిగిన మ్యాచ్‌లో లక్నో 5 వికెట్ల తేడాతో హైదరాబాద్‌ను ఓడించింది. మార్పుల్లేకుండా... తిరుగులేని బ్యాటింగ్‌ బలగం ఉన్న సన్‌రైజర్స్‌ మరోసారి అదే విధ్వంసక ఆటను సొంత గడ్డపై చూపించాలని పట్టుదలగా ఉంది. హెడ్, అభిషేక్‌ మెరుపు బ్యాటింగ్‌లో చెలరేగితే జట్టుకు తిరుగుండదు. హైదరాబాద్‌ ఓపెనర్లను లక్నో ఏమాత్రం నిలువరించగలదనేదే ఆసక్తికరం. వీరి తర్వాత అదే ధాటిని కొనసాగించేందుకు ఇషాన్‌ కిషన్, క్లాసెన్‌ సిద్ధంగా ఉన్నారు. గత మ్యాచ్‌లో విఫలమైనా...అనికేత్‌ వర్మ ప్రతిభావంతుడైన బ్యాటర్‌. వీరికి తోడు లోకల్‌ బాయ్‌ నితీశ్‌ కుమార్‌ రెడ్డి ఫామ్‌లోకి రావడం మరో సానుకూలాంశం. కోల్‌కతాలో పోరులో ప్లేయర్‌ ఆఫ్‌ ద మ్యాచ్‌గా నిలిచిన నితీశ్‌ తన జోరును కొనసాగించాలని కొనసాగించాలని భావిస్తున్నాడు. ఏడో స్థానంలో వచ్చే సలీల్‌ కూడా ధాటిగా ఆడగల సమర్థుడు. అన్నింటికి మించి హైదరాబాద్‌ పిచ్‌ ఎప్పుడూ బ్యాటింగ్‌కు బాగా అనుకూలమే. పరుగుల విషయంలో ఎన్నో రికార్డులు ఈ మైదానంలో బద్దలయ్యాయి. ఈ నేపథ్యంలో రైజర్స్‌ బ్యాటింగ్‌ ఏ స్థాయికి చేరుతుందనేది చూడాలి. అయితే బ్యాటింగ్‌తో పోలిస్తే సహజంగానే రైజర్స్‌ బౌలింగ్‌ బలహీనంగా కనిపిస్తోంది. డేవిడ్‌ పేన్‌ ప్రధాన పేసర్‌ కావడం కాస్త ఆశ్చర్యపరుస్తుండగా...ఉనాద్కట్, మలింగ, దూబే ఏమాత్రం ప్రభావం చూపిస్తారనేది చర్చనీయాంశం. పంత్‌పై తీవ్ర ఒత్తిడి... గత సీజన్‌లో అంతంతమాత్రంగానే ఆడిన లక్నోకు ఈసారి కూడా సరైన ఆరంభం లభించలేదు. తొలి మ్యాచ్‌లో కేవలం 141 పరుగులకే పరిమితమైన ఆ జట్టు ఢిల్లీ చేతిలో పరాజయం చవిచూసింది. టీమ్‌ మేనేజ్‌మెంట్‌ కూడా ఆటగాళ్ల ప్రదర్శనపై అసంతృప్తి వ్యక్తం చేస్తున్న నేపథ్యంలో కోలుకొని మళ్లీ దారిలో పడటం టీమ్‌కు ఎంతో కీలకం. ఓపెనర్‌గా వచ్చిన పంత్‌ రనౌట్‌గా వెనుదిరిగాడు కాబట్టి ఈ సారి కూడా అతను ఓపెనర్‌గా మరో ప్రయత్నం చేయవచ్చు. మార్‌‡్ష, మార్క్‌రమ్‌ తమ స్థాయికి తగినట్లు దూకుడుగా ఆడాల్సి ఉంది. రెండు అగ్రశ్రేణి జట్ల టి20 కెపె్టన్లు అయిన వీరిద్దరు ఒంటి చేత్తో మ్యాచ్‌ను గెలిపించగల సమర్థులు. పూరన్‌ ఐదో స్థాయిలో బరిలోకి దిగడం జట్టుకు ఏమాత్రం మేలు చేయదు. దీనిపై విమర్శలు కూడా వచ్చాయి. ఈ నేపథ్యంలో బదోని కంటే ముందు నాలుగో స్థానం అతను ఆడే అవకాశం ఉంది. గత మ్యాచ్‌లో ఆదుకున్న సమద్‌ తమ మాజీ జట్టుపై మరో మంచి ఇన్నింగ్స్‌ ఆడాల్సి ఉంది. లక్నో పేస్‌ దళం చాలా పటిష్టంగా ఉంది. షమీ, మొహసిన్, నోర్జే, ప్రిన్స్‌ జట్టు భారం మోస్తున్నారు. నాణ్యమైన స్పిన్నర్‌ లేని లోటును టీమ్‌ ఎలా అధిగమిస్తుందో చూడాలి.స్వదేశానికి కమిన్స్‌ సన్‌రైజర్స్‌ రెగ్యులర్‌ కెప్టెన్ ప్యాట్‌ కమిన్స్‌ ఆ్రస్టేలియాకు పయనమయ్యాడు. వెన్ను గాయంతో బాధపడుతున్న అతను దానికి స్కానింగ్‌ చేయించుకునేందుకు స్వదేశానికి వెళ్లాడు. ఆస్ట్రేలియా క్రికెట్‌ బోర్డు పర్యవేక్షణలో ఈ పరీక్ష జరుగుతుంది. దీని తర్వాత అతని ఫిట్‌నెస్‌పై స్పష్టత వస్తుందని, ఆ తర్వాతే ఐపీఎల్‌ రెండో దశ పోటీల్లో ఆడతాడా లేదా తేలుతుందని ఆసీస్‌ క్రికెట్‌ వర్గాలు వెల్లడించాయి.చెన్నై X బెంగళూరు సా.7:30నుంచి స్టార్‌ స్పోర్ట్స్, హాట్‌స్టార్‌లో ప్రసారం బెంగళూరు: డిఫెండింగ్‌ చాంపియన్‌ రాయల్‌ చాలెంజర్స్‌ బెంగళూరు ఐపీఎల్‌లో తమ విజయపరంపరను కొనసాగించేందుకు సిద్ధమైంది. నేడు చిన్నస్వామి స్టేడియంలో జరిగే పోరులో చెన్నై సూపర్‌ కింగ్స్‌తో బెంగళూురు తలపడుతుంది. సీజన్‌ తొలి పోరులో సన్‌రైజర్స్‌ను ఓడించి అమితోత్సాహంతో మొదలు పెట్టిన ఆర్‌సీబీ సొంత గ్రౌండ్‌లో అభిమానులకు మళ్లీ గెలుపు సంబరం అందించాలని భావిస్తోంది. మరో వైపు వరుసగా రెండు పరాజయాల తర్వాత తీవ్ర ఒత్తిడిలో ఉన్న చెన్నై ఎలా రాణిస్తుందనేది చూడాలి. ఆటగాళ్ల వైఫల్యంతో పాటు మైదానంలో ధోని మార్గనిర్దేశనం లేక సీఎస్‌కే తడబడుతోంది.

ఐపీఎల్‌-2026 సీజన్‌లో సన్‌రైజర్స్ హైదరాబాద్ రెగ్యులర్ కెప్టెన్ పాట్ కమ్మిన్స్ మరికొన్ని మ్యాచ్‌లకు దూరం కానున్నాడు. వెన్ను గాయంతో బాధపడుతున్న కమ్మిన్స్ జట్టుతో చేరినప్పటికి.. తొలి రెండు మ్యాచ్‌లకు బెంచ్‌కే పరిమితయ్యాడు. అయితే ఇప్పుడు కమ్మిన్స్ తుది స్కాన్ల కోసం తిరిగి ఆస్ట్రేలియాకు వెళ్లిపోయినట్లు సమాచారం.అక్కడ క్రికెట్ ఆస్ట్రేలియా పర్యవేక్షణలో అతడికి టెస్ట్‌లు నిర్వహించనున్నారు. క్రికెట్ ఆస్ట్రేలియా వైద్య బృందం నుంచి కమ్మిన్స్‌కు సిగ్నల్ వస్తే ఏప్రిల్ 17న ఎస్‌ఆర్‌హెచ్ జట్టుతో కలిసే అవకాశముంది. అంటే సన్‌రైజర్స్ ఆడే కనీసం మూడు మ్యాచ్‌లకు కమ్మిన్స్ అందుబాటులో ఉండడు. అప్పటివరకు ఎస్‌ఆర్‌హెచ్ తాత్కాలిక కెప్టెన్ ఇషాన్ కిషన్ కొనసాగనున్నాడు.ఇక ఈ ఏడాది సీజన్‌ను ఓటమితో ఆరంభించిన ఆరెంజ్ ఆర్మీ.. రెండో మ్యాచ్‌లో అద్భుతంగా తిరిగి పుంజుకుంది. కేకేఆర్‌పై 65 పరుగుల తేడాతో ఘన విజయాన్ని అందుకుంది. ఈ మ్యాచ్‌లో బ్యాటింగ్‌, బౌలింగ్ రెండింటిలోనూ ఎస్‌ఆర్‌హెచ్ దుమ్ములేపింది. హైదరాబాద్ జట్టు ప్రస్తుతం పాయింట్ల పట్టికలో ఆరో స్ధానంలో కొనసాగుతోంది. సన్‌రైజర్స్ తమ తదుపరి మ్యాచ్‌లో ఏప్రిల్ 5న లక్నో సూపర్ జెయింట్స్‌తో తలపడనుంది. ముందు ఊహించినట్టుగానే కమ్మిన్స్ సెకెండ్ హాఫ్ సీజన్‌కు అందుబాటులో ఉండనున్నాడు.సన్‌రైజర్స్ హైదరాబాద్ జట్టు: అభిషేక్ శర్మ, ట్రావిస్ హెడ్, ఇషాన్ కిషన్(కెప్టెన్‌), లియామ్ లివింగ్‌స్టోన్, హెన్రిచ్ క్లాసెన్, అనికేత్ వర్మ, నితీష్ కుమార్ రెడ్డి, హర్షల్ పటేల్, జయదేవ్ ఉనద్కత్, హర్ష్ దూబే, ఈషాన్ మలింగ, శివమ్ మావి, స్మరన్ రవిచంద్రన్, కమ్మిన్స్‌, జీషన్ అన్సారీ, సలీల్ అరోరా, కమిందు మెండిస్, బ్రైడన్ కార్సే, డేవిడ్ పేన్, ప్రఫుల్ హింగే, సాకిబ్ హుస్సేన్, క్రెయిన్స్ ఫులేట్రా, అమిత్ కుమార్, ఓంకార్ తర్మలే, శివంగ్ కుమార్చదవండి: అతడు నాకంటే ఎంతో బెట‌ర్‌: యువరాజ్‌ సింగ్‌

సాక్షి, హైదరాబాద్‌: దేశవాళీ క్రికెట్‌ పోటీల్లో సత్తా చాటుతున్న తెలంగాణ ప్లేయర్లను సన్‌రైజర్స్‌ హైదరాబాద్‌ (ఎస్‌ఆర్‌హెచ్‌) ఎందుకు చిన్న చూపు చూస్తోందో ఆ జట్టు యజమాని కావ్య మారాన్‌ సమాధానం చెప్పాలని తెలంగాణ జిల్లాల క్రికెట్‌ సంఘం (టీడీసీఏ) వ్యవస్థాపక అధ్యక్షుడు, శాట్‌ మాజీ చైర్మన్‌ అల్లీపురం వెంకటేశ్వర్‌ రెడ్డి డిమాండ్‌ చేశారు. శుక్రవారం బంజారాహిల్స్‌లోని ఎస్‌ఆర్‌హెచ్‌ కార్యాలయం ముందు విద్యార్థి సంఘాల నాయకులతో కలిసి ధర్నా చేశారు. అనంతరం ఎస్‌ఆర్‌హెచ్‌ ప్రతినిధి నగేష్‌కు వినతిపత్రం సమర్పించారు. ఐపీఎల్‌ ఆటగాళ్ల వేలంలో పాల్గొనేందుకు తెలంగాణ నుంచి సుమారు 100 మంది క్రికెటర్లు తమ పేర్లను నమోదు చేసుకోగా ఒక్కరిని కూడా కొనుగోలు చేయకపోవడం అన్యాయమని విమర్శించారు. ఆరోన్‌ జార్జ్, అమన్‌రావు వంటి తెలంగాణ యువ ప్లేయర్లను ఎందుకు వేలంలో ఎస్‌ఆర్‌హెచ కొనుగోలు చేయలేదని నిలదీశారు. ఎస్‌ఆర్‌హెచ్‌కు తెలంగాణ డబ్బులు, మౌలిక వసుతులు కావాలి కానీ, ఇక్కడి స్థానిక ప్లేయర్లకు కనీస అవకాశాలు ఇవ్వరా? అని ప్రశ్నించారు. తెలంగాణపై ఎస్‌ఆర్‌హెచ్‌ సవతి తల్లి ప్రేమను కట్టిపెట్టాలని అన్నారు. ధర్నాలో విద్యార్థి సంఘాల నాయకులు రాజేష్‌ ప్రశాంత్, వినోద్‌ తదితరులు పాల్గొన్నారు.

ఐపీఎల్ 2026 సీజన్‌లో తొలి మ్యాచ్‌లో ఓటమిపాలైన సన్‌రైజర్స్ హైదరాబాద్ గురువారం కేకేఆర్‌తో జరిగిన రెండో మ్యాచ్‌లో విజయం సాధించి సీజన్‌లో బోణీ చేసింది. తెలుగు కుర్ర క్రికెటర్ నితీశ్‌కుమార్ రెడ్డి తనకున్న ఆల్‌రౌండర్ ట్యాగ్‌కు న్యాయం చేస్తూ మొదట బ్యాట్‌తో, ఆపై బంతితో మెరిసి జట్టు విజయంలో భాగం కావడంతో పాటు ‘ప్లేయర్ ఆఫ్ ది మ్యాచ్‌’ అవార్డు కూడా గెలుచుకున్నాడు. మ్యాచ్ ముగిసిన అనంతరం నితీశ్‌కుమార్ రెడ్డి మాట్లాడుతూ.. ‘ఇది నిజంగా నాకు చాలా ప్రత్యేకమైన మ్యాచ్‌. చాలా కాలంగా ఇలాంటి మ్యాచ్ విన్నింగ్ ప్రదర్శన కోసం ఎదురుచూస్తున్నాను. సరైన సమయంలో నేను రాణించగలిగాను. బ్యాటింగ్‌తో పాటు బౌలింగ్‌లో కూడా కష్టపడ్డా. కొన్ని బౌండరీలు ఇచ్చినా చివరికి జట్టుకు ఉపయోగపడే ప్రదర్శన ఇచ్చాను. గత సీజన్ నేను అనుకున్న ప్లాన్ ప్రకారం సాగలేదు. ఆ సీజన్‌లో నేను గాయాల కారణంగా చాలా ఇబ్బందులు ఎదుర్కొన్నాను. బౌలింగ్ కూడా చేయలేకపోయాను. ఆ సమయంలో నా మనసులో నెగెటివ్ ఆలోచనలు పెరిగిపోయాయి. అయితే ఐపీఎల్ 19వ సీజన్‌కు ముందు నా బౌలింగ్‌పై ప్రత్యేక దృష్టి సారించాను. నేను పడిన కష్టానికి ఇప్పుడు ఫలితం లభించింది. ఆల్‌రౌండ్ ప్రదర్శనతో ఎస్‌ఆర్‌హెచ్ విజయంలో కీలకపాత్ర పోషించడం ఆనందంగా ఉంది’ అని చెప్పుకొచ్చాడు. కేకేఆర్‌తో మ్యాచ్‌లో నితీశ్‌కుమార్ మొదట బ్యాటింగ్‌లో 24 బంతుల్లో 39 పరుగులు చేసి ఎస్‌ఆర్‌హెచ్ స్కోరు 200 దాటడంలో ముఖ్యపాత్ర పోషించాడు. ఆ తర్వాత బౌలింగ్‌లోనూ రింకూ సింగ్‌, అనుకుల్‌రాయ్‌లను ఔట్ చేసి ఎస్‌ఆర్‌హెచ్‌కు బ్రేక్ అందించాడు. Ishan Kishan has been brilliant in his captaincy: Nitish Kumar Reddy#IPL2026 #KKRvsSRHpic.twitter.com/FW8x1rzwXw— Khan (@ccricket713) April 3, 2026చదవండి: గెలుపు జోష్‌లో ఉన్న ఎస్‌ఆర్‌హెచ్‌కు షాక్‌!

సన్‌రైజ‌ర్స్ హైద‌రాబాద్ వైస్‌కెప్టెన్ అభిషేక్ శ‌ర్మ‌కు ఐపీఎల్ నిర్వాహ‌కులు షాక్ ఇచ్చారు. గురువారం కోల్‌క‌తా నైట్‌రైడ‌ర్స్‌తో జ‌రిగిన మ్యాచ్‌లో నిబంధ‌న‌లు ఉల్లంఘించినందుకు గాను అభిషేక్ శ‌ర్మ మ్యాచ్ ఫీజులో 25 శాతం జ‌రిమానా విధించ‌డంతో పాటు ఒక డీమెరిట్ పాయింట్‌ను కేటాయించారు. కేకేఆర్ ఇన్నింగ్స్ స‌మ‌యంలో అభిషేక్ అస‌భ్య ప‌ద‌జాలం వాడిన‌ట్లు స్టంప్ మైక్‌లో రికార్డయింది. దీంతో అత‌డిపై క్ర‌మ‌శిక్ష‌ణ చ‌ర్య‌లు తీసుకున్న‌ట్లు ఐపీఎల్ నిర్వాహ‌కులు తెలిపారు.మ్యాచ్‌లో ఆట పరంగా అభిమానులను అలరించినప్పటికీ, మైదానంలో మాత్రం అతని ప్రవర్తన అధికారులను నిరాశకు గురిచేసింది. ఐపీఎల్ ప్రవర్తనా నియమావళిలోని ఆర్టికల్ 2.3 ప్రకారం (మ్యాచ్ సమయంలో అసభ్య పదజాలం వాడటం) లెవల్ 1 నేరానికి పాల్పడినట్లు అభిషేక్ అంగీక‌రించాడు. ఐపీఎల్ క్రమశిక్షణ చ‌ర్య‌ల్లో భాగంగా లెవల్ 1 నేరాలు తక్కువ తీవ్రత కలిగినవిగా పరిగణించబడతాయి. అయినా పదేపదే ఇటువంటి ఉల్లంఘనలకు పాల్పడితే డీమెరిట్ పాయింట్లు పెరుగుతాయి. వీటివల్ల భవిష్యత్తులో మ్యాచ్ ల నుండి కూడా సస్పెన్షన్ కు దారితీసే అవకాశం ఉంటుంది. ప్రస్తుతం అభిషేక్ తన తప్పును అంగీకరించడంతో రిఫరీ శిక్షను ఖరారు చేశారు.అరుదైన రికార్డు..గురువారం ఈడెన్ గార్డెన్స్ వేదికగా కోల్‌క‌తా నైట్‌రైడ‌ర్స్‌తో జరిగిన మ్యాచ్ లో అభిషేక్ శర్మ 21 బంతుల్లో 4 ఫోర్లు, 4 సిక్సర్లతో 48 పరుగులతో సునామి ఇన్నింగ్స్ ఆడాడు. ప‌నిలో ప‌నిగా అభిషేక్ త‌న ఖాతాలో అరుదైన రికార్డును జ‌మ చేసుకున్నాడు. ఐపీఎల్‌లో ఎస్ఆర్‌హెచ్ త‌ర‌ఫున వంద సిక్స‌ర్లు బాదిన తొలి భార‌త ఆట‌గాడిగా రికార్డు సాధించాడు. ఎస్ఆర్‌హెచ్ త‌ర‌ఫున అత్య‌ధిక సిక్స‌ర్లు బాదిన ఆట‌గాడిగా డేవిడ్ వార్న‌ర్ (143 సిక్స‌ర్లు) తొలి స్థానంలో ఉన్నాడు. అభిషేక్ శ‌ర్మ (101 సిక్స‌ర్లు), క్లాసెన్ (89 సిక్స‌ర్లు), కేన్ విలియ‌మ్స‌న్ (64 సిక్స‌ర్లు), హెడ్ (50 సిక్స‌ర్లు) త‌ర్వాతి స్థానాల్లో కొన‌సాగుతున్నారు. ఈ మ్యాచ్‌లో స‌న్‌రైజ‌ర్స్ 65 పరుగుల భారీ తేడాతో కేకేఆర్‌పై భారీ విజయాన్ని నమోదు చేసుకుంది. 🚨 Meet Abhishek Sharma a FAILURE product of IPL 🚨- Matches: 78- Runs: 1822- AVERAGE : 26.79Strike Rate: 162.39- Ducks- 3- Fifties - 9- Centuries - 1Look at his average 26.79 which is below average of any player.pic.twitter.com/BjRi1v8aMz— manzur shaban (@Manzurshaban123) April 2, 2026చదవండి: రనౌటయ్యి బతికిపోయాడు లేదంటేనా!

ఐపీఎల్ 2026 సీజ‌న్‌లో కోల్‌కతా నైట్‌రైడ‌ర్స్ (కేకేఆర్‌) వ‌రుస‌గా రెండో ఓట‌మి న‌మోదు చేసుకుంది. స‌న్‌రైజ‌ర్స్ హైద‌రాబాద్‌తో మ్యాచ్‌లో ఛేద‌నలో మంచి ఆరంభం లభించిన‌ప్ప‌టికీ దానిని స‌ద్వినియోగం చేసుకోవ‌డంలో కేకేఆర్ బ్యాట‌ర్లు విఫ‌ల‌మ‌య్యారు. దీనికి తోడు టార్గెట్ ఎక్కువ‌గా ఉండ‌డం కూడా కేకేఆర్ కొంప‌ముంచింది. అయితే జ‌ట్టు ఓడినా ఒక్క ఆట‌గాడు మాత్రం గెలిచాడు. అత‌డే జింబాబ్వేకు చెందిన‌ బ్లెసింగ్ ముజ‌ర‌బానీ.ముంబై ఇండియ‌న్స్‌తో మ్యాచ్‌లో మూడు ఓవ‌ర్లు వేసి 34 ప‌రుగులిచ్చి ఒక్క వికెట్ కూడా తీయ‌లేక‌పోయాడు. కానీ గురువారం ఎస్ఆర్‌హెచ్‌తో మ్యాచ్‌లో మాత్రం ముజ‌ర‌బానీ త‌న ప్ర‌ద‌ర్శ‌న‌తో ఆక‌ట్టుకున్నాడు. 4 ఓవ‌ర్లు వేసిన ముజ‌ర‌బానీ 41 ప‌రుగులిచ్చి 4 వికెట్లు ప‌డ‌గొట్టాడు. ఎకాన‌మీ ప‌రంగా చూసుకుంటే ఓవ‌ర్‌కు 10 ప‌రుగుల చొప్పున ఇచ్చిన‌ప్ప‌టికీ బ్యాటింగ్ పిచ్‌పై ముజ‌ర‌బానీ ప్ర‌ద‌ర్శ‌న తీసిపారేయ‌లేము. పైగా అత‌డు తీసిన నాలుగు వికెట్ల‌లో అభిషేక్ శ‌ర్మ‌, ఇషాన్ కిష‌న్‌, క్లాసెన్ వంటి విధ్వంస‌క‌ర బ్యాట‌ర్లు ఉన్నారు. ఈ ఐపీఎల్‌లో సికంద‌ర్ ర‌జా త‌ర్వాత జింబాబ్వే నుంచి ఆడుతున్న క్రికెట‌ర్ ముజ‌ర‌బానీ మాత్ర‌మే. మొద‌ట వేలంలో అమ్ముడుపోని ఆట‌గాడు ఇవాళ కేకేఆర్ మ్యాచ్ ఓడినా త‌న ప్ర‌ద‌ర్శ‌న‌తో మాత్రం అభిమానుల మ‌నుసులు గెలుచుకున్నాడు.వేలంలో అమ్ముడుపోలేదు..జింబాబ్వే ఆట‌గాడు అయిన బ్లెసింగ్ ముజ‌ర‌బానీకి ఇదే తొలి ఐపీఎల్ సీజ‌న్‌. రూ. 75 ల‌క్ష‌ల క‌నీస ధ‌ర‌తో వేలంలోకి దిగిన ముజ‌ర‌బానీని కొనుగోలు చేయ‌డానికి ఫ్రాంచైజీలు ఇష్ట‌ప‌డ‌లేదు. దీంతో అత‌డు అమ్ముడుపోని ఆట‌గాళ్ల జాబితాలో చేరిపోయాడు. అయితే అదృష్టం ముజ‌ర‌బానీని ముస్తాఫిజుర్ రెహ్మాన్ రూపంలో వెతుక్కుంటూ వ‌చ్చింది. బంగ్లాదేశ్‌లో హిందువుల‌పై దాడులు, ఇత‌ర కార‌ణాల రీత్యా బంగ్లా ఆట‌గాళ్ల‌ను ఐపీఎల్‌లో పాల్గొన‌కూడ‌దంటూ దేశ‌వ్యాప్తంగా నిర‌స‌న‌లు జ‌రిగాయి. దీంతో బీసీసీఐ ఐపీఎల్‌లో ఆయా ఫ్రాంచైజీల్లో ఉన్న బంగ్లా ఆట‌గాళ్ల‌ను బ‌హిష్క‌రించాల‌ని సందేశాలు పంపింది. దీంతో కేకేఆర్ ముస్తాఫిజుర్ రెహ్మాన్‌ను జ‌ట్టు నుంచి విడుద‌ల చేసింది.వెతుక్కుంటూ అవకాశం..అత‌డి స్థానంలో నిఖార్సైన బౌల‌ర్ కోసం వెతికింది. ఈ నేప‌థ్యంలోనే అప్ప‌టికే టీ20 ప్ర‌పంచ‌క‌ప్‌లో జింబాబ్వే త‌ర‌ఫున 6 మ్యాచ్‌లాడిన బ్లెసింగ్ ముజ‌రబానీ 7.88 ఎకాన‌మీ రేట్‌తో 13 వికెట్లు ప‌డ‌గొట్టాడు. మొద‌ట అస‌లు వేలంలో అమ్ముడుపోని ఆట‌గాడిగా నిలిచిన ముజ‌ర‌బానీపై కేకేఆర్ క‌న్ను ప‌డింది. దీంతో ముస్తాఫిజుర్ స్థానంలో ముజ‌ర‌బానీని రీప్లేస్ చేస్తున్న‌ట్లు కేకేఆర్ యాజ‌మాన్యం ప్ర‌క‌టించింది.ఎవ‌రీ ముజ‌ర‌బానీ?29 ఏళ్ల ముజ‌ర‌బానీ జింబాబ్వేలోని మురేవా అనే చిన్న ప‌ట్ట‌ణంలో జ‌న్మించాడు. ఏడేళ్ల ప్రాయంలో క్రికెట్‌లో ఓన‌మాలు నేర్చుకున్న ముజ‌రబానీకి అత‌ని హైట్ ప్ల‌స్ అయింది. 6 అడుగుల 8 అంగుళాల పొడ‌వు ఉండే ముజ‌రబానీ వేసే బౌన్స‌ర్లు బ్యాట‌ర్ల‌ను ఇబ్బంది పెడుతుంటాయి. అలా 2017లో జాంబాబ్వే మాజీ క్రికెట‌ర్ తెటెండా తైబు క‌ళ్ల‌లో ప‌డిన ముజ‌ర‌బానీ రైజింగ్ స్టార్స్ అకాడ‌మీలో మూడు నెల‌ల పాటు క‌ఠిన శిక్ష‌ణ తీసుకొని బౌలింగ్‌లో మ‌రింత రాటుదేలాడు. 2017లో జింబాబ్వే త‌ర‌ఫున అంత‌ర్జాతీయ క్రికెట్‌లో అరంగేట్రం చేసిన ముజ‌రబానీ ఇప్ప‌టివ‌ర‌కు 18 టెస్టుల్లో 67 వికెట్లు, 57 వన్డేల్లో 70 వికెట్లు, 88 టీ20ల్లో 105 వికెట్లు ప‌డ‌గొట్టాడు.మొత్తంగా అన్ని ఫార్మాట్లు క‌లిపి 243 వికెట్లు ప‌డ‌గొట్టిన ముజ‌ర‌బానీ జింబాబ్వే త‌ర‌ఫున అత్య‌ధిక వికెట్లు తీసిన బౌల‌ర్‌గా రెండో స్థానంలో కొన‌సాగుతున్నాడు. ఇక 2026 టీ20 ప్ర‌పంచ‌క‌ప్‌లో గ్రూప్ ద‌శ‌లో ఆస్ట్రేలియాను జింబాబ్వే ఓడించ‌డంలో ముజ‌ర‌బానీదే కీల‌క‌పాత్ర‌. ఆ మ్యాచ్‌లో ముజ‌రబానీ 17 ప‌రుగుల‌కే 4 వికెట్లు తీసి ఆసీస్ ప‌త‌నాన్ని శాసించాడు. అంతేకాదు రిచ‌ర్డ్ న‌గ‌ర‌వా, సికంద‌ర్ ర‌జా త‌ర్వాత జింబాబ్వే త‌ర‌ఫున టీ20ల్లో వంద వికెట్లు తీసిన మూడో బౌల‌ర్‌గానూ ముజ‌ర‌బానీ నిలిచాడు.మ్యాచ్ విష‌యానికొస్తే.. తొలుత బ్యాటింగ్ చేసిన ఎస్ఆర్‌హెచ్ నిర్ణీత 20 ఓవ‌ర్ల‌లో 8 వికెట్ల న‌ష్టానికి 226 ప‌రుగులు చేసింది. అనంత‌రం బ్యాటింగ్ చేసిన కేకేఆర్ 16 ఓవ‌ర్ల‌లో 161 ప‌రుగుల‌కే కుప్ప‌కూలింది. ఆల్‌రౌండ్ ప్ర‌ద‌ర్శ‌న క‌న‌బ‌రిచిన నితీశ్‌కుమార్ రెడ్డి ప్లేయ‌ర్ ఆఫ్ ది మ్యాచ్‌గా నిలిచాడు.చదవండి: మూగబోయిన బ్యాట్‌.. విధ్వంస వీరుడికి ఏమైంది?The creative says it 😌 pic.twitter.com/Ta6bZ4lm5B— KolkataKnightRiders (@KKRiders) April 2, 2026Petition to change the word 𝐬𝐚𝐟𝐞 in dictionary to 𝐑𝐢𝐧𝐤𝐮 😌💜pic.twitter.com/3q7gcyXvVo— KolkataKnightRiders (@KKRiders) April 2, 2026

ఐపీఎల్‌ తొలి మ్యాచ్‌లో 201 పరుగులు చేసి కూడా సన్‌రైజర్స్‌ ఓటమిని ఎదుర్కొంది. కానీ ఈసారి అదే బ్యాటింగ్‌ బలంతో గెలుపు బోణీ చేసింది. క్లాసెన్, అభిషేక్, హెడ్‌ల దూకుడుతో ఈ సీజన్‌లో అత్యధిక స్కోరు నమోదు చేసిన జట్టు దానిని నిలబెట్టుకుంది. సొంత మైదానంలో పేలవ బౌలింగ్‌తో భారీగా పరుగులిచ్చిన కేకేఆర్‌ ఛేదనలో నాలుగు ఓవర్లు మిగిలి ఉండగానే కుప్పకూలింది. ఆంధ్ర క్రికెటర్‌ నితీశ్‌ కుమార్‌ రెడ్డి ఆల్‌రౌండ్‌ ప్రదర్శనతో ఆకట్టుకోగా... ఈ సీజన్‌లో గత ఐదు మ్యాచ్‌లకు భిన్నంగా తొలుత బ్యాటింగ్‌ చేసిన జట్టు మొదటిసారి గెలవడం విశేషం. కోల్‌కతా: ఐపీఎల్‌ మాజీ చాంపియన్‌ సన్‌రైజర్స్‌ హైదరాబాద్‌ సీజన్‌లో తమ రెండో మ్యాచ్‌లో విజయాన్ని అందుకుంది. ఈడెన్‌ గార్డెన్స్‌లో గురువారం ఏకపక్షంగా సాగిన పోరులో హైదరాబాద్‌ 65 పరుగుల తేడాతో కోల్‌కతా నైట్‌రైడర్స్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ 20 ఓవర్లలో 8 వికెట్ల నష్టానికి 226 పరుగులు చేసింది. హెన్రిచ్‌ క్లాసెన్‌ (35 బంతుల్లో 52; 4 ఫోర్లు, 1 సిక్స్‌) అర్ధ సెంచరీ సాధించగా, అభిషేక్‌ శర్మ (21 బంతుల్లో 48; 4 ఫోర్లు, 4 సిక్స్‌లు), ట్రవిస్‌ హెడ్‌ (21 బంతుల్లో 46; 6 ఫోర్లు, 3 సిక్స్‌లు), నితీశ్‌ కుమార్‌ రెడ్డి (24 బంతుల్లో 39; 4 ఫోర్లు, 1 సిక్స్‌) కీలక ఇన్నింగ్స్‌లు ఆడారు. అనంతరం కోల్‌కతా 16 ఓవర్లలో 161 పరుగులకే కుప్పకూలింది. అంగ్‌కృష్‌ రఘువంశీ (29 బంతుల్లో 52; 6 ఫోర్లు, 2 సిక్స్‌లు), రింకూ సింగ్‌ (25 బంతుల్లో 35; 4 ఫోర్లు, 1 సిక్స్‌) మినహా అంతా విఫలమయ్యారు. ఓపెనర్ల దూకుడు... హెడ్, అభిషేక్‌ అంచనాలకు అనుగుణంగా తమ విధ్వంసక బ్యాటింగ్‌తో హైదరాబాద్‌కు శుభారంభం అందించారు. అరోరా ఓవర్లో తొలి బంతికి ఫోర్‌ కొట్టిన హెడ్, ఆ తర్వాత అదే ఓవర్లో వరుసగా 6, 6, 4 బాదడంతో మొత్తం 21 పరుగులు వచ్చాయి. 34 పరుగుల వద్ద హెడ్‌ ఇచ్చిన కష్టసాధ్యమైన క్యాచ్‌ను రహానే వదిలేశాడు. వరుణ్‌ వేసిన తొలి ఓవర్లో చెలరేగిపోయిన అభిషేక్‌ 2 సిక్స్‌లు, 3 ఫోర్లు కొట్టడంతో 25 పరుగులు లభించాయి. పవర్‌ప్లే ముగిసేసరికే స్కోరు 84 పరుగులకు చేరడం విశేషం. అయితే హెడ్‌ను అవుట్‌ చేసి త్యాగి తొలి వికెట్‌ తీయగా... ఆ తర్వాత 7 పరుగుల వ్యవధిలో ఇషాన్‌ కిషన్‌ (14), అభిషేక్, అనికేత్‌ వర్మ (1) వికెట్లు కోల్పోయింది. అభిషేక్‌ ఇచ్చిన క్యాచ్‌ను వరుణ్‌ అందుకునే సమయంలో బంతి నేలకు తాకినట్లు అనిపించినా...వరుస రీప్లేల తర్వాత అంపైర్‌ నితిన్‌ మేనన్‌ అవుట్‌గా ప్రకటించాడు. ఈ దశలో క్లాసెన్, నితీశ్‌ కీలక భాగస్వామ్యంతో ఇన్నింగ్స్‌ను నడిపించారు. క్లాసెన్‌ 34 బంతుల్లో అర్ధసెంచరీ మార్క్‌ను అందుకోగా, ఆఖరి 3 ఓవర్లలో జట్టు 4 వికెట్లు చేజార్చుకొని 42 పరుగులు రాబట్టింది. కేకేఆర్‌ బౌలర్‌ ముజరబాని 4 వికెట్లు తీశాడు. రఘువంశీ అర్ధసెంచరీ... పేన్‌ వేసిన మొదటి ఓవర్‌ తొలి బంతికి రహానే సింగిల్‌ తీయగా... తర్వాతి ఐదు బంతుల్లో ఫిన్‌ అలెన్‌ (7 బంతుల్లో 28; 4 ఫోర్లు, 2 సిక్స్‌లు) వరుసగా 4, 4, 6, 6, 4 బాదడంతో మొత్తం 25 పరుగులు వచ్చాయి. అయితే కేకేఆర్‌ దూకుడు ఈ ఒక్క ఓవర్‌కే పరిమితమైంది. దూబే వేసిన రెండో ఓవర్లోనే అలెన్‌ వెనుదిరగ్గా... రహానే (8), గ్రీన్‌ (2) విఫలమయ్యారు. కొన్ని చక్కటి షాట్లు ఆడిన రఘువంశీ 27 బంతుల్లో హాఫ్‌ సెంచరీని పూర్తి చేసుకున్నాడు. రఘువంశీ, అనుకూల్‌ రాయ్‌ (0) ఒకే స్కోరు వద్ద అవుటైన తర్వాత రింకూ సింగ్, రమణ్‌దీప్‌ కలిసి జట్టును ఆదుకునే ప్రయత్నం చేశారు. అయితే 39 బంతుల్లో 88 పరుగులు చేయాల్సిన స్థితిలో రింకూ అవుట్‌ కావడంతో కోల్‌కతా ఆశలు కోల్పోయింది. స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: హెడ్‌ (సి) గ్రీన్‌ (బి) త్యాగి 46; అభిషేక్‌ (సి) వరుణ్‌ (బి) ముజరబాని 48; ఇషాన్‌ కిషన్‌ (సి) రింకూ (బి) ముజరబాని 14; క్లాసెన్‌ (సి) రమణ్‌దీప్‌ (బి) ముజరబాని 52; అనికేత్‌ (సి) రింకూ (బి) రాయ్‌ 1; నితీశ్‌ రెడ్డి (సి) వరుణ్‌ (బి) అరోరా 39; సలీల్‌ (బి) అరోరా 0; దూబే (నాటౌట్‌) 9; శివాంగ్‌ (సి) రహానే (బి) ముజరబాని 4; ఎక్స్‌ట్రాలు 13; మొత్తం (20 ఓవర్లలో 8 వికెట్లకు) 226. వికెట్ల పతనం: 1–82, 2–111, 3–112, 4–118, 5–200, 6–200, 7–222, 8–226. బౌలింగ్‌: వైభవ్‌ అరోరా 4–0–47–2, ముజరబాని 4–0–41–4, నరైన్‌ 4–0–39–0, వరుణ్‌ చక్రవర్తి 2–0–31–0, కార్తీక్‌ త్యాగి 4–0–48–1, అనుకూల్‌ రాయ్‌ 2–0–16–1. కోల్‌కతా నైట్‌రైడర్స్‌ ఇన్నింగ్స్‌: అలెన్‌ (సి అండ్‌ బి) దూబే 28; రహానే (సి) మలింగ (బి) ఉనాద్కట్‌ 8; రఘువంశీ (రనౌట్‌) 52; గ్రీన్‌ (రనౌట్‌) 2; రింకూ (సి) ఉనాద్కట్‌ (బి) నితీశ్‌ 35; అనుకూల్‌ (సి) అండ్‌ (బి) నితీశ్‌ 0; రమణ్‌దీప్‌ (సి) ఉనాద్కట్‌ (బి) మలింగ 10; నరైన్‌ (సి) అనికేత్‌ (బి) మలింగ 12; త్యాగి (సి) ఇషాన్‌ కిషన్‌ (బి) ఉనాద్కట్‌ 5; వైభవ్‌ (నాటౌట్‌) 1; వరుణ్‌ (బి) ఉనాద్కట్‌ 0; ఎక్స్‌ట్రాలు 8; మొత్తం (16 ఓవర్లలో ఆలౌట్‌) 161. వికెట్ల పతనం: 1–30, 2–67, 3–74, 4–120, 5–120, 6–139, 7–154, 8–159, 9–161, 10–161. బౌలింగ్‌: పేన్‌ 2–0–35–0, హర్ష్ దూబే 2–0–17–1, అభిషేక్‌ 1–0–15–0, ఉనాద్కట్‌ 3–0–21–3, ఇషాన్‌ మలింగ 2–0–14–2, శివాంగ్‌ 4–0–41–0, నితీశ్‌ 2–0–17–2. ఎట్టకేలకు... జట్టు ప్రదర్శన ఎలా ఉన్నా... హైదరాబాద్‌ జట్టు సగటు అభిమాని మన తెలుగు ఆటగాడు నితీశ్‌ కుమార్‌ రెడ్డి రాణించాలని కోరుకోవడం సహజం. అయితే గత సీజన్‌ మొత్తం నితీశ్‌ తీవ్రంగా నిరాశపర్చాడు. 11 ఇన్నింగ్స్‌లలో కలిపి పేలవమైన స్ట్రయిక్‌ రేట్‌ 118.95తో మొత్తం 182 పరుగులే చేసిన అతని అత్యధిక స్కోరు 32 మాత్రమే. బౌలింగ్‌లో రెండే వికెట్లు తీశాడు. ఈ సీజన్‌ తొలి మ్యాచ్‌లో విఫలమైన అతను ఇక్కడ దూకుడుగా ఆడాడు. ముఖ్యంగా అరోరా బౌలింగ్‌లో కొట్టిన సిక్స్‌ హైలైట్‌గా నిలిచింది. బౌలింగ్‌లో కూడా కీలకమైన రింకూ సింగ్‌ వికెట్‌ అతను పడగొట్టాడు. 200 ఐపీఎల్‌లో రహానేకు ఇది 200వ మ్యాచ్‌. ఈ మైలురాయిని అందుకున్న 11వ ఆటగాడు రహానే. అతను లీగ్‌లో ఆరు జట్లకు (కోల్‌కతా, చెన్నై, ఢిల్లీ, ముంబై, రాజస్తాన్, పుణే) ప్రాతినిధ్యం వహించాడు.

కోల్‌కతా: ఐపీఎల్‌లో మాజీ చాంపియన్లు అయిన రెండు జట్ల మధ్య పోరుకు రంగం సిద్ధమైంది. ఈడెన్‌ గార్డెన్స్‌లో నేడు జరిగే మ్యాచ్‌లో కోల్‌కతా నైట్‌రైడర్స్‌తో సన్‌రైజర్స్‌ హైదరాబాద్‌ తలపడుతుంది. ఈ రెండు జట్లు కూడా తమ తొలి మ్యాచ్‌లలో ఓడిన నేపథ్యంలో మొదటి గెలుపుపై దృష్టి పెట్టాయి. సొంత మైదానంలో ప్రత్యర్థికంటే కేకేఆర్‌దే కాస్త పైచేయిగా కనిపిస్తోంది. 201, 220... తమ మొదటి మ్యాచ్‌లో బెంగళూరుపై హైదరాబాద్, ముంబైపై కోల్‌కతా చేసిన స్కోర్లు ఇవి. అయినా సరే వాటికి ఓటమి తప్పలేదు. బౌలింగ్‌ బలహీనతల కారణంగా పరాజయం ఎదుర్కొన్న టీమ్‌లు ఎలా వ్యూహరచన చేస్తాయనేది ఆసక్తికరం. ప్యాట్‌ కమిన్స్‌ లేకపోవడంతో ఇప్పటికే హైదరాబాద్‌ బౌలింగ్‌లో పస తగ్గింది. జైదేవ్‌ ఉనాద్కట్, హర్షల్‌ పటేల్, హర్ష్‌ దూబే బౌలింగ్‌తో కోల్‌కతాను ఏమాత్రం నిలువరించగలరో చూడాలి. తొలి మ్యాచ్‌లో విఫలమైన హెడ్, అభిషేక్‌ శర్మ చెలరేగితే తిరుగుండదు. ఇషాన్, క్లాసెన్‌ తమ ఫామ్‌ను ఇప్పటికే చూపించు కున్నారు. మరోవైపు కేకేఆర్‌ బౌలింగ్‌ పరిస్థితి కూడా ఇబ్బందికరంగానే ఉంది. వైభవ్‌ తేలిపోగా, ముజరబానికి తగినంత అనుభవం లేదు. వరుణ్‌ కూడా భారీగా పరుగులివ్వడంతో టీమ్‌లో ఆందోళన రేపే అంశం. బ్యాటింగ్‌లో రహానే, అలెన్‌ శుభారంభం అందించాల్సి ఉంది. ఐపీఎల్‌లో కోల్‌కతా, హైదరాబాద్‌ మధ్య 30 మ్యాచ్‌లు జరిగాయి. 20 మ్యాచ్‌ల్లో కోల్‌కతా, 10 మ్యాచ్‌ల్లో హైదరాబాద్‌ గెలిచింది. కోల్‌కతాపై హైదరాబాద్‌ అత్యధిక స్కోరు 278 కాగా, అత్యల్ప స్కోరు 113. హైదరాబాద్‌పై కోల్‌కతా అత్యధిక స్కోరు 208 కాగా, అత్యల్ప స్కోరు 101గా ఉంది.

బౌల‌ర్ల పేల‌వ ప్ర‌ద‌ర్శ‌న కార‌ణంగానే రాయ‌ల్ చాలెంజ‌ర్స్ బెంగ‌ళూరు చేతిలో ఓట‌మి చవి చూసిన‌ట్లు స‌న్‌రైజ‌ర్స్ హైద‌రాబాద్ (ఎస్ఆర్‌హెచ్‌) కోచ్ డానియెల్ వెటోరి అభిప్రాయం వ్య‌క్తం చేశాడు. ప‌డిక్క‌ల్‌, కోహ్లీ, ప‌టిదార్‌లు త‌మ బౌలింగ్ బ‌ల‌హీన‌త‌ను ఆస‌రాగా చేసుకొని ప‌రుగులు రాబ‌ట్టార‌ని పేర్కొన్నాడు. మ్యాచ్ ఓట‌మి అనంత‌రం వెటోరి మాట్లాడుతూ.. ‘నిజానికి బంతితో మాకు మంచి ఆరంభమే లభించింది. ప్రమాదకర ఫిల్ సాల్ట్‌ను తొందరగానే పెవిలియన్ చేర్చడంలో సఫలమయ్యాం. కానీ ఆ తర్వాత అదే టెంపోను కొనసాగించలేకపోయాం. సాల్ట్ ఔటైన తర్వాత క్రమశిక్షణతో బౌలింగ్ చేసి ఉంటే పరిస్థితి వేరుగా ఉండేది. అదే సమయంలో ప్రత్యర్థి జట్టులో జాకబ్ డఫీ పిచ్ పరిస్థితులకు అనుగుణంగా బౌలింగ్ చేసి ఫలితం రాబట్టాడు. కానీ మా బౌలర్లు ఆ స్థాయి బౌలింగ్ చేయడంలో విఫలమయ్యారు. ఐపీఎల్‌లో తొలి మ్యాచ్ నుంచే గెలవాలని అన్ని జట్లకు ఉంటుంది. ఆరంభం ఘనంగా ఉంటే ఆ తర్వాత అంతా మెరుగ్గా ఉంటుందని నా నమ్మకం. ఆర్‌సీబీ దూకుడైన బ్యాటింగ్ ప్రదర్శించి మా నుంచి మ్యాచ్‌ను లాగేసుకుంది. మా బౌలింగ్ పూర్తిగా గాడి తప్పింది. విరాట్ కోహ్లీకి, పడిక్కల్‌కు మా బౌలర్లు దారాళంగా పరుగులు సమర్పించుకున్నారు. ఇది మా రోజు కాదు. రాబోయే మ్యాచ్‌ల్లో బౌలింగ్‌లో తప్పుల్ని సరిదిద్దుకొని మెరుగైన ప్రదర్శన చేస్తాం. డేవిడ్ పైన్‌, హర్ష్ దూబే వంటి బౌలర్లు రాబోయే మ్యాచ్‌ల్లో కీలకం కానున్నారు. మేము 200 పరుగులు చేసినప్పటికీ చిన్నస్వామి స్టేడియం పిచ్‌పై ఆ స్కోరు ఏమాత్రం సరిపోదని తాజా మ్యాచ్ ద్వారా స్పష్టమవుతోంది.ఇషాన్ కిషన్, క్లాసెన్ మినహా మిగతావారు రాణించకపోవడం కూడా ఒక కారణమే. అయితే మా ఓపెనర్లు ఇద్దరు తక్కువ స్కోరుకే ఔటవడం కూడా ప్రభావం చూపించింది. బ్యాటింగ్‌లో పెద్దగా సమస్యలు లేవు. కానీ రాబోయే మ్యాచ్‌ల్లో బౌలింగ్‌ను మెరుగుపరుచుకుంటాం’ అని చెప్పుకొచ్చాడు.మ్యాచ్ విషయానికొస్తే తొలుత బ్యాటింగ్ చేసిన ఎస్‌ఆర్‌హెచ్ 20 ఓవర్లలో 9 వికెట్ల నష్టానికి 201 పరుగులు చేసింది. అనంతరం ఆర్సీబీ 15.4 ఓవర్లలోనే 4 వికెట్లు మాత్రమే కోల్పోయి 203 పరుగులు చేసి విజయాన్ని అందుకుంది. జాకబ్ డఫీ ‘ప్లేయర్ ఆఫ్ ది మ్యాచ్‌’ గెలుచుకున్నాడు.చదవండి: కావ్యా మారన్‌కు అనన్య చెక్‌!

ఐపీఎల్‌లో కావ్యా మార‌న్‌కు ఉన్న క్రేజ్ గురించి ప్ర‌త్యేకంగా చెప్ప‌న‌వ‌స‌రం లేదు. స‌న్‌రైజ‌ర్స్ హైద‌రాబాద్ యజమానిగా ఉన్న కావ్యా మార‌న్ త‌మ జ‌ట్టు ఆడే ప్రతి మ్యాచ్‌కు హాజ‌రై ఆట‌గాళ్ల‌ను, అభిమానుల‌ను ఉత్సాహ‌ప‌రుస్తుంటారు. ఎస్ఆర్‌హెచ్ గెలిచినా, ఓడినా కావ్యా మార‌న్ ఇచ్చే హావ‌భావాలు హైలైట్‌గా నిలుస్తుండేవి. అలాంటి కావ్యా మార‌న్‌కు పోటీగా రాయ‌ల్ చాలెంజ‌ర్స్ బెంగళూరు కూడా త‌మ కావ్యా మార‌న్‌ను ప‌రిచ‌యం చేయ‌డం ఇప్పుడు సోష‌ల్ మీడియాలో హాట్‌టాపిక్‌గా మారిపోయింది. ఇంత‌కీ బెంగ‌ళూరు కావ్యా మార‌న్ ఎవ‌ర‌నే క‌దా మీరు అనుకుంటున్నారు. అక్క‌డికే వ‌స్తున్నాం. ఆమె పేరు అన‌న్య బిర్లా. బిర్లా గ్రూప్ అధినేత కుమార మంగ‌ళం బిర్లా పెద్ద కుమార్తె. ఇటీవ‌లే ఐపీఎల్ 19వ సీజ‌న్ ప్రారంభానికి ముందు రాయల్ ఛాలెంజర్స్ బెంగళూరు యాజమాన్యం చేతులు మారిన విషయం తెలిసిందే. ఐపీఎల్ ప్రారంభ సీజన్ నుంచి జట్టును నడిపిస్తున్న యునైటెడ్ స్పిరిట్స్ లిమిటెడ్(యుఎస్ఎస్) సంస్థ తాజాగా.. రూ.16,706 కోట్ల ధరకు ఆర్సీబీని అమ్మేసింది. ఆదిత్య బిర్లా గ్రూప్, టైమ్స్ ఆఫ్ ఇండియా, బోల్ట్ వెంచర్స్, ఇన్వెస్ట్‌మెంట్ గ్రూప్ కన్సార్టియం ఆర్సీబీని దక్కించుకున్నాయి. బిర్లా కుమారుడు 28 ఏళ్ల ఆర్యమాన్ బిర్లా ఆర్సీబీ కొత్త ఛైర్మన్‌గా బాధ్యతలు చేపట్టనున్నాడు. ఈ నేప‌థ్యంలో శనివారం చిన్న‌స్వామి స్టేడియంలో ఆర్సీబీ, ఎస్ఆర్‌హెచ్ మ్యాచ్‌కు అనన్య బిర్లా, ఆర్య‌మాన్ బిర్లా హాజ‌ర‌య్యారు. ఆర్సీబీ జెర్సీ ధ‌రించిన అనన్య బిర్లా చేతితో ఆర్సీబీ జెండాను ఊపుతూ అభిమానుల్లో ఉత్సాహాన్ని నింపింది. ఆమె ఇచ్చిన హావ‌భావాలు కూడా అంద‌రినీ ఆక‌ట్టుకున్నాయి. ఒక‌వైపు స్టాండ్స్‌లో కావ్యా మార‌న్ త‌న ఎస్ఆర్‌హెచ్ టీమ్‌ను ఎంక‌రేజ్ చేస్తుంటే.. మ‌రో స్టాండ్ నుంచి అన‌న్య బిర్లా కావ్యా మార‌న్‌కు పోటీగా ఆర్సీబీ జెండాను ఊపుతూ క‌నిపించింది. ఇది చూసిన అభిమానులు కావ్యామార‌న్ లాగే అనన్య బిర్లా కూడా సీజ‌న్‌లో ఆర్సీబీ ఆడ‌బోయే అన్ని మ్యాచ్‌ల‌కు హాజ‌రైతే బాగుంటుంద‌ని చెవులు కొరుక్కుంటున్నారు. మ‌రి వారి కోరిక‌ను అన‌న్య బిర్లా మ‌న్నించి త‌ర్వాతి మ్యాచ్‌ల‌కు కూడా హాజ‌ర‌వుతుందేమో చూడాలి. ఇక విరాట్ కోహ్లీ భార్య అనుష్క శర్మతో కలిసి అనన్య మ్యాచ్ వీక్షించారు. ఇందుకు సంబంధించిన ఫొటో, వీడియోలు కూడా సోషల్ మీడియాలో వైరల్‌గా మారాయి.ఎవ‌రీ అన‌న్య బిర్లా?1994లో ముంబైలో జన్మించిన అనన్య.. ఆక్స్‌ఫర్డ్ విశ్వవిద్యాలయంలో చదివారు. ప్రస్తుతం ఆదిత్య బిర్లా గ్రూప్‌లోని పలు కీలక వ్యాపార బాధ్యతలను చూసుకుంటున్నారు. మరి ఈ సీజన్‌లో ఆర్సీబీ ఆడే మిగతా మ్యాచులకు కూడా అనన్య హాజరవుతారా అన్నది మరికొన్ని రోజుల్లో తేలిపోనుంది.Ananya Birla at the Chinnaswamy Stadium wearing RCB jersey. pic.twitter.com/dLWhmgwX4f— Mufaddal Vohra (@mufaddal_vohra) March 28, 2026 View this post on Instagram A post shared by Ananya Birla (@ananyabirla) చదవండి:వణికిపోయిన ఇషాన్‌ కిషన్‌!

ఐపీఎల్‌ 2026 సీజన్‌లో డిఫెండింగ్‌ చాంపియన్‌ రాయల్‌ చాలెంజర్స్‌ బెంగళూరు (ఆర్సీబీ) బోణీ కొట్టింది. శనివారం సన్‌రైజర్స్‌ హైదరాబాద్‌ (ఎస్‌ఆర్‌హెచ్‌)తో జరిగిన మ్యాచ్‌లో ఆర్సీబీ 6 వికెట్ల తేడాతో ఘన విజయాన్ని అందుకుంది. మొదట బౌలింగ్‌లో జాకబ్‌ డఫీ, రొమారియో షెపర్డ్‌ హడలెత్తించగా, ఆ తర్వాత ఛేదనలో పడిక్కల్‌, పటిదార్‌లు మెరుపు ఇన్నింగ్స్‌లతో అదరగొడితే.. చివరివరకు నిలిచిన మాస్టర్‌ చేజ్‌ కోహ్లీ యాంకర్‌ పాత్ర పోషించాడు. అయితే ఈ మ్యాచ్‌లో బెంగళూరు ప్లేయర్‌ ఫిల్‌ సాల్ట్‌ తన అసాధారణ ఫీల్డింగ్‌తో ఆకట్టుకున్నాడు. సాల్ట్‌ అందుకున్న మూడు క్యాచ్‌లు దేనికవే సాటి. ఇన్నింగ్స్‌ 2.4 ఓవర్‌లో హెడ్‌ కొట్టిన బంతిని బౌండరీ సమీపంలో సునాయాసంగా పట్టిన సాల్ట్‌.. క్లాసెన్‌ క్యాచ్‌ను బౌండరీ వద్ద అనూహ్య రీతిలో అందుకున్నప్పటికీ అది వివాదాస్పదంగా మారింది.షెఫర్డ్‌ వేసిన ఇన్నింగ్స్‌ 14వ ఓవర్‌ తొలి బంతికి క్లాసెన్‌ డీప్‌ మిడ్‌వికెట్‌ దిశగా భారీ షాట్‌ ఆడగా... అక్కడ ఫీల్డింగ్‌ చేస్తున్న సాల్ట్‌ దాన్ని అందుకున్నాడు. ఈ క్రమంలో అతడు బౌండరీ రోప్‌ మీద పడ్డట్లు కనిపించింది. పలుమార్లు పరిశీలించిన థర్డ్‌ అంపైర్‌ క్లాసెన్‌ను అవుట్‌గా ప్రకటించాడు. దీంతో క్లాసెన్‌ అసంతృప్తిగా మైదానాన్ని వీడాడు. థర్డ్‌ అంపైర్‌ మరో కోణం నుంచి పరిశీలించకుండానే నిర్ణయం ప్రకటించడంపై విమర్శలు వ్యక్తమయ్యాయి. అయితే ఆ తర్వాత ఎలాంటి వివాదం లేకుండా 16వ ఓవర్‌ చివరి బంతికి ఇషాన్‌ కొట్టిన భారీ షాట్‌ను సైతం సాల్ట్‌ రెప్పపాటులో అందుకున్నాడు. డీప్‌ బ్యాక్‌వర్డ్‌ పాయింట్‌ బౌండరీ వద్ద కుడివైపు నుంచి పరిగెత్తుకుంటూ వచ్చి ఒంటి చేత్తో బంతిని ఒడిసి పట్టాడు. సూపర్‌ క్యాచ్‌లతో ఆకట్టుకున్న సాల్ట్‌... క్లాసెన్‌ పట్టిన అలాంటి క్యాచ్‌కే పెవిలియన్‌ చేరడం కొసమెరుపు. That’s not just a catch, that’s a full-on rollercoaster at the ropes 😮‍💨Screen badi, awaazein badi. Apne smart TV ke JioHotstar app pe dekhiye Champions waali commentary LIVE💥#TATAIPL 2026 | #RCBvSRH | LIVE NOW 👉 https://t.co/LWOEeT2vNG pic.twitter.com/IzIDC3MtkX— Star Sports (@StarSportsIndia) March 28, 2026చదవండి: ఆర్‌సీబీ అదరగొట్టింది...

బ్యాటింగ్‌లో ఆశించినంత భారీ స్కోరు చేయలేకపోయిన సన్‌రైజర్స్‌ హైదరాబాద్‌... బౌలింగ్‌లో ఎలాంటి మ్యాజిక్‌ కనబర్చలేక పరాజయంతో ఐపీఎల్‌ను ప్రారంభించింది. డిఫెండింగ్‌ చాంపియన్‌గా బరిలోకి దిగిన రాయల్‌ చాలెంజర్స్‌ బెంగళూరు... చాంపియన్‌ ఆటతీరుతో సీజన్‌లో బోణీ కొట్టింది. జాకబ్‌ డఫీ అరంగేట్ర మ్యాచ్‌లోనే అదరగొడితే... షెఫర్డ్‌ అతడికి సంపూర్ణ సహకారం అందించాడు. వీరిద్దరి బౌలింగ్‌ మెరుపులకు... ఫిల్‌ సాల్ట్‌ ఫీల్డింగ్‌ విన్యాసాలు తోడవడంతో సన్‌రైజర్స్‌ సాధారణ స్కోరుకే పరిమితమైంది. ‘ఛేజ్‌ మాస్టర్‌’ విరాట్‌ కోహ్లి, దేవదత్‌ పడిక్కల్‌ దూకుడుతో మరో 26 బంతులు మిగిలుండగానే బెంగళూరు లక్ష్యాన్ని ఛేదించింది. బెంగళూరు: సొంతగడ్డపై ఆల్‌రౌండ్‌ ప్రదర్శనతో అదరగొట్టిన రాయల్‌ చాలెంజర్స్‌ బెంగళూరు (ఆర్‌సీబీ) ఇండియన్‌ ప్రీమియర్‌ లీగ్‌ (ఐపీఎల్‌) 19వ సీజన్‌ను ఘన విజయంతో ప్రారంభించింది. శనివారం జరిగిన టోర్నీ ఆరంభ పోరులో డిఫెండింగ్‌ చాంపియన్‌ బెంగళూరు 6 వికెట్ల తేడాతో సన్‌రైజర్స్‌ హైదరాబాద్‌ను చిత్తుచేసింది. టాస్‌ ఓడి మొదట బ్యాటింగ్‌కు దిగిన హైదరాబాద్‌ నిర్ణీత 20 ఓవర్లలో 9 వికెట్ల నష్టానికి 201 పరుగులు చేసింది. ఇషాన్‌ కిషన్‌ (38 బంతుల్లో 80; 8 ఫోర్లు, 5 సిక్స్‌లు) కెప్టెన్‌ ఇన్నింగ్స్‌తో విజృంభించగా... అనికేత్‌ వర్మ (18 బంతుల్లో 43; 3 ఫోర్లు, 4 సిక్స్‌లు) మెరుపులు మెరిపించాడు. క్లాసెన్‌ (31; 2 ఫోర్లు, 1 సిక్స్‌) ఫర్వాలేదనిపించగా... హెడ్‌ (11), అభిషేక్‌ శర్మ (7), నితీశ్‌ కుమార్‌ రెడ్డి (1), సలిల్‌ అరోరా (9), హర్ష్ దూబే (3) విఫలమయ్యారు. బెంగళూరు బౌలర్లలో జేకబ్‌ డఫీ, రొమారియో షెఫర్డ్‌ చెరో 3 వికెట్లు పడగొట్టారు. అనంతరం లక్ష్యఛేదనలో బెంగళూరు 15.4 ఓవర్లలో 4 వికెట్లకు 203 పరుగులు చేసింది. విరాట్‌ కోహ్లి (38 బంతుల్లో 69 నాటౌట్‌; 5 ఫోర్లు, 5 సిక్స్‌లు), దేవదత్‌ పడిక్కల్‌ (26 బంతుల్లో 61; 7 ఫోర్లు, 4 సిక్స్‌లు) అర్ధశతకాలతో అదరగొట్టగా.. కెప్టెన్‌ రజత్‌ పాటీదార్‌ (12 బంతుల్లో 31; 2 ఫోర్లు, 3 సిక్స్‌లు) క్రీజులో ఉన్నంతసేపు దంచికొట్టాడు. ఇషాన్‌ కెప్టెన్‌ ఇన్నింగ్స్‌ జాకబ్‌ డఫీ ధాటికి సన్‌రైజర్స్‌ హైదరాబాద్‌ బ్యాటర్లు పెవిలియన్‌కు క్యూ కట్టిన సమయంలో ఇషాన్‌ చక్కటి ఇన్నింగ్స్‌తో అలరించాడు. కమిన్స్‌ గాయం నుంచి పూర్తిగా కోలుకోకపోవడంతో అనూహ్యంగా జట్టు పగ్గాలు అందుకున్న ఇషాన్‌... బౌలర్లపై ఎదురుదాడికి దిగి ఫలితం రాబట్టాడు. అభినందన్‌ వేసిన ఇన్నింగ్స్‌ ఆరో ఓవర్‌లో ఇషాన్‌ వరుసగా 6, 4, 6 కొట్టి మైదానంలో జోష్‌ నింపాడు. కాసేపటికి క్లాసెన్‌ కూడా రెండు ఫోర్లతో సత్తాచాటాడు. సుయాశ్‌ శర్మ ఓవర్‌లో మూడు ఫోర్లు కొట్టిన ఇషాన్‌ 27 బంతుల్లో అర్ధశతకం పూర్తి చేసుకున్నాడు. కృనాల్‌ వేసిన 13వ ఓవర్‌లో ఈ ఇద్దరు కలిసి మూడు సిక్స్‌లు బాదారు. నాలుగో వికెట్‌కు 97 పరుగులు జోడించిన అనంతరం క్లాసెన్‌ వివాదాస్పద క్యాచ్‌ అవుట్‌గా పెవిలియన్‌ చేరాడు. ఆ తర్వాత హైదరాబాద్‌ వరుస విరామాల్లో వికెట్లు కోల్పోయింది. ఒక ఎండ్‌లో వికెట్లు పడుతున్నా... అనికేత్‌ దూకుడు కొనసాగించడంతో సన్‌రైజర్స్‌ మెరుగైన స్కోరు చేయగలిగింది. ఆడుతూ పాడుతూ... దూకుడుకు మారుపేరైన ప్రత్యర్థి ఓ మాదిరి స్కోరుకే పరిమితం చేసిన బెంగళూరు... సొంతగడ్డపై దుమ్మురేపింది. సాల్ట్‌ (8) రెండో ఓవర్‌లోనే అవుటైనా... ఆ తర్వాత రైజర్స్‌ బౌలర్లకు ఏమాత్రం అవకాశం ఇవ్వకుండా బెంగళూరు దంచికొట్టింది. మంచి ఫామ్‌లో ఉన్న పడిక్కల్‌ అలవోకగా భారీ షాట్‌లు ఆడుతూ లక్ష్యాన్ని కరిగించాడు. సిక్స్‌తో ఖాతా తెరిచిన అతడు... నితీశ్‌ రెడ్డి ఓవర్‌లో రెండు ఫోర్లు, పైన్‌ ఓవర్‌లో 6, 4, 6 బాదాడు. కోహ్లి కూడా 6, 4తో జోరు పెంచడంతో పవర్‌ప్లే ముగిసే సరికి బెంగళూరు 76/1తో నిలిచింది. దూబే బౌలింగ్‌లో 4, 6 కొట్టిన అనంతరం పడిక్కల్‌ అవుటయ్యాడు. దీంతో 101 పరుగుల రెండో వికెట్‌ భాగస్వామ్యానికి తెరపడింది. కెప్టెన్‌ రజత్‌ పాటీదార్‌ ఉన్నంతసేపు భారీ షాట్‌లతో చెలరేగడంతో... స్కోరు బోర్డు పరుగులు పెట్టింది. బెంగళూరు విజయానికి 48 బంతుల్లో 40 పరుగుల అవసరమైన దశలో... వరుస బంతుల్లో పాటీదార్, జితేశ్‌ శర్మ (0) అవుటైనా... టిమ్‌ డేవిడ్‌ (10 బంతుల్లో 16 నాటౌట్‌; 1 ఫోర్, 1 సిక్స్‌)తో కలిసి కోహ్లి మిగిలిన పని పూర్తిచేశాడు. హడలెత్తించిన డఫీ న్యూజిలాండ్‌ పేసర్‌ జేకబ్‌ డఫీ ఇప్పటికే జాతీయ జట్టు తరఫున 48 టి20లు ఆడి 62 వికెట్లు తీశాడు. అయితే ఇప్పుడు తొలిసారి అతను ఐపీఎల్‌లో అడుగు పెట్టాడు. హేజల్‌వుడ్‌కు ప్రత్యామ్నాయంగా ఆర్‌సీబీ అతడిని తీసుకోగా, తన ఎంపికకు పూర్తి న్యాయం చేస్తూ సత్తా చాటాడు. తన రెండో ఓవర్లోనే కీలక బ్యాటర్లు అభిషేక్, హెడ్‌లను వెనక్కి పంపిన అతను తర్వాతి ఓవర్లో నితీశ్‌ను అవుట్‌ చేసి పవర్‌ప్లేలోనే 3/17తో రైజర్స్‌ పని పట్టాడు. కేవలం 530 మంది జనాభా ఉండే ఎలాంటి సౌకర్యాలు లేని చిన్న ఊరిలో పుట్టిన డఫీ ప్రస్థానం కివీస్‌ క్రికెట్‌ వర్గాల్లో ఎంతో స్ఫూర్తిదాయకంగా నిలిచింది. మరో ఇద్దరు... ఈ మ్యాచ్‌తో మరో ఇద్దరు భారత క్రికెటర్లు ఐపీఎల్‌లో అరంగేట్రం చేశారు. పేస్‌ బౌలర్‌ అభినందన్‌ సింగ్‌కు ఆర్‌సీబీ అవకాశమిచ్చింది. యూపీ టి20 లీగ్‌లో లక్నో ఫాల్కన్స్‌ తరఫున ఆడిన అతనికి సీనియర్‌ స్థాయిలో ఇదే తొలి అధికారిక టోర్నీ. గత సీజన్‌లోనూ ఆర్‌సీబీతోనే ఉన్నా మ్యాచ్‌ ఆడే చాన్స్‌ రాలేదు. సన్‌రైజర్స్‌ తరఫున ఆడిన సలీల్‌ అరోరాకు కూడా ఇదే తొలి మ్యాచ్‌. పంజాబ్‌కు చెందిన 23 ఏళ్ల సలీల్‌ ముస్తాక్‌ అలీ టోర్నీలో ఎనిమిది మ్యాచ్‌లలో దాదాపు 200 స్ట్రయిక్‌ రేట్‌తో 358 పరుగులు చేశాడు. టోర్నీలో ఏకంగా 28 సిక్సర్లతో అదరగొట్టి ఐపీఎల్‌ చాన్స్‌ దక్కించుకున్నాడు. స్కోరు వివరాలు సన్‌రైజర్స్‌ హైదరాబాద్‌: హెడ్‌ (సి) సాల్ట్‌ (బి) డఫీ 11; అభిషేక్‌ (సి) జితేశ్‌ (బి) డఫీ 7; ఇషాన్‌ (సి) సాల్ట్‌ (బి) అభినందన్‌ 80; నితీశ్‌ రెడ్డి (సి) అభినందన్‌ (బి) డఫీ 1; క్లాసెన్‌ (సి) సాల్ట్‌ (బి) షెఫర్డ్‌ 31; సలిల్‌ అరోరా (సి) పడిక్కల్‌ (బి) సుయాశ్‌ 9; అనికేత్‌ వర్మ (సి) కోహ్లి (బి) షెఫర్డ్‌ 43; హర్ష్ దూబే (సి) పడిక్కల్‌ (బి) షెఫర్డ్‌ 3; హర్షల్‌ (సి) పడిక్కల్‌ (బి) భువనేశ్వర్‌ 0; డేవిడ్‌ పైన్‌ (నాటౌట్‌) 6; ఉనాద్కట్‌ (నాటౌట్‌) 4; ఎక్స్‌ట్రాలు 6; మొత్తం (20 ఓవర్లలో 9 వికెట్లకు) 201. వికెట్ల పతనం: 1–18, 2–23, 3–29, 4–126, 5–137, 6–155, 7–167, 8–174, 9–192. బౌలింగ్‌: డఫీ 4–0–22–3; భువనేశ్వర్‌ 4–0–31–1; అభినందన్‌ 3–0–38–1; షెఫర్డ్‌ 4–0–54–3; సుయాశ్‌ 3–0–28–1; కృనాల్‌ 2–0–26–0. రాయల్‌ చాలెంజర్స్‌ బెంగళూరు: సాల్ట్‌ (సి) క్లాసెన్‌ (బి) ఉనాద్కట్‌ 8; కోహ్లి (నాటౌట్‌) 69; పడిక్కల్‌ (సి) క్లాసెన్‌ (బి) హర్ష్ 61; పాటీదార్‌ (సి) హర్ష్ (బి) పైన్‌ 31; జితేశ్‌ (సి) ఉనాద్కట్‌ (బి) పైన్‌ 0; టిమ్‌ డేవిడ్‌ (నాటౌట్‌) 16; ఎక్స్‌ట్రాలు 18; మొత్తం (15.4 ఓవర్లలో 4 వికెట్లకు) 203. వికెట్ల పతనం: 1–9, 2–110, 3–163, 4–163. బౌలింగ్‌: నితీశ్‌ రెడ్డి 2–0–19–0; ఉనాద్కట్‌ 3–0–29–1; డేవిడ్‌ పైన్‌ 3–0–35–2; హర్ష్ దూబే 3–0–35–1; ఇషాన్‌ మలింగ 2–0–35–0; హర్షల్‌ 2.4–0–39–0.ఐపీఎల్‌లో నేడుముంబై X కోల్‌కతా వేదిక: ముంబైరాత్రి 7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం

ఎస్‌ఆర్‌హెచ్‌ తాత్కాలిక సారధి ఇషాన్‌ కిషన్‌ చరిత్ర సృష్టించాడు. ఐపీఎల్‌లో సన్‌రైజర్స్‌ హైదారాబాద్‌ తరఫున కెప్టెన్సీ అరంగేట్రంలో అత్యధిక స్కోర్‌ సాధించిన ఆటగాడిగా అవతరించాడు. గతంలో ఈ రికార్డు మనీశ్‌ పాండే (69 నాటౌట్‌) పేరిట ఉండేది. ఐపీఎల్‌ 2026లో భాగంగా ఆర్సీబీతో ఇవాళ (మార్చి 28) జరుగుతున్న మ్యాచ్‌లో ఇషాన్‌ ఈ రికార్డు నమోదు చేశాడు.బెంగళూరులోని చిన్నస్వామి స్టేడియం వేదికగా జరుగుతున్న ఈ మ్యాచ్‌లో ఇషాన్‌ కష్టాల్లో ఉన్న తన జట్టును అద్భుతమైన ఇన్నింగ్స్‌తో గట్టెక్కించే క్రమంలో ఈ రికార్డు సొంతం చేసుకున్నాడు. ఈ మ్యాచ్‌లో 38 బంతుల్లో 8 ఫోర్లు, 5 సిక్సర్ల సాయంతో 80 పరుగులు చేసిన ఇషాన్‌.. అభినందన్‌ సింగ్‌ బౌలింగ్‌లో సాల్ట్‌ అద్భుతమైన క్యాచ్‌ పట్టడంతో పెవిలియన్‌కు చేరాడు.ఈ ఇన్నింగ్స్‌తో ఇషాన్‌ మరో ఘనత కూడా సాధించాడు. ఐపీఎల్‌ కెప్టెన్సీ అరంగేట్రంలో అత్యధిక స్కోర్లు చేసిన ఆటగాళ్ల జాబితాలో ఆరో స్థానంలో నిలిచాడు.ఐపీఎల్‌ కెప్టెన్సీ అరంగేట్రంలో అత్యధిక స్కోర్లు119 - సంజు శాంసన్ (RR) vs PBKS, 202199* - మయాంక్ అగర్వాల్ (PBKS) vs DC, 202193* - శ్రేయస్ అయ్యర్ (DC) vs KKR, 201888 - ఫాఫ్ డు ప్లెసిస్ (RCB) vs PBKS, 202283 - కీరన్ పొలార్డ్ (MI) vs PBKS, 201980 - ఇషాన్ కిషన్ (SRH) vs RCB, 2026*కాగా, ఈ మ్యాచ్‌లో టాస్‌ ఓడి తొలుత బ్యాటింగ్‌ చేస్తున్న ఎస్‌ఆర్‌హెచ్‌ 29 పరుగులకే 3 వికెట్లు కోల్పోయి కష్టాల్లో పడినప్పటికీ.. ఇషాన్‌ కిషన్‌ అద్భుతమైన ఇన్నింగ్స్‌ ఆడి తన జట్టును ఆదుకున్నాడు. అతనికి క్లాసెన్‌ (31) కాసేపు సహకరించాడు.18 ఓవర్ల తర్వాత ఎస్‌ఆర్‌హెచ్‌ స్కోర్‌ 8 వికెట్ల నష్టానికి 175 పరుగులుగా ఉంది. అనికేత్‌ వర్మ (27), డేవిడ్‌ పేన్‌ (1) క్రీజ్‌లో ఉన్నారు. సన్‌రైజర్స్‌ ఇన్నింగ్స్‌లో హెడ్‌ 11, అభిషేక్‌ 7, నితీశ్‌ కుమార్‌ రెడ్డి 1, సలీల్‌ అరోరా 9, హర్ష్‌ దూబే 3, హర్షల్‌ పటేల్‌ డకౌటయ్యారు. ఆర్సీబీ బౌలర్లలో డఫీ 3, రొమారియో షెపర్డ్‌ 2, భువనేశ్వర్‌ కుమార్‌, అభినందన్‌ సింగ్‌, సుయాశ్‌ శర్మ తలో వికెట్‌ తీశారు.

