ఆస్ట్రేలియాతో రెండో టీ20 మ్యాచ్‌లో భారత పేసర్‌ హర్షిత్‌ రాణా (Harshit Rana)ను బ్యాటింగ్‌ ఆర్డర్‌లో ప్రమోట్‌ చేయడంపై విమర్శల వర్షం కురుస్తోంది. పవర్‌ హిట్టింగ్‌ ఆల్‌రౌండర్‌ శివం దూబే (Shivam Dube)ను కాదని.. ఈ బౌలర్‌ను ఏడో స్థానంలో ఎందుకు పంపారనే ప్రశ్నలు తలెత్తుతున్నాయి.ఈ విషయంపై టీమిండియా విధ్వంసకర ఓపెనర్‌ అభిషేక్‌ శర్మ (Abhishek Sharma) స్పందించాడు. ఆసీస్‌ చేతిలో ఓటమి తర్వాత మీడియాతో మాట్లాడుతూ.. హర్షిత్‌ రాణాను ముందుగా బ్యాటింగ్‌కు పంపడానికి గల కారణాన్ని వెల్లడించాడు.ఇక్కడ షాట్లు బాదడం అంత తేలికేమీ కాదు‘‘మా జట్టులో చాలా మందికి ఆస్ట్రేలియాలో ఇదే తొలి పర్యటన. ఇక్కడి పిచ్‌లపై అదనపు బౌన్స్‌, పేస్‌ గురించి మాకు తెలుసు. అయినా.. సరే ఈ మ్యాచ్‌లో ఆసీస్‌ బౌలర్లు బౌల్‌ చేసిన తీరు మమ్మల్ని ఆశ్చర్యపరిచింది.క్రమశిక్షణగా సరైన లైన్‌ అండ్‌ లెంగ్త్‌తో వాళ్లు బౌలింగ్‌ చేశారు. ఆరంభం నుంచే బౌలర్లపై ఎదురుదాడికి దిగాలని మేము ప్రణాళికలు రచించుకున్నాం. అయితే, ఊహించని రీతిలో వారు చెలరేగారు.వరుసగా వికెట్లు పడుతుంటే అక్కడ బ్యాటర్‌గా ఎవరున్నారన్న విషయంతో బౌలర్లకు పనిలేదు. ఇక క్రీజులో ఎవరు ఉన్నా జట్టు ప్రయోజనాలకు అనుగుణంగానే ఆడతారు. మెల్‌బోర్న్‌ వికెట్‌ కఠినంగా ఉంది. ఇక్కడ షాట్లు బాదడం అంత తేలికేమీ కాదు.అందుకే శివంను కాదని హర్షిత్‌ను.. హర్షిత్‌ బ్యాట్‌తోనూ రాణించగలడని నాకు తెలుసు. నెట్స్‌లో అతడు చాలాసార్లు సిక్స్‌లు బాదాడు. ‘నీ సాధారణ ఆట తీరుతోనే ముందుకు సాగు’ అని నాకు చెప్పాడు. మా లెఫ్ట్‌- రైట్‌ కాంబినేషన్‌ ఈ మ్యాచ్‌లో బాగా వర్కౌట్‌ అయింది.ఈ కాంబినేషన్‌ కోసమే.. శివం దూబే కంటే.. హర్షిత్‌ను బ్యాటింగ్‌ ఆర్డర్‌లో ముందుగా పంపించారు’’ అని అభిషేక్‌ శర్మ తెలిపాడు. కాగా 24 ఏళ్ల ఈ లెఫ్టాండర్‌ బ్యాటర్‌ ఆసీస్‌తో రెండో మ్యాచ్‌లో విశ్వరూపం ప్రదర్శించాడు..@IamAbhiSharma4 leads from the front with a blazing half-century, taking the Aussies head-on in true Skyball fashion! 💥Fearless intent, clean hitting, and total command at the crease! 🚀#AUSvIND 👉 2nd T20I | LIVE NOW 👉 https://t.co/mq9j8bivd0 pic.twitter.com/bcAUdN2kyw— Star Sports (@StarSportsIndia) October 31, 2025 మొత్తంగా 37 బంతులు ఎదుర్కొన్న అభిషేక్‌ శర్మ ఎనిమిది ఫోర్లు, రెండు సిక్సర్ల సాయంతో 68 పరుగులు సాధించాడు. అయితే, నాథన్‌ ఎల్లిస్‌ బౌలింగ్‌లో లెగ్‌ బిఫోర్‌గా వెనుదిరగడంతో అతడి ధనాధన్‌ ఇన్నింగ్స్‌కు తెరపడింది. ఇక ఈ మ్యాచ్‌లో అభిషేక్‌తో పాటు హర్షిత్‌ రాణా (33 బంతుల్లో 35) ఒక్కడే మెరుగ్గా బ్యాటింగ్‌ చేశాడు.Short ball? No problem! #HarshitRana clears it for a six! 🚀Brings up a solid fifty stand fearless, fiery, and full Skyball mode on! 🔥#AUSvIND 👉 2nd T20I | LIVE NOW 👉 https://t.co/mq9j8bivd0 pic.twitter.com/sOGZ6m3u5y— Star Sports (@StarSportsIndia) October 31, 2025మూకుమ్మడిగా విఫలంఓపెనర్‌ శుబ్‌మన్‌ గిల్‌ 5, మూడో స్థానంలో వచ్చిన సంజూ శాంసన్‌ 2, నాలుగో స్థానంలో వచ్చిన కెప్టెన్‌ సూర్యకుమార్‌ యాదవ్‌ 1 పరుగులతో తీవ్రంగా నిరాశపరిచారు. ఐదో స్థానానికి డిమోట్‌ అయిన తిలక్‌ వర్మ డకౌట్‌ కాగా.. కుల్దీప్‌ యాదవ్‌, జస్‌ప్రీత్‌ బుమ్రా కూడా పరుగుల ఖాతా తెరవలేదు. శివం దూబే 4 పరుగులకే వెనుదిరిగాడు.ఫలితంగా 18.4 ఓవర్లలో కేవలం 125 పరుగులు చేసి టీమిండియా ఆలౌట్‌ అయింది. ఆసీస్‌ బౌలర్లలో జోష్‌ హాజిల్‌వుడ్‌ మూడు వికెట్లతో సత్తా చాటగా.. జేవియర్‌ బార్ట్‌లెట్‌, నాథన్‌ ఎల్లిస్‌ చెరో రెండు వికెట్లు, మార్కస్‌ స్టొయినిస్‌ ఒక వికెట్‌ దక్కించుకున్నారు.స్వల్ప లక్ష్యంతో బరిలోకి దిగిన ఆసీస్‌ 13.2 ఓవర్లలో ఆరు వికెట్లు కోల్పోయి పని పూర్తి చేసింది. రెండో టీ20లో భారత్‌పై నాలుగు వికెట్ల తేడాతో గెలిచి.. ఐదు మ్యాచ్‌ల సిరీస్‌లో 1-0తో ముందంజ వేసింది. కాగా కాన్‌బెర్రాలో జరగాల్సిన తొలి టీ20 వర్షం వల్ల రద్దైన విషయం తెలిసిందే.చదవండి: అతడే మా ఓటమిని శాసించాడు.. అభిషేక్ మాత్రం అద్భుతం: భారత కెప్టెన్‌

మెల్‌బోర్న్ వేదికగా ఆస్ట్రేలియాతో జరిగిన రెండో టీ20లో 4 వికెట్ల తేడాతో భారత్ ఓటమి పాలైంది. ఈ మ్యాచ్‌లో భారత బ్యాటర్లు దారుణ ప్రదర్శన కనబరిచారు. అభిషేక్ శర్మ(68), హర్షిత్ రాణా(35) మినహా మిగితా బ్యాటర్లంతా దారుణంగా విఫలమయ్యారు. దీంతో తొలుత బ్యాటింగ్ చేసిన టీమిండియా 18.4 ఓవ‌ర్ల‌లో కేవ‌లం 125 ప‌రుగుల‌కే కుప్ప‌కూలింది. ఆసీస్ స్టార్ పేస‌ర్ జోష్ హాజిల్‌వుడ్ మూడు వికెట్ల‌తో మెన్ ఇన్ బ్లూ ప‌త‌నాన్ని శాసించ‌గా.. ఎల్లీస్, బార్ట్‌లెట్ త‌లా రెండు వికెట్లు ప‌డ‌గొట్టారు.అనంత‌రం ఈ స్వ‌ల్ప ల‌క్ష్యాన్ని ఆస్ట్రేలియా 6 వికెట్లు కోల్పోయి 13.2 ఓవ‌ర్ల‌లో చేధించింది. ఈ విజ‌యంతో ఐదు మ్యాచ్‌ల సిరీస్‌లో 1-0 ఆధిక్యంలోకి భార‌త్ దూసుకెళ్లింది. తొలి టీ20 వ‌ర్షం కార‌ణంగా ర‌ద్దు అయిన సంగ‌తి తెలిసిందే.ఇక మెల్‌బోర్న్ టీ20 ఓట‌మిపై టీమిండియా కెప్టెన్ సూర్య‌కుమార్ యాద‌వ్ స్పందించాడు. బ్యాటింగ్ వైఫల్యం కారణంగానే ఓటమి పాలైమని సూర్య చెప్పుకొచ్చాడు. అదేవిధంగా ప్లేయర్ ఆఫ్‌ది మ్యాచ్ హాజిల్‌వుడ్‌పై సూర్య ప్రశంసల వర్షం కురిపించాడు."జోష్ హాజిల్‌వుడ్ ఆసాధరణ బౌలింగ్ ప్రదర్శన కనబరిచాడు. పవర్‌ప్లేలో అతడు బౌలింగ్ చేసిన విధానం నిజంగా ఒక అద్భుతం. పవర్‌ప్లేలోనే నాలుగు వికెట్లు కోల్పోయాము. ఈ పరిస్థితి నుంచి కోలుకోవడం ఏ జట్టుకైనా చాలా కష్టం. కచ్చితంగా జోష్‌కు క్రెడిట్ ఇవ్వాల్సిందే.మొదటి మ్యాచ్ రద్దు అయినప్పటికి మేము బాగానే బ్యాటింగ్ చేశాము. ఈ మ్యాచ్‌లో కూడా అదే మైండ్ సెట్‌తో ఆడాలి అనుకున్నాము. తొలుత బ్యాటింగ్ చేస్తే ప్రత్యర్ధి ముందు భారీ టార్గెట్ ఉంచాలనుకున్నాము. కానీ మా ప్రణాళికలను సరిగ్గా అమలు చేయడం విఫలమయ్యాము. ఇక అభిషేక్ గురుంచి ఎంత చెప్పుకొన్న తక్కువే. అతడు గత కొంత కాలంగా తన పనిని తాను చేసుకుపోతున్నాడు. అతడు తన బ్రాండ్ ఆఫ్ క్రికెట్‌ను కొనసాగిస్తున్నాడు. రాబోయే మ్యాచ్‌లలో కూడా అతడు ఇదే జోరును కొనసాగించాలని ఆశిస్తున్నాను" అని సూర్య పోస్ట్ మ్యాచ్ ప్రెజేంటేషన్‌లో పేర్కొన్నాడు.చదవండి: IND vs SA: రీఎంట్రీలో రిషభ్‌ పంత్‌ ఫెయిల్‌.. భారత్‌ ఆలౌట్‌.. .. స్కోరెంతంటే?

టీమిండియా టీ20 కెప్టెన్‌ సూర్యకుమార్‌ యాదవ్‌ (Suryakumar Yadav) సరికొత్త చరిత్ర సృష్టించాడు. టెస్టు హోదా ఉన్న జట్ల తరఫున అత్యంత వేగంగా 150 సిక్సర్లు బాదిన తొలి క్రికెటర్‌గా ప్రపంచ రికార్డు సాధించాడు. ముంబైకి చెందిన 35 ఏళ్ల సూర్యకుమార్‌ ఆలస్యంగానే టీమిండియాలో ఎంట్రీ ఇచ్చాడు.ఇంగ్లండ్‌తో స్వదేశంలో టీ20 సిరీస్‌ సందర్భంగా భారత్‌ తరఫున 2021లో అంతర్జాతీయ క్రికెట్లో అడుగుపెట్టిన సూర్యకుమార్‌ యాదవ్‌.. ఆ తర్వాత వన్డే, టెస్టుల్లోనూ అరంగేట్రం చేశాడు. అయితే, ఈ రెండు ఫార్మాట్లలోనూ సత్తా చాటలేక చతికిల పడ్డ సూర్య.. తనకు కలిసి వచ్చిన టీ20 క్రికెట్‌లో మాత్రం వరల్డ్‌ నంబర్‌ వన్‌ బ్యాటర్‌గా ఎదిగాడు.వరుస విజయాలుఈ క్రమంలో గతేడాది ఏకంగా టీమిండియా టీ20 కెప్టెన్‌గా పగ్గాలు చేపట్టిన సూర్య.. వరుస విజయాలు సాధించాడు. ఇటీవలే ఆసియా టీ20 కప్‌-2025లో భారత్‌ను చాంపియన్‌గా నిలిపాడు. కానీ బ్యాటర్‌గా మాత్రం విఫలం కావడం విమర్శలకు దారితీసింది.ఈ నేపథ్యంలో ఆస్ట్రేలియా పర్యటనలో సత్తా చాటాలని పట్టుదలగా ఉన్న సూర్య.. తొలి టీ20లో ధనాధన్‌ ఇన్నింగ్స్‌తో అలరించాడు. కాన్‌బెర్రా వేదికగా టాస్‌ గెలిచిన ఆసీస్‌.. భారత్‌ను తొలుత బ్యాటింగ్‌కు ఆహ్వానించింది.వర్షం వల్ల మ్యాచ్‌ రద్దుఈ క్రమంలో ఓపెనర్‌ అభిషేక్‌ శర్మ (14 బంతుల్లో 19) వేగంగా ఆడే ప్రయత్నంలోనే.. నాథన్‌ ఎల్లిస్‌ బౌలింగ్‌లో టిమ్‌ డేవిడ్‌కు క్యాచ్‌ ఇచ్చి తొలి వికెట్‌గా పెవిలియన్‌ చేరాడు. అతడి స్థానంలో వన్‌డౌన్‌లో వచ్చిన సూర్య.. మరో ఓపెనర్‌ శుబ్‌మన్‌ గిల్‌ (Shubman Gill)తో కలిసి దంచికొట్టాడు. అయితే, వర్షం వల్ల ఈ మ్యాచ్‌ అర్ధంతరంగా ముగిసిపోయింది.అప్పటికి.. 9.4 ఓవర్ల ఆట సాగగా.. వికెట్‌ నష్టానికి 97 పరుగులు చేసింది టీమిండియా. గిల్‌ 20 బంతుల్లో నాలుగు ఫోర్లు, ఒక సిక్సర్‌ సాయంతో 37 పరుగులు చేయగా.. సూర్యకుమార్‌ 24 బంతుల్లో 39 పరుగులు సాధించాడు. అతడి ఇన్నింగ్స్‌లో మూడు ఫోర్లు, రెండు సిక్సర్లు ఉన్నాయి. Fearless batting on display! 💥We’re in for a @surya_14kumar special!Match Update ➡️ Rain Delay. Revised start time awaited!#AUSvIND 👉 1st T20I | LIVE NOW 👉 https://t.co/nKdrjgZhGQ pic.twitter.com/87NwgUurcT— Star Sports (@StarSportsIndia) October 29, 2025205 సిక్సర్లతో టాప్‌లో రోహిత్‌ ఇక ఈ మ్యాచ్‌ సందర్భంగా సూర్య అంతర్జాతీయ టీ20 ఫార్మాట్లో 150 సిక్సర్ల క్లబ్‌లో చేరాడు. ఈ జాబితాలో టీమిండియా దిగ్గజ కెప్టెన్‌ రోహిత్‌ శర్మ 205 సిక్సర్లతో టాప్‌లో ఉండగా.. సూర్య ఐదో స్థానంలో నిలిచాడు.అయితే, అత్యంత తక్కువ ఇన్నింగ్స్‌లోనే అంటే.. 86వ ఇన్నింగ్స్‌లోనే 150 సిక్సర్లు పూర్తి చేసుకున్నాడు సూర్య. తద్వారా ఐసీసీ ఫుల్‌ మెంబర్ల (టెస్టు హోదా) జట్ల తరఫున ఫాస్టెస్ట్‌ 150 సిక్సెస్‌ సాధించిన తొలి క్రికెటర్‌గా నిలిచాడు. ఇక అసోసియేట్‌ దేశమైన యూఏఈ తరఫున ముహమ్మద్‌ వసీం 66 ఇన్నింగ్స్‌లోనే ఈ ఘనత సాధించడం విశేషం.అంతర్జాతీయ టీ20 ఫార్మాట్లో అత్యధిక సిక్సర్లు బాదిన టాప్‌-5 క్రికెటర్లు🏏 రోహిత్‌ శర్మ (ఇండియా)- 159 మ్యాచ్‌లలో 205 సిక్సర్లు🏏ముహమ్మద్‌ వసీం (యూఏఈ)- 91 మ్యాచ్‌లలో 187 సిక్సర్లు🏏మార్టిన్‌ గప్టిల్‌ (న్యూజిలాండ్‌)- 122 మ్యాచ్‌లలో 173 సిక్సర్లు🏏జోస్‌ బట్లర్‌ (ఇంగ్లండ్‌)- 144 మ్యాచ్‌లలో 172 సిక్సర్లు🏏సూర్యకుమార్‌ యాదవ్‌ (ఇండియా)- 91 మ్యాచ్‌లలో 150 సిక్సర్లు*.చదవండి: PKL 2025: అత‌డొక అద్భుతం.. తెలుగు టైటాన్స్‌కు దొరికిన ఆణిముత్యం

టీమిండియా ఆస్ట్రేలియాతో ఐదు టీ20 మ్యాచ్‌లకు సిద్ధమైంది. అక్టోబరు 29- నవంబరు 8 వరకు ఈ సిరీస్‌ నిర్వహణకు షెడ్యూల్‌ ఖరారైంది. ఈ నేపథ్యంలో భారత జట్టును పరిశీలిస్తే ఇందులో ఏకంగా ఎనిమిది మంది ఎడమచేతి వాటం గల ఆటగాళ్లు ఉన్నారు.మరి లెఫ్టాండర్ల వల్ల జట్టుకు అదనపు ప్రయోజనాలు ఏమైనా ఉంటాయా? వీరిని ఎక్కువగా తుదిజట్టులోకి తీసుకోవడం వల్లే కలిగే లాభాలు ఏమిటో తెలుసుకుందాం!బ్రియన్‌ లారా మారథాన్‌ ఇన్నింగ్స్‌ నుంచి ఆడం గిల్‌క్రిస్ట్‌ విధ్వంసకర ఇన్నింగ్స్‌, సౌరవ్‌ గంగూలీ మెరుపులు .. ఎడమచేతి వాటం బ్యాటర్ల అద్భుత ప్రదర్శనలకు ఇవి నిదర్శనాలు.అడ్వాంటేజ్‌ ఏంటి?క్రికెట్‌లో కుడిచేతి వాటం బ్యాటర్లే ఎక్కువ. కాబట్టి బౌలర్లు కూడా అందుకు తగ్గట్లుగానే శిక్షణలో ఎక్కువగా రైట్‌ హ్యాండ్‌ బ్యాటర్లకే బౌల్‌ చేస్తూ ఉంటారు. కాబట్టి లెఫ్టాండర్లు బరిలో ఉన్నపుడు వారి లైన్‌ అండ్‌ లెంగ్త్‌ మార్చుకోవాల్సి ఉంటుంది.ఒకవేళ క్రీజులో లెఫ్ట్‌- రైట్‌ బ్యాటర్లు జోడీగా ఉన్నారంటే బౌలర్లకు వారిని విడదీయడం మరింత కష్టతరంగా మారుతుంది. ముఖ్యంగా స్ట్రైక్‌ రొటేట్‌ చేసుకుంటూ ఇద్దరూ దంచికొడుతున్నారంటే.. బౌలర్ల రిథమ్‌ దెబ్బ తింటుంది. ఫీల్డింగ్‌లోనూ మార్పులు చేయడం బౌలింగ్‌ చేస్తున్న కెప్టెన్‌కు తలనొప్పిగా మారుతుంది. తరచూ ఫీల్డర్లను మార్చడం కూడా మైనస్‌గా మారుతుంది.డేటా ఏం చెబుతోంది?తమ రైట్‌ హ్యాండ్‌ కౌంటర్‌పార్ట్స్‌ కంటే లెఫ్టాండర్లు మూడు ఫార్మాట్లలోనూ రాణించిన దాఖలాలు ఎన్నో ఉన్నాయి. టెస్టు క్రికెట్‌లో లెఫ్టాండర్లు విండీస్‌ లెజెండ్‌ బ్రియన్‌ లారా, శ్రీలంక దిగ్గజం కుమార్‌ సంగక్కర వేల కొద్దీ పరుగులు రాబట్టారు. సంగక్కర టెస్టుల్లో 12,400 పరుగులు సాధిస్తే.. లారా 11,953 పరుగులు స్కోరు చేశాడు.ఇక వన్డేల్లో సౌరవ్‌ గంగూలీ, శిఖర్‌ ధావన్‌ టీమిండియా తరఫున అద్భుత ప్రదర్శనలు కనబరిచారు. గంగూలీ 311 వన్డేల్లో 11363 పరుగులు స్కోరు చేస్తే.. 167 వన్డేలు ఆడి 6793 రన్స్‌ రాబట్టాడు.అదే విధంగా టీ20 ఫార్మాట్లో డేవిడ్‌ వార్నర్‌ అద్భుతంగా రాణించగా.. ప్రస్తుతం టీమిండియాలో ఉన్న అభిషేక్‌ శర్మ, తిలక్‌ వర్మ ఆకాశమే హద్దుగా చెలరేగుతున్న విషయం తెలిసిందే.మ్యాచ్‌ స్వరూపాన్ని మలుపు తిప్పగలరు!లెఫ్టాండ్‌ బ్యాటర్లు ఆఫ్‌ స్పిన్నర్లను సమర్థవంతంగా ఎదుర్కోగలరు. స్పిన్నర్ల బౌలింగ్‌లో వీరికి షాట్‌ సెలక్షన్‌ సులభంగా ఉంటుంది.పవర్‌ ప్లే, డెత్‌ ఓవర్లలోనూ వీరి సంప్రదాయ విరుద్ధ బ్యాటింగ్‌ కారణంగా ప్రత్యర్థి బౌలర్లు, ఫీల్డర్లను మార్పు చేసే క్రమంలో గందరగోళానికి గురయ్యే అవకాశం ఉంటుంది. ఇలాంటి కీలక సమయాల్లో వ్యూహాలు మార్చుకోవాల్సి రావడం విజయావకాశాలను దెబ్బ తీస్తుంది.సైకలాజికల్‌ ఎడ్జ్‌కుడిచేతి వాటం బౌలర్లు లెఫ్టాండర్‌ బ్యాటర్లను ఎదుర్కొనేటపుడు సవాళ్లు ఎదుర్కొంటారు. ప్రతిసారి లైన్‌ అండ్‌ లెంగ్త్‌ మార్చడం వారికి కఠినతరంగా మారుతుంది. ఫీల్డింగ్‌ ప్లేస్‌మెంట్లను తరచూ మార్చాల్సి రావడం వల్ల బ్యాటర్లకు పరుగులు స్కోరు చేసే అవకాశాలు పెరుగుతాయి.లెజెండరీ లెఫ్టాండ్‌ బ్యాటర్లుబ్రియన్‌ లారా టెస్టుల్లో క్వాడ్రపుల్‌ (400*) సెంచరీ చేసి ఇప్పటికీ తన పేరిటే ఆ రికార్డును పదిలం చేసుకున్నాడు. ఆస్ట్రేలియా దిగ్గజం ఆడం గిల్‌క్రిస్ట్‌ వన్డే, టెస్టుల్లో తనదైన ముద్ర వేశాడు. ఇక క్రిస్‌ గేల్‌, యువరాజ్‌ సింగ్‌ల గురించి త్యేకంగా చెప్పాల్సిన పనిలేదు. భారత యువ సంచలనం వైభవ్‌ సూర్యవంశీ కూడా లెఫ్టాండ్‌ బ్యాటరే. ఇప్పటికే యూత్‌ వన్డే, యూత్‌ టెస్టులలో వైభవ్‌ ఇరగదీస్తున్నాడు.భారత ప్రస్తుత టీ20 జట్టులో ఎనిమిది మందిఆస్ట్రేలియా పర్యటనలో ఉన్న ప్రస్తుత భారత టీ20 జట్టులో ఏకంగా ఎనిమిది మంది ఎడమచేతి వాటం ఆటగాళ్లు ఉన్నారు. టాపార్డర్‌లో విధ్వంసకర ఓపెనర్‌ అభిషేక్‌ శర్మ.. వన్‌డౌన్‌లో తిలక్‌వర్మ అందుబాటులో ఉన్నారు. వీరిద్దరు స్పిన్‌ బౌలింగ్‌ కూడా చేయగలరు. ఇక పేస్‌ బౌలింగ్‌ ఆల్‌రౌండర్‌ శివం దూబేతో పాటు నయా ఫినిషర్‌ రింకూ సింగ్‌ కూడా లెఫ్టాండరే. వీరితో పాటు స్పిన్‌ బౌలింగ్‌ ఆల్‌రౌండర్లు అక్షర్‌ పటేల్‌, వాషింగ్టన్‌ సుందర్‌ కూడా ఎడమచేతి వాటం గల ప్లేయర్లే. స్పిన్‌ కోటాలో కుల్దీప్‌ యాదవ్‌, పేసర్ల కోటాలో అర్ష్‌దీప్‌ సింగ్‌ లెఫ్టాండర్ల జాబితాలో ఉన్నారు.చదవండి: స్పృహ తప్పి పడిపోయాడు!.. ప్రాణాపాయమే!;.. ​కీలక అప్‌డేట్‌ ఇచ్చిన సూర్య

ఐదు మ్యాచ్‌ల సిరీస్‌లో భాగంగా కాన్‌బెర్రా వేదికగా భారత్‌, ఆస్ట్రేలియా (India vs Australia) మధ్య రేపు (అక్టోబర్‌ 29) తొలి టీ20 జరుగనుంది. వన్డే సిరీస్‌ను 1-2 తేడాతో కోల్పోయిన భారత్‌.. టీ20 సిరీస్‌నైనా దక్కించుకొని పరువు కాపాడుకోవాలని పట్టుదలగా ఉంది. పొట్టి ఫార్మాట్‌లో ఆస్ట్రేలియాపై భారత్‌కు మంచి ట్రాక్‌ రికార్డే ఉంది. ఇప్పటివరకు ఆడిన 32 మ్యాచ్‌ల్లో 20 సార్లు గెలుపొందింది. ఆసీస్‌ కేవలం​ 11 మ్యాచ్‌ల్లో మాత్రమే విజయాలు సాధించింది. చివరిగా ఇరు జట్ల మధ్య జరిగిన 6 మ్యాచ్‌ల్లో భారత్‌ ఏకంగా 5 సార్లు విజయాలు సాధించింది. 2024 ప్రపంచకప్‌లో భాగంగా జరిగిన చివరి మ్యాచ్‌లో భారత్‌ 24 పరుగుల తేడాతో ఆసీస్‌ను చిత్తు చేసింది.అంతకుముందు స్వదేశంలో జరిగిన 5 మ్యాచ్‌ల సిరీస్‌ను భారత్‌ 4-1 తేడాతో కైవసం చేసుకుంది. సూర్యకుమార్‌ యాదవ్‌ నేతృత్వంలోని భారత యువ జట్టు ఇదే ఫామ్‌ను రేపటి నుంచి ప్రారంభం కాబోయే సిరీస్‌లోనూ కొనసాగించాలని భావిస్తుంది. ఇటీవలికాలంలో సూపర్‌ ఫామ్‌లో ఉండటంతో టీమిండియాపై అంచనాలు భారీగా ఉన్నాయి.విధ్వంసకర ఓపెనర్‌ అభిషేక్‌ శర్మ విశేషంగా రాణిస్తున్నాడు. వన్‌డౌన్‌లో తిలక్‌ వర్మ ఆకట్టుకుంటున్నాడు. సంజూ శాంసన్‌ సక్సెస్‌ ట్రాక్‌లో ఉన్నాడు. శుభ్‌మన్‌ గిల్‌ నుంచి స్థాయికి తగ్గ ఇన్నింగ్స్‌లు బాకీ ఉన్నాయి. శివమ్‌ దూబే, అక్షర్‌ పటేల్‌ ఆల్‌రౌండర్లుగా సత్తా చాటుతున్నారు. వరుణ్‌ చక్రవర్తి మ్యాజిక్‌ కొనసాగుతుంది. బుమ్రా, అర్షదీప్‌ సింగ్‌ రాణిస్తున్నారు. గంభీర సహకారంతో నెట్టుకొస్తున్న హర్షిత్‌ రాణా పర్వాలేదనిపిస్తున్నాడు. టీమిండియాను ప్రస్తుతం కెప్టెన్‌ సూర్యకుమార్‌ యాదవ్‌ ఫామ్‌ ఒక్కటే కలవరపెడుతుంది. స్కై బ్యాటింగ్‌లో రాణించి చాలాకాలమైంది. ఈ ఆసీస్‌ సిరీస్‌లో అయినా అతను సత్తా చాటాలని అభిమానులు కోరుకుంటున్నారు. వరుసగా విఫలమవుతున్నా మేనేజ్‌మెంట్‌, కోచ్‌ స్కైకు అండగా ఉన్నారు. వ్యక్తిగంతా విఫలమవుతున్నా జట్టును విజయవంతంగా ముందుండి నడిపిస్తున్నాడన్న కారణం చేత అతనికి మద్దతు లభిస్తుంది. అయితే ఇది ఎంతో కాలం ఉండే అవకాశం లేదు. ప్రస్తుత ఆస్ట్రేలియా సిరీస్‌లో విఫలమైతే మాత్రం సెలెక్టర్లు ప్రత్యామ్నాం వైపు చూడవచ్చు.ఆస్ట్రేలియాతో తొలి టీ20లో భారత జట్టు (అంచనా)..అభిషేక్ శర్మ, శుభ్‌మన్‌ గిల్, తిలక్ వర్మ, సూర్యకుమార్ యాదవ్ (కెప్టెన్‌), సంజు శాంసన్, శివమ్ దూబే, అక్షర్ పటేల్, హర్షిత్ రాణా, అర్ష్‌దీప్ సింగ్, వరుణ్ చక్రవర్తి, జస్ప్రీత్ బుమ్రాచదవండి: చరిత్ర సృష్టించిన శుభ్‌మన్‌ గిల్‌

టీమిండియా ఆస్ట్రేలియా పర్యటనను పేలవంగా ఆరంభించింది. వన్డే సిరీస్‌లో ఆతిథ్య జట్టు చేతిలో 2-1 (Ind Loss ODI Series To Aus)తో ఓడిపోయింది. ఫలితంగా వన్డే కెప్టెన్‌గా శుబ్‌మన్‌ గిల్‌ (Shubman Gill)కు తొలి ప్రయత్నంలోనే చేదు అనుభవం మిగిలింది.ఈ నేపథ్యంలో టీ20 సిరీస్‌లోనైనా సత్తా చాటాలని టీమిండియా పట్టుదలగా ఉంది. టెస్టు, వన్డే ఫార్మాట్లలో తిరుగులేని ఆస్ట్రేలియా.. పొట్టి ఫార్మాట్లో మాత్రం అంత గొప్పగా రాణించిన దాఖలాలు లేవు. ముఖ్యంగా టీమిండియాతో ఆడిన 32 మ్యాచ్‌లలో కంగారూ జట్టు కేవలం 11 మ్యాచ్‌లలో మాత్రమే గెలుపొందడం ఇందుకు నిదర్శనం.బ్యాటింగ్‌ పరంగా విఫలంముఖాముఖి రికార్డు పరంగా భారత్‌ పటిష్ట స్థితిలోనే ఉన్నా సొంతగడ్డపై ఆస్ట్రేలియాను తక్కువగా అంచనా వేయలేము. మరోవైపు.. టీమిండియా టీ20 కెప్టెన్‌గా పగ్గాలు చేపట్టిన తర్వాత వరుస విజయాలు అందుకుంటున్న సూర్యకుమార్‌ యాదవ్‌ (Suryakumar Yadav).. బ్యాటింగ్‌ పరంగా విఫలం కావడం కలవరపెట్టే అంశం.గతేడాది జూలైలో టీ20 జట్టు పూర్తిస్థాయి కెప్టెన్‌గా బాధ్యతలు తీసుకున్న సూర్య.. 20 మ్యాచ్‌లలో కలిపి కేవలం రెండే హాఫ్‌ సెంచరీలు బాదాడు. సగటు 18 కంటే తక్కువ. టీ20 ప్రపంచకప్‌-2026 టోర్నీకి ఇంకా కేవలం మూడు నెలల సమయమే ఉన్న వేళ సూర్య ఫామ్‌ ఆందోళనకు గురి చేస్తోంది. 72 పరుగులేఇటీవల కెప్టెన్‌గా ఆసియా టీ20 కప్‌-2025 టైటిల్‌ గెలిచిన సూర్య.. ఆరు ఇన్నింగ్స్‌లో కలిపి కేవలం 72 పరుగులే చేయడం గమనార్హం. ఈ నేపథ్యంలో సూర్యకుమార్‌ యాదవ్‌ ఫామ్‌పై విమర్శలు వస్తుండగా.. టీమిండియా హెడ్‌కోచ్‌ గౌతం గంభీర్‌ తనదైన శైలిలో స్పందించాడు.ఎలాంటి భయాలు లేవుఆస్ట్రేలియాతో టీ20 సిరీస్‌ ఆరంభం నేపథ్యంలో జియోస్టార్‌తో మాట్లాడుతూ.. ‘‘సూర్య బ్యాటింగ్‌ ఫామ్‌ నన్ను ఏమాత్రం ఆందోళనకు గురిచేయడం లేదు. ఈ విషయంలో ఎలాంటి భయాలు లేవు. అల్ట్రా- అగ్రెసివ్‌గా ఆడాలని డ్రెసింగ్‌రూమ్‌లో నిర్ణయించుకున్నాం. దూకుడుగా ఆడటమే మాకు ఇష్టం.ఇలాంటి సిద్ధాంతాలు పెట్టుకున్నపుడు వైఫల్యాలను కూడా ఆమోదించగలగాలి. ఇలాంటి అప్రోచ్‌ కారణంగా ఒక్కోసారి విఫలమైనా సరే.. మేము దానికే కట్టుబడి ఉండాలని నిర్ణయించుకున్నాం’’ అని గంభీర్‌ తెలిపాడు.ఒక్కసారి లయ అందుకుంటేఇక టీమిండియా యువ ఓపెనర్‌ అభిషేక్‌ శర్మ గురించి ప్రస్తావిస్తూ.. ‘‘అతడు ఆసియా కప్‌ టోర్నీలో సూపర్‌ ఫామ్‌ కనబరిచాడు. ఏదేమైనా సూర్య ఒక్కసారి లయ అందుకుంటే బాధ్యత తన భుజం మీదు వేసుకోవడానికి ఏమాత్రం సందేహించడు.టీ20 క్రికెట్‌లో మేము వ్యక్తిగత పరుగుల కంటే కూడా మా క్రికెట్‌ బ్రాండ్‌పైనే ఎక్కువగా దృష్టి పెడతాం. దూకుడైన శైలితోనే ముందుకు సాగుతాం. బ్యాటర్లు తరచూ వ్యక్తిగతంగా విఫలమైనా.. జట్టు రాణిస్తే అది పెద్దగా లెక్కలోకి రాదు’’ అని గంభీర్‌ చెప్పుకొచ్చాడు. ఈ సిరీస్‌లోనూ తమ దూకుడు కొనసాగుతుందంటూ ఆస్ట్రేలియా జట్టుకు గౌతీ హెచ్చరికలు జారీ చేశాడు. కాగా అక్టోబరు 29- నవంబరు 8 వరకు భారత్‌- ఆస్ట్రేలియా మధ్య ఐదు మ్యాచ్‌ల టీ20 సిరీస్‌కు షెడ్యూల్‌ ఖరారైంది. చదవండి: అతడు అద్భుతం.. అహంకారం వద్దు.. రోహిత్‌- గిల్‌ సూపర్‌: గంభీర్‌

టీమిండియా నయా విధ్వంసకర బ్యాటర్‌ అభిషేక్‌ శర్మ (Abhishek Sharma) ప్రతిష్టాత్మక ఐసీసీ ప్లేయర్‌ ఆఫ్‌ ద మంత్‌ అవార్డు (ICC Player Of The Month Award) గెలుచుకున్నాడు. సెప్టెంబర్‌ నెలకు గానూ అభిషేక్‌ ఈ అవార్డును కైవసం చేసుకున్నాడు. ఈ అవార్డు కోసం అభిషేక్‌తో పాటు మరో టీమిండియా ఆటగాడు కుల్దీప్‌ యాదవ్‌, జింబాబ్వే బ్యాటర్‌ బ్రియాన్‌ బెన్నెట్‌ పోటీ పడ్డారు. ఓటింగ్‌ అనంతరం అభిషేక్‌ విజేతగా ఆవిర్భవించాడు.అభిషేక్‌ ఈ అవార్డు గెలుచుకోవడం ఇది మొదటిసారి. భారత్‌ తరఫున ప్లేయర్‌ ఆఫ్‌ ద మంత్‌ అవార్డు గెలుచుకున్న 10వ ఆటగాడు అభిషేక్‌. అభిషేక్‌కు ముందు శుభ్‌మన్‌ గిల్‌ (4 సార్లు), బుమ్రా (2), శ్రేయస్‌ అయ్యర్‌ (2), పంత్‌, అశ్విన్‌, భువనేశ్వర్‌ కుమార్‌, విరాట్‌ కోహ్లి, యశస్వి జైస్వాల్‌, సిరాజ్‌ ఈ అవార్డు గెలుచుకున్నారు.అభిషేక్‌ సెప్టెంబర్‌ నెలలో విశేషంగా రాణించినందుకు ప్లేయర్‌ ఆఫ్‌ ద మంత్‌ అవార్డు దక్కింది. టీ20 ఆసియా కప్‌లో అతను 7 మ్యాచ్‌ల్లో 200 స్ట్రైక్ రేట్‌తో, 44.85 సగటున 314 పరుగులు చేశాడు. అభిషేక్‌ ప్రదర్శనల కారణంగా భారత్‌ ఆసియా కప్‌ను సునాయాసంగా గెలుచుకుంది.అభిషేక్‌ ప్రస్తుతం అంతర్జాతీయ టీ20ల్లో నంబర్‌ వన్‌ బ్యాటర్‌గా కొనసాగుతున్నాడు. ఆసియా కప్‌లో అత్యధిక పరుగులు చేసిన బ్యాటర్‌గా నిలిచి, ప్లేయర్‌ ఆఫ్‌ ద టోర్నీ అవార్డు గెలుచుకున్న అభిషేక్‌.. ఆ ప్రదర్శనల తర్వాత ఐసీసీ టీ20 బ్యాటర్ల ర్యాంకింగ్స్‌ చరిత్రలో అత్యధిక రేటింగ్‌ పాయింట్లు సాధించిన ఆటగాడిగా చరిత్ర సృష్టించాడు.మహిళల విభాగంలో మంధనమహిళల విభాగంలో సెప్టెంబర్‌ నెల ప్లేయర్‌ ఆఫ్‌ ద మంత్‌ అవార్డు టీమిండియాకే చెందిన స్మృతి మంధనకు (Smriti Mandhana) దక్కింది. గత నెలలో ఆసీస్‌తో జరిగిన వన్డే సిరీస్‌లో (58, 117, 125) విశేషంగా రాణించినందుకు ఆమె ఈ అవార్డును కైవసం​ చేసుకుంది. ఈ అవార్డు కోసం మంధనతో పాకిస్తాన్‌కు చెందిన సిద్రా అమీన్‌, సౌతాఫ్రికాకు చెందిన తజ్మిన్‌ బ్రిట్స్‌ పోటీ పడ్డారు. తిరుగులేని ప్రదర్శన కారణంగా మంధననే ఈ అవార్డు వరించింది. చదవండి: Chiranjeevi: ఆసియా కప్ హీరోకు మెగా సన్మానం.. కేక్ కట్‌ చేయించిన చిరు

అంత‌ర్జాతీయ టీ20ల్లో టీమిండియా యువ ఓపెన‌ర్ అభిషేక్ శ‌ర్మ వ‌ర‌ల్డ్ నంబ‌ర్ 1 బ్యాట‌ర్‌గా కొన‌సాగుతున్న సంగ‌తి తెలిసిందే. అభిషేక్ ఇటీవ‌లే ముగిసిన ఆసియాక‌ప్‌లో దుమ్ములేపాడు. ఈ మెగా టోర్నీలో 7 మ్యాచ్‌లు ఆడిన అభిషేక్ 200 స్ట్రైక్ రేట్‌తో 314 పరుగులు చేశాడు.ప్లేయ‌ర్ ఆఫ్‌ది టోర్నీగా నిలిచిన అభిషేక్ ఇన్నింగ్స్‌ల‌లో మూడు హాఫ్ సెంచ‌రీలు ఉన్నాయి. ముఖ్యంగా ఈ ఖండాంతర టోర్నీలో దాయాది పాకిస్తాన్‌కు అభిషేక్ చుక్క‌లు చూపించాడు. ఒక ఫైన‌ల్లో త‌ప్ప మిగితా లీగ్‌, సూప‌ర్‌-8ల‌లో పాక్ బౌల‌ర్ల‌ను శ‌ర్మ ఉతికారేశాడు.సూప‌ర్‌-4 మ్యాచ్‌లో అయితే అభిషేక్ బ్యాటింగ్ జోరుకు పాక్ స్పీడ్‌స్టార్ హ్యారిస్ రౌఫ్‌ త‌న స‌హ‌నాన్ని కోల్పోయాడు. అభిషేక్‌తో వాగ్వాదానికి దిగాడు. రౌఫ్‌కు అభిషేక్ బ్యాట్‌తోనే స‌మాధానం చెప్పాడు. ఈ పంజాబ్ క్రికెట‌ర్ పాక్‌పై మూడు మ్యాచ్‌లు ఆడి 110 ప‌రుగులు చేశాడు.ఇక ఇది ఇలా ఉండ‌గా.. తాజాగా అభిషేక్ శ‌ర్మ‌పై పాకిస్తాన్ పేస‌ర్ ఇహ్సానుల్లా ఓ ఛాలెంజ్ విసిరాడు. అభిషేక్ త‌న బౌలింగ్‌ను ఎదుర్కొలేడ‌ని.. కేవ‌లం మూడు బంతుల్లో ఔట్ చేయ‌గ‌ల‌ని అత‌డు చెప్పుకొచ్చాడు. ఇహ్సానుల్లా పాక్ త‌ర‌పున కేవ‌లం 4 టీ20ల్లో మాత్ర‌మే ఆడాడు. అభిషేక్‌తో క‌లిసి అత‌డు ఒక్క మ్యాచ్ కూడా ఆడ‌లేదు. "నేను భార‌త్‌తో ఆడితే అభిషేక్ నా బౌలింగ్‌ను ఎదుర్కోలేడు. అత‌డిని ఔట్ చేయ‌డానికి నాకు కేవ‌లం మూడు బంతులు చాలు అని ఓ ఛాన‌ల్‌కు ఇచ్చిన ఇంట‌ర్వ్యూలో ఇహ్సానుల్లా పేర్కొన్నాడు. ఈ పాక్ ఆట‌గాడికి ఇండియన్ ఫ్యాన్స్ కౌంట‌రిస్తున్నారు.ఆసియాక‌ప్ మ్యాచ్‌లు చూడ‌లేదా? అయితే మీ బౌల‌ర్లను అభిషేక్ గురించి అడుగు అని పోస్ట్‌లు పెడుతున్నారు. అభిషేక్‌ తిరిగి భారత జట్టు తరపున ఈ నెలలో ఆస్ట్రేలియాతో జరగనున్న టీ20 సిరీస్‌లో ఆడనున్నాడు.చదవండి: వన్డే కెప్టెన్‌గా రోహిత్‌పై వేటు!.. నాకు ముందే తెలుసు: గిల్‌

ఈ ఏడాది సెప్టెంబర్ నెలకు గాను 'ప్లేయర్ ఆఫ్ ది మంత్' నామినీలను అంతర్జాతీయ క్రికెట్ కౌన్సిల్ (ICC) మంగళవారం ప్రకటించింది. ఈ ప్రతిష్టాత్మక అవార్డుకు ఆసియాకప్‌-2025లో అద్భుతమైన ప్రదర్శన కనబరిచిన టీమిండియా ప్లేయర్లు అభిషేక్ శర్మ, కుల్దీప్ యాదవ్‌లు షార్ట్ లిస్ట్ అయ్యారు.వీరిద్దరితో పాటు జింబాబ్వేకు చెందిన బ్రియాన్ బెన్నెట్ కూడా ఈ జాబితాలో ఉన్నాడు. ఇటీవలే ముగిసిన ఆసియాకప్‌లో అభిషేక్ పరుగుల వరద పారించాడు. ఈ మెగా టోర్నీలో 7 మ్యాచ్‌లు ఆడిన అభిషేక్ 200 స్ట్రైక్ రేట్‌తో 314 పరుగులు చేశాడు.ఒక్క ఫైనల్ మ్యాచ్‌లో మినహా మిగితా మ్యాచ్‌లలో ఈ పంజాబ్ ప్లేయర్ దుమ్ములేపాడు. అదేవిధంగా మణికట్టు స్పిన్నర్ కుల్దీప్ యాదవ్ బంతితో మ్యాజిక్ చేశాడు. ఆసియాకప్‌లో కుల్దీప్ లీడింగ్ వికెట్ టేకర్‌గా నిలిచాడు. 7 మ్యాచ్‌ల‌లో కుల్దీప్ 17 వికెట్లు ప‌డ‌గొట్టాడు.ఈ మెగా టోర్నీలో కుల్దీప్ కాకుండా షాహీన్ షా అఫ్రిది మాత్రమే 10 వికెట్లు తీసుకున్నాడు. మ‌రోవైపు జింబాబ్వే ప్లేయ‌ర్ బెన్నెట్ గ‌త కొంత కాలంగా టీ20 క్రికెట్‌లో అద‌ర‌గొడుతున్న‌పాడు. 21 ఏళ్ల బెన్నెట్ గ‌త నెల‌లో శ్రీలంక, ఉగాండా, నమీబియా, బోట్స్వానాపై అర్ధ సెంచరీలు చేశాడు.టీ20 ప్రపంచ కప్-2026 ఆఫ్రికా క్వాలిఫైయర్‌లో టాంజానియాపై కూడా బెన్నెట్ సెంచరీ సాధించాడు. మహిళల విభాగంలో భారత్ స్టార్ ఓపెనర్ స్మృతి మంధాన ఈ అవార్డు రేసులో ఉంది. గ‌త నెల‌లో మంధాన ఆసీస్‌తో జరిగిన వ‌న్డే సిరీస్‌లో అద్భుతమైన ప్ర‌ద‌ర్శ‌న క‌న‌బరిచింది. నాలుగు మ్యాచ్‌ల్లో 77 స‌గ‌టుతో 308 ప‌రుగులు చేసింది.చదవండి: PAK vs SA: ఫ్రీ ఫ్రీ.. రండి బాబు రండి! బ్రతిమాలుకుంటున్న పీసీబీ

టీ20ల్లో దుమ్ములేపుతున్న టీమిండియా ఓపెన‌ర్ అభిషేక్ శ‌ర్మ‌.. 50 ఓవ‌ర్ల ఫార్మాట్‌లో త‌న మార్క్‌ను చూపించ‌లేక‌పోయాడు. స్వ‌దేశంలో ఆస్ట్రేలియా-ఎతో జ‌రిగిన అనాధికారిక వ‌న్డే సిరీస్‌లో భార‌త్‌-ఎ త‌ర‌పున ఆడిన‌ అభిషేక్ తీవ్ర‌ నిరాశ‌ప‌రిచాడు. కాన్పూర్ వేదిక‌గా జ‌రిగిన రెండో వ‌న్డేలో గోల్డెన్ డ‌కౌట్‌గా వెనుదిరిగిన ఈ పంజాబ్ క్రికెట‌ర్ ఇప్పుడు మూడో వ‌న్డేలోనూ అదే తీరును క‌న‌బ‌రిచాడు.25 బంతులు ఎదుర్కొన్న అభిషేక్ రెండు ఫోర్లు సాయంతో 22 ప‌రుగులు చేసి ఔట‌య్యాడు. స్పిన్న‌ర్ టాడ్ ముర్ఫీ బౌలింగ్‌లో త‌న్వీర్ సంఘాకు క్యాచ్ ఇచ్చి పెవిలియ‌న్‌కు చేరాడు. అభిషేక్ ఈ త‌ర‌హా ప్ర‌ద‌ర్శ‌న‌లు చేస్తే భార‌త వ‌న్డే జ‌ట్టులోకి ఎంట్రీ ఇప్ప‌టిలో క‌ష్ట‌మ‌నే చెప్పాలి.ఎందుకంటే ఓపెనింగ్ స్ధానాల కోసం తీవ్రమైన పోటీ ఉంది. ఇప్ప‌టికే వ‌న్డే జ‌ట్టులో రెగ్యూల‌ర్ ఓపెన‌ర్లుగా శుబ్‌మ‌న్ గిల్‌, రోహిత్ శ‌ర్మ కొన‌సాగుతున్నారు. బ్యాక‌ప్ ఓపెన‌ర్‌గా య‌శ‌స్వి జైశ్వాల్ ఉన్నాడు. అవ‌స‌ర‌మైతే కేఎల్ రాహుల్‌ సైతం ఓపెన‌ర్‌గా ప్ర‌మోట్ చేసే అవ‌కాశ‌ముంది. త్వ‌ర‌లోనే జ‌ర‌గ‌నున్న విజ‌య్ హాజారే ట్రోఫీలో అభిషేక్ మెరుగైన ప్ర‌ద‌ర్శ‌న చేస్తే సెల‌క్ట‌ర్ల దృష్టిలో పడే అవకాశముంది. అక్కడ కూడా విఫలమైతే అభిషేక్ కేవలం టీ20లకే పరిమితం కాక తప్పదు. ఇటీవల ముగిసిన ఆసియాక‌ప్‌లో శ‌ర్మ దుమ్ములేపాడు. అభిషేక్‌ 200 స్ట్రైక్ రేట్‌తో 314 పరుగులు చేసి ప్లేయ‌ర్ ఆఫ్‌ది టోర్నమెంట్‌గా నిలిచాడు. లిస్ట్‌-ఎ క్రికెట్‌లో కూడా ఈ పంజాబీ ఆట‌గాడికి మెరుగైన గణాంకాలు ఉన్నాయి.అభిషేక్ శర్మ తన కెరీర్‌లో ఇప్పటివరకు 61 లిస్ట్‌-ఎ మ్యాచ్‌లు ఆడి 35.33 సగటుతో 2,014 పరుగులు చేశాడు. అతడి అత్యధిక వ్యక్తిగత స్కోర్ 170గా ఉంది. అదేవిధంగా బౌలింగ్‌లో కూడా 38 వికెట్లు పడగొట్టాడు.భార‌త్ ఘ‌న విజ‌యం..కాగా నిర్ణ‌యాత్మ‌క మూడో వ‌న్డేలో భార‌త్‌-ఎ జ‌ట్టు 2 వికెట్ల తేడాతో ఘ‌న విజ‌యం సాధించింది. దీంతో మూడు వ‌న్డేల సిరీస్‌ను 2-1 తేడాతో శ్రేయ‌స్ అయ్య‌ర్ సేన సొంతం చేసుకుంది. టాస్‌ గెలిచి మొదట బ్యాటింగ్‌ ఎంచుకున్న ఆస్ట్రేలియా ‘ఎ’ జట్టు 49.1 ఓవర్లలో 316 పరుగులకు ఆలౌటైంది. కెపె్టన్‌ జాక్‌ ఎడ్వర్డ్స్‌ (75 బంతుల్లో 89; 8 ఫోర్లు, 3 సిక్స్‌లు) టాప్‌ స్కోరర్‌ కాగా... లియామ్‌ స్కాట్‌ (64 బంతుల్లో 73; 1 ఫోర్, 6 సిక్స్‌లు), కూపర్‌ కొనొల్లీ (49 బంతుల్లో 64; 5 ఫోర్లు, 4 సిక్స్‌లు) హాఫ్‌సెంచరీలు చేశారు. మొత్తంగా ఆసీస్‌ ఆటగాళ్లు ఈ మ్యాచ్‌లో 15 సిక్స్‌లు కొట్టారు. భారత బౌలర్లలో అర్ష్‌దీప్‌ సింగ్‌ 38 పరుగులిచ్చి 3 వికెట్లు పడగొట్టగా... ఇటీవల ఆస్ట్రేలియా పర్యటనకు ఎంపికైన హర్షిత్‌ రాణా 61 పరుగులు ఇచ్చి 3 వికెట్లు తీశాడు. ఆయుశ్‌ బదోనీ 2 వికెట్లు ఖాతాలో వేసుకున్నాడు. అనంతరం లక్ష్యఛేదనలో భారత ‘ఎ’ జట్టు 46 ఓవర్లలో 8 వికెట్లు కోల్పోయి 322 పరుగులు చేసి గెలిచింది. ప్రభ్‌సిమ్రన్‌ సింగ్‌ (68 బంతుల్లో 102; 8 ఫోర్లు, 7 సిక్స్‌లు) మెరుపు సెంచరీతో చెలరేగాడు. ప్రభ్‌సిమ్రన్‌ ధనధాన్‌ సెంచరీకి తోడు కెప్టెన్‌ శ్రేయస్‌ అయ్యర్‌ (58 బంతుల్లో 62; 7 ఫోర్లు, 1 సిక్స్‌), రియాన్‌ పరాగ్‌ (55 బంతుల్లో 62; 5 ఫోర్లు, 3 సిక్స్‌లు) హాఫ్‌సెంచరీలు తోడవడంతో భారత జట్టు అలవోకగా గెలుపొందింది.ఆసీస్‌ బౌలర్లలో టాడ్‌ మార్ఫీ, తన్వీర్‌ సంఘా చెరో 4 వికెట్లు తీశారు. ప్రభ్‌సిమ్రన్‌కు ‘ప్లేయర్‌ ఆఫ్‌ ద మ్యాచ్‌’, రియాన్‌ పరాగ్‌కు ‘ప్లేయర్‌ ఆఫ్‌ ద సిరీస్‌’ అవార్డులు దక్కాయి. ఇరు జట్ల మధ్య జరిగిన అనధికారిక టెస్టు సిరీస్‌లో సైతం భారత ‘ఎ’ జట్టే విజయం సాధించింది.చదవండి: మా ఓట‌మికి కార‌ణ‌మదే.. లేదంటే ఈజీగా గెలిచేవాళ్లం: పాక్‌ కెప్టెన్‌

భార‌త వ‌న్డే జ‌ట్టులోకి ఎంట్రీ ఇవ్వాల‌నుకున్న యువ సంచ‌ల‌నం అభిషేక్ శ‌ర్మ‌కు నిరాశే ఎదురైంది. ఆస్ట్రేలియాతో వ‌న్డే సిరీస్‌కు ఎంపిక చేసిన భార‌త జ‌ట్టులో అభిషేక్‌కు చోటు ద‌క్క‌లేదు. రెగ్యూల‌ర్ ఓపెన‌ర్ల‌గా శుబ్‌మ‌న్ గిల్‌, రోహిత్ శ‌ర్మ ఉండ‌గా.. బ్యాక‌ప్ ఓపెన‌ర్‌గా య‌శ‌స్వి జైశ్వాల్‌ను సెల‌క్ట‌ర్లు ఎంపిక చేశారు.జైశ్వాల్ చివరగా ఈ ఏడాది ఫిబ్ర‌వ‌రిలో భార‌త త‌ర‌పున వన్డేల్లో ఆడాడు. ఆ త‌ర్వాత ఛాంపియ‌న్స్ ట్రోఫీ-2025కి అత‌డిని ప‌క్క‌న పెట్టారు. మళ్లీ ఇప్పుడు ఆసీస్‌తో సిరీస్‌కు ఈ ముంబై ఆట‌గాడికి సెలక్టర్లు తిరిగి పిలుపునిచ్చారు.అభిషేక్‌ వెయిట్‌ చేయాల్సిందే..అయితే అభిషేక్ శ‌ర్మ ప్ర‌స్తుతం వైట్ బాల్ క్రికెట్‌లో దుమ్ములేపుతున్నాడు. ఇటీవ‌ల ముగిసిన ఆసియాక‌ప్‌లో అభిషేక్ ప్లేయ‌ర్ ఆఫ్‌ది టోర్నమెంట్‌గా నిలిచాడు. ఈ టోర్నీలో పంజాబ్ ఆట‌గాడు 200 స్ట్రైక్ రేట్‌తో 314 పరుగులు చేసి అంద‌రి దృష్టిని ఆకర్షించాడు.టీ20ల్లో ప్రపంచ నంబర్ వన్ బ్యాటర్‌గా అభిషేక్ కొనసాగుతున్నాడు. దీంతో ఆసీస్‌తో వన్డే సిరీస్‌కు అభిషేక్‌ను సెలక్టర్లు ఎంపిక చేస్తారని అంతా భావించారు. కానీ అజిత్ అగార్కర్ నేతృత్వంలోని సెలక్షన్ కమిటీ అతడిని పరిగణలోకి తీసుకోలేదు. రోహిత్ శర్మ, గిల్‌, జైశ్వాల్ రూపంలో ఓపెనర్లు అందుబాటులో ఉండడంతో అభిషేక్ వైపు సెలక్టర్లు మొగ్గు చూపున్నట్లు తెలుస్తోంది. అంతేకాకుండా 50 ఓవర్ల ఫార్మాట్‌లో శర్మ తన స్కిల్స్‌ను మరింత మెరుగుపరుచుకోవాలని సెలక్టర్లు సూచించినట్లు సమాచారం. అభిషేక్ శక్రవారం ఆసీస్‌-ఎతో జరిగిన అనాధికారిక వన్డేలో గోల్డెన్ డక్‌గా వెనుదిరిగాడు. ఇది కూడా అతడి ఎంపికపై ప్రభావం చూపించింది. అభిషేక్ శర్మ తన కెరీర్‌లో ఇప్పటివరకు 61 లిస్ట్‌-ఎ మ్యాచ్‌లు ఆడి 35.33 సగటుతో 2,014 పరుగులు చేశాడు. అతడి అత్యధిక వ్యక్తిగత స్కోర్ 170గా ఉంది. అదేవిధంగా బౌలింగ్‌లో కూడా 38 వికెట్లు పడగొట్టాడు. అయితే అభిషేక్ ఇదే ఫామ్‌ను కొనసాగిస్తే అత్యంత త్వరలోనే వన్డే జట్టులోకి కూడా వచ్చే అవకాశముంది. కాగా భారత వన్డే కెప్టెన్‌గా రోహిత్ శర్మను బీసీసీఐ తప్పించింది. అతడి స్ధానంలో శుబ్‌మన్ గిల్‌కు వన్డే జట్టు పగ్గాలను అప్పగించారు.

ఆస్ట్రేలియా ‘ఎ’ జట్టుతో జరిగిన రెండో అనధికారిక వన్డేలో భారత ‘ఎ’ (IND A vs AUS A) జట్టు పరాజయం పాలైంది. మూడు మ్యాచ్‌ల సిరీస్‌లో భాగంగా శుక్రవారం జరిగిన రెండో మ్యాచ్‌లో... శ్రేయస్‌ అయ్యర్‌ (Shreyas Iyer) సారథ్యంలోని భారత ‘ఎ’జట్టు డక్‌వర్త్‌ లూయిస్‌ పద్ధతి ప్రకారం 9 వికెట్ల తేడాతో ఓడింది. దీంతో సిరీస్‌ 1–1తో సమమైంది. 246 పరుగులకు ఆలౌట్‌కాన్పూర్‌ వేదికగా టాస్‌ గెలిచి మొదట బ్యాటింగ్‌కు దిగిన భారత్‌ ‘ఎ’ జట్టు 45.5 ఓవర్లలో 246 పరుగులకు ఆలౌటైంది. ఇటీవల ఆసియాకప్‌ టీ20 టోర్నమెంట్‌ ఫైనల్లో పాకిస్తాన్‌పై అజేయ అర్ధశతంతో మెరిసి జట్టును గెలిపించిన తిలక్‌ వర్మ (Tilak Varma) మరోసారి ఆకట్టుకున్నాడు. త్రుటిలో చేజారిన శతకంతాజా మ్యాచ్‌లో తిలక్‌ 122 బంతుల్లో 5 ఫోర్లు, 4 సిక్స్‌లతో 94 పరుగులు చేసి త్రుటిలో శతకం కోల్పోయాడు. ప్రస్తుతం భారత టీ20 జట్టులో కీలక సభ్యుడిగా కొనసాగుతున్న తిలక్‌ వర్మ... ఇప్పుడు వన్డే ఫార్మాట్‌లోనూ సత్తా చాటాడు. రియాన్‌ పరాగ్‌ (54 బంతుల్లో 58; 6 ఫోర్లు, 1 సిక్స్‌) హాఫ్‌ సెంచరీ సాధించాడు. రియాన్‌తో కలిసి నాలుగో వికెట్‌కు తిలక్‌ 101 పరుగులు జతచేశాడు. వన్‌డౌన్‌లో బరిలోకి దిగిన ఈ హైదరాబాద్‌ బ్యాటర్‌ చివరి వికెట్‌గా వెనుదిరిగాడు. శ్రేయస్‌ అయ్యర్‌, అభిషేక్‌ శర్మ విఫలంఇక తొలి మ్యాచ్‌లో సెంచరీలతో మెరిసిన ప్రభ్‌సిమ్రన్‌ సింగ్‌ (1), శ్రేయస్‌ అయ్యర్‌ (8)తో పాటు... అభిషేక్‌ శర్మ (0), నిశాంత్‌ (1) విఫలమయ్యారు. ఆస్ట్రేలియా బౌలర్లలో జాక్‌ ఎడ్వర్డ్స్‌ 4 వికెట్లు పడగొట్టాడు. అనంతరం ఆ్రస్టేలియా లక్ష్యఛేదన ప్రారంభించాక భారీ వర్షం కారణంగా మ్యాచ్‌ నిలిచిపోగా... ఆసీస్‌ లక్ష్యాన్ని 25 ఓవర్లలో 160గా నిర్ణయించారు. సిరీస్‌ సమంఛేదనలో ఆసీస్‌ 16.4 ఓవర్లలో ఒక వికెట్‌ కోల్పోయి 160 పరుగులు చేసి గెలిచింది. మెకంజీ హార్వే (49 బంతుల్లో 70 నాటౌట్‌; 10 ఫోర్లు, 2 సిక్స్‌లు), కూపర్‌ (31 బంతుల్లో 50 నాటౌట్‌; 5 ఫోర్లు, 3 సిక్స్‌లు) అజేయ అర్ధశతకాలతో జట్టు విజయంలో కీలక పాత్ర పోషించారు. భారత బౌలర్లలో నిషాంత్‌ ఒక వికెట్‌ పడగొట్టాడు. టీమిండియా పేసర్‌ అర్శ్‌దీప్‌ సింగ్‌ 4 ఓవర్లలో 44 పరుగులు సమర్పించుకున్నాడు. ఇరు జట్ల మధ్య ఆదివారం నిర్ణయాత్మక మూడో మ్యాచ్‌ జరగనుంది.చదవండి: ఆసియాక‌ప్ ట్రోఫీని భార‌త్‌కు ఇవ్వొద్దు.. ఆ మొండితనం ఏంటి?: పాక్‌ మాజీ క్రికెటర్‌

2025 ఆసియా కప్.. ప్లేయర్ ఆఫ్ ది టోర్నీ అవార్డు కింద భారత యువ బ్యాట్స్‌మన్ అభిషేక్ శర్మకు 'హవల్ హెచ్9' అనే లగ్జరీ కారు గిఫ్ట్‌గా లభించింది. ఈ కారు ధర సుమారు రూ. 33 లక్షలు అని సమాచారం. క్రికెటర్లు గిఫ్ట్‌గా స్వీకరించే కార్లు, ఇతర విలాసవంతమైన వస్తువులు పూర్తిగా పన్ను రహితం కాదు. ఆదాయపు పన్ను నిబంధనల ప్రకారం.. వాటి విలువపై పన్ను చెల్లించాల్సి ఉంటుంది. కాబట్టి ఈ కథనంలో క్రికెటర్లు గిఫ్ట్‌గా అందుకునే కార్లపై ఎంత పన్ను చెల్లించాలి.. నియమాలు ఏమిటి అనే విషయాలు తెలుసుకుందాం.భారతదేశంలోని క్రికెటర్లు తరచుగా విలాసవంతమైన గిఫ్ట్స్ అందుకుంటారు. టోర్నమెంట్ గెలిచినప్పుడు లేదా అత్యుత్తమ ప్రదర్శన కనపరిచినప్పుడు కంపెనీలు, బ్రాండ్లు లేదా పారిశ్రామికవేత్తలు వారికి కార్లు, బైక్‌లు లేదా ఇతర విలాసవంతమైన వస్తువులను గిఫ్ట్‌గా ఇస్తారు. చాలా మంది ఈ గిఫ్ట్స్ పూర్తిగా ఉచితం అనుకుంటారు. కానీ అది నిజం కాదు. ఎందుకంటే ఆదాయపు పన్ను నియమాలు వీటికి కూడా వర్తిస్తాయి.ఆదాయపు పన్ను చట్టం, 1961 నిబంధనల ప్రకారం.. ఒక వ్యక్తి ఒక వస్తువును గిఫ్ట్‌గా స్వీకరిస్తే పన్ను చెల్లించాల్సి ఉంటుంది. అయితే దగ్గరి బంధువు నుంచి.. అంటే వారి తల్లిదండ్రులు, జీవిత భాగస్వామి లేదా తోబుట్టువుల నుంచి గిఫ్ట్ తీసుకుంటే, దానిపై పన్ను విధించబడదు. కానీ.. అదే గిఫ్ట్‌ కంపెనీ, బ్రాండ్, వ్యాపారవేత్త నుంచి వస్తే దానిపై పన్ను విధించబడుతుంది.ఇదీ చదవండి: నాలుగు నిమిషాల మీటింగ్: ఉద్యోగం నుంచి తీసేశారు!ఇక ట్యాక్స్ విషయానికి వస్తే.. చాలా మంది క్రికెటర్లు ఎక్కువగా సంపాదిస్తారు. కాబట్టి వీరు అత్యధిక పన్ను పరిధి(30 శాతం)లోకి వస్తారు. ఇది కాకుండా సెస్ కూడా యాడ్ అవుతుంది. మొత్తంగా 31.2 శాతం ట్యాక్స్ కట్టాల్సి ఉంటుంది. కాబట్టి వీరు తీసుకునే గిఫ్ట్‌కు అదే పన్ను విధించబడుతుంది. ఉదాహరణకు, ఒక క్రికెటర్ రూ. 20 లక్షల విలువైన కారును గిఫ్ట్‌గా అందుకుంటే, అతను ఆ గిఫ్ట్‌పై సుమారు రూ. 6 లక్షల కంటే ఎక్కువ పన్ను చెల్లించాల్సి ఉంటుంది. దీన్ని బట్టి చూస్తే అభిషేక్ శర్మ.. హవల్ హెచ్9 కారుకు రూ. 9 లక్షల కంటే ఎక్కువ ట్యాక్స్ చెల్లిచాలి.

కాన్పూర్ వేదిక‌గా ఆస్ట్రేలియా-ఎతో జ‌రుగుతున్న రెండో వ‌న్డేలో ఇండియా-ఎ త‌ర‌పున ఆడుతున్న స్టార్ ఓపెన‌ర్ అభిషేక్ శ‌ర్మ తీవ్ర నిరాశ‌రిచాడు. తొలి వ‌న్డేలో సెంచ‌రీ చేసిన ప్రియాన్ష్ ఆర్య స్ధానంలో ఈ మ్యాచ్‌ ప్లేయింగ్ ఎలెవ‌న్‌లోకి వ‌చ్చిన అభిషేక్ త‌న మార్క్‌ను చూపించ‌లేక‌పోయాడు. అభిషేక్ త‌ను ఎదుర్కొన్న తొలి బంతికే పెవిలియ‌న్‌కు చేరాడు. భార‌త ఇన్నింగ్స్ రెండో ఓవ‌ర్ వేసిన జాక్ ఎడ్వ‌ర్డ్ తొలి బంతిని అభిషేక్‌కు వైడ్-ఆఫ్ డెలివ‌రీగా సంధించాడు.ఆ బంతిని ఈ పంజాబ్ ఆట‌గాడు క‌వ‌ర్స్‌పై నుంచి షాట్ ఆడాల‌ని చూశాడు. కానీ బంతి మాత్రం అవుట్‌సైడ్-ఎడ్జ్ తీసుకుని మొదటి స్లిప్‌లో ఉన్న స‌ద‌ర్లాండ్ చేతికి వెళ్లింది. దీంతో అభిషేక్ గోల్డెన్ డ‌క్‌గా వెనుదిరిగాడు. టీ20ల్లో దుమ్ములేపుతున్న అభిషేక్‌కు వ‌న్డేల్లో కూడా అవ‌కాశ‌మివ్వాల‌ని చాలా మంది మాజీ క్రికెట‌ర్లు బీసీసీఐ సెల‌క్ష‌న్ క‌మిటీని సూచించారు. దీంతో ఆస్ట్రేలియాతో వ‌న్డే సిరీస్‌కు సెల‌క్ట‌ర్ల దృష్టిలో అభిషేక్ ఉన్నట్లు వార్తలు వచ్చాయి.కానీ ఈ మ్యాచ్‌లో గోల్డెన్ డక్‌గా వెనుదిరగడంతో సెలక్టర్లు పునరాలోచనలో పడే అవకాశముంది. అయితే మూడో వన్డేలో అభిషేక్ తన బ్యాట్‌ను ఝూళిపిస్తే సెలక్షన్ రేసులో ఉండే ఛాన్స్ ఉంది. కాగా ఆసియాకప్‌-2025లో అభిషేక్ దుమ్ములేపాడు. 7 మ్యాచ్‌లలో 314 పరుగులు చేసి టాప్‌ స్కోరర్‌గా నిలిచాడు.తడబడుతున్న భారత్‌..ఇక రెండో అనాధికారిక వన్డేలో టాస్ గెలిచి బ్యాటింగ్‌కు దిగిన భారత్ తడబడుతోంది. 60 పరుగులకే మూడు కీలక వికెట్లు కోల్పోయి కష్టాల్లో పడింది. భారత ఇన్నింగ్స్‌ను రియాన్ పరాగ్‌, తిలక్ వర్మ చక్కదిద్దే ప్రయత్నం చేస్తున్నారు. గత మ్యాచ్‌లో సెంచరీతో చెలరేగిన కెప్టెన్ శ్రేయస్ అయ్యర్ ఈ రెండో వన్డేలో నిరాశపరిచాడు. కేవలం 8 పరుగులు మాత్రమే చేసి అయ్యర్ ఔటయ్యాడు. ప్రభ్‌సిమ్రాన్ సింగ్ సైతం(1) సింగిల్ డిజిట్ స్కోర్‌కే పరిమితమయ్యాడు.

టీమిండియా నయా విధ్వంసకర వీరుడు అభిషేక్‌ శర్మ (Abhishek Sharma) చరిత్ర సృష్టించాడు. ఐసీసీ టీ20 ర్యాంకింగ్స్‌ చరిత్రలో అత్యధిక రేటింగ్‌ పాయింట్లు (ICC T20I Rating Points) సాధించిన బ్యాటర్‌గా సరికొత్త ప్రపంచ రికార్డు నెలకొల్పాడు. ఆసియా కప్‌ 2025లో అదిరిపోయే ప్రదర్శనల తర్వాత అభిషేక్‌ నంబర్‌ స్థానాన్ని సుస్థిరం చేసుకోవడంతో పాటు రేటింగ్‌ పాయింట్లను గణనీయంగా పెంచుకున్నాడు.ఇవాళ (అక్టోబర్‌ 1) విడుదల చేసిన టీ20 ర్యాంకింగ్స్‌లో అభిషేక్‌ రేటింగ్‌ పాయింట్లు 931కు చేరుకున్నాయి. ఐసీసీ టీ20 ర్యాంకింగ్స్‌ చరిత్రలో ఇప్పటివరకు ఎవరికీ ఇన్ని రేటింగ్‌ పాయింట్లు లేవు. గతంలో ఈ రికార్డు ఇంగ్లండ్‌ ఆటగాడు డేవిడ్‌ మలాన్‌ పేరిట ఉండేది. మలాన్‌ తన కెరీర్‌లో అత్యుత్తమంగా 919 రేటింగ్‌ పాయింట్లు సాధించాడు.భారత్‌ తరఫున అభిషేక్‌కు ముందు అత్యధిక రేటింగ్‌ పాయింట్లను సూర్యకుమార్‌ యాదవ్‌ సాధించాడు. స్కై తన కెరీర్‌లో అత్యుత్తమంగా 912 రేటింగ్‌ పాయింట్లు సాధించాడు. స్కై తర్వాతి స్థానంలో విరాట్‌ కోహ్లి ఉన్నాడు. విరాట్‌ తన కెరీర్‌లో అత్యుత్తమంగా 909 రేటింగ్‌ పాయింట్లు సాధించాడు.అత్యధిక ఐసీసీ రేటింగ్‌ పాయింట్లు సాధించిన టీ20 బ్యాటర్లు (టాప్‌-5)అభిషేక్‌ శర్మ- 931డేవిడ్‌ మలాన్‌- 919సూర్యకుమార్‌ యాదవ్‌- 912విరాట్‌ కోహ్లి- 909ఆరోన్‌ ఫించ్‌- 904కాగా, తాజాగా ముగిసిన ఆసియా కప్‌లో అభిషేక్‌ శర్మ అత్యుత్తమ ప్రదర్శనలతో చెలరేగాడు. ఈ టోర్నీలో 7 మ్యాచ్‌లు ఆడి 200 స్ట్రయిక్‌రేట్‌తో 44.86 సగటున 314 పరుగులు చేశాడు. ఇందులో మూడు హాఫ్‌ సెంచరీలు ఉన్నాయి. చదవండి: ట్రోఫీ కావాలంటే నా ఆఫీస్‌కు వచ్చి తీసుకో.. భారత కెప్టెన్‌కు నఖ్వీ షరతు

ఆసియా కప్‌-2025 టోర్నమెంట్‌లో లీగ్‌, సూపర్‌-4 దశలో టీమిండియా చేతిలో చిత్తుగా ఓడింది పాకిస్తాన్‌. తొలుత గ్రూప్‌-‘ఎ’ మ్యాచ్‌లో భాగంగా ఏడు వికెట్ల తేడాతో ఓడిన పాక్‌.. తర్వాత సూపర్‌-4లో ఆరు వికెట్ల తేడాతో పరాజయం పాలైంది.అయితే, సూపర్‌-4లో బంగ్లాదేశ్‌, శ్రీలంక జట్ల తప్పిదాల కారణంగా అదృష్టవశాత్తూ ఫైనల్‌కు చేరుకోగలిగింది. ఈ క్రమంలో ఆదివారం నాటి టైటిల్‌ పోరులో టీమిండియా (IND vs PAK)తో తలపడేందుకు అర్హత సాధించింది.ఫొటోషూట్‌కు వెళ్లని సూర్యఇదిలా ఉంటే.. పహల్గామ్‌ ఉగ్రదాడికి నిరసనగా టీమిండియా పాక్‌ ఆటగాళ్లతో కరచాలనానికి నిరాకరించడంతో పాటు.. వారితో మైదానంలో ఎలాంటి కమ్యూనికేషన్‌ పెట్టుకోవడం లేదు. ఈ క్రమంలోనే ఫైనల్‌ కోసం జరిగే కెప్టెన్ల ఫొటోషూట్‌కు టీమిండియా సారథి సూర్యకుమార్‌ యాదవ్‌ (Suryakumar Yadav) హాజరు కాలేదని సమాచారం.అది సూర్యకుమార్‌ ఇష్టంఈ నేపథ్యంలో ఫైనల్‌కు ముందు మీడియాతో మాట్లాడిన పాక్‌ కెప్టెన్‌ సల్మాన్‌ ఆఘా (Salman Agha) ఈ విషయంపై స్పందించాడు. ‘‘అది పూర్తిగా అతడి (సూర్య) ఇష్టం. అదే అతడి నిర్ణయం. ఒకవేళ రావాలి అనుకుంటే వస్తాడు. లేదంటే లేదు. ఇందులో నేను చేయగలిగింది ఏమీ లేదు’’ అని సల్మాన్‌ పేర్కొన్నాడు.గెలిచేది మేమేఇక టైటిల్‌ పోరు గురించి ప్రస్తావన రాగా.. ‘‘మేము గెలుస్తాం. అత్యుత్తమ క్రికెట్‌ ఆడటమే మా లక్ష్యం. ఒకవేళ మేము ఉత్తమంగా రాణించి.. 40 ఓవర్ల పాటు మా ప్రణాళికలను పక్కాగా అమలు చేయగలిగితే.. ఏ జట్టునైనా ఇట్టే ఓడించగలము’’ అని సల్మాన్‌ ఆఘా చెప్పుకొచ్చాడు.అదే విధంగా.. ‘‘ఇండియా- పాకిస్తాన్‌ మ్యాచ్‌ అంటే ఇరుజట్లపై తీవ్రమైన ఒత్తిడి ఉండటం సహజం. ఒకవేళ ఒత్తిడి లేదని ఎవరైనా చెబితే అది అబద్ధమే అవుతుంది. ఏదేమైనా ఈ ఎడిషన్‌లో మేము వాళ్ల కంటే ఎక్కువ తప్పిదాలు చేశాము. అందుకే కొన్ని మ్యాచ్‌లు గెలవలేకపోయాము.తక్కువ తప్పులు చేసిన వారిదే విజయంఅయితే, ఈసారి ఎవరైతే తక్కువ తప్పులు చేస్తారో వారిదే విజయం. మేము మెరుగ్గా బ్యాటింగ్‌ చేయగలిగితే తప్పకుండా అనుకున్న ఫలితాన్ని రాబట్టగలము’’ అని సల్మాన్‌ ఆఘా పేర్కొన్నాడు.కాగా పాక్‌తో ఫైనల్‌కు ముందు టీమిండియాకు ఎదురుదెబ్బలు తగిలాయి. శ్రీలంకతో నామమాత్రపు సూపర్‌-4 మ్యాచ్‌ సందర్భంగా అభిషేక్‌ శర్మ, తిలక్‌ వర్మ, హార్దిక్‌ పాండ్యా కండరాలు పట్టేయడంతో తీవ్ర ఇబ్బంది పడ్డారు. అయితే, అభి, తిలక్‌ ఫిట్‌గానే ఉన్నా.. హార్దిక్‌ పాండ్యా అందుబాటులో ఉంటాడో లేదోనన్న సందిగ్దం నెలకొంది. ఏదేమైనా ఇప్పటి వరకు ఈ టోర్నీలో అజేయంగా నిలిచిన సూర్యకుమార్‌ సేననే టైటిల్‌ ఫేవరెట్‌ అని చెప్పడంతో సందేహం లేదు. అయితే, ఫీల్డింగ్‌ విషయంలో మాత్రం భారత జట్టు ఇంకాస్త జాగ్రత్తగా ఉంటేనే దాయాదిపై సులువుగా గెలవగలదు.చదవండి: Asia Cup Ind vs Pak: ఆఖరి పోరాటం

టీమిండియా యువ ఆటగాడు, హైదరాబాదీ స్టార్‌ తిలక్‌ వర్మ (Tilak Varma)పై భారత మాజీ ఓపెనర్‌ వీరేందర్‌ సెహ్వాగ్‌ ప్రశంసలు కురిపించాడు. శ్రీలంకతో మ్యాచ్‌లో ఈ యువ బ్యాటర్‌ అద్భుతమైన ఇన్నింగ్స్‌ ఆడాడని కొనియాడాడు. తిలక్‌ వర్మ వల్లే టీమిండియా భారీ స్కోరు చేసిందని పేర్కొన్నాడు. అదే విధంగా.. సంజూ శాంసన్‌ ఆట తీరును కూడా సెహ్వాగ్‌ ఈ సందర్భంగా ప్రశంసించాడు.ఆసియా కప్‌-2025 టోర్నమెంట్లో ఇప్పటికే ఫైనల్‌ చేరిన టీమిండియా.. సూపర్‌-4లో చివరిగా నామమాత్రపు మ్యాచ్‌లో శ్రీలంకతో తలపడింది. దుబాయ్‌ వేదికగా శుక్రవారం జరిగిన మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. నిర్ణీత 20 ఓవర్లలో ఐదు వికెట్ల నష్టానికి 202 పరుగులు చేసింది.అభిషేక్‌తో పాటు ఆ ఇద్దరుఓపెనర్‌ అభిషేక్‌ శర్మ (Abhishek Sharma) తనదైన శైలిలో విధ్వంసకర ఇన్నింగ్స్‌ (31 బంతుల్లో 61) ఆడగా.. మరో ఓపెనర్‌ శుబ్‌మన్‌ గిల్‌ (Shubman Gill) (4) విఫలమయ్యాడు. వన్‌డౌన్‌లో వచ్చిన కెప్టెన్‌ సూర్యకుమార్‌ యాదవ్‌ (12), ఆల్‌రౌండర్‌ హార్దిక్‌ పాండ్యా (2) కూడా పూర్తిగా నిరాశపరిచారు.అయితే, నాలుగో నంబర్‌ బ్యాటర్‌.. తిలక్‌ వర్మ, ఐదో స్థానంలో వచ్చిన సంజూ శాంసన్‌ బ్యాట్‌ ఝులిపించి ఇన్నింగ్స్‌ చక్కదిద్దారు. తిలక్‌ 34 బంతుల్లో 4 ఫోర్లు, ఒక సిక్సర్‌ బాది 49 పరుగులతో అజేయంగా నిలవగా.. వికెట్‌ కీపర్‌ బ్యాటర్‌ సంజూ 23 బంతుల్లో 39 పరుగులు చేశాడు. ఆఖర్లో ఆల్‌రౌండర్‌ అక్షర్‌ పటేల్‌ (15 బంతుల్లో 21 నాటౌట్‌) మెరుపులు మెరిపించాడు.Tilak Varma showing us the art of the “𝐠𝐡𝐮𝐭𝐧𝐚 𝐭𝐞𝐤 𝐜𝐡𝐡𝐚𝐤𝐤𝐚” 🤌 Watch #INDvSL LIVE NOW on the Sony Sports Network TV channels & Sony LIV.#SonySportsNetwork #DPWorldAsiaCup2025 pic.twitter.com/uLCfH4YepT— Sony Sports Network (@SonySportsNetwk) September 26, 2025 తిలక్‌ వర్మ వల్లే ఇలా..ఈ నేపథ్యంలో వీరేందర్‌ సెహ్వాగ్‌ తిలక్‌ వర్మ ప్రదర్శనపై ఆసక్తికర వ్యాఖ్యలు చేశాడు. సోనీ స్పోర్ట్స్‌ నెట్‌వర్క్‌తో మాట్లాడుతూ.. ‘‘అభిషేక్‌ శర్మ కాకుండా.. ఇంకా ఎవరైనా రాణించాలని, పరుగులు రాబట్టాలని టోర్నీ ఆరంభం నుంచి ఎదురుచూస్తూనే ఉన్నాం.ఈరోజు తిలక్‌ వర్మ.. సంజూ శాంసన్‌ ఆ పని చేశారు. వారిద్దరు భారీ ఇన్నింగ్స్‌ ఆడలేకపోవచ్చు. కానీ ఇద్దరూ అద్భుతమైన, జట్టుకు అవసరమైన ఇన్నింగ్స్‌ ఆడారు. వీరిద్దరి వల్లే టీమిండియా 200 పరుగుల మార్కు అందుకుంది.ముఖ్యంగా తిలక్‌ వర్మ ఆఖరి వరకు అజేయంగా ఉండటం కలిసి వచ్చింది. ఇలా ఓ బ్యాటర్‌ ఇన్నింగ్స్‌ ఆసాంతం నాటౌట్‌గా ఉన్నాడంటే.. అతడు తప్పక భారీ స్కోరు చేయగలడనే నమ్మకం వస్తుంది.ఫైనల్‌కు ముందు ఫామ్‌లో ఉండటం సానుకూలాంశంఫైనల్‌కు ముందు తిలక్‌ వర్మ, సంజూ శాంసన్‌ ఇలా బ్యాట్‌ ఝులిపించడం సానుకూలాంశం. వీరిద్దరి వల్ల టైటిల్‌ పోరులో భారత జట్టుకు తప్పక ప్రయోజనం చేకూరుతుంది’’ అని సెహ్వాగ్‌ అభిప్రాయపడ్డాడు.కాగా 203 పరుగుల లక్ష్యంతో బరిలోకి దిగిన శ్రీలంక.. టీమిండియా మాదిరే ఐదు వికెట్లు కోల్పోయి సరిగ్గా 202 పరుగులు చేసింది. ఫలితంగా మ్యాచ్‌ టై కాగా సూపర్‌ ఓవర్లో భారత్‌ విజయఢంకా మోగించింది. ఇదిలా ఉంటే.. హైదరాబాదీ స్టార్‌ తిలక్‌ వర్మ ఆసియా కప్‌ తాజా ఎడిషన్‌లో లెఫ్టాండర్‌ బ్యాటర్‌ తిలక్‌ వర్మ ఐదు ఇన్నింగ్స్‌ ఆడి 144 పరుగులు చేశాడు. మరోవైపు.. సంజూ మూడు ఇన్నింగ్స్‌లో 108 పరుగులు రాబట్టాడు. ఇక ఆదివారం నాటి ఆసియా కప్‌ ఫైనల్లో టీమిండియా.. దాయాది పాకిస్తాన్‌తో తలపడనున్న విషయం తెలిసిందే.చదవండి: Asia Cup 2025: పాక్‌తో ఫైనల్‌కు ముందు టీమిండియాకు రెండు భారీ షాకులు

ఆసియా కప్‌-2025 టోర్నమెంట్‌ ఫైనల్‌కు ముందు టీమిండియాకు ఊహించని ఎదురుదెబ్బ తగిలింది. విధ్వంసకర బ్యాటర్‌ అభిషేక్‌ శర్మతో పాటు.. స్టార్‌ ఆల్‌రౌండర్‌ హార్దిక్‌ పాండ్యా గాయపడినట్లు సమాచారం. సూపర్‌-4 దశలో ఆఖరిగా టీమిండియా శ్రీలంకతో తలపడిన విషయం తెలిసిందే.ఒకే ఒక్క ఓవర్‌ వేసిదుబాయ్‌ వేదికగా శుక్రవారం జరిగిన ఈ మ్యాచ్‌ సందర్భంగా హార్దిక్‌ పాండ్యా ఒక్క ఓవర్‌ మాత్రమే బౌలింగ్‌ చేశాడు. ఏడు పరుగులు ఇచ్చి.. కుశాల్‌ మెండిస్‌ (0) రూపంలో కీలక వికెట్‌ తీశాడు. అయితే, ఆ తర్వాత హార్దిక్‌ మళ్లీ బౌలింగ్‌కు రానేలేదు. అంతకు ముందు బ్యాటింగ్‌కు దిగిన హార్దిక్‌ రెండు పరుగులు మాత్రమే చేసి నిష్క్రమించాడు.ఫీల్డింగ్‌కు రాని అభిషేక్‌మరోవైపు.. మరోసారి మెరుపు ఇన్నింగ్స్‌తో చెలరేగిన అభిషేక్‌ శర్మ (31 బంతుల్లో 61) కూడా శ్రీలంక ఇన్నింగ్స్‌ సందర్భంగా పూర్తిస్థాయిలో ఫీల్డింగ్‌కు అందుబాటులో ఉండలేదు. దీంతో టీమిండియా అభిమానుల్లో కలవరం నెలకొంది. కాగా లంకపై సూపర్‌ ఓవర్లో‌ భారత్‌ విజయం సాధించిన తర్వాత టీమిండియా బౌలింగ్‌ కోచ్‌ మోర్నీ మోర్కెల్‌ మీడియాతో మాట్లాడాడు.అప్పుడే ఫిట్‌నెస్‌పై అంచనాకు వస్తాంఈ సందర్భంగా హార్దిక్‌ పాండ్యా, అభిషేక్‌ శర్మల గురించి ప్రస్తావన రాగా.. ‘‘హార్దిక్‌ కండరాలు పట్టేశాయి. శుక్రవారం రాత్రి.. శనివారం ఉదయం పరీక్షించిన తర్వాత అతడి ఫిట్‌నెస్‌పై అంచనాకు వస్తాము. ఆ తర్వాతే అతడి గురించి నిర్ణయం తీసుకుంటాం. ఇక అభిషేక్‌ శర్మ కూడా కండరాలు పట్టేయడంతో ఇబ్బంది పడ్డాడు. అయితే, తను బాగానే ఉన్నాడు. ఇప్పటికైతే గాయం పెద్దదేమీ కాదు’’అని మోర్నీ మోర్కెల్‌ తెలిపాడు. కానీ దురదృష్టవశాత్తూ హార్దిక్‌ పాండ్యా, అభిషేక్‌ శర్మ పూర్తిస్థాయిలో ఫిట్‌గా లేకుంటే మాత్రం టీమిండియాకు తలనొప్పి తప్పదు.ఇద్దరూ అత్యంత కీలకంఇప్పటి వరకు ఆసియా కప్‌-2025 టోర్నీలో టాప్‌ రన్‌ స్కోరర్‌గా ఉన్న ఓపెనర్‌ అభిషేక్‌ శర్మ టీమిండియా టాపార్డర్‌లో అత్యంత కీలకం. మరోవైపు.. ఫైనల్‌ మ్యాచ్‌లలో ఒత్తిడిని అధిగమించి వికెట్లు తీయడంతో పాటు పరుగులు రాబట్టడంలో హార్దిక్‌ పాండ్యా దిట్ట. ముఖ్యంగా పాకిస్తాన్‌తో మ్యాచ్‌లలో మరింత మెరుగ్గా రాణించిన రికార్డు పాండ్యాకు ఉంది. కాగా లీగ్‌, సూపర్‌-4 దశలో అజేయంగా నిలిచిన టీమిండియా.. ఆదివారం (సెప్టెంబరు 28) నాటి ఫైనల్లో దాయాది పాకిస్తాన్‌తో తలపడనుంది. ఈ టైటిల్‌ పోరుకు దుబాయ్‌ వేదిక. చదవండి: సూర్యకుమార్‌పై ఐసీసీ చర్య

ఆసియా కప్‌ 2025లో (Asia cup 2025) టీమిండియా ఓపెనర్‌ అభిషేక్‌ శర్మ (Abhishek Sharma) విధ్వంసకాండ​ కొనసాగుతోంది. ఈ టోర్నీలో తొలి మ్యాచ్‌ నుంచే చెలరేగిపోతున్న అతను.. ఇవాళ (సెప్టెంబర్‌ 26) శ్రీలంకతో జరుగుతున్న మ్యాచ్‌లోనూ (India vs Sri Lanka) మెరుపులు కొనసాగించాడు. ఈ మ్యాచ్‌లో అభిషేక్‌ 31 బంతుల్లో 8 ఫోర్లు, 2 సిక్సర్ల సాయంతో 61 పరుగులు చేశాడు.ఈ టోర్నీలో అభిషేక్‌కు ఇది వరుసగా మూడో హాఫ్‌ సెంచరీ. అంతకుముందు బంగ్లాదేశ్‌, పాకిస్తాన్‌పై కూడా హాఫ్‌ సెంచరీలు చేశాడు. తొలి మ్యాచ్‌ నుంచి వరుసగా 30 (16), 31 (13), 38 (15), 74 (39), 75 (37), 61 (31) స్కోర్లు చేసిన అభిషేక్‌.. 6 మ్యాచ్‌ల్లో మొత్తంగా 309 పరుగులు (204.63 స్ట్రయిక్‌రేట్‌తో, 51.50 సగటున, 3 హాఫ్‌ సెంచరీలు, 31 ఫోర్లు, 19 సిక్సర్లు) చేశాడు. ఈ టోర్నీలో అభిషేక్‌ మరో మ్యాచ్‌ (ఫైనల్‌) కూడా ఆడాల్సి ఉంది.ఈ క్రమంలో అభిషేక్‌ ఓ ఆల్‌టైమ్‌ రికార్డును సెట్‌ చేశాడు. టీ20 ఫార్మాట్‌లో జరిగే ఆసియా కప్‌ చరిత్రలో ఓ సింగిల్‌ ఎడిషన్‌లో 300 పరుగుల మార్కును తాకిన తొలి బ్యాటర్‌గా చరిత్ర సృష్టించాడు. గతంలో ఎవ్వరూ ఈ మార్కును తాకలేదు. అభిషేక్‌కు ముందు టీ20 ఆసియా కప్‌ చరిత్రలో అత్యధిక పరుగులు (సింగిల్‌ ఎడిషన్‌) చేసిన రికార్డు పాకిస్తాన్‌ స్టార్‌ ఆటగాడు మొహమ్మద్‌ రిజ్వాన్‌ (281) పేరిట ఉండేది. రోహిత్‌ శర్మ సరసనప్రస్తుత ఎడిషన్‌లో వరుసగా 7 ఇన్నింగ్స్‌ల్లో 30 ప్లస్‌ స్కోర్లు చేసిన అభిషేక్‌ మరో రికార్డును కూడా సమం చేశాడు. టీ20ల్లో భారత్‌ తరఫున అత్యధిక సార్లు వరుసగా 30 ప్లస్‌ స్కోర్లు చేసిన బ్యాటర్‌గా రోహిత్‌ శర్మ (Rohit Sharma) సరసన చేరాడు. రోహిత్‌ కూడా అంతర్జాతీయ టీ20ల్లో వరుసగా 7 ఇన్నింగ్స్‌ల్లో 30 ప్లస్‌ స్కోర్లు చేశాడు. మ్యాచ్‌ విషయానికొస్తే.. శ్రీలంకతో జరుగుతున్న నామమాత్రపు మ్యాచ్‌లో టాస్‌ ఓడి తొలుత బ్యాటింగ్‌ చేస్తున్న టీమిండియా 13 ఓవర్లలో 3 వికెట్లు కోల్పోయి 133 పరుగులు చేసింది. అభిషేక్‌ (61), శుభ్‌మన్‌ గిల్‌ (4), సూర్యకుమార్‌ యాదవ్‌ (12) ఔట్‌ కాగా.. తిలక్‌ వర్మ (27), సంజూ శాంసన్‌ (22) క్రీజ్‌లో ఉన్నారు. కాగా, ఈ టోర్నీలో భారత్‌, పాకిస్తాన్‌ ఇదివరకే ఫైనల్‌కు చేరాయి. ఇవాళ జరుగుతున్నది నామమాత్రపు మ్యాచ్‌. సెప్టెంబర్‌ 28న ఫైనల్‌ జరుగుతుంది.చదవండి: వైభవ్‌ విఫలమైనా..! ఆసీస్‌ను వారి సొంతగడ్డపై ఊడ్చేసిన టీమిండియా