ఐపీఎల్‌-2026 సీజన్‌ మరో కొన్ని గంటల్లో షురూ కానుంది. తొలి మ్యాచ్‌లో చిన్నస్వామి స్టేడియం వేదికగా రాయల్‌ ఛాలెంజర్స్‌ బెంగళూరు, సన్‌రైజర్స్‌ హైదరాబాద్‌ జట్లు అమీతుమీ తెల్చుకోనున్నాయి. ఈ నేపథ్యంలో టీమిండియా మాజీ స్పిన్నర్‌ రవిచంద్రన్‌ అశ్విన్‌ కీలక వ్యాఖ్యలు చేశాడు.ఈ మ్యాచ్‌లో ఎస్‌ఆర్‌హెచ్‌ బ్యాటర్‌ హెన్రిచ్‌ క్లాసెన్‌ అద్భుతమైన ప్రదర్శన చేసే అవకాశముందని అశ్విన్‌ జోస్యం చెప్పాడు. క్లాసెన్ గతేడాది నుంచి చెప్పుకోదగ్గ ప్రదరన్శన చేయలేకపోతున్నాడు. ఐపీఎల్‌-2025తో పాటు సౌతాఫ్రికా టీ20 లీగ్‌లోనూ క్లాసెన్‌ నిరాశపరిచాడు.గత 20 నెలలలో 65 మ్యాచ్‌లు ఆడిన క్లాసెన్‌.. 28.80 సగటుతో కేవలం 1440 పరుగులు మాత్రమే సాధించాడు. అతడి ఇన్నింగ్స్‌లలో ఒక సెంచరీ, ఏడు అర్ధశతకాలు ఉన్నాయి. దీంతో ఈ ఏడాది ఐపీఎల్‌లో క్లాసెన్‌ ఎలా రాణిస్తాడోనని అభిమానులు అతృతగా ఎదురు చూస్తున్నారు.తొలి మ్యాచ్‌లో ఓ అద్భుతం జరుగుతుందని అనుకుంటున్నాను. గత 18 నెలలగా పెద్దగా రాణించకపోయిన హెన్రిచ్‌ క్లాసెన్‌.. ఈ మ్యాచ్‌లో "గుర్తుండిపోయే ఇన్నింగ్స్" ఆడే అవకాశముంది. అదేవిధంగా ఆర్సీబీ తరపున జాకబ్‌ బెతల్‌ కీలక ఆటగాడిగా నిలవనున్నాడని తన యూట్యూబ్‌ ఛానల్‌లో అశ్విన్‌ పేర్కొన్నాడు.కాగా చిన్నస్వామి స్టేడియంలో క్లాసెన్‌కు అద్భుతమైన రికార్డు ఉంది. ఇదే వేదికగా ఐపీఎల్‌-2023లో ఆర్సీబీపై అతడు కేవలం 51 బంతుల్లోనే సెంచరీ చేశాడు. మరోవైపు జాకబ్‌ బెతల్‌ కూడా మంచి ఫామ్‌లో ఉన్నాడు. ఇటీవల ముగిసిన టీ20 వరల్డ్‌కప్‌-2026లో భారత్‌తో జరిగిన సెమీఫైనల్లో బెతల్‌ విధ్వంసకర సెంచరీతో సత్తాచాటాడు.చదవండి: పెళ్లిపీటలెక్కనున్న కావ్య మారన్‌?

స‌న్‌రైజ‌ర్స్ హైద‌రాబాద్ (ఎస్ఆర్‌హెచ్‌) కెప్టెన్ ఇషాన్ కిష‌న్ ఐపీఎల్ 19వ‌ సీజ‌న్ ప్రారంభ మ్యాచ్‌తోనే అరుదైన రికార్డు అందుకోనున్నాడు. ఇవాళ చిన్న‌స్వామి స్టేడియం వేదిక‌గా డిఫెండింగ్ చాంపియ‌న్ రాయ‌ల్ చాలెంజ‌ర్స్ బెంగ‌ళూరు (ఆర్సీబీ)తో ఎస్ఆర్‌హెచ్ అమీతుమీ తేల్చుకోనుంది. ప్ర‌స్తుతం ఇషాన్ కిష‌న్ వయ‌సు 27 సంవ‌త్స‌రాల 253 రోజులు. దీంతో ఎస్ఆర్‌హెచ్ ఫ్రాంచైజీ చ‌రిత్ర‌లో కెప్టెన్‌గా జ‌ట్టును న‌డిపించ‌నున్న‌ రెండో అత్యంత పిన్న వ‌య‌స్కుడిగా ఇషాన్ కిష‌న్ నిల‌వ‌ నున్నాడు. అంతేకాదు టీమిండియా తరఫున ఈ ఘనత సాధించిన తొలి ఆటగాడిగాను ఇషాన్‌ నిలవనున్నాడు. ఈ జాబితాలో తొలి స్థానంలో న్యూజిలాండ్‌ సీనియ‌ర్ ఆట‌గాడు కేన్ విలియ‌మ్స‌న్ ఉన్నాడు. 2018లో ఎస్ఆర్‌హెచ్‌కు కెప్టెన్‌గా వ్య‌వ‌హ‌రించిన‌ప్పుడు విలియ‌ మ్స‌న్ వ‌య‌సు 27 సంవ‌త్స‌రాల 244 రోజులు. గ‌తంలో శిఖ‌ర్ ధావ‌న్‌, మ‌నీష్‌పాండే, భువ‌నేశ్వ‌ర్ కుమార్‌లు కూడా త‌క్కువ వ‌య‌సులోనే ఎస్ఆర్‌హెచ్ కెప్టెన్లుగా వ్య‌వ‌హ‌రించారు. ఇక ఎస్ఆర్‌హెచ్ రెగ్యుల‌ర్ కెప్టెన్ పాట్ క‌మిన్స్ వెన్ను నొప్పితో సీజ‌న్ ఆరంభ మ్యాచ్‌ల‌కు దూర‌మైన సంగ‌తి తెలిసిందే. క‌మిన్స్ స్థానంలో ఇషాన్ కిష‌న్‌కు తాత్కాలికంగా నాయ‌క‌త్వ బాధ్య‌త‌లు అప్ప‌జెప్పుతూ ఎస్ఆర్‌హెచ్ యాజ‌మాన్యం నిర్ణ‌యం తీసుకుంది. అయితే క‌మిన్స్ ఈ సీజ‌న్‌లో మొద‌టి స‌గం మ్యాచ్‌ల‌కు దూర‌మైన‌ట్లు వార్త‌లు వ‌చ్చాయి. ఈ వార్త‌ల‌ను ఖండించిన ఎస్ఆర్‌హెచ్ కోచ్ డేనియ‌ల్ వెటోరి క‌మిన్స్ ఆడ‌డంపై స్ప‌ష్ట‌త‌నిచ్చాడు. క‌మిన్స్ ఫిట్‌గానే ఉన్నాడ‌ని, మ‌రో 10 నుంచి 12 రోజుల్లో బ‌రిలోకి దిగ‌నున్న‌ట్లు పేర్కొన్నాడు. మ‌రోవైపు క‌మిన్స్ ఫిట్‌నెస్‌పై క్రికెట్ ఆస్ట్రేలియా కూడా దృష్టి సారించింద‌ని తెలిపాడు. వ‌రుస గాయాల‌తో ఇప్ప‌టికే యాషెస్‌, టీ20 ప్ర‌పంచ‌క‌ప్‌కు క‌మిన్స్ దూర‌మైన సంగ‌తి తెలిసిందే. ఇక ఎస్ఆర్‌హెచ్ బ్యాటింగ్ లైన‌ప్ గురించి ప్ర‌త్యేకంగా చెప్పాల్సిన అవ‌స‌రం లేదు. అభిషేక్ శ‌ర్మ‌, ట్రావిస్ హెడ్‌, ఇషాన్ కిష‌న్‌, క్లాసెన్‌, లివింగ్‌స్టోన్‌, నితీశ్‌కుమార్‌రెడ్డిలతో పటిష్టంగా కనిపిస్తుంది. అయితే కమిన్స్ లేకపోవడంతో బౌలింగ్ కాస్త బలహీనంగా ఉన్నప్పటికీ హర్షల్ పటేల్‌, జయదేవ్ ఉనాద్కట్ సహా దేశవాలీ క్రికెటర్లు కీలకం కానున్నారు.చదవండి: వివాదంలో యువరాజ్‌ తండ్రి!

ఐపీఎల్ 2026 సీజ‌న్‌కు మ‌రికొన్ని గంట‌ల్లో తెర‌లేవ‌నుంది. బెంగ‌ళూరులోని చిన్న‌స్వామి స్టేడియం వేదిక‌గా డిఫెండింగ్ చాంపియ‌న్ రాయ‌ల్ చాలెంజ‌ర్స్ బెంగ‌ళూరు (ఆర్సీబీ), స‌న్‌రైజ‌ర్స్ హైద‌రాబాద్ (ఎస్ఆర్‌హెచ్‌) మ‌ధ్య తొలి మ్యాచ్ జ‌ర‌గ‌నుంది. ఇప్ప‌టికే మ్యాచ్‌కు సంబంధించిన టికెట్లు హాట్‌కేకుల్లా అమ్ముడ‌య్యాయి. మండు వేస‌విలో ఫోర్లు, సిక్స‌ర్ల వ‌ర్షంలో రెండు నెల‌ల పాటు అభిమానులు త‌డిసి ముద్ద‌య్యేందుకు సిద్ధ‌మ‌య్యారు. అయితే మారుతున్న వాతావ‌ర‌ణ ప‌రిస్థితుల దృష్ట్యా ఈసారి వ‌రుణుడు కూడా ఐపీఎల్ మ్యాచ్‌ల‌పై ప్ర‌భావం చూపించే అవ‌కాశం లేక‌పోలేదు. ఈ నేప‌థ్యంలో సీజ‌న్ తొలి మ్యాచ్‌కు వ‌ర్షం అడ్డంకి ఏమైనా ఉందా అన్న విష‌యం ఆస‌క్తిగా మారింది. అయితే మ్యాచ్‌కు వ‌ర్షం అంత‌రాయం క‌లిగించే అవ‌కాశం లేద‌ని బెంగ‌ళూరు కేంద్రంగా ఉన్న వాతావ‌ర‌ణ శాఖ పేర్కొంది. వాతావ‌ర‌ణ శాఖ మేర‌కు బెంగ‌ళూరుకు చిన్న చినుకుకు కూడా అవ‌కాశం లేద‌ని తెలిపింది. ఆకాశం నిర్మ‌లంగా ఉంటుంద‌ని, గాలిలో తేమ ఎక్కువ ఉన్నందును టాస్ గెలిచిన జ‌ట్టు మొద‌ట బ్యాటింగ్‌కు మొగ్గు చూపే అవ‌కాశ‌ముంద‌ని తెలిపింది. రాత్రి ఉష్ణోగ్ర‌త 20 డిగ్రీల సెల్సియ‌స్ మేర ఉంటుంద‌ని పేర్కొంది. ఇది అభిమానుల‌కు గుడ్ న్యూస్ అని చెప్పొచ్చు. భార‌త్‌లో చిన్న స్టేడియాల్లో ఒక‌టైన చిన్న‌స్వామి స్టేడియంలో బౌండ‌రీ మీట‌ర్ త‌క్కువ దూరం ఉండ‌డంతో ప‌రుగుల వ‌ర‌ద పార‌డం ఖాయంగా కనిపిస్తోంది. 2025లో చాంపియ‌న్‌గా నిలిచిన ఆర్సీబీ త‌మ 17 ఏళ్ల నిరీక్ష‌ణ‌కు తెర‌దించింది. ర‌జ‌త్ పాటిదార్ నేతృత్వంలోని ఆర్సీబీ బ్యాటింగ్‌లో బ‌లంగా క‌నిపిస్తోంది. కోహ్లీ, సాల్ట్‌, జితేశ్ శ‌ర్మ‌, ప‌డిక్క‌ల్‌, టిమ్ డేవిడ్‌, పాటిదార్‌, బ్యాటింగ్‌లో కీల‌కం కానున్నారు. మ‌రోవైపు బౌలింగ్‌లో కాస్త బ‌ల‌హీనంగా ఉన్న‌ప్ప‌టికీ భువ‌నేశ్వ‌ర్‌, ఆల్‌రౌండర్‌ వెంకటేశ్‌ అయ్యర్‌ పైనే భారం పడనుంది. ఇక ఐపీఎల్లోనే అత్యంత బ‌ల‌మైన బ్యాటింగ్ లైన‌ప్‌ ఎస్ఆర్‌హెచ్ సొంతం. పాట్‌ కమిన్స్ గైర్హాజ‌రీలో ఇషాన్ కిష‌న్ నాయ‌క‌త్వంలో ఎస్ఆర్‌హెచ్ బ‌రిలోకి దిగుతోంది. హెడ్‌, అభిషేక్ శ‌ర్మ‌, క్లాసెన్‌, లివింగ్‌స్టోన్‌, నితీవ్ కుమార్‌ల‌తో బ్యాటింగ్ ప‌టిష్టంగా ఉంది. అయితే క‌మిన్స్ లేక‌పోవ‌డంతో బౌలింగ్‌లో హ‌ర్ష‌ల్ ప‌టేల్‌, జ‌య‌దేవ్ ఉనాద్క‌ట్ కీల‌కం కానున్నారు.రాయల్ ఛాలెంజర్స్ బెంగళూరు: రజత్ పాటిదార్ (కెప్టెన్‌), విరాట్ కోహ్లి , దేవదత్ పడిక్కల్‌, ఫిల్ సాల్ట్, జితేష్ శర్మ, కృనాల్ పాండ్యా , స్వప్నిల్ సింగ్, టిమ్ డేవిడ్, రొమారియో షెపర్డ్, జాకబ్ బెథెల్, జోష్ హేజిల్‌వుడ్, యష్ దయాల్, భువనేశ్వర్ కుమార్ , రసీ షర్మా దయాల్, భువనేశ్వర్ కుమార్ వెంకటేష్ అయ్యర్, జాకబ్ డఫీ, సాత్విక్ దేస్వాల్, మంగేష్ యాదవ్, జోర్డాన్ కాక్స్, విక్కీ ఓస్త్వాల్, విహాన్ మల్హోత్రా, కనిష్క్ చౌహాన్సన్‌రైజర్స్ హైదరాబాద్: ఇషాన్‌ కిషన్‌ (కెప్టెన్‌), ట్రావిస్‌ హెడ్‌, అభిషేక్ శర్మ, అనికేత్ వర్మ, ఆర్. స్మరన్, ఇషాన్ కిషన్, హెన్రిచ్ క్లాసెన్ , నితీష్ కుమార్ రెడ్డి, హర్ష్ దూబే, కమిందు మెండిస్, హర్షల్ పటేల్, బ్రైడన్ కార్సే, జయదేవ్ ఉనద్కత్ , శివన్ కుమార్ అన్ద్కత్, ఎషన్ కుమార్ అన్ద్కత్, ఎషాన్ మలింగస్ సాకిబ్ హుస్సేన్, ఓంకార్ తర్మలే, అమిత్ కుమార్, ప్రఫుల్ హింగే, క్రైన్స్ ఫులేట్రా, లియామ్ లివింగ్‌స్టోన్, శివమ్ మావి, జాక్ ఎడ్వర్డ్స్, పాట్‌ కమిన్స్‌చదవండి: ఉచితంగా ఐపీఎల్‌ టికెట్లు

సాక్షి, హైదరాబాద్‌: ధనాధన్‌ క్రికెట్‌ ఫీవర్‌ మరోసారి సిటీజనుల్ని చుట్టుముట్టనుంది. శనివారం నుంచి ప్రారంభం కానున్న ఐపీఎల్‌ సీజన్‌ కోసం నగర వ్యాప్తంగా వేదికలు సిద్ధమయ్యాయి. ఒంటరిగా, స్నేహితులతో, సన్నిహితులతో కలిసి, బృందాలుగా వీక్షించేవారి అవసరాలకు అనుగుణంగా ఆఫర్లు వెల్లువెత్తుతున్నాయి. భారీ స్క్రీన్స్‌ ప్రధాన ఆకర్షణగా, డీజే సంగీతం, రుచికరమైన వంటకాలు, సర్‌ప్రైజ్‌ గిఫ్టులు వంటివి జతగా ఈ వేదికలు క్రికెట్‌ ప్రియుల్ని ఆకట్టుకోనున్నాయి. బెంగళూరు పంథాలో.. నగరంలో ఐపీఎల్‌ సీజన్‌ కోసం ప్రత్యక్ష ప్రసారాలను అందించడానికి సిద్ధమయ్యాయి. వీటిలో భారీ స్క్రీన్‌లు, ప్రత్యేక మెనూలు ముఖ్యమైన మ్యాచ్‌లు ఉన్న రోజుల్లో ప్రత్యేక ఆఫర్లు అందుబాటులో ఉంటాయి. బెంగళూర్‌లో అండర్‌డాగ్స్‌ వైట్‌ ఫీల్డ్‌ పేరుతో ఒక ఎంటర్‌టైన్‌మెంట్‌ ప్లేస్‌ ఉంది. అది స్టేడియం తరహా వాతావరణం హై క్వాలిటీ స్క్రీన్స్, సరౌండ్‌ సౌండ్‌తో అలరిస్తోంది. అదే పంథాలో నగరంలోనూ పలు వేదికలు, పార్టీ ప్లేస్‌లు.. క్రికెట్‌ ప్రేమికులను ఆకట్టుకునే ప్రయత్నం చేస్తున్నాయి. కొండల్లో సందళ్లు.. ఐపీఎల్‌ స్క్రీనింగ్‌కు జూబ్లీహిల్స్, బంజారాహిల్స్‌లోని పలు వేదికలు పేరొందాయి. జూబ్లీహిల్స్‌లోని ఎయిర్‌ లైవ్‌ 2 భారీ స్క్రీన్స్‌కి ఫేమస్‌. ఇక ప్రోస్ట్‌ బ్రూ పబ్‌ పెద్ద స్క్రీన్‌లతో కూడిన ఒక ప్రసిద్ధ వేదిక. అలాగే జీరో 40 బ్రూవింగ్‌ ఆహ్లాదకరమైన వాతావరణానికి ప్రసిద్ధి చెందింది. సందడిగా, ఆకర్షణీయంగా ఉండే సెట్టింగ్‌కు ప్రసిద్ధి చెందిన ఫర్జీ కేఫ్, హై లైఫ్‌ బ్రూవింగ్‌ కంపెనీ కూడా భారీ స్క్రీన్‌లకు ప్రసిద్ధి చెందింది. హ్యాపీ అవర్స్‌ పేరిట స్పెషల్‌ ఆఫర్లు అందించే అమ్నీసియా స్కై బార్‌ ఓపెన్‌ వాతావరణంలో వీక్షించాలనుకునేవారికి మంచి ఎంపిక. హైటెక్‌ సిటీలో.. క్రికెట్‌ సిరి.. మాదాపూర్‌ పరిసర ప్రాంతాల్లో... సత్వా నాలెడ్జ్‌ సిటీ జెడ్‌ భారీ స్థాయి స్క్రీనింగ్‌లను నిర్వహిస్తోంది. ఇదే ప్రాంతంలోని రష్‌ స్పోర్ట్స్‌ కేఫ్‌..క్రీడా పోటీల వీక్షణకు ప్రత్యేకంగా పేరొందింది. ఇంటరాక్టివ్‌ గేమింగ్, మ్యాచ్‌ వీక్షణ అనుభవాన్ని అందించేందుకు ఇనార్బిట్‌ మాల్‌లోని స్మాష్‌ సిద్ధమైంది. గోవా వంటకాలకు పేరొందిన ది ఫిషర్‌ మ్యాన్స్‌ వాఫ్స్, బ్రాడ్‌ వే, గచ్చి»ౌలిలోని ఎల్స్‌ వేర్‌ లాంజ్, టికి షాక్‌ మరెన్నో ప్లేసెస్‌ ఆట చూడడాన్ని అపూర్వ అనుభవంగా మార్చేందుకు రెడీ అయ్యాయి. సికింద్రాబాద్‌ కూడా జిందాబాద్‌.. సికింద్రాబాద్‌ కార్ఖానాలోని ఎట్‌ ది బార్‌ నెక్ట్స్‌ డోర్‌ ఎస్‌ఎల్‌ఎన్‌ టెరి్మనస్‌లోని 10 డౌనింగ్‌ స్ట్రీట్, కొంపల్లిలోని ఓల్డ్‌ ట్రీస్‌ కేఫ్, ఆర్‌ అడ్డాలు లార్జ్‌ స్క్రీన్స్‌కు చిరునామాగా నిలుస్తున్నాయి. ఎల్బీనగర్‌లోని నార్ఫెస్ట్‌ ది దాబా వంటివి మేము సైతం అంటూ సిద్ధమయ్యాయి. ఇవి కాకుండా నగరం చుట్టుపక్కల ఫార్మ్‌ హౌజ్‌లు రిసార్ట్స్‌ కూడా ప్రత్యేక స్క్రీనింగ్స్‌తో ఆహా్వనిస్తున్నాయి. మొయినాబాద్‌లోని ఆయనా రిసార్ట్స్‌ సన్‌ రైజర్స్‌ హైదరాబాద్‌ పోటీ ఉన్న రోజున ముందస్తు బుకింగ్స్‌ అవసరం అని గత అనుభవాలు చెబుతున్నాయి.

టి20 వరల్డ్‌ కప్‌లో భారత జట్టు జైత్రయాత్రను చూసి మూడు వారాలు గడిచాయి. వరుసగా రెండోసారి ప్రపంచ కప్‌ సాధించిన టీమిండియాకు మన అభిమానులంతా జేజేలు పలికారు. ఆ తర్వాత క్రికెట్‌ లేకుండా కాస్త స్తబ్దత. ఇప్పుడు మళ్లీ అందరిలో జోష్‌ నింపే వేసవి వినోదం వచ్చేసింది. కొద్ది రోజుల క్రితం వరకు ఒకే జట్టుగా టీమిండియాను చాంపియన్‌గా నిలిపిన సహచరులంతా ఇప్పుడు ప్రత్యర్థులుగా తలపడేందుకు సిద్ధమయ్యారు. ఆరో టైటిల్‌ వేటలో రెండు టీమ్‌లు పోటీ పడుతుండగా, నాలుగో ట్రోఫీపై మరో జట్టు గురి పెట్టింది. రెండోసారి విజేతగా నిలవాలని మరో నాలుగు టీమ్‌లు సిద్ధం కాగా... తొలిసారి కప్‌ను ముద్దాడేందుకు ఇంకో మూడు జట్లు తమ పోరాటాన్ని కొనసాగించనున్నాయి. రెండు నెలల పాటు జరిగే 74 మ్యాచ్‌లతో ఇండియన్‌ ప్రీమియర్‌ లీగ్‌ (ఐపీఎల్‌) 19వ సీజన్‌ సమరానికి రంగం సిద్ధమైంది. ఇక పగలూ రాత్రీ అక్కడా ఇక్కడా ఎక్కడైనా ఐపీఎల్‌ స్కోర్లు, ఫలితాలు, విశ్లేషణలపైనే చర్చ షురూ కానుంది. బెంగళూరు: ఐపీఎల్‌–2026కు నేటితో తెర లేవనుంది. చిన్నస్వామి మైదానంలో డిఫెండింగ్‌ చాంపియన్‌ రాయల్‌ చాలెంజర్స్‌ బెంగళూరు (ఆర్‌సీబీ), మాజీ చాంపియన్‌ సన్‌రైజర్స్‌ హైదరాబాద్‌ మధ్య జరిగే మ్యాచ్‌తో టోర్నీ మొదలవుతుంది. గత నాలుగు సీజన్ల తరహాలోనే ఈసారి కూడా మొత్తం 10 టీమ్‌లు బరిలోకి దిగుతున్నాయి. మే 24 వరకు లీగ్‌ దశలు పోటీలు జరుగుతాయి. వీటిలో 12 రోజుల్లో డబుల్‌ హెడర్‌ (ఒకే రోజు రెండు మ్యాచ్‌లు) ఉన్నాయి. ఆ తర్వాత ‘ప్లే ఆఫ్స్‌’ నిర్వహిస్తారు.‘ప్లే ఆఫ్స్‌’ మ్యాచ్‌ల వేదికలను ఐపీఎల్‌ గవర్నింగ్‌ కౌన్సిల్‌ ఇంకా ప్రకటించలేదు. అయితే ఫైనల్‌ మ్యాచ్‌ మే 31న బెంగళూరులో నిర్వహిస్తారు. ప్రతీ ఏటా ప్రజాదరణలో, వాణిజ్యపరంగా కూడా స్థాయిని పెంచుకుంటూ వస్తున్న ఐపీఎల్‌ 19వ సీజన్‌ కూడా ఎప్పటిలాగే హోరాహోరీగా, ఆసక్తికరంగా సాగే అవకాశం ఉంది. దిగ్గజ క్రికెటర్లు ధోని, కోహ్లి, రోహిత్‌ ఈ సీజన్‌లో కూడా అభిమానులను అలరించేందుకు సిద్ధమయ్యారు. లీగ్‌లో మరో రసవత్తర వినోదానికి సన్నద్ధమవుతున్న తరుణంలో ఈ సీజన్‌కు సంబంధించి కొన్ని విశేషాలు.... » డిఫెండింగ్‌ చాంపియన్‌ ఆర్‌సీబీ ఈసారి తమ ఏడు హోం మ్యాచ్‌లలో ఐదింటిని చిన్నస్వామి స్టేడియంలో ఆడుతుంది. గత ఏడాది విజయోత్సవంలో జరిగిన విషాదం నేపథ్యంలో ఈసారి చిన్నస్వామిలో మ్యాచ్‌లు నిర్వహించేందుకు అనుమతి లభిస్తుందా లేదా అనే సందేహాల మధ్య హోం గ్రౌండ్‌ను రాయ్‌పూర్‌కు మార్చాలని ముందుగా నిర్ణయించింది. ఆ తర్వాత అనుమతి రాగా... ముందుగా ఇచి్చన మాట ప్రకారం రెండు మ్యాచ్‌లను రాయ్‌పూర్‌లో ఆడేందుకు సిద్ధమైంది. » ఢిల్లీ క్యాపిటల్స్‌ గత రెండు సీజన్లలో రెండేసి మ్యాచ్‌లు విశాఖపట్నంలో ఆడింది. ఈసారి ఆ జట్టు వైజాగ్‌లో బరిలోకి దిగడం లేదు. తమ ఏడు హోం మ్యాచ్‌లు అన్నింటినీ ఢిల్లీలోనే ఆడనుంది. ప్రతీ సీజన్‌లాగే రాజస్తాన్‌కు గువాహటి, పంజాబ్‌కు ధర్మశాల ‘రెండో హోం గ్రౌండ్‌’గా ఉంటాయి. » ఐపీఎల్‌ జట్లకు ఈసారి కొత్త కోచ్‌లు వచ్చారు. రాహుల్‌ ద్రవిడ్‌ స్థానంలో కుమార్‌ సంగక్కర రాజస్తాన్‌ రాయల్స్‌ హెడ్‌ కోచ్‌గా వ్యవహరించనున్నాడు. కోల్‌కతా నైట్‌రైడర్స్‌ చంద్రకాంత్‌ పండిత్‌ స్థానంలో అభిõÙక్‌ నాయర్‌ను హెడ్‌ కోచ్‌గా ఎంచుకుంది. ఐపీఎల్‌కు రిటైర్మెంట్‌ ప్రకటించిన ఆండ్రీ రసెల్‌ను తమతోనే ఉంచుకున్న కేకేఆర్‌ ‘పవర్‌ కోచ్‌’ అనే కొత్త పదవిని సృష్టించి బాధ్యతలు అప్పగించింది. కేన్‌ విలియమ్సన్‌ను లక్నో ఫ్రాంచైజీ ‘వ్యూహాత్మక సలహాదారు’గా నియమించుకుంది. ఆసీస్‌ మాజీ స్టార్‌ మాథ్యూ హేడెన్‌ గుజరాత్‌కు బ్యాటింగ్‌ కోచ్‌గా బాధ్యతలు చేపట్టనుండగా, ఇంగ్లండ్‌ మాజీ ప్లేయర్‌ ఇయాన్‌ బెల్‌ను ఢిల్లీ క్యాపిటల్స్‌ అసిస్టెంట్‌ కోచ్‌గా తీసుకుంది. » ఆటగాళ్లపరంగా చూస్తే టి20 వరల్డ్‌ కప్‌ స్టార్‌ సంజు సామ్సన్‌ జట్టు మారడమే ఆసక్తికర అంశం. 11 సీజన్ల పాటు రాజస్తాన్‌ రాయల్స్‌కు ఆడిన సామ్సన్‌ ఇప్పుడు అద్భుతమైన ఫామ్‌తో చెన్నై సూపర్‌ కింగ్స్‌ తరఫున బరిలోకి దిగబోతున్నాడు. అదే తరహాలో 12 సీజన్ల పాటు చెన్నైతో అనుబంధం ఉన్న ఆల్‌రౌండర్‌ రవీంద్ర జడేజా తన తొలి జట్టు రాజస్తాన్‌ రాయల్స్‌ తరఫున ఈసారి ఆడబోతున్నాడు. » ఐపీఎల్‌లో మొదటి నుంచి భారత్‌ తర్వాత ఆ్రస్టేలియన్లదే ఆధిపత్యం. అటు ఆటగాళ్లు, ఇటు కోచింగ్‌ బృందంలో కూడా వారంతా పెద్ద సంఖ్యలో ఉన్నారు. ఈసారి వేలంలో రూ.25.20 కోట్లకు అమ్ముడుపోయిన కామెరాన్‌ గ్రీన్‌ ప్రధాన ఆకర్షణగా ఉన్నాడు. కోల్‌కతా నైట్‌రైడర్స్‌ తరఫున అతను ఏమాత్రం ప్రభావం చూపిస్తాడన్నదే ఆసక్తికరం. ముగ్గురు ఆసీస్‌ గ్రేట్‌ బౌలర్లు స్టార్క్, కమిన్స్, హాజల్‌వుడ్‌ మాత్రం లీగ్‌ ఆరంభంలో కనిపించకపోవచ్చు. గాయాల నుంచి పూర్తిగా కోలుకొని కమిన్స్‌ (సన్‌రైజర్స్‌), హాజల్‌వుడ్‌ (ఆర్‌సీబీ) తమ టీమ్‌లతో చేరినా... ఎప్పటి నుంచి మ్యాచ్‌లు ఆడతారనే సందేహం ఉంది. స్టార్క్‌ అయితే ఇంకా భారత్‌కే రాకపోగా, దీనిపై ఢిల్లీ మేనేజ్‌మెంట్‌కు ఇంకా స్పష్టత లేదు. వీరు కాకుండా ట్రావిస్‌ హెడ్, టిమ్‌ డేవిడ్, షార్ట్, స్పెన్సర్‌ జాన్సన్, మిచెల్‌ మార్‌‡్ష, ఇన్‌గ్లిస్, స్టొయినిస్, ఒవెన్, డ్వార్‌షుయిస్, కనోలీ, బార్త్‌లెట్‌ కూడా తమ ప్రభావం చూపించాలని పట్టుదలగా ఉన్నారు. మ్యాచ్‌ల ఫార్మాట్‌ మారింది... లీగ్‌లోకి పది టీమ్‌లు వచ్చిన తర్వాత ప్రతీ ఏటా అనుసరిస్తున్న ‘గ్రూపింగ్‌’ పద్ధతినే ఈసారి కూడా అనుసరించారు. ఆయా టీమ్‌లు సాధించిన ఐపీఎల్‌ టైటిల్స్‌ను బట్టి వీటిని రెండు గ్రూప్‌లుగా విభజించారు. దీని ప్రకారం గ్రూప్‌ ‘ఎ’లో చెన్నై (5), కోల్‌కతా (3), రాజస్తాన్‌ (1), బెంగళూరు (1), పంజాబ్‌ కింగ్స్‌ ఉన్నాయి. గ్రూప్‌ ‘బి’లో ముంబై (5), హైదరాబాద్‌ (1), గుజరాత్‌ (1), ఢిల్లీ, లక్నో ఉన్నాయి. గత సీజన్‌ వరకు ప్రతీ జట్టు తమ గ్రూప్‌లోని నాలుగు జట్లతో రెండేసి మ్యాచ్‌లు (మొత్తం 8), ప్రత్యర్థి గ్రూప్‌లోని నాలుగు జట్లతో ఒక్కో మ్యాచ్‌ (మొత్తం 4), ఒక టీమ్‌తో రెండుసార్లు (2) ఆడేవి. ఇలా ప్రతీ జట్టుకు 14 లీగ్‌ మ్యాచ్‌లు ఆడే అవకాశం దక్కింది. అయితే ఈసారి ఇదే ఫార్మాట్‌ను భిన్నంగా మార్చారు. ఈ సీజన్‌లో ప్రత్యర్థి గ్రూప్‌లోని ఐదు జట్లతో రెండేసి సార్లు (మొత్తం 10), తమ గ్రూప్‌లోని టీమ్‌లతో ఒక్కో మ్యాచ్‌ (4)లో తలపడాల్సి ఉంటుంది. దీని ప్రకారం ఐదుసార్లు చాంపియన్లు అయిన చెన్నై, ముంబైల మధ్య రెండు మ్యాచ్‌లు జరుగుతాయి.27 స్పాన్సర్లతో ప్రకటనల జోరు! ఐపీఎల్‌ క్రేజ్‌ను దృష్టిలో ఉంచుకొని చూస్తే పెద్ద సంఖ్యలో స్పాన్సర్లు రావడం కొత్త కాదు. కానీ ఈసారి ప్రసారకర్తలు మరింత పెద్ద సంఖ్యలో భారీ మొత్తాలకు స్పాన్సర్లతో జత కట్టారు. తాజా సీజన్‌ కోసం స్టార్‌ స్పోర్ట్స్‌–జియో హాట్‌స్టార్‌లలో కలిపి ఏకంగా 27 సంస్థలు స్పాన్సర్లుగా వ్యవహరించనున్నాయి. వీటితో బ్రాడ్‌కాస్టింగ్‌ టీమ్‌కు ప్రకటనల పండగ ఖాయం. స్పాన్సర్ల జాబితాలో గూగుల్‌ సెర్చ్‌ ఏఐ, క్యాంపా ఎనర్జీ, హావెల్స్, లాయిడ్, బిర్లా ఒపస్, హీరో మోటో కార్ప్, అమెజాన్, ఏఎంఎఫ్‌ఐ, ఏషియన్‌ పెయింట్స్, విమల్‌ ఇలైచీ, సూపర్‌ మనీ, ఎంఆర్‌ఎఫ్, ఫ్లిప్‌కార్ట్, జిల్లెట్, వీడా, రూపే, మాండెలెజ్, మదర్‌ డెయిరీ, గ్రో, ర్యాపిడో, ముత్తూట్‌ ఫినాన్స్, సన్‌ఫీస్ట్, గూగుల్‌ పే, టీవీఎస్‌ ఈవీ, ఏంజెల్‌ వన్, క్యాంపా ష్యూర్, అమూల్‌ ఉన్నాయి. టాప్‌–4 సన్‌రైజర్స్‌వే... లీగ్‌లో జట్టు నమోదు చేసిన అత్యధిక స్కోరు జాబితాలో హైదరాబాద్‌ హవానే సాగింది. టాప్‌–4 స్కోర్లు వరుసగా 287, 286, 278, 277 సన్‌రైజర్స్‌ నమోదు చేసింది. ఈసారి 300 నమోదవుతుందా అనేది ఆసక్తికరం.109 ఐపీఎల్‌ చరిత్రలో నమోదైన సెంచరీలు. 58 మంది క్రికెటర్లు సెంచరీలు చేశారు. 2024లో అత్యధికంగా 14 సెంచరీలు నమోదుకాగా ... 2009లో అత్యల్పంగా 2 సెంచరీలు వచ్చాయి. 4 ఐపీఎల్‌ మొదలైనప్పటి నుంచి ఇప్పటి వరకు నలుగురు ప్లేయర్లు (ధోని, రోహిత్‌ శర్మ, విరాట్‌ కోహ్లి, మనీశ్‌ పాండే) మాత్రమే ప్రతి సీజన్‌లో బరిలోకి దిగారు. రోహిత్‌ శర్మ (డెక్కన్‌ చార్జర్స్, ముంబై ఇండియన్స్‌), ధోని (చెన్నై సూపర్‌ కింగ్స్, రైజింగ్‌ పుణే సూపర్‌ జెయింట్స్‌) రెండు జట్లకు ప్రాతినిధ్యం వహించగా... కోహ్లి ఐపీఎల్‌ ఆరంభం నుంచి ఒకే జట్టు (ఆర్‌సీబీ)కు ఆడుతున్నాడు. మనీశ్‌ పాండే మాత్రం ఏడు జట్లకు (ముంబై ఇండియన్స్, రాయల్‌ చాలెంజర్స్‌ బెంగళూరు, పుణే వారియర్స్‌ ఇండియా, సన్‌రైజర్స్‌ హైదరాబాద్, లక్నో సూపర్‌ జెయింట్స్, ఢిల్లీ డేర్‌డెవిల్స్‌) ప్రాతినిధ్యం వహించాడు.278 ఐపీఎల్‌లో అత్యధిక మ్యాచ్‌లు ఆడిన ప్లేయర్‌ ధోని. వరుసగా 19వ సీజన్‌లో బరిలోకి దిగనున్న ధోని 278 ఐపీఎల్‌ మ్యాచ్‌లు ఆడాడు. రోహిత్‌ శర్మ (272), విరాట్‌ కోహ్లి (267) వరుసగా రెండు, మూడు స్థానాల్లో ఉన్నారు.10 ఐపీఎల్‌లో కనీసం 200 మ్యాచ్‌లు ఆడిన క్రికెటర్లు. ఈ జాబితాలో ధోని, రోహిత్, కోహ్లి, దినేశ్‌ కార్తీక్‌ (257), రవీంద్ర జడేజా (254), శిఖర్‌ ధావన్‌ (222), రవిచంద్రన్‌ అశ్విన్‌ (221), సురేశ్‌ రైనా (205), రాబిన్‌ ఉతప్ప (205), అంబటి రాయుడు (204) ఉన్నారు. ఈ సీజన్‌లో అజింక్య రహానే (198), భువనేశ్వర్‌ కుమార్‌ (190), సునీల్‌ నరైన్‌ (189) ఈ జాబితాలో చేరే అవకాశం ఉంది.ఐపీఎల్‌ రికార్డులు... ఐపీఎల్‌ చరిత్రలో కొందరు ఆటగాళ్లు తమదైన ప్రత్యేక ముద్ర వేశారు. వీరిలో కొందరు ఇప్పటికీ కొనసాగుతున్నారు. మరికొందరు ఆటనుంచి నిష్క్రమించినా వారు అందించిన వినోదం, మెరుపులు మర్చిపోలేనివి. ఇప్పుడు బరిలో ఉన్నా, లేకపోయినా 19వ సీజన్‌ నేపథ్యంలో కొన్ని ఘనతలను గుర్తు చేసుకోక తప్పదు. ఐపీఎల్‌లో అత్యధిక పరుగులు చేసిన ఆటగాడిగా విరాట్‌ కోహ్లి (8661), అత్యధిక వికెట్లు తీసిన బౌలర్‌గా యుజువేంద్ర చహల్‌ (221) పేరిట రికార్డు ఉంది. అత్యధిక వ్యక్తిగత స్కోరు క్రిస్‌ గేల్‌ (175 నాటౌట్‌) నమోదు చేయగా, అత్యుత్తమ బౌలింగ్‌ ప్రదర్శన అల్జారి జోసెఫ్‌ (6/12) పేరిట ఉంది. అత్యధిక సిక్స్‌లు (357) క్రిస్‌ గేల్‌ బాదగా, ఒకే సీజన్‌లో ఎక్కువ పరుగులు చేసిన ఘనత (973–2016లో) కోహ్లి పేరు మీద చెక్కు చెదరకుండా ఉంది.

ఐపీఎల్‌-2026 సీజన్‌లో తొలి మ్యాచ్ ఆడేందుకు సన్‌రైజర్స్ హైదరాబాద్ సిద్దమైంది. మార్చి 28న టోర్నీ ఆరంభ మ్యాచ్‌లో చిన్నస్వామి స్టేడియం వేదికగా డిఫెండింగ్ ఛాంపియన్ రాయల్ ఛాలెంజర్స్ బెంగళూరును ఎస్‌ఆర్‌హెచ్ ఢీకొట్టనుంది. ఈ హైవోల్టేజ్ మ్యాచ్ కోసం ఆరెంజ్ ఆర్మీ అన్ని విధాల సిద్దమైంది.అయితే ఈ మ్యాచ్‌కు రెగ్యులర్‌ కెప్టెన్ పాట్ కమ్మిన్స్ అందుబాటులో లేడు. దీంతో ఇషాన్ కిషన్ సారథ్యంలో ఎస్‌ఆర్‌హెచ్ బరిలోకి దిగనుంది. ఈ నేపథ్యంలో ఎస్‌ఆర్‌హెచ్ తుది జట్టు ఎలా ఉండబోతుందో అనే దానిపై ఓ అంచనా వేద్దాం.గత ఏడాదిలాగే ఎస్‌ఆర్‌హెచ్ మేనెజ్‌మెంట్ తమ టాప్ ఆర్డర్‌ను కొనసాగించనుంది. ఓపెనర్లుగా విధ్వంసకర ప్లేయర్లు ట్రావిస్ హెడ్‌, అభిషేక్ శర్మలు బరిలోకి దిగనున్నారు. వరుసగా మూడు, నాలుగు స్ధానాల్లో ఇషాన్ కిషన్‌, నితీశ్ కుమార్ రెడ్డి బ్యాటింగ్ రానున్నారు. కిషన్ గత సీజన్‌లో మూడో స్ధానంలోనే బ్యాటింగ్‌కు వచ్చి అద్బుతమైన సెంచరీ సాధించాడు.ఇక ఐదో స్ధానంలో హెన్రిచ్ క్లాసన్ బ్యాటింగ్‌కు వచ్చే ఛాన్స్ ఉంది. అదేవిధంగా జట్టులోకి కొత్తగా వచ్చిన ఆల్‌రౌండర్‌ లివింగ్‌స్టోన్‌, అనికేత్ వర్మలు ఫినిషర్ పాత్రను పోషించనున్నారు. బౌలింగ్ విభాగానికి వస్తే ప్యాట్ కమ్మిన్స్ స్ధానాన్ని ఇంగ్లీష్ ఆల్‌రౌండర్ బ్రైడన్ కార్స్‌తో భర్తీ చేసే సూచనలు కన్పిస్తున్నాయి.దూబే అరంగేట్రం?కార్స్ బంతితో పాటు బ్యాట్‌తో కూడా రాణించగలడు. హర్షల్ పటేల్, శివమ్ మావి, జయదేవ్ ఉనద్కత్ పేస్ బాధ్యతలు పంచుకోనున్నారు. అదేవిధంగా విధ‌ర్బ స్పిన్న‌ర్ హ‌ర్ష్ దూబే ఈ మ్యాచ్‌లో అరంగేట్రం చేసే అవ‌కాశ‌ముంది. అయితే గ‌త సీజ‌న్‌లో ఆక‌ట్టుకున్న జేషాన్ అన్సారీ కూడా తుది జ‌ట్టు రేసులో ఉన్నాడు.కాగా రంజీ ట్రోఫీ 2024-25 సీజ‌న్‌లో అద్భుత‌మైన ప్ర‌ద‌ర్శ‌న చేశాడు. ఒక రంజీ సీజ‌న్‌లో అత్య‌ధిక వికెట్లు(69) వికెట్లు ప‌డ‌గొట్టిన బౌల‌ర్‌గా చ‌రిత్ర సృష్టించాడు. దీంతో గ‌తేడాది జ‌రిగిన మినీ వేలంలో రూ.30 ల‌క్ష‌ల బేస్‌ప్రైస్‌కు అత‌డిని ఎస్ఆర్‌హెచ్ సొంతం చేసుకుంది.ఎస్‌ఆర్‌హెచ్ తుది జట్టు ఇదేట్రావిస్ హెడ్, అభిషేక్ శర్మ, ఇషాన్ కిషన్, హెన్రిచ్ క్లాసెన్, నితీష్ కుమార్ రెడ్డి, లియామ్ లివింగ్‌స్టోన్, అనికేత్ వర్మ, బ్రైడన్ కార్స్‌, హర్ష్ దూబే, హర్షల్ పటేల్, శివమ్ మావిచదవండి: టీమిండియాలోకి వైభవ్ సూర్యవంశీ.. ఆ సిరీస్‌తో ఎంట్రీ?

ఒకప్పుడు సన్‌రైజర్స్‌ హైదరాబాద్‌ అంటే... బలమైన బౌలింగ్‌ దళానికి చిరునామాగా నిలిచేది! ప్రత్యర్థి ముందు స్వల్ప లక్ష్యాలను నిర్దేశించినా... పకడ్బందీ బౌలింగ్‌తో వాటిని కాపాడుకుంటూ సత్తా చాటేది! కానీ 2024 సీజన్‌ నుంచి జట్టు దృక్పథం పూర్తిగా మారిపోయింది. గత రెండేళ్లుగా రైజర్స్‌ ‘తూ మార్‌... మై మార్‌’ ప్లాన్‌తో దుమ్మురేపుతోంది. ఐపీఎల్‌లో అత్యధిక స్కోర్లలో తొలి నాలుగింటిని ఈ రెండు సీజన్‌లలోనే తమ పేరిట లిఖించుకుందంటే రైజర్స్‌ ఊచకోత ఏ స్థాయిలో సాగిందో అర్థం చేసుకోవచ్చు. అభిషేక్‌ శర్మ, ట్రావిస్‌ హెడ్, హెన్రిచ్‌ క్లాసెన్, ఇషాన్‌ కిషన్, లివింగ్‌స్టోన్, నితీశ్‌ కుమార్‌ రెడ్డి ఇలా బ్యాటింగ్‌ ఆర్డర్‌ మొత్తం హిట్టర్‌లతో నిండి ఉంది. ఆరంభ మ్యాచ్‌లకు కమిన్స్‌ లేకపోవడంతో బౌలింగ్‌ మరింత బలహీనపడగా... ఈ సీజన్‌లో ఇషాన్‌ కిషన్‌ జట్టును ఎలా నడిపిస్తాడనేది వేచి చూడాలి. –సాక్షి క్రీడా విభాగం విజృంభణ, విధ్వంసం, ఊచకోత... ఇవి గత రెండేళ్లుగా సన్‌రైజర్స్‌ బ్యాటింగ్‌ సాగిన తీరుకు పర్యాయపదాలు. ఒరిలోకి దిగింది మొదలు... చివరి బంతి వరకు ఒకటే బాదుడు! ‘యాభై పరుగులకే ఆరు వికెట్లు పడ్డా... ఏడో బ్యాటర్‌ కూడా ధాటిగా ఆడే క్రమంలోనే వెనుదిరగాలి తప్ప... డిఫెన్స్‌ ఆడుతూ దొరికిపోకూడదు’ అనే కమిన్స్‌ మంత్రాన్ని పాటిస్తున్న సన్‌రైజర్స్‌ హైదరాబాద్‌... ఈ రెండేళ్లలో లెక్కకు మిక్కిలి రికార్డులు తిరగరాసింది. అయితే బ్యాటింగ్‌లో దూకుడు ఉన్నా... బౌలింగ్‌లో నాణ్యత లేక రైజర్స్‌ వెనుకబడి పోయింది. 2013లో లీగ్‌లోకి అడుగుపెట్టిన సన్‌రైజర్స్‌... 2016లో డేవిడ్‌ వార్నర్‌ సారథ్యంలో తొలిసారి ఐపీఎల్‌ చాంపియన్‌గా నిలిచింది. ఆ తర్వాత మరో రెండుసార్లు (2018, 2024లో) ఫైనల్‌కు చేరినా... రన్నరప్‌తోనే సరిపెట్టుకుంది. ఇప్పటికే బలహీనంగా ఉన్న సన్‌రైజర్స్‌ బౌలింగ్‌ విభాగం... రెగ్యులర్‌ కెప్టెన్‌ కమిన్స్‌గైర్హాజరీతో మరింత డీలా పడింది. గత ఏడాది లీగ్‌ దశలో ఆడిన 14 మ్యాచ్‌ల్లో 6 విజయాలతో 6వ స్థానంలో నిలిచిన రైజర్స్‌... ఈసారి ట్రోఫీ చేజిక్కించుకోవడమే లక్ష్యంగా బరిలోకి దిగనుంది. బ్యాటింగ్‌పైనే భారం... ఐపీఎల్‌లోని అన్ని జట్లలో విధ్వంసకర బ్యాటింగ్‌ లైనప్‌ ఉన్న జట్టు ఏదంటే సన్‌రైజర్స్‌ అనే చెప్పాలి. ఓపెనింగ్‌ నుంచి ఎనిమిదో స్థానం వరకు దూకుడుగా బ్యాటింగ్‌ చేయగల ఆటగాళ్లు రైజర్స్‌ టీమ్‌కు సొంతం. క్షణాల్లో ప్రత్యర్థి నుంచి మ్యాచ్‌ను లాగేసుకోవడంలో ఓపెనర్లు అభిషేక్, హెడ్‌ సిద్ధహస్తులు. ఇషాన్‌ ధాటి ఏపాటిదో ఇటీవల టి20 ప్రపంచకప్‌లో అందరూ చూశారు. తాత్కాలిక సారథిగానూ అతడిపై అదనపు బాధ్యతలు ఉన్నాయి. క్లాసెన్, లివింగ్‌స్టోన్, నితీశ్‌ కుమార్‌ రెడ్డితో మిడిలార్డర్‌ దుర్బేధ్యంగా ఉంది. ఈ బ్యాటింగ్‌ లైనప్‌ కలిసికట్టుగా కదంతొక్కితే... ఎలాంటి బౌలింగ్‌ అయినా కకావికలం కావాల్సిందే. ఇప్పటికే హిట్టర్లతో దట్టంగా ఉన్న రైజర్స్‌... ఈ ఏడాది మినీ వేలంలో రూ. 13 కోట్లు పెట్టి ఇంగ్లండ్‌ ప్లేయర్‌ లివింగ్‌స్టోన్‌ను తీసుకుంది. కమిన్స్‌ లేకపోవడంతో అతడికి తుది జట్టులో చోటు దక్కే అవకాశాలున్నాయి. 3 కోట్లు పెట్టి కొనుగోలు చేసుకున్న ఆస్ట్రేలియా ఆల్‌రౌండర్‌ జాక్‌ ఎడ్వర్డ్స్‌ గాయం కారణంగా సీజన్‌ మొత్తానికి దూరమయ్యాడు. ఆంధ్ర ఆల్‌రౌండర్‌ నితీశ్‌ రెడ్డి అటు బ్యాటింగ్‌లో, ఇటు బౌలింగ్‌లో మరింత ప్రభావం చూపాలని మేనేజ్‌మెంట్‌ ఆశిస్తోంది. స్ట్రయిక్‌ బౌలర్‌ లోటు! మంచినీళ్ల ప్రాయంలా భారీ స్కోర్లు చేస్తున్నా... రైజర్స్‌ నిలకడగా విజయాలు సాధించలేకపోవడానికి కారణం బలహీన బౌలింగ్‌. జట్టుకు అవసరమైనప్పుడు వికెట్‌ తీసే స్ట్రయిక్‌ బౌలర్‌ లేకపోవడం అతిపెద్ద ప్రతికూలాంశం. ఉన్న ఒక్క టీమిండియా పేసర్‌ మొహమ్మద్‌ షమీని సైతం జట్టు వదిలేసుకుంది. దీంతో జైదేవ్‌ ఉనాద్కట్, హర్షల్‌ పటేల్‌లపై అదనపు భారం పడనుంది. ఆరంభ మ్యాచ్‌ల్లో విదేశీ ప్లేయర్‌ల కోటాలో హెడ్, క్లాసెన్, లివింగ్‌స్టోన్, బ్రైడన్‌ కార్స్‌ చోటు దక్కించుకోవచ్చు. ఒక్క పేరున్న స్పిన్నర్‌ కూడా జట్టులో లేడు. ప్రఫుల్, అమిత్, ఓంకార్, సాకిబ్‌ హుస్సేన్, శివాంగ్‌ను వేలంలో తీసుకున్నా వారికి మ్యాచ్‌ దక్కే అవకాశాలు తక్కువే. సలీల్‌ అరోరా, శివమ్‌ మావి ఏమాత్రం ఆకట్టుకుంటారో చూడాలి. సన్‌రైజర్స్‌ హైదరాబాద్‌ జట్టు: ఇషాన్‌ కిషన్‌ (కెప్టెన్‌), అనికేత్‌ వర్మ, స్మరణ్‌ రవిచంద్రన్, సలీల్‌ అరోరా, క్లాసెన్, హెడ్, హర్షల్‌ పటేల్, కమిందు మెండిస్, హర్‌‡్ష దూబే, కార్స్, శివాంగ్, క్రెయిన్స్‌ ఫులెట్రా, లివింగ్‌స్టోన్, డేవిడ్‌ పైన్, అభిషేక్‌ శర్మ, నితీశ్‌ కుమార్‌ రెడ్డి, కమిన్స్, జీషాన్‌ అన్సారీ, జైదేవ్‌ ఉనాద్కట్, ఇషాన్‌ మలింగ, సాకిబ్‌ హుస్సేన్, ఓంకార్, అమిత్, ప్రఫుల్, శివమ్‌ మావి.ఐపీఎల్‌లో సన్‌రైజర్స్‌ గణాంకాలుఆడిన మ్యాచ్‌లు 196 గెలిచినవి 94 ఓడినవి 101 రద్దు 1అత్యుత్తమ ప్రదర్శనవిజేత (2016), రన్నరప్‌ (2018, 2024)

డిఫెండింగ్‌ చాంపియన్‌ రాయల్‌ చాలెంజర్స్‌ బెంగళూరు (ఆర్సీబీ)- సన్‌రైజర్స్‌ హైదరాబాద్‌ మధ్య మ్యాచ్‌తో మార్చి 28న ఐపీఎల్‌-2026 టోర్నీకి తెరలేవనుంది. బెంగళూరులోని చిన్నస్వామి స్టేడియం ఇందుకు వేదిక.కెప్టెన్‌గా ఇషాన్‌ కిషన్‌ఇక ఆరంభ మ్యాచ్‌లకు ప్యాట్‌ కమిన్స్‌ దూరం కాగా.. అతడి గైర్హాజరీలో సన్‌రైజర్స్‌ కెప్టెన్‌గా టీమిండియా స్టార్‌ ఇషాన్‌ కిషన్‌ వ్యవహరించనున్నాడు. ఇప్పటికే సన్‌రైజర్స్‌ నెట్‌ ప్రాక్టీస్‌, ఇంట్రాస్వ్కాడ్‌ మ్యాచ్‌లతో బిజీబిజీగా గడుపుతోంది.ఈ క్రమంలో ఆటవిడుపుగా సన్‌రైజర్స్‌ ఆటగాళ్లు అభిమానులతో మమేకం అయ్యారు. ఫ్యాన్‌ మీట్‌లో ఆసక్తికర వ్యాఖ్యలతో అలరించారు. ఇందులో భాగంగా ఆంధ్ర కుర్రాడు, టీమిండియా స్టార్‌ ఆల్‌రౌండర్‌ నితీశ్‌ కుమార్‌ రెడ్డి చేసిన కామెంట్లు.. అందుకు కెప్టెన్‌ ఇషాన్‌ కిషన్‌ ఇచ్చిన కౌంటర్లు.. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.సెలక్టర్లు వింటారు!టెస్టు లేదంటే టీ20 ఫార్మాట్‌.. ఈ రెండింటిలో ఏది ఎంచుకుంటారని హోస్ట్‌ అడుగగా నితీశ్‌ రెడ్డి.. టీ20 అని సమాధానమిచ్చాడు. ఆ తర్వాత టెస్టు లేదంటే వన్డేలలో ఒకటి ఎంచుకోమనగా.. అతడు వన్డే అని బదులిచ్చాడు. ఈ క్రమంలో ఇషాన్‌ కిషన్‌ జోక్యం చేసుకుంటూ.. ‘‘నువ్వు టెస్టు జట్టులో కీలక సభ్యుడివి బ్రో. సెలక్టర్లు ఈ మాటలు వింటారు జాగ్రత్త’’ అని హెచ్చరించాడు. దీంతో నితీశ్‌తో పాటు ఆక్కడున్న వాళ్లంతా గట్టిగా నవ్వేశారు.𝙁𝙤𝙧 𝙩𝙝𝙚 𝙩𝙚𝙖𝙢, 𝙖𝙣𝙮𝙩𝙝𝙞𝙣𝙜 🤌 pic.twitter.com/ju8SpzTvxl— SunRisers Hyderabad (@SunRisers) March 22, 2026కాగా పేస్‌ బౌలింగ్‌ ఆల్‌రౌండర్‌ అయిన నితీశ్‌ రెడ్డిని.. హార్దిక్‌ పాండ్యాకు సరైన వారసుడిగా సెలక్టర్లు భావిస్తున్నారు. వైట్‌బాల్‌ క్రికెట్‌లో హార్దిక్‌ గైర్హాజరీలో అడపాదడపా అవకాశాలు అందుకున్న నితీశ్‌.. గత రెండేళ్లుగా టెస్టుల్లో మాత్రం ఆల్‌రౌండర్‌గా స్థానం సుస్థిరం చేసుకున్నాడు.అది సాధ్యం కాదు!ఈ విషయాన్ని దృష్టిలో పెట్టుకుని ఇషాన్‌ కిషన్‌ నితీశ్‌ రెడ్డికి కౌంటర్‌ ఇవ్వడం గమనార్హం. ఇక ఐపీఎల్‌లో పవర్‌ ప్లేలో బ్యాటింగ్‌ చేయడం ఇష్టమా? లేదంటే డెత్‌ ఓవర్లలో బ్యాటింగ్‌ ఇష్టమా? అని హోస్ట్‌ అడుగగా.. నితీశ్‌ రెడ్డి పవర్‌ ప్లే అని సమాధానం ఇచ్చాడు.దీంతో మరోసారి ఇషాన్‌ కిషన్‌ కౌంటర్‌తో ముందుకు వచ్చాడు. నితీశ్‌ రెడ్డి రెగ్యులర్‌గా ఆరో స్థానంలో బ్యాటింగ్‌ చేస్తాడు కాబట్టి.. అతడికి ఎంత ఇష్టం ఉన్నా పవర్‌ ప్లేలో బ్యాటింగ్‌ చేయలేడంటూ నవ్వులు పూయించాడు. టెస్టు జట్టులో స్థానం సుస్థిరంకాగా సన్‌రైజర్స్‌ తరఫున 2024లో సత్తా చాటి భారత టీ20 జట్టులో అడుగుపెట్టిన నితీశ్‌ రెడ్డి.. అదే ఏడాది ఆస్ట్రేలియాలో టెస్టుల్లో అరంగేట్రం చేశాడు. మరుసటి ఏడాది వన్డేల్లోనూ అడుగుపెట్టాడు. ఇప్పటి వరకు టీమిండియా తరఫున 10 టెస్టులు, 4 వన్డేలు, 4 టీ20 మ్యాచ్‌లు ఆడాడు.మరోవైపు ఇషాన్‌ కిషన్‌ దాదాపు మూడేళ్ల తర్వాత ఇటీవలే టీమిండియాలో పునరాగమనం చేశాడు. క్రమశిక్షణా రాహిత్యం వల్ల జట్టులో స్థానం కోల్పోయిన అతడు.. దేశవాళీ క్రికెట్‌లో సత్తా చాటి సెలక్టర్లకు సవాల్‌ విసిరాడు. అద్భుత ఫామ్‌లో ఉన్న అతడిని టీ20 ప్రపంచకప్‌-2026 జట్టుకు ఎంపిక చేయగా.. భారత్‌ చాంపియన్‌గా నిలవడంలో కీలక పాత్ర పోషించాడు.చదవండి: భారత్‌తో స్నేహం కావాలి: పాక్‌కు దిమ్మతిరిగే షాకిచ్చిన బంగ్లాదేశ్‌!

హైదరాబాద్‌: ఆరంభానికి ముందే ఐపీఎల్‌ను గాయాల బెడద వేధిస్తోంది. ఇప్పటికే సన్‌రైజర్స్‌ హైదరాబాద్‌ (ఎస్‌ఆర్‌హెచ్‌) కెపె్టన్‌ కమిన్స్‌ తొలి దశ మ్యాచ్‌లకు దూరం కాగా, తాజాగా మరో సహచరుడు జాక్‌ ఎడ్వర్డ్స్‌ ఏకంగా సీజన్‌ మొత్తానికే అందుబాటులో లేకుండా పోయాడు. ఆ్రస్టేలియాకే చెందిన 25 ఏళ్ల సీమ్‌ బౌలింగ్‌ ఆల్‌రౌండర్‌ ఎడ్వర్డ్స్‌ను వేలంలో రూ. 3 కోట్లకు హైదరాబాద్‌ ఫ్రాంచైజీ కొనుగోలు చేసింది. ఈ సీజన్‌తో ఐపీఎల్‌లో అరంగేట్రం చేయాల్సిన ఈ ఆసీస్‌ ఆల్‌రౌండర్‌ ఇప్పుడు మరో సీజన్‌ దాకా వేచి ఉండక తప్పదు. అతడు కాలిపాదం గాయంతో సతమతమవుతున్నాడు. బిగ్‌బాష్‌ లీగ్‌లో విశేషంగా రాణించిన జాక్‌ (19 వికెట్లు; 133 పరుగులు) పెర్త్‌ వేదికగా పాక్‌తో జరిగిన మ్యాచ్‌లో అరంగేట్రం చేశాడు. మొత్తమ్మీద ఆ్రస్టేలియన్‌ బౌలింగ్‌ దళాన్నే గాయాలు పట్టిపీడిస్తున్నాయి. ఎందుకంటే కమిన్స్, హాజల్‌వుడ్, స్టార్క్, ఎలిస్‌లు ఇదివరకే గాయాలతో ఆటకు దూరంగా ఉంటున్నారు.

ఐపీఎల్‌ 2026 సీజన్‌కు సంబంధించి సన్‌రైజర్స్‌ హైదరాబాద్‌ (ఎస్‌ఆర్‌హెచ్‌) ఆరంభ మ్యాచ్‌లకు ఇషాన్‌ కిషన్‌ కెప్టెన్‌గా వ్యవహరించనున్నాడు. అయితే ఎస్‌ఆర్‌హెచ్‌ రెగ్యులర్‌ కెప్టెన్‌ పాట్‌ కమిన్స్‌ గాయం కారణంగా కొన్ని మ్యాచ్‌లకు దూరమవ్వనున్నట్లు ఇప్పటికే జట్టు మేనేజ్‌మెంట్‌ స్పష్టం చేసింది. కాగా ఎస్‌ఆర్‌హెచ్‌ 2026 సీజన్‌లో ఆరంభం రోజునే డిఫెండింగ్‌ చాంపియన్‌ ఆర్సీబీతో తొలి మ్యాచ్‌ ఆడనుంది.ఈ నేపథ్యంలోనే కమిన్స్‌ స్థానంలో ఇషాన్‌ కిషన్‌ ఎస్‌ఆర్‌హెచ్‌ తాత్కాలిక కెప్టెన్‌గా బాధ్యతలు నిర్వహిస్తాడని యాజమాన్యం బుధవారం ఒక ప్రకటన విడుదల చేసింది. ఇక ఎస్‌ఆర్‌హెచ్‌ వైస్‌ కెప్టెన్‌గా విధ్వంసకర ఓపెనర్‌ అభిషేక్‌ శర్మ బాధ్యతలు తీసుకోనున్నట్లు స్పష్టం చేసింది. ఇటీవలే ముగిసిన టీ20 ప్రపంచకప్‌ను భారత్‌ గెలవడంలో ఇషాన్‌ కిషన్‌, అభిషేక్‌ శర్మలు కీలకపాత్ర పోషించిన సంగతి తెలిసిందే.అభిషేక్‌ సంగతి పక్కనబెడితే రిషబ్‌ పంత్‌,జితేశ్‌ శర్మలు గాయాల బారీన పడడంతో ఇషాన్‌ కిషన్‌కు అనూహ్యంగా జట్టులోకి పిలుపొచ్చింది. టీ20 ప్రపంచకప్‌కు ముందు న్యూజిలాండ్‌తో జరిగిన టీ20 సిరీస్‌లో ఇషాన్‌ కిషన్‌ అద్భుతంగా రాణించాడు. అదే ఫామ్‌ను టీ20 ప్రపంచకప్‌లోనూ కొనసాగించాడు. తాజాగా కమిన్స్‌ స్థానంలో కెప్టెన్‌గా ఎంపికైన ఇషాన్‌ కిషన్‌ ఐపీఎల్‌లోనూ అదరగొట్టాలని ఆశిద్దాం.ఇక వెన్ను గాయంతో బాధపడుతున్న కమిన్స్‌ ఇప్పుడిప్పుడే కోలుకుంటున్నాడు. వెన్నునొప్పి కారణంగానే ఇటీవల ముగిసిన టీ20 ప్రపంచకప్‌కు కూడా కమిన్స్‌ దూరమయ్యాడు. ఇక కమిన్స్‌ ఆస్ట్రేలియా వన్డే, టెస్టు జట్టు కెప్టెన్‌గా వ్యవహరిస్తున్నాడు. అయితే ఐపీఎల్‌ 2024 సీజన్‌లో కమిన్స్‌ సారథ్యంలోనే ఎస్‌ఆర్‌హెచ్‌ రన్నరప్‌గా నిలిచింది. ఆ సీజన్‌లో సంచలన ప్రదర్శనతో అదరగొట్టిన సన్‌రైజర్స్‌ ఫైనల్లో కోల్‌కతా నైట్‌రైడర్స్‌ చేతిలో ఓటమిపాలైంది. 2024 ఎడిషన్‌ నుంచి గేర్‌ మార్చిన ఎస్‌ఆర్‌హెచ్‌ హెడ్‌, అభిషేక్‌ శర్మ, క్లాసెన్‌, లివింగ్‌స్టోన్‌, ఇషాన్‌ కిషన్‌ వంటి విధ్వంసకర ఆటగాళ్లతో బ్యాటింగ్‌ దుర్భేద్యంగా మారింది. అయితే 2025 సీజన్‌లో ఆశించినంతగా రాణించలేకపోయిన ఎస్‌ఆర్‌హెచ్‌ ఆరో స్థానానికి పరిమితమయ్యింది.సన్‌రైజర్స్ హైదరాబాద్ జట్టు: ఇషాన్‌ కిషన్‌ (కెప్టెన్‌), అభిషేక్ శర్మ (వైస్‌ కెప్టెన్‌), అనికేత్ వర్మ, బ్రైడన్ కార్సే, ఇషాన్ మలింగ, హర్ష్ దూబే, హర్షల్ పటేల్, హెన్రిచ్ క్లాసెన్,ఘ, జయదేవ్ ఉనద్కత్, కమిందు మెండిస్, నితీష్ కుమార్ రెడ్డి, పాట్‌ కమిన్స్‌, స్మరణ్‌ రవిచంద్రన్‌, ట్రావిస్‌ హెడ్‌, జీషన్‌ అన్సారీ, సలీల్‌ అరోరా, శివంగ్‌ కుమార్‌, లివింగ్‌స్టోన్‌, జాక్‌ ఎడ్‌వర్డ్స్‌, అమిత్‌ కుమార్‌, క్రెయిన్స్‌ ఫెల్టూరా, సకిబ్‌ హుసేన్‌, ఒంకార్‌ తర్మలే, ప్రఫుల్‌ హింగే, శివమ్‌ మావి.𝐀𝐍𝐍𝐎𝐔𝐍𝐂𝐄𝐌𝐄𝐍𝐓 🚨 Pat Cummins will miss a few games while recovering from injury.Until he recovers, Ishan Kishan will be the Captain and Abhishek Sharma will be the Vice-Captain. pic.twitter.com/etXJUkQJeG— SunRisers Hyderabad (@SunRisers) March 18, 2026

హైదరాబాద్‌: ఐపీఎల్‌ మాజీ చాంపియన్‌ సన్‌రైజర్స్‌ హైదరాబాద్‌ 2026 సీజన్‌ ఆరంభ మ్యాచ్‌లలో తమ కెప్టెన్‌ ప్యాట్‌ కమిన్స్‌ సేవలు కోల్పోనుంది. చాలా కాలంగా వెన్ను నొప్పితో బాధపడుతున్న ఆ్రస్టేలియా స్టార్‌ పేసర్‌ కమిన్స్‌... ఈ సీజన్‌ మొదలయ్యే సమయానికి కోలుకుంటాడని భావించినా అది సాధ్యం కాలేదు. అతను ఇంకా రీహాబిలిటేషన్‌లోనే కొనసాగుతున్నాడని సమాచారం. గత ఏడాది డిసెంబర్‌లో ఇంగ్లండ్‌పై ఒకే ఒక యాషెస్‌ టెస్టు ఆడిన తర్వాత కమిన్స్‌ మళ్లీ మైదానంలోకే రాలేదు.సీజన్‌లో ఏ మ్యాచ్‌ నుంచి అతను అందుబాటులో వస్తాడో ఇప్పుడే చెప్పలేని స్థితి. 2024లో కెప్టెన్‌గా సన్‌రైజర్స్‌ను కమిన్స్‌ రన్నరప్‌గా నిలిపాడు. గత ఏడాది టీమ్‌ ఆరో స్థానంలో నిలిచింది. రెండు సీజన్లలో కలిపి 30 మ్యాచ్‌లలో కమిన్స్‌ 34 వికెట్లు పడగొట్టాడు. కమిన్స్‌ దూరం కావడంతో హైదరాబాద్‌ ఒకవైపు రెగ్యులర్‌ పేస్‌ బౌలర్‌తో పాటు కెప్టెన్‌ను కూడా కొత్తగా ఎంచుకోవాల్సిన అవసరం ఏర్పడింది. తుది జట్టులో కచ్చితంగా ఉండే ఆటగాడికే కెప్టెన్సీ అవకాశం కాబట్టి ఆ్రస్టేలియాకే చెందిన విధ్వంసక ఓపెనర్‌ ట్రవిస్‌ హెడ్‌ను ఎంపిక చేసే ఆలోచన ఉంది. కమిన్స్‌ తిరిగి వచ్చే వరకు తాత్కాలికమే కాబట్టి హెడ్‌ ఆసక్తి చూపించకపోతే వికెట్‌ కీపర్‌ ఇషాన్‌ కిషన్‌ లేదా మరో ఓపెనర్‌ అభిషేక్‌ శర్మకు నాయకత్వ బాధ్యతలు దక్కుతాయి. బౌలింగ్‌లో హర్షల్‌ పటేల్, జైదేవ్‌ ఉనాద్కట్‌లపై అదనపు భారం తప్పదు. ఆర్‌సీబీకి హాజల్‌వుడ్‌ గాయాల సమస్య! ఐపీఎల్‌లో మరో ఫ్రాంచైజీ కూడా ఆసీస్‌ పేసర్‌ గాయం సమస్యను ఎదుర్కొంటోంది. గత ఏడాది రాయల్‌ చాలెంజర్స్‌ బెంగళూరు (ఆర్‌సీబీ) టైటిల్‌ విజయంలో ప్రధాన పాత్ర పోషించిన పేసర్‌ జోష్‌ హాజల్‌వుడ్‌ కూడా గాయం నుంచి పూర్తిగా కోలుకోలేదు. కండరాలు, మడమ గాయాలతో ఇబ్బంది పడుతున్న హాజల్‌వుడ్‌ టోర్నీలో కొన్ని మ్యాచ్‌లకు దూరం కావడం ఖాయమైంది. హాజల్‌వుడ్‌ కూడా గత నవంబర్‌ తర్వాత మళ్లీ క్రికెట్‌ ఆడలేదు. అతని రీహాబిలిటేషన్‌ పూర్తయిన తర్వాత ఐపీఎల్‌లో పాల్గొనడంపై స్పష్టత రావచ్చు. హాజల్‌వుడ్‌ గైర్హాజరు ఆర్‌సీబీని బలహీనంగా మార్చడం ఖాయం. భువనేశ్వర్, యశ్‌ దయాళ్, నువాన్‌ తుషార రూపంలో జట్టుకు ప్రత్యామ్నాయాలు అందుబాటులో ఉన్నాయి. జాకబ్‌ డఫీ కూడా జట్టుకు ఉపయోగపడగలడు. హర్షిత్‌ రాణా కష్టమే! ఐపీఎల్‌ ఆరంభానికి ముందే కోల్‌కతా నైట్‌రైడర్స్‌ (కేకేఆర్‌)కు గట్టి దెబ్బ తగిలింది. మోకాలి గాయంతో బాధపడుతున్న ప్రధాన పేసర్‌ హర్షిత్‌ రాణా ఇప్పట్లో కోలుకునే అవకాశాలు కనిపించడం లేదు. టి20 వరల్డ్‌ కప్‌ జట్టులో ఉండి చివరి నిమిషంలో టోర్నీకి దూరమైన హర్షిత్‌... ఎప్పటి వరకు ఫిట్‌గా మారతాడనే విషయంపై టీమ్‌ మేనేజ్‌మెంట్‌కు కూడా స్పష్టత లేదు. గత రెండు సీజన్లుగా రాణా కేకేఆర్‌ టీమ్‌లో కీలక బౌలర్‌గా సత్తా చాటాడు. రాణాతో పాటు మహీశా పతిరణ కూడా గాయంతో బాధపడుతుండగా, ముజరబాని ఏమాత్రం ప్రభావం చూపగలడనేది ఆసక్తికరం. అయితే వైభవ్‌ అరోరా, ఆకాశ్‌దీప్, ఉమ్రాన్‌ మలిక్‌ రూపంలో పేస్‌ ప్రత్యామ్నాయాలు జట్టుకు ఉన్నాయి.

హండ్రెడ్‌ లీగ్‌ 2026 వేలంలో సన్‌రైజర్స్‌ లీడ్స్ ఫ్రాంచైజీ పాకిస్థాన్ క్రికెటర్లను కొనుగోలు చేయడంపై టీమిండియా దిగ్గజ క్రికెటర్‌ సునీల్ గావస్కర్‌ సన్‌రైజర్స్‌ ఆగ్రహం వ్యక్తం చేసిన సంగతి తెలిసిందే. పాక్‌ ఆటగాళ్లకు ఫీజుల రూపంలో చెల్లిస్తున్న డబ్బు పరోక్షంగా భారత సైనికులు, పౌరుల ప్రాణాలు తీస్తుందని వ్యాఖ్యానించారు. అయితే సునీల్‌ గావస్కర్‌ వ్యాఖ్యలను పాక్‌ సంతతికి చెందిన ఇంగ్లీష్‌ క్రికెటర్‌ అజీమ్‌ రఫిక్‌ ఖండించడం వరకు బాగానే ఉన్నప్పటికీ ఒక దిగ్గజ క్రికెటర్‌ అనే కనీసం గౌరవం లేకుండా ఇష్టమొచ్చినట్లుగా మాట్లాడి కొత్త వివాదానికి తెరలేపాడు. ‘సునీల్‌ గావస్కర్‌ వ్యాఖ్యలు నిజంగా హాస్యాస్పదంగా ఉన్నాయి. ఆయన వ్యాఖ్యలు ఖండించదగినవే. అసలు ఆయన మాట్లాడిన మాటలను ఎవరైనా అంగీకరించగలరా చెప్పండి? అయినా మీరు అంతర్జాతీయ క్రికెట్‌లో ఎన్ని పరుగులు చేశారన్నది నాకు అనవసరం. కానీ సునీల్‌ గావస్కర్‌ వ్యాఖ్యలు మాత్రం అర్థరహితం’ అని పేర్కొన్నాడు. అయితే అజీమ్‌ రఫిక్‌ వ్యాఖ్యలపై సోషల్‌ మీడియాలో క్రికెట్‌ అభిమానులు ఆగ్రహం వ్యక్తం చేశారు. ‘పహల్గాం ఉగ్రదాడి వెనుక పాకిస్థాన్‌ హస్తం లేదన్న విషయం నిరూపించగలవా? అక్కడ నాన్‌ ముస్లింలనే లక్ష్యంగా చేసుకొని మారణహోమం సృష్టించడం ఎంతవరకు సమంజసం’..‘భారత్‌పై పడి ఏడ్వడం మానండి. సునీల్‌ గావస్కర్‌ ఒక దిగ్గజ క్రికెటర్‌ అన్న కనీస మర్యాద కూడా పాటించకుండా ఇష్టం వచ్చినట్లు మాట్లాడడం సరికాదు. ఆయన అనుభవమంత వయసు కూడా నీకు లేదు. ముందు ఇతరులతో ఎలా మాట్లాడాలో నేర్చుకో. ఆ తర్వాత ఉపన్యాసాలు ఇవ్వొచ్చు’.. ‘పాక్ క్రికెటర్లు సుద్దపూసలైతే ఆసియా కప్‌లో ఆ జట్టు బోర్డు చైర్మన్‌ ప్రవర్తించిన తీరు సరైనదేనా అనేది ఒకసారి ఆలోచించుకుంటే మంచిది?’ అని కామెంట్లు పెట్టారు.This is absolutely ridiculous & should be condemned ..How are these comments acceptable? I don’t care how many runs you have scoredVile stuff from Gavaskar https://t.co/sLYtUKmGnZ— Azeem Rafiq (@AzeemRafiq30) March 16, 2026చదవండి: క్రికెట్‌ చరిత్రలో అతిపెద్ద నోబాల్‌!

ఇండియన్‌ ప్రీమియర్‌ లీగ్‌ (ఐపీఎల్‌)-2026 ఆరంభానికి ముందు సన్‌రైజర్స్‌ హైదరాబాద్ జట్టుకు భారీ ఎదురుదెబ్బ తగిలినట్లు సమాచారం. కెప్టెన్‌ ప్యాట్‌ కమిన్స్‌ గాయం నుంచి పూర్తిగా కోలుకోనట్లు తెలుస్తోంది. ఫలితంగా అతడు ఆరంభ మ్యాచ్‌లకు దూరం కానున్నట్లు వార్తలు వినిపిస్తున్నాయి.నాలుగు మ్యాచ్‌లు కాగా మార్చి 28 నుంచి ఐపీఎల్‌ తాజా ఎడిషన్‌ మొదలుకానున్న విషయం తెలిసిందే. పశ్చిమాసియా ఉద్రిక్తతలు, ఐదు రాష్ట్రాల అసెంబ్లీ ఎన్నికల దృష్ట్యా ఐపీఎల్‌-2026కు సంబంధించి బీసీసీఐ తొలుత కేవలం ఇరవై మ్యాచ్‌లకు సంబంధించిన షెడ్యూల్‌ మాత్రమే ప్రకటించింది.ఇందులో భాగంగా సన్‌రైజర్స్‌ నాలుగు మ్యాచ్‌లలో ఒకటి మాత్రమే సొంత మైదానం ఉప్పల్‌ (Uppal)లో ఆడనుంది. ఇదిలా ఉంటే.. ఈ సీజన్‌లోనూ కమిన్స్‌ తమ జట్టుకు సారథ్యం వహిస్తాడని సన్‌రైజర్స్‌ ఇప్పటికే ప్రకటించిన సంగతి తెలిసిందే. అయితే, వెన్ను నొప్పి కారణంగా యాషెస్‌లో కొన్ని మ్యాచ్‌లు సహా టీ20 ప్రపంచకప్‌-2026 మొత్తానికి దూరమైన కమిన్స్‌ (Pat Cummins).. గాయం నుంచి ఇంకా కోలుకోలేదని ఈఎస్‌పీఎన్‌క్రిక్‌ఇన్ఫో కథనం పేర్కొంది.వారిద్దరిలో ఒకరు సారథి?ఒకవేళ కమిన్స్‌ నిజంగానే ఆరంభ మ్యాచ్‌లకు దూరమైతే ఓపెనింగ్‌ జోడీ ట్రవిస్‌ హెడ్‌- అభిషేక్‌ శర్మలలో ఒకరు సన్‌రైజర్స్‌ను ముందుకు నడిపిస్తారని వార్తలు వచ్చాయి. టైమ్స్‌ ఆఫ్‌ ఇండియా కథనం ప్రకారం.. దేశీ బాయ్‌, టీ20 వరల్డ్‌కప్‌ స్టార్‌ అభిషేక్‌ శర్మకే పగ్గాలు దక్కనున్నట్లు వార్తలు వచ్చాయి.ఇషాన్‌ వైపే యాజమాన్యం మొగ్గు?అయితే, తాజా సమాచారం ప్రకారం జార్ఖండ్‌ డైనమైట్‌, సన్‌రైజర్స్‌ వన్‌డౌన్‌ బ్యాటర్‌ ఇషాన్‌ కిషన్‌కు ఈ బంపరాఫర్‌ దక్కినట్లు తెలుస్తోంది. దేశవాళీ టీ20 టోర్నీ సయ్యద్‌ ముస్తాక్‌ అలీ ట్రోఫీ-2026లో జార్ఖండ్‌ కెప్టెన్‌గా, బ్యాటర్‌గా రాణించి తొలి టైటిల్‌ అందించాడు ఈ లెఫ్టాండ్‌ బ్యాటర్‌.ఈ క్రమంలో జాతీయ జట్టులోకి తిరిగి వచ్చి.. టీమిండియా టీ20 ప్రపంచకప్‌-2026 గెలవడంలో కీలక పాత్ర పోషించాడు ఇషాన్‌ కిషన్‌. మరోవైపు.. అభిషేక్‌ శర్మకు కూడా దేశీ క్రికెట్‌లో పంజాబ్‌కు సారథిగా వ్యవహరించిన అనుభవం ఉంది. అయితే, సన్‌రైజర్స్‌ యాజమాన్యం మాత్రం కమిన్స్‌ స్థానంలో తాత్కాలిక కెప్టెన్‌గా ఇషాన్‌ కిషన్‌ను నియమించేందుకే మొగ్గుచూపుతున్నట్లు సమాచారం. అభిషేక్‌పై అదనపు భారం పడకుండా ఉండేందుకు ఈ మేరకు ఆలోచన చేస్తున్నట్లు తెలుస్తోంది. చదవండి: టీమిండియా హెడ్‌కోచ్‌గా ధోని రావాలి: గంభీర్‌

బెంగళూరు: సందిగ్ధత వీడింది. బెంగళూరు క్రికెట్‌ అభిమానులకు కర్ణాటక ప్రభుత్వం శుభవార్త వినిపించింది. ఈ ఏడాది యధావిధిగా ఇండియన్‌ ప్రీమియర్‌ లీగ్‌ (ఐపీఎల్‌) టి20 క్రికెట్‌ టోర్నీ మ్యాచ్‌లను బెంగళూరులోని చిన్నస్వామి స్టేడియంలో నిర్వహించుకునేందుకు కర్ణాటక ప్రభుత్వం అనుమతించింది. చిన్నస్వామి స్టేడియంలో డిఫెండింగ్‌ చాంపియన్‌ రాయల్‌ చాలెంజర్స్‌ బెంగళూరు (ఆర్‌సీబీ), మాజీ విజేత సన్‌రైజర్స్‌ హైదరాబాద్‌ జట్ల మధ్య మార్చి 28న జరిగే తొలి మ్యాచ్‌తో ఐపీఎల్‌ 19వ సీజన్‌కు తెర లేవనుంది. కర్ణాటక హోం మంత్రి పరమేశ్వర్‌తో రాష్ట్ర ప్రభుత్వం నియమించిన నిపుణుల కమిటీ, కర్ణాటక రాష్ట్ర క్రికెట్‌ సంఘం (కేఎస్‌సీఏ), ఆర్‌సీబీ ప్రతినిధులు, ఆర్‌సీబీ ఈవెంట్‌ మెనేజ్‌మెంట్‌ సంస్థ డీఎన్‌ఏ ప్రతినిధులు సోమవారం సమావేశమయ్యారు. చిన్నస్వామి స్టేడియంలో అభిమానులకు ఎలాంటి అసౌకర్యం కలగకుండా, మ్యాచ్‌లు సాఫీగా జరిగేలా తాము తీసుకున్న భద్రతా చర్యలను ఈ సమావేశంలో వివరించారు. కేఎస్‌సీఏ, ఆర్‌సీబీ తీసుకున్న చర్యలపట్ల నిపుణుల కమిటీ సంతృప్తి వ్యక్తం చేసింది. దాంతో చిన్నస్వామి స్టేడియంలో ఐపీఎల్‌ మ్యాచ్‌ల నిర్వహణకు అడ్డంకులు తొలగిపోయాయి. ఈ సీజన్‌లో చిన్నస్వామి స్టేడియంలో మొత్తం ఏడు ఐపీఎల్‌ మ్యాచ్‌లు జరుగుతాయి. ఇందులో ఆర్‌సీబీ ఐదు హోం మ్యాచ్‌లు ఉన్నాయి. ఈ ఐదు కాకుండా ఒక ప్లే ఆఫ్‌ మ్యాచ్, ఫైనల్‌ మ్యాచ్‌ జరుగుతాయి. డిఫెండింగ్‌ చాంపియన్‌ జట్టు మైదానంలో తదుపరి సీజన్‌ ఫైనల్‌ జరగడం ఐపీఎల్‌లో ఆనవాయితీగా వస్తోంది. ఆర్‌సీబీ మరో రెండు హోం మ్యాచ్‌లు రాయ్‌పూర్‌లోని షహీద్‌ వీర్‌ నారాయణ్‌ సింగ్‌ అంతర్జాతీయ స్టేడియంలో ఆడుతుంది. గత ఏడాది రజత్‌ పాటీదార్‌ సారథ్యంలోని ఆర్‌సీబీ జట్టు సుదీర్ఘ నిరీక్షణకు తెరదించుతూ తొలిసారి ఐపీఎల్‌ చాంపియన్‌గా అవతరించింది. అనంతరం విజయోత్సవ వేడుకలను చిన్నస్వామి స్టేడియంలో ఏర్పాటు చేశారు. అయితే ముందు జాగ్రత్తగా పకడ్బందీ ఏర్పాటు చేయకపోవడం, వేలాది సంఖ్యలో అభిమానులు తరలి రావడంతో పరిస్థితి అదుపు తప్పి చిన్నస్వామి స్టేడియం వద్ద తొక్కిసలాట చోటు చేసుకుంది. ఈ దుర్ఘటనలో 11 మంది అభిమానులు మృతి చెందారు. ఈ ఉదంతంపై తీవ్రంగా స్పందించిన కర్ణాటక ప్రభుత్వం ఆర్‌సీబీ ఫ్రాంచైజీ నిర్వాహకులపై కేసులు నమోదు చేసింది. చిన్నస్వామి స్టేడియంలో ఎలాంటి మ్యాచ్‌లు జరగకుండా తాత్కాలిక నిషేధం విధించింది.

సన్‌రైజర్స్‌ హైదరాబాద్‌ ఐపీఎల్‌-2026 ప్రయాణాన్ని మార్చి 28న మొదలుపెట్టనుంది. సీజన్‌ ఆరంభ మ్యాచ్‌లో రాయల్‌ చాలెంజర్స్‌ బెంగళూరు (RCB)తో తొలుత తలపడనుంది. ఆ తర్వాత ఏప్రిల్‌ 2న కోల్‌కతాతో, ఏప్రిల్‌ 5న లక్నోతో, ఏప్రిల్‌ 11న పంజాబ్‌తో అమీతుమీ తేల్చుకుంటుంది.తొలి విడతలో భాగంగా ఎస్‌ఆర్‌హెచ్‌కు సంబంధించి ఈ నాలుగు మ్యాచ్‌ల షెడ్యూల్‌ మాత్రమే విడుదలైంది. ఈ నేపథ్యంలో టీమిండియా మాజీ కోచ్‌ సంజయ్‌ బంగర్‌ సన్‌రైజర్స్‌ తుదిజట్టు కూర్పు గురించి తన అభిప్రాయాలు పంచుకున్నాడు.టాప్‌-3లో వీరే‘‘నా దృష్టిలో సన్‌రైజర్స్‌ అత్యుత్తమ ప్లేయింగ్‌ ఎలెవన్‌ ఇదే. ట్రవిస్‌ హెడ్‌, అభిషేక్‌ శర్మ, ఇషాన్‌ కిషన్‌ టాప్‌-3లో ఆడతారు. నితీశ్‌ రెడ్డిని నాలుగో స్థానంలో ఆడించాలన్నది నా అభిప్రాయం.టీ20 క్రికెట్‌లో అత్యుత్తమంగా ఫినిషింగ్‌ ఇవ్వగల ఆటగాడు అతడు. లేదంటే హెన్రిచ్‌ క్లాసెన్‌ను నాలుగో స్థానంలో ఆడించి.. నితీశ్‌ను ఐదో ప్లేస్‌లో పంపవచ్చు.ఇక అనికేత్‌ వర్మ గతేడాది అద్భుతంగా ఆడాడు. ముఖ్యంగా స్పిన్నర్ల బౌలింగ్‌లో భారీ సిక్సర్లు బాదాడు. అతడు ఆరు లేదంటే ఏడో స్థానంలో ఆడించాలి. వీరితో పాటు ఓ అన్‌క్యాప్డ్‌ ఇండియన్‌ బ్యాటర్‌కూ స్థానం దక్కుతుంది.కమిన్స్‌ ఎనిమిదో స్థానంలోబౌలర్ల విభాగానికి వస్తే కెప్టెన్‌ ప్యాట్‌ కమిన్స్‌ ఎనిమిదో స్థానంలో వస్తాడు. బ్యాట్‌తోనూ అతడు అద్భుతం చేయగలడు. ఇక ఆ తర్వాత క్రియాన్స్‌ ఫులేట్రా, జీషన్‌ అన్సారీ, ఇషాన్‌ మలింగలు ఉండాలి.భారత ఫాస్ట్‌బౌలర్లను తీసుకోవాలనుకుంటే జయదేవ్‌ ఉనాద్కట్‌, హర్షల్‌ పటేల్‌ బెటర్‌’’ అని సంజయ్‌ బంగర్‌ పేర్కొన్నాడు. కాగా మినీ వేలంలో సన్‌రైజర్స్‌ అనూహ్య రీతిలో లియామ్‌ లివింగ్‌స్టోన్‌ను ఏకంగా రూ. 13 కోట్లకు కొనుగోలు చేసిన విషయం తెలిసిందే. అయితే, బంగర్‌ మాత్రం అతడికి తుదిజట్టులో చోటే దండగ అన్న రీతిలో అభిప్రాయం వ్యక్తం చేయడం గమనార్హం. కాగా గతేడాది ఆర్సీబీ తరఫున లివింగ్‌స్టోన్‌ విఫలమయ్యాడు.ఐపీఎల్‌ 2026లో సన్‌రైజర్స్‌ జట్టుసలీల్ అరోరా, ట్రవిస్ హెడ్, ఇషాన్ కిషన్, హెన్రిచ్ క్లాసెన్, రవిచంద్రన్ స్మరణ్‌, అనికేత్ వర్మ, అభిషేక్ శర్మ, బ్రైడన్ కార్సే, హర్ష్ దూబే, జాక్ ఎడ్వర్డ్స్, లియామ్ లివింగ్‌స్టోన్, కమిందు మెండిస్, నితీశ్‌ కుమార్ రెడ్డి, శివమ్ మావి, ప్యాట్ కమిన్స్ (కెప్టెన్‌), అమిత్ కుమార్, క్రియాన్స్‌ ఫులెట్రా, ప్రఫుల్‌ హింజ్‌, ఇషాన్‌ మలింగ, హర్షల్ పటేల్, సాకిబ్ హుస్సేన్, శివంగ్ కుమార్, ఓంకార్ తర్మలే, జయదేవ్ ఉనాట్కట్‌, జీషన్ అన్సారీ.సంజయ్‌ బంగర్‌ ఎంచుకున్న బెస్ట్‌ ప్లేయింగ్‌ XIIట్రవిస్ హెడ్, అభిషేక్ శర్మ, ఇషాన్ కిషన్, నితీశ్‌ కుమార్ రెడ్డి, హెన్రిచ్ క్లాసెన్, అనికేత్ వర్మ, ఆర్ స్మరణ్‌, ప్యాట్ కమిన్స్, క్రెయిన్స్ ఫులెట్రా/జీషన్ అన్సారీ, ఇషాన్ మలింగ, జయదేవ్ ఉనాద్క ట్‌, హర్షల్ పటేల్.చదవండి: IPL 2026: విసిగిపోయాం.. రోహిత్‌ శర్మకు హార్దిక్‌ పాండ్యా వార్నింగ్‌!?

ఐపీఎల్‌-2026 ఆరంభానికి ముందే చెన్నై సూపర్‌ కింగ్స్‌ (సీఎస్‌కే)- సన్‌రైజర్స్‌ హైదరాబాద్‌ (ఎస్‌ఆర్‌హెచ్‌) అభిమానుల మధ్య సోషల్‌ మీడియా యుద్ధం మొదలైపోయింది. మైదానంలో ఎస్‌ఆర్‌హెచ్‌కు చెన్నై కచ్చితంగా ‘సినిమా’ చూపిస్తుందంటూ సీఎస్‌కే ఫ్యాన్స్‌ సవాలు విసరుతుండగా.. తమ జట్టు సత్తా ఏమిటో మైదానంలోనే చూస్తారంటూ ఎస్‌ఆర్‌హెచ్‌ ఫ్యాన్స్‌ కౌంటర్లు ఇస్తున్నారు.అసలేం జరిగిందంటే.. సీజన్‌ ఆరంభానికి ముందు ఫ్రాంఛైజీలు తమ కొత్త జెర్సీల ఆవిష్కరణ, కొత్తగా వచ్చిన ఆటగాళ్లకు ఆహ్వానం పలికే క్రమంలో వినూత్న రీతిలో వీడియోలు రూపొందించడం పరిపాటి. సోషల్‌ మీడియాలో బజ్‌ క్రియేట్‌ చేసేందుకు, అభిమానులను అలరించేందుకు ఇలాంటి వీడియోలు ఉపయోగపడతాయి.హుకుమ్‌, అల్తోప్పా, డిస్కో రీమిక్స్‌సీఎస్‌కే సైతం దిగ్గజ కెప్టెన్‌ మహేంద్ర సింగ్‌ ధోని, రాజస్తాన్‌ నుంచి సీఎస్‌కేలోకి వచ్చిన సంజూ శాంసన్‌ సహా కీలక ఆటగాళ్లపై వీడియోలు రూపొందించింది. అయితే, ఇందులో సూపర్‌స్టార్‌ రజనీకాంత్‌ సినిమాలకు సంబంధించిన జైలర్‌, కూలీ, జైలర్‌-2ల మ్యూజిక్‌ వాడుకుంది.ముఖ్యంగా హుకుమ్‌, అల్తోప్పా, డిస్కో రీమిక్స్‌ వంటి ట్రాక్స్‌ను తమ ఆటగాళ్లకు హైప్‌ ఇచ్చే క్రమంలో బ్యాగ్రౌండ్‌ మ్యూజిక్‌గా వాడుకుంది. ఈ పాటలు, సంగీతానికి అనిరుద్‌ రవిచంద్రన్‌ రూపకర్త. ఈ నేపథ్యంలో సీఎస్‌కే తమ ఆటగాళ్ల హీరో ఎడిట్స్‌కు ఈ సంగీతం వాడుకోవడంపై సన్‌ టీవీ గ్రూపు ఆగ్రహం వ్యక్తం చేసింది.అనుమతి లేకుండానేఈ పాటలు తమకు చెందేలా అనిరుద్‌ రవిచంద్రన్‌ రాత పూర్వక ఒప్పందం కుదుర్చుకున్నారని.. అయితే, సీఎస్‌కే మాత్రం తమ వాణిజ్య లాభం కోసం అనుమతి లేకుండానే మ్యూజిక్‌ను వాడుకుంటోందని కోర్టుకెక్కింది. ఇందుకు సంబంధించి మార్చి 13న సన్‌ టీవీ నెట్‌వర్క్‌ మద్రాస్‌ హైకోర్టులో కాపీరైట్‌ ఉల్లంఘన కింద సీఎస్‌కేపై పిటిషన్‌ దాఖలు చేసింది.లైసెన్స్‌ వచ్చేదాకాఈ విషయంపై సీఎస్‌కే న్యాయవాది పీఎస్‌ రామన్‌ వాధిస్తూ.. గత మూడేళ్లుగా చెన్నై జట్టు ఈ మ్యూజిక్‌ను వాడుకుంటోందని.. అప్పుడు లేని అభ్యంతరం ఇప్పుడే ఎందుకని ప్రశ్నించారు. సన్‌ టీవీ ఇలాంటి నిర్ణయం తీసుకుంటుందని తాము అస్సలు ఊహించలేదన్నారు. ఏదైమైనా సన్‌ పిక్సర్చ్‌ లేదంటే ఫొనోగ్రాఫిక్‌ పెర్ఫామెన్స్‌ లిమిటెడ్‌ నుంచి లైసెన్స్‌ వచ్చేదాకా తాము జైలర్‌, కూలీ, జైలర్‌ 2 మ్యూజిక్‌ను వాడబోమని స్పష్టం చేశారు. అదే విధంగా.. ఇప్పటికే ఈ మ్యూజిక్‌తో కూడిన వీడియోలను డిలీట్‌ చేసిన విషయాన్ని న్యాయస్థానం దృష్టికి తీసుకువచ్చారు.కావ్యా మారన్‌పై నెట్టింట ట్రోలింగ్‌ఈ క్రమంలో జస్టిస్‌ సెంథిల్‌కుమార్‌ రామమూర్తి ఈ కేసును మార్చి 16కు వాయిదా వేశారు. పిటిషన్‌దారుకు సంబంధించిన ఆడియో మెటీరియల్‌ను తాము వాడటం లేదన్న విషయాన్ని ధ్రువీకరిస్తూ సీఎస్‌కే అఫిడవిట్‌ దాఖలు చేయాలని ఆదేశించినట్లు సమాచారం.కాగా ‘ది హండ్రెడ్‌ లీగ్‌’- 2026 వేలంలో పాకిస్తాన్‌ స్పిన్నర్‌ అబ్రార్‌ అహ్మద్‌ను కొనుగోలు చేసినందుకు సన్‌రైజర్స్‌ లీడ్స్‌ యజమాని, సన్‌ టీవీ నెట్‌వర్క్‌ ఎగ్జిక్యూటివ్‌ డైరెక్టర్‌ కావ్యా మారన్‌పై నెట్టింట విపరీతంగా ట్రోలింగ్‌ జరుగుతోంది. ఈ నేపథ్యంలో సీఎస్‌కేను కోర్టుకు ఈడ్చటంపై కూడా దుమారం రేగుతోంది. చదవండి: IPL 2026: తొలి విడతలో సన్‌రైజర్స్‌ షెడ్యూల్‌ ఇదే..!

'ది హండ్రెడ్' లీగ్‌-2026 వేలంలో పాకిస్తాన్‌ స్పిన్నర్‌ అబ్రార్‌ అహ్మద్‌ను సన్‌రైజర్స్‌ లీడ్స్‌ కొనుగోలు చేయడం పెను వివాదానికి దారితీసింది. గురువారం లండ‌న్ వేదిక‌గా జ‌రిగిన ఈ వేలంలో అబ్రార్‌ను సన్‌రైజర్స్‌ లీడ్స్‌(స‌న్ గ్రూప్‌) యాజ‌మాన్యం ఏకంగా 1,90,000 పౌండ్లకు (సుమారు రూ. 2.34 కోట్లు) సొంతం చేసుకుంది.వేలంలో మరో పాకిస్తానీ ఉస్మాన్‌ తారిఖ్‌ను బర్మింగ్‌హామ్‌ ఫోనిక్స్‌ టీమ్‌ తీసుకుంది. అయితే ఫోనిక్స్‌ యాజమాన్యానికి భారత్‌లో ఎలాంటి సంబంధం లేదు. కానీ భార‌త్‌కు చెందిన సన్‌గ్రూప్ యాజ‌మాన్యం ఒక పాక్‌ ఆటగాడిని ఎంచుకోవాల్సిన అవసరం ఏముందని అన్ని వైపులనుంచి ప్రశ్నలు తలెత్తుతున్నాయి.బంగ్లాదేశ్‌ క్రికెటర్‌ ముస్తఫిజుర్‌ను ఐపీఎల్‌ వేలంలో ఎంచుకున్న తర్వాత కూడా వివాదం ముదరడంతో అతడిని కోల్‌కతా నైట్‌రైడర్స్‌ తప్పించిన విషయాన్ని వారు గుర్తు చేస్తున్నారు. పైగా ఆపరేషన్‌ సిందూర్‌ సమయంలో, అంతకు ముందు కూడా ‘టీ’ తాగుతున్న ఫోటోలతో పలు సందర్భాల్లో భారత్‌పై అబ్రార్‌ తన విద్వేషాన్ని ప్రదర్శించాడు.అలాంటి క్రికెటర్‌ను ఎంచుకున్న సన్‌రైజర్స్‌...అతడిని కొనసాగిస్తుందా లేదా అనేది ఆసక్తికరం. అయితే ఈ వివాదంపై తాజాగా బీసీసీఐ వైస్ ప్రెసిడెంట్ రాజీవ్ శుక్లా స్పందించారు. ఈ వ్యవహారంలో బోర్డు జోక్యం చేసుకోలేదని ఆయన స్పష్టం చేశారు. "ఇది మాకు సంబంధించిన విష‌యం కాదు. అదొక విదేశీ లీగ్‌. తుది నిర్ణయం ఆ ఫ్రాంచైజీయే తీసుకోవాలి. మేము జోక్యం చేసుకోలేము" అని రాజీవ్ శుక్లా ఓ ఛాన‌ల్‌కు ఇచ్చిన ఇంట‌ర్వ్యూలో పేర్కొన్నారు.కాగా గతేడాది సీజన్ అనంతరం నార్తర్న్ సూపర్‌చార్జర్స్ ఫ్రాంచైజీని సన్ గ్రూపు కొనుగోలు చేసింది. తొలుత ఇంగ్లండ్ క్రికెట్ బోర్డు (ECB) కేవలం 49% వాటాను మాత్రమే సన్ గ్రూపుకు విక్రయించింది. మిగితా 51 శాతం వాటా యార్క్‌షైర్ కౌంటీ క్రికెట్ క్లబ్ కలిగి ఉండేది. కానీ ఆ తర్వాత కావ్యా మారన్ దాదాపు 100 మిలియన్ పౌండ్ల (సుమారు ₹1,100 కోట్లు) భారీ మొత్తాన్ని వెచ్చించి పూర్తి టేకోవర్ చేసుకుంది. నార్తర్న్ సూపర్‌చార్జర్స్ జట్టు పేరును సన్‌రైజర్స్‌ లీడ్స్‌గా మార్చారు.చదవండి: T20 WC: రాస్కెల్స్‌.. నిప్పుతో చెలగాటం: ఆసీస్‌ మాజీ క్రికెటర్‌ ప్రశంసలు

ఇండియన్‌ ప్రీమియర్‌ లీగ్‌ (ఐపీఎల్‌)-2026 ఆరంభానికి రంగం సిద్దమైంది. మార్చి 28న క్యాష్‌ రిచ్‌ లీగ్‌ తాజా ఎడిషన్‌కు తెరలేవనుంది. భారత క్రికెట్‌ నియంత్రణ మండలి (BCCI) ఇందుకు సంబంధించి తొలి విడత షెడ్యూల్‌ను బుధవారం ప్రకటించింది.ఇరవై మ్యాచ్‌ల షెడ్యూల్‌ మాత్రమేఓవైపు ఇరాన్‌తో ఇజ్రాయెల్‌, అమెరికా యుద్ధంతో పశ్చిమాసియాలో ఉద్రిక్తతలు.. మరోవైపు.. తమిళనాడు, అసోం, బెంగాల్‌ అసెంబ్లీ ఎన్నికల నేపథ్యంలో కేవలం 20 మ్యాచ్‌లకు సంబంధించిన షెడ్యూల్‌ను మాత్రమే బీసీసీఐ విడుదల చేసింది.ఇందులో భాగంగా సన్‌రైజర్స్‌ హైదరాబాద్‌ (SRH) జట్టు తొలి మ్యాచ్‌లో మార్చి 28న డిఫెండింగ్‌ చాంపియన్‌ రాయల్‌ చాలెంజర్స్‌ బెంగళూరు (RCB)తో తలపడుతుంది. ఇందుకు బెంగళూరు వేదిక. ఇక రెండో మ్యాచ్‌లో ఏప్రిల్‌ 2న కోల్‌కతా నైట్‌ రైడర్స్‌తో కోల్‌కతాలో.. తదుపరి ఏప్రిల్‌ 5న హైదరాబాద్‌తో లక్నో సూపర్‌ జెయింట్స్‌తో.. అనంతరం ఏప్రిల్‌ 11న పంజాబ్‌ కింగ్స్‌తో న్యూ చండీగఢ్‌లో తలపడనుంది.ఈ నేపథ్యంలో భారత మాజీ క్రికెటర్‌, కామెంటేటర్‌ ఆకాశ్‌ చోప్రా సన్‌రైజర్స్‌ గురించి కీలక వ్యాఖ్యలు చేశాడు. తొలి విడత షెడ్యూల్‌లో భాగంగా మూడు మ్యాచ్‌లు సొంత మైదానం వెలుపల ఆడటం తలనొప్పిగా మారుతుందన్నాడు.సన్‌రైజర్స్‌కు కష్టమే!‘‘గుజరాత్‌ టైటాన్స్‌తో పాటు సన్‌రైజర్స్‌ తొలి నాలుగు మ్యాచ్‌లలో మూడు సొంత మైదానంలో కాకుండా.. ఇతర వేదికలపై ఆడాల్సి ఉంది. నాకైతే సన్‌రైజర్స్‌ గురించే బాధంతా!వాళ్లకు ఫ్లాట్‌ పిచ్‌లు కావాలి. కానీ ఆయా వేదికల్లో వీరి కోసం ఎవరూ ఇలాంటి పిచ్‌ను తయారు చేయలేరు. సొంత మైదానంలో ఒకే ఒక్క మ్యాచ్‌.. అది కూడా మధ్యాహ్నం షెడ్యూల్‌ చేశారు. నిజానికి సన్‌రైజర్స్‌కు హోం గ్రౌండ్‌లో సీజన్‌ ఆరంభించడమే మంచిది.అక్కడైతే వారు శుభారంభం అందుకోగలరు. వారి విజయాలు, ఆత్మవిశ్వాసంపై ఇది కచ్చితంగా ప్రభావం చూపే అవకాశం ఉంది’’ అని ఆకాశ్‌ చోప్రా చెప్పుకొచ్చాడు. కాగా సన్‌రైజర్స్‌లో అభిషేక్‌ శర్మ, ట్రవిస్‌ హెడ్‌, ఇషాన్‌ కిషన్‌, హెన్రిచ్‌ క్లాసెన్‌ వంటి విధ్వంసకర వీరులు ఉన్న విషయం తెలిసిందే. చదవండి: IPL 2026: సన్‌రైజర్స్‌ షెడ్యూల్‌ ఇదే..!

క్రికెట్‌ అభిమానులు ఎంతగానో ఎదురుచూస్తున్న ఐపీఎల్‌-2026 షెడ్యూల్‌ విడుదలైంది. మార్చి 28 నుంచి జరగనున్న సీజన్‌లో దేశంలో రాష్ట్రాల అసెంబ్లీ ఎన్నికల సందర్భంగా తొలి విడత షెడ్యూల్‌ను మాత్రమే ప్రకటించారు. తొలి విడతలో 20 మ్యాచ్‌లు జరగనున్నాయి.ఇక బెంగళూరులోని చిన్నస్వామి స్టేడియం వేదికగా జరగనున్న తొలి మ్యాచ్‌లో గతేడాది చాంపియన్‌ రాయల్‌ చాలెంజర్స్ బెంగళూరు (ఆర్సీబీ), సన్‌రైజర్స్‌ హైదరాబాద్‌ తలపడనున్నాయి. ఈ సంగతి పక్కనబెడితే పశ్చిమాసియాలో యుద్ధం కారణంగా ఇప్పటికే ప్రపంచవ్యాప్తంగా చమురు, గ్యాస్‌, సహజ వాయువుల సంక్షోభం ఏర్పడిన సంగతి తెలిసిందే.తాజాగా ఈ సంక్షోభం భారత్‌కు కూడా పాకింది. గ్యాస్‌ సంక్షోభం ఏర్పడడంతో బెంగళూరు, ముంబై సహా చాలా నగరాల్లో హోటళ్లు, రెస్టారెంట్లు మూతపడ్డాయి. చమురు, గ్యాస్‌ సంక్షోభం సెగ ఐపీఎల్‌కు తగిలే అవకాశం కనిపిస్తున్నది. ముఖ్యంగా మ్యాచ్‌లు జరగబోయే స్టేడియం ఫ్లడ్‌లైట్లకు ఉపయోగించే ఇంధన సరఫరాతో పాటు ఆటగాళ్లకు, సిబ్బంది బస చేసే హోటళ్లలో గ్యాస్‌ సంక్షోభం ఏర్పడే అవకాశముందని ఐపీఎల్‌ సీనియర్‌ అధికారి ఒకరు పేర్కొన్నారు.దీనిపై అంతగా ఆందోళన చెందాల్సిన పని లేదని, ఇప్పుడైతే పరిస్థితులు బాగానే ఉన్నాయని పేర్కొన్నారు. అయితే ఏదైనా సమస్యలు ఏర్పడినా ముందస్తు ప్రణాళికలు సిద్ధం చేస్తున్నట్లు తెలిపారు. అయితే పశ్చిమాసియా యుద్ధం కారణంగా ఐపీఎల్‌ ఆడేందుకు వచ్చే విదేశీ క్రికెటర్ల ప్రయాణాల్లోనూ కొంత ఇబ్బందులు ఎదురయ్యే అవకాశముంది.పశ్చిమాసియా యుద్ధం కారణంగా విదేశీ ఆటగాళ్ల ఆగమనానికి సంబంధించిన ఇబ్బందులతో పాటు తమిళనాడు, అస్సాం, బెంగాల్‌ అసెంబ్లీ ఎన్నికల నేపథ్యంలో కేవలం 20 మ్యాచ్‌ల షెడ్యూల్‌నే ప్రకటించారు. మూడు రాష్ట్రాల ఎన్నికల షెడ్యూల్‌ వచ్చాకా పూర్తి సీజన్‌ ప్రకటిస్తామని బీసీసీఐ వర్గాలు తెలిపాయి. చదవండి: 'వరల్డ్‌కప్ కంటే.. నాన్నతో గడిపిన క్షణాలే విలువైనవి'

న్యూఢిల్లీ: తాజా టి20 ప్రపంచకప్‌ విజయోత్సాహంతో అటు టీమిండియా, ఇటు యావత్‌ భారతావని ఊగిపోతోంది. ఈ సంబరాల్లో మునిగి తేలుతున్న అభిమానులకు మరోవైపు నుంచి వేసవి మజాను పంచేందుకు ఐపీఎల్‌ సీజన్‌ కూడా ముస్తాబవుతోంది. దీనికి సంబంధించిన షెడ్యూల్‌ను భారత క్రికెట్‌ నియంత్రణ మండలి (బీసీసీఐ) బుధవారం విడుదల చేసింది. అయితే ఇది పూర్తిస్థాయి షెడ్యూల్‌ కాదు. ఇరాన్‌పై యుద్ధంతో పశ్చిమాసియాలో నెలకొన్న పరిస్థితులతో విదేశీ ఆటగాళ్ల ఆగమనానికి సంబంధించిన ఇబ్బందులతో పాటు తమిళనాడు, అస్సాం, బెంగాల్‌ అసెంబ్లీ ఎన్నికల నేపథ్యంలో కేవలం 20 మ్యాచ్‌ల షెడ్యూల్‌నే ప్రకటించారు. మూడు రాష్ట్రాల ఎన్నికల షెడ్యూల్‌ వచ్చాక పూర్తి సీజన్‌ షెడ్యూల్‌ను ప్రకటిస్తామని బీసీసీఐ వర్గాలు తెలిపాయి. ఈ నెల 28 నుంచి ఐపీఎల్‌ 19వ సీజన్‌ ఆరంభమవుతుంది. తొలి మ్యాచ్‌లో డిఫెండింగ్‌ చాంపియన్‌ రాయల్‌ చాలెంజర్స్‌ బెంగళూరు (ఆర్‌సీబీ), సన్‌రైజర్స్‌ హైదరాబాద్‌ (ఎస్‌ఆర్‌హెచ్‌) తలపడతాయి. బెంగళూరులోని చిన్నస్వామి స్టేడియంలో ఆరంభ వేడుకలతో పాటు ఈ మ్యాచ్‌ జరుగుతుంది. ఇక హైదరాబాద్‌లో తొలి మ్యాచ్‌ ఏప్రిల్‌ 5న సన్‌రైజర్స్, లక్నో జట్ల మధ్య జరుగనుంది. ఏప్రిల్‌ 12 వరకు జరిగే తొలి దశ 20 మ్యాచ్‌ల్లో కేవలం ఒక మ్యాచ్‌నే హైదరాబాద్‌కు కేటాయించారు. బెంగళూరు, ముంబై, లక్నో, చెన్నై, కోల్‌కతా, ఢిల్లీ, గువాహటి, ముల్లాన్‌పూర్‌ వేదికలపై రెండేసి మ్యాచ్‌లు జరుగనున్నాయి. ప్రారంభ శని, ఆదివారాల్లో ఒకే మ్యాచ్‌ నిర్వహిస్తున్నారు. తర్వాతి వారాంతాల్లో రెండేసి మ్యాచ్‌లు (డబుల్‌ హెడర్‌) జరుగుతాయి. గతేడాది ఆర్‌సీబీ విజయోత్సవాల్లో తొక్కిసలాట వల్ల 11 మంది మృతి చెందడంతో కర్ణాటక సర్కారు చిన్నస్వామి స్టేడియంపై నిషేధాన్ని విధించింది. అయితే ఇటీవలే ఈ నిషేధాన్ని ఎత్తేసిన సర్కారు నిపుణుల కమిటీకి పర్యవేక్షణ బాధ్యతలు అప్పగించింది. ఈ కమిటీ స్టేడియంలోని సదుపాయాలు, ఏర్పాట్లను సమీక్షించి పూర్తిస్థాయి అనుమతి కోసం ప్రభుత్వానికి సిఫార్సు చేయనుంది.

ఆస్ట్రేలియా స్టార్‌ ఆల్‌రౌండర్‌ గ్లెన్‌ మ్యాక్స్‌వెల్‌ పాకిస్తాన్‌ సూపర్‌ లీగ్‌లో తొలిసారి కనిపించబోతున్నాడు. ఆ లీగ్‌లో కొత్త ఫ్రాంచైజీ 'హైదరాబాద్‌ హ్యూస్టన్‌ కింగ్స్‌మన్‌ బోల్‌స్టర్‌' 2026 ఎడిషన్‌ కోసం మ్యాక్సీతో ఒప్పందం చేసుకుంది. ఈ విషయాన్ని ఫ్రాంచైజీ యాజమాన్యం అధికారికంగా వెల్లడించింది.తమతో జతకట్టిన సందర్భంగా హైదరాబాద్‌ ఫ్రాంచైజీ మ్యాక్స్‌వెల్‌పై ప్రశంసల వర్షం కురిపించింది. ఇంగ్లీష్‌లో పెద్దపెద్ద పదాలు (విధ్వంసకర బ్యాటింగ్‌కు సంబంధించి) ఉపయోగించి ఆకాశానికెత్తింది. అసాధ్యం అనే పదం మ్యాక్సీ నిఘంటువులో లేదు. అతని ప్రవేశంతో పీఎస్‌ఎల్‌లో అతిపెద్ద షో మొదలవుతోందంటూ తమ సోషల్‌మీడియా అకౌంట్‌లో డప్పు కొట్టింది.వాస్తవానికి సదరు ఫ్రాంచైజీ ఇస్తున్న హైప్‌కు ప్రస్తుత మ్యాక్సీ ఫామ్‌కు అస్సలు పొంతన లేదు. మ్యాక్స్‌వెల్‌ ఇటీవలికాలంలో కెరీర్‌లో ఎన్నడూ లేని దుర్భర పరిస్థితులను ఎదుర్కొంటున్నాడు. ప్రస్తుతం టీ20 ప్రపంచకప్‌ ఆడుతున్న అతను.. అక్కడ కూడా పేలవమైన ప్రదర్శనలు కొనసాగించాడు. ఈ మెగా టోర్నీ నుంచి ఆస్ట్రేలియా గ్రూప్‌ దశలోనే నిష్క్రమించింది. జట్టు పరంగా, వ్యక్తిగతంగా గడ్డు పరిస్థితులు ఎదుర్కొంటున్న తరుణంలో మ్యాక్స్‌వెల్‌కు హైదరాబాద్‌ ఫ్రాంచైజీ బంపరాఫర్‌ ఇచ్చింది.ఐపీఎల్‌లో పట్టించుకునే నాథుడే లేడుఎటూ ఏ ఫ్రాంచైజీ ఎంపిక చేసుకునే ఆవకాశం లేకపోవడంతో మ్యాక్స్‌వెల్‌ ఐపీఎల్‌ 2026 వేలంలో పాల్గొనలేదు. గత కొన్ని ఎడిషన్లుగా అతను ఐపీఎల్‌లో దారుణంగా విఫలమయ్యాడు. ఎన్ని ఫ్రాంచైజీలు మారినా అదే పరిస్థితి. పేలవ ఫామ్‌, వయసు మీద పడటంతో అంతర్జాతీయ క్రికెట్‌లో మ్యాక్స్‌వెల్‌ శకం ముగిసిందని ఆసీస్‌ మాజీ కెప్టెన్‌ రికీ పాంటింగ్‌ ఇటీవల వ్యాఖ్యానించాడు. కెరీర్‌లో అత్యంత దుర్భర పరిస్థితులను ఎదుర్కొంటున్న మ్యాక్సీ.. పీఎస్‌ఎల్‌లోనైనా రాణిస్తాడో లేక కెరీర్‌కు ముగింపు పలుకుతాడో వేచి చూడాలి. కాగా, పీఎస్‌ఎల్‌ 2026 ఎడిషన్‌ మార్చి 26 నుంచి మే 3 వరకు జరుగుతుంది.

భారత దేశవాలీ క్రికెట్‌లో ప్రస్తుతం స్మరణ్‌ రవిచంద్రన్‌ అనే పేరు మార్మోగిపోతుంది. 22 ఏళ్ల ఈ కర్ణాటక యువ బ్యాటర్‌ ఫార్మాట్లకతీతంగా వరుస సెంచరీలు, డబుల్‌ సెంచరీలతో చెలరేగిపోతూ భారత క్రికెట్‌లో పెను సంచలనంగా మారాడు. ఎడమ చేతి వాటం అటాకింగ్‌ మిడిల్డార్‌ బ్యాటర్‌ అయిన స్మరణ్‌.. ప్రస్తుత రంజీ సీజన్‌లో ఆకాశమే హద్దుగా విజృంభిస్తున్నాడు.13 ఇన్నింగ్స్‌ల్లో 2 డబుల్‌ సెంచరీలు, 2 సెంచరీలు, 3 అర్ద సెంచరీల సాయంతో 950 పరుగులు (95 సగటున) చేసిన స్మరణ్‌.. ఈ సీజన్‌లో అత్యధిక పరుగులు చేసిన బ్యాటర్‌గా అవతరించాడు. ఈ క్రమంలో ఢిల్లీ బ్యాటర్‌ ఆయుశ్‌ దొసేజాను (949 పరుగులు) అధిగమించాడు. స్మరణ్‌ భీకర ఫామ్‌ చూసి సహచర క్రికెటర్లు అవాక్కవుతున్నారు. విశ్లేషకులు సైతం అబ్బురపడుతున్నారు.ట్విన్‌ సెంచరీస్‌ప్రస్తుతం ఉత్తరాండ్‌తో జరుగుతున్న తొలి సెమీఫైనల్లో స్మరణ్‌ ఉగ్రరూపం దాల్చాడు. రెండు ఇన్నింగ్స్‌ల్లో సెంచరీలు (135, 127) చేసి భీకర ఫామ్‌ను కొనసాగించాడు. స్మరణ్‌ సహా దేవదత్‌ పడిక్కల్‌ (232), కేఎల్‌ రాహుల్‌ (141, 70 నాటౌట్‌) శివాలెత్తడంతో ఈ మ్యాచ్‌లో కర్ణాటక బంపర్‌ విక్టరీ దిశగా సాగుతోంది. మొత్తం 3 డబుల్‌ సెంచరీలు, 3 సెంచరీలుతాజా ప్రదర్శనతో స్మరణ్‌ ఫస్ట్‌ క్లాస్‌ క్రికెట్‌లో 1500 పరుగుల మైలురాయిని దాటాడు. 25 ఇన్నింగ్స్‌ల స్వల్ప కెరీర్‌లో 3 డబుల్‌ సెంచరీలు, 3 సెంచరీలు, 4 హాఫ్‌ సెంచరీల సాయంతో 1500 పరుగుల మార్కును క్రాస్‌ చేశాడు. అతని కెరీర్‌ సగటు 72కు పైగా ఉండటం విశేషం.లిస్ట్‌-ఏ క్రికెట్‌లోనూ తిరుగలేని మొనగాడే..!స్మరణ్‌ సెంచరీల మోత, పరుగుల ప్రవాహం ఫస్ట్‌ క్లాస్‌ క్రికెట్‌కు మాత్రమే పరిమితం​ కాలేదు. ఈ మైసూరు కుర్రాడు లిస్ట్‌-ఏ క్రికెట్‌లోనూ అదరగొడుతున్నాడు. ఇటీవల (2024-25) కర్ణాటక విజయ్‌ హజారే వన్డే ట్రోఫీ సాధించడంలో స్మరణ్‌ అత్యంత కీలకపాత్ర పోషించాడు. సెమీఫైనల్లో మ్యాచ్‌ విన్నింగ్‌ హాఫ్‌ సెంచరీతో (76) పాటు, ఫైనల్లో మెరుపు సెంచరీ (101) చేసి తన జట్టును ఛాంపియన్‌గా నిలిపాడు. లిస్ట్‌-ఏ ఫార్మాట్‌లో మొత్తం 14 ఇన్నింగ్స్‌లు ఆడిన స్మరణ్‌ 96.48 స్ట్రయిక్‌రేట్‌తో 50కి పైగా సగటున 2 సెంచరీలు, 3 హాఫ్‌ సెంచరీల సాయంతో 604 పరుగులు చేశాడు.పొట్టి ఫార్మాట్‌లోనూ పర్వాలేదుఫస్ట్‌క్లాస్‌, లిస్ట్‌-ఏ ఫార్మాట్లతో పోలిస్తే స్మరణ్‌ టీ20 ఫార్మాట్‌ రికార్డు ఓ మోస్తరుగా ఉంది. పొట్టి ఫార్మాట్‌లో స్మరణ్‌ 13 ఇన్నింగ్స్‌ల్లో బ్యాటింగ్‌ చేసి 162.45 స్ట్రయిక్‌రేట్‌తో 3 అర్ద సెంచరీల సాయంతో 489 పరుగులు చేసి పర్వాలేదనిపించాడు.బౌలింగ్‌లోనూ మెరిపిస్తాడుస్మరణ్‌ విధ్వంసకర బ్యాటింగ్‌తో మాత్రమే కాకుండా బౌలింగ్‌లోనూ మెరిపించగల సమర్దుడు. కుడి చేతి ఆఫ్‌ స్పిన్‌ బౌలింగ్‌ చేసే స్మరణ్‌ కీలక సమయాల్లో బంతితోనూ మ్యాజిక్‌ చేయగలడు. లోకల్‌ క్రికెట్‌లో అతను బౌలింగ్‌లోనూ ప్రూవ్‌ చేసుకున్నాడు.అనుకోకుండా వచ్చిన ఐపీఎల్‌ అవకాశంస్మరణ్‌కు ఐపీఎల్‌ 2025లో ఊహించని విధంగా అవకాశం వచ్చింది. ఆసీస్‌ స్టార్‌ స్పిన్నర్‌ ఆడమ్‌ జంపా గాయపడంతో సన్‌రైజర్స్‌ హైదరాబాద్‌ స్మరణ్‌కు అక్కున చేర్చుకుంది (30 లక్షలు). అయితే స్మరణ్‌కు ఆ సీజన్‌లో అవకాశాలు దక్కలేదు. స్మరణ్‌పై భారీ అంచనాలు ఉన్న ఎస్‌ఆర్‌హెచ్‌ అతన్ని 2026 సీజన్‌కు కూడా రీటైన్‌ చేసుకుంది. ఈ ఐపీఎల్‌ సీజన్‌లో స్మరణ్‌కు అవకాశం దొరికి ఇదే తరహాలో చెలరేగితే, త్వరలోనే టీమిండియా తలుపులు తట్టడం ఖాయమని క్రికెట్‌ పండితులు అంచనా వేస్తున్నారు.

టీ20 ఫార్మాట్లో తనకంటూ ప్రత్యేక గుర్తింపు తెచ్చుకున్నాడు టీమిండియా స్టార్‌ అభిషేక్‌ శర్మ. ఐపీఎల్‌లో సన్‌రైజర్స్‌ హైదరాబాద్‌ తరఫున సత్తా చాటి.. భారత జట్టులోకి వచ్చిన ఈ పంజాబీ ఆటగాడు.. అనతికాలంలోనే ఓపెనర్‌గా పాతుకుపోయాడు.విధ్వంసకర ఇన్నింగ్స్‌కు మారుపేరుగా మారి ప్రస్తుతం ఐసీసీ ర్యాంకింగ్స్‌లో అగ్రస్థానంలో కొనసాగుతున్నాడు అభిషేక్‌ శర్మ (Abhishek Sharma). ఇప్పటికే తన ధనాధన్‌ ఆటతో ఎన్నో రికార్డులు సాధించిన ఈ ఎడమచేతి వాటం బ్యాటర్‌.. టీ20 ప్రపంచకప్‌-2026లో సత్తా చాటేందుకు సిద్ధమయ్యాడు.మొదటి ఐపీఎల్‌ కోచ్‌ను నేనేఈ నేపథ్యంలో ఆస్ట్రేలియా దిగ్గజ కెప్టెన్‌ రిక్కీ పాంటింగ్‌ (Ricky Ponting) అభిషేక్‌ శర్మ గురించి ఆసక్తికర విషయం వెల్లడించాడు. ఈ విధ్వంసకర బ్యాటర్‌కు మొదటి ఐపీఎల్‌ కోచ్‌ను తానేనని.. అతడు భవిష్యత్తు సూపర్‌స్టార్‌గా ఎదుగుతాడని నాడే అంచనా వేశానని పేర్కొన్నాడు.కాగా అభిషేక్‌ శర్మ 2018లో ఢిల్లీ క్యాపిటల్స్‌ తరఫున ఐపీఎల్‌లో అరంగేట్రం చేశాడు. అప్పుడు పాంటింగ్‌ ఢిల్లీ కోచ్‌గా ఉన్నాడు. ఇక ఆర్సీబీతో తన తొలి మ్యాచ్‌లోనే అభిషేక్‌ శర్మ.. ఆరో స్థానంలో వచ్చి 19 బంతుల్లోనే 46 పరుగులతో అజేయంగా నిలిచాడు.టీ20 ప్రపంచకప్‌ నేపథ్యంలో తాజాగా నాటి విషయాలు గుర్తు చేసుకున్న రిక్కీ పాంటింగ్‌.. అభిషేక్‌ శర్మను దూరం చేసుకోవద్దని తాను ఢిల్లీ యాజమాన్యానికి ఎంతగానో చెప్పిచూశానని తెలిపాడు. అయితే, మేనేజ్‌మెంట్‌ మాత్రం 2019 వేలానికి ముందు అతడిని ట్రేడ్‌ చేసిందని వెల్లడించాడు.భవిష్య సూపర్‌స్టార్‌.. వద్దని మొత్తుకున్నా వినలేదు"అతడికి మొదటి ఐపీఎల్‌ కోచ్‌ నేనే. నా మార్గదర్శనంలోనే అతడు అరంగేట్రం చేశాడు. పదిహేడేళ్ల వయసులో ఢిల్లీ తరఫున రంగంలోకి దిగి.. ఆరంభంలోనే అదరగొట్టాడు. తొలి బంతినే బౌలర్‌ మీదుగా స్ట్రెయిట్‌గా బౌండరీకి తరలించాడు. క్లాసీ షాట్లతో అలరించాడు.అప్పుడే అతడు ఓ ప్రత్యేకమైన ఆటగాడని నాకు అర్థమైంది. కానీ ఢిల్లీ యాజమాన్యం మాత్రం అతడిని ట్రేడ్‌ చేయాలని ఫిక్సైంది. అప్పుడు నేను అలా చేయవద్దని మొత్తుకున్నా వినలేదు. భవిష్య సూపర్‌స్టార్‌ ఇతడేనని బలంగా నమ్మాను. అదే విషయం వాళ్లకి చెప్పాను. అతడిపై నాకు భారీ అంచనాలు ఉండేవి’’ అని రిక్కీ పాంటింగ్‌ ఐసీసీ రివ్యూతో పేర్కొన్నాడు.ధావన్‌ కోసం ట్రేడ్‌ చేసిన ఢిల్లీకాగా శిఖర్‌ ధావన్‌ కోసం ఒప్పందం చేసుకునే క్రమంలో ఢిల్లీ అభిషేక్‌ శర్మను సన్‌రైజర్స్‌కు ట్రేడ్‌ చేసింది. ఇక సన్‌రైజర్స్‌కు మారిన తర్వాత అభిషేక్‌ సృష్టించిన పరుగుల సునామీ గురించి ప్రత్యేకంగా చెప్పనక్కర్లేదు. ఇప్పటికి 71 ఇన్నింగ్స్‌లో 162కు పైగా స్ట్రైక్‌రేటుతో 1753 పరుగులు సాధించాడు. అదే విధంగా.. టీమిండియా తరఫున ఇప్పటికి 38 మ్యాచ్‌లు ఆడి 1297 రన్స్‌ రాబట్టిన అభిషేక్‌ శర్మ ఖాతాలో రెండు సెంచరీలు ఉన్నాయి.చదవండి: భారత్‌-పాక్‌ టీ20 ప్రపంచకప్‌ వార్‌.. కీలక వ్యక్తిని రంగంలోకి దించిన జై షా

సన్‌రైజర్స్‌ యాజమాన్యం తమ జట్టు హెడ్‌కోచ్‌ పేరును ప్రకటించింది. డానియెల్‌ వెటోరికి స్వాగతం పలుకుతున్నట్లు వెల్లడించింది. ఆండ్రూ ఫ్లింటాఫ్‌ స్థానంలో వెటోరిని నియమించినట్లు అధికారిక ప్రకటన విడుదల చేసింది.2023 సీజన్‌ నుంచి కన్‌ఫ్యూజ్‌ అయ్యారా?... ఇండియన్‌ ప్రీమియర్‌ లీగ్‌ (IPL)లో ఆటగాడిగా సత్తా చాటిన న్యూజిలాండ్‌ మాజీ క్రికెటర్‌ డానియెల్‌ వెటోరి చాన్నాళ్లక్రితమే కోచ్‌ అవతారం ఎత్తిన విషయం తెలిసిందే. గతంలో ఆర్సీబీతో మమేకం అయిన వెటోరి.. 2023 సీజన్‌ నుంచి సన్‌రైజర్స్‌ హైదరాబాద్‌ జట్టు హెడ్‌కోచ్‌గా కొనసాగుతున్నాడు.వెటోరి మార్గదర్శనంలో SRH ఐపీఎల్‌-2024లో ఫైనల్‌కు కూడా చేరింది. ఈ క్రమంలో యాజమాన్యం అతడినే హెడ్‌కోచ్‌గా కొనసాగిస్తోంది. 2026లోనూ SRH కోచ్‌గా వెటోరీనే మార్గదర్శనం చేయనున్నాడు. తాజాగా.. సన్‌రైజర్స్‌ లీడ్స్‌ జట్టుకు కూడా హెడ్‌కోచ్‌గా మేనేజ్‌మెంట్‌ అతడిని నియమించింది.భారీ ధరకు కొనుగోలుఇంగ్లండ్‌లో జరిగే ది హండ్రెడ్‌ లీగ్‌లో భాగమైన నార్తర్న్‌ సూపర్‌చార్జర్స్‌ను సన్ గ్రూపు కొనుగోలు చేసిన విషయం తెలిసిందే. దాదాపు రూ. 1100 కోట్ల భారీ ధరకు ఈ ఫ్రాంఛైజీని దక్కించుకుని.. సన్‌రైజర్స్‌ లీడ్స్‌గా పేరు మార్చింది. ఈ జట్టుకు ఆండ్రూ ఫ్లింటాఫ్‌ హెడ్‌కోచ్‌గా ఉండగా.. ఇప్పుడు ఆ స్థానాన్ని డానియెల్‌ వెటోరీతో భర్తీ చేసింది.ఫ్లింటాఫ్‌నకు వీడ్కోలుకాగా గత రెండు సీజన్లుగా ‘నార్తర్న్‌ సూపర్‌చార్జర్స్‌’కు కోచ్‌గా వ్యవహరించాడు ఫ్లింటాఫ్‌. అతడి శిక్షణలో 2024లో నాలుగో స్థానంతో సీజన్‌ ముగించిన జట్టు.. 2025లో ఎలిమినేటర్‌ వరకు చేరుకుంది. అయితే, వెటోరీపై నమ్మకంతో ఫ్లింటాఫ్‌నకు వీడ్కోలు పలికి.. అతడిని తమ హెడ్‌కోచ్‌గా నియమించింది సన్‌ గ్రూపు.ఫ్లింటాఫ్‌నకు గుడ్‌బై కాగా లీగ్‌లోని అన్ని ఫ్రాంఛైజీల కంటే తనకు తక్కువ జీతం చెల్లించేందుకు సన్‌రైజర్స్‌ సిద్ధపడిందని ఫ్లింటాఫ్‌ బహిరంగంగానే ఆరోపించాడు. అయితే, యాజమాన్యం మాత్రం.. తాము భారీగానే ఆఫర్‌ చేసినా.. తన స్థాయికి అది తగదంటూ అతడే బంధం తెంచుకున్నాడని పేర్కొంది. కాగా సన్‌ గ్రూప్‌ ఐపీఎల్‌లో హైదరాబాద్‌, సౌతాఫ్రికా టీ20 లీగ్‌లో ఈస్టర్న్‌కేప్‌ ఫ్రాంఛైజీలను కలిగి ఉన్న విషయం తెలిసిందే. కావ్యా మారన్‌ ఈ జట్ల వ్యవహారాలు చూసుకుంటారు.చదవండి: ఐసీసీపై పాక్‌ మాజీ క్రికెటర్‌ సంచలన వ్యాఖ్యలు

ఐపీఎల్‌-2026 మినీ వేలంలో ఇంగ్లండ్ ఆల్‌రౌండ‌ర్ లైమ్ లివింగ్‌స్టోన్‌కు క‌ళ్లు చెదిరే ధ‌ర ద‌క్కింది. ఈ డేంజ‌రస్ ప్లేయ‌ర్ల‌ను రూ. 13 కోట్ల భారీ ధ‌ర‌కు స‌న్‌రైజ‌ర్స్ హైద‌రాబాద్ కొనుగోలు చేసింది. రూ. 2 కోట్ల బెస్ ప్రైస్‌తో వేలం తొలి రౌండ్‌లోకి వ‌చ్చిన అత‌డిని ద‌క్కించుకునేందుకు ఏ ఫ్రాంచైజీ ముందుకు రాలేదు.కానీ యాక్సలరేటెడ్ రౌండ్‌లో మాత్రం లివింగ్‌స్టోన్ కోసం ఫ్రాంచైజీలు ప్ర‌య‌త్నించాయి. ముఖ్యంగా ఎస్ఆర్‌హెచ్‌, ల‌క్నో సూప‌ర్ జెయింట్స్ మ‌ధ్య తీవ్ర‌మైన పోటీ నెల‌కొంది. ఎల్ఎస్‌జీ ఫ్రాంచైజీ తమ పర్స్‌లో ఉన్న డబ్బులతో చివరి వరకు బిడ్డింగ్ చేసింది. కానీ ఎస్ఆర్‌హెచ్ మాత్రం ఎక్క‌డ కూడా వెన‌క్కి త‌గ్గ‌లేదు. దీంతో ల‌క్నో పోటీ నుంచి త‌ప్పుకోంది. చివ‌రికి అత‌డు హైద‌రాబాద్ సొంత‌మ‌య్యాడు. లివింగ్‌స్టోన్ గ‌త సీజ‌న్‌లో రాయల్ ఛాలెంజ‌ర్స్ బెంగ‌ళూరుకు ప్రాతినిథ్యం వ‌హించాడు. కానీ వేలానికి ముందు అత‌డిని ఆర్సీబీ త‌మ జ‌ట్టు నుంచి రిలీజ్ చేసింది. దీంతో వేలంలోకి వ‌చ్చిన అత‌డికి జాక్ పాట్ త‌గిలింది.కానీ ఈ మినీ వేలంలో సన్‌రైజర్స్ హైదరాబాద్ ఫ్రాంఛైజీ.. లియామ్ లివింగ్‌స్టోన్ మినహా మిగతా అందర్నీ అన్‌క్యాప్డ్ భార‌త ప్లేయర్ల‌నే కొనుగోలు చేసింది. సన్‌రైజర్స్ సొంతం చేసుకున్న ఆటగాళ్ల వీళ్లే.. లియామ్ లివింగ్‌స్టోన్, సలీల్ అరోరా, క్రైన్స్ ఫులేత్రా, ప్రఫుల్ హింజే, ఓంకార్ తర్మాలే, అమిత్ కుమార్, షాకిబ్ హుస్సేన్, శివాంగ్ కుమార్.

ఐపీఎల్‌-2026 మినీ వేలానికి ముందే సన్‌రైజర్స్‌ హైదరాబాద్‌ (SRH) టీమిండియా వెటరన్‌ పేసర్‌ మొహమ్మద్‌ షమీని వదులుకుంది. రూ. 10 ‍కోట్ల మొత్తానికి లక్నో సూపర్‌ జెయింట్స్‌కు అతడిని ట్రేడ్‌ చేసింది. అదే విధంగా.. ఏడుగురు ఆటగాళ్లను విడుదల చేసింది. ఫలితంగా వేలం కోసం సన్‌రైజర్స్‌ పర్సులో రూ. 25.50 కోట్లు మిగిలాయి.ఇక డిసెంబరు 16న అబుదాబిలో ఐపీఎల్‌ మినీ వేలం (IPL 2026 Auction) జరుగనున్న విషయం తెలిసిందే. ఈ నేపథ్యంలో భారత మాజీ క్రికెటర్‌, కామెంటేటర్‌ ఆకాశ్‌ చోప్రా సన్‌రైజర్స్‌ యాజమాన్యానికి కీలక సూచనలు చేశాడు. బ్యాటింగ్‌ పరంగా జట్టు బాగుంటే చాలదని.. బౌలింగ్‌ విభాగాన్ని పటిష్టం చేసుకోవాల్సిన ఆవశ్యకత ఉందని తెలిపాడు.బౌలింగ్‌ విభాగంపై శ్రద్ధ పెడితేనే..ఈ మేరకు యూట్యూబ్‌ చానెల్‌ వేదికగా మాట్లాడుతూ.. ‘‘ప్రతి ఒక్కరి మదిలోనూ ఒకే ప్రశ్న. బౌలింగ్‌ పరంగా సన్‌రైజర్స్‌ పరిస్థితి ఎలా ఉంది?.. ఈసారి వాళ్లు కచ్చితంగా తమ బౌలింగ్‌ విభాగంపై శ్రద్ధ పెట్టి పటిష్టం చేసుకోవాల్సిన అవసరం ఉంది.బ్యాటింగ్‌లో వాళ్లకు చాలా ఆప్షన్స్‌ ఉన్నాయి. ఒక్క సీజన్లో బాగా ఆడలేనంత మాత్రాన వాళ్ల బ్యాటింగ్‌ విభాగం చెత్తదేమీ అయిపోదు. అయితే, బౌలింగ్‌ పరంగా మాత్రం జట్టు బలహీనంగా ఉంది. నాకు తెలిసి వాళ్లు ఈసారి కామెరాన్‌ గ్రీన్‌ కోసం ప్రయత్నించవచ్చు.సన్‌రైజర్స్‌కు అతడు దొరకడుకానీ అతడు వాళ్లకు దొరకడనే అనిపిస్తోంది. సన్‌రైజర్స్‌కు ముందుగా నాణ్యమైన స్పిన్నర్‌ అవసరం ఉంది. ఆ జట్టులో స్పిన్నర్లు లేరు. జీషన్‌ అన్సారీ ఒక్కడే ఏం చేయగలడు? అతడికి తోడుగా మరికొంత మంది స్పిన్నర్లు కావాలి. నాకు తెలిసి ఆదిల్‌ రషీద్‌పై దృష్టి పెడతారేమో!వాళ్లకు ఇప్పుడు వికెట్లు తీయగల స్పిన్నర్‌ కావాలి. మూడు ఓవర్లలో 40 పరుగులు ఇచ్చినా కనీసం మూడు వికెట్లు తీసే స్పిన్‌ బౌలర్‌ కావాలి. అన్రిచ్‌ నోర్జే లాంటి ఫాస్ట్‌ బౌలర్‌ కూడా దొరికితే ఇంకా మంచిది’’ అని ఆకాశ్‌ చోప్రా అభిప్రాయపడ్డాడు.వేలానికి ముందు సన్‌రైజర్స్‌ హైదరాబాద్‌ అట్టిపెట్టుకున్న ఆటగాళ్లు వీరేప్యాట్‌ కమిన్స్‌ (కెప్టెన్‌), అభిషేక్‌ శర్మ, హెన్రిచ్‌ క్లాసెన్‌, ట్రవిస్‌ హెడ్‌, నితీశ్‌ కుమార్‌ రెడ్డి, ఇషాన్‌ కిషన్‌, హర్షల్‌ పటేల్‌, జయదేవ్‌ ఉనాద్కట్‌, స్మరణ్‌ రవిచంద్రన్‌, అనికేత్‌ వర్మ, జీషన్‌ అన్సారీ, హర్ష్‌ దూబే, కమిందు మెండిస్‌, ఇషాన్‌ మలింగ, బ్రైడన్‌​ కార్స్‌. సన్‌రైజర్స్‌ రిలీజ్‌ చేసిన ప్లేయర్లురాహుల్‌ చహర్‌ (రూ. 3.20 కోట్లు), అభినవ్‌ మనోహర్‌ (రూ. 3.20 కోట్లు), ఆడం జంపా (రూ. 2.40 కోట్లు), ఆడం జంపా (రూ. 2.40 కోట్లు), సిమర్‌జీత్‌ సింగ్‌ (రూ. 1.50 కోట్లు), వియాన్‌ ముల్దర్‌ (రూ. 70 లక్షలు), అథర్వ టైడే (రూ. 30 లక్షలు), సచిన్‌ బేబి (రూ. 30 లక్షలు), మొహమ్మద్‌ షమీ (రూ. 10 కోట్లు- ట్రేడింగ్‌).చదవండి: IPL 2026: ‘కేకేఆర్‌ కాకపోతే.. ఇంకో జట్టుకు ఆడతా’

ఐపీఎల్‌-2026 వేలం నేపథ్యంలో సన్‌రైజర్స్‌ హైదరాబాద్‌ (SRH) ఫ్రాంఛైజీ వ్యూహాత్మకంగా అడుగులు వేస్తోంది. ఇప్పటికే టీమిండియా వెటరన్‌ పేసర్‌ మొహమ్మద్‌ షమీ (Mohammed Shami)ని.. లక్నో సూపర్‌ జెయింట్స్‌కు ట్రేడ్‌ చేసింది ఎస్‌ఆర్‌హెచ్‌. తాజాగా వచ్చే సీజన్‌కు గానూ అట్టిపెట్టుకునే, వదిలేసిన ఆటగాళ్ల జాబితాను విడుదల చేసింది.రాహుల్‌ చహర్‌, అభినవ్‌ మనోహర్‌, ఆడం జంపా (Adam Zampa), సిమర్‌జీత్‌ సింగ్‌ వంటి ఆటగాళ్లను వదిలించుకుని పర్సును నింపుకొంది. షమీని ట్రేడ్‌ చేయడం ద్వారా రూ. 10 కోట్లను ఖాతాలో వేసుకుంది. అయితే, ముందు నుంచి ప్రచారం జరిగినట్లుగా సౌతాఫ్రికా స్టార్‌ హెన్రిచ్‌ క్లాసెన్‌ను సన్‌రైజర్స్‌ వేలంలోకి వదల్లేదు.అతడు జట్టుతోనే.. కెప్టెన్‌ ప్యాట్‌ కమిన్స్‌, అభిషేక్‌ శర్మ, నితీశ్‌ కుమార్‌ రెడ్డి, ట్రవిస్‌ హెడ్‌ వంటి స్టార్‌ ప్లేయర్లతో పాటు.. క్లాసెన్‌ను అట్టిపెట్టుకుంది. ఈ వికెట్‌ కీపర్‌ బ్యాటర్‌ ఐపీఎల్‌-2025లో సన్‌రైజర్స్‌ టాప్‌ రన్‌ స్కోరర్‌గా నిలిచాడు. 13 ఇన్నింగ్స్‌లో కలిపి 487 పరుగులు సాధించాడు. ఇందులో ఓ అజేయ శతకం (105) ఉండటం విశేషం.ఈ సీజన్‌లో సన్‌రైజర్స్‌ పద్నాలుగింట కనీసం ఆరైనా గెలిచిందంటే అందుకు కారణమైన వాళ్లలో క్లాసెన్‌ ముఖ్యుడు. అయితే, అతడి ప్రైజ్‌ ట్యాగ్‌ (రూ. 23 కోట్లు) కారణంగానే వేలంలోకి వదులుతారనే ఊహాగానాలు వచ్చినా.. ఫ్రాంఛైజీ మాత్రం ఆ పని చేయలేదు.పర్సులో వేలం కోసం రూ. 25.50 కోట్లురాబోయే సీజన్‌కు ముందు మొత్తానికి సన్‌రైజర్స్‌ ఎనిమిది మంది ఆటగాళ్లను వదిలేసింది. ఇందులో ఇద్దరు విదేశీ ప్లేయర్లు ఉండగా.. ఆరుగురు భారత క్రికెటర్లు ఉన్నారు. వీరిని రిలీజ్‌ చేయడం ద్వారా సన్‌రైజర్స్‌ పర్సులో వేలం కోసం రూ. 25.50 కోట్లు మిగిలాయి. మొత్తంగా పది స్లాట్లు ఖాళీ ఉండగా.. ఇందులో ఇద్దరు విదేశీ ఆటగాళ్లకు చోటు ఉంటుంది.సన్‌రైజర్స్‌ హైదరాబాద్‌ అట్టిపెట్టుకున్న ఆటగాళ్ల జాబితాప్యాట్‌ కమిన్స్‌ (కెప్టెన్‌), అభిషేక్‌ శర్మ, హెన్రిచ్‌ క్లాసెన్‌, ట్రవిస్‌ హెడ్‌, నితీశ్‌ కుమార్‌ రెడ్డి, ఇషాన్‌ కిషన్‌, హర్షల్‌ పటేల్‌, జయదేవ్‌ ఉనాద్కట్‌, స్మరణ్‌ రవిచంద్రన్‌, అనికేత్‌ వర్మ, జీషన్‌ అన్సారీ, హర్ష్‌ దూబే, కమిందు మెండిస్‌, ఇషాన్‌ మలింగ, బ్రైడన్‌​ కార్స్‌. సన్‌రైజర్స్‌ విడుదల చేసిన ఆటగాళ్లు వీరేరాహుల్‌ చహర్‌ (రూ. 3.20 కోట్లు), అభినవ్‌ మనోహర్‌ (రూ. 3.20 కోట్లు), ఆడం జంపా (రూ. 2.40 కోట్లు), ఆడం జంపా (రూ. 2.40 కోట్లు), సిమర్‌జీత్‌ సింగ్‌ (రూ. 1.50 కోట్లు), వియాన్‌ ముల్దర్‌ (రూ. 70 లక్షలు), అథర్వ టైడే (రూ. 30 లక్షలు), సచిన్‌ బేబి (రూ. 30 లక్షలు), మొహమ్మద్‌ షమీ (రూ. 10 కోట్లు- ట్రేడింగ్‌).చదవండి: వెంకటేశ్‌ అయ్యర్‌కు భారీ షాక్‌.. పది ఫ్రాంఛైజీలు విడిచిపెట్టిన ఆటగాళ్లు వీరే

ఐపీఎల్‌-2026 వేలానికి ముందు తాము విడిచిపెట్టిన ఆటగాళ్ల జాబితా (IPL 2026 Release List)ను పది ఫ్రాంఛైజీలు శనివారం విడుదల చేశాయి. చెన్నై సూపర్‌ కింగ్స్‌ మతీశ పతిరణ (రూ. 13 కోట్లు)ను వదిలించుకోవడం.. ఢిల్లీ క్యాపిటల్స్‌ జేక్‌ ఫ్రేజర్‌ మెగర్క్‌ (రూ. 9 కోట్లు), లక్నో సూపర్‌ జెయింట్స్‌ రవి బిష్ణోయి (రూ. 11 కోట్లు), పంజాబ్‌ కింగ్స్‌ గ్లెన్‌ మాక్స్‌వెల్‌ (రూ. 4.2 కోట్లు) విడుదల చేయడం హైలైట్‌గా నిలిచాయి.ఇక కోల్‌కతా నైట్‌ రైడర్స్‌ తమ ఖరీదైన ఆటగాడు వెంకటేశ్‌ అయ్యర్‌ (Venkatesh Iyer- రూ. 23.75 కోట్లు)ను రిలీజ్‌ చేయడం వీటన్నింటికంటే ప్రాధాన్యం సంతరించుకుంది.చెన్నై సూపర్‌ కింగ్స్‌ రిలీజ్‌ లిస్టుమతీశ పతిరణ, డెవాన్‌ కాన్వే, రచిన్‌ రవీంద్ర, రాహుల్‌ త్రిపాఠి, విజయ్‌ శంకర్‌, దీపక్‌ హుడా, వన్ష్‌ బేడి, సి ఆండ్రీ సిద్దార్థ్‌, షేక్‌ రషీద్‌, కమ్లేశ్‌ నాగర్‌కోటి, రవీంద్ర జడేజా (ట్రేడింగ్‌), సామ్‌ కర్రాన్‌ (ట్రేడింగ్‌).రాయల్‌ చాలెంజర్స్‌ బెంగళూరు విడిచిపెట్టిన ఆటగాళ్లు వీరేలియామ్‌ లివింగ్‌స్టోన్‌, లుంగి ఎంగిడి, మయాంక్‌ అగర్వాల్‌, టిమ్‌ సీఫర్ట్‌, బ్లెస్సింగ్‌ ముజర్‌బానీ, మనోజ్‌ భండాగే, మోహిత్‌ రాఠీ, స్వస్తిక్‌ చికారా.ముంబై ఇండియన్స్‌ వదిలేసిన ఆటగాళ్లురీస్‌ టాప్లీ, ముజీబ్‌ ఉర్‌ రెహ్మాన్‌, సత్యనారాయణ రాజు, లిజాడ్‌ విలియమ్స్‌, అర్జున్‌ టెండుల్కర్‌ (ట్రేడింగ్‌), కర్ణ్‌ శర్మ, బెవాన్‌ జేకబ్స్‌, కేఎల్‌ శ్రీజిత్‌.రాజస్తాన్‌ రాయల్స్‌ విడిచిపెట్టిన ఆటగాళ్లువనిందు హసరంగ, మహీశ్‌ తీక్షణ, ఫజల్‌హక్‌ ఫారూకీ, ఆకాశ్‌ మధ్వాల్‌, కుమార్‌ కార్తికేయ, కునాల్‌ రాథోడ్‌, అశోక్‌ శర్మ, సంజూ శాంసన్‌ (ట్రేడింగ్‌), నితీశ్‌ రాణాఢిల్లీ క్యాపిటల్స్‌ రిలీజ్‌ లిస్టుఫాఫ్‌ డుప్లెసిస్‌, జేక్‌ ఫ్రేజర్‌ మెగర్క్‌, మోహిత్‌ శర్మ, డొనొవాన్‌ ఫెరీరా, మన్వంత్‌ కుమార్‌, దర్శన్‌ నల్కాండే, హ్యారీ బ్రూక్‌.పంజాబ్‌ కింగ్స్‌ వదిలేసిన ప్లేయర్లుగ్లెన్‌ మాక్స్‌వెల్‌, ఆరోన్‌ హార్డీ, ప్రవీణ్‌ దూబే, కుల్దీప్‌ సేన్‌, జోష్‌ ఇంగ్లిస్‌గుజరాత్‌ టైటాన్స్‌ విడిచిపెట్టిన ఆటగాళ్లుకరీం జనత్‌, గెరాల్డ్‌ కోయెట్జి, దసున్‌ షనక, మహిపాల్‌ లామ్రోర్‌, కుల్వంత్‌ ఖెజ్రోలియా, షెర్ఫానే రూథర్‌ఫర్డ్‌ (ట్రేడింగ్‌)సన్‌రైజర్స్‌ హైదరాబాద్‌ విడిచిపెట్టిన ఆటగాళ్లురాహుల్‌ చహర్‌, అభినవ్‌ మనోహర్‌, ఆడం జంపా, సిమర్జీత్‌ సింగ్‌, వియాన్‌ ముల్దర్‌, అథర్వ టైడే, సచిన్‌ బేబి, మొహమ్మద్‌ షమీ (ట్రేడింగ్‌).లక్నో సూపర్‌ జెయింట్స్‌ రిలీజ్‌ లిస్టురవి బిష్ణోయి, డేవిడ్‌ మిల్లర్‌, ఆకాశ్‌ దీప్‌, షమార్‌ జోసెఫ్‌,ఆర్యన్‌ జుయాల్‌, యువరాజ్‌ చౌదరి, రాజ్‌వర్థన్‌ హంగ్రేర్కర్‌, శార్దూల్‌ ఠాకూర్‌ (ట్రేడింగ్‌)కోల్‌కతా నైట్‌ రైడర్స్‌ రిలీజ్‌ లిస్టువెంకటేశ్‌ అయ్యర్‌, ఆండ్రీ రస్సెల్‌, క్వింటన్‌ డికాక్‌, స్పెన్సర్‌ జాన్సన్‌, రహ్మానుల్లా గుర్బాజ్‌, అన్రిచ్‌ నోర్జే, మొయిన్‌ అలీ, చేతన్‌ సకారియా, లవనిత్‌ సిసోడియా, మయాంక్‌ మార్కండే.చదవండి: IPL 2026: రిటెన్షన్‌ జాబితా విడుదల చేసిన ఫ్రాంఛైజీలు

దిగ్గజ ఆల్‌రౌండర్‌, మాజీ ఇంగ్లండ్‌ ప్లేయర్‌ ఆండ్రూ ఫ్లింటాఫ్‌ (Andrew Flintoff) సన్‌రైజర్స్‌ హైదరాబాద్‌ (Sunrisers Hyderabad) (ఐపీఎల్‌) సిస్టర్‌ ఫ్రాంచైజీ అయిన నార్త్రన్‌ సూపర్‌ ఛార్జర్స్‌తో (ద హండ్రెడ్‌ లీగ్‌) బంధాన్ని తెంచుకున్నాడు. గత రెండు సీజన్లుగా సూపర్‌ ఛార్జర్స్‌ హెడ్‌ కోచ్‌గా వ్యవహరిస్తున్న ఫ్లింటాఫ్‌.. యాజమాన్యంతో విభేదాల కారణంగా పదవి నుంచి వైదొలిగాడు. సూపర్‌ ఛార్జర్స్‌ యాజమాన్యానికి ఫ్లింటాఫ్‌కు పారితోషికం విషయంలో గొడవ జరిగినట్లు తెలుస్తుంది. సన్‌రైజర్స్‌ యాజమాన్యం సూపర్‌ ఛార్జర్స్‌ను ఓవర్‌టేక్‌ చేశాక ఫ్లింటాఫ్‌కు జీతం పెంచుతామని మాట ఇచ్చారట. అయితే ఈ పెంపు నామమాత్రంగా ఉండటంతో ఫ్లింటాఫ్‌ అసంతృప్తిగా ఉన్నాడు. ఈ విషయాన్ని యాజమాన్యం వద్ద ప్రస్తావించినా పెద్దగా పట్టించుకోకపోవడడంతో కోచ్‌ పదవికి రాజీనామా చేశాడు. సూపర్‌ ఛార్జర్స్‌ ఆఫర్‌ చేసే దానికంటే నా సేవలకు చాలా విలువైనవని ఫ్రాంచైజీని వీడాక ఫ్లింటాఫ్‌ అన్నాడు. 47 ఏళ్ల ఫ్లింటాఫ్‌ గత రెండు సీజన్లలో నార్త్రన్‌ సూపర్‌ ఛార్జర్స్‌కు హెడ్‌ కోచ్‌గా పని చేశాడు. ఈ రెండు సీజన్లను ఆ జట్టు నాలుగు, మూడు స్థానాలతో ముగించింది.కాగా, సన్‌రైజర్స్‌ హైదరాబాద్‌ యాజమాన్యమైన సన్‌ గ్రూప్‌ ఈ ఏడాదే నార్త్రన్‌ సూపర్‌ ఛార్జర్స్‌ ఫ్రాంచైజీని పూర్తిగా సొంతం చేసుకుంది. ఈ ఫ్రాంచైజీలో 100 శాతం వాటా హక్కులను కావ్యా మారన్‌ (Kavya Maran) నేతృత్వంలోని సన్‌ గ్రూప్‌ దక్కించుకుంది. సన్‌ గ్రూప్‌కు ఐపీఎల్‌, హండ్రెడ్‌ లీగ్‌ల్లోనే కాకుండా సౌతాఫ్రికా టీ20 లీగ్‌లోనూ ఓ ఫ్రాంచైజీ ఉంది. దాని పేరు సన్‌రైజర్స్‌ ఈస్ట్రన్‌ కేప్‌.ఫ్లింటాఫ్‌కు కొత్త ఆఫర్లు..?నార్త్రన్‌ సూపర్‌ ఛార్జర్స్‌ హెడ్‌ కోచ్‌ పదవి నుంచి వైదొలిగిన ఫ్లింటాఫ్‌కు త్వరలో కొత్త ఆఫర్లు వచ్చే అవకాశం ఉంది. ప్రస్తుతం​ హండ్రెడ్‌ లీగ్‌లోని మాంచెస్టర్‌ ఒరిజినల్స్‌ (త్వరలో మాంచెస్టర్‌ సూపర్‌జెయింట్స్‌), ట్రెంట్‌ రాకెట్స్‌ జట్లకు హెడ్‌ కోచ్‌లు లేరు. ఈ రెండిటిలో ఏదో ఒక ఫ్రాంచైజీ ఫ్లింటాఫ్‌కు కోచ్‌ పదవి ఆఫర్‌ చేసే అవకాశం ఉంది. చదవండి: క్రికెట్‌ చరిత్రలో తొలిసారి ఇలా..!