టీమిండియా యువ ఓపెనర్‌ అభిషేక్‌ శర్మ (Abhishek Sharma)కెరీర్‌లోనే ప్రస్తుతం అత్యుత్తమ దశలో ఉన్నాడు. గతేడాది అంతర్జాతీయ క్రికెట్‌లో అడుగుపెట్టిన ఈ పంజాబీ బ్యాటర్‌.. అనతికాలంలోనే ప్రపంచ నంబర్‌ వన్‌ టీ20 బ్యాటర్‌గా ఎదిగాడు. ఇక ఆసియా టీ20 కప్‌-2025 టోర్నమెంట్లో అద్భుత ప్రదర్శనతో ఆకట్టుకుంటున్న ఈ ఎడమ చేతి వాటం బ్యాటర్‌.. అంతర్జాతీయ క్రికెట్‌ మండలి (ఐసీసీ) పురుషుల టీ20 ర్యాంకింగ్స్‌లో తన అగ్రస్థానాన్ని నిలబెట్టుకున్నాడు. ఇటీవల ప్రకటించిన ర్యాంకింగ్స్‌లో 907 రేటింగ్‌ పాయింట్లతో టాప్ ర్యాంకును మరింత పదిలం చేసుకున్నాడు.ఇక ఆసియా కప్‌ టోర్నీలో ఆకాశమే హద్దుగా చెలరేగుతున్న అభిషేక్‌ శర్మ ఇప్పటి వరకు ఆడిన ఐదు ఇన్నింగ్స్‌లో కలిపి 248 పరుగులు సాధించాడు. అతడి స్ట్రైక్‌రేటు 206కు పైగా ఉండటం విశేషం. ఈ నేపథ్యంలో గత కొన్నాళ్లుగా వార్తల్లో నిలుస్తున్న 25 ఏళ్ల అభిషేక్‌ శర్మ వ్యక్తిగత జీవితానికి సంబంధించి ఓ వదంతి వ్యాప్తిలోకి వచ్చింది.ప్రేమలో పడ్డ అభిషేక్‌ శర్మ?లైలా ఫైజల్‌ ( Laila Faisal) అనే అమ్మాయితో అభిషేక్‌ ప్రేమలో ఉన్నాడనేది ఆ వార్త సారాంశం. అభిషేక్‌ అక్క కోమల్‌ శర్మ డాక్టర్‌ అన్న విషయం తెలిసిందే. అయినప్పటికీ తన తమ్ముడి మ్యాచ్‌ ఉన్న సమయంలో స్టేడియానికి వెళ్లి అతడిని ఉత్సాహపరచడంలో కోమల్‌ ఎల్లప్పుడూ ముందే ఉంటుంది.ముఖ్యంగా ఐపీఎల్‌లో అభి ప్రాతినిథ్యం వహించే సన్‌రైజర్స్‌ హైదరాబాద్‌ ఆడే మ్యాచ్‌లన్నింటీకి తల్లి మంజుతో కలిసి కోమల్‌ హాజరవుతుంది. ఇక వీరితో పాటు లైలా కూడా చాలాసార్లు కెమెరా కంటికి చిక్కింది. నిజానికి లైలా కోమల్‌ బెస్ట్‌ ఫ్రెండ్‌ అని వారి సోషల్‌ మీడియా అకౌంట్లలోని పోస్టుల ద్వారా తెలుస్తోంది.ఇటీవల కోమల్‌ బ్యాచిలరెట్‌ పార్టీలోనూ లైలా హైలైట్‌గా నిలిచింది. ఇక ఇప్పుడు ఆసియా కప్‌ ఆడేందుకు అభిషేక్‌ యూఏఈ వెళ్లగా.. అతడి తల్లి మంజు, అక్క కోమల్‌ కూడా అక్కడే ఉన్నారు. వీరితో పాటు లైలా కూడా వెళ్లినట్లు రూమర్లు వినిపిస్తున్నాయి.ఎవరీ లైలా ఫైజల్‌?LRF అనే లగ్జరీ దుస్తుల బ్రాండ్‌ సహ వ్యవస్థాపకురాలు. తల్లి రూహీ ఫైజల్‌తో కలిసి లైలా దీనిని ప్రారంభించింది. కశ్మీర్‌ సిల్క్స్‌తో పాటు చేనేత వస్త్రాలకు ఈ బ్రాండ్‌ ప్రసిద్ధి. ఇప్పుడిప్పుడే భారత ఫ్యాషన్‌ ప్రపంచంలో తనకంటూ గుర్తింపు తెచ్చుకుంటున్న లైలా పేరు అభిషేక్‌తో ముడిపడటంతో ఒక్కసారిగా ఆమె వెలుగులోకి వచ్చింది.కాగా వ్యాపార రంగంలో అడుగుపెట్టే ముందు లైలా లండన్‌లో సైకాలజీ చదివినట్లు సమాచారం. ఆ తర్వాత అక్కడే ఫ్యాషన్‌ టెక్నాలజీలోనూ కోర్సు చేసినట్లు తెలుస్తోంది. మలన్‌ బ్రెటాన్‌, రాకీ స్టార్‌ వంటి ప్రఖ్యాత డిజైనర్లతో కలిసి పనిచేసిన లైలా.. తర్వాత తనకంటూ సొంత బ్రాండ్‌ను స్థాపించింది.చదవండి: IND vs AUS: కేఎల్‌ రాహుల్‌ భారీ సెంచరీ.. ఆసీస్‌ను చిత్తు చేసిన భారత్‌

ఆసియా కప్‌-2025 టోర్నమెంట్లో టీమిండియా యువ ఓపెనర్‌ అభిషేక్‌ శర్మ (Abhishek Sharma) మరోసారి అదరగొట్టాడు. సూపర్‌-4లో భాగంగా బంగ్లాదేశ్‌ (IND vs BAN)తో బుధవారం నాటి మ్యాచ్‌లో ఈ ఎడమచేతి వాటం బ్యాటర్‌ ఆకాశమే హద్దుగా చెలరేగాడు. కేవలం 37 బంతుల్లోనే 75 పరుగులు సాధించాడు. అతడి ఇన్నింగ్స్‌లో ఆరు ఫోర్లతో పాటు ఐదు సిక్సర్లు ఉన్నాయి. స్ట్రైక్‌రేటు 202.70.And just like that, Abhishek Sharma reaches his fifty 🤯 Watch #INDvBAN LIVE NOW on the Sony Sports Network TV channels & Sony LIV.#SonySportsNetwork #DPWorldAsiaCup2025 pic.twitter.com/fP1RpHC0Eu— Sony Sports Network (@SonySportsNetwk) September 24, 2025తొందరపాటు చర్యక్రీజులో కుదురుకున్న తర్వాత ధనాధన్‌ దంచికొడుతూ స్కోరు బోర్డును పరుగులు పెట్టించిన అభిషేక్‌ శర్మ.. ఓ దశలో సెంచరీ చేసే దిశగా పయనించాడు. అయితే, తన తొందరపాటు చర్య కారణంగా ఊహించని రీతిలో రనౌట్‌గా వెనుదిరిగాడు.టీమిండియా ఇన్నింగ్స్‌ పన్నెండో ఓవర్లో బంగ్లా పేసర్‌ ముస్తాఫిజుర్‌ రహ్మాన్‌ బంతితో బరిలోకి దిగాడు. ఈ క్రమంలో తొలి బంతిని ఎదుర్కొన్న కెప్టెన్‌ సూర్యకుమార్‌ యాదవ్‌ బ్యాక్‌వర్డ్‌ పాయింట్‌ దిశగా షాట్‌ కట్‌ చేశాడు. అయితే, అక్కడే ఫీల్డింగ్‌ చేస్తున్న రిషాద్‌ హొసేన్‌ వేగంగా స్పందించాడు.సూర్య చెప్పినా కూడా..డైవ్‌ కొట్టి మరీ బంతిని ఆపాడు. అయితే, అప్పటికే అభిషేక్‌ శర్మ సింగిల్‌ కోసమని నాన్‌-స్ట్రైకర్‌ పొజిషన్‌ నుంచి ముందుకు కదిలాడు. ఈ విషయాన్ని గమనించిన సూర్య.. అభిషేక్‌ను వెనక్కి వెళ్లమని చెప్పాడు. దీంతో అతడు తిరిగి తన స్థానంలోకి వస్తుండగా.. రిషాద్‌.. బౌలర్‌ ముస్తాఫిజుర్‌ వైపు బంతిని త్రో చేయగా.. అతడు ఒడిసి పట్టాడు.అక్కకు హార్ట్‌బ్రేక్‌అభిషేక్‌ క్రీజులోకి వచ్చే కంటే ముందే బంతిని వికెట్లకు గిరాటేయడంతో అతడు రనౌట్‌గా వెనుదిరగాల్సి వచ్చింది. దీంతో అభిషేక్‌ 75 పరుగుల వ్యక్తిగత స్కోరు వద్ద వెనుదిరగాల్సి వచ్చింది. ఈ నేపథ్యంలో మైదానంలోని ప్రేక్షకులతో పాటు.. అభి అక్క కోమల్‌ కూడా తీవ్ర నిరాశకు గురైంది.సెంచరీ చేసే ఛాన్స్‌ మిస్‌.. గావస్కర్‌ ‘ఫైర్‌’ఇక కామెంటేటర్‌, టీమిండియా దిగ్గజం సునిల్‌ గావస్కర్‌ సైతం.. అభిషేక్‌ శర్మ తొందరపాటు చర్యను విమర్శించకుండా ఉండలేకపోయాడు. ‘‘అసలు అక్కడ పరుగు తీయాల్సిన అవసరమే లేదు. అక్కడ సింగిల్‌కు అసలు ఆస్కారమే లేదు. అసలు అక్కడ ఏం ఉంది?’’ అంటూ ఒకింత ఆగ్రహం వ్యక్తం చేశాడు. ఫైనల్లో భారత్‌కాగా అభిషేక్‌ శర్మ అవుటైన తర్వాత టీమిండియా ఇన్నింగ్‌ నెమ్మదించింది. హార్దిక్‌ పాండ్యా (38) మినహా ఎవరూ చెప్పుకోదగ్గ స్కోరు చేయలేదు. అంతకు ముందు మరో ఓపెనర్‌ శుబ్‌మన్‌ గిల్‌ 19 బంతుల్లో 29 పరుగులు చేశాడు. ఈ క్రమంలో నిర్ణీత 20 ఓవర్లలో ఆరు వికెట్ల నష్టానికి టీమిండియా 168 పరుగులు చేయగలిగింది.అయితే, లక్ష్య ఛేదనకు దిగిన బంగ్లాను భారత బౌలర్లు 127 పరుగులకే ఆలౌట్‌ చేయడంతో.. 41 పరుగుల తేడాతో జయభేరి మోగించింది. తద్వారా ఆసియా కప్‌-2025 ఫైనల్లో టీమిండియా అడుగుపెట్టింది. విధ్వంసర బ్యాటింగ్‌తో చెలరేగిన అభిషేక్‌ శర్మకు ‘ప్లేయర్‌ ఆఫ్‌ ది మ్యాచ్‌’ అవార్డు దక్కింది. Unfortunate end! 💔 "Abhishek Sharma departs after an absolute power-packed show. Missed out on a well-deserved 💯 but what a knock! "🔥 Absolute cinema!!🚀#AbhishekSharma #AsiaCup2025 #INDvsBAN #TeamIndia pic.twitter.com/cgRQFUkQNh— ममता राजगढ़ (@rajgarh_mamta1) September 24, 2025చదవండి: BCCI: అభిషేక్‌ శర్మకు బంపరాఫర్‌!pic.twitter.com/SjXZnnshzK— The Game Changer (@TheGame_26) September 24, 2025

అభిషేక్‌ శర్మ తుఫాన్‌ ఇన్నింగ్స్‌... ఆపై పదునైన బౌలింగ్‌... వెరసి ఆసియా కప్‌ టి20 టోర్నీలో భారత్‌ తమ ఆధిపత్యాన్ని ప్రదర్శించింది. బ్యాటింగ్‌లో కాస్త తడబాటు కనిపించినా, చివరకు బంగ్లాదేశ్‌ను ఓడించడంలో టీమిండియా సఫలమైంది. టోర్నీలో వరుసగా ఐదో మ్యాచ్‌ గెలిచిన మన జట్టు దర్జాగా ఫైనల్లోకి ప్రవేశించింది. గత మ్యాచ్‌లో శ్రీలంకపై స్ఫూర్తిదాయ ఆటను కనబర్చిన బంగ్లాదేశ్‌ ఈసారి టీమిండియా ముందు నిలవలేకపోయింది. ఇక భారత్‌తో తుది పోరుతో అమీతుమీ తలపడే జట్టేదో నేడు తేలనుంది. విరామం లేకుండా వరుసగా రెండో రోజు ఆడనున్న బంగ్లాదేశ్‌... పాకిస్తాన్‌తో తలపడుతుంది. ఈ మ్యాచ్‌లో విజేతకు ఫైనల్‌ బెర్త్‌ ఖాయమవుతుంది. దుబాయ్‌: ఆసియా కప్‌ టి20 టోర్నీలో భారత జట్టు ఫైనల్లోకి అడుగు పెట్టింది. ‘సూపర్‌–4’ దశలో భాగంగా బుధవారం జరిగిన మ్యాచ్‌లో భారత్‌ 41 పరుగుల తేడాతో బంగ్లాదేశ్‌పై ఘన విజయం సాధించింది. టాస్‌ ఓడి ముందుగా బ్యాటింగ్‌కు దిగిన భారత్‌ 20 ఓవర్లలో 6 వికెట్ల నష్టానికి 168 పరుగులు చేసింది. అభిషేక్‌ శర్మ (37 బంతుల్లో 75; 6 ఫోర్లు, 5 సిక్స్‌లు) మరో మెరుపు అర్ధ సెంచరీతో చెలరేగగా... హార్దిక్‌ పాండ్యా (29 బంతుల్లో 38; 4 ఫోర్లు, 1 సిక్స్‌), శుబ్‌మన్‌ గిల్‌ (19 బంతుల్లో 29; 2 ఫోర్లు, 1 సిక్స్‌) రాణించారు. అనంతరం బంగ్లాదేశ్‌ 19.3 ఓవర్లలో 127 పరుగులకు ఆలౌటైంది. సైఫ్‌ హసన్‌ (51 బంతుల్లో 69; 3 ఫోర్లు, 5 సిక్స్‌లు) మినహా అంతా విఫలమయ్యారు. ఇద్దరు మినహా మిగతా బంగ్లా బ్యాటర్లంతా కనీసం రెండంకెల స్కోరు కూడా చేయలేకపోయారు. కుల్దీప్‌ యాదవ్‌ 3 వికెట్లు పడగొట్టగా... బుమ్రా, వరుణ్‌ చెరో 2 వికెట్లు తీశారు. మధ్య ఓవర్లలో తడబాటు... భారత ఇన్నింగ్స్‌ తొలి మూడు ఓవర్లలో ప్రశాంతత... ఒకే ఒక ఫోర్‌తో 17 పరుగులే వచ్చాయి! 7 పరుగుల వద్ద అభిషేక్‌ ఇచ్చిన క్యాచ్‌ను కీపర్‌ జాకీర్‌ వదిలేయడం కూడా కలిసొచ్చిoది. అయితే పవర్‌ప్లేలో మిగిలిన 3 ఓవర్లలో అభిషేక్‌ విశ్వరూపం చూపించగా, గిల్‌ కూడా ధాటిని ప్రదర్శించాడు. నసమ్‌ వేసిన నాలుగో ఓవర్లో గిల్‌ వరుసగా 4, 6 కొట్టగా చివరి బంతిని అభిషేక్‌ సిక్స్‌ బాదాడు. ముస్తఫిజుర్‌ వేసిన ఐదో ఓవర్లో 2 సిక్స్‌లు కొట్టిన అభిషేక్‌...సైఫుద్దీన్‌ వేసిన తర్వాతి ఓవర్లో 4 ఫోర్లు బాదాడు. ఈ మూడు ఓవర్లలో కలిపి 55 పరుగులు రావడంతో పవర్‌ప్లేలో స్కోరు 72 పరుగులకు చేరింది. అయితే పవర్‌ప్లే తర్వాత భారత్‌ అనూహ్యంగా తడబడింది. ఒక వైపు 25 బంతుల్లోనే అభిషేక్‌ అర్ధ సెంచరీ పూర్తి చేసుకోగా... మరోవైపు ఆరు పరుగుల వ్యవధిలో గిల్, శివమ్‌ దూబే (2) అవుటయ్యారు. జోరు మీదున్న అభిషేక్‌ ఇన్నింగ్స్‌ కూడా దురదృష్టవశాత్తూ రనౌట్‌తో ముగిసింది. ముస్తఫిజుర్‌ వేసిన బంతిని సూర్యకుమార్‌ బ్యాక్‌వర్డ్‌ పాయింట్‌ దిశగా ఆడగా... ఫీల్డర్‌ ఆపిన విషయాన్ని గుర్తించని అభిషేక్‌ చాలా ముందుకు దూసుకొచ్చాడు. ఆ తర్వాత వెనక్కి వెళ్లే ప్రయత్నం చేసినా లాభం లేకపోగా, అదే ఓవర్లో సూర్య కూడా అవుటయ్యాడు. తిలక్‌ వర్మ (5) విఫలం కాగా, 22 బంతుల పాటు భారత్‌కు బౌండరీనే రాలేదు! ఈ దశలో పాండ్యా దూకుడు జట్టుకు కాస్త మెరుగైన స్కోరును అందించింది. అయితే చివరి 11 బంతుల్లో టీమిండియా ఒక్క బౌండరీ కూడా కొట్టలేకపోయింది. అక్షర్‌ (15 బంతుల్లో 10) బంతులు వృథా చేయగా... ప్రధాన బ్యాటర్‌ సంజు సామ్సన్‌కు ఆడే అవకాశమే ఇవ్వకపోవడం ఆశ్చర్యం కలిగించింది. టపటపా... ఛేదనలో బంగ్లాదేశ్‌ దూకుడు ప్రదర్శించలేకపోయింది. సైఫ్‌ మినహా ఎవరూ ప్రభావం చూపలేదు. అక్కడక్కడ కొన్ని చక్కటి షాట్లు ఆడినా బ్యాటింగ్‌ బృందం సమష్టిగా విఫలమైంది. ఆరంభంలోనే తన్‌జీద్‌ (1) వెనుదిరగడంతో సైఫ్, పర్వేజ్‌ (21) కలిసి ఇన్నింగ్స్‌ను నడిపించారు. వీరిద్దరు రెండో వికెట్‌కు 30 బంతుల్లో 42 పరుగులు జోడించారు. పవర్‌ప్లేలో జట్టు 44 పరుగులు చేసింది. అయితే కుల్దీప్‌ తన తొలి ఓవర్లోనే పర్వేజ్‌ను అవుట్‌ చేయడంతో పతనం మొదలైంది. ఆ తర్వాత బంగ్లా వరుస విరామాల్లో వికెట్లు కోల్పోయింది. 22 పరుగుల వ్యవధిలో ముగ్గురు ప్రధాన బ్యాటర్లు అవుట్‌ కావడంతో గెలుపుపై జట్టు ఆశలు కోల్పోయింది. మరో ఎండ్‌లో సైఫ్‌ పోరాడినా లాభం లేకపోయింది. 36 బంతుల్లో సైఫ్‌ అర్ధ సెంచరీని అందుకున్నాడు. బంగ్లా 18 పరుగుల వ్యవధిలో చివరి 5 వికెట్లు కోల్పోయింది.150 అంతర్జాతీయ టి20ల్లో ముస్తఫిజుర్‌ వికెట్ల సంఖ్య. బంగ్లాదేశ్‌ తరఫున అత్యధిక వికెట్లు తీసిన బౌలర్‌గా షకీబ్‌ అల్‌ హసన్‌ (149)ను అతను అధిగమించాడు. స్కోరు వివరాలు భారత్‌ ఇన్నింగ్స్‌: అభిషేక్‌ (రనౌట్‌) 75; గిల్‌ (సి) తన్‌జీద్‌ (బి) రిషాద్‌ 29; దూబే (సి) తౌహీద్‌ (బి) రిషాద్‌ 2; సూర్యకుమార్‌ (సి) జాకీర్‌ (బి) ముస్తఫిజుర్‌ 5; పాండ్యా (సి) తన్‌జీద్‌ (బి) సైఫుద్దీన్‌ 38; తిలక్‌ (సి) సైఫ్‌ (బి) తన్‌జీమ్‌ 5; అక్షర్‌ (నాటౌట్‌) 10; ఎక్స్‌ట్రాలు 4; మొత్తం (20 ఓవర్లలో 6 వికెట్లకు) 168. వికెట్ల పతనం: 1–77, 2–83, 3–112, 4–114, 5–129, 6–168. బౌలింగ్‌: తన్‌జీమ్‌ 4–0–29–1, నసుమ్‌ 4–0–34–0, ముస్తఫిజుర్‌ 4–0–33–1, సైఫుద్దీన్‌ 3–0–37–1, రిషాద్‌ 3–0–27–2, సైఫ్‌ 2–0–7–0. బంగ్లాదేశ్‌ ఇన్నింగ్స్‌: సైఫ్‌ హసన్‌ (సి) అక్షర్‌ (బి) బుమ్రా 69; తన్‌జీద్‌ (సి) దూబే (బి) బుమ్రా 1; పర్వేజ్‌ (సి) అభిషేక్‌ (బి) కుల్దీప్‌ 21; తౌహీద్‌ (సి) అభిషేక్‌ (బి) అక్షర్‌ 7; షమీమ్‌ (బి) వరుణ్‌ 0; జాకీర్‌ (రనౌట్‌) 4; సైఫుద్దీన్‌ (సి) తిలక్‌ (బి) వరుణ్‌ 4; రిషాద్‌ (సి) తిలక్‌ (బి) కుల్దీప్‌ 2; తన్‌జీమ్‌ (బి) కుల్దీప్‌ 0; నసుమ్‌ (నాటౌట్‌) 4; ముస్తఫిజుర్‌ (సి) అక్షర్‌ (బి) తిలక్‌ 6; ఎక్స్‌ట్రాలు 9; మొత్తం (19.3 ఓవర్లలో ఆలౌట్‌) 127. వికెట్ల పతనం: 1–4, 2–46, 3–65, 4–74, 5–87, 6–109, 7–112, 8–112, 9–116, 10–127. బౌలింగ్‌: పాండ్యా 2–0–14–0, బుమ్రా 4–0–18–2, వరుణ్‌ 4–0–29–2, కుల్దీప్‌ 4–0–18–3, అక్షర్‌ 4–0–37–1, దూబే 1–0–10–0, తిలక్‌ 0.3–0–1–1.

ఆసియా కప్‌ 2025లో టీమిండియా ఫైనల్‌కు చేరింది. బంగ్లాదేశ్‌తో ఇవాళ (సెప్టెంబర్‌ 24) జరిగిన సూపర్‌-4 మ్యాచ్‌లో 41 పరుగుల తేడాతో గెలుపొందింది. ఈ గెలుపుతో భారత్‌ ఫైనల్‌కు చేరడమే కాకుండా శ్రీలంకను టోర్నీ నుంచి ఎలిమినేట్‌ చేసింది. పాకిస్తాన్‌, బంగ్లాదేశ్‌ మధ్య రేపు జరుగబోయే మ్యాచ్‌లో విజేత ఫైనల్లో భారత్‌తో తలపడుతుంది.బంగ్లాదేశ్‌తో జరిగిన మ్యాచ్‌లో తొలుత బ్యాటింగ్‌ చేసిన భారత్‌.. నిర్ణీత 20 ఓవర్లలో 6 వికెట్ల నష్టానికి 168 పరుగులు చేసింది. ఓపెనర్లు అభిషేక్‌ శర్మ (37 బంతుల్లో 75; 6 ఫోర్లు, 5 సిక్సర్లు), శుభ్‌మన్‌ గిల్‌ (19 బంతుల్లో 29; 2 ఫోర్లు, సిక్స్‌) మంచి ఆరంభాన్ని ఇచ్చినా టీమిండియా నామమాత్రపు స్కోర్‌కే పరిమితమైంది.అభిషేక్‌ క్రీజ్‌లో ఉండగా భారత్‌ స్కోర్‌ 200 పరుగులు దాటుతుందని అంతా అనుకున్నారు. అయితే అతను ఔట్‌ కావడంతో పరిస్థితి తారుమారైంది. కెప్టెన్‌ సూర్యకుమార్‌ యాదవ్‌ బంతులు వృధా చేసి (11 బంతుల్లో 5) ఔటయ్యాడు. అంతకుముందే శివమ్‌ దూబే (2) నిరాశపరిచాడు.తిలక్‌ వర్మ (7 బంతుల్లో 5) కూడా స్థాయికి తగ్గట్టుగా ఆడలేకపోయాడు. హార్దిక్‌ పాండ్యా (29 బంతుల్లో 38; 4 ఫోర్లు, సిక్స్‌) ఓ మోస్తరు ఇన్నింగ్స్‌ ఆడినప్పటికీ.. వేగంగా పరుగులు రాబట్టలేకపోయాడు. అక్షర్‌ పటేల్‌ (15 బంతుల్లో 10 నాటౌట్‌) దారుణంగా ఆడాడు. చివరి ఓవర్‌లో బంతులు వృధా చేసి భారత్‌ ఓ మోస్తరు స్కోర్‌కే పరిమితమయ్యేలా చేశాడు.తొలి 11 ఓవర్లలో 2 వికెట్ల నష్టానికి 112 పరుగులు చేసిన భారత్‌.. చివరి 9 ఓవర్లలో కేవలం 56 పరుగులే చేసి నాలుగు వికెట్లు కోల్పోయింది.అనంతరం 169 పరుగుల సాధారణ లక్ష్యాన్ని కాపాడుకునేందుకు బరిలోకి దిగిన భారత్‌.. ఆది నుంచే ప్రత్యర్ధిపై ఒత్తిడి తెచ్చింది. బుమ్రా (4-0-18-2), వరుణ్‌ చక్రవర్తి (4-0-29-2), కుల్దీప్‌ యాదవ్‌ (4-0-18-3), అక్షర్‌ పటేల్‌ (4-0-37-1) అద్భుతంగా బౌలింగ్‌ చేశారు. వీరి ధాటికి బంగ్లాదేశ్‌ 19.3 ఓవర్లలో 127 పరుగులకే ఆలౌటైంది. బంగ్లా ఇన్నింగ్స్‌లో ఓపెనర్‌ సైఫ్‌ హసన్‌ (69) ఒంటరిపోరాటం చేశాడు. అతనితో పాటు పర్వేజ్‌ హొస్సేన్‌ (21) మాత్రమే రెండంకెల స్కోర్లు చేశారు. సెప్టెంబర్‌ 26న జరిగే నామమాత్రపు మ్యాచ్‌లో భారత్‌.. శ్రీలంకతో తలపడుతుంది. సెప్టెంబర్‌ 28న ఫైనల్‌ మ్యాచ్‌ జరుగుతుంది.

ఆసియా కప్‌ 2025లో (Asia cup 2025) అభిషేక్‌ శర్మ (Abhishek Sharma) విధ్వంసాల పర్వం కొనసాగుతోంది. బంగ్లాదేశ్‌తో ఇవాళ (సెప్టెంబర్‌ 24) జరుగుతున్న సూపర్‌-4 మ్యాచ్‌లో (India vs Bangladesh) మరో మెరుపు అర్ద సెంచరీ (37 బంతుల్లో 75; 6 ఫోర్లు, 5 సిక్సర్లు) సాధించాడు. ఈ మ్యాచ్‌కు ముందు పాకిస్తాన్‌తో మ్యాచ్‌లోనూ అభి'షేక్‌' (39 బంతుల్లో 74; 6 ఫోర్లు, 5 సిక్సర్లు) చేశాడు. వరుసగా రెండు హాఫ్‌ సెంచరీలు సాధించడంతో అభిషేక్‌ ఖాతాలో ఓ రికార్డు వచ్చి చేరింది.ఆసియా కప్‌ టీ20 ఫార్మాట్‌లో విరాట్‌ కోహ్లి (Virat kohli) తర్వాత వరుసగా రెండు ఇన్నింగ్స్‌ల్లో హాఫ్‌ సెంచరీలు చేసిన భారత ఆటగాడిగా అభిషేక్‌ చరిత్రకెక్కాడు. ప్రస్తుత ఎడిషన్‌లో భీకర ఫామ్‌లో ఉన్న అభిషేక్‌ ఇప్పటికే లీడింగ్‌ రన్‌స్కోరర్‌గా కొనసాగుతున్నాడు. ఈ ఎడిషన్‌లో ఇప్పటిదాకా 5 మ్యాచ్‌లు ఆడిన అతను.. 206.67 స్ట్రయిక్‌రేట్‌తో 248 పరుగులు చేశాడు.మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌కు దిగిన భారత్‌ తొలి 3 ఓవర్లలో నిదానంగా ఆడినప్పటికీ.. ఆతర్వాత అభిషేక్‌ గేర్‌ మార్చడంతో ఒక్కసారిగా పుంజుకుంది. అభిషేక్‌, గిల్‌ క్రీజ్‌లో ఉన్నంత వరకు పరుగులు పెట్టిన స్కోర్‌ బోర్డు.. ఈ ఇద్దరు ఔట్‌ కావడంతో ఒక్కసారిగా నెమ్మదించింది.వరుస విరామాల్లో వికెట్లు కోల్పోయి 15 ఓవర్ల తర్వాత 5 వికెట్ల నష్టానికి 132 పరుగులు మాత్రమే చేయగలిగింది. హార్దిక్‌ పాండ్యా (11), అక్షర్‌ పటేల్‌ (2) క్రీజ్‌లో ఉన్నారు. భారత ఇన్నింగ్స్‌లో అభిషేక్‌ 75, గిల్‌ 29, శివమ్‌ దూబే 2, సూర్యకుమార్‌ యాదవ్‌ 5, తిలక్‌ వర్మ 5 పరుగులు చేసి ఔటయ్యారు. బంగ్లా బౌలరల్లో రిషద్‌ హొసేన్‌ 2, తంజిమ్‌ సాకిబ్‌, ముస్తాఫిజుర్‌ తలో వికెట్‌ తీశారు. అభిషేక్‌ శర్మ రనౌటయ్యాడు. చదవండి: సందిగ్దంలో సెలెక్టర్లు.. విండీస్‌ సిరీస్‌కు భారత జట్టు ప్రకటన వాయిదా

టీమిండియా యువ క్రికెటర్‌ అభిషేక్‌ శర్మ (Abhishek Sharma) సూపర్‌ ఫామ్‌లో ఉన్నాడు. ఆసియా టీ20 కప్‌- 2025 టోర్నమెంట్లో ఈ ఎడమచేతి వాటం బ్యాటర్‌ ఆకాశమే హద్దుగా చెలరేగుతున్నాడు. ఇప్పటి వరకు ఆడిన నాలుగు ఇన్నింగ్స్‌లో కలిపి 208కి పైగా స్ట్రైక్‌రేటుతో అభిషేక్‌ శర్మ 173 పరుగులు సాధించాడు.తీవ్రమైన ఒత్తిడిలోనూతద్వారా ఇప్పటికి టాప్‌ రన్‌ స్కోరర్‌గా కొనసాగుతున్నాడు. ముఖ్యంగా పాకిస్తాన్‌పై రెండుసార్లు అభిషేక్‌ శర్మ చితక్కొట్టిన తీరు టీమిండియా విజయాల్లో హైలైట్‌గా నిలిచింది. లీగ్‌ దశలో పాక్‌పై 13 బంతుల్లోనే 31 పరుగులు సాధించిన ఈ ఓపెనింగ్‌ బ్యాటర్‌.. సూపర్‌-4లో 39 బంతుల్లోనే 74 పరుగులతో చెలరేగాడు.బంపరాఫర్‌దాయాదితో సూపర్‌-4 మ్యాచ్‌లో తీవ్రమైన ఒత్తిడిలోనూ అభిషేక్‌ శర్మ.. మరో ఓపెనర్‌ శుబ్‌మన్‌ గిల్‌ (47)తో కలిసి తొలి వికెట్‌కు 105 పరుగులు జోడించి సత్తా చాటాడు. ఈ ప్రదర్శనల నేపథ్యంలో భారత క్రికెట్‌ నియంత్రణ మండలి (BCCI) ఈ పంజాబీ బ్యాటర్‌కు బంపరాఫర్‌ ఇచ్చినట్లు తెలుస్తోంది.ఆసియా కప్‌-2025 టోర్నీ ముగిసిన తర్వాత.. టీమిండియా స్వదేశంలో వెస్టిండీస్‌తో రెండు టెస్టుల సిరీస్‌ ఆడనుంది. ఆ తర్వాత వన్డే, టీ20 సిరీస్‌లు ఆడేందుకు ఆస్ట్రేలియా పర్యటనకు వెళ్లనుంది. ఈ నేపథ్యంలో అభిషేక్‌ శర్మను ఆసీస్‌తో టీ20లతో పాటు వన్డేల్లోనూ ఆడించాలని సెలక్టర్లు భావిస్తున్నట్లు సమాచారం.గిల్‌కు విశ్రాంతి?కాగా శుబ్‌మన్‌ గిల్‌ ఇటీవలే టెస్టు జట్టు సారథిగా బాధ్యతలు చేపట్టిన విషయం తెలిసిందే. ఇంగ్లండ్‌ గడ్డపై ఆండర్సన్‌- టెండుల్కర్‌ ట్రోఫీలో భాగంగా ఐదు టెస్టుల సిరీస్‌ను కెప్టెన్‌గా 2-2తో సమం చేశాడు. అనంతరం.. నెలరోజుల విరామం తర్వాత ఆసియా కప్‌ బరిలో దిగాడు. అయితే, ఆసియా కప్‌ ముగిసిన వెంటనే విండీస్‌తో సిరీస్‌ ఆడనున్నాడు.ఈ నేపథ్యంలో ఆస్ట్రేలియా టూర్‌ సందర్భంగా గిల్‌కు సెలక్టర్లు విశ్రాంతినిచ్చే అవకాశం ఉన్నట్లు తెలుస్తోంది. ఇదిలా ఉంటే.. టీ20లలో ఇప్పటికే ఓపెనర్‌గా పాతుకుపోయిన అభిషేక్‌ శర్మ ఇంతవరకు వన్డేల్లో అరంగేట్రం చేయలేదు. ప్రస్తుతం కెప్టెన్‌ రోహిత్‌ శర్మతో కలిసి గిల్‌ వన్డేల్లో ఓపెనింగ్‌ చేస్తున్నాడు.జైస్వాల్‌కు అన్యాయంఅయితే, ఆసీస్‌తో సిరీస్‌లలో గిల్‌ రెస్ట్‌ తీసుకుంటే అభిషేక్‌ శర్మను ఓపెనర్‌గా ఎంపిక చేస్తారనే వార్తలు వస్తున్నాయి. టైమ్స్‌ ఆఫ్‌ ఇండియా కథనం ప్రకారం.. అభిషేక్‌ శర్మ ఆసీస్‌ గడ్డపై వన్డేల్లో అడుగుపెట్టే అవకాశం ఉన్నట్లు తెలుస్తోంది. కాగా దేశీ యాభై ఓవర్ల ఫార్మాట్లో అతడికి మెరుగైన రికార్డు ఉంది.లిస్ట్‌-ఎ క్రికెట్‌లో 61 మ్యాచ్‌లు ఆడిన అభిషేక్‌ శర్మ 2014 పరుగులు చేశాడు. ఒకవేళ అభిని ఆసీస్‌తో వన్డేలకు ఎంపిక చేస్తే.. మరో యువ ఓపెనర్‌ యశస్వి జైస్వాల్‌కు అన్యాయం చేసినట్లే అవుతుందని విశ్లేషకులు అంటున్నారు.ఇప్పటికే టీమిండియా టెస్టు ఓపెనర్‌గా స్థానం సుస్థిరం చేసుకున్న యశస్వి జైస్వాల్‌.. టీ20లలో తన మార్కు చూపించాడు. అయితే, వన్డేల్లో మాత్రం ఆలస్యంగా ఎంట్రీ ఇచ్చాడు. స్వదేశంలో ఈ ఏడాది ఇంగ్లండ్‌తో సిరీస్‌ సందర్భంగా జైసూ ఒకే ఒక్క వన్డే ఆడి.. 15 పరుగులు చేశాడు. ఇంత వరకు అతడికి వన్డేల్లో నిరూపించుకునే అవకాశమే రాలేదు.వన్డే టాపార్డర్‌లోఇలాంటి సమయంలో అభిషేక్‌ శర్మ జట్టులోకి వచ్చాడంటే.. జైసూకు అవకాశాలు సన్నగిల్లవచ్చు. అయితే, ఇప్పటికే టీ20, టెస్టుల నుంచి తప్పుకొన్న రోహిత్‌ శర్మ, విరాట్‌ కోహ్లి వన్డేలకూ రిటైర్మెంట్‌ ప్రకటిస్తే మాత్రం వన్డే టాపార్డర్‌లో జైసూ, అభి, గిల్‌లను చూసే అవకాశాలను కొట్టిపారేయలేము. కాగా టీమిండియా తరఫున టీ20లలో అభిషేక్‌ శర్మ 21 టీ20లలో 708 పరుగులు సాధించాడు. మరోవైపు.. జైస్వాల్‌ 23 టీ20లలో 723, 24 టెస్టుల్లో 2209 రన్స్‌ రాబట్టాడు.చదవండి: IND vs AUS: మరోసారి దుమ్మురేపిన వైభవ్‌ సూర్యవంశీ.. భారత్‌ భారీ స్కోరు

సూర్యకుమార్‌ సేనపై టీమిండియా అసిస్టెంట్‌ కోచ్‌ ర్యాన్‌ టెన్‌ డష్కాటే (Ryan ten Doeschate) ప్రశంసలు కురిపించాడు. పాకిస్తాన్‌తో మ్యాచ్‌ సందర్భంగా తమ జట్టు సంయమనంతో వ్యవహరించిన తీరు గర్వకారణం అన్నాడు. పాక్‌ ఆటగాళ్ల కవ్వింపు చర్యలకు తమ ప్లేయర్లు బ్యాట్‌తో సమాధానమిచ్చిన విధానం అమోఘమని కొనియాడాడు.ఆసియా కప్‌ టీ20- 2025 టోర్నీలో భాగంగా భారత్‌- పాకిస్తాన్‌ (IND vs PAK) ఇప్పటికి రెండుసార్లు తలపడ్డాయి. లీగ్‌ దశలో పాక్‌ను ఏడు వికెట్ల తేడాతో ఓడించిన టీమిండియా.. పహల్గామ్‌ ఉగ్రదాడికి నిరసనగా ఆ జట్టుతో షేక్‌హ్యాండ్‌కు నిరాకరించింది.తీవ్రస్థాయిలో కవ్వింపులుఇక సూపర్‌-4 మ్యాచ్‌లోనూ భారత జట్టు మరోసారి పాక్‌పై పైచేయి సాధించింది. ప్రత్యర్థిని ఆరు వికెట్ల తేడాతో ఓడించి.. వరుసగా రెండో గెలుపు అందుకుంది. అయితే, ఈ మ్యాచ్‌ సందర్భంగా పాక్‌ ఆటగాళ్లు తీవ్రస్థాయిలో కవ్వింపులకు పాల్పడ్డారు.ఓపెనర్‌ సాహిబ్‌జాదా ఫర్హాన్‌ అర్ధ శతకం (58) పూర్తి చేసుకోగానే ఏకే-47 మాదిరి బ్యాట్‌ ఎక్కుపెట్టి కాల్పులు జరుపుతున్నట్లు సెలబ్రేట్‌ చేసుకున్నాడు. కాగా జమ్మూ కశ్మీర్‌లోని పహల్గామ్‌లో ఉగ్రవాదులు అమాయక పర్యాటకులపై కాల్పులు జరిపి వారి ప్రాణాలు పొట్టనబెట్టుకున్న విషయం విదితమే.బ్యాట్‌తోనే సమాధానమిచ్చారుదీంతో ఫర్హాన్‌ సెలబ్రేషన్స్‌ పాక్‌ బుద్ధిని చూపిస్తోందంటూ విమర్శలు వెల్లువెత్తాయి. మరోవైపు.. టీమిండియా బ్యాటింగ్‌ చేస్తున్నపుడు పాక్‌ పేసర్లు షాహిన్‌ ఆఫ్రిది, హ్యారీస్‌ రవూఫ్‌ భారత ఓపెనర్లు అభిషేక్‌ శర్మ- శుబ్‌మన్‌ గిల్‌ (Shubman Gill)లతో మాటల యుద్ధానికి దిగారు.అయితే, ఈ యువ ఆటగాళ్లకు పాక్‌ ఆటగాళ్లకు బ్యాట్‌తోనే సమాధానమిచ్చారు. అభి- గిల్‌ కలిసి తొలి వికెట్‌కు ఏకంగా 105 పరుగుల భాగస్వామ్యం నెలకొల్పి పాక్‌కు తమ స్థాయి ఏమిటో చూపించారు. ఈ పరిణామాలపై టీమిండియా అసిస్టెంట్‌ కోచ్‌ డష్కాటే స్పందించాడు.వాళ్ల చేష్టలు పట్టించుకోము‘‘హ్యారిస్‌ రవూఫ్‌ ఏం చేశాడో నేను కూడా చూశాను. అయితే, మా వాళ్లు మాత్రం అవేమీ పట్టించుకోకుండా ఆట మీద మాత్రమే దృష్టి పెటారు. అందుకు నాకు గర్వంగా ఉంది.బ్యాట్‌తోనే క్రీడా యుద్ధంలో మా వాళ్లు గెలిచారు. ఈ టోర్నీలో మా ఆటగాళ్లు అద్భుతంగా ఆడుతున్నారు. సంయమనంగా ఉంటున్నారు. మాతో మ్యాచ్‌లో పాక్‌ తొలుత బాగానే బ్యాటింగ్‌ చేసింది. అప్పుడే అతడు (ఫర్హాన్‌) అలా చేశాడు.అయితే, మేము తిరిగి పుంజుకున్న తీరు గొప్పగా ఉంది. 10 ఓవర్ల తర్వాత మా బౌలర్లు మ్యాచ్‌ను చేతుల్లోకి తీసుకున్నారు. కానీ పాక్‌ ఆటగాళ్ల ప్రవర్తన ఎలా ఉందో అందరం చూశాం.గర్వకారణంవాళ్లు ఏదో చెప్పాలని ప్రయత్నించారు. అయితే, మా వాళ్లు కేవలం ఆటకే పరిమితమై తమ పని పూర్తి చేశారు. నిజానికి ఈ మ్యాచ్‌లో మా ఆటగాళ్లపై కూడా ఒత్తిడి ఉంది. కానీ వాళ్లు ఎప్పుడూ కట్టు దాటలేదు.ఇలాంటి మ్యాచ్‌లలో నియంత్రణ కోల్పోవడం సహజం. మా వాళ్లు మాత్రం అలా చేయలేదు. వాళ్ల సెలబ్రేషన్స్‌, మా బ్యాటర్లతో పాక్‌ బౌలింగ్‌ విభాగం వాగ్వాదాలు దృష్టి మళ్లించేవే. అయితే, ముందుగా చెప్పినట్లు మా జట్టు వేటినీ పట్టించుకోకుండా.. అత్యుత్తమ ప్రదర్శనతో గెలిచిన తీరు మాకు ఆనందదాయకం’’ అని డష్కాటే హర్షం వ్యక్తం చేశాడు. చదవండి: బీసీసీఐకి శ్రేయస్‌ అయ్యర్‌ లేఖ!.. ఇకపై నేను...

టీమిండియా యువ ఓపెనర్‌ అభిషేక్ శర్మ (Abhishek Sharma) పాకిస్తాన్‌ క్రికెట్‌ జట్టుకు తన సత్తా ఏమిటో మరోసారి చూపించాడు. ఆసియా కప్‌-2025 టోర్నీలో లీగ్‌ దశలో పాక్‌పై 13 బంతుల్లో 31 పరుగులు చేసిన ఈ ఎడమచేతి వాటం బ్యాటర్‌.. తాజాగా ఆదివారం నాటి సూపర్‌-4 మ్యాచ్‌లో మరోసారి దంచికొట్టాడు.ధనాధన్‌ దంచికొట్టిన అభి.. పాక్‌ బౌలర్లు విలవిల దుబాయ్‌లో జరిగిన పాక్‌తో జరిగిన ఈ మ్యాచ్‌లో 39 బంతుల్లోనే 74 పరుగులు సాధించాడు. పాక్‌ పేసర్లు షాహిన్‌ ఆఫ్రిది (Shaheen Afridi), హ్యారిస్‌ రవూఫ్‌ బౌలింగ్‌లో అభిషేక్‌ చితక్కొట్టాడు. అయితే, స్పిన్నర్‌ అబ్రార్‌ అహ్మద్‌ (Abrar Ahmed) బౌలింగ్‌లో హ్యారిస్‌ రవూఫ్‌కు క్యాచ్‌ ఇవ్వడంతో అభిషేక్‌ మెరుపు ఇన్నింగ్స్‌కు తెరపడింది.ఏదేమైనా షాహిన్‌, రవూఫ్‌ల బౌలింగ్‌లో అభిషేక్‌ ధనాధన్‌ దంచికొట్టిన తీరు అభిమానులకు మజా ఇచ్చిందనడంలో సందేహం లేదు. ఇక అభిషేక్‌కు తోడు మరో ఓపెనర్‌ , వైస్‌ కెప్టెన్‌ శుబ్‌మన్‌ గిల్‌ (28 బంతుల్లో 47), నాలుగో నంబర్‌ బ్యాటర్‌ తిలక్‌ వర్మ (19 బంతుల్లో 30 నాటౌట్‌) రాణించడంతో.. మరో ఏడు బంతులు మిగిలి ఉండగానే.. పాక్‌ విధించిన 172 పరుగుల లక్ష్యాన్ని టీమిండియా ఛేదించింది.వీరూ పాజీ హిట్టింగ్‌ ఆడిన రోజుల్లోఈ నేపథ్యంలో విజయానంతరం ‘ప్లేయర్‌ ఆఫ్‌ ది మ్యాచ్‌’ అభిషేక్‌ శర్మ ఆసియా కప్‌ బ్రాడ్‌కాస్టర్‌ సోనీ స్పోర్ట్స్‌తో మాట్లాడాడు. ఈ క్రమంలో పాక్‌ జట్టు బౌలర్ల గురించి మాజీ విధ్వంసకర ఓపెనర్‌ వీరేందర్‌ సెహ్వాగ్‌తో ఆసక్తికర వ్యాఖ్యలు చేశాడు.‘‘వీరూ పాజీ హిట్టింగ్‌ ఆడిన రోజుల్లో పాక్‌ బౌలర్లు గట్టి పోటీనిచ్చేవారు. కానీ ప్రస్తుత జట్టులో అలాంటి బౌలర్లు ఎవరూ లేరు’’ అని పేర్కొన్నాడు. ప్రస్తుత పాక్‌ బౌలింగ్‌ దళం బలహీనంగా ఉందని అభిషేక్‌ శర్మ అభిప్రాయపడ్డాడు. కాగా సెహ్వాగ్‌ టీమిండియాకు ఆడిన సమయంలో షోయబ్‌ అక్తర్‌ వంటి మేటి బౌలర్లు పాక్‌ జట్టులో ఉండేవారన్న సంగతి తెలిసిందే.సెంచరీ చేయాల్సిందిఇదిలా ఉంటే.. అభిషేక్‌ శర్మ పాక్‌తో మ్యాచ్‌లో సెంచరీ మిస్‌ కావడం తనకు కాస్త వెలితిగా అనిపించిందని ఈ సందర్భంగా సెహ్వాగ్‌ అన్నాడు. ఇలాంటి అవకాశాలు అరుదుగా వస్తాయని.. 50s, 70s లను శతకాలుగా మార్చాలని ఈ వరల్డ్‌ నంబర్‌ వన్‌ టీ20 బ్యాటర్‌కు సెహ్వాగ్‌ సూచించాడు.‘‘నువ్వు 70 పరుగులు దాటావంటే.. 100 చేసేందుకు కచ్చితంగా ప్రయత్నించు. సునిల్‌ గావస్కర్‌ నాకో మాట చెప్పారు. ‘నువ్వు రిటైర్‌ అయినపుడు ఈ 70, 80 స్కోర్లు నీకు గుర్తుకువస్తాయి. ఆరోజే వాటిని సెంచరీలుగా మలిస్తే బాగుండదని అనిపిస్తుంది’ అన్నారు.ఎందుకంటే వందకు చేరువయ్యే అవకాశం మళ్లీ మళ్లీ రాదు కదా!.. అద్భుతంగా బ్యాటింగ్‌ చేసిన రోజు నాటౌట్‌గా ఉండేందుకు నువ్వు ప్రయత్నించు’’ అని సెహ్వాగ్‌ అభిషేక్‌ శర్మతో అన్నాడు.చదవండి: ఫ్రాంఛైజీ సహ యజమానిగా కేఎల్‌ రాహుల్‌Abhishek Sharma gets a priceless advice from Virender Sehwag ✨ @YUVSTRONG12, did the call finally happen? 👀 😅Watch the #DPWorldAsiaCup2025, Sept 9-28, 7 PM onwards, LIVE on the Sony Sports Network TV channels & Sony LIV.#SonySportsNetwork #INDvPAK pic.twitter.com/SqHa1k4mAA— Sony Sports Network (@SonySportsNetwk) September 22, 2025

టీమిండియాతో మ్యాచ్‌లో పాకిస్తాన్‌ (IND vs PAK) జట్టు ఆట తీరుపై ఆ దేశ మాజీ క్రికెటర్‌ డానిష్‌ కనేరియా (Danish Kaneria) విమర్శలు గుప్పించాడు. ప్రత్యర్థి జట్టులో అద్భుతమైన ఆటగాళ్లు ఉన్నపుడు కనీసం 200 పరుగులైనా స్కోరు చేసి ఉండాల్సిందని అభిప్రాయపడ్డాడు.ఆసియా కప్‌-2025 టోర్నీలో తొలుత లీగ్‌ దశలో భారత్‌ చేతిలో ఏడు వికెట్ల తేడాతో ఓటమి పాలైన పాక్‌.. తాజాగా సూపర్‌-4 మ్యాచ్‌లోనూ ఆరు వికెట్ల తేడాతో పరాజయాన్ని చవిచూసింది. టాస్‌ ఓడి తొలుత బ్యాటింగ్‌ చేసిన సల్మాన్‌ ఆఘా బృందం.. నిర్ణీత 20 ఓవర్లలో ఐదు వికెట్ల నష్టానికి 171 పరుగులు చేసింది. ఫర్హాన్‌ ఓవరాక్షన్‌పాక్‌ ఇన్నింగ్స్‌లో ఓపెనర్‌ సాహిబ్‌జాదా ఫర్హాన్‌ (45 బంతుల్లో 58) టాప్‌ రన్‌ స్కోరర్‌గా నిలిచాడు. అయితే, చేసింది హాఫ్‌ సెంచరీయే అయినా.. ఏకే-47 మాదిరి గన్‌ ఎక్కుపెట్టి కాలుస్తున్నట్లు ఫర్హాన్‌ ఓవరాక్షన్‌ చేశాడు. అయితే, లక్ష్య ఛేదనలో టీమిండియా ఇందుకు బ్యాట్‌తోనే సమాధానమిచ్చింది.ఓపెనర్లు అభిషేక్‌ శర్మ (39 బంతుల్లో 74)- శుబ్‌మన్‌ గిల్‌ (28 బంతుల్లో 47) పాక్‌ బౌలర్లకు చుక్కలు చూపించారు. విధ్వంసకర బ్యాటింగ్‌తో తొలి వికెట్‌కు 105 పరుగుల భాగస్వామ్యం నెలకొల్పారు. వీరికి తోడు తిలక్‌ వర్మ 30 పరుగులతో అజేయంగా నిలిచాడు. ఈ క్రమంలో టీమిండియా 18.5 ఓవర్లలోనే లక్ష్యాన్ని ఛేదించి.. పాక్‌ను మరోసారి కంగుతినిపించింది.ఈ నేపథ్యంలో టీమిండియా ఓపెనర్లు అభిషేక్‌ శర్మ (Abhishek Sharma), శుబ్‌మన్‌ గిల్‌లపై పాకిస్తాన్‌ మాజీ క్రికెటర్‌ డానిష్‌ కనేరియా ప్రశంసలు కురిపించాడు. వీరిద్దరు ఆది నుంచే అద్భుత రీతిలో బ్యాటింగ్‌ చేశారని కొనియాడాడు. ఈ క్రమంలో ఫర్హాన్‌ సెలబ్రేషన్‌ చేసుకున్న తీరును కూడా కనేరియా విమర్శించాడు.నువ్వు ఏకే-47 అంటే.. వాళ్లు ఏకంగా ‘బ్రహ్మోస్‌’ ప్రయోగించారు‘‘సాహిబ్‌జాదా ఫర్హాన్‌ ఏకే-47 గన్‌ కాలుస్తున్నట్లు సిగ్నల్‌ ఇచ్చాడు. కానీ ఆ తర్వాత శుబ్‌మన్‌ గిల్‌- అభిషేక్‌ శర్మ తమ బ్యాట్లతోనే ఏకంగా బ్రహ్మోస్‌ ప్రయోగించారు.ముఖ్యంగా అభిషేక్‌ శర్మ అయితే ముద్దులు విసురుతూనే బౌండరీల వర్షం కురిపించాడు. పాక్‌ బౌలింగ్‌పై వారిద్దరు విరుచుకుపడ్డారు. ఇందుకు పాక్‌ ఆటగాళ్ల వద్ద సమాధనమే లేకుండా పోయింది.మీరు ఉతుకుడు అని సంబరపడ్డారు. వారు ఉతికి.. ఉతికి ఆరేశారు. ప్రత్యర్థి జట్టులో అభిషేక్‌ శర్మ- శుబ్‌మన్‌ గిల్‌ వంటి ఓపెనర్లు ఉన్నపుడు 200 పరుగుల స్కోరు కూడా చిన్నదే అయిపోతుంది. వాళ్లిద్దరు క్లాస్‌ ప్లేయర్లు’’ అంటూ డానిష్‌ కనేరియా వార్తా సంస్థ IANSతో పేర్కొన్నాడు.

దాయాది పాకిస్తాన్‌కు టీమిండియా మరోసారి తమ స్థాయి ఏమిటో చూపించింది. దూకుడైన ఆటతో ‘చిరకాల ప్రత్యర్థి’కి చెక్‌పెట్టి .. పొట్టి ఫార్మాట్లో మరోసారి ఆధిపత్యాన్ని చాటుకుంది. కాగా ఆసియా కప్‌-2025 టోర్నీలో భాగంగా లీగ్‌ దశలో ఏడు వికెట్ల తేడాతో పాక్‌ను ఓడించిన భారత్‌.. తాజాగా కీలకమైన సూపర్‌-4 దశలోనూ సత్తా చాటింది.దుబాయ్‌ వేదికగా ఆదివారం జరిగిన మ్యాచ్‌లో సూర్యకుమార్‌ సేన.. సల్మాన్‌ ఆఘా బృందాన్ని ఆరు వికెట్ల తేడాతో ఓడించింది. టాస్‌ గెలిచి తొలుత బౌలింగ్‌ చేసిన భారత్‌.. పాక్‌ను నిర్ణీత 20 ఓవర్లలో 171 పరుగులకు కట్టడిచేయగలిగింది.అభిషేక్‌- గిల్‌ ధనాధన్‌ఇక లక్ష్య ఛేదనలో టీమిండియా మరోసారి తన మార్కును చూపించింది. ఓపెనర్లు అభిషేక్‌ శర్మ (Abhishek Sharma)- శుబ్‌మన్‌ గిల్‌ (Shubman Gill) అద్భుత రీతిలో ఆకట్టుకున్నాడు. అభిషేక్‌ 39 బంతుల్లో 6 ఫోర్లు, 5 సిక్స్‌లు బాది 74 పరుగులు చేయగా.. గిల్‌ 28 బంతుల్లో 47 పరుగులు సాధించాడు.వీరికి తోడుగా తిలక్‌ వర్మ (19 బంతుల్లో 30) ధనాధన్‌ బ్యాటింగ్‌తో అలరించాడు. ఈ క్రమంలో 18.5 ఓవర్లలో నాలుగు వికెట్లు మాత్రమే నష్టపోయి టీమిండియా లక్ష్యాన్ని ఛేదించింది. దీంతో టీ20 ఫార్మాట్లో పదిహేనుసార్ల ముఖాముఖి పోరులో టీమిండియా పాక్‌పై పన్నెండోసారి గెలుపు జెండా ఎగురవేసింది.దిగ్గజాలు లేకుండానేఈసారి ముఖ్యంగా రోహిత్‌ శర్మ, విరాట్‌ కోహ్లి వంటి దిగ్గజాలు లేకుండానే యువ భారత జట్టు పాక్‌ను ఓడించడం విశేషం. ఈ నేపథ్యంలో టీమిండియా హెడ్‌కోచ్‌ గౌతం గంభీర్‌ జట్టు ప్రదర్శన పట్ల సంతోషం వ్యక్తం చేశాడు.ఫియర్‌లెస్..ఇన్‌స్టా స్టోరీలో ‘‘ఫియర్‌లెస్.. ఫియర్‌లెస్‌.. ఫియర్‌లెస్‌’’ అంటూ అభిషేక్‌ శర్మ, శుబ్‌మన్‌ గిల్‌లతో పాటు టీమిండియా ఫొటోను గంభీర్‌ షేర్‌ చేశాడు. తమకు భయం లేదు.. తిరుగు లేదు అన్నట్లుగా గంభీర్‌ ప్రత్యర్థి జట్లకు పరోక్షంగా హెచ్చరిక జారీ చేశాడు. ముఖ్యంగా మైదానంలో అతి చేసిన దాయాది పాక్‌కు తనదైన శైలిలో ఇలా కౌంటర్‌ వేశాడు. చదవండి: ఇంకోసారి అలా అనకండి: పాక్‌ జట్టు పరువు తీసిన సూర్య

ఆసియా కప్‌-2025 సూపర్‌-4 మ్యాచ్‌లో టీమిండియాతో మ్యాచ్‌ సందర్భంగా పాకిస్తాన్‌ పేసర్లకు చేదు అనుభవం ఎదురైంది. తమ బౌలింగ్‌లో భారత బ్యాటర్లు చితక్కొడుతుంటే వారి అసహనం కట్టలు తెంచుకుంది. ఈ క్రమంలో ఆటపై దృష్టి పెట్టాల్సింది పోయి .. నోటికి పనిచెప్పారు.పాక్‌ జట్టుకు ఓటమిని కానుకగాతమ బౌలింగ్‌లో ఉతికారేస్తున్న ఓపెనర్లు అభిషేక్‌ శర్మ (Abhishesk Sharma)- శుబ్‌మన్‌ గిల్‌ (Shuban Gill)లతో వాదులాటకు దిగేందుకు ప్రయత్నించారు. ఇందుకు వారిద్దరు బ్యాట్‌తోనే సమాధానమిచ్చి.. పాక్‌ జట్టుకు ఓటమిని కానుకగా అందించారు. దీంతో ఆడలేక అతి చేసిన పాక్‌ ఆటగాళ్లకు మరోసారి అవమానం తప్పలేదు.అసలేం జరిగిందంటే.. లీగ్‌ దశలో టీమిండియా చేతిలో చిత్తైన పాక్‌ (IND vs PAK).. తాజాగా సూపర్‌-4 మ్యాచ్‌లోనూ ఓడిపోయింది. అయితే, బ్యాటింగ్‌ పరంగా మాత్రం మెరుగ్గా రాణించింది. నిర్ణీత 20 ఓవర్లలో ఐదు వికెట్ల నష్టానికి 171 పరుగులు చేసింది.ఆది నుంచే పాక్‌ బౌలర్లకు చుక్కలు చూపించారుఅయితే, టీ20 వరల్డ్‌ నంబర్‌ వన్‌ అయిన భారత జట్టు పాక్‌ విధించిన లక్ష్యాన్ని 18.5 ఓవర్లలో ఊదేసింది. ఓపెనర్లు అభిషేక్‌ శర్మ (39 బంతుల్లో 74), శుబ్‌మన్‌ గిల్‌ (28 బంతుల్లో 47) ఆది నుంచే పాక్‌ బౌలర్లపై దూకుడు ప్రదర్శించారు. ఇద్దరూ బౌండరీలు బాదుతూ పాక్‌ బౌలర్లను ఒత్తిడిలోకి నెట్టారు.ఈ క్రమంలో పాక్‌ పేసర్లు షాహిన్‌ ఆఫ్రిది, హ్యారీస్‌ రవూఫ్‌.. అభిషేక్‌- గిల్‌లను మాటలతో రెచ్చగొట్టే ప్రయత్నం చేశారు. షాహిన్‌ బౌలింగ్‌లో ఇరగొట్టిన గిల్‌.. అతడి ఓవరాక్షన్‌కు బదులుగా ‘‘వెళ్లి బంతి తెచ్చుకో’’ అంటూ కౌంటర్‌ ఇచ్చాడు.ఇక హ్యారిస్‌ రవూఫ్‌ పదే పదే మాటలతో కవ్వింపులకు పాల్పడగా.. అభిషేక్‌ ఓ దశలో అతడికి దగ్గరగా వెళ్లి బదులిచ్చే ప్రయత్నం చేశాడు. ఇంతలో అంపైర్‌ వచ్చి రవూఫ్‌ను పక్కకు తీసుకువెళ్లాడు.అస్సలు నచ్చలేదుఈ విషయంపై మ్యాచ్‌ అనంతరం ప్లేయర్‌ ఆఫ్‌ ది మ్యాచ్‌ అభిషేక్‌ శర్మ మాట్లాడుతూ.. పాక్‌ బౌలర్లు కారణం లేకుండా మీద మీదకు వచ్చారని.. దురుసుగా ప్రవర్తించారని పేర్కొన్నాడు. తనకు అది అస్సలు నచ్చలేదని తెలిపాడు. తాము మాత్రం అనవసర విషయాల పట్ల కాకుండా ఆటపై మాత్రమే దృష్టి పెట్టామంటూ పాక్‌ బౌలర్లకు మరోసారి కౌంటర్‌ ఇచ్చిపడేశాడు.ఇక గిల్‌- అభిషేక్‌ శర్మ సోషల్‌ మీడియా వేదికగా.. ‘‘మీవి మాటలు- మావి చేతలు’’ అంటూ పాక్‌కు తమ ఓటమిని గుర్తు చేస్తూ వ్యంగ్యాస్త్రాలు సంధించారు. కాగా ఈ ఇద్దరు పంజాబీ ఆటగాళ్లు చిన్ననాటి నుంచి స్నేహితులు. భారత మాజీ ఆల్‌రౌండర్‌ యువరాజ్‌ సింగ్‌ వీరికి మెంటార్‌. ఇక తాజా మ్యాచ్‌లో విరాట్‌ కోహ్లిలేని లోటు పాక్‌ ఆటగాళ్లకు తెలియకుండా చేశారంటూ గిల్‌- అభిలపై టీమిండియా అభిమానులు ప్రశంసలు కురిపిస్తున్నారు.చదవండి: ఛీ.. మీ బుద్ధిమారదా?.. బరితెగించిన పాక్‌ ఆటగాళ్లు!Ye Naya Bharat Hain. Ye Bekhauf Bharat hai! 💪 Watch the Asia Cup, Sept 9-28, 7 PM onwards, LIVE on the Sony Sports Network TV channels & Sony LIV.#SonySportsNetwork #INDvPAK pic.twitter.com/mn3n9OEZjv— Sony Sports Network (@SonySportsNetwk) September 21, 2025

ఆసియా కప్‌-2025 టోర్నమెంట్‌లో టీమిండియా యువ ఓపెనర్‌ అభిషేక్‌ శర్మ (Abhishek Sharma) అదరగొడుతున్నాడు. లీగ్‌ దశలో తొలుత యూఏఈపై ప్రతాపం చూపించిన ఈ ఎడమచేతి వాటం బ్యాటర్‌.. 16 బంతుల్లోనే 30 పరుగులు సాధించాడు.మరోసారి విశ్వరూపంఆ తర్వాత పాకిస్తాన్‌తో మ్యాచ్‌ (IND vs PAK)లో అభిషేక్‌ శర్మ విజృంభించాడు. కేవలం 13 బంతుల్లోనే 31 పరుగులు సాధించి.. దాయాదికి తన సత్తా ఏమిటో చూపించాడు. అనంతరం ఒమన్‌పై 15 బంతుల్లోనే 38 పరుగులు చేసిన అభిషేక్‌ శర్మ.. తాజాగా సూపర్‌-4లో భాగంగా పాకిస్తాన్‌కు మరోసారి విశ్వరూపం చూపించాడు.దుబాయ్‌ వేదికగా ఆదివారం నాటి మ్యాచ్‌లో అభిషేక్‌.. పాక్‌ బౌలింగ్‌ను ఉతికారేశాడు. 39 బంతులు ఎదుర్కొని.. ఆరు ఫోర్లు, ఐదు సిక్సర్ల సాయంతో 74 పరుగులు సాధించాడు. మరో ఓపెనర్‌ శుబ్‌మన్‌ గిల్‌ (28 బంతుల్లో 47)తో కలిసి తొలి వికెట్‌కు వందకు పైగా పరుగులు జతచేసి టీమిండియా విజయంలో కీలక పాత్ర పోషించాడు.అతి తక్కువ బంతుల్లోనే 50 సిక్సర్లుఇలా కెరీర్‌ ఆరంభం నుంచి అద్భుత రీతిలో బ్యాటింగ్‌ చేస్తున్న అభిషేక్‌ శర్మ.. తాజాగా పాక్‌తో మ్యాచ్‌ సందర్భంగా ప్రపంచ రికార్డు సాధించాడు. అంతర్జాతీయ టీ20 ఫార్మాట్లో.. అతి తక్కువ బంతుల్లోనే 50 సిక్సర్లు పూర్తి చేసుకున్న తొలి క్రికెటర్‌గా చరిత్రకెక్కాడు. అంతేకాదు తక్కువ ఇన్నింగ్స్‌లో అత్యధిక సిక్సర్లు బాదిన ఆటగాడిగా ఎవిన్‌ లూయీస్‌ వరల్డ్‌ రికార్డును అభిషేక్‌ సమం చేశాడు.ఇక మ్యాచ్‌ విషయానికొస్తే.. టీమిండియా పాక్‌ను ఆరు వికెట్ల తేడాతో ఓడించింది. తద్వారా సూపర్‌-4 దశలోనూ మరోసారి దాయాదికి ఓటమి రుచి చూపించింది. కాగా లీగ్‌ దశలో భారత్‌.. పాక్‌పై ఏడు వికెట్ల తేడాతో విజయం సాధించిన విషయం తెలిసిందే.అతి తక్కువ బంతుల్లోనే అంతర్జాతీయ టీ20లలో 50 సిక్సర్లు బాదిన ఫుల్‌ మెంబర్‌ (టెస్టు హోదా) జట్ల ఆటగాళ్లుఅభిషేక్‌ శర్మ (ఇండియా)- 331 బంతుల్లోనే 50 సిక్సర్లుఎవిన్‌ లూయీస్‌ (వెస్టిండీస్‌)- 366 బంతుల్లో 50 సిక్సర్లుఆండ్రీ రసెల్‌ (వెస్టిండీస్‌)- 409 బంతుల్లో 50 సిక్సర్లుహజ్రతుల్లా జజాయ్‌ (అఫ్గనిస్తాన్‌)- 492 బంతుల్లో 50 సిక్సర్లుసూర్యకుమార్‌ యాదవ్‌ (ఇండియా)- 509 బంతుల్లో 50 సిక్సర్లుఅతి తక్కువ ఇన్నింగ్స్‌లో అంతర్జాతీయ టీ20లలో సిక్సర్లు బాదిన ఆటగాళ్లు (ఫుల్‌ మెంబర్‌ జట్లు)అభిషేక్‌ శర్మ- 20 ఇన్నింగ్స్‌లోఎవిన్‌ లూయీస్‌- 20 ఇన్నింగ్స్‌లోహజ్రతుల్లా జజాయ్‌- 22 ఇన్నింగ్స్‌లోక్రిస్‌ గేల్‌- 25 ఇన్నింగ్స్‌లోసూర్యకుమార్‌ యాదవ్‌- 29 ఇన్నింగ్స్‌లో. చదవండి: ఛీ.. మీ బుద్ధిమారదా?.. బరితెగించిన పాక్‌ ఆటగాళ్లు!కోత.. ఊచకోత 💥Abhishek Sharma ఇచ్చిపడేసాడంతే! 🥁చూడండి #INDvPAK లైవ్Sony Sports Network TV Channels & Sony LIV లో#SonySportsNetwork #DPWorldAsiaCup2025 pic.twitter.com/0ufRZ5nDs6— Sony Sports Network (@SonySportsNetwk) September 21, 2025

టీమిండియాతో మ్యాచ్‌లో పాకిస్తాన్‌ క్రికెట్‌ జట్టుకు మరోసారి పరాభవమే ఎదురైంది. ఆసియా కప్‌-2025 టోర్నీమెంట్లో లీగ్‌ దశలో భారత్‌ చేతిలో పరాజయం పాలైన పాక్‌.. తాజాగా సూపర్‌-4 దశలోనూ అదే ఫలితాన్ని చవిచూసింది. అయితే, గత మ్యాచ్‌ కంటే ఈసారి కాస్త మెరుగైన ప్రదర్శన చేయగలిగింది.ఈ నేపథ్యంలో టీమిండియా చేతిలో ఓటమిపై పాక్‌ కెప్టెన్‌ సల్మాన్‌ ఆఘా (Salman Agha) స్పందించాడు. తాము ఇంతవరకు తమ స్థాయికి తగ్గ ప్రదర్శన చేయలేదని.. అయితే, మెరుగ్గా ఆడామని పేర్కొన్నాడు. పవర్‌ ప్లేలో టీమిండియా మ్యాచ్‌ను తమ నుంచి లాగేసుకుందని .. తాము ఇంకో 10- 15 పరుగులు చేసి ఉంటే ఫలితం వేరేలా ఉండేదని వ్యాఖ్యానించాడు.171 పరుగులుదుబాయ్‌ వేదికగా ఆదివారం నాటి మ్యాచ్‌లో టాస్‌ ఓడిన పాక్‌ తొలుత బ్యాటింగ్‌ చేసింది. ఓపెనర్లలో సాహిబ్‌జాదా ఫర్హాన్‌ (45 బంతుల్లో 58) రాణించగా.. ఫఖర్‌ జమాన్‌ (9 బంతుల్లో 15) ఇలా వచ్చి అలా వెళ్లిపోయాడు. హ్యాట్రిక్‌ డకౌట్ల ‘స్టార్‌’ సయీబ్‌ ఆయుబ్‌ (17 బంతుల్లో 21) ఈసారి ఫర్వాలేదనిపించగా.. హుసేన్‌ తలట్‌ (10), మొహమ్మద్‌ నవాజ్‌ (21) తేలిపోయారు.అభి- గిల్‌ రఫ్పాడించారుకెప్టెన్‌ సల్మాన్‌ ఆఘా 17, ఫాహిమ్‌ ఆష్రఫ్‌ 20 బంతులతో అజేయంగా నిలిచారు. ఈ క్రమంలో నిర్ణీత 20 ఓవర్లలో ఐదు వికెట్ల నష్టానికి పాక్‌ 171 పరుగులు చేయగలిగింది. ఇక లక్ష్య ఛేదనలో భారత ఓపెనర్లు అభిషేక్‌ శర్మ (39 బంతుల్లో 74), శుబ్‌మన్‌ గిల్‌ (28 బంతుల్లో 47) ఆకాశమే హద్దుగా చెలరేగారు.పవర్‌ ప్లేలో విజృంభణతో తొలి వికెట్‌కు వందకు పైగా పరుగుల భాగస్వామ్యం నమోదు చేసిన అభి (Abhishek Sharma)- గిల్‌ (Shubman Gill) మ్యాచ్‌ను టీమిండియా వైపు తిప్పేశారు. తిలక్‌ వర్మ (19 బంతుల్లో 30 నాటౌట్‌) కూడా వేగంగా ఆడగా.. 18.5 ఓవర్లలో నాలుగు వికెట్లు కోల్పోయిన టీమిండియా పని పూర్తి చేసింది.మా స్థాయికి తగ్గట్లుగా ఆడనేలేదుఈ నేపథ్యంలో సల్మాన్‌ ఆఘా మాట్లాడుతూ.. ‘‘ఇంత వరకు మేము మా స్థాయికి తగ్గట్లుగా ఆడనేలేదు. అయితే, మెరుగ్గా ఆడామని చెప్పగలను. కానీ పవర్‌ ప్లేలోనే వారు మ్యాచ్‌ను మా నుంచి లాగేసుకున్నారు. ఇంకో 10- 15 పరుగులు చేసి.. 180 వరకు స్కోరు బోర్డు మీద పెట్టి ఉంటే బాగుండేది.పవర్‌ ప్లేలో వాళ్లు అద్భుతంఏదేమైనా పవర్‌ ప్లేలో వాళ్లు అద్భుతంగా బ్యాటింగ్‌ చేశారు. అదే మ్యాచ్‌ను మలుపు తిప్పింది. మా జట్టులోనూ ఫఖర్‌, ఫర్హాన్‌ బాగా బ్యాటింగ్‌ చేశారు. హ్యారీ కూడా మెరుగ్గా ఆడాడు. తదుపరి శ్రీలంకతో మ్యాచ్‌లో సత్తా చాటుతాం’’ అని పేర్కొన్నాడు.కాగా గతంలో సొంతగడ్డపై బంగ్లాదేశ్‌తో టీ20 సిరీస్‌లలో సల్మాన్‌ బృందం మూడు మ్యాచ్‌లలోనూ 200కు పైగా స్కోరు చేసిన విషయం తెలిసిందే. ఈ విషయాన్ని విలేకరులు సల్మాన్‌ ఆఘా దగ్గర తాజాగా ప్రస్తావించారు.ఇందుకు బదులిస్తూ.. ‘‘అక్కడికి .. ఇక్కడికి పరిస్థితులు వేరు. మాకు మంచి పిచ్‌ దొరికితే కచ్చితంగా 200కు పైగా స్కోరు చేస్తాము. కానీ ఈ పిచ్‌లు మాకు అంతగా సహకరించడం లేదు’’ అని సల్మాన్‌ ఆఘా చెప్పుకొచ్చాడు. చదవండి: ఇంకోసారి అలా అనకండి: పాక్‌ జట్టు పరువు తీసిన సూర్యStarting your Monday with the Blue Storm that lit up Dubai last night 🌪️ 💙 Watch the #DPWorldAsiaCup2025, Sept 9-28, 7 PM onwards, LIVE on the Sony Sports Network TV channels & Sony LIV.#SonySportsNetwork #INDvPAK pic.twitter.com/DNKy14ylYn— Sony Sports Network (@SonySportsNetwk) September 22, 2025

వారం రోజుల వ్యవధిలో వేదిక కూడా మారలేదు... భారత జట్టు మళ్లీ తమ స్థాయి ఏమిటో ప్రదర్శించింది... పాకిస్తాన్‌పై సంపూర్ణ ఆధిక్యం కనబరుస్తూ మరో విజయాన్ని తమ ఖాతాలో వేసుకుంది... ముందుగా చక్కటి బౌలింగ్‌తో సాధారణ స్కోరుకే పాక్‌ను పరిమితం చేసిన టీమిండియా... ఆ తర్వాత అలవోకగా గెలుపు తీరాన్ని చేరింది. అభిషేక్‌ శర్మ మెరుపు బ్యాటింగ్‌ భారత్‌ ఇన్నింగ్స్‌లో హైలైట్‌గా నిలిచింది. ఈసారి ‘షేక్‌హ్యాండ్‌’పై చర్చ జరగాల్సిన అవసరమే రాకుండా తమ ఆటతోనే ప్రత్యర్థికి పదునుగా జవాబిచ్చింది. దుబాయ్‌: ఆసియా కప్‌ టి20 టోర్నీ సూపర్‌–4 దశలో భారత్‌ శుభారంభం చేసింది. ఆదివారం పాకిస్తాన్‌తో జరిగిన మ్యాచ్‌లో భారత్‌ 6 వికెట్ల తేడాతో ఘన విజయం సాధించింది. టాస్‌ ఓడి ముందుగా బ్యాటింగ్‌కు దిగిన పాక్‌ 20 ఓవర్లలో 5 వికెట్ల నష్టానికి 171 పరుగులు చేసింది. సాహిబ్‌జాదా ఫర్హాన్‌ (45 బంతుల్లో 58; 5 ఫోర్లు, 3 సిక్స్‌లు) అర్ధ సెంచరీతో రాణించాడు. అనంతరం భారత్‌ 18.5 ఓవర్లలో 4 వికెట్లకు 174 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ అభిషేక్‌ శర్మ (39 బంతుల్లో 74; 6 ఫోర్లు, 5 సిక్స్‌లు), శుబ్‌మన్‌ గిల్‌ (28 బంతుల్లో 47; 8 ఫోర్లు) చెలరేగి భారత్‌ విజయాన్ని సులువు చేశారు. వీరిద్దరు తొలి వికెట్‌కు 59 బంతుల్లోనే 105 పరుగులు జోడించడం విశేషం. సూపర్‌–4 దశలో తమ తర్వాతి మ్యాచ్‌లో బుధవారం బంగ్లాదేశ్‌తో భారత్‌ తలపడుతుంది. ఫర్హాన్‌ అర్ధ సెంచరీ... భారత్‌తో జరిగిన గత మ్యాచ్‌తో పోలిస్తే ఈసారి పాక్‌కు ఎంతో మెరుగైన ఆరంభం లభించింది. కానీ దానిని సది్వనియోగం చేసుకొని భారీ స్కోరు సాధించడంలో జట్టు విఫలమైంది. బుమ్రా ఓవర్లో రెండు ఫోర్లు కొట్టిన ఫఖర్‌ జమాన్‌ (15) ఎక్కువ సేపు నిలవకపోయినా, మరో ఓపెనర్‌ ఫర్హాన్‌ చక్కటి షాట్లు ఆడాడు. బుమ్రా వరుస రెండు ఓవర్లలో ఫర్హాన్‌ రెండేసి ఫోర్లు కొట్టడం విశేషం. పవర్‌ప్లేలో జట్టు 55 పరుగులు సాధించింది. ఆ తర్వాతా ధాటిని కొనసాగిస్తూ పాక్‌ బ్యాటర్లు ఒకదశలో 13 బంతుల వ్యవధిలో 4 సిక్సర్లు బాదారు. 10.2 ఓవర్లలో 93/1 స్కోరుతో పాక్‌ పటిష్ట స్థితిలో నిలిచింది. అయితే సయీమ్‌ అయూబ్‌ (21) అవుటయ్యాక పరిస్థితి ఒక్కసారిగా మారిపోయింది. భారత బౌలర్లు పట్టు బిగించడంతో పరుగులు చేయడానికి బ్యాటర్లు తీవ్రంగా శ్రమించారు. వరుసగా 33 బంతుల పాటు ఒక్క బౌండరీ కూడా రాలేదు! ఐదు పరుగుల వ్యవధిలో హుస్సేన్‌ తలత్‌ (10), ఫర్హాన్‌ అవుట్‌ కాగా, మొహమ్మద్‌ నవాజ్‌ (19 బంతుల్లో 21; 1 ఫోర్, 1 సిక్స్‌)లో దూకుడు లోపించింది. 7–16 మధ్య 10 ఓవర్లలో పాక్‌ 3 వికెట్లు కోల్పోయి 66 పరుగులే చేసింది. అయితే చివరి 4 ఓవర్లలో 2 ఫోర్లు, 4 సిక్స్‌లతో 50 పరుగులు సాధించి గౌరవప్రదంగా ముగించింది. ఫహీమ్‌ అష్రఫ్‌ (8 బంతుల్లో 20 నాటౌట్‌; 1 ఫోర్లు, 2 సిక్స్‌లు) కీలక పరుగులు సాధించాడు. మెరుపు బ్యాటింగ్‌... ఛేదనలో భారత ఓపెనర్లు అభిషేక్, గిల్‌ ఒకరితో మరొకరు పోటీ పడుతూ చెలరేగిపోయారు. తొలి బంతికే సిక్సర్‌తో అభిషేక్‌ జోరు మొదలు పెట్టగా, తర్వాతి రెండు ఓవర్లలో రెండేసి ఫోర్లు కొట్టి గిల్‌ తానేంటో చూపించాడు. అయూబ్‌ ఓవర్లో మరో మూడు ఫోర్లు వచ్చాయి. వీరిద్దరి దూకుడుతో భారత్‌ పవర్‌ప్లేలో 10 ఫోర్లు, 2 సిక్స్‌లతో 69 పరుగులు రాబట్టింది. అబ్రార్‌ ఓవర్లో 2 సిక్స్‌లు బాదిన అభిషేక్‌ 24 బంతుల్లోనే హాఫ్‌ సెంచరీని అందుకున్నాడు. ఎట్టకేలకు భారీ భాగస్వామ్యం తర్వాత 18 పరుగుల వ్యవధిలో గిల్, సూర్యకుమార్‌ (0), అభిషేక్‌ వెనుదిరిగారు. సామ్సన్‌ (13) కూడా తొందరగానే అవుటైనా... తిలక్‌ వర్మ (19 బంతుల్లో 30 నాటౌట్‌; 2 ఫోర్లు, 2 సిక్స్‌లు), హార్దిక్‌ పాండ్యా (7 నాటౌట్‌) కలిసి మ్యాచ్‌ను ముగించారు.గత మ్యాచ్‌ తరహాలోనే ఈ సారి కూడా ఇరు జట్ల కెప్టెన్లు టాస్‌ సమయంలో కరచాలనం చేసుకోలేదు. తమ టీమ్‌ షీట్‌లను కూడా ఇద్దరూ రిఫరీ పైక్రాఫ్ట్‌కే అందించారు. మ్యాచ్‌ ముగిసిన తర్వాత కూడా ఎలాంటి ‘షేక్‌ హ్యాండ్‌’లు లేకుండా ఎవరి దారిన వారు వెళ్లిపోయారు. నాలుగు క్యాచ్‌లు నేలపాలు... భారత్‌ పేలవ ఫీల్డింగ్‌ కూడా పాక్‌ ఈ స్కోరు చేయడానికి కారణమైంది. అనూహ్యంగా మన ఫీల్డర్లు నాలుగు క్యాచ్‌లు వదిలేశారు. వీటిలో మూడు అతి సులువైనవి కాగా, ఒకటి కాస్త కష్టసాధ్యమైంది. అభిషేక్‌ శర్మ రెండు క్యాచ్‌లు (ఫర్హాన్‌ 0, 32 వద్ద), కుల్దీప్‌ (అయూబ్‌ 4 వద్ద), గిల్‌ (ఫహీమ్‌ 6 వద్ద) వదిలేయడం చూసి ఫీల్డింగ్‌ కోచ్‌ దిలీప్‌ తలపట్టుకున్నాడు! పాకిస్తాన్‌ మారదు! గత మ్యాచ్‌లో భారత జట్టు షేక్‌హ్యాండ్‌ ఇవ్వకపోవడంతో పాటు యుద్ధం, సైనికుల ప్రస్తావన తీసుకొచ్చి క్రీడలతో రాజకీయాలు చేసిందని పాక్‌ వైపు నుంచి విమర్శలు వచ్చాయి. అయితే తాము మాత్రం అలాంటి రెచ్చగొట్టే పనులు, సైగలను తగ్గించుకోమని వారు చూపించారు. 34 బంతుల్లో అర్ధ సెంచరీ పూర్తి చేసుకున్న తర్వాత ఫర్హాన్‌ బ్యాట్‌ను ఏకే–47 గన్‌ తరహాలో ఎక్కు పెట్టి పేలుస్తున్నట్లుగా సంబరాలు చేసుకున్నాడు. ఉద్దేశపూర్వకంగా చేసిన ఈ సైగ వారి ఆలోచనాధోరణిని చూపించింది. స్కోరు వివరాలుపాకిస్తాన్‌ ఇన్నింగ్స్‌: ఫర్హాన్‌ (సి) సూర్యకుమార్‌ (బి) దూబే 58; ఫఖర్‌ (సి) సామ్సన్‌ (బి) పాండ్యా 15; అయూబ్‌ (సి) అభిషేక్‌ (బి) దూబే 21; హుస్సేన్‌ (సి) వరుణ్‌ (బి) కుల్దీప్‌ 10; నవాజ్‌ (రనౌట్‌) 21; సల్మాన్‌ (నాటౌట్‌) 17; ఫహీమ్‌ (నాటౌట్‌) 20; ఎక్స్‌ట్రాలు 9; మొత్తం (20 ఓవర్లలో 5 వికెట్లకు) 171. వికెట్ల పతనం: 1–21, 2–93, 3–110, 4–115, 5–149. బౌలింగ్‌: పాండ్యా 3–0–29–1, బుమ్రా 4–0–45–0, వరుణ్‌ చక్రవర్తి 4–0–25–0, కుల్దీప్‌ యాదవ్‌ 4–0–31–1, అక్షర్‌ 1–0–8–0, శివమ్‌ దూబే 4–0–33–2. భారత్‌ ఇన్నింగ్స్‌: అభిషేక్‌ (సి) రవూఫ్‌ (బి) అబ్రార్‌ 74; గిల్‌ (బి) ఫహీమ్‌ 47; సూర్యకుమార్‌ (సి) అబ్రార్‌ (బి) రవూఫ్‌ 0; తిలక్‌ (నాటౌట్‌) 30; సామ్సన్‌ (బి) రవూఫ్‌ 13; పాండ్యా (నాటౌట్‌) 7; ఎక్స్‌ట్రాలు 3; మొత్తం (18.5 ఓవర్లలో 4 వికెట్లకు) 174. వికెట్ల పతనం: 1–105, 2–106, 3–123, 4–148. బౌలింగ్‌: షాహిన్‌ అఫ్రిది 3.5–0–40–0, అయూబ్‌ 3–0–35–0, అబ్రార్‌ 4–0–42–1, రవూఫ్‌ 4–0–26–2, ఫహీమ్‌ 4–0–31–1.

ఆసియా కప్‌-2025లో టీమిండియా పాక్‌ను మరోసారి చిత్తు చేసింది. ఇవాళ (సెప్టెంబర్‌ 21) జరిగిన సూపర్‌-4 మ్యాచ్‌లో 6 వికెట్ల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి భారత్‌ ఆహ్వానం మేరకు తొలుత బ్యాటింగ్‌ చేసిన పాక్‌ నిర్ణీత 20 ఓవర్లలో 5 వికెట్ల నష్టానికి 171 పరుగులు చేసింది.రాణించిన ఫర్హాన్‌ఓపెనర్‌ సాహిబ్‌జాదా ఫర్హాన్‌ (58) అర్ద సెంచరీతో రాణించగా.. ఆఖర్లో ఫహీమ్‌ అష్రాఫ్‌ (20 నాటౌట్‌) మెరుపు ఇన్నింగ్స్‌ ఆడాడు. మిగతా ఆటగాళ్లలో ఫకర్‌ జమాన్‌ 15, సైమ్‌ అయూబ్‌ 21, హుస్సేన్‌ తలాత్‌ 10, మొహమ్మద్‌ నవాజ్‌ 21, సల్మాన​్‌ అఘా 17 (నాటౌట్‌) పరుగులు చేశారు.ఫీల్డర్ల వైఫల్యం.. భారీగా పరుగులిచ్చిన బుమ్రా ఈ మ్యాచ్‌లో భారత బౌలర్లు పాక్‌కు ఊహించిన దానికంటే ఎక్కువ స్కోర్‌ ఇచ్చారు. ఫీల్డర్లు ఏకంగా నాలుగు క్యాచ్‌లు (అభిషేక్‌ 2, కుల్దీప్‌, గిల్‌ తలో ఒకటి) వదిలిపెట్టారు. బుమ్రా ఎన్నడూ లేనంత ధారాళంగా పరుగులు (4-0-45-0) సమర్పించుకోగా.. మిగతా బౌలర్లు కూడా ఓ మోస్తరు ప్రదర్శనలే చేశారు.వరుణ్‌ చక్రవర్తి చాలా మ్యాచ్‌ల తర్వాత వికెట్ లేకుండా మిగిలిపోయాడు. స్ట్రయిట్‌ బౌలర్లు పెద్దగా రాణించని వేళ, శివమ్‌ దూబే 2 వికెట్లతో పర్వాలేదనిపించాడు. కుల్దీప్‌ యాదవ్‌, హార్దిక్‌ పాండ్యా తలో వికెట్‌ తీశారు. అక్షర్‌ పటేల్‌తో కెప్టెన్‌ సూర్యకుమార్‌ ఒకే ఓవర్‌ వేయించాడు.విధ్వంసం సృష్టించిన అభిషేక్‌ 172 పరుగుల లక్ష్య ఛేదనలో భారత ఓపెనర్లు శుభ్‌మన్‌ గిల్‌ (28 బంతుల్లో 47; 8 ఫోర్లు), అభిషేక్‌ శర్మ (39 బంతుల్లో 74; 6 ఫోర్లు, 5 సిక్సర్లు) చెలరేగిపోయారు. తొలి వికెట్‌కు 9.5 ఓవర్లలో 105 పరుగులు జోడించారు. అనంతరం భారత్‌ పరుగు వ్యవధిలో గిల్‌, సూర్యకుమార్‌ యాదవ్‌ (0) వికెట్లు కోల్పోయింది. మరో 17 పరుగుల తర్వాత (123 పరుగుల వద్ద) అభిషేక్‌ శర్మ కూడా ఔటయ్యాడు.ఈ దశలో సంజూ శాంసన్‌, తిలక్‌ వర్మ నిదానంగా ఆడటంతో స్కోర్‌ నెమ్మదించింది. 148 పరుగుల వద్ద సంజూ (13) ఓ చెత్త షాట్‌కు ప్రయత్నించి ఔటయ్యాడు. అనంతరం హార్దిక్‌ (7 నాటౌట్‌) సాయంతో తిలక్‌ వర్మ (30 నాటౌట్‌) టీమిండియాను విజయతీరాలకు చేర్చాడు. భారత్‌ 18.5 ఓవర్లలో 4 వికెట్లు కోల్పోయి లక్ష్యాన్ని చేరుకుంది. పాక్‌ బౌలర్లలో హరీస్‌ రౌఫ్‌ 2, అబ్రార్‌ అహ్మద్‌, ఫహీమ్‌ అష్రాఫ్‌కు తలో వికెట్‌ దక్కాయి.

ఆసియా కప్‌-2025లో ఒమన్‌తో మ్యాచ్‌లో టీమిండియా కెప్టెన్‌ సూర్యకుమార్‌ యాదవ్‌ తీసుకున్న నిర్ణయం అభిమానులను ఆశ్చర్యపరిచింది. నామమాత్రపు మ్యాచ్‌లో అతడు బ్యాటింగ్‌కు రాలేదు. ఓవైపు వికెట్లు పడుతున్నా.. సూర్య మాత్రం డగౌట్‌లోనే ఉండిపోయాడు. బ్యాటింగ్‌ ఆర్డర్‌లో ప్రయోగాలు చేస్తూ.. ఆల్‌రౌండర్లతో పాటు బౌలర్లను ముందుకు పంపాడు.ఓపెనింగ్‌ జోడీ అభిషేక్‌ శర్మ (15 బంతుల్లో 38)- శుబ్‌మన్‌ గిల్‌(5)లను అలాగే కొనసాగించిన సూర్య.. వన్‌డౌన్లో సంజూ శాంసన్‌ (45 బంతుల్లో 56)ను పంపాడు. నాలుగో స్థానంలో హార్దిక్‌ పాండ్యా (1), ఐదో స్థానంలో అక్షర్‌ పటేల్‌ (13 బంతుల్లో 26)లను ఆడించాడు.ఆ తర్వాత వరుసగా తిలక్‌ వర్మ (18 బంతుల్లో 29), హర్షిత్‌ రాణా (8 బంతుల్లో 13 నాటౌట్‌), అర్ష్‌దీప్‌ సింగ్‌ (1), కుల్దీప్‌ యాదవ్‌ (1 నాటౌట్‌)లను పంపాడు. ఈ క్రమంలో టీమిండియా నిర్ణీత 20 ఓవర్లలో ఎనిమిది వికెట్ల నష్టానికి 188 పరుగులు చేసింది. ఆ తర్వాత ఒమన్‌ను 167 పరుగులకు పరిమితం చేసి విజయం సాధించింది.ఈ నేపథ్యంలో బ్యాటింగ్‌ ఆర్డర్‌ విషయంలో సూర్య తీసుకున్న నిర్ణయంపై టీమిండియా దిగ్గజం సునిల్‌ గావస్కర్‌ స్పందించాడు. ‘‘ఈ మ్యాచ్‌లో సూర్య బ్యాటింగ్‌ వస్తే కాసేపు ఫోర్లు, సిక్సర్లు కొట్టేవాడు. అతడికి అది మంచిది కూడా.అయితే, పాకిస్తాన్‌తో మ్యాచ్‌ సందర్భంగా సూర్యకు కావాల్సినంత బ్యాటింగ్‌ ప్రాక్టీస్‌ దొరికింది. తదుపరి అన్నీ కీలక మ్యాచ్‌లే. అందుకే ఒకవేళ టీమిండియా ఆదిలోనే వికెట్లు కోల్పోతే బ్యాటింగ్‌ పరిస్థితి ఏమిటన్నది చెక్‌ చేసేందుకు సూర్య ఈ నిర్ణయం తీసుకున్నాడు.కుల్దీప్‌ యాదవ్‌ను కూడా అందుకే బ్యాటింగ్‌కు పంపాడు. నిజంగా సూర్య వినూత్నమైన ఆలోచనలు గలవాడు. శ్రీలంకతో గతంలో ఓ మ్యాచ్‌లో తాను కూడా బౌలింగ్‌ చేశాడు. రింకూ చేతికి కూడా బంతినిచ్చాడు. తన నిర్ణయాలతో చేజారే మ్యాచ్‌లో టీమిండియాను గెలిపించాడు.ఇప్పుడు కూడా ప్రయోగం చేశాడు. తాను బ్యాటింగ్‌కు వెళ్లకుండా బౌలర్లు అర్ష్‌దీప్‌, కుల్దీప్‌లను ముందుకు పంపించాడు’’ అంటూ గావస్కర్‌ సూర్య నిర్ణయాన్ని సమర్థిస్తూ ప్రశంసలు కురిపించాడు. కాగా లీగ్‌ దశలో మూడింటికి మూడు గెలిచి హ్యాట్రిక్‌ కొట్టిన టీమిండియా తదుపరి సూపర్‌-4 దశలో పాకిస్తాన్‌, బంగ్లాదేశ్‌, శ్రీలంకతో మ్యాచ్‌లు ఆడనుంది.

టీమిండియా యువ ఓపెనర్‌ యశస్వి జైస్వాల్‌ (Yashasvi Jaiswal)ను ఉద్దేశించి భారత మాజీ క్రికెటర్‌ ఆకాశ్‌ చోప్రా (Aakash Chopra) ఆసక్తికర వ్యాఖ్యలు చేశాడు. జైసూ మూడు ఫార్మాట్లలో అద్భుతంగా రాణించగలడని పేర్కొన్నాడు. అయితే, అతడిని కేవలం టెస్టులకే పరిమితం చేయడం సరికాదంటూ యాజమాన్యం తీరును విమర్శించాడు.టెస్టులలో దుమ్ములేపుతున్న జైసూభారత టెస్టు జట్టు ఓపెనర్‌గా యశస్వి జైస్వాల్‌ తన స్థానం సుస్థిరం చేసుకున్న విషయం తెలిసిందే. అరంగేట్రం నుంచే శతకాలు, ద్విశతకాలతో దుమ్ములేపుతున్న ఈ ముంబై బ్యాటర్‌.. ఇప్పటి వరకు 24 టెస్టుల్లో కలిపి 2209 పరుగులు సాధించాడు. ఇందులో ఏకంగా ఆరు సెంచరీలు, రెండు డబుల్‌ సెంచరీలు ఉన్నాయి.వన్డే, టీ20లలో మా త్రం నో ఛాన్స్‌ఇలా సంప్రదాయ ఫార్మాట్లో తనదైన ముద్ర వేస్తున్న జైసూకు పరిమిత ఓవర్ల క్రికెట్‌లో తగినన్ని అవకాశాలు రావడం లేదు. టీమిండియా తరఫున 23 టీ20లలో 723 పరుగులు చేసిన జైస్వాల్‌.. ఇప్పటి వరకు ఒకే ఒక్క వన్డే ఆడి 15 పరుగులు రాబట్టగలిగాడు. టీ20లలో ఓపెనర్‌గా అభిషేక్‌ శర్మ, వన్డేల్లో రోహిత్‌ శర్మకు ఓపెనింగ్‌ జోడీగా శుబ్‌మన్‌ గిల్‌ ఉండటంతో జైసూకు నిరాశ తప్పడం లేదు.అతడు ఆల్‌ ఫార్మాట్‌ ప్లేయర్‌ఈ విషయాల గురించి కామెంటేటర్‌, మాజీ ఓపెనర్‌ ఆకాశ్‌ చోప్రా మాట్లాడుతూ.. యశస్వి జైస్వాల్‌ను మూడు ఫార్మాట్లలో ఆడించాలని మేనేజ్‌మెంట్‌కు సూచించాడు. ‘‘యశస్వి మంచి ఆటగాడు. అతడు మూడు ఫార్మాట్లలో ఆడగలడు. కానీ ఇప్పుడు అతడు కేవలం ఒకే ఫార్మాట్లో ఆడిస్తున్నారు.ఇలా చేయడం సరికాదు. అతడికి అన్యాయం చేసినట్లే. యశస్విని తప్పకుండా మూడు ఫార్మాట్లలో ఆడించాలి. స్వదేశంలో వెస్టిండీస్‌తో టెస్టులు ఆడించడంతో పాటు.. తదుపరి ఆస్ట్రేలియాతో వన్డే సిరీస్‌లోనూ యశస్వికి అవకాశం ఇవ్వాలి. అతడిని ఆసీస్‌ పర్యటనలో వన్డేల్లో ఆడిస్తారనే అనుకుంటున్నా.అంతేకాదు.. శ్రేయస్‌ అయ్యర్‌తో కలిసి యశస్వి కూడా టీ20 ప్రపంచకప్‌-2026 టోర్నీలో ఆడతాడని నమ్ముతున్నా. దీనిపై నాకు సమాచారం లేదు. కానీ మనస్ఫూర్తిగా ఈ మాట చెబుతున్నా’’ అని ఆకాశ్‌ చోప్రా పేర్కొన్నాడు. ఆసియా కప్‌ ముగించుకున్న తర్వాత కాగా టీమిండియా ప్రస్తుతం ఆసియా టీ20 కప్‌-2025 టోర్నీతో బిజీగా ఉంది. ఈ మెగా టోర్నీ ఆడే జట్టులో యశస్వి జైస్వాల్‌కు చోటు దక్కలేదు. స్టాండ్‌ బై ప్లేయర్‌గా మాత్రమే అతడు ఎంపికయ్యాడు.మరోవైపు.. పొట్టి ఫార్మాట్లో సూపర్‌ ఫామ్‌లో ఉన్నా.. శ్రేయస్‌ అయ్యర్‌కు కనీసం రిజర్వు ప్లేయర్‌గానూ స్థానం దక్కలేదు. ఇక ఆసియా కప్‌ టోర్నీ ముగిసిన తర్వాత టీమిండియా స్వదేశంలో వెస్టిండీస్‌తో రెండు టెస్టుల సిరీస్‌ ఆడుతుంది. ఆ తర్వాత ఆస్ట్రేలియా పర్యటనలో వన్డే, టీ20 సిరీస్‌లు ఆడనుంది.

ఆసియాక‌ప్‌-2025లో దుబాయ్ వేదిక‌గా పాకిస్తాన్‌తో జరిగిన మ్యాచ్‌లో టీమిండియా ఓపెన‌ర్ అభిషేక్ శ‌ర్మ విధ్వంస‌క‌ర ఇన్నింగ్స్ ఆడాడు. 128 ప‌రుగుల ల‌క్ష్య చేధ‌న‌లో పాక్ బౌల‌ర్ల‌ను అభిషేక్ ఉతికారేశాడు. ఈ పంజాబ్ ఆట‌గాడు ఇన్నింగ్స్ తొలి బంతి నుంచే బౌండరీలు బాద‌డం మొద‌లు పెట్టాడు. అభిషేక్ కేవ‌లం 13 బంతుల్లోనే 4 ఫోర్లు, 2 సిక్స్‌ల‌తో 31 ప‌రుగులు చేశాడు. ఈ యువ సంచ‌ల‌నం త‌న ఇన్నింగ్స్‌ను 238.46 స్ట్రైక్ రేట్‌తో ముగించాడు. ఈ మ్యాచ్‌లో అద్బుత‌మైన బ్యాటింగ్ ప్ర‌ద‌ర్శ‌న కన‌బ‌రిచిన అభిషేక్‌.. త‌న మెంటార్ యువ‌రాజ్ సింగ్ రికార్డును బ్రేక్ చేశాడు.పాకిస్తాన్‌పై టీ20ల్లో ఒక ఇన్నింగ్స్‌లో అత్యధిక స్ట్రైక్ రేట్‌తో బ్యాటింగ్ చేసిన భార‌త బ్యాట‌ర్‌గా అభిషేక్ రికార్డులెక్కాడు. యువ‌రాజ్ సింగ్ 2012లో పాక్‌పై 200.00 స్ట్రైక్ రేట్‌తో బ్యాటింగ్ చేసి 36 బంతుల్లో 72 పరుగులు చేశాడు. తాజా మ్యాచ్‌లో 238.46 స్ట్రైక్ రేట్‌తో బ్యాటింగ్ చేసిన అభిషేక్‌.. యువీని అధిగ‌మించాడు. కాగా అభిషేక్‌ శర్మ కెరీర్‌ ఎదుగుదలలో యువరాజ్‌ది కీలక పాత్ర. అతడి గైడెన్స్‌లోనే అభిషేక్‌ ఇంతలా రాటు దేలాడు. ఈ పంజాబీ బ్యాటర్‌కు యువీ దగ్గరుండి మరి మెళకువలు నేర్పాడు. ఇప్పుడు అభిషేక్ టీ20ల్లో ఏకంగా వ‌ర‌ల్డ్ నెం1 బ్యాట‌ర్‌గా కొన‌సాగుతున్నాడు. కాగా ఈ మ్యాచ్‌లో పాక్‌ను 7 వికెట్ల తేడాతో భారత్‌ చిత్తు చేసింది.చదవండి: చ‌రిత్ర సృష్టించిన టీమిండియా ఓపెనర్‌.. ప్రపంచంలోనే తొలి ప్లేయ‌ర్‌గా

టీమిండియా యువ ఓపెనర్‌ అభిషేక్‌ శర్మ (Abhishek Sharma)సరికొత్త చరిత్ర లిఖించాడు. పాకిస్తాన్‌పై టీ20 ఫార్మాట్లో.. పవర్‌ ప్లేలో అత్యధిక వ్యక్తిగత స్కోరు సాధించిన భారత ఆటగాడిగా నిలిచాడు. ఈ క్రమంలో టీమిండియా దిగ్గజ బ్యాటర్‌ విరాట్‌ కోహ్లి (Virat Kohli) పేరిట ఉన్న ఆల్‌టైమ్‌ రికార్డును అభిషేక్‌ శర్మ బద్దలు కొట్టాడు.ఈసారి టీ20 ఫార్మాట్లో నిర్వహిస్తున్న ఆసియా కప్‌-2025 టోర్నమెంట్లో దుబాయ్‌ వేదికగా భారత్‌- పాక్‌ ఆదివారం మ్యాచ్‌ ఆడాయి. టాస్‌ గెలిచిన పాక్‌ తొలుత బ్యాటింగ్‌ ఎంచుకుని.. నిర్ణీత 20 ఓవర్లలో తొమ్మిది వికెట్ల నష్టానికి 127 పరుగులు చేసింది.తొలి బంతికే బౌండరీ బాదిఈ క్రమంలో స్వల్ప లక్ష్యంతో బరిలోకి దిగిన టీమిండియాకు అభిషేక్‌ శర్మ అదిరిపోయే ఆరంభం అందించాడు. తొలి బంతికే బౌండరీ బాది.. పాక్‌ కీలక పేసర్‌ షాహిన్‌ ఆఫ్రిది (Shaheen Afridi)కి స్వాగతం పలికిన ఈ ఎడమచేతి వాటం బ్యాటర్‌.. రెండో బంతిని ఏకంగా సిక్సర్‌గా మలిచాడు.ధనాధన్‌ దంచికొట్టిఆ తర్వాత కూడా ధనాధన్‌ దంచికొట్టిన అభిషేక్‌ శర్మ మొత్తంగా.. 13 బంతులు ఎదుర్కొని నాలుగు ఫోర్లు, రెండు సిక్సర్ల సాయంతో 31 పరుగులు సాధించాడు. సయీమ్‌ ఆయుబ్‌ బౌలింగ్‌లో ఇచ్చిన క్యాచ్‌ను ఫాహిమ్‌ అష్రాఫ్‌ అందుకోవడంతో అభిషేక్‌ సునామీ ఇన్నింగ్స్‌ (3.4 ఓవర్లో)కు తెరపడింది. కాగా పాకిస్తాన్‌ జట్టు మీద పవర్‌ ప్లేలో భారత బ్యాటర్లలో ఎవరికైనా ఇదే అత్యధిక వ్యక్తిగత స్కోరు (31) కావడం విశేషం. ఇదిలా ఉంటే.. అభిషేక్‌ (31)తో పాటు కెప్టెన్‌ సూర్యకుమార్‌ యాదవ్‌ (47 నాటౌట్‌), తిలక్‌ వర్మ (31), శివం దూబే (7 బంతుల్లో 10 నాటౌట్‌) రాణించారు. ఫలితంగా 15.5 ఓవర్లలో మూడు వికెట్ల నష్టానికి 131 పరుగులు చేసిన టీమిండియా.. పాక్‌పై ఏడు వికెట్ల తేడాతో విజయం సాధించింది.పాకిస్తాన్‌పై టీ20 ఫార్మాట్లో పవర్‌ ప్లేలో అత్యధిక పరుగులు రాబట్టిన భారత క్రికెటర్లు🏏అభిషేక్‌ శర్మ- 31 పరుగులు- 2025లో దుబాయ్‌ వేదికగా..🏏విరాట్‌ కోహ్లి- 29 పరుగులు- 2022లో దుబాయ్‌ వేదికగా🏏రోహిత్‌ శర్మ- 28 పరుగులు- 2022లో దుబాయ్‌ వేదికగా🏏కేఎల్‌ రాహుల్‌- 28 పరుగులు- 2022లో దుబాయ్‌ వేదికగా.చదవండి: పాక్‌ జట్టుకు ఘోర అవమానం!?.. అలాంటివాళ్లకు గంభీర్‌ కరెక్ట్‌!

ఆసియాక‌ప్‌-2025లో టీమిండియా జోరు కొన‌సాగుతోంది. ఈ మెగా టోర్నీలో భాగంగా దుబాయ్ వేదిక‌గా జ‌రిగిన త‌మ రెండో మ్యాచ్‌లో 7 వికెట్ల తేడాతో పాకిస్తాన్‌ను భార‌త్ చిత్తు చేసింది. పాక్ విధించిన 128 ప‌రుగుల స్వ‌ల్ప ల‌క్ష్యాన్ని టీమిండియా కేవ‌లం మూడు వికెట్లు మాత్ర‌మే కోల్పోయి 15.5ఓవ‌ర్ల‌లో చేధించింది.ఈ స్వ‌ల్ప ల‌క్ష్య చేధ‌న‌లో అభిషేక్ శ‌ర్మ(16 బంతుల్లో 4 ఫోర్లు, 2 సిక్స్‌ల‌తో 31), తిలక్‌ శర్మ(31) మెరుపు ఇన్నింగ్స్‌లు ఆడగా.. సూర్య‌కుమార్ యాద‌వ్‌(37 బంతుల్లో 5 ఫోర్లు, ఒక సిక్సర్‌తో 47), శివమ్‌ దూబే(10) ఆజేయంగా నిలిచి మ్యాచ్‌ను ఫినిష్ చేశారు. పాక్ బౌల‌ర్ల‌లో సైమ్ అయూబ్ ఒక్క‌డే మూడు వికెట్లు సాధించాడు. మిగ‌తా బౌల‌ర్లంతా దారుణంగా విఫ‌ల‌మ‌య్యారు.కుల్దీప్ మ్యాజిక్‌..అంత‌కుముందు బ్యాటింగ్ చేసిన పాకిస్తాన్ భార‌త బౌల‌ర్ల దాటికి విల‌విల్లాడింది. పాక్ జ‌ట్టు నిర్ణీత 20 ఓవ‌ర్ల‌లో 9 వికెట్లు కోల్పోయి కేవ‌లం 127 ప‌రుగుల‌కే కుప్పకూలింది. పాక్ బ్యాటర్లలో సాహిబ్జాదా ఫర్హాన్(40) టాప్ స్కోరర్‌గా నిలవగా.. షాహిన్ అఫ్రిది(16 బంతుల్లో 4 సిక్స్‌లతో 33) ఆఖరిలో మెరుపులు మెరిపించాడు.భారత బౌలర్లలో కుల్దీప్ యాదవ్ మూడు వికెట్లు పడగొట్టగా.. స్‌ప్రీత్ బుమ్రా, అక్షర్ పటేల్ రెండేసి వికెట్లు తీశారు. హార్దిక్ పాండ్యా, వరుణ్ చక్రవర్తి ఒక్కో వికెట్ పడగొట్టారు. ఈ విజయంతో భారత్‌ సూపర్‌-4కు ఆర్హత సాధించింది. ఇక తమ ఆఖరి లీగ్‌ మ్యాచ్‌లో సెప్టెంబర్‌ 19న ఒమన్‌తో తలపడనుంది.#PKMKBForever#INDvsPAK pic.twitter.com/wSdhqOsx8R— Sarcastic Ujel (@Sarcasticujel) September 14, 2025

టీమిండియా యువ ఓపెన‌ర్ అభిషేక్ శ‌ర్మ త‌న సూప‌ర్ ఫామ్‌ను కొన‌సాగిస్తున్నాడు. ఆసియాక‌ప్‌-2025లో భాగంగా దుబాయ్ వేదిక‌గా పాకిస్తాన్‌పై అభిషేక్ మెరుపు ఇన్నింగ్స్ ఆడాడు. 128 ప‌రుగుల ల‌క్ష్య చేధ‌న‌లో అభిషేక్ శ‌ర్మ ఆకాశ‌మే హ‌ద్దుగా చెల‌రేగాడు. క్రీజులో ఉన్నంతసేపు బౌండ‌రీల వ‌ర్షం కురిపించాడు.ముఖ్యంగా పాకిస్తాన్ స్టార్ పేస‌ర్ షాహీన్ అఫ్రిదిని ఈ పంజాబ్ ఆట‌గాడు ఉతికారేశాడు. భార‌త ఇన్నింగ్స్ మొద‌టి ఓవ‌ర్ వేసిన అఫ్రిది బౌలింగ్‌లో అభిషేక్ తొలి బంతినే బౌండ‌రీకి మ‌లిచాడు. ఆ త‌ర్వాత రెండో బంతికి లాంగాఫ్ మీద‌గా అభిషేక్ కొట్టిన సిక్స్ మ్యాచ్ మొత్తానికి హైలెట్‌గా నిలిచింది. మ‌ళ్లీ మూడో ఓవ‌ర్ వేసిన అఫ్రిది బౌలింగ్‌లో అభిషేక్ ఓ ఫోర్‌, భారీ సిక్స‌ర్ బాదాడు. దీంతో షాహీన్ తెల్ల‌ముఖం వేశాడు. ఇందుకు సంబంధించిన వీడియో ప్ర‌స్తుతం వైర‌ల‌వుతోంది. అభిషేక్ శ‌ర్మ కేవ‌లం 13 బంతుల్లో 4 ఫోర్లు, 2 సిక్స్‌ల‌తో 31 ప‌రుగులు చేసి ఔట‌య్యాడు. అంత‌కుముందు యూఏఈతో మ్యాచ్‌లో అభిషేక్ కూడా 30 ప‌రుగులు చేశాడు.భారత్‌ ఘన విజయం..ఇక ఈ మ్యాచ్‌లో పాక్‌పై 7 వికెట్ల తేడాతో భారత్‌ ఘన విజయం సాధించింది. 128 పరుగుల స్వల్ప లక్ష్యాన్ని 15.5 ఓవర్లలో మూడు వికెట్లు కోల్పోయి టీమిండియా చేధించింది. భారత బ్యాటర్లలో సూర్య‌కుమార్ యాద‌వ్‌(37 బంతుల్లో 5 ఫోర్లు ఒక సిక్సర్‌తో 47 నాటౌట్‌) టాప్‌ స్కోరర్‌గా నిలవగా.. అభిషేక్ శ‌ర్మ(16 బంతుల్లో 4 ఫోర్లు, 2 సిక్స్‌ల‌తో 31), తిలక్‌ శర్మ(31) రాణించారు.6️⃣ & 4️⃣ last time, 4️⃣ & 6️⃣ this time 🥵🥶Stay put & watch #INDvPAK as Abhishek takes off - #DPWORLDASIACUP2025. LIVE on #SonyLIV & #SonySportsNetwork TV Channels 📺#AsiaCup pic.twitter.com/guAssBLFJC— Sony LIV (@SonyLIV) September 14, 2025

చిరకాల ప్రత్యర్థులు భారత్‌- పాకిస్తాన్‌ (IND vs PAK) క్రికెట్‌ జట్లు ముఖాముఖి తలపడేందుకు ముహూర్తం ఖరారైంది. ఆసియా కప్‌-2025 (Asia Cup) టోర్నమెంట్లో భాగంగా ఆదివారం రాత్రి (సెప్టెంబరు 14) దాయాదులు అమీతుమీ తేల్చుకోనున్నాయి. ఈ నేపథ్యంలో భారత మాజీ క్రికెటర్లు సబా కరీం, ఇర్ఫాన్‌ పఠాన్‌ ఆసక్తికర వ్యాఖ్యలు చేశారు.అతడికి తిరుగులేదుటీమిండియా మాజీ వికెట్‌ కీపర్‌ సబా కరీం మాట్లాడుతూ.. భారత్‌- పాక్‌ మ్యాచ్‌లో కొందరు ఆటగాళ్ల మధ్య పోరు చూసేందుకు తాను ఆసక్తిగా ఉన్నానని తెలిపాడు. ‘‘పాక్‌ పేసర్‌ షాహిన్‌ ఆఫ్రిది- టీమిండియా స్టార్లు అభిషేక్‌ శర్మ, శుబ్‌మన్‌ గిల్‌ల మధ్య పోటీ ఎలా ఉండబోతుందో చూడాలి.ఇక కుల్దీప్‌ యాదవ్‌ మధ్య ఓవర్లలో ఎలా బౌలింగ్‌ చేయబోతున్నాడదనేది కూడా ఆసక్తికరం. బుమ్రా గురించి మాత్రం నేను మాట్లడను. ఎందుకంటే.. అతడికి తిరుగులేదు. ఎవరితో పోటీ కూడా లేదు. ఈసారి పాక్‌ జట్టు కనీస పోటీ ఇస్తుందనే అనుకుంటున్నా.ఏకపక్ష విజయంటీమండియా ఏకపక్ష విజయం సాధిస్తుంది. ప్రస్తుతం జట్టు పటిష్టంగా ఉంది. అందుకే సులువుగానే గెలుస్తారని నమ్ముతున్నా’’ అని సబా కరీం పేర్కొన్నాడు. అయితే, భారత మాజీ ఆల్‌రౌండర్‌ ఇర్ఫాన్‌ పఠాన్‌ మాత్రం భిన్నంగా స్పందించాడు.ఆఖరి వరకు సాగాలి.. ఊరించి గెలవాలి‘‘భారత్‌- పాక్‌ మ్యాచ్‌ ఆఖరి వరకు ఉత్కంఠగా సాగాలి. టీ20 ప్రపంచకప్‌-2022లో చివరి బంతి వరకు మ్యాచ్‌ సాగింది. టీ20 ప్రపంచకప్‌-2024 టోర్నీలో కూడా ఇలాగే జరిగింది. అక్కడ బుమ్రా హీరో అయ్యాడు. ఈసారి కూడా పాక్‌ను ఊరించి మరీ టీమిండియా విజయం సాధించాలి’’ అని ఇర్ఫాన్‌ పఠాన్‌ ఆకాంక్షించాడు.కాగా 2022 ప్రపంచకప్‌లో భారత్‌ ఆఖరి బంతికి పరుగు తీసి.. పాక్‌పై నాలుగు వికెట్ల తేడాతో గెలుపొందింది. ఇక 2024 వరల్డ్‌కప్‌ టోర్నీలో ఆరు పరుగుల తేడాతో జయభేరి మోగించింది. ఇదిలా ఉంటే.. ఈసారి యూఏఈ వేదికగా ఆసియా కప్‌ టోర్నీని టీ20 ఫార్మాట్లో నిర్వహిస్తున్న విషయం తెలిసిందే. గ్రూప్‌-‘ఎ’లో ఉన్న భారత్‌, పాకిస్తాన్‌ ఇప్పటికే చెరో మ్యాచ్‌ గెలిచాయి. భారత్‌ యూఏఈపై అద్భుత విజయం సాధించగా.. పాక్‌ ఒమన్‌ను ఓడించింది.బాయ్‌కాట్‌ చేయాలంటూ డిమాండ్లుపహల్గామ్‌ ఉగ్రదాడి నేపథ్యంలో పాకిస్తాన్‌తో మ్యాచ్‌ను టీమిండియా బహిష్కరించాలంటూ డిమాండ్లు వెల్లువెత్తుతున్నాయి. అయితే, ఇదొక మల్టీలేటరల్‌ టోర్నీ కావున ఇప్పటికే కేంద్ర ప్రభుత్వం దాయాదుల పోరుకు అనుమతినిచ్చిన విషయం తెలిసిందే. కానీ.. మ్యాచ్‌ జరుగుతుందా? లేదా? అ‍న్న చర్చలు ఇప్పటికీ జరుగుతున్నాయి.చదవండి: విరాట్‌ కోహ్లిపై తాలిబన్‌ అగ్రనేత ఆసక్తికర వ్యాఖ్యలు

ఆసియాకప్‌-2025లో ఉత్కంఠభరితమైన పోరుకు సమయం అసన్నమైంది. ఈ టోర్నీలో భాగంగా ఆదివారం దుబాయ్ వేదికగా భారత్-పాకిస్తాన్ జట్లు అమీతుమీ తెల్చుకోనున్నాయి. ప్రపంచ వ్యాప్తంగా క్రికెట్ ప్రేమికులు ఈ మ్యాచ్ వీక్షించేందుకు ఆసక్తిగా ఎదురుచూస్తున్నారు. పెహ‌ల్గమ్ ఉగ్ర‌దాడి, ఆప‌రేష‌న్ సింధూర్ వంటి ప‌రిణామాల త‌ర్వాత దాయాదుల పోరు జ‌ర‌గ‌నుండ‌డంతో మ‌రింత ఆస‌క్తి నెల‌కొంది. ఈ హైవోల్టేజ్ ఈ మ్యాచ్ కోసం త‌మ వ్యూహాల‌ను ఇరు జ‌ట్లు సిద్దం చేసుకుంటున్నాయి. ఇరు జ‌ట్లు తమ తొలి మ్యాచ్‌ల‌లో విజ‌యం సాధించి మంచి ఊపు మీద ఉన్నాయి. యూఏఈతో ఆడిన తుది జ‌ట్టునే పాక్‌తో మ్యాచ్‌కు భార‌త్ కొన‌సాగించే అవ‌కాశ‌ముంది.అభిషేక్‌ 'ఫియ‌ర్‌'అయితే భారత యువ సంచలనం అభిషేక్ శర్మను చూసి పాకిస్తాన్ భయపడుతందంట. అతడి కోసం పాక్ టీమ్ మెనెజ్‌మెంట్ ప్రత్యేక వ్యూహాలను రచిస్తున్నట్లు పలు రిపోర్ట్‌లు పేర్కొంటున్నాయి. అభిషేక్‌ను ఎలాగైనా పవర్ ప్లే లోపు ఔట్ చేసేందుకు మెన్ ఇన్ గ్రీన్ ప్లాన్ చేస్తున్నట్లు తెలుస్తోంది. అతడి బ్యాటింగ్‌కు సంబంధించిన పాత వీడియోలను పాక్ హెడ్ కోచ్ తమ బౌలర్లకు చూపించి ప్రాక్టీస్ చేయస్తున్నట్లు క్రికెట్ వ‌ర్గాలు వెల్ల‌డించాయి. అభిషేక్‌కు అవుట్‌సైడ్ ఆఫ్‌స్టంప్ బంతుల‌ వీక్‌నెస్ ఉంది. అత‌డి బ‌ల‌హీన‌త‌ను క్యాష్ చేసుకోవాల‌ని పాక్ భావిస్తోంది. కానీ ఒక ఆరు ఓవ‌ర్ల పాటు అభిషేక్ క్రీజులో ఉంటే పాక్ బౌల‌ర్ల‌ను షేక్ ఆడించేస్తాడు. యూఏఈతో జ‌రిగిన తొలి మ్యాచ్‌లో కూడా ఈ పంజాబ్ బ్యాట‌ర్ మెరుపు ఇన్నింగ్స్ ఆడాడు. కేవ‌లం 16 బంతుల్లో 2 ఫోర్లు, 3 సిక్స్‌ల‌తో 30 ప‌రుగులు చేసి ఔట‌య్యాడు.అభిషేక్‌.. విధ్వంసకర బ్యాటింగ్‌కు పెట్టింది పేరు. అంత‌ర్జాతీయ టీ20ల్లో అత‌డి స్ట్రైక్ రేటు 193.50గా ఉంది. అంతేకాకుండా ఐపీఎల్‌లో ఎస్ఆర్‌హెచ్ త‌ర‌పున‌ ఎన్నో తుపాన్ ఇన్సింగ్స్‌లు ఈ లెఫ్డ్ హ్యాండ్ బ్యాట‌ర్ ఆడాడు.చదవండి: టీమిండియాతో మ్యాచ్‌.. పాక్ జ‌ట్టులోకి డేంజ‌ర‌స్ బౌల‌ర్‌?

ఆసియాక‌ప్‌-2025లో టీమిండియా శుభారంభం చేసింది. బుధవారం దుబాయ్ వేదిక‌గా యూఏఈతో జ‌రిగిన మ్యాచ్‌లో 9 వికెట్ల తేడాతో భార‌త్ విజ‌యాన్ని అందుకుంది. టాస్ ఓడి ముందుగా బ్యాటింగ్ చేసిన యూఏఈ 57 ప‌రుగుల‌కే ఆలౌటైంది. అనంత‌రం స్వ‌ల్ప ల‌క్ష్యాన్ని టీమిండియా కేవ‌లం 4.3 ఓవ‌ర్ల‌లో వికెట్ కోల్పోయి చేధించింది.అభిషేక్ శర్మ(16 బంతుల్లో 2 ఫోర్లు, 3 సిక్స్‌లతో 30), శుభ్‌మన్ గిల్(9 బంతుల్లో 2 ఫోర్లు, సిక్స్‌తో 20 నాటౌట్) విధ్వంసకర బ్యాటింగ్‌తో 93 బంతులు మిగిలి ఉండగానే ల‌క్ష్యాన్ని భార‌త్ అందుకుంది. ఇక ఈ విజ‌యంపై మ్యాచ్ అనంత‌రం భార‌త కెప్టెన్ సూర్య‌కుమార్ యాద‌వ్ స్పందించాడు. నాలుగు వికెట్ల‌తో చెల‌రేగిన కుల్దీప్ యాద‌వ్‌, బ్యాటింగ్‌లో దుమ్ములేపిన అభిషేక్ శ‌ర్మ‌పై సూర్య ప్ర‌శంస‌ల వ‌ర్షం కురిపించాడు."పిచ్ ఎలా స్పందిస్తుందో తెలుసుకోవాల‌నుకున్నాము. అందుకే టాస్ గెలిచి తొలుత బౌలింగ్ ఎంచుకున్నాము. రెండు ఇన్నింగ్స్‌లోనూ వికెట్ ఒకేలా ఉంది. ఈ మ్యాచ్‌లో మా బాయ్స్ అద్భుత‌మైన ప్ర‌ద‌ర్శ‌న క‌న‌బ‌రిచారు. మేము ప్ర‌తీ మ్యాచ్‌లోనూ మా బ్రాండ్ ఆఫ్ క్రికెట్‌ను కొన‌సాగించాల‌న‌కుంటున్నాము. ఈ మ్యాచ్‌లో మేము అన్ని విభాగాల్లోనూ మెరుగ్గా రాణించాము. మా జట్టులో చాలా మంది ఆటగాళ్లు ఇటీవల ఛాంపియన్ ట్రోఫీలో ఇక్కడ ఆడారు. పిచ్ బాగానే ఉంది. కానీ వికెట్ కాస్త నెమ్మ‌దిగా ఉంది. స్పిన్న‌ర్ల‌కు అనుకూలంగా ఉంది. అంతేకాకుండా ప్ర‌స్తుతం దుబాయ్‌లో వాతవార‌ణం చాలా వేడిగా ఉంది. నిజంగా కుల్దీప్ యాద‌వ్ ఆసాధ‌ర‌ణ ప్ర‌ద‌ర్శ‌న క‌న‌బ‌రిచాడు. అత‌డికి దూబే, బుమ్రా, వ‌రుణ్ నుంచి స‌పోర్ట్ ల‌భించింది. ఇక అభిషేక్ గురించి ప్ర‌త్యేకంగా చెప్పాల్సిన అవ‌సరం లేదు. అత‌డొక అద్భుతం. జ‌ట్టు 200 ప‌రుగులు చేధించినా, టార్గెట్ 50 అయినా అత‌డి ఆట తీరు ఒకే విధంగా ఉంటుంది. అందుకే అత‌డు ప్రస్తుతం ప్రపంచ నంబర్ వన్ బ్యాట‌ర్‌గా కొన‌సాగుతున్నాడు. పాకిస్తాన్‌తో మ్యాచ్ కోసం మా ఆటగాళ్లంతా ఉత్సాహంగా ఎదురు చూస్తున్నారు" అని పోస్ట్ మ్యాచ్ ప్రెజెంటేష‌న్‌లో పేర్కొన్నాడు. సెప్టెంబర్‌ 14న దుబాయ్‌ వేదికగా భారత్‌-పాకిస్తాన్‌ జట్లు అమీతుమీ తెల్చుకోనుంది.చదవండి: Asia Cup 2025: చ‌రిత్ర సృష్టించిన టీమిండియా.. తొలి జట్టుగా

టీమిండియా యువ విధ్వంసకర ఓపెనర్‌ అభిషేక్‌ శర్మ యూఏఈతో నిన్న (సెప్టెంబర్‌ 10) జరిగిన ఆసియా కప్‌ 2025 మ్యాచ్‌లో చెలరేగిపోయాడు. 16 బంతుల్లో 2 ఫోర్లు, 3 సిక్సర్ల సాయంతో 30 పరుగులు చేశాడు. ఈ ఇన్నింగ్స్‌లో తొలి బంతి నుంచే ఊచకోత మొదలుపెట్టిన అభిషేక్‌.. యూఏఈ బౌలర్లపై తారాస్థాయిలో విరుచుకుపడ్డాడు. హైదర్‌ అలీ వేసిన ఇన్నింగ్స్‌ తొలి బంతికే సిక్సర్‌ బాదిన అభిషేక్‌ హిట్‌మ్యాన్‌ రోహిత్‌ శర్మ, యశస్వి జైస్వాల్‌, సంజూ శాంసన్‌ సరసన చేరాడు.ABHISHEK SHARMA - HIT THE FIRST BALL OF THE INNINGS FOR A SIX. 🤯 pic.twitter.com/4sWr6hOLl0— Johns. (@CricCrazyJohns) September 10, 2025రోహిత్‌ (2021లో ఇంగ్లండ్‌పై), జైస్వాల్‌ (2024లో జింబాబ్వేపై), సంజూ (2025లో ఇంగ్లండ్‌పై) కూడా గతంలో అభిషేక్‌ తరహాలనే ఇన్నింగ్స్‌ టీ20ల్లో తొలి బంతికే సిక్సర్‌ కొట్టారు.భారీ విజయంఅభిషేక్‌ విధ్వంసం ధాటికి యూఏఈ నిర్దేశించిన 58 పరుగుల స్వల్ప లక్ష్యాన్ని భారత్‌ కేవలం​ 4.3 ఓవర్లలో వికెట్‌ మాత్రమే కోల్పోయి ఛేదించింది. బంతుల పరంగా టీ20ల్లో భారత్‌కు ఇదే భారీ విజయం. మరో 93 బంతులు మిగిలుండగానే టీమిండియా లక్ష్యాన్ని ఊదేసింది. 2021లో స్కాట్లాండ్‌పై 81 బంతులు మిగిలుండగానే గెలుపొందడం దీనికి ముందున్న రికార్డు.ఆసియా కప్‌ చరిత్రలోనూ బంతుల పరంగా ఇదే భారీ విజయం. గతంలో ఈ రికార్డు ఆఫ్ఘనిస్తాన్‌​ పేరిట ఉండేది. 2022 ఎడిషన్‌లో ఆఫ్ఘనిస్తాన్‌ శ్రీలంకపై 59 బంతులు మిగిలుండగానే లక్ష్యాన్ని ఛేదించింది.27 బంతుల్లోనే టార్గెట్‌ ఫినిష్‌ఈ మ్యాచ్‌లో టీమిండియా మరో ఘనత కూడా సాధించింది. అంతర్జాతీయ టీ20ల్లో అత్యంత వేగంగా లక్ష్య ఛేదన చేసిన రెండో జట్టుగా నిలిచింది. ఈ మ్యాచ్‌లో భారత్‌ కేవలం 27 బంతుల్లోనే టార్గెట్‌ను ఊదేసింది. ఈ రికార్డు ఇంగ్లండ్‌ పేరిట ఉంది. 2022 ప్రపంచకప్‌లో ఆ జట్టు ఒమన్‌పై కేవలం 19 బంతుల్లోనే లక్ష్యాన్ని ఛేదించింది.మ్యాచ్‌ విషయానికొస్తే.. టాస్ ఓడి తొలుత బ్యాటింగ్‌కు దిగిన యూఏఈ.. కుల్దీప్‌ యాదవ్‌ (2.1-0-7-4), శివమ్‌ దూబే (2-0-4-3), వరుణ్‌ చక్రవర్తి (2-0-4-1), అక్షర్‌ పటేల్‌ (3-0-13-1), బుమ్రా (3-0-19-1) ధాటికి 13.1 ఓవర్లలో 57 పరుగులకే కుప్పకూలింది. యూఏఈ ఇన్నింగ్స్‌లో ఓపెనర్లు అలీషాన్‌ షరాఫు (22), ముహమ్మద్‌ వసీం (19) మాత్రమే రెండంకెల స్కోర్లు చేశారు.అనంతరం స్వల్ప లక్ష్య ఛేదనకు దిగిన భారత్‌.. అభిషేక్‌, శుభ్‌మన్‌ గిల్‌ (9 బంతుల్లో 20 నాటౌట్‌; 2 ఫోర్లు, సిక్స్‌), సూర్యకుమార్‌ యాదవ్‌ (2 బంతుల్లో 7 నాటౌట్‌; సిక్స్‌) ధాటికి 4.3 ఓవర్లలో వికెట్‌ కోల్పోయి విజయతీరాలకు చేరింది. ఈ టోర్నీలో భారత్‌ సెప్టెంబర్‌ 14న పాకిస్తాన్‌తో తలపడనుంది.

ఆసియాక‌ప్‌-2025లో భార‌త్ శుభారంభం చేసింది. ఈ టోర్నీలో భాగంగా బుధ‌వారం దుబాయ్ వేదిక‌గా యూఏఈతో జ‌రిగిన మ్యాచ్‌లో 9 వికెట్ల తేడాతో టీమిండియా ఘ‌న విజ‌యం సాధించింది. ఈ మ్యాచ్‌లో మొద‌ట బ్యాటింగ్ చేసిన యూఏఈ.. భార‌త బౌల‌ర్ల ధాటికి 13.1 ఓవ‌ర్ల‌లో కేవ‌లం 57 ప‌రుగుల‌కే కుప్ప‌కూలింది.టీమిండియా స్పిన్ ఉచ్చులో యూఏఈ బ్యాట‌ర్లు చిక్కుకున్నారు. ఓపెన‌ర్లు అలీషన్ షరాఫు(22), కెప్టెన్ వ‌సీం మ‌హ్మ‌ద్(19) ఆరంభంలో ప‌ర్వాలేద‌న్పించారు. ష‌రాఫూను బుమ్రా ఔట్ చేశాక యూఏఈ వికెట్ల ప‌తనం మొద‌లైంది. భార‌త స్పిన్న‌ర్ కుల్దీప్ యాద‌వ్ 2.1 ఓవ‌ర్ల‌లో కేవ‌లం 7 ప‌రుగులిచ్చి 4 వికెట్ల‌ను త‌న ఖాతాలో వేసుకున్నాడు. అత‌డితో పాటు ఆల్‌రౌండ‌ర్ శివ‌మ్ దూబే మూడు, వ‌రుణ్ చ‌క్ర‌వ‌ర్తి, అక్షర్ పటేల్‌, బుమ్రా తలా వికెట్ సాధించారు.అభిషేక్ ధానాధన్‌..అనంతరం 58 పరుగుల స్వల్ప లక్ష్యాన్ని భారత్ కేవలం ఒక్క వికెట్ మాత్రమే కోల్పోయి 4.3 ఓవర్లలో ఊదిపడేసింది. భారత బ్యాటర్లలో అభిషేక్ శర్మ(16 బంతుల్లో 2 ఫోర్లు, 3 సిక్స్‌లతో 30) టాప్ స్కోరర్ కాగా.. శుబ్‌మన్ గిల్‌(20), సూర్యకకుమార్ యాదవ్‌(7) ఆజేయంగా నిలిచారు. యూఏఈ బౌలర్లలో సిద్దుఖీ ఒక్క వికెట్ సాధించాడు. ఇక భారత్ తమ తదుపరి మ్యాచ్‌లో సెప్టెంబర్ 14న దుబాయ్ వేదికగా చిరకాల ప్రత్యర్ధి పాకిస్తాన్‌తో తలపడనుంది.చదవండి: Asia Cup 2025: జ‌స్ప్రీత్ బుమ్రా సూప‌ర్ యార్క‌ర్‌.. దెబ్బ‌కు బ్యాట‌ర్ ఫ్యూజ్‌లు ఔట్‌! వీడియో

ఆసియా కప్‌-2025 (Asia Cup) టోర్నమెంట్‌ యునైటెడ్‌ అరబ్‌ ఎమిరేట్స్‌ (UAE) వేదికగా మంగళవారం మొదలైంది. గ్రూప్‌-‘బి’ మ్యాచ్‌లో భాగంగా హాంకాంగ్‌పై అఫ్గనిస్తాన్‌ 94 పరుగుల తేడాతో గెలిచింది. తద్వారా టాపర్‌గా నిలిచి.. రన్‌రేటు పరంగా (+4.700)నూ పటిష్ట స్థితిలోకి వెళ్లింది.ఈ క్రమంలో గ్రూప్‌-‘ఎ’ తొలి మ్యాచ్‌లో భాగంగా టీమిండియా- యూఏఈ (IND vs UAE)తో తలపడనుంది. దుబాయ్‌లో బుధవారం నాటి ఈ మ్యాచ్‌కు భారత తుదిజట్టు ఎంపిక ఎలా ఉండబోతుందన్నది ఆసక్తికరంగా మారింది. ఈ నేపథ్యంలో పాకిస్తాన్‌ మాజీ ఫాస్ట్‌బౌలర్‌ షోయబ్‌ అక్తర్‌ చేసిన వ్యాఖ్యలు వైరల్‌గా మారాయి.అభిషేక్‌, బుమ్రా, సంజూ.. వావ్‌.. ఎవరిని తప్పిస్తారు?భారత్‌ పటిష్ట జట్టుగా పేర్కొన్న అక్తర్‌.. ఉన్న పదిహేను మంది సూపర్‌ అని.. వారిలో ఎవరిని పక్కనపెడతారో అర్థం కావడం లేదని పేర్కొన్నాడు. ఓ యూట్యూబ్‌ చానెల్‌లో మాట్లాడుతూ.. ‘‘అచ్చా.. అభిషేక్‌ వచ్చేశాడు. బుమ్రా (Jasprit Bumrah) ఉన్నాడు. అంతేకాదు సంజూ కూడా ఉన్నాడు. తిలక్‌ ఉన్నాడు.హార్దిక్‌ పాండ్యా, అర్ష్‌దీప్‌ సింగ్‌, రింకూ సింగ్‌ కూడా ఉండనే ఉన్నారు. శుబ్‌మన్‌ ఉన్నాడు. సూర్య ఉన్నాడు. శివం దూబేతో పాటు మన అక్షర్‌ పటేల్‌ కూడా!.. ఇందులో ఎవరిని తప్పించగలరు మిత్రమా!’’ అంటూ షోయబ్‌ అక్తర్‌ తనదైన శైలిలో కామెంట్లు చేశాడు.కత్తిమీద సాములాప్రస్తుత పరిస్థితుల్లో భారత తుదిజట్టు కూర్పు మేనేజ్‌మెంట్‌కు కత్తిమీద సాములా మారిందంటూ టీమిండియా అత్యంత పటిష్టంగా ఉందని అక్తర్‌ చెప్పకనే చెప్పాడు. ఇక తొలి మ్యాచ్‌లో సూర్యకుమార్‌ సేన విజయం నల్లేరు మీద నడకేనన్న అక్తర్‌.. యూఏఈ కూడా మంచి జట్టేనని కితాబులు ఇచ్చాడు.ఓటమి ఖాయమే.. కానీ కనీసం‘‘టీమిండియా చేతిలో యూఏఈ ఓడిపోతుందని తెలుసు. అయితే, తక్కువ తేడాతో ఓడిపోవాలని ఆకాంక్షిస్తున్నా. తొలి మ్యాచ్లో అఫ్గనిస్తాన్‌ చేతిలో హాంకాంగ్‌ చిత్తుగా ఓడింది. కనీసం మీరైనా అలాంటి పరిస్థితి తెచ్చుకోవద్దు. కాస్తైనా పోరాట పటిమ కనబరచండి. విజయానికి దగ్గరగా వచ్చి ఓడిపోయినా పర్లేదు. అది కూడా గొప్ప అచీవ్‌మెంట్‌ లాంటిదే’’ అని అక్తర్‌ యూఏఈ జట్టుకు సూచించాడు.దాయాదితో ఆరోజే పోరుఇదిలా ఉంటే.. రెండో మ్యాచ్‌లో టీమిండియా చిరకాల ప్రత్యర్థి పాకిస్తాన్‌ను ఢీకొడుతుంది. సెప్టెంబరు 14న ఈ హై వోల్టేజీ మ్యాచ్‌కు షెడ్యూల్‌ ఖరారైంది. ఇక లీగ్‌ దశలో ఆఖరిగా భారత జట్టు.. సెప్టెంబరు 19న ఒమన్‌తో తలపడుతుంది. కాగా ఈసారి టీ20 ఫార్మాట్లో నిర్వహిస్తున్న ఆసియా కప్‌ టోర్నీలో మొత్తం ఎనిమిది జట్లు పాల్గొంటున్నాయి.గ్రూప్‌-‘ఎ’ నుంచి భారత్‌, పాకిస్తాన్‌, యూఏఈ, ఒమన్‌... గ్రూప్‌-‘బి’ నుంచి శ్రీలంక, బంగ్లాదేశ్‌, అఫ్గనిస్తాన్‌, హాంకాంగ్‌ రేసులో నిలిచాయి. ఇక ఈ ఖండాంతర టోర్నీలో టీమిండియా అత్యధికంగా ఎనిమిదిసార్లు గెలవగా.. శ్రీలంక ఆరు, పాకిస్తాన్‌ రెండుసార్లు గెలిచాయి. మిగతా జట్లలో బంగ్లాదేశ్‌ రెండుసార్లు ఫైనల్‌ చేరి రన్నరప్‌తో సరిపెట్టుకుంది. ఆసియా కప్‌-2025కి టీమిండియాసూర్య కుమార్ యాదవ్ (కెప్టెన్‌), శుభ్‌మన్ గిల్ (వైస్‌ కెప్టెన్‌), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేష్ శర్మ (వికెట్‌ కీపర్‌), జస్‌ప్రీత్ బుమ్రా, అర్ష్‌దీప్ సింగ్, వరుణ్ చక్రవర్తి, కుల్దీప్ యాదవ్, సంజూ శాంసన్ (వికెట్‌ కీపర్‌), హర్షిత్ రాణా, రింకూ సింగ్‌.రిజర్వు ప్లేయర్లు: ప్రసిద్‌ కృష్ణ, వాషింగ్టన్‌ సుందర్‌, రియాన్‌ పరాగ్‌, ధ్రువ్‌ జురెల్‌, యశస్వి జైస్వాల్‌.చదవండి: పక్షవాతం.. నొప్పి భరించలేకపోయా: టీమిండియా స్టార్‌ క్రికెటర్‌ఆసియా కప్‌-2025: పూర్తి షెడ్యూల్‌, అన్ని జట్లు, లైవ్‌ స్ట్రీమింగ్‌ వివరాలు

ఆసియా కప్‌-2025 (Asia Cup) టోర్నమెంట్లో టీమిండియా టైటిల్‌ ఫేవరెట్‌గా బరిలోకి దిగింది. యునైటెడ్‌ అరబ్‌ ఎమిరేట్స్‌ (UAE) వేదికగా భారత్‌ ఆతిథ్యం ఇస్తున్న ఈ టీ20 టోర్నీ మంగళవారం మొదలైంది. అఫ్గనిస్తాన్‌- హాంకాంగ్‌ మ్యాచ్‌తో ఈ మెగా ఈవెంట్‌కు తెరలేవగా.. బుధవారం టీమిండియా తమ తొలి మ్యాచ్‌లో యూఏఈతో తలపడనుంది.అనంతరం సెప్టెంబరు 14న చిరకాల ప్రత్యర్థి పాకిస్తాన్‌, సెప్టెంబరు 19న ఒమన్‌తో మ్యాచ్‌తో సూర్యకుమార్‌ సేన తమ లీగ్‌ దశను పూర్తి చేసుకోనుంది. ఈ నేపథ్యంలో భారత దిగ్గజ స్పిన్నర్‌ రవిచంద్రన్‌ అశ్విన్‌.. టీమిండియా యువ స్టార్లు శుబ్‌మన్‌ గిల్, అభిషేక్‌ శర్మ గురించి ఆసక్తికర వ్యాఖ్యలు చేశాడు.అరంగేట్రంలోనే డకౌట్‌.. ఆ తర్వాతకాగా పంజాబ్‌కు చెందిన అభిషేక్‌ శర్మ (Abhishek Sharma) ఐపీఎల్‌లో సత్తా చాటి.. గతేడాది జూలైలో టీమిండియా తరఫున అంతర్జాతీయ క్రికెట్‌లో అడుగుపెట్టాడు. జింబాబ్వేతో జరిగిన టీ20 మ్యాచ్‌లో అరంగేట్రంలోనే డకౌట్‌ అయిన ఈ ఎడమచేతి వాటం బ్యాటర్‌.. మరుసటి మ్యాచ్‌లో 47 బంతుల్లోనే సెంచరీ చేసి సత్తా చాటాడు.ఈ క్రమంలో టీమిండియా టీ20 జట్టులో ఓపెనర్‌గా పాతుకుపోయిన అభిషేక్‌.. ఇప్పటి వరకు 17 మ్యాచ్‌లలో కలిపి 33కు పైగా సగటుతో 193కు పైగా స్ట్రైక్‌రేటుతో 535 పరుగులు సాధించాడు. ఇందులో రెండు శతకాలు, రెండు హాఫ్‌ సెంచరీలు ఉన్నాయి.వైస్‌ కెప్టెన్‌గా రీఎంట్రీఇక మరోవైపు.. దాదాపు ఏడాది కాలం తర్వాత వైస్‌ కెప్టెన్‌గా టీమిండియా టీ20 జట్టులోకి రీఎంట్రీ ఇచ్చాడు శుబ్‌మన్‌ గిల్‌. టెస్టుల్లో ఇప్పటికే సారథిగా పగ్గాలు చేపట్టిన ఈ పంజాబీ బ్యాటర్‌.. భవిష్యత్తులో మూడు ఫార్మాట్లలోనూ టీమిండియా కెప్టెన్‌గా ఎంపికయ్యే అవకాశం ఉంది.యువీకి అప్‌గ్రేడ్‌ వర్షన్‌ అతడుఇక ఆసియా కప్‌-2025లో తొలి మ్యాచ్‌కు అభిషేక్‌, గిల్‌ సిద్ధమవుతున్న వేళ రవిచంద్రన్‌ అశ్విన్‌ మాట్లాడుతూ.. ‘‘యూఏఈ పిచ్‌లపై కూడా అభిషేక్‌ శర్మ దూకుడైన ఆట కొనసాగుతుందో లేదో చూడాలి. ఏదేమైనా అతడో సూపర్‌ ప్లేయర్‌. యువరాజ్‌ సింగ్‌ అప్‌గ్రేడ్‌ వర్షన్‌ లాంటోడు.గిల్‌కు మంచి అవకాశంఇక ఈ టోర్నీలో పరుగులు చేయాలనే ఒత్తిడి శుబ్‌మన్‌ గిల్‌పై తప్పక ఉంటుంది. 140- 150కి పైగా స్ట్రైక్‌రేటుతో అతడు పరుగులు రాబట్టాల్సి ఉంటుంది. ఈసారి ఈ టోర్నమెంట్లో అత్యధిక పరుగుల వీరుడు అయ్యేందుకు గిల్‌కు మంచి అవకాశం ఉంది’’ అని పేర్కొన్నాడు.కాగా ఐపీఎల్‌-2025లో అభిషేక్‌ శర్మ సన్‌రైజర్స్‌ హైదరాబాద్‌ తరఫున ఓపెనర్‌గా.. 14 మ్యాచ్‌లలో కలిపి 439 పరుగులు సాధించాడు. మరోవైపు.. గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌.. 15 మ్యాచ్‌లు ఆడి 650 పరుగులతో టాప్‌-4లో నిలిచాడు.చదవండి: టెంబా బవుమాకు ఘోర అవమానం.. వరుసగా రెండోసారి..!

ఆసియా కప్‌-2025 (Asia Cup) టోర్నమెంట్లో భారత ఓపెనింగ్‌ జోడీ గురించి టీమిండియా మాజీ క్రికెటర్‌ రవిశాస్త్రి (Ravi Shastri) కీలక వ్యాఖ్యలు చేశాడు. టాపార్డర్‌లో విశ్వరూపం ప్రదర్శించే సంజూ శాంసన్‌ (Sanju Samson)ను ఎట్టి పరిస్థితుల్లోనూ ఓపెనర్‌గా తప్పించవద్దని జట్టు యాజమాన్యానికి సూచించాడు.వైస్‌ కెప్టెన్‌ అయినప్పటికీ శుబ్‌మన్‌ గిల్‌ (Shubman Gill) కూడా సంజూను రీప్లేస్‌ చేయలేడని.. అతడు వేరొక స్థానంలో బ్యాటింగ్‌కు రావాలని రవిశాస్త్రి అభిప్రాయపడ్డాడు. యూఏఈ వేదికగా సెప్టెంబరు 9- 28 వరకు టీ20 ఫార్మాట్లో ఆసియా కప్‌ నిర్వహణకు రంగం సిద్ధమైంది. వైస్‌ కెప్టెన్‌గా..ఈ మెగా ఈవెంట్‌కు భారత క్రికెట్‌ నియంత్రణ మండలి (BCCI) ఇప్పటికే తమ జట్టును ప్రకటించింది. దాదాపు ఏడాది తర్వాత అంతర్జాతీయ టీ20లలోకి గిల్‌కు పిలుపునిచ్చిన మేనేజ్‌మెంట్‌.. అతడిని వైస్‌ కెప్టెన్‌గా నియమించింది. ఈ నేపథ్యంలో గిల్‌ గైర్హాజరీలో ఓపెనర్‌గా వచ్చిన సంజూ శాంసన్‌పై వేటు పడే అవకాశాలు ఉ‍న్నాయి.గిల్‌ లేనందు వల్లే సంజూ ఓపెనింగ్‌ చేశాడని చీఫ్‌ సెలక్టర్‌ అజిత్‌ అగార్కర్‌ వ్యాఖ్యానించడం ఇందుకు నిదర్శనం. అంతేకాదు ఓపెనర్‌గా అభిషేక్‌ శర్మ పాతుకుపోయాడంటూ కితాబులు ఇవ్వడం ద్వారా.. అభి- గిల్‌ భారత ఇన్నింగ్స్‌ ఆరంభిస్తారనే సంకేతాలు ఇచ్చాడు.ప్రమాదకర బ్యాటర్‌ఈ పరిణామాల నేపథ్యంలో టీమిండియా మాజీ హెడ్‌కోచ్‌ రవిశాస్త్రి మాత్రం సంజూ శాంసన్‌కే తన మద్దతు అంటూ కుండబద్దలు కొట్టేశాడు. ‘‘టాపార్డర్‌లో అత్యంత ప్రమాదకర బ్యాటర్‌ సంజూ శాంసన్‌. అక్కడ ఆడిస్తేనే మనకోసం మ్యాచ్‌లు గెలవగలడు. కాబట్టి తన బ్యాటింగ్‌ ఆర్డర్‌ను మార్చకూడదు.సంజూ శాంసన్‌ స్థానాన్ని భర్తీ చేయడం ఎవరికీ అంత సులువేం కాదు. టాప్‌ ఆర్డర్‌లో టీమిండియా తరఫున టీ20లలో సంజూకు మంచి రికార్డు ఉంది. గిల్‌ కూడా అతడిని డిస్‌ప్లేస్‌ చేయలేడు. కాబట్టి గిల్‌ వేరొకరి స్థానంలో బ్యాటింగ్‌ చేస్తే మంచిది.సంజూనే సరైనోడుసంజూ శాంసనే ఓపెనర్‌గా ఉండాలి. టీ20 ఫార్మాట్లో తనకు ఉన్న రికార్డును బట్టి సంజూనే సరైనోడు. టాప్‌లో రాణిస్తూ పరుగులు రాబట్టడంతో పాటు సెంచరీలు కూడా చేసిన ఘనత అతడిది’’ అని రవిశాస్త్రి పేర్కొన్నాడు.కాగా రవిశాస్త్రి హెడ్‌కోచ్‌గా ఉన్న సమయంలోనే సంజూ టీమిండియాలో పునరాగమనం చేశాడు. అయితే, అతడికి వరుస అవకాశాలు మాత్రం రాలేదు. దీంతో టీ20 ప్రపంచకప్‌-2021 జట్టులోనూ చోటు దక్కలేదు. ఇక టీ20 ప్రపంచకప్‌-2024 ఆడిన భారత జట్టులో స్థానం దక్కినప్పటికీ.. ఒక్క మ్యాచ్‌ కూడా ఆడలేకపోయాడు.జితేశ్‌ శర్మతో పోటీఇక గిల్‌ రాకతో ఆసియా కప్‌ టోర్నీలో కేవలం వికెట్‌ కీపర్‌ కోటాలొ సంజూ తుదిజట్టులో చోటు దక్కించుకునే అవకాశాలు కనిపిస్తున్నాయి. అయితే, అక్కడ కూడా జితేశ్‌ శర్మతో అతడికి పోటీ తప్పదు. జితేశ్‌ స్పెషలైజ్డ్‌ ఫినిషర్‌గా పేరు తెచ్చుకున్నాడు కాబట్టి మేనేజ్‌మెంట్‌ అతడి వైపే మొగ్గు చూపే అవకాశం ఉంది. కాగా అంతర్జాతీయ స్థాయిలో 42 టీ20 మ్యాచ్‌లు ఆడిన సంజూ.. మూడు శతకాల సాయంతో 861 పరుగులు చేశాడు.చదవండి: అతడే నా ఫేవరెట్‌ క్రికెటర్‌.. టీమిండియాకు ఎందుకు సెలక్ట్‌ చేయరు?

అంతర్జాతీయ క్రికెట్‌ మండలి (ICC) తొలిసారి ప్రవేశపెట్టిన టీ20 ప్రపంచకప్‌ను కైవసం చేసుకున్న ఘనత టీమిండియా సొంతం. మహేంద్ర సింగ్‌ ధోని (MS Dhoni) సారథ్యంలో 2007లో పొట్టి క్రికెట్‌ వరల్డ్‌కప్‌ ట్రోఫీని ముద్దాడింది. ఆ తర్వాత దాదాపు పదిహేడేళ్లకు అంటే.. 2024లో మరోసారి టీ20 ప్రపంచకప్‌ను గెలుచుకుంది భారత్‌.రో- కో గుడ్‌బై చెప్పిన తర్వాతఅమెరికా- వెస్టిండీస్‌ సంయుక్తంగా గతేడాది ఆతిథ్యం ఇచ్చిన ఈ మెగా టోర్నీలో రోహిత్‌ సేన.. ఆఖరి వరకు అజేయంగా నిలిచి చాంపియన్‌గా అవతరించింది. ఫైనల్లో సౌతాఫ్రికాను ఓడించి కప్‌ను గెలుచుకుంది. ఈ ఐసీసీ ఈవెంట్లో ఓపెనర్లుగా వచ్చిన విరాట్‌ కోహ్లి (Virat Kohli)- రోహిత్‌ శర్మ (Rohit Sharma).. టీమిండియా విజయం తర్వాత అంతర్జాతీయ టీ20 ఫార్మాట్‌కు రిటైర్మెంట్‌ ప్రకటించారు.అభి- సంజూ జోడీ హిట్‌ఇక కెప్టెన్‌గా రోహిత్‌ శర్మ స్థానాన్ని సూర్యకుమార్‌ యాదవ్‌ భర్తీ చేయగా.. భారత టీ20 జట్టు ఓపెనర్లుగా అభిషేక్‌ శర్మ- సంజూ శాంసన్‌ నిలదొక్కుకున్నారు. శుబ్‌మన్‌ గిల్‌, యశస్వి జైస్వాల్‌ టెస్టులతో బిజీ కావడంతో ఈ జోడీకి వరుస అవకాశాలు వచ్చాయి.అయితే, ఆసియా కప్‌-2025 టోర్నీ సందర్భంగా టీమిండియా ఓపెనర్లు మారే అవకాశం ఉంది. ఈసారి పొట్టి ఫార్మాట్లో నిర్వహించే ఈ ఖండాంతర టోర్నీకి ప్రకటించిన జట్టులో గిల్‌ స్థానం దక్కించుకున్నాడు. దాదాపు ఏడాది తర్వాత రీఎంట్రీ ఇచ్చిన ఈ టెస్టు కెప్టెన్‌.. టీ20 జట్టు వైస్‌ కెప్టెన్‌గానూ ఎంపికయ్యాడు.స్టాండ్‌ బై ప్లేయర్‌గా మాత్రమేజట్టు ప్రకటన సందర్భంగా టీమిండియా చీఫ్‌ సెలక్టర్‌ అజిత్‌ అగార్కర్‌ వ్యాఖ్యలను బట్టి.. ఒక ఓపెనర్‌గా అభిషేక్‌ శర్మ ఖరారు అయినట్లే. అతడికి జోడీగా సంజూను కాదని గిల్‌ను పంపే అవకాశాలే ఎక్కువ. ఇక ఈ మెగా ఈవెంట్‌కు ప్రకటించిన ప్రధాన జట్టులో యశస్వి జైస్వాల్‌కు చోటు దక్కనే లేదు. అతడు స్టాండ్‌ బై ప్లేయర్‌గా మాత్రమే ఎంపికయ్యాడు.ఓపెనర్ల రేసులో ఊహించని పేర్లుఇక టీ20 ప్రపంచకప్‌-2026కు సన్నాహకంగా భావిస్తున్న ఆసియా కప్‌-2025 టోర్నీతో అభిషేక్‌- గిల్‌ టీమిండియా ఓపెనింగ్‌ జోడీగా దాదాపు ఖరారైనట్లే. ఈ నేపథ్యంలో భారత మాజీ బ్యాటర్‌ సురేశ్‌ రైనా మాత్రం భిన్నంగా స్పందించాడు. వచ్చే ఏడాది జరిగే పొట్టి ప్రపంచకప్‌ టోర్నీలో టీమిండియా ఓపెనర్ల రేసులో ఊహించని పేర్లు చెప్పాడు.ప్రియాన్ష్‌ ఆర్య కూడా ఓ ఆప్షన్‌!శుభంకర్‌ మిశ్రా పాడ్‌కాస్ట్‌లో మాట్లాడుతూ.. ‘‘నాకు తెలిసి యశస్వి ఓ ఓపెనర్‌గా ఉండొచ్చు. అంతేకాదు ప్రియాన్ష్‌ ఆర్యపై కూడా సెలక్టర్లు దృష్టి సారించవచ్చు. ఇక అభిషేక్‌ శర్మ, సంజూ శాంసన్‌ ఉండనే ఉన్నారు.ఇప్పటికే తమను తాము నిరూపించుకున్నారు. రుతురాజ్‌ గైక్వాడ్‌ కూడా రేసులో ఉండవచ్చు. అయితే, నా మొదటి ప్రాధాన్యం మాత్రం అభిషేక్‌ శర్మకే. ఇక కెప్టెన్‌గా శుబ్‌మన్‌ గిల్‌ నియమితుడుకాడని చెప్పేందుకు పెద్ద కారణాలు లేవు’’ అని రైనా పేర్కొన్నాడు. కాగా ఐపీఎల్‌-2025లో పంజాబ్‌ కింగ్స్‌ తరఫున అరంగేట్రం చేసిన ప్రియాన్ష్‌ ఆర్య 17 మ్యాచ్‌లలో కలిపి 475 పరుగులు సాధించాడు. ఇందులో ఓ సెంచరీ కూడా ఉండటం విశేషం. చదవండి: వైభవ్‌? ఆయుశ్‌ మాత్రే?.. అతడే ముందుగా టీమిండియాలోకి వస్తాడు!

ఆసియా కప్‌-2025 (Asia Cup) టోర్నమెంట్‌కు టీమిండియా పూర్తి స్థాయిలో సన్నద్ధమవుతోంది. ఈసారి యూఏఈ వేదికగా నిర్వహించే టీ20 ఫార్మాట్లో నిర్వహించే ఈ టోర్నీకి భారత క్రికెట్‌ నియంత్రణ మండలి (BCCI) ఇప్పటికే తమ జట్టును ప్రకటించింది. పదిహేను మంది సభ్యులతో కూడిన ఈ టీమ్‌కు సూర్యకుమార్‌ యాదవ్‌ (Suryakumar Yadav)ను కెప్టెన్‌గా కొనసాగించిన యాజమాన్యం.. రీఎంట్రీ ఇచ్చిన శుబ్‌మన్‌ గిల్‌ను వైస్‌ కెప్టెన్‌గా నియమించింది.ఓపెనింగ్‌ జోడీ ఎవరో?ఇక గిల్‌ గైర్హాజరీలో అభిషేక్‌ శర్మకు ఓపెనింగ్‌ జోడీగా ఉన్న సంజూ శాంసన్‌కు కూడా అవకాశం ఇచ్చిన బీసీసీఐ.. అతడిని కేవలం వికెట్‌ కీపర్‌గా మాత్రమే వాడుకునే అవకాశం ఉంది. మరోవైపు.. పేస్‌ దళ నాయకుడు జస్‌ప్రీత్‌ బుమ్రా గాయం నుంచి కోలుకుని ఈ ఈవెంట్‌కు అందుబాటులోకి రావడం సానుకూలాంశం.ఇక బుమ్రాతో పాటు టీ20 స్పెషలిస్టు అర్ష్‌దీప్‌ సింగ్‌, హర్షిత్‌ రాణా కూడా పేస్‌ బౌలింగ్‌ విభాగంలో చోటు దక్కించుకోగా.. స్పిన్‌ విభాగంలో వరుణ్‌ చక్రవర్తి, కుల్దీప్‌ యాదవ్‌ తమ బెర్తులు ఖరారు చేసుకున్నారు. ఇక తిలక్‌ వర్మ, హార్దిక్‌ పాండ్యా, శివం దూబే, అక్షర్‌ పటేల్‌, జితేశ్‌ శర్మ కూడా ఈ జట్టులో స్థానం సంపాదించారు.సెప్టెంబరు 9-28 వరకుకాగా సెప్టెంబరు 9-28 వరకు ఆసియా కప్‌ టోర్నీకి షెడ్యూల్‌ ఖరారైంది. అఫ్గనిస్తాన్‌- హాంగ్‌కాంగ్‌ మ్యాచ్‌తో ఈ ఖండాంతర క్రికెట్‌ ఈవెంట్‌కు తెరలేవనుండగా.. భారత్‌ సెప్టెంబరు 10న తమ తొలి మ్యాచ్‌లో యూఏఈతో తలపడనుంది. అనంతరం సెప్టెంబరు 14న పాకిస్తాన్‌తో, సెప్టెంబరు 19న ఒమన్‌తో భారత జట్టు ఆడుతుంది.ఈ నేపథ్యంలో టీమిండియా మాజీ ఓపెనర్‌ వీరేందర్‌ సెహ్వాగ్‌ ఆసక్తికర వ్యాఖ్యలు చేశాడు. ఈ టోర్నీలో భారత్‌ విజయం సాధిస్తుందన్న వీరూ భాయ్‌.. ముగ్గురు ఆటగాళ్లను గేమ్‌ ఛేంజర్లుగా పేర్కొన్నాడు.టీమిండియాకు ఆ ముగ్గురే గేమ్‌ ఛేంజర్లు‘‘ఈ టోర్నీలో అభిషేక్‌ శర్మ గేమ్‌ ఛేంజర్‌గా మారనున్నాడు. ఇక బుమ్రా గురించి ప్రత్యేకంగా చెప్పాల్సిన పనిలేదు. ఒంటిచేత్తో మ్యాచ్‌ను మలుపుతిప్పగల సత్తా అతడి సొంతం. ఇక మిస్టరీ బౌలర్‌ వరుణ్‌ చక్రవర్తి కూడా ఓ గేమ్‌ ఛేంజర్‌. వన్డే ఫార్మాట్లో జరిగిన ఐసీసీ చాంపియన్స్‌ ట్రోఫీ-2025లో అతడు ప్రభావం చూపాడు. అదే విధంగా.. టీ20 ఫార్మాట్లోనూ ఉత్తమంగా రాణించగలడు.ఫాస్ట్‌ బౌలర్లు ఫిట్‌గా ఉంటే..ఈ ముగ్గురు గనుక స్థాయికి తగ్గట్లు రాణిస్తే.. టీమిండియాను అన్ని మ్యాచ్‌లలో గెలిపించగలరు’’ అని వీరేందర్‌ సెహ్వాగ్‌ సోనీ స్పోర్ట్స్‌తో పేర్కొన్నాడు. ఈ టోర్నీలో టీమిండియా బౌలర్లు.. ముఖ్యంగా ఫాస్ట్‌ బౌలర్లు ఫిట్‌గా ఉంటే.. తిరుగు ఉండదని ఈ సందర్భంగా వ్యాఖ్యానించాడు. ఒకవేళ ఫాస్ట్‌ బౌలర్లు పూర్తి ఫిట్‌గా ఉంటే.. ఆసియా కప్‌తో పాటు వరల్డ్‌కప్‌లోనూ టీమిండియా గెలిచే అవకాశాలు మరింత ఎక్కువగా ఉంటాయని సెహ్వాగ్‌ పేర్కొన్నాడు. కాగా టీమిండియా చివరగా ఐసీసీ చాంపియన్స్‌ ట్రోఫీ-2025 రూపంలో మెగా టైటిల్‌ సాధించింది.చదవండి: అతడికి బౌలింగ్ చేయడం కష్టం: ఇంగ్లండ్‌ స్టార్‌ పేసర్‌

ఆసియా కప్‌-2025 టోర్నమెంట్‌కు భారత క్రికెట్‌ నియంత్రణ మండలి (BCCI) తమ జట్టును ఖరారు చేసింది. సూర్యకుమార్‌ యాదవ్‌ కెప్టెన్సీలో ఈ మెగా ఈవెంట్‌ ఆడబోయే జట్టును మంగళవారం ప్రకటించింది.కెప్టెన్‌ సూర్యకుమార్‌ యాదవ్‌ (Suryakumar Yadav)తో కలిసి మీడియా సమావేశంలో పాల్గొన్న చీఫ్‌ సెలక్టర్‌ అజిత్‌ అగార్కర్‌.. ఆసియా కప్‌ ఆడబోయే భారత జట్టులోని సభ్యుల పేర్లు వెల్లడించాడు. ఈ ఖండాంతర టోర్నీతో టెస్టు కెప్టెన్‌ శుబ్‌మన్‌ గిల్‌ (Shubman Gill).. టీమిండియా తరఫున టీ20లలో పునరాగమనం చేయనున్నాడు.ఓపెనింగ్‌ జోడీ ఎవరు?అంతేకాదు.. సూర్యకు డిప్యూటీగా గిల్‌ ఎంపికయ్యాడు. ఈ నేపథ్యంలో ఆసియా కప్‌లో టీమిండియా ఓపెనింగ్‌ జోడీ ఎవరన్న ప్రశ్నలు తలెత్తుతున్నాయి. కాగా గిల్‌ ఏడాది కాలంగా అంతర్జాతీయ టీ20లకు దూరంగా ఉండగా.. అభిషేక్‌ శర్మతో కలిసి సంజూ శాంసన్‌ భారత ఇన్నింగ్స్‌ ఆరంభించాడు.అయితే, ప్రస్తుత ఆసియా కప్‌ జట్టులో సంజూకు చోటు దక్కినా.. గిల్‌ రాకతో ఓపెనర్‌గా అతడిపై వేటు పడటం ఖాయమే కనిపిస్తోంది. కేవలం వికెట్‌ కీపర్‌ బ్యాటర్‌గా మాత్రమే అతడి పేరును పరిశీలనలోకి తీసుకుంటారనే సందేహాలు వ్యక్తమవుతున్నాయి. మరోవైపు.. మరో ఓపెనింగ్‌ బ్యాటర్‌ యశస్వి జైస్వాల్‌ను స్టాండ్‌ బై ప్లేయర్‌గా మాత్రమే ఎంపిక చేయడంతో సంజూకు కాస్త ప్రమాదం తప్పినట్లే విశ్లేషకులు అంటున్నారు.అప్పుడు గిల్‌ లేడు కాబట్టే సంజూ ఓపెనర్‌ఈ పరిణామాల నేపథ్యంలో ఆసియా కప్‌-2025లో భారత ఓపెనింగ్‌ జోడీ ఎవరన్న అంశంపై చీఫ్‌ సెలక్టర్‌ అజిత్‌ అగార్కర్‌ స్పందించాడు. ‘‘శుబ్‌మన్‌ గిల్‌, యశస్వి జైస్వాల్‌ లేరు కాబట్టి సంజూ శాంసన్‌ ఓపెనర్‌గా వచ్చాడు.అలాగే అభిషేక్‌ శర్మ కూడా!.. అయితే, ఓపెనర్‌గా అభిషేక్‌ అద్భుత ప్రదర్శనలు ఇచ్చాడు. పార్ట్‌టైమ్‌ స్పిన్నర్‌గానూ పనికివస్తాడు. ఇక అభిషేక్‌ శర్మకు జోడీగా ఇప్పుడు ఇద్దరు ఓపెనర్లు ఉన్నారు.అక్కడకు వెళ్లాకే నిర్ణయంశుబ్‌మన్‌ గిల్‌, సంజూ శాంసన్‌.. ఈ ఇద్దరూ మంచి ఓపెనింగ్‌ బ్యాటర్లు.అయితే, దుబాయ్‌లో ఓపెనర్‌గా ఎవరు వస్తారని అక్కడే నిర్ణయిస్తాం. ఇక గిల్‌ అంతకు ముందు కూడా వైస్‌ కెప్టెన్‌గా జట్టులో ఉన్నాడు. ఇప్పుడు తిరిగి వచ్చాడు. ఇందులో ఎలాంటి సమస్య లేదు’’ అని అగార్కర్‌ పేర్కొన్నాడు.ఈ క్రమంలో అభిషేక్‌ శర్మను మొదటి ప్రాధాన్య ఓపెనర్‌గా చెప్పిన అగార్కర్‌.. గిల్‌ రాకతో సంజూపై ఓపెనర్‌గా వేటు పడక తప్పదనే సంకేతాలు ఇచ్చాడు. కాగా ఆసియా కప్‌-2025కి ఎంపిక చేసిన భారత జట్టులో శ్రేయస్‌ అయ్యర్‌కు చోటు దక్కలేదు. దీంతో సెలక్టర్లపై తీరుపై విమర్శల వర్షం కురుస్తోంది.చదవండి: Asia Cup 2025: అందుకే శ్రేయస్‌ను సెలక్ట్‌ చేయలేదు: కుండబద్దలు కొట్టిన అగార్కర్‌

ఆసియా కప్‌-2025 టోర్నమెంట్‌ నేపథ్యంలో టీమిండియా మాజీ కెప్టెన్‌ క్రిష్ణమాచారి శ్రీకాంత్‌ ఆసక్తికర వ్యాఖ్యలు చేశాడు. ఓపెనర్‌గా అభిషేక్‌ శర్మ (Abhishek Sharma)ను కొనసాగించాలన్న చిక్కా.. సంజూ శాంసన్‌ (Sanju Samson)ను మాత్రం పక్కనపెట్టాలని సూచించాడు. అభిషేక్‌కు జోడీగా యువ సంచలనం వైభవ్‌ సూర్యవంశీ వైపే తాను మొగ్గుచూపుతానని పేర్కొన్నాడు.ఈసారి టీ20 ఫార్మాట్లో నిర్వహించే ఆసియా కప్‌ టోర్నీకి భారత్‌ ఆతిథ్యం ఇస్తుండగా.. తటస్థ వేదికైన యూఏఈలో మ్యాచ్‌లు జరుగుతాయి. ఈ మెగా ఈవెంట్‌కు భారత క్రికెట్‌ నియంత్రణ మండలి (BCCI) మంగళవారం (ఆగష్టు 19) తమ జట్టును ప్రకటించే అవకాశం ఉంది.అందుకే సంజూ వద్దుఈ నేపథ్యంలో క్రిష్ణమాచారి శ్రీకాంత్‌ సోషల్‌ మీడియా వేదికగా భారత జట్టు ఓపెనింగ్‌ జోడీ గురించి తన అభిప్రాయాలు పంచుకున్నాడు. ‘‘ఇటీవల ఇంగ్లండ్‌తో సొంతగడ్డపై టీ20 సిరీస్‌లో సంజూ శాంసన్‌ షార్ట్‌ బాల్స్‌ ఎదుర్కోవడంలో ఇబ్బందిపడ్డాడు.ప్రత్యర్థి జట్టు అతడి బలహీనతను క్యాష్‌ చేసుకునే అవకాశం ఉంది. కాబట్టి సంజూతో ఓపెనింగ్‌ చేయిస్తే టీమిండియాకు కష్టమే. ఒకవేళ నేనే గనుక సెలక్టర్‌ అయితే.. ఓపెనర్‌గా అభిషేక్‌ శర్మకే నా మొదటి ప్రాధాన్యం.వైభవ్‌ సూర్యవంశీ ఉండాలిఅతడికి జోడీగా నేనైతే వైభవ్‌ సూర్యవంశీ లేదంటే సాయి సుదర్శన్‌ను ఎంపిక చేస్తాను. నిజానికి టీ20 ప్రపంచకప్‌-2026 ఆడబోయే 15 మంది సభ్యుల భారత జట్టులోనూ నేను వైభవ్‌ సూర్యవంశీని చేరుస్తాను. అతడు అంత అద్భుతంగా ఆడుతున్నాడు’’ అని క్రిష్ణమాచారి శ్రీకాంత్‌ పేర్కొన్నాడు.అదే విధంగా.. ‘‘ఐపీఎల్‌-2025లో సాయి సుదర్శన్‌ ఆరెంజ్‌ క్యాప్‌ అందుకున్నాడు. అలాగే యశస్వి జైస్వాల్‌ కూడా రాణించాడు. అందుకే.. అభిషేక్‌కు జోడీగా వైభవ్‌తో పాటు సాయి, జైస్వాల్‌ల పేర్లను కూడా నేను పరిశీలనలోకి తీసుకుంటా.వికెట్‌ కీపర్‌గా మాత్రం సంజూకు చోటుఇది పోటాపోటీ ప్రపంచం. సంజూ శాంసన్‌కు ఈ జట్టులో ఓపెనర్‌గా అవకాశం దక్కకపోవచ్చు. కానీ వికెట్‌ కీపర్‌గా సంజూ జట్టులో ఉండే అవకాశం ఉంది. అతడికి బ్యాకప్‌గా జితేశ్‌ శర్మను తీసుకుంటే బెటర్‌.ఇక శ్రేయస్‌ అయ్యర్‌ కూడా తప్పక టీ20 జట్టులోకి తిరిగి రావాలి. హార్దిక్‌ పాండ్యా, అక్షర్‌ పటేల్‌ల అవసరం జట్టుకు ఎంతగా ఉందో ప్రత్యేకంగా చెప్పాల్సిన పనిలేదు’’ అంటూ క్రిష్ణమాచారి శ్రీకాంత్‌ తన అభిప్రాయాలు వెల్లడించాడు. సంజూ ప్రదర్శన ఇలాకాగా సంజూ శాంసన్‌ గతేడాది అద్భుత ప్రదర్శనతో ఆకట్టుకున్నాడు. అంతర్జాతీయ టీ20లలో మూడు శతకాలతో పాటు.. ఓ హాఫ్‌ సెంచరీతో అదరగొట్టాడు.అయితే, స్వదేశంలో ఇంగ్లండ్‌తో జరిగిన టీ20 సిరీస్‌లో మాత్రం ఐదు ఇన్నింగ్స్‌లో కలిపి 51 పరుగులు మాత్రమే చేయగలిగాడు సంజూ. మరోవైపు.. అభిషేక్‌ శర్మ 279 పరుగులతో టాప్‌ రన్‌ స్కోరర్‌గా నిలవడంతో పాటు ఐసీసీ ర్యాంకింగ్స్‌లో అగ్రస్థానానికి దూసుకువెళ్లాడు. ఇక 14 ఏళ్ల బిహారీ ప్లేయర్‌ వైభవ్‌ ఐపీఎల్‌-2025లో రాజస్తాన్‌ రాల్స్‌ తరఫున.. అదే విధంగా.. ఇంగ్లండ్‌లో భారత అండర్‌-19 జట్టు తరఫున దుమ్ములేపిన విషయం తెలిసిందే. ఇదిలా ఉంటే.. సెప్టెంబరు 9- 28 వరకు ఆసియా కప్‌ టోర్నీ నిర్వహణకు షెడ్యూల్‌ ఖరారైంది.చదవండి: ‘కోహ్లి కాదు!.. వాళ్లిద్దరికి బౌలింగ్‌ చేయడం కష్టం.. సచిన్‌ స్మార్ట్‌’

ఇంగ్లండ్‌తో టెస్టు సిరీస్‌ను 2-2తో డ్రా చేసుకున్న టీమిండియా తదుపరి మెగా టోర్నమెంట్లో పాల్గొననుంది. సుదీర్ఘ విశ్రాంతి తీసుకున్న తర్వాత ఆసియా కప్‌-2025 (Asia Cup 2025)కు భారత ఆటగాళ్లు సన్నద్ధం కానున్నారు. ఈసారి టీ20 ఫార్మాట్లో నిర్వహిస్తున్న ఈ ఈవెంట్‌కు ఆతిథ్య జట్టు భారత్‌ అయినా.. తటస్థ వేదిక యూఏఈలో మ్యాచ్‌లు జరుగనున్నాయి.సెప్టెంబరు 9- 28 వరకు ఆసియా కప్‌ నిర్వహణకు షెడ్యూల్‌ ఖరారైంది. ఇందుకు సంబంధించి భారత క్రికెట్‌ నియంత్రణ మండలి (BCCI) ఆగష్టు ఆఖరి వారంలో తమ జట్టును ప్రకటించే అవకాశం ఉంది. ఈ నేపథ్యంలో టీమిండియా ఎంపికపై అభిమానుల్లో ఆసక్తి నెలకొంది.కెప్టెన్‌గా అతడు?!కాగా భారత టీ20 జట్టు కెప్టెన్‌ సూర్యకుమార్‌ యాదవ్‌ (Suryakumar Yadav) ఈ మెగా టోర్నీ ఆడతాడా లేదా అన్న అంశంపై సందిగ్దం నెలకొంది. స్పోర్ట్స్‌ హెర్నియాకు సర్జరీ చేయించుకున్న సూర్య.. ప్రస్తుతం కోలుకుంటున్నాడు. అయితే, ఆసియా కప్‌ నాటికి అతడు పూర్తి స్థాయిలో మ్యాచ్‌ ఫిట్‌నెస్‌ సాధిస్తాడా? లేదా అన్నది తేలాల్సి ఉంది.ఈ నేపథ్యంలో వైస్‌ కెప్టెన్‌ అక్షర్‌ పటేల్‌ టీమిండియా పగ్గాలు చేపట్టే అవకాశం కనిపిస్తున్నా.. శుబ్‌మన్‌ గిల్‌ రాకతో ఇది సాధ్యం కాదనిపిస్తోంది. టీమిండియా టెస్టు కెప్టెన్‌గా ఇంగ్లండ్‌ గడ్డ మీద ఇరగదీసిన గిల్‌.. అంతకు ముందు ఐపీఎల్‌-2025లోనూ గుజరాత్‌ టైటాన్స్‌ సారథిగా సత్తా చాటాడు.ఈ క్రమంలో ఐపీఎల్‌, ఇంగ్లండ్‌లో ప్రదర్శన ఆధారంగా గిల్‌ టీ20 జట్టులోకి తిరిగి వస్తే.. అతడే కెప్టెన్‌ అవుతాడని చెప్పవచ్చు. మరోవైపు.. టైటాన్స్‌ జట్టులో గిల్‌ సహచర ఓపెనర్‌, అత్యధిక పరుగుల వీరుడు (759) సాయి సుదర్శన్‌ కూడా రీఎంట్రీ ఇచ్చే అవకాశం ఉంది.అభిషేక్‌ ఓకే.. సంజూ పరిస్థితి ఏంటి?ఒకవేళ వీరిద్దరు ఓపెనర్లుగా ఖరారైతే.. ఇన్నాళ్లుగా టీమిండియా టీ20 విజయాల్లో కీలక పాత్ర పోషించిన సంజూ శాంసన్‌, అభిషేక్‌ శర్మల పరిస్థితి సంకటంలో పడుతుంది. మరోవైపు.. యశస్వి జైస్వాల్‌ నుంచి కూడా వీరికి ప్రమాదం పొంచి ఉంది. ఈ నేపథ్యంలో అభిషేక్‌ కాస్త సేఫ్‌గానే ఉన్నా.. ఫిట్‌నెస్‌ సమస్యలతో సతమతమైన సంజూకు మాత్రం చోటు దక్కడం కష్టమే అనిపిస్తోంది.ప్లస్‌లూ.. మైనస్‌లూఅయితే, వికెట్‌ కీపర్‌గా సంజూకు ఉన్న అదనపు అర్హత అతడికి కాస్త ఊరట కలిగించే అంశం. ఏదేమైనా జైసూ వైపు సెలక్టర్లు మొగ్గుచూపితే మాత్రం సంజూకు కష్టాలు తప్పవు. టీ20 ప్రపంచకప్‌-2026 నాటికి జట్టును సన్నద్ధం చేయాలని భావిస్తే జైసూకే సెలక్టర్లు ఓటు వేయొచ్చు.కానీ.. గత రెండేళ్ల కాలంలో టీమిండియా తరఫున మూడు సెంచరీలు, ఒక అర్ధ శతకం బాదిన సంజూకు తుదిజట్టులో చోటివ్వకుంటే మాత్రం విమర్శలు తప్పవు. అయితే, 21 ఇన్నింగ్స్‌లో అతడు ఐదుసార్లు డకౌట్‌ కావడం, ఐదుసార్లు సింగిల్‌ డిజిట్‌ స్కోర్లకే పరిమితం కావడం కూడా గమనించాల్సిన విషయం.ఇక వికెట్‌ కీపర్‌గానూ జితేశ్‌ శర్మ, ధ్రువ్‌ జురెల్‌, ఇషాన్‌ కిషన్‌, కేఎల్‌ రాహుల్‌, రిషభ్‌ పంత్‌ల రూపంలో సంజూకు పోటీ ఎక్కువగానే ఉంది. పంత్‌ గాయపడ్డాడు కాబట్టి అతడిని పక్కనపెట్టినా మిగతా వాళ్లు మాత్రం కచ్చితంగా రేసులో ఉంటారు.శ్రేయస్‌ అయ్యర్‌ రీఎంట్రీ? ఈ టోర్నీలో సంజూతో పాటు సెలక్టర్లకు తలనొప్పి తెప్పించే మరో ఆటగాడు ఎవరైనా ఉన్నారా అంటే.. అది.. శ్రేయస్‌ అయ్యర్‌. టెస్టులు, టీ20ల నుంచి టీమిండియా సెలక్టర్లు అతడిని పక్కనపెట్టినా దేశీ క్రికెట్‌, ఐపీఎల్‌లో ఈ కుడిచేతి వాటం బ్యాటర్‌ దుమ్ములేపుతున్నాడు.ఐసీసీ చాంపియన్స్‌ ట్రోఫీ-2025(వన్డే)ని టీమిండియా గెలవడంలో కీలక పాత్ర పోషించిన శ్రేయస్‌ అయ్యర్‌.. ఐపీఎల్‌-2025లోనూ అదరగొట్టాడు. పంజాబ్‌ కింగ్స్‌ కెప్టెన్‌గా ఎంపికైన ఈ కాస్ట్‌లీ ప్లేయర్‌ (రూ. 26.75 కోట్లు) ఇటు సారథిగా.. అటు బ్యాటర్‌గా ఆకట్టుకున్నాడు.17 మ్యాచ్‌లలో కలిపి 604 పరుగులు సాధించిన శ్రేయస్‌ అయ్యర్‌.. పంజాబ్‌ను ఫైనల్‌కు తీసుకువెళ్లాడు. అయితే, ఆరు పరుగుల తేడాతో ఆర్సీబీ చేతిలో ఓడటంతో ఈసారి ట్రోఫీని మిస్సయ్యాడు. కాగా గతేడాది అతడు కోల్‌కతా నైట్‌ రైడర్స్‌ కెప్టెన్‌గా టైటిల్‌ అందించిన విషయం తెలిసిందే.గత 12నెలల కాలంలో 25 ఇన్నింగ్స్‌లో శ్రేయస్‌ అయ్యర్‌ 949 పరుగులు సాధించడం.. అతడి నిలకడైన ఆటకు నిదర్శనం. మరి ఈసారైనా శ్రేయస్‌కు టీ20 జట్టు తలుపులు తెరవకపోతే సెలక్టర్లపై విమర్శలు రావడం సహజం.చదవండి: బీసీసీఐ వేటు!.. నా ఫ్యామిలీ లాంటిది అంటూ భావోద్వేగం

న్యూఢిల్లీ: ఇంగ్లండ్‌తో ‘డ్రా’గా ముగిసిన టెస్టు సిరీస్‌ తర్వాత భారత జట్టు వచ్చే నెలలో ఆసియా కప్‌ టి20 టోర్నీలో బరిలోకి దిగనుంది. సెప్టెంబర్ 9 నుంచి 28 వరకు యునైటెడ్‌ అరబ్‌ ఎమిరేట్స్‌ (యూఏఈ) వేదికగా ఈ టోర్నీ జరుగుతుంది. ఇది ముగిసిన తర్వాత అక్టోబర్‌ 2 నుంచి వెస్టిండీస్‌తో తొలి టెస్టులో టీమిండియా తలపడుతుంది. అయితే వారం రోజుల్లోపే టెస్టు సిరీస్‌ ఉన్నా సరే... టెస్టు కెప్టెన్ శుబ్‌మన్‌ గిల్‌తో పాటు ఓపెనర్‌ యశస్వి జైస్వాల్‌లను ఆసియా కప్‌కు ఎంపిక చేయాలని సెలక్టర్లు భావిస్తున్నారు. బిజీ షెడ్యూల్‌ కారణంగా గత కొన్ని టి20లనుంచి గిల్, జైస్వాల్‌లకు విశ్రాంతినిచ్చారు. ఆ సమయంలో సంజు సామ్సన్, అభిషేక్‌ శర్మ ఓపెనర్లుగా చెలరేగిపోయారు. అయితే తాజా ఫామ్, ఐపీఎల్‌లో ప్రదర్శనను బట్టి చూస్తే గిల్, జైస్వాల్‌లను టి20 టీమ్‌లోకి తీసుకొచ్చే ఆలోచన ఉంది. ఐపీఎల్‌లో అద్భుతంగా రాణించిన మరో బ్యాటర్‌ సాయి సుదర్శన్‌ పేరు కూడా టీమ్‌ పరిశీలనలో ఉంది. సుదర్శన్‌ భారత్‌ తరఫున 3 వన్డేలు, ఏకైక టి20 మ్యాచ్‌ ఆడాడు. ఈ ముగ్గురినీ తీసుకుంటే టాప్‌–3 కోసం ప్రత్యామ్నాయం అందుబాటులో ఉంటుందనేది సెలక్టర్ల భావన. ఆసియా కప్‌కు 17 మందితో టీమ్‌ను ఎంపిక చేసే అవకాశం ఉంది కాబట్టి అదనపు ఆటగాళ్లను ఎంపిక చేయడంలో సమస్య రాకపోవచ్చు. ఆ తర్వాత ఆరు నెలల్లో టి20 వరల్డ్‌ కప్‌ కూడా జరగనున్న నేపథ్యంలో ‘కోర్‌ గ్రూప్‌’లో సభ్యులుగా అందరి ఆటను సెలక్టర్లు పరిశీలించే అవకాశం ఉంది. మరోవైపు బుమ్రా, సిరాజ్‌ల విషయంలో టోర్నీకి ముంద ఫిట్‌నెస్‌ను పరిశీలించే తుది నిర్ణయం తీసుకుంటారు.

టీమిండియా విధ్వంసకర బ్యాటర్‌ అభిషేక్‌ శర్మ చరిత్ర సృష్టించాడు. తాజాగా (జులై 30) విడుదల చేసిన ఐసీసీ టీ20 బ్యాటర్ల ర్యాంకింగ్స్‌లో అగ్రస్థానానికి ఎగబాకాడు. తద్వారా విరాట్‌ కోహ్లి, గౌతమ్‌ గంభీర్‌, సూర్యకుమార్‌ యాదవ్‌ తర్వాత ఈ ఘనత సాధించిన నాలుగో భారత బ్యాటర్‌గా రికార్డుల్లోకెక్కాడు.ర్యాంకింగ్స్‌లో టాప్‌ ప్లేస్‌కు చేరే క్రమంలో అభిషేక్‌ ఆసీస్‌ స్టార్‌ బ్యాటర్‌ ట్రవిస్‌ హెడ్‌ను కిందకు దించాడు. ప్రస్తుతం అభిషేక్‌ ఖాతాలో 829 రేటింగ్‌ పాయింట్లు ఉండగా.. హెడ్‌ వద్ద 814 పాయింట్లు ఉన్నాయి. ర్యాంకింగ్స్‌లో మూడో స్థానంలో కూడా భారత బ్యాటరే ఉన్నాడు. 804 రేటింగ్‌ పాయింట్లతో తిలక్‌ వర్మ ఆ స్థానంలో కొనసాగుతున్నాడు. టాప్‌-10లో భారత్‌ టీ20 జట్టు కెప్టెన్‌ సూర్యకుమార్‌ యాదవ్‌ కూడా ఉన్నాడు. స్కై ఆరో స్థానంలో కొనసాగుతున్నాడు.గత వారం ర్యాంకింగ్స్‌లో టాప్‌-10లో ఉండిన మరో భారత బ్యాటర్‌ యశస్వి జైస్వాల్‌ (9) తాజా ర్యాంకింగ్స్‌లో రెండు స్థానాలు కోల్పోయి 11వ స్థానానికి పడిపోయాడు. భారత బ్యాటర్లలో రుతురాజ్‌ గైక్వాడ్‌ 25, సంజూ శాంసన్‌ 33, శుభ్‌మన్‌ గిల్‌ 38, హార్దిక్‌ పాండ్యా 53, రింకూ సింగ్‌ 56, శివమ్‌ దూబే 61 స్థానాల్లో ఉన్నారు.టాప్‌-10లో అభిషేక్‌, హెడ్‌, తిలక్‌ తర్వాత సాల్ట్‌, బట్లర్‌, నిస్సంక, సీఫర్ట్‌, ఇంగ్లిస్‌, హోప్‌ ఉన్నారు. ఈ వారం ర్యాంకింగ్స్‌లో ఆసీస్‌ బ్యాటర్లు ఇంగ్లిస్‌, టిమ్‌ డేవిడ్‌, కెమరూన్‌ గ్రీన్‌ బాగా లబ్ది పొందారు. వీరిలో గ్రీన్‌ ఏకంగా 64 స్థానాలు మెరుగుపర్చుకొని 24 స్థానానికి ఎగబాకాడు. గ్రీన్‌ తాజాగా వెస్టిండీస్‌తో ముగిసిన ఐదు మ్యాచ్‌ల సిరీస్‌లో విశేషంగా రాణించాడు.సహచరుడు గిల్‌ కూడా టాప్‌లోనే..!టీ20 బ్యాటర్ల ర్యాంకింగ్స్‌లో అభిషేక్‌ టాప్‌ ర్యాంక్‌కు చేరగా.. అతని ఆప్త మిత్రుడు శుభ్‌మన్‌ గిల్‌ వన్డేల్లో టాప్‌ ప్లేస్‌లో కొనసాగుతున్నాడు. వీరిద్దరు టీమిండియా దిగ్గజం యువరాజ్‌ సింగ్‌ దగ్గర శిష్యరికం చేస్తుండటం విశేషం. అభిషేక్‌, గిల్‌ టీ20, వన్డే ఫార్మాట్లలో నంబర్‌ వన్‌ బ్యాటర్లుగా ఉండగా.. భారత్‌ రెండు ఫార్మాట్లలో నంబర్‌ వన్‌ జట్టుగా కొనసాగుతుంది.అలాగే టెస్ట్‌ల్లో నంబర్‌ వన్‌ బౌలర్‌గా బుమ్రా, నంబర్‌ వన్‌ ఆల్‌రౌండర్‌గా రవీంద్ర జడేజా, నంబర్‌ వన్‌ టీ20 ఆల్‌రౌండర్‌గా హార్దిక్‌ పాండ్యా కొనసాగుతున్నారు.