క్రికెట్‌కు సంబంధించిన ఓ వార్త ప్రస్తుతం సోషల్‌మీడియాలో సంచలన టాపిక్‌గా మారింది. ఇద్దరు స్టార్‌ ఆస్ట్రేలియా ఆటగాళ్లు దేశం కోసం భారీ డీల్‌ను కాదనుకున్నారని ప్రచారం జరుగుతుంది. ఇందులో వాస్తవాస్తవాలు ఎంత వరకో తెలీదు కానీ, సదరు ఆటగాళ్లను మాత్రం వారి స్వదేశ మీడియా ఆకాశానికెత్తేస్తుంది. మా ఆటగాళ్లకు దేశం​ కంటే డబ్బు ఎప్పుడూ ముఖ్యం కాదంటూ డబ్బా కొట్టుకుంటుంది. ఇది కదా నిజమైన దేశభక్తి అంటే అంటూ గొప్పలకు పోతుంది.ఆస్ట్రేలియాకు చెందిన ద ఏజ్‌ (The Age) అనే వార్తా సంస్థ కధనం ప్రకారం.. వారి దేశ స్టార్‌ ఆటగాళ్లు పాట్‌ కమిన్స్‌ (Pat Cummins), ట్రవిస్‌ హెడ్‌కు (Travis Head) ఓ ప్రముఖ ఐపీఎల్‌ ఫ్రాంచైజీ ఏడాదికి 10 మిలియన్‌ డాలర్లు (సుమారు రూ. 58.2 కోట్లు) చెల్లిస్తామని ఆఫర్ ఇచ్చింది. షరతేమిటంటే.. వారిద్దరు ఆస్ట్రేలియా తరఫున ఆడటం మానేసి, ఆ ఫ్రాంచైజీకి చెందిన గ్లోబల్ టీ20 లీగ్‌ల్లో మాత్రమే ఆడాలి. ఈ ఆఫర్‌ను కమిన్స్‌, హెడ్‌ ఇద్దరూ తిరస్కరించారు. దేశం కంటే తమకు డబ్బు ముఖ్యం కాదని సదరు ఫ్రాంచైజీ యాజమాన్యానికి తేల్చి చెప్పారు. ఈ విషయాన్ని​ ఆసీస్‌ మీడియా గత కొన్ని రోజులుగా హైలైట్‌ చేస్తుంది. సోషల్‌మీడియాలో సైతం పెద్ద ఎత్తున ‍ప్రచారం చేసుకుంటుంది. వాస్తవాస్తవాలు తెలియని క్రికెట్‌ అభిమానులు దేశం పట్ల కమిన్స్‌, హెడ్‌కు ఉన్న అంకితభావాన్ని కొనియాడుతున్నారు. సాధారణంగా ఆస్ట్రేలియా ఆటగాళ్లకు దేశం తరఫున ఆడితే ఏడాదికి 1.5 మిలియన్‌ డాలర్లకు మించి రావు. అలాంటిది కమిన్స్‌, హెడ్‌ ఇంత భారీ ఆఫర్‌ను ఎలా కాదనుకున్నారని కొందరనుకుంటున్నారు.ఇతర దేశాల ఆటగాళ్లు ఇలా లేరు..!కమిన్స్‌, హెడ్‌ విషయం పక్కన పెడితే.. ప్రస్తుతం భారత్‌ మినహా ప్రపంచవాప్తంగా ఉన్న క్రికెటర్లంతా లీగ్‌ క్రికెట్‌కే ప్రాధాన్యత ఇస్తున్నారు. జాతీయ జట్ల కెరీర్‌లను పూర్తి వదులుకొని లీగ్‌ల చుట్టూ తిరుగుతున్నారు. ఇటీవలే వెస్టిండీస్‌కు చెందిన నికోలస్‌ పూరన్‌, దక్షిణాఫ్రికాకు చెందిన హెన్రిచ్‌ క్లాసెన్‌ తమ అంతర్జాతీయ కెరీర్‌లు అర్దంతరంగా వదిలేసి లీగ్‌ల పంచన చేరారు. వీరే​ కాక చాలా మంది స్టార్‌ క్రికెటర్లు లీగ్‌ల్లో లభించే అధిక డబ్బు కోసం దేశానికి ప్రాతినిథ్యం వహించడాన్ని వద్దనుకుంటున్నారు. వాస్తవానికి ఇందులో ఆటగాళ్ల తప్పేమీ లేదు. ఫ్రాంచైజీలు అధిక డబ్బును ఆశగా చూపిస్తూ వారిని బుట్టలో వేసుకుంటున్నాయి.తిరిగి కమిన్స్‌, హెడ్‌ విషయానికొస్తే.. ప్రస్తుతం వీరు ఐపీఎల్‌లో సన్‌రైజర్స్‌ హైదరాబాద్‌ ఫ్రాంచైజీతో ఒప్పందంలో ఉన్నారు. ఎస్‌ఆర్‌హెచ్‌ యాజమాన్యం 2025 సీజన్‌ వేలానికి ముందు కమిన్స్‌ను రూ. 18 కోట్లకు, హెడ్‌ను రూ. 14 కోట్లకు రిటైన్ చేసుకుంది. గత సీజన్‌లో ఈ ఇద్దరు చెప్పుకోదగ్గ ప్రదర్శనలు చేయలేదు. కెప్టెన్‌గా, ఆటగాడిగా కమిన్స్‌ దారుణంగా విఫలమయ్యాడు. అంతకుముందు సీజన్‌లో చెలరేగిపోయిన హెడ్‌ గత సీజన్‌లో తస్సుమన్నాడు.చదవండి: వైభవ్‌ విఫలమైనా, బౌలర్లు గెలిపించారు.. ఆసీస్‌ గడ్డపై టీమిండియా గర్జన

ఇంగ్లండ్‌ వేదికగా జరిగిన 2025 హండ్రెడ్‌ లీగ్‌ నిన్నటితో ముగిసింది. పురుషుల విభాగంలో ముంబై ఇండియన్స్‌ సిస్టర్‌ ఫ్రాంచైజీ ఓవల్‌ ఇన్విన్సిబుల్స్‌ వరుసగా మూడో ఎడిషన్‌లో ఛాంపియన్‌గా నిలిచి హ్యాట్రిక్‌ సాధించగా.. మహిళల విభాగంలో సన్‌రైజర్స్‌ హైదరాబాద్‌ ఓనర్షిప్‌లోని నార్త్రన్‌ సూపర్‌ ఛార్జర్స్‌ తొలిసారి విజేతగా ఆవిర్భవించింది.2023 - Oval Invincibles won the Hundred.2024 - Oval Invincibles won the Hundred.2025 - Oval Invincibles won the Hundred.SAM BILLINGS WON THE TITLE 3 CONSECUTIVE TIMES AS CAPTAIN 🥶🔥 pic.twitter.com/h1BBoS4PKC— Johns. (@CricCrazyJohns) September 1, 2025పురుషుల విభాగం ఫైనల్లో ఇన్విన్సిబుల్స్‌ ట్రెంట్‌ రాకెట్స్‌పై 26 పరుగుల తేడాతో విజయం సాధించగా.. మహిళల విభాగంలో సూపర్‌ ఛార్జర్స్‌ సథరన్‌ బ్రేవ్‌పై 7 వికెట్ల తేడాతో గెలుపొందింది. ముంబై ఇండియన్స్‌ యాజమాన్యం ఈ సీజన్‌కు ముందే ఇన్విన్సిబుల్స్‌లోని 49 శాతం వాటాను దక్కించుకుంది. వచ్చే సీజన్‌ నుంచి ఈ ఫ్రాంచైజీ పేరు ముంబై ఇండియన్స్‌ లండన్‌గా మారే అవకాశం ఉంది.నార్త్రన్‌ సూపర్‌ ఛార్జర్స్‌ విషయానికొస్తే.. ఈ ఫ్రాంచైజీపై పూర్తి హక్కులను సన్‌రైజర్స్‌ హైదరాబాద్‌ యాజమాన్యమైన సన్‌ గ్రూప్‌ దక్కించుకుంది. ఈ సంస్ధ సూపర్‌ ఛార్జర్స్‌లోని 100 శాతం వాటాను ఈ సీజన్‌కు ముందే కొనుగోలు చేసింది. ఈ ఫ్రాంచైజీ పేరు కూడా వచ్చే సీజన్‌కు ముందు మారవచ్చు. సన్‌రైజర్స్‌ పేరు కలిసొచ్చేలా సన్‌ గ్రూప్‌ ప్లాన్‌ చేస్తుంది.మ్యాచ్‌ల విషయానికొస్తే.. మహిళల ఫైనల్స్‌ ఏకపక్షంగా సాగగా.. పురుషుల ఫైనల్స్‌ ఓ మోస్తరుగా నడిచింది. మహిళల ఫైనల్స్‌లో సథరన్‌ బ్రేవ్‌ తొలుత బ్యాటింగ్‌ చేసి నిర్ణీత 100 బంతుల్లో 6 వికెట్ల నష్టానికి 115 పరుగులు చేయగా.. సూపర్‌ ఛార్జర్స్‌ మరో 12 బంతులు మిగిలుండగానే లక్ష్యాన్ని ఛేదించింది. సథరన్‌ బ్రేవ్‌లో ఫ్రేయా కెంప్‌ చేసిన 26 పరుగులే అత్యధికం కాగా.. సూపర్‌ ఛార్జర్స్‌ తరఫున నికోలా క్యారీ (35 నాటౌట్‌) టాప్‌ స్కోరర్‌గా నిలిచింది. బౌలింగ్‌లోనూ పర్వాలేదనిపించిన క్యారీకి (20-8-25-0) ప్లేయర్‌ ఆఫ్‌ ద మ్యాచ్‌ అవార్డు దక్కగా.. సీజన్‌ ఆధ్యాంతం రాణించిన ఫోబ్‌ లిచ్‌ఫీల్డ్‌ను ప్లేయర్‌ ఆఫ్‌ ద సిరీస్‌ అవార్డు వరించింది.పురుషుల ఫైనల్స్‌లో ఓవల్‌ ఇన్విన్సిబుల్స్‌ తొలుత బ్యాటింగ్‌ చేసి నిర్ణీత 100 బంతుల్లో 5 వికెట్ల నష్టానికి 168 పరుగులు చేయగా.. ట్రెంట్‌ రాకెట్స్‌ ఛేదనలో తడబడి 142 పరుగులకే పరిమితమైంది. ఇన్విన్సిబుల్స్‌ తరఫున విల్‌ జాక్స్‌ (41 బంతుల్లో 72; 7 ఫోర్లు, 2 సిక్సర్లు) చెలరేగగా.. మార్కస్‌ స్టోయినిస్‌ (38 బంతుల్లో 64; 4 ఫోర్లు, 5 సిక్సర్లు) ట్రెంట్‌ రాకెట్స్‌ను గెలిపించేందుకు విఫలయత్నం చేశాడు. నాథన్‌ సౌటర్‌ (20-7-25-3) అద్భుతంగా బౌలింగ్‌ చేసి రాకెట్స్‌ను దెబ్బకొట్టాడు. ఈ ప్రదర్శన కారణంగా సౌటర్‌కు ప్లేయర్‌ ఆఫ్‌ ద మ్యాచ్‌ అవార్డు దక్కింది. సీజన్‌ ఆధ్యాంతం సత్తా చాటిన ఇన్విన్సిబుల్స్‌ బ్యాటర్‌ జోర్డన్‌ కాక్స్‌ ప్లేయర్‌ ఆఫ్‌ ద సిరీస్‌గా ఎంపికయ్యాడు.

కావ్యా మారన్‌ నేతృత్వంలోని సన్‌ గ్రూప్‌ ఇంగ్లండ్‌ వేదికగా జరిగే ద హండ్రెడ్‌ లీగ్‌లో నార్త్రన్‌ సూపర్‌ ఛార్జర్స్‌ అనే ఫ్రాంచైజీని కొనుగోలు చేసింది. ఈ ఫ్రాంచైజీలో మొత్తం వాటాను సన్‌ గ్రూప్‌ రూ. 1,094 కోట్లకు చేజిక్కించుకుంది. హండ్రెడ్‌ లీగ్‌లోని 8 ఫ్రాంచైజీల్లో నాలుగింటిని భారత కంపెనీలు (ఐపీఎల్‌ ఫ్రాంచైజీ ఓనర్లు కూడా) కొనుగోలు చేయగా.. మరో రెండు ఫ్రాంచైజీలను భారతీయ-అమెరికన్ పెట్టుబడిదారులు సొంతం చేసుకున్నారు.ఇంతవరకు అంతా బాగానే ఉంది. ఇవాల్టి నుంచి (ఆగస్ట్‌ 5) ప్రారంభం కాబోయే 2025 సీజన్‌ కోసం కావ్యా మారన్‌ ఓనర్‌షిప్‌లోని నార్త్రన్‌ సూపర్‌ ఛార్జర్స్‌ ఇద్దరు పాకిస్తాన్‌ మాజీ ఆటగాళ్లను ఎంపిక చేసుకోవడంతో వివాదం మొదలైంది. నార్త్రన్‌ సూపర్‌ ఛార్జర్స్‌ బెన్‌ డ్వార్షుయిస్‌ (ఆస్ట్రేలియా), మిచెల్‌ సాంట్నర్‌కు (న్యూజిలాండ్‌) ప్రత్యామ్నాయంగా పాక్‌ మాజీలు మొహమ్మద్‌ ఆమిర్‌, ఇమాద్‌ వసీంలను ఎంపిక చేసుకొని భారత అభిమానులచే సోషల్‌మీడియా వేదికగా ట్రోలింగ్‌ను ఎదుర్కొంటుంది.ఈ సీజన్‌కు ముందు మెజార్టీ శాతం ఫ్రాంచైజీలను భారత ఇన్వెస్టర్లు చేజిక్కించుకోవడంతో వేలంలో ఏ పాకిస్తాన్‌ ఆటగాడికి అవకాశం దక్కలేదు. ఫ్రాంచైజీలు పరోక్షంగా పాక్‌ ఆటగాళ్లను బ్యాన్‌ చేశాయి. అయితే మధ్యలో నార్త్రన్‌ సూపర్‌ ఛార్జర్స్‌ పాక్‌ ఆటగాళ్లను అక్కున చేర్చుకోవడంతో భారతీయులు మండిపడుతున్నారు.పహల్లాం దాడి తర్వాత పాక్‌తో నెలకొన్న రాజకీయ ఉద్రిక్తతల నేపథ్యంలో భారత్‌ అన్ని క్రీడా విభాగాల్లో దాయాదిని బ్యాన్‌ చేసింది. ఇటీవల ఇంగ్లండ్‌లో జరిగిన వరల్డ్‌ ఛాంపియన్‌షిప్‌ ఆఫ్‌ లెజెండ్స్‌ టోర్నీలోనూ గ్రూప్‌ దశ, సెమీస్‌లో మ్యాచ్‌లను బాయ్‌కాట్‌ చేసింది.ఇలాంటి పరిస్థితుల్లో కావ్యా మారన్‌ జట్టు పాక్‌ ఆటగాళ్లను అక్కున చేర్చుకోవడం భారతీయులకు అస్సలు నచ్చడం లేదు. భారతీయ పెట్టుబడి దారులు లేదా ఐపీఎల్‌ ఓనర్లు కొనుగోలు చేసిన వేర్వేరు లీగ్‌ల్లోని ఏ ఫ్రాంచైజీలో​ కూడా పాక్‌ ఆటగాళ్లకు ప్రవేశం లేదు. ఐపీఎల్‌ ఓనర్లు కొనుగోలు చేసిన సౌతాఫ్రికా టీ20 లీగ్‌ ఫ్రాంచైజీల్లో అయితే పాక్‌ ఆటగాళ్ల ఊసే లేదు.కావ్యా మారన్‌ పాక్‌ ఆటగాళ్లను జట్టులో చేర్చుకొని పెద్ద తప్పే చేసిందని భారతీయులు అంటున్నారు. ఈ సీజన్‌లో నార్త్రన్‌ సూపర్‌ ఛార్జర్స్‌కు ఇంగ్లండ్‌ ఆటగాడు హ్యారీ బ్రూక్‌ నాయకత్వం వహిస్తున్నాడు. జట్టులో డేవిడ్‌ మిల్లర్‌, డేవిడ్‌ మలాన్‌ లాంటి విధ్వంసకర ఆటగాళ్లు ఉన్నారు. ఈ సీజన్‌లో నార్త్రన్‌ సూపర్‌ ఛార్జర్స్‌ ఆగస్ట్‌ 7న తమ తొలి మ్యాచ్‌ ఆడనుంది.

స‌న్‌రైజ‌ర్స్ హైద‌రాబాద్(SRH) ఫ్రాంచైజీ కీల‌క నిర్ణయం తీసుకుంది. త‌మ జ‌ట్టు బౌలింగ్ కోచ్ టీమిండియా మాజీ ఫాస్ట్ బౌల‌ర్ వ‌రుణ్ ఆరోన్‌(Varun Aaron)ను ఎస్ఆర్‌హెచ్ మెనెజ్‌మెంట్ నియ‌మించింది. ఈ విష‌యాన్ని సోషల్ మీడియా వేదిక‌గా ఎస్ఆర్‌హెచ్ వెల్ల‌డించింది. గ‌త సీజ‌న్‌లో ఆరెంజ్ ఆర్మీ బౌలింగ్ కోచ్‌గా ప‌నిచేసిన కివీస్ మాజీ ఆల్‌రౌండ‌ర్ జేమ్స్ ఫ్రాంక్లిన్ స్ధానాన్ని భ‌ర్తీ చేయ‌నున్నాడు.ఆరోన్‌కు అంత‌ర్జాతీయ క్రికెట్‌తో పాటు ఐపీఎల్‌లో ఆడిన అనుభ‌వం ఉంది. జార్ఖండ్‌కు చెందిన వ‌రున్ ఆరోన్ 9 టెస్టులు, 9 వ‌న్డేల్లో భార‌త జ‌ట్టుకు ప్రాతినిథ్యం వ‌హించాడు. మొత్తంగా 29 అంత‌ర్జాతీయ వికెట్లు ప‌డ‌గొట్టాడు. ఇక ఐపీఎల్‌లో గుజ‌రాత్ టైటాన్స్‌, రాయల్ ఛాలెంజర్స్ బెంగళూరు, ఢిల్లీ డేర్‌డెవిల్స్ (ప్రస్తుతం ఢిల్లీ క్యాపిటల్స్), రాజస్థాన్ రాయల్స్, పంజాబ్ కింగ్స్ జ‌ట్లు త‌ర‌పున ఆడాడు.త‌న ఐపీఎల్ కెరీర్‌లో 44 వికెట్లు ప‌డ‌గొట్టాడు. ఓవ‌రాల్‌గా 95 టీ20ల్లో 93 వికెట్ల‌ను త‌న ఖాతాలో వేసుకున్నాడు. ఆరోన్ చివ‌ర‌గా విజ‌య్ హాజారే ట్రోఫీ 2024-25 సీజ‌న్‌లో జార్ఖండ్ త‌రపున ఆడాడు. ఆ త‌ర్వాత అన్ని ఫార్మాట్ల‌కు క్రికెట్‌కు వీడ్కోలు ప‌లికిన ఈ స్పీడ్ స్టార్‌.. కామెంటేట‌ర్‌గా వ్య‌వ‌హ‌రిస్తున్నాడు. గత సీజన్‌లో సన్‌రైజర్స్ తమ స్దాయికి తగ్గ ప్రదర్శన చేయలేకపోయింది. 14 మ్యాచ్‌లు ఆడి కేవ‌లం ఆరింట మాత్ర‌మే విజ‌యం సాధించింది.చదవండి: IND vs ENG: జోఫ్రా ఆర్చ‌ర్ సూప‌ర్ డెలివ‌రీ.. రిష‌బ్ పంత్‌కు మైండ్ బ్లాంక్‌! వీడియో

హైదరాబాద్‌ క్రికెట్‌ అసోసియేషన్‌ (HCA), సన్‌ రైజర్స్‌ హైదరాబాద్‌(SRH) ఫ్రాంఛైజీ మధ్య వివాదంలో కీలక అంశాలు వెలుగుచూశాయి. ఐపీఎల్‌ టికెట్ల వ్యవహారంలో అక్రమాలు జరిగాయన్న ఆరోపణల నేపథ్యంలో తెలంగాణ సీఐడీ హెచ్‌సీఏ అధ్యక్షుడు జగన్‌మోహన్‌రావును బుధవారం అరెస్ట్‌ చేసిన విషయం తెలిసిందే. ఈ క్రమంలో నిధుల దుర్వినియోగం కేసులో కేసు నమోదైంది. ధరం గురువరెడ్డి ఫిర్యాదుతో 465, 468, 471, 403, 409, 420 r/w 34 సెక్షన్ల కింద కేసు నమోదు చేసింది.ఇక విచారణలో భాగంగా శ్రీచక్ర క్రికెట్ క్లబ్ పేరుతో ఉన్న గౌలిగూడ క్రికెట్ క్లబ్‌ను అడ్డుపెట్టుకుని జగన్‌మోహన్‌రావు మోసానికి పాల్పడినట్లు గుర్తించింది. శ్రీచక్ర క్రికెట్ క్లబ్ జనరల్ సెక్రటరీ రాజేందర్ యాదవ్ భార్య, శ్రీచక్ర క్రికెట్ క్లబ్ అధ్యక్షురాలు కవితతో కలిసి క్లబ్‌ డాక్యుమెంట్లను అతడు ఫోర్జరీ చేసినట్లు గుర్తించింది. ఈ మేరకు ఫోర్జరీ డాక్యుమెంట్లను స్వాధీనం చేసుకుంది. వీటితోనే జగన్‌మోహన్‌ రావు హెచ్‌సీఏలోకి ఎంట్రీ ఇచ్చినట్లు తేల్చింది.అదే విధంగా.. హెచ్‌సీఏలో జగన్‌మెహన్‌ రావు భారీగా నిధుల గోల్‌మాల్‌కు పాల్పడినట్లుగానూ సీఐటీ గుర్తించింది. అసోసియేషన్‌ సభ్యులకు, జగన్‌మోహన్‌ రావుకు మధ్య భారీ ఎత్తున ఆర్థిక లావాదేవీలు జరిగినట్లు కూడా విచారణలో తేలింది.అంతేకాదు.. ఎస్‌ఆర్‌హెచ్‌ యాజమాన్యాన్ని టికెట్ల విషయంలో బ్లాక్‌మెయిల్‌ చేయడం, కాంప్లిమెంటరీ టికెట్ల వ్యవహారంలో బెదిరింపులకు దిగడం నిజమేనని గుర్తించింది. కార్పొరేట్‌ బాక్సులను తమకు కేటాయించాలని.. లేదంటే ఉప్పల్‌ స్టేడియంలో మ్యాచ్‌లు జరుగనివ్వబోమంటూ బ్లాక్‌మెయిల్‌ చేశారని తేలింది. ఇలా ప్రజాధనాన్ని దుర్వినియోగం చేయడం కోసమే జగన్‌మోహన్ రావు నేరపూరితంగా హెచ్‌సీఏలోకి ఎంట్రీ ఇచ్చాడని సీఐడీ గుర్తించింది.కాగా ఎస్‌ఆర్‌హెచ్‌తో వివాదం నేపథ్యంలో హెచ్‌సీఏ అధ్యక్షుడు జగన్‌మోహన్‌రావు, కోశాధికారి శ్రీనివాస్ రావు, సీఈఓ సునీల్ కంటే, శ్రీచక్ర క్రికెట్ క్లబ్ జనరల్ సెక్రటరీ రాజేందర్ యాదవ్, శ్రీచక్ర క్రికెట్ క్లబ్ అధ్యక్షురాలు కవితలను అరెస్టు చేసిన విషయం తెలిసిందే. కాగా ఉప్పల్‌ స్టేడియంలో మ్యాచ్‌ల నిర్వహణ నేపథ్యంలో హెచ్‌సీఏకు ఎస్‌ఆర్‌హెచ్‌ యాజమాన్యం 10 శాతం టికెట్లు ఉచితంగా ఇస్తోంది.అయితే మరో 20 శాతం టికెట్లు ఫ్రీగా ఇవ్వాలని, లేకుంటే మ్యాచ్‌లు జరగబోనివ్వమని జగన్‌మోహన్‌ రావు బెదిరించారన్నది ప్రధాన అభియోగం. హెచ్‌సీఏ ద్వారా రిక్వెస్ట్‌ పెట్టుకుంటే ఆలోచన చేస్తామని ఫ్రాంఛైజీ చెప్పినప్పటికీ.. తనకు వ్యక్తిగతంగా 10 శాతం వీఐపీ టికెట్లు కచ్చితంగా ఇవ్వాలని ఆయన బెదిరింపులకు దిగారు. లేకుంటే మ్యాచ్‌లు జరగనివ్వబోమని బ్లాక్‌మెయిల్‌ చేశారు.ఇందుకు ఎస్‌ఆర్‌హెచ్‌ నిరాకరించగా.. లక్నో మ్యాచ్‌ సందర్భంగా వీఐపీ కార్పొరేట్‌ బాక్స్‌కు జగన్‌మోహన్‌ రావు తాళాలు కూడా వేయించారు. ఈ నేపథ్యంలో తాము హైదరాబాద్‌ నుంచి వెళ్లిపోతామంటూ ఎస్‌ఆర్‌హెచ్‌ ప్రకటించగా.. తెలంగాణ ప్రభుత్వం రంగంలోకి దిగి.. విజిలెన్స్‌ ఎంక్వయిరీకి ఆదేశించింది. ఈ వ్యవహారంలో విజిలెన్స్‌ నివేదిక ఆధారంగా హెచ్‌సీఏ అక్రమాలపై కేసు నమోదు చేసి దర్యాప్తు జరిపిన సీఐడీ.. అక్రమాలు వాస్తవమేనని తేలడంతో అరెస్టులు చేసింది.ఈ విషయం గురించి సీఐడీ అడిషనల్ డీజీ చారుసిన్హా వివరాలు తెలియజేశారు. ‘‘తెలంగాణ క్రికెట్‌ అసోసియేషన్‌ ఫిర్యాదు మేరకు కేసు నమోదు చేశాం.. SRH ఫ్రాంచైజీని బెదిరించి టికెట్స్ పొందాలని చూశారు.. నకిలీ డాక్యుమెంట్లు, ఫోర్జరీ సంతకాలతో నిధుల దుర్వినియోగానికి పాల్పడ్డారు’’ అని తెలిపారు.

ఇండియన్‌ ప్రీమియర్‌ లీగ్‌ (IPL)లో సన్‌రైజర్స్‌ హైదరాబాద్‌ (SRH) తన కంటూ ప్రత్యేక గుర్తింపు సంపాదించుకుంది. విధ్వంసకర బ్యాటింగ్‌కు మారుపేరుగా మారి.. లీగ్‌ చరిత్రలో అత్యధిక స్కోరు (287) సాధించిన జట్టుగా కొనసాగుతోంది. 2016లో టైటిల్‌ గెలిచిన సన్‌రైజర్స్‌.. గత రెండేళ్లుగా మరోసారి ఇలా పాతరోజులను గుర్తుచేస్తూ ఆరెంజ్‌ ఆర్మీని ఖుషీ చేస్తోంది. దేశీ స్టార్‌ అభిషేక్‌ శర్మతో పాటు ఆస్ట్రేలియా స్టార్లు ప్యాట్‌ కమిన్స్‌, ట్రవిస్‌ హెడ్‌, సౌతాఫ్రికా స్టార్‌ హెన్రిచ్‌ క్లాసెన్‌ రాకతో జట్టు బలపడింది.కమిన్స్‌ కెప్టెన్సీలో గతేడాది ఏకంగా ఫైనల్‌ చేరిన సన్‌రైజర్స్‌ ఈసారి మాత్రం కాస్త నిరాశపరిచింది. ఆరంభంలో వరుస ఓటములు చవిచూసినా ఆఖర్లో వరుసగా మ్యాచ్‌లు గెలవడం అభిమానులకు కాస్త ఊరట కలిగించే అంశం. ఇక సన్‌రైజర్స్‌ అనగానే ఆటగాళ్లతో పాటు ఆ జట్టు సహ యజమాని కావ్యా మారన్‌ (Kavya Maran) ఠక్కున గుర్తుకువస్తారు.సోషల్‌ మీడియా క్వీన్‌సన్‌ నెట్‌వర్క్‌ అధినేత కళానిధి మారన్‌ కుమార్తె అయిన కావ్యా.. సన్‌రైజర్స్‌ బాధ్యతలు చూసుకుంటున్నారు. మ్యాచ్‌ జరిగిన ప్రతిసారి.. ముఖ్యంగా హైదరాబాద్‌లోని ఉప్పల్‌ మైదానంలో సన్‌రైజర్స్‌ ఆడుతుందంటే అక్కడ కావ్యా తప్పనిసరిగా కనిపిస్తారు. మ్యాచ్‌ సాగుతున్న వేళ తన భావోద్వేగాలను ఏమాత్రం దాచుకోరు.ప్రతికూల ఫలితం వచ్చినప్పుడు చిన్నబుచ్చుకునే కావ్యా.. అనుకూల ఫలితం వచ్చినప్పుడు మాత్రం చిన్న పిల్లలా ఎగిరి గంతులు వేస్తారు. ఈ నేపథ్యంలో తొలిసారి మీడియా కంటికి చిక్కినప్పటి నుంచి ఇప్పటిదాకా సోషల్‌ మీడియాలో కావ్యా మారన్‌కు సపరేట్‌ ఫ్యాన్‌ బేస్‌ ఉంది. మరోవైపు.. ఆమెను ట్రోల్‌ చేస్తూ మీమ్స్‌ క్రియేట్‌ చేసే వాళ్లూ ఎక్కువే.నన్ను తప్పక క్యాప్చర్‌ చేస్తాడుఈ క్రమంలో సోషల్‌ మీడియాలో తన ఫొటోలు, తనపై వచ్చే మీమ్స్‌పై కావ్యా మారన్‌ తాజాగా స్పందించారు. ఇన్‌సైడ్‌స్పోర్ట్‌కు ఇచ్చిన ఇంటర్వ్యూలో మాట్లాడుతూ.. ‘‘నిజంగానే అవి నా మనసు నుంచి వచ్చిన భావోద్వేగాలు. మ్యాచ్‌ ఎక్కడ జరిగినా అక్కడికి వెళ్లడం నా పనిలో భాగం. అయితే, ఆట పట్ల ఉన్న అభిమానం కూడా అందుకు మరో కారణం.హైదరాబాద్‌లో ఇంకా వేరేగా నేనేం చేయగలను. స్టేడియంలో కూర్చోవాల్సిందే కదా!.. అక్కడ మాత్రమే నేను కూర్చుకునేందుకు వీలుంటుంది. ఒకవేళ్ల అహ్మదాబాద్‌ లేదంటే.. చెన్నై వెళ్తే అక్కడా ఏదో చోట కూర్చోవాల్సిందే.నేను ఎక్కడున్నా సరే కెమెరామెన్‌ నన్ను తప్పక క్యాప్చర్‌ చేస్తాడు. కొన్నిసార్లు అవే మీమ్స్‌గా రూపాంతరం చెందుతాయి’’ అని కావ్యా మారన్‌ పేర్కొన్నారు.నా మనసంతా అదే..ఇక సన్‌రైజర్స్‌ హైదరాబాద్‌ జట్టంటే తనకు ఎంతో ఇష్టమన్న కావ్యా మారన్‌.. ‘‘ సన్‌రైజర్స్‌ ఆడుతుందంటే నా మనసంతా అక్కడే ఉంటుంది. సన్‌రైజర్స్‌కు నా హృదయంలో ప్రత్యేక స్థానం ఉంది. దాని కోసం నా శాయశక్తులా కష్టపడి చేయగలిగిందంతా చేస్తాను.కాబట్టి సహజంగానే జట్టు విజయాలు, అపజయాలను మనసుకు తీసుకుంటాను. అందుకే గెలిచినప్పుడు ఎంతగా సంతోషిస్తానో.. ఓడినప్పుడు అంతే బాధపడతాను’’ అని చెప్పుకొచ్చారు.చదవండి: రితికా కంటే ముందు ఆమెతో ప్రేమలో రోహిత్‌?.. నన్‌గా మారిన నటి?!

ఐపీఎల్‌లో సన్‌రైజర్స్‌ హైదరాబాద్‌కు ఆడే సౌతాఫ్రికా ఆల్‌రౌండర్‌ వియాన్‌ ముల్దర్‌.. జింబాబ్వేతో జరుగుతున్న టెస్ట్‌ మ్యాచ్‌లో సెంచరీతో కదంతొక్కాడు. మ్యాచ్‌ మూడో రోజు లంచ్‌ విరామానికి ముందు ముల్దర్‌ 149 బంతుల్లో 13 ఫోర్లు, సిక్సర్‌ సెంచరీ పూర్తి చేసుకున్నాడు. ముల్దర్‌కు టెస్ట్‌ల్లో ఇది రెండో సెంచరీ. గతేడాది అక్టోబర్‌లో ముల్దర్‌ బంగ్లాదేశ్‌పై అజేయ శతకం బాదాడు.ముల్దర్‌ ఇటీవలే వరల్డ్‌ టెస్ట్‌ ఛాంపియన్‌షిప్‌ టైటిల్‌ గెలిచిన సౌతాఫ్రికా జట్టులో సభ్యుడిగా ఉన్నాడు. ముల్దర్‌ తాజా ఐపీఎల్‌ సీజన్‌లో ఇంగ్లండ్‌ ఆటగాడు బ్రైడన్‌ కార్స్‌కు రీప్లేస్‌మెంట్‌గా ఎస్‌ఆర్‌హెచ్‌లో చేరాడు. ఎస్‌ఆర్‌హెచ్‌ ముల్దర్‌ను 75 లక్షల బేస్‌ ధరకు సొంతం చేసుకుంది. ముల్దర్‌ ఐపీఎల్‌ 2025లో 2 మ్యాచ్‌లు ఆడి కేవలం 9 పరుగులు మాత్రమే చేశాడు. బౌలింగ్‌లో ఓ ఓవర్‌ మాత్రమే వేశాడు.మ్యాచ్‌ విషయానికొస్తే.. బులవాయో వేదికగా జింబాబ్వేతో జరుగుతున్న తొలి టెస్ట్‌లో సౌతాఫ్రికా పటిష్ట స్థితిలో ఉంది. మూడో రోజు రెండో సెషన్‌ సమయానికి రెండో ఇన్నింగ్స్‌లో 5 వికెట్ల నష్టానికి 247 పరుగులు చేసింది. ప్రస్తుతం ఆ జట్టు 415 పరుగుల ఆధిక్యంలో కొనసాగుతుంది. వియాన్‌ ముల్దర్‌ 142, కైల్‌ వెర్రిన్‌ 30 పరుగులతో క్రీజ్‌లో ఉన్నారు.అంతకుముందు జింబాబ్వే తొలి ఇన్నింగ్స్‌లో 251 పరుగులకు ఆలౌటై ఫాలో ఆన్‌ తప్పించుకుంది. జింబాబ్వేను సీన్‌ విలియమ్స్‌ (137) అద్బుత సెంచరీతో గట్టెక్కించాడు. రెండో ఇన్నింగ్స్‌లో సెంచరీతో కదంతొక్కిన ముల్దర్‌ బంతితో కూడా రాణించాడు. 16 ఓవర్లు వేసి 4 వికెట్లు తీశాడు. కేశవ్‌ మహారాజ్‌, కోడి యూసఫ్‌ తలో 3 వికెట్లు పడగొట్టారు.ఈ మ్యాచ్‌లో తొలుత బ్యాటింగ్‌ చేసిన సౌతాఫ్రికా.. తొలి ఇన్నింగ్స్‌లో 9 వికెట్ల నష్టానికి 418 పరుగులు చేసి ఇన్నింగ్స్‌ను డిక్లేర్‌ చేసింది. లుహాన్‌ డ్రి ప్రిటోరియస్‌ (153), కార్బిన్‌ బాష్‌ (100 నాటౌట్‌) సెంచరీలతో కదంతొక్కారు. డెవాల్డ్‌ బ్రెవిస్‌ (51) మెరుపు అర్ద సెంచరీతో రాణించారు.మిగతా ఆటగాళ్లలో టోని డి జోర్జి 0, బ్రీట్జ్కీ 13, ముల్దర్‌ 17, బెడింగ్హమ్‌ 0, వెర్రిన్‌ 10, కెప్టెన్‌ కేశవ్‌ మహారాజ్‌ 21, కోడి యూసఫ్‌ 27, మఫాకా 9 (నాటౌట్‌) పరుగులు చేశారు. జింబాబ్వే బౌలర్లలో చివంగ 4, ముజరబానీ 2, మసరద్జ, మసెకెస తలో వికెట్‌ తీశారు. కాగా, రెండు మ్యాచ్‌ల టెస్ట్‌ సిరీస్‌ కోసం సౌతాఫ్రికా జింబాబ్వేలో పర్యటిస్తుంది.

ఐపీఎల్ టికెట్ల వ్యవహారంలో హైదరాబాద్‌ క్రికెట్‌ అసోసియేషన్‌ (హెచ్‌సీఏ) పాత్రపై విజిలెన్స్‌ విచారణ పూర్తయ్యింది. ప్రాథమిక నివేదికను విజిలెన్స్‌ ప్రభుత్వానికి పంపింది. విచారణలో సంచలన విషయాలు వెలుగు చూశాయి. టికెట్ల విషయంలో హెచ్‌సీఏ అధ్యక్షుడు సన్‌రైజర్స్‌ యాజమాన్యంపై ఒత్తిడి తెచ్చి, తీవ్ర ఇబ్బందులకు గురి చేసినట్లు నిర్ధారణ అయ్యింది. ఎస్‌ఆర్‌హెచ్‌ యాజమాన్యం పది శాతం టికెట్లు ఉచితంగా ఇస్తున్నా.. మరో పది శాతం టికెట్లు అదనంగా ఇవ్వాలని హెచ్‌సీఏ కార్యదర్శి ఒత్తిడి చేసినట్లు రుజువైంది. విజిలెన్స్‌ తమ నివేదికలో హెచ్‌సీఏపై చర్యలకు సిఫార్సు చేసింది.కాగా, అదనపు టికెట్ల కోసం హెచ్‌సీఏ ఒత్తిడి తెస్తుందని సన్‌రైజర్స్‌ యాజమాన్యం బీసీసీఐకి ఫిర్యాదు చేసింది. మరో పది శాతం టికెట్లు అదనంగా ఇచ్చే ప్రసక్తే లేదని సన్‌రైజర్స్‌ యాజమాన్యం తేల్చి చెప్పింది. ఓపెన్ మార్కెట్లో కొనుగోలు చేసుకునేందుకు అవకాశం ఇవ్వాలని హెచ్‌సీఏ అధ్యక్షుడు జగన్మోహన్ రావు డిమాండ్‌ చేశాడు. వ్యక్తిగతంగా తనకు మరో పది శాతం టికెట్లు ఇవ్వాలని ఒత్తిడి తెచ్చాడు. వ్యక్తిగతంగా టికెట్లు ఇచ్చే ప్రసక్తే లేదని సన్‌రైజర్స్‌ మేనేజ్‌మెంట్‌ తేల్చి చెప్పింది. సన్‌రైజర్స్‌ యాజమాన్యం టికెట్లు ఇవ్వకపోవడంతో మ్యాచ్‌ల సందర్భంగా జగన్మోహన్ రావు ఇబ్బందులకు గురి చేశాడు. లక్నో మ్యాచ్ సందర్భంగా వీఐపీ గ్యాలరీలకు తాళాలు వేయించాడు.

‘ప్లే ఆఫ్స్‌’ రేసు నుంచి తప్పుకున్న జట్లు... తమ ఆఖరి లీగ్‌ మ్యాచ్‌ల్లో దంచికొట్టాయి. గుజరాత్‌ టైటాన్స్‌తో పోరులో చెన్నై దుమ్మురేపి 230 పరుగులు చేస్తే... కోల్‌కతా నైట్‌రైడర్స్‌పై సన్‌రైజర్స్‌ హైదరాబాద్‌ 278 పరుగులతో విరుచుకుపడింది. అంచనాల ఒత్తిడి లేకపోవడంతో స్వేచ్ఛగా ఆడిన ఈ రెండు జట్లు విజయాలతో సీజన్‌ను ముగించాయి. గుజరాత్‌తో పోరులో చెన్నై బ్యాటర్లు కాన్వే, బ్రెవిస్‌ హాఫ్‌ సెంచరీలతో విజృంభిస్తే... నైట్‌ రైడర్స్‌ బౌలర్లను క్లాసెన్, హెడ్‌ చీల్చి చెండాడారు. సీజన్‌ ఆరంభ పోరులో రాజస్తాన్‌ రాయల్స్‌పై 286 పరుగులు చేసి అదరగొట్టిన ఆరెంజ్‌ ఆర్మీ... తమ ఆఖరి మ్యాచ్‌లో మరోసారి మూడొందలకు చేరువైంది. అభిషేక్‌ శర్మ, హెడ్‌ మెరుపులతో భారీ స్కోరుకు పునాది వేస్తే... క్లాసెన్‌ దాన్ని మరో స్థాయికి తీసుకెళ్లాడు. మధ్యలో నిలకడలేమితో పరాజయాలు మూటగట్టుకున్న ఆరెంజ్‌ ఆర్మీ... చివరి మూడు మ్యాచ్‌ల్లోనూ విజయాలు సాధించి పాయింట్ల పట్టికలో ఆరో స్థానానికి ఎగబాకింది. న్యూఢిల్లీ: విధ్వంసకర ఆటతీరుతో ఐపీఎల్‌లో భారీ స్కోర్లకు కేరాఫ్‌ అడ్రస్‌గా మారిన సన్‌రైజర్స్‌ హైదరాబాద్‌ తమ స్థాయికి తగ్గ ప్రదర్శనతో సీజన్‌కు వీడ్కోలు పలికింది. ఆదివారం జరిగిన పోరులో సన్‌రైజర్స్‌ 110 పరుగుల తేడాతో డిఫెండింగ్‌ చాంపియన్‌ కోల్‌కతా నైట్‌రైడర్స్‌ (కేకేఆర్‌)పై విజయం సాధించింది. మొదట సన్‌రైజర్స్‌ నిర్ణీత 20 ఓవర్లలో 3 వికెట్ల నష్టానికి 278 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ హెన్రిచ్‌ క్లాసెన్‌ (39 బంతుల్లో 105 నాటౌట్‌; 7 ఫోర్లు, 9 సిక్స్‌లు) అజేయ శతకంతో కదంతొక్కగా... ట్రావిస్‌ హెడ్‌ (40 బంతుల్లో 76; 6 ఫోర్లు, 6 సిక్స్‌లు) దంచికొట్టాడు. బంతి తన పరిధిలో ఉంటే చాలు దానిపై ఆకలిగొన్న సింహంలా విరుచుకుపడిన క్లాసెన్‌ 37 బంతుల్లోనే సెంచరీ పూర్తిచేసుకున్నాడు. అభిషేక్‌ శర్మ (16 బంతుల్లో 32; 4 ఫోర్లు, 2 సిక్స్‌లు), కూడా రాణించాడు. లక్ష్యఛేదనలో కోల్‌కతా నైట్‌రైడర్స్‌ 18.4 ఓవర్లలో 168 పరుగులకు ఆలౌటైంది. దంచుడే... దంచుడు మొదట బ్యాటింగ్‌కు దిగిన సన్‌రైజర్స్‌ తొలి ఓవర్‌లో 2 పరుగులకే పరిమితమైంది. ఆ తర్వాతి నుంచి వెనుదిరిగి చూసుకోని రైజర్స్‌... ఫోర్లు, సిక్స్‌లతో మైదానాన్ని మోతెక్కించింది. రెండో ఓవర్‌లో హెడ్‌ సిక్స్‌తో ఖాతా తెరవగా... అభిషేక్‌ రెండు ఫోర్లు బాదాడు. మూడో ఓవర్‌లో 6, 4, 2, 6 బాదిన హెడ్‌... నాలుగో ఓవర్‌లో మరో మూడు ఫోర్లు కొట్టాడు. నోర్జే ఓవర్‌లో అభిషేక్‌ 2 ఫోర్లతో చెలరేగడంతో పవర్‌ప్లే ముగిసేసరికి రైజర్స్‌ 79 పరుగులు చేసింది. నరైన్‌ ఓవర్‌లో రెండు సిక్స్‌లు కొట్టిన అభిషేక్‌... మరో షాట్‌ ఆడే ప్రయత్నంలో ఔట్‌ కాగా... క్లాసెన్‌ రాకతో విధ్వంసం మరో స్థాయికి చేరింది. ఒకవైపు హెడ్, మరోవైపు క్లాసెన్‌ బౌలర్‌తో సంబంధం లేకుండా భారీ షాట్లతో విరుచుకుపడటంతో... 10 ఓవర్లు ముగిసేసరికి ఆరెంజ్‌ ఆర్మీ 139/1తో నలిచింది. ఈ క్రమంలో హెడ్‌ 26 బంతుల్లో అర్ధశతకం పూర్తి చేసుకోగా... హర్షిత్‌ ఓవర్‌లో 4, 6, ,6తో క్లాసెన్‌ 17 బంతుల్లోనే హాఫ్‌సెంచరీ అందుకున్నాడు. హెడ్‌ను ఔట్‌ చేయడం ద్వారా నరైన్‌ ఈ జోడీని విడదీయగా ... ఇషాన్‌ కిషన్‌ వేగంగా ఆడలేకపోయాడు. నరైన్‌ ఓవర్‌లో 2 సిక్స్‌లు కొట్టిన క్లాసెన్‌... వరుణ్‌కు అదే శిక్ష వేసి సెంచరీకి సమీపించాడు. రసెల్‌ ఓవర్‌లో 6, 4 కొట్టిన క్లాసెన్‌... అరోరా బౌలింగ్‌లో రెండు పరుగులు తీసి 37 బంతుల్లో సెంచరీ పూర్తి చేసుకున్నాడు. స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ (సి) రింకూ (బి) నరైన్‌ 32; హెడ్‌ (సి) రసెల్‌ (బి) నరైన్‌ 76; క్లాసెన్‌ (నాటౌట్‌) 105; ఇషాన్‌ కిషన్‌ (సి) నోర్జే (బి) వైభవ్‌ 29; అనికేత్‌ (నాటౌట్‌) 12; ఎక్స్‌ట్రాలు 24; మొత్తం (20 ఓవర్లలో 3 వికెట్లకు) 278. వికెట్ల పతనం: 1–92, 2–175, 3–158. బౌలింగ్‌: వైభవ్‌ అరోరా 4–0–39–1; నోర్జే 4–0–60–0; హర్షిత్‌ రాణా 3–0–40–0; నరైన్‌ 4–0–42–2; వరుణ్‌ చక్రవర్తి 3–0–54–0; రసెల్‌ 2–0–34–0. కోల్‌కతా నైట్‌రైడర్స్‌ ఇన్నింగ్స్‌: డికాక్‌ (సి) మనోహర్‌ (బి) మలింగ 9; నరైన్‌ (బి) ఉనాద్కట్‌ 31; రహానే (సి) అభిషేక్‌ (బి) ఉనాద్కట్‌ 15; రఘువంశీ (సి) నితీశ్‌ (బి) మలింగ 14; రింకూ (సి) నితీశ్‌ (బి) హర్ష్ దూబే 9; రసెల్‌ (ఎల్బీ) (బి) హర్ష్ దూబే 0; మనీశ్‌ పాండే (సి) మనోహర్‌ (బి) ఉనాద్కట్‌ 37; రమణ్‌దీప్‌ (బి) హర్ష్ దూబే 13; హర్షిత్‌ (సి అండ్‌ బి) మలింగ 34; వైభవ్‌ అరోరా (రనౌట్‌) 0; నోర్జే (నాటౌట్‌) 0; ఎక్స్‌ట్రాలు 6; మొత్తం (18.4 ఓవర్లలో ఆలౌట్‌) 168. వికెట్ల పతనం: 1–37, 2–55, 3–61, 4–70, 5–70, 6–95, 7–110, 8–162, 9–162, 10–168. బౌలింగ్‌: కమిన్స్‌ 2–0–25–0; ఉనాద్కట్‌ 4–0–24–3; హర్షల్‌ 2–0–21–0; ఇషాన్‌ మలింగ 3.4–0– 31–3; హర్ష్ దూబే 4–0–34–3; నితీశ్‌ రెడ్డి 1–0–6–0; అభిషేక్‌ 2–0–25–0. 278/3 ఐపీఎల్‌లో ఇది మూడో అత్యధిక స్కోరు. తొలి రెండు స్థానాల్లోనూ సన్‌రైజర్స్‌ జట్టే ఉంది. 2024లో బెంగళూరుపై 287/5 స్కోరు చేసిన హైదరాబాద్‌... ఈ ఏడాది తమ తొలి మ్యాచ్‌లో రాజస్తాన్‌పై 286/5 పరుగులు చేసింది. 37 సెంచరీకి క్లాసెన్‌ తీసుకున్న బంతులు. ఐపీఎల్‌లో ఇది మూడో వేగవంతమైన శతకం. క్రిస్‌ గేల్‌ (30 బంతుల్లో), వైభవ్‌ సూర్యవంశీ (35 బంతుల్లో), యూసుఫ్‌ పఠాన్‌ (37 బంతుల్లో) తొలి మూడు స్థానాల్లో ఉన్నారు. అహ్మదాబాద్‌: ఐపీఎల్‌ 18వ సీజన్‌ను చెన్నై సూపర్‌ కింగ్స్‌ జట్టు విజయంతో ముగించింది. పాయింట్ల పట్టికలో చివరిదైన పదో స్థానంలో నిలిచిన ధోనీ బృందం... ఆదివారం తమ చివరి లీగ్‌ మ్యాచ్‌లో 83 పరుగుల తేడాతో గుజరాత్‌ టైటాన్స్‌పై గెలుపొందింది. మొదట చెన్నై నిర్ణీత 20 ఓవర్లలో 5 వికెట్ల నష్టానికి 230 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ డెవాల్డ్‌ బ్రెవిస్‌ (23 బంతుల్లో 57; 4 ఫోర్లు, 5 సిక్స్‌లు), కాన్వే (35 బంతుల్లో 52; 6 ఫోర్లు, 2 సిక్స్‌లు) అర్ధశతకాలతో ఆకట్టుకున్నారు. ఆయుశ్‌ మాత్రే (17 బంతుల్లో 34; 3 ఫోర్లు, 3 సిక్స్‌లు), ఉర్విల్‌ పటేల్‌ (19 బంతుల్లో 37; 4 ఫోర్లు, 2 సిక్స్‌లు) ధాటిగా ఆడారు. అర్షద్‌ ఖాన్‌ వెసిన రెండో ఓవర్‌లో ఆయుశ్‌ చెలరేగి వరుసగా 2, 6, 6, 4, 4, 6తో 28 పరుగులు రాబట్టాడు. క్రీజులో అడుగుపెట్టిన ప్రతీ బ్యాటర్‌ దంచికొట్టడమే పనిగా పెట్టుకోవడంతో చెన్నై భారీ స్కోరు చేయగలిగింది. అనంతరం లక్ష్యఛేదనలో గుజరాత్‌ 18.3 ఓవర్లలో 147 పరుగులకు ఆలౌటైంది. భారత టెస్టు జట్టులో చోటు దక్కించుకున్న సాయి సుదర్శన్‌ (28 బంతుల్లో 41; 6 ఫోర్లు) టాప్‌ స్కోరర్‌ కాగా... మిగిలిన వాళ్లు ఆకట్టుకోలేకపోయారు. చెన్నై బౌలర్లలో అన్షుల్‌ కంబోజ్, నూర్‌ అహ్మద్‌ చెరో 3 వికెట్లు తీశారు. ఈ మ్యాచ్‌తో ధోని ఐపీఎల్‌కు వీడ్కోలు పలుకుతాడని జోరుగా చర్చ సాగగా... మహీ తనకు అలవాటైన రీతిలో ‘వేచి చూద్దాం’ అని ముక్తాయించాడు. సంక్షిప్త స్కోర్లుచెన్నై సూపర్‌ కింగ్స్‌ ఇన్నింగ్స్‌: 230/5 (20 ఓవర్లలో) (ఆయుశ్‌ 34; కాన్వే 52; ఉర్విల్‌ 37; బ్రెవిస్‌ 57, ప్రసిధ్‌ కృష్ణ 2/22) గుజరాత్‌ టైటాన్స్‌: 147 ఆలౌట్‌ (18.3 ఓవర్లలో) (సాయి సుదర్శన్‌ 41; అర్షద్‌ ఖాన్‌ 20, అన్షుల్‌ కంబోజ్‌ 3/13, నూర్‌ అహ్మద్‌ 3/21, జడేజా 2/17).ఐపీఎల్‌లో నేడుముంబై X పంజాబ్‌వేదిక: జైపూర్‌ రాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో

లక్నో: ‘ప్లే ఆఫ్స్‌’కు దూరమైన అనంతరం సన్‌రైజర్స్‌ హైదరాబాద్‌ జట్టు ఆల్‌రౌండ్‌ ప్రదర్శనతో అదరగొడుతోంది. గత మ్యాచ్‌లో లక్నో సూపర్‌ జెయింట్స్‌ ‘ప్లే ఆఫ్స్‌’ ఆశలపై నీళ్లుచల్లిన రైజర్స్‌... శుక్రవారం రాయల్‌ చాలెంజర్స్‌ బెంగళూరు (ఆర్‌సీబీ)ని మరింత ముందుకు వెళ్లకుండా అడ్డుకట్ట వేసింది. శుక్రవారం జరిగిన పోరులో సన్‌రైజర్స్‌ 42 పరుగుల తేడాతో బెంగళూరుపై గెలుపొందింది. మొదట సన్‌రైజర్స్‌ 20 ఓవర్లలో 6 వికెట్ల నష్టానికి 231 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ ఇషాన్‌ కిషన్‌ (48 బంతుల్లో 94 నాటౌట్‌; 7 ఫోర్లు, 5 సిక్స్‌లు) దంచికొట్టగా... అభిషేక్‌ శర్మ (17 బంతుల్లో 34; 3 ఫోర్లు, 3 సిక్స్‌లు), హెన్రిచ్‌ క్లాసెన్‌ (13 బంతుల్లో 24; 2 ఫోర్లు, 2 సిక్స్‌లు), అనికేత్‌ వర్మ (9 బంతుల్లో 26; 1 ఫోర్, 3 సిక్స్‌లు) మెరుపులు మెరిపించారు. అనంతరం లక్ష్యఛేదనలో బెంగళూరు 19.5 ఓవర్లలో 189 పరుగులకు ఆలౌటైంది. ఫిల్‌ సాల్ట్‌ (32 బంతుల్లో 62; 4 ఫోర్లు, 5 సిక్స్‌లు), విరాట్‌ కోహ్లి (25 బంతుల్లో 43; 7 ఫోర్లు, 1 సిక్స్‌) ఆరంభంలో భయపెట్టినా... చివర్లో ఒత్తిడి పెంచిన రైజర్స్‌ ఫలితం రాబట్టింది. సన్‌రైజర్స్‌ కెపె్టన్‌ కమిన్స్‌ మూడు వికెట్లు పడగొట్టాడు. ఆరంభం నుంచే దంచుడు... ఎలాంటి ఒత్తిడి లేకుండా బరిలోకి దిగిన సన్‌రైజర్స్‌ ఆరంభం నుంచే దూకుడుగా ఆడింది. రెండో ఓవర్‌లో హెడ్‌ ఫోర్‌తో ఖాతా తెరవగా... భువనేశ్వర్‌ వేసిన రెండో ఓవర్‌లో హెడ్‌ ఫోర్, అభిషేక్‌ 4, 6 బాదారు. మూడో ఓవర్‌లోనూ అభిషేక్‌ 4, 6 దంచగా... నాలుగో ఓవర్‌లో ఈ జోడీ 4, 6, 4 కొట్టింది. వీరిద్దరూ మూడు బంతుల వ్యవధిలో అవుట్‌ కాగా... పవర్‌ప్లే ముగిసేసరికి రైజర్స్‌ 71/2తో నిలిచింది. క్లాసెన్‌ ఉన్నంతసేపు మెరుపులు మెరిపించగా... ఇషాన్‌ కిషన్‌ నిలకడ కనబర్చాడు. సుయాశ్‌ శర్మ వేసిన 11వ ఓవర్‌లో అనికేత్‌ 6, 4, 6 కొట్టి కాసేపటికే ఔట్‌ కాగా... ఆంధ్రప్రదేశ్‌ ఆల్‌రౌండర్‌ నితీశ్‌ రెడ్డి (4) ప్రభావం చూపలేకపోయాడు. అభినవ్‌ మనోహర్‌ (12) కూడా ఎక్కువసేపు నిలవలేకపోగా... ఆఖర్లో బాదే బాధ్యత ఇషాన్‌ భుజాలకెత్తుకున్నాడు. 28 బంతుల్లో హాఫ్‌సెంచరీ పూర్తి చేసుకున్న కిషన్‌... చివర్లో మరింత వేగం పెంచి సెంచరీకి 6 పరుగుల దూరంలో నిలిచిపోయాడు. ఓపెనర్లు మినహా... పాయింట్ల పట్టికలో తొలి రెండు స్థానాల్లో నిలవడమే లక్ష్యంగా బరిలోకి దిగిన బెంగళూరు... భారీ లక్ష్యం కళ్ల ముందు కనిపిస్తున్నా ఏమాత్రం వెరవలేదు. తొలి రెండు ఓవర్లలో ఒక్కో ఫోర్‌ కొట్టిన కోహ్లి, మూడో ఓవర్‌లో రెండు ఫోర్లు దంచాడు. నాలుగో ఓవర్‌ వేసిన హర్షల్‌కు అదే శిక్ష వేశాడు. కోహ్లి 7 ఫోర్లు కొట్టేవరకు ఒక్క బౌండ్రీ బాదలేకపోయిన సాల్ట్‌ ఆ తర్వాత జూలు విదిల్చాడు. దీంతో పవర్‌ప్లే ముగిసేసరికి చాలెంజర్స్‌ 72/0తో నలిచింది. తొలి వికెట్‌కు 80 పరుగులు జోడించిన అనంతరం విరాట్‌ అవుట్‌ కాగా... పడిక్కల్‌ స్థానంలో జట్టులోకి వచ్చిన మయాంక్‌ అగర్వాల్‌ (11) ఎక్కువసేపు నిలవలేకపోయాడు. 27 బంతుల్లో అర్ధశతకం పూర్తి చేసుకున్న సాల్ట్‌ కాసేపటికి వెనుదిరగగా... జితేశ్‌ శర్మ, రజత్‌ పాటీదార్‌ జోరు కొనసాగించారు. దీంతో 14 ఓవర్లు ముగిసేసరికి బెంగళూరు 163/3తో నిలిచింది. విజయానికి 36 బంతుల్లో 69 పరుగులు అవసరమైన దశలో... బెంగళూరు బ్యాటర్లు తడబడటంతో పరాజయం తప్పలేదు. స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ (సి) సాల్ట్‌ (బి) ఇన్‌గిడి 34; హెడ్‌ (సి) షెఫర్డ్‌ (బి) భువనేశ్వర్‌ 17; ఇషాన్‌ కిషన్‌ (నాటౌట్‌) 94; క్లాసెన్‌ (సి) షెఫర్డ్‌ (బి) సుయాశ్‌ 24; అనికేత్‌ (సి) భువనేశ్వర్‌ (బి) కృనాల్‌ 26; నితీశ్‌ రెడ్డి (సి) కృనాల్‌ (బి) షెఫర్డ్‌ 4; అభినవ్‌ మనోహర్‌ (సి) సాల్ట్‌ (బి) షెఫర్డ్‌ 12; కమిన్స్‌ (నాటౌట్‌) 13; ఎక్స్‌ట్రాలు 7; మొత్తం (20 ఓవర్లలో 6 వికెట్లకు) 231. వికెట్ల పతనం: 1–54, 2–54, 3–102, 4–145, 5–164, 6–188. బౌలింగ్‌: యశ్‌ దయాళ్‌ 3–0–36–0; భువనేశ్వర్‌ 4–0–43–1; ఇన్‌గిడి 4–0–51–1; సుయాశ్‌ శర్మ 3–0–45–1; కృనాల్‌ పాండ్యా 4–0–38–1; షెఫర్డ్‌ 2–0–14–2. రాయల్‌ చాలెంజర్స్‌ బెంగళూరు ఇన్నింగ్స్‌: ఫిల్‌ సాల్ట్‌ (సి) హర్షల్‌ (బి) కమిన్స్‌ 62; కోహ్లి (సి) అభిషేక్‌ (బి) హర్‌‡్ష దూబే 43; మయాంక్‌ (సి) ఇషాన్‌ (బి) నితీశ్‌ 11; పాటీదార్‌ (రనౌట్‌) 18; జితేశ్‌ శర్మ (సి) అభినవ్‌ (బి) ఉనాద్కట్‌ 24; షెఫర్డ్‌ (సి అండ్‌ బి) మలింగ 0; కృనాల్‌ (హిట్‌ వికెట్‌) (బి) కమిన్స్‌ 8; టిమ్‌ డేవిడ్‌ (సి) క్లాసెన్‌ (బి) మలింగ 1; భువనేశ్వర్‌ (బి) కమిన్స్‌ 3; యశ్‌ దయాళ్‌ (సి) అభిషేక్‌ (బి) హర్షల్‌ పటేల్‌ 3; ఇన్‌గిడి (నాటౌట్‌) 0; ఎక్స్‌ట్రాలు 16; మొత్తం (19.5 ఓవర్లలో ఆలౌట్‌) 189. వికెట్ల పతనం: 1–80, 2–120, 3–129, 4–173, 5–174, 6–174, 7–179, 8–186, 9–187, 10–189.బౌలింగ్‌: కమిన్స్‌ 4–0–28–3; ఉనాద్కట్‌ 4–0–41–1; హర్షల్‌ పటేల్‌ 3.5–0–39–1; ఇషాన్‌ మలింగ 4–0–37–2; హర్‌‡్ష దూబే 2–0–20–1; నితీశ్‌ రెడ్డి 2–0–13–1. ఐపీఎల్‌లో నేడుఢిల్లీ X పంజాబ్‌వేదిక: జైపూర్‌ రాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో

ప్రస్తుత ఐపీఎల్‌ సీజన్‌లో ప్లే ఆఫ్స్‌ రేసు నుంచి ఇదివరకే నిష్క్రమించిన సన్‌రైజర్స్‌ హైదరాబాద్‌ నిన్న (మే 19) లక్నో సూపర్‌ జెయింట్స్‌తో జరిగిన మ్యాచ్‌లో ఊరట పొందే విజయం సాధించింది. ఈ గెలుపుతో సన్‌రైజర్స్‌కు ఒరిగిందేమీ లేనప్పటికీ.. లక్నో ప్లే ఆఫ్స్‌ ఆశలను మాత్రం ఆవిరి చేసింది. ఈ మ్యాచ్‌లో ఓటమితో లక్నో ప్లే ఆఫ్స్‌ రేసు నుంచి అధికారికంగా నిష్క్రమించింది.చరిత్ర సృష్టించిన సన్‌రైజర్స్‌ లక్నోలోని ఎకానా స్టేడియం వేదికగా ఎల్‌ఎస్‌జీతో జరిగిన మ్యాచ్‌లో 6 వికెట్ల తేడాతో గెలుపొందిన సన్‌రైజర్స్‌ సరికొత్త చరిత్ర సృష్టించింది. ఐపీఎల్‌ చరిత్రలో ఈ స్టేడియంలో అత్యధిక లక్ష్యాన్ని ఛేదించిన జట్టుగా రికార్డు నెలకొల్పింది. ఈ మ్యాచ్‌లో సన్‌రైజర్స్‌ లక్నో నిర్దేశించిన 206 పరుగుల లక్ష్యాన్ని మరో 10 బంతులు మిగిలుండగానే ఛేదించింది. ఈ స్టేడియంలో 200కు పైగా లక్ష్యాన్ని ఛేదించడం ఇదే మొదటిసారి (నాలుగు ప్రయత్నాల్లో).మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌ చేసిన లక్నో సూపర్‌ జెయింట్స్‌.. ఓపెనర్లు మిచెల్‌ మార్ష్‌ (65), ఎయిడెన్‌ మార్క్రమ్‌ (61) అర్ద సెంచరీలతో రాణించడంతో నిర్ణీత 20 ఓవర్లలో 7 వికెట్ల నష్టానికి 205 పరుగులు చేసింది. లక్నో ఇన్నింగ్స్‌లో పూరన్‌ (26 బంతుల్లో 45) మెరుపు ఇన్నింగ్స్‌ ఆడగా.. రిషబ్‌ పంత్‌ (7) తన వైఫల్యాల పరంపరను కొనసాగించాడు. మిగతా బ్యాటర్లలో ఆయుశ్‌ బదోని 3, అబ్దుల్‌ సమద్‌ 3, శార్దూల్‌ ఠాకూర్‌ 4, ఆకాశ్‌దీప్‌ (6 నాటౌట్‌) పరుగులు చేశారు.ఓపెనర్లు అందించిన శుభారంభానికి ఈ మ్యాచ్‌లో లక్నో ఇంకాస్త భారీ స్కోర్‌ సాధించి ఉండాల్సింది. అయితే చివరి ఓవర్లలో లక్నో బ్యాటర్లు తడబడ్డారు. వేగంగా పరుగులు సాధించే క్రమంలో వికెట్లు కోల్పోయారు. నితీశ్‌ రెడ్డి వేసిన చివరి ఓవర్‌లో లక్నో మూడు వికెట్లు (2 రనౌట్లు) కోల్పోయింది. సన్‌రైజర్స్‌ బౌలర్లలో ఎషాన్‌ మలింగ 2, నితీశ్‌ రెడ్డి, హర్షల్‌ పటేల్‌, హర్ష్‌ దూబే తలో వికెట్‌ పడగొట్టారు.అనంతరం భారీ లక్ష్య ఛేదనకు దిగిన సన్‌రైజర్స్‌ 18.2 ఓవర్లలో 4 వికెట్లు కోల్పోయి విజయతీరాలకు చేరింది. అభిషేక్‌ శర్మ తన సహజ శైలిలో ఊచకోత (20 బంతుల్లో 59; 4 ఫోర్లు, 6 సిక్సర్లు) కోసి సన్‌రైజర్స్‌ గెలుపుకు బలమైన పునాది వేశాడు. మధ్యలో ఇషాన్‌ కిషన్‌ (35), క్లాసెన్‌ (47), కమిందు మెండిస్‌ (32 రిటైర్డ్‌ హర్ట్‌) బాధ్యతాయుతమైన ఇన్నింగ్స్‌లు ఆడగా.. అనికేత్‌ వర్మ (5 నాటౌట్‌), నితీశ్‌ రెడ్డి (5 నాటౌట్‌) మ్యాచ్‌లను లాంఛనంగా ముగించారు. లక్నో బౌలర్లలో దిగ్వేశ్‌ రాఠీ 2, విలియమ్‌ ఓరూర్కీ, శార్దూల్‌ ఠాకూర్‌ తలో వికెట్‌ పడగొట్టారు. సన్‌రైజర్స్‌ ఇన్నింగ్స్‌ సందర్భంగా గొడవ పడిన అభిషేక్‌, దిగ్వేశ్‌ మ్యాచ్‌ పూర్తయ్యాక ఒకరికొకరు షేక్‌ హ్యాండ్‌ ఇచ్చుకున్నారు. రాజీవ్‌ శుక్లా ఈ ఇద్దరి మధ్య రాజీ కుదిర్చాడు.