ఐపీఎల్‌-2025 (IPL 2025) సీజన్‌ను అద్భుత విజయంతో ముగించామని సన్‌రైజర్స్‌ హైదరాబాద్‌ కెప్టెన్‌ ప్యాట్‌ కమిన్స్‌ (Pat Cummins) హర్షం వ్యక్తం చేశాడు. తమ బ్యాటర్లు విధ్వంసకర ఆటతో విరుచుకుపడుతుంటే తనకు కూడా కాస్త భయం వేసిందంటూ సరదాగా వ్యాఖ్యానించాడు. తమ జట్టులో అద్బుత ఆటగాళ్లు ఉన్నారని.. ఫైనల్‌ చేరే సత్తా ఉన్నా ఈసారి ఆ పని చేయలేకపోయామని పేర్కొన్నాడు.రేసు నుంచి నిష్క్రమించిన తర్వాతకాగా గతేడాది రన్నరప్‌గా నిలిచిన సన్‌రైజర్స్‌.. ఈసారి మాత్రం స్థాయికి తగ్గట్లు రాణించలేకపోయింది. తొలి మ్యాచ్‌లో రాజస్తాన్‌ రాయల్స్‌పై వీరబాదుడు మినహా ఆ తర్వాత పెద్దగా ఆకట్టుకోలేకపోయింది. అయితే, ప్లే ఆఫ్స్‌ రేసు నుంచి నిష్క్రమించిన తర్వాత మాత్రం కమిన్స్‌ బృందం వింటేజ్‌ బ్యాటింగ్‌తో రెచ్చిపోయింది.ఆఖరి మ్యాచ్‌లో ఆర్సీబీపై 42 పరుగుల తేడాతో గెలిచిన రైజర్స్‌.. తాజాగా కోల్‌కతా నైట్‌ రైడర్స్‌ను చిత్తు చిత్తుగా ఓడించింది. ఢిల్లీ వేదికగా ఆదివారం నాటి మ్యాచ్‌లో రహానే సేనపై 110 పరుగుల భారీ తేడాతో జయకేతనం ఎగురవేసింది. ఓపెనర్లలో అభిషేక్‌ శర్మ (16 బంతుల్లో 32) రాణించగా.. ట్రవిస్‌ హెడ్‌ (40 బంతుల్లో 76) ఆకాశమే హద్దుగా చెలరేగాడు.𝙃𝙚𝙖𝙙𝙞𝙣𝙜 towards a 𝙆𝙡𝙖𝙨𝙨𝙮 show 🍿#SRH cruising along at the moment ⛵Updates ▶ https://t.co/4Veibn1bOs #TATAIPL | #SRHvKKR | @SunRisers pic.twitter.com/AMKTayK7PS— IndianPremierLeague (@IPL) May 25, 2025క్లాసెన్‌కు పూనకాలు ఇక హెన్రిచ్‌ క్లాసెన్‌ పూనకం వచ్చినట్లుగా బౌండరీలు, సిక్సర్ల వర్షం కురిపించాడు. 37 బంతుల్లో శతక్కొట్టిన క్లాసెన్‌.. ఐపీఎల్‌లో మూడో ఫాస్టెస్ట్‌ సెంచరీ నమోదు చేసిన బ్యాటర్‌గా చరిత్రకెక్కాడు. మొత్తంగా 39 బంతులు ఎదుర్కొని 7 ఫోర్లు, 9 సిక్స్‌ల సాయంతో 105 పరుగులతో ఆఖరి వరకు అజేయంగా నిలిచాడు. ఫలితంగా నిర్ణీత 20 ఓవర్లలో మూడు వికెట్ల నష్టానికి 278 పరుగులు చేసింది సన్‌రైజర్స్‌.Sky is not the limit when he's batting! 🫡🎥 Glimpse of the 𝙃𝙚𝙞𝙣𝙧𝙞𝙘𝙝 𝙆𝙡𝙖𝙖𝙨𝙚𝙣 𝙨𝙝𝙤𝙬 en route his mind-blowing 105*(39) 🚀Scorecard ▶ https://t.co/4Veibn1bOs #TATAIPL | #SRHvKKR | @SunRisers pic.twitter.com/WaOSR90wrg— IndianPremierLeague (@IPL) May 25, 2025లక్ష్య ఛేదనలో కేకేఆర్‌ను 18.4 ఓవర్లలోనే ఆలౌట్‌ చేసింది. సన్‌రైజర్స్‌ బౌలర్ల విజృంభణతో రహానే సేన 168 పరుగులకే కుప్పకూలింది. ఇలా సమిష్టి ప్రదర్శనతో జట్టు రాణించడం పట్ల రైజర్స్‌ కెప్టెన్‌ ప్యాట్‌ కమిన్స్‌ సంతోషం వ్యక్తం చేశాడు.‘‘అద్భుతమైన ముగింపు. ఈ సీజన్‌లో గత కొన్ని మ్యాచ్‌లలో మేము సూపర్‌గా ఆడాము. మా వాళ్ల బ్యాటింగ్‌ భయంకరంగానే ఉందని చెప్పవచ్చు (నవ్వులు). మా ఆటగాళ్ల సమర్థత దృష్ట్యా నిజానికి ఈ సీజన్‌లో కొన్ని మ్యాచ్‌లు ఇంత చెత్తగా ఆడాల్సింది కాదు.ఫైనల్‌ చేరాల్సిన జట్టుఫైనల్‌కు చేర్చగల సత్తా ఉన్న ఆటగాళ్లు మా జట్టులో ఉన్నారు. కానీ ఈసారి మేము ఫైనల్‌ చేరలేకపోయాం. ఢిల్లీ వికెట్‌ మీద మా వాళ్లు అదరగొట్టారు. ఈసారి మా జట్టు బాగానే ఉంది. అయితే, కొంత మంది గాయాల వల్ల స్వదేశానికి వెళ్లిపోయారు. జట్టులోని 20 మంది ఆటగాళ్ల సేవలను మేము ఉపయోగించుకున్నాము’’ అని కమిన్స్‌ చెప్పుకొచ్చాడు.కాగా ఐపీఎల్‌-2025లో సన్‌రైజర్స్‌ పద్నాలుగింట ఆరు గెలిచి.. ఏడు ఓడిపోయింది. ఓ మ్యాచ్‌ వర్షం వల్ల రద్దైపోయింది. ఈ క్రమంలో 13 పాయింట్లతో ప్రస్తుతం పట్టికలో ఆరోస్థానంలో ఉంది. లక్నో సూపర్‌ జెయింట్స్‌ తమ ఆఖరి మ్యాచ్‌లో గెలిస్తే గనుక ఏడో స్థానానికి పడిపోతుంది.చదవండి: IPL: రిటైర్మెంట్‌పై ధోని కీల‌క వ్యాఖ్య‌లు

లక్నో సూపర్‌ జెయింట్స్‌ స్పిన్నర్‌ దిగ్వేశ్‌ సింగ్‌ రాఠీ (Digvesh Singh Rathi)- సన్‌రైజర్స్‌ హైదరాబాద్‌ బ్యాటర్‌ అభిషేక్‌ శర్మ (Abhishek Sharma) తీరును టీమిండియా మాజీ క్రికెటర్‌ సురేశ్‌ రైనా తప్పుబట్టాడు. ఈ ఇద్దరు భారత క్రికెటర్ల నుంచి ఇలాంటి అనుచిత ప్రవర్తన ఊహించలేదన్నాడు. అసలేం జరిగిందంటే... లక్నో ప్లే ఆఫ్స్‌ చేరాలంటే తప్పక గెలవాల్సిన మ్యాచ్‌లో సన్‌రైజర్స్‌ హైదరాబాద్‌ (LSG vs SRH) చేతిలో ఓడింది. సోమవారం జరిగిన ఈ ‍కీలక పోరులో రిషభ్‌ పంత్‌ సేన 205 పరుగుల మేర భారీ స్కోరు సాధించింది.పవర్‌ప్లేలో భారీషాట్లతో విరుచుకుపడిన అభిషేక్‌అయితే, లక్ష్యఛేదనకు దిగిన సన్‌రైజర్స్‌ ఓపెనర్లలో అభిషేక్‌... పవర్‌ప్లేలో భారీషాట్లతో విరుచుకుపడ్డాడు. ముఖ్యంగా రవి బిష్ణోయి బౌలింగ్‌లో వరుసగా నాలుగు సిక్సర్లు బాది సత్తా చాటాడు. మొత్తంగా 20 బంతుల్లోనే 59 పరుగులతో చెలరేగి మ్యాచ్‌ను సన్‌రైజర్స్‌ వైపు తిప్పేశాడు.గొడవపడిన దిగ్వేశ్‌, అభిషేక్‌ఇలా జోరుమీదున్న అభిషేక్‌ శర్మను దిగ్వేశ్‌ సింగ్‌ రాఠీ.. తన రెండో ఓవర్‌ (ఇన్నింగ్స్‌ 8వ)లో అవుట్‌ చేసి ఎప్పట్లాగే నోట్‌బుక్‌ సంబరాలు చేసుకున్నాడు. వెళ్లు.. వెళ్లు అన్నట్లుగా సైగ చేశాడు. ఈ సమయంలో క్రీజు నుంచి నిష్క్రమిస్తున్న అభిషేక్‌ దిగ్వేశ్‌ను చూసి ఏదో అన్నాడు.వెంటనే రాఠీ అతడివైపు దూసుకొచ్చి వాగ్వావాదానికి దిగాడు. వెంటనే ఫీల్డ్‌ అంపైర్లు కల్పించుకోవడంతో ఈ జగడం అక్కడితోనే ఆగిపోయింది. అయితే ఈ సీజన్‌లో దిగ్వేశ్‌ రాఠి పరిధి దాటడం ఇది మూడోసారి! ఈ నేపథ్యంలో నిబంధనల ప్రకారం దిగ్వేశ్‌ సింగ్‌పై మ్యాచ్‌ నిషేధం పడింది.మ్యాచ్‌ ఆడకుండా నిషేధం‘ఐపీఎల్‌ ప్రవర్తన నియమావళిని అతిక్రమించిన లక్నో స్పిన్నర్‌ దిగ్వేశ్‌ మ్యాచ్‌ ఫీజులో 50 శాతం జరిమానా విధించాం. ఈ ఒక్క సీజన్‌లోనే నియమావళిలోని ‘లెవెల్‌ 1’ను మూడోసారి అతిక్రమించడంతో 2 డీమెరిట్‌ పాయింట్లు కూడా విధించాం. ఇదివరకే అతడి ఖాతాలో 3 డీమెరిట్‌ పాయింట్లు ఉండటంతో మొత్తం 5 డీమెరిట్‌ల కారణంగా ఒక మ్యాచ్‌ సస్పెన్షన్‌ వేటు వేశాం’ అని ఐపీఎల్‌ గవర్నింగ్‌ కౌన్సిల్‌ ఒక ప్రకటనలో పేర్కొంది. ఏప్రిల్‌ 1న పంజాబ్‌ కింగ్స్‌తో, 4న ముంబై ఇండియన్స్‌తో జరిగిన మ్యాచ్‌ల్లోనూ దిగ్వేశ్‌ ఇలాగే అతి సంబరాలతో డీమెరిట్‌ పాయింట్లకు గురయ్యాడు.అదే విధంగా.. సన్‌రైజర్స్‌ ఓపెనర్‌ అభిషేక్‌ శర్మపై కూడా ఐపీఎల్‌ నిర్వాహకులు క్రమశిక్షణ చర్యలు తీసుకున్నారు. అతడి మ్యాచ్‌ ఫీజులో 25 శాతం కోత పెట్టడంతో పాటు ఒక డీమెరిట్‌ పాయింట్‌ జత చేశారు. ఈ ఘటనపై స్పందించిన సురేశ్‌ రైనా.. దిగ్వేశ్‌- అభిషేక్‌ల తీరును విమర్శించాడు.మీరు భారత క్రికెటర్లని గుర్తుపెట్టుకోండిస్టార్‌ స్పోర్ట్స్‌ కామెంట్రీలో భాగంగా... ‘‘దిగ్వేశ్‌ రాఠీ నోట్‌బుక్‌లో అభిషేక్‌ శర్మ పేరు కూడా చేరిపోయింది. అప్పుడే ఈ ‘యుద్ధం’ జరిగింది. నేను నిన్నేమీ అనలేదని దిగ్వేశ్‌ అభిషేక్‌కు చెప్పినట్లు కనిపించింది.ఏదేమైనా ఇద్దరూ తప్పు చేశారు. ఇద్దరూ భారత ఆటగాళ్లే. వారి నుంచి ఇలాంటి ప్రవర్తన ఊహించలేదు’’ అని సురేశ్‌ రైనా పెదవి విరిచాడు.గౌరవం ఇవ్వడం నేర్చుకోఅదే విధంగా.. భారత మరో మాజీ క్రికెటర్‌ శిఖర్‌ ధావన్‌ కూడా ఈ ఘటనపై స్పందించాడు. తప్పుల నుంచి పాఠాలు నేర్చుకోవడం కాస్త కష్టంగానే ఉన్నా.. తప్పదంటూ దిగ్వేశ్‌ను విమర్శించాడు. అయితే, రాఠీ తన ఆటలో దూకుడు కొనసాగిస్తూనే.. మైదానంలోని ప్రతీ ఆటగాడికి గౌరవం ఇస్తేనే విజయవంతంగా ముందుకు సాగగలడని అభిప్రాయపడ్డాడు. చదవండి: ధోని పాదాలకు నమస్కరించిన వైభవ్‌.. సీఎస్‌కే కెప్టెన్‌ రియాక్షన్‌ వైరల్‌ The intensity of a must-win clash! 🔥#DigveshRathi dismisses the dangerous #AbhishekSharma, & things get heated right after! 🗣️💢Is this the breakthrough #LSG needed to turn things around? 🏏Watch the LIVE action ➡ https://t.co/qihxZlIhqW #IPLRace2Playoffs 👉 #LSGvSRH |… pic.twitter.com/TG6LXWNiVa— Star Sports (@StarSportsIndia) May 19, 2025

ఐపీఎల్‌ 2025లో భాగంగా నిన్న (మే 19) జరిగిన మ్యాచ్‌లో సన్‌రైజర్స్‌ బ్యాటర్‌ అభిషేక్‌ శర్మతో గొడవకు దిగినందుకు గానూ లక్నో బౌలర్‌ దిగ్వేశ్‌ సింగ్‌ రాఠీపై ఐపీఎల్‌ గవర్నింగ్‌ కౌన్సిల్‌ చర్యలు తీసుకుంది. రాఠీ మ్యాచ్‌ ఫీజులో 50 శాతం కోత విధించడంతో పాటు ఓ మ్యాచ్‌ సస్పెన్షన్‌ విధించింది. రాఠీ కవ్వింపులకు ప్రతిగా స్పందించిన అభిషేక్‌ కూడా మ్యాచ్‌ ఫీజులో 25 శాతం కోతకు గురయ్యాడు. అభిషేక్‌ ఖాతాలో ఓ డీమెరిట్‌ పాయింట్‌ కూడా జమయ్యింది.ABHISHEK vs DIGVESH MOMENT 🤯 pic.twitter.com/oEfs0LWhoe— Johns. (@CricCrazyJohns) May 19, 2025సస్పెన్షన్‌ కారణంగా రాఠీ లక్నో తదుపరి ఆడబోయే మ్యాచ్‌లో (మే 22న గుజరాత్‌తో) ఆడలేడు. ఈ సీజన్‌లోనే ఐపీఎల్‌ అరంగేట్రం చేసిన 23 ఏళ్ల రాఠీ.. సీజన్‌ ప్రారంభం నుంచి చాలా సార్లు ఐపీఎల్‌ కోడ్‌ ఆఫ్‌ కాండక్ట్‌ను ఉల్లంఘించి గవర్నింగ్‌ కౌన్సిల్‌ ఆగ్రహానికి గురయ్యాడు. తాజా ఘటనతో ఈ సీజన్‌లో రాఠీ డీ మెరిట్‌ పాయింట్ల సంఖ్య ఐదుకు చేరింది. ఈ కారణంగా అతనిపై ఓ మ్యాచ్‌ సస్పెన్షన్‌ వేటు పడింది. ఓ సీజన్‌లో మూడు సార్లు కోడ్‌ను ఉల్లంఘిస్తే ఓ మ్యాచ్‌ సస్పెన్షన్‌ విధిస్తారు. రాఠీ ఈ సీజన్‌లో పంజాబ్‌ (1), ముంబైతో (2) జరిగిన మ్యాచ్‌ల్లోనూ కోడ్‌ను ఉల్లంఘించి డిమెరిట్‌ పాయింట్లు మూటగట్టుకున్నాడు.కాగా, దిగ్వేశ్‌ రాఠీ వికెట్‌ తీసిన ప్రతిసారి నోట్‌ బుక్‌ సెలబ్రేషన్స్‌ జరుపుకోవడం మేనరిజంగా పెట్టుకున్నాడు. ఎవరి వికెట్‌ తీసినా ఇదే తంతు కొనసాగిస్తూ వచ్చాడు. తాజాగా సన్‌రైజర్స్‌తో జరిగిన మ్యాచ్‌లోనూ అభిషేక్‌ శర్మ వికెట్‌ తీసిన ఆనందంలో ఇదే పని చేశాడు. అయితే ఈసారి రాఠీ నోట్‌ బుక్‌ సెలబ్రేషన్స్‌ కాస్త శృతి మించాయి. అభిషేక్‌తో అతను చాలా అవమానకరంగా ప్రవర్తించాడు. వికెట్‌ తీశాక వెళ్లు.. వెళ్లు అన్నట్లు సైగ చేశాడు. దీంతో పాటు నోటికి కూడా పని చెప్పాడు. రాఠీ ఇంతలా రియాక్డ్‌ కావడానికి అంతకుముందు అభిషేక్‌ బాదిన బాదుడే కారణం. రవి బిష్ణోయ్‌ వేసిన ఇన్నింగ్స్‌ 7వ ఓవర్‌లో అభిషేక్‌ వరుసగా నాలుగు సిక్సర్లు బాదాడు. ఆతర్వాత ఓవర్‌లో బంతినందుకున్న రాఠీ.. అభిషేక్‌ను తొలి బంతికే ఔట్‌ చేశాడు. ఈ క్రమంలో నోట్‌ బుక్‌ సెలబ్రేషన్స్‌ చేసుకుని ఓ మ్యాచ్‌ సస్పెన్షన్‌కు గురయ్యాడు. మ్యాచ్‌ అనంతరం రాజీవ్‌ శుక్లా రాజీ కుదుర్చడంతో అభిషేక్‌, రాఠీ కరచాలనం చేసుకుని, కలియతిరగడం కొసమెరుపు.ఇదిలా ఉంటే, నిన్నటి మ్యాచ్‌లో సన్‌రైజర్స్‌ చేతిలో ఓటమిపాలైన లక్నో ప్లే ఆఫ్స్‌ రేసు నుంచి అధికారికంగా నిష్క్రమించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన లక్నో.. ఓపెనర్లు మిచెల్‌ మార్ష్‌ (65), ఎయిడెన్‌ మార్క్రమ్‌ (61) అర్ద సెంచరీలతో రాణించడంతో నిర్ణీత 20 ఓవర్లలో 7 వికెట్ల నష్టానికి 205 పరుగులు చేసింది. అనంతరం భారీ లక్ష్య ఛేదనకు దిగిన సన్‌రైజర్స్‌ 18.2 ఓవర్లలో 4 వికెట్లు కోల్పోయి విజయతీరాలకు చేరింది. అభిషేక్‌ శర్మ తన సహజ శైలిలో ఊచకోత (20 బంతుల్లో 59; 4 ఫోర్లు, 6 సిక్సర్లు) కోసి సన్‌రైజర్స్‌ గెలుపుకు బలమైన పునాది వేశాడు. మధ్యలో ఇషాన్‌ కిషన్‌ (35), క్లాసెన్‌ (47), కమిందు మెండిస్‌ (32 రిటైర్డ్‌ హర్ట్‌) బాధ్యతాయుతమైన ఇన్నింగ్స్‌లు ఆడగా.. అనికేత్‌ వర్మ (5 నాటౌట్‌), నితీశ్‌ రెడ్డి (5 నాటౌట్‌) మ్యాచ్‌లను లాంఛనంగా ముగించారు. లక్నో బౌలర్లలో దిగ్వేశ్‌ రాఠీ 2, విలియమ్‌ ఓరూర్కీ, శార్దూల్‌ ఠాకూర్‌ తలో వికెట్‌ పడగొట్టారు.

లక్నో: ఈ ఐపీఎల్‌ సీజన్‌లో సన్‌రైజర్స్‌ హైదరాబాద్‌ ఆట ఇదివరకే ముగిసింది. తాజాగా లక్నో సూపర్‌ జెయింట్స్‌పై గెలిచి వారి ‘ప్లే ఆఫ్స్‌’ ఆశల్ని కూడా ముంచింది. సోమవారం జరిగిన లీగ్‌ మ్యాచ్‌లో సన్‌రైజర్స్‌ 6 వికెట్ల తేడాతో లక్నోపై జయభేరి మోగించింది. ముందుగా లక్నో నిరీ్ణత 20 ఓవర్లలో 7 వికెట్ల నష్టానికి 205 పరుగులు చేసింది. మిచెల్‌ మార్ష్ (39 బంతుల్లో 65; 6 ఫోర్లు, 4 సిక్స్‌లు), మార్క్‌రమ్‌ (38 బంతుల్లో 61; 4 ఫోర్లు, 4 సిక్స్‌లు), పూరన్‌ (26 బంతుల్లో 45; 6 ఫోర్లు, 1 సిక్స్‌) దంచేశారు. ఇషాన్‌ మలింగకు 2 వికెట్లు దక్కాయి. తర్వాత సన్‌రైజర్స్‌ 18.2 ఓవర్లలో 4 వికెట్లు కోల్పోయి 206 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ అభిషేక్‌ శర్మ (20 బంతుల్లో 59; 4 ఫోర్లు, 6 సిక్స్‌లు), క్లాసెన్‌ (28 బంతుల్లో 47; 4 ఫోర్లు, 1 సిక్స్‌) చెలరేగారు. దిగ్వేశ్‌ రాఠి 2 వికెట్లు తీశాడు. సెంచరీ భాగస్వామ్యం మిచెల్‌ మార్ష్ దూకుడుతో లక్నో ఆట మొదలైంది. కమిన్స్‌ తొలి బంతికి 4, నాలుగో బంతికి 6 కొట్టాడు. ఇదే జోరుతో హర్ష్ దూబే రెండో ఓవర్లో మార్ష్ మరో సిక్స్‌ బాదాడు. మూడో ఓవర్లో బౌండరీతో మార్క్‌రమ్‌ టచ్‌లోకి వచ్చాడు. నాలుగో ఓవర్‌ తొలి బంతికే మార్క్‌రమ్‌ అవుటవ్వాల్సింది. క్రీజు వదిలి ఆడిన అతన్ని ఇషాన్‌ కిషన్‌ స్టంపౌట్‌ చేయలేకపోయాడు. ఇలా బతికిపోయిన మార్క్‌రమ్‌ 6, 4లతో రెచి్చపోయాడు. దీంతో ఆ ఓవర్లో 17 పరుగులు వచ్చాయి. మార్ష్ దంచే పనిలో ముందున్నాడు. హర్షల్, ఇషాన్‌ మలింగ ఓవర్లలో భారీ సిక్సర్లతో విరుచుకుపడ్డాడు. దీంతో ఓపెనింగ్‌ జోడీ పవర్‌ప్లేలో 69 పరుగులు చేసింది. కాసేపటికే మార్ష్ 28 బంతుల్లో అర్ధసెంచరీ సాధించాడు. 9వ ఓవర్లో మార్క్‌రమ్‌కు మరోమారు లైఫ్‌ వచి్చంది. జీషాన్‌ బౌలింగ్‌లో ఇచ్చిన సులువైన క్యాచ్‌ను డీప్‌ ఎక్స్‌ట్రా కవర్‌లో అనికేత్‌ వదిలేశాడు. దీంతో అదే ఓవర్లో లక్నో 100 పరుగులు దాటింది. తర్వాత ఎట్టకేలకు మార్ష్ వికెట్‌ తీసిన హర్ష్ దూబే 115 పరుగుల తొలి వికెట్‌ భాగస్వామ్యానికి తెరదించాడు. లక్నో కెపె్టన్‌ రిషభ్‌ పంత్‌ (7) ఎక్కువసేపు నిలువలేదు. ఇషాన్‌ రిటర్న్‌ క్యాచ్‌తో పెవిలియన్‌ చేరాడు. రెండు లైఫ్‌లను సది్వనియోగం చేసుకున్న మార్క్‌రమ్‌ 28 బంతుల్లో ఫిఫ్టీని పూర్తి చేసుకున్నాడు. పూరన్‌ మధ్యలో పడిపోయిన రన్‌రేట్‌ పెంచేందుకు బ్యాట్‌ ఝుళిపించాడు. హర్షల్‌ 16వ ఓవర్లో సిక్స్‌ బాదిన మార్క్‌రమ్‌ అదే ఓవర్లో బౌల్డయ్యాడు. నితీశ్‌ వేసిన ఇన్నింగ్స్‌ ఆఖరి ఓవర్లో భారీ సిక్సర్‌ బాదిన పూరన్‌తో పాటు శార్దుల్‌ (4)కూడా రనౌటయ్యారు. సమద్‌ (3)ను బౌల్డ్‌ చేయగా... ఆకాశ్‌ దీప్‌ (6) సిక్స్‌తో జట్టు స్కోరు 200 దాటింది. 20వ ఓవర్లో నితీశ్‌ 20 పరుగులిచ్చాడు. అభిషేక్‌ అదరహో రెండు ఓవర్లలో సన్‌రైజర్స్‌ స్కోరు 23/1. అప్పటికి అభిషేక్‌ ఒక పరుగే చేశాడు. ఆకాశ్‌దీప్‌ మూడో ఓవర్‌ నుంచి అతని విధ్వంసం మొదలైంది. 4, 6 బాదిన అభిషేక్‌ తర్వాతి రూర్కే ఓవర్లోనూ దీన్ని రిపీట్‌ చేశాడు. దీంతో 3.3 ఓవర్లోనే జట్టు స్కోరు 50కి చేరింది. అవేశ్‌ ఖాన్‌ బౌలింగ్‌కు దిగితే వరుస బౌండరీలతో జోరు కనబరచడంతో పవర్‌ప్లేలో హైదరాబాద్‌ 72/1 స్కోరు చేసింది. ఆ తర్వాత ఓవర్‌ వేసిన రవి బిష్ణోయ్‌కి అభిషేక్‌ చుక్కలు చూపించాడు. 6, 6, 6, 6లతో 26 పరుగులు రాబట్టాడు. మూడో సిక్స్‌ బాదేసరికే 18 బంతుల్లో అతని ఫిఫ్టీ పూర్తయ్యింది. మరుసటి ఓవర్లో అభిషేక్‌ జోరుకు దిగ్వేశ్‌ రాఠి బ్రేక్‌ వేశాడు. ఈ సందర్భంగా రాఠి, అభిషేక్‌ మాటామాట పెంచుకున్నారు. అంపైర్లు సముదాయించి పంపారు. 35 బంతుల్లోనే 82 పరుగుల ధనాధన్‌ రెండో వికెట్‌ భాగస్వామ్యానికి తెరపడింది. తర్వాత ఇషాన్‌ కిషన్‌ (28 బంతుల్లో 35; 3 ఫోర్లు, 2 సిక్స్‌లు), క్లాసెన్‌లు ధాటిని కొనసాగించడంతో సన్‌రైజర్స్‌ లక్ష్యంవైపు దూసుకెళ్లింది. కిషన్‌ అవుటయ్యాక ‘దంచే’పనిని క్లాసెన్, కమిందు మెండిస్‌ (21 బంతుల్లో 32 రిటైర్డ్‌హర్ట్‌; 3 ఫోర్లు) చక్కబెట్టారు. స్వల్ప వ్యవధిలో ఇద్దరు పెవిలియన్‌కు చేరినా... మిగతా లాంఛనాన్ని అనికేత్‌ (5 నాటౌట్‌), నితీశ్‌ రెడ్డి (5 నాటౌట్‌) పూర్తి చేశారు. స్కోరు వివరాలు లక్నో సూపర్‌ జెయింట్స్‌ ఇన్నింగ్స్‌: మార్ష్ (సి) మలింగ (బి) హర్ష్ 65; మార్క్‌రమ్‌ (బి) హర్షల్‌ 61; పంత్‌ (సి అండ్‌ బి) మలింగ 7; పూరన్‌ (రనౌట్‌) 45; బదోని (సి) నితీశ్‌ (బి) మలింగ 3; సమద్‌ (బి) నితీశ్‌ 3; శార్దుల్‌ (రనౌట్‌) 4; బిష్ణోయ్‌ (నాటౌట్‌) 0; ఆకాశ్‌దీప్‌ (నాటౌట్‌) 6; ఎక్స్‌ట్రాలు 11; మొత్తం (20 ఓవర్లలో 7 వికెట్లకు) 205. వికెట్ల పతనం: 1–115, 2–124, 3–159, 4–169, 5–194, 6–199, 7–199. బౌలింగ్‌: కమిన్స్‌ 4–0–34–0, హర్ష్ దూబే 4–0–44–1, హర్షల్‌ పటేల్‌ 4–0–49–1, ఇషాన్‌ మలింగ 4–0–28–2, జీషాన్‌ అన్సారి 2–0–22–0, నితీశ్‌ 2–0–28–1. సన్‌రైజర్స్‌ హైదరాబాద్‌ ఇన్నింగ్స్‌: అథర్వ తైడే (సి) దిగ్వేశ్‌ (బి) రూర్కే 13; అభిషేక్‌ (సి) శార్దుల్‌ (బి) దిగ్వేశ్‌ 59; కిషన్‌ (బి) దిగ్వేశ్‌ 35; క్లాసెన్‌ (సి) పంత్‌ (బి) శార్దుల్‌ 47; కమిందు (రిటైర్డ్‌హర్ట్‌) 32; అనికేత్‌ (నాటౌట్‌) 5; నితీశ్‌ రెడ్డి (నాటౌట్‌) 5; ఎక్స్‌ట్రాలు 10; మొత్తం (18.2 ఓవర్లలో 4 వికెట్లకు) 206. వికెట్ల పతనం: 1–17, 2–99, 3–140, 4–195. బౌలింగ్‌: ఆకాశ్‌దీప్‌ 3–0–33–0, రూర్కే 2.2–0–31–1, దిగ్వేశ్‌ రాఠి 4–0–37–2, అవేశ్‌ ఖాన్‌ 3–0–25–0, రవి బిష్ణోయ్‌ 1–0–26–0, మార్క్‌రమ్‌ 1–0–14–0, శార్దుల్‌ 4–0–39–1.

ఐపీఎల్‌-2025లో ల‌క్నో సూపర్ జెయింట్స్ స్పిన్న‌ర్ దిగ్వేష్ సింగ్ రథీ మ‌రోసారి త‌న సెల‌బ్రేష‌న్స్‌లో అతి చేశాడు. ఈ మెగా టోర్నీలో భాగంగా ఏక్నా స్టేడియం వేదిక‌గా ల‌క్నో సూప‌ర్ జెయింట్స్‌, స‌న్‌రైజ‌ర్స్ హైద‌రాబాద్ జ‌ట్లు త‌ల‌ప‌డ్డాయి. 206 ప‌రుగుల ల‌క్ష్య చేధ‌నలో ఎస్ఆర్‌హెచ్ ఓపెన‌ర్ దూకుడుగా ఆడాడు.ఎస్ఆర్‌హెచ్ ఇన్నింగ్స్ 8వ ఓవ‌ర్ వేసిన ర‌వి బిష్ణోయ్ బౌలింగ్‌లో అభిషేక్ ఏకంగా నాలుగు సిక్స్‌ల‌తో 26 ప‌రుగులు పిండుకున్నాడు. ఈ క్ర‌మంలో అత‌డి దూకుడుకు క‌ళ్లెం వేసేందుకు దిగ్వేష్ సింగ్‌ను ల‌క్నో కెప్టెన్ ఎటాక్‌లోకి తీసుకొచ్చాడు. అయితే పంత్ న‌మ్మ‌కాన్ని దిగ్వేష్ వ‌మ్ము చేయ‌లేదు. ఆ ఓవ‌ర్‌లో మూడో బంతికి భారీ షాట్‌కు ప్ర‌య‌త్నించి అభిషేక్ ఔట‌య్యాడు. ఈ క్ర‌మంలో దిగ్వేష్ సెల‌బ్రేష‌న్స్ శ్రుతిమించాయి. అభిషేక్ వైపు చూస్తూ కోపంగా ఇక ఆడింది చాలు త‌న నోట్‌బుక్ సెలబ్రేష‌న్స్ చేసుకున్నాడు. దీంతో డ‌గౌట్‌కు వెళ్లేందుకు సిద్ద‌మైన అభిషేక్ మ‌ళ్లీ వెనక్కి వ‌చ్చి దిగ్వేష్‌పై ఫైర‌య్యాడు. అత‌డు కూడా అభిషేక్ వ‌ద్ద‌కు ప‌రిగెత్తుకుంటూ వ‌చ్చి వాగ్వాదానికి దిగాడు. వెంట‌నే అంపైర్‌లు జోక్యం చేసుకోవ‌డంతో గొడవ స‌ద్దుమ‌ణిగింది.ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది. కాగా ఈ ఏడాది సీజ‌న్‌లో ఇప్ప‌టికే దిగ్వేష్ సింగ్‌పై బీసీసీఐ రెండు సార్లు కొర‌డా ఝ‌ళిపించింది. ఓసారి అత‌డి మ్యాచ్ ఫీజులో 25 శాతం, మ‌రోసారి 50 శాతం కోత బీసీసీఐ విధించింది.Fight between Digvesh Rathi and Abhishek Sharma 😳 pic.twitter.com/8ngcvpnIVK— 𝑺𝒉𝒆𝒓𝒂 (@SheraVK18) May 19, 2025

సన్‌రైజర్స్‌ హైదరాబాద్‌తో మ్యాచ్‌ సందర్భంగా తాను ప్రవర్తించిన తీరును గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ సమర్థించుకున్నాడు. వందకు నూటా పది శాతం కష్టపడుతున్నపుడు ఇలాంటివి జరుగుతాయని.. ఒక్కోసారి భావోద్వేగాలను అదుపు చేసుకోలేమని పేర్కొన్నాడు.ఐపీఎల్‌-2025 (IPL 2025)లో భాగంగా టైటాన్స్‌ శుక్రవారం సన్‌రైజర్స్‌తో తలపడింది. నరేంద్ర మోదీ స్టేడియంలో జరిగిన ఈ మ్యాచ్‌లో గిల్‌ కెప్టెన్‌ ఇన్నింగ్స్‌తో మెరిశాడు. ఈ ఓపెనింగ్‌ బ్యాటర్‌ 38 బంతుల్లో పది ఫోర్లు, రెండు సిక్సర్ల సాయంతో 76 పరుగులు సాధించాడు.అంపైర్లతో వాదనతనకు అచ్చొచ్చిన మైదానంలో గిల్‌ శతకం దిశగా పయనిస్తున్న వేళ అనూహ్య రీతిలో రనౌట్‌ అయ్యాడు. జీషన్‌ అన్సారీ బౌలింగ్‌లో జోస్‌ బట్లర్‌ పరుగుకు యత్నించగా.. గిల్‌ రన్‌ పూర్తి చేసేందుకు సిద్ధమయ్యాడు. అయితే, ఇంతలో ఫీల్డర్‌ హర్షల్‌ పటేల్‌ విసిరిన బంతిని వికెట్‌ కీపర్‌ హెన్రిచ్‌ క్లాసెన్‌ అందుకుని వికెట్లకు గిరాటేశాడు.అయితే, బంతి క్లాసెన్‌ గ్లోవ్స్‌ను తాకి స్టంప్స్‌ పక్కగా వెళ్లింది. అప్పుడు క్లాసెన్‌ గ్లవ్‌ తాకి స్టంప్స్‌ పైకి ఎగిరినట్లు కనిపించింది. అయితే, కీపర్‌ చేతిలో ఉండగానే బంతి స్టంప్‌ను తాకిందా లేదా అన్నది స్పష్టంగా తెలియరాలేదు. అయినప్పటికీ టీవీ అంపైర్‌ మాత్రం గిల్‌ను అవుట్‌గానే ప్రకటించాడు.మరోసారి వాగ్వాదంఈ నేపథ్యంలో తీవ్ర అసంతృప్తికి లోనైన శుబ్‌మన్‌ గిల్‌ అంపైర్లతో వాగ్వాదానికి దిగాడు. అదే విధంగా.. లక్ష్య ఛేదనలో సన్‌రైజర్స్‌ బ్యాటర్‌ అభిషేక్‌ శర్మ విషయంలో ఎల్బీడబ్ల్యూ అప్పీలు అంశంలో ప్రతికూల నిర్ణయం రావడంతో కోపోద్రిక్తుడయ్యాడు.మళ్లీ అప్పుడు కూడా గిల్‌ అంపైర్‌తో వాదనకు దిగాడు. ఈ పరిణామాల గురించి విజయానంతరం గిల్‌ స్పందించాడు. ‘‘నాకు, అంపైర్‌కు మధ్య చర్చ జరిగింది. ఒక్కోసారి భావోద్వేగాలను అదుపుచేసుకోలేము.తప్పేముంది?.. తగ్గేదేలేగెలిచేందుకు వందకు 110 శాతం కృషి చేస్తున్నపుడు ఇలాంటివి జరుగుతూ ఉంటాయి. జరిగిన విషయం గురించే మాట్లాడాను. ఈ వైఖరి తప్పని నేను అనుకోను’’ అని గిల్‌ స్పష్టం చేశాడు. స్కోరు బోర్డును ఎలా పరుగులు తీయించాలో తమకు తెలుసునని.. ఏదేమైనా ప్లే ఆఫ్స్‌కు చేరువ కావడం సంతోషంగా ఉందని పేర్కొన్నాడు.కాగా ఈ సీజన్‌లో ఇప్పటికి పది మ్యాచ్‌లు ఆడిన గుజరాత్‌కు ఇది ఏడో గెలుపు. తద్వారా పద్నాలుగు పాయిం ట్లతో పట్టికలో రెండోస్థానంలోకి దూసుకు వచ్చింది. మరోవైపు.. ఏడో పరాజయం నమోదు చేసిన సన్‌రైజర్స్‌ ప్లే ఆఫ్స్‌ అవకాశాలను దాదాపు కోల్పోయింది. ఐపీఎల్‌-2025: టైటాన్స్‌ వర్సెస్‌ సన్‌రైజర్స్‌👉టాస్‌: సన్‌రైజర్స్‌.. తొలుత బౌలింగ్‌👉టైటాన్స్‌ స్కోరు: 224/6 (20)👉సన్‌రైజర్స్‌ స్కోరు: 186/6 (20)👉ఫలితం: 38 పరుగుల తేడాతో సన్‌రైజర్స్‌పై టైటాన్స్‌ విజయం👉ప్లేయర్‌ ఆఫ్‌ ది మ్యాచ్‌: ప్రసిద్‌ కృష్ణ (టైటాన్స్‌ పేసర్‌- నాలుగు ఓవర్ల బౌలింగ్‌లో కేవలం 19 పరుగులు ఇచ్చి రెండు వికెట్లు).చదవండి: Shubman Gill: అంపైర్‌తో గొడవపడి.. అభిషేక్‌ను కాలితో తన్ని! What's your take? 👇✍🏻#ShubmanGill seen having a word with the umpire after being given out by the third umpire on a tight call! 👀Watch the LIVE action ➡ https://t.co/RucOdyBVUf#IPLonJioStar 👉 #GTvSRH | LIVE NOW on SS-1, SS- 1 Hindi & JioHotstar! pic.twitter.com/TPiALXJu8O— Star Sports (@StarSportsIndia) May 2, 2025

ఐపీఎల్‌లో గతేడాది రన్నరప్‌గా నిలిచిన సన్‌రైజర్స్‌ హైదరాబాద్‌ (SRH) ఈసారి చెత్త ప్రదర్శనతో విమర్శలు మూటగట్టుకుంటోంది. గుజరాత్‌ టైటాన్స్‌తో శుక్రవారం నాటి మ్యాచ్‌లో కమిన్స్‌ బృందం 38 పరుగుల తేడాతో ఓటమిపాలైంది. తద్వారా ఐపీఎల్‌-2025 (IPL 2025)లో రైజర్స్‌ ప్లే ఆఫ్స్‌ అవకాశాలు దాదాపుగా ముగిసిపోయాయి.ఈ నేపథ్యంలో సన్‌రైజర్స్‌ కెప్టెన్‌ ప్యాట్‌ కమిన్స్‌ (Pat Cummins) ఓటమి అనంతరం తీవ్ర విచారం వ్యక్తం చేశాడు. ఇటు బౌలింగ్‌లో.. అటు బ్యాటింగ్‌లోనూ విఫలమయ్యామని పేర్కొన్నాడు. ఈ ఘోర ఓటమికి తానూ బాధ్యత వహిస్తున్నానని తెలిపాడు.పవర్‌ ప్లేలో మేము విఫలం‘‘పవర్‌ ప్లేలో మా ఇన్నింగ్స్‌ అంత గొప్పగా ఏమీ సాగలేదు. అందరిలాగే నేనూ ఈ పరాజయానికి బాధ్యుడిని. నాకు తెలిసి.. మేము 20-30 అదనపు పరుగులు సమర్పించుకున్నాం. అంతేకాదు.. రెండు- మూడు క్యాచ్‌లు మిస్‌ చేసుకున్నాం.అక్కడ కూడా నా తప్పు ఉందనే చెప్పాలి. ఇక 200కు పైగా పరుగుల ఛేదన అంత కష్టమేమీ కాదు. కానీ ఈరోజు మేము అందులో సఫలం కాలేకపోయాం. ఆ జట్టులో క్లాస్‌ బ్యాటర్లు ఉన్నారు.మా బౌలింగ్‌ అత్యంత చెత్తగా సాగిందిచెత్త బంతులు పడితే కచ్చితంగా బాదేస్తారు. ఈరోజు అదే జరిగింది. నిజంగా మా బౌలింగ్‌ అత్యంత చెత్తగా సాగింది. వికెట్‌ బాగున్నా మేము దానిని సద్వినియోగం చేసుకోలేకపోయాం.ఇక అభిషేక్‌ శర్మ ఈరోజు అద్భుతంగా బ్యాటింగ్‌ చేశాడు. నితీశ్‌ ఆఖర్లో పోరాడాడు. అయితే, అప్పటికే ఆలస్యమైపోయింది. పరిస్థితి మా చేయిదాటి పోయింది. వేలంలో మేము సరైన నిర్ణయాలే తీసుకున్నాం అనుకుంటున్నాం. మూడేళ్ల పాటుఈ కోర్‌ గ్రూప్‌ మూడేళ్ల పాటు కొనసాగుతుంది. ఇంకా చాలా దూరం ప్రయాణించాల్సి ఉంది’’ అని ప్యాట్‌ కమిన్స్‌ చెప్పుకొచ్చాడు. కాగా అహ్మదాబాద్‌లో టాస్‌ గెలిచిన సన్‌రైజర్స్‌ తొలుత బౌలింగ్‌ చేసింది.ధారాళంగా పరుగులు సమర్పించుకునిఈ క్రమంలో బ్యాటింగ్‌కు దిగిన టైటాన్స్‌ సొంత మైదానంలో దుమ్మురేపింది. నిర్ణీత 20 ఓవర్లలో ఆరు వికెట్లు కోల్పోయి ఏకంగా 224 పరుగుల మేర భారీ స్కోరు సాధించింది. సన్‌రైజర్స్‌ బౌలర్లలో మహ్మద్‌ షమీ (3 ఓవర్లలో 48), హర్షల్‌ పటేల్‌ (3 ఓవర్లలో 41)ధారాళంగా పరుగులు సమర్పించుకుని ఒక్క వికెట్‌ కూడా తీయలేకపోయారు.మిగతా వాళ్లలో జీషన్‌ అన్సారీ తన బౌలింగ్‌ కోటాలో 42 పరుగులు ఇచ్చి ఒక వికెట్‌ తీయగా.. జయదేవ్‌ ఉనాద్కట్‌ నాలుగు ఓవర్లలో 35 రన్స్‌ మాత్రమే ఇచ్చి మూడు వికెట్లు కూల్చాడు. కెప్టెన్‌ కమిన్స్‌ నాలుగు ఓవర్లలో 40 పరుగులు ఇచ్చి ఒక్క వికెట్‌ పడగొట్టాడు.బ్యాటర్లు కూడా చెత్తగా ఆడిబౌలర్ల సంగతి ఇలా ఉంటే... లక్ష్య ఛేదనలో సన్‌రైజర్స్‌ బ్యాటర్లు కూడా చెత్త ప్రదర్శన కనబరిచారు. ఓపెనర్‌ అభిషేక్‌ శర్మ (41 బంతుల్లో 74) ఒక్కడే అర్ధ శతకంతో రాణించగా.. ట్రవిస్‌ హెడ్‌ (20), ఇషాన్‌ కిషన్‌ (13), హెన్రిచ్‌ క్లాసెన్‌ (23), అనికేత్‌ వర్మ (3) విఫలమయ్యారు. ఆఖర్లో నితీశ్‌ రెడ్డి 10 బంతుల్లో 21 పరుగులతో నాటౌట్‌గా నిలిచినా ఫలితం లేకపోయింది. 20 ఓవర్లలో ఆరు వికెట్ల నష్టానికి 186 పరుగుల వద్ద నిలిచిపోయిన రైజర్స్‌.. 38 పరుగుల తేడాతో ఓటమిపాలైంది.చదవండి: Shubman Gill: అంపైర్‌తో గొడవపడి.. అభిషేక్‌ను కాలితో తన్ని! That's what you call a complete team performance 🤝@gujarat_titans climb to No.2⃣ in the points table after a convincing 3⃣8⃣-run win over #SRH 👏Scorecard ▶ https://t.co/u5fH4jPU3a#TATAIPL | #GTvSRH pic.twitter.com/EEc0v13pT2— IndianPremierLeague (@IPL) May 2, 2025

గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ (Shubman Gill) ప్రవర్తన విమర్శలకు దారితీసింది. సారథిగా సంయమనంతో వ్యవహరించాల్సిన ఆటగాడే ఇలా సహనం కోల్పోవడం సరికాదంటూ క్రికెట్‌ ప్రేమికులు అతడిని విమర్శిస్తున్నారు. గిల్‌ నుంచి ఇలాంటివి అస్సలు ఊహించలేదని.. స్నేహపూర్వకంగా చేసే పనులకు కూడా ఓ హద్దు ఉంటుందని సోషల్‌ మీడియా వేదికగా హితవు పలుకుతున్నారు.అసలు విషయమేమిటంటే.. ఐపీఎల్‌-2025 (IPL 2025)లో భాగంగా గుజరాత్‌ టైటాన్స్‌ అహ్మదాబాద్‌ వేదికగా శుక్రవారం సన్‌రైజర్స్‌ హైదరాబాద్‌ జట్టు (GT vs SRH)తో తలపడింది. సొంత మైదానం నరేంద్ర మోదీ స్టేడియంలో టాస్‌ ఓడిన టైటాన్స్‌ తొలుత బ్యాటింగ్‌ చేసింది.సాయి, గిల్‌ మెరుపు ఇన్నింగ్స్‌ఓపెనర్లు సాయి సుదర్శన్‌ (23 బంతుల్లో 48), శుబ్‌మన్‌ గిల్‌ (38 బంతుల్లో 76) మెరుపు ఇన్నింగ్స్‌ ఆడగా.. వన్‌డౌన్‌ బ్యాటర్‌ జోస్‌ బట్లర్‌ (37 బంతుల్లో 64) కూడా అదరగొట్టాడు. వీరికి తోడు వాషింగ్టన్‌ సుందర్‌ (16 బంతుల్లో 21) కూడా రాణించాడు.ఫలితంగా నిర్ణీత 20 ఓవర్లలో టైటాన్స్‌ ఆరు వికెట్లు నష్టపోయి ఏకంగా 224 పరుగులు చేసింది. అయితే, గిల్‌ రనౌట్‌ అయిన తీరు విమర్శలకు దారితీయగా.. అతడు మైదానాన్ని వీడే ముందు అంపైర్‌తో వాదించాడు.38 పరుగుల తేడాతో ఇదిలా ఉంటే.. లక్ష్య ఛేదనలో తడబడ్డ సన్‌రైజర్స్‌ 20 ఓవర్లలో ఆరు వికెట్లు కోల్పోయి కేవలం 186 పరుగులే చేసింది. తద్వారా 38 పరుగుల తేడాతో ఓటమి పాలై ప్లే ఆఫ్స్‌ ఆశలను దాదాపు వదిలేసుకుంది.ఇక రైజర్స్‌ ఇన్నింగ్స్‌లో ఓపెనర్‌ అభిషేక్‌ శర్మ ఒక్కడే మెరుగ్గా ఆడాడు. మొత్తంగా 41 బంతుల్లో నాలుగు ఫోర్లు, ఆరు సిక్సర్ల సాయంతో 74 పరుగులు సాధించాడు. అయితే, పద్నాలుగో ఓవర్లో టైటాన్స్‌ పేసర్‌ ప్రసిద్‌ కృష్ణ వేసిన యార్కర్‌ను ఆడే క్రమంలో అభిషేక్‌ విఫలమయ్యాడు.అంపైర్‌తో గొడవపడి.. అభిషేక్‌ను కాలితో తన్ని!అయితే, బంతి దిశను మార్చుకుని అతడి ప్యాడ్‌ను తాకినట్లు కనిపించింది. కానీ ఫీల్డ్‌ అంపైర్‌ మాత్రం స్పందించకపోవడంతో.. టైటాన్స్‌ రివ్యూకు వెళ్లింది. అందులో బంతి వికెట్లను హిట్‌ చేసినట్లుగా కనిపించినప్పటికీ.. అంపైర్స్‌ కాల్‌ ద్వారా అభిషేక్‌ నాటౌట్‌గా నిలిచాడు.దీంతో సహనం కోల్పోయిన శుబ్‌మన్‌ గిల్‌ ఫీల్డ్‌ అంపైర్‌తో వాదనకు దిగాడు. కోపంతో అతడి పైపైకి వస్తూ వాగ్వాదం పెట్టుకున్నాడు. ఇంతలో అభిషేక్‌ శర్మ జోక్యం చేసుకుని గిల్‌ను కూల్‌ చేసేందుకు ప్రయత్నించాడు.అయితే, అప్పటికి అభిషేక్‌ క్రీజులో ఉండి చాలా సేపు కావడంతో బహుశా కండరాలు పట్టేయడంతో.. ఫిజియోను పిలిపించుకుని ట్రీట్‌మెంట్‌ తీసుకుంటున్నాడు. ఈ క్రమంలో అభిషేక్‌ కింద కూర్చుని ఉండగా.. గిల్‌ వెనక్కి వచ్చి అతడి కాలిని తన్నాడు. సమయం వృథా చేస్తున్నాడన్న కారణంతో ఇలా చేసి ఉంటాడు.PC: BCCI/JioHotstarయాంగ్రీ యంగ్‌ మ్యాన్‌.. సరదాగా చేసినా..కాగా గిల్‌- అభిషేక్‌.. ఇద్దరూ దేశవాళీ క్రికెట్‌లో పంజాబ్‌ జట్టుకు ఆడతారన్న విషయం తెలిసిందే. ఈ ఓపెనింగ్‌ జోడీ మధ్య గాఢమైన స్నేహం ఉంది. అయితే, ఈ మ్యాచ్‌లో మాత్రం అభిషేక్‌ గిల్‌ను సముదాయించేందుకు ప్రయత్నిస్తే.. అతడు మాత్రం ఇలా కాలితో తన్నడం గమనార్హం.అభిషేక్‌తో తనకున్న చనువుతో సరదాగానే గిల్‌ ఈ పని చేసినా.. లైవ్‌లో ఇలాంటి చర్యలు ఎంతమాత్రం సరికాదనే విమర్శలు వెల్లువెత్తుతున్నాయి. కాగా రైజర్స్‌పై గెలుపుతో ఈ సీజన్‌లో టైటాన్స్‌ ఏడో విజయం నమోదు చేయగా.. కమిన్స్‌ సేనకు ఇది ఏడో ఓటమి.చదవండి: IPL 2025: శుబ్‌మ‌న్ గిల్‌ది ఔటా? నాటౌటా? Chaos at the centre! 😳#ShubmanGill and #AbhishekSharma in discussion with the umpires!A review going #SRH’s way has sparked some serious drama! 🧐Watch the LIVE action ➡ https://t.co/RucOdyBo4H#IPLonJioStar 👉 #GTvSRH | LIVE NOW on Star Sports 1, Star Sports 1 Hindi, &… pic.twitter.com/KX68eec2ZB— Star Sports (@StarSportsIndia) May 2, 2025

ప్రస్తుత ఐపీఎల్‌ సీజన్‌లో ఇప్పటివరకు నలుగురు ఆటగాళ్లు సెంచరీలు చేశారు. ఈ నలుగురిలో ఓ కామన్‌ పాయింట్‌ ఉంది. అదేంటంటే.. నలుగురు లెఫ్ట్‌ హ్యాండ్‌ బ్యాటర్లే. పైగా నలుగురు 27 ఏళ్ల లోపు వారే. ఈ నలుగురు 45 బంతుల్లోపే సెంచరీలు పూర్తి చేశారు. వీరిలో ఇద్దరు సన్‌రైజర్స్‌ ఆటగాళ్లు కాగా.. ఒకరు పంజాబ్‌, ఒకరు రాజస్థాన్‌ ఆటగాడు.ఈ సీజన్‌లో తొలి సెంచరీని సన్‌రైజర్స్‌ ఆటగాడు ఇషాన్‌ కిషన్‌ చేశాడు. సీజన్‌ రెండో మ్యాచ్‌లో రాజస్థాన్‌ రాయల్స్‌పై ఇషాన్‌ ఈ ఘనత సాధించాడు. ఈ మ్యాచ్‌లో 45 బంతుల్లో సెంచరీ పూర్తి చేసిన ఇషాన్‌, మొత్తంగా 47 బంతులు ఎదుర్కొని 11 ఫోర్లు, 6 సిక్సర్ల సాయంతో 106 పరుగులతో అజేయంగా నిలిచాడు. ఐపీఎల్‌లో ఇషాన్‌ చేసిన ఈ సెంచరీ 15వ వేగవంతమైన సెంచరీ.ఈ సీజన్‌లో రెండో సెంచరీని పంజాబ్‌ ఆటగాడు ప్రియాంశ్‌ ఆర్య చేశాడు. సీజన్‌ 22వ మ్యాచ్‌లో సీఎస్‌కేతో జరిగిన మ్యాచ్‌లో ప్రియాంశ్‌ మూడంకెల స్కోర్‌ను సాధించాడు. ఈ మ్యాచ్‌లో ప్రియాంశ్‌ 42 బంతుల్లో 7 ఫోర్లు, 9 సిక్సర్ల సాయంతో 103 పరుగులు చేశాడు.ప్రియాంశ్‌ ఈ సెంచరీని కేవలం​ 39 బంతుల్లో పూర్తి చేశాడు. ఐపీఎల్‌లో ఇది ఆరో వేగవంతమైన సెంచరీ. ప్రియాంశ్‌ ఈ రికార్డును సన్‌రైజర్స్‌ ఆటగాడు ట్రవిస్‌ హెడ్‌తో షేర్‌ చేసుకున్నాడు. ట్రవిస్‌ కూడా గత సీజన్‌లో ఆర్సీబీతో జరిగిన మ్యాచ్‌లో 39 బంతుల్లో శతక్కొట్టాడు.ఈ సీజన్‌లో మూడో సెంచరీని సన్‌రైజర్స్‌ ఆటగాడు అభిషేక్‌ శర్మ చేశాడు. సీజన్‌ 27వ మ్యాచ్‌లో పంజాబ్‌తో జరిగిన మ్యాచ్‌లో అభిషేక్‌ కేవలం 40 బంతుల్లోనే సెంచరీ పూర్తి చేశాడు. ఈ మ్యాచ్‌లో 55 బంతులు ఎదుర్కొన్న అభిషేక్‌ 14 ఫోర్లు, 10 సిక్సర్ల సాయంతో 141 పరుగులు చేశాడు. ఐపీఎల్‌లో అభిషేక్‌ది ఏడో వేగవంతమైన సెంచరీ.ఈ సీజన్‌లో నాలుగో సెంచరీని రాజస్థాన్‌ ఆటగాడు వైభవ్‌ సూర్యవంశీ చేశాడు. సీజన్‌ 47వ మ్యాచ్‌లో వైభవ్‌ గుజరాత్‌ టైటాన్స్‌పై ఈ ఘనత సాధించాడు. ఈ మ్యాచ్‌లో కేవలం​ 35 బంతుల్లో సెంచరీ పూర్తి చేసిన వైభవ్‌.. మొత్తంగా 38 బంతులు ఎదుర్కొని 7 ఫోర్లు, 11 సిక్సర్ల సాయంతో 101 పరుగులు చేశాడు. ఐపీఎల్‌లో ఇది రెండో వేగవంతమైన సెంచరీ. ఐపీఎల్‌లో ఫాస్టెస్‌ సెంచరీ రికార్డు క్రిస్‌ గేల్‌ (30 బంతుల్లో) పేరిట ఉంది.వైభవ్‌ ఈ సెంచరీ చేసే సమయానికి అతని వయసు కేవలం​ 14 ఏళ్ల 32 రోజులు. ఈ సెంచరీతో వైభవ్‌ చాలా రికార్డులు తన ఖాతాలో వేసుకున్నాడు. ఈ సీజన్‌లో సెంచరీలు చేసిన నలుగురిలో వైభవ్‌ అత్యంత పిన్న వయస్కుడు.

సన్‌రైజర్స్‌ హైదరాబాద్‌ (SRH)కు మరోసారి చేదు అనుభవమే మిగిలింది. ఐపీఎల్‌-2025 (IPL 2025)లో భాగంగా ముంబై ఇండియన్స్‌తో మ్యాచ్‌లో కమిన్స్‌ బృందం నాలుగు వికెట్ల తేడాతో ఓటమి పాలైంది. వాంఖడే స్టేడియంలో గురువారం జరిగిన మ్యాచ్‌లో సమిష్టి వైఫల్యం కారణంగా ఈ సీజన్‌లో ఐదో పరాజయాన్ని మూటగట్టుకుంది.అంతేకాదు.. ఐపీఎల్‌ తాజా ఎడిషన్‌లో ఇప్పటి వరకు సొంత మైదానం వెలుపల ఒక్క మ్యాచ్‌ కూడా గెలవని ఏకైక జట్టుగా నిలిచింది. ఈ నేపథ్యంలో ముంబై చేతిలో ఓటమి అనంతరం సన్‌రైజర్స్‌ కెప్టెన్‌ ప్యాట్‌ కమిన్స్‌ (Pat Cummins)తీవ్ర విచారం వ్యక్తం చేశాడు.ఇలాంటి వికెట్‌ మీద కష్టమే..‘‘వాంఖడే వికెట్‌పై పరుగులు రాబట్టడానికి కష్టపడాల్సి వచ్చింది. బ్యాటింగ్‌కు వచ్చినప్పుడు సులువుగానే రన్స్‌ చేయొచ్చనే అనిపించింది. కానీ అనూహ్యంగా పిచ్‌ పరిస్థితి అందుకు భిన్నంగా మారిపోయింది. ఏదేమైనా వాళ్లు అద్భుతంగా బౌలింగ్‌ చేశారు.ఎక్కడిక్కడ మమ్మల్ని కట్టడి చేశారు. మేము కూడా బాగానే బ్యాటింగ్‌ చేశాం. ఇలాంటి వికెట్‌ మీద 160 అనేది మెరుగైన స్కోరే. కానీ మేము ఇంకాస్త బెటర్‌గా బ్యాటింగ్‌ చేయాల్సింది. ఈరోజు మా వాళ్లు పవర్‌ప్లేలో ఎలాంటి తొందరపాటు చర్యలకు పోలేదు.మా వాళ్లు నిర్లక్ష్యంగా ఆడలేదు.. కానీనిర్లక్ష్య రీతిలో హిట్టింగ్‌ కూడా ఆడలేదు. కానీ ఇలా జరిగిపోయింది. మేము ఇంకొన్ని పరుగులు చేసి ఉంటే ఫలితం వేరేలా ఉండేదేమో!.. ఇక మా బౌలింగ్‌ విషయానికొస్తే డెత్‌ ఓవర్లలో మా ప్రదర్శన పర్వాలేదనిపించింది.ఇంపాక్ట్‌ ప్లేయర్‌గా వచ్చిన బౌలర్‌తో 1-2 ఓవర్లు మాత్రమే వేయించగలము అనిపించింది. అందుకే రాహుల్‌ చహర్‌ను తీసుకువచ్చాం. ఫైనల్‌కు చేరుకోవాలంటే హోం గ్రౌండ్‌ వెలుపల ఎక్కువగా మ్యాచ్‌లు గెలవాల్సి ఉంటుంది.కానీ దురదృష్టవశాత్తూ ఈ సీజన్‌లో మేము ఇంత వరకు ఇతర వేదికలపై ఒక్క మ్యాచ్‌ కూడా గెలవలేకపోయాం. పొరపాట్లను సమీక్షించుకుని సానుకూలంగా ముందుకు వెళ్తాం. తదుపరి మా సొంత మైదానంలో మ్యాచ్‌ ఆడబోతున్నాం. మాకు అక్కడి పరిస్థితులపై పూర్తి అవగాహన ఉంది కాబట్టి.. అనుకున్న ఫలితం రాబట్టగలమని నమ్ముతున్నాం’’ అని ప్యాట్‌ కమిన్స్‌ పేర్కొన్నాడు.శైలికి భిన్నంగాకాగా వాంఖడే వేదికగా టాస్‌ ఓడిన సన్‌రైజర్స్‌ తొలుత బ్యాటింగ్‌ చేసింది. దూకుడైన తమ శైలికి భిన్నంగా రైజర్స్‌ ఓపెనర్లు అభిషేక్‌ శర్మ (28 బంతుల్లో 40), ట్రవిస్‌ హెడ్‌ (29 బంతుల్లో 28) నెమ్మదిగా ఆడారు. ఇషాన్‌ కిషన్‌ (2), నితీశ్‌ రెడ్డి (21 బంతుల్లో 19) పూర్తిగా విఫలం కాగా.. క్లాసెన్‌ (28 బంతుల్లో 37) ఫర్వాలేదనిపించాడు.ఆఖర్లో అనికేత్‌ వర్మ (8 బంతుల్లో 18 నాటౌట్‌), కమిన్స్‌ (4 బంతుల్లో 8 నాటౌట్‌) కాస్త వేగంగా ఆడగా.. 20 ఓవర్లు పూర్తయ్యేసరికి రైజర్స్‌ ఐదు వికెట్ల నష్టానికి 162 పరుగులు చేయగలిగింది. ముంబై బౌలర్లలో బుమ్రా, కెప్టెన్‌ హార్దిక్‌ పాండ్యా చెరో వికెట్‌ తీయగా.. ‘ప్లేయర్‌ ఆఫ్‌ ది మ్యాచ్‌’ విల్‌ జాక్స్‌ రెండు వికెట్లు కూల్చాడు.పాండ్యా మెరుపులుఇక లక్ష్య ఛేదనకు దిగిన ముంబై ఆరు వికెట్లు కోల్పోయి 18.1 ఓవర్లలోనే పని పూర్తి చేసింది. ఓపెనర్లు రియాన్‌ రికెల్టన్‌ (31), రోహిత్‌ శర్మ (26) ఫర్వాలేదనిపించగా.. విల్‌ జాక్స్‌ (36), సూర్యకుమార్‌ యాదవ్‌ (26), తిలక్‌ వర్మ (17 బంతుల్లో 21 నాటౌట్‌) రాణించారు. హార్దిక్‌ పాండ్యా కెప్టెన్‌ ఇన్నింగ్స్‌ (9 బంతుల్లో 21)తొ మెరిసి ముంబై విజయంలో కీలక పాత్ర పోషించాడు. రైజర్స్‌ కెప్టెన్‌ కమిన్స్‌కు మూడు, ఇషాన్‌ మలింగకు రెండు, హర్షల్‌ పటేల్‌కు ఒక వికెట్‌ దక్కాయి. చదవండి: అభిషేక్‌ శర్మ, నితీశ్‌ కుమార్‌కు జాక్‌ పాట్‌..?Applying the finishing touches 🤌🎥 #MI skipper Hardik Pandya gave them the final flourish with a brilliant cameo of 21(9)Scorecard ▶ https://t.co/8baZ67Y5A2#TATAIPL | #MIvSRH | @mipaltan | @hardikpandya7 pic.twitter.com/hPI3CxwzLF— IndianPremierLeague (@IPL) April 17, 2025

టీమిండియా విధ్వంసకర ఓపెనర్‌ అభిషేక్‌ శర్మ జాక్‌ పాట్‌ కొట్టనున్నాడని తెలుస్తుంది. త్వరలో బీసీసీఐ ప్రక​టించబోయే సెంట్రల్‌ కాంట్రాక్ట్‌ జాబితాలో చోటు దక్కించుకోనున్నాడని సమాచారం. అభిషేక్‌తో పాటు టీమిండియా యువ ఆటగాళ్లు నితీశ్‌ కుమార్‌ రెడ్డి, హర్షిత్‌ రాణా, మిస్టరీ స్పిన్నర్‌ వరుణ్‌ చక్రవర్తి కూడా బీసీసీఐ సెంట్రల్‌ కాంట్రాక్ట్‌ దక్కించుకోనున్నారని తెలుస్తుంది. పై నలుగురికి బీసీసీఐ సెంట్రల్‌ కాంట్రాక్ట్‌ల్లో గ్రేడ్‌-సి హోదా దక్కవచ్చు. ఈ నలుగురికి గ్రేడ్‌-సి దక్కితే అనేక వెసలుబాటులతో పాటు ఏడాదికి రూ. కోటి వార్షిక వేతనం లభిస్తుంది.బీసీసీఐ స్టాండర్డ్‌ పాలసీ ప్రకారం.. ఓ ఆటగాడు నిర్దిష్ట వ్యవధిలో (కాంట్రాక్ట్‌ ప్రకటించే ముందు ఏడాదిలో అక్టోబర్ నుండి సెప్టెంబర్ వరకు) కనీసం మూడు టెస్టులు లేదా ఎనిమిది వన్డేలు లేదా పది టీ20లు ఆడి ఉంటే సెంట్రల్‌ కాంట్రాక్ట్‌ గ్రేడ్-సిలో చేర్చబడతారు. అభిషేక్‌ నిర్దిష్ట వ్యవధిలో టీమిండియా తరఫున 12 టీ20లు ఆడాడు. మొత్తంగా అతను భారత్‌ తరఫున 17 టీ20లు ఆడాడు.నితీశ్‌ విషయానికొస్తే.. 21 ఏళ్ల ఈ ఆంధ్ర ఆల్ రౌండర్ భారత్‌ తరఫున ఐదు టెస్టులు, నాలుగు టీ20లు ఆడాడు. నిర్దిష్ట వ్యవధిలోనే నితీశ్‌ ఈ మ్యాచ్‌లను ఆడాడు. నితీశ్‌ గతేడాది చివర్లో జరిగిన బోర్డర్‌ గవాస్కర్‌ ట్రోఫీలో ఐదు టెస్ట్‌ల్లో పాల్గొన్నాడు. ఆ సిరీస్‌లో సత్తా చాటడంతోనే నితీశ్‌ రాత్రికిరాత్రి హీరో అయిపోయాడు.హర్షిత్ రాణా విషయానికొస్తే.. ఇతడు సెంట్రల్‌ కాంట్రాక్ట్‌ దక్కించుకునేందుకు ఆడాల్సిన మ్యాచ్‌లను ఆడనప్పటికీ, బీసీసీఐ ఇతని విషయంలో ఉదారంగా వ్యవహరించే అవకాశం ఉందని తెలుస్తుంది. రాణా టీమిండియా తరఫున కేవలం రెండు టెస్టులు, ఐదు వన్డేలు, ఓ టీ20 మాత్రమే ఆడాడు. రాణా.. మూడు ఫార్మాట్లలో దేనిలోనూ విడిగా ప్రమాణాలను నెరవేర్చలేదు. కానీ అతనికి బీసీసీఐ సెంట్రల్‌ కాంట్రాక్ట్‌ దక్కే అవకాశం ఉందని ప్రచారం జరుగుతుంది.వరుణ్ చక్రవర్తి విషయానికొస్తే.. ఇతడు భారత్‌ తరఫున నాలుగు వన్డేలు, 18 టీ20లు ఆడి బీసీసీఐ కాంట్రాక్ట్‌ పొందేందుకు అర్హుడిగా ఉన్నాడు.పై నలుగురితో సహా బీసీసీఐ సెంట్రల్‌ కాంట్రాక్ట్‌ దక్కించుకునే వారిలో మరో పెద్ద పేరు ఉండనుంది. ఇటీవల ముగిసిన ఛాంపియన్స్‌ ట్రోఫీలో రఫ్ఫాడించిన శ్రేయస్‌ అయ్యర్‌ బీసీసీఐ సెంట్రల్‌ కాంట్రాక్ట్‌ జాబితాలోకి తిరిగి వచ్చే అవకాశాలు పుష్కలంగా ఉన్నాయి. శ్రేయస్‌కు ఏ- గ్రేడ్‌ దక్కే అవకాశం ఉంది. మరో రెండు రోజుల్లో బీసీసీఐ సెంట్రల్‌ కాంట్రాక్ట్‌ ఆటగాళ్ల జాబితాలను ప్రకటించవచ్చు.ప్రస్తుతం బీసీసీఐ కాంట్రాక్ట్‌లు కలిగిన ఆటగాళ్లు..గ్రేడ్-ఏ ప్లస్‌: రోహిత్ శర్మ, విరాట్ కోహ్లీ, జస్ప్రీత్ బుమ్రా, రవీంద్ర జడేజా.గ్రేడ్-ఏ: అశ్విన్, మొహమ్మద్‌ షమీ, మహ్మద్‌ సిరాజ్, కేఎల్ రాహుల్, శుభ్‌మన్ గిల్, హార్దిక్ పాండ్యా.గ్రేడ్-బి: సూర్య కుమార్ యాదవ్, రిషబ్ పంత్, కుల్దీప్ యాదవ్, అక్షర్ పటేల్, యశస్వి జైస్వాల్.గ్రేడ్-సి: రింకూ సింగ్, తిలక్ వర్మ, రుతురాజ్ గైక్వాడ్, శార్దూల్ ఠాకూర్, శివమ్ దూబే, రవి బిష్ణోయ్, జితేష్ శర్మ, వాషింగ్టన్ సుందర్, ముఖేష్ కుమార్, సంజు శాంసన్, అర్ష్‌దీప్ సింగ్, కేఎస్‌ భరత్, ప్రసిద్ధ్ కృష్ణ, అవేష్ ఖాన్, రజత్ పాటీదార్.

హైదరాబాద్‌ : ఉప్పల్‌ అంతర్జాతీయ క్రికెట్‌ స్టేడియంలో శనివారం అభిమానులు ఆనందంలో మునిగి తేలగా సెల్‌ఫోన్‌ దొంగలు చేతి వాటం చూపించారు. స్టేడియం భద్రతలో దాదాపుగా 3 వేలకు పైగా పోలీసులు పహారా కాస్తున్నా వారిని లెక్క చేయకుండా సెల్‌ఫోన్‌ దొంగలు హాల్‌చల్‌ సృష్టించారు. వందలాది సెల్‌ ఫోన్‌లను దొంగిలించడంతో బాధితులు లబోదిబో మంటూ ఉప్పల్‌ పోలీసులను ఆశ్రయించినట్లు తెలిసింది. హైదరాబాద్‌ సన్‌ రైజర్స్‌ ఆటగాడు అభిషేక్ శర్మ పరుగుల వరద సృష్టించిన ఆనందంలో ప్రేక్షకులుండగా..దొంగలు చేతి వాటం చూపించినట్లు తెలిసింది. ఐపీఎల్‌ చరిత్రలోనే ఇంతగా సెల్‌ఫోన్లు దొంగిలించిన సంఘటన బçహుషా ఇదే మొదటి సారి కావచ్చంటున్నారు. ఈ విషయంలో ఉప్పల్‌ సిఐ ఎలక్షన్‌ రెడ్డిని వివరణ కోరగా దాదాపుగా 15 నుంచి 20 మంది మాత్రం ఫిర్యాదు చేసినట్లు తెలిపారు.

ఐపీఎల్‌-2025లో శ‌నివారం(ఏప్రిల్ 12) పంజాబ్ కింగ్స్‌తో జ‌రిగిన మ్యాచ్‌లో స‌న్‌రైజ‌ర్స్ హైద‌రాబాద్ స్టార్ అభిషేక్ శ‌ర్మ సెంచ‌రీతో చెల‌రేగిన సంగ‌తి తెలిసిందే. తొలి ఐదు మ్యాచ్‌ల్లో విఫ‌ల‌మైన అభిషేక్‌.. పంజాబ్ కింగ్స్‌పై మాత్రం ఆకాశ‌మే హ‌ద్దుగా చెల‌రేగిపోయాడు.ఉప్ప‌ల్ మైదానంలో అభిషేక్ త‌న బ్యాటింగ్‌తో విధ్వంసం సృష్టించాడు. కేవలం 40 బంతుల్లోనే తొలి ఐపీఎల్ సెంచరీ మార్క్‌ను అందుకున్నాడు. కేవ‌లం 55 బంతులు మాత్ర‌మే ఎదుర్కొన్న అభిషేక్‌.. 14 ఫోర్లు, 10 సిక్స్‌ల‌తో 141 ప‌రుగులు చేశాడు.అతడి విధ్వంసకర ఇన్నింగ్స్ ఫలితంగా ఎస్‌ఆర్‌హెచ్ 246 పరుగుల భారీ లక్ష్యాన్ని సన్‌రైజర్స్ ఛేదించింది. అయితే అభిషేక్ శర్మ జ్వరంతో బాధపడుతూనే ఈ అద్భుత ఇన్నింగ్స్ ఆడాడంట. ఈ విషయాన్ని మ్యాచ్‌​ అనంతరం శర్మనే స్వయంగా వెల్లడించాడు. అదేవిధంగా టీమిండియా మాజీ ఆల్‌రౌండర్ యువరాజ్ సింగ్‌, భారత టీ20 కెప్టెన్ సుర్యకుమార్ యాదవ్ తనకు ఎంతో సపోర్ట్‌గా ఉన్నారని అభిషేక్ తెలిపాడు."నేను నాలుగైదు రోజుల నుంచి జ్వరంతో బాధపడతున్నాను. ఈ సమయంలో యువరాజ్ సింగ్‌, సూర్యకుమార్ యాదవ్ నాకు ఎంతో సపోర్ట్‌గా నిలిచారు. ఎప్పటికప్పుడు నాకు ఫోన్ చేస్తూనే ఉన్నారు. నా ఆరోగ్యం గురుంచి తెలుసుకున్నారు. ఇటువంటి వ్యక్తులు నాతో ఉండడం చాలా సంతోషంగా ఉంది. నేను ఈ ఏడాది సీజన్‌లో అంత మంచి ఆరంభాన్ని అందుకోలేకపోయాను. నాపై నాకే కాస్త చిరాకు అన్పించింది. అప్పుడు కూడా నాకు వారు మద్దతుగా నిలిచారు. ఒక్క మంచి ఇన్నింగ్స్ వస్తే చాలు తిరిగి ఫామ్‌ను అందుకోవచ్చని ధైర్యం చెప్పారు. నేను కూడా అందుకోసం ఎదురు చూశాను. ఈ రోజు అది నేరవేరింది. ఎట్టకేలకు ఓ భారీ ఇన్నింగ్స్ ఆడగాలను" అని అభిషేక్ పోస్ట్ మ్యాచ్ ప్రెజేంటేషన్‌లో పేర్కొన్నాడు.

క్రికెట్‌ ప్రేమికుల్లో.. ముఖ్యంగా ఆరెంజ్‌ ఆర్మీలో ఎక్కడ చూసినా అభిషేక్‌ శర్మ నామస్మరణే.. పంజాబ్‌ కింగ్స్‌తో మ్యాచ్‌ సందర్భంగా ఈ పంజాబీ ఆకాశమే హద్దుగా చెలరేగాడు. తనలోని మాస్టర్‌ క్లాస్‌ను వెలికి తీసి విధ్వంసకర శతకంతో విరుచుకుపడ్డాడు.గత కొన్నాళ్లుగా కొనసాగుతున్న తన వైఫల్యాలకు తెర దించుతూ బీస్ట్‌ మోడ్‌లోకి వెళ్లిపోయి.. భారీ సెంచరీ సాధించాడు. కేవలం నలభై బంతుల్లోనే వంద పరుగుల మార్కు అందుకున్న అభిషేక్‌.. ఐపీఎల్‌లో సన్‌రైజర్స్‌ తరఫున ఫాస్టెస్ట్‌ సెంచరీ నమోదు చేసిన తొలి క్రికెటర్‌గా, ఓవరాల్‌గా మూడో ప్లేయర్‌గా చరిత్రకెక్కాడు.మొత్తంగా ఈ మ్యాచ్‌లో యాభై ఐదు బంతులు ఎదుర్కొన్న అభిషేక్‌ శర్మ .. పద్నాలుగు ఫోర్లు, పది సిక్సర్ల సాయంతో 141 పరుగులు సాధించాడు. తద్వారా ఐపీఎల్‌ మ్యాచ్‌ ఛేజింగ్‌లో అత్యధిక వ్యక్తిగత స్కోరు సాధించిన భారత ఆటగాడిగానూ ఈ ఎడమచేతి వాటం బ్యాటర్‌ ఆల్‌టైమ్‌ రికార్డు సాధించాడు.ఇలా తన సుడిగాలి ఇన్నింగ్స్‌తో సన్‌రైజర్స్‌ హైదరాబాద్‌ను గెలిపించి.. తిరిగి విజయాల బాట పట్టించాడు. ఈ నేపథ్యంలో అభిషేక్‌ శర్మపై ప్రశంసల వర్షం కురుస్తోంది. సహచర ఆటగాళ్లు, సన్‌రైజర్స్‌ ఫ్యామిలీతో పాటు అతడి కుటుంబం కూడా సంతోషంలో తేలియాడుతోంది.𝘼 𝙣𝙤𝙩𝙚-𝙬𝙤𝙧𝙩𝙝𝙮 𝙏𝙊𝙉 💯A stunning maiden #TATAIPL century from Abhishek Sharma keeps #SRH on 🔝 in this chase 💪Updates ▶ https://t.co/RTe7RlXDRq#TATAIPL | #SRHvPBKS | @SunRisers pic.twitter.com/ANgdm1n86w— IndianPremierLeague (@IPL) April 12, 2025కావ్యా మారన్‌తో కలిసి సంబరాలు ఇక అభి తల్లిదండ్రులు మంజు శర్మ, రాజ్‌కుమార్‌ శర్మ.. తమ కుమారుడి సెంచరీ పూర్తి కాగానే రైజర్స్‌ యజమాని కావ్యా మారన్‌తో కలిసి సంబరాలు చేసుకున్నారు. ఈ నేపథ్యంలో రైజర్స్‌ విజయానంతరం అభిషేక్‌ శర్మ తల్లి మంజు శర్మ పుత్రోత్సాహంతో పొంగిపోయారు.జైత్రయాత్ర కొనసాగుతుంది‘‘ఈరోజు ప్రతి ఒక్కరు సంతోషంగా ఉన్నారు.. నేను కూడా ఎంతో ఆనందంగా ఉన్నాను.. మొత్తం హైదరాబాద్‌ అంతా సంతోషంతో నిండిపోయింది.. మనం మ్యాచ్‌ గెలిచాం.. ఇన్నాళ్లు కాస్త మనకు బ్రేక్‌ పడింది... ఇకపై అలాంటిదేమీ ఉండబోదు.. జైత్రయాత్ర కొనసాగుతుంది’’ అని మంజు శర్మ ఆరెంజ్‌ ఆర్మీకి మాటిచ్చారు.ఈ మేరకు ఆమె చేసిన వ్యాఖ్యలు ఇంటర్నెట్‌ను షేక్‌ చేస్తున్నాయి. అమ్మ ఆశిర్వాదం ఉంటే ఏదైనా సాధ్యమే అంటూ ఆరెంజ్‌ ఆర్మీ ఫుల్‌ ఖుషీ అయిపోతూ.. ఇందుకు సంబంధించిన వీడియోను వైరల్‌ చేస్తున్నారు. కాగా ఐపీఎల్‌-2025లో ఆరంభ మ్యాచ్‌లో గెలిచిన సన్‌రైజర్స్‌.. ఆ తర్వాత వరుసగా నాలుగు మ్యాచ్‌లు ఓడిపోయింది.అయితే, సొంత మైదానం ఉప్పల్‌లో పంజాబ్‌ కింగ్స్‌తో శనివారం నాటి మ్యాచ్‌లో మాత్రం సత్తా చాటింది. తమదైన దూకుడు శైలితో పంజాబ్‌ విధించిన 246 పరుగుల లక్ష్యాన్ని.. 18.3 ఓవర్లలోనే ఊదేసింది. తద్వారా శ్రేయస్‌ అయ్యర్‌ సేనపై కమిన్స్‌ బృందం ఎనిమిది వికెట్ల తేడాతో గెలిచి.. పాయింట్ల పట్టికలో ఎనిమిదో స్థానానికి చేరుకోగలిగింది.ఐపీఎల్‌-2025: సన్‌రైజర్స్‌ వర్సెస్‌ పంజాబ్‌ కింగ్స్‌👉టాస్‌ గెలిచిన పంజాబ్‌ కింగ్స్‌.. మొదట బ్యాటింగ్‌👉పంజాబ్‌ కింగ్స్‌ స్కోరు: 245/6 (20)👉హైదరాబాద్‌ స్కోరు: 247/2 (18.3)👉ఫలితం: పంజాబ్‌పై ఎనిమిది వికెట్ల తేడాతో సన్‌రైజర్స్‌ గెలుపుచదవండి: అతడి బ్యాటింగ్‌కు వీరాభిమానిని.. వాళ్లంతా అద్భుతం: కమిన్స్‌Mother's blessings ✨Hyderabad's joy 😇Abhishek Sharma's whirlwind night to remember 🧡Describe his knock in one word ✍️#TATAIPL | #SRHvPBKS | @SunRisers | @IamAbhiSharma4 pic.twitter.com/yJwBK5bAiD— IndianPremierLeague (@IPL) April 12, 2025

క్రికెట్‌ అభిమానులు శనివారం (ఏప్రిల్‌ 12) సాయంత్రాన్ని తనివి తీరా ఎంజాయ్‌ చేశారు. నిన్న ఒకే సమయంలో రెండు వేర్వేరు లీగ్‌ల్లో మూడు విధ్వంసకర శతకాలు, రెండు అతి భారీ ఛేజింగ్‌లు నమోదయ్యాయి. ఐపీఎల్‌ 2025లో భాగంగా నిన్న రాత్రి జరిగిన మ్యాచ్‌లో సన్‌రైజర్స్‌ హైదరాబాద్‌, పంజాబ్‌ కింగ్స్‌ తలపడ్డాయి. ఈ మ్యాచ్‌లో పంజాబ్‌ నిర్దేశించిన భారీ లక్ష్యాన్ని (246) ఛేదించే క్రమంలో సన్‌రైజర్స్‌ ఓపెనర్‌ అభిషేక్‌ శర్మ విధ్వంసకర శతకంతో (55 బంతుల్లో 141; 14 ఫోర్లు, 10 సిక్సర్లు) విరుచుకుపడ్డాడు. అభిషేక్‌ రఫ్ఫాడించడంతో సన్‌రైజర్స్‌ మరో 9 బంతులు మిగిలుండగానే లక్ష్యాన్ని ఛేదించింది. ఐపీఎల్‌ చరిత్రలోనే ఇది రెండో అత్యత్తుమ ఛేజింగ్‌.నిన్న సాయంత్రం సన్‌రైజర్స్‌, పంజాబ్‌ మ్యాచ్‌ జరుగుతుండగానే పాకిస్తాన్‌ సూపర్‌ లీగ్‌లో మరో సూపర్‌ మ్యాచ్‌ జరిగింది. ఈ మ్యాచ్‌లోనూ పరుగుల వరద పారింది. తొలి ఇన్నింగ్స్‌లో ఒకరు, ఛేజింగ్‌లో మరొకరు విధ్వంకర శతకాలతో విరుచుకుపడ్డారు. పంజాబ్‌పై సన్‌రైజర్స్‌ భారీ లక్ష్యాన్ని ఛేదించిన తరహానే పీఎస్‌ఎల్‌లో ముల్తాన్‌ సుల్తాన్స్‌ నిర్దేశించిన 235 పరుగుల భారీ లక్ష్యాన్ని కరాచీ కింగ్స్‌ మరో నాలుగు బంతులు మిగిలుండగానే ఛేదించింది.ఈ మ్యాచ్‌లో తొలుత బ్యాటింగ్‌ చేసిన ముల్తాన్‌ సుల్తాన్స్‌.. మొహమ్మద్‌ రిజ్వాన్‌ (63 బంతుల్లో 105 నాటౌట్‌; 9 ఫోర్లు, 5 సిక్సర్లు) శతక్కొట్టడంతో నిర్ణీత 20 ఓవర్లలో 3 వికెట్ల నష్టానికి 234 పరుగులు చేసింది. సుల్తాన్స్‌ ఇన్నింగ్స్‌లో షాయ్‌ హెప్‌ 8, ఉస్మాన్‌ ఖాన్‌ 19, కమ్రాన్‌ ఘులామ్‌ 36, మైఖేల్‌ బ్రేస్‌వెల్‌ 44 పరుగులు (నాటౌట్‌) చేశారు. కరాచీ బౌలర్లలో హసన్‌ అలీ, అబ్బాస్‌ అఫ్రిది, ఖుష్దిల్‌ షా తలో వికెట్‌ పడగొట్టారు.అనంతరం బరిలోకి దిగిన కరాచీ కింగ్స్‌ 19.2 ఓవర్లలో 6 వికెట్లు కోల్పోయి 235 పరుగుల భారీ లక్ష్యాన్ని ఛేదించింది. జేమ్స్‌ విన్స్‌ (43 బంతుల్లో 101; 14 ఫోర్లు, 4 సిక్సర్లు) విధ్వంసకర శతకంతో విరుచుకుపడగా.. ఖుష్దిల్‌ షా (37 బంతుల్లో 60; 5 ఫోర్లు, 4 సిక్సర్లు) మెరుపు ఇన్నింగ్స్‌ ఆడి కరాచీ గెలుపు ఖరారు చేశాడు. కరాచీ బ్యాటర్లలో డేవిడ్‌ వార్నర్‌ (12) తక్కువ స్కోర్‌కే ఔట్‌ కాగా.. టిమ్‌ సీఫర్ట్‌ (32) పర్వాలేదనిపించాడు. సుల్తాన్స్‌ బౌలర్లలో అకీఫ్‌ జావిద్‌ 3 వికెట్లు పడగొట్టగా.. బ్రేస్‌వెల్‌, ఉసామా మిర్‌ తలో వికెట్‌ దక్కించుకున్నారు.

ఐపీఎల్‌-2025 (IPL 2025)లో సన్‌రైజర్స్‌ హైదరాబాద్‌తో మ్యాచ్‌లో పంజాబ్‌ కింగ్స్‌కు చేదు అనుభవమే మిగిలింది. ధనాధన్‌ బ్యాటింగ్‌తో దంచికొట్టినా.. ఆతిథ్య జట్టు ఓపెనింగ్‌ జోడీ ‘ట్రావిషేక్‌’ (Travis Head- Abhishek Sharma) చెలరేగడంతో శ్రేయస్‌ అయ్యర్‌ సేనకు పరాజయం తప్పలేదు. ఈ విధ్వంసకర బ్యాటర్లను కట్టడి చేసేందుకు పంజాబ్‌ బౌలర్లు ఎంతగా ప్రయత్నించినా సఫలం కాలేకపోయారు.భావోద్వేగాల డోలికల్లోఫలితంగా రైజర్స్‌ చేతిలో పంజాబ్‌ ఎనిమిది వికెట్ల తేడాతో ఓటమి పాలైంది. ఇక ఈ మ్యాచ్‌ సందర్భంగా పంజాబ్‌ కింగ్స్‌ ఆటగాళ్లు భావోద్వేగాల డోలికల్లో తేలిపోయారు. ముఖ్యంగా విధ్వంసకర ఇన్నింగ్స్‌ ఆడిన తర్వాత కెప్టెన్‌ శ్రేయస్‌ అయ్యర్‌ (Shreyas Iyer- 36 బంతుల్లో 82) ముఖం సంతోషంతో వెలిగిపోయింది.ఇక లోయర్‌ ఆర్డర్‌లో మార్కస్‌ స్టొయినిస్‌ (11 బంతుల్లో 34 నాటౌట్‌) మెరుపు ఇన్నింగ్స్‌ ఆడి.. స్కోరును 230 దాటించిన వేళ పంజాబ్‌ శిబిరంలో నవ్వులు పూశాయి. అయితే, ఈ సంతోషం ఎక్కువ సేపు నిలవలేదు.Timber Strike and Outfoxed ⚡️Harshal Patel with a 4⃣-fer to provide calm amidst chaos 🧡Updates ▶ https://t.co/RTe7RlXDRq #TATAIPL | #SRHvPBKS | @HarshalPatel23 pic.twitter.com/pnLsDo8sJL— IndianPremierLeague (@IPL) April 12, 2025 ఆకాశమే హద్దుగాపంజాబ్‌ విధించిన 246 పరుగుల లక్ష్యాన్ని ఛేదించే క్రమంలో సన్‌రైజర్స్‌ ఓపెనర్లు ఆకాశమే హద్దుగా చెలరేగారు. పంజాబ్‌ ఫీల్డర్ల తప్పిదాలను క్యాష్‌ చేసుకుని మరో తొమ్మిది బంతులు మిగిలి ఉండగానే జట్టును గెలుపుతీరాలకు చేర్చడంలో కీలక పాత్ర పోషించారు.ట్రవిస్‌ హెడ్‌ 37 బంతుల్లో 66 పరుగులతో దుమ్ములేపగా.. అభిషేక్‌ శర్మ 55 బంతుల్లో ఏకంగా 14 ఫోర్లు, 10 సిక్సర్ల సాయంతో ఏకంగా 141 పరుగులతో చిరస్మరణీయ ఇన్నింగ్స్‌ ఆడాడు. ఆఖర్లో హెన్రిచ్‌ క్లాసెన్‌ (14 బంతుల్లో 21*), ఇషాన్‌ కిషన్‌ (6 బంతుల్లో 9*) కలిసి రైజర్స్‌ గెలుపును ఖరారు చేశారు. దీంతో పంజాబ్‌ ఆటగాళ్ల ముఖాలు వెలిసిపోయాయి.ముందు నన్ను అడగాలి కదా!ఇక ఈ మ్యాచ్‌ సందర్భంగా బౌలర్ల వైఫల్యం, ఫీల్డర్ల తప్పిదాల కారణంగా పంజాబ్‌ కెప్టెన్‌ శ్రేయస్‌ అయ్యర్‌ కోపం నషాళానికి అంటింది. ముఖ్యంగా గ్లెన్‌ మాక్స్‌వెల్‌, అంపైర్‌ చేసిన పనితో అతడు తీవ్ర స్థాయిలో ఆగ్రహం వ్యక్తం చేశాడు. సన్‌రైజర్స్‌ ఇన్నింగ్స్‌లో ఐదో ఓవర్‌ను స్పిన్‌ బౌలింగ్‌ ఆల్‌రౌండర్‌ మాక్సీ వేశాడు.అయితే, ఆ ఓవర్లో లెగ్‌ సైడ్‌ దిశగా సంధించిన ఫ్లాటర్‌ డెలివరీ (రెండో బంతి) అంపైర్‌ వైడ్‌గా ప్రకటించడం మాక్సీకి రుచించలేదు. దీంతో అతడు రివ్యూ (డీఆర్‌ఎస్‌) తీసుకోవాలనే ఉద్దేశంతో ‘T’ సంజ్ఞ చూపించాడు. అంపైర్‌ అందుకు అంగీకరించగా.. కెప్టెన్‌ శ్రేయస్‌ అయ్యర్‌కు కోపం వచ్చింది.సాధారణంగా ఫీల్డింగ్‌ టీమ్‌ రివ్యూ విషయంలో ఆన్‌ ఫీల్డ్‌ అంపైర్‌ కెప్టెన్‌ నిర్ణయం తర్వాతే స్పందిస్తాడు. కానీ ఇక్కడ అలా జరుగలేదు. దీంతో కోపోద్రిక్తుడైన శ్రేయస్‌ అయ్యర్‌.. ‘‘అంపైర్‌.. ముందు నన్ను అడగాలి కదా.. నన్ను.. నన్ను అడగాలి కదా!’’ అంటూ తనవైపు వేలు చూపిస్తూ అసంతృప్తి వెళ్లగక్కాడు. ఇందుకు సంబంధించిన దృశ్యాలు సోషల్‌ మీడియాలో చక్కర్లు కొడుతున్నాయి.ఐపీఎల్‌-2025: హైదరాబాద్‌ వర్సెస్‌ పంజాబ్‌👉వేదిక: రాజీవ్‌ గాంధీ అంతర్జాతీయ స్టేడియం, ఉప్పల్‌, హైదరాబాద్‌👉టాస్‌: పంజాబ్‌.. తొలుత బ్యాటింగ్‌👉పంజాబ్‌ స్కోరు: 245/6 (20)👉హైదరాబాద్‌ స్కోరు: 247/2 (18.3)👉ఫలితం: ఎనిమిది వికెట్ల తేడాతో హైదరాబాద్‌ చేతిలో పంజాబ్‌ చిత్తు👉ప్లేయర్‌ ఆఫ్‌ ది మ్యాచ్‌: అభిషేక్‌ శర్మ.చదవండి: అతడి బ్యాటింగ్‌కు వీరాభిమానిని.. వాళ్లంతా అద్భుతం: కమిన్స్‌నాకైతే నవ్వొస్తోంది.. అభిషేక్‌ లక్కీ.. అతడుంటే వికెట్లు తీసేవాడు: శ్రేయస్ Shreyash iyer i am the captain momentIn SRH vs PBKS high scoring matchGlenn Maxwell asked for review and umpire took itThen shreyash iyer came and said i am the captain ask me i will take review #SRHvsPBKSpic.twitter.com/bADvhNrLQw— Viraj Rk17 (@VirajRk17) April 12, 2025

ఐపీఎల్‌-2025 (IPL 2025)లో పంజాబ్‌ కింగ్స్‌ జైత్రయాత్రకు సన్‌రైజర్స్‌ హైదరాబాద్‌ (SRH) అడ్డుకట్ట వేసింది. భారీ స్కోరు సాధించినా.. పంజాబ్‌కు ఆ సంతోషాన్ని మిగలనివ్వలేదు. ఆడుతూ పాడుతూ.. లక్ష్యాన్ని ఛేదించి శ్రేయస్‌ అయ్యర్‌ సేనకు ఊహించని షాకిచ్చింది. విధ్వంసకర బ్యాటింగ్‌లో తమకు తిరుగులేదని మరోసారి చాటుకుని.. పంజాబ్‌ను ఏకంగా ఎనిమిది వికెట్లతో రైజర్స్‌ చిత్తు చేసింది.ఈ నేపథ్యంలో ఓటమి అనంతరం పంజాబ్‌ కింగ్స్‌ కెప్టెన్‌ శ్రేయస్‌ అయ్యర్‌ (Shreyas Iyer) చేసిన వ్యాఖ్యలు వైరల్‌గా మారాయి. ‘‘నిజం చెప్పాలంటే మేము అద్బుతంగా బ్యాటింగ్‌ చేసి భారీ స్కోరు సాధించాము. కానీ వాళ్లు.. మరో రెండు ఓవర్లు మిగిలి ఉండగానే దానిని ఛేదించేశారు.నాకైతే నవ్వొస్తోంది.. అభిషేక్‌ లక్కీ..ఇదెలా సాధ్యమైందో!.. నాకైతో నవ్వు వస్తోంది. మేము కొన్ని క్యాచ్‌లు మిస్‌ చేశాం. అభిషేక్‌ అదృష్టవంతుడు. అసాధారణ ఆటగాడు. మేము అంచనాలకు తగ్గట్లుగా బౌలింగ్‌ చేయలేకపోయాం. పొరపాట్లను సమీక్షించుకోవాలి.ఏదేమైనా అభిషేక్‌- ట్రవిస్‌ హెడ్‌ మధ్య ఓపెనింగ్‌ భాగస్వామ్యం అద్భుతం అనే చెప్పాలి. మాకు పుంజుకునే అవకాశమే ఇవ్వలేదు. ఫెర్గూసన్‌ వరుస విరామాల్లో వికెట్లు తీసేవాడు. కానీ.. అతడు గాయపడ్డాడు.అత్యుత్తమ ఇన్నింగ్స్‌లో ఒకటిఈ ఓటమి నుంచి పాఠాలు నేర్చుకుని ముందుకు సాగుతాం. నేను, వధేరా 230.. మంచి స్కోరు అనుకున్నాం. కానీ రెండో ఇన్నింగ్స్‌లో మంచు ప్రభావం చూపింది. ఇక సన్‌రైజర్స్‌ ఓపెనర్లు బ్యాటింగ్‌ చేసిన తీరును మాటల్లో వర్ణించలేము. ముఖ్యంగా అభిషేక్‌ శర్మ.. నేను ఇంత వరకు చూసిన అత్యుత్తమ ఇన్నింగ్స్‌లో ఒకటి ఇది’’ అని శ్రేయస్‌ అయ్యర్‌ ప్రత్యర్థి జట్టు ఓపెనర్లపై ప్రశంసల వర్షం కురిపించాడు.కాగా ఉప్పల్‌లో శనివారం రాత్రి జరిగిన మ్యాచ్‌లో పంజాబ్‌ సన్‌రైజర్స్‌తో తలపడింది. టాస్‌ గెలిచిన శ్రేయస్‌ అయ్యర్‌.. ఆతిథ్య జట్టును తొలుత బౌలింగ్‌కు ఆహ్వానించాడు. ఇక బ్యాటింగ్‌ అనుకూలించిన పిచ్‌పై పంజాబ్‌ బ్యాటర్లు దంచికొట్టారు.శ్రేయస్‌ అయ్యర్‌ ధనాధన్‌ఓ‍పెనర్లలో ప్రియాన్ష్‌ ఆర్య (13 బంతుల్లో 36) మెరుపు వేగంతో ఆడగా.. ప్రభ్‌సిమ్రన్‌ సింగ్‌ (23 బంతుల్లో 42) రాణించాడు. వన్‌డౌన్‌లో వచ్చిన కెప్టెన్‌ శ్రేయస్‌ అయ్యర్‌ భారీ అర్ధ శతకం (36 బంతుల్లో 82) దుమ్ములేపగా.. ఆఖర్లో మార్కస్‌ స్టొయినిస్‌ (11 బంతుల్లో 34 నాటౌట్‌) మెరుపులు మెరిపించాడు. ఫలితంగా పంజాబ్‌ 20 ఓవర్లలో ఆరు వికెట్ల నష్టానికి 245 పరుగులు చేసింది.‘ట్రావిషేక్‌’ జోడీ బీస్ట్‌ మోడ్‌ఇక లక్ష్య ఛేదనను సన్‌రైజర్స్‌ 18.3 ఓవర్లలో కేవలం రెండు వికెట్లు నష్టపోయి పూర్తి చేసింది. చాన్నాళ్ల తర్వాత రైజర్స్‌ ఓపెనింగ్‌ ‘ట్రావిషేక్‌’ జోడీ బీస్ట్‌ మోడ్‌లో బ్యాటింగ్‌ చేసింది. ట్రవిస్‌ హెడ్‌ (37 బంతుల్లో 66) అర్ధ శతకంతో ఆకట్టుకోగా.. అభిషేక్‌ శర్మ (55 బంతుల్లో 141) భారీ సెంచరీతో మెరిసి.. రైజర్స్‌ విజయంలో కీలక పాత్ర పోషించాడు. వీరుడికి అదృష్టం కూడా కలిసి వచ్చిందిఅయితే, అభిషేక్‌ శర్మ హాఫ్‌ సెంచరీ పూర్తి చేసుకున్న తర్వాత.. రైజర్స్‌ ఇన్నింగ్స్‌లో ఎనిమిదో ఓవర్‌ చహల్‌ వేశాడు. అతడి బౌలింగ్‌లో అభి ఇచ్చిన రిటర్న్‌ క్యాచ్‌ను చహల్‌ మిస్‌ చేశాడు. అంతకంటే ముందు అంటే మూడో ఓవర్లో అభి రనౌట్‌ ప్రమాదం నుంచి తప్పించుకున్నాడు. తర్వాత(3.4 ఓ‍వర్‌) నోబాల్‌ ద్వారా లైఫ్‌ పొందాడు. ఆ తర్వాత.. అంటే 12.4 వద్ద అభి శతకం పూర్తి చేసుకుని ఐపీఎల్‌లో ఫాస్టెస్ట్‌ సెంచరీ (40 బంతుల్లో) నమోదు చేసిన బ్యాటర్ల జాబితాలో చేరాడు. మరోవైపు.. పంజాబ్‌ బౌలర్‌ ఫెర్గూసన్‌ రెండు బంతులు వేసిన తర్వాత గాయంతో మైదానం వీడాడు.చదవండి: అతడి బ్యాటింగ్‌కు వీరాభిమానిని.. వాళ్లంతా అద్భుతం: కమిన్స్‌ FORTUNE FAVOURS THE BRAVE, INDEED! 🙌#AbhishekSharma, what an innings 💪#IPLonJioStar 👉 #SRHvPBKS | LIVE NOW on Star Sports Network & JioHotstar! pic.twitter.com/x4FqzXsiWI— Star Sports (@StarSportsIndia) April 12, 2025WHAT. A. MOMENT. 🙌100 reasons to celebrate #AbhishekSharma's knock tonight! PS. Don't miss his special message for #OrangeArmy 🧡Watch the LIVE action ➡ https://t.co/HQTYFKNoGR#IPLonJioStar 👉 #SRHvPBKS | LIVE NOW on Star Sports Network & JioHotstar! pic.twitter.com/DECkzxRYhi— Star Sports (@StarSportsIndia) April 12, 20254, 6, CAUGHT but NO-BALL, 6 on Free-hit! 🔥Stop watch you're doing because it's all happening in Hyderabad 🥶Watch the LIVE action ➡ https://t.co/HQTYFKNoGR#IPLonJioStar 👉 #SRHvPBKS | LIVE NOW on Star Sports Network & JioHotstar! pic.twitter.com/vAEZNA65wD— Star Sports (@StarSportsIndia) April 12, 2025

ఐపీఎల్‌-2025లో సన్‌రైజర్స్‌ హైదరాబాద్‌- పంజాబ్‌ కింగ్స్‌ (SRH vs PBKS) మధ్య శనివారం నాటి మ్యాచ్‌ ఆద్యంత ఆసక్తికరంగా సాగింది. ఇరుజట్లు ఉప్పల్‌ మైదానంలో పరుగుల వరద పారిస్తూ.. టీ20 ప్రేమికులకు అసలైన మజా అందించాయి. అయితే, విధ్వంసకర బ్యాటింగ్‌కు పెట్టింది పేరైన సన్‌రైజర్స్‌ సొంతగడ్డపై పంజాబ్‌పై పైచేయి సాధించి విజయంతో ఈ హోరాహోరీ పోరును ముగించింది.ఇక ఈ మ్యాచ్‌ సందర్భంగా ఆస్ట్రేలియా స్టార్లు, పంజాబ్‌ కింగ్స్‌ ఆటగాళ్లు గ్లెన్‌ మాక్స్‌వెల్‌ (Glenn Maxwell), మార్కస్‌ స్టొయినిస్‌ (Marcus Stoinis).. సహచర ఆటగాడు, సన్‌రైజర్స్‌ ఓపెనర్‌ అయిన ట్రవిస్‌ హెడ్‌ మధ్య వాగ్వాదం జరిగింది. పంజాబ్‌ విధించిన 246 పరుగుల లక్ష్యాన్ని ఛేదించే క్రమంలో సన్‌రైజర్స్‌ ఓపెనర్లు హెడ్‌, అభిషేక్‌ శర్మ ఆది నుంచే దూకుడుగా ఆడారు.మాక్సీ బౌలింగ్‌లో వరుసగా రెండు సిక్సర్లుఈ క్రమంలో తొమ్మిదో ఓవర్లో పంజాబ్‌ స్పిన్‌ బౌలింగ్‌ ఆల్‌రౌండర్‌ గ్లెన్‌ మాక్స్‌వెల్‌ బంతితో రంగంలోకి దిగాడు. అతడి బౌలింగ్‌లో మొదటి బంతిని ఎదుర్కొన్న హెడ్‌ ఒక పరుగు తీయగా.. మరో బంతికి అభి కూడా సింగిల్‌తో సరిపెట్టుకున్నాడు.అయితే, ఆ తర్వాత హెడ్‌ గేరు మార్చాడు. మాక్సీ వేసిన మూడో బంతిని 78 మీటర్ల సిక్సర్‌గా మలిచిన ఈ కంగారూ బ్యాటర్‌.. మరుసటి బంతిని మరోసారి మిడ్‌ వికెట్‌గా తరలించి.. 84 మీటర్ల మేర భారీ సిక్సర్‌ నమోదు చేశాడు. దీంతో మాక్సీ విసుగెత్తిన మాక్సీ హెడ్‌ను చూస్తూ ఏదో అన్నాడు. ఆ తర్వాత రెండు బంతులను డాట్‌ చేశాడు.MAXIMUMS 🆚 Maxwell 👀Travis Head completes a blistering half-century 💥Updates ▶ https://t.co/RTe7RlXDRq#TATAIPL | #SRHvPBKS | @travishead34 pic.twitter.com/PuUmUbj1On— IndianPremierLeague (@IPL) April 12, 2025మాక్సీ, స్టొయినిస్‌తో గొడవ.. స్పందించిన ట్రవిస్‌ హెడ్‌ఈ క్రమంలో ఓవర్‌ ముగిసిన అనంతరం మాక్స్‌వెల్‌కు హెడ్‌ కూడా గట్టిగానే బదులిచ్చాడు. ఇద్దరూ కలిసి వాగ్వాదానికి దిగగా.. అంపైర్‌ వారిని నవ్వుతూనే సున్నితంగా మందలించాడు. ఇంతలో స్టొయినిస్‌ కూడా మధ్యలోకి వచ్చాడు. హెడ్‌తో అతడూ కాసేపు వాదించి వెళ్లిపోయాడు.ఇందుకు సంబంధించిన దృశ్యాలు నెట్టింట వైరల్‌ కాగా.. ‘‘ఆస్ట్రేలియా ఆటగాళ్లు... ఇప్పుడు తమ సహచర ప్లేయర్‌నే స్లెడ్జింగ్‌ చేసేంతగా ఎదిగిపోయారు’’ అంటూ నెటిజన్లు సెటైర్లు వేస్తున్నారు. ఈ నేపథ్యంలో మాక్సీ- స్టొయినిస్‌తో ‘గొడవ’పై ట్రవిస్‌ హెడ్‌ స్పందించాడు.బెస్ట్‌, వరస్ట్‌ అంటూ..పంజాబ్‌పై సన్‌రైజర్స్‌ విజయానంతరం మాట్లాడుతూ.. ‘‘మన గురించి బాగా తెలిసిన వాళ్లే.. మనలోని అధమస్థాయి, అత్యుత్తమ వ్యక్తిత్వాన్ని బయటకు తీయగలరు కదా!.. మా మధ్య వాగ్వాదం అంత తీవ్రమైనది కాదు.. ఏదో సరదాగా అలా టీజ్‌ చేసుకున్నాం అంతే’’ అని ట్రవిస్‌ హెడ్‌.. సహచర ఆటగాళ్లతో తనకున్న అనుబంధం గురించి చెప్పాడు. కాగా ట్రవిస్‌ హెడ్‌, గ్లెన్‌ మాక్స్‌వెల్‌, మార్కస్‌ స్టొయినిస్‌ అంతర్జాతీయ స్థాయిలో ఆస్ట్రేలియా తరఫున అగ్రశ్రేణి ఆటగాళ్లుగా కొనసాగుతున్న విషయం తెలిసిందే.కాగా పంజాబ్‌తో మ్యాచ్‌లో ట్రవిస్‌ హెడ్‌ 37 బంతుల్లో 9 ఫోర్లు, 3 సిక్సర్ల సాయంతో 66 పరుగులు సాధించాడు. యజువేంద్ర చహల్‌ బౌలింగ్‌లో మాక్స్‌వెల్‌కు క్యాచ్‌ ఇచ్చి పెవిలియన్‌ చేరాడు. మరోవైపు అభిషేక్‌ శర్మ విధ్వంసకర శతకం (55 బంతుల్లో 141)తో విరుచుకుపడి సన్‌రైజర్స్‌ గెలుపులో కీలక పాత్ర పోషించాడు.ఐపీఎల్‌-2025: హైదరాబాద్‌ వర్సెస్‌ పంజాబ్‌👉పంజాబ్‌ స్కోరు: 245/6 (20)👉హైదరాబాద్‌ స్కోరు: 247/2 (18.3)👉ఫలితం: ఎనిమిది వికెట్ల తేడాతో హైదరాబాద్‌ చేతిలో పంజాబ్‌ చిత్తు👉ప్లేయర్‌ ఆఫ్‌ ది మ్యాచ్‌: అభిషేక్‌ శర్మ.చదవండి: అతడి బ్యాటింగ్‌కు వీరాభిమానిని.. వాళ్లంతా అద్భుతం: కమిన్స్‌ఎగిరి గంతులేసిన కావ్యా మారన్‌.. అభిషేక్‌ తల్లిని హగ్‌ చేసుకుని మరీ! వీడియో Fight between Travis Head, Maxwell & Stoinis in IPL.IPL on peak#SRHvsPBKS pic.twitter.com/LaiRMAExIC— Hindutva Knight (@KinghtHindutva) April 12, 2025

వరుస పరాజయాల తర్వాత సన్‌రైజర్స్‌ హైదరాబాద్‌ (SRH) ఎట్టకేలకు గెలుపు బాట పట్టింది. సొంత మైదానంలో పంజాబ్‌ కింగ్స్‌ (PBKS)ను చిత్తు చేసి.. ఆరెంజ్‌ ఆర్మీని సంతోషపెట్టింది. ఉప్పల్‌లో పరుగుల వరద పారించి మరోసారి తమదైన దూకుడుతో జయభేరి మోగించింది. ఈ నేపథ్యంలో విజయానంతరం రైజర్స్‌ కెప్టెన్‌ ప్యాట్‌ కమిన్స్‌ (Pat Cummins) సంతోషం వ్యక్తం చేశాడు.అభిషేక్‌ శర్మ బ్యాటింగ్‌కు వీరాభిమానిని‘‘నిజంగా ఇదొక అద్బుత విజయం. మా శైలిలో దూకుడుగా ఆడి గెలిచాం. ఈ వికెట్‌ చాలా చాలా బాగుంది. ఇక్కడ బౌలర్‌ ఓ ఓవర్‌లో పది పరుగుల కంటే తక్కువ రన్స్‌ ఇచ్చాడంటే అదే గొప్ప. అందుకే మేము పంజాబ్‌ విధించిన లక్ష్యాన్ని సులువుగానే ఛేదించగలమనే ఆత్మవిశ్వాసం కలిగింది.నేను అభిషేక్‌ శర్మ బ్యాటింగ్‌కు వీరాభిమానిని. ఏదేమైనా మేము బ్యాటింగ్‌ శైలిని మార్చుకునేందుకు సిద్ధంగా లేము. గతేడాది మా వాళ్లు ఎలా ఆడారో అందరికీ తెలుసు. ఈసారి కూడా అదే శైలిని కొనసాగిస్తాం. మా బ్యాటర్ల నైపుణ్యాలపై మాకు నమ్మకం ఉంది.వాళ్లు అద్భుతమైన వాళ్లుఇక ఆరెంజ్‌ ఆర్మీ గురించి ప్రత్యేకంగా చెప్పేదేముంది?!... వాళ్లు అద్భుతమైన వాళ్లు.. మా కోసం సన్‌రైజర్స్‌ జెండాలు రెపరెపలాడిస్తూ.. చుట్టూ అందమైన, ఆహ్లాదకరమైన వాతావరణం కల్పిస్తారు’’ అంటూ ప్యాట్‌ కమిన్స్‌ తన ఆనందాన్ని పంచుకున్నాడు.వరుసగా నాలుగు ఓడికాగా ఐపీఎల్‌-2025లో తొలుత ఉప్పల్‌లో రాజస్తాన్‌ రాయల్స్‌తో మ్యాచ్‌ ఆడిన కమిన్స్‌ బృందం.. ఘన విజయంతో సీజన్‌ను మొదలుపెట్టింది. కానీ ఆ తర్వాత వరుసగా లక్నో సూపర్‌ జెయింట్స్‌, ఢిల్లీ క్యాపిటల్స్‌, కోల్‌కతా నైట్‌ రైడర్స్‌, గుజరాత్‌ టైటాన్స్‌ చేతిలో ఓటమి పాలైంది.విధ్వంసకర బ్యాటింగ్‌తో విజయాల బాట ఈ నేపథ్యంలో అగ్రెసివ్‌గా బ్యాటింగ్‌ చేసే సన్‌రైజర్స్‌ శైలిపై విమర్శలు వెల్లువెత్తగా కెప్టెన్‌ కమిన్స్‌తో పాటు.. హెడ్‌కోచ్‌ డానియల్‌ వెటోరీ కూడా తమ విధానం మారదని స్పష్టం చేశారు. అందుకు తగ్గట్టుగానే శనివారం నాటి మ్యాచ్‌లో సన్‌రైజర్స్‌ విధ్వంసకర బ్యాటింగ్‌తో తిరిగి విజయాల బాట పట్టింది.ఉప్పల్‌లో టాస్‌ గెలిచిన పంజాబ్‌ తొలుత బ్యాటింగ్‌ చేసింది. రైజర్స్‌ స్టైల్లోనే ఆడిన అయ్యర్‌ సేన నిర్ణీత 20 ఓవర్లలో ఆరు వికెట్ల నష్టానికి 245 పరుగులు సాధించింది. ప్రియాన్ష్‌ ఆర్య (13 బంతుల్లో 36), ప్రభ్‌సిమ్రన్‌ సింగ్‌ (23 బంతుల్లో 42).. కెప్టెన్‌ శ్రేయస్‌ అయ్యర్‌ (36 బంతుల్లో 82) ఆకాశమే హద్దుగా చెలరేగారు. ఆఖర్లో మార్కస్‌ స్టొయినిస్‌ (11 బంతుల్లో 34 నాటౌట్‌) మెరుపు ఇన్నింగ్స్‌ ఆడాడు.అభిషేక్‌ విశ్వరూపంసన్‌రైజర్స్‌ బౌలర్లలో హర్షల్‌ పటేల్‌ నాలుగు వికెట్లు తీయగా.. ఇషాన్‌ మలింగ రెండు వికెట్లు దక్కించుకున్నాడు. ఇక భారీ లక్ష్య ఛేదనలో రైజర్స్‌ ఏమాత్రం తడబడలేదు. సొంత మైదానంలో ట్రవిస్‌ హెడ్‌ (37 బంతుల్లో 66) బ్యాట్‌ ఝులిపించగా.. అభిషేక్‌ శర్మ (55 బంతుల్లో 14 ఫోర్లు, 10 సిక్సర్లతో 141) న భూతో న భవిష్యత్‌ అన్నట్లుగా భారీ శతకం బాదాడు. హెన్రిచ్‌ క్లాసెన్‌ (14 బంతుల్లో 21 నాటౌట్‌), ఇషాన్‌ కిషన్‌ (6 బంతుల్లో 9 నాటౌట్‌) పని పూర్తి చేశారు. 18.3 ఓవర్లలో రెండు వికెట్లు నష్టపోయిన రైజర్స్‌.. పంజాబ్‌ను ఎనిమిది వికెట్ల తేడాతో చిత్తు చేసింది. చదవండి: ఎగిరి గంతులేసిన కావ్యా మారన్‌.. అభిషేక్‌ తల్లిని హగ్‌ చేసుకుని మరీ! వీడియో 𝘼 𝙣𝙤𝙩𝙚-𝙬𝙤𝙧𝙩𝙝𝙮 𝙏𝙊𝙉 💯A stunning maiden #TATAIPL century from Abhishek Sharma keeps #SRH on 🔝 in this chase 💪Updates ▶ https://t.co/RTe7RlXDRq#TATAIPL | #SRHvPBKS | @SunRisers pic.twitter.com/ANgdm1n86w— IndianPremierLeague (@IPL) April 12, 2025

అభిషేక్‌ శర్మ... వరుస వైఫల్యాలకు చెక్‌ పెడుతూ అభిమానులను ఉర్రూతలూగించాడు.. ఉప్పల్‌లో బౌండరీలు, సిక్సర్ల వర్షం కురిపిస్తూ పరుగుల దాహం తీర్చుకున్నాడు.. నలభై బంతుల్లోనే వంద పరుగుల మార్కు అందుకున్న ఈ ఓపెనింగ్‌ బ్యాటర్‌.. ‘‘ఇది ఆరెంజ్‌ ఆర్మీ కోసం’’ అంటూ రాసిన పేపర్‌ చూపిస్తూ ఫ్యాన్స్‌ సంతోషం కోసం తాము ఎంతగా శ్రమిస్తున్నామో శతకనాదంతో చాటిచెప్పాడు.పంజాబ్‌ కింగ్స్‌తో శనివారం నాటి మ్యాచ్‌ సందర్భంగా సన్‌రైజర్స్‌ హైదరాబాద్‌ స్టార్‌ అభిషేక్‌ తన చేతికే బ్యాట్‌ మొలిచిందా అన్నట్లు అలవోకగా అలా షాట్లు బాదుతూ.. ప్రేక్షకులకు పైసా వసూల్‌ ప్రదర్శన ఇచ్చాడు. అతడలా ఫోర్లు, సిక్స్‌లు కొడుతుంటే పంజాబ్‌ బ్యాటర్లు అలా చూస్తూ ఉండిపోయారే తప్ప అతడి దూకుడుకు కళ్లెం వేయలేకపోయారు.ఈ క్రమంలో మొత్తంగా 55 బంతులు ఎదుర్కొన్న అభిషేక్‌ శర్మ 141 పరుగులతో దుమ్ములేపాడు. అతడి ఇన్నింగ్స్‌లో ఏకంగా పద్నాలుగు ఫోర్లు, పది సిక్సర్లు ఉండటం విశేషం. అర్ష్‌దీప్‌ సింగ్‌ బౌలింగ్‌లో ప్రవీణ్‌ దూబేకు క్యాచ్‌ ఇవ్వడంతో అభి తుఫాన్‌ ఇన్నింగ్స్‌కు తెరపడింది. అయితే, క్రీజులో ఉన్నంత సేపు చక్కటి షాట్లతో అలరించిన అభిషేక్‌ను చూస్తూ అభిమానులు మురిసిపోయారు.ఎగిరి గంతులేస్తూ.. అభిషేక్‌ ల్లి ఆలింగనం చేసుకునిఇక సన్‌రైజర్స్‌ హైదరాబాద్‌ జట్టు యజమాని కావ్యా మారన్‌ ఆనందానికైతే అవధుల్లేకుండా పోయాయి. అభి సెంచరీ పూర్తి చేసుకోగానే ఆమె సంబరాలు అంబరాన్నంటాయి. సీట్లో నుంచి లేచి ఎగిరి గంతులేస్తూ కావ్య.. కరతాళధ్వనులతో అభిని అభినందించింది. పక్కనే ఉన్న రైజర్స్‌ మద్దతుదారులతో కరచాలం చేసిన కావ్య.. అభిషేక్‌ ల్లి ఆలింగనం చేసుకుని సంతోషాన్ని పంచుకుంది. 𝘼 𝙣𝙤𝙩𝙚-𝙬𝙤𝙧𝙩𝙝𝙮 𝙏𝙊𝙉 💯A stunning maiden #TATAIPL century from Abhishek Sharma keeps #SRH on 🔝 in this chase 💪Updates ▶ https://t.co/RTe7RlXDRq#TATAIPL | #SRHvPBKS | @SunRisers pic.twitter.com/ANgdm1n86w— IndianPremierLeague (@IPL) April 12, 2025ఎన్నాళ్లకెన్నాళ్లకు..ఇందుకు సంబంధించిన వీడియోలు సోషల్‌ మీడియాలో వైరల్‌గా మారాయి. ఇది చూసిన నెటిజన్లు.. ‘‘ఎన్నాళ్లకెన్నాళ్లకు.. కావ్యా కళ్లలో ఆనందం.. ఈరోజు అభిషేక్‌ శర్మదే.. సన్‌రైజర్స్‌ది... ఆరెంజ్‌ ఆర్మీకి కన్నుల విందు అందించారు’’ అంటూ కామెంట్లు చేస్తున్నారు. కాగా ఐపీఎల్‌-2025లో తమ ఆరంభ మ్యాచ్‌లో రాజస్తాన్‌ రాయల్స్‌పై గెలిచిన సన్‌రైజర్స్‌ .. ఆ తర్వాత వరుసగా నాలుగు ఓటములు చవిచూసింది.ఈ క్రమంలో శుక్రవారం పంజాబ్‌ కింగ్స్‌తో తలపడ్డ ప్యాట్‌ కమిన్స్‌ బృందం తమదైన శైలిలో కమ్‌బ్యాక్ ఇచ్చింది. సొంత మైదానం ఉప్పల్‌లో టాస్‌ ఓడి తొలుత బౌలింగ్‌ చేసిన రైజర్స్‌.. బౌలర్లు పెద్దగా రాణించకపోవడంతో భారీగానే పరుగులు ఇచ్చుకుంది.పంజాబ్‌ ఫటాఫట్‌పంజాబ్‌ బ్యాటర్లలో ఓపెనర్లు ప్రియాన్ష్‌ ఆర్య (13 బంతుల్లో 36), ప్రభ్‌సిమ్రన్‌సింగ్‌ (23 బంతుల్లో 42) దంచికొట్టగా.. శ్రేయస్‌ అయ్యర్‌ కెప్టెన్‌ ఇన్నింగ్స్‌ (36 బంతుల్లో 82)తో చెలరేగాడు. మిగతా వాళ్లలో నేహల్‌ వధేరా (27), మార్కస్‌ స్టొయినిస్‌ (11 బంతుల్లో 34 నాటౌట్‌) రాణించారు.రైజర్స్‌ రైట్‌ రైట్‌ఇక లక్ష్య ఛేదనను దూకుడుగా ఆరంభించిన సన్‌రైజర్స్‌ 18.3 ఓవర్లలో కేవలం రెండు వికెట్లు నష్టపోయి పని పూర్తి చేసింది. ఓపెనర్లలో ట్రవిస్‌ హెడ్‌ (37 బంతుల్లో 66) ధనాధన్‌ ఇన్నింగ్స్‌ ఆడగా.. అభిషేక్‌ శర్మ (55 బంతుల్లో 141) విధ్వంసకర శతకంతో విరుచుకుపడ్డాడు. హెన్రిచ్‌ క్లాసెన్‌ (14 బంతుల్లో 21), ఇషాన్‌ కిషన్‌ (6 బంతుల్లో 9) కలిసి జట్టు విజయాన్ని ఖరారు చేశారు.చదవండి: IPL 2025: చ‌రిత్ర సృష్టించిన అభిషేక్ శర్మ.. తొలి క్రికెట‌ర్‌

తొలి ఐదు మ్యాచ్‌లలో కలిపి 51 పరుగులు...ఈ సీజన్‌లో అభిషేక్‌ శర్మ ప్రదర్శన ఇది. వరుస వైఫల్యాలతో విమర్శలు ఎదుర్కొంటున్న అతను తన గత ఏడాది ఆటను ఒక్కసారిగా గుర్తు తెచ్చుకున్న ట్లున్నాడు. పంజాబ్‌పై మ్యాచ్‌లో ఒక్కసారిగా తన కసినంతా ప్రదర్శిస్తూ వీర విధ్వంసం సృష్టించాడు. కేవలం బౌండరీలతోనే 116 పరుగులు బాది శతకనాదం చేశాడు. ఇది ఆరెంజ్‌ ఆర్మీ కోసం అంటూ రాసి ఉన్న కాగితాన్ని ప్రదర్శిస్తూ ఈ ఇన్నింగ్స్‌ విలువేమిటో చెప్పాడు. అభిషేక్‌కు హెడ్‌ మెరుపులు తోడవడంతో 246 పరుగుల లక్ష్యాన్ని కూడా మరో 9 బంతులు మిగిలి ఉండగానే ఛేదించి సన్‌రైజర్స్‌ సంచలనం సృష్టించింది. మరో వైపు సమష్టి ప్రదర్శనతో 245 పరుగులు చేసి కూడా ఓటమిపాలైన పంజాబ్‌ కింగ్స్‌ తీవ్ర నిరాశకు లోనైంది. ఓవరాల్‌గా 492 పరుగులతో అభిమానులకు ఫుల్‌ జోష్‌ దక్కింది. సాక్షి, హైదరాబాద్‌: ఐపీఎల్‌ సీజన్‌ నాలుగు వరుస పరాజయాల తర్వాత నిస్తేజంగా కనిపించిన సన్‌రైజర్స్‌ హైదరాబాద్‌ ఘనమైన రీతిలో కోలుకుంది. తమ అసలు ఆటను ప్రదర్శిస్తూ లీగ్‌లో తమను తక్కువగా అంచనా వేయవద్దనే సందేశాన్ని ఇచ్చింది. శనివారం ఉప్పల్‌ స్టేడియంలో జరిగిన మ్యాచ్‌లో హైదరాబాద్‌ 8 వికెట్ల తేడాతో పంజాబ్‌ కింగ్స్‌పై ఘన విజయం సాధించింది. టాస్‌ గెలిచి బ్యాటింగ్‌ ఎంచుకున్న పంజాబ్‌ 20 ఓవర్లలో 6 వికెట్ల నష్టానికి 245 పరుగులు చేసింది. శ్రేయస్‌ అయ్యర్‌ (36 బంతుల్లో 82; 6 ఫోర్లు, 6 సిక్స్‌లు), ప్రభ్‌సిమ్రన్‌ సింగ్‌ (23 బంతుల్లో 42; 7 ఫోర్లు, 1 సిక్స్‌), ప్రియాన్‌‡్ష ఆర్య (13 బంతుల్లో 36; 2 ఫోర్లు, 4 సిక్స్‌లు) కీలక పరుగులు సాధించారు. అనంతరం సన్‌రైజర్స్‌ 18.3 ఓవర్లలో 2 వికెట్లకు 247 పరుగులు సాధించింది. ప్లేయర్‌ ఆఫ్‌ ద మ్యాచ్‌ అభిషేక్‌ శర్మ (55 బంతుల్లో 141; 14 ఫోర్లు, 10 సిక్స్‌లు) ఐపీఎల్‌లో తన తొలి సెంచరీని నమోదు చేయగా, ట్రవిస్‌ హెడ్‌ (37 బంతుల్లో 66; 9 ఫోర్లు, 3 సిక్స్‌లు) రాణించాడు. వీరిద్దరు తొలి వికెట్‌కు 75 బంతుల్లో 171 పరుగులు జోడించారు. మెరుపు బ్యాటింగ్‌...పవర్‌ప్లేలో 89 పరుగులు...10 ఓవర్లు ముగిసే సరికి 120. తర్వాతి 5 ఓవర్లలో 57 పరుగులు...ఆఖరి 5 ఓవర్లలో 68 పరుగులు... పంజాబ్‌ కింగ్స్‌ ఇలా దాదాపు అన్ని దశల్లోనూ ఒకే తరహాలో దూకుడుగా సాగింది. టాప్‌–7లో ఇద్దరు మినహా మిగతావారంతా చెలరేగిపోవడంతో భారీ స్కోరు సాధ్యమైంది. షమీ వేసిన తొలి ఓవర్లో ప్రభ్‌సిమ్రన్‌ వరుసగా 3 ఫోర్లతో మొదలు పెట్టగా, షమీ తర్వాతి ఓవర్లో ప్రియాన్ష్ వరుసగా 6, 6, 4 బాదాడు. కమిన్స్‌ తొలి ఓవర్లో కూడా 2 ఫోర్లు, సిక్స్‌తో పంజాబ్‌ 16 పరుగులు రాబట్టింది. అయితే తన తొలి రెండు ఓవర్లలో 28 పరుగులిచ్చిన హర్షల్‌...ప్రియాన్‌‡్షను అవుట్‌ చేయడంలో సఫలమయ్యాడు. ఈ మ్యాచ్‌తో ఐపీఎల్‌లో అరంగేట్రం చేసిన మలింగ తన తొలి వికెట్‌గా ప్రభ్‌సిమ్రన్‌ను వెనక్కి పంపించాడు. ఆ తర్వాత శ్రేయస్, నేహల్‌ వధేరా (22 బంతుల్లో 27; 2 ఫోర్లు, 1 సిక్స్‌) భాగస్వామ్యం కూడా జోరుగా సాగింది. వీరిద్దరు మూడో వికెట్‌కు 40 బంతుల్లోనే 73 పరుగులు జోడించారు. అన్సారీ ఓవర్లో 2 సిక్స్‌లు, ఫోర్‌ బాదిన శ్రేయస్‌ 22 బంతుల్లోనే హాఫ్‌ సెంచరీని అందుకున్నాడు. శశాంక్‌ సింగ్‌ (2) విఫలం కాగా, మలింగ ఓవర్లో శ్రేయస్‌ 4 ఫోర్లతో చెలరేగాడు. అయితే రెండు బంతుల వ్యవధిలో మ్యాక్స్‌వెల్‌ (3), శ్రేయస్‌లను హర్షల్‌ అవుట్‌ చేయడంతో 18, 19 ఓవర్లలో కలిపి 13 పరుగులే వచ్చాయి. ఒకే ఓవర్లో 27 పరుగులు...షమీ వేసిన ఆఖరి ఓవర్లో కింగ్స్‌ పండగ చేసుకుంది. ఫామ్‌లో లేక ఇబ్బంది పడుతున్న స్టొయినిస్‌ ఈ ఓవర్లో చెలరేగిపోయాడు. చివరి 4 బంతుల్లో అతను వరుసగా 6, 6, 6, 6 బాదడంతో మొత్తం 27 పరుగులు లభించాయి. బౌండరీల వర్షం...అర్ష్ దీప్ వేసిన తొలి ఓవర్లో హెడ్‌ 2 ఫోర్లు కొట్టడంతో రైజర్స్‌ విధ్వంసం మొదలైంది. యాన్సెన్‌ ఓవర్లో అభిషేక్‌ నాలుగు ఫోర్లు కొట్టగా, అర్ష్ దీప్ తర్వాతి ఓవర్లో హెడ్‌ వరుసగా మూడు ఫోర్లు బాదాడు. ఆ తర్వాత యశ్‌ ఠాకూర్‌ ఓవర్లో 2 సిక్స్‌లు, ఫోర్‌తో చెలరేగిపోయాడు. పవర్‌ప్లేలో జట్టు 83 పరుగులు సాధించింది. 19 బంతుల్లోనే అభిషేక్‌ హాఫ్‌ సెంచరీని చేరుకున్నాడు. మరో వైపు మ్యాక్స్‌వెల్‌ ఓవర్లో రెండు భారీ సిక్స్‌లు బాదిన హెడ్‌ 31 బంతుల్లో అర్ధ సెంచరీ సాధించాడు. యాన్సెన్‌ వేసిన ఓవర్లో మళ్లీ శివమెత్తిన అభిషేక్‌ 2 సిక్స్‌లు, 2 ఫోర్లు బాదాడు. చహల్‌ ఓవర్లో ఎట్టకేలకు హెడ్‌ వెనుదిరిగిన తర్వాత అదే ఓవర్‌ చివరి బంతికి సింగిల్‌ తీసి 40 బంతుల్లో అభిషేక్‌ సెంచరీ మార్క్‌ను చేరుకొని గర్జించాడు. ఆ తర్వాత చెలరేగి బౌండరీల వర్షం కురిపించిన అభిషేక్‌ జట్టును అలవోకగా విజయం దిశగా నడిపించాడు. సాహసవంతులకే అదృష్టం కలిసి వస్తుందన్నట్లు అభిషేక్‌కు రెండు లైఫ్‌లు లభించాయి. 28 వద్ద ఠాకూర్‌ బౌలింగ్‌లో క్యాచ్‌ ఇవ్వగా అది నోబాల్‌గా తేలింది. ఆ తర్వాత 56 వద్ద చహల్‌ తన బౌలింగ్‌లోనే సునాయాస క్యాచ్‌ను వదిలేశాడు. దీనిని అతను బ్రహ్మండంగా వాడుకున్నాడు. స్కోరు వివరాలుపంజాబ్‌ కింగ్స్‌ ఇన్నింగ్స్‌: ప్రియాన్ష్ (సి) నితీశ్‌ రెడ్డి (బి) హర్షల్‌ 36; ప్రభ్‌సిమ్రన్‌ (సి) కమిన్స్‌ (బి) మలింగ 42; శ్రేయస్‌ (సి) హెడ్‌ (బి) హర్షల్‌ 82; వధేరా (ఎల్బీ) (బి) మలింగ 27; శశాంక్‌ (ఎల్బీ) (బి) హర్షల్‌ 2; మ్యాక్స్‌వెల్‌ (బి) హర్షల్‌ 3; స్టొయినిస్‌ (నాటౌట్‌) 34; యాన్సెన్‌ (నాటౌట్‌) 5; ఎక్స్‌ట్రాలు 14; మొత్తం (20 ఓవర్లలో 6 వికెట్లకు) 245. వికెట్ల పతనం: 1–66, 2–91, 3–164, 4–168, 5–205, 6–206. బౌలింగ్‌: మొహమ్మద్‌ షమీ 4–0–75–0, కమిన్స్‌ 4–0–40–0, హర్షల్‌ 4–0–42–4, ఇషాన్‌ మలింగ 4–0–45–2, అన్సారీ 4–0–41–0. సన్‌రైజర్స్‌ హైదరాబాద్‌ ఇన్నింగ్స్‌: హెడ్‌ (సి) మ్యాక్స్‌వెల్‌ (బి) చహల్‌ 66; అభిషేక్‌ (సి) (సబ్‌) దూబే (బి) అర్‌‡్షదీప్‌ 141; క్లాసెన్‌ (నాటౌట్‌) 21; ఇషాన్‌ కిషన్‌ (నాటౌట్‌) 9; ఎక్స్‌ట్రాలు 10; మొత్తం (18.3 ఓవర్లలో 2 వికెట్లకు) 247. వికెట్ల పతనం: 1–171, 2–222. బౌలింగ్‌: అర్ష్ దీప్ 4–0–37–1, యాన్సెన్‌ 2–0–39–0, యశ్‌ ఠాకూర్‌ 2.3–0–40–0, మ్యాక్స్‌వెల్‌ 3–0–40–0, ఫెర్గూసన్‌ 0.2–0–1–0, స్టొయినిస్‌ 0.4–0–6–0, చహల్‌ 4–0–56–1, శశాంక్‌ 2–0–27–0.75 ఐపీఎల్‌లో అత్యధిక పరుగులు ఇచ్చిన బౌలర్ల జాబితాలో షమీ రెండో స్థానంలో నిలిచాడు. అతను 75 పరుగులివ్వగా, ఇదే సీజన్‌లో రాజస్తాన్‌ బౌలర్‌ ఆర్చర్‌ 76 పరుగులు ఇచ్చాడు.1 ఐపీఎల్‌లో భారత బ్యాటర్‌ సాధించిన అత్యధిక స్కోరు ఇదే. కేఎల్‌ రాహుల్‌ (132) పేరిట ఉన్న రికార్డును అభిషేక్‌ శర్మ సవరించాడు.ఐపీఎల్‌లో నేడురాజస్తాన్‌ X బెంగళూరు వేదిక: జైపూర్‌మధ్యాహ్నం 3: 30 గంటల నుంచి ఢిల్లీ X ముంబై వేదిక: ఢిల్లీ రాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌-2025లో స‌న్‌రైజ‌ర్స్ హైద‌రాబాద్ తిరిగి గెలుపు బాట ప‌ట్టింది. ఈ మెగా ఈవెంట్‌లో భాగంగా ఉప్ప‌ల్ వేదిక‌గా పంజాబ్ కింగ్స్‌తో జ‌రిగిన మ్యాచ్‌లో ఎస్ఆర్‌హెచ్ 8 వికెట్ల తేడాతో రికార్డు విజ‌యాన్ని అందుకుంది. 246 పరుగుల భారీ టార్గెట్‌ను సన్‌రైజర్స్ కేవలం రెండు వికెట్లు మాత్రమే కోల్పోయి 18.3 ఓవ‌ర్ల‌లో చేధించింది. ఈ విజ‌యంలో స్టార్ ఓపెన‌ర్ అభిషేక్ శ‌ర్మది కీల‌క పాత్ర. అభిషేక్ అద్భుత‌మైన సెంచ‌రీతో చెల‌రేగాడు. ఉప్ప‌ల్ మైదానంలో అభిషేక్ త‌న బ్యాటింగ్‌తో విధ్వంసం సృష్టించాడు. అతడి బ్యాటింగ్ ధాటికి పంజాబ్ ఫీల్డర్లు కేవలం ప్రేక్షక పాత్ర పోషించారు. కేవ‌లం 55 బంతులు మాత్ర‌మే ఎదుర్కొన్న అభిషేక్‌.. 14 ఫోర్లు, 10 సిక్స్‌ల‌తో 141 ప‌రుగులు చేశాడు. అత‌డితో పాటు ‍ట్రావిస్ హెడ్‌(37 బంతుల్లో 66), క్లాసెన్‌(14 బంతుల్లో 21) మెరుపు ఇన్నింగ్స్‌లు ఆడారు. అద్భుతమైన సెంచరీతో మెరిసిన అభిషేక్ పలు అరుదైన రికార్డులను తన పేరిట లిఖించుకున్నాడు.అభిషేక్ సాధించిన రికార్డులు ఇవే..👉ఐపీఎల్‌లో అత్యధిక వ్యక్తిగత స్కోర్ సాధించిన ఇండియన్ ప్లేయర్‌గా అభిషేక్ రి​కార్డులకెక్కాడు. ఇంతకుముందు ఈ రికార్డు టీమిండియా స్టార్ ప్లేయర్ కేఎల్ రాహుల్‌(132) పేరిట ఉండేది. తాజా మ్యాచ్‌తో రాహుల్ రికార్డును శర్మ బ్రేక్ చేశాడు. ఓవరాల్‌గా ఈ ఫీట్ సాధించిన మూడో ప్లేయర్‌గా అభిషేక్ నిలిచాడు. తొలి స్దానంలో విండీస్ వీరుడు, ఆర్సీబీ మాజీ ఆటగాడు క్రిస్ గేల్‌(175 నాటౌట్‌) ఉన్నాడు.👉ఐపీఎల్‌లో ఫాస్టెస్ట్ సెంచరీ చేసిన మూడో భారత ఆటగాడిగా అభిషేక్ రికార్డు సృష్టించాడు. ఈ జాబితాలో యూస‌ఫ్ ప‌ఠాన్‌(37 బంతులు) అగ్ర‌స్ధానంలో ఉండ‌గా.. త‌ర్వాతి ప్లేస్‌లో ప్రియాన్ష్ ఆర్య(38 బంతులు) ఉన్నాడు.👉ఐపీఎల్‌లో ఛేజింగ్‌లో అత్య‌ధిక వ్య‌క్తిగ‌త స్కోర్ సాధించిన ప్లేయ‌ర్‌గా అభిషేక్ రికార్డుల‌కెక్కాడు. ఇంత‌క‌ముందు ఈ రికార్డు ఆస్ట్రేలియా స్టార్ ప్లేయ‌ర్ మార్కస్ స్టోయినిస్(124) పేరిట ఉండేది. తాజా మ్యాచ్‌తో స్టోయినిష్‌ను శ‌ర్మ అధిగ‌మించాడు. 𝘼 𝙣𝙤𝙩𝙚-𝙬𝙤𝙧𝙩𝙝𝙮 𝙏𝙊𝙉 💯A stunning maiden #TATAIPL century from Abhishek Sharma keeps #SRH on 🔝 in this chase 💪Updates ▶ https://t.co/RTe7RlXDRq#TATAIPL | #SRHvPBKS | @SunRisers pic.twitter.com/ANgdm1n86w— IndianPremierLeague (@IPL) April 12, 2025

ఐపీఎల్‌-2025లో సన్‌రైజర్స్ హైదరాబాద్ అద్భుతమైన కమ్‌బ్యాక్ ఇచ్చింది. ఉప్పల్ వేదికగా పంజాబ్ కింగ్స్‌తో జరిగిన మ్యాచ్‌లో ఎస్‌ఆర్‌హెచ్ 8 వికెట్ల తేడాతో ఘన విజయాన్ని అందుకుంది. పంజాబ్ కింగ్స్ నిర్ధేశించిన 246 పరుగుల భారీ టార్గెట్‌ను సన్‌రైజర్స్ కేవలం రెండు వికెట్లు మాత్రమే కోల్పోయి 18.3 ఓవ‌ర్ల‌లో చేధించింది.స‌న్‌రైజ‌ర్స్ బ్యాట‌ర్ల‌లో అభిషేక్ శ‌ర్మ విధ్వంసకర సెంచరీతో చెలరేగాడు. ఈ పంజాబీ బ్యాటర్‌ ప్రత్యర్ధి బౌలర్లను ఊతికారేశాడు.కేవ‌లం 55 బంతులు మాత్ర‌మే ఎదుర్కొన్న అభిషేక్‌.. 14 ఫోర్లు, 10 సిక్స్‌ల‌తో 141 ప‌రుగులు చేసి ఔట‌య్యాడు. అతడితో పాటు ‍ట్రావిస్ హెడ్‌(37 బంతుల్లో 66) మెరుపు హాఫ్ సెంచరీ సాధించాడు. పంజాబ్ బౌలర్లలో అర్ష్‌దీప్ సింగ్‌, చాహల్ తలా వికెట్ సాధించారు. కాగా ఐపీఎల్ చరిత్రలో రెండువ అత్యధిక స్కోర్ ఛేజ్ చేసిన జట్టుగా సన్‌రైజర్స్ నిలిచింది.అయ్యర్ విధ్వంసం..ఇక ఈ మ్యాచ్‌లో టాస్ గెలిచి తొలుత బ్యాటింగ్ చేసిన పంజాబ్ కిం‍గ్స్ కూడా భారీ స్కోర్ సాధించింది. పంజాబ్ నిర్ణీత 20 ఓవర్లలో 6 వికెట్ల నష్టానికి 245 పరుగులు చేసింది. పంజాబ్ బ్యాటర్లలో కెప్టెన్ శ్రేయస్ అయ్యర్‌(36 బంతుల్లో 6 ఫోర్లు, 6 సిక్స్‌లతో 82) టాప్ స్కోరర్‌గా నిలవగా.. ప్రభ్‌సిమ్రాన్ సింగ్‌(42), ఆర్య(36), స్టోయినిష్‌(11 బంతుల్లో 34) మెరుపు ఇన్నింగ్స్‌లు ఆడారు. ఎస్‌ఆర్‌హెచ్ బౌలర్లలో హర్షల్ పటేల్ నాలుగు వికెట్లు పడగొట్టగా.. ఎషాన్ మలింగ రెండు వికెట్లు సాధించాడు.చ‌ద‌వండి: IPL 2025: మ‌హ్మ‌ద్ ష‌మీ అత్యంత చెత్త రికార్డు..

ఐపీఎల్‌-2025లో స‌న్‌రైజ‌ర్స్ హైద‌రాబాద్ స్టార్ ఓపెన‌ర్ అభిషేక్ శ‌ర్మ ఎట్ట‌కేల‌కు బ్యాట్‌ను ఝూలిపించాడు. ఈ మెగా టోర్నీలో భాగంగా ఉప్ప‌ల్ వేదిక‌గా పంజాబ్ కింగ్స్‌తో జ‌రుగుతున్న మ్యాచ్‌లో అభిషేక్ అద్బుత‌మైన సెంచరీతో మెరిశాడు. 246 ప‌రుగుల భారీ ల‌క్ష్య చేధ‌న‌లో అభిషేక్ ఆకాశ‌మే హ‌ద్దుగా చెల‌రేగాడు. ఉప్ప‌ల్ మైదానంలో సిక్స‌ర్ల వ‌ర్షం కురిపించాడు. ఫెర్గూస‌న్‌, అర్ష్‌దీప్ సింగ్‌, జాన్సెన్ వంటి వ‌ర‌ల్డ్ క్లాస్ బౌల‌ర్ల‌ను శ‌ర్మ ఊతికారేశాడు. ట్రావిస్ హెడ్‌తో క‌లిసి స్కోర్ బోర్డును ప‌రుగులు పెట్టించాడు. ఈ క్ర‌మంలో కేవ‌లం 40 బంతుల్లోనే తొలి ఐపీఎల్ సెంచ‌రీని అందుకున్నాడు.ఓవ‌రాల్‌గా కేవ‌లం 55 బంతులు మాత్ర‌మే ఎదుర్కొన్న అభిషేక్‌.. 14 ఫోర్లు, 10 సిక్స్‌ల‌తో 141 ప‌రుగులు చేసి ఔట‌య్యాడు. అత‌డు విధ్వంస‌క‌ర ఇన్నింగ్స్ ఫ‌లితంగా 246 పరుగుల భారీ టార్గెట్‌ను సన్‌రైజర్స్ కేవలం రెండు వికెట్లు మాత్రమే కోల్పోయి 18.3 ఓవ‌ర్ల‌లో చేధించింది. స‌న్‌రైజ‌ర్స్ బ్యాట‌ర్ల‌లో అభిషేక్‌ పాటు ‍ట్రావిస్ హెడ్‌(37 బంతుల్లో 66) మెరుపు హాఫ్ సెంచరీ సాధించాడు. పంజాబ్ బౌలర్లలో అర్ష్‌దీప్ సింగ్‌, చాహల్ తలా వికెట్ సాధించారు. కాగా ఐపీఎల్ చరిత్రలో రెండువ అత్యధిక స్కోర్ ఛేజ్ చేసిన జట్టుగా సన్‌రైజర్స్ నిలిచింది.

సన్‌రైజర్స్‌ హైదరాబాద్‌ ఆట తీరు రోజురోజుకీ అధ్వానంగా తయారవుతోంది. ఐపీఎల్‌-2025 (IPL 2025)లో ఇప్పటికే హ్యాట్రిక్‌ పరాజయాలు నమోదు చేసిన కమిన్స్‌ బృందం.. తాజాగా గుజరాత్‌ టైటాన్స్‌ చేతిలో ఓటమిపాలైంది. సొంత మైదానం ఉప్పల్‌లో ఆదివారం జరిగిన మ్యాచ్‌లో ఏడు వికెట్ల తేడాతో ఓడిపోయింది.సమిష్టి వైఫల్యంతో పరాజయాల సంఖ్యను నాలుగుకు పెంచుకుని పాయింట్ల పట్టికలో అట్టడుగున కొనసాగుతోంది. ఇందుకు ప్రధాన కారణం టాపార్డర్‌ దారుణంగా విఫలం కావడమే. ముఖ్యంగా విధ్వంసకర ఓపెనర్లుగా పేరొందిన అభిషేక్‌ శర్మ (Abhishek Sharma), ట్రవిస్‌ హెడ్‌ (Travid Head) దూకుడుగా ఆడే క్రమంలో వికెట్‌ పారేసుకోవడం.. జట్టులోకి కొత్తగా వచ్చి వన్‌డౌన్‌లో ఆడుతున్న టీమిండియా స్టార్‌ ఇషాన్‌ కిషన్‌ కూడా వరుస మ్యాచ్‌లలో చేతులెత్తేయడం తీవ్ర ప్రభావం చూపుతోంది.టాపార్డర్‌ మరోసారి కుదేలుగుజరాత్‌ టైటాన్స్‌తో మ్యాచ్‌లోనూ ఈ బ్యాటింగ్‌ త్రయం దారుణంగా విఫలమైంది. అభిషేక్‌ 16 బంతుల్లో 18 చేసి నిష్క్రమించగా.. హెడ్‌ ఐదు బంతులు ఎదుర్కొని కేవలం 8 పరుగులే చేశాడు. ఈ ఇద్దరి వికెట్లను హైదరాబాదీ స్టార్‌, గుజరాత్‌ పేసర్‌ మహ్మద్‌ సిరాజ్‌ తన ఖాతాలో వేసుకున్నాడు.Hyderabad + New ball = Miyan Magic!#MohammedSiraj rocks #SRH early with the big wicket of #TravisHead in the opening over! 👊🏻Watch LIVE action ➡ https://t.co/meyJbjwpV0#IPLonJioStar 👉 SRH 🆚 GT | LIVE NOW on Star Sports 1, Star Sports 1 Hindi, Star Sports 2, Star Sports 2… pic.twitter.com/Vokiul9meR— Star Sports (@StarSportsIndia) April 6, 2025 సహనం కోల్పోయిన కావ్యా మారన్‌ఇక ఓపెనర్ల వరుస వైఫల్యాలతో విసుగెత్తిన సన్‌రైజర్స్‌ యజమాని కావ్యా మారన్‌ తీవ్ర నిరాశకు గురయ్యారు. ‘‘అసలు మీరు ఏం చేస్తున్నారు? ఇంత ఘోరంగా అవుటవుతారా? ఇదేం బ్యాటింగ్‌’’ అన్నట్లుగా హావభావాలు పలికిస్తూ తలను బాదుకున్నారు. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.Ruk jao bhai kya kar rahe ho Normal cricket khel lo ab 🤣🤣Kavya maran's reactions 🤌🏽🤣 pic.twitter.com/O39QTMNgPc— ••TAUKIR•• (@iitaukir) April 6, 2025సిరాజ్‌ ‘స్ట్రోక్‌’ఇక మ్యాచ్‌ విషయానికొస్తే.. టాస్ ఓడి తొలుత బ్యాటింగ్‌ చేసిన సన్‌రైజర్స్‌ నిర్ణీత 20 ఓవర్లలో ఎనిమిది వికెట్ల నష్టానికి 152 పరుగులు చేసింది. అభిషేక్‌ శర్మ (18), ట్రవిస్‌ హెడ్‌ (8), ఇషాన్‌ కిషన్‌ (17) మరోసారి చేతులెత్తేయగా.. నితీశ్‌ రెడ్డి (31) రాణించాడు. హెన్రిచ్‌ క్లాసెన్‌ (19 బంతుల్లో 27), కమిన్స్‌ (9 బంతుల్లో 22) వేగంగా ఆడి స్కోరును 150 పరుగుల మార్కు దాటించారు.గుజరాత్‌ బౌలర్లలో లోకల్‌ బాయ్‌ సిరాజ్‌ నాలుగు వికెట్లతో చెలరేగగా.. ప్రసిద్‌ కృష్ణ, సాయి కిషోర్‌ రెండేసి వికెట్లు కూల్చారు. లక్ష్య ఛేదనకు దిగిన గుజరాత్‌కు రైజర్స్‌ పేసర్‌ షమీ ఆరంభంలోనే షాకిచ్చాడు. ఓపెనర్‌ సాయి సుదర్శన్‌ను 5 పరుగులకే పెవిలియన్‌కు పంపించాడు.గిల్‌, వాషీ, రూథర్‌ఫర్డ్‌ ధనాధన్‌అదే విధంగా.. ప్రమాదకర బ్యాటర్‌ జోస్‌ బట్లర్‌ను కెప్టెన్‌ కమిన్స్‌ డకౌట్‌ చేశాడు. అయితే, రెండు కీలక వికెట్లు తీసిన ఆనందం సన్‌రైజర్స్‌కు ఎక్కువ సేపు నిలవలేదు. ఓపెనర్‌ శుభ్‌మన్‌ గిల్‌ (43 బంతుల్లో 61 నాటౌట్‌) కెప్టెన్‌ ఇన్నింగ్స్‌తో మెరవగా.. నాలుగో స్థానంలో వచ్చిన ఆల్‌రౌండర్‌ వాషింగ్టన్‌ సుందర్‌ ధనాధన్‌ (29 బంతుల్లో 49) దంచికొట్టాడు.ఆఖర్లో షెర్ఫానే రూథర్‌ఫర్డ్‌ (16 బంతుల్లో 6 ఫోర్లు, ఒక సిక్సర్‌ సాయంతో 35) తన పవర్‌ హిట్టింగ్‌తో గిల్‌తో కలిసి జట్టును విజయతీరాలకు చేర్చాడు. గిల్‌, వాషీ, రూథర్‌ఫర్డ్‌ ఇన్నింగ్స్‌ కారణంగా 16.4 ఓవర్లలోనే లక్ష్యాన్ని ఛేదించిన గుజరాత్‌ ఏడు వికెట్ల తేడాతో సన్‌రైజర్స్‌పై విజయఢంకా మోగించింది.Glorious shots on display 🫡Captain Shubman Gill led from the top and remained unbeaten with a well constructed innings of 61(43) 👏Scorecard ▶ https://t.co/Y5Jzfr7tkC#TATAIPL | #SRHvGT | @ShubmanGill pic.twitter.com/1CWQU5gd82— IndianPremierLeague (@IPL) April 6, 2025 చదవండి: SRH VS GT: వారి పేసర్లను ఎదుర్కోవడం మా బ్యాటర్ల వల్ల కాలేదు: కమిన్స్‌

సన్‌రైజర్స్‌ హైదరాబాద్‌ (SRH) బ్యాటింగ్‌ తీరుపై టీమిండియా మాజీ క్రికెటర్‌ వీరేంద్ర సెహ్వాగ్‌ విమర్శలు గుప్పించాడు. పేరుకే జట్టులో ‘విధ్వంసకర బ్యాటర్లు’ ఉన్నారని.. కానీ వారి వల్ల ప్రేక్షకులకు ఎలాంటి వినోదం లభించడం లేదని పేర్కొన్నాడు. బౌలర్లకు అంతగా సహకరించని ఈడెన్‌ గార్డెన్స్‌ పిచ్‌పై కూడా పరుగులు చేయలేక.. చేతులెత్తేయడం వారి పేలవ ప్రదర్శనకు నిదర్శనమని పేర్కొన్నాడు.ఐపీఎల్‌-2024లో అద్భుత బ్యాటింగ్‌తో ఫైనల్‌ వరకు చేరుకున్న సన్‌రైజర్స్‌.. టైటిల్‌ పోరులో మాత్రం 113 పరుగులకే ఆలౌట్‌ అయింది. అనంతరం బౌలింగ్‌లోనూ విఫలమై.. తద్వారా రన్నరప్‌తో సరిపెట్టుకుంది. ఇక ఐపీఎల్‌-2025 (IPL 2025)ని ఘనంగా ఆరంభించినప్పటికీ హ్యాట్రిక్‌ పరాజయాలతో చతికిల పడింది.ఒక్కరూ నిలబడలేదుతాజాగా కోల్‌కతా నైట్‌ రైడర్స్‌తో గురువారం నాటి మ్యాచ్‌లో సన్‌రైజర్స్‌ బ్యాటర్లు మూకుమ్మడిగా విఫలమయ్యారు. లక్ష్య ఛేదనలో ఫోర్‌తో ఇన్నింగ్స్‌ ఆరంభించిన ఓపెనర్‌ ట్రవిస్‌ హెడ్‌ (Travis Head) మరుసటి బంతికే అవుట్‌ కాగా.. మరో ఓపెనర్‌ అభిషేక్‌ శర్మ 2, వన్‌డౌన్‌ బ్యాటర్‌ ఇషాన్‌ కిషన్‌ 2 పరుగులకే పెవిలియన్‌ చేరారు.ఆ తర్వాత నితీశ్‌ కుమార్‌ రెడ్డి (19) కాసేపు నిలదొక్కుకునే ప్రయత్నం చేసి విఫలం కాగా.. భాగస్వామ్యం నెలకొల్పుతారనుకున్న కమిందు మెండిస్‌ (27), హెన్రిచ్‌ క్లాసెన్‌ (33) కూడా నిరాశపరిచారు. మెరుపు బ్యాటింగ్‌తో అలరిస్తున్నాడనుకున్న అనికేత్‌ వర్మ (6) కూడా ఇలా వచ్చి అలా వెళ్లిపోయాడు. ఫలితంగా 16.4 ఓవర్లలో కేవలం 120 పరుగులకే సన్‌రైజర్స్‌ ఆలౌట్‌ అయింది.80 పరుగుల తేడాతో ఓటమిఅంతకు ముందు ఇదే పిచ్‌పై చక్కటి షాట్లు ఆడుతూ కేకేఆర్‌ బ్యాటర్లు 200 పరుగులు స్కోరు చేశారు. అయితే, ఈ టార్గెట్‌ను ఎస్‌ఆర్‌హెచ్‌ సులువుగానే ఛేజ్‌ చేస్తుందనుకుంటే.. 120 పరుగులకే కుప్పకూలి.. 80 పరుగుల తేడాతో ఓటమిపాలైంది. రైజర్స్‌ బ్యాటర్లలో మెజారిటీ మంది సులువైన క్యాచ్‌లు ఇచ్చి పెవిలియన్‌ చేరడం గమనార్హం.ఈ నేపథ్యంలో కేకేఆర్‌- సన్‌రైజర్స్‌ ఫలితంపై స్పందించిన వీరేంద్ర సెహ్వాగ్‌ హైదరాబాద్‌ జట్టు తీరుపై ఘాటు విమర్శలు చేశాడు. ‘‘ఒకప్పుడు పంజాబ్‌ జట్టుకు ఇలాంటి పేరుండేది. ముందు నుంచి రాణించడం ఆఖర్లో చేతులెత్తేయడం.. ఇప్పుడు సన్‌రైజర్స్‌ పరిస్థితి అలాగే కనిపిస్తోంది.కేకేఆర్‌ బౌలింగ్‌ అంత గొప్పగా ఏమీ లేదు.. కానీవాళ్లు 190 పరుగులు చేసి ఓడిపోయారు.. 160 రన్స్‌ చేసి ఓడిపోయారు. ఇప్పుడేమో 200 పరుగులు ఛేదించే క్రమంలో 120 పరుగులకే ఆలౌట్‌ అయ్యారు. నిజానికి కేకేఆర్‌ బౌలింగ్‌ అంత గొప్పగా ఏమీ లేదు. బంతి కూడా టర్న్‌ కావడం లేదు. ఇదే పిచ్‌పై వాళ్ల బ్యాటర్లు 200 పరుగులు సాధించారు.అంతేకాదు రెండో ఇన్నింగ్స్‌లో బౌలర్లకు పిచ్‌ నుంచి అంతగా సహకారం కూడా అందలేదు. వికెట్‌ కాస్త స్లోగా ఉంది. అందుకే వాళ్లు ఎక్కువగా స్లో బాల్స్‌ వేశారు. ఇలాంటి పరిస్థితుల్లో బ్యాటర్‌ క్రీజులో నిలదొక్కుకునేందుకు కాస్త ఓపికగా ఎదురుచూడాలి. పరిస్థితులకు అలవాటుపడిన తర్వాత పరుగుల వేట మొదలుపెట్టాలి.కానీ ఈరోజు వాళ్లు పూర్తిగా నిరాశపరిచారు. జట్టులో ఎంతో మంది బ్యాటర్లు ఉన్నారు. కానీ ఏం లాభం అవసరమైనపుడు ఒక్కరూ పరుగులు చేయలేకపోయారు. 120 పరుగులకే ఆలౌట్‌ అయ్యారు. జనాలు డబ్బు ఇచ్చి మరీ మీ ఆటను చూడటానికి వస్తారు.ఈసారి మ్యాచ్‌ ఈడెన్‌ గార్డెన్స్‌లో జరిగినా చాలా మంది సన్‌రైజర్స్‌ బ్యాటింగ్‌ చూసేందుకు వచ్చారనడం అతిశయోక్తి కాదు. కానీ మీరు వారందరినీ నిరాశకు గురిచేశారు’’ అని సెహ్వాగ్‌ విమర్శల వర్షం కురిపించాడు.ఐపీఎల్‌-2025: కేకేఆర్‌ వర్సెస్‌ సన్‌రైజర్స్‌👉కేకేఆర్‌ స్కోరు: 200/6 (20)👉సన్‌రైజర్స్‌ స్కోరు: 120 (16.4)👉ఫలితం: 80 పరుగుల తేడాతో సన్‌రైజర్స్‌పై కేకేఆర్‌ గెలుపు.చదవండి: రూ. 20 లక్షలు.. రూ. 20 కోట్లు.. ఏదైనా ఒకటే.. ఎక్కువ డబ్బు ఇస్తే ప్రతి మ్యాచ్‌లో స్కోరు చేయాలా?

ఐపీఎల్‌-2025లో స‌న్‌రైజ‌ర్స్ హైదరాబాద్ స్టార్ ఓపెన‌ర్ అభిషేక్ శ‌ర్మ త‌న త‌న పేల‌వ ఫామ్‌ను కొనసాగిస్తున్నాడు. అభిషేక్ వ‌రుస‌గా నాలుగో మ్యాచ్‌లో విఫ‌ల‌మ‌య్యాడు. ఈడెన్ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌తో జ‌రుగుతున్న మ్యాచ్‌లో అభిషేక్ తీవ్ర నిరాశ‌ప‌రిచాడు. ఈ మ్యాచ్‌లో అభిషేక్ 6 బంతులు ఆడి కేవ‌లం 2 ప‌రుగులు మాత్ర‌మే చేసి ఔట‌య్యాడు.హ‌ర్షిత్ రాణా బౌలింగ్‌లో స్లిప్‌లో అభిషేక్ దొరికిపోయాడు. ఈ ఏడాది సీజ‌న్‌లో ఇప్ప‌టివ‌ర‌కు నాలుగు మ్యాచ్‌లు ఆడిన శ‌ర్మ‌.. కేవ‌లం 33 ప‌రుగులు మాత్ర‌మే చేశాడు. తొలి మ్యాచ్‌లో 24 ప‌రుగులు చేసిన అభిషేక్‌, ఆ త‌ర్వాతి మ్యాచ్‌ల్లో సింగిల్ డిజిట్ స్కోర్ల‌కే ప‌రిమిత‌మ‌య్యాడు. దీంతో అత‌డిపై ఎస్ఆర్‌హెచ్ అభిమానులు మండిపడుతున్నారు.ఏమైంది అభిషేక్ నీకు అని పోస్టులు పెడుతున్నారు. కాగా ఐపీఎల్‌-2025 మెగా వేలానికి ముందు రూ.14 కోట్ల భారీ ధ‌ర వెచ్చించి మ‌రి ఎస్ఆర్‌హెచ్ కొనుగోలు చేసింది. ఇక ఈ మ్యాచ్‌లో అభిషేక్‌తో పాటు హెడ్‌(4), ఇషాన్ కిష‌న్(2) కూడా నిరాశ‌ప‌రిచారు. తొలుత బ్యాటింగ్ చేసిన కేకేఆర్ నిర్ణీత 20 ఓవ‌ర్లలో 6 వికెట్ల న‌ష్టానికి 200 ప‌రుగులు చేసింది. కోత్‌క‌తా బ్యాట‌ర్ల‌లో వెంక‌టేశ్ అయ్య‌ర్‌(29 బంతుల్లో 7 ఫోర్లు, 3 సిక్స్‌ల‌తో 60) టాప్ స్కోర‌ర్‌గా నిల‌వ‌గా.. ర‌ఘువంశీ(50), రింకూ సింగ్‌(32), ర‌హానే(38) కీల‌క ఇన్నింగ్స్‌లు ఆడారు. ఎస్ఆర్‌హెచ్ బౌల‌ర్ల‌లో క‌మ్మిన్స్‌, ష‌మీ, హ‌ర్ష‌ల్ ప‌టేల్‌, క‌మిందు మెండిస్ త‌లా వికెట్ సాధించారు.చ‌ద‌వండి: డీఎస్సీ సిరాజ్‌కు సెల్యూట్‌.. ఆర్సీబీ ఓడను ముంచేశాడు: హర్భజన్

దుబాయ్‌: అంతర్జాతీయ క్రికెట్‌ కౌన్సిల్‌ (ICC) పురుషుల టీ20 ర్యాంకింగ్స్‌ బుధవారం విడుదలయ్యాయి. తాజా ర్యాంకింగ్స్‌లో భారత స్టార్‌ ప్లేయర్‌ హార్దిక్‌ పాండ్యా (Hardik Pandya) ఆల్‌రౌండర్ల విభాగంలో తన నంబర్‌వన్‌ స్థానాన్ని నిలబెట్టుకున్నాడు. హార్దిక్‌ 252 పాయింట్లతో టాప్‌ ర్యాంక్‌లో కొనసాగుతున్నాడు.బౌలింగ్‌ విభాగంలో భారత మిస్టరీ స్పిన్నర్‌ వరుణ్‌ చక్రవర్తి (Varun Chakravarthy) తన రెండో ర్యాంక్‌ను కోల్పోయాడు. వరుణ్‌ ఒక స్థానం పడిపోయి 706 పాయింట్లతో మూడో స్థానానికి చేరుకున్నాడు. నాలుగు స్థానాలు ఎగబాకిన న్యూజిలాండ్‌ పేసర్‌ జేకబ్‌ డఫీ నంబర్‌వన్‌ ర్యాంక్‌ను అందుకున్నాడు.క్రితంసారి వరకు నంబర్‌వన్‌ స్థానంలో ఉన్న అకీల్‌ హోసీన్‌ (వెస్టిండీస్‌) రెండో ర్యాంక్‌కు పడిపోయాడు. బ్యాటింగ్‌ ర్యాంకింగ్స్‌లో భారత ప్లేయర్లు అభిషేక్‌ శర్మ రెండో స్థానంలో, తిలక్‌ వర్మ నాలుగో స్థానంలో, సూర్యకుమార్‌ యాదవ్‌ ఐదో స్థానంలో ఉన్నారు.రాజస్తాన్‌ రాయల్స్‌ సారథిగా సామ్సన్‌బెంగళూరు: గాయం కారణంగా సారథిగా కాకుండా కేవలం ప్లేయర్‌గా మాత్రమే ఐపీఎల్‌ ఆడుతున్న సంజూ సామ్సన్‌కు జాతీయ క్రికెట్‌ అకాడమీ (ఎన్‌సీఏ) నుంచి అనుమతి లభించింది. వేలి గాయం పూర్తిగా మానడంతో కీపింగ్‌ చేయొచ్చని బీసీసీఐ వెల్లడించింది.తాజా సీజన్‌ తొలి మూడు మ్యాచ్‌ల్లో సామ్సన్‌ ‘ఇంపాక్ట్‌ ప్లేయర్‌’గా బరిలోకి దిగగా... అతడి స్థానంలో రియాన్‌ పరాగ్‌ జట్టుకు సారథిగా వ్యవహరించాడు. ఇంగ్లండ్‌తో టీ20 సిరీస్‌ సందర్భంగా ఆర్చర్‌ బౌలింగ్‌లో సామ్సన్‌... కుడిచేయి బొటనవేలికి గాయం కాగా... శస్త్రచికిత్స చేయించుకున్నాడు. దిగ్వేశ్‌కు జరిమానాలక్నో: లక్నో సూపర్‌ జెయింట్స్‌ స్పిన్నర్‌ దిగ్వేశ్‌ సింగ్‌ రాఠిపై జరిమానా పడింది. ఇండియన్‌ ప్రీమియర్‌ లీగ్‌ (ఐపీఎల్‌) 18వ సీజన్‌లో భాగంగా మంగళవారం పంజాబ్‌ కింగ్స్‌తో మ్యాచ్‌ సందర్భంగా... వికెట్‌ తీసిన అనంతరం అతిగా సంబరాలు చేసుకున్నందుకు గానూ దిగ్వేశ్‌ మ్యాచ్‌ ఫీజులో 25 శాతం కోత విధించారు. దిగ్వేశ్‌ వేసిన ఇన్నింగ్స్‌ మూడో ఓవర్‌ చివరి బంతికి పంజాబ్‌ కింగ్స్‌ ఓపెనర్‌ ప్రియాంశ్‌ ఆర్య ఔటయ్యాడు.ఆ సమయంలో బ్యాటర్‌ దగ్గరకు వెళ్లిన దిగ్వేశ్‌... అతడి వికెట్‌ తన ఖాతాలో పడినట్లు పుస్తకంలో రాస్తున్నట్లు సంబరాలు చేసుకున్నాడు. అదే సమయంలో ఫీల్డ్‌ అంపైర్లు దిగ్వేశ్‌ను వారించగా... నిబంధనలను అతిక్రమించినందుకు రిఫరీ అతడిపై జరిమానా వేయడంతో పాటు ఒక డీ మెరిట్‌ పాయింట్‌ కేటాయించారు.‘దిగ్వేశ్‌ లెవల్‌–1 తప్పిదానికి పాల్పడ్డాడు. నియమావళిలోని 2.5 ఆర్టికల్‌ ప్రకారం అతడికి జరిమానా విధించాం’ అని ఐపీఎల్‌ పాలక మండలి ఒక ప్రకటనలో తెలిపింది. గతంలో వెస్టిండీస్‌ పేసర్‌ కెస్రిక్‌ విలియమ్స్‌ ఈ తరహా సంబరాలతో ‘ఫేమస్‌’ అయ్యాడు.టీమిండియాతో ద్వైపాక్షిక సిరీస్‌ సందర్భంగా వికెట్‌ తీసిన అనంతరం ‘నోట్‌బుక్‌’లో ఏదో రాస్తున్నట్లు సైగలు చేస్తూ సంబరాలు చేసుకోగా... దానికి భారత స్టార్‌ బ్యాటర్‌ విరాట్‌ కోహ్లి తన దూకుడైన ఆటతో దీటుగా బదులిచ్చి అచ్చం అదే తరహాలో సంబరాలు చేసుకున్నాడు. కాగా... లక్నో, పంజాబ్‌ జట్ల మధ్య జరిగిన పోరులో పంజాబ్‌ కింగ్స్‌ జట్టు 8 వికెట్ల తేడాతో విజయం సాధించింది.

ఐపీఎల్‌-2025లో వైజాగ్ వేదిక‌గా ఢిల్లీ క్యాపిట‌ల్స్‌తో జ‌రుగుతున్న మ్యాచ్‌లో సన్‌రైజర్స్ హైదరాబాద్ ఓపెన‌ర్ అభిషేక్ శ‌ర్మ‌ను దుర‌దృష్టం వెంటాడింది. తోటి బ్యాటర్ ట్రావిస్ హెడ్‌తో సమన్వయ లోపం వల్ల అభిషేక్ రనౌటయ్యాడు. తొలి రెండు మ్యాచ్‌ల్లో నిరాశపరిచిన అభిషేక్‌.. ఈ మ్యాచ్‌లో కూడా సింగిల్ డిజిట్ స్కోర్‌కే పరిమితం కావాల్సి వచ్చింది. అభిషేక్ కేవలం ఒక్క పరుగు మాత్రమే చేసి ఔటయ్యాడు.అసలేం జరిగిందంటే?ఎస్‌ఆర్‌హెచ్ ఇన్నింగ్స్ తొలి ఓవర్ వేసిన మిచెల్ స్టార్క్ బౌలింగ్‌లో ఆఖరి బంతిని ట్రావిస్ హెడ్ కవర్స్ దిశగా ఆడాడు. హెడ్ షాట్ ఆడిన వెంటనే క్విక్ సింగిల్ కోసం నాన్‌స్టైకర్ ఎండ్ వైపు పరిగెత్తాడు. కానీ నాన్ స్టైక్ ఎండ్‌లో అభిషేక్ మాత్రం పరుగుకు సిద్దంగా లేడు. అతడు హెడ్‌ను ఆపడానికి చేయి పైకెత్తాడు. కానీ హెడ్ మాత్రం అభిషేక్‌ను గమనించకుండా బంతిని చూస్తూ పరుగు కోసం ముందుకు వచ్చాడు. దీంతో అభిషేక్ కాస్త ఆలస్యంగా పరిగెత్తడం ప్రారంభించాడు. ఈ క్రమంలో బంతిని అందుకున్న ఢిల్లీ ఫీల్డర్ విప్రజ్ నిగమ్ అద్భుతమైన త్రోతో స్టంప్స్‌ను గిరాటేశాడు. ఫలితంగా అభిషేక్ శర్మ రనౌట్ రూపంలో పెవిలియన్‌కు చేరాల్సి వచ్చింది. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది.ఐదేసిన స్టార్క్‌..ఇక ఈ మ్యాచ్‌లో తొలుత బ్యాటింగ్ చేసిన టాస్ గెలిచి బ్యాటింగ్‌కు దిగిన ఎస్‌ఆర్‌హెచ్‌.. 18.4 ఓవర్లలో 163 పరుగులకు ఆలౌటైంది. ఎస్‌ఆర్‌హెచ్ బ్యాటర్లలో అనికేత్ వర్మ(74) టాప్ స్కోరర్‌గా నిలవగా.. క్లాసెన్‌(32), హెడ్‌(22) పరుగులతో రాణించారు. ఢిల్లీ క్యాపిటల్స్ బౌలర్లలో మిచెల్ స్టార్క్ ఐదు వికెట్లతో చెలరేగాడు. అతడితో పాటు కుల్దీప్ యాదవ్ మూడు, మొహిత్ శర్మ ఒక్క వికెట్ సాధిం‍చారు. SRH ನ ಮೊದಲ ವಿಕೆಟ್ ಪತನ 👏ರನ್ ಔಟ್ ಮೂಲಕ Abhishek Sharma ತಮ್ಮ ವಿಕೆಟ್ ಕೈಚೆಲ್ಲಿದ್ದಾರೆ 👀📺 ವೀಕ್ಷಿಸಿ | TATA IPL 2025 | #DCvSRH | LIVE NOW | ನಿಮ್ಮ JioHotstar & Star Sports ಕನ್ನಡದಲ್ಲಿ.#IPLOnJioStar #IPL2025 #TATAIPL pic.twitter.com/tKwl18nYPF— Star Sports Kannada (@StarSportsKan) March 30, 2025చ‌ద‌వండి: IPL 2025: హార్దిక్‌ పాండ్యాకు మరో షాక్‌

భారత క్రికెట్‌ నియంత్రణ మండలి (BCCI) ఇటీవల మహిళల సీనియర్‌ జట్టుకు సంబంధించిన వార్షిక కాంట్రాక్టులను విడుదల చేసింది. అయితే, పురుషుల సీనియర్‌ టీమ్‌ సెంట్రల్‌ కాంట్రాక్టుల విషయంలో ఆచితూచి నిర్ణయం తీసుకోవాల్సి ఉన్నందున కాస్త జాప్యం జరుగుతోందని బోర్డు వర్గాలు వెల్లడించాయి. తాజా సమాచారం ప్రకారం మరికొన్ని రోజుల్లోనే బీసీసీఐ ఈ అంశంపై తుదినిర్ణయం తీసుకోనున్నట్లు తెలుస్తోంది.ఈ నేపథ్యంలో బోర్డు కార్యదర్శి దేవజిత్‌ సైకియా.. టీమిండియా ప్రధాన కోచ్‌ గౌతం గంభీర్‌తో శనివారం సమావేశం కానున్నట్లు సమాచారం. కాగా బీసీసీఐ టీమిండియా ఆటగాళ్లను A+, A, B, C గ్రేడ్లుగా విభజించి వార్షిక వేతనాలు అందచేస్తోన్న విషయం తెలిసిందే. రోహిత్‌, కోహ్లిల కొనసాగింపు!కెప్టెన్‌ రోహిత్‌ శర్మతో పాటు దిగ్గజ బ్యాటర్‌ విరాట్‌ కోహ్లి, ఆల్‌రౌండర్‌ రవీంద్ర జడేజా, పేస్‌ దళ నాయకుడు జస్‌ప్రీత్‌ బుమ్రా అత్యుత్తమ గ్రేడ్‌ అయిన A+లో కొనసాగుతున్న విషయం తెలిసిందే.అయితే, టీ20 ప్రపంచకప్‌-2024లో భారత్‌ చాంపియన్‌గా నిలిచిన తర్వాత రోహిత్‌, కోహ్లి, జడ్డూ అంతర్జాతీయ పొట్టి ఫార్మాట్‌కు వీడ్కోలు పలికారు. ప్రస్తుతం ఈ ముగ్గురు కేవలం వన్డే, టెస్టుల్లో మాత్రమే కొనసాగుతున్నారు. కాబట్టి వీరిని A+ గ్రేడ్‌ నుంచి తప్పించాలని బోర్డు నిర్ణయించినట్లు గతంలో వార్తలు పుట్టుకొచ్చాయి. అయితే, టైమ్స్‌ ఆఫ్‌ ఇండియా అందించిన తాజా సమాచారం ప్రకారం.. ఈ ముగ్గురితో పాటు బుమ్రాను A+ గ్రేడ్‌లోనే కొనసాగించనున్నారు.అంతేకాదు..టీ20 జట్టు వైస్‌ కెప్టెన్‌గా ఉన్న స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌కు ఈసారి ప్రమోషన్‌ దక్కనుంది. B గ్రేడ్‌ నుంచి అతడిని A గ్రేడ్‌కు ప్రమోట్‌ చేసే సూచనలు కనిపిస్తున్నాయి. అంతేకాదు.. క్రమశిక్షణారాహిత్యం వల్ల సెంట్రల్‌ కాంట్రాక్టు కోల్పోయిన మిడిలార్డర్‌ బ్యాటర్‌ శ్రేయస్‌ అయ్యర్‌ తిరిగి ఈ జాబితాలో చేరనున్నాడు.అంతేకాదు.. టాప్‌ గ్రేడ్‌లో అతడిని చేర్చేందుకు బీసీసీఐ నాయకత్వ బృందం సుముఖంగా ఉన్నట్లు సమాచారం. ఐసీసీ చాంపియన్స్‌ ట్రోఫీ-2025లో భారత టాప్‌ రన్‌ స్కోరర్‌గా నిలిచి.. జట్టు విజయంలో కీలక పాత్ర పోషించినందుకు అతడికి ఈ మేర రిటర్న్‌గిఫ్ట్‌ లభించనున్నట్లు తెలుస్తోంది. అయితే, శ్రేయస్‌ మాదిరి అనూహ్యంగా సెంట్రల్‌ కాంట్రాక్టు కోల్పోయిన ఇషాన్‌ కిషన్‌ విషయంలో మాత్రం బీసీసీఐ ఇంకా గుర్రుగానే ఉన్నట్లు తెలుస్తోంది.టాప్‌ క్లాస్‌లో అతడి పేరుఈ విషయాల గురించి బీసీసీఐ సన్నిహిత వర్గాలు మాట్లాడుతూ.. ‘‘శ్రేయస్‌ తిరిగి వార్షిక కాంట్రాక్టు దక్కించుకోబోతున్నాడు. అది కూడా టాప్‌ క్లాస్‌లో అతడి పేరు చేరనుంది. ఇందుకు సంబంధించి చర్చలు జరుగుతున్నాయి. కానీ ఇషాన్‌ కిషన్‌ విషయంలో మాత్రం ఇంకా ఏ నిర్ణయం తీసుకోలేదు’’ అని పేర్కొన్నాయి.తొలిసారి వీళ్లకు చోటుఇక ఈసారి మిస్టరీ స్పిన్నర్‌ వరుణ్‌ చక్రవర్తి, ఆంధ్ర ఆల్‌రౌండర్‌ నితీశ్‌ కుమార్‌ రెడ్డి, అభిషేక్‌ శర్మ కొత్తగా బీసీసీఐ వార్షిక కాంట్రాక్టులు దక్కించుకునే సూచనలు కనిపిస్తున్నాయి. కాగా బీసీసీఐ కాంట్రాక్టు దక్కించుకోవాలంటే.. ఒక క్యాలెండర్‌ ఇయర్‌లో టీమిండియా తరఫున మూడు టెస్టులు లేదంటే.. ఎనిమిది వన్డేలు.. లేదా పది అంతర్జాతీయ టీ20లు ఆడి ఉండాలి. తద్వారా మరుసటి ఏడాది సదరు ఆటగాళ్లకు బోర్డు వార్షిక కాంట్రాక్టు ఇస్తుంది.ఇక బీసీసీఐ A+ గ్రేడ్‌లో ఉన్న ఆటగాళ్లకు ఏడాదికి రూ. 7 కోట్లు, A గ్రేడ్‌లో ఉన్నవారికి రూ. 5 కోట్లు, B గ్రేడ్‌లో ఉన్నవారికి రూ. 3 కోట్లు, C గ్రేడ్‌లో ఉన్నవారికి రూ. కోటి వార్షిక జీతంగా ఇస్తుంది.గతేడాది కాలానికి (2023-24) గానూ బీసీసీఐ ప్రకటించిన కాంట్రాక్టుల జాబితాగ్రేడ్‌- A+: రోహిత్‌ శర్మ,విరాట్‌ కోహ్లి, జస్‌ప్రీత్‌ బుమ్రా, రవీంద్ర జడేజాగ్రేడ్‌- A: రవిచంద్రన్‌ అశ్విన్‌, మహ్మద్‌ షమీ, మహ్మద్‌ సిరాజ్‌, కేఎల్‌ రాహుల్‌, శుబ్‌మన్‌ గిల్‌, హార్దిక్‌ పాండ్యాగ్రేడ్‌- B: సూర్యకుమార్‌ యాదవ్‌, రిషభ్‌ పంత్‌, కుల్దీప్‌ యాదవ్‌, అక్షర్‌ పటేల్‌, యశస్వి జైస్వాల్‌గ్రేడ్‌- C: రింకూ సింగ్‌, తిలక్‌ వర్మ, రుతురాజ్‌ గైక్వాడ్‌, శార్దూల్‌ ఠాకూర్‌, శివం దూబే, రవి బిష్ణోయి, జితేశ్‌ శర్మ, వాషింగ్టన్‌ సుందర్‌, ముకేశ్‌ కుమార్‌, సంజూ శాంసన్‌, అర్ష్‌దీప్‌ సింగ్‌, కేఎస్‌ భరత్‌, ప్రసిద్‌ కృష్ణ, ఆవేశ్‌ ఖాన్‌,రజత్‌ పాటిదార్‌.

ఐపీఎల్‌ 2025 ప్రారంభానికి ముందే సన్‌రైజర్స్‌ హైదరాబాద్‌ విధ్వంసకర ఓపెనర్‌ అభిషేక్‌ శర్మ షో మొదలైంది. ప్రాక్టీస్‌ సెషన్స్‌లో, ఇంట్రా స్క్వాడ్‌ మ్యాచ్‌ల్లో శర్మ సిక్సర్ల వర్షం కురిపిస్తున్నాడు. నిన్నటి ప్రాక్టీస్‌ సందర్భంగా శర్మ కొట్టిన ఓ బంతి అగ్నిమాపక పరికరం అద్దాలు ధ్వంసం చేసింది. సన్‌రైజర్స్‌ విడుదల చేసిన ఓ వీడియోలో శర్మ ఈ విషయాన్ని ప్రస్తావించాడు. సిక్సర్లు బాదే క్రమంలో చాలా బ్యాట్లు కూడా విరిగిపోయాయని చెప్పుకొచ్చాడు. View this post on Instagram A post shared by SunRisers Hyderabad (@sunrisershyd)ఈ వీడియోతో సన్‌రైజర్స్‌ ప్రత్యర్థులను బయపెట్టే పనిలో పడింది. అభిషేక్‌ శర్మతో జాగ్రత్తగా ఉండాలని సంకేతాలు పంపింది. గత సీజన్‌లో అరివీర భయంకరమైన ఫామ్‌లో ఉండిన అభిషేక్‌.. సహచర ఓపెనర్‌ ట్రవిస్‌ హెడ్‌తో కలిసి సుడిగాలి ఇన్నింగ్స్‌లు ఆడాడు. సన్‌రైజర్స్‌ సాధించిన అతి భారీ స్కోర్లలో అభిషేక్‌ పాత్ర కీలకం. అభిషేక్‌ గత సీజన్‌లో 16 మ్యాచ్‌లు ఆడి 204.22 స్ట్రయిక్‌రేట్‌తో 484 పరుగులు చేశాడు. ఇందులో 36 బౌండరీలు, 42 సిక్సర్లు ఉన్నాయి. గత సీజన్‌లో అత్యధిక సిక్సర్లు బాదింది కూడా అభిషేకే. అభిషేక్‌ గత సీజన్‌లోలాగే ఈ సీజన్‌లోనూ పేట్రేగిపోయే అవకాశం ఉంది. గత ఐపీఎల్‌ తర్వాత అతను మరింత రాటు దేలాడు. టీమిండియాకు ఎంపికై అంతర్జాతీయ వేదికపై కూడా సత్తా చాటాడు. ఆ అనుభవంతో అభిషేక్‌ ఈ ఐపీఎల్‌ సీజన్‌లో సునామీలా విరుచుకుపడవచ్చు. అభిషేక్‌తో పాటు సహచరులు ట్రవిస్‌ హెడ్‌, హెన్రిచ్‌ క్లాసెన్‌, ఇషాన్‌ కిషన్‌, నితీశ్‌ కుమార్‌ రెడ్డి కూడా విజృంభిస్తే.. గత సీజన్‌లో మిస్సైన టైటిల్‌ను సన్‌రైజర్స్‌ ఈ సీజన్‌లో సాధించవచ్చు. పై పేర్కొన్న బ్యాటర్లు తమ సహజ ఆటతీరును ప్రదర్శిస్తే ఈ సీజన్‌లో సన్‌రైజర్స్‌ 300 పరుగుల మార్కును దాటేస్తుంది. ప్రాక్టీస్‌ సందర్భంగా సన్‌రైజర్స్‌ బ్యాటర్లు ఇదే టార్గెట్‌ పెట్టుకుని భారీ షాట్లు ఆడుతూ కనిపించారు. ఇంట్రా స్క్వాడ్‌ మ్యాచ్‌ల్లో ఆరెంజ్‌ ఆర్మీలోకి కొత్తగా చేరిన ఇషాన్‌ కిషన్‌ విశ్వరూపం ‍ప్రదర్శిస్తున్నాడు. అభిషేక్‌ జోరుకు ఇషాన్‌ విధ్వంసం కూడా తోడైతే సన్‌రైజర్స్‌కు ఈ సీజన్‌లో పట్టపగ్గాలు ఉండవు. గత సీజన్‌లో బ్యాటర్లు చెలరేగడంతో సన్‌రైజర్స్‌ ఆర్సీబీపై 287 (ఐపీఎల్‌ హిస్టరీలో ఇదే అత్యధిక స్కోర్‌), ముంబై ఇండియన్స్‌పై 277, ఢిల్లీ క్యాపిటల్స్‌పై 266 పరుగులు చేసింది. గత సీజన్‌తో పోలిస్తే ఈ సీజన్‌లో సన్‌రైజర్స్‌ బ్యాటింగ్‌ మరింత ప్రమాదకరంగా కనిపిస్తుంది.ఈ సీజన్‌లో సన్‌రైజర్స్‌ బ్యాటింగ్‌తో పాటు బౌలింగ్‌లోనూ బలంగా ఉంది. భువనేశ్వర్‌ కుమార్‌, నటరాజన్‌ లాంటి దేశీయ పేసర్లు దూరమైనా షమీ, ఉనద్కత్‌, హర్షల్‌ పటేల్‌ కొత్తగా జట్టులో చేరారు. స్పిన్‌ విభాగంలోనూ సన్‌రైజర్స్‌ పటిష్టంగా కనిపిస్తుంది. ఆసీస్‌ స్టార్‌ స్పిన్నర్‌ ఆడమ్‌ జంపాను సన్‌రైజర్స్‌ ఈ సీజన్‌లో అక్కున చేర్చుకుంది. లోకల్‌ స్పిన్నర్‌ రాహుల్‌ చాహర్‌ తనదైన రోజున అద్భుతాలు చేయగలడు. పార్ట్‌ టైమ్‌ స్పిన్నర్లు అభిషేక్‌ శర్మ, ట్రవిస్‌ హెడ్‌, కమిందు మెండిస్‌ ఫుల్‌టైమ్‌ స్పిన్నర్లకు ఏమాత్రం తీసిపోరు. బ్యాటింగ్‌, బౌలింగ్‌ విభాగాల్లో పటిష్టంగా కనిపిస్తున్న సన్‌రైజర్స్‌ ఈ సీజన్‌లో టైటిల్‌ గెలుస్తుందేమో చూడాలి.కాగా, ఈ సీజన్‌లో సన్‌రైజర్స్‌ ప్రయాణం మార్చి 23న రాజస్థాన్‌ రాయల్స్‌తో జరిగే మ్యాచ్‌తో మొదలవుతుంది. ఈ మ్యాచ్‌ ఎస్‌ఆర్‌హెచ్‌ హోం గ్రౌండ్‌ ఉప్పల్‌ స్టేడియంలో జరుగనుంది. ఈ ఏడాది ఐపీఎల్‌ మార్చి 22న ప్రారంభం కానుండగా.. తొలి మ్యాచ్‌లో డిఫెండింగ్‌ ఛాంపియన్‌ కేకేఆర్‌.. ఆర్సీబీతో తలపడనుంది.2025 ఐపీఎల్‌ కోసం సన్‌రైజర్స్‌ హైదరాబాద్‌ జట్టు ఇదే..పాట్‌ కమిన్స్‌ (కెప్టెన్‌), అథర్వ్‌ తైడే, అభినవ్‌ మనోహర్‌, అనికేత్‌ వర్మ, సచిన్‌ బేబి, ట్రవిస్‌ హెడ్‌, నితీశ్‌ కుమార్‌ రెడ్డి, కమిందు మెండిస్‌, వియాన్‌ ముల్దర్‌, అభిషేక్‌ శర్మ, హెన్రిచ్‌ క్లాసెన్‌, ఇషాన్‌ కిషన్‌, జీషన్‌ అన్సారీ, మహ్మద్‌ షమీ, హర్షల్‌ పటేల్‌, రాహుల్‌ చాహర్‌, సిమర్‌జీత్‌ సింగ్‌, ఎషాన్‌ మలింగ, ఆడమ్‌ జంపా, జయదేవ్‌ ఉనద్కత్‌

ఐసీసీ తాజాగా ప్రకటించిన టీ20 ర్యాంకింగ్స్‌లో టీమిండియా బ్యాటర్ల హవా కొనసాగింది. టాప్‌-5లో ఏకంగా ముగ్గురు చోటు దక్కించుకున్నారు. రెండో స్థానంలో అభిషేక్‌ శర్మ, 4, 5 స్థానాల్లో తిలక్‌ వర్మ, సూర్యకుమార్‌ యాదవ్‌ కొనసాగుతున్నారు. ఆసీస్‌ విధ్వంసకర బ్యాటర్‌ ట్రవిస్‌ హెడ్‌ అగ్రపీఠంపై తిష్ట వేశాడు. పాక్‌ బ్యాటర్‌ బాబర్‌ ఆజమ్‌ ఓ స్థానం కోల్పోయి ఎనిమిదో ప్లేస్‌కు పడిపోగా.. శ్రీలంక ఆటగాడు పథుమ్‌ నిస్పంక ఓ స్థానం మెరుగుపర్చుకుని ఏడో స్థానానికి చేరాడు.ఇవి మినహా ఈ వారం టాప్‌-10 బ్యాటర్ల ర్యాంకింగ్స్‌లో ఎలాంటి మార్పులు లేవు. పాక్‌తో జరుగుతున్న సిరీస్‌లో చెలరేగిపోతున్న న్యూజిలాండ్‌ బ్యాటర్లు టిమ్‌ సీఫర్ట్‌, ఫిన్‌ అలెన్‌ ఈ వారం ర్యాంకింగ్స్‌లో గణనీయంగా లబ్ది పొందారు. సీఫర్ట్‌ 20 స్థానాలు మెరుగుపర్చుకుని 13వ స్థానానికి చేరగా.. అలెన్‌ 8 స్థానాలు మెరుగుపర్చుకుని 18వ స్థానానికి ఎగబాకాడు. భారత బ్యాటర్లలో యశస్వి జైస్వాల్‌ 12, రుతురాజ్‌ గైక్వాడ్‌ 26, సంజూ శాంసన్‌ 36, శుభ్‌మన్‌ గిల్‌ 41, హార్దిక్‌ పాండ్యా 52, రింకూ సింగ్‌ 54, శివమ్‌దూబే 57 స్థానాల్లో ఉన్నారు.బౌలర్ల ర్యాంకింగ్స్‌ విషయానికొస్తే.. విండీస్‌ స్పిన్నర్‌ అకీల్‌ హొసేన్‌ టాప్‌ ర్యాంక్‌లో కొనసాగుతుండగా.. భారత మిస్టరీ స్పిన్నర్‌ వరుణ్‌ చక్రవర్తి రెండో స్థానంలో నిలిచాడు. వరుణ్‌కు టాప్‌ ప్లేస్‌లో ఉన్న అకీల్‌ హొసేన్‌కు కేవలం ఒ‍క్క పాయింట్‌ వ్యత్యాసం మాత్రమే ఉంది. టాప్‌-10లో వరుణ్‌ సహా ముగ్గురు భారత బౌలర్లు ఉన్నారు. రవి బిష్ణోయ్‌ 6, అర్షదీప్‌ సింగ్‌ 9 స్థానాల్లో కొనసాగుతున్నారు. తాజాగా పాక్‌తో జరిగిన రెండు టీ20ల్లో అద్భుత ప్రదర్శనలు చేసిన న్యూజిలాండ్‌ బౌలర్లు ర్యాంక్‌లను భారీగా మెరుగుపర్చుకున్నారు. జేకబ్‌ డఫీ 23 స్థానాలు మెరుగుపర్చుకుని 12వ స్థానానికి ఎగబాకగా.. బెన్‌ సియర్స్‌ 22 స్థానాలు మెరుగుపర్చుకుని 67వ స్థానానికి.. జకరీ ఫౌల్క్స్‌ 41 స్థానాలు మెరుగుపర్చుకుని 90వ స్థానానికి చేరారు. భారత బౌలర్లలో కుల్దీప్‌ యాదవ్‌ 38, బుమ్రా 41, హార్దిక్‌ పాండ్యా 48 స్థానాల్లో ఉన్నారు.ఇదిలా ఉంటే, ప్రస్తుతం పాక్‌, న్యూజిలాండ్‌ టీ20 సిరీస్‌ మినహా ఎలాంటి అంతర్జాతీయ మ్యాచ్‌లు జరగడం లేదు. ఈ సిరీస్‌ ముగిశాక మరో మూడు నెలలు అ‍స్సలు అంతర్జాతీయ మ్యాచ్‌లే జరుగవు. మార్చి 22 నుంచి ఐపీఎల్‌ స్టార్ట్‌ కానుండగా అన్ని జట్ల ఆటగాళ్లు ఆ లీగ్‌తోనే బిజీగా ఉంటారు. ఈ మూడు నెలల కాలంలో ఐసీసీ ర్యాంకింగ్స్‌కు సంబంధించి ఎలాంటి అప్‌డేట్స్‌ ఉండవు.

దుబాయ్‌: దాయాదుల దమ్మెంతో ప్రత్యక్షంగా చూసేందుకు తారలంతా దుబాయ్‌కి తరలి వెళ్లారు. ఏదో ఒక రంగమని కాకుండా... సినీ, క్రీడా, వ్యాపార, రాజకీయ రంగాలకు చెందిన హేమాహేమీలతో దుబాయ్‌ స్టేడియం ఓ తారాతీరమైంది. మైదానంలో భారత ఆటగాళ్లు, గ్యాలరీలో భారత అతిరథులతో స్టేడియం కళకళలాడింది.టీమిండియా క్రికెటర్లు జస్‌ప్రీత్‌ బుమ్రా, సూర్యకుమార్‌ యాదవ్, తిలక్‌ వర్మ, అభిషేక్‌ శర్మ, టీమిండియా మాజీ సభ్యులు శిఖర్‌ ధావన్, వెంకటేశ్‌ ప్రసాద్‌... తెలుగు సినీ ప్రముఖులు మెగాస్టార్‌ చిరంజీవి, ‘పుష్ప’ సీక్వెల్స్‌తో పాన్‌ ఇండియా డైరెక్టర్‌ అయిన సుకుమార్, బాలీవుడ్‌ నుంచి హీరోయిన్‌ సోనమ్‌ కపూర్‌ తన భర్త ఆనంద్‌ అహుజాతో కలిసి రాగా, వివేక్‌ ఒబెరాయ్, ఊర్వశీ రౌతేలా, మేఘాలయ ముఖ్యమంత్రి కాన్‌కర్డ్‌ సంగ్మా, త్రిపుర వెస్ట్‌ నియోజకవర్గం లోక్‌సభ సభ్యుడు బిప్లాబ్‌ కుమార్‌ దేబ్, ఆంధ్రప్రదేశ్‌ ఐటీ శాఖ మంత్రి నారా లోకేశ్, మాజీ ఎంపీ జోగినపల్లి సంతోష్‌ కుమార్, బ్రిటన్‌ పాప్‌ సింగర్‌ జాస్మిన్‌ వాలియా, బాలీవుడ్‌ చిత్ర గీతాలతో పాపులర్‌ అయిన పాకిస్తాన్‌ సింగర్‌ అతీఫ్‌ అస్లామ్‌ తదితరులతో వీఐపీ గ్యాలరీలు కొత్త శోభను సంతరించుకున్నాయి. పాకిస్తాన్‌ దిగ్గజ క్రికెటర్‌ షాహిద్‌ అఫ్రిది, ఇమాద్‌ వసీమ్, పాక్‌ దివంగత ప్రధాని బెనజీర్‌ భుట్టో కుమార్తె భక్తావర్‌ భుట్టో జర్దారి, మాజీ ప్రధాని ఇమ్రాన్‌ ఖాన్‌ కుమారుడు ఖాసీమ్‌ ఖాన్, హైదరాబాద్‌ క్రికెట్‌ సంఘం (హెచ్‌సీఏ) అధ్యక్షుడు జగన్‌మోహన్‌ రావు, తెలంగాణ రాష్ట్ర ప్రభుత్వ క్రీడా విభాగం, ఐటీ శాఖ స్పెషల్‌ చీఫ్‌ సెక్రటరీ జయేశ్‌ రంజన్‌ తదితరులు మ్యాచ్‌ను తిలకించిన వారిలో ఉన్నారు.