లక్నో: ఈ ఐపీఎల్‌ సీజన్‌లో సన్‌రైజర్స్‌ హైదరాబాద్‌ ఆట ఇదివరకే ముగిసింది. తాజాగా లక్నో సూపర్‌ జెయింట్స్‌పై గెలిచి వారి ‘ప్లే ఆఫ్స్‌’ ఆశల్ని కూడా ముంచింది. సోమవారం జరిగిన లీగ్‌ మ్యాచ్‌లో సన్‌రైజర్స్‌ 6 వికెట్ల తేడాతో లక్నోపై జయభేరి మోగించింది. ముందుగా లక్నో నిరీ్ణత 20 ఓవర్లలో 7 వికెట్ల నష్టానికి 205 పరుగులు చేసింది. మిచెల్‌ మార్ష్ (39 బంతుల్లో 65; 6 ఫోర్లు, 4 సిక్స్‌లు), మార్క్‌రమ్‌ (38 బంతుల్లో 61; 4 ఫోర్లు, 4 సిక్స్‌లు), పూరన్‌ (26 బంతుల్లో 45; 6 ఫోర్లు, 1 సిక్స్‌) దంచేశారు. ఇషాన్‌ మలింగకు 2 వికెట్లు దక్కాయి. తర్వాత సన్‌రైజర్స్‌ 18.2 ఓవర్లలో 4 వికెట్లు కోల్పోయి 206 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ అభిషేక్‌ శర్మ (20 బంతుల్లో 59; 4 ఫోర్లు, 6 సిక్స్‌లు), క్లాసెన్‌ (28 బంతుల్లో 47; 4 ఫోర్లు, 1 సిక్స్‌) చెలరేగారు. దిగ్వేశ్‌ రాఠి 2 వికెట్లు తీశాడు. సెంచరీ భాగస్వామ్యం మిచెల్‌ మార్ష్ దూకుడుతో లక్నో ఆట మొదలైంది. కమిన్స్‌ తొలి బంతికి 4, నాలుగో బంతికి 6 కొట్టాడు. ఇదే జోరుతో హర్ష్ దూబే రెండో ఓవర్లో మార్ష్ మరో సిక్స్‌ బాదాడు. మూడో ఓవర్లో బౌండరీతో మార్క్‌రమ్‌ టచ్‌లోకి వచ్చాడు. నాలుగో ఓవర్‌ తొలి బంతికే మార్క్‌రమ్‌ అవుటవ్వాల్సింది. క్రీజు వదిలి ఆడిన అతన్ని ఇషాన్‌ కిషన్‌ స్టంపౌట్‌ చేయలేకపోయాడు. ఇలా బతికిపోయిన మార్క్‌రమ్‌ 6, 4లతో రెచి్చపోయాడు. దీంతో ఆ ఓవర్లో 17 పరుగులు వచ్చాయి. మార్ష్ దంచే పనిలో ముందున్నాడు. హర్షల్, ఇషాన్‌ మలింగ ఓవర్లలో భారీ సిక్సర్లతో విరుచుకుపడ్డాడు. దీంతో ఓపెనింగ్‌ జోడీ పవర్‌ప్లేలో 69 పరుగులు చేసింది. కాసేపటికే మార్ష్ 28 బంతుల్లో అర్ధసెంచరీ సాధించాడు. 9వ ఓవర్లో మార్క్‌రమ్‌కు మరోమారు లైఫ్‌ వచి్చంది. జీషాన్‌ బౌలింగ్‌లో ఇచ్చిన సులువైన క్యాచ్‌ను డీప్‌ ఎక్స్‌ట్రా కవర్‌లో అనికేత్‌ వదిలేశాడు. దీంతో అదే ఓవర్లో లక్నో 100 పరుగులు దాటింది. తర్వాత ఎట్టకేలకు మార్ష్ వికెట్‌ తీసిన హర్ష్ దూబే 115 పరుగుల తొలి వికెట్‌ భాగస్వామ్యానికి తెరదించాడు. లక్నో కెపె్టన్‌ రిషభ్‌ పంత్‌ (7) ఎక్కువసేపు నిలువలేదు. ఇషాన్‌ రిటర్న్‌ క్యాచ్‌తో పెవిలియన్‌ చేరాడు. రెండు లైఫ్‌లను సది్వనియోగం చేసుకున్న మార్క్‌రమ్‌ 28 బంతుల్లో ఫిఫ్టీని పూర్తి చేసుకున్నాడు. పూరన్‌ మధ్యలో పడిపోయిన రన్‌రేట్‌ పెంచేందుకు బ్యాట్‌ ఝుళిపించాడు. హర్షల్‌ 16వ ఓవర్లో సిక్స్‌ బాదిన మార్క్‌రమ్‌ అదే ఓవర్లో బౌల్డయ్యాడు. నితీశ్‌ వేసిన ఇన్నింగ్స్‌ ఆఖరి ఓవర్లో భారీ సిక్సర్‌ బాదిన పూరన్‌తో పాటు శార్దుల్‌ (4)కూడా రనౌటయ్యారు. సమద్‌ (3)ను బౌల్డ్‌ చేయగా... ఆకాశ్‌ దీప్‌ (6) సిక్స్‌తో జట్టు స్కోరు 200 దాటింది. 20వ ఓవర్లో నితీశ్‌ 20 పరుగులిచ్చాడు. అభిషేక్‌ అదరహో రెండు ఓవర్లలో సన్‌రైజర్స్‌ స్కోరు 23/1. అప్పటికి అభిషేక్‌ ఒక పరుగే చేశాడు. ఆకాశ్‌దీప్‌ మూడో ఓవర్‌ నుంచి అతని విధ్వంసం మొదలైంది. 4, 6 బాదిన అభిషేక్‌ తర్వాతి రూర్కే ఓవర్లోనూ దీన్ని రిపీట్‌ చేశాడు. దీంతో 3.3 ఓవర్లోనే జట్టు స్కోరు 50కి చేరింది. అవేశ్‌ ఖాన్‌ బౌలింగ్‌కు దిగితే వరుస బౌండరీలతో జోరు కనబరచడంతో పవర్‌ప్లేలో హైదరాబాద్‌ 72/1 స్కోరు చేసింది. ఆ తర్వాత ఓవర్‌ వేసిన రవి బిష్ణోయ్‌కి అభిషేక్‌ చుక్కలు చూపించాడు. 6, 6, 6, 6లతో 26 పరుగులు రాబట్టాడు. మూడో సిక్స్‌ బాదేసరికే 18 బంతుల్లో అతని ఫిఫ్టీ పూర్తయ్యింది. మరుసటి ఓవర్లో అభిషేక్‌ జోరుకు దిగ్వేశ్‌ రాఠి బ్రేక్‌ వేశాడు. ఈ సందర్భంగా రాఠి, అభిషేక్‌ మాటామాట పెంచుకున్నారు. అంపైర్లు సముదాయించి పంపారు. 35 బంతుల్లోనే 82 పరుగుల ధనాధన్‌ రెండో వికెట్‌ భాగస్వామ్యానికి తెరపడింది. తర్వాత ఇషాన్‌ కిషన్‌ (28 బంతుల్లో 35; 3 ఫోర్లు, 2 సిక్స్‌లు), క్లాసెన్‌లు ధాటిని కొనసాగించడంతో సన్‌రైజర్స్‌ లక్ష్యంవైపు దూసుకెళ్లింది. కిషన్‌ అవుటయ్యాక ‘దంచే’పనిని క్లాసెన్, కమిందు మెండిస్‌ (21 బంతుల్లో 32 రిటైర్డ్‌హర్ట్‌; 3 ఫోర్లు) చక్కబెట్టారు. స్వల్ప వ్యవధిలో ఇద్దరు పెవిలియన్‌కు చేరినా... మిగతా లాంఛనాన్ని అనికేత్‌ (5 నాటౌట్‌), నితీశ్‌ రెడ్డి (5 నాటౌట్‌) పూర్తి చేశారు. స్కోరు వివరాలు లక్నో సూపర్‌ జెయింట్స్‌ ఇన్నింగ్స్‌: మార్ష్ (సి) మలింగ (బి) హర్ష్ 65; మార్క్‌రమ్‌ (బి) హర్షల్‌ 61; పంత్‌ (సి అండ్‌ బి) మలింగ 7; పూరన్‌ (రనౌట్‌) 45; బదోని (సి) నితీశ్‌ (బి) మలింగ 3; సమద్‌ (బి) నితీశ్‌ 3; శార్దుల్‌ (రనౌట్‌) 4; బిష్ణోయ్‌ (నాటౌట్‌) 0; ఆకాశ్‌దీప్‌ (నాటౌట్‌) 6; ఎక్స్‌ట్రాలు 11; మొత్తం (20 ఓవర్లలో 7 వికెట్లకు) 205. వికెట్ల పతనం: 1–115, 2–124, 3–159, 4–169, 5–194, 6–199, 7–199. బౌలింగ్‌: కమిన్స్‌ 4–0–34–0, హర్ష్ దూబే 4–0–44–1, హర్షల్‌ పటేల్‌ 4–0–49–1, ఇషాన్‌ మలింగ 4–0–28–2, జీషాన్‌ అన్సారి 2–0–22–0, నితీశ్‌ 2–0–28–1. సన్‌రైజర్స్‌ హైదరాబాద్‌ ఇన్నింగ్స్‌: అథర్వ తైడే (సి) దిగ్వేశ్‌ (బి) రూర్కే 13; అభిషేక్‌ (సి) శార్దుల్‌ (బి) దిగ్వేశ్‌ 59; కిషన్‌ (బి) దిగ్వేశ్‌ 35; క్లాసెన్‌ (సి) పంత్‌ (బి) శార్దుల్‌ 47; కమిందు (రిటైర్డ్‌హర్ట్‌) 32; అనికేత్‌ (నాటౌట్‌) 5; నితీశ్‌ రెడ్డి (నాటౌట్‌) 5; ఎక్స్‌ట్రాలు 10; మొత్తం (18.2 ఓవర్లలో 4 వికెట్లకు) 206. వికెట్ల పతనం: 1–17, 2–99, 3–140, 4–195. బౌలింగ్‌: ఆకాశ్‌దీప్‌ 3–0–33–0, రూర్కే 2.2–0–31–1, దిగ్వేశ్‌ రాఠి 4–0–37–2, అవేశ్‌ ఖాన్‌ 3–0–25–0, రవి బిష్ణోయ్‌ 1–0–26–0, మార్క్‌రమ్‌ 1–0–14–0, శార్దుల్‌ 4–0–39–1.

IPL 2025 LSG vs DC Live Updates:ల‌క్నోను చిత్తు చేసిన ఎస్ఆర్‌హెచ్‌..ఏక్నా స్టేడియం వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన కీల‌క మ్యాచ్‌లో 6 వికెట్ల తేడాతో ల‌క్నో సూప‌ర్ జెయింట్స్ ఓట‌మి పాలైంది. దీంతో ఈ ఏడాది సీజ‌న్ ప్లే ఆఫ్స్ రేసు నుంచి ల‌క్నో నిష్క్ర‌మించింది. 206 ప‌రుగుల ల‌క్ష్యాన్ని స‌న్‌రైజ‌ర్స్ హైద‌రాబాద్ కేవ‌లం నాలుగు వికెట్లు మాత్ర‌మే కోల్పోయి 18.2 ఓవ‌ర్ల‌లో చేధించింది. ఎస్ఆర్‌హెచ్ బ్యాట‌ర్ల‌లో అభిషేక్ శ‌ర్మ‌(20 బంతుల్లో 4 ఫోర్లు, 6 సిక్స్‌ల‌తో 59) విధ్వంస‌క‌ర హాఫ్ సెంచ‌రీతో చెల‌రేగ‌గా.. క్లాసెన్‌(47), ఇషాన్ కిష‌న్‌(35), మెండిస్‌(32) కీల‌క ఇన్నింగ్స్‌లు ఆడారు. ల‌క్నో బౌల‌ర్ల‌లో దిగ్వేష్ సింగ్ రెండు, విలియం ఓ రూర్క్, శార్ధూల్‌ ఠాకూర్‌ ఓ వికెట్ సాధించారు.16 ఓవ‌ర్ల‌కు ఎస్ఆర్‌హెచ్ స్కోర్‌: 179/316 ఓవ‌ర్ల‌కు ఎస్ఆర్‌హెచ్ 3 వికెట్ల న‌ష్టానికి 179 ప‌రుగులు చేసింది. స‌న్‌రైజ‌ర్స్ విజ‌యానికి 24 బంతుల్లో 27 ప‌రుగులు కావాలి.ఎస్ఆర్‌హెచ్ మూడో వికెట్ డౌన్‌ఇషాన్ కిష‌న్(35) రూపంలో స‌న్‌రైజ‌ర్స్ మూడో వికెట్ కోల్పోయింది. దిగ్వేష్ సింగ్ బౌలింగ్‌లో క్లీన్ బౌల్డ‌య్యాడు.ఎస్‌ఆర్‌హెచ్‌ రెండో వికెట్‌ డౌన్‌..అభిషేక్ శ‌ర్మ రూపంలో ఎస్ఆర్‌హెచ్ రెండో వికెట్ కోల్పోయింది. 59 ప‌రుగులు చేసిన అభిషేక్ శ‌ర్మ‌.. దిగ్వేష్ సింగ్ రాఠీ బౌలింగ్‌లో ఔట‌య్యాడు. 9 ఓవ‌ర్ల‌కు స‌న్ రైజ‌ర్స్ స్కోర్‌: 117/2అభిషేక్ శ‌ర్మ ఫిప్టీల‌క్నో సూప‌ర్ జెయింట్స్‌తో జ‌రుగుతున్న మ్యాచ్‌లో అభిషేక్ శ‌ర్మ దూకుడుగా ఆడుతున్నాడు. కేవ‌లం 18 బంతుల్లో హాఫ్ సెంచ‌రీ సాధించాడు. 6వ ఓవ‌ర్ వేసిన ర‌వి బిష్ణోయ్ బౌలింగ్‌లో అభిషేక్ వ‌రుస‌గా నాలుగు సిక్స్‌లు బాదాడు. అభిషేక్ 59 ప‌రుగులతో త‌న బ్యాటింగ్‌ను కొన‌సాగిస్తున్నాడు. 7 ఓవ‌ర్లు ముగిసే స‌రికి స‌న్‌రైజ‌ర్స్ వికెట్ న‌ష్టానికి 98 ప‌రుగులు చేసింది.దూకుడుగా ఆడుతున్న అభిషేక్‌, కిష‌న్‌..4 ఓవ‌ర్లు ముగిసే స‌రికి ల‌క్నో సూప‌ర్ జెయింట్స్ వికెట్ న‌ష్టానికి 52 ప‌రుగులు చేసింది. క్రీజులో అభిషేక్ శర్మ‌(23), ఇషాన్ కిష‌న్‌(11) ఉన్నారు.ఎస్ఆర్‌హెచ్ తొలి వికెట్ డౌన్‌..206 ప‌రుగుల భారీ ల‌క్ష్యంతో బ‌రిలోకి దిగిన ఎస్ఆర్‌హెచ్ తొలి వికెట్ కోల్పోయింది. 13 ప‌రుగులు చేసిన ఆధ‌ర్వ తైడే.. విలియం ఓరూర్క్ బౌలింగ్‌లో ఔట‌య్యాడు. 2 ఓవర్లకు సన్‌రైజర్స్‌ స్కోర్‌: 23/1చెలరేగిన లక్నో బ్యాటర్లు..ఐపీఎల్‌-2025లో ఏక్నా స్టేడియం వేదిక‌గా స‌న్‌రైజ‌ర్స్ హైద‌రాబాద్‌తో జ‌రుగుతున్న మ్యాచ్‌లో ల‌క్నో సూప‌ర్ జెయింట్స్ బ్యాట‌ర్లు జూలు విధిల్చారు. టాస్ ఓడి బ్యాటింగ్‌కు దిగిన ల‌క్నో నిర్ణీత 20 ఓవ‌ర్ల‌లో 7 వికెట్ల న‌ష్టానికి 205 ప‌రుగుల భారీ స్కోర్ చేసింది.ల‌క్నో బ్యాట‌ర్ల‌లో మిచెల్ మార్ష్‌(39 బంతుల్లో 6 ఫోర్లు 4 సిక్స్‌ల‌తో 65), మార్‌క్ర‌మ్‌(38 బంతుల్లో 4 ఫోర్లు, 4 సిక్స్‌ల‌తో 61) హాఫ్ సెంచ‌రీలతో రాణించ‌గా.. నికోల‌స్ పూరన్‌(26 బంతుల్లో 6 ఫోర్లు, ఒక సిక్స‌ర్‌తో 45) మెరుపులు మెరిపించాడు. ఎస్ఆర్‌హెచ్ బౌల‌ర్ల‌లో ఇషాన్ మ‌లింగ రెండు వికెట్లు ప‌డ‌గొట్ట‌గా.. దూబే, హ‌ర్ష‌ల్ ప‌టేల్‌, నితీష్ కుమార్ రెడ్డి త‌లా వికెట్ సాధించారు.లక్నో మూడో వికెట్‌ డౌన్‌..ఐడైన్‌ మార్‌క్రమ్‌ రూపంలో లక్నో మూడో వికెట్‌ కోల్పోయింది. 61 పరుగులు చేసిన మార్‌క్రమ్‌.. హర్షల్‌ పటేల్‌ బౌలింగ్‌లో క్లీన్‌ బౌల్డయ్యాడు. 17 ఓవర్లు ముగిసే సరికి లక్నో.. 3 వికెట్ల నష్టానికి 168 పరుగులు చేసింది.15 ఓవ‌ర్ల‌కు ల‌క్నో స్కోర్‌: 146/215 ఓవ‌ర్లు ముగిసే స‌రికి ల‌క్నో సూప‌ర్ జెయింట్స్ రెండు వికెట్ల న‌ష్టానికి 150 ప‌రుగులు చేసింది. క్రీజులో మార్‌క్ర‌మ్‌(53), నికోల‌స్ పూర‌న్‌(16) ఉన్నారు.ల‌క్నో రెండో వికెట్ డౌన్‌..రిష‌బ్ పంత్ రూపంలో ల‌క్నో సూప‌ర్ జెయింట్స్ రెండో వికెట్ కోల్పోయింది. 7 ప‌రుగులు చేసిన పంత్‌.. ఇషాన్ మ‌లింగ బౌలింగ్‌లో పెవిలియ‌న్‌కు చేరాడు. 12 ఓవ‌ర్ల‌కు ల‌క్నో రెండు వికెట్ల న‌ష్టానికి 124 ప‌రుగులు చేసింది. క్రీజులో ఐడైన్ మార‌క్ర‌మ్‌(49), రిష‌బ్ పంత్‌(7) ఉన్నారు.ల‌క్నో తొలి వికెట్ డౌన్.. మార్ష్ ఔట్‌మిచెల్ మార్ష్ రూపంలో ల‌క్నో తొలి వికెట్ కోల్పోయింది. 65 ప‌రుగులు చేసిన మార్ష్‌.. హ‌ర్ష్ దూబే బౌలింగ్‌లో ఔట‌య్యాడు. 11 ఓవ‌ర్లు ముగిసే స‌రికి ల‌క్నో వికెట్ న‌ష్టానికి 118 ప‌రుగులు చేసింది. క్రీజులో రిష‌బ్ పంత్‌(2), మార్‌క్ర‌మ్‌(48) ఉన్నారు.6 ఓవర్లకు లక్నో స్కోర్‌: 69/06 ఓవర్లు ముగిసే సరికి లక్నో వికెట్ నష్టపోకుండా 69 పరుగులు చేసింది. క్రీజులో మార్‌క్రమ్‌(26), మార్ష్‌(41) ఉన్నారు.దూకుడుగా ఆడుతున్న మార్ష్‌..టాస్ ఓడి బ్యాటింగ్‌కు దిగిన లక్నో సూపర్ జెయింట్స్ దూకుడుగా ఆడుతోంది. 2 ఓవర్లు ముగిసే సరికి లక్నో వికెట్ నష్టపోకుండా 19 పరుగులు చేసింది. క్రీజులో మార్ష్‌(18), మార్‌క్రమ్‌(1) ఉన్నారు.ఐపీఎల్‌-2025లో భాగంగా ఏక్నా స్టేడియం వేదిక‌గా స‌న్‌రైజ‌ర్స్ హైద‌రాబాద్‌, ల‌క్నో సూప‌ర్ జెయింట్స్ జ‌ట్లు త‌ల‌ప‌డతున్నాయి. ఈ మ్యాచ్‌లో టాస్ గెలిచిన ఎస్ఆర్‌హెచ్ తొలుత బౌలింగ్ ఎంచుకుంది. ఎస్ఆర్‌హెచ్‌తో మ్యాచ్ ల‌క్నోకు చాలా కీల‌కం. ప్లే ఆఫ్స్ రేసులో నిల‌వాలంటే ఈ మ్యాచ్‌లో పంత్ టీమ్ త‌ప్ప‌క గెల‌వాల్సిందే. మ‌రోవైపు ఇప్ప‌టికే ప్లే ఆఫ్స్ రేసు నుంచి నిష్క్ర‌మించిన ఆరెంజ్ ఆర్మీ.. త‌మ ఆఖ‌రి మ్యాచ్‌లలో గెలిచి ప‌రువు నెల‌బెట్టుకోవాల‌ని భావిస్తోంది. ఈ మ్యాచ్‌కు ఎస్‌ఆర్‌హెచ్‌ స్టార్‌ ప్లేయర్‌ ట్రావిస్‌ హెడ్‌ కరోనా కారణంగా దూరమయ్యాడు.తుది జట్లులక్నో సూపర్ జెయింట్స్ (ప్లేయింగ్ XI): మిచెల్ మార్ష్, ఐడెన్ మార్క్రామ్, నికోలస్ పూరన్, రిషబ్ పంత్(కెప్టెన్‌), ఆయుష్ బదోని, అబ్దుల్ సమద్, ఆకాష్ దీప్, అవేష్ ఖాన్, రవి బిష్ణోయ్, దిగ్వేష్ సింగ్ రాఠీ, విలియం ఒరూర్కేసన్‌రైజర్స్ హైదరాబాద్ (ప్లేయింగ్ XI): అభిషేక్ శర్మ, ఇషాన్ కిషన్(వికెట్ కీపర్‌), నితీష్ కుమార్ రెడ్డి, హెన్రిచ్ క్లాసెన్, అనికేత్ వర్మ, కమిందు మెండిస్, పాట్ కమిన్స్(కెప్టెన్‌), హర్షల్ పటేల్, హర్ష్ దూబే, జీషన్ అన్సారీ, ఎషాన్ మలింగ

లక్నో: ఇండియన్‌ ప్రీమియర్‌ లీగ్‌ (ఐపీఎల్‌) టి20 టోర్నమెంట్‌ 18వ సీజన్‌లో సన్‌రైజర్స్‌ హైదరాబాద్‌ (ఎస్‌ఆర్‌హెచ్‌) జట్టు నామమాత్రమైన పోరుకు సిద్ధమైంది. సోమవారం లక్నో సూపర్‌ జెయింట్స్‌ (ఎల్‌ఎస్‌జీ)తో రైజర్స్‌ తలపడనుంది. ఇప్పటికే ‘ప్లే ఆఫ్స్‌’ రేసు నుంచి తప్పుకున్న గత సీజన్‌ రన్నరప్‌ సన్‌రైజర్స్‌... మెరుగైన స్థానంతో ఈ సీజన్‌కు ముగింపు పలకాలని భావిస్తోంటే... పడుతూ లేస్తూ సాగుతున్న లక్నో జట్టు మిగిలిన మూడు మ్యాచ్‌ల్లోనూ విజయం సాధించాలని తహతహలాడుతోంది. రిషభ్‌ పంత్‌ సారథ్యంలోని లక్నో జట్టు గత ఐదు మ్యాచ్‌ల్లో నాలుగింట ఓడింది. ఈ నేపథ్యంలో తెగించి పోరాడేందుకు రెడీ అవుతోంది. పేలవ ప్రదర్శనతో విమర్శలు ఎదుర్కొంటున్న లక్నో సారథి పంత్‌పై తీవ్ర ఒత్తిడి నెలకొంది. అనుకోని విరామం తర్వాతైనా పంత్‌ విజృంభిస్తాడా చూడాలి. ఈ సీజన్‌లో 11 మ్యాచ్‌లాడిన లక్నో 5 విజయాలు, 6 పరాజయాలతో 10 పాయింట్లతో ఉంది. మరోవైపు ‘ఆరెంజ్‌ ఆర్మీ’ 11 మ్యాచ్‌ల్లో 3 విజయాలు, 7 ఓటములు, ఒక మ్యాచ్‌లో ఫలితం తేలకపోవడంతో 7 పాయింట్లతో ఉంది. బౌలింగ్‌ మెరుగైతేనే! తొలి మ్యాచ్‌లో భారీ స్కోరు చేసి ప్రత్యర్థులను హడలెత్తించిన సన్‌రైజర్స్‌ ఆ తర్వాత అదే జోరు కొనసాగించడంలో విఫలమైంది. అటు బ్యాటింగ్, ఇటు బౌలింగ్‌లో ఏమాత్రం ప్రభావం చూపలేక పరాజయాలతో సహవాసం చేసింది. ఇప్పటికే రేసు నుంచి తప్పుకున్న కమిన్స్‌ బృందం... ఇక మిగిలిన మూడు మ్యాచ్‌ల్లో అయినా కాస్త మెరుగైన ప్రదర్శన చేయాలని భావిస్తోంది. గతేడాది ‘ఎమర్జింగ్‌ ప్లేయర్‌’ అవార్డు గెలుచుకున్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డి ఈసారి పేలవ ప్రదర్శన చేస్తుంటే... తొలి మ్యాచ్‌లో సెంచరీ చేసిన ఇషాన్‌ కిషన్‌ ఆ తర్వాత జట్టుకే భారంగా మారాడు. అభిషేక్‌ శర్మ అడపాదడపా మెరుపులు తప్ప నిలకడలేమితో ఇబ్బంది పడుతుంటే... సీజన్‌లో కాస్త మెరుగైన ప్రదర్శన చేసిన ట్రావిస్‌ హెడ్‌ కోవిడ్‌–19 సోకడంతో ఈ మ్యాచ్‌కు అందుబాటులో లేకుండా పోయాడు. దీంతో అభిషేక్‌తో కలిసి ఇషాన్‌ ఇన్నింగ్స్‌ను ఆరంభించనుండగా... సచిన్‌ బేబీకి తుది జట్టులో చోటు దక్కనుంది. మిడిలార్డర్‌లో క్లాసెన్, నితీశ్, అనికేత్, మెండిస్‌ కీలకం కానున్నారు. ఇక ఈ సీజన్‌లో లయ దొరకబుచ్చుకోలేక ఇబ్బంది పడుతున్న టీమిండియా పేసర్‌ మొహమ్మద్‌ షమీతో పాటు కమిన్స్, ఉనాద్కట్‌ బౌలింగ్‌లో మెరుగుపడాల్సిన అవసరముంది. పంత్‌పైనే అందరి చూపు పది రోజుల విరామం తర్వాత బరిలోకి దిగుతున్న లక్నో జట్టు పంత్‌పై భారీ ఆశలు పెట్టుకుంది. ఈ సీజన్‌లో 10 ఇన్నింగ్స్‌ల్లో ఆరుసార్లు సింగిల్‌ డిజిట్‌కే పరిమితమైన పంత్‌... 12.8 సగటుతో 128 పరుగులు చేశాడు. కనీసం 100 బంతులు ఎదుర్కొన్న వారిలో పంత్‌దే అతితక్కువ సగటు, స్ట్రయిక్‌ రేట్‌. ఈ గణాంకాలు చాలు ఈ సీజన్‌లో పంత్‌ ఎంతలా తడబడుతున్నాడో అర్థం చేసుకునేందుకు. ఢిల్లీ క్యాపిటల్స్‌తో మ్యాచ్‌లో అయితే అబ్దుల్‌ సమద్, ఆయుశ్‌ బదోనీ తర్వాత ఏడో స్థానంలో బ్యాటింగ్‌కు వచ్చాడు. భారత టెస్టు జట్టు కెప్టెన్సీ రేసులో ముందు వరసలో ఉన్న పంత్‌ ఈ మ్యాచ్‌లోనైనా చెలరేగుతాడా చూడాలి. మార్క్‌రమ్, మార్‌‡్ష, పూరన్, మిల్లర్‌ రూపంలో నలుగురు భీకర బ్యాటర్లు లక్నోకు అందుబాటులో ఉండగా... మిల్లర్‌ ఫామ్‌లేమీ మేనేజ్‌మెంట్‌ను ఇబ్బంది పెడుతోంది. బౌలింగ్‌లో లక్నో తీవ్రంగా ఇబ్బందులు ఎదుర్కొంటోంది. ఆరంభంలో మెరిపించిన శార్దుల్‌ ఠాకూర్‌ ప్రభావం చూపలేకపోతుండగా... మయాంక్‌ యాదవ్‌ గాయాలతో సతమతమవుతున్నాడు. విఘ్నేశ్‌ రాఠీ, ప్రిన్స్‌ యాదవ్, అవేశ్‌ ఖాన్‌ కలసి కట్టుగా కదంతొక్కాల్సిన అవసరముంది. తుది జట్లు (అంచనా) లక్నో సూపర్‌ జెయింట్స్‌: పంత్‌ (కెప్టెన్‌), మార్క్‌రమ్, మార్‌‡్ష, పూరన్, బదోని, మిల్లర్, సమద్, రవి బిష్ణోయ్, శార్దుల్‌ ఠాకూర్, విగ్నేశ్‌ రాఠీ, ప్రిన్స్‌ యాదవ్, అవేశ్‌ ఖాన్‌. సన్‌రైజర్స్‌ హైదరాబాద్‌: కమిన్స్‌ (కెప్టెన్‌), ఇషాన్‌ కిషన్, అభిషేక్‌ శర్మ, సచిన్‌ బేబీ, క్లాసెన్, నితీశ్‌ రెడ్డి, అనికేత్‌ వర్మ, కమిందు మెండిస్, ఉనాద్కట్, హర్శల్‌ పటేల్, షమీ, జీషాన్‌ అన్సారీ.

ఐపీఎల్‌లో గత ఏడాది రన్నరప్‌గా నిలిచిన సన్‌రైజర్స్‌ హైదరాబాద్‌... ఈ సీజన్‌లో ఆడిన మొదటి మ్యాచ్‌లో రాజస్తాన్‌ రాయల్స్‌పై సునామీలా విరుచుకుపడింది. 20 ఓవర్లలో 286 పరుగులతో ప్రత్యర్థులకు హెచ్చరికలు పంపుతూ... గత సీజన్‌ జోరును కొనసాగించింది. ఇప్పటికే హిట్టర్లతో బలంగా ఉన్న రైజర్స్‌కు ప్యాకెట్‌ డైనమైట్‌ ఇషాన్‌ కిషన్‌ తోడవడంతో... ఆ దూకుడు మరింత పెరిగింది. ట్రావిస్‌ హెడ్, అభిషేక్‌ శర్మ, నితీశ్‌ కుమార్‌ రెడ్డి, హెన్రిచ్‌ క్లాసెన్‌ అనికేత్‌ వర్మ ఇలా ఒకటి నుంచి ఏడో స్థానం వరకు అందరూ దంచే వాళ్లే ఉండటంతో... ఈ సీజన్‌లో ఆరెంజ్‌ ఆర్మీ కప్పు కొట్టడం ఖాయమనే అంచనాలు పెరిగిపోయాయి!అయితే వాటిని అందుకోవడంలో పూర్తిగా విఫలమైన సన్‌రైజర్స్‌ అంతకంతకూ నాసిరకమైన ఆటతో పాయింట్ల పట్టికలో అట్టడుగు స్థానం కోసం పోటీ పడటం ప్రారంభించింది. తొలి పోరు అనంతరం ఆడిన 7 మ్యాచ్‌ల్లో కేవలం ఒక్కదాంట్లోనే గెలిచి... ప్లే ఆఫ్స్‌ రేసుకు దూరమైంది. భారీ ఆశలు పెట్టుకున్న హిట్టర్లు ఘోరంగా విఫలమవగా... కెప్టెన్‌ కమిన్స్‌ సహా బౌలర్లు ఏమాత్రం ప్రభావం చూపలేకపోయారు. ఫలితంగా జట్టు పరిస్థితి మరింత దిగజారింది. ఇప్పటి వరకు ఐపీఎల్‌ ట్రోఫీ నెగ్గని జట్లు ఈ సీజన్‌లో మెరుగైన ప్రదర్శన చేస్తుంటే... మాజీ చాంపియన్‌ రైజర్స్‌ మాత్రం తిరోగమనం బాటపట్టింది. ఈ సీజన్‌లో రైజర్స్‌ వైఫల్యానికి కారణాలు పరిశీలిస్తే...–సాక్షి, క్రీడావిభాగం‘మా ఆటగాళ్లు మంచి టచ్‌లో ఉన్నారు. వాళ్లకు బౌలింగ్‌ చేయాలంటే నాకే భయంగా ఉంది. బంతి మీద ఏమాత్రం దయ లేకుండా విరుచుకుపడుతున్నారు. నెట్స్‌లో వాళ్లకు బంతులేయడం కూడా కష్టమే’... ఇండియన్‌ ప్రీమియర్‌ లీగ్‌ (ఐపీఎల్‌) 18వ సీజన్‌ తొలి మ్యాచ్‌ ఆడిన అనంతరం సన్‌రైజర్స్‌ హైదరాబాద్‌ (ఎస్‌ఆర్‌హెచ్‌) కెపె్టన్‌ కమిన్స్‌ అన్న మాటలివి. అప్పటికే ‘300 లోడింగ్‌’ అనే మాట విస్తృత ప్రచారం కాగా... రైజర్స్‌ జోరు చూస్తే అదేమంత కష్టం కాదనిపించింది. క్రీజులోకి అడుగుపెట్టిన ప్రతి ఆటగాడు ధనాధన్‌ బాదుడే లక్ష్యంగా దూసుకెళ్తుంటే ఆరెంజ్‌ ఆర్మీ చరిత్ర సృష్టించడం ఖాయమనిపించింది. మార్చి 23న హైదరాబాద్‌ వేదికగా రాజస్తాన్‌ రాయల్స్‌తో ఆడిన తొలి మ్యాచ్‌లో రైజర్స్‌ 20 ఓవర్లలో 6 వికెట్ల నష్టానికి 286 పరుగులు చేసింది. ముంబై నుంచి రైజర్స్‌ గూటికి చేరిన ఇషాన్‌ కిషన్‌ (47 బంతుల్లో 106; 11 ఫోర్లు, 6 సిక్స్‌లు) తొలి పోరులోనే సెంచరీతో ఆకట్టుకున్నాడు. హెడ్‌ హాఫ్‌ సెంచరీ బాదగా... టాప్‌–5 ఆటగాళ్లంతా 200 పైచిలుకు స్ట్రయిక్‌రేట్‌తో పరుగులు రాబట్టారు. ఛేదనలో రాయల్స్‌ పోరాడినా రైజర్స్‌ సునాయాసంగా గెలుపొందింది. దీంతో ఆరెంజ్‌ ఆర్మీ హాట్‌ ఫేవరెట్‌గా మారిపోయింది. నిలకడ కొనసాగించలేక... ఉప్పల్‌ వేదికగానే జరిగిన రెండో మ్యాచ్‌లో హైదరాబాద్‌కు ఓటమి ఎదురైంది. గత సీజన్‌లో లక్నో సూపర్‌ జెయింట్స్‌పై రికార్డు విజయం సాధించిన రైజర్స్‌... ఈ సారి 190 పరుగులు చేసినా దాన్ని కాపాడుకోలేకపోయింది. అయినా ఒక్క ఓటమే కదా అని అభిమానులు పెద్దగా ఆలోచించలేదు. విశాఖపట్నం వేదికగా ఢిల్లీతో జరిగిన మూడో పోరులో మనవాళ్ల డొల్లతనం బయట పడింది. హిట్టర్లంతా విఫలమవడంతో ఒక దశలో 37 పరుగులకే 4 వికెట్లు కోల్పోయింది. కొత్త కుర్రాడు అనికేత్‌ సిక్సర్లతో రెచ్చిపోవడంతో కాస్త పరువు నిలబెట్టుకున్నా... మ్యాచ్‌లో మాత్రం పరాజయం తప్పలేదు. ఇక కోల్‌కతాతో పోరులో అయితే 201 పరుగుల లక్ష్యఛేదనలో 16.4 ఓవర్లలో 120 పరుగులకే జట్టు ఆలౌటైంది. ఒక్కరంటే ఒక్కరూ కాస్త పోరాడే ప్రయత్నం చేయలేదు. ఈ పరంపర ఇలాగే కొనసాగుతూ గుజరాత్‌ చేతిలోనూ చెత్తగా ఓడింది. దీంతో పెంచుకున్న ఆశలన్నీ పేకమేడలా కూలిపోగా... వాస్తవ పరిస్థితి అభిమానులకు సైతం అర్థం అయింది. అభిషేక్‌ సెంచరీతో ఊపు... జట్టంతా నిరాశలో కూరుకుపోయిన దశలో అభిషేక్‌ శర్మ తిరిగి ఆరెంజ్‌ ఆర్మీలో జవసత్వాలు నింపాడు. ఇక ముందంజ వేయడం కష్టమే అనుకుంటున్న సమయంలో ఉప్పల్‌ వేదికగా పంజాబ్‌తో జరిగిన పోరులో అభి ‘షేక్‌’ ఆడించాడు. మొదట పంజాబ్‌ 245 పరుగులు చేయగా... భారీ లక్ష్యఛేదనలో హైదరాబాద్‌ అదరక బెదరక ఎదురు నిలిచింది. వరుస వైఫల్యాలతో తీవ్ర విమర్శలు ఎదుర్కొన్న యువ ఓపెనర్‌ అభిషేక్‌ శర్మ ఈ మ్యాచ్‌లో 55 బంతుల్లోనే 141 పరుగులతో ఉప్పల్‌ స్టేడియాన్ని హోరెత్తించాడు. సెంచరీ అనంతరం అతడు జేబులో నుంచి ఓ కాగితం తీసి చూపడం హైలైట్‌గా నిలిచింది. ‘ఇది ఆరెంజ్‌ ఆర్మీ కోసం’ అనే ఆ అక్షరాలతో ఒక్కసారిగా జట్టులో నూతనోత్తేజం కనిపించింది. అభిషేక్‌తో పాటు హెడ్‌ కూడా ధడధడ లాడించడంతో సన్‌రైజర్స్‌ మరో 9 బంతులు మిగిలుండగానే కొండంత లక్ష్యాన్ని ఛేదించింది. సమస్యలన్నీ తీరినట్లే... తిరిగి విజయాల బాటపడతాం అని కెపె్టన్‌ విశ్వాసం వ్యక్తం చేయగా... ఇదే దూకుడు కొనసాగించాలని అభిమానులు ఆశించారు. మళ్లీ అదే తీరు... పంజాబ్‌పై గెలుపుతో వచ్చిన ఉత్సాహాన్ని రైజర్స్‌ కొనసాగించలేకపోయింది. తదుపరి ముంబైతో వరుసగా జరిగిన రెండు మ్యాచ్‌ల్లోనూ రైజర్స్‌ పరాజయం పాలైంది. వాంఖడేలో ఓ మాదిరి పోరాటం అయినా కనబర్చిన కమిన్స్‌ సేన... ఉప్పల్‌లో అయితే అప్పనంగా మ్యాచ్‌ను ప్రత్యర్థి చేతుల్లో పెట్టింది. ఈ సీజన్‌లో చెత్త ప్రదర్శన చేస్తున్న చెన్నైపై గెలిచిన హైదరాబాద్‌... గుజరాత్‌ చేతిలో రెండో సారి కూడా ఓడింది. ఉప్పల్‌లో ఢిల్లీతో మ్యాచ్‌ వర్షం కారణంగా అర్ధాంతరంగా రద్దు కావడంతో రైజర్స్‌ ప్లే ఆఫ్స్‌ ఆశలు గల్లంతు కాగా... ఇక మిగిలిన మూడు మ్యాచ్‌ల్లో ఆరెంజ్‌ ఆర్మీ ఎలాంటి ప్రదర్శన చేస్తుందో చూడాలి. గతేడాది భారీ హిట్టింగ్‌తో అదరి దృష్టి ఆకర్శించిన రైజర్స్‌... వేలంలోనే అనేక తప్పులు చేసింది. సుదీర్ఘకాలంగా ఫ్రాంఛైజీకి ప్రాతినిధ్యం వహిస్తున్న భువనేశ్వర్‌ కుమార్‌ వంటి తెలివైన బౌలర్‌తో పాటు... యార్కర్‌ కింగ్‌ నటరాజన్‌ను వదిలేసుకున్న హైదరాబాద్‌ జట్టు... భారీ ధరపెట్టి టీమిండియా పేసర్లు మొహమ్మద్‌ షమీ, హర్శల్‌ పటేల్‌ను కొనుగోలు చేసుకుంది. వీరిద్దరూ ఏమాత్రం ప్రభావం చూపలేకపోవడం జట్టుకు భారం కాగా... కమిన్స్, హెడ్, క్లాసెన్‌ కాకుండా... నాణ్యమైన నాలుగో విదేశీ ప్లేయర్‌ కూడా అందుబాటులో లేకపోవడం ఫలితాలపై పడింది. పదే పదే అవే తప్పులు...భారీ షాట్లు ఆడటమే తమ లక్ష్యం అన్నట్లు ఆడుతున్న సన్‌రైజర్స్‌ ప్లేయర్లు ప్రాథమిక సూత్రాలను సైతం మరుస్తున్నారు అనేది సుస్పష్టం. జట్టు పరిస్థితి స్కోరుబోర్డుపై గణాంకాలు చూసి షాట్ల ఎంపిక అనేది ఆటలో ప్రాథమిక నియమం. కానీ ఈ సీజన్‌లో రైజర్స్‌ ఓడిన మ్యాచ్‌లను పరిశీలిస్తే... వారు దీన్ని ఏమాత్రం పట్టించుకోవడం లేదని అర్థం అవుతోంది. ఢిల్లీతో మ్యాచ్‌లో 20 పరుగులకే 2 ప్రధాన వికెట్లు కోల్పోయిన దశలో క్రీజులోకి వచ్చిన ఆంధ్రప్రదేశ్‌ ఆల్‌రౌండర్‌ నితీశ్‌ కుమార్‌ రెడ్డి రెండో బంతికే ఓ పేలవ షాట్‌ ఆడి వెనుదిరిగాడు.ఏమాత్రం ఆసక్తి లేనట్టు నేరుగా ఫీల్డర్‌ చేతుల్లోకి బంతిని అందించి పెవిలియన్‌ బాట పట్టాడు. ఈ ఒక్క మ్యాచ్‌ అనే కాదు... చాలా సార్లు ఇదే తరహా ఆటతీరు కనిపించింది. కోల్‌కతాతో పోరులో 9 పరుగులకే 3 వికెట్లు కోల్పోయిన సమయంలో కాస్త సంయమనం చూపిన మిడిలార్డర్‌... దాన్ని ఎక్కువసేపు కొనసాగించలేక పోయింది. ఈ కోవలో ఒకటా రెండో ఎన్నో ఉదాహరణలు. ప్రయతి్నంచి విఫలం కావడం ఒక తీరు అయితే... ప్రతీసారి ఒకే విధంగా విఫలం కావడం మరో తీరు. ఈ సీజన్‌లో రైజర్స్‌ రెండో దాన్నే కొనసాగించింది. పదే పదే చెత్త షాట్‌ సెలెక్షన్‌తో మూల్యం చెల్లించుకుంది. రైజర్స్‌ తరఫున అరంగేట్ర మ్యాచ్‌ తర్వాత ఇషాన్‌ కిషన్‌ స్థాయికి తగ్గ ప్రదర్శన కనబర్చలేకపోగా... గత సీజన్‌లో ‘ఎమర్జింగ్‌ ప్లేయర్‌ ఆఫ్‌ ద టోర్నమెంట్‌’గా నిలిచిన తెలుగు కుర్రాడు నితీశ్‌ రెడ్డి... ఏమాత్రం ఆకట్టుకోలేకపోయాడు. ఆ్రస్టేలియా గడ్డపై టెస్టు సెంచరీ బాది చరిత్ర సృష్టించిన ఈ యువ ఆల్‌రౌండర్‌... ధాటిగా ఆడాలనే తపనలో బంతిని నేల మీద నుంచి కొట్టడమే మరిచినట్లు పదే పదే గాల్లోకి షాట్లు ఆడి ఔటయ్యాడు. దీంతో అతడికి తుది జట్టులో స్థానం కూడా గగనం కాగా... అభిషేక్‌ అప్పుడప్పుడు తప్ప నిలకడ లేని ఆటగాడు అనే ముద్ర వేసుకున్నాడు. హెడ్, క్లాసెన్‌ రాణించినా... వారు కూడా ప్రతీ మ్యాచ్‌లోనూ సత్తాచాటకపోవడంతో రైజర్స్‌ తీవ్ర ఇబ్బందులు ఎదుర్కొంది. ఇక బౌలింగ్‌ వైఫల్యాల గురించి ఎంత చెప్పుకున్నా తక్కువే ఈ సీజన్‌లో అత్యంత చెత్త బౌలింగ్‌ గణాంకాలు నమోదు చేసిన వారిలో రైజర్స్‌ బౌలర్లు ముందు వరుసలో నిలుస్తారు. షమీ, కమిన్స్, హర్షల్‌ పటేల్, ఉనాద్కట్, సిమర్‌జీత్‌ సింగ్‌ ఇలా ఒకరిని మించి ఒకరు పరుగులు ఇచ్చుకోవడంలో పోటీ పడ్డారు. దీంతో వికెట్లు పడగొట్టడం పక్కన పెడితే... కనీసం ప్రత్యర్థులపై ఒత్తిడి కూడా పెంచలేకపోయారు. కెప్టెన్ కమిన్స్‌ సైతం భారీగా పరుగులు ఇచ్చుకుంటుండగా... మిగిలిన జట్ల మాదిరిగా ఓ ప్రధాన స్పిన్నర్‌ లేకపోవడం రైజర్స్‌ను దెబ్బకొట్టింది. మరి ఇక ఈ సీజన్‌లో మిగిలిన మూడు మ్యాచ్‌ల్లో అయినా రైజర్స్‌ ఈ తప్పిదాలను సరిదిద్దుకొని సమష్టిగా కదంతొక్కితే కాస్త పరువైనా నిలుస్తుంది. లేదంటే గత ఏడాది పట్టికలో పై నుంచి రెండో స్థానంలో నిలిచిన హైదరాబాద్‌... ఈసారి కింది నుంచి రెండో స్థానంలో నిలవాల్సి ఉంటుంది.

ఢిల్లీ క్యాపిటల్స్‌తో మ్యాచ్‌ సందర్భంగా సన్‌రైజర్స్‌ హైదరాబాద్‌ స్టార్‌ ఇషాన్‌ కిషన్‌ (Ishan Kishan) సరికొత్త చరిత్ర సృష్టించాడు. ఐపీఎల్‌ చరిత్రలో ఇంత వరకు ఏ వికెట్‌ కీపర్‌కూ సాధ్యం కాని అరుదైన ఘనత సాధించాడు. కాగా ఐపీఎల్‌-2025 మెగా వేలానికి ముందు ముంబై ఇండియన్స్‌ ఇషాన్‌ను వదిలివేసిన విషయం తెలిసిందే.ఈ క్రమంలో సన్‌రైజర్స్‌ హైదరాబాద్‌ (SRH) రూ. 11.25 కోట్ల భారీ ధరకు అతడిని కొనుగోలు చేసింది. ఇందుకు తగ్గట్లుగానే ఈ జట్టు తరఫున తొలి మ్యాచ్‌లోనే ఇషాన్‌ ఇరగదీశాడు. వన్‌డౌన్‌లో బ్యాటింగ్‌కు వచ్చి కేవలం 47 బంతుల్లోనే 106 పరుగులతో అజేయంగా నిలిచాడు. తద్వారా రాజస్తాన్‌ రాయల్స్‌పై సన్‌రైజర్స్‌ గెలవడంలో కీలక పాత్ర పోషించి.. ప్లేయర్‌ ఆఫ్‌ ది మ్యాచ్‌గా నిలిచాడు.కానీ తర్వాత మాత్రం ఇషాన్‌ కిషన్‌ వరుసగా విఫలమయ్యాడు. ఒకానొక దశలో తుదిజట్టు నుంచి తప్పించాలన్న అభిప్రాయాలు వ్యక్తమయ్యాయి. ఇలాంటి తరుణంలో ఢిల్లీ క్యాపిటల్స్‌తో సోమవారం నాటి మ్యాచ్‌లో తొలిసారిగా అతడికి యాజమాన్యం వికెట్‌ కీపింగ్‌ బాధ్యతలు అప్పగించింది.హెన్రిచ్‌ క్లాసెన్‌ స్థానంలోహెన్రిచ్‌ క్లాసెన్‌ను బ్యాటర్‌గా రంగంలోకి దింపి.. అతడి స్థానంలో ఇషాన్‌ను తమ జట్టు వికెట్‌ కీపర్‌గా అరంగేట్రం చేయించింది. ఉప్పల్‌లో జరిగిన ఈ మ్యాచ్‌లో టాస్‌ గెలిచిన సన్‌రైజర్స్‌ బౌలింగ్‌ ఎంచుకుంది.ఈ క్రమంలో బ్యాటింగ్‌కు దిగిన ఢిల్లీ క్యాపిటల్స్‌కు ఆదిలోనే షాకుల మీద షాకులు తగిలాయి. ఓపెనర్‌ కరుణ్‌ నాయర్‌ను డకౌట్‌ చేసిన రైజర్స్‌ సారథి, స్టార్‌ పేసర్‌ ప్యాట్‌ కమిన్స్‌.. ఆ తర్వాత మరో ఓపెనర్‌ ఫాఫ్‌ డుప్లెసిస్‌ (3) వికెట్‌ తీశాడు.అనంతరం వన్‌డౌన్‌ బ్యాటర్‌ అభిషేక్‌ పోరెల్‌ (8)ను కూడా వెనక్కి పంపించాడు. ఈ ముగ్గురూ కమిన్స్‌ బౌలింగ్‌లో వికెట్‌ కీపర్‌ ఇషాన్‌ కిషన్‌కు క్యాచ్‌ ఇచ్చి దాదాపుగా ఒకే రీతిలో అవుటయ్యాడు.టాప్‌-4 బ్యాటర్ల వికెట్లలో భాగమైఆ తర్వాత జయదేవ్‌ ఉనాద్కట్‌ బౌలింగ్‌ ఢిల్లీ స్టార్‌ కేఎల్‌ రాహుల్‌ ఇచ్చిన క్యాచ్‌ను కూడా ఇషాన్‌ ఒడిసిపట్టాడు. తద్వారా ఢిల్లీ ఇన్నింగ్స్‌లో టాప్‌-4 బ్యాటర్ల వికెట్లలో భాగమై.. సరికొత్త చరిత్ర సృష్టించాడు. ఐపీఎల్‌లో ఇలా ఓ వికెట్‌ కీపర్‌ ప్రత్యర్థి జట్టుకు చెందిన నలుగురు టాప్‌ బ్యాటర్ల క్యాచ్‌ అందుకోవడం ఇదే తొలిసారి.ఇక ఓవరాల్‌గా ఐపీఎల్‌లో ఒకే ఇన్నింగ్స్‌లో నాలుగు లేదా అంతకంటే ఎక్కువ క్యాచ్‌లు అందకున్న 27వ ఆటగాడిగా ఇషాన్‌ నిలిచాడు. ఇందులోని వికెట్‌ కీపర్ల జాబితాలో అతడిది పదమూడో స్థానం కావడం గమనార్హం.ప్లే ఆఫ్స్‌ రేసు నుంచి అవుట్‌మ్యాచ్‌ విషయానికొస్తే.. టాపార్డర్‌ విఫలమైన వేళ మిడిలార్డర్‌లో కేఎల్‌ రాహుల్‌ (10), కెప్టెన్‌ అక్షర్‌ పటేల్‌ (6) కూడా నిరాశపరిచారు. అయితే ఆరు, ఎనిమిదో స్థానాల్లో వచ్చిన ట్రిస్టన్‌ స్టబ్స్‌ (41 నాటౌట్‌), అశుతోష్‌ శర్మ (41) రాణించడంతో ఢిల్లీ నిర్ణీత 20 ఓవర్లలో ఏడు వికెట్ల నష్టానికి 133 పరుగులు చేసింది.అయితే, ఢిల్లీ ఇన్నింగ్స్‌ ముగిసిన తర్వాత వర్షం పడింది. అవుట్‌ఫీల్డ్‌ మొత్తం తడిగా మారడంతో మ్యాచ్‌ కొనసాగే వీలు లేకపోవడంతో అంపైర్లు రద్దు చేస్తున్నట్లు ప్రకటించారు. దీంతో ఇరుజట్లకు చెరో పాయింట్‌ రాగా.. సన్‌రైజర్స్‌ ప్లే ఆఫ్స్‌ రేసు నుంచి అధికారికంగా నిష్క్రమించింది. మరోవైపు.. ఢిల్లీ ఆశలు మాత్రం ఇంకా సజీవంగానే ఉన్నాయి.చదవండి: ఆ ముఖంలో నవ్వే లేదు.. రహానే, కోహ్లి కావాలేమో?

సన్‌రైజర్స్‌ హైదరాబాద్‌తో మ్యాచ్‌లో ఢిల్లీ క్యాపిటల్స్‌ (SRH vs DC) అనుసరించిన వ్యూహాలను ఆస్ట్రేలియా మాజీ క్రికెటర్‌ షేన్‌ వాట్సన్‌ విమర్శించాడు.ప్లే ఆఫ్స్‌ చేరాలంటే కీలకమైన మ్యాచ్‌లోనూ ఓపెనింగ్‌ జోడీని మార్చడం తనను విస్మయానికి గురిచేసిందన్నాడు. ఢిల్లీ తీసుకున్న ఈ నిర్ణయాన్ని బుద్ధిలేని చర్యగా అభివర్ణించాడు.ఐపీఎల్‌-2025 (IPL 2025)లో ఢిల్లీ తరఫున జేక్‌ ఫ్రేజర్‌ మెగర్క్‌, అభిషేక్‌ పోరెల్‌, ఫాఫ్‌ డుప్లెసిస్‌, కేఎల్‌ రాహుల్‌ వేర్వేరు మ్యాచ్‌లలో ఓపెనర్లుగా వచ్చారు. తాజాగా సోమవారం సన్‌రైజర్స్‌తో మ్యాచ్‌ సందర్భంగా డుప్లెసిస్‌తో కలిసి కరుణ్‌ నాయర్‌ (Karun Nair) ఢిల్లీ ఇన్నింగ్స్‌ ఆరంభించాడు.బంతి పడటంతోనే క్యాపిటల్స్‌కు కష్టాలుఅయితే, బంతి పడటంతోనే క్యాపిటల్స్‌కు కష్టాలు మొదలయ్యాయి. మొదటి బంతికే కరుణ్‌ నాయర్‌ (0) డకౌట్‌ అయ్యాడు. కాసేపటికే డుప్లెసిస్‌ (3), అభిషేక్‌ పొరెల్‌ (8)లు కూడా వికెట్లను పారేసుకున్నారు. దీంతో క్యాపిటల్స్‌ 15 పరుగులకే 3 వికెట్లను కోల్పోయింది. ఈ మూడు వికెట్లూ రైజర్స్‌ కెప్టెన్‌ కమిన్స్‌ ఖాతాలోనే పడ్డాయి. క్యాచ్‌లన్నీ కీపర్‌ ఇషాన్‌ కిషన్‌ చేతికే అందాయి.ఇక ఢిల్లీ ఈ షాక్‌ నుంచి తేరుకోకముందే హర్షల్‌ పటేల్‌ మరోదెబ్బ తీశాడు. కెప్టెన్‌ అక్షర్‌ పటేల్‌ (6)ను అవుట్‌ చేశాడు. ఆఫ్‌ స్టంప్‌ మీదుగా వేసిన స్లో డెలివరీని షాట్‌ ఆడే ప్రయత్నం చేయగా అదికాస్తా కమిన్స్‌ చేతికి చిక్కింది. దీంతో పవర్‌ ప్లేలో ఢిల్లీ నాలుగో వికెట్‌ను కోల్పోయింది. అప్పటికి క్యాపిటల్స్‌ స్కోరు 26/4. ఆ తర్వాత కూడా క్యాపిటల్స్‌ పరిస్థితిలో ఏమార్పు లేదు. ఇక ఢిల్లీ అండదండా కేఎల్‌ రాహులే అనుకునేలోపే ఈ స్టార్‌ మురిపెం కూడా అంతలోనే ముగిసింది.జయదేవ్‌ ఉనాద్కట్‌ తెలివైన బంతితో ఈ విలువైన వికెట్‌ తీసి ఢిల్లీని కోలుకోకుండా చేశాడు. ఆఫ్‌ స్టంప్‌ ఆవల దూసుకొచ్చిన బంతి రాహుల్‌ (10) బ్యాట్‌ను తాకుతూ ఇషాన్‌ కిషన్‌ చేతుల్లోకి వెళ్లింది. అప్పటివరకు పెవిలియన్‌ చేరిన ఐదుగురిలో అతనొక్కడిదే రెండంకెల స్కోరు కాగా... కనీసం మూడు పదుల స్కోరైన కాకముందే (29 పరుగులకే 5) ఢిల్లీ సగం వికెట్లను కోల్పోయింది. వికెట్ల జోరులో మెరుపుల్లేని మ్యాచ్‌లో ఎట్టకేలకు పదో ఓవర్లో ఒక సిక్స్‌ నమోదైంది. స్పిన్నర్‌ జిషాన్‌ బౌలింగ్‌లో విప్రాజ్‌ నిగమ్‌ భారీ సిక్సర్‌ బాదాడు. సగం ఓవర్లు ముగిశాక గానీ 11వ ఓవర్లో జట్టు స్కోరు కష్టంగా 50 పరుగులకు చేరింది. అశుతోశ్‌ వచ్చాకే... స్టబ్స్, విప్రాజ్‌ కుదురుకునే అవకాశాన్ని కూడా సన్‌రైజర్స్‌ ఫీల్డర్లు ఇవ్వలేదు. కొద్దిసేపటికే విప్రాజ్‌ (17 బంతుల్లో 18; 1 ఫోర్, 1 సిక్స్‌) రనౌట్‌ కాగా... అశుతోష్‌ రాకతో స్కోరులో కాస్త వేగం పెరిగింది. అవతలి ఎండ్‌లో ఉన్నది హిట్టర్‌ స్టబ్సే అయినా జోరు పెంచింది మాత్రం అశుతోష్‌ మొదట్లో సింగిల్స్‌తో పరుగు... పరుగు పేర్చిన ఈ జోడీ తర్వాత ధాటిని ఆడింది. జీషాన్‌ 15వ ఓవర్లో అశుతోష్‌ రెండు భారీ సిక్సర్లతో అలరించాడు. తర్వాత హర్షల్‌ 17వ ఓవర్లో రెండు బౌండరీలు బాదాడు. స్టబ్స్‌ కూడా ఫోర్లతో వేగం అందుకోగా, డెత్‌ ఓవర్లో మరో సిక్స్‌ కొట్టిన అశుతోష్‌ ఆఖరి ఓవర్లో నిష్క్రమించాడు. ఇద్దరు కలిసి ఏడో ఓవర్‌కు 66 పరుగులు జోడించారు. ఈ జోడీ ఆడటం వల్లే ఢిల్లీ ఆలౌట్‌ నుంచి తప్పించుకుంది. నిర్ణీత 20 ఓవర్లలో ఏడు వికెట్ల నష్టానికి 133 పరుగులు చేయగలిగింది.ఢిల్లీ క్యాపిటల్స్‌ది తప్పుడు నిర్ణయంఈ నేపథ్యంలో కామెంటేటర్‌ షేన్‌ వాట్సన్‌ మాట్లాడుతూ.. ‘‘ఎప్పటికప్పుడు ఏ కారణం లేకుండా.. నచ్చినట్లుగా ఓపెనింగ్‌ జోడీని మార్చడం సరికాదు. నిజంగా ఢిల్లీ వ్యూహం చూసి నేను ఆశ్చర్యపోయా.కరుణ్‌ నాయర్‌ ఫాఫ్‌ డుప్లెసిస్‌తో కలిసి ఓపెనింగ్‌కు రావడం చూసి నాకు మతిపోయినంత పనైంది. ఇదొక చెత్త నిర్ణయం. ఢిల్లీ శిబిరం ఏం ఆలోచించి ఇలా చేసిందో గానీ.. ఇదైతే తప్పుడు నిర్ణయం.ఇలా చేయడం వల్ల జట్టులో ఎవరి పాత్ర ఏమిటన్నది ఆటగాళ్లకే తెలియకుండా పోతుంది. ఇలాంటి చర్యల వల్ల వాళ్లు కూడా అభద్రతాభావంలో కూరుకుపోతారు’’ అని స్టార్‌ స్పోర్ట్స్‌ షోలో తన అభిప్రాయంం పంచుకున్నాడు.ఇదిలా ఉంటే.. ఢిల్లీ ఇన్నింగ్స్‌ ముగిసిన తర్వాత ఎడతెరిపిలేని వర్షం వల్ల మ్యాచ్‌ రద్దై పో​యింది. దీంతో ఢిల్లీకి అదృష్టం కలిసి రాగా.. సన్‌రైజర్స్‌ ప్లే ఆఫ్స్‌ రేసు నుంచి అధికారికంగా నిష్క్రమించింది. మ్యాచ్‌ రద్దు కావడం వల్ల ఇరుజట్లకు చెరో పాయింట్‌ రాగా.. ఢిల్లీ ప్లే ఆఫ్స్‌ ఆశలు సజీవమయ్యాయి.చదవండి: SRH Vs DC: ‘హే.. వెళ్లు.. వెళ్లు.. నువ్వు అవుట్‌’!.. కావ్యా మారన్‌ రియాక్షన్‌ వైరల్‌Wickets ✅Catch ✅Captaincy ✅Pat Cummins is producing a perfect performance for #SRH in an important clash against #DC 🔥Updates ▶ https://t.co/1MkIwk4VNE#TATAIPL | #SRHvDC | @SunRisers | @patcummins30 pic.twitter.com/SbACH0yVcJ— IndianPremierLeague (@IPL) May 5, 2025

చాలా రోజుల తర్వాత సొంతగడ్డపై మ్యాచ్‌లో సన్‌రైజర్స్‌ హైదరాబాద్‌ సత్తా చాటింది. ఐపీఎల్‌-2025 (IPL 2025)లో భాగంగా ఢిల్లీ క్యాపిటల్స్‌ (SRH vs DC)తో సోమవారం నాటి మ్యాచ్‌లో రైజర్స్‌ బౌలర్లు అదరగొట్టారు. ముఖ్యంగా కెప్టెన్‌ ప్యాట్‌ కమిన్స్‌ (Pat Cummins) పవర్‌ ప్లేలో అద్భుతమే చేశాడు.ఐపీఎల్‌ చరిత్రలోనేఉప్పల్‌ వేదికగా సాగిన ఈ మ్యాచ్‌లో ప్రమాదకర ఓపెనర్లు కరుణ్‌ నాయర్‌ (0), ఫాఫ్‌ డుప్లెసిస్‌ (3)లతో పాటు.. వన్‌డౌన్‌ బ్యాటర్‌ అభిషేక్‌ పోరెల్‌ (8)ను కూడా వచ్చీరాగానే పెవిలియన్‌కు పంపాడు. తద్వారా ఐపీఎల్‌ చరిత్రలోనే పవర్‌ ప్లేలో అత్యధిక వికెట్లు తీసిన కెప్టెన్‌గా కమిన్స్‌ నిలిచాడు.Wickets ✅Catch ✅Captaincy ✅Pat Cummins is producing a perfect performance for #SRH in an important clash against #DC 🔥Updates ▶ https://t.co/1MkIwk4VNE#TATAIPL | #SRHvDC | @SunRisers | @patcummins30 pic.twitter.com/SbACH0yVcJ— IndianPremierLeague (@IPL) May 5, 2025 స్టబ్స్‌ దంచేశాడుఇక మిగతా వాళ్లలో స్టార్‌ బ్యాటర్‌ కేఎల్‌ రాహుల్‌ (10) వికెట్‌ను జయదేవ్‌ ఉనాద్కట్‌ దక్కించుకోగా.. కెప్టెన్‌ అక్షర్‌ పటేల్‌ (6) హర్షల్‌ పటేల్‌ బౌలింగ్‌లో కమిన్స్‌కు క్యాచ్‌ ఇచ్చి వెనుదిరిగాడు.ఈ క్రమంలో ట్రిస్టన్‌ స్టబ్స్‌ (36 బంతుల్లో 41) జట్టును ఆదుకునే ప్రయత్నం చేయగా.. విప్రాజ్‌ నిగమ్ అతడికి సహకరించాడు. అయితే, ఢిల్లీ ఇన్నింగ్స్‌ 13వ ఓవర్లో బంతితో రంగంలోకి దిగిన రైజర్స్‌ స్పిన్నర్‌ జీషన్‌ అన్సారీ సంధించిన బంతిని ఆడిన స్టబ్స్‌.. విప్రాజ్‌తో కలిసి సింగిల్‌ పూర్తి చేశాడు.అయితే, మరో పరుగుకు కూడా ఆస్కారం ఉందని భావించి అందుకు ఉపక్రమించగా... విప్రాజ్‌ మాత్రం బ్యాటర్‌ ఎండ్‌లోనే ఉండిపోయాడు. ఇంతలో స్టబ్స్‌ అతడి వైపుగా పరుగు తీయగా.. బంతిని అందుకున్న ఫీల్డర్‌ అనికేత్‌ వర్మ జీషన్‌ వైపు విసిరాడు.హే.. వెళ్లు.. వెళ్లు.. నువ్వు అవుట్‌దీంతో వేగంగా స్పందించిన జీషన్‌ బౌలర్‌ ఎండ్‌ నుంచి వికెట్లను గిరాటేశాడు. అప్పటికి స్టబ్స్‌ బ్యాటర్‌ ఎండ్‌ వైపు వెళ్లగా.. విప్రాజ్‌ మాత్రం మరో ఎండ్‌కు చేరలేకపోయాడు. ఈ క్రమంలో ఎవరు పరుగు పూర్తి చేశారని థర్డ్‌ అంపైర్‌ పరిశీలించగా స్టబ్స్‌ విప్రాజ్‌ను దాటినట్లు తేలింది. దీంతో విప్రాజ్‌ మూల్యం చెల్లించకతప్పలేదు. 18 పరుగుల వ్యక్తిగత స్కోరు వద్ద రనౌట్‌గా అతడు వెనుదిరిగాడు.ఈ సందర్భంగా సన్‌రైజర్స్‌ హైదరాబాద్‌ యజమాని కావ్యా మారన్‌ ఇచ్చిన రియాక్షన్‌ వైరల్‌గా మారింది. విప్రాజ్‌ రనౌట్‌ కాగానే.. లేచి నిలబడిన ఆమె.. ‘‘హే.. వెళ్లు.. వెళ్లు.. నువ్వు అవుట్‌’’ అన్నట్లుగా ఎక్స్‌ప్రెషన్‌ ఇచ్చారు. అంతేకాదు చప్పట్లతో తమ ఆటగాళ్లను అభినందించారు.Stubbs செஞ்ச Mistake-க்கு Vipraj Wicket போய்டுச்சு😫 📺 தொடர்ந்து காணுங்கள் | Tata IPL 2025 | SRH vs DC | JioHotstar & Star Sports தமிழில் #IPLOnJioStar #IPL2025 #TATAIPL #SRHvDC pic.twitter.com/YUmHK0745k— Star Sports Tamil (@StarSportsTamil) May 5, 2025ఆశలు ఆవిరికానీ ఢిల్లీని నిర్ణీత 20 ఓవర్లలో 133 పరుగులకే పరిమితం చేశామన్న సన్‌రైజర్స్‌ ఆనందాన్ని వర్షం ఆవిరి చేసింది. ఢిల్లీ ఇన్నింగ్స్‌ ముగియగానే మొదలైన వాన.. ఉధృతం కావడంతో రైజర్స్‌ బ్యాటింగ్‌ మొదలుపెట్టకుండానే మ్యాచ్‌ రద్దైపోయింది. దీంతో ఇరుజట్లకు చెరో పాయింట్‌ రాగా.. సన్‌రైజర్స్‌ ప్లే ఆఫ్స్‌ రేసు నుంచి అధికారికంగా నిష్క్రమించింది.ఈ మ్యాచ్‌లో గెలిచి ఉంటే.. కమిన్స్‌ బృందానికి ఇంకా ఆశలు సజీవంగా ఉండేవి. ఇక ఈ మ్యాచ్‌లో స్టబ్స్‌ (41 నాటౌట్‌)తో పాటు అశుతోష్‌ శర్మ (26 బంతుల్లో 41) రాణించడంతో ఢిల్లీ ఏడు వికెట్ల నష్టానికి ఈ మాత్రం స్కోరు చేయగలిగింది. రైజర్స్‌ బౌలర్లలో కమిన్స్‌ మూడు, జయదేవ్‌ ఉనాద్కట్‌, హర్షల్‌ పటేల్‌, ఇషాన్‌ మలింగ ఒక్కో వికెట్‌ దక్కించుకున్నారు.చదవండి: IPL 2025 Playoffs Scenarios: లెక్క తేల్చిన వరుణుడు!.. సన్‌రైజర్స్‌ అవుట్‌.. మరి ఢిల్లీ రేసులోనే ఉందా?