క్రికెట్‌ అభిమానులకు వినోదం పంచేందుకు చాంపియన్స్‌ ట్రోఫీ-2025(ICC Champions Trophy) రూపంలో మెగా ఈవెంట్‌ సిద్ధమైంది. పాకిస్తాన్‌(Pakistan) వేదికగా ఫిబ్రవరి 19న ఈ ఐసీసీ టోర్నమెంట్‌ మొదలుకానుండగా.. టీమిండియా మాత్రం తమ మ్యాచ్‌లను దుబాయ్‌లో ఆడనుంది. ఇక ఈ టోర్నీలో ఆతిథ్య పాకిస్తాన్‌తో పాటు భారత్‌, ఆస్ట్రేలియా, సౌతాఫ్రికా, న్యూజిలాండ్‌, బంగ్లాదేశ్‌, అఫ్గనిస్తాన్‌, ఇంగ్లండ్‌ పాల్గొనున్నాయి.గ్రూప్‌-‘ఎ’ నుంచి భారత్‌, పాకిస్తాన్‌, బంగ్లాదేశ్‌, న్యూజిలాండ్‌... అదే విధంగా గ్రూప్‌-‘బి’ నుంచి ఆస్ట్రేలియా, అఫ్గనిస్తాన్‌, సౌతాఫ్రికా, ఇంగ్లండ్‌ టైటిల్‌ కోసం పోటీ పడనున్నాయి. ఈ నేపథ్యంలో ఇప్పటికే ఎనిమిది దేశాల బోర్డులు తమ జట్లను ప్రకటించాయి. బీసీసీఐ కూడా పదిహేను మంది సభ్యులతో కూడిన వివరాలు వెల్లడించింది.అయితే, టీమిండియాలో ప్రతిభ గల ఆటగాళ్లకు కొదవలేదు. కానీ కొన్ని సందర్భాల్లో తుదిజట్టు కూర్పు, పిచ్‌ స్వభావం, టోర్నీకి ముందు ప్రదర్శన.. తదితర అంశాల ఆధారంగా చాంపియన్స్‌ ట్రోఫీ జట్టుకు ఎంపికకాని స్టార్లు చాలా మందే ఉన్నారు. మరి వారితో కూడిన భారత జట్టు, ప్లేయింగ్‌ ఎలెవన్‌ ఎలా ఉంటుందో చూద్దామా?..ఓపెనర్లుగా ఆ ఇద్దరురుతురాజ్‌ గైక్వాడ్‌, యశస్వి జైస్వాల్‌(Yashasvi Jaiswal)లను ఓపెనర్లుగా ఎంపిక చేసుకుంటే బాగుంటుంది. రుతు లిస్ట్‌- ‘ఎ’ క్రికెట్‌లో 56.15 సగటు కలిగి ఉండి.. ఫార్మాట్‌ చరిత్రలోనే అత్యధిక యావరేజ్‌ కలిగిన ఐదో ఆటగాడిగా కొనసాగుతున్నాడు.మరోవైపు జైస్వాల్‌ బ్యాటింగ్‌ సగటు కూడా ఇందులో 52.62గా ఉంది. 33 మ్యాచ్‌లు ఆడిన అతడి ఖాతాలో ఐదు శతకాలు, ఒక డబుల్‌ సెంచరీ కూడా ఉన్నాయి ఇక వీరిద్దరికి అభిషేక్‌ శర్మను బ్యాకప్‌ ప్లేయర్‌గా జట్టులోకి తీసుకోవచ్చు.వికెట్‌ కీపర్‌గా ఇషాన్‌మరో ఓపెనింగ్‌ బ్యాటర్‌ ఇషాన్‌ కిషన్‌ను వికెట్‌ కీపర్‌ కోటాలో ఎంపిక చేయవచ్చు. వన్డేల్లో అతడి ఖాతాలో ఏకంగా ద్విశతకం ఉంది. అంతేకాదు.. వన్డే ప్రపంచకప్‌-2023లోనూ ఆడిన అనుభవం కూడా పనికి వస్తుంది.శతకాల ధీరుడు లేకుంటే ఎలా?ఇటీవలి కాలంలో సూపర్‌ ఫామ్‌లో ఉన్న బ్యాటర్‌ ఎవరైనా ఉన్నారా అంటే.. కరుణ్‌ నాయరే. దేశీ వన్డే టోర్నమెంట్‌ విజయ్‌ హజారే ట్రోఫీలో అతడు పరుగుల వరద పారించాడు. తాజా సీజన్‌లో ఏకంగా ఐదు శతకాలు బాది 750కి పైగా పరుగులు చేశాడు. కానీ అతడిని టీమిండియా సెలక్టర్లు పట్టించుకోలేదు.ఏదేమైనా మిడిలార్డర్‌లో తిలక్‌ వర్మతో కలిసి కరుణ్‌ నాయర్‌ ఉంటే మంచి ఫలితాలు రాబట్టవచ్చు. ఇక ఆల్‌రౌండర్లుగా శివం దూబే, రియాన్‌ పరాగ్‌లను ఎంపిక చేసుకోవచ్చు. వీరిద్దరు గతేడాది శ్రీలంకతో వన్డే సిరీస్‌ ఆడారు.బౌలర్ల దళంచాంపియన్స్‌ ట్రోఫీలో భారత్‌ మ్యాచ్‌లకు దుబాయ్‌ వేదికగా కాబట్టి పరాగ్‌తో పాటు ఇద్దరు స్పెషలిస్టు స్పిన్నర్లను తుదిజట్టులోకి తీసుకుంటే బెటర్‌. యుజువేంద్ర చహల్‌తో పాటు ఆర్‌. సాయికిషోర్‌ ఇక్కడ మన ఛాయిస్‌. ఈ ముగ్గురు మూడు రకాల స్పిన్నర్లు.పరాగ్‌ రైట్‌, కిషోర్‌ లెఫ్టార్మ్‌ స్పిన్నర్లు అయితే.. చహల్‌ మణికట్టు స్పిన్నర్‌.. వీరికి బ్యాకప్‌గా రవి బిష్ణోయి ఉంటే సానుకూలంగా ఉంటుంది.ఇక పేసర్ల విషయానికొస్తే.. ముగ్గురు జట్టులో ఉంటే ఉపయోగకరంగా ఉంటుంది. మహ్మద్‌ సిరాజ్‌తో పాటు ప్రసిద్‌ కృష్ణ.. వీరికి బ్యాకప్‌గా ఆవేశ్‌ ఖాన్‌. ఇదిలా ఉంటే.. ఇషాన్‌ కిషన్‌కు బ్యాకప్‌గా ధ్రువ్‌ జురెల్‌ను రెండో వికెట్‌ కీపర్‌గా ఎంపిక చేసుకోవచ్చు. ఇక యశస్వి జైస్వాల్‌తో పాటు శివం దూబే చాంపియన్స్‌ ట్రోఫీ నాన్‌- ట్రావెలింగ్‌ రిజర్వు ప్లేయర్ల లిస్టులో ఉన్న విషయం తెలిసిందే.చాంపియన్స్‌ ట్రోఫీ-2025కి ఎంపిక కాని, అత్యుత్తమ భారత తుదిజట్టురుతురాజ్ గైక్వాడ్ (కెప్టెన్‌), యశస్వి జైస్వాల్*, ఇషాన్ కిషన్ (వికెట్‌ కీపర్‌), తిలక్ వర్మ, కరుణ్ నాయర్, శివమ్ దూబే*, రియాన్ పరాగ్, ఆర్‌. సాయి కిషోర్, యుజువేంద్ర చహల్‌, మహమ్మద్ సిరాజ్*, ప్రసిద్ కృష్ణ.బెంచ్: అభిషేక్ శర్మ, ఆవేష్ ఖాన్, రవి బిష్ణోయ్, ధృవ్ జురెల్.చదవండి: CT 2025: సురేశ్‌ రైనా ఎంచుకున్న భారత తుదిజట్టు... వరల్డ్‌కప్‌ వీరులకు నో ఛాన్స్‌!

జట్టు విజయానికి కారణమైన ప్రతి ఒక్కరిని తాను అభినందిస్తానని టీమిండియా వన్డే వైస్‌ కెప్టెన్‌ శుబ్‌మన్‌ గిల్(Shubman Gill) అన్నాడు. తనకు ఎవరిపట్లా ద్వేషభావన లేదని స్పష్టం చేశాడు. దేశం కోసం ఆడేటపుడు ఆటగాళ్లంతా జట్టు ప్రయోజనాల గురించి మాత్రమే ఆలోచిస్తారని.. తాను కూడా అంతేనని పేర్కొన్నాడు.కాగా వన్డే, టీ20, టెస్టు.. ఇలా మూడు ఫార్మాట్లలో కెప్టెన్‌ రోహిత్‌ శర్మ(Rohit Sharma)కు ఓపెనింగ్‌ జోడీగా ఒకప్పుడు శుబ్‌మన్‌ గిల్‌కు ప్రాధాన్యం దక్కిన విషయం తెలిసిందే. అయితే, యశస్వి జైస్వాల్‌(Yashasvi Jaiswal) రాకతో టెస్టుల్లో ఓపెనర్‌గా గిల్‌ స్థానం గల్లంతైంది. ఇక అంతర్జాతీయ టీ20లకు రోహిత్‌ శర్మ వీడ్కోలు పలికిన తర్వాత.. కొత్త హెడ్‌కోచ్‌ గౌతం గంభీర్‌ కొత్త ఓపెనింగ్‌ జోడీని రంగంలోకి దింపిన విషయం తెలిసిందే.టీ20లలో కొత్త జోడీకేరళ వికెట్‌ కీపర్‌ బ్యాటర్‌ సంజూ శాంసన్‌తో పాటు పంజాబ్‌ కెప్టెన్‌ అభిషేక్‌ శర్మ టీ20లలో భారత ఇన్నింగ్స్‌ ఆరంభిస్తున్నారు. సౌతాఫ్రికా గడ్డపై రెండు శతకాలతో సంజూ.. ఇంగ్లండ్‌తో స్వదేశంలో తాజా సిరీస్‌లో అద్భుత ప్రదర్శనతో అభిషేక్‌ ఓపెనర్లుగా తమ స్థానాలను పటిష్టం చేసుకున్నారు.ఇంగ్లండ్‌తో టీ20 సిరీస్‌లో సంజూ విఫలమైనా అతడికి మరో ఛాన్స్‌ ఇచ్చేందుకు యాజమాన్యం సిద్ధంగానే ఉందనే వార్తలు వస్తున్నాయి. మరోవైపు.. అభిషేక్‌ ఈ సిరీస్‌లో రికార్డు శతకం(54 బంతుల్లో 135)తో సత్తా చాటి ఓపెనర్‌గా పాతుకుపోయేందుకు మార్గం సుగమం చేసుకున్నాడు.‘టాక్సిక్‌’ కాంపిటిషన్‌?ఈ నేపథ్యంలో ఓపెనింగ్‌ స్థానం విషయంలో శుబ్‌మన్‌ గిల్‌కు అభిషేక్‌ శర్మ, యశస్వి జైస్వాల్‌ పోటీగా తయారయ్యారని.. దీంతో అతడు ఇబ్బందులు పడుతున్నాడనే అభిప్రాయాలు వ్యక్తమయ్యాయి. ఈ విషయం గురించి మంగళవారం మీడియా గిల్‌ను ప్రశ్నించగా.. హుందాగా స్పందించాడు.‘‘అభిషేక్‌ నాకు చిన్ననాటి నుంచే స్నేహితుడు. అదే విధంగా జైస్వాల్‌ కూడా నాకు ఫ్రెండే. మా మధ్య అనారోగ్యకరమైన పోటీ ఉందని నేను అనుకోను. దేశం కోసం ఆడుతున్నప్పుడు ప్రతి ఒక్క ఆటగాడు తాను గొప్పగా రాణించాలని కోరుకుంటాడు.అతడు బాగా ఆడకూడదనుకోనుప్రతి మ్యాచ్‌లోనూ అద్బుతంగా ఆడాలనే అనుకుంటాడు. అంతేకానీ.. ‘అతడు బాగా ఆడకూడదు. అలాగైతేనే నేను బాగుంటాను’ అనుకునే వాళ్లు ఎవరూ ఉండరు. జట్టు కోసం ఎవరైతే కష్టపడి ఆడి.. అద్భుత ప్రదర్శనతో ఆకట్టుకుంటారో వారిని తప్పక అభినందించాలి’’ అని శుబ్‌మన్‌ గిల్‌ సమాధానం ఇచ్చాడు.ఇక ఇంగ్లండ్‌తో వన్డే సిరీస్‌ నేపథ్యంలో రోహిత్‌ శర్మ ఫామ్‌ గురించి ప్రస్తావిస్తూ.. ‘‘వన్డేల్లో గత ఏడాదిన్నర కాలంగా రోహిత్‌ భాయ్‌ అద్భుతంగా ఆడుతున్నాడు. మాకు అదొక గేమ్‌ చేంజింగ్‌ మూమెంట్‌. ఇక ముందు కూడా అదే జోరును కొనసాగిస్తాడు’’ అని శుబ్‌మన్‌ గిల్‌ ధీమా వ్యక్తం చేశాడు. కాగా వన్డే వరల్డ్‌కప్‌-2023లో గిల్‌తో కలిసి ఓపెనింగ్‌ చేసిన రోహిత్‌ శర్మ.. జట్టు ఫైనల్‌ చేరడంలో కీలకప్రాత పోషించాడు. అంతేకాదు.. శ్రీలంకతో గతేడాది వన్డే సిరీస్‌లోనూ రెండు అర్ధ శతకాలు బాదాడు. ఇక టీమిండియా- ఇంగ్లండ్‌ మధ్య గురువారం(ఫిబ్రవరి 6) నుంచి వన్డే సిరీస్‌ మొదలుకానుంది. ఇందులో రోహిత్‌ శర్మ- శుబ్‌మన్‌ గిల్‌ ఓపెనింగ్‌ జోడీగా బరిలోకి దిగనున్నారు.చదవండి: ఐసీసీ టోర్నీ తర్వాత రోహిత్‌ గుడ్‌బై? కోహ్లికి మాత్రం బీసీసీఐ గ్రీన్‌సిగ్నల్‌!

ఐసీసీ తాజాగా విడుదల చేసిన టీ20 ర్యాంకింగ్స్‌లో (ICC T20 Rankings) టీమిండియా యువ ఓపెనర్‌ అభిషేక్‌ శర్మ (Abhishek Sharma) దుమ్మురేపాడు. ఇంగ్లండ్‌తో జరిగిన చివరి టీ20లో విధ్వంసకర శతకంతో (54 బంతుల్లో 135; 7 ఫోర్లు, 13 సిక్సర్లు) విరుచుకుపడిన శర్మ.. ఒక్కసారిగా 38 స్థానాలు మెరుగుపర్చుకుని 40వ స్థానం నుంచి రెండో స్థానానికి దూసుకొచ్చాడు. ప్రస్తుతం శర్మ కెరీర్‌లో అత్యుత్తమంగా 829 రేటింగ్‌ పాయింట్లు సాధించాడు. శర్మ దెబ్బకు సహచరుడు తిలక్‌ వర్మ మూడో స్థానానికి పడిపోయాడు. ఇంగ్లండ్‌తో సిరీస్‌లో దారుణంగా విఫలమైన టీమిండియా కెప్టెన్‌ సూర్యకుమార్‌ యాదవ్‌ ఓ స్థానం కోల్పోయి ఐదో స్థానానికి దిగజారాడు. ఆసీస్‌ విధ్వంసకర వీరుడు ట్రవిస్‌ హెడ్‌ టాప్‌ ప్లేస్‌లో కొనసాగుతున్నాడు. అభిషేక్‌ శర్మ దెబ్బ​కు టాప్‌-10 (హెడ్‌ మినహా) బ్యాటర్లు తలో స్థానం కోల్పోయారు. ఇంగ్లండ్‌తో జరిగిన చివరి రెండు టీ20ల్లో సత్తా చాటిన శివమ్‌ దూబే 38 స్థానాలు ఎగబాకి 58వ స్థానానికి చేరుకున్నాడు. ఇంగ్లండ్‌తో సిరీస్‌లో పర్వాలేదనిపించిన హార్దిక్‌ పాండ్యా 5 స్థానాలు మెరుగుపర్చుకుని 51వ స్థానానికి చేరాడు. బ్యాటింగ్‌ విభాగంలో భారత్‌ తరఫున ఇవే చెప్పుకోదగ్గ మార్పులు.బౌలింగ్‌ విషయానికొస్తే.. ఇంగ్లండ్‌తో చివరి టీ20లో రెండు వికెట్లతో సత్తా చాటిన వరుణ్‌ చక్రవర్తి మూడు స్థానాలు మెరుగుపర్చుకుని ఆదిల్‌ రషీద్‌తో కలిసి సంయుక్తంగా రెండో స్థానంలో నిలిచాడు. భారత్‌ తరఫున టాప్-5లో ఉన్న ఏకైక బౌలర్‌ వరుణ్‌ ఒక్కడే. తాజా ర్యాంకింగ్స్‌లో విండీస్‌ స్పిన్నర్‌ అకీల్‌ హొసేన్‌ తిరిగి అగ్రస్థానాన్ని చేజిక్కించుకోగా.. హసరంగ, ఆడమ్‌ జంపా తలో స్థానం దిగజారి నాలుగు, ఐదు స్థానాల్లో నిలిచారు. ఇంగ్లండ్‌తో చివరి టీ20లో ఓ మోస్తరుగా రాణించిన భారత స్పిన్నర్‌ రవి బిష్ణోయ్‌ నాలుగు స్థానాలు ఎగబాకి ఆరో స్థానానికి చేరాడు. టీ20ల్లో భారత లీడింగ్‌ వికెట్‌ టేకర్‌ అర్షదీప్‌ 8 నుంచి తొమ్మిదో స్థానానికి పడిపోయాడు. ఇవి మినహా బౌలర్ల విభాగంలో చెప్పుకోదగ్గ మార్పులేమీ లేవు. ఆల్‌రౌండర్ల విషయానికొస్తే.. టీమిండియా మాజీ వైస్‌ కెప్టెన్‌ హార్దిక్‌ పాండ్యా టాప్‌ ప్లేస్‌లో కొనసాగుతున్నాడు. జట్ల ర్యాంకింగ్స్‌లో భారత్‌ ఏ జట్టుకు అందనంత ఎత్తుకు వెళ్లిపోయింది. 19561 పాయింట్లతో టీమిండియా టాప్‌లో కొనసాగుతుంది. రెండో స్థానంలో ఉన్న ఆస్ట్రేలియా 12417 పాయింట్లు మాత్రమే కలిగి ఉంది.

142.3 కిలోమీటర్ల వేగంతో దూసుకొచ్చిన ఒక బంతి... ఆ తర్వాత అదే ఓవర్లో 146.1 కిలోమీటర్ల వేగంతో మరో బంతి... 147.2 కిలోమీటర్ల వేగంతో తర్వాతి బంతి... మొదటిది ఎక్స్‌ట్రా కవర్‌ మీదుగా బౌండరీ దాటింది. తర్వాతి షార్ట్‌ బంతి బ్యాక్‌వర్డ్‌ పాయింట్‌ మీదుగా, మూడోది కవర్స్‌ మీదుగా సిక్సర్లుగా మారాయి! ప్రపంచంలో ఫాస్టెస్ట్‌ బౌలర్లలో ఒకడైన జోఫ్రా ఆర్చర్‌ను ఒకే ఓవర్లో అభిషేక్‌ శర్మ ఇలా చితకబాదిన తీరు అతని అసలైన బ్యాటింగ్‌ శైలిని చూపించాయి. ఒకదానితో మరొకటి పోటీ పడినట్లుగా అభిషేక్‌ బాదిన భారీ సిక్సర్లలో ఈ రెండు మరింత హైలైట్‌గా నిలిచాయి. అండర్‌–16 స్థాయి నుంచే దూకుడైన ఆటకు మారుపేరుగా నిలిచిన అభిషేక్‌ ఇప్పుడు 24 ఏళ్ల వయసులో భారత్‌ తరఫున టి20ల్లో భీకరమైన హిట్టర్‌గా తనకంటూ ప్రత్యేక గుర్తింపు తెచ్చుకున్నాడు. ఇంగ్లండ్‌తో ఆదివారం మ్యాచ్‌లో అభిషేక్‌ శర్మ అద్భుతమైన షాట్లతో వీరవిధ్వంసం సృష్టించిన ఇన్నింగ్స్‌ భారత టి20లో అత్యుత్తమ ప్రదర్శనల్లో ఒకటిగా నిలిచిపోయింది. అతను కొట్టిన 7 ఫోర్లు, 13 సిక్స్‌లు కూడా పూర్తి ఆత్మవిశ్వాసంతో కొట్టిన అసలైన క్రికెటింగ్‌ షాట్లే. ఒక్కటి కూడా అనుకోకుండా తగిలి లేదా ఎడ్జ్‌ తీసుకొని వెళ్లింది లేదు. డ్రైవ్, లాఫ్టెడ్‌ డ్రైవ్, ఫ్లిక్, కట్‌... ఇలా ఏదైనా శ్రమ లేకుండా అలవోకగా, చూడముచ్చటగా ఆడటం అభిషేక్‌కే చెల్లింది. ఇక ప్రభావాన్ని చూస్తే మాత్రం అన్ని షాట్లూ ఫలితం రాబట్టినవే. ఐపీఎల్‌ ద్వారానే అభిమానులకు చేరువైన అతను ఇప్పుడు అంతర్జాతీయ స్థాయిలో కూడా తన బ్యాటింగ్‌ పదును చూపించాడు. అక్కడే మొదలు... భారీ షాట్లు బాదడం, సిక్సర్లతో పండగ చేసుకోవడం అభిషేక్‌కు కొత్త కాదు. తన స్వస్థలం అమృత్‌సర్‌లోని గాంధీ స్టేడియంలో చిన్నప్పటి నుంచి ప్రాక్టీస్‌ చేస్తున్నప్పుడే అతను ఇలా ఆడేవాడు. అతని దెబ్బకు ఎంతో విలువైన కొత్త ఎస్‌జీ, కూకూబుర్రా, డ్యూక్‌ బంతులు గ్రౌండ్‌ బయట పడేవి. చివరకు కోచ్‌లు, సిబ్బంది ఈ జోరును తగ్గించమని, లేదంటే చాలా ఖర్చు అవుతుందని అభిషేక్‌ తండ్రి రాజ్‌కుమార్‌ శర్మకు మొర పెట్టుకోవాల్సి వచ్చేది. అయితే మీకు కావాలంటే చండీగఢ్‌ నుంచి నేను కొత్త బంతులు కొని ఇస్తానే తప్ప శైలి మార్చుకోమని నా కొడుకుకు చెప్పను అతని ఆయన ఖరాఖండీగా తేల్చేశారు. దాంతో టీనేజ్‌లో వచ్చిన ఆ ధాటి అన్ని చోట్లా అలాగే కొనసాగింది. బీసీసీఐ అండర్‌–16 టోర్నీ విజయ్‌ మర్చంట్‌ ట్రోఫీలో ఒకే సీజన్‌ (2015–16)లో అతను ఇలాంటి బ్యాటింగ్‌తోనే ఏకంగా 1200కు పైగా పరుగులు సాధించి తానేంటో చూపించాడు. యువరాజ్‌ అండతో... దూకుడైన బ్యాటింగ్‌తో పాటు లెఫ్టార్మ్‌ స్పిన్‌తో కీలక ఓవర్లు వేయగల అభిషేక్‌ పంజాబ్‌ జట్టులో మిడిలార్డర్‌ నుంచి టాపార్డర్‌కు మారడంతో అతని బ్యాటింగ్‌ సత్తా అందరికీ తెలిసింది. కెపె్టన్‌గా అండర్‌–19 ఆసియాకప్‌ను గెలిపించిన అభిషేక్‌ 2018 అండర్‌–19 వరల్డ్‌ కప్‌ గెలిచిన జట్టులో సభ్యుడు కూడా. పంజాబ్‌ తొలిసారి 2023లో దేశవాళీ టి20 టోర్నీ సయ్యద్‌ ముస్తాక్‌ అలీ ట్రోఫీని గెలుచుకోవడంలో అతనిదే కీలక పాత్ర. ఈ టోర్నిలో ఏకంగా 192.46 స్ట్రయిక్‌రేట్‌తో అతను 485 పరుగులు చేశాడు. ఇందులో 2 సెంచరీలు, 3 హాఫ్‌ సెంచరీలు ఉండగా... ఆంధ్రపై 51 బంతుల్లోనే 9 ఫోర్లు, 9 సిక్స్‌లతో చేసిన 112 పరుగులు టోర్నిలో హైలైట్‌గా నిలిచాయి. అతని ఎదుగుదలలో భారత మాజీ ఆటగాడు యువరాజ్‌ సింగ్‌ పాత్ర ఎంతో ఉంది. అభిషేక్‌కు మెంటార్‌గా యువీ ఎన్నో రకాలుగా మార్గనిర్దేశనం చేశాడు. ‘అభి’లోని హిట్టింగ్‌ సామర్థ్యాన్ని గుర్తించిన యువీ సరైన దిశలో ప్రోత్సహించిన ఫలితమే ఇప్పుడు ఈ సిక్సర్ల పండగ. అందుకే యువరాజ్‌ ఎప్పుడు, ఎక్కడ ప్రాక్టీస్‌కు పిలిచినా అభిషేక్‌ వెంటనే హాజరైపోతాడు. ఐపీఎల్‌లో జోరు... భారత క్రికెట్‌ అభిమానులకు అభిషేక్‌ విధ్వంసం విలువ 2024లోనే కనిపించింది. 2022 సీజన్‌లో కూడా సన్‌రైజర్స్‌ తరఫున 426 పరుగులు చేసినా గత సీజన్‌ మాత్రమే అతని స్థాయిని అమాంతం పెంచేసింది. ట్రవిస్‌ హెడ్‌తో కలిసి అతను నెలకొల్పిన భాగస్వామ్యాలు ఐపీఎల్‌లో అద్భుతాన్ని చూపించాయి. ఈ టోర్నిలో ఏకంగా 204.21 స్ట్రయిక్‌రేట్‌తో అభిషేక్‌ 484 పరుగులు చేసి టీమ్‌ను ఫైనల్‌ వరకు చేర్చాడు. ఇందులో 36 ఫోర్లు ఉంటే, సిక్స్‌లు 42 ఉన్నాయి! రెండు సార్లు సన్‌రైజర్స్‌ ఐపీఎల్‌లో అత్యధిక స్కోరు రికార్డులు బద్దలు కొట్టడంతో అతని పాత్రను అంతా ప్రత్యక్షంగా చూశారు. ఇదే సీజన్‌లో 16 బంతుల్లోనే హాఫ్‌ సెంచరీతో అతను అదరగొట్టాడు. నిజానికి పంజాబ్‌ గెలిచిన ముస్తాక్‌ అలీ ట్రోఫీ నుంచే అతని స్థాయి ఎక్కడికో వెళ్లిపోయింది. నాటి నుంచి ఆదివారం మ్యాచ్‌ వరకు అతను టి20ల్లో 199.47 స్ట్రయిక్‌రేట్‌తో 1893 పరుగులు చేశాడంటే అభి ఆట ఎలా సాగుతోందో అర్థమవుతుంది. డకౌట్‌తో మొదలై... ఐపీఎల్‌ మెరుపుల తర్వాత భారత్‌ తరఫున ఆడిన తొలి మ్యాచ్‌లో ‘డకౌట్‌’తో అభిషేక్‌ కెరీర్‌ మొదలైంది. అయితే దానిని మరచిపోయేలా తర్వాతి మ్యాచ్‌లో 46 బంతుల్లో సెంచరీతో అతను చెలరేగాడు. కానీ ఆ తర్వాత వరుస వైఫల్యాలతో మళ్లీ తడబాటు. దక్షిణాఫ్రికాపై రెండు మ్యాచ్‌లలో రాణించినా తాజా సిరీస్‌కు ముందు కాస్త ఒత్తిడి. కానీ కోల్‌కతాలో తొలి మ్యాచ్‌లో 34 బంతుల్లో 79 పరుగులతో చెలరేగి దానిని కాస్త తగ్గించుకోగలిగాడు. ఇప్పుడు చివరి మ్యాచ్‌కు వచ్చేసరికి అభిషేక్‌ విశ్వరూపం చూపించాడు. 17 మ్యాచ్‌ల టి20 కెరీర్‌లో అతను 276 బంతులు ఆడితే 46 ఫోర్లు, 41 సిక్సర్లతో 535 పరుగులు చేసి పరాక్రమించాడు. మున్ముందూ ఇదే ధాటి కొనసాగితే 2026 టి20 వరల్డ్‌ కప్‌ వరకు కూడా మనకు ఎదురుండదు. –సాక్షి క్రీడా విభాగం

ఇంగ్లండ్‌తో ఐదో టీ20(India vs England)లో టీమిండియా ఓపెనర్‌ అభిషేక్‌ శర్మ(Abhishek Sharma) సృష్టించిన పరుగుల విధ్వంసాన్ని ఎవరూ అంత తేలికగా మర్చిపోలేరు. సహచరులు విఫలమైన చోట.. ‘చేతికే బ్యాట్‌ మొలిచిందా’ అన్నట్లుగా.. పొట్టి ఫార్మాట్‌కే వన్నె తెచ్చేలా అతడి ఇన్నింగ్స్‌ సాగింది.మిగిలిన భారత ఆటగాళ్లు పెవిలియన్‌కు క్యూ కట్టిన వేళ.. తను మాత్రం ‘తగ్గేదేలే’ అన్నట్లు ప్రత్యర్థి బౌలింగ్‌ను చితక్కొట్టిన విధానం టీ20 ప్రేమికులకు అసలైన మజా అందించింది. ఈ నేపథ్యంలో అభిషేక్‌ శర్మపై ప్రశంసల వర్షం కురుస్తోంది. నితీశ్‌ రెడ్డి ఊరమాస్‌ కామెంట్‌!ఈ క్రమంలో అభిషేక్‌ శర్మను ఉద్దేశించి సహచర ఆటగాడు, సన్‌రైజర్స్‌ హైదరాబాద్‌ టీమ్‌మేట్‌ నితీశ్‌ కుమార్‌ రెడ్డి(Nitish Kumar Reddy) పెట్టిన పోస్ట్‌ వైరల్‌ అవుతోంది. సలార్‌ సినిమాలో ప్రభాస్‌ కత్తి పట్టుకుని ఉన్న ఫొటోతో పాటు.. బ్యాట్‌తో అభిషేక్‌ పోజులిస్తున్న ఫొటోను పంచుకున్న నితీశ్‌.. ‘‘మెంటల్‌ నా కొడుకు’’ అంటూ క్యాప్షన్‌ జతచేశాడు. ఇందుకు సెల్యూట్‌ ఎమోజీతో పాటు లవ్‌ సింబల్‌ జతచేశాడు. పూనకం వస్తే అతడిని ఎవరూ ఆపలేరన్న అర్థంలో అభిషేక్‌ ఇన్నింగ్స్‌ను ప్రశంసిస్తూ ఇలా ఊరమాస్‌ కామెంట్‌ పెట్టాడు. అయితే, కొంతమంది నెటిజన్లు మాత్రం నితీశ్‌ వాడిన పదాన్ని తప్పుబడుతుండగా.. మరికొందరు అభిషేక్‌ ఆట తీరును వర్ణించేందుకే ఆ పదం వాడాడని పేర్కొంటున్నారు.150 పరుగుల తేడాతో మట్టికరిపించికాగా ఇప్పటికే ఇంగ్లండ్‌తో టీ20 సిరీస్‌ను టీమిండియా 3-1తో కైవసం చేసుకున్న విషయం తెలిసిందే. ఈ క్రమంలో ఆదివారం నాటి నామమాత్రపు ఐదో టీ20లోనూ సూర్యకుమార్‌ సేన సత్తా చాటింది. సమిష్టి ప్రదర్శనతో బట్లర్‌ బృందాన్ని 150 పరుగుల తేడాతో మట్టికరిపించి ఏకపక్ష విజయం సాధించింది. ప్రఖ్యాత వాంఖడే మైదానంలో టాస్‌ ఓడి తొలుత బ్యాటింగ్‌ చేసిన భారత్‌ భారీ స్కోరు సాధించింది. ఇందుకు ప్రధాన కారణం అభిషేక్‌ శర్మ.ఆది నుంచే ఆకాశమే హద్దుగా చెలరేగిన అభిషేక్‌ శర్మ.. పదిహేడు బంతుల్లోనే హాఫ్‌ సెంచరీ మార్కు అందుకున్నాడు. అదే జోరులో 37 బంతుల్లోనే సెంచరీ పూర్తి చేసుకున్న ఈ ఎడమచేతి వాటం బ్యాటర్‌.. మొత్తంగా 54 బంతుల్లో 135 పరుగులు సాధించాడు. అతడి ఇన్నింగ్స్‌లో ఏడు ఫోర్లు, పదమూడు సిక్స్‌లు ఉన్నాయి.అభిషేక్‌ సునామీ ఇన్నింగ్స్‌ కారణంగా నిర్ణీత 20 ఓవర్లలో టీమిండియా తొమ్మిది వికెట్ల నష్టానికి 247 పరుగులు సాధించింది. అయితే, లక్ష్య ఛేదనలో ఆది నుంచే తడబడ్డ ఇంగ్లండ్‌ 97 పరుగులకే కుప్పకూలింది. ఫలితంగా టీమిండియాకు ఘన విజయం దక్కింది. దీంతో 4-1తో ఈ ఐదు మ్యాచ్‌ల టీ20 సిరీస్‌ను సూర్యకుమార్‌ సేన సొంతం చేసుకుంది.కాగా అంతర్జాతీయ టీ20లలో అభిషేక్‌ శర్మకు రెండో శతకం. ఇంతకు ముందు జింబాబ్వేపై అతడు సెంచరీ సాధించాడు. ఇక ఐపీఎల్‌లో సన్‌రైజర్స్‌ హైదరాబాద్‌ జట్టుకు ఆడుతున్న అభిషేక్‌ శర్మ.. గత సీజన్‌లో పరుగుల వరద పారించాడు. మరో ఓపెనర్‌ ట్రవిస్‌ హెడ్‌తో కలిసి విధ్వంసక బ్యాటింగ్‌తో చెలరేగి.. జట్టు ఫైనల్‌ చేరడంలో కీలక పాత్ర పోషించాడు. గాయం వల్ల దూరంఇక విశాఖపట్నం కుర్రాడు, పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డి కూడా సన్‌రైజర్స్‌కే ప్రాతినిథ్యం వహిస్తున్న విషయం తెలిసిందే. టీమిండియాలోనూ ఇద్దరూ కలిసే ఆడుతున్నారు. ఈ నేపథ్యంలో అభిషేక్‌తో స్నేహం దృష్ట్యా ఈ మేర కామెంట్‌ చేయడం గమనార్హం. కాగా నితీశ్‌ రెడ్డి కూడా ఇంగ్లండ్‌తో టీ20లకు సెలక్ట్‌ అయ్యాడు. కోల్‌కతా మ్యాచ్‌లో కూడా భాగమయ్యాడు. అయితే, గాయం కారణంగా అనంతరం జట్టుకు దూరమయ్యాడు. చదవండి: టీమిండియా ప్రపంచ రికార్డు.. సరికొత్త చరిత్ర

టీమిండియాతో ఐదు టీ20ల సిరీస్‌ను ఇంగ్లండ్ ఘోర ప‌రాభావంతో ముగించింది. ముంబై వేదికగా భారత్‌తో జరిగిన ఐదో టీ20లో 150 పరుగుల తేడాతో ఇంగ్లండ్ ఓటమి చవిచూసింది. ఈ మ్యాచ్‌లో బౌలింగ్‌, బ్యాటింగ్ రెండింటిలోనూ ఇంగ్లండ్ తేలిపోయింది. ఈ మ్యాచ్‌లో టాస్ ఓడి తొలుత బ్యాటింగ్ చేసిన భారత్ నిర్ణీత 20 ఓవర్లలో 9 వికెట్ల నష్టానికి 247 పరుగుల భారీ స్కోర్ చేసింది.భారత బ్యాటర్లలో అభిషేక్ శర్మ( 54 బంతుల్లో 7 ఫోర్లు, 13 సిక్స్ లతో 135) మెరుపు సెంచరీతో చెలరేగగా.. శివమ్ దూబే(30), తిలక్ వర్మ(24) పరుగులతో రాణించారు. అనంతరం బ్యాటింగ్‌కు దిగిన ఇంగ్లండ్‌ 97 పరుగులకే కుప్పకూలింది. భారత బౌలర్లలో మహ్మద్‌ షమీ మూడు వికెట్లతో సత్తాచాటగా.. వరుణ్‌ చక్రవర్తి, దూబే, అభిషేక్‌ శర్మ తలా రెండు వికెట్లు సాధించారు. ఇంగ్లండ్‌ బ్యాటర్లలో ఫిల్‌ సాల్ట్‌(55) టాప్‌ స్కోరర్‌గా నిలిచాడు. ఇక ఈ ఓటమిపై మ్యాచ్ అనంతరం ఇంగ్లండ్ సారథి జోస్ బట్లర్(Jos Buttler) స్పందించాడు. అద్బుత ఇన్నింగ్స్ ఆడిన అభిషేక్ శర్మ(Abhishek Sharma)పై బట్లర్‌​ సైతం ప్రశంసల వర్షం కురిపించాడు."ఈ సిరీస్‌ను కోల్పోవ‌డం మ‌మ్మ‌ల్ని తీవ్ర‌ నిరాశకు గురిచేసింది. . కానీ కొన్ని విభాగాల్లో మాత్రం మేము మెరుగ్గానే రాణించాము. ఈ ఓటమి నుంచి కచ్చితంగా కొన్ని పాఠాలు నేర్చుకుంటాము. స్వదేశంలో భారత జట్టుకు తిరుగులేదు. వారిని ఓడించడం అంత సులువు కాదు. ఈ సిరీస్‌లో మా బౌలర్లు బాగానే రాణించారు. ఆఖరికి ఈ హైస్కోరింగ్ మ్యాచ్‌లో కూడా బ్రైడన్ కార్స్‌, మార్క్ వుడ్ అద్బుతంగా రాణించారు. ఇక అభిషేక్ శర్మ గురుంచి ఎంత చెప్పుకున్న త‌క్కువే. నేను ఇప్ప‌టివ‌ర‌కు నా కెరీర్‌లో ఎంతో క్రికెట్ చూశాను. కానీ టీ20ల్లో అభిషేక్ శ‌ర్మ లాంటి విధ్వంస‌క‌ర ఇన్నింగ్స్‌ను చూడడం ఇదే తొలిసారి. ఇక మా జ‌ట్టులోకి జో రూట్ తిరిగొచ్చాడు. అత‌డు ప్రపంచంలోని అత్యుత్తమ ఆటగాళ్లలో ఒక‌డు. వ‌న్డే సిరీస్ కోసం ఆతృతగా ఎదురుచూస్తున్నాము. టీ20 సిరీస్ తరహాలోనే ఇది కూడా హోరా హోరీగా సాగుతోంది" అని పోస్ట్ మ్యాచ్ ప్రేజెంటేషన్‌లో బట్లర్ పేర్కొన్నాడు. కాగా ఫిబ్రవరి 6 నుంచి నాగ్‌పూర్ వేదికగా ఇరు జట్ల మధ్య మూడు వన్డేల సిరీస్ ప్రారంభం కానుంది. మరోవైపు టీమిండియా కెప్టెన్ రోహిత్ శర్మ, జైశ్వాల్‌, కోహ్లి, శ్రేయస్ అయ్యర్‌, రిషబ్ పంత్ ఇంగ్లండ్‌తో వన్డేలకు బరిలోకి దిగనున్నారు.ఇంగ్లండ్‌తో మూడు వన్డేలకు భారత జట్టురోహిత్ శర్మ, శుబ్‌మన్‌ గిల్‌, విరాట్ కోహ్లి, శ్రేయస్ అయ్యర్, కేఎల్ రాహుల్, హార్దిక్ పాండ్యా, అక్షర్ పటేల్, వాషింగ్టన్ సుందర్, కుల్దీప్ యాదవ్, హర్షిత్ రాణా, మహ్మద్ షమీ, అర్ష్‌దీప్‌ సింగ్, యశస్వి జైస్వాల్, రిషభ్‌ పంత్, రవీంద్ర జడేజా.భారత్‌తో వన్డేలకు ఇంగ్లండ్‌ జట్టుజోస్ బట్లర్ (కెప్టెన్), జోఫ్రా ఆర్చర్, గస్ అట్కిన్సన్, జాకబ్ బెతెల్, హ్యారీ బ్రూక్, బ్రైడన్ కార్సే, బెన్ డకెట్, జేమీ ఓవర్టన్, జేమీ స్మిత్, లియామ్ లివింగ్‌స్టోన్‌, ఆదిల్ రషీద్, జో రూట్, సాకిబ్ మహమూద్, ఫిల్ సాల్ట్, మార్క్ వుడ్.చదవండి: IND vs ENG: చరిత్ర సృష్టించిన అభిషేక్‌​.. ప్రపంచంలోనే తొలి ప్లేయర్‌గా

ఇంగ్లండ్‌తో ఐదో టీ20లో టీమిండియా ఘన విజయం(India Beat England)పై కెప్టెన్‌ సూర్యకు​మార్‌ యాదవ్‌(Suryakumar Yadav) స్పందించాడు. సమిష్టి కృషి వల్లే ఈ గెలుపు సాధ్యమైనందని పేర్కొన్నాడు. ప్రతి ఒక్కరు నెట్స్‌లో తీవ్రంగా శ్రమిస్తున్నారని.. అందుకు తగ్గ ఫలితాలను మైదానంలో చూస్తున్నామంటూ సహచర ఆటగాళ్లను ప్రశంసించాడు.4-1తో కైవసంఇక ఎక్కువసార్లు తాము రిస్క్‌ తీసుకునేందుకే మొగ్గుచూపుతామన్న సూర్య.. అంతిమంగా జట్టు ప్రయోజనాలకే ప్రాధాన్యత ఇస్తామని తెలిపాడు. కాగా ఇంగ్లండ్‌తో టీ20 సిరీస్‌లో టీమిండియా అదరగొట్టిన విషయం తెలిసిందే. కోల్‌కతాలో విజయంతో సిరీస్‌ను ఆరంభించిన సూర్యసేన.. చెన్నైలోనూ అదే ఫలితం పునరావృతం చేసింది.అనంతరం రాజ్‌కోట్‌లో తగిలిన ఎదురుదెబ్బ నుంచి పాఠాలు నేర్చుకున్న భారత జట్టు.. పుణెలో విజయంతో సిరీస్‌ను కైవసం చేసుకుంది. ఆఖరిదైన నామమాత్రపు ఐదో టీ20లోనూ అద్భుత ఆట తీరు కనబరిచింది. వాంఖడే వేదికగా ఆదివారం జరిగిన ఈ మ్యాచ్‌లో టాస్‌ ఓడిన టీమిండియా తొలుత బ్యాటింగ్‌ చేసింది.అభిషేక్‌ శర్మ ఊచకోతఓపెనర్‌ సంజూ శాంసన్‌(16) మరోసారి వైఫల్యాన్ని కొనసాగించగా.. మరో ఓపెనర్‌ అభిషేక్‌ శర్మ(Abhishek Sharma) మాత్రం పరుగుల విధ్వంసం సృష్టించాడు. కేవలం 54 బంతుల్లోనే 135 పరుగులతో చెలరేగాడు. అతడి ఇన్నింగ్స్‌లో ఏడు ఫోర్లతో పాటు ఏకంగా ఆరు సిక్సర్లు ఉండటం విశేషం. ఇక మిగతా వాళ్లలో తిలక​ వర్మ(24), శివం దూబే(13 బంతుల్లో 30) మాత్రమే రాణించారు.ఈ క్రమంలో నిర్ణీత ఇరవై ఓవర్లలో భారత్‌ తొమ్మిది వికెట్లు నష్టపోయి 247 పరుగులు చేసింది. కొండంత లక్ష్యంతో బరిలోకి దిగిన బట్లర్‌ బృందానికి టీమిండియా సీనియర్‌ పేసర్‌ మహ్మద్‌ షమీ ఆదిలోనే షాకిచ్చాడు. బెన్‌ డకెట్‌ను డకౌట్‌ చేశాడు. ఆ తర్వాత స్పిన్నర్లు తమ మాయాజాలంతో ఇంగ్లండ్‌ బ్యాటర్లను ముప్పుతిప్పలు పెట్టారు.97 పరుగులకే ఆలౌట్‌ఈ క్రమంలో ఓపెనర్‌ ఫిల్‌ సాల్ట్‌(23 బంతుల్లో 55) ఒక్కడు కాసేపు పోరాడగా.. మిగతా వాళ్ల నుంచి అతడికి ఏమాత్రం సహకారం అందలేదు. ఫలితంగా 10.3 ఓవర్లలో కేవలం 97 పరుగులే చేసి ఇంగ్లండ్‌ ఆలౌట్‌ అయింది. దీంతో 150 పరుగుల తేడాతో పరాజయం పాలైంది.ఇక భారత బౌలర్లలో మహ్మద్‌ షమీ మూడు వికెట్లు తీయగా.. పేస్‌ బౌలింగ్‌ ఆల్‌రౌండర్‌ శివం దూబే రెండు, స్పిన్నర్లు వరుణ్‌ చక్రర్తి రెండు, అభిషేక్‌ శర్మ రెండు, రవి బిష్ణోయి ఒక వికెట్‌ తీశారు. అభిషేక్‌ శర్మకు ‘ప్లేయర్‌ ఆఫ్‌ ది మ్యాచ్‌’, వరుణ్‌ చక్రవర్తికి ‘ప్లేయర్‌ ఆఫ్‌ ది సిరీస్‌’ అవార్డులు దక్కాయి.రిస్క్‌ అని తెలిసినాఈ నేపథ్యంలో విజయానంతరం టీమిండియా కెప్టెన్‌ సూర్యకు​మార్‌ యాదవ్‌ మాట్లాడాడు. ‘‘జట్టులోని ఏ సభ్యుడైతే ఈరోజు రాణించగలడని భావిస్తానో.. అతడిపై ఎక్కువగా నమ్మకం ఉంచుతాను. నెట్స్‌లో ప్రతి ఒక్కరు ఎంతో కష్టపడుతున్నారు. నాకు ఎప్పుడైతే వారి అవసరం ఉంటుందో అప్పుడు కచ్చితంగా రాణిస్తున్నారు.మ్యాచ్‌కు ముందు రచించిన ప్రణాళికలకు అనుగుణంగా వ్యూహాలను అమలు చేస్తున్నారు. ఒక్కోసారి రిస్క్‌ అని తెలిసినా వెనకడుగు వేయడం లేదు. అంతిమంగా మా అందరికీ జట్టు ప్రయోజనాలే ముఖ్యం.వాళ్లిద్దరు అద్భుతంఇక అభిషేక్‌ శర్మ బ్యాటింగ్‌ ఈరోజు అద్భుతంగా సాగింది. టాపార్డర్‌లో ఓ బ్యాటర్‌ ఇలా చెలరేగిపోతుంటే చూడటం ముచ్చటగా అనిపించింది. ఈ ఇన్నింగ్స్‌ చూసి అతడి కుటుంబం కూడా మాలాగే సంతోషంలో మునిగితేలుతూ ఉంటుంది.మరోవైపు.. వరుణ్‌ చక్రవర్తి.. వచ్చిన ప్రతీ అవకాశాన్ని సద్వినియోగం చేసుకుంటున్నాడు. ప్రాక్టీస్‌ సెషన్లను చక్కగా వినియోగించుకుంటున్నాడు. కొత్త విషయాలు నేర్చుకోవడంలో ఎల్లప్పుడూ ముందే ఉంటాడు. అందుకు ఫలితమే ఈ సిరీస్‌లో అతడి ప్రదర్శన. అతడి వల్ల జట్టుకు అదనపు శక్తి లభిస్తోంది. అతడొక అద్భుతం’’ అని సూర్యకుమార్‌ యాదవ్‌ ప్రశంసల జల్లు కురిపించాడు. కాగా ఈ సిరీస్‌లో వరుణ్‌ చక్రవర్తి పద్నాలుగు వికెట్లు తీశాడు.చదవండి: ఇంతకంటే మెరుగైన టీ20 సెంచరీ చూడలేదు.. వన్డేల్లోనూ ఇదే దూకుడు: గంభీర్‌An impressive way to wrap up the series 🤩#TeamIndia win the 5th and final T20I by 150 runs and win the series by 4-1 👌Scoreboard ▶️ https://t.co/B13UlBNLvn#INDvENG | @IDFCFIRSTBank pic.twitter.com/aHyOY0REbX— BCCI (@BCCI) February 2, 2025

ముంబై వేదిక‌గా ఇంగ్లండ్‌తో జ‌రిగిన ఐదో టీమిండియా 150 ప‌రుగుల తేడాతో ఘ‌న విజ‌యం సాధించింది. ఈ మ్యాచ్‌లో భార‌త యువ ఓపెనర్ అభిషేక్ శ‌ర్మ(Abhishek Sharma) ఆల్‌రౌండ్ షోతో అద‌ర‌గొట్టాడు. తొలుత బ్యాటింగ్‌లో అద్బుత‌మైన సెంచ‌రీతో చెలరేగిన అభిషేక్‌.. అనంత‌రం బౌలింగ్‌లోనూ రెండు వికెట్లతో స‌త్తాచాటాడు.అభిషేక్ ఇన్నింగ్స్ ఆరంభం నుంచే ఇంగ్లండ్ బౌల‌ర్ల‌ను ఊతికారేశాడు. వాంఖడే స్టేడియంలో సిక్స‌ర్ల వ‌ర్షం కుర్పించాడు. అత‌డి ఆప‌డం ప్ర‌త్య‌ర్ధి బౌల‌ర్ల త‌రం కాలేదు. ఈ క్ర‌మంలో కేవ‌లం 37 బంతుల్లోనే త‌న రెండో టీ20 సెంచ‌రీ మార్క్‌ను అందుకున్నాడు. భార‌త త‌ర‌పున టీ20ల్లో అత్యంత వేగ‌వంత‌మైన సెంచ‌రీ చేసిన రెండో ఆట‌గాడిగా అభి నిలిచాడు. ఓవ‌రాల్‌గా 54 బంతులు ఎదుర్కొన్న శ‌ర్మ‌.. 7 ఫోర్లు, 13 సిక్స్ లతో 135 పరుగులు చేశాడు. త‌ద్వారా టీ20ల్లో భార‌త్ త‌ర‌పున అత్య‌ధిక వ్య‌క్తిగ‌త స్కోర్ సాధించిన ఆట‌గాడిగా చ‌రిత్ర సృష్టించాడు. ఇక సంచలన ఇన్నింగ్స్ ఆడిన అభిషేక్ శర్మపై తన మెంటార్‌, భారత క్రికెట్ దిగ్గజం యువరాజ్ సింగ్(Yuvraj Singh) ప్రశంసల వర్షం కుర్పించాడు. "బాగా ఆడావు అభిషేక్ శర్మ! నిన్ను ఈ స్ధాయిలో చూడాల‌ని ఎప్ప‌టినుంచో క‌ల‌లు కంటున్నాను! ఈ రోజు నాకు చాలా గ‌ర్వంగా ఉందంటూ" యువీ ఎక్స్‌లో రాసుకొచ్చాడు.యువీ మెంటార్‌గా..కాగా అభిషేక్‌ శర్మ కెరీర్‌ ఎదుగుదలలో యువరాజ్‌ది కీలక పాత్ర. అతడి గైడెన్స్‌లోనే అభిషేక్‌ ఇంతలా రాటు దేలాడు. ఈ పంజాబీ బ్యాటర్‌కు యువీ దగ్గరుండి మరి మెళకువలు నేర్పాడు. కొవిడ్‌-19 సమయంలో యువరాజ్.. అభిషేక్‌తో ఇతర పంజాబ్ యువ క్రికెటర్లు ప్రభ్‌సిమ్రాన్ సింగ్, అన్మోల్‌ప్రీత్ సింగ్‌లకు ప్రత్యేకంగా శిక్షణ ఇచ్చాడు. అప్పటి నుంచి యువీతో అభిషేక్ నిరంతరం టచ్‌లో ఉంటున్నాడు. అభిషేక్‌ తన నెట్‌ ప్రాక్టీస్‌ వీడియోలను ఎప్పటికప్పుడు యువీకి షేర్‌ చేస్తూ ఉంటాడు. అతడి బ్యాటింగ్‌ టెక్నిక్‌లో ఏదైనా సమస్య ఉంటే గుర్తించి యువరాజ్‌ వెంటనే సరిదిద్దుకునేలా సలహాలు ఇస్తాడు. ఈ విష‌యాన్ని అభిషేక్‌ చాలా సందర్బాల్లో స్వయంగా వెల్లడించాడు.అయితే, బాగా ఆడినప్పుడు ప్రశంసించడమే కాదు.. అనవసర తప్పిదాలు చేసినపుడు కాస్త ఘాటుగానే యువీ విమర్శస్తుంటాడు. కాగా 'ప్లేయ‌ర్ ఆఫ్‌ది మ్యాచ్' అభిషేక్ శ‌ర్మ త‌న మెరుపు సెంచ‌రీపై మ్యాచ్ అనంత‌రం స్పందించాడు. తన ఇన్నింగ్స్‌తో మెంటార్ యువరాజ్ సింగ్ సంతోషించంటాడని అభి చెప్పుకొచ్చాడు.వారిద్దిరి కోరిక ఇదే: అభిషేక్‌"ఈ సెంచ‌రీ నాకు చాలా ప్ర‌త్యేక‌మైన‌ది. దేశం కోసం ఈ త‌ర‌హా ప్ర‌ద‌ర్శ‌న చేయ‌డం ఎప్పుడు గొప్ప అనుభూతిని ఇస్తుంది. నాదైనా రోజున‌ తొలి బంతి నుంచే దూకుడుగా ఆడేందుకు ప్రయత్నిస్తాను. మా కోచ్‌, కెప్టెన్ నాకు తొలి రోజు నుంచే ఎంతో స‌పోర్ట్‌గా ఉన్నారు. వారు ఎప్పుడూ నా నుంచి ఇటువంటి ప్ర‌ద‌ర్శనే ఆశిస్తుంటారు. ప్రత్యర్థి బౌలర్లు 140-150కి.మీ కన్నా వేగంగా బౌలింగ్ చేస్తున్నప్పుడు, వాటిని ఆడేందుకు వాళ్ల కన్నా ఒక్క సెకెన్‌ ముందే సిద్ధంగా ఉండాలి. బంతిని సరిగ్గా అంచనా వేసి షాట్లు ఆడాను. వరల్డ్‌క్లాస్ బౌలర్ అర్చర్ బౌలింగ్‌లో కవర్స్ మీదగా కొట్టిన షాట్ నాకెంతో ప్రత్యేకం. అలాగే రషీద్‌ బౌలింగ్‌లో సిక్స్‌లు కొట్టడం కూడా బాగుంది. రషీద్ బౌలింగ్‌లో కొట్టిన స్ట్రెయిట్ డ్రైవ్.. యువీ పాజీ నుంచి నేర్చుకున్నాను.కాబట్టి యువీ ఈ రోజు సంతోషంగా ఉంటాడనుకుంటున్నా. అతను ఎప్పుడూ నేను 15 నుంచి 20 ఓవర్ల వరకు బ్యాటింగ్‌ చేయాలని కోరుకునేవాడు. ఈ రోజు యువీ పాజీ కోరిక నేరవేర్చాను. గౌతీ భాయ్‌ కూడా ఇదే కోరుకునేవాడు. ఈ మ్యాచ్‌లో దానిని అమలు చేసి చూపించా అని పోస్ట్‌ మ్యాచ్‌​ ప్రేజెంటేషన్‌లో అభిషేక్‌ పేర్కొన్నాడు.చదవండి: వరల్డ్‌ రికార్డు.. వికెట్‌ కోల్పోకుండానే 376 కొట్టేశారు Abhishek Sharma all the shots from his spectacular innings! 🔥 pic.twitter.com/VflLAHiTRA— Keh Ke Peheno (@coolfunnytshirt) February 3, 2025

టీమిండియా యువ ఓపెనర్‌ అభిషేక్‌ శర్మ(Abhishek Sharma)పై హెడ్‌ కోచ్‌ గౌతం గంభీర్‌(Gautam Gambhir) ప్రశంసలు కురిపించాడు. ఇంగ్లండ్‌తో చివరి టీ20లో భారీ సెంచరీతో చెలరేగిన అభిషేక్‌ ఆటతీరు అమోఘమని కొనియాడాడు. ఇంతకంటే మెరుగైన టీ20 సెంచరీ తానెప్పుడూ చూడలేదని గంభీర్‌ అన్నాడు. పరుగుల సునామీకాగా ఇంగ్లండ్‌తో నామమాత్రపు ఐదో టీ20(India vs England)లో అభిషేక్‌ ఆకాశమే హద్దుగా చెలరేగిన విషయం తెలిసిందే. పదిహేడు బంతుల్లోనే యాభై పరుగుల మార్కు అందుకున్న ఈ లెఫ్టాండర్‌ బ్యాటర్‌.. 37 బంతుల్లోనే శతక్కొట్టాడు. ఇంగ్లండ్‌ బౌలర్లను ఏ దశలోనూ కోలుకోకుండా చేసి.. మొత్తంగా 54 బంతుల్లో ఏడు ఫోర్లు, ఏకంగా పదమూడు సిక్సర్ల సాయంతో 135 పరుగులు సాధించాడు. ధనాధన్‌ ఇన్నింగ్స్‌తో అభిషేక్‌ పరుగుల వరద పారిస్తుంటే వాంఖడేలో నేరుగా ఈ అద్బుతాన్ని వీక్షించిన ప్రేక్షకులతో పాటు.. టీవీలు, ఫోన్లలో మ్యాచ్‌ చూస్తున్న క్రికెట్‌ ప్రేమికులూ ఆనందంతో మురిసిపోయారు.ప్రశంసల వర్షంఈ నేపథ్యంలో అభిషేక్‌ శర్మ ఆట తీరుపై ప్రశంసల వర్షం కురుస్తోంది. ఇక హెడ్‌కోచ్‌ గౌతం గంభీర్‌ కూడా అభిషేక్‌ తుఫాన్‌ ఇన్నింగ్స్‌కు ఫిదా అయిపోయాడు. ‘అభిషేక్‌ నిర్భయంగా, నిర్దాక్షిణ్యంగా ప్రత్యర్థిపై విరుచుకుపడ్డాడు. కొత్త తరం ఆటగాళ్లు భయం లేకుండా దూకుడుగా ఆడుతున్నారు. అలాంటి వాళ్లకు అండగా నిలుస్తాం.ఇలాంటి టీ20 సెంచరీ చూడనేలేదుఇంగ్లండ్‌ బౌలర్లు 140–150 కిలోమీటర్ల వేగంతో బంతులు విసురుతుంటే అభిషేక్‌ అలవోకగా సిక్సర్లు బాదాడు. దీనికంటే గొప్ప టీ20 శతకాన్ని చూడలేదు. ఫలితాలు అనుకూలంగా వస్తే అంత సవ్యంగా సాగుతుంది. పరాజయాలు ఎదురైనప్పుడే జట్టుపై విమర్శలు వస్తాయి. అలాంటి కష్ట కాలాన్ని కూడా ధైర్యంగా ఎదుర్కొంటాం.వన్డేల్లోనూ ఇదే దూకుడుఈ జట్టు చాలా కాలంగా కలిసి ఆడుతోంది. వారి మధ్య మంచి అనుబంధం ఉంది. 140 కోట్ల మంది ప్రజలకు ప్రాతినిధ్యం వహించడం అంటే ఎలా ఉంటుందో మా ఆటగాళ్లకు తెలుసు. వన్డేల్లోనూ ఇదే దూకుడు కొనసాగిస్తూ అభిమానులను అలరిస్తాం’ అని గంభీర్‌ పేర్కొన్నాడు. కాగా ఐదు టీ20లు, మూడు వన్డే మ్యాచ్‌ల సిరీస్‌లు ఆడేందుకు ఇంగ్లండ్‌ భారత్‌లో పర్యటిస్తున్న విషయం తెలిసిందే. ఈ క్రమంలో తొలుత టీ20 సిరీస్‌లో భాగంగా కోల్‌కతా, చెన్నై మ్యాచ్‌లలో గెలిచిన సూర్యకుమార్‌ సేన.. రాజ్‌కోట్‌లో జరిగిన మూడో టీ20లో ఓటమిపాలైంది. అయితే, పుణెలో జరిగిన నాలుగో మ్యాచ్‌లో విజయం సాధించి.. మరో టీ20 మిగిలి ఉండగానే సిరీస్‌ను 3-1తో కైవసం చేసుకుంది.247 పరుగులు ఈ క్రమంలో వాంఖడే మైదానంలో ఇరుజట్ల మధ్య నామమాత్రపు ఐదో టీ20లో గెలిచి పరువు నిలబెట్టుకోవాలని భావించిన ఇంగ్లండ్‌ ఆశలపై భారత జట్టు నీళ్లు చల్లింది. టాస్‌ గెలిచిన ఇంగ్లండ్‌ తొలుత బౌలింగ్‌ ఎంచుకోగా.. అభిషేక్‌ శర్మ సునామీ శతకం కారణంగా టీమిండియా నిర్ణీత ఇరవై ఓవర్లలో.. తొమ్మిది వికెట్ల నష్టానికి ఏకంగా 247 పరుగులు చేసింది.ఇక భారీ లక్ష్యంతో బరిలోకి దిగిన ఇంగ్లండ్‌ భారత బౌలర్ల ధాటికి 97 పరుగులకే కుప్పకూలింది. ఫిలిప్‌ సాల్ట్‌(23 బంతుల్లో 55) మెరుపు హాఫ్‌ సెంచరీతో అలరించినా.. మిగతా వాళ్లలో జాకొబ్‌ బెతల్‌(10) మినహా ఎవరూ కనీసం రెండంకెల స్కోరు చేయలేకపోయారు. టీమిండియా బౌలర్లలో మహ్మద్‌ షమీ మూడు, వరుణ్‌ చక్రవర్తి, శివం దూబే, అభిషేక్‌ శర్మ రెండేసి వికెట్లు కూల్చగా.. రవి బిష్ణోయి ఒక వికెట్‌ దక్కించుకున్నాడు. ఇక ఇంగ్లండ్‌పై 150 పరుగుల భారీ తేడాతో గెలిచిన టీమిండియా సిరీస్‌ను 4-1తో ముగించింది. తదుపరి ఫిబ్రవరి 6 నుంచి ఇరుజట్ల మధ్య వన్డే సిరీస్‌ మొదలుకానుంది.చదవండి: IND vs ENG: చరిత్ర సృష్టించిన అభిషేక్‌​.. ప్రపంచంలోనే తొలి ప్లేయర్‌గా

వాంఖ‌డే స్టేడియం వేదిక‌గా ఇంగ్లండ్‌తో జ‌రిగిన ఐదో టీ20లో టీమిండియా యువ ఓపెన‌ర్ అభిషేక్ శ‌ర్మ(Abhishek Sharma) విధ్వంసం సృష్టించాడు. ఇన్నింగ్స్ ఆరంభం నుంచే అభిషేక్‌ ఆకాశమే హద్దుగా చెలరేగిపోయాడు. కళ్లు చెదిరే షాట్ల‌తో మైదానాన్ని హోరెత్తించాడు. వాంఖడేలో సిక్సర్ల వర్షం కురిపించాడు. జోఫ్రా ఆర్చర్, మార్క్ ఉడ్ వంటి వరల్డ్‌క్లాస్ ఫాస్ట్ బౌలర్లను సైతం లెక్కచేయలేదు. ఈ క్రమంలో అభిషేక్ కేవలం 37 బంతల్లోనే తన రెండో టీ20 సెంచరీ మార్క్‌ను అందుకున్నాడు. అంతకుముందు తన హాఫ్ సెంచరీని శర్మ కేవలం 17 బంతుల్లోనే అందుకున్నాడు.ఓవరాల్‌గా 54 బంతుల్లో 7 ఫోర్లు, 13 సిక్స్ లతో 135 పరుగులు చేసి ఔటయ్యాడు. అటు బౌలింగ్‌లోనూ రెండు వికెట్లతో ఈ పంజాబీ క్రికెటర్ సత్తాచాటాడు. ఇక సెంచరీతో చెలరేగిన శర్మ పలు అరుదైన రి​కార్డులను తన పేరిట లిఖించుకున్నాడు.అభిషేక్‌ సాధించిన రికార్డులు ఇవే..👉అంత‌ర్జాతీయ టీ20ల్లో భార‌త్ త‌ర‌పున అత్య‌ధిక వ్య‌క్తిగ‌త స్కోర్ సాధించిన ఆట‌గాడిగా అభిషేక్ శ‌ర్మ రికార్డులకెక్కాడు. ఈ రికార్డు ఇప్ప‌టివ‌ర‌కు మ‌రో టీమిండియా యువ ఆట‌గాడు శుబ్‌మ‌న్ గిల్ పేరిట ఉండేది. గిల్ 2023లో న్యూజిలాండ్‌తో జ‌రిగిన మ్యాచ్‌లో గిల్ 126 ప‌రుగుల‌తో ఆజేయంగా నిలిచాడు. తాజా మ్యాచ్‌లో 135 ప‌రుగులు చేసిన అభిషేక్.. గిల్ అల్‌టైమ్ రికార్డును బ్రేక్ చేశాడు.👉టీ20ల్లో భార‌త్ త‌ర‌పున అత్యంత వేగ‌వంత‌మైన సెంచ‌రీ చేసిన రెండో ఆట‌గాడిగా అభిషేక్ నిలిచాడు. ఈ జాబితాలో టీమిండియా కెప్టెన్ రోహిత్ శ‌ర్మ అగ్ర‌స్దానంలో ఉన్నాడు. 2017లో శ్రీలంక‌పై హిట్‌మ్యాన్ కేవ‌లం 35 బంతుల్లోనే శతకొట్టాడు.👉అంతర్జాతీయ టీ20 మ్యాచ్‍లో అత్యధిక సిక్స్‌లు బాదిన భారత బ్యాటర్‌గా అభిషేక్‌ చరిత్ర సృష్టించాడు. ఇంతకుముందు ఈ రికార్డు రోహిత్‌ శర్మ పేరిట ఉండేది. 2017లో శ్రీలంకతో జరిగిన టీ20లో హిట్‌మ్యాన్‌ 10 సిక్సర్లు బాదాడు. తాజా మ్యాచ్‌లో 13 సిక్స్‌లు కొట్టిన అభిషేక్‌.. రోహిత్‌ అల్‌టైమ్‌ రికార్డును బ్రేక్‌ చేశాడు.బటీ20ల్లో ఇంగ్లండ్‌పై ఫాస్టెస్ట్‌ సెంచరీ చేసిన ఆటగాడిగా అభిషేక్‌ వరల్డ్‌ రికార్డు నెలకొల్పాడు. ఇంతకుముందు ఈ రికార్డు ఆస్ట్రేలియా మాజీ కెప్టెన్‌ ఆరోన్‌ ఫించ్‌ పేరిట ఉండేది. ఫించ్‌ ఇంగ్లండ్‌పై 47 బంతుల్లో సెంచరీ చేశాడు. ప్రస్తుత మ్యాచ్‌లో కేవలం 37 బంతుల్లోనే శతకం బాదిన శర్మ.. ఫించ్‌ రికార్డును బద్దలు కొట్టాడు.భారత్‌ విజయ భేరి..ఇక ఇంగ్లండ్‌తో సిరీస్‌ను భారత్‌ విజయంతో ముగించింది. ఆఖరి టీ20లో 150 పరుగుల తేడాతో టీమిండియా ఘన విజయాన్ని అందుకుంది. తొలుత బ్యాటింగ్ చేసిన భారత్ 20 ఓవర్లలో 9 వికెట్లకు 247 పరుగుల భారీ స్కోరు చేసింది. భారత బ్యాటర్లలో అభిషేక్‌ శర్మ(135)తో పాటు.. శివమ్‌ దూబే(30), తిలక్‌ వర్మ(24) రాణించారు. ఇంగ్లండ్‌ బౌలర్లలో బ్రైడన్‌ కార్స్‌ మూడు వికెట్లు పడగొట్టగా.. వుడ్‌ రెండు, అర్చర్‌,రషీద్‌, ఓవర్టన్‌ తలా వికెట్‌ సాధించారు. అనంతరం లక్ష్య చేధనలో ఇంగ్లండ్‌ 97 పరుగులకే కుప్పకూలింది. భారత బౌలర్లలో మహ్మద్‌ షమీ మూడు వికెట్లతో సత్తాచాటగా.. వరుణ్‌ చక్రవర్తి, దూబే, అభిషేక్‌ శర్మ తలా రెండు వికెట్లు సాధించారు. ఇంగ్లండ్‌ బ్యాటర్లలో ఫిల్‌ సాల్ట్‌(55) టాప్‌ స్కోరర్‌గా నిలిచాడు. కాగా ఈ సిరీస్‌ను 4-1 తేడాతో టీమిండియా సొంతం చేసుకుంది.చదవండి: తొలి కల నెరవేరింది

ఇన్నింగ్స్‌ తొలి బంతికే సామ్సన్‌ సిక్స్‌తో భారత్‌ ఆట ఆరంభం. మూడో ఓవర్లో బౌండరీతో అభిషేక్ ధాటి కాస్త ఆలస్యం! అంతే ఇక ఆ ఓవర్లోనే రెండు సిక్స్‌లతో పదునెక్కిన ప్రతాపం. ఆర్చర్, మార్క్‌ వుడ్, ఓవర్టన్‌ ఇలా పేసర్లు మారినా... లివింగ్‌స్టోన్, రషీద్‌లు స్పిన్నేసినా... బంతి గమ్యం, అభిషేక్ వీరవిహారం... ఈ రెండూ ఏమాత్రం మారలేదు. 13 సిక్సర్లతో ‘వాంఖెడే’కు అభిషేకం... 37 బంతుల్లోనే శతకం... 18వ ఓవర్‌ దాకా అతనొక్కడిదే విధ్వంసం!ఆఖరి పోరు గెలిచి ఆతిథ్య దేశం ఆధిక్యానికి గండి కొట్టేద్దామనుకుంటే ఇంగ్లండ్‌ కనీసం జట్టంతా కలిపి 100 పరుగులైనా కొట్టలేకపోయింది. ప్రత్యర్థి పేస్, స్పిన్‌ వైవిధ్యం అభిషేక్ శర్మ ధాటిని ఏ ఓవర్లోనూ, ఏ బౌలింగ్‌తోనూ అసలు ప్రభావమే చూపలేకపోయింది. ముంబై: ఏఐ... అదేనండీ అర్టిఫిషయల్ ఇంటెలిజెన్స్‌ వైపే ఇప్పుడు ప్రపంచం చూస్తోంది. కానీ వాంఖెడే స్టేడియంలో మాత్రం మరో ఏఐ... అదే భయ్యా అభిషేక్‌ ఇంటలిజెంట్‌ బ్యాటింగ్‌ వైపే ఓ గంటసేపు కన్నార్పకుండా చూసేలా చేసింది. ఇది కదా ఫన్‌... ధన్‌ ధనాధన్‌! ఇదే కదా ఈ టి20 ద్వైపాక్షిక సిరీస్‌లో గత నాలుగు మ్యాచ్‌ల్లోనూ మిస్సయ్యింది. అయితేనే ఆఖరి పోరులో ఆవిష్కృతమైంది. అభిషేక్‌ శర్మ (54 బంతుల్లో 135; 7 ఫోర్లు, 13 సిక్స్‌లు) ఆమోఘ శతకం, అదేపనిగా విధ్వంసం ముంబై వాసుల్ని మురిపించింది. టీవీ, మొబైల్‌ యాప్‌లలో యావత్‌ భారత అభిమానుల్ని కేరింతలతో ముంచెత్తింది. అతని ఆటలో అయ్యో ఈ షాట్‌ను చూడటం మిస్‌ అయ్యామే అని బహుశా ఏ ఒక్కరికీ అనిపించి ఉండకపోవచ్చు! ఎందుకంటే ప్రతి షాట్‌ హైలైట్స్‌నే తలదన్నేలా ఉంది. ఆదివారం అసలైన టి20 వినోదాన్ని పంచిన చివరి టి20లో భారత్‌ 150 పరుగుల భారీ తేడాతో ఇంగ్లండ్‌ను చిత్తు చేసి ఐదు మ్యాచ్‌ల సిరీస్‌ను 4–1తో సొంతం చేసుకుంది. మొదట భారత్‌ నిర్ణీత 20 ఓవర్లలో 9 వికెట్లను కోల్పోయి 247 పరుగుల భారీస్కోరు చేసింది. శివమ్‌ దూబే (13 బంతుల్లో 30; 3 ఫోర్లు, 2 సిక్స్‌లు) ఉన్న కాసేపు మెరిపించాడు. బ్రైడన్‌ కార్స్‌ 3, మార్క్‌వుడ్‌ 2 వికెట్లు తీశారు. తర్వాత కష్టమైన లక్ష్యం ఛేదించేందుకు దిగిన ఇంగ్లండ్‌ 10.3 ఓవర్లలోనే 97 పరుగుల వద్దే ఆలౌటైంది. ఓపెనర్‌ ఫిల్‌ సాల్ట్‌ (23 బంతుల్లో 55; 7 ఫోర్లు, 3 సిక్స్‌లు) బాదిన అర్ధశతకంతో ఆ మాత్రం స్కోరు చేసింది. మిగతావారిలో జాకబ్‌ బెథెల్‌ (10; 1 సిక్స్‌) తప్ప అందరివి సింగిల్‌ డిజిట్లే! షమీ 3 వికెట్లు పడగొడితే ఒక్క ఓవర్‌ వేసిన అభిషేక్, దూబే, వరుణ్‌లు తలా 2 వికెట్లు తీసి ఇంగ్లండ్‌ను 11వ ఓవర్‌ ముగియక ముందే స్పిన్‌తో దున్నేశారు. ఇంగ్లండ్‌ పాలిట సిక్సర పిడుగల్లే... మ్యాచ్‌ గురించి మాట్లాడుకోవడానికి ఏమీ లేదు. ఎందుకంటే మ్యాచ్‌ అంతటిని అభిషేక్ ఒక్కడే షేక్‌ చేశాడు. ఐదు పదుల బంతులు (54) ఎదుర్కొంటే ఇందులో కేవలం 5 మాత్రమే డాట్‌ బాల్స్‌. అంటే పరుగు రాలేదు. కానీ మిగతా 49 బంతుల్లో ‘రన్‌’రంగమే... ప్రత్యర్థి బౌలర్లేమో లబో... దిబో! ఇది అభిషేక్ సాగించిన విధ్వంసం. 17 బంతుల్లోనే అతను సాధించిన ఫిఫ్టీ భారత్‌ తరఫున రెండో వేగవంతమైన అర్ధశతకమైంది. అంతేనా... పవర్‌ ప్లే (6 ఓవర్లు)లో జట్టు స్కోరు 95/1 ఇది భారత్‌ తరఫున అంతర్జాతీయ టి20ల్లోనే అత్యధిక స్కోరైంది. ఆ తర్వాత 37 బంతుల్లోనే దంచేసిన మెరుపు శతకం శాశ్వత దేశాల మధ్య రెండో వేగవంతమైన సెంచరీగా పుటలకెక్కింది. 2017లో మిల్లర్‌ (దక్షిణాఫ్రికా) బంగ్లాదేశ్‌పై 35 బంతుల్లో శతక్కొట్టాడు. 3.5 ఓవర్లో 50 పరుగులు దాటిన భారత్‌ స్కోరు అతనొక్కడి జోరుతో 6.3 ఓవర్లోనే వందకు చేరింది. భారత్‌ 12వ ఓవర్లో 150, 16వ ఓవర్లో 200 పరుగుల్ని అవలీలగా దాటేసింది. మిగతావారిలో శివమ్‌ దూబే కాస్త మెరిపించాడు. అయితే దూబే (2–0–11–2) బౌలింగ్‌ స్పెల్‌తో గత మ్యాచ్‌ ‘కన్‌కషన్‌’ విమర్శలకు తాజా మ్యాచ్‌లో బంతితో సమాధానమిచ్చాడు. అభిషేక్ శర్మకు ‘ప్లేయర్‌ ఆఫ్‌ ద మ్యాచ్‌’... వరుణ్‌ చక్రవర్తికి ‘ప్లేయర్‌ ఆఫ్‌ ద సిరీస్‌’ అవార్డులు లభించాయి. స్కోరు వివరాలు భారత్‌ ఇన్నింగ్స్‌: సామ్సన్‌ (సి) ఆర్చర్‌ (బి) వుడ్‌ 16; అభిషేక్‌ (సి) ఆర్చర్‌ (బి) రషీద్‌ 135; తిలక్‌వర్మ (సి) సాల్ట్‌ (బి) కార్స్‌ 24; సూర్యకుమార్‌ (సి) సాల్ట్‌ (బి) కార్స్‌ 2; దూబే (సి) రషీద్‌ (బి) కార్స్‌ 30; హార్దిక్‌ (సి) లివింగ్‌స్టోన్‌ (బి) వుడ్‌ 9; రింకూసింగ్‌ (ఎల్బీడబ్ల్యూ) (బి) ఆర్చర్‌ 9; అక్షర్‌ రనౌట్‌ 15; షమీ నాటౌట్‌ 0; రవి బిష్ణోయ్‌ (సి) కార్స్‌ (బి) ఓవర్టన్‌ 0; ఎక్స్‌ట్రాలు 7; మొత్తం (20 ఓవర్లలో 9 వికెట్లకు) 247. వికెట్ల పతనం: 1–21, 2–136, 3–145, 4–182, 5–193, 6–202, 7–237, 8–247, 9–247. బౌలింగ్‌: జోఫ్రా ఆర్చర్‌ 4–0–55–1, మార్క్‌వుడ్‌ 4–0–32–2, ఓవర్టన్‌ 3–0–48–1, లివింగ్‌స్టోన్‌ 2–0–29–0, అదిల్‌ రషీద్‌ 3–0–41–1, బ్రైడన్‌ కార్స్‌ 4–0–38–3. ఇంగ్లండ్‌ ఇన్నింగ్స్‌: సాల్ట్‌ (సి) సబ్‌–జురేల్‌ (బి) దూబే 55; డకెట్‌ (సి) అభిషేక్ (బి) షమీ 0; బట్లర్‌ (సి) తిలక్‌వర్మ (బి) వరుణ్‌ 7; హ్యారీ బ్రూక్‌ (సి) వరుణ్‌ (బి) రవి బిష్ణోయ్‌ 2; లివింగ్‌స్టోన్‌ (సి) రింకూ (బి) వరుణ్‌ 9; జాకబ్‌ (బి) దూబే 10; కార్స్‌ (సి) వరుణ్‌ (బి) అభిషేక్ 3; ఓవర్టన్‌ (సి) సూర్యకుమార్‌ (బి) అభిషేక్ 1; ఆర్చర్‌ నాటౌట్‌ 1; రషీద్‌ (సి) సబ్‌–జురేల్‌ (బి) షమీ 6; మార్క్‌వుడ్‌ (సి) సబ్‌–జురేల్‌ (బి) షమీ 0; ఎక్స్‌ట్రాలు 3; మొత్తం (10.3 ఓవర్లలో ఆలౌట్‌) 97. వికెట్ల పతనం: 1–23, 2–48, 3–59, 4–68, 5–82, 6–87, 7–90, 8–90, 9–97, 10–97. బౌలింగ్‌: షమీ 2.3–0–25–3, హార్దిక్‌ పాండ్యా 2–0–23–0, వరుణ్‌ 2–0–25–2, రవి బిష్ణోయ్‌ 1–0–9–1, శివమ్‌ దూబే 2–0–11–2, అభిషేక్ 1–0–3–2. ఆహా... ఆదివారంభారత క్రీడాభిమానులకు ఆదివారం పండుగలా గడిచింది. మధ్యాహ్నం కౌలాలంపూర్‌లో భారత అమ్మాయిల జట్టు ఆల్‌రౌండ్‌ ప్రదర్శనతో వరుసగా రెండోసారి అండర్‌–19 టి20 ప్రపంచకప్‌ను సొంతం చేసుకుంది. తెలంగాణ అమ్మాయి గొంగడి త్రిష చిరస్మరణీయ ఆటతీరుతో అదరగొట్టింది. భారత జట్టు రెండోసారి విశ్వవిజేతగా నిలువడంలో కీలకపాత్ర పోషించింది. రాత్రి ఇటు ముంబైలో భారత పురుషుల జట్టు ఇంగ్లండ్‌పై వీరంగం సృష్టించింది. ముఖ్యంగా అభిషేక్ శర్మ ఆకాశమే హద్దుగా చెలరేగిపోయి టి20ల్లో రెండోసారి ‘శత’క్కొట్టాడు. కేవలం 37 బంతుల్లోనే సెంచరీ అందుకున్న అభిషేక్ అమోఘమైన ఆటతో భారత జట్టు ఈ మ్యాచ్‌లో ఏకంగా 150 పరుగుల తేడాతో ఇంగ్లండ్‌ను చిత్తు చేసింది. ఐదు మ్యాచ్‌ల సిరీస్‌ను 4–1తో సొంతం చేసుకుంది. 1 భారత్‌ తరఫున అంతర్జాతీయ టి20ల్లో అత్యధిక వ్యక్తిగత స్కోరు (135) చేసిన ప్లేయర్‌గా అభిషేక్ నిలిచాడు. శుబ్‌మన్‌ గిల్‌ (126 నాటౌట్‌; న్యూజిలాండ్‌పై) రెండో స్థానంలో ఉన్నాడు. 2 భారత్‌ తరఫున అంతర్జాతీయ టి20ల్లో వేగవంతమైన సెంచరీ (37 బంతుల్లో) చేసిన రెండో ఆటగాడు అభిషేక్‌. రోహిత్‌ శర్మ (35 బంతుల్లో; శ్రీలంకపై) అగ్రస్థానంలో ఉన్నాడు. 13 ఈ మ్యాచ్‌లో అభిషేక్ కొట్టిన సిక్స్‌లు. భారత్‌ తరఫున అంతర్జాతీయ టి20 మ్యాచ్‌లో ఇదే అత్యధికం. రోహిత్‌ (10 సిక్స్‌లు; శ్రీలంకపై), సామ్సన్‌ (10 సిక్స్‌లు; దక్షిణాఫ్రికాపై), తిలక్‌ (10 సిక్స్‌లు; దక్షిణాఫ్రికాపై) రెండో స్థానాల్లో ఉన్నారు.

స్వదేశంలో ఇంగ్లండ్‌తో జరిగిన ఐదు మ్యాచ్‌ల టీ20 సిరీస్‌ను భారత్‌ 4-1 తేడాతో కైవసం చేసుకుంది. ముంబై వేదికగా ఇవాళ (ఫిబ్రవరి 2) జరిగిన చివరి మ్యాచ్‌లో భారత్‌ 150 పరుగుల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. అభిషేక్‌ శర్మ విధ్వంసకర శతకంతో (54 బంతుల్లో 135; 7 ఫోర్లు, 13 సిక్సర్లు) విరుచుకుపడటంతో నిర్ణీత ఓవర్లలో 9 వికెట్ల నష్టానికి 247 పరుగులు చేసింది. అనంతరం భారీ లక్ష్య ఛేదనకు దిగిన ఇంగ్లండ్‌.. భారత బౌలర్లు చెలరేగడంతో 10.3 ఓవర్లలో 97 పరుగులకే ఆలౌటై ఘోర పరాజయాన్ని మూటగట్టుకుంది. తొలుత బ్యాట్‌తో విజృంభించిన అభిషేక్‌.. ఆతర్వాత బంతితోనూ రాణించి రెండు వికెట్లు తీశాడు. ఆల్‌రౌండ్‌ షోతో అదరగొట్టినందుకు గానూ అభిషేక్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది. సిరీస్‌ ఆధ్యాంతం అద్భుతంగా రాణించి 14 వికెట్లు తీసిన వరుణ్‌ చక్రవర్తి ప్లేయర్‌ ఆఫ్‌ ద సిరీస్‌ అవార్డు దక్కించుకున్నాడు. రికార్డులు కొల్లగొట్టిన అభిషేక్‌ఈ మ్యాచ్‌లో విధ్వంసకర సెంచరీ సాధించిన అభిషేక్‌ పలు రికార్డులు కొల్లగొట్టాడు. టీ20ల్లో భారత్‌ తరఫున రెండో వేగవంతమైన హాఫ్‌ సెంచరీ (17), రెండో వేగవంతమైన సెంచరీని (37) నమోదు చేశాడు. టీ20ల్లో భారత్‌ తరఫున ఫాస్టెస్ట్‌ సెంచరీ రికార్డు రోహిత్‌ శర్మ (35 బంతుల్లో) పేరిట ఉండగా.. ఫాస్టెస్ట్‌ హాఫ్‌ సెంచరీ యువరాజ్‌ సింగ్‌ (12 బంతుల్లో) పేరిట ఉంది. 17 మ్యాచ్‌ల టీ20 కెరీర్‌లో అభిషేక్‌కు ఇది రెండో సెంచరీ.ఈ మ్యాచ్‌లో అభిషేక్‌ సాధించిన మరిన్ని రికార్డులు..- టీ20ల్లో భారత్‌ తరఫున అత్యధిక స్కోర్‌ (135).- టీ20లో భారత్‌ తరఫున అత్యధిక సిక్సర్లు (13).- అభిషేక్‌ ధాటికి భారత్‌ పవర్‌ ప్లేల్లో అత్యధిక స్కోర్‌ (95/1) నమోదు చేసింది.టీ20ల్లో నాలుగో అత్యధిక స్కోర్‌ఈ మ్యాచ్‌లో భారత్‌ నమోదు చేసిన స్కోర్‌ (247/9) టీ20ల్లో నాలుగో అత్యధికం. ఈ మ్యాచ్‌లో భారత్‌ మరింత భారీ స్కోర్‌ సాధించాల్సింది. అభిషేక్‌ సెంచరీ పూర్తయ్యాక భారత్‌ స్కోర్‌ బాగా నెమ్మదించింది. వరుస క్రమంలో వికెట్లు పడిపోయాయి. ఆరంభంలో సంజూ శాంసన్‌ (7 బంతుల్లో 16; ఫోర్‌, 2 సిక్సర్లు).. మధ్యలో తిలక్‌ వర్మ (15 బంతుల్లో 24; 3 ఫోర్లు, సిక్స్‌), శివమ్‌ దూబే (13 బంతుల్లో 30; 3 ఫోర్లు, 2 సిక్సర్లు) మెరుపు ఇన్నింగ్స్‌లు ఆడారు. వేగంగా పరుగులు రాబట్టే క్రమంలో సూర్యకుమార్‌ యాదవ్‌ (3 బంతుల్లో 2), హార్దిక్‌ పాండ్యా (6 బంతుల్లో 9; సిక్స్‌), రింకూ సింగ్‌ 6 బంతుల్లో 9; ఫోర్‌), అక్షర్‌ పటేల్‌ (11 బంతుల్లో 15; 2 ఫోర్లు), బిష్ణోయ్‌ (0) ఔటయ్యారు. ఇంగ్లండ్‌ బౌలర్లలో బ్రైడన్‌ కార్స్‌ 3, మార్క్‌ వుడ్‌ 2, జోఫ్రా ఆర్చర్‌, జేమీ ఓవర్టన్‌, ఆదిల్‌ రషీద్‌ తలో వికెట్‌ తీశారు.భారీ లక్ష్య ఛేదనలో ఇంగ్లండ్‌ ఆది నుంచే తడబడుతూ వచ్చింది. భారత బౌలర్లు ఫిల్‌ సాల్ట్‌ (23 బంతుల్లో 55; 7 ఫోర్లు, 3 సిక్సర్లు) మినహా ఏ ఒక్కరిని కుదురుకోనివ్వలేదు. షమీ (2.3-0-25-3), వరుణ్‌ చక్రవరి (2-0-25-2), శివమ్‌ దూబే (2-0-11-2), అభిషేక్‌ శర్మ (1-0-3-2), రవి బిష్ణోయ్‌ (1-0-9-1) తలో చేయి వేసి ఇంగ్లండ్‌ ఇన్నింగ్స్‌ను కుప్పకూల్చారు. భారత బౌలర్ల ధాటికి ఇంగ్లండ్‌ ఇన్నింగ్స్‌లో కేవలం సాల్ట్‌, జేకబ్‌ బేతెల్‌ (10) మాత్రమే రెండంకెల స్కోర్లు చేయగలిగారు. టీ20ల్లో పరుగుల పరంగా (150) ఇంగ్లండ్‌కు ఇది భారీ పరాజయం.చరిత్ర సృష్టించిన వరుణ్‌ చక్రవర్తిఈ మ్యాచ్‌లో రెండు వికెట్లు తీసిన వరుణ్‌.. ఓ ద్వైపాక్షిక సిరీస్‌లో అత్యధిక వికెట్లు (14) తీసిన స్పిన్‌ బౌలర్‌గా సరికొత్త రికార్డు నెలకొల్పాడు. ఓ ద్వైపాక్షిక సిరీస్‌లో అత్యధిక వికెట్లు తీసిన రికార్డు విండీస్‌ పేసర్‌ జేసన్‌ హోల్డర్‌ పేరిట ఉంది. 2022లో ఇంగ్లండ్‌తో జరిగిన ఐదు మ్యాచ్‌ల సిరీస్‌లో హోల్డర్‌ 15 వికెట్లు పడగొట్టాడు.ఓ ద్వైపాక్షిక సిరీస్‌లో అత్యధిక వికెట్లు తీసిన స్పిన్‌ బౌలర్‌ రికార్డు వరుణ్‌కు ముందు ఐష్‌ సోధి (న్యూజిలాండ్‌) పేరిట ఉండింది. 2021లో ఆస్ట్రేలియాతో జరిగిన సిరీస్‌లో సోధి 13 వికెట్లు పడగొట్టాడు. వరుణ్‌ గతేడాది సౌతాఫ్రికాతో జరిగిన నాలుగు మ్యాచ్‌ల టీ20 సిరీస్‌లోనూ 12 వికెట్లు పడగొట్టాడు.

ముంబై వేదికగా ఇంగ్లండ్‌తో జరుగుతున్న ఐదో టీ20లో టీమిండియా ఓపెనర్‌ అభిషేక్‌ శర్మ (Abhishek Sharma) శివాలెత్తిపోయాడు. ఈ మ్యాచ్‌లో అభిషేక్‌ కేవలం 17 బంతుల్లో హాఫ్‌ సెంచరీ పూర్తి చేశాడు. భారత్‌ తరఫున టీ20ల్లో యువరాజ్‌ సింగ్‌ (12 బంతుల్లో) తర్వాత ఇదే వేగవంతమైన హాఫ్‌ సెంచరీ. అభిషేక్‌ ఆకాశమే హద్దుగా చెలరేగడంతో ఈ మ్యాచ్‌లో భారత్‌ ఓ భారీ రికార్డు సాధించింది. పవర్‌ ప్లేల్లో (తొలి 6 ఓవర్లలో) తమ అత్యధిక స్కోర్‌ నమోదు చేసింది. అభిషేక్‌ విధ్వంసం ధాటికి భారత్‌ తొలి 6 ఓవర్లలో వికెట్‌ నష్టానికి 95 పరుగులు చేసింది. ఈ మ్యాచ్‌కు ముందు పవర్‌ ప్లేల్లో టీమిండియా అత్యధిక స్కోర్‌ 82/2గా ఉండింది. 2021లో స్కాట్లాండ్‌పై భారత్‌ ఈ స్కోర్‌ చేసింది.టీ20 పవర్‌ ప్లేల్లో భారత్‌ అత్యధిక స్కోర్లు95/1 ఇంగ్లండ్‌పై (2025)82/2 స్కాట్లాండ్‌పై (2021)82/1 బంగ్లాదేశ్‌పై (2024)78/2 సౌతాఫ్రికాపై (2018)కాగా, ఈ మ్యాచ్‌లో అభిషేక్‌ విధ్వంసం హాఫ్‌ సెంచరీతో ఆగలేదు. హాఫ్‌ సెంచరీ తర్వాత అతను మరింత చెలరేగిపోయాడు. కేవలం 36 బంతుల్లో 5 ఫోర్లు, 10 సిక్సర్ల సాయంతో 99 పరుగులు చేసి అజేయంగా ఉన్నాడు. అతనికి జతగా సూర్యకుమార్‌ యాదవ్‌ (2) క్రీజ్‌లో ఉన్నాడు. 10 ఓవర్ల తర్వాత భారత్‌ స్కోర్‌ 143/2గా ఉంది. భారత ఇన్నింగ్స్‌లో సంజూ శాంసన్‌ 7 బంతుల్లో 16, తిలక్‌ వర్మ 15 బంతుల్లో 24 పరుగులు చేసి ఔటయ్యారు. తిలక్‌ కాస్త పర్వాలేదనిపించగా.. శాంసన్‌ వరుసగా ఐదో ఇన్నింగ్స్‌లో తక్కువ స్కోర్‌కే ఔటయ్యాడు.37 బంతుల్లో శతక్కొట్టిన అభిషేక్‌హాఫ్‌ సెంచరీ తర్వాత పేట్రేగిపోయిన అభిషేక్‌ శర్మ 37 బంతుల్లో 5 ఫోర్లు, 10 సిక్సర్ల సాయంతో సెంచరీ పూర్తి చేశాడు. టీ20ల్లో భారత్‌ తరఫున ఇది రెండో వేగవంతమైన శతకం. టీ20ల్లో భారత్‌ తరఫున వేగవంతమైన సెంచరీ రికార్డు రోహిత్‌ శర్మ పేరిట ఉంది. హిట్‌మ్యాన్‌ 2017లో శ్రీలంకపై 35 బంతుల్లోనే శతక్కొట్టాడు. ఓవరాల్‌గా టీ20ల్లో ఫాస్టెస్ట్‌ సెంచరీ రికార్డు ఎస్టోనియాకు చెందిన సాహిల్‌ చౌహాన్‌ పేరిట ఉంది. గతేడాది చౌహాన్‌ సైప్రస్‌పై కేవలం 27 బంతుల్లోనే సెంచరీ చేశాడు. ‌15 ఓవర్ల తర్వాత టీమిండియా స్కోర్‌ 194/5. అభిషేక్‌ (108), రింకూ సింగ్‌ (1) క్రీజ్‌లో ఉన్నారు.

ఇంకా కెప్టెన్‌ సూర్యకుమార్‌(Suryakumar Yadav) ‘360 డిగ్రీ’ బ్యాటింగ్‌ బాకీ ఉంది. సంజూ శాంసన్‌(Sanju Samson) మెరుపు జోరు కనబర్చలేదు. హార్దిక్‌ పాండ్యా(Hardik Pandya) అసలు ఆట మిగిలే ఉంది. అయినాసరే భారత్‌ వరుసగా రెండు మ్యాచ్‌ల్లో నెగ్గింది. ఇప్పుడు సిరీస్‌ను కైవసం చేసుకునే పనిలో పడింది. ఒకవేళ ఈ ముగ్గురు గనక రాణిస్తే మూడో మ్యాచ్‌తోనే భారత్‌ ఐదు టీ20ల సిరీస్‌ను గెలుచుకునే అవకాశముంది. ఇప్పటికే ఒత్తిడిలో కూరుకుపోయిన ప్రత్యర్థి ఇంగ్లండ్‌పై ‘హ్యాట్రిక్‌’ విజయం, సిరీస్‌ కైవసం ఏమంత కష్టం కాకపోవచ్చు. వరుస విజయాలతో జోరుమీదున్న టీమిండియా ఇప్పుడు సిరీస్‌పైనే కన్నేసింది. రాజ్‌కోట్‌లో జరిగే మూడో టీ20లో గెలిచి ఇక్కడే సిరీస్‌ గెలవాలనే పట్టుదలతో బరిలోకి దిగుతోంది. స్టార్‌ ఆటగాళ్లు ఈ మ్యాచ్‌లో తమ వైఫల్యాల్ని అధిగమిస్తే ఇంగ్లండ్‌కు మూడో పరాజయం తప్పదేమో! ఇప్పటికే రెండు మ్యాచ్‌ల్లో ఓటమి బట్లర్‌ బృందాన్ని కుంగదీసింది.ఇప్పుడు సిరీస్‌లో నిలవాలంటే తప్పక గెలవాల్సిన క్లిష్టమైన పరిస్థితుల్లో ఉంది. అయితే ఇది పొట్టి ఫార్మాట్‌. ఏ క్షణంలోనైనా, ఏ ఓవరైనా ఉన్నపళంగా మార్చేయగలదు. కాబట్టి ఏ జట్టు తప్పక గెలుస్తుందనే గ్యారంటీ లేదు. గత రెండు మ్యాచ్‌ల్లోనూ ఇంగ్లండ్‌ ఓపెనింగ్‌ జోడీ సాల్ట్‌–డకెట్‌ విఫలమైంది. వారి ఓపెనింగ్‌లో గునక ‘పవర్‌ ప్లే’ కనబడితే భారత్‌కు సవాళ్లు తప్పవు. ఈ నేపథ్యంలో గత రెండో టీ20లాగే ఉత్కంఠరేపే సమరం జరిగొచ్చు.టాపార్డర్‌ రాణిస్తే... ఓపెనర్లలో అభిషేక్‌ శర్మ తొలి మ్యాచ్‌లో మెరిపించాడు. కానీ శాంసన్‌ నుంచే ఆ మెరుపులు కరువయ్యాయి. కెప్టెన్‌ సూర్యకుమార్‌ కూడా టీ20కి కాదుకదా... వన్డేకు సరిపడా ఆటకూడా చూపించలేకపోయాడు. ఈ ముగ్గురు మూకుమ్మడిగా రాణిస్తే మిడిలార్డర్‌ సంగతి చూసుకునేందుకు తిలక్‌ వర్మ, హర్దిక్‌ పాండ్యా, ధ్రువ్‌ జురేల్‌ ఉన్నారు.బ్యాటింగ్‌కు అచ్చొచ్చే పిచ్‌పై లోయర్‌ ఆర్డర్‌లో వైస్‌ కెప్టెన్‌ అక్షర్‌ పటేల్, వాషింగ్టన్‌ సుందర్‌లు కూడా దంచేసే అవకాశాన్ని పిచ్‌ కల్పిస్తుంది. గత మ్యాచ్‌ల్ని నిశితంగా గమనిస్తే... బ్యాటింగ్‌ కన్నా కూడా మన బౌలింగ్‌ దళం గట్టి ప్రభావమే చూపింది. ఇంగ్లండ్‌ టాపార్డర్‌ను తేలిగ్గా కూల్చేస్తుంది. అర్ష్‌దీప్, పాండ్యాలకు జతగా మరో సీమర్‌ను తీసుకోవాలనుకుంటే స్పిన్నర్‌ రవి బిష్ణోయ్‌ని పక్కన బెట్టొచ్చు.భారమంతా బ్యాటర్లపైనే... ఇంగ్లండ్‌ కూడా గత మ్యాచ్‌లో బౌలింగ్‌తో ఆకట్టుకుంది. హిట్టింగ్‌ ఓపెనర్లను కూల్చి, మిడిలార్డర్‌ను దెబ్బతీసి మ్యాచ్‌ను గెలిచేస్థితికి వచ్చేసింది. అయితే తిలక్‌ వర్మ పోరాటమే వారి శ్రమను నీరుగార్చింది. లేదంటే చెన్నైలోనే భారత్‌కు 1–1తో చెక్‌ పెట్టేది. కార్స్, మార్క్‌వుడ్, ఆర్చర్, రషీద్‌లతో కూడిన బౌలింగ్‌ దళం పటిష్టంగానే ఉంది.అయితే పరిస్థితి చక్కబెట్టాల్సింది... ఎదురుదాడికి దిగాల్సింది... బ్యాటర్లే! ఫిల్‌ సాల్ట్, డకెట్‌లు ఆషామాషీ ఓపెనర్లు కాదు. కానీ వారి ఫ్లాప్‌షో ముగిసి ‘ఫాస్ట్‌ షో’ మొదలైతే మాత్రం పరుగుల తుఫాన్‌ ఖాయం. బట్లర్, బ్రూక్, లివింగ్‌స్టోన్, స్మిత్, ఓవర్టన్, కార్స్, ఆర్చర్‌ ఇలా చెప్పుకుంటూ పోతే తొమ్మిదో వరుస బ్యాటింగ్‌ దాకా పరుగుల బాదే ఆటగాళ్లే జట్టుకు అందుబాటులో ఉన్నారు. కాబట్టి ఇంగ్లండ్‌ భారమంతా బ్యాటర్లపైనే ఉంది.పిచ్, వాతావరణం రాజ్‌కోట్‌ పిచ్‌ ఎప్పుడైనా బ్యాటింగ్‌కు స్వర్గధామం. ప్రత్యేకించి టీ20ల్లో పరుగుల వరద, మెరుపుల సరదా ఖాయం. బ్యాటర్‌ ఫ్రెండ్లీ వికెట్‌పై బౌలర్లకు కష్టాలు తప్పవు. గత రెండు మ్యాచ్‌ల్లో నమోదైన మోస్తరు స్కోరును సులువుగా అధిగమిస్తుందనడంలో ఎలాంటి అతిశయోక్తి లేదు.తుది జట్లు (అంచనా) భారత్‌సూర్యకుమార్‌ యాదవ్‌ (కెప్టెన్‌), సంజూ శాంసన్‌, అభిషేక్‌ శర్మ, తిలక్‌ వర్మ, ధ్రువ్‌ జురేల్, హార్దిక్‌ పాండ్యా, వాషింగ్టన్‌ సుందర్, అక్షర్ పటేల్‌, అర్ష్‌దీప్‌ సింగ్‌, రవి బిష్ణోయ్‌/షమీ, వరుణ్‌ చక్రవర్తి.ఇంగ్లండ్‌ తుదిజట్టు: బెన్ డకెట్, ఫిలిప్ సాల్ట్ (వికెట్ కీపర్‌), జోస్ బట్లర్ (కెప్టెన్‌), హ్యారీ బ్రూక్, లియామ్ లివింగ్‌స్టోన్, జామీ స్మిత్, జామీ ఓవర్టన్, బ్రైడన్ కార్సే, జోఫ్రా ఆర్చర్, ఆదిల్ రషీద్, మార్క్ వుడ్రాజ్‌కోట్‌ సూర్యకు ప్రత్యేకంరాజ్‌కోట్‌లో భారత జట్టు ఇప్పటి వరకు 5 టీ20 మ్యాచ్‌లు ఆడింది. ఇందులో 4 మ్యాచ్‌ల్లో (2013లో ఆస్ట్రేలియాపై; 2019లో బంగ్లాదేశ్‌పై; 2022లో దక్షిణాఫ్రికాపై; 2023లో శ్రీలంకపై) గెలిచిన టీమిండియా ఒక మ్యాచ్‌లో (2017లో న్యూజిలాండ్‌ చేతిలో) ఓడిపోయింది. ఈ మైదానంలో చివరిసారి 2023 జనవరి 7న శ్రీలంకతో జరిగిన మ్యాచ్‌లో భారత జట్టు 20 ఓవర్లలో 5 వికెట్లు కోల్పోయి 228 పరుగులు చేసింది. ప్రస్తుతం కెప్టెన్‌గా ఉన్న సూర్యకుమార్‌ యాదవ్‌ (51 బంతుల్లో 112 నాటౌట్‌; 7 ఫోర్లు, 9 సిక్స్‌లు) ఈ మ్యాచ్‌లో సెంచరీ చేయడం విశేషం.చదవండి: అప్పట్లో ఒకడుండేవాడు.. ఇప్పుడు తిలక్‌ వర్మ!: భారత మాజీ క్రికెటర్‌

ఇంగ్లండ్‌తో రెండో టీ20కి టీమిండియా(India Vs England 2nd T20) పూర్తి స్థాయిలో సన్నద్ధమైంది. విజయంతో ఆరంభించిన ఐదు మ్యాచ్‌ల సిరీస్‌లో ఆధిపత్యమే లక్ష్యంగా చెపాక్‌ బరిలో దిగనుంది. అయితే, చెన్నై మ్యాచ్‌కు ముందు భారత జట్టుకు ఎదురుదెబ్బ తగిలినట్లు తెలుస్తోంది.కోల్‌కతా వేదికగా జరిగిన తొలి టీ20లో విధ్వంసకర ఇన్నింగ్స్‌తో చెలరేగిన అభిషేక్‌ శర్మ(Abhishek Sharma) గాయపడినట్లు సమాచారం. ప్రాక్టీస్‌ సెషన్‌లో భాగంగా శుక్రవారం సాయంత్రం చిదంబరం స్టేడియంలో నెట్స్‌లో టీమిండియా ఆటగాళ్లు తీవ్రంగా శ్రమించారు.చీలమండ నొప్పిఈ సందర్భంగానే అభిషేక్‌ శర్మ గాయపడినట్లు తెలుస్తోంది. అతడి పాదం మెలిక పడగా.. చీలమండ నొప్పి(Ankle Injury)తో విలవిల్లాడాడు. ఈ క్రమంలో వెంటనే ఫిజియోలు వచ్చి అభిషేక్‌ను పరీక్షించారు. అనంతరం అతడు మైదానం వీడాడు. అయితే, మళ్లీ నెట్‌ సెషన్‌లో బ్యాటింగ్‌కు కూడా రాలేదు. ఈ నేపథ్యంలో శనివారం నాటి రెండో టీ20కి అభిషేక్‌ శర్మ అందుబాటులో ఉంటాడా లేదా అన్న అంశంపై సందిగ్దం నెలకొంది.సంజూకు జోడీ ఎవరు?ఒకవేళ అభిషేక్‌ శర్మ గనుక దూరమైతే సంజూ శాంసన్‌తో కలిసి కెప్టెన్‌ సూర్యకుమార్‌ యాదవ్‌ ఓపెనర్‌గా వస్తాడా? లేదంటే ప్రయోగాత్మకంగా ఇంకెవరినైనా టాపార్డర్‌కు ప్రమోట్‌ చేస్తాడా? అనే చర్చ జరుగుతోంది. కాగా ఈడెన్‌ గార్డెన్స్‌లో బుధవారం ఇంగ్లండ్‌తో జరిగిన తొలి టీ20లో టీమిండియా ఏడు వికెట్ల తేడాతో ఘన విజయం సాధించిన విషయం తెలిసిందే.తొలి టీ20లో అభిషేక్‌ ధనాధన్‌టాస్‌ గెలిచి తొలుత బౌలింగ్‌ చేసిన భారత జట్టు.. బట్లర్‌ బృందాన్ని 132 పరుగులకే ఆలౌట్‌ చేసింది. అనంతరం.. లక్ష్య ఛేదనలో సంజూ శాంసన్‌(20 బంతుల్లో 26) ఫర్వాలేదనిపించగా.. మరో ఓపెనర్‌ అభిషేక్‌ శర్మ ధనాధన్‌ దంచికొట్టాడు. మొత్తంగా 34 బంతులు ఎదుర్కొన్న 24 ఏళ్ల ఈ ఎడమచేతి వాటం బ్యాటర్‌.. 79 పరుగులతో దుమ్ములేపాడు. అతడి ఇన్నింగ్స్‌లో ఐదు ఫోర్లతో పాటు ఏకంగా ఎనిమిది సిక్సర్లు ఉండటం విశేషం.మిగతా వాళ్లలో కెప్టెన్‌ సూర్యకుమార్‌ డకౌట్‌ కాగా.. తిలక్‌ వర్మ 19, హార్దిక్‌ పాండ్యా 3 పరుగులతో అజేయంగా నిలిచి జట్టు విజయాన్ని ఖరారు చేశారు. ఈ క్రమంలో కేవలం మూడు వికెట్లు కోల్పోయిన టీమిండియా.. 12.5 ఓవర్లలోనే లక్ష్యాన్ని ఛేదించింది.షమీ వస్తాడా?కాగా టీమిండియలో పునగామనం కోసం ఎదురుచూస్తున్న సీనియర్‌ పేస్‌ బౌలర్‌ మహ్మద్‌ షమీకి కోల్‌కతాలో మొండిచేయి ఎదురైన విషయం తెలిసిందే. ముగ్గురు స్పిన్నర్లతో బరిలోకి దిగిన క్రమంలో షమీకి చోటు ఇవ్వలేకపోయినట్లు మేనేజ్‌మెంట్‌ వర్గాలు తెలిపాయి. ఇక అంతర్జాతీయ టీ20 క్రికెట్‌లో అద్భుత గణాంకాలు కలిగి ఉన్న యువ పేసర్‌ అర్ష్‌దీప్‌ ఒక్కడికే తుదిజట్టులో దక్కగా.. షమీ బెంచ్‌కే పరిమితమయ్యాడు.అయితే, తొలి టీ20లో ప్రభావం చూపలేకపోయినప్పటికీ రవి బిష్ణోయికి మరో అవకాశం ఇచ్చేందుకు యాజమాన్యం సిద్ధంగా ఉన్నట్లు తెలుస్తోంది. చెపాక్‌ పిచ్‌ స్పిన్నర్లకు ఎక్కువగా అనుకూలిస్తుంది కాబట్టి వరుణ్‌ చక్రవర్తి, అక్షర్‌ పటేల్‌లతో పాటు అతడినీ రెండో టీ20లో కొనసాగించే అవకాశం ఉంది. ఇక అభిషేక్‌ శర్మ గాయంతో దూరమైతే గనుక షమీని తుదిజట్టుకు ఎంపిక చేసే అవకాశం ఉంది. గత మ్యాచ్‌లో పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యా పొదుపుగా బౌలింగ్‌ చేయలేకపోయాడు. ఆరంభ ఓవర్లలో అర్ష్‌దీప్‌ త్వరత్వరగా వికెట్లు తీశాడు కాబట్టి సరిపోయింది. అందుకే ఈసారి అర్ష్‌దీప్‌తో పాటు షమీని కొత్త బంతితో బరిలోకి దించాలనే యోచనలో మేనేజ్‌మెంట్‌ ఉన్నట్లు తెలుస్తోంది. కాగా చెన్నైలో చిదంబరం స్టేడియం(చెపాక్‌)లో శనివారం రాత్రి ఏడు గంటలకు ఇండియా- ఇంగ్లండ్‌ మధ్య రెండో టీ20 ఆరంభం కానుంది.చదవండి: భారత్‌తో రెండో టీ20: ఇంగ్లండ్‌ తుదిజట్టు ప్రకటన.. అతడిపై వేటు

ఇంగ్లండ్‌ స్టార్‌ బౌలర్‌ జోఫ్రా ఆర్చర్‌(Jofra Archer)పై టీమిండియా అభిమానులు మండిపడుతున్నారు. ‘ఆడలేక మద్దెల ఓడు’ అన్నట్లుగా ఇంగ్లండ్‌ బ్యాటర్ల అసమర్థతను బాగానే కప్పి పుచ్చుతున్నావు అంటూ వ్యంగ్యాస్త్రాలు సంధిస్తున్నారు.దమ్ముంటే రెండో టీ20(India vs England)లో సత్తా చూపించాలంటూ సోషల్‌ మీడియా వేదికగా ఆర్చర్‌ను ట్రోల్‌ చేస్తున్నారు. టీమిండియా చేతిలో ఓటమిపై స్పందిస్తూ.. ఆర్చర్‌ ఒకింత వింత వ్యాఖ్యలు చేయడం ఇందుకు కారణం. అసలేం జరిగిందంటే..టీమిండియా ఘన విజయంఐదు టీ20లు, మూడు వన్డేల సిరీస్‌లు ఆడేందుకు ఇంగ్లండ్‌ భారత పర్యటనకు వచ్చిన విషయం తెలిసిందే. ఈ క్రమంలో ఇరుజట్ల మధ్య తొలుత టీ20 సిరీస్‌ ఆరంభం కాగా.. బుధవారం మొదటి మ్యాచ్‌ జరిగింది. కోల్‌కతాలోని ఈడెన్‌ గార్డెన్స్‌ వేదికగా సాగిన ఈ టీ20లో టీమిండియా ఘన విజయం సాధించింది. ఏడు వికెట్ల తేడాతో బట్లర్‌ బృందాన్ని చిత్తు చేసింది.ఆకాశమే హద్దుగా అభిషేక్‌ శర్మఈ మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకుంది. బౌలర్ల విజృంభణ కారణంగా ఇంగ్లండ్‌ను 132 పరుగులకే ఆలౌట్‌ చేసిన భారత్‌.. లక్ష్య ఛేదనలోనూ అదరగొట్టింది. మరో 43 బంతులు మిగిలి ఉండగానే 133 పరుగుల టార్గెట్‌ను పూర్తి చేసింది. ఓపెనర్లలో సంజూ శాంసన్‌(20 బంతుల్లో 26) ఫర్వాలేదనిపించగా.. అభిషేక్‌ శర్మ(Abhishek Sharma) ఆకాశమే హద్దుగా చెలరేగాడు.సుడిగాలి ఇన్నింగ్స్‌తో సూపర్‌ హాఫ్‌ సెంచరీ సాధించాడు. కేవలం 20 బంతుల్లోనే యాభై పరుగుల మార్కు అందుకున్న అభిషేక్‌ శర్మ.. మొత్తంగా 34 బంతుల్లో 79 పరుగులు సాధించాడు. ఈ లెఫ్టాండర్‌ బ్యాటర్‌ ఇన్నింగ్స్‌లో ఐదు ఫోర్లతో పాటు ఏకంగా ఎనిమిది సిక్సర్లు ఉండటం విశేషం.అయితే, ఆదిల్‌ రషీద్‌ బౌలింగ్‌లో హ్యారీ బ్రూక్‌కు క్యాచ్‌ ఇవ్వడంతో అభిషేక్‌ ఇన్నింగ్స్‌కు తెరపడింది. ఇక వన్‌డౌన్‌ బ్యాటర్‌ సూర్యకుమార్‌ యాదవ్‌ డకౌట్‌ కాగా.. తిలక్‌ వర్మ 19, హార్దిక్‌ పాండ్యా 3 పరుగులతో అజేయంగా నిలిచి లక్ష్యాన్ని పూర్తి చేశారు.జోఫ్రా ఆర్చర్‌కు వికెట్లుఇక టీమిండియా కోల్పోయిన మూడు వికెట్లలో రెండు జోఫ్రా ఆర్చర్‌కు దక్కాయి. సంజూ శాంసన్‌తో పాటు.. సూర్యకుమార్‌ యాదవ్‌లను ఈ రైటార్మ్‌ పేసర్‌ అవుట్‌ చేశాడు. ఈ నేపథ్యంలో ఓటమి అనంతరం జోఫ్రా ఆర్చర్‌ మాట్లాడుతూ.. అదృష్టం వల్లే టీమిండియా గెలిచిందన్న అర్థంలో వ్యాఖ్యానించాడు.అదృష్టం వల్లే గెలిచారు‘‘ఈరోజు మ్యాచ్‌లో మిగతా బౌలర్లతో పోలిస్తే పరిస్థితులు నాకు కాస్త అనుకూలంగానే ఉన్నాయి. మావాళ్లలో అందరూ బాగానే బౌలింగ్‌ చేశారు. అయితే, టీమిండియా బ్యాటర్ల అదృష్టం వల్ల వారికి భంగపాటు ఎదురైంది.టీమిండియా బ్యాటర్లు ఆడిన చాలా బంతులు గాల్లోకి లేచాయి. కానీ.. మేము సరిగ్గా క్యాచ్‌లు పట్టలేకపోయాం. తదుపరి మ్యాచ్‌లో మాత్రం కచ్చితంగా ఇలాంటి పొరపాట్లు చేయబోము. అన్ని క్యాచ్‌లు ఒడిసిపడతాం. అప్పుడు నలభై పరుగులకే ఆరు వికెట్లు కోల్పోయేలా చేస్తాం’’ అని జోఫ్రా ఆర్చర్‌ చెప్పుకొచ్చాడు.నిజానికి తొలి టీ20లో అభిషేక్‌ శర్మ ఇచ్చిన ఈజీ క్యాచ్‌ను మాత్రమే ఇంగ్లండ్‌ ఫీల్డర్లు జారవిడిచారు. తిలక్‌ వర్మ కూడా ఓసారి బంతిని గాల్లోకి లేపినా.. అదేమీ అంత తేలికైన క్యాచ్‌ కాదు. ఈ రెండు తప్ప టీమిండియా బ్యాటర్లు క్యాచ్‌లకు ఎక్కువగా అవకాశం ఇవ్వనే లేదు.అయినప్పటికీ అదృష్టం వల్లే టీమిండియా బ్యాటర్లు తప్పించుకున్నారంటూ ఆర్చర్‌ వ్యాఖ్యానించడం.. అభిమానుల ఆగ్రహానికి ప్రధాన కారణం. మరోవైపు.. ఇంగ్లండ్‌ కెప్టెన్‌ జోస్‌ బట్లర్‌ మాత్రం తమ బ్యాటింగ్‌ వైఫల్యం వల్లే ఓడిపోయామంటూ.. భారత బౌలర్లకు క్రెడిట్‌ ఇవ్వడం గమనార్హం.చదవండి: Rohit Sharma: వింటేజ్‌ ‘హిట్‌మ్యాన్‌’ను గుర్తు చేసి.. మరోసారి విఫలమై!

ఆస్ట్రేలియా మాజీ స్పిన్నర్‌ బ్రాడ్‌ హాగ్‌ టీమిండియా యువ సంచలనం తిలక్‌ వర్మ(Tilak Varma) గురించి ఆసక్తికర వ్యాఖ్యలు చేశాడు. అతడి ఆటంటే తనకెంతో ఇష్టమని.. టీ20లలో ఈ లెఫ్టాండర్‌ బ్యాటర్‌కు మంచి భవిష్యత్తు ఉందన్నాడు. పొట్టి ఫార్మాట్లో టీమిండియా భవిష్య కెప్టెన్‌గా తాను తిలక్‌నే ఎంచుకుంటానని బ్రాడ్‌ హాగ్‌ తెలిపాడు.ఐపీఎల్‌లో సత్తా చాటికాగా అండర్‌-19 వరల్డ్‌కప్‌లో సత్తా చాటిన హైదరాబాదీ స్టార్‌ తిలక్‌ వర్మ ముంబై ఇండియన్స్‌(Mumbai Indians) తరఫున ఇండియన్‌ ప్రీమియర్‌ లీగ్‌(ఐపీఎల్‌)లో అదరగొట్టాడు. అరంగేట్రంలోనే అద్భుతాలు చేసిన అతడు టీమిండియా సెలక్టర్ల దృష్టిని ఆకర్షించాడు. ఈ క్రమంలో 2023 ఆగష్టులో వెస్టిండీస్‌(West Indies Tour)తో జరిగిన టీ20 సిరీస్‌ సందర్భంగా అంతర్జాతీయ క్రికెట్‌లో అడుగుపెట్టాడు.సౌతాఫ్రికా గడ్డపై వరుస సెంచరీలుఅదే పర్యటనలో వన్డేల్లోనూ తిలక్‌ వర్మ ఎంట్రీ ఇచ్చాడు. ఇప్పటి వరకు టీమిండియా తరఫున మొత్తంగా 21 టీ20లు ఆడిన ఈ ఎడమచేతి వాటం బ్యాటర్‌.. 635 పరుగులు చేశాడు. ఇందులో ఏకంగా రెండు శతకాలు ఉండటం విశేషం. అంతేకాదు.. ఈ రెండూ కూడా సౌతాఫ్రికా గడ్డపై.. అదీ వరుస మ్యాచ్‌లలో సాధించడం అతడి ప్రతిభకు నిదర్శనం.ఇక ఇప్పటికి నాలుగు వన్డేలు పూర్తి చేసుకున్న 22 ఏళ్ల తిలక్‌ వర్మ 68 పరుగులు చేయగలిగాడు. ఇదిలా ఉంటే.. దేశవాళీ క్రికెట్‌లో హైదరాబాద్‌ జట్టుకు తిలక్‌ వర్మ కెప్టెన్‌గా బాధ్యతలు నిర్వర్తిస్తున్నాడు. ఇటీవల.. రంజీ ట్రోఫీ ప్లేట్‌ డివిజన్‌లో బ్యాటర్‌గా, సారథిగా సత్తా చాటి ఫైనల్‌కు చేర్చాడు.ఇక తిలక్‌ వర్మ ప్రస్తుతం స్వదేశంలో ఇంగ్లండ్‌తో టీ20 సిరీస్‌తో బిజీగా ఉన్నాడు. ఇరుజట్ల మధ్య కోల్‌కతాలో బుధవారం జరిగిన ఈ మ్యాచ్‌లో తిలక్‌ వర్మ 16 బంతుల్లో మూడు ఫోర్ల సాయంతో 19 పరుగులతో అజేయంగా నిలిచాడు. మార్క్‌వుడ్‌ బౌలింగ్‌లో ఫోర్‌ బాది టీమిండియా విజయాన్ని ఖరారు చేశాడు.టీమిండియా కెప్టెన్‌ కావడం ఖాయంఈ నేపథ్యంలో ఆస్ట్రేలియా మాజీ క్రికెటర్‌ బ్రాడ్‌ హాగ్‌ తిలక్‌ వర్మ గురించి ప్రస్తావిస్తూ.. ‘‘నాకు అత్యంత ఇష్టమైన యువ క్రికెటర్‌ తిలక్‌ వర్మ. టీ20 ఫార్మాట్లో అతడు టీమిండియాకు కెప్టెన్‌ కావడం ఖాయం. అతడు చాలా స్మార్ట్‌. అతడి క్రికెట్‌ బ్రెయిన్‌ సూపర్‌. అందుకే భవిష్య కెప్టెన్‌గా ఎదుగుతాడు’’ అని చెప్పుకొచ్చాడు.అభిషేక్‌ భేష్‌అదే విధంగా.. ఇంగ్లండ్‌తో తొలి టీ20లో అదరగొట్టిన అభిషేక్‌ శర్మను కూడా బ్రాడ్‌ హాగ్‌ ఈ సందర్భంగా అభినందించాడు. ‘‘కొన్నిసార్లు అతడు విఫలమైన మాట వాస్తవం. అయితే, కోచ్‌తో పాటు కెప్టెన్‌ మద్దతు ఉండటం అతడికి సానుకూలాంశం. ఎందుకంటే.. టీ20 క్రికెట్‌లో టాపార్డర్‌ బ్యాటర్‌ మెరుపు ఇన్నింగ్స్‌ ఆడాలని ఏ జట్టైనా కోరుకుంటుంది.ఓపెనింగ్‌ బ్యాటర్‌కు మేనేజ్‌మెంట్‌ కాస్త స్వేచ్ఛనిస్తుంది. పవర్‌ ప్లేలో పరుగులు రాబట్టి మంచి పునాది వేస్తే.. ఇన్నింగ్స్‌ సాఫీగా సాగుతుంది. అభిషేక్‌ శర్మ విధ్వంసకర ఓపెనర్‌. అతడు ఈరోజు అద్భుతంగా ఆడాడు. ఇలాగే మున్ముందూ కొనసాగాలి’’ అని బ్రాడ్‌ హాగ్‌ ఆకాంక్షించాడు.కాగా తొలి టీ20లో ఇంగ్లండ్‌ను టీమిండియా ఏడు వికెట్ల తేడాతో చిత్తు చేసింది. ఇక ఈ మ్యాచ్‌లో అభిషేక్‌ శర్మ 34 బంతుల్లోనే 79 పరుగులతో రాణించాడు. అతడి ఇన్నింగ్స్‌లో ఐదు ఫోర్లు, ఎనిమిది సిక్సర్లు ఉన్నాయి. స్ట్రైక్‌రేటు 232.35.చదవండి: అతడొక సూపర్‌స్టార్‌.. మా ఓటమికి కారణం అదే: బట్లర్‌

ఇంగ్లండ్‌తో ఐదు మ్యాచ్‌ల పొట్టి ఫార్మాట్‌ సిరీస్‌లో టీమిండియా(India Beat England) శుభారంభం చేసింది. కోల్‌కతా వేదికగా బుధవారం జరిగిన తొలి టీ20లో ఏడు వికెట్ల తేడాతో జయభేరి మోగించింది. తొలుత బౌలర్లు అద్భుత ప్రదర్శనతో ఇంగ్లండ్‌ను కట్టడి చేయగా.. లక్ష్య ఛేదనలో ఆకాశమే హద్దుగా చెలరేగి అభిషేక్‌ శర్మ విజయాన్ని నల్లేరు మీద నడకలా మార్చాడు.ఈ మ్యాచ్‌లో సత్తా చాటి భారత్‌ గెలుపులో కీలకపాత్ర పోషించిన అర్ష్‌దీప్‌ సింగ్‌(Arshdeep Singh), వరుణ్‌ చక్రవర్తి, అభిషేక్‌ శర్మలను టీమిండియా అభిమానులు హీరోలుగా అభివర్ణిస్తున్నారు. ఈ ముగ్గురి చక్కటి ఆట తీరు వినోదాన్ని పంచిందంటూ కితాబులిస్తున్నారు. ఇక వీరిలో వరుణ్‌ చక్రవర్తిని ‘ప్లేయర్‌ ఆఫ్‌ ది మ్యాచ్‌’ అవార్డు వరించిన విషయం తెలిసిందే.అభిషేక్‌ శర్మ లేదంటే వరుణ్?ఈ నేపథ్యంలో పాకిస్తాన్‌ మాజీ క్రికెటర్‌ బసిత్‌ అలీ(Basit Ali) ఆసక్తికర వ్యాఖ్యలు చేశాడు. తన దృష్టిలో ‘ప్లేయర్‌ ఆఫ్‌ ది మ్యాచ్‌ అవార్డు’కు అర్ష్‌దీప్‌ సింగ్‌ మాత్రమే అర్హుడని పేర్కొన్నాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘ఈ మ్యాచ్‌లో మ్యాన్‌ ఆఫ్‌ ది మ్యాచ్‌ ఎవరు?.. అభిషేక్‌ శర్మ లేదంటే వరుణ్?.. కానేకాదు..నా వరకైతే అర్ష్‌దీప్‌ మాత్రమే ఈ అవార్డుకు అర్హుడు. ఎందుకంటే.. ఇంగ్లండ్‌ టాపార్డర్‌ను అతడు కుప్పకూల్చాడు. ఒకరకంగా.. కేవలం మూడంటే మూడు ఓవర్లలోనే మ్యాచ్‌ను ముగించేశాడు’’ అని బసిత్‌ అలీ అర్ష్‌దీప్‌ సింగ్‌ను ప్రశంసించాడు.అత్యుత్తమంగా రాణించాడుఅదే విధంగా.. ‘‘వరుణ్‌ చక్రవర్తి కూడా బాగా బౌలింగ్‌ చేశాడు. మూడు వికెట్లు పడగొట్టాడు. అయినా సరే.. అద్భుతంగా బౌలింగ్‌ చేసింది మాత్రం అర్ష్‌దీప్‌ అనే చెబుతాను. అతడు ఈరోజు అత్యుత్తమంగా రాణించాడు. రవి బిష్ణోయి కూడా ఫరవాలేదు. వికెట్‌ తీయలేకపోయినా కాస్త పొదుపుగానే బౌల్‌ చేశాడు’’ అని బసిత్‌ అలీ పేర్కొన్నాడు.బౌలర్ల విజృంభణకాగా టీమిండియాతో తొలి టీ20లో టాస్‌ ఓడి తొలుత బ్యాటింగ్‌ చేసిన ఇంగ్లండ్‌ 132 పరుగులకే కుప్పకూలింది. ఓపెనర్లు ఫిల్‌ సాల్ట్‌(0), బెన్‌ డకెట్‌(4)లను వచ్చీ రాగానే అర్ష్‌దీప్‌ అవుట్‌ చేశాడు. ఆరంభంలోనే మూడు ఓవర్లు వేసిన ఈ లెఫ్టార్మ్‌ పేసర్‌.. రెండు వికెట్లతో సత్తా చాటాడు. మొత్తంగా నాలుగు ఓవర్ల కోటాలో కేవలం 17 పరుగులే మాత్రమే ఇచ్చాడు.మరోవైపు.. వరుణ్‌ చక్రవర్తి నాలుగు ఓవర్లు పూర్తి చేసి 23 పరుగులు ఇచ్చి మూడు వికెట్లు పడగొట్టాడు. మిగతా వాళ్లలో హార్దిక్‌ పాండ్యా(2/42), అక్షర్‌ పటేల్‌(2/22) రెండేసి వికెట్లు తమ ఖాతాలో వేసుకున్నారు. ఇక వికెట్‌ కీపర్‌ సంజూ శాంసన్‌ ఆదిల్‌ రషీద్‌ రనౌట్‌లో భాగమయ్యాడు.బ్యాటర్ల సత్తాఇక లక్ష్య ఛేదనలో టీమిండియాకు ఓపెనర్లు సంజూ శాంసన్‌, అభిషేక్‌ శర్మ శుభారంభం అందించారు. సంజూ వేగంగా(20 బంతుల్లో 26) ఆడి జోఫ్రా ఆర్చర్‌ బౌలింగ్‌లో అవుట్‌ కాగా.. అభిషేక్‌ మాత్రం ధనాధన్‌ ఇన్నింగ్స్‌తో దుమ్ములేపాడు. కేవలం 34 బంతుల్లోనే ఐదు ఫోర్లు, ఎనిమిది సిక్సర్లసాయంతో 79 పరుగులు చేశాడు. కెప్టెన్‌ సూర్య​కుమార్‌ యాదవ్‌(0) డకౌట్‌ కాగా.. తిలక్‌ వర్మ(9*) , హార్దిక్‌ పాండ్యా(3*) అజేయంగా నిలిచి పనిపూర్తి చేశారు.చదవండి: అతడే ఎక్స్‌ ఫ్యాక్టర్‌.. జట్టులో కొనసాగించండి: భారత మాజీ క్రికెటర్‌

టీమిండియా యువ ఓపెనర్‌ అభిషేక్‌ శర్మపై భారత మాజీ క్రికెటర్‌ పీయూష్‌ చావ్లా(Piyush Chawla) ప్రశంసలు కురిపించాడు. అతడు గనుక బ్యాట్‌ ఝులిపిస్తే అది కచ్చితంగా మ్యాచ్‌ విన్నింగ్సే అవుతుందని కొనియాడాడు. విధ్వంసకర బ్యాటింగ్‌తో విరుచుకుపడుతున్న ఈ ఎడమచేతి వాటం బ్యాటర్‌ను సుదీర్ఘకాలం టీ20 జట్టులో కొనసాగించాలని టీమిండియా మేనేజ్‌మెంట్‌కు విజ్ఞప్లి చేశాడు.ఇండియన్‌ ప్రీమియర్‌ లీగ్‌(ఐపీఎల్‌)-2024లో సన్‌రైజర్స్‌ హైదరాబాద్‌ తరఫున సత్తా చాటిన అభిషేక్‌ శర్మ.. గతేడాది జూలైలో టీమిండియా తరఫున అరంగేట్రం చేశాడు. జింబాబ్వేతో టీ20 సిరీస్‌ సందర్భంగా తన తొలి అంతర్జాతీయ క్రికెట్‌ మ్యాచ్‌ ఆడిన ఈ పంజాబీ బ్యాటర్‌ డకౌట్‌ అయి విమర్శల పాలయ్యాడు. అయితే, అదే వేదికపై శతకంతో చెలరేగి తానేంటో నిరూపించుకున్నాడు.సంజూకు కెప్టెన్‌ మద్దతుఅయితే, ఆ తర్వాత కూడా అభిషేక్‌ శర్మ స్థాయికి తగ్గట్లు రాణించలేకపోయాడు. ఇక టీ20 జట్టులో ఓపెనింగ్‌ జోడీగా సంజూ శాంసన్‌(Sanju Samson)తో పాటు అభిషేక్‌ను మేనేజ్‌మెంట్‌ ఆడిస్తున్న విషయం తెలిసిందే. వికెట్‌ కీపర్‌గా సంజూనే కొనసాగిస్తామని ఇప్పటికే కెప్టెన్‌ సూర్యకుమార్‌ యాదవ్‌ స్పష్టం చేశాడు. దీంతో అతడికి ఢోకా లేనట్లే.జైస్వాల్‌ రూపంలో ముప్పుఈ నేపథ్యంలో ఇంగ్లండ్‌తో టీ20 సిరీస్‌లో గనుక విఫలమైతే అభిషేక్‌ శర్మకు కష్టాలు తప్పవని మాజీ ఓపెనర్‌ ఆకాశ్‌ చోప్రా అభిప్రాయపడ్డాడు. మరో లెఫ్టాండర్‌ బ్యాటర్‌ అయిన యశస్వి జైస్వాల్‌(Yashasvi Jaiswal) రూపంలో అతడికి ముప్పు పొంచి ఉందని పేర్కొన్నాడు. ఇంగ్లండ్‌తో సిరీస్‌లో బ్యాట్‌ ఝులిపిస్తేనే మరికొంతకాలం జట్టుతో కొనసాగగలడని అంచనా వేశాడు.ఇరవై బంతుల్లోనే అందుకు తగ్గట్లుగానే అభిషేక్‌ శర్మ తొలి టీ20లోనే దుమ్ములేపాడు. కేవలం ఇరవై బంతుల్లోనే యాభై పరుగులు పూర్తి చేసుకున్న అతడు.. మొత్తంగా 34 బంతులు ఎదుర్కొని 79 రన్స్‌ సాధించాడు. ఇందులో ఐదు ఫోర్లు, ఎనిమిది సిక్స్‌లు ఉండటం విశేషం.ఈ నేపథ్యంలో జియో సినిమా షోలో భారత మాజీ స్పిన్నర్‌ పీయూష్‌ చావ్లా అభిషేక్‌ శర్మ ఆట తీరును ప్రశంసించాడు. ‘‘అభిషేక్‌ హై- రిస్క్‌ బ్యాటర్‌. ఒకవేళ అతడు పరుగుల వరద పారించాడంటే.. ఆ మ్యాచ్‌లో జట్టు గెలవాల్సిందే.ఎక్స్‌- ఫ్యాక్టర్‌ ప్లేయర్‌అభిషేక్‌ శర్మ ఎక్స్‌- ఫ్యాక్టర్‌ ప్లేయర్‌. 20-22 బంతుల్లోనే 60 పరుగులు చేయగలడు. ఇలాంటి వాళ్లను జట్టులో సుదీర్ఘకాలం కొనసాగించాలి. ఈరోజు అతడు కాస్త నెమ్మదిగానే ఇన్నింగ్స్‌ మొదలుపెట్టి ఉండవచ్చు. కానీ కేవలం ఇరవై బంతుల్లోనే అర్ధ శతకం పూర్తి చేసుకున్నాడు.అతడి ఆట తీరు ఎలా ఉంటుందో చెప్పడానికి ఇదొక చక్కటి నిదర్శనం. అతడి ఆడిన షాట్లు కూడా చూడముచ్చటగా ఉన్నాయి’’ అని పీయూష్‌ చావ్లా కితాబులిచ్చాడు. కాగా ఇంగ్లండ్‌తో కోల్‌కతాలో జరిగిన తొలి టీ20లో టీమిండియా ఏడు వికెట్ల తేడాతో గెలుపొందింది. టాస్‌ గెలిచి తొలుత బౌలింగ్‌ చేసిన భారత్‌.. ప్రత్యర్థిని 132 పరుగులకే ఆలౌట్‌ చేసింది. అనంతరం.. లక్ష్య ఛేదనకు దిగిన టీమిండియా 12.5 ఓవర్లలోనే పని పూర్తి చేసింది. అభిషేక్‌ శర్మ(79) మెరుపు ఇన్నింగ్స్‌ కారణంగా వేగంగా టార్గెట్‌ను ఛేదించింది. ఇక ఇంగ్లండ్‌ను కట్టడి చేయడంలో కీలక పాత్ర పోషించిన మూడు వికెట్ల వీరుడు, మిస్టరీ స్పిన్నర్‌ వరుణ్‌ చక్రవర్తికి ‘ప్లేయర్‌ ఆఫ్‌ ది మ్యాచ్‌’ అవార్డు దక్కింది. చదవండి: అతడొక సూపర్‌స్టార్‌.. మా ఓటమికి కారణం అదే: బట్లర్‌

టీమిండియాతో తొలి టీ20లో ఓటమిపై ఇంగ్లండ్‌ కెప్టెన్‌ జోస్‌ బట్లర్‌(Jos Buttler) స్పందించాడు. పరుగులు రాబట్టేందుకు వీలుగా ఉన్న పిచ్‌ మీద సత్తా చాటలేకపోయామని విచారం వ్యక్తం చేశాడు. ప్రత్యర్థిపై ఒత్తిడి పెంచడంలో విఫలమయ్యామన్న బట్లర్‌.. ఆరంభంలోనే కీలక వికెట్లు కోల్పోవడం ప్రభావం చూపిందని తెలిపాడు. ఏదేమైనా భారత బౌలర్లు అద్భుతంగా ఆడారని.. తదుపరి మ్యాచ్‌లో తాము తిరిగి పుంజుకుంటామని పేర్కొన్నాడు.అర్ష్‌దీప్‌ అదరగొడితే..కాగా ఐదు టీ20ల సిరీస్‌లో భాగంగా ఇండియా- ఇంగ్లండ్‌ మధ్య బుధవారం తొలి మ్యాచ్‌ జరిగింది. ​కోల్‌కతాలోని చారిత్రాత్మక ఈడెన్‌ గార్డెన్స్‌(Eden Gardens)లో జరిగిన పోరులో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన ఇంగ్లండ్‌కు భారత పేసర్‌ అర్ష్‌దీప్‌ సింగ్‌ ఆదిలోనే షాకిచ్చాడు. ఓపెనర్లలో ఫిల్‌ సాల్ట్‌(0)ను డకౌట్‌ చేసిన ఈ లెఫ్టార్మ్‌ పేసర్‌.. అనంతరం బెన్‌ డకెట్‌(4)ను కూడా పెవిలియన్‌కు పంపాడు.వరుణ్‌ విశ్వరూపం ప్రదర్శించాడుఅర్ష్‌దీప్‌తో పాటు మిస్టరీ స్పిన్నర్‌, ‘ప్లేయర్‌ ఆఫ్‌ ది మ్యాచ్‌’ వరుణ్‌ చక్రవర్తి(Varun Chakravarthy) కూడా విశ్వరూపం ప్రదర్శించాడు. వరుస బంతుల్లో లివింగ్‌స్టోన్‌(0)తో పాటు హ్యారీ బ్రూక్‌(17)ను అవుట్‌ చేశాడు. అదే విధంగా.. కొరకాని కొయ్యగా మారిన కెప్టెన్‌ బట్లర్‌(44 బంతుల్లో 8 ఫోర్లు, 2 సిక్సర్లతో 68) వికెట్‌ను కూడా తన ఖాతాలో వేసుకున్నాడు. మిగతా వాళ్లలో హార్దిక్‌ పాండ్యా, అక్షర్‌ పటేల్‌ రెండేసి వికెట్లు తీశారు.ఈ క్రమంలో నిర్ణీత 20 ఓవర్లలో ఇంగ్లండ్‌ కేవలం 132 పరుగులు మాత్రమే చేసి ఆలౌట్‌ అయింది. అనంతరం లక్ష్య ఛేదనలో టీమిండియా ఆది నుంచే దూకుడు కనబరిచింది. అభిషేక్‌ శర్మ ధనాధన్‌సంజూ శాంసన్‌ (20 బంతుల్లో 26) వేగంగా ఇన్నింగ్స్‌ మొదలుపెట్టగా.. అభిషేక్‌ శర్మ అద్భుత హాఫ్‌ సెంచరీతో చెలరేగాడు. కేవలం 34 బంతుల్లోనే ఈ లెఫ్టాండర్‌ బ్యాటర్‌ 5 ఫోర్లు, 8 సిక్సర్లు బాది 79 పరుగులు చేశాడు.కెప్టెన్‌ సూర్యకుమార్‌ యాదవ్‌(0) విఫలం కాగా.. తిలక్‌ వర్మ(19), హార్దిక్‌ పాండ్యా(3) నాటౌట్‌గా నిలిచి జట్టును విజయతీరాలకు చేర్చారు. అభిషేక్‌ ధాటికి 12.5 ఓవర్లలో కేవలం మూడు వికెట్ల నష్టానికి టీమిండియా 133 పరుగులు చేసింది. తద్వారా ఏడు వికెట్ల తేడాతో ఇంగ్లండ్‌ను ఓడించి.. 1-0తో ఆధిక్యంలోకి వెళ్లింది.ఒత్తిడి పెంచలేకపోయాం.. ఓటమికి కారణం అదేఈ నేపథ్యంలో జోస్‌ బట్లర్‌ స్పందిస్తూ.. ‘‘టీమిండియాపై ఒత్తిడి పెంచలేకపోయాం. నిజంగా వాళ్లు అద్భుతంగా బౌలింగ్‌ చేశారు. ఇక మా జట్టులోని కొంత మంది.. కొందరు భారత స్పిన్నర్లను ఎదుర్కోవడం ఇదే తొలిసారి. వాస్తవానికి.. వికెట్‌ బాగానే ఉంది. ఫాస్ట్‌ స్కోరింగ్‌ గ్రౌండ్‌ ఇది.కానీ మేము ఆరంభంలోనే రెండు కీలక వికెట్లు కోల్పోవడం ప్రభావం చూపింది. టీ20 క్రికెట్‌లో మేము మరింత దూకుడుగా బ్యాటింగ్‌ చేస్తాం. అయితే, అల్ట్రా- అగ్రెసివ్‌ జట్టుతో పోటీలో ఈరోజు వెనుకబడిపోయాం. ఏదేమైనా టీమిండియాతో పోరు రసవత్తరంగా ఉంటుంది. తదుపరి మ్యాచ్‌లలో కచ్చితంగా రాణిస్తాం. ప్రతీ వేదికపై విభిన్న పిచ్‌ పరిస్థితులు ఉంటాయి.జోఫ్రా ఆర్చర్‌ సూపర్‌స్టార్‌మా జట్టులో జోఫ్రా ఆర్చర్‌ మెరుగ్గా బౌలింగ్‌ చేశాడు. అతడొక సూపర్‌స్టార్‌. ప్రత్యర్థిని కచ్చితంగా భయపెట్టగలడు. ముందుగా చెప్పినట్లు మేము తిరిగి పుంజుకుంటాం’’ అని పేర్కొన్నాడు. బ్యాటర్ల వైఫల్యం కారణంగానే తమకు ఓటమి ఎదురైనట్లు బట్లర్‌ చెప్పుకొచ్చాడు.కాగా తొలి టీ20లో ఇంగ్లండ్‌ స్పీడ్‌స్టర్‌ జోఫ్రా ఆర్చర్‌ సంజూ, సూర్య రూపంలో రెండు కీలక వికెట్లు తీశాడు. అభిషేక్‌ శర్మ వికెట్‌ను ఆదిల్‌ రషీద్‌ దక్కించుకున్నాడు. ఇక ఇండియా- ఇంగ్లండ్‌ మధ్య చెన్నై వేదికగా శనివారం రెండో టీ20 జరుగనుంది.చదవండి: NADA: డోపింగ్‌ పరీక్షలు.. బుమ్రా, సూర్య, పంత్‌, సంజూ శాంసన్‌.. ఇంకా..𝗔 𝗱𝗼𝗺𝗶𝗻𝗮𝘁𝗶𝗻𝗴 𝘀𝗵𝗼𝘄 𝗮𝘁 𝘁𝗵𝗲 𝗘𝗱𝗲𝗻 𝗚𝗮𝗿𝗱𝗲𝗻𝘀! 💪 💪#TeamIndia off to a flying start in the T20I series, sealing a 7⃣-wicket win! 👏 👏Follow The Match ▶️ https://t.co/4jwTIC5zzs#INDvENG | @IDFCFIRSTBank pic.twitter.com/hoUcLWCEIP— BCCI (@BCCI) January 22, 2025

ఇంగ్లండ్‌తో ఐదు మ్యాచ్‌ల టీ20 సిరీస్‌ను టీమిండియా అద్భుత‌మైన విజ‌యంతో ఆరంభించింది. కోల్‌క‌తా వేదిక‌గా జ‌రిగిన తొలి టీ20లో ఇంగ్లండ్‌ను 7 వికెట్ల తేడాతో భార‌త్ చిత్తు చేసింది. 133 ప‌రుగుల స్వ‌ల్ప ల‌క్ష్యాన్ని టీమిండియా కేవ‌లం 3 వికెట్లు మాత్ర‌మే కోల్పోయి 12.5 ఓవర్లలోనే ఊదిప‌డేసింది. భార‌త బ్యాట‌ర్ల‌లో అభిషేక్ శర్మ (34 బంతుల్లో 5 ఫోర్లు,8 సిక్స్‌లతో 79) విధ్వంసకర ఇన్నింగ్స్ ఆడ‌గా.. సంజూ శాంసన్(20 బంతుల్లో 4 ఫోర్లు, సిక్స్‌తో 26), తిలక్ వర్మ(16 బంతుల్లో 3 ఫోర్లతో 19 నాటౌట్) రాణించారు.ఇంగ్లండ్ బౌల‌ర్ల‌లో జోఫ్రా ఆర్చర్ రెండు వికెట్లు తీయ‌గా.. స్పిన్న‌ర్ అదిల్ ర‌షీద్ ఒక్క వికెట్ సాధించాడు. అంత‌కుముందు బ్యాటింగ్ చేసిన ఇంగ్లండ్ నిర్ణీత 20 ఓవర్లలో 132 పరుగులకు ఆలౌటైంది. కెప్టెన్ జోస్ బట్లర్(44 బంతుల్లో 8 ఫోర్లు, 2 సిక్స్‌లతో 68) టాప్ స్కోర‌ర్‌గా నిల‌వ‌గా.. మిగితా బ్యాట‌ర్లంతా దారుణంగా విఫ‌ల‌మ‌య్యారు.భారత బౌలర్లలో వరుణ్‌​ చక్రవర్తి మూడు వికెట్లు పడగొట్టగా.. అక్షర్ పటేల్‌, అర్ష్‌దీప్ సింగ్, హార్దిక్ పాండ్యా తలా రెండు వికెట్లు తీశారు. ఇక ఈ విజ‌యంపై మ్యాచ్ అనంతరం టీమిండియా కెప్టెన్ సూర్య‌కుమార్ యాద‌వ్(suryakumar yadav) స్పందించాడు. త‌మ ప్ర‌ణాళిక‌ల‌ను స‌రిగ్గా అమ‌లు చేసినందుకు సంతోషంగా ఉంద‌ని సూర్య చెప్పుకొచ్చాడు."సిరీస్‌ను విజ‌యంతో ఆరంభించినందుకు సంతోషంగా ఉంది. మా విజ‌యంలో టాస్ కూడా కీల‌క పాత్ర పోషించింద‌నే చెప్పాలి. టాస్ గెలిచి బౌలింగ్ ఎంచుకోవ‌డం మాకు స‌త్ప‌లితాల‌ను ఇచ్చింది. ఆరంభంలోనే అర్ష్‌దీప్ రెండు వికెట్లు ప‌డ‌గొట్టి మాకు ఒక ప్లాట్ ఫామ్ సెట్ చేశాడు.ఈ మ్యాచ్‌లో మా బౌల‌ర్లంద‌రూ త‌మ ప్రణాళికలను స‌రిగ్గా అమ‌లు చేశారు. ఆ త‌ర్వాత మా బ్యాట‌ర్లు కూడా అద్బుతంగా ఆడారు. గ‌త సిరీస్‌లో ద‌క్షిణాఫ్రికాపై ఇదే త‌ర‌హా బ్యాటింగ్ చేశాము. ముఖ్యంగా అభిషేక్ గురుంచి ఎంత చెప్పుకున్న త‌క్కువే. అత‌డి స‌త్తా ఎంటో మాకు ముందే తెలుసు. ఇక కొత్త బంతితో బౌలింగ్ చేయాల్సిన బాధ్యత హార్దిక్ పాండ్యాపై ఉందని మాకు తెలుసు. అందుకే ముందు జాగ్రత్తగా అదనపు స్పిన్నర్‌తో బరిలోకి దిగాము. ముగ్గురు స్పిన్నర్లు కూడా ప్రస్తుతం అద్బుతమైన ఫామ్‌లో ఉన్నాడు. వరుణ్ చక్రవర్తి తన సూపర్ ఫామ్‌ను కొనసాగిస్తున్నాడు. అర్ష్‌దీప్ సింగ్ అదనపు బాధ్యతలు తీసుకుని రాణిస్తున్నాడు. మాకు గౌతీ భాయ్‌(గౌతం గంభీర్‌) పూర్తి స్వేఛ్చను ఇచ్చాడు. మేము టీ20 వరల్డ్‌కప్‌-2024 కంటే కొంచెం భిన్నంగా ఆడాలనుకుంటున్నాము. ఫీల్డింగ్‌లో కూడా మేము చాలా మెరుగుపడ్డాము. అందుకోసం సెషన్లలో ఫీల్డింగ్ కోచ్‌తో కలిసి తీవ్రంగా శ్రమిస్తున్నాము. హాఫ్ ఛాన్స్‌లను కూడా క్యాచ్‌లగా మార్చేందుకు ప్రయత్నిస్తున్నాము" అని పోస్ట్ మ్యాచ్ కాన్ఫరెన్స్‌లో సూర్య పేర్కొన్నాడు.చదవండి: IND vs ENG: చరిత్ర సృష్టించిన అభిషేక్‌.. ప్రపంచంలోనే తొలి ప్లేయర్‌గా

ఈడెన్ గార్డెన్స్ వేదిక‌గా ఇంగ్లండ్‌తో జ‌రిగిన తొలి టీ20లో 7 వికెట్ల తేడాతో భార‌త్(Teamindia) ఘ‌న విజ‌యం సాధించింది. ఈ మ్యాచ్‌లో టీమిండియా యువ ఓపెన‌ర్ అభిషేక్ శర్మ(Abhishek Sharma) అద్భుతమైన నాక్ ఆడాడు. 133 ప‌రుగుల ల‌క్ష్య చేధ‌న‌లో అభిషేక్ శ‌ర్మ ఆకాశ‌మే హ‌ద్దుగా చెల‌రేగాడు. ప్ర‌త్య‌ర్ధి బౌల‌ర్ల‌ను శ‌ర్మ ఊచ‌కోత కోశాడు. అత‌డిని ఆప‌డం ఇంగ్లండ్ బౌల‌ర్ల త‌రం కాలేదు.ఈ క్ర‌మంలో అభిషేక్ కేవలం 20 బంతుల్లో తన హాఫ్ సెంచ‌రీ మార్క్‌ను అందుకున్నాడు. ఓవ‌రాల్‌గా 34 బంతుల్లు ఎదుర్కొన్న ఈ పంజాబీ బ్యాట‌ర్ 5 ఫోర్లు, 8 సిక్స‌ర్ల‌తో 79 ప‌రుగులు చేసి ఔట‌య్యాడు. ఈ మ్యాచ్‌లో విధ్వంసం సృష్టించిన అభిషేక్ శర్మ పలు అరుదైన రికార్డులను తన పేరిట లిఖించుకున్నాడు.అభిషేక్‌ సాధించిన రికార్డులు ఇవే..👉భారత గడ్డపై టీ20 మ్యాచ్‌లో అత్యంత వేగవంతమైన ఇన్నింగ్స్ (70+ పరుగులు) ఆడిన ప్లేయర్‌గా అభిషేక్ రికార్డు సృష్టించాడు. ఇంతకముందు ఈ రికార్డు దక్షిణాఫ్రికా స్టార్‌ ఆటగాడు డేవిడ్‌ మిల్లర్‌ పేరిట ఉండేది. 2022లో గౌహతి వేదికగా భారత్‌తో జరిగిన టీ20 మ్యాచ్‌లో మిల్లర్‌ 225.53 స్ట్రైక్ రేట్‌తో అజేయంగా 106 పరుగులు చేశాడు. తాజా మ్యాచ్‌లో 232.35 స్ట్రైక్ రేట్‌తో 79 పరుగులు చేసిన అభిషేక్‌.. మిల్లర్‌ వరల్డ్‌ రికార్డును బ్రేక్‌ చేశాడు.👉రన్-ఛేజ్ సమయంలో టీ20 మ్యాచ్‌లో అత్యంత వేగంగా(70+ ర‌న్స్‌) ప‌రుగులు చేసిన భార‌త ఆట‌గాడిగా అభిషేక్ చ‌రిత్ర సృష్టించాడు. ఇంతకుముందు ఈ రికార్డు కూడా యువరాజ్ పేరిట ఉండేది. 2013లో ఆస్ట్రేలియాపై యువరాజ్ సింగ్ 35 బంతుల్లో 77 పరుగులు (220.00 స్ట్రైక్ రేట్) చేయగా.. తాజా మ్యాచ్‌లో అభిషేక్ 34 బంతుల్లో 79 (232.35 స్ట్రైక్ రేట్) పరుగులు చేశాడు. దీంతో యువీ ఆల్‌టైమ్ రికార్డు బద్దులు అయింది.👉ఇంగ్లండ్ జట్టుపై టీ20 ఇన్నింగ్స్ లో అత్యధిక సిక్సర్లు కొట్టిన భారత్ బ్యాటర్ గా అభిషేక్ రికార్డులకెక్కాడు. గతంలో ఈ రికార్డు దిగ్గజ క్రికెటర్ యువరాజ్ సింగ్‌ పేరిట ఉండేది. 2007 టీ20 ప్రపంచకప్‌లో ఇంగ్లండ్‌పై యువీ 7 సిక్స‌ర్ల బాదాడు. తాజా మ్యాచ్‌తో త‌న మెంటార్ యువ‌రాజ్ ఆల్‌టైమ్ రికార్డును శ‌ర్మ బ్రేక్ చేశాడు. కాగా యువీ గైడెన్స్‌లోనే అభిషేక్ మ‌రింత‌ రాటుదేలాడు.👉టీ20ల్లో ఇంగ్లండ్‌పై భార‌త త‌రపున రెండో వేగవంతమైన హాఫ్‌ సెంచరీ చేసిన ఆటగాడిగా అభిషేక్ శ‌ర్మ‌ నిలిచాడు. ఈ క్ర‌మంలో కేఎల్ రాహుల్ రికార్డును శ‌ర్మ బ్రేక్ చేశాడు. 2018లో మాంచెస్టర్‌లో జరిగిన టీ20లో ఇంగ్లండ్‌పై రాహుల్ 27 బంతుల్లోనే అర్ధ శతకం సాధించ‌గా.. తాజా మ్యాచ్‌లో అభిషేక్ కేవ‌లం 20 బంతుల్లోనే త‌న హాఫ్ సెంచ‌రీ మార్క్‌ను అందుకున్నాడు. కాగా ఈ అరుదైన ఫీట్ సాధించిన జాబితాలో యువ‌రాజ్ సింగ్ అగ్ర‌స్ధానంలో ఉన్నాడు. 2007 టీ20 ప్ర‌పంచ‌క‌ప్‌లో యువీ కేవ‌లం 12 బంతుల్లోనే హాఫ్ సెంచ‌రీతో మెరిశాడు.ఊది పడేసిన భారత్‌..ఇక ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన ఇంగ్లండ్‌ నిర్ణీత 20 ఓవర్లలో 132 పరుగులకు ఆలౌటైంది. భారత బౌలర్లలో వరుణ్‌​ చక్రవర్తి మూడు వికెట్లు పడగొట్టగా.. అక్షర్ పటేల్‌, అర్ష్‌దీప్ సింగ్, హార్దిక్ పాండ్యా తలా రెండు వికెట్లు సాధించారు.ఇంగ్లండ్ బ్యాట‌ర్ల‌లో కెప్టెన్ జోస్ బ‌ట్ల‌ర్‌(44 బంతుల్లో 8 ఫోర్లు, 2 సిక్స్‌లతో 68 పరుగులు) టాప్‌ స్కోరర్‌గా నిలిచాడు. మిగితా బ్యాట‌ర్లంతా దారుణంగా విఫ‌ల‌మ‌య్యారు. ఇక 133 పరుగుల స్వల్ప లక్ష్యాన్ని భారత్‌ కేవలం రెండు వికెట్లు మాత్రమే కోల్పోయి 12.5 ఓవర్లలలోనే ఊదిపడేసింది. భారత బ్యాటర్లలో అభిషేక్‌​ శర్మతో పాటు సంజూ శాంసన్‌(26), తిలక్‌ వర్మ(19 నాటౌట్‌) దూకుడుగా ఆడారు.చదవండి: ENG vs IND: ఆరంభం అదిరింది.. తొలి టీ20లో ఇంగ్లండ్‌ చిత్తు

టి20 వరల్డ్‌ చాంపియన్‌ భారత్‌ మరోసారి తమ స్థాయికి తగ్గ ఆటతో అదరగొట్టింది. ఈడెన్‌ గార్డెన్స్‌ మైదానంలో కిక్కిరిసిన ప్రేక్షకుల మధ్య ఏకపక్షంగా సాగిన పోరులో ఇంగ్లండ్‌ను చిత్తు చేసింది. కట్టుదిట్టమైన పేస్, స్పిన్‌తో ప్రత్యర్థిని తక్కువ స్కోరుకే పరిమితం చేసిన టీమిండియా... ఆపై దూకుడైన బ్యాటింగ్‌తో మరో 43 బంతులు మిగిలి ఉండగానే లక్ష్యాన్ని ఛేదించింది. భారీ బ్యాటింగ్‌ బలగం ఉన్న ఇంగ్లండ్‌ కనీస స్థాయి ప్రదర్శన కూడా ఇవ్వలేక చేతులెత్తేసింది. అర్ష్ దీప్ , వరుణ్‌ చక్రవర్తి బౌలింగ్‌తో పాటు అభిషేక్‌ శర్మ మెరుపు ప్రదర్శన భారత జట్టును ఐదు మ్యాచ్‌ల సిరీస్‌లో 1–0తో ఆధిక్యంలో నిలిపాయి. రెండో టి20 మ్యాచ్‌ శనివారం చెన్నైలో జరుగుతుంది. కోల్‌కతా: ఇంగ్లండ్‌తో మొదలైన టి20 సిరీస్‌లో భారత్‌ 1–0తో ముందంజ వేసింది. బుధవారం జరిగిన తొలి పోరులో భారత్‌ 7 వికెట్ల తేడాతో ఇంగ్లండ్‌పై ఘన విజయం సాధించింది. టాస్‌ ఓడి ముందుగా బ్యాటింగ్‌కు దిగిన ఇంగ్లండ్‌ 20 ఓవర్లలో 132 పరుగులకు ఆలౌటైంది. జోస్‌ బట్లర్‌ (44 బంతుల్లో 68; 8 ఫోర్లు, 2 సిక్స్‌లు) మినహా మిగతా వారంతా విఫలమయ్యారు. వరుణ్‌ చక్రవర్తికి 3 వికెట్లు దక్కగా...అర్ష్ దీప్ , అక్షర్‌ పటేల్, హార్దిక్‌ పాండ్యా తలా 2 వికెట్లు తీశారు. అనంతరం భారత్‌ 12.5 ఓవర్లలో 3 వికెట్లకు 133 పరుగులు సాధించి గెలిచింది. అభిషేక్‌ శర్మ (34 బంతుల్లో 79; 5 ఫోర్లు, 8 సిక్స్‌లు) సిక్సర్లతో చెలరేగి జట్టును గెలిపించాడు. భారత బౌలర్ల జోరు... లెఫ్టార్మ్‌ పేసర్‌ అర్ష్ దీప్ ‌ పదునైన బంతులతో ఆరంభంలోనే ఇంగ్లండ్‌ను దెబ్బ తీశాడు. తొలి ఓవర్లో ఫిల్‌ సాల్ట్‌ (0)ను అవుట్‌ చేసిన అతను, తన రెండో ఓవర్లో డకెట్‌ (4)ను వెనక్కి పంపించాడు. బట్లర్, బ్రూక్‌ (17) కలిసి కొద్దిసేపు జట్టును ఆదుకునే ప్రయత్నం చేశారు. పాండ్యా ఓవర్లో నాలుగు ఫోర్లతో బట్లర్‌ దూకుడు ప్రదర్శించాడు. అయితే ఆ తర్వాత వరుణ్‌ చక్రవర్తి స్పిన్‌కు ఇంగ్లండ్‌ కుదేలైంది. ఒకే ఓవర్లో అతను బ్రూక్, లివింగ్‌స్టోన్‌ (0)లను డగౌట్‌కు పంపించాడు. అనంతరం ఒక ఎండ్‌లో ఇంగ్లండ్‌ వరుసగా వికెట్లు కోల్పోగా... బట్లర్‌ ఒక్కడే పోరాడగలిగాడు. 34 బంతుల్లో అతని అర్ధ సెంచరీ పూర్తయింది. ఆపై పాండ్యా, అక్షర్‌ మెరుగైన బౌలింగ్‌కు తోడు చక్కటి ఫీల్డింగ్‌ కారణంగా ఇంగ్లండ్‌ 26 పరుగుల వ్యవధిలో తర్వాతి 4 వికెట్లు చేజార్చుకుంది. మెరుపు బ్యాటింగ్‌... అట్కిన్సన్‌ వేసిన రెండో ఓవర్లో సంజు సామ్సన్‌ (20 బంతుల్లో 26; 4 ఫోర్లు, 1 సిక్స్‌) చెలరేగిపోయాడు. ఈ ఓవర్లో వరుసగా 4, 4, 0, 6, 4, 4 బాదిన అతను 22 పరుగులు రాబట్టాడు. అయితే ఒకే ఓవర్లో సామ్సన్, సూర్యకుమార్‌ (0)లను అవుట్‌ చేసి ఆర్చర్‌ దెబ్బ తీశాడు. వుడ్‌ ఓవర్లో అభి షేక్‌ 2 సిక్స్‌లు, ఫోర్‌ కొట్టడంతో పవర్‌ప్లేలో భారత్‌ 63 పరుగులు చేసింది. ఆ తర్వాత 29 పరుగుల వద్ద ఆదిల్‌ రషీద్‌ రిటర్న్‌ క్యాచ్‌ వదిలేయడంతో బతికిపోయిన అభిషేక్‌ తర్వాతి మూడు బంతుల్లో వరుసగా 4, 6, 6 బాదాడు. ఆపై మరో సిక్స్‌తో 20 బంతుల్లోనే హాఫ్‌ సెంచరీని అందుకున్నాడు. ఆ తర్వాతా దూకుడుగా ఆడిన అభిషేక్‌ భారత విజయానికి 8 పరుగుల దూరంలో అవుటయ్యాడు. షమీకు నో చాన్స్‌!ఫిట్‌నెస్‌ నిరూపించుకొని దాదాపు 14 నెలల విరామం తర్వాత భారత జట్టులోకి వచి్చన సీనియర్‌ పేస్‌ బౌలర్‌ మొహమ్మద్‌ షమీకి ఇంకా మ్యాచ్‌ ఆడే అవకాశం మాత్రం రాలేదు. ఇంగ్లండ్‌తో తొలి టి20 కోసం ప్రకటించిన టీమ్‌లో అనూహ్యంగా అతనికి చోటు దక్కలేదు. దీనికి మేనేజ్‌మెంట్‌ ఎలాంటి కారణం చెప్పలేదు. జట్టు కూర్పులో భాగంగా అతడిని పక్కన పెట్టారా లేక పూర్తిగా కోలుకోలేదా అనే విషయంపై స్పష్టత లేదు.97 అంతర్జాతీయ టి20ల్లో అర్ష్ దీప్ ‌ సింగ్‌ వికెట్ల సంఖ్య. భారత్‌ తరఫున అత్యధిక వికెట్లు సాధించిన ఆటగాడిగా అతను నిలిచాడు. ఇప్పటి వరకు అగ్రస్థానంలో ఉన్న యుజువేంద్ర చహల్‌ (96)ను అర్ష్ దీప్ ‌ అధిగమించాడు. స్కోరు వివరాలుఇంగ్లండ్‌ ఇన్నింగ్స్‌: సాల్ట్‌ (సి) సామ్సన్‌ (బి) అర్ష్ దీప్ ‌ 0; డకెట్‌ (సి) రింకూ (బి) అర్ష్ దీప్ ‌ 4; బట్లర్‌ (సి) నితీశ్‌ రెడ్డి (బి) వరుణ్‌ 68; బ్రూక్‌ (బి) వరుణ్‌ 17; లివింగ్‌స్టోన్‌ (బి) వరుణ్‌ 0; బెతెల్‌ (సి) అభిషేక్‌ (బి) పాండ్యా 7; ఒవర్టన్‌ (సి) నితీశ్‌ రెడ్డి (బి) అక్షర్‌ 2; అట్కిన్‌సన్‌ (స్టంప్డ్‌) సామన్‌ (బి) అక్షర్‌ 2; ఆర్చర్‌ (సి) సూర్యకుమార్‌ (బి) పాండ్యా 12; రషీద్‌ (నాటౌట్‌) 8; వుడ్‌ (రనౌట్‌) 1; ఎక్స్‌ట్రాలు 11; మొత్తం (20 ఓవర్లలో ఆలౌట్‌) 132. వికెట్ల పతనం: 1–0, 2–17, 3–65, 4–65, 5–83, 6–95, 7–103, 8–109, 9–130, 10–132. బౌలింగ్‌: అర్ష్ దీప్ ‌ సింగ్‌ 4–0–17–2, హార్దిక్‌ పాండ్యా 4–0–42–2, వరుణ్‌ చక్రవర్తి 4–0–23–3, అక్షర్‌ పటేల్‌ 4–1–22–2, రవి బిష్ణోయ్‌ 4–0–22–0. భారత్‌ ఇన్నింగ్స్‌: సామ్సన్‌ (సి) అట్కిన్సన్‌ (బి) ఆర్చర్‌ 26; అభిషేక్‌ శర్మ (సి) బ్రూక్‌ (బి) రషీద్‌ 79; సూర్యకుమార్‌ (సి) సాల్ట్‌ (బి) ఆర్చర్‌ 0; తిలక్‌వర్మ (నాటౌట్‌) 19; పాండ్యా (నాటౌట్‌) 3; ఎక్స్‌ట్రాలు 6; మొత్తం (12.5 ఓవర్లలో 3 వికెట్లకు) 133. వికెట్ల పతనం: 1–41, 2–41, 3–125. బౌలింగ్‌: జోఫ్రా ఆర్చర్‌ 4–0–21–2, అట్కిన్సన్‌ 2–0–38–0, మార్క్‌ వుడ్‌ 2.5–0–25–0, రషీద్‌ 2–0–27–1, ఒవర్టన్‌ 1–0–10–0, లివింగ్‌స్టోన్‌ 1–0–7–0.

అభిషేక్‌ శర్మ(Abhishek Sharma)కు ఇంగ్లండ్‌తో టీ20 సిరీస్‌ ఎంతో కీలకమని భారత మాజీ క్రికెటర్‌ ఆకాశ్‌ చోప్రా అన్నాడు. ఈ సిరీస్‌లో గనుక విఫలమైతే ఈ పంజాబీ బ్యాటర్‌ భవిష్యత్తు ప్రశ్నార్థకం అవుతుందని పేర్కొన్నాడు. కాబట్టి ఈసారి అభిషేక్‌ శర్మ తీవ్రమైన ఒత్తిడిలో మునిగిపోవడం ఖాయమన్న ఆకాశ్‌ చోప్రా(Aakash Chopra).. సవాళ్లను అధిగమిస్తే మాత్రం మరికొన్ని రోజులు టీమిండియాలో కొనసాగుతాడని అభిప్రాయపడ్డాడు.అరంగేట్రంలో డకౌట్‌.. ఆ వెంటనే సెంచరీగతేడాది జూలైలో జింబాబ్వేతో టీ20 సిరీస్‌ సందర్భంగా.. అభిషేక్‌ శర్మ టీమిండియా తరఫున అంతర్జాతీయ క్రికెట్‌లో అడుగుపెట్టాడు. తొలి మ్యాచ్‌లోనే డకౌట్‌ అయిన ఈ ఎడమచేతి వాటం బ్యాటర్‌.. మరుసటి మ్యాచ్‌లో సెంచరీ బాది సత్తా చాటాడు. ఆ తర్వాత మళ్లీ ఆ స్థాయిలో బ్యాట్‌ ఝులిపించలేకపోయాడు.ఇక ఇప్పటి వరకు 12 టీ20లు పూర్తి చేసుకున్న అభిషేక్‌ వర్మ కేవలం 256 పరుగులకే పరిమితం అయ్యాడు. తాజాగా ఇంగ్లండ్‌తో టీ20 సిరీస్‌ ఆడే భారత జట్టులో చోటు దక్కించుకున్న ఈ ఓపెనింగ్‌ బ్యాటర్‌ ఏ మేరకు రాణిస్తాడనేది ఆసక్తికరంగా మారింది. ఈ నేపథ్యంలో మాజీ ఓపెనర్‌ ఆకాశ్‌ చోప్రా మాట్లాడుతూ అభిషేక్‌ తనను నిరూపించుకోవడానికి ఇదే ఆఖరి అవకాశం కావొచ్చని అభిప్రాయపడ్డాడు.అతడికి ఊపిరి కూడా ఆడనివ్వడు‘‘ఈసారి కూడా సెలక్టర్లు అభిషేక్‌ శర్మపై నమ్మకం ఉంచారు. అతడిని జట్టులో కొనసాగించడం నాకూ నచ్చింది. అయితే, అతడు ఇప్పుడు చావోరేవో తేల్చుకోవాల్సిన స్థితిలో ఉన్నాడు. ఏమాత్రం అవకాశం దొరికినా యశస్వి జైస్వాల్‌(Yashasvi Jaiswal) టీ20 జట్టులోకి దూసుకువచ్చేందుకు సిద్ధంగా ఉన్నాడు.కాబట్టి అభిషేక్‌కు అతడితో పోటీ ఊపిరాడనివ్వదనడంలో సందేహం లేదు. యశస్వి జైస్వాల్‌ కూడా లెఫ్టాండర్‌ బ్యాటర్‌ కావడం అభిషేక్‌ శర్మకు మరో మైనస్‌. జైసూ మూడు ఫార్మాట్లకు తగిన ఆటగాడు. టెస్టు, టీ20లలో సూపర్‌ ఫామ్‌లో ఉన్నాడు.అలా అయితే వృథానేఇక వన్డేల్లో కూడా అరంగేట్రానికి సిద్ధమయ్యాడు’’ అని పేర్కొన్నాడడు. ఇక ఇంగ్లండ్‌తో వన్డే సిరీస్‌ కోసమే.. టీ20లలో అతడికి విశ్రాంతినిచ్చారేమోనన్న అభిప్రాయాలు ఉన్నాయన్నాడు ఆకాశ్‌ చోప్రా. ఒకవేళ ఇంగ్లండ్‌తో వన్డేల్లో శుబ్‌మన్‌ గిల్‌- రోహిత్‌ శర్మనే ఇన్నింగ్స్‌ ఆరంభిస్తే.. జైసూను ఐసీసీ చాంపియన్స్‌ ట్రోఫీకి ఎంపిక చేసినందుకు ఫలితం ఉండదని పేర్కొన్నాడు.ఒకే జట్టుతో ఆడతామన్న టీమిండియా సారథిఏదేమైనా యశస్వి జైస్వాల్‌ మాత్రం తిరిగి టీ20 జట్టులోకి వస్తే.. అభిషేక్‌ శర్మకు కష్టాలు తప్పవని ఆకాశ్‌ చోప్రా అభిప్రాయపడ్డాడు. ఇ దిలా ఉంటే.. టీమిండియా టీ20 కెప్టెన్‌ సూర్యకుమార్‌ యాదవ్‌ వ్యాఖ్యలు మాత్రం ఇందుకు భిన్నంగా ఉన్నాయి. టీ20 ప్రపంచకప్‌నకు సన్నద్ధమయ్యే క్రమంలో ఒకే జట్టుతో ఆడేందుకు తాము సుముఖంగా ఉన్నట్లు వెల్లడించాడు. అయితే, ఆకాశ్‌ చోప్రా అన్నట్లు అభిషేక్‌ శర్మ మరోసారి విఫలమైతే అతడిపై వేటు తప్పకపోవచ్చు. కాగా బుధవారం(జనవరి 22) నుంచి ఇండియా- ఇంగ్లండ్‌ మధ్య టీ20 సిరీస్‌ మొదలుకానుంది.చదవండి: జైస్వాల్‌కు చోటు.. తర్వాతి తరం ‘ఫ్యాబ్‌ ఫోర్‌’ వీరే: ఇంగ్లండ్‌ మాజీ కెప్టెన్లు

దేశవాళీ వన్డే టోర్నమెంట్‌ విజయ్‌ హజారే ట్రోఫీ 2024-25 సీజన్‌లో పంజాబ్‌ ఓపెనర్లు ప్రభ్‌సిమ్రన్‌ సింగ్‌(Prabhsimran Singh)- అభిషేక్‌ శర్మ(Abhishek Sharma) దుమ్ములేపుతున్నారు. అద్బుత బ్యాటింగ్‌తో ప్రత్యర్థి జట్ల బౌలింగ్‌ను ఊచకోత కోస్తూ పరుగుల వరద పారిస్తున్నారు. ఈ క్రమంలో ఇటీవలే లిస్ట్‌-‘ఎ’ క్రికెట్‌లో ఈ ఓపెనింగ్‌ జోడీ అరుదైన రికార్డు సాధించింది.సౌరాష్ట్రతో మ్యాచ్‌ సందర్భంగా తొలి వికెట్‌కు 298 పరుగుల భాగస్వామ్యం నెలకొల్పిన అభిషేక్‌- ప్రభ్‌సిమ్రన్‌.. విజయ్‌ హజారే ట్రోఫీ(Vijay Hazare trophy)లో మొదటి వికెట్‌కు అత్యధిక పరుగులు జోడించిన రెండో జంటగా నిలిచారు. ఇక తాజాగా హైదరాబాద్‌తో శుక్రవారం నాటి మ్యాచ్‌లోనూ ఈ జోడీ ధనాధన్‌ దంచికొట్టింది.మళ్లీ శతక్కొట్టాడు!అహ్మదాబాద్‌ వేదికగా హైదరాబాద్‌ జట్టు టాస్‌ గెలిచి పంజాబ్‌ను తొలుత బ్యాటింగ్‌కు ఆహ్వానించింది. ఈ క్రమంలో ప్రభ్‌సిమ్రన్‌ సింగ్‌ మెరుపు శతకం బాదగా.. కెప్టెన్‌ అభిషేక్‌ శర్మ సెంచరీకి ఏడు పరుగుల దూరంలో నిలిచిపోయాడు. కాగా ప్రభ్‌సిమ్రన్‌ 105 బంతుల్లో ఏకంగా 20 ఫోర్లు, 3 సిక్సర్ల సాయంతో 137 పరుగులు చేశాడు. అభిషేక్‌ 72 బంతులు ఎదుర్కొని ఏడు ఫోర్లు, ఆరు సిక్స్‌లు బాది 93 రన్స్‌ చేశాడు. ఇద్దరూ కలిసి 145 బంతుల్లో 196 పరుగుల భాగస్వామ్యం నమోదు చేశారు.426 పరుగుల భారీ స్కోరుమిగిలిన బ్యాటర్లలో అన్మోల్‌ప్రీత్‌ సింగ్‌(46), రమణ్‌దీప్‌ సింగ్‌(80), నేహాల్‌ వధేరా(35 నాటౌట్‌), నమన్‌ ధీర్‌(14 నాటౌట్‌) రాణించారు. ఫలితంగా నిర్ణీత 50 ఓవర్లలో పంజాబ్‌ జట్టు కేవలం నాలుగు వికెట్లు నష్టపోయి ఏకంగా 426 పరుగుల భారీ స్కోరు సాధించింది.అత్యధిక పరుగుల వీరుడిగాహైదరాబాద్‌ బౌలర్లలో ముదస్సిర్‌, శరణు నిశాంత్‌, అనికేత్‌ రెడ్డి, తనయ్‌ త్యాగరాజన్‌ ఒక్కో వికెట్‌ దక్కించుకున్నారు. ఇదిలా ఉంటే.. హైదరాబాద్‌తో మ్యాచ్‌లో శతక్కొట్టిన ప్రభ్‌సిమ్రన్‌ సింగ్‌ విజయ్‌ హజారే ట్రోఫీ తాజా ఎడిషన్‌లో అత్యధిక పరుగుల వీరుడిగా అవతరించాడు. ఇప్పటి వరకు ఆరు మ్యాచ్‌లు ఆడి సగటున 473 పరుగులు పూర్తి చేసుకున్నాడు. ఇందులో మూడు శతకాలు ఉన్నాయి. అత్యధిక స్కోరు 150 నాటౌట్‌. మరోవైపు.. పంజాబ్‌ సారథి అభిషేక్‌ శర్మ ఒక సెంచరీ, రెండు ఫిఫ్టీల సాయంతో 397 పరుగులు సాధించాడు. అత్యధిక స్కోరు 170. ఏకంగా 644 పరుగులుఇక ఈ ప్రదర్శనలతో.. ఇంగ్లండ్‌తో స్వదేశంలో టీమిండియా పరిమిత ఓవర్ల సిరీస్‌కు ముందు ప్రభ్‌సిమ్రన్‌ సింగ్‌- అభిషేక్‌ శర్మ భారత సెలక్టర్లకు గట్టి సందేశం పంపించినట్లయింది. భీకర ఫామ్‌లో ఉన్న టీమిండియా ఆటగాడు అభిషేక్‌ శర్మ ఇంగ్లండ్‌తో టీ20లలో ఆడటం ఖాయంగానే అనిపిస్తున్నా.. ఈసారైనా ప్రభ్‌సిమ్రన్‌ను సెలక్టర్లు కనికరిస్తారేమో చూడాలి!కాగా విజయ్‌ హజారే ట్రోఫీలో గత మూడు మ్యాచ్‌లలో కలిపి ప్రభ్‌సిమ్రన్‌ సింగ్‌- అభిషేక్‌ శర్మ జోడీ ఏకంగా 644 పరుగులు(150, 298, 196) సాధించడం విశేషం. ఇక ప్రస్తుతం ఆస్ట్రేలియాతో బోర్డర్‌- గావస్కర్‌ ట్రోఫీతో బిజీగా ఉన్న టీమిండియా తదుపరి సొంతగడ్డపై ఇంగ్లండ్‌తో టీ20, వన్డే సిరీస్‌లు ఆడనుంది.చదవండి: కొన్‌స్టాస్‌ ఓవరాక్షన్‌.. బుమ్రా ఆన్‌ ఫైర్‌!.. నాతో పెట్టుకుంటే ఇలాగే ఉంటది!

టీమిండియా యువ ఓపెనర్‌, పంజాబ్‌ కెప్టెన్‌ అభిషేక్‌ శర్మ(Abhishek Sharma) విధ్వంసకర శతకంతో మెరిశాడు. సౌరాష్ట్ర బౌలింగ్‌ను చీల్చి చెండాడుతూ ఫోర్లు, సిక్సర్ల వర్షం కురిపించాడు. అభిషేక్‌తో పాటు మరో ఓపెనర్‌ ప్రభ్‌సిమ్రన్‌ సింగ్‌(Prabhsimran Singh) కూడా ఆకాశమే హద్దుగా చెలరేగి.. శతక్కొట్టాడు. ఈ క్రమంలో అభిషేక్‌- ప్రభ్‌సిమ్రన్‌ జోడీ విజయ్‌ హజారే ట్రోఫీ(Vijay Hazare Trophy 2024-25- వీహెచ్‌టీ)లో సరికొత్త రికార్డు సాధించింది.కాగా దేశవాళీ వన్డే టోర్నమెంట్‌ వీహెచ్‌టీలో భాగంగా పంజాబ్‌ మంగళవారం నాటి మ్యాచ్‌లో సౌరాష్ట్ర జట్టుతో తలపడుతోంది. అహ్మదాబాద్‌లోని గుజరాత్‌ కాలేజ్‌ గ్రౌండ్‌లో జరుగుతున్న ఈ మ్యాచ్‌లో టాస్‌ గెలిచిన సౌరాష్ట్ర తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన పంజాబ్‌కు ఓపెనర్లు అభిషేక్‌ శర్మ, ప్రభ్‌సిమ్రన్‌ సింగ్‌ అదిరిపోయే ఆరంభం అందించారు.అరవై బంతుల్లోనేఅభిషేక్‌ శర్మ అరవై బంతుల్లోనే వంద పరుగుల మార్కు అందుకున్నాడు. మొత్తంగా 96 బంతులు ఎదుర్కొని 22 ఫోర్లు, 8 సిక్సర్ల సాయంతో 170 పరుగులు సాధించాడు. మరో ఎండ్‌ నుంచి అభిషేక్‌కు సహకారం అందించిన ప్రభ్‌సిమ్రన్‌ సింగ్‌.. 95 బంతుల్లో 125 పరుగులతో చెలరేగాడు. అతడి ఇన్నింగ్స్‌లో 11 ఫోర్లు, 8 సిక్సర్లు ఉండటం విశేషం.అరుదైన రికార్డుఈ క్రమంలో అభిషేక్‌ శర్మ- ప్రభ్‌సిమ్రన్‌ కలిసి తొలి వికెట్‌కు 298 పరుగుల రికార్డు భాగస్వామ్యం నెలకొల్పారు. తద్వారా విజయ్‌ హజారే ట్రోఫీ చరిత్రలో తొలి వికెట్‌కు అత్యధిక పరుగులు(highest first-wicket partnership) జోడించిన రెండో జంటగా నిలిచారు. బెంగాల్‌ బ్యాటర్లు సుదీప్‌ ఘరామి- అభిమన్యు ఈశ్వరన్‌ 2022లో సాధించిన రికార్డును సమం చేశారు.వీరిది మాత్రం ప్రపంచ రికార్డుఇక ఈ టోర్నీలో తొలి వికెట్‌కు అత్యధికంగా 416 పరుగులు జతచేసిన జోడీ తమిళనాడు స్టార్లు నారాయణ్‌ జగదీశన్‌, బి. సాయి సుదర్శన్‌ టాప్‌లో కొనసాగుతున్నారు. కేవలం విజయ్‌ హజారే ట్రోఫీలోనే కాకుండా లిస్ట్‌- ‘ఎ’ క్రికెట్‌లో హయ్యస్ట్‌ పార్ట్‌నర్‌షిప్‌ సాధించిన జంటగా వీరు ప్రపంచ రికార్డు కూడా సాధించారు.300 పైచిలుకు స్కోరుఇదిలా ఉంటే..ప్రణవ్‌ కరియా బౌలింగ్‌లో జే గోహిల్‌కు క్యాచ్‌ ఇవ్వడంతో ప్రభ్‌సిమ్రన్‌ సింగ్‌ తొలి వికెట్‌గా వెనుదిరిగాడు. ఇక మరోసారి ప్రణవ్‌ కరియా తన స్పిన్‌ మాయాజాలం ప్రదర్శించగా.. రుచిత్‌ అహిర్‌కు క్యాచ్‌ ఇచ్చి అభిషేక్‌ శర్మ రెండో వికెట్‌గా వెనుదిరిగాడు. ఇక అభిషేక్‌- ప్రభ్‌సిమ్రన్‌ సింగ్‌ ఊచకోత కారణంగా పంజాబ్‌ కేవలం 34 ఓవర్లలోనే 300 పరుగుల మార్కు దాటింది.వరుస విజయాలకు కర్ణాటక బ్రేక్‌కాగా విజయ్‌ హజారే ట్రోఫీ 2024-25 సీజన్‌లో పంజాబ్‌ తొలి మ్యాచ్‌లో అరుణాచల్‌ ప్రదేశ్‌పై తొమ్మిది వికెట్ల తేడాతో గెలిచింది. తదుపరి నాగాలాండ్‌ను ఐదు వికెట్ల తేడాతో ఓడించింది. అనంతరం కర్ణాటకతో ఆఖరి వరకు ఉత్కంఠగా సాగిన పోరులో ఒక్క వికెట్‌ తేడాతో ఓటమిపాలైంది. ఆ తర్వాత ముంబైని ఎనిమిది వికెట్ల తేడాతో చిత్తు చేసి మళ్లీ విజయాల బాట పట్టింది. తాజాగా సౌరాష్ట్రతో మ్యాచ్‌లోనూ గెలుపొంది గ్రూప్‌-‘సి’లో మరింత పటిష్ట స్థితికి చేరాలని పట్టుదలగా ఉంది.చదవండి: టెస్టులకు రోహిత్‌ శర్మ గుడ్‌బై!?.. ప్రకటనకు రంగం సిద్ధం!

సన్‌రైజర్స్‌ హైదరాబాద్‌ ఆటగాడు, టీమిండియా టీ20 ప్లేయర్‌ అభిషేక్‌ శర్మ ఓ లోకల్‌ టీ20 టోర్నమెంట్‌లో (టైమ్స్‌ షీల్డ్‌ టోర్నీ) చెలరేగిపోయాడు. తాజాగా జరిగిన ఓ మ్యాచ్‌లో అభిషేక్‌ 22 బంతుల్లో 60 పరుగులు చేశాడు. అభిషేక్‌ భారీ షాట్లు అడుతున్న వీడియో ఒకటి సోషల్‌మీడియాలో చక్కర్లు కొడుతుంది. ఈ వీడియోలొ అభిషేక్‌ ఆడిన షాట్లు చూస్తుంటే ఐపీఎల్‌ 2025 సీజన్‌ కోసం గట్టిగానే కసరత్తు చేస్తున్నాడనిపిస్తుంది.ABHISHEK SHARMA SHOW IN TIMES SHIELD TOURNAMENT...!!! 🙇- While playing in the red ball, Abhishek smashed 60 runs from just 22 balls, preparing hard for the 2025 season. pic.twitter.com/smqEHcOxNl— Johns. (@CricCrazyJohns) December 10, 2024అభిషేక్‌ ఇటీవల సౌతాఫ్రికాతో జరిగిన టీ20 సిరీస్‌లోనూ పర్వాలేదనిపించాడు. ఈ సిరీస్‌లోని తొలి రెండు మ్యాచ్‌ల్లో విఫలమైన అభిషేక్‌.. చివరి రెండు మ్యాచ్‌ల్లో తన ప్రతాపం చూపించాడు. మూడో టీ20లో 25 బంతుల్లో 3 ఫోర్లు, 5 సిక్సర్ల సాయంతో 50 పరుగులు చేసిన అభిషేక్‌.. నాలుగో మ్యాచ్‌లో 18 బంతుల్లో 2 ఫోర్లు, 4 సిక్సర్ల సాయంతో 36 పరుగులు చేశాడు. ఈ సిరీస్‌ను సూర్యకుమార్‌ యాదవ్‌ నేతృత్వంలోని టీమిండియా 3-1 తేడాతో కైవసం చేసుకుంది.అభిషేక్‌ ఐపీఎల్‌ ప్రదర్శన విషయానికొస్తే.. గత సీజన్‌లో అభిషేక్‌ చెలరేగిపోయాడు. సన్‌రైజర్స్‌ హైదరాబాద్‌ ఫైనల్‌కు చేరడంలో అభిషేక్‌ కీలకపాత్ర పోషించాడు. ఈ సీజన్‌లో మొత్తం 16 మ్యాచ్‌లు ఆడిన అభిషేక్‌.. 204.22 స్ట్రయిక్‌ రేట్‌తో 484 పరుగులు చేశాడు. ఇందులో మూడు హాఫ్‌ సెంచరీలు ఉన్నాయి. అభిషేక్‌ గత మూడు ఐపీఎల్‌ సీజన్లుగా రాణిస్తూ వస్తున్నాడు. అందుకే సన్‌రైజర్స్‌ అతన్ని వేలానికి వదిలి పెట్టకుండా అట్టిపెట్టుకుంది. ఐపీఎల్‌ కెరీర్‌లో మొత్తం 63 మ్యాచ్‌లు ఆడిన అభిషేక్‌.. 155.24 స్ట్రయిక్‌రేట్‌తో 1377 పరుగులు చేశాడు.

టీమిండియా యంగ్‌ ఓపెనర్‌ అభిషేక్‌ శర్మ భారత టీ20 జట్టు సారధి సూర్యకుమార్‌ యాదవ్‌ పేరిట ఉన్న ఓ రికార్డును బద్దలు కొట్టాడు. అభిషేక్‌ ఓ క్యాలెండర్‌ ఇయర్‌లో అత్యధిక సిక్సర్లు (టీ20ల్లో) బాదిన బ్యాటర్‌గా సరికొత్త రికార్డు నెలకొల్పాడు. గతంలో ఈ రికార్డు సూర్యకుమార్‌ యాదవ్‌ పేరిట ఉండేది. స్కై 2022లో 41 ఇన్నింగ్స్‌ల్లో 85 సిక్సర్లు (టీ20ల్లో) బాదగా.. అభిషేక్‌ ఈ ఏడాది కేవలం 38 ఇన్నింగ్స్‌ల్లోనే 87 సిక్సర్లు కొట్టాడు. టీ20ల్లో ఓ క్యాలెండర్‌ ఇయర్‌లో అత్యధిక సిక్సర్లు బాదిన భారత ఆటగాళ్ల జాబితాలో అభిషేక్‌ అగ్రస్థానంలో ఉండగా.. స్కై వరుసగా రెండు, మూడు స్థానాల్లో (2023లో 71 సిక్సర్లు) ఉన్నాడు.క్యాలెండర్‌ ఇయర్‌లో అత్యధిక టీ20 సిక్సర్లు బాదిన భారత ఆటగాళ్లుఅభిషేక్‌ శర్మ (38 ఇన్నింగ్స్‌ల్లో 87 సిక్సర్లు, 2024)సూర్యకుమార్‌ యాదవ్‌ (41 ఇన్నింగ్స్‌ల్లో 85 సిక్సర్లు, 2022)సూర్యకుమార్‌ యాదవ్‌ (33 ఇన్నింగ్స్‌ల్లో 71 సిక్సర్లు, 2023)రిషబ్‌ పంత్‌ (31 ఇన్నింగ్స్‌ల్లో 66 సిక్సర్లు, 2018)శ్రేయస్‌ అయ్యర్‌ (42 ఇన్నింగ్స్‌ల్లో 63 సిక్సర్లు, 2019)సంజూ శాంసన్‌ (32 ఇన్నింగ్స్‌ల్లో 60 సిక్సర్లు, 2024)సయ్యద్‌ ముస్తాక్‌ అలీ టోర్నీలో భాగంగా మేఘాలయతో జరిగిన మ్యాచ్‌లో అభిషేక్‌ సూర్యకుమార్‌ రికార్డును బద్దలు కొట్టాడు. ఈ మ్యాచ్‌లో అభిషేక్‌ 11 సిక్సర్లు బాదాడు. ఈ మ్యాచ్‌లో అభిషేక్‌ కేవలం 28 బంతుల్లోనే సెంచరీ చేశాడు. తద్వారా టీ20ల్లో భారత్‌ తరఫున వేగవంతమైన సెంచరీ చేసిన ఆటగాడిగా ఉర్విల్‌ పటేల్‌ (గుజరాత్‌) రికార్డును సమం చేశాడు. ఉర్విల్‌ కూడా ఇదే సీజన్‌ సయ్యద్‌ ముస్తాక్‌ అలీ టోర్నీలో ఫాసెస్ట్‌ సెంచరీ నమోదు చేశాడు. మ్యాచ్‌ విషయానికొస్తే.. తొలుత బ్యాటింగ్‌ చేసిన మేఘాలయ నిర్ణీత 20 ఓవర్లలో 7 వికెట్ల నష్టానికి 142 పరుగులు చేసింది. మేఘాలయ ఇన్నింగ్స్‌లో అర్పిత్‌ భటేవారా (31) టాప్‌ స్కోరర్‌గా నిలిచాడు. అనంతరం నామమాత్రపు లక్ష్యాన్ని ఛేదించేందుకు బరిలోకి దిగిన పంజాబ్‌.. అభిషేక్‌ సుడిగాలి శతకంతో విరుచుకుపడటంతో 9.3 ఓవరల్లోనే విజయతీరాలకు చేరింది.