ఆరెంజ్‌ ఆర్మీ అశలను ఆవిరి చేసే వార్త!.. హైదరాబాద్‌ ‘ప్లే ఆఫ్స్‌’ ఆశలకు హైదరాబాద్‌లోనే తెరపడింది. దీంతో ఈ ఐపీఎల్‌లో సన్‌రైజర్స్‌ ముందుకా... వెనక్కా అని ఈ నెల 18న లక్నోలో సూపర్‌జెయింట్స్‌తో జరిగే మ్యాచ్‌ వరకు నిరీక్షించాల్సిన పని లేకుండానే వరుణుడు తేల్చేశాడు. కమిన్స్‌ నిప్పులు చెరిగే బౌలింగ్‌తో మొదలైన మ్యాచ్‌పై విరామంలో నీళ్లతో నింపేశాడు. చినుకులా కురిసిన వాన... వరదలా మారింది. మైదానం మొత్తాన్ని చిత్తడి చిత్తడి చేసింది. దీంతో తెరిపినిచ్చినా... తేరుకొని ఆడే అవకాశమే లేకపోయింది. ఇక చేయాల్సిందల్లా మిగిలిపోయిన ఆ మూడు మ్యాచ్‌లు ఆడటం తప్ప గత ఏడాది రన్నరప్‌ ‘రైజర్స్‌’కు ఇంకేం మిగల్లేదు! సాక్షి, హైదరాబాద్‌: ఐపీఎల్‌ గత సీజన్‌ రన్నరప్‌ సన్‌రైజర్స్‌ హైదరాబాద్‌ ఆట ఈసారి ఇంకా మూడు మ్యాచ్‌లు మిగిలుండగానే ముగిసింది. సొంతగడ్డపై సోమవారం ఢిల్లీ క్యాపిటల్స్‌తో మ్యాచ్‌ రద్దు కావడంతో ముందుకెళ్లే మార్గాలన్నీ మూసుకుపోయాయి. ఇక మిగతా మ్యాచ్‌లను గెలిచి పాయింట్ల పట్టికలో కాస్త మెరుగైన స్థానంలో నిలవడమే మిగిలుంది. సన్‌రైజర్స్‌ మిగిలిన మూడు మ్యాచ్‌ల్లో గెలిచినా 13 పాయింట్ల వద్దే నిలిచిపోతుంది. టాప్‌–4లో నిలిచే జట్లే ‘ప్లే ఆఫ్స్‌’ దశకు చేరుతాయి. ఇప్పటికే నాలుగు జట్లు కనీసం 14 పాయింట్ల సంఖ్యను అందుకున్నాయి. ఢిల్లీతో మ్యాచ్‌లో టాస్‌ గెలిచిన సన్‌రైజర్స్‌ ఫీల్డింగ్‌ ఎంచుకోగా... ముందుగా బ్యాటింగ్‌కు దిగిన ఢిల్లీ క్యాపిటల్స్‌ నిర్ణీత 20 ఓవర్లలో 7 వికెట్ల నష్టానికి 133 పరుగులు చేసింది. అశుతోష్‌ శర్మ (26 బంతుల్లో 41; 2 ఫోర్లు, 3 సిక్స్‌లు), ట్రిస్టన్‌ స్టబ్స్‌ (36 బంతుల్లో 41 నాటౌట్‌; 4 ఫోర్లు), ధాటిగా ఆడారు. ప్యాట్‌ కమిన్స్‌ 3 వికెట్లు తీశాడు. ఇన్నింగ్స్‌ విరామానికి ఇరుజట్ల ఆటగాళ్లు వెళ్లగానే మైదానంలోకి అనుకోని అతిథిగా వచ్చిపడిన వాన స్టేడియాన్ని ముంచెత్తింది. భారీ వర్షం చాలా సేపటికి తగ్గినా... అవుట్‌ ఫీల్డ్‌ చిత్తడిగా మారడంతో చేసేదేమీ లేక అంపైర్లు మ్యాచ్‌ను రద్దు చేసి ఇరు జట్లకు చెరో పాయింట్‌ కేటాయించారు.ఢిల్లీ ప్లే ఆఫ్స్‌ అవకాశాలు ఇలా..వర్షం కారణంగా సన్‌రైజర్స్‌తో మ్యాచ్‌ రద్దు కావడంతో ఢిల్లీ ప్లే ఆఫ్స్‌ ఆశలు సజీవమయ్యాయి. ఇప్పటికి మొత్తంగా పదకొండు మ్యాచ్‌లు పూర్తి చేసుకుని ఆరు గెలిచిన ఢిల్లీ ఖాతాలో పన్నెండు పాయింట్లు ఉండగా.. మ్యాచ్‌ రద్దైనందు వల్ల నిబంధనల ప్రకారం తాజాగా మరో పాయింట్‌ అదనంగా చేరింది. దీంతో ప్రస్తుతం పదమూడు పాయింట్లతో ఢిల్లీ పట్టికలో ఐదో స్థానంలో ఉంది. నెట్‌ రన్‌రేటు (0.362) పరంగానూ మెరుగ్గానే ఉంది.ఇక లీగ్‌ దశలో ఢిల్లీకి ఇంకా మూడు మ్యాచ్‌లు మిగిలి ఉన్నాయి. పంజాబ్‌ కింగ్స్‌తో మే 8న ధర్మశాలలో, మే 11న గుజరాత్‌ టైటాన్స్‌తో ఢిల్లీలో.. అదే విధంగా వాంఖడేలో ముంబై ఇండియన్స్‌తో మే 15న అక్షర్‌ సేన తలపడాల్సి ఉంది.ఈ మూడు మ్యాచ్‌లలో గెలిస్తే పందొమ్మిది పాయింట్లతో సులువుగానే ఢిల్లీ ప్లే ఆఫ్స్‌ చేరుతుంది. రెండు గెలిస్తే 17 పాయింట్లు మాత్రమే వస్తాయి. ఇలాంటి దశలో నెట్‌ రన్‌రేటు భారీగా మెరుగుపరచుకోవాల్సి ఉంటుంది. ఒకవేళ రెండు మ్యాచ్‌లలో గనుక ఓడితే పదిహేను పాయింట్లే వస్తాయి కాబట్టి.. ఇప్పటికే పద్నాలుగేసి పాయింట్లతో ఉన్న ముంబై, గుజరాత్‌ ఒక్కో మ్యాచ్‌ గెలిస్తే టాప్‌-4కు ఈజీగానే చేరుకుంటాయి. ఇదంతా కాక.. ఢిల్లీ గనుక మూడూ ఓడిపోతే కథ కంచికే!చదవండి: IPL 2025 MI Vs GT: సమఉజ్జీల సమరంప్రస్తుత పాయింట్ల పట్టికలో టాప్‌-5 ఇలా.. PC: IPL SMACKED...and again! 🔥Ashutosh Sharma adding the much-needed fire to #DC's innings 💪Updates ▶ https://t.co/1MkIwk4VNE#TATAIPL | #SRHvDC | @DelhiCapitals pic.twitter.com/sMA3ZLKotz— IndianPremierLeague (@IPL) May 5, 2025

IPL 2025 SRH vs DC Live Updates: వ‌ర్షం కార‌ణంగా ఎస్ఆర్‌హెచ్- ఢిల్లీ మ్యాచ్ ర‌ద్దుఐపీఎల్‌-2025లో సన్‌రైజ‌ర్స్ హైద‌రాబాద్‌కు తీవ్ర నిరాశ ఎదురైంది. రాజీవ్ గాంధీ అంతర్జాతీయ స్టేడియం వేదిక‌గా ఢిల్లీ క్యాపిట‌ల్స్‌, ఎస్ఆర్‌హెచ్ మ‌ధ్య జ‌రుగుతున్న కీల‌క మ్యాచ్ వ‌ర్షం కార‌ణంగా ర‌ద్దు అయింది. దీంతో ప్లే ఆఫ్స్ రేసు నుంచి స‌న్‌రైజ‌ర్స్ నిష్క్రమించింది. ఈ మ్యాచ్‌లో ఎస్ఆర్‌హెచ్ బౌల‌ర్లు అద్బుతంగా రాణించారు. తొలుత బ్యాటింగ్ చేసిన ఢిల్లీ క్యాపిట‌ల్స్ రైజ‌ర్స్ బౌల‌ర్లు దాటికి నిర్ణీత 20 ఓవ‌ర్ల‌లో 7 వికెట్లు కోల్పోయి 133 ప‌రుగుల‌కే ప‌రిమితమైంది. దీంతో ఈ మ్యాచ్‌లో ఎస్ఆర్‌హెచ్ విజ‌యం ఖాయ‌మ‌ని అంతా భావించారు. స‌రిగ్గా ఇదే స‌మ‌యంలో వ‌రుణుడు ఎంట్రీ ఇచ్చాడు. ఢిల్లీ బ్యాటింగ్ అనంత‌రం భారీ వ‌ర్షం కురిసింది. దీంతో మైదానం ఔట్ ఫీల్డ్ చిత్త‌డిగా మారింది. వ‌ర్షం త‌గ్గుముఖం ప‌ట్టిన‌ప్ప‌టికి మైదానం సిద్దం చేసేందుకు దాదాపు గంట‌కుపైగా స‌మ‌యం ప‌ట్టే సూచ‌న‌లు క‌న్పించాయి. దీంతో అంపైర్‌లు మ్యాచ్ ర‌ద్దు చేశారు. ఈ క్ర‌మంలో ఇరు జ‌ట్లకు చెరో పాయింట్ ల‌భించింది. 13 పాయింట్ల‌తో ఢిల్లీ క్యాపిట‌ల్స్ ఆరో స్దానానికి చేరుకుంది. అయితే ఈ మ్యాచ్‌లో గెలిచి ప్లే ఆఫ్స్ రేసులో నిల‌వాల‌న్న హైద‌రాబాద్ ఆశ‌లు మాత్రం ఆడియాశ‌లు అయ్యాయి. ఇప్ప‌టివ‌ర‌కు 11 మ్యాచ్‌లు ఆడిన స‌న్‌రైజ‌ర్స్ కేవ‌లం మూడింట మాత్ర‌మే విజ‌యం సాధించి ఇంటిముఖం ప‌ట్టింది. వ‌ర్షం ఆటంకం..రాజీవ్ గాంధీ అంతర్జాతీయ స్టేడియం వేదిక‌గా ఢిల్లీ క్యాపిట‌ల్స్‌, స‌న్‌రైజ‌ర్స్ హైద‌రాబాద్ మ‌ధ్య జ‌రుగుతున్న మ్యాచ్‌కు వ‌ర్షం అంత‌రాయం క‌లిగించింది. ఢిల్లీ క్యాపిట‌ల్స్ బ్యాటింగ్ అనంత‌రం వ‌రుణుడు ఎంట్రీ ఇచ్చాడు. దీంతో ఎస్ఆర్‌హెచ్ బ్యాటింగ్ ఇంకా మొద‌లు కాలేదు.ఎస్ఆర్‌హెచ్ టార్గెట్ ఎంతంటే?ఐపీఎల్‌-2025లో ఉప్ప‌ల్ వేదిక‌గా స‌న్‌రైజ‌ర్స్ హైద‌రాబాద్‌తో జ‌రుగుతున్న మ్యాచ్‌లో ఢిల్లీ క్యాపిట‌ల్స్ నామ‌మాత్ర‌పు స్కోర్‌కే ప‌రిమిత‌మైంది. టాస్ ఓడి తొలుత బ్యాటింగ్‌కు దిగిన 7 వికెట్ల న‌ష్టానికి ఢిల్లీ 133 ప‌రుగులు చేసింది. 29 ప‌రుగుల‌కే 5 వికెట్లు కోల్పోయి క‌ష్టాల్లో ప‌డిన ఢిల్లీని స్ట‌బ్స్‌(41 నాటౌట్‌), ఆశుతోష్ శ‌ర్మ‌(41) ఆదుకున్నారు. ఎస్ఆర్‌హెచ్ బౌల‌ర్ల‌లో క‌మ్మిన్స్ మూడు, ఉన‌ద్క‌ట్‌, హ‌ర్ష‌ల్ ప‌టేల్‌, మలింగ తలా వికెట్ సాధించారు.17 ఓవ‌ర్ల‌కు ఢిల్లీ స్కోర్‌: 105/617 ఓవ‌ర్లు ముగిసే స‌రికి ఢిల్లీ క్యాపిట‌ల్స్ 6 వికెట్ల న‌ష్టానికి 105 ప‌రుగులు చేసింది. క్రీజులో అశుతోష్ శ‌ర్మ‌(30), స్ట‌బ్స్‌(26) ఉన్నారు.ఢిల్లీ ఆరో వికెట్ డౌన్‌..62 ప‌రుగుల వ‌ద్ద ఢిల్లీ ఆరో వికెట్ కోల్పోయింది. 18 ప‌రుగులు చేసిన విప్ర‌జ్ నిగ‌మ్‌.. ర‌నౌట్ రూపంలో పెవిలియ‌న్‌కు చేరాడు. క్రీజులో స్ట‌బ్స్‌(15), ఆశుతోష్(0) ఉన్నారు.పీకల్లోతు క‌ష్టాల్లో ఢిల్లీ క్యాపిట‌ల్స్‌..స‌న్‌రైజ‌ర్స్ హైద‌రాబాద్‌తో జ‌రుగుతున్న మ్యాచ్‌లో ఢిల్లీ క్యాపిట‌ల్ప్ 29 ప‌రుగుల‌కే 5 వికెట్లు కోల్పోయి పీక‌ల్లోతు క‌ష్టాల్లో ప‌డింది. నాలుగో వికెట్‌గా అక్ష‌ర్, ఐదో వికెట్‌గా కేఎల్ రాహుల్ ఔట‌య్యాడు. క‌మ్మిన్స్ మూడు, హ‌ర్షల్ ప‌టేల్ త‌లా వికెట్ సాధించారు.క‌మ్మిన్స్ ఆన్ ఫైర్‌.. క‌ష్టాల్లో ఢిల్లీఢిల్లీ క్యాపిట‌ల్స్‌తో జ‌రుగుతున్న మ్యాచ్‌లో స‌న్‌రైజ‌ర్స్ హైద‌రాబాద్ కెప్టెన్ ప్యాట్ కమ్మిన్స్ నిప్పులు చేరుగుతున్నాడు. అత‌డి బౌలింగ్ దాటికి ఢిల్లీ 15 ప‌రుగుల‌కే 3 వికెట్లు కోల్పోయి క‌ష్టాల్లో ప‌డింది. మూడో వికెట్‌గా అభిషేక్ పోరెల్ ఔట‌య్యాడు.ఢిల్లీ రెండో వికెట్ డౌన్‌..ఫాఫ్ డుప్లెసిస్‌ రూపంలో ఢిల్లీ రెండో వికెట్ కోల్పోయింది. 3 ప‌రుగులు చేసిన డుప్లెసిస్‌.. క‌మ్మిన్స్ బౌలింగ్‌లో పెవిలియ‌న్‌కు చేరాడు. 4 ఓవ‌ర్లు ముగిసే స‌రికి ఢిల్లీ రెండు వికెట్ల‌ న‌ష్టానికి 15 ప‌రుగులు చేసింది. క్రీజులో అభిషేక్ పోరెల్‌(8), రాహుల్‌(3) ఉన్నారు.ఢిల్లీ తొలి వికెట్ డౌన్‌టాస్ ఓడి బ్యాటింగ్‌కు దిగిన ఢిల్లీ క్యాపిట‌ల్స్ అదిలోనే భారీ షాక్ త‌గిలింది. ప్యాట్ క‌మ్మిన్స్ బౌలింగ్‌లో తొలి బంతికే ఔట‌య్యాడు. 2 ఓవ‌ర్లు ముగిసే స‌రికి ఢిల్లీ వికెట్ న‌ష్టానికి 6 ప‌రుగులు చేసింది.ఐపీఎల్‌-2025లో రాజీవ్ గాంధీ అంతర్జాతీయ స్టేడియం వేదిక‌గా సన్‌రైజర్స్ హైదరాబాద్‌, ఢిల్లీ క్యాపిటల్స్ జ‌ట్లు త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన ఎస్ఆర్‌హెచ్ తొలుత బౌలింగ్ ఎంచుకుంది. ఎస్ఆర్‌హెచ్ రెండు మార్పుల‌తో బ‌రిలోకి దిగింది. స‌న్‌రైజ‌ర్స్ తుది జట్టులోకి అభిన‌వ్ మ‌నోహ‌ర్‌, స‌చిన్ బేబి వ‌చ్చారు. మ‌రోవైపు ఢిల్లీ జ‌ట్టులోకి న‌ట‌రాజ‌న్ ఎంట్రీ ఇచ్చాడు.తుది జ‌ట్లుసన్‌రైజర్స్ హైదరాబాద్ (ప్లేయింగ్ XI): అభిషేక్ శర్మ, ఇషాన్ కిషన్(వికెట్ కీప‌ర్‌), సచిన్ బేబీ, హెన్రిచ్ క్లాసెన్, అనికేత్ వర్మ, అభినవ్ మనోహర్, పాట్ కమిన్స్(కెప్టెన్‌), హర్షల్ పటేల్, జయదేవ్ ఉనద్కత్, జీషన్ అన్సారీ, ఎషాన్ మలింగఢిల్లీ క్యాపిటల్స్ (ప్లేయింగ్ XI): ఫాఫ్ డు ప్లెసిస్, అభిషేక్ పోరెల్, కరుణ్ నాయర్, కేఎల్‌ రాహుల్(వికెట్ కీప‌ర్‌), అక్షర్ పటేల్(కెప్టెన్‌), ట్రిస్టన్ స్టబ్స్, విప్రజ్ నిగమ్, మిచెల్ స్టార్క్, దుష్మంత చమీరా, కుల్దీప్ యాదవ్, టి నటరాజన్

ఐపీఎల్‌-2025 (IPL 2025)లో సన్‌రైజర్స్‌ హైదరాబాద్‌ చావో రేవో తేల్చుకోవాల్సిన మ్యాచ్‌లో ఢిల్లీ క్యాపిటల్స్‌ (SRH vs DC)తో తలపడనుంది. సొంత మైదానం ఉప్పల్‌లో అక్షర్‌ సేనను కమిన్స్‌ బృందం ఢీకొట్టనుంది. ఈ మ్యాచ్‌లో గెలిస్తేనే సాంకేతికంగా రైజర్స్‌కు ప్లే ఆఫ్స్‌ ఆశలు సజీవంగా ఉంటాయి.ఒకవేళ సోమవారం నాటి మ్యాచ్‌లో గనుక ఢిల్లీ చేతిలో ఓడితే.. చెన్నై సూపర్‌ కింగ్స్‌, రాజస్తాన్‌ రాయల్స్‌ తర్వాత ఈ సీజన్‌లో ప్లే ఆఫ్స్‌ నుంచి నిష్క్రమించిన మూడో జట్టుగా సన్‌రైజర్స్‌ నిలుస్తుంది. ఈ క్రమంలో కీలక పోరు కోసం కమిన్స్‌ బృందం నెట్స్‌లో తీవ్రంగా శ్రమిస్తోంది.కేఎల్‌ రాహుల్‌ను కలిసిన బీఆఎర్‌ఎస్‌ ఎమ్మెల్యేమరోవైపు.. ఢిల్లీ జట్టు కూడా ఇప్పటికే హైదరాబాద్‌ చేరుకుని సన్‌రైజర్స్‌తో మ్యాచ్‌కు అన్ని విధాలా సన్నద్ధమైంది. ఈ క్రమంలో బీఆర్‌ఎస్‌ ఎమ్మెల్యే పాడి కౌశిక్‌ రెడ్డి.. ఢిల్లీ వికెట్‌ కీపర్‌ బ్యాటర్‌ కేఎల్‌ రాహుల్‌ను కలిశారు.ఈ సందర్భంగా తన కుమార్తె శ్రీనికను కూడా కౌశిక్‌ రెడ్డి వెంట తీసుకువెళ్లారు. ఇక రాహుల్‌ కూడా ప్రేమ పూర్వకంగా నవ్వుతూ వీరిని పలకరించాడు. అదే విధంగా.. శ్రీనిక తీసుకువచ్చిన టీ-షర్టుపై తన ఆటోగ్రాఫ్‌ కూడా ఇచ్చాడు. అంతేకాదు ముగ్గురు కలిసి సెల్ఫీ తీసుకున్నారు. అనంతరం ఫొటోలు కూడా దిగారు.ఇందుకు సంబంధించిన వీడియోను పాడి కౌశిక్‌ రెడ్డి సోషల్‌ మీడియాలో షేర్‌ చేయగా వైరల్‌ అవుతోంది. కాగా ఇంతకు ముందు.. గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌.. అదే జట్టుకు ఆడుతున్న హైదరాబాదీ పేసర్‌ మహ్మద్‌ సిరాజ్‌ను కూడా కౌశిక్‌ రెడ్డి కలిశారు.కాగా కౌశిక్‌ రెడ్డి కూడా క్రికెటర్‌ అన్న విషయం తెలిసిందే. దేశీ క్రికెట్‌లో ఆయన హైదరాబాద్‌ జట్టుకు ప్రాతినిథ్యం వహించారు. ప్రస్తుతం హుజురాబాద్‌ నియోజకవర్గం నుంచి బీఆర్‌ఎస్‌ తరఫున ఎమ్మెల్యేగా ఉన్నారు.అదరగొడుతున్న రాహుల్‌ఇదిలా ఉంటే.. ఐపీఎల్‌-2025 సీజన్‌లో కేఎల్‌ రాహుల్‌ అదరగొడుతున్నాడు. ఢిల్లీ క్యాపిటల్స్‌ తరఫున ఇప్పటికి తొమ్మిది మ్యాచ్‌లలో కలిపి 371 పరుగులు సాధించాడు. అత్యధిక స్కోరు 93 నాటౌట్‌. ఇక ఢిల్లీ జట్టు పది మ్యాచ్‌లు పూర్తి చేసుకుని ఆరింట గెలిచి పట్టికలో ఐదో స్థానంలో కొనసాగుతోంది. కాగా తన భార్య అతియా శెట్టి తమ తొలి సంతానం ఇవారాకు జన్మనిచ్చిన నేపథ్యంలో రాహుల్‌ సీజన్‌లో తొలి మ్యాచ్‌కు దూరమయ్యాడు.చదవండి: IPL 2025: ఈ పంత్‌ మనకొద్దు, పీకి పడేయండి సార్‌..! Had a great time with KL Rahul. I absolutely loved his outfit colour...PINK PERFECT 🩷@KLRAHUL@Kaushik @Shrinika@Cricket@PinkVibes pic.twitter.com/NI6Faiq5dD— Padi Kaushik Reddy (@KaushikReddyBRS) May 5, 2025

ప్రస్తుత ఐపీఎల్‌ సీజన్‌లో నిష్క్రమణకు అంచుల్లో ఉన్న సన్‌రైజర్స్‌ హైదరాబాద్‌.. ఇవాళ (మే 5) ఢిల్లీ క్యాపిటల్స్‌తో జరుగబోయే డు ఆర్‌ డై మ్యాచ్‌కు ముందు కీలక ప్రకటన చేసింది. గాయపడిన స్మరణ్‌ రవిచంద్రన్‌ స్థానంలో విదర్భ లెఫ్డ్‌ ఆర్మ్‌ బౌలింగ్‌ ఆల్‌రౌండర్‌ హర్ష్‌ దూబేను జట్టులోకి తీసుకుంది. హర్ష్‌ను బేస్‌ ధర రూ. 30 లక్షలకు సొంతం చేసుకుంది. కొద్ది రోజుల ముందే స్మరణ్‌ ఆసీస్‌ స్పిన్నర్‌ ఆడమ్‌ జంపాకు ప్రత్యామ్నాయంగా జట్టులోకి వచ్చాడు. స్మరణ్‌ ఒక్క మ్యాచ్‌ కూడా ఆడకుండానే గాయంతో సీజన్‌ మొత్తానికి దూరమయ్యాడు. అంతకుముందు జంపా రెండు మ్యాచ్‌లు ఆడి ప్రాక్టీస్‌ సందర్భంగా గాయపడ్డాడు.Harsh Dubey joins the squad as a replacement for Smaran, who is ruled out due to injury.#PlayWithFire pic.twitter.com/Bd4vnLanGF— SunRisers Hyderabad (@SunRisers) May 5, 2025ఎవరీ హర్ష్‌ దూబే..?పూణేలో జన్మించి, విదర్భ తరఫున దేశవాలీ క్రికెట్‌ ఆడుతున్న 22 ఏళ్ల హర్ష్‌ దూబే.. తాజాగా ముగిసిన రంజీ సీజన్‌లో (2024-25) రికార్డు స్థాయిలో 10 మ్యాచ్‌ల్లో 69 వికెట్లు (7 ఐదు వికెట్ల ప్రదర్శనలతో పాటు రెండు 10 వికెట్ల ప్రదర్శనలు) తీసి, రంజీ చరిత్రలోనే ఓ సీజన్‌లో అత్యధిక వికెట్లు తీసిన బౌలర్‌గా అవతరించాడు. హర్ష్‌ విదర్భ తరఫున 18 ఫస్ట్‌ క్లాస్‌ మ్యాచ్‌లు, 21 లిస్ట్‌-ఏ మ్యాచ్‌లు, 16 టీ20లు ఆడి 128 వికెట్లు తీశాడు. బ్యాటింగ్‌లో దాదాపు 100 పరుగులు చేశాడు. హర్ష్‌ ఫస్ట్‌క్లాస్‌ క్రికెట్‌లో 7 అర్ద సెంచరీలు, లిస్ట్‌-ఏ క్రికెట్‌లో 2 అర్ద సెంచరీలు సాధించాడు.హర్ష్‌ అద్బుత ప్రదర్శన కారణంగా గత రంజీ సీజన్‌లో విదర్భ ఛాంపియన్‌గా నిలిచింది. విదర్భ రంజీ టైటిల్‌ గెలవడం ఇది మూడో సారి. ఫైనల్లో విదర్భ కేరళపై విజయం సాధించి, ఛాంపియన్‌గా అవతరించింది.నిష్క్రమణ అంచుల్లో ఎస్‌ఆర్‌హెచ్‌ప్రస్తుత ఐపీఎల్‌ సీజన్‌లో గత సీజన్‌ రన్నరప్‌ సన్‌రైజర్స్‌ హైదరాబాద్‌ పేలవ ప్రదర్శనలు చేస్తూ నిష్క్రమణ అంచుల్లో ఉంది. ఈ సీజన్‌లో ఆ జట్టు ఇప్పటివరకు ఆడిన 10 మ్యాచ్‌ల్లో 7 పరాజయాలు చవిచూసి, పాయింట్ల పట్టికలో చివరి నుంచి రెండో స్థానంలో ఉంది. ఈ సీజన్‌లో సన్‌రైజర్స్‌ ఇంకా నాలుగు మ్యాచ్‌లు ఆడాల్సి ఉంది. ఈ నాలుగు గెలిచినా సన్‌రైజర్స్‌ ప్లే ఆఫ్స్‌కు చేరడం అసంభవం. టెక్నికల్‌గా ఆ జట్టు ఇంకా ఎలిమినేట్‌ కాలేదు కానీ, ఈ సీజన్‌లో సన్‌రైజర్స్‌ పని అయిపోయింది. ఇవాళ (మే 5) ఆ జట్టు సొంత మైదానంలో (ఉప్పల్‌ స్టేడియం) టేబుల్‌ ఫిఫ్త్‌ టాపర్‌ ఢిల్లీ క్యాపిటల్స్‌తో తలపడనుంది.

సాక్షి, హైదరాబాద్‌: ఐపీఎల్‌ 18వ సీజన్‌లో గత ఏడాది రన్నరప్‌ సన్‌రైజర్స్‌ హైదరాబాద్‌ ప్రస్థానం ఆఖరి దశకు చేరింది. సీజన్‌లో మరో నాలుగు మ్యాచ్‌లు ఆడాల్సి ఉండగా... చావో రేవో తేల్చుకోవాల్సిన స్థితిలో జట్టు నిలిచింది. నేడు ఉప్పల్‌ స్టేడియంలో జరిగే పోరులో ఢిల్లీ క్యాపిటల్స్‌తో హైదరాబాద్‌ తలపడుతుంది. ప్రస్తుతం సన్‌రైజర్స్‌ ఖాతాలో 3 విజయాలతో 6 పాయింట్లు మాత్రమే ఉన్నాయి. మిగిలిన నాలుగూ గెలిస్తే గరిష్టంగా 14 పాయింట్లకు జట్టు చేరుకుంటుంది. దీని వల్ల ‘ప్లే ఆఫ్స్‌’ స్థానం ఖాయమయ్యే అవకాశాలు కూడా చాలా తక్కువ.అయితే సాంకేతికంగా, ఇతర జట్ల సమీకరణాలను బట్టి ఆశలు పెట్టుకోవచ్చు. కానీ నేటి మ్యాచ్‌లో ఓడితే మాత్రం అధికారికంగా ‘ప్లే ఆఫ్స్‌’ రేసు నుంచి మాజీ చాంపియన్‌ ని్రష్కమిస్తుంది. మరోవైపు ఢిల్లీ ప్రయాణం కూడా తడబడుతూ సాగుతోంది. తొలి 4 మ్యాచ్‌లు వరుసగా గెలిచి ఘనంగా ప్రారంభించిన టీమ్‌ ఆ తర్వాతి 6 మ్యాచ్‌లలో 4 ఓడిపోయింది. అయితే పరిస్థితి ఇంకా చేయిదాటిపోలేదు కాబట్టి ఈ మ్యాచ్‌లో నెగ్గితే ఢిల్లీ మరింత మెరుగైన స్థితికి చేరుకుంటుంది. బ్యాటర్లు చెలరేగితేనే... గుజరాత్‌ చేతిలో ఓడిన గత మ్యాచ్‌లో సన్‌రైజర్స్‌ బ్యాటింగ్‌ బలహీనత మరోసారి కనిపించింది. ఓపెనర్‌ అభిషేక్‌ శర్మ మినహా అంతా విఫలమయ్యారు. మిగతా ప్రధాన బ్యాటర్లు విఫలం కావడం మాత్రమే కాదు వారి షాట్లలో ఆత్మవిశ్వాసం కనిపించడం లేదు. ఎంతో నమ్మకం పెట్టుకున్న హెడ్, క్లాసెన్‌ పేలవంగా ఆడి నిష్క్రమించగా... ఇషాన్‌ కిషన్‌ ప్రతీ పరుగు కోసం తీవ్రంగా ఇబ్బంది పడ్డాడు. టాప్‌–4 ఇలా ఆడితే ఏ జట్టయినా విజయాన్ని కోరుకోవడం అత్యాశే అవుతుంది. ఆరంభ మ్యాచ్‌లలో కనిపించిన పట్టుదలను అనికేత్‌ కొనసాగించలేకపోయాడు.నితీశ్‌ కుమార్‌ రెడ్డి గత మ్యాచ్‌లో ఫర్వాలేదనిపించినా అప్పటికే మ్యాచ్‌ చేయిదాటిపోయాక అతని ఇన్నింగ్స్‌కు విలువ లేకుండా పోయింది. హోం గ్రౌండ్‌లోనైనా వీరంతా తమ బ్యాటింగ్‌కు పదును పెడితే భారీ స్కోరుకు అవకాశం ఉంటుంది. అయితే బ్యాటింగ్‌కంటే చెత్త బౌలింగ్‌ రైజర్స్‌ను వెనకబడేలా చేసింది. ప్రధాన బౌలర్లు మొహమ్మద్‌ షమీ 11.23, కెపె్టన్‌ ప్యాట్‌ కమిన్స్‌ 9.64, హర్షల్‌ పటేల్‌ 9.50, అన్సారీ 9.74 ఎకానమీతో బౌలింగ్‌ చేస్తుంటే ఏ జట్టయినా ఏమీ చేయలేదు. వీరిలో ఒక్కరి ప్రదర్శన మెరుగుకావడం లేదు. తప్పనిసరి గెలవాల్సిన మ్యాచ్‌లోనైనా బౌలర్ల ఆటతీరు మారితే రైజర్స్‌ విజయంపై నమ్మకం ఉంచవచ్చు. సమష్టి ఆటపై ఆశలు... సీజన్‌లో జోరుగా దూసుకొచి్చన ఢిల్లీ క్యాపిటల్స్‌ గత రెండు మ్యాచ్‌లలో వరుసగా ఓడి ‘ప్లే ఆఫ్స్‌’ రేసులో కాస్త వెనుకబడింది. ముఖ్యంగా కోల్‌కతాతో జరిగిన గత పోరులో మంచి విజయావకాశాలు ఉన్న స్థితి నుంచి మ్యాచ్‌ను చేజార్చుకుంది. అంతకు ముందు బెంగళూరుతో మ్యాచ్‌లో కూడా బ్యాటింగ్‌ విఫలమైంది. బ్యాటింగ్‌ ఆర్డర్‌ చూస్తే కనీసం ఎనిమిదో స్థానం వరకు కూడా ధాటిగా ఆడగల రెగ్యులర్‌ బ్యాటర్లు కనిపిస్తున్నారు. కానీ గత రెండు మ్యాచ్‌లలో ఈ లైనప్‌ అంచనాలను నిలబెట్టుకోలేకపోయింది. ఈ నేపథ్యంలో తమ లోపాలను అధిగమించి మరోసారి బ్యాటర్లు చెలరేగాలని ఢిల్లీ కోరుకుంటోంది.పొరేల్‌ ధాటిగా ఆడుతున్న ఎక్కువసేపు నిలబడటం ముఖ్యం. డుప్లెసిస్‌ దూకుడు సానుకూలాంశం కాగా... కేఎల్‌ రాహుల్‌ ఈ సీజన్‌ ఆరంభంలో చూపించిన ఫామ్‌ ఇప్పుడు కనిపించడం లేదు. వరుసగా విఫలమవుతున్న కరుణ్‌ నాయర్‌ స్థానంలో మరొకరికి అవకాశం ఇస్తారా చూడాలి. గత మ్యాచ్‌లో గాయపడిన కెపె్టన్‌ అక్షర్‌ పటేల్‌ పూర్తిగా కోలుకొని ఫిట్‌గా మారడం ముఖ్యం. లేదంటే అటు బౌలింగ్, ఇటు బ్యాటింగ్‌లోనూ జట్టుకు దెబ్బ పడుతుంది. స్టబ్స్, విప్‌రాజ్, అశుతోష్‌ చివరి ఓవర్లలో చెలరేగితే క్యాపిటల్స్‌ పైచేయి సాధించవచ్చు. కేవలం 6.74 ఎకానమీతో 12 వికెట్లు తీసిన కుల్దీప్‌ బౌలింగ్‌లో జట్టు ప్రధాన అస్త్రం. స్టార్క్‌ వికెట్లు తీస్తున్నా పరుగులను నిలువరించడం ముఖ్యం. ముకేశ్, చమీరా, మోహిత్‌ ప్రభావం చూపలేకపోవడం ఢిల్లీ బౌలింగ్‌ను కాస్త బలహీనంగా మార్చింది. 13 ఐపీఎల్‌ టోర్నీలో ఇప్పటి వరకు హైదరాబాద్, ఢిల్లీ జట్లు ముఖాముఖిగా 25 సార్లు తలపడ్డాయి. 13 మ్యాచ్‌ల్లో సన్‌రైజర్స్‌ గెలుపొందగా... 12 మ్యాచ్‌ల్లో ఢిల్లీ జట్టుకు విజయం దక్కింది. ఢిల్లీపై హైదరాబాద్‌ అత్యధిక స్కోరు 266 పరుగులుకాగా... అత్యల్ప స్కోరు 116. హైదరాబాద్‌పై ఢిల్లీ అత్యధిక స్కోరు 207 పరుగులుకాగా... అత్యల్ప స్కోరు 80.

భారీ అంచనాలతో ఐపీఎల్‌-2025 (IPL 2025) బరిలో దిగిన సన్‌రైజర్స్‌ హైదరాబాద్‌ (SRH) జట్టు తుస్సుమనిపించింది. ఈసారి 300 స్కోరు పక్కా అనుకుంటే.. నామమాత్రపు లక్ష్యాలనూ ఛేదించలేక చతికిలపడింది. ఆరంభ మ్యాచ్‌లో రాజస్తాన్‌ రాయల్స్‌ (రైజర్స్‌- 286)పై దంచికొట్టడం మినహా ఈసారి రైజర్స్‌ బ్యాటింగ్‌లో చెప్పుకోదగ్గ మెరుపులేవీ కనబడలేదు.తాజాగా గుజరాత్‌ టైటాన్స్‌ (GT vs SRH)తో మ్యాచ్‌లోనూ సన్‌రైజర్స్‌ పూర్తిగా విఫలమైంది. అహ్మదాబాద్‌లోని నరేంద్ర మోదీ స్టేడియంలో శుక్రవారం జరిగిన ఈ మ్యాచ్‌లో కమిన్స్‌ బృందం టాస్‌ గెలిచి తొలుత బౌలింగ్‌ చేసింది.ఆకాశమే హద్దుగా చెలరేగి..ఈ క్రమంలో టైటాన్స్‌ బ్యాటర్లు ఆకాశమే హద్దుగా చెలరేగి.. రైజర్స్‌ బౌలర్లను ఓ ఆటాడుకున్నారు. ఓపెనర్లు సాయి సుదర్శన్‌ (23 బంతుల్లో 48), కెప్టెన్‌ శుబ్‌మన్‌ గిల్‌ (38 బంతుల్లో 76).. వన్‌డౌన్‌ బ్యాటర్‌ జోస్‌ బట్లర్‌ (37 బంతుల్లో 64) ధనాధన్‌ దంచికొట్టారు. ఈ ముగ్గురి అద్భుత ఇన్నింగ్స్‌ నేపథ్యంలో టైటాన్స్‌ నిర్ణీత 20 ఓవర్లలో ఆరు వికెట్లు కోల్పోయి 224 పరుగులు సాధించింది.సన్‌రైజర్స్‌ బౌలర్లలో మహ్మద్‌ షమీ, హర్షల్‌ పటేల్‌ దారుణంగా విఫలమయ్యారు. వీరిద్దరి బౌలింగ్‌ (షమీ 48, పటేల్‌ 41)లో టైటాన్స్‌ 89 పరుగులు పిండుకుంది. మిగతావాళ్లలో కెప్టెన్‌ కమిన్స్‌, జీషన్‌ అన్సారీ ఒక్కో వికెట్‌ తీయగా.. జయదేవ్‌ ఉనాద్కట్‌ మూడు వికెట్ల (3/35)తో రాణించాడు.అభిషేక్‌ శర్మ ఒక్కడేఇక లక్ష్య ఛేదనలో సన్‌రైజర్స్‌ ఓపెనర్‌ ట్రవిస్‌ హెడ్‌ (16 బంతుల్లో 20) మరోసారి విఫలమయ్యాడు. అతడి స్థానంలో వన్‌డౌన్‌లో బ్యాటింగ్‌కు వచ్చిన ఇషాన్‌ కిషన్‌ (17 బంతుల్లో 13) జిడ్డు ఇన్నింగ్స్‌ ఆడాడు. ఈ క్రమంలో ఇన్నింగ్స్‌ చక్కదిద్దుకునే బాధ్యత తీసుకున్న ఓపెనర్‌ అభిషేక్‌ శర్మ 41 బంతుల్లో 74 పరుగులతో ఆకట్టుకున్నాడు.అయితే, మిగతా వాళ్ల నుంచి అతడికి పెద్దగా సహకారం అందలేదు. హెన్రిచ్‌ క్లాసెన్‌ (18 బంతుల్లో 23), నితీశ్‌ కుమార్‌ రెడ్డి (10 బంతుల్లో 21 నాటౌట్‌) మాత్రమే చెప్పుకోదగ్గ స్కోరు చేశారు. ఈ క్రమంలో 20 ఓవర్లలో ఆరు వికెట్లు కోల్పోయిన సన్‌రైజర్స్‌ 186 పరుగుల వద్ద నిలిచి.. 38 పరుగుల తేడాతో పరాజయం పాలైంది.ప్లే ఆఫ్స్‌ అవకాశాలు దాదాపుగా ముగిసినట్లే.. కానీఇక ఇప్పటికి ఈ సీజన్‌లో పది మ్యాచ్‌లు పూర్తి చేసుకున్న సన్‌రైజర్స్‌కు ఇది ఏడో ఓటమి. తద్వారా మూడు విజయాలతో కేవలం ఆరు పాయింట్లలో పట్టికలో తొమ్మిదో స్థానంలో కొనసాగుతోంది. దీంతో సన్‌రైజర్స్‌ ప్లే ఆఫ్స్‌ అవకాశాలు దాదాపుగా ముగిసిపోయాయి.అయితే, ఇంకా దింపుడు కళ్లెం ఆశలు మాత్రం మిగిలి ఉన్నాయి. ఇప్పటికీ సన్‌రైజర్స్‌ ప్లే ఆఫ్స్‌ చేరాలంటే.. మిగిలిన నాలుగు మ్యాచ్‌లలోనూ భారీ తేడాలతో విజయాలు సాధించాలి. అదే విధంగా ఇతర జట్ల ఫలితాలు కూడా తమకు అనుకూలంగా వస్తేనే ఇది జరుగుతుంది.ఇతర జట్ల పరిస్థితి ఇలాప్రస్తుతం ముంబై ఇండియన్స్‌ (11 మ్యాచ్‌లు, ఏడు విజయాలు, 14 పాయింట్లు) అగ్రస్థానంలో ఉంది. గుజరాత్‌ టైటాన్స్‌ (10 మ్యాచ్‌లు, ఏడు విజయాలు, 14 పాయింట్లు), ఆర్సీబీ (10 మ్యాచ్‌లు, ఏడు విజయాలు, 14 పాయింట్లు), పంజాబ్‌ కింగ్స్‌ (10 మ్యాచ్‌లు, 6 విజయాలు, 13 పాయింట్లు), ఢిల్లీ క్యాపిటల్స్‌ (10 మ్యాచ్‌లు, ఐదు విజయాలు, 10 పాయింట్లు) టాప్‌-5లో ఉన్నాయి.ఇక లక్నో సూపర్‌ జెయింట్స్‌ (10 మ్యాచ్‌లు, 5 విజయాలు 10 పాయింట్లు), కోల్‌కతా నైట్‌ రైడర్స్‌ (10 మ్యాచ్‌లు, 4 విజయాలు,9 పాయింట్లు)లతో ఆరు, ఏడు స్థానాల్లో కొనసాగుతున్నాయి. రాజస్తాన్‌ రాయల్స్‌ (11 మ్యాచ్‌లు, మూడు విజయాలు, ఆరు పాయింట్లు)లతో ఎనిమిదో స్థానంలో ఉండడగా.. సన్‌రైజర్స్‌ (10 మ్యాచ్‌లు, మూడు విజయాలు, ఆరు పాయింట్లు)లతో రన్‌రేటు పరంగా వెనుకబడి తొమ్మిదో స్థానంలో ఉంది. ఇక చెన్నై సూపర్‌ కింగ్స్‌(10 మ్యాచ్‌లు, రెండు విజయాలు, నాలుగు పాయింట్లు)ఆఖర్లో పదో స్థానంలో ఉంది.ఢిల్లీ, కేకేఆర్‌, ఆర్సీబీ, లక్నోలపై గెలిచిరాజస్తాన్‌, చెన్నైలను మినహాయిస్తే సాంకేతికంగా మిగిలిన ఎనిమిది జట్లకు ప్లే ఆఫ్స్‌ అవకాశాలు ఉన్నాయి. ఇక సన్‌రైజర్స్‌ గనుక మిగిలిన అన్ని మ్యాచ్‌లు తప్పక భారీ తేడాతో గెలవాలి. ఢిల్లీ, కేకేఆర్‌, ఆర్సీబీ, లక్నోలపై ఘన విజయం సాధిస్తే.. పద్నాలుగు పాయింట్లతో పాటు నెట్‌ రన్‌రేటు (ప్రస్తుతం- -1.192) కూడా మెరుగుపడుతుంది.అదే విధంగా.. టాప్‌లో ఉన్న ముంబై ఇండియన్స్‌, గుజరాత్‌, ఆర్సీబీ తమ మిగిలిన మ్యాచ్‌లలో మెజారిటీ శాతం ఓడిపోవాలి. ఇక పంజాబ్‌ కింగ్స్‌, ఢిల్లీ కూడా రేసులో ఉన్నాయి. ఈ రెండు జట్లు కూడా తదుపరి మ్యాచ్‌లో ఎక్కువగా ఓడిపోవాలి. ఇంతా జరిగినా సన్‌రైజర్స్‌ ప్లే ఆఫ్స్‌ చేరాలంటే ఇంకేదో అద్భుతం జరగాలి. అయితే, తదుపరి ఢిల్లీ (మే 5)తో మ్యాచ్‌లో కమిన్స్‌ బృందం ఓడిందా.. ఇక అంతే సంగతులు! టోర్నీ నుంచి అవుట్‌.. సోషల్‌ మీడియా మీమర్ల భాషల్లో చెప్పాలంటే చెన్నై, రాజస్తాన్‌లతో పాటు అసోం రైలుకు టికెట్‌ కన్‌ఫామ్‌ చేసుకున్నట్లే!!చదవండి: Shubman Gill: అంపైర్‌తో గొడవపడి.. అభిషేక్‌ను కాలితో తన్ని!

గుజరాత్‌ టైటాన్స్‌ స్టార్‌ క్రికెటర్‌ జోస్‌ బట్లర్‌ (Jos Buttler) సరికొత్త చరిత్ర సృష్టించాడు. ఇండియన్‌ ప్రీమియర్‌ లీగ్‌ (IPL)లో అత్యధిక పరుగులు సాధించిన ఇంగ్లండ్‌ బ్యాటర్‌గా నిలిచాడు. ఐపీఎల్‌-2025 (IPL 2025)లో భాగంగా సన్‌రైజర్స్‌ హైదరాబాద్‌తో శుక్రవారం నాటి మ్యాచ్‌ సందర్భంగా బట్లర్‌ ఈ ఘనత సాధించాడు.అహ్మదాబాద్‌లోని నరేంద్ర మోదీ స్టేడియంలో జరిగిన మ్యాచ్‌లో టాస్‌ ఓడిన టైటాన్స్‌ తొలుత బ్యాటింగ్‌ చేసింది. ఈ క్రమంలో ఓపెనర్లు సాయి సుదర్శన్‌, కెప్టెన్‌ శుబ్‌మన్‌ గిల్‌ ధాటిగా ఇన్నింగ్స్‌ ఆరంభించారు.సాయి 23 బంతుల్లో 48 పరుగులు చేసి అవుట్‌ కాగా.. వికెట్‌ కీపర్‌ బ్యాటర్‌ జోస్‌ బట్లర్‌ క్రీజులోకి వచ్చాడు. గిల్‌ (38 బంతుల్లో 76)తో కలిసి స్కోరు బోర్డును పరుగులు పెట్టించాడు. బట్లర్‌ 37 బంతులు ఎదుర్కొని మూడు ఫోర్లు, నాలుగు సిక్సర్ల సాయంతో 64 పరుగులు రాబట్టాడు.4000 పరుగుల మైలురాయిఅయితే, సన్‌రైజర్స్‌ ​కెప్టెన్‌ ప్యాట్‌ కమిన్స్‌ బౌలింగ్‌లో అభిషేక్‌ శర్మకు క్యాచ్‌ ఇవ్వడంతో బట్లర్‌ ఇన్నింగ్స్‌కు తెరపడింది. ఇక ఈ మ్యాచ్‌లో హాఫ్‌ సెంచరీ సాధించిన బట్లర్‌.. ఐపీఎల్‌ కెరీర్‌లో 4000 పరుగుల మైలురాయిని అందుకున్నాడు.తద్వారా క్యాష్‌ రిచ్‌ లీగ్‌లో ఈ ఘనత సాధించిన తొలి ఇంగ్లండ్‌ బ్యాటర్‌గా బట్లర్‌ చరిత్రకెక్కాడు. అంతేకాదు.. ఐపీఎల్‌లో అత్యంత వేగంగా (తక్కువ బంతుల్లోనే) ఈ మార్కు అందుకున్న మూడో బ్యాటర్‌గా.. అదే విధంగా.. తక్కువ ఇన్నింగ్స్‌లోనే ఈ మైలురాయి అందుకున్న నాలుగో క్రికెటర్‌గా రికార్డు సాధించాడు. కాగా బట్లర్‌ గతంలో ముంబై ఇండియన్స్‌, రాజస్తాన్‌ రాయల్స్‌ జట్లకు ప్రాతినిథ్యం వహించాడు. ఐపీఎల్‌లో తక్కువ బంతుల్లోనే 4000 పరుగుల మార్కు అందుకున్న క్రికెటర్లు👉క్రిస్‌ గేల్‌ (వెస్టిండీస్‌)- 2658 బంతుల్లో👉ఏబీ డివిలియర్స్‌ (సౌతాఫ్రికా)- 2658 బంతుల్లో👉జోస్‌ బట్లర్‌ (ఇంగ్లండ్‌)- 2677 బంతుల్లో👉సూర్యకుమార్‌ యాదవ్‌ (ఇండియా)- 2714 బంతుల్లో..ఐపీఎల్‌లో తక్కువ ఇన్నింగ్స్‌లో నాలుగు వేల పరుగుల మైలురాయిని చేరుకున్న క్రికెటర్లు👉కేఎల్‌ రాహుల్‌ (ఇండియా)- 105 ఇన్నింగ్స్‌లో👉క్రిస్‌ గేల్‌ (వెస్టిండీస్‌)- 112 ఇన్నింగ్స్‌లో👉డేవిడ్‌ వార్నర్‌ (ఆస్ట్రేలియా)- 114 ఇన్నింగ్స్‌లో👉జోస్‌ బట్లర్‌ (ఇంగ్లండ్‌)- 116 ఇన్నింగ్స్‌లో👉ఫాఫ్‌ డుప్లెసిస్‌ (సౌతాఫ్రికా)- 121 ఇన్నింగ్స్‌లో👉విరాట్‌ కోహ్లి (ఇండియా)- 128 ఇన్నింగ్స్‌లో.ఇక గుజరాత్‌- హైదరాబాద్‌ మ్యాచ్‌ విషయానికొస్తే.. సాయి, గిల్‌, బట్లర్‌ అద్భుత ఇన్నింగ్స్‌ కారణంగా గుజరాత్‌ భారీ స్కోరు సాధించింది. నిర్ణీత 20 ఓవర్లలో ఆరు వికెట్ల నష్టానికి 224 పరుగులు చేసింది. లక్ష్య ఛేదనలో హైదరాబాద్‌ జట్టు 20 ఓవర్లు పూర్తయ్యేసరికి ఆరు వికెట్లు కోల్పోయి 186 పరుగులకే పరిమితమైంది. ఫలితంగా గుజరాత్‌ 38 పరుగులు తేడాతో జయభేరి మోగించింది.చదవండి: Shubman Gill: అంపైర్‌తో గొడవపడి.. అభిషేక్‌ను కాలితో తన్ని! How’s the JOS? Quite high, indeed! 🙌🏻🔥#JosButtler continued his stellar IPL form with another fifty as #GT push towards a massive first-innings total!Watch the LIVE action ➡ https://t.co/RucOdyBo4H#IPLonJioStar 👉 #GTvSRH | LIVE NOW on SS-1, SS- 1 Hindi & JioHotstar! pic.twitter.com/sUDd0x9erf— Star Sports (@StarSportsIndia) May 2, 2025

సన్‌రైజర్స్‌ హైదరాబాద్‌తో మ్యాచ్‌ సందర్భంగా తాను ప్రవర్తించిన తీరును గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ సమర్థించుకున్నాడు. వందకు నూటా పది శాతం కష్టపడుతున్నపుడు ఇలాంటివి జరుగుతాయని.. ఒక్కోసారి భావోద్వేగాలను అదుపు చేసుకోలేమని పేర్కొన్నాడు.ఐపీఎల్‌-2025 (IPL 2025)లో భాగంగా టైటాన్స్‌ శుక్రవారం సన్‌రైజర్స్‌తో తలపడింది. నరేంద్ర మోదీ స్టేడియంలో జరిగిన ఈ మ్యాచ్‌లో గిల్‌ కెప్టెన్‌ ఇన్నింగ్స్‌తో మెరిశాడు. ఈ ఓపెనింగ్‌ బ్యాటర్‌ 38 బంతుల్లో పది ఫోర్లు, రెండు సిక్సర్ల సాయంతో 76 పరుగులు సాధించాడు.అంపైర్లతో వాదనతనకు అచ్చొచ్చిన మైదానంలో గిల్‌ శతకం దిశగా పయనిస్తున్న వేళ అనూహ్య రీతిలో రనౌట్‌ అయ్యాడు. జీషన్‌ అన్సారీ బౌలింగ్‌లో జోస్‌ బట్లర్‌ పరుగుకు యత్నించగా.. గిల్‌ రన్‌ పూర్తి చేసేందుకు సిద్ధమయ్యాడు. అయితే, ఇంతలో ఫీల్డర్‌ హర్షల్‌ పటేల్‌ విసిరిన బంతిని వికెట్‌ కీపర్‌ హెన్రిచ్‌ క్లాసెన్‌ అందుకుని వికెట్లకు గిరాటేశాడు.అయితే, బంతి క్లాసెన్‌ గ్లోవ్స్‌ను తాకి స్టంప్స్‌ పక్కగా వెళ్లింది. అప్పుడు క్లాసెన్‌ గ్లవ్‌ తాకి స్టంప్స్‌ పైకి ఎగిరినట్లు కనిపించింది. అయితే, కీపర్‌ చేతిలో ఉండగానే బంతి స్టంప్‌ను తాకిందా లేదా అన్నది స్పష్టంగా తెలియరాలేదు. అయినప్పటికీ టీవీ అంపైర్‌ మాత్రం గిల్‌ను అవుట్‌గానే ప్రకటించాడు.మరోసారి వాగ్వాదంఈ నేపథ్యంలో తీవ్ర అసంతృప్తికి లోనైన శుబ్‌మన్‌ గిల్‌ అంపైర్లతో వాగ్వాదానికి దిగాడు. అదే విధంగా.. లక్ష్య ఛేదనలో సన్‌రైజర్స్‌ బ్యాటర్‌ అభిషేక్‌ శర్మ విషయంలో ఎల్బీడబ్ల్యూ అప్పీలు అంశంలో ప్రతికూల నిర్ణయం రావడంతో కోపోద్రిక్తుడయ్యాడు.మళ్లీ అప్పుడు కూడా గిల్‌ అంపైర్‌తో వాదనకు దిగాడు. ఈ పరిణామాల గురించి విజయానంతరం గిల్‌ స్పందించాడు. ‘‘నాకు, అంపైర్‌కు మధ్య చర్చ జరిగింది. ఒక్కోసారి భావోద్వేగాలను అదుపుచేసుకోలేము.తప్పేముంది?.. తగ్గేదేలేగెలిచేందుకు వందకు 110 శాతం కృషి చేస్తున్నపుడు ఇలాంటివి జరుగుతూ ఉంటాయి. జరిగిన విషయం గురించే మాట్లాడాను. ఈ వైఖరి తప్పని నేను అనుకోను’’ అని గిల్‌ స్పష్టం చేశాడు. స్కోరు బోర్డును ఎలా పరుగులు తీయించాలో తమకు తెలుసునని.. ఏదేమైనా ప్లే ఆఫ్స్‌కు చేరువ కావడం సంతోషంగా ఉందని పేర్కొన్నాడు.కాగా ఈ సీజన్‌లో ఇప్పటికి పది మ్యాచ్‌లు ఆడిన గుజరాత్‌కు ఇది ఏడో గెలుపు. తద్వారా పద్నాలుగు పాయిం ట్లతో పట్టికలో రెండోస్థానంలోకి దూసుకు వచ్చింది. మరోవైపు.. ఏడో పరాజయం నమోదు చేసిన సన్‌రైజర్స్‌ ప్లే ఆఫ్స్‌ అవకాశాలను దాదాపు కోల్పోయింది. ఐపీఎల్‌-2025: టైటాన్స్‌ వర్సెస్‌ సన్‌రైజర్స్‌👉టాస్‌: సన్‌రైజర్స్‌.. తొలుత బౌలింగ్‌👉టైటాన్స్‌ స్కోరు: 224/6 (20)👉సన్‌రైజర్స్‌ స్కోరు: 186/6 (20)👉ఫలితం: 38 పరుగుల తేడాతో సన్‌రైజర్స్‌పై టైటాన్స్‌ విజయం👉ప్లేయర్‌ ఆఫ్‌ ది మ్యాచ్‌: ప్రసిద్‌ కృష్ణ (టైటాన్స్‌ పేసర్‌- నాలుగు ఓవర్ల బౌలింగ్‌లో కేవలం 19 పరుగులు ఇచ్చి రెండు వికెట్లు).చదవండి: Shubman Gill: అంపైర్‌తో గొడవపడి.. అభిషేక్‌ను కాలితో తన్ని! What's your take? 👇✍🏻#ShubmanGill seen having a word with the umpire after being given out by the third umpire on a tight call! 👀Watch the LIVE action ➡ https://t.co/RucOdyBVUf#IPLonJioStar 👉 #GTvSRH | LIVE NOW on SS-1, SS- 1 Hindi & JioHotstar! pic.twitter.com/TPiALXJu8O— Star Sports (@StarSportsIndia) May 2, 2025

ఐపీఎల్‌లో గతేడాది రన్నరప్‌గా నిలిచిన సన్‌రైజర్స్‌ హైదరాబాద్‌ (SRH) ఈసారి చెత్త ప్రదర్శనతో విమర్శలు మూటగట్టుకుంటోంది. గుజరాత్‌ టైటాన్స్‌తో శుక్రవారం నాటి మ్యాచ్‌లో కమిన్స్‌ బృందం 38 పరుగుల తేడాతో ఓటమిపాలైంది. తద్వారా ఐపీఎల్‌-2025 (IPL 2025)లో రైజర్స్‌ ప్లే ఆఫ్స్‌ అవకాశాలు దాదాపుగా ముగిసిపోయాయి.ఈ నేపథ్యంలో సన్‌రైజర్స్‌ కెప్టెన్‌ ప్యాట్‌ కమిన్స్‌ (Pat Cummins) ఓటమి అనంతరం తీవ్ర విచారం వ్యక్తం చేశాడు. ఇటు బౌలింగ్‌లో.. అటు బ్యాటింగ్‌లోనూ విఫలమయ్యామని పేర్కొన్నాడు. ఈ ఘోర ఓటమికి తానూ బాధ్యత వహిస్తున్నానని తెలిపాడు.పవర్‌ ప్లేలో మేము విఫలం‘‘పవర్‌ ప్లేలో మా ఇన్నింగ్స్‌ అంత గొప్పగా ఏమీ సాగలేదు. అందరిలాగే నేనూ ఈ పరాజయానికి బాధ్యుడిని. నాకు తెలిసి.. మేము 20-30 అదనపు పరుగులు సమర్పించుకున్నాం. అంతేకాదు.. రెండు- మూడు క్యాచ్‌లు మిస్‌ చేసుకున్నాం.అక్కడ కూడా నా తప్పు ఉందనే చెప్పాలి. ఇక 200కు పైగా పరుగుల ఛేదన అంత కష్టమేమీ కాదు. కానీ ఈరోజు మేము అందులో సఫలం కాలేకపోయాం. ఆ జట్టులో క్లాస్‌ బ్యాటర్లు ఉన్నారు.మా బౌలింగ్‌ అత్యంత చెత్తగా సాగిందిచెత్త బంతులు పడితే కచ్చితంగా బాదేస్తారు. ఈరోజు అదే జరిగింది. నిజంగా మా బౌలింగ్‌ అత్యంత చెత్తగా సాగింది. వికెట్‌ బాగున్నా మేము దానిని సద్వినియోగం చేసుకోలేకపోయాం.ఇక అభిషేక్‌ శర్మ ఈరోజు అద్భుతంగా బ్యాటింగ్‌ చేశాడు. నితీశ్‌ ఆఖర్లో పోరాడాడు. అయితే, అప్పటికే ఆలస్యమైపోయింది. పరిస్థితి మా చేయిదాటి పోయింది. వేలంలో మేము సరైన నిర్ణయాలే తీసుకున్నాం అనుకుంటున్నాం. మూడేళ్ల పాటుఈ కోర్‌ గ్రూప్‌ మూడేళ్ల పాటు కొనసాగుతుంది. ఇంకా చాలా దూరం ప్రయాణించాల్సి ఉంది’’ అని ప్యాట్‌ కమిన్స్‌ చెప్పుకొచ్చాడు. కాగా అహ్మదాబాద్‌లో టాస్‌ గెలిచిన సన్‌రైజర్స్‌ తొలుత బౌలింగ్‌ చేసింది.ధారాళంగా పరుగులు సమర్పించుకునిఈ క్రమంలో బ్యాటింగ్‌కు దిగిన టైటాన్స్‌ సొంత మైదానంలో దుమ్మురేపింది. నిర్ణీత 20 ఓవర్లలో ఆరు వికెట్లు కోల్పోయి ఏకంగా 224 పరుగుల మేర భారీ స్కోరు సాధించింది. సన్‌రైజర్స్‌ బౌలర్లలో మహ్మద్‌ షమీ (3 ఓవర్లలో 48), హర్షల్‌ పటేల్‌ (3 ఓవర్లలో 41)ధారాళంగా పరుగులు సమర్పించుకుని ఒక్క వికెట్‌ కూడా తీయలేకపోయారు.మిగతా వాళ్లలో జీషన్‌ అన్సారీ తన బౌలింగ్‌ కోటాలో 42 పరుగులు ఇచ్చి ఒక వికెట్‌ తీయగా.. జయదేవ్‌ ఉనాద్కట్‌ నాలుగు ఓవర్లలో 35 రన్స్‌ మాత్రమే ఇచ్చి మూడు వికెట్లు కూల్చాడు. కెప్టెన్‌ కమిన్స్‌ నాలుగు ఓవర్లలో 40 పరుగులు ఇచ్చి ఒక్క వికెట్‌ పడగొట్టాడు.బ్యాటర్లు కూడా చెత్తగా ఆడిబౌలర్ల సంగతి ఇలా ఉంటే... లక్ష్య ఛేదనలో సన్‌రైజర్స్‌ బ్యాటర్లు కూడా చెత్త ప్రదర్శన కనబరిచారు. ఓపెనర్‌ అభిషేక్‌ శర్మ (41 బంతుల్లో 74) ఒక్కడే అర్ధ శతకంతో రాణించగా.. ట్రవిస్‌ హెడ్‌ (20), ఇషాన్‌ కిషన్‌ (13), హెన్రిచ్‌ క్లాసెన్‌ (23), అనికేత్‌ వర్మ (3) విఫలమయ్యారు. ఆఖర్లో నితీశ్‌ రెడ్డి 10 బంతుల్లో 21 పరుగులతో నాటౌట్‌గా నిలిచినా ఫలితం లేకపోయింది. 20 ఓవర్లలో ఆరు వికెట్ల నష్టానికి 186 పరుగుల వద్ద నిలిచిపోయిన రైజర్స్‌.. 38 పరుగుల తేడాతో ఓటమిపాలైంది.చదవండి: Shubman Gill: అంపైర్‌తో గొడవపడి.. అభిషేక్‌ను కాలితో తన్ని! That's what you call a complete team performance 🤝@gujarat_titans climb to No.2⃣ in the points table after a convincing 3⃣8⃣-run win over #SRH 👏Scorecard ▶ https://t.co/u5fH4jPU3a#TATAIPL | #GTvSRH pic.twitter.com/EEc0v13pT2— IndianPremierLeague (@IPL) May 2, 2025

గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ (Shubman Gill) ప్రవర్తన విమర్శలకు దారితీసింది. సారథిగా సంయమనంతో వ్యవహరించాల్సిన ఆటగాడే ఇలా సహనం కోల్పోవడం సరికాదంటూ క్రికెట్‌ ప్రేమికులు అతడిని విమర్శిస్తున్నారు. గిల్‌ నుంచి ఇలాంటివి అస్సలు ఊహించలేదని.. స్నేహపూర్వకంగా చేసే పనులకు కూడా ఓ హద్దు ఉంటుందని సోషల్‌ మీడియా వేదికగా హితవు పలుకుతున్నారు.అసలు విషయమేమిటంటే.. ఐపీఎల్‌-2025 (IPL 2025)లో భాగంగా గుజరాత్‌ టైటాన్స్‌ అహ్మదాబాద్‌ వేదికగా శుక్రవారం సన్‌రైజర్స్‌ హైదరాబాద్‌ జట్టు (GT vs SRH)తో తలపడింది. సొంత మైదానం నరేంద్ర మోదీ స్టేడియంలో టాస్‌ ఓడిన టైటాన్స్‌ తొలుత బ్యాటింగ్‌ చేసింది.సాయి, గిల్‌ మెరుపు ఇన్నింగ్స్‌ఓపెనర్లు సాయి సుదర్శన్‌ (23 బంతుల్లో 48), శుబ్‌మన్‌ గిల్‌ (38 బంతుల్లో 76) మెరుపు ఇన్నింగ్స్‌ ఆడగా.. వన్‌డౌన్‌ బ్యాటర్‌ జోస్‌ బట్లర్‌ (37 బంతుల్లో 64) కూడా అదరగొట్టాడు. వీరికి తోడు వాషింగ్టన్‌ సుందర్‌ (16 బంతుల్లో 21) కూడా రాణించాడు.ఫలితంగా నిర్ణీత 20 ఓవర్లలో టైటాన్స్‌ ఆరు వికెట్లు నష్టపోయి ఏకంగా 224 పరుగులు చేసింది. అయితే, గిల్‌ రనౌట్‌ అయిన తీరు విమర్శలకు దారితీయగా.. అతడు మైదానాన్ని వీడే ముందు అంపైర్‌తో వాదించాడు.38 పరుగుల తేడాతో ఇదిలా ఉంటే.. లక్ష్య ఛేదనలో తడబడ్డ సన్‌రైజర్స్‌ 20 ఓవర్లలో ఆరు వికెట్లు కోల్పోయి కేవలం 186 పరుగులే చేసింది. తద్వారా 38 పరుగుల తేడాతో ఓటమి పాలై ప్లే ఆఫ్స్‌ ఆశలను దాదాపు వదిలేసుకుంది.ఇక రైజర్స్‌ ఇన్నింగ్స్‌లో ఓపెనర్‌ అభిషేక్‌ శర్మ ఒక్కడే మెరుగ్గా ఆడాడు. మొత్తంగా 41 బంతుల్లో నాలుగు ఫోర్లు, ఆరు సిక్సర్ల సాయంతో 74 పరుగులు సాధించాడు. అయితే, పద్నాలుగో ఓవర్లో టైటాన్స్‌ పేసర్‌ ప్రసిద్‌ కృష్ణ వేసిన యార్కర్‌ను ఆడే క్రమంలో అభిషేక్‌ విఫలమయ్యాడు.అంపైర్‌తో గొడవపడి.. అభిషేక్‌ను కాలితో తన్ని!అయితే, బంతి దిశను మార్చుకుని అతడి ప్యాడ్‌ను తాకినట్లు కనిపించింది. కానీ ఫీల్డ్‌ అంపైర్‌ మాత్రం స్పందించకపోవడంతో.. టైటాన్స్‌ రివ్యూకు వెళ్లింది. అందులో బంతి వికెట్లను హిట్‌ చేసినట్లుగా కనిపించినప్పటికీ.. అంపైర్స్‌ కాల్‌ ద్వారా అభిషేక్‌ నాటౌట్‌గా నిలిచాడు.దీంతో సహనం కోల్పోయిన శుబ్‌మన్‌ గిల్‌ ఫీల్డ్‌ అంపైర్‌తో వాదనకు దిగాడు. కోపంతో అతడి పైపైకి వస్తూ వాగ్వాదం పెట్టుకున్నాడు. ఇంతలో అభిషేక్‌ శర్మ జోక్యం చేసుకుని గిల్‌ను కూల్‌ చేసేందుకు ప్రయత్నించాడు.అయితే, అప్పటికి అభిషేక్‌ క్రీజులో ఉండి చాలా సేపు కావడంతో బహుశా కండరాలు పట్టేయడంతో.. ఫిజియోను పిలిపించుకుని ట్రీట్‌మెంట్‌ తీసుకుంటున్నాడు. ఈ క్రమంలో అభిషేక్‌ కింద కూర్చుని ఉండగా.. గిల్‌ వెనక్కి వచ్చి అతడి కాలిని తన్నాడు. సమయం వృథా చేస్తున్నాడన్న కారణంతో ఇలా చేసి ఉంటాడు.PC: BCCI/JioHotstarయాంగ్రీ యంగ్‌ మ్యాన్‌.. సరదాగా చేసినా..కాగా గిల్‌- అభిషేక్‌.. ఇద్దరూ దేశవాళీ క్రికెట్‌లో పంజాబ్‌ జట్టుకు ఆడతారన్న విషయం తెలిసిందే. ఈ ఓపెనింగ్‌ జోడీ మధ్య గాఢమైన స్నేహం ఉంది. అయితే, ఈ మ్యాచ్‌లో మాత్రం అభిషేక్‌ గిల్‌ను సముదాయించేందుకు ప్రయత్నిస్తే.. అతడు మాత్రం ఇలా కాలితో తన్నడం గమనార్హం.అభిషేక్‌తో తనకున్న చనువుతో సరదాగానే గిల్‌ ఈ పని చేసినా.. లైవ్‌లో ఇలాంటి చర్యలు ఎంతమాత్రం సరికాదనే విమర్శలు వెల్లువెత్తుతున్నాయి. కాగా రైజర్స్‌పై గెలుపుతో ఈ సీజన్‌లో టైటాన్స్‌ ఏడో విజయం నమోదు చేయగా.. కమిన్స్‌ సేనకు ఇది ఏడో ఓటమి.చదవండి: IPL 2025: శుబ్‌మ‌న్ గిల్‌ది ఔటా? నాటౌటా? Chaos at the centre! 😳#ShubmanGill and #AbhishekSharma in discussion with the umpires!A review going #SRH’s way has sparked some serious drama! 🧐Watch the LIVE action ➡ https://t.co/RucOdyBo4H#IPLonJioStar 👉 #GTvSRH | LIVE NOW on Star Sports 1, Star Sports 1 Hindi, &… pic.twitter.com/KX68eec2ZB— Star Sports (@StarSportsIndia) May 2, 2025

ఐపీఎల్‌లో గత సీజన్‌ రన్నరప్‌ సన్‌రైజర్స్‌ హైదరాబాద్‌ ‘ప్లే ఆఫ్స్‌’ వెళ్లే అవకాశాలకు దాదాపు తెరపడినట్లే! హైదరాబాద్‌ జట్టు అధికారికంగా ఇంకా నిష్క్రమించకపోయినా ఏడో ఓటమితో సమీకరణాలన్నీ సంక్లిష్టంగా మారిపోయాయి. ఆశలు నిలవాలంటే గుజరాత్‌పై కచ్చితంగా గెలవాల్సిన మ్యాచ్‌లో సన్‌రైజర్స్‌ పేలవ బౌలింగ్‌తో ఓటమిని మూటగట్టుకుంది. సొంత మైదానంలో గిల్, బట్లర్, సుదర్శన్‌ బ్యాటింగ్‌తో భారీ స్కోరు నమోదు చేసిన టైటాన్స్‌ దానిని నిలబెట్టుకుంది. ఏడో విజయంతో గుజరాత్‌ మరో మెట్టు పైకెక్కి ప్లే ఆఫ్స్‌కు చేరువైంది. అహ్మదాబాద్‌: ఐపీఎల్‌ సీజన్‌లో సన్‌రైజర్స్‌ హైదరాబాద్‌పై ఆడిన రెండు మ్యాచ్‌లలో నెగ్గిన గుజరాత్‌ టైటాన్స్‌ 2–0తో పైచేయి సాధించింది. శుక్రవారం జరిగిన పోరులో గుజరాత్‌ 38 పరుగుల తేడాతో హైదరాబాద్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన గుజరాత్‌ 20 ఓవర్లలో 6 వికెట్ల నష్టానికి 224 పరుగులు చేసింది. కెప్టెన్‌ శుబ్‌మన్‌ గిల్‌ (38 బంతుల్లో 76; 10 ఫోర్లు, 2 సిక్స్‌లు), జోస్‌ బట్లర్‌ (37 బంతుల్లో 64; 3 ఫోర్లు, 4 సిక్స్‌లు) అర్ధ సెంచరీలు చేయగా... సాయి సుదర్శన్‌ (23 బంతుల్లో 48; 9 ఫోర్లు) మరో కీలక ఇన్నింగ్స్‌ ఆడాడు. అనంతరం హైదరాబాద్‌ 20 ఓవర్లలో 6 వికెట్లకు 186 పరుగులే చేయగలిగింది. అభిషేక్‌ శర్మ (41 బంతుల్లో 74; 4 ఫోర్లు, 6 సిక్స్‌లు) మినహా అంతా విఫలమయ్యారు. పరుగుల వరద... తొలి 2 ఓవర్లలో 16 పరుగులతో గుజరాత్‌ ఇన్నింగ్స్‌ నెమ్మదిగా మొదలైంది. అయితే తర్వాతి 4 ఓవర్లలో ఏకంగా 66 పరుగులు వచ్చాయి. షమీ ఓవర్లో సుదర్శన్‌ 5 ఫోర్లతో (4, 0, 4, 4, 4, 4) చెలరేగిపోగా, కమిన్స్‌ ఓవర్లో గిల్‌ 2 ఫోర్లు, సిక్స్‌ బాదాడు. హర్షల్‌ ఓవర్లోనూ సుదర్శన్‌ 4 ఫోర్లతో దూకుడు ప్రదర్శించాడు. పవర్‌ప్లే ముగిసేసరికి టైటాన్స్‌ 82 పరుగులు చేసింది. ఆ జట్టుకు ఐపీఎల్‌లో ఇదే అత్యధిక పవర్‌ప్లే స్కోరు కావడం విశేషం. తొలి వికెట్‌కు గిల్‌తో 41 బంతుల్లోనే 87 పరుగులు జోడించిన అనంతరం సుదర్శన్‌ వెనుదిరిగాడు. ఆ తర్వాత 25 బంతుల్లో గిల్‌ అర్ధ సెంచరీ పూర్తయింది. మరోవైపు బట్లర్‌ కూడా దూకుడు కనబర్చాడు. 22 పరుగుల వద్ద అతను ఇచ్చిన క్యాచ్‌ను కమిన్స్‌ వదిలేయడం కూడా కలిసొచ్చింది. అన్సారీ ఓవర్లో 6, 4 కొట్టిన బట్లర్‌ 31 బంతుల్లో హాఫ్‌ సెంచరీని అందుకున్నాడు. ఉనాద్కట్‌ వేసిన ఇన్నింగ్స్‌ చివరి ఓవర్‌ ఆసక్తికరంగా సాగింది. ఈ ఓవర్లో 2 సిక్స్‌లు బాదిన గుజరాత్‌...3 వికెట్లు కోల్పోయింది. అభిషేక్‌ పోరాటం వృథా... భారీ ఛేదనలో తొలి వికెట్‌కు 49 పరుగులు జత చేశాక ట్రవిస్‌ హెడ్‌ (16 బంతుల్లో 20; 4 ఫోర్లు) వెనుదిరిగాడు. అభిషేక్‌ ‌ సిక్సర్లతో ధాటిగా ఆడటంతో పవర్‌ప్లేలో 57 పరుగులు వచ్చాయి. ఇషాన్‌ కిషన్‌ (13) పరుగులు చేయడంలో తీవ్రంగా ఇబ్బంది పడగా, అభిషేక్‌కు క్లాసెన్‌ (18 బంతుల్లో 23; 1 ఫోర్, 1 సిక్స్‌) సహకరించాడు. 28 బంతుల్లోనే అభిషేక్‌ ‌ హాఫ్‌ సెంచరీ పూర్తయింది. అభిషేక్‌ , క్లాసెన్‌ మూడో వికెట్‌కు 33 బంతుల్లో 57 పరుగులు జత చేసినా... చేయాల్సిన రన్‌రేట్‌ పైపైకి వెళ్లడంతో బ్యాటర్లపై ఒత్తిడి పెరిగింది. 31 బంతుల్లో 86 పరుగులు చేయాల్సిన స్థితిలో అభిషేక్‌ ‌ అవుట్‌ కాగా... మరో మూడు బంతులకే క్లాసెన్‌ కూడా వెనుదిరగడంతో హైదరాబాద్‌ ఆశలు గల్లంతయ్యాయి. చివర్లో నితీశ్‌ కుమార్‌ రెడ్డి (10 బంతుల్లో 21 నాటౌట్‌; 1 ఫోర్, 2 సిక్స్‌లు), ప్యాట్‌ కమిన్స్‌ (10 బంతుల్లో 19 నాటౌట్‌; 1 ఫోర్, 1 సిక్స్‌) కొన్ని షాట్లు ఆడినా అది సరిపోలేదు. స్కోరు వివరాలు గుజరాత్‌ టైటాన్స్‌ ఇన్నింగ్స్‌: సుదర్శన్‌ (సి) క్లాసెన్‌ (బి) అన్సారీ 48; గిల్‌ (రనౌట్‌) 76; బట్లర్‌ (సి) అభిషేక్‌ ‌ (బి) కమిన్స్‌ 64; సుందర్‌ (సి) నితీశ్‌ రెడ్డి (బి) ఉనాద్కట్‌ 21; షారుఖ్‌ (నాటౌట్‌) 6; తెవాటియా (సి) అనికేత్‌ (బి) ఉనాద్కట్‌ 6; రషీద్‌ (సి) అండ్‌ (బి) ఉనాద్కట్‌ 0; ఎక్స్‌ట్రాలు 3; మొత్తం (20 ఓవర్లలో 6 వికెట్లకు) 224. వికెట్ల పతనం: 1–87, 2–149, 3–206, 4–218, 5–224, 6–224. బౌలింగ్‌: షమీ 3–0–48–0, ఉనాద్కట్‌ 4–0–35–3, కమిన్స్‌ 4–0–40–1, హర్షల్‌ 3–0–41–0, అన్సారీ 4–0–42–1, కమిందు 2–0–18–0. సన్‌రైజర్స్‌ హైదరాబాద్‌ ఇన్నింగ్స్‌: హెడ్‌ (సి) రషీద్‌ (బి) ప్రసిధ్‌ 20; అభిషేక్‌ ‌ (సి) సిరాజ్‌ (బి) ఇషాంత్‌ 74; ఇషాన్‌ కిషన్‌ (సి) ప్రసిధ్‌ (బి) కొయెట్జీ 13; క్లాసెన్‌ (సి) బట్లర్‌ (బి) ప్రసిధ్‌ 23; అనికేత్‌ (సి) షారుఖ్‌ (బి) సిరాజ్‌ 3; నితీశ్‌ రెడ్డి (నాటౌట్‌) 21; కమిందు (సి) బట్లర్‌ (బి) సిరాజ్‌ 0; కమిన్స్‌ (నాటౌట్‌) 19; ఎక్స్‌ట్రాలు 13; మొత్తం (20 ఓవర్లలో 6 వికెట్లకు) 186. వికెట్ల పతనం: 1–49, 2–82, 3–139, 4–141, 5–145, 6–145, బౌలింగ్‌: సిరాజ్‌ 4–0–33–2, ఇషాంత్‌ 3.2–0–35–1, ప్రసిధ్‌ 4–0–19–2, కొయెట్జీ 4–0–36–1, సుందర్‌ 1–0–6–0, రషీద్‌ 3–0–50–0, సాయికిషోర్‌ 0.4–0–1–0. ఐపీఎల్‌లో నేడుబెంగళూరు X చెన్నై వేదిక: బెంగళూరురాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌ 2025లో ఇవాళ (మే 2) గుజరాత్‌ టైటాన్స్‌, సన్‌రైజర్స్‌ హైదరాబాద్‌ తలపడనున్నాయి. గుజరాత్‌ హోం గ్రౌండ్‌ అహ్మదాబాద్‌లో ఈ మ్యాచ్‌ జరుగనుంది. ఈ మ్యాచ్‌ సన్‌రైజర్స్‌కు అత్యంత​ కీలకంగా పరిగణించబడుతుంది. ఈ మ్యాచ్‌లో ఓడితే ఆ జట్టు ప్లే ఆఫ్స్‌ అవకాశాలు గల్లంతైరనట్లే. ఈ సీజన్‌లో ఇప్పటికే సీఎస్‌కే, రాజస్థాన్‌ రాయల్స్‌ ప్లే ఆఫ్స్‌ రేసు నుంచి నిష్క్రమించాయి.సన్‌రైజర్స్‌ ఇప్పటివరకు ఆడిన 9 మ్యాచ్‌ల్లో మూడు విజయాలు సాధించి, పాయింట్ల పట్టికలో చివరి నుంచి రెండో స్థానంలో ఉంది. గుజరాత్‌ విషయానికొస్తే.. 9 మ్యాచ్‌ల్లో ఆరు విజయాలతో నాలుగో స్థానంలో కొనసాగుతూ, ప్లే ఆఫ్స్‌ బెర్త్‌కు ప్రధాన పోటీదారుగా ఉంది. ప్రస్తుత​ పాయింట్ల పట్టికలో ముంబై, ఆర్సీబీ, పంజాబ్‌ టాప్‌-3లో ఉన్నాయి. ఢిల్లీ, లక్నో, కేకేఆర్‌ ఐదు నుంచి ఏడు స్థానాల్లో ఉన్నాయి.గిల్‌ గాయంపై అప్‌డేట్‌గుజరాత్‌ కెప్టెన్‌ శుభ్‌మన్‌ గిల్‌ రాజస్థాన్‌ రాయల్స్‌తో జరిగిన మ్యాచ్‌ సందర్భంగా గాయపడిన విషయం తెలిసిందే. గిల్‌ ఆ మ్యాచ్‌లో వెన్ను సమస్య కారణంగా ఫీల్డింగ్‌కు (బ్యాటింగ్‌ చేశాడు) దిగలేదు. అతడి గైర్హాజరీలో రషీద్‌ ఖాన్‌ గుజరాత్‌కు కెప్టెన్‌గా వ్యవహరించాడు. గిల్‌ గాయంపై గుజరాత్‌ డైరెక్టర్‌ ఆఫ్‌ క్రికెట్‌ విక్రమ్‌ సోలంకి తాజాగా అప్‌డేట్‌ ఇచ్చాడు. గిల్‌ ఇవాళ సన్‌రైజర్స్‌తో జరుగబోయే ​మ్యాచ్‌లో బరిలోకి దిగుతాడని స్పష్టం చేశాడు.గిల్‌ గాయంపై సానుకూల అప్‌డేట్‌ రావడంతో గుజరాత్‌ అభిమానులు ఊపిరి పీల్చుకున్నారు. లీగ్‌ కీలక దశలో గిల్‌ అందుబాటులో ఉండకపోతే అది గుజరాత్‌ ప్లే ఆఫ్స్‌ అవకాశాలను భారీగా ప్రభావితం చేస్తుంది. ఈ సీజన్‌లో గిల్‌ వ్యక్తిగతంగా అద్భుతమై ఫామ్‌లో కొనసాగుతూ (9 మ్యాచ్‌ల్లో 4 హాఫ్‌ సెంచరీల సాయంతో 389 పరుగులు చేసి ఈ సీజన్‌ లీడింగ్‌ రన్‌ స్కోరర్ల జాబితలో ఏడో స్థానంలో ఉన్నాడు), తన జట్టును కూడా విజయవంతంగా నడిపిస్తున్నాడు. రాజస్థాన్‌ మ్యాచ్‌లో గిల్‌ లేని లోటు స్పష్టంగా కనిపించింది. ఆ మ్యాచ్‌లో రషీద్‌ అనుభవారాహిత్యం కారణంగా గుజరాత్‌ ఓటమిపాలైంది. రషీద్‌ కీలక సమయంలో సరైన నిర్ణయాలు తీసుకోవడంలో విఫలం కావడంతో పాటు బౌలర్లను సరిగ్గా మేనేజ్‌ చేయలేకపోయాడు.నేటి మ్యాచ్‌కు గిల్‌ అందుబాటులోకి రావడం గుజరాత్‌లో జోష్‌ నింపనుంది. ఈ మ్యాచ్‌ గెలిస్తే ఆ జట్టు పాయింట్ల పట్టికలో రెండో స్థానానికి ఎగబాకడంతో పాటు ప్లే ఆఫ్స్‌ బెర్త్‌ను దాదాపుగా ఖరారు చేసుకుంటుంది. ఈ సీజన్‌లో గుజరాత్‌ నేటి మ్యాచ్‌తో కలుపుకుని మరో ఐదు మ్యాచ్‌లు ఆడాల్సి ఉంది. మే 6న ముంబై ఇండియన్స్‌తో, మే 11న ఢిల్లీ క్యాపిటల్స్‌తో, మే 14న లక్నోతో, మే 18న సీఎస్‌కేతో తలపడనుంది.నేటి మ్యాచ్‌కు తుది జట్లు (అంచనా)గుజరాత్‌: శుభ్‌మన్ గిల్ (C), సాయి సుదర్శన్, జోస్ బట్లర్ (WK), షెర్ఫాన్ రూథర్‌ఫోర్డ్, షారుక్ ఖాన్, వాషింగ్టన్ సుందర్, రాహుల్ తెవాటియా, రషీద్ ఖాన్, సాయి కిషోర్, మహమ్మద్ సిరాజ్, ప్రసిద్ధ్ కృష్ణ, ఇషాంత్ శర్మసన్‌రైజర్స్‌: ట్రావిస్ హెడ్, అభిషేక్ శర్మ, ఇషాన్ కిషన్, నితీష్ కుమార్ రెడ్డి, హెన్రిచ్ క్లాసెన్ (WK), అనికేత్ వర్మ, కమిందు మెండిస్, పాట్ కమిన్స్ (C), హర్షల్ పటేల్, సిమర్జీత్ సింగ్, జీషన్ అన్సారీ, మహమ్మద్ షమీ