సయ్యద్ ముస్తాక్ అలీ ట్రోఫీ-2024లో టీమిండియా యువ ఓపెనర్ అభిషేక్ శర్మ విధ్వంసం సృష్టించాడు. ఈ టోర్నీలో పంజాబ్ జట్టుకు ప్రాతినిథ్యం వహిస్తున్న అభిషేక్‌.. గురువారం మేఘాలయతో జరిగిన మ్యాచ్‌లో అద్బుత‌మైన సెంచ‌రీతో చెల‌రేగాడు.143 పరుగుల ల‌క్ష్య చేధ‌న‌లో అభిషేక్ శ‌ర్మ ఆకాశ‌మే హ‌ద్దుగా చెల‌రేగాడు. ప్ర‌త్య‌ర్ధి బౌల‌ర్ల‌కు చుక్క‌లు చూపించాడు. కేవ‌లం 28 బంతుల్లో త‌న సెంచ‌రీ మార్క్‌ను అందుకున్నాడు. త‌ద్వారా టీ20 క్రికెట్‌లో ఫాస్టెస్ట్ సెంచ‌రీ చేసిన భార‌త ఆట‌గాడిగా ఉర్విల్ పటేల్ రికార్డును అభిషేక్ స‌మం చేశాడు.ఇదే టోర్నీలో నవంబర్ 27న త్రిపురపై 28 బంతుల్లో ఉర్విల్ సెంచరీ సాధించాడు. తాజా మ్యాచ్‌తో ఉర్విల్ సరసన అభిషేక్ నిలిచాడు. ఓవరాల్‌గా ఈ మ్యాచ్‌లో 29 బంతులు ఎదుర్కొన్న శర్మ 11 ఫోర్లు, 8 సిక్స్‌లతో 106 పరుగులు చేసి ఆజేయంగా నిలిచాడు.అతడి విధ్వంసకర ఇన్నింగ్స్ ఫలితంగా 143 పరుగుల లక్ష్యాన్ని పంజాబ్‌.. 3 వికెట్లు కోల్పోయి కేవలం 9.3 ఓవర్లలోనే చేధించింది. అంతకుముందు బ్యాటింగ్‌ చేసిన మేఘాలయ నిర్ణీత 20 ఓవర్లలో 7 వికెట్ల నష్టానికి 142 పరుగులు చేసింది.మేఘాలయ బ్యాటర్లలో అర్పిత్ భతేవారా(31) పరుగులతో టాప్ స్కోరర్‌గా నిలిచాడు. పంజాబ్‌ బౌలర్లలో అభిషేక్‌ శర్మ, రమణ్‌దీప్‌ సింగ్‌ తలా రెండో వికెట్లు పడగొట్టగా.. అశ్విని కుమార్‌, ధలేవాల్‌ ఒక్కో వికెట్‌ తీశారు.చదవండి: ఆసీస్‌తో రెండో టెస్టు.. టీమిండియా ఓపెనర్లుగా వారే: రోహిత్‌ శర్మ

టీమిండియా యువ సంచలనం తిలక్‌ వర్మ సరికొత్త చరిత్ర సృష్టించాడు. సౌతాఫ్రికాతో మూడో టీ20లో సహచర ఆటగాళ్లు విఫలమైన వేళ విధ్వంసకర శతకంతో విరుచుకుపడి జట్టుకు గెలుపు అందించాడు. ఈ క్రమంలో తన పేరిట ఓ అరుదైన రికార్డునూ లిఖించుకున్నాడు. ప్రొటిస్‌ జట్టుపై.. ప్రపంచంలో ఇంతవరకు ఏ ఆటగాడికి సాధ్యం కాని ఫీట్‌ నమోదు చేశాడు.మళ్లీ గెలుపు బాటకాగా నాలుగు మ్యాచ్‌ల టీ20 సిరీస్‌ ఆడేందుకు టీమిండియా సౌతాఫ్రికాకు వెళ్లింది. ఇందులో భాగంగా తొలి మ్యాచ్‌లో ఘన విజయంతో సిరీస్‌ మొదలుపెట్టిన సూర్యసేన.. రెండో టీ20లో మాత్రం ఓడిపోయింది. ఈ క్రమంలో సెంచూరియన్‌ వేదికగా బుధవారం నాటి మ్యాచ్‌లో తిరిగి పుంజుకుని.. మళ్లీ గెలుపు బాటపట్టింది.అభిషేక్‌ శర్మ ధనాధన్‌ హాఫ్‌ సెంచరీఈ మ్యాచ్‌లో టాస్‌ గెలిచిన ఆతిథ్య సౌతాఫ్రికా.. భారత్‌ను తొలుత బ్యాటింగ్‌కు ఆహ్వానించింది. ఓపెనర్లలో సంజూ శాంసన్‌(0) మరోసారి డకౌట్‌ కాగా.. అభిషేక్‌ శర్మ(25 బంతుల్లో 50) ధనాధన్‌ హాఫ్‌ సెంచరీతో అదరగొట్టాడు. ఇక వన్‌డౌన్‌లో వచ్చిన హైదారాబాదీ ఠాకూర్‌ తిలక్‌ వర్మ ఆకాశమే హద్దుగా చెలరేగాడు.ఆఖరి వరకు అజేయంగా తిలక్‌వరుసగా వికెట్లు పడుతున్నా.. అభిషేక్‌తో కలిసి స్కోరు బోర్డును పరిగెత్తించాడు. కేవలం 56 బంతుల్లోనే 8 ఫోర్లు, 7 సిక్సర్లు బాదిన ఈ లెఫ్టాండర్‌.. 107 పరుగులు సాధించాడు. ప్రొటిస్‌ బౌలింగ్‌ను చీల్చిచెండాడుతూ ఆఖరి వరకు అజేయంగా నిలిచి.. జట్టుకు భారీ స్కోరు(219-6)అందించాడు.ఈ క్రమంలో కొండంత లక్ష్యంతో బరిలోకి దిగిన సౌతాఫ్రికా ఆఖరి వరకు పోరాడింది. అయితే, నిర్ణీత 20 ఓవర్లలో ఏడు వికెట్లు నష్టపోయిన ఆతిథ్య జట్టు.. 208 పరుగుల వద్దే నిలిచిపోయింది. దీంతో పదకొండు పరుగుల తేడాతో టీమిండియా గెలుపొంది.. సిరీస్‌లో 2-1తో ఆధిక్యంలోకి వెళ్లింది.ప్రపంచంలోనే తొలి క్రికెటర్‌గాఇదిలా ఉంటే.. గాయం నుంచి కోలుకుని తిరిగి వచ్చిన తర్వాత తిలక్‌ వర్మ ఆడిన అద్భుత ఇన్నింగ్స్‌ ఇది. కెరీర్‌లో తొలి అంతర్జాతీయ శతకాన్ని ఏకంగా సఫారీ గడ్డపై బాదడం విశేషం. ఈ క్రమంలో 22 ఏళ్ల తిలక్‌ వర్మ ఓ అరుదైన రికార్డు సాధించాడు. సౌతాఫ్రికా జట్టుపై అత్యంత పిన్న వయసులో సెంచరీ చేసిన ఆటగాడిగా చరిత్రకెక్కాడు. అదే విధంగా.. చిన్న వయసులోనే టీమిండియా తరఫున టీ20 శతకం బాదిన రెండో క్రికెటర్‌గా నిలిచాడు.సౌతాఫ్రికాపై పిన్న వయసులో సెంచరీ చేసిన ఆటగాళ్లుతిలక్‌ వర్మ(ఇండియా)- 22 ఏళ్ల, 5 రోజుల వయసులో 2024- సెంచూరియన్‌ వేదికగా..సురేశ్‌ రైనా(ఇండియా)- 23 ఏళ్ల, 156 రోజుల వయసులో 2010- గ్రాస్ ఐస్‌లెట్‌ వేదికగామార్టిన్‌ గఫ్టిల్‌(న్యూజిలాండ్‌)- 26 ఏళ్ల, 84 రోజుల వయసులో- 2012- ఈస్ట్‌ లండన్‌బాబర్‌ ఆజం(పాకిస్తాన్‌)- 26 ఏళ్ల, 181 రోజుల వయసులో- 2021- సెంచూరియన్‌క్రిస్‌ గేల్‌(వెస్టిండీస్‌)- 27 ఏళ్ల 355 రోజుల వయసులో- 2007- జొహన్నస్‌బర్గ్‌.టీమిండియా తరఫున చిన్న వయసులో టీ20 సెంచరీ సాధించిన ఆటగాళ్లుయశస్వి జైస్వాల్‌- 2023లో నేపాల్‌ మీద- 21 ఏళ్ల 279 రోజుల వయసులోతిలక్‌ వర్మ- 2024లొ సౌతాఫ్రికా మీద- 22 ఏళ్ల 5 రోజుల వయసులోశుబ్‌మన్‌ గిల్‌(126*)- 2023లో న్యూజిలాండ్‌ మీద- 23 ఏళ్ల 146 రోజుల వయసులోసురేశ్‌ రైనా(101)- 2010లో సౌతాఫ్రికా మీద- 23 ఏళ్ల 156 రోజుల వయసులో ఈ ఘనత సాధించారు.చదవండి: Asia Cup 2024: భారత జట్టు ప్రకటన.. 13 ఏళ్ల కుర్రాడికి చోటు Thunderstruck ❌Tilak-struck 💯A superb maiden century for the stylish #TeamIndia southpaw! 🙌Catch LIVE action from the 3rd #SAvIND T20I on #JioCinema, #Sports18, and #ColorsCineplex! 👈#JioCinemaSports #TilakVarma pic.twitter.com/L7MEfEPyY8— JioCinema (@JioCinema) November 13, 2024

సెంచూరియన్‌ వేదికగా సౌతాఫ్రికాతో జరుగుతున్న మూడో టీ20లో టీమిండియా భారీ స్కోర్‌ చేసింది. ఈ మ్యాచ్‌లో టాస్‌ ఓడి సౌతాఫ్రికా ఆహ్వానం మేరకు తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 6 వికెట్ల నష్టానికి 219 పరుగులు చేసింది. తిలక్‌ వర్మ మెరుపు సెంచరీ (56 బంతుల్లో 107 నాటౌట్‌; 8 ఫోర్లు, 7 సిక్సర్లు) చేసి టీమిండియా భారీ స్కోర్‌ చేయడానికి దోహదపడ్డాడు. అభిషేక్‌ శర్మ తనవంతుగా మెరుపు అర్ద శతకం (25 బంతుల్లో 50; 3 ఫోర్లు, 5 సిక్సర్లు) బాదాడు. తిలక్‌ కేవలం 51 బంతుల్లో సెంచరీ పూర్తి చేసుకున్నాడు. భారత ఇన్నింగ్స్‌లో సంజూ శాంసన్‌ డకౌట్‌ కాగా.. కెప్టెన్‌ సూర్యకుమార్‌ యాదవ్‌ 1, హార్దిక్‌ పాండ్యా 18, రింకూ సింగ్‌ 8, రమణ్‌దీప్‌ సింగ్‌ 15 పరుగులు చేసి ఔటయ్యారు. ఆఖరి ఓవర్‌ను మార్కో జన్సెన్‌ అద్భుతంగా బౌలింగ్‌ చేశాడు. ఈ ఓవర్‌లో అతను కేవలం నాలుగు పరుగులలు మాత్రమే ఇచ్చి ఓ వికెట్‌ పడగొట్టాడు. సౌతాఫ్రికా బౌలర్లలో​ కేశవ్‌ మహారాజ్‌, సైమ్‌లేన్‌ తలో రెండు వికెట్లు పడగొట్టగా.. జన్సెన్‌కు ఓ వికెట్‌ దక్కింది. కాగా, నాలుగు మ్యాచ్‌ల ఈ సిరీస్‌లో ప్రస్తుతం ఇరు జట్లు చెరో మ్యాచ్‌ గెలిచిన విషయం తెలిసిందే.

భారత్‌, దక్షిణాఫ్రికా మధ్య నాలుగు మ్యాచ్‌ల టీ20 సిరీస్‌ 1-1తో సమంగా ఉంది. ఈ సిరీస్‌లోని తొలి మ్యాచ్‌లో టీమిండియా గెలువగా.. రెండో టీ20లో దక్షిణాఫ్రికా జయభేరి మోగించింది. మూడో టీ20 సెంచూరియన్‌ వేదికగా రేపు (నవంబర్‌ 13) జరుగనుంది. భారతకాలమానం ప్రకారం ఈ మ్యాచ్‌ రాత్రి 8:30 గంటలకు ప్రారంభమవుతుంది.రెండో టీ20లో టీమిండియా స్వల్ప లక్ష్యాన్ని కాపాడుకునే క్రమంలో చివరి నిమిషం వరకు అద్భుతమైన పోరాటపటిమ కనబర్చింది. అయితే ట్రిస్టన్‌ స్టబ్స్‌, గెరాల్డ్‌ కొయెట్జీ చివర్లో సూపర్‌గా బ్యాటింగ్‌ చేసి భారత్‌ చేతుల నుంచి విజయాన్ని లాగేసుకున్నారు. ఈ మ్యాచ్‌లో​ భారత యూనిట్‌లో పలు లోపాలు స్పష్టంగా కనిపించాయి.మూడో మ్యాచ్‌లో ఈ లోపాలను సరిదిద్దుకోవాలని టీమిండియా మేనేజ్‌మెంట్‌ భావిస్తోంది. ఇందులో భాగంగా భారత్‌ రెండు మార్పులతో బరిలోకి దిగాలని యోచిస్తుంది. బ్యాటింగ్‌ విభాగంలో ఓపెనర్‌ అభిషేక్‌ శర్మ వరుసగా విఫలమవుతున్నాడు. ఈ సిరీస్‌లో ఇప్పటివరకు జరిగిన రెండు టీ20ల్లో అతను దారుణంగా నిరాశపరిచాడు.వరుస వైఫల్యాల నేపథ్యంలో టీమిండియా మేనేజ్‌మెంట్‌ అభిషేక్‌ను పక్కకు పెట్టాలని నిర్ణయించుకున్నట్లు తెలుస్తుంది. అభిషేక్‌ స్థానంలో తిలక్‌ వర్మ, రమన్‌దీప్‌ సింగ్‌లలో ఎవరో ఒకరితో ఓపెనింగ్‌ చేయించాలని భావిస్తున్నట్లు సమాచారం​. తిలక్‌ వర్మతో పోలిస్తే రమన్‌దీప్‌కు ఓపెనర్‌గా బరిలోకి దిగే ఛాన్స్‌లు ఎక్కువగా కనిపిస్తున్నాయి.రమన్‌దీప్‌కు హార్డ్‌ హిట్టింగ్‌తో పాటు బౌలింగ్‌ చేయగల సామర్థ్యం కూడా ఉంది. తిలక్‌ వర్మ మిడిలార్డర్‌లో ఎలాగూ సెట్‌ అయ్యాడు కాబట్టి టీమిండియా యాజమాన్యం అతన్ని కదిపే సాహసం చేయకపోవచ్చు. మూడో టీ20లో అభిషేక్‌తో పాటు అర్షదీప్‌ సింగ్‌పై కూడా వేటు పడే అవకాశం ఉంది. అర్షదీప్‌ గత రెండు టీ20ల్లో చెప్పుకోదగ్గ ప్రదదర్శనలు చేయకపోగా.. ధారాళంగా పరుగులు సమర్పించుకున్నాడు. ఈ కారణంగా అతన్ని పక్కకు పెట్టే అవకాశాలు స్పష్టంగా కనిపిస్తున్నాయి. ఒకవేళ అర్షదీప్‌ను తుది జట్టు నుంచి తప్పిస్తే, అతని​ స్థానంలో యశ్‌ దయాల్‌ బరిలోకి దిగే అవకాశం ఉంది. మూడో టీ20లో రమన్‌దీప్‌, యశ్‌ దయాల్‌ ఇద్దరూ బరిలోకి దిగితే వారిద్దరికి అది అరంగేట్రం మ్యాచ్‌ అవుతుంది.భారత జట్టు (అంచనా): రమణ్‌దీప్ సింగ్, సంజూ శాంసన్ (వికెట్ కీపర్), సూర్యకుమార్ యాదవ్ (కెప్టెన్), తిలక్ వర్మ, రింకూ సింగ్, హార్దిక్ పాండ్యా, అక్షర్ పటేల్, వరుణ్ చక్రవర్తి, రవి బిష్ణోయ్, యష్ దయాల్, ఆవేశ్ ఖాన్.

సౌతాఫ్రికాతో మొదటి టీ20లో గెలిచి శుభారంభం చేసిన టీమిండియా.. రెండో మ్యాచ్‌లో అదే జోరును కొనసాగించలేకపోయింది. కీలక బ్యాటర్లంతా విఫలం కావడంతో మూడు వికెట్ల తేడాతో ఓటమి పాలైంది. దీంతో సిరీస్‌ గెలవాలంటే.. మిగిలిన రెండు టీ20లలో తప్పక గెలవాల్సిన పరిస్థితి నెలకొంది.సంజూ శాంసన్‌ ధనాధన్‌ సెంచరీ వల్లనిజానికి డర్బన్‌లో జరిగిన తొలి టీ20లోనూ ఓపెనర్‌ సంజూ శాంసన్‌(50 బంతుల్లో 107), కెప్టెన్‌ సూర్యకుమార్‌ యాదవ్‌(21), తిలక్‌ వర్మ(33) రాణించడంతో భారత్‌ భారీ స్కోరు చేయగలిగింది. మిగతా వాళ్లంతా విఫలమైనా 202 రన్స్‌ రాబట్టగలిగింది. ఇక లక్ష్య ఛేదనకు దిగిన ఆతిథ్య ప్రొటిస్‌ను భారత బౌలర్లు కట్టడి చేయడంతో 61 పరుగుల భారీ తేడాతో గెలుపొందింది.రెండో టీ20లో మాత్రంఅయితే, గెబెహా వేదికగా రెండో టీ20లో మాత్రం టీమిండియా బ్యాటింగ్‌ ఆర్డర్‌ పేకమేడలా కుప్పకూలింది. ఓపెనర్లలో సంజూ శాంసన్‌(0) అనూహ్య రీతిలో డకౌట్‌ కాగా.. అభిషేక్‌ శర్మ(4) మరోసారి విఫలమయ్యాడు. కెప్టెన్‌ సూర్య సైతం నాలుగు పరుగులకే వెనుదిరగగా.. మిడిలార్డర్‌లో తిలక్‌ వర్మ(20), అక్షర్‌ పటేల్‌(27), హార్దిక్‌ పాండ్యా(39 నాటౌట్‌) కాసేపు క్రీజులో నిలబడ్డారు.ఇక లోయర్‌ ఆర్డర్‌లో రింకూ సింగ్‌(9) నిరాశపరచగా.. టెయిలెండర్‌ అర్ష్‌దీప్‌ సింగ్‌(7 నాటౌట్‌) కూడా సింగిల్‌ డిజిట్‌ స్కోరుకే పెవిలియన్‌ చేరాడు. దీంతో నిర్ణీత 20 ఓవర్లలో ఆరు వికెట్ల నష్టానికి టీమిండియా కేవలం 124 పరుగులే చేసింది. అయితే, సౌతాఫ్రికాను కట్టడి చేసేందుకు భారత బౌలర్లు మాత్రం ఆఖరి వరకు గట్టి పోరాటం చేశాడు.అయినప్పటికీ 19 ఓవర్లలోనే ప్రొటిస్‌ జట్టు లక్ష్యాన్ని ఛేదించి జయభేరి మోగించింది. టీమిండియా ఆధిక్యాన్ని తగ్గిస్తూ 1-1తో సమం చేసింది. ఇలా తొలి రెండు మ్యాచ్‌లలోనూ బౌలర్లు వందశాతం పాసైనా.. బ్యాటర్లలోనే నిలకడ లోపించింది. ఆల్‌రౌండర్‌ అవసరం ఉందిఈ నేపథ్యంలో సౌతాఫ్రికా- టీమిండియా మధ్య సెంచూరియన్‌ వేదికగా మూడో టీ20పై క్రికెట్‌ వర్గాల్లో ఆసక్తి మరింత పెరిగింది. ఈ మ్యాచ్‌లో గెలిస్తేనే సూర్య సేన ఆత్మవిశ్వాసంతో ముందడుగు వేయగలదు. ఈ క్రమంలో భారత తుదిజట్టు కూర్పుపై మాజీ క్రికెటర్‌ రాబిన్‌ ఊతప్ప కీలక వ్యాఖ్యలు చేశాడు.సౌతాఫ్రికాతో మూడో టీ20లో ఆల్‌రౌండర్‌ రమణ్‌దీప్‌ సింగ్‌ను అరంగ్రేటం చేయించాలని టీమిండియా మేనేజ్‌మెంట్‌కు సూచించాడు. ఈ మేరకు.. ‘‘ఎనిమిదో స్థానంలో మనకు ఓ ఆల్‌రౌండర్‌ అవసరం ఉంది. అతడు పూర్తి స్థాయిలో బ్యాటింగ్‌ చేయడంతో పాటు బౌలింగ్‌ చేయగలగాలి.అతడిని ఆడిస్తేనే మంచిదిఅతడు స్పిన్నరా? లేదంటే ఫాస్ట్‌ బౌలరా అన్న అంశంతో మనకు పనిలేదు. హార్దిక్‌ పాండ్యా కాకుండా.. అతడిలా ఆడగలిగే మరో క్రికెటర్‌ కావాలి. ఇప్పుడు జట్టులో ఉన్న ప్రధాన లోటు అదే. ప్రస్తుతం రమణ్‌దీప్‌ సింగ్‌ సరైన ఆప్షన్‌లా కనిపిస్తున్నాడు. అందుకే అతడిని తుదిజట్టులో ఆడిస్తే మంచిది’’ అని రాబిన్‌ ఊతప్ప జియో సినిమా షోలో పేర్కొన్నాడు.కాగా పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యాతో పాటు స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ జట్టుతో ఉన్నాడు. అయితే, రమణ్‌దీప్‌ సింగ్‌కు లైన్‌ క్లియర్‌ కావాలంటే.. మిగిలిన ఆటగాళ్లలో ఎవరో ఒకరిపై వేటు తప్పదు. అలాంటి పరిస్థితిలో తొలి రెండు టీ20లలో ఘోరంగా విఫలమైన ఏకక ఆటగాడు అభిషేక్‌ శర్మ(7, 4)నే తప్పించే అవకాశమే ఎక్కువగా ఉంది. అదే జరిగితే ఓపెనింగ్‌ జోడీలోనూ మార్పు వస్తుంది. కాగా నాలుగు మ్యాచ్‌ల టీ20 సిరీస్‌ ఆడేందుకు సూర్యకుమార్‌ సేన సౌతాఫ్రికాకు వెళ్లిన విషయం తెలిసిందే.చదవండి: టీమిండియాకు గుడ్‌న్యూస్‌

సెంచూరియన్ వేదిక‌గా బుధ‌వారం జరగనున్న మూడో టీ20లో భార‌త్‌-ద‌క్షిణాఫ్రికా జ‌ట్లు త‌ల‌ప‌డతున్నాయి. రెండో టీ20లో అనూహ్య ఓట‌మి చ‌విచూసిన టీమిండియా ఈ మ్యాచ్‌లో ఎలాగైనా పుంజుకుని తిరిగి కమ్‌బ్యాక్ ఇవ్వాల‌ని భావిస్తోంది.పోర్ట్ ఎలిజిబెత్‌లో చేసిన బ్యాటింగ్ త‌ప్పిదాల‌ను పునరావృతం చేయకూడదని సూర్య సేన యోచిస్తోంది. అందుకు తగ్గట్టే భారత జట్టు తమ ఆస్త్రశాస్త్రాలను సిద్దం చేసుకుంటుంది. ఈ మ్యాచ్‌లో టీమిం‍డియా రెండు మార్పులతో బరిలోకి దిగనున్నట్లు తెలుస్తోంది.అభిషేక్ శర్మపై వేటు..గత రెండు మ్యాచ్‌ల్లో విఫలమైన యువ ఓపెనర్ అభిషేక్ శర్మపై భారత జట్టు మేనెజ్‌మెంట్ వేటు వేయాలని నిర్ణయించుకుంటున్నట్లు సమాచారం. అతడి స్ధానంలో ఆల్‌రౌండర్ రమణ్‌దీప్ సింగ్‌కు ఛాన్స్ ఇవ్వనున్నట్లు వార్తలు వినిపిస్తున్నాయి. అభిషేక్‌ను పక్కన పెట్టి సంజూ శాంసన్ జోడీగా తిలక్ వర్మను ప్రమోట్ చేయనున్నట్లు పలు రిపోర్ట్‌లు పేర్కొం‍టున్నాయి. మరోవైపు పేసర్‌​ అవేష్ ఖాన్‌ను కూడా బెంచ్‌కే పరిమితం చేసే సూచనలు కన్పిస్తున్నాయి. అవేష్ స్ధానంలో కర్ణాటక పేసర్ విజయ్‌కుమార్ వైశ్యాఖ్ అరంగేట్రం చేసే అవకాశముంది.భారత తుది జట్టు(అంచనా)సంజూ శాంసన్ (వికెట్ కీప‌ర్‌), తిల‌క్ వర్మ‌, సూర్యకుమార్ యాదవ్ (కెప్టెన్‌), ర‌మ‌ణ్‌దీప్ సింగ్‌, హార్దిక్ పాండ్యా, రింకూ సింగ్, వ‌రుణ్ చ‌క్ర‌వ‌ర్తి, అక్షర్ పటేల్, రవి బిష్ణోయ్, అర్ష్‌దీప్ సింగ్, విజ‌య్ కుమార్ వైశ్యాఖ్‌చదవండి: BGT: పంత్‌ కాదు!.. అతడే కొత్త రాజు అంటున్న ఆస్ట్రేలియా మీడియా!

టీమిండియా యువ ఓపెన‌ర్ అభిషేక్ శ‌ర్మ త‌న పేలవ ఫామ్‌ను కొన‌సాగిస్తున్నాడు. డ‌ర్బ‌న్ వేదిక‌గా ద‌క్షిణాఫ్రికాతో జ‌రిగిన తొలి టీ20లో కేవ‌లం 7 ప‌రుగులు మాత్ర‌మే చేసి నిరాశ‌ప‌రిచిన అభిషేక్‌.. ఇప్పుడు పోర్ట్ ఎలిజిబెత్‌లో జ‌రిగిన రెండో టీ20లో కూడా అదే తీరును క‌న‌బ‌రిచాడు. ఈ మ్యాచ్‌లో 5 బంతులు ఆడిన అభిషేక్‌ కేవ‌లం 4 ప‌రుగులు మాత్ర‌మే చేసి పెవిలియ‌న్‌కు చేరాడు. స‌ఫారీ పేస‌ర్ కోయిట్జీ బౌలింగ్‌లో చెత్త ఆడి ఈ పంజాబీ స్టార్ బ్యాట‌ర్ ఔట‌య్యాడు. ఈ క్ర‌మంలో సోష‌ల్ మీడియా వేదిక‌గా అభిషేక్ శ‌ర్మ‌పై నెటిజ‌న్లు విమ‌ర్శ‌ల వ‌ర్షం కురిపిస్తున్నారు.ఇదేమి ఆట భ‌య్యా..కేవ‌లం ఐపీఎల్‌లోనే ఆడుతావా? అంటే ఓ యూజ‌ర్ ఎక్స్‌లో పోస్ట్ చేశాడు. మ‌రి కొంత‌మంది అత‌డి స్ధానంలో రుతురాజ్ గైక్వాడ్ అవ‌కాశం ఇవ్వండి అంటూ భార‌త జ‌ట్టు మేనెజ్‌మెంట్‌ను సూచిస్తున్నారు.ఒక్క సెంచ‌రీ మిన‌హా.. కాగా జింబాబ్వే సిరీస్‌తో టీ20తో అంత‌ర్జాతీయ అరంగేట్రం చేసిన అభిషేక్ శ‌ర్మ ఇప్పుడు భార‌త్ త‌ర‌పున 9 మ్యాచ్‌లు ఆడాడు. అయితే జింబాబ్వే సిరీస్‌లో సెంచ‌రీ మిన‌హా ఇప్ప‌టివ‌ర‌కు అభిషేక్ చెప్పుకోద‌గ్గ ప్ర‌ద‌ర్శ‌న చేయ‌లేకపోయాడు. జైశ్వాల్‌కు బ్యాక‌ప్‌గా జ‌ట్టులోకి వ‌చ్చిన ఈ యువ ఆట‌గాడు త‌న మార్క్‌ను చూపించడంలో విఫ‌ల‌మ‌య్యాడు. 24 ఏళ్ల అభిషేక్ శ‌ర్మ తన తొమ్మిది టీ20 ఇన్నింగ్స్‌లలో ఎనిమిదింటిలో క‌నీసం 20 పరుగుల మార్కును కూడా దాట‌లేక‌పోయాడు. దీంతో జ‌ట్టులో అత‌డి స్ధానం ప్ర‌శ్నార్థ‌కంగా మారింది. మిగిలిన రెండు మ్యాచ్‌ల్లో రాణిస్తానే అభిషేక్ జ‌ట్టులో కొన‌సాగే అవ‌కాశముంది.ఐపీఎల్‌లో అదుర్స్‌ఐపీఎల్‌-2024లో మాత్రం స‌న్‌రైజ‌ర్స్ హైద‌రాబాద్ త‌రపున అభిషేక్ శర్మ అద్బుత‌మైన ప్ర‌ద‌ర్శ‌న క‌న‌బ‌రిచాడు. ఈ ఏడాది సీజ‌న్‌లో 14 మ్యాచ్‌లు ఆడిన అభిషేక్ 200 కంటే ఎక్కువ స్ట్రైక్ రేట్‌తో 484 పరుగులు చేశాడు. కానీ అంత‌ర్జాతీయ క్రికెట్‌లో మాత్రం ఆ దూకుడును అభిషేక్ ప్ర‌ద‌ర్శించలేక‌పోతున్నాడు.Abhishek Sharma's last 9 T20i innings:0(4), 100(47), 10(9), 14(11), 16(7), 15(11), 4(4), 7(8), 4(5)He is clearly missing IPL tracks and his partner Travis Head.#INDVSSA pic.twitter.com/rZLiTGUmxe— JassPreet (@JassPreet96) November 10, 2024చదవండి: IND vs SA: చరిత్ర సృష్టించిన వరుణ్ చక్రవర్తి.. తొలి భారత బౌలర్‌గా

గెబెర్హాలోని సెయింట్‌ జార్జ్స్‌ పార్క్‌ వేదికగా సౌతాఫ్రికాతో జరుగుతున్న రెండో టీ20లో టీమిండియా కష్టాల్లో పడింది. ఈ మ్యాచ్‌లో టాస్‌ ఓడి తొలుత బ్యాటింగ్‌కు దిగిన భారత్‌ ఐదు పరుగులకే ఓపెనర్లు వికెట్లు కోల్పోయింది. వరుసగా రెండు టీ20ల్లో సెంచరీలు చేసిన సంజూ శాంసన్‌ మూడు బంతులు ఎదుర్కొని ఖాతా తెరవకుండానే పెవిలియన్‌కు చేరగా.. మరో ఓపెనర్‌ అభిషేక్‌ శర్మ 5 బంతుల్లో బౌండరీ సాయంతో నాలుగు పరుగులు చేసి ఔటయ్యాడు. సంజూ శాంసన్‌కు మార్కో జన్సెన్‌ క్లీన్‌ బౌల్డ్‌ చేయగా.. గెరాల్డ్‌ కొయెట్జీ బౌలింగ్‌లో మార్కో జన్సెన్‌కు క్యాచ్‌ ఇచ్చి అభిషేక్‌ శర్మ ఔటయ్యాడు.నిరాశపరిచిన స్కై..తొలి టీ20లో ఓ మోస్తరు స్కోర్‌ చేసిన సూర్యకుమార్‌ యాదవ్‌ ఈ మ్యాచ్‌లో దారుణంగా నిరుత్సాహపరిచాడు. స్కై తొమ్మిది బంతులు ఎదర్కొని కేవలం నాలుగు పరుగులు మాత్రమే చేసి ఔటయ్యాడు. స్కై.. సైమ్‌లేన్‌ బౌలింగ్‌లో ఎల్బీడబ్ల్యూగా ఔటయ్యాడు.12 ఓవర్ల తర్వాత టీమిండియా స్కోర్‌ 70/5గా ఉంది. సంజూ శాంసన్‌ (0), అభిషేక్‌ శర్మ (4, సూర్యకుమార్‌యాదవ్‌ (4), తిలక్‌ వర్మ (20), అక్షర్‌ పటేల్‌ (27) ఔట్‌ కాగా.. హార్దిక్‌ పాండ్యా (7), రింకూ సింగ్‌ (0) క్రీజ్‌లో ఉన్నారు. సౌతాఫ్రికా బౌలర్లలో జన్సెన్‌, కొయెట్జీ, సైమ్‌లేన్‌, మార్క్రమ్‌ తలో వికెట్‌ పడగొట్టారు. తీరు మార్చుకోని అభిషేక్‌..టీమిండియా ఓపెనర్‌ అభిషేక్‌ శర్మ అందివస్తున్న వరుస అవకాశాలను ఒడిసి పట్టుకోలేకపోతున్నాడు. నిర్లక్ష్యంగా షాట్లు ఆడుతూ వికెట్‌ పారేసుకుంటున్నాడు. తొమ్మిది ఇన్నింగ్స్‌ల కెరీర్‌లో రెండో ఇన్నింగ్స్‌లో సెంచరీ చేసిన అభిషేక్‌ ఆతర్వాత వరుసగా వైఫల్యాల బాట పట్టాడు. ఈ సిరీస్‌లో రాణించకపోతే అవకాశాలు రావని తెలిసినా అభిషేక్‌ బ్యాటింగ్‌ తీరులో ఏమాత్రం మార్పు లేదు. తొలి టీ20లో ఏడు పరుగులు చేసిన అభిషేక్‌ ఈ మ్యాచ్‌లో నాలుగు పరుగులకు ఔటయ్యాడు.టీ20 కెరీర్‌లో అభిషేక్‌ శర్మ స్కోర్లు ఇలా ఉన్నాయి..!0, 100, 10, 14, 16, 15, 4, 7, 4తుది జట్లు.. భారత్ (ప్లేయింగ్ XI): సంజు శాంసన్(వికెట్‌కీపర్‌), అభిషేక్ శర్మ, సూర్యకుమార్ యాదవ్(కెప్టెన్‌), తిలక్ వర్మ, హార్దిక్ పాండ్యా, రింకూ సింగ్, అక్షర్ పటేల్, అర్ష్‌దీప్ సింగ్, రవి బిష్ణోయ్, వరుణ్ చకరవర్తి, అవేష్ ఖాన్దక్షిణాఫ్రికా (ప్లేయింగ్ XI): ఎయిడెన్‌ మార్క్రమ్(కెప్టెన్‌), ర్యాన్ రికెల్టన్, రీజా హెండ్రిక్స్, ట్రిస్టన్ స్టబ్స్, హెన్రిచ్ క్లాసెన్(వికెట్‌కీపర్‌), డేవిడ్ మిల్లర్, మార్కో జాన్సెన్, ఆండిల్ సిమెలన్, గెరాల్డ్ కోయెట్జీ, కేశవ్ మహరాజ్, న్కాబయోమ్జి పీటర్

Update: డర్బన్‌ వేదికగా జరిగిన తొలి టీ20లో 61 పరుగుల తేడాతో దక్షిణాఫ్రిను భారత్‌ చిత్తు చేసింది. దీంతో నాలుగు టీ20ల సిరీస్‌లో1-0 ఆధిక్యంలోకి టీమిండియా దూసుకెళ్లింది.సౌతాఫ్రికాతో తొలి టీ-20లో శాంసన్‌ సెంచరీ47 బంతుల్లో సెంచరీ చేసిన శాంసన్‌7 ఫోర్లు, 9 సిక్స్‌లతో చెలరేగిన శాంసన్‌10 ఓవర్ల అనంతరం టీమిండియా స్కోర్‌ 99/2.. సంజూ శాంసన్‌ (59 బ్యాటింగ్‌), తిలక్‌ వర్మ (7 బ్యాటింగ్‌)టీమిండియా యువ ఓపెనర్‌ అభిషేక్‌ శర్మ వైఫల్యాల పరంపర కొనసాగుతోంది. అభిషేక్‌ తన టీ20 కెరీర్‌లో ఇప్పటివరకు ఆడిన 9 మ్యాచ్‌ల్లో కేవలం ఒకే ఒక సెంచరీ చేశాడు. మిగతా అన్ని మ్యాచ్‌ల్లో దారుణంగా విఫలమయ్యాడు. తాజాగా అభిషేక్‌ మరోసారి చెత్త షాట్‌ ఆడి వికెట్‌ పారేసుకున్నాడు. దక్షిణాఫ్రికాతో జరుగుతున్న తొలి టీ20లో అభిషేక్‌ 8 బంతుల్లో బౌండరీ సాయంతో 7 పరుగులు చేసి ఔటయ్యాడు. ఈ మ్యాచ్‌లో అభిషేక్‌ తొలి బంతి నుంచి చాలా ఇబ్బంది పడ్డాడు. బంతిని కనెక్ట్‌ చేసుకోలేక సతమతమయ్యాడు. గెరాల్డ్‌ కొయెట్జీ బౌలింగ్‌ భారీ షాట్‌కు ప్రయత్నించి మార్క్రమ్‌ చేతికి చిక్కాడు. అభిషేక్‌ వరుసగా అవకాశాలు ఇస్తున్నా విఫలమవుతుండటంతో భారత అభిమానులు ఆగ్రహం వ్యక్తం చేస్తున్నారు. అభిషేక్‌కు గేమ్‌ పట్ల సీరియస్‌నెస్‌ లేదని కామెంట్స్‌ చేస్తున్నారు. దక్షిణాఫ్రికాతో సిరీస్‌లో అభిషేక్‌ మరో మ్యాచ్‌లో ఫెయిల్‌ అయితే టీమిండియా తలుపులు తట్టలేడని అంటున్నారు.కాగా, నాలుగు మ్యాచ్‌ల సిరీస్‌లో భాగంగా డర్బన్‌ వేదికగా సౌతాఫ్రికాతో జరుగుతున్న తొలి టీ20లో సౌతాఫ్రికా టాస్‌ గెలిచి తొలుత బౌలింగ్‌ ఎంచుకుంది. సౌతాఫ్రికా ఆహ్వానం మేరకు బ్యాటింగ్‌కు దిగిన భారత్‌ చెలరేగి ఆడుతుంది. అభిషేక్‌ నిరాశపరిచినప్పటికీ.. సంజూ శాంసన్‌ దుమ్ములేపుతున్నాడు. సంజూ 20 బంతుల్లో 3 ఫోర్లు, 3 సిక్సర్ల సాయంతో 35 పరుగులు చేసి ఇన్నింగ్స్‌ను కొనసాగిస్తున్నాడు. మరో ఎండ్‌లో సూర్యకుమార్‌ యాదవ్‌ కూడా ధాటిగానే ఆడుతున్నాడు. స్కై 8 బంతుల్లో 2 ఫోర్లు, సిక్సర్‌ సాయంతో 14 పరుగులు చేశాడు. 6 ఓవర్ల తర్వాత భారత్‌ స్కోర్‌ 56/1గా ఉంది. దక్షిణాఫ్రికా (ప్లేయింగ్ XI): ర్యాన్ రికెల్టన్, ఐడెన్ మార్క్రామ్(కెప్టెన్‌), ట్రిస్టన్ స్టబ్స్, హెన్రిచ్ క్లాసెన్, డేవిడ్ మిల్లర్, పాట్రిక్ క్రుగర్, మార్కో జాన్సెన్, ఆండిల్ సిమెలన్, గెరాల్డ్ కోయెట్జీ, కేశవ్ మహరాజ్, న్కాబయోమ్జి పీటర్భారత్ (ప్లేయింగ్ XI): అభిషేక్ శర్మ, సంజు శాంసన్(వికెట్‌కీపర్‌), సూర్యకుమార్ యాదవ్(కెప్టెన్‌), తిలక్ వర్మ, హార్దిక్ పాండ్యా, రింకూ సింగ్, అక్షర్ పటేల్, రవి బిష్ణోయ్, వరుణ్ చక్రవర్తి, అర్ష్‌దీప్ సింగ్, అవేష్ ఖాన్

ద‌క్షిణాఫ్రికాతో నాలుగు మ్యాచ్‌ల టీ20 సిరీస్‌లో తల‌ప‌డేందుకు టీమిండియా సిద్ద‌మైంది. ఈ సిరీస్‌లో భాగంగా తొలి టీ20 ఇరు జ‌ట్ల మ‌ధ్య శుక్ర‌వారం డ‌ర్బ‌న్ వేదిక‌గా జ‌ర‌గ‌నుంది. ఈ సిరీస్‌లో స‌ఫారీల‌ను సూర్య‌కుమార్ యాద‌వ్ సార‌థ్యంలోని యువ భార‌త జ‌ట్టు ఢీకొట్ట‌నుంది.ప్రోటీస్ సిరీస్‌కు య‌శ‌స్వీ జైశ్వాల్‌, గిల్‌, రిష‌బ్ పంత్‌, బుమ్రా వంటి సీనియ‌ర్ ఆట‌గాళ్లు దూర‌మ‌య్యారు. దీంతో సౌతాఫ్రికా ప‌ర్య‌ట‌న‌కు ర‌మ‌ణ్‌దీప్ సింగ్‌, విజ‌య్‌కుమార్ వైశ్యాఖ్, య‌శ్ ద‌యాల్ వంటి కొత్త ముఖాల‌కు భార‌త జ‌ట్టులో సెల‌క్ట‌ర్లు చోటు క‌ల్పించారు.ఈ నేప‌థ్యంలో యువ ఓపెన‌ర్ అభిషేక్ శ‌ర్మను ఉద్దేశించి భార‌త మాజీ క్రికెట‌ర్ ఆకాష్ చోప్రా ఆస‌క్తిక‌ర వ్యాఖ్యలు చేశాడు. అభిషేక్ శ‌ర్మకు ఈ సిరీస్ డూ ఆర్ డై వంటిది అని చోప్రా అభిప్రాయ‌ప‌డ్డాడు. కాగా జింబాబ్వే సిరీస్‌తో టీ20ల్లో అంత‌ర్జాతీయ అరంగేట్రం చేసిన అభిషేక్‌.. జైశ్వాల్ బ్యాకప్ ఓపెన‌ర్‌గా కొన‌సాగుతున్నాడు.జైశ్వాల్‌ గైర్హాజరీ సిరీస్‌లలో అభిషేక్‌కు సెల‌క్ట‌ర్లు చోటిస్తున్నారు. అయితే జింబాబ్వే సిరీస్‌లో సెంచ‌రీ మిన‌హా ఇప్ప‌టివ‌ర‌కు అభిషేక్ చెప్పుకోద‌గ్గ ప్ర‌ద‌ర్శ‌న చేయ‌లేకపోయాడు. ఇప్ప‌టివ‌ర‌కు 8 ఇన్నింగ్స్‌లు ఆడిన అభిషేక్‌.. 22.71 స‌గ‌టుతో కేవ‌లం 159 ప‌రుగులు మాత్ర‌మే చేశాడు."అభిషేక్ శ‌ర్మ ఈ సిరీస్‌లో చావోరెవో తెల్చుకోవాల్సిందే. ఎందుకంటే ఈ సిరీస్‌లో అభిషేక్‌ రాణించికపోతే వ‌చ్చే ఏడాది ఆరంభంలో జ‌ర‌గ‌నున్న ఇంగ్లండ్‌తో టీ20 సిరీస్‌కు అత‌డిని క‌చ్చితంగా ప‌క్క‌న‌పెట్టేస్తారు. అభిషేక్ శ‌ర్మ అద్భుత‌మైన ఆట‌గాడు అన‌డంలో ఎటువంటి సందేహం లేదు.అత‌డి బ్యాటింగ్ స్టైల్ అంటే నాకు ఎంతో ఇష్టం. జింబాబ్వే ప‌ర్య‌ట‌న‌లో సెంచ‌రీ కూడా సాధించాడు. కానీ ఆ త‌ర్వాత ఇప్ప‌టివ‌ర‌కు అభిషేక్ చెప్పుకోద‌గ్గ ప్ర‌ద‌ర్శ‌న చేయ‌లేద‌ని" చోప్రా త‌న యూట్యూబ్ ఛాన‌ల్‌లో పేర్కొన్నాడు.చదవండి: IND-A vs AUS-A: నిప్పులు చెరిగిన భారత బౌలర్లు.. 223 పరుగులకు ఆసీస్‌ ఆలౌట్‌

టీ20 ఎమర్జింగ్‌ టీమ్స్‌ ఆసియా కప్‌ 2024 టోర్నీలో భాగంగా యూఏఈతో ఇవాళ (అక్టోబర్‌ 21) జరిగిన మ్యాచ్‌లో టీమిండియా 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన యూఏఈ.. భారత బౌలర్ల ధాటికి 16.5 ఓవర్లలో 107 పరుగులకే కుప్పకూలింది. టీమిండియా పేసర్‌ రసిఖ్‌ సలామ్‌ ఐదు బంతుల వ్యవధిలో మూడు వికెట్లు తీసి యూఏఈని చావుదెబ్బ కొట్టాడు. అనంతరం​ రమణ్‌దీప్‌ సింగ్‌ రెండు ఓవర్లలో రెండు వికెట్లు పడగొట్టాడు. అన్షుల్‌ కంబోజ్‌, వైభవ్‌ అరోరా, అభిషేక్‌ శర్మ, నేహల్‌ వధేరా తలో వికెట్‌ దక్కించుకున్నారు. యూఏఈ ఇన్నింగ్స్‌లో రాహుల్‌ చోప్రా ఒక్కడే ఒంటరిపోరాటం చేశాడు. రాహుల్‌ 50 బంతుల్లో​ 2 ఫోర్లు, 3 సిక్సర్ల సాయంతో 50 పరుగులు చేసి చివరి వికెట్‌గా వెనుదిరిగాడు. యూఏఈ ఇన్నింగ్స్‌లో రాహుల్‌తో పాటు కెప్టెన్‌ బాసిల్‌ హమీద్‌ (12 బంతుల్లో 22; ఫోర్‌, 2 సిక్సర్లు), మయాంక్‌ రాజేశ్‌ కుమార్‌ (5 బంతుల్లో 10; ఫోర్‌, సిక్స్‌) మాత్రమే రెండంకెల స్కోర్లు చేశారు.అభిషేక్‌ శర్మ ఊచకోత..స్వల్ప లక్ష్యాన్ని ఛేదించేందుకు బరిలోకి దిగిన భారత్‌.. అభిషేక్‌ శర్మ (24 బంతుల్లో 58; 5 ఫోర్లు, 4 సిక్సర్లు) ఆకాశమే హద్దుగా చెలరేగిపోవడంతో 10.5 ఓవర్లలో విజయతీరాలకు చేరింది. భారత ఇన్నింగ్స్‌లో తిలక్‌ వర్మ 21, ప్రభ్‌సిమ్రన్‌ సింగ్‌ 8, అభిషేక్‌ 58 పరుగులు చేసి ఔట్‌ కాగా.. నేహల్‌ వధేరా 6, ఆయుశ్‌ బదోని 12 పరుగులతో అజేయంగా నిలిచారు.

వర్దమాన ఆసియా టీ20 కప్‌-2024లో భారత్‌- పాకిస్తాన్‌ మ్యాచ్‌ సందర్భంగా జరిగిన ఘటనపై పాక్‌ మాజీ క్రికెటర్‌ బసిత్‌ అలీ స్పందించాడు. యువ ఆటగాళ్లకు ప్రత్యర్థి జట్టును గౌరవించే సంస్కారం నేర్పాలంటూ పాకిస్తాన్‌ క్రికెట్‌ బోర్డు(పీసీబీ)కు హితవు పలికాడు. అభిషేక్‌ శర్మ పట్ల సూఫియాన్‌ ముఖీమ్‌ ప్రవర్తన సరికాదంటూ మండిపడ్డాడు.కాగా ఏసీసీ మెన్స్‌ టీ20 ఎమర్జింగ్‌ టీమ్స్‌ ఆసియా కప్‌ టోర్నీలో భారత్‌-‘ఎ’ జట్టు శుభారంభం చేసిన విషయం తెలిసిందే. ఒమన్‌ వేదికగా చిరకాల ప్రత్యర్థి పాకిస్తాన్‌-‘ఎ’పై తిలక్‌ వర్మ సేన ఏడు పరుగుల తేడాతో గెలుపొందింది. శనివారం రాత్రి జరిగిన ఈ మ్యాచ్‌ సందర్భంగా.. భారత ఓపెనర్‌ అభిషేక్‌ శర్మను రెచ్చగొట్టేలా పాక్‌ యువ స్పిన్నర్‌ సూఫియాన్‌ ముఖీమ్‌ ప్రవర్తించాడు.అభిషేక్‌ ధనాధన్‌టాస్‌ గెలిచిన భారత్‌ తొలుత బ్యాటింగ్‌ చేసిన క్రమంలో అభిషేక్‌.. 22 బంతులు ఎదుర్కొని 35 పరుగులు రాబట్టాడు. అతడి ఇన్నింగ్స్‌లో ఐదు బౌండరీలు, రెండు సిక్సర్లు ఉన్నాయి. అయితే, దూకుడుగా ఆడుతున్న సమయంలో ఆరో ఓవర్‌ ఆఖరి బంతికి సూఫియాన్‌ బౌలింగ్‌లో అభిషేక్‌.. కాసిం అక్రంకు క్యాచ్‌ ఇచ్చి అవుటయ్యాడు.సూఫియాన్‌ ఓవరాక్షన్‌దీంతో భారత్‌ తొలి వికెట్‌ కోల్పోయింది. అయితే, అభిషేక్‌ అవుట్‌ కాగానే సూఫియాన్‌ ఓవరాక్షన్‌ చేశాడు. ‘నోరు మూసుకుని.. ఇక దయచెయ్‌’’ అన్నట్లుగా ముక్కుమీద వేలు వేసి అభిషేక్‌కు సైగ చేశాడు. దీంతో కోపోద్రిక్తుడైన అభిషేక్‌ సూఫియాన్‌ వైపునకు సీరియస్‌గా చూశాడు. ఈ క్రమంలో అంపైర్లు జోక్యం చేసుకోవడంతో వివాదం సద్దుమణిగింది.నువ్వేమైనా హ్యాట్రిక్‌ హీరోవా?ఈ ఘటనపై పాకిస్తాన్‌ మాజీ క్రికెటర్‌ బసిత్‌ అలీ స్పందిస్తూ.. ‘‘క్రికెట్‌ అంటేనే టాప్‌ క్లాస్‌. కానీ.. సూఫియాన్‌ ముఖీమ్‌- అభిషేక్‌ శర్మ మధ్య జరిగిన ఘటన నన్ను నిరాశకు గురిచేసింది. ఒకవేళ నేనే గనుక పాక్‌ జట్టు టీమ్‌ మేనేజర్‌గా డకౌట్‌లో ఉండి ఉంటే.. వెంటనే సూఫియాన్‌ను పిలిచి.. ‘‘బేటా.. ఇక బ్యాగు సర్దుకుని బయల్దేరు’ అని చెప్పేవాడిని.బుద్ధి నేర్పించాలినువ్వసలు పాకిస్తాన్‌ తరఫున ఇంకా పూర్తిస్థాయిలో క్రికెట్‌ ఆడనేలేదు. ఇప్పుడే ఇలా అసభ్యకరమైన రీతిలో ప్రత్యర్థి జట్టు ఆటగాడిని దూషిస్తావా? ఇదేం ప్రవర్తన? నువ్వేమైనా హ్యాట్రిక్‌ హీరోవా? ఇంకా నీ బౌలింగ్‌పై ఎవరికీ అవగాహనే లేదు. అప్పుడే ఇలాంటి ప్రవర్తనా? మేనేజ్‌మెంట్‌ యువ ఆటగాళ్లకు కాస్త బుద్ధి నేర్పించాలి.ప్రత్యర్థి జట్టును గౌరవించాలనే సంస్కారం నేర్పించండి’’ అని పీసీబీకి హితవు పలికాడు. కాగా పాకిస్తాన్‌తో శనివారం నాటి మ్యాచ్‌లో మూడు వికెట్లు తీసి.. భారత్‌ గెలుపులో కీలక పాత్ర పోషించిన అన్షుల్‌ కాంబోజ్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు.చదవండి: WTC 2023-25 Points Table: న్యూజిలాండ్ చేతిలో ఓటమి.. టీమిండియా డబ్ల్యూటీసీ ఫైనల్ చేరాలంటే..?WATCH:SUFIYAN MUQEEM ASKED ABHISHEK SHARMA TO LEAVE THE GROUND#INDvPAK #EmergingAsiaCup2024 pic.twitter.com/RJHOLCULYc— Junaid (@ccricket713) October 19, 2024

ఎమర్జింగ్ ఆసియా కప్-2024ను భార‌త్-ఎ జ‌ట్టు విజ‌యంతో ఆరంభించింది. శ‌నివారం చిర‌కాల ప్ర‌త్య‌ర్ధి పాకిస్తాన్‌తో జ‌రిగిన మ్యాచ్‌లో 7 ప‌రుగుల తేడాతో టీమిండియా విజ‌యం సాధించింది. అయితే ఈ మ్యాచ్‌లో భార‌త యువ ఆట‌గాడు అభిషేక్ శర్మ, పాకిస్తాన్ స్పిన్న‌ర్ సూఫియాన్‌ ముఖీమ్ మ‌ధ్య చిన్న‌పాటి వాగ్వాదం చోటు చేసుకుంది.భార‌త ఇన్నింగ్స్ 7 ఓవ‌ర్ వేసిన సూఫియాన్‌ బౌలింగ్‌లో తొలి బంతికి భారీ షాట్‌కు ప్ర‌య‌త్నించి అభిషేక్ క్యాచ్ ఔట‌య్యాడు. వెంట‌నే ముఖీమ్ సెల‌బ్రేష‌న్స్‌లో మునిగితేలిపోయాడు. అయితే అత‌డి సంబ‌రాలు శ్రుతిమించాయి. అభిషేక్ తిరిగి పెవిలియన్‌కు వెళ్తున్న క్ర‌మంలో అభిషేక్ వైపు చూస్తూ ముఖీమ్ ఏదో తిడుతూ, బయటకు వెళ్లాలంటూ సైగ‌లు చేశాడు. దీంతో చిర్రెత్తిపోయిన అభిషేక్ శర్మ.. ముఖీమ్‌పై దూసుకెళ్లాడు. అయితే అంపైర్‌లు జోక్యం చేసుకోవడంతో అభిషేక్ మైదాన్ని వీడాడు. ఇందుకు సబంధించిన వీడియో ప్రస్తుతం సోషల్ మీడియాలో వైరలవుతోంది. ఈ మ్యాచ్‌లో 22 బంతులు ఎదుర్కొన్న అభిషేక్ శర్మ 5 ఫోర్లు, 3 సిక్స్‌లతో 35 పరుగులు చేశాడు. Dear Abhishek Sharma, these are not ipl bowlers.pic.twitter.com/MlrGP5ZV2k— Maaz (@Im_MaazKhan) October 19, 2024

ఏసీసీ మెన్స్ ట్వంటీ 20 ఎమర్జింగ్ ఆసియా కప్ 2024 టోర్నీలో భారత -A. జట్టు 7 పరుగుల తేడాతో విజయం సాధించింది. భారత్ విసిరిన 184 పరుగుల లక్ష్య చేదనలో పాక్ నిర్ణీత 20 ఓవర్లలో 176 పరుగులకే పరిమితమైంది. అంతకముందు భారత్‌- ‘ఎ’ మెరుగైన స్కోరు సాధించింది. నిర్ణీత 20 ఓవర్లలో ఎనిమిది వికెట్ల నష్టానికి 183 పరుగులు చేసింది. ఓపెనర్లు అభిషేక్‌ శర్మ, ప్రభ్‌సిమ్రన్‌సింగ్‌ శుభారంభం అందించగా.. తిలక్‌ వర్మ కెప్టెన్‌ ఇన్నింగ్స్‌లో అలరించాడు.ఏసీసీ మెన్స్‌ టీ20 ఎమర్జింగ్‌ టీమ్స్‌ ఆసియా కప్‌-2024లో భాగంగా భారత్‌- పాక్‌ యువ జట్టు ఒమన్‌లోని అల్‌ అమెరట్‌ వేదికగా శనివారం మ్యాచ్‌ ఆడుతున్నాయి. ఓపెనర్లు అభిషేక్‌ శర్మ 22 బంతుల్లో ఐదు ఫోర్లు, రెండు సిక్సర్లతో 35 పరుగులు చేయగా.. ప్రభ్‌సిమ్రన్‌ సింగ్‌ ధనాధన్‌ ఇన్నింగ్స్‌తో దుమ్ములేపాడు.ప్రభ్‌సిమ్రన్‌ ధనాధన్‌.. తిలక్‌ కెప్టెన్‌ ఇన్నింగ్స్‌కేవలం 19 బంతుల్లోనే 3 ఫోర్లు ,3 సిక్సర్ల సాయంతో 36 పరుగులు సాధించాడు. వన్‌డౌన్‌లో వచ్చిన తిలక్‌ వర్మ 35 బంతుల్లో 44 పరుగులతో రాణించగా.. నేహల్‌ వధేరా(22 బంతుల్లో 25) ఫర్వాలేదనిపించాడు. మిగిలిన వాళ్లలో రమణ్‌దీప్‌ సింగ్‌(17) ఒక్కడే సింగిల్‌ డిజిట్‌ స్కోరు దాటాడు. ఆయుశ్‌ బదోని(2), నిషాంత్‌ సంధు(6), అన్షుల్‌ కాంబోజ్‌(0), రాహుల్‌ చహర్‌(4*), రసిద్‌ దార్‌ సలాం(6*) కనీసం పోరాట పటిమ ప్రదర్శించలేదు.ఇక పాక్‌ బౌలర్లలో ఇమ్రాన్‌, జమాన్‌ ఖాన్‌, మిన్హాస్‌, కాసిం అక్రం ఒక్కో వికెట్‌ తీయగా.. సూఫియాన్‌ ముకీమ్‌ రెండు వికెట్లతో సత్తా చాటాడు. కాగా భారత టాపార్డర్‌ రాణించిన కారణంగా పాకిస్తాన్‌కు తిలక్‌ సేన 184 పరుగుల లక్ష్యాన్ని విధించగలిగింది.భారత్‌- ‘ఎ’ వర్సెస్‌ పాకిస్తాన్‌- ‘ఎ’ప్లేయింగ్‌ ఎలెవన్‌ఇండియాఅభిషేక్ శర్మ, ప్రభ్ సిమ్రాన్ సింగ్(వికెట్ కీపర్), రమణ్‌దీప్‌ సింగ్, అన్షుల్ కాంబోజ్, తిలక్ వర్మ(కెప్టెన్), ఆయుష్ బదోని, నేహాల్ వధేరా, నిశాంత్ సింధు, రాహుల్ చాహర్, రసిక్ దార్ సలామ్, వైభవ్ అరోరా.పాకిస్తాన్‌హైదర్ అలీ, మహ్మద్ హారిస్(కెప్టెన్), యాసిర్ ఖాన్, ఒమైర్ యూసుఫ్, ఖాసీం అక్రమ్, అబ్దుల్ సమద్, అరాఫత్ మిన్హాస్, అబ్బాస్ అఫ్రిది, మహ్మద్ ఇమ్రాన్, జమాన్ ఖాన్, సూఫియాన్ ముకీమ్.చదవండి: Ind vs NZ: అయ్యో పంత్‌! .. నీకే ఎందుకిలా?

ఏసీసీ మెన్స్‌ టీ20 ఎమర్జింగ్‌ టీమ్స్‌ ఆసియా కప్‌-2024లో భాగంగా భారత్‌- ‘ఎ’ జట్టు చిరకాల ప్రత్యర్థి పాకిస్తాన్‌-‘ఎ’తో తలపడుతోంది. దాయాదుల మధ్య పోరుకు ఒమన్‌లోని అల్‌ అమెరట్‌ స్టేడియం వేదికగా నిలిచింది. భారతకాలమానం ప్రకారం శనివారం రాత్రి ఏడు గంటలకు మొదలైన ఈ మ్యాచ్‌లో టాస్‌ గెలిచిన భారత యువ జట్టు కెప్టెన్‌ తిలక్‌ వర్మ తొలుత బ్యాటింగ్‌ ఎంచుకున్నాడు.అభిషేక్‌ జోడీగా ప్రభ్‌సిమ్రన్‌సింగ్‌ఇక పాకిస్తాన్‌తో మ్యాచ్‌లో ఆడే భారత తుదిజట్టులో టీమిండియా టీ20 నయా ఓపెనర్‌ అభిషేక్‌ శర్మ చోటు దక్కించుకున్నాడు. వికెట్‌ కీపర్‌ ప్రభ్‌సిమ్రన్‌సింగ్‌తో కలిసి ఇన్నింగ్స్‌ ఆరంభించాడు. కాగా ఒమన్‌లో జరుగుతున్న ఈ ఆసియా టీ20 టోర్నీలో బంగ్లాదేశ్‌, అఫ్గనిస్తాన్‌ జట్లు ఇప్పటికే శుభారంభం చేశాయి.అంచనాలు రెట్టింపుహాంకాంగ్‌పై బంగ్లా యువ జట్టు 5 వికెట్లు, శ్రీలంక-ఎ జట్టుపై అఫ్గన్‌ జట్టు 11 పరుగుల తేడాతో విజయం సాధించాయి. మరోవైపు.. మూడో మ్యాచ్‌లో భాగంగా యూఏఈతో తలపడ్డ ఆతిథ్య ఒమన్‌ జట్టు నాలుగు వికెట్ల తేడాతో గెలిచింది. ఈ టోర్నీలో నాలుగో మ్యాచ్‌లో భారత్‌- పాక్‌ తలపడటం.. అందులోనూ టీమిండియా స్టార్లు తిలక్‌ వర్మ(కెప్టెన్‌గా), అభిషేక్‌ శర్మ ఈ జట్టులో ఉండటంతో అంచనాలు రెట్టింపయ్యాయి.భారత్‌- ‘ఎ’ వర్సెస్‌ పాకిస్తాన్‌- ‘ఎ’ తుదిజట్లుయువ భారత తుదిజట్టుఅభిషేక్ శర్మ, ప్రభ్ సిమ్రాన్ సింగ్(వికెట్ కీపర్), రమణ్‌దీప్‌ సింగ్, అన్షుల్ కాంబోజ్, తిలక్ వర్మ(కెప్టెన్), ఆయుష్ బదోని, నేహాల్ వధేరా, నిశాంత్ సింధు, రాహుల్ చాహర్, రసిక్ దార్ సలామ్, వైభవ్ అరోరా.పాక్‌ యువ జట్టుహైదర్ అలీ, మహ్మద్ హారిస్(కెప్టెన్), యాసిర్ ఖాన్, ఒమైర్ యూసుఫ్, ఖాసీం అక్రమ్, అబ్దుల్ సమద్, అరాఫత్ మిన్హాస్, అబ్బాస్ అఫ్రిది, మహ్మద్ ఇమ్రాన్, జమాన్ ఖాన్, సూఫియాన్ ముకీమ్.చదవండి: Rohit- Kohli: అంపైర్లతో గొడవ.. రోహిత్‌ ఆగ్రహం.. కోహ్లి ఆన్‌ ఫైర్‌!

బంగ్లాదేశ్‌తో జరుగుతున్న మూడు మ్యాచ్‌ల టీ20 సిరీస్‌లో టీమిండియా యువ ఓపెనర్‌ అభిషేక్‌ శర్మ మరోసారి విఫలమయ్యాడు. అభిషేక్‌ ఈ సిరీస్‌లో ఆడిన మూడు మ్యాచ్‌ల్లో 16, 15, 4 పరుగులు చేశాడు. యశస్వి జైస్వాల్‌, శుభ్‌మన్‌ గిల్‌ల గైర్హాజరీలో జట్టులో చోటు దక్కించుకున్న అభిషేక్‌ అంచనాలకు తగ్గట్టుగా రాణించలేక ఉసూరుమనిపించాడు. ఇటీవలే జింబాబ్వేపై మెరుపు సెంచరీ చేసిన అభిషేక్‌పై భారీ అంచనాలు ఉండేవి. బ్యాటింగ్‌తో పాటు బౌలింగ్‌లోనూ రాణించగలడని మేనేజ్‌మెంట్‌ అతనిపై విశ్వాసం ఉంచింది. అయితే అభిషేక్‌ అందరి అంచనాలను వమ్ము చేస్తూ తేలిపోయాడు. ప్రస్తుతమున్న కాంపిటీషన్‌లో అభిషేక్‌కు మరోసారి జట్టులో చోటు దక్కడం కష్టమే.కాగా, హైదరాబాద్‌ వేదికగా బంగ్లాదేశ్‌తో జరుగుతున్న మూడో టీ20లో టీమిండియా టాస్‌ గెలిచి తొలుత బ్యాటింగ్‌ ఎంచుకుంది. టీమిండియా 23 పరుగుల వద్దే అభిషేక్‌ శర్మ వికెట్‌ కోల్పోయింది. అయితే సంజూ శాంసన్‌ (25 బంతుల్లో 59; 8 ఫోర్లు, 3 సిక్సర్లు), సూర్యకుమార్‌ యాదవ్‌ (18 బంతుల్లో 42; 5 ఫోర్లు, 3 సిక్సర్లు) చెలరేగి ఆడుతున్నారు. వీరిద్దరూ ఎడాపెడా బౌండరీలు, సిక్సర్లు బాదుతూ స్కోర్‌ బోర్డును పరుగులు పెట్టిసు​న్నారు. 8 ఓవర్ల తర్వాత భారత్‌ స్కోర్‌ 113/1గా ఉంది. చదవండి: దంచికొట్టిన పఠాన్ బ్రదర్స్‌.. అయినా..!

టీమిండియా యువ ఓపెనర్‌ అభిషేక్‌ శర్మకు మాజీ క్రికెటర్‌ యువరాజ్‌ సింగ్‌ మరోసారి ‘చురకలు’ అంటించాడు. బ్యాటింగ్‌ చేసేటపుడు మెదడును కాస్త అదుపులో పెట్టుకుంటేనే రాణించగలమంటూ ఘాటు వ్యాఖ్యలు చేశాడు. అసలు విషయమేమిటంటే.. టీ20 ప్రపంచకప్‌-2024 తర్వాత జింబాబ్వే పర్యటనకు వెళ్లిన ద్వితీయ శ్రేణి జట్టులో అభిషేక్‌ తొలిసారి చోటు దక్కించుకున్నాడు.మరోసారి టీమిండియా సెలక్టర్ల పిలుపుఈ క్రమంలో ఆతిథ్య జట్టుతో జరిగిన టీ20 సందర్భంగా టీమిండియా తరఫున అరంగేట్రం చేసిన ఈ పంజాబీ బ్యాటర్‌.. డకౌట్‌ అయ్యాడు. అయితే, మరుసటి మ్యాచ్‌లోనే సెంచరీ చేసి తనను తాను నిరూపించుకున్నాడు. ఈ సిరీస్‌ ముగిసిన దాదాపు రెండు నెలల తర్వాత అభిషేక్‌ శర్మ మరోసారి టీమిండియా సెలక్టర్ల పిలుపు అందుకున్నాడు.రనౌట్‌గా వెనుదిరిగిస్వదేశంలో బంగ్లాదేశ్‌తో మూడు మ్యాచ్‌ల టీ20 సిరీస్‌కు ఎంపికయ్యాడు. ఈ క్రమంలో గ్వాలియర్‌ వేదికగా ఆదివారం జరిగిన తొలి మ్యాచ్‌లో సంజూ శాంసన్‌తో కలిసి అభిషేక్‌ శర్మ భారత ఇన్నింగ్స్‌ ఆరంభించాడు. అయితే, దూకుడుగా ఆడుతున్న క్రమంలో అనూహ్య రీతిలో రనౌట్‌గా వెనుదిరిగాడు.టీమిండియా ఇన్నింగ్స్‌లో రెండో ఓవర్‌ వేసిన టస్కిన్‌ అహ్మద్‌ బౌలింగ్‌లో ఆఖరి బంతికి సంజూ మిడ్‌ వికెట్‌ వైపు షాట్‌ ఆడాడు. ఈ క్రమంలో సింగిల్‌కు ఆస్కారం ఉందని భావించిన సంజూ, అభిషేక్‌ పరుగుకు సిద్ధమయ్యారు. కానీ అంతలోనే ప్రమాదాన్ని గ్రహించిన సంజూ.. అభిషేక్‌ను వెనక్కి వెళ్లమని సూచించాడు. అయితే, అప్పటికే జరగాల్సిన నష్టం జరిగిపోయింది.బంతిని అందుకున్న బంగ్లాదేశ్‌ ఫీల్డర్‌ తౌహీద్‌ హృదోయ్‌..నేరుగా స్టంప్స్‌ వైపునకు విసిరాడు. దీంతో.. నాన్‌ స్ట్రైకర్‌ ఎండ్‌ నుంచి ముందుకు వెళ్లిపోయిన అభిషేక్‌ శర్మ(7 బంతుల్లో 16 పరుగులు) పెవిలియన్‌కు చేరకతప్పలేదు. అయితే, మిగతా బ్యాటర్లు రాణించడంతో మ్యాచ్‌ ఫలితంపై ప్రతికూల ప్రభావం పడలేదు. సంజూ శాంసన్‌(29), కెప్టెన్‌ సూర్యకుమార్‌ యాదవ్(29), హార్దిక్‌ పాండ్యా(39 నాటౌట్‌) రాణించడంతో టీమిండియా బంగ్లాదేశ్‌పై ఏడు వికెట్ల తేడాతో గెలుపొందింది.ప్రతీ పరుగు, ప్రతీ బంతి.. జట్టు కోసమే! ఈ నేపథ్యంలో విజయానంతరం అభిషేక్‌ శర్మ ఇన్‌స్టాలో టీమిండియా ఫొటోలు పంచుకుంటూ.. ‘‘ప్రతీ పరుగు, ప్రతీ బంతి.. జట్టు కోసమే! సిరీస్‌లో మాకు శుభారంభం’’ అని క్యాప్షన్‌ జతచేశాడు. ఇందుకు బదులుగా ఓ నెటిజన్‌.. అభిషేక్‌ నుంచి భారీ ఇన్నింగ్స్‌ ఆశిస్తున్నామని పేర్కొన్నాడు. అయితే, ఆ కామెంట్‌కు యువీ.. ‘‘కేవలం మెదడు ఉపయోగిస్తే మాత్రమే అది సాధ్యం’’ అన్న అర్థంలో జవాబు ఇచ్చాడు.కాగా అభిషేక్‌ శర్మకు యువరాజ్‌ సింగ్‌ మెంటార్‌ అన్న సంగతి తెలిసిందే. ఈ లెఫ్టాండర్‌ బ్యాటర్‌ ఎదుగుదలలో యువీది కీలక పాత్ర. ఈ విషయాన్ని అభిషేక్‌ చాలా సందర్బాల్లో స్వయంగా వెల్లడించాడు. అయితే, బాగా ఆడినపుడు ప్రశంసించడమే కాదు.. అనవసర తప్పిదాలు చేసినపుడు కాస్త ఘాటుగానే విమర్శించడం యువీకి అలవాటు. ఐపీఎల్‌-2024లో సన్‌రైజర్స్‌ హైదారాబాద్‌ తరఫున అభి వీరబాదుడు బాది.. నిర్లక్ష్యపు షాట్‌కు అవుటైనపుడు.. ‘నీ కోసం స్లిప్పర్‌ ఎదురు చూస్తోంది’ అంటూ యువీ చొరవగా ట్వీట్‌ చేశాడు. చదవండి: Pak vs Eng: ‘హైవే రోడ్డు మీద కూడా బ్యాటింగ్‌ చేయలేవు’

టెస్టు సిరీస్‌ అనంతరం టీమిండియా బంగ్లాదేశ్‌తో టీ20 సిరీస్‌ ఆడనుంది. ఇందులో భాగంగా వచ్చే నెల 6, 9, 12వ తేదీల్లో మూడు మ్యాచ్‌లు నిర్వహించేందుకు షెడ్యూల్‌ ఖరారైంది. ఈ మూడు మ్యాచ్‌ల సిరీస్‌కు భారత క్రికెట్‌ నియంత్రణ మండలి త్వరలోనే జట్టును ప్రకటించనుంది.ఈ నేపథ్యంలో ఆసక్తికర వార్తలు తెరమీదకు వచ్చాయి. ఈ పొట్టి సిరీస్‌కు శుబ్‌మన్‌ గిల్‌తో పాటు యశస్వి జైస్వాల్‌కు విశ్రాంతినివ్వాలని సెలక్టర్లు భావిస్తున్నట్లు సమాచారం. కాగా సొంతగడ్డపై నవంబరులో టీమిండియా న్యూజిలాండ్‌తో టెస్టు సిరీస్‌ ఆడాల్సి ఉంది. ప్రపంచ టెస్టు చాంపియన్‌షిప్‌ 2023-25 ఫైనల్‌ చేరాలంటే భారత్‌కు ఈ సిరీస్‌ కీలకం.గిల్‌, జైస్వాల్‌పై పనిభారం పడకుండాఈ నేపథ్యంలో గిల్‌, జైస్వాల్‌పై పనిభారం పడకుండా చూసుకునేందుకు.. మేనేజ్‌మెంట్‌ ఈ యోచన చేస్తున్నట్లు తెలుస్తోంది. నిజానికి రోహిత్‌ శర్మ, విరాట్‌ కోహ్లి అంతర్జాతీయ టీ20లకు వీడ్కోలు పలికిన తర్వాత.. గిల్‌- జైస్వాల్‌ పొట్టి ఫార్మాట్లో టీమిండియా ప్రధాన ఓపెనింగ్‌ జోడీగా మారారు.వాళ్లిద్దరికి లక్కీ ఛాన్స్‌!అయితే, కివీస్‌తో సిరీస్‌ కారణంగా వీరిద్దరు గనుక దూరమైతే.. రుతురాజ్‌ గైక్వాడ్‌, అభిషేక్‌ శర్మలకు లక్కీ ఛాన్స్‌ వచ్చినట్లే! వీరిద్దరు బంగ్లాదేశ్‌తో టీ20 సిరీస్‌ ఆడేందుకు మార్గం సుగమమవుతుంది. అయితే, రుతురాజ్‌ ఇరానీ కప్‌-2024 మ్యాచ్‌ కారణంగా తొలి టీ20కి దూరం కానున్నాడని.. అందుకే జైస్వాల్‌ ఆ ఒక్కమ్యాచ్‌కి అందుబాటులో ఉంటాడనే మరో ప్రచారం కూడా జరుగుతోంది.కాగా ఇటీవల దులిప్‌ ట్రోఫీ-2024లో ఇండియా-‘సి’ కెప్టెన్‌గా ఉన్న రుతురాజ్‌.. ఇరానీ కప్‌లో రెస్టాఫ్‌ ఇండియా జట్టుకు సారథ్యం వహించనున్నాడు. ఈ మ్యాచ్‌ అక్టోబరు 1-5 వరకు జరుగనుంది. ఇదిలా ఉంటే.. బంగ్లాదేశ్‌తో టీ20 సిరీస్‌లో సంజూ శాంసన్‌ ప్రధాన వికెట్‌ కీపర్‌గా ఎంపిక కానుండగా.. జితేశ్‌ శర్మను అతడికి బ్యాకప్‌గా సెలక్ట్‌ చేయనున్నట్లు తెలుస్తోంది.విధ్వంసకర సెంచరీ హీరో అభిషేక్‌ శర్మటీ20 ప్రపంచకప్‌-2024లో టీమిండియా విజేతగా నిలిచిన తర్వాత ద్వితీయ శ్రేణి జట్టు జింబాబ్వే పర్యటనకు వెళ్లిన విషయం తెలిసిందే. శుబ్‌మన్‌ గిల్‌ సారథ్యంలోని ఈ జట్టులో స్థానం దక్కించుకున్న పంజాబీ బ్యాటర్‌ అభిషేక్‌ శర్మ.. తొలిటీ20 సందర్భంగా అరంగేట్రం చేశాడు.అయితే, తొలి మ్యాచ్‌లోనే డకౌట్‌ అయి విమర్శపాలైన ఈ లెఫ్టాండర్‌ బ్యాటర్‌.. రెండో టీ20లో శతకంతో చెలరేగాడు. కేవలం 47 బంతుల్లోనే 7 ఫోర్లు, 8 సిక్సర్ల సాయంతో వంద పరుగుల మార్కు అందుకుని.. ఆ తర్వాత అవుటయ్యాడు. ఇక అప్పటి నుంచి మళ్లీ ఇంత వరకు అతడికి టీమిండియా సెలక్టర్ల నుంచి పిలుపు రాలేదు. ఇక టీమిండియా విషయానిస్తే.. బంగ్లాతో తొలి టెస్టు గెలిచి.. శుక్రవారం నుంచి ఆఖరిదైన రెండో టెస్టు ఆడనుంది.చదవండి: ICC CT 2025: పాకిస్తాన్‌ కాదు.. సెమీస్‌ చేరే జట్లు ఇవే: అఫ్గన్‌ కెప్టెన్

శ్రీలంకలో పర్యటించనున్న భారత క్రికెట్‌ జట్టు ఎంపిక తీరుపై మాజీ ఆటగాడు హర్భజన్‌ సింగ్‌ అసంతృప్తి వ్యక్తం చేశాడు. ప్రతిభ ఉన్న ఆటగాళ్లను ఎందుకు పక్కన పెట్టారో అర్థం కావడం లేదని సెలక్టర్ల విధానాన్ని విమర్శించాడు.కాగా టీ20 ప్రపంచకప్‌-2024లో చాంపియన్‌గా నిలిచిన తర్వాత టీమిండియా ద్వితీయ శ్రేణి జట్టు జింబాబ్వే పర్యటనకు వెళ్లిన విషయం తెలిసిందే. ఇందులో భాగంగా శుబ్‌మన్‌ గిల్‌ కెప్టెన్సీలో జరిగిన ఐదు మ్యాచ్‌ల సిరీస్‌ను 4-1తో గెలిచింది.ఇక ఈ టూర్‌ ద్వారానే ఐపీఎల్‌ వీరులు అభిషేక్‌ శర్మ, రియాన్‌ పరాగ్‌ వంటి వాళ్లు అరంగేట్రం చేశారు. తన రెండో అంతర్జాతీయ మ్యాచ్‌లోనే అభిషేక్‌ సెంచరీతో మెరవగా.. రియాన్‌ మాత్రం ఆకట్టుకోలేకపోయాడు.ఇదిలా ఉంటే.. జింబాబ్వే పర్యటన తర్వాత టీమిండియా శ్రీలంకతో ద్వైపాక్షిక సిరీస్‌కు సిద్ధమైంది. జూలై 27 నుంచి మూడు టీ20, మూడు వన్డే మ్యాచ్‌లు ఆడనుంది. ఇక ఈ సిరీస్‌ ద్వారానే టీమిండియా హెడ్‌ కోచ్‌గా గౌతం గంభీర్‌ ఎంట్రీ ఇవ్వనున్నాడు.ఈ నేపథ్యంలో గురువారం టీ20, వన్డే జట్లను ప్రకటించారు. ఇందులో అనూహ్యంగా రియాన్‌ పరాగ్‌ రెండు జట్లలో చోటు దక్కించుకోగా.. అభిషేక్‌ శర్మకు మాత్రం స్థానం దక్కలేదు.సెంచరీలు చేసినా పట్టించుకోరా?అదే విధంగా.. సంజూ శాంసన్‌కు వన్డేల్లో చోటివ్వలేదు సెలక్టర్లు. అంతేకాదు మేటి స్పిన్నర్‌ యజువేంద్ర చహల్‌ను కూడా పక్కనపెట్టేశారు.ఈ నేపథ్యంలో టీమిండియా దిగ్గజ స్పిన్నర్‌ హర్భజన్‌ సింగ్‌ ఎక్స్‌ వేదికగా స్పందించాడు. ‘‘శ్రీలంకతో సిరీస్‌లకు ఎంపిక చేసిన జట్టులో యుజీ చహల్‌, అభిషేక్‌ శర్మ, సంజూ శాంసన్‌ ఎందుకు భాగం కాలేకపోయారో నాకైతే అర్థం కావడం లేదు’’ అంటూ షాకింగ్‌ ఎమోజీ జతచేశాడు భజ్జీ.కాగా సంజూ శాంసన్‌ జింబాబ్వేతో సిరీస్‌లో ఆడగా.. లంకతో టీ20 జట్టులో మాత్రమే చోటు లభించింది. ఇక వన్డేల విషయానికొస్తే చివరగా.. సౌతాఫ్రికాతో మ్యాచ్‌ ఆడాడు.ఖేల్‌ ఖతమేనా?పర్ల్‌ వేదికగా గతేడాది డిసెంబరులో ఆడిన తన చివరి వన్డేలో సంజూ సెంచరీతో చెలరేగి టీమిండియాకు విజయం అందించాడు. అయినప్పటికీ ఈ కేరళ బ్యాటర్‌కు సెలక్టర్లు మొండిచేయి చూపడం గమనార్హం. దీనిని బట్టి అతడిని చాంపియన్స్‌ ట్రోఫీ-2025 టోర్నీకి కూడా పరిగణనలోకి తీసుకోరని సంకేతాలు ఇచ్చినట్లే అనిపిస్తోంది. ఈ నేపథ్యంలో చీఫ్‌ సెలక్టర్‌ అజిత్‌ అగార్కర్‌, కొత్త హెడ్‌ కోచ్‌ గౌతం గంభీర్‌పై విమర్శలు వస్తున్నాయి. ఇక ఈ ఐసీసీ ఈవెంట్‌కు ముందు టీమిండియా లంక, ఇంగ్లండ్‌లతో వన్డే సిరీస్‌లు ఆడనుంది.చదవండి: Ind vs SL: టీమిండియా అసిస్టెంట్‌ ​కోచ్‌లుగా వాళ్లిద్దరు.. దిలీప్‌ రీఎంట్రీ!

త్వరలో శ్రీలంకతో జరుగబోయే పరిమిత ఓవర్ల సిరీస్‌ల కోసం భారత జట్లను ఇవాళ (జులై 18) ప్రకటించారు. వన్డే జట్టుకు రోహిత్‌ శర్మ కెప్టెన్‌గా కొనసాగనుండగా.. టీ20 జట్టు నూతన కెప్టెన్‌గా సూర్యకుమార్‌ యాదవ్‌ ఎంపికయ్యాడు.ఇరు జట్లకు వైస్‌ కెప్టెన్‌గా శుభ్‌మన్‌ గిల్‌ వ్యవహరించనుండగా.. రిషబ్‌ పంత్‌, రియాన్‌ పరాగ్‌, శుభ్‌మన్‌ గిల్‌, మహ్మద్‌ సిరాజ్‌, వాషింగ్టన్‌ సుందర్‌, శివమ్‌ దూబే, అర్షదీప్‌ సింగ్‌, అక్షర్‌ పటేల్‌, ఖలీల్‌ అహ్మద్‌ రెండు జట్లలో చోటు దక్కించుకున్నారు.వన్డే జట్టుకు హర్షిత్‌ రాణా కొత్తగా ఎంపిక కాగా.. కేఎల్‌ రాహుల్‌, శ్రేయస్‌ అయ్యర్‌ వన్డేల్లోకి రీఎంట్రీ ఇచ్చారు. టీ20 వరల్డ్‌కప్‌ అనంతరం పొట్టి ఫార్మాట్‌కు వీడ్కోలు పలికిన రోహిత్‌, కోహ్లి వన్డేల్లో కొనసాగనుండగా.. హార్దిక్‌ పాం‍డ్యాకు వన్డే జట్టులో చోటు దక్కలేదు.రుతురాజ్, అభిషేక్‌లకు మొండిచెయ్యి.. వన్డేల్లో సంజూను నో ఛాన్స్‌తాజాగా జింబాబ్వేతో జరిగిన టీ20 సిరీస్‌లో సెంచరీతో మెరిసిన అభిషేక్‌ శర్మ.. గత ఏడు టీ20 ఇన్నింగ్స్‌ల్లో 70కి పైగా సగటుతో పరుగులు చేసిన రుతురాజ్‌ గైక్వాడ్‌ రెండు జట్లలో (టీ20, వన్డే) చోటు దక్కించుకోలేకపోయారు. టీ20ల్లో ఫస్ట్‌ ఛాయిస్‌ ఓపెనర్లుగా శుభ్‌మన్‌ గిల్‌, యశస్వి జైస్వాల్‌ ఎంపికయ్యారు. తానాడిన చివరి వన్డేలో (సౌతాఫ్రికా) సెంచరీ చేసిన సంజూ శాంసన్‌ వన్డే జట్టులో చోటు దక్కించుకోలేకపోయాడు.కాగా, టీమిండియా.. మూడు మ్యాచ్‌ల టీ20, వన్డే సిరీస్‌ల కోసం శ్రీలంకలో పర్యటించనుంది. ఈ పర్యటనలో తొలుత టీ20 సిరీస్‌ జరుగనుంది. ఈ నెల 27, 28, 30 తేదీల్లో మూడు టీ20లు జరుగనున్నాయి. అనంతరం ఆగస్ట్‌ 2, 4, 7 తేదీల్లో మూడు వన్డేలు జరుగుతాయి. టీ20 సిరీస్‌ మొత్తం పల్లెకెలెలో.. వన్డే సిరీస్‌ కొలొంబోలో జరుగనుంది.భారత టీ20 జట్టు: సూర్యకుమార్ యాదవ్ (కెప్టెన్‌), శుభ్‌మన్‌ గిల్ (వైస్‌ కెప్టెన్‌), యశస్వి జైస్వాల్, రిషబ్‌ పంత్, రింకూ సింగ్‌, సంజూ శాంసన్, హార్దిక్ పాండ్యా, శివమ్‌ దూబే, అక్షర్ పటేల్‌, వాషింగ్టన్‌ సుందర్, రవి బిష్ణోయ్, అర్ష్‌దీప్ సింగ్‌, ఖలీల్ అహ్మద్‌, మహ్మద్‌ సిరాజ్భారత వన్డే జట్టు: రోహిత్ శర్మ (కెప్టెన్‌), శుభ్‌మన్‌ గిల్ (వైస్‌ కెప్టెన్‌), విరాట్‌ కోహ్లి, కేఎల్‌ రాహుల్, శ్రేయస్‌ అయ్యర్, రిషబ్‌ పంత్, శివమ్‌ దూబే, కుల్దీప్ యాదవ్‌, మహ్మద్‌ సిరాజ్, వాషింగ్టన్‌ సుందర్, అర్ష్‌దీప్ సింగ్‌, రియాన్ పరాగ్‌, అక్షర్‌ పటేల్‌, ఖలీల్ అహ్మద్‌, హర్షిత్ రాణా.

జింబాబ్వే టీ20 సిరీస్‌తో అంత‌ర్జాతీయ క్రికెట్‌లో అడుగుపెట్టిన టీమిండియా యువ ఓపెన‌ర్ అభిషేక్ శ‌ర్మ స‌త్తాచాటుతున్నాడు. తొలి మ్యాచ్‌లో విఫ‌ల‌మైన‌ప్ప‌ట‌కి ఆ త‌ర్వాత మ్యాచ్‌లోనే విధ్వంస‌క‌ర సెంచ‌రీతో మెరిశాడు.ఆ త‌ర్వాత మూడో టీ20లో కేవ‌లం 10 ప‌రుగులు మాత్ర‌మే చేసిన అభిషేక్‌కు.. నాలుగో టీ20లో బ్యాటింగ్ చేసే అవ‌కాశం రాలేదు. బ్యాటింగ్‌లో ఛాన్స్ రాన‌ప్ప‌ట‌కి బౌలింగ్‌లో మాత్రం త‌న మార్క్ చూపించాడు. ఈ మ్యాచ్‌లో 3 ఓవ‌ర్లు బౌలింగ్ చేసిన అభిషేక్ కేవ‌లం 20 ప‌రుగులు మాత్రమే ఓ కీల‌క వికెట్ ప‌డ‌గొట్టాడు. ఈ క్ర‌మంలో అభిషేక్ శ‌ర్మ ఓ అరుదైన రికార్డును త‌న పేరిట లిఖించుకున్నాడు. ఓ టీ20 సిరీస్‌లో సెంచరీతో పాటు వికెట్ సాధించిన తొలి భారత ప్లేయర్‌గా అభిషేక్‌ చరిత్రకెక్కాడు. ఇప్ప‌టివ‌ర‌కు ఏ భార‌త క్రికెట‌ర్ కూడా ఈ ఘ‌న‌త సాధించ‌లేదు. కాగా, ఓ సిరీస్‌లో సెంచరీతో పాటు వికెట్ ఘనతను భారత్ తరఫున టెస్టు ఫార్మాట్‌లో లాల్ అమర్‌నాథ్ (1933), వన్డేల్లో కపిల్ దేవ్ (1983) తొలిసారి సాధించారు. ఇక నాలుగో టీ20లో 10 వికెట్ల తేడాతో విజయం సాధించిన భారత్‌.. సిరీస్‌ను మరో మ్యాచ్‌ మిగిలూండగానే 3-1 తేడాతో సొంతం చేసుకుంది.

ఐదు మ్యాచ్‌ల సిరీస్‌లో భాగంగా జింబాబ్వేతో జరిగిన మూడో టీ20లో టీమిండియా 23 పరుగుల తేడాతో విజయం సాధించిన విషయం తెలిసిందే. ఈ మ్యాచ్‌లో భారత కెప్టెన్‌ శుభ్‌మన్‌ గిల్‌ మెరుపు అర్దసెంచరీతో (49 బంతుల్లో 66; 7 ఫోర్లు, 3 సిక్సర్లు) సత్తా చాటి జట్టు విజయంలో ప్రధానపాత్ర పోషించాడు. గిల్‌ చాన్నాళ్ల తర్వాత ఈ మ్యాచ్‌తోనే ఫామ్‌లోకి వచ్చినా ఓ విషయంలో మాత్రం అభిమానుల నుంచి ఛీత్కారాలు ఎదుర్కొంటున్నాడు.విషయం ఏంటంటే.. శుభ్‌మన్‌ గిల్‌.. మూడో టీ20లో తాను ఓపెనర్‌గా బరిలోకి దిగడం కోసం రెండో టీ20లో ఓపెనర్‌గా వచ్చి సెంచరీ చేసిన అభిషేక్‌ శర్మను డిమోట్‌ చేశాడు. సూపర్‌ ఫామ్‌లో ఉన్న అభిషేక్‌ స్థానచలనం కలగడంతో ఈ మ్యాచ్‌లో కేవలం 10 పరుగులకే ఔటయ్యాడు. ఇదే అభిమానులకు గిల్‌పై ఆగ్రహం తెప్పించింది. గిల్‌ తన స్వార్దం కోసం జట్టు ప్రయోజనాలను గాలికి వదిలేయడంతో పాటు అభిషేక్‌ లయను దెబ్బ తీశాడని అభిమానులు ఆగ్రహం వ్యక్తం చేస్తున్నారు. మ్యాచ్‌ అనంతరం గిల్‌ ఈ విషయాన్ని కవర్‌ చేసుకునే ప్రయత్నం (అభిషేక్‌ స్పిన్నర్లను బాగా ఎదుర్కొంటాడని చెప్పాడు) చేసినా అభిమానులు అతన్ని టార్గెట్‌ చేస్తూనే ఉన్నారు. గిల్‌ మరో కోహ్లిలా (వ్యక్తిగత రికార్డుల విషయంలో) ఉన్నాడని నెటిజన్లు కామెంట్లు చేస్తున్నారు.మొత్తానికి యశస్వి జైస్వాల్‌ రాకతో టీమిండియాకు కొత్త చిక్కే (ఓపెనర్ల విషయంలో) వచ్చి పడింది. టీ20 వరల్డ్‌కప్‌ విన్నింగ్‌ టీమ్‌లో సభ్యుడైన యశస్వి లేటుగా (మూడో టీ20) జట్టుతో జతకట్టిన విషయం తెలిసిందే.కాగా, బ్యాటింగ్‌లో గిల్‌, రుతురాజ్‌ (49).. బౌలింగ్‌లో వాషింగ్టన్‌ సుందర్‌ (4-0-15-3), ఆవేశ్‌ ఖాన్‌ (4-0-39-2), ఖలీల్‌ అహ్మద్‌ (4-0-16-1) సత్తా చాటడంతో మూడో టీ20లో టీమిండియా జింబాబ్వేను చిత్తుగా ఓడించింది. ఈ మ్యాచ్‌లో తొలుత బ్యాటింగ్‌ చేసిన భారత్‌.. నిర్ణీత ఓవర్లలో 4 వికెట్ల నష్టానికి 182 పరుగులు చేయగా.. ఛేదనలో పోటీపడలేకపోయిన జింబాబ్వే నిర్ణీత ఓవర్లలో 6 వికెట్ల నష్టానికి 159 పరుగులకే పరిమితమైంది. నాలుగో టీ20 జులై 13న జరుగనుంది.

ఐసీసీ తాజాగా విడుదల చేసిన టీ20 ర్యాంకింగ్స్‌లో భారత ఆటగాళ్లు రుతురాజ్‌ గైక్వాడ్‌, అభిషేక్‌ శర్మ సత్తా చాటారు. జింబాబ్వేతో జరిగిన రెండో టీ20లో సుడిగాలి శతకంతో ఇరగదీసిన అభిషేక్‌.. ఎంట్రీలోనే అదుర్స్‌ అనిపించుకోగా.. అదే మ్యాచ్‌లో మెరుపు హాఫ్‌ సెంచరీతో రాణించిన రుతు.. 13 స్థానాలు మెరుగుపర్చుకుని ఏడో స్థానానికి ఎగబాకాడు. అభిషేక్‌ ఐసీసీ ర్యాంకింగ్స్‌లో లిస్ట్‌ అయిన తొలిసారే 75వ స్థానాన్ని దక్కించుకున్నాడు. భారత్‌ నుంచి టాప్‌-10 రుతురాజ్‌తో పాటు సూర్యకుమార్‌ యాదవ్‌ ఉన్నాడు. గత వారమే అగ్రపీఠాన్ని కోల్పోయిన స్కై.. రెండో స్థానాన్ని నిలబెట్టుకున్నాడు. టాప్‌ టీ20 బ్యాటర్‌గా ట్రవిస్‌ హెడ్‌ కొనసాగుతున్నాడు. ఫిల్‌ సాల్ట్‌, బాబర్‌ ఆజమ్‌, మహ్మద్‌ రిజ్వాన్‌, జోస్‌ బట్లర్‌, రుతురాజ్‌, బ్రాండన్‌ కింగ్‌, జాన్సన్‌ ఛార్లెస్‌, మార్క్రమ్‌ వరుసగా మూడు నుంచి పది స్థానాల్లో ఉన్నారు.బౌలింగ్‌ ర్యాంకింగ్స్‌ విషయానికొస్తే.. ఈ వారం ర్యాంకింగ్స్‌లో పెద్దగా మార్పులేమీ లేవు. ఆదిల్‌ రషీద్‌, అన్రిచ్‌ నోర్జే, హసరంగ టాప్‌-3 బౌలర్లుగా కొనసాగుతుండగా.. రషీద్‌ ఖాన్‌, హాజిల్‌వుడ్‌, అకీల్‌ హొసేన్‌, ఆడమ్‌ జంపా, ఫజల్‌హక్‌ ఫారూఖీ, అక్షర్‌ పటేల్‌, తీక్షణ నాలుగు నుంచి పది స్థానాల్లో నిలిచారు. భారత బౌలర్లలో అక్షర్‌ మినహా టాప్‌-10లో ఎవరూ లేరు. కుల్దీప్‌ 11, బుమ్రా 14, భిష్ణోయ్‌ 16, అర్ష్‌దీప్‌ 19 స్థానాల్లో ఉన్నారు.ఆల్‌రౌండర్ల ర్యాంకింగ్స్‌ విషయానికొస్తే.. గత వారం ర్యాంకింగ్స్‌లో అగ్రస్థానంలో ఉండిన హార్దిక్‌ పాండ్యా రెండో స్థానానికి పడిపోయాడు. హసరంగ టాప్‌ ప్లేస్‌కు ఎగబాకాడు. భారత ఆటగాళ్లలో అక్షర్‌ పటేల్‌ 12వ స్థానంలో ఉన్నాడు.టీమ్‌ ర్యాంకింగ్స్‌ విషయానికొస్తే.. టీమిండియా ఎవరికీ అందనంత ఎత్తులో టాప్‌ ర్యాంక్‌లో కొనసాగుతుంది. ఆస్ట్రేలియా, ఇంగ్లండ్‌, వెస్టిండీస్‌, సౌతాఫ్రికా టాప్‌-5లో ఉన్నాయి.

భారత యువ కెరటం​ అభిషేక్‌ శర్మ పొట్టి క్రికెట్‌లో సరికొత్త సంచలనంగా మారాడు. రెండ్రోజుల కిందట జింబాబ్వేతో జరిగిన మ్యాచ్‌లో మెరుపు సెంచరీ చేసిన శర్మ.. ఈ ఏడాది ఆరంభం నుంచే మెరుపు ఇన్నింగ్స్‌లు ఆడటం మొదలుపెట్టాడు.ఈ ఏడాది ఇప్పటివరకు 18 మ్యాచ్‌లు ఆడిన శర్మ.. 200కు పైగా స్ట్రయిక్‌రేట్‌తో 584 పరుగులు చేశాడు. ప్రపంచవ్యాప్తంగా పొట్టి క్రికెట్‌లో ఈ ఏడాది ఇంత స్ట్రయిక్‌రేట్‌ ఎవ్వరికీ లేదు. అభిషేక​ ముందు ఆండ్రీ రసెల్‌ (199.47), జేక్‌ ఫ్రేజర్‌ మెక్‌గుర్క్‌ (194.13), ట్రవిస్‌ హెడ్‌ (176.24), ఫిలిప్‌ సాల్ట్‌ (172.67) కూడా దిగదుడుపే.ఇదిలా ఉంటే, జింబాబ్వేతో జరిగిన రెండో టీ20లో అభిషేక్‌ శర్మ 47 బంతుల్లో 7 ఫోర్లు, 8 సిక్సర్ల సాయంతో శతక్కొట్టాడు. ఈ మ్యాచ్‌లో అభిషేక్‌తో పాటు రుతురాజ్‌ గైక్వాడ్‌ (47 బంతుల్లో 77 నాటౌట్‌; 11 ఫోర్లు, సిక్సర్‌), రింకూ సింగ్‌ (22 బంతుల్లో 48 నాటౌట్‌; 2 ఫోర్లు, 5 సిక్సర్లు) కూడా చెలరేగడంతో తొలుత బ్యాటింగ్‌ చేసిన భారత్‌ భారీ స్కోర్‌ (2 వికెట్ల నష్టానికి 234 పరుగులు) చేసింది. అనంతరం ఛేదనలో చేతులెత్తేసిన జింబాబ్వే.. ముకేశ్‌ కుమార్‌ (3.4-0-37-3), ఆవేశ్‌ ఖాన్‌ (3-0-15-3), రవి బిష్ణోయ్‌ (4-0-11-2), వాషింగ్టన్‌ సుందర్‌ (4-0-28-1) ధాటికి 18.4 ఓవర్లలో 134 పరుగులకే కుప్పకూలి ఘోర పరాజయాన్ని (100 పరుగుల తేడాతో) మూటగట్టుకుంది. ఈ మ్యాచ్‌లో గెలుపుతో భారత్‌..‌ తొలి టీ20లో ఎదురైన పరాభవానికి ప్రతీకారం తీర్చుకుంది. ప్రస్తుతం ఐదు మ్యాచ్‌ల ఈ సిరీస్‌లో భారత్‌, జింబాబ్వే చెరో విజయంతో సమంగా ఉన్నాయి. మూడో మ్యాచ్‌ జులై 10న జరుగనుంది.