అహ్మదాబాద్‌: సీజన్‌లో ఐదు మ్యాచ్‌లు మిగిలి ఉన్నాయి...అన్నీ గెలిస్తే ఎలాంటి ఇబ్బందీ లేకుండా ప్లే ఆఫ్స్‌కు చేరవచ్చు. నాలుగు గెలిస్తే వేర్వేరు సమీకరణాలు, ఇతర జట్ల ఫలితాలపై ఆధారపడి ఆశలు పెట్టుకోవచ్చు... ఐపీఎల్‌–2025లో సన్‌రైజర్స్‌ హైదరాబాద్‌ తాజా పరిస్థితి ఇది. పూర్తిగా దారులు మూసుకుపోకుండా రేసులో నిలవాలంటే తప్పనిసరిగా గెలవాల్సిన మ్యాచ్‌లో నేడు హైదరాబాద్‌ బరిలోకి దిగుతోంది. గుజరాత్‌ టైటాన్స్‌ను వారి సొంతగడ్డపై సన్‌రైజర్స్‌ ఎదుర్కొంటుంది. ఇరు జట్ల మధ్య ఉప్పల్‌లో జరిగిన గత మ్యాచ్‌లో టైటాన్స్‌ 7 వికెట్ల తేడాతో సునాయాస విజయం సాధించింది. నరేంద్ర మోదీ స్టేడియంలో ఈ సీజన్‌లో జరిగిన ఎనిమిది ఇన్నింగ్స్‌లలో ఐదుసార్లు 200 పరుగులకంటే ఎక్కువ స్కోర్లు నమోదయ్యాయి. ఈ మ్యాచ్‌లో కూడా భారీ స్కోరుకు అవకాశం ఉంది. శుక్రవారం దాదాపు 42 డిగ్రీల ఉష్ణోగ్రత మధ్య ఆటగాళ్లు పోరాడాల్సి రావచ్చు. సమష్టిగా రాణిస్తేనే... గత ఏడాదితో పోలిస్తే ఈసారి సన్‌రైజర్స్‌ బ్యాటింగ్‌ చాలా వరకు విఫలమైంది. అక్కడక్కడ కొన్ని మెరుపులు కనిపించినా ఓవరాల్‌గా ఆశించిన ప్రదర్శన రాలేదు. అయితే ఇప్పటికీ జట్టు విజయావకాశాలు ముగ్గురు బ్యాటర్లు హెడ్, అభిషేక్, క్లాసెన్‌లపైనే ఆధారపడి ఉన్నాయి. వీరు బాగా ఆడినప్పుడు మాత్రమే టీమ్‌కు సానుకూల ఫలితం వచి్చంది. ఓపెనర్లుగా హెడ్, అభిషేక్‌ ఈ సీజన్‌లో ఓవర్‌కు 10.89 రన్‌రేట్‌తో 316 పరుగులు జోడించారు. మరోసారి వీరిద్దరు సత్తా చాటాల్సి ఉంది. మిడిలార్డర్‌లో 156.52 స్ట్రయిక్‌ రేట్‌తో క్లాసెన్‌ ధాటిని చూపిస్తున్నాడు. తొలి మ్యాచ్‌లో సెంచరీ తర్వాత వరుసగా విఫలమై గత మ్యాచ్‌లో రాణించిన ఇషాన్‌ కిషన్‌ అదే జోరును కొనసాగించాల్సి ఉంది. మరీ పేలవంగా ఆడుతున్న నితీశ్‌ కుమార్‌ రెడ్డి ఈ సారైనా దూకుడును ప్రదర్శిస్తాడా చూడాలి. బౌలింగ్‌లో హైదరాబాద్‌ పరిస్థితి ఏమాత్రం గొప్పగా లేదు. హర్షల్‌ పటేల్‌ 13 వికెట్లు తీసినా అందులో లోయర్‌ ఆర్డర్‌వే ఎక్కువగా ఉన్నాయి. కమిన్స్, షమీ, మలింగ పూర్తిగా విఫలమయ్యారు. స్పిన్నర్లు అన్సారీ, కమిందు మాత్రమే కాస్త ఫర్వాలేదనిపిస్తున్నారు. ఇలాంటి స్థితిలో ప్రత్యర్థి వేదికపై విజయం దక్కాలంటే సన్‌రైజర్స్‌ రెట్టింపు శ్రమించాల్సి ఉంటుంది. చెన్నైపై విజయం సాధించిన తర్వాత విహారయాత్రకు వెళ్లి కొత్త ఉత్సాహంతో తిరిగొచి్చన ఆటగాళ్లు మైదానంలో ఎలా చెలరేగుతారనేది ఆసక్తికరం. సొంతగడ్డపై ఉత్సాహంగా...రాజస్తాన్‌తో ఆడిన గత మ్యాచ్‌లో 209 పరుగులు చేసిన కూడా వైభవ్‌ సూర్యవంశీ దెబ్బకు గుజరాత్‌ అనూహ్యంగా ఓటమి పాలైంది. అయితే సీజన్‌లో ఇప్పటి వరకు టీమ్‌ నిలకడైన ప్రదర్శనను కనబరుస్తోంది. చక్కటి ఓపెనింగ్‌ భాగస్వామ్యంతో సాయిసుదర్శన్‌ (456 పరుగులు), శుబ్‌మన్‌ గిల్‌ (389) శుభారంభాలు అందిస్తుండగా, మూడో స్థానంలో బట్లర్‌ (406) చెలరేగిపోతున్నాడు. ఈ ముగ్గురితో పాటు చివర్లో రూథర్‌ఫర్డ్‌ కూడా 150కి పైగా స్ట్రయిక్‌రేట్‌తో పరుగులు సాధించడం విశేషం. టాప్‌–3 కలిసి ఈ సీజన్‌లో 13 అర్ధ సెంచరీలు నమోదు చేయడం విశేషం. వీరు తమ ఫామ్‌ను కొనసాగిస్తే సన్‌రైజర్స్‌కు ఇబ్బందులు తప్పకపోవచ్చు. బౌలింగ్‌ విభాగంలోనూ టైటాన్స్‌ పటిష్టంగా ఉంది. ప్రసిధ్‌ కృష్ణ (17 వికెట్లు), సాయికిషోర్‌ (12), సిరాజ్‌ (12) ప్రత్యర్థి బ్యాటర్లను నిలువరించడంలో సఫలమయ్యారు. లెగ్‌స్పిన్నర్‌ రషీద్‌ ఖాన్‌ పెద్ద సంఖ్యలో వికెట్లు తీయలేకపోయినా... భారీ స్కోర్లు నమోదవుతున్న ఈ సీజన్‌లో 9కంటే తక్కువ ఎకానమీతో పరుగులు ఇచ్చాడు. ఈ మైదానంలో ఆడిన నాలుగు మ్యాచ్‌లలో గుజరాత్‌ మూడు విజయాలు సాధించింది.

ప్రస్తుత ఐపీఎల్‌ సీజన్‌లో గతేడాది రన్నరప్‌ సన్‌రైజర్స్‌ హైదరాబాద్‌కు ఆశించిన ఫలితాలు రావడం​ లేదు. ఈ సీజన్‌లో ఆ జట్టు ఆడిన 9 మ్యాచ్‌ల్లో కేవలం మూడే విజయాలు సాధించి పాయింట్ల పట్టికలో చివరి నుంచి మూడో స్థానంలో ఉంది. తొలి మ్యాచ్‌లో రాజస్థాన్‌ రాయల్స్‌పై గెలిచిన సన్‌రైజర్స్‌.. ఆతర్వాత వరుసగా నాలుగు మ్యాచ్‌ల్లో ఓడింది (లక్నో, ఢిల్లీ, కేకేఆర్‌,గుజరాత్‌). తర్వాత పంజాబ్‌పై సంచలన విజయం సాధించి (246 పరుగుల భారీ లక్ష్యాన్ని ఛేదించి).. ముంబై ఇండియన్స్‌ చేతుల్లో వరుసగా రెండు మ్యాచ్‌ల్లో ఓడింది.తాజాగా సీఎస్‌కేను వారి సొంత ఇలాకాలో ఓడించి, సీజన్‌లో మూడో విజయాన్ని నమోదు చేసింది. ఈ సీజన్‌లో సన్‌రైజర్స్‌ ప్లే ఆఫ్స్‌కు చేరాలంటే ఏదైనా అద్భుతం జరగాల్సిందే. ఇకపై వారు ఆడాల్సిన ఐదు మ్యాచ్‌ల్లో గెలిచినా ప్లే ఆఫ్స్‌కు చేరతారన్న గ్యారెంటీ లేదు. సన్‌రైజర్స్‌ తమ తదుపరి మ్యాచ్‌ను మే 2న (గుజరాత్‌తో) ఆడనుంది. ఆతర్వాత మే 5న ఢిల్లీతో, మే 10న కేకేఆర్‌తో, మే 13న ఆర్సీబీతో, మే 18న లక్నోతో తలపడనుంది.Sun, sea, and a team retreat for our Risers in the Maldives! 🏖️✈️ pic.twitter.com/CyE0MvZHy3— SunRisers Hyderabad (@SunRisers) April 26, 2025అత్యంత​ కీలకమైన మ్యాచ్‌లకు ముందు వారం రోజుల విరామం లభించడంతో సన్‌రైజర్స్‌ యాజమాన్యం తమ ఆటగాళ్లను రీ ఫ్రెష్‌మెంట్‌ కోసం మల్దీవ్స్‌కు పంపింది. మాల్దీవ్స్‌లో ఆరెంజ్‌ ఆర్మీకి గ్రాండ్‌ వెల్‌కమ్‌ లభించింది. తమ ఆటగాళ్లు మాల్దీవ్స్‌లో సేద తీరుతున్న దృశ్యాలను సన్‌రైజర్స్‌ తమ సోషల్‌మీడియా ఖాతాల్లో పోస్ట్‌ చేసింది. ఈ వీడియోలపై నెటిజన్లు భిన్నంగా స్పందిస్తున్నారు. ఏం పొడిచారని లీగ్‌ మధ్యలో సేద తీరడానికి వెళ్లారని కొందరంటుంటే.. సన్‌రైజర్స్‌ అభిమానులేమో కీలక మ్యాచ్‌లకు ముందు తమ ఆటగాళ్లకు ఈ మినీ వేకేషన్‌ అవసరమేనని సమర్దిస్తున్నారు.కాగా, ఈ సీజన్‌ ప్రారంభానికి ముందు సన్‌రైజర్స్‌పై భారీ అంచనాలు ఉండేవి. అందుకు తగ్గట్టుగానే తొలి మ్యాచ్‌లో ఆ జట్టు రాజస్థాన్‌ రాయల్స్‌పై 286 పరుగుల రికార్డు స్కోర్‌ సాధించి విజయం సాధించింది. ఆ మ్యాచ్‌లో ఇషాన్‌ కిషన్‌ సూపర్‌ సెంచరీతో మెరిశాడు. ఆ మ్యాచ్‌ తర్వాత మళ్లీ గెలవడానికి సన్‌రైజర్స్‌కు ఐదు మ్యాచ్‌ల సమయం పట్టింది. పంజాబ్‌తో జరిగిన మ్యాచ్‌లో అభిషేక్‌ శర్మ విధ్వంసకర శతకంతో విరుచుకుపడటంతో సన్‌రైజర్స్‌ రెండో విజయం సాధించింది. తాజాగా సన్‌రైజర్స్‌ సీఎస్‌కేపై గెలిచినా అది వారిపై ఉన్న అంచనాలకు తగ్గట్టుగా లేదు. సీఎస్‌కే నిర్దేశించిన 155 పరుగుల స్వల్ప లక్ష్యాన్ని ఛేదించేందుకు ఆ జట్టు ఆపసోపాలు పడింది.

చెన్నై సూపర్‌ కింగ్స్‌ (CSK) యాజమాన్యం తీరుపై ఆ జట్టు మాజీ ఆటగాడు సురేశ్‌ రైనా (Suresh Raina) విమర్శలు గుప్పించాడు. ఐపీఎల్‌-2025 (IPL 2025) వేలంలో సీఎస్‌కే వ్యూహాలు సరిగ్గా లేవని విమర్శించాడు. ఈసారి సరైన ఆటగాళ్లను ఎంచుకోవడంలో చెన్నై ఫ్రాంఛైజీ విఫలమైందన్నాడు. కాగా ఈ సీజన్‌లో సీఎస్‌కే దారుణంగా విఫలమవుతున్న విషయం తెలిసిందే. పదో స్థానంలో అట్టడుగునతాజాగా శుక్రవారం నాటి మ్యాచ్‌లో సన్‌రైజర్స్‌ చేతిలో ఓడిపోయిన ధోని సేన.. ఈ సీజన్‌లో ఏడో పరాజయం నమోదు చేసింది. తద్వారా ఇప్పటి వరకు ఆడిన తొమ్మిది మ్యాచ్‌లలో కేవలం రెండే గెలిచి పాయింట్ల పట్టికలో పదో స్థానంలో అట్టడుగున ఉంది.ఈ నేపథ్యంలో సీఎస్‌కే తీరుపై విమర్శలు వస్తుండగా.. స్టార్‌ స్పోర్ట్స్‌ షోలో టీమిండియా మాజీ క్రికెటర్‌ సురేశ్‌ రైనా తన అభిప్రాయాలు పంచుకున్నాడు. ‘‘సీఎస్‌కే వైఫల్యాలకు మేనేజ్‌మెంట్‌ను తప్పుబట్టాలా? లేదంటే.. మహేంద్ర సింగ్‌ ధోనిని విమర్శించాలా?’’ అన్న ప్రశ్న ఎదురైంది.అంతిమ నిర్ణయం వారిదేఇందుకు బదులిస్తూ.. ‘‘వేలం సమయంలో వాళ్లు కచ్చితంగా ఎంఎస్‌కు కాల్‌ చేస్తారు. కానీ నేను మాత్రం ఎప్పుడూ వేలంపాటలో భాగం కాలేదు. ఆ చర్చల్లోకే వెళ్లలేదు. అయితే, ఎంఎస్‌తో మాత్రం కచ్చితంగా చర్చిస్తారు. రిటైన్‌ చేసుకోవాల్సిన ప్లేయర్ల గురించి మాట్లాడతారు. ఆటగాళ్ల కొనుగోలు సమయంలోనూ ఎవరిని తీసుకుంటే బాగుంటుందని అడుగుతారు. కానీ ఎంఎస్‌ పూర్తిగా ఇందులో భాగంకాడు.తనకు కావాల్సిన నలుగురు, ఐదుగురు ప్లేయర్ల గురించి మాత్రమే చెప్తాడు. ఆటగాళ్ల కొనుగోలు విషయంలో కోర్‌ గ్రూప్‌దే అంతిమ నిర్ణయం. కాశీ విశ్వనాథన్‌ సర్‌, రూపా మా అడ్మినిస్ట్రేషన్‌లో భాగంగా ఉంటారు. వారు కూడా నిర్ణయాలు తీసుకుంటారు. ఒకవేళ ధోని గనుక పూర్తిగా వేలంలో భాగమై ఉంటే.. ఇలాంటి ఆటగాళ్లను కొనేవాడు అంటారా?!’’ అని రైనా పేర్కొన్నాడు.ధోని బ్రాండ్‌ కోసమే ఆడుతున్నాడుఇక సీఎస్‌కే పట్ల ధోని అంకితభావం గురించి ప్రస్తావిస్తూ.. ‘‘అన్‌క్యాప్డ్‌ ప్లేయర్‌గా ఈసారి రంగంలోకి దిగిన ఎంఎస్‌ ధోనిని చూడండి. 43 ఏళ్ల వయసున్న కెప్టెన్‌. ఇంకా జట్టు కోసం శాయశక్తులా కష్టపడుతున్నాడు. సీఎస్‌కే బ్రాండ్‌, అభిమానుల కోసం ఆడుతున్నాడు.ఈ వయసులోనూ కీపర్‌గా రాణిస్తున్నాడు. జట్టును ముందుకు నడిపిస్తున్నాడు. జట్టు భారం మొత్తాన్ని ఒక్కడే తన భుజాలపై మోస్తున్నాడు.మరి మిగతా పది మంది ఆటగాళ్లు ఏం చేస్తున్నారు? రూ. 18 కోట్లు, 17 ​కోట్లు.. 12 కోట్లు పెట్టి కొనుగోలు చేసిన ఆటగాళ్లు కెప్టెన్‌కు ఎలాంటి సహకారం అందిస్తున్నారు?’’ అంటూ సురేశ్‌ రైనా సీఎస్‌కే ఆటగాళ్ల తీరుపై మండిపడ్డాడు. కాగా గతేడాది ధోని స్థానంలో పగ్గాలు చేపట్టిన రుతురాజ్‌ గైక్వాడ్‌.. ఈ సీజన్‌లో ఐదుమ్యాచ్‌లు ఆడి గాయపడ్డాడు. ఈ క్రమంలో ధోని మరోసారి సీఎస్‌కే సారథిగా బాధ్యతలు నిర్వర్తిస్తున్నాడు.చదవండి: ఒక్కరంటే పర్లేదు.. అందరూ అంతే: అసంతృప్తి వె ళ్లగక్కిన ధోని

ఐపీఎల్‌-2025 (IPL 2025)లో సన్‌రైజర్స్‌ హైదరాబాద్‌ పెద్దగా ఆకట్టుకోవడం లేదు. ఆరంభ మ్యాచ్‌లో గెలుపొందిన కమిన్స్‌ బృందం.. ఆ తర్వాత మళ్లీ ఒకే ఒక్కటి గెలిచి.. వరుసగా ఆరు మ్యాచ్‌లు ఓడింది. దీంతో ప్లే ఆఫ్‌ అవకాశాలు సంక్లిష్టంగా మారాయి.ఈ నేపథ్యంలో చెన్నై సూపర్‌ కింగ్స్‌ (CSK vs SRH)తో శుక్రవారం తలపడ్డ సన్‌రైజర్స్‌.. తప్పక గెలవాల్సిన మ్యాచ్‌లో జయభేరి మోగించింది. ఆల్‌రౌండ్‌ ప్రదర్శనతో రాణించి పన్నెండేళ్ల తర్వాత చెపాక్‌ స్టేడియంలో తొలి విజయం నమోదు చేసింది. అంతేకాదు.. ప్లే ఆఫ్స్‌ ఆశలను కూడా సజీవం చేసుకుంది.ఇదొక అద్భుత విజయంఈ క్రమంలో విజయానంతరం సన్‌రైజర్స్‌ కెప్టెన్‌ ప్యాట్‌ కమిన్స్‌ (Pat Cummins) హర్షం వ్యక్తం చేశాడు. ‘‘ఈరోజు మాకు అన్నీ కలిసివచ్చాయి. మా వాళ్లు గొప్పగా ఆడారు. ఇదొక అద్భుత విజయం. కష్టపడినందుకు ఫలితం దక్కింది.సీఎస్‌కేలో ప్రతిభావంతులైన టాపార్డర్‌ బ్యాటర్లు ఉన్నారు. మ్యాచ్‌ను మలుపు తిప్పగల సత్తా వారికి ఉంది. అయితే, మా బౌలర్లు మొమెంటమ్‌ను మార్చేశారు. పరిస్థితులకు అనుగుణంగా బౌలింగ్‌ చేసి ఇన్నింగ్స్‌ దిశను మార్చివేశారు.ప్లే ఆఫ్స్‌ చేరేందుకు కృషి చేస్తాంవారి ప్రదర్శన పట్ల నేను సంతృప్తిగా ఉన్నాను. సీఎస్‌కేపై మాకు మంచి రికార్డు లేదు. కానీ ఈరోజు మేము గత పరాభవాలకు చెక్‌ పెట్టగలిగాం. ఈ సీజన్‌లో మాకు ఇంకా ఐదు మ్యాచ్‌లు మిగిలి ఉన్నాయి. ఎంత కష్టమైనా ప్లే ఆఫ్స్‌ చేరేందుకు కృషి చేస్తాం.ఇంతకంటే గొప్పగా గెలిచేందుకు ప్రయత్నిస్తాం. అయితే, ఏదేమైనా ఈనాటి విజయం మాకు ప్రత్యేకమైనది’’ అని కమిన్స్‌ చెప్పుకొచ్చాడు. ఈసారి కూడా ప్లే ఆఫ్స్‌ చేరతామనే నమ్మకం ఉందని పరోక్షంగా వెల్లడించాడు.వ్యూహంలో భాగమేఅదే విధంగా బ్యాటింగ్‌ ఆర్డర్‌లో మార్పుల గురించి చెబుతూ.. ‘‘వ్యూహం ప్రకారమే హెన్రిచ్‌ క్లాసెన్‌ను నాలుగో స్థానంలో పంపించాం. మధ్య ఓవర్లలో వారు స్పిన్‌ మంత్రంతో ముందుకు వస్తారని తెలుసు.అందుకే క్లాసెన్‌ ముందుగా బ్యాటింగ్‌కు వచ్చాడు. అదే విధంగా నితీశ్‌ రెడ్డికి ఫినిషర్‌ పాత్ర ఇచ్చాము’’ అని కమిన్స్‌ తెలిపాడు. కాగా ఐపీఎల్‌-2024లో సన్‌రైజర్స్‌ రన్నరప్‌గా నిలిచిన విషయం తెలిసిందే. అయితే, ఈ సీజన్‌లో ఇప్పటికి ఆడిన తొమ్మిది మ్యాచ్‌లలో కేవలం మూడే గెలిచి పాయింట్ల పట్టికలో ప్రస్తుతం ఎనిమిదో స్థానంలో ఉంది. ఏదైనా అద్భుతం జరిగితే తప్ప ప్లే ఆఫ్స్‌ చేరే అవకాశాలు లేవు.ఐపీఎల్‌-2025: సీఎస్‌కే వర్సెస్‌ ఎస్‌ఆర్‌హెచ్‌👉టాస్‌: ఎస్‌ఆర్‌హెచ్‌.. మొదట బౌలింగ్‌👉సీఎస్‌కే స్కోరు: 154 (19.5)👉ఎస్‌ఆర్‌హెచ్‌ స్కోరు: 155/5 (18.4)👉ఫలితం: సీఎస్‌కేపై ఐదు వికెట్ల తేడాతో ఎస్‌ఆర్‌హెచ్‌ విజయం👉ప్లేయర్‌ ఆఫ్‌ ది మ్యాచ్‌: హర్షల్‌ పటేల్‌ (4/28).చదవండి: CSK vs SRH: ‘బుర్ర పనిచేయడం లేదా’?!.. మెండిస్‌పై కావ్యా మారన్‌ ఫైర్‌!

ఐపీఎల్‌-2025 (IPL 2025)లో చెన్నై సూపర్‌ కింగ్స్‌ కథ దాదాపు ముగిసినట్లే!.. సన్‌రైజర్స్‌ హైదరాబాద్‌ (CSK vs SRH)తో తప్పక గెలవాల్సిన మ్యాచ్‌లో సీఎస్‌కే ఓటమిపాలైంది. ఫలితంగా ప్లే ఆఫ్స్‌ ఆశలు వదులుకోవాల్సిన దుస్థితి. ఈ నేపథ్యంలో రైజర్స్‌ చేతిలో ఓటమి తర్వాత చెన్నై సారథి మహేంద్ర సింగ్‌ ధోని (MS Dhoni) స్పందించాడు.తమ పరాజయానికి బ్యాటర్ల వైఫల్యమే ప్రధాన కారణమని స్పష్టం చేశాడు. చెపాక్‌ వికెట్‌ మీద తమ వాళ్లు బ్యాట్‌ ఝులిపించలేకపోయారని విచారం వ్యక్తం చేశాడు. చిదంబరం స్టేడియంలో శుక్రవారం జరిగిన మ్యాచ్‌లో టాస్‌ ఓడిన చెన్నై తొలుత బ్యాటింగ్‌కు దిగింది.బ్రెవిస్‌ ఒక్కడేఓపెనర్లలో షేక్‌ రషీద్‌ డకౌట్‌ కాగా.. ఆయుశ్‌ మాత్రే (19 బంతుల్లో 30) రాణించాడు. మిగతా వాళ్లలో రవీంద్ర జడేజా (21), దీపక్‌ హుడా (22) ఫర్వాలేదనిపించగా.. కొత్తగా జట్టుతో చేరిన డెవాల్డ్‌ బ్రెవిస్‌ ధనాధన్‌ దంచికొట్టాడు. ఈ సౌతాఫ్రికా స్టార్‌ 25 బంతుల్లో 42 పరుగులతో సీఎస్‌కే టాప్‌ రన్‌ స్కోరర్‌గా నిలిచాడు.రైజర్స్‌ గెలిచి నిలిచిందికెప్టెన్‌ ధోని (6) సహా మిగతా వాళ్లంతా విఫలం కావడంతో చెన్నై 19.5 ఓవర్లలోనే కేవలం 154 పరుగులు చేసి ఆలౌట్‌ అయింది. ఇక తప్పక గెలవాల్సిన మ్యాచ్‌లో రైజర్స్‌ 18.4 ఓవర్లలోనే లక్ష్యాన్ని పూర్తి చేసి.. ఐదు వికెట్ల తేడాతో గెలుపొందింది. ఆడిన తొమ్మిదింట చెన్నైకి ఇది ఏడో పరాజయం.మా వాళ్లు విఫలంఈ నేపథ్యంలో మ్యాచ్‌ అనంతరం ధోని మాట్లాడుతూ.. ‘‘తొలి ఇన్నింగ్స్‌లో వికెట్‌ మరీ అంత కఠినంగా ఏమీ లేదు. కానీ మేము వరుస విరామాల్లో వికెట్లు కోల్పోయాం. ఈ పిచ్‌ మీద 155 పరుగుల స్కోరు చెప్పుకోదగ్గది కానేకాదు. అసలు వికెట్‌ ఎక్కువగా టర్న్‌ కాలేదు.అయితే, 8-10 ఓవర్ల తర్వాత పిచ్‌ స్వభావం కాస్త మారింది. అయినా సరే పరుగులు రాబట్టేందుకు ఆస్కారం ఉన్నా మేము ఆ పని చేయలేకపోయాం. ఇక రెండో ఇన్నింగ్స్‌లో వికెట్‌ స్పిన్నర్లకు సహకరించింది.మా వాళ్లు నాణ్యంగానే బౌలింగ్‌ చేశారు. సరైన సమయంలో వికెట్లు తీశారు. కానీ మేము ఇంకో 15- 20 పరుగులు చేసి ఉంటే.. వాళ్లు సులువుగా పని పూర్తి చేసేవారు’’ అని పేర్కొన్నాడు.ఒక్కరంటే పర్లేదు.. అందరూ అంతేఇక డెవాల్డ్‌ బ్రెవిస్‌ గురించి ప్రస్తావిస్తూ.. ‘‘అతడు అద్భుతంగా బ్యాటింగ్‌ చేశాడు. మాకు మిడిలార్డర్‌లో అలాంటి ఆటగాడే కావాలి. స్పిన్నర్లు బరిలోకి దిగినప్పుడు మా వాళ్లు కాస్త ఇబ్బంది పడుతున్నారు.అలాంటి సమయంలో బ్రెవిస్‌ లాంటి వాళ్లు నిలదొక్కుకుంటే పరిస్థితి వేరుగా ఉంటుంది’’ అని ధోని తెలిపాడు. ఏదేమైనా జట్టులో ఒకరిద్దరు బాగా ఆడకపోయినా పెద్దగా తేడా ఉండదని.. అయితే, మూకుమ్మడిగా అందరూ విఫలమైతే ఇలాంటి ఫలితాలే వస్తాయని తలా అసంతృప్తి వ్యక్తం చేశాడు.అదే విధంగా.. ప్రతిసారీ 180- 200 పరుగులు స్కోరు చేయాల్సిన అవసరం లేదన్న ధోని.. పిచ్‌ పరిస్థితులకు అనుగుణంగా కనీస ప్రదర్శన చేయాలని తమ బ్యాటర్లను విమర్శించాడు. జట్టులో ఎక్కువ మంది విఫలమవుతుంటే ఎలాంటి మార్పులు చేయాలో కూడా అర్థం కాదంటూ పెదవి విరిచాడు. చదవండి: IPL 2025: చ‌రిత్ర సృష్టించిన మహ్మద్ షమీ.. ఐపీఎల్ హిస్టరీలోనేA milestone victory 👏#SRH register their first ever win at Chepauk with a strong performance against #CSK 🔝💪Scorecard ▶ https://t.co/26D3UampFQ#TATAIPL | #CSKvSRH | @SunRisers pic.twitter.com/lqeX4CiWHP— IndianPremierLeague (@IPL) April 25, 2025

చెపాక్‌ మైదానంలో చెన్నై సూపర్‌ కింగ్స్‌ జట్టును సన్‌రైజర్స్‌ హైదరాబాద్‌ గతంలో ఎప్పుడూ ఓడించలేదు. ఈసారి చక్కటి బౌలింగ్‌తో సూపర్‌ కింగ్స్‌ను 154 పరుగులకే పరిమితం చేసినా... వరుసగా విఫలమవుతున్న బ్యాటింగ్‌ బృందంతో గెలుపుపై మళ్లీ సందేహాలు. ప్రధాన బ్యాటర్లంతా నిష్క్రమించగా 37 బంతుల్లో 49 పరుగులు చేయాల్సిన స్థితిలో జట్టు నిలిచింది. అయితే కమిందు మెండిస్‌కు ఫామ్‌లో లేక ఇబ్బంది పడుతున్న నితీశ్‌ కుమార్‌ రెడ్డి జత కలిశాడు. వీరిద్దరు ఎలాంటి సాహసాలకు పోకుండా చక్కటి సమన్వయంతో ఆడి రైజర్స్‌ శిబిరంలో ఆనందం నింపారు. టోర్నీలో మూడో విజయంతో హైదరాబాద్‌కు కాస్త ఊరట దక్కగా... ఏడో పరాజయంతో చెన్నై ‘ప్లే ఆఫ్స్‌’ అవకాశాలు దాదాపు ముగిసినట్లే! చెన్నై: ఐపీఎల్‌లో వరుసగా రెండు ఓటముల తర్వాత సన్‌రైజర్స్‌ హైదరాబాద్‌కు మరో విజయం దక్కింది. తొలిసారి చెన్నైని వారి వేదికపైనే ఓడించడంలో హైదరాబాద్‌ సఫలమైంది. శుక్రవారం జరిగిన పోరులో రైజర్స్‌ 5 వికెట్లతో సీఎస్‌కేపై గెలుపొందింది. టాస్‌ ఓడి ముందుగా బ్యాటింగ్‌కు దిగిన చెన్నై 19.5 ఓవర్లలో 154 పరుగులకే ఆలౌటైంది. డెవాల్డ్‌ బ్రెవిస్‌ (25 బంతుల్లో 42; 1 ఫోర్, 4 సిక్స్‌లు), ఆయుశ్‌ మాత్రే (19 బంతుల్లో 30; 6 ఫోర్లు) రాణించగా... ‘ప్లేయర్‌ ఆఫ్‌ ద మ్యాచ్‌’ హర్షల్‌ పటేల్‌కు 4 వికెట్లు దక్కాయి. అనంతరం హైదరాబాద్‌ 18.4 ఓవర్లలో 5 వికెట్లకు 155 పరుగులు చేసింది. ఇషాన్‌ కిషన్‌ (34 బంతుల్లో 44; 5 ఫోర్లు, 1 సిక్స్‌) టాప్‌ స్కోరర్‌ కాగా, కమిందు మెండిస్‌ (22 బంతుల్లో 32 నాటౌట్‌; 3 ఫోర్లు) కీలక ఇన్నింగ్స్‌ ఆడాడు. బ్రెవిస్‌ దూకుడు... తొలి బంతికే ఆంధ్ర క్రికెటర్‌ షేక్‌ రషీద్‌ (0) అవుట్‌ కావడంతో చెన్నై ఇన్నింగ్స్‌ పేలవంగా మొదలైంది. మరోవైపు గత మ్యాచ్‌ తరహాలో ఆయుశ్‌ మాత్రమే చక్కటి బౌండరీలతో ఆకట్టుకున్నాడు. మూడో స్థానంలో వచ్చిన స్యామ్‌ కరన్‌ (9) విఫలం కాగా... తర్వాతి ఓవర్లోనే ఆయుశ్‌ కూడా వెనుదిరిగాడు. పవర్‌ప్లే ముగిసేసరికి స్కోరు 50/3 చేరింది. 8 పరుగుల వద్ద జడేజా ఇచ్చిన సునాయాస క్యాచ్‌ను హర్షల్‌ వదిలేశాడు. అయితే కొద్ది సేపటికే జడేజాను కమిందు బౌల్డ్‌ చేయగా... సీజన్‌లో తొలి మ్యాచ్‌ ఆడుతున్న బ్రెవిస్‌ మాత్రం కమిందు బౌలింగ్‌లో చెలరేగిపోయి 3 సిక్సర్లు బాదడం విశేషం. హర్షల్‌ వేసిన మరుసటి ఓవర్లో మరో సిక్స్‌ బాదిన బ్రెవిస్‌ తర్వాతి బంతికి కమిందు మెండిస్‌ కళ్లు చెదిరే క్యాచ్‌కు వెనుదిరిగాడు. శివమ్‌ దూబే (12), ధోని (6)లతో పాటు ‘ఇంపాక్ట్‌ ప్లేయర్‌’గా వచ్చిన అన్షుల్‌ కంబోజ్‌ (2) కూడా ప్రభావం చూపలేకపోయారు. చివర్లో దీపక్‌ హుడా (21 బంతుల్లో 22; 1 ఫోర్, 1 సిక్స్‌) కొన్ని పరుగులు జోడించడంతో స్కోరు 150 దాటింది. రాణించిన ఇషాన్‌ కిషన్‌... ఛేదనలో సన్‌రైజర్స్‌కు కూడా సరైన ఆరంభం లభించలేదు. రెండో బంతికే అభిషేక్‌ శర్మ (0) అవుట్‌ కావడంతో తొలి దెబ్బ పడింది. ట్రవిస్‌ హెడ్‌ (16 బంతుల్లో 19; 4 ఫోర్లు) ఎక్కువ సేపు నిలవలేకపోగా పవర్‌ప్లేలో 37 పరుగులే వచ్చాయి. మరోవైపు ఇషాన్‌ కిషన్‌ మాత్రం కొన్ని చక్కటి షాట్లతో పరిస్థితిని చక్కదిద్దే ప్రయత్నం చేశాడు. బ్యాటింగ్‌ ఆర్డర్‌లో ముందుగా వచ్చిన హెన్రిచ్‌ క్లాసెన్‌ (7) విఫలం కావడంతో రైజర్స్‌ కష్టాలు మరింత పెరిగాయి. వేగంగా ఆడే ప్రయత్నంలో రైజర్స్‌ వికెట్లు కోల్పోయింది. 16 పరుగుల వ్యవధిలో కిషన్, అనికేత్‌ వర్మ (19 బంతుల్లో 19; 2 సిక్స్‌లు) నిష్క్రమించడంతో గెలుపుపై సందేహాలు ఏర్పడ్డాయి. అయితే కమిందు, ఏడో స్థానంలో వచ్చిన నితీశ్‌ రెడ్డి (13 బంతుల్లో 19 నాటౌట్‌; 2 ఫోర్లు) ఒత్తిడిని అధిగమించి జాగ్రత్తగా ఆడుతూ జట్టును విజయతీరం చేర్చారు. స్కోరు వివరాలు చెన్నై సూపర్‌ కింగ్స్‌ ఇన్నింగ్స్‌: రషీద్‌ (సి) అభిషేక్‌ (బి) షమీ 0; ఆయుశ్‌ (సి) ఇషాన్‌ కిషన్‌ (బి) కమిన్స్‌ 30; స్యామ్‌ కరన్‌ (సి) అనికేత్‌ (బి) హర్షల్‌ 9; జడేజా (బి) కమిందు 21; బ్రెవిస్‌ (సి) కమిందు (బి) హర్షల్‌ 42; శివమ్‌ దూబే (సి) అభిషేక్‌ (బి) ఉనాద్కట్‌ 12; హుడా (సి) అభిషేక్‌ (బి) ఉనాద్కట్‌ 22; ధోని (సి) అభిషేక్‌ (బి) హర్షల్‌ 6; అన్షుల్‌ (సి) క్లాసెన్‌ (బి) కమిన్స్‌ 2; నూర్‌ (సి) షమీ (బి) హర్షల్‌ 2; ఖలీల్‌ (నాటౌట్‌) 1; ఎక్స్‌ట్రాలు 7; మొత్తం (19.5 ఓవర్లలో ఆలౌట్‌) 154. వికెట్ల పతనం: 1–0, 2–39, 3–47, 4–74, 5–114, 6–118, 7–131, 8–134, 9–137, 10–154. బౌలింగ్‌: షమీ 3–0–28–1, కమిన్స్‌ 4–0–21–2, ఉనాద్కట్‌ 2.5–0–21–2, హర్షల్‌ పటేల్‌ 4–0–28–4, అన్సారీ 3–0–27–0, కమిందు మెండిస్‌ 3–0–26–1. సన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ (సి) ఆయుశ్‌ (బి) ఖలీల్‌ 0; హెడ్‌ (బి) కంబోజ్‌ 19; ఇషాన్‌ కిషన్‌ (సి) కరన్‌ (బి) నూర్‌ 44; క్లాసెన్‌ (సి) హుడా (బి) జడేజా 7; అనికేత్‌ (సి) హుడా (బి) నూర్‌ 19; కమిందు (నాటౌట్‌) 32; నితీశ్‌ రెడ్డి (నాటౌట్‌) 19; ఎక్స్‌ట్రాలు 15; మొత్తం (18.4 ఓవర్లలో 5 వికెట్లకు) 155. వికెట్ల పతనం: 1–0, 2–37, 3–54, 4–90, 5–106. బౌలింగ్‌: ఖలీల్‌ 3–0–21–1, కంబోజ్‌ 3–0–16–1, నూర్‌ అహ్మద్‌ 4–0–42–2, జడేజా 3.4–0–22–1, స్యామ్‌ కరన్‌ 2–0–25–0, పతిరణ 3–0–27–0. ఐపీఎల్‌లో నేడుకోల్‌కతా X పంజాబ్‌ వేదిక: కోల్‌కతారాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

చెన్నై: ఈ ఐపీఎల్‌ సీజన్‌లో పరాజయలతో సతమతమవుతోన్న గత ఏడాది రన్నరప్‌ సన్‌రైజర్స్‌ హైదరాబాద్‌ (ఎస్‌ఆర్‌హెచ్‌)... ఐదుసార్లు చాంపియన్‌ చెన్నై సూపర్‌ కింగ్స్‌ (సీఎస్‌కే) మధ్య నేడు కీలక మ్యాచ్‌ జరగనుంది. చెన్నైలోని చెపాక్‌ స్టేడియం వేదికగా మాజీ చాంపియన్స్‌ అమీతుమీ తేల్చుకోనున్నాయి. ఈ సీజన్‌లో ఇరు జట్లు ఎనిమిదేసి మ్యాచ్‌లు ఆడి... 2 విజయాలు, 6 పరాజయాలతో నాలుగేసి పాయింట్లు ఖాతాలో వేసుకున్నాయి. పట్టికలో సన్‌రైజర్స్‌ తొమ్మిదో స్థానంలో ఉండగా... చెన్నై సూపర్‌ కింగ్స్‌ అట్టడుగున పదో స్థానంలో కొనసాగుతోంది.ప్లే ఆఫ్స్‌కు చేరాలంటే మిగిలిన అన్నీ మ్యాచ్‌ల్లోనూ విజయం తప్పనిసరి అయిన నేపథ్యంలో... ఇరు జట్లకు ఈ మ్యాచ్‌ కీలకంగా మారింది. చెన్నై జట్టు ఈ ఏడాది కనీస ప్రదర్శన కనబర్చలేక ఇబ్బంది పడుతుంటే... బ్యాటర్ల వైఫల్యంతో హైదరాబాద్‌ మూల్యం చెల్లించుకుంటోంది. ఇరు జట్లకు మరో ఆరేసి మ్యాచ్‌లు మిగిలి ఉండగా... అన్నీ మ్యాచ్‌ల్లో విజయాలు సాధిస్తేనే సులువుగా ప్లే ఆఫ్స్‌కు చేరే చాన్స్‌ ఉంది. ఈ నేపథ్యంలో... స్పిన్‌కు అనుకూలించే అవకాశం ఉన్న పిచ్‌పై హైదరాబాద్‌ను పడగొట్టి ముందంజ వేయాలని ధోనీ సారథ్యంలోని చెన్నై భావిస్తోంది.మరోవైపు బ్యాటింగ్‌ లోపాలను సరిచేసుకొని తిరిగి భారీ స్కోర్లతో విజృంభించాలని ఎస్‌ఆర్‌హెచ్‌ చూస్తోంది. బుధవారమే హైదరాబాద్‌ ఉప్పల్‌ స్టేడియంలో ముంబై చేతిలో ఓటమి మూటగట్టుకున్న రైజర్స్‌... 48 గంటలు తిరిగేసరికి చెన్నైతో మ్యాచ్‌కు రెడీ అయింది. మరి ఈ సీజన్‌లో పేలవ ప్రదర్శనతో పరాజయాలతో సహవాసం చేస్తున్న ఇరు జట్లలో విజయం ఎవరిని వరిస్తుందో చూడాలి! తీవ్ర ఒత్తిడిలో ధోనీ సేన... సాధారణంగా చెపాక్‌లో మ్యాచ్‌ అంటే... చెన్నై సూపర్‌ కింగ్స్‌ జట్టు ఫేవరెట్‌గా బరిలోకి దిగడం పరిపాటి. అయితే ఈ సీజన్‌లో మాత్రం ఫలితాలు అందుకు భిన్నంగా వస్తున్నాయి. ధోని సేన స్పిన్‌ను ఎదుర్కోవడంలో ఇబ్బంది పడుతుంటంతో ఆ జట్టుకు పరాజయాలు తప్పడం లేదు. కోల్‌కతాతో మ్యాచ్‌లో అయితే చెన్నై మరీ నాసిరకం ఆటతీరు కనబర్చింది. క్రీజులో నిలవడమే తెలియదన్నట్లు బ్యాటర్లు ఒకరి వెంట ఒకరు పెవిలియన్‌కు క్యూ కట్టారు. రుతురాజ్‌ గైక్వాడ్‌ గాయంతో జట్టుకు దూరమవడంతో... జట్టు పగ్గాలు అందుకున్న ధోని కూడా సీఎస్‌కే రాత మార్చలేకపోతున్నాడు. టాపార్డర్‌లో ధాటిగా ఆడే బ్యాటర్‌ లేకపోవడం... మిడిలార్డర్‌లో మునుపటి మెరుపులు లోపించడం... ధోని స్వేచ్ఛగా భారీ షాట్‌లు ఆడలేకపోవడం... ప్రత్యర్థి స్పిన్నర్లు విజృంభిస్తున్న చోట చెన్నై బౌలర్లు నామమాత్ర ప్రదర్శన కనబర్చడం... వెరసి చెన్నై తీవ్రంగా ఇబ్బంది పడుతోంది. ఈ నేపథ్యంలో ఆ జట్టుకు కాస్త ఆశ ఏదైనా ఉంది అంటే... అది యువ ఆటగాడు ఆయుశ్‌ మాత్రే మెరుపులే. గత మ్యాచ్‌ ద్వారానే ఐపీఎల్‌ అరంగేట్రం చేసిన 17 ఏళ్ల మాత్రే... ముంబై పేసర్లను సమర్థవంతంగా ఎదుర్కొంటూ 15 బంతుల్లో 32 పరుగులు చేసి ఆకట్టుకున్నాడు. ఆంధ్ర ఆటగాడు షేక్‌ రషీద్‌ భారీ ఇన్నింగ్స్‌ ఆడాలని భావిస్తుండగా... రచిన్‌ రవీంద్రలో నిలకడ కొరవడింది. మిడిలార్డర్‌లో జడేజా, దూబే, విజయ్‌ శంకర్‌ కీలకం కానున్నారు. ఓవర్టన్, పతిరణ, ఖలీల్‌ అహ్మద్, నూర్‌ అహ్మద్, అశ్విన్, జడేజాతో బౌలింగ్‌ మెరుగ్గా ఉంది. ఏవీ ఆ మెరుపులు! సీజన్‌ ఆరంభ పోరులోనే దాదాపు మూడొందల పరుగులతో బీభత్సం సృష్టించిన సన్‌రైజర్స్‌ హైదరాబాద్‌ ఆ తర్వాత లయ కోల్పోయింది. పంజాబ్‌ కింగ్స్‌పై భారీ లక్ష్యాన్ని ఛేదించి తిరిగి గాడిన పడింది అనుకుంటే... పాత పాటే పునరావృతం చేస్తోంది. గత రెండు మ్యాచ్‌లను ముంబైతోనే ఆడిన సన్‌రైజర్స్‌ కనీస ప్రతిఘటన లేకుండానే పరాజయం పాలైంది. రైజర్స్‌ ఓటముల సంఖ్య కన్నా... ఆరెంజ్‌ ఆర్మీ ఆడుతున్న తీరే అభిమానులను కలవరపెడుతోంది. పిచ్, పరిస్థితులతో సంబంధం లేకుండా క్రీజులోకి వచ్చిన ప్రతి ఒక్కరూ భారీ షాట్లు ఆడేందుకు ప్రయత్నించి వెనుదిరగడం... జట్టు ఆలోచన విధానంపై ప్రశ్నలు లేవనెత్తుతోంది. ఓపెనర్లు ట్రావిస్‌ హెడ్, అభిõÙక్‌ శర్మ నిలకడ కొనసాగించలేకపోతుండగా... ఆంధ్ర ఆల్‌రౌండర్‌ నితీశ్‌ కుమార్‌ రెడ్డి, ఇషాన్‌ కిషన్‌ పూర్తిగా విఫలమవుతున్నారు. దీంతో క్లాసెన్‌పై అధిక భారం పడుతోంది. అభినవ్‌ మనోహర్, అనికేత్‌ వర్మ నుంచి టీమ్‌ మేనేజ్‌మెంట్‌ మరింత ఆశిస్తోంది. దూకుడుకు మారుపేరుగా నిలిచిన రైజర్స్‌... ఇప్పుడు అదే తొందరపాటులో వికెట్లు కోల్పోయి చతికిలబడుతోంది. ఇక చెన్నైలో రైజర్స్‌కు మంచి రికార్డు లేదు. చెపాక్‌లో చెన్నై సూపర్‌ కింగ్స్‌పై ఆరెంజ్‌ ఆర్మీ ఒక్కసారి కూడా విజయం సాధించలేదు. కమిన్స్, షమీ, హర్షల్‌ పటేల్, జీషన్‌ అన్సారీ ఇషాన్‌ మలింగతో కూడిన బౌలింగ్‌ బృందం ఎలాంటి అద్భుతాలు చేయలేకపోతోంది. ‘అభిషేక్, హెడ్‌ విఫలమవుతున్నప్పుడు ఇతర ఆటగాళ్లు బాధ్యత తీసుకోవాల్సిన అవసరముంది. ఈ సీజన్‌లో అదే కొరవడింది. భాగస్వామ్యాలు నమోదు చేయడంలో మా ఆటగాళ్లు విఫలమవుతున్నారు’ అని సన్‌రైజర్స్‌ కోచ్‌ వెటోరీ అన్నాడు. 400టి20ల్లో ధోనికి ఇది 400వ మ్యాచ్‌. ఈ మార్క్‌ చేరుకున్న నాలుగో భారత ప్లేయర్‌గా అతడు నిలవనున్నాడు. రోహిత్‌ శర్మ (456), దినేశ్‌ కార్తీక్‌ (412), విరాట్‌ కోహ్లి (407) తొలి మూడు స్థానాల్లో ఉన్నారు. తుది జట్లు (అంచనా)సన్‌రైజర్స్‌ హైదరాబాద్‌: కమిన్స్‌ (కెప్టెన్‌), అభిషేక్‌ శర్మ, ట్రావిస్‌ హెడ్, ఇషాన్‌ కిషన్, నితీశ్‌ కుమార్‌ రెడ్డి, హెన్రిచ్‌ క్లాసెన్, అనికేత్‌ వర్మ, అభినవ్‌ మనోహర్, హర్షల్‌ పటేల్, జైదేవ్‌ ఉనాద్కట్, జీషన్‌ అన్సారీ, ఇషాన్‌ మలింగ. చెన్నై సూపర్‌ కింగ్స్‌: ధోని (కెప్టెన్‌), రచిన్‌ రవీంద్ర, షేక్‌ రషీద్, ఆయుశ్‌ మాత్రే, రవీంద్ర జడేజా, శివమ్‌ దూబే, విజయ్‌ శంకర్, జేమీ ఓవర్టన్, అశ్విన్, నూర్‌ అహ్మద్, ఖలీల్‌ అహ్మద్, పతిరణ.

ఐపీఎల్‌ 2025 సీజన్‌లో భాగంగా నిన్న (ఏప్రిల్‌ 23) జరిగిన మ్యాచ్‌లో సన్‌రైజర్స్‌ హైదరాబాద్‌ను ముంబై ఇండియన్స్‌ చిత్తుగా ఓడించింది. ఈ మ్యాచ్‌లో తొలుత బ్యాటింగ్‌ చేసిన సన్‌రైజర్స్‌.. ట్రెంట్‌ బౌల్ట్‌ (4-0-26-4), దీపక్‌ చాహర్‌ (4-0-12-2), హార్దిక్‌ పాండ్యా (3-0-31-1), బుమ్రా (4-0-39-1), సాంట్నర్‌ (4-0-19-0) చెలరేగడంతో నిర్ణీత 20 ఓవర్లలో 8 వికెట్ల కోల్పోయి 143 పరుగులు మాత్రమే చేయగలిగింది. 35 పరుగులకే సగం వికెట్లు కోల్పోయిన సన్‌రైజర్స్‌ను క్లాసెన్‌ (71), అభినవ్‌ మనోహర్‌ (43) ఆదుకున్నారు.అనంతరం ఛేదనలో ముంబై ఆదిలోనే రికెల్టన్‌ (11) వికెట్‌ కోల్పోయినా.. రోహిత్‌ (46 బంతుల్లో 70; 8 ఫోర్లు, 3 సిక్స‍ర్లు), సూర్యకుమార్‌ యాదవ్‌ (19 బంతుల్లో 40 నాటౌట్‌; 5 ఫోర్లు, 2 సిక్సర్లు) మెరుపు ఇన్నింగ్స్‌లు ఆడి తమ జట్టును గెలిపించారు. ముంబై మరో 26 బంతులు మిగిలుండగానే 3 వికెట్లు మాత్రమే కోల్పోయి లక్ష్యాన్ని ఛేదించింది. ఈ గెలుపుతో ముంబై వరుసగా నాలుగో విజయాన్ని నమోదు చేసి పాయింట్ల పట్టికలో మూడో స్థానానికి ఎగబాకింది.ఈ మ్యాచ్‌లో సన్‌రైజర్స్‌ బ్యాటర్‌ ఇషాన్‌ కిషన్‌ వ్యవహరించిన తీరుపై సొంత అభిమానులే తీవ్రస్థాయిలో మండిపడుతున్నారు. ఇషాన్‌ ముంబై ఇండియన్స్‌తో కలిసి మ్యాచ్‌ ఫిక్సింగ్‌కు పాల్పడ్డాడని ఆరోపిస్తున్నారు. ఇషాన్‌ తమను నమ్మించి వెన్నుపోటు పొడిచాడని దుయ్యబడుతున్నారు. ఇకపై సన్‌రైజర్స్‌ యాజమాన్యం అతనికి అవకాశాలు ఇవ్వకూడదని డిమాండ్‌ చేస్తున్నారు.అసలేం జరిగిందంటే.. సొంత మైదానంలో ఎస్‌ఆర్‌హెచ్‌ నిన్న ముంబై ఇండియన్స్‌తో తలపడింది. ఈ మ్యాచ్‌లో ఇషాన్‌ అంపైర్ ఔట్ ఇవ్వ‌క‌పోయినా త‌నంత‌ట తానే మైదానాన్ని వీడాడు. హెడ్‌ ఔటయ్యాక మూడో స్థానంలో బ్యాటింగ్‌కు వచ్చిన ఇషాన్‌.. దీపక్‌ చాహర్‌ వేసిన ఇన్నింగ్స్‌ 3వ ఓవ‌ర్ తొలి బంతిని లెగ్ సైడ్ దిశగా ఆడే ప్రయత్నం చేశాడు. కానీ బంతి ఇషాన్ బ్యాట్‌ను మిస్సై వికెట్ కీప‌ర్ రికెల్టన్ చేతికి వెళ్లింది. బంతికి బ్యాట్‌కు తాకిందని భావించిన ఇషాన్‌ అంపైర్‌ ఎలాంటి ప్రకటన చేయకపోయినా ఔటయ్యానని అనుకుని పెవిలియన్‌ బాట పట్టాడు. రీ ప్లేలో బంతి బ్యాట్‌కు కానీ శరీరానికి కానీ తగల్లేదని తేలింది. దీంతో ఇషాన్‌పై ఎస్‌ఆర్‌హెచ్‌ అభిమానుల ఆగ్రహం కట్టలు తెంచుకుంది. అప్పటికే హెడ్‌ ఔటై కష్టాల్లో ఉన్నామని తెలిసి కూడా ఇషాన్‌కు ఇంత నిర్లక్షమా అని ‍మండిపడుతున్నారు. వరుస పరాజయాలతో సతమతమవుతున్నా ఇషాన్‌కు ఏ మాత్రం పట్ట లేదని దుయ్యబడుతున్నారు. రూ. 15.25 కోట్లు పెట్టి కొనుక్కుంటే ఇలాగేనా చేసేదని దుమ్మెత్తిపోస్తున్నారు.కాగా, ఈ సీజన్‌లో ఇషాన్‌ తన తొలి మ్యాచ్‌లో రాజస్థాన్‌ రాయల్స్‌పై సెంచరీ చేశాడు. అప్పుడు సన్‌రైజర్స్‌ అభిమానులు ఇషాన్‌ను ఆహా ఓహో అంటూ ఆకాశానికెత్తారు. ఆ మ్యాచ్‌ తర్వాత ఇషాన్‌ వరుసగా 7 మ్యాచ్‌ల్లో విఫలమై అభిమానులను నిరాశలో ముంచెత్తాడు. సరిగ్గా ఆడకపోతే ఫామ్‌లో లేడని భావించిన ఫ్యాన్స్‌, ఔట్‌ కాకపోయినా ఔటయ్యానని తనకు తానే ప్రకటించుకోవడంపై ఫైరవుతున్నారు. ముంబై ఇండియన్స్‌ నుంచి వచ్చాడు. ఆ ఫ్రాంచైజీకి అమ్ముడుపోయాడంటూ కామెంట్లు చేస్తున్నారు. ఈ సీజన్‌లోనే ముంబైతో జరిగిన తొలి మ్యాచ్‌లో ఇషాన్‌ ఆ జట్టు ఓనర్‌ నీతా అంబానీతో చనువుగా ఉ​న్న విషయాన్ని ఈ సందర్భంగా ప్రస్తావిస్తున్నారు. ఇలా చేసినందుకు నీతా మేడం ఇషాన్‌కు రిలయన్స్‌ మార్ట్‌ నుండి సరుకులు పంపుతుందని జో​క్‌ చేస్తున్నారు. ఇషాన్‌ ఐపీఎల్‌ కెరీర్‌ ఆరంభం నుంచి ముంబై ఇండియన్స్‌లోనే కొనసాగిన విషయం తెలిసిందే.

ఐపీఎల్‌–2025 సీజన్‌లో సన్‌రైజర్స్‌ హైదరాబాద్‌ కథ దాదాపు ముగిసినట్లే అనిపిస్తోంది... గత ఏడాది రన్నరప్‌ ఈసారి పేలవ ప్రదర్శనతో ఆడిన ఎనిమిది మ్యాచ్‌లలో ఆరో పరాజయాన్ని తమ ఖాతాలో వేసుకుంది...ముంబై పేసర్లు బౌల్ట్, చహర్‌ ధాటికి 13/4 వద్ద నిలిచి, ఆపై ఎలాగోలా 143 వరకు చేరినా... ఆ స్కోరు ఓటమిని తప్పించలేకపోయింది. రోహిత్‌ శర్మ మరో చక్కటి అర్ధ సెంచరీతో ముందుండి నడిపించగా మరో 26 బంతుల ముందే ముంబై విజయతీరం చేరింది. సాక్షి, హైదరాబాద్‌: ఐపీఎల్‌లో మ్యాచ్‌ మ్యాచ్‌కీ జోరు పెంచుతూ చెలరేగుతున్న ముంబై ఇండియన్స్‌ వరుసగా నాలుగో విజయాన్ని అందుకుంది. బుధవారం ఉప్పల్‌ స్టేడియంలో జరిగిన మ్యాచ్‌లో ముంబై 7 వికెట్ల తేడాతో సన్‌రైజర్స్‌ హైదరాబాద్‌పై నెగ్గింది. ముందుగా రైజర్స్‌ 20 ఓవర్లలో 8 వికెట్ల నష్టానికి 143 పరుగులు చేసింది. క్లాసెన్‌ (44 బంతుల్లో 71; 9 ఫోర్లు, 2 సిక్స్‌లు) అర్ధసెంచరీ చేయగా, అభినవ్‌ మనోహర్‌ (37 బంతుల్లో 43; 2 ఫోర్లు, 3 సిక్స్‌లు) రాణించాడు. ‘ప్లేయర్‌ ఆఫ్‌ ద మ్యాచ్‌’ ట్రెంట్‌ బౌల్ట్‌ 4 వికెట్లు తీశాడు. అనంతరం ముంబై 15.4 ఓవర్లలో 3 వికెట్లకు 146 పరుగులు చేసింది. రోహిత్‌ శర్మ (46 బంతుల్లో 70; 8 ఫోర్లు, 3 సిక్స్‌లు), సూర్యకుమార్‌ యాదవ్‌ (19 బంతుల్లో 40 నాటౌట్‌; 5 ఫోర్లు, 2 సిక్స్‌లు) కీలక ఇన్నింగ్స్‌ ఆడారు. ఆదుకున్న క్లాసెన్‌... ఒకటి, రెండు, మూడు, నాలుగు... సన్‌రైజర్స్‌ టాప్‌–4 బ్యాటర్లు పూర్తిగా విఫలం కావడంతో ఇన్నింగ్స్‌ మరీ పేలవంగా ప్రారంభమైంది. హెడ్‌ (0), అభిషేక్‌ శర్మ (8), నితీశ్‌ కుమార్‌ రెడ్డి (2) చెత్త షాట్లు ఆడి నిష్క్రమించగా, ఇషాన్‌ కిషన్‌ (1) తన వికెట్‌ తానే ఇచ్చుకున్నాడు. ఈ సీజన్‌లో అత్యల్ప పవర్‌ప్లే స్కోరు (24) సన్‌రైజర్స్‌ నమోదు చేసింది. కొద్దిసేపటికి అనికేత్‌ వర్మ (12) కూడా వెనుదిరగడంతో 35/5 వద్ద రైజర్స్‌ కష్టాలు మరింత పెరిగాయి. స్కోరు 100 దాటుతుందా అనే సందేహం కనిపించింది. బ్యాటింగ్‌ కుప్పకూలటంతో ఇంపాక్ట్‌ ప్లేయర్‌గా అదనపు బ్యాటర్‌ మనోహర్‌ను తీసుకోవాల్సి వచ్చింది. క్లాసెన్, మనోహర్‌ కలిసి పరిస్థితిని చక్కదిద్దారు. 34 బంతుల్లో క్లాసెన్‌ హాఫ్‌ సెంచరీ పూర్తయింది. బుమ్రా బౌలింగ్‌లో రివర్స్‌ స్కూప్‌తో అతను కొట్టిన సిక్సర్‌ ఇన్నింగ్స్‌లో హైలైట్‌గా నిలిచింది. క్లాసెన్, మనోహర్‌ ఆరో వికెట్‌కు 63 బంతుల్లో 99 పరుగులు జోడించారు. చకచకా లక్ష్యం వైపు... స్వల్ప ఛేదనలో ముంబై ఆరంభంలోనే రికెల్టన్‌ (11) వికెట్‌ కోల్పోయింది. అయితే ఆ తర్వాత జట్టుకు ఎలాంటి ఇబ్బందీ ఎదురు కాలేదు. రోహిత్, విల్‌ జాక్స్‌ (22; 2 ఫోర్లు, 1 సిక్స్‌) రెండో వికెట్‌కు 46 బంతుల్లోనే 64 పరుగులు జోడించి జట్టు విజయానికి బాటలు వేశారు. జాక్స్‌ వెనుదిరిగిన తర్వాత రోహిత్‌కు సూర్య జత కలిశాడు. 35 బంతుల్లో రోహిత్‌ హాఫ్‌ సెంచరీని అందుకున్నాడు. హర్షల్‌ ఓవర్లో మూడు ఫోర్లు కొట్టి మరింత జోరు ప్రదర్శించిన రోహిత్‌ ఎట్టకేలకు విజయానికి మరో 14 పరుగుల దూరంలో వెనుదిరిగాడు. స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: హెడ్‌ (సి) నమన్‌ (బి) బౌల్ట్‌ 0; అభిషేక్‌ (సి) పుతూర్‌ (బి) బౌల్ట్‌ 8; ఇషాన్‌ కిషన్‌ (సి) రికెల్టన్‌ (బి) దీపక్‌ చహర్‌ 1; నితీశ్‌ రెడ్డి (సి) సాంట్నర్‌ (బి) దీపక్‌ చహర్‌ 2; క్లాసెన్‌ (సి) తిలక్‌ (బి) బుమ్రా 71; అనికేత్‌ (సి) రికెల్టన్‌ (బి) పాండ్యా 12; మనోహర్‌ (హిట్‌ వికెట్‌) (బి) బౌల్ట్‌ 43; కమిన్స్‌ (బి) బౌల్ట్‌ 1; హర్షల్‌ (నాటౌట్‌) 1; ఎక్స్‌ట్రాలు 4; మొత్తం (20 ఓవర్లలో 8 వికెట్లకు) 143. వికెట్ల పతనం: 1–2, 2–9, 3–13, 4–13, 5–35, 6–134, 7–142, 8–143. బౌలింగ్‌: దీపక్‌ చహర్‌ 4–0– 12–2, బౌల్ట్‌ 4–0–26–4, బుమ్రా 4–0–39–1, సాంట్నర్‌ 4–0–19–0, పాండ్యా 3–0–31–1, పుతూర్‌ 1–0–15–0. ముంబై ఇండియన్స్‌ ఇన్నింగ్స్‌: రికెల్టన్‌ (సి అండ్‌ బి) ఉనాద్కట్‌ 11; రోహిత్‌ (సి) అభిషేక్‌ (బి) మలింగ 70; జాక్స్‌ (సి)మనోహర్‌ (బి) అన్సారీ 22; సూర్యకుమార్‌ (నాటౌట్‌) 40; తిలక్‌వర్మ (నాటౌట్‌) 2; ఎక్స్‌ట్రాలు 1; మొత్తం (15.4 ఓవర్లలో 3 వికెట్లకు) 146. వికెట్ల పతనం: 1–13, 2–77, 3–130. బౌలింగ్‌: కమిన్స్‌ 3–0–31–0, ఉనాద్కట్‌ 3–0–25–1, హర్షల్‌ 3–0–21–0, ఇషాన్‌ మలింగ 3–0–33–1, అన్సారీ 3.4–0–36–1. అవుట్‌ కాకుండానే... సన్‌రైజర్స్‌ బ్యాటర్‌ ఇషాన్‌ కిషన్‌ అనూహ్య రీతిలో వెనుదిరిగాడు. దీపక్‌ చహర్‌ వేసిన బంతి అతని లెగ్‌సైడ్‌ దిశగా వెళ్లగా కిషన్‌ గ్లాన్స్‌ ఆడే ప్రయత్నం చేశాడు. అయితే కీపర్‌ రికెల్టన్‌ బంతిని అందుకున్న మరుక్షణమే కిషన్‌ అవుట్‌గా భావించి స్వచ్ఛందంగా పెవిలియన్‌ వైపు నడిచాడు. నిజానికి ముంబై ఆటగాళ్లు ఎవరూ గట్టిగా అప్పీల్‌ కూడా చేయకపోగా... అంపైర్‌ వినోద్‌ శేషన్‌ కూడా వైడ్‌గా ప్రకటించేందుకు రెండు చేతులు పైకెత్తబోయాడు. అయితే కిషన్‌ స్పందనను చూసిన అతను తన నిర్ణయాన్ని మార్చుకొని అవుట్‌గా ఖాయం చేశాడు. కిషన్‌ తనంతట తానే వెళ్లిపోవడాన్ని ముంబై కెప్టెన్ పాండ్యా భుజం తట్టి మరీ అభినందించాడు. అయితే ఆ తర్వాత రీప్లేల్లో అతని బ్యాట్‌కు బంతి తగల్లేదని, నాటౌట్‌ అని తేలింది. ఇషాన్‌ కిషన్‌ అతిగా స్పందించకుండా ఉంటే వికెట్‌ చేజారేదే కాదు.ఐపీఎల్‌లో నేడుబెంగళూరు X రాజస్తాన్‌ వేదిక: బెంగళూరురాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

IPL 2025 SRH Vs MI Live updates: ఐపీఎల్‌-2025లో ఉప్ప‌ల్‌లోని రాజీవ్‌గాంధీ అంత‌ర్జాతీయ క్రికెట్ స్టేడియం వేదిక‌గా ముంబై ఇండియ‌న్స్‌, స‌న్‌రైజ‌ర్స్ హైద‌రాబాద్ జ‌ట్లు త‌ల‌ప‌డ‌తున్నాయి. ఎస్ఆర్‌హెచ్‌ను చిత్తు చేసిన ముంబై..ఐపీఎల్‌-2025లో ఉప్ప‌ల్ వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన మ్యాచ్‌లో 7 వికెట్ల తేడాతో ముంబై ఇండియ‌న్స్ ఘ‌న విజ‌యం సాధించింది. 144 ప‌రుగుల ల‌క్ష్యంతో బ‌రిలోకి దిగిన ముంబై కేవ‌లం మూడు వికెట్లు మాత్ర‌మే కోల్పోయి 15.4 ఓవ‌ర్ల‌లోనే చేధించింది. ముంబై బ్యాట‌ర్ల‌లో రోహిత్ శ‌ర్మ‌(46 బంతుల్లో 8 ఫోర్లు, 3 సిక్స్‌ల‌తో 70) అద్బుత ఇన్నింగ్స్ ఆడ‌గా.. సూర్య‌కుమార్ యాద‌వ్‌(19 బంతుల్లో 5 ఫోర్లు, 2 సిక్స్‌ల‌తో 40 నాటౌట్‌) మెరుపు మెరిపించాడు. స‌న్‌రైజ‌ర్స్ బౌల‌ర్ల‌లో ఉన‌ద్క‌ట్‌, మ‌లింగ‌, అన్సారీ త‌లా వికెట్ సాధించారు. ముంబై రెండో వికెట్ డౌన్‌..రోహిత్ శ‌ర్మ రూపంలో ముంబై ఇండియ‌న్స్ రెండో వికెట్ కోల్పోయింది. 70 ప‌రుగులు చేసిన రోహిత్‌.. మ‌లింగ బౌలింగ్‌లో ఔట‌య్యాడు. ముంబై విజ‌యానికి 32 బంతుల్లో 14 ప‌రుగులు కావాలి. క్రీజులో సూర్య‌కుమార్ యాద‌వ్‌(26) ఉన్నాడు.రోహిత్ శ‌ర్మ హాఫ్ సెంచ‌రీ.. రోహిత్ శ‌ర్మ వ‌రుస‌గా రెండో హాఫ్ సెంచ‌రీ సాధించాడు. ఎస్ఆర్‌హెచ్‌తో మ్యాచ్‌లో రోహిత్‌(52) త‌న బ్యాటింగ్‌ను కొన‌సాగిస్తున్నాడు. 11 ఓవ‌ర్లు ముగిసే స‌రికి ముంబై ఇండియ‌న్స్ రెండు వికెట్ల న‌ష్టానికి 85 ప‌రుగులు చేసింది.దూకుడుగా ఆడుతున్న రోహిత్‌..4 ఓవ‌ర్లు ముగిసే స‌రికి ముంబై ఇండియ‌న్స్ వికెట్ న‌ష్టానికి 43 ప‌రుగులు చేసింది. క్రీజులో రోహిత్ శ‌ర్మ‌(25), విల్ జాక్స్‌(7) ఉన్నారు.ముంబై ఇండియ‌న్స్ తొలి వికెట్ డౌన్‌..144 ప‌రుగుల ల‌క్ష్యంతో బ‌రిలోకి దిగిన ముంబై ఇండియ‌న్స్ తొలి వికెట్ కోల్పోయింది. 11 ప‌రుగులు చేసిన ర్యాన్ రికెల్ట‌న్‌.. జ‌యదేవ్ ఉన‌ద్క‌ట్ బౌలింగ్‌లో ఔట‌య్యాడు.చెల‌రేగిన క్లాసెన్‌.. ముంబై టార్గెట్ ఎంతంటే?టాస్ ఓడి బ్యాటింగ్‌కు దిగిన స‌న్‌రైజ‌ర్స్ హైద‌రాబాద్ నిర్ణీత 20 ఓవ‌ర్ల‌లో 8 వికెట్ల న‌ష్టానికి 143 ప‌రుగులు చేసింది. హెన్రిచ్ క్లాసెన్ అద్భుత‌మైన ఇన్నింగ్స్ ఆడాడు. 13 ప‌రుగుల‌కే 4 వికెట్లు కోల్పోయిన ఎస్ఆర్‌హెచ్‌ను క్లాసెన్ విరోచిత పోరాటంతో ఆదుకున్నాడు. కేవ‌లం 44 బంతుల్లో 9 ఫోర్లు, 2 సిక్స‌ర్ల‌తో 71 ప‌రుగులు చేశాడు. అత‌డితో పాటు ఇంపాక్ట్ ప్లేయ‌ర్‌గా వ‌చ్చిన అభిన‌వ్ మ‌నోహ‌ర్ కీల‌క నాక్ ఆడాడు. 37 బంతుల్లో 2 ఫోర్లు, మూడు సిక్స‌ర్ల‌తో 43 ప‌రుగులు చేశాడు. వీరిద్ద‌రూ ఆరో వికెట్‌కు 99 ప‌రుగుల భాగ‌స్వామ్యం నెల‌కొల్పాడు. ముంబై బౌల‌ర్ల‌లో ట్రెంట్ బౌల్ట్ నాలుగు వికెట్లు ప‌డ‌గొట్ట‌గా.. చాహ‌ర్ రెండు, బుమ్రా, హార్దిక్ త‌లా వికెట్ సాధించారు.హెన్రిచ్ క్లాసెన్ ఫిప్టీ..హెన్రిచ్ క్లాసెన్ 34 బంతుల్లోనే హాఫ్ సెంచ‌రీ మార్క్‌ను అందుకున్నాడు. త‌న ఫైటింగ్ నాక్‌తో ఎస్ఆర్‌హెచ్‌ స్కోర్ బోర్డును ముందుకు తీసుకువెళ్తున్నాడు.15 ఓవ‌ర్లు ముగిసే స‌రికి స‌న్‌రైజ‌ర్స్ 5 వికెట్ల న‌ష్టానికి 90 ప‌రుగులు చేసింది.దూకుడు పెంచిన క్లాసెన్‌..10 ఓవ‌ర్లు ముగిసే స‌రికి ఎస్ఆర్‌హెచ్ 5 వికెట్ల న‌ష్టానికి 51 ప‌రుగులు చేసింది. క్రీజులో హెన్రిచ్ క్లాసెన్‌(25), మ‌నోహ‌ర్‌(1) ఉన్నారు.పీక‌ల్లోతు క‌ష్టాల్లో ఎస్ఆర్‌హెచ్‌.. 13 ప‌రుగుల‌కే 4 వికెట్లుఉప్ప‌ల్ వేదిక‌గా ముంబై ఇండియ‌న్స్‌తో జ‌రుగుతున్న మ్యాచ్‌లో స‌న్‌రైజ‌ర్స్ హైద‌రాబాద్ బ్యాట‌ర్లు దారుణ ప్ర‌ద‌ర్శ‌న క‌న‌బ‌రుస్తున్నారు. టాస్ ఓడి బ్యాటింగ్‌కు దిగిన ఎస్ఆర్‌హెచ్‌ కేవ‌లం 13 ప‌రుగులకే 4 వికెట్లు కోల్పోయి పీక‌ల్లోతు క‌ష్టాల్లో ప‌డింది. ట్రావిస్ హెడ్‌(0), కిష‌న్‌(1), అభిషేక్ శ‌ర్మ‌(8),నితీష్ రెడ్డి(2) వ‌రుస క్ర‌మంలో పెవిలియ‌న్‌కు చేరారు. ముంబై బౌల‌ర్ల‌లో ట్రెంట్ బౌల్ట్‌, దీప‌క్ చాహ‌ర్ త‌లా రెండు వికెట్లు సాధించారు.ఎస్ఆర్‌హెచ్‌కు భారీ షాక్‌.. టాస్ ఓడి బ్యాటింగ్‌కు దిగిన ఎస్ఆర్‌హెచ్‌కు భారీ షాక్ త‌గిలింది. ట్రావిస్ హెడ్(0) రూపంలో స‌న్‌రైజ‌ర్స్ తొలి వికెట్ కోల్పోయింది. ట్రెంట్ బౌలింగ్‌లో హెడ్ పెవిలియ‌న్‌కు చేరాడు.2 ఓవ‌ర్లు ముగిసే స‌రికి హైద‌రాబాద్ వికెట్ న‌ష్టానికి 9 ప‌రుగులు చేసింది.👉ఈ మ్యాచ్‌కు ముందు ఉగ్రదాడిలో ప్రాణాలు కోల్పోయిన వారికి సంతాపంగా సన్‌రైజర్స్‌, ముంబై ఇండియన్స్ ఆట‌గాళ్లు ఓ నిమిషం మౌనం పాటించారు.ఐపీఎల్‌-2025లో ఉప్ప‌ల్‌లోని రాజీవ్‌గాంధీ అంత‌ర్జాతీయ క్రికెట్ స్టేడియం వేదిక‌గా ముంబై ఇండియ‌న్స్‌, స‌న్‌రైజ‌ర్స్ హైద‌రాబాద్ జ‌ట్లు త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన ముంబై ఇండియ‌న్స్ తొలుత బ్యాటింగ్ ఎంచుకుంది. పహల్గామ్ ఉగ్రదాడి ప్రాణాలు కోల్పోయిన వారికి సంతాపంగా ఇరు జట్ల ఆటగాళ్లు, మ్యాచ్‌ అఫీషియల్స్‌ నల్లటి బ్యాండ్లు ధ‌రించి బ‌రిలోకి దిగారు.ఈ మ్యాచ్‌లో ఇరు జ‌ట్లు చెరో మార్పుతో బ‌రిలోకి దిగాయి. పేస‌ర్ అశ్వినీ కుమార్ స్దానంలో విఘ్నేష్ పుత్త‌ర్ తుది జ‌ట్టులోకి వ‌చ్చాడు. అదేవిధంగా స్టార్ పేస‌ర్ మ‌హ్మ‌ద్ ష‌మీని ఎస్ఆర్‌హెచ్ ప‌క్క‌న పెట్టింది. అత‌డి స్ధానంలో జ‌య‌దేవ్ ఉన‌ద్కట్ జ‌ట్టులోకి వ‌చ్చాడు.తుది జ‌ట్లుసన్‌రైజర్స్ హైదరాబాద్ (ప్లేయింగ్ XI): అభిషేక్ శర్మ, ట్రావిస్ హెడ్, ఇషాన్ కిషన్, నితీష్ కుమార్ రెడ్డి, హెన్రిచ్ క్లాసెన్(వికెట్ కీప‌ర్‌), అనికేత్ వర్మ, పాట్ కమిన్స్(కెప్టెన్‌), హర్షల్ పటేల్, జయదేవ్ ఉనద్కత్, జీషన్ అన్సారీ, ఎషాన్ మలింగముంబై ఇండియన్స్ (ప్లేయింగ్ XI): ర్యాన్ రికెల్టన్(వికెట్ కీప‌ర్‌), విల్ జాక్స్, సూర్యకుమార్ యాదవ్, తిలక్ వర్మ, హార్దిక్ పాండ్యా(కెప్టెన్‌), నమన్ ధీర్, మిచెల్ సాంట్నర్, దీపక్ చాహర్, ట్రెంట్ బౌల్ట్, జస్ప్రీత్ బుమ్రా, విఘ్నేష్ పుత్తూర్

సాక్షి, హైదరాబాద్‌: ఐపీఎల్‌ 18వ సీజన్‌లో నిలకడ కనబర్చలేకపోతున్న సన్‌రైజర్స్‌ హైదరాబాద్‌ (ఎస్‌ఆర్‌హెచ్‌) మరో కీలక పోరుకు సిద్ధమైంది. ఏడు మ్యాచ్‌లాడి 2 విజయాలు 5 పరాజయాలతో పాయింట్ల పట్టికలో తొమ్మిదో స్థానంలో ఉన్న సన్‌రైజర్స్‌... బుధవారం మరో మారు ముంబై ఇండియన్స్‌తో అమీతుమీ తేల్చుకోనుంది. గత గురువారం వాంఖడే వేదికగా ముంబైతోనే తమ చివరి మ్యాచ్‌ ఆడిన ఎస్‌ఆర్‌హెచ్‌... స్వల్ప విరామం అనంతరం మరోసారి ముంబైతోనే తలపడుతోది. ఈ సీజన్‌లో ఆడితే బ్రహ్మండం... లేదంటే శూన్యం అన్నట్లు సాగుతున్న హైదరాబాద్‌... ప్లే ఆఫ్స్‌ రేసులో నిలవాలంటే ఈ మ్యాచ్‌లో గెలుపు తప్పనిసరి. జట్టులో లెక్కకు మిక్కిలి హిట్టర్లు ఉన్నా... వారంతా కలిసి కట్టుగా కదం తొక్కలేకపోతుండటమే ఎస్‌ఆర్‌హెచ్‌ను ఇబ్బంది పెడుతోంది. సొంతగడ్డపై బీభత్సం సృష్టించే ఆరెంజ్‌ ఆర్మీ... ఉప్పల్‌లో అయినా తిరిగి విజయాల బాట పట్టాలని చూస్తోంది. మరోవైపు గత మూడు మ్యాచ్‌ల్లోనూ నెగ్గి ఫామ్‌లోకి వచ్చిన ముంబై ఇండియన్స్‌... అదే జోరు కొనసాగిస్తూ పాయింట్ల పట్టికలో పైపైకి దూసుకెళ్లాలని భావిస్తోంది. తాజా సీజన్‌లో ఆడిన తొలి 5 మ్యాచ్‌ల్లో కేవలం ఒక్క విజయమే సాధించిన ముంబై ఇండియన్స్‌... ఆ తర్వాత గాడిన పడింది. స్టార్‌ పేసర్‌ బుమ్రా వచ్చాక బౌలింగ్‌ మరింత రాటుదేలగా... గత మ్యాచ్‌తో హిట్‌మ్యాన్‌ రోహిత్‌ శర్మ లయ అందుకున్నాడు. ఈ నేపథ్యంలో ఉప్పల్‌లో సన్‌రైజర్స్‌ పరుగుల ఉప్పెన సృష్టిస్తుందా లేక ముంబై గెలుపు జోరు కొనసాగుతుందా చూడాలి! టాపార్డర్‌ రాణిస్తేనే... గతేడాది నిలకడైన ప్రదర్శనతో రన్నరప్‌గా నిలిచిన సన్‌రైజర్స్‌ జట్టు... ఈసారి అదే తీవ్రత కొనసాగించలేకపోతోంది. తొలి పోరులో భారీ స్కోరు చేసి ప్రత్యర్థులను బెదరగొట్టిన రైజర్స్‌... ఆ తర్వాత మాత్రం పేలవ ప్రదర్శనతో విమర్శలు ఎదుర్కొంటోంది, ఎస్‌ఆర్‌హెచ్‌ తరఫున ఆడిన తొలి పోరులోనే సెంచరీతో చెలరేగిన ఇషాన్‌ కిషన్‌ ఆ తర్వాత ఆకట్టుకోలేకపోతుండగా... గత సీజన్‌లో ‘ఎమర్జింగ్‌ ప్లేయర్‌ అవార్డు’ దక్కించుకున్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డి పూర్తిగా విఫలమవుతూ ఉన్నాడు. ఓపెనర్లు అభిõÙక్‌ శర్మ, ట్రావిస్‌ హెడ్‌పై జట్టు ఎక్కువగా ఆధారపడుతోంది. దానికి తగ్గట్లు వీరిద్దరు ఆడిన రోజు టీమ్‌ మొత్తం చెలరేగుతుండగా... ఓపెనర్లు విఫలమైన సందర్భంలో మాత్రం ఓ మాదిరి స్కోరు చేసేందుకు కూడా తడబడుతోంది. మిడిలార్డర్‌లో క్లాసెన్, అనికేత్‌ వర్మ మెరుగైన ప్రదర్శన కనబరుస్తున్నారు. ఈ మ్యాచ్‌లో ఇషాన్, నితీశ్‌ కూడా గాడిన పడాలని మేనేజ్‌మెంట్‌ ఆశిస్తోంది. అటు బౌలింగ్‌లోనూ రైజర్స్‌ ఏమాత్రం ప్రభావం చూపలేకపోతోంది. కెప్టెన్‌ కమిన్స్‌తో పాటు టీమిండియా సీనియర్‌ పేసర్‌ మొహమ్మద్‌ షమీ, హర్షల్‌ పటేల్‌ స్థాయికి తగ్గ ప్రదర్శన చేయలేకపోతుండగా... ఇషాన్‌ మలింగ, జీషన్‌ అన్సారీపై అధిక భారం పడుతోంది. ఇరు జట్ల మధ్య జరిగిన గత మ్యాచ్‌లో రైజర్స్‌ నిర్దేశించిన లక్ష్యాన్ని ముంబై అలవోకగా ఛేదించింది. అయితే అది వాంఖడేలోని కాస్త టరి్నంగ్‌ పిచ్‌కాగా... ఉప్పల్‌ ఫ్లాట్‌ పిచ్‌పై ఎలాంటి ఫలితం వస్తుందనేది ఆసక్తికరం. ‘హ్యాట్రిక్‌’తో జోరుమీదున్న ముంబై ఎప్పట్లాగే ఈసారి కూడా పరాజయాలతోనే సీజన్‌ను ప్రారంభించిన ముంబై ఇండియన్స్‌... ఆ తర్వాత పుంజుకుంది. గత మూడు మ్యాచ్‌లను పరిశీలిస్తే.. ఢిల్లీ క్యాపిటల్స్, సన్‌రైజర్స్‌ హైదరాబాద్, చెన్నై సూపర్‌ కింగ్స్‌ (సీఎస్‌కే)పై హార్దిక్‌ పాండ్యా సారథ్యంలోని ముంబై విజయాలు సాధించింది. చెన్నైతో పోరు ద్వారా రోహిత్‌ శర్మ ఫామ్‌లోకి రావడం ఆ జట్టుకు అదనపు బలాన్నిస్తోంది. రోహిత్, సూర్యకుమార్‌ ఆకాశమే హద్దుగా చెలరేగడంతో సీఎస్‌కే నిర్దేశించిన 177 పరుగుల లక్ష్యాన్ని ముంబై జట్టు 15.4 ఓవర్లలోనే అధిగమించింది. హైదరాబాదీ తిలక్‌ వర్మ, హార్దిక్‌ పాండ్యా, విల్‌ జాక్స్, నమన్‌ ధీర్‌తో మిడిలార్డర్‌ కూడా బలంగా ఉంది. బౌలింగ్‌లోనూ ముంబైకి పెద్దగా ఇబ్బందులు లేవు. గాయం నుంచి కోలుకొని తిరిగి వచ్చిన స్టార్‌ పేసర్‌ బుమ్రా మునుపటి వేగం అందిపుచ్చుకోగా... బౌల్ట్, దీపక్‌ చహర్‌ అతడికి సహకరిస్తున్నారు. సాంట్నర్, అశ్వని కుమార్‌ మరోసారి కీలకం కానున్నారు. అయితే సొంతగడ్డపై ఎంతటి బౌలింగ్‌ బృందాన్ని అయినా చిత్తు చేయగల ఆరెంజ్‌ ఆర్మీ హిట్టర్లను ముంబై బౌలర్లు ఏమేరకు అడ్డుకుంటారనే దానిపైనే మ్యాచ్‌ ఫలితం ఆధారపడి ఉంది. తుదిజట్లు (అంచనా) సన్‌రైజర్స్‌ హైదరాబాద్‌: కమిన్స్‌ (కెప్టెన్‌), అభిషేక్‌ శర్మ, హెడ్, ఇషాన్‌ కిషన్, నితీశ్‌ రెడ్డి, క్లాసెన్, అనికేత్‌ వర్మ, హర్షల్‌ పటేల్, షమీ, జీషాన్‌ అన్సారీ, ఇషాన్‌ మలింగ, రాహుల్‌ చహర్‌. ముంబై ఇండియన్స్‌: హార్దిక్‌ పాండ్యా (కెప్టెన్‌), రోహిత్, రికెల్టన్, విల్‌ జాక్స్, సూర్యకుమార్, తిలక్‌ వర్మ, నమన్‌ ధీర్, సాంట్నర్, దీపక్‌ చహర్, కరణ్‌ శర్మ, బౌల్ట్, బుమ్రా.10 సన్‌రైజర్స్‌ హైదరాబాద్, ముంబై ఇండియన్స్‌ మధ్య ఇప్పటి వరకు 24 మ్యాచ్‌లు జరగగా... అందులో హైదరాబాద్‌ జట్టు 10 విజయాలు సాధించింది. మరో 14 మ్యాచ్‌ల్లో ముంబై గెలుపొందింది.

ఐదు రోజుల క్రితం అద్భుత ఆటతో 245 పరుగుల లక్ష్యాన్ని అలవోకగా ఛేదించిన సన్‌రైజర్స్‌ హైదరాబాద్‌ ఇప్పుడు సమష్టి వైఫల్యంతో మరో పరాజయాన్ని తమ ఖాతాలో వేసుకుంది. నాలుగు వరుస ఓటముల తర్వాత గత మ్యాచ్‌లో గెలిచిన జట్టు ఖాతాలో మళ్లీ ఓటమి చేరింది. బ్యాటింగ్‌లో మెరుపులు కనిపించక టీమ్‌ సాధారణ స్కోరుకే పరిమితమైంది. ఆ తర్వాత ఛేదనలో ముంబై ఇండియన్స్‌ కొంత తడబడినా... మరో 11 బంతులు మిగిలి ఉండగా లక్ష్యాన్ని అందుకోవడంలో సఫలమైంది. ముంబై: ఐపీఎల్‌లో ఐదుసార్లు చాంపియన్‌ ముంబై ఇండియన్స్‌ కీలక విజయాన్ని అందుకుంది. గురువారం జరిగిన పోరులో ముంబై 4 వికెట్ల తేడాతో సన్‌రైజర్స్‌ హైదరాబాద్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ 20 ఓవర్లలో 5 వికెట్ల నష్టానికి 162 పరుగులు చేసింది. అభిషేక్‌ శర్మ (28 బంతుల్లో 40; 7 ఫోర్లు), హెన్రిచ్‌ క్లాసెన్‌ (28 బంతుల్లో 37; 3 ఫోర్లు, 2 సిక్స్‌లు) రాణించారు. అనంతరం ముంబై 18.1 ఓవర్లలో 6 వికెట్లకు 166 పరుగులు చేసి గెలిచింది. ‘ప్లేయర్‌ ఆఫ్‌ద మ్యాచ్‌’ విల్‌ జాక్స్‌ (26 బంతుల్లో 36; 3 ఫోర్లు, 2 సిక్స్‌లు), ర్యాన్‌ రికెల్టన్‌ (23 బంతుల్లో 31; 5 ఫోర్లు) కీలక పరుగులు సాధించారు. కనిపించని దూకుడు... ఇన్నింగ్స్‌ తొలి బంతికే అభిషేక్‌కు అదృష్టం కలిసొచ్చింది. దీపక్‌ చహర్‌ వేసిన బంతి అభిక్‌ బ్యాట్‌ ఎడ్జ్‌ను తీసుకొని స్లిప్‌ వైపు దూసుకెళ్లగా విల్‌ జాక్స్‌ దానిని అందుకోలేకపోయాడు. అనంతరం అతను కొన్ని చక్కటి షాట్లతో పరుగులు రాబట్టారు. మరోవైపు ట్రవిస్‌ హెడ్‌ (29 బంతుల్లో 28; 3 ఫోర్లు) బ్యాటింగ్‌లో సహజమైన ధాటి కనిపించలేదు. చహర్‌ ఓవర్లో అభిషేక్‌ వరుసగా మూడు ఫోర్లు కొట్టడంతో పవర్‌ప్లే ముగిసేసరికి స్కోరు 46 పరుగులకు చేరింది. ఆ తర్వాత ఒక్కసారిగా ముంబై బౌలర్ల ఆధిపత్యం మొదలైంది. కట్టుదిట్టమైన బంతులతో వారు రైజర్స్‌ను నిలువరించారు. తొలి వికెట్‌కు 59 పరుగుల భాగస్వామ్యం (45 బంతుల్లో) తర్వాత అభిషేక్‌ను పాండ్యా వెనక్కి పంపాడు. 24 పరుగుల వద్ద క్యాచ్‌ ఇచ్చినా... నోబాల్‌తో బతికిపోయిన హెడ్‌ దానిని వాడుకోలేకపోయాడు. ఇషాన్‌ కిషన్‌ (2) మళ్లీ విఫలం కాగా, నితీశ్‌ కుమార్‌ రెడ్డి (21 బంతుల్లో 19; 1 ఫోర్‌) మరోసారి ప్రభావం చూపలేకపోయాడు. పవర్‌ప్లే ముగిసిన తర్వాత 7–17 ఓవర్ల మధ్యలో రైజర్స్‌ 5 ఫోర్లు మాత్రమే కొట్టగా... ఇన్నింగ్స్‌లో 17వ ఓవర్‌ వరకు ఒక్క సిక్స్‌ కూడా రాలేదు. చివర్లో 2 ఓవర్ల కారణంగా (మొత్తం 43 పరుగులు) రైజర్స్‌ స్కోరు 160 దాటింది. చహర్‌ వేసిన 18వ ఓవర్లో క్లాసెన్‌ వరుసగా 6, 4, 4, 6 బాదగా... పాండ్యా వేసిన ఆఖరి ఓవర్లో అనికేత్‌ 2 సిక్స్‌లు, కమిన్స్‌ ఒక సిక్స్‌ కొట్టారు. కీలక భాగస్వామ్యం.. ఎప్పటిలాగే ఫటాఫట్‌ షాట్లతో ఛేదనను మొదలు పెట్టిన రోహిత్‌ శర్మ (16 బంతుల్లో 26; 3 సిక్స్‌లు) మరోసారి తక్కువ స్కోరుకే పరిమితమయ్యాడు. ఐదు బంతుల వ్యవధిలో అతను మూడు సిక్సర్లు బాదాడు. మలింగ ఓవర్లో రికెల్టన్‌ మూడు ఫోర్లు కొట్టగా, 4 పరుగుల వద్ద జాక్స్‌ ఇచ్చిన క్యాచ్‌ను హెడ్‌ వదిలేశాడు. రికెల్టెన్‌ అవుటైన తర్వాత జాక్స్, సూర్యకుమార్‌ (15 బంతుల్లో 26; 2 ఫోర్లు, 2 సిక్స్‌లు) మూడో వికెట్‌కు 29 బంతుల్లో 52 పరుగులు జోడించి జట్టు విజయానికి బాటలు వేశారు. వీరిద్దరు ఏడు పరుగుల తేడాతో వెనుదిరిగినా... కెప్టెన్ హార్దిక్‌ పాండ్యా (9 బంతుల్లో 21; 3 ఫోర్లు, 1 సిక్స్‌), తిలక్‌ వర్మ (17 బంతుల్లో 21 నాటౌట్‌; 2 ఫోర్లు) కలిసి గెలుపు దిశగా నడిపించారు. స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ శర్మ (సి) (సబ్‌) బావా (బి) పాండ్యా 40; హెడ్‌ (సి) సాంట్నర్‌ (బి) జాక్స్‌ 28; ఇషాన్‌ కిషన్‌ (స్టంప్డ్‌) రికెల్టన్‌ (బి) జాక్స్‌ 2; నితీశ్‌ కుమార్‌ రెడ్డి (సి) తిలక్‌ వర్మ (బి) బౌల్ట్‌ 19; క్లాసెన్‌ (బి) బుమ్రా 37; అనికేత్‌ వర్మ (నాటౌట్‌) 18; కమిన్స్‌ (నాటౌట్‌) 18; ఎక్స్‌ట్రాలు 10; మొత్తం (20 ఓవర్లలో 5 వికెట్లకు) 162. వికెట్ల పతనం: 1–59, 2–68, 3–82, 4–113, 5–136. బౌలింగ్‌: దీపక్‌ చహర్‌ 4–0–47–0, బౌల్ట్‌ 4–0–29–1, బుమ్రా 4–0–21–1, విల్‌ జాక్స్‌ 3–0–14–2, హార్దిక్‌ పాండ్యా 4–0–42–1, సాంట్నర్‌ 1–0–8–0. ముంబై ఇండియన్స్‌ ఇన్నింగ్స్‌: రికెల్టన్‌ (సి) హెడ్‌ (బి) హర్షల్‌ పటేల్‌ 31; రోహిత్‌ (సి) హెడ్‌ (బి) కమిన్స్‌ 26; విల్‌ జాక్స్‌ (సి) అన్సారీ (బి) కమిన్స్‌ 36; సూర్యకుమార్‌ (సి) అన్సారీ (బి) కమిన్స్‌ 26; తిలక్‌ వర్మ (నాటౌట్‌) 21; పాండ్యా (సి) ఇషాన్‌ కిషన్‌ (బి) మలింగ 21; నమన్‌ (ఎల్బీ) (బి) మలింగ 0; సాంట్నర్‌ (నాటౌట్‌) 0; ఎక్స్‌ట్రాలు 5; మొత్తం (18.1 ఓవర్లలో 6 వికెట్లకు) 166. వికెట్ల పతనం: 1–32, 2–69, 3–121, 4–128, 5–162, 6–162. బౌలింగ్‌: షమీ 3–0–28–0, కమిన్స్‌ 4–0–26–3, ఇషాన్‌ మలింగ 4–0–36–2, అన్సారీ 3.1–0–35–0, హర్షల్‌ 3–0–31–1, రాహుల్‌ చహర్‌ 1–0–9–0. ఐపీఎల్‌లో నేడుబెంగళూరు X పంజాబ్‌ వేదిక: బెంగళూరురాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌ 2025లో భాగంగా ఇవాళ (ఏప్రిల్‌ 17) జరిగిన మ్యాచ్‌లో సన్‌రైజర్స్‌ హైదరాబాద్‌పై ముంబై ఇండియన్స్‌ 4 వికెట్ల తేడాతో విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన సన్‌రైజర్స్‌ స్వల్ప స్కోర్‌కే పరిమితమైంది. ఆ జట్టు నిర్ణీత 20 ఓవర్లలో 5 వికెట్లు కోల్పోయి 162 పరుగులు మాత్రమే చేయగలిగింది. హార్దిక్‌ పాండ్యా వేసిన చివరి ఓవర్‌లో మూడు సిక్సర్లు (2 ఆనికేత్‌, కమిన్స్‌ ఒకటి) సహా 22 పరుగులు, అంతకుముందు దీపక్‌ చాహర్‌ వేసిన ఇన్నింగ్స్‌ 18వ ఓవర్‌లో రెండు సిక్సర్లు, 2 ఫోర్లు సహా 21 పరుగులు రావడంతో సన్‌రైజర్స్‌ ఈ మాత్రం స్కోరైనా చేయగలిగింది. సన్‌రైజర్స్‌ ఇన్నింగ్స్‌లో అభిషేక్‌ 40, ట్రవిస్‌ హెడ్‌ 28, ఇషాన్‌ కిషన్‌ 2, నితీశ్‌ కుమార్‌ రెడ్డి 19, క్లాసెన్‌ 37, అనికేత్‌ 18 (నాటౌట్‌), కమిన్స్‌ 8 (నాటౌట్‌) పరుగులు చేశారు. ముంబై బౌలర్లలో విల్‌ జాక్స్‌ 2, బౌల్ట్‌, బుమ్రా, హార్దిక్‌ తలో వికెట్‌ పడగొట్టారు.అనంతరం 163 పరుగుల లక్ష్యాన్ని ఛేదించేందుకు బరిలోకి దిగిన ముంబై మరో 11 బంతులు మిగిలుండగానే విజయతీరాలకు చేరింది (6 వికెట్లు కోల్పోయి). ముంబై ఇన్నింగ్స్‌లో రికెల్టన్‌ 31, రోహిత్‌ శర్మ 26, విల్‌ జాక్స్‌ 36, సూర్యకుమార్ యాదవ్‌ 26, హార్దిక్‌‌ 21, తిలక్‌ 17 (నాటౌట్‌) పరుగులు చేశారు. సన్‌రైజర్స్‌ బౌలర్లలో కమిన్స్‌ 3, ఎషాన్‌ మలింగ 2, హర్షల్‌ పటేల్‌ ఓ వికెట్‌ పడగొట్టారు.

ఐపీఎల్‌ 2025లో భాగంగా ముంబై ఇండియన్స్‌తో ఇవాళ (ఏప్రిల్‌ 17) జరుగుతున్న మ్యాచ్‌లో ఎస్‌ఆర్‌హెచ్‌ ఓపెనర్‌ ట్రావిస్‌ హెడ్‌ తన శైలికి భిన్నంగా నిదానంగా ఆడుతున్నారు. ఈ మ్యాచ్‌లో ఎస్‌ఆర్‌హెచ్‌ టాస్‌ ఓడి తొలుత బ్యాటింగ్‌ చేస్తుంది. 10 ఓవర్ల తర్వాత సన్‌రైజర్స్‌ స్కోర్‌ 75/2గా ఉంది. అభిషేక్‌ శర్మ (28 బంతుల్లో 40; 7 ఫోర్లు), ఇషాన్‌ కిషన్‌ (3 బంతుల్లో 2) ఔట్‌ కాగా.. ట్రావిస్‌ హెడ్‌ (25 బంతుల్లో 25; 3 ఫోర్లు), నితీశ్‌ కుమార్‌ రెడ్డి (5 బంతుల్లో 3) క్రీజ్‌లో ఉన్నారు. ఇప్పటివరకు ముంబై బౌలర్లు అద్భుతంగా బౌలింగ్‌ చేసి సన్‌రైజర్స్‌ బ్యాటర్లను కట్టడి చేశారు. దీపక్‌ చాహర్‌ 3 ఓవర్లలో 26 పరుగులు.. బౌల్ట్‌ ఓ ఓవర్‌లో 10 పరుగులు.. బుమ్రా 2 ఓవర్లలో 10, విల్‌ జాక్స్‌ 2 ఓవర్లలో 12 (ఇషాన్‌ వికెట్‌), హార్దిక్‌ 2 ఓవర్లలో 17 పరుగులిచ్చారు (అభిషేక్‌ వికెట్‌). ఈ మ్యాచ్‌లో ఎస్‌ఆర్‌హెచ్‌ ఓపెనర్లు అభిషేక్‌, హెడ్‌లకు మూడు లైఫ్‌లు లభించాయి. దీపక్‌ చాహర్‌ వేసిన తొలి ఓవర్‌లోనే అభిషేక్‌, హెడ్‌ ఔటయ్యే ప్రమాదం నుంచి తప్పించుకున్నారు. హార్దిక్‌ వేసిన ఇన్నింగ్స్‌ 10వ ఓవర్‌లో హెడ్‌ క్యాచ్‌ ఔటైనప్పటికీ నో బాల్‌ కావడంతో బ్రతికిపోయాడు.1000 పరుగుల క్లబ్‌లో హెడ్‌ఈ మ్యాచ్‌లో హెడ్‌ ఐపీఎల్‌లో 1000 పరుగులు పూర్తి చేశాడు. హెడ్‌ కేవలం​ 575 బంతుల్లోనే ఈ ఘనత సాధించాడు. తద్వారా ఈ ఘనత సాధించిన రెండో వేగవంతమైన క్రికెటర్‌గా రికార్డుల్లోకెక్కాడు. ఐపీఎల్‌లో ఆండ్రీ రసెల్‌ మాత్రమే హెడ్‌ కంటే వేగంగా 1000 పరుగులు పూర్తి చేశాడు. రసెల్‌ 545 బంతుల్లోనే ఈ ఘనత సాధించాడు. హెడ్‌.. విధ్వంసకర వీరులు క్రిస్‌ గేల్‌ (615), మ్యాక్స్‌వెల్‌ (610) కంటే వేగంగా 1000 పరుగుల మైలురాయిని చేరుకున్నాడు.ఐపీఎల్‌లో అత్యంత వేగంగా (బంతుల పరంగా) 1000 పరుగులు పూర్తి చేసిన ఆటగాళ్లు.. 545 - ఆండ్రీ రస్సెల్575 - ట్రావిస్ హెడ్*594 - హెన్రిచ్ క్లాసెన్604 - వీరేంద్ర సెహ్వాగ్610 - గ్లెన్ మాక్స్వెల్615 - క్రిస్ గేల్617 - యూసుఫ్ పఠాన్617 - సునీల్ నరైన్

సన్‌రైజర్స్‌పై ముంబై ఇండియన్స్‌ విజయంఐపీఎల్‌ 2025లో భాగంగా ఇవాళ (ఏప్రిల్‌ 17) జరిగిన మ్యాచ్‌లో సన్‌రైజర్స్‌ హైదరాబాద్‌పై ముంబై ఇండియన్స్‌ 4 వికెట్ల తేడాతో విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన సన్‌రైజర్స్‌ స్వల్ప స్కోర్‌కే పరిమితమైంది. ఆ జట్టు నిర్ణీత 20 ఓవర్లలో 5 వికెట్లు కోల్పోయి 162 పరుగులు మాత్రమే చేయగలిగింది. హార్దిక్‌ పాండ్యా వేసిన చివరి ఓవర్‌లో మూడు సిక్సర్లు (2 ఆనికేత్‌, కమిన్స్‌ ఒకటి) సహా 22 పరుగులు, అంతకుముందు దీపక్‌ చాహర్‌ వేసిన ఇన్నింగ్స్‌ 18వ ఓవర్‌లో రెండు సిక్సర్లు, 2 ఫోర్లు సహా 21 పరుగులు రావడంతో సన్‌రైజర్స్‌ ఈ మాత్రం స్కోరైనా చేయగలిగింది. సన్‌రైజర్స్‌ ఇన్నింగ్స్‌లో అభిషేక్‌ 40, ట్రవిస్‌ హెడ్‌ 28, ఇషాన్‌ కిషన్‌ 2, నితీశ్‌ కుమార్‌ రెడ్డి 19, క్లాసెన్‌ 37, అనికేత్‌ 18 (నాటౌట్‌), కమిన్స్‌ 8 (నాటౌట్‌) పరుగులు చేశారు. ముంబై బౌలర్లలో విల్‌ జాక్స్‌ 2, బౌల్ట్‌, బుమ్రా, హార్దిక్‌ తలో వికెట్‌ పడగొట్టారు.అనంతరం 163 పరుగుల లక్ష్యాన్ని ఛేదించేందుకు బరిలోకి దిగిన ముంబై మరో 11 బంతులు మిగిలుండగానే విజయతీరాలకు చేరింది (6 వికెట్ల నష్టానికి). ముంబై ఇన్నింగ్స్‌లో రికెల్టన్‌ 31, రోహిత్‌ శర్మ 26, విల్‌ జాక్స్‌ 36, సూర్యకుమార్ యాదవ్‌ 26, హార్దిక్‌‌ 21, తిలక్‌ 17 (నాటౌట్‌) పరుగులు చేశారు. సన్‌రైజర్స్‌ బౌలర్లలో కమిన్స్‌ 3, ఎషాన్‌ మలింగ 2, హర్షల్‌ పటేల్‌ ఓ వికెట్‌ పడగొట్టారు. నాలుగో వికెట్‌ కోల్పోయిన ముంబై14.3వ ఓవర్‌- 128 పరుగుల వద్ద ముంబై నాలుగో వికెట్‌ కోల్పోయింది. కమిన్స్‌ బౌలింగ్‌లో అన్సారీకి క్యాచ్‌ ఇచ్చి విల్‌ జాక్స్‌ (36) ఔటయ్యాడు. మూడో వికెట్‌ కోల్పోయిన ముంబై12.4వ ఓవర్‌- 121 పరుగుల వద్ద ముంబై ఇండియన్స్‌ మూడో వికెట్‌ కోల్పోయింది. కమిన్స్‌ బౌలింగ్‌లో జీషన్‌ అన్సారీకి క్యాచ్‌ ఇచ్చి సూర్యకుమార్‌ యాదవ్‌ (26) ఔటయ్యాడు. 9 ఓవర్ల తర్వాత ముంబై స్కోర్‌ 82/29 ఓవర్ల తర్వాత ముంబై స్కోర్‌ 82/2గా ఉంది. రోహిత్‌ ఔటయ్యాక మరో ఓపెనర్‌ రికెల్టన్‌ (31) కూడా పెవిలియన్‌కు చేరాడు. ప్రస్తుతం విల్‌ జాక్స్‌ (14), సూర్యకుమార్‌ యాదవ్‌ (8) క్రీజ్‌లో ఉన్నారు. ఈ మ్యాచ్‌లో ముంబై గెలవాలంటే 66 బంతుల్లో మరో 81 పరుగులు చేయాలి.హ్యాట్రిక్‌ ఫోర్లతో రఫ్ఫాడించిన రికెల్టన్‌ఎషాన్‌ మలింగ బౌలింగ్‌లో (6వ ఓవర్‌) రికెల్టన్‌ హ్యాట్రిక్‌ ఫోర్లతో రఫ్ఫాడించాడు. 5.5 ఓవర్ల తర్వాత ముంబై స్కోర్‌ 54/1. రికెల్టన్‌ 21, విల్‌ జాక్స్‌ 6 పరుగులతో క్రీజ్‌లో ఉన్నారు. తొలి వికెట్‌ కోల్పోయిన ముంబై.. రోహిత్‌ ఔట్‌163 పరుగుల లక్ష్య ఛేదనలో ధాటిగా ఇన్నింగ్స్‌ ప్రారంభించిన రోహిత్‌ శర్మ మూడు సిక్సర్లు బాదిన అనంతరం ఔటయ్యాడు. రోహిత్‌ 16 బంతుల్లో 26 పరుగులు చేసి కమిన్స్‌ బౌలింగ్‌లో హెడ్‌కు క్యాచ్‌ ఇచ్చి పెవిలియన్‌కు చేరాడు. 3.5 ఓవర్ల తర్వాత ముంబై స్కోర్‌ 32/1గా ఉంది. రికెల్టన్‌ (5), జాక్స్‌ క్రీజ్‌లో ఉన్నారు.సత్తా చాటిన ముంబై బౌలర్లు.. స్వల్ప స్కోర్‌కే పరిమితమైన సన్‌రైజర్స్‌టాస్‌ ఓడి తొలుత బ్యాటింగ్‌ చేసిన సన్‌రైజర్స్‌ స్వల్ప స్కోర్‌కే పరిమితమైంది. ఆ జట్టు నిర్ణీత 20 ఓవర్లలో 5 వికెట్లు కోల్పోయి 162 పరుగులు మాత్రమే చేయగలిగింది. హార్దిక్‌ పాండ్యా వేసిన చివరి ఓవర్‌లో మూడు సిక్సర్లు (2 ఆనికేత్‌, కమిన్స్‌ ఒకటి) రావడంతో సన్‌రైజర్స్‌ ఈ మాత్రం స్కోరైనా చేయగలిగింది. సన్‌రైజర్స్‌ ఇన్నింగ్స్‌లో అభిషేక్‌ 40, ట్రవిస్‌ హెడ్‌ 28, ఇషాన్‌ కిషన్‌ 2, నితీశ్‌ కుమార్‌ రెడ్డి 19, క్లాసెన్‌ 37, అనికేత్‌ 18 (నాటౌట్‌), కమిన్స్‌ 8 (నాటౌట్‌) పరుగులు చేశారు. ముంబై బౌలర్లలో విల్‌ జాక్స్‌ 2, బౌల్ట్‌, బుమ్రా, హార్దిక్‌ తలో వికెట్‌ పడగొట్టారు. 18.1 ఓవర్ల తర్వాత 136/5అనికేత్‌ వర్మ (1), కమిన్స్‌నత్తనడకన సాగుతున్న ఎస్‌ఆర్‌హెచ్‌ ఇన్నింగ్స్‌టాస్‌ ఓడి తొలుత బ్యాటింగ్‌కు దిగిన సన్‌రైజర్స్‌ నిదానంగా బ్యాటింగ్‌ చేస్తుంది. ఆ జట్టు ఇన్నింగ్స్‌ నత్తనడకను తలపిస్తుంది. అభిషేక్‌ (40), హెడ్‌ (28), ఇషాన్‌ (2) ఔట్‌ కాగా.. నితీశ్‌ (14), క్లాసెన్‌ (4) క్రీజ్‌లో ఉన్నారు. 14 ఓవర్ల తర్వాత సన్‌రైజర్స్‌ స్కోర్‌ 95/3గా ఉంది. మూడో వికెట్‌ డౌన్‌.. హెడ్‌ ఔట్‌11.1వ ఓవర్‌- 82 పరుగుల వద్ద సన్‌రైజర్స్‌ మూడో వికెట్‌ కోల్పోయింది. అప్పటికే రెండు లైఫ్‌లు లభించిన హెడ్‌ (28) విల్‌ జాక్స్‌ బౌలింగ్‌లో సాంట్నర్‌కు క్యాచ్‌ ఇచ్చి ఔటయ్యాడు. రెండో వికెట్‌ కోల్పోయిన సన్‌రైజర్స్‌.. ఇషాన్‌ కిషన్‌ ఔట్‌8.4వ ఓవర్‌- 68 పరుగుల వద్ద సన్‌రైజర్స్‌ రెండో వికెట్‌ కోల్పోయింది. విల్‌ జాక్స్‌ బౌలింగ్‌లో ఇషాన్‌ కిషన్‌ (2) స్టంపౌటయ్యాడు. హెడ్‌ (22), నితీశ్‌ క్రీజ్‌లో ఉన్నారు. తొలి వికెట్‌ కోల్పోయిన సన్‌రైజర్స్‌.. అభిషేక్‌ ఔట్‌7.3వ ఓవర్‌-సన్‌రైజర్స్‌ 59 పరుగుల వద్ద తొలి వికెట్‌ కోల్పోయింది. హార్దిక్‌ పాండ్యా బౌలింగ్‌లో రాజ్‌ బవాకు క్యాచ్‌ ఇచ్చి అభిషేక్‌ శర్మ (40) ఔటయ్యాడు. 8 ఓవర్ల తర్వాత సన్‌రైజర్స్‌ స్కోర్‌ 65/1గా ఉంది. హెడ్‌ (20), ఇషాన్‌ కిషన్‌ (1) క్రీజ్‌లో ఉన్నారు. 7 ఓవర్ల తర్వాత ఎస్‌ఆర్‌హెచ్‌ స్కోర్‌ 53/0అభిషేక్‌ 36, ట్రవిస్‌ హెడ్‌ 14కట్టుదిట్టంగా బౌలింగ్‌ చేస్తున్న ముంబై బౌలర్లుటాస్‌ గెలిచి తొలుత బౌలింగ్‌ ఎంచుకున్న ముంబై.. ఎస్‌ఆర్‌హెచ్‌ బ్యాటర్లను ఇబ్బంది పెడుతుంది. తొలి ఓవర్‌లోనే ఓపెనర్లు అభిషేక్‌, హెడ్‌ ఔటయ్యే ప్రమాదం నుంచి తప్పించుకున్నారు. తొలి నాలుగు ఓవర్లు చాహర్‌, బౌల్ట్‌, బుమ్రా అద్భుతంగా బౌలింగ్‌ చేశారు. ఎస్‌ఆర్‌హెచ్‌ ఓపెనర్లు కేవలం బాదడమే లక్ష్యంగా పెట్టుకుని సఫలం కాలేకపోతున్నారు. 4 ఓవర్ల తర్వాత ఆ జట్టు స్కోర్‌ 29/0గా ఉంది. అభిషేక్‌ 20, హెడ్‌ 6 పరుగులతో క్రీజ్‌లో ఉన్నారు. ఐపీఎల్‌ 2025లో భాగంగా ఇవాళ (ఏప్రిల్‌ 17) ముంబై ఇండియన్స్‌, సన్‌రైజర్స్‌ హైదరాబాద్‌ తలపడుతున్నాయి. ముంబైలోని వాంఖడే స్టేడియంలో ఈ మ్యాచ్‌ జరుగుతుంది. ఈ మ్యాచ్‌లో ముంబై ఇండియన్స్‌ టాస్‌ గెలిచి ఫీల్డింగ్‌ ఎంచుకుంది. ఈ మ్యాచ్‌లో ఇరు జట్లు ఎలాంటి మార్పులు లేకుండా బరిలోకి దిగుతున్నాయి. ప్రస్తుతం పాయింట్ల పట్టికలో ముంబై ఏడులో, ఎస్‌ఆర్‌హెచ్‌ తొమ్మిదో స్థానంలో ఉన్నాయి.తుది జట్లు..ముంబై ఇండియన్స్‌: ర్యాన్ రికెల్టన్ (వికెట్‌కీపర్‌), విల్ జాక్స్, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్‌), నమన్ ధీర్, మిచెల్ సాంట్నర్, దీపక్ చాహర్, ట్రెంట్ బౌల్ట్, జస్ప్రీత్ బుమ్రా, కర్ణ్ శర్మముంబై ఇండియన్స్ ఇంపాక్ట్ సబ్స్: రోహిత్ శర్మ, కార్బిన్ బాష్, అశ్వని కుమార్, రాజ్ బావా, రాబిన్ మింజ్సన్‌రైజర్స్‌ హైదరాబాద్‌: అభిషేక్ శర్మ, ట్రావిస్ హెడ్, ఇషాన్ కిషన్, నితీష్ రెడ్డి, హెన్రిచ్ క్లాసెన్ (వికెట్‌కీపర్‌), అనికేత్ వర్మ, పాట్ కమిన్స్ (కెప్టెన్‌), హర్షల్ పటేల్, జీషన్ అన్సారీ, మహ్మద్ షమీ, ఎషాన్ మలింగసన్‌రైజర్స్ హైదరాబాద్ ఇంపాక్ట్ సబ్‌లు: అభినవ్ మనోహర్, జయదేవ్ ఉనద్కత్, సచిన్ బేబీ, రాహుల్ చాహర్, వియాన్ ముల్డర్

ముంబై: ఇండియన్‌ ప్రీమియర్‌ లీగ్‌ (ఐపీఎల్‌) టి20 టోర్నమెంట్‌ 18వ సీజన్‌లో ఐదుసార్లు చాంపియన్‌ ముంబై ఇండియన్స్‌తో పోరుకు సన్‌రైజర్స్‌ హైదరాబాద్‌ సిద్ధమైంది. సీజన్‌లో ఆడిన తొలి మ్యాచ్‌లో సంచలన బాదుడుతో ప్రకంపనలు సృష్టించిన సన్‌రైజర్స్‌... ఆ తర్వాత వరుసగా నాలుగు మ్యాచ్‌లు ఓడింది. ఎట్టకేలకు గత పోరులో పంజాబ్‌ కింగ్స్‌పై భారీ స్కోరును ఛేదించి తిరిగి గెలుపు బాట పట్టింది. గత సీజన్‌ నుంచి దూకుడే పరమావధిగా చెలరేగిపోతున్న సన్‌రైజర్స్‌ మరోసారి బ్యాటింగ్‌ బలాన్నే నమ్ముకొని బరిలోకి దిగుతోంది. మరోవైపు ఈ సీజన్‌లో ముంబై ఇండియన్స్‌ పరిస్థితి కూడా అంత మెరుగ్గా లేదు. 6 మ్యాచ్‌లాడిన ఆ జట్టు 2 విజయాలు, 4 పరాజయాలతో 4 పాయింట్లు మాత్రమే సాధించింది. గత మ్యాచ్‌లో దూకుడు మీదున్న ఢిల్లీని కట్టడి చేయడంతో ముంబై తిరిగి ఆత్మవిశ్వాసం కూడగట్టుకుంది. స్టార్‌ పేసర్‌ జస్‌ప్రీత్‌ బుమ్రా తిరిగి రావడంతో... ముంబై బౌలింగ్‌ మరింత పదునెక్కగా... అతడిని రైజర్స్‌ బ్యాటర్లు ఎలా ఎదుర్కొంటారనేది ఆసక్తికరం. ఇన్నాళ్లు ముంబై ఇండియన్స్‌కు ప్రాతినిధ్యం వహించి ఈ సీజన్‌లో సన్‌రైజర్స్‌కు మారిన ఇషాన్‌ కిషన్‌పై అందరి దృష్టి నిలవనుంది. ముంచినా తేల్చినా వాళ్లే! సన్‌రైజర్స్‌ ప్రధాన బలం టాపార్డర్‌. ఓపెనర్లు అభిషేక్‌ శర్మ, ట్రావిస్‌ హెడ్‌తో పాటు వన్‌డౌన్‌ ఆటగాడు ఇషాన్‌ కిషన్‌ సత్తా చాటితే ఆరెంజ్‌ ఆర్మీని ఆపడం కష్టమే. అదే సమయంలో వీళ్లు ఎక్కువసేపు నిలువలేకపోతే ఇన్నింగ్స్‌ గాడితప్పడం కూడా పరిపాటే. తాజా సీజన్‌ను పరిశీలిస్తే ఇది సుస్పష్టం. ఈ నేపథ్యంలో మరోసారి టాపార్డర్‌ రాణించాలని రైజర్స్‌ మేనేజ్‌మెంట్‌ ఆశిస్తోంది. గత మ్యాచ్‌లో పంజాబ్‌ కింగ్స్‌పై 246 పరుగుల లక్ష్యాన్ని మరో 9 బంతులు మిగిలుండగానే ఛేదించిన హైదరాబాద్‌... ముంబైపై కూడా కలిసి కట్టుగా కదంతొక్కాలని చూస్తోంది. నితీశ్‌ కుమార్‌ రెడ్డి, హెన్రిచ్‌ క్లాసెన్, అనికేత్‌ వర్మలతో మిడిలార్డర్‌ కూడా పటిష్టంగా ఉంది. ఎటొచ్చి రైజర్స్‌ను బౌలింగ్‌ దెబ్బతీస్తోంది. కెప్టెన్ కమిన్స్‌తో పాటు సీనియర్‌ పేసర్‌ షమీ స్థాయికి తగ్గ ప్రదర్శన చేయలేకపోతున్నారు. గత మ్యాచ్‌లో అయితే షమీ మరీ పేలవంగా 4 ఓవర్లలో 75 పరుగులు సమర్పించుకున్నాడు. హర్షల్‌ పటేల్, జీషన్‌ అన్సారీ నిలకడ కొనసాగించాల్సిన అవసరముంది. రోహిత్‌ ఫామ్‌లోకి వచ్చేనా? మాజీ కెప్టెన్‌ రోహిత్‌ శర్మ ఫామ్‌ ముంబై ఇండియన్స్‌ను ఆందోళన పరుస్తోంది. సీజన్‌ ఆరంభం నుంచి తీవ్రంగా తడబడుతున్న రోహిత్‌.. ఐదు మ్యాచ్‌లాడి 56 పరుగులు మాత్రమే సాధించాడు. ఒకటీ రెండు షాట్లు ఆడటం ఆ తర్వాత అనవసరంగా వికెట్‌ పారేసుకోవడం హిట్‌మ్యాన్‌కు అలవాటుగా మారిపోయింది. దీంతో మిడిలార్డర్‌పై అదనపు భారం పడుతోంది. సూర్యకుమార్‌ యాదవ్, తిలక్‌ వర్మ, హార్దిక్‌ పాండ్యా, నమన్‌ ధీర్‌తో లైనప్‌ బలంగా ఉంది. లోయర్‌ ఆర్డర్‌లో విల్‌ జాక్స్‌ పెద్దగా ప్రభావం చూపలేక పోతుండటంతో... కార్బిన్‌ బాష్‌ను తుదిజట్టులోకి తీసుకునే అవకాశం ఉంది.గాయం కారణంగా మూడు నెలలకు పైగా ఆటకు దూరమై ఇటీవలే తిరిగి వచ్చిన జస్‌ప్రీత్‌ బుమ్రా లయ దొరకబుచ్చుకోవడంపై దృష్టి పెట్టాడు. గత మ్యాచ్‌లో కరుణ్‌ నాయర్‌ను నిలవరించలేకపోయిన బుమ్రా... ఆరెంజ్‌ ఆర్మీ దూకుడుకు పగ్గాలు వేయాలని మేనేజ్‌మెంట్‌ ఆశిస్తోంది. బౌల్ట్, దీపక్‌ చహర్, సాంట్నర్, కరణ్‌ శర్మతో బౌలింగ్‌లో మంచి వైవిధ్యం ఉంది. తుది జట్లు (అంచనా) ముంబై ఇండియన్స్‌: హార్దిక్‌ పాండ్యా (కెప్టెన్‌), రోహిత్, రికెల్టన్, సూర్యకుమార్, తిలక్‌ వర్మ, నమన్‌ ధీర్, విల్‌ జాక్స్‌/కార్బన్‌ బాష్, సాంట్నర్, దీపక్‌ చహర్, బౌల్ట్, బుమ్రా, కరణ్‌ శర్మ. సన్‌రైజర్స్‌ హైదరాబాద్‌: కమిన్స్‌ (కెప్టెన్‌), హెడ్, అభిషేక్, ఇషాన్, నితీశ్‌ రెడ్డి, క్లాసెన్, అనికేత్‌ వర్మ, అభినవ్‌ మనోహర్, హర్షల్‌ పటేల్, షమీ, జీషన్‌ అన్సారి, ముల్డర్‌.

ఐపీఎల్‌-2025లో శ‌నివారం(ఏప్రిల్ 12) పంజాబ్ కింగ్స్‌తో జ‌రిగిన మ్యాచ్‌లో స‌న్‌రైజ‌ర్స్ హైద‌రాబాద్ స్టార్ అభిషేక్ శ‌ర్మ సెంచ‌రీతో చెల‌రేగిన సంగ‌తి తెలిసిందే. తొలి ఐదు మ్యాచ్‌ల్లో విఫ‌ల‌మైన అభిషేక్‌.. పంజాబ్ కింగ్స్‌పై మాత్రం ఆకాశ‌మే హ‌ద్దుగా చెల‌రేగిపోయాడు.ఉప్ప‌ల్ మైదానంలో అభిషేక్ త‌న బ్యాటింగ్‌తో విధ్వంసం సృష్టించాడు. కేవలం 40 బంతుల్లోనే తొలి ఐపీఎల్ సెంచరీ మార్క్‌ను అందుకున్నాడు. కేవ‌లం 55 బంతులు మాత్ర‌మే ఎదుర్కొన్న అభిషేక్‌.. 14 ఫోర్లు, 10 సిక్స్‌ల‌తో 141 ప‌రుగులు చేశాడు.అతడి విధ్వంసకర ఇన్నింగ్స్ ఫలితంగా ఎస్‌ఆర్‌హెచ్ 246 పరుగుల భారీ లక్ష్యాన్ని సన్‌రైజర్స్ ఛేదించింది. అయితే అభిషేక్ శర్మ జ్వరంతో బాధపడుతూనే ఈ అద్భుత ఇన్నింగ్స్ ఆడాడంట. ఈ విషయాన్ని మ్యాచ్‌​ అనంతరం శర్మనే స్వయంగా వెల్లడించాడు. అదేవిధంగా టీమిండియా మాజీ ఆల్‌రౌండర్ యువరాజ్ సింగ్‌, భారత టీ20 కెప్టెన్ సుర్యకుమార్ యాదవ్ తనకు ఎంతో సపోర్ట్‌గా ఉన్నారని అభిషేక్ తెలిపాడు."నేను నాలుగైదు రోజుల నుంచి జ్వరంతో బాధపడతున్నాను. ఈ సమయంలో యువరాజ్ సింగ్‌, సూర్యకుమార్ యాదవ్ నాకు ఎంతో సపోర్ట్‌గా నిలిచారు. ఎప్పటికప్పుడు నాకు ఫోన్ చేస్తూనే ఉన్నారు. నా ఆరోగ్యం గురుంచి తెలుసుకున్నారు. ఇటువంటి వ్యక్తులు నాతో ఉండడం చాలా సంతోషంగా ఉంది. నేను ఈ ఏడాది సీజన్‌లో అంత మంచి ఆరంభాన్ని అందుకోలేకపోయాను. నాపై నాకే కాస్త చిరాకు అన్పించింది. అప్పుడు కూడా నాకు వారు మద్దతుగా నిలిచారు. ఒక్క మంచి ఇన్నింగ్స్ వస్తే చాలు తిరిగి ఫామ్‌ను అందుకోవచ్చని ధైర్యం చెప్పారు. నేను కూడా అందుకోసం ఎదురు చూశాను. ఈ రోజు అది నేరవేరింది. ఎట్టకేలకు ఓ భారీ ఇన్నింగ్స్ ఆడగాలను" అని అభిషేక్ పోస్ట్ మ్యాచ్ ప్రెజేంటేషన్‌లో పేర్కొన్నాడు.

తొలి ఐదు మ్యాచ్‌లలో కలిపి 51 పరుగులు...ఈ సీజన్‌లో అభిషేక్‌ శర్మ ప్రదర్శన ఇది. వరుస వైఫల్యాలతో విమర్శలు ఎదుర్కొంటున్న అతను తన గత ఏడాది ఆటను ఒక్కసారిగా గుర్తు తెచ్చుకున్న ట్లున్నాడు. పంజాబ్‌పై మ్యాచ్‌లో ఒక్కసారిగా తన కసినంతా ప్రదర్శిస్తూ వీర విధ్వంసం సృష్టించాడు. కేవలం బౌండరీలతోనే 116 పరుగులు బాది శతకనాదం చేశాడు. ఇది ఆరెంజ్‌ ఆర్మీ కోసం అంటూ రాసి ఉన్న కాగితాన్ని ప్రదర్శిస్తూ ఈ ఇన్నింగ్స్‌ విలువేమిటో చెప్పాడు. అభిషేక్‌కు హెడ్‌ మెరుపులు తోడవడంతో 246 పరుగుల లక్ష్యాన్ని కూడా మరో 9 బంతులు మిగిలి ఉండగానే ఛేదించి సన్‌రైజర్స్‌ సంచలనం సృష్టించింది. మరో వైపు సమష్టి ప్రదర్శనతో 245 పరుగులు చేసి కూడా ఓటమిపాలైన పంజాబ్‌ కింగ్స్‌ తీవ్ర నిరాశకు లోనైంది. ఓవరాల్‌గా 492 పరుగులతో అభిమానులకు ఫుల్‌ జోష్‌ దక్కింది. సాక్షి, హైదరాబాద్‌: ఐపీఎల్‌ సీజన్‌ నాలుగు వరుస పరాజయాల తర్వాత నిస్తేజంగా కనిపించిన సన్‌రైజర్స్‌ హైదరాబాద్‌ ఘనమైన రీతిలో కోలుకుంది. తమ అసలు ఆటను ప్రదర్శిస్తూ లీగ్‌లో తమను తక్కువగా అంచనా వేయవద్దనే సందేశాన్ని ఇచ్చింది. శనివారం ఉప్పల్‌ స్టేడియంలో జరిగిన మ్యాచ్‌లో హైదరాబాద్‌ 8 వికెట్ల తేడాతో పంజాబ్‌ కింగ్స్‌పై ఘన విజయం సాధించింది. టాస్‌ గెలిచి బ్యాటింగ్‌ ఎంచుకున్న పంజాబ్‌ 20 ఓవర్లలో 6 వికెట్ల నష్టానికి 245 పరుగులు చేసింది. శ్రేయస్‌ అయ్యర్‌ (36 బంతుల్లో 82; 6 ఫోర్లు, 6 సిక్స్‌లు), ప్రభ్‌సిమ్రన్‌ సింగ్‌ (23 బంతుల్లో 42; 7 ఫోర్లు, 1 సిక్స్‌), ప్రియాన్‌‡్ష ఆర్య (13 బంతుల్లో 36; 2 ఫోర్లు, 4 సిక్స్‌లు) కీలక పరుగులు సాధించారు. అనంతరం సన్‌రైజర్స్‌ 18.3 ఓవర్లలో 2 వికెట్లకు 247 పరుగులు సాధించింది. ప్లేయర్‌ ఆఫ్‌ ద మ్యాచ్‌ అభిషేక్‌ శర్మ (55 బంతుల్లో 141; 14 ఫోర్లు, 10 సిక్స్‌లు) ఐపీఎల్‌లో తన తొలి సెంచరీని నమోదు చేయగా, ట్రవిస్‌ హెడ్‌ (37 బంతుల్లో 66; 9 ఫోర్లు, 3 సిక్స్‌లు) రాణించాడు. వీరిద్దరు తొలి వికెట్‌కు 75 బంతుల్లో 171 పరుగులు జోడించారు. మెరుపు బ్యాటింగ్‌...పవర్‌ప్లేలో 89 పరుగులు...10 ఓవర్లు ముగిసే సరికి 120. తర్వాతి 5 ఓవర్లలో 57 పరుగులు...ఆఖరి 5 ఓవర్లలో 68 పరుగులు... పంజాబ్‌ కింగ్స్‌ ఇలా దాదాపు అన్ని దశల్లోనూ ఒకే తరహాలో దూకుడుగా సాగింది. టాప్‌–7లో ఇద్దరు మినహా మిగతావారంతా చెలరేగిపోవడంతో భారీ స్కోరు సాధ్యమైంది. షమీ వేసిన తొలి ఓవర్లో ప్రభ్‌సిమ్రన్‌ వరుసగా 3 ఫోర్లతో మొదలు పెట్టగా, షమీ తర్వాతి ఓవర్లో ప్రియాన్ష్ వరుసగా 6, 6, 4 బాదాడు. కమిన్స్‌ తొలి ఓవర్లో కూడా 2 ఫోర్లు, సిక్స్‌తో పంజాబ్‌ 16 పరుగులు రాబట్టింది. అయితే తన తొలి రెండు ఓవర్లలో 28 పరుగులిచ్చిన హర్షల్‌...ప్రియాన్‌‡్షను అవుట్‌ చేయడంలో సఫలమయ్యాడు. ఈ మ్యాచ్‌తో ఐపీఎల్‌లో అరంగేట్రం చేసిన మలింగ తన తొలి వికెట్‌గా ప్రభ్‌సిమ్రన్‌ను వెనక్కి పంపించాడు. ఆ తర్వాత శ్రేయస్, నేహల్‌ వధేరా (22 బంతుల్లో 27; 2 ఫోర్లు, 1 సిక్స్‌) భాగస్వామ్యం కూడా జోరుగా సాగింది. వీరిద్దరు మూడో వికెట్‌కు 40 బంతుల్లోనే 73 పరుగులు జోడించారు. అన్సారీ ఓవర్లో 2 సిక్స్‌లు, ఫోర్‌ బాదిన శ్రేయస్‌ 22 బంతుల్లోనే హాఫ్‌ సెంచరీని అందుకున్నాడు. శశాంక్‌ సింగ్‌ (2) విఫలం కాగా, మలింగ ఓవర్లో శ్రేయస్‌ 4 ఫోర్లతో చెలరేగాడు. అయితే రెండు బంతుల వ్యవధిలో మ్యాక్స్‌వెల్‌ (3), శ్రేయస్‌లను హర్షల్‌ అవుట్‌ చేయడంతో 18, 19 ఓవర్లలో కలిపి 13 పరుగులే వచ్చాయి. ఒకే ఓవర్లో 27 పరుగులు...షమీ వేసిన ఆఖరి ఓవర్లో కింగ్స్‌ పండగ చేసుకుంది. ఫామ్‌లో లేక ఇబ్బంది పడుతున్న స్టొయినిస్‌ ఈ ఓవర్లో చెలరేగిపోయాడు. చివరి 4 బంతుల్లో అతను వరుసగా 6, 6, 6, 6 బాదడంతో మొత్తం 27 పరుగులు లభించాయి. బౌండరీల వర్షం...అర్ష్ దీప్ వేసిన తొలి ఓవర్లో హెడ్‌ 2 ఫోర్లు కొట్టడంతో రైజర్స్‌ విధ్వంసం మొదలైంది. యాన్సెన్‌ ఓవర్లో అభిషేక్‌ నాలుగు ఫోర్లు కొట్టగా, అర్ష్ దీప్ తర్వాతి ఓవర్లో హెడ్‌ వరుసగా మూడు ఫోర్లు బాదాడు. ఆ తర్వాత యశ్‌ ఠాకూర్‌ ఓవర్లో 2 సిక్స్‌లు, ఫోర్‌తో చెలరేగిపోయాడు. పవర్‌ప్లేలో జట్టు 83 పరుగులు సాధించింది. 19 బంతుల్లోనే అభిషేక్‌ హాఫ్‌ సెంచరీని చేరుకున్నాడు. మరో వైపు మ్యాక్స్‌వెల్‌ ఓవర్లో రెండు భారీ సిక్స్‌లు బాదిన హెడ్‌ 31 బంతుల్లో అర్ధ సెంచరీ సాధించాడు. యాన్సెన్‌ వేసిన ఓవర్లో మళ్లీ శివమెత్తిన అభిషేక్‌ 2 సిక్స్‌లు, 2 ఫోర్లు బాదాడు. చహల్‌ ఓవర్లో ఎట్టకేలకు హెడ్‌ వెనుదిరిగిన తర్వాత అదే ఓవర్‌ చివరి బంతికి సింగిల్‌ తీసి 40 బంతుల్లో అభిషేక్‌ సెంచరీ మార్క్‌ను చేరుకొని గర్జించాడు. ఆ తర్వాత చెలరేగి బౌండరీల వర్షం కురిపించిన అభిషేక్‌ జట్టును అలవోకగా విజయం దిశగా నడిపించాడు. సాహసవంతులకే అదృష్టం కలిసి వస్తుందన్నట్లు అభిషేక్‌కు రెండు లైఫ్‌లు లభించాయి. 28 వద్ద ఠాకూర్‌ బౌలింగ్‌లో క్యాచ్‌ ఇవ్వగా అది నోబాల్‌గా తేలింది. ఆ తర్వాత 56 వద్ద చహల్‌ తన బౌలింగ్‌లోనే సునాయాస క్యాచ్‌ను వదిలేశాడు. దీనిని అతను బ్రహ్మండంగా వాడుకున్నాడు. స్కోరు వివరాలుపంజాబ్‌ కింగ్స్‌ ఇన్నింగ్స్‌: ప్రియాన్ష్ (సి) నితీశ్‌ రెడ్డి (బి) హర్షల్‌ 36; ప్రభ్‌సిమ్రన్‌ (సి) కమిన్స్‌ (బి) మలింగ 42; శ్రేయస్‌ (సి) హెడ్‌ (బి) హర్షల్‌ 82; వధేరా (ఎల్బీ) (బి) మలింగ 27; శశాంక్‌ (ఎల్బీ) (బి) హర్షల్‌ 2; మ్యాక్స్‌వెల్‌ (బి) హర్షల్‌ 3; స్టొయినిస్‌ (నాటౌట్‌) 34; యాన్సెన్‌ (నాటౌట్‌) 5; ఎక్స్‌ట్రాలు 14; మొత్తం (20 ఓవర్లలో 6 వికెట్లకు) 245. వికెట్ల పతనం: 1–66, 2–91, 3–164, 4–168, 5–205, 6–206. బౌలింగ్‌: మొహమ్మద్‌ షమీ 4–0–75–0, కమిన్స్‌ 4–0–40–0, హర్షల్‌ 4–0–42–4, ఇషాన్‌ మలింగ 4–0–45–2, అన్సారీ 4–0–41–0. సన్‌రైజర్స్‌ హైదరాబాద్‌ ఇన్నింగ్స్‌: హెడ్‌ (సి) మ్యాక్స్‌వెల్‌ (బి) చహల్‌ 66; అభిషేక్‌ (సి) (సబ్‌) దూబే (బి) అర్‌‡్షదీప్‌ 141; క్లాసెన్‌ (నాటౌట్‌) 21; ఇషాన్‌ కిషన్‌ (నాటౌట్‌) 9; ఎక్స్‌ట్రాలు 10; మొత్తం (18.3 ఓవర్లలో 2 వికెట్లకు) 247. వికెట్ల పతనం: 1–171, 2–222. బౌలింగ్‌: అర్ష్ దీప్ 4–0–37–1, యాన్సెన్‌ 2–0–39–0, యశ్‌ ఠాకూర్‌ 2.3–0–40–0, మ్యాక్స్‌వెల్‌ 3–0–40–0, ఫెర్గూసన్‌ 0.2–0–1–0, స్టొయినిస్‌ 0.4–0–6–0, చహల్‌ 4–0–56–1, శశాంక్‌ 2–0–27–0.75 ఐపీఎల్‌లో అత్యధిక పరుగులు ఇచ్చిన బౌలర్ల జాబితాలో షమీ రెండో స్థానంలో నిలిచాడు. అతను 75 పరుగులివ్వగా, ఇదే సీజన్‌లో రాజస్తాన్‌ బౌలర్‌ ఆర్చర్‌ 76 పరుగులు ఇచ్చాడు.1 ఐపీఎల్‌లో భారత బ్యాటర్‌ సాధించిన అత్యధిక స్కోరు ఇదే. కేఎల్‌ రాహుల్‌ (132) పేరిట ఉన్న రికార్డును అభిషేక్‌ శర్మ సవరించాడు.ఐపీఎల్‌లో నేడురాజస్తాన్‌ X బెంగళూరు వేదిక: జైపూర్‌మధ్యాహ్నం 3: 30 గంటల నుంచి ఢిల్లీ X ముంబై వేదిక: ఢిల్లీ రాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

సాక్షి, హైదరాబాద్‌: ఒకటి కాదు రెండు కాదు వరుసగా నాలుగు మ్యాచ్‌లలో పరాజయం... భారీ అంచనాలు పెట్టుకున్న టాప్‌–3 వరుసగా విఫలం...టోర్నీలో అన్ని జట్లకంటే చెత్త ఎకానమీ (10.73) నమోదు చేసిన బౌలర్లు... బౌలింగ్‌ సగటు కూడా అన్నింటికంటే ఎక్కువ (41.47)... బ్యాటర్ల నుంచి పరుగులు రావడం లేదు... బౌలర్ల ప్రదర్శన పేలవం... ఇలా అన్నీ సమస్యలే! ఇలాంటి స్థితిలో సన్‌రైజర్స్‌ హైదరాబాద్‌ సొంత మైదానంలో మరోసారి తమ అదృష్టాన్ని పరీక్షించుకునేందుకు సిద్ధమైంది. ఉప్పల్‌లోని రాజీవ్‌గాంధీ స్టేడియంలో నేడు జరిగే సమరంలో పంజాబ్‌ కింగ్స్‌తో సన్‌రైజర్స్‌ తలపడుతుంది. ఆడిన నాలుగు మ్యాచ్‌లో మూడు విజయాలతో ఫామ్‌లో ఉన్న పంజాబ్‌ను రైజర్స్‌ ఏమాత్రం నిలువరిస్తుందనేది చూడాలి. మ్యాచ్‌ ముందు రోజు నగరంలో కాస్త చల్లటి వాతావరణం ఉన్నా... శనివారం రోజు వర్షసూచన లేదు. వరుస వైఫల్యాలు... హైదరాబాద్‌లో ఆడిన తొలి మ్యాచ్‌లో రాజస్తాన్‌పై 286 పరుగుల స్కోరుతో సీజన్‌ను సన్‌రైజర్స్‌ ఘనంగా ప్రారంభించింది. కానీ ఆ తర్వాత పరిస్థితి ఒక్కసారిగా మారిపోయింది. తర్వాతి నాలుగు మ్యాచ్‌లలో జట్టు వరుసగా 190, 163, 120, 152 పరుగులు చేసింది. అయితే ఇవేవీ విజయానికి సరిపోలేదు. తొలి మ్యాచ్‌లో ఇషాన్‌ కిషన్‌ సెంచరీని మినహాయిస్తే ఓవరాల్‌గా ఈ నాలుగు మ్యాచ్‌లలో కలిపి రైజర్స్‌ నుంచి 2 అర్ధసెంచరీలు నమోదయ్యాయి. క్లాసెన్‌ గరిష్టంగా 152 పరుగులే చేయగా... హెడ్‌ 148, అభిషేక్‌ 51 పరుగులు సాధించడం బ్యాటింగ్‌ పరిస్థితిని చూపిస్తోంది. నితీశ్‌ రెడ్డి ఏమాత్రం ప్రభావం చూపించలేకపోతున్నాడు. స్కోర్లు మాత్రమే కాదు, జట్టు ఆటగాళ్లలో ఒక రకమైన నిరాసక్తత కనిపిస్తోంది. మైదానంలో చురుకుదనం లోపించగా... గత ఏడాది తరహాలో పరుగులు సాధించాలనే తపన, కసి బ్యాటర్లలో కనిపించడం లేదు. వరుస ఓటముల ప్రభావం కూడా ఆటగాళ్లపై పడింది.అయితే దీని నుంచి కోలుకొని మళ్లీ చెలరేగేందుకు ఈ మ్యాచ్‌కు మించి మంచి అవకాశం లభించదు. కెపె్టన్‌ కమిన్స్‌ వికెట్లు తీయకపోవడంతో పాటు ఏకంగా 11.16 ఎకానమీతో పరుగులు ఇస్తున్నాడు. షమీలాంటి ప్రధాన పేసర్‌ కూడా 9.29 ఎకానమీతో పరుగులు ఇవ్వడం చూస్తే బౌలింగ్‌ ఎంత బలహీనంగా ఉందో అర్థమవుతోంది. ఈసారి ఓడితే మాత్రం కోలుకొని ప్లే ఆఫ్స్‌ రేసులోకి రావడం సన్‌రైజర్స్‌కు దాదాపు అసాధ్యం కావచ్చు. జోరు మీదున్న కింగ్స్‌... శ్రేయస్‌ అయ్యర్, ప్రభ్‌సిమ్రన్‌ సింగ్, ప్రియాన్ష్ ఆర్య... పంజాబ్‌ గెలిచి మూడు మ్యాచ్‌లలో వీరు ముగ్గురు ‘ప్లేయర్‌ ఆఫ్‌ ద మ్యాచ్‌’లుగా నిలిచిన ఆటగాళ్లు. అంటే జట్టు ఏ ఒక్కరి బ్యాటింగ్‌పైనే ఆధారపడటం లేదు. పరిస్థితిని బట్టి ఒక్కో ప్లేయర్‌ బాధ్యత తీసుకొని నడిపిస్తున్నాడు. ఈ ముగ్గురికి తోడు నేహల్‌ వధేరా, శశాంక్‌ సింగ్‌లతో జట్టు బ్యాటింగ్‌ పటిష్టంగా ఉంది. అద్భుత ఫామ్‌లో ఉన్న అయ్యర్‌ 200 పరుగులు స్ట్రయిక్‌రేట్‌తో పరుగులు సాధించాడు. స్టొయినిస్, మ్యాక్స్‌వెల్‌లాంటి ఆటగాళ్లు రాణించకపోయినా పంజాబ్‌ మెరుగైన స్థితిలో ఉంది. ఇదే జోరు కొనసాగిస్తే జట్టు మరో సారి భారీ స్కోరు సాధించడం ఖాయం. బౌలింగ్‌లో అర్ష్ దీప్, ఫెర్గూసన్‌ ముందుండి నడిపిస్తుండగా... యశ్‌ ఠాకూర్‌ కూడా రాణిస్తున్నాడు. ఇప్పటి వరకు 11 ఓవర్లు వేసి ఒకే ఒక వికెట్‌ తీసిన చహల్‌ మాత్రం ఇంకా లయ అందుకోలేదు. అతనూ రాణిస్తే రైజర్స్‌ను కట్టడి చేయవచ్చు. తుది జట్లు (అంచనా) సన్‌రైజర్స్‌: కమిన్స్‌ (కెప్టెన్‌), హెడ్, అభిషేక్, ఇషాన్‌ కిషన్, నితీశ్‌ రెడ్డి, క్లాసెన్, అనికేత్, కమిందు, అన్సారీ, హర్షల్, షమీ, రాహుల్‌ చహర్‌. పంజాబ్‌ కింగ్స్‌: శ్రేయస్‌ అయ్యర్‌ (కెప్టెన్‌), ప్రభ్‌సిమ్రన్, ప్రియాన్ష్, వధేరా, శశాంక్, మ్యాక్స్‌వెల్, స్టొయినిస్, యాన్సెన్, చహల్, అర్ష్ దీప్, ఫెర్గూసన్, యశ్‌ ఠాకూర్‌